% Text title            : bRihatpArAsharahorAshAstram.h 46-50
% File name             : par4650.itx
% Category              : jyotisha, sociology\_astrology, bRihatpArAshara
% Location              : doc\_z\_misc\_sociology\_astrology
% Transliterated by     : Ahto Jarve ajarve at fms30.cca.rockwell.com
% Proofread by          : Ahto Jarve ajarve at fms30.cca.rockwell.com
% Latest update         : February 2, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bRihatpArAsharahorAshAstram.h 46-50 ..}##
\itxtitle{.. bR^ihatpArAsharahorAshAstram.h 46\-50 ..}##\endtitles ##

\medskip\hrule\medskip
             atha dashAdhyAya || 46||
\smallskip
sarvaj~no.asi maharShe tvaM kR^ipayA dInavatsala |
dashAH katividhAH santi tanme kathaya tattvataH || 1||
sAdhu pR^iShTaM svayA vipra lokAnugrahakAriNA |
kathayAmi tavAgre.ahaM dashabhedAnanekashaH || 2||
dashAbahuvidhAstAsu mukhyA viMshottarI matA |
kaishchidaShTottarI kaishchit.h kathitA ShoDashottarI || 3||
dvAdashAbdottarI vipra dashA pa~nchottarI tathA |
dashA shatasamA tadvat.h chaturAshItivatsarA || 4||
dvisaptatisamA ShaShTisamA ShaD.htriMshavatsarA |
naxatrAdhArikAshchetAH kathitAH pUrvasUribhiH || 5||
athA kAladashA chakradashA proktA munIshvaraiH |
kAlachakradashA chA.ayA mAnyAsarvadashAsu yA || 6||
dashA.atha charaparyAyA sthirAkhyA cha dashA dvija |
kendrAd.hya cha dashA j~neyA kArakAdigrahod.hbhavA || 7||
brahmagrahAshritarxAdyA dashA proktA tu kenachit.h |
mANDUkI cha dashA nAma tathA sthUladashA smR^itA || 8||
yogArdhajadashA vipra dR^ig.hdashA cha tataH param.h |
trikoNAkhyA dashA nAma tathA rAshidashA smR^itA || 9||
pa~nchasvaradashA vipra vij~neyA yoginIdashA |
dashA paiNDI tathAMshI cha naisargikadashA tathA || 10||
aShTavargadasha sandhyAdasA pAchakasaMj~nikA |
anyAstArAdashAdyAshcha na svargAH sarvasammatAH || 11||
kR^ittikAtaH samArabhya trirAvR^itya dashAdhipAH |
AchaMkurAgushabukeshupUrvA vihagAH kramAt.h || 12||
vahnibhAjjanmabhaM yAvad.h yA saMkhyA navataShTitA |
sheShAddashAdhipo j~neyastamArabhya dashAM nayet.h || 13||
viMshottarashataM pUrNamAyuH pUrvamudAhR^itam.h |
kalai viMshottarI tasmAd.h dashA mukhyA dvijottama || 14||
dashAsamAH kramAdeShAM ShaD.h dashA.ashvA gajendavaH |
nR^ipAlA navachandrAshcha navachandrA nagA nakhAH || 15||
dashAmanAM bhayAtaghnaM bhabhogena hR^itaM phalam.h |
dashAyA bhuktavarShAdya bhogyaM mAnAd.h vishodhitam.h || 16||
lagneshAt.h kendrakoNasthe rAhau lagnaM vinA sthite |
aShTottarI dashA vipra vij~neyA raudrabhAditaH || 17||
chatuShkaM tritayaM tasmAt.h chatuShkaM tritayaM punaH |
evaM svajanmabhaM yAvad.h vigaNayya yathAkramam.h || 18||
sUryashchandraH kujaH saumyaH shanirjIvastamo bhR^iguH |
ete dashAdhipA vipra j~neyAH ketuM vinA grahAH || 19||
rasAH pa~nchendavo nAgAH saptachandrAshcha khendavaH |
go.abjAH sUryAH kunetrAshcha ravyAdInAM dashAsamAH || 20||
dashAbdAMghrishcha pApAnAM shubhAnAM tryaMsha eva hi |
ekaikabhe dashAmAnaM vij~neyaM dvijasattama || 21||
tatastadyAtabhogAdhyAM bhuktaM bhogyaM cha sAdhayet.h |
viMshottarIvadevAtra tatastatphalamAdishet.h || 22||
kR^iShNapaxe divA janma shuklapaxe tathA nishi |
tadA hyaShTottarI chintyA phalArtha~ncha visheShataH || 23||
chandrahorAgate kR^iShNe sUryahorAgate sitee |
lagne nR^iNAM phalaj~naptyai vichintyA ShoDashottarI || 24||
puShyabhAjjanmabhaM yAvad.h yA saMkhyA gajataShTitA |
ravirbhaumo gururmandaH ketushchandro budho bhR^iguH || 25||
iti kramAd.h dashAdhIshAH j~neyA rAhuM vinA grahAH |
rudrAdyekottarAH saMkhyA dhR^ityantaM vatsarAH kramAt.h || 26||
shukrAMshake prajAtasya vichintyA dvAdashottarI |
janmabhAt.h pauShNabhaM yAvat.h saMkhyA hi vasutaShTitA || 27||
sUryo guruH shikhI j~no.aguH kujo mando nishAkaraH |
vinA shukraM dashAdhIshA dvichayAt.h saptataH samAH || 28||
arkAMsha karkalagne pa~nchottarI matA |
mitrarxAjjanmabhaM yAvat.h saMkhyA saptavibhAjitA || 29||
ekAdisheShe vij~nyAH kramAtsaptadashAdhipAH |
ravirj~no.arkasuto bhaumaH shukrashchandro bR^ihaspatiH || 30||
ekottarAchcha vij~neyA dvAdashAdyAH kramAtsamAH |
dhR^ityantAH saptakheTAnAM rAhuketU vinA dvija || 31||
vargottamagate lagne dashA chintyA shatAbdikA |
pauShNbhAjjanmaparyantaM gaNayet.h saptabhirbhajet.h || 32||
sheShA~Nke ravito j~neyA dashA shatasamAhvayA |
ravishchandro bhR^igurj~nashcha jIvo bhaumaH shanistathA || 33||
kramadete dashAdhIshA bANA bANA disho dasha |
nakhA nakhAH kharAmAshcha samAj~neyA dvijottama || 34||
karmeshe karmage j~neyA chaturAshItikA dashA |
pavanAjjanmabhaM yAvad.h yA sa~NkhyA saptabhAjitA || 35||
sheShe ravIndubhaumaj~nA gurushukrashanaishcharAH |
dashAdhIshAH kramAdeShAM j~neyA dvAdashavatsarAH || 36||
mUlAjjanmarxaparyantaM gaNayedaShTabhirbhajet.h |
sheShAddashAdhIpA jn`eyA aShTau ravyAdayaH kramAt.h || 37||
nava varShANi sarveShAM viketUnAM nabhaHsadAm.h |
lagneshe saptame yasya lagne vA saptamAdhipe || 38||
chintanIyA dashA tasya dvisaptatisamAhvayA |
viMshottarIvadatrA.api bhuktaM bhogyaM cha sAdhayet.h || 39||
yadArko lagnarAshisthashchintyA ShaShTisamA tadA |
dAsrAt.h trayaM chatuShkaM cha trayaM cheti punaH punaH || 40||
gurvarkabhUsutAnAM cha dashA dasha dashAbdakAH |
tataH shashij~nashukrArkaputrAgUnAM rasAbdakAH || 41||
shravaNAjjanmabhaM yAvat.h saMkhyA vasuvibhAjitA |
sheShe chandraravIjyArabudhArkibhR^igurAhavaH || 42||
kramAddashAdhipAsteShAmekAdyekottarAH samA |
lagne dine.arkahorAyAM chandrahorAgate nishi || 43||
sUryasyA.ardhAstayaH pUrvaM parastAdUdayAdapi |
pa~ncha pa~ncha ghaTI sandhyA dashanADI prakIrtitA || 44||
sandhyAdvaya~ncha viMshatyA nADikAbhiH prakIrtitam.h |
dinasya viMshatirghaT.hyaH pUrNasaMj~nA udAhR^itAH || 45||
nishAyAH mugdhasaMj~nAshcha ghaTikA viMshatishcha yAH |
sUryodaye cha yA sandhyA khaNDAkhyA da/sanADikA || 46||
astakAle cha yA sandhyA sudhAkhyA dashanADikA |
pUrNamugdhaghaTImAne dviguNe tithibhirbhajet.h || 47||
tathA khaNDasudhAghaT.hyau chaturghne tithibhirbhajet.h |
labdhaM varShAdikaM mAnaM sUryAdInAM khachAriNAm.h || 48||
ekAdisaMkhyayA nighnaM dashAmAnaM pR^ithak.h kramAt.h |
rAhuketuyutAnAM cha navAnAM kAlasaMj~nakam.h || 49||
rAtrau lagnAshritAdrAsherdine lagneshvarAshritAm.h |
sandhyAyAM vittabhAvasthAnneyA chakradashA budhaiH || 50||
dashA varShANi rAshInAmekaikasya dashAmitiH |
kramAchchakrasthitAnA~ncha vij~nAtavyA dvijottama || 51||
athA.ahaM sha~NkaraM natvA kAlachakradashAM bruve |
