% Text title            : manusmRiti
% File name             : manu.itx
% Category              : samajashastra, sociology\_astrology
% Location              : doc\_z\_misc\_sociology\_astrology
% Transliterated by     : Michio Yano, Y.Ikari, Avinash Sathaye sohum at ms.uky.edu
% Proofread by          : Michio Yano, Y.Ikari, Avinash Sathaye sohum at ms.uky.edu
% Description-comments  : Reformatted NA
% Latest update         : November 1, 2010, March 6, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ManusmRti ..}##
\itxtitle{.. manusmR^iti athavA mAnavadharmashAstram ..}##\endtitles ##
\section{adhyAya 1}
manumekAgramAsInamabhigamya maharShayaH |
pratipUjya yathAnyAyamidaM vachanamabruvan || 1\.1||
bhagavan sarvavarNAnAM yathAvadanupUrvashaH |
antaraprabhavAnAM cha dharmAnno vaktumarhasi || 1\.2||
tvameko hyasya sarvasya vidhAnasya svayambhuvaH |
achintyasyAprameyasya kAryatattvArthavitprabho || 1\.3||
sa taiH pR^iShTastathA samyagamitojA mahAtmabhiH |
pratyuvAchArchya tAn sarvAn maharShI.nshrUyatAmiti || 1\.4||
AsIdidaM tamobhUtamapraj~nAtamalakShaNam |
apratarkyamavij~neyaM prasuptamiva sarvataH || 1\.5||
tataH svayambhUrbhagavAnavyakto vya~njayannidam |
mahAbhUtAdi vR^ittojAH prAdurAsIttamonudaH || 1\.6||
yo.asAvatIndriyagrAhyaH sUkShmo.avyaktaH sanAtanaH |
sarvabhUtamayo.achintyaH sa eva svayamudbabhau || 1\.7|| sa eSha

so.abhidhyAya sharIrAtsvAtsisR^ikShurvividhAH prajAH |
apa eva sasarjAdau tAsu vIryamavAsR^ijat || 1\.8||
tadaNDamabhavaddhaimaM sahasrA.nshusamaprabham |
tasmi~njaj~ne svayaM brahmA sarvalokapitAmahaH || 1\.9||
Apo nArA iti proktA Apo vai narasUnavaH |
tA yadasyAyanaM pUrvaM tena nArAyaNaH smR^itaH || 1\.10||
yattatkAraNamavyaktaM nityaM sadasadAtmakam |
tadvisR^iShTaH sa puruSho loke brahmaiti kIrtyate || 1\.11||
tasminnaNDe sa bhagavAnuShitvA parivatsaram |
svayamevAtmano dhyAnAttadaNDamakaroddvidhA || 1\.12||
tAbhyAM sa shakalAbhyAM cha divaM bhUmiM cha nirmame |
madhye vyoma dishashchAShTAvapAM sthAnaM cha shAshvatam || 1\.13||
udbabarhAtmanashchaiva manaH sadasadAtmakam |
manasashchApyaha~NkAramabhimantAramIshvaram || 1\.14||
mahAntameva chAtmAnaM sarvANi triguNAni cha |
viShayANAM grahItR^INi shanaiH pa~nchaindriyANi cha || 1\.15||
teShAM tvavayavAn sUkShmAn ShaNNAmapyamitaujasAm |
sa.nniveshyAtmamAtrAsu sarvabhUtAni nirmame || 1\.16||
yan mUrtyavayavAH sUkShmAstAnImAnyAshrayanti ShaT |
tasmAchCharIramityAhustasya mUrtiM manIShiNaH || 1\.17||
tadAvishanti bhUtAni mahAnti saha karmabhiH |
manashchAvayavaiH sUkShmaiH sarvabhUtakR^idavyayam || 1\.18||
teShAmidaM tu saptAnAM puruShANAM mahaujasAm |
sUkShmAbhyo mUrtimAtrAbhyaH sambhavatyavyayAdvyayam || 1\.19||
AdyAdyasya guNaM tveShAmavApnoti paraH paraH |
yo yo yAvatithashchaiShAM sa sa tAvadguNaH smR^itaH || 1\.20||
sarveShAM tu sa nAmAni karmANi cha pR^ithakpR^ithak |
vedashabdebhya evAdau pR^ithaksa.nsthAshcha nirmame || 1\.21||
karmAtmanAM cha devAnAM so.asR^ijatprANinAM prabhuH |
sAdhyAnAM cha gaNaM sUkShmaM yaj~naM chaiva sanAtanam || 1\.22||
agnivAyuravibhyastu trayaM brahma sanAtanam |
dudoha yaj~nasiddhyarthaM R^ich.yajus.sAmalakShaNam || 1\.23||
kAlaM kAlavibhaktIshcha nakShatrANi grahA.nstathA |
saritaH sAgarAn shailAn samAni viShamAni cha || 1\.24||
tapo vAchaM ratiM chaiva kAmaM cha krodhameva cha |
sR^iShTiM sasarja chaivaimAM sraShTumichChannimAH prajAH || 1\.25||
karmaNAM cha vivekArthaM dharmAdharmau vyavechayat | vivekAya
dvandvairayojayachchaimAH sukhaduHkhAdibhiH prajAH || 1\.26||
aNvyo mAtrA vinAshinyo dashArdhAnAM tu yAH smR^itAH |
tAbhiH sArdhamidaM sarvaM sambhavatyanupUrvashaH || 1\.27||
yaM tu karmaNi yasmin sa nyayu~Nkta prathamaM prabhuH |
sa tadeva svayaM bheje sR^ijyamAnaH punaH punaH || 1\.28||
hi.nsrAhi.nsre mR^idukrUre dharmAdharmAvR^itAnR^ite |
yadyasya so.adadhAtsarge tattasya svayamAvishat || 1\.29||
yathartuli~NgAnyartavaH svayamevartuparyaye |
svAni svAnyabhipadyante tathA karmANi dehinaH || 1\.30||
lokAnAM tu vivR^iddhyarthaM mukhabAhUrupAdataH |
brAhmaNaM kShatriyaM vaishyaM shUdraM cha niravartayat || 1\.31||
dvidhA kR^itvA.atmano dehamardhena puruSho.abhavat |
ardhena nArI tasyAM sa virAjamasR^ijatprabhuH || 1\.32||
tapastaptvA.asR^ijadyaM tu sa svayaM puruSho virAT |
taM mAM vittAsya sarvasya sraShTAraM dvijasattamAH || 1\.33||
ahaM prajAH sisR^ikShustu tapastaptvA sudushcharam |
patIn prajAnAmasR^ijaM maharShInAdito dasha || 1\.34||
marIchimatrya~Ngirasau pulastyaM pulahaM kratum |
prachetasaM vasiShThaM cha bhR^iguM nAradameva cha || 1\.35||
ete manU.nstu saptAn yAnasR^ijan bhUritejasaH |
devAn devanikAyA.nshcha maharShI.nshchAmitojasaH || 1\.36||
yakSharakShaH pishAchA.nshcha gandharvApsaraso.asurAn |
nAgAn sarpAn suparNA.nshcha pitR^INA.nshcha pR^ithaggaNam || 1\.37|| pitR^INAM

vidyuto.ashanimeghA.nshcha rohitaindradhanU.nShi cha |
ulkAnirghAtaketU.nshcha jyotI.nShyuchchAvachAni cha || 1\.38||
kinnarAn vAnarAn matsyAn vividhA.nshcha viha~NgamAn |
pashUn mR^igAn manuShyA.nshcha vyAlA.nshchobhayatodataH || 1\.39||
kR^imikITapata~NgA.nshcha yUkAmakShikamatkuNam |
sarvaM cha da.nshamashakaM sthAvaraM cha pR^ithagvidham || 1\.40||
evametairidaM sarvaM manniyogAn mahAtmabhiH |
yathAkarma tapoyogAtsR^iShTaM sthAvaraja~Ngamam || 1\.41||
yeShAM tu yAdR^ishaM karma bhUtAnAmiha kIrtitam |
tattathA vo.abhidhAsyAmi kramayogaM cha janmani || 1\.42||
pashavashcha mR^igAshchaiva vyAlAshchobhayatodataH |
rakShA.nsi cha pishAchAshcha manuShyAshcha jarAyujAH || 1\.43|| manuShAshcha

aNDajAH pakShiNaH sarpA nakrA matsyAshcha kachChapAH |
yAni chaivaM.prakArANi sthalajAnyaudakAni cha || 1\.44||
svedajaM da.nshamashakaM yUkAmakShikamatkuNam |
UShmaNashchopajAyante yachchAnyatkiM chidIdR^isham || 1\.45||
udbhijjAH sthAvarAH sarve bIjakANDaprarohiNaH |
oShadhyaH phalapAkAntA bahupuShpaphalopagAH || 1\.46||
apuShpAH phalavanto ye te vanaspatayaH smR^itAH |
puShpiNaH phalinashchaiva vR^ikShAstUbhayataH smR^itAH || 1\.47||
guchChagulmaM tu vividhaM tathaiva tR^iNajAtayaH |
bIjakANDaruhANyeva pratAnA vallya eva cha || 1\.48||
tamasA bahurUpeNa veShTitAH karmahetunA |
antassa.nj~nA bhavantyete sukhaduHkhasamanvitAH || 1\.49||
etadantAstu gatayo brahmAdyAH samudAhR^itAH |
ghore.asmin bhUtasa.nsAre nityaM satatayAyini || 1\.50||
evaM sarvaM sa sR^iShTvaidaM mAM chAchintyaparAkramaH |
Atmanyantardadhe bhUyaH kAlaM kAlena pIDayan || 1\.51||
yadA sa devo jAgarti tadevaM cheShTate jagat |
yadA svapiti shAntAtmA tadA sarvaM nimIlati || 1\.52||
tasmin svapiti tu svasthe karmAtmAnaH sharIriNaH | svapati
svakarmabhyo nivartante manashcha glAnimR^ichChati || 1\.53||
yugapattu pralIyante yadA tasmin mahAtmani |
tadA.ayaM sarvabhUtAtmA sukhaM svapiti nirvR^itaH || 1\.54||
tamo.ayaM tu samAshritya chiraM tiShThati saindriyaH |
na cha svaM kurute karma tadotkrAmati mUrtitaH || 1\.55||
yadA.aNumAtriko bhUtvA bIjaM sthANu chariShNu cha |
samAvishati sa.nsR^iShTastadA mUrtiM vimu~nchati || 1\.56||
evaM sa jAgratsvapnAbhyAmidaM sarvaM charAcharam |
sa~njIvayati chAjasraM pramApayati chAvyayaH || 1\.57||
idaM shAstraM tu kR^itvA.asau mAmeva svayamAditaH |
vidhivadgrAhayAmAsa marIchyAdI.nstvahaM munIn || 1\.58||
etadvo.ayaM bhR^iguH shAstraM shrAvayiShyatyasheShataH |
etadhi matto.adhijage sarvameSho.akhilaM muniH || 1\.59||
tatastathA sa tenokto maharShimanunA bhR^iguH |
tAnabravIdR^iShIn sarvAn prItAtmA shrUyatAmiti || 1\.60||
svAyambhuvasyAsya manoH ShaDva.nshyA manavo.apare |
sR^iShTavantaH prajAH svAH svA mahAtmAno mahaujasaH || 1\.61||
svArochiShashchottamashcha tAmaso raivatastathA |
chAkShuShashcha mahAtejA vivasvatsuta eva cha || 1\.62||
svAyambhuvAdyAH saptaite manavo bhUritejasaH |
sve sve.antare sarvamidamutpAdyApushcharAcharam || 1\.63||
nimeShA dasha chAShTau cha kAShThA tri.nshattu tAH kalA |
tri.nshatkalA muhUrtaH syAdahorAtraM tu tAvataH || 1\.64||
ahorAtre vibhajate sUryo mAnuShadaivike |
rAtriH svapnAya bhUtAnAM cheShTAyai karmaNAmahaH || 1\.65||
pitrye rAtryahanI mAsaH pravibhAgastu pakShayoH |
karmacheShTAsvahaH kR^iShNaH shuklaH svapnAya sharvarI || 1\.66||
daive rAtryahanI varShaM pravibhAgastayoH punaH |
ahastatrodagayanaM rAtriH syAddakShiNAyanam || 1\.67||
brAhmasya tu kShapAhasya yatpramANaM samAsataH |
ekaikasho yugAnAM tu kramashastannibodhata || 1\.68||
chatvAryAhuH sahasrANi varShANAM tatkR^itaM yugam |
tasya tAvatshatI sa.ndhyA sa.ndhyA.nshashcha tathAvidhaH || 1\.69||
itareShu sasa.ndhyeShu sasa.ndhyA.nsheShu cha triShu |
ekApAyena vartante sahasrANi shatAni cha  || 1\.70||
yadetatparisa~NkhyAtamAdAveva chaturyugam |
etaddvAdashasAhasraM devAnAM yugamuchyate || 1\.71||
daivikAnAM yugAnAM tu sahasraM parisa~NkhyayA |
brAhmamekamaharj~neyaM tAvatIM rAtrimeva cha || 1\.72|| tAvatI rAtrireva cha

tadvai yugasahasrAntaM brAhmaM puNyamaharviduH |
rAtriM cha tAvatImeva te.ahorAtravido janAH || 1\.73||
tasya so.aharnishasyAnte prasuptaH pratibudhyate |
pratibuddhashcha sR^ijati manaH sadasadAtmakam || 1\.74||
manaH sR^iShTiM vikurute chodyamAnaM sisR^ikShayA |
AkAshaM jAyate tasmAttasya shabdaM guNaM viduH || 1\.75||
AkAshAttu vikurvANAtsarvagandhavahaH shuchiH |
balavA~njAyate vAyuH sa vai sparshaguNo mataH || 1\.76||
vAyorapi vikurvANAdvirochiShNu tamonudam |
jyotirutpadyate bhAsvattadrUpaguNamuchyate || 1\.77||
jyotiShashcha vikurvANAdApo rasaguNAH smR^itAH |
adbhyo gandhaguNA bhUmirityeShA sR^iShTirAditaH || 1\.78||
yadprAgdvAdashasAhasramuditaM daivikaM yugam |
tadekasaptatiguNaM manvantaramihochyate || 1\.79||
manvantarANyasa~NkhyAni sargaH sa.nhAra eva cha |
krIDannivaitatkurute parameShThI punaH punaH || 1\.80||
chatuShpAtsakalo dharmaH satyaM chaiva kR^ite yuge |
nAdharmeNAgamaH kashchin manuShyAn prati vartate || 1\.81|| upavartate

itareShvAgamAddharmaH pAdashastvavaropitaH |
chaurikAnR^itamAyAbhirdharmashchApaiti pAdashaH || 1\.82||
arogAH sarvasiddhArthAshchaturvarShashatAyuShaH |
kR^ite tretAdiShu hyeShAmAyurhrasati pAdashaH || 1\.83|| vayo hrasati

vedoktamAyurmartyAnAmAshiShashchaiva karmaNAm |
phalantyanuyugaM loke prabhAvashcha sharIriNAm || 1\.84||
anye kR^itayuge dharmAstretAyAM dvApare.apare |
anye kaliyuge nR^INAM yugahrAsAnurUpataH || 1\.85||
tapaH paraM kR^itayuge tretAyAM j~nAnamuchyate |
dvApare yaj~namevAhurdAnamekaM kalau yuge || 1\.86||
sarvasyAsya tu sargasya guptyarthaM sa mahAdyutiH |
mukhabAhUrupajjAnAM pR^ithakkarmANyakalpayat || 1\.87||
adhyApanamadhyayanaM yajanaM yAjanaM tathA |
dAnaM pratigrahaM chaiva brAhmaNAnAmakalpayat || 1\.88||
prajAnAM rakShaNaM dAnamijyA.adhyayanameva cha |
viShayeShvaprasaktishcha kShatriyasya samAsataH  || 1\.89|| samAdishat

pashUnAM rakShaNaM dAnamijyA.adhyayanameva cha |
vaNikpathaM kusIdaM cha vaishyasya kR^iShimeva cha || 1\.90||
ekameva tu shUdrasya prabhuH karma samAdishat |
eteShAmeva varNAnAM shushrUShAmanasUyayA || 1\.91||
UrdhvaM nAbhermedhyataraH puruShaH parikIrtitaH |
tasmAn medhyatamaM tvasya mukhamuktaM svayambhuvA || 1\.92||
uttamA~NgodbhavAjjyaiShThyAdbrahmaNashchaiva dhAraNAt | jyaiShThyAd
sarvasyaivAsya sargasya dharmato brAhmaNaH prabhuH || 1\.93||
taM hi svayambhUH svAdAsyAttapastaptvA.adito.asR^ijat |
havyakavyAbhivAhyAya sarvasyAsya cha guptaye || 1\.94||
yasyAsyena sadA.ashnanti havyAni tridivaukasaH |
kavyAni chaiva pitaraH kiM bhUtamadhikaM tataH || 1\.95||
bhUtAnAM prANinaH shreShThAH prANinAM buddhijIvinaH |
buddhimatsu narAH shreShThA nareShu brAhmaNAH smR^itAH || 1\.96||
brAhmaNeShu cha vidvA.nso vidvatsu kR^itabuddhayaH |
kR^itabuddhiShu kartAraH kartR^iShu brahmavedinaH || 1\.97||
utpattireva viprasya mUrtirdharmasya shAshvatI |
sa hi dharmArthamutpanno brahmabhUyAya kalpate || 1\.98||
brAhmaNo jAyamAno hi pR^ithivyAmadhijAyate |
IshvaraH sarvabhUtAnAM dharmakoshasya guptaye || 1\.99||
sarvaM svaM brAhmaNasyedaM yatkiM chitjagatIgatam |
shraiShThyenAbhijanenedaM sarvaM vai brAhmaNo.arhati || 1\.100||
svameva brAhmaNo bhu~Nkte svaM vaste svaM dadAti cha |
AnR^isha.nsyAdbrAhmaNasya bhu~njate hItare janAH || 1\.101||
tasya karmavivekArthaM sheShANAmanupUrvashaH |
svAyambhuvo manurdhImAnidaM shAstramakalpayat || 1\.102||
viduShA brAhmaNenaidamadhyetavyaM prayatnataH |
shishyebhyashcha pravaktavyaM samyaG nAnyena kena chit || 1\.103||
idaM shAstramadhIyAno brAhmaNaH sha.nsitavrataH |
manovAkdehajairnityaM karmadoShairna lipyate || 1\.104||
punAti pa~Nktiva.nshyA.nshcha sapta sapta parAvarAn |
pR^ithivImapi chaivemAM kR^itsnAmeko.api so.arhati || 1\.105||
idaM svastyayanaM shreShThamidaM buddhivivardhanam |
idaM yashasyamAyuShyaM  idaM niHshreyasaM param || 1\.106|| idaM yashasyaM satatam

asmin dharme.akhilenoktau guNadoShau cha karmaNAm |
chaturNAmapi varNAnAmAchArashchaiva shAshvataH || 1\.107||
AchAraH paramo dharmaH shrutyoktaH smArta eva cha |
tasmAdasmin sadA yukto nityaM syAdAtmavAn dvijaH || 1\.108||
AchArAdvichyuto vipro na vedaphalamashnute |
AchAreNa tu sa.nyuktaH sampUrNaphalabhAgbhavet || 1\.109|| sampUrNaphalabhAksmR^itaH

evamAchArato dR^iShTvA dharmasya munayo gatim |
sarvasya tapaso mUlamAchAraM jagR^ihuH param || 1\.110||
jagatashcha samutpattiM sa.nskAravidhimeva cha  |
vratacharyaupachAraM cha snAnasya cha paraM vidhim || 1\.111||
dArAdhigamanaM chaiva vivAhAnAM cha lakShaNam |
mahAyaj~navidhAnaM cha shrAddhakalpaM cha shAshvatam || 1\.112||
vR^ittInAM lakShaNaM chaiva snAtakasya vratAni cha |
bhakShyAbhakShyaM cha shauchaM cha dravyANAM shuddhimeva cha || 1\.113||
strIdharmayogaM tApasyaM mokShaM sa.nnyAsameva cha |
rAj~nashcha dharmamakhilaM kAryANAM cha vinirNayam || 1\.114||
sAkShiprashnavidhAnaM cha dharmaM strIpu.nsayorapi |
vibhAgadharmaM dyUtaM cha kaNTakAnAM cha shodhanam || 1\.115||
vaishyashUdropachAraM cha sa~NkIrNAnAM cha sambhavam |
ApaddharmaM cha varNAnAM prAyashchittavidhiM tathA || 1\.116||
sa.nsAragamanaM chaiva trividhaM karmasambhavam |
niHshreyasaM karmaNAM cha guNadoShaparIkShaNam || 1\.117||
deshadharmAnjAtidharmAn kuladharmA.nshcha shAshvatAn |
pAShaNDagaNadharmA.nshcha shAstre.asminnuktavAn manuH || 1\.118||
yathaidamuktavA.nshAstraM purA pR^iShTo manurmayA |
tathaidaM yUyamapyadya matsakAshAnnibodhata || 1\.119||

\section{adhyAya 2}
vidvadbhiH sevitaH sadbhirnityamadveSharAgibhiH |
hR^idayenAbhyanuj~nAto yo dharmastaM nibodhata || 2\.1||
kAmAtmatA na prashastA na chaivaihAstyakAmatA |
kAmyo hi vedAdhigamaH karmayogashcha vaidikaH || 2\.2||
sa~NkalpamUlaH kAmo vai yaj~nAH sa~NkalpasambhavAH |
vratAni yamadharmAshcha sarve sa~NkalpajAH smR^itAH || 2\.3||
akAmasya kriyA kA chiddR^ishyate naiha karhi chit |
yadyadhi kurute kiM chittattatkAmasya cheShTitam || 2\.4||
teShu samyagvartamAno gachChatyamaralokatAm |
yathA sa~NkalpitA.nshchaiha sarvAn kAmAn samashnute || 2\.5||
vedo.akhilo dharmamUlaM smR^itishIle cha tadvidAm |
AchArashchaiva sAdhUnAmAtmanastuShTireva cha || 2\.6||
yaH kashchitkasya chiddharmo manunA parikIrtitaH |
sa sarvo.abhihito vede sarvaj~nAnamayo hi saH || 2\.7||
sarvaM tu samavekShyaidaM nikhilaM j~nAnachakShuShA |
shrutiprAmANyato vidvAn svadharme nivisheta vai || 2\.8||
shrutismR^ityoditaM dharmamanutiShThan hi mAnavaH |
iha kIrtimavApnoti pretya chAnuttamaM sukham || 2\.9||
shrutistu vedo vij~neyo dharmashAstraM tu vai smR^itiH |
te sarvArtheShvamImA.nsye tAbhyAM dharmo hi nirbabhau || 2\.10||
yo.avamanyeta te mUle hetushAstrAshrayAddvijaH |
sa sAdhubhirbahiShkAryo nAstiko vedanindakaH || 2\.11||
vedaH smR^itiH sadAchAraH svasya cha priyamAtmanaH |
etachchaturvidhaM prAhuH sAkShAddharmasya lakShaNam || 2\.12||
arthakAmeShvasaktAnAM dharmaj~nAnaM vidhIyate |
dharmaM jij~nAsamAnAnAM pramANaM paramaM shrutiH || 2\.13||
shrutidvaidhaM tu yatra syAttatra dharmAvubhau smR^itau |
ubhAvapi hi tau dharmau samyaguktau manIShibhiH || 2\.14||
udite.anudite chaiva samayAdhyuShite tathA |
sarvathA vartate yaj~na itIyaM vaidikI shrutiH || 2\.15||
niShekAdishmashAnAnto mantrairyasyodito vidhiH |
tasya shAstre.adhikAro.asmin j~neyo nAnyasya kasya chit || 2\.16||
sarasvatIdR^ishadvatyordevanadyoryadantaram |
taM devanirmitaM deshaM brahmAvartaM prachakShate || 2\.17||
tasmin deshe ya AchAraH pAramparyakramAgataH |
varNAnAM sAntarAlAnAM sa sadAchAra uchyate || 2\.18||
kurukShetraM cha matsyAshcha pa~nchAlAH shUrasenakAH |
eSha brahmarShidesho vai brahmAvartAdanantaraH || 2\.19||
etaddeshaprasUtasya sakAshAdagrajanmanaH |
svaM svaM charitraM shikSheran pR^ithivyAM sarvamAnavAH || 2\.20||
himavadvindhyayormadhyaM yatprAgvinashanAdapi |
pratyageva prayAgAchcha madhyadeshaH prakIrtitaH || 2\.21||
A samudrAttu vai pUrvAdA samudrAchcha pashchimAt |
tayorevAntaraM giryorAryAvartaM vidurbudhAH || 2\.22||
kR^iShNasArastu charati mR^igo yatra svabhAvataH |
sa j~neyo yaj~niyo desho mlechChadeshastvataH paraH || 2\.23||
etAn.hdvijAtayo deshAn sa.nshrayeran prayatnataH |
shUdrastu yasmin kasmin vA nivasedvR^ittikarshitaH || 2\.24|| yasmi.nstasmin vA

eShA dharmasya vo yoniH samAsena prakIrtitA |
sambhavashchAsya sarvasya varNadharmAnnibodhata || 2\.25||
vaidikaiH karmabhiH puNyairniShekAdirdvijanmanAm |
kAryaH sharIrasa.nskAraH pAvanaH pretya chaiha cha || 2\.26||
gArbhairhomairjAtakarmachauDamau~njInibandhanaiH |
baijikaM gArbhikaM chainaM dvijAnAmapamR^ijyate || 2\.27||
svAdhyAyena vratairhomaistraividyenejyayA sutaiH |
mahAyaj~naishcha yaj~naishcha brAhmIyaM kriyate tanuH || 2\.28||
prA~NnAbhivardhanAtpu.nso jAtakarma vidhIyate |
mantravatprAshanaM chAsya hiraNyamadhusarpiShAm || 2\.29||
nAmadheyaM dashamyAM tu dvAdashyAM vA.asya kArayet |
puNye tithau muhUrte vA nakShatre vA guNAnvite || 2\.30||
ma~NgalyaM brAhmaNasya syAtkShatriyasya balAnvitam |
vaishyasya dhanasa.nyuktaM shUdrasya tu jugupsitam || 2\.31||
sharmavadbrAhmaNasya syAdrAj~no rakShAsamanvitam | rAj~nA
vaishyasya puShTisa.nyuktaM shUdrasya preShyasa.nyutam || 2\.32||
strINAM sukhaudyamakrUraM vispaShTArthaM manoharam |
ma~NgalyaM dIrghavarNAntamAshIrvAdAbhidhAnavat || 2\.33||
chaturthe mAsi kartavyaM shishorniShkramaNaM gR^ihAt |
ShaShThe.annaprAshanaM mAsi yadvaiShTaM ma~NgalaM kule || 2\.34||
chUDAkarma dvijAtInAM sarveShAmeva dharmataH |
prathame.abde tR^itIye vA kartavyaM shrutichodanAt ||  2\.35|| shrutinodanAt

garbhAShTame.abde kurvIta brAhmaNasyaupanAyanam |
garbhAdekAdashe rAj~no garbhAttu dvAdashe vishaH || 2\.36||
brahmavarchasakAmasya kAryo viprasya pa~nchame |
rAj~no balArthinaH ShaShThe vaishyasyaihArthino.aShTame || 2\.37||
A ShoDashAdbrAhmaNasya sAvitrI nAtivartate |
A dvAvi.nshAtkShatrabandhorA chaturvi.nshatervishaH || 2\.38||
ata UrdhvaM trayo.apyete yathAkAlamasa.nskR^itAH |
sAvitrIpatitA vrAtyA bhavantyAryavigarhitAH || 2\.39||
naitairapUtairvidhivadApadyapi hi karhi chit |
brAhmAn yaunA.nshcha sambandhAnnAcharedbrAhmaNaH saha || 2\.40|| brAhmaNaiH saha

kArShNarauravabAstAni charmANi brahmachAriNaH |
vasIrannAnupUrvyeNa shANakShaumAvikAni cha || 2\.41||
mau~njI trivR^itsamA shlakShNA kAryA viprasya mekhalA |
kShatriyasya tu maurvI jyA vaishyasya shaNatAntavI || 2\.42||
mu~njAlAbhe tu kartavyAH kushAshmantakabalvajaiH |
trivR^itA granthinaikena tribhiH pa~nchabhireva vA || 2\.43||
kArpAsamupavItaM syAdviprasyaurdhvavR^itaM trivR^it |
shaNasUtramayaM rAj~no vaishyasyAvikasautrikam || 2\.44||
brAhmaNo bailvapAlAshau kShatriyo vATakhAdirau |
pailavaudumbarau vaishyo daNDAnarhanti dharmataH || 2\.45||
keshAntiko brAhmaNasya daNDaH kAryaH pramANataH |
lalATasammito rAj~naH syAttu nAsAntiko vishaH || 2\.46||
R^ijavaste tu sarve syuravraNAH saumyadarshanAH |
anudvegakarA nR^INAM satvacho.anagnidUShitAH || 2\.47||
pratigR^ihyepsitaM daNDamupasthAya cha bhAskaram |
pradakShiNaM parItyAgniM charedbhaikShaM yathAvidhi || 2\.48||
bhavatpUrvaM charedbhaikShamupanIto dvijottamaH |
bhavanmadhyaM tu rAjanyo vaishyastu bhavaduttaram || 2\.49||
mAtaraM vA svasAraM vA mAturvA bhaginIM nijAm |
bhikSheta bhikShAM prathamaM yA chainaM nAvamAnayet || 2\.50||
samAhR^itya tu tadbhaikShaM yAvadannamamAyayA | yAvadarthaM
nivedya gurave.ashnIyAdAchamya prA~NmukhaH shuchiH || 2\.51||
AyuShyaM prA~Nmukho bhu~Nkte yashasyaM dakShiNAmukhaH |
shriyaM pratya~Nmukho bhu~Nkte R^itaM bhu~Nkte hyuda~NmukhaH || 2\.52||
upaspR^ishya dvijo nityamannamadyAtsamAhitaH |
bhuktvA chaupaspR^ishetsamyagadbhiH khAni cha sa.nspR^ishet || 2\.53||
pUjayedashanaM nityamadyAchchaitadakutsayan |
dR^iShTvA hR^iShyetprasIdechcha pratinandechcha sarvashaH || 2\.54||
pUjitaM hyashanaM nityaM balamUrjaM cha yachChati |
apUjitaM tu tadbhuktamubhayaM nAshayedidam || 2\.55||
nauchChiShTaM kasya chiddadyAnnAdyAdetattathA.antarA |
na chaivAtyashanaM kuryAnna chauchChiShTaH kva chidvrajet || 2\.56||
anArogyamanAyuShyamasvargyaM chAtibhojanam |
apuNyaM lokavidviShTaM tasmAttatparivarjayet || 2\.57||
brAhmeNa viprastIrthena nityakAlamupaspR^ishet |
kAyatraidashikAbhyAM vA na pitryeNa kadA chana || 2\.58||
a~NguShThamUlasya tale brAhmaM tIrthaM prachakShate |
kAyama~NgulimUle.agre devaM pitryaM tayoradhaH || 2\.59||
trirAchAmedapaH pUrvaM dviH pramR^ijyAttato mukham |
khAni chaiva spR^ishedadbhirAtmAnaM shira eva cha || 2\.60||
anuShNAbhiraphenAbhiradbhistIrthena dharmavit |
shauchepsuH sarvadA.achAmedekAnte prAguda~NmukhaH || 2\.61||
hR^idgAbhiH pUyate vipraH kaNThagAbhistu bhUmipaH |
vaishyo.adbhiH prAshitAbhistu shUdraH spR^iShTAbhirantataH || 2\.62||
uddhR^ite dakShiNe pANAvupavItyauchyate dvijaH |
savye prAchInAvItI nivItI kaNThasajjane || 2\.63||
mekhalAmajinaM daNDamupavItaM kamaNDalum |
apsu prAsya vinaShTAni gR^ihNItAnyAni mantravat || 2\.64||
keshAntaH ShoDashe varShe brAhmaNasya vidhIyate |
rAjanyabandhordvAvi.nshe vaishyasya dvyadhike mataH || 2\.65||
amantrikA tu kAryaiyaM strINAmAvR^idasheShataH |
sa.nskArArthaM sharIrasya yathAkAlaM yathAkramam || 2\.66||
vaivAhiko vidhiH strINAM sa.nskAro vaidikaH smR^itaH |
patisevA gurau vAso gR^ihArtho.agniparikriyA || 2\.67||
eSha prokto dvijAtInAmaupanAyaniko vidhiH |
utpattivya~njakaH puNyaH karmayogaM nibodhata || 2\.68||
upanIyaM guruH shiShyaM shikShayetshauchamAditaH |
AchAramagnikAryaM cha sa.ndhyaupAsanameva cha || 2\.69||
adhyeShyamANastvAchAnto yathAshAstramuda~NmukhaH |
brahmA~njalikR^ito.adhyApyo laghuvAsA jitaindriyaH || 2\.70||
brahmArambhe.avasAne cha pAdau grAhyau guroH sadA |
sa.nhatya hastAvadhyeyaM sa hi brahmA~njaliH smR^itaH || 2\.71||
vyatyastapANinA kAryamupasa~NgrahaNaM guroH |
savyena savyaH spraShTavyo dakShiNena cha dakShiNaH || 2\.72||
adhyeShyamANaM tu gururnityakAlamatandritaH |
adhIShva bho iti brUyAdvirAmo.astviti chAramet || 2\.73||
brahmaNaH praNavaM kuryAdAdAvante cha sarvadA |
sravatyano~NkR^itaM pUrvaM parastAchcha vishIryati || 2\.74||
prAkkUlAn paryupAsInaH pavitraishchaiva pAvitaH |
prANAyAmaistribhiH pUtastata oM.kAramarhati || 2\.75||
akAraM chApyukAraM cha makAraM cha prajApatiH |
vedatrayAnniraduhadbhUrbhuvaH svaritIti cha || 2\.76||
tribhya eva tu vedebhyaH pAdaM pAdamadUduhat |
tadityarcho.asyAH sAvitryAH parameShThI prajApatiH || 2\.77||
etadakSharametAM cha japan vyAhR^itipUrvikAm |
sa.ndhyayorvedavidvipro vedapuNyena yujyate || 2\.78||
sahasrakR^itvastvabhyasya bahiretattrikaM dvijaH |
mahato.apyenaso mAsAttvachaivAhirvimuchyate || 2\.79||
etayAR^ichA visa.nyuktaH kAle cha kriyayA svayA |
brahmakShatriyavidyonirgarhaNAM yAti sAdhuShu || 2\.80||
o.nkArapUrvikAstisro mahAvyAhR^itayo.avyayAH |
tripadA chaiva sAvitrI vij~neyaM brahmaNo mukham || 2\.81||
yo.adhIte.ahanyahanyetAM trINi varShANyatandritaH |
sa brahma paramabhyeti vAyubhUtaH khamUrtimAn || 2\.82||
ekAkSharaM paraM brahma prANAyAmaH paraM tapaH |
sAvitryAstu paraM nAsti maunAtsatyaM vishiShyate || 2\.83||
kSharanti sarvA vaidikyo juhotiyajatikriyAH |
 akSharaM duShkaraM j~neyaM brahma chaiva prajApatiH || 2\.84|| akSharaM tvakSharaM j~neyaM

vidhiyaj~nAjjapayaj~no vishiShTo dashabhirguNaiH |
upA.nshuH syAtshataguNaH sAhasro mAnasaH smR^itaH || 2\.85||
ye pAkayaj~nAH chatvAro vidhiyaj~nasamanvitAH |
sarve te japayaj~nasya kalAM nArhanti ShoDashIm || 2\.86||
japyenaiva tu sa.nsidhyedbrAhmaNo nAtra sa.nshayaH |
kuryAdanyanna vA kuryAn maitro brAhmaNa uchyate || 2\.87||
indriyANAM vicharatAM viShayeShvapahAriShu |
sa.nyame yatnamAtiShThedvidvAn yantaiva vAjinAm || 2\.88||
ekAdashendriyANyAhuryAni pUrve manIShiNaH |
tAni samyakpravakShyAmi yathAvadanupUrvashaH || 2\.89||
shrotraM tvakchakShuShI jihvA nAsikA chaiva pa~nchamI |
pAyUpasthaM hastapAdaM vAkchaiva dashamI smR^itA || 2\.90||
buddhIndriyANi pa~nchaiShAM shrotrAdInyanupUrvashaH |
karmendriyANi pa~nchaiShAM pAyvAdIni prachakShate || 2\.91||
ekAdashaM mano j~neyaM svaguNenaubhayAtmakam |
yasmin jite jitAvetau bhavataH pa~nchakau gaNau || 2\.92||
indriyANAM prasa~Ngena doShaM R^ichChatyasa.nshayam |
sa.nniyamya tu tAnyeva tataH siddhiM nigachChati || 2\.93||
na jAtu kAmaH kAmAnAmupabhogena shAmyati |
haviShA kR^iShNavartmaiva bhUya evAbhivardhate || 2\.94||
yashchaitAn prApnuyAtsarvAn yashchaitAn kevalA.nstyajet ||
prApaNAtsarvakAmAnAM parityAgo vishiShyate || 2\.95||
na tathaitAni shakyante sa.nniyantumasevayA ||
viShayeShu prajuShTAni yathA j~nAnena nityashaH || 2\.96||
vedAstyAgashcha yaj~nAshcha niyamAshcha tapA.nsi cha |
na vipraduShTabhAvasya siddhiM gachChati karhi chit || 2\.97||
shrutvA spR^iShTvA cha dR^iShTvA cha bhuktvA ghrAtvA cha yo naraH |
na hR^iShyati glAyati vA sa vij~neyo jitaindriyaH || 2\.98||
indriyANAM tu sarveShAM yadyekaM kSharatIndriyam |
tenAsya kSharati praj~nA dR^iteH pAdAdivodakam || 2\.99||
vashe kR^itvendriyagrAmaM sa.nyamya cha manastathA |
sarvAn sa.nsAdhayedarthAnakShiNvan yogatastanum || 2\.100||
pUrvAM sa.ndhyAM japa.nstiShThetsAvitrImA.arkadarshanAt |
pashchimAM tu samAsInaH samyagR^ikShavibhAvanAt || 2\.101|| pashchimAM tu sadAsIta

pUrvAM sa.ndhyAM japa.nstiShThannaishameno vyapohati |
pashchimAM tu samAsIno malaM hanti divAkR^itam || 2\.102||
na tiShThati tu yaH pUrvAM naupAste yashcha pashchimAm |
sa shUdravadbahiShkAryaH sarvasmAddvijakarmaNaH || 2\.103||
apAM samIpe niyato naityakaM vidhimAsthitaH |
sAvitrImapyadhIyIta gatvA.araNyaM samAhitaH || 2\.104||
vedaupakaraNe chaiva svAdhyAye chaiva naityake |
nAnurodho.astyanadhyAye homamantreShu chaiva hi || 2\.105||
naityake nAstyanadhyAyo brahmasatraM hi tatsmR^itam ||
brahmAhutihutaM puNyamanadhyAyavaShaTkR^itam || 2\.106||
yaH svAdhyAyamadhIte.abdaM vidhinA niyataH shuchiH |
tasya nityaM kSharatyeSha payo dadhi ghR^itaM madhu || 2\.107||
agnIndhanaM bhaikShacharyAmadhaHshayyAM gurorhitam |
A samAvartanAtkuryAtkR^itopanayano dvijaH || 2\.108||
AchAryaputraH shushrUShurj~nAnado dhArmikaH shuchiH |
AptaH shakto.arthadaH sAdhuH svo.adhyApyA dasha dharmataH || 2\.109||
nApR^iShTaH kasya chidbrUyAnna chAnyAyena pR^ichChataH |
jAnannapi hi medhAvI jaDavalloka Acharet || 2\.110||
adharmeNa cha yaH prAha yashchAdharmeNa pR^ichChati |
tayoranyataraH praiti vidveShaM vA.adhigachChati || 2\.111||
dharmArthau yatra na syAtAM shushrUShA vA.api tadvidhA |
tatra vidyA na vaptavyA shubhaM bIjamivauShare || 2\.112||
vidyayaiva samaM kAmaM martavyaM brahmavAdinA |
Apadyapi hi ghorAyAM na tvenAmiriNe vapet || 2\.113||
vidyA brAhmaNametyAha shevadhiste.asmi rakSha mAm | shevadhiShTe.asmi
asUyakAya mAM mAdAstathA syAM vIryavattamA || 2\.114||
yameva tu shuchiM vidyAnniyatabrahmachAriNam | vidyA niyataM brahmachAriNam
tasmai mAM brUhi viprAya nidhipAyApramAdine || 2\.115||
brahma yastvananuj~nAtamadhIyAnAdavApnuyAt |
sa brahmasteyasa.nyukto narakaM pratipadyate || 2\.116||
laukikaM vaidikaM vA.api tathA.adhyAtmikameva vA |
AdadIta yato j~nAnaM taM pUrvamabhivAdayet || 2\.117||
sAvitrImAtrasAro.api varaM vipraH suyantritaH |
nAyantritastrivedo.api sarvAshI sarvavikrayI || 2\.118||
shayyA.a.asane.adhyAcharite shreyasA na samAvishet |
shayyA.a.asanasthashchaivenaM pratyutthAyAbhivAdayet || 2\.119||
UrdhvaM prANA hyutkramanti yUnaH sthavira Ayati |
pratyutthAnAbhivAdAbhyAM punastAn pratipadyate || 2\.120||
abhivAdanashIlasya nityaM vR^iddhopasevinaH |
chatvAri tasya vardhante  Ayurdharmo yasho balam || 2\.121|| chatvAri sampravardhante

abhivAdAtparaM vipro jyAyA.nsamabhivAdayan |
asau nAmAhamasmIti svaM nAma parikIrtayet || 2\.122||
nAmadheyasya ye ke chidabhivAdaM na jAnate |
tAn prAj~no.ahamiti brUyAtstriyaH sarvAstathaiva cha || 2\.123||
bhoHshabdaM kIrtayedante svasya nAmno.abhivAdane |
nAmnAM svarUpabhAvo hi bhobhAva R^iShibhiH smR^itaH || 2\.124||
AyuShmAn bhava saumyaiti vAchyo vipro.abhivAdane |
akArashchAsya nAmno.ante vAchyaH pUrvAkSharaH plutaH || 2\.125||
yo na vettyabhivAdasya vipraH pratyabhivAdanam |
nAbhivAdyaH sa viduShA yathA shUdrastathaiva saH || 2\.126||
brAhmaNaM kushalaM pR^ichChetkShatrabandhumanAmayam |
vaishyaM kShemaM samAgamya shUdramArogyameva cha || 2\.127||
avAchyo dIkShito nAmnA yavIyAnapi yo bhavet |
bhobhavatpUrvakaM tvenamabhibhASheta dharmavit || 2\.128||
parapatnI tu yA strI syAdasambandhA cha yonitaH |
tAM brUyAdbhavatItyevaM subhage bhaginIti cha || 2\.129||
mAtulA.nshcha pitR^ivyA.nshcha shvashurAn R^itvijo gurUn |
asAvahamiti brUyAtpratyutthAya yavIyasaH || 2\.130||
mAtR^ishvasA mAtulAnI shvashrUratha pitR^ishvasA |
sampUjyA gurupatnIvatsamAstA gurubhAryayA || 2\.131||
bhrAturbhAryaupasa~NgrAhyA savarNA.ahanyahanyapi |
viproShya tUpasa~NgrAhyA j~nAtisambandhiyoShitaH || 2\.132||
piturbhaginyAM mAtushcha jyAyasyAM cha svasaryapi |
mAtR^ivadvR^ittimAtiShThen mAtA tAbhyo garIyasI || 2\.133||
dashAbdAkhyaM paurasakhyaM pa~nchAbdAkhyaM kalAbhR^itAm |
tryabdapUrvaM shrotriyANAM svalpenApi svayoniShu || 2\.134||
brAhmaNaM dashavarShaM tu shatavarShaM tu bhUmipam |
pitAputrau vijAnIyAdbrAhmaNastu tayoH pitA || 2\.135||
vittaM bandhurvayaH karma vidyA bhavati pa~nchamI |
etAni mAnyasthAnAni garIyo yadyaduttaram || 2\.136|| mAnasthAnAni 

pa~nchAnAM triShu varNeShu bhUyA.nsi guNavanti cha |
yatra syuH so.atra mAnArhaH shUdro.api dashamIM gataH || 2\.137||
chakriNo dashamIsthasya rogiNo bhAriNaH striyAH |
snAtakasya cha rAj~nashcha panthA deyo varasya cha || 2\.138||
teShAM tu samavetAnAM mAnyau snAtakapArthivau |
rAjasnAtakayoshchaiva snAtako nR^ipamAnabhAk || 2\.139||
upanIya tu yaH shiShyaM vedamadhyApayeddvijaH |
sakalpaM sarahasyaM cha tamAchAryaM prachakShate || 2\.140||
ekadeshaM tu vedasya vedA~NgAnyapi vA punaH |
yo.adhyApayati vR^ittyarthamupAdhyAyaH sa uchyate || 2\.141||
niShekAdIni karmANi yaH karoti yathAvidhi |
sambhAvayati chAnnena sa vipro gururuchyate || 2\.142||
agnyAdheyaM pAkayaj~nAnagniShTomAdikAn makhAn |
yaH karoti vR^ito yasya sa tasyartvigihochyate || 2\.143||
ya AvR^iNotyavitathaM brahmaNA shravaNAvubhau |
sa mAtA sa pitA j~neyastaM na druhyetkadA chana || 2\.144||
upAdhyAyAn dashAchArya AchAryANAM shataM pitA |
sahasraM tu pitR^In mAtA gauraveNAtirichyate || 2\.145||
utpAdakabrahmadAtrorgarIyAn brahmadaH pitA |
brahmajanma hi viprasya pretya chaiha cha shAshvatam || 2\.146||
kAmAn mAtA pitA chainaM yadutpAdayato mithaH |
sambhUtiM tasya tAM vidyAdyadyonAvabhijAyate || 2\.147||
AchAryastvasya yAM jAtiM vidhivadvedapAragaH |
utpAdayati sAvitryA sA satyA sA.ajarA.amarA || 2\.148||
alpaM vA bahu vA yasya shrutasyaupakaroti yaH |
tamapIha guruM vidyAtshrutaupakriyayA tayA || 2\.149||
brAhmasya janmanaH kartA svadharmasya cha shAsitA |
bAlo.api vipro vR^iddhasya pitA bhavati dharmataH || 2\.150||
adhyApayAmAsa pitR^In shishurA~NgirasaH kaviH |
putrakA iti hauvAcha j~nAnena parigR^ihya tAn || 2\.151||
te tamarthamapR^ichChanta devAnAgatamanyavaH |
devAshchaitAn sametyauchurnyAyyaM vaH shishuruktavAn || 2\.152||
aj~no bhavati vai bAlaH pitA bhavati mantradaH |
aj~naM hi bAlamityAhuH pitetyeva tu mantradam || 2\.153||
na hAyanairna palitairna vittena na bandhubhiH |
R^iShayashchakrire dharmaM yo.anUchAnaH sa no mahAn || 2\.154||
viprANAM j~nAnato jyaiShThyaM kShatriyANAM tu vIryataH |
vaishyAnAM dhAnyadhanataH shUdrANAmeva janmataH || 2\.155||
na tena vR^iddho bhavati yenAsya palitaM shiraH |
yo vai yuvA.apyadhIyAnastaM devAH sthaviraM viduH || 2\.156||
yathA kAShThamayo hastI yathA charmamayo mR^igaH |
yashcha vipro.anadhIyAnastrayaste nAma bibhrati || 2\.157||
yathA ShaNDho.aphalaH strIShu yathA gaurgavi chAphalA |
yathA chAj~ne.aphalaM dAnaM tathA vipro.anR^icho.aphalaH || 2\.158||
ahi.nsayaiva bhUtAnAM kAryaM shreyo.anushAsanam |
vAkchaiva madhurA shlakShNA prayojyA dharmamichChatA || 2\.159||
yasya vA~NmanasI shuddhe samyaggupte cha sarvadA |
sa vai sarvamavApnoti vedAntopagataM phalam || 2\.160||
nAru.ntudaH syAdArto.api na paradrohakarmadhIH |
yayA.asyodvijate vAchA nAlokyAM tAmudIrayet || 2\.161||
sammAnAdbrAhmaNo nityamudvijeta viShAdiva |
amR^itasyeva chAkA~NkShedavamAnasya sarvadA || 2\.162||
sukhaM hyavamataH shete sukhaM cha pratibudhyate ||
sukhaM charati loke.asminnavamantA vinashyati || 2\.163||
anena kramayogena sa.nskR^itAtmA dvijaH shanaiH |
gurau vasan sa~nchinuyAdbrahmAdhigamikaM tapaH || 2\.164||
tapovisheShairvividhairvrataishcha vidhichoditaiH |
vedaH kR^itsno.adhigantavyaH sarahasyo dvijanmanA || 2\.165||
vedameva sadA.abhyasyettapastapyan dvijottamaH |
vedAbhyAso hi viprasya tapaH paramihauchyate || 2\.166||
A haiva sa nakhAgrebhyaH paramaM tapyate tapaH |
yaH sragvyapi dvijo.adhIte svAdhyAyaM shaktito.anvaham || 2\.167||
yo.anadhItya dvijo vedamanyatra kurute shramam |
sa jIvanneva shUdratvamAshu gachChati sAnvayaH || 2\.168||
mAturagre.adhijananaM dvitIyaM mau~njibandhane |
tR^itIyaM yaj~nadIkShAyAM dvijasya shrutichodanAt || 2\.169||
tatra yadbrahmajanmAsya mau~njIbandhanachihnitam |
tatrAsya mAtA sAvitrI pitA tvAchArya uchyate || 2\.170||
vedapradAnAdAchAryaM pitaraM parichakShate |
na hyasmin yujyate karma ki~nchidA mau~njibandhanAt || 2\.171||
nAbhivyAhArayedbrahma svadhAninayanAdR^ite |
shUdreNa hi samastAvadyAvadvede na jAyate || 2\.172||
kR^itaupanayanasyAsya vratAdeshanamiShyate |
brahmaNo grahaNaM chaiva krameNa vidhipUrvakam || 2\.173||
yadyasya vihitaM charma yatsUtraM yA cha mekhalA |
yo daNDo yatcha vasanaM tattadasya vrateShvapi || 2\.174||
sevetaimA.nstu niyamAn brahmachArI gurau vasan |
sanniyamyaindriyagrAmaM tapovR^iddhyarthamAtmanaH || 2\.175||
nityaM snAtvA shuchiH kuryAddevarShipitR^itarpaNam |
devatAbhyarchanaM chaiva samidAdhAnameva cha || 2\.176||
varjayen madhu mA.nsaM cha gandhaM mAlyaM rasAn striyaH |
shuktAni yAni sarvANi prANinAM chaiva hi.nsanam || 2\.177||
abhya~Ngama~njanaM chAkShNorupAnachChatradhAraNam |
kAmaM krodhaM cha lobhaM cha nartanaM gItavAdanam || 2\.178||
dyUtaM cha janavAdaM cha parivAdaM tathA.anR^itam |
strINAM cha prekShaNAlambhamupaghAtaM parasya cha || 2\.179|| AlambhA.avaghAtaM

ekaH shayIta sarvatra na retaH skandayetkva chit |
kAmAdhi skandayan reto hinasti vratamAtmanaH || 2\.180||
svapne siktvA brahmachArI dvijaH shukramakAmataH |
snAtvA.arkamarchayitvA triH punarmAmityR^ichaM japet || 2\.181||
udakumbhaM sumanaso goshakR^itmR^ittikAkushAn |
AharedyAvadarthAni bhaikShaM chAharahashcharet || 2\.182||
vedayaj~nairahInAnAM prashastAnAM svakarmasu |
brahmachAryAharedbhaikShaM gR^ihebhyaH prayato.anvaham || 2\.183||
guroH kule na bhikSheta na j~nAtikulabandhuShu |
alAbhe tvanyagehAnAM pUrvaM pUrvaM vivarjayet || 2\.184||
sarvaM vApi charedgrAmaM pUrvauktAnAmasambhave |
niyamya prayato vAchamabhishastA.nstu varjayet || 2\.185||
dUrAdAhR^itya samidhaH sannidadhyAdvihAyasi |
sAyaM.prAtashcha juhuyAttAbhiragnimatandritaH || 2\.186||
akR^itvA bhaikShacharaNamasamidhya cha pAvakam |
anAturaH saptarAtramavakIrNivrataM charet || 2\.187||
bhaikSheNa vartayennityaM naikAnnAdI bhavedvratI |
bhaikSheNa vratino vR^ittirupavAsasamA smR^itA || 2\.188||
vratavaddevadaivatye pitrye karmaNyatharShivat |
kAmamabhyarthito.ashnIyAdvratamasya na lupyate || 2\.189||
brAhmaNasyaiva karmaitadupadiShTaM manIShibhiH |
rAjanyavaishyayostvevaM naitatkarma vidhIyate || 2\.190||
chodito guruNA nityamaprachodita eva vA |
kuryAdadhyayane yatnamAchAryasya hiteShu cha || 2\.191|| adhyayane yogam

sharIraM chaiva vAchaM cha buddhIndriyamanA.nsi cha |
niyamya prA~njalistiShThedvIkShamANo gurormukham || 2\.192||
nityamuddhR^itapANiH syAtsAdhvAchAraH susa.nvR^itaH |
AsyatAmiti chauktaH sannAsItAbhimukhaM guroH || 2\.193||
hInAnnavastraveShaH syAtsarvadA gurusannidhau |
uttiShThetprathamaM chAsya charamaM chaiva sa.nvishet || 2\.194||
pratishrAvaNasambhAShe shayAno na samAcharet |
nAsIno na cha bhu~njAno na tiShThanna parA~NmukhaH || 2\.195||
AsInasya sthitaH kuryAdabhigachCha.nstu tiShThataH |
pratyudgamya tvAvrajataH pashchAddhAva.nstu dhAvataH || 2\.196||
parA~NmukhasyAbhimukho dUrasthasyetya chAntikam |
praNamya tu shayAnasya nideshe chaiva tiShThataH || 2\.197||
nIchaM shayyA.a.asanaM chAsya nityaM syAdgurusannidhau |
gurostu chakShurviShaye na yatheShTAsano bhavet || 2\.198||
naudAharedasya nAma parokShamapi kevalam |
na chaivAsyAnukurvIta gatibhAShitacheShTitam || 2\.199||
guroryatra parivAdo nindA vA.api pravartate |
karNau tatra pidhAtavyau gantavyaM vA tato.anyataH || 2\.200||
parIvAdAtkharo bhavati shvA vai bhavati nindakaH |
paribhoktA kR^imirbhavati kITo bhavati matsarI || 2\.201||
dUrastho nArchayedenaM na kruddho nAntike striyAH |
yAnAsanasthashchaivainamavaruhyAbhivAdayet || 2\.202||
prativAte.anuvAte cha nAsIta guruNA saha | prativAtAnuvAte
asa.nshrave chaiva gurorna kiM chidapi kIrtayet || 2\.203||
go.ashvauShTrayAnaprAsAdaprastareShu kaTeShu cha |
AsIta guruNA sArdhaM shilAphalakanauShu cha || 2\.204||
gurorgurau sannihite guruvadvR^ittimAcharet |
na chAnisR^iShTo guruNA svAn gurUnabhivAdayet || 2\.205||
vidyAguruShvevameva nityA vR^ittiH svayoniShu |
pratiShedhatsu chAdharmAdhitaM chopadishatsvapi || 2\.206||
shreyaHsu guruvadvR^ittiM nityameva samAcharet |
guruputreShu chAryeShu guroshchaiva svabandhuShu || 2\.207|| guruputre tathAchArye

bAlaH samAnajanmA vA shiShyo vA yaj~nakarmaNi |
adhyApayan gurusuto guruvatmAnamarhati || 2\.208||
utsAdanaM cha gAtrANAM snApanauchChiShTabhojane |
na kuryAdguruputrasya pAdayoshchAvanejanam || 2\.209||
guruvatpratipUjyAH syuH savarNA guruyoShitaH |
asavarNAstu sampUjyAH pratyutthAnAbhivAdanaiH || 2\.210||
abhya~njanaM snApanaM cha gAtrotsAdanameva cha |
gurupatnyA na kAryANi keshAnAM cha prasAdhanam || 2\.211||
gurupatnI tu yuvatirnAbhivAdyaiha pAdayoH |
pUrNavi.nshativarSheNa guNadoShau vijAnatA || 2\.212||
svabhAva eSha nArINAM narANAmiha dUShaNam |
ato.arthAnna pramAdyanti pramadAsu vipashchitaH || 2\.213||
avidvA.nsamalaM loke vidvA.nsamapi vA punaH |
pramadA hyutpathaM netuM kAmakrodhavashAnugam || 2\.214||
mAtrA svasrA duhitrA vA na viviktAsano bhavet |
balavAnindriyagrAmo vidvA.nsamapi karShati || 2\.215||
kAmaM tu gurupatnInAM yuvatInAM yuvA bhuvi |
vidhivadvandanaM kuryAdasAvahamiti bruvan || 2\.216||
viproShya pAdagrahaNamanvahaM chAbhivAdanam |
gurudAreShu kurvIta satAM dharmamanusmaran || 2\.217||
yathA khanan khanitreNa naro vAryadhigachChati |
tathA gurugatAM vidyAM shushrUShuradhigachChati || 2\.218||
muNDo vA jaTilo vA syAdatha vA syAtshikhAjaTaH |
nainaM grAme.abhinimlochetsUryo nAbhyudiyAtkva chit || 2\.219||
taM chedabhyudiyAtsUryaH shayAnaM kAmachArataH |
nimlochedvA.apyavij~nAnAjjapannupavaseddinam || 2\.220||
sUryeNa hyabhinirmuktaH shayAno.abhyuditashcha yaH | abhinimluktaH
prAyashchittamakurvANo yuktaH syAn mahatenasA || 2\.221||
Achamya prayato nityamubhe sa.ndhye samAhitaH |
shuchau deshe japa~njapyamupAsIta yathAvidhi || 2\.222||
yadi strI yadyavarajaH shreyaH kiM chitsamAcharet |
tatsarvamAcharedyukto yatra chAsya ramen manaH || 2\.223||
dharmArthAvuchyate shreyaH kAmArthau dharma eva cha |
artha evaiha vA shreyastrivarga iti tu sthitiH || 2\.224||
AchAryashcha pitA chaiva mAtA bhrAtA cha pUrvajaH |
nArtenApyavamantavyA brAhmaNena visheShataH || 2\.225||
AchAryo brahmaNo mUrtiH pitA mUrtiH prajApateH |
mAtA pR^ithivyA mUrtistu bhrAtA svo mUrtirAtmanaH || 2\.226||
yaM mAtApitarau kleshaM sahete sambhave nR^iNAm |
na tasya niShkR^itiH shakyA kartuM varShashatairapi || 2\.227||
tayornityaM priyaM kuryAdAchAryasya cha sarvadA |
teShveva triShu tuShTeShu tapaH sarvaM samApyate || 2\.228||
teShAM trayANAM shushrUShA paramaM tapa uchyate |
na tairanabhyanuj~nAto dharmamanyaM samAcharet || 2\.229||
ta eva hi trayo lokAsta eva traya AshramAH |
ta eva hi trayo vedAsta evauktAstrayo.agnayaH || 2\.230||
pitA vai gArhapatyo.agnirmAtA.agnirdakShiNaH smR^itaH |
gururAhavanIyastu sA.agnitretA garIyasI || 2\.231||
triShvapramAdyanneteShu trIn lokAn vijayedgR^ihI |
dIpyamAnaH svavapuShA devavaddivi modate || 2\.232||
imaM lokaM mAtR^ibhaktyA pitR^ibhaktyA tu madhyamam |
gurushushrUShayA tvevaM brahmalokaM samashnute || 2\.233||
sarve tasyAdR^itA dharmA yasyaite traya AdR^itAH |
anAdR^itAstu yasyaite sarvAstasyAphalAH kriyAH || 2\.234||
yAvattrayaste jIveyustAvatnAnyaM samAcharet |
teShveva nityaM shushrUShAM kuryAtpriyahite rataH || 2\.235||
teShAmanuparodhena pAratryaM yadyadAcharet |
tattannivedayettebhyo manovachanakarmabhiH || 2\.236||
triShveteShvitikR^ityaM hi puruShasya samApyate |
eSha dharmaH paraH sAkShAdupadharmo.anya uchyate || 2\.237||
shraddadhAnaH shubhAM vidyAmAdadItAvarAdapi |
anyAdapi paraM dharmaM strIratnaM duShkulAdapi || 2\.238||
viShAdapyamR^itaM grAhyaM bAlAdapi subhAShitam |
amitrAdapi sadvR^ittamamedhyAdapi kA~nchanam || 2\.239||
striyo ratnAnyatho vidyA dharmaH shauchaM subhAShitam |
vividhAni cha shilpAni samAdeyAni sarvataH || 2\.240||
abrAhmaNAdadhyAyanamApatkAle vidhIyate |
anuvrajyA cha shushrUShA yAvadadhyAyanaM guroH || 2\.241||
nAbrAhmaNe gurau shiShyo vAsamAtyantikaM vaset |
brAhmaNe vA.ananUchAne kA~NkShan gatimanuttamAm || 2\.242||
yadi tvAtyantikaM vAsaM rochayeta guroH kule |
yuktaH paricharedenamA sharIravimokShaNAt || 2\.243||
A samApteH sharIrasya yastu shushrUShate gurum |
sa gachChatya~njasA vipro brahmaNaH sadma shAshvatam || 2\.244||
na pUrvaM gurave kiM chidupakurvIta dharmavit |
snAsya.nstu guruNA.aj~naptaH shaktyA gurvrthamAharet || 2\.245||
kShetraM hiraNyaM gAmashvaM ChatraupAnahamAsanam | ChatropAnahamantataH
dhAnyaM shAkaM cha vAsA.nsi gurave prItimAvahet || 2\.246|| dhAnyaM vAsA.nsi shAkaM vA gurave prItimAharan)

