% Text title            : taraNivAkkusumAnjaliH Shlokas addressed to Sun God and Lord Shiva
% File name             : taraNivAkkusumAnjaliH.itx
% Category              : navagraha, shiva
% Location              : doc\_z\_misc\_navagraha
% Author                : Ichcharamashastri
% Transliterated by     : Sunder Hattangadi
% Proofread by          : Sunder Hattangadi
% Description/comments  : Article is by Sharmila Bagchi, pp 393-400, Srutimahati, Glory of Sanskrit Tradition, Ram Karan Sarma Felicitation Volume, Ed. Radhavallabh Tripathi, Part 2
% Latest update         : September 4, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. taraNivAkkusumAjjaliH ..}##
\itxtitle{.. taraNivAkkusumAjjaliH ..}##\endtitles ##
shrIgaNeshAya namaH |
aruNakamalAsanasthaM trinayanavedatrayAkR^itiM hastaiH |
dAnAbhaye saroje dadhataM vande.ahamarkamaruNAbham || 1||
keyUrakaTakakuNDalahAravibhUShAvibhUShaNottaMsam |
udayAchalachUDAmaNimanishaM dhAmaiva vedmi kimapi param || 2||
hitvA charaNAmbhojaM bhojaM bhojaM ha viShayaviShavallim |
mAdyanmanomilindastvayA trapo me.aja kimupekShyaH || 3||
viShakandalau, taruNyAH kuchau vijAnannamR^itakumbhau |
ghUrNaMstatra nimagnaH pUrNaM parimanyamAnaH eva svam || 4||
pariNAmaduHkhasAdhanamakhilaM sukhasA[dha]natvena |
gR^ihNan parApavAdaM paranindAM paravimatsaraM kurvan || 5||
madamatyayaM tvadanyaikhAryamApte manomilinde me |
yadihaudAsi(sI)nyaM te gadahantR^ittvaM tavaiva hatam || 6||
saMsArasA(shA)khishAkhAmR^igayA me hA manovR^ittyA |
kAmAtishItashAntyai tvatsmR^itivahnirna kAmakAkinyaH || 7||
trAto mayUramukhyo jAto yashasaH samudrekaH |
kimataH prayojanaM te svayashaHsa~NkochanirbhIkaH || 8||
yadyatipApiShTho.ahaM tathApi te nAtha nopekShyaH |
mAtrodarapatitaH kiM sarpaH paripAlyate naiva || 9||
mohAndhatamasabahutaraparibhR^ityaparasundarIdaryAm |
mayyashakte kaushikabud.h{}dhyA karuNo.asi kimita nendre hA || 10||
tvamadIno.ahaM dInastvaM sarvaj~no hyahaM tu ki~nchijj~naH |
tvaM shakto.ahamashaktaH kathamubhayoH shobhanAcharyyam || 11||
tvadupekShitaM tvanAtha | vadati jane mAM na lajjase nAtha |
uchitaM kA guNachintAM vedAnte nirguNe gIte || 12||
pApashavAdutpannA manmatijAyaiva tena viharantI |
AshApAshaM dattvA bhavakUpe kShipati pAhi dIna pumAn || 13||
karuNAgauravahitaM lipsAlaghumalpamanishaM mAm |
alpo.api viShayavAyurbhramayati bahu tUlamalaso.asi || 14||
tvadbhaktisArashUnyaM viShayamarudbhrAmitaM kR^ipAchandra |
karuNAkaTAkShakiraNastR^iNamiva kiM mAM vihAya visphurati || 15||
tribhuvanapAla mahesha mlAyati te bAlakulo.asau |
kAmadavAnaladagdhaH karuNAmR^itasechane kathaM kaThinaH || 16||
tR^iShNotkalikAkulitAnkAmamahAnakrakavalitAntanayAn |
saMsArasAgare magnAdbhItaH kathaM sahasrakaraH || 17||
vishvambhara tvadAj~nolla~Nghinamava mAM gale patitam |
pAyayati na payodharamambA kuTilaM shishuM gale lagnam || 18||
dishi dishi sarassu sarasIruheShu kR^ipayA karaH kathaM sphurati |