pArvatyai kathitA pUrvaM sAdaraM yA pinAkinA || 52||
tasyAH sAraM samud.hdhR^itya tavAgre dvijamandana |
shubhA.ashubhaM manuShyANAM yathA jAnanti paNDitAH || 53||
dvAdashAraM likhechchakraM tiryagUrghvasamAnakam.h |
gR^ihA dvAdasha jAyante savye.asavye dvidhA dvija || 54||
dvitIyAdiShu koShTheShu rAshIn.h meShAdikAn.h likhet.h |
evaM dvAdasharAshyAkhyaM kAlachakramudIritam.h || 55||
ashvinyAditrayaM savyamArge chakre vyavasthitam.h |
rohiNyAditrayaM chaivamapasavye vyavisthitam.h || 56||
evamR^ixavibhAgaM hi kR^itvA chakraM samuddharet.h |
ashvinyaditihastaxemUlaproShThapadAbhidhAH || 57||
vahnivAtAdivishvarxarevatyaH savyatArakAH |
etaddashoShupAdAnAmashvinyAdau cha vIxayet.h || 58||
dehajIvau kathaM vIxyau naxatrANAM padeShu cha |
vishadaM tatprakAraM cha maitreya kathayAmayaham.h || 59||
dehajIvau meShachApau dAsrAdyacharaNasya cha |
meShAdyAshchApaparyantaM rAshipAshcha dashAdhipAH || 60||
mR^igayugme dehajIvau dvitIyacharaNe smR^itau |
kramAt.h mithunaparyantaM rAshipAshcha dashAdhipAH || 61||
dAsrAdidashatArANAM tR^itIyacharaNe dvija |
gaurdeho mithunaM jIvo dvyekArkeshadashA~NkapAH || 62||
kvaxirAmarxanAthAshcha dashAdhipatayaH kramAt.h |
ashvinyAdidashauDUnAM chaturthacharaNe tathA || 63||
karkamInau dehajIvau karkAdinavarAshipAH |
dashAdhIshAshcha vij~neyA navaite dvijasattama || 64||
yamejyachitrAtoyarxA.ahIrbudhnyAH savyatArakAH |
etatpa~nchoDupAdAnAM bharaNyAdau vichintayet.h || 65||
yAmyaprathamapAdasya dehajIvAvalirjhaShaH |
nAgAgartupayodhIShurAmAxIndvarkabheshvarAH || 66||
yAmyadvitIyapAdasya dehajIvau ghaTA~Ngane |
rudradi~N.hnandachandrAxirAmAbdhIShva~NgabheshvarAH || 67||
yAmyatR^itIyapAdasya dehajIvau tulA~Ngane |
saptAShTA~NkadigIshArkagajAdriramabheshvarAH || 68||
karko deho dhanurjIvo yAmyaturyapade dvija |
vedabANAgninetrendusUryeshAshA~NkabheshvarAH || 69||
saptamevaM vijAnIyAdasavyaM kathayAmyaham.h |
dvAdashArAM likhechchakaM pUrvavad.h dvijasattama || 70||
dvitIyAdiShu koShTheShu vR^ishchikAd.h vyastamAlikheet.h |
rohiNI cha maghA dvIshaH karNashcheti chatuShTayam.h || 71||
uktaM chA.asavyanAxatraM pUrvAchAryairdvijottama |
etad.hvedoDupAdAnAM rohinIvannirIxayet.h || 72||
rohiNyAdipade dehajIvau karkidhanurdharau |
navadig.hrudrasUryendunetrAgnoShvabdhibheshvarAH || 73||
dhAtR^idvitIcharaNe dehajIvau tulastriyau |
a~NkAgavasusUryeshadiga~NkavasujUkapAH || 74||
tR^itIyacharaNe brAhma deehajIvau ghaTA~Ngane |
ShaD.hbANabdhiguNaxIndunandadig.hrudrabheshvarAH || 75||
rohiNyantapade dehajIvAvalijaShau smR^itau |
sUryendudviguNeShvabdhitarkashailAShTabheshvarAH || 76||
chAndraraudrabhagAryamNamitrenduvasuvAruNam.h |
etattArAShTakaM vij~nairvij~neyaM chAndravat.h kramAt.h || 77||
karko deho jhaSho jIvo mR^igAdyacharaNe dvija |
vyastAnmInAdikarkAntarAshipAshcha dashAdhipAH || 78||
gaurdeho mithunaM jIvo dvitIyacharaNe mR^ige |
tridvyekA~NkadishIshArkachandrAxibhavanAdhipAH || 79||
dehajIvau nakrayugme tR^itIyacharaNe mR^ige |
tribANAbdhirasAgAShTasUryeshadashabheshvarAH || 80||
meSho deho dhanurjIvo chaturthacharaNe mR^ige |
vyastAchchApAdimeShAntarAshipAshcha dashAdhipAH || 81||
apasavyagaNe tvevaM dehajIvadashAdikam.h |
pArvatyai shambhunA proktamidAvIMkathitaM mayA || 82||
keShAM cha kati varShANi dasheshAnAM mahAmune |
dashAyA bhuktabhogyAdyaM tadArambha prachaxva me || 83||
bhUtaikaviMshagirayo navadik.hShoDashAbdhayaH |
sUryAdInAM dashAbdhAH syU rAshInAM svAmino vashAt.h || 84||
narasya janmakAle vA prashnakAle yadaMshakaH |
tadAdinavarAshinAmabdAstasyAyuruchyate || 85||
sampUrNAyurbhavedAdAvardhamaMshasya madhyake |
aMshAnte paramaM kaShTamityAhurapare budhAH || 86||
j~nAtvaivaM sphuTasiddhAntaM rAshyaMshaM gaNayed.h budhaH |
anupAtena vaxyAmi tadupAyamataH param.h || 87||
gatatArAstribhirbhaktAH sheShaM chaiva chaturguNam.h |
vartamAnapadenADh.hyaM rAshInAmaMshako bhavet.h || 88||
meShe shataM vR^iShe.axAShTau mithune trigajAH samAH |
karkaTe.a~NgagajAH proktAstAvantastat.htrikoNayoH || 89||
jano yatrAMshake jAto gatanADIpalAdibhiH |
tadAMshasya hatAH svAbdAH pa~nchabhUmivibhAjitAH || 90||
evaM mahAdashArambho bhavedaMshAdyathA kramAt.h |
gaNayennavaparyantaM tattadAyuH prakIrtitam.h || 91||
padasya bhuktaghaT.hyAdyaiH svAbdamAnaM hataM tataH |
bhabhogAMghrihR^itaM bhuktaM bhogyaM mAnAd.h vishodhitam.h || 92||
chandrA~NkAMshakalA bhuktAH svAbdamAnahatA hR^itAH |
dvishatyA bhuktavarShAdyaM j~neyaM bhogyaM tato budhaiH || 93||
savyAkhye prathamAMsho yaH sa deha iti kathyate |
antyAMsho jIvasaMj~naH syAd.h vilomamapasavyake || 94||
dehAdiM gaNayet.h savye jIvAdimapasavyake |
evaM vij~nAya daivaj~nastatastatphalamAdishet.h || 95||
kAlachakragatiH proktA tridhA pUrvamaharShibhiH |
maNDUkAkhyA gatishchaikA markaTIsaMj~nakA.aparA || 96||
siMhAvalokanAkhyA cha tR^itIyA parikIrtitA |
utplutya gamanaM vij~nA maNDUkAkhyaM prachaxate || 97||
pR^iShThato gamanaM nAma markaTIsaMj~nakaM tathA |
vANAchcha navaparyantaM gatiH siMhAvalokanam.h || 98||
kanyAkarkaTayoH siMhayugmayormaNDUykI gatiH |
karkakesariNorevaM kathyate markaTIM gatiH || 99||
mInavR^ishchikayoshchApameShayoH saiMhikI gatiH |
iti sa~nchintya vij~neyaM kAlachakradashAphalam.h || 100||
maNDUkagatikAle hi savye bandhujane bhayam.h |
pitrorvA viShashastrAgnijvarachorAdijaM bhayam.h || 101||
kesarIyugmamaNDUke mAturmaraNmAdishet.h |
svamR^itiM rAjabhitiM vA sannipAtabhayaM bhavet.h || 102||
markaTIgamane savye dhanadhAnyapashuxayaH |
piturmaraNamAlasyaM tatsamAnAM cha va mR^itiH || 103||
savye siMhAvaloke tu pashubhItirbhavennR^iNAm.h |
suhR^itsnehAdinAshashcha samAnajanapIDanam.h || 104||
patanaM vApi kUpAdau viShashasrtAgnijaM bhayam.h |
vAhanAt.h patanaM vApi jvarArtiH sthAnanAshanam.h || 105||
maNDUkagamane vAme strIsutAdiprapIDanam.h |
jvaraM cha shvApadAd.h bhItiM vaded.h vij~naH padachyutim.h || 106||
markaTIgamane vA.api jalabhItiM padachyutim.h |
piturnAshaM nR^ipakrodhaM durgAraNyATanaM vadet.h || 107||
siMhAvalokane vAme padabhraMshaH piturmR^itiH |
tatsamAnamR^itirvA.api phalamevaM vichintayet.h || 108||
mInAt.h tu vR^ishchike yAte jvaro bhavati nishchitaH |
kanyAtaH karkaTe yAte bhrAtR^ibandhuvinAshanam.h || 109||
siMhAttu mithune yAte striyA vyAdhirbhaved.h dhruvam.h |
karkaTAchcha harau yAte vadho bhavati dehinAm.h || 110||
pitR^ibandhumR^itiM vidyAchchApAnmeShe gate punaH |
bhayaM pApakhagairyukte shubhakheTayute shubham.h || 111||
