%@@1 % File name : phaladIpika.itx %-------------------------------------------- % Text title : phaladIpika (Jataka Phaladeepika) % Author : mantreshvara % Language : Sanskrit % Subject : Jyotish % Description/comments : Source : % % Transliterated by : Radu Canahai clradu@yahoo.com % Proofread by : Radu Canahai clradu@yahoo.com % Latest update : October 28, 2002 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to/ % http://www.alkhemy.com/sanskrit/ %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=0pt \let\usedvng=\normaldvng \pagenumbering{itrans} \def\twocol{\begin{multicols}{2}} \def\engtitle#1{\hrule\medskip\centerline{\large #1}} \def\itxtitle#1{\medskip\centerline{\hugedvng #1}\medskip\hrule} \def\endtitles{\medskip\twocol\obeyspaceslines} \newfont{\csroman}{putr8i at 9pt} \newfont{\csromani}{putri8i at 9pt} #romanifm=romancsx.ifm #romanfont=\csroman %% \begin{document} \engtitle{.. phaladIpikA ..}## \itxtitle{.. phaladIpikA ..}##\endtitles ## prathamo.adhyAyaH rAshi bheda shuklAmbaradharaM devaM shashivarNaM chaturbhujam . prasannavadanaM dhyAyetsarvavighnopashAntaye sandarshanaM vitanute pitR^idevanR^INAM mAsAbdavAsaradalairatha urdhvagaM yat | savyaM kvachit kvachidupaityapasavyamekaM jyotiH paraM dishatu vastvamitAM shriyaM naH || 1|| vAgdevIM kuladevatAM mama gurUn kAlatayaGYAnadAn sUryadIMshcha navagrAhan gaNapAtiM baktyA praNamyeshvaram | saMxipyAtriparAsharAdikathitAn mantreshvaro daivavid vaxye.ahaM phaladIpikAM suvimalAM jyotirvidAM prItye || 2|| padAbhAdyairyantrairjananasamayo.atra prathamato visheShAdviGYeyaH saha vighaTikAbhittavata tadA | gataidR^i ktulyatvaM gaNitakaraNaiH kecharargAtiM viditvA tadbhAvaM balamapi phalaM naiH kathayatu || 3|| shirovaktrorohR^ijjaTharakaTivastiprajanana\- sthalAnyUrUjAnvoryugalamiti jaMghe padayugam | vilanAtkAlA~NgAnyalijhaShakulIrAntimamidaM bhasandhivikhyAtA sakalabhavanAntAnapi pare || 4|| araNye kedAre shayanabhavane svabhagalile girI pAtha sasyAnvitamuvi vishAM ghorina suvire | janAdhIshasthAne sajalavipine dhAmni vicharat kulAle kIlAle vasatiruditA meShabhavanAt || 5|| bhaumaH shukrabudhendusUryashashijAH shukrArajIvArkajAH mando devaguruH krameNa kathitA meShAdirAshIshvarAH | sUryAduchchagR^ihAH kriyo vR^iShamR^igastrIkArkamInAstulA diktryaMshairmanuyuktithIShubhanakAMshaiste.astanIchAH kramAt || 6|| simhoxAjavadhUhayA~NgavaNijaH kuMbhastrikoNA raveH GYendvostUchchalavAnnakhoDvinasharairdigbhUtakR^ityaMshakaiH | chApAdyardhavadhUnR^iyusghaTatulA martyAshcha kITo.alibhaM tvApyAH karkamR^igAparArdhashapharAH sheShhashchatuShpAdakAH || 7|| gokarkyashvyajanakrabhAnyatha nR^iyu~NmInau pare rAshyaste pR^iShThodhayakodayAH samithunAH pR^ihodayAshchaindavAH | saurAH sheShagR^ihAH krameNa kathitA rAtridyusaMGYAH tramA\- dUdhvArdhaHsamavakrabhAti tu punastIxNAMshumuktAd gR^ihAt || 8|| meShAdAha charaM sthirAkhyamubhayaM dvAraM bahirgarbhabhaM