% Text title : sUryashatakam 2 % File name : sUryashatakam2.itx % Category : shataka, navagraha, stotra % Location : doc\_z\_misc\_navagraha % Proofread by : Musiri Janakiraman % Description-comments : From stotrArNavaH 06.42 % Latest update : July 16, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Sri SuryaShatakam ..}## \itxtitle{.. shrIsUryashatakam ..}##\endtitles ## shriyA sameta shritapArijAtaM viyatpradIpaM vitatapratApam | nayaprachAraM nagarAjadhIraM dayAsamudraM tapanaM namAmi || 1|| tejomaye maNDalamadhyabhAge siMhAsane ratnamaye.abjarUpe | asInamugrAyudhadIptahastaM, ChAyApatiM chaNDakaraM namAmi || 2|| hiraNyagarbhAptavarAn balADhyAn mandehadaityAnanalograbANaiH | sarvAsu sandhyAsu nivArayantaM sa.nj~nApatiM devamahaM namAmi || 3|| hiraNyagarbhAchyutapArvatIshaiH svapArshvasaMsthaiH parigIyamAnam | muktisthalIyAyimunIshvarANAM ghaNTApathaM bhAskaramAshrayAmi || 4|| kirITa\-kA~nchI\-valayA~NgulAdyai\- rvibhUShaNairbhUShitamagnivarNam | sauvarNavastraM shritavAlakhilyaiH saMsevyamAnaM harimAshraye.aham || 5|| aShTApadashmashrukachaishcha sarvai\- rhiraNmayA~Ngairyutamapratarkyam | dedIpyamAnaM kiraNaiH sahasrai\- rambhojamitraM ravimAshrayAmi || 6|| anUruvaidagdhyanijAdhvadhAva\- tsaptAshvayukte phaNipAshabaddhe | Chandomaye divyarathe sthitaM shrI\- sarojinInAthamahaM namAmi || 7|| dine dine merugireH samantAt pradakShiNaprakramaNaM vahantam | surAsurairvanditapAdapadmaM prabhAkaraM tvAM sharaNaM prapadye || 8|| mitraM pavitraM nalinIkalatraM hiraNyagAtraM himavItihotram | tamolatAdAtramamartyachaitraM vishAlanetraM ravimAshraye.ahama || 9|| ajANDagehAntararatnadIpaM sandhyAsu sandhyAsu samastavipraiH | homArchanadhyAnatapojapAdyau\- rArAdhyamAnaM dinanAthamIDe || 10|| chatuHshatairaMshubhirambuvR^iShTiM tAvanmi tairAtapamugrarUpam | tadardhamAnaiH kiraNairhimAnIm | prakAshayantaM prabhumAshrayAmi || 11|| mAsAShTakaM bhUmigatAmbu pItvA kShitau punarmAsachatuShTayena | vR^i ShTyA taTAkAdijalapradeshAn prapUrayantaM puruShaM bhaje.aham || 12|| yanmaNDale vAridharaprakopAt adR^ishyamAne divaso narANAm | syAddurdinaM tasya divAkarasya | shrIpAdayugmaM sharaNaM bhaje.aham || 13|| pratyakShadaivaM paripUrNabimbaM samujjvalaM dIdhitibhiH sahasraiH | nishAtamashchittagataM tamashcha pradhvaMsayantaM parameshamIDe || 14|| kali~NgadesheShvabhimAnapUrNaM prAgAnanaM sArasapIThasaMstham | pravAlasa~NkAshalasachCharIraM prabhAkaraM tvAM praNamAmi bhaktyA || 15|| prabhAkarAya pramadapradAya prAchInavAkpratyayakAraNAya | prapa~nchakeShu prakaTIkR^itAtma\- prasiddhaye chAstu namaH prabhAte || 16|| R^igvedarUpeNa cha maNDalena sAmasvarUpaiH kiraNaiH sahasraiH | yajurmayA~nchadvapuShA sametaM trayImayaM saptahayaM namAmi || 17|| yo yAj~navalkyAkhyamunIshvarAya sA~NgaM dadau shuklayajurvisheSham | saptAShTashAkhAsahitaM pavitraM tasmai namo deshikadeshikAya || 18|| tapaH prapUrNAya mayAsurAya grahAgamaM yaM pradadau samagram | vedA~NgabhUtaM paramaM rahasyaM namo.astu tasmai nalinIpriyAya || 19|| dine dine koTisuvarNaniShkA\- nutpAdayantaM jagadekapUjyam | dadau syamantAkhyamaNIvaraM yaH satrAjite taM savitAramIDe || 20|| tamo.abhibhUtaM bhavatIti vishvaM sa~nchintya sAyaM samaye kR^ishAnau | nidhAya tejolavamAtmano yo yayau tamIshaM karuNArdramIDe || 21|| yadrashmayo vAridhigarbhasaMsthA vAyuprakopeShu taTillatAH syuH | dR^ishyArdhabhAge prasR^itA himAMshu\- kalAstamIDe.amitakAntipu~njam || 22|| yasyAmR^itAnnau bhiShajau surANAM havirbhujau marditadaityavaryau | hayAdhirUDhau tanayAvabhUtAM dasrau tamarkaM sharaNaM brajAmi || 23|| yasyAtmajo dharmabhR^itAM variShTho varNAshramAchAravidhAnakartA | nR^ipAlavaMshAdimabIjabhUto manustambhojahitaM namAmi || 24|| vidyunmaNIjATharabADabAgni\- graharkShajAmbUnadachandrakAntiH | yadaMshaleshadyutisambhavA taM prabhAmayaM devamahaM namAmi || 25|| yannandanaH prANikR^itAghapuNya\- phalaprado yAmyadishAdhinAthaH | dharmiShThavaryaH samavartano.abhU\- dyamastamambhojahitaM namAmi || 26|| mAsartuvarShAdivibhaktakAlaH khaNDAhvayo yena samutthito.abhUt | taM vishvasargAvananAshahetuM\- namAmyahaM kAshyapagotramIsham || 27|| viyogaduHkhArditachakravAka\- dvijAnavashyAyanipIDitA~NgAn | padmAMshcha shItArtiyutAn daridrAn santoShayantaM savitAramIDe || 28|| udbodhakA yasya marIchayaH syuH vishvasya nidrAbharavismR^itasya | choravrajasyAyasashR^i~NkhalAH syuH tasmai namaH sArasabAndhavAya || 29|| sandhyAdvaye yasya marIchayaH syuH bandhUkapuShpapratimAnavarNAH | madhyandine vajravibhopamAnAH tasmai namastIvrakarAya tubhyam || 30|| trinAbhiyuktAmararUpakaika\- chakreNa saMvinmayakUbareNa | samanvite divyarathe vasantaM nitAntakAntaM bhagavantamIDe || 31|| yaH kashyapaH syAditi garbhagolAt jAtaH surendrAya jayaM pradAtum | dviShaTkarUpairamitaprabhADhyaiH taM hemavarNaM puruShaM namAmi || 32|| namaH prabhAte vidhirUpakAya madhyandine mAdhavarUpakAya | dinAvasAne hararUpakAya nishAsu sarvAsu chidAtmakAya || 33|| pUrvAchalAgre.astanagasya shR^i~Nge surAdhvamadhye vicharantamahni | nishAsu pAtAlagatAmbare cha prabhAkaraM tvAM praNamAmi bhaktyA || 34|| lokasya bandhuM gaganasya ratnaM chakShuShmatA netramajANDarUpam | vedasya mUlaM patimambujAnAM prabhAtatejaskaramIshamIDe || 35|| raktaprasUnAkShatagandhaparNaiH yantre cha mUrtau manujo.atibhaktyA | yamarchayitvA labhate svakAmAM\- staM vAsudevaM hR^idi bhAvayAmi || 36|| shuddhAshayA~NgA manujAH prabhAte saurAruNibhyAM vidhivadyamIsham | sampUjya kAmAnapavargasaukhya\- mavApnuyustaM puruShaM bhaje.aham || 37|| ChAyAsti bhAti priyanAmarUpe\- ShvantyA chaturthI kathitA cha sa.nj~nA | AdyatrayaM tvaM paramAtmatattvaM tato rave tvAM sharaNaM brajAmi || 38|| namaH pata~NgAya surArchitAya namastamoghnAya himAntakAya | namaH savitre jagadekabhartre namo graheshAya namo.avyayAya || 39|| yamantarAdityasamagravidyA\- hR^itpadmakoshAntararandhrasaMstham | nIvArashUkAdapi sUkShmamIshaM provAcha taM chinmayamAshrayAmi || 40|| yadrashmayaH syuH pariveSharUpAH sitAsitAbhojjvalaketavashcha | bhImAshanIpAtashatahradAshcha tasmai namo dIdhitimAline te || 41|| tuShAravR^iShTyAnvitapuShkare ya\- nmarIchayo ratnachayA~nchitasya | surendrachApasya