\documentstyle{article}
% for multicolumn
%        \documentstyle[multicol]{article}
\input idevn.tex	% TeX macros that ease ITRANS devanagari font usage
%-----
% ITRANS song book....prepend this header to print out songs,
% using TeX (either Devnac or Devnag font)
% >>>>>>>> Need ITRANS 4.0 <<<<<<<<<
%-----

% User Configuration Option -- One column or Two column output.
\def\maketwocolumn{YES}	% Uncomment this for 2-column printing
%\def\makelandscape{YES}	% Uncomment this for landscape format
%\pagestyle{empty}
%\def\eatnum#1{} % empty operator
%\newcommand{\SCOUNT}{\stepcounter{scounter}\arabic{scounter}}
%\newcounter{scounter}
%\newcommand{\BCOUNT}{\stepcounter{bcounter}\arabic{bcounter}}
%\newcounter{bcounter}
%\newcommand{\CCOUNT}{\stepcounter{ccounter}\arabic{ccounter}}
%\newcounter{ccounter}
%\newcommand{\resetCCOUNT}{\setcounter{ccounter}{0}}
\newcommand{\addline}{\medskip\hrule\medskip}
%\newcommand{\separate}{\medskip\hrule\medskip\setcounter{scounter}{0}}
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
% Edit this if needed, default should be ok for most users.

\ifx\undefined\maketwocolumn
% --- One column output
    \let\usedvng=\LARGEdvng	% 17pt devanagari font

    \let\smallcmr=\eightrm
    \let\titlefont=\tenrm
\else
% --- Two column output
    \let\usedvng=\normaldvng	% 10pt devanagri font

    \let\smallcmr=\sixrm
    \let\titlefont=\eightrm
\fi

% font options (normaldvng, largedvng, etc):
% sizes: normal < large < Large < LARGE < huge < Huge

%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
% if needed, redefine "space" to allow each input line to be broken into
% multiple output lines (\let =~ is the default, which enforces line rule)
% That has to done in the idevn.tex file, or add this command after
% \startsong in your input file:
% {\global\let =\ }% Comment this out for: 1 input line --> 1 output line
% (you cannot uncomment the command here, it has to appear after \startsong)
%-----
% Uncomment one of the following paragraphs:
%    First one is for Frans Velthuis's font.
%    Second one uses the font that is bundled with the ITRANS package.
% ONLY one of these should be uncommented at any one time.............

% ** Frans's font....(Metafont) (Uncomment the following TWO lines.)
#indianifm=dvng.ifm  % ITRANS command
#indianfont=\fransdvng

%-----OR--------

% ** Devnac font (PostScript) (Uncomment the following TWO lines.)
% #indianifm=dvnc.ifm  % ITRANS command
% #indianfont=\postdvng

#useshortmarkers % this allows use of ## (beginindian) and  ## (endindian)
% -----------------------------------------------------------------
% Page Settings
\ifx\undefined\makelandscape
    % Use Portrait Size Page
    \portraitpage
    % use a slightly wider page
    \addtolength{\textwidth}{0.25in}
\else
    % Use Landscape Size Page
    \landscapepage
\fi

% -----------------------------------------------------------------
% The idevn.tex file is now included with ITRANS 4.0, but it has
% a new method of specifying the songtitle (using printtitle).
% For backward compatibility, need to define songtitle.
\def\songtitle#1#2#3#4{%
    \film{#1}\singer{#2}\lyrics{#3}\music{#4}\printtitle}

% -----------------------------------------------------------------
\font\titled=dvng10 scaled\magstep1
\raggedright    % since the words are long, this reduces the long
                % gaps that appear when TeX justifies the lines.
%\parskip 3 pt   % to slightly increase the space between the shlokas.

\parindent 0pt
\begin{document}
% from startsong command:
\def\-{{\englfont -}}%
\def\.{{\englfont .}}%
\usedvng % use whatever font the user wants...default normaldvng
\englfont % usedvng makes default font indian, restore english font
% end from startsong command
%
\ifx\undefined\maketwocolumn
    \relax
\else
    \twocolumn[\centerline{##\titled bR^ihatpArAsharahorAshAstram.h 41$-$45##}\bigskip]
\fi
%\hrule height0.4pt
% ----------------------- End of ishdr.itx ------------------------
\obeylines
\obeyspaces
#indian
% for multicolumn
%       ## \centerline{\titled } ##
%       \begin{multicols}{5}
%Tranlsliteration credits: ajarve@fms30.cca.rockwell.com (Ahto Jarve)

\medskip\hrule\medskip

        atha visheshhadhanayogA.adhyAyaH || 41||

\medskip

athA.ataH saMpravaxyAmi dhanayogaM visheshhataH |
yasmin.h yoge samutpanno nishchito dhanavAn.h bhavet.h || 1||

paNchame bhR^igujaxetre tasmin.h shukreNa saMyute |
lAbhe bhaumena saMyukte bahudravyasya nAyakaH || 2||

paMchame tu budhaxetre tasmin.h budhayuto sati |
chandre bhaume gurau lAbhe bahudravyasya nAyakaH || 3||

paNchame cha ravixetre tasmin.h raviyute sati |
lAbhe shanIndujIvADh.hye bahudravyasya nAyakaH || 4||

paMchame tu shanixetre tasmin.h shaniyute sati |
lAbhe ravIndusaMyukte bahudravyasya nAyakaH || 5||

paMchame tu guruxetre tasmin.h guruyute sati |
lAbhe chandrasute jAto bahudravyasya nAyakaH || 6||

paMchame tu kujaxetre tasmin.h kujayute sati |
lAbhasthe bhR^iguputre tu bahudravyasya nAyakaH || 7||

paMchame tu shashixetre tasmin.h shashiyute sati |
shanau lAbhasthite jAto bahudravyasya nAyakaH || 8||

bhAnuxetragate lagne tasmin.h bhAnuyute punaH |
bhaumena guruNA yukte dR^ishhTe jAto yuto dhanaiH || 9||

chandraxetragate lagne tasmin.h chandrayute sati |
budhena guruNA yukte dR^ishhTe jAto dhanI bhavet.h || 10||

bhaumaxetre gate lagne tasmin.h bhaumena saMyute |
saumyashukrArkajairyukte dR^ishhTe shrImAnnaro bhavet.h || 11||

budhaxetragate lagne tasmin.h budhayute sati |
shanijIvayute dR^ishhTe jAto dhanayuto bhavet.h || 12||

guruxetragate lagne tasmin.h guruyute sati |
budhabhaumayute dR^ishhTe jAyate dhanavAnnaraH || 13||

bhR^iguxetragate lagne tasmin.h bhR^iguyute sati |
shanisaumyayute dR^ishhTe yo jAtaH sa dhanI bhavet.h || 14||

shanixetragate lagne tasmin.h shaniyute sati |
bhaumena guruNA yukte dR^ishhTe jAto dhanairyutaH || 15||

dhanadau dharmadhInAthau ye vA tAbhyAM yutA grahAH |
te.api svasvadashAkAle dhanadA nA.atra saMshayaH || 16||

grahANAmuktayogeshhu krUrasaumyavibhAgataH |
balAbalavivekena phalamUhyaM vichaxaNaiH || 17||

kendreshaH pArijAtasthastadA dAtA bhavennaraH |
uttame hyuttamo dAtA gopure purushhatvayuk.h || 18||

siMhAsane bhavenmAnyaH shUraH pArAvatAMshake |
sabhAdhyaxo devaloke brahmaloke munirmata |
airAvatAMshake tR^ishhTo dig.hyogo naiva jAyate || 19||

pArijAte sutAdhIshe vidyA chaiva kulochitA |
uttame chottamA GYeyA gopure bhuvanAMkitA || 20||

siMhAsane tathA vAchyA sAchivyena samanvitA |
pArAvate cha viGYeyA brahmavidyA dvijottama || 21||

suteshe devalokasthe karmayogashcha jAyate |
upAsanA brahmaloke bhaktistvarAvatAMshake || 22||

dharmeshe pArijAtasthe tIrthakR^ittvatra janmani |
pUrvajanmanyapi GYeyastIrthakR^ichchottamAMshake || 23||

gaupure makhakartA cha pare chaivA.atra janmani |
siMhAsane bhavedvIraH satyavAdI jitendriyaH || 24||

sarvadharmAn.h parityajya brahmaikapadamAshritaH |
pAravate cha paramo haMashchaivAtra janmani || 25||

laguDI vA tridaNDI syAddevaloke na saMshayaH |
brahmaloke shakratadaM yAti kR^itvA.ashvamedhakam.h || 26||

airAvate tu dharmAtmA svayaM dharmo bhavishhyati |
shrIrAmaH kuntiputrAdyo yathA jAto dvijottama || 27||

vishhNusthAnaM cha kendraM syAllaxmIsthAnaM trikoNakam.h |
tadIshayoshcha sambandhAdrAjayogaH puroditaH || 28||

pArijAte sthitau tau chen.hnR^ipo lokAnuraxakaH |
uttame chottamo bhUpo gajavAjirathAdimAn.h || 29||

gopure nR^ipashArdUlaH pUjitAMdhrirnR^ipairbhavet.h |
siMhAsane chakravartI sarvabhUmiprapAlakaH || 30||

asmin.h yoge harishchandro manushchaivottamastathA |
balirvaishvAnaro jAtastathAnye chakravartinaH || 31||

vartamAnayuge jAtastathA rAjA yudhishhThiraH |
bhavitA shAlivAhAdyastathaiva dvijasattama || 32||

pArAvatAMshake.apyevaM jAtA manvAdayastathA |
vishhNoH sarve.avatArAshcha jAyante devalokake || 33||

brahmalokake tu brahmAdyA jAyante vishvapAlakAH |
airAvatAMshake jAtaH pUrva svAyaMbhuvo manuH || 34||

\medskip\hrule\medskip

            atha dAridrayyogAdhyAyaH || 42||

\medskip

bahavo dhanadA yogA shrutAstvatto mayA mune |
daridrajanmadAn.h yogAn.h kR^ipayA kathaya prabho || 1||

lagneshe cha vyayasthAne vyayeshe lagnamAgate |
mArakeshayute dR^ishhTe nirdhano jAyate naraH || 2||

lagneshe shhashhThabhAvasthe shhashhTheshe lagnamAgate |
mArakeshena yug.hdR^ishhTe dhanahInaH prajAyate || 3||

lagnendU ketusaMyuktau lagnape nidhanaM gate |
mArakeshayute dR^ishhTe jAto vai nirdhano bhavet.h || 4||

shhashhThAshhTamavyayagate lagnape pApasaMyute |
dhaneshe ripubhe nIche rAjavaMshyo.api nirdhanaH || 5||

trikeshena samAyukte pApadR^ishhTe vilagnape |
shaniyukte.adhavA saumyairadR^ishhTe nirdhano naraH || 6||

mantresho dharmanAthashcha kramAt.h shhashhThavyayasthitau |
dR^ishhTau chenmArakeshena nirdhano jAyate naraH || 7||

pApagrahe lagnagate rAjyadharmAdhipau vinA |
mArakeshayute dR^ishhTe jAtaH syannirdhano bhavet.h || 8||

trikeshA yatra bhAvasthA tad.hbhAveshAstrikasthitAH |
pApadR^ishhTayuta bAlo duHkhAkrAntashcha nirdhanaH || 9||

chandrAkrAntanavaMshesho mArakeshayuto yadi |
mArakasthAnago vA.api jAto.atra nirdhano naraH || 10||

lagneshalagnabhAgeshau rishpharandhrArigau yadi |
mArakeshayutau dR^ishhTau jAto.asau nirdhano naraH || 11||

shubhasthAnagatAH pApAH pApasthAnagatAH shubhAH |
nirdhano jAyate bAlo bhojanena prapIDitaH || 12||

koNeshadR^ishhTihInA ye trikeshaiH saMyutA grahAH |
te sarve svadashAkAle dhanahAnikarAH smR^itAH || 13||

kArakAd.h vA vilagnAd.h vA randhrerishhphe dvijottama |
kArakAN^gapayodR^ishhTyA dhanahInaH prajAyate || 14||

kArakesho vyayaM svasmAt.h lagnesho lagnato vyayam.h |
vIxate chet.h tadA bAlo vyayashIlo bhaved.hdhruvam.h || 15||

atha dAridryayogAMst.h kathayAmi sabhaN^gakAn.h |
dhanasaMsthau tu bhaumArkI kathitau dhananAshakau || 16||

budhexitau mahAvittaM kuruto nAtra saMshayaH |
niHsvatAM kurute tatra ravirnityaM yamexitaH || 17||

mahAdhanayutaM khyAtaM shanyadR^ishhTaH karotyasau |
shanishchApi raverdR^ishhTyA phalamevaM prayachchhati || 18||

\medskip\hrule\medskip

            athAyurdAyAdhyAyaH || 43||

\medskip

dhanAdhnAkhyayogau cha kathitau bhavatA mune |
narANAmAyushho GYAnaM kathayasva mahAmate || 1||

sAdhu pR^ishhTaM tvayA vipra janAnAM cha hitechchhayA |
kathayAmyAyushho GYAnaM durGYeyaM yat.h surairapi || 2||

AyurGYAnavibhedAstu bahubhirbahudhoditAH |
teshhAM sArAMshamAdAya prvadAmi tavA.agrataH || 3||

svochchanIchAdisaMsthityA grahA AyuHpradAyakAH |
svasvavIryavashairnaivaM naxatrAN cha rAshayaH || 4||

piNDAyuH prathamaM tatra grahasthitivashAdaham.h |
kathayAmi dvijashreshhTha shraNushhvekAgramAnasaH || 5||

kramAt.h sUryAdikheTeshhu svasvochchasthAnageshhviha |
nandendavastachvamitAstithayo.arkAH sharendavaH || 6||

prakR^iyato viMshatishchAbdA AyuHpiNDAH prakIrtitAH |
nIchageshhvetadardhaJNcha GYeyaM madhye.anupAtataH || 7||

svachchashuddhau grahaH shodhyaH shhaD.hbhAdUno bhamaNDlAt.h |
svapiNDaguNito bhakto bhAdimAnena vatsarAH || 8||

astagastu haretsvArdha vinA shukrashanaishcharau |
vakrachAraM vinA tryAMshAM shaGYurAshau hared.h grahaH || 9||

sarvArdhatrichatuHpaJNchashhashhThabhAgaM kramAd.h grahaH |
vyayAdvAmaM sthitaH pApo haret.h saumyashcha taddalam.h || 10||

ekabhe tu bahushhveko haretsvAMshAM balI grahaH |
nA.atra xINasya chandrasya pApatvaM munibhiH smR^itam.h || 11||

lagnAMshaliptikA hatvA pratyekaM vihagAyushhA |
bhAjyA maNDalaliptAbhirlabdhaM varshhAdi shodhayet.h || 12||

svAyushho lagnage sUrye maN^gale cha shanaishchare |
tadardhaM shubhasaMdR^ishhTe pAtayed.h dvijasattama || 13||

lagnarAshisamAshchAbdA bhAgAdyairanupAtataH |
mAsAdikA itIchchhanti lagnAyuH ke.api kovidAH || 14||

lagnAdAyoM.ashatulyaH syAdantare chA.anupAtataH |
tatpatau balasaMyukte rAshitulyaM cha bhAghipe || 15||

atha vipra nisargAyuH kheTAnAM kathayAmyaham.h |
chandrAraGYasitejyArkashanInAM kramashobdakA || 16||

ekadvayaMkanakhA dhR^ityaH kR^itiH paMchAshadeva hi |
janmakAlAt.h kramAj.h GYeyA dashAshchaitA nisargajAH || 17||

athAM.hshAyu salagnAnAM kheTAnAM kathayAmyaham.h |
navAMshrAshitulyAni kheTo varshhANi yachchhati || 18||

bhAdiM khagaM khagaiH sUryairhatvA tad.hbhagaNAdikam.h |
kR^itvA.arkrasheshhitaM GYeyamabdAdyaMshAyushhaH sphuTam.h || 19||

piNDAyuriva tatrApi hAniM kuryAd.h vichaxaNaH |
atrA.aparo visheshho.api kaimchid.h viGYairudAhR^itaH || 20||

sAdhitAyuH khage svochche svarxe vA triguNaM smR^itam.h |
dviguNaM svanavAMshasthe svadreshhkANe tathottame || 21||

ubhayatra gate kheTe kAryaM triguNameva hi |
hAnidvaye.ardhahAniH syAdityAyuH prasphuTaM nR^iNAm.h || 22||

evaM saMsAdhya chAnyeshhAM hanyAt.h svasvaparAyushhA |
nR^iNAM parAyushhA bhaktvA teshhAmAyuH sphuTaM bhavet.h || 23||

athAyuH paramaM vaxye nAnAjAtisamud.hbhavam.h |
anantasaMkhyaM devAnAmR^ishhINAM cha dvijottama || 24||

gR^idhrolUk.hshukadhvAMxasarpANAM cha sahasrakam.h |
shyenavAnarabhallukamaNDUkAnAM shatatrayam.h || 25||

paMchashaduttarashataM rAxasAnAM prakIrtitam.h |
nagaNAM kuJNjarANAM cha viMshottarashataM tathA || 26||

dvAtriMshad.h ghoTakAnAJNcha paMchaviMshat.h kharoshhTrayoH |
vR^ishhANAM mahishhANAM cha chaturviMshativatsaram.h || 27||

viMshatyAyurmayUrANAM chhAgAdInAM cha shhoDasha |
haMsAnAM paMchanava cha pikAnAM dvAdashAbdakAH || 28||

shunAM pArAvatAnAM cha kukkuTAnAM dvAdashAbdakAH |
bud.hbudAdyaNDajAnAM cha parAyuH saptavatsarAH || 29||

yadetadadhunA proktaM tridhAyudvijasattama |
teshhu kiJNcha kadA grAhyamiti te kathayAmyaham.h || 30||

vilagnape balopete shubhadR^ishhTeMshshasambhavabh.h |
ravau piMDod.hbhavaM grAhyaM chandre naisargikaM tathA || 31||

balasAmye dvayoryogadalamAyuH prakIrtitam.h |
trayANAM triyutestryaMshasamaM GYeyaM dvijottama || 32||

athA.anyadapi vaxyAmi shrriNu tvaM dvijasattama |
kaishchillagnAshhTameshAbhyAM mandendubhyAM tathaiva cha || 33||

lagnahorAvilagnAbhyAM sphuTamAyuH prakIrtitam.h |
Adau lagnAshhTameshAbhyAM yogamekaM vichintayet.h || 34||

dvitIyaM mandachandrAbhyAM yogaM pashyed.h dvijottama |
lagnahorAvilagnAbhyAM tR^itIyaM parichintayet.h || 35||

chararAshau sthitau dvau chit.h tadA dIrghamudAhR^itam.h |
ekaH sthire.aparo dvandve dIrghamAyustathApi hi || 36||

ekashchare sthire.anyashchet.h tadAmadhyamudAhR^itam.h |
dvau vA dvandve sthitau vipra madhyamAyustathApi cha || 37||

ekashchare.aparo dvandve dvau vA sthiragatau tadA |
jAtakasya tadA.alpAyurGYeyamevaM dvijottama || 38||

yogatrayeNa yogAbhyAM siddhaM yad.h grAhyameva tat.h |
yogatrayavisaMvAde lagnahorAvilagnataH || 39||

lagne vA saptame chandre grAhyaM mandendutastadA |
hrAso vR^iddhishcha kaxyAyA vichintyA sarvadA budhaiH || 40||

dIrghe yogatrayeNaivaM nakhachandrasamAbdakAH |
yogadvayena vasvAshA yogaikena rasAMkakAH || 41||

madhye yogatrayeNaivaM khAshhTatulyAbdakAH smR^itAH |
dvyagA yogadvayenA.atrayogaikenAbdhishhaNmitAH || 42||

alpe yogatrayeNA.atradvAtriMshanmitavatsarAH |
yogadvayena shhaT.htriMshAt.h yogaikena cha khAbdhayaH || 43||

evaM dIrghasamAlpeshhu khAbdhayo rasavahnayaH |
khaNDA dantamitAstebhyaH sphuTamAyuH prasAdhayet.h || 44||

pUrNa rAshyAdige chAnte hAnirmadhye.anupAtataH |
yogakArakakheTAMshayogastatsaMkhyayA hR^itaH || 45||

labdhAMshAstu yathAprAptakhaNDaghnAstriMshatod.hdhR^itAH |
labdhavarshhAdibhirhInaM prAptAyuH prasphuTaM bhavet.h || 46||

yogahetau shanau kaxyAhrAso.anyairvR^iddhiruchyate |
na svarxatuN^gage no vA pApamAtrayutexite || 47||

lagnasaptamage jIve shubhamAtrayutexite |
kathitasyAyushho vipra kaxyAvR^iddhiH prajAyate || 48||

anAyushched.h bhavedalpamalpAnmadhyaM prajAyate |
madhyamAjjAyate dIrghaM dIrghAyushchettato.adhikam.h || 49||

yogahetau guravevaM kaxyAvR^iddheshcha laxaNam.h |
etasmAd.h vaiparItyena kaxyAhrAsaH shanau bhavet.h || 50||

Ayushho bahudhA bhedAH kathitA bhavatA.adhunA |
katidhA sA kadA.anAyuramitAyuH kadA bhavet.h || 51||

bAlArishhTaM yogArishhTamalpaM madhyaJNcha dIrghakam.h |
divyaM chaivA.amitaM chaivaM saptadhAyuH prakIrtitam.h || 52||

bAlArishhTe samA ashhTau yogArishhTe cha viMshatiH |
dvAtriMshad.h vatrarA alpe chatushhshhashhTistu madhyame || 53||

viMshAdhikashtaM dIrghe divye varshhasahasrakam.h |
tadUrdhvamamitaM puNyairamitairApyate janaiH || 54||

chandrejyau cha kulIrAMge jn!asiatu kendrasaMsthitau |
anye tryAyArigAH kheTA amitAyustadA bhavet.h || 55||

saumyAH kendratrikoNasthAH pApAstryAyArigAstathA |
shubharAshau sthite randhre divyamAyustadA bhavet.h || 56||

gopurAMshe gurau kendre shukre pArAvatAMshake |
trikoNe karkaTe lagne yugAntAyustadA dvija || 57||

devalokAMshake mande kuje pArAvatAMshake |
gurau siMhAsanAMshe.aN^ge jAto munisamo bhavet.h || 58||

suyogairvardhyate hyAyuH kuyogairhIyate tathA |
ato yogAnahaM vaxye pUrNamadhyAlpakArakAn.h || 59||

kendre shubhagrahairyukte lagneshe cha shubhAnvite |
sandR^ishhTe guruNA vA.api pUrNamAyuyustadA bhavet.h || 60||

kendrasthite vilagneshe gurushukrasamanvite |
tAbhyAM nirIxite vA.api pUrNamAyurvinirdishet.h || 61||

uchchasthitaistribhiH kheTairlagnarandhrashasaMyutaiH |
ashhTame pApahIne cha pUrNamAyurvinirdishet.h || 62||

ashhTamasthaistribhi kheTaiH svochchamitrasvavargagaiH |
lagneshe balasaMyukte dIrghamAyustadA bhavet.h || 63||

svabhochchasthena kenApi nabhaugena samanvitaH |
ashhTameshaH shanirvApi dIrghamAyurvinirdishet.h || 64||

trishhaDAyagataiH pApaiH shubhaiH kendratrikoNagaiH |
lagneshe balasaMyukte dIrghamAyurvinirdishet.h || 65||

shhaT.hsaptarandhrabhaveshhu shubhakheTayuteshhu cha |
tribhaveshhu cha pApeshhu pUrNamAyurvinirdishet.h || 66||

shatruvyayagatAH pApA lagnesho yadi kendragaH |
ravimitraM cha randhreshaH pUrNamAyustathApi hi || 67||

AyuH sthAnasthitAH pApAH karmeshaH svochchago yadA |
tathApi dIrghamAyu syAt.h viGYeyaM dvijasattama || 68||

dvisvabhAvagR^ihe lagne lagneshe kendrasaMsthite |
svochcharAshitrikoNe vA dIrghamAyurvinirdishet.h || 69||

dvisvabhAvagR^ihe lagne lagneshAd.h balasaMyutAt.h |
dvau pApau yadi kendrasthau dIrghamAyustadA bhavet.h || 70||

lagnAshhTameshayormadhye yaH kheTaH prabalo bhavet.h |
tasmin.h kendragate dIrgha madhyaM paNapharasthite || 71||

Apoklime sthite svalpamAyurbhavati nishchitam.h |
lagneshe cha ravermitre dIrghaMmAyuH same samam.h || 72||

shatrau svalpaM vadeditthamashhTameshAdapi smR^itam.h |
mitramadhyA.aribhAvasthe tasminnevaM phalaM vadet.h || 73||

sahajAdhIshabhUputrau dvau randhreshashanaishcharau |
astau vA pApadR^ig.hyuktau svalpamAyuH prayachchhataH || 74||

shhashhThe.ashhTame vyaye vA.api lagneshe pApasaMyute |
sva pAyuranapatyo vA shubhadR^ig.hyogavarjite || 75||

chatushhTyagate pApe shubhadR^ishhTivivarjite |
balahIne viglaneshe svalpamAyurvinirdishet.h || 76||

vyayArthau pApasaMyuktau shubhadR^ig.hyogavarjitau |
svalpamAyustadA GYeyaM nirvishaMkaM dvijottama || 77||

lagnarandhreshayorevaM duHsthayorbalahInayoH |
svalpamAyurbudhairGYeyaM mishrayogAchcha madhyamam.h || 78||

\medskip\hrule\medskip

            atha mArakabhedAdhyAyaH || 44||

\medskip

bahudhA.a.ayurbhavA yogAH kathitA bhavatA.adhunA |
nR^iNAM mArakabhedAshcha kathyantAM kR^ipayA mune || 1||

tR^itIyamashhTamasthAnamAyuHsthAnAM dvayaM dvija |
mArakaM tad.hvyayasthAnaM dvitIyaM saptamaM tathA || 2||

tatrApi saptamasthAnAd.h dvitIyaM balavattaram.h |
tayorIshau tatra gatAH pApinastena saMyutAH || 3||

ye kheTAH pApinaste cha sarve mArakasaMGYakAH |
teshhAM dashAvipAkeshhu sambhave nidhanaM nR^iNAm.h || 4||

alpamadhyamapUrNAyuH pramANamiha yogajam.h |
viGYAya prathamaM puMsAM mArakaM parichintayet.h || 5||

alAbhe punareteshhAM sambandhena vyayeshituH |
kvachichchhubhAnAM cha dashasvashhTameshadashAsu cha || 6||

kevalAnAM cha pApAnAM dashAsu nidhanaM kvachit.h |
alpanIyaM budhairnR^iNAM mArakANAmadarshane || 7||

satyapi svena sambandhe na hanti shubhabhuktishhu |
hanti satyapyasambandhe mArakaH pApabhuktishhu || 8||

mArakagrahasambandhAnnihantA pApakR^ichchhaniH |
atikramyetarAn.h sarvAn.h bhavatyatra na saMshayaH || 9||

athA.anyadapi vaxyAmi dvija mArakalaxaNaM |
trividhAshchAyushho yogAH svalpAyurmadhyamottamAH || 10||

dvAviMshAt.h pUrvamalpAyurmadhyamAyustataH param.h |
chatushhshhashhTyAH purastAt.h tu tato dIrghamudAhR^itam.h || 11||

uttamAyuH shatAdUrdhvaM GYAtavyaM dvijasattama |
janairviMshativarshhAntyamAyurGYAtaM na shakyate || 12||

japahomachikitsAdyairbAlaraxAM hi kArayet.h |
mriyante pitR^idoshhaishcha kechinmAtR^igrahairapi || 13||

kechit.h svArishhTyogAchcha trividhA bAlamR^ityavaH |
tataH paraM nR^iNAmAyurgaNayed.h dvijasattama || 14||

athA.anyadapi vaxyAmi nR^iNAM mArakalaxaNam.h |
alpAyuryogajAtasya vip.hbhe cha mR^itirbhavet.h || 15||

madhyAyuryogajasyaivaM pratyarau cha mR^itirbhavet.h |
dIrghAyuryogajAtasya vadhabhe tu mR^itirbhavet.h || 16||

dvAviMshatryaMshapashchaiva tathA vainAshikAdhipaH |
vipattArApratyarIshA vadhabheshaMstathaiva cha || 17||

AdyAntapau cha viGYeyau chandrAkrAntagR^ihAd.h dvija |
mArakau pApakheTau tau shubhau chedrogadau smR^itau || 18||

shhashhThAdhipadashAyAM cha nR^iNAM nidhanasambhavaH |
shhashhThAshhTarishhphanAthAnAmapahAre mR^itirbhavet.h || 19||

mArakA bahavaH kheTA yadi vIryasamanvitAH |
tattaddashAntare vipra rogakashhTAdisaMbhavaH || 20||

uktA ye mArakAsteshhu prabalo mukhyamArakaH |
tadavasthAnusAreNa mR^itiM vA kashhTamAdishet.h || 21||

rahushchedathavA keturlagne kAme.ashhTame vyaye |
mArakeshAnmade vA.api mArakeshena saMyutaH || 22||

mArakaH sa cha viGYeyaH svadashAntardashAsvapi |
makare vR^ishchike janma rAhustasya mR^itipradaH || 23||

shhashhThA.ashhTarishhphago rAhustaddaye kashhTado bhavet.h |
shubhagrahayuto dR^ishhTo na tadA kashhTakR^inmataH || 24||

lagnAt.h tR^itIyabhAve tu balinA raviNA yute |
rAjahetushcha maraNaM tasya GYeyaM dvijottama || 25||

tritIye chendunA yukte dR^ishhTe vA yaxmaNA mR^itiH |
kujena vraNashastrAgnidAhAdyairmaraNaM bhavet.h || 26||

tR^itIye shanirAhubhyAM yukte dR^ishhTe.api vA dvija |
vishhArtito mR^itirvAchyA jalAdvA vahnipIDanAt.h || 27||

gartAduchchAt.h prapatanAd.h bandhanAd.h vA mR^itirbhavet.h |
tR^itIye chandramAndibhyAM yukte vA vIxite dvija || 28||

kR^imikushhThAdinA tasya maraNaM bhavati dhruvam.h |
tR^itIye budhasaMyukte vIxite vApi tena cha || 29||

jvareNa maraNaM tasya viGYeyaM dvijasattama |
tR^itIye guruNA yukte dR^ishhTe shophAdinA mR^itiH || 30||

tR^itIye bhR^iguyug.hdR^ishhTe meharogeNa tanmR^itiH |
bahukheTayute tasmin.h bahurogabhavA mR^itiH || 31||

tR^itIye cha shubhairyukte shubhadeshe mR^itirbhavet.h |
pApaishcha kIkaTe deshe mishrairmishrasthale mR^itiH || 32||

tR^itIye gurushukrAbhyAM yukte GYAnana vai mR^itiH |
aGYAnenA.anyakheTaishcha mR^itirGYeyA dvijottama || 33||

chararAshau tR^itIyasthe paradeshe mR^itirbhavet.h |
sthirarAshau svagehe cha dvisvabhAve pathi dvija || 34||

lagnAdashhTamabhAvAchcha nimittaM kathitaM budhaiH |
sUrye.ashhTame.agnito mR^ityushchandre mR^ityurjalena cha || 35||

shAstrAd.h bhaume jvarAj.h GYe cha gurau rogAt.h xudhA bhR^igau |
pipAsayA shanau mR^ityurviGYeyo dvijasattama || 36||

ashhTame shubhadR^ig.hyukte dharmape cha shubhairyute |
tIrthe mR^itistadA GYeyA pApAkhyairanyathA mR^itiH || 37||

agnyambumishratryaMshairGYeyo mR^ityurgR^ihAshritaiH |
pariNAmaH shavasyA.atra bhasmasaMkledashoshhakaiH || 38||

vyAlavargadR^ikANaistu viDambo bhavati dhruvam.h |
shavasya shvashR^igAlAdyairgR^idhrakAkAdipaxibhiH || 39||

karkaTe madhyamo.antyashcha vR^ishchikAdyadvitIyakau |
mIne.antimastribhAgashcha vyAlavargAH prakIrtitAH || 40||

ravishchandrabalAkrAntatryaMshanAthe gurau janaH |
devalokAt.h samAyAto viGYeyo dvijasattama || 41||

shukrendvoH pitR^ilokAttu martyAchcha ravibhaumayoH |
budhA.a.arkyornarakAdevaM janmakAlAd.h vadet.h sudhiH || 42||

gurushchandrasitau sUryabhaumau GYArkI yathAkramam.h |
devendubhUmyadholokAn.h nayantyastArirandhragAH || 43||

atha tatra grahabhAve randhrAritryaMshanAthayoH |
yo balI sa nijaM lokaM nayatyante dvijottama || 44||

tasya svochchAdi saMsthityA varamadhyA.adhamAH kramAt.h |
tattalloke.api saJNjAtA viGYeyA dvijasattama || 45||

anyAn.h mArakabhedAMshcha rAshigrahakR^itAn.h dvija |
dashAdhyAyaprasaMgeshhu kathayishhyAmi suvrata || 46||

\medskip\hrule\medskip

          atha grahAvasthAdhyAyaH || 45||

\medskip

avasthAvashataH proktaM grahANAM yat.h phalaM mune |
kA sA.avasthA munishreshhTha katidhA cheti kathyayAm.h || 1||

avasthA vividhAH santi grahANAM divajasattama |
sArabhUtAshcha yAstAsu bAlAdyAstA vadAmyaham.h || 2||

kramAd.h bAlaH kumAro.atha yuvA vR^iddhastathA mR^itaH |
shhaDaMshairasame kheTaH same GYeyo viparyayAt.h || 3||

phalaM pAdamitaM bAle phalArdhaM cha kumArake |
yUni pUrNaM phalaM GYeyaM vR^iddhe kiJNchit.h mR^ite cha kham.h || 4||

svabhochchayoH samasuhR^id.hbhayoH shatrubhanIchayoH |
jAgratsvapnasushhuptyAkhyA avasthA nAmadR^ik.hphalAH || 5||

jAgare cha phalaM pUrNaM svapne madhyaphalaM tathA |
sushhuptau tu phalaM shUnyaM viGYeyaM dvijasattama || 6||

dIptaH svasthaH pramuditaH shAnto dIno.atha duHkhitaH |
vikalashcha khalaH ko.apItyavasthA navadhA.aparAH || 7||

svochchasthaH khecharo dIptaH svarxe svastho.adhimitrabhe |
mudito mitrabhe shAntaH samabhe dIna uchyate || 8||

shatrubhe duHkhitaH prokto vikalaH pApasaMyutaH |
khalaH khalagR^ihe GYeyaH kopI syAdarkasaMyutaH || 9||

yAdR^isho janmakAle yaH kheTo yad.hbhAvago bhavet.h |
tAdR^ishaM tasya bhAvasya phalamuhyaM dvijottama || 10||

lajjito garvitashchaiva xudhitastR^ishhitastathA |
muditaH xobhitashchaiva grahabhAvAH prakIrtitAH || 11||

putragehagataH kheTo rAhuketuyuto.athavA |
ravimandakujairyukto lajjito graha uchyate || 12||

tuN^gasthAnagato vA.api trikoNe.api bhavetpunaH |
garvitaH so.api gadito nirvishaMkaM dvijottama || 13||

shatrugehI shatruyukto ripudR^ishhTo bhavedyadi |
xudhitaH sa cha viGYeyaH shaniyukto yathA tathA || 14||

jalarAshau sthitaH kheTaH shatruNA chA.avalokitaH |
shubhagrahA na pashyanti tR^ishhitaH sa udAhR^itaH || 15||

mitragehI mitrayukto mitreNa cha vilokitaH |
guruNA sahito yashcha muditaH sa prakIrtitaH || 16||

raviNA sahito yashcha pApA pashyanti sarvathA |
xobhitaM taM vijAnIyAchchhatruNA yadi vIxitaH || 17||

yeshhu yeshhu cha bhAveshhu grahAstishhThanti sarvathA |
xudhitaH xobhito vApi tad.hbhAvaphalanAshanaH || 18||

evaM krameNa boddhavyaM sarvabhAveshhu paNDitaiH |
balA.abalavichAreNa vaktavyaH phalanirNayaH || 19||

anyonyaM cha mudA yuktaM phalaM mishraM vadetpunaH |
balahIne tadA hAniH sabale cha mahAphalam.h || 20||

karmasthAne sthito yasya lajjitastR^ishhitastathA |
xudhitaH xobhito vApi sa naro duHkhabhAjanam.h || 21||

sutasthAne bhavedyasya lajjito graha eva cha |
sutanAsho bhavettasya ekastishhThati sarvadA || 22||

xobhitastR^ishhitashchaiva saptame yasya vA bhavet.h |
mriyate tasya nArI cha satyamAhurdvijottama || 23||

navAlayArAmasukhaM nR^ipatvaM kalApaTutvaM vidadhAti puMsAm.h |
sadArthalAbhaM vyavahAravR^iddhiM phalaM visheshhAdiha garvitasya || 24||

bhavati muditayoge vAsashAlAvishAlA |
vimalavasanabhUshhAbhUmiyoshhAsu saukhyam.h |
svajanajanavilAso bhUmipAgAravAso |
ripunivahavinAsho buddhividyAvikAshaH || 25||

dishati lajjitabhAvavashAdratiM vigatarAmamatiM vimatixayam.h |
sutagadAgamanaM gamanaM vR^ithA kalikathAbhiruchiM na ruchiM shubhe || 26||

saMxobhitasyApi phalaM visheshhAddridrajAtaM kumatiM cha kashhTam.h |
karoti vittaxayamaMdhribAdhAM dhanAptibAdhAmavanIshakopAt.h || 27||

xudhitakhagavashAdvai shokamohAdipAtaH |
parijanaparitApAdAdhibhItyA kR^ishatvam.h |
kalirapi ripulokairarthabAdhA narANA |
makhilabbalanirodho buddhirodho vishhAdAt.h || 28||

tR^ishhitakhagabhave svAdaMganAsaMgamadhye |
bhavati gadavikAro dR^ishhTakAryAdhikAraH |
nijajanaparivAdAdarthahAniH kR^ishatvaM |
khalakR^itaparitApo mAnahAniH sadaiva || 29||

shayanaM chopaveshaM cha netrapANiprakAshanam.h |
gamanAgamanaM chA.atha sabhAyAM vasatiM tathA || 30||

AgamaM bhojanaM chaiva nR^ityaM lipsAM cha kautukam.h |
nidrAM grahANAM cheshhTAM cha kathayAmi tavAgritaH || 31||

yasminnR^ixe bhavetkheTastena taM paripUrayet.h |
punaraMshena sampUrya svanaxatraM niyojayet.h || 32||

yAtadaNDaM tathA lagnamekIkR^itya sadA budhaH |
ravibhistu hared.h bhAgaM sheshhaM kArye niyojayet.h || 33||

nAxatrikadashArItyA punaH pUraNamAcharet.h |
nAmAdyasvarasaMkhyADh.hyaM hartavyaM ravibhistataH || 34||

ravau paJNcha tathA deyAshchandre dadyAd.hdvayaM tathA |
kuje dvayaM cha saMyktaM budhe trItri niyojayet.h || 35||

gurau bANAH pradeyAshcha trayaM dadyAchcha bhArgave |
shanau trayamatho deyaM rAhau dadyAchchatushhTayam.h || 36||

tribhirbhaktaM cha sheshhAMkaiH sA punastribidhA smR^itA |
dashhTishcheshhTA vicheshhTA cha tatphalaM tathayAmyaham.h || 37||

dR^ishhTau madhyaphalaM GYeyaM cheshhTAyAM vipulaM phalam.h |
vicheshhTAyAM phalaM svalpamevaM dR^ishhTiphalaM viduH || 38||

shubhA.ashubhaM grahANAM cha samIxyA.atha balA.abalam.h |
tuN^gasthAne visheshheNa balaM GYeyaM tathA budhaiH || 39||

mandAgnirogo bahudhA narANAM sthUlatvamanN^.h ghrerapipittakopaH |
vraNaM gude shUlamuraHpradeshe yadoshhNabhAnuH shayanaM prayAtaH || 40||

daridratAbhAravihArAshAlI vivAdavidyAbhirato naraH syAt.h |
kathorachittaH khalu nashhTavittaH sUryo yadA chedupaveshanasthaH || 41||

naraH sadAnandadharo vivekI paropakArI balavittayuktaH |
mahAmukhI rAjakR^ipAbhimAnI divAdhinAtho yadi netrapAnau || 42||

udArachittaH paripUrNavittaH sabhAsu vaktA bahupuNyakarttA |
mahAbalI sundarararUpashAlI prakAshane janmani padimanIshe || 43||

pravAsashAlI kila duHkhamAlI sadAlasI dhIdhanavarjitashcha |
bhayAturaH kopaparo visheshhAddivAdhinAthe gamane manushhyaH || 44||

paradArarato janatArahito bahudhAgamane gamanAbhiruchiH |
khalatAkushalo malino divasAdhipatau manujaH kumatiH kR^ipaNaH || 45||

sabhAgate hite naraH paropakAratatparaH |
sadArtharatnapUrito divAkare guNAkaraH |
vasundharAnavAMbarAlayAnvito mahAbalI |
vichitramitravatsalaH kR^ipAkalAdharaH paraH || 46||

xobhito ripugaNaiH sadA narashchaJNchalaH khalamatiH kR^ishastathA |
dharmakarmarahito madoddhatashchAgame dinapatau tadA tadA || 47||

sadAN^gasandhivedanAparAN^ganAdhanaxayo |
balaxayaH pade pade yadA yadA hi bhojane |
asatyatA shirovyathA tathA vR^ithAnnabhojanaM |
ravAvasattathAratiH kumArgagAminI mati || 48||

viGYalokaiH sdA maNDitaH paNDitaH kAvyavidyAnavadyapralApAnvitaH |
rAjapUjyo dharAmaNDale sarvadA nR^ityalipsAgate pad.hminInAyake || 49||

sarvadAnandadhartA jano GYAnavAn.h yaGYakartA dharAdhIshasad.hmasthitaH |
padmabandhAvarAterbhayaM svAnanaH kAvyavidyApralApI mudA kautuke || 50||

nidrAbharAraktanibhe bhavetAM nidrAgate lochanapadmayugme |
ravau videshe vasatirjanasya kalatrahAniH kAtidhArthanAshaH || 51||

jAnuHkAle xapAnAthe shayanaM chedupAgate |
mAnI shItapradhAnashcha kAmI vittavinAshakaH || 52||

rogArdito mandamatirvisheshhAdvittena hIno manujaH kaThoraH |
akAryakArI paravittahArI xapAkare chedupaveshanasthe || 53||

netrapANau xapAnAthe mahArogI naro bhavet.h |
analpajalpako dhUrtaH kukarmanirataH sadA || 54||

yadA rAkAnAthe gatavati vikAshaM cha janane |
vikAshaH saMsAre vimalaguNarAsheravanipAt.h |
navAshAmAlA syAtkarituragalaxmyA parivR^itA |
vibhUshhA yoshhAbhiH sukhamanudinaM tIrthagamanam.h || 55||

sitetare pAparato nishAkare  visheshhataH krUrakaro naro bhavet.h |
sadAxirogaiH paripIDyamAno valaxapaxe gamane bhayAturaH || 56||

vidhAvAgamage mAnI pAdarogI naro bhavet.h |
guptapAparato dIno matitoshhavivarjitaH || 57||

sakalajanavadAnyo rAjarAjendramAnyo |
ratipatisamAkAntiH shAntikR^itkAminInAm.h |
sapadi sadasi yAte chArubimbe shashaMke |
bhavati paramarItiprItiviGYo guNaGYaH || 58||

vidhAvAgamake matyoM vAvAlo dharmapUritaH |
kR^ishhNapaxe dvibhAryaH syAdrogI dushhTataro haThI || 59||

bhojane janushhi pUrNachandramA mAnayAnajanatAsukhaM nR^iNAm.h |
Atanoti vanitAsutAsukhaM sarvameva na sitetare shubham.h || 60||

nR^ityalipsAgate chandre sabale balavAnnaraH |
gItaGYo hi rasaGYashcha kR^ishhNe pApakaro bhavet.h || 61||

kautakabhavanaM gatavati chandre bhavati nR^ipatvaM vA dhanapatvam.h |
kAmakalAsu sadA kushalatvaM vAravadhUratitamaNapaTutvam.h || 62||

nidrAgate janmani mAnavAnAM kalAdhare jIvayute mahattvam.h |
hIne.aN^ganAsaJNchitavittanAshaH shivAlaye rauti vichitramuchchaiH || 63||

shayane vasudhAputre vraNayukto jano bhavet.h |
bahunA kaNDunA yukto dadruNA cha visheshhataH || 64||

balI sadA pAparato naraH syAdasatyavAdI nitarAM pragalbhaH |
dhanena pUrNo nijadharmahIno dharAsutashchedupaveshanasthaH || 65||

yadA bhUmisuto lagne netrapANimupAgataH |
daridratA tadA puMsAmanyabhe nagareshatA || 66||

prakAsho guNasyApi vAsaH prakAshe dharAdhIshabhratuH sadA mAnavR^iddhiH |
sute bhUsute putrakAntAviyogo bhavedrAhuNA dAruNo vA nipAtaH || 67||

gamane gamanaM kurute.anudinaM vraNajAlabhayaM vanitAkalahaH |
bahudadrukakaNDubhayaM bahudhA vasudhAtanayo vasuhAnikaraH || 68||

Agamane guNashAlI maNimAlIvA karAlakaravAlI |
gajahantA ripuhantA parijanasantApahArako bhaume || 69||

tuN^ge yuddhakalAkalApakushalo dharmadhvajo vittapaH |
koNe bhUmisute sabhAmupagate vidyAvihInaH pumAn.h |
ante.apatyakalatramitrarahitaH proktetarasthAnage |
.avashyaM rAjasabhAbudho bahudhanI mAnI cha dAnI janaH || 70||

Agame bhavati bhUmije jano dharmakarmarahito gadAturaH |
karNamUlagurushUlarogavAneva kAtaramatiH kusaN^gamI || 71||

bhojane mishhTabhojI cha janane sabale kuje |
nIchakarmakaro nityaM manujo mAnavarjitaH || 72||

nR^ityalipsAgate bhUsute janminAmindirArAshirAyAti bhUmIpateH |
svarnaratnapravAlaiH sadA maNDitA vAsashAlA narANAM bhavetsarvadA || 73||

kautukI bhavti kautuke kuje mitraputraparipUrito janaH |
uchchage nR^ipatigehamaNDitaH pUjito guNavarairguNAkaraiH || 74||

nidrAvasthAM gate bhaume krodhI dhIdhanavarjitaH |
dhUrto dharmaparibhrashhTo manushhyo gadapIDitaH || 75||

xudhAturo bhavedaMge khaJNjo guJNjAnibhexaNaH |
anyabhe lampaTo dhUrto manujaH shayane budhe || 76||

shashAMkaputre januraNgagehe yadopaveshe guNarAshipUrNaH |
pApexite pApayute daridro hite shubhe vittasukhI manushhyaH || 77||

vidyAvivekarahito hitatoshhahIno manI |
janobhavati chandrasute.axi pANau |
putrAlaye sutakalatrasukhena hInaH kanyA |
prajA nR^ipatigehabudho varArthaH || 78||

dAtA dayAluH khalu puNyakartA vikAshane chandrasute manushhyaH |
anekavidyArNavapAraN^gatA vivekapUrNaH khalavargahantA || 79||

gamanAgamane bhavato gamane bahudhA vasudhAdhipaterbhavane |
bhavanaM cha vichitramalaM ramayA vidi nushcha januHsamaye nitarAm.h || 80||

sapadi vidi janAnAmuchchage janmakAle |
sadasi dhanasamR^iddhiH sarvadA puNyavR^iddhiH |
dhanapatisamatA vA bhUpatA maMtritA vA |
hariharapadabhaktiH sAttvikI muktilabdhiH || 81||

Agame janushhi janminAM yadA chandraje bhavati hInasevayA |
arthasiddhirapi putrayugmatA bAlikA bhavati mAnadAyikA || 82||

bhojane chandraje janmakAle yadA janminAnarthahAniH sadA vAdataH |
rAjabhItyA kR^ishatvaMchalatvaM materaN^gasaN^go na jAyA na jAyAsukham.h || 83||

nR^ityalipsAgate chandraje mAnavo mAnayAnapravAlavrajaiH saMyutaH |
mitraputrapratApaiH sabhApaNDitaH pApabhe vAravAmArato lampaTaH || 84||

kautuke chandraje janmakAle nR^iNAmaMgabhe gItavidyA.anavadyA bhavet.h |
saptame naidhane vAravadhvA ratiH puNyabhe puNyayuktA matiH sad.hgatiH || 85||

nidrAshrite chandrasute na nidrAsukhaM sadA vyAdhisamAdhiyogaH |
sahotthavaikalyamanalpatApo nijena vAdo dhanamAnanAshaH || 86||

vachasAmadhipe tu januHsamaye shayane balavAnapi hInaravaH |
atigauratanuH khaludIrghahanuH sutarAmaribhItiyuto manujaH || 87||

upaveshaM gatavati yadi jIve vAchAlo bahugarvaparItaH |
xoNIpatiripujanapatirtaptaH padajaMghAsyakaravraNayuktaH || 88||

netrapANiM gate devarAjArchite rogayukto viyukto varArthashriyA |
gItanR^ityapriyaH kAmukaH sarvadA gauravarNo vivarNod.hbhavaprItiyuk.h || 89||

guNAnAmAnandaM vimalasukhakandaM vitanute |
sadA tejaHpuJNjaM vrajapatinikuJNjaM pratigamam.h |
prakAshaM cheduchche drutamupagato vAsavaguru |
rgurutvaM lokAnAM dhanapatisamatvaM tanubhR^itAm.h || 90||

sAhasI bhavati mAnavaH sadA mitravargasukhapUrito mudA |
paNDito vividhavittamaNDito devavidyadi gurau gamaM gate || 91||

Agamane janatA varajAyA yasya januHsamaye harimAyA |
muJNchati nAlamihAlayamaddhA devagurau paritaH paribaddhA || 92||

suragurusamavaktA shubhramuktAphalADhyaH |
sadasi sapadi pUrNo vittamANikyamAnaiH |
gajaturagarathADhyo devatAdhIshapUjyo |
janushhi vividhavidyAgarvito mAnavaH syAt.h || 93||

nAnAvAhanamAnayAnapaTalIsaukhyaM gurAvAgame |
bhR^ityApatyakalatramitrajasukhaM vidyA.anavadyA bhavet.h |
xoNIpAlasamAnatAnavarataM chA.atIva hR^idyA matiH |
kAvyAnandaratiH sadA hinagatiH sarvatra mAnonnatiH || 94||

bhojane bhavati devatAgurau yasya tasya satataM subhojanam.h |
naiva muJNchati ramAlayaM tadA vAjivAraNarathaishcha maNDitam.h || 95||

nR^ityalipsAgate rAjamAnI dhanI devatAdhIshavandyaH sadA dharmavit.h |
tantraviGYo budhairmaNDitaH paMDitaH shabdavidyAnavidyo hi sadyo janaH || 96||

kutUhalI sakautuke mAhAdhanI janaH sadA |
nijAnvaye cha bhAskaraH kR^ipAkalAdharaH sukhI |
nilimparAjapUjite sutena bhUnayena vA |
yuto mahAbalI dharAdhipendrasad.hmapaNDitaH || 97||

gurau nidrAgate yasya mUrkhatA sarvakarmaNi |
daridratAparikrantaM bhavaneM puNyavarjitam.h || 98||

jano balIyAnapidantarogI bhR^igau mahAroshhasamanvitaH syAt.h |
dhanena hInaH shayanaM prayAte vArAMganAsaMgamalampaTashcha || 99||

yadi bhavedushanA upaveshane navamaNivrajakAJNchanabhUshhaNaiH |
sukhamajasramarixaya AdarAdavanipAdapi mAnasamunnatiH || 100||

netrapANiMgate lagnagehe kavau saptame mAnabhe yasya tasya dhruvam.h |
netrapAte nipAto dhanAnAmalaM chAnyabhe vAsashAlA vishAlA bhavet.h || 101||

svAlaye tuMgabhe mitrabhe bhArgave tuMgamAtaMgalIlAkalApI janaH |
bhUpatestulya eva prakAshaM gate kAvyavidyAkalAkaitukI gItavit.h || 102||

gamane janane shukre tasya mAtA na jIvati |
Adhiyogo viyogashcha janAnAmaribhItitaH || 103||

AgamanaM bhR^iguputre gatavati vitteshvaro manujaH |
satterthabhramashAlI nityotsAhI karAMghrirogI cha || 104||

anAyAsenAlaM sapadi mahasA yAti sahasA |
pragalbhatvaMrAGYaH sadasi guNaviGYaH kila kavau |
sabhAyAmAyAte ripunivahahantA dhanapateH |
samatvaM vA dAtA balaturagagantA naravaraH || 105||

