% Text title            : Praudhanubhuti
% File name             : praudha.itx
% Category              : shankarAchArya
% Location              : doc\_z\_misc\_shankara
% Author                : Adi Shankaracharya
% Transliterated by     : Sunder Hattangadi (sunderh at hotmail)
% Proofread by          : Sunder Hattangadi (sunderh at hotmail)
% Latest update         : April 3, 2002
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Praudhanubhuti ..}##
\itxtitle{.. prauDhAnubhUtiH ..}##\endtitles ##

prauDhaprauDhanijAnubhUtigalitadvaitendrajAlo guru\-
rgUDha.n gUDhamaghaughaduShTakudhiyA.n spaShTa.n sudhIshAlinAm |
svAnte samyagihAnubhUtamapi sachChishiShyAvabodhAya ta\-
tsatya.n sa.nsmR^itavAnsamastajagatA.n naija.n nijAlokanAt || 1||
dvaita.n mayyakhila.n samutthitamidaM mithyA manaHkalpitaM
toya.n toyavivarjite marutale bhrAntyaiva siddha.n na hi |
yadyeva.n khalu dR^ishyametadakhila.n nAha.n na vA tanmama
prauDhAnandachidekasanmayavapuH shuddho.asmyakhaNDo.asmyaham || 2||
deho nAhamachetano.ayamanisha.n kuDyAdivannishchito
nAhaM prANamayo.api vA dR^itidhR^ito vAyuryathA nishchitaH |
so.aha.n nApi manomayaH kapichalaH kArpaNyaduShTo na vA
buddhirbuddhakuvR^ittikeva kuhanA nAj~nAnamandha.ntamaH || 3||
nAha.n khAdirapi sphuTaM marutalabhrAjatpayaHsAmyata\-
stebhyo nityavilakShaNo.akhiladR^ishiH sauraprakAsho yathA |
dR^ishyaiH sa~Ngavivarjito gaganavatsampUrNarUpo.asmyahaM
vastusthityanurodhatastvahamida.n vIchyAdi sindhuryathA || 4||
nirdvaito.asmyahamasmi nirmalachidAkAsho.asmi pUrNo.asmyahaM
nirdeho.asmi nirindriyo.asmi nitarA.n niShprANavargo.asmyaham |
nirmuktAshubhamAnaso.asmi vigaladvij~nAnakosho.asmyahaM
nirmAyo.asmi nirantaro.asmi vipulaprauDhaprakAsho.asmyaham || 5||
matto.anyanna hi ki.nchidasti yadi chidbhAsya.n tatastanmR^iShA
gu~njAvahnivadeva sarvakalanAdhiShThAnabhUto.asmyaham |
sarvasyApi dR^igasmyaha.n samarasaH shAnto.asmyapApo.asmyahaM
pUrNo.asmi dvayavarjito.asmi vipulAkAsho.asmi nityo.asmyaham || 6||
mayyasminparamArthake shrutishirovedye svato bhAsane
kA vA vipratipattiretadakhilaM bhAtyeva yatsa.nnidheH |
saurAlokavashAtpratItamakhilaM pashyanna tasmi~njanaH
sa.ndigdho.astyata eva kevalashivaH ko.api prakAsho.asmyaham || 7||
nityasphUrtimayo.asmi nirmalasadAkAsho.asmi shAnto.asmyahaM
nityAnandamayo.asmi nirgatamahAmohAndhakAro.asmyaham |
vij~nAtaM paramArthatattvamakhila.n naija.n nirastAshubhaM
muktaprApyamapAstabhedakalanAkaivalyasa.nj~no.asmyaham || 8||
svApnadvaitavadeva jAgratamapi dvaitaM manomAtrakaM
mithyetyeva vihAya sachchidamalasvAntaikarUpo.asmyaham |
yadvA vedyamasheShametadanishaM madrUpamevetyapi
j~nAtvA tyaktamarunmahodadhiriva prauDho gabhIro.asmyaham || 9||
gantavya.n kimihAsti sarvaparipUrNasyApyakhaNDAkR^iteH
kartavya.n kimihAsti niShkriyatanormokShaikarUpasya me |
nirdvaitasya na heyamanyadapi vA no vApyupeyAntaraM
shAnto.adyAsmi vimuktatoyavimalo megho yathA nirmalaH || 10||
ki.n na prAptamitaH purA kimadhunA labdha.n vichArAdinA
yasmAttatsukharUpameva satatta.n jAjvalyamAno.asmyaham |
ki.n vApekShyamihApi mayyatitarAM mithyAvichArAdikaM
dvaitAdvaitavivarjite samarase maunaM para.n sammatam || 11||
shrotavya.n cha kimasti pUrNasudR^isho mithyAparokShasya me
mantavya.n cha na me.asti ki.nchidapi vA niHsa.nshayajyotiShaH |
dhyAtR^idhyeyavibhedahAnivapuSho na dhyeyamastyeva me
sarvAtmaikamahArasasya satata.n no vA samAdhirmama || 12||
AtmAnAtmavivechanApi mama no vidvatkR^itA rochate\-
.anAtmA nAsti yadasti gocharavapuH ko vA vivektu.n kShamI |
mithyAvAdavichArachintanamaho kurvantyadR^iShTAtmakA
bhrAntA eva na pAragA dR^iDhadhiyastUShNI.n shilAvatsthitaH || 13||
vastusthityanurodhatastvahamaho kashchitpadArtho na chA\-
pyeva.n ko.api vibhAmi sa.ntatadR^ishI vA~NmAnasAgocharaH |
niShpApo.asmyabhayo.asmyaha.n vigataduHsha~NkAkala~Nko.asmyahaM
sa.nshAntAnupamAnashItalamahaHprauDhaprakAsho.asmyaham || 14||
yo.ahaM pUrvamitaH prashAntakalanAshuddho.asmi buddho.asmyahaM
yasmAnmatta ida.n samutthitamabhUdetanmayA dhAryate |
mayyeva pralayaM prayAti niradhiShThAnAya tasmai sadA
satyAnandachidAtmakAya vipulapraj~nAya mahya.n namaH || 15||
sattAchitsukharUpamasti satata.n nAha.n cha na tvaM mR^iShA
neda.n vApi jagatpradR^iShTamakhila.n nAstIti jAnIhi bho |
yatprokta.n karuNAvashAttvayi mayA tatsatyametatsphuTaM
shraddhatsvAnagha shuddhabuddhirasi chenmAtrAstu te sa.nshayaH || 16||
svArasyaikasubodhachArumanase prauDhAnubhUtistviyaM
dAtavyA na tu mohadugdhakudhiye duShTAntara~NgAya cha |
yeya.n ramyavidarpitottamashiraH prAptA chakAsti svayaM
sA chenmarkaTahastadeshapatitA ki.n rAjate ketakI || 17||
iti shrImatparamaha.nsaparivrAjakAchAryasya
shrIgovindabhagavatpUjyapAdashiShyasya
shrImachCha~NkarabhagavataH kR^itau
prauDhAnubhUtiH sampUrNA ||
##\medskip\hrule\obeylines
Encoded by Sunder Hattangadi (sunderh at hotmail.com)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}