% Text title            : somastotram
% File name             : somastotram.itx
% Category              : navagraha, stotra
% Location              : doc\_z\_misc\_navagraha
% Transliterated by     : KSR Ramachandran ramachandran\_ksr at yahoo.ca
% Proofread by          : KSR Ramachandran ramachandran\_ksr at yahoo.ca
% Description-comments  : From Grantha/Tamil book Adityadi Navagraha Stotra
% Latest update         : June 25, 2012
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. somastotraM ..}##
\itxtitle{.. somastotram ..}##\endtitles ##

atha somastotraprArambhaH |
asya shrIsomastotramahAmantrasya gautama R^iShiH | anuShTupChandaH |
somo devatA | somaprItyarthe jape viniyogaH |

vAM a~NguShThAbhyAM namaH | vIM tarjanIbhyAM namaH |
vUM madhyamAbhyAM namaH | vaiM anAmikAbhyAM namaH |
vauM kaniShThikAbhyAM namaH | vaH karatalakarapR^iShThAbhyAM namaH |
vAM hR^idayAya namaH | vIM shirase svAhA |
vUM shikhAyai vaShaT | vaiM kavachAya hum |
vauM netratrayAya vauShaT | vaH astrAya phaT |
bhUrbhuvaH suvaromiti digbandhaH |
dhyAnam |
shvetAmbarojjvalatanuM sitamAlyagandhaM
   shvetAshvayuktarathagaM surasevitA~Nghrim |
dorbhyAM dhR^itAbhayagadaM varadaM sudhAMshuM
   shrIvatsamauktikadharaM praNamAmi chandraM  || 1||
AgneyabhAge saratho dashAshvashchAtreyajo yAmunadeshajashcha |
pratya~NmukhasthashchaturashrapIThe gadAdharo no.avatu rohiNIshaH || 2||
chandraM namAmi varadaM sha~Nkarasya vibhUShaNam |
kalAnidhiM kAntarUpaM keyUramakuTojjvalam || 3||
varadaM vandyacharaNaM vAsudevasya lochanam |
vasudhAhlAdanakaraM vidhuM taM praNamAmyaham || 4||
shvetamAlyAmbaradharaM shvetagandhAnulepanam |
shvetaChatrollasanmauliM  shashinaM praNamAmyaham || 5||
sarvaM jagajjIvayasi sudhArasamayaiH karaiH |
soma dehi mamArogyaM sudhApUritamaNDalam || 6||
rAjA tvaM brAhmaNAnAM cha ramAyA api sodaraH |
rAjA nAthashchauShadhInAM rakSha mAM rajanIkara || 7||
sha~Nkarasya shiroratnaM shAr~NgiNashcha vilochanam |
tArakANAmadhIshastvaM tArayA.asmAnmahApadaH || 8||
kalyANamUrte varada karuNArasavAridhe |
kalashodadhisa~njAtakalAnAtha kR^ipAM kuru || 9||
kShIrArNavasamudbhUta chintAmaNisahodbhava |
kAmitArthAn pradehi tvaM kalpadrumasahodara || 10||
shvetAmbaraH shvetavibhUShaNADhyo gadAdharaH shvetaruchirdvibAhuH |
chandraH sudhAtmA varadaH kirITI shreyAMsi mahyaM pradadAtu devaH || 11||
idaM nishAkarastotraM yaH paThet pratyahaM naraH |
upadravAtsa muchyeta nAtra kAryA vichAraNA || 12||

         iti somastotraM sampUrNam |
##
Encoded and proofread by KSR Ramachandran ramachandran\_{}ksr at yahoo.ca

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}