dhAturmUlamitIha jIva uditaM krUraM cha saumyaM viduH | meShAdyAH kathitAstrikoNasahitAH prAgAdinAthAH kramA\- dojarxaM samabhaM pumAMshcha yuvatirvAmA~NgamastAdikam || 9|| lagnaM horA kalyadehodayAkhyaM rUpaM shirShaM vartamAnaM cha janma | vittaM vidyA svAnnapAnAti bhuktiM daxAxyAsyaM patrikA vAkkuTumbam || 10|| dushchikyoro daxakarNaM cha senAM dhairyaM shauryaM vikramaM bhrAtraM cha gehaM xetraM mAtula bhAgineyaM bandhuM mitraM vAhanaM mAtaraM cha || 11|| rAjyaM gomahiShasugandhavastrabhUShAH pAtAlaM hibukasukhAmbusetunadyaH | rAjA~NkaM sachivakarAtmadhIbhaviShyajjAnAsUn sutajaTarashrutismR^itIshcha || 12|| R^iNAstrachoraxatarogashatrUn GYAtyAjiduShkR^ityAghabhItyavaGYAH | jAmitrachittotthamadAstakAmAn dyUnAdhvalokAn patimArgabhAryAH || 13|| mA~NgalyarandhramalinAdhiparAbhavAyuH kleshApavAdamaraNAshuchivighnadAsAn | AchAryadaivatapitR^In shubhapUrvabhAgya\- pUjAtapaHsukR^itapautrajapAryavaMshAn || 14|| vyApArAspadamAnakarmajayasatkIrtiM kratuM jIvanaM vyomAchAraguNapravR^ittigamanAnyAGYAM cha meShUraNam | lAbhAyAgamanAptisiddhivibhavAn prAptiM bhavaM shlAdhyatAM jyeShThabhrAtaramanyakarNasarasAn santoShamAkarNanam || 15|| duHkhAMghrivAmanayanaxayasUchakAntya\- daridryapApashayanavyayariHphabandhAn | bhAvAhvyA nigaditAH kramasho.atha lIna\- sthAnaM triShaDvyayaparAbhavarAshinAm || 16|| duHsthAnamaShTamaripuvyayabhAvamAhuU susthAnamanyabhavanaM shubhadaM pradiShTam | prAhurvilagnadashasaptachaturthabhAni kendraM hi kaNtakachatuShTayanAmayuktam || 17|| paNakaramiti kendrAdUrdhvamApoklimantat\- paramatha chaturastraM naidhanaM bandhubhaM cha | atha samupachayAni vyomashauryarilAbhA navamasutabhayugmaM syAt trikoNaM prashastam || 18|| \medskip\hrule\medskip dvitIyo.adhyAyaH graha bheda tAmraM svarNaM pitR^ishubhaphalaM chAtmasaukhyapratApaM dhairyaM shauryaM samitivijayaM rAjasevaM prakAsham | shauvaM kAryaM vanagirigatiM homakAryapravR^ittiM devasthAnaM kathayatu budhastaixNyamutsAhamarkAt || 1|| mAtuH svasti manaHprasAdamudadhisnAnaM sitaM chAmaraM ChatraM suvyajanaM phalAni mR^idulaM puShpANi sasyaM kR^iShim | kIrtiM mauktikakAMsyaraupyamadhuraxIrAdivastrAmbugo\- yoShAptiM sukhabhojanaM tanusukhaM rUpaM vadechchandrataH || 2|| sattvaM bhUphalanaM sahodaraguNaM krauryaM raNaM sAhasaM vidveShaM cha mahAnasAgnikaGYAtyastrachorAnripUn | utsAhaM parakAminIratimasatyoktiM mahojAdvade\- dvIryaM chittasamunnatiM cha kaluShaM senAdhipatyaM xatam || 3|| pAnDityaM suvachaH kalAtipuNatAM vidvatstutiM mAtulaM vAkchAturyamupAsanAdipaTutAM vidyAsu yuktiM matim | yaGYaM vaiShNavakarma satyavachanaM shuktiM vihArasthalaM shilpaM bAndhavayauvarAjyasuhR^idastadbhAgineyaM budhAt || 4|| GYAnaM sadguNamAtmajaM cha sachivaM svAvAramAchAryakaM mAhAtmyaM shrutishAstradhIsmR^itimatiM sarvonnArtaM sadgatim | devabrAhmaNabhaktimadhvaratapaHshraddhAshcha koshasthalaM vaiduShyaM vijitendriyaM dhavasukhaM saMmAnamIDyAddayAm || 