% Text title : brihajjAtakam % File name : brihajjAtakam.itx % Category : jyotisha, sociology\_astrology, varAhamihira % Location : doc\_z\_misc\_sociology\_astrology % Author : Varahamihira % Transliterated by : Mizue Sugita December 12, 1994 Radu Canahai clradu at yahoo.com % Proofread by : Radu Canahai clradu at yahoo.com % Latest update : December 12, 1994, August 02, 2002 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. bRihajjAtaka by varAhamihIra ..}## \itxtitle{.. varAhamihIrasya bR^ihajjAtaka ..}##\endtitles ## prathamo.adhyAyaH rAshi prabheda mUrtitve parikalpitaH shasha bhR^ito vartmApunarjanmanAmAtmetyAtma vidAM kratushcha yajatAM bhartAmara jyotiShAm | lokAnAM pralayodbhavasthiti vibhushchAnekadhAyaH shrutau vAchaM naH sadadAtvaneka kiraNastrailokyadIpo raviH || 1|| bhUyobhiH paTubuddhibhiH paTudhiyAM horAphalaj~naptaye shabdanyAyasamanviteShu bahushaH shAstreShu dR^iShTeShvapi | horAtantra mahArNava prataraNe bhagnodyamAnAm ahaM svalpaM vR^itta vichitram artha bahulaM shAstra plavaM prArabhe || 2|| horetyaho rAtra vikalpam eke vA~nChanti pUrvApara varNa lopAt | karmAjitaM pUrva bhave sad Adi yat tasya pa~NktiM samabhivyanakti || 3|| kAlA~NgAni varA~NgamAnanam uro hR^it kroDa vAso bhR^ito bastirvya~njanam Uru jAnu yugule ja~Nghe tato.a~Nghri dvayam | meShAshvi prathamA navaR^ikSha charaNAshchakra sthitArAshayo rAshi kShetra gR^ihaR^ikSha bhAni bhavanaM chaikArtha sampratyayAH || 4|| matsyau ghaTI nR^i mithunaM sa gadaM sa vINaM chApI naro.ashva jaghano makaro mR^igAsyaH | taulI sa sasyadahanA plavagA cha kanyA sheShAH svanAma sadR^ishAH svacharAshcha sarve || 5|| kShitija sita j~na chandraravi saumya sitAvanijAH sura guru manda sauri guravashcha gR^ihAMshakapaH | aja mR^iga tauli chandra bhavanAdi navAMsha vidhirbhavana samAMshakAdhipatayaH sva gR^ihAt kramashaH || 6|| kujaravija guru j~na shukra bhAgAH pavana samIraNa kaurpi jUka leyAH | ayuji yuji tu bhe viparyayasthaH shasi bhavanAli jhaShAntam R^ikSha saMdhiH || 7|| kriya tAvuri jituma kulIra leya pAthona jUka kaurpyAkhyAH | taukShikAkokero hR^id rogashchAntya bhaM chettham || 8|| dreShkANa horA nava bhAga saMj~nAstriMshAMshakadvAdasha saMj~nitAshcha | kShetraM cha yadyasya sa tasya vargo horeti lagnaM bhavanasya chArdham || 9|| go.ajAshvi karki mithunAH sa mR^igA nishAkhyAH pR^iShThodayA vimithunAH kathitAstaiva | shIrShodayAdina balAshcha bhavanti sheShA lagnaM sametyubhayataH pR^ithuroma yugmam || 10|| krUraH saumyaH puruSha vanite te charAga dvi dehAH prAgAdIshAH kriya vR^iSha nR^iyuk karkaTAH sa trikoNAH | mArtaNDendvorayuji samabhe chandra bhAnvoshcha hore dreShkANAH syuH sva bhavana suta tritrikoNAdhipAnAm || 11|| ke chit tu horAM prathamAM bhapasya vA~nChanti lAbhAdhipaterdvitIyAm | dreShkANa saMj~nAm api varNayanti svadvAdashaikAdasharAshipAnAm || 12|| aja vR^iShabha mR^igA~NganA kulIrA jhaSha vaNijA cha divAkarAdi tu~NgAH | dasha shikhi manu yuk tithIndriyAMshaistri navaka viMshatibhishcha te asta nIchAH || 13|| vargottamAshcharagR^ihAdiShu pUrva madhya paryantataH shubha phalA nava bhAga saMj~nAH | siMho vR^iSha prathama ShaShTha hayA~Nga tauli kumbhAstrikoNa bhavanAni bhavanti sUryAt || 14|| horAdayastanu kuTumba sahottha bandhu putrAri patnI maraNAni shubhAspadAyAH | riHphAkhyam ityupachayAnyari karma lAbhadushchikya saMj~nita gR^ihANi na nityam eke || 15|| kalpa sva vikrama gR^iha pratibhA kShatAni chittottharandhra guru mAna bhava vyayAni | lagnAchchaturtha nidhane chaturasra saMj~ne dyUnaM cha saptama gR^ihaM dashamaR^ikSham Aj~nA || 16|| kaNTaka kendra chatuShTaya saMj~nAH saptama lagna chaturtha kha bhAnAm | teShu yathAbhihiteShu balADhyAH kITa narAMbu charAH pashavashcha || 17|| kendrAt paraM paNapharaM paratastu sarva bhApoklimaM hibukam ambu sukhaM cha veshma | jAmitram asta bhavanaM trikoNaM meShUraNaM dashamam atra cha karma vidyAt || 18|| horA svAmi guru j~na vIkShitayutA nAnyaishcha vIryotkaTA kendrasthA dvi padAdayo.ahni nishi cha prApte cha saMdhyAdvaye | pUrvArdhe viShayAdayaH kR^ita guNA mAnaM pratIpaM cha taddushchikyaM sahajaM tapashcha navamaM tryAdyAM trikoNaM cha tat || 19|| raktaH shvetaH shuka tanu nibhaH pATalo dhUmra pAMDushchitraH kR^iShNaH kanaka sadR^ishaH pi~NgalaH karburashcha | babhruH svachChaH prathama bhavanAdyeShu varNAH plavatvaM svAmyAshAkhyaM dina karayutAd bhAd dvitIyaM cha veshiH || 20|| \medskip\hrule\medskip dvitIyo.adhyAyaH graha bheda kAlAtmAdina kR^in manastuhinaguH satvaM kujo j~no vacho jIvo j~nAna sukhe sitashcha madano duHkhaM dineshAtmajaH | rAjAnau ravi shItagU kShita suto netA kumAro budhaH sUrirdAnava pUjitashcha sachivau preShyaH sahasrAMshujaH || 1|| heliH sUryashchandramAH shItarashmirhemno vij j~no bodhanashchendu putraH | Aro vakraH krUradR^ik chAvaneyaH koNo mandaH sUrya putro.asitashcha || 2|| jIvo.a~NgirAH sura gururvachasAM patIjyaH shukro bhR^igurbhR^igusutaH sitAsphujichcha | rAhustamo.agurasurashcha shikhIti ketuH paryAyam anyam upalabhya vadechcha lokAt || 3|| rakta shyAmo bhAskaro gaurendurnAtyuchchA~Ngo rakta gaurashcha vakraH | dUrvA shyAmo j~no gururgaura gAtraH shyAmaH shukro bhAskariH kR^iShNadehaH || 4|| varNAstAmra sitAtirakta harita vyApIta chitrAsitA | bahUnyambvagnija keshavendra shachikAH sUryAdi nAthAH kramAt | prAgAdyAravi shukra lohita tamaH saurendu vit sUrayaH kShINendvarka mahI sutArka tanayAH pApA budhastairyutaH || 5|| budha sUrya sutau napuMsakAkhau shashi shukrau yuvatI narAshcha sheShAH | shikhibhU kha payo marud gaNAnAM vashino bhUmi sutAdayaH krameNa || 6|| viprAditaH shukra gurU kujArkau shashI budhashchetyasitAntyajAnAm | chandrArka jIvA j~na sitau kujArkI yathA kramaM satvarajastamAMsi || 7|| madhu pi~NgaladR^ik chaturasra tanuH pitta prakR^itiH savitAlpa kachaH | tanu vR^itta tanurbahu vAta kaphaH prAj~nashcha shashI mR^idu vAk shubhadR^ik || 8|| krUradR^ik taruNa mUrtirudAraH paittikaH suchapalaH kR^isha madhyaH | shliShTavAk satata hAsyaruchirj~naH pitta mAruta kapha prakR^itishcha || 9|| bR^ihat tanuH pi~Ngala mUrdhajekShaNo bR^ihaspatiH shreShTha matiH kaphAtmakaH | bhR^iguH sukhI kAnta vapuH sulochanaH kaphAnilAtmAsita vakra mUrdhajaH || 10|| mando.alasaH kapiladR^ik kR^ishadIrgha gAtraH sthUladvijaH paruSharoma kacho.anilAtmA | snAyvasthyasR^ik tvag atha shukra vase cha majjA mandArka chandra budha shukra surejya bhaumAH || 11|| devAmbvagni vihAra kosha shayana kShityutkareshAH kramAt | vastraM sthUlam abhuktam agnika hataM madhyaM dR^iDhaM sphATitam | tAmraM syAn maNi hemayukti rajatAnyarkAchcha muktAyasI | dreShkANaiH shishirAdayaH shashu rucha j~na gvAdiShUdyatsu vA || 12|| tri dasha trikoNa chaturasra saptamAnyavalokayanti charaNAbhivR^iddhitaH | ravijAmarejyarudhirAH pare cha ye kramasho bhavanti kila vIkShaNe adhikAH || 13|| ayana kShaNa vAsaraR^itavo mAso.ardhaM cha samAshcha bhAskarAt | kaTuka lavaNa tikta mishritA madhurAmlau cha kaShAyetyapi || 14|| jIvo jIva budhau sitendu tanayau vyarkA vibhaumAH kramAd vIndvarkA vikujendvinAshcha suhR^idaH keShAM chid evaM matam | satyokte suhR^idastrikoNa bhavanAt svAt svAntyadhI dharmapAH svochchAyuH sukhapAH svalakShaNa vidhernAnyairvirodhAd iti || 15|| shatrU manda sitau samashcha shashijo mitrANi sheShAraves\- tIkShNAMshurhimarashmijashcha suhR^idau sheShAH samAH shItagoH | jIvendUShNa karAH kujasya suhR^ido j~no.ariH sitArkI samau mitre sUrya sitau budhasya himaguH shatruH samAshchApare || 16|| sUraH saumya sitAvarI ravi suto madhyo.apare tvanyathA saumyArkI suhR^idau samau kuja gurU shukrasya sheShAvarI | shukrajau suhR^idau samaH sura guruH saurasya chAnye arayo ye proktAH sva trikoNa bhAdiShu punaste amI mayA kIrtitAH || 17|| anyonyasyadhana vyayAya sahaja vyApAra bandhu sthitAstat kAle suhR^idaH sva tu~Nga bhavane apyeke arayastvanyathA | dvyekAnukta bhapAn suhR^it samaripUn saMchintya naisargikAMstat kAle cha punastu tAn adhisuhR^in mitrAdibhiH kalpayet || 18|| svochcha suhR^it sva trikoNa navAMshaiH sthAna balaM sva gR^ihopagataishcha | dikShu budhA~Ngirasau ravi bhaumau sUrya sutaH sita shIta karau cha || 19|| udag ayane ravi shIta mayUkhau vakra samAgamagAH parisheShAH | vipula karA yudhi chottara saMsthAshcheShTita vIryayutA parikalpyAH || 20|| nishi shashi kuja saurAH sarvadA j~no.ahni chAnye | bahula sita gatAH syuH krUra saumyAH krameNa | dvyayanadivasa horA mAsapaiH kAla vIryaM sharu bu gu shu cha sAdyA vR^iddhito vIryavantaH || 21|| \medskip\hrule\medskip tR^itIyo.adhyAyaH viyonijanma krUra grahaiH subalibhirvibalaishcha saumyaiH klIbe chatuShTaya gate tadavekShaNAd vA | chandropaga dvi rasa bhAga sa mAnarUpaM satvaM vaded yadi bhavet sa viyoni saMj~naH || 1|| pApA balinaH sva bhAgagAH pArakye vibalAshcha shobhanAH | lagnaM cha viyoni saMj~nakaM dR^iShTvAtrApi viyonim Adishet || 2|| kriyaH shiro vakra gale vR^iSho.anye pAdAMshakaM pR^iShTham uro.atha pArshve | kukShistvapAnA~NghryAtha meDhra muShkau sphik puchCham ityAha chatuShpadA~Nge || 3|| lagnAMshakAd grahayogekShaNAd vA varNAn vaded balayuktA dvi yonau | dR^iShTyA sa mAnAn pravadet sva saMkhyayArekhAM vadet smara saMsthaishcha pR^iShThe || 4|| khage dR^ikANe balasaMyutena vA graheNayukte charabhAMshakodaye | budhAMshake vA vihagAH sthalAMbujAH shanaishcharendvIkShaNayoga saMbhavAH || 5|| horendu sUri ravibhirvibalaistaruNAM toye sthale taru bhavAMsha kR^itaH prabhedaH | lagnAd grahaH sthala jalaR^ikSha patistu