% Text title : Shri Surya Sahasranama Stotram 1 % File name : suuryasahasraBhaviShya.itx % Category : sahasranAma, navagraha, stotra % Location : doc\_z\_misc\_navagraha % Author : Traditional % Transliterated by : Kirk Wortman kirkwort at hotmail.com, PSA Easwaran % Proofread by : Kirk Wortman kirkwort at hotmail.com, PSA Easwaran % Description-comments : From bhaviShyapuraNa referenced in Gita press version. Shaktapramoda has variations. See corresponding nAmAvalI. % Latest update : January 31, 2003, January 5, 2020 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Surya Sahasranama Stotram 1 ..}## \itxtitle{.. shrIsUryasahasranAmastotram 1 bhaviShyapurANAntargatA ..}##\endtitles ## sumanturuvAcha mAghe mAsi site pakShe saptamyA~Nkurunandana | nirAhAro ravimbhaktyA pUjayedvidhinA nR^ipa || 1|| pUrvoktena japejjapyandevasya purataH sthitaH | shuddhaikAgramanA rAja~njitakrodho jitendriyaH || 2|| shatAnIka uvAcha kena mantreNa japtena darshanaM bhagavAnvrajet | stotreNa vApi savitA tanme kathaya suvrata || 3|| sumanturuvAcha stuto nAmasahasreNa yadA bhaktimatA mayA | tadA me darshanaM yAtaH sAkShAd devo divAkaraH || 4|| shatAnIka uvAcha \- nAmnAM sahasraM savituH shrotumicchAmi he dvija | yena te darshanaM yAtaH sAkShAddevo divAkaraH || 1|| sarvama~Ngalama~NgalyaM sarvapApapraNAshanam | stotrametanmahApuNyaM sarvopadravanAshanam || 2|| na tadasti bhayaM ki~nchidyadanena na nashyati | jvarAdyairmucyate rAjan stotre.asmin paThite naraH || 3|| anye cha rogAH shAmyanti paThataH shR^iNvatastathA | sampadyante yathA kAmAH sarva eva yathepsitAH || 4|| ya etadAditaH shrutvA sa~NgrAmaM pravishennaraH | sa jitvA samare shatrUnabhyeti gR^ihamakShataH || 5|| vandhyAnAM putrajananaM bhItAnAM bhayanAshanam | bhUtikAri daridrANAM kuShThinAM paramauShadham || 6|| bAlAnAM chaiva sarveShAM graharakShonivAraNam | paThate saMyato rAjan sa shreyaH paramApnuyAt || 7|| sa siddhaH sarvasa~NkalpaH sukhamatyantamashnute | dharmArthibhirdharmalubdhaiH sukhAya cha sukhArthibhiH || 8|| rAjyAya rAjyakAmaishcha paThitavyamidaM naraiH | vidyAvahaM tu viprANAM kShatriyANAM jayAvaham || 9|| pashvAvahaM tu vaishyAnAM shUdrANAM dharmavardhanam | paThatAM shR^iNvatAmetadbhavatIti na saMshayaH || 10|| tacchR^iNuShva nR^ipashreShTha prayatAtmA bravImi te | nAmnAM sahasraM vikhyAtaM devadevasya dhImataH || 11|| dhyAnam \- dhyeyaH sadA savitR^imaNDalamadhyavartI nArAyaNaH sarasijAsanasanniviShTaH | keyUravAn makarakuNDalavAn kirITI hArI hiraNmayavapurdhR^itasha~NkhachakraH || atha stotram \- OM vishvavidvishvajitkartA vishvAtmA vishvatomukhaH | vishveshvaro