5|| saMpadvAhanavastrabhUShaNanidhidravyANi tauryatrikaM bhAryasaukhyasugandhapuShpamadanavyApArashayyAlayAN | shrImattvaM kavitAsukhaM bahuvadhUsa~NgaM vilAsaM madaM sAchivyaM sarasoktimAha bhR^igujAdvAhakarmotsavam || 6|| AyuShyaM maraNaM bhayaM patitatAM duHkhAvamAnAmayAn dAridrayaM bhR^itakApavAdakaluShANyAshauchanindyApadaH | sthairyaM nIchajanAshrayaM cha mahiShaM tandrImR^iNaM chAyasaM dAsatvaM kR^iShisAdhanaM ravisutAtkArAgR^ihaM bandhanaM || 7|| pittAsthisAro.alpakachashcha raktashyAmAkR^itiH syAnmadhupi~NgalAxaH | kausubhbhavAsAshchaturasradehaH shUraH prachaNDaH pR^ithubAhurarkaH || 8|| sthUlo yuvA cha sthaviraH sitaH kAntexaNashchAsitasUxmamUrdhajaH | raktaikasAro mR^iduvAk sitAMshuko gauraH shashI vAtakaphAtmako mR^iduH || 9|| madhye kR^ishaH ku~nchitadIptakeshaH krUrexaNaH paittika ugrabuddhiH | raktAmbaro raktatanurmahIjashchaNDo.atyudArastaruNo.atimajjaH || 10|| dUrvalatAshyAmatanustridhAtumishraH sirAvAnmadhuroktiyuktaH | raktAyatAxo haritaMshukastvaksAro budho hAsyaruchiH sama~NgaH || 11|| pItadyutiH pi~NgakachexaNaH syAt pInonnatorAshcha bR^ihachCharIraH | kaphAtmakaH shreShThamatiH sureDyaH siMhAbjanAdashcha vasupradhAnaH || 12|| chitrAmbarAku~nchitakR^iShNakeshaH sthUlA~Ngadeshcha kaphAnilAtmA | dUrva~NkurAbhaH kamano vishAlanetro bhR^iguH sAdhitashuklavR^iddhiH || 13|| pa~NgunimnavilochanaH kR^ishatanudarIrghaH sIrAloa.alasaH kR^iShNA~NgaH pavanAtmako.atipishunaH snAyvAtmako nirghR^iNaH | mUrkhaH sthUlanakhadvijaH paruSharomA~Ngo.ashuchistAmaso raudraH krodhaparo jarApariNataH kR^iShNAmbaro bhAskariH || 14|| shauvaM dhAma bahiHprakAshakamaruddesho raveH pUrvadik durgAsthanachadhUlauShadhimadhusthAnaM vidhorvAyudik | choramlichChakR^ishAnuyuddhabhuvi digyAmyA kujasyoditA vidvadviShNusabhAvihAragaNakasthAnAnyudIchIM viduH || 15|| koshAshvatthasuradvijAtinilayastvaishAnadiggIShpate\- vershyAvIthyavaroghanR^ittashayanasthAnaM bhR^igiragnidik | nIchashreNyashuchisthalaM varuNadikChAstuH shanerAlayo valmIkAhitamobilAnyahishikhisthAnAni digraxasaH || 16|| shaivo bhiSha~NnR^ipatiradhvarakR^itpradhAnI vyAdhro mR^igo dinapateH kila chakravAkaH shAstA~NganArajakarkaShakatoyagAH syu\- rindoH shashashcha hariNashcha bakashchakoraH || 17|| bhaumo mahAnasagatAyudhabhR^itsuvarNa\- kArAjakukkuTashivAkapigR^idhrachorAH | gopaGYashilpagaNakotta maviShNudAsA\- stArxyaH kikI divIshukau shashijo baDAlaH || 18|| daivaGYamantriguruviprayatIshamukhyAH pArAvataH suragurosturagashcha haMsaH | gAnI dhanI viTavaNi~NnaTatantuvAya\- veshyAmayUramahiShAshcha bhR^igoH shuko gauH || 19|| tailakrayI bhR^itakanIchakirAtakAya\- skArAshcha dantikaraTAshcha pikAH shaneH syuH | bauddhahituNDikakharAjavR^ikoShTrasarpa\- dhvAntAdayo mashakamatkuNakR^imyulUkAH || 20|| saumyaH samo.arkajasitAvahitau kharAMsho\- rindohitau ravibudhAvapare samAH syuH | bhaumasya mandabhR^igujau tu samau ripurGYaH saumyasya shItagurariH suhR^idau sitArkau || 