% Text title : sUryasahasranAmastotram 2 % File name : sUryasahasranAmastotra.itx % Category : sahasranAma, navagraha, stotra % Location : doc\_z\_misc\_navagraha % Transliterated by : DPD % Proofread by : DPD, Sunder Hattanagdi % Description-comments : rudrayAmalatantre devIrahasye paTala 34. See corresponding Namavali. dwarkadheeshvastu.com sUrya upAsanA % Latest update : May 2, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shrisuryasahasranamastotram 2 ..}## \itxtitle{.. shrIsUryasahasranAmastotram 2 ..}##\endtitles ## shrIrudrayAmale tantre shrIdevIrahasye atha chatustriMshaH paTalaH | shrIbhairava uvAcha | devadevi mahAdevi sarvAbhayavaraprade | tvaM me prANapriyA prItA varado.ahaM tava sthitaH || 1|| ki~nchit prArthaya me premNA vakShye tatte dadAmyaham | shrIdevyuvAcha | bhagavan devadevesha mahArudra maheshvara || 2|| yadi deyo varo mahyaM varayogyAsmyahaM yadi | devadevasya saviturvada nAmasahasrakam || 3|| shrIbhairava uvAcha | etadguhyatamaM devi sarvasvaM mama pArvati | rahasyaM sarvadevAnAM durlabhaM kAmanAvaham || 4|| yo devo bhagavAn sUryo vedakartA prajApatiH | karmasAkShI jagachchakShuH stotuM taM kena shakyate || 5|| yasyAdirmadhyamantaM cha surairapi na gamyate | tasyAdidevadevasya saviturjagadIshituH || 6|| mantranAmasahasraM te vakShye sAmrAjyasiddhidam | sarvapApApahaM devi tantravedAgamoddhR^itam || 7|| mA~NgalyaM pauShTikaM chaiva rakShoghnaM pAvanaM mahat | sarvama~NgalamA~NgalyaM sarvapApapraNAshanam || 8|| dhanadaM puNyadaM puNyaM shreyaskaraM yashaskaram | vakShyAmi paramaM tattvaM mUlavidyAtmakaM param || 9|| brahmaNo yat paraM brahma parANAmapi yat param | mantrANAmapi yat tattvaM mahasAmapi yanmahaH || 10|| shAntAnAmapi yaH shAnto manUnAmapi yo manuH | yoginAmapi yo yogI vedAnAM praNavashcha yaH || 11|| grahANAmapi yo bhAsvAn devAnAmapi vAsavaH | tArANAmapi yo rAjA vAyUnAM cha prabha~njanaH || 12|| indriyANAmapi mano devInAmapi yaH parA | nagAnAmapi yo meruH pannagAnAM cha vAsukiH || 13|| tejasAmapi yo vahniH kAraNAnAM cha yaH shivaH | savitA yastu gAyatryAH paramAtmeti kIrtyate || 14|| vakShye paramahaMsasya tasya nAmasahasrakam | sarvadAridryashamanaM sarvaduHkhavinAshanam || 15|| sarvapApaprashamanaM sarvatIrthaphalapradam | jvararogApamR^ityughnaM sadA sarvAbhayapradam || 16|| tattvaM paramatattvaM cha sarvasArottamottamam | rAjaprasAdavijaya\-lakShmIvibhavakAraNam || 17|| AyuShkaraM puShTikaraM sarvayaj~naphalapradam | mohanastambhanAkR^iShTi\-vashIkaraNakAraNam || 18|| adAtavyamabhaktAya sarvakAmaprapUrakam | shR^iNuShvAvahitA bhUtvA sUryanAmasahasrakam || 19|| asya