yAvAMstAvantaiva taravaH sthala toya jAtAH || 6|| antaH sArA~n janayati ravirdurbhagAn sUrya sUnuH kShIropetAMstuhina kiraNaH kaNTakADhyAMshcha bhaumaH | vAg Isha j~nau sa phala viphalAn puShpa vR^ikShAMshcha shukraH snigdhAn induH kaTuka viTapAn bhUmi putrashcha bhUyaH || 7|| shubho shubhaR^ikShe ruchiraM kubhUmijaM karoti vR^ikShaM viparItam anyathA parAMshake yAvati vichyutaH svakAd bhavanti tulyAstaravastathA vidhAH || 8|| \medskip\hrule\medskip chaturtho.adhyAyaH niShekA kujendu hetuH pratimAsam ArtavaM gate tu pIDaR^ikSham anuShNadidhitau | ato.anyathAsthe shubha puMgrahekShite nareNa saMyogam upaiti kAminI || 1|| yathAstarAshirmithunaM sameti tathaiva vAchyo mithuna prayogaH | asad grahAlokita saMyute aste saroSheShTaiH sa vilAsa hAsaH || 2|| ravIndu shukrAvanijaiH svabhAgagairgurau trikoNodaya saMsthite.api vA | bhavatyapatyaM hi vibIjinAm ime karA himAMshorvidR^ishAm ivAphalAH || 3|| divAkarendvoH smaragau kujArkajau gada pradA pu~NgalayoShitostadA | vyaya svagau mR^ityukarau yutau tathA tadekadR^iShTyA maraNAya kalpitau || 4|| divArka shukrau pitR^i mAtR^i saMj~nitau shanaishcharendU nishi tadviparyayAt | pitR^ivya mAtR^i svasR^i saMj~nitau cha tAvathaujayugmaR^ikSha gatau tayoH shubhau || 5|| abhilaShadbirudayaR^ikSham asadbhirmaraNam eti shubhadR^iShTim ayAte | udayarAshi sahite cha yame strI vigalitoDu pati bhU sutadR^iShTe || 6|| pApadvaya madhya saMsthitau lagnendU na cha saumya vIkShitau | yugapat pR^ithag eva vA vaden nArI garbhayutA vipadyate || 7|| krUre shashinashchaturthage lagnAd vA nidhanAshrite kuje | bandhvantyagayoH kShINendau nidhanAya pUrvavat || 8|| udayAstagayoH kujArkayornidhanaM shastra kR^itaM vadet tathA | mAsAdhipatau nipIDite tat kAle sravaNaM samAdishet || 9|| shashA~Nka lagnopagataiH shubha grahaistrikoNa jAyArtha sukhAspada sthitaiH | tR^itIya lAbhaR^ikSha gataishcha pApakaiH sukhI tu garbho raviNA nirIkShitaH || 10|| ojaR^ikShe puruShAMshakeShu balibhirlagnArka gurvindubhiH puMjanma pravadet samAMshaka gatairyugmeShu tairyoShitaH | gurvarkau viShame naraM shashi sitau vakrashcha yugme striyam | dvya~Ngastha budha vIkShaNAchcha yamalau kurvanti pakShe svake || 11|| vihAya lagnaM viShamaR^ikSha saMsthaH sauro.api puMjanma karo vilagnAt | prokta grahANAm avalokya vIryaM vAchyaH prasUtau puruSho.a~NganA vA || 12|| anyonyaM yadi pashyataH shashi ravI yadyarki saumyAvapi vakro vA samagaM dinesham asame chandrodayau chet sthitau | yugmaujaR^ikSha gatAvapIndu shashijau bhUmyAtmajenekShitau pumbhAve sita lagna shIta kiraNAH ShaT klIbayogAH smR^itAH || 13|| yugme chandra sitau tathauja bhavane syurj~nAra jIvodayA lagnendU nR^i nirIkShitau cha samagau yugmeShu vA prANinaH | kuryurte mithunaM grahodaya gatAn dvya~NgAMshakAn pashyati svAMshe j~ne tritayaM j~nagAMshaka vashAd yugmaM tvamishraiH samam || 14|| dhanurdharasyAntyagate vilagne grahaistadaMshopagatairbaliShThaiH | j~nenArkiNA vIryayutenadR^iShTaiH santi prabhUtApi kosha saMsthAH || 15|| kalala ghanA~NkurAsthi charmA~Ngaja chetanatAH sita kuja jIva sUrya chandrArki budhAH parataH | udayapa chandra sUrya nAthAH kramasho gaditA bhavanti shubhAshubhaM cha mAsAdhipateH sadR^isham || 16|| trikoNage j~ne vibalaistathA parairmukhA~Nghri hastairdviguNastadA bhavet | avAg gavIndAvashubhairbha saMdhigaiH shubhekShitashchet kurute giraM chirAt || 17|| saumyaR^ikShAMshe ravijarudhirau chet sa danto.atra jAtaH kubjaH svaR^ikShe shashini tanuge manda mAheyadR^iShTe | pa~NgurmIne yama shashi kujairvIkShite lagna saMsthe saMdhau pApe shashini cha jaDaH syAn na chet saumyadR^iShTaH || 18|| saura shashA~NkadivA karadR^iShTe vAmanako makarAntya vilagne | dhI navamodayagaishcha dR^ikANaiH pApayutairabhujA~Nghri shirAH syAt || 19|| ravi shashi yute siMhe lagne kujArki nirIkShite nayanarahitaH saumyAsaumyaiH sa budbuda lochanaH | vyaya gR^iha gatashchandro vAmaM hinastyaparaM ravirna shubha gaditA yogA yApyA bhavanti shubhekShitAH || 20|| tat kAlam indu sahito dvi rasAMshako yastat tulyarAshi sahite purataH shashA~Nke | yAvAn udeti dinarAtri sa mAna bhAgastAvad gate dina nishoH pravadanti janma || 21|| udayati mR^idu bhAMshe saptamasthe cha mande yadi bhavati niShekaH sUtirabda trayeNa | shashini tu vidhireSha dvAdashe abde prakuryAn nigaditam iha chintyaM sUti kAle api yuktyA || 22|| \medskip\hrule\medskip paMchamo.adhyAya janmavidhi piturjAtaH parokShasya lagnam indAvapashyati | videshasthasya chara bhe madhyAd bhraShTe divA kare || 1|| udayasthe.api vA mande kuje vAstaM samAgate sthite vAntaH kShapA nAthe shashA~Nka suta shukrayoH || 2|| shashA~Nke pApa lagne vA vR^ishchikesha tri bhAgage | shubhaiH svAya sthitairjAtaH sarpastadveShTito.api vA || 3|| chatuShpAda gate bhAnau sheShairvIrya samanvitaiH | dvi tanusthaishcha yamalau bhavataH kosha veShTitau || 4|| ChAge siMhe vR^iShe lagne tatsthe saure atha vA kuje | rAshyaMsha sadR^ishe gAtre jAyate nAla veShTitaH || 5|| na lagnam induM cha gururnirIkShate na vA shashA~NkaM raviNA samAgatam | sa pApako.arkeNayuto.atha vA shashI pareNa jAtaM pravadanti nishchayAt || 6|| krUraR^ikSha gatAvashobhanau sUryAd dyUna navAtmaja sthitau | baddhastu pitA videshagaH sve vA rAshi vashAd atho pathi || 7|| pUrNe shashini svarAshige saumye lagna gate shubhe sukhe | lagne jalaje astage api vA chandro pota gatA prasUyate || 8|| Apyodayam ApyagaH shashI sampUrNaH samavekShate atha vA | meShUraNa bandhu lagnagaH syAt sUtiH salile na saMshayaH || 9|| udayoDupayorvyaya sthite guptyAM pApa nirIkShite yame | ali karki yute vilagnage saure shIta karekShite vaTe || 10|| mande abja gate vilagnage budha sUryendu nirIkShite kramAt | krIDA bhavane surAlaye sokhara bhUmiShu cha prasUyate || 11|| nR^i lagnagaM prekShya kujaH shmashAne ramye sitendU gururagnihotre | ravirnarendrAmarago kuleShu shilpAlaye j~naH prasavaM karoti || 12|| rAshyaMsha sa mAna gochare mArge janma chare sthire gR^ihe | svaR^ikShAMsha gate sva mandire balayogAt phalam aMshakaR^ikShayoH || 13|| ArArkajayostrikoNage chandre aste cha visR^ijyate aMbayA | dR^iShTe amararAja mantriNA dIrghAyuH sukha bhAk cha sa smR^itaH || 14|| pApekShite tuhinagAvudaye kuje aste tyakto vinashyati kujArkajayostathAye | saumye api pashyati tathA vidha hastam eti saumyetareShu para hasta gato.apyanAyuH || 15|| pitR^imAtR^igR^iheShu tadbalAt taru shAlAdiShu nIchagaiH shubhaH | yadi naika gataistu vIkShitau lagnendU vijane prasUyate || 16|| mandaR^ikShAMshe shashini hibuke mandadR^iShTe abjage vA | tad yukte vA tamasi shayane nIcha saMsthaishcha bhUmau | yad vad rAshirvrajati harijaM garbha mokShastu tadvat pApaishchandrAt smara sukha gataiH klesham AhurjananyAH || 17|| snehaH shashA~NkAd udayAchcha vartirdIpo.arkayuktaR^ikSha vashAchcharAdyaH | dvAraM cha tadvAstuni kendra saMsthairj~neyaM grahaiH vIrya samanvitairvA || 18|| jIrNaM saMskR^itam arkaje kShiti sute dagdhaM navaM shItagau kAShThADhyaM na dR^iDhaM ravau shashi sute tan naika shilpyudbhavam ramyam | chitrayutaM navaM cha bhR^iguje jIve dR^iDhaM mandiraM chakrasthaishcha yathopadesharachanAM sAmanta pUrvAM vadet || 19|| meSha kulIra tulAli gaTaiH prAguttarato guru saumya gR^iheShu | pashchimatashcha vR^iSheNa nivAso dakShiNa bhAga karau mR^iga siMhau || 20|| prAchyAdi gR^ihe kriyAdayo dvau dvau koNa gatA dvi mUrtayaH | shayyAsvapi vAstu vad vadet pAdaiH ShaT tri navAntya saMsthitaiH || 21|| chandra lagnAntara gatairgrahaiH syurupasUtikAH | bahirantara chakrAd ardhe dR^ishyAdRshye anyathA paraiH || 22|| lagna navAMshapa tulya tanuH syAd vIryayuta graha tulya vapurvA | chandra sameta navAMshapa varNaH kAdi vilagna vibhakta bha gAtraH || 23|| kaM dR^ik shrotra nasA kapola hanavo vaktraM cha horAdayaste kaNThAMsaka bAhu pArshva hR^idaya kroDAni nAbhistataH | bastiH shishna gude tatashcha vR^iShaNAvUrU tato jAnunI | ja~NghA~NghrItyubhayatra vAmam uditairdreShkANa bhAgaistridhA || 24|| tasmin pApayutaM vraNe shubhayute dR^iShTe cha lakShmAdishet svaR^ikShAMshe sthira saMyuteShu sahajaH syAd anyathA~NgatukaH | mandeshmAnilajo.agni shAstra viShajo bhaume budhe bhU bhavaH sUrye kAShTha chatuShpadena himagau shR^i~Ngyabjajo.anyaiH shubham || 25|| samanupatitA yasmin bhAge trayaH sa budhA grahA bhavati niyamAt tasyAvAptiH shubheShvashubheShu vA | vraNa kR^id ashubhaH ShaShThe dehe tanorbha samAshrite tilakam ashakR^id dR^iShTaH saumyairyutashcha sa lakShmavAn || 26|| \medskip\hrule\medskip ShaShTo.adhyAyaH ariShTa saMdhyAyAM hima dIdhiti horA pApairbhAnta gatairnidhanAya | ratyekaM shashi pApa sametaiH kendrairvA sa vinAsham upaite || 1|| chakrasya pUrvApara bhAgageShu krUreShu saumyeShu cha kITa lagne | kShipraM vinAshaM samupaiti jAtaH papairvilagnAstamayAbhitashcha || 2|| pApAvudayAsta gatau krUreNayutashcha shashI | dR^iShTashcha shubhairna yadA mR^ityushcha bhaved achirAt || 3|| kShINe himagau vyayagau pApairudayAShTamagaiH | kendreShu shubhAshcha na chet kShipraM nidhanaM pravadet || 4|| krUreNa saMyutaH shashI smarAntya mR^ityu lagnagaH | kaNTakAd bahiH shubhairavIkShitashcha mR^ityudaH || 5|| shashinyari vinAshage nidhanam Ashu pApekShite shubhairatha samAShTakadalam atashcha mishraiH sthitiH | asadbhiravalokite balibhiratra mAsaM shubhe kalatra sahite cha pApa vijite vilagnAdhipe || 6|| lagne kShINe shashini nidhanaM randhra kendreShu pApaiH pApAntasthe nidhana hibuka dyUna saMsthe cha chandre evaM lagne bhavati madana