21|| sUredviShau kavibudhau ravijaH samaH syA\- nmadhyau kavergurukujau suhR^idau shaniGYau | jIvaH samaH sitavidau ravijasya mitre GYeyA anuktakhacharAstu tadanyathA syuH || 22|| AnyonyaM trisukhasvakhAntyabhavagAstatkAlamitrANyamI Tannaisargikamapyavexya kathayettasyAtimitrAhitAn | shauryAGYe ravijo gururgurusutau bhaumashchaturthAshTamau purNaM pashyati saptamaM cha sakalAsteShvaMdhrivR^iddhyA kramAt || 23|| sUryAderayanaM xaNo dinamR^iturmAsashcha paxaH shara\- dviprau shukragurU ravixitisutau chandro budho.antyaH shaniH | prAhuH sattvarajastamAMsi shashigurvarkAH kaviGYau pare grIShmAdarkakujau shashI shashisuto jIvaH shanirbhArgavaH || 24|| tAtAmbe ravibhArgavau divi nishi prAbhAkarIndU smR^itau tadvyastena pitR^ivyamAtR^ibhaginIsaMGYau tadA tatkramAt | vAmAxindurino.anyadaxi kathito bhaumaH kaniShThAnujo jIvo jyeShThasahodaraH shashisuto dattAtmajaH samGYitaH || 25|| deho dehI himaruchirinastvindriyAShyArapUrvA AdityadviDgulikashikhinastasya pIDAkarAH syuH | gandhaH saumyo bhR^igujashashinau dvau rasau sUryabhaumau rUpau shabdo gururatha pare sparshasaMGYAH pradiShTAH || 26|| xINendvarkakujAhiketuravijAH pApAH sapApashcha vit klIvAH ketubudhArkajAH shashitamaHshukrAH striyo.anye narAH | rudrAmbAguhaviShNudhAtR^ikamalAkAlAhyajA devatAH sUryAdagnijalAgnibhUmikhapayovAyvAtmakAH syurgrahAH || 27|| godhUmaM taNDulaM vai tilachaNakakulutthADhakashyAmamudgA niShpAvA mASha arkendvasitagurushikhikrUravidbhR^igvahInAm | bhogInArkyArajIvaGYashashishikhisiteShvambarAkhyaM kali~NgaM saurAShTrAvantisindhUnsumagadhayavanAnparvatAnkIkaTAMshcha || 28|| mANikyaM taraNeH sudhAryamamalaM muktAphalaM shItago\- rmAheyasya cha vidrumaM marakataM saumyasya gArutmatam | deveDyasya cha puShparAgamasurAmAtyasya vajraM shane\- rnIlaM nirmalamanyayoshcha gadite gomedhavaidUryake || 29|| tAmraM kAMsyaM dhAtutAmraM trapu syAt svarNaM raupyaM chAyasaM bhAskarAdeH | vastraM tattadvarNayuktaM visheShAjjIrNaM mandasyAgnidagadhaM kujasya || 30|| bhAnoH kaTurbhUmisutasya tiktaM lAvaNyamindoratha chandrajasya | mishrIkR^itaM yanmadhuraM gurostu shukrasya chAmlaM cha shaneH kaShAyaH || 31|| bhAsvagdIShpatichandrajaxitibhuvAM syAddaxiNe lA~nChanaM sheShANAmitaratra tigmakiraNAtkaTayAM shiraHpR^iShThayoH | kaxe.ase vadane cha savithacharaNe chihnaM vayAMsyarkato neme nAtha taTaM nakhaM naga sani GYAnADya nagnATanam || 32|| nIladyutirdIrghatanuH kuvarNaH pAmI sapAShaNDamataH sahikkaH | asatyavAdI kapaTI cha rAhuH kuShThI parAnnindati buddhInaH || 33|| raktogradR^iShTiviShavAgradehaH sashastraH patitashcha ketuH | dhUmradyutirdhUmapa eva nityaM vraNA~NkitA~Ngashcha kR^isho nR^ishamsaH || 34|| sIsaM cha jIrNavasanaM tamasastu keto\- rmR^idbhAjanaM vividhachitrapaTaM pradiShTam | mitrANi vichChanisitAstAstamasordvyostu bhaumaH samo nigadito ripavashcha sheShAH || 35|| mUDho.api nIcharipugo.aShTamaShaDvyayastho duHsthaH smR^ito bhavati sustha itItaraH