shrIsUryanAmasahasrasya shrIbrahmA R^iShiH | gAyatryaM ChandaH | shrIbhagavAn savitA devatA | hrAM bIjam | saH shaktiH | hrIM kIlakam | dharmArthakAmamokShArthe sUryasahasranAmapAThe viniyogaH || dhyAnam || kalpAntAnalakoTibhAsvaramukhaM sindUradhUlIjapA\- varNaM ratnakirITinaM dvinayanaM shvetAbjamadhyAsanam | nAnAbhUShaNabhUShitaM smitamukhaM raktAmbaraM chinmayaM sUryaM svarNasarojaratnakalashau dorbhyAM dadhAnaM bhaje || 1|| pratyakShadevaM vishadaM sahasramarIchibhiH shobhitabhUmidesham | saptAshvagaM saddhvajahastamAdyaM devaM bhaje.ahaM mihiraM hR^idabje || 2|| OM hrAM hrIM saH haM saH so.ahaM savitA bhAskaro bhagaH | bhagavAn sarvalokesho bhUtesho bhUtabhAvanaH || 3|| bhUtAtmA sR^iShTikR^it sraShTA kartA hartA jagatpatiH | Adityo varado vIro vIralo vishvadIpanaH || 4|| vishvakR^id vishvahR^id bhakto bhoktA bhImo.abhayApahaH | vishvAtmA puruShaH sAkShI paraM brahma parAt paraH || 5|| pratApavAn vishvayonirvishvesho vishvatomukhaH | kAmI yogI mahAbuddhirmanasvI manuravyayaH || 6|| prajApatirvishvavandyo vandito bhuvaneshvaraH | bhUtabhavyabhaviShyAtmA tattvAtmA j~nAnavAn guNI || 7|| sAttviko rAjasastAmastamavI karuNAnidhiH | sahasrakiraNo bhAsvAn bhArgavo bhR^igurIshvaraH || 8|| nirguNo nirmamo nityo nityAnando nirAshrayaH | tapasvI kAlakR^it kAlaH kamanIyatanuH kR^ishaH || 9|| durdarshaH sudasho dAsho dInabandhurdayAkaraH | dvibhujo.aShTabhujo dhIro dashabAhurdashAtigaH || 10|| dashAMshaphalado viShNurjigIShurjayavA~njayI | jaTilo nirbhayo bhAnuH padmahastaH kushIrakaH || 11|| samAhitagatirdhAtA vidhAtA kR^itama~NgalaH | mArtaNDo lokadhR^it trAtA rudro bhadrapradaH prabhuH || 12|| arAtishamanaH shAntaH sha~NkaraH kamalAsanaH | avichintyavapuH (100) shreShTho mahAchInakrameshvaraH || 13|| mahArtidamano dAnto mahAmohaharo hariH | niyatAtmA cha kAlesho dinesho bhaktavatsalaH || 14|| kalyANakArI kamaThakarkashaH kAmavallabhaH | vyomachArI mahAn satyaH shambhurambhojavallabhaH || 15|| sAmagaH pa~nchamo dravyo dhruvo dInajanapriyaH | trijaTo raktavAhashcha raktavastro ratipriyaH || 16|| kAlayogI mahAnAdo nishchalo dR^ishyarUpadhR^ik | gambhIraghoSho nirghoSho ghaTahasto mahomayaH || 17|| raktAmbaradharo rakto raktamAlyAnulepanaH | sahasrahasto vijayo harigAmI harIshvaraH || 18|| muNDaH kuNDI bhuja~Ngesho rathI surathapUjitaH | nyagrodhavAsI nyagrodho vR^ikShakarNaH kulandharaH || 19|| shikhI chaNDI jaTI jvAlI jvAlAtejomayo vibhuH | haimo hemakaro hArI haridralAsanasthitaH || 20|| haridshvo jagadvAsI jagatAM patiri~NgilaH | virochano vilAsI cha virUpAkSho vikartanaH || 21|| vinAyako vibhAsashcha bhAso bhAsAM patiH prabhuH | matimAn