vishvayonirniyatAtmA jitendriyaH || 1|| kAlAshrayaH kAlakartA kAlahA kAlanAshanaH | mahAyogI mahAsiddhirmahAtmA sumahAbalaH || 2|| prabhurvibhurbhUtanAtho bhUtAtmA bhuvaneshvaraH | bhUtabhavyo bhAvitAtmA bhUtAntaHkaraNaM shivaH || 3|| sharaNyaH kamalAnando nandano nandavardhanaH | vareNyo varado yogI susaMyuktaH prakAshakaH || 4|| prAptayAnaH paraprANaH pUtAtmA prayataH priyaH | nayaH sahasrapAt sAdhurdivyakuNDalamaNDitaH || 5|| avya~NgadhArI dhIrAtmA savitA vAyuvAhanaH | samAhitamatirdAtA vidhAtA kR^itama~NgalaH || 6|| kapardI kalpapAdrudraH sumanA dharmavatsalaH | samAyukto vimuktAtmA kR^itAtmA kR^itinAM varaH || 7|| avichintyavapuH shreShTho mahAyogI maheshvaraH | kAntaH kAmArirAdityo niyatAtmA nirAkulaH || 8|| kAmaH kAruNikaH kartA kamalAkarabodhanaH | saptasaptirachintyAtmA mahAkAruNikottamaH || 9|| sa~njIvano jIvanAtho jayo jIvo jagatpatiH | ayukto vishvanilayaH saMvibhAgI vR^iShadhvajaH || 10|| vR^iShAkapiH kalpakartA kalpAntakaraNo raviH | ekachakraratho maunI suratho rathinAM varaH || 11|| sakrodhano rashmimAlI tejorAshirvibhAvasuH | divyakR^iddinakR^iddevo devadevo divaspatiH || 12|| dInanAtho haro hotA divyabAhurdivAkaraH | yaj~no yaj~napatiH pUShA svarNaretAH parAvaraH || 13|| parAparaj~nastaraNiraMshumAlI manoharaH | prAj~naH prAj~napatiH sUryaH savitA viShNuraMshumAn || 14|| sadAgatirgandhavaho vihito vidhirAshugaH | pata~NgaH patagaH sthANurviha~Ngo vihago varaH || 15|| haryashvo haritAshvashcha haridashvo jagatpriyaH | tryambakaH sarvadamano bhAvitAtmA bhiShagvaraH || 16|| AlokakR^illokanAtho lokAlokanamaskR^itaH | kAlaH kalpAntako vahnistapanaH sa.npratApanaH || 17|| virochano virUpAkShaH sahasrAkShaH purandaraH | sahasrarashmirmihiro vividhAmbarabhUShaNaH || 18|| khagaH pratardano dhanyo hayago vAgvishAradaH | shrImAnashishiro vAgmI shrIpatiH shrIniketanaH || 19|| shrIkaNThaH shrIdharaH shrImAn shrInivAso vasupradaH | kAmachArI mahAmAyo mahogro.aviditAmayaH || 20|| tIrthakriyAvAn sunayo vibhakto bhaktavatsalaH | kIrtiH kIrtikaro nityaH kuNDalI kavachI rathI || 21|| hiraNyaretAH saptAshvaH prayatAtmA parantapaH | buddhimAnamarashreShTho rochiShNuH pAkashAsanaH || 22|| samudro dhanado dhAtA mAndhAtA kashmalApahaH | tamoghno dhvAntahA vahnirhotA.antaHkaraNo guhaH || 23|| pashumAn prayatAnando bhUteshaH shrImatAM varaH | nityo.adito nityarathaH sureshaH surapUjitaH || 24|| ajito vijito jetA ja~NgamasthAvarAtmakaH | jIvAnando nityagAmI vijetA vijayapradaH || 25|| parjanyo.agniH sthitiH stheyaH sthaviro.atha nira~njanaH | pradyotano rathArUDhaH sarvalokaprakAshakaH || 26|| dhruvo meShI mahAvIryo haMsaH saMsAratArakaH | sR^iShTikartA kriyAheturmArtaNDo marutAM patiH || 27|| marutvAn dahanastvaShTA bhago bhargo.aryamA kapiH | varuNesho jagannAthaH kR^itakR^ityaH sulochanaH || 28|| vivasvAn bhAnumAn kAryaH kAraNastejasAM nidhiH | asa~NgagAmI tigmAMshurgharmAMshurdIptadIdhitiH || 29|| sahasradIdhitirbradhnaH sahasrAMshurdivAkaraH | gabhastimAn dIdhitimAn sragvI maNikuladyutiH || 30|| bhAskaraH surakAryaj~naH sarvaj~nastIkShNadIdhitiH | surajyeShThaH surapatirbahuj~no vachasAM patiH || 31|| tejonidhirbR^ihattejA bR^ihatkIrtirbR^ihaspatiH | ahimAnUrjito dhImAnAmuktaH kIrtivardhanaH || 32|| mahAvaidyo gaNapatirdhanesho gaNanAyakaH | tIvrapratApanastApI tApano vishvatApanaH || 33|| kArtasvaro hR^iShIkeshaH padmAnando.atinanditaH | padmanAbho.amR^itAhAraH sthitimAn ketumAn nabhaH || 34|| anAdyanto.acyuto vishvo vishvAmitro ghR^iNirvirAT | Amuktakavacho vAgmI ka~nchukI vishvabhAvanaH || 35|| animittagatiH shreShThaH sharaNyaH sarvatomukhaH | vigAhI veNurasahaH samAyuktaH samAkratuH || 36|| dharmaketurdharmaratiH saMhartA saMyamo yamaH | praNatArtiharo vAyuH siddhakAryo janeshvaraH || 37|| nabho vigAhanaH satyaH savitAtmA manoharaH | hArI harirharo vAyurR^ituH kAlAnaladyutiH || 38|| sukhasevyo mahAtejA jagatAmekakAraNam | mahendro viShTutaH stotraM stutihetuH prabhAkaraH || 39|| sahasrakara AyuShmAn aroShaH sukhadaH sukhI | vyAdhihA sukhadaH saukhyaM kalyANaH kalatAM varaH || 40|| ArogyakAraNaM siddhirR^iddhirvR^iddhirbR^ihaspatiH | hiraNyaretA ArogyaM vidvAn bradhno budho mahAn || 41|| prANavAn dhR^itimAn gharmo gharmakartA ruchipradaH | sarvapriyaH sarvasahaH sarvashatruvinAshanaH || 42|| prAMshurvidyotano dyotaH sahasrakiraNaH kR^itI | keyUrI bhUShaNodbhAsI bhAsito bhAsano.analaH || 43|| sharaNyArtiharo hotA khadyotaH khagasattamaH | sarvadyoto bhavadyotaH sarvadyutikaro mataH || 44|| kalyANaH kalyANakaraH kalyaH kalyakaraH kaviH | kalyANakR^it kalyavapuH sarvakalyANabhAjanam || 45|| shAntipriyaH prasannAtmA prashAntaH prashamapriyaH | udArakarmA sunayaH suvarchA varchasojjvalaH || 46|| varchasvI varchasAmIshastrailokyesho vashAnugaH | tejasvI suyashA varShmI varNAdhyakSho balipriyaH || 47|| yashasvI tejonilayastejasvI prakR^itisthitaH | AkAshagaH shIghragatirAshugo gatimAn khagaH || 48|| gopatirgrahadevesho gomAnekaH prabha~njanaH | janitA prajano jIvo dIpaH sarvaprakAshakaH || 49|| sarvasAkShI yoganityo nabhasvAnasurAntakaH | rakShoghno vighnashamanaH kirITI sumanaHpriyaH || 50|| marIchimAlI sumatiH kR^itAbhikhyavisheShakaH | shiShTAchAraH shubhAkAraH svachArAchAratatparaH || 51|| mandAro mATharo veNuH kShudhApaH kShmApatirguruH | suvishiShTo vishiShTAtmA vidheyo j~nAnashobhanaH || 52|| mahAshvetaH priyo j~neyaH sAmago mokShadAyakaH | sarvavedapragItAtmA sarvavedalayo mahAn || 53|| vedamUrtishchaturvedo vedabhR^idvedapAragaH | kriyAvAnasito jiShNurvarIyAMshurvarapradaH || 54|| vratachArI vratadharo lokabandhurala~NkR^itaH | ala~NkArAkSharo vedyo vidyAvAn viditAshayaH || 55|| AkAro bhUShaNo bhUShyo bhUShNurbhuvanapUjitaH | chakrapANirdhvajadharaH suresho lokavatsalaH || 56|| vAgmipatirmahAbAhuH prakR^itirvikR^itirguNaH | andhakArApahaH shreShTho yugAvarto yugAdikR^it || 57|| aprameyaH sadAyogI niraha~NkAra IshvaraH | shubhapradaH shubhaH shAstA shubhakarmA shubhapradaH || 58|| satyavAn shrutimAnucchairnakAro vR^iddhido.analaH | balabhR^idbalado bandhurmatimAn balinAM varaH || 59|| ana~Ngo nAgarAjendraH padmayonirgaNeshvaraH | saMvatsara R^iturnetA kAlachakrapravartakaH || 60|| padmekShaNaH padmayoniH prabhAvAnamaraH prabhuH | sumUrtiH sumatiH somo govindo jagadAdijaH || 61|| pItavAsAH kR^iShNavAsA digvAsAstvindriyAtigaH | atIndriyo.anekarUpaH skandaH parapura~njayaH || 62|| shaktimA~njaladhR^igbhAsvAn mokShaheturayonijaH | sarvadarshI jitAdarsho duHsvapnAshubhanAshanaH || 63|| mA~NgalyakartA taraNirvegavAn kashmalApahaH | spaShTAkSharo mahAmantro vishAkho yajanapriyaH || 64|| vishvakarmA mahAshaktirdyutirIsho viha~NgamaH | vichakShaNo dakSha indraH pratyUShaH priyadarshanaH || 65|| akhinno vedanilayo vedavidviditAshayaH | prabhAkaro jitaripuH sujano.aruNasArathiH || 66|| kunAshI surataH skando mahito.abhimato guruH | graharAjo grahapatirgrahanakShatramaNDalaH || 67|| bhAskaraH satatAnando nandano naravAhanaH | ma~Ngalo.atha ma~NgalavAn mA~Ngalyo ma~NgalAvahaH || 68|| ma~NgalyachArucharitaH shIrNaH sarvavrato vratI | chaturmukhaH padmamAlI pUtAtmA praNatArtihA || 69|| aki~nchanaH satAmIsho nirguNo guNavA~nchuchiH | sampUrNaH puNDarIkAkSho vidheyo yogatatparaH || 70|| sahasrAMshuH kratumatiH sarvaj~naH sumatiH suvAk | suvAhano mAlyadAmA kR^itAhAro haripriyaH || 71|| brahmA prachetAH prathitaH prayatAtmA sthirAtmakaH | shatavinduH shatamukho garIyAnanalaprabhaH || 72|| dhIro mahattaro vipraH purANapuruShottamaH | vidyArAjAdhirAjo hi vidyAvAn bhUtidaH sthitaH || 73|| anirdeshyavapuH shrImAn vipApmA bahuma~NgalaH | svaHsthitaH surathaH svarNo mokShado baliketanaH || 74|| nirdvandvo dvandvahA sargaH sarvagaH sa.nprakAshakaH | dayAluH sUkShmadhIH kShAntiH kShemAkShemasthitipriyaH || 75|| bhUdharo bhUpatirvaktA pavitrAtmA trilochanaH | mahAvarAhaH priyakR^iddAtA bhoktA.abhayapradaH || 76|| chakravartI dhR^itikaraH sampUrNo.atha maheshvaraH | chaturvedadharo.achintyo