chChidra saMsthaishcha pApairmAtrA sArddhaM yadi na cha shubhairvIkShitaH shakti bhRdbhiH || 7|| rAshyantage sadbhiravIkShyamANe chandre trikoNopagataishcha pApaiH | prANaiH prayAtyAshu shishurviyogam aste cha pApaistuhinAMshu lagne || 8|| ashubha sahite graste chandre kuje nidhanAshrite janani sutayormR^ityurlagne ravau tu sa shastrajaH | udayati ravau shItAMshau vA trikoNa vinAshagairnidhanam ashubhairvIryopetaiH shubhairna yutekShite || 9|| asitaravi shashA~Nka bhUmijairvyaya navamodaya naidhanAshritaiH | bhavati maraNam Ashu dehinAM yadi balinA guruNA na vIkShitAH || 10|| suta madana navAntya lagnarandhreShvashubhayuto maraNAya shItarashmiH | bhR^igusuta shashiputra devapUjyairyadi balibhirna yuto.avalokito vA || 11|| yoge sthAnaM gatavati balinashchandre svaM vA tanu gR^iham atha vA | pApairdR^iShTe balavati maraNaM varShasyAntaH kila muni gaditam || 12|| \medskip\hrule\medskip saptamo.adhyAyaH AyurdAya maya yavana maNittha shakti pUrvairdivasa karAdiShu vatsarAH pradiShTAH | nava tithi viShayAshvi bhUtarudradasha sahitA dashabhiH sva tu~Nga bheShu || 1|| nIche ato.ardhaM hrasati hi tatashchAntarasthe anupAto horA tvaMsha pratimam apare rAshi tulyaM vadanti | hitvA vakraM ripu graha gatairhIyate sva tri bhAgaH sUryochChinnadyutiShu cha dalaM projihya shukrArka putrau || 2|| sarvArdha tri charaNa pa~ncha ShaShTa bhAgAH kShIyante vyaya bhavanAd asatsu vAmam | satsvardhaM hrasati tathAikarAshigAnAm ekAMshaM harati balI tathAha satyaH || 3|| sArdhoditodita navAMsha hatAt samastAd bhAgo.aShTayukta shata saMkhyam upaito nAsham | krUre vilagna sahite vidhinA tvanena saumyekShite dalam ataH pralayaM prayAti || 4|| samA ShaShTirdvighnA manuja kariNAM paJcha cha nishA hayAnAM dvAtriMshat khara karabhayoH pa~nchaka kR^itiH | virUpA sApyAyurvR^iSha mahiShayordvAdasha shunAM smR^itaM ChAgAdInAM dashaka sahitAH ShaT cha parama || 5|| animiSha paramAMshake vilagne shashi tanaye gavi paJcha varga lipte | bhavati hi paramAyuShaH pramANaM yadi sakalaH sahitAH sva tu~Nga bheShu || 6|| AyurdAyaM viShNu gupto.api chaivaM deva svAmI siddhasenashcha chakre | doShashchaiShAM jAyate aShTAvariShTaM hitvA nAyurviMshateH syAd adhastAt || 7|| yasmin yoge pUrNam AyuH pradiShTaM tasmin proktaM chakra vartitvam anyaiH pratyakSho.ayaM doShaH paro.api jIvatyAyuH pUrNam arthairvinApi || 8|| svamatena kilAha jIva sharmA grahadAyaM paramAyusaH svarAMsham | graha bhukta navAMsharAshi tulyaM bahu sAmyaM samupaiti satya vAkyam || 9|| satyokte graham iShTaM liptI kR^itvA shatadvayenAptam | maNDala bhAga vishuddhe abdAH syuH sheShAt tu mAsAdyAH || 10|| sva tu~Nga vakropagataistrisaMguNaM dviruttama svAMshaka bha tribhhAgagaiH | iyAn visheShastu bhadatta bhAShite sa mAnam anyat prathame apyudIritam || 11|| kiM tvatra bhAMsha pratimaM dadAti vIryAnvitArAshi samaM cha horA | krUrodaye cha upachayaH sa nAtra kAryaM cha nAbdaiH prathamopadiShTaiH || 12|| satyopadesho varam atra kintu kurvantyayogyaM bahu vargaNAbhiH | AchAryakatvaM cha bahu ghnatAyAm ekaM tu yad bhUri tadeva kAryam || 13|| guru shashi sahite kulIra lagne shashi tanaye bhR^iguje cha kendrayAte | bhavaripu sahajopagaishcha sheShairamitam ihAyuranukramAd vinA syAt || 14|| \medskip\hrule\medskip aShTamo.adhyAyaH dashAntardashA udayaravi shashA~Nka prANi kendrAdi saMsthAH | prathama vayasi madhye antye cha dadyuH phalAni | na hi na phala vipAkaH kendra saMsthAdya bhAve bhavati hi phala paktiH pUrvam Apoklime api || 1|| AyuH kR^itaM yena hi yat tadeva kalpyA dasha sA prabalasya pUrvAm | sAmye bahUnAM bahu varShadasya teShAM cha sAmye prathamoditasya || 2|| ekaR^ikShago.ardham apahR^itya dadAti tu svaM tryaMshaM trikoNa gR^ihagaH smaragaH svarAMsham | pAdaM phalasya chaturasra gataH sa horastvevaM paraspara gatAH paripAchayanti || 3|| sthAnAnyathAitAni sa varNayitvA sarvANyadhashCheda vivarjitAni | dashAbda piNDe guNakA yathAMshaM Chedastadaikyena dashAprabhedaH || 4|| samyag balinaH sva tu~Nga bhAge sampUrNA bala varjitasyariktA | nIchAMsha gatasya shatru bhAge j~neyAniShTa phalAdashA prasUtau || 5|| bhraShTasya tu~NgAd avarohi saMj~nA madhyA bhavet sA suhR^id uchcha bhAge | arohiNI nimna parichyutasya nIchAri bhAMsheShvadhamA bhave sA || 6|| nIchAri bhAMshe samavasthitasya shaste gR^ihe gR^ihe mishra phalA pradiShTA | saMj~nAnurUpANi phalAnyathaiShAM dashAsu vakShyAmi yathopayogam || 7|| ubhaye adhama madhya pUjitAdreShkANaishchara bheShu cha utkramAt | ashubheShTa samAH sthire kramAd dhorAyAH parikalpitAdashA || 8|| ekaM dvau nava viMshatirdhR^iti kR^itI pa~nchAshad eShAM kramAchchandrArenduja shukra jIvadinakrid daivA kariNAM samAH | svaiH svaiH puShTa phalAni sarga janitaiH paktirdashAyAH kramAd ante lagnadashA shubheti yavanA nechChanti kechit tathA || 9|| pAka svAmini lagnage suhR^idi vA varge asya saumye api vA prArabdhA shubhadAdashA tridasha ShaD lAbheShu vA pAkape | mitrochchopachayastrikoNa madane pAkeshvarasya sthitashchandraH sat phala bodhanAni kurute pApAni chAto.anyathA || 10|| prArabdhA himagau dashA sva gR^ihage mAnArtha saukhyAvahA kauje dUShayati striyaM budha gR^ihe vidyA suhR^id vittadA | durgAraNya pathAlaye kR^iShi karI siMhe sitaR^ikShe annadA kustrIdA mR^iga kumbhayorguru gR^ihe mAnArtha saukhyAvahA || 11|| sauryAM svan nakhadanta charma kanaka krauryAdhva bhUpAhavaistakShNyaM dairyam ajasram udyamaratiH khyAtiH pratAponnatiH | bhArya putradhanAri shastra hutabhug bhUpodbhavA vyApada styAgI pAparatiH sva bhR^itya kalaho hR^it kroDa pIDAmayAH || 12|| indoH prApyadashAM phalAni labhate mantradvijAtyudbhavanIkShu kShIra vikAra vastra kusuma krIDA tilAnna shramaiH | nidrAlasya mR^idu dvijAmararatiH strI janma medhAvitA kIrtyarthopachakShayau cha balibhirvairaM sva pakSheNa cha || 13|| bhaumasyAri vimarda bhUpa sahaja kShityAvikAjairdhanaM pradveShaH suta mitradAra sahajairvidvad guru dveShTR^itA | tR^iShNAsR^ig jvara pitta bha~Nga janitArogAH para strI kR^itAH prItiH pAparatairadharma niratiH pAruShya taikShNyAni cha || 14|| baudhyAM dautya suhR^id guru dvijadhanaM vidvat prashaMsA yasho yukti dravya suvarNa vesara mahI saubhAgya saukhyAptayaH | hAsyopAsana kaushalaM mati chayo dharma kriyA siddhayaH pAruShyaM shrama bandha mAnasa shuchaH pIDA cha dhAtu trayAt || 15|| jaivyAM mAna guNodayo mati chayaH kAntiH pratAponnatirmAhAtmyodyama mantra nIti nR^i pati svAdhyAya mantrairdhanam | hemAshvAtmaja ku~njarAmbara chayaH prItishcha sad bhUmipaiH | sUkShmyoha gahanAshramaH shravaNarug vairaM vidharmAshritaiH || 16|| shaukyAM gItaratiH pramoda surabhi dravyAnna pAnAmbara strI ratna dyuti manmathopakaraNa j~nAneShTa mitrAgamAH | kaushalyaM kraya vikraye kR^iShi nidhi prAptirdhanasyAgamo | vR^indorvIsha niShAdadharmarahitairvairaM shuchaH snehataH || 17|| saurIM prApya kharoShTra pakShi mahiShI vR^iddhA~NganAvAptayaH | shreNI grAma puradhi kAra janitA pUjA kudhAnyAgamaH | shleShmerShyAnila kopa moha malina vyApatti tandrAshramAn | bhR^ityApatya kalatra bhartsanam api prApnoti cha vya~NgayatAm || 18|| dashAsu shastAsu shubhAni kurvantyaniShTa saMj~nA sva shubhAni chaivam | mishrAsu nishrANi dashA phalAni horA phalaM lagna pateH sa mAnam || 19|| saMj~nAdhyAye yasya yad ravya muktaM karmAjIvo yashcha yasyopadiShTaH | bhAva sthAnAloka yogodbhavaM cha tat tat sarvaM tasya yojyaM dashAyAm || 20|| ChAyAM mahAbhUta kR^itAM cha sarve abhivya~njayanti svadashAm avApya | kvambvagni vAyvambarajAn guNAMshcha nAsAsya dR^ik tvak ChravaNAnumeyAt || 21|| shubha phaladadashAyA tAdR^ig evAntarAtmA bahu janayati puMsAM sakhyam arthAgamaM cha kathita phala vipAkaistarkayed vartamAnAM pariNamati phalAptiH svapna chintA sva vIrjaiH || 22|| eka grahasya sadR^ishe phalayorvirodhe nAshaM vaded yad adhikaM paripachyate tat | nAnyo grahaH sadR^isham anya phalaM hinasti svAM svAM dashAm upagatAH sa phala pradA syuH || 23|| \medskip\hrule\medskip navamo.adhyAyaH aShTakavarga svAd arkaH prathamAya bandhu nidhana dvyAj~nA tapo dyUnago vakrAt svAd iva tadvad evaravijAchChukrAt smarAntyAriShu | jIvAd dharma sutAya shatruShu dasha tryAyArigaH shItagoreShvevAntya tapaH suteShu cha budhAl lagnAt sa bandhvantyagaH || 1|| lagnAt ShaT tri dashAyagaH sa dhana dhI dharmeShu chArAchChashI svAt sAstAdiShu sAShTa saptasu raveH ShaT tryAya dhIstho yamAt | dhI tryAyAShTama kaNTakeShu shashijAj jIvAd vyayAyAShTagaH kendrasthashcha sitAt tu dharma sukhadhI tryAyAspadAna~NgagaH || 2|| vakrastUpachayeShvinAt sa tanayeShvAdyAdhikeShUdayAch | chandrAd dig viphaleShu kendra nidhana prAptyarthagaH svAchChubhaH | dharmAyAShTama kendrago.arka tanayAj j~nAt ShaT tri dhI lAbhagaH | shukrAt ShaD vyaya lAbha mRtyuShu guroH karmAnyalAbhAriShu || 3|| dvyAdyAyAShTa tapaH sukheShu bhR^igujAt sa tryAtmajeShvindujaH sAj~nAsteShu yamArayorvyayaripu prAptyaShTago vAk pateH | dharmAyAri suta vyayeShu savituH svAt sAdya karma trigaH ShaT svAyAShTa sukhAspadeShu himagoH sAdyeShu lagnAchChubhaH || 4|| dik svAdyAShTamadAya bandhuShu kujAt svAt trikeShva~NgirAH sUryAt satri naveShu dhI sva navadig lAbhArigo bhArgavAt | jAyAyaratha navAtmajeShu himagormandAt tri ShaD dhI vyaye dig dhI ShaT sva sukhAya pUrva navago j~nAt sa smarashcha udayAt || 5|| lagnAd A suta lAbharandhra navagaH sAntyaH shashA~NkAt sitaH svAt sAj~neShu sukha tri dhI navadasha chChidrAptigaH sUryajAt | randhrAya vyago ravernavadasha prAptyaShTadhIstho gurorj~nAd dhI tryAya navArigastri