% Text title            : bRihatpArAsharahorAshAstram.h 51-60
% File name             : par5160.itx
% Category              : jyotisha, sociology\_astrology, bRihatpArAshara
% Location              : doc\_z\_misc\_sociology\_astrology
% Transliterated by     : Ahto Jarve ajarve at fms30.cca.rockwell.com
% Proofread by          : Ahto Jarve ajarve at fms30.cca.rockwell.com
% Latest update         : November 1, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bRihatpArAsharahorAshAstram.h 51-60 ..}##
\itxtitle{.. bR^ihatpArAsharahorAshAstram.h 51\-60 ..}##\endtitles ##

\medskip\hrule\medskip
          athA.antardashAdhyAyaH || 51||
\smallskip
dashAbdAH svasvamAnaghnAH sarvAyuryogabhAjitAH |
pR^ithagantardashA evaM pratyantaradashAdikAH || 1||
AdAvantardashA pAkapatestatkramato.aparAH |
evaM pratyantarAdau cha kramo j~neyo vichaxaNaiH || 2||
bhuktirnavAnAM tulyA syAd.h vibhAjyA navadhA dashA |
Adau dashApaterbhuktistat.hkendrAdiyujAM tataH || 3||
vidyAt.h krameNa bhuktyaMshAnevaM sUxmadashAdikam.h |
balakramAt.h phalaM vij~nairvaktavyaM pUrvarItitaH || 4||
kR^itvA.arkadhA rAshidashAM rAsherbhuktiM kramAd.h vadet.h |
pratyantardashAdyevaM kR^itvA tattat.hphalaM vadet.h || 5||
Adyasaptamayormadhye yo rAshirbalavAMstataH |
oje dashAshraye gaNyAH kramAdutkramataH same || 6||
atrA.aparo visheSho.asti bravImi tamahaM dvija |
chare.anujjhitamArgaH syAt.h ShaShThaShaShThAdikAH sthire || 7||
ubhaye kaNTakAj.h j~neyA lagnapa~nchamabhAgyataH |
charasthiradvisvabhAveShvojeShuH prAk.h kramo mataH || 8||
teShveva triShu yugmeShu grAhyaM vyutkramato.akhilam.h |
evamullikhito rAshi pAkarAshirudIryute || 9||
sa eva bhogarAshiH syAt.h paryAye prathame smR^itaH |
AdyAd.h yAvatithaH pAkaH paryAye yatra dR^ishyate || 10||
tasmAt.h tAvatitho bhogaH paryAye tatra gR^ihyatAm.h |
tadidaM charaparyAyasthiraparyAyayordvayoH || 11||
trikoNAkhyadashAyAM cha pAkabhogaprakalpanam.h |
pAke bhoge cha pApADhye depapIDA namovyathA || 12||
piNDatrikadashAyAM tu bravimyantardashAvidhim.h |
pUrNa dashApatirdad.hyAt.h tadardhaM tena saMyutaH || 13||
trikoNagastR^itIyAMshaM turyAMshashchaturasragaH |
smaragaH saptamaM bhAgaM bahuShveko balI grahaH || 14||
evaM salagnakAH kheTAH pAchayanti mithaH sthitAH |
samachChedIkR^itAH prAptA aMsAshChedavivarjitAH || 15||
dashAbdAH pR^ithagaMshaghnA aMshayogavibhAjitAH |
antardashA bhavantyevaM tatpratyantardashAdikAH || 16||
\medskip\hrule\medskip
       atha viMshottarImatena sUryadashAntardashAphalAdhyAyaH || 52||
\smallskip
svochche svbhe sthitaH sUryo lAbhe kendre trikoNake |
svadashAyAM svabhuktau cha dhanadhAnyAdilAbhakR^it.h || 1||
nIchAdyashubharAshistho viparItaM phalaM dishet.h |
dvitIyadyUnanAthe.arke tvapamR^ityubhayaM vadet.h || 2||
taddoShaparihArArthaM mR^ityu~njayajapaM charet.h |
sUryaprItikarIM shAntiM kuryAdArogyalabdhaye || 3||
sUryasyA.antargate chandre lagnAtkendratrikoNage |
vivAhaM shubhakAryaM cha dhanadhAnyasamR^iddhikR^it.h || 4||
gR^ihaxetrAbhivR^iddhiM cha pashuvAhanasampadAm.h |
tu~Nge vA svarxage vA.api dArasaukhyaM dhanAgamam.h || 5||
putralAbhasukhaM chaiva saukhyaM rAjasamAgamam.h |
mahArAjaprasAdena iShTasiddhisukhavAham.h || 6||
xINe vA pApasaMyukte dAraputrAdipoDanam.h |
vaiShamyaM janasaMvAdaM bhR^ityavargavinAshanam.h || 7||
virodhaM rAjakalahaM dhanadhAnyapashuxayam.h |
ShaShThAShTamavyaye chandre jalabhItiM manorujam.h || 8||
bandhanaM rogapIDAM cha sthAnavichyutikArakam.h |
duHsthAnaM chApi chittena dAyAdajanavigraham.h || 9||
nirdishet.h kutsitAnnaM cha chaurAdinR^ipapIDanam.h |
mUtrakR^ichChAdirogashcha dehapIDA tathA bhavet.h || 10||
dAyeshAllabhabhAgye cha kendre vA shubhasaMyute |
bhogabhAgyAdisantoShadAraputrAdivarddhanam.h || 11||
rAjyaprAptiM mahatsaukhyaM sthAnaprAptiM cha shAshvartAm.h |
viviAhaM yaj~nadIxAM cha sumAlyAmabarabhUShaNam.h || 12||
vAhanaM putrapautrAdi labhate sukhavarddhanam.h |
dAyeshAdripurandhrasthe vyaye vA balavarjite || 13||
akAle bhojanaM chaiva deshAddeshaM gamiShyati |
dvitIyadyUnanAthe cha hyapamR^ityurbhaviShyati |
shvetAM gAM mahiShIM gadyAchChAnti kuryAtsukhAptaye || 14||
sUryasyAntargate bhaume svochche svaxetralAbhage |
lagnAtkendratrikoNe vA shubhakAryaM samAdishet.h || 15||
bhUlAbhaM kR^iShilAbhaM cha dhanadhAnyavivardhanam.h |
gR^ihaxetrAdi lAbhaM cha raktavastrAdilAbhakR^it.h || 16||
lagnAdhipena saMyukte saukhyaM rAjapriyaM vadet.h |
bhAgyalAbhAdhipairyukte lAbhashchaiva bhaviShyati || 17||
bahusenAdhipatyaM cha shatrunAshaM manodR^iDham.h |
Atmabandhusukham.h chaiva bhrAtR^ivarddhanakaM tathA || 18||
dAyeshAd.hvyayarandhrasthe pApairyukte cha vIxite |
AdhipatyabalairhIne krUrabuddhiM manorujam.h || 19||
kArAgR^ihe praveshaM cha kathayed.h bandhunAshanam.h |
bhrAR^ivagavirodhaM cha karmanAshamathApi vA || 20||
nIche vA durbale bhaume rAjamUlAddhanaxayaH |
dvitIyadyUnanAthe tu dehe jADyaM manorujam.h || 21||
subrahmajapadAnaM cha vR^iShotsargaM tathaiva cha |
shAntiM kurvIta vidyivadAyurArogyasiddhidAm.h || 22||
sUryasyAntargate rAhau lagnAtkendratrikoNage |
Adau dvimAsaparyantaM dhananAsho mahad.hbhayam.h || 23||
chaurAdivraNabhItishcha dAraputrAdipIDanam.h |
tatparaM sukhamApnoti shubhayukte shubhAMshake || 24||
dehArogyaM manastuShTi rAjaprItikaraM sukham.h |
lagnAdupachaye rAhau yogakArakasaMyute || 25||
dAyeshAchChubharAshisthe rAjasanmAnamAdishet.h |
bhAgyavR^iddhiM yasholAbhaM dAraputrAdipIDanam.h || 26||
putrotsavAdisantoShaM gR^ihe kalyANashobhanam |
dAyeshAdatha riShphasthe randhre vA balavarjite || 27||
bandhanaM sthAnanAshashcha kArAgR^ihaniveshanam.h |
chaurAdivraNabhItishcha dAraputrAdivarddhanam.h || 28||
chatuShpAjjIvanAshashcha gR^ihaxetrAdinAshanam |
gulmaxayAdirogashcha hyatisArAdipIDanam || 29||
dvisphasthe tathA rAhau tatsthAnAdhipasaMyute |
apamR^ityubhayaM chaiva sarpabhItishcha sambhavet.h || 30||
durgAjapaM cha kurvIt.h ChAgadAnaM samAcharet.h |
kR^iShNAM gAM mahiShIM dad.hyachChAntimApnotyasaMshayam.h || 31||
sUryasyAntargate jIve lagnAtkendratrikoNage |
svochche mitrasya vargasthe vivAhaM rAjadarshanam.h || 32||
dhanadhAnyAdilAbha cha putralAbhaM mahat.hsukham |
mahArAjaprasAdena iShTakAryArthalAbhakR^it.h || 33||
brAhmaNpriyasanmAnaM priyavastrAdilAbhakR^it.h |
bhAgyakarmAdhipavashAdrAjyalAbhaM vaded.h dvija || 34||
naravAhanayogashcha sthAnAdhikyaM mahatsukham.h |
dAyeshAchChubharAshisthe bhAgyavR^iddhiH sukhAvahA || 35||
dInadharmakriyAyukto devatArAdhanapriyaH |
gurubhaktirmanaHsiddhiH puNyukarmAdisaMgrahaH || 36||
rAsheshAdripurandhrasthe nIche vA pApasaMyute |
dAraputrAdipIDA cha dehapIDA mahad.hbhayam.h || 37||
rAjakopaM prakurute.abhIShTavastuvinAshnam.h |
pApamUlad.hdravyanAshaM dehabhraShTaM manorujam.h || 38||
svarNadAnaM prakurvIta sveShTajApyaM cha kArayet.h |
gavAM kapilavarNAnAM dAnenArogyamAdishet.h || 39||
sUryasyAntargate mande lagnAtkendratrikoNage |
shatrunAsho mahatsaukhyaM svalpadhAnyArthalAbhakR^it.h || 40||
vivAhAdisukArya~ncha gR^ihe tasya shubhAvaham.h |
svochche svaxetrage mande suhR^id.hgrahasamanvite || 41||
gR^ihe kalyANasampattirvivAhAdiShu satkriyA |
rAjasanmAnakIrtishcha nAnAvastradhanAgamam.h || 42||
dAyeshAdatha randhrasthe vyaye vA pApasaMyute |
vAtashUlamahAvyAdhijvarAtIsArapIDanam.h || 43||
bandhanaM kAryahAnishcha vittanAsho mahad.hbhayam.h |
akashmAtkalahashchaiva dAyAdajanavigrahaH || 44||
bhuktyAdau mitrahAniHsyAnmadhye ki~nchitsukhAvaham.h |
ante kleshakaraM chaiva nIche teShAM tathaiva cha || 45||
pitR^imAtR^iviyogashcha gamanAgamamaM tathA |
dvitIyadyUnanAthe tu apamR^ityubhayaM bhavet.h || 46||
kR^iShNAM gAM mahiShIM dadyAnmR^ityu~njayajapaM charet.h |
ChAgadAnaM prakurvIta sarvasampatpradAyakam.h || 47||
sUryAsyAntargate saumye svochche vA svarxage.api vA |
kendratrikoNalAbhasthe budhe vargabalairyute || 48||
rAjyalAbho mahotsAho dAraputrAdisaukhyakR^it.h |
mahArajaprasAdena vAhanAmbarabhUShaNam || 49||
puNyatIrthaphalAvAptirgR^ihe godhanasaMkulam.h |
bhAgyalAbhAdhipairyukte lAbhavR^iddhikoro bhavet.h || 50||
bhAgyapaMchamakarmasthe sanmAno bhavati dhruvam.h |
sukarmadharmabuddhishcha gurudevadvijArjanam.h || 51||
dhanadhAnyAdisaMyukto vivAhaH putrasambhavaH |
dAyeshAchChubharAshisthe saumyayukte mahatsukham.h || 52||
vaivAhikaM yaj~nakarma dAnadharmajapAdikam.h |
svanAmA~NkitapadyAni nAmadvayamathA.api vA || 53||
bhojanAmbarabhUShAptiramaresho bhavennaraH |
dAyeshAdripurandhrasthe riShphage nIchage.api vA || 54||
dehapIDA manastApo dAraputrAdipIDanam.h |
bhuktyAdau duHkhamApnoti madhye ki~nchit.hsukhAvaham.h || 55||
ante tu rAjabhItishcha gamanAgamanaM tathA |
dvitIye dyUnanAthe tu dehajADyaM jvarAdikam.h || 56||
viShNunAmasahasraM cha hyannadAnaM cha kArayet.h |
rajatapratimAdAnaM kuryAdArogyasiddhaye || 57||
sUryasyAntargate ketau dehapIDA manovyathA |
arthavyayaM rAjakopaM svajanAderupadravam.h || 58||
lagnAdhipena saMyukte Adau saukhyaM dhanAgamam.h |
madhye tatkleshamApnoti mR^itavArtAgamaM vadet.h || 59||
athAShTamavyaye chaivaM dAyeshAtpApasaMyute |
kapoladantarogashcha mUtrakR^irchChasya sambhavaH || 60||
sthAnavichyutirarthasya mitrahAniH piturmR^itiH |
videshagamanaM chaiva shatrupIDA mahad.hbhayam.h || 61||
lagnAdupachaye ketau yogakArakasaMyute |
shubhAMshe shubhavarge cha shubhakarmaphalodayaH || 62||
putradArAdisaukhyaM cha santoShaM priyavarddhanam.h |
vichitravastralAbhashcha yashovR^iddhiH sukhAvahA || 63||
dvitIyAdyUnanAthe vA hyapamR^ityubhayaM vadet.h |
durgAjapaM cha kurvIta ChAgadAnaM sukhAptaye || 64||
sUryasyAntargate shukre trikoNe kendrage.api vA |
svochche mitrasvavargasthe.abhIShTastrIbhogyasampadaH || 65||
grAmAntaraprayANaM cha bhAhmaNaprabhudarshanam.h |
rAjyalAbho mahotsAhashChatrachAmaravaibhavam.h || 66||