vinindyo vividhAshanaH || 77|| vichitraratha ekAkI saptasaptiH parAtparaH | sarvodadhisthitikaraH sthitistheyaH sthitipriyaH || 78|| niShkalaH puShkalo vibhurvasumAn vAsavapriyaH | pashumAn vAsavasvAmI vasudhAmA vasupradaH || 79|| balavAn j~nAnavAMstattvamo~NkArastriShu saMsthitaH | sa~NkalpayonirdinakR^idbhagavAn kAraNApahaH || 80|| nIlakaNTho dhanAdhyakShashchaturvedapriyaMvadaH | vaShaTkArodgAtA hotA svAhAkAro hutAhutiH || 81|| janArdano janAnando naro nArAyaNo.ambudaH | sandehanAshano vAyurdhanvI suranamaskR^itaH || 82|| vigrahI vimalo vindurvishoko vimaladyutiH | dyutimAn dyotano vidyudvidyAvAn vidito balI || 83|| gharmado himado hAsaH kR^iShNavartmA sutAjitaH | sAvitrIbhAvito rAjA vishvAmitro ghR^iNirvirAT || 84|| saptArchiH saptaturagaH saptalokanamaskR^itaH | sampUrNo.atha jagannAthaH sumanAH shobhanapriyaH || 85|| sarvAtmA sarvakR^it sR^iShTiH saptimAn saptamIpriyaH | sumedhA medhiko medhyo medhAvI madhusUdanaH || 86|| a~NgiraHpatiH kAlaj~no dhUmaketuH suketanaH | sukhI sukhapradaH saukhyaM kAmI kAntipriyo muniH || 87|| saukhyaM kAntiH santApanaH santapana AtapastapasAM patiH | umApatiH sahasrAMshuH priyakArI priya~NkaraH || 88|| prItirvimanyurambhotthaH kha~njano jagatAM patiH | jagatpitA prItamanAH sarvaH kharvo guho.achalaH || 89|| sarvago jagadAnando jagannetA surArihA | shreyaH shreyaskaro jyAyAn mahAnuttama udbhavaH || 90|| uttamo merumeyo.atha dharaNo dharaNIdharaH | dharAdhyakSho dharmarAjo dharmAdharmapravartakaH || 91|| rathAdhyakSho rathagatistaruNastanito.analaH | uttaro.anuttarastApI avAkpatirapAM patiH || 92|| puNyasa~NkIrtanaH puNyo heturlokatrayAshrayaH | svarbhAnurvigatAnando vishiShTotkR^iShTakarmakR^it || 93|| vyAdhipraNAshanaH kShemaH shUraH sarvajitAM varaH | ekaratho rathAdhIshaH pitA shanaishcharasya hi || 94|| vaivasvatagururmR^ityurdharmanityo mahAvrataH | pralambahAraasa~nchArI pradyoto dyotitAnalaH || 95|| santApahR^it paro mantro mantramUrtirmahAbalaH | shreShThAtmA supriyaH shambhurmarutAmIshvareshvaraH || 96|| saMsAragativicchettA saMsArArNavatArakaH | saptajihvaH sahasrArchI ratnagarbho.aparAjitaH || 97|| dharmaketurameyAtmA dharmAdharmavarapradaH | lokasAkShI lokagururlokeshashchaNDavAhanaH || 98|| dharmayUpo yUpavR^ikSho dhanuShpANirdhanurdharaH | pinAkadhR^i~NmahotsAho mahAmAyo mahAshanaH || 99|| vIraH shaktimatAM shreShThaH sarvashastrabhR^itAM varaH | j~nAnagamyo durArAdhyo lohitA~Ngo vivardhanaH || 100|| khago.andho dharmado nityo dharmakR^icchitravikramaH | bhagavAnAtmavAn mantrastryakSharo nIlalohitaH || 101|| eko.anekastrayI kAlaH savitA samiti~njayaH | shAr~NgadhanvA.analo