shubhaM vA.apyashubhaM vA.api kAlachakradashAphalam.h |
rAshidik.hbhAgato vApi pUrvAdidig.htabhashcharAt.h || 112||
taddigAvabhAge vaktavyaM taddashAsamaye nR^iNAm.h |
yathopadeshamArgeNa sarveShAM dvijasattama || 113||
kanyAtaH karkaTe yAte pUrvabhAge mahatphalam.h |
uttaraM deshamAshritya shubhA yAtrA bhaviShyati || 114||
siMhAttu mithune yAte pUrvabhAgaM vivarjayet.h |
kAryAnte.api cha nairR^ityAM sukhaM yAtrA bhaviShyati || 115||
karkaTAt.h siMhabhe yAte kAryahAnishcha daxiNe |
daxiNAM dishamAshritya pratyagAgamanaM bhavet.h || 116||
mInAttu vR^ishchike yAte udag.h gachChati sa~NkaTam.h |
chApAchcha makare yAte sa~NkaTaM jAyate dhruvam.h || 117||
chApAnmeShe tu yAtrAyAM vyAdhirbandho mR^itirbhavet.h |
vR^ishchike tu sukhaM sampat.h strIprAptishcha dvijottama || 118||
siMhAchcha karkaTe yAte paschimAM varjayeddisham.h |
shubhayoge shubhaM brUyAdashubhe tvashubhaM phalam.h || 119||
shUrashchaurashcha meShAMshe laxmIvAMshcha vR^iShAMshake |
mithunAMshe bhavej.hj~nAnI karkAMshe nR^ipatirbhavet.h || 120||
siMhAMshe rAjamAnyashcha kanyAMshe paNDito bhavet.h |
tulAMshe rAjamantrI syAd.h vR^ishchikAMshe cha nirdhanaH || 121||
chApAMshe j~nAnasampanno marakAMshe cha pApakR^it.h |
kumbhAMshe cha vaNik.hkarmA mInAMshe dhanadhAnyavAn.h || 122||
deho jIvo.athavA yukto ravibhaumArkirAhubhiH |
ekaikayoge mR^ityuH syAd.h bahuyoge tu kA kathA || 123||
krUrairyukte tanau rogaM jIve yukte mahad.h bhayam.h |
AdhI rogo bhaved.h dvAbhyA.mapamR^ityusrtibhirbhavet.h || 124||
chaturbhirmR^itimApanno dehe jIve.ashubhairyute |
yugapaddehajIvau cha krUragrahayutau tadA || 125||
rAjachorAdibhItishcha mR^itishchApi na saMshayaH |
vahnivAdhA ravau j~neyA xINendau cha jalAd.h bhayam.h || 126||
kuje shastrakR^itA pIDA vAyuvAdhA budhe bhavet.h |
gulmavAdhA shanau j~neyA rAhau ketau viShAd.h bhayam.h || 127||
dehajIvagR^ihe yAto budho jIvo.athavA bhR^iguH |
sukhasmpat.hkarAH sarve rogashokavinAshanAH || 128||
mishragR^ihaishcha saMyukte mishraM phalamavApnuyAt.h |
pApaxetradashAkAle dehajIvau tu duHkhitau |
shubhaxetradashAkAle shubhaM bhavati nishchitam.h || 129||
shubhayuktAshubhaxetradashA mishraphalA smR^itA |
krUrayuktashubhaxetradashA mishraphalA tathA || 130||
janAnAM janmakAle tu yo rAshistanubhAvagaH |
tasya chakradashAkAle dehArogyaM sukhaM mahat.h || 131||
shubhe pUrNasukhaM pApe dehe rogAdisambhavaH |
svochchAdigatakheTADh.hye rAjyamAnadhanAptayaH || 132||
dhanabhAve cha yo rAshistasya chakradashA yadA |
tadA subhojanaM putrastrisukhaM cha dhanAptayaH || 133||
vidyAptirvAk.hpaTutvaM cha sugoShThyA kAlayApanam.h |
shubharxe phalamevaM syAt.h pApabhe phalamanyathA || 134||
tR^itIyabhAvarAshestu kAlachakradashA yadA |
tadA bhrAtR^isukhaM shauryaM dhairyaM chApi mahatsukham.h || 135||
svarNAbharaNavastrAptiH sammAnaM rAjasaMsadi |
shubharxe phalamevaM syAt.h pAparxe phalamanyathA || 136||
sukhabhAvagatarxasya kAlachakradashA yadA |
tadA bandhusukhaM bhUmigR^iharAjyasukhAptayaH || 137||
ArogyamarthalAbhashcha vastravAhanajaM sukham.h |
shubharxe shobhanaM j~neyaM pApabhe phalamanyathA || 138||
sutabhAvagatarxasya kAlachakradashA yadA |
sutastrIrAjyasaukhyAptirArogyaM mitrasaMgamaH || 139||
vidyAbuddhiyasholAbho dhairyaM cha vikramodayaH |
shubharAshau shubhaM pUrNaM pAparxe phalamanyathA || 140||
ripubhAvagatarxasya kAlachakradashA yadA |
tadA chorAdibhUpAgniviShashastrabhayaM mahat.h || 141||
pramehagulmapaND.hvAdirogANAmapi saMbhavaH |
pAparxe phalamevaM syAt.h shubharxe mishramAdishet.h || 142||
jAyAbhAvagatarxasya kAlachakradashA yadA |
tadA pANigrahaH patnIputralAbhAdikaM sukham.h || 143||
kR^iShiyodhanavastrAptirnR^ipapUjA mahadyashaH |
shubharAshau phalaM pUrNaM pAparAshau cha taddalam.h || 144||
mR^ityubhAvasthitarxasya kAlachakradashA tadA |
sthAnanAshaM mahad.h duHkhaM bandhunAshaM dhanaxayam.h || 145||
dAridryamannavidvopamaribhItiM cha nirdishet.h |
pAparAshau phalaM pUrNaM shubharAshau cha taddalam.h || 146||
dharmabhAvagatarxasya kAlachakradashA yadA |
tadA putrakalatrArthakR^iShigehasukhaM vadet.h || 147||
satkarmadharmasaMsiddhiM mahajjanaparigraham.h |
shubharAshau shubhaM pUrNaM pAparAshau cha taddalam.h || 148||
karmabhAvagatarxasya kAlachakradashA yadA |
rAjyAptirbhUpasammAnaM putradArAdijaM sukham.h || 149||
satkarmaphalamaishvaryaM sad.hgoShThyA kAlayApanam.h |
shubharAshau phalaM pUrNaM pAparAshau cha mishritam.h || 150||
lAbhabhAvasthitarxasya kAlachakradashA yadA |
putrastrIbandhusaukhyAptirbhUpaprItirmahatsukham.h || 151||
dhanavastrAptirArogyaM satAM sa~Ngashcha jAyate |
shubharAshau phalaM pUrNaM pAparAshau cha khaNDitam.h || 152||
vyayabhAvagatarxasya kAlachakradashA tadA |
udyogabha~NgamAlasyaM dehapIDAM padachyutim.h || 153||
dAridyaM karmavaiphalyaM tathA vyarthavyayaM vadet.h |
pAparAshau phalaM tvevaM shubharAshau cha taddalam.h || 154||
lagnAdivyayaparyantaM bhAnAM charadashAM bruve |
tasmAt.h tadIshaparyantaM saMkhyAmatra dashAM viduH || 155||
meShAditritribhairj~neyaM padamojapade kramAt.h |
dashAbdAnayane kAryA gaNanA vyutkramAt.h same || 156||
vR^ishchikAdhipatI dvau cha ketubhaumau smR^itau dvija |
shanirAhu cha kumbhasya svAminau parikIrtito || 157||
dvinAthaxetrayoratra kriyate nirNayo.adhunA |
dvAvevAdhipatI vipra yuktau svarxe sthitau yadi || 158||
varSha dvAdashakaM tatra na chedekAdi chintayet.h |
ekaH svaxetrayo.anyastu paratra yadi saMsthitaH || 159||
tadA.anyatra sthitaM nAthaM parigR^ihya dashAM nayet.h |
dvAvapyanyarxagau tau chet.h tamormadhye cha yo balI || 160||
tata eva dashA grAhyA kramAd.h votkramato dvijaH |
balasyA.atra vichAre syAdagrahAt.h sagraho balI || 161||
dvAveva sagrahau tau chet.h balI tatrAdhikagrahaH |
grahayogasamAnatve j~neyaM rAshibalAd.h balam.h || 162||
j~neyAshcharasthiradvandvAH kramato balashAlinaH |
rAshisattvasamAnatve bahuvarSho balI bhaved.h || 163||
ekaH svochchagatashchA.anyaH paratra yadi saMsthitaH |
gR^ihNIyAduchchakheTasthaM rAshimanyaM vihAya vai || 164||
uchchakheTasya sad.hbhAve varShamekaM cha nixipet.h |
tathaiva nIchakheTasya varShamekaM vishodhayet.h || 165||
evaM sarvaM samAlochya jAtakasya phalaM vadet.h || 166||
kramAdutkramato vA.api dharmabhAvapadakramAt.h |
lagnarAshiM samArabhya vij~nashcharadashAM nayet.h || 167||
athA.ahaM sampravaxyAmi sthirasaMj~nAM dashAM dvija |
chare sapta sthire chA.aShTau dvandve nava samAH smR^itAH || 168||