AchArye tu khalu prete guruputre guNAnvite |
gurudAre sapiNDe vA guruvadvR^ittimAcharet || 2\.247||
eteShvavidyamAneShu sthAnAsanavihAravAn |
prayu~njAno.agnishushrUShAM sAdhayeddehamAtmanaH || 2\.248||
evaM charati yo vipro brahmacharyamaviplutaH |
sa gachChatyuttamasthAnaM na chaiha jAyate punaH || 2\.249||

\section{adhyAya 3}
ShaTtri.nshadAbdikaM charyaM gurau traivedikaM vratam |
tadardhikaM pAdikaM vA grahaNAntikameva vA || 3\.1||
vedAnadhItya vedau vA vedaM vA.api yathAkramam |
aviplutabrahmacharyo gR^ihasthAshramamAvaset || 3\.2||
taM pratItaM svadharmeNa brahmadAyaharaM pituH |
sragviNaM talpa AsInamarhayetprathamaM gavA || 3\.3||
guruNAnumataH snAtvA samAvR^itto yathAvidhi |
udvaheta dvijo bhAryAM savarNAM lakShaNAnvitAm || 3\.4||
asapiNDA cha yA mAturasagotrA cha yA pituH |
sA prashastA dvijAtInAM dArakarmaNi maithune || 3\.5|| amaithinI

mahAntyapi samR^iddhAni go.ajAvidhanadhAnyataH |
strIsambandhe dashaitAni kulAni parivarjayet || 3\.6||
hInakriyaM nishpuruShaM nishChando romashArshasam |
kShayyAmayAvy.apasmArishvitrikuShThikulAni cha || 3\.7||
nodvahetkapilAM kanyAM nAdhikA~NgIM na rogiNIm |
nAlomikAM nAtilomAM na vAchATAM na pi~NgalAm || 3\.8|| vAchAlAM 

naR^ikShavR^ikShanadInAmnIM nAntyaparvatanAmikAm |
na pakShyahipreShyanAmnIM na cha bhIShaNanAmikAm || 3\.9||
avya~NgA~NgIM saumyanAmnIM ha.nsavAraNagAminIm |
tanulomakeshadashanAM mR^idva~NgImudvahetstriyam || 3\.10||
yasyAstu na bhavedbhrAtA na vij~nAyeta vA pitA | vai(vA pitA
naupayachCheta tAM prAj~naH putrikA.adharmasha~NkayA || 3\.11||
savarNA.agre dvijAtInAM prashastA dArakarmaNi |
kAmatastu pravR^ittAnAmimAH syuH kramasho.avarAH || 3\.12||
shUdraiva bhAryA shUdrasya sA cha svA cha vishaH smR^ite |
te cha svA chaiva rAj~nashcha tAshcha svA chAgrajanmanaH || 3\.13||
na brAhmaNakShatriyayorApadyapi hi tiShThatoH |
kasmi.nshchidapi vR^ittAnte shUdrA bhAryaupadishyate || 3\.14||
hInajAtistriyaM mohAdudvahanto dvijAtayaH |
kulAnyeva nayantyAshu sasantAnAni shUdratAm || 3\.15||
shUdrAvedI patatyatrerutathyatanayasya cha |
shaunakasya sutotpattyA tadapatyatayA bhR^igoH || 3\.16||
shUdrAM shayanamAropya brAhmaNo yAtyadhogatim |
janayitvA sutaM tasyAM brAhmaNyAdeva hIyate || 3\.17||
daivapitryAtitheyAni tatpradhAnAni yasya tu |
nAshnanti pitR^idevAstanna cha svargaM sa gachChati || 3\.18||
vR^iShalIphenapItasya niHshvAsopahatasya cha |
tasyAM chaiva prasUtasya niShkR^itirna vidhIyate || 3\.19||
chaturNAmapi varNAnaM pretya chaiha hitAhitAn |
aShTAvimAn samAsena strIvivAhAnnibodhata || 3\.20||
brAhmo daivastathaivArShaH prAjApatyastathA.asuraH |
gAndharvo rAkShasashchaiva paishAchashchAShTamo.adhamaH || 3\.21||
yo yasya dharmyo varNasya guNadoShau cha yasya yau |
tadvaH sarvaM pravakShyAmi prasave cha guNAguNAn || 3\.22||
ShaDAnupUrvyA viprasya kShatrasya chaturo.avarAn |
vish.shUdrayostu tAneva vidyAddharmyAnarAkShasAn || 3\.23|| dharmyAnna rAkShasAn

chaturo brAhmaNasyAdyAn prashastAn kavayo viduH |
rAkShasaM kShatriyasyaikamAsuraM vaishyashUdrayoH || 3\.24||
pa~nchAnAM tu trayo dharmyA dvAvadharmyau smR^itAviha |
paishAchashchAsurashchaiva na kartavyau kadA chana || 3\.25||
pR^ithakpR^ithagvA mishrau vA vivAhau pUrvachoditau |
gAndharvo rAkShasashchaiva dharmyau kShatrasya tau smR^itau || 3\.26||
AchChAdya chArchayitvA cha shrutashIlavate svayam |
AhUya dAnaM kanyAyA brAhmo dharmaH prakIrtitaH || 3\.27||
yaj~ne tu vitate samyagR^itvije karma kurvate |
ala~NkR^itya sutAdAnaM daivaM dharmaM prachakShate || 3\.28||
ekaM gomithunaM dve vA varAdAdAya dharmataH |
kanyApradAnaM vidhivadArSho dharmaH sa uchyate || 3\.29||
sahaubhau charatAM dharmamiti vAchA.anubhAShya cha |
kanyApradAnamabhyarchya prAjApatyo vidhiH smR^itaH || 3\.30||
j~nAtibhyo draviNaM dattvA kanyAyai chaiva shaktitaH |
kanyApradAnaM svAchChandyAdAsuro dharma uchyate || 3\.31||
ichChayA.anyonyasa.nyogaH kanyAyAshcha varasya cha |
gAndharvaH sa tu vij~neyo maithunyaH kAmasambhavaH || 3\.32||
hatvA ChittvA cha bhittvA cha kroshantIM rudatIM gR^ihAt |
prasahya kanyAharaNaM rAkShaso vidhiruchyate || 3\.33||
suptAM mattAM pramattAM vA raho yatropagachChati |
sa pApiShTho vivAhAnAM paishAchashchAShTamo.adhamaH || 3\.34|| paishAchaH prathito.adhamaH

adbhireva dvijAgryANAM kanyAdAnaM vishiShyate |
itareShAM tu varNAnAmitaretarakAmyayA || 3\.35||
yo yasyaiShAM vivAhAnAM manunA kIrtito guNaH |
sarvaM shR^iNuta taM viprAH sarvaM kIrtayato mama || 3\.36|| samyakkIrtayato

dasha pUrvAn parAn va.nshyAnAtmAnaM chaikavi.nshakam |
brAhmIputraH sukR^itakR^itmochayatyenasaH pitR^In || 3\.37||
daivauDhAjaH sutashchaiva sapta sapta parAvarAn |
ArShauDhAjaH sutastrI.nstrIn ShaTShaTkAyauDhajaH sutaH || 3\.38||
brAhmAdiShu vivAheShu chaturShvevAnupUrvashaH |
brahmavarchasvinaH putrA jAyante shiShTasammatAH || 3\.39|| brahmavarchasinaH

rUpasattvaguNopetA dhanavanto yashasvinaH |
paryAptabhogA dharmiShThA jIvanti cha shataM samAH || 3\.40||
itareShu tu shiShTeShu nR^isha.nsA.anR^itavAdinaH |
jAyante durvivAheShu brahmadharmadviShaH sutAH || 3\.41||
aninditaiH strIvivAhairanindyA bhavati prajA |
ninditairninditA nR^INAM tasmAnnindyAn vivarjayet || 3\.42||
pANigrahaNasa.nskAraH savarNAsUpadishyate |
asavarNAsvayaM j~neyo vidhirudvAhakarmaNi || 3\.43||
sharaH kShatriyayA grAhyaH pratodo vaishyakanyayA |
vasanasya dashA grAhyA shUdrayotkR^iShTavedane || 3\.44||
R^itukAlAbhigAmI syAtsvadAranirataH sadA |
parvavarjaM vrajechchainAM tadvrato ratikAmyayA || 3\.45||
R^ituH svAbhAvikaH strINAM rAtrayaH ShoDasha smR^itAH |
chaturbhiritaraiH sArdhamahobhiH sadvigarhitaiH || 3\.46||
tAsAmAdyAshchatasrastu ninditaikAdashI cha yA |
trayodashI cha sheShAstu prashastA dasharAtrayaH || 3\.47||
yugmAsu putrA jAyante striyo.ayugmAsu rAtriShu |
tasmAdyugmAsu putrArthI sa.nvishedArtave striyam || 3\.48||
pumAn pu.nso.adhike shukre strI bhavatyadhike striyAH |
same.apumAn puM.striyau vA kShINe.alpe cha viparyayaH || 3\.49||
nindyAsvaShTAsu chAnyAsu striyo rAtriShu varjayan |
brahmachAryeva bhavati yatra tatrAshrame vasan || 3\.50||
na kanyAyAH pitA vidvAn gR^ihNIyAtshulkamaNvapi |
gR^ihNa.nshChulkaM hi lobhena syAnnaro.apatyavikrayI || 3\.51||
strIdhanAni tu ye mohAdupajIvanti bAndhavAH |
nArIyAnAni vastraM vA te pApA yAntyadhogatim || 3\.52||
ArShe gomithunaM shulkaM ke chidAhurmR^iShaiva tat |
alpo.apyevaM mahAn vA.api vikrayastAvadeva saH || 3\.53|| tAvAneva sa vikrayaH

yAsAM nAdadate shulkaM j~nAtayo na sa vikrayaH |
arhaNaM tatkumArINAmAnR^isha.nsyaM cha kevalam || 3\.54|| na kevalam

pitR^ibhirbhrAtR^ibhishchaitAH patibhirdevaraistathA |
pUjyA bhUShayitavyAshcha bahukalyANamIpsubhiH || 3\.55||
yatra nAryastu pUjyante ramante tatra devatAH |
yatraitAstu na pUjyante sarvAstatrAphalAH kriyAH || 3\.56||
(## Followingten verses are missingin M.##)
shochanti jAmayo yatra vinashyatyAshu tatkulam |
na shochanti tu yatraitA vardhate tadhi sarvadA || 3\.57||
jAmayo yAni gehAni shapantyapratipUjitAH ||
tAni kR^ityAhatAnIva vinashyanti samantataH || 3\.58||
tasmAdetAH sadA pUjyA bhUShaNAchChAdanAshanaiH |
bhUtikAmairnarairnityaM satkAreShUtsaveShu cha || 3\.59||
sa.ntuShTo bhAryayA bhartA bhartrA bhAryA tathaiva cha |
yasminneva kule nityaM kalyANaM tatra vai dhruvam || 3\.60||
yadi hi strI na rocheta pumA.nsaM na pramodayet |
apramodAtpunaH pu.nsaH prajanaM na pravartate || 3\.61||
striyAM tu rochamAnAyAM sarvaM tadrochate kulam |
tasyAM tvarochamAnAyAM sarvameva na rochate || 3\.62||
kuvivAhaiH kriyAlopairvedAnadhyayanena cha |
kulAnyakulatAM yAnti brAhmaNAtikrameNa cha || 3\.63||
shilpena vyavahAreNa shUdrApatyaishcha kevalaiH |
gobhirashvaishcha yAnaishcha kR^iShyA rAjopasevayA || 3\.64||
ayAjyayAjanaishchaiva nAstikyena cha karmaNAm |
kulAnyAshu vinashyanti yAni hInAni mantrataH || 3\.65||
mantratastu samR^iddhAni kulAnyalpadhanAnyapi |
kulasa~NkhyAM cha gachChanti karShanti cha mahadyashaH || 3\.66||
vaivAhike.agnau kurvIta gR^ihyaM karma yathAvidhi |
pa~nchayaj~navidhAnaM cha paktiM chAnvAhikIM gR^ihI || 3\.67||
pa~ncha sUnA gR^ihasthasya chullI peShaNyupaskaraH |
kaNDanI chaudakumbhashcha badhyate yAstu vAhayan || 3\.68|| vadhyate

tAsAM krameNa sarvAsAM niShkR^ityarthaM maharShibhiH |
pa~ncha kL^iptA mahAyaj~nAH pratyahaM gR^ihamedhinAm || 3\.69||
adhyApanaM brahmayaj~naH pitR^iyaj~nastu tarpaNam |
homo daivo balirbhauto nR^iyaj~no.atithipUjanam || 3\.70||
pa~nchaitAn yo mahA.ayaj~nAnna hApayati shaktitaH |
sa gR^ihe.api vasannityaM sUnAdoShairna lipyate || 3\.71||
devatA.atithibhR^ityAnAM pitR^INAmAtmanashcha yaH |
na nirvapati pa~nchAnAmuchChvasanna sa jIvati || 3\.72||
ahutaM cha hutaM chaiva tathA prahutameva cha |
brAhmyaM hutaM prAshitaM cha pa~nchayaj~nAn prachakShate || 3\.73||
japo.ahuto huto homaH prahuto bhautiko baliH |
brAhmyaM hutaM dvijAgryArchA prAshitaM pitR^itarpaNam || 3\.74||
svAdhyAye nityayuktaH syAddaive chaivaiha karmaNi |
daivakarmaNi yukto hi bibhartIdaM charAcharam || 3\.75||
agnau prAstA.ahutiH samyagAdityamupatiShThate |
AdityAjjAyate vR^iShtirvR^iShTerannaM tataH prajAH || 3\.76||
yathA vAyuM samAshritya vartante sarvajantavaH | sarve jIvanti jantavaH
tathA gR^ihasthamAshritya  vartante sarva AshramAH || 3\.77|| vartanta itarAshramaH

yasmAttrayo.apyAshramiNo j~nAnenAnnena chAnvaham |
gR^ihasthenaiva dhAryante tasmAjjyeShThAshramo gR^ihI || 3\.78|| gR^ihaM

sa sa.ndhAryaH prayatnena svargamakShayamichChatA |
sukhaM chehechChatA.atyantaM yo.adhAryo durbalendriyaiH || 3\.79||
R^iShayaH pitaro devA bhUtAnyatithayastathA |
AshAsate kuTumbibhyastebhyaH kAryaM vijAnatA || 3\.80||
svAdhyAyenArchayetaR^iShIn homairdevAn yathAvidhi |
pitR^I.nshrAddhaishcha nR^InannairbhUtAni balikarmaNA || 3\.81||
kuryAdaharahaH shrAddhamannAdyenodakena vA | dadyAdaharahaH 
payomUlaphalairvA.api pitR^ibhyaH prItimAvahan || 3\.82||
ekamapyAshayedvipraM pitryarthe pA~nchayaj~nike | pitryarthaM
na chaivAtrAshayetkiM chidvaishvadevaM prati dvijam || 3\.83||
vaishvadevasya siddhasya gR^ihye.agnau vidhipUrvakam |
AbhyaH kuryAddevatAbhyo brAhmaNo homamanvaham || 3\.84||
agneH somasya chaivAdau tayoshchaiva samastayoH |
vishvebhyashchaiva devebhyo dhanvantaraya eva cha || 3\.85||
kuhvai chaivAnumatyai cha prajApataya eva cha  |
saha dyAvApR^ithivyoshcha tathA sviShTakR^ite.antataH || 3\.86||
evaM samyaghavirhutvA sarvadikShu pradakShiNam |
indrAntakAppatIndubhyaH sAnugebhyo baliM haret || 3\.87||
marudbhya iti tu dvAri kShipedapsvadbhya ityapi |
vanaspatibhya ityevaM musalolUkhale haret || 3\.88||
uchChIrShake shriyai kuryAdbhadrakAlyai cha pAdataH |
brahmavAstoShpatibhyAM tu vAstumadhye baliM haret || 3\.89||
vishvebhyashchaiva devebhyo balimAkAsha utkShipet |
divAcharebhyo bhUtebhyo nakta~nchAribhya eva cha || 3\.90||
pR^iShThavAstuni kurvIta baliM sarvAtmabhUtaye | sarvAnnabhUtaye 
pitR^ibhyo balisheShaM tu sarvaM dakShiNato haret || 3\.91||
shUnAM cha patitAnAM cha shvapachAM pAparogiNAm |
vayasAnAM kR^imINAM cha shanakairnirvapedbhuvi || 3\.92|| vayasAM cha

evaM yaH sarvabhUtAni brAhmaNo nityamarchati |
sa gachChati paraM sthAnaM tejomUrtiH pathArjunA || 3\.93||
kR^itvaitadbalikarmaivamatithiM pUrvamAshayet |
bhikShAM cha bhikShave dadyAdvidhivadbrahmachAriNe || 3\.94||
yatpuNyaphalamApnoti gAM dattvA vidhivadguroH |
tatpuNyaphalamApnoti bhikShAM dattvA dvijo gR^ihI || 3\.95||
bhikShAmapyudapAtraM vA satkR^itya vidhipUrvakam |
vedatattvArthaviduShe brAhmaNAyopapAdayet || 3\.96||
nashyanti havyakavyAni narANAmavijAnatAm |
bhasmIbhUteShu vipreShu mohAddattAni dAtR^ibhiH || 3\.97|| bhasmabhUteShu 

vidyAtapassamR^iddheShu hutaM vipramukhAgniShu |
nistArayati durgAchcha mahatashchaiva kilbiShAt || 3\.98||
samprAptAya tvatithaye pradadyAdAsanaudake |
annaM chaiva yathAshakti satkR^itya vidhipUrvakam || 3\.99|| sa.nskR^itya

shilAnapyu~nChato nityaM pa~nchAgnInapi juhvataH |
sarvaM sukR^itamAdatte brAhmaNo.anarchito vasan || 3\.100||
tR^iNAni bhUmirudakaM vAkchaturthI cha sUnR^itA |
etAnyapi satAM gehe nochChidyante kadA chana || 3\.101||
ekarAtraM tu nivasannatithirbrAhmaNaH smR^itaH |
anityaM hi sthito yasmAttasmAdatithiruchyate || 3\.102||
naikagrAmINamatithiM vipraM sA~NgatikaM tathA |
upasthitaM gR^ihe vidyAdbhAryA yatrAgnayo.api vA || 3\.103||
upAsate ye gR^ihasthAH parapAkamabuddhayaH |
tena te pretya pashutAM vrajantyannAdidAyinaH || 3\.104||
apraNodyo.atithiH sAyaM sUryauDho gR^ihamedhinA |
kAle prAptastvakAle vA nAsyAnashnan gR^ihe vaset || 3\.105||
na vai svayaM tadashnIyAdatithiM yanna bhojayet |
dhanyaM yashasyamAyuShyaM svargyaM vA.atithipUjanam || 3\.106||
AsanAvasathau shayyAmanuvrajyAmupAsanAm |
uttameShUttamaM kuryAdhIne hInaM same samam || 3\.107||
vaishvadeve tu nirvR^itte yadyanyo.atithirAvrajet |
tasyApyannaM yathAshakti pradadyAnna baliM haret || 3\.108||
na bhojanArthaM sve vipraH kulagotre nivedayet |
bhojanArthaM hi te sha.nsan vAntAshItyuchyate budhaiH || 3\.109||
na brAhmaNasya tvatithirgR^ihe rAjanya uchyate |
vaishyashUdrau sakhA chaiva j~nAtayo gurureva cha || 3\.110||
yadi tvatithidharmeNa kShatriyo gR^ihamAvrajet |
bhuktavatsu cha vipreShu kAmaM tamapi bhojayet || 3\.111||
vaishyashUdrAvapi prAptau kuTumbe.atithidharmiNau |
bhojayetsaha bhR^ityaistAvAnR^isha.nsyaM prayojayan || 3\.112||
itarAnapi sakhyAdIn samprItyA gR^ihamAgatAn |
prakR^ityAnnaM yathAshakti bhojayetsaha bhAryayA || 3\.113||
suvAsinIH kumArIshcha rogiNo garbhiNIH striyaH |
atithibhyo.agra evaitAn bhojayedavichArayan || 3\.114|| atithibhyo.anvagevaitAn

adattvA tu ya etebhyaH pUrvaM bhu~Nkte.avichakShaNaH |
sa bhu~njAno na jAnAti shvagR^idhrairjagdhimAtmanaH || 3\.115||
bhuktavatsvatha vipreShu sveShu bhR^ityeShu chaiva hi |
bhu~njIyAtAM tataH pashchAdavashiShTaM tu dampatI || 3\.116||
devAn R^iShIn manuShyA.nshcha pitR^In gR^ihyAshcha devatAH |
pUjayitvA tataH pashchAdgR^ihasthaH sheShabhugbhavet || 3\.117||
aghaM sa kevalaM bhu~Nkte yaH pachatyAtmakAraNAt |
yaj~nashiShTAshanaM hyetatsatAmannaM vidhIyate || 3\.118||
rAjartvigsnAtakagurUn priyashvashuramAtulAn |
arhayen madhuparkeNa parisa.nvatsarAtpunaH || 3\.119||
rAjA cha shrotriyashchaiva yaj~nakarmaNyupasthitau | upasthite
madhuparkeNa sampUjyau na tvayaj~na iti sthitiH || 3\.120||
sAyaM tvannasya siddhasya patnyamantraM baliM haret |
vaishvadevaM hi nAmaitatsAyaM prAtarvidhIyate || 3\.121||
pitR^iyaj~naM tu nirvartya viprashchandrakShaye.agnimAn | chaindukShaye
piNDAnvAhAryakaM shrAddhaM kuryAn mAsAnumAsikam || 3\.122||
pitR^INAM mAsikaM shrAddhamanvAhAryaM vidurbudhAH |
tachchAmiSheNA kartavyaM prashastena prayatnataH || 3\.123|| samantata

tatra ye bhojanIyAH syurye cha varjyA dvijottamAH |
yAvantashchaiva yaishchAnnaistAn pravakShyAmyasheShataH || 3\.124||
dvau daive pitR^ikArye trInekaikamubhayatra vA | pitR^ikR^itye
bhojayetsusamR^iddho.api na prasajjeta vistare || 3\.125|| na pravarteta

satkriyAM deshakAlau cha shauchaM brAhmaNasampadaH |
pa~nchaitAn vistaro hanti tasmAnnaiheta vistaram || 3\.126||
prathitA pretakR^ityaiShA pitryaM nAma vidhukShaye |
tasmin yuktasyaiti nityaM pretakR^ityaiva laukikI || 3\.127||
shrotriyAyaiva deyAni havyakavyAni dAtR^ibhiH |
arhattamAya viprAya tasmai dattaM mahAphalam || 3\.128||
ekaikamapi vidvA.nsaM daive pitrye cha bhojayet | bhojayan
puShkalaM phalamApnoti nAmantraj~nAn bahUnapi || 3\.129||
dUrAdeva parIkSheta brAhmaNaM vedapAragam |
tIrthaM tadhavyakavyAnAM pradAne so.atithiH smR^itaH || 3\.130||
sahasraM hi sahasrANAmanR^ichAM yatra bhu~njate |
ekastAn mantravitprItaH sarvAnarhati dharmataH || 3\.131||
j~nAnotkR^iShTAya deyAni kavyAni cha havI.nShi cha |
na hi hastAvasR^igdigdhau rudhireNaiva shudhyataH || 3\.132||
yAvato grasate grAsAn havyakavyeShvamantravit |
tAvato grasate preto dIptashUlarShTyayoguDAn || 3\.133||
j~nAnaniShThA dvijAH ke chittaponiShThAstathA.apare |
tapaHsvAdhyAyaniShThAshcha karmaniShThAstathA.apare || 3\.134||
j~nAnaniShTheShu kavyAni pratiShThApyAni yatnataH |
havyAni tu yathAnyAyaM sarveShveva chaturShvapi || 3\.135||
ashrotriyaH pitA yasya putraH syAdvedapAragaH |
ashrotriyo vA putraH syAtpitA syAdvedapAragaH || 3\.136||
jyAyA.nsamanayorvidyAdyasya syAtshrotriyaH pitA |
mantrasampUjanArthaM tu satkAramitaro.arhati || 3\.137||
na shrAddhe bhojayen mitraM dhanaiH kAryo.asya sa~NgrahaH |
nAriM na mitraM yaM vidyAttaM shrAddhe bhojayeddvijam || 3\.138||
yasya mitrapradhAnAni shrAddhAni cha havI.nShi cha |
tasya pretya phalaM nAsti shrAddheShu cha haviHShu cha || 3\.139||
yaH sa~NgatAni kurute mohAtshrAddhena mAnavaH |
sa svargAchchyavate lokAtshrAddhamitro dvijAdhamaH || 3\.140||
sambhojAni sA.abhihitA paishAchI dakShiNA dvijaiH |
ihaivAste tu sA loke gaurandhevaikaveshmani || 3\.141||
yathairiNe bIjamuptvA na vaptA labhate phalam |
tathA.anR^iche havirdattvA na dAtA labhate phalam || 3\.142||
dAtR^In pratigrahItR^I.nshcha kurute phalabhAginaH |
viduShe dakShiNAM dattvA vidhivatpretya chaiha cha || 3\.143||
kAmaM shrAddhe.archayen mitraM nAbhirUpamapi tvarim |
dviShatA hi havirbhuktaM bhavati pretya niShphalam || 3\.144||
yatnena bhojayetshrAddhe bahvR^ichaM vedapAragam |
shAkhAntagamathAdhvaryuM ChandogaM tu samAptikam || 3\.145||
eShAmanyatamo yasya bhu~njIta shrAddhamarchitaH |
pitR^INAM tasya tR^iptiH syAtshAshvatI sAptapauruShI || 3\.146||
eSha vai prathamaH kalpaH pradAne havyakavyayoH |
anukalpastvayaM j~neyaH sadA sadbhiranuShThitaH || 3\.147||
mAtAmahaM mAtulaM cha svasrIyaM shvashuraM gurum |
dauhitraM viTpatiM bandhuM R^itvigyAjyau cha bhojayet || 3\.148||
na brAhmaNaM parIkSheta daive karmaNi dharmavit |
pitrye karmaNi tu prApte parIkSheta prayatnataH || 3\.149||
ye stenapatitaklIbA ye cha nAstikavR^ittayaH |
tAn havyakavyayorviprAnanarhAn manurabravIt || 3\.150||
jaTilaM chAnadhIyAnaM durbAlaM kitavaM tathA |
yAjayanti cha ye pUgA.nstA.nshcha shrAddhe na bhojayet || 3\.151||
chikitsakAn devalakAn mA.nsavikrayiNastathA | chikitsakAdevalakAmA.nsavikrayiNastathA
vipaNena cha jIvanto varjyAH syurhavyakavyayoH || 3\.152||
preShyo grAmasya rAj~nashcha kunakhI shyAvadantakaH |
pratiroddhA guroshchaiva tyaktAgnirvArdhuShistathA || 3\.153||
yakShmI cha pashupAlashcha parivettA nirAkR^itiH |
brahmadviShparivittishcha gaNAbhyantara eva cha || 3\.154||
kushIlavo.avakIrNI cha vR^iShalIpatireva cha |
paunarbhavashcha kANashcha yasya chaupapatirgR^ihe || 3\.155||
bhR^itakAdhyApako yashcha bhR^itakAdhyApitastathA |
shUdrashiShyo gurushchaiva vAgduShTaH kuNDagolakau || 3\.156||
akAraNe parityaktA mAtApitrorgurostathA | akAraNaparityaktA
brAhmairyaunaishcha sambandhaiH sa.nyogaM patitairgataH || 3\.157||
agAradAhI garadaH kuNDAshI somavikrayI |
samudrayAyI bandI cha tailikaH kUTakArakaH || 3\.158||
pitrA vivadamAnashcha kitavo madyapastathA |
pAparogyabhishastashcha dAmbhiko rasavikrayI || 3\.159||
dhanuHsharANAM kartA cha yashchAgredidhiShUpatiH |
mitradhrugdyUtavR^ittishcha putrAchAryastathaiva cha || 3\.160||
bhrAmarI gaNDamAlI cha shvitryatho pishunastathA |
unmatto.andhashcha varjyAH syurvedanindaka eva cha || 3\.161||
hastigo.ashvauShTradamako nakShatrairyashcha jIvati |
pakShiNAM poShako yashcha yuddhAchAryastathaiva cha || 3\.162||
srotasAM bhedako yashcha teShAM chAvaraNe rataH |
gR^ihasa.nveshako dUto vR^ikShAropaka eva cha || 3\.163||
shvakrIDI shyenajIvI cha kanyAdUShaka eva cha |
hi.nsro vR^iShalavR^ittishcha gaNAnAM chaiva yAjakaH || 3\.164||
AchArahInaH klIbashcha nityaM yAchanakastathA |
kR^iShijIvI shlIpadI cha sadbhirnindita eva cha || 3\.165||
aurabhriko mAhiShikaH parapUrvApatistathA |
pretaniryApakashchaiva varjanIyAH prayatnataH || 3\.166||
etAn vigarhitAchArAnapA~NkteyAn dvijAdhamAn |
dvijAtipravaro vidvAnubhayatra vivarjayet || 3\.167||
brAhmaNo tvanadhIyAnastR^iNAgniriva shAmyati | brAhmaNaH hyanadhIyAnaH 
tasmai havyaM na dAtavyaM na hi bhasmani hUyate || 3\.168||
apA~NktadAne yo dAturbhavatyUrdhvaM phalaudayaH | apa~NktyadAne
daive haviShi pitrye vA taM pravakShyAmyasheShataH || 3\.169|| daive karmaNi

avratairyaddvijairbhuktaM  parivetryAdibhistathA |
apA~Nkteyairyadanyaishcha tadvai rakShA.nsi bhu~njate || 3\.170||
dArAgnihotrasa.nyogaM kurute yo.agraje sthite |
parivettA sa vij~neyaH parivittistu pUrvajaH || 3\.171||
parivittiH parivettA yayA cha parividyate |
sarve te narakaM yAnti dAtR^iyAjakapa~nchamAH || 3\.172||
bhrAturmR^itasya bhAryAyAM yo.anurajyeta kAmataH |
dharmeNApi niyuktAyAM sa j~neyo didhiShUpatiH || 3\.173||
paradAreShu jAyete dvau sutau kuNDagolakau |
patyau jIvati kuNDaH syAn mR^ite bhartari golakaH || 3\.174||
tau tu jAtau parakShetre prANinau pretya chaiha cha | te tu jAtAH parakShetre prANinaH
dattAni havyakavyAni nAshayanti pradAyinAm || 3\.175||
apA~Nktyo yAvataH pa~NktyAn bhu~njAnAnanupashyati | apa~Nktyo yAvataH
tAvatAM na phalaM tatra dAtA prApnoti bAlishaH || 3\.176||
vIkShyAndho navateH kANaH ShaShTeH shvitrI shatasya tu | shatasya cha 
pAparogI sahasrasya dAturnAshayate phalam || 3\.177||
yAvataH sa.nspR^isheda~NgairbrAhmaNAn shUdrayAjakaH |
tAvatAM na bhaveddAtuH phalaM dAnasya paurtikam || 3\.168||
vedavidchApi vipro.asya lobhAtkR^itvA pratigraham |
vinAshaM vrajati kShipramAmapAtramivAmbhasi || 3\.179||
somavikrayiNe viShThA bhiShaje pUyashoNitam |
naShTaM devalake dattamapratiShThaM tu vArdhuShau || 3\.180||
yattu vANijake dattaM naiha nAmutra tadbhavet |
bhasmanIva hutaM dravyaM tathA paunarbhave dvije || 3\.181||
itareShu tvapA~NktyeShu yathoddiShTeShvasAdhuShu |
medo.asR^i~NmA.nsamajjA.asthi vadantyannaM manIShiNaH || 3\.182||
apA~NktyopahatA pa~NktiH pAvyate yairdvijottamaiH | apa~NktyaupahatA pa~NktiH
tAnnibodhata kArtsnyena dvijAgryAn pa~NktipAvanAn || 3\.183||
agryAH sarveShu vedeShu sarvapravachaneShu cha |
shrotriyAnvayajAshchaiva vij~neyAH pa~NktipAvanAH || 3\.184||
triNAchiketaH pa~nchAgnistrisuparNaH ShaDa~Ngavit |
brahmadeyAtmasantAno jyeShThasAmaga eva cha || 3\.185|| brahmadeyAnusantAno 

vedArthavitpravaktA cha brahmachArI sahasradaH |
shatAyushchaiva vij~neyA brAhmaNAH pa~NktipAvanAH || 3\.186||
pUrvedyuraparedyurvA shrAddhakarmaNyupasthite |
nimantrayeta try.avarAn samyagviprAn yathauditAn || 3\.187|| nimantrayIta 

nimantrito dvijaH pitrye niyatAtmA bhavetsadA |
na cha ChandA.nsyadhIyIta yasya shrAddhaM cha tadbhavet || 3\.188||
nimantritAn hi pitara upatiShThanti tAn dvijAn |
vAyuvatchAnugachChanti tathA.asInAnupAsate || 3\.189||
ketitastu yathAnyAyaM havye kavye dvijottamaH |
kathaM chidapyatikrAman pApaH sUkaratAM vrajet || 3\.190||
 Amantritastu yaH shrAddhe vR^iShalyA saha modate |
dAturyadduShkR^itaM kiM chittatsarvaM pratipadyate || 3\.191||
akrodhanAH shauchaparAH satataM brahmachAriNaH |
nyastashastrA mahAbhAgAH pitaraH pUrvadevatAH || 3\.192||
yasmAdutpattireteShAM sarveShAmapyasheShataH |
ye cha yairupacharyAH syurniyamaistAnnibodhata || 3\.193||
manorhairaNyagarbhasya ye marIchyAdayaH sutAH |
teShAM R^iShINAM sarveShAM putrAH pitR^igaNAH smR^itAH || 3\.194||
virATsutAH somasadaH sAdhyAnAM pitaraH smR^itAH |
agniShvAttAshcha devAnAM mArIchA lokavishrutAH || 3\.195||
daityadAnavayakShANAM gandharvauragarakShasAm |
suparNakinnarANAM cha smR^itA barhiShado.atrijAH || 3\.196||
somapA nAma viprANAM kShatriyANAM havirbhujaH |
vaishyAnAmAjyapA nAma shUdrANAM tu sukAlinaH || 3\.197||
somapAstu kaveH putrA haviShmanto.a~NgiraHsutAH |
pulastyasyAjyapAH putrA vasiShThasya sukAlinaH || 3\.198||
agnidagdhAnagnidagdhAn kAvyAn barhiShadastathA | anagnidagdhAnagnidagdhAn
agniShvAttA.nshcha saumyA.nshcha viprANAmeva nirdishet || 3\.199||
ya ete tu gaNA mukhyAH pitR^INAM parikIrtitAH |
teShAmapIha vij~neyaM putrapautramanantakam || 3\.200||
R^iShibhyaH pitaro jAtAH pitR^ibhyo devamAnavAH |
devebhyastu jagatsarvaM charaM sthANvanupUrvashaH || 3\.201||
rAjatairbhAjanaireShAmatho vA rajatAnvitaiH |
vAryapi shraddhayA dattamakShayAyaupakalpate || 3\.202||
daivakAryAddvijAtInAM pitR^ikAryaM vishiShyate |
daivaM hi pitR^ikAryasya pUrvamApyAyanaM smR^itam || 3\.203||
teShAmArakShabhUtaM tu pUrvaM daivaM niyojayet |
rakShA.nsi vipralumpanti shrAddhamArakShavarjitam || 3\.204||
daivAdyantaM tadIheta pitryAdyantaM na tadbhavet |
pitryAdyantaM tvIhamAnaH kShipraM nashyati sAnvayaH || 3\.205||
shuchiM deshaM viviktaM cha gomayenopalepayet |
dakShiNApravaNaM chaiva prayatnenopapAdayet || 3\.206||
avakAsheShu chokSheShu jalatIreShu chaiva hi |
vivikteShu cha tuShyanti dattena pitaraH sadA || 3\.207||
AsaneShUpakL^ipteShu barhiShmatsu pR^ithakpR^ithak |
upaspR^iShTaudakAn samyagviprA.nstAnupaveshayet || 3\.208||
upaveshya tu tAn viprAnAsaneShvajugupsitAn |
gandhamAlyaiH surabhibhirarchayeddaivapUrvakam || 3\.209||
teShAmudakamAnIya sapavitrA.nstilAnapi |
agnau kuryAdanuj~nAto brAhmaNo brAhmaNaiH saha || 3\.210||
agneH somayamAbhyAM cha kR^itvA.apyAyanamAditaH |
havirdAnena vidhivatpashchAtsa.ntarpayetpitR^In || 3\.211||
agnyabhAve tu viprasya pANAvevopapAdayet |
yo hyagniH sa dvijo viprairmantradarshibhiruchyate || 3\.212||
akrodhanAn suprasAdAn vadantyetAn purAtanAn |
lokasyApyAyane yuktAn shrAddhadevAn dvijottamAn || 3\.213|| shrAddhe devAn dvijottamAn

apasavyamagnau kR^itvA sarvamAvR^itya vikramam | AvR^itparikramaM 
apasavyena hastena nirvapedudakaM bhuvi || 3\.214||
trI.nstu tasmAdhaviHsheShAtpiNDAn kR^itvA samAhitaH |
audakenaiva vidhinA nirvapeddakShiNAmukhaH || 3\.215||
nyupya piNDA.nstatastA.nstu prayato vidhipUrvakam |
teShu darbheShu taM hastaM nirmR^ijyAllepabhAginAm || 3\.216||
AchamyaudakparAvR^itya trirAyamya shanairasUn |
ShaD.hR^itU.nshcha namaskuryAtpitR^Ineva cha mantravat || 3\.217||
udakaM ninayetsheShaM shanaiH piNDAntike punaH |
avajighrechcha tAn piNDAn yathAnyuptAn samAhitaH || 3\.218||
piNDebhyastvalpikAM mAtrAM samAdAyAnupUrvashaH | piNDebhyaH svalpikAM
tAneva viprAnAsInAn vidhivatpUrvamAshayet || 3\.219||
dhriyamANe tu pitari pUrveShAmeva nirvapet |
vipravadvA.api taM shrAddhe svakaM pitaramAshayet || 3\.220|| shrAddhaM 

pitA yasya nivR^ittaH syAjjIvechchApi pitAmahaH | pitA yasya tu vR^ittaH syAj
pituH sa nAma sa~NkIrtya kIrtayetprapitAmaham || 3\.221||
pitAmaho vA tatshrAddhaM bhu~njItaityabravIn manuH |
kAmaM vA samanuj~nAtaH svayameva samAcharet || 3\.222||
teShAM dattvA tu hasteShu sapavitraM tilaudakam |
tatpiNDAgraM prayachCheta svadhaiShAmastviti bruvan || 3\.223|| prayachChettu 

pANibhyAM tUpasa~NgR^ihya svayamannasya vardhitam | varddhitam
viprAntike pitR^In dhyAyan shanakairupanikShipet || 3\.224||
ubhayorhastayormuktaM yadannamupanIyate |
tadvipralumpantyasurAH sahasA duShTachetasaH || 3\.225||
guNA.nshcha sUpashAkAdyAn payo dadhi ghR^itaM madhu |
vinyasetprayataH pUrvaM bhUmAveva samAhitaH || 3\.226||
bhakShyaM bhojyaM cha vividhaM mUlAni cha phalAni cha |
hR^idyAni chaiva mA.nsAni pAnAni surabhINi cha || 3\.227||
upanIya tu tatsarvaM shanakaiH susamAhitaH |
pariveShayeta prayato guNAn sarvAn prachodayan || 3\.228||
nAsramApAtayejjAtu na kupyennAnR^itaM vadet |
na pAdena spR^ishedannaM na chaitadavadhUnayet || 3\.229||
asraM gamayati pretAn kopo.arInanR^itaM shunaH |
pAdasparshastu rakShA.nsi duShkR^itInavadhUnanam || 3\.230||
yadyadrocheta viprebhyastattaddadyAdamatsaraH |
brahmodyAshcha kathAH kuryAtpitR^INAmetadIpsitam || 3\.231||
svAdhyAyaM shrAvayetpitrye dharmashAstrANi chaiva hi |
AkhyAnAnItihAsA.nshcha purANAni khilAni cha || 3\.232||
harShayedbrAhmaNA.nstuShTo bhojayechcha shanaiHshanaiH |
annAdyenAsakR^ichchaitAn guNaishcha parichodayet || 3\.233||
vratasthamapi dauhitraM shrAddhe yatnena bhojayet |
kutapaM chAsanaM dadyAttilaishcha vikiren mahIm || 3\.234||
trINi shrAddhe pavitrANi dauhitraH kutapastilAH |
trINi chAtra prasha.nsanti shauchamakrodhamatvarAm || 3\.235||
atyuShNaM sarvamannaM syAdbhu~njIra.nste cha vAgyatAH |
na cha dvijAtayo brUyurdAtrA pR^iShTA havirguNAn || 3\.236||
yAvaduShmA bhavatyannaM yAvadashnanti vAgyatAH |
pitarastAvadashnanti yAvannaoktA havirguNAH || 3\.237||
yadveShTitashirA bhu~Nkte yadbhu~Nkte dakShiNAmukhaH |
saupAnatkashcha yadbhu~Nkte tadvai rakShA.nsi bhu~njate || 3\.238||
chANDAlashcha varAhashcha kukkuTaH shvA tathaiva cha |
rajasvalA cha ShaNDhashcha naikSherannashnato dvijAn || 3\.239||
home pradAne bhojye cha yadebhirabhivIkShyate |
daive haviShi pitrye vA tadgachChatyayathAtatham || 3\.240||
ghrANena sUkaro hanti pakShavAtena kukkuTaH | shUkaro 
shvA tu dR^iShTinipAtena sparsheNAvaravarNajaH || 3\.241||
kha~njo vA yadi vA kANo dAtuH preShyo.api vA bhavet |
hInAtiriktagAtro vA tamapyapanayetpunaH || 3\.242||
brAhmaNaM bhikShukaM vA.api bhojanArthamupasthitam |
brAhmaNairabhyanuj~nAtaH shaktitaH pratipUjayet || 3\.243||
sArvavarNikamannAdyaM sa.nnIyAplAvya vAriNA |
samutsR^ijedbhuktavatAmagrato vikiran bhuvi || 3\.244||
asa.nskR^itapramItAnAM tyAginAM kulayoShitAm |
uchChiShTaM bhAgadheyaM syAddarbheShu vikirashcha yaH || 3\.245||
uchCheShaNAM bhUmigatamajihmasyAshaThasya cha |
dAsavargasya tatpitrye bhAgadheyaM prachakShate || 3\.246||
AsapiNDakriyAkarma dvijAteH sa.nsthitasya tu |
adaivaM bhojayetshrAddhaM piNDamekaM cha nirvapet || 3\.247||
sahapiNDakriyAyAM tu kR^itAyAmasya dharmataH |
anayaivAvR^itA kAryaM piNDanirvapanaM sutaiH || 3\.248||
shrAddhaM bhuktvA ya uchChiShTaM vR^iShalAya prayachChati |
sa mUDho narakaM yAti kAlasUtramavAkShirAH || 3\.249||
shrAddhabhugvR^iShalItalpaM tadaharyo.adhigachChati |
tasyAH purIShe taM mAsaM pitarastasya sherate || 3\.250||
pR^iShTvA svaditamityevaM tR^iptAnAchAmayettataH |
AchAntA.nshchAnujAnIyAdabhito ramyatAmiti || 3\.251||
svadhA.astvityeva taM brUyurbrAhmaNAstadanantaram |
svadhAkAraH parA hyAShIH sarveShu pitR^ikarmasu || 3\.252||
tato bhuktavatAM teShAmannasheShaM nivedayet |
yathA brUyustathA kuryAdanuj~nAtastato dvijaiH || 3\.253||
pitrye svaditamityeva vAchyaM goShThe tu sushR^itam |
sampannamityabhyudaye daive ruchitamityapi || 3\.254|| sampannam

aparAhNastathA darbhA vAstusampAdanaM tilAH | sampAdanaM
sR^iShTirmR^iShTirdvijAshchAgryAH shrAddhakarmasu sampadaH || 3\.255||
darbhAH pavitraM pUrvAhNo haviShyANi cha sarvashaH |
pavitraM yachcha pUrvoktaM vij~neyA havyasampadaH || 3\.256||
munyannAni payaH somo mA.nsaM yachchAnupaskR^itam |
aksAralavaNaM chaiva prakR^ityA haviruchyate || 3\.257||
visR^ijya brAhmaNA.nstA.nstu niyato vAgyataH shuchiH |
(visarjya brAhmanA.nstA.nstu prayato vidhipUrvakam)
dakShiNAM dishamAkA~NkShan yAchetaimAn varAn pitR^In || 3\.258||
dAtAro no.abhivardhantAM vedAH sa.ntatireva cha |
shraddhA cha no mA vyagamadbahudeyaM cha no.astviti || 3\.259||
evaM nirvapaNaM kR^itvA piNDA.nstA.nstadanantaram |
gAM vipramajamagniM vA prAshayedapsu vA kShipet || 3\.260||
piNDanirvapaNaM ke chitparastAdeva kurvate |
vayobhiH khAdayantyanye prakShipantyanale.apsu vA || 3\.261||
pativratA dharmapatnI pitR^ipUjanatatparA |
madhyamaM tu tataH piNDamadyAtsamyaksutArthinI || 3\.262||
AyuShmantaM sutaM sUte yashomedhAsamanvitam |
dhanavantaM prajAvantaM sAttvikaM dhArmikaM tathA || 3\.263||
prakShAlya hastAvAchAmya j~nAtiprAyaM prakalpayet |
j~nAtibhyaH satkR^itaM dattvA bAndhavAnapi bhojayet || 3\.264|| datvA

uchCheShaNaM tu tattiShThedyAvadviprA visarjitAH | yattiShThed
tato gR^ihabaliM kuryAditi dharmo vyavasthitaH || 3\.265||
haviryachchirarAtrAya yachchAnantyAya kalpate |
pitR^ibhyo vidhivaddattaM tatpravakShyAmyasheShataH || 3\.266||
tilairvrIhiyavairmAShairadbhirmUlaphalena vA |
dattena mAsaM tR^ipyanti vidhivatpitaro nR^iNAm || 3\.267||
dvau mAsau matsyamA.nsena trIn mAsAn hAriNena tu |
aurabhreNAtha chaturaH shAkunenAtha pa~ncha vai || 3\.268||
ShaNmAsA.nshChAgamA.nsena pArShatena cha sapta vai |
aShTAvenasya mA.nsena rauraveNa navaiva tu || 3\.269|| aiNeyamA.nsena

dashamAsA.nstu tR^ipyanti varAhamahiShAmiShaiH |
shashakUrmayostu mA.nsena mAsAnekAdashaiva tu || 3\.270||
sa.nvatsaraM tu gavyena payasA pAyasena cha | sa.nvatsare 
vArdhrINasasya mA.nsena tR^iptirdvAdashavArShikI || 3\.271||
kAlashAkaM mahAshalkAH khaDgalohAmiShaM madhu |
AnantyAyaiva kalpyante munyannAni cha sarvashaH || 3\.272||
yatkiM chin madhunA mishraM pradadyAttu trayodashIm |
tadapyakShayameva syAdvarShAsu cha maghAsu cha || 3\.273||
api naH sa kule bhUyAdyo no dadyAttrayodashIm |
pAyasaM madhusarpirbhyAM prAkChAye ku~njarasya cha || 3\.274||
yadyaddadAti vidhivatsamyakshraddhAsamanvitaH |
tattatpitR^INAM bhavati paratrAnantamakShayam || 3\.275||
kR^iShNapakShe dashamyAdau varjayitvA chaturdashIm |
shrAddhe prashastAstithayo yathaitA na tathaitarAH || 3\.276||
yukShu kurvan dinarkSheShu sarvAn kAmAn samashnute |
ayukShu tu pitR^In sarvAn prajAM prApnoti puShkalAm || 3\.277||
yathA chaivAparaH pakShaH pUrvapakShAdvishiShyate |
tathA shrAddhasya pUrvAhNAdaparAhNo vishiShyate || 3\.278||
prAchInAvItinA samyagapasavyamatandriNA |
pitryamAnidhanAtkAryaM vidhivaddarbhapANinA || 3\.279||
rAtrau shrAddhaM na kurvIta rAkShasI kIrtitA hi sA |
sa.ndhyayorubhayoshchaiva sUrye chaivAchiraudite || 3\.280||
anena vidhinA shrAddhaM trirabdasyaiha nirvapet |
hemantagrIShmavarShAsu pA~nchayaj~nikamanvaham || 3\.281||
na paitR^iyaj~niyo homo laukike.agnau vidhIyate |
na darshena vinA shrAddhamAhitAgnerdvijanmanaH || 3\.282||
yadeva tarpayatyadbhiH pitR^In snAtvA dvijottamaH |
tenaiva kR^itsnamApnoti pitR^iyaj~nakriyAphalam || 3\.283||
vasUn vadanti tu pitR^In rudrA.nshchaiva pitAmahAn |
prapitAmahA.nstathA.adityAn shrutireShA sanAtanI || 3\.284||
vighasAshI bhavennityaM nityaM vA.amR^itabhojanaH |
vighaso bhuktasheShaM tu yaj~nasheShaM tathA.amR^itam || 3\.285||
etadvo.abhihitaM sarvaM vidhAnaM pA~nchayaj~nikam |
dvijAtimukhyavR^ittInAM vidhAnaM shrUyatAmiti || 3\.286||