ratimAn svakSho vishAlAkSho vishAmpatiH || 22|| bAlarUpo giricharo gIrpatirgomatIpatiH | ga~NgAdharo gaNAdhyakSho gaNasevyo gaNeshvaraH || 23|| girIshanayanAvAsI sarvavAsI satIpriyaH | satyAtmakaH satyadharaH satyasandhaH sahasraguH || 24|| apAramahimA mukto muktido mokShakAmadaH | mUrtimAn ( 200) durdharo.amUrtistuTirUpo lavAtmakaH || 25|| prANesho vyAnado.apAnasamAnodAnarUpavAn | chaShako ghaTikArUpo muhUrto dinarUpavAn || 26|| pakSho mAsa R^iturvarShA dinakAleshvareshvaraH | ayanaM yugarUpashcha kR^itaM tretAyugastripAt || 27|| dvAparashcha kaliH kAlaH kAlAtmA kalinAshanaH | manvantarAtmako devaH shakrastribhuvaneshvaraH || 28|| vAsavo.agniryamo rakSho varuNo yAdasAM patiH | vAyurvaishravaNaM shaivyo girijo jalajAsanaH || 23|| ananto.anantamahimA parameShThI gatajvaraH | kalpAntakalanaH krUraH kAlAgniH kAlasUdanaH || 30|| mahApralayakR^it kR^ityaH kutyAshIryugavartanaH | kAlAvarto yugadharo yugAdiH shahakeshvaraH || 31|| AkAshanidhirUpashcha sarvakAlapravartakaH | achintyaH subalo bAlo balAkAvallabho varaH || 32|| varado vIryado vAgmI vAkpatirvAgvilAsadaH | sA~Nkhyeshvaro vedagamyo mantreshastantranAyakaH || 33|| kulAchAraparo nutyo nutituShTo nutipriyaH | alasastulasIsevyastuShTA roganibarhaNaH || 34|| praskandano vibhAgashcha nIrAgo dashadikpatiH | vairAgyado vimAnastho ratnakumbhadharAyudhaH || 35|| mahApAdo mahAhasto mahAkAyo mahAshayaH | R^igyajuHsAmarUpashcha tvaShTAtharvaNashAkhilaH || 36|| sahasrashAkhI sadvR^ikSho mahAkalpapriyaH pumAn | kalpavR^ikShashcha mandAro ( 300) mandArAchalashobhanaH || 37|| merurhimAlayo mAlI malayo malayadrumaH | santAnakusumachChannaH santAnaphalado virAT || 38|| kShIrAmbhodhirghR^itAmbhodhirjaladhiH kleshanAshanaH | ratnAkaro mahAmAnyo vaiNyo veNudharo vaNik || 39|| vasanto mArasAmanto grIShmaH kalmaShanAshanaH | varShAkAlo varShapatiH sharadambhojavallabhaH || 40|| hemanto hemakeyUraH shishiraH shishuvIryadaH | sumatiH sugatiH sAdhurviShNuH sAmbo.ambikAsutaH || 41|| sAragrIvo mahArAjaH sunando nandisevitaH | sumerushikharAvAsI saptapAtAlagocharaH || 42|| AkAshachArI nityAtmA vibhutvavijayapradaH | kulakAntaH kulAdrIsho vinayI vijayI viyat || 43|| vishvambharA viyachchArI viyadrUpo viyadrathaH | surathaH sugatastutyo veNuvAdanatatparaH || 44|| gopAlo gomayo goptA pratiShThAyI prajApatiH | AvedanIyo vedAkSho mahAdivyavapuH surAT || 45|| nirjIvo jIvano mantrI mahArNavaninAdabhR^it | vasurAvartano nityaH sarvAmnAyaprabhuH sudhIH || 46|| nyAyanirvApaNaH shUlI kapAlI padmamadhyagaH | trikoNanilayashchetyo bindumaNDalamadhyagaH || 47|| bahumAlo mahAmAlo divyamAlAdharo japaH | japAkusumasa~NkAsho japapUjAphalapradaH || 48|| sahasramUrdhA devendraH sahasranayano raviH | sarvatattvAshrayo bradhno vIravandyo vibhAvasuH || 49|| vishvAvasurvasupatirvasunAtho visargavAn | AdirAdityalokeshaH sarvagAmI (400) kalAshrayaH || 50|| bhogesho devadevendro narendro havyavAhanaH | vidyAdharesho vidyesho yakShesho rakShaNo guruH || 51|| rakShaHkulaikavarado gandharvakulapUjitaH | apsarovandito.ajayyo jetA daityanibarhaNaH || 52|| guhyakeshaH pishAcheshaH kinnarIpUjitaH kujaH | siddhasevyaH samAmnAyaH sAdhusevyaH saritpatiH || 53|| lalATAkSho vishvadeho niyamI niyatendriyaH | arko.arkakAntaratresho.anantabAhuralopakaH || 54|| alipAtradharo.ana~Ngo.apyambaresho.ambarAshrayaH | akAramAtR^ikAnAtho devAnAmAdirAkR^itiH || 55|| ArogyakArI chAnandavigraho nigraho grahaH | AlokakR^it tathAdityo vIrAdityaH prajAdhipaH || 56|| AkAsharUpaH svAkAra indrAdisurapUjitaH | indirApUjitashchendurindralokAshrayastvinaH || 57|| IshAna Ishvarashchandra Isha IkAravallabhaH | unnatAsyo.apyuruvapurunnatAdricharo guruH || 58|| utpalo.apyuchchalatketuruchchairhayagatiH sukhI | ukArAkArasukhitastathoShmA nidhirUShaNaH || 59|| anUrusArathishchoShNabhAnurUkAravallabhaH | R^iNahartA RRIlihasta R^iRRIbhUShaNabhUShitaH || 60|| lR^iptA~Nga lRRImanusthAyI lR^ilRRIgaNDayugojjvalaH | eNA~NkAmR^itadashchInapaTTabhR^id bahugocharaH || 61|| ekachakradharashchaiko.anekachakShustathaikyadaH | ekArabIjaramaNa eaioShThAmR^itAkaraH || 62|| o~NkArakAraNaM brahma aukArauchityamaNDanaH | oaudantAlirahito mahito mahatAM patiH || 63|| aMvidyAbhUShaNo bhUShyo lakShmIsho.ambIjarUpavAn | aHsvarUpaH (500) svaramayaH sarvasvaraparAtmakaH || 64|| aMaHsvarUpamantrA~NgaH kalikAlanivartakaH | karmaikavaradaH karmasAkShI kalmaShanAshanaH || 65|| kachadhvaMsI cha kapilaH kanakAchalachArakaH | kAntaH kAmaH kapiH krUraH kIraH keshinisUdanaH || 66|| keshArisUdanaH kR^iShNaH kApAlikaH kubjaH kamalAshrayaNaH kulI | kapAlamochakaH kAshaH kAshmIraghanasArabhR^it || 67|| kUjatkinnaragIteShTaH kururAjaH kulandharaH | kuvAsI kulakauleshaH kakArAkSharamaNDanaH || 68|| khavAsI kheTakeshAnaH khaDgamuNDadharaH khagaH | khageshvarashcha khacharaH khecharIgaNasevitaH || 69|| kharAMshuH kheTakadharaH khalahartA khavarNakaH | gantA gItapriyo geyo gayAvAsI gaNAshrayaH || 70|| guNAtIto golagatirguchChalo guNisevitaH | gadAdharo gadaharo gA~NgeyavaradaH pragI || 71|| gi~Ngilo gaTilo gAnto gakArAkSharabhAskaraH ghR^iNimAn ghurghurArAvo ghaNTAhasto ghaTAkaraH || 72|| ghanachChanno ghanagatirghanavAhanatarpitaH | ~NAnto ~Nesho ~NakArA~Ngashchandraku~NkumavAsitaH || 