%@@1
% File name             : paJNchi.itx
%--------------------------------------------
% Text title            : pa~nchIkaraNam
%
% Author                : shrImachchha.nkarAchArya
% Language              : Sanskrit
% Subject               : philosophy/hinduism/religion
% Description/comments  :
% Transliterated by     : Dhrup Chand
% Proofread by          : Dhrup Chand, Sunder Hattangadi and David Lyttle dhlyttle@hotmail.com
% Translation by        : 
% Latest update         : April 30, 2009
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are
% needed for devanaagarii output and formatting.
%--------------------------------------------------------
 
\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. panchikaraNaM   ..}##
\itxtitle{.. pa~nchikaraNaM ..}##\endtitles ##
            AUM
shrImachchha.nkarAchAryavirachitam.h pa~nchIkaraNam.h
AUM pa~nchIkR^ita.npa~nchamahAbhUtAni tatkArya.n
      cha sarva.n virADityuchyate .
etatsthulashariramAtmanaH .
      IndriyairarthopalabdhirjAgaritam.h .
      tadubhayAbhimAnyAtmA vishvaH .
etat.h trayamakAraH .. 1..
apa~nchIkR^itapa~nchamahAbhUtAni pa~nchatanmAtraNi
     tatkArya.n cha pa~ncha prANAH dashendriyANi
     manobuddhishcheti saptadashaka.n li.njam.h bhautika.n
     hiraNyagarbha ityuchyate .
etatsUkShmashariramAtmanaH .. 2..
karaNeShUpasa.nhR^iteShu jAgaritasa.nskArajaH pratyayaH
     saviShayaH svapna ityuchyate .
yadubhayAbhimAnyAtmA taijasaH .
etat.h trayamukAraH .. 3..
sharIradvayakAraNamAtmAj~nAna.n
sAbhAsamavyAkR^itamityuchyate .
     etat.h kAraNasharIramAtmanaH .
tachcha na sannAsannApi sadasanna bhinna.n nAbhinna.n
     nApi bhinnAbhinna.n kutashchit.h
na niravayava.n na sAvayava.n
     nobhaya.n ki.ntu
kevalabrahmAtmaikatvaj~nAnApanodyam.h .. 4..
sarvaprakAraj~nAnopasa.nhAre buddheH
     kAraNAtmanA.avasthAna.n suShuptiH .
     tadubhayAmimAnyAtmA prAj~naH .
etat.h trayam.h makAraH .. 5..
akAra ukAre ukAro makAre makAra o.nkAre
o.nkAro.ahamyeva .
ahamAtmA sAkShI kevalashchinmAtrasvarUpaH
     nAj~nAna.n nApi tatkArya.n ki.ntu
     nityashuddhabuddhamuktasatyasbhAva.n
     paramAnandAdvaya.n pratyagbhUtachaitanya.n brahmai
     vAhamasmItyabhedenAvasthAna.n samAdhiH .. 6..
tattvamasi brahmahamasmi praj~nAnamAnanda.n brahma
     ayamAtmA brahma ityAdishrutibhyaH .. 7..
            iti pa~nchIkaraNa.n bhavati ..
            iti shrIsha~NkarAchAryavirachitaM pa~nchIkaraNam.h ..
\medskip\hrule\medskip
            pa~nchIkaraNavArttikam.h
            shrIsureshvarAchAryakR^ita
o.nkAraH sarvavedAnAM sArastattvaprakAshakaH .
tena chittasamAdhAna.n mumukShUNA.n prakAshyate .. 1..
AsIdekaM paraM brahma nityamuktamavIkriyam.h .
tatsvamAyAsamAveshAd.h bIjamavyAkR^itAtmakam.h .. 2..
tasmAdAkAshamutpannaM shabdatanmAtrarUpakam.h .
sparshAtmakastato vAyustejorUpAtmakaM tataH .. 3..
Apo rasAtmikAstasmAttAbhyo gandhAtmikA mahi .
shabdaikaguNamAkAshaM shabdasparshaguNo marUt.h .. 4..
shabdasparsharUpaguNaistriguNaM teja uchyate .
shabdasparsharUparasaguNairApashchaturguNAH .. 5..
shabdasparsharUparasagandhaiH pa~nchaguNA mahI .
tebhyaH samabhavatsUtraM bhUtaM sarvAtmakaM mahat.h .. 6..
tataH sthUlAni bhUtAni pa~ncha tebhyo virADabhUt.h .
pa~nchIkR^itAni bhUtAni sthUlAnItyuchyate budhaiH .. 7..
pR^ithivyAdIni bhUtAni pratyekaM vibhajed.h dvidhA .
ekaikaM bhAgamAdAya chaturdhA vibhajetpunaH .. 8..
ekaikaM bhAgamekasmin.h bhUte sa.nveshayetkramAt.h .