\section{adhyAya 4}
chaturthamAyuSho bhAgamuShitvA.adyaM gurau dvijAH  |
dvitIyamAyuSho bhAgaM kR^itadAro gR^ihe vaset || 4\.1||
adroheNaiva bhUtAnAmalpadroheNa vA punaH |
yA vR^ittistAM samAsthAya vipro jIvedanApadi || 4\.2||
yAtrAmAtraprasiddhyarthaM svaiH karmabhiragarhitaiH |
akleshena sharIrasya kurvIta dhanasa~nchayam || 4\.3||
R^itAmR^itAbhyAM jIvettu mR^itena pramR^itena vA |
satyAnR^itAbhyAmapi vA na shvavR^ittyA kadA chana || 4\.4||
R^itamu~nChashilaM j~neyamamR^itaM syAdayAchitam |
mR^itaM tu yAchitaM bhaikShaM pramR^itaM karShaNaM smR^itam || 4\.5||
satyAnR^itaM tu vANijyaM tena chaivApi jIvyate |
sevA shvavR^ittirAkhyAtA tasmAttAM parivarjayet || 4\.6||
kusUladhAnyako vA syAtkumbhIdhAnyaka eva vA |
tryahehiko vA.api bhavedashvastanika eva vA || 4\.7||
chaturNAmapi chaiteShAM dvijAnAM gR^ihamedhinAm |
jyAyAn paraH paro j~neyo dharmato lokajittamaH || 4\.8||
ShaTkarmaiko bhavatyeShAM tribhiranyaH pravartate |
dvAbhyAmekashchaturthastu brahmasattreNa jIvati || 4\.9||
vartaya.nshcha shilau~nChAbhyAmagnihotraparAyaNaH |
iShTIH pArvAyaNAntIyAH kevalA nirvapetsadA || 4\.10||
na lokavR^ittaM varteta vR^ittihetoH kathaM chana |
ajihmAmashathAM shuddhAM jIvedbrAhmaNajIvikAm || 4\.11||
sa.ntoShaM paramAsthAya sukhArthI sa.nyato bhavet |
sa.ntoShamUlaM hi sukhaM duHkhamUlaM viparyayaH || 4\.12||
ato.anyatamayA vR^ittyA jIva.nstu snAtako dvijaH |
svargAyuShyayashasyAni vratANImAni dhArayet || 4\.13|| svargyAyuShya 

vedoditaM svakaM karma nityaM kuryAdatandritaH |
tadhi kurvan yathAshakti prApnoti paramAM gatim || 4\.14||
naihetArthAn prasa~Ngena na viruddhena karmaNA |
na vidyamAneShvartheShu nArtyAmapi yatastataH || 4\.15|| na kalpamAneShvartheShu 

indriyArtheShu sarveShu na prasajyeta kAmataH |
atiprasaktiM chaiteShAM manasA sa.nnivartayet || 4\.16||
sarvAn parityajedarthAn svAdhyAyasya virodhinaH |
yathA tathA.adhyApaya.nstu sA hyasya kR^itakR^ityatA || 4\.17||
vayasaH karmaNo.arthasya shrutasyAbhijanasya cha |
veShavAgbuddhisArUpyamAcharan vicharediha || 4\.18||
buddhivR^iddhikarANyAshu dhanyAni cha hitAni cha |
nityaM shAstrANyavekSheta nigamA.nshchaiva vaidikAn || 4\.19||
yathA yathA hi puruShaH shAstraM samadhigachChati |
tathA tathA vijAnAti vij~nAnaM chAsya rochate || 4\.20||
R^iShiyaj~naM devayaj~naM bhUtayaj~naM cha sarvadA |
nR^iyaj~naM pitR^iyaj~naM cha yathAshakti na hApayet || 4\.21||
etAneke mahAyaj~nAn yaj~nashAstravido janAH |
anIhamAnAH satatamindriyeShveva juhvati || 4\.22||
vAchyeke juhvati prANaM prANe vAchaM cha sarvadA |
vAchi prANe cha pashyanto yaj~nanirvR^ittimakShayAm || 4\.23||
j~nAnenaivApare viprA yajantyetairmakhaiH sadA |  yajante tairmakhaiH sadA
j~nAnamUlAM kriyAmeShAM pashyanto j~nAnachakShuShA || 4\.24||
agnihotraM cha juhuyAdAdyante dyunishoH sadA |
darshena chArdhamAsAnte paurNamAsena chaiva hi || 4\.25||
sasyAnte navasasyeShTyA tathArtuante dvijo.adhvaraiH |
pashunA tvayanasyAdau samAnte saumikairmakhaiH || 4\.26|| ayanAnte tu samA.nte

nAniShTvA navasasyeShTyA pashunA chAgnimAn dvijaH |
navAnnamadyAtmA.nsaM vA dIrghamAyurjijIviShuH || 4\.27||
navenAnarchitA hyasya pashuhavyena chAgnayaH |
prANAnevAttumichChanti navAnnAmiShagardhinaH || 4\.28||
AsanAshanashayyAbhiradbhirmUlaphalena vA |
nAsya kashchidvasedgehe shaktito.anarchito.atithiH || 4\.29||
pAShaNDino vikarmasthAn baiDAlavratikAn shaThAn |
haitukAn bakavR^ittI.nshcha vA~NmAtreNApi nArchayet || 4\.30||
vedavidyAvratasnAtA.nshrotriyAn gR^ihamedhinaH |
pUjayedhavyakavyena viparItA.nshcha varjayet || 4\.31||
shaktito.apachamAnebhyo dAtavyaM gR^ihamedhinA |
sa.nvibhAgashcha bhUtebhyaH kartavyo.anuparodhataH || 4\.32||
rAjato dhanamanvichChetsa.nsIdan snAtakaH kShudhA |
yAjyAntevAsinorvA.api na tvanyata iti sthitiH || 4\.33||
na sIdetsnAtako vipraH kShudhA shaktaH kathaM chana |
na jIrNamalavadvAsA bhavechcha vibhave sati || 4\.34||
kL^iptakeshanakhashmashrurdAntaH shuklAmbaraH shuchiH |
svAdhyAye chaiva yuktaH syAnnityamAtmahiteShu cha || 4\.35||
vaiNavIM dhArayedyaShTiM sodakaM cha kamaNDalum |
yaj~nopavItaM vedaM cha shubhaM raukme cha kuNDale || 4\.36||
nekShetodyantamAdityaM nAstaM yAntaM kadA chana |
nopasR^iShTaM na vAristhaM na madhyaM nabhaso gatam || 4\.37||
na la~NghayedvatsatantrIM na pradhAvechcha varShati |
na chodake nirIkSheta svarUpamiti dhAraNA || 4\.38||
mR^idaM gAM daivataM vipraM ghR^itaM madhu chatuShpatham |
pradakShiNAni kurvIta praj~nAtA.nshcha vanaspatIn || 4\.39||
nopagachChetpramatto.api striyamArtavadarshane |
samAnashayane chaiva na shayIta tayA saha || 4\.40||
rajasA.abhiplutAM nArIM narasya hyupagachChataH |
praj~nA tejo balaM chakShurAyushchaiva prahIyate || 4\.41||
tAM vivarjayatastasya rajasA samabhiplutAm |
praj~nA tejo balaM chakShurAyushchaiva pravardhate || 4\.42||
nAshnIyAdbhAryayA sArdhaM nainAmIkSheta chAshnatIm |
kShuvatIM jR^imbhamANAM vA na chAsInAM yathAsukham || 4\.43||
nA~njayantIM svake netre na chAbhyaktAmanAvR^itAm |
na pashyetprasavantIM cha tejaskAmo dvijottamaH || 4\.44||
nAnnamadyAdekavAsA na nagnaH snAnamAcharet |
na mUtraM pathi kurvIta na bhasmani na govraje || 4\.45||
na phAlakR^iShTe na jale na chityAM na cha parvate |
na jIrNadevAyatane na valmIke kadA chana || 4\.46||
na sasattveShu garteShu na gachChannapi na sthitaH |
na nadItIramAsAdya na cha parvatamastake || 4\.47||
vAyuagnivipramAdityamapaH pashya.nstathaiva gAH |
na kadA chana kurvIta viNmUtrasya visarjanam || 4\.48||
tiraskR^ityochcharetkAShThaloShThapatratR^iNAdinA | tR^iNAdi cha
niyamya prayato vAchaM sa.nvItA~Ngo.avaguNThitaH || 4\.49||
mUtrochchArasamutsargaM divA kuryAduda~NmukhaH |
dakShiNA.abhimukho rAtrau sa.ndhyAyoshcha yathA divA || 4\.50||
ChAyAyAmandhakAre vA rAtrAvahani vA dvijaH |
yathAsukhamukhaH kuryAtprANabAdhabhayeShu cha || 4\.51||
pratyagniM pratisUryaM cha pratisomodakadvijam |
pratigu prativAtaM cha praj~nA nashyati mehataH || 4\.52|| pratigAM prativAtaM

nAgniM mukhenopadhamennagnAM naikSheta cha striyam |
nAmedhyaM prakShipedagnau na cha pAdau pratApayet || 4\.53||
adhastAnnopadadhyAchcha na chainamabhila~Nghayet |
na chainaM pAdataH kuryAnna prANAbAdhamAcharet || 4\.54||
nAshnIyAtsa.ndhivelAyAM na gachChennApi sa.nvishet |
na chaiva pralikhedbhUmiM nAtmano.apaharetsrajam || 4\.55||
nApsu mUtraM purIShaM vA ShThIvanaM vA samutsR^ijet |
amedhyaliptamanyadvA lohitaM vA viShANi vA || 4\.56||
naikaH supyAtshUnyagehe na shreyA.nsaM prabodhayet | shUnyagR^ihe svapyAn
nodakyayA.abhibhASheta yaj~naM gachChenna chAvR^itaH || 4\.57||
agnyagAre gavAM goShThe brAhmaNAnAM cha sa.nnidhau |
svAdhyAye bhojane chaiva dakShiNaM pANimuddharet || 4\.58||
na vArayedgAM dhayantIM na chAchakShIta kasya chit |
na divIndrAyudhaM dR^iShTvA kasya chiddarshayedbudhaH || 4\.59||
nAdharmike vasedgrAme na vyAdhibahule bhR^isham |
naikaH prapadyetAdhvAnaM na chiraM parvate vaset || 4\.60||
na shUdrarAjye nivasennAdhArmikajanAvR^ite |
na pAShaNDigaNAkrAnte nopasShR^iTe.antyajairnR^ibhiH  || 4\.61||
na bhu~njItoddhR^itasnehaM nAtisauhityamAcharet ||
nAtiprage nAtisAyaM na sAyaM prAtarAshitaH || 4\.62||
na kurvIta vR^ithAcheShTAM na vArya~njalinA pibet |
notsa~Nge bhakShayedbhakShyAnna jAtu syAtkutUhalI || 4\.63||
na nR^ityedatha vA gAyenna vAditrANi vAdayet | na nR^ityennaiva gAyechcha na vAditrANi vAdayet)
nAsphoTayenna cha kShveDenna cha rakto virAvayet || 4\.64|| na cha rakto virodhayet

na pAdau dhAvayetkA.nsye kadA chidapi bhAjane |
na bhinnabhANDe bhu~njIta na bhAvapratidUShite || 4\.65||
upAnahau cha vAsashcha dhR^itamanyairna dhArayet |
upavItamala~NkAraM srajaM karakameva cha || 4\.66||
nAvinItairbhajeddhuryairna cha kShudhvyAdhipIDitaiH | nAvinItairvrajed)
na bhinnashR^i~NgAkShikhurairna vAladhivirUpitaiH || 4\.67||
vinItaistu vrajennityamAshugairlakShaNAnvitaiH |
varNarUpopasampannaiH pratodenAtudan bhR^isham || 4\.68|| pratodenAkShipan

bAlAtapaH pretadhUmo varjyaM bhinnaM tathA.asanam |
na ChindyAnnakharomANi dantairnotpATayennakhAn || 4\.69|| na chChindyAn

na mR^itloShThaM cha mR^idnIyAnna ChindyAtkarajaistR^iNam | chChindyAt
na karma niShphalaM kuryAnnAyatyAmasukhodayam || 4\.70||
loShThamardI tR^iNachChedI nakhakhAdI cha yo naraH |
sa vinAshaM vrajatyAshu sUchakA.ashuchireva cha || 4\.71|| sUchako.ashuchireva cha

na vigarhya kathAM kuryAdbahirmAlyaM na dhArayet |  na vigR^ihya kathAM kuryAd
gavAM cha yAnaM pR^iShThena sarvathaiva vigarhitam || 4\.72||
advAreNa cha nAtIyAdgrAmaM vA veshma vA.avR^itam |
rAtrau cha vR^ikShamUlAni dUrataH parivarjayet || 4\.73||
nAkShairdIvyetkadA chittu svayaM nopAnahau haret |
shayanastho na bhu~njIta na pANisthaM na chAsane || 4\.74||
sarvaM cha tilasambaddhaM nAdyAdastamite ravau |
na cha nagnaH shayItaiha na chochChiShTaH kva chidvrajet || 4\.75||
ArdrapAdastu bhu~njIta nArdrapAdastu sa.nvishet |
ArdrapAdastu bhu~njAno dIrghamAyuravApnuyAt || 4\.76||
achakShurviShayaM durgaM na prapadyeta karhi chit |
na viNmUtramudIkSheta na bAhubhyAM nadIM taret || 4\.77||
adhitiShThenna keshA.nstu na bhasmAsthikapAlikAH |
na kArpAsAsthi na tuShAn dIrghamAyurjijIviShuH || 4\.78||
na sa.nvasechcha patitairna chANDAlairna pulkasaiH |
na mUrkhairnAvaliptaishcha nAntyairnAntyAvasAyibhiH || 4\.79||
na shUdrAya matiM dadyAnnochChiShTaM na haviShkR^itam |
na chAsyopadisheddharmaM na chAsya vratamAdishet || 4\.80||
yo hyasya dharmamAchaShTe yashchaivAdishati vratam |
so.asa.nvR^itaM nAma tamaH saha tenaiva majjati || 4\.81||
na sa.nhatAbhyAM pANibhyAM kaNDUyedAtmanaH shiraH |
na spR^ishechchaitaduchChiShTo na cha snAyAdvinA tataH || 4\.82||
keshagrahAn prahArA.nshcha shirasyetAn vivarjayet |
shiraHsnAtashcha tailena nA~NgaM kiM chidapi spR^ishet || 4\.83||
na rAj~naH pratigR^ihNIyAdarAjanyaprasUtitaH |
sUnAchakradhvajavatAM veshenaiva cha jIvatAm || 4\.84||
dashasUnAsamaM chakraM dashachakrasamo dhvajaH |
dashadhvajasamo vesho dashaveshasamo nR^ipaH || 4\.85||
dasha sUNAsahasrANi yo vAhayati saunikaH |
tena tulyaH smR^ito rAjA ghorastasya pratigrahaH || 4\.86||
yo rAj~naH pratigR^ihNAti lubdhasyauchChAstravartinaH |
sa paryAyeNa yAtImAnnarakAnekavi.nshatim || 4\.87||
tAmisramandhatAmisraM mahArauravarauravau |
narakaM kAlasUtraM cha mahAnarakameva cha || 4\.88||
sa~njIvanaM mahAvIchiM tapanaM sampratApanam |
sa.nhAtaM cha sakAkolaM kuDmalaM pratimUrtikam || 4\.89|| pUtimR^ittikaM 

lohasha~NkuM R^ijIShaM cha panthAnaM shAlmalIM nadIm |
asipatravanaM chaiva lohadArakameva cha || 4\.90||
etadvidanto vidvA.nso brAhmaNA brahmavAdinaH |
na rAj~naH pratigR^ihNanti pretya shreyo.abhikA~NkShiNaH || 4\.91||
brAhme muhUrte budhyeta dharmArthau chAnuchintayet |
kAyakleshA.nshcha tanmUlAn vedatattvArthameva cha || 4\.92||
utthAyAvashyakaM kR^itvA kR^itashauchaH samAhitaH |
pUrvAM sa.ndhyAM japa.nstiShThetsvakAle chAparAM chiram || 4\.93||
R^iShayo dIrghasa.ndhyatvAddIrghamAyuravApnuyuH |
praj~nAM yashashcha kIrtiM cha brahmavarchasameva cha || 4\.94||
shrAvaNyAM prauShThapadyAM vA.apyupAkR^itya yathAvidhi |
yuktashChandA.nsyadhIyIta mAsAn vipro.ardhapa~nchamAn || 4\.95||
puShye tu ChandasAM kuryAdbahirutsarjanaM dvijaH |
mAghashuklasya vA prApte pUrvAhNe prathame.ahani || 4\.96||
yathAshAstraM tu kR^itvaivamutsargaM ChandasAM bahiH |
virametpakShiNIM rAtriM tadevaikamaharnisham || 4\.97||
ata UrdhvaM tu ChandA.nsi shukleShu niyataH paThet |
vedA~NgAni cha sarvANi kR^iShNapakSheShu sampaThet || 4\.98||
nAvispaShTamadhIyIta na shUdrajanasannidhau |
na nishAnte parishrAnto brahmAdhItya punaH svapet || 4\.99||
yathoditena vidhinA nityaM ChandaskR^itaM paThet |
brahma ChandaskR^itaM chaiva dvijo yukto hyanApadi || 4\.100||
imAnnityamanadhyAyAnadhIyAno vivarjayet |
adhyApanaM cha kurvANaH shiShyANAM vidhipUrvakam || 4\.101||
karNashrave.anile rAtrau divA pA.nsusamUhane |
etau varShAsvanadhyAyAvadhyAyaj~nAH prachakShate || 4\.102||
vidyutstanitavarSheShu maholkAnAM cha samplave |
AkAlikamanadhyAyameteShu manurabravIt || 4\.103||
etA.nstvabhyuditAn vidyAdyadA prAduShkR^itAgniShu |
tadA vidyAdanadhyAyamanR^itau chAbhradarshane || 4\.104||
nirghAte bhUmichalane jyotiShAM chopasarjane |
etAnAkAlikAn vidyAdanadhyAyAn R^itAvapi || 4\.104||
prAduShkR^iteShvagniShu tu vidyutstanitaniHsvane |
sajyotiH syAdanadhyAyaH sheShe rAtrau yathA divA || 4\.106||
nityAnadhyAya eva syAdgrAmeShu nagareShu cha |
dharmanaipuNyakAmAnAM pUtigandhe cha sarvadA || 4\.107|| sarvashaH

antargatashave grAme vR^iShalasya cha sannidhau |
anadhyAyo rudyamAne samavAye janasya cha || 4\.108||
udake madhyarAtre cha viNmUtrasya visarjane |
uchChiShTaH shrAddhabhukchaiva manasA.api na chintayet || 4\.109||
pratigR^ihya dvijo vidvAnekoddiShTasya ketanam | ekoddiShTaniketanam
tryahaM na kIrtayedbrahma rAj~no rAhoshcha sUtake || 4\.110||
yAvadekAnudiShTasya gandho lepashcha tiShThati |
viprasya viduSho dehe tAvadbrahma na kIrtayet || 4\.111||
shayAnaH prauDhapAdashcha kR^itvA chaivAvasakthikAm |
nAdhIyItAmiShaM jagdhvA sUtakAnnAdyameva cha || 4\.112||
nIhAre bANashabde cha sa.ndhyayoreva chobhayoH |
amAvAsyAchaturdashyoH paurNamAsy.aShTakAsu cha || 4\.113||
amAvAsyA guruM hanti shiShyaM hanti chaturdashI |
brahmAShTakapaurNamAsyau tasmAttAH parivarjayet || 4\.114||
pA.nsuvarShe dishAM dAhe gomAyuvirute tathA |
shvakharoShTre cha ruvati pa~Nkto cha na paTheddvijaH || 4\.115||
nAdhIyIta shmashAnAnte grAmAnte govraje.api vA |
vasitvA maithunaM vAsaH shrAddhikaM pratigR^ihya cha || 4\.116||
prANi vA yadi vA.aprANi yatkiM chitshrAddhikaM bhavet |
tadAlabhyApyanadhyAyaH pANyAsyo hi dvijaH smR^itaH || 4\.117||
chorairupadrute grAme sambhrame chAgnikArite |  chorairupaplute sambhrame
AkAlikamanadhyAyaM vidyAtsarvAdbhuteShu cha || 4\.118||
upAkarmaNi chotsarge trirAtraM kShepaNaM smR^itam |
aShTakAsu tvahorAtraM R^itvantAsu cha rAtriShu || 4\.119||
nAdhIyItAshvamArUDho na vR^ikShaM na cha hastinam |
na nAvaM na kharaM noShTraM nairiNastho na yAnagaH || 4\.120||
na vivAde na kalahe na senAyAM na sa~Ngare |
na bhuktamAtre nAjIrNe na vamitvA na shuktake || 4\.121||
atithiM chAnanuj~nApya mArute vAti vA bhR^isham |
rudhire cha srute gAtrAtshastreNa cha parikShate || 4\.122||
sAmadhvanAvR^igyajuShI nAdhIyIta kadA chana |
vedasyAdhItya vA.apyantamAraNyakamadhItya cha || 4\.123||
R^igvedo devadaivatyo yajurvedastu mAnuShaH |
sAmavedaH smR^itaH pitryastasmAttasyAshuchirdhvaniH || 4\.124||
etadvidvanto vidvA.nsastrayIniShkarShamanvaham |
kramataH pUrvamabhyasya pashchAdvedamadhIyate || 4\.125||
pashumaNDUkamArjArashvasarpanakulAkhubhiH |
antarAgamane vidyAdanadhyAyamaharnisham || 4\.126||
dvAveva varjayennityamanadhyAyau prayatnataH |
svAdhyAyabhUmiM chAshuddhamAtmAnaM chAshuchiM dvijaH || 4\.127||
amAvAsyAmaShTamIM cha paurNamAsIM chaturdashIm |
brahmachArI bhavennityamapyartau snAtako dvijaH || 4\.128||
na snAnamAcharedbhuktvA nAturo na mahAnishi |
na vAsobhiH sahAjasraM nAvij~nAte jalAshaye || 4\.129||
devatAnAM guro rAj~naH snAtakAchAryayostathA |
nAkrAmetkAmatashChAyAM babhruNo dIkShitasya cha || 4\.130||
madhya.ndine.ardharAtre cha shrAddhaM bhuktvA cha sAmiSham |
sa.ndhyayorubhayoshchaiva na seveta chatuShpatham || 4\.131||
udvartanamapasnAnaM viNmUtre raktameva cha |
shleshmaniShThyUtavAntAni nAdhitiShThettu kAmataH || 4\.132||
vairiNaM nopaseveta sahAyaM chaiva vairiNaH |
adhArmikaM taskaraM cha parasyaiva cha yoShitam || 4\.133||
na hIdR^ishamanAyuShyaM loke kiM chana vidyate |
yAdR^ishaM puruShasyeha paradAropasevanam || 4\.134||
kShatriyaM chaiva sarpaM cha brAhmaNaM cha bahushrutam |
nAvamanyeta vai bhUShNuH kR^ishAnapi kadA chana || 4\.135||
etattrayaM hi puruShaM nirdahedavamAnitam |
tasmAdetattrayaM nityaM nAvamanyeta buddhimAn || 4\.136||
nAtmAnamavamanyeta purvAbhirasamR^iddhibhiH |
A mR^ityoH shriyamanvichChennainAM manyeta durlabhAm || 4\.137||
satyaM brUyAtpriyaM brUyAnna brUyAtsatyamapriyam |
priyaM cha nAnR^itaM brUyAdeSha dharmaH sanAtanaH || 4\.138||
bhadraM bhadramiti brUyAdbhadramityeva vA vadet |
shuShkavairaM vivAdaM cha na kuryAtkena chitsaha || 4\.139||
nAtikalyaM nAtisAyaM nAtimadhya.ndine sthite |
nAj~nAtena samaM gachChennaiko na vR^iShalaiH saha || 4\.140||
 hInA~NgAnatiriktA~NgAn vidyAhInAn vayo.adhikAn | vayo.atigAn
rUpadraviNahInA.nshcha jAtihInA.nshcha nAkShipet || 4\.141|| rUpadravyahInA.nshcha

na spR^ishetpANinochChiShTo vipro gobrAhmaNAnalAN |
na chApi pashyedashuchiH sustho jyotirgaNAn divA || 4\.142|| svastho jyotirgaNAn divi

spR^iShTvaitAnashuchirnityamadbhiH prANAnupaspR^ishet |
gAtrANi chaiva sarvANi nAbhiM pANitalena tu || 4\.143||
anAturaH svAni khAni na spR^ishedanimittataH |
romANi cha rahasyAni sarvANyeva vivarjayet || 4\.144||
ma~NgalAchArayuktaH syAtprayatAtmA jitendriyaH |
japechcha juhuyAchchaiva nityamagnimatandritaH || 4\.145||
ma~NgalAchArayuktAnAM nityaM cha prayatAtmanAm |
japatAM  juhvatAM chaiva vinipAto na vidyate || 4\.146||
vedamevAbhyasennityaM yathAkAlamatandritaH | vedameva japen
taM hyasyAhuH paraM dharmamupadharmo.anya uchyate || 4\.147||
vedAbhyAsena satataM shauchena tapasaiva cha |
adroheNa cha bhUtAnAM jAtiM smarati paurvikIm || 4\.148||
paurvikIM sa.nsmaran jAtiM brahmaivAbhyasyate punaH | dvijaH
brahmAbhyAsena chAjasramanantaM sukhamashnute || 4\.149||
sAvitrAn shAntihomA.nshcha kuryAtparvasu nityashaH | sAvitrAn shAntihomA.nsh
pitR^I.nshchaivAShTakAsvarchennityamanvaShTakAsu cha || 4\.150||
dUrAdAvasathAn mUtraM dUrAtpAdAvasechanam |
uchChiShTAnnaniShekaM cha dUrAdeva samAcharet || 4\.151||
maitraM prasAdhanaM snAnaM dantadhAvanama~njanam |
pUrvAhNa eva kurvIta devatAnAM cha pUjanam || 4\.152||
daivatAnyabhigachChettu dhArmikA.nshcha dvijottamAn |
IshvaraM chaiva rakShArthaM gurUneva cha parvasu || 4\.153||
abhivAdayedvR^iddhA.nshcha dadyAchchaivAsanaM svakam |
kR^itA~njalirupAsIta gachChataH pR^iShThato.anviyAt || 4\.154||
shrutismR^ityoditaM samyaG nibaddhaM sveShu karmasu |
dharmamUlaM niSheveta sadAchAramatandritaH || 4\.155||
AchArAtlabhate hyAyurAchArAdIpsitAH prajAH |
AchArAddhanamakShayyamAchAro hantyalakShaNam || 4\.156||
durAchAro hi puruSho loke bhavati ninditaH |
duHkhabhAgI cha satataM vyAdhito.alpAyureva cha || 4\.157||
sarvalakShaNahIno.api yaH sadAchAravAnnaraH |
shraddadhAno.anasUyashcha shataM varShANi jIvati || 4\.158||
yadyatparavashaM karma tattadyatnena varjayet ||
yadyadAtmavashaM tu syAttattatseveta yatnataH || 4\.159||
sarvaM paravashaM duHkhaM sarvamAtmavashaM sukham |
etadvidyAtsamAsena lakShaNaM sukhaduHkhayoH || 4\.160||
yatkarma kurvato.asya syAtparitoSho.antarAtmanaH |
tatprayatnena kurvIta viparItaM tu varjayet || 4\.161||
AchAryaM cha pravaktAraM pitaraM mAtaraM gurum |
na hi.nsyAdbrAhmaNAn gAshcha sarvA.nshchaiva tapasvinaH || 4\.162||
nAstikyaM vedanindAM cha devatAnAM cha kutsanam |
dveShaM dambhaM cha mAnaM cha krodhaM taikShhNyaM cha varjayet || 4\.163|| dveShaM stambhaM cha

parasya daNDaM nodyachChetkruddho nainaM nipAtayet |
anyatra putrAtshiShyAdvA shiShTyarthaM tADayettu tau || 4\.164||
brAhmaNAyAvaguryaiva dvijAtirvadhakAmyayA |
shataM varShANi tAmisre narake parivartate || 4\.165||
tADayitvA tR^iNenApi sa.nrambhAtmatipUrvakam |
ekavi.nshatImAjAtIH pApayoniShu jAyate || 4\.166||
ayudhyamAnasyotpAdya brAhmaNasyAsR^iga~NgataH |
duHkhaM sumahadApnoti pretyAprAj~natayA naraH || 4\.167||
shoNitaM yAvataH pA.nsUn sa~NgR^ihNAti mahItalAt |
tAvato.abdAnamutrAnyaiH shoNitotpAdako.adyate || 4\.168||
na kadA chiddvije tasmAdvidvAnavaguredapi |
na tADayettR^iNenApi na gAtrAtsrAvayedasR^ik || 4\.169||
adhArmiko naro yo hi yasya chApyanR^itaM dhanam |
hi.nsAratashcha yo nityaM naihAsau sukhamedhate || 4\.170|| hi.nsAratish

na sIdannapi dharmeNa mano.adharme niveshayet |
adhArmikAnAM pApAnAmAshu pashyan viparyayam || 4\.171||
nAdharmashcharito loke sadyaH phalati gauriva |
shanairAvartyamAnastu karturmUlAni kR^intati || 4\.172||
yadi nAtmani putreShu na chetputreShu naptR^iShu |
na tveva tu kR^ito.adharmaH karturbhavati niShphalaH || 4\.173||

adharmeNaidhate tAvattato bhadrANi pashyati |
tataH sapatnAn jayati samUlastu vinashyati || 4\.174||
satyadharmAryavR^itteShu shauche chaivArametsadA |
shiShyA.nshcha shiShyAddharmeNa vAch.bAhUdarasa.nyataH || 4\.175||
parityajedarthakAmau yau syAtAM dharmavarjitau |
dharmaM chApyasukhodarkaM lokasa~NkruShTameva cha || 4\.176||
na pANipAdachapalo na netrachapalo.anR^ijuH |
na syAdvAkchapalashchaiva na paradrohakarmadhIH || 4\.177||
yenAsya pitaro yAtA yena yAtAH pitAmahAH |
tena yAyAtsatAM mArgaM tena gachChanna riShyati || 4\.178||
R^itvikpurohitAchAryairmAtulAtithisa.nshritaiH |
bAlavR^iddhAturairvaidyairj~nAtisambandhibAndhavaiH || 4\.179||
mAtApitR^ibhyAM jAmIbhirbhrAtrA putreNa bhAryayA |
duhitrA dAsavargeNa vivAdaM na samAcharet || 4\.180||
etairvivAdAn sa.ntyajya sarvapApaiH pramuchyate |
etairjitaishcha jayati sarvAnlokAnimAn gR^ihI || 4\.181||
AchAryo brahmalokaishaH prAjApatye pitA prabhuH |
atithistvindralokesho devalokasya chartvijaH || 4\.182||
jAmayo.apsarasAM loke vaishvadevasya bAndhavAH |
sambandhino hyapAM loke pR^ithivyAM mAtR^imAtulau || 4\.183||
AkAsheshAstu vij~neyA bAlavR^iddhakR^ishAturAH |
bhrAtA jyeShThaH samaH pitrA bhAryA putraH svakA tanuH || 4\.184||
ChAyA svo dAsavargashcha duhitA kR^ipaNaM param |
tasmAdetairadhikShiptaH sahetAsa~njvaraH sadA || 4\.185||
pratigrahasamartho.api prasa~NgaM tatra varjayet |
pratigraheNa hyasyAshu brAhmaM tejaH prashAmyati || 4\.186||
na dravyANAmavij~nAya vidhiM dharmyaM pratigrahe |
prAj~naH pratigrahaM kuryAdavasIdannapi kShudhA || 4\.187||
hiraNyaM bhUmimashvaM gAmannaM vAsastilAn ghR^itam |
pratigR^ihNannavidvA.nstu bhasmIbhavati dAruvat || 4\.188||
hiraNyamAyurannaM cha bhUrgoshchApyoShatastanum |
ashvashchakShustvachaM vAso ghR^itaM tejastilAH prajAH || 4\.189||
atapAstvanadhIyAnaH pratigraharuchirdvijaH |
ambhasyashmaplavenaiva saha tenaiva majjati || 4\.190||
tasmAdavidvAn bibhiyAdyasmAttasmAtpratigrahAt |
svalpakenApyavidvAn hi pa~Nke gauriva sIdati || 4\.191||
na vAryapi prayachChettu baiDAlavratike dvije |
na bakavratike pApe nAvedavidi dharmavit || 4\.192||
triShvapyeteShu dattaM hi vidhinA.apyarjitaM dhanam |
dAturbhavatyanarthAya paratrAdAtureva cha || 4\.193||
yathA plavenopalena nimajjatyudake taran |
tathA nimajjato.adhastAdaj~nau dAtR^ipratIchChakau || 4\.194||
dharmadhvajI sadA lubdhashChAdmiko lokadambhakaH ||
baiDAlavratiko j~neyo hi.nsraH sarvAbhisa.ndhakaH || 4\.195||
adhodR^iShTirnaiShkR^itikaH svArthasAdhanatatparaH |
shaTho mithyAvinItashcha bakavratacharo dvijaH || 4\.196||
ye bakavratino viprA ye cha mArjArali~NginaH |
te patantyandhatAmisre tena pApena karmaNA || 4\.197||
na dharmasyApadeshena pApaM kR^itvA vrataM charet |
vratena pApaM prachChAdya kurvan strIshUdradambhanam || 4\.198||
pretyeha chedR^ishA viprA garhyante brahmavAdibhiH |
ChadmanA charitaM yachcha vrataM rakShA.nsi gachChati || 4\.199||
ali~NgI li~NgiveSheNa yo vR^ittimupajIvati |
sa li~NginAM haratyenastiryagyonau cha jAyate || 4\.200||
parakIyanipAneShu na snAyAdhi kadA chana | snAyAchcha kadA chana
nipAnakartuH snAtvA tu duShkR^itA.nshena lipyate || 4\.201||
yAnashayyA.a.asanAnyasya kUpodyAnagR^ihANi cha |
adattAnyupayu~njAna enasaH syAtturIyabhAk || 4\.202||
nadIShu devakhAteShu taDAgeShu saraHsu cha |
snAnaM samAcharennityaM gartaprasravaNeShu cha || 4\.203||
yamAn seveta satataM na nityaM niyamAn budhaH |
yamAn patatyakurvANo niyamAn kevalAn bhajan || 4\.204||
nAshrotriyatate yaj~ne grAmayAjikR^ite tathA |
striyA klIbena cha hute bhu~njIta brAhmaNaH kva chit || 4\.205||
ashlIkametatsAdhUnAM yatra juhvatyamI haviH | ashlIlam
pratIpametaddevAnAM tasmAttatparivarjayet || 4\.206||
mattakruddhAturANAM cha na bhu~njIta kadA chana |
keshakITAvapannaM cha padA spR^iShTaM cha kAmataH || 4\.207||
bhrUNaghnAvekShitaM chaiva sa.nspR^iShTaM chApyudakyayA |
patatriNAvalIDhaM cha shunA sa.nspR^iShTameva cha || 4\.208||
gavA chAnnamupaghrAtaM ghuShTAnnaM cha visheShataH |
gaNAnnaM gaNikAnnaM cha viduShA cha jugupsitam || 4\.209||
stenagAyanayoshchAnnaM takShhNo vArdhuShikasya cha |
dIkShitasya kadaryasya baddhasya nigaDasya cha || 4\.210||
abhishastasya ShaNDhasya pu.nshchalyA dAmbhikasya cha |
shuktaM paryuShitaM chaiva shUdrasyochChiShTameva cha || 4\.211||
chikitsakasya mR^igayoH krUrasyochChiShTabhojinaH |
ugrAnnaM sUtikAnnaM cha paryAchAntamanirdasham || 4\.212||
anarchitaM vR^ithAmA.nsamavIrAyAshcha yoShitaH |
dviShadannaM nagaryannaM patitAnnamavakShutam || 4\.213||
pishunAnR^itinoshchAnnaM kratuvikrayiNastathA || | kratuvikrayakasya cha
shailUShatunnavAyAnnaM kR^itaghnasyAnnameva cha || 4\.214||
karmArasya niShAdasya ra~NgAvatArakasya cha |
suvarNakarturveNasya shastravikrayiNastathA || 4\.215||
shvavatAM shauNDikAnAM cha chailanirNejakasya cha |
ra~njakasya nR^isha.nsasya yasya chopapatirgR^ihe || 4\.216|| rajakasya

mR^iShyanti ye chopapatiM strIjitAnAM cha sarvashaH |
anirdashaM cha pretAnnamatuShTikarameva cha || 4\.217||
rAjAnnaM teja Adatte shUdrAnnaM brahmavarchasam |
AyuH suvarNakArAnnaM yashashcharmAvakartinaH || 4\.218||
kArukAnnaM prajAM hanti balaM nirNejakasya cha |
gaNAnnaM gaNikAnnaM cha lokebhyaH parikR^intati || 4\.219||
pUyaM chikitsakasyAnnaM pu.nshchalyAstvannamindriyam |
viShThA vArdhuShikasyAnnaM shastravikrayiNo malam || 4\.220||
ya ete.anye tvabhojyAnnAH kramashaH parikIrtitAH |
teShAM tvagasthiromANi vadantyannaM manIShiNaH || 4\.221||
bhuktvA.ato.anyatamasyAnnamamatyA kShapaNaM tryaham |
matyA bhuktvA.acharetkR^ichChraM retoviNmUtrameva cha || 4\.222||
nAdyAtshUdrasya pakvAnnaM vidvAnashrAddhino dvijaH |
AdadItAmamevAsmAdavR^ittAvekarAtrikam || 4\.223||
shrotriyasya kadaryasya vadAnyasya cha vArdhuSheH |
mImA.nsitvobhayaM devAH samamannamakalpayan || 4\.224||
tAn prajApatirAhaitya mA kR^idhvaM viShamaM samam |
shraddhApUtaM vadAnyasya hatamashraddhayetarat || 4\.225||
shraddhayeShTaM cha pUrtaM cha nityaM kuryAdatandritaH |
shraddhAkR^ite hyakShaye te bhavataH svAgatairdhanaiH || 4\.226||
dAnadharmaM niSheveta nityamaiShTikapaurtikam |
parituShTena bhAvena pAtramAsAdya shaktitaH || 4\.227||
yatkiM chidapi dAtavyaM yAchitenAnasUyayA |
utpatsyate hi tatpAtraM yattArayati sarvataH || 4\.228||
vAridastR^iptimApnoti sukhamakShayyamannadaH | akShayam
tilapradaH prajAmiShTAM dIpadashchakShuruttamam || 4\.229||
bhUmido bhUmimApnoti dIrghamAyurhiraNyadaH |
gR^ihado.agryANi veshmAni rUpyado rUpamuttamam || 4\.230||
vAsodashchandrasAlokyamashvisAlokyamashvadaH |
anaDuhaH shriyaM puShTAM godo bradhnasya viShTapam || 4\.231||
yAnashayyAprado bhAryAmaishvaryamabhayapradaH |
dhAnyadaH shAshvataM saukhyaM brahmado brahmasArShTitAm || 4\.232||
sarveShAmeva dAnAnAM brahmadAnaM vishiShyate |
vAryannagomahIvAsas.tilakA~nchanasarpiShAm || 4\.233||
yena yena tu bhAvena yadyaddAnaM prayachChati |
tattattenaiva bhAvena prApnoti pratipUjitaH || 4\.234||
yo.architaM pratigR^ihNAti dadAtyarchitameva vA |
tAvubhau gachChataH svargaM narakaM tu viparyaye || 4\.235||
na vismayeta tapasA vadediShTvA cha nAnR^itam |
nArto.apyapavadedviprAnna dattvA parikIrtayet || 4\.236|| datvA

yaj~no.anR^itena kSharati tapaH kSharati vismayAt |
AyurviprApavAdena dAnaM cha parikIrtanAt || 4\.237||
dharmaM shanaiH sa~nchinuyAdvalmIkamiva puttikAH | sa~nchinuyAd
paralokasahAyArthaM sarvabhUtAnyapIDayan || 4\.238||
nAmutra hi sahAyArthaM pitA mAtA cha tiShThataH |
na putradAraM na j~nAtirdharmastiShThati kevalaH || 4\.239||
ekaH prajAyate jantureka eva pralIyate |
eko.anubhu~Nkte sukR^itameka eva cha duShkR^itam || 4\.240||
mR^itaM sharIramutsR^ijya kAShThaloShTasamaM kShitau |
vimukhA bAndhavA yAnti dharmastamanugachChati || 4\.241||
tasmAddharmaM sahAyArthaM nityaM sa~nchinuyAtshanaiH |
dharmeNa hi sahAyena tamastarati dustaram || 4\.242||
dharmapradhAnaM puruShaM tapasA hatakilbiSham |
paralokaM nayatyAshu bhAsvantaM khasharIriNam || 4\.243||
uttamairuttamairnityaM sambandhAnAcharetsaha | sambhandhAn
ninIShuH kulamutkarShamadhamAnadhamA.nstyajet || 4\.244||
uttamAnuttamAneva gachChan hInA.nstu varjayan |
brAhmaNaH shreShThatAmeti pratyavAyena shUdratAm || 4\.245||
dR^iDhakArI mR^idurdAntaH krUrAchArairasa.nvasan |
ahi.nsro damadAnAbhyAM jayetsvargaM tathAvrataH || 4\.246||
edhaudakaM mUlaphalamannamabhyudyataM cha yat |
sarvataH pratigR^ihNIyAnmadhvathAbhayadakShiNAm || 4\.247||
AhR^itAbhyudyatAM bhikShAM purastAdaprachoditAm |
mene prajApatirgrAhyAmapi duShkR^itakarmaNaH || 4\.248||
nAshnanti pitarastasya dashavarShANi pa~ncha cha ||
na cha havyaM vahatyagniryastAmabhyavamanyate || 4\.249||
shayyAM gR^ihAn kushAn gandhAnapaH puShpaM maNIn dadhi |
dhAnA matsyAn payo mA.nsaM shAkaM chaiva na nirNudet || 4\.250||
gurUn bhR^ityA.nshchojjihIrShannarchiShyan devatAtithIn |
sarvataH pratigR^ihNIyAnna tu tR^ipyetsvayaM tataH || 4\.251||
guruShu tvabhyatIteShu vinA vA tairgR^ihe vasan |
Atmano vR^ittimanvichChan gR^ihNIyAtsAdhutaH sadA || 4\.252||
ArdhikaH kulamitraM cha gopAlo dAsanApitau |
ete shUdreShu bhojyAnnA yAshchAtmAnaM nivedayet || 4\.253||
yAdR^isho.asya bhavedAtmA yAdR^ishaM cha chikIrShitam |
yathA chaupacharedenaM tathA.atmAnaM nivedayet || 4\.254||
yo.anyathA santamAtmAnamanyathA satsu bhAShate |
sa pApakR^ittamo loke stena AtmApahArakaH || 4\.255||
vAchyarthA niyatAH sarve vA~NmUlA vAgviniHsR^itAH |
tA.nstu yaH stenayedvAchaM sa sarvasteyakR^innaraH || 4\.256||
maharShipitR^idevAnAM gatvA.anR^iNyaM yathAvidhi |
putre sarvaM samAsajya vasen mAdhyasthyamAshritaH || 4\.257|| AsthitaH

ekAkI chintayennityaM vivikte hitamAtmanaH |  hitamAtmani 
ekAkI chintayAno hi paraM shreyo.adhigachChati || 4\.258||
eShauditA gR^ihasthasya vR^ittirviprasya shAshvatI |
snAtakavratakalpashcha sattvavR^iddhikaraH shubhaH || 4\.259||
anena vipro vR^ittena vartayan vedashAstravit |
vyapetakalmaSho nityaM brahmaloke mahIyate || 4\.260||

\section{adhyAya 5}
shrutvaitAn R^iShayo dharmAn snAtakasya yathauditAn |
idamUchurmahAtmAnamanalaprabhavaM bhR^igum || 5\.1||
evaM yathoktaM viprANAM svadharmamanutiShThatAm |
kathaM mR^ityuH prabhavati vedashAstravidAM prabho || 5\.2||
sa tAnuvAcha dharmAtmA maharShIn mAnavo bhR^iguH |
shrUyatAM yena doSheNa mR^ityurviprAn jighA.nsati || 5\.3||
anabhyAsena vedAnAmAchArasya cha varjanAt |
AlasyAdannadoShAchcha mR^ityurviprA~njighA.nsati || 5\.4|| viprAn

lashunaM gR^i~njanaM chaiva palANDuM kavakAni cha |
abhakShyANi dvijAtInAmamedhyaprabhavAni cha || 5\.5||
lohitAn vR^ikShaniryAsAn vR^ishchanaprabhavA.nstathA | vrashchanaprabhavAMH 
sheluM gavyaM cha peyUShaM prayatnena vivarjayet || 5\.6|| pIyUShaM 

vR^ithA kR^isarasa.nyAvaM pAyasApUpameva cha |
anupAkR^itamA.nsAni devAnnAni havI.nShi cha || 5\.7||
anirdashAyA goH kShIramauShTramaikashaphaM tathA |
AvikaM sa.ndhinIkShIraM vivatsAyAshcha goH payaH || 5\.8|| sandhinIkShIraM

AraNyAnAM cha sarveShAM mR^igANAM mAhiShaM vinA |
strIkShIraM chaiva varjyAni sarvashuktAni chaiva hi || 5\.9||
dadhi bhakShyaM cha shukteShu sarvaM cha dadhisambhavam | dadhisambhavam
yAni chaivAbhiShUyante puShpamUlaphalaiH shubhaiH || 5\.10||
kravyAdAn shakunAn sarvAntathA grAmanivAsinaH | kravyAdaH shakunIn
anirdiShTA.nshchekashaphAn TiTTibhaM cha vivarjayet || 5\.11||
kalavi~NkaM plavaM ha.nsaM chakrAhvaM grAmakukkuTam |
sArasaM rajjuvAlaM cha dAtyUhaM shukasArike || 5\.12|| rajjudAlaM

pratudA~njAlapAdA.nshcha koyaShTinakhaviShkirAn | pratudAn
nimajjatashcha matsyAdAn saunaM vallUrameva cha || 5\.13||
bakaM chaiva balAkAM cha kAkolaM kha~njarITakam |
matsyAdAn viDvarAhA.nshcha matsyAneva cha sarvashaH || 5\.14||
yo yasya mA.nsamashnAti sa tanmA.nsAda uchyate |
matsyAdaH sarvamA.nsAdastasmAn matsyAn vivarjayet || 5\.15||
pAThInarohitAvAdyau niyuktau havyakavyayoH |
rAjIvAn si.nhatuNDAshcha sashalkAshchaiva sarvashaH || 5\.16|| rAjIvAH

na bhakShayedekacharAnaj~nAtA.nshcha mR^igadvijAn |
bhakShyeShvapi samuddiShTAn sarvAn pa~nchanakhA.nstathA || 5\.17||
shvAvidhaM shalyakaM godhAM khaDgakUrmashashA.nstathA |
bhakShyAn pa~nchanakheShvAhuranuShTrA.nshchaikatodataH || 5\.18||
ChatrAkaM viDvarAhaM cha lashunaM grAmakukkuTam |
palANDuM gR^i~njanaM chaiva matyA jagdhvA pateddvijaH || 5\.19||
amatyaitAni ShaD.hjagdhvA kR^ichChraM sAntapanaM charet |
yatichAndrAyANaM vA.api sheSheShUpavasedahaH || 5\.20||
sa.nvatsarasyaikamapi charetkR^ichChraM dvijottamaH |
aj~nAtabhuktashuddhyarthaM j~nAtasya tu visheShataH || 5\.21||
yaj~nArthaM brAhmaNairvadhyAH prashastA mR^igapakShiNaH |
bhR^ityAnAM chaiva vR^ittyarthamagastyo hyAcharatpurA || 5\.22||
babhUvurhi puroDAshA bhakShyANAM mR^igapakShiNAm |
purANeShvapi yaj~neShu brahmakShatrasaveShu cha || 5\.23|| purANeShvR^iShiyaj~neShu

yatkiM chitsnehasa.nyuktaM bhakShyaM bhojyamagarhitam |
tatparyuShitamapyAdyaM haviHsheShaM cha yadbhavet || 5\.24||
chirasthitamapi tvAdyamasnehAktaM dvijAtibhiH |
yavagodhUmajaM sarvaM payasashchaiva vikriyA || 5\.25||
etaduktaM dvijAtInAM bhakShyAbhakShyamasheShataH |
mA.nsasyAtaH pravakShyAmi vidhiM bhakShaNavarjane || 5\.26||
prokShitaM bhakShayen mA.nsaM brAhmaNAnAM cha kAmyayA |
yathAvidhi niyuktastu prANAnAmeva chAtyaye || 5\.27||
prANasyAnnamidaM sarvaM prajApatirakalpayat |
sthAvaraM ja~NgamaM chaiva sarvaM prANasya bhojanam || 5\.28||
charANAmannamacharA da.nShTriNAmapyada.nShTriNaH |
ahastAshcha sahastAnAM shUrANAM chaiva bhIravaH || 5\.29||
nAttA duShyatyadannAdyAn prANino.ahany.ahanyapi |
dhAtraiva sR^iShTA hyAdyAshcha prANino.attAra eva cha || 5\.30||
yaj~nAya jagdhirmA.nsasyetyeSha daivo vidhiH smR^itaH |
ato.anyathA pravR^ittistu rAkShaso vidhiruchyate || 5\.31||
krItvA svayaM vA.apyutpAdya paropakR^itameva vA |
devAn pitR^I.nshchArchayitvA khAdan mA.nsaM na duShyati || 5\.32||
nAdyAdavidhinA mA.nsaM vidhij~no.anApadi dvijaH |
jagdhvA hyavidhinA mA.nsaM pretastairadyate.avashaH || 5\.33||
na tAdR^ishaM bhavatyeno mR^igahanturdhanArthinaH |
yAdR^ishaM bhavati pretya vR^ithAmA.nsAni khAdataH || 5\.34||
niyuktastu yathAnyAyaM yo mA.nsaM nAtti mAnavaH |
sa pretya pashutAM yAti sambhavAnekavi.nshatim || 5\.35||
asa.nskR^itAn pashUn mantrairnAdyAdvipraH kadA chana |
mantraistu sa.nskR^itAnadyAtshAshvataM vidhimAsthitaH || 5\.36||
kuryAdghR^itapashuM sa~Nge kuryAtpiShTapashuM tathA |
na tveva tu vR^ithA hantuM pashumichChetkadA chana || 5\.37||
yAvanti pashuromANi tAvatkR^itvo ha mAraNam |
vR^ithApashughnaH prApnoti pretya janmani janmani || 5\.38||
yaj~nArthaM pashavaH sR^iShTAH svayameva svayambhuvA |
yaj~no.asya bhUtyai sarvasya tasmAdyaj~ne vadho.avadhaH || 5\.39||
oShadhyaH pashavo vR^ikShAstirya~nchaH pakShiNastathA |
yaj~nArthaM nidhanaM prAptAH prApnuvantyutsR^itIH  punaH || 5\.40|| uchChritIH

madhuparke cha yaj~ne cha pitR^idaivatakarmaNi |
atraiva pashavo hi.nsyA nAnyatraityabravIn manuH || 5\.41||
eShvartheShu pashUn hi.nsan vedatattvArthaviddvijaH |
AtmAnaM cha pashuM chaiva gamayatyuttamaM gatim || 5\.42||
gR^ihe gurAvaraNye vA nivasannAtmavAn dvijaH |
nAvedavihitAM hi.nsAmApadyapi samAcharet || 5\.43||
yA vedavihitA hi.nsA niyatA.asmi.nshcharAchare |
ahi.nsAmeva tAM vidyAdvedAddharmo hi nirbabhau || 5\.44||
yo.ahi.nsakAni bhUtAni hinastyAtmasukhaichChayA |
sa jIvA.nshcha mR^itashchaiva na kva chitsukhamedhate || 5\.45||
yo bandhanavadhakleshAn prANinAM na chikIrShati |
sa sarvasya hitaprepsuH sukhamatyantamashnute || 5\.46||
yaddhyAyati yatkurute ratiM badhnAti yatra cha |
tadavApnotyayatnena yo hinasti na kiM chana || 5\.47||
nAkR^itvA prANinAM hi.nsAM mA.nsamutpadyate kva chit |
na cha prANivadhaH svargyastasmAn mA.nsaM vivarjayet || 5\.48||
samutpattiM cha mA.nsasya vadhabandhau cha dehinAm |
prasamIkShya nivarteta sarvamA.nsasya bhakShaNAt || 5\.49||
na bhakShayati yo mA.nsaM vidhiM hitvA pishAchavat |
na loke priyatAM yAti vyAdhibhishcha na pIDyate || 5\.50||
anumantA vishasitA nihantA krayavikrayI |
sa.nskartA chopahartA cha khAdakashcheti ghAtakAH || 5\.51||
svamA.nsaM paramA.nsena yo vardhayitumichChati |
anabhyarchya pitR^In devA.nstato.anyo nAstyapuNyakR^it || 5\.52||
varShe varShe.ashvamedhena yo yajeta shataM samAH |
mA.nsAni cha na khAdedyastayoH puNyaphalaM samam || 5\.53||
phalamUlAshanairmedhyairmunyannAnAM cha bhojanaiH |
na tatphalamavApnoti yatmA.nsaparivarjanAt || 5\.54||
mAM sa bhakShayitA.amutra yasya mA.nsamihAdmyaham |
etatmA.nsasya mA.nsatvaM pravadanti manIShiNaH || 5\.55||
na mA.nsabhakShaNe doSho na madye na cha maithune |
pravR^ittireShA bhUtAnAM nivR^ittistu mahAphalA || 5\.56||
pretashuddhiM pravakShyAmi dravyashuddhiM tathaiva cha |
chaturNAmapi varNAnAM yathAvadanupUrvashaH || 5\.57||
dantajAte.anujAte cha kR^itachUDe cha sa.nsthite |
ashuddhA bAndhavAH sarve sUtake cha tathauchyate || 5\.58||
dashAhaM shAvamAshauchaM sapiNDeShu vidhIyate |
arvAksa~nchayanAdasthnAM tryahamekAhameva vA || 5\.59||
sapiNDatA tu puruShe saptame vinivartate |
samAnodakabhAvastu janmanAmnoravedane || 5\.60||
yathaidaM shAvamAshauchaM sapiNDeShu vidhIyate |
janane.apyevameva syAtnipuNaM shuddhimichChatAm || 5\.61||
sarveShAM shAvamAshauchaM mAtApitrostu sUtakam |
(janane.apyevameva syAn mAtApitrostu sUtakam |)
sUtakaM mAtureva syAdupaspR^ishya pitA shuchiH || 5\.62||
nirasya tu pumA.nshukramupaspR^isyaiva shudhyati |
baijikAdabhisambandhAdanurundhyAdaghaM tryaham || 5\.63||
ahnA chaikena rAtryA cha trirAtraireva cha tribhiH |
shavaspR^isho vishudhyanti tryahAdudakadAyinaH || 5\.64||
guroH pretasya shiShyastu pitR^imedhaM samAcharan |
pretahAraiH samaM tatra dasharAtreNa shudhyati || 5\.65|| pretAhAraiH 

rAtribhirmAsatulyAbhirgarbhasrAve vishudhyati |
rajasyuparate sAdhvI snAnena strI rajasvalA || 5\.66||
nR^iNAmakR^itachUDAnAM vishuddhirnaishikI smR^itA |
nirvR^ittachUDakAnAM tu trirAtrAtshuddhiriShyate || 5\.67|| nirvR^ittamuNDakAnAM 