73|| chandrAshrayashchandradharo.achyutashchampakasannibhaH | chAmIkaraprabhashchaNDabhAnushchaNDeshavallabhaH || 74|| cha~nchachchakorakokeShTashchapalashchapalAshrayaH | chalatpatAkashchaNDAdrishchIvaraikadharo.acharaH || 75|| chitkalAvardhitashchintyashchintAdhvaMsI chavarNavAn | ChatrabhR^ichChalahR^ichChandachChurikAchChinnavigrahaH || 76|| jAmbUnadA~Ngado.ajAto jinendro jambuvallabhaH | jamvArirja~NgiTo ja~NgI janalokatamopahaH || 77|| jayakArI (600) jagaddhartA jarAmR^ityuvinAshanaH | jagattrAtA jagaddhAtA jagaddhyeyo jagannidhiH || 78|| jagatsAkShI jagachchakShurjagannAthapriyo.ajitaH | jakArAkAramukuTo jha~njAChannAkR^itirjhaTaH || 79|| jhillIshvaro jhakAresho jha~njA~NgulikarAmbujaH | jha~nAkSharA~nchitaShTa~NkaShTiTTibhAsanasaMsthitaH || 80|| TItkAraShTa~NkadhArI cha ThaHsvarUpaShThaThAdhipaH | Dambharo DAmarurDiNDI DAmarIsho DalAkR^itiH || 81|| DAkinIsevito DADhI DaDhagulphA~NguliprabhaH | Neshapriyo NavarNesho NakArapadapa~NkajaH || 82|| tArAdhipeshvarastathyastantrIvAdanatatparaH | tripureshastrinetreshastrayItanuradhokShajaH || 83|| tAmastAmaraseShTashcha tamohartA tamoripuH | tandrAhartA tamorUpastapasAM phaladAyakaH || 84|| tuTyAdikalanAkAntastakArAkSharabhUShaNaH | sthANusthalIsthito nityaM sthaviraH sthaNDila sthulaH || 85|| thakArajAnuradhyAtmA devanAyakanAyakaH | durjayo duHkhahA dAtA dAridryachChedano damI || 86|| daurbhAgyahartA devendro dvAdashArAbjamadhyagaH | dvAdashAntaikavasatirdvAdashAtmA divaspatiH || 87|| durgamo daityashamano dUrago duratikramaH | durdhyeyo duShTavaMshaghno dayAnAtho dayAkulaH || 88|| dAmodaro dIdhitimAn dakArAkSharamAtR^ikaH | dharmabandhurdharmanidhirdharmarAjo dhanapradaH || 89|| dhanadeShTo dhanAdhyakSho dharAdarsho dhurandharaH | dhUrjaTIkShaNavAsI cha dharmakShetro dharAdhipaH || 90|| dhArAdharo dhurINashcha dharmAtmA dharmavatsalaH | dharAbhR^idvallabho dharmI dhakArAkSharabhUShaNaH || 91|| namapriyo nandirudro ( 700) netA nItipriyo nayI | nalinIvallabho nunno nATyakR^innATyavardhanaH || 92|| naranAtho nR^ipastutyo nabhogAmI namaHpriyaH | namonto namitArAtirnaranArAyaNAshrayaH || 93|| nArAyaNo nIlaruchirnamrA~Ngo nIlalohitaH | nAdarUpo nAdamayo nAdabindusvarUpakaH || 94|| nAtho nAgapatirnAgo nagarAjAshrito nagaH | nAkasthito.anekavapurnakArAkSharamAtR^ikaH || 95|| padmAshrayaH paraM jyotiH pIvarAMsaH puTeshvaraH | prItipriyaH premakaraH praNatArtibhayApahaH || 96|| paratrAtA paradhvaMsI purAriH purasaMsthitaH | pUrNAnandamayaH pUrNatejAH pUrNeshvarIshvaraH || 97|| paTolavarNaH paTimA pATaleshaH parAtmavAn | parameshavapuH prAMshuH pramattaH praNateShTadaH || 98|| apArapAradaH pInaH pItAmbarapriyaH