सूर्यस्तवः
नमः सूर्याय विसरत्संविकिरणशालिने ।
सत्यप्रकाशसन्धाय संसारतिमिरच्छिदे ॥ १॥
नमोऽनुग्रहतात्पर्यविश्वचर्याविधायिने ॥
अर्यम्णे जनतातापहरायाश्चर्यतेजसे ॥ २॥
नमश्चिद्गगनान्भोगभासिने बोधभावते ।
अविच्छिन्नखभावाय भवायाभयकारिणे ॥ ३॥
नमस्त्वष्ट्रे समाकृष्टदुष्टायारिष्टशालिने ।
दिग्दलाष्टकसंश्लिष्टजगत्पद्मविकासिने ॥ ४॥
नमो विष्यन्दिशीतांशुकृशानुशबलत्विषे ।
पूर्णप्रशमिताशेषदोषायातिशयस्पृशे ॥ ५॥
नमस्त्वतय॑गतये वसुधान्तरचारिणे ।
अर्कायामृतसम्पर्करससंवर्धितान्धसे ॥ ६॥
नमो लोकपरित्राणकत्रे नित्योदितात्मने ।
सवित्रे त्रिजगन्नेत्रशतपत्रविकासिने ॥ ७॥
नमो विराजमानाय मेरुन्यस्तगभस्तये ।
अजाय विश्वजयिने पृथिव्यादिमयात्मने ॥ ८॥
इति भारतमञ्जर्यां क्षेमेन्द्रविरचितः सूर्यस्तवः सम्पूर्णः ।
आरण्यपर्वणि विदुरागमनम् श्लोकानि २८-३५