% Text title            : Navagraha Sutram 5
% File name             : navagrahastotram.itx
% Category              : navagraha
% Location              : doc\_z\_misc\_navagraha
% Transliterated by     : Mohan Chettoor
% Proofread by          : Mohan Chettoor, Narayanaswami Pallasena
% Latest update         : June 9, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Navagrah Stotram ..}##
\itxtitle{.. navagrahastotram ..}##\endtitles ##
vedairjyotirmayatve jagati pariNamadbhissadAtmaprasUtai\-
      rddhvAntaM nirmUlayadbhirbudhavarahR^idaye bodhabhAvaM dadhAnaiH |
trailokyaM bhAsayantaM ravimakhilasuraiH stUyamAnaprabhAvaM
      mR^ityugrastAtmanAM no hR^idayarugagada~NkAramAdyaM prapadye || 1||
puMsAmuddAmajanmAntarasukR^itaparIpAkayogaikalabhya\-
      ssampadvidyAyurojAMsi vimalakiraNo yatkaTAkShaH karoti |
sArassarvagrahANAmanimiShasadasA svAdanIyasvarUpaH
      somastrANAya nastAdutitaramahimA rohiNIprANanAthaH || 2||
satvaM yasya prasAdAdbhavati tanubhR^itamaprakampyaM vipadbhiH
      sphUrjjadvairiprapa~nchatruTanapaTutaraprakramo vikramashcha |
chitrAkalpapradIpAkR^itiratisukumAraH kumAro dharaNyAH
      nityAnandAya bhUyAduruduritavanA~NgArako.a~NgArako naH || 3||
vede shAstre purANe chaturatarakalAnAM kalApe cha dAkShyaM
      puMsAM vaktroktichATuprahasanarasikatva~ncha yassantanoti |
sarvaj~naH sharvavAmekShaNajaniramarArAdhitashrImada~NghriH
      shrImAn nishreyasAya prabhavatu vishadAgAdhabodho budho naH || 4||
pratyakShIbhUtalokatrayavimaladR^igAlokitAsheShamUrti \-
      rnnItiprAkArasaMrakShItaripupariShaddurgamasvargamArgaH |
bhadraM dadyAt grahANAmurutaramahasAmagraNI rAsarAgai\-
      ryogIndraissevyamAnaH suragururamarAdhIshvarANAM gururnnaH || 5||
tuShTe yasmin samastAsuranikaragurau nItishAstrapravINe
      loko.ayaM satkalatrAdyakhilasukhasamR^iddhiM prayAtIkShaNena |
ruShTetat pratyavAyaM vrajati cha satataM nandyamAnapravR^ittiH
      pAyAdduShkarmabhUbhR^itkuladalanakalAbhArgavo bhArgavo naH || 6||
chaNDashchaNDIshakhaNDadyutiramitajaTAjUTatu~NgottamA~Ngo
      drAghIyashmashrujAlojjvalamukhakamalo ma~NgalaH pi~NgalAkShaH |
chaNDAMshoraMshajanmA kR^ishatanuratishUrashshanaiH sa~nchariShNuH
      brahmaNyaH krUrakarmA mama shanirashanaiH shreyase bobhavItu || 7||
viShNorvishveshvarasyAsurakulavimatavrAtakalpAntavahne\-
      shchakraM yatkaNThanAlAdasurasamupayAtiM na vaiyAtyamApa |
yasyaitau puShpavantAvabhinavakabalibhAvamAdyaM dadhAnau
      bhadraM naH saiMhikeyo grahagaNagaNanAsu pratIpaprayANaH || 8||
brahmaNyAH kamalodbhavasya tanayA nirddhUtavaishvAnara\-
      jjvAlAjAlasahodarorumahasaH sarvagrahAgresarAH |
Anandodayahetavo ripukulaprotsAdajIvAtavo
      duHkhaikArNavasetavaH praNamatAM te ketavaH pAntu naH || 9||

         iti navagrahastotraM sampUrNam |
            shrI navagrahebhyo namaH ||

##
Encoded by Mohan Chettoor
Proofread by Mohan Chettoor, Narayanaswami Pallasena

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}