tatashchAkAshabhUtasya bhAgAH pa~ncha bhavanti hi .. 9..
vAyvAdibhAgAshchtvAro vAyvAdiShvevamAdishet.h .
pa~nchIkaraNametatsyAdityahustattvavedinaH .. 10..
pa~nchakR^itAni bhUtAni tatkArya.n cha virAD bhavet.h .
sthUlaM sharIrametatsyAdasharIrasya chAtmanaH .. 11..
adhidaivatamadhyAtmamadhibhUtamiti tridhA .
ekaM brahma vibhAgena bhramAdmAti na tattvattaH .. 12..
indriyairarthavij~nAnaM devatAnugrahAntivataiH .
shabdAdiviShayaM j~nAnaM tajjAgaritamuchyate .. 13..
shrotramadhyAtmamityuktaM shrotavyaM shabdalakShaNam.h .
adhibhUtaM tadityuktaM dishastatrAdhidaivatam.h .. 14..
tvagadhyAtmamiti proktaM spraShTavyaM sparshalakShaNam.h
adhibhUtaM tadityuktaM vAyustatradhidaivatam.h .. 15..
chakShuradhyAtmamityuktaM draShTavyaM rUpalakShaNam.h .
adhibhUtaM tadityuktamAdityo.atrAdhidaivatam.h .. 16..
jihvA.adhyAtma.n tayA.asvAdyamAdhibhUtaM rasAtmakam.h .
varUNo devatA tatra jihvAyAmadhidaivatam.h .. 17..
dhrANamadhyAtmamityuktaM dhrAtavyaM gandhalakShaNam.h .
adhibhUtaM tadityuktaM pR^ithivyatrAdhidaivatam.h .. 18..
vAgadhyAtmamiti proktaM vaktvayaM shabdalakShaNam.h .
adhibhUtaM tadityuktamagnistatrAdhidaivatam.h .. 19..
hastAvadhyAtmamityuktamAdAtavyaM cha yadmavet.h .
adhibhUtaM tadityyuktamindrastatrAdhidaichatam.h .. 20..
pAdAvadhyAtmamityuktaM gantavyaM tatra yadmavet.h .
adhibhUtaM tadityuktaM viShNustatrAdhidaivatam.h .. 21..
pAyurindriyamadhyAtmaM visargastatra yo bhavet.h .
adhibhUtaM tadityuktamM mR^ityustatrAdhidaivatam.h .. 22..
upasthendriyamadhyAtmaM stryAdyAnandasya kAraNam.h
adibhUtaM tadityuktamadhidaivaM prajApatiH .. 23..
mano.adhyAtmamiti proktaM mantavyaM tatra yadmavet.h .
adhibhUtaM tadityuktaM chandrastatrAdhidaivatam.h .. 24..
buddhiradhyAtmamityuktaM boddhavyaM tatra yadmavet.h .
adhibhUtaM tadityuktamadhidaivaM bR^ihaspatiH .. 25..
aha.nkArastathA.adhyAtmamaha.nkartavyameva cha .
adhibhUtaM tadityuktaM rUdrastatrAdhidaivatam.h .. 26..
chitamadhyAtmamityuktaM chetavyaM tatra yadmavet.h .
adhibhUtaM tadityuktaM kShetraj~no.atrAadhidaivatam.h .. 27..
tamo.adhyAtmamatmiti proktaM vikArastatra yo bhavet.h .
adhibhUtaM tadityuktamIshvaro.atrAdhidaivatam.h .. 28..
bAhyAntaHkaraNairevaM devatAnugrahAnvitaiH .
svaM svaM cha viShyaj~nAnaM tajjAgaritamuchyate .. 29
yeyaM jAgaritAvasthA sharIraM karaNAshrayam.h .
yastayorabhimAnI syadvishva ityabhidhIyate .. 30..
vishvaM vairAjarUpeNa pashyedmedanivR^ittaye .
j~nAnendriyANi pa~nchaiva pa~ncha karmendriyANi cha .. 31..
shrotratva~NnayanaghrANajihvA dhIndriyapa~nchakam.h .
vAk.hpANipAdapAyUpasthAH karmendriyapa~nchakam.h .. 32..
manobuddhiraha.nkArashchittaM cheti chatuShTayam.h .
sa.nkalpAravyaM manorUpaM buddhirnishchayarUpiNI .. 33..
abhimAnAatmakastadvadaha.nkAraH prakIrtitaH .
anusa.ndhAnarUpamM cha chittamityabhidhIyate .. 34..
prANo.apAnastathA vyAna udAnAravyastathaiva cha .
samAnashcheti pa~nchaitAH kirtitAH praNavR^ittayaH .. 35..
khavAvyagnyambukShitayo bhUtasUkShmANi pa~ncha cha .
avidyAkAmakarmANi li~NgaM puyeShTakaM viduH .. 36..
etatsUkShmasharIraM syAnmAyikaM prAtyagAtmanaH .
karaNoparame jAgratsa.nkArotthaM prabodhavat.h .. 37..
grAhyagrAhakarUpeNa sphuraNaM svapna uchyate .
abhimAnI tayoryastu taijasaH parikIrtitaH .. 38..
hiraNyagarbharUpeNa taijasaM chintayed budhaH .
chaitanyAbhAsakhachitaM sharIradvayakAraNam.h .. 39..