sthiratvAchcha dashAbdAnAM sthirAkhyeti nigadyate |
brahmakheTAshritarxAdirdasheyaM parivartate || 169||
yo.asau brahmagrahaH proktaH kathaM sa j~nAyate mune |
iti spaShTataraM brUhi kR^ipA.asti yadi te mayi || 170||
ShaShThAShTavyayanAtheShu yo balI viShamarxagaH |
pR^iShThasthito bhaved.h brahmAM balino lagnajAyayoH || 171||
kArakAdaShTamesho vA brahmA.apyaShTabhAvagaH |
shanau pAte cha brahmattve brahmA tatShaShThakhecharaH || 172||
bahavo laxaNakrAntA j~neyasteShvadhikAMshakaH |
aMshasAmye balAdhikyAd.h vij~neyo brahmakhecharaH || 173||
yogArdhe cha dashAmAnaM dvayoryogArdhasammitam.h |
lagnasaptamaprANyAdirdasheyaM cha pravartate || 174||
lagnasaptamayormadhye yo rAshirbalavAn.h bhavet.h |
tataH kendrAdisaMsthAnAM rAshInA~ncha balakramAt.h || 175||
kArakAdapi rAshInAM kheTAnAM chaivameva hi |
dashAbdAshcharavajj~neyAH kheTAnAM cha svabhAvadhi || 176||
dvirAshyadhipaxeTasya gaNyedubhayAvadhi |
ubhayordhika saMkhyA kArakasya dashA samAH || 177||
AtmakArakamArabhya kArakAkhyadashA kramAt.h |
lagnAt.h kArakaparyantaM saMkhyAmatra dashAM viduH || 178||
maNDUkAparaparyAyA trikUTAkhyadashA dvija |
lagnasaptamayormadhye yo rAshirbalavAn.h bhavet.h || 179||
tataH krameNaujarAshau same neyA tatho.atkramAt.h |
trikUTAnAM cha vij~neyAH sthiravachcha dashA samAH || 180||
niryANasya vichArArthaM kaishchiChUladashA smR^itA |
lagnasaptamato mR^ityubhayoryo balavAn.h bhavet.h || 181||
tadAdirviShame vipra kramAdutkramataH same |
dashAbdAH sthiravattatra balimArakabhe mR^itiH || 182||
janmalagnatrikoNeShu yo rAshirbalavAn.h bhavet.h |
tamArbhya nayed.h dhImAn.h chariparyAyavad.h dashAm.h || 183||
kramAdut.hkramato grAhyaM trikoNaM viShame same |
trikoNAkhyadashA proktA samA nAthAvasAnakAH || 184||
lagnAd.h dharmasya tad.hdR^iShTarAshInAM cha dashAstataH |
dashamasya cha tad.hdR^iShTarAshInAM cha nayet.h punaH || 185||
ekAdashasya tad.hdR^iShTarAshInAM sthiravat.h samAH |
pravR^ittA dR^ig.h vashAdyasmAd.h dR^ig.hdasheyaM tataH smR^itA || 186||
chare vyutkramato grAhyA dR^ig.hyogyAH sthirabhe kramAt.h |
viShame kramato dvandve rAshayo vyutkramAt.h same || 187||
R^ixe lagnAdirAshInAM dashA rAshidashA smR^itA |
bhayAtaM ravibhirnighnaM bhabhogavihR^itaM phalam.h || 188||
rAshyAdyaM lagnarAshyAdau yojyaM dvAdashasheShitam.h |
tadArabhya kramAdoje dashA j~neyotkramAt.h same || 189||
dashAbdA bhuktabhAgaghnA triMshatA vihR^itAh phalam.h |
bhuktaM varShAdikaM j~neyaM bhogyaM mAnAd.h vishodhitam.h || 190||
akArAdIn.h svarAn.h pa~ncha prathamaM vinyaset.h kramAt.h |
kAdihAntAMllikhed.h varNAn.h svarAdho ~Na~naNojjhitAn.h || 191||
tiryak.h paMktikrameNaiva pa~nchapa~nchavibhAgataH |
na proktA ~Na~naNA varNA nAmAdau santi te nahi || 192||
ched.h bhavanti tadA j~neyA gajaDAste yathAkramAt.h |
yatra svare svanAmAdyavarNaH syAt.h tatsvarAdayaH || 193||
kramAt.h paMcha dashAdhIshAH dvAdashadvAdashAbdakAH |
svarANAM cha kramAjj~neyAH dashAsvantardashAdayaH || 194||
pUrvameva mayA proktA varNadAkhyA dashA dvija |
idAnIM shambhunA proktA kathyate yoginI dashA || 195||
ma~NgalA pi~NgalA dhanyA bhrAmarI bhadrikA tathA |
ulkA siddhA saMkaTA cha yoginyo.aShTau prakIrtitAH || 196||
ma~NgalAto.abhavachchandraH pi~NgalAto divAkaraH |
dhanyAto devapUjyo.abhUd.h bhrAmarIto.abhavat.h kujaH || 197||
bhardikAto budho jAtastatholkAtaH shanaishcharaH |
siddhAto bhArgavi jAtaH saMkaTAtastamo.abhavad.h || 198||
janmarxa cha tribhiryuktaM vasubhirbhAgamAharet.h |
ekAdisheShe vij~neyA yoginyoH ma~NgalAdikAH || 199||
ekAdyekottarA j~neyAH kramAdAsAM dashAsamAH |
naxatrayAtabhogAbhyAM bhuktaM bhogyaM cha sAdhayet.h || 200||
yeShAM yadAyuH samproktaM paiNDamAMshaM nisargajam.h |
taxat.h teShAM dashA j~neyA paiNDI chAMshI nisargajA || 201||
balI lagnArkachandrANAM yattasya prathamA dashA |
tatkendrAdigatAnAM cha j~neyA balavashAttataH || 202||
aShTavargabalenaiShAM phalAni parichintayet.h |
aShTavargadashAshchaitAH kathitAH pUrvasUribhiH || 203||
parAyurdvAdasho bhAgastasya sandhyA prakIrtitA |
tanmitA lagnabhAdInAM kramAt.h sandhyAdashA smR^itA || 204||
sandhyA rasaguNA kAryA chandravahnihR^itA phalam.h |
saMsthApyaM prathame koShThe tadardhaM triShu vinyaset.h || 205||
tribhAgaM vasukoShTheShu vinyasya tatphalaM vadet.h |
evaM dvAdashabhAveShu pAchakAni prakalpayet.h || 206||
viMshattaridashevA.atra kaishchit.h tArAdashA smR^itA |
AshaMkurAgushabukeshvAdisthAneShu tArakAH || 207||
anmasampat.hvipat.hxemapratyariH sAdhako badhaH |
maitraM paramamaitraM cha kendrasthabalino grahAt.h || 208||
j~neyA tArAdashA vipra nAmatulyaphalapradA |
yasya kendre sthitaH kheTo dasheyaM tasya kIrtitA || 209||
iti te kathitA vipra dasha bhedA anekadhA |
etadantardashAbhedAn.h kathayiShyAmi chAgrataH || 210||
\medskip\hrule\medskip
            atha dashAphalAdyAyaH || 47||
\smallskip
shrutAshcha bahudhA bhedA dashAnAM cha mayA mune |
phalaM cha kIdR^ishaM tAsAM kR^ipayA me taduchyatAm.h || 1||
sAdhAraNaM vishiShTa~ncha dashAnAM dvividhaM phalam.h |
grahANAM cha svabhAvena sthAnasthitivashena cha || 2||
grahavIryAnusAreNa phalaM j~neyaM dashAsu cha |
AdyadreShkANage kheTe dashArambhe phalaM vadet.h || 3||
dashAmadhye phalaM vAchyaM madhyadreShkANage khage |
ante phalaM tR^itIyasthe vyastaM kheTe cha vakrage || 4||
dashArambhe dashAdIshe lagnage shubhadR^ig.hyute |
svochche svabhe svamaitre vA shubhaM tasya dashAphalam.h || 5||
ShaShThA.aShTamavyayasthe cha nIchAstaripubhasthite |
ashubhaM tatphalaM chA.atha bruve sarvadashAphalam.h || 6||
mUlatrikoNe svaxetre svochche vA paramochchage |
kendratrikoNalAbhasthe bhAgyakarmAdhipairyute || 7||
sUrye balasamAyukte nijavargabalairyute |
tasmindAye mahat.h saukhyaM dhanalAbhAdikaM shubham.h || 8||
atyantaM rAjasanmAnamashvAMdolyAdikaM shubham.h |
sutAdhipasamAyukte putralAbhaM cha vindati || 9||
dhaneshasya cha sambandhe gajAntaishvaryamAdishet.h |
vAhanAdhipasambandhe vAhanAtrayalAbhakR^it.h || 10||
nR^ipalatuShTirvittADhyaH senAdhIshaH sukhI naraH |
vastravAhanalAbhashcha dashAyAM balino raveH || 11||
nIche ShaDaShTake  riHphe durbale pApasaMyute |
rAhuketusamAyukte duhsthAnAdhipasaMyute || 12||
tasmindAye mahApIDA dhanadhAnyavinAshakR^ita |
rAjakopaH pravAsashcha rAjadaNDo dhanaxayaH || 13||
jvarapIDA yashohAnirbandhumitravirodhakR^ita |
pitR^ixayabhayaM chaiva gR^ihe tvashubhameva cha || 14||
