% Text title            : Shri Suryaryadvadashaka Stuti
% File name             : sUryAryAdvAdashakastutiH.itx
% Category              : navagraha, dashaka, dvAdasha, stuti
% Location              : doc\_z\_misc\_navagraha
% Proofread by          : Aruna Narayanan
% Description/comments  : From shrInaTarAjastavamanjarI
% Latest update         : July 10, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Suryaryadvadashaka Stuti ..}##
\itxtitle{.. shrIsUryAryAdvAdashakastutiH ..}##\endtitles ##
udyannadya vivasvAnArohannuttarAM divaM devaH |
hR^idrogaM mama sUryo harimANaM cha nAshayatu me mitraH || 1||
OM mitrAya namaH |

nimiShArdhenaikena kramamANo dve shate dve sahasre cha |
yo yojanAnAM namo.astu tasmai shrInalinanAthAya ravaye || 2||
OM ravaye namaH |

shivasvarUpAd j~nAnaM tvatto muktiM janArdanAkArAt |
shikhirUpAchchaishvaryaM bhavatashchArogyamichChAmyahaM sUrya || 3||
OM sUryAya namaH |

karmaj~nAnakhadashakaM manashcha jIva iti vishvasargAya |
yo dvAdashadhA charati dvAdashakalo mude.astu me bhAnuH || 4||
OM bhAnave namaH |

tvamR^igyajustvaM tvaM sAmAtharvastvaM tvamAgamastvaM vaShaTkAraH |
tvaM haMsaH paramahaMsaH tvaM prAj~naH tvaM mahattvaM khago.asi tvam || 5||
OM khagAya namaH |

tvachi doShA dR^ishi doShA hR^idi doShA ye nikhilendriyeShu doShAH |
tAnbhagavAnapanayatu kR^ipAtara~NgitadR^iShTyA mama pUShA || 6||
OM pUShNe namaH |

timiramiva netratimiraM paTalamiva rogapaTalaM koshAt |
kAchamivAdhiM nirAkuryAt kAlatrayArchyo hiraNyagarbho.asau || 7||
OM hiraNyagarbhAya namaH |

dharmArthakAmamokShapratighAtAnugravegatApakarAn |
bandIkR^itendriyagaNAn gadAn chaNDAMshurapanayatu marIchiH || 8||
OM marIchaye namaH |

yena vinAndhaM timiraM jagadeti yasminsati cha subodham |
taM cha nalinIbhartAraM hartAramApado naumyahamAdityam || 9||
OM AdityAya namaH |

yasya sahasrAbhIshorabhIshulesho hi himAMshubimbagataH |
bhAsayati naktamakhilaM khilayatu vipadaH sadA savitA || 10||
OM savitre namaH |

kAshAshmaridurnAmatvagrogamahodara pramehAMshcha |
grahaNI bhagandarAdyAn mahArujastvamarka harasi jantUnAm || 11||
OM arkAya namaH |

tvaM sharaNaM tvaM mAtA tvaM cha pitA tvaM dhanaM tvamAchAryaH |
tvaM bhartA tvaM hartA vipadAM prasIda bhAskara me satatam || 12||
OM bhAskarAya namaH |

ityAryAdvAdashakaM sAmbAtpurato nabhaHsthalAtpatitam |
paThatAM bhAgyasamR^iddhiH bhUyasI samastarogopashAntishcha || 13||
chAkShuShmatIM(1) vidyAM saurIM japtvA.a.adAvanayA.a.anamya mArtANDam |
andhAnAM janmato dR^iShTiH shIghraM gR^ihNAti dUrato viShayAn || 14||

hemAmbhojapravAlapratimanijaruchiM chAru khaTvA~NgapadmaM
      chakraM shaktiM cha pAshaM sR^iNimatiruchirAmakShamAlAM kapAlam |
hastAmbhojairdadhAnaM trinayanavilasadvedavaktrAbhirAmaM
      mArtANDaM vallabhArdhaM maNimayamakuTaM hAradIptaM bhajAmaH || 15||

sUryaM sundaralokanAthamamR^itaM vedAntasAraM shivaM
      j~nAnaM brahmamayaM sureshamamalaM lokaikachittaM svayam |
indrAditya narAdhipaM suraguruM trailokya chUDAmaNiM
      viShNubrahma shivasvarUpamanishaM vande sadA bhAskaram || 16||

bhAno bhAskara mArtANDa chaNDarashme divAkara |
AyurArogyamaishvaryaM vidyAM dehi namo.astute || 17||

1 chakShuShmatI vidyA\-chAkShuShopaniShadi\-asyAH chAkShuShI vidyAyAH ahirbudhnya
R^iShiH | gAyatrI ChandaH | sUryo devatA | chakShuroganivR^ittaye jape viniyogaH |
(mantraH) OM chakShuH chakShuH chakShuH tejaH sthiro bhava | mAM pAhi pAhi |
tvaritaM chakShurogAn shamaya shamaya | mama jAtarUpaM tejo darshaya darshaya |
yathA.ahamandho na syAM tathA kalpaya kalpaya kalyANaM kuru kuru | yAni mama
pUrvajanmopArjitAniHchakShuHpratirodhakaduShkR^ityAni sarvANi nirmUlaya
nirmUlaya | OM namashchakShustejodAtre divyAya bhAskarAya | OM namaH
karuNAkarAyAmR^itAya | OM namaH sUryAya | OM namo bhagavate sUryAyAkShitejase
namaH | khecharAya namaH | mahate namaH | rajase namaH | tamase namaH | asato mA
sadgamaya | tamaso mA jyotirgamaya | mR^ityormA amR^itaM gamaya | uShNo
bhagavA~nChuchirUpaH | haMso bhagavAn shuchirapratirUpaH | ya imAM chakShuShmatIvidyAM
brAhmaNo nityamadhIte na tasyAkShirogo bhavati | na tasya kule andho bhavati |
aShTau brAhmaNAn grAhayitvA vidyAsiddhirbhavati | OM vishvarUpaM ghR^iNinaM
jAtavedasaM hiraNmayaM puruShaM jyotirUpaM tapantam | vishvasya yoniM pratapantamugraM
puraH prajAnAmudayatyeSha sUryaH | OM namo bhagavate AdityAya
ahovAhinyaho vAhini svAhA | OM vayaH suparNA upasedurindraM priyamedhA
R^iShayo nAdhamAnAH | apadhvAntamUrNuhi pUrddhi chakShurmumugdhyasmAnnidhayeva
baddhAn | puNDarIkAkShAya namaH | puShkarekShaNAya namaH | amalekShaNAya
namaH | kamalekShaNAya namaH | vishvarUpAya namaH | mahAviShNave namaH |
chAkShuShmatI vidyA \-akShyupaniShadi\-
OM namo bhagavate sUryAyAkShitejase namaH | OM khecharAya namaH |
OM mahAsenAya namaH | OM tamase namaH | OM rajase namaH | OM sattvAya namaH |
asato mA sadgamaya | tamaso mA jyotirgamaya | mR^ityormA amR^itaM gamaya | uShNo
bhagavAn shuchirUpaH | haMso bhagavAn shuchirapratirUpaH | vishvarUpaM ghR^iNinaM
jAtavedasaM irAmayaM jyotIrUpaM tapantam | sahasrarashmiH shatadhA vartamAnaH
prANaH prajAnAmudayatyeSha sUryaH | OM namo bhagavate shrIsUryAyAkShitejase.aho
vAhini vAhini svAhA ||

iti shrIsUryAryAdvAdashakastutiH samAptA |

##
(This is similar to sUryastutI dvAdashAryA sAmbakRita)
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}