gR^ihe kalyANasampattirnityaM miShThAnnabhojanam.h |
vidrumAdiratnalAbho muktAvastrAdi lAbhakR^it.h || 67||
chatuShpAjjIvalAbhaH syAd.hbahudhAnyadhanAdikam.h |
utsAhaH kIrtisampattirnaravAhanasampadaH || 68||
ShaShThAShTamavyaye shukre dAyeshAd.hbalavarjite |
rAjakopo manaHkleshaH putrastrIdhananAshanam.h || 69||
bhuktyAdau madhyamaM madhye lAbhaH shubhakaro bhavet.h |
ante yashonAshanaM cha sthAnabhraMshamathApi vA || 70||
bandhudveShaM vaded.h vApi svakulAd.hbhoganAshanam.h |
bhArgave dyUnanAthe tu dehe jADyaM rujobhayam.h || 71||
randhrariShphasamAyukte hyapamR^ityurbhaviShyati |
taddoShaparihArArthaM mR^ityurjayajapaM charet.h || 72||
shvetAM gAM mahiShIM dadyAdrudrajApyaM cha kArayet.h |
tataH shAntibhavApnoti sha~Nkarasya prasAdataH || 73||
\medskip\hrule\medskip
         atha chandrAntardashAphalAdhyAyaH || 53||
\smallskip
svochche svaxetrage chandre trikoNe lAbhage.api vA |
bhAgyakarmAdhipairyukte gajAshvAmbarasaMkulam.h || 1||
devatAgurubhaktishcha puNyashlokAdikIrtanam.h |
rAjyalAbho mahatsaukhyaM yashovR^iddhiH sukhAvahA || 2||
pUrNe chandre balaM pUrNaM senApatyaM mahatsukham.h |
pApayukte.athavA chandre nIche vA riShphaShaShThage || 3||
atakAle dhananAshaH syAtsthAnachyutirathApi vA |
dehalasyaM manastapo rAjamantrivirodhakR^it.h || 4||
mAtR^iklesho manoduHkhaM nigaDaM bandhunAshanam.h |
dvitIyadyUnanAthe tu randhrariShpheshasaMyute || 5||
dehajADyaM mahAbha~NgamapamR^ityobhayaM vadet.h |
shvetAM gAM mahiShIM dadyAt.h svadashAntargate vidhau || 6||
chandrasyAntargate bhaume lagnAtkendratrikoNage |
saubhAgyaM rAjasanmAnaM vastrabharaNabhUShaNam.h || 7||
yatnAt.h kAryArthasiddhistu bhaviShyati na saMshayaH |
gR^ihaxetrAbhivR^iddhishcha vyavahAre jayo bhavet.h || 8||
kAryalAbho mahatsaukhyaM svochche svaxetrage phalam.h |
tathA.aShTamavyaye bhaume pApayukte.atha vA yadi || 9||
dAyashAdashubhasthAne dehArtiH paravIxite |
gR^ihaxetrAdihAnishcha vyavahAre tathA xatiH || 10||
mR^ityuvargeShu kalaho bhUpAlasya virodhanam.h |
Atmabandhuviyogashcha nityaM niShThurabhAShaNam.h || 11||
dvitIye dyUnanAthe tu randhre randhrAdhipo yadA |
tattoShaparihArArthaM brAhmaNasyA.archanaM charet.h || 12||
chandrasyAntargate rAhau lagnAtkendratrikoNage |
Adau svalphalaM j~neyaM shatrupIDA mahad.hbhayam.h || 13||
chaurAhirAjabhItishcha chatuShpAjjivapIDanam.h |
bandhunAsho mitrahAnirmAnahAnirmanovyathA || 14||
shubhayukte shubhairdR^iShTe lagnAdupachaye.api vA |
yogakArakasambandhe sarvakAryArthasiddhikR^it.h || 15||
nairR^itye pashchime bhAve kvachitprabhusamAgamaH |
vAhanAmabaralAbhashcha sveShTakAryArthasiddhikR^it.h || 16||
dAyeshAdatha randhrathe vyaye vA balavarjite |
sthAnabhraMsho manodukhaM putraklesho mahad.hbhayam.h || 17||
dArapIDA kvachijj~neyA kvachit.hsvA~Nge rujobhayam.h |
vR^ishchikAdiviShAd.hbhItishchaurAhinR^ipapIDanam.h || 18||
dAyeshAtkendrakoNe va dushchikye lAbhage.api vA |
puNyatIrthaphalAvAptirdevatAdarshanaM mahat.h || 19||
paropakArakarmAdipuNyakarmAdisamprahaH |
dvitIyadyUnarAshiathe dehabAdhA bhaviShyati || 20||
taddoShaparihArArthaM rudrajApyaM samAcharet.h |
ChAgadAnaM prakurvIta dehArogyaM prajAyate || 21||
chandrasyAntargate jIve lagnAtkendratrikoNage |
svagehe lAbhage svochche rAjyalAbho mahotsavaH || 22||
vastrA.ala~NkArabhUShAptI rAjaprItirdhanAgamaH |
iShTadevaprasAdena garbhAdhAnAdikaM phalam.h || 23||
tathA shobhanakAryANi gR^ihe laxmIH kaTAxakR^it.h |
rAjAshrayaM dhanaM bhUmigajavAjisamanvitam.h || 24||
mahArAjaprasAdena sveShTasiddhiH sukhAvahA |
Sha.ShThAShTamavyaye jIve nIcha vAsta~Ngate yadi || 25||
pApayukte.ashubhaM karma guruputrAdinAshanam.h |
sthAnabhraMsho manoduHkhamakasmAtkalaho dhruvam.h || 26||
gR^ihaxetrAdinAshashcha vAhanAmbaranAshanam.h |
dAyeshAtkendrakoNe vA dushchikye lAbhage.api vA || 27||
bhojanAmbaraparavAdi=lAbhaM saukhyaM karoti cha |
brhAtrAdisukhasampattiM dhairyaM vIryaparAkramam.h || 28||
yaj~navratavivAhAdirAjyashrIdhanasampadaH |
dAyeshAdripurandhrasthe vyaye vA balavarjite || 29||
karoti kutsinAnnaM cha videshagamanaM tathA |
bhuktyAdau shobhanaM proktamante kleshakaraM bhavet.h || 30||
dvitIyadyUnanAthe cha hyapamR^ityurbhaviShyati |
taddoShaparihArArthaM shivasAhasrakaM japet.h |
svarNadAnamiti proktaM sarvakaShTanivArakam.h || 31||
chandrasyAntargate mande lagnAtkendratrikoNage |
svaxetre svAMshage chaiva mande tu~NgAMshasaMyute || 32||
shubhadR^iShTayute vA.api lAbhe vA balasaMyute |
putramitrArthasampattiH shUdraprabhusamAgamAt.h || 33||
vyayasAyAtphalAdhikyaM gR^ihe xetrAdivR^iddhidam.h |
putralAbhashcha kalyANaM rAjAnugrahavaibhavam.h || 34||
ShaShThAShTamavyaye mande nIche vA dhanage.api vA |
tad.hbhuktyAdau puNyatIrthe snAnaM chaiva tu darshanam.h || 35||
anekajanatrAsashcha shastrapIDA bhaviShyati |
dAyeshAtkendrarAshisthe trikoNe balage.api vA || 36||
kvachitsaukhyaM dhanAptishcha dAraputravirodhakR^it.h |
dvitIyadyUnarandhrasthe dehabAdhA bhaviShyati || 37||
taddoShaparihArArthaM mR^ityu~njayajapaM charet.h |
kR^iShNAM gAM mahiShIM dadyAddAnemArogyamAdishet.h || 38||
chandrasyAntargate saumye kendralAbhatrikoNage |
svarxe nijAMshake saumye tu~Nge vA balasaMyute || 39||
dhanAgamo rAjamAnapriyavastrAdilAbhakR^it.h |
vidyAvinodasad.hgoShThI j~nAnavR^iddhiH sukhAvahA || 40||
santAnaprAptiH santoSho vANijyAddhanalAbhkR^it.h |
vAhanachChatrasaMyuktanAnAla~NkAralAbhakR^it.h || 41||
dAyeshAtkendrakoNe vA lAbhe vA dhanage.api vA |
vivAho yaj~nadIxA cha dAnadharmashubhAdikam.h || 42||
rAjaprItikarashchaiva vidvajjanasamAgamaH |
muktAmaNipravAlAni vAhanAmbarabhUShaNam.h || 43||
ArogyaprItisaukhyaM cha somapAnAdikaM sukham.h |
dAyeshAdripurandhrasthe vyaye vA nIchage.api vA || 44||
tad.hbhuktau dehabAdhA cha kR^irShigobhUminAshanam.h |
kArAgR^ihapraveshAshcha dAraputrAdipIDanam.h || 45||
dvitIyadyUnanAthe tu jvarapIDA mahad.hbhayam.h |
ChAgadAnaM prakurvIta viShNusAhasrakaM japet.h || 46||
chandrasyAntargate ketau kendralAbhatrikoNage |
dushchikye balasaMyukte dhanalAbhaM mahatsukham.h || 47||
putradArAdisaukhyaM cha vidhikarma karoti cha |
bhuktyAdau dhanahAniH syAnmadhyage sukhamApnuyAt.h || 48||
dAyeshAtkendralAbhe vA trikoNe balasaMyute |
kvachitphalaM dashAdau tu dadyAt.h saukhyaM dhanAgamam.h || 49||
gomahiShyAdilAbhaM cha bhuktyante chArthanAshanam.h |
pApayukte.athavA dR^iShTe dAyeshAdrandhrariHphage || 50||
shatrutaH kAryahAniH syAdakasmAtkalaho dhruvam.h |
dvitIyadyUnarAshistyhe hyanArogyaM mahad.hbhayam.h || 51||
mR^ityu~njayajapaM kuryAt.h sarvasampatpradAyakam.h |
tataH shAntimavApnoti sha~Nkarasya prasAdataH || 52||
chandrasyAntargate shukre kendralAbhatrikoNage |
svochche svaxetrage vApi rAjyalAbhaM karoti cha || 53||
mahArAjaprasAdena vAhanAmbarabhUShaNam.h |
chatuShpAjjivalAbhaH syAddAraputrAdivardhanam.h || 54||
nUtanAgAranirmANaM nityaM miShThAnnabhojanam |
sugandhapuShpamAlyAdiramyastryArogyasampadam.h || 55||
dashAdhipena saMyukte dehasaukhyaM mahatsukham.h |
satkIrtisukhasampattigR^ihaxetrAdivR^iddhikR^it.h || 56||
nIche vA.asta~Ngate shukre pApagrahayutexite |
bhUnAshaH putramitrAdinAshanaM patninAshanam.h || 57||
chatuShpAjjivahAniH syAdrAjadvAre virodhakR^it.h |
dhanasthAnagate shukre svachche svaxetrasaMyute || 58||
nidhilAbhaM mahatsaukhyaM bhU lAbhaM putrasambhavam.h |
bhAgyalAbhAdipairyukte bhAgyavR^iddhiH karotyasau || 59||
mahArAjaprasAdena sveShTasiddhiH sukhAvahA |
devabrAhmaNabhaktishcha muktavidrumalAbhakR^it.h || 60||
dAyashAllAbhage shukre trikoNe kendrage.api vA |
gR^ihaxetrAbhivR^iddhishcha vittalAbho mahatsukham.h || 61||
dAyeshAdripurandhrasthe vyaye vA pApasaMyute |
videshavAsaduHkhArtimR^ityuchaurAdipIDanam.h || 62||
dvitIyadyUnanAthe tu apamR^ityubhayaM bhavet.h |
taddoShavinivR^ittyarthaM rudrajApyaM cha kArayet.h || 63||
shvetAM gAM rajataM dadyAchChantimApnotyasaMshayaH |
sha~Nkarasya prasAdena nA.atra kAryA vichAraNA || 64||
chandrasyAntargate bhAnau svochche svaxetrasaMyute |
kendre trikoNe lAbhe vA dhane vA sodarAlaye || 65||
naShTarAjyadhanaprAptirgR^ihe kalyANashobhanam.h |
mitrarAjaprasAdena grAmabhUmyAdilAbhkR^it.h || 66||
garbhAdhAnaphalaprAptirgR^ihe laxmIH kaTAxakR^it.h |
bhuktyante deha AlasyaM jvarapIDA bhaviShyati || 67||
dAyeshAdapi randhrasthe vyaye vA pApasaMyute |
nR^ipachaurAhibhItishcha jvararogAdisambhavaH || 68||
videshagamane chArti labhate na saMshayaH |
dvitIyadyUnanAthe tu jvarapIDA bhaviShyati || 69||
taddoShaparihArArthaM shivapUjAM cha kArayet.h |
tataH shAntibhavApnoti shA~Nkarasya prasAdataH || 70||
\medskip\hrule\medskip
        atha kujadashAntardashAphalAdhyAyaH || 54||
\smallskip
kuje svAntargate vipra lagnAtkendratrikoNage |
lAbhe vA shubhasaMyukte duShchikye dhanasaMyute || 1||
lagnAdhipena saMyukte rAjA.anugrahavaibhavam.h |
laxmIkaToxachihnAni naShTarAjyArthalAbhakR^it.h || 2||
putrotsavAdisantoSho gR^ihe goxIrasa~Nkalam.h |
svochche vA svarxage bhaume svAMshe vA balasaMyute || 3||
gR^ihaxetrAbhivR^iddhishcha gomahiShyAdilAbhakR^it.h |
mahArAjaprasAdena sveShTasiddhiH sukhAvahA || 4||
athA.aShTamavyaye bhaume pApadR^ig.hyogasaMyute |
mUtrakR^irchChAdirogashcha kaShTAdhikyaM vraNAd.hbhayam.h || 5||
chaurAhirAjapIDA cha dhanadhAnyaparuxayaH |
dvitIye dyUnanAthe tu dehajADyaM manovyathA || 6||
taddoShaparihArArthaM rudrajApyaM cha kArayet.h |
anaD.hvAhaM pradadvAchcha kujadoShanivR^ittaye || 7||
tena tuShTo bhaved.h bhaumaH sha~Nkarasya prasAdataH |
ArogyaM kurute tasya sarvasampattidAyakam.h || 8||
kujasyAntargate rAhau svochche mUlatrikoNage |
shubhairyukte shubhairdR^iShTe kendralAbhatR^ikoNage || 9||
tatkAle rAjasammAnaM gR^ihabhUmyAdilAbhakR^it.h |
kalatraputralAbhaH syAd.hvyavasAyAtphalAdhikam.h || 10||
ga~NgAsnAnaphalAvAptiM videshagamanaM tathA |