samAnarUpAH bhavanti taM dvAdasharUpamIDe || 42|| mitrANi yasyendusurejyabhaumAH shatrU sitArkI shashijastaTasthaH | triShaDdashA yeShu gatashcha rAsheH shubhapradastaM shrutibodhyamIDe || 43|| prabhAtakAle.astamayAkhyakAle yanmaNDalaM vyomni vitastimAnam | aShTA~NgulaM syAt kutape cha dR^iShTaM tasmai namaH shrInalinIpriyAya || 44|| tulAdiShaT\-sa~NkramaNeShu yasya bimbaM bhaveddakShiNabhAgasaMstham | meShAdiShaTke cha nirakShadeshAt udaksthitaM taM praNamAmi bhAnum || 45|| ahaHkShayaM karkaTakAdiShaTke nishAkShayaM nakragR^ihAdiShaTke | nirakShadeshottarasaMsthitAnAM karoti yastaM dinanAthamIDe || 46|| yanmaNDale rAshiyuge cha saMsthe sa~NkrAntinAmAdhikapuNyakAlaH | chandrAnvite darshasamAhvayaH syAt tasmai namo devapitR^istutAya || 47|| aharnishAhrAsavivR^iddhidAna\- manekadhA bhinnamahIgatAnAm | kurvantamarkaM ghR^iNimaNDalastha\- mahomayaM vedamayaM namAmi || 48|| dhIraM mahodAramameyasAraM sUraM nutAraM dhR^itachAruhAram | vIrAdhivIraM kR^itavAripUraM shubhaprachAraM suvichAramIDe || 49|| yasyAMshajaH kIshagaNAdhinAtho vikarNanAsaM yudhi kumbhakarNam | pAdAhataM pa~NktigalaM cha chakre\- rumApatistaM sharaNaM brajAmi || 50|| yadvaMshajAto bhagavAn mukundo vishvasya sarvasya cha rakShaNAya | krUrAsurANAM cha vadhAya rAmaH parAtparaM taM divaseshamIDe || 51|| dhyAnasya kAle.akhilayogivaryA yadbimbamAdau hR^idaye vichintya | dhyAyanti tanmaNDalamadhyadeshe devaM tamIshaM tadabhinnamIDe || 52|| yasyAtmajA rUpavatI kalinda\- kanyA mukundasya satI babhUva | pravAharUpeNa payaHpayoghiM gatA tamarkaM manasA smarAmi || 53|| ghaTIdvayadhyAnatapo.adhikAya yudhiShThirAyAdhikadhArmikAya | akShayyamannaM pradadau rasADhyaM yaH puNyavAMstaM graharAjamIDe || 54|| sandhyAvidhau homavidhau dvijendraiH dine dine yaH paripUjyamAnaH | yasyArchanaM vargachatuShkadAna\- kShamaM tamIshaM sharaNaM vrajAmi || 55|| udyantamarkaM bhajate pumAn yaH sa vai naro brAhmaNashabdavAchyaH | upaiti bhadraM paramArtharUpa\- mityAha vedaH khalu vishvanAtha || 56|| brahmeti nAma tvayi yogarUDhi\- prAptaM shrutiH prAha viyuktabAdham | sandhyAsu sandhyAsu cha vipravaryaiH tadeva sUktaM khalu padmabandho || 57|| charAcharANAmiha sUrya Atme\- tyantastamuktvA yamayantamIsham | teShAM cha saMvinmayarUpamarkaM punaH shrutiH prAha dinAdhipaM tvAm || 58|| j~nAnasvarUpasya tavAj~natA na j~nAnaM cha sattvaprakR^iteshcha yogAt | anantakalyANaguNAshcha bhAnti me.adhyAtmakAle jalajAtabandho || 59|| tvAM karmaNAM sAkShiNamAgamAnAM svarUpabhUtaM jagatAM cha bandhum | kAlasya kartAramushanti vedAH parAtparastvAmapahAya ko.anyaH || 60|| shrIsha~NkarAchAryagururmahAtmA pa~nchAmarANAM prathamaM yamAha | Alokya sarvopaniShannigUDha\- vAkyAni vande puruShaM tamarkam || 61|| prAgbhUmibhR^inmaulidhR^itaM prabhAte mANikyakoTIramiva pradIptam | sarojinIpuNyaphalasvarUpa\- mudyantamarkaM praNamAmi bhaktyA || 62|| prAchIvadhUramyamukhe himAmbu\- prakShAlite ku~Nkumapa~Nkachitram | kAlyena nikShiptamiva pradIpta\- mudyantamarkaM mR^idurashmimIDe || 63|| sandhyAstriyA kAlakumArakasya prAkshailama~nchordhvatale