paviH | pAchanaH pichulaH pluShTaH pramadAjanasaukhyadaH || 99|| pramodI pratipakShaghnaH pakArAkSharamAtR^ikaH | phalaM bhogApavargasya phalinIshaH phalAtmakaH || 100|| phulladambhojamadhyasthaH phulladambhojadhArakaH | sphuTadyotiH sphuTAkAraH sphaTikAchalachArakaH || 102|| sphUrjatkiraNamAlI cha phakArAkSharapArshvakaH | bAlo balapriyo bAnto biladhvAntaharo balI || 103|| bAlAdirbarbaradhvaMsI babolAmR^itapAnakaH | budho bR^ihaspatirvR^ikSho bR^ihadashvo bR^ihadgatiH || 104|| bapR^iShTho bhImarUpashcha bhAmayo bheshvarapriyaH | bhago bhR^igurbhR^igusthAyI bhArgavaH kavishekharaH || 105|| bhAgyado bhAnudIptA~Ngo bhanAbhishcha bhamAtR^ikaH | mahAkAlo (800) mahAdhyakSho mahAnAdo mahAmatiH || 106|| mahojjvalo manohArI manogAmI manobhavaH | mAnado mallahA mallo merumandaramandiraH || 107|| mandAramAlAbharaNo mAnanIyo manomayaH | modito madirAhAro mArtaNDo muNDamuNDitaH || 108|| mahAvarAho mInesho meShago mithuneShTadaH | madAlaso.amarastutyo murArivarado manuH || 109|| mAdhavo medinIshashcha madhukaiTabhanAshanaH | mAlyavAn medhano mAro medhAvI musalAyudhaH || 110|| mukundo murarIshAno marAlaphalado madaH | madano modakAhAro makArAkSharamAtR^ikaH || 111|| yajvA yaj~neshvaro yAnto yoginAM hR^idayasthitaH | yAtriko yaj~naphalado yAyI yAmalanAyakaH || 112|| yoganidrApriyo yogakAraNaM yogivatsalaH | yaShTidhArI cha yantresho yonimaNDalamadhyagaH || 113|| yuyutsujayado yoddhA yugadharmAnuvartakaH | yoginIchakramadhyastho yugaleshvarapUjitaH || 114|| yAnto yakShaikatilako yakArAkSharabhUShaNaH | rAmo ramaNashIlashcha ratnabhAnU rurupriyaH || 115|| ratnamaulI ratnatu~Ngo ratnapIThAntarasthitaH | ratnAMshumAlI ratnADhyo ratnaka~NkaNanUpuraH || 116|| ratnA~NgadalasadbAhU ratnapAdukamaNDitaH | rohiNIshAshrayo rakShAkaro rAtri~ncharAntakaH || 117|| rakArAkShararUpashcha lajjAbIjAshrito lavaH | lakShmIbhAnurlatAvAsI lasatkAntishcha lokabhR^it || 118|| lokAntakaharo lAmAvallabho lomasho.aligaH | li~Ngeshvaro li~NganAdo lIlAkArI lalambusaH || 119|| lakShmIvA.NllokavidhvaMsI lakArAkSharabhUShaNaH | vAmano vIravIrendro vAchAlo (900) vAkpatipriyaH || 120|| vAchAmagocharo vAnto vINAveNudharo vanam | vAgbhavo vAlishadhvaMsI vidyAnAyakanAyakaH || 121|| vakAramAtR^ikAmauliH shAmbhaveShTapradaH shukaH | shashI shobhAkaraH shAntaH shAntikR^ichChamanapriyaH || 122|| shubha~NkaraH shuklavastraH shrIpatiH shrIyutaH shrutaH | shrutigamyaH sharadbIjamaNDitaH shiShTasevitaH || 123|| shiShTAchAraH shubhAchAraH sheShaH shevAlatADanaH | shipiviShTaH shibiH shukrasevyaH shAkSharamAtR^ikaH || 124|| ShaDAnanaH ShaTkarakaH ShoDashasvarabhUShitaH | ShaTpadasvanasantoShI ShaDAmnAyapravartakaH || 125|| ShaDsAsvAdasantuShTaH ShakArAkSharamAtR^ikaH | sUryabhAnuH sUrabhAnuH sUribhAnuH sukhAkaraH || 126|| samastadaityavaMshaghnaH samastasurasevitaH | samastasAdhakeshAnaH samastakulashekharaH || 127|| surasUryaH sudhAsUryaH svaHsUryaH sAkShareshvaraH | haritsUryo haridbhAnurhavirbhug havyavAhanaH || 128|| hAlAsUryo homasUryo hutasUryo harIshvaraH | hrAmbIjasUryo hrIMsUryo hakArAkSharamAtR^ikaH || 129|| LambIjamaNDitaH sUryaH kShoNIsUryaH kShamApatiH | kShutsUryaH kShAntasUryashcha La~NkShaHsUryaH sadAshivaH || 130|| akArasUryaH kShaHsUryaH sarvasUryaH kR^ipAnidhiH | bhUHsUryashcha bhuvaHsUryaH svaHsUryaH sUryanAyakaH || 131|| grahasUrya R^ikShasUryo lagnasUryo maheshvaraH | rAshisUryo yogasUryo mantrasUryo manUttamaH || 132|| tattvasUryaH parAsUryo viShNusUryaH pratApavAn | rudrasUryo brahmasUryo vIrasUryo varottamaH || 133|| dharmasUryaH karmasUryo vishvasUryo vinAyakaH | (1000) itIdaM devadeveshi matranAmasahasrakam || 134|| devadevasya savituH sUryasyAmitatejasaH | sarvasAramayaM divyaM brahmatejovivardhanam || 135|| brahmaj~nAnamayaM puNyaM puNyatIrthaphalapradam | sarvayaj~naphalaistulyaM sarvasArasvatapradam || 136|| sarvashreyaskaraM loke kIrtidaM dhanadaM param | sarvavrataphalodriktaM sarvadharmaphalapradam || 137|| sarvarogaharaM devi sharIrArogyavardhanam | prabhAvamasya deveshi nAmnAM sahasrakasya cha || 138|| kalpakoTishatairvarShairnaiva shaknomi varNitum | yaM yaM kAmamabhidhyAyed devAnAmapi durlabham || 139|| taM taM prApnoti sahasA paThanenAsya pArvati | yaH paThechChrAvayedvApi shR^iNoti niyatendriyaH || 140|| sa vIro dharmiNAM rAjA lakShmIvAnapi jAyate | dhanavA~njAyate loke putravAn rAjavallabhaH || 141|| AyurArogyavAn nityaM sa bhavet sampadAM padam | ravau paThenmahAdevi sUryaM sampUjya kaulikaH || 142|| sUryodaye raviM dhyAtA labhet kAmAn yathepsitAn | sa~NkrAntau yaH paThed devi trikAlaM bhaktipUrvakam || 143|| iha loke shriyaM bhuktvA sarvarogaiH pramuchyate | saptamyAM shuklapakShe yaH paThadasta~Ngate ravau || 144|| sarvArogyamayaM dehaM dhArayet kaulikottamaH | vyatIpAte paThed devi madhyAhne saMyatendriyaH || 145|| dhanaM putrAn yasho mAnaM labhet sUryaprasAdataH | chakrArchane paThed devi japan mUlaM raviM smaran || 146|| ravIbhUtvA mahAchInakramAchAravichakShaNaH | sarvashatrUn vijityAshu labhellakShmIM pratApavAn || 147|| yaH paThet paradeshastho vaTukArchanatatparaH | kAntAshrito vItabhayo bhavet sa shivasannibhaH || 148|| shatAvartaM paThedyastu sUryodayayugAntare | savitA sarvalokesho varadaH sahasA bhavet || 149|| bahunAtra kimuktena