nava ShaT putrAyasAntyaH kujAt || 6|| manda svAt tri sutAya shatruShu shubhaH sAj~nAntyago bhUmijAt kendrAyAShTadhaneShvinAd upachayeShvAdye sukhe cha udayAt | dharmAyAri dashAntya mR^ityuShu budhAchchandrAt trI ShaD lAbhagaH ShaShThAyAntya gataH sitAssura guroH prAptyantyadhI shatruShu || 7|| iti nigaditam iShTaM neShTam anyad visheShAd adhika phala vipAkaM janma bhAt tatradadyuH | upachaya gR^iha mitra svochchagaiH puShTam iShTaM avapachaya gR^iha nIchArAtigairneShTa sampat || 8|| \medskip\hrule\medskip dashamo.adhyAyaH karmAjIva arthAptiH pitR^i pitR^i patni shatru mitra bhrAtR^i strI mR^itaka janAd divAkarAdyaiH | horendvordashama gatairvikalpanIyA bhendvarkAspada patigAMsha nAtha vR^ittyA || 1|| arkAMshe tR^iNa kanakArNa bheShajAdyaishchandrAMshe kR^iShi jalajA~NganAshrayAchcha | dhAtvagni praharaNa sAhasaiH kujAMshe saumyAMshe lipi gaNitAdi kAvya shilpaiH || 2|| jIvAMshe dvija vibudhAkarAdi dharmaiH kAvyAMshe maNi rajatAdi go mahiShyaiH | saurAMshe shrama vadha bhAra nIcha shilpaiH karmeshAdhyuShita navAMsha karma siddhiH || 3|| mitrAri sva gR^iha gatairgrahaistato.arthaM tu~Ngasthe balini cha bhAskare sva vIryAt | AyasthairudayadhanAshritaishcha saumyaiH saMchintyaM bala sahitairanekadhA svam || 4|| \medskip\hrule\medskip ekAdashamo.adhyAyaH rAjayoga prAhuryavanAH sva tu~NgagaiH krUraiH krUra matirmahIpatiH | krUraistu na jIva sharmaNaH pakShe kShityadhipaH prajAyate || 1|| vakrArkajArka gurubhiH sakalaistribhishcha svochcheShu ShoDasha nR^ipAH kathitaikalagne | dvyekAshriteShu cha tathAikatame vilagne sva kShetrage shashini ShoDasha bhUmipAH syuH || 2|| vargottama gate lagne chandre vA chandra varjitaH | chaturAdyairgrahairdR^iShTe nR^ipA dvAviMshatiH smR^itAH || 3|| yame kumbhe arke aje gavi shashini taireva tanugairnR^i yuktiM sahAlisthaiH shashija guru vakrairnR^i patayaH | yamendU tu~Nge a~Nge savitR^i shashijau ShaShTha bhavane tulAjendu kShetraiH sa sita kuja jIvaishcha narapau || 4|| kuje tu~Nge arkendvordhanuShi yama lagne cha kupatiH patirbhUmeshchAnyaH kShiti suta vilagne sa shashini | sa chandre saure aste sura pati gurau chApa dharage sva tu~Ngasthe bhAnAvudayam upayAte kShiti patiH || 5|| vR^iShe sendau lagne savitR^i guru tIkShNAMshu tanayaiH suhR^ij jAyA khasthairbhavati niyamAn mAnava patiH | mR^ige mande lagne sahajaripu dharma vyaya gataiH shashA~NkAdyaiH khyAtaH pR^ithu guNayashAH pu~Ngala patiH || 6|| haye sendau jIve mR^iga mukha gate bhUmi tanaye sva tu~Ngasthau lagne bhR^iguja shashijAvatra nR^i patI | sutasthau vakrArkI guru shashi sitAshchApi hibuke budhe kanyA lagne bhavati hi nR^ipo.anyo.api guNavAn || 7|| jhaShe sendau lagne ghaTa mR^iga mR^igendreShu sahitairyamArArkairyo.abhUt sa khalu manujaH shAsti vasudhAm | aje sAre mUrtau shashi gR^iha gate chAmara gurau | surejye vA lagne dharaNi patiranyo.api guNavAn || 8|| karkiNi lagne tatsthe jIve chandra sita j~nairAya prAptaiH | meSha gate arke jAtaM vidyAd vikramayuktaM pR^ithvI nAtham || 9|| mR^iga mukhe arka tanayastanu saMsthaH kriya kulIra harayo.adhipayuktAH | mithuna tauli sahitau budha shukrau yadi tadA pR^ithu yashAH pR^ithivIshaH || 10|| svochcha saMsthe budhe lagne bhR^igau meShUraNAshrite | sa jIve aste nishA nAthe rAjA mandArayoH sute || 11|| api khala kula jAtA mAnavArAjya bhAjaH kim uta nR^ipa kulotthAH prokta bhU pAlayogaiH | nR^i pati kula samutthAH pArthivA vakShyamANairbhavati nR^i pati tulyasteShvabhU pAla putraH || 12|| uchcha sva trikoNagairbalasthaistryAdyairbhU pati vaMshajA narendrAH | pa~nchAdibhiranya vaMsha jAtA hInairvittayutA na bhUmi pAlAH || 13|| lekhAsthe arke ajendau lagne bhaume svochche kumbhe mande | chApa prApte jIve rAj~naH putraM vindyAt pR^ithvI nAtham || 14|| svaR^ikShe shukre pAtAlasthe dharma sthAnaM prApte chandre | dushchikyA~Nga prApti prAptaiH sheShairjAtaH svAmI bhUmeH || 15|| saumye vIryayute tanu yukte vIryADhye cha shubhe shubhayAte | dharmArthopachayeShvavasheShairdharmAtmA nR^ipajaH pR^ithivIshaH || 16|| vR^iShodaye mUrti dhanAri lAbhagaiH shashA~Nka jIvArka sutAparairnR^ipaH | sukhe gurau khe shashi tIkShNa dIdhitI yamodaye lAbha gatairnR^ipo.aparaiH || 17|| meShUraNAya tanugAH shashi manda jIvA j~nArau dhane sitaravI hibuke narendram | vakrAsitau shashi surejya sitArka saumyA horA sukhAsta shubha khApti gatAH prajesham || 18|| karma lagnayuta pAkadashAyAM rAjya labdhiratha vA prabalasya | shatru nIcha gR^ihayAtadashAyAM chChidra saMshrayadashA parikalpyA || 19|| guru sita budha lagne saptamasthe arka putre viyati divasa nAthe bhoginAM janma vindyAt | shubha balayuta kendraiH krUra saMsthaishcha pApairvrajati shabaradasyu svAmitAm artha bhAk cha || 20|| \medskip\hrule\medskip dvAdasho.adhyAyaH nAbhasayoga nava dig vasavastrikAgni vedairguNitA dvi tri chaturvikalpajAH syuH | yavanaistri guNA hi ShaT shatI sA kathitA vistarato.agra tat samAH syuH || 1|| rajjurmushalaM nalashcharAdyaiH satyashchAshrayajA~nja gAdayogAn | kendraiH sad asad yutairdalAkhyau srak sarpau kathitau parAshareNa || 2|| yogA vrajantyAshrayajAH samatvaM yavAbja vajrANDaja golakAdyaiH | kendropagaiH prokta phalau dalAkhyAvityAhuranye na pR^ithak phalau tau || 3|| Asanna kendra bhavana dvayagairgadAkhyastanvastageShu shakaTaM vihagaH kha bandhvoH | shR^i~NgATakaM navama pa~nchama lagna saMsthairlagnAnyagairhalam iti pravadanti taj j~nAH || 4|| shakaTANDaja vachChubhAshubairvajraM tadviparItagairyavaH | kamalaM tu vimishra saMsthitairvApi tadyadi kendra bAhyataH || 5|| pUrva shAstrAnusAreNa mayA vajrAdayaH kR^itAH | chauturthe bhavane sUryAj j~na sitau bhavataH katham || 6|| kaNTakAdi pravRttaistu chaturgR^iha gatairgrahaiH | yUpeShu shakti daNDAkhyA horAdyaiH kaNTakaiH kramAt || 7|| nau kUTa chChatra chApAni tadvat saptaR^ikSha saMsthitaiH | ardha chandrastu nAvAdyaiH proktastvanyaR^ikSha saMsthitaiH || 8|| ekAntara gatairarthAt samudraH ShaD gR^ihAshritaiH | vilagnAdi sthitaishchakram ityAkR^itija saMgrahaH || 9|| saMkhyA yogAH syuH sapta saptaR^ikSha saMsthirekApAyAd vallakI dAminI cha pAshaH kedAraH shUlayogo yugaM cha golashchAnyAn pUrvam uktAn vihAya || 10|| IrShyurvidesha nirato.adhvaruchishcharajjvAM mAnI dhanI cha mushale bahu kR^itya saktaH | vya~NgaH sthirADhya nipuNo nalajaH srag uttho bhogAnvito bhuja gajo bahu duHkha bhAk syAt || 11|| AshrayoktAstu viphalA bhavantyanyairvimishritAH | mishrA yaiste phalaM dadyuramishrAH sva phala pradAH || 12|| yajvartha bhAk satatam artharuchirgadAyAM tadvR^itti bhuk shakaTajaH sarujaH kudAraH | dUto.aTanaH kalaha kR^id vihage pradiShTaH shR^i~NgATake chira sukhI kR^iShikR^id dhalAkShye || 13|| vajre antya pUrva sukhinaH subhago.atishUro vIryAnvito.apyathayave sukhito vayo.antaH | vikhyAta kIrtyamita saukhya guNashcha padme vApyAM tanu sthira sukho nidhi kR^in na dAtA || 14|| tyAgAtmavAn kratu varairyajate cha yUpe hiMsro.atha guptyadhikR^itaH sharakR^ichCharAkhye | nIcho.alasaH sukhadhanairviyutashcha shaktau daNDe priyairvirahitaH puruShAntya vR^ittiH || 15|| kIrtyA yutashchala sukhaH kR^ipaNashcha naujaH kUTe anR^ita plavana bandhanapashcha jAtaH | ChatrodbhavaH sva jana saukhya karo.antya saukhyaH shUrashcha kArmuka bhavaH prathamAntya saukhyaH || 16|| ardhendujaH subhaga kAnta vapuH pradhAnastoyAlaye nara pati pratimastu bhogI | chakre narendra mukuTa dyuti ra~njitA~NghrirvINodbhavashcha nipuNaH priya gIta nR^ityaH || 17|| dAtAnya kArya nirataH pashupashcha dAmni pAshe dhanArjana vishIla sa bhR^itya bandhuH | kedArajaH kR^iShi karaH subahUpayoShyaH shUraH kShato dhanaruchirvidhanashcha shUle || 18|| dhana virahitaH pAkhaNDI vA yuge tvatha golake vidhana malino j~nAnopetaH kushilpyalaso.aTanaH | iti nigaditA yogAH sArddhaM phalairiha nAbhasA niyata phaladAshchintyA hyete samastadashAsvapi || 19|| \medskip\hrule\medskip trayodasho.adhyAyaH chandrayoga adhama sama variShThAnyarka kendrAdi saMsthe shashini vinaya vitta j~nAnadhI naipuNAni | ahani nishi cha chandre sve adhimitrAMshake vA sura guru sitadR^iShTe vittavAn syAt sukhI cha || 1|| saumyaiH smarAri nidhaneShvadhiyogendostasmiMshchamUpa sachiva kShiti pAla janma | sampanna saukhya vibhavA hata shatravashcha dIrghAyuSho vigataroga bhayAshcha jAtAH || 2|| hitvArkaM sunaphAnaphAdurudhurAH svAntyobhayasthairgrahaiH shItAMshoH kathito.anyathA tu bahubhiH kemadrumo.anyaistvasau | kendre shItakare.atha vA grahayute kemadrumo neShyate kechit kendra navAMshakeShu cha vadantyuktiH prasiddhA na te || 3|| triMshat sarUpAH sunaphAnaphAkhyAH ShaShTitrayaM daurudhure prabhedAH | ichChA vikalpaiH kramasho.abhinIya nIte nivRttiH punaranya nItiH || 4|| svayam adhigata vittaH pArthivastat samo vA bhavati hi sunaphAyAM dhI dhana khyAtimAMshcha | prabhura gada sharIraH shIlavAn khyAta kIrtirviShaya sukha suveSho nirvRtashchAnaphAyAm || 5|| utpanna bhoga sukha bhug dhana vAhanADhyastyAgAnvito durudhurA prabhavaH subhR^ityaH | kemadrume malinaduHkhita nIcha niHsvAH preShyAH khalAshcha nR^ipaterapi vaMsha jAtAH || 6|| utsAha shauryadhana sAhasa vAn mahIjaH saumyaH paTuH suvachano nipuNaH kalAsu | jIvo.arthadharma sukha bhA~N nR^ipa pUjitashcha kAmI bhR^igurbahu dhano viShayopabhoktA || 7|| para vibhava parichChadopabhoktAravi tanayo bahu kAryakR^id gaNeshaH | ashubha kR^id uDupo.ahni dR^ishya mUrtirgalita tanushcha shubho.anyathAnyad Uhyam || 8|| lagnAd atIva vasumAn vasumA~n ChashA~NkAt saumya grahairupachayopagataiH samastaiH | dvAbhyAM samo.alpa vasumAMshcha tadUnatAyAm anyeShvasatsvapi phaleShvidam utkaTena || 9|| \medskip\hrule\medskip chaturdasho.adhyAyaH dvigrahayoga tigmAMshurjanayatyuShesha sahito yantrAshma kAraM naraM bhaumenAgharataM budhena nipuNaM dhI kIrti saukhyAnvitam | krUraM vAk patinAnya kArya nirataM shukreNara~NgAyudhairlabdhasvaM ravijenadhAtu kushalaM bhANDa prakAreShu vA || 1|| kUTa stryAsava kumbha paNyam ashivaM mAtuH sa vakraH shashI sa j~naH prashrita vAkyam artha nipuNaM saubhAgya kIrtyAnvitam | vikrAntaM kula mukhyam asthira matiM vitteshvaraM sA~NgirA vastrANAM sa sitaH kriyAdi kushalaM sArkiH punarbhU sutam || 2|| mUlAdi sneha kUTairvyavaharati vaNig bAhu yoddhA sa saumye puryadhyakShaH sa jIve bhavati nara patiH prApta vitto dvijo vA | gopo mallo.athadakShaH parayuvati rato dyUta kR^it sAsurejye duHkhArto.asatya saMdhaH sa savitR^i tanaye bhUmije ninditashcha || 3|| saumye ra~Nga charo bR^ihaspati yute gIta priyo nR^ityavid vAgmI bhU gaNapaH sitena mR^idunA mAyA paTurla~NghakaH | sad vidyo dhanadAravAn bahu guNaH shukreNayukte gurau j~neyaH shmashru karo.asitena ghaTakR^ij jAto.annakAro.api vA || 4|| asita sita samAgame alpa chakShuryuvati samAshraya sampravR^iddha vittaH | bhavati cha lipi pustaka chitra vettA kathita phalaiH parato vikalpanIyAH || 5|| \medskip\hrule\medskip pa~nchadasho.adhyAyaH pravrajyAyoga ekasthaishchaturAdibhirbalayutairjAtAH pR^ithag vIryagaiH shAkyA jIvika bhikShu vR^iddha charakA nirgrantha vanyAshanAH | mAheya j~na guru kShapA kara sita prAbhAkarInaiH kramAt pravrajyA balibhiH samA parajitaistat svAmibhiH prachyutiH || 1|| ravi kupta karairadIkShitA balibhistadgata bhaktayo narAH | abhiyAchita mAtradIkShitA nihatairanya nirIkShitairapi || 2|| janmesho.anyairyadyadR^iShTo.arka putraM pashyatyArkirjanmapaM vA balonam | dIkShAM prApnotyArki dR^ik kANa saMsthe bhaumArkyaMshe sauradR^iShTe cha chandre || 3|| sura guru shashi horA svArke dR^iShTAsu dharme gururatha nR^ipatInAM yogajastIrtha kR^it syAt | navama bhavana saMsthe mandage anyairdR^iShTe bhavati narapayoge dIkShitaH pArthivendraH || 4|| \medskip\hrule\medskip ShoDasho.adhyAyaH nakShatraphala priya bhUShaNaH surUpaH subhago dakSho.ashvinIShu matimAMshcha | kR^ita nishchaya satyArug dakShaH sukhitashcha bharaNIShu || 1|| bahu bhuk paradAraratastejasvI kR^ittikAsu vikhyAtaH | rohiNyAM satya shuchiH priyaMvadaH sthira matiH surUpashcha || 2|| chapalashchaturo bhIruH paTurutsAhI dhanI mR^ige bhogI | shaTha garvitaH kR^itaghno hiMsraH pApashcharaudraR^ikShe || 3|| dAntaH sukhI sushIlo durmedhAroga bhAk pipAsushcha | alpena cha saMtuShTaH punarvasau jAyate manujaH || 4|| shAntAtmA subhagaH paNDito dhanI dharma saMsR^itaH puShye | shaThaH sarva bhakSha pApaH kR^itaghnadhUrtashcha bhauja~Nge || 5|| bahu bhR^ityadhano bhogI sura pitR^i bhakto mahodyamaH pitrye | priya vAg dAtAdyutimAn aTano nR^ipa sevako bhAgye || 6|| subhago vidyAptadhano bhogI sukhabhAk dvitIya phAlgunyAm | utsAhI dhR^iShTaH pAnapo ghR^iNI taskaro haste || 7|| chitrAmbara mAlyadharaH sulochanA~Ngashcha bhavati chitrAyAm | dAnto vaNik kR^ipAluH priya vAg dharmAshritaH svAtau || 8|| IrShyurlubdho dyutimAn vachana paTuH kalaha kR^id vishAkhAsu | ADhyo videsha vAsI kShudhAluraTano.anurAdhAsu || 9|| jyeShThAsu na bahu mitraH saMtuShTo dharma kR^it prachura kopaH | mUle mAnI dhanavAn sukhI na hiMsraH sthiro bhogI || 10|| iShTAnanda kalatro mAnI dR^iDha sauhRdashcha jaladaive | vaishve vinItadhArmika bahu mitra kR^itaj~na subhagashcha || 11|| shrImA~n ChravaNe shrutavAn udAradAro dhanAnvitaH khyAtaH | dAtADhyaH shUro gIta priyo dhaniShThAsu dhana lubdhaH || 12|| sphuTa vAg vyasanI ripuhA sAhasikaH shatabhiShaji durgrAhyaH | bhAdrapadAsu dvi ganaH strI jitadhanI paTuradAtA cha || 13|| vaktA sukhI prajAvAn jita shatrurdhArmiko dvitIyAsu | sampUrNA~NgaH subhagaH shUraH shuchirarthavAn pauShNe || 14|| \medskip\hrule\medskip saptadasho.adhyAyaH chandrarAshishIla vR^ittAtAmradR^ig uShNa shAka laghu bhuk kShipra prasAdo.aTanaH kAmI durbala jAnurasthiradhanaH shUro.a~NganA vallabhaH | sevAj~naH kanakhI vraNA~Nkita shirA mAnI sahotthAgrajaH shaktyA pANi tale a~Nkito.atichapalastoye atibhIruH kriye || 1|| kAntaH khela gatiH pR^ithu Uru vadanaH pR^iShThAsya pArshvA~NkitastyAgI klesha sahaH prabhuH kakudavAn kanyA prajaH shleShmalaH pUrvairbandhu dhanAtmajairvirahitaH saubhAgyayuktaH kShamI dIptAgniH pramadA priyaH sthira suhR^in madhyAntya saukhyo gavi || 2|| strI lolaH suratopachAra kushalastAmrekShaNaH shAstravid dUtaH ku~nchita mUrdhajaH paTu matirhAsye~NgitadyUtavit | chArva~NgaH priya vAk prabha kShaNaruchirgIta priyo nR^ityavit klIbairyAti ratiM samunnata nasashchandre tR^itIyaR^ikShage || 3|| AvakradrutagaH samunnata kaTiH strI nirjjitaH sat suhR^id daivaj~naH prachurAlaya kShayadhanaiH saMyujyate chandravat | hrasvaH pIna galaH sameti cha vaMsha sAmnA suhR^id vatsalastoyodyAnarataH sva veshma sahite jAtaH shashA~Nke naraH || 4|| tIkShNaH sthUla hanurvishAla vadanaH pi~NgekShaNo.alpAtmajaH strI dveShI priya mAMsa kAnana nagaH kupyatyakArye chiram | kShut tR^iNodaradanta mAnasarujA sampIDitastyAgavAn vikrAntaH sthiradhIH sugarvita manA mAturvidheyo.arka bhe || 5|| vrIDA manthara chAru vIkShaNa gatiH srastAMsa bAhuH sukhI shlakShNaH satyarataH kalAsu nipuNaH shAstrArthavid dhArmikaH | medhAvI surata priyaH para gR^ihairvittaishcha saMyujyate kanyAyAM paradeshagaH priya vachAH kanyA prajo.alpAtmajaH || 6|| deva brAhmaNa sAdhu pUjanarataH prAj~naH shuchiH strI jitaH prAMshushcha unnata nAsikaH kR^isha chalad gAtro.aTano.arthAnvitaH hInA~NgaH kraya vikrayeShu kushalo devadvi nAmA saruk bandhUnAm upakAra kR^id viruShitastyaktastu taiH saptame || 7|| pR^ithula nayana vakShA vR^itta ja~Nghoru jAnurjanaka guru viyuktaH shaishave vyAdhitashcha | nara pati kula pUjyaH pi~NgalaH krUra cheShTo jhaSha kulisha khagA~NkashChanna pApo.alijAtaH || 8|| vyAdirghAsya shiro dharaH pitR^i dhanastyAgI kavirvIryavAn vaktA sthUlarada shravo.adhara nasaH karmodyataH shilpavit | kubjAMshaH kunakhI samAMsala bhujaH prAgalbhavAn dharmavid bandhu dviT na balAt samaiti cha vaMsha sAmnaika sAdhyo.ashvajaH || 9|| nityaM lAlayati svadAra tanayAn dharmadhvajo.adhaH kR^ishaH svakShaH kShAma kaTirgR^ihIta vachanaH saubhAgyayukto.alasaH | shItAlurmanujo.aTanashcha makare satvAdhikaH kAvya kR^il lubdho.agamya jarA~NganAsu nirataH santyakta lajjo.aghR^iNaH || 10|| karabha galaH shirAluH khara lomashadIrgha tanuH pR^ithu charaNoru pR^iShTha jaghanAsya kaTirjaraThaH | para vanitArtha pApa nirataH kShaya vR^iddhi yutaH priya kusumAnulepana suhR^id ghaTajo.adhva sahaH || 11|| jala paradhana bhoktAdAra vAso.anuraktaH samaruchira sharIrastu~Nga nAso bR^ihatkaH | abhibhavati sa patnAn strI jitashchAru dRShTirdyuti nidhi dhana bhogI paNDitashchAntyarAshau || 12|| balavati rAshau tadadhipatau cha sva balayutaH syAd yadi tuhinAMshuH | kathita kalAnAm avikaladAtA shashivad ato.anyetyanuparichintyAH || 13|| \medskip\hrule\medskip aShTAdasho.adhyAyaH rAshishIla prathitashchaturo.aTano.alpa vittaH kriyage tvAyudha bhR^id vitu~Nga bhAge | gavi vastra sugandha paNya jIvI vanitAd viT kushalashcha go yavAdye || 1|| vidyA jyotiSha vittavAn mithunage bhAnau kulIre sthite tIkShNo.asvaH para kArya kR^ichChrama patha kleshaishcha saMyujyate | siMhasthe vana shaila go kularatirvIryAnvito.aj~naH pumAn kanyAsthe lipi lekhya kAvya gaNita j~nAnAnvitaH strI vapuH || 2|| jAtastaulini sauNDiko.adhvani rato hairaNyako nIcha kR^it krUraH sAhasiko vishArjitadhanaH shastrAntago.ali sthite | sat pUjyo dhanavAn dhanurdhara gate tIkShNo bhiShak kAruko nIcho.aj~naH kuvaNi~N mR^ige alpadhanavAMl labdho.anya bhAgyairrataH || 3|| nIcho ghaTe tanaya bhAgya parichchyuto.asva stoyottha paNya vibhavo banitAd R^ito.antye | nakShatra mAnava tanu pratime vibhAge lakShmAdishet tuhinarashmi dineshayukte || 4|| nara pati sat kR^ito.aTanashchamUpa vaNik sadhanaH kShata tanushchaura bhUri viShayAMshcha kujaH sva gR^ihe | yuvati jitAn suhR^itsu viShamAn paradAraratAn kuhaka suveSha bhIru paurShAn sita bhe janayet || 5|| baudhe asahastanayavAn visuhR^it kR^itaj~no gAndharvayuddha kushalaH kR^ipaNo.abhayo.arthI | chAndre arthavAn salilayAna samarjita svaH prAj~nashcha bhUmi tanaye vikalaH khalashcha || 6|| niHsvaH klesha saho vanAntara charaH siMhe alpadArAtmajo jaive naikaripurnarendra sachivaH khyAto.abhayAlpAtmajaH | duHkhArto vidhano.aTano.anR^itaratastIkShNashcha kumbha sthite bhaume bhUri dhanAtmajo mR^iga gate bhUpo.atha vA tat samaH || 7|| dyUtaR^iNa pAnarata nAstika chaura niHsvAH kustrIka kUTakR^id asatyaratAH kujaR^ikShe | AchArya bhUri sutadAradhanArjaneShTAH shaukre vadAnyaguru bhakti ratAshcha saumye || 8|| vikatthanaH shAstra kalA vidagdhaH priyaMvadaH saukhyaratastR^itIye | jalArjita svaH sva janasya shatruH shashA~Nkaje shIta karaR^ikShayukte || 9|| strI dveShyo vidhana sukhAtmajo.aTano.aj~naH strI lolaH sva paribhavo.arkarAshige j~ne | tyAgI j~naH prachura guNaH sukhI kShamAvAn yukti j~no vigata bhayashcha ShaShTharAshau || 10|| para karma kR^id asva shilpa buddhI R^iNavAn viShTi karo budhe arkajaR^ikShe | nR^ipa satkR^ita paNDitApta vAkyo navame antye jita sevakAntya shilpaH || 11|| senA nirbahu vittadAra tanayo dAtA subhR^ityaH kShamI tejo dAra guNAnvitaH sura gurau khyAtaH pumAn kauja bhe | kalpA~NgaH sadhanArtha mitra tanayastyAgI priyaH shaukra bhe