% Text title            : Laghu Vakya Vritti
% File name             : laghuvak.itx
% Category              : shankarAchArya
% Location              : doc\_z\_misc\_shankara
% Author                : Adi Shankaracharya
% Transliterated by     : Sunder Hattangadi (sunderh at hotmail)
% Proofread by          : Sunder Hattangadi (sunderh at hotmail)
% Translated by         : -
% Description-comments  : Abridged version of Vakyavritti
% Latest update         : Mar. 28, 2002 [Phalgun Pournima - 'Holi']
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Laghu-Vakya-Vritti ..}##
\itxtitle{.. laghuvAkyavR^ittiH ..}##\endtitles ##

sthUlo mA.nsamayo deho sUkShmaH syAdvAsanAmayaH |
j~nAnakarmendriyaiH sArdha.n dhIprANau tachCharIragau || 1||
aj~nAna.n kAraNa.n sAkShI bodhasteShA.n vibhAsakaH |
bodhAbhAso buddhigataH kartA syAtpuNyapApayoH || 2||
sa eva sa.nsaretkarmavashAllokadvaye sadA |
bodhAbhAsAchChuddhabodha.n vivichyAdatiyatnataH || 3||
jAgarasvapnayoreva bodhAbhAsaviDambanA |
suptau tu tallaye bodhaH shuddho jADyaM prakAshayet || 4||
jAgare.api dhiyastUShNImbhAvaH shuddhena bhAsyate |
dhIvyApArAshcha chidbhAsyAshchidAbhAsena sa.nyutAH || 5||
vahnitaptajala.n tApayukta.n dehasya tApakam |
chidbhAsyA dhIstadAbhAsayuktAnyaM bhAsayettathA || 6||
rUpAdau guNadoShAdivikalpA buddhigAH kriyAH |
tAH kriyA viShayaiH sArdhaM bhAsayantI chitirmatA || 7||
rUpAchcha guNadoShAbhyA.n viviktA kevalA chitiH |
saivAnuvartate rUparasAdInA.n vikalpane || 8||
kShaNe kShaNe.anyathAbhUtA dhIvikalpAshchitirna tu |
muktAsu sUtravadbuddhivikalpeShu chitistathA || 9||
muktAbhirAvR^ita.n sUtraM muktayormadhya IkShyate |
tathA vR^ittivikalpaishchitspaShTA madhye vikalpayoH || 10||
naShTe pUrvavikalpe tu yAvadanyasya nodayaH |
nirvikalpakachaitanya.n spaShTa.n tAvadvibhAsate || 11||
ekadvitrikShaNeShveva.n vikalpasya nirodhanam |
krameNAbhyasyatA.n yatnAdbrahmAnubhavakA~NkShibhiH || 12||
savikalpajIvo.ayaM brahma tannirvikalpakam |
ahaM brahmeti vAkyena so.ayamartho.abhidhIyate || 13||
savikalpakachidyo.ahaM brahmaika.n nirvikalpakam |
svataHsiddhA vikalpAste niroddhavyAH prayatnataH || 14||
shakyaH sarvanirodhena samAdhiryoginaM priyaH |
tadashaktau kShaNa.n ruddhvA shraddhAlurbrahmatAtmanaH || 15||
shraddhAlurbrahmatA.n svasya chintayedbuddhivR^ittibhiH |
vAkyavR^ittyA yathAshakti j~nAtvAddhAbhyasyatA.n sadA || 16||
tachchintana.n tatkathanamanyonya.n tatprabodhanam |
etadekaparatva.n cha brahmAbhyAsa.n vidurbudhAH || 17||
dehAtmadhIvadbrahmAtmadhIdArDhye kR^itakR^ityatA |
yadA tadAyaM mriyatAM mukto.asau nAtra sa.nshayaH || 18||
iti shrImatparamaha.nsaparivrAjakAchAryasya
shrIgovindabhagavatpUjyapAdashiShyasya
shrImachCha~NkarabhagavataH kR^itau
laghuvAkyavR^ittiH sampUrNA ||
##
Encoded by Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}