pitR^ivarge manastApaM jandveShaM cha vindati |
shubhadR^iShTiyute sUrye madhye tasmin.h kvachitsukham.h |
pApagrheNa sandR^iShTe vadetpApaphalaM budhaH || 15||
evaM sUryaphalaM vipra saMxepAduditaM mayA |
viMshottarImatenAtha bruve chandradashAphalam.h || 16||
svochche svaxetrage chaiva kendre lAbhatrikoNage |
shubhagraheNa saMyukte pUrNe chandrebalairyute || 17||
karmabhAgyAdhipairyukte vAhaneshabalairyute |
AdyantaishvaryasaubhAgyadhanadhAnyAdilAbhakR^ita || 18||
gR^ihe tu shubhakAryANi vAhanaM rAjadarshanam.h |
yatnakAryArthasiddhiH syAd.h gR^ihe laxmIkaTAxakR^it.h || 19||
mitraprabhuvashAd.hbhAgyaM rAjyalAbhaM mahatsukham.h |
ashvAndolyAdilAbhaM cha shvetavastrAdikaM labhet.h || 20||
putralAbhAdisantoShaM gR^ihagodhanasaMkulam.h |
dhanasthAnagate chandre tu~Nge svaxetrage.api vA || 21||
anekadhanalAbhaM cha bhAgyavR^iddhirmahatsukham.h |
nixeparAjasanmAnaM vidyAlAbhaM cha vindati || 22||
nIche vA xINachandre vA dhanahAnirbhaviShyati |
dushchikye balasaMyukte kvachitsaukhyaM kvachiddhanam.h || 23||
durbale pApasaMyukte dehajADyaM manorujam.h |
bhR^ityapIDA vittahAnirmAtR^ivargajanAdvadhaH || 24||
ShaShThAShTamavyaye chandre durbale pApasaMyute |
rAjadveSho manoduHkhaM dhanadhAnyAdinAshanam.h || 25||
mAtR^ikleShaM manastApaM dehajADyaM manorujam.h |
duHsthe chandre balairyukte kvachillAbhaM kvachitsukham.h |
dehajADyaM kvachichchaiva shAntyA tatra shubhaM dishet.h || 26||
svabhochchAdigatasyaivaM nIchashatrubhagasya cha |
bravImi bhUmipurtasya shubhA.ashubhadashAphalam.h || 27||
paramochchagate bhaume svochche mUlatrikoNage |
svarxe kendratrikoNe vA lAbhe vA dhanage.api vA || 28||
sampUrNabalasaMyukte shubhadR^iShTe shubhAMshake |
rAjyalAbhaM bhUmilAbhaM dhanadhAnyAdilAbhakR^it.h || 29||
AdhikyaM rAjasammAnaM vAhanAmbarabhUShaNam.h |
videshe sthAnalAbhaM cha sodarANAM sukhaM labhet.h || 30||
kendre gate sadA bhaume dushchikye balasaMyute |
parAkramAdvittalAbho yuddhe shatrujayo bhavet.h || 31||
kalatraputravibhavaM rAjasammAnameva cha |
dashAdau sukhamApnoti dashAnte kaShTamAdishet.h || 32||
nIchAdiduShTabhAvasthe bhaume balavivarjite |
pApayukte pApadR^iShTe sA dashA neShTadAyikA || 33||
evaM rAhoshcha ketoshcha kathayAmi gR^ihAdikam.h |
tayordashAphalaj~naptyai tavA.agre dvijanandana || 34||
rAhostu vR^iShabhaM ketorvR^ishchikaM tu~NgasaMj~nakam.h |
mUlatrikoNakaM j~neyaM yugmaM chApaM krameNa cha || 35||
kumbhAlI cha gR^ihau proktau kanyAmInau cha kenachit.h |
taddAye bahusaukhyaM cha dhanadhAnyAdisampadAm.h || 36||
mitrprabhuvashAdiShTaM vAhanaM putrasambhavaH |
navInagR^ihanirmANaM dharmachintA mahotsavaH || 37||
videsharAjasanmAnaM vastrAla~NkArabhUShaNam.h |
shubhayukte shubhairdR^iShTe yogakArakasaMyute || 38||
kendratrikooNalAbhe vA dushchikye shubharAshige |
mahArAjaprasAdena sarvasampatsukhAvaham.h || 39||
yavanaprabhusanmAnaM grhe kalyANasambhavam.h |
randhre vA vyayage rAhau taddAye kaShTamAdishet.h || 40||
pApagraheNa sambandhe mArakagrhasaMyute |
nIcharAshigate vApi sthAnabhraMsho manovyathA || 41||
vinAsho dAraputrANAM kutsitAnnaM cha bhojanam.h |
dashAdau dehapIDA cha dhanadhAnyaparichyutiH || 42||
dashAmadhye tu saukhyaM syAt.h svadeshe dhanalAbhakR^it.h |
dashAnte kaShTamApnoti sthAnabhraMsho manovyathA || 43||
yaH sarveShu nAbhogeShu budhairatishubhaH smR^itaH |
tasya devendrapUjyasya kathayAmi dashAphalam.h || 44||
svochche svaxetrage jIve kendre lAbhatrikoNage |
mUlatrikoNalAbhe vA tuMgAMshe svAMshage.api vA || 45||
rAjyalAbhaM mahApauruShaM rAjasanmAnakIrtanam.h |
gajavAjisamAyuktaM devabrAhmaNapUjanam.h || 46||
dAraputrAdisaukhyaM cha vAhanAMbaralAbhajam.h |
yaj~nAdikarmasiddhiH syAdvedAntashravaNAdikam.h || 47||
mahArAjaprasAdenA.abhIShTasiddhiH sukhAvahA |
AndolikAdilAbhashcha kalyANaM cha mahatsukham.h || 48||
putradArAdilAbhashcha annadAnaM mahatpriyam.h |
nIchAstapApasaMyukte jIvai riShphAShTasaMyute || 49||
sthAnabhraMshaM manastApaM putrapIDAmahad.hbhayam.h |
pashvAdidhanahAnishcha tIrthayAtrAdikaM labhet.h || 50||
Adau kaShTaphalaM chaiva chatuShpAjjIvalAbhakR^it.h |
madhyAnte sukhamApnoti rAjasammAnavaibhavam.h || 51||
atha sarveShu kheTeShu yo.atihInaH prakIrtitaH |
tasya bhAskaraputrasya kathayAmi dashAphalam.h || 52||
svochche svaxetrage mande mitraxetre.atha vA yadi |
mUlatrikoNe bhAgye vA tuMgAMshe svAMshage.api vA || 53||
dushchikye lAbhage chaiva rAjasammAnavaibhavam.h |
satkIrtirdhanalAbhashcha vidyAvAdavinodakR^it.h || 54||
mahArAjaprasAdena gajavAhanabhUShaNam.h |
rAjayogaM prakurvIta senAdhIshAnmahatsukham.h || 55||
laxmIkaTAxachihnAni rAjyalAbhaM karoti cha |
gR^ihe kalyANasampattirdAraputrAdilAbhakR^it.h || 56||
ShaShThAShTamavyaye mande nIche vA.asta~Ngate.api vA |
viShashastrAdipIDA cha sthAbhraMshaM mahad.hbhayam.h || 57||
pitR^imAtR^iviyogaM cha dAraputrAdipIDanam.h |
rAjavaisHamyakAryANi hyaniShTaM bandhanaM tathA || 58||
shubhayuktexite mande yogakArakasaMyute |
kendratrikoNalAbhe vA mInage kArmuke shanau || 59||
rAjyalAbhaM mahotsAhaM gajashvAmbarasaMkulam.h || 60||
atha sarvanabhogeShu yaH kumAraH prakIrtitaH |
tasya tAreshaputrasya kathayAmi dashAphalam.h  || 61||
svochche svaxetrasaMyukte kendralAbhatrikoNage |
mitraxetrasamAyukte saumye dAye mahatsukham.h || 62||
dhanadhAnyAdilAbhaM cha satkIrtidhanasampadAm.h |
j~nAnAdhikyaM nR^ipaprItiM satkarmaguNavarddhanam.h || 63||
putradArAdisaukhyaM cha dehArogyaM mahatsukham.h |
xIreNa bhojanaM saukhyaM vyApArAllabhate dhanam.h || 64||
shubhadR^iShTiyute saumye bhAgye karmAdhipe dashA |
Adhipatye balavatI sampUrNphaladAdikA || 65||
pApagrahayute dR^iShTe rAjadveShaM manorujam.h |
bandhujanavirodhaM cha videshagamanaM labhet.h || 66||
parapreShyaM cha kalahaM mUrtakR^irchChAnmahanbhayam.h |
ShaShThAShTamavyaye saumye lAbhabhogArthanAshanam.h || 67||
vAtapIDAM dhanaM chaivaM pANDurogaM vinirdishet.h |
nR^ipachaurAgnibhItiM cha kR^iShigobhUminAshanam.h || 68||
dashAdau dhanadhAnyaM cha vidyAlAbhaM mahatsukham.h |
putrakalyANasampattiH sanmArge dhanalAbhakR^it.h || 69||
madhye narendrasanmAnamante duHkhaM bhaviShyati || 70||
yastamograhayormadhye kabandhaH kathyate budhaiH |
tasya ketoridAnIM te katheyAmi dashAphalam.h || 71||
kendre lAbhe trikoNe va shubharAshau shubhexite |
svochche vA shubhavarge vA rAjaprItiM manonugam.h || 72||
deshAgrAmAdhipatyaM cha vAhanaM putrasambhavam.h |