UnadvivArShikaM pretaM nidadhyurbAndhavA bahiH |
ala~NkR^itya shuchau bhUmAvasthisa~nchayanAdR^ite || 5\.68||
nAsya kAryo.agnisa.nskAro na cha kAryaudakakriyA |
araNye kAShThavattyaktvA kShapeyustryahameva tu  || 5\.69|| kShapeta tryahameva cha

nAtrivarShasya kartavyA bAndhavairudakakriyA |
jAtadantasya vA kuryurnAmni vA.api kR^ite sati || 5\.70||
sabrahmachAriNyekAhamatIte kShapaNaM smR^itam |
janmanyekaudakAnAM tu trirAtrAtshuddhiriShyate || 5\.71||
strINAmasa.nskR^itAnAM tu tryahAtshudhyanti bAndhavAH |
yathauktenaiva kalpena shudhyanti tu sanAbhayaH || 5\.72||
akShAralavaNAnnAH syurnimajjeyushcha te tryaham |
mA.nsAshanaM cha nAshnIyuH shayIra.nshcha pR^ithakkShitau || 5\.73||
sa.nnidhAveSha vai kalpaH shAvAshauchasya kIrtitaH |
asa.nnidhAvayaM j~neyo vidhiH sambandhibAndhavaiH || 5\.74||
vigataM tu videshasthaM shR^iNuyAdyo hyanirdasham |
yatsheShaM dasharAtrasya tAvadevAshuchirbhavet || 5\.75||
atikrAnte dashAhe cha trirAtramashuchirbhavet |
sa.nvatsare vyatIte tu spR^iShTvaivApo vishudhyati || 5\.76||
nirdashaM j~nAtimaraNaM  shrutvA putrasya janma cha |
savAsA jalamAplutya shuddho bhavati mAnavaH || 5\.77||
bAle deshAntarasthe cha pR^ithakpiNDe cha sa.nsthite |
savAsA jalamAplutya sadya eva vishudhyati || 5\.78||
antardashAhe syAtAM chetpunarmaraNajanmanI |  chetsyAtAM
tAvatsyAdashuchirvipro yAvattatsyAdanirdasham || 5\.79||
trirAtramAhurAshauchamAchArye sa.nsthite sati |
tasya putre cha patnyAM cha divArAtramiti sthitiH || 5\.80||
shrotriye tUpasampanne trirAtramashuchirbhavet |
mAtule pakShiNIM rAtriM shiShyartvigbAndhaveShu cha || 5\.81||
prete rAjani sajyotiryasya syAdviShaye sthitaH |
ashrotriye tvahaH kR^itsnamanUchAne tathA gurau || 5\.82|| kR^itsnAM 

shuddhyedvipro dashAhena dvAdashAhena bhUmipaH |
vaishyaH pa~nchadashAhena shUdro mAsena shudhyati || 5\.83||
na vardhayedaghAhAni pratyUhennAgniShu kriyAH |
na cha tatkarma kurvANaH sanAbhyo.apyashuchirbhavet || 5\.84||
divAkIrtimudakyAM cha patitaM sUtikAM tathA |
shavaM tatspR^iShTinaM chaiva spR^iShTvA snAnena shudhyati || 5\.85||
Achamya prayato nityaM japedashuchidarshane |
saurAn mantrAn yathotsAhaM pAvamAnIshcha shaktitaH || 5\.86||
nAraM spR^iShTvA.asthi sasnehaM snAtvA vipro vishudhyati |
Achamyaiva tu niHsnehaM gAmAlabhyArkamIkShya vA || 5\.87||
AdiShTI nodakaM kuryAdA vratasya samApanAt |
samApte tUdakaM kR^itvA trirAtreNaiva shudhyati || 5\.88||
vR^ithAsa~NkarajAtAnAM pravrajyAsu cha tiShThatAm ||
AtmanastyAginAM chaiva nivartetodakakriyA || 5\.89||
pAShaNDamAshritAnAM cha charantInAM cha kAmataH |
garbhabhartR^idruhAM chaiva surApInAM cha yoShitAm || 5\.90||
AchAryaM svamupAdhyAyaM pitaraM mAtaraM gurum |
nirhR^itya tu vratI pretAnna vratena viyujyate || 5\.91||
dakShiNena mR^itaM shUdraM puradvAreNa nirharet |
pashchimauttarapUrvaistu yathAyogaM dvijanmanaH || 5\.92||
na rAj~nAmaghadoSho.asti vratinAM na cha sattriNAm |
aindraM sthAnamupAsInA brahmabhUtA hi te sadA || 5\.93||
rAj~no mahAtmike sthAne sadyaHshauchaM vidhIyate |
prajAnAM parirakShArthamAsanaM chAtra kAraNam || 5\.94||
DimbhAhavahatAnAM cha vidyutA pArthivena cha | DimbAhavahatAnAM
gobrAhmaNasya chevArthe yasya chaichChati pArthivaH || 5\.95||
somAgnyarkAnilendrANAM vittAppatyoryamasya cha |
aShTAnAM lokapAlAnAM vapurdhArayate nR^ipaH || 5\.96||
lokeshAdhiShThito rAjA nAsyAshauchaM vidhIyate |
shauchAshauchaM hi martyAnAM lokebhyaH prabhavApyayau || 5\.97||
udyatairAhave shastraiH kShatradharmahatasya cha |
sadyaH sa.ntiShThate yaj~nastathA.ashauchamiti sthitiH || 5\.98||
vipraH shudhyatyapaH spR^iShTvA kShatriyo vAhanAyudham |
vaishyaH pratodaM rashmIn vA yaShTiM shUdraH kR^itakriyaH || 5\.99||
etadvo.abhihitaM shauchaM sapiNDeShu dvijottamAH |
asapiNDeShu sarveShu pretashuddhiM nibodhata || 5\.100||
asapiNDaM dvijaM pretaM vipro nirhR^itya bandhuvat |
vishudhyati trirAtreNa mAturAptA.nshcha bAndhavAn || 5\.101||
yadyannamatti teShAM tu dashAhenaiva shudhyati |
anadannannamahnaiva na chettasmin gR^ihe vaset || 5\.102||
anugamyechChayA pretaM j~nAtimaj~nAtimeva cha | aj~nAtimeva vA
snAtvA sachailaH spR^iShTvA.agniM ghR^itaM prAshya vishudhyati || 5\.103|| sachailaM,  vishuddhyati 

na vipraM sveShu tiShThatsu mR^itaM shUdreNa nAyayet |
asvargyA hyAhutiH sA syAtshUdrasa.nsparshadUShitA || 5\.104||
j~nAnaM tapo.agnirAhAro mR^itmano vAryupA~njanam |
vAyuH karmArkakAlau cha shuddheH kartR^INi dehinAm || 5\.105||
sarveShAmeva shauchAnAmarthashauchaM paraM smR^itam |
yo.arthe shuchirhi sa shuchirna mR^idvArishuchiH shuchiH || 5\.106||
kShAntyA shudhyanti vidvA.nso dAnenAkAryakAriNaH | shuddhyanti
prachChannapApA japyena tapasA vedavittamAH || 5\.107||
mR^ittoyaiH shudhyate shodhyaM nadI vegena shudhyati |
rajasA strI manoduShTA sa.nnyAsena dvijottamAH || 5\.108||
adbhirgAtrANi shudhyanti manaH satyena shudhyati |
vidyAtapobhyAM bhUtAtmA buddhirj~nAnena shudhyati || 5\.109|| shuddhyati

eSha shauchasya vaH proktaH sharIrasya vinirNayaH |
nAnAvidhAnAM dravyANAM shuddheH shR^iNuta nirNayam || 5\.110||
taijasAnAM maNInAM cha sarvasyAshmamayasya cha |
bhasmanA.adbhirmR^idA chaiva shuddhiruktA manIShibhiH || 5\.111||
nirlepaM kA~nchanaM bhANDamadbhireva vishudhyati | vishuddhyati
abjamashmamayaM chaiva rAjataM chAnupaskR^itam || 5\.112||
apAmagneshcha sa.nyogAdhaimaM raupyaM cha nirbabhau |
tasmAttayoH svayonyaiva nirNeko guNavattaraH || 5\.113||
tAmrAyaskA.nsyaraityAnAM trapuNaH sIsakasya cha |
shauchaM yathArhaM kartavyaM kShArAmlodakavAribhiH || 5\.114||
dravANAM chaiva sarveShAM shuddhirutpavanaM smR^itam |
prokShaNaM sa.nhatAnAM cha dAravANAM cha takShaNam || 5\.115||
mArjanaM yaj~napAtrANAM pANinA yaj~nakarmaNi |
chamasAnAM grahANAM cha shuddhiH prakShAlanena tu || 5\.116||
charUNAM sruksruvANAM cha shuddhiruShNena vAriNA |
sphyashUrpashakaTAnAM cha musalaulUkhalasya cha || 5\.117||
adbhistu prokShaNaM shauchaM bahUnAM dhAnyavAsasAm |
prakShAlanena tvalpAnAmadbhiH shauchaM vidhIyate || 5\.118||
chailavatcharmaNAM shuddhirvaidalAnAM tathaiva cha |
shAkamUlaphalAnAM cha dhAnyavatshuddhiriShyate || 5\.119||
kausheyAvikayorUShaiH kutapAnAmariShTakaiH |
shrIphalaira.nshupaTTAnAM kShaumANAM gaurasarShapaiH || 5\.120||
kShaumavatsha~NkhashR^i~NgANAmasthidantamayasya cha |
shuddhirvijAnatA kAryA gomUtreNaudakena vA || 5\.121||
prokShaNAttR^iNakAShThaM cha palAlaM chaiva shudhyati |
mArjanaupA~njanairveshma punaHpAkena mR^iNmayam || 5\.122||
madyairmUtraiH purIShairvA ShThIvanaiH pUyashoNitaiH |
sa.nspR^iShTaM naiva shuddhyeta punaHpAkena mR^itmayam || 5\.123||
sa.nmArjanaupA~njanena sekenaullekhanena cha |
gavAM cha parivAsena bhUmiH shuddhyati pa~nchabhiH || 5\.124||
pakShijagdhaM gavA ghrAtamavadhUtamavakShutam |
dUShitaM keshakITaishcha mR^itprakShepeNa shudhyati || 5\.125||
yAvannApetyamedhyAktAdgandho lepashcha tatkR^itaH |
tAvan mR^idvAri chAdeyaM sarvAsu dravyashuddhiShu || 5\.126||
trINi devAH pavitrANi brAhmaNAnAmakalpayan |
adR^iShTamadbhirnirNiktaM yachcha vAchA prashasyate || 5\.127||
ApaH shuddhA bhUmigatA vaitR^iShNyaM yAsu gorbhavet |
avyAptAshchedamedhyena gandhavarNarasAnvitAH || 5\.128||
nityaM shuddhaH kAruhastaH paNye yachcha prasAritam | paNyaM
brahmachArigataM bhaikShyaM nityaM medhyamiti sthitiH || 5\.129||
nityamAsyaM shuchi strINAM shakuniH phalapAtane |
prasrave cha shuchirvatsaH shvA mR^igagrahaNe shuchiH || 5\.130||
shvabhirhatasya yan mA.nsaM shuchi tan manurabravIt |
kravyAdbhishcha hatasyAnyaishchaNDAlAdyaishcha dasyubhiH || 5\.131||
UrdhvaM nAbheryAni khAni tAni medhyAni sarvashaH |
yAnyadhastAnyamedhyAni dehAchchaiva malAshchyutAH || 5\.132||
makShikA vipruShashChAyA gaurashvaH sUryarashmayaH |
rajo bhUrvAyuragnishcha sparshe medhyAni nirdishet || 5\.133||
viNmUtrotsargashuddhyarthaM mR^idvAryAdeyamarthavat |
daihikAnAM malAnAM cha shuddhiShu dvAdashasvapi || 5\.134||
vasA shukramasR^igmajjA mUtraviDghrANakarNaviT |
shleshmAshru dUShikA svedo dvAdashaite nR^iNAM malAH || 5\.135||
ekA li~Nge gude tisrastathaikatra kare dasha |
ubhayoH sapta dAtavyA mR^idaH shuddhimabhIpsatA || 5\.136||
etatshauchaM gR^ihasthAnAM dviguNaM brahmachAriNAm |
triguNaM syAdvanasthAnAM yatInAM tu chaturguNam || 5\.137||
kR^itvA mUtraM purIShaM vA khAnyAchAnta upaspR^ishet |
vedamadhyeShyamANashcha annamashna.nshcha sarvadA || 5\.138||
trirAchAmedapaH pUrvaM dviH pramR^ijyAttato mukham |
sharIraM shauchamichChan hi strI shUdrastu sakR^itsakR^it || 5\.139||
shUdrANAM mAsikaM kAryaM vapanaM nyAyavartinAm |
vaishyavatshauchakalpashcha dvijochChiShTaM cha bhojanam || 5\.140||
nochChiShTaM kurvate mukhyA vipruSho.a~NgaM na yAnti yAH |
na shmashrUNi gatAnyAsyaM na dantAntaradhiShThitam || 5\.141||
spR^ishanti bindavaH pAdau ya AchAmayataH parAn |
bhaumikaiste samA j~neyA na tairAprayato bhavet || 5\.142|| aprayato

uchChiShTena tu sa.nspR^iShTo dravyahastaH kathaM chana |
anidhAyaiva taddravyamAchAntaH shuchitAmiyAt || 5\.143||
vAnto viriktaH snAtvA tu ghR^itaprAshanamAcharet |
AchAmedeva bhuktvA.annaM snAnaM maithuninaH smR^itam || 5\.144||
suptvA kShutvA cha bhuktvA cha niShThIvyauktvA.anR^itAni cha |
pItvA.apo.adhyeShyamANashcha AchAmetprayato.api san || 5\.145||
eShAM shauchavidhiH kR^itsno dravyashuddhistathaiva cha | eSha
ukto vaH sarvavarNAnAM strINAM dharmAnnibodhata || 5\.146||
bAlayA vA yuvatyA vA vR^iddhayA vA.api yoShitA |
na svAtantryeNa kartavyaM kiM chidkAryaM gR^iheShvapi || 5\.147||
bAlye piturvashe tiShThetpANigrAhasya yauvane |
putrANAM bhartari prete na bhajetstrI svatantratAm || 5\.148||
pitrA bhartrA sutairvA.api nechChedvirahamAtmanaH |
eShAM hi viraheNa strI garhye kuryAdubhe kule || 5\.149||
sadA prahR^iShTayA bhAvyaM gR^ihakArye cha dakShayA |
susa.nskR^itopaskarayA vyaye chAmuktahastayA || 5\.150||
yasmai dadyAtpitA tvenAM bhrAtA vA.anumate pituH |
taM shushrUSheta jIvantaM sa.nsthitaM cha na la~Nghayet || 5\.151||
ma~NgalArthaM svastyayanaM yaj~nashchAsAM prajApateH |
prayujyate vivAhe tu pradAnaM svAmyakAraNam || 5\.152||
anR^itAvR^itukAle cha mantrasa.nskArakR^itpatiH |
sukhasya nityaM dAtaiha paraloke cha yoShitaH || 5\.153||
vishIlaH kAmavR^itto vA guNairvA parivarjitaH |
upachAryaH striyA sAdhvyA satataM devavatpatiH || 5\.154||
nAsti strINAM pR^ithagyaj~no na vrataM nApyupoShaNam | upoShitam
patiM shushrUShate yena tena svarge mahIyate || 5\.155||
pANigrAhasya sAdhvI strI jIvato vA mR^itasya vA |
patilokamabhIpsantI nAcharetkiM chidapriyam || 5\.156||
kAmaM tu kShapayeddehaM puShpamUlaphalaiH shubhaiH |
na tu nAmApi gR^ihNIyAtpatyau prete parasya tu || 5\.157||
AsItAmaraNAtkShAntA niyatA brahmachAriNI |
yo dharma ekapatnInAM kA~NkShantI tamanuttamam || 5\.158||
anekAni sahasrANi kumArabrahmachAriNAm |
divaM gatAni viprANAmakR^itvA kulasa.ntatim || 5\.159||
mR^ite bhartari sAdhvI strI brahmacharye vyavasthitA |
svargaM gachChatyaputrA.api yathA te brahmachAriNaH || 5\.160||
apatyalobhAdyA tu strI bhartAramativartate |
seha nindAmavApnoti paralokAchcha hIyate || 5\.161||
nAnyotpannA prajA.astIha na chApyanyaparigrahe | na chAnyasya parigrahe
na dvitIyashcha sAdhvInAM kva chidbhartopadishyate || 5\.162||
patiM hitvA.apakR^iShTaM svamutkR^iShTaM yA niShevate |  hitvA.avakR^iShTaM
nindyaiva sA bhavelloke parapUrvaiti chauchyate || 5\.163||
vyabhichArAttu bhartuH strI loke prApnoti nindyatAm | vyabhichAre tu
shR^igAlayoniM prApnoti pAparogaishcha pIDyate || 5\.164||
patiM yA nAbhicharati manovAgdehasa.nyutA |  dehasa.nyatA
sA bhartR^ilokamApnoti sadbhiH sAdhvIti chochyate || 5\.165||
anena nArI vR^ittena manovAgdehasa.nyatA |
ihAgryAM kIrtimApnoti patilokaM paratra cha || 5\.166||
evaM vR^ittAM savarNAM strIM dvijAtiH pUrvamAriNIm |
dAhayedagnihotreNa yaj~napAtraishcha dharmavit || 5\.167||
bhAryAyai pUrvamAriNyai dattvA.agnInantyakarmaNi |
punardArakriyAM kuryAtpunarAdhAnameva cha || 5\.168||
anena vidhinA nityaM pa~nchayaj~nAnna hApayet |
dvitIyamAyuSho bhAgaM kR^itadAro gR^ihe vaset || 5\.169||

\section{adhyAya 6}
evaM gR^ihAshrame sthitvA vidhivatsnAtako dvijaH |
vane vasettu niyato yathAvadvijitaindriyaH || 6\.1||
gR^ihasthastu yathA pashyedvalIpalitamAtmanaH |
apatyasyaiva chApatyaM tadA.araNyaM samAshrayet || 6\.2||
sa.ntyajya grAmyamAhAraM sarvaM chaiva parichChadam |
putreShu bhAryAM nikShipya vanaM gachChetsahaiva vA || 6\.3||
agnihotraM samAdAya gR^ihyaM chAgniparichChadam |
grAmAdaraNyaM niHsR^itya nivasenniyatendriyaH || 6\.4|| niShkramya

munyannairvividhairmedhyaiH shAkamUlaphalena vA |
etAneva mahAyaj~nAnnirvapedvidhipUrvakam || 6\.5||
vasIta charma chIraM vA sAyaM snAyAtprage tathA |
jaTAshcha bibhR^iyAnnityaM shmashrulomanakhAni cha || 6\.6||
yadbhakShyaM syAdtato dadyAdbaliM bhikShAM cha shaktitaH | yadbhakShaH 
abmUlaphalabhikShAbhirarchayedAshramAgatAn || 6\.7|| :AshramAgataM

svAdhyAye nityayuktaH syAddAnto maitraH samAhitaH |
dAtA nityamanAdAtA sarvabhUtAnukampakaH || 6\.8||
vaitAnikaM cha juhuyAdagnihotraM yathAvidhi |
darshamaskandayan parva paurNamAsaM cha yogataH || 6\.9||
R^ikSheShTy.AgrayaNaM chaiva chAturmAsyAni chAharet | darsheShTy.AgrayaNaM
turAyaNaM cha kramasho dakShasyAyanameva cha || 6\.10|| dAkShasyAyanaM

vAsantashAradairmedhyairmunyannaiH svayamAhR^itaiH |
puroDAshA.nshcharU.nshchaiva vidhivatnirvapetpR^ithak || 6\.11||
devatAbhyastu tadhutvA vanyaM medhyataraM haviH |
sheShamAtmani yu~njIta lavaNaM cha svayaM kR^itam || 6\.12||
sthalajaudakashAkAni puShpamUlaphalAni cha |
medhyavR^ikShodbhavAnyadyAtsnehA.nshcha phalasambhavAn || 6\.13||
varjayen madhu mA.nsaM cha bhaumAni kavakAni cha |
bhUstR^iNaM shigrukaM chaiva shleshmAtakaphalAni cha || 6\.14||
tyajedAshvayuje mAsi munyannaM pUrvasa~nchitam |
jIrNAni chaiva vAsA.nsi shAkamUlaphalAni cha || 6\.15||
na phAlakR^iShTamashnIyAdutsR^iShTamapi kena chit |
na grAmajAtAnyArto.api mUlANi cha phalAni cha || 6\.16|| puShpAni cha phalAni cha 

agnipakvAshano vA syAtkAlapakvabhujeva vA |
ashmakuTTo bhavedvA.api dantolUkhaliko.api vA || 6\.17||
sadyaH prakShAlako vA syAn mAsasa~nchayiko.api vA |
ShaNmAsanichayo vA syAtsamAnichaya eva vA || 6\.18||
naktaM chAnnaM samashnIyAddivA vA.ahR^itya shaktitaH |
chaturthakAliko vA syAtsyAdvA.apyaShTamakAlikaH || 6\.19||
chAndrAyaNavidhAnairvA shuklakR^iShNe cha vartayet |
pakShAntayorvA.apyashnIyAdyavAgUM kvathitAM sakR^it || 6\.20||
puShpamUlaphalairvA.api kevalairvartayetsadA |
kAlapakvaiH svayaM shIrNairvaikhAnasamate sthitaH || 6\.21||
bhUmau viparivarteta tiShThedvA prapadairdinam |
sthAnAsanAbhyAM viharetsavaneShUpayannapaH || 6\.22||
grIShme pa~nchatapAstu syAdvarShAsvabhrAvakAshikaH |
ArdravAsAstu hemante kramasho vardhaya.nstapaH || 6\.23||
upaspR^isha.nstriShavaNaM pitR^In devA.nshcha tarpayet |
tapaschara.nshchogrataraM shoShayeddehamAtmanaH || 6\.24||
agnInAtmani vaitAnAn samAropya yathAvidhi |
anagniraniketaH syAn munirmUlaphalAshanaH || 6\.25||
aprayatnaH sukhArtheShu brahmachArI dharA.a.ashayaH |
sharaNeShvamamashchaiva vR^ikShamUlaniketanaH || 6\.26||
tApaseShveva vipreShu yAtrikaM bhaikShamAharet |
gR^ihamedhiShu chAnyeShu dvijeShu vanavAsiShu || 6\.27||
grAmAdAhR^itya vA.ashnIyAdaShTau grAsAn vane vasan |
pratigR^ihya puTenaiva pANinA shakalena vA || 6\.28||
etAshchAnyAshcha seveta dIkShA vipro vane vasan |
vividhAshchaupaniShadIrAtmasa.nsiddhaye shrutIH || 6\.29||
R^iShibhirbrAhmaNaishchaiva gR^ihasthaireva sevitAH |
vidyAtapovivR^iddhyarthaM sharIrasya cha shuddhaye || 6\.30||
aparAjitAM vA.asthAya vrajeddishamajihmagaH |
A nipAtAtsharIrasya yukto vAryanilAshanaH || 6\.31||
AsAM maharShicharyANAM tyaktvA.anyatamayA tanum |
vItashokabhayo vipro brahmaloke mahIyate || 6\.32||
vaneShu cha vihR^ityaivaM tR^itIyaM bhAgamAyuShaH |
chaturthamAyuSho bhAgaM tyakvA sa~NgAn parivrajet || 6\.33||
AshramAdAshramaM gatvA hutahomo jitendriyaH |
bhikShAbaliparishrAntaH pravrajan pretya vardhate || 6\.34||
R^iNAni trINyapAkR^itya mano mokShe niveshayet |
anapAkR^itya mokShaM tu sevamAno vrajatyadhaH || 6\.35||
adhItya vidhivadvedAn putrA.nshchotpAdya dharmataH |
iShTvA cha shaktito yaj~nairmano mokShe niveshayet || 6\.36||
anadhItya dvijo vedAnanutpAdya tathA sutAn | tathA prajAM 
aniShTvA chaiva yaj~naishcha mokShamichChan vrajatyadhaH || 6\.37||
prAjApatyaM nirupyeShTiM sarvavedasadakShiNAm | sArvavedasadakShiNAm
AtmanyagnIn samAropya brAhmaNaH pravrajedgR^ihAt || 6\.38||
yo dattvA sarvabhUtebhyaH pravrajatyabhayaM gR^ihAt |
tasya tejomayA lokA bhavanti brahmavAdinaH || 6\.39||
yasmAdaNvapi bhUtAnAM dvijAnnotpadyate bhayam |
tasya dehAdvimuktasya bhayaM nAsti kutashchana || 6\.40||
agArAdabhiniShkrAntaH pavitropachito muniH |
samupoDheShu kAmeShu nirapekShaH parivrajet || 6\.41||
eka eva charennityaM siddhyarthamasahAyavAn |
siddhimekasya sampashyanna jahAti na hIyate || 6\.42|| siddham

anagniraniketaH syAdgrAmamannArthamAshrayet |
upekShako.asa~Nkusuko munirbhAvasamAhitaH || 6\.43|| .asA~Nkusuko

kapAlaM vR^ikShamUlAni kuchelamasahAyatA | kuchailaM 
samatA chaiva sarvasminnetatmuktasya lakShaNam || 6\.44||
nAbhinandeta maraNaM nAbhinandeta jIvitam |
kAlameva pratIkSheta nirveshaM bhR^itako yathA || 6\.45||
dR^iShTipUtaM nyasetpAdaM vastrapUtaM jalaM pibet |
satyapUtAM vadedvAchaM manaHpUtaM samAcharet || 6\.46||
ativAdA.nstitikSheta nAvamanyeta kaM chana |
na chaimaM dehamAshritya vairaM kurvIta kena chit || 6\.47||
kruddhyantaM na pratikrudhyedAkruShTaH kushalaM vadet |
saptadvArAvakIrNAM cha na vAchamanR^itAM vadet || 6\.48||
adhyAtmaratirAsIno nirapekSho nirAmiShaH |
Atmanaiva sahAyena sukhArthI vicharediha || 6\.49||
na chotpAtanimittAbhyAM na nakShatrA~NgavidyayA |
nAnushAsanavAdAbhyAM bhikShAM lipseta karhi chit || 6\.50||
na tApasairbrAhmaNairvA vayobhirapi vA shvabhiH |
AkIrNaM bhikShukairvA.anyairagAramupasa.nvrajet || 6\.51||
kL^iptakeshanakhashmashruH pAtrI daNDI kusumbhavAn |
vicharenniyato nityaM sarvabhUtAnyapIDayan || 6\.52||
ataijasAni pAtrANi tasya syurnirvraNAni cha |
teShAmadbhiH smR^itaM shauchaM chamasAnAmivAdhvare || 6\.53||
alAbuM dArupAtraM cha mR^iNmayaM vaidalaM tathA |
etANi yatipAtrANi manuH svAyambhuvo.abravIt || 6\.54||
ekakAlaM charedbhaikShaM na prasajjeta vistare |
bhaikShe prasakto hi yatirviShayeShvapi sajjati || 6\.55||
vidhUme sannamusale vya~NgAre bhuktavajjane |
vR^itte sharAvasampAte bhikShAM nityaM yatishcharet || 6\.56||
alAbhe na viShadI syAtlAbhe chaiva na harShayet |
prANayAtrikamAtraH syAtmAtrAsa~NgAdvinirgataH || 6\.57||
abhipUjitalAbhA.nstu jugupsetaiva sarvashaH |
abhipUjitalAbhaishcha yatirmukto.api badhyate || 6\.58||
alpAnnAbhyavahAreNa rahaHsthAnAsanena cha |
hriyamANAni viShayairindriyANi nivartayet || 6\.59||
indriyANAM nirodhena rAgadveShakShayeNa cha |
ahi.nsayA cha bhUtAnAmamR^itatvAya kalpate || 6\.60||
avekSheta gatIrnR^INAM karmadoShasamudbhavAH |
niraye chaiva patanaM yAtanAshcha yamakShaye || 6\.61||
viprayogaM priyaishchaiva sa.nyogaM cha tathA.apriyaiH |
jarayA chAbhibhavanaM vyAdhibhishchopapIDanam || 6\.62||
dehAdutkramaNaM chAsmAtpunargarbhe cha sambhavam |
yonikoTisahasreShu sR^itIshchAsyAntarAtmanaH || 6\.63||
adharmaprabhavaM chaiva duHkhayogaM sharIriNAm |
dharmArthaprabhavaM chaiva sukhasa.nyogamakShayam || 6\.64||
sUkShmatAM chAnvavekSheta yogena paramAtmanaH |
deheShu cha samutpattimuttameShvadhameShu cha || 6\.65|| deheShu chaivopapattim

dUShito.api chareddharmaM yatra tatrAshrame rataH | bhUShito.api 
samaH sarveShu bhUteShu na li~NgaM dharmakAraNam || 6\.66||
phalaM katakavR^ikShasya yadyapyambuprasAdakam |
na nAmagrahaNAdeva tasya vAri prasIdati || 6\.67||
sa.nrakShaNArthaM jantUnAM rAtrAvahani vA sadA |
sharIrasyAtyaye chaiva samIkShya vasudhAM charet || 6\.68||
ahnA rAtryA cha yA~njantUn hinastyaj~nAnato yatiH |
teShAM snAtvA vishuddhyarthaM prANAyAmAn ShaDAcharet || 6\.69||
prANAyAmA brAhmaNasya trayo.api vidhivatkR^itAH |
vyAhR^itipraNavairyuktA vij~neyaM paramaM tapaH || 6\.70||
dahyante dhmAyamAnAnAM dhAtUnAM hi yathA malAH |
tathendriyANAM dahyante doShAH prANasya nigrahAt || 6\.71||
prANAyAmairdaheddoShAn dhAraNAbhishcha kilbiSham |
pratyAhAreNa sa.nsargAn dhyAnenAnIshvarAn guNAn || 6\.72||
uchchAvacheShu bhUteShu durj~neyAmakR^itAtmabhiH |
dhyAnayogena sampashyedgatimasyAntarAtmanaH || 6\.73||
samyagdarshanasampannaH karmabhirna nibadhyate |
darshanena vihInastu sa.nsAraM pratipadyate || 6\.74||
ahi.nsayendriyAsa~Ngairvaidikaishchaiva karmabhiH |
tapasashcharaNaishchaugraiH sAdhayantIha tatpadam || 6\.75||
asthisthUNaM snAyuyutaM mA.nsashoNitalepanam |
charmAvanaddhaM durgandhi pUrNaM mUtrapurIShayoH || 6\.76||
jarAshokasamAviShTaM rogAyatanamAturam |
rajasvalamanityaM cha bhUtAvAsamimaM tyajet || 6\.77||
nadIkUlaM yathA vR^ikSho vR^ikShaM vA shakuniryathA |
tathA tyajannimaM dehaM kR^ichChrAdgrAhAdvimuchyate || 6\.78||
priyeShu sveShu sukR^itamapriyeShu cha duShkR^itam |
visR^ijya dhyAnayogena brahmAbhyeti sanAtanam || 6\.79||
yadA bhAvena bhavati sarvabhAveShu niHspR^ihaH |
tadA sukhamavApnoti pretya chaiha cha shAshvatam || 6\.80||
anena vidhinA sarvA.nstyaktvA sa~NgAn shanaiH shanaiH |
sarvadvandvavinirmukto brahmaNyevAvatiShThate || 6\.81||
dhyAnikaM sarvamevaitadyadetadabhishabditam |
na hyanadhyAtmavitkashchitkriyAphalamupAshnute || 6\.82||
adhiyaj~naM brahma japedAdhidaivikameva cha |
AdhyAtmikaM cha satataM vedAntAbhihitaM cha yat || 6\.83||
idaM sharaNamaj~nAnAmidameva vijAnatAm |
idamanvichChatAM svargamidamAnantyamichChatAm || 6\.84||
anena kramayogena parivrajati yo dvijaH |
sa vidhUyaiha pApmAnaM paraM brahmAdhigachChati || 6\.85||
eSha dharmo.anushiShTo vo yatInAM niyatAtmanAm |
vedasa.nnyAsikAnAM tu karmayogaM nibodhata || 6\.86||
brahmachArI gR^ihasthashcha vAnaprastho yatistathA |
ete gR^ihasthaprabhavAshchatvAraH pR^ithagAshramAH || 6\.87||
sarve.api kramashastvete yathAshAstraM niShevitAH |
yathoktakAriNaM vipraM nayanti paramAM gatim || 6\.88||
sarveShAmapi chaiteShAM vedasmR^itividhAnataH | vedashrutividhAnataH 
gR^ihastha uchyate shreShThaH sa trInetAn bibharti hi || 6\.89||
yathA nadInadAH sarve sAgare yAnti sa.nsthitim |
tathaivAshramiNaH sarve gR^ihasthe yAnti sa.nsthitim || 6\.90||
chaturbhirapi chaivaitairnityamAshramibhirdvijaiH |
dashalakShaNako dharmaH sevitavyaH prayatnataH || 6\.91||
dhR^itiH kShamA damo.asteyaM shauchamindriyanigrahaH |
dhIrvidyA satyamakrodho dashakaM dharmalakShaNam || 6\.92||
dasha lakShaNAni dharmasya ye viprAH samadhIyate |
adhItya chAnuvartante te yAnti paramAM gatim || 6\.93||
dashalakShaNakaM dharmamanutiShThan samAhitaH |
vedAntaM vidhivatshrutvA sa.nnyasedanR^iNo dvijaH || 6\.94||
sa.nnyasya sarvakarmANi karmadoShAnapAnudan |
niyato vedamabhyasya putraishvarye sukhaM vaset || 6\.95||
evaM sa.nnyasya karmANi svakAryaparamo.aspR^ihaH |
sa.nnyAsenApahatyainaH prApnoti paramaM gatim || 6\.96||
eSha vo.abhihito dharmo brAhmaNasya chaturvidhaH |
puNyo.akShayaphalaH pretya rAj~nAM dharmaM nibodhata || 6\.97||

\section{adhyAya 7}
rAjadharmAn pravakShyAmi yathAvR^itto bhavennR^ipaH |
sambhavashcha yathA tasya siddhishcha paramA yathA || 7\.1||
brAhmaM prAptena sa.nskAraM kShatriyeNa yathAvidhi |
sarvasyAsya yathAnyAyaM kartavyaM parirakShaNam || 7\.2||
arAjake hi loke.asmin sarvato vidruto bhayAt |
rakShArthamasya sarvasya rAjAnamasR^ijatprabhuH || 7\.3||
indrAnilayamArkANAmagneshcha varuNasya cha |
chandravitteshayoshchaiva mAtrA nirhR^itya shAshvatIH || 7\.4||
yasmAdeShAM surendrANAM mAtrAbhyo nirmito nR^ipaH |
tasmAdabhibhavatyeSha sarvabhUtAni tejasA || 7\.5||
tapatyAdityavachchaiSha chakShU.nShi cha manA.nsi cha |
na chainaM bhuvi shaknoti kashchidapyabhivIkShitum || 7\.6||
so.agnirbhavati vAyushcha so.arkaH somaH sa dharmarAT |
sa kuberaH sa varuNaH sa mahendraH prabhAvataH || 7\.7|| sa chaindraH svaprabhAvataH

bAlo.api nAvamAntavyo manuShya iti bhUmipaH |
mahatI devatA hyeShA nararUpeNa tiShThati || 7\.8||
ekameva dahatyagnirnaraM durupasarpiNam |
kulaM dahati rAjA.agniH sapashudravyasa~nchayam || 7\.9||
kAryaM so.avekShya shaktiM cha deshakAlau cha tattvataH |
kurute dharmasiddhyarthaM vishvarUpaM punaH punaH || 7\.10||
yasya prasAde padmA shrIrvijayashcha parAkrame |
mR^ityushcha vasati krodhe sarvatejomayo hi saH || 7\.11||
taM yastu dveShTi sa.nmohAtsa vinashyatyasa.nshayam |
tasya hyAshu vinAshAya rAjA prakurute manaH || 7\.12||
tasmAddharmaM yamiShTeShu sa vyavasyennarAdhipaH |
aniShTaM chApyaniShTeShu taM dharmaM na vichAlayet || 7\.13||
tasyArthe sarvabhUtAnAM goptAraM dharmamAtmajam | tadarthaM
brahmatejomayaM daNDamasR^ijatpUrvamIshvaraH || 7\.14||
tasya sarvANi bhUtAni sthAvarANi charANi cha |
bhayAdbhogAya kalpante svadharmAtna chalanti cha || 7\.15||
taM deshakAlau shaktiM cha vidyAM chAvekShya tattvataH |
yathArhataH sampraNayennareShvanyAyavartiShu || 7\.16||
sa rAjA puruSho daNDaH sa netA shAsitA cha saH |
chaturNAmAshramANAM cha dharmasya pratibhUH smR^itaH || 7\.17||
daNDaH shAsti prajAH sarvA daNDa evAbhirakShati |
daNDaH supteShu jAgarti daNDaM dharmaM vidurbudhAH || 7\.18||
samIkShya sa dhR^itaH samyaksarvA ra~njayati prajAH |
asamIkShya praNItastu vinAshayati sarvataH || 7\.19||
yadi na praNayedrAjA daNDaM daNDyeShvatandritaH |
shUle matsyAnivApakShyan durbalAn balavattarAH || 7\.20||
adyAtkAkaH puroDAshaM  shvA cha lihyAddhavistathA | shvA.avalihyAdd
svAmyaM cha na syAtkasmi.nshchitpravartetAdharottaram || 7\.21||
sarvo daNDajito loko durlabho hi shuchirnaraH |
daNDasya hi bhayAtsarvaM jagadbhogAya kalpate || 7\.22||
devadAnavagandharvA rakShA.nsi patagoragAH |
te.api bhogAya kalpante daNDenaiva nipIDitAH || 7\.23||
duShyeyuH sarvavarNAshcha bhidyeran sarvasetavaH |
sarvalokaprakopashcha bhaveddaNDasya vibhramAt || 7\.24||
yatra shyAmo lohitAkSho daNDashcharati pApahA |
prajAstatra na muhyanti netA chetsAdhu pashyati || 7\.25||
tasyAhuH sampraNetAraM rAjAnaM satyavAdinam |
samIkShyakAriNaM prAj~naM dharmakAmArthakovidam || 7\.26||
taM rAjA praNayan samyaktrivargeNAbhivardhate |
kAmAtmA viShamaH kShudro daNDenaiva nihanyate || 7\.27|| kAmAndho 

daNDo hi sumahattejo durdharashchAkR^itAtmabhiH |
dharmAdvichalitaM hanti nR^ipameva sabAndhavam || 7\.28||
tato durgaM cha rAShTraM cha lokaM cha sacharAcharam |
antarikShagatA.nshchaiva munIn devA.nshcha pIDayet || 7\.29||
so.asahAyena mUDhena lubdhenAkR^itabuddhinA |
na shakyo nyAyato netuM saktena viShayeShu cha || 7\.30||
shuchinA satyasa.ndhena yathAshAstrAnusAriNA |
praNetuM shakyate daNDaH susahAyena dhImatA || 7\.31||
svarAShTre nyAyavR^ittaH syAdbhR^ishadaNDashcha shatruShu |
suhR^itsvajihmaH snigdheShu brAhmaNeShu kShamAnvitaH || 7\.32||
eva.nvR^ittasya nR^ipateH shilo~nChenApi jIvataH |
vistIryate yasho loke tailabindurivAmbhasi || 7\.33||
atastu viparItasya nR^ipaterajitAtmanaH |
sa~NkShipyate yasho loke ghR^itabindurivAmbhasi || 7\.34||
sve sve dharme niviShTAnAM sarveShAmanupUrvashaH |
varNAnAmAshramANAM cha rAjA sR^iShTo.abhirakShitA || 7\.35||
tena yadyatsabhR^ityena kartavyaM rakShatA prajAH |
tattadvo.ahaM pravakShyAmi yathAvadanupUrvashaH || 7\.36||
brAhmaNAn paryupAsIta prAtarutthAya pArthivaH |
traividyavR^iddhAn viduShastiShThetteShAM cha shAsane || 7\.37||
vR^iddhA.nshcha nityaM seveta viprAn vedavidaH shuchIn |
vR^iddhasevI hi satataM rakShobhirapi pUjyate || 7\.38||
tebhyo.adhigachChedvinayaM vinItAtmA.api nityashaH |
vinItAtmA hi nR^ipatirna vinashyati karhi chit || 7\.39||
bahavo.avinayAtnaShTA rAjAnaH saparichChadAH | saparigrahAH
vanasthA api rAjyAni vinayAtpratipedire || 7\.40||
veno vinaShTo.avinayAtnahuShashchaiva pArthivaH |
sudAH paijavanashchaiva sumukho nimireva cha || 7\.41||
pR^ithustu vinayAdrAjyaM prAptavAn manureva cha |
kuberashcha dhanaishvaryaM brAhmaNyaM chaiva gAdhijaH || 7\.42||
traividyebhyastrayIM vidyAM daNDanItiM cha shAshvatIm | trayIM vidyAt
AnvIkShikIM chAtmavidyAM vArtArambhA.nshcha lokataH || 7\.43||
indriyANAM jaye yogaM samAtiShTheddivAnisham |
jitaindriyo hi shaknoti vashe sthApayituM prajAH || 7\.44||
dasha kAmasamutthAni tathA.aShTau krodhajAni cha |
vyasanAni dur.antAni prayatnena vivarjayet || 7\.45||
kAmajeShu prasakto hi vyasaneShu mahIpatiH |
viyujyate.arthadharmAbhyAM krodhajeShvAtmanaiva tu || 7\.46||
mR^igayA.akSho divAsvapnaH parivAdaH striyo madaH |
tauryatrikaM vR^ithATyA cha kAmajo dashako gaNaH || 7\.47||
paishunyaM sAhasaM droha IrShyA.asUyA.arthadUShaNam |
vAgdaNDajaM cha pAruShyaM krodhajo.api gaNo.aShTakaH || 7\.48||
dvayorapyetayormUlaM yaM sarve kavayo viduH |
taM yatnena jayetlobhaM tajjAvetAvubhau gaNau || 7\.49||
pAnamakShAH striyashchaiva mR^igayA cha yathAkramam |
etatkaShTatamaM vidyAtchatuShkaM kAmaje gaNe || 7\.50||
daNDasya pAtanaM chaiva vAkpAruShyArthadUShaNe |
krodhaje.api gaNe vidyAtkaShTametattrikaM sadA || 7\.51||
saptakasyAsya vargasya sarvatraivAnuSha~NgiNaH |
pUrvaM pUrvaM gurutaraM vidyAdvyasanamAtmavAn || 7\.52||
vyasanasya cha mR^ityoshcha vyasanaM kaShTamuchyate |
vyasanyadho.adho vrajati svaryAtyavyasanI mR^itaH || 7\.53||
maulAn shAstravidaH shUrAn labdhalakShAn kulodbhavAn | kulodgatAn 
sachivAn sapta chAShTau vA prakurvIta parIkShitAn || 7\.54|| kurvIta suparIkShitAn

api yatsukaraM karma tadapyekena duShkaram |
visheShato.asahAyena kiM tu  rAjyaM mahodayam || 7\.55|| kiM nu 

taiH sArdhaM chintayennityaM sAmAnyaM sa.ndhivigraham |
sthAnaM samudayaM guptiM labdhaprashamanAni cha || 7\.56||
teShAM svaM svamabhiprAyamupalabhya pR^ithakpR^ithak |
samastAnAM cha kAryeShu vidadhyAddhitamAtmanaH || 7\.57||
sarveShAM tu vishiShTena brAhmaNena vipashchitA |
mantrayetparamaM mantraM rAjA ShADguNyasa.nyutam || 7\.58||
nityaM tasmin samAshvastaH sarvakAryANi niHkShipet | nikShipet
tena sArdhaM vinishchitya tataH karma samArabhet || 7\.59||
anyAnapi prakurvIta shuchIn prAj~nAnavasthitAn |
samyagarthasamAhartR^InamAtyAn suparIkShitAn || 7\.60||
nirvartetAsya yAvadbhiritikartavyatA nR^ibhiH |
tAvato.atandritAn dakShAn prakurvIta vichakShaNAn || 7\.61||
teShAmarthe niyu~njIta shUrAn dakShAn kulodgatAn |
shuchInAkarakarmAnte bhIrUnantarniveshane || 7\.62||
dUtaM chaiva prakurvIta sarvashAstravishAradam |
i~NgitAkAracheShTaj~naM shuchiM dakShaM kulodgatam || 7\.63||
anuraktaH shuchirdakShaH smR^itimAn deshakAlavit |
vapuShmAn vItabhIrvAgmI dUto rAj~naH prashasyate || 7\.64||
amAtye daNDa Ayatto daNDe vainayikI kriyA |
nR^ipatau kosharAShTre cha dUte sa.ndhiviparyayau || 7\.65||
dUta eva hi sa.ndhatte bhinattyeva cha sa.nhatAn |
dUtastatkurute karma bhidyante yena mAnavaH || 7\.66||
sa vidyAdasya kR^ityeShu nirgUDhe~NgitacheShTitaiH |
AkArami~NgitaM cheShTAM bhR^ityeShu cha chikIrShitam || 7\.67||
buddhvA cha sarvaM tattvena pararAjachikIrShitam |
tathA prayatnamAtiShThedyathA.atmAnaM na pIDayet || 7\.68||
jA~NgalaM sasyasampannamAryaprAyamanAvilam |
ramyamAnatasAmantaM svAjIvyaM deshamAvaset || 7\.69||
dhanvadurgaM mahIdurgamabdurgaM vArkShameva vA |
nR^idurgaM giridurgaM vA samAshritya vasetpuram || 7\.70||
sarveNa tu prayatnena giridurgaM samAshrayet |
eShAM hi bAhuguNyena giridurgaM vishiShyate || 7\.71||
trINyAdyAnyAshritAstveShAM mR^igagartAshrayApcharAH |
trINyuttarANi kramashaH plava~NgamanarAmarAH || 7\.72||
yathA durgAshritAnetAnnopahi.nsanti shatravaH |
tathA.arayo na hi.nsanti nR^ipaM durgasamAshritam || 7\.73||
ekaH shataM yodhayati prAkArastho dhanurdharaH |
shataM dashasahasrANi tasmAddurgaM vidhIyate || 7\.74||
tatsyAdAyudhasampannaM dhanadhAnyena vAhanaiH |
brAhmaNaiH shilpibhiryantrairyavasenodakena cha || 7\.75||
tasya madhye suparyAptaM kArayedgR^ihamAtmanaH |
guptaM sarvaR^itukaM shubhraM jalavR^ikShasamanvitam || 7\.76||
tadadhyAsyodvahedbhAryAM savarNAM lakShaNAnvitAm |
kule mahati sambhUtAM hR^idyAM rUpaguNAnvitAm || 7\.77||
purohitaM cha kurvIta vR^iNuyAdeva chartvijaH |
te.asya gR^ihyANi karmANi kuryurvaitAnikAni cha || 7\.78||
yajeta rAjA kratubhirvividhairAptadakShiNaiH |
dharmArthaM chaiva viprebhyo dadyAdbhogAn dhanAni cha || 7\.79||
sA.nvatsarikamAptaishcha rAShTrAdAhArayedbalim |
syAchchAmnAyaparo loke varteta pitR^ivatnR^iShu || 7\.80||
adhyakShAn vividhAn kuryAttatra tatra vipashchitaH |
te.asya sarvANyavekSherannR^iNAM kAryANi kurvatAm || 7\.81||
AvR^ittAnAM gurukulAdviprANAM pUjako bhavet |
nR^ipANAmakShayo hyeSha nidhirbrAhmo.abhidhIyate || 7\.82||
na taM stenA na chAmitrA haranti na cha nashyati |
tasmAdrAj~nA nidhAtavyo brAhmaNeShvakShayo nidhiH || 7\.83||
na skandate na vyathate na vinashyati karhi chit |  na skandati na chyavate
variShThamagnihotrebhyo brAhmaNasya mukhe hutam || 7\.84||
samamabrAhmaNe dAnaM dviguNaM brAhmaNabruve |
prAdhIte shatasAhasramanantaM vedapArage || 7\.85|| AchArye shatasAhasraM sahasraguNamAchArye

pAtrasya hi visheSheNa shraddadhAnatayaiva cha |
alpaM vA bahu vA pretya dAnasya phalamashnute || 7\.86||
(deshakAlavidhAnena dravyaM shraddhAsamanvitam |
pAtre pradIyate yattu taddharmasya prasAdhanam || 7\.87)
##(AlthougH MedhAtithi comments on the above shloka,
Jha's edition does not count it in his numbering of the text.)##
samottamAdhamai rAjA tvAhUtaH pAlayan prajAH |
na nivarteta sa~NgrAmAtkShAtraM dharmamanusmaran || 7\.87||
sa~NgrAmeShvanivartitvaM prajAnAM chaiva pAlanam |
shushrUShA brAhmaNAnAM cha rAj~nAM shreyaskaraM param || 7\.88||
AhaveShu mitho.anyonyaM jighA.nsanto mahIkShitaH |
yudhyamAnAH paraM shaktyA svargaM yAntyaparA~NmukhAH || 7\.89||
na kUTairAyudhairhanyAdyudhyamAno raNe ripUn |
na karNibhirnApi digdhairnAgnijvalitatejanaiH || 7\.90||
na cha hanyAtsthalArUDhaM na klIbaM na kR^itA~njalim |
na muktakeshaM nAsInaM na tavAsmIti vAdinam || 7\.91||
na suptaM na visa.nnAhaM na nagnaM na nirAyudham |
nAyudhyamAnaM pashyantaM na pareNa samAgatam || 7\.92||
nAyudhavyasanaprAptaM nArtaM nAtiparikShatam |
na bhItaM na parAvR^ittaM satAM dharmamanusmaran || 7\.93||
yastu bhItaH parAvR^ittaH sa~NgrAme hanyate paraiH |
bharturyadduShkR^itaM kiM chittatsarvaM pratipadyate || 7\.94||
yatchAsya sukR^itaM kiM chidamutrArthamupArjitam |
bhartA tatsarvamAdatte parAvR^ittahatasya tu || 7\.95||
rathAshvaM hastinaM ChatraM dhanaM dhAnyaM pashUn striyaH |
sarvadravyANi kupyaM cha yo yajjayati tasya tat || 7\.96||
rAj~nashcha dadyuruddhAramityeShA vaidikI shrutiH |
rAj~nA cha sarvayodhebhyo dAtavyamapR^ithagjitam || 7\.97||
eSho.anupaskR^itaH prokto yodhadharmaH sanAtanaH |
asmAddharmAnna chyaveta kShatriyo ghnan raNe ripUn || 7\.98||
alabdhaM chaiva lipseta labdhaM rakShetprayatnataH |
rakShitaM vardhayechchaiva vR^iddhaM pAtreShu nikShipet || 7\.99||
etachchaturvidhaM vidyAtpuruShArthaprayojanam |
asya nityamanuShThAnaM samyakkuryAdatandritaH || 7\.100||
alabdhamichCheddaNDena labdhaM rakShedavekShayA |
rakShitaM vardhayedvR^iddhyA vR^iddhaM pAtreShu nikShipet || 7\.101||
nityamudyatadaNDaH syAnnityaM vivR^itapauruShaH |
nityaM sa.nvR^itasa.nvAryo nityaM ChidrAnusAryareH || 7\.102||
nityamudyatadaNDasya kR^itsnamudvijate jagat |
tasmAtsarvANi bhUtAni daNDenaiva prasAdhayet || 7\.103||
amAyayaiva varteta na kathaM chana mAyayA |
budhyetAriprayuktAM cha mAyAM nityaM susa.nvR^itaH || 7\.104||
nAsya ChidraM paro vidyAdvidyAtChidraM parasya cha |
gUhetkUrma ivA~NgAni rakShedvivaramAtmanaH || 7\.105||
bakavatchintayedarthAn si.nhavatcha parAkrame |
vR^ikavatchAvalumpeta shashavatcha viniShpatet || 7\.106||
evaM vijayamAnasya ye.asya syuH paripanthinaH |
tAnAnayedvashaM sarvAn sAmAdibhirupakramaiH || 7\.107||
yadi te tu na tiShTheyurupAyaiH prathamaistribhiH |
daNDenaiva prasahyaitA.nshanakairvashamAnayet || 7\.108||
sAmAdInAmupAyAnAM chaturNAmapi paNDitAH |
sAmadaNDau prasha.nsanti nityaM rAShTrAbhivR^iddhaye || 7\.109||
yathoddharati nirdAtA kakShaM dhAnyaM cha rakShati |
tathA rakShennR^ipo rAShTraM hanyAchcha paripanthinaH || 7\.110||
mohAdrAjA svarAShTraM yaH karShayatyanavekShayA |
so.achirAdbhrashyate rAjyAtjIvitAtcha sabAndhavaH || 7\.111||
sharIrakarShaNAtprANAH kShIyante prANinAM yathA |
tathA rAj~nAmapi prANAH kShIyante rAShTrakarShaNAt || 7\.112||
rAShTrasya sa~Ngrahe nityaM vidhAnamidamAcharet |
susa~NgR^ihItarAShTre hi pArthivaH sukhamedhate || 7\.113||
dvayostrayANAM pa~nchAnAM madhye gulmamadhiShThitam |
tathA grAmashatAnAM cha kuryAdrAShTrasya sa~Ngraham || 7\.114||
grAmasyAdhipatiM kuryAddashagrAmapatiM tathA |
vi.nshatIshaM shateshaM cha sahasrapatimeva cha || 7\.115||
grAmadoShAn samutpannAn grAmikaH shanakaiH svayam |
sha.nsedgrAmadasheshAya dashesho vi.nshatIshine || 7\.116||
vi.nshatIshastu tatsarvaM shateshAya nivedayet |
sha.nsedgrAmashateshastu sahasrapataye svayam || 7\.117||
yAni rAjapradeyAni pratyahaM grAmavAsibhiH |
annapAnendhanAdIni grAmikastAnyavApnuyAt || 7\.118||
dashI kulaM tu bhu~njIta vi.nshI pa~ncha kulAni cha |
grAmaM grAmashatAdhyakShaH sahasrAdhipatiH puram || 7\.119||
teShAM grAmyANi kAryAni pR^ithakkAryANi chaiva hi |
rAj~no.anyaH sachivaH snigdhastAni pashyedatandritaH || 7\.120||
nagare nagare chaikaM kuryAtsarvArthachintakam |
uchchaiHsthAnaM ghorarUpaM nakShatrANAmiva graham || 7\.121||
sa tAnanuparikrAmetsarvAneva sadA svayam |
teShAM vR^ittaM pariNayetsamyagrAShTreShu tatcharaiH || 7\.122||
rAj~no hi rakShAdhikR^itAH parasvAdAyinaH shaThAH |
bhR^ityA bhavanti prAyeNa tebhyo rakShedimAH prajAH || 7\.123||
ye kAryikebhyo.arthameva gR^ihNIyuH pApachetasaH |
teShAM sarvasvamAdAya rAjA kuryAtpravAsanam || 7\.124||
rAjA karmasu yuktAnAM strINAM preShyajanasya cha | rAjakarmasu
pratyahaM kalpayedvR^ittiM sthAnaM karmAnurUpataH || 7\.125|| sthAnakarmAnurUpataH

paNo deyo.avakR^iShTasya ShaDutkR^iShTasya vetanam |
ShANmAsikastathA.achChAdo dhAnyadroNastu mAsikaH || 7\.126||
krayavikrayamadhvAnaM bhaktaM cha saparivyayam |
yogakShemaM cha samprekShya vaNijo dApayetkarAn || 7\.127||
yathA phalena yujyeta rAjA kartA cha karmaNAm |
tathA.avekShya nR^ipo rAShTre kalpayetsatataM karAn || 7\.128||
yathA.alpAlpamadantyAdyaM vAryokovatsaShaTpadAH |
tathA.alpAlpo grahItavyo rAShTrAdrAj~nAbdikaH karaH || 7\.129||
pa~nchAshadbhAga Adeyo rAj~nA pashuhiraNyayoH |
dhAnyAnAmaShTamo bhAgaH ShaShTho dvAdasha eva vA || 7\.130||
AdadItAtha ShaDbhAgaM drumAn samadhusarpiShAm |
gandhauShadhirasAnAM cha puShpamUlaphalasya cha || 7\.131||
patrashAkatR^iNAnAM cha charmaNAM vaidalasya cha |
mR^inmayAnAM cha bhANDAnAM sarvasyAshmamayasya cha || 7\.132||
mriyamANo.apyAdadIta na rAjA shrotriyAtkaram |
na cha kShudhA.asya sa.nsIdetshrotriyo viShaye vasan || 7\.133||
yasya rAj~nastu viShaye shrotriyaH sIdati kShudhA |
tasyApi tatkShudhA rAShTramachireNaiva sIdati || 7\.134||
shrutavR^itte viditvA.asya vR^ittiM dharmyAM prakalpayet |
sa.nrakShetsarvatashchainaM pitA putramivaurasam || 7\.135||
sa.nrakShyamANo rAj~nA yaM   kurute dharmamanvaham | rAj~nA.ayaM
tenAyurvardhate rAj~no draviNaM rAShTrameva cha || 7\.136||
yatkiM chidapi varShasya dApayetkarasa.nj~nitam |
vyavahAreNa jIvantaM rAjA rAShTre pR^ithagjanam || 7\.137||
kArukAn shilpinashchaiva shUdrA.nshchAtmopajIvinaH |
ekaikaM kArayetkarma mAsi mAsi mahIpatiH || 7\.138||
nochChindyAdAtmano mUlaM pareShAM chAtitR^iShNayA |
uchChindan hyAtmano mUlamAtmAnaM tA.nshcha pIDayet || 7\.139||
tIkShNashchaiva mR^idushcha syAtkAryaM vIkShya mahIpatiH |
tIkShNashchaiva mR^idushchaiva rAja bhavati sammataH || 7\.140||
amAtyamukhyaM dharmaj~naM prAj~naM dAntaM kulodgatam |
sthApayedAsane tasmin khinnaH kAryaikShaNe nR^iNAm || 7\.141||
evaM sarvaM vidhAyaidamitikartavyamAtmanaH |
yuktashchaivApramattashcha parirakShedimAH prajAH || 7\.142||
vikroshantyo yasya rAShTrAdhriyante dasyubhiH prajAH |
sampashyataH sabhR^ityasya mR^itaH sa na tu jIvati || 7\.143||
kShatriyasya paro dharmaH prajAnAmeva pAlanam |
nirdiShTaphalabhoktA hi rAjA dharmeNa yujyate || 7\.144||
utthAya pashchime yAme kR^itashauchaH samAhitaH |
hutAgnirbrAhmaNA.nshchArchya pravishetsa shubhAM sabhAm || 7\.145||
tatra sthitaH prajAH sarvAH pratinandya visarjayet |
visR^ijya cha prajAH sarvA mantrayetsaha mantribhiH || 7\.146||
giripR^iShThaM samAruhya prAsAdaM vA rahogataH |
araNye niHshalAke vA mantrayedavibhAvitaH || 7\.147||
yasya mantraM na jAnanti samAgamya pR^ithagjanAH |
sa kR^itsnAM pR^ithivIM bhu~Nkte koshahIno.api pArthivaH || 7\.148||
jaDamUkAndhabadhirA.nstairyagyonAn vayo.atigAn |
strImlechChavyAdhitavya~NgAn mantrakAle.apasArayet || 7\.149||
bhindantyavamatA mantraM tairyagyonAstathaiva cha |
striyashchaiva visheSheNa tasmAttatrAdR^ito bhavet || 7\.150||
madhya.ndine.ardharAtre vA vishrAnto vigataklamaH |
chintayeddharmakAmArthAn sArdhaM taireka eva vA || 7\.151|| sArthaM 

parasparaviruddhAnAM teShAM cha samupArjanam |
kanyAnAM sampradAnaM cha kumArANAM cha rakShaNam || 7\.152||
dUtasampreShaNaM chaiva kAryasheShaM tathaiva cha |
antaHpuraprachAraM cha praNidhInAM cha cheShTitam || 7\.153||
kR^itsnaM chAShTavidhaM karma pa~nchavargaM cha tattvataH |
anurAgAparAgau cha prachAraM maNDalasya cha || 7\.154||
madhyamasya prachAraM cha vijigIShoshcha cheShTitam |
udAsInaprachAraM cha shatroshchaiva prayatnataH || 7\.155||
etAH prakR^itayo mUlaM maNDalasya samAsataH |
aShTau chAnyAH samAkhyAtA dvAdashaiva tu tAH smR^itAH || 7\.156||
amAtyarAShTradurgArthadaNDAkhyAH pa~ncha chAparAH |
pratyekaM kathitA hyetAH sa~NkShepeNa dvisaptatiH || 7\.157||
anantaramariM vidyAdarisevinameva cha |
areranantaraM mitramudAsInaM tayoH param || 7\.158||
tAn sarvAnabhisa.ndadhyAtsAmAdibhirupakramaiH |
vyastaishchaiva samastaishcha pauruSheNa nayena cha || 7\.159||
sa.ndhiM cha vigrahaM chaiva yAnamAsanameva cha |
dvaidhIbhAvaM sa.nshrayaM cha ShaDguNA.nshchintayetsadA || 7\.160||
AsanaM chaiva yAnaM cha sa.ndhiM vigrahameva cha |
kAryaM vIkShya prayu~njIta dvaidhaM sa.nshrayameva cha || 7\.161||
sa.ndhiM tu dvividhaM vidyAdrAjA vigrahameva cha |
ubhe yAnAsane chaiva dvividhaH sa.nshrayaH smR^itaH || 7\.162||
samAnayAnakarmA cha viparItastathaiva cha |
tadA tvAyatisa.nyuktaH sa.ndhirj~neyo dvilakShaNaH || 7\.163||
svaya~NkR^itashcha kAryArthamakAle kAla eva vA |
mitrasya chaivApakR^ite dvividho vigrahaH smR^itaH || 7\.164||
ekAkinashchAtyayike kArye prApte yadR^ichChayA |
sa.nhatasya cha mitreNa dvividhaM yAnamuchyate || 7\.165||
kShINasya chaiva kramasho daivAtpUrvakR^itena vA |
mitrasya chAnurodhena dvividhaM smR^itamAsanam || 7\.166||
balasya svAminashchaiva sthitiH kAryArthasiddhaye |
dvividhaM kIrtyate dvaidhaM ShADguNyaguNavedibhiH || 7\.167||
arthasampAdanArthaM cha pIDyamAnasya shatrubhiH |
sAdhuShu vyapadeshashcha dvividhaH sa.nshrayaH smR^itaH || 7\.168||
yadA.avagachChedAyatyAmAdhikyaM dhruvamAtmanaH |
tadAtve chAlpikAM pIDAM tadA sa.ndhiM samAshrayet || 7\.169||
yadA prahR^iShTA manyeta sarvAstu prakR^itIrbhR^isham |
atyuchChritaM tathAtmAnaM tadA kurvIta vigraham || 7\.170||
yadA manyeta bhAvena hR^iShTaM puShTaM balaM svakam |
parasya viparItaM cha tadA yAyAdripuM prati || 7\.171||
yadA tu syAtparikShINo vAhanena balena cha |
tadAsIta prayatnena shanakaiH sAntvayannarIn || 7\.172||
manyetAriM yadA rAjA sarvathA balavattaram |
tadA dvidhA balaM kR^itvA sAdhayetkAryamAtmanaH || 7\.173||
yadA parabalAnAM tu gamanIyatamo bhavet |
tadA tu sa.nshrayetkShipraM dhArmikaM balinaM nR^ipam || 7\.174||
nigrahaM prakR^itInAM cha kuryAdyo.aribalasya cha |
upaseveta taM nityaM sarvayatnairguruM yathA || 7\.175||
yadi tatrApi sampashyeddoShaM sa.nshrayakAritam |
suyuddhameva tatrApi nirvisha~NkaH samAcharet || 7\.176||
sarvopAyaistathA kuryAnnItij~naH pR^ithivIpatiH |
yathA.asyAbhyadhikA na syurmitrodAsInashatravaH || 7\.177||
AyatiM sarvakAryANAM tadAtvaM cha vichArayet |
atItAnAM cha sarveShAM guNadoShau cha tattvataH || 7\.178||
AyatyAM guNadoShaj~nastadAtve kShipranishchayaH |
atIte kAryasheShaj~naH shatrubhirnAbhibhUyate || 7\.179||
yathainaM nAbhisa.ndadhyurmitrodAsInashatravaH |
tathA sarvaM sa.nvidadhyAdeSha sAmAsiko nayaH || 7\.180||
tadA tu yAnamAtiShThedarirAShTraM prati prabhuH |
tadAnena vidhAnena yAyAdaripuraM shanaiH || 7\.181||
mArgashIrShe shubhe mAsi yAyAdyAtrAM mahIpatiH |
phAlgunaM vAtha chaitraM vA mAsau prati yathAbalam || 7\.182||
anyeShvapi tu kAleShu yadA pashyeddhruvaM jayam |
tadA yAyAdvigR^ihyaiva vyasane chotthite ripoH || 7\.183||
kR^itvA vidhAnaM mUle tu yAtrikaM cha yathAvidhi |
upagR^ihyAspadaM chaiva chArAn samyagvidhAya cha || 7\.184||
sa.nshodhya trividhaM mArgaM ShaDvidhaM cha balaM svakam |
sAmparAyikakalpena yAyAdaripuraM prati || 7\.185||
shatrusevini mitre cha gUDhe yuktataro bhavet |
gatapratyAgate chaiva sa hi kaShTataro ripuH || 7\.186||
daNDavyUhena tan mArgaM yAyAttu shakaTena vA |
varAhamakarAbhyAM vA sUchyA vA garuDena vA || 7\.187||
yatashcha bhayamAsha~Nkettato vistArayedbalam |
padmena chaiva vyUhena nivisheta sadA svayam || 7\.188||
senApatibalAdhyakShau sarvadikShu niveshayet |
yatashcha bhayamAsha~NketprAchIM tAM kalpayeddisham || 7\.189||
gulmA.nshcha sthApayedAptAn kR^itasa.nj~nAn samantataH |
sthAne yuddhe cha kushalAnabhIrUnavikAriNaH || 7\.190||
sa.nhatAn yodhayedalpAn kAmaM vistArayedbahUn |
sUchyA vajreNa chaivaitAn vyUhena vyUhya yodhayet || 7\.191||
syandanAshvaiH same yudhyedanUpenodvipaistathA |
vR^ikShagulmAvR^ite chApairasicharmAyudhaiH sthale || 7\.192||
kurukShetrA.nshcha matsyA.nshcha pa~nchAlA.nshUrasenajAn | kaurakShetrA.nshcha
dIrghA.nllaghU.nshchaiva narAnagrAnIkeShu yojayet || 7\.193||
praharShayedbalaM vyUhya tA.nshcha samyakparIkShayet | bhR^ishaM parIkShayet)
cheShTAshchaiva vijAnIyAdarIn yodhayatAmapi || 7\.194||
uparudhyArimAsIta rAShTraM chAsyopapIDayet |
dUShayechchAsya satataM yavasAnnodakaindhanam || 7\.195||
bhindyAchchaiva taDAgAni prAkAraparikhAstathA |
samavaskandayechchainaM rAtrau vitrAsayettathA || 7\.196||
upajapyAnupajapedbudhyetaiva cha tatkR^itam |
yukte cha daive yudhyeta jayaprepsurapetabhIH || 7\.197||
sAmnA dAnena bhedena samastairatha vA pR^ithak |
vijetuM prayatetArInna yuddhena kadA chana || 7\.198|| ariM

anityo vijayo yasmAddR^ishyate yudhyamAnayoH |
parAjayashcha sa~NgrAme tasmAdyuddhaM vivarjayet || 7\.199||
trayANAmapyupAyAnAM pUrvoktAnAmasambhave |
tathA yudhyeta sampanno vijayeta ripUn yathA || 7\.200||
jitvA sampUjayeddevAn brAhmaNA.nshchaiva dhArmikAn |
pradadyAtparihArArthaM khyApayedabhayAni cha || 7\.201||
sarveShAM tu viditvaiShAM samAsena chikIrShitam |
sthApayettatra tadva.nshyaM kuryAchcha samayakriyAm || 7\.202||
pramANAni cha kurvIta teShAM dharmAn yathoditAn |
ratnaishcha pUjayedenaM pradhAnapuruShaiH saha || 7\.203||
AdAnamapriyakaraM dAnaM cha priyakArakam |
abhIpsitAnAmarthAnAM kAle yuktaM prashasyate ||  7\.204|| kAlayuktaM

sarvaM karmaidamAyattaM vidhAne daivamAnuShe |
tayordaivamachintyaM tu mAnuShe vidyate kriyA || 7\.205||
## The followingthree shlokas are found only
 in MedhAtithi's commentary##
daivena vidhinA yuktaM mAnuShyaM yatpravartate |
parikleshena mahatA tadarthasya samAdhakam || 7\.207
sa.nyuktasyApi daivena puruShakAreNa varjitam |
vinA puruShakAreNa phalaM kShetraM prayachChati || 7\.208
chandrArkAdyA grahA vAyuragnirApastathaiva cha |
iha daivena sAdhyante pauruSheNa prayatnataH || 7\.209)
saha vA.api vrajedyuktaH sa.ndhiM kR^itvA prayatnataH |
mitraM hiraNyaM bhUmiM vA sampashya.nstrividhaM phalam || 7\.206||
pArShNigrAhaM cha samprekShya tathAkrandaM cha maNDale |
mitrAdathApyamitrAdvA yAtrAphalamavApnuyAt || 7\.207||
hiraNyabhUmisamprAptyA pArthivo na tathaidhate |
yathA mitraM dhruvaM labdhvA kR^ishamapyAyatikShamam || 7\.208||
dharmaj~naM cha kR^itaj~naM cha tuShTaprakR^itimeva cha |
anuraktaM sthirArambhaM laghumitraM prashasyate || 7\.209||
prAj~naM kulInaM shUraM cha dakShaM dAtArameva cha |
kR^itaj~naM dhR^itimantaM cha kaShTamAhurariM budhAH || 7\.210||
AryatA puruShaj~nAnaM shauryaM karuNaveditA |
sthaulalakShyaM cha satatamudAsInaguNaudayaH || 7\.211||
kShemyAM sasyapradAM nityaM pashuvR^iddhikarImapi |
parityajennR^ipo bhUmimAtmArthamavichArayan || 7\.212||
ApadarthaM dhanaM rakSheddArAn rakSheddhanairapi | Apadarthe
AtmAnaM satataM rakSheddArairapi dhanairapi || 7\.213||
saha sarvAH samutpannAH prasamIkShyApado bhR^isham |
sa.nyuktA.nshcha viyuktA.nshcha sarvopAyAn sR^ijedbudhaH || 7\.214||
upetAramupeyaM cha sarvopAyA.nshcha kR^itsnashaH |
etattrayaM samAshritya prayatetArthasiddhaye || 7\.215||
evaM sarvamidaM rAjA saha sammantrya mantribhiH |
vyAyamyAplutya madhyAhne bhoktumantaHpuraM vishet || 7\.216||
tatrAtmabhUtaiH kAlaj~nairahAryaiH parichArakaiH |
suparIkShitamannAdyamadyAn mantrairviShApahaiH || 7\.217||
viShaghnairagadaishchAsya sarvadravyANi yojayet | viShaghnairudakaishchAsya sarvadravyANi shodhayet
viShaghnAni cha ratnAni niyato dhArayetsadA || 7\.218||
parIkShitAH striyashchainaM vyajanodakadhUpanaiH |
veShAbharaNasa.nshuddhAH spR^isheyuH susamAhitAH || 7\.219||
evaM prayatnaM kurvIta yAnashayyA.a.asanAshane |
snAne prasAdhane chaiva sarvAla~NkArakeShu cha || 7\.220||
bhuktavAn viharechchaiva strIbhirantaHpure saha |
vihR^itya tu yathAkAlaM punaH kAryANi chintayet || 7\.221||
ala~NkR^itashcha sampashyedAyudhIyaM punarjanam |
vAhanAni cha sarvANi shastrANyAbharaNAni cha || 7\.222||
sa.ndhyAM chopAsya shR^iNuyAdantarveshmani shastrabhR^it |
rahasyAkhyAyinAM chaiva praNidhInAM cha cheShTitam || 7\.223||
gatvA kakShAntaraM tvanyatsamanuj~nApya taM janam |
pravishedbhojanArthaM cha strIvR^ito.antaHpuraM punaH || 7\.224||
tatra bhuktvA punaH kiM chittUryaghoShaiH praharShitaH |
sa.nvishettaM yathAkAlamuttiShThechcha gataklamaH || 7\.255||
etadvidhAnamAtiShThedarogaH pR^ithivIpatiH |
asvasthaH sarvametattu bhR^ityeShu viniyojayet || 7\.226||

\section{adhyAya 8}
vyavahArAn didR^ikShustu brAhmaNaiH saha pArthivaH |
mantraj~nairmantribhishchaiva vinItaH pravishetsabhAm || 8\.1||
tatrAsInaH sthito vA.api pANimudyamya dakShiNam |
vinItaveShAbharaNaH pashyetkAryANi kAryiNAm || 8\.2||
pratyahaM deshadR^iShTaishcha shAstradR^iShTaishcha hetubhiH |
aShTAdashasu mArgeShu nibaddhAni pR^ithakpR^ithak || 8\.3||
teShAmAdyaM R^iNAdAnaM nikShepo.asvAmivikrayaH |
sambhUya cha samutthAnaM dattasyAnapakarma cha || 8\.4||
vetanasyaiva chAdAnaM sa.nvidashcha vyatikramaH |
krayavikrayAnushayo vivAdaH svAmipAlayoH || 8\.5||
sImAvivAdadharmashcha pAruShye daNDavAchike |
steyaM cha sAhasaM chaiva strIsa~NgrahaNameva cha || 8\.6||
strIpu.ndharmo vibhAgashcha dyUtamAhvaya eva cha |
padAnyaShTAdashaitAni vyavahArasthitAviha || 8\.7||
eShu sthAneShu bhUyiShThaM vivAdaM charatAM nR^iNAm |
dharmaM shAshvatamAshritya kuryAtkAryavinirNayam || 8\.8||
yadA svayaM na kuryAttu nR^ipatiH kAryadarshanam |
tadA niyu~njyAdvidvA.nsaM brAhmaNaM kAryadarshane || 8\.9||
so.asya kAryANi sampashyetsabhyaireva tribhirvR^itaH |
sabhAmeva pravishyAgryAmAsInaH sthita eva vA || 8\.10||
yasmin deshe niShIdanti viprA vedavidastrayaH |
rAj~nashchAdhikR^ito vidvAn brahmaNastAM sabhAM viduH || 8\.11||
dharmo viddhastvadharmeNa sabhAM yatropatiShThate |
shalyaM chAsya na kR^intanti viddhAstatra sabhAsadaH || 8\.12||
sabhAM vA na praveShTavyaM vaktavyaM vA sama~njasam | sabhA vA na praveShTavyA
abruvan vibruvan vA.api naro bhavati kilbiShI || 8\.13||
yatra dharmo hyadharmeNa satyaM yatrAnR^itena cha |
hanyate prekShamANAnAM hatAstatra sabhAsadaH || 8\.14||
dharma eva hato hanti dharmo rakShati rakShitaH |
tasmAddharmo na hantavyo mA no dharmo hato.avadhIt || 8\.15|| vadhIt

vR^iSho hi bhagavAn dharmastasya yaH kurute hyalam | tvalam
vR^iShalaM taM vidurdevAstasmAddharmaM na lopayet || 8\.16||
eka eva suhR^iddharmo nidhAne.apyanuyAti yaH |
sharIreNa samaM nAshaM sarvamanyadhi gachChati || 8\.17||
pAdo.adharmasya kartAraM pAdaH sAkShiNaM R^ichChati |
pAdaH sabhAsadaH sarvAn pAdo rAjAnamR^ichChati || 8\.18||
rAjA bhavatyanenAstu muchyante cha sabhAsadaH |
eno gachChati kartAraM nindA.arho yatra nindyate || 8\.19||
jAtimAtropajIvI vA kAmaM syAdbrAhmaNabruvaH |
dharmapravaktA nR^ipaterna shUdraH katha.nchana || 8\.20||
yasya shUdrastu kurute rAj~no dharmavivechanam |
tasya sIdati tadrAShTraM pa~Nke gauriva pashyataH || 8\.21||
yadrAShTraM shUdrabhUyiShThaM nAstikAkrAntamadvijam |
vinashyatyAshu tatkR^itsnaM durbhikShavyAdhipIDitam || 8\.22||
dharmAsanamadhiShThAya sa.nvItA~NgaH samAhitaH |
praNamya lokapAlebhyaH kAryadarshanamArabhet || 8\.23||
arthAnarthAvubhau buddhvA dharmAdharmau cha kevalau |
varNakrameNa sarvANi pashyetkAryANi kAryiNAm || 8\.24||
bAhyairvibhAvayetli~NgairbhAvamantargataM nR^iNAm |
svaravarNai~NgitAkAraishchakShuShA cheShTitena cha || 8\.25||
AkArairi~NgitairgatyA cheShTayA bhAShitena cha |
netravaktravikAraishcha gR^ihyate.antargataM manaH || 8\.26||
bAladAyAdikaM rikthaM tAvadrAjA.anupAlayet |
yAvatsa syAtsamAvR^itto yAvatchAtItashaishavaH || yAvadvA.atItashaishavaH 8\.27||
vashA.aputrAsu chaivaM syAdrakShaNaM niShkulAsu cha |
pativratAsu cha strIShu vidhavAsvAturAsu cha || 8\.28||
jIvantInAM tu tAsAM ye tadhareyuH svabAndhavAH |
tA.nshiShyAtchauradaNDena dhArmikaH pR^ithivIpatiH || 8\.29||
praNaShTasvAmikaM rikthaM rAjA tryabdaM nidhApayet |
arvAktryabdAddharetsvAmI pareNa nR^ipatirharet || 8\.30||
mamaidamiti yo brUyAtso.anuyojyo yathAvidhi |
sa.nvAdya rUpasa~NkhyAdIn svAmI taddravyamarhati || 8\.31||
avedayAno naShTasya deshaM kAlaM cha tattvataH |
varNaM rUpaM pramANaM cha tatsamaM daNDamarhati || 8\.32||
AdadItAtha ShaDbhAgaM pranaShTAdhigatAnnR^ipaH |
dashamaM dvAdashaM vA.api satAM dharmamanusmaran || 8\.33||
praNaShTAdhigataM dravyaM tiShThedyuktairadhiShThitam |
yA.nstatra chaurAn gR^ihNIyAttAn rAjaibhena ghAtayet || 8\.34||
mamAyamiti yo brUyAnnidhiM satyena mAnavaH |
tasyAdadIta ShaDbhAgaM rAjA dvAdashameva vA || 8\.35||
anR^itaM tu vadan daNDyaH svavittasyA.nshamaShTamam |
tasyaiva vA nidhAnasya sa~NkhyayA.alpIyasIM kalAm || 8\.36||
vidvA.nstu brAhmaNo dR^iShTvA pUrvopanihitaM nidhim |
asheShato.apyAdadIta sarvasyAdhipatirhi saH || 8\.38||
yaM tu pashyennidhiM rAjA purANaM nihitaM kShitau |
tasmAddvijebhyo dattvA.ardhamardhaM koshe praveshayet || 8\.38||
nidhInAM tu purANAnAM dhAtUnAmeva cha kShitau |
ardhabhAgrakShaNAdrAjA bhUmeradhipatirhi saH || 8\.39||
dAtavyaM sarvavarNebhyo rAj~nA chaurairhR^itaM dhanam |
rAjA tadupayu~njAnashchaurasyApnoti kilbiSham || 8\.40||
jAtijAnapadAn dharmAn shreNIdharmA.nshcha dharmavit |
samIkShya kuladharmA.nshcha svadharmaM pratipAdayet || 8\.41||
svAni karmANi kurvANA dUre santo.api mAnavAH |
priyA bhavanti lokasya sve sve karmaNyavasthitAH || 8\.42||
notpAdayetsvayaM kAryaM rAjA nApyasya pUruShaH |
na cha prApitamanyena grasedarthaM kathaM chana ||  8\.43|| grasetArthaM

yathA nayatyasR^ikpAtairmR^igasya mR^igayuH padam |
nayettathA.anumAnena dharmasya nR^ipatiH padam || 8\.44||
satyamarthaM cha sampashyedAtmAnamatha sAkShiNaH | sAkShiNam
deshaM rUpaM cha kAlaM cha vyavahAravidhau sthitaH || 8\.45||
sadbhirAcharitaM yatsyAddhArmikaishcha dvijAtibhiH |
taddeshakulajAtInAmaviruddhaM prakalpayet || 8\.46||
adhamarNArthasiddhyarthamuttamarNena choditaH |
dApayeddhanikasyArthamadhamarNAdvibhAvitam || 8\.47||
yairyairupAyairarthaM svaM prApnuyAduttamarNikaH |
tairtairupAyaiH sa~NgR^ihya dApayedadhamarNikam || 8\.48||
dharmeNa vyavahAreNa ChalenAcharitena cha |
prayuktaM sAdhayedarthaM pa~nchamena balena cha || 8\.49||
yaH svayaM sAdhayedarthamuttamarNo.adhamarNikAt |
na sa rAj~nA.abhiyoktavyaH svakaM sa.nsAdhayan dhanam || 8\.50||
arthe.apavyayamAnaM tu karaNena vibhAvitam |
dApayeddhanikasyArthaM daNDaleshaM cha shaktitaH || 8\.51||
apahnave.adhamarNasya dehItyuktasya sa.nsadi |
abhiyoktA disheddeshyaM karaNaM vA.anyaduddishet || 8\.52||
adeshyaM yashcha dishati nirdishyApahnute cha yaH |
yashchAdharottarAnarthAn vigItAnnAvabudhyate || 8\.53||
apadishyApadeshyaM cha punaryastvapadhAvati | apadishyApadeshaM
samyakpraNihitaM chArthaM pR^iShTaH sannAbhinandati || 8\.54||
asambhAShye sAkShibhishcha deshe sambhAShate mithaH |
niruchyamAnaM prashnaM cha nechChedyashchApi niShpatet || 8\.55||
brUhItyuktashcha na brUyAduktaM cha na vibhAvayet |
na cha pUrvAparaM vidyAttasmAdarthAtsa hIyate || 8\.56||
sAkShiNaH santi metyuktvA dishetyukto dishenna yaH | j~nAtAraH santi metyuktvA
dharmasthaH kAraNairetairhInaM tamapi nirdishet || 8\.57|| tamiti nirdishet

abhiyoktA na chedbrUyAdbadhyo daNDyashcha  dharmataH | bandhyo daNDyashcha
na chettripakShAtprabrUyAddharmaM prati parAjitaH || 8\.58||
yo yAvadnihnuvItArthaM mithyA yAvati vA vadet |
tau nR^ipeNa hyadharmaj~nau dApyau taddviguNaM damam || 8\.59||
pR^iShTo.apavyayamAnastu kR^itAvastho dhaneShiNA |
tryavaraiH sAkShibhirbhAvyo nR^ipabrAhmaNasa.nnidhau || 8\.60||
yAdR^ishA dhanibhiH kAryA vyavahAreShu sAkShiNaH |
tAdR^ishAn sampravakShyAmi yathA vAchyaM R^itaM cha taiH || 8\.61||
gR^ihiNaH putriNo maulAH kShatravidshUdrayonayaH |
arthyuktAH sAkShyamarhanti na ye ke chidanApadi || 8\.62||
AptAH sarveShu varNeShu kAryAH kAryeShu sAkShiNaH |
sarvadharmavido.alubdhA viparItA.nstu varjayet || 8\.63||
nArthasambandhino nAptA na sahAyA na vairiNaH |
na dR^iShTadoShAH kartavyA na vyAdhyArtA na dUShitAH || 8\.64||
na sAkShI nR^ipatiH kAryo na kArukakushIlavau |
na shrotriyo na li~Ngastho na sa~Ngebhyo vinirgataH || 8\.65||
nAdhyadhIno na vaktavyo na dasyurna vikarmakR^it |
na vR^iddho na shishurnaiko nAntyo na vikalendriyaH || 8\.66||
nArto na matto nonmatto na kShuttR^iShNopapIDitaH |
na shramArto na kAmArto na kruddho nApi taskaraH || 8\.67||
strINAM sAkShyaM striyaH kuryurdvijAnAM sadR^ishA dvijAH |
shUdrAshcha santaH shUdrANAM  antyAnAmantyayonayaH || 8\.68||
anubhAvI tu yaH kashchitkuryAtsAkShyaM vivAdinAm |
antarveshmanyaraNye vA sharIrasyApi chAtyaye || 8\.69||
striyA.apyasambhAve kAryaM bAlena sthavireNa vA |
shiShyeNa bandhunA vA.api dAsena bhR^itakena vA || 8\.70||
bAlavR^iddhAturANAM cha sAkShyeShu vadatAM mR^iShA |
jAnIyAdasthirAM vAchamutsiktamanasAM tathA || 8\.71||
sAhaseShu cha sarveShu steyasa~NgrahaNeShu cha |
vAgdaNDayoshcha pAruShye na parIkSheta sAkShiNaH || 8\.72||
bahutvaM parigR^ihNIyAtsAkShidvaidhe narAdhipaH |
sameShu tu guNotkR^iShTAn guNidvaidhe dvijottamAn || 8\.73||
samakShadarshanAtsAkShyaM shravaNAchchaiva sidhyati |
tatra satyaM bruvan sAkShI dharmArthAbhyAM na hIyate || 8\.74||
sAkShI dR^iShTashrutAdanyadvibruvannAryasa.nsadi |
avA~Nnarakamabhyeti pretya svargAchcha hIyate || 8\.75||
yatrAnibaddho.apIkSheta shR^iNuyAdvA.api kiM chana |
pR^iShTastatrApi tadbrUyAdyathAdR^iShTaM yathAshrutam || 8\.76||
eko.alubdhastu sAkShI syAdbahvyaH shuchyo.api na striyaH | tvasAkShI
strIbuddherasthiratvAttu doShaishchAnye.api ye vR^itAH || 8\.77||
svabhAvenaiva yadbrUyustadgrAhyaM vyAvahArikam |
ato yadanyadvibrUyurdharmArthaM tadapArthakam || 8\.78||
sabhAntaH sAkShiNaH prAptAnarthipratyarthisa.nnidhau |
prADvivAko.anuyu~njIta vidhinA.anena sAntvayan || 8\.79||
yaddvayoranayorvettha kArye.asmi.nshcheShTitaM mithaH |
tadbrUta sarvaM satyena yuShmAkaM hyatra sAkShitA || 8\.80||
satyaM sAkShye bruvan sAkShI lokAn  ApnotyapuShkalAn | ApnotyaninditAn
iha chAnuttamAM kIrtiM vAgeShA brahmapUjitA || 8\.81||
sAkShye.anR^itaM vadan pAshairbadhyate vAruNairbhR^isham |
vivashaH shatamAjAtIstasmAtsAkShyaM vadedR^itam || 8\.82||
satyena pUyate sAkShI dharmaH satyena vardhate |
tasmAtsatyaM hi vaktavyaM sarvavarNeShu sAkShibhiH || 8\.83||
Atmaiva hyAtmanaH sAkShI gatirAtmA tathA.atmanaH |
mA.avama.nsthAH svamAtmAnaM nR^iNAM sAkShiNamuttamam || 8\.84||
manyante vai pApakR^ito na kashchitpashyatIti naH |
tA.nstu devAH prapashyanti svasyaivAntarapUruShaH || 8\.85||
dyaurbhUmirApo hR^idayaM chandrArkAgniyamAnilAH |
rAtriH sa.ndhye cha dharmashcha vR^ittaj~nAH sarvadehinAm || 8\.86||
devabrAhmaNasA.nnidhye sAkShyaM pR^ichChedR^itaM dvijAn |
uda~NmukhAn prA~NmukhAn vA pUrvAhNe vai shuchiH shuchIn || 8\.87||
brUhIti brAhmaNaM pR^ichChetsatyaM brUhIti pArthivam |
gobIjakA~nchanairvaishyaM shUdraM sarvaistu pAtakaiH || 8\.88||
brahmaghno ye smR^itA lokA ye cha strIbAlaghAtinaH |
mitradruhaH kR^itaghnasya te te syurbruvato mR^iShA || 8\.89||
janmaprabhR^iti yatkiM chitpuNyaM bhadra tvayA kR^itam |
tatte sarvaM shuno gachChedyadi brUyAstvamanyathA || 8\.90||
eko.ahamasmItyAtmAnaM yastvaM kalyANa manyase |
nityaM sthitaste hR^idyeSha puNyapApaikShitA muniH || 8\.91||
yamo vaivasvato devo yastavaiSha hR^idi sthitaH |
tena chedavivAdaste mA ga~NgAM mA kurUn gamaH || 8\.92||
nagno muNDaH kapAlena cha bhikShArthI kShutpipAsitaH | kapAlI
andhaH shatrukulaM gachChedyaH sAkShyamanR^itaM vadet || 8\.93||
avAkShirAstamasyandhe kilbiShI narakaM vrajet |
yaH prashnaM vitathaM brUyAtpR^iShTaH san dharmanishchaye || 8\.94||
andho matsyAnivAshnAti sa naraH kaNTakaiH saha |
yo bhAShate.arthavaikalyamapratyakShaM sabhAM gataH || 8\.95||
yasya vidvAn hi vadataH kShetraj~no nAbhisha~Nkate | nAtisha~Nkate
tasmAnna devAH shreyA.nsaM loke.anyaM puruShaM viduH || 8\.96||
yAvato bAndhavAn yasmin hanti sAkShye.anR^itaM vadan |
tAvataH sa~NkhyayA tasmin shR^iNu saumyAnupUrvashaH || 8\.97||
pa~ncha pashvanR^ite hanti dasha hanti gavAnR^ite |
shatamashvAnR^ite hanti sahasraM puruShAnR^ite || 8\.98||
hanti jAtAnajAtA.nshcha hiraNyArthe.anR^itaM vadan |
sarvaM bhUmianR^ite hanti mA sma bhUmianR^itaM vadIH || 8\.99||
apsu bhUmivadityAhuH strINAM bhoge cha maithune |
abjeShu chaiva ratneShu sarveShvashmamayeShu cha || 8\.100||
etAn doShAnavekShya tvaM sarvAnanR^itabhAShaNe |
yathAshrutaM yathAdR^iShTaM sarvamevA~njasA vada || 8\.101||
gorakShakAn vANijikA.nstathA kArukushIlavAn | vANijakA.nstathA
preShyAn vArdhuShikA.nshchaiva viprAn shUdravadAcharet || 8\.102||
tadvadan dharmato.artheShu jAnannapyanythA naraH |
na svargAchchyavate lokAddaivIM vAchaM vadanti tAm || 8\.103||
shUdraviT.hkShatraviprANAM yatraR^itoktau bhavedvadhaH |
tatra vaktavyamanR^itaM tadhi satyAdvishiShyate || 8\.104||
vAgdaivatyaishcha charubhiryajera.nste sarasvatIm |
anR^itasyainasastasya kurvANA niShkR^itiM parAm || 8\.105||
kUShmANDairvA.api juhuyAdghR^itamagnau yathAvidhi |
udityR^ichA vA vAruNyA tR^ichenAbdaivatena vA || 8\.106||
tripakShAdabruvan sAkShyaM R^iNAdiShu naro.agadaH |
tadR^iNaM prApnuyAtsarvaM dashabandhaM cha sarvataH || 8\.107||
yasya dR^ishyeta saptAhAduktavAkyasya sAkShiNaH |
rogo.agnirj~nAtimaraNaM R^iNaM dApyo damaM cha saH || 8\.108||
asAkShikeShu tvartheShu mitho vivadamAnayoH |
avinda.nstattvataH satyaM shapathenApi lambhayet || 8\.109||
maharShibhishcha devaishcha kAryArthaM shapathAH kR^itAH |
vasiShThashchApi shapathaM shepe paijavane nR^ipe || 8\.110||
na vR^ithA shapathaM kuryAtsvalpe.apyarthe naro budhaH |
vR^ithA hi shapathaM kurvan pretya chaiha cha nashyati || 8\.111||
kAminIShu vivAheShu gavAM bhakShye tathendhane |
brAhmaNAbhyupapattau cha shapathe nAsti pAtakam || 8\.112||
satyena shApayedvipraM kShatriyaM vAhanAyudhaiH |
gobIjakA~nchanairvaishyaM shUdraM sarvaistu pAtakaiH || 8\.113||
agniM vA.ahArayedenamapsu chainaM nimajjayet |
putradArasya vApyenaM shirA.nsi sparshayetpR^ithak || 8\.114||
yamiddho na dahatyagnirApo nonmajjayanti cha |
na chArtiM R^ichChati kShipraM sa j~neyaH shapathe shuchiH || 8\.115||
vatsasya hyabhishastasya purA bhrAtrA yavIyasA |
nAgnirdadAha romApi satyena jagataH spashaH || 8\.116||
yasmin yasmin vivAde tu kauTasAkShyaM kR^itaM bhavet |
tattatkAryaM nivarteta kR^itaM chApyakR^itaM bhavet || 8\.117||
lobhAnmohAdbhayAtmaitrAtkAmAtkrodhAttathaiva cha |
aj~nAnAdbAlabhAvAtcha sAkShyaM vitathamuchyate || 8\.118||
eShAmanyatame sthAne yaH sAkShyamanR^itaM vadet |
tasya daNDavisheShA.nstu pravakShyAmyanupUrvashaH || 8\.119||
lobhAtsahasraM daNDyastu mohAtpUrvaM tu sAhasam |
bhayAddvau madhyamau daNDau maitrAtpUrvaM chaturguNam || 8\.120||
kAmAddashaguNaM pUrvaM krodhAttu triguNaM param |
aj~nAnAddve shate pUrNe bAlishyAtshatameva tu || 8\.121||
etAnAhuH kauTasAkShye proktAn daNDAn manIShibhiH |
dharmasyAvyabhichArArthamadharmaniyamAya cha || 8\.122||
kauTasAkShyaM tu kurvANA.nstrIn varNAn dhArmiko nR^ipaH |
pravAsayeddaNDayitvA brAhmaNaM tu vivAsayet || 8\.123||
dasha sthAnAni daNDasya manuH svayambhuvo.abravIt |
triShu varNeShu yAni syurakShato brAhmaNo vrajet || 8\.124||
upasthamudaraM jihvA hastau pAdau cha pa~nchamam |
chakShurnAsA cha karNau cha dhanaM dehastathaiva cha || 8\.125||
anubandhaM parij~nAya deshakAlau cha tattvataH |
sArAparAdho chAlokya daNDaM daNDyeShu pAtayet || 8\.126||
adharmadaNDanaM loke yashoghnaM kIrtinAshanam |
asvargyaM cha paratrApi tasmAttatparivarjayet || 8\.127||
adaNDyAn daNDayan rAjA daNDyA.nshchaivApyadaNDayan |
ayasho mahadApnoti narakaM chaiva gachChati || 8\.128||
vAgdaNDaM prathamaM kuryAddhigdaNDaM tadanantaram |
tR^itIyaM dhanadaNDaM tu vadhadaNDamataH param || 8\.129||
vadhenApi yadA tvetAnnigrahItuM na shaknuyAt |
tadeShu sarvamapyetatprayu~njIta chatuShTayam || 8\.130||
lokasa.nvyavahArArthaM yAH sa.nj~nAH prathitA bhuvi |
tAmrarUpyasuvarNAnAM tAH pravakShyAmyasheShataH || 8\.131||
jAlAntaragate bhAnau yatsUkShmaM dR^ishyate rajaH |
prathamaM tatpramANAnAM trasareNuM prachakShate || 8\.132||
trasareNavo.aShTau vij~neyA likShaikA parimANataH |
tA rAjasarShapastisraste trayo gaurasarShapaH || 8\.133||
sarShapAH ShaT yavo madhyastriyavaM tvekakR^iShNalam |
pa~nchakR^iShNalako mAShaste suvarNastu ShoDasha || 8\.134||
palaM suvarNAshchatvAraH palAni dharaNaM dasha |
dve kR^iShNale samadhR^ite vij~neyo raupyamAShakaH || 8\.135|| rUpyamAShakaH

te ShoDasha syAddharaNaM purANashchaiva rAjataH |
kArShApaNastu vij~neyastAmrikaH kArShikaH paNaH || 8\.136||
dharaNAni dasha j~neyaH shatamAnastu rAjataH |
chatuHsauvarNiko niShko vij~neyastu pramANataH || 8\.137||
paNAnAM dve shate sArdhe prathamaH sAhasaH smR^itaH |
madhyamaH pa~ncha vij~neyaH sahasraM tveva chottamaH || 8\.138||
R^iNe deye pratij~nAte pa~nchakaM shatamarhati |
apahnave taddviguNaM tan manoranushAsanam || 8\.139||
vasiShThavihitAM vR^iddhiM sR^ijedvittavivardhinIm |
ashItibhAgaM gR^ihNIyAn mAsAdvArdhuShikaH shate || 8\.140||
dvikaM shataM vA gR^ihNIyAtsatAM dharmamanusmaran |
dvikaM shataM hi gR^ihNAno na bhavatyarthakilbiShI || 8\.141||
dvikaM trikaM chatuShkaM cha pa~nchakaM cha shataM samam |
mAsasya vR^iddhiM gR^ihNIyAdvarNAnAmanupUrvashaH || 8\.142||
na tvevAdhau sopakAre kausIdIM vR^iddhimApnuyAt |
na chAdheH kAlasa.nrodhAtnisargo.asti na vikrayaH || 8\.143||
na bhoktavyo balAdAdhirbhu~njAno vR^iddhimutsR^ijet |
mUlyena toShayechchainamAdhisteno.anyathA bhavet || 8\.144||
Adhishchopanidhishchobhau na kAlAtyayamarhataH |
avahAryau bhavetAM tau dIrghakAlamavasthitau || 8\.145||
samprItyA bhujyamAnAni na nashyanti kadA chana |
dhenuruShTro vahannashvo yashcha damyaH prayujyate || 8\.146||
yatkiM chiddashavarShANi sa.nnidhau prekShate dhanI |
bhujyamAnaM paraistUShNIM na sa tatlabdhumarhati || 8\.147||
ajaDashchedapogaNDo viShaye chAsya bhujyate |
bhagnaM tadvyavahAreNa bhoktA taddravyamarhati || 8\.148|| taddhanamarhati

AdhiH sImA bAladhanaM nikShepopanidhiH striyaH | nikShepaupanidhI
rAjasvaM shrotriyasvaM cha na bhogena praNashyati || 8\.149||
yaH svAminA.ananuj~nAtamAdhiM bhU~Nkte.avichakShaNaH |
tenArdhavR^iddhirmoktavyA tasya bhogasya niShkR^itiH || 8\.150||
kusIdavR^iddhirdvaiguNyaM nAtyeti sakR^idAhR^itA | sakR^idAhitA)
dhAnye sade lave vAhye nAtikrAmati pa~nchatAm || 8\.151||
kR^itAnusArAdadhikA vyatiriktA na sidhyati |
kusIdapathamAhustaM pa~nchakaM shatamarhati || 8\.152||
nAtisA.nvatsarIM vR^iddhiM na chAdR^iShTAM  punarharet | vinirharet)
chakravR^iddhiH kAlavR^iddhiH kAritA kAyikA cha yA || 8\.153||
R^iNaM dAtumashakto yaH kartumichChetpunaH kriyAm |
sa dattvA nirjitAM vR^iddhiM karaNaM parivartayet || 8\.154||
adarshayitvA tatraiva hiraNyaM parivartayet |
yAvatI sambhavedvR^iddhistAvatIM dAtumarhati || 8\.155||
chakravR^iddhiM samArUDho deshakAlavyavasthitaH |
atikrAman deshakAlau na tatphalamavApnuyAt || 8\.156||
samudrayAnakushalA deshakAlArthadarshinaH |
sthApayanti tu yAM vR^iddhiM sA tatrAdhigamaM prati || 8\.157||
yo yasya pratibhUstiShTheddarshanAyaiha mAnavaH |
adarshayan sa taM tasya prayachChetsvadhanAdR^iNam || 8\.158|| tasya yateta)

prAtibhAvyaM vR^ithAdAnamAkShikaM saurikAM cha yat |
daNDashulkAvasheShaM cha na putro dAtumarhati || 8\.159||
darshanaprAtibhAvye tu vidhiH syAtpUrvachoditaH |
dAnapratibhuvi prete dAyAdAnapi dApayet || 8\.160||
adAtari punardAtA vij~nAtaprakR^itAvR^iNam |
pashchAtpratibhuvi prete parIpsetkena hetunA || 8\.161||
nirAdiShTadhanashchettu pratibhUH syAdala.ndhanaH |
svadhanAdeva taddadyAnnirAdiShTa iti sthitiH || 8\.162||
mattonmattArtAdhyadhInairbAlena sthavireNa vA |
asambaddhakR^itashchaiva vyavahAro na sidhyati || 8\.163||
satyA na bhAShA bhavati yadyapi syAtpratiShThitA |
bahishchedbhAShyate dharmAtniyatAdvyavahArikAt || 8\.164||
yogAdhamanavikrItaM yogadAnapratigraham |
yatra vA.apyupadhiM pashyettatsarvaM vinivartayet || 8\.165||
grahItA yadi naShTaH syAtkuTumbArthe kR^ito vyayaH | kuTumbe cha 
dAtavyaM bAndhavaistatsyAtpravibhaktairapi svataH || 8\.166||
kuTumbArthe.adhyadhIno.api vyavahAraM yamAcharet |
svadeshe vA videshe vA taM jyAyAnna vichAlayet || 8\.167||
balAddattaM balAdbhuktaM balAdyachchApi lekhitam |
sarvAn balakR^itAnarthAnakR^itAn manurabravIt || 8\.168||
trayaH parArthe klishyanti sAkShiNaH pratibhUH kulam |
chatvArastUpachIyante vipra ADhyo vaNi~NnR^ipaH || 8\.169||
anAdeyaM nAdadIta parikShINo.api pArthivaH |
na chAdeyaM samR^iddho.api sUkShmamapyarthamutsR^ijet || 8\.170||
anAdeyasya chAdAnAdAdeyasya cha varjanAt |
daurbalyaM khyApyate rAj~naH sa pretyaiha cha nashyati || 8\.171||
svAdAnAdvarNasa.nsargAttvabalAnAM cha rakShaNAt |
balaM sa~njAyate rAj~naH sa pretyaiha cha vardhate || 8\.172||
tasmAdyama iva svAmI svayaM hitvA priyApriye |
varteta yAmyayA vR^ittyA jitakrodho jitendriyaH || 8\.173||
yastvadharmeNa kAryANi mohAtkuryAnnarAdhipaH |
achirAttaM durAtmAnaM vashe kurvanti shatravaH || 8\.174||
kAmakrodhau tu sa.nyamya yo.arthAn dharmeNa pashyati |
prajAstamanuvartante samudramiva sindhavaH || 8\.175||
yaH sAdhayantaM Chandena vedayeddhanikaM nR^ipe |
sa rAj~nA tatchaturbhAgaM dApyastasya cha taddhanam || 8\.176||
karmaNA.api samaM kuryAddhanikAyAdhamarNikaH |
samo.avakR^iShTajAtistu dadyAtshreyA.nstu tatshanaiH || 8\.177||
anena vidhinA rAjA mitho vivadatAM nR^iNAm |
sAkShipratyayasiddhAni kAryANi samatAM nayet || 8\.178||
kulaje vR^ittasampanne dharmaj~ne satyavAdini |
mahApakShe dhaninyArye nikShepaM nikShipedbudhaH || 8\.179||
yo yathA nikShipeddhaste yamarthaM yasya mAnavaH |
sa tathaiva grahItavyo yathA dAyastathA grahaH || 8\.180||
yo nikShepaM yAchyamAno nikShepturna prayachChati |
sa yAchyaH prADvivAkena tatnikShepturasa.nnidhau || 8\.181||
sAkShyabhAve praNidhibhirvayorUpasamanvitaiH |
apadeshaishcha sa.nnyasya hiraNyaM tasya tattvataH || 8\.182||
sa yadi pratipadyeta yathAnyastaM yathAkR^itam |
na tatra vidyate kiM chidyatparairabhiyujyate || 8\.183||
teShAM na dadyAdyadi tu tadhiraNyaM yathAvidhi |
ubhau nigR^ihya dApyaH syAditi dharmasya dhAraNA || 8\.184|| sa nigR^ihyaubhayaM dApya iti dharmasya dhAraNA

nikShepopanidhI nityaM na deyau pratyanantare |
nashyato vinipAte tAvanipAte tvanAshinau || 8\.185||
svayameva tu yau dadyAn mR^itasya pratyanantare |
na sa rAj~nA.abhiyoktavyo na nikSheptushcha bandhubhiH || 8\.186||
achChalenaiva chAnvichChettamarthaM prItipUrvakam |
vichArya tasya vA vR^ittaM sAmnaiva parisAdhayet || 8\.187||
nikShepeShveShu sarveShu vidhiH syAtparisAdhane |
samudre nApnuyAtkiM chidyadi tasmAnna sa.nharet || 8\.188||
chaurairhR^itaM jalenoDhamagninA dagdhameva vA |
na dadyAdyadi tasmAtsa na sa.nharati kiM chana || 8\.189||
nikShepasyApahartAramanikSheptArameva cha |
sarvairupAyairanvichChetshapathaishchaiva vaidikaiH || 8\.190||
yo nikShepaM nArpayati yashchAnikShipya yAchate |
tAvubhau chauravatshAsyau dApyau vA tatsamaM damam || 8\.191||
nikShepasyApahartAraM tatsamaM dApayeddamam |
tathopanidhihartAramavisheSheNa pArthivaH || 8\.192||
upadhAbhishcha yaH kashchitparadravyaM harennaraH |
sasahAyaH sa hantavyaH prakAshaM vividhairvadhaiH || 8\.193||
nikShepo yaH kR^ito yena yAvA.nshcha kulasa.nnidhau |
tAvAneva sa vij~neyo vibruvan daNDamarhati || 8\.194||
mitho dAyaH kR^ito yena gR^ihIto mitha eva vA |
mitha eva pradAtavyo yathA dAyastathA grahaH || 8\.195||
nikShiptasya dhanasyaivaM prItyopanihitasya cha |
rAjA vinirNayaM kuryAdakShiNvannyAsadhAriNam || 8\.196||
vikrINIte parasya svaM yo.asvAmI svAmyasa.nmataH |
na taM nayeta sAkShyaM tu stenamastenamAninam || 8\.197||
avahAryo bhavetchaiva sAnvayaH ShaTshataM damam |
niranvayo.anapasaraH prAptaH syAchchaurakilbiSham || 8\.198||
asvAminA kR^ito yastu dAyo vikraya eva vA |
akR^itaH sa tu vij~neyo vyavahAre yathA sthitiH || 8\.199||
sambhogo dR^ishyate yatra na dR^ishyetAgamaH kva chit |
AgamaH kAraNaM tatra na sambhoga iti sthitiH || 8\.200||
vikrayAdyo dhanaM kiM chidgR^ihNIyAtkulasa.nnidhau |
krayeNa sa vishuddhaM hi nyAyato labhate dhanam || 8\.201||
atha mUlamanAhAryaM prakAshakrayashodhitaH |
adaNDyo muchyate rAj~nA nAShTiko labhate dhanam || 8\.202||
nAnyadanyena sa.nsR^iShTarUpaM vikrayamarhati |
na chAsAraM na cha nyUnaM na dUreNa tirohitam || 8\.203|| na sAvadyaM na cha nyUnaM na dUre na tirohitaM 

anyAM cheddarshayitvA.anyA voDhuH kanyA pradIyate |
ubhe ta ekashulkena vahedityabravIn manuH || 8\.204||
nonmattAyA na kuShThinyA na cha yA spR^iShTamaithunA |
pUrvaM doShAnabhikhyApya pradAtA daNDamarhati || 8\.205||
R^itvigyadi vR^ito yaj~ne svakarma parihApayet |
tasya karmAnurUpeNa deyo.nshaH sahakartR^ibhiH || 8\.206||
dakShiNAsu cha dattAsu svakarma parihApayan |
kR^itsnameva labhetA.nshamanyenaiva cha kArayet || 8\.207||
yasmin karmaNi yAstu syuruktAH pratya~NgadakShiNAH |
sa eva tA AdadIta bhajeran sarva eva vA || 8\.208||
rathaM haretchAdhvaryurbrahmA.adhAne cha vAjinam |
hotA vA.api haredashvamudgAtA chApyanaH kraye || 8\.209||
sarveShAmardhino mukhyAstadardhenArdhino.apare |
tR^itIyinastR^itIyA.nshAshchaturthA.nshAshcha pAdinaH || 8\.210||
sambhUya svAni karmANi kurvadbhiriha mAnavaiH |
anena vidhiyogena kartavyA.nshaprakalpanA || 8\.211||
dharmArthaM yena dattaM syAtkasmai chidyAchate dhanam |
pashchAchcha na tathA tatsyAnna deyaM tasya tadbhavet || 8\.212||
yadi sa.nsAdhayettattu darpAtlobhena vA punaH |
rAj~nA dApyaH suvarNaM syAttasya steyasya niShkR^itiH || 8\.213||
dattasyaiShauditA dharmyA yathAvadanapakriyA |
ata UrdhvaM pravakShyAmi vetanasyAnapakriyAm || 8\.214||
bhR^ito nArto na kuryAdyo darpAtkarma yathoditam | anArto 
sa daNDyaH kR^iShNalAnyaShTau na deyaM chAsya vetanam || 8\.215||
Artastu kuryAtsvasthaH san yathAbhAShitamAditaH |
sa dIrghasyApi kAlasya tatlabheteva vetanam || 8\.216||
yathoktamArtaH sustho vA yastatkarma na kArayet |
na tasya vetanaM deyamalponasyApi karmaNaH || 8\.217||
eSha dharmo.akhilenokto vetanAdAnakarmaNaH |
ata UrdhvaM pravakShyAmi dharmaM samayabhedinAm || 8\.218||
yo grAmadeshasa~NghAnAM kR^itvA satyena sa.nvidam |
visa.nvadennaro lobhAttaM rAShTrAdvipravAsayet || 8\.219||
nigR^ihya dApayechchainaM samayavyabhichAriNam |
chatuHsuvarNAn ShaNniShkA.nshshatamAnaM cha rAjakam || 8\.220||
etaddaNDavidhiM kuryAddhArmikaH pR^ithivIpatiH |
grAmajAtisamUheShu samayavyabhichAriNAm || 8\.221||
krItvA vikrIya vA kiM chidyasyaihAnushayo bhavet |
so.antardashAhAttaddravyaM dadyAchchaivAdadIta vA || 8\.222||
pareNa tu dashAhasya na dadyAnnApi dApayet |
AdadAno dadatchaiva rAj~nA daNDyau shatAni ShaT || 8\.223||
yastu doShavatIM kanyAmanAkhyAya prayachChati |
tasya kuryAnnR^ipo daNDaM svayaM ShaNNavatiM paNAn || 8\.224||
akanyeti tu yaH kanyAM brUyAddveSheNa mAnavaH |
sa shataM prApnuyAddaNDaM tasyA doShamadarshayan || 8\.225||
pANigrahaNikA mantrAH kanyAsveva pratiShThitAH |
nAkanyAsu kva chinnR^INAM luptadharmakriyA hi tAH || 8\.226||
pANigrahaNikA mantrA niyataM dAralakShaNam |
teShAM niShThA tu vij~neyA vidvadbhiH saptame pade || 8\.227||
yasmin yasmin kR^ite kArye yasyehAnushayo bhavet |
tamanena vidhAnena dharmye pathi niveshayet || 8\.228||
pashuShu svAminAM chaiva pAlAnAM cha vyatikrame |
vivAdaM sampravakShyAmi yathAvaddharmatattvataH || 8\.229||
divA vaktavyatA pAle rAtrau svAmini tadgR^ihe |
yogakSheme.anyathA chettu pAlo vaktavyatAmiyAt || 8\.230||
gopaH kShIrabhR^ito yastu sa duhyAddashato varAm |
gosvAmyanumate bhR^ityaH sA syAtpAle.abhR^ite bhR^itiH || 8\.231||
naShTaM vinaShTaM kR^imibhiH shvahataM viShame mR^itam |
hInaM puruShakAreNa pradadyAtpAla eva tu || 8\.232||
vighuShya tu hR^itaM chaurairna pAlo dAtumarhati |
yadi deshe cha kAle cha svAminaH svasya sha.nsati || 8\.233||
karNau charma cha vAlA.nshcha bastiM snAyuM cha rochanAm |
pashuShu svAminAM dadyAn mR^iteShva~NkAni darshayet || 8\.234|| a~NkA.nshcha darshayet)

ajAvike tu sa.nruddhe vR^ikaiH pAle tvanAyati |
yAM prasahya vR^iko hanyAtpAle tatkilbiShaM bhavet || 8\.235||
tAsAM chedavaruddhAnAM charantInAM mitho vane |
yAmutplutya vR^iko hanyAnna pAlastatra kilbiShI || 8\.236||
dhanuHshataM parIhAro grAmasya syAtsamantataH |
shamyApAtAstrayo vA.api triguNo nagarasya tu || 8\.237||
tatrAparivR^itaM dhAnyaM vihi.nsyuH pashavo yadi |
na tatra praNayeddaNDaM nR^ipatiH pashurakShiNAm || 8\.238||
vR^itiM tatra prakurvIta yAmuShtro na vilokayet |
ChidraM cha vArayetsarvaM shvasUkaramukhAnugam || 8\.239||
pathi kShetre parivR^ite grAmAntIye.atha vA punaH |
sapAlaH shatadaNDArho vipAlAn vArayetpashUn || 8\.240||
kShetreShvanyeShu tu pashuH sapAdaM paNamarhati |
sarvatra tu sado deyaH kShetrikasyaiti dhAraNA || 8\.241||
anirdashAhAM gAM sUtAM vR^iShAn devapashU.nstathA |
sapAlAn vA vipAlAn vA na daNDyAn manurabravIt || 8\.242||
kShetriyasyAtyaye daNDo bhAgAddashaguNo bhavet | kShetrikasyAtyaye
tato.ardhadaNDo bhR^ityAnAmaj~nAnAtkShetrikasya tu || 8\.243||
etadvidhAnamAtiShTheddhArmikaH pR^ithivIpatiH |
svAminAM cha pashUnAM cha pAlAnAM cha vyatikrame || 8\.244||
sImAM prati samutpanne vivAde grAmayordvayoH |
jyeShThe mAsi nayetsImAM suprakAsheShu setuShu || 8\.245||
sImAvR^ikShA.nshcha kurvIta nyagrodhAshvatthaki.nshukAn |
shAlmalIn sAlatAlA.nshcha kShIriNashchaiva pAdapAn || 8\.246||
gulmAn veNU.nshcha vividhAn shamIvallIsthalAni cha |
sharAn kubjakagulmA.nshcha tathA sImA na nashyati || 8\.247||
taDAgAnyudapAnAni vApyaH prasravaNAni cha |
sImAsa.ndhiShu kAryANi devatAyatanAni cha || 8\.248||
upaChannAni chAnyAni sImAli~NgAni kArayet |
sImAj~nAne nR^iNAM vIkShya nityaM loke viparyayam || 8\.249||
ashmano.asthIni govAlA.nstuShAn bhasma kapAlikAH |
karIShamiShTakA.a~NgArA.nshCharkarA vAlukAstathA || 8\.250||
yAni chaivamprakArANi kAlAdbhUmirna bhakShayet |
tAni sa.ndhiShu sImAyAmaprakAshAni kArayet || 8\.251|| sImAyA

etairli~NgairnayetsImAM rAjA vivadamAnayoH |
pUrvabhuktyA cha satatamudakasyAgamena cha || 8\.252||
yadi s.nshaya eva syAtli~NgAnAmapi darshane |
sAkShipratyaya eva syAtsImAvAdavinirNayaH || 8\.253|| sImAvAdavinishchayaH 

grAmIyakakulAnAM cha samakShaM sImni sAkShiNaH |  grAmeyaka
praShTavyAH sImali~NgAni tayoshchaiva vivAdinoH || 8\.254|| sImAli~NgAni 

te pR^iShtAstu yathA brUyuH samastAH sImni nishchayam |
nibadhnIyAttathA sImAM sarvA.nstA.nshchaiva nAmataH || 8\.255||
shirobhiste gR^ihItvorvIM sragviNo raktavAsasaH |
sukR^itaiH shApitAH svaiH svairnayeyuste sama~njasam || 8\.256||
yathoktena nayantaste pUyante satyasAkShiNaH |
viparItaM nayantastu dApyAH syurdvishataM damam || 8\.257||
sAkShyabhAve tu chatvAro grAmAH sAmantavAsinaH  | grAmasImAntavAsinaH
sImAvinirNayaM kuryuH prayatA rAjasa.nnidhau || 8\.258||
sAmantAnAmabhAve tu maulAnAM sImni sAkShiNAm |
imAnapyanuyu~njIta puruShAn vanagocharAn || 8\.259||
vyAdhA.nshAkunikAn gopAn kaivartAn mUlakhAnakAn |
vyAlagrAhAnu~nChavR^ittInanyA.nshcha vanachAriNaH || 8\.260||
te pR^iShTAstu yathA brUyuH sImAsa.ndhiShu lakShaNam |
tattathA sthApayedrAjA dharmeNa grAmayordvayoH || 8\.261||
kShetrakUpataDAgAnAmArAmasya gR^ihasya cha |
sAmantapratyayo j~neyaH sImAsetuvinirNayaH || 8\.262||
sAmantAshchetmR^iShA brUyuH setau vivAdatAM nR^iNAm |
sarve pR^ithakpR^ithagdaNDyA rAj~nA madhyamasAhasam || 8\.263||
gR^ihaM taDAgamArAmaM kShetraM vA bhIShayA haran |
shatAni pa~ncha daNDyaH syAdaj~nAnAddvishato damaH || 8\.264||
sImAyAmaviShahyAyAM svayaM rAjaiva dharmavit |
pradishedbhUmimekeShAmupakArAditi sthitiH || 8\.265||
eSho.akhilenAbhihito dharmaH sImAvinirNaye |
ata UrdhvaM pravakShyAmi vAkpAruShyavinirNayam || 8\.266||
shataM brAhmaNamAkrushya kShatriyo daNDamarhati |
vaishyo.apyardhashataM dve vA shUdrastu vadhamarhati || 8\.267||
pa~nchAshadbrAhmaNo daNDyaH kShatriyasyAbhisha.nsane |
vaishye syAdardhapa~nchAshatshUdre dvAdashako damaH || 8\.268||
samavarNe dvijAtInAM dvAdashaiva vyatikrame |
vAdeShvavachanIyeShu tadeva dviguNaM bhavet || 8\.269||
ekajAtirdvijAtI.nstu vAchA dAruNayA kShipan |
jihvAyAH prApnuyAchChedaM jaghanyaprabhavo hi saH || 8\.270||
nAmajAtigrahaM tveShAmabhidroheNa kurvataH |
nikShepyo.ayomayaH sha~NkurjvalannAsye dashA~NgulaH || 8\.271||
dharmopadeshaM darpeNa viprANAmasya kurvataH |
taptamAsechayettailaM vaktre shrotre cha pArthivaH || 8\.272|| shrautre 