baudhe bhUri parichChadAtmaja suhR^it sAchivyayuktaH sukhI || 12|| chAndre ratna suta svadAra vibhava praj~nA sukhairanvitaH siMhe syAd bala nAyakaH sura gurau proktaM cha yachchanra bhe | svaR^ikShe mANDaliko narendra sachivaH senApatirvAdhanI kumbhe karkaTavat phalAni makare nIcho.alpa vitto.asukhI || 13|| parayuvati ratastadartha vAdairhR^ita vibhavaH kula pAMsanaH kujaR^ikShe | sva bala mati dhano narendra pUjyaH sva jana vibhuH prathito.abhayaH site sve || 14|| nR^ipa kR^itya karo.arthavAn kalAvin mithune ShaShTha gate atinIcha karmA ravijaR^ikSha gate amarAri pUjye subhagaH strI vijito rataH kunAryyAm || 15|| dvi bhAryo.arthI bhIruH prabala mada shokashcha shashi bhe harau yoShAptArthaH pravarayuvatirmanda tanayaH | guNaiH pUjyaH sa svasturaga sahite dAnava gurau jhaShe vidvAn ADhyo nR^ipa janita pUjo.atisubhagaH || 16|| mUrkho.aTanaH kapaTavAn visuhR^id yame aje kITe tu bandha vadha bhAk chapalo.aghR^iNashcha | nihrIrsukhArtha tanayaH skhalitashcha lekhye rakShA patirbhavati mukhya patishcha baudhe || 17|| varjya strIShTo na bahu vibhavo bhUri bhAryo vR^iShasthe khyAtaH svochche gaNa pura bala grAma pUjyo.arthavAMshcha | karkiNyasvo vikaladashano mAtR^i hIno.asuto.aj~naH siMhe anAryo bisukha tanayo viShTi kR^it sUrya putre || 18|| svantaH pratyayito narendra bhavane sat putra jAyAdhano jIva kShetra gate arkaje pura bala grAmAgra netAtha vA | anya strI dhana saMvR^itaH pura bala grAmAgraNIrmandadR^ik sva kShetre malinaH sthirArtha vibhavo bhoktA cha jAtaH pumAn || 19|| shishira kara samAgamekShaNAnAM sadR^isha phalaM pravadanti lagna jAtam | phalam adhikam idaM yad atra bhAvAd bhavana bha nAtha guNairvichintanIyam || 20|| \medskip\hrule\medskip ekonaviMsho.adhyAyaH dR^iShTiphala chandre bhUpa budhau nR^ipopama guNI steno.adhanashchAjage niHsvaH stena nR^i mAnya bhUpadhaninaH preShyaH kujAdyairgavi | nR^isthe ayo vyavahAri pArthiva budhAbhistantu vAyo.adhano svaR^ikShe yoddhR^i kavi j~na bhUmi patayo.ayo jIvi dR^ig rogiNau || 1|| jyotirj~nADhya narendra nApita nR^i pakShmeshA budhAdyairharau tadvad bhUpa chamUpa naipuNayutAH ShaShThe ashubhaiH stryAshrayaH | jUke bhUpa suvarNa kAra vaNijaH sheShekShite naikR^itI kITe yugma pitA natashcharajako vya~Ngo.adhano bhUpatiH || 2|| j~nAtyurvIsha janAshrayashcha turage pApaiH sad ambhaH shaThashchAtyurvIsha narendra paNDitadhanI dravyona bhUpo mR^ige | bhUpo bhUpa samo.anyadAra nirataH sheShaishcha kumbha sthite hAsyaj~no nR^ipatirbudhashcha jhaShage pApashcha pApekShite || 3|| horeshaR^ikShadalAshritaiH shubha karo dR^iShTaH shashI tadgatastryaMshe tat patibhiH suhR^id bhavanagairvA vIkShitaH shasyate | yat proktaM prati rAshi vIkShaNa phalaM taddvAdashAMshe smR^itaM sUryodyairavalokite api shashini j~neyaM navAMsheShvataH || 4|| ArakShiko vadharuChiH kushalo niyuddhe bhUpo.arthavAn kalaha kR^it kShitijAMsha saMsthe | mUrkho.anyadAra nirataH sukaviH sitAMshe sat kAvya kR^it sukha paro.anya kalatragashcha || 5|| baudhe hi ra~Nga chara chaura kavIndra mantrI geya j~na shilpa nipuNaH shashini sthite aMshe | svAMshe alpa gAtradhana lubdha tapasvi mukhyaH strIpo.apyakR^itya niratashcha nirIkShyamANam || 6|| sa krodho nara pati saMmato nidhIshaH siMhAMshe prabhura suto.atihiMsra karmA | jIvAMshe prathita balo raNopadeShTA hAsya j~naH sachiva vikAma vR^iddha shIlaH || 7|| alpApatyo duHkhitaH satyapi sve mAnAsaktaH karmaNi sve anuraktaH | duShTa strIShtaH kR^ipaNashchArki bhAge chandre bhAnau tadvad indvAdi dR^iShTe || 8|| vargottama sva parageShu shubhaM yad uktaM tat puShTa madhya laghutA shubham utkrameNa | vIryAnvito.aMshaka patirniruNaddhi pUrvaM rAshI kShaNasya phalam aMsha phalaM dadAti || 9|| \medskip\hrule\medskip viMsho.adhyAyaH bhAva shUraH stabdho vikala nayano nirghR^iNo.arke tanusthe meShe sa svastimira nayanaH siMha saMsthe nishAdhaH | nIche andho.asvaH shashi gR^iha gate budbudAkShaH pata~Nge bhUri dravyo nR^ipa hR^itadhano vakrarogI dvitIye || 1|| mati vikramAMstR^itIyage arke visukhaH pIDita mAnashashchaturthe | asuto dhana varjitastrikoNe balavA~n Chatru jitashcha shatru yAte || 2|| strIbhirgataH paribhavaM madage pata~Nge svalpAtmajo nidhanage vikalekShaNashcha | dharme sutArtha sukha bhAk sukha shaurya bhAk khe lAbhe prabhUtadhanavAn patitastu riHphe || 3|| mUkonmatta jaDAndha hIna badhira preShyAH shashA~Nkodaye svaR^ikShajochcha gate dhanI bahu sutaH sa svaH kuTumbI dhane | hiMsro bhrAtR^i gate sukhe sa tanaye tat prokta bhAvAnvito naikArirmR^idu kAya vahni madanastIkShNo.alasashchArige || 4|| IrShustIvra mado made bahu matirvyAdhyarditashchAShTame saubhAgyAtmaja mitra bandhu dhana bhAg dharma sthite shItagau | niShpattiM samupaiti dharmadhanadhI shauryairyutaH karmage kyAto bhAva guNAnvito bhava gate kShudro.a~Nga hIno vyaye || 5|| lagne kuje kShata tanurdhanage kad anno dharme aghavAn dina kara pratimo.anya saMsthaH | vidvAn dhanI prakhala paNDita mantryashatrurdharmaj~na vishruta guNaH parato.arkavaj j~ne || 6|| vidvAn suvAkyaH kR^ipaNaH sukhI cha dhI mAna shatruH pitR^ito.adhikashcha | nIchastapasvI sadhanaH sa lAbhaH khalashcha jIve kramasho vilagnAt || 7|| smara nipuNaH sukhitashcha vilagne priya kalaho.asta gate suratepsuH | tanaya gate sukhito bhR^igu putre guru vadato.anya gR^ihe sadhano.antye || 8|| adR^iShTArtho rogI madana vashago.atyanta malinaH shishutve pIDArtaH savitR^i suta lagnetyalasa vAk | guru svaR^ikShochchasthe nR^i pati sadR^isho grAma purapaH suvidvAMshchArva~Ngo dina kara samo.anyatra kathitaH || 9|| suhR^id ari parakIya svaR^ikSha tu~Nga sthitAnAM phalam anuparichintyaM lagnadehAdi bhAvaiH | samupachaya vipattI saumya pApeShu satyaH kathayati viparItaM riHpha ShaShThAShTa bheShu || 10|| uchcha trikoNa sva suhRchChatru nIcha gR^ihArkagaiH | shubhaM sampUrNa pAdonadala pAdAlpa niShphalam || 11|| \medskip\hrule\medskip ekaviMsho.adhyAyaH Ashrayayoga kula sama kula mukhya bandhu pUjyAdhani sukhi bhogi nR^ipAH sva bhaika vR^iddhyA | para vibhava suhR^it sva bandhu poShyA gaNapa balesha nR^ipAshcha mitra bheShu || 1|| janayati nR^ipam eko.apyuchchago nitradR^iShTaH prachuradhana sametaM mitrayogAchcha siddham | vidhana visukha mUDha vyAdhito bandha tapto vadhadurita sametaH shatru nIchaR^ikShageShu || 2|| na kumbha lagnaM shubham Aha satyo na bhAga bhedAd yavanA vadanti | kasyAMsha bhedo na tathAsti rAsheratiprasa~Ngastviti viShNu guptaH || 3|| yAteShvasat sva sama bheShu dinesha horAM khyAto mahodyama balArthayuto.atitejAH | chAndrIM shubheShu yuji mArdava kAnti saukhya saubhAgyadhI madhura vAkyayutaH prajAtaH || 4|| tAsveva horA sva paraR^ikShageShu j~neyA narAH pUrva gaNeShu madhyAH | vyatyasta horA bhavana sthiteShu martyA bhavantyukta guNairvihInAH || 5|| kalyANarUpa guNam Atma suhRd dR^ikoNe chandro.anyagastadadhinAtha guNaM karoti | vyAlodyayAyudha chatushcharaNANDajeShu tIkShNo.atihiMsra guru talparato.aTanashcha || 6|| steno bhoktA paNDitADhyo narendraH klIbaH shUro viShTikR^id dAsa vR^ittiH | pApo hiMsro.abhIshcha vargottamAMsheShveShAm IShArAshivad dvAdashAMshaiH || 7|| jAyAnvito bala vibhUShaNa satvayuktostejo.atisAhasayutashcha kuje sva bhAge | rogI mR^ita svayuvatirviShamo.anyadAro duHkhI parichChadayuto malino.arka putre || 8|| svAMshe gurau dhanayashaH sukha buddhi yuktAstejasvi pUjya nirug udyama bhogavantaH | medhA kalAka paTa kAvya vivAda shilpa shAstrArtha sAhasayutAH shashije atimAnyAH || 9|| sve triMshAMshe bahu suta sukhArogya bhAgyArtharUpaH shukre tIkShNaH sulalita vapuH suprakIrNendriyashcha | shUra stabdhau viShama vadhakau sad guNADhyau sukhijau chArva~Nge aShTau ravi shashi yuteShvAra pUrvAMshakeShu || 10|| \medskip\hrule\medskip dvAviMsho.adhyAyaH prakIrNaka svaR^ikSha tu~Nga mUla trikoNagAH kaNTakeShu yAvantAshritAH | sarvaiva te anyonya kArakAH karmagastu teShAM visheShataH || 1|| karkaTodaya gate yathoDupe svochchagAH kujayamArka sUrayaH | kArakA nigaditAH parasparaM lagnagasya sakalo.ambarAmbugaH || 2|| sva trikoNochchago heturanyonyaM yadi charmagaH | suhR^it tadguNa sampannaH kArakashchApi sa smR^itaH || 3|| shubhaM vargottame janma veshi sthAne cha sad gR^ihe | ashUnyeShu cha kendreShu kArakAkhya graheShu cha || 4|| madhye vayasaH sukha pradAH kendrasthA guru janma lagnapAH | pR^iShThobhayakodayaR^ikShagAstvante antaH prathameShu pAkadAH || 5|| dina kararudhirau praveSha kAle guru bhR^igujau bhavanasya madhyayAtau | ravi suta shashinau vinirgamasthau shashi tanayaH phaladastu sarva kAlam || 6|| \medskip\hrule\medskip trayoviMsho.adhyAyaH aniShTa lagnAt putra kalatra bhe shubha pati prApte atha vAlokite chandrAd vA yadi sampad asti hi tayorj~neyo.anyathA saMbhavaH | pAthonodayage ravau ravi suto mIna sthito dArahA putra sthAna gatashcha putra maraNaM putro.avaneryachChati || 1|| ugra grahaiH sita chaturasra saMsthitairmadhya sthite bhR^igu tanaye atha vA ugrayoH | saumya grahairasahita saMnirIkShite jAyA vadho dahana nipAta pAshajaH || 2|| lagnAd vyayAri gatayoH shashi tigmarashmyoH patnyA sahaika nayanasya vadanti janma | dyUnasthayornavama pa~nchama saMsthayorvA shukrArkayorvikaladAram ushanti jAtam || 3|| koNodaye bhR^igu tanaye asta chakra saMdhau vandhyA patiryadi na sutaR^ikSham iShTayuktam | pApa grahairvyaya mada lagnarAshi saMsthaiH kShINe shashinyasuta kalatra janmadhIsthe || 4|| asita kujayorvarge astasthe site tadavekShite parayuvatigastau chet sendu striyA saha puMshchalaH | bhR^iguja