syAt | chandrevyayAyatanuShaTsutakAmasaMsthe toyAbhivR^iddhimiha shaMsati vR^iddhikArye || 36|| antaH sArasamunnatadruraruNo vallI sitendU smR^Itau gulmaH keturahishcha kaNTakanagau bhaumArkajau kIrtitau | vAgIshaH saphalo.aphalaH shashisutaH xIraprasUnadrumau shukendU vidhuroShadhiH shanirasArAgashcha sAladrumaH || 37|| \medskip\hrule\medskip tR^itIyo.adhyAyaH varga\-vibhAga xetratribhAganavabhAgadashAMshahorAtriMshaMshasaptalavaShaShTilavAH kalAMshAH | te dvAdashAMshasahitA dashavargasaMGYA vargottamo nijanije bhavane navAMshaH || dashAMshaShaShTyaMshakalAMshahInAste saptavargAshcha visaptamAMshAH ShaDvargasaMGYAstvatha rAshibhAvatulyaM navAMshasya phalaM hi kechit || 2|| xetreShu pUrNamuditaM phalamanyavarge\- ShvarddhaM kalAdashamaShaShTilaveShu pAdam | bAlaH kumArataruNau pravayA mR^itaH ShaD bhAgaH kramAdyuji viparyayamityavasthAH || 3|| xetrasyArddhaM hi horA tvayuji ravisudhAMshvoH same vyastametad dreShkANeshAstribhAgaistanusutashubhapA dvAdashAMshastu lagnAt | bhaumArkIDyaGYashukrAH shishujasamalavA hyojabhe yugmabhe tad\- vyastaM triMshAMshanAthAH kriyamakaratulAH karkaTAdyA navAMshAH || 4|| yaGYaM ratna janaM dhanaM naya paTaM rUpaM shukaM chiTinA nAgaM yoga khagaM balaM bhaga shilA dhUlirnavaM prasvanam | lAbhaM vishva divaM rama dhamaM ShaShTyaMshakAshchaujabhe krUrAkhyAH samabhe viparyayamidaM sheShAstu saumyAhvayAH || 5|| svAt saptAMshadashAMshakau tu viShame tu kAmAchChubhAt svAdIshAshcha kalAMshapA vidhiharIshArkaH samarxe.anyathA | khyAtaiH koNayutaistrikoNabhavanasvarxochchakendrottamai\- rvargAH sapta dasha trayodashamitA vargAH pradiShTAH paraiH || 6|| vargAnyojayatu trayodasha suhR^itsvarxochchabheShu kramAd\- dvistriH pa~ncha chaturnAdrivasuShaTsaMkhyAsu vargaikyataH | prAhushchottamapArijAtakathitau siMhAsanaM gopuraM chetyayrAvatadevalokasuralokAMshAMshcha pArAvatam || 7|| AryanilpaguNArthasaukhyavibhavAnyaH pArijAtAMshakaH svAchAraM vinayAnvitaM nipuNaM yadyuttamAMshe sthitaH | kheto gopurabhAgagaH shubhamatiM svaxetrago mandiraM yaH siMhAsanago nR^ipendradayitaM bhUpAlapulyaM naram || 8|| shreShThAshvadvipavAhanAdi vibhavaM pArAvatAdhiShThitaH satkIrtiM yadi devalokasahito bhUmaNDalAdhIshvaram | vandyaM bhUpatibhiH surendrasadR^ishaM tvairAvatAMshAsthitaH sadbhAgyaM dhanadhAnyaputrasahitaM bhUpaM vidadhyAd grahaH || 9|| yadvargeShvakhileShu mR^ityurabaleShvatrAtha vaxye kramA\- nnAshaM duHkhamanarthatAM cha visukhaM bandhupriyaM tadvaram | bhUpeShTaM dhaninaM nR^ipaM nR^ipavaraM varge baliShThe.akhile vadhiShNuM sukhinaM nR^ipaM gadamR^itI bAlAdyavasthAphalam || 10|| ShaDvargeShu shubhagrahAdhikaguNaiH shrImAMshchiraM jIvati krUrAMshe bahule vilagnabhavane dIno.alpajIvaH shaThaH | tannAthA balino nR^ipo.astyatha navAMshesho dR^igANeshvaro lagneshaH kramashaH sukhI nR^ipasamaH xoNipatirbhagyavAn || 11|| oje krUre.arkahorAM gatavati balavAn krUravR^ittirdhanADhyo yugme chAndrIMshubheShu