tathA.aShTamavyaye rAhau pApayukte.atha vIxite || 11||
chaurAhivraNabhItishcha chatuShpAjjIvanashanam.h |
vAtapittarujobhItiH kArAgR^ihaniveshanam.h || 12||
dhanasthAnagate rAhau dhananAs.haM mahad.hbhayam.h |
saptamasthAnage vA.api hyapamR^ityubhayaM mahat.h || 13||
nAgapUjAM prakurvIta devabrAhmaNabhojanam |
mR^ityu~njayajapaM kuryAdAyurArogyalabdhaye || 14||
kujasyAntargate jIve trikoNe kendrage.api vA |
lAbhe vA dhanasaMyukte tu~NgAMshe svAMshagepi vA || 15||
satkIrtI rAjasammAnaM dhanadhAnyasya vR^iddhikR^it.h |
gR^ihe kalyANasampattirdAraputrAdilAbhakR^it.h || 16||
dAyeshAtkendrarAshisthe trikoNe lAbhage.api vA |
bhAgyakarmAdhipairyukte vAhanAdhipasaMyute || 17||
lagnAdhipasamAyukte shubhAMshe shubhavargage |
gR^ihaxetrAbhivR^iddhishcha gR^ihe kalyANasampadaH || 18||
dehArogyaM mahatkIrtigR^ihe gokulasaMgrahaH |
chatuShpAjjIvalAbhaH syAd.hvyavasAyAtphalAdhikam.h || 19||
kalaputrasaukhyaM cha rAjasammAnavaibhavam.h |
ShaShThAShTamavyaye jIve nIche vAstaMgate sati || 20||
pApagraheNa saMyukte dR^iShTe vA durbale sati |
chaurAhinR^ipabhItishcha pittarogAdisambhavam.h || 21||
pretabAdhA bhR^ityanAshaH sodarANAM vinAshanam.h |
dvitIyadyUnanAthe tu hyapamR^ityujvarAdikam.h |
taddoShaparihArArthaM shivasAhasrakaM japet.h || 22||
kujasyAntargate mande svarxe kendratrikoNage |
mUlatrikoNakendre vA tu~NgAMshe svAMshage sati || 23||
lagnAdhipatinA vApi shubhadR^iShTiyute.asite |
rAjyasaukhyaM yashovR^iddhiH svagrAme dhAnyavR^iddhikR^it.h || 24||
putrapautrasamAyukto gR^ihe godhanasaMgrahaH |
svavAre rAjasammAnaM svamAse putravR^iddhikR^it.h || 25||
nIchAdixetrage mande tathA.aShTavyayarAshige |
mlechChavargaprabhubhayaM dhanadhanyAdinAshanam.h || 26||
nigaDe bandhanaM vyAdhirante xetranAshakR^it.h |
dvitIyadyUnanAthe tu pApayukte mahad.hbhayam.h || 27||
dhananAshashcha sa~nchAre rAjadveSho manovyathA |
chaurAgninR^ipapIDA cha sahodaravinAshanam.h || 28||
bandhudveShaH pramAdyaishcha jIvahAnishcha jAyate |
akasmAchcha mR^iterbhItiH putradArAdipIDanam.h || 29||
kArAgR^ihAdibhIdishcha rAjadaNDo mahad.hbhayam.h |
dAyeshAtkendrarAshisthe lAbhasthe vA trikoNage || 30||
videshayAnaM labhate duShkIrtirvividhA tathA |
pApakarmarato nityaM bahujIvAdihiMsakaH || 31||
vikrayaH xetrahAnishcha sthAnabhraMsho manovyathA |
raNe parAjayashchaiva mUtrakR^irchChAnmahad.hbhayam.h || 32||
dAyeshAdatha randhre vA vyaye vA pApasaMyute |
tad.hbhuktau maraNaM j~neyaM nR^ipachaurAdipIDanam.h || 33||
vAtapIDA cha shUlAdij~nAtishtrubhayaM bhavet.h || 34||
taddoShaparihArArthaM mR^ityu~njayajapaM charet.h |
tataH sukhamavApnoti sha~Nkarasya prasAdataH || 35||
kujasyAntargate saumye lagnAtkendratrikoNage |
satkathAshchA.ajapAdAnaM dharmabuddhirmahadyashaH || 36||
nItimArgaprasa~Ngashcha nityaM miShTAnnabhojanam.h |
vAhanAmbarapashvAdirrAjakarma sukhAni cha || 37||
kR^iShikarmaphale siddhirvAraNAmbarabhUShaNam.h |
nIche vAsta~Ngate vApi ShaShThAShTavyayage.api vA || 38||
hR^idrogaM mAnahAnishcha nigaDaM bandhunAshanam.h |
dAraputrArthanAshaH syAchchatuShpAjjIvanAshanam.h || 39||
dashAdhipena saMyukte shatruvR^iddhirmahad.hbhayam.h |
videshagamanaM chaiva nAnArogAstathaiva cha || 40||
rAjadvAre virodhashcha kalahaH svajanairapi |
dAyeshAtkendratrikoNe vA svochche yuktArthalAbhakR^it.h || 41||
anekadhananAthatvaM rAjasammanameva cha |
bhUpAlayogaM kurute dhanambaravibhUShaNam.h || 42||
bhUravAdyamR^idaMgAdi senApatyaM mahatsukham.h |
vidyAvinodavimalA vastravAhanabhUShaNam.h || 43||
dAraputrAdivibhavaM gR^ihe laxmIH kaTAxakR^it.h |
dAyeshAtShaShThariHphasthe randhre vA pApasaMyute || 44||
taddAye mAnohAniH syAt.hkrUrabuddhistu krUravAk.h |
chaurAgninR^ipapIDA cha mArge dasyubhayAdikam.h || 45||
akasmAtkalahashchaiva budhamuktau na saMshayaH |
dvitIyadyUnanAthe tu mahAvyAdhirbhaya~NkaraH || 46||
ashvadAnaM prakurvIta viShNornAmasahasrakam.h |
sarvasampatpradaM vipra sarvAriShTaprashAntaye || 47||
kujasyAntargate ketau trikoNe kendrage.api vA |
dishchikye lAbhage vA.api shubhayukte shubhexite || 48||
rAjAnugrahashAntishcha bahusaukhyaM dhanAgamaH |
ki~nchitphalaM dashAdau tu bhUlAbhaH putralAbhakR^it.h || 49||
rAjasaMlAbhakAryANi chatuShpAjjIvalAbhakR^it.h |
yogakArakasaMsthAne balavIryasamanvite || 50||
putralAbho yashovR^iddhirgR^ihe laxmIH kaTAxakR^it.h |
bhR^ityavargadhanaprAptiH senApatyaM mahatsukham.h || 51||
bhUpAlamitraM kurute yAgAmbarAdibhUShaNam.h |
dAyeshAtShaShThariHphasthe randhre vA pApasaMyute || 52||
kalaho dantarogashcha chauravyAghrAdipIDanam.h |
jvarAtisArakuShThAdidAraputrAdipIDanam.h || 53||
dvitIyasaptamasthAne dehe vyAdhirbhaviShyati |
apamAnamanastApo dhanadhAnyAdiprachyutim.h || 54||
kujasyAntargate shukre kendralAbhatrikoNage |
svochche vA svarxage vA.apishubhasthAnAdhipe.athavA || 55||
rAjyalAbho mahatsaukhyaM gajAshvAmbarabhUShaNam.h |
lagnAdhipena sambandhe putradArAdivardhanam.h || 56||
AyuSho vR^iddhiraishvaryaM bhAgyavR^iddhisukhaM bhavet.h |
dAyeshAtkendrakoNasthe lAbhe vA dhanage.api vA || 57||
tatkAle shriyamApnoti putralAbhaM mahatsukham.h |
svaprabhoshcha mahatsaukhyaM dhanavastrAdilAbhakR^it.h || 58||
mahArajaprasAdena grAmabhUmyAdilAbhadam.h |
bhuktyante phalamApnoti gItanR^ityAdilAbhakR^it.h || 59||
puNyatIrthasnAnalAbhaM karmAdhipasamanvite |
puNyadharmadayAkUpataDAgaM kArayiShyati || 60||
dAyeshAdrandhrariShphasthe ShaShThe vA pApasaMyute |
karoti duHkhabAhulyaM dehapIDAM dhanaxayam || 61||
rAjachaurAdibhIti~ncha gR^ihe kalahameva cha |
dAraputrAdipIDAM cha gomahiShyAdinAshakR^it.h || 62||
dvitIyadyUnanAthe tu dehabAdhA bhaviShyati |
shvetAM gAM mahiShIM dadyAdAyurArogyavR^iddhaye || 63||
kujasyAntargate sUrye svochche svaxetrakendrage |
mUlatrikoNalAbhe vA bhAgyakarmeshasaMyute || 64||
tad.hbhuktau vAhanaM kIrtiM putralAbhaM cha vindati |
dhanadhAnyasamR^iddhiH syAd.h gR^ihe kalyANasampadaH || 65||
xemArogyaM mahaddhairyaM rAjapUjyaM mahatsukham.h |
vyavasAyAtphalAdhikyaM videshe rAjadarshanam.h || 66||
dAyeshAtShaShThariShphe vA vyaye vA pApasaMyute |
dehapIDA manastApaH kAryahAnirmahad.hbhayam.h || 67||
shirorogo jvarAdishcha atisAramathApi vA |
dvitIyadyUnanAthe tu sarpajvaraviShAd.hbhayam.h || 68||
sutapIDAbhayaM chaiva shAnti kuryAdyathAvidhi |
dehArogyaM prakurute dhanadhAnyachayaM tathA || 69||
kujasyAntargate chandre svochche svaxetrakendrage |
bhAryavAhanakarmeshalagnAdhipasamanvite || 70||
karoti vipulaM rAjyaM gandhamAlyAmbarAdikam.h |
taDAgaM gopurAdInAM puNyadharmAdisaMgraham.h || 71||
vivAhotsavakarmANi dAraputrAdisaukhyakR^it.h |
pitR^imAtR^isukhAvAptiM gR^ihe laxmIH kaTAxakR^it.h || 72||
mahArajaprasAdena sveShTasiddhisukhAdikam.h |
pUrNe chandre pUrNaphalaM xINe svalpaphalM bhavet.h || 73||
nIchAristha.aShTame ShaShThe dAyeshAdripurandhrake |
maraNaM dAraputrANAM kaShTaM bhUmivinAshanam.h || 74||
pashudhAnyaxayashchaiva chaurAdiraNabhItikR^it.h |
dvitIyadyUnanAthe tu hyapamR^ityurbhaviShyati || 75||
dehajADyaM manoduHkhaM durgA laxmIjapaM charet.h |
shvetAM gAM mahiShIM dadyAdanemArogyamAdishet.h || 76||
\medskip\hrule\medskip
          atha rahvantardashAphalAdhyAyaH || 55||
\smallskip
kulIre vR^ishchike rAhau kanyatyAM chApage.api vA |
tad.hbhukto rAjasammAnaM vastravAhanabhUShaNam.h || 1||
vyavasAyAtphalAdhikyaM chatuShpAjjIvalAbhakR^it.h |
prayANaM pashchime bhAge vAhanAmbaralAbhakR^it.h || 2||
lagnAdupachaye rAhau shubhagrahayutexite |
mitrAMshe tu~NgabhAgAMshe yogakArakasaMyute || 3||
rAjyalAbhaM mahotsAhaM rAjaprItiM shubhAvaham.h |
karoti sukhasampattiM dAraputrAdivarddhanam.h || 4||
lagnAShTme vyaye rAhau pApayukte.atha vIxite |
chaurAdivraNapIDA cha sarvatraivaM bhaved.hdvija || 5||
rAjadvArajanadveSha iShTabandhuvinAshanam.h |
dAraputrAdipIDA cha bhavatyeva na saMshayaH || 6||
dvitIyadyUnanAthe vA saptamasthAnamAshrite |
sadA rogo mahAkaShTaM shAntiM kuryAdyathAvidhi |
ArogyaM sampadashchaiva bhaviShyanti tadA dvija || 7||
rAhurantargate jIve lagnAtkendratrikoNage |
svochche svaxetrage vApi tu~NgasvarxAMshage.api vA || 8||
sthAnalAbhaM manodhairyaM shatrunAshaM mahatsukham.h |
rAjaprItikaraM saukhyaM jano.atIva samashnute || 9||
dinedine vR^iddhirapi sitapaxe shashI yathA |
vAhanAdidhanaM bhUri gR^ihe godhanasaMkulam.h || 10||
nairR^itye pashchime bhAge prayANaM rAjadarshanam.h |
yuktakAryArthasiddhiH syAtsvadeshe punareShyati || 11||
upakAro brAhmaNAnAM tIrthayAtrAdikarmaNAm.h |
vAhanagrAmalAbhashcha devabrAhmaNapUjanam.h || 12||
putrotsavAdisantoSho nityaM miShThAnnabhojanam.h |
nIche vA.asta~Ngate vApi ShaShThAShTavyayarAshige || 13||
shatruxetre pApayukte dhanahAnirbhaviShyati |
karmavighno bhavettasya mAnahAnishcha jAyate || 14||
kalatraputrapIDA cha hR^idrogo rAjakArakR^it.h |
dAyeshAtkendrakoNe vA lAbhe vA dhanage.api vA || 15||
dushchikye balasampUrNe gR^ihaxetrAdivR^iddhikR^it.h |
bhojanAmbarapashvAdidAnadharmajapAdikam.h || 16||
bhuktyante rAjakopAchcha dvimAsaM dehapIDanam.h |
jyeShThabhrAturvinAshashcha mAtR^ipitrAdipIDanam.h || 17||
dAyeshAtShaShTharandhre vA riHphe vA pApasaMyute |
tad.hbhuktau dhanahAniH syAddehapIDA bhaviShyati || 18||
dvitIyadyUnanAthe vA hyapamR^ityurbhaviShyati |
svarNasya prtimAdAnaM shivapUjaM cha kAryate || 19||
sr/Ishambhoshcha prasAdena grahastuShTo dvijottama |
dehArogyaM prakurute shAntiM kuryAdvichaxaNam.h || 20||
rAhorantargate mande lagnAtkendratrikoNage |
svochche mUlatrikoNe vA dushchikye lAbharAshige || 21||
tad.hbhuktau nR^ipateH sevA rAjaprItikarI shubhA |
vivAhotsavakAryANi kR^itvA puNyAni bhUrishaH || 22||
ArAmakaraNe yukto taDAgaM kArayiShyati |
shUdraprabhuvashAdiShTalAbho godhanasaMgrahaH || 23||
prayANaM pashchime bhAge prabhumUlAddhanaxayaH |
dehAlasyaM phalAlpatvaM svadeshe punareShyati || 24||
