% Text title            : bRihatpArAsharahorAshAstram.h 31-40
% File name             : par3140.itx
% Category              : jyotisha, sociology\_astrology, bRihatpArAshara
% Location              : doc\_z\_misc\_sociology\_astrology
% Transliterated by     : Ahto Jarve ajarve at fms30.cca.rockwell.com
% Proofread by          : Ahto Jarve ajarve at fms30.cca.rockwell.com
% Latest update         : November 1, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bRihatpArAsharahorAshAstram.h 31-40 ..}##
\itxtitle{.. bR^ihatpArAsharahorAshAstram.h 31\-40 ..}##\endtitles ##

\medskip\hrule\medskip
                 athA.argalAdhyAyaH || 31||
\smallskip
bhagavAn.h yA.argalA proktA shubhadA bhavatA.adhunA |
tAmahaM srotumichChAmi salaxaNaphalaM mune || 1||
maitreya sArgalA nAma yayA bhAvaphalaM dR^iDham.h |
sthiraM kheTaphalaM cha syAt.h sA.adhunA kathyate mayA || 2||
chaturthe cha dhane lAbhe grahe j~neyA tadargalA |
tad.hbAdhakAH kramAt.h kheTA vyomariShphatR^itIyagAH || 3||
nirbalA nyUnasaMkhyA vA bAdhakA naiva sammatAH |
tR^itIye vyAdhikAH pApA yatra maitreya bAdhakAH || 4||
tatrApi chArgalA j~neyA viparItA dvijottama |
tathApi kheTabhAvAnAM phalamargalitaM viduH || 5||
pa~nchamaM chArgalAsthAnaM navamaM tadvirodhakR^it.h |
tamograhabhavA sA cha vyatyayAj.h j~nAyate dvija || 6||
ekagrahA kaniShThA sA dvigrahA madhyamA smR^itA |
argalA dvyadhikotpannA munibhiH kathitottamA || 7||
rAshito grahatashchApi vij~neyA dvividhA.argalA |
nirbAdhakA suphaladA viphalA cha sabAdhakA || 8||
yatra rAshau sthitaH kheTastasya pAkAntaraM yadA |
tasmin.h kAle phalaM j~neyaM nirvishaMkaM dvijottama || 9||
argalAM pratibandha~ncha kathamAMghrichaturthayoH |
dvitrya~N.hghrayoshcha mitho vipra chintayediti me matam.h || 10||
pade lagne made vApi nirAbhAsArgalA yadA |
tadA jAto.ativikhyAto bahubhAgyayuto bhavet.h || 11||
yasya pApaH shubho vApi grahastiShThet.h shubhArgale |
tena draShTrexitaM lagnaM prAbalyAyopakalpyate || 12||
sArgale cha dhane vipra dhanadhAnyasamanvitaH |
tR^itIye sodarAdInAM sukhamuktaM manIShibhiH || 13||
chaturthe sArgale gehapashubandhukulairyutaH |
pa~nchame putrapautrAdisaMyuto buddhimAnnaraH || 14||
ShaShThe ripubhayaM kAme dhanadArasukhaM bahu |
aShTame jAyate kaShTaM dharme bhAgyodayo bhavet.h || 15||
dashame rAjasammAnaM lAbhe lAbhasamanvitaH |
sArgale cha vyaye vipra vyayAdhikyaM prajAyate || 16||
shubhagrahArgalAyAM tu saukhyaM bahuvidhaM bhavet.h |
madhyaM pApArgalAyAM cha mishrAyAmapi chottamam.h || 17||
lagnapa~nchamabhAgyeShu sArgaleShu dvijottama |
jAtashcha jAyate rAjA bhAgyavAn.h nAtra saMshayaH || 18||
\medskip\hrule\medskip
                atha kArakAdhyAyaH || 32||
\smallskip
athA.ahaM sampravaxyAmi grahAnAtmAdikArakAn.h |
saptaravyAdishanyantAn.h rAhvantAn.h vA.aShTasaMkhyakAn.h || 1||
aMshaiH samaugnahau dvau ched.hrAhvantan.h chintayet.h tadA |
saptaiva kArakAnevaM kechidaShTau prachaxate || 2||
atmA sUryAdikheTAnAM madhye hyaMshAdhiko grahaH |
aMshasAmye kalAdhikyAt.h tatsAmye vikalAdhikaH || 3||
budhau rAshikalAdhikyat.h grAhvo naivAtmakArakaH |
aMshAdhikaH kArakaH syAdalpabhAgo.antyakArakaH || 4||
madhyAMsho madhyakheTaH syAdupakheTaH sa eva hi |
vilomagamanAdrAhoraMshAH shodhyAH khavahnitaH || 5||
aMshakramAdadho.adhaHsthAshcharAkhyAH kArakA iti |
AtmAkhyakArakasteShu pradhAnaM kathyate dvija || 6||
sa eva jAtakAdhIsho vij~neyo dvijasattama |
yathA bhUmau prasiddho.asti narANAM xitipAlakaH || 7||
sarvavArtAdhikArI cha bandhakR^inmoxakrat.h tathA || 8||
yathA rAjAj~nayA viprA putrAmAtyAdayo janAH |
samarthA lokakAryeShu tathaivAnyepi kArakAH || 9||
AtmAnukUlamevAtra bhavanti phaladAyakaH |
pratikUle yathA bhUpe sarve.amAtyAdayo dvija || 10||
karya kartuM manuShyAnAM na samarthA bhavanti hi |
tathA.atmakArake krUre nA.anye svashubhadAyakaH || 11||
anukUle nR^ipe yadvat.h sarve.amAtyAdayo dvija |
nAshubhaM kurvate tadvanAnye svAshubhadAyakAH || 12||
AtmAkArakabhAgebhyo nyUnAMsho.amAtyakArakaH |
tasmAnnyUnAMshako bhrAtA tannyUnomAtR^isaMj~nakaH || 13||
tannyUnAMshaH pitAtasmAdalpAMshaH putrakArakaH |
putrAnnyUnAMshako j~natirj~nAternyUnAMshako hi yaH || 14||
sa dArakArako j~neyo nirvishaMke dvijottama |
charAkhyakAralA ete brAhmaNA kathitAH purA || 15||
mAtR^ikArakamevA.anye vadanti sutakArakam.h |
dvau grahau bhAgatulyau chejjAyetAM yasya janmani || 16||
tadagrakArakasyaivaM lopo j~neyo dvijottama |
sthirakArakavashAttasya phalaM j~neyaM shubhA.ashubham.h || 17||
adhunA sampravaxyAmi sthirAkhyAn.h karakagrahAn.h |
sa pitR^ikArako j~neyo yo balI ravishukrayoH || 18||
chandrArayorbalI kheTo mAtR^ikAraka uchyate |
bhaumato bhaginI shyAlaH kanIyAn.h jananItyapi || 19||
budhAnmAtR^isajAtIyA mAtulAdyAshcha bAndhavAH |
guroH pitAmahaH shukrAt.h pitaH putraH shanaishcharAt.h || 20||
viprAntevAsinaH patnI pitarau shvashurau tathA |
mAtAmahAdayashchintyA ete cha sthirakArakA || 21||
athA.ahaM kArakAn.h vaxye kheTabhAvavashAd.hdvija |
ravitaH pun>yabhe tAtashchandrAnmAtA chaturthake || 22||
kujAt.h tR^itIyato bhrAtA budhAt.h ShaShthe cha mAtulaH |
devejyAt.h pa~nchamAt.h putro dArAH shukrAchcha saptame || 23||
mandAdaShTamato mR^ityuH pitrAdInAM vichintayet.h |
iti sarva vichAryaiva budhastattat.h phalaM vadet.h || 24||
athA.ahaM sampravaxyAmi prasa~NgAdyogakArakAn.h |
kheTAn.h janmani jAtasya mishraH sthitivashAd.h dvija || 25||
svarxe svochche cha mitrarxe mithaH kendragatA grahAH |
te sarve kArakAsteShu karmagastu visheShataH || 26||
yathA lagne sukhe kAme svorxochchasthA grahA dvija |
bhavanti kArakAkhyAste visheSheNa cha khe sthitAH || 27||
svamitrochcharxago heturanyo.anyaM yadi kendragaH |
suhR^it.h tad.hguNasampannaH so.api kAraka uchyate || 28||
nIchAnvaye.api yo jAtaH vidyamAne cha kArake |
so.api rAjamano vipra dhanavAn.h sukhasaMyutaH || 29||
rAjavaMshasamutpanno rAjA bhavati nishchayAt.h |
evaM kulAnusAreNa kArakebhyaH phalaM vadet.h || 30||
athA.ahaM sampravaxyAmi visheShaM bhAvakArakAn.h |
janasya janmalagnaM yat.h vindyAdAtmakArakam.h || 31||
dhanabhAvaM vijAnIyAd.h dArakArakameva hi |
ekAdashe.agrajAtasya tR^itIye tu kanIyasaH || 32||
sute sutaM vijAnIyAt.h patnIM saptamabhAvataH |
sutabhave graho yaH syAt.h so.api kAraka uchyate || 33||
sUryo guruH kujaH somo gururbhaubhaH sitaH shaniH |
gurushchandrasuto jIvo mandashcha bhavakArakAH || 34||
punastanvAdayo bhAvaH sthApyAsteShAM shubhA.ashubham.h |
lAbhastR^itIyo randhrashcha shatrusaMj~nadhanavyayAH || 35||
ete bhAvAH samAkhyAtAH krUrAkhyA dvijasattama |
eShAM yogena yo bhAvastasya hAniH prajAyate || 36||
bhAvA bhadrAshcha kendrAravyAH koNAkhyau dvijasattama |
eShAM saMyogamAtreNa hvashubho.api shubho bhavet.h || 37||
\medskip\hrule\medskip
         atha kArakAMshaphalAdhyAyaH || 33||
\smallskip
athA.ahaM sampravaxyAmi kArakAMshaphalaM dvija |
meShAdirAshige svAMshe yathAvad.h brahmabhAShitam.h || 1||
gR^ihe mUShakamArjArA meShAMshe hvAtmakArake |
sadA bhayapradA vipra pApayukte visheShataH || 2||
vR^iShAMshakagate svasmin.h sukhadAshcha chatuShpadAH |
mithunAMshagate tasmin.h kaND.hvAdivyAdhisambhavaH || 3||
karkAMshe cha jalAd.hbhItiH simhAMshe shvapadAd.hbhayam.h |
kaNDUH sthaulya~ncha kanyAMshe tathA vahnikaNAd.hbhayam.h || 4||
tulAMshe cha vaNig.h jAto vasrAdinirmitau paTuH |
alyaMshe sarpato bhItiH pIDA mAtuH payodhare || 5||
dhanuraMshe kramAduchchAt.h patanaM vAhanAdapi |
marakAMshe jalod.hbhUtairjantubhiH khecharastathA || 6||
shaMkhamuktApravAlAdyairlAbho bhavati nishchitaH |
kumbhAMshe cha taDAgAdikArako jAyate janaH || 7||
mInAMshe kArake jAto muktibhAg.h dvijasattama |
nA.ashubhaM shubhasaMdR^iShTe na shubhaM pApavIxite || 8||
kArakAMshe shubhe vipra lagnAMshe cha shubhagrahe |
shubhasaMvIxite jAto rAjA bhavati nishchitaH || 9||
svAMshAchChubhagrahAH kendre koNe vA pApavarjitAH |
dhanavidyAyuto jAto mishrairmishraphalaM vaded.h || 10||
upagrahe cha viprendra svochchasvarxaMsubharxage |
pApadR^ig.hrahite chA.antye kaivalyaMtasya nirdishet.h || 11||
chandrA.arabhR^iguvargastha kArake pAradArikaH |
viparyasthe.anyathA j~neyaM phalaM sarvaM vichaxaNaiH || 12||
kArakAMshe ravau jAto rAjakAryaparo dvija |
pUrNendrau bhogavAn.h vidvAn.h shukradR^iShTe visheShataH || 13||
svAMshe balayute bhaume jAtaH kantAyughI bhavet.h |
vahnijIvI naro vA.api rasavAdI cha jAyate || 14||
budhe balayute svAMshe kalAshilpavichaxanaH |
vANijyakushalashchApi buddhividyAsamanvitaH || 15||
sukarmA j~nAnaniShThashcha vedavit.h svAMshage gurau |
shukre shatendriyaH kAmI rAjakIto bhavennaraH || 16||
shanau svAMshagate jAtaH svakulochitakarmakR^it.h |
rAhau chaurashcha dhanuShko jAto vA lohayantrakR^it.h || 17||
viShavaidyo.athavA vipra jAyate nA.atra saMshayaH |
vyayahArI gajAdInAM ketau chaurashcha jAyate || 18||
ravirAhU yadA svAMshe sarpAd.h bhItiH prajAyate |
shubhadR^iShTau bhayaM naiva pApadR^iShTau mR^itibhavet.h || 19||
shubhaShaD.hvargasaMyuktau viShavaidyo bhaven.h tadA |
bhaumexite kArakAMshe bhAnusvarbhAnusaMyute || 20||
anyagrhA na pashyanti svaveshmaparadAhakaH |
tasmin.h budhexi te chApi vahnido naiva jAyate || 21||
pAparxe guruNA dR^iShTe samIpagR^ihadAhakaH |
shukradR^iShTe tu viprendra gR^ihadAho na jAyate || 22||
gulikena yute svAMshe pUrNachandreNa vIxite |
chaurairhR^itadhano jAtaH svayaM chauro.athavA bhavet.h || 23||
gR^ihAdR^iShTe sagulike vipado vA viShairhataH |
budhadR^iShTe bR^ihad.hvIjo jAyate nA.atra saMshayaH || 24||
saketau kArakAMshe cha pApadR^iShTe dvijottama |
jAtasya karNarogo vA karNachChedaH prajAyate || 25||
bhR^iguputrexite tasmin.h dIxito jAyate janaH |
budhArkidR^iShTe nirvIryo jAyate mAnavo dhruvam.h || 26||
budhashukrexite tasmin.h dAsIputraH prajAyate |
punarbhavAsuto vA.api jAyate nA.atra saMshayaH || 27||
tapasvI saninA dR^iShTe jAtaH preShyo.athavA bhavet.h |
shanimAtrexite tasmin.h jAtaH saMnyAsiveShavAn.h || 28||
ravisukrexite tasmin.h rAjapreShyo jano bhavet.h |
itisaMxepataH proktaM kArakAMshaphalaM dvija || 29||
svAMshAd.hdhane cha shukrAravarge syAt.h pAradArikaH |
tayordR^ig.hyogato j~neyamidamAmaraNaM phalam.h || 30||
ketau tatpratibandhaH syAt.h gurau tu sraiNa eva saH |
rAhau chA.arthanivR^ittiH syAt.h kArakAMshAd.h dvitIyage || 31||
svAMshAt.h tR^itIyage pApe jAtaH shUraH pratApavAn.h |
tasmin.h shubhagrahe jAtaH kAtaro nAtra saMshayaH || 32||
svAMshAchchaturthabhAve tu chandrashukrayutexite |
tatra vA svochchage kheTe jAtaH prAsAdavAn.h bhavet.h || 33||
shanirAhuyute tasmain.h jAtasya cha shilAgR^iham.h |
aiShTikaM kujaketubhyAM guruNA dAravaM gR^iham.h || 34||
tArNa tu raviNA proktaM jAtasya bhavanaM dvija |
chandre tvanAvR^ite deshe patnIyoogaH prajAyate || 35||
pa~nchame kujarAhubhyAM xayarogasya saMbhavaH |
rAtrinAthena dR^iShTAbhyAM nishchayena prajAyate || 36||
kujadR^iShTau tu jAtasya piTakAdigado bhavet.h |
ketudR^iShTau tu grahaNI jalarogo.athavA dvija || 37||
sarAhugulike tatra bhayaM xudaviShod.hbhavam.h |
budhe paramahaMsashcha laguDI vA prajAyate || 38||
ravau kheD.hgadharo jAtaH kuje kuntAyudhI bhavet.h |
shanau dhanurdharo j~neyo rAhau cha lohayantravAn.h || 39||
ketau cha ghaTikAyantrI mAnavo jAyate dvija |
bhArgave tu kavirvAgmI kAvyaj~no jAyate janaH || 40||
svAMshe tatpa~nchame vA.api chandrejyAbhyAM cha granthakR^it.h |
shukreNa ki~nchidUno.asau tato.apyalpo budhena cha || 41||
guruNA kevalenaiva sarvavid.h granthakR^it.h tathA |
vedavedAntavichchApi na vAgmI shAbdako.api san.h || 42||
naiyAyikaH kujenAsau j~nena mImAMsakastathA |
sabhAjaDastu shaninA gItaj~no raviNA smR^itaH || 43||
chandreNa sAMkhyayogaj~naH sAhityaj~nashcha gAyakaH |
ketunA gaNitaj~no.asau rAhaNA.api tathaiva cha || 44||
sapradAyasya sidhhiH syAt.h gurusambandhato dvija |
svAMshAd.h dvitIyataH kechit.h phalamevaM vadanti hi || 45||
svAMshAt.h ShaShThagate pApe karShako jAyate janaH |
shubhagrahe.alasashcheti tR^itIye.api phalaM smR^itam.h || 46||
dyUne chandraguru yasya bhAryA tasyAtisundarI |
tatra kAmavatI shukre budhe chaiva kalAvatI || 47||
ravau cha svakule guptA shanau chApi vayo.adhikA |
tapasvinI rujADhya vA rAhau cha vidhavA smR^itA || 48||
shubhasvAmiyute randhre svAMshAd.h dIrghAyuruchyate |
pApexitayute.alpAyurmadhyAyurmishradR^ig.hyute || 49||
kArakAMshAchcha navame shubhagrahayutexita |
satyavAdI gurau bhaktaH svadharmanirato naraH || 50||
svAMshAchcha navame bhAve pApagrahayutexite |
svadharmanirato bAlye mithyAvAdI cha vArdhake || 51||
navame kArakAMshAchcha shanirAhuyutexite |
gurudrohI bhaved.h bAlaH shAstreShu vimukho naraH || 52||
kArakAMshAchcha navame gurubhAnuyutexite |
tadA.api gurudrohI syAt.h guruvAkyaM na manyate || 53||
kArakAMshAchcha navame shukrabhaumayutexite |
ShaD.hvargAdikayoge tu maraNaM pAradArikam.h || 54||
kArakAMshAchcha navame j~nenduyuktexite dvija |
parastrI sa~NgamAd.h bAlo bandhako bhavati dhruvam.h || 55||
navame kevalenaive guruNA cha yutexite |
strIlotupo bhavejjAto viShayI chaiva jAyate || 56||
kArakAMshAchcha dashame shubhalheTayutexite |
sthiravitto bhaved.h bAlo gambhIro balabuddhimAn.h || 57||
dashame kArakAMshAchcha pApakheTayutexite |
vyApAre jAyate hAniH pitR^isaukhyena varjitaH || 58||
dashame kArakAMshAchcha budhashukrayutexite |
vyApAre bahulAbhashcha mahatkarmakaor naraH || 59||
kArakAMshAchcha dashame ravichandrayutexite |
gurudR^iShTayute vipra jAtako rAjyabhAg.h bhavet.h || 60||
svAMshAdekAdashe sthAne shubhakheTayutexite |
bhrAtR^isaukhyayuto bAlaH sarvakAryeShu lAbhakR^it.h || 61||
ekAdashe sapApe tu kumArgAllAbakR^innaraH |
vikhyAto vikramI chaiva jAyate nA.atra saMshayaH || 62||
kArakAMshAd.h vyayasthAne sad.hgrahe sad.hvyayo bhavet.h |
asad.hvyayo.ashubhe j~nayo grahAbhAve cha satphalam.h || 63||
kArakAMshAd.h vyayasthAne svabhochchasthe shubhagrahe |
sad.hgatirjAyate tasya shubhalokamavApnuyAt.h || 64||
kArakAMshAd.h vyaye ketau shubhakheTayutexite |
tadA tu jAyate muktiH sAyujyapadamApnuyAt.h || 65||
meShe dhanuShi vA ketau kArakAMshAt.h vyaye sthite |
shubhakheTena sandR^iShTe sAyujapadamApnuyAt.h || 66||
vyaye cha kevale ketau pApayuktexitepi vA |
na tadA jAyate muktiH shubhalokaM na pashyati || 67||
raviNA saMyute ketau kArakAMshAd.h vyayasthite |
shivabhaktirbhavesyatta nirvishaMkaM dvijottama || 68||
chandreNa saMyute ketau kArakAMshAd.h vyayasthite |
gauryAM bhaktirbhavettasya shAktiko jAyate naraH || 69||
shukreNa saMyute ketau kArakAMshAd.h vyayasthite |
laxmyAM sa~njAyate bhaktirjAtako sau samR^iddhimAn.h || 70||
kujena saMyute ketau skandabhaktau bhavennaraH |
vaiShNavo budhasauribhyAM guruNA shivabhaktimAn.h || 71||
rAhuNA tAmasIM durgAM sevate xudradevatAm.h |
bhaktiH skande.atha herabhbhe shikhinA kevalena vA || 72||
kArakAMshAd.h vyaye sauriH pAparAshau yadA bhavet.h |
tadA.api xudradevasya bhaktistasya na saMshayaH || 73||
pAparxe.api shanau sukre tadA.api xudrasevakaH |
amAtyakArakAt.h ShaShTheptevameva phalaM vadet.h || 74||
kArakAMshAt.h trikoNasthe pApakhetadvaye dvija |
mAnavo mantratantraj~no jAyate nA.atra saMshayaH || 75||
pApena vIxite tatra jAto nigrAhako bhavet.h |
shubhairnirIxite tasmin.h naro.anugrAhako bhavet.h || 76||
shukradR^iShTe vidhau svAMshe rasavAdI bhavennaraH |
budhadR^iShTe cha sad.hvaidyaH sarvarogaharo bhavet.h || 77||
shukradR^iShTe sukhe chandre pANDushvitrI bhavennaraH |
bhaumadR^iShTe mahArogI raktapittArdito bhavet.h || 78||
ketudR^iShTe sukhe chaMdre nIlakuShThI prajAyate |
chaturthe pa~nchamevA.ahi sthitau rAhukujau yadi || 79||
xayarogo bhavet.h tasya chandradR^iShTau tu nishchitaH |
svAMshAt.h sukhe sute vA.api kevalaH saMsthitaH kujaH || 80||
piTkAdirbhavet.h tasya tadA rogo na saMshayaH |
grahaNI jalarogo vA tatra ketau sthite sati || 81||
khvarbhAnugulikau tatra viShavaidyo viShArditaH |
svAMshakAt.h pa~nchame bhAve kevale saMsthite shanau || 82||
dhanurvidyAvidA jAtA bhavantyatra na saMshayaH |
ketau cha kevale tatra ghaTikAyantrakArakaH || 83||
budhe paramahaMso vA daNDI bhavati mAnavaH |
lohayantrI tathA rAhau ravau kheD.hgadharo bhavet.h || 84||
kevale cha kuje tatra jAtaH kuntAstradhArakaH |
svAMshe vA pan.achame svAMshAchchandrejyau saMsthitau tadA || 85||
granthakartA bhavejjAtaH sarvavidyAvishAradaH |
tatra daityagurau ki~nchidUnagranthakaro bhavet.h || 86||
budhe tatra tato.apyUnagranthakarttA prajAyate |
tatra shukre kavirvAgmI kAvyaj~nashcha prajAyate || 87||
sarvavid.hgrAnthiko jIve na vAgmI cha sabhAdiShu |
shabdaj~nashcha visheSheNa vedavedAntavit.h tathA || 88||
sabhAjaDo bhaved.h bAla uktasthAnagate shanau |
mImAMsako bhavennUnamuktasthAnagate budhe || 89||
svAMshe vA pa~nchame bhaume jAto naiyAyiko bhavet.h |
chandre cha sAMkhyayogaj~naH sAhityaj~nashcha gAyakaH || 90||
ravau vedAntavichchaiva gItaj~nashcha prajAyate |
ketau cha gaNitaj~naH syAjjyotiHshAstravishAradaH || 91||
sampradAyasya saMsiddhirgurusambandhato bhavet.h |
dvitIye cha tR^itIye cha svAMshAdevaM vichArayet.h || 92||
bhAve sUxmaphalaM j~nAtvA jAtakasya phalaM vadet.h |
ketau svAMshAd.hdvitIye vA tR^itIye stabdhavAg.h bhavet.h || 93||
pApadR^iShTe visheSheNa mAnavo vaktumaxamaH |
svAMshAllagnAt.h padAd.hvA.api dvitIyAShTamabhAvayoH || 94||
kemadrumaH pApasAmye chandradR^iShTau visheShataH |
atrA.adhyAye cha ye yogAH saphalAH kathitA mayA || 95||
yogakartR^idashAyAnte j~neyAH sarve phalapradAH |
evaM dashApradAdrAshairdvitIyAShTamayordvija || 96||
grahasAmye cha vij~neyo yogaH kemadrumo.ashubhaH |
dashAprArambhasamaye salagnAn.h sAdhayed.h grahAn.h || 97||
j~neyastatrApi yogo.ayaM pApasAmye.artharandhrayoH |
evaM tanvAdibhAvAnAM sUryAdInAM nabhasadAm.h || 98||
tattat.hsthityanusAreNa phalaM vAchyaM vipashchitA |
iti saMxepataH proktaM kArakAMshaphalaM mayA || 99||
\medskip\hrule\medskip
           atha yogakArakAdhyAyaH || 34||
\smallskip
kArakAMshavashAdevaM phalaM proktaM mayA dvija |
atha bhAvAdhipatyena grahayogaphalaM srR^iNu || 1||
kendrAdhipatayaH saumyA nA dishanti shubhaM phalam.h |
krUrA naivA.ashubhaM kuryuH shubhadAshcha trikoNapAH || 2||
lagnaM kendratrikoNatvAd.h visheSheNa shubhapradam.h |
pa~nchamaM navamaM chaiva visheShadhanamuchyate || 3||
saptamaM dashamaM chaiva visheShasukhamuchyate |
triShaDAyAdhipAH sarve grahAH pApaphalAH smR^itAH || 4||
vyayadvitIyarandhreshAH sAhacharyAt.h phalapradAH |
sthAnAntarAnurodhAtte prabalAshchottarottaram.h || 5||
tatra bhAgyavyayeshatvAdrandhresho na shubhapradaH |
trimadAyAdhipatve.atho koNapatve tu satphalaH || 6||
ukteShveShu balI yogo nirbalasya prabAdhakaH |
na randhreshatvadoSho.atra sUryAchandramasorbhavet.h || 7||
gurushukrau shubhau proktau chandro madhyama uchyate |
udAsIno budhaH khyAtaH pApA ravyArkibhUmijAH || 8||
pUrNenduj~nejyashukrAshcha prabalA uttarottaram.h |
xINendvarkArkibhUputrAH prabalAshcha yathottaram.h || 9||
kendrAdhipatyadoShoyaH shubhAnAM kathito hi saH |
chandraj~nagurushukrANAM prabalAshchottarottaram.h || 10||
kendrakoNapatI syAtAM parasparagR^ihopagau |
ekabhe dvau sthitau vApi hyekabhe.anyataraH sthitaH || 11||
pUrNadR^iShT.hyexitau vApi mitho yogakArau tadA |
yoge.asmin.h jAyate bhUpo vikhyAto vA jano bhavet.h || 12||
koNeshatve yadaikasya kendreshatvaM cha jAyate |
kendre koNe sthito vA.asau visheShAdyogakArakaH || 13||
kendreshatvena pApAnAM yA proktA shubhakAritA |
sA trikoNAdhipatye.api na kendreshatvamAtrataH || 14||
kendrakoNAdhipAveva pApasthAnAdhipau yadA |
tayoH sambandhamAtreNa na yogaM labhate naraH || 15||
yad.hbhAveshayutau vApi yadyad.hbhAvasamAgatau |
tattatphalAni prabalau pradishetAM tamoprahau || 16||
yadi kendre trikoNe vA nivasetAM tamograhau |
nAthenAtyatareNADh.hyau dR^iShTau vA yogakArakau || 17||
kasmillagne prajAtasya ke grahA yogakArakAH |
ke chA.ashubhapradAH kheTAH kR^ipayA vade me mune || 18||
yathA pR^iShTaM tvayA vipra tathodAharaNaM bruve |
randhreshatve.api bhUputro bhavechChUbhasahAyavAn.h || 19||
mandasaumyasitAH pApAH shubhau gurudivAkarau |
na shubhaM yogamatreNa prabhavechChanijIvayoH || 20||
pAratantryeNa jIvasya pApakarmApi nishchitam.h |
shukraH sAxAnnihantA syAnmArakatvena laxitaH || 21||
mandAdayo.api hantAro bhaveyuH pApino grahAH |
meShalagnod.hbhavasyaivaM phalaM j~neyaM dvijottama || 22||
jIvashukrendavaH pApAH shubhau shanidivAkarau |
rAjayogakaraH saurirbudhastvalpashubhapradaH || 23||
jIvAdayo kujashchApi santi mArakalaxaNAH |
vR^iShalagnod.hbhavasyaivaM phalAnyUhyAni sUribhiH || 24||
bhaumajIvAruNAH pApAH eka eva kaviH subhaH |
shanaishcharaNe jIvasya yogo meShabhavo yathA || 25||
shashI mukhanihantA.asau sAhacharyAchcha pAkadaH |
dvandvalagnod.hbhavasyaivaM phalAnyUhyAni paMDitaiH || 26||
bhArgavendusutau pApau bhUsutejyendavaH shubhAH |
pUrNayogakaraH sAxAnmaMgalo maMgalapradaH || 27||
nihantA.arkasuto.arkastu sAhacharyAt.h phalapradaH |
karkalagnod.hbhavasyaivaM phalaM proktaM manIShibhiH || 28||
saumyashukrArkajAH pApAH kujejyArkAH shubhAvahAH |
prabhavedyogamAtreNa na shubhaM gurushukrayoH || 29||
mArakastu shanishchandraH sAhacharyAt.h phalapradaH |
siMhalagne prajAtasya phalaM j~neyaM vipashchitA || 30||
kujajIvendavaH pApAH budhashukrau shubhAvahau |
bhArgavendusutAveva bhavetAM yogakArakau || 31||
mArako.api kaviH sUryaH sAhacharyaphalapradaH |
kanyAlagnod.hbhavasyaivaM phalAnyUhyAni sUribhiH || 32||
jIvArkabhUsutAH pApAH shanaishcharabudhau shubhau |
bhavetAM rAjayogasya kArakau chandratatsutau || 33||
kujo nihanti jIvAdyAH pApA mArakalaxaNAH |
shukraH samaH phalAnyevaM vij~neyAni tulod.hbhave || 34||
sitaj~nashanayaH pApAH shubhau gurunishAkarau |
sUryAchandramasAveva bhavetAM yogakArakau || 35||
kujaH samaH sitAdyAshcha pApA mArakalaxaNAH |
evaM phalaM cha vij~neyaM vR^ishchikodayajanmanaH || 36||
eka eva kaviH pApaH shubhau bhaumadivAkarau |
yogo bhAskarasaumyAbhyAM nihantA bhAskarAtmajaH || 37||
guruH samaphalaH khyAtaH shukro mArakalaxaNaH |
dhanurlagnod.hbhavasyaivaM phalaM j~neyaM vipashchitA || 38||
kujajIvendavaH pApAH shubhau bhArgavachandrajau |
mandaH svayaM na hantA syAd.h hanti pApAH kujAdayaH || 39||
sUryaH samaphalaH proktaH kavirekaH suyogakR^it.h |
mR^igalagnod.hbhavasyaivaM phalAnyUhyAni sUribhiH || 40||
jIvachandrakujAH pApAH shukrasUryAtmajau shubhau |
rAjayogakaro j~nejaH kavireva bR^ihaspatiH || 41||
sUryo bhaumashcha hantAro budho madhyaphalaH smR^itaH |
kumbhalagnod.h bhavasyaivaM phalAnyUhyAni sUribhiH || 42||
mandashukrAMshumatsaumyAH pApA bhaumavidhU shubhau |
mahIsutagurU yogakArakau cha mahIsutaH || 43||
mArako.api na hantA.asau mandaj~nau mArakau smR^itau |
mInalagnod.h bhavasyaivaM phalAni parichintayet.h || 44||
evaM bhAvAdhipatyena janmalagnavashAdiha |
shubhatvamashubhatva cha grahANAM pratipAditam.h || 45||
atyAnapi punaryogAn.h nAbhasAdIn.h vichintya vai |
dehinA cha phalaM vAchyaM pravaxyAmi cha tAnaham.h || 46||
\medskip\hrule\medskip
            atha nAbhasayogAdhyAyaH || 35||
\smallskip
adhunA nAbhasA yogAH kathyante dvijasattama |
dvAtriMshAt.h tatprabhedAstu shataghnAShTAdashonmitAH || 1||
AshrayAkhyAstrayo yogAH dalasaMj~naM dvayaM tataH |
AkR^itirvishatiH saMkhyAH sapta yogAH prakIrtitAH || 2||
rajjushcha musalashchaiva nalashchetyAshrayAstrayaH |
mAlAkhyaH sarpasaMj~nashcha dalayogau prakIrtitau || 3||
gadAkhyaH shakaTAkhyashcha srR^i~NgATakavihaMgasau |
halavajrayavAshchaiva kamalaM vApiyUpakau || 4||
sharashaktidaNDanaukAkUTachChatradhnUMShi cha |
ardhachandrastu chakraM cha samudrashcheti viMshatiH || 5||
saMkhyAkhyAvallakIdAmapAshakedArashUlakAH |
yugo golashcha saptaite yuktA dantamitA dvija || 6||
sarvaishchare sthitai rajjuH sthirasthairmusalaH smR^itaH |
nalAkhyo dvisvabhAvasthairAshrayAkhyA ime smR^itAH || 7||
kendratrayagataiH saumyaiH pApairvA dalasaMj~nakau |
kramAnmAlAbhujaMgAkhyau shubhAshubhaphalapradau || 8||
AsannakendradvayagaiH sarvairyogo gadAhvayaH |
shakaTaM lagnajAyAsthaiH khAmbugairvihagaH smR^itaH || 9||
yogaH srR^i~NgATakaM nAma lagnAtmajatapaHsthitaiH |
anyasthAnAt.h trikoNasthaiH sarvairyogo halAbhighaH || 10||
lagnajAyAsthitaiH saumyaiH pApAkhyaiH khA.ambusaMsthitaiH |
yogo vajrAbhidhaH proktaH vIparItasthitairyavaH || 11||
sarvakendragataiH sarvairmishraiH kamalasaMj~nakaH |
kendrAdanyatragaiH sarvairyogo vApIsamAhvayaH || 12||
yUpo lagnAchchaturbhasthaiH sharasturyAchchaturbhagaiH |
shaktirmadAchchaturbhasthairdaNDo madhyAchchaturbhagaiH || 13||
lagnAt.h saptamagainau kA kUTasturyAchcha saptamaiH |
ChatrAkhyaH saptamAdevaM chApaM madhyAd.h bhasaptagaiH || 14||
lagnAdekAntarasthaishcha ShaD.hbhagaishchakramuchyate |
dhanAdekAntarasthaistu samudraH ShaDagR^ihAshritai || 15||
ekarAshisthitairgolo yugAkhyo dvibhasaMsthitaiH |
shUlastu tribhagaiH proktaH kedArastu chaturbhagaiH || 16||
pa~ncharAshisthataiH pAshA dAmAkhyaH ShaD.hgR^ihAshritaiH |
vIn>A saptabhagaiH sarvairvihAyAnyAnudIritAn.h || 17||
aTanapriyAH surUpAH paradeshasvAsthyabhAgino manujAH |
krUrAH khalasvabhAvA rajjuprabhavAH sadA kathitAH || 18||
mAnaj~nAnadhanAdyairyuktA bhUpapriyAH khyAtAH |
bahuputrAH sthirachittA musalasamutthA bhavanti narAH || 19||
nyUnAtiriktadehA dhanasa~nchayabhAgino.atinipuNAshcha |
bandhuhitAshcha surUpA nalayoge samprasUyante || 20||
nityaM sukhapradhAnA vAhanavastrAnnabhogasampannA |
kAntA subahustrIkA mAlAyAM samprasUtAH syuH || 21||
vuShamAH krUrA niHsvA nityaM duHkhArditAH sudInAshcha |
parabhaxapAnaniratAH sarpaprabhavA bhavanti narAH || 22||
satatodyuktArthavashA yajvAnaH shAstrageyakushalAshcha |
dhanakanakaratnasampatsaMyuktA mAnavA gadAyAM tu || 23||
rogArtAH kunakhA mUrkhAH shakaTAnujIvino niHsvA |
mitrasvajanavihInAH shakaTe jAtA bhavanti narAH || 24||
bhramaNaruchayovikR^iShTA dUtAH suratAnujIvano dhR^iShTAH |
kalahapriyAshcha nityaM vihage yoge sadA jAtAH || 25||
priyakalahAH samarasahAH sukhino nR^ipateH shubhakalatrAH |
ADhyA yuvatidveShyAH srR^i~NgATakasambhavA manujAH || 26||
bahvAshino daridrAH kR^iShIvalA duHkhitAshcha sodvegA |
bandhusuhR^idibhaH tyaktAH preShyAH halasaMj~nake sadA puruShAH || 27||
AdyantavayaHsukhinaH shUrAH subhagA nirIhAshchaH |
bhAgyavihInA vajre jAtAH khalA viruddhAshcha || 28||
vrataniyamama~NgalaparA vayaso madhye sukhArthaputrayutA |
dAtAraH sthirachittA yavayogabhavAH sadA puruShAH || 29||
vibhavaguNAdg.yAH puruShAH sthirAyuSho vipulakIrtaya shuddhAH |
shubhashatakAH pR^ithvIshAH kamalabhavAH mAnavA nityam.h || 30||
nidhikaraNe nipuNadhiyaH sthirArthasukhasaMyutA sutayutAshcha |
nayanasukhasamprahR^iShTA vApIyogena rAjAnaH || 31||
AtmavidijyAnirataH striyA yutaH sattvasampannaH |
vrataniyamaratamanusyo yUpe jAto vishiShTashcha || 32||
iShukArA bandhanapAH mR^igayAdhanasevitAshcha maMsAdA |
hiMsrAH kushilpakArAH sharayoge mAnavAH prasUyante || 33||
dhanarahitaviphaladuHkhitanIchalasAshchirAyuShaH puruShAH |
saMgrAmabuddhinipuNAH shaktyAM jAtAH sthirAH shubhagAH || 34||
hataputradAraniHsvAH sarvatra cha nirdhR^iMNAH svajanabAhyAH |
duHkhitanIchapreShyA daNDaprbhavA bhavanti narAH || 35||
salilopajIvivibhavAH bahvAshAH khyAtakIrtayo duShTAH |
kR^ipaNA malinA lubdhA nausa~njAtAH khalAH puruShAH || 36||
anR^itakathanabandhanapA niShki~nchanAH shaThAH krUrAH |
kUTasamutthA nityaM bhavanti giridurgavAsino manujAH || 37||
svajanAshrayo dayAvAnnAnAnR^ipavallabhaH prakR^iShTamatiH |
prathame.antye vayasi narAH sukhavAn.h dIrghAyurAtapatrI syAt.h || 38||
AnR^itikaguptapAlAshchorAH kitavAshcha kAnane niratAH |
kArmukayoge jAtA bhAgyavihInAH shubhA vayomadhye || 39||
senApatayaH sarvee kAntasharIrA nR^ipapriyA balinaH |
maNikanakabhUShaNayutA bhavanti yoge.ardhachandrAkhye || 40||
praNatA.a.asheShanarAdhipakirITaratnaprabhAsphuritapAdaH |
bhavati narendro manujashchakre yo jAyate yoge || 41||
bahuratnadhanasamR^iddhA bhogayutA dhanajanapriyAH sasutA |
udadhisamutthAH puruShAH sthiravibhavAH sAdhushIlAshcha || 42||
priyagItanR^ityavAdyA nipuNAH sukhinashcha dhanavantaH |
netAro bahubhR^ityA vINAyAM kIrtitAH puruShAH || 43||
dAmni sujanopakArI nayadhanayukto maheshvaraH khyAtaH |
bahusutaratnasamR^iddho dhIro jAyeta vidvAMshcha || 44||
pAshe bandhanabhAjaH kArye daxAH prapa~nchakArAshcha |
bahubhAShiNo vishIlA bahubhR^ityAH sampratAnAshcha || 45||
subahUnAmupayojyAH kR^iShIvalAH satyavAdinaH sukhinaH |
kedAre sambhUtAshchalasvabhAvA dhanairyuktAH || 46||
tIxNAlasadhanahInA hiMsrAH subahiShkR^itA mahAshUrAH |
saMgrAme labdhayashA shUle yoge bhavanti narAH || 47||
pAkhaNDavAdino vA dhanarahitA vA bahiShkR^itA loke |
sutamAtR^idharmarahitA yugayoge ye narA jAtAH || 48||
balasaMyuktA vidhanA vadyAvij~nAnavarjitA malinA |
nityaM duHkhitadInA gole yoge bhavanti narAH || 49||
sarvAsvapi dashasvete bhaveyuH phaladAyinaH |
prANinAmiti vij~neyAH pravadanti tavAgrajAH || 50||
\medskip\hrule\medskip
           atha vividhayogAdhyAyaH || 36||
\smallskip
lagne shubhayute yogaH shubhaH pApayute.ashubhaH |
vyayasvagaiH shubhaiH pApaiH kramAdyogau shubhA.ashubhau || 1||
shubhayogod.hbhavo vAgmI rUpashIlaguNavanvitaH |
pApayogod.hbhavaH kAmI pApakarmA parArthayuk.h || 2||
kendre devagurau lagnAchchandrAdvA shubhadR^ig.hyute |
nIchAstArigR^ihairhIne yogo.ayaM gajakesarI || 3||
gajakesarIsa~njAtastejasvI dhanavAn.h bhavet.h |
medhAvI guNasampanno rAjapriyakaro naraH || 4||
dashame.a~NgAttathA chandrAt.h kevalaishcha shubhairyute |
sa yogo.amalakItrtyAkhyaH kIrtirAchandratArakI || 5||
rAjapUjye mahAbhogI dAtA bandhujanapriyaH |
paropakArI dharmAtmA guNaDh.hyo.amalakIrtijaH || 6||
saptame chA.aShTame shuddhe shubhagrahayute.athavA |
kendreShu shubhayukteShu yogaH parvatasaMj~nakaH || 7||
bhAgyavAn.h parvatotpannaH vAgmI dAtA cha shAstravit.h |
hAsyapriyo yashasvI cha tejasvI puranAyakaH || 8||
sukheshejyau mithaH kendragatau balini lagnape |
kAhalo vA svabhochchasthe sukheshe karmapAnvite || 9||
ojasvI sAhasI dhUrtashchatura~NgabalAnvitaH |
yat.hki~nchid.h grAmanAthashcha kAhale jAyate naraH || 10||
lagneshe tu~Ngage kendre gurudR^iShTe tu chAmaraH |
shubhadvaye vilagne vA navame dashame made || 11||
rAjA vA rAjapujyo vA chirajIvI cha paNDitaH |
vAgmI sarvakalAvid.h vA chAmare jAyate janaH || 12||
savale lagnape putraShaShThapau kendragau mithaH |
shaMkho vA lagnakarmeshau chare balini bhAgyape || 13||
dhanastrIputrasaMyukto dayAluH puNyavAn.h sudhIH |
puNyakarmA chira~njIvI shaMkhayogod.hbhavo naraH || 14||
sabale bhAgyape bherI khagaiH svAntyodayAstagaiH |
sabale bhAgyape vA.asau kendre shukrejyalagnapaiH || 15||
dhanastrIputrasaMyukto bhUpaH kIrtiguNAnvitaH |
AchAravAn.h sukhI bhogI bherIyoge jano bhavet.h || 16||
sabale lagnape kheTAH kendre koNe svabhochchagAH |
mR^iga~Ngayogo jAto.atra bhUpo vA tatsamaH sukhI || 17||
keemeshe karmage tu~Nge karmeshe bhAgyapAnvite |
yogaH shrInAthasaMj~no.atra jAtaH shukrasamo nR^ipaH || 18||
karmeshe sutage kendre budhe.arke sabale svabhe |
chandrAt.h koNe gurau j~ne vA kuje lAbhe cha shAradaH || 19||
dhanastrIputrasaMyuktaH sukhI vidvAn.h nR^ipapriyaH |
tapasvI dharmasaMyuktaH shArade jAyate janaH || 20||
dharmalagnagate saumye pa~nchame sadasadyute |
pApe cha chaturasrasthe yogo.ayaM matsyasaMj~nakaH || 21||
kAlaj~naH karuNAmUrtirguNadhIbalarUpavAn.h |
yashovidyAtapasvI cha matsyayoge hi jAyate || 22||
putrArimadagAH saumyAH svabhochchasuhR^idaMshagAH |
trilAbhodayagAH pApAH kUrmayogaH svabhochchagAH || 23||
kUrmayoge jano bhUpo dhIro dharmaguNAnvitaH |
kIrtimAnupakArI cha sukhI mAnavanAyakaH || 24||
bhAgyeshe dhanabhAvAsthe dhaneshe bhAgyabhAvage |
lagneshe kendrakoNasthe khaD.hgayogaH sa kathyate || 25||
khaD.hgayoge samutpanno dhanabhAgyasukhAnvitaH |
shAstraj~no buddhivIryADh.hyaH kR^itaj~naH kushalo naraH || 26||
kendre mUlatrikoNaste bhAgyeshe vA svabhochchage |
lagnAdhipe balADh.hye cha laxmIyogaH prakIrtyate || 27||
surUpo guNavAn.h bhUpo bahuputradhanAnvitaH |
yashasvI dharmasampanno laxmIyoge jano bhavet.h || 28||
lagne sthire bhR^igau kendre chandrakoNe shabhAnvite |
mAnasthAnagate saure yogo.ayaM kusumAbhidhaH || 29||
bhUpo vA bhUpatulyo vA datA bhogI sukhI janaH |
kulamukhyo guNI vidvAn.h jAyate kusumAhvaye || 30||
dvitIye pa~nchame jIve budhashukrayutexite |
xatre tayorvA samprapte yogaH sa cha kalAnidhiH || 31||
kalAnidhisamutpanno guNavAn.h bhUpavanditaH |
rogahInaH sukhI jAto dhanavidyAsamanvitaH || 32||
lagneshatad.hgatarxeshatad.hgatarxeshatadaMshapAH |
kendre koNe svatu~Nge vA yogaH kalpadrumo mataH || 33||
sarvaishvaryayuto bhUpo dharmAtmA balasaMyutaH |
yuddhapriyo dayAlushcha pArijAte naro bhavet.h || 34||
svAntyAShTasthairdvitIyeshAd.h hariyogaH shubhagrahaiH |
kAmeshAd.h bandhudharmAShTasthitaiH saumyairharAbhidhaH || 35||
lagneshAd.h bandhukarmAyasthitairbrahmAhvayaH smR^itaH |
eShu jAtaH sukhI vidvAn.h dhanaputrAdisaMyutaH || 36||
lagnAnmadAShTagaiH saumyaiH pApadR^ig.hyogavarjitaiH |
yogo lagnAdhiyogo.asmin.h mahAtmA shAstravit.h sukhI || 37||
lagnape pArijAtasthe sukhI vargottame hyaruk.h |
gopure dhanadhAnyADh.hyA bhUpaH siMhAsane sthite || 38||
vidvAn.h pArAvate shrImAn.h devaloke savAhanaH |
airAvatasthite jAto vikhyAto bhUpavanditaH || 39||
\medskip\hrule\medskip
        atha chandrayogAdhyAyaH || 37||
\smallskip
sahasrarashmitachandre kaNTakAdigate kramAt.h |
dhanadhInaipuNAdIni nyUnamadhyottamAni hi || 1||
svAMshe vA svAdhimitrAMshe sthitashcha divase shashI |
guruNA dR^ishyate tatra jAto dhanasukhAnvitaH || 2||
svAMshe vA svAdhimitrAMshe sthitashcha shashabhR^innishi |
shukreNa dR^ishyate tatra jAto dhanasukhAnvitaH || 3||
etad.hviparyayasthe cha shukrejyAnavalokite |
jAyate.alpadhano bAlo yoge.asminnirdhano.athavA || 4||
chandrAdrandhrArikAmasthai saumyaiH syAdhiyogakaH |
tatra rAjA cha mantrI cha senAdhIshashcha balakramAt.h || 5||
chandrAd.h vR^iddhigataiH sarvaiH shubhairjAto mahAdhanI |
dvAbhyAM madhyadhano jAta ekenA.alpadhano bhavet.h || 6||
chandrAt.h svAntyobhayasthe hi grahe sUryaM binA kramAt.h |
sunaphAkhto.anaphAkhyashcha yogo duradharAhvayaH || 7||
rAjA vA rAjatulyo vA dhIdhanakhyAtimA~njanaH |
svabhujArjitavittashcha sunaphAyogasambhavaH || 8||
bhUpo.agadasharIrashcha shIlavAn.h khyAtakIrtimAn.h |
surUpashchA.anaphAjAto sukhaiH sarvaiH samanvitaH || 9||
utpannasukhabhug.h dAtA dhanavAhanasaMyutaH |
sad.hbhR^ityo jAyate nUnaM jano duradharAbhavaH || 10||
chandrAdAdyadhanA.antyastho vinA bhAnuM na ched.hgrahaH |
kashchit.h syAdvA vinA chandraM lagnAt.h kendragato.atha vA || 11||
yogaH kemadrumo nAma tatra jAto.atigarhitaH |
buddhividyAvihInashcha daridrApattisaMyutaH || 12||
anyayogaphalaM hanti chandrayogo visheShataH |
svaphalaM pradadAtIti budho yatnAd.h vichintayet.h || 13||
\medskip\hrule\medskip
            atha raviyogAdhyAyaH || 38||
\smallskip
sUryAt.h svantyobhayasthaishcha vinA chandraM kujAdibhiH |
veshivoshisamAkhyau cha tathobhayacharaH kramAt.h || 1||
samadR^ik.h satyavA~N.h martyo dIrghakAyo.alasastathA |
sukhabhAgalpavitto.api veshiyogasamud.hbhavaH || 2||
voshau cha nipuNo dAtA yashovidyAbalAvantiH |
tathobhayachare jAto bhUpo vA tatsamaH sukhI || 3||
shubhagrahabhave yoge phalamevaM vichintayet.h |
pApagrahasamutpanne yoge tu phalamanyathA || 4||
\medskip\hrule\medskip
          atha rAjayogAdhyAyaH || 39||
\smallskip
athA.ataH sampravaxyAmi rAyayogAn.h dvijottama |
yeShAM vij~nAnamAtreNa rAjapUjyo jano bhavet.h || 1||
ye yogAH shambhunA proktAH purA shailasutAgrataH |
teShAM sAramahaM vaxye tavAgre dvijanandana || 2||
chintayet.h kArakAMshe vA janurlagne.atha vA dvija |
rAjayogakarau dvau dvau sphuTau kheTau prayatnataH || 3||
AtmakArakaputrAbhyAM yogamekaM prakalpayet.h |
tanupa~nchamanAthAbhyAM tathaiva dvijasattama || 4||
lagnaputreshayorAtmaputrakArakayordvayoH |
sambandhAt.h pUrNamardhaM vA pAdaM vIryAnusArataH || 5||
lagneshe pa~nchame bhAve pa~nchameshe cha lagne |
putrAtmakArakau vipra lagne cha pa~nchame sthita || 6||
svochche svaMshe svabhe vA.api shubhagrahanirIxito |
mahArAjAkhyayogo.atra jAtaH khyAtaH sukhAnvitaH || 7||
bhAgyeshaH kArako lagne pa~nchame saptame.api vA |
rAjayogapradAtArau shubhakheTayutexitau || 8||
lagneshAt.h kArakAchchApi dhane turye cha pa~nchame |
shubhakheTayute bhAve jAto rAjA bhaved.h dhruvam.h || 9||
tR^itIye ShaShThabhe tAbhyAM pApagrahayutexite |
jAto rAjA bhavedevaM mishre mishraphalaM vadet.h || 10||
svAMshe vA pa~nchame shukre jIvenduyutavIxite |
lagne lagnapade vA.api rAjavargo bhavennaraH || 11||
janmA~Nge kAlahorA~Nge kAla~Nge yena kenachit.h |
ekagraheNa sandR^iShTe tritaye rAjabhAg.h janaH || 12||
lagnaShaD.hvargake chaivamekakheTayutexite |
rAjayogo bhavatyeva nirvishaMka dvijottama || 13||
pUrNadR^iShTe pUrnayogamardhadR^iShTe.ardhameva cha |
pAdadR^iShTe pAdayogamiti j~neyaM kramAt.h phalam.h || 14||
lagnatraye svabhochchasthe kheTe rAjA bhaved.h dhruvam.h |
yadvA lagne dR^ikANeM.ashe svochchakheTayute dvija || 15||
pade shubha sachaMdre cha dhane devagurau tathA |
svochchasthakheTasandR^iShTe rAjayogo na saMshayaH || 16||
shubhe lagne shubhe tvarthe tR^itIye pApakhechare |
chaturthe cha shubhe prApte rAjA vA tatsamo.api vA || 17||
svochchastho hariNAMko vA jIvo vA shukra eva vA |
budho vA dhanabhAvasthaH shriyaM dishati dehinaH || 18||
ShaShThe.aShTame tR^itIye vA svasvanIchagatA grahAH |
lagnaM pashyet.h svabhochchastho lagnapo rAjyayogadaH || 19||
ShaShThA.aShTamavyayAdhIshA nIchasthA ripubhe.asthagAH |
svochchasvabhagalagnesho lagnaM pashyaMshcha rAjyadaH || 20||
svochchasvabhastharAjyesho lagnaM pashyaMshcha rAjyadaH |
shubhAH kendrasthitA vA.api rAjyadaH nA.atra saMshayaH || 21||
shubharAshau shubhAMshe cha kArako dhanavAn.h bhavet.h |
tadaMshakendreShu shubhe nUnaM rAjA prajAyate || 22||
lagnArUDhaM dArapadaM mithaH kendra sthitaM yadi |
trilAbhe vA trikoNe vA tadA rAjA na saMshayaH || 23||
bhAvahorAghaTIsaMj~nalagnAni cha prapashyati |
svochchagrho rAjayogo lagnadvayamathApi vA || 24||
rAsherdreShkANatoM.ashAchcha rAsheraMshAdathApi vA |
yadvA rAshidR^ikANAbhyAM lagnadraShTA tu yogadaH || 25||
pade svochchakhagAkrAnte chandrAkrAnte visheShataH |
krAnte cha gurushukrAbhyAM kenApyuchchagraheNa vA || 26||
duShTArgalagrahAbhAve rAjayogo na saMshayaH |
shubhArUDhe tatra chandre dhane devagurau tathA || 27||
duHsthAnesho.api nIchastho yadi lagnaM prapashyati |
tadA.api rAjayogaH syAditi j~neyaM dvijottama || 28||
chaturthadashamArthAyapatidR^iShTe vilagnabhe |
padAllAbhe tu shukreNa dR^iShTe.apyArUDhabhe shubhe || 29||
rAjA vA tatsamo vApi jAtako jAyate dhruvam.h |
Sha.ShThAShTamagate nIche lagnaM pashyati vA tathA || 30||
tR^itIyalAbhage nIche lagnaM pashyati vA tathA |
lagnAMshakendreShu shubhe nigrahAnugrahaxamaH || 31||
athA.ahaM sampravaxyAmi rAjayogAdikaM param.h |
grahANAM sthAnabhedena dR^iShTiyogavashAt.h phalam.h || 32||
tapaHsthAnAdhipo mantrI mantrAdhIsho visheShataH |
ubhAvanyonyasaMdR^iShTau jAtashchediha rAjyabhAk.h || 33||
yatra kutrApi saMyuktau tau vApi samasaptamau |
rAjavaMshabhavo bAlo rAjA bhavati nishchitam.h || 34||
vAhaneshastathA mAne mAnesho vAhane sthitaH |
buddhadharmAdhipAbhyAM tu dR^iShTashchediha rAjyabhAk.h || 35||
sutakarmasuhR^illagnanAthA dharmapasaMyutAH |
yasya janmani bhUpo.asau kIrtyA khyAto digantare || 36||
sukhakarmAdipau vApi mantrinAthena saMyutau |
dharmanAthena vA yuktau jAtashchediha rAjyabhAk.h || 37||
suteshe dharmanAthena yute lagneshvareNa vA |
lagne sukhe.athavA mAne sthite jAto nR^ipo bhavet.h || 38||
dharmasthAne sthite jIve svagR^ihe bhR^igusaMyute |
paMchamAdhipayukte vA jAtashchediha rAjabhAk.h || 39||
dinArdhAchcha nishArdhAchcha paraM sArdhadvinADikA |
shubhA velA tadutpanno rAjA syAttatsamo.api vA || 40||
chandraH kaviM kavishchandramanyo.anyaM tribhavasthitaH |
mithaH pashyati vA kvApi rAjayoga udAhR^itaH || 41||
chandre vargottamAMshasthe sabale chaturAdibhiH |
grahairdR^iShTe cha yo jAtaH sa rAjA bhavati dhruvam.h || 42||
uttamAMshagate lagne chandrAnyaishchaturAdibhiH |
grahairdR^iShTe.api yo jAtaH so.api bhUmipatirbhavet.h || 43||
tryalpairuchchasthitaiH kheTe rAjA rAjakulod.hbhavaH |
anyavaMshabhavastatra rAjatulyo dhanairyutaH || 44||
chaturbhiH pa~nchabhirvA.api kheTaiH svochchatrikoNagaiH |
hInavaMshabhavashchApi rAjA bhavati nishchitaH || 45||
ShaD.hbhiruchchagataiH kheTaishchakravartitvamApnuyAt.h |
evaM bahuvidhA rAjayogA j~neyA dvijottama || 46||
eko gururbhR^igurvApi budho vA svochchasaMsthitaH |
shubhagrahayute kendre rAjA vA tatsamo bhavet.h || 47||
kendresthitaiH shubhaiH sarvaiH pApaishcha triShaDAyagaiH |
hInavaMsho.api yo jAtaH sa rAjA bhavati dhruvam.h || 48||
\medskip\hrule\medskip
         atha rAjasambandhayogAdhyAyaH || 40||
\smallskip
rAjyanAthe janurlagnAdamAtyeshayutexite |
amAtyakArakeNApi pradhAnatvaM nR^ipAlaye || 1||
lAbheshavIxite lAbhe pApadR^igyogavarjite |
rAjyabhAve tadA vipra pradhAnatvaM nR^ipAlaye || 2||
amAtyakArakeNApi kArakendreNa saMyute |
tIvrabuddhiyuto bAlo rAjamantrI bhaved.h dhruvam.h || 3||
amAtyakArake vipra sabale shubhasaMyute |
svaxetresvochchage vApi rAjamantrI bhaved.h dhruvam.h || 4||
amAtyakArake lagne pa~nchame navame.api vA |
rAjamantrI bhaved.h bAlo vikhyAto nA.atrasaMshayaH || 5||
AtmakArakataH kendre koNe vA.amAtyakArake |
tadA rAjakR^ipAyukto jAto rAjAshritaH sukhI || 6||
kArakAchcha tathArUDhAt.h lagnAchcha dvijasattama |
tR^itIye ShaShThabhe pApaiH senAdhIshaH prajAyate || 7||
kArake kendre koNeShu svatu~Nge vA svabhe sthite |
bhAgyapena yute dR^iShTe rAjamantrI bhaved.h dhruvam.h || 8||
kArake janmarAshIshe lagnage shubhasaMyute |
mantritve mukhyayogo.ayaM vArdhakenA.atra saMshayaH || 9||
kArake shubhasaMyukte pa~nchame saptame.api vA |
dashame navame vA.api dhanaM rAjAshrayAd.h bhavet.h || 10||
bhAgyabhAvapade lagne kArake navame.api vA |
rAjasambandhayogo.ayaM nirvishaMkaM dvijottama || 11||
lAbheshe lAbhabhAvasthe pApadR^iShTivivarjite |
kArake shubhasaMyukte lAbhastasya nR^ipAlayAt.h || 12||
lagneshe rAjyabhAvasthe rAjyeshe lagnasaMsthite |
prabalo rAjasambandhayogo.ayaM parikIrtitaH || 13||
kArakAt.h turyaMbhAvasthau sitendU dvijasattama |
yasya janmani jAto.ayaM rAjachihnena saMyutaH || 14||
lagneshe kArake vA.api pa~nchameshena saMyute |
kendre koNe sthite tasmin.h rAjamitraM bhavennaraH || 15||
\medskip\hrule
##
Encoded and proofread by ajarve at fms30.cca.rockwell.com (Ahto Jarve)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}