dInadayAlaya tava mama shiro.ambuje no svatantrasya || 19||
guNagurvI tvanmAyA navarasamaya mAM naTaM bhuvanara~Nge |
narttayati tvatpuratastuShyasi nAnekajanmabhUmikayA || 20||
balipadavIM na na cha sudhAM prabhutvamaindraM padaM na yAche.aham |
karuNAkaTAkShaleshaM sheShe bhavataH kathaM nimIlitadR^ik || 21||
rAgadveShAraNyaka kaNDagarIyAtijanitapa~Nkamalam |
saMshoShya mAnasaM me saraH kathaM pUryate na bodhajalaiH || 22||
raTanAM shR^iNoShi no me vikartanAnekasho.arthito.api baToH |
suptaH kiM gurukAryAshaktaH kiM vA vikarNo.asi || 23||
kAmAdishatrubhirme puraM vashIkR^itya puNyadhanam |
bobhujyate dayAlo naiva shayAlutvamuchitaM te || 24||
sharaNAgate tu pAmarabud.h{}dhyA mayi nAvahelanaM ghaTate |
shabarI rAmeNa kathaM kathaya kR^ipAlo kR^itA kR^ipApAtram || 25||
duHkhachapeTAM dAtuM yadyudyukto.asi te.aMshukaprAptam |
mu~ncheyaM tvaparAdhI lAlanamabhilAShukaH kathaM tAta || 26||
viShNo madIyasumatidupadasutAM dharmadurbaleshAM hA |
karShati keshagrAhaM matsaraduHshAsano gataH kvAsi || 27||
udare nArakakuNDe punaHpunashchenna tuShyasi kShipasi |
kShipa niHsR^itaM sR^itau mAM mAyApAshairbadhAna hR^itsvAmin || 28||
tejo.abhAvastama iti vitathaM kiM no bhaNanti kANAdAH |
bhavati tribhuvanadIpe.anyathA kathaM tadhR^idi syAnme || 29||
tribhuvanadIpAloke te.arthA~nja gato.avabhAsyati tUrNam |
dUrIkR^itya tamo me manasi tatastvaM svayaM na bhAsi katham || 30||
taraNau mAmaparAdhinamati yadi jAnAsyakhaNDavitataguNaiH |
svairbaddhvA karuNAbdhau virUpitaM kiM na mihira majjayasi || 31||
saptAshvamanasaturagaH kAmavasho me svavR^ittipariNatiShu |
vaDavAsu kiM vR^iShasyati nAruhya drAk kathaM vashIkuruShe || 32||
samadR^iShTestava 'karuNA mayi bhUtalavajjapAsu lauhityam |
anyatra sphaTika iva prabhAti vaiShamyamiti kuto.adhItam || 33||
raTayasi bahulaM ghaTayasi mayi na snehaM manA~Nviramati me |
chetastat kaTuvAgbhiryadyasi ruShTaH kathaM na nAshayasi || 34||
tvatkaruNA dvApariNA tvatsmR^itiduHkhe mayA prabho bhajatA |
seShanmumukShuNAptAnumIyate.ato viramyate naiva || 35||
yadya~NkuritAnumitA janyajanakabhAvabha~njanApatteH |
sA.astyeva pAmare mayi pUrNaya pUrNo.asi naiva te.apekShA || 36||
guNavarNanopadeshaH pratAraNeyaM na vishvarUpakR^itA |
guNavarNanaM tvadIyaM janmashatenApi kena kartavyam || 37||
manmatiratyalpAto.alpamapi tvAM stotumIsha hreSheyam |
karuNAkaTAkSharahitastastrahi tasyAM na shaktihrAsaH syAt || 38||
bhavabhayahAramahAryaM nigurNadhAryaM bhayAdanuttAryam |
paramAnandAchAryaM tamayAnAryaM jahAtu mA mUDhaH || 39||
pUrayati mAnasaM yastvatsmR^itidhArAbhiravakaravyAptam |
bhUShayati paramahaMsastatte.asyA lolitAH pragatatIrAH || 40||
tvannAmasmR^ityaraNI samudgate j~nAnahutabhuji jitakAlAH |
viShayahavIMShyAjuhAti ye vairAgyatruruchA budhAH khakuNDasthe || 41||
mAnasararakto haMso bhavatkathAkAmadhenupIyUSham |
yaH pibati viShayanIrAduddhatyAsmAnna paramahaMso.anyaH || 42||
kalpatarukAmadogdhIchintAmaNayo.api yanmanorathadAH |
