% Text title : Shvetaranya Stutih 06 36 % File name : shvetAraNyastutiH.itx % Category : navagraha % Location : doc\_z\_misc\_navagraha % Proofread by : Musiri Janakiraman % Description-comments : From stotrArNavaH 06-36 % Latest update : July 30, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Shvetaranya Stutih ..}## \itxtitle{.. shrIshvetAraNyastutiH ..}##\endtitles ## shrImatkIrtipavitritatrijagatashchetasya rakShAchChalA(jagataH shvetasya) chChvetAraNyapure chirAya viharan devo vibhUtyai bhuvaH | satyaj~nAnasudhaikamUrtirakhilAnarthAn kR^itAntadviShan dAtA me bhavatAdapArakaruNApIyUShapAthonidhiH || 1|| shrImAnadbhutasatkavitvapadavInityAdhvanIno vashI yo jAgarti jagatprakAshamahimA vIraH prakAsheshvaraH | tasya shrIravivarmadevanR^ipatervAchA kR^itAntadruhaH shvetAraNyavihAriNo bhagavataH sevAkramo vakShyate || 2|| jaya jaya jagadekanAtha janimaraNajaladhitaraNapotAyamAnakaruNAkaTAkShalesha nishAkarakalApIDa vishAlatarabhaktiniratishayashvetamAnamAnasashvetamunijIvitajIvAtulatApallavasya nishAtashUlavidAritakR^itAntabhujAntarAlasya bhagavataH parakroDapure parikrIDamAnasya charaNasarasijayugalamagalitAdaramanudinamupAse udayashailashikharamadhirukShatyupachitatamaHpaTalapATanodvegini udvelaviyogavedanAkaluShitachakravAkamahilAchakravAlasamprekShyamANodaye bhagavati divAkare sapadyujjR^imbhamANaprAbhAtikamahitama~Ngalasha~NkhadhvanishravaNavidrANanidrAvisheShasamadhikamanaHprasAdaH samutthAya samAhitAtmA sakalalokaprasiddhamatyantapuNyaM shvetAraNyaM purottamamuttareNa prakAshamAnamaprameyAnubhAvaprakAshabhUpAlamaulimaNDanena mAhAjanikakarmaNA mahArAjena rAmavarmaNA nirmApitamamlAnaparAkramaprasarapratihatapratimapakShasharmaNA chAturAshramyadharmaikavarmaNA paritaH prakalpitAnalpashilpabandhurodAramaNishilAbandhaM sarvakAlamanoharaM sarovaramavagAhya kR^itAplavaH shanairuttaragopuradvAreNAntaH praviShTo vimalakAntakamalAkarAntaravagAhavArikR^itavigrahaH samagrakalyANodayakAraNasya devasya kAraNeshvarasya puraH paribhrAjamAne nabhasIva sadA grahasatkadambakashobhamAnamAnasa iva sphuradavadAtaprakAsharAjahaMsAvatarabhAsure kAlajaraNakelikalitayaugikAbhidhAne niravadhikaduritapu~njabha~njane kAra~njaramahAtIrthe vihitama~NgalasnAnavidhirubhayataH salilasambhedasambhR^itarAmaNIyakamadhiShThAya maNikuTTimamanuShThitapragetanakriyAkalApaH shuchibhasitavihitashirovrataH trimUrtimayatripuNDakadhAraNapavitritagAtraH tameva bhagavantamumAkAntaM shrIkAraNapureshvaraM purastAdupatiShThe || 3|| tatashcha nirgatastenaiva mArgeNa uttaragopurabahiShThasya sarovarasyaiva pashchimatIre virAjamAnaM dushchyavanavairisImantinIjanasAntApikApadAnaM mAndhAtR^ima~NgalamapurImaNDanaM puNDarIkAkShamabhivandya vR^ittaH praNatajanatAnirvANakAraNasya dakShiNato vartamAnaM tadIyapAdAravindanyAsavibhAsvaraM vairapuraphuTajAraNyamadhyamabhavanAbhidhAnaM puratrayaM pariShkurvANaM puratrayavairiNaM