AtmAj~nAnaM tadavyaktamavyAkR^itamitIryate .
na sannAsanna sadasadminnAbhinnaM na chAtmanaH .. 40..
na sabhAgaM na nirbhAgaM na chApyubhayarUpakam.h .
brahmAtmaikatvavij~nAnaheyaM mithyAtvakAraNAt.h .. 41..
j~nAnAnAmupasa.nhAro budveH karaNatAsthitiH .
vaTabIje vaTasyeva suShuptirabhidhIyate .. 42..
abhimAnI tayoryastu prAj~na ityabhidhIyate .
jagatkAraNarUpeNa prAj~nAtmAnaM vichintayet.h .. 43..
vishvataijasasauShupta virAT sUtrAkSharAtmabhiH .
vibhinnamiva sa.nmohAdekaM tattvaM chidAtmakam.h .. 44..
vishvAdikatrayaM yasmAdvairAjAditrayAtmakam.h .
ekatvenaiva sa.npashyedanyAbhAvaprasiddhaye .. 45..
AUMkAramAtramakhilaM vishvaprAj~nAdilakShaNam.h .
vAchyavAchakatAbhedAdme denAnupalAbdhitaH .. 46..
akAramAtraM vishvaH syAdukArastaijasaH smR^itaH .
prAj~no makAra ityevaM paripashyetkrameNa tu .. 47..
samAdhikAlAtpragevaM vichintyAtiprayatnataH .
sthUlasUkShmakramAtsarvaM chidAtmani vilApayet.h .. 48..
akAraM purUShaM vishvamukAre pravilApayet.h .
ukAraM taijasaM sUkShmaM makAre pravilApayet.h .. 49..
makAraM karaNaM prAj~naM chidAtmani vilApayet.h .
chidAtmA.ahaM nityashuddhabuddhamuktasadadvayaH .. 50..
paramAnandasa.ndohavAsudevo.ahamomiti .
j~nAtvA vivechakaM chittaM tatsAkShiNi vilApayet.h .. 51..
chidAtmani vilInaM chettachchittaM naiva chAlayet.h .
pUrNabodhAtmanA.asIta pUrNAchalasamudravat.h .. 52..
evaM samAhito yogI shraddhabhaktisamanvitaH .
jitendriyo jitakrodhaH pashyedAtmAnamadvayam.h .. 53..
AdimadhyAvasAneShu duHkhaM sarvamidaM yataH .
tasmAtsarvaM parityajya tattvaniShTho bhavetsadA .. 54..
yaH pashyetsarvagaM shAntamAnandAtmAnamadvayam.h .
na tena ki.nchidAptatyaM j~nAtavyaM vAvashiShyate .. 55..
kR^itakR^ityo bhavedvidvA~njIvanmukto bhavetsadA .
AtmanyevArUDhabhAvo jagadetanna vIkShate .. 56..
kadAchidavyavahAre tu dvaitaM yadyapi pashyati .
bodhAtmavyatirekeNa na pashyati chidanvayAt.h .. 57..
kintu pashyati mithayaiva di~N mohenduvibhAgavat.h .
pratibhAsaH sharIrasya tadA.aprArabdhasa.nkShayAt.h .. 58..
tasya tAvadeva chiramityAdi shrutirabravIt.h .
prArabdhasyAnuvR^ittistu muktasyAbhAsamAtrataH .. 59..
sarvadA mukta eva syAjj~nAtatattvaH pumAnasau .
prArabdhabhogasheShasya  sa.nkShaye tadanantaram.h .. 60..
avidyAtimirAtItaM sarvAbhAsavivarjitam.h .
chitanyamamalaM shuddhaM manovAchAmagocharam.h .. 61..
vAchyavAchakanirmuktaM heyopAdeyavarjitam.h .
praj~nAnaghanamAnandaM vaiShNavaM padamashnute .. 62..
idaM prakaraNaM yatnAjj~nAtavyaM bhagavattamaiH .
amAnitvAdiniyamairgurUbhaktiprasAdatah .. 63..
imAM vidyAM prayatnena yogI sa.ndhyAsu sarvadA .
samabhyasedihAmutrabhogAnAsaktadhIH sudhIH .. 64..
iti shrImatsureshvarAchAryavirachitaM pa~nchIkaraNavArttikaM sa.npUrNam.h ..
##
Encoded and proofread by Dhrup Chand
Proofread by Sunder Hattangadi and David Lyttle 
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}