shashinoraste abhAryo naro visuto.api vA pariNata tanU nR^i stryordR^iShTau shubhaiH pramadA patI || 5|| vaMsha chChettA kha mada sukhagaishchandradaityejya pApaiH shilpI tryaMshe shashi sutayute kendra saMsthArki dR^iShTe | dAsyAM jAto diti suta gurau riHphage saura bhAge nIcho.arkendrvormadana gatayordR^iShTayoH sUryajena || 6|| pApAlokitayoH sitAvanijayorastasthayorvAdhyaruk chandre karkaTa vR^ishchikAMshaka gate pApairyute guhyaruk | shvi trI riHphadhanasthayorashubhayoshchandrodaye aste ravau chandre khe avanije astage cha vikalo yadyarkajo veshigaH || 7|| antaH shashinyashubhayormR^igage pata~Nge shvAsa kShaya plihaka vidradhi gulma bhAjaH | shoShI paraspara gR^ihAMsha gayorravIndvoH kShetre atha vA yugapad ekagayoH kR^isho vA || 8|| chendre ashvi madhya jhaSha karki mR^igAja bhAge kuShThI sa mandarudhire tadavekShite vA | yAtaistrikoNam ali karki vR^iShairmR^ige cha kuShThI cha pApa sahitairavalokitairvA || 9|| nidhanAri dhana vyaya sthitAravi chandrArayamA yathA tathA | balavad grahadoSha kAraNairmanujAnAM janayantyanetratAm || 10|| navamAya tR^itIyadhI yutA na cha saumyairashubhA nirIkShitAH | niyamAchChravaNopaghAtadArada vaikR^itya karAshcha saptame || 11|| udayatyuDupe surAsyage sa pishAcho.ashubhayostrikoNayoH | sa upaplava maNDale ravAvudayasthe nayanApavarjitaH || 12|| saMspR^iShTaH pavanena mandagayute dyUne vilagne gurau sa unmAdo.avanije sthite asta bhavane jIve vilagnAshrite | tadvat sUrya sutodaye avani sute dharmAtmajadyUnage jAto vAsa sahasrarashmi tanaye kShINe vyaye shItagau || 13|| rAshyaMshapoShNa kara shIta karAmarejyairnIchAdhipAMsha gatairari bhAgagairvA | ebhyo.alpa madhya bahubhiH kramashaH prasUtA j~neyAH syurabhyupagama kraya garbhadAsAH || 14|| vikR^itadashanaH pApairdR^iShTe vR^iShAja hayodaye khalatirashubha kShetre lagne haye vR^iSha bhe api vA | navama sutage pApairdR^iShTe ravAvadR^iDhekShaNo dina kara sute naika vyAdhiH kuje vikalaH pumAn || 15|| vyaya sutadhanadharmagairasaumyairbhavana sa mAna nibandhanaM vikalpyam | bhuja gani gaDa pAshabhR^id dR^ikANairbalavad asaumya nirIkShitaishcha tadvat || 16|| puruSha vachano.apasmArArtaH kShayI cha nishA patau saravi tanaye vakrAlokaM gate pariveShage | ravi yama kujaiH saumyAdR^iShTairnabhaH sthalam AshritairbhR^itaka manujaH pUrvoddiShTairvarAdhama madhyamAH || 17|| \medskip\hrule\medskip chaturviMsho.adhyAyaH strIjAtaka yad yat phalaM nara bhave kShamam a~NganAnAM tat tadvadet patiShu vA sakalaM vidheyam | tAsAM tu bhartR^i maraNaM nidhane vapustu lagnendugaM subhagatAstamaye patishcha || 1|| yugmeShu lagna shashinoH prakR^iti sthitA strI sachChIla bhUShaNayutA shubhadR^iShTayoshcha | ojasthayoshcha manujAkRti shIlayuktA pApA cha pApayutekShitayorguNonA || 2|| kanyAivaduShTA vrajatIhadAsyaM sAdhvI sa mAyA kucharitrayuktA | bhUmyAtmajaR^ikShe kramasho.aMshakeShu vakrArki jIvenduja bhArgavAnam || 3|| duShTA punarbhUH sa guNA kalAj~nA khyAtA guNaishchAsura pUjitaR^ikShe | syAt kApaTI klIba samA satI cha baudhe guNADhyA pravikIrNakAmA || 4|| sva chChandA pati ghAtinI bahu guNA shilpinyasAdhvIndu bhe | nrAchArA kulaTArka bhe nR^ipa vadhUH puMshcheShTitAgamyagA | jaivenaikaguNAlparatyatiguNA vij~nAnayuktA satI | dAsI nIcharatArki bhe pati ratAduShTA prajA svAMshakaiH || 5|| shashi lagna samAyuktaiH phalaM triMshAMshakairidam | balAbala vikalpena tayoruktaM vichintayet || 6|| dR^ik saMsthAvasita sitau parasparAMshe shaukre vA yadi ghaTarAshi saMbhavo.aMshaH | strIbhiH strI madana viShAnala pradIptaM saMshAntiM nayati narAkR^iti sthitAbhiH || 7|| shUnye kApuruSho bale asta bhavane saumya grahAvIkShite klIvo.aste budha mandayoshchara gR^ihe nityaM pravAsAnvitaH | utsR^iShTAraviNA kujena vidhavA vAlye astarAshi sthite kanyAivAshubha vIkShite arka tanaye dyUne jarAM gachChati || 8|| AgneyairvidhavAstarAshi sahitairmishraiH punarbhUrbhavet krUre hIna bale astage sva patinA saumyekShite projjhitA | anyonyAMshagayoH sitAvanijayoranya prasaktA~NganA dyUne vA yadi shItarashmi sahitau bhartustadAnuj~nayA || 9|| saurAraR^ikShe lagnage sendu shukre matrA sArddhaM bandhakI pApadR^iShTe | kauje astAMshe sauriNA vyAdhi yonishchAru shroNI vallabhA sad grahAMshe || 10|| vR^iddho mUrkhaH sUryajaR^ikShe aMshake vA strI lolaH syAt krodhanashchAvaneye | shaukre kAnto.atIva saubhAgyayukto vidvAn bhartA naipuNa j~nashcha baudhe || 11|| madana vasha gato mR^idushcha chAndre tri dasha gurau guNavAn jitendriyashcha | atimR^idu rati karma kR^ichcha saurye bhavati gR^ihe astamaya sthite aMshake vA || 12|| IrShyAnvitA sukha parA shashi shukra lagne j~nendvoH kalAsu nipuNA sukhitA guNADhyA | shukra j~nayostu ruchirA subhagA kalAj~nA triShvapyaneka vasu saukhya guNA shubheShu || 13|| krUre aShTame vidhavatA nidhaneshvaro.aMshe yasya sthito vayasi tasya same pradiShTA | sat svarthageShu maraNaM svayam eva tasyAH kanyAligo hariShu chAlpa sutatvam indau || 14|| saure madhya bale balenarahitaiH shItAMshu shukrendujaiH sheShairvIrya samanvitaiH paruShiNI yadyojarAshyudgamaH | jIvAra sphuji daindaveShu baliShu prAg lagnarAshau same vikhyAtA bhuvi naika shAstra nipuNA strI brahma vAdinyapi || 15|| pApe aste navama gata grahasya tulyAM pravrajyAM yuvatirupaityasaMshayena | udvAhe varaNa vidhau pradAna kAle chintAyAm api sakalaM vidheyam etat || 16|| \medskip\hrule\medskip paMchaviMsho.adhyAyaH nairyANika mR^ityurmR^ityu gR^ihekShaNena balibhistaddhAtu kopodbhavastat saMyukta bha gAtrajo bahu bhavo vIryAnvitairbhUribhiH | agnyaMbvAyudhajo jvarAmaya kR^itastR^iT kShut kR^itashchAShTame sUryAdyairnidhane charAdiShu para svAdhva pradesheShviti || 1|| shailAgrAbhihatasya sUrya kujayormR^ityuH kha bandhusthayoH kUpe manda shashA~Nka bhUmi tanayairbandhvasta karma sthitaiH | kanyAyAM sva janAd dhimoShNa karayoH pApa grahairdR^iShTayoH syAtAM yadyubhayodaye arka shashinau toye tadA majjitaH || 2|| mande karkaTage jalodara kR^ito mR^ityurmR^igA~Nke mR^ige shastrAgni prabhavaH shashinyashubhayormadhye kuja R^ikShe sthite | kanyAyAM rudhirottha shoSha janitastadvat sthite shItagau sauraR^ikShe yadi tadvad eva himagau rajjvagni pAtaiH kR^itaH || 3|| bandhAd dhI navamastayorashubhayoH saumya grahAd dR^iShTayordreShkANaishcha sa pAsha sarpa nigaDaishChidra sthitairbandhataH | kanyAyAm ashubhAnvite astamayage chandre site meShage sUrye lagna gate cha viddhi maraNaM strI hetukaM mandire || 4|| shUlodbhinna tanuH sukhe avani sute sUrye api vA khe yame sa prakShINa himAMshubhishcha yugapat pApaistrikoNAdyagaiH | bandhusthe charavau viyatyavanije kShINendu saMvIkShite kAShThenAbhihataH prayAti maraNaM sUryAtmajenekShite || 5|| randhrAspadA~Nga hibukairlaguDAhatA~NgaH prakShINa chandrarudhirArki dineshayuktaiH | taireva karma navamodaya putra saMsthairdhUmAgni bandhana sharIra nikuTTanAntaH || 6|| bandhvasta karma sahitaiH kuja sUrya mandairniryANam Ayudha shikhi kShiti pAla kopAt | saurendu bhUmi tanayaiH sva sukhAspadasthairj~neyaH kShata kR^imi kR^itashcha sharIra ghAtaH || 7|| khasthe arke avanije rasAtala gate yAna prapAtad vadho yantrotpIDanajaH kuje astamayage saurendunAbhyudgame | viN madhye rudhirArki shIta kiraNairjUkAja sauraR^ikShagairyAte vA galitendu sUryarudhirairvyomAsta bandhvAhvayAn || 8|| vIryAnvita vakra vIkShite kShINendau nidhana sthite arkaje | guhyodbhavaroga pIDayA mR^ityuH syAt kR^imi shastradAhajaH || 9|| aste ravau sarudhire nidhane arka putre kShINe rasAtala gate himagau khagAntaH | lagnAtmajAShTama tapaHsvina bhauma manda chandraistu shaila shikharAshani kuDya pAtaiH || 10|| dvAviMshaH kathitastu kAraNaM dreShkANo nidhanasya sUribhiH | tasyAdhipatirbhavo.api vA niryANaM sva guNaiH prayachChati || 11|| horA navAMshakapayukta sa mAna bhUmau yogekShaNAdibhirataH parikalpyam etat | mohastu mR^ityu samaye anuditAMsha tulyaH sveshekShite dvi guNitastriguNaH shubhaishcha || 12|| dahana jala vimishrairbhasma saMkleda shoShairnidhana bhavana saMsthairvyAla vargairviDantaH | iti shava pariNAmashchintanIyo yathoktaH pR^ithuvi rachita shAstrAd gatyanUkAdi chintyam || 13|| gururuDu pati shukrau sUrya bhaumau yama j~nau vibudha pitR^i tirashcho nArakIyAMshcha kuryuH | dina kara shashi vIryAdhiShThitAt tryaMsha nAthAt pravara sama nikR^iShTAstu~Nga hrasAd anUke || 14|| gatirapi ripu randhra tryaMshapo.astasthito vA gururatharipu kendra chChidragaH svochcha saMsthaH | udayati bhavane antye saumya bhAge cha mokSho bhavati yadi balena projjhitAstatra sheShAH || 15|| \medskip\hrule\medskip ShaDviMsho.adhyAyaH naShTajAtaka AdhAna janmAparibodha kAle sampR^ichChato janma vaded vilagnAt | pUrvAparArdhe bhavanasya vindyAd bhAnAvudag dakShiNage prasUtim || 1|| lagna trikoNeShu gurustri bhAgairvikalpya varShANi vayo.anumAnAt | grIShmo.arka lagne kathitAstu sheShairanyAyanartAvR^iturarka chArAt || 2|| chanra j~na jIvAH parivartanIyAH shukrAra mandairayane vilome | dreShkANa bhAge prathame tu pUrvo mAso.anupAtAchcha tithirvikalpyaH || 3|| atrApi horA paTavo dvijendrAH sUryAMsha tulyAM tithim uddishanti | rAtri dyu saMj~neShu viloma janma bhAgaishcha velAH kramasho vikalpyAH || 4|| ke chichChashA~NkAdhyuShitAn navAMshachChuklAnta saMj~naM kathayanti mAsam | lagna trikoNottama vIryayuktaM samprochyate a~NgAla bhanAdibhirvA || 5|| yAvAn gataH shIta karo vilagnAchchandrAd vadet tAvati janmarAshiH | mInodaye mInayugaM pradiShTaM bhakShyAhR^itAkArarutaishcha chintyam || 6|| horA navAMsha