shrutaM deshaM cha jAtiM cha karma sharIrameva cha |
vitathena bruvan darpAddApyaH syAddvishataM damam || 8\.273||
kANaM vA.apyatha vA kha~njamanyaM vA.api tathAvidham |
tathyenApi bruvan dApyo daNDaM kArShApaNAvaram || 8\.274||
mAtaraM pitaraM jAyAM bhrAtaraM tanayaM gurum |
AkShAraya.nshataM dApyaH panthAnaM chAdadadguroH || 8\.275||
brAhmaNakShatriyAbhyAM tu daNDaH kAryo vijAnatA |
brAhmaNe sAhasaH pUrvaH kShatriye tveva madhyamaH || 8\.276||
viT shUdrayorevameva svajAtiM prati tattvataH |
ChedavarjaM praNayanaM daNDasyaiti vinishchayaH || 8\.277||
eSha daNDavidhiH prokto vAkpAruShyasya tattvataH |
ata UrdhvaM pravakShyAmi daNDapAruShyanirNayam || 8\.278||
yena kena chida~Ngena hi.nsyAchchetshreShThamantyajaH |
ChettavyaM tadtadevAsya tan manoranushAsanam || 8\.279||
pANimudyamya daNDaM vA pANichChedanamarhati |
pAdena praharan kopAtpAdachChedanamarhati || 8\.280||
sahAsanamabhiprepsurutkR^iShTasyApakR^iShTajaH |
kaTyAM kR^itA~Nko nirvAsyaH sphichaM vA.asyAvakartayet || 8\.281||
avaniShThIvato darpAddvAvoShThau ChedayennR^ipaH |
avamUtrayato meDhramavashardhayato gudam || 8\.282||
kesheShu gR^ihNato hastau ChedayedavichArayan |
pAdayordADhikAyAM cha grIvAyAM vR^iShaNeShu cha || 8\.283||
tvagbhedakaH shataM daNDyo lohitasya cha darshakaH |
mA.nsabhettA tu ShaNniShkAn pravAsyastvasthibhedakaH || 8\.284||
vanaspatInAM sarveShAmupabhogo yathA yathA |
yathA tathA damaH kAryo hi.nsAyAmiti dhAraNA || 8\.285||
manuShyANAM pashUnAM cha duHkhAya prahR^ite sati |
yathA yathA mahadduHkhaM daNDaM kuryAttathA tathA || 8\.286||
a~NgAvapIDanAyAM cha vraNashoNitayostathA | prANashonitayoH 
samutthAnavyayaM dApyaH sarvadaNDamathApi vA || 8\.287||
dravyANi hi.nsyAdyo yasya j~nAnato.aj~nAnato.api vA |
sa tasyotpAdayettuShTiM rAj~ne dadyAchcha tatsamam || 8\.288||
charmachArmikabhANDeShu kAShThaloShTamayeShu |
mUlyAtpa~nchaguNo daNDaH puShpamUlaphaleShu cha || 8\.289||
yAnasya chaiva yAtushcha yAnasvAmina eva cha |
dashAtivartanAnyAhuH sheShe daNDo vidhIyate || 8\.290||
ChinnanAsye bhagnayuge tiryakpratimukhAgate |
akShabha~Nge cha yAnasya chakrabha~Nge tathaiva cha || 8\.291||
Chedane chaiva yantrANAM yoktrarashmyostathaiva cha |
Akrande chApyapaihIti na daNDaM manurabravIt || 8\.292||
yatrApavartate yugyaM vaiguNyAtprAjakasya tu |
tatra svAmI bhaveddaNDyo hi.nsAyAM dvishataM damam || 8\.293||
prAjakashchedbhavedAptaH prAjako daNDamarhati |
yugyasthAH prAjake.anApte sarve daNDyAH shataM shatam || 8\.294||
sa chettu pathi sa.nruddhaH pashubhirvA rathena vA |
pramApayetprANabhR^itastatra daNDo.avichAritaH || 8\.295||
manuShyamAraNe kShipraM chauravatkilbiShaM bhavet |
prANabhR^itsu mahatsvardhaM gogajoShTrahayAdiShu || 8\.296||
kShudrakANAM pashUnAM tu hi.nsAyAM dvishato damaH |
pa~nchAshattu bhaveddaNDaH shubheShu mR^igapakShiShu || 8\.297||
gardhabhAjAvikAnAM tu daNDaH syAtpa~nchamAShikaH | pA~nchamAShikaH
mAShikastu bhaveddaNDaH shvasUkaranipAtane || 8\.298||
bhAryA putrashcha dAsashcha preShyo bhrAtrA cha saudaraH |
prAptAparAdhAstADyAH syU rajjvA veNudalena vA || 8\.299||
pR^iShThatastu sharIrasya nottamA~Nge kathaM chana |
ato.anyathA tu praharan prAptaH syAchchaurakilbiSham || 8\.300||
eSho.akhilenAbhihito daNDapAruShyanirNayaH |
stenasyAtaH pravakShyAmi vidhiM daNDavinirNaye || 8\.301||
paramaM yatnamAtiShThetstenAnAM nigrahe nR^ipaH |
stenAnAM nigrahAdasya yasho rAShTraM cha vardhate || 8\.302||
abhayasya hi yo dAtA sa pUjyaH satataM nR^ipaH |
sattraM hi vardhate tasya sadaivAbhayadakShiNam || 8\.303||
sarvato dharmaShaDbhAgo rAj~no bhavati rakShataH |
adharmAdapi ShaDbhAgo bhavatyasya hyarakShataH || 8\.304||
yadadhIte yadyajate yaddadAti yadarchati |
tasya ShaDbhAgabhAgrAjA samyagbhavati rakShaNAt || 8\.305||
rakShan dharmeNa bhUtAni rAjA vadhyA.nshcha ghAtayan |
yajate.aharaharyaj~naiH sahasrashatadakShiNaiH || 8\.306||
yo.arakShan balimAdatte karaM shulkaM cha pArthivaH |
pratibhAgaM cha daNDaM cha sa sadyo narakaM vrajet || 8\.307||
arakShitAraM rAjAnaM baliShaDbhAgahAriNam | arakShitAramattAraM
tamAhuH sarvalokasya samagramalahArakam || 8\.308||
anapekShitamaryAdaM nAstikaM vipralumpakam | anavekShitamaryAdaM 
arakShitAramattAraM nR^ipaM vidyAdadhogatim || 8\.309||
adhArmikaM tribhirnyAyairnigR^ihNIyAtprayatnataH |
nirodhanena bandhena vividhena vadhena cha || 8\.310||
nigraheNa hi pApAnAM sAdhUnAM sa~NgraheNa cha |
dvijAtaya ivaijyAbhiH pUyante satataM nR^ipAH || 8\.311||
kShantavyaM prabhuNA nityaM kShipatAM kAryiNAM nR^iNAm |
bAlavR^iddhAturANAM cha kurvatA hitamAtmanaH || 8\.312||
yaH kShipto marShayatyArtaistena svarge mahIyate |
yastvaishvaryAnna kShamate narakaM tena gachChati || 8\.313||
rAjA stenena gantavyo muktakeshena dhAvatA |  dhImatA 
AchakShANena tatsteyameva~NkarmA.asmi shAdhi mAm || 8\.314||
skandhenAdAya musalaM laguDaM vA.api khAdiram | mushalaM 
shaktiM chobhayatastIkShNAmAyasaM daNDameva vA || 8\.315||
shAsanAdvA vimokShAdvA stenaH steyAdvimuchyate |
ashAsitvA tu taM rAjA stenasyApnoti kilbiSham || 8\.316||
annAde bhrUNahA mArShTi patyau bhAryA.apachAriNI |
gurau shiShyashcha yAjyashcha steno rAjani kilbiSham || 8\.317||
rAjabhiH kR^itadaNDAstu kR^itvA pApAni mAnavAH | rAjabhirdhR^itadaNDAstu
nirmalAH svargamAyAnti santaH sukR^itino yathA || 8\.318||
yastu rajjuM ghaTaM kUpAddharedbhindyAchcha yaH prapAm |
sa daNDaM prApnuyAn mAShaM tachcha tasmin samAharet || 8\.319||
dhAnyaM dashabhyaH kumbhebhyo harato.abhyadhikaM vadhaH |
sheShe.apyekAdashaguNaM dApyastasya cha taddhanam || 8\.320||
tathA dharimameyAnAM shatAdabhyadhike vadhaH |
suvarNarajatAdInAmuttamAnAM cha vAsasAm || 8\.321||
pa~nchAshatastvabhyadhike hastachChedanamiShyate |
sheShe tvekAdashaguNaM mUlyAddaNDaM prakalpayet || 8\.322||
puruShANAM kulInAnAM nArINAM cha visheShataH |
mukhyAnAM chaiva ratnAnAM haraNe vadhamarhati || 8\.323||
mahApashUnAM haraNe shastrANAmauShadhasya cha |
kAlamAsAdya kAryaM cha daNDaM rAjA prakalpayet || 8\.324||
goShu brAhmaNasa.nsthAsu ChurikAyAshcha bhedane | kharikAyAshcha
pashUnAM haraNe chaiva sadyaH kAryo.ardhapAdikaH || 8\.325||
sUtrakArpAsakiNvAnAM gomayasya guDasya cha |
dadhnaH kShIrasya takrasya pAnIyasya tR^iNasya cha || 8\.326||
veNuvaidalabhANDAnAM lavaNAnAM tathaiva cha |
mR^iNmayAnAM cha haraNe mR^ido bhasmana eva cha || 8\.327||
matsyAnAM pakShiNAM chaiva tailasya cha ghR^itasya cha |
mA.nsasya madhunashchaiva yachchAnyatpashusambhavam || 8\.328||
anyeShAM chaivamAdInAM madyAnAmodanasya cha | chaivamAdInAmadyAnAm
pakvAnnAnAM cha sarveShAM tanmulyAddviguNo damaH || 8\.329||
puShpeShu harite dhAnye gulmavallInageShu cha |
anyeShvaparipUteShu daNDaH syAtpa~nchakR^iShNalaH || 8\.330||
paripUteShu dhAnyeShu shAkamUlaphaleShu cha |
niranvaye shataM daNDaH sAnvaye.ardhashataM damaH || 8\.331||
syAtsAhasaM tvanvayavatprasabhaM karma yatkR^itam |
niranvayaM bhavetsteyaM hR^itvA.apavyayate cha yat || 8\.332||
yastvetAnyupakL^iptAni dravyANi stenayennaraH |
tamAdyaM daNDayedrAjA yashchAgniM chorayedgR^ihAt || 8\.333|| taM shataM

yena yena yathA~Ngena steno nR^iShu vicheShTate |
tattadeva harettasya pratyAdeshAya pArthivaH || 8\.334||
pitA.achAryaH suhR^itmAtA bhAryA putraH purohitaH |
nAdaNDyo nAma rAj~no.asti yaH svadharme na tiShThati || 8\.335||
kArShApaNaM bhaveddaNDyo yatrAnyaH prAkR^ito janaH |
tatra rAjA bhaveddaNDyaH sahasramiti dhAraNA || 8\.336||
aShTApAdyaM tu shUdrasya steye bhavati kilbiSham |
ShoDashaiva tu vaishyasya dvAtri.nshatkShatriyasya cha || 8\.337||
brAhmaNasya chatuHShaShTiH pUrNaM vA.api shataM bhavet |
dviguNA vA chatuHShaShTistaddoShaguNaviddhi saH || 8\.338||
vAnaspatyaM mUlaphalaM dArvagnyarthaM tathaiva cha |
tR^iNaM cha gobhyo grAsArthamasteyaM manurabravIt || 8\.339||
yo.adattAdAyino hastAtlipseta brAhmaNo dhanam |
yAjanAdhyApanenApi yathA stenastathaiva saH || 8\.340||
dvijo.adhvagaH kShINavR^ittirdvAvikShU dve cha mUlake |
AdadAnaH parakShetrAtna daNDaM dAtumarhati || 8\.341||
asa.nditAnAM sa.ndAtA sa.nditAnAM cha mokShakaH |
dAsAshvarathahartA cha prAptaH syAchchorakilbiSham || 8\.342||
anena vidhinA rAjA kurvANaH stenanigraham |
yasho.asmin prApnuyAtloke pretya chAnuttamaM sukham || 8\.343||
aindraM sthAnamabhiprepsuryashashchAkShayamavyayam |
nopekSheta kShaNamapi rAjA sAhasikaM naram || 8\.344||
vAgduShTAttaskarAchchaiva daNDenaiva cha hi.nsataH |
sAhasasya naraH kartA vij~neyaH pApakR^ittamaH || 8\.345||
sAhase vartamAnaM tu yo marShayati pArthivaH |
sa vinAshaM vrajatyAshu vidveShaM chAdhigachChati || 8\.346||
na mitrakAraNAdrAjA vipulAdvA dhanAgamAt |
samutsR^ijetsAhasikAn sarvabhUtabhayAvahAn || 8\.347||
shastraM dvijAtibhirgrAhyaM dharmo yatroparudhyate |
dvijAtInAM cha varNAnAM viplave kAlakArite || 8\.348||
Atmanashcha paritrANe dakShiNAnAM cha sa~Ngare |
strIviprAbhyupapattau cha ghnan dharmeNa na duShyati || 8\.349||
guruM vA bAlavR^iddhau vA brAhmaNaM vA bahushrutam |
AtatAyinamAyAntaM hanyAdevAvichArayan || 8\.350||
nAtatAyivadhe doSho hanturbhavati kashchana |
prakAshaM vA.aprakAshaM vA manyustaM manyumR^ichChati || 8\.351||
paradArAbhimarsheShu pravR^ittAnnR^In mahIpatiH |
udvejanakarairdaNDaishChinnayitvA pravAsayet || 8\.352|| chihnayitvA)

tatsamuttho hi lokasya jAyate varNasa~NkaraH |
yena mUlaharo.adharmaH sarvanAshAya kalpate || 8\.353||
parasya patnyA puruShaH sambhAShAM yojayan rahaH |
pUrvamAkShArito doShaiH prApnuyAtpUrvasAhasam || 8\.354||
yastvanAkShAritaH pUrvamabhibhASheta kAraNAt |
na doShaM prApnuyAtkiM chinna hi tasya vyatikramaH || 8\.355||
parastriyaM yo.abhivadettIrthe.araNye vane.api vA |
nadInAM vA.api sambhede sa sa~NgrahaNamApnuyAt || 8\.356||
upachArakriyA keliH sparsho bhUShaNavAsasAm | upakArakriyA
saha khaTvA.asanaM chaiva sarvaM sa~NgrahaNaM smR^itam || 8\.357||
striyaM spR^ishedadeshe yaH spR^iShTo vA marShayettayA |
parasparasyAnumate sarvaM sa~NgrahaNaM smR^itam || 8\.358||
abrAhmaNaH sa~NgrahaNe prANAntaM daNDamarhati |
chaturNAmapi varNAnAM dArA rakShyatamAH sadA || 8\.359||
bhikShukA bandinashchaiva dIkShitAH kAravastathA |
sambhAShaNaM saha strIbhiH kuryuraprativAritAH || 8\.360||
na sambhAShAM parastrIbhiH pratiShiddhaH samAcharet |
niShiddho bhAShamANastu suvarNaM daNDamarhati || 8\.361||
naiSha chAraNadAreShu vidhirnAtmopajIviShu |
sajjayanti hi te nArIrnigUDhAshchArayanti cha || 8\.362||
kiM chideva tu dApyaH syAtsambhAShAM tAbhirAcharan |
praiShyAsu chaikabhaktAsu rahaH pravrajitAsu cha || 8\.363|| preShyAsu 

yo.akAmAM dUShayetkanyAM sa sadyo vadhamarhati |
sakAmAM dUShaya.nstulyo na vadhaM prApnuyAnnaraH || 8\.364||
kanyAM bhajantImutkR^iShTaM na kiM chidapi dApayet |
jaghanyaM sevamAnAM tu sa.nyatAM vAsayedgR^ihe || 8\.365||
uttamAM sevamAnastu jaghanyo vadhamarhati |
shulkaM dadyAtsevamAnaH samAmichChetpitA yadi || 8\.366||
abhiShahya tu yaH kanyAM kuryAddarpeNa mAnavaH |
tasyAshu kartye a~Ngulyau daNDaM chArhati ShaTshatam || 8\.367|| kartyA a~Ngulyo 

sakAmAM dUShaya.nstulyo nA~NguliChedamApnuyAt |
dvishataM tu damaM dApyaH prasa~NgavinivR^ittaye || 8\.368||
kanyaiva kanyAM yA kuryAttasyAH syAddvishato damaH |
shulkaM cha dviguNaM dadyAtshiphAshchaivApnuyAddasha || 8\.369||
yA tu kanyAM prakuryAtstrI sA sadyo mauNDyamarhati |
a~Ngulyoreva vA ChedaM khareNodvahanaM tathA || 8\.370||
bhartAraM la~NghayedyA tu strI j~nAtiguNadarpitA |
tAM shvabhiH khAdayedrAjA sa.nsthAne bahusa.nsthite || 8\.371||
pumA.nsaM dAhayetpApaM shayane tapta Ayase |
abhyAdadhyushcha kAShThAni tatra dahyeta pApakR^it || 8\.372||
sa.nvatsarAbhishastasya duShTasya dviguNo damaH | sa.nvatsare.abhishastasya
vrAtyayA saha sa.nvAse chANDAlyA tAvadeva tu || 8\.373||
shUdro guptamaguptaM vA dvaijAtaM varNamAvasan |
aguptama~NgasarvasvairguptaM sarveNa hIyate || 8\.374|| a~NgasarvasvI

vaishyaH sarvasvadaNDaH syAtsa.nvatsaranirodhataH |
sahasraM kShatriyo daNDyo mauNDyaM mUtreNa chArhati || 8\.375||
brAhmaNIM yadyaguptAM tu gachChetAM vaishyapArthivau |
vaishyaM pa~nchashataM kuryAtkShatriyaM tu sahasriNam || 8\.376||
ubhAvapi tu tAveva brAhmaNyA guptayA saha |
viplutau shUdravaddaNDyau dagdhavyau vA kaTAgninA || 8\.377||
sahasraM brAhmaNo daNDyo guptAM viprAM balAdvrajan |
shatAni pa~ncha daNDyaH syAdichChantyA saha sa~NgataH || 8\.378||
mauNDyaM prANAntikaM daNDo brAhmaNasya vidhIyate | prANAntako
itareShAM tu varNAnAM daNDaH prANAntiko bhavet || 8\.379|| prANAntako 

na jAtu brAhmaNaM hanyAtsarvapApeShvapi sthitam |
rAShTrAdenaM bahiH kuryAtsamagradhanamakShatam || 8\.380||
na brAhmaNavadhAdbhUyAnadharmo vidyate bhuvi |
tasmAdasya vadhaM rAjA manasA.api na chintayet || 8\.381||
vaishyashchetkShatriyAM guptAM vaishyAM vA kShatriyo vrajet |
yo brAhmaNyAmaguptAyAM tAvubhau daNDamarhataH || 8\.382||
sahasraM brAhmaNo daNDaM dApyo gupte tu te vrajan |
shUdrAyAM kShatriyavishoH sAhasro vai bhaveddamaH || 8\.383|| shUdrAyA

kShatriyAyAmaguptAyAM vaishye pa~nchashataM damaH |
mUtreNa mauNDyamichChettu kShatriyo daNDameva vA || 8\.384|| R^ichChettu

agupte kShatriyAvaishye shUdrAM vA brAhmaNo vrajan |
shatAni pa~ncha daNDyaH syAtsahasraM tvantyajastriyam || 8\.385||
yasya stenaH pure nAsti nAnyastrIgo na duShTavAk |
na sAhasikadaNDaghno sa rAjA shakralokabhAk || 8\.386||
eteShAM nigraho rAj~naH pa~nchAnAM viShaye svake |
sA.nrAjyakR^itsajAtyeShu loke chaiva yashaskaraH || 8\.387||
R^itvijaM yastyajedyAjyo yAjyaM chartviktyajedyadi |
shaktaM karmaNyaduShTaM cha tayordaNDaH shataM shatam || 8\.388||
na mAtA na pitA na strI na putrastyAgamarhati |
tyajannapatitAnetAn rAj~nA daNDyaH shatAni ShaT || 8\.389||
AshrameShu dvijAtInAM kArye vivadatAM mithaH |
na vibrUyAnnR^ipo dharmaM chikIrShan hitamAtmanaH || 8\.390||
yathArhametAnabhyarchya brAhmaNaiH saha pArthivaH |
sAntvena prashamayyAdau svadharmaM pratipAdayet || 8\.391||
prativeshyAnuveshyau cha kalyANe vi.nshatidvije |
arhAvabhojayan vipro daNDamarhati mAShakam || 8\.392||
shrotriyaH shrotriyaM sAdhuM bhUtikR^ityeShvabhojayan |
tadannaM dviguNaM dApyo hiraNyaM chaiva mAShakam || 8\.393|| hairaNyaM 

andho jaDaH pIThasarpI saptatyA sthavirashcha yaH |
shrotriyeShUpakurva.nshcha na dApyAH kena chitkaram || 8\.394||
shrotriyaM vyAdhitArtau cha bAlavR^iddhAvaki~nchanam |
mahAkulInamAryaM cha rAjA sampUjayetsadA || 8\.395||
shAlmalIphalake shlakShNe nenijyAnnejakaH shanaiH |
na cha vAsA.nsi vAsobhirnirharenna cha vAsayet || 8\.396||
tantuvAyo dashapalaM dadyAdekapalAdhikam |
ato.anyathA vartamAno dApyo dvAdashakaM damam || 8\.397||
shulkasthAneShu kushalAH sarvapaNyavichakShaNAH |
kuryurarghaM yathApaNyaM tato vi.nshaM nR^ipo haret || 8\.398||
rAj~naH prakhyAtabhANDAni pratiShiddhAni yAni cha |
tANi nirharato lobhAtsarvahAraM harennR^ipaH || 8\.399||
shulkasthAnaM pariharannakAle krayavikrayI |
mithyAvAdI cha sa~NkhyAne dApyo.aShTaguNamatyayam || 8\.400||
AgamaM nirgamaM sthAnaM tathA vR^iddhikShayAvubhau |
vichArya sarvapaNyAnAM kArayetkrayavikrayau || 8\.401||
pa~ncharAtre pa~ncharAtre pakShe pakShe.atha vA gate |
kurvIta chaiShAM pratyakShamarghasa.nsthApanaM nR^ipaH || 8\.402||
tulAmAnaM pratImAnaM sarvaM cha syAtsulakShitam |
ShaTsu ShaTsu cha mAseShu punareva parIkShayet || 8\.403||
paNaM yAnaM tare dApyaM pauruSho.ardhapaNaM tare |
pAdaM pashushcha yoShitcha pAdArdhaM riktakaH pumAn || 8\.404|| pAde

bhANDapUrNAni yAnAni tAryaM dApyAni sArataH |
riktabhANDAni yatkiM chitpumA.nsashchaparichChadAH || 8\.405||
dIrghAdhvani yathAdeshaM yathAkAlaM taro bhavet |
nadItIreShu tadvidyAtsamudre nAsti lakShaNam || 8\.406||
garbhiNI tu dvimAsAdistathA pravrajito muniH |
brAhmaNA li~Nginashchaiva na dApyAstArikaM tare || 8\.407||
yannAvi kiM chiddAshAnAM vishIryetAparAdhataH |
taddAshaireva dAtavyaM samAgamya svato.a.nshataH || 8\.408||
eSha nauyAyinAmukto vyavahArasya nirNayaH |
dAshAparAdhatastoye daivike nAsti nigrahaH || 8\.409||
vANijyaM kArayedvaishyaM kusIdaM kR^iShimeva cha |
pashUnAM rakShaNaM chaiva dAsyaM shUdraM dvijanmanAm || 8\.410||
kShatriyaM chaiva vaishyaM cha brAhmaNo vR^ittikarshitau |
bibhR^iyAdAnR^isha.nsyena svAni karmANi kArayet || 8\.411||
dAsyaM tu kArayanlobhAdbrAhmaNaH sa.nskR^itAn dvijAn |
anichChataH prAbhavatyAdrAj~nA daNDyaH shatAni ShaT || 8\.412||
shUdraM tu kArayeddAsyaM krItamakrItameva vA |
dAsyAyaiva hi sR^iShTo.asau brAhmaNasya svayambhuvA || 8\.413||
na svAminA nisR^iShTo.api shUdro dAsyAdvimuchyate |
nisargajaM hi tattasya kastasmAttadapohati || 8\.414||
dhvajAhR^ito bhaktadAso gR^ihajaH krItadattrimau |
paitriko daNDadAsashcha saptaite dAsayonayaH || 8\.415||
bhAryA putrashcha dAsashcha traya evAdhanAH smR^itAH |
yatte samadhigachChanti yasya te tasya taddhanam || 8\.416||
visrabdhaM brAhmaNaH shUdrAddravyopAdAnamAcharet |
na hi tasyAsti kiM chitsvaM bhartR^ihAryadhano hi saH || 8\.417||
vaishyashUdrau prayatnena svAni karmANi kArayet |
tau hi chyutau svakarmabhyaH kShobhayetAmidaM jagat || 8\.418||
ahanyahanyavekSheta karmAntAn vAhanAni cha |
Ayavyayau cha niyatAvAkarAn koshameva cha || 8\.419||
evaM sarvAnimAn rAjA vyavahArAn samApayan |
vyapohya kilbiShaM sarvaM prApnoti paramAM gatim || 8\.420||

\section{adhyAya 9}
puruShasya striyAshchaiva dharme vartmani tiShThatoH | dharmye 
sa.nyoge viprayoge cha dharmAn vakShyAmi shAshvatAn || 9\.1||
asvatantrAH striyaH kAryAH puruShaiH svairdivAnisham |
viShayeShu cha sajjantyaH sa.nsthApyA Atmano vashe || 9\.2||
pitA rakShati kaumAre bhartA rakShati yauvane |
rakShanti sthavire putrA na strI svAtantryamarhati || 9\.3||
kAle.adAtA pitA vAchyo vAchyashchAnupayan patiH |
mR^ite bhartari putrastu vAchyo mAturarakShitA || 9\.4||
sUkShmebhyo.api prasa~NgebhyaH striyo rakShyA visheShataH | striyA
dvayorhi kulayoH shokamAvaheyurarakShitAH || 9\.5||
imaM hi sarvavarNAnAM pashyanto dharmamuttamam |
yatante rakShituM bhAryAM bhartAro durbalA api || 9\.6||
svAM prasUtiM charitraM cha kulamAtmAnameva cha |
svaM cha dharmaM prayatnena jAyAM rakShan hi rakShati || 9\.7||
patirbhAryAM sampravishya garbho bhUtvaiha jAyate |
jAyAyAstadhi jAyAtvaM yadasyAM jAyate punaH || 9\.8||
yAdR^ishaM bhajate hi strI sutaM sUte tathAvidham |
tasmAtprajAvishuddhyarthaM striyaM rakShetprayatnataH || 9\.9||
na kashchidyoShitaH shaktaH prasahya parirakShitum |
etairupAyayogaistu shakyAstAH parirakShitum || 9\.10||
arthasya sa~Ngrahe chainAM vyaye chaiva niyojayet |
shauche dharme.annapaktyAM cha pAriNAhyasya vekShaNe || 9\.11||
arakShitA gR^ihe ruddhAH puruShairAptakAribhiH |
AtmAnamAtmanA yAstu rakSheyustAH surakShitAH || 9\.12||
pAnaM durjanasa.nsargaH patyA cha viraho.aTanam |
svapno.anyagehavAsashcha nArIsa.ndUShaNAni ShaT || 9\.13||
naitA rUpaM parIkShante nAsAM vayasi sa.nsthitiH |
surUpaM vA virUpaM vA pumAnityeva bhu~njate || 9\.14||
pau.nshchalyAchchalachittAchcha naisnehyAchcha svabhAvataH | naiHsnehyAch
rakShitA yatnato.apIha bhartR^iShvetA vikurvate || 9\.15||
evaM svabhAvaM j~nAtvA.asAM prajApatinisargajam |
paramaM yatnamAtiShThetpuruSho rakShaNaM prati || 9\.16||
shayyA.a.asanamala~NkAraM kAmaM krodhamanArjavam | M:anAryatAM 
drohabhAvaM kucharyAM cha strIbhyo manurakalpayat || 9\.17|| drogdhR^ibhAvaM

nAsti strINAM kriyA mantrairiti dharme vyavasthitiH |
nirindriyA hyamantrAshcha strIbhyo anR^itamiti sthitiH || 9\.18|| striyo

tathA cha shrutayo bahvyo nigItA nigameShvapi |
svAlakShaNyaparIkShArthaM tAsAM shR^iNuta niShkR^itIH || 9\.19||
yan me mAtA pralulubhe vicharantyapativratA |
tan me retaH pitA vR^i~NktAmityasyaitannidarshanam || 9\.20||
dhyAyatyaniShTaM yatkiM chitpANigrAhasya chetasA |
tasyaiSha vyabhichArasya nihnavaH samyaguchyate || 9\.21||
yAdR^igguNena bhartrA strI sa.nyujyeta yathAvidhi |
tAdR^igguNA sA bhavati samudreNaiva nimnagA || 9\.22||
akShamAlA vasiShThena sa.nyuktA.adhamayonijA |
shAra~NgI mandapAlena jagAmAbhyarhaNIyatAm || 9\.23||
etAshchAnyAshcha loke.asminnapakR^iShTaprasUtayaH | avakR^iShTaprasUtayaH
utkarShaM yoShitaH prAptAH svaiH svairbhartR^iguNaiH shubhaiH || 9\.24||
eShoditA lokayAtrA nityaM strIpu.nsayoH shubhA |
pretyaiha cha sukhodarkAn prajAdharmAnnibodhata || 9\.25||
prajanArthaM mahAbhAgAH pUjArhA gR^ihadIptayaH |
striyaH shriyashcha geheShu na visheSho.asti kashchana || 9\.26||
utpAdanamapatyasya jAtasya paripAlanam |
pratyahaM lokayAtrAyAH pratyakShaM strI nibandhanam || 9\.27|| pratyarthaM 

apatyaM dharmakAryANi shushrUShA ratiruttamA |
dArA.adhInastathA svargaH pitR^INAmAtmanashcha ha || 9\.28||
patiM yA nAbhicharati manovAgdehasa.nyatA |
sA bhartR^ilokAnApnoti sadbhiH sAdhvIiti chochyate || 9\.29||
vyabhichArAttu bhartuH strI loke prApnoti nindyatAm |
sR^igAlayoniM chApnoti pAparogaishcha pIDyate || 9\.30|| shR^igAlayoniM

putraM pratyuditaM sadbhiH pUrvajaishcha maharShibhiH |
vishvajanyamimaM puNyamupanyAsaM nibodhata || 9\.31||
bhartari putraM vijAnanti shrutidvaidhaM tu kartari |  bhartuH 
AhurutpAdakaM ke chidapare kShetriNaM viduH || 9\.32||
kShetrabhUtA smR^itA nArI bIjabhUtaH smR^itaH pumAn |
kShetrabIjasamAyogAtsambhavaH sarvadehinAm || 9\.33||
vishiShTaM kutra chidbIjaM strIyonistveva kutra chit |
ubhayaM tu samaM yatra sA prasUtiH prashasyate || 9\.34||
bIjasya chaiva yonyAshcha bIjamutkR^iShTamuchyate |
sarvabhUtaprasUtirhi bIjalakShaNalakShitA || 9\.35||
yAdR^ishaM tUpyate bIjaM kShetre kAlopapAdite |
tAdR^igrohati tattasmin bIjaM svairvya~njitaM guNaiH || 9\.36||
iyaM bhUmirhi bhUtAnAM shAshvatI yoniruchyate |
na cha yoniguNAn kA.nshchidbIjaM puShyati puShTiShu || 9\.37||
bhUmAvapyekakedAre kAloptAni kR^iShIvalaiH |
nAnArUpANi jAyante bIjAnIha svabhAvataH || 9\.38||
vrIhayaH shAlayo mudgAstilA mAShAstathA yavAH |
yathAbIjaM prarohanti lashunAnIkShavastathA || 9\.39||
anyaduptaM jAtamanyadityetannopapadyate |
upyate yadhi yadbIjaM tattadeva prarohati || 9\.40||
tatprAj~nena vinItena j~nAnavij~nAnavedinA |
AyuShkAmena vaptavyaM na jAtu parayoShiti || 9\.41||
atra gAthA vAyugItAH kIrtayanti purAvidaH |
yathA bIjaM na vaptavyaM pu.nsA paraparigrahe || 9\.42||
nashyatIShuryathA viddhaH khe viddhamanuvidhyataH |
tathA nashyati vai kShipraM bIjaM paraparigrahe || 9\.43|| kShiptaM

pR^ithorapImAM pR^ithivIM bhAryAM pUrvavido viduH |
sthANuchChedasya kedAramAhuH shAlyavato mR^igam || 9\.44||
etAvAneva puruSho yatjAyA.atmA prajaiti ha |
viprAH prAhustathA chaitadyo bhartA sA smR^itA~NganA || 9\.45||
na niShkrayavisargAbhyAM bharturbhAryA vimuchyate |
evaM dharmaM vijAnImaH prAkprajApatinirmitam || 9\.46||
sakR^ida.nsho nipatati sakR^itkanyA pradIyate |
sakR^idAha dadAnIti trINyetAni satAM sakR^it || 9\.47|| dadAmIti

yathA go.ashvoShTradAsIShu mahiShyajAvikAsu cha |
notpAdakaH prajAbhAgI tathaivAnyA~NganAsvapi || 9\.48||
ye.akShetriNo bIjavantaH parakShetrapravApiNaH |
te vai sasyasya jAtasya na labhante phalaM kva chit || 9\.49||
yadanyagoShu vR^iShabho vatsAnAM janayetshatam |
gominAmeva te vatsA moghaM skanditamArShabham || 9\.50||
tathaivAkShetriNo bIjaM parakShetrapravApiNaH |
kurvanti kShetriNAmarthaM na bIjI labhate phalam || 9\.51||
phalaM tvanabhisa.ndhAya kShetriNAM bIjinAM tathA |
pratyakShaM kShetriNAmartho bIjAdyonirgarIyasI || 9\.52||

kriyAbhyupagamAttvetadbIjArthaM yatpradIyate |
tasyaiha bhAginau dR^iShTau bIjI kShetrika eva cha || 9\.53||
oghavAtAhR^itaM bIjaM yasya kShetre prarohati |
kShetrikasyaiva tadbIjaM  na vaptA labhate phalam || 9\.54|| na bIjI labhate phalam

eSha dharmo gavAshvasya dAsyuShTrAjAvikasya cha |
viha~NgamahiShINAM cha vij~neyaH prasavaM prati || 9\.55||
etadvaH sAraphalgutvaM bIjayonyoH prakIrtitam |
ataH paraM pravakShyAmi yoShitAM dharmamApadi || 9\.56||
bhrAturjyeShThasya bhAryA yA gurupatnyanujasya sA |
yavIyasastu yA bhAryA snuShA jyeShThasya sA smR^itA || 9\.57||
jyeShTho yavIyaso bhAryAM yavIyAn vA.agrajastriyam |
patitau bhavato gatvA niyuktAvapyanApadi || 9\.58||
devarAdvA sapiNDAdvA striyA samyakniyuktayA |
prajepsitA.a.adhigantavyA sa.ntAnasya parikShaye || 9\.59||
vidhavAyAM niyuktastu ghR^itAkto vAgyato nishi |
ekamutpAdayetputraM na dvitIyaM kathaM chana || 9\.60||
dvitIyameke prajanaM manyante strIShu tadvidaH |
anirvR^itaM  niyogArthaM pashyanto dharmatastayoH || 9\.61|| anirvR^ittaM

vidhavAyAM niyogArthe nirvR^itte tu yathAvidhi | nivR^itte 
guruvatcha snuShAvatcha varteyAtAM parasparam || 9\.62||
niyuktau yau vidhiM hitvA varteyAtAM tu kAmataH |
tAvubhau patitau syAtAM snuShAgagurutalpagau || 9\.63||
nAnyasmin vidhavA nArI niyoktavyA dvijAtibhiH |
anyasmin hi niyu~njAnA dharmaM hanyuH sanAtanam || 9\.64||
nodvAhikeShu mantreShu niyogaH kIrtyate kva chit |
na vivAhavidhAvuktaM vidhavAvedanaM punaH || 9\.65||
ayaM dvijairhi vidvadbhiH pashudharmo vigarhitaH |
manuShyANAmapi prokto vene rAjyaM prashAsati || 9\.66||
sa mahImakhilAM bhu~njan rAjarShipravaraH purA |
varNAnAM sa~NkaraM chakre kAmopahatachetanaH || 9\.67||
tataH prabhR^iti yo mohAtpramItapatikAM striyam |
niyojayatyapatyArthaM taM vigarhanti sAdhavaH || 9\.68||
yasyA mriyeta kanyAyA vAchA satye kR^ite patiH |
tAmanena vidhAnena nijo vindeta devaraH || 9\.69||
yathAvidhyadhigamyainAM shuklavastrAM shuchivratAm |
mitho bhajetA prasavAtsakR^itsakR^idR^itAvR^itau || 9\.70||
na dattvA kasya chitkanyAM punardadyAdvichakShaNaH |
dattvA punaH prayachChan hi prApnoti puruShAnR^itam || 9\.71||
vidhivatpratigR^ihyApi tyajetkanyAM vigarhitAm |
vyAdhitAM vipraduShTAM vA ChadmanA chopapAditAm || 9\.72||
yastu doShavatIM kanyAmanAkhyAyaupapAdayet |
tasya tadvitathaM kuryAtkanyAdAturdurAtmanaH || 9\.73||
vidhAya vR^ittiM bhAryAyAH pravasetkAryavAnnaraH |
avR^ittikarshitA hi strI praduShyetsthitimatyapi || 9\.74||
vidhAya proShite vR^ittiM jIvenniyamamAsthitA |
proShite tvavidhAyaiva jIvetshilpairagarhitaiH || 9\.75||
proShito dharmakAryArthaM pratIkShyo.aShTau naraH samAH |
vidyArthaM ShaT yasho.arthaM vA kAmArthaM trI.nstu vatsarAn || 9\.76||
sa.nvatsaraM pratIkSheta dviShantIM yoShitaM patiH | dviShANAM
UrdhvaM sa.nvatsarAttvenAM dAyaM hR^itvA na sa.nvaset || 9\.77||
atikrAmetpramattaM yA mattaM rogArtameva vA |
sA trIn mAsAn parityAjyA vibhUShaNaparichChadA || 9\.78||
unmattaM patitaM klIbamabIjaM pAparogiNam |
na tyAgo.asti dviShantyAshcha na cha dAyApavartanam || 9\.79||
madyapA.asAdhuvR^ittA cha pratikUlA cha yA bhavet | madyapAsatyavR^ittA 
vyAdhitA vA.adhivettavyA hi.nsrA.arthaghnI cha sarvadA || 9\.80||
vandhyAShTame.adhivedyAbde dashame tu mR^itaprajA |
ekAdashe strIjananI sadyastvapriyavAdinI || 9\.81||
yA rogiNI syAttu hitA sampannA chaiva shIlataH |
sA.anuj~nApyAdhivettavyA nAvamAnyA cha karhi chit || 9\.82||
adhivinnA tu yA nArI nirgachChedruShitA gR^ihAt |
sA sadyaH sa.nniroddhavyA tyAjyA vA kulasa.nnidhau || 9\.83||
pratiShiddhA.api chedyA tu madyamabhyudayeShvapi | pratiShedhe pibedyA tu
prekShAsamAjaM gachChedvA sA daNDyA kR^iShNalAni ShaT || 9\.84||
yadi svAshchAparAshchaiva vinderan yoShito dvijAH |
tAsAM varNakrameNa syAjjyeShThyaM pUjA cha veshma cha || 9\.85||
bhartuH sharIrashushrUShAM dharmakAryaM cha naityakam |
svA chaiva kuryAtsarveShAM nAsvajAtiH kathaM chana || 9\.86|| svA svaiva

yastu tatkArayen mohAtsajAtyA sthitayA.anyayA |
yathA brAhmaNachANDAlaH pUrvadR^iShTastathaiva saH || 9\.87||
utkR^iShTAyAbhirUpAya varAya sadR^ishAya cha |
aprAptAmapi tAM tasmai kanyAM dadyAdyathAvidhi || 9\.88||
kAmamAmaraNAttiShThedgR^ihe kanyArtumatyapi |
na chaivainAM prayachChettu guNahInAya karhi chit || 9\.89||
trINi varShANyudIkSheta kumAryartumatI satI |
UrdhvaM tu kAlAdetasmAdvindeta sadR^ishaM patim || 9\.90||
adIyamAnA bhartAramadhigachChedyadi svayam |
nainaH kiM chidavApnoti na cha yaM sA.adhigachChati || 9\.91||
ala~NkAraM nAdadIta pitryaM kanyA svaya.nvarA |
mAtR^ikaM bhrAtR^idattaM vA stenA syAdyadi taM haret || 9\.92||
pitre na dadyAtshulkaM tu kanyAM R^itumatIM haran |
sa cha svAmyAdatikrAmedR^itUnAM pratirodhanAt || 9\.93||
tri.nshadvarSho vahetkanyAM hR^idyAM dvAdashavArShikIm |
tryaShTavarSho.aShTavarShAM vA dharme sIdati satvaraH || 9\.94||
devadattAM patirbhAryAM vindate nechChayA.atmanaH |
tAM sAdhvIM bibhR^iyAnnityaM devAnAM priyamAcharan || 9\.95||
prajanArthaM striyaH sR^iShTAH sa.ntAnArthaM cha mAnavaH |
tasmAtsAdhAraNo dharmaH shrutau patnyA sahoditaH || 9\.96||
kanyAyAM dattashulkAyAM mriyeta yadi shulkadaH |
devarAya pradAtavyA yadi kanyA.anumanyate || 9\.97||
AdadIta na shUdro.api shulkaM duhitaraM dadan |
shulkaM hi gR^ihNan kurute ChannaM duhitR^ivikrayam || 9\.98||
etattu na pare chakrurnApare jAtu sAdhavaH |
yadanyasya pratij~nAya punaranyasya dIyate || 9\.99||
nAnushushruma jAtvetatpUrveShvapi hi janmasu |
shulkasa.nj~nena mUlyena ChannaM duhitR^ivikrayam || 9\.100||
anyonyasyAvyabhichAro bhavedAmaraNAntikaH |
eSha dharmaH samAsena j~neyaH strIpu.nsayoH paraH || 9\.101||
tathA nityaM yateyAtAM strIpu.nsau tu kR^itakriyau |
yathA nAbhicharetAM tau viyuktAvitaretaram || 9\.102|| nAticharetAM 

eSha strIpu.nsayorukto dharmo vo ratisa.nhitaH |
ApadyapatyaprAptishcha dAyadharmaM nibodhata || 9\.103||
UrdhvaM pitushcha mAtushcha sametya bhrAtaraH samam |
bhajeran paitR^ikaM rikthamanIshAste hi jIvatoH || 9\.104||
jyeShTha eva tu gR^ihNIyAtpitryaM dhanamasheShataH |
sheShAstamupajIveyuryathaiva pitaraM tathA || 9\.105||
jyeShThena jAtamAtreNa putrI bhavati mAnavaH |
pitR^INAmanR^iNashchaiva sa tasmAtsarvamarhati || 9\.106||
yasminR^iNaM sa.nnayati yena chAnantyamashnute |
sa eva dharmajaH putraH kAmajAnitarAn viduH || 9\.107||
piteva pAlayetpUtrAn jyeShTho bhrAtR^In yavIyasaH |
putravatchApi varteran jyeShThe bhrAtari dharmataH || 9\.108||
jyeShThaH kulaM vardhayati vinAshayati vA punaH |
jyeShThaH pUjyatamo loke jyeShThaH sadbhiragarhitaH || 9\.109||
yo jyeShTho jyeShThavR^ittiH syAn mAtaiva sa pitaiva saH |
ajyeShThavR^ittiryastu syAtsa sampUjyastu bandhuvat || 9\.110||
evaM saha vaseyurvA pR^ithagvA dharmakAmyayA |
pR^ithagvivardhate dharmastasmAddharmyA pR^ithakkriyA || 9\.111||
jyeShThasya vi.nsha uddhAraH sarvadravyAchcha yadvaram |
tato.ardhaM madhyamasya syAtturIyaM tu yavIyasaH || 9\.112||
jyeShThashchaiva kaniShThashcha sa.nharetAM yathoditam |
ye.anye jyeShThakaniShThAbhyAM teShAM syAn madhyamaM dhanam || 9\.113||
sarveShAM dhanajAtAnAmAdadItAgryamagrajaH |
yachcha sAtishayaM kiM chiddashatashchApnuyAdvaram || 9\.114||
uddhAro na dashasvasti sampannAnAM svakarmasu |
yatkiM chideva deyaM tu jyAyase mAnavardhanam || 9\.115||
evaM samuddhR^itoddhAre samAna.nshAn prakalpayet |
uddhAre.anuddhR^ite tveShAmiyaM syAda.nshakalpanA || 9\.116||
ekAdhikaM harejjyeShThaH putro.adhyardhaM tato.anujaH |
a.nshama.nshaM yavIyA.nsa iti dharmo vyavasthitaH || 9\.117||
svebhyo.nshebhyastu kanyAbhyaH pradadyurbhrAtaraH pR^ithak | svAbhyaH svAbhyastu
svAtsvAda.nshAchchaturbhAgaM patitAH syuraditsavaH || 9\.118||
ajAvikaM sekashaphaM  na jAtu viShamaM bhajet | ajAvikaM chaikashaphaM
ajAvikaM tu viShamaM jyeShThasyaiva vidhIyate || 9\.119||
yavIyAnjyeShThabhAryAyAM putramutpAdayedyadi |
samastatra vibhAgaH syAditi dharmo vyavasthitaH || 9\.120||
upasarjanaM pradhAnasya dharmato nopapadyate |
pitA pradhAnaM prajane tasmAddharmeNa taM bhajet || 9\.121||
putraH kaniShTho jyeShThAyAM kaniShThAyAM cha pUrvajaH |
kathaM tatra vibhAgaH syAditi chetsa.nshayo bhavet || 9\.122||
ekaM vR^iShabhamuddhAraM sa.nhareta sa pUrvajaH |
tato.apare jyeShThavR^iShAstadUnAnAM svamAtR^itaH || 9\.123||
jyeShThastu jAto jyeShThAyAM haredvR^iShabhaShoDashAH |
tataH svamAtR^itaH sheShA bhajeranniti dhAraNA || 9\.124||
sadR^ishastrIShu jAtAnAM putrANAmavisheShataH |
na mAtR^ito jyaiShThyamasti janmato jyaiShThyamuchyate || 9\.125||
janmajyeShThena chAhvAnaM subrahmaNyAsvapi smR^itam |
yamayoshchaiva garbheShu janmato jyeShThatA smR^itA || 9\.126||
aputro.anena vidhinA sutAM kurvIta putrikAm |
yadapatyaM bhavedasyAM tan mama syAtsvadhAkaram || 9\.127||
anena tu vidhAnena purA chakre.atha putrikAH |
vivR^iddhyarthaM svava.nshasya svayaM dakShaH prajApatiH || 9\.128||
dadau sa dasha dharmAya kashyapAya trayodasha |
somAya rAj~ne satkR^itya prItAtmA saptavi.nshatim || 9\.129||
yathaivAtmA tathA putraH putreNa duhitA samA |
tasyAmAtmani tiShThantyAM kathamanyo dhanaM haret || 9\.130||
mAtustu yautakaM yatsyAtkumArIbhAga eva saH |
dauhitra eva cha haredaputrasyAkhilaM dhanam || 9\.131||
dauhitro hyakhilaM rikthamaputrasya piturharet |
sa eva dadyAddvau piNDau pitre mAtAmahAya cha || 9\.132||
pautradauhitrayorloke na visheSho.asti dharmataH |
tayorhi mAtApitarau sambhUtau tasya dehataH || 9\.133||
putrikAyAM kR^itAyAM tu yadi putro.anujAyate |
samastatra vibhAgaH syAtjyeShThatA nAsti hi striyAH || 9\.134||
aputrAyAM mR^itAyAM tu putrikAyAM kathaM chana |
dhanaM tatputrikAbhartA haretaivAvichArayan || 9\.135||
akR^itA vA kR^itA vA.api yaM vindetsadR^ishAtsutam |
pautrI mAtAmahastena dadyAtpiNDaM hareddhanam || 9\.136||
putreNa lokAnjayati pautreNAnantyamashnute |
atha putrasya pautreNa bradhnasyApnoti viShTapam || 9\.137||
punnAmno narakAdyasmAttrAyate pitaraM sutaH |
tasmAtputra iti proktaH svayameva svayambhuvA || 9\.138||
pautradauhitrayorloke visheSho nopapadyate |
dauhitro.api hyamutrainaM sa.ntArayati pautravat || 9\.139||
mAtuH prathamataH piNDaM nirvapetputrikAsutaH |
dvitIyaM tu pitustasyAstR^itIyaM tatpituH pituH || 9\.140||
upapanno guNaiH sarvaiH putro yasya tu dattrimaH |
sa haretaiva tadrikthaM samprApto.apyanyagotrataH || 9\.141||
gotrarikthe janayiturna hareddattrimaH kva chit |
gotrarikthAnugaH piNDo vyapaiti dadataH svadhA || 9\.142||
aniyuktAsutashchaiva putriNyA.aptashcha devarAt |
ubhau tau nArhato bhAgaM jArajAtakakAmajau || 9\.143||
niyuktAyAmapi pumAnnAryAM jAto.avidhAnataH |
naivArhaH paitR^ikaM rikthaM patitotpAdito hi saH || 9\.144||
harettatra niyuktAyAM jAtaH putro yathaurasaH |
kShetrikasya tu tadbIjaM dharmataH prasavashcha saH || 9\.145||
dhanaM yo bibhR^iyAdbhrAturmR^itasya striyameva cha |
so.apatyaM bhrAturutpAdya dadyAttasyaiva taddhanam || 9\.146||
yA niyuktA.anyataH putraM devarAdvA.apyavApnuyAt |
taM kAmajamarikthIyaM vR^ithotpannaM prachakShate || 9\.147|| mithyautpannaM 

etadvidhAnaM vij~neyaM vibhAgasyaikayoniShu |
bahvIShu chaikajAtAnAM nAnAstrIShu nibodhata || 9\.148||
brAhmaNasyAnupUrvyeNa chatasrastu yadi striyaH |
tAsAM putreShu jAteShu vibhAge.ayaM vidhiH smR^itaH || 9\.149||
kInAsho govR^iSho yAnamala~NkArashcha veshma cha |
viprasyauddhArikaM deyamekA.nshashcha pradhAnataH || 9\.150||
trya.nshaM dAyAdharedvipro dvAva.nshau kShatriyAsutaH |
vaishyAjaH sArdhamevA.nshama.nshaM shUdrAsuto haret || 9\.151||
sarvaM vA rikthajAtaM taddashadhA parikalpya cha |
dharmyaM vibhAgaM kurvIta vidhinA.anena dharmavit || 9\.152||
chaturAna.nshAn haredviprastrIna.nshAn kShatriyAsutaH |
vaishyAputro hareddvya.nshama.nshaM shUdrAsuto haret || 9\.153||
yadyapi syAttu satputro.apyasatputro.api vA bhavet | yadyapi syAttu satputro yadyaputro.api vA bhavet|
nAdhikaM dashamAddadyAtshUdrAputrAya dharmataH || 9\.154||
brAhmaNakShatriyavishAM shUdrAputro na rikthabhAk |
yadevAsya pitA dadyAttadevAsya dhanaM bhavet || 9\.155||
samavarNAsu vA jAtAH sarve putrA dvijanmanAm |
uddhAraM jyAyase dattvA bhajerannitare samam || 9\.156||
shUdrasya tu savarNaiva nAnyA bhAryA vidhIyate |
tasyAM jAtAH samA.nshAH syuryadi putrashataM bhavet || 9\.157||
putrAn dvAdasha yAnAha nR^INAM svAyambhuvo manuH |
teShAM ShaD bandhudAyAdAH ShaDadAyAdabAndhavAH || 9\.158||
aurasaH kShetrajashchaiva dattaH kR^itrima eva cha |
gUDhotpanno.apaviddhashcha dAyAdA bAndhavAshcha ShaT || 9\.159||
kAnInashcha sahoDhashcha krItaH paunarbhavastathA |
svaya.ndattashcha shaudrashcha ShaDadAyAdabAndhavAH || 9\.160||
yAdR^ishaM phalamApnoti kuplavaiH sa.ntara~njalam |
tAdR^ishaM phalamApnoti kuputraiH sa.ntara.nstamaH || 9\.161||
yadyekarikthinau syAtAmaurasakShetrajau sutau |
yasya yatpaitR^ikaM rikthaM sa tadgR^ihNIta naitaraH || 9\.162||
eka evaurasaH putraH pitryasya vasunaH prabhuH |
sheShANAmAnR^isha.nsyArthaM pradadyAttu prajIvanam || 9\.163||
ShaShThaM tu kShetrajasyA.nshaM pradadyAtpaitR^ikAddhanAt |
auraso vibhajan dAyaM pitryaM pa~nchamameva vA || 9\.164||
aurasakShetrajau putrau pitR^irikthasya bhAginau |
dashApare tu kramasho gotrarikthA.nshabhAginaH || 9\.165||
svakShetre sa.nskR^itAyAM tu svayamutpAdayedhi yam |
tamaurasaM vijAnIyAtputraM prAthamakalpikam || 9\.166||
yastalpajaH pramItasya klIbasya vyAdhitasya vA |
svadharmeNa niyuktAyAM sa putraH kShetrajaH smR^itaH || 9\.167||
mAtA pitA vA dadyAtAM yamadbhiH putramApadi |
sadR^ishaM prItisa.nyuktaM sa j~neyo dattrimaH sutaH || 9\.168||
sadR^ishaM tu prakuryAdyaM guNadoShavichakShaNam |
putraM putraguNairyuktaM sa vij~neyashcha kR^itrimaH || 9\.169||
utpadyate gR^ihe yastu na cha j~nAyeta kasya saH |
sa gR^ihe gUDha utpannastasya syAdyasya talpajaH || 9\.170||
mAtApitR^ibhyAmutsR^iShTaM tayoranyatareNa vA |
yaM putraM parigR^ihNIyAdapaviddhaH sa uchyate || 9\.171||
pitR^iveshmani kanyA tu yaM putraM janayedrahaH |
taM kAnInaM vadennAmnA voDhuH kanyAsamudbhavam || 9\.172||
yA garbhiNI sa.nskriyate j~nAtA.aj~nAtA.api vA satI |
voDhuH sa garbho bhavati sahoDha iti chochyate || 9\.173||
krINIyAdyastvapatyArthaM mAtApitroryamantikAt |
sa krItakaH sutastasya sadR^isho.asadR^isho.api vA || 9\.174||
yA patyA vA parityaktA vidhavA vA svayechChayA |
utpAdayetpunarbhUtvA sa paunarbhava uchyate || 9\.175||
sA chedakShatayoniH syAdgatapratyAgatA.api vA |
paunarbhavena bhartrA sA punaH sa.nskAramarhati || 9\.176||
mAtApitR^ivihIno yastyakto vA syAdakAraNAt |
AtmAnamarpayedyasmai svaya.ndattastu sa smR^itaH || 9\.177||
yaM brAhmaNastu shUdrAyAM kAmAdutpAdayetsutam |
sa pArayanneva shavastasmAtpArashavaH smR^itaH || 9\.178||
dAsyAM vA dAsadAsyAM vA yaH shUdrasya suto bhavet |
so.anuj~nAto hareda.nshamiti dharmo vyavasthitaH || 9\.179||
kShetrajAdIn sutAnetAnekAdasha yathoditAn |
putrapratinidhInAhuH kriyAlopAn manIShiNaH || 9\.180||
ya ete.abhihitAH putrAH prasa~NgAdanyabIjajAH |
yasya te bIjato jAtAstasya te naitarasya tu || 9\.181||
bhrAtR^INAmekajAtAnAmekashchetputravAn bhavet |
sarvA.nstA.nstena putreNa putriNo manurabravIt || 9\.182||
sarvAsAmekapatnInAmekA chetputriNI bhavet |
sarvAstAstena putreNa prAha putravatIrmanuH || 9\.183||
shreyasaH shreyaso.alAbhe pApIyAn rikthamarhati |
bahavashchettu sadR^ishAH sarve rikthasya bhAginaH || 9\.184||
na bhrAtaro na pitaraH putrA rikthaharAH pituH |
pitA haredaputrasya rikthaM bhrAtara eva cha || 9\.185||
trayANAmudakaM kAryaM triShu piNDaH pravartate |
chaturthaH sampradAtaiShAM pa~nchamo nopapadyate || 9\.186||
anantaraH sapiNDAdyastasya tasya dhanaM bhavet |
ata UrdhvaM sakulyaH syAdAchAryaH shiShya eva vA || 9\.187||
sarveShAmapyabhAve tu brAhmaNA rikthabhAginaH |
traividyAH shuchayo dAntAstathA dharmo na hIyate || 9\.188||
ahAryaM brAhmaNadravyaM rAj~nA nityamiti sthitiH |
itareShAM tu varNAnAM sarvAbhAve harennR^ipaH || 9\.189||
sa.nsthitasyAnapatyasya sagotrAtputramAharet ||
tatra yadrikthajAtaM syAttattasmin pratipAdayet || 9\.190||
dvau tu yau vivadeyAtAM dvAbhyAM jAtau striyA dhane |
tayoryadyasya pitryaM syAttatsa gR^ihNIta naitaraH || 9\.191||
jananyAM sa.nsthitAyAM tu samaM sarve sahodarAH |
bhajeran mAtR^ikaM rikthaM bhaginyashcha sanAbhayaH || 9\.192||
yAstAsAM syurduhitarastAsAmapi yathArhataH | 
mAtAmahyA dhanAtkiM chitpradeyaM prItipUrvakam || 9\.193||
adhyagnyadhyAvAhanikaM dattaM cha prItikarmaNi |
bhrAtR^imAtR^ipitR^iprAptaM ShaD vidhaM strIdhanaM smR^itam || 9\.194||
anvAdheyaM cha yaddattaM patyA prItena chaiva yat |
patyau jIvati vR^ittAyAH prajAyAstaddhanaM bhavet || 9\.195||
brAhmadaivArShagAndharvaprAjApatyeShu yadvasu |
aprajAyAmatItAyAM bhartureva tadiShyate || 9\.196||
yattvasyAH syAddhanaM dattaM vivAheShvAsurAdiShu |
aprajAyAmatItAyAM mAtApitrostadiShyate || 9\.197||
striyAM tu yadbhavedvittaM pitrA dattaM kathaM chana |
brAhmaNI tadharetkanyA tadapatyasya vA bhavet || 9\.198||
na nirhAraM striyaH kuryuH kuTumbAdbahumadhyagAt |
svakAdapi cha vittAdhi svasya bharturanAj~nayA || 9\.199||
patyau jIvati yaH strIbhirala~NkAro dhR^ito bhavet |
na taM bhajeran dAyAdA bhajamAnAH patanti te || 9\.200||
ana.nshau klIbapatitau jAtyandhabadhirau tathA |
unmattajaDamUkAshcha ye cha ke chinnirindriyAH || 9\.201||
sarveShAmapi tu nyAyyaM dAtuM shaktyA manIShiNA |
grAsAchChAdanamatyantaM patito hyadadadbhavet || 9\.202||
yadyarthitA tu dAraiH syAtklIbAdInAM kathaM chana |
teShAmutpannatantUnAmapatyaM dAyamarhati || 9\.203||
yatkiM chitpitari prete dhanaM jyeShTho.adhigachChati |
bhAgo yavIyasAM tatra yadi vidyAnupAlinaH || 9\.204||
avidyAnAM tu sarveShAmIhAtashcheddhanaM bhavet |
samastatra vibhAgaH syAdapitrya iti dhAraNA || 9\.205||
vidyAdhanaM tu yadyasya tattasyaiva dhanaM bhavet |
maitryamodvAhikaM chaiva mAdhuparkikameva cha || 9\.206||
bhrAtR^INAM yastu naiheta dhanaM shaktaH svakarmaNA |
sa nirbhAjyaH svakAda.nshAtkiM chiddattvopajIvanam || 9\.207||
anupaghnan pitR^idravyaM shrameNa yadupArjitam |
svayamIhitalabdhaM tannAkAmo dAtumarhati || 9\.208||
paitR^ikaM tu pitA dravyamanavAptaM yadApnuyAt |
na tatputrairbhajetsArdhamakAmaH svayamarjitam || 9\.209||
vibhaktAH saha jIvanto vibhajeran punaryadi |
samastatra vibhAgaH syAjjyaiShThyaM tatra na vidyate || 9\.210||
yeShAM jyeShThaH kaniShTho vA hIyetA.nshapradAnataH |
mriyetAnyataro vA.api tasya bhAgo na lupyate || 9\.211||
sodaryA vibhajera.nstaM sametya sahitAH samam |
bhrAtaro ye cha sa.nsR^iShTA bhaginyashcha sanAbhayaH || 9\.212||
yo jyeShTho vinikurvIta lobhAdbhrAtR^In yavIyasaH |
so.ajyeShThaH syAdabhAgashcha niyantavyashcha rAjabhiH || 9\.213||
sarva eva vikarmasthA nArhanti bhrAtaro dhanam |
na chAdattvA kaniShThebhyo jyeShThaH kurvIta yotakam || 9\.214||
bhrAtR^INAmavibhaktAnAM yadyutthAnaM bhavetsaha |
na putrabhAgaM viShamaM pitA dadyAtkathaM chana || 9\.215||
UrdhvaM vibhAgAtjAtastu pitryameva hareddhanam |
sa.nsR^iShTAstena vA ye syurvibhajeta sa taiH saha || 9\.216||
anapatyasya putrasya mAtA dAyamavApnuyAt |
mAtaryapi cha vR^ittAyAM piturmAtA hareddhanam || 9\.217||
R^iNe dhane cha sarvasmin pravibhakte yathAvidhi |
pashchAddR^ishyeta yatkiM chittatsarvaM samatAM nayet || 9\.218||
vastraM patramala~NkAraM kR^itAnnamudakaM striyaH |
yogakShemaM prachAraM cha na vibhAjyaM prachakShate || 9\.219||
ayamukto vibhAgo vaH putrANAM cha kriyAvidhiH |
kramashaH kShetrajAdInAM dyUtadharmaM nibodhata || 9\.220||
dyUtaM samAhvayaM chaiva rAjA rAShTrAtnivArayet |
rAjAntakaraNAvetau dvau doShau pR^ithivIkShitAm || 9\.221||
prakAshametattAskaryaM yaddevanasamAhvayau |
tayornityaM pratIghAte nR^ipatiryatnavAn bhavet || 9\.222||
aprANibhiryatkriyate tatloke dyUtamuchyate |
prANibhiH kriyate yastu sa vij~neyaH samAhvayaH || 9\.223||
dyUtaM samAhvayaM chaiva yaH kuryAtkArayeta vA |
tAn sarvAn ghAtayedrAjA shUdrA.nshcha dvijali~NginaH || 9\.224||
kitavAn kushIlavAn krUrAn pAShaNDasthA.nshcha mAnavAn |
vikarmasthAn shauNDikA.nshcha kShipraM nirvAsayetpurAt || 9\.225||
ete rAShTre vartamAnA rAj~naH prachChannataskarAH |
vikarmakriyayA nityaM bAdhante bhadrikAH prajAH || 9\.226||
dyUtametatpurA kalpe dR^iShTaM vairakaraM mahat |
tasmAddyUtaM na seveta hAsyArthamapi buddhimAn || 9\.227||
prachChannaM vA prakAshaM vA tanniSheveta yo naraH |
tasya daNDavikalpaH syAdyatheShTaM nR^ipatestathA || 9\.228||
kShatravidshUdrayonistu daNDaM dAtumashaknuvan |
AnR^iNyaM karmaNA gachChedvipro dadyAtshanaiH shanaiH || 9\.229||
strIbAlonmattavR^iddhAnAM daridrANAM cha rogiNAm |
shiphAvidalarajjvAdyairvidadhyAtnR^ipatirdamam || 9\.230||
ye niyuktAstu kAryeShu hanyuH kAryANi kAryiNAm |
dhanauShmaNA pachyamAnAstAnniHsvAn kArayennR^ipaH || 9\.231||
kUTashAsanakartR^I.nshcha prakR^itInAM cha dUShakAn |
strIbAlabrAhmaNaghnA.nshcha hanyAddviTsevinastathA || 9\.232||
tIritaM chAnushiShTaM cha yatra kva chana yadbhavet |
kR^itaM taddharmato vidyAnna tadbhUyo nivartayet || 9\.233||
amAtyaH prADvivAko vA yatkuryuH kAryamanyathA |
tatsvayaM nR^ipatiH kuryAttAn sahasraM cha daNDayet || 9\.234|| taM 

