% Text title            : Vyasaproktam Surya Hridaya Stotram
% File name             : vyAsaproktaMsUryahRRidayastotram.itx
% Category              : navagraha, hRidaya, stotra
% Location              : doc\_z\_misc\_navagraha
% Proofread by          : PSA Easwaran
% Description/comments  : from Kurmapurana, kUrmapurANe uttarabhAge 18/33-49
% Latest update         : August 13, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vyasaproktam Surya Hridaya Stotram ..}##
\itxtitle{.. vyAsaproktaM sUryahR^idayastotram ..}##\endtitles ##
vyAsa uvAcha |
athopatiShThedAdityamudayantaM samAhitaH |
mantraistu vividhaiH saurai R^igyajuHsAmasambhavaiH || 1||
upasthAya mahAyogaM devadevaM divAkaram |
kurvIta praNatiM bhUmau mUrdhnA tenaiva mantrataH || 2||
OM ~NkhadyotAya cha shAntAya kAraNatrayahetave |
nivedayAmi chAtmAnaM namaste j~nAnarUpiNe || 3||
namaste ghR^iNine tubhyaM sUryAya brahmarUpiNe |
tvameva brahma paramamApo jyotI raso.amR^itam |
bhUrbhuvaHsvastvamo~NkAraH sharvarudraH sanAtanaH || 4||
puruShaH sanmaho.antasthaM praNamAmi kapardinam |
tvameva vishvaM bahudhA jAta yajjAyate cha yat |
namo rudrAya sUryAya tvAmahaM sharaNaM gataH || 5||
prachetase namastubhyaM namo mIDhuShTamAya te |
namo namaste rudrAya tvAmahaM sharaNaM gataH |
hiraNyabAhave tubhyaM hiraNyapataye namaH || 6||
ambikApataye tubhyamumAyAH pataye namaH |
namo.astu nIlagrIvAya namastubhyaM pinAkine || 7||
vilohitAya bhargAya sahasrAkShAya te namaH |
namo haMsAya te nityamAdityAya namo.astu te || 8||
namaste vajrahastAya tryambakAya namo namaH |
prapadye tvAM virUpAkShaM mahAntaM parameshvaram || 9||
hiraNmaye gR^ihe guptamAtmAnaM sarvadehinAm |
namasyAmi paraM jyotirbrahmANaM tvAM parAM gatim || 10||
vishvaM pashupatiM bhImaM naranArIsharIriNam |
namaH sUryAya rudrAya bhAsvate parameShThine || 11||
ugrAya sarvabhakShAya tvAM prapadye sadaiva hi |
etadvai sUryahR^idayaM japtvA stavamanuttamam || 12||
prAtaH kAle.atha madhyAhne namaskuryAddivAkaram |
idaM putrAya shiShyAya dhArmikAya dvijAtaye || 13||
pradeyaM sUryahR^idayaM brahmaNA tu pradarshitam |
sarvapApaprashamanaM vedasArasamudbhavam |
brAhmaNAnAM hitaM puNyamR^iShisa~NghairniShevitam || 14||
athAgamya gR^ihaM vipraH samAchamya yathAvidhi |
prajvAlya vihniM vidhivajjuhuyAjjAtavedasam || 15||
R^itvikputro.atha patnI vA shiShyo vA.api sahodaraH |
prApyAnuj~nAM visheSheNa juhuyurvA yatAvidhi || 16||
pavitrapANiH pUtAtmA shuklAmbaradharaH shuchiH |
ananyamAnaso vahniM juhuyAt saMyatendriyaH || 17||

iti kUrmapurANe uttarabhAge aShTAdashAdhyAyAntargataM
vyAsaproktaM sUryahR^idayastotraM samAptam |
kUrmapurANe uttarabhAge 18/33\-49
##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}