krameNa praNamya shrImatpure kroDapurottaradvArapArshvasannihitasya niHsImakaruNAsAgarasya sAgarasutAsukR^itAvalepalakShaNavakShaHsthalasya shvetamuniparirakShaNAya kila samAseduSho viShayamayatimi~Ngilasa~NkulabhIShaNabhavAmburAshitAraNaparamanAvikasya nAvApuranAyakasya narakAntakasya charaNasarasijadvandvamabhivande || 4|| avasthAya cha tatraiva punaravahitakaraNakalApo dakShiNadishAbhimukho daivAyavaivasvatavAmalochanAvaidhavyavratopadeshadeshikAya vihitapraNAmA~njaliranavarataniShevaNotsukAyamAnajanatAChanasa~NkShuNNayA pradakShiNasaraNyA sa~ncharamANe dakShiNena purottamamakShINashikShAvisheShadhurINatakShavarakarakaushalIsImAnaM akShAmarakShAnulepadhavalAM atrikarAlagaralAyudhamaNDalimaNDanAM adhikasukumArakarAravindakalitanishitashikhatrishikhashikharanirbhidyamAnakaThorakInAshavakShaHpIThAmayitvarya (?) apratimAM pratimAM shailIM praNipatya pratiShThamAnodakShiNAparasyAM hariti haridupalamaNiprakAshachaurikAdhaureyakasharIraM mR^idukuTilanIlakachanichayanibandhanavakhaNDamaNDalamindirapaTalavilasadalakA~nchalasashchalanasha~NkamAnapa~NkeruhAyatavilochanaM indukiraNasundaramandahAsamamitampachamadanAveshavashaMvadapashupAlabAlikAkuchakalashaghusR^iNapa~Nkilatu~NgavishAlabhujAntaravalamAnatulasIdAmamedurAbhogavanamAlaM unnidrakAntibharahAridravasanaprabhAparihasitakShaNaprabhAvilAsamativelaruchirachAmIkaranUpurapariShkR^itapAdapallavamadharitasudhArasamadhurimamuralInAdataralIkR^itagogopikAgodhananayanasamApIyamAnakAmanIyakaM goshAlavihAriNaM bhagavantaM nandanandanamupAse || 5|| puratashcha tasya puruShottamamattakAshinIrUpanistulagAtralakShmInirIkShaNakShaNasamedhamAnamanobhavAveshavivashIkR^itashashishekharapoShapIyUShaniShyandamindranIlamaNishyAmalakomalAkAraM indirAramaNaprasAdaikamandiraM indrArivIrabhaya~NkarakarasarasIruhavirochamAnasharasharAsanamutkaTabukkanadhvAnanirdhUyamAnabhaktabhayakukkuranikurumbasambhR^itamudbhaTATopalubdhakavaraparItapArshvamAkheTalIlAparishramakandalitasvasudhAbindusundaravadanendumaNDalamamaramaNDalamakuTamaNDanIkR^itacharaNapuNDarIkamakhilabhuvanatilakabhUtaM bhUtanAthaM praNipAtapuraHsaraM pradakShiNIkR^itya tata uttArAM muktanikhiladoSheNa luptaviShayAbhilASheNa bhaktajanenAdhiShThitasya sphuradatulavimalavividhavR^indasundarasya balipIThikAmandirasya pashchAt prA~NmukhatayA avasthAya samastAdhArabhUtAya nirastAnarthAya kArttAntabhayAkratantashvetamuniparirakShaNArthamavanIlokamala~NkR^itasAtvatAyA maheshvarAya shirasi virachitA~njaliH sAShTA~NgapAtaM namaskR^itya pratyakpratihAramArgeNa shanairantaHpraveShTumupakrame || 6|| ubhayatashchopaviShTaiH khaNDitasAMsArikAbhilAShairaviratavihitabhagavadupAsanAvishuddhachittairavanidevavishiShTaiH anumoditapraveshaH prashastabhasitavirachitatripuNDramaNDane vidyotamAnarudrAkShamAlAbhAriNA shashvadabhyasyamAnashatarudrIyeNa pAvanapa~nchAkSharamahAmantrasantatajapAsaktachittena