nIchArixetrage mande randhre vA vyayage.api vA |
nIchArirAjabhItishcha dAraputrAdipIDanam.h || 25||
AtmabandhumanastApaM dAyAdajanavigraham.h |
vyavahAre cha kalahamakasmAd.hbhUShaNaM labhet.h || 26||
dAyeshAtShaShThariShphe vA randhre vA pApasaMyute |
hR^idrogo mAnahAnishcha vivAdaH shatrupIDanam.h || 27||
anyadeshAdisa~nchAro gulmavadvayAdhibhAgbhavet.h |
kubhojanaM kodravAdi jAtiduHkhAd.hbhayaM bhavet.h || 28||
dvitIyadyUnanAthe tu hyapamR^ityurbhaviShyati |
kR^iShNAM gAM mahiShIM dadyAddAnemArogyamAdishet.h || 29||
rAhorantargate saumye bhAgye vA svarxage.api vA |
tu~Nge vA kendrarAshisthe putre vA balage.api vA || 30||
rAjayogaM prakurute gR^ihe kalyANavarddhanam.h |
vyApAreNa dhanaprAptividyAvAhanamuttamam.h || 31||
vivAhotsavakAryANi chatuShpAjjIvalAbhakR^it.h |
saumyamAse mahatsaukhyaM svavAre rAjadarshanam.h || 32||
sugandhapuShpashayyAdi strIsaukhyaM chAtirobhanam.h |
mahArAjaprasAdena dhanalAbho mahadyashaH || 33||
dAyeshAtkendralAbhe vA dushchikye bhAgyakarmage |
dehArogyaM hR^idutsAha iShTasiddhiH sukhAvahA || 34||
puNyashlokAdikIrtishcha purANashravaNAdikam.h |
vivAho yaj~nadIxA cha dAnadharmadayAdikam.h || 35||
ShaShThAShTamavyaye saumye mandenApi yutexite |
dAyeshAtShaShThariHphe vA randhre vA pApasaMyute || 36||
devabhAhmaNanindA cha bhogabhAgyavivarjitaH |
satyahInashcha durbuddhishchaurAhinR^ipapIDanam.h || 37||
akasmAtkalahashchaiva guruputrAdinAshanam.h |
arthavyayo rAjakopo dAraputrAdipIDanam.h || 38||
dvitIyadyUnanAthe vA hyapamR^ityubhayaM vadet.h |
taddoShaparihArArthaM viShNusAhasrakaM japet.h || 39||
rAhorantargate ketau bhramaNaM rAjato bhayam.h |
vAtajvarAdirogashcha chatuShpAjjIvahAnikR^it.h || 40||
aShTamAdhisaMyukte dehajADyaM manovyathA |
shubhayukte shubhairdR^iShTe dehasaukhyaM dhanAgamaH |
rAjasammAnabhUShAptirgR^ihe shubhakaro bhavet.h || 41||
lagnAdhipena sambandhe iShTasiddhiH sukhAvahA |
lagnAdhipasamAyukte lAbho vA bhavati dhruvam.h || 42||
chatuShpAjjivalAbhaH syAtkendre vAtha trikoNage |
randhrasthAnagate ketau vyaye vA balavarjite || 43||
tad.hbhuktau bahurogaH syAchchorAhivraNapIDanam.h |
pitR^imAtR^iviyogashcha bhAtR^idveSho manorujA || 44||
dvitIyadyUnanAthe tu dehabAdhA bhaviShyati |
taddoShaparihArArthaM ChAgadAnaM cha kArayet.h || 45||
rAhorantargate shukre kagnAtkendgatrikoNage |
lAbhe vA balasaMyukte yogaprAbalyamAdishet.h || 46||
vipramUlAddhanaprAptirgomahiShyAdilAbhakR^it.h |
putrotsavAdisantoSho gR^ihe kalyANasambhavaH || 47||
sammAnaM rAjasammanaM rAjyalAbho mahatsukham.h |
svochche vA svarxage vApi tu~NgAMshe svAMshage.api vA || 48||
nUtanaM gR^ihanirmANaM nityaM miShThAnnabhojanam |
kalatraputravibhavaM mitrasaMgaH subhojanam.h || 49||
annadAnaM priyaM nityaM dAnadharmAdisaMgrahaH |
mahArAjaprasAdena vAhanAmbarabhUShaNam || 50||
vyavasAyAtphalAdhikyaM vivAho mau~njibandhanam.h |
ShaShThAShTamavyaye shukre nIche shatrugR^ihe sthite || 51||
mandAraphaNisaMyukte tad.hbhuktau rogamAdishet.h |
akasmAtkalahaM chaiva pitR^iputraviyogakR^it.h || 52||
svabandhujanahAnishcha sarvatra janapIDanam.h |
dAyAdakalahashchaiva svaprabhoH svasya mR^ityukR^it.h || 53||
kalatraputrapIDA cha shUlarogAdisambhavaH |
dAyeshAtkendrarAshisthe trikoNe vA samanvite || 54||
lAbhe vA karmarAshisthe xetrapAlamahatsukham.h |
sugandhavastrashayyAdi gAnavAdyasukhaM bhavet.h || 55||
ChatrachAmarabhUShAptiH priyavastusamanvitA |
dAyeshAdripurandhrasthe vyaye vA pApasaMyute || 56||
viprAhinR^ipachaurAdimUtrakR^ichChrAnmahad.hbhayam.h |
pramehAdraudhiro rogaH kutsitAnnaM shirovyathA || 57||
kArAgR^ihapraveshashcha rAjadaNDAddhanaxayaH |
dvitIyadyUnanAthe vA dAraputrAdinAshanam.h || 58||
AtmapIDA bhayaM chaiva hyapamR^ityubhayaM bhavet.h |
durgAlaxmIjapaM kuryAt.h tataHsukhamavApnuyAt.h || 59||
rAhorantargate sUrye svochche svaxetrakendrage |
trikoNe lAbhage vA.api tu~NgAMshe svAMshage.api vA || 60||
shubhagraheNa sandR^iShTe rAjaprItikaraM shubham.h |
dhanadhAnyasamR^iddhishcha hyalpamAna sukhavAham.h || 61||
alpagrAmAdhipatyaM cha svalpalAbho bhaviShyati |
bhAgyalagneshasaMyukte karmeshena nirIxite || 62||
rAjAshrayo mahAkIrtirvideshagamanaM tathA |
deshAdhipatyayogashcha gajashvAmbarabhUShaNam.h || 63||
mano.abhiShTapradAnaM cha putrakalyANasambhavam.h |
dayeshAdriHpharandhrasthe ShaShThe vA nIchage.api vA || 64||
jvarAtisArarogashcha kalaho rAjavigrahaH |
prayANaM shatruvR^iddhishcha nripachaurAgnipIDanam.h || 65||
dAyeshAtkendrakoNe vA dashchikye lAbhage.api vA |
videshe rAjasammAnaM kalyANaM cha shubhAvaham.h || 66||
dvitIyadyUnanAthe tu mahArogo bhaviShyati |
sUryapraNAmaM shAntiM cha kuryAdArogyasambhavAm.h || 67||
rAhorantargate chandre svaxetre svochchage.api vA |
kendratrikoNalAbhe vA mitrarxe shubhasaMyute || 68||
rAjatvaM rAjapUjyatvaM dhanArthaM dhanalAbhakR^it.h |
ArogyaM bhUShaNM chaiva mitrastrIputrasampadaH || 69||
pUrNe chandre phalaM pUrNaM rAjaprItyA shubhAvaham.h |
ashvavAhanalAbhaH syad.hgR^ihaxetrAdivR^iddhikR^it.h || 70||
dAyeshAtsukhabhAgyasthe kendre vA lAbhage.api vA |
laxmIkaTAxachihnAni gR^ihe kalyANasambhavaH || 71||
sarvakAryasiddhiH syAddhanadhAnyasukhAvahA |
satkIrtilAbhasammAnaM devyArAdhanamAcharet.h || 72||
dAyeshAtShaShTharandhrasthe vyaye vA balavarjite |
pishAchaxudravyAghrAdysirgR^ihaxetrArthanAshanam.h || 73||
mArge chaurabhayaM chaiva vraNAdhikya mahodayam.h |
dvitIyadyUnanAthe tu apamR^ityustadA bhavet.h || 74||
shvetAM gAM mahiShIM dadyAd.h viprAyArogyasiddhaye |
tataH saukhyamavApnoti chandragrahaprasAdataH || 75||
rAhorantargate bhaume lagnAllAbhatrikoNage |
kendre vA shubhasaMyukte svochche svaxetrage.api vA || 76||
naShTarAjyadhanprAptirgR^ihaxetrAbhivR^iddhikR^it.h |
iShTadevaprasAdena santAnasukhabhAgbhavet.h || 77||
xiprabhojyAnmahatsaukhyaM bhUShaNashvAmbarAdikR^it.h |
dAyeshAtkendrakoNe vA dushchikye lAbhage.api vA || 78||
raktavastrAdilAbhaH syAtprayANaM rAjadarshanam.h |
putravargeShu kalyANaM svaprabhoshcha mahatsukham.h || 79||
senapatyaM mahotsAho bhrAtR^ivargadhanAgamaH |
dAyeshAdrandhrariHphe vA ShaShThe pApasamanvite || 80||
putradArAdihAnishcha soodarANAM cha pIDanam.h |
sthAnabhraMsho bandhuvargadAraputravirodhanam.h || 81||
chaurAhivraNabhItishcha svadehasya cha pIDanam.h |
Adau kleshakaraM chaiva madhyAnte saukhamApnuyAt.h || 82||
dvitIyadyUnanAthe tu dehAlasyaM mahad.hbhayam.h |
anaD.hvAhaM cha gAM dadyAdArogyasukhalabdhaye || 83||
\medskip\hrule\medskip
         atha jIvAntardashAphalAdhyAyaH || 56||
\smallskip
svochche svaxetrage jIve lagnAtkendratrikoNage |
anekarAjadhIsho vA sampanno rAjapUjitaH || 1||
momahiShyAdilAbhashcha vastravAhanabhUShaNam.h |
nUtanasthAnanirmANaM harmyaprAkArasaMyutam.h || 2||
gajAntaishvaryasampattirbhAgyakarmaphalaodayaH |
brAhmaNaprabhusammAnaM samAnaM prabhudarshanam.h || 3||
svaprabhoH svaphalAdhikya dAraputrAdilAbhakR^it.h |
nIchAMshe nIcharAshisthe ShaShThAShTamavyayarAshige || 4||
nIchasa~Ngo mahAduHkhaM dAyAdajanavigrahaH |
kalaho na vichArosya svaprabhuShvapamR^ityukR^it.h || 5||
putradAraviyogashcha dhanadhAnyArthahAnikR^it.h |
saptamAdhipadoSheNa devavAdhA bhaviShyati || 6||
taddoShaparihArArthaM shivasAhasrakaM japet.h |
rudrajApyaM cha godAnaM kuryAt.h svA.abhIShTalabdhaye || 7||
jIvasyAntargate mande svochche svaxetramitrabhe |
lagnAtkendratrikoNasthe lAbhe vA balasaMyute || 8||
rAjyalAbho mahatsaukhyaM vastrAbharaNasaMyutam.h |
dhanadhAnyAdilAbhashcha strIlAbho bahusaukhyakR^it.h || 9||
vAhanAmbarapashvAdibhUlAbhaH sthAnalAbhakR^it.h |
putramitrAdisaukhyaM cha naravAhanayogakR^it.h || 10||
nIlavastrAdilAbhashcha nIlAshvaM labhate cha saH |
pashchimAM dishamAshritya prayANaM rAjadarshanam.h || 11||
anekayAnalAbhaM cha nirdishenmandabhuktiShu |
lagnAtShaShThAShTame mande vyaye nIche.astage.apyarau || 12||
dhanadhAnyAdinAshashcha jvarapIDA manorujaH |
strIputrAdiShu pIDA vAvraNArtyAdikamud.hbhavet.h || 13||
gR^ihe tvashubhakAryANi bhrtyavargAdipIDanam.h |
gomahiShyAdihAnishcha bandhudveShI bhaviShyati || 14||
dAyeshAtkendrakoNasthe lAbhe vA dhanage.api vA |
bhUrAbhashchArthalAbhashcha putralAbhasukhaM bhavet.h || 15||
gomahiShyAdilAbhashcha shUdramUlAddhanaM tathA |
dAyeshAdripurandhrasthe vyaye vA pApasaMyute || 16||
dhanadhAnyAdinAshashcha bandhumitravirodhakR^it.h |
udyogabha~Ngo dehArtiH svajanAnAM mahad.hbhayam.h || 17||
dvisaptamAdhipe mande hyapamR^ityurbhaviShyati |
taddoShaparihArArthaM viShNusAhasrakaM japet.h || 18||
kR^iShNAM gAM mahiShIM dadyAdanenArogyamAdishet.h |
mandagrahaprasAdena satyaM satyaM dvijottama || 19||
jIvasyAntargate saumye kendralAbhatrikoNage |
svochche vA svarxage vApi dashAdhipasamanvite || 20||
arthalAbho dehasaukhyaM rAjyalAbho mahatsukham.h |
mahArAjaprasAdena sveShTasiddhiH sukhAvahA || 21||
vAhanAmbarapashvAdigodhanaissaMkulaM gR^iham.h |
mahIsutena saMdR^iShTe shatruvR^iddhiH sukhaxayaH || 22||
vyavasAyAtphalaM niShTaM jvarAtImArapIDanam.h |
dAyeshAd.hbhAgyakoNe vA kendre vA tu~NgarAshige || 23||
svadeshe dhanalAbhashcha pitR^imAtR^isukhAvahA |
gajavAjisamAyukto rAjamitraprasAdataH || 24||
dAyeshAtShaShTharandhrasthe vyaye vA pApasaMyute |
shubhadR^iShTivihIne cha dhandhAnyaparichyutiH || 25||
videshagamanaM chaiva mArge chaurabhayaM tathA |
vraNadAhAxirogashcha nAnAdeshaparibhramaH || 26||
lagnAtShaShThAShTamabhAve vA vyaye vA pApasaMyute |
aksamAtkalahashchaiva gR^ihe miShThurabhAvaNam.h || 27||
chatuShpAjjIvahAnishcha vyavahAre tathaiva cha |
apamR^ityubhayaM chaiva shatrUNAM kalaho bhavet.h || 28||
shubhadR^iShTe shubhairyukte dArasaukhyaM dhanAgamaH |
Adau shubhaM dehasaukhyaM vAhanAmbaralAbhakR^it.h || 29||
ante tu dhanahAnishchetsvAtmasaukhyaM na jAyate |
dvitIyadyUnanAthe vA hyapamR^ityurbhaviShyati || 30||
