% Text title            : somotpattistotram
% File name             : somotpattistotram.itx
% Category              : navagraha
% Location              : doc\_z\_misc\_navagraha
% Proofread by          : PSA Easwaran
% Acknowledge-Permission: http://kshetrayaatra.blogspot.com
% Latest update         : July 27, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Somotpatti Stotram ..}##
\itxtitle{.. somotpattistotram ..}##\endtitles ##
yAjurvaidikI pAramAtmikopaniShadantargataM
|| hariH OM ||
R^iShaya UchuH \-
kautUhalaM samutpannaM devatA R^iShibhiH saha |
saMshayaM paripR^ichChanti vyAsaM dharmArthakovidam || 1||
kathaM vA kShIyate somaH kShINo vA vardhate katham |
imaM prashnaM mahAbhAga brUhi sarvamasheShataH || 2||
vyAsa uvacha \-
shR^iNvantu devatAH sarve yadarthamiha AgatAH |
tamarthaM sampravakShyAmi somasya gatimuttamAm || 3||
agnau hutaM cha dattaM cha sarvaM somagataM bhavet |
tatra somaH samutpannaH smitAMshuhimavarShaNaH || 4||
aShTAshIti sahasrANi vistIrNo yojanAni tu |
pramANaM tatra vij~neyaM kalAH pa~nchadashaiva tat || 5||
ShoDashI tu kalApyatra ityeko.api vidhirbhavet |
taM cha somaM papurdevAH paryAyeNAnupUrbashaH || 6||
prathamAM pibate vahniH  dvitiyAM pibate raviH |
vishvedevAstR^itIyAM tu chaturthIM salilAdhipaH || 7||
pa~nchamIM tu vaShaTkAraH ShaShTIM pibata vAsavaH |
saptamIM R^iShayo divyAH aShTamImaja ekapAt || 8||
navamIM kR^iShNapakShasya yamaH prAshnAti vai kalAm |
dashamIM pibate vAyuH pibatyekAdashImumA || 9||
dvAdashIM pitaraH sarve samprAshnanti  bhAgashaH |
trayodashIM dhanAdhyakShaH kuberaH pibate kalAm || 10||
chaturdashIM pashupatiH pa~nchadashIM prajApatiH |
niShpIta ekakalAsheShaH chandramA na prakAshate || 11||
kalA ShoDashakAyAM tu ApaH pravishate sadA |
amAyAM tu sadA somaH oShadhiH pratipadyate || 12||
tamoShadhigataM gAvaH pibantyambugataM cha yat |
yatkShIramamR^itaM bhUtvA mantrapUtaM dvijAtibhiH || 13||
hutamagniShu yaj~neShu punarApyAyate shashI |
dine dine kalAvR^iddhiH paurNimAsyAM tu pUrNataH || 14||
navo navo bhavati jAyamAno.ahnAM keturuShasAmetyagre |
bhAgaM devebhyo vidadhAtyAyan prachandramAstagati  dIrghamAyuH || 15||
trimuhUrtaM vasedarke trimuhUrtaM jale vaset |
trimuhUrtaM vasedgoShu trimuhUrtaM vanaspatau || 16||
vanaspatigate some yastu hiMsyAdvanaspatim |
ghorAyAM brUNahatyAyAM yujyate nAtra saMshayaH || 17||
vanaspatigate some anaDuho yastu vAhayet |
nAshnanti pitarastasya dashavarShANi pa~ncha cha || 18||
vanaspatigate some panthAnaM yastu kArayet |
gAvastasya praNashyanti chirakAlamupasthitAH || 19||
vanaspatigate some striyaM vA yo.adhigachChati |
svargasthAH pitarastasya chyavante nAtra seshayaH || 20||
vanaspatigate some parAnnaM yastu bhu~njati |
tasya mAsakR^ito homaH dAtAramadhigachChati || 21||
vanaspatigate some yaH kuryAddantadhAvanam |
chandramA bhakShito yena pitR^ivaMshasya ghAtakaH || 22||
somotpattimimAM yastu shrAddhakAle sadA paThet |
tadannamamR^itaM bhUtvA pitRRINAM dattamakShayam || 23||
somotpattimimAM yastu gurviNIM shrAvayetpriyAm |
R^iShabhaM janayetputraM sarvaj~naM vedapAragam || 24||
somotpattimimAM yastu parvakAle sadA paThet |
sarvAn kAmAnavApnoti somalokaM sa gachChati || 25||
shrIsomalokaM sa gachChatyoM nama iti ||
shukle devAn\, pitRRIn kR^iShNe\, tarpayatyamR^itena cha
yashcha rAjA dvijAtInAM tasmai somAtmane namaH || 26||

iti somotpattiH stotraM sampUrNam |
|| shrIkR^iShNArpaNamastu ||
##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}