dyutivinayavachohR^idyasaubhAgyayuktaH | vyastaM vyaste.atra mishre samaphalamuditaM lagnachandrau baliShThau tannAthau dvau cha tadvadyadi bhavati chiraMjIvyaduHkhI yashasvI || 12|| siMhAjAshvitulAnR^iyugmabhavaneShvantyA hayAjAdimAH madhyau strIyamayorihAyudhabhR^itaH pAsholimadhyo bhavet | nakrAdyo nigalo mR^igendraghaTayorAdyo vaNi~NmaHdhyamo gR^idhrAsyo vR^iShabhAntimashcha vihagaH karkyAdi kolAnanam || 13|| kaurpyadyaH karkaTAntyo bhUShacharamamahishchAjagomadhyasiMhA\- dyalyantyaM syAchchatuShpAdiha phalamadhanakrUranindyA daridrAH | dvandvarxe syurdR^igANairadhamasamashubhAnyasthire chotkrameNa prAhustajGYAH sthirarxeShvashubhashubhasamAnyeva lagne phalAni || 14|| drekkANeshe svavarge shubhakhagasahite svochchamitrarxage vA tadva triMshAMshanAthe balavati yadi ched dvAdashAMshAdhipe vA horAnAthe tathA chennikhilaguNagaNo nityashuddhapravINo dIrghAyuH syAddayAvAn sutadhanasahitaH kIrtimAnrAjabhogaH || 15|| mAndistharAshipatisa~NgatasutrikoNaM tasyAMsharAshipatisaMyutamaMshakoNam | lagnaM vadanti gulikAMshakarAshikoNaM tadvadvidhau balayute shashinaiva vidyAt || 16|| kuryAdAtmasuhR^iddR^igANagashashI kalyANarUpaM guNaM shreyAMsyuttamavargajastvaparagastannAthajAtAn guNAn | svatriMshAMshagatA grahA vidadhate tatkArakatvoditaM tatraiko.api suhR^idgrahexitayutaH svochche.arthayuktaM nR^ipam || 17|| svochche pradIptaH sukhitastrikoNe svasthaH svagehe muditaH suhR^ibhe | shAntastu saumyagrahavargayuktaH shakto mato.asau sphuTarashimajAlaH || 18|| grahAbhibhUtaH sa nipIDitaH syAt khalastu pApagrahavargayAtaH | suduHkhitaH shatrugR^ihe grahendro nIche.atibhIto vikalo.astayAtaH || 19|| pUrNaM pradIptA vikalAstu shUnyaM madhye.anupAtAchcha shubhaM krameNa | anukrameNAshubhameva kuryurnAmAnurUpANi phalAni teShAm || 20|| \medskip\hrule\medskip chaturtho.adhyAyaH graha bala vIryaM shaDvidhamAha kAlajabalaM cheabalaM svochchajaM digviryaM tvayanodbhavaM diviShadAM sthAnodbhavaM cha kramAt | nishyArendusitAH pare divi sadA GYaH shuklapaxe shubhAH kR^iShNe.anye cha nijAbdamAsadinahorAsvaN^dhrivR^idhaddhyA kramAt || 1|| rAkAchandrasya cheAbalamudagayate bhAsvato vakragAnAM yuddhe chodaksthitAnAM sphuTabahularuchAM svochchavIryaM svatuN^ge | digvIryaM khe.arkabhaumau suhR^idi shashisitau vidgurU lagnagau chenmande.aste yAmyamArge budhashanishashino.anye.ayanAkhye parasmin || 2|| svochchasvarxasuhR^idgR^iheShu balinaH ShaTsu svavargeShu vA proktaM sthAnabalaM chatuayamukhAtpUrNArddhapAdAH kramAt | madhyAdyantakaShaNDamartyavanitAH kheTA baliAH kramAt mandAraGYagurUshanobjaravayo naije bale varddhanAH || 3|| vakraM gato ruchirarashmimasamahapUrNo nIchAribhAMshasahito.api bhavetsa kheTaH | vIryAnivatastuhinarashmirivochchamitra\- svaxetrago.api vibalo hatadIdhitishchet || 4|| tu~NgasthA balino.akhilAshcha shashinaH shlAghyaM hi paxodbhavaM bhAnordigbalamAha vakragamane tarAgrahANAM balam | karkyuxAjaghaTAligohirabalