\documentstyle{article}
% for multicolumn
%        \documentstyle[multicol]{article}
\input idevn.tex	% TeX macros that ease ITRANS devanagari font usage
%-----
% ITRANS song book....prepend this header to print out songs,
% using TeX (either Devnac or Devnag font)
% >>>>>>>> Need ITRANS 4.0 <<<<<<<<<
%-----

% User Configuration Option -- One column or Two column output.
\def\maketwocolumn{YES}	% Uncomment this for 2-column printing
%\def\makelandscape{YES}	% Uncomment this for landscape format
%\pagestyle{empty}
%\def\eatnum#1{} % empty operator
%\newcommand{\SCOUNT}{\stepcounter{scounter}\arabic{scounter}}
%\newcounter{scounter}
%\newcommand{\BCOUNT}{\stepcounter{bcounter}\arabic{bcounter}}
%\newcounter{bcounter}
%\newcommand{\CCOUNT}{\stepcounter{ccounter}\arabic{ccounter}}
%\newcounter{ccounter}
%\newcommand{\resetCCOUNT}{\setcounter{ccounter}{0}}
\newcommand{\addline}{\medskip\hrule\medskip}
%\newcommand{\separate}{\medskip\hrule\medskip\setcounter{scounter}{0}}
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
% Edit this if needed, default should be ok for most users.

\ifx\undefined\maketwocolumn
% --- One column output
    \let\usedvng=\LARGEdvng	% 17pt devanagari font

    \let\smallcmr=\eightrm
    \let\titlefont=\tenrm
\else
% --- Two column output
    \let\usedvng=\normaldvng	% 10pt devanagri font

    \let\smallcmr=\sixrm
    \let\titlefont=\eightrm
\fi

% font options (normaldvng, largedvng, etc):
% sizes: normal < large < Large < LARGE < huge < Huge

%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
% if needed, redefine "space" to allow each input line to be broken into
% multiple output lines (\let =~ is the default, which enforces line rule)
% That has to done in the idevn.tex file, or add this command after
% \startsong in your input file:
% {\global\let =\ }% Comment this out for: 1 input line --> 1 output line
% (you cannot uncomment the command here, it has to appear after \startsong)
%-----
% Uncomment one of the following paragraphs:
%    First one is for Frans Velthuis's font.
%    Second one uses the font that is bundled with the ITRANS package.
% ONLY one of these should be uncommented at any one time.............

% ** Frans's font....(Metafont) (Uncomment the following TWO lines.)
#indianifm=dvng.ifm  % ITRANS command
#indianfont=\fransdvng

%-----OR--------

% ** Devnac font (PostScript) (Uncomment the following TWO lines.)
% #indianifm=dvnc.ifm  % ITRANS command
% #indianfont=\postdvng

#useshortmarkers % this allows use of ## (beginindian) and  ## (endindian)
% -----------------------------------------------------------------
% Page Settings
\ifx\undefined\makelandscape
    % Use Portrait Size Page
    \portraitpage
    % use a slightly wider page
    \addtolength{\textwidth}{0.25in}
\else
    % Use Landscape Size Page
    \landscapepage
\fi

% -----------------------------------------------------------------
% The idevn.tex file is now included with ITRANS 4.0, but it has
% a new method of specifying the songtitle (using printtitle).
% For backward compatibility, need to define songtitle.
\def\songtitle#1#2#3#4{%
    \film{#1}\singer{#2}\lyrics{#3}\music{#4}\printtitle}

% -----------------------------------------------------------------
\font\titled=dvng10 scaled\magstep1
\raggedright    % since the words are long, this reduces the long
                % gaps that appear when TeX justifies the lines.
%\parskip 3 pt   % to slightly increase the space between the shlokas.

\parindent 0pt
\begin{document}
% from startsong command:
\def\-{{\englfont -}}%
\def\.{{\englfont .}}%
\usedvng % use whatever font the user wants...default normaldvng
\englfont % usedvng makes default font indian, restore english font
% end from startsong command
%
\ifx\undefined\maketwocolumn
    \relax
\else
    \twocolumn[\centerline{##\titled bR^ihatpArAsharahorAshAstram.h 21$-$30##}\bigskip]
\fi
%\hrule height0.4pt
% ----------------------- End of ishdr.itx ------------------------
\obeylines
\obeyspaces
#indian
% for multicolumn
%       ## \centerline{\titled } ##
%       \begin{multicols}{5}
%Tranlsliteration credits: ajarve@fms30.cca.rockwell.com (Ahto Jarve)

\medskip\hrule\medskip

           atha karmabhAvaphalAdhyAyaH || 21||

\medskip

karmabhAvaphalaM chA.atha kathayAmi tavAgrataH |
sR^iNu maitreya tattvena brahmagargAdibhAshhitam.h || 1||

sabale karmabhAveshe svochche svAMshe svarAshige |
jAtastAtasukhenADh.hyo yashasvI shubhakarmakR^it.h || 2||

karmAdhipo balonashchet.h karmavaikalyamAdishet.h |
saihiH kendratrikoNastho jyotishhTomAdiyAgakR^it.h || 3||

karmeshe shubhasaMyukte shubhasthAnagate tathA |
rAjadvAre cha vANijye sadA lAbho.anyathAnyathA || 4||

dashame pApasaMyukte lAbhe pApasamanvite |
dushhkR^itiM labhate martyaH svajanAnAM vidUshhakaH || 5||

karmeshe nAsharAshisthe rAhuNA saMyute tathA |
janadveshhI mahAmUrkho dushhkR^itiM labhate naraH || 6||

karmeshe dyUnarAshisthe mandabhaumasamanvite |
dyUneshe pApasaMyute shishnodaraparAyaNaH || 7||

tuN^garAshiM samAshritya karmeshe gurusaMyute |
bhAgyeshe karmarAshisthe mAnaishvaryapratApavAn.h || 8||

lAbheshe karmarAshisthe karmeshe lagnasaMyute |
tAvubhau kendragau vApi sukhajIvanabhAg.h bhavet.h || 9||

karmeshe balasaMyukte mIne gurusamanvite |
vastrAbharaNasaukhyAdi labhate nAtra saMshayaH || 10||

lAbhasthAnagate sUrye rAhubhaumasamanvite |
raviputreNa saMyukte karmachchhettA bhavennaraH || 11||

mIne jIve bhR^iguyute lagneshe balasaMyute |
svochcharAshigate chandre samyag.hGYAnArthavAn.h bhavet.h || 12||

kendreshe lAbharAshisthe lAbheshe lagnasaMsthite |
karmarAshisthite shukre ratnavAn.h sa naro bhavet.h || 13||

kendratrikoNage karmanAthe svochchasamAshrite |
guruNA sahite dR^ishhTe sa karmasahito bhavet.h || 14||

karmeshe lagnabhAvasthe lagneshena samanvite |
kendratrikoNage chandre satkarmanirato bhavet.h || 15||

karmasthAnagate mande nIchakhecharasaMyute |
karmAMshe pApasaMyukte karmahIno bhavennaraH || 16||

karmeshe nAsharAshisthe randhreshe karmasaMsthite |
pApagraheNa saMyukte dushhkarma nirato bhavet.h || 17||

karmeshe nIcharAshisthe karmasthe pApakhechare |
karmabhAtkarmage pApe karmavaikalyamAdishet.h || 18||

karmasthAnagate chandre tadIshe tattrikoNage |
lagneshe kendrabhAvasthe satkIrtisahito bhavet.h || 19||

lAbheshe karmabhAvasthe karmeshe balasaMyukte |
devendraguruNA dR^ishhTe satkIrtisahito bhavet.h || 20||

karmasthAnAdhipe bhAgye lagneshe karmasaMyute |
lagnAt.h paJNchamage chandre khyAtanAmA naro bhavet.h || 21||

iti karmaphalaM proktaM saMxepeNa dvijottama |
lagnakarmeshasambandhAdUhyamanyadapi svayam.h || 22||

\medskip\hrule\medskip

        atha lAbhabhAvaphalAdhyAyaH || 22||

\medskip

lAbhabhAvaphalaJNchAtha kathayAmi dvijottama |
shrUyatAM jAtako loke yachchhubhatve sadA sukhI || 1||

lAbhAdhipo yadA lAbhe tishhTet.h kendratrikoNayoH |
bahulAbhaM tadA kuryAduchche sUryAMshago.api vA || 2||

lAbheshe dhanarAshisthe dhaneshe kendrasaMsthite |
guruNA sahite bhAve gurulAbhaM vinirdishet.h || 3||

lAbheshe vikrame bhAve shubhagrahasamanvite |
shhaT.htriMshe vatsare prApte sahasradvayanishhkabhAk.h || 4||

kendratrikoNage lAbhanAthe shubhasamanvite |
chatvAriMshe tu samprApte sahasrArdhasunishhkabhAk.h || 5||

lAbhasthAne guruyute dhane chandrasamanvite |
bhAgyasthAnagate shukre shhaT.hsahasrAdhipo bhavet.h || 6||

lAbhAchcha lAbhage jIve budhachandrasamanvite |
dhanadhAnyAdhipaH shrImAntratnAdyAbharaNairyutaH || 7||

lAbheshe lagnabhAvasthe lagneshe lAbhasaMyute |
trayastriMshe tu samprApte sahasranishhkabhAg.h bhavet.h || 8||

dhaneshe lAbharAshisthe lAbheshe dhanarAshige |
vivAhAtparatashchaiva bahubhAgyaM samAdishet.h || 9||

bhrAtR^ipe lAbharAshisthe lAbheshe bhrAtR^isaMsthite |
bhrAtR^ibhAvAddhanaprAptidivyAbharaNasaMyutaH || 10||

lAbheshe nIchabhe.aste vA trike pApasamanvite |
kR^ite bhUriprayatne.api naiva lAbhaH kadAchana || 11||