taddoShaparihArArthaM viShNusAhasrakaM japet.h |
AyurvR^iddhikaraM chaiva sarvasaubhAgyadAyakam.h || 31||
jIvasyAntargate ketau shubhagrahasamanvite |
alpasaukhyadhanavyAptiH kutsitAnnasya bhojanam.h || 32||
parAnnaM chaiva shrAddhAnnaM pApamUlAddhanAni cha |
dAyeshAdripurandhrasthe vyaye vA pApasaMyute || 33||
rAjakopo dhanachChedo bandhanaM rogapIDanam.h |
balAhAniH pitR^idveSho bhrAtR^idveSho manorujam.h || 34||
dAyeshAtsutabhAgyasthe vAhane karmage.api vA |
naravAhanayogashcha gajAshvAmbarasa~N.hkulam.h || 35||
mahArAjaprasAdena sveShTakAryArthalAbhakR^it.h |
vyavasAyAtphalAdhikyaM gomahiShyAdilAbhakR^it.h || 36||
yavanaprabhumUlAdvA dhanavastrAdilAbhakR^it.h |
dvitIyadyUnanAthe tu dehavAdhA bhaviShyati || 37||
ChAgadAnaM prakurvIta mR^ityu~njayajapaM charet.h |
sarvadoShopashamanIM shAntiM kuryAdvidhAnataH || 38||
jIvasyAntargate shukre bhAgyakendreshasaMyute |
lAbhe vA sutarAshisthe svaxetre shubhasaMyute || 39||
naravAhanayogashcha gajAshvAmbarasaMyutaH |
mahArajaprasAdena lAbhAdhikyaM mahatsukham.h |
nIlAmbarANAM raktAnAM lAbhashchaiva bhaviShyati || 40||
pUrvasyAM dishi viprendra prayANaM dhanlAbhadam.h |
kalyANaM cha mahAprItiH pitR^imAtR^isukhAvahA || 41||
devatAgurubhaktishcha annadAnaM mahattathA |
taDAgagopurAdIni dishet.h puNyAni bhUrishaH || 42||
ShaShThAShTamavyaye nIche dAyeshAdvA tathaiva cha |
kalho bandhuvaiShamyaM dAraputrAdipIDanam.h || 43||
mandArarAhusaMyukte kalaho rAjato bhayam.h |
strImUlAtkalahashchaiva shvasurAtkalahastathA || 44||
sodareNa vivAdaH syAddhanadhAnyaparichyutiH |
dAyeshAtkendrarAshisthe dhane vA bhAgyage.api vA || 45||
dhanadhAnyAdilAbhashcha sr/IlAbho rAjadarshanam.h || 46||
vAhanaM putralAbhashcha pashuvR^iddhirmahatsukham.h |
gItAvAdyaprasa~NgAdirvidvajjanasamAgamaH || 47||
divyAnnabhojanaM saukhyaM svabandhujanapoShakam.h |
dvisaptamAdhipe shukre taddashAnAM dhanaxatiH || 48||
apamR^ityubhayaM tasya strImUlAdauShadhAditaH |
tasya rogasya shAntyarthaM shAntikarma samAcharet.h || 49||
shvetAM gAM mahiShIM dadyAdAyurArogyavR^iddhaye |
shukragrahaprasAdena tataH sukhamavApnuyAt.h || 50||
jIvasyAntargate sUrye svochche svaxetrage.api vA |
kendre vA.athatrikoNe cha dushchikye lAbhage.api vA || 51||
dhane vA balasaMyute dAyeshAdvA tathaiva cha |
tatkAle dhanalAbhaH syAdrAjasammAnavaibhavam.h || 52||
vAhanAmbarapashvAdibhUShaNaM putrasambhavaH |
mitraprabhuvashAdiShTaM sarvakArye shubhAvaham.h || 53||
lagnAdaShTamavyaye sUrye dAyeshAdvA tathaiva cha |
shirorogAdipIDA cha jvarapIDA tathaiva cha || 54||
satkarmasu tadA hInaH pApakarmachayastathA |
sarvatra janavidveSho hyAtmabandhuviyogakR^it.h || 55||
akasmAtkalahashchaiva jIvasyAntargate ravau |
dvitIyadyUnanAthe tu dehapIDA bhaviShyati || 56||
taddoShaparihArArthamAdityahR^idayaM japet.h |
sarvapIDopashamanaM shrIsUryasya prasAdataH || 57||
jIvasyAntargate chandre kendre lAbhatrikoNage |
svochche vA svarxarAshisthe pUrNe chaiva balairyute || 58||
dAyeshAchChubharAshisthe rAjasammAnavaibhavam.h |
dAraputrAdisaukhyaM cha xIrANaM bhojanaM tathA || 59||
satkarma cha tathA kIrtiH putrapautrAdivR^iddhidA |
mahArAjaprasAdena sarvasaukhyaM dhanAgamaH || 60||
anekajanasaukhyaM cha dAnadharmAdisaMgrahaH |
ShaShThAShTamavyaye chandre sthite vA pApasaMyute || 61||
dAyeshAtShaShTharandhre vA vyaye vA balavarjite |
mAnArthabandhuhAnishcha videshaparivichyutiH || 62||
nR^ipachaurAdipIDA cha dAyAdajanavigrahaH |
mAtulAdiviyogashcha mAtR^ipIDA tathaiva cha || 63||
dvitIyaShaShThayorIshe dehapIDA bhaviShyati |
taddoShaparihArArthaM durgApAThaM cha kArayet.h || 64||
jIvasyAntargate bhaume lagnAtkendratrikoNage |
svochche vA svarxage vApi tu~NgAMshe svAMshage.api vA || 65||
vidyAvivAhakAryANi grAmabhUmyAdilAbhakR^it.h |
janasAmarthyamApnoti sarvakAryArthasiddhidam.h || 66||
dAyeshAtkendrakoNasthe lAbhe vA dhanage.api vA |
shubhayukte shubhairdR^iShTe dhanadhAnyAdisampadaH || 67||
miShThAnnadAnavibhavaM rAjaprItikaraM shubham.h |
strIsaukhyaM cha sutavAptiH puNyatIrthaphalaM tathA || 68||
dAyeshAdrandhrabhAve vA vyaye vA nIchage.api vA |
pApayutexite vApi dhAnyArthagR^ihanAshanam.h || 69||
nAnarogabhayaM duHkhaM netrarogAdisambhavaH |
pUrvArddhe kaShTamadhikamaparArddhe mahatsukham.h || 70||
dvitIyadyUnanAthe tu dehajADyaM manorujaH |
vR^iShabhasya pradAnaM tu sarvasampatpradAyakam.h || 71||
jIvasyAntargate rAhau svochche vA kendrage.api vA |
mUlatrikoNe bhAgye cha kendrAdhipasamanvite || 72||
shubhayutexite vApi yogaprItiM samAdishet.h |
bhuktyAdau pa~nchamAsAMshcha dhanadhAnyAdikaM labhet.h || 73||
deshagrAmAdhikaM cha yavanaprabhudarshanam.h |
gR^ihe kalyANasampattirbahusenAdhipatyakam.h || 74||
dUrayAtrAdigamanaM puNyadharmAdisaMgrahaH |
setusnAnaphalAvAptiriShTasiddhiH sukhAvahA || 75||
dAyeShAdrandhrabhAve vA vyaye vA pApasaMyute |
chaurAhivraNabhItishcha rAjavaiShamyameva cha || 76||
gR^ihe karmakalApena vyAkulo bhavati dhruvam.h |
sodareNa virodhaH syAddAyAdajanavigrahaH || 77||
gR^ihe tvashubhakAryANi duHsvapnAdibhayaM dhruvam.h |
akasmAtkalahashchaiva xUdrashUnyAdirogakR^it.h || 78||
dvisaptamasthite rAhau dehavAdhAM vinirdishet.h |
taddoShaparihArArthaM mR^ityu~njayajapaM charet.h || 79||
ChAgadAnaM prakurvIta sarvasaukhyamavApnuyAt.h |
devapUyaprasAdena rAhutuShT.hyA dvijottama || 80||
\medskip\hrule\medskip
          atha shanyantardashAphalAdhyAyaH || 57||
\smallskip
mUlatrikoNe svarxe vA tulAyAmuchchage.api vA |
kendratrikoNalAbhe vA rAjayogAdisaMyute || 1||
rAjyalAbho mahatsaukhyaM dAraputrAdivardhanam.h |
vAhanatrayasaMyuktaM gajAshvAmbarasa~N.hkulam.h || 2||
mahArAjaprasAdena senApatyAdilAbhakR^it.h |
chatuShpAjjIvalAbhaH syAd.hgrAmabhUmyAdilAbhakR^it.h || 3||
tathA.aShTame vyaye mande nIche vA pApasaMyute |
tad.hbhuktyAdau rAjabhItirviShashastrAdipIDanam.h || 4||
raktastrAvo gulmarogo hyatimArAdipIDanam.h |
madhye chaurAdi bhItishcha deshatyAgo manorujaH || 5||
ante shubhakarI chaiva shanerantardashA dvija |
dvitIyadyUnanAthe tu hyapamR^ityurbhaviShyati || 6||
taddoShaparihArArthaM mrTyu~njayajapaM charet.h |
tataH shAntimavApnoti sha~Nkarasya prasAdataH || 7||
mandasyAntargate saumye trikoNe kendrage.api vA |
sammAnaM cha yashaH kIrtiM vidyAlAbhaM dhanAgamam.h || 8||
svadeshe sukhamApnoti vAhanAdiphalairyutam.h |
yaj~nAdikarmasiddhishcha rAjayogAdisambhavam.h || 9||
dehasaukhyaM hR^idutsAhaM gR^ihe kalyANasambhavam.h |
setusnAnaphalAvAptistIrthayAtrAdikarmaNA || 10||
vANijyAddhanalAbhashcha purANashravaNAdikam.h |
annadAnaphalaM chaiva nityaM miShThAnnabhojanam.h || 11||
ShaShThAShTamavyaye saumye nIche vAstaMgate sati |
ravyAraphaNisaMyukte dAyeshAdvA tathaiva cha || 12||
nR^ipAbhiShekamarthAptirdeshagrAmAdhipatyatA |
phalamIdR^ishamAdau tu madhyAnte rogapIDanam.h || 13||
naShTAni sarvakAryANi vyAkulatvaM mahad.hbhayam.h |
dvitIyasaptamAdhishe dehabAdhA bhaviShyati || 14||
taddoShaparihArArthaM viShNusAhasrakaM japet.h |
annadAnaM prakurvIta sarvasampatpradAyakam.h || 15||
mandasyAntargate ketau shubhadR^iShTiyutexite |
svochche vA shubharAshisthe yogakArakasaMyute || 16||
kendrakoNagate vApi sthAnabhraMsho mahad.hbhayam.h |
daridrabandhanaM bhItiH putradArAdinAshanam.h || 17||
svaprabhoshcha mahAkaShTaM videshagamanaM tathA |
lagnAdhipena saMyukte Adau saukhyaM dhanAgamaH || 18||
ga~NgAdisarvatIrbheShu snAnaM daivatadarshanam.h |
dAyeshAtkendrakoNe vA tR^itIyabhavarAshige || 19||
samartho dharmabuddhishcha saukhyaM nR^ipasamAgamaH |
tathA.aShTame vyaye ketau dAyeshAdvA tathaiva cha || 20||
apamR^ityubhayaM chaiva kutsitAnnasya bhojanam.h |
shItajvarAtisArashcha vraNachaurAdipIDanam.h || 21||
dAraputraviyogashcha saMsAre bhavati dhruvam.h |
dvitiyadyUnarAshisthe deha pIDA bhaviShyati || 22||
ChAgadAnaM prakurvIta hyapamR^ityunivAraNam.h |
ketugrahaprasAdena sukhashAntimavApnuyAt.h || 23||
mandasyAntargate shukre svochche svaxetrage.api vA |
kendre vA shubhasaMyukte triokoNe lAbhage.api vA || 24||
dAraputradhanaprAptirdehArogyaM mahotsavaH |
gR^ihe kalyANsampatti rAjyalAbhaM mahatsukham.h || 25||
mahArAjaprasAdena hIShTasiddhiH sukhAvahA |
ssammAnaM prabhusammAnaM priyavastrAdilAbhakR^it.h || 26||
dvipAntarAdvastralAbhaH shvetAshvo mahiShI tathA |
guruchAravashAd.hbhAgyaM saukhyaM cha dhanasampadaH || 27||
shanichArAnmanuShyo.asau yogamApnotyasaMshayam.h |
shatrunIchAstage shukre ShaShThAShTamavyayarAshige || 28||
dAranAsho manaHkleshaH sthAnanAsho manorujaH |
dArAnAM svajanakleshaH santApo janavigrahaH || 29||
dAyeshAd.hbhAgyage chaiva kendre vA lAbhasaMyute |
rAjaprItikaraM chaiva mano.abhIShTapradAyakam.h || 30||
dAnadharmadayAyuktaM tIrthayAtrAdikaM phalam.h |
sAsrtArthakAvyarachanAM vedAntashravaNAdikam.h || 31||
dAraputrAdisaukhyaM cha labhate nA.atra saMshayaH |
dAyeshAdvyayage shukre ShaShThe vA hyaShTame.api vA || 32||
netrapIDA jvarabhayaM svakulAchAravarjitaH |
kapole dantashUlAdi hR^idi guhye cha pIDanam.h || 33||
jalabhItirmanastApo vR^ixAtpatanasambhavaH |
rAjadvAre janadveShaH sodhareNa virodhanam.h || 34||
dvitIyasaptamAdhIshe Atmaklesho bhaviShyati |
taddoShaparihArArthaM durgAdevIjapaM charet.h || 35||
shvetAM gAM mahiShIM dadyAdAyurArogyavR^iddhidAm.h |
jagadambAprasAdena tataH sukhamavApnuyAt.h || 36||
mandasyAntargate sUrye svochche svaxetrage.api vA |
bhAgyAdhipena saMyukte kendralAbhatrikoNage || 37||
shubhadR^iShTiyute vApi svaprabhoshcha mahatsukham.h |
gR^ihe kalyANasampattiH putrAdisukhavarddhanam.h || 38||
vAhanAmbarapashvAdigoxIraissaMkulaM gR^iham.h |
lagnAShTamavyaye sUrye dAyeshAdvA tathaiva cha || 39||
hR^idrogo mAnahAnishcha sthAnabhraMsho manorujA |
iShTbandhuviyogashcha udyogasya vinAshanam.h || 40||
tApajvarAdipIDA cha vyAkulatvaM bhayaM tathA |
AtmasambandhimaraNamiShTavastuviyogakR^it.h || 41||