deshAntaraprayANaM cha nirdishet.h tat.h sukhAvaham.h || 73||
putradArasukhaM chaiva chatuShpAjjIvalAbhakR^it.h |
dushchikye ShaShThalAbhe vA keturdAye sukhaM dishet.h || 74||
rAjyaM karoti mitrAMshaM gajavAjisamanvitam.h |
dashadau rAjayogashcha dashAmadhye mahad.hbhayam.h || 75||
ante dUrATanaM chaiva dehavishramaNaM tathA |
dhane randhre vyaye ketau pApadR^iShTiyutexite || 76||
nigaDaM bandhunAshaM cha sthAnabhraMshaM manorujam.h |
shUdrasa~NgAdilAbhaM cha kurute rogasaMkulam.h || 77||
atha bhUteShu yaH shukrA madarUpeNa tiShThati |
tasya daityagurorvipra kathayAmi dashAphalam.h || 78||
paramochchagate shukre svochche svaxetrakendrage |
nR^ipA.abhiShekasamprAptirvAhanA.ambarabhUShaNam.h || 79||
gajAshvapashulAbhaM cha nityaM miShThAnnabhojanam.h |
akhaNDamaNDalAdhIshArAjasanmAnavaibhavam.h || 80||
mR^ida~NgavAdyaghoShaM cha gR^ihe laxmIkaTAxakR^it.h |
trikoNasthe nije tasmin.h rAjyArthagR^ihahasampadaH || 81||
vivAhotsavakAryANi putrakalyANavaibhavam.h |
senAdhipatyaM kurute iShTabandhusamAganam.h || 82||
naShTarAjyAddhanaprAptiM gR^ihe godhanasa~N.hgraham.h |
ShaShThAShTamavyaye shukre nIche vA vyayarAshige || 83||
AtmabandhujanadveShaM dAravargAdipIDanam.h |
vyavasAyAtphlaM naShTaM gomahiShyAdihAnikR^it.h || 84||
dAraputrAdipIDA vA AtmabandhuviyogakR^it.h |
bhAgyakarmAdhipatyena lagnavAhanarAshige || 85||
taddashAyAM mahatsaukhyaM deshagrAmAdhipAlatA |
devAlayataDAgAdipuNyakarmasu saMgrahaH || 86||
annadAne mahatsaukhyaM nityaM miShThAnnabhojanam.h |
utsAhaH kIrtisampattI strIputradhanasampadaH || 87||
svabhuktau phalamevaM syAd.hbalAnyanyAni bhuktiShu |
dvitIyadyUnanAthe tu dehapIDA bhaviShyati || 88||
taddoShaparihArArthaM rudraM vA tryambakaM japet.h |
svetAM gAM mahiShIM davyAdArogyaM cha tato bhavet.h || 89||
\medskip\hrule\medskip
        atha visheShanaxatradashAphalAdhyAyaH || 48||
\smallskip
sthAnasthitivashenaivaM phalaM proktaM purAtanaiH |
mitho bhAveshasambandhAtphalAni kathayAmyaham.h || 1||
lagneshasya gashAkAle satkItirdehajaM sukham.h |
dhaneshasya dashAyAM tu klesho vA mR^ityuto bhayam.h || 2||
sahajeshadashAkAle j~neyaM pApaphalaM nR^iNAm.h |
sukhAdhIshadashAyAM tu gR^ihabhUmisukhaM bhavet.h || 3||
pa~nchameshasya pAke cha vidyAptiH putrajaM sukham.h |
rogeshasya dashAkAle dehapIDA riporbhayam.h || 4||
saptameshasya pAke tu strIpIDA mR^ityuto bhayam.h |
aShTameshadashAkAle mR^ityubhItirdhanaxatiH || 5||
dharmashasya dashAyAM cha bhUrillAbho yashaHsukham.h |
dashameshadashAkAle sammAnaM nR^ipasaMsadi || 6||
lAbheshasya dashAkAle lAbhe bAdhA rujobhayam.h |
vyayeshasya dashA nR^iNAM bahukaShTapradA dvija || 7||
dashArambhe shubhasthAne sthitasyApi shubhaM phalam.h |
ashubhasthAnagasyaivaM shubhasyApi na shobhanam.h || 8||
pa~nchameshena yuktasya karmeshasya dashA shubhA |
navameshena yuktasya karmeshasyAtishabhanA || 9||
pa~nchameshena yuktasya grahasyApi dashA shubhA |
tathA dharmapayuktasya dashA paramashobhanA || 10||
sukheshasahitasyApi dharmeshasya dashA shubhA |
pa~nchamasthAnagasyApi mAneshasya dashAshubhA || 11||
evaM trikoNanAthAnAM kendrasthAnAM dashAH shubhAH |
tathA koNasthitAnAM cha kendreshAnAM dashAH shubhAH || 12||
kendreshaH koNabhAvasthaH koNeshaH kendrago yadi |
tayordashAM shubhAM prAhurjyotiHshAstravido janAH || 13||
ShaShThAShTamavyayAdhIshA api koNeshasaMyutA |
teShAM dashA.api shubhadA kathitA kAlakovidaiH || 14||
koNesho yadi kemdrasthaH kendresho yadi koNagaH |
tAbhyAM yuktasya kheTasya dR^iShTiyuktasya chaitayoH || 15||
dashAM shubhapradAM prAhurvidvAMso daivachintakAH |
lagnesho dharmabhAvastho dharmesho lagnago yadi || 16||
etayostu dashAkAle sukhadharmasamud.hbhavaH |
karmesho lagnarAshistho lagneshaH karmabhAvagaH || 17||
tayordashAvipAke tu rAjyalAbho bhaved.hdhruvam.h |
triShaDAyagatAnAM cha triShaDAyAdhipairyujam.h || 18||
shubhAnAmapi kheTAnAM dashA pApaphalapradA |
mArakasthAnagAnAM cha mArakeshayujAmapi || 19||
randhrasthAnagatAnAM cha dashA.aniShTaphalapradA |
evaM bhAveshasambandhAdUranIyaM dashAphalam.h || 20||
\medskip\hrule\medskip
        atha kAlachakradashAphalAdhyAyaH || 49||
\smallskip
kathayAmyatha viprendra kAlachakradashAphalam.h |
tatrAdau rAshinAthAnAM sUryAdInAM phalaM bruve || 1||
raktapittAdito vyAdhiM nR^iNAmarkaphalaM vadet.h |
dhanakIrtiprajAvR^iddhivastrAbharaNadaH shashI || 2||
jvaramAshu dishet.h paittyaM granthisphoTaM kujastathA |
prajAnAM cha dhanAnAM cha sadA vR^iddhiM budho dishet.h || 3||
dhanaM kIrtiM prajAvR^iddhiM nAnAbhogaM bR^ihaspatiH |
vidyAvR^iddhirvivAhashcha gR^ihaM dhAnyaM bhR^igoH phalam.h || 4||
tApAdhikyaM mahad.hduHkhaM bandhunAshaH shaneH phalam.h |
evamarkAdiyogena vadedrAshidashAphalam.h || 5||
meShe tu raktapIDA cha vR^iShabhe dhAnyavarddhanam.h |
mithune j~nAnasampAnnashchAndre dhanapatirbhavet.h || 6||
sUryaxe shatrubAdhA cha kanyA strINAM cha nAshanam |
tAlike rAjamantritvaM vR^ishchike maraNaM bhavet.h || 7||
arthalAbho bhavechchApe meShasya navabhAgake |
makare pApakarmANi kumbhe vANijyameva cha || 8||
mIne sarvArthasiddhishcha vR^ishchikeShvagnito bhayam.h |
taulike rAjapUjyashcha kanyAyAM shatruvardhanam.h || 9||
shashibhe dArasambAdhA siMhe cha tvaxirogakR^it.h |
mithune vR^ittibAdhA syAd.hvR^iShabhasya navAMshake || 10||
vR^iShabhe tvarthalAbhAshcha meShe tu jvararogakR^it.h |
mIne tu mAtulaprItiH kumbhe shatrupravarddhanam.h || 11||
mR^ige chaurasya sambAdhA dhanuShi shastravardhanam.h |
meShe tu shastrasaMghAto vR^iShabhe kalaho bhavet.h || 12||
mithune sukhamApnoti mithunasya navAMshake |
karkaTe sa~NkaTaprAptiH siMhe rAjaprakopakR^it.h || 13||
kanyAyAM bhrAtR^ipUjA va taulike priyakR^innaraH |
vR^ishchike pitR^ibAdhA syAt.h chApe j~nAnadhanodayaH || 14||
makare jalabhItiH syAt.h kumbhe dhAnyavivardhanam.h |
mIne cha sukhasampattiH karkaTasya navAMshake || 15||
vR^ishchike kalaH pIDA taulike hyadhikaM phalam.h |
kanyAyAmatilAbhashcha shashAMke mR^igabAdhikA || 16||
siMhe cha putralAbhashcha mithune shatruvarddhanam.h |
vR^iSheH chatuShpadAllAbho meShAMshe pashuto bhayam.h |
mIne tu dIrghayAtrA syAt.h siMhasya navabhAgake || 17||
kumbhe tu dhanalAbhashcha makare dravyalAbhakR^it.h |
dhanuShi bhrAtR^isaMsargo meShe mAtR^ivivarddhanam.h || 18||
vR^iShabhe putravR^iddhiH syAnmithune shatruvarddhanam.h |
shashibhe tu striyAM prItiH siMhe vyAdhivivarddhanam.h || 19||
kanyAyAM putravR^iddhiH syAtkanyAyA navamAMshake |