nibaddham | gu~njAmayaM guchChamiva pradIptaM bAlaM raviM komaladehamIDe || 64|| kAlaprabodhAya surAdhipena prAkshailaharmyordhvatale nibaddhA | ratnabrajasthApitajhallarIva yaH saMsthitastaM pR^ithukArkamIDe || 65|| prabhAtakAlAhvayakeshavasya prAchIdishAkhyendirayA yutasya | samarpitaM kaustubhanAmaratna\- miva jvalantaM pR^ithukArkamIDe || 66|| surendradikparvatavedikAyAM kAlAkhyayajvapravareNa dIptam | a~NgArasa~NghAtamiva jvalantaM bAlaM raviM shoNatanuM namAmi || 67|| nishAkhyagaurIkR^itapUjanena gADhAndhakArA~NgajatADitena | unmIlitaM prAggirisha~NkareNa jAlAmayAkShIva lasantamIDe || 68|| pUrvAdrishR^i~Ngasthitaki~NkirAta\- drume prabhAtAkhyavasantakAle | jAtaM mahAguchChamivAruNAMshuM namAmyahaM kashyapamauniputram || 69|| dR^iShTvA shachIsaMyutamAtmanAthaM prAga~NganAyAH patikopavatyAH | raktAMshuyuktAsyamiva sphurantaM namAmi bAlaM nalinIkalatram || 70|| kAlyaprabhAshoNanadIpravAhe marIchiki~njalkavirAjamAnam | raktotpalaM jAtamatIva bhAntam udyantamarkaM haridashvamIDe || 71|| mandAkinIkokasurAsuraughaiH kAlyaprabhAmandaraparvatena | chAndrIpayobdhau bhathite prabhUta\- chintAmaNIva sthitamarkamIDe || 72|| prabhAtasUnorabhiShechanAya prAchIramaNyAtapavAridIptam | AnItamaShTApadaratnakumbha\- miva sthitaM padmahitaM namAmi || 73|| prabhAtanArAyaNahastasaMsthaM gADhAndhakArAsuraraktasiktam | marIchidhArAparipUrNachakra\- miva sthita bAlaraviM namAmi || 14|| prAgabdhivelAvalayodbhavAyA himAmbusadyohadavardhitAyAH | kAlyaprabhAvidrumavalli kAyAH phalena tulyaM taruNArkamIDe || 75|| himodakodrekamavekShya rAtrau pAnAya tasyAbdhijalaM vihAya | nabhogataurvAgnimiva pradIptaM shoNadyutiM bAlaraviM namAmi || 76|| chakradvijAnAmatanukriyANA\- mudbodhakaM rAtrimukhe.atimohAt | ambhojinIkuDmalamadhyagasya bhR^i~Ngasya mokShapradamarkamIDe || 77|| indIvarANAM palalAshanAnAM ghUkAdikAnAM cha vibhAvarINAm | jArasya chorasya cha duHkhahetuM satAM cha vR^iddhipradamarkamIDe || 78|| bhAsvAn ravirbhAnuranantaratnaM divAkarashchaNDagabhastirarkaH | mArtANDa Aditya ino vivasvAn mitro.aryamA rakShatu mAM dayAbdhiH || 79|| raktAtapatradhvajachAmarADhyaM raktAmbaraM raktamarIchibimbam | raktairvibhUShAsumagandhamAlA\- bajairyutaM padmahitaM namAmi || 80|| AnandakandaM hatashatruvR^indaM dayAsamudraM damashAlibhadram | sa.nj~nAsametaM savanaprapUtaM dIptaprabodhaM dinanAthamIDe || 81|| yasyodaye dIdhitayaH rabakIyA mandehadehakShatajopamAnAH | prAchIsatIbhUShaNaratnarochi\- rnibhAstamAdityamahaM namAmi || 82|| yanmaNDalaM pa~nchashatAdhikA~ncha\- tsahasraShaTkojjvalayojanena | vyAsena yuktaM ghanagolarUpaM tasmai namaH pa~NkajabAndhavAya || 83|| savyaM surANAmapasavyavR^ittyA rakShovarANAM gagane charantam | teShAM dina mAnavavatsareNa prapUrayantaM ravimAshrayAmi || 84|| namAmi devaM mahitaprabhAvaM vipakShadAvaM parishuddhabhAvam | raNA~NgagaNaprotthitasha~NkharAvaM ChAyAsatIkalpitanUtnasevam || 85|| sama~nchitAhlAdamuruprasAdaM sarojapAdaM shritasarvavedam | mR^igendranAthaM kR^itadaityakhedaM samagravAdaM savitAramIDe || 86|| namAmi sUrya nagarAjadhairyaM