dvitIyadyUnanAthe tu dehabAdhA bhaviShyati |
taddoShaparihArArthaM sUryapUjAM cha kArayet.h || 42||
mandasyAntargate chandre jIvadR^iShTisamanvite |
svochche svaxetrakendrasthe trikoNe lAbhage.api vA || 43||
pUrNe shubhagrahairyukte rAjaprItisamAgamaH |
mahArAjaprasAdena vAhanAmbarabhUShaNam.h || 44||
saubhAgyaM sukhavR^iddhiM cha bhR^ityAnAM paripAlanam.h |
pitR^imAtR^ikule saukhyaM pashuvR^iddhiH sukhAvahA || 45||
xINe vA pApasaMyukte pApadR^iShTe vA nIchage |
krUrAMshakagate vApi krUraxetragate.api vA || 46||
jAtakasya mahatkaShTaM rAjakopo dhanaxayaH |
pitR^imAtR^iviyogashcha putrIputrAdirogakR^it.h || 47||
vyavasAyAtphalaM neShTaM nAnAmArge dhanavyayaH |
akAle bhojanaM chaiva mauShadhasya cha bhaxaNam.h || 48||
phalametadvijAnIyAdAdau saukhyaM dhanAgamaH |
dAyeshAtkendrarAshisthe trikoNe lAbhage.api vA || 49||
vAhanAmbarapashvAdibhrAtR^ivR^iddhiH sukhAvahA |
pitR^imAtR^isukhAvAptiH strIsaukhyaM cha dhanAgamaH || 50||
mitraprabhuvashAdiShTaM sarvasaukhyaM shubhAvaham.h |
dAyeshAd.hdvAdasha bhAve randhre vA balavarjite || 51||
shayanaM rogamAlasyaM sthAnabhraShTaM sukhApaham.h |
shatruvR^iddhivirodhaM cha bandhudveShamavApnuyAt.h || 52||
dvitIyadyUnanAthe tu dehAlasya bhaviShyati |
taddoShashamanArthaM cha tilahomAdikaM charet.h || 53||
guDaM ghR^itaM cha dadhnAktaM taNDulaM cha yathAvidhi |
shvetAM gAM mahiShIM dadyAdAyurArogyavR^iddhaye || 54||
mandasyAntargate bhaume kendralAbhatrikoNage |
tu~Nge svaxetrage vApi dashAdhipasamanvite || 55||
lagnAdhipena saMyukte Adau saukhyaM dhanAgamaH |
rAjaprItikaraM saukhyaM vAhanAmbarabhUShaNam.h || 56||
senApatyaM nR^ipaprItiH kR^iShigodhAnyasampadaH |
nUtanasthAnanirmANaM bhrAtR^ivargeShTasaukhyakR^it.h || 57||
nIche chAsta~Ngate bhaume lagnAdaShTavyayasthite |
pApadR^iShTiyute vApi dhanahAnirbhaviShyati || 58||
chaurAhivraNashastrAdigranthirogAdipIDanam.h |
bhrAtR^ipitrAdipIDA cha dAyAdajanavigrahaH || 59||
chatuShpAjjIvahAnishcha kutsitAnnasya bhojanam.h |
videshagamanaM chaiva nAnamArge dhanavyayaH || 60||
aShTamadyUnanAthe tu dvitIyasthe.atha vA yadi |
apamR^ityubhayaM chaiva nAnAkaShTaM parAbhavaH || 61||
taddoShaparihArArthaM shAntihomaM cha kArayet.h |
vR^iShadAnaM prakurvIta sarvAriShTanivAraNam.h || 62||
mandasyAntargate rAhau kalahashcha manovyathA |
dehapIDA manastApaH putradveSho rujobhayam.h || 63||
arthavyayo rAjabhayaM svajanAdivirodhitA |
videshagamanaM chaiva gR^ihaxetrAdinAshanam.h || 64||
lagnAdhipena saMyukte yogakArakasaMyute |
svochche svaxetrage kendre dAyeshAllAbharAshige || 65||
Adau saukhyaM dhanAvAptiM gR^ihaxetrAdisampadam.h |
devabrAhmaNabhaktiM cha tIrthayAtrAdikaM labhet.h || 66||
chatuShpAjjIvalAbhaH syAd.hgR^ihe kalyANvarddhanam.h |
madhye tu rAjabhItishcha putramitravirodhanam.h || 67||
meShe kanyAgate vApi kulIre vR^iShabhe tathA |
mInakodaNDasiMheShu gajAntaishvaryamAdishet.h || 68||
rAjasammanabhUShAptiM mR^idulAbharasaukhyakR^it.h |
dvisaptamAdhipairyukte dehabAdhA bhaviShyati || 69||
mR^ityu~njayaM prakurvIta ChAgadAnaM cha kArayet.h |
vR^iShadAnaM prakurvIta sarvasampatsukhAvaham.h || 70||
mandasyAntargate jIve kendre lAbhatrikoNage |
lagnAdhipena saMyukte svochche svaxetrage.api vA || 71||
sarvakAryArthasiddhiH syAchChobhanaM bhavati dhruvam.h |
mahArAjaprasAdena dhanavAhanabhUShaNam.h || 72||
sanmAnaM prabhusammAnaM priyavastrArthalAbhakR^it.h |
devatAgurubhaktishcha vidvajjanasamAgamaH || 73||
dAraputrAdilAbhashcha putrakalyANavaibhavam.h |
ShaShThAShTamavyaye jIve nIche vA pApasaMyute || 74||
nijasambandhimaraNaM dhanadhAnyavinAshanam.h |
rAjasthAne janadveShaH karyahAnirbhaviShyati || 75||
videshagamanaM chaiva kuShTharogAdisambhavaH |
dAyeshAtkendrakoNe vA dhane vA lAbhage.api vA || 76||
vibhavaM dArasaubhAgyaM rAjashrIdhanasampadaH |
bhojanAmbarasaukhyaM cha dAnadharmAdikaM bhavet.h || 77||
brahmaprtiShThAsiddhishcha kratukarmaphalaM tathA |
annadAnaM mahAkIrtirvedAntashravaNAdikam.h || 78||
dAyeshAtShaShTharandhre vA vyaye vA balavarjite |
bandhudveSho manoduHkhaM kalahaH padavichyuti || 79||
kubhojanaM karmahAnI rAjadaNDAddhanavyaya |
kArAgR^ihapraveshashcha putradArAdipIDanam.h || 80||
dvitIyadyUnanAthe tu dehavAdhA manorujaH |
AtmasambandhamaraNaM bhaviShyati na saMshayaH || 81||
taddoShaparihArArthaM shivasAhasrakaM japet.h |
svarNadAnaM prkurvIta hyArogyaM bhavati dhruvam.h || 82||
\medskip\hrule\medskip
          atha budhAntardashAphalAdhyAyaH || 58||
\smallskip
muktAvidrumalAbhashcha j~nAnakarmasukhAdikam.h |
vidyAmahattvaM kIrtishcha nUtanaprabhudarshanam.h || 1||
vibhavaM dAraputrAdi pitR^imAtR^isukhAvaham.h |
svochchAdisthe.atha nIche.aste ShaShThAShTamavyayarAshige || 2||
pApayukte.athavA dR^iShTe dhanadhAnyapashuxayaH |
Atmabandhuvirodhashcha shUlaroogAdisambhavaH || 3||
rAjakAryakalApena vyAkulo bhavti dhruvam.h |
dvitIyadyUnanAthe tu dAraklesho bhaviShyati || 4||
AtmasambandhimaraNaM vAtashUlAdisambhavaH |
taddoShaparihArArthaM viShNusAhasrakaM japet.h || 5||
budhasyAntargate ketau lagnAtkendratrikoNage |
shubhayukte shubhairdR^iShTe lagnAdhipasamanvite || 6||
yogakArakasambandhe dAyeshAtkendralAbhage |
dehasaukhyaM dhanAlpatvaM bandhusnehamathAdishet.h || 7||
chatuShpAjjIvalAbhaH syAtsaMchAreNa dhanAgamaH |
vidyAkIrtirprasa~Ngashcha samAnaprabhudarshanam.h || 8||
bhojanAmbarasaukhyaM cha hyAdau madhye sukhAvaham.h |
dAyeshAdyadi randhrasthe vyaye vA pApasaMyute || 9||
vAhanAtpatanaM chaiva putrakleshAdisambhavaH |
chaurAdirAjabhItishcha pApakarmarataH sadA || 10||
vR^ishchikAdiviShAd.hbhItirnIchaiH kalahasaMbhavaH |
shokarogAdiduHkhaM cha nIchasa~NgAdikaM bhavet.h || 11||
dvitIyadyUnanAthe tu dehajADyaM bhaviShyati |
taddoShaparihArAya ChAgadAnaM tu kArayet.h || 12||
saumyasyAntargate shukre kendre lAbhe trikoNage |
satkathApuNyadharmAdisaMgrahaH puNyakarmakR^it.h || 13||
mitraprabhuvashAdiShTaM xetralAbhaH sukhaM bhavet.h |
dashAdhipAtkendragate trikoNe lAbhage.api vA || 14||
tatkAle shriyamApnoti rAjashrIdhanasampadaH |
vApIkUpataDAgadidAnadharmAdisaMgrahaH || 15||
vyavasAyAtphalAdhikyaM dhanadhAnyasamR^iddhikR^it.h |
dAyeshAtShaShTharandhrasthe vyaye vA balavarjite || 16||
hR^idrogo mAnahAnishcha jvarAtIsArapIDanam.h |
Atmabandhuviyogashcha saMsAre bhavati dhruvam.h || 17||
AtmakaShTaM manastApadAyakaM dvijasattama |
dvitIyadyUnanAthe tu hyapamR^ityurbhaviShyati || 18||
taddoShaparihArArthaM durgAdevIjapaM charet.h |
jagadambAprasAdena tataH shAntimavApnuyAt.h || 19||
saumyasyAntargate sUrye svochche svaxetrakendrage |
trikoNe dhanalAbhe tu tu~NgAMshe svAMshage.api vA || 20||
rAjaprasAdasubhAgyaM mitraprabhuvashAtsukham.h |
bhUmyAtmajena saMdR^iShTe Adau bhUlAbhamAdishet.h || 21||
lagnAdhipena saMdR^iShTe bahusaukhyaM dhanAgamam.h |
grAmabhUmyAdilAbhaM cha bhojanAmbarasaukhyakR^it.h || 22||
lagnAShTamavyaye vApi shanyAraphaNisaMyute |
dAyeshAdripurandhrasthe vyaye vA balavarjite || 23||
chaurAdishastrapIDA cha pittAdhikyaM bhaviShyati |
shiroru~NmanasastApa iShTabandhuviyogakR^it.h || 24||
dvitIyasaptamAdhIshe hyapamR^ityurbhavishyati |
taddoShaparihArArthaM shAntiM kuryAdyathAvidhi || 25||
saumyasyAntargate chandre lagnAtkendratrikoNage |
svochche vA svarxage vApi gurudR^iShTisamanvite || 26||
yogasthAnAdhipatyena yogaprAbalyamAdishet.h |
strIlAbhaM putralAbhaM cha vastravAhanabhUShaNam.h || 27||
nUtanAlayalAbhaM cha nityaM miShThAnnabhojanam.h |
gItavAdyaprasaMgaM cha shAstravidyAparishramam.h || 28||
daxiNAM dishamAshritya prayANaM cha bhaviShyati |
dvIpAntarAdivastrANAM lAbhashchaiva bhaviShyati || 29||
muktAvidrumaratnAni dhautavastrAdikaM labhet.h |
nIchArixetrasaMyukte dehabAdhA bhaviShyati || 30||
dAyeshAtkendrakoNasthe dushchikye lAbhage.api vA |
tad.hbhuktyAdau puNyatIrthasthAnadaivatadarshanam.h || 31||
manodhairyaM hR^idutsAho videshadhanalAbhakR^it.h |
dAyeshAtShaShTharandhre vA vyaye vA pApasaMyute || 32||
chorAgninR^ipabhItishcha strIsamAgamato bhavet.h |
duShkR^itirdhanahAnishcha kR^iShigoshvAdinAshakR^it.h || 33||
dvitIyadyUnanAthe tu dehabAdhA bhaviShyati |
taddoShaparihArArthaM durgAdevIjapaM charet.h || 34||
vastradAnaM prakurvIta AyurvR^iddhisukhAvaham.h |
jagadambAprasAdena tataH sukhamavApnuyAt.h || 35||
saumyasyAntargate bhaume lagnAtkendratrikoNage |
svochche vA svarxage vApi lagnAdhipasamanvite || 36||
rAjAnugrahashAntiM cha gR^ihe kalyANasambhavam.h |
laxmIkaTAxachihnAni naShTarAjyArthamApnuyAt.h || 37||
putrotsavAdisantoShaM gR^ihe godhanasaMkulam.h |
gR^ihaxetrAdilAbhaM cha gajavAjisamanvitam.h || 38||
rAjaprItikaraM chaiva strIsaukhyaM chAtishobhanam.h |
nIchaxetrasamAyukte hyaShTame vA vyaye.api vA || 39||
pApadR^iShTiyute vApi dehapIDA manovyathA |
udyogabha~Ngo dashAdau svagrAme dhAnyanashanam.h || 40||
graMthishastravraNAdInAM bhayaM tApajvarAdikam.h |
dAyeshAtkendrage bhaume trikoNe lAbhage.api vA || 41||
shubhadR^iShTe dhanaprAptirdehasaukhyaM bhavenR^iNAm.h |
putralAbho yashovR^iddhirbhrAtR^ivargo mahApriyaH || 42||
dAyeshAdatha randhrasthe vyaye vA pApasaMyute |
tad.hbhuktyAdau mahAklesho bhrAtR^ivarge mahad.hbhayam.h || 43||
nR^ipAgnichaurabhItishcha putramitravirodhanam.h |
sthAnabhraMsho bhavedAdau madhye saukhyaM dhanAgamaH || 44||
ante tu rAjabhItiH syAtsthAnabhraMshohyathApivA |
dvitIyadyUnanAthe tu hyapamR^ityubhayaM bhavet.h || 45||
godAnaM cha prakurvIta mR^ityu~njayajapaM charet.h |
sha~Nkarasya prasAdena tataH sukahmavApnuyAt.h || 46||
budhasyAntargate rAhau kendralAbhatrikoNage |
kulIre kumbhage vApi kanyAyAM vR^iShabhepi vA || 47||
rAjasammAnakIrtiM cha dhanaM cha prabhaviShyati |
puNyatIrthasthAnalAbho devatAdarshanaM tathA || 48||
iShtApUrte cha mahato mAnashchAmbaralAbhakR^it.h |