pratimaM vilagnaM lagnAd raviryAvati cha dR^ikANe | tasmAd vadet tAvati vA vilagnaM praShTuH prasUtAviti shAstram Aha || 7|| janmAdishel lagnage vIryage vA ChAyA~Ngula ghnerkahate avashiShTam | AsIna suptotthita tiShThatAbhaM jAyA sukhAj~nodayagaM pradiShTam || 8|| go siMhau jitumAShTamau kriya tule kanyA mR^igau cha kramAt saMvargyo dashakAShTa sapta viShayaiH sheShAH sva saMkhyA guNAH | jIvArAsphuji daindavAH prathamavachCheShA grahAH saumyavad rAshInaM niyato vidhirgrahayutaiH kAryA cha tadvargaNA || 9|| saptAhataM tri ghana bhAjita sheSham R^ikShaM dattvAtha vA nava vishodhya na vAtha vAsmAt | evaM kalatra sahajAtmaja shatru bhebhyaH praShTurvaded udayarAshi vashena teShAm || 10|| varShaR^itu mAsa tithayo dyu nishaM hyUDUni velodaye R^ikSha nava bhAga vikalpanAH syuH | bhUyo dashAdi guNitAH sva vikalpa bhaktA varShAdayo navakadAna vishodhanAbhyAm || 11|| vij~neyAdashakeShvabdAR^itu mAsAstathaiva cha | aShTakeShvapi mAsAd ardhAstithayashcha tathA smR^itAH || 12|| divArAtri prasUtiM cha nakShatrAnayanaM tathA | saptakaShvapi vargeShu nityam evopalakShayet || 13|| velAm atha vilagnaM cha horAm aMshakam eva cha | pa~nchakeShu vijAnIyAn naShTa jAtaka siddhaye || 14|| saMskAra nAma mAtrAdvi guNA ChAyA~NgulaiH samAyuktAH | sheShaM tri navaka bhaktAn nakShatraM taddhaniShTHAdi || 15|| dvi tri chaturdashadasha tithi sapta tri guNA navAShTa chendrAdyAH | pa~nchadashaghnAstaddi~N mukhAnvitA bhadhaniShThAdi || 16|| iti naShTa jAtakam idaM bahu prakAraM mayA vinirdiShTam | grAhyam ataH sachChiShyaiH parIkShyayantAd yathA bhavati || 17|| \medskip\hrule\medskip saptaviMsho.adhyAyaH dreShkANa svarUpa kaTyAM sita vastra veShTitaH kR^iShNaH shaktevAbhirakShitum | raudraH parashuM samudyataM dhatte rakta vilochanaH pumAn || 1|| raktam ambarA bhUShaNa bhakShya chintA kumbhAkR^itirvAji mukhI tR^iShArtA | ekena pAdena cha meSha madhye dreShkANarUpaM yavanopadiShTam || 2|| krUraH kalAj~naH kapilaH kriyArthI bhagna vrato.abhyudya tadaNDa hastaH | raktAni vastrANi bibharti chaNDo meShe tR^itIyaH kathitastri bhAgaH || 3|| ku~nchita lUna kachA ghaTadehAdagdha paTA tR^iShitAshana chittA | AbharaNAnyabhivA~nChati nArI rUpam idaM vR^iSha bhe prathamasya || 4|| kShetradhAnya gR^ihadhenu kalAj~no lA~Ngale sa shakaTe kushalashcha | skandham udvahati go pati tulyaM kShut paro.aja vadano mala vAsA || 5|| dvipa sama kAyaH pANDuradaMShTraH sharabha samA~NghriH pi~Ngala mUrtiH | avi mR^iga lobha vyAkula chitto vR^iShabha vanasya prAnta gato.ayam || 6|| sUchyAshrayaM samabhivA~nChati karma nArI rUpAnvitAbharaNa kArya kR^itAdarA cha | hIna prajochChrita bhujaR^itu matI tri bhAgam AdyaM tR^itIya bhavanasya vadanti tajj~nAH || 7|| udyAna saMsthaH kavachI dhanuShmA~n ChUro.astradhArI garuDAnAnAshcha | krIDAtmajAlaMkaraNArtha chintAM karoti madhye mithunasyarAsheH || 8|| bhUShito varuNavad bahu ratno baddha tUNa kavachaH sadhanuShkaH | nR^itta vAdita kalAsu cha vidvAn kAvya kR^in mithunarAshyavasAne || 9|| patra mUla phala bhR^id dvipa kAyaH kAnane malayagaH sharabhA~NghriH | kroDa tulya vadano haya kaNThaH karkaTe prathamarUpam ushanti || 10|| padmArchitA mUrdhani bhogi yuktA strI karka shAraNya gatA virauti | shAkhAM palAshasya samAshritA cha madhye sthitA karkaTakasyarAsheH || 11|| bhAryAbharaNArtham arNavaM naustho gachChati sarpa veShTitaH | haimaishcha yuto vibhUShaNaishchipiTAsyA~Ntya gatashcha karkaTe || 12|| shAlmalerupari gR^idhra jambukau shvA narashcha malinAmbarAnvitaH | rauti mAtR^i pitrviparyojitaH siMharUpam idam Adyam uchyate || 13|| hayAkR^itiH pANDura mAlya shekharo bibharti kR^iShNAjina kambalaM naraH | durAsadaH siMhevAtta kArmuko natAgra nAso mR^igarAja madhyamaH || 14|| R^ikShAnano vAnara tulya cheShTo bibharti daNDaM phalam AmiShaM cha | kUrchI manuShyaH kuTilaishcha keshairmR^igeshvarasyAntya gatastri bhAgaH || 15|| puShpa prapUrNena ghaTena kanyA mala pradigdhAmbara saMvR^itA~NgI | vastrArtha saMyogam abhIShTamAnA guroH kulaM vA~nChati kanyAkAdyaH || 16|| puruShaH pragR^ihIta lekhaniH shyAmo vastra shirA vyAyaya kR^it | vipulaM cha bibharti kArmukaM roma vyApta tanushcha madhyamaH || 17|| gaurI sudhautAgradukUla guptA samuchChritA kumbha kaTachChuhastA | devAlayaM strI prayatA pravR^ittA vadanti kanyAntya gatastri bhAgaH || 18|| vIthyantarApaNa gataH puruShastulAvAn unmAna mAna kushalaH pratimAna hastaH | bhANDaM vichintayati tasya cha mUlyam etad rUpaM vadanti yavanAH prathamaM tulAyAH || 19|| kalashaM parigR^ihya viniShpatituM samabhIpsati gR^idhra mukhaH puruShaH | kShudhitastR^iShitashcha kalatra sutAn manaseti tulAdhara madhya gataH || 20|| vibhIShayaMstiShThati ratna chitrito vane mR^igAn kA~nchana tUNa varma bhR^it | phalAmiShaM vAnararUpabhR^in narastulA vasAne yavanairudAhR^itaH || 21|| vastrairvihInAbharaNaishcha nArI mahA samudrAt samupaiti kUlam | sthAna chyutA sarpa nibaddha pAdA manoramA vR^ishchikarAshi pUrvaH || 22|| sthAna sukhAnyabhivA~nChati nArI bhaR^itu kR^ite bhujagAvR^itadehA | kachChapa kumbha sa mAna sharIrA vR^ishchika madhyamarUpam ushanti || 23|| pR^ithula chipiTa kUrma tulya vakraH shva mR^iga varAha sR^igAla bhIShakArI | avati cha malayAkara pradeshaM mR^iga patirantya gatasya vR^ishchikasya || 24|| manuShya vakro.ashva sa mAna kAyo dhanurvigR^ihyAyatam AshramasthaH | kratUpayojyAni tapasvinashchararakShAdyo dhanuShastri bhAgaH || 25|| manoramA champaka hema varNA bhadrAsane tiShThati madhyarUpA | samudraratnAni vighaTTayantI madhya tri bhAgo dhanuShaH pradiShTaH || 26|| kUrchI naro hATaka champakAbho varAsane daNDadharo niShaNNaH | kausheyakAnyudvahate ajinaM cha tR^itIyarUpaM navamasyarAsheH || 27|| roma chito makaropamadaMShTraH sUkarakAyasa mAna sharIraH | yoktraka jAlaka bandhanadhArI raudra mukho makara prathamastu || 28|| kalAsvabhij~nAbjadalAyatAkShI shyAmA vichitrANi cha mArgamANA | vibhUShaNAlaMkR^ita loha karNA yoShA pradiShTA makarasya madhhye || 29|| kinnaropama tanuH sa kambalastUNa chApa kavachaiH samanvitaH | kumbham udvahati ratna chitritaM skandhagaM makararAshi pashchimaH || 30|| rathoddhatA) sneha madya jala bhojanAgama vyAkulI kR^ita manAH sa kambalaH | kosha kAra vasano.ajinAnvito gR^idhra tulya vadano ghaTAdigaH || 31|| dagdhe shakaTe sa shAlmale lohAnyAharate a~NganA vane | malinena paTena saMvRtA bhANDairmUrdhni gataishcha madhyamaH || 32|| shyAmaH saroma shravaNaH kirITI tvak patra niryAsa phalairbibharti | bhANDAni loha vyatimishritAni sa~nchArayantyanta gato ghaTasya || 33|| srug bhANDa muktAmaNi sha~Nkha misrairvyAkShipta hastaH sa vibhUShaNashcha | bhAryA vibhUShArtham apAM nidhAnaM nAvA plavatyAdi gato jhaShasya || 34|| atyuchChritadhvaja patAkam upaiti potaM kUlaM prayAti jaladheH parivArayuktA | varNena champaka mukhI pramadA tri bhAgo mInasya chaiSha kathito munibhirdvitIyaH || 35|| shvabhrAntike sarpa niveShTitA~NgA vastrairvihInaH puruShastvaTavyAm | chaurAnala vyAkulitAntarAtmA vikroshate antyopagato jhaShasya || 36|| \medskip\hrule\medskip aShTAviMsho.adhyAyaH upasaMhAra rAshi prabhedo grahayoni bhedo viyoni janmAtha niSheka kAlaH | janmAtha sadyo maraNaM tathAyurdashA vipAko.aShTaka varga saMj~naH || 1|| karmAjIvo rAjayogAH khayogAshchAndrA yogAd vigrahAdyAshcha yogAH | pravrajAtho rAshi shIlAni dRShTirbhAvastasmAd Ashrayo.atha prakIrNaH || 2|| neShTA yogA jAtakaM kAminInAM niryANaM syAn neShTa janmadR^ikANaH | adhyAyAnAM viMshatiH pa~ncha yuktA janmanyetad yAtrikaM chAbhidhAsye || 3|| prashnAstithirbhaM divasaH kShaNashcha chandro vilagnaM tvatha lagna bhedaH | shuddhirgrahANAm atha chApa vAdo vimishrakAkhyaM tanu vepanaM cha || 4|| ataH paraM guhyaka pUjanaM syAt svapnaM tataH snAna vidhiH pradiShTaH | yaj~no grahANAm atha nirgamashcha kramAchcha diShTaH shakunopadeshaH || 5|| vivAha kAlaH karaNaM grahANAM proktaM pR^ithak tadvipulAtha shAkhA | skandhaistribhirjyotiSha saMgraho.ayaM mayA kR^ito daiva vidAM hitAya || 6|| pR^ithu virachitam anyaiH shAstram etat samastaM tadanu laghu mayedaM tat pradeshArtham eva | kR^itam iha hi samarthaM dhI viShANAmatve mamayadi hayad uktaM saj janaiH kShamyatAM tat || 7|| granthasyayA pracharato.asya vinAsham eti kekhvyAt bahu shrita mukhAdhigama krameNa | yad vA mayA kukR^itam alpam ihAkR^itaM vA kAryaM tadatra viduShA parihR^ityarAgam || 8|| AdityadAsa tanayastadavApta bodhaH kApitthake savitR^i labdha vara prasAdaH | Avantiko muni matAnyavalokya samyag ghorAM varAhamihiro ruchirAM chakAra || 9|| dina kara muni guru charaNa praNipAta kR^ita prasAda matinedam | shAstram upasaMgR^ihItaM namo.astu pUrva pranetR^ibhyaH || 10|| ## Encoded by Mizue Sugita December12, 1994 Avilable at ftp://ccftp.kyoto-su.ac.jp/pub/doc/sanskrit/jyotisa/bj.jyt Converted to Itrans for Devanagari display by Radu Canahai clradu@yahoo.com The table of Contents adhyAya and verse numbers 01. rAzi prabheda 20 02. graha.bheda 21 03. viyoni janma 8 04. niSeka 22 05. janma vidhi 26 06. ariSTa 12 07. AyurdAya 14 08. dazA antardazA 23 09. aSTakavarga 8 10. karma AjIva 4 11. rAja yoga 20 12. nAbhasa yoga 19 13. candra yoga 9 14. dvi graha yoga 5 15. pravrajyA yoga 4 16. nakSatra phala 14 17. candra rAzi zIla 13 18. rAzi zIla 20 19. duSTi phala 9 20. bhAva 11 21. Azraya yoga 10 22. prakIrNaka 6 23. aniSTa 17 24. strI jAtaka 16 25. nairyANika 15 26. naSTa jAtaka 17 27. dreSkANa sva rUpa 36 28. upasaMhAra 10 \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}