bhImaH sarvapraharaNAyudhaH || 102|| sukarmA parameShThI cha nAkapAlI divisthitaH | vadAnyo vAsukirvaidya Atreyo.atha parAkramaH || 103|| dvAparaH paramodAraH paramo brahmacharyavAn | udIcyaveSho mukuTI padmahasto himAMshubhR^it || 104|| sitaH prasannavadanaH padmodaranibhAnanaH | sAyaM divA divyavapuranirdeshyo mahAlayaH || 105|| mahAratho mahAnIshaH sheShaH sattvarajastamaH | dhR^itAtapatrapratimo vimarShI nirNayaH sthitaH || 106|| ahiMsakaH shuddhamatiradvitIyo vivardhanaH | sarvado dhanado mokSho vihArI bahudAyakaH || 107|| chArurAtriharo nAtho bhagavAn sarvago.avyayaH | manoharavapuH shubhraH shobhanaH suprabhAvanaH || 108|| suprabhAvaH supratApaH sunetro digvidikpatiH | rAj~nIpriyaH shabdakaro graheshastimirApahaH || 109|| saiMhikeyaripurdevo varado varanAyakaH | chaturbhujo mahAyogI yogIshvarapatistathA || 110|| anAdirUpo.aditijo ratnakAntiH prabhAmayaH | jagatpradIpo vistIrNo mahAvistIrNamaNDalaH || 111|| ekachakrarathaH svarNarathaH svarNasharIradhR^ik | nirAlambo gaganago dharmakarmaprabhAvakR^it || 112|| dharmAtmA karmaNAM sAkShI pratyakShaH parameshvaraH | merusevI sumedhAvI merurakShAkaro mahAn || 113|| AdhArabhUto ratimAMstathA cha dhanadhAnyakR^it | pApasantApahartA cha manovA~nchitadAyakaH || 114|| rogahartA rAjyadAyI ramaNIyaguNo.anR^iNI | kAlatrayAnantarUpo munivR^indanamaskR^itaH || 115|| sandhyArAgakaraH siddhaH sandhyAvandanavanditaH | sAmrAjyadAnanirataH samArAdhanatoShavAn || 116|| bhaktaduHkhakShayakaro bhavasAgaratArakaH bhayApahartA bhagavAnaprameyaparAkramaH | manusvAmI manupatirmAnyo manvantarAdhipaH || 117|| phalashrutiH etatte sarvamAkhyAtaM yanmAM tvaM paripR^icchasi | nAmnAM sahasraM savituH pArAsharyo yadAha me || 1|| dhanyaM yashasyamAyuShyaM duHkhaduHsvapnanAshanam | bandhamokShakaraM chaiva bhAnornAmAnukIrtanAt || 2|| yastvidaM shR^iNuyAnnityaM paThedvA prayato naraH | akShayaM sukhamannAdyaM bhavettasyopasAdhitam || 3|| nR^ipAgnitaskarabhayaM vyAdhito na bhayaM bhavet | vijayI cha bhavennityamAshrayaM paramApnuyAt || 4|| kIrtimAn subhago vidvAn sa sukhI priyadarshanaH | jIvedvarShashatAyushcha sarvavyAdhivivarjitaH || 5|| nAmnAM sahasramidamaMshumataH paThedyaH prAtaH shuchirniyamavAn susamR^iddhiyuktaH | dUreNa taM pariharanti sadaiva rogAH bhUtAH suparNamiva sarvamahoragendrAH || 6|| || iti shrI bhaviShyapurANe saptamakalpe shrIbhagavatsUryasya sahasranAmastotraM sampUrNam || ## Originally encoded and proofread by Kirk Wortman kirkwort at hotmail.com from Shaktapramod Revised by PSA Easwaran from Gita press to avoid errors. \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}