tulAyAmarthalAbhashcha vR^ishchike bhrAtR^ivarddhanam.h || 20||
chApe cha tAtasaukhyaM cha mR^ige mAtR^ivirodhitA |
kumbhe putrArthalAbhashcha mIne shatruvirodhitA || 21||
alau jAyAvirodhashcha tule cha jalabAdhatA |
kanyAyAM dhanavR^iddhiH syAt.h tulAyA navabhAgake || 22||
karkaTe hyarthanAshashcha siMhe rAjavirodhitA |
mithune bhUmilAbhashcha vR^iShabhe chA.arthalAbhakR^it.h || 23||
meShe sarpAdibhItiH syAnmIne chaiva jalAd.h bhayam.h |
kumbhe vyApArato lAbho makare.api rujo bhayam.h || 24||
chApe tu dhanalAbhaH syAd.h vR^ishchikasya navAMshake |
meShe tu dhanalAbhaH syAd.h vR^iShe bhUmivivarddhanam.h || 25||
mithune sarvasiddhiH syAtkarkaTe sarvasiddhikR^it.h |
siMhe tu pUrvavR^iddhiH syAtkanyAyAM kalaho bhavet.h || 26||
taulike chArthalAbhaH syAd.h vR^ishchike roogamApnuyAt.h |
chApe tu sutavR^iddhiH syAchchApasya navamAMshake || 27||
makare putralAbhaH syAtkumbhe dhAnyavivarddhanam.h |
mIne kalyANamApnoti vR^ishchike viShabAdhitA || 28||
taulike tvarthalAbhashcha kanyAyAM shatruvarddhanam.h |
shashibhe sr/iyamApnoti siMhe tu mR^igabAdhitA || 29||
mithune vR^ixabAdhA cha mR^igasya navabhAgake |
vR^iShabhe tvarthalAbhashcha meShabhe tvaxirogakR^it.h || 30||
mIne tu dIrghayAtrA syAtkumbhe dhanavivarddhanam.h |
makare sarvasiddhiH syAchchApe shatruvivarddhanam.h || 31||
meShe saukhyavinAshashcha vR^iShabhe maraNaM bhavet.h |
yugme kalyANamApnoti kumbhasya navamAMshake || 32||
karkaTe dhanavR^iddiH syAt.h siMhe tu rAjapUjanam.h |
kanyAyAmarthalAbhastu tulAyAM lAbhamApnuyAt.h || 33||
vR^ishchike jvaramApnoti chApe shatruvivarddhanam.h |
mR^ige jAyAvirodhashcha kumbhe jalavirodhatA || 34||
mIne tu sarvasaubhAgyaM mInasya navabhAgake |
dashAMshakrameNaivaM j~nAtvA sarvaphalaM vadet.h || 35||
krUragrahadashAkAle shAntiM kuryAdvichaxaNaH |
yat.h proktaM rAjayogAdau saMj~nAdhyAye cha yat.h phalam.h || 36||
tatsarvaM chatrakAle hi subuddh.hyA yojayed.h budhaH |
iti saMxepataH proktaM kAlachakradashAphalam.h || 37||
\medskip\hrule\medskip
         atha charAdidashAphalAdhyAyaH || 50||
\smallskip
charasthirAdisaMj~nA yA dashAH proktAH purA dvija |
shubhA.ashubhaphalaM tAsAM kathayAmi tavA.agrataH || 1||
lagnAdidvAdashAntAnAM bhAvAnAM phalakIrtane |
tattadrAshIshavIryeNa yathAyogyaM prayojayet.h || 2||
balayukte cha rAshIshe pUrNaM tasya tadA phalam.h |
phalaM madhybale madhyaM balahIne viparyayaH || 3||
yo yo dashAprado rAshistasya randhratrikoNake |
pApakheTayute vipra tad.hdashA duHkhadAyikA || 4||
tR^itIyaShaShThage pApe jyAdiH parikIrtitaH |
shubhakheTayute tatra jAyate cha parAjayaH || 5||
lAbhasthe cha shubhe pApe lAbho bhavati nishchitaH |
yadA dashAprado rAshiH shubhakheTayuto dvija || 6||
shubhaxetre hi tadrAsheH shubhaM j~neyaM dashAphalam.h |
pApayukte shubhaxetre pUrvaM shubhamasatpare || 7||
pAparxe shubhasaMyukte pUrvaM saukhyaM tato.ashubham.h |
pApaxetre pApayukte sA dashA sarvadukhadA || 8||
shubhaxetradashA rAshau yukte pApashubhairdvija || 9||
pUrvaM kaShTaM sukhaM pashchAnnirvisha~NkaM prajAyate |
shubhaxetre shubhaM vAchyaM pAparxe tvashubhaM phalam.h || 10||
dvitIye pa~nchame saumye rAjaprItirjayo dhruvam.h |
pApe tatra gate j~neyamashubhaM taddashAphalam.h || 11||
chaturthe tu shubhaM saukhyamArogyaM tvaShTame shubhe |
dharmavR^iddhirgurujanAtsaukhyaM cha navame shubhe || 12||
viparIte viparyAso mishre mishraM prakIrtitam.h |
pAke bhoge cha pApADhye dehapIDA manovyathA || 13||
saptame pAkabhogAbhyAM pApe dArArtirIritA |
chaturthe sthAnahAniH syAtpa~nchame putrapIDanam.h || 14||
dashame kIrtihAniH syAnnavame pitR^ipIDanam.h |
pAkAdrudrAgate pApe pIDA sarvApyabAdhikA || 15||
uktasthAnagate saumye tataH saukhyaM vinirdishet.h |
kendrasthAnagate saumye lAbhaH shatrujapapradaH || 16||
janmakAlagrahasthityA sagochagagrahairapi |
vichAritaiH pravaktavyaM tattadrAshida/sAphalam.h || 17||
yashcha rAshiH shubhAkAnto yasya pashchAchChubhagrahAH |
taddashA shubhadA proktA viparIte viparyayaH || 18||
trikoNarandhrariShphasthaiH shubhapApaiH shubhA.ashubham.h |
taddashAyAM cha vaktavyaM phalaM daivavidA sadA || 19||
meShakarkatulAnakrarAshInAM cha yathAkramam.h |
bAdhA stAnAni samproktA kubhagosiMhavR^ishchikAH || 20||
pAkeshAkrAntarAshau vA bAdhAsthAne shubhetare |
sthite sati mahAshoko bandhanavyasanAmayAH || 21||
uchchasvarxagrhe tasmi~nChubhaM saukhyaM dhanAgamaH |
tachChUnyaM chedasaukhyaM syAttaddashA na phalapradA || 22||
bAdhakavyayaShaDarandhre rAhuyukte mahad.hbhayam.h |
prasthAne bandhanaprAptI rAjapIDA ripobhayam.h || 23||
ravyArarAhushanayo bhuktirAshau sthitA yadi |
tadrAshibhiktau patanaM rAjakopAn.h mahad.hbhayam.h || 24||
bhuktirAshitrikoNe tu nIchakheTaH sthito yadi |
tadrAshau vA yute nIche pApe mR^ityubhayaM vadet.h || 25||
bhuktirAshau svatu~Ngasthe trikoNe vApi khechare |
yadA bhuktidashA prAptA tadA saukhyaM labhennaraH || 26||
nagaragrAmanAthatvaM putralAbhaM dhanAgamam.h |
kalyANaM bhUribhAgyaM cha senapatyaM mahonnatam.h || 27||
pAkeshvaro jIvadR^iShTaH shubharAshisthito yadi |
taddashAyAM dhanaprAptirma~NgalaM putrasambhavam.h || 28||
sitAsitabhayugmAshcha sUryasya ripurAshayaH |
kaurpitaulighaTAshchendrorbhaumasya ripurAshayaH || 29||
ghaTamInanR^iyultaulikanyA j~nasya tataH param.h |
karkamInAlikumbhAshcha rAshayo ripavaH smR^itAH || 30||
vR^iShataulinR^iyukkanyArAshayo ripavo guroH |
siMhAlikarkachApAshcha shukasya ripurAshayaH || 31||
meShasiMhadhanuHkaurpikarkaTA shanishatravaH |
evaM grAhantaradAshAM chintayetkovido dvija || 32||
ye rAjayogadA ye cha shubhamadhyamatA grahAH |
yasmAdvA dvitrituryasthAH grahAH shubhaphalapradAH || 33||
taddashAnAM shubhaM brUyAdrAjayogAdisambhavam.h |
shubhadvayAntaragataH pApo.api shubhadaH smR^itaH || 34||
gatA shubhadashAmadhyaM dashA saumyasya shobhanA |
shubhA yasya trikoNasthastaddashApi shubhapradA || 35||
ArambhAnto mitrashubharAshyoryadi phalaM shubham.h |
pratirAshyaivamavdAdyaM vibhajya tatphalaM vadet.h || 36||
ArambhAttattrikoNe tu saumye tu shubhabhAvahet.h |
shubharAshau shubhArambhe dashA syAdatishobhanA || 37||
shubhAdirAshau pApashcheddashArambhe shubhA smR^itA |
shubhArambhe kathA keti prArambhasya phalaM vadet.h || 38||
Arambhe pAparAshau vA yadIsho durbalo dvija |
nIchAdau taddashAdyante vaded.hbhAgyaviparyayam.h || 39||
yatra sthito nIchakheTastrikoNe vA.atha nIchagaH |
tathA rAshIshvare nIche sambandho nIchakheTakaiH || 40||