satatasa~NkIrtyamAnabhagavannAmadheyena vipulabhAgadheyena paramashivapadAravindadvandvanirantaradhyAnajanitasvarUpAnandAnubhavavigaladashrudhArAvilavadanena mahatA bhaktavargeNa nityavirAjitasya satyalokasyeva chaturAnanochAryamANatrayIvidyApAvanasya shvetadvIpasyeva nityaprasAdavikasvaranetranArAyaNasanidhAnamahanIyasya rAshichakrasyeva sadAmandabhAsvadgotrodbhavabudhagurukavidvijAdhipamaNDitasya maNimaNDapasya pashchAdavasthitaH ki~nchidAlakShyamANavigrahaM sarvalokaikanAthaM sharvANIsucharitAbhogasarvasvaM nirvAsitakR^itAntagarvodayamIshvaraM namaskurve || 7|| tatashcha prAdakShiNyakramAduttarato gachChannuttaradvAramArgasya pashchAdeva sthitamupasthAyuktajanasamastAnarthanirvartakamuttu~Ngarajataparvata\.\.? rvaM? sarva~NkaShadhAmAnaM uchchatarakakudashikharalambamAnamandAramAlikAnirjharodgArapravardhamAnaprabhAmaNDalama~NkAvasaktagA~Ngeyaki~NkiNIdAmasaudAminIrAM(?) tApashobhitaM(?) sarveshvaropavAhyaM shrInandinAmAnaM aparimeyamAhAtmyabhUmAnaM pratyakShadharmamUrtiM mahokShaM praNamya prA~NmukhaM ki~nchidupagamya bhagavatprAsAdAgrajAgrachChAtakumbhakumbhapraNAmAnantarayathAgatamAvartamAnaH sumukhinIyasamastanAthAya nibaddhA~njaliH sharvavAmA~Nkama~NgalAla~NkArAMsarvama~NgalAM namasyAmi || 8|| tato hastaM (haM tu) dakShiNena pathA prAchInaM (prAchyAM) dishi prastutaprachAraH dakShiNato dIvyamAnApyAnatanukArisantAnadUrIkR^itasindUrapUrasaubhAgyAlepamindushakalAla~NkAramahAmastakaM astimitakarNayugalasamIraNagatAgatakeliDolAyamAna iva cha chakramattamAta~NgavaktraM bhagavantaM dvaimAturaM samAtR^ivargaM samAnamya tatsavidhavartinaM duHsahabhavavedanAsamutsAraNadakShiNaM dakShiNAmUrtiM dakShiNabhittibhuvi chitraniveshitAkAraM chitrIyamANacharitrasantAnamanantaM anantAnandachiddhanaM anantashAyinaM chirantanaM pumAMsaM praNipatya tathaiva gatvA vihitachaNDeshvarapraNAmavidhiHAvR^ittipathAbhivanditasya dantAvalavadanasya bhavanamuttareNa bhaktajanadustarahastApavistArartanakartarImarAlakomalakAlimoShachitakeshapAshanavavalAhakajAlavalAkAyamAnashekharashashA~NkalekhAmakShobhaNIyadakShavipakShahR^idayavikShobhaNadakShachaTulakuTilakaTAkShapAtAmadharitakamburAjakaNThakANDavirochamAnama~NgalAla~NkAramahimodayahelAgalitakarAlahAlAhalAnubhAvAmutta~Ngunistalanirantaramanoj~nakuchakumbhaparishumbhadatidhavalabhasitalepasamunneyasmaravivashapuramathanaparirambhamahotsavAmadhikabahalapuNyalAvaNyanadIvipulapulinAyamAnajaghanamaNDalAM akhilavibudhalokavataMsIkR^itapAdAravindAma anekavibhUShaNamaNimayUkhajAlashabalitAkArAmAkaramiva saundaryasya, Abhogamiva saubhAgyasya, nilayamiva vilAsalakShmyAH, vilayamiva vipadudayasya, paramashivaparamashaktibhUtAM bhavAnImabhyavartinaM cha vistIrNaduritanikaradAvashikhinaM shikhivAhanaM shirasA praNamAmi || 9|| uttareNa cha devImatyudArabahuvidhastutivachanamukharitamukhairmahAshaivaiH anavaratamashUnyopakaNThaM sopAnadeshamadhigamya