Agame bhArgave mAgamo janminAmartharAsherarAteratIva xatiH |
putrapAto nipAto janAnAmapivyAdhibhItiH priyAbhogahAnirbhavet.h || 106||

xudhAturo vyAdhinipIDitaH syAdanekadhArAtibhayardditashcha |
kavau yadA bhojanage yuvatyA mahAdhanI paNDitamaNDitashcha || 107||

kAvyavidyAnavadyA cha hR^idyA matiH sarvadA nR^ityalipsAgate bhArgave |
shaMkhavINAmR^idaMgAdigAnadhvanivrAtanaipuNyametasya vittonnatiH || 108||

kautukabhavanaM gatavati shukre shakreshatvaM sadasi mahattvam.h |
hR^idyA vidyA bhaviti cha puMsaH padamA nivasati sadamArataH || 109||

parasevArato nityaM nidrAmupagate kavau |
paranindAparo vIro vAchAlo bhramate mahIm.h || 110||

xutpipAsAparikrAnto vishrAntaH shayane shanau |
vayasi prathame rogI tato bhAgyavatAM varaH || 111||

bhAnaoH sute chedupaveshanasthe karAlakArAtijanAnutaptAH |
apAyushAlI khalu dadrumAlI narobhimAnI nR^ipadaNDayuktaH || 112||

nayanapANigate ravinandane paramayA ramayA ramayAyutaH |
nR^ipatito hitato mahitoshhakR^id.hbahukalAkalito vimaloktikR^it.h || 113||

nAnAguNaprAmadhanAdhishAlI sadA naro buddhivinodamAlI |
prakAshane bhAnusute subhAnuH kR^ipAnutakto harapAdabhaktaH || 114||

mahAdhanI nandanananditaH syAdapAyakArI ripubhUmihArI |
game shanau paNDitarAjAbhAvaM dharApaterAyAtane prayAti || 115||

Agamane gardabhapadayuktaH putrakalatrasukhena vimuktaH |
bhAnusute bhramate bhuvi nityaM dInamanA vijanAshrayabhAvam.h || 116||

ratnAvalIkAJNchanamauktikAnAM vrAtena nityaM vrajati pramodam.h |
sabhAgate bhAnusute nitAntaM nayena pUrNo manujo mahaujAH || 117||

Agame gadasamAgamo nR^iNAmabjabandhutanaye yadA tadA |
mandameva gamanaM dharApateryAchanAvirahitA matiH sadA || 118||

saMgate janushhi bhAnunandane bhojanaM bhavati bhojanaM rasaiH |
saMyutaM nayanamandatA tatA mohatApaparitApitA matiH || 119||

nR^ityalipsAgate mande dharmAtmA vittapUritaH |
rAjapUjyo naro dhIro mahAvIro raNAN^gaNe || 120||

bhavati kautakabhAvamupAgate ravisute vasudhAvasupUritaH |
atisukhI sumukhIsukhapUritaH kavitayAmalayA kalayAnaraH || 121||

nidrAgate vAsaranAthaputre dhanI sadA chAruguNairupetaH |
parAkramI chaNDavipaxahantA suvArakAntAratirItiviGYaH || 122||

yadAgamo janmani yasya rAhau kleshAdhikatvaM shayanaM prayAte |
vR^ishhe.atha yugme.api cha kanyakAyAmaje samAjo dhanadhAnyarAsheH || 123||

upaveshanamiha gatavati rAhau dadrugadena janaH paritaptaH |
rAjasamAjayuto bahumAnI vittasukhena sadA rahitaH syAt.h || 124||

netrapANAvagau netre bhavato rogapIDite |
dushhTavyAlArichaurANAM bhayaM tasya dhanaxayaH || 125||

prakAshane shubhAsane sthitiH kR^itiH shubhA nR^iNAM |
dhanonnatirguNonnatiH sadA vidAmagAviha |
dharAdhipAdhikAritA yasholatA tatA bhave |
nnavInanIradAkR^itirvideshato mahonnatiH || 126||

gamane cha yadA rAhau bahusantAnavAnnaraH |
paNDito dhanavAn.h dAtA rAjapUjyo naro bhavet.h || 127||

rAhAvAgamane krodhI sadA dhIdhanavarjitaH |
kuTilaH kR^ipaNaH kAmI naro bhavati sarvathA || 128||

sabhAgato yadA rAhuH paNDitaH kR^ipaNo naraH |
nAnAguNaparikrAnto vitta saukhyasamanvitaH || 129||

chedagAvAgamaM yasya yAte tadA vyAkulatvaM sadArAtibhItyA bhayam.h |
mahad.hbandhuvAdo janAnAM nipAto bhavedvittahAniH shaThatvaM kR^ishatvaM || 130||

bhojane bhojanenAlaM vikalo manujo bhavet.h |
mandabuddhiH kriyAbhIruH strIputrasukhavarjitaH || 131||

nR^ityalipsAgate rAhau mahAvyAdhivivarddhanam.h |
netrarogI riporbhItirdhanadharmaxayo nR^iNAm.h || 132||

kautuke cha yadA rAhau sthAnahIno naro bhavet.h |
paradArarato nityaM paravittApahArakaH || 133||

nidrAvasthAM gate rAhau guNagrAmayuto naraH |
kAntAsantAnavAn.h dhIro garvito bahuvittavAn.h || 134||

meshhe vR^ishhe.atha vA yugme kanyayAM shayanaM gate |
ketau dhanasamR^iddhiH syAdanyabhe rogavardhanam.h || 135||

upaveshaM gatau ketau dadrurogavivarddhanam.h |
arivAtanR^ipavyAlachairashaMkA samantataH || 136||

netrapANiM gate ketau netrarogaH prajAyate |
dushhTasarpAdibhItishcha ripurAjakulAdapi || 137||

ketau prakAshane saMGYe dhanavAn.h dhArmikaH sadA |
nityaM pravAsI chotsAhI sAttviko rAjasevakaH || 138||

gamechchhAyAM bhavetketurbahuputro mahAdhanaH |
paNDito guNavAn.h dAtA jAyate cha narottamaH || 139||

Agamane cha yadA keturnAnArogo dhanaxayaH |
dantaghAtI mahArogI pishunaH paranindakaH || 140||

sabhAvasthAM gate ketau vAchAlo bahugarvitaH |
kR^ipaNo lampaTashchaiva dhUrtaviddyAvishAradaH || 141||

yadAgame bhavetketuH ketuH syAtpApakarmaNAm.h |
bandhuvAdarato dushhTo ripuroganipIDitaH || 142||

bhojane tu jano nityaM xudhayA paripIDitaH |
daridro rogasaMtaptaH ketau bhrAmati medinIm.h || 143||

nR^ityalipsAN^gate ketau vyAdhinA vikalo bhavet.h |
bud.hbudAxo durAgharshho dhUrto.anarthakaro naraH || 144||

kautukI kautuke ketau naTavAmAratipriyaH |
sthAnabhrashhTo durAchArI daridro bhramate mahIm.h || 145||

nidrAvasthAM gate ketau dhanadhAnyasukhaM mahat.h |
nAnAguNavinodena kAlo gachchhati janminAm.h || 146||

shayane dvija bhAveshhu yatra tishhThanti sad.hgrahAH |
nityaM tasya shubhaGYAnaM nirvishaMkaM vadet.h budhaH || 147||

bhojane yeshhu bhAveshhu pApAstishhThanti sarvathA |
tadA sarvavinAshe.api nA.atra kAryA vichAraNA || 148||

nidrAyAM cha yadA pApo jAyAsthAne shubhaM vadet.h |
yadi pApagrahairdR^ishhTo na shubhaM cha kadAchana || 149||

sutasthAne sthitaH pApo nidrAyAM shayane.api vA |
tadA shubhaM vadettasya nA.atra kAryA vichAraNA || 150||

mR^ityusthAnasthitaH pApo nidrAyAM shayane.api vA |
tadA tasyA.apamR^ityuH syAdrAjataH paratastathA || 151||

shubhagrahairyadA yuktaH shubhairvA yadi vIxitaH |
tadA tu maraNaM tasya gaN^gAdau cha visheshhataH || 152||

karmasthAne yadA pApaH shayane bhojane.api vA |
tadA karmavipAkaH syAnnAnAduHkhapradAyakaH || 153||

dashamastho nishAnAthaH kautuke cha prakAshane |
tadaiva rAjayogaH syAnnirvishakaM dvijottama || 154||

balA.abalavichAreNa GYAtavyaJNcha shubhA.ashubham.h |
evaM krameNa boddhavyaM sarvAbhAveshhu buddhiman.h || 155||

\medskip\hrule
#endindian
\end{document}