brahmahA cha surApashcha steyI cha gurutalpagaH | taskaro gurutalpagaH 
ete sarve pR^ithagj~neyA mahApAtakino narAH || 9\.235||
chaturNAmapi chaiteShAM prAyashchittamakurvatAm |
shArIraM dhanasa.nyuktaM daNDaM dharmyaM prakalpayet || 9\.236||
gurutalpe bhagaH kAryaH surApAne surAdhvajaH |
steye cha shvapadaM kAryaM brahmahaNyashirAH pumAn || 9\.237|| taskare shvapadaM kAryaM 

asambhojyA hyasa.nyAjyA asampAThyA.avivAhinaH |
chareyuH pR^ithivIM dInAH sarvadharmabahiShkR^itAH || 9\.238||
j~nAtisambandhibhistvete tyaktavyAH kR^italakShaNAH |
nirdayA nirnamaskArAstan manoranushAsanam || 9\.239||
prAyashchittaM tu kurvANAH sarvavarNA yathoditam | pUrve varNA yathoditam
nA~NkyA rAj~nA lalATe syurdApyAstUttamasAhasam || 9\.240||
AgaHsu brAhmaNasyaiva kAryo madhyamasAhasaH |
vivAsyo vA bhavedrAShTrAtsadravyaH saparichChadaH || 9\.241||
itare kR^itavantastu pApAnyetAnyakAmataH |
sarvasvahAramarhanti kAmatastu pravAsanam || 9\.242||
nAdadIta nR^ipaH sAdhurmahApAtakino dhanam |
AdadAnastu tatlobhAttena doSheNa lipyate || 9\.243||
apsu praveshya taM daNDaM varuNAyopapAdayet |
shrutavR^ittopapanne vA brAhmaNe pratipAdayet || 9\.244||
Isho daNDasya varuNo rAj~nAM daNDadharo hi saH |
IshaH sarvasya jagato brAhmaNo vedapAragaH || 9\.245||
yatra varjayate rAjA pApakR^idbhyo dhanAgamam |
tatra kAlena jAyante mAnavA dIrghajIvinaH || 9\.246||
niShpadyante cha sasyAni yathoptAni vishAM pR^ithak |
bAlAshcha na pramIyante vikR^itaM cha na jAyate || 9\.247||
brAhmaNAn bAdhamAnaM tu kAmAdavaravarNajam |
hanyAchchitrairvadhopAyairudvejanakarairnR^ipaH || 9\.248||
yAvAnavadhyasya vadhe tAvAn vadhyasya mokShaNe |
adharmo nR^ipaterdR^iShTo dharmastu viniyachChataH || 9\.249||
udito.ayaM vistarasho mitho vivadamAnayoH |
aShTAdashasu mArgeShu vyavahArasya nirNayaH || 9\.250||
evaM dharmyANi kAryANi samyakkurvan mahIpatiH |
deshAnalabdhAnlipseta labdhA.nshcha paripAlayet || 9\.251||
samyagniviShTadeshastu kR^itadurgashcha shAstrataH |
kaNTakoddharaNe nityamAtiShThedyatnamuttamam || 9\.252||
rakShanAdAryavR^ittAnAM kaNTakAnAM cha shodhanAt |
narendrAstridivaM yAnti prajApAlanatatparAH || 9\.253||
ashAsa.nstaskarAn yastu baliM gR^ihNAti pArthivaH |
tasya prakShubhyate rAShTraM svargAchcha parihIyate || 9\.254||
nirbhayaM tu bhavedyasya rAShTraM bAhubalAshritam |
tasya tadvardhate nityaM sichyamAna iva drumaH || 9\.255||
dvividhA.nstaskarAn vidyAtparadravyApahArakAn |
prakAshA.nshchAprakAshA.nshcha chArachakShurmahIpatiH || 9\.256||
prakAshava~nchakAsteShAM nAnApaNyopajIvinaH |
prachChannava~nchakAstvete ye stenATavikAdayaH || 9\.257||
utkochakAshchopadhikA va~nchakAH kitavAstathA |
ma~NgalAdeshavR^ittAshcha bhadrAshchaikShaNikaiH saha || 9\.258|| bhadraprekShaNikaiH saha 

asamyakkAriNashchaiva mahAmAtrAshchikitsakAH |
shilpopachArayuktAshcha nipuNAH paNyayoShitaH || 9\.259||
evamAdIn vijAnIyAtprakAshA.nllokakaNTakAn | evamAdyAn 
nigUDhachAriNashchAnyAnanAryAnAryali~NginaH || 9\.260||
tAn viditvA sucharitairgUDhaistatkarmakAribhiH |
chAraishchAnekasa.nsthAnaiH protsAdya vashamAnayet || 9\.261||
teShAM doShAnabhikhyApya sve sve karmaNi tattvataH |
kurvIta shAsanaM rAjA samyaksArAparAdhataH || 9\.262||
na hi daNDAdR^ite shakyaH kartuM pApavinigrahaH |
stenAnAM pApabuddhInAM nibhR^itaM charatAM kShitau || 9\.263||
sabhAprapA.apUpashAlAveshamadyAnnavikrayAH |
chatuShpathA.nshchaityavR^ikShAH samAjAH prekShaNAni cha || 9\.264||
jIrNodyAnAnyaraNyAni kArukAveshanAni cha |
shUnyAni chApyagArANi vanAnyupavanAni cha || 9\.265||
eva.nvidhAnnR^ipo deshAn gulmaiH sthAvaraja~NgamaiH |
taskarapratiShedhArthaM chAraishchApyanuchArayet || 9\.266||
tatsahAyairanugatairnAnAkarmapravedibhiH |
vidyAdutsAdayechchaiva nipuNaiH pUrvataskaraiH || 9\.267||
bhakShyabhojyopadeshaishcha brAhmaNAnAM cha darshanaiH |
shauryakarmApadeshaishcha kuryusteShAM samAgamam || 9\.268||
ye tatra nopasarpeyurmUlapraNihitAshcha ye |
tAn prasahya nR^ipo hanyAtsamitraj~nAtibAndhavAn || 9\.269||
na hoDhena vinA chauraM ghAtayeddhArmiko nR^ipaH |
sahoDhaM sopakaraNaM ghAtayedavichArayan || 9\.270||
grAmeShvapi cha ye ke chichchaurANAM bhaktadAyakAH |
bhANDAvakAshadAshchaiva sarvA.nstAnapi ghAtayet || 9\.271||
rAShTreShu rakShAdhikR^itAn sAmantA.nshchaiva choditAn |
abhyAghAteShu madhyasthA~n shiShyAchchaurAniva drutam || 9\.272||
yashchApi dharmasamayAtprachyuto dharmajIvanaH |
daNDenaiva tamapyoShetsvakAddharmAdhi vichyutam || 9\.273||
grAmaghAte hitAbha~Nge pathi moShAbhidarshane |
shaktito nAbhidhAvanto nirvAsyAH saparichChadAH || 9\.274||
rAj~naH koshApahartR^I.nshcha  pratikUleShu cha sthitAn | prAtikUlyeShvavasthitAn 
ghAtayedvividhairdaNDairarINAM chopajApakAn || 9\.275||
 sa.ndhiM ChittvA tu ye chauryaM rAtrau kurvanti taskarAH | sa.ndhiM bhittvA)
teShAM ChittvA nR^ipo hastau tIkShNe shUle niveshayet || 9\.276||
a~NgulIrgranthibhedasya Chedayetprathame grahe |
dvitIye hastacharaNau tR^itIye vadhamarhati || 9\.277||
agnidAn bhaktadA.nshchaiva tathA shastrAvakAshadAn |
sa.nnidhAtR^I.nshcha moShasya hanyAchchauramiveshvaraH || 9\.278||
taDAgabhedakaM hanyAdapsu shuddhavadhena vA |
yadvA.api pratisa.nskuryAddApyastUttamasAhasam || 9\.279||
koShThAgArAyudhAgAradevatAgArabhedakAn |
hastyashvarathahartR^I.nshcha hanyAdevAvichArayan || 9\.280||
yastu pUrvaniviShTasya taDAgasyodakaM haret |
AgamaM vA.apyapAM bhindyAtsa dApyaH pUrvasAhasam || 9\.281||
samutsR^ijedrAjamArge yastvamedhyamanApadi |
sa dvau kArShApaNau dadyAdamedhyaM chAshu shodhayet || 9\.282||
Apadgato.atha vA vR^iddhA garbhiNI bAla eva vA |
paribhAShaNamarhanti tachcha shodhyamiti sthitiH || 9\.283||
chikitsakAnAM sarveShAM mithyApracharatAM damaH |
amAnuSheShu prathamo mAnuSheShu tu madhyamaH || 9\.284||
sa~NkramadhvajayaShTInAM pratimAnAM cha bhedakaH |
pratikuryAchcha tatsarvaM pa~ncha dadyAtshatAni cha || 9\.285||
adUShitAnAM dravyANAM dUShaNe bhedane tathA |
maNInAmapavedhe cha daNDaH prathamasAhasaH || 9\.286||
samairhi viShamaM yastu charedvai mUlyato.api vA |
samApnuyAddamaM pUrvaM naro madhyamameva vA || 9\.287||
bandhanAni cha sarvANi rAjA mArge niveshayet |  rAjamArge 
duHkhitA yatra dR^ishyeran vikR^itAH pApakAriNaH || 9\.288||
prAkArasya cha bhettAraM parikhANAM cha pUrakam |
dvArANAM chaiva bha~NktAraM kShiprameva pravAsayet || 9\.289||
abhichAreShu sarveShu kartavyo dvishato damaH |
mUlakarmaNi chAnApteH kR^ityAsu vividhAsu cha || 9\.290|| chAnAptaiH

abIjavikrayI chaiva bIjotkR^iShTA tathaiva cha |
maryAdAbhedakashchaiva vikR^itaM prApnuyAdvadham || 9\.291||
sarvakaNTakapApiShThaM hemakAraM tu pArthivaH |
pravartamAnamanyAye ChedayetlavashaH kShuraiH || 9\.292|| ChedayetkhaNDashaH kShuraiH 

sItAdravyApaharaNe shastrANAmauShadhasya cha |
kAlamAsAdya kAryaM cha rAjA daNDaM prakalpayet || 9\.293||
svAmy.amAtyau puraM rAShTraM koshadaNDau suhR^ittathA |
sapta prakR^itayo hyetAH saptA~NgaM rAjyamuchyate || 9\.294||
saptAnAM prakR^itInAM tu rAjyasyAsAM yathAkramam |
pUrvaM pUrvaM gurutaraM jAnIyAdvyasanaM mahat || 9\.295||
saptA~Ngasyaiha rAjyasya viShTabdhasya tridaNDavat |
anyonyaguNavaisheShyAtna kiM chidatirichyate || 9\.296||
teShu teShu tu kR^ityeShu tattada~NgaM vishiShyate |
yena yatsAdhyate kAryaM tattasmi.nshreShThamuchyate || 9\.297||
chAreNotsAhayogena kriyayaiva cha karmaNAm |
svashaktiM parashaktiM cha nityaM vidyAnmahIpatiH || 9\.298|| vidyAtparAtmanoH

pIDanAni cha sarvANi vyasanAni tathaiva cha |
Arabheta tataH kAryaM sa~nchintya gurulAghavam || 9\.299||
Arabhetaiva karmANi shrAntaH shrAntaH punaH punaH |
karmANyArabhamANaM hi puruShaM shrIrniShevate || 9\.300||
kR^itaM tretAyugaM chaiva dvAparaM kalireva cha |
rAj~no vR^ittAni sarvANi rAjA hi yugamuchyate || 9\.301||
kaliH prasupto bhavati sa jAgraddvAparaM yugam |
karmasvabhyudyatastretA vichara.nstu kR^itaM yugam || 9\.302||
indrasyArkasya vAyoshcha yamasya varuNasya cha |
chandrasyAgneH pR^ithivyAshcha tejovR^ittaM nR^ipashcharet || 9\.303||
vArShikA.nshchaturo mAsAn yathendro.abhipravarShati |
tathA.abhivarShetsvaM rAShTraM kAmairindravrataM charan || 9\.304||
aShTau mAsAn yathA.adityastoyaM harati rashmibhiH |
tathA haretkaraM rAShTrAtnityamarkavrataM hi tat || 9\.305||
pravishya sarvabhUtAni yathA charati mArutaH |
tathA chAraiH praveShTavyaM vratametadhi mArutam || 9\.306||
yathA yamaH priyadveShyau prApte kAle niyachChati |
tathA rAj~nA niyantavyAH prajAstadhi yamavratam || 9\.307||
varuNena yathA pAshairbaddha evAbhidR^ishyate |
tathA pApAnnigR^ihNIyAdvratametadhi vAruNam || 9\.308||
paripUrNaM yathA chandraM dR^iShTvA hR^iShyanti mAnavAH |
tathA prakR^itayo yasmin sa chAndravratiko nR^ipaH || 9\.309||
pratApayuktastejasvI nityaM syAtpApakarmasu |
duShTasAmantahi.nsrashcha tadAgneyaM vrataM smR^itam || 9\.310||
yathA sarvANi bhUtAni dharA dhArayate samam |
tathA sarvANi bhUtAni bibhrataH pArthivaM vratam || 9\.311||
etairupAyairanyaishcha yukto nityamatandritaH |
stenAn rAjA nigR^ihNIyAtsvarAShTre para eva cha || 9\.312||
parAmapyApadaM prApto brAhmaNAnna prakopayet |
te hyenaM kupitA hanyuH sadyaH sabalavAhanam || 9\.313||
yaiH kR^itaH sarvabhakShyo.agnirapeyashcha mahodadhiH | sarvabhakSho 
kShayI chApyAyitaH somaH ko na nashyetprakopya tAn || 9\.314||
lokAnanyAn sR^ijeyurye lokapAlA.nshcha kopitAH |
devAn kuryuradevA.nshcha kaH kShiNva.nstAn samR^idhnuyAt || 9\.315||
yAnupAshritya tiShThanti lokA devAshcha sarvadA |
brahma chaiva dhanaM yeShAM ko hi.nsyAttA~njijIviShuH || 9\.316||
avidvA.nshchaiva vidvA.nshcha brAhmaNo daivataM mahat |
praNItashchApraNItashcha yathA.agnirdaivataM mahat || 9\.317||
shmashAneShvapi tejasvI pAvako naiva duShyati |
hUyamAnashcha yaj~neShu bhUya evAbhivardhate || 9\.318||
evaM yadyapyaniShTeShu vartante sarvakarmasu |
sarvathA brAhmaNAH pUjyAH paramaM daivataM hi tat || 9\.319||
kShatrasyAtipravR^iddhasya brAhmaNAn prati sarvashaH |
brahmaiva sa.nniyantR^i syAtkShatraM hi brahmasambhavam || 9\.320||
adbhyo.agnirbrahmataH kShatramashmano lohamutthitam |
teShAM sarvatragaM tejaH svAsu yoniShu shAmyati || 9\.321||
nAbrahma kShatraM R^idhnoti nAkShatraM brahma vardhate |
brahma kShatraM cha sampR^iktamiha chAmutra vardhate || 9\.322||
dattvA dhanaM tu viprebhyaH sarvadaNDasamutthitam |
putre rAjyaM samAsR^ijya kurvIta prAyaNaM raNe || 9\.323|| samAsAdya 

evaM charan sadA yukto rAjadharmeShu pArthivaH |
hiteShu chaiva lokasya sarvAn bhR^ityAnniyojayet || 9\.324|| hiteShu chaiva lokebhyaH 

eSho.akhilaH karmavidhirukto rAj~naH sanAtanaH |
imaM karmavidhiM vidyAtkramasho vaishyashUdrayoH || 9\.325||
vaishyastu kR^itasa.nskAraH kR^itvA dAraparigraham |
vArtAyAM nityayuktaH syAtpashUnAM chaiva rakShaNe || 9\.326||
prajApatirhi vaishyAya sR^iShTvA paridade pashUn |
brAhmaNAya cha rAj~ne cha sarvAH paridade prajAH || 9\.327||
na cha vaishyasya kAmaH syAnna rakSheyaM pashUniti |
vaishye chechChati nAnyena rakShitavyAH kathaM chana || 9\.328||
maNimuktApravAlAnAM lohAnAM tAntavasya cha |
gandhAnAM cha rasAnAM cha vidyAdarghabalAbalam || 9\.329||
bIjAnAmuptividcha syAtkShetradoShaguNasya cha |
mAnayogaM cha jAnIyAttulAyogA.nshcha sarvashaH || 9\.330||
sArAsAraM cha bhANDAnAM deshAnAM cha guNAguNAn |
lAbhAlAbhaM cha paNyAnAM pashUnAM parivardhanam || 9\.331||
bhR^ityAnAM cha bhR^itiM vidyAdbhAShAshcha vividhA nR^iNAm |
dravyANAM sthAnayogA.nshcha krayavikrayameva cha || 9\.332||
dharmeNa cha dravyavR^iddhAvAtiShThedyatnamuttamam |
dadyAchcha sarvabhUtAnAmannameva prayatnataH || 9\.333||
viprANAM vedaviduShAM gR^ihasthAnAM yashasvinAm |
shushrUShaiva tu shUdrasya dharmo naishreyasaH paraH || 9\.334|| param

shuchirutkR^iShTashushrUShurmR^iduvAganaha~NkR^itaH |
brAhmaNAdyAshrayo  nityamutkR^iShTAM jAtimashnute || 9\.335|| brAhmaNApAshrayo

eSho.anApadi varNAnAmuktaH karmavidhiH shubhaH |
Apadyapi hi yasteShAM kramashastannibodhata || 9\.336||

\section{adhyAya 10}
adhIyIra.nstrayo varNAH svakarmasthA dvijAtayaH |
prabrUyAdbrAhmaNastveShAM netarAviti nishchayaH || 10\.1||
sarveShAM brAhmaNo vidyAdvR^ittyupAyAn yathAvidhi |
prabrUyAditarebhyashcha svayaM chaiva tathA bhavet || 10\.2||
vaisheShyAtprakR^itishraiShThyAnniyamasya cha dhAraNAt |
sa.nskArasya visheShAchcha varNAnAM brAhmaNaH prabhuH || 10\.3||
brAhmaNaH kShatriyo vaishyastrayo varNA dvijAtayaH |
chaturtha ekajAtistu shUdro nAsti tu pa~nchamaH || 10\.4||
sarvavarNeShu tulyAsu patnIShvakShatayoniShu |
Anulomyena sambhUtA jAtyA j~neyAsta eva te || 10\.5||
strIShvanantarajAtAsu dvijairutpAditAn sutAn |
sadR^ishAneva tAnAhurmAtR^idoShavigarhitAn || 10\.6||
anantarAsu jAtAnAM vidhireSha sanAtanaH |
dvyekAntarAsu jAtAnAM dharmyaM vidyAdimaM vidhim || 10\.7||
brAhmaNAdvaishyakanyAyAmambaShTho nAma jAyate |
niShAdaH shUdrakanyAyAM yaH pArashava uchyate || 10\.8||
kShatriyAtshUdrakanyAyAM krUrAchAravihAravAn |
kShatrashUdravapurjanturugro nAma prajAyate || 10\.9||
viprasya triShu varNeShu nR^ipatervarNayordvayoH |
vaishyasya varNe chaikasmin ShaDete.apasadAH smR^itAH || 10\.10||
kShatriyAdviprakanyAyAM sUto bhavati jAtitaH |
vaishyAn mAgadhavaidehau rAjaviprA~NganAsutau || 10\.11||
shUdrAdAyogavaH kShattA chaNDAlashchAdhamo nR^iNAm |
vaishyarAjanyaviprAsu jAyante varNasa~NkarAH || 10\.12||
ekAntare tvAnulomyAdambaShThograu yathA smR^itau |
kShattR^ivaidehakau tadvatprAtilomye.api janmani || 10\.13||
putrA ye.anantarastrIjAH krameNoktA dvijanmanAm |
tAnanantaranAmnastu mAtR^idoShAtprachakShate || 10\.14||
brAhmaNAdugrakanyAyAmAvR^ito nAma jAyate |
AbhIro.ambaShThakanyAyAmAyogavyAM tu dhigvaNaH || 10\.15||
Ayogavashcha kShattA cha chaNDAlashchAdhamo nR^iNAm |
prAtilomyena jAyante shUdrAdapasadAstrayaH || 10\.16||
vaishyAn mAgadhavaidehau kShatriyAtsUta eva tu |
pratIpamete jAyante pare.apyapasadAstrayaH || 10\.17||
jAto niShAdAtshUdrAyAM jAtyA bhavati pukkasaH |
shUdrAjjAto niShAdyAM tu sa vai kukkuTakaH smR^itaH || 10\.18||
kShatturjAtastathogrAyAM shvapAka iti kIrtyate |
vaidehakena tvambaShThyAmutpanno veNa uchyate || 10\.19||
dvijAtayaH savarNAsu janayantyavratA.nstu yAn |
tAn sAvitrIparibhraShTAn vrAtyAniti vinirdishet || 10\.20||
vrAtyAttu jAyate viprAtpApAtmA  bhUrjakaNTakaH | bhR^ijjakaNTakaH 
AvantyavATadhAnau cha puShpadhaH shaikha eva cha || 10\.21||
jhallo mallashcha rAjanyAdvrAtyAtnichChivireva cha | vrAtyAtlichChavireva cha
naTashcha karaNashchaiva khaso draviDa eva cha || 10\.22||
vaishyAttu jAyate vrAtyAtsudhanvA.achArya eva cha |
kAruShashcha vijanmA cha maitraH sAtvata eva cha || 10\.23||
vyabhichAreNa varNAnAmavedyAvedanena cha |
svakarmaNAM cha tyAgena jAyante varNasa~NkarAH || 10\.24||
sa~NkIrNayonayo ye tu pratilomAnulomajAH |
anyonyavyatiShaktAshcha tAn pravakShyAmyasheShataH || 10\.25||
sUto vaidehakashchaiva chaNDAlashcha narAdhamaH |
mAgadhaH tathA.ayogava eva cha kShatrajAtishcha || 10\.26|| kShattR^ijAtishcha

ete ShaT sadR^ishAn varNA~njanayanti svayoniShu |
mAtR^ijAtyAM prasUyante pravArAsu cha yoniShu || 10\.27|| mAtR^ijAtyAH 

yathA trayANAM varNAnAM dvayorAtmA.asya jAyate |
AnantaryAtsvayonyAM tu tathA bAhyeShvapi kramAt || 10\.28|| kramaH

te chApi bAhyAn subahU.nstato.apyadhikadUShitAn |
parasparasya dAreShu janayanti vigarhitAn || 10\.29||
yathaiva shUdro brAhmaNyAM bAhyaM jantuM prasUyate |
tathA bAhyataraM bAhyashchAturvarNye prasUyate || 10\.30||
pratikUlaM vartamAnA bAhyA bAhyatarAn punaH |
hInA hInAn prasUyante varNAn pa~nchadashaiva tu || 10\.31||
prasAdhanopachAraj~namadAsaM dAsajIvanam | dAsyajIvinaM 
sairindhraM vAgurAvR^ittiM sUte dasyurayogave || 10\.32|| sairandhraM 

maitreyakaM tu vaideho mAdhUkaM samprasUyate |
nR^In prasha.nsatyajasraM yo ghaNTAtADo.aruNodaye || 10\.33||
niShAdo mArgavaM sUte dAsaM naukarmajIvinam |
kaivartamiti yaM prAhurAryAvartanivAsinaH || 10\.34||
mR^itavastrabhR^itsvanArIShu garhitAnnAshanAsu cha | anAryAShu
bhavantyAyogavIShvete jAtihInAH pR^ithaktrayaH || 10\.35||
kArAvaro niShAdAttu charmakAraH prasUyate | charmakAraM 
vaidehikAdandhramedau bahirgrAmapratishrayau || 10\.36||
chaNDAlAtpANDusopAkastvaksAravyavahAravAn |
AhiNDiko niShAdena vaidehyAmeva jAyate || 10\.37||
chaNDAlena tu sopAko mUlavyasanavR^ittimAn |
pukkasyAM jAyate pApaH sadA sajjanagarhitaH || 10\.38|| pulkasyAM 

niShAdastrI tu chaNDAlAtputramantyAvasAyinam |
shmashAnagocharaM sUte bAhyAnAmapi garhitam || 10\.39||
sa~Nkare jAtayastvetAH pitR^imAtR^ipradarshitAH |
prachChannA vA prakAshA vA veditavyAH svakarmabhiH || 10\.40||
svajAtijAnantarajAH ShaT sutA dvijadharmiNaH |
shUdrANAM tu sadharmANaH sarve.apadhva.nsajAH smR^itAH || 10\.41||
tapobIjaprabhAvaistu te gachChanti yuge yuge |
utkarShaM chApakarShaM cha manuShyeShviha janmataH || 10\.42||
shanakaistu kriyAlopAdimAH kShatriyajAtayaH |
vR^iShalatvaM gatA loke brAhmaNAdarshanena cha || 10\.43|| brAhmaNAtikrameNa cha

pauNDrakAshchauDradraviDAH  kAmbojA yavanAH shakAH | puNDrakAshchoDadraviDAH
pAradApahlavAshchInAH kirAtA daradAH khashAH || 10\.44||
mukhabAhUrupadjAnAM yA loke jAtayo bahiH |
mlechChavAchashchAryavAchaH sarve te dasyavaH smR^itAH || 10\.45||
ye dvijAnAmapasadA ye chApadhva.nsajAH smR^itAH |
te ninditairvartayeyurdvijAnAmeva karmabhiH || 10\.46||
sUtAnAmashvasArathyamambaShThAnAM chikitsanam |
vaidehakAnAM strIkAryaM mAgadhAnAM vaNikpathaH || 10\.47||
matsyaghAto niShAdAnAM tvaShTistvAyogavasya cha |
medAndhrachu~nchumadgUnAmAraNyapashuhi.nsanam || 10\.48||
kShattryugrapukkasAnAM tu bilaukovadhabandhanam |
dhigvaNAnAM charmakAryaM veNAnAM bhANDavAdanam || 10\.49||
chaityadrumashmashAneShu shaileShUpavaneShu cha |
vaseyurete vij~nAtA vartayantaH svakarmabhiH || 10\.50||
chaNDAlashvapachAnAM tu bahirgrAmAtpratishrayaH |
apapAtrAshcha kartavyA dhanameShAM shvagardabham || 10\.51||
vAsA.nsi mR^itachailAni bhinnabhANDeShu bhojanam |
kArShNAyasamala~NkAraH parivrajyA cha nityashaH || 10\.52||
na taiH samayamanvichChetpuruSho dharmamAcharan |
vyavahAro mithasteShAM vivAhaH sadR^ishaiH saha || 10\.53||
annameShAM parAdhInaM deyaM syAdbhinnabhAjane |
rAtrau na vichareyuste grAmeShu nagareShu cha || 10\.54||
divA chareyuH kAryArthaM chihnitA rAjashAsanaiH |
abAndhavaM shavaM chaiva nirhareyuriti sthitiH || 10\.55||
vadhyA.nshcha hanyuH satataM yathAshAstraM nR^ipAj~nayA |
vadhyavAsA.nsi gR^ihNIyuH shayyAshchAbharaNAni cha || 10\.56||
varNApetamavij~nAtaM naraM kaluShayonijam |
AryarUpamivAnAryaM karmabhiH svairvibhAvayet || 10\.57||
anAryatA niShThuratA krUratA niShkriyAtmatA |
puruShaM vya~njayantIha loke kaluShayonijam || 10\.58||
pitryaM vA bhajate shIlaM mAturvobhayameva vA |
na kathaM chana duryoniH prakR^itiM svAM niyachChati || 10\.59||
kule mukhye.api jAtasya yasya syAdyonisa~NkaraH |
sa.nshrayatyeva tatshIlaM naro.alpamapi vA bahu || 10\.60||
yatra tvete paridhva.nsAjjAyante varNadUShakAH |
rAShTrikaiH saha tadrAShTraM kShiprameva vinashyati || 10\.61|| rAShTriyaiH

brAhmaNArthe gavArthe vA dehatyAgo.anupaskR^itaH |
strIbAlAbhyupapattau cha bAhyAnAM siddhikAraNam || 10\.62|| strIbAlAbhyavapattau cha 

ahi.nsA satyamasteyaM shauchamindriyanigrahaH |
etaM sAmAsikaM dharmaM chAturvarNye.abravIn manuH || 10\.63||
shUdrAyAM brAhmaNAjjAtaH shreyasA chetprajAyate |
ashreyAn shreyasIM jAtiM gachChatyA saptamAdyugAt || 10\.64||
shUdro brAhmaNatAmeti brAhmaNashchaiti shUdratAm |
kShatriyAjjAtamevaM tu vidyAdvaishyAttathaiva cha || 10\.65||
anAryAyAM samutpanno brAhmaNAttu yadR^ichChayA |
brAhmaNyAmapyanAryAttu shreyastvaM kveti chedbhavet || 10\.66|| kasya chidbhavet

jAto nAryAmanAryAyAmAryAdAryo bhavedguNaiH |
jAto.apyanAryAdAryAyAmanArya iti nishchayaH || 10\.67||
tAvubhAvapyasa.nskAryAviti dharmo vyavasthitaH |
vaiguNyAjjanmanaH pUrva uttaraH pratilomataH || 10\.68|| janmataH 

subIjaM chaiva sukShetre jAtaM sampadyate yathA |
tathA.aryAjjAta AryAyAM sarvaM sa.nskAramarhati || 10\.69||
bIjameke prasha.nsanti kShetramanye manIShiNaH |
bIjakShetre tathaivAnye tatraiyaM tu vyavasthitiH || 10\.70||
akShetre bIjamutsR^iShTamantaraiva vinashyati |
abIjakamapi kShetraM kevalaM sthaNDilaM bhavet || 10\.71||
yasmAdbIjaprabhAveNa tiryagjA R^iShayo.abhavan |
pUjitAshcha prashastAshcha tasmAdbIjaM prashasyate || 10\.72|| vishiShyate)

anAryamAryakarmANamAryaM chAnAryakarmiNam |
sampradhAryAbravIddhAtA na samau nAsamAviti || 10\.73||
brAhmaNA brahmayonisthA ye svakarmaNyavasthitAH |
te samyagupajIveyuH ShaT karmANi yathAkramam || 10\.74||
adhyApanamadhyayanaM yajanaM yAjanaM tathA |
dAnaM pratigrahashchaiva ShaT karmANyagrajanmanaH || 10\.75||
ShaNNAM tu karmaNAmasya trINi karmANi jIvikA |
yAjanAdhyApane chaiva vishuddhAchcha pratigrahaH || 10\.76||
trayo dharmA nivartante brAhmaNAtkShatriyaM prati |
adhyApanaM yAjanaM cha tR^itIyashcha pratigrahaH || 10\.77||
vaishyaM prati tathaivaite nivarteranniti sthitiH |
na tau prati hi tAn dharmAn manurAha prajApatiH || 10\.78|| prati hitAn dharmAn 

shastrAstrabhR^ittvaM kShatrasya vaNikpashukR^iShirviShaH |
AjIvanArthaM dharmastu dAnamadhyayanaM yajiH || 10\.79||
vedAbhyAso brAhmaNasya kShatriyasya cha rakShaNam |
vArtAkarmaiva vaishyasya vishiShTAni svakarmasu || 10\.80||
ajIva.nstu yathoktena brAhmaNaH svena karmaNA |
jIvetkShatriyadharmeNa sa hyasya pratyanantaraH || 10\.81||
ubhAbhyAmapyajIva.nstu kathaM syAditi chedbhavet |
kR^iShigorakShamAsthAya jIvedvaishyasya jIvikAm || 10\.82||
vaishyavR^ittyA.api jIva.nstu brAhmaNaH kShatriyo.api vA |
hi.nsAprAyAM parAdhInAM kR^iShiM yatnena varjayet || 10\.83||
kR^iShiM sAdhuiti manyante sA vR^ittiH sadvigarhitAH |
bhUmiM bhUmishayA.nshchaiva hanti kAShThamayomukham || 10\.84||
idaM tu vR^ittivaikalyAttyajato dharmanaipuNam |
viTpaNyamuddhR^itoddhAraM vikreyaM vittavardhanam || 10\.85||
sarvAn rasAnapoheta kR^itAnnaM cha tilaiH saha |
ashmano lavaNaM chaiva pashavo ye cha mAnuShAH || 10\.86||
sarvaM cha tAntavaM raktaM shANakShaumAvikAni cha |
api chetsyuraraktAni phalamUle tathauShadhIH || 10\.87||
apaH shastraM viShaM mA.nsaM somaM gandhA.nshcha sarvashaH |
kShIraM kShaudraM dadhi ghR^itaM tailaM madhu guDaM kushAn || 10\.88||
AraNyA.nshcha pashUn sarvAn da.nShTriNashcha vayA.nsi cha |
madyaM nIliM cha lAkShAM cha sarvA.nshchaikashaphA.nstathA || 10\.89|| nIlIM 

kAmamutpAdya kR^iShyAM tu svayameva kR^iShIvalaH |
vikrINIta tilA.nshUdrAn dharmArthamachirasthitAn || 10\.90|| tilA.nshuddhAn

bhojanAbhya~njanAddAnAdyadanyatkurute tilaiH |
kR^imibhUtaH shvaviShThAyAM pitR^ibhiH saha majjati || 10\.91||
sadyaH patati mA.nsena lAkShayA lavaNena cha |
tryaheNa shUdro bhavati brAhmaNaH kShIravikrayAt || 10\.92||
itareShAM tu paNyAnAM vikrayAdiha kAmataH |
brAhmaNaH saptarAtreNa vaishyabhAvaM niyachChati || 10\.93||
rasA rasairnimAtavyA na tveva lavaNaM rasaiH |
kR^itAnnaM cha kR^itAnnena  tilA dhAnyena tatsamAH || 10\.94||
jIvedetena rAjanyaH sarveNApyanayaM gataH |
na tveva jyAya.nsIM vR^ittimabhimanyeta karhi chit || 10\.95||
yo lobhAdadhamo jAtyA jIvedutkR^iShTakarmabhiH |
taM rAjA nirdhanaM kR^itvA kShiprameva pravAsayet || 10\.96||
varaM svadharmo viguNo na pArakyaH svanuShThitaH | viguNaH paradharmAtsvadhiShThitAt
paradharmeNa jIvan hi sadyaH patati jAtitaH || 10\.97||
vaishyo.ajIvan svadharmeNa shUdravR^ittyA.api vartayet |
anAcharannakAryANi nivarteta cha shaktimAn || 10\.98||
ashaknuva.nstu shushrUShAM shUdraH kartuM dvijanmanAm |
putradArAtyayaM prApto jIvetkArukakarmabhiH || 10\.99||
yaiH karmabhiH pracharitaiH shushrUShyante dvijAtayaH |
tAni kArukakarmANi shilpAni vividhAni cha || 10\.100||
vaishyavR^ittimanAtiShThan brAhmaNaH sve pathi sthitaH |
avR^ittikarShitaH sIdannimaM dharmaM samAcharet || 10\.101||
sarvataH pratigR^ihNIyAdbrAhmaNastvanayaM gataH |
pavitraM duShyatItyetaddharmato nopapadyate || 10\.102||
nAdhyApanAdyAjanAdvA garhitAdvA pratigrahAt |
doSho bhavati viprANAM jvalanAmbusamA hi te || 10\.103||
jIvitAtyayamApanno yo.annamatti tatastataH |
AkAshamiva pa~Nkena na sa pApena lipyate || 10\.104||
ajIgartaH sutaM hantumupAsarpadbubhukShitaH |
na chAlipyata pApena kShutpratIkAramAcharan || 10\.105||
shvamA.nsamichChanArto.attuM dharmAdharmavichakShaNaH |
prANAnAM parirakShArthaM vAmadevo na liptavAn || 10\.106||
bharadvAjaH kShudhArtastu saputro vijane vane |
bahvIrgAH pratijagrAha vR^idhostakShNo mahAtapAH || 10\.107||
kShudhArtashchAttumabhyAgAdvishvAmitraH shvajAghanIm |
chaNDAlahastAdAdAya dharmAdharmavichakShaNaH || 10\.108||
pratigrahAdyAjanAdvA tathaivAdhyApanAdapi |
pratigrahaH pratyavaraH pretya viprasya garhitaH || 10\.109||
yAjanAdhyApane nityaM kriyete sa.nskR^itAtmanAm |
pratigrahastu kriyate shUdrAdapyantyajanmanaH || 10\.110||
japahomairapetyeno yAjanAdhyApanaiH kR^itam |
pratigrahanimittaM tu tyAgena tapasaiva cha || 10\.111||
shilau~nChamapyAdadIta vipro.ajIvan yatastataH |
pratigrahAtshilaH shreyA.nstato.apyu~nChaH prashasyate || 10\.112||
sIdadbhiH kupyamichChadbhirdhane vA pR^ithivIpatiH | dhanaM vA 
yAchyaH syAtsnAtakairviprairaditsa.nstyAgamarhati || 10\.113||
akR^itaM cha kR^itAtkShetrAdgaurajAvikameva cha |
hiraNyaM dhAnyamannaM cha pUrvaM pUrvamadoShavat || 10\.114||
sapta vittAgamA dharmyA dAyo lAbhaH krayo jayaH |
prayogaH karmayogashcha satpratigraha eva cha || 10\.115||
vidyA shilpaM bhR^itiH sevA gorakShyaM vipaNiH kR^iShiH |
dhR^itirbhaikShaM kusIdaM cha dasha jIvanahetavaH || 10\.116||
brAhmaNaH kShatriyo vA.api vR^iddhiM naiva prayojayet |
kAmaM tu khalu dharmArthaM dadyAtpApIyase.alpikAm || 10\.117||
chaturthamAdadAno.api kShatriyo bhAgamApadi |
prajA rakShan paraM shaktyA kilbiShAtpratimuchyate || 10\.118||
svadharmo vijayastasya nAhave syAtparA~NmukhaH |
shastreNa vaishyAn rakShitvA dharmyamAhArayedbalim || 10\.119|| vaishyAdrakShitvA 

dhAnye.aShTamaM vishAM shulkaM vi.nshaM kArShApaNAvaram |
karmopakaraNAH shUdrAH kAravaH shilpinastathA || 10\.120||
shUdrastu vR^ittimAkA~NkShan kShatramArAdhayedyadi | ArAdhayediti 
dhaninaM vA.apyupArAdhya vaishyaM shUdro jijIviShet || 10\.121||
svargArthamubhayArthaM vA viprAnArAdhayettu saH |
jAtabrAhmaNashabdasya sA hyasya kR^itakR^ityatA || 10\.122||
viprasevaiva shUdrasya vishiShTaM karma kIrtyate |
yadato.anyadhi kurute tadbhavatyasya niShphalam || 10\.123||
prakalpyA tasya tairvR^ittiH svakuTumbAdyathArhataH |
shaktiM chAvekShya dAkShyaM cha bhR^ityAnAM cha parigraham || 10\.124||
uchChiShTamannaM dAtavyaM jIrNAni vasanAni cha |
pulAkAshchaiva dhAnyAnAM jIrNAshchaiva parichChadAH || 10\.125||
na shUdre pAtakaM kiM chinna cha sa.nskAramarhati |
nAsyAdhikAro dharme.asti na dharmAtpratiShedhanam || 10\.126||
dharmaipsavastu dharmaj~nAH satAM vR^ittamanuShThitAH | satAM dharmaM 
mantravarjyaM na duShyanti prasha.nsAM prApnuvanti cha || 10\.127|| mantravarjaM 

yathA yathA hi sadvR^ittamAtiShThatyanasUyakaH |
tathA tathaimaM chAmuM cha lokaM prApnotyaninditaH || 10\.128||
shaktenApi hi shUdreNa na kAryo dhanasa~nchayaH |
shUdro hi dhanamAsAdya brAhmaNAneva bAdhate || 10\.129||
ete chaturNAM varNAnAmApaddharmAH prakIrtitAH |
yAn samyaganutiShThanto vrajanti paramaM gatim || 10\.130||
eSha dharmavidhiH kR^itsnashchAturvarNyasya kIrtitaH |
ataH paraM pravakShyAmi prAyashchittavidhiM shubham || 10\.131||

\section{adhyAya 11}
sAntAnikaM yakShyamANamadhvagaM sArvavedasam |
gurvarthaM pitR^imAtryarthaM svAdhyAyArthyupatApinaH || 11\.1||
na vai tAn snAtakAn vidyAdbrAhmaNAn dharmabhikShukAn |
niHsvebhyo deyametebhyo dAnaM vidyAvisheShataH || 11\.2||
etebhyo hi dvijAgryebhyo deyamannaM sadakShiNam |
itarebhyo bahirvedi kR^itAnnaM deyamuchyate || 11\.3||
sarvaratnAni rAjA tu yathArhaM pratipAdayet |
brAhmaNAn vedaviduSho yaj~nArthaM chaiva dakShiNAm || 11\.4||
kR^itadAro.aparAn dArAn bhikShitvA yo.adhigachChati |
ratimAtraM phalaM tasya dravyadAtustu sa.ntatiH || 11\.5||
dhanAni tu yathAshakti vipreShu pratipAdayet | 
vedavitsu vivikteShu pretya svargaM samashnute || 11\.6||
yasya traivArShikaM bhaktaM paryAptaM bhR^ityavR^ittaye |
adhikaM vA.api vidyeta sa somaM pAtumarhati || 11\.7||
ataH svalpIyasi dravye yaH somaM pibati dvijaH |
sa pItasomapUrvo.api na tasyApnoti tatphalam || 11\.8||
shaktaH parajane dAtA svajane duHkhajIvini |
madhvApAto viShAsvAdaH sa dharmapratirUpakaH || 11\.9||
bhR^ityAnAmuparodhena yatkarotyaurdhvadehikam |
tadbhavatyasukhaudarkaM jIvatashcha mR^itasya cha || 11\.10||
yaj~nashchetpratiruddhaH syAdekenA~Ngena yajvanaH |
brAhmaNasya visheShena dhArmike sati rAjani || 11\.11||
yo vaishyaH syAdbahupashurhInakraturasomapaH |
kuTumbAttasya taddravyamAharedyaj~nasiddhaye || 11\.12||
AharettrINi vA dve vA kAmaM shUdrasya veshmanaH |
na hi shUdrasya yaj~neShu kashchidasti parigrahaH || 11\.13||
yo.anAhitAgniH shatagurayajvA cha sahasraguH | ayaj~nash
tayorapi kuTumbAbhyAmAharedavichArayan || 11\.14||
AdAnanityAchchAdAturAharedaprayachChataH |
tathA yasho.asya prathate dharmashchaiva pravardhate || 11\.15||
tathaiva saptame bhakte bhaktAni ShaDanashnatA |
ashvastanavidhAnena hartavyaM hInakarmaNaH || 11\.16||
khalAtkShetrAdagArAdvA yato vA.apyupalabhyate |
AkhyAtavyaM tu tattasmai pR^ichChate yadi pR^ichChati || 11\.17||
brAhmaNasvaM na hartavyaM kShatriyeNa kadA chana |
dasyuniShkriyayostu svamajIvan hartumarhati || 11\.18||
yo.asAdhubhyo.arthamAdAya sAdhubhyaH samprayachChati |
sa kR^itvA plavamAtmAnaM sa.ntArayati tAvubhau || 11\.19||
yaddhanaM yaj~nashIlAnAM devasvaM tadvidurbudhAH |
ayajvanAM tu yadvittamAsurasvaM taduchyate || 11\.20||
na tasmin dhArayeddaNDaM dhArmikaH pR^ithivIpatiH |
kShatriyasya hi bAlishyAdbrAhmaNaH sIdati kShudhA || 11\.21||
tasya bhR^ityajanaM j~nAtvA svakuTumbAn mahIpatiH |
shrutashIle cha vij~nAya vR^ittiM dharmyAM prakalpayet || 11\.22||
kalpayitvA.asya vR^ittiM cha rakShedenaM samantataH |
rAjA hi dharmaShaDbhAgaM tasmAtprApnoti rakShitAt || 11\.23||
na yaj~nArthaM dhanaM shUdrAdvipro bhikSheta karhi chit |
yajamAno hi bhikShitvA chaNDAlaH pretya jAyate || 11\.24||
yaj~nArthamarthaM bhikShitvA yo na sarvaM prayachChati |
sa yAti bhAsatAM vipraH kAkatAM vA shataM samAH || 11\.25||
devasvaM brAhmaNasvaM vA lobhenopahinasti yaH |
sa pApAtmA pare loke gR^idhrauchChiShTena jIvati || 11\.26||
iShTiM vaishvAnarIM nityaM nirvapedabdaparyaye |
kL^iptAnAM pashusomAnAM niShkR^ityarthamasambhave || 11\.27||
Apatkalpena yo dharmaM kurute.anApadi dvijaH |
sa nApnoti phalaM tasya paratreti vichAritam || 11\.28||
vishvaishcha devaiH sAdhyaishcha brAhmaNaishcha maharShibhiH |
Apatsu maraNAdbhItairvidheH pratinidhiH kR^itaH || 11\.29||
prabhuH prathamakalpasya yo.anukalpena vartate |
na sAmparAyikaM tasya durmatervidyate phalam || 11\.30||
na brAhmaNo vedayeta ki~nchidrAjani dharmavit |
svavIryeNaiva tA.nshiShyAn mAnavAnapakAriNaH || 11\.31||
svavIryAdrAjavIryAchcha svavIryaM balavattaram |
tasmAtsvenaiva vIryeNa nigR^ihNIyAdarIn dvijaH || 11\.32||
shrutIratharvA~NgirasIH kuryAdityavichArayan |
vAkShastraM vai brAhmaNasya tena hanyAdarIn dvijaH || 11\.33||
kShatriyo bAhuvIryeNa taredApadamAtmanaH |
dhanena vaishyashUdrau tu japahomairdvijottamaH || 11\.34||
vidhAtA shAsitA vaktA maitro brAhmaNa uchyate |
tasmai nAkushalaM brUyAnna shuShkAM giramIrayet || 11\.35||
na vai kanyA na yuvatirnAlpavidyo na bAlishaH |
hotA syAdagnihotrasya nArto nAsa.nskR^itastathA || 11\.36||
narake hi patantyete juhvantaH sa cha yasya tat | juhvataH 
tasmAdvaitAnakushalo hotA syAdvedapAragaH || 11\.37||
prAjApatyamadattvA.ashvamagnyAdheyasya dakShiNAm |
anAhitAgnirbhavati brAhmaNo vibhave sati || 11\.38||
puNyAnyanyAni kurvIta shraddadhAno jitendriyaH |
na tvalpadakShiNairyaj~nairyajeteha kathaM chana || 11\.39||
indriyANi yashaH svargamAyuH kIrtiM prajAH pashUn |
hantyalpadakShiNo yaj~nastasmAnnAlpadhano yajet || 11\.40||
agnihotryapavidyAgnIn brAhmaNaH kAmakArataH |
chAndrAyaNaM charen mAsaM vIrahatyAsamaM hi tat || 11\.41||
ye shUdrAdadhigamyArthamagnihotramupAsate |
R^itvijaste hi shUdrANAM brahmavAdiShu garhitAH || 11\.42||
teShAM satatamaj~nAnAM vR^iShalAgnyupasevinAm |
padA mastakamAkramya dAtA durgANi sa.ntaret || 11\.43||
akurvan vihitaM karma ninditaM cha samAcharan |
prasaktashchaindriyArtheShu prAyashchittIyate naraH || 11\.44|| prasajjanindriyArtheShu

akAmataH kR^ite pApe prAyashchittaM vidurbudhAH |
kAmakArakR^ite.apyAhureke shrutinidarshanAt || 11\.45||
akAmataH kR^itaM pApaM vedAbhyAsena shudhyati |
kAmatastu kR^itaM mohAtprAyashchittaiH pR^ithagvidhaiH || 11\.46||
prAyashchittIyatAM prApya daivAtpUrvakR^itena vA |
na sa.nsargaM vrajetsadbhiH prAyashchitte.akR^ite dvijaH || 11\.47||
iha dushcharitaiH ke chitke chitpUrvakR^itaistathA |
prApnuvanti durAtmAno narA rUpaviparyayam || 11\.48||
suvarNachauraH kaunakhyaM surApaH shyAvadantatAm |
brahmahA kShayarogitvaM daushcharmyaM gurutalpagaH || 11\.49||
pishunaH pautinAsikyaM sUchakaH pUtivaktratAm |
dhAnyachauro.a~NgahInatvamAtiraikyaM tu mishrakaH || 11\.50||
annahartA.amayAvitvaM maukyaM vAgapahArakaH |
vastrApahArakaH shvaitryaM pa~NgutAmashvahArakaH || 11\.51||
evaM karmavisheSheNa jAyante sadvigarhitAH |
jaDamUkAndhabadhirA vikR^itAkR^itayastathA || 11\.52||
charitavyamato nityaM prAyashchittaM vishuddhaye |
nindyairhi lakShaNairyuktA jAyante.aniShkR^itenasaH || 11\.53||
brahmahatyA surApAnaM steyaM gurva~NganAgamaH |
mahAnti pAtakAnyAhuH sa.nsargashchApi taiH saha || 11\.54||
anR^itaM cha samutkarShe rAjagAmi cha paishunam |
guroshchAlIkanirbandhaH samAni brahmahatyayA || 11\.55||
brahmojjhatA vedanindA kauTasAkShyaM suhR^idvadhaH |
garhitAnAdyayorjagdhiH surApAnasamAni ShaT || 11\.56||
nikShepasyApaharaNaM narAshvarajatasya cha |
bhUmivajramaNInAM cha rukmasteyasamaM smR^itam || 11\.57||
retaHsekaH svayonIShu kumArIShvantyajAsu cha |
sakhyuH putrasya cha strIShu gurutalpasamaM viduH || 11\.58||
govadho.ayAjyasa.nyAjyaM pAradAryAtmavikrayaH |
gurumAtR^ipitR^ityAgaH svAdhyAyAgnyoH sutasya cha || 11\.59||
parivittitA.anuje.anUDhe parivedanameva cha |
tayordAnaM cha kanyAyAstayoreva cha yAjanam || 11\.60||
kanyAyA dUShaNaM chaiva vArdhuShyaM vratalopanam |
taDAgArAmadArANAmapatyasya cha vikrayaH || 11\.61||
vrAtyatA bAndhavatyAgo bhR^ityAdhyApanameva cha |
bhR^ityA chAdhyayanAdAnamapaNyAnAM cha vikrayaH || 11\.62|| bhR^itAchchAdhyayanAdAnam