samyagavanamramastakasthalasannyastapraNAmA~njaliruttaMsIkR^itamugdhamR^igA~NkalekhAnirmalaprabhAvalepadattahastanistuShAnekapradIpajAlaprakAshaprakAmapratihanyamAnatimirAvatAraM akhilabhuvanasucharitAbhogamiva gR^ihItavigrahaM udgragarvodayadurvAraparetarAjajIvanagrasanarasikasadaruNakomalapANipa~NkeruhaM shrImatpurakroDapuravihAriNaM asheShalokaikakAraNaM paramashivamavanamAmi || 10|| niShkrAntashcha purottamAdvihitanikhiladaivatapraNatiH kR^itadevayAtraH kuhachana vihatAntarAye vivikte pradeshe bhagavatpadapayoja eva niveshitamAnasaH kamapi samayaM vishrAmyAmi || 11|| lambamAne cha punarambarapathAdambaramaNau niShkramya tasmAduttaralabhasalapAlikambalitagaganatalena ArAmavartmanA kauberIM kakubhaM pratiShThamAno nAtidUra eva navInabisakusumAbhirAmasuShamAM ugrataravikramakrashitashakraparAkramasamuddhatakAsArAsurajIvitabhAsurashummAsuraDambhodayaharaNanipuNashAtamukhashUlavararuchirakarasaroruhAM ahAryashauryagarimoShmAyamANabhujAsambhArasambhUtAhambhAvabhAsurashumbhanishumbhAsuraDambhodayaniShkalIkaraNaniShkaruNAM charaNanalinaniShevaNaparAyaNajanatAsakalama~NgaladAyinIM alpetarAkrAntapadmapada (padmapAda) muniparipAlanachChadmanA (?) vishvalokabhavAyAvirbhUtAM sharkaravarArAmavihAriNIM kAtyAyanImupAse || 12|| tataH pashchimAyAmAshAyAM AshApAlamR^igalochanAjanabalApakArakachagrAhajAgradudagraparAkramadAruNadArukanAmadAnaveshvaradAvAnalahelAkaniravasheShIkaraNa \.\.\.\.\. takAlikAM amalamarakatashilAtalapratimallagaNDamaNDalapratibimbitalambamAnamahAvetaNDakuNDalAM AtmapadaniShevaNapravaNakShoNidevapravarAnujighR^ikShayA tadupasara mupaseduShImanuvatsaravartamAnavalgutaraphalgunIyAtrAsamAgatamahAjanaparipAlanajAgarUkanirmalahR^idayaravivarmakShitipatinirupamAnugrahakarakaTAkShapAtacharitArthIkR^itasamastabhaktavargAM apratimabhaktibharitapippalagrAmanirbharavilasadagada~NkArapu~Ngalama~NgalakuladevatAmativipulasa~NkramAbhidhAnaparamArAmavirachitavihArAM samaramukhasarabhasaparihiNDamAnachaNDamuNDamahAsuramuNDapiNDakhaNDanapaNDitamaNDalAgrakodaNDamaNDalAgraprachaNDabhujadaNDAM chAmuNDAM chAbhivandya punaH kAra~njarAkhye mahAtIrtha eva sAyantanaM vidadhe || 13|| sAndhyamahaniShevaNakutUhalasamAgatasya mahAjanakasya mahatA kalakalena kishchidunmanAyamAna iva pravishyAbhyantaramabhitaH sopAnamavatiShThamAnaiH ativelabhaktibhAravinamrakandharairanekashaM~NkhaveNukAhalamukhamurajamukhavichitravAditraninadabhedavyatikaritajayajayadhvAnabadhiritadigantaraiH adhIyadbhiH R^igyajuShI gAyadbhiH sAmAtharva bhAvayadbhiH bhAgIrathIdevatAbha~njanaM varNayadbhiH puNyajanAdhirAjabhujavanATopapATavamuchchArayadbhiH avya[chyuta]tharathA~NgavishrANanodantaM vyAchakShANairdakShAdhvaravidhvaMsasaMrambhaM shIlayadbhiH kAlakUTakShvelakabalIkArakAruNyamabhyasyamAnaiH rabhasasa~nchArasaMhAritripurInivAsanadurAsadadevArAtivIravishasanApadAnaM chintayadbhirandhakamahAsuramathanAnubhAvaM saMvadadbhiH