paThanAdasya pArvati | iha lakShmIM sadA bhuktvA paratrApnoti tatpadam || 150|| ravau devi likhedbhUrje mantranAmasahasrakam | aShTagandhena divyena nIlapuShpaharidrayA || 151|| pa~nchAmR^itauShadhIbhishcha nR^iyukpIyUShabindubhiH | vilikhya vidhivanmantrI yantramadhye.arNaveShTitam || 152|| guTIM vidhAya saMveShTya mUlamantramanusmaran | kanyAkartitasUtreNa veShTayedraktalAkShayA || 153|| suvarNena cha saMveShTya pa~nchagavyena shodhayet | sAdhayenmantrarAjena dhArayenmUrdhni vA bhuje || 154|| kiM kiM na sAdhayed devi yanmamApi sudurlabham | kuShTharogI cha shUlI cha pramehI kukShirogavAn || 155|| bhagandharAturo.apyarshI ashmarIvAMshcha kR^ichChravAn | muchyate sahasA dhR^itvA guTImetAM sudurlabhAm || 156|| vandhyA cha kAkavandhyA cha mR^itavatsA cha kAminI | dhArayedguTikAmetAM vakShasi smayatarpitA || 157|| vandhyA labhet sutaM kAntaM kAkavandhyApi pArvati | mR^itavatsA bahUn putrAn surUpAMshcha chirAyushaH || 158 || raNe gatvA guTIM dhR^itvA shatrU~njitvA labhechChriyam | akShatA~Ngo mahArAjaH sukhI svapuramAvishet || 159|| yo dhArayed bhuje nityaM rAjalokavasha~NkarIm | guTikAM mohanAkarShastambhanochchATanakShamAm || 150|| sa bhavet sUryasa~NkAsho mahasA mahasAM nidhiH | dhanena dhanado devi vibhavena cha sha~NkaraH || 161|| shriyendro yashasA rAmaH pauruSheNa cha bhArgavaH | girA bR^ihaspatirdevi nayena bhR^igunandanaH || 162|| balena vAyusa~NkAsho dayayA puruShottamaH | ArogyeNa ghaTodbhUtiH kAntyA pUrNendusannibhaH || 163|| dharmeNa dharmarAjashcha ratnai ratnAkaropamaH | gAmbhIryeNa tathAmbhodhirdAtR^itvena baliH svayam || 164|| siddhyA shrIbhairavaH sAkShAdAnandena chidIshvaraH | kiM pralApena bahunA paThedvA dhArayechChive || 165|| shR^iNuyAd yaH paraM divyaM sUryanAmasahasrakam | sa bhaved bhAskaraH sAkShAt paramAnandavigrahaH || 166|| svatantraH sa prayAtyante tadviShNoH paramaM padam | idaM divyaM mahat tattvaM sUryanAmasahasrakam || 167|| aprakAshyamadAtavyamavaktavyaM durAtmane | abhaktAya kuchailAya parashiShyAya pArvati || 168|| karkashAyAkulInAya durjanAyAghabuddhaye | gurubhaktivihInAya nindakAya shivAgame || 169|| deyaM shiShyAya shAntAya gurubhaktiparAya cha | kulInAya subhaktAya sUryabhaktiratAya cha || 170|| idaM tattvaM hi tattvAnAM vedAgamarahasyakam | sarvamantramayaM gopyaM gopanIyaM svayonivat || 171|| || iti shrIrudrayAmale tantre shrIdevIrahasye sUryasahasranAmastotranAmanirUpaNaM chatustriMshaH paTalaH sampUrNaH || 34|| ## Proofread by DPD, Sunder Hattanagdi The printed book from which the stotra was taken had numerous pAThabhedas. \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}