kR^ipArdracharyaM kR^itapuNyakAryam | suparvavaryaM suguNaughadhuryaM pa~nchAsyavIryaM paripAlitAryam || 87|| vande dineshaM varahemakeshaM satkIrtikAshaM satataprakAsham | shrImatpradeshaM shritapApanAshaM prabhAvR^itAshaM prathitaprajesham || 88|| satyAya nityAya chidAtmakAya gUDhAya rUDhAya parAtparAya | divyAya bhavyAya divAkarAya mAnyAya dhanyAya namo namaste || 89|| achintyamavyaktamanAdimadhyaM chidrUpamAnandaghanaM prashAntam | jyotirmayaM yaM pravadanti vedAH tasmai namaste.astu vikartanAya || 90|| durgAgaNAdhIshvarashambhuviShNu\- sUryAhvayaiH pa~nchavidhasvarUpaiH | samanvitaM bhaktajanAya kAmAn dishantamIshaM praNamAmi nityam || 91|| graharkShabhUgolasahasrakoTi\- prasphItavedho.aNDashatAyutasya | antarbahiHpUrNamanantashakti\- mahomayaM devamahaM prapadye || 92|| kalyANarUpaM kavirAjasevyaM samagrasattvaM vitatAtmabimbam | kalyANarUpaM kavirAjasevyaM samagrasatvaM vitataM namAmi || 93|| yaM yoginaH sA~Nkhyavidashcha pA~ncha\- rAtravratAH pAshupatAgamaj~nAH | vedAntavidyAniratA bhajantaH prayAnti muktiM tamajaM bhaje.aham || 94|| sarveShu kAleShu cha bAlarUpaM sarveShu kAleShu cha yauvanastham | sarveShu kAleShu cha vR^iddhabhAvaM vikArashUnyaM ravimAshrayAmi || 95|| nira~njanaM nirguNamaprameyaM kUTasthamavyaktamanantamAdyam | nirdvandvamAnandamakhaNDamekaM chaitanyarUpaM ravimAshrayAmi || 96|| kodaNDarAmAhvayavipravarya\- prapUjitaM shlokashatAbjapuShpaiH | ChAyAkhyabibbokavatIsametaM sa.nj~nApatiM tvAM sharaNaM prapadye || 97|| yogIshvaro ve~NkaTakuShNayajvA tatputrakaM koTkelapUDivaMshyam | kodaNDarAmAhvayavipravaryaM mAM pAhi mAM pAhi sarojabandho || 98|| he sUrya he bhAskara he dinesha he deva he kAshyapa tamoghna | pApaiH sametaM samavartibhItaM mAM rakSha mAM rakSha kR^ipArdradR^iShTe || 99|| bhava tkumAraM shamanaM guNADhyaM kenApyupAyena tu shAntachittam | madrakShaNAyAshu kuruShva no chet sAyujyamuktiM disha me dinesha || 100|| saMsArakUpe patitaM mahAghaiH juShTaM yamAdbhItamapuNyalesham | mAM rakShituM tvAmapahAya ko.anyaH shakto.asti bhAno paripAlayAshu || 101|| puNyAtmanAM rakShaNato na te syAt ghanatvamabjapriya mAdR^ishAnAm | pApAtmanAM rakShaNato yashaste bhavatyapAraM paramesha pAhi || 102|| shrutismR^itibhyAM nigamAntahorA\- gamaiH purANairbhavadIyatattvam | jAnAmi ki~nchiddinanAtha tasmA\- tsaMrakShaNIyo.asmi tavAhamadya || 103|| tyAgena doSho bhavatIshvarANAM bhaktasya puMsaH sharaNAgatasya | aj~nAtamarthaM tava nAsti tasmAt rakShasva bhAno sharaNAgataM mAm || 104|| sa.nj~nAnvitAya shritarakShakAya ChAyAsametAya parAtparAya | chakrastutAyAmbujinIpriyAya mahAtmane ma~Ngalamastu nityam || 105|| tvatsundarIbhyAM bhavadAtmajebhyaH tvatputrikAbhyastava sevakebhyaH | tubhyaM hare saumyamate dayAlo jagadgate ma~Ngalamastu nityam || 106|| kodaNDarAmAryakR^itastutiM ye paThanti shR^iNvanti cha bhaktiyuktAH | teShAM shriyaM putrakalatrasaukhyaM svargaM cha mokShaM dinanAtha dehi || 107|| || iti shrIsUryashatakaM sampUrNam || ## Proofread by Musiri Janakiraman Stotrarnava 06.42 \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}