shambaraparipanthisharIrashAtanaM pAThayadbhiH pArvatIpariNayaparamotsavADambaraM prapa~nchayadbhiH viri~nchashiraHkartanalIlAM prashaMsadbhiH prakR^itiniravagrahapretarAja nirupamAhopuruShikAvilopanavaibhavamupavINayadbhiH upashlokayadbhiH nadadbhiH nandadbhiH nR^ityadbhishcha bhaktajanaiH asa~NkhyaiH nivasitena[nibiDitena]pathA sametya baddhA~njaliH astashailavilIyamAnasavitR^isamarpitaprabhAtishayapradIpaprakarajvAlAjAlajAjvalyamAnakanakAbharaNasuShamAnuviddhamaNigaNakiraNaghaTitashatamakhasharAsanashatashAtitasadeshanAnArtavanavyatamasumanovisheShavirachitanUtanamAlAsahasravirAjamAnaM satyaj~nAnAnandarUpambhagavantaM mR^ityu~njayamatyAdareNa praNamAmi praNamAmi cha || 14|| jaya jaya jagadantakAntaka devadeva vegajitalokaniravadhikaduritabharatimiraprakaraprabhAkara prasIda mayi praNamati praNamati. | tvameva khalu satyavij~nAnarasaikarUpamanupAdhikamadvitIyamAtmatattvamasi | sa eva punarapi vidyAvasthAyAmaguNAntarasampR^iktasattvaguNapratibimbitAtmA sakalasAkShitAmavalambase | triguNapradhAnaM cha pradhAnatattvamadhiShThAya mUrtitrayaparigraheNa jagataH sargAdikamAvartayasi | sR^ijyamAtrAnuveshena cha jIvabhAvamAvahasi | santataM cha niyantR^itvena vartamAno nijapadapayojamabhajatAM bandhanaM bhajatAM chAnugrahaM vidadhAsi | ichChayA cha svachChachetasAM bhaktibhAjAM teShu teShu vividheShu kShetreShu sannidhatse | teShu teShu charyashanteShu [chatvarAntareShu] te te mahAtmAnaM taistaiH prashastairvidhAnairbhavantameva samArAdhya tattadabhilaShitamasheSheNa lebhire || 15|| tathA cha kila kArtAntikAdiShTAdakAlamR^ityoH atyantamudvijamAno munidArakaH shveto nAma vishruto vishvajanInashIlAt bhagavato nAradAdavAptamahAmantraH tadupadeshena bhavantameva tannirasanakarmaNyala~NkarmINaM prasAdayiShyan ilAtala. prathitasya nilAnikaTavartinaH pippalataroradhastAt apahastitadevatAntaraM chirAt tapasyati sma | avasitaprAye chAyuShi bhIShaNAkAramavAchInadishaH samAyAntamavAraNIyarabhasAvalepamantakamArAdupalabhya bhayaviklabAtmA sahasaiva palAyamAnaH pArenilaM parishobhamAnaM nAvAkShetraM samAsAdya purAtanAnAmapi navAnAM kavimukhyAnAmapi tattadviShayaprabandhavimukhAnAM mahAyoginAmR^iShabhadevabhuvAmabhilASheNa tasmin kR^itasannidhAnaM bhagavantaM madhukaiTabhAntakaM sharaNamupajagAma | sa cha bhagavAn mahAmAyAniyantA sharaNAgataM R^iShikumAraM paripipAlayiShuH \ldq{}tAta, mA bhaiShIH | shrIkAraNapureshvarastvAM maheshvara eva paripAlayiShyati | tatsavidhaM cha bhavantamahaM prApayAmi |\rdq{} ityabhidhAya tanmAtralakShyamUrtiH tamR^iShiM kAraNapuropakaNThaM prApayya \ldq{}vatsa nAradopadiShTena pathA bhagavantaM maheshvaramArAdhaya\rdq{} iti nigadanneva antaradhAt || 16|| tatrAntare cha prarUDhapratighAvesharUkShatarAkShipAtaH sAkShAdvaivasvataH prachaNDena bhujadaNDena svadaNDamavagAramavagAramamumabhyapadyata | pratyAsanne sati daNDadhare sa mahAmanAH mahIyasA sAdhvasena \ldq{}rakSha rakSha