bhuktyAdau dehapIDA cha tvante saukhyaM vinirdishet.h || 49||
lagnAShTavyayarAshisthe tad.hbhuktau dhananAshanam.h |
bhuktyAdau dehanAshashcha vAtajvaramajIrNakR^it.h || 50||
lagnAdupachaye rAhau shubhagrahasamanvite |
rAjasaMlApasantoSho nUtanaprabhudarshanam.h || 51||
dAyeshAd.hdvAdashe vApi hyaShTame pApasaMyute |
niShThuraM rAjakAryANi sthAnabhraMsho mahad.hbhayam.h || 52||
bandhanaM rogapIDA cha nijabandhumanovyathA |
hR^idrogo mAnahAnishcha dhanahAnirbhaviShyati || 53||
dvitIyasaptamasthe vA hyapamR^ityurbhaviShyati |
taddoShaparihArArthaM durgAlaxmIjapaM charet.h || 54||
shvetAM gAM mahiShIM dadyAdAyuArogyadAyinIm.h |
jagadambAprasAdena tataH sukhamavApnuyAt.h || 55||
budhasyAntargate jIve lagnAtkendratrikoNage |
svochche vA svarxage vApi lAbhe vA dhanarAshige || 56||
dehasaukhyaM dhanAvAptI rAjaprItistathaiva cha |
vivAhotsavakAryANi nityaM miShThAnnabhojanam.h || 57||
gomahiShyAdilAbhashcha purANasr/avaNAdikam.h |
devatAgurubhaktishcha dAnadharmamakhAdikam.h || 58||
yaj~nakarmapravR^iddhishcha shivapUjAphalaM tathA |
nIche vAstaMgate vApi ShaShThAShTavyayage.api vA || 59||
shanyAradR^iShTasaMyukte kalaho rAjavigrahaH |
chaurAdidehapIDA cha pitR^imAtR^ivinAshnam.h || 60||
mAnahAni rAjadaNDo dhanahAnirbhaviShyati |
viShAhijvarapIDA cha kR^iShibhUmivinAshanam.h || 61||
dayeshAtkendrakoNe vA lAbhe vA balasaMyute |
bandhuputrahR^idutsAho shubhaM cha dhanasaMyutam.h || 62||
pashuvR^iddhiryashovR^iddhirannadAnAdikaM phalam.h |
dAyeshAtShaShTharandhre vA vyaye vA balavarjite || 63||
a~NgatApashcha vaikalyaM dehabAdhA bhviShyati |
kalatrabandhuvaiShamyaM rAjakopo dhanaxayaH || 64||
akasmAtkalahAd.hbhItiH pramAdo dvijato bhayam.h |
dvitIyasaptamasthe vA dehabAdhA bhaviShyati || 65||
taddoShaparihArArthaM shivasAhasrakaM japet.h |
gobhUriraNyadAnena sarvAriShTaM vyapohati || 66||
saumyasyAntargate mande svochche svaxetrakendrage |
trikoNalAbhage vApi gR^ihe kalyANavarddhanam.h || 67||
rAjyalAbhaM mahotsAhaM gR^ihaM godhanasaMkulam.h || 68||
shubhasthAnaphalavAptiM tIrthavAsaM tathAdishet.h |
aShTame vA vyaye mande dAyeshAdvA tathaiva cha || 69||
arAtiduHkhabAhulyaM dAraputrAdipIDanam.h |
buddhibhraMsho bandhunAshaH karmanAsho manorujaH || 70||
videshagamanaM chaiva duHsvapnAdipradarshanam.h |
dvitIyadyUnanAthe tu hyapamR^ityurbhaviShyati || 71||
taddoShaparihArArthaM mR^ityu~njayajapaM charet.h |
kR^iShNAM gAM mahiShIM dadyAdAyurArogyavR^iddhaye || 72||
\medskip\hrule\medskip
          atha ketvantardashAphalAdhyAyaH || 59||
\smallskip
kendre trikoNalAbhe vA ketau lagneshasaMyute |
bhAgyakarmasusambandhe vAhaneshasamanvite || 1||
tad.hbhuktau dhanadhAnyAdi chatuShpAjjIvalAbhakR^it.h |
putradArAdisaukhyaM cha rAjaprItimanorujaH || 2||
grAmabhUmyAdilAbhashcha gR^ihaM godhanasaMkulam.h |
nIchAstakheTasaMyukte hyaShTame vyayage.api vA || 3||
hR^idrogo mAnahAnishcha dhanadhAnyapashuxayaH |
dAraputrAdipIDA cha manashchAMchalyameva cha || 4||
dvitIyadyUnanAthena sambandhe tatra saMsthite |
anArogyaM mahatkaShTamAtmabandhuviyogakR^it.h || 5||
durgAdevIjapaM kuryAnmR^ityu~njayajapaM charet.h |
evaM svAntargate ketau tataH sukhamavApnuyAt.h || 6||
ketorantargate shukre svochche svakShetrasaMyute |
kendratrikoNalAbhe vA rAjyanAthena saMyute || 7||
rAjaprItiM cha saubhAgyaM dishAtsvAmbarasaMkulam.h |
tatkAle shriyamApnoti bhAgyakarmeshasaMyute || 8||
naShTarAjyadhanaprAptiM sukhavAhanasuttamam.h |
setusnAnAdikaM chaiva devatAdarshanaM mahat.h || 9||
mahArAjaprasAdena grAmabhUmyAdilAbhakR^it.h |
dAyeshAtkendrakoNe vA dushchikye lAbhage.api vA || 10||
dehArogyaM shubhaM chaiva gR^ihe kalyANashobhanam.h |
bhojanAmbarabhUShAptirathadolAdilAbhakR^it.h || 11||
dAyeshAdripurandhrasthe vyaye vA pApasaMyute |
akasmAtkalahaM chaiva pashudhAnyAdipIDanam.h || 12||
nIchasthe kheTasaMyukte lagnAtShaShThAShTarAshige |
svabandhujanavaiShamyaM shiroxivraNapIDanam.h || 13||
hR^idrogaM mAnahAniM cha dhanadhAnyapashuxayam.h |
kalatraputrapIDAyAH sa~nchAraM cha samAdishet.h || 14||
dvitIyadyUnanAthe tu dehajADyaM manorujam.h |
taddoShaparihArArthaM durgAdevIjapaM charet.h |
shvetAM gAM mahiShIM dadyAdAyuArogyavR^iddhaye || 15||
ketorantargate sUrye svochche svaxetrage.api vA |
kendratrikoNalAbhe vA shubhayuktanirIxite || 16||
dhanadhAnyAdilAbhashcha rAjAnugrahavaibhavam.h |
anekashubhakAryANi cheShTasiddhiH sukhAvahA || 17||
aShTamavyayarAshisthe pApagrahasamanvite |
tad.hbhuktau rAjabhItishcha pitR^imAtR^iviyogakR^it.h || 18||
videshagamanaM chaiva chaurAhiviShapIDanam.h |
rAjamitravirodhashcha rAjadaNDAddhanaxayaH || 19||
shokarogabhayaM chaiva uShNAdhikyaM jvaro bhavet.h |
dAyeshAtlendrakoNe vA lAbhe vA dhanasaMsthite || 20||
dehasaukhyaM chArthalAbha0 putralAbho manodR^iDham.h |
sarvakAryArthasiddhiH syAtsvalpagrAmAdhipatyayuk.h || 21||
dAyeshAdrandhrariHphe vA sthite vA pApasaMyute |
annavighno manobItirdhanadhAnyapashuxayaH || 22||
Adau madhye mahAkleshAnante saukhyaM vinirdishet.h |
dvitIyasaptamAdhIshe hyapamR^ityurbhaviShyati || 23||
tasya shAntiM prakurvIta svarNaM dhenuM pradApayet.h |
bhAskarasya prasAdena tataH sukhamavApnuyAt.h || 24||
ketorantargate chandre svochche svaxetrage.api vA |
kendratrikoNalAbhe vA dhane shubhasamanvite || 25||
rAjaprItirmahotsAhaH kalyANaM cha mahatsukham.h |
mahArAjaprasAdena gR^ihabhUmyAdilAbhakR^it.h || 26||
bhojanAmbarapashvAdivyavasAye.adhikaM phalam.h |
ashvavAhanalAbhashcha vastrabharaNabhUShaNam.h || 27||
devAlayataDAgAdipuNyadharmAdisa~N.hgraham.h |
putradArAdisaukhyaM cha pUrNachandraH prayachChati || 28||
xINe vA nIchage chandre ShaShThAShTamavyayarAshige |
AtmasaukhyaM manastApaM kAryavighnaM mahad.hbhayam.h || 29||
pitR^imAtR^iviyogaM cha dehajADyaM manovyathAm.h |
vyavasAyAtphalaM kaShTaM pashunAshaM bhayaM vadet.h || 30||
dAyeshAtkendrakoNe vA lAbhe vA balasaMyute |
kR^iShigobhUmilAbhaM cha iShTabandhusamAgamam.h || 31||
tasmAtsvakAryasiddhiM cha gR^ihe goxIrameva cha |
bhuktyAdau shubhamArogyaM madhye rAjapriyaM shubham.h || 32||
ante tu rAjabhItiM cha videshagamanaM tathA |
dUrayAtrAdisa~nchAraM sambandhijanapUjanam.h || 33||
dAyeshAtShaShThariHphe vA randhre vA balavarjite |
dhanadhAnyAdihAnishcha manovyAtkulameva cha || 34||
svabandhujanavairaM cha bhrAtR^ipIDA tathaiva cha |
nidhanAdhipadoSheNa dvisaptapatisaMyute || 35||
apamR^ityubhayaM tasya shAntiM kuryAdyathAvidhi |
chandraprItikarIM chaiva hyAyurArogyasiddhaye || 36||
ketorantargate bhaume lagnAtkendratrikoNage |
svochche svaxetrage vA.api shubhagrahayutexite || 37||
Adau shubhaphalaM chaiva grAmabhUmyAdilAbhakR^it.h |
dhanadhAnyAdilAbhashcha chatuShpAjjIvalAbhakR^it.h || 38||
gR^igArAmaxetralAbho rAjAnugrahavaibhavam.h |
bhAgye karmeshasambandhe bhUlAbhaH saukhyameva cha || 39||
dAyeshAtkendrakoNe vA dushchikye lAbhage.api vA |
rAjaprItiyasholAbhaH putramitrAdisaukhyakR^it.h || 40||
tathA.aShTamavyaye bhaume dAyeshAddhanage.api vA |
drutaM karoti maraNaM videshe chApadaM bhramam.h || 41||
pramehamUtrakR^ichChrAdichaurAdinR^ipapIDanam.h |
kalahAdi vyathAyuktaM ki~nchitsukhavivarddhanam.h || 42||
dvitIyadyUnanAthe tu tApajvaraviShAd.hbhayam.h |
dArapIDA manaHkleshamapamR^ityubhayaM bhavet.h || 43||
aND.hvAhaM pradadyAttu sarvasampatsukhAvaham.h |
tataH shAntimavApnoti bhaumagrahaprasAdataH || 44||
ketorantargate rAhau svochche mitrasvarAshige |
kendratrikoNe lAbhe vA dushchikye dhanasaMj~nake || 45||
tatkAle dhanalAbhaH syAtsa~nchAro bhavati dhruvam.h |
mlechChaprabhuvashAtsaukhyaM dhandhAnyaphalAdikam.h || 46||
chatuShpAjjIvalAbhaH syAd.hgrAmabhUmyAdilAbhakR^it.h |
bhuktyAdau kleshamApnoti madhyAnte saukhyamApnuyAt.h || 47||
randhre vA vyayage rAhau pApasaMdR^iShTasaMyute |
bahumUtraM kR^ishaM deehaM shItajvaraviShAd.hbhayam.h || 48||
chAturthikajvaraM chaiva xudropadravapIDanam.h |
akasmAtkalahaM chaiva pramehaM shUlamAdishet.h || 49||
dvitIyasaptamasthe vA tadA kleshaM mahad.hbhayam.h |
taddoShaparihArArthaM durgAdevIjapaM charet.h || 50||
ketorantargate jIve kandre lAbhe trikoNage |
svochche svaxetrage vApi lagnAdhipasamanvite || 51||
karmabhAgyAdhipairyukte dhanadhAnyArthasampadam.h |
rAjaprItiM tadotsAhamashvAMdolyAdikaM dishet.h || 52||
gR^ihe kalyANasampattiM putralAbhaM mahotsavaham.h |
puNyatIrthaM mahotsAhaM satkarma cha sukhAvaham.h || 53||
iShTadevaprasAdena vijayaM kAryalAbhakR^it.h |
rAjasaMllApakAryANi nUtanaprabhudarshanam.h || 54||
ShaShThAShTamavyaye jIve dAyeshAnnIchage.api vA |
chaurAhivraNabhItiM cha dhanadhAnyAdinAshanam.h || 55||
putradArAviyogaM cha tvatIvakleshasambhavam.h |
Adau subhaphalaM chaiva ante kleshakaraM vadet.h || 56||
dAyeshAtkendrakoNe vA dushchikye lAbhage.api vA |
shubhayukte nR^ipaprItirvichitrAmbarabhUShaNam.h || 57||
dUradeshaprayANaM cha svabandhujanapoShaNam.h |
bhojanAmbarapashvAdi bhuktyAdau dehapIDanam.h || 58||
ante tu sthAnachalanamakasmAtkalaho bhavet.h |
dvitIyadyUnanAthe tu hyapamR^ityurbhaviShyati || 59||
taddoShaparihArArthaM shivasAhasrakaM japet.h |
mahAmR^ityu~njayaM jApyaM sarvopadravanAshanam.h || 60||
ketorantargate mande svadashAyAM tu pIDanam.h |
bandhoH klesho manastApashchatuShpAjjIvalAbhakR^it.h || 61||
rAjakAryakalApena dhananAsho mahad.hbhayam.h |
sthAnAchchyutiH pravAsashcha mArge chaurabhayaM bhavet.h || 62||
AlasyaM manaso hAnishchAShTame vyayarAshige |
mInatrikoNage mande tulAyAM svarxage.api vA || 63||
kendratrikoNalAbhe vA dushchikye vA shubhAMshake |
shubhadR^iShTayute chaiva sarvakAryArthasAdhanam.h || 64||
svaprabhoshcha mahatsaukhyaM bhramaNaM cha sukhAvaham.h |
svagrAme sukhasampattiH svavarge rAjadarshanam.h || 65||
dAyeshAtShaShThariHphe vA aShTame pApasaMyute |
dehatApo manastApaH kArye vighno mahad.hbhayam.h || 66||
AlasyaM mAnahAnishcha pitR^imAtrorvinAshanam.h |
