% Text title            : bhagavanmAnasapUjA
% File name             : bhagavanmAnasapUjA.itx
% Category              : pUjA, shankarAchArya
% Location              : doc\_z\_misc\_shankara
% Transliterated by     : Singanallur Ganesan singanallur at gmail.com
% Proofread by          : Singanallur Ganesan singanallur at gmail.com, PSA Easwaran
% Latest update         : June 3, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bhagavanmAnasapUjA ..}##
\itxtitle{.. bhagavanmAnasapUjA ..}##\endtitles ##

shrI gaNeshAya namaH ||
hR^idambhoje kR^iShNaH sajalajaladashyAmalatanuH
sarojAkShaH sragvI mukuTakaTakAdyAbharaNavAn |
sharadrAkAnAthapratimavadanaH shrImuralikAM
vahan dhyeyo gopIgaNaparivR^itaH ku~NkumachitaH  || 1||
payo.ambhodherdvIpAnmamahR^idayamAyAhi bhagavan
maNivrAtabhrAjatkanakavarapIThaM bhaja hare |
suchihnau te pAdau yadukulajanenejmi sujalaiH
gR^ihANedaM dUrvAphalajalavadarghyaM muraripo || 2||
tvamAchAmopendra tridashasaridambho.atishishiraM
bhajasvemaM pa~nchAmR^itarachitamAplAvamaghahan |
dyunadyAH kAlindyA api kanakakumbhasthitamidaM
jalaM tena snAnaM kuru kuru kuruShvAchamanakam || 3||
taDidvarNe vastre bhaja vijayakAntAdhiharaNa
pralambAribhrAtarmR^idulamupavItaM kuru gale |
lalATe pATIraM mR^igamadayutaM dhAraya hare
gR^ihANedaM mAlyaM shatadalatulasyAdirachitam || 4||
dashA~NgaM dhUpaM sadvaradacharaNAgre.arpitamaye
mukhaM dIpenenduprabhavarajasA deva kalaye |
imau pANI vANIpatinuta sakarpUrarajasA
vishodhyAgre dattaM salilamidamAchAma nR^ihare || 5||
sadA tR^iptAnnaM ShaDrasavadakhilavya~njanayutaM
suvarNAmatre goghR^itachaShakayukte sthitamidam |
yashodAsUno tatparamadayayA.ashAna sakhibhiH
prasAdaM vA.nChadbhiH saha tadanu nIraM piba vibho || 6||
sachandraM tAmbUlaM mukharuchikaraM bhakShaya hare
phalaM svAdu prItyA parimalavadAsvAdaya chiram |
saparyAparyAptyai kanakamaNijAtaM sthitamidaM
pradIpairArAtriM jaladhitanayA.a.ashliShTa rachaye || 7||
vijAtIyaiH puShpairabhisurabhibhirbilvatulasI\-
yutaishchemaM puShpA~njalimajita te mUrdhni nidadhe |
tava prAdakShiNyakramaNamaghavidhva.nsirachitaM
chaturvAraM viShNo janipathagatishrAntaviduShA || 8||
namaskAro.aShTA~NgaH sakaladuritadhva.nsanapaTuH
kR^itaM nR^ityaM gItaM stutirapi ramAkAnta ta imam |
tava prItyai bhUyAdahamapi cha dAsastava cha dAsastava vibho
kR^itaM ChidraM pUrNaM kuru kuru namaste.astu bhagavan || 9||
sadA sevyaH kR^iShNaH sajalaghananIlaH karatale
dadhAno dadhyannaM tadanu navanItaM muralikAm |
kadAchitkAntAnAM kuchakalashapatrAlirachanA\-
samAsaktaM snigdhaiH saha shishuvihAraM virachayan || 10||
maNikarNIchChayA jAtamidaM mAnasapUjanam |
yaH kurvItoShasi prAj~nastasya kR^iShNaH prasIdati || 11||

iti shrI sha~NkarAchAryavirachitaM bhagavanmAnasapUjanam ||

##

Encoded and proofread by Singanallur Ganesan singanallur at gmail.com
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}