bhagavan\rdq{} iti bhavantameva kroshannavanitale nipatya nijabhujadvayasasambhramasamUDhasikatAmayIM bhavatpratimAmananyasharaNo gADhataramAlili~Nga | tasmin kShaNe cha niratishayadayAmR^itapariplutAntarAtmApi kR^itAntaviShayanitAntapravR^iddharoShabhIShaNAkAraH kAraNapurataH pratyakShameva nirgatya sitabhasitAnulepadviguNitasharIradyutiH sarabhasasamAkramaNapariloluThajjaTAjUTataTinItu~Ngataratara~NgasaMsichyamAnabhuvanAntarAlaH prachaladatibhIShaNabhUShaNaphaNIshvaradrAdhiShThaniHshvAsavAtavyatikarajAjvalanniTilataTavilochanAnalajvAlAmaNDalalelihyamAnagaganAbhogaH karatalakamalavibhrAjamAnajagattrayamayadhArAtrayogratrishUlAgravisphuradanilasakhasphuli~Ngashatapisha~NgitadishAvalayaH padavIvinyastapadatrayAntarapramANAnumeyavarShmA tathApatitamR^iShidArakaM kilAbhyavApadyathAH | tatkila padatrayaM trINi shivakShetrANi samavR^itan || 17|| AditsamAnaM cha jIvitaM muneravAryavIryatayA garvAyamANaM sarvAbhibhAvinaM paretarAjamatinishitashUlaprahAravihvalamadhivasudhamapAtayaH | gADhataraprahAravedanayA cha bhuvi viveShTamAnasya vinaShTamAnastha charaNasarasijasarabhasasamAkrAntasya nitAntatAntasya jIvitaM jIviteshasya svAtmanyupasa~njahartha. | utthApitaM cha mahAbhAgadheyaM samAshvAsya munikumArakamanugR^ihya paramayA kR^ipayA tadIyakarayugalasamAkalitAmeva saikatIM mUrtimadhitiShThannakhilalokapratItaH shrImatparakroDeshvara iti shAshvataM nAmadheyamAbibhrANaH prakAshase || 18|| sa tvamapArasaMsAraparibhramaNajanitavividhavedanAvivashachetasamananyagataM sharaNAgatamanugR^ihANa bhagavannamuM janam | avikalapuruShArthadAyI bhavadIyapadAmbuje mama nirupamAdhiko bhavatu bhaktirasaH | jaya jaya jagadIshvara pAhi pAhi sakalaniShkalarUpAya sakalanAthAya bhagavannamaste namaste iti praNutya sAyantanabalimahAya bahirniShkrAntaM nirantaraprahatabahuvidhamahAvAdyanivahanirghoShanirbhidyamAnabhuvanakaTAhamachChidurasamuchcharaduchchatarastutishatAlApavAchAlajanatAsamAkula[ra]sAvalayAntarAlaM bhagavantamanvIyamAnastriH parItya purottamaM bhavanAbhyantaraM praviShTaM vinaShTanikhilatApaH praNipatya mR^ityu~njayaM samprAptadurApaprasAdasheShAbhimarshapavitritagAtraH prakaTanirupamAnandatundilAntarAtmA shanairnirgachChAmi | evameva divasedivase devadeveshaM shrImachChvetAraNyapuranAyakaM maheshvaraM niShevamANo.ahamavikalavita thamAyurabhilaShitamasheShamadoShAnuSha~NgamanupasargamapavargasukhaM cha samyagavApnuyAm || 19|| Adhatte chaturo.api yaiva na chirAdarthAn yathechChaM satA mAhuryAmR^iShayo garIyasitarAmAdyAM vimukterapi | tAmetAM bhavada~NghripadmaviShayAmekAntabhaktiM mama shvetAraNyapurAdhinAtha bhagavan deyA dayAvAridhe || 20|| || iti shrIshvetAraNyastutiH sampUrNA || || shrI brahmavidyAmbikAsameta shrIshvetAraNyeshvarasvAmine namo namaH || ## Swetharanyeswara, Mercury planet, Budhagraha Proofread by Musiri Janakiraman \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}