dvitIyadyUnanAthe tu hyapamR^ityubhayaM bhavet.h || 67||
taddoShapairhArArthaM tilahomaM cha kArayet.h |
kR^iShNAM gAM mahiShIM dadyAdAyurArogyavR^iddhaye || 68||
ketorantargate saumye kendralAbhatrikoNage |
svochche svaxetrasaMyukte rAjyalAbho mahatsukham.h || 69||
satkathAshravaNaM dAnaM dharmasiddhiH sukhAvahA |
bhUlAbhaH putralAbhashcha shubhagoShThIdhanAgamaH || 70||
ayatnAddharmalabdhishcha vivAhashcha bhaviShyati |
gR^ihe shubhakaraM karma vastrAbharaNabhUShaNam.h || 71||
bhAgyakarmAdhipairyukte bhAgyavR^iddhiH sukhAvahA |
vidvad.hgoShThIkathAbhishcha kAlaxepo bhaviShyati || 72||
ShaShThAShTamavyaye saumye mandArAhiyutexite |
virodho rAjavargaishcha paragehanivAsanam.h || 73||
vAhanAmbarapashvAdidhanadhAnyAdinAshakR^it.h |
bhuktyAdau shobhanaM proktaM madhye saukhyaM dhanAgamaH || 74||
ante kleshakaraM chaiva dAraputrAdipIDanam.h |
dAyeshAtkendrage saumye trikoNe lAbhage.api vA || 75||
dehArogyaM mahAMllAbhaH putrakalyANavaibhavam.h |
bhojanAmbarapashvAdivyavasAye.adhikaM phalam.h || 76||
dAyeshAtShaShTharandhre vA vyaye vA balavarjite |
tad.hbhuktyAdau mahAklesho dAraputrAdipIDanam.h || 77||
rAjabhItikarashchaiva madhye tIrthakaro bhavet.h |
dvitIyadyUnanAthe tu hyapamR^ityurbhaviShyati || 78||
taddoShaparihArArthaM viShNusAhasrakaM japet.h |
tataH sukhamavApnoti shrIhareshcha prasAdataH || 79||
\medskip\hrule\medskip
        atha shukrAntardashAphalAdhyAyaH || 60||
\smallskip
atha svAntargate shukre lagnAtkendratrikoNage |
lAbhe vA balasaMyukte tad.hbhuktau cha shubhaM phalam.h || 1||
vipramUlAddhanaprAptirgomahiShyAdilAbhakR^it.h |
putrotsavAdisantoSho gR^ihe kalyANasambhavaH || 2||
sanmAnaM rAjasammAnaM rAjyalAbho mahatsukham.h |
svochche vA svarxage vApi tu~NgAMshe vAMshage.api vA || 3||
nUtanAlayanirmANaM nityaM miShThAnnabhojanam.h |
kalatraputravibhavaM mitrasaMyuktabhojanam.h || 4||
annadAnaM priyaM nityaM danadharmAdisa~NgrahaH |
mahArAjaprasAdena vAhanAmbarabhUShaNam.h || 5||
vyavasAyAtphalAdhikyaM chatuShpAjjIvalAbhakR^it.h |
prayANaM pashchime bhAge vAhanAmbaralAbhakR^it.h || 6||
lagnAdyupachaye shukre shubhagrahayutexite |
mitrAMshe tu~NgalAbheshayogalArakasaMyute || 7||
rAjyalAbho mahotsAho rAjaprItiH shubhAvahA |
gR^ihe kalyANasampattirdAraputrAdivarddhanam.h || 8||
ShaShThAShTamavyaye shukre pApayukte.atha vIxite |
chaurAdivraNabhItishcha sarvatra janapIDanam.h || 9||
rAjadvAre janadveSha iShTabandhuvinAshanam.h |
dAraputrAdipIDA cha sarvatra janapIDanam.h || 10||
dvitIyadyUnanAthe tu sthite chenmaraNaM bhavet.h |
tarta durgAjapaM kuryAddhanudAnaM cha kArayet.h || 11||
shukrasyAntargate sUrye santApo rAjavigrahaH |
dAyAdakalahashchaiva svochchanIchavivarjite || 12||
(shukrasyAntargate sUrye santApo rAjabhiH kaliH |
dAyAdAt.h kalahashchaiva shubhaxetrAtya rAshige || 12||) |
svochche svaxetrage sUrye mitrarxe kendrakoNage |
dAyeshAtkendrakoNe vA lAbhe vA dhanage.api vA || 13||
tad.hbhuktau dhanalAbhaH syAdrAjyastrIdhanasampadaH |
svaprabhoshcha mahatsaukhyamiShTabandhoH samAgamaH || 14||
pitR^imAtroH sukhaprAptiM bhrAtR^ilAbhaM sukhAvaham.h |
satkIrtiM sukhasaubhAgyaM putralAbhaM cha vindati || 15||
tathAShTame vyaye sUrye ripurAshisthite.api vA |
nIche vA pApavargasthe dehatApo manorujaH || 16||
svajanoparisaMklesho nityaM niShThurabhAShaNam.h |
pitR^ipIDA bandhuhAnI rAjadvAre virodhakR^it.h || 17||
vraNapIDAhibAdhA cha svagR^ihe cha bhayaM tathA |
nAnArogabhayaM chaiva gR^ihaxetrAdinAshanam.h || 18||
saptamAdhipatau sUrye grahabAdhA bhaviShyati |
taddoShaparihArArthaM sUryaprItiM cha kArayet.h || 19||
shukrasyAntargate chandre kendralAbhatrikoNage |
svochche svaxetrage chaiva bhAgyanAthenasaMyute || 20||
shubhayukte pUrNachandre rAjyanAthena saMyute |
tad.hbuktau vAhanAdInAM lAbhaM gehe mahatsukham.h || 21||
mahArAjaprasAdena gajAntaishvaryamAdishet.h |
mahAnadIsnAnapuNyaM devabrAhmaNapUjanam.h || 22||
gItavAdyaprasa~NgAdividvajjanavibhUShaNam.h |
gomahiShyAdivR^iddhishcha vyavasAye.adhikaM phalam.h || 23||
bhojanAmbarasaukhyaM cha bandhusaMyuktabhojanam.h |
nIche vAtsa~Ngate vApi ShaShThAShTamavyayarAshige || 24||
dAyeshAtShaShThage vApi randhre vA vyayarAshige |
tatkAle dhananAshaH syAtsa~nchareta mahad.hbhayam.h || 25||
dehAyAso manastApo rAjadvAre virodhakR^it.h |
videshagamanaM chaiva tIrthayAtrAdikaM phalam.h || 26||
dAraputrAdi pIDA cha nijabandhuviyogakR^it.h |
dAyeshAtkendralAbhasthe trikoNe sahaje.api vA || 27||
rAjaprItikarI chaiva deshagrAmAdhipatyatA |
dhairyaM yashaH sukhaM kIrtirvAhanAmbarabhUShaNam.h || 28||
kUpArAmataDAgadinirmANaM dhanasa~N.hgrahaH |
bhuktayAdau dehasaukhyaM syAdante kleshastathA bhavet.h || 29||
shukrasyAntargate bhaume lagnAtkendratrikoNage |
svochche vA svarxage bhaume lAbhe vA balasaMyute || 30||
lagnAdhipena saMyukte karmabhAgyeshasaMyute |
tad.hbhuktau rAjayogAdisampadaM shobhanAM vadet.h || 31||
vastrAbharaNabhUmyAderiShTasiddhiH sukhAvahA |
tathA.aShTame vyaye vA.api dAyeshAdvA tathaiva cha || 32||
shItajvarAdipIDA cha pitR^imAtR^ibhayAvahA |
jvarAdyadhikarogAshcha sthAnabhraMsho manorujA || 33||
svabandhujanahAnishcha kalaho rAjavigrahaH |
rAjadvArajanadveSho dhanadhAnyavyayo.adhikaH || 34||
vyavasAyAtphalaM neShTaM grAmabhUmyAdihAnikR^it.h |
dvitIyadyUnanAthe tu dehavAdhA bhaviShyati || 35||
shukrasyAntargate rAhau kendralAbhatrikoNage |
svochche vA shubhasaMdR^iShTe yogakArakasaMyute || 36||
tad.hbhuktau bahusaukhyaM cha dhanadhAnyAdilAbhakR^it.h |
iShTabandhusamAkIrNaM bhavanaM cha samAdishet.h || 37||
yAtuH kAryArthasiddhiH syAt.h pashuxetrAdisambhavaH |
lagnAdyupachaye rAhau tad.hbhuktiH sukhadA bhavet.h || 38||
shatrunAsho mahotsAho rAjaprItikarI shubhA |
bhuktyAdau sharamAsAMshcha ante jvaramajIrNakR^it.h || 39||
kAryavighnamavApnoti sa~nchare cha manovyathA |
paraM sukhaM cha saubhAgyaM mahArAja ivA.ashnute || 40||
nairR^itIM dishamAshritya prayANaM prabhudarshanam.h |
yAtuH kAryArthasiddhiH syAtsvadeshe punareShyati || 41||
upakAro brAhmaNAnAM tIrthayAtrAphalaM bhavet.h |
dAyeshAdrandhrabhAvasthe vyaye vA pApasaMyute || 42||
ashubhaM labhate karma pitR^imAtR^ijanAvadhi |
sarvatra janavidveShaM nAnArUpaM dvijottama || 43||
dvitIye saptame vApi dehAlasya vinirdishet.h |
taddoShaparihArArthaM mR^ityu~njayajapaM charet.h || 44||
shukrasyAntargate jIve svochche svaxetrakendrage |
dAyeshAchChubharAshisthe bhAgye vA putrarAshige || 45||
naShTarAjyAddhanaprAptimiShTArthAmbarasampadam.h |
mitraprabhoshcha sanmAnaM dhanadhAnyaM labhennaraH || 46||
rAjasammAnakIrtiM cha ashvAndolAdilAbhakR^it.h |
vidvatprabhusamAkIrNaM shAstrAparishramam.h || 47||
putrotsavAdisantoShamiShTabandhusamAgamam.h |
pitR^imAtR^isukhaprAptiM putrAdisaukhyamAdishet.h || 48||
dAyeshAtShaShTharAshisthe vyaye vA pApasaMyute |
rAjachaurAdipIDA cha dehapIDA bhaviShyati || 49||
AtmarugbandhukaShTaM syAtkalahena manovyathA |
sthAnachyutiM pravAsaM cha nAnArogaM samApnuyAt.h || 50||
dvitIyasaptamAdhIshe dehabAdhA bhaviShyati |
taddoShaparihArArthaM mahAmR^ityu~njayaM charet.h || 51||
shukrasyAntargate mande svochche tu paramochchage |
svarxakendratrikoNasthe tu~NgAMshe svAMshage.api vA || 52||
tad.hbhuktau bahusaukhyaM syAdiShTabandhusamAgamaH |
rAjadvAre cha sammAnaM putrikAjanmasambhavaH || 53||
puNyatIrthaphalavAptirdAnadharmAdipuNyakR^it.h |
svaprabhoshcha padAvAptiH nIchasthe kleshabhAgyabhavet.h || 54||
dehAlasyamavApnoti tathA.ayAdadhikavyayam.h |
tathAShTame vyaye mande dAyeshAdvA tathaiva cha || 55||
bhuktyAdau vividhA pIDA pitR^imAtR^ijanAvadhi |
dAraputrAdipIDA cha paradeshAdivibhramaH || 56||
vyavasAyAtphalaM naShTaM gomahiShyAdihAnikR^it.h |
dvitIyasaptamAdhIshe dehabAdhA bhaviShyati || 57||
taddoShaparihArArthaM tilahomaM cha kArayet.h |
mR^ityu~njayajapaM kuryAchchaNDIpAThamAthapi vA || 58||
svayaM vA brAhmaNadvArA yathAshakti yathAvidhi |
tataH shAntimavApnoti shivAshambhuprasAdataH || 59||
shukrasyAntargate saumye kendre lAbhatrikoNage |
svochche vA svarxage vApi rAjaprItikaraM shubham.h || 60||
saubhAgyaM putralAbhashcha sanmArgeNa dhanAgamaH |
purANadharmashravaNaM shR^i~NgArijanasaMgamaH || 61||
iShTabandhujanAkIrNaM shobhitaM tasya mandiram.h |
svaprabhoshcha mahatsaukhyaM nityaM miShThAnnabhojanam.h || 62||
dAyeshAtShaShTharandhre vA vyaye vA balavarjite |
pApadR^iShTe pApayukte chatuShpAjjIvahAnikR^it.h || 63||
anyAlayanivAsashcha manovaikalyasambhavaH |
vyApAreShu cha sarveShu hAnireva na saMshayaH || 64||
bhuktyAdau shobhanaM proktaM madhye madhyaphalaM dishet.h |
ante kleshakaraM chaiva shItavAtajvarAdikam.h || 65||
saptamAdhIshadoSheNa dehapIDA bhaviShyati |
taddoShaparihArArthaM viShNusAhasrakaM japet.h || 66||
shukrasyAntargate ketau svochche vA svarxage.api vA |
yogakArakasambandhe sthAnavIryasamanvite || 67||
bhuktyAdau shubhamAdhikyAnnityaM miShThAnnabhojanam.h |
vyavasAyAtphalAdhikyaM gomahoShyAdivR^iddhikR^it.h || 68||
dhanadhAnyasamR^iddhishcha saMgrAme vijayo bhavet.h |
bhuktyante hi sukhaM chaiva bhuktyAdau madhyamaM phalam.h || 69||
madhye madhye mahatkaShTaM pashchAdArogyamAdishet.h |
dAyeshAdrandhrabhAvasthe vyaye vA pApasaMyute || 70||
chaurAhivraNapIDA cha buddhinAsho mahad.hbhayam.h |
shirorujaM manastApamakarmakalahaM vadet.h || 71||
pramehabhavarogaM cha nAnAmArge dhanavyayaH |
bhAryAputravirodhashcha gamanaM kAryanAshanam.h || 72||
dvitIyadyUnanAthe tu dehabAdhA bhaviShyati |
taddoShaparihArArthaM mR^ityu~njayajapaM charet.h || 73||
ChAgadAnaM prakurvIta sarvasampatpradAyakam.h |
shukraprItikarIM shAntiM tataH sukhamavApnuyAt.h || 74||
\medskip\hrule\medskip
\medskip\hrule
##
Encoded and proofread by ajarve at fms30.cca.rockwell.com (Ahto Jarve)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}