phalasi svaM phalamuchitaM svasevitustanmanaHpathAtItam || 43||
kShuNNaM yanmanasA tat svavilasitaM kalpapAdapaH phalati |
tvamataH svasevituH svaM phalaM vijAne manaHpathAtItam || 44||
tvadbhaktikAmadhenuM dogdhyamR^itaM dugdharatnagormeroH |
shira Akramate kalayati kuTilaM kAlaM palAlasadR^ishaM saH || 45||
tvajjanmamadhurimA yairanubhUtaste budhA budhA na budhAH |
spR^ihayanti tvannipItAdharaimbAyai na rambhAyai || 46||
ArUDhabhaktivIrudbhavadAhvA mandAchalakShubhitAt |
karuNAbdherbhavato.amR^itamAptamanantaM ta eva budhAH || 47||
agrasthitamukhachandrAdgalodayAdreruditamAttam |
tvannamahR^idguhAyAstamastatiM harati kiM bhavatspardhi || 48||
shatakoTidAnadakShaM vidagdhapApaughaparvatasmaraNam |
vimadIkR^itapavipariNatamaindrapadatvena nAma bhavadIyam || 49||
paitAmahIM tanuM tAM tadujjhitAM rAgiNIM yadudayAste |
yat samparkAt praNamati haro.apyataro.asmAt paraM na manye.aham || 50||
yashcharikariti hi vishvambarI bharityapi cha sa~njariharatitamAm |
a~njalirakAri tairapi sAyaM prAtaryadagrato vande || 51||
udaye vidhirUpastvaM madhyAhne sha~NkaraH svayaM sAyam |
viShNuriti vadantu vimalA vayaM tu yattvaM na tanna jAnImaH || 52||
saptasvarodakAntaM rasamiva shAntaM suvarNasaptAshvaiH |
saptabhiriva sAmabhirahamUDhaM dhAmaiva vedmi kimapi param || 53||
prAktanamanudinamuditaM virajaskaM rAgiNaM sadayamadayam |
phaladamaphaladaM sharaNaM kuru kuru re jIva jahihi mR^ityubhayam || 54||
dInadayAlaya ra~NkaM sha~Nkara kAmAnalAtiparitaptam |
ga~NgAdhara bhavajaladhau magnaM mAM pAhi paratantram || 55||
ashuchiM chaNDacharitraM mAM yadi jAnAsi chaNDikAjAne |
hAlAhalaM kapAlaM vyAlaM bhAlAnalaprabho jahihi || 56||
pApaM tvadekasharaNaM hAlAhalameva manyase yadi mAm |
tadvatkaNThavilagnaM tatra nimagnaM kathaM kuruShe vA || 57||
tvanmahimamadaparAdhau pAresa~NkhyaM tvapAdaparimANau |
tadanupamatvaM gachChati parikarabandhaM kathaM na kuruShe drAk || 58||
matsadR^ishaH patitaH syAnna patitapAvana kathaM tathA tvaM te |
mAmatipatitaM matvA hitvA voDhAsi kAM yashogranthim || 59||
yadi patitapAvanatvaM labdhuM patito.api sR^iShTA.asti |
tallabdhvA madupekShAvyAdhinivR^ittau bhiShagdrohaH || 60||
kalikAle janatAyAH svArthaparatvaM kathaM hi doShAya |
prabhurapi tathAvidhaH kiM yanmAM kInAsha Arpayasi patitam || 61||
sadhR^idayaM navanItaM mu~ncha kaThoratvamuchitaM te |
saMsArAnalataptaM majjaya karuNAmR^itAnbudhau mAM te || 62||
aparAdhAmbudhivallabha rAmasutotthaM vacho viShaM kaNThe |
saha rAkShepakaTutvaM dadhAti haratA na hastagA tasya || 63||
sAhunR^ipatibahumAnyo gokulatanayaH sukhAnandaH |
tadanujavallabharAmAtmechChArAmeNa mihiramagnahR^idA || 64||
shrImanmAdhavanarapativirachitajIvAtujanitasattvavatA |
vilasitapadapatrArpitanandakasadgandhamuditasamadhupam ||
rachitaM vAkkusumA~njali mIne phaladaM yudho.arpayatu || 65||

|| iti shrIichChArAmashAstrivirachitastaraNivAkkusumAjjaliH samAptaH ||

##
Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}