% Text title            : mantra mAtRikA puShpamAlA stavaH Shri Parvati Manasa Stotram 08 28
% File name             : mantramAtRikApuShpamAlA.itx
% Category              : mAlAmantra, shankarAchArya, mantra, panchadashI
% Location              : doc\_z\_misc\_shankara
% Author                : Shankaracharya
% Transliterated by     : V. Gopalakrishnan visgop at gmail.com, Aravind Krishnan
% Proofread by          : V. Gopalakrishnan visgop at gmail.com, Sridhar Seshagiri seshagir at engineering.sdsu.edu, Rajesh Thyagarajan
% Description-comments  : From stotrArNavaH 08-28
% Latest update         : December 27, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mantra Matrika Pushpamala Stavah ..}##
\itxtitle{.. mantramAtR^ikApuShpamAlAstavaH ..}##\endtitles ##
pArvatImAnasastotraM cha
shrIgaNeshAya namaH |
OM ka e I la hrIM ha sa ka ha la hrIM sa ka la hrIM shrIM |
kallolollasitAmR^itAbdhilaharImadhye virAjanmaNi\-
     dvIpe kalpakavATikAparivR^ite kAdambavATyujjvale |
ratnastambhasahasranirmitasabhAmadhye vimAnottame
     chintAratnavinirmitaM janani te sihmAsanaM bhAvaye || 1||
eNA~NkAnalabhAnumaNDalalasachChrIchakramadhye sthitAM
     bAlArkadyutibhAsurAM karatalaiH pAshA~Nkushau bibhratIm |
chApaM bANamapi prasannavadanAM kausumbhavastrAnvitAM
     tAM tvAM chandrakalAvatamsamakuTAM chArusmitAM bhAvaye || 2||
IshanAdipadaM shivaikaphaladaM ratnAsanaM te shubhaM (phalakaM)
     pAdyaM ku~NkumachandanAdibharitairarghyaM saratnAkShataiH |
shuddhairAchamanIyakaM tava jalairbhaktyA mayA kalpitaM
     kAruNyAmR^itavAridhe tadakhilaM santuShTaye kalpatAm || 3||
lakShye yogijanasya rakShitajagajjAle vishAlekShaNe
     prAleyAmbupaTIraku~NkumalasatkarpUramishrodakaiH |
gokShIrairapi nArikelasalilaiH shuddhodakairmantritaiH
     snAnaM devi dhiyA mayaitadakhilaM santuShTaye kalpatAm || 4||
hrI~NkArA~NkitamantralakShitatano hemAchalAtsa~nchitaiH
     ratnairujjvalamuttarIyasahitaM kausumbhavarNAMshukam |
muktAsantatiyadnyasUtramamalaM sauvarNatantUtbhavaM
     dattaM devi dhiyA mayaitadakhilaM santuShTaye kalpatAm || 5||
hamsairapyatilobhanIyagamane hArAvalImujjvalAM
     hindoladyutihIrapUritatare hemA~Ngadeka~NkaNe |
ma~njIrau maNikuNDale makuTamapyardhenduchUDAmaNiM
     nAsAmauktikama~NgulIyakaTakau kA~nchImapi svIkuru || 6||
sarvA~Nge ghanasAraku~NkumaghanashrIgandhapa~NkA~NkitaM
     kastUrItilaka~ncha phAlaphalake gorochanApatrakam |
gaNDAdarshanamaNDale nayanayordivyA~njanaM te.a~nchitaM
     kaNThAbje mR^iganAbhipa~NkamamalaM tvatprItaye kalpatAm || 7||
kalhArotpalamallikAmaruvakaiH sauvarNapa~Nkeruhai\-
     rjAtIchampakamAlatIvakulakairmandArakundAdibhiH |
ketakyA karavIrakairbahuvidhaiH kL^iptAH srajo mAlikAH
     sa~Nkalpena samarpayAmi varade santuShTaye gR^ihyatAm || 8||
hantAraM madanasya nandayasi yaira~Ngairana~Ngojjvalai\-
     ryairbhR^i~NgAvalinIlakuntalabharairbadhnAsi tasyAshayam |
tAnImAni tavAmba komalatarANyAmodalIlA gR^ihA\-
     NyAmodAya dashA~NgaguggulughR^itairdhUpairahaM dhUpaye || 9||
lakShmImujjvalayAmi ratnanivahotbhAsvatttare mandire
     mAlArUpavilambitairmaNimayastambheShu sambhAvitaiH |
chitrairhATakaputrikAkaradhR^itaiHgavyairghR^itairvardhitai\-
     rdivyairdIpagaNairdhiyA girisute santuShTaye kalpatAm || 10||
hrI~NkAreshvari taptahATakakR^itaiH sthAlIsahasrairbhR^itaM
     divyAnnaM ghR^itasUpashAkabharitaM chitrAnnabhedaM tathA |
dugdhAnnaM madhusharkarAdadhiyutaM mANikyapAtre sthitaM
     mAShApUpasahasramamba saphalaM naivedyamAvedaye || 11||
sachChAyairvaraketakIdalaruchA tAmbUlavallIdalaiH
     pUgairbhUriguNaiH sugandhimadhuraiH karpUrakhaNDojjvalaiH |
muktAchUrNavirAjitairbahuvidhairvaktrAmbujAmodanaiH
     pUrNA ratnakalAchikA tava mude nyastA purastAdume || 12||
kanyAbhiH kamanIyakAntibhirala~NkArAmalArArtikA
     pAtre mauktikachitrapa~NktivilasadkarpUradIpAvaliH | (dIpAlibhiH)
utattattAlamR^ida~NgagItasahitaM nR^ityatpadAmbhoruhaM
     mantrArAdhanapUrvakaM suvihitaM nIrAjanaM gR^ihyatAm || 13||
lakShmIrmauktikalakShakalpitasitachChatraM tu dhatte rasAd\-
     indrANI cha ratishcha chAmaravare dhatte svayaM bhAratI |
vINAmeNavilochanAH sumanasAM nR^ityanti tadrAgava\-
     dbhAvairA~NgikasAttvikaiH sphuTarasaM mAtastadAkarNyatAm || 14||
hrI~NkAratrayasampuTena manunopAsye trayImaulibhi\-
     rvAkyairlakShyatano tava stutividhau ko vA kShametAmbike |
sallApAH stutayaH pradakShiNashataM sa~nchAra evAstu te
     saMvesho namasaH sahasramakhilaM tvatprItaye kalpatAm || 15||
shrImantrAkSharamAlayA girisutAM yaH pUjayechchetasA
     sandhyAsu prativAsaraM suniyatastasyAmalaM syAnmanaH |
chittAmbhoruhamaNDape girisutA nR^ittaM vidhatterasA\-
     dvANI vaktrasaroruhe jaladhijA gehe jaganma~NgalA || 16||
iti girivaraputrIpAdarAjIvabhUShA
     bhuvanamamalayantI sUktisaurabhyasAraiH |
shivapadamakarandasyandinIyaM nibaddhA
     madayatu kavibhR^i~NgAnmAtR^ikApuShpamAlA || 17||

iti shrImachCha~NkarabhagavatpAdavirachitaH
mantramAtR^ikApuShpamAlAstavaH sampUrNaH ||
##
Encoded by V. Gopalakrishnan visgop at gmail.com, Aravind Krishnan
Proofread by V. Gopalakrishnan visgop at gmail.com,
Sridhar Seshagiri seshagir at engineering.sdsu.edu

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}