sarvAkAreShvadhIkAro mahAyantrapravartanam |
hi.nsauShadhInAM stryAjIvo.abhichAro mUlakarma cha || 11\.63||
indhanArthamashuShkANAM drumANAmavapAtanam |
AtmArthaM cha kriyArambho ninditAnnAdanaM tathA || 11\.64||
anAhitAgnitA steyaM R^iNAnAmanapakriyA |
asatshAstrAdhigamanaM kaushIlavyasya cha kriyA || 11\.65||
dhAnyakupyapashusteyaM madyapastrIniShevaNam |
strIshUdraviTkShatravadho nAstikyaM chopapAtakam || 11\.66||
brAhmaNasya rujaH kR^itvA  ghrAtiraghreyamadyayoH | 
jaihmyaM cha maithunaM pu.nsi jAtibhra.nshakaraM smR^itam || 11\.67||
kharAshvoShTramR^igaibhAnAmajAvikavadhastathA |
sa~NkarIkaraNaM j~neyaM mInAhimahiShasya cha || 11\.68||
ninditebhyo dhanAdAnaM vANijyaM shUdrasevanam |
apAtrIkaraNaM j~neyamasatyasya cha bhAShaNam || 11\.69||
kR^imikITavayohatyA madyAnugatabhojanam |
phaledhaH.kusumasteyamadhairyaM cha malAvaham || 11\.70||
etAnyenA.nsi sarvANi yathoktAni pR^ithakpR^ithak |
yairyairvratairapohyante tAni samyagnibodhata || 11\.71||
brahmahA dvAdasha samAH kuTIM kR^itvA vane vaset |
bhaikShAshyAtmavishuddhyarthaM kR^itvA shavashiro dhvajam || 11\.72||
lakShyaM shastrabhR^itAM vA syAdviduShAmichChayA.atmanaH |
prAsyedAtmAnamagnau vA samiddhe triravAkShirAH || 11\.73||
yajeta vA.ashvamedhena svarjitA gosavena vA |
abhijidvishvajid.hbhyAM vA trivR^itA.agniShTutA.api vA || 11\.74||
japan vA.anyatamaM vedaM yojanAnAM shataM vrajet |
brahmahatyApanodAya mitabhuj~niyatendriyaH || 11\.75||
sarvasvaM vedaviduShe brAhmaNAyopapAdayet |
dhanaM hi jIvanAyAlaM gR^ihaM vA saparichChadam || 11\.76||
haviShyabhugvA.anusaretpratisrotaH sarasvatIm |
japedvA niyatAhArastrirvai vedasya sa.nhitAm || 11\.77||
kR^itavApano nivasedgrAmAnte govraje.api vA |
Ashrame vR^ikShamUle vA gobrAhmaNahite rataH || 11\.78||
brAhmaNArthe gavArthe vA sadyaH prANAn parityajet | sa.nyakprANAn
muchyate brahmahatyAyA goptA gorbrAhmaNasya cha || 11\.79||
trivAraM pratiroddhA vA sarvasvamavajitya vA | tryavaraM
viprasya tannimitte vA prANAlAbhe vimuchyate || 11\.80|| prANAlAbhe.api muchyate 

evaM dR^iDhavrato nityaM brahmachArI samAhitaH |
samApte dvAdashe varShe brahmahatyAM vyapohati || 11\.81||
shiShTvA vA bhUmidevAnAM naradevasamAgame |
svameno.avabhR^ithasnAto hayamedhe vimuchyate || 11\.82||
dharmasya brAhmaNo mUlamagraM rAjanya uchyate |
tasmAtsamAgame teShAmeno vikhyApya shudhyati || 11\.83||
brahmaNaH sambhavenaiva devAnAmapi daivatam |
pramANaM chaiva lokasya brahmAtraiva hi kAraNam || 11\.84||
teShAM vedavido brUyustrayo.apyenaH suniShkR^itim |
sA teShAM pAvanAya syAtpavitrA viduShAM hi vAk || 11\.85|| pavitraM 

ato.anyatamamAsthAya vidhiM vipraH samAhitaH |
brahmahatyAkR^itaM pApaM vyapohatyAtmavattayA || 11\.86||
hatvA garbhamavij~nAtametadeva vrataM charet |
rAjanyavaishyau chaijAnAvAtreyImeva cha striyam || 11\.87||
uktvA chaivAnR^itaM sAkShye pratirudhya guruM tathA | pratirabhya 
apahR^itya cha niHkShepaM kR^itvA cha strIsuhR^itvadham || 11\.88|| nikShepaM 

iyaM vishuddhiruditA pramApyAkAmato dvijam |
kAmato brAhmaNavadhe niShkR^itirna vidhIyate || 11\.89||
surAM pItvA dvijo mohAdagnivarNAM surAM pibet |
tayA sa kAye nirdagdhe muchyate kilbiShAttataH || 11\.90||
gomUtramagnivarNaM vA pibedudakameva vA |
payo ghR^itaM vA.a maraNAdgoshakR^idrasameva vA || 11\.91||
kaNAn vA bhakShayedabdaM piNyAkaM vA sakR^itnishi |
surApAnApanuttyarthaM vAlavAsA jaTI dhvajI || 11\.92||
surA vai malamannAnAM pApmA cha malamuchyate |
tasmAdbrAhmaNarAjanyau vaishyashcha na surAM pibet || 11\.93||
gauDI paiShTI cha mAdhvI cha vij~neyA trividhA surA |
yathaivaikA tathA sarvA na pAtavyA dvijottamaiH || 11\.94||
yakSharakShaH.pishAchAnnaM madyaM mA.nsaM surAsavam |
tadbrAhmaNena nAttavyaM devAnAmashnatA haviH || 11\.95||
amedhye vA paten matto vaidikaM vA.apyudAharet |
akAryamanyatkuryAdvA brAhmaNo madamohitaH || 11\.96||
yasya kAyagataM brahma madyenAplAvyate sakR^it |
tasya vyapaiti brAhmaNyaM shUdratvaM cha sa gachChati || 11\.97||
eShA vichitrAbhihitA surApAnasya niShkR^itiH |
ata UrdhvaM pravakShyAmi suvarNasteyaniShkR^itim || 11\.98||
suvarNasteyakR^idvipro rAjAnamabhigamya tu |
svakarma khyApayan brUyAtmAM bhavAnanushAstviti || 11\.99||
gR^ihItvA musalaM rAjA sakR^iddhanyAttu taM svayam |
vadhena shudhyati steno brAhmaNastapasaiva tu || 11\.100||
tapasApanunutsustu suvarNasteyajaM malam |
chIravAsA dvijo.araNye charedbrahmahano vratam || 11\.101||
etairvratairapoheta pApaM steyakR^itaM dvijaH |
gurustrIgamanIyaM tu vratairebhirapAnudet || 11\.102||
gurutalpyabhibhAShyainastapte svapyAdayomaye | talpe svapyAd
sUrmIM jvalantIM svAshliShyen mR^ityunA sa vishudhyati || 11\.103|| vA.ashliShyen 

svayaM vA shiShNavR^iShaNAvutkR^ityAdhAya chA~njalau |
nair{R^i}tIM dishamAtiShThedA nipAtAdajihmagaH || 11\.104||
khaTvA~NgI chIravAsA vA shmashrulo vijane vane |
prAjApatyaM charetkR^ichChramabdamekaM samAhitaH || 11\.105||
chAndrAyaNaM vA trIn mAsAnabhyasyenniyataindriyaH |
haviShyeNa yavAgvA vA gurutalpApanuttaye || 11\.106||
etairvratairapoheyurmahApAtakino malam |
upapAtakinastvevamebhirnAnAvidhairvrataiH || 11\.107||
upapAtakasa.nyukto goghno mAsaM yavAn pibet |
kR^itavApo vasedgoShThe charmaNA tena sa.nvR^itaH || 11\.108||
chaturthakAlamashnIyAdakShAralavaNaM mitam |
gomUtreNAcharetsnAnaM dvau mAsau niyatendriyaH || 11\.109||
divA.anugachChedgAstAstu tiShThannUrdhvaM rajaH pibet |
shushrUShitvA namaskR^itya rAtrau vIrAsanaM vaset || 11\.110|| vIrAsano

tiShThantIShvanutiShThettu vrajantIShvapyanuvrajet |
AsInAsu tathA.asIno niyato vItamatsaraH || 11\.111||
AturAmabhishastAM vA chauravyAghrAdibhirbhayaiH |
patitAM pa~NkalagnAM vA sarvaupAyairvimochayet || 11\.112|| sarvaprANairvimochayet

uShNe varShati shIte vA mArute vAti vA bhR^isham |
na kurvItAtmanastrANaM gorakR^itvA tu shaktitaH || 11\.113||
Atmano yadi vA.anyeShAM gR^ihe kShetre.atha vA khale |
bhakShayantIM na kathayetpibantaM chaiva vatsakam || 11\.114||
anena vidhinA yastu goghno gAmanugachChati |
sa gohatyAkR^itaM pApaM tribhirmAsairvyapohati || 11\.115||
vR^iShabhaikAdashA gAshcha dadyAtsucharitavrataH |
avidyamAne sarvasvaM vedavidbhyo nivedayet || 11\.116||
etadeva vrataM kuryurupapAtakino dvijAH |
avakIrNivarjyaM shuddhyarthaM chAndrAyaNamathApi vA || 11\.117|| avakIrNivarjaM 

avakIrNI tu kANena gardabhena chatuShpathe |
pAkayaj~navidhAnena yajeta nir{R^i}tiM nishi || 11\.118||
hutvA.agnau vidhivadhomAnantatashcha samityR^ichA |
vAtendraguruvahnInAM juhuyAtsarpiShA.ahutIH || 11\.119||
kAmato retasaH sekaM vratasthasya dvijanmanaH |
atikramaM vratasyAhurdharmaj~nA brahmavAdinaH || 11\.120||
mArutaM puruhUtaM cha guruM pAvakameva cha |
chaturo vratino.abhyeti brAhmaM tejo.avakIrNinaH || 11\.121||
etasminnenasi prApte vasitvA gardabhAjinam |
saptAgArA.nshcharedbhaikShaM svakarma parikIrtayan || 11\.122||
tebhyo labdhena bhaikSheNa vartayannekakAlikam |
upaspR^isha.nstriShavaNaM tvabdena sa vishudhyati || 11\.123|| triShavaNaM  abdena 

jAtibhra.nshakaraM karma kR^itvA.anyatamamichChayA |
charetsA.ntapanaM kR^ichChraM prAjApatyamanichChayA || 11\.124||
sa~NkarApAtrakR^ityAsu mAsaM shodhanamaindavam | aindavaH
malinIkaraNIyeShu taptaH syAdyAvakaistryaham || 11\.125||
turIyo brahmahatyAyAH kShatriyasya vadhe smR^itaH |
vaishye.aShTamA.nsho vR^ittasthe shUdre j~neyastu ShoDashaH || 11\.126||
akAmatastu rAjanyaM vinipAtya dvijottamaH |
vR^iShabhaikasahasrA gA dadyAtsucharitavrataH || 11\.127||
tryabdaM charedvA niyato jaTI brahmahano vratam |
vasan dUratare grAmAdvR^ikShamUlaniketanaH || 11\.128||
etadeva charedabdaM prAyashchittaM dvijottamaH |
pramApya vaishyaM vR^ittasthaM  dadyAchchaikashataM gavAm || 11\.129|| dadyAdvaikashataM gavAm

etadeva vrataM kR^itsnaM ShaNmAsA.nshUdrahA charet)|
 vR^iShabhekAdashA vA.api dadyAdviprAya gAH sitAH || 11\.130||
mArjAranakulau hatvA chAShaM maNDUkameva cha |
shvagodhaulUkakAkA.nshcha shUdrahatyAvrataM charet || 11\.131||
payaH pibettrirAtraM vA yojanaM vA.adhvano vrajet |
upaspR^ishetsravantyAM vA sUktaM vA.ab.daivataM japet || 11\.132||
abhriM kArShNAyasIM dadyAtsarpaM hatvA dvijottamaH |
palAlabhArakaM ShaNDhe saisakaM chaikamAShakam || 11\.133||
ghR^itakumbhaM varAhe tu tiladroNaM tu tittirau |
shuke dvihAyanaM vatsaM krau~nchaM hatvA trihAyanam || 11\.134||
hatvA ha.nsaM balAkAM cha bakaM barhiNameva cha |
vAnaraM shyenabhAsau cha sparshayedbrAhmaNAya gAm || 11\.135||
vAso dadyAdhayaM hatvA pa~ncha nIlAn vR^iShAn gajam |
ajameShAvanaDvAhaM kharaM hatvaikahAyanam || 11\.136||
kravyAdA.nstu mR^igAn hatvA dhenuM dadyAtpayasvinIm |
akravyAdAn vatsatarImuShTraM hatvA tu kR^iShNalam || 11\.137||
jInakArmukabastAvIn pR^ithagdadyAdvishuddhaye |
chaturNAmapi varNAnAM nArIrhatvA.anavasthitAH || 11\.138||
dAnena vadhanirNekaM sarpAdInAmashaknuvan |
ekaikashashcharetkR^ichChraM dvijaH pApApanuttaye || 11\.139||
asthimatAM tu sattvAnAM sahasrasya pramApaNe |
pUrNe chAnasyanasthnAM tu shUdrahatyAvrataM charet || 11\.140||
kiM chideva tu viprAya dadyAdasthimatAM vadhe |
anasthnAM chaiva hi.nsAyAM prANAyAmena shudhyati || 11\.141||
phaladAnAM tu vR^ikShANAM Chedane japyamR^ichshatam |
gulmavallIlatAnAM cha puShpitAnAM cha vIrudhAm || 11\.142||
annAdyajAnAM sattvAnAM rasajAnAM cha sarvashaH |
phalapuShpodbhavAnAM cha ghR^itaprAsho vishodhanam || 11\.143||
kR^iShtajAnAmoShadhInAM jAtAnAM cha svayaM vane |
vR^ithAlambhe.anugachChedgAM dinamekaM payovrataH || 11\.144||
etairvratairapohyaM syAdeno hi.nsAsamudbhavam |
j~nAnAj~nAnakR^itaM kR^itsnaM shR^iNutAnAdyabhakShaNe || 11\.145||
aj~nAnAdvAruNIM pItvA sa.nskAreNaiva shudhyati |
matipUrvamanirdeshyaM prANAntikamiti sthitiH || 11\.146||
apaH surAbhAjanasthA madyabhANDasthitAstathA |
pa~ncharAtraM pibetpItvA sha~NkhapuShpIshR^itaM payaH || 11\.147||
spR^iShTvA dattvA cha madirAM vidhivatpratigR^ihya cha |
shUdrochChiShTAshcha pItvA.apaH kushavAri pibettryaham || 11\.148||
brAhmaNastu surApasya gandhamAghrAya somapaH |
prANAnapsu trirAyamya ghR^itaM prAshya vishudhyati || 11\.149||
aj~nAnAtprAshya viNmUtraM surAsa.nspR^iShTameva cha |
punaH sa.nskAramarhanti trayo varNA dvijAtayaH || 11\.150||
vapanaM mekhalA daNDo bhaikShacharyA vratAni cha | bhaikShyacharyA 
nivartante dvijAtInAM punaHsa.nskArakarmaNi || 11\.151||
abhojyAnAM tu bhuktvA.annaM strIshUdrochChiShTameva cha |
jagdhvA mA.nsamabhakShyaM cha saptarAtraM yavAn pibet || 11\.152||
shuktAni cha kaShAyA.nshcha pItvA medhyAnyapi dvijaH |
tAvadbhavatyaprayato yAvattanna vrajatyadhaH || 11\.153||
viDvarAhakharoShTrANAM gomAyoH kapikAkayoH |
prAshya mUtrapurIShANi dvijashchAndrAyaNaM charet || 11\.154||
shuShkANi bhuktvA mA.nsAni bhaumAni kavakAni cha |
aj~nAtaM chaiva sUnAsthametadeva vrataM charet || 11\.155||
kravyAdasUkaroShTrANAM kukkuTAnAM cha bhakShaNe |
narakAkakharANAM cha taptakR^ichChraM vishodhanam || 11\.156||
mAsikAnnaM tu yo.ashnIyAdasamAvartako dvijaH |
sa trINyahAnyupavasedekAhaM chodake vaset || 11\.157||
brahmachArI tu yo.ashnIyAn madhu mA.nsaM kathaM chana | vratachArI tu 
sa kR^itvA prAkR^itaM kR^ichChraM vratasheShaM samApayet || 11\.158||
biDAlakAkAkhUchChiShTaM jagdhvA shvanakulasya cha |
keshakITAvapannaM cha pibedbrahmasuvarchalAm || 11\.159||
abhojyamannaM nAttavyamAtmanaH shuddhimichChatA |
aj~nAnabhuktaM tUttAryaM shodhyaM vA.apyAshu shodhanaiH || 11\.160||
eSho.anAdyAdanasyokto vratAnAM vividho vidhiH |
steyadoShApahartR^INAM vratAnAM shrUyatAM vidhiH || 11\.161||
dhAnyAnnadhanachauryANi kR^itvA kAmAddvijottamaH |
svajAtIyagR^ihAdeva kR^ichChrAbdena vishudhyati || 11\.162||
manuShyANAM tu haraNe strINAM kShetragR^ihasya cha |
kUpavApIjalAnAM cha shuddhishchAndrAyaNaM smR^itam || 11\.163||
dravyANAmalpasArANAM steyaM  kR^itvA.anyaveshmataH  | kR^itvA.anyaveshmani
charetsA.ntapanaM kR^ichChraM tanniryAtyAtmashuddhaye || 11\.164||
bhakShyabhojyApaharaNe yAnashayyA.a.asanasya cha |
puShpamUlaphalAnAM cha pa~nchagavyaM vishodhanam || 11\.165||
tR^iNakAShThadrumANAM cha shuShkAnnasya guDasya cha |
chelacharmAmiShANAM cha trirAtraM syAdabhojanam || 11\.166|| chailacharmAmikShANAM 

maNimuktApravAlAnAM tAmrasya rajatasya cha |
ayaH.kA.nsyaupalAnAM cha dvAdashAhaM kaNAnnatA || 11\.167||
kArpAsakITajorNAnAM dvishaphekashaphasya cha | dveshaphekakhurasya cha
pakShigandhauShadhInAM cha rajjvAshchaiva tryahaM payaH || 11\.168||
etairvratairapoheta pApaM steyakR^itaM dvijaH |
agamyAgamanIyaM tu vratairebhirapAnudet || 11\.169||
gurutalpavrataM kuryAdretaH siktvA svayoniShu |
sakhyuH putrasya cha strIShu kumArIShvantyajAsu cha || 11\.170||
paitR^isvaseyIM bhaginIM svasrIyAM mAtureva cha |
mAtushcha bhrAtustanayAM gatvA  chAndrAyaNaM charet || 11\.171|| bhrAturAptasya gatvA

etAstisrastu bhAryArthe nopayachChettu buddhimAn |
j~nAtitvenAnupeyAstAH patati hyupayannadhaH || 11\.172||
amAnuShIShU puruSha udakyAyAmayoniShu |
retaH siktvA jale chaiva kR^ichChraM sA.ntapanaM charet || 11\.173||
maithunaM tu samAsevya pu.nsi yoShiti vA dvijaH |
goyAne.apsu divA chaiva savAsAH snAnamAcharet || 11\.174||
chaNDAlAntyastriyo gatvA bhuktvA cha pratigR^ihya cha |
patatyaj~nAnato vipro j~nAnAtsAmyaM tu gachChati || 11\.175||
vipraduShTAM striyaM bhartA nirundhyAdekaveshmani |
yatpu.nsaH paradAreShu tachchainAM chArayedvratam || 11\.176||
sA chetpunaH praduShyettu sadR^ishenopamantritA | sadR^ishenopayantritA
kR^ichChraM chAndrAyaNaM chaiva tadasyAH pAvanaM smR^itam || 11\.177||
yatkarotyekarAtreNa vR^iShalIsevanAddvijaH |
tadbhaikShabhujjapannityaM tribhirvarShairvyapohati || 11\.178||
eShA pApakR^itAmuktA chaturNAmapi niShkR^itiH |
patitaiH samprayuktAnAmimAH shR^iNuta niShkR^itIH || 11\.179||
sa.nvatsareNa patati patitena sahAcharan |
yAjanAdhyApanAdyaunAnna tu yAnAsanAshanAt || 11\.180||
yo yena patitenaiShAM sa.nsargaM yAti mAnavaH |
sa tasyaiva vrataM kuryAttatsa.nsargavishuddhaye || 11\.181||
patitasyodakaM kAryaM sapiNDairbAndhavairbahiH |
nindite.ahani sAyAhne j~nAtirtviggurusa.nnidhau || 11\.182||
dAsI ghaTamapAM pUrNaM paryasyetpretavatpadA |
ahorAtramupAsIrannashauchaM bAndhavaiH saha || 11\.183||
nivartera.nshcha tasmAttu sambhAShaNasahAsane |
dAyAdyasya pradAnaM cha yAtrA chaiva hi laukikI || 11\.184||
jyeShThatA cha nivarteta jyeShThAvApyaM cha yaddhanam | yadvasu 
jyeShThA.nshaM prApnuyAchchAsya yavIyAn guNato.adhikaH || 11\.185||
prAyashchitte tu charite pUrNakumbhamapAM navam |
tenaiva sArdhaM prAsyeyuH snAtvA puNye jalAshaye || 11\.186||
sa tvapsu taM ghaTaM prAsya pravishya bhavanaM svakam |
sarvANi j~nAtikAryANi yathApUrvaM samAcharet || 11\.187||
etadeva vidhiM kuryAdyoShitsu patitAsvapi | etameva vidhiM
vastrAnnapAnaM deyaM tu vaseyushcha gR^ihAntike || 11\.188||
enasvibhiranirNiktairnArthaM kiM chitsahAcharet |
kR^itanirNejanA.nshchaiva na jugupseta karhi chit || 11\.189|| kR^itanirNejanA.nshchaitAn

bAlaghnA.nshcha kR^itaghnA.nshcha vishuddhAnapi dharmataH |
sharaNAgatahantR^I.nshcha strIhantR^I.nshcha na sa.nvaset || 11\.190||
yeShAM dvijAnAM sAvitrI nAnUchyeta yathAvidhi |
tA.nshchArayitvA trIn kR^ichChrAn yathAvidhyopanAyayet || 11\.191||
prAyashchittaM chikIrShanti vikarmasthAstu ye dvijAH |
brahmaNA cha parityaktAsteShAmapyetadAdishet || 11\.192||
yadgarhitenArjayanti karmaNA brAhmaNA dhanam |
tasyotsargeNa shudhyanti japyena tapasaiva cha || 11\.193||
japitvA trINi sAvitryAH sahasrANi samAhitaH |
mAsaM goShThe payaH pItvA muchyate.asatpratigrahAt || 11\.194||
upavAsakR^ishaM taM tu govrajAtpunarAgatam |
praNataM prati pR^ichCheyuH sAmyaM saumyaichChasIti kim || 11\.195||
satyamuktvA tu vipreShu vikiredyavasaM gavAm |
gobhiH pravartite tIrthe kuryustasya parigraham || 11\.196||
vrAtyAnAM yAjanaM kR^itvA pareShAmantyakarma cha |
abhichAramahInaM cha tribhiH kR^ichChrairvyapohati || 11\.197||
sharaNAgataM parityajya vedaM viplAvya cha dvijaH |
sa.nvatsaraM yavAhArastatpApamapasedhati || 11\.198||
shvashR^igAlakharairdaShTo grAmyaiH kravyAdbhireva cha |
narAshvoShTravarAhaishcha prANAyAmena shudhyati  || 11\.199||
ShaShThAnnakAlatA mAsaM sa.nhitAjapa eva vA |
 homAshcha sakalA nityamapA~NktyAnAM vishodhanam || 11\.200|| homAshcha shAkalA 

uShTrayAnaM samAruhya kharayAnaM tu kAmataH |
snAtvA tu vipro digvAsAH prANAyAmena shudhyati || 11\.201||
vinA.adbhirapsu vA.apyArtaH shArIraM sa.nniShevya cha |
sachailo bahirAplutya gAmAlabhya vishudhyati || 11\.202||
vedoditAnAM nityAnAM karmaNAM samatikrame |
snAtakavratalope cha prAyashchittamabhojanam || 11\.203||
hu~NkAraM brAhmaNasyoktvA tva~NkAraM cha garIyasaH |
snAtvA.anashnannahaH sheShamabhivAdya prasAdayet || 11\.204||
tADayitvA tR^iNenApi kaNThe vA.abadhya vAsasA |
vivAde vA vinirjitya praNipatya prasAdayet || 11\.205||
avagUrya tvabdashataM sahasramabhihatya cha |
jighA.nsayA brAhmaNasya narakaM pratipadyate || 11\.206||
shoNitaM yAvataH pA.nsUn sa~NgR^ihNAti mahItale |
tAvantyabdasahasrANi tatkartA narake vaset || 11\.207|| narake vrajet

avagUrya charetkR^ichChramatikR^ichChraM nipAtane |
kR^ichChrAtikR^ichChrau kurvIta viprasyotpAdya shoNitam || 11\.208||
anuktaniShkR^itInAM tu pApAnAmapanuttaye |
shaktiM chAvekShya pApaM cha prAyashchittaM prakalpayet || 11\.209||
yairabhyupAyairenA.nsi mAnavo vyapakarShati |
tAn vo.abhyupAyAn vakShyAmi devarShipitR^isevitAn || 11\.210||
tryahaM prAtastryahaM sAyaM tryahamadyAdayAchitam |
tryahaM paraM cha nAshnIyAtprAjApatyaM charan dvijaH || 11\.211||
gomUtraM gomayaM kShIraM dadhi sarpiH kushodakam |
ekarAtropavAsashcha kR^ichChraM sA.ntapanaM smR^itam || 11\.212||
ekaikaM grAsamashnIyAttryahANi trINi pUrvavat |
tryahaM chopavasedantyamatikR^ichChraM charan dvijaH || 11\.213||
taptakR^ichChraM charan vipro jalakShIraghR^itAnilAn |
pratitryahaM pibeduShNAn sakR^itsnAyI samAhitaH || 11\.214||
yatAtmano.apramattasya dvAdashAhamabhojanam |
parAko nAma kR^ichChro.ayaM sarvapApApanodanaH || 11\.215||
ekaikaM hrAsayetpiNDaM kR^iShNe shukle cha vardhayet |
upaspR^isha.nstriShavaNametatchANDrAyaNaM smR^itam || 11\.216||
etameva vidhiM kR^itsnamAcharedyavamadhyame |
shuklapakShAdiniyatashchara.nshchAndrAyaNaM vratam || 11\.217||
aShTAvaShTau samashnIyAtpiNDAn madhya.ndine sthite |
niyatAtmA haviShyAshI yatichAndrAyaNaM charan || 11\.218||
chaturaH prAtarashnIyAtpiNDAn vipraH samAhitaH |
chaturo.astamite sUrye shishuchAndrAyaNaM smR^itam || 11\.219||
yathA kathaM chitpiNDAnAM tisro.ashItIH samAhitaH |
mAsenAshnan haviShyasya chandrasyaiti salokatAm || 11\.220||
etadrudrAstathA.adityA vasavashchAcharan vratam |
sarvAkushalamokShAya marutashcha maharShibhiH || 11\.221||
mahAvyAhR^itibhirhomaH kartavyaH svayamanvaham |
ahi.nsA satyamakrodhamArjavaM cha samAcharet || 11\.222||
trirahnastrirnishAyAM cha savAsA jalamAvishet |
 strIshUdrapatitA.nshchaiva nAbhibhASheta karhi chit || 11\.223||
sthAnAsanAbhyAM viharedashakto.adhaH shayIta vA |
brahmachArI vratI cha syAdgurudevadvijArchakaH || 11\.224||
sAvitrIM cha japennityaM pavitrANi cha shaktitaH |
sarveShveva vrateShvevaM prAyashchittArthamAdR^itaH || 11\.225||
etairdvijAtayaH shodhyA vratairAviShkR^itenasaH |
anAviShkR^itapApA.nstu mantrairhomaishcha shodhayet || 11\.226||
khyApanenAnutApena tapasA.adhyayanena cha |
pApakR^itmuchyate pApAttathA dAnena chApadi || 11\.227||
yathA yathA naro.adharmaM svayaM kR^itvA.anubhAShate |
tathA tathA tvachaivAhistenAdharmeNa muchyate || 11\.228||
yathA yathA manastasya duShkR^itaM karma garhati |
tathA tathA sharIraM tattenAdharmeNa muchyate || 11\.229||
kR^itvA pApaM hi sa.ntapya tasmAtpApAtpramuchyate |
naivaM kuryAM punariti nivR^ittyA pUyate tu saH || 11\.230||
evaM sa~nchintya manasA pretya karmaphalodayam |
manovA~NmUrtibhirnityaM shubhaM karma samAcharet || 11\.231||
aj~nAnAdyadi vA j~nAnAtkR^itvA karma vigarhitam |
tasmAdvimuktimanvichChan dvitIyaM na samAcharet || 11\.232||
yasmin karmaNyasya kR^ite manasaH syAdalAghavam |
tasmi.nstAvattapaH kuryAdyAvattuShTikaraM bhavet || 11\.233||
tapomUlamidaM sarvaM daivamAnuShakaM sukham |
tapomadhyaM budhaiH proktaM tapo.antaM vedadarshibhiH || 11\.234||
brAhmaNasya tapo j~nAnaM tapaH kShatrasya rakShaNam |
vaishyasya tu tapo vArtA tapaH shUdrasya sevanam || 11\.235||
R^iShayaH sa.nyatAtmAnaH phalamUlAnilAshanAH |
tapasaiva prapashyanti trailokyaM sacharAcharam || 11\.236||
auShadhAnyagado vidyA daivI cha vividhA sthitiH |
tapasaiva prasidhyanti tapasteShAM hi sAdhanam || 11\.237||
yaddustaraM yaddurApaM yaddurgaM yachcha duShkaram |
sarvaM tu tapasA sAdhyaM tapo hi duratikramam || 11\.238|| sarvaM tattapasA 

mahApAtakinashchaiva sheShAshchAkAryakAriNaH |
tapasaiva sutaptena muchyante kilbiShAttataH || 11\.239||
kITAshchAhipata~NgAshcha pashavashcha vayA.nsi cha |
sthAvarANi cha bhUtAni divaM yAnti tapobalAt || 11\.240||
yatkiM chidenaH kurvanti manovA~NmUrtibhirjanAH | manovAch.karmabhir
tatsarvaM nirdahantyAshu tapasaiva tapodhanAH || 11\.241||
tapasaiva vishuddhasya brAhmaNasya divaukasaH |
ijyAshcha pratigR^ihNanti kAmAn sa.nvardhayanti cha || 11\.242||
prajApatiridaM shAstraM tapasaivAsR^ijatprabhuH |
tathaiva vedAn R^iShayastapasA pratipedire || 11\.243||
ityetattapaso devA mahAbhAgyaM prachakShate | yadetattapaso
sarvasyAsya prapashyantastapasaH puNyamuttamam || 11\.244|| puNyamudbhavaM 

vedAbhyAso.anvahaM shaktyA mahAyaj~nakriyA kShamA |
nAshayantyAshu pApAni mahApAtakajAnyapi || 11\.245||
yathaidhastejasA vahniH prAptaM nirdahati kShaNAt |
tathA j~nAnAgninA pApaM sarvaM dahati vedavit || 11\.246||
ityetadenasAmuktaM prAyashchittaM yathAvidhi |
ata UrdhvaM rahasyAnAM prAyashchittaM nibodhata || 11\.247||
savyAhR^itipraNavakAH prANAyAmAstu ShoDasha |
api bhrUNahanaM mAsAtpunantyaharahaH kR^itAH || 11\.248||
kautsaM japtvA.apa ityetadvasiShThaM cha pratItyR^icham |
mAhitraM shuddhavatyashcha surApo.api vishudhyati || 11\.249||
sakR^itjaptvA.asyavAmIyaM shivasa~Nkalpameva cha |
apahR^itya suvarNaM tu kShaNAdbhavati nirmalaH || 11\.250||
haviShpAntIyamabhyasya na tamaM ha itIti cha |
japitvA pauruShaM sUktaM muchyate gurutalpagaH || 11\.251||
enasAM sthUlasUkShmANAM chikIrShannapanodanam |
avetyR^ichaM japedabdaM yatki~nchedamitIti vA || 11\.252||
pratigR^ihyApratigrAhyaM bhuktvA chAnnaM vigarhitam |
japa.nstaratsamandIyaM pUyate mAnavastryahAt || 11\.253||
somAraudraM tu bahvenAH mAsamabhyasya  shudhyati | samAmabhyasya)
sravantyAmAcharan snAnamaryamNAmiti cha tR^icham || 11\.254||
abdArdhamindramityetadenasvI saptakaM japet |
aprashastaM tu kR^itvA.apsu mAsamAsIta bhaikShabhuk || 11\.255||
mantraiH shAkalahomIyairabdaM hutvA ghR^itaM dvijaH |
sugurvapyapahantyeno japtvA vA nama ityR^icham || 11\.256||
mahApAtakasa.nyukto.anugachChedgAH samAhitaH |
abhyasyAbdaM pAvamAnIrbhaikShAhAro vishudhyati || 11\.257||
araNye vA trirabhyasya prayato vedasa.nhitAm |
muchyate pAtakaiH sarvaiH parAkaiH shodhitastribhiH || 11\.258||
tryahaM tUpavasedyuktastrirahno.abhyupayannapaH |
muchyate pAtakaiH sarvaistrirjapitvA.aghamarShaNam || 11\.259||
yathA.ashvamedhaH kraturAT sarvapApApanodanaH |
tathA.aghamarShaNaM sUktaM sarvapApApanodanam || 11\.260||
hatvA lokAnapImA.nstrInashnannapi yatastataH |
R^igvedaM dhArayan vipro nainaH prApnoti kiM chana || 11\.261||
R^iksa.nhitAM trirabhyasya yajuShAM vA samAhitaH |
sAmnAM vA sarahasyAnAM sarvapApaiH pramuchyate || 11\.262||
yathA mahAhradaM prApya kShiptaM loShTaM vinashyati |
tathA dushcharitaM sarvaM vede trivR^iti majjati || 11\.263||
R^icho yajU.nShi chAnyAni sAmAni vividhAni cha |
eSha j~neyastrivR^idvedo yo vedainaM sa vedavit || 11\.264||
AdyaM yattryakSharaM brahma trayI yasmin pratiShThitA |
sa guhyo.anyastrivR^idvedo yastaM veda sa vedavit || 11\.265||

\section{adhyAya 12}
chAturvarNyasya kR^itsno.ayamukto dharmastvayA.anaghaH |
karmaNAM phalanirvR^ittiM sha.nsa nastattvataH parAm || 12\.1||
sa tAnuvAcha dharmAtmA maharShIn mAnavo bhR^iguH |
asya sarvasya shR^iNuta karmayogasya nirNayam || 12\.2||
shubhAshubhaphalaM karma manovAgdehasambhavam |
karmajA gatayo nR^INAmuttamAdhamamadhyamaH || 12\.3||
tasyaiha trividhasyApi tryadhiShThAnasya dehinaH |
dashalakShaNayuktasya mano vidyAtpravartakam || 12\.4||
paradravyeShvabhidhyAnaM manasA.aniShTachintanam |
vitathAbhiniveshashcha trividhaM karma mAnasam || 12\.5||
pAruShyamanR^itaM chaiva paishunyaM chApi sarvashaH |
asambaddhapralApashcha vA~NmayaM syAchchaturvidham || 12\.6||
adattAnAmupAdAnaM hi.nsA chaivAvidhAnataH |
paradAropasevA cha shArIraM trividhaM smR^itam || 12\.7||
mAnasaM manasevAyamupabhu~Nkte shubhAshubham |
vAchA vAchA kR^itaM karma kAyeneva cha kAyikam || 12\.8||
sharIrajaiH karmadoShairyAti sthAvaratAM naraH |
vAchikaiH pakShimR^igatAM mAnasairantyajAtitAm || 12\.9||
vAgdaNDo.atha manodaNDaH kAyadaNDastathaiva cha |
yasyaite nihitA buddhau tridaNDIti sa uchyate || 12\.10||
tridaNDametannikShipya sarvabhUteShu mAnavaH |
kAmakrodhau tu sa.nyamya tataH siddhiM niyachChati || 12\.11|| kAmakrodhau susa.nyamya tataH siddhiM nigachChati

yo.asyAtmanaH kArayitA taM kShetraj~naM prachakShate |
yaH karoti tu karmANi sa bhUtAtmochyate budhaiH || 12\.12||
jIvasa.nj~no.antarAtmA.anyaH sahajaH sarvadehinAm |
yena vedayate sarvaM sukhaM duHkhaM cha janmasu || 12\.13||
tAvubhau bhUtasampR^iktau mahAn kShetraj~na eva cha |
uchchAvacheShu bhUteShu sthitaM taM vyApya tiShThataH || 12\.14||
asa~NkhyA mUrtayastasya niShpatanti sharIrataH |
uchchAvachAni bhUtAni satataM cheShTayanti yAH || 12\.15||
pa~nchabhya eva mAtrAbhyaH pretya duShkR^itinAM nR^iNAm | pa~nchabhya eva bhUtebhyaH 
sharIraM yAtanArthIyamanyadutpadyate dhruvam || 12\.16||
tenAnubhUya tA yAmIH sharIreNaiha yAtanAH |
tAsveva bhUtamAtrAsu pralIyante vibhAgashaH || 12\.17||
so.anubhUyAsukhodarkAn doShAn viShayasa~NgajAn |
vyapetakalmaSho.abhyeti tAvevobhau mahaujasau || 12\.18||
tau dharmaM pashyatastasya pApaM chAtandritau saha |
yAbhyAM prApnoti sampR^iktaH pretyeha cha sukhAsukham || 12\.19||
 yadyAcharati dharmaM sa prAyasho.adharmamalpashaH | yathAcharati)
taireva chAvR^ito bhUtaiH svarge sukhamupAshnute || 12\.20||
yadi tu prAyasho.adharmaM sevate dharmamalpashaH |
tairbhUtaiH sa parityakto yAmIH prApnoti yAtanAH || 12\.21||
yAmIstA yAtanAH prApya sa jIvo vItakalmaShaH |
tAnyeva pa~ncha bhUtAni punarapyeti bhAgashaH || 12\.22||
etA dR^iShTvA.asya jIvasya gatIH svenaiva chetasA |
dharmato.adharmatashchaiva dharme dadhyAtsadA manaH || 12\.23||
sattvaM rajastamashchaiva trIn vidyAdAtmano guNAn |
yairvyApyaimAn sthito bhAvAn mahAn sarvAnasheShataH || 12\.24||
yo yadeShAM guNo dehe sAkalyenAtirichyate |
sa tadA tadguNaprAyaM taM karoti sharIriNam || 12\.25||
sattvaM j~nAnaM tamo.aj~nAnaM rAgadveShau rajaH smR^itam |
etadvyAptimadeteShAM sarvabhUtAshritaM vapuH || 12\.26||
tatra yatprItisa.nyuktaM kiM chidAtmani lakShayet |
prashAntamiva shuddhAbhaM sattvaM tadupadhArayet || 12\.27||
yattu duHkhasamAyuktamaprItikaramAtmanaH |
tadrajo pratIpaM vidyAtsatataM hAri dehinAm || 12\.28|| hartR^i 

yattu syAn mohasa.nyuktamavyaktaM viShayAtmakam |
apratarkyamavij~neyaM tamastadupadhArayet || 12\.29||
trayANAmapi chaiteShAM guNAnAM yaH phalodayaH |
agryo madhyo jaghanyashcha taM pravakShyAmyasheShataH || 12\.30||
vedAbhyAsastapo j~nAnaM shauchamindriyanigrahaH |
dharmakriyA.atmachintA cha sAttvikaM guNalakShaNam || 12\.31||
ArambharuchitA.adhairyamasatkAryaparigrahaH |
viShayopasevA chAjasraM rAjasaM guNalakShaNam || 12\.32||
lobhaH svapno.adhR^itiH krauryaM nAstikyaM bhinnavR^ittitA |
yAchiShNutA pramAdashcha tAmasaM guNalakShaNam || 12\.33||
trayANAmapi chaiteShAM guNAnAM triShu tiShThatAm |
idaM sAmAsikaM j~neyaM kramasho guNalakShaNam || 12\.34||
yatkarma kR^itvA kurva.nshcha kariShya.nshchaiva lajjati |
tajj~neyaM viduShA sarvaM tAmasaM guNalakShaNam || 12\.35||
yenAsmin karmaNA loke khyAtimichChati puShkalAm |
na cha shochatyasampattau tadvij~neyaM tu rAjasam || 12\.36||
yatsarveNechChati j~nAtuM yanna lajjati chAcharan |
yena tuShyati chAtmA.asya tatsattvaguNalakShaNam || 12\.37||
tamaso lakShaNaM kAmo rajasastvartha uchyate |
sattvasya lakShaNaM dharmaH shraiShThyameShAM yathottaram || 12\.38||
yena yastu guNenaiShAM sa.nsarAn pratipadyate | yena yA.nstu 
tAn samAsena vakShyAmi sarvasyAsya yathAkramam || 12\.39||
devatvaM sAttvikA yAnti manuShyatvaM cha rAjasAH |
tiryaktvaM tAmasA nityamityeShA trividhA gatiH || 12\.40||
trividhA trividhaiShA tu vij~neyA gauNikI gatiH |
adhamA madhyamAgryA cha karmavidyAvisheShataH || 12\.41||
sthAvarAH kR^imikITAshcha matsyAH sarpAH sakachChapAH |
pashavashcha mR^igAshchaiva jaghanyA tAmasI gatiH || 12\.42||
hastinashcha tura~NgAshcha shUdrA mlechChAshcha garhitAH |
si.nhA vyAghrA varAhAshcha madhyamA tAmasI gatiH || 12\.43||
chAraNAshcha suparNAshcha puruShAshchaiva dAmbhikAH |
rakShA.nsi cha pishAchAshcha tAmasIShUttamA gatiH || 12\.44||
jhallA mallA naTAshchaiva puruShAH shastravR^ittayaH |
dyUtapAnaprasaktAshcha jaghanyA rAjasI gatiH || 12\.45||
rAjAnaH kShatriyAshchaiva rAj~nAM chaiva purohitAH |
vAdayuddhapradhAnAshcha madhyamA rAjasI gatiH || 12\.46||
gandharvA guhyakA yakShA vibudhAnucharAshcha ye |
tathaivApsarasaH sarvA rAjasIShUttamA gatiH || 12\.47||
tApasA yatayo viprA ye cha vaimAnikA gaNAH |
nakShatrANi cha daityAshcha prathamA sAttvikI gatiH || 12\.48||
yajvAna R^iShayo devA vedA jyotI.nShi vatsarAH |
pitarashchaiva sAdhyAshcha dvitIyA sAttvikI gatiH || 12\.49||
brahmA vishvasR^ijo dharmo mahAnavyaktameva cha |
uttamAM sAttvikImetAM gatimAhurmanIShiNaH || 12\.50||
eSha sarvaH samuddiShTastriprakArasya karmaNaH | triH.prakArasya
trividhastrividhaH kR^itsnaH sa.nsAraH sArvabhautikaH || 12\.51||
indriyANAM prasa~Ngena dharmasyAsevanena cha |
pApAn sa.nyAnti sa.nsArAnavidvA.nso narAdhamAH || 12\.52||
yAM yAM yoniM tu jIvo.ayaM yena yenaiha karmaNA |
kramasho yAti loke.asmi.nstattatsarvaM nibodhata || 12\.53||
bahUn varShagaNAn ghorAnnarakAn prApya tatkShayAt |
sa.nsArAn pratipadyante mahApAtakinastvimAn || 12\.54||
shvasUkarakharoShTrANAM go.ajAvimR^igapakShiNAm |
chaNDAlapukkasAnAM cha brahmahA yonimR^ichChati || 12\.55||
kR^imikITapata~NgAnAM viDbhujAM chaiva pakShiNAm |
hi.nsrANAM chaiva sattvAnAM surApo brAhmaNo vrajet || 12\.56||
lUtA.ahisaraTAnAM cha tirashchAM chAmbuchAriNAm |
hi.nsrANAM cha pishAchAnAM steno vipraH sahasrashaH || 12\.57||
tR^iNagulmalatAnAM cha kravyAdAM da.nShTriNAmapi |
krUrakarmakR^itAM chaiva shatasho gurutalpagaH || 12\.58||
hi.nsrA bhavanti kravyAdAH kR^imayo.amedhyabhakShiNaH |
parasparAdinaH stenAH pretyAntyastrIniSheviNaH || 12\.59||
sa.nyogaM patitairgatvA parasyaiva cha yoShitam |
apahR^itya cha viprasvaM bhavati brahmarAkShasaH || 12\.60||
maNimuktApravAlAni hR^itvA lobhena mAnavaH |
vividhANi cha ratnAni jAyate hemakartR^iShu || 12\.61||
dhAnyaM hR^itvA bhavatyAkhuH kA.nsyaM ha.nso jalaM plavaH |
madhu da.nshaH payaH kAko rasaM shvA nakulo ghR^itam || 12\.62||
mA.nsaM gR^idhro vapAM madgustailaM tailapakaH khagaH |
chIrIvAkastu lavaNaM balAkA shakunirdadhi || 12\.63||
kausheyaM tittirirhR^itvA kShaumaM hR^itvA tu darduraH |
kArpAsatAntavaM krau~ncho godhA gAM vAggudo guDam || 12\.64||
ChuchChundariH shubhAn gandhAn patrashAkaM tu barhiNaH | ChuchChundarIH 
shvAvitkR^itAnnaM vividhamakR^itAnnaM tu shalyakaH || 12\.65||
bako bhavati hR^itvA.agniM gR^ihakArI hyupaskaram |
raktAni hR^itvA vAsA.nsi jAyate jIvajIvakaH || 12\.66||
vR^iko mR^igaibhaM vyAghro.ashvaM phalamUlaM tu markaTaH |
strIM R^ikShaH stokako vAri yAnAnyuShTraH pashUnajaH || 12\.67||
yadvA tadvA paradravyamapahR^itya balAnnaraH |
avashyaM yAti tiryaktvaM jagdhvA chaivAhutaM haviH || 12\.68||
striyo.apyetena kalpena hR^itvA doShamavApnuyuH |
eteShAmeva jantUnAM bhAryAtvamupayAnti tAH || 12\.69||
svebhyaH svebhyastu karmabhyashchyutA varNA hyanApadi |
pApAn sa.nsR^itya sa.nsArAn preShyatAM yAnti shatruShu || 12\.70|| yAnti dasyuShu 

vAntAshyulkAmukhaH preto vipro dharmAtsvakAchchyutaH |
amedhyakuNapAshI cha kShatriyaH kaTapUtanaH || 12\.71|| kUTapUtanaH 

maitrAkShajyotikaH preto vaishyo bhavati pUyabhuk | maitrAkShijyotikaH 
chailAshakashcha bhavati shUdro dharmAtsvakAchchyutaH || 12\.72||
yathA yathA niShevante viShayAn viShayAtmakAH |
tathA tathA kushalatA teShAM teShUpajAyate || 12\.73||
te.abhyAsAtkarmaNAM teShAM pApAnAmalpabuddhayaH |
samprApnuvanti duHkhAni tAsu tAsviha yoniShu || 12\.74||
tAmisrAdiShu chogreShu narakeShu vivartanam |
asipatravanAdIni bandhanaChedanAni cha || 12\.75||
vividhAshchaiva sampIDAH kAkolUkaishcha bhakShaNam |
karambhavAlukAtApAn kumbhIpAkA.nshcha dAruNAn || 12\.76||
sambhavA.nshcha viyonIShu duHkhaprAyAsu nityashaH |
shItAtapAbhighAtA.nshcha vividhAni bhayAni cha || 12\.77||
asakR^idgarbhavAseShu vAsaM janma cha dAruNam |
bandhanAni cha kAShThAni parapreShyatvameva cha || 12\.78|| kaShTAni

bandhupriyaviyogA.nshcha sa.nvAsaM chaiva durjanaiH |
dravyArjanaM cha nAshaM cha mitrAmitrasya chArjanam || 12\.79||
jarAM chaivApratIkArAM vyAdhibhishchopapIDanam |
kleshA.nshcha vividhA.nstA.nstAn mR^ityumeva cha durjayam || 12\.80||
yAdR^ishena tu bhAvena yadyatkarma niShevate |
tAdR^ishena sharIreNa tattatphalamupAshnute || 12\.81||
eSha sarvaH samuddiShTaH karmaNAM vaH phalodayaH |
naiHshreyasakaraM karma viprasyedaM nibodhata || 12\.82||
vedAbhyAsastapo j~nAnamindriyANAM cha sa.nyamaH |
ahi.nsA gurusevA cha niHshreyasakaraM param || 12\.83||
sarveShAmapi chaiteShAM shubhAnAmiha karmaNAm |
kiM chitshreyaskarataraM karmoktaM puruShaM prati || 12\.84||
sarveShAmapi chaiteShAmAtmaj~nAnaM paraM smR^itam |
tadhyagryaM sarvavidyAnAM prApyate hyamR^itaM tataH || 12\.85||
ShaNNAmeShAM tu sarveShAM karmaNAM pretya chaiha cha |
shreyaskarataraM j~neyaM sarvadA karma vaidikam || 12\.86||
vaidike karmayoge tu sarvANyetAnyasheShataH |
antarbhavanti kramashastasmi.nstasmin kriyAvidhau || 12\.87||
sukhAbhyudayikaM chaiva naiHshreyasikameva cha |
pravR^ittaM cha nivR^ittaM cha dvividhaM karma vaidikam || 12\.88||
iha chAmutra vA kAmyaM pravR^ittaM karma kIrtyate |
niShkAmaM j~nAtapUrvaM tu nivR^ittamupadishyate || 12\.89||
pravR^ittaM karma sa.nsevyaM devAnAmeti sAmyatAm |
nivR^ittaM sevamAnastu bhUtAnyatyeti pa~ncha vai || 12\.90||
sarvabhUteShu chAtmAnaM sarvabhUtAni chAtmani |
samaM pashyannAtmayAjI svArAjyamadhigachChati || 12\.91||
yathoktAnyapi karmANi parihAya dvijottamaH |
Atmaj~nAne shame cha syAdvedAbhyAse cha yatnavAn || 12\.92||
etadhi janmasAphalyaM brAhmaNasya visheShataH |
prApyaitatkR^itakR^ityo hi dvijo bhavati nAnyathA || 12\.93||
pitR^idevamanuShyANAM vedashchakShuH sanAtanam |
ashakyaM chAprameyaM cha vedashAstramiti sthitiH || 12\.94||
yA vedabAhyAH smR^itayo yAshcha kAshcha kudR^iShTayaH | shrutayo 
sarvAstA niShphalAH pretya tamoniShThA hi tAH smR^itAH || 12\.95||
utpadyante chyavante cha yAnyato.anyAni kAni chit | utpadyante vinashyanti
tAnyarvAkkAlikatayA niShphalAnyanR^itAni cha || 12\.96||
chAturvarNyaM trayo lokAshchatvArashchAshramAH pR^ithak |
bhUtaM bhavyaM bhaviShyaM cha sarvaM vedAtprasidhyati || 12\.97|| bhUtaM bhavadbhaviShyaM cha 

shabdaH sparshashcha rUpaM cha raso gandhashcha pa~nchamaH |
vedAdeva prasUyante prasUtirguNakarmataH || 12\.98||
bibharti sarvabhUtAni vedashAstraM sanAtanam |
tasmAdetatparaM manye yatjantorasya sAdhanam || 12\.99||
senApatyaM cha rAjyaM cha daNDanetR^itvameva cha | sainApatyaM 
sarvalokAdhipatyaM cha vedashAstravidarhati || 12\.100||
yathA jAtabalo vahnirdahatyArdrAnapi drumAn |
tathA dahati vedaj~naH karmajaM doShamAtmanaH || 12\.101||
vedashAstrArthatattvaj~no yatra tatrAshrame vasan |
ihaiva loke tiShThan sa brahmabhUyAya kalpate || 12\.102||
aj~nebhyo granthinaH shreShThA granthibhyo dhAriNo varAH |
dhAribhyo j~nAninaH shreShThA j~nAnibhyo vyavasAyinaH || 12\.103||
tapo vidyA cha viprasya niHshreyasakaraM param |
tapasA kilbiShaM hanti vidyayA.amR^itamashnute || 12\.104||
pratyakShaM chAnumAnaM cha shAstraM cha vividhA.a.agamam |
trayaM suviditaM kAryaM dharmashuddhimabhIpsatA || 12\.105||
ArShaM dharmopadeshaM cha vedashAstrAvirodhinA |
yastarkeNAnusa.ndhatte sa dharmaM veda naitaraH || 12\.106||
naiHshreyasamidaM karma yathoditamasheShataH |
mAnavasyAsya shAstrasya rahasyamupadishyate || 12\.107|| upadekShyate

anAmnAteShu dharmeShu kathaM syAditi chedbhavet |
yaM shiShTA brAhmaNA brUyuH sa dharmaH syAdasha~NkitaH || 12\.108||
dharmeNAdhigato yaistu vedaH saparibR^i.nhaNaH |
te shiShTA brAhmaNA j~neyAH shrutipratyakShahetavaH || 12\.109||
dashAvarA vA pariShadyaM dharmaM parikalpayet |
try.avarA vA.api vR^ittasthA taM dharmaM na vichAlayet || 12\.110||
traividyo hetukastarkI nairukto dharmapAThakaH |
trayashchAshramiNaH pUrve pariShatsyAddashAvarA || 12\.111||
R^igvedavidyajurvidcha sAmavedavideva cha |
try.avarA pariShadj~neyA dharmasa.nshayanirNaye || 12\.112||
eko.api vedaviddharmaM yaM vyavasyeddvijottamaH |
sa vij~neyaH paro dharmo nAj~nAnAmudito.ayutaiH || 12\.113||
avratAnAmamantrANAM jAtimAtropajIvinAm |
sahasrashaH sametAnAM pariShattvaM na vidyate || 12\.114||
yaM vadanti tamobhUtA mUrkhA dharmamatadvidaH |
tatpApaM shatadhA bhUtvA tadvaktR^InanugachChati || 12\.115||
etadvo.abhihitaM sarvaM niHshreyasakaraM param |
asmAdaprachyuto vipraH prApnoti paramAM gatim || 12\.116||
evaM sa bhagavAn devo lokAnAM hitakAmyayA |
dharmasya paramaM guhyaM mamedaM sarvamuktavAn || 12\.117||
sarvamAtmani sampashyetsatchAsatcha samAhitaH |
sarvaM hyAtmani sampashyannAdharme kurute manaH || 12\.118||
Atmaiva devatAH sarvAH sarvamAtmanyavasthitam |
AtmA hi janayatyeShAM karmayogaM sharIriNAm || 12\.119||
khaM sa.nniveshayetkheShu cheShTanasparshane.anilam |
paktidR^iShTyoH paraM tejaH snehe.apo gAM cha mUrtiShu || 12\.120||
manasInduM dishaH shrotre krAnte viShNuM bale haram |
vAchyagniM mitramutsarge prajane cha prajApatim || 12\.121||
prashAsitAraM sarveShAmaNIyA.nsamaNorapi |
rukmAbhaM svapnadhIgamyaM vidyAttaM puruShaM param || 12\.122||
etameke vadantyagniM manumanye prajApatim |
indrameke pare prANamapare brahma shAshvatam || 12\.123||
eSha sarvANi bhUtAni pa~nchabhirvyApya mUrtibhiH |
janmavR^iddhikShayairnityaM sa.nsArayati chakravat || 12\.124||
evaM yaH sarvabhUteShu pashyatyAtmAnamAtmanA |
sa sarvasamatAmetya brahmAbhyeti paraM padam || 12\.125||
ityetan mAnavaM shAstraM bhR^iguproktaM paThan dvijaH |
bhavatyAchAravAnnityaM yatheShTAM prApnuyAdgatim || 12\.126||

\section{samAptaM mAnavaM dharmashAstram}
##
% From: Originally typed, analyzed and proofread by M.YANO and Y.IKARI
%                          From: yanom at cc2000.kyoto-su.ac.jp (Michio YANO)
%       Corrected from Devanagari by Avinash Sathaye sohum at ms.uky.edu
%---------------------------------------------------------------------------
%ManusmRti
%Originally typed, analyzed and proofread by M.YANO and Y.IKARI
%(May-June 1991, January-April1992, March-April 1996)
%
%
%K: ManusmRti with the Sanskrit Commentary Manvartha-MuktAvalI of KullUka
%BhaTTa, ed. J.L.Shastri 1983.  (Compared with the edition of
%Kashi Skt Series 114 ed. Haragovinda Sastri.)
%%  M: ManusmRti with the commentary of MedAtithi, 2vols. Calcutta 1967
%%  M: Manu-smRti with the "ManubhASya" of MedhAtithi, ed. GaGgAnAtha JhA,
%GOI 1932,1939 rep. 1992	
%
%Text is based upon K, and M's variant is given at each pada-end.
%There are verses which are found only in K or M. The difference of
%the zloka-numbering of chapter between K and M is noticed.
%
%Some sandhis have been dissolved and word division marks such as
%"-" and "." are introduced in the text in order to have easy
%identification of individual word form.
%"-" indicates resolve of the external sandhi.
%"." indicates word division within a compound.
%
%[M:] variants of MedhAtithi's
%Different numbering of verses between M and K is noted.
%=========================================================================
%| These files are copyrighted by the members of the Joint Seminar (see     |
%| below). They may be freely distributed and used for scholarly purposes,|
%| but anyone wishing to use the files for commercial purposes must apply |
%| to the copyright holders for permission to copy the file.              |
%=========================================================================
%----------------------------------------------------------------------
% Many corrections were made from Devanagari output
% by Avinash Sathaye  sohum at ms.uky.edu
% Conversion file from original .dhz to ITRANS format given here
% excluding the manual corrections afterwards is available upon request
%----------------------------------------------------------------------
The original file (manu.dhz) was Encoded and partly
proofread by Prof. Michio YANO and Y.IKARI.
Prof. Avinash Sathaye, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}