bhAgyasya viparItatvaM karotyeva dvijottama |
dhanadhAnyAdihAnishcha dehe rogabhayaM tathA || 41||
rAhoH ketoshcha kumbhAdi vR^ishchikAdi chatuShTayam.h |
svabhaM tatra samArambhastaddashAyAM shubhaM bhavet.h || 42||
yaddashAyAM shubhaM brUyAtsa chenmArakasaMsthitaH |
yasmin.h rAshaudashAntaHsyAttasmin.h dR^iShTe yute.api vA || 43||
shukreNa vidhunA vA syAdrAjakopAddhanaxayaH |
dashAntashchedarixetre rAhudR^iShTayute.api vA || 44||
idaM phalaM shaneH pAke na vichintyaM dvijottama |
dashAprade nakrarAshau na vichintyamidaM phalam.h || 45||
rAhurdashAnte sarvasvanAsho maraNabandhane |
dashAnnirvAsanaM vA syAtkaShTaM vA mahadashnute || 46||
tattrikoNagate pApe nishchayAd.hduHkhamAdishet.h |
evaM shubhAshubhaM sarvaM nishchayena vaded.h budhaH || 47||
rAhvAdyAshritarAshistu bhavedyadi dashApradaH |
tatra kAle.api pUrvoktaM chintanIyaM prayatnataH || 48||
da/sArambho dashAnto vA mArake chenna shobhanam.h |
tasminneva cha rAhushchannarodho dravyanAshanaH || 49||
yatra kvApi cha bhe rAhau dashArambhe vinAshanam.h |
gR^ihabhraMshaH samuddiShTo dhane rAhudhanArtikR^it.h || 50||
chandrshukrau dvAdasha chedrAjakopo bhaved.hdhruvam.h |
bhaumaketU tatra yadi vadho.agnermahatI vyathA || 51||
chendrashukrau dhane vipra yadi rAjyaM prayachChataH |
dashArambhe dashAnte cha dvitIyasthamidaM phalam.h || 52||
evamargalabhAvAnAM phalaM vij~naiH pradarshitam.h |
yasya pApaH shubho vA.api grahastiShThechChubhArgale || 53||
tena draShTrexite lagnaM pAbalyAyopakalpyate |
yadi pashyed.hgrahastanna viparItArgalasthitaH || 54||
tad.hbhAvasya dashAyAstu viparItaphalaM bhavet.h |
sad.hdR^iShTe.api shubhaM brUyAnnirvishaMkaM dvijottama || 55||
yasminbhAve shubhasvAmisambandhastu~NgakhecharaH |
syAttad.hbhAvadashAyAM tu antyaishvaryamakhaNDitam.h || 56||
yad.hbhAveshaH svArtharAshimadhitiShThati pashyati |
syAtad.hbhAvadashAkAle dhanalAbho mahattaraH || 57||
yasmAd.hvyayagato yastu taddashAyAM dhanaxayaH |
yasmAttrikoNagAH pApAstatrAtmashubhanAshanam.h || 58||
putrahAniH pituH pIDA manastApo mahAn.h bhavet.h |
yasmAttriko~NgA riHpharandhreshArkArasUryajAH || 59||
putrapIDA dravyahAnistatra ketvahisa~Ngame |
videshabhramaNaM klesho bhayaM chaiva pade pade || 60||
tasmAtShaShThAShTame krUranIchakheTAdayaH sthitAH |
rogashatrunR^ipAlebhyo muhuH pIDA suduHsahA || 61||
yasmAchchaturthaH krUraH syAd.hbhUgR^ihaxetranAshanam.h |
pashuhAnistatra bhaume gR^ihadAhaH pramAdakR^it.h || 62||
shanau hR^idayashUlaM syAtsUrye rAjaprakopanam.h |
sarvasvaharaNaM rAhau viShachaurAdijaM bhayam.h || 63||
yasmAd.h dashamabhe rAhuH puNyatIrthATanaM bhavet.h |
yasmAtkarmAyabhAgyarxagataH shobhanakhecharAH || 64||
vidyArthadharmasatkarmakhyAtipauruShasiddhayaH |
yataH pa~nchamakAmArigatAH svochchashubhagrahAH || 65||
putradArAdisamprAptirnR^ipapUjA mahttarA |
yasmAn.hputrAyakarmAmbunavalagnAdhipAH sthitAH || 66||
tattad.hbhAvArthasiddhiH syAchChreyo yogAnusArataH |
yasmin.h gururvA shukrovA shubhesho vApi saMsthitaH || 67||
kalyANaM sarvasampattir devabrAhmaNatarpanam.h |
yatchaturthe tu~NgakheTAH shubhasvAmI grahashcha vA || 68||
vAhanagrAmalAbhashcha pashuvR^iddhishcha bhUyasI |
tatra chandre cha lAbhaH syAd.hbahudhAnyarasAnvitaH || 69||
pUrNe vidhau nidhiprAptirlabhedvA maNisa~njayam.h |
tatra sukre bhR^ida~NgAdivAdyagAnapuraskR^itaH || 70||
AndolikAptirjIve tu kanakAMdolikA dhruvam.h |
lagnakarmeshabhAgyeshatu~NgasthashubhayogataH || 71||
sarvotkarShamahaishvaryasAmrAjyAdimahatphalam.h |
evaM tattad.hbhAvadAyaphalaM yatsyAdvichintayet.h || 72||
ekaikoDudashA svIyairguNairaShTAdashAtmabhi |
bhinnaM phalavipAkaM tu kuryAdvai chitrasaMyutam.h || 73||
paramochche tu~NgamAtre tadarvAk.htaduparyapi |
mUlatrikoNabhe svarxe svAdhimitragrahasya bhe || 74||
tatkAlasuhR^ido gehe udAsInasya bhe tathA |
shartorbhe.adhiriporbhe cha nIchAntAdUrdhvadeshabhe || 75||
tasmAdarvA~N.h nIchamAtra nIchAnte paramAMshake |
nIchArivarge sakhale svavarge kendrakoNabhe || 76||
vyavasthitasya kheTasya samare pIDitasya cha |
gADhapUDhasya cha dashApachitiH svaguNaiH phalam.h || 77||
paramochchagato yastu yo.ativIryasamanvitaH |
sampUrNAkhyA dashA tasya rAjyabhoogyashubhapradA || 78||
laxmIkaTAxachihnAnAM chiravAsagR^ihapradA |
tu~NgamAtragatasyApi tathA vIryAdhikasya cha || 79||
pUrNAkhyA bahulaishvaryadAyinyApi rujapradA |
atinIchagatasyApi durbalasya grahasya tu || 80||
riktA tvaniShTaphaladA vyAdhyanarthamR^itipradA |
atyuchche.apyatinIchasthe madhyagasyAvarohiNI || 81||
mitrochchabhAvaprAptasya madhyAkhyA hyarthadA dashA |
nIchAMtAduchchabhAgAntaM bhaShaT.hke madhyagasya cha || 82||
dashA chArohiNI nIcharipubhAMshagatasya cha |
adhamAkhyA bhayakleshavyAdhiduHkhavivardhinI || 83||
nAmAnurUpaphaladAH pAkakAle dashA imAH |
bhAgyeshagurusambandho yogadR^ikkendrabhAdibhiH || 84||
pareShAmapi dAyeShu bhagyopakramamunnayet.h |
jAtako yastu phalado bhagyayogaprado.atha yaH || 85||
saphalo vakrimAdUrdhvamanyAnapi cha khecharAn.h |
durbalAnasamarthAMshcha phaladAneShu yAgataH || 86||
tAratamyAtsusambandhA dashA hyetAH phalapradAH |
svakendrAdijuShAM teShAM pUrNArddhAMghrivyavasthayA || 87||
shIrShodayabhagAH svasvadashAdau svaphalapradAH |
ubhayodayarAshisthadashA madhyaphalapradA || 88||
pR^iShThodayarxagAH kheTAH svadashAnte phalapradAH |
nisargatashcha tatkAle suhR^idAM haraNe shubham.h || 89||
sampAdayettadA kaShTaM tadviparyayagAminAm.h |
dasheshAkrAMtabhAvarxAdArabhya dvAdasharxakam.h || 90||
bhaktvA dvAdasharAshInAM dashAbhukti prakalpayet.h |
ekaikarAsheryA tatra suhR^itsvaxetragAminI || 91||
tasyAM rAjyAdisampattipUrvakaM shubhamIrayet.h |
duHsthAnaripugehasthanIchakrUrayutA cha yA || 92||
tasyAmanarthakalahaM rogamR^ityubhayAdikam.h |
bindubhUyastvashUnyatvavashAt.h svIyAShTavargake || 93||
vR^iddhiM hAniM cha tadrAshibhAvasya svagR^ihAtkramAt.h |
bhAvayojanayA vidyAtsutastryAdishubhA.ashubham.h || 94||
dhAtvAdirAshibhedAchcha dhAtvAdigrahayogataH |
shubhapApanashAbhedAchChubhapApayutairapi || 95||
iShTAniShTasthAnabhedAt.h phalabhedAt.h samunnayet.h |
evaM sarvagrahANAM cha svAM svAmantardashAmapi || 96||
svarAshito rAshibhuktiM prakalpya phalamIrayet.h |
antarantardashAM svIyAM vibhajyaivaM punaH punaH || 97||
\medskip\hrule\medskip
\medskip\hrule
##
Encoded and proofread by ajarve at fms30.cca.rockwell.com (Ahto Jarve)

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}