\medskip\hrule\medskip

         atha vyayabhAvaphalAdhyAyaH || 23||

\medskip

athAha vyayabhAvasya kathayAmi phalaM dvija |
vyayeshe shubhasaMyukte svabhe svochchagate.api vA || 1||

vyaye cha shubhasaMyukte shubhakArye vyayastadA |
chandro vyayAdhipo dharmalAbhamantreshhu saMsthitaH || 2||

svochche svarxe nijAMshe vA lAbhadharmAtmajAMshake |
divyAgArAdiparyaMko divyagandhaikabhogavAn.h || 3||

parArdhyaramaNo divyavastramAlyAdibhUshhaNaH |
parArdhyavittasaMyuto viGYo dinAni nayati prabhuH || 4||

evaMsvashatrunIchAMshe.ashhTamAMshe vA.ashhTame ripau |
saMsthitaH kurute jAtaM kAntAsukhavivarjitam.h || 5||

vyayAdhikyapariklAntaM divyabhoganirAkR^itam.h |
sa hi kendratrikoNasthaH svastriyA.alaMkR^itaH svayam.h || 6||

yathA lagnAt.h phalaM chaitadAtmanaH parikIrtitam.h |
evaM bhrAtrAdibhAveshhu tattatsarvaM vichArayet.h || 7||

dR^ishyachakrArdhagAH kheTAH pratyaxaphaladAyakAH |
adR^ishyArdhagatAH kheTAH paroxe phaladAH smR^itAH || 8||

vyayasthAnagatoH rAhurbhaumArkiravisaMyutaH |
tadIshe.apyarkasaMyukte narake patanaM bhavet.h || 9||

vyayasthAnagate saumye tadIshe svochcharAshige |
shubhayukte subhairdR^ishhTe moksaH syAnnAtra saMshayaH || 10||

vyayeshe pApasaMyukte vyaye pApasamanvite |
pApagraheNa saMdR^ishhTe deshAddeshAntaraM gataH || 11||

vyayeshe shubharAshisthe vyayarxe shubhasaMyute |
shubhagraheNa saMdR^ishhTe svadeshAt.h saJNcharo bhavet.h || 12||

vyaye mandAdisaMyukte bhUmijena samanvite |
su/bhadR^ishhTerna samprAptiH pApamUlAddhanArjanam.h || 13||

lagneshe vyayarAshisthe vyayeshe lagnasaMyute |
bhR^iguputreNa saMyukte dharmamUlAddhanavyayaH || 14||

\medskip\hrule\medskip

         atha bhAveshaphalAdhyAyaH || 24||

\medskip

lagneshe lagnage dehasukhabhAg.h bhujavikramI |
manasvI chaJNchalashchaiva dvibhAryo parago.api va || 1||

lagneshe dhanage bAlo lAbhavAn.h paNDitaH sukhI |
sushIlo dharmavinmAnI bahudAraguNairyutaH || 2||

lagneshe sahaje jAtaH siMhatulyaparAkramI |
sarvasampadyuto mAnI dvibhAryo matimAn.h sukhI || 3||

lagneshe sukhage bAlaH pitR^imAtR^isukhAnvitaH |
bahubhrAtR^iyutaH kAmI guNarUpasamanvitaH || 4||

lagneshe sutage jantoH sutasaukhyaM cha madhyamam.h |
prathamApatyanAshaH syAnmAnI krodhI nR^ipapriyaH || 5||

lagneshe shhashhThage jAto dehasaukhyavivarjitaH |
pApADh.hye shatrutaH pIDA saumyadR^ishhTivivarjite || 6||

lagneshe saptame pApe bhAryA tasya na jIvati |
shubhe.aTano daridro vA virakto vA nR^ipo.api vA || 7||

lagneshe.ashhTamage jAtaH siddhavidyAvishAradaH |
rogI chauro mahAkrodhI dyUtI cha paradAragaH || 8||

lagneshe bhAgyage jAto bhAgyavAJNjanavallabhaH |
vishhNubhaktaH paTurvAgmI dAraputradhanairyutaH || 9||

lagneshe dashame jAtaH pitR^isaukhyasamanvitaH |
nR^ipamAnyo jane khyAtaH svArjitasvo na saMshayaH || 10||

lagneshe lAbhage jAtaH sadA lAbhasamanvitaH |
sushIlaH khyAtakIrtishcha bahudAraguNairyutaH || 11||

lagneshe vyayabhAvasthe dehasaukhyavivarjitaH |
vyarthavyayI mahAkrodhI shubhadR^ig.hyogavarjite || 12||

dhaneshe lagnage jAtaH putravAn.h dhanasaMyutaH |
kuTumbakaNTakaH kAmI nishhThuraH parakAryakR^it.h || 13||

dhaneshe dhanage jAto dhanavAn.h garvasaMyutaH |
dvibhAryo bahubhAryo vA sutahInaH prajAyate || 14||

dhaneshe sahaje jAto vikramI matimAn.h guNI |
kAmI lobhI shubhADh.hye cha pApADh.hye devanindakaH || 15||

dhaneshe sukhabhAvasthe sarvasampatasamanvitaH |
guruNA saMyute svochche rAjatulyo naro bhavet.h || 16||

dhaneshe sutabhAvasthe jAto dhanasamanvitaH |
dhanopArjanashIlAshcha jAyante tatsutA api || 17||

dhaneshe ripubhAvasthe sashubhe shatruto dhanam.h |
sapApe shatruto hAnirjaMghAvaikalyavAn.h bhavet.h || 18||

dhaneshe saptame jAtaH paradArarato bhishhek.h |
pApexitayute tasya bhAryA cha vyabhichAriNI || 19||

dhaneshe.ashhTamage jAto bhUribhUmidhanairyutaH |
patnIsukhaM bhavet.h svalpaM jyeshhThabhrAtR^isukhaM na hi || 20||

dhaneshe dharmabhAvasthe dhanavAnudyamI paTuH |
bAlye rogI sukhI pashchAt.h tIrthadharmavratAdikR^it.h || 21||

dhaneshe karmage jAtaH kAmI mAnI cha paNDitaH |
bahudAryadhanairyuktaH kiJNcha putrasukhojjhitaH || 22||

dhaneshe lAbhabhAvasthe sarvalAbhasamanvitaH |
sadodyogayuto mAnI kIrtimAn.h jAyate naraH || 23||

dhaneshe vyayabhAvasthe sAhamI dhanavarjitaH |
parabhAgyaratastasya jyeshhThApatyasukhaM nahi || 24||

lagnage sahajAdhIshe svabhujArjitavittavAn.h |
sevAGYaH sAhasI jAto vidyAhIno.api buddhimAn.h || 25||

dvitIye sahajAdhIshe sthUlo vikramavarjitaH |
svalpArambhI sukhI na syAt.h parastrIdhanakAmukaH || 26||

sahaje sahajAdhIshe sahodarasukhAnvitaH |
dhanaputrayuto hR^ishhTo bhunakti sukhamad.hbhutam.h || 27||

sukhasthe sahajAdhIshe sukhI cha dhanasaMyutaH |
matimAn.h jAyate bAlo dushhTabhAryApatishcha saH || 28||

sutasthe sahajAdhIshe putravAn.h guNasaMyutaH |
bhAryA tasya bhavet.h krUrA krUragrahayutexite || 29||

shhashhThabhAve trtIyeshe bhrAtR^ishatrurmahAdhanI |
mAtulaishcha samaM vairaM mAtulAnIpriyo naraH || 30||

saptame sahajAdhIshe rAjasevAparo naraH |
bAlye duHkhI sukhI chAnte jAyate nA.atra saMshayaH || 31||

ashhTame sahajAdhIshe jAtashchairo naro bhavet.h |
dAsavR^ittyopajIvI cha rAjadvAre mR^itirbhavet.h || 32||

navame sahajAdhIshe pituH sukhavivarjitaH |
strIbhirbhAgyodayastasya putrAdisukhasaMyutaH || 33||

dashame sahajAdhIshe jAtaH sarvasukhAnvitaH |
svabhujArjivittashcha dushhTastrIbharaNe rataH || 34||

lAbhage sahajAdhIshe vyApAre lAbhavAn.h sadA |
vidyAhIno.api medhAvI sAhasI parasevakaH || 35||

vyayasthe sahajAdhIshe kutArye vyayakR^ijjanaH |
pitA tasya bhavet.h krUraH strIbhirbhAgyodayastathA || 36||

sukheshe dhanage jAto vidyAguNavibhUshhitaH |
bhUmIvAhanasaMyukto mAtuH sukhasamanvitaH || 37||

sukheshe dhanage jAto bhogI sarvadhanAnvitaH |
kuTumbasahito mAnI sAhasI kuhakAnvitaH || 38||

sukheshe sahaje jAto vikramI bhR^ityasaMyutaH |
udAro.arug.h guNI dAtA svabhujArjitavittavAn.h || 39||

sukheshe sukhabhAvasthe mantrI sarvadhanAnvitaH |
chaturaH shIlavAn.h mAnI GYAnavAn.h strIpriyaH sukhI || 40||

sukheshe putrabhAvasthe sukhI sarvajanapriyaH |
vishhNubhakto guNI mAnI svabhujArjitavittavAn.h || 41||

sukheshe ripubhAvasthe mAtuH sukhavivarjitaH |
krodhI choro.abhichArI cha svechchhAchArashcha durmanAH || 42||

sukheshe saptame jAto bahuvidyAsamanvitaH |
pitrArjitadhanatyAgI sabhAyAM mUkavad.h bhavet.h || 43||

sukheshe randhrabhAvasthe gR^ihAdisukhavarjitaH |
pitroH sukhaM bhavedalpaM jAtaH klIbasamo bhavet.h || 44||

sukheshe bhAgyabhAvasthe jAtaH sarvajanapriyaH |
devabhakto guNI mAnI bhavet.h sarvasukhAnvitaH || 45||

sukheshe karmabhAvasthe rAjamAnyo naro bhavet.h |
rasAyanI mahAhR^ishhTo sukhabhogI jitendriyaH || 46||

sukheshe lAbhage jAto guptarogabhayAnvitaH |
udArI guNavAn.h dAtA paropakaraNe rataH || 47||

sukheshe vyayabhAvasthe gR^ihAdisukhavarjitaH |
jAto durvyasanI mUDhaH sadA.alasyasamanvitaH || 48||

suteshe lagnage jAto vidyAn.h putrasukhAnvitaH |
kadaryo vakrachittashcha paradravyApahArakaH || 49||

suteshe dhanage jAto bahuputro dhanAnvitaH |
kuTumbaposhhako mAnI strIpriyaH suyashA bhuvi || 50||

suteshe sahaje bhAve jAyate sodarapriyaH |
pishunashcha kadaryashcha svakAryanirataH sadA || 51||

suteshe sukhabhAvasthe sukhI mAtR^isukhAnvitaH |
laxmIyuktaH subuddhishcha rAGYo.amAtyo.athavA guruH || 52||

suteshe sutabhAvaste shubhADh.hye putravAn.h naraH |
pApADh.hye.apatyahIno.asau guNavAn.h mitravatsalaH || 53||

suteshe ripubhAvasthe putraH shatrusamo bhavet.h |
mR^itApatyo.athavA jAto dattakrItasuto.athavA || 54||

suteshe saptame mAnI sarvadharmasamanvitaH |
putrAdisukhayuktashcha paropakaraNe rataH || 55||

suteshe randhrabhAvasthe svalpaputrasukhAnvitaH |
kAsashvAsasamAyuktaH krodhI cha sukhavarjitaH || 56||

suteshe bhAgyage putro bhapo vA tatsamo bhavet.h |
svayaM vA granthakartA cha vikhyAtaH kuladIpakaH || 57||

suteshe rAjyabhAvasthe rAjayogo hi jAyate |
anekasukhabhogI cha khyAtakIrtirnaro bhavet.h || 58||

suteshe lAbhage jAto vidyAvAn.h janavallabhaH |
granthakartA mahAdaxo bahuputradhanAnvitaH || 59||

suteshe vyayabhAvasthe jAtaH putrasukhojGYitaH |
dattaputrayuto vA.asau krItaputrAnvito.athavA || 60||

shhashhTheshe lagnage jAto rogavAn.h kIrtisaMyutaH |
AtmashatrurdhanI mAnI sAhasI guNavAn.h naraH || 61||

shhashhTheshe dhanabhAvasthe sAhasI kulavishrutaH |
paradeshI sukhI vaktA svakarmanIrataH sadA || 62||

shhashhTheshe sahajaH jAtaH krodhI vikramavarjitaH |
bhrAtA shatrusamastasya bhR^ityashchottaradAyakaH || 63||

shhashhTheshe sukhabhAvasthe mAtuH sukhavivarjitaH |
manasvI pishunA dveshhI chalachitto.ativittavAn.h || 64||

shhashhTheshe sutago yasya chalaM tasya dhanAdikam.h |
shatrutA putramitraishcha sukhI svArthI dayAnvitaH || 65||

shhashhTheshe ripubhAvasthe vairaM svaGYAtimaNDalAt.h |
anyaiH saha bhaven.h maitrI sukhaM madhyaM dhanAdijam.h || 66||

shhashhTheshe dArabhAvasthe jAto dArasukhojjhitaH |
kIrtimAn.h guNavAn.h mAnI sAhasI dhanasaMyutaH || 67||

shhashhTheshe.ashhTamage jAto rogI shatrurmanIshhiNAm.h |
paradravyAbhilAshhI cha paradArarato.ashuchiH || 68||

shhashhTheshe bhAgyage jAtaH kAshhThapAshhANavikrayI |
vyavahAre kvachiddhAniH kvachidvR^iddhishcha jAyate || 69||

shhashhTheshe dashame bhAve mAnavaH kulavishrutaH |
abhaktashcha piturvaktA videshe cha sukhI bhavet.h || 70||

shhashhTheshe lAbhage jAtaH shatruto dhanamApnuyAt.h |
guNavAn.h sAhasI mAnI kintu putrasukhojjhitaH || 71||

shhashhTheshe vyayabhAvasthe vyasane vyayakR^it.h sadA |
vidvad.hdveshhI bhavejjAto jIvahiMsAsu tatparaH || 72||

dAreshe lagnage jAtaH paradAreshhu lampaTaH |
dushhTo vichaxaNo.adhIro jano vAtarujAnvitaH || 73||

dAreshe dhanage jAto bahustrIbhiH samanvitaH |
dArayogAddhanAptishcha dIrghasUtrI cha mAnavaH || 74||

dAreshe sahaje jAto mR^itApatyo hi mAnavaH |
kadAchijjAyate putrI yatnAt.h putro.api jIvati || 75||

dAreshe sukhabhAvasthe jAyA nAsya vashe sadA |
svayaM satyapriyo dhImAn.h dharmAtmA dantarogayuk.h || 76||

dAreshe paJNchame jAto mAni sarvaguNAnvitaH |
sarvadA harshhayuktashcha tathA sarvadhanAdhipaH || 77||

dAreshe ripubhAvasthe bhAryA tasya rujAnvitA |
striyA sahA.atha vA vairaM svayaM krodhI sukhojjhitaH || 78||

dAreshe saptame bhAve jAto dArasukhAnvitaH |
dhIro vichaxaNo dhImAn.h kevalaM vAtarogavAn.h || 79||

dAreshe mR^ityubhAvasthe jAto dArasukhojjhitaH |
bhAryA.api rogayuktA.asya duHshIlA.api na chAnugA || 80||

dAreshe dharmabhAvasthe nAnAstrIbhiH samAgamaH |
jAyAhR^itamanA jAto bahvArambhakaro naraH || 81||

dAreshe karmabhAvasthe nAsya jAyA vashAnugA |
svayaM dharmarato jAto dhanaputrAdisaMyutaH || 82||

dAreshe lAbhabhAvasthe dArairarthasamAgamaH |
putrAdisukhamalpaM cha janaH kanyaprajo bhavet.h || 83||

dAreshe vyayage jAto daridraH kR^ipaNo.api vA |
bhAryA;pi vyayashIlA.asya vastrAjIvI naro bhavet.h || 84||

ashhTameshe tanau jAtastanusaukhyavivarjitaH |
devAnAM brAhmaNAnAM cha nindako vraNasaMyutaH || 85||

ashhTameshe dhane bAhubalahInaH prajAyate |
dhanaM tasya bhavet.h svalpaM nashhTa vittaM na labhyate || 86||

randhreshe sahaje bhAve bhrAtR^isaukhyaM na jAyate |
sAlasyo bhR^ityahInashcha jAyate balavarjitaH || 87||

randhreshe sukhabhAvasthe mAtR^ihIno bhavechchhishuH |
gR^ihabhUmisukhairhIno mitradrohI na saMshayaH || 88||

randhreshe sutabhAvasthe jaDabuddhiH prajAyate |
svalpapraGYo bhavejjato dIrghAyushcha dhanAnvitaH || 89||

randhreshe ripubhAvasthe shatrujetA bhavejjanaH |
rogayuktasharIrashcha bAlye sarpajalAd.h bhayam.h || 90||

randhreshe dArabhAvasthe tasya bhAryAdvayaM bhavet.h |
vyApAre cha bhaved.hhAnistasmin.h pApayute dhruvam.h || 91||

randhreshe mR^ityubhAvasthe jAtA dIrghAyushhA yutaH |
nirbale madhyamAyuH syAchchauro nindyo.anyanindakaH || 92||

ashhTameshe tapaHsthAne dharmadrohI cha nAstikaH |
dushhTabhAryApatishchaiva paradravyApahArakaH || 93||

randhreshe karmabhAvaste pitR^isaukhyavivarjitaH |
pishunaH karmahInashcha yadi naiva shubhexite || 94||

randhreshe lAbhabhAvasthe sapApe dhanavarjitaH |
bAlye duHkhI sukhI pashchAt.h dIrghAyushcha shubhAnvite || 95||

randhreshe vyayabhAvasthe kukArye vyayakR^it.h sadA |
alpAyushcha bhavejjAtaH sapApe cha visheshhataH || 96||

bhAgyeshe lagnage jAto bhAgyavAn.h bhUpavanditaH |
sushIlashcha surUpashcha vidyAvAn.h janapUjitaH || 97||

bhAgyeshe dhanabhAvasthe paNDito janavallabhaH |
jAyate dhanavAn.h kAmI strIputrAdisukhAnvitaH || 98||

bhAgyeshe bhrAtR^ibhAvasthe jAto bhrAtR^isukhAnvitaH |
dhanavAn.h guNavAMshchApi rUpashIlasamanvitaH || 99||

bhAgyeshe turyabhAvasthe gR^ihayAnasukhAnvitaH |
sarvasampattiyuktashcha mAtR^ibhakto bhavennaraH || 100||

bhAgyeshe sutabhAvasthe sutabhAgyasamanvitaH |
gurubhaktirato dhIro dharmAtmA paNDito naraH || 101||

bhAgyeshe ripubhAvasthe svalpabhAgyo bhavennaraH |
mAtulAdisukhairhInaH shatrubhiH pIDitaH sadA || 102||

bhAgyeshe dArabhAvasthe dArayogAt.h sukhodayaH |
guNavAn.h kIrtimAMshchApi jAyate dvijasattamaH || 103||

bhAgyeshe mR^ityubhAvasthe bhAgyahIno naro bhavet.h |
jyeshhThabhrAtR^isukhaM naiva tasya jAtasya jAyate || 104||

bhAgyeshe bhAgyabhAvasthe bahubhAgyasamanvitaH |
guNasaundaryasampanno sahajebhyaH sukhaM bahu || 105||

bhAgyeshe karmabhAvasthe jAto rAjA.atha tatsamaH |
mantrI senApatirvA.api guNavAn.h janapujitaH || 106||

bhAgyeshe lAbhabhAvasthe dhanalAbho dine dine |
bhakto gurujanAnAM cha guNavAn.h puNyavAnapi || 107||

bhAgyesho vyayabhAvastho bhAgyahAnikaro nR^iNAm.h |
shubhakArye vyayo nityaM nirdhano.atithisaN^gamAt.h || 108||

karmeshe lagnage jAto vidvAn.h khyAto dhanI kavIH |
bAlye rogI sukhI pashchAd.h dhanavR^iddhirdine dine || 109||

rAjyeshe dhanabhAvasthe dhanavAn.h guNasaMyutaH |
rAjamAnyo vadAnyashcha pitrAdisukhasaMyutaH || 110||

karmeshe sahaje jAto bhrAtR^ibhR^ityasukhAnvitaH |
vikramI guNasampannaH vAgmI satyarato naraH || 111||

karmeshe sukhabhAvasthe sukhI mAtR^ihite rataH |
yAnabhUmigR^ihAdhIsho guNavAn.h dhanavAnapi || 112||

karmeshe sutabhAvasthe sarvavidyAsamanvitaH |
sarvadA hR^irshhasaMyukto dhanavAn.h putravAnapi || 113||

karmeshe ripubhAvasthe pitR^isaukhyavivarjitaH |
chaturo.api dhanairhInaH shatrubhiH paripIDitaH || 114||

rAjyeshe dArabhAvasthe jAto dArasukhAnvitaH |
manasvI guNavAn.h vAgmI satyadharmarataH sadA || 115||

karmeshe randhrabhAvasthe karmahIno bhavennaraH |
dIrghAyurapyasau jAtaH paranindAparAyaNaH || 116||

rAjyeshe bhAgyabhe jAto rAjA rAjakulod.hbhavaH |
tatsamo.anyakulotpanno dhanaputrAdisaMyutaH || 117||

karmeshe rAjyabhAvasthe sarvakarmapaTuH sukhI |
vikramI satyavaktA cha gurubhaktirato naraH || 118||

rAjyeshe lAbhabhAvasthe jAto dhanasutAnvitaH |
harshhavAn.h guNavAMshchApi satyavaktA sadA sukhI || 119||

rAjyeshe vyayabhAvasthe tasya rAjagR^ihe vyayaH |
shatruto.api bhayaM nityaM chaturashchApi chintitaH || 120||

lAbheshe lagnage jAtaH sAttviko dhanavAn.h sukhI |
samadR^ishhTiH kavirvAgmI sadA lAbhasamanvitaH || 121||

lAbheshe dhanabhAvasthe jAtaH sarvadhanAnvitaH |
sarvasiddhiyuto dAtA dhArmikashcha sukhI sadA || 122||

lAbheshe sahaje jAtaH kushalaH sarvakarmasu |
dhanI bhrAtR^isukhopetaH shUlarogabhayaM kvachit.h || 123||

lAbheshe sukhabhAvasthe lAbho mAtR^ikulAd.h bhavet.h |
tIrthayAtrAkaro jAto gR^ihabhUmisukhAnvitaH || 124||

lAbheshe sutabhAvasthe bhavanti sukhinaH sutAH |
vidyavanto.api sachchhIlAH svayaM dharmarataH sukhI || 125||

lAbheshe rogabhAvasthe jAto rogasamanvitaH |
krUrabuddhiH pravAsI cha shatrubhi paripIDitaH || 126||

lAbheshe dArabhAvasthe lAbho dArakulAt.h sadA |
udArashcha guNI kAmI jano bhAryAvashAnugaH || 127||

lAbheshe randhrabhAvasthe hAniH kAryeshhu jAyate |
tasyAyushcha bhaved.hdIrghaM prathamaM maraNaM striyaH || 128||

labheshe bhAgyabhAvasthe bhAgyavAn.h jAyate naraH |
chaturaH satyavAdI cha rAjapujyo dhanAdhipaH || 129||

lAbheshe karmabhAvasthe bhUpavandyo guNAnvitaH |
nijadharmarato dhImAn.h satyavAdI jitendriyaH || 130||

lAbheshe lAbhabhAvasthe lAbhaH sarveshhu karmasu |
paNDityaM cha sukhaM tasya varddhate cha dine dine || 131||

lAbheshe vyayabhAvasthe satkAryeshhu vyayaH sadA |
kAmuko bahupatnIko mlechchhasaMsargakArakaH || 132||

vyayeshe lagnage jAto vyayashIlo jato bhavet.h |
durbalaH kapharogI cha dhanavidyAvivarjitaH || 133||

vyayeshe dhanabhAvasthe shubhakArye vyayaH sadA |
dhArmikaH priyavAdI cha guNasaukhyasamanvitaH || 134||

vyayeshe sahaje jAto bhrAtR^isaukyavivarjitaH |
bhavedanyajanadveshhI svasharIrasya poshhakaH || 135||

vyayeshe sukhabhAvasthe mAtuH sukhavivarjitaH |
bhUmiyAnagR^ihAdInAM hAnistasya dinedine || 136||

vyayeshe sutabhAvasthe sutavidyAvivarjitaH |
putrArthe cha vyayastasya tIrthATanaparo naraH || 137||

vyayeshe ripubhAvasthe jAtaH svajanavairakR^it.h |
krodhI pApI cha duHkhI cha parajAyArato naraH || 138||

vyayeshe dArabhAvasthe vyayo dArakR^itaH sadA |
tasya bhAryAsukhaM naiva balavidyAvivarjitaH || 139||

vyayeshe mR^ityubhAvasthe jAto lAbhAnvitaH sadA |
priyavAN^.h madhyamAyushcha sampUrNaguNasaMyutaH || 140||

vyayeshe bhAgyabhAvasthe gurudveshhI bhavennaraH |
mitrairapi bhavedvairaM svArthasAdhanatatparaH || 141||

vyayeshe rAjyabhAvasthe vyayo rAjakulAd.hbhavet.h |
pitR^ito.api sukhaM tasya svalpameva hi jAyate || 142||

vyayeshe lAbhabhAvasthe lAbhe hAniH prajAyate |
pareNa raxitaM dravyaM kadAchillabhate naraH || 143||

vyayeshe vyayabhAvasthe vyayAdhikyaM hi jAyate |
na sharIrasukhaM tasya krodhI dveshhaparo nR^iNAm.h || 144||

iti te kathitaM vipra bhAveshAnAM cha yat.h phalam.h |
balAbalavivekena sarveshhaM tatsamAdishet.h || 145||

dvirAshIshasya kheTasya viditvobhayathA phalam.h |
virodhe tulyaphalayordvayornAshaH prajAyate || 146||

vibhinnayostu phalayordvayoH prAptirbhaved.hdhruvam.h |
grahe pUrNabale purNamardhamardhabale phalam.h || 147||

pAdaM hInabale kheTe GYeyamitthaM budhairiti |
uktaM bhAvasthitAnAM te bhAveshAnAM palaM mayA || 148||

\medskip\hrule\medskip

        athA.aprakAshagrahaphalAdhyAyaH || 25||

\medskip

ravyAdisaptakheTAnAM proktaM bhAvaphalaM mayA |
aprakAshagrahANAM cha phalAni kathayAmyaham.h || 1||

shUro vimalanetrAMshaH sustabdho nirghR^iNaH khalaH |
mUrtisthe dhUmasaMGYe cha gADharoshho naraH sadA || 2||

rogI dhanI tu hInAN^go rAjyApahR^itamAnasaH |
dhUme dvitIye saMprApte mandapraGYo napuMsakaH || 3||

matimAn.h shauryasampanna ishhTachitaH priyaMvadaH |
dhUme sahajabhAvasthe janADh.hyo dhanavAn.h bhavet.h || 4||

kalatrAN^gaparityakto nityaM manasi duHkhitaH |
dhUme chaturthe samprApte sarvashAstrArthachintakaH || 5||

svalpApatyo dhanairhIno dhUme paJNchamasaMsthite |
guruta sarvabhaxaM cha suhR^inmantravivarjitaH || 6||

balavAJNchhatruvadhako dhUme cha ripubhAvage |
bahutejoyutaH khyAtaH sadA rogavivarjitaH || 7||

nirdhanaH satataM kAmI paradAreshhu kovidaH |
dhUme saptamage jAto nistejAH sarvadA bhavet.h || 8||

vikrameNa parityaktaH sotsAho satyasaN^garaH |
apriyo nishhThuraH svArthI dhUme mR^ityugate sati || 9||

sutasaubhAgyasampanno dhanI mAnI dayAnvitaH |
dharmasthAne sthite dhUme dharmavAn.h bandhuvatsalaH || 10||

sutasaubhAgyasaMyuktaH santoshhI matimAn.h sukhI |
karmasthe mAnavo nityaM dhUme satyapadasthitaH || 11||

dhanadhAnyahiraNyADhyo rUpavAMshcha kalAnvitaH |
dhUme lAbhagate chaiva vinIto gItakovidaH || 12||

patitaH pApakarmA cha dhUme dvAdashasaN^gate |
paradAreshhu saMsakto vyasanI nirghR^iNaH shaThaH || 13||

lagne pAte cha samprApte jAtako duHkhIpIDitaH |
krUro ghAtakaro mUrkho dveshhI bandhujanasya cha || 14||

jihmo.atipittavAn.h bhogI dhanasthe pAtasaMGYake |
nirghR^iNashchA.akR^itaGYashcha dushhTAtmA pApakR^ittathA || 15||

sthirapraGYo raNI dAtA dhanADh.hyo rAjavallabhaH |
samprApte sahaje pAte senAdhIsho bhavennaraH|| 16||

bandhavyAdhisamAyuktaH sutasaubhAgyavarjitaH |
chaturthago yadA pAtastadA syAnmanujashcha saH || 17||

daridro rUpasaMyuktaH pAte paJNchamage sati |
kaphapittAnilairyukto nishhThuro nirapatrapaH || 18||

shatruhantA supushhTashcha sarvAstrANAM cha chAlakaH |
kalAsu nipuNaH shAntaH pAte shatrugate sati || 19||

dhanadArasutaistyaktaH strIjito duHkhasaMyutaH |
pAte kalatrage kAmI nirlajjaH parasauhR^idaH || 20||

vikalAxo virUpashcha durbhago dvijanindakaH |
mR^ityusthAne sthite pAte raktapIDApariplutaH || 21||

bahuvyApArako nityaM bahumitro bahushrutaH |
dharmabhe pAtakheTe cha strIpriyashcha priyaMvadaH || 22||

sashrIko dharmakR^ichhAnto dharmakAryeshhu kovidaH |
karmasthe pAtasaMGYe hi mahAprAGYo vichaxaNaH || 23||

prabhUtadhanavAn.h mAnI satyavAdI dR^iDhavrataH |
ashvaDhyo gItasaMsaktaH pAte lAbhagate sati || 24||

kopI cha bahukarmADhayo vyaMgo dharmasya dUshhakaH |
vyayasthAne gate pAte vidveshhI nijabandhushhu || 25||

vidvAn.h satyarataH shAnto dhanavAn.h putravAJNchhuchiH |
paridho tanuge dAtA jAyate guruvatsalaH || 26||

Ishvaro rUpavAn.h bhogI sukhI dharmaparAyaNaH |
dhanasthe paridhau jAtaH prabhurbhavati mAnavaH || 27||

strIvallabhaH surUpAMgo devasvajanasaMgataH |
tR^itIye paridhau bhR^ityo gurubhaktisamanvitaH || 28||

paridhau sukhabhAvasthe vismitaM tvarimaMgalam.h |
akrUraM tvatha sampUrNaM kurute gItakovidam.h || 29||

laxmIvAn.h shIlavAn.h kAntaH priyavAn.h dharmavatsalaH |
paJNchame paridhau jAtaH strINAM bhavati vallabhaH || 30||

vyakto.arthaputravAn.h bhogI sarvasattvahite rataH |
paridhau ripubhAvasthe shatruhA jAyate naraH || 31||

svalpApatyaH sukhairhIno mandapraGYaH sunishhThuraH |
paridhau dyUnabhAvasthe strINAM vyAdhishcha jAyate || 32||

adhyAtmachintakaH shAnto dR^iDhakAyo dR^iDhavrataH |
dharmavAMshcha sasattvashcha paridhau randhrasaMsthite || 33||

putrAnvitaH sukhI kAnto dhanADhayo laulyavarjitaH |
paridhau dharmage mAnI svalpasantushhTamAnasaH || 34||

kalAbhiGYastathA bhogI dR^iDhakAyo hyamatsaraH |
paridhau dashame prApte sarvashAstrArthapAragaH || 35||

strIbhogI guNavAMshchaiva matimAn.h svajanapriyaH |
lAbhage paridhau jAto mandAgnirUpapadyate || 36||

vyayaste paridhau jAto vyayakR^it.h mAnavaH sadA |
duHkhabhAg.h dushhTabuddhishcha gurunindAparAyaNaH || 37||

dhanadhAnyahiraNyADhyaH kR^itaGYaH sammataH satAm.h |
sarvadoshhaparityaktashchApe tanugate naraH || 38||

priyaMvadaH prgalbhADhyo vinIto vidyayA.anvitaH |
dhanasthe chApakheTe cha rUpavAn.h dharmatatparaH || 39||

kR^ipaNo.atikalAbhiGYashchauryakarmarataH sadA |
sahaje dhanushhi prApte hInAN^go gatasauhR^idaH || 40||

sukhI godhanadhAnyAdyai rAjasanmAnapUjitaH |
kArmuke sukhasaMsthe tu nIrogo tanu jAyate || 41||

ruchimAn.h dIrghadarsho cha devabhaktaH priyaMvadaH |
chApe paJNchamage jAto vivR^iddhaH sarvakarmasu || 42||

shatruhantA.atidhartashcha sukhI prItiruchiH shuchiH |
shhashhThasthAnagate chApe sarvakarmasamR^iddhibhAk.h || 43||

Ishvaro guNasampUrNaH shAstrabiddhArbhikaH priyaH |
chApe saptamabhAvasthe bhavatIti na saMshayaH || 44||

parakarmarataH krUraH paradAraparAyaNaH |
ashhTamasthAnagate chApe jAyate vikalAMgakaH || 45||

tapasvI vratacharyAsu nirato vidyayA.adhikaH |
dharmasthe jAyate chApe mAnavo lokavishrutaH || 46||

bahuputradhanaishvaryo gomahishhyAdimAn.h bhavet.h |
karmabhe chApasaMyukte jAyate lokavishrutaH || 47||

lAbhage chapakheTe cha lAbhayukto bhavennaraH |
nirogo dR^iDhakopAgnirmantrastrIparamAstravit.h || 48||

khalo.atimAnI durbuddhirnirlajjo vyayasaMsthite |
chApe parastrIsaMyukto jAyate nirdhanaH sadA || 49||

kushalaH sarvavidyAsu sukhI vAN^.hnipunaH priyaH |
tanau shikhini saJNjAtaH sarvakAmAnvito bhavet.h || 50||

vaktA priyaMvadaH kAnto dhanasthAnagate dhvaje |
kAvyakR^it.h paNDito mAnI vinIto vAhanAnvitaH || 51||

kadaryaH krUrakartA cha kR^ishAN^go dhanavarjitaH |
sahajasthe tu shikhini tIvrarogI prajAyate || 52||

rUpavAn.h guNasampannaH sAttviko.api srutipriyaH |
sukhasaMsthe tu shikhini sadA bhavati saukhyabhAk.h || 53||

sukhI bhogI kalAvichcha paJNchamasthAnage dhvaje |
yuktiGYo matimAn.h vAgmI gurubhaktisamanvitaH || 54||

mAtR^ipaxaxayakaraH shatruhA bahuvAndhavaH |
ripusthAne dhvaje prApte shUraH kAnto vichaxaNaH || 55||

dyUtakrIDAshhvabhirataH kAmI bhogasamanvitaH |
dhvaje tu saptamasthAge veshyAsu kR^itasauhR^idaH || 56||

nIchakarmarataH pApo nirlajjo nindakaH sadA |
mR^ityusthAne dhvaje prApte gatastryaparapaxakaH || 57||

liN^gadhArI prasannAtmA sarvabhUtahite rataH |
dharmabhe shikhini prApte dharmakAryeshhu kovidaH || 58||

sukhasaubhAgyasampannaH kAminInAM cha vallabhaH |
dAtA dvijaiH samAyuktaH karmasthe shikhini dvija || 59||

nityalAbhaH sudharmI cha lAbhe shikhini pUjitaH |
dhanADhyaH subhagaH shUraH suyaGYashchAti kovidaH || 60||

pApakarmarataH shUraH shraddhAhIno.aghR^iNo naraH |
paradArarato raudraH shikhini vyayage sati || 61||

rogArttaH satataM kAmI pApAtmAdhigataH shaThaH |
tanusthe gulike jAtaH khalabhAvo.atiduHkhitaH || 62||

vikR^ito duHkhitaH xudro vyasanI cha gatatrapaH |
dhanasthe gulike jAto niHsvo bhavati mAnavaH || 63||

chArvaN^go grAmapaH puNyasaMyuktaH sajjanapriyaH |
sahaje gulike jAto mAnavo rAjapUjitaH || 64||

rogI sukhaparityaktaH sadA bhavati pApakR^it.h |
gulike sukhabhAvasthe vAtapittAdhiko bhavet.h || 65||

vistutirvidhano.alpAyurdveshhI xudro napuMsakaH |
gulike sutabhAvasthe strIjito nAstiko bhavet.h || 66||

vItashatruH supushhTAN^go ripusthAne yamAtmaje |
sudIptaH sammataH strINAM sotsAhaH sudR^iDho hitaH || 67||

strIjitaH pApakR^ijjAraH kR^ishAN^go gatasauhR^idaH |
jIvitaH strIdhanenaiva gulike saptamasthite || 68||

xudhAlurduHkhita krUrastIxNaroshho.atinirghR^iNaH |
randhrage gulike niHsvo jAyate guNavarjitaH || 69||

bahukleshaH kR^ishatanurdushhTakarmAtinirghR^iNaH |
gulike dharmage mandaH pishuno bahirAkR^itiH || 70||

putrAnvitaH sukhI bhoktA devAgnyarchanavatsalaH |
dashame gulike jAto yogadharmAshritaH sukhI || 71||

sustrIbhogI prajAdhyaxo bandhUnAM cha hite rataH |
lAbhasthe gulike jAto nIchAN^ga sArvabhaumakaH || 72||

nIchakarmAshtitaH pApo hInAN^go durbhago.alasaH |
vyayage gulike jAto nIcheshhu kurute ratim.h || 73||

lagne prANapade xaNo rogi bhavati mAnavaH |
mUkonmatto jaDAN^gastu hInAN^go duHkhita kR^ishaH || 74||

bahudhAnyo bahudhano bahubhR^ityo bahuprajaH |
dhanasthAnasthite prANe subhago jayate naraH || 75||

hiMsro garvasamAyukto nishhThuro.atimalimluchaH |
tR^itIyage prANapade gurubhaktivivarjitaH || 76||

sukhasthe tu sukhI kAntaH suhR^idramAsu vallabhaH |
gurau parAyaNaH shItaH prANe vai satyatatparaH || 77||

sukhibhAk.h sukriyopetastvapachAradayAnvitaH |
paJNchamasthe prANapade sarvakAmasamanvitaH || 78||

bandhushatruvashastIxNo mandAgnirnirdayaH khalaH |
shhashhThe prANapade rogI vittapo.alpAyureva cha || 79||

IrshhyAlu satataM kAmI tIvraraudravapurnaraH |
saptamasthe prANapade durArAdhyaH kubuddhimAn.h || 80||

rogasantApitAN^gashcha prANapade.ashhTame sati |
pIDitaH pArthivairduHkhairmR^ityabandhusutod.hbhavaiH || 81||

putravAn.h dhanasampannaH subhagaH priyadarshanaH |
prANe dharmasthite bhR^ityaH sadA.adushhTo vichaxaNaH || 82||

vIryavAn.h matimAn.h daxo nR^ipakAryeshhu kovidaH |
dashame vai prANapade devArchanaparAyaNaH || 83||

vikhyAto guNavAn.h prAGYo bhogIdha nasamanvitaH |
lAbhasthAnasthite prANe gaurAN^go mAtR^ivatsalaH || 84||

xudro dushhTastu hInAN^go vidveshI dvijabandhushhu |
vyaye prANe netrarogI kANo vA jAyate naraH || 85||

ityaprakAshakheTAnAM phalAnyuktAni bhUsura |
tathA yAni prakAshAnAM sUryAdInAM khachAriNAm.h || 86||

tAni sthitivashAtteshhAM sphuTadR^ishhTivashAt.h tathA |
balA.abalavivekena vaktavyAni sharIriNAm.h || 87||

\medskip\hrule\medskip

       athe grahasphuTadR^ishhTikathanAdhyayAH || 26||

\medskip

bhagavAn.h katidhA dR^ishhTirbalaM katividhaM tathA |
iti me saMshayo jAtastaM bhavAn.h chhettumarhiti || 1||

ekA rAshivashAd.h dR^ishhTiH pUrvamuktA cha yA dvija |
anyA kheTasvabhAvotthA sphuTA tAM kathayAmyaham.h || 2||

tridashe cha trikoNe cha chaturasre cha saptame |
pAdavR^iddhayA prapashyanti prayachchhanti phalaM tathA || 3||

pUrNaM cha saptamaM sarve shAnijIvakujAH punaH |
visheshhatashcha tridashatrikoNachaturashhTamAn.h || 4||

iti sAmAnyataH pUrvairAchAryaiH pratipAditA |
sphuTAntaravashAdyA cha dR^ishhTiH sA.atisphuTA yathA || 5||

dR^ishyAd.h vishodhya drashhTAraM shhaDrAshibhyo.adhikAntaram.h |
digabhyaH saMshodhya tad.hbhAgA dvibhaktA dR^ik.h sphuTA bhavet.h || 6||

paJNchAdhike vinA rAshiM bhAgAdvighnAshcha dR^ik.h sphuTA |
vedAdhike tyajed.h bhUtAd.h bhAgA dR^ishhTiH tribhAdhike || 7||

vishodhyArNavato dvAbhyAM labdhaM triMshad.hyutaM cha dR^ik.h |
dvyadhike tu vinA rAshiM bhAgAstithiyutAstathA || 8||

rUpAdhike vinA rAshiM bhAgA dvayAptAshcha dR^ig.h bhavet.h |
evaM rAshyAdike sheshhe shanau drashhTari bho dvija || 9||

ekabhe navabhe bhAgA bhuktA bhogyA dvisaMguNAH |
dvibheM.ashArdhonitAH shhashhTirashhTabhe khAgniyug.h lavAH || 10||

trisaptabhe tu bhaumasya shhashhTiratra lavonitA |
sArdhAMshAstithisaMyuktA dvibhe rUpaM sadA.aN^gabhe || 11||

trisaptabhe tu jIvasya bhAgArdhaM sharavedayuk.h |
dviguNaistu lavaishchonAH kharasAshchaturashhTabhe || 12||

evaM ravyAdikheTAnAM sphuTA dR^ishhTiH prajAyate |
tadvashAdeva bhAvAnAM jAtakasya phalaM vadet.h || 13||

\medskip\hrule\medskip

          atha spashhTabalAdhyAyaH || 27||

\medskip

atha spashhTabalaM vaxye sthAnakAlAdisambhavam.h |
nIchonAM khacharaM bhArdhAdhika chakrAd.h vishodhayet.h || 1||

bhAgIkR^itya tribhirbhaktaM labdhamuchchabalaM bhavet.h |
svatrikoNasvagehAdhimitramitrasamArishhu || 2||

adhishatrugR^ihe chApi sthitAnAM kramasho balam.h |
bhUtAbdhayaH khAgninakhAstithyo dasha yugAH karAH || 3||

evaM horAdR^ikANAdribhAgAMkadvAdashAMshajam.h |
triMshAMshajaM tadaikyaJNcha saptavargasamud.hbhavam.h || 4||

shukrendU samabhAMshe.anye vishhame.aN^.hghrimitaM balam.h |
kendrAdishhusthitAH kheTAH pUrNA.ardhA.aN^.hghrimitaM kramAt.h || 5||

AdyamadhyAvasAneshhu dreshhkANeshhu sthitAH kramAt.h |
puMnapuMsakayoshhAkhyA dadyuraN^.hghrimitaM balam.h || 6||

sUryAt.h kujAt.h sukhaM jIvAjGYAchchA.astaM lagnamArkritaH |
dashamaM cha bhR^igoshchandrAd.h hitvA shhaD.hbhAdhike sati || 7||

chakrAd.h vishodhya tad.hbhAgAstribhirbhaktAshcha dig.hbalam.h |
ishhTAdhaTi nishIthAttannataM triMshachchyutaM natam.h || 8||

chandrabhaumashanInAM cha nataM dvighnaM kalAdikam.h |
shhashhTishuddhaM tadanyeshhAM sadA rUpaM budhasya hi || 9||

atha paxabalaM vaxye sUrye chandrAd.h vishodhya cha |
shhaD.hbhAdhike vishodhyArkAd.h bhAgIkR^ittya tribhirbhajet.h || 10||

paxajaM balaminduGYashukrejyAnAM tu shhashhTitaH |
vishodhya tabdalaM GYenaM pApAnAM paxasaMbhavam.h || 11||

dinatryaMsheshhu saumyArkashanInAM niT.htribhAgake |
chandrashukrakujAnAM cha balaM pUrNaM sadA guroH || 12||

vashhamAsadineshAnAM tithyastriMshachchharArNavAM |
horeshasya balaM shhashhTiruktaM naisargikaM purA || 13||

tanmAnAM saptahR^it.hshhashhTirekAdyekottarairhatA |
shamaMbugushuchaMrAdikheTAnAM kramato dvija || 14||

paJNchAbdhayaH surAH sUryAH khaNDakAMshAH kramAdamI |
sAyanagrahadorAshitulyakhaNDayutishcha sa || 15||

bhAgAdikahatAdeshhyAt.h triMshallabdhayutA lavAH |
svamR^iNaM tulameshhAdau shanIndvoshcha trirAshishhu || 16||

tathA.arArkejyashukrANAM vyastaM GYasya sadA dhanam.h |
tad.hbhAgAshcha tribhirbhaktA GYeyamAyanajaM balam.h || 17||

yadraverAyanaM vIryaM cheshhTAkhyaM tAvadeva hi |
vidhoH paxabalaM yAvat.h tAvachcheshhTAbalaM smR^itam.h || 18||

pApadR^ik.hpAdahInaM tachchhubhadR^ik.hpAdayuk.h tathA |
balaikyaM GYejyadR^ik.hyuktamevaM kheTabalaM bhavet.h || 19||

atha tAragrahANAM tu yuddhyatoshcha dvayormithaH |
balAntaraM vijetuH svaM nirjitasya bale tvR^iNam.h || 20||

chakrAnuvakrA vikalA mandA mandatarA samA |
charA chA.aticharA cheti grahANAmashhTadhA gatiH || 21||

shhashhTirvakragate vIryamanuvakragaterdalam.h |
pAdo vikalabhukteH syAt.h tathA madhyagaterdalam.h || 22||

pAdo mandagatestasya dalaM mandatarasya hi |
charabhuktestu pAdonAM dalaM syAdatichAriNaH || 23||

madhyamasphuTayogArdhahInaM svasvachalochchakam.h |
shhaD.hbhAdhikaM chyutaM chakrAchcheshhTAkendraM smR^itaM kujAt.h || 24||

bhAgIkR^itaM tribhirbhaktaM labdhaM cheshhTAbalaM tviti |
sthAnadikkAladR^ik.hcheshhTAnisargotthaM cha shhaD.hvidham.h || 25||

evaM grahabalaM proktamatha bhAvabalaM shrR^iNu |
kanyAyugmatulAkumbhachApAdyArdhAshcha saptamam.h || 26||

go.ajasiMhamR^igAdyArdhachApAntyArdhAt.h sukhaM tyajet.h |
karkavR^ishchikato lagnaM mR^igAtyArdhAjjhashhAshcha kham.h || 27||

shodhyamaN^gAdhikaM chakrAchchyutaM bhAgIkR^itaM trihR^it.h |
sad.hdR^ishhTipAdayuk.hpApapApadR^ishhTipAdavivarjitam.h || 28||

GYejyadR^ishhTiyutaM tachcha svasvasvAmibalAnvitam.h |
iti bhAvabalaM spashhTaM sAmAnyaM cha puroditam.h || 29||

budhejyayuktabhAvasya balamekena saMyutam.h |
mandAraraviyuktasya balamekena varjitam.h || 30||

dine shIrshhodayo bhAvaH sandhyAyAmubhayodayaH |
nishi pR^ishhThodayAkhyashcha dadyAt.h pAdamitaM balam.h || 31||

aMkAgnayo.aN^garAmAshcha khAgnayA karasindhavaH |
navAgnayaH surAstriMshad.h dashasaMguNitAH kramAt.h || 32||

ravyAdInAM balaikyashchet.h tadA subalino matAH |
adhikaM pUrNameva syAd.h balaM ched.hbalino dvija || 33||

gurusaumyaravINAM tu bhUtashhaT.hkendavo dvija |
paMchAgnayaH khabhUtAni karabhUmisudhAkarAH || 34||

khAgnayashcha kramAtsthAnadik.hcheshhTAsamayA.ayane |
sitendvostryagnichandrAshcha kheshhavaH khAgnayaH shatam.h || 35||

chatvAriMshat.h kalA bhaumamandayoH shhaNNava kramAt.h |
triMshat.h khavedAH saptAN^gA nakhAshchetyuditA dvija || 36||

evaM kR^itvA balaikyaMcha tatashchintyam phalaM dvija |
bhAvasthAnagrahaiH proktayoge ye yogahetavaH || 37||

teshhAM madhye balI kartA sa evA.asya phalapradaH |
yogeshhvApteshhu bahushhu nItirevaM prakIrtitA || 38||

gaNiteshhu pravINo yaH shabdashAstre kR^itashramaH |
nyAyavid.h buddhimAn.h deshadikkAlaGYo jitendriyaH || 39||

UhApohapaTurhorAskandhashravaNasammataH |
maitreya satyatAM yAdi tasya vAkyaM na saMshayaH || 40||

\medskip\hrule\medskip

            atheshhTakashhTAdhyAyaH || 28||

\medskip

atha cheshhTamanishhTaM cha grahAnAM kathayAmyaham.h |
yad.hvashAchcha prayachchhanti shubhA.ashubhadashAphalam.h || 1||

svanIchono graha shodhyaH shhaD.hbhAdhikye bhamaNDalAt.h |
saiko rAshirbhaveduchcharashmirdvighnAMshasaMyutaH || 2||

cheshhTAkendrAchcha tadrashmiM sAdhayeduchcharashmivat.h |
cheshhTAkendraM kujAdInAM pUrvamuktaM mayA dvija || 3||

sAyanArkastribho.arkasya vyarkendushcha vidhostathA |
cheshhTAkendraM rasAlpaM tachchakrAchchhodhyaM rasAdhike || 4||

cheshhTochcharashmiyogArdhaM shubharashmiH prakIrtyate |
ashhTabhyashcha vishuddho.asAbashubhAkhyashcha kathyate || 5||

uchchacheshhTAkarAn.h vyekAn.h digbhirhatvA tu yojayet.h |
tadardhamishhTasaMGYaM syAt.h kashhTaM tatshhashhTitashchyutam.h || 6||

svochche mUlatrikoNe cha svabhe.adhisuhR^idIshhTabhe |
samabhe shatrubhe chAdhishatrubhe nIchabhe kramAt.h || 7||

shhashhTirishhvabdhayastriMshadAkR^itistithayo gajAH |
chatvAro dvau cha shUnyaM cha shubhametatphalaM gR^ihe || 8||

shhashhTitaH patitaM chaitachchheshhaM syAdashubhaM gR^ihe |
tadardhamanyavargeshhu GYeyaM vipra shubhA.ashubham.h || 9||

paJNchasvishhTaphalaM chAdyAt.h samaM shhashhThe tataH param.h |
ashubhaM trishhu viGYeyamiti shAstreshhu nishchitam.h || 10||

dig.hbalaM dik.hphalaM tasya tathA dinaphalaM bhavet.h |
tayoH phalaM shubhaM proktamashubhaM shhashhTitashchyutam.h || 11||

shubhe.adhike shubhaM GYeyamashubhaM tvashubhe.adhike |
dashAphalaM nabhogasya tathA bhAvaphalaM dvija || 12||

balaiH shhaD.hbhiH samodhitvA balaikyena bhajet.h pR^ithak.h |
tattad.hbalaphalAni syurashubhAni shubhAni cha || 13||

shubhapApaphalAbhyAM cha hanyAd.h dR^ishhTiM balaM tathA |
dR^ishhTI te shubhapApAkhye bale syAtAM tadAhvaye || 14||

bhAvAnAM cha phale prokte patInAM cha phale ubhe |
rAshau shubhanabhogashched.h bhAvasAdhanasaMbhavam.h || 15||

phalaM tasya shubhe yuJNjyAdashubhe varjayet.h tathA |
pApashchedanyathA chaivaM bale dR^ishhTyAM tathaiva cha || 16||

yuJNjyAduchchAdige kheTe phalaM nIchAdige tyajet.h |
evaM shubhA.ashubhaM GYAtvA jAtakasya phalaM vadet.h || 17||

ashhTavargaphalaM chaivaM sthAne cha karaNe.anyathA |
rAshidvayagate bhAve tadrAshyadhipateH kriyA || 18||

sthAnAdhikena bhAvena bhAvalAbhaH prakIrtitaH |
tatsamAne cha tad.hbhAve tadAnIM sthAnadAn.h grahAn.h || 19||

saMyojye sthAnasaMkhyAyA dalametatsamaM phalaM |
evaM sakheTabhAvAnAM phalaM GYeyaM shubhA.ashubham.h || 20||

\medskip\hrule\medskip

               atha padAdhyAyaH || 29||

\medskip

kathyAmyathA bhAvAnAM kheTAnAM cha padaM dvija |
tadvisheshhaphalaM GYAtuM yathoktaM prAN^.h maharshhibhiH || 1||

lagnAd.h yAvatithe rAshau tishhThellagneshvaraH kramAt.h |
tatastAvatithe rAshau lagnasya padamuchyate || 2||

sarveshhAmApa bhAvAnAM GYeyamevaM padaM dvija |
tanubhAvapadaM tatra budhA mukhyapadaM viduH || 3||

svasthAnaM saptamaM naivaM padaM bhavitumarhati |
tasmin.h padatve viGYeyaM madhyaM turyaM kramAt.h padam.h || 4||

yathA turyasthite nAthe turyameva padaM bhavet.h |
saptame cha sthite nAthe viGYeyaM dashamaM padam.h || 5||

yasmAd.h yAvatithe rAshau kheTAt.h tad.hbhavanaM dvija |
tatastAvatithaM rAshiM kheTArUDhaM prachaxate || 6||

dvinAthadvibhayorevaM viGYeyaM sabalAvadhi |
vigaNayya padaM vipra tatastasya phalaM vadet.h || 7||

athA.ahaM padamAshritya phalaM kiJNchid.h bruve dvija |
padAdekAdashe sthAne grahairyukto.athavexite || 8||

dhanavAn.h jAyate bAlastathA sukhasamanvitaH |
shubhayogAt.h sumArgeNa dhanAptiH pApato.antathA || 9||

mishrairmishraM phalaM GYeyaM svochchamitrAdigehagaiH |
bahudhA jAyate lAbho bahudhA cha sukhAgamaH || 10||

padAllAbhagR^ihaM yasya pashyanti sakalA grahAH |
rAjA vA rAjatulyo vA sa jAto nAtra saMshayaH || 11||

padAllAbhagR^ihaM pashyed.h vyayaM kashchinna pashyati |
avidhnena sadA lAbho jAyate dvijasattama || 12||

grahadR^ig.hyogabAhulye padAdekAdashe dvija |
sArgale chApi tatrApi bahvargalasamAgame || 13||

shubhagrahArgale vipra tatrApyuchchagrahArgale |
shubhena svAminA dR^ishhTe lagnabhAgyAdigena vA || 14||

jAtasya bhAgyaprAbalyaM nirdisheduttarottaram.h |
uktayogeshhu chet.h kheTe dvAdashaM naiva pashyati || 15||

padasthAnAd.h vyaye vipra shubhapApayutexite |
vyayabAhulyamityevaM visheshhopArjanAt.h sadA || 16||

shubhagrahe sumArgeNa kumArgAt.h pApakhechare |
mishre mishraphalaM vAchyamevaM lAbho.api lAbhage || 17||

padArUDhAd.h vyaye shukrabhAnusvarbhAnubhiryute |
rAjamUlAd.h vyayo vAchyashchandradR^ishhT.hyA visheshhataH || 18||

padArUDhAd.h vyaye saumye shubhakheTayutexite |
GYAtimadhye vyayo nityaM pApadR^ik.h kalahAd.h vyayaH || 19||

padAd.h vyaye surAchArye vIxite chAnyakhecharaiH |
karamUlAd.h vyayo vAchyaH svasyaiva dvijasattama || 20||

ArUDhAd.h dvAdashe saure dharAputreNa saMyute |
anyagrahexite vipra bhrAtR^ivargAd.h dhanavyayaH || 21||

ArUDhAd.h dvAdashe sthAne ye yogAH kathitA yathA |
lAbhabhAve cha te yogA lAbhayogakarAstathA || 22||

ArUDhAt.h saptame rAhurathavA saMsthitaH shikhI |
kuxivyathAyuto bAlaH shikhinA pIDito`tha vA || 23||

ArUdhAt.h saptame ketuH pApakheTayutexitaH |
sAhasI shvetakeshI cha vR^iddhaliN^gI bhavennaraH || 24||

padAttu saptame sthAne gurushukranishAkarAH |
trayo dvayamathaiko.api laxmIvAn.h jAyate janaH || 25||

svatuN^ge saptame kheTaH shubho vA.apyashubhaH padAt.h |
shrImAn.h so.api bhavennunaM satkIrtisahito dvija || 26||

ye yogAH saptame sthAne padAshcha kathitA mayA |
chintyAstathaiva te yogA dvitIye.api sadA dvija || 27||

uchchastho rauhiNeyo vA jIvo vA shukra eva vA |
evo balI dhanagataH shriyaM dishati dehinaH || 28||

ye yogAshcha pade lagne yathAvad.h gaditA mayA |
te yogAH kArakAMshe.api viGYeyA bAMdhavarjitAH || 29||

ArUDhAd.h vittabhe saumye sarvadeshAdhipo bhavet.h |
sarvaGYo yadi vA sa syAt.h kavirvAdI cha bhArgave || 30||

ArUdhAt.h kendrakoNeshhu sthite dArapade dvija |
lagnajAyApade vApi sabalagrahasaMyute || 31||

sr/ImAMshcha jAyate nUnaM deshe vikhyAtimAn.h bhavet.h |
shhashhTheshhTame vyayasthAne jAto dArapade.adhanaH || 32||

pade tatsaptame vApi kendre vR^iddhau trikoNake |
suvIryaH saMsthitaH khetaH bhAryAbhartR^isukhapradaH || 33||

padAd.hdArapade chaivaM kendre koNe cha saMsthite |
dvayormaitrI bhavennUnaM trike vairaM na saMshayaH || 34||

evaM lagnapadAd.h vipra tanayAdipade sthite |
mitrAmitre vijAnIyAllAbhAlAbhau vichaxaNaH || 35||

lagnadArapade vipra mithaH kendragate yadi |
trilAbhayostrikoNe vA tathA rAjA dharAdhipaH || 36||

evaM lagnapadAdeva dhanAdipadato dvija |
sthAnadvayaM samAlokya jAtakasya phalaM vadet.h || 37||

\medskip\hrule\medskip

              athopapadAdhyAyaH || 30||

\medskip

athopapadamAshritya kathayAmi phalaM dvija |
yuchchhubhatve bhavennR^iNAM putradArAdijaM sukham.h || 1||

tanubhAvapadaM vipra pradhAnaM padamuchyate |
tanoranucharAdyat.h syAdupArUDhaM taduchyate || 2||

tadevopapadaM nAma tathA gauNapadaM smR^itam.h |
shubhakheTagR^ihe tasmin.h shubhagrahayutexite || 3||

putradArasukhaM pUrNaM jAyate dvijasattama |
pApagrahayute tatra pApabhe pApavIxite || 4||

pravrAjako bhavejjato dArahIno.atha vA naraH |
shubhadR^ig.hyogato naiva yogo.ayaM dAranAshakaH || 5||

ravirnaivAtra pApaH syAt.h svochchamitrasvabhasthitaH |
nIchashatrugR^ihasthashchettadA.asau pApa eva hi || 6||

shubhagrahANAM dR^ishhTishchedupArUDhAd.h dvitIyake |
shubharxe shubhayukte cha pUrvoktaM hi phalaM smR^itam.h || 7||

upArUDhAd.h dvitIyaM cha nIchAMshe nIchakheTayuk.h |
krUragrahasamAyuktaM jAtako dArahA bhavet.h || 8||

svochchAMshe svochchasaMsthe vA tuN^gadR^ishhTivashAt.h tathA |
bhavanti bahavo dArA rUpalaxaNasaMyutAH || 9||

upArUDhe dvitIye vA mithune saMsthite sati |
tatra jAtanaro vipra bahudArayuto bhavet.h || 10||

upArUDhe dvitIye.api svasvAmigrahasaMyute |
svarxage tatpatau vApi yatra kutrApi bhUsura || 11||

yasya janmani yogo.ayaM sa naro dvijasattama |
uttarAyushhi nirdAro bhavatyeva na saMshayaH || 12||

svarAshau saMsthite.apyevaM nityAkhye dArakArake |
uttarAyushhi nirdAro bhavatyeva na saMshayaH || 13||

upArUDhapatiH svochche sthirastrIkArako.atha vA |
sukulAd.h dAralAbhaH syAnnIchasthe tu viparyayAt.h || 14||

upArUDhe dvitIye vA shubhasambadhato dvija |
jAtasya sundarI bhAryA bhavyA rUpaguNAnvitA || 15||

upArUDhAd.h dvitIye cha shanirAhU sthitau yadi |
upavAdAt.h striyastyAgo nAsho vA jAyate dvija || 16||

upArUDhe dvitIye vA shikhishukrau yadA sthitau |
raktapradararogArtA jAyate tasya bhAminI || 17||

budhaketU sthitau tatra tadA.asthisrAvasaMyutA |
tatrasthAH shanirAhvarkAstadA.asthijvarasaMyutA || 18||

sthUlAN^gI budharAhUbhyAM tatrasthAbhyAM dvijottama |
budhaxetre kujArkI chennasikArogasaMyutA || 19||

kujaxetre.apyevameva phalaM GYeyaM dvijottama |
bR^ihaspatishanI tatra karNanetrarujAnvitA || 20||

tatrAnyagehagau vipra buddhabhaumau sthitau yadA |
yadA svarbhAnudevejyau bhAryA dantarujAnvitA || 21||

shanirAhU shanixetre paN^gurvAtarujAnvitA |
shubhadR^igyogato neti phalaM GYeyaM vipashchitA || 22||

lagnAt.h padAdupArUDhAd.h yo rAshiH saptamo dvija |
tasmAt.h tatsvAminaH kheTAt.h tadaMshAchcha dvijottama || 23||

evameva phalaM GYeyamityAhurnAradAdayaH |
uktebhyo navame vipra shanichandrabudhA yadi || 24||

aputratA tathA.arkejyarAhubhirbahuputratA |
chandreNaikasutastatra mishraiH putro vilambataH || 25||

ravIyjarAhuyogena putro vIryapratApavAn.h |
prachaNDavijayI vipra ripunigrahakArakaH || 26||

uktasthAne kujArkibhyAM putrahInaH prajAyate |
datta putrayuto vApi sahotthasutavAn.h bhavet.h || 27||

tatrasthe vishhame rAshau bahuputryuto naraH |
svalpApatyaH same rAshau jAyate dvijasattama 1 || 28||

siMhe chopapade vipra nishAnAthayutexite |
alpaprajo.atha kanyAyAM jAtaH kanyAprajo bhavet.h || 29||

sutabhAvanavAMshAchcha sthirasantatikArakAt.h |
evaM trishAMshakuNDalyAmapi yogaM vichintayet.h || 30||

shanirAhU trilAbhasthau padAd.h bhrAturvinAshakau |
jyeshhThasyaikAdashe tatra kanishhThasya tR^itIyake || 31||

daitejye tatra garbhasya nAsho vyavahitasya cha |
lagne vApi pade randhre daityAchAryayutexite || 32||

tathaiva phalamityAhurnirvishaMkaM munIshcharAH |
tR^itIyalAbhayorvipra chandrejyabudhamaN^galAH || 33||

bahavo bhrAtarastasya balavantaH pratApinaH |
shanyArasaMyute dR^ishhTe tR^itIyaikAdashe dvija || 34||

kanishhThajyeshhThayornAsho divaGYeyo dvijasattama |
shanireko yadA vipra lAbhago vA tR^itIyagaH || 35||

tadA svamAtrasheshhaH syAdanye nashyanti sodarAH |
tR^itIye lAbhage ketau bahulaM bhaginIsukham.h || 36||

ArUDhAt.h shhashhThabhAvasthe pApAkhye shubhavarjite |
shubhasambandharahite chauro bhavati jAtakaH || 37||

saptame dvAdashe sthAne saihikeyayutexite |
GYAnavAMshcha bhaved.h bAlo bahubhAgyayuto dvija || 38||

ArUDhe saMsthite saumye sarvadeshAdhipo bhavet.h |
sarvaGYastatra devejye kavirvAdI cha bhArgave || 39||

upArUDhAt.h padAd.h vApi dhanasthe shubhakhechare |
sarvadravyAdhipo dhImAJNjAyate dvijasattama || 40||

upArUDhAd.hdhanAdhIshe dvitiyabhavanasthite |
pApakhecharasaMyukte chauro bhavati nishchitam.h || 41||

tatsaptamagR^ihAdhIshAd.h rAhau dhanagate dvija |
daMshhTrAvAn.h jAyate bAlaH stabdhavAk.h ketukhechare || 42||

shanaishchare kurUpaH syAtsaptameshAd.h dvitIyage |
mishragrahasamAyukte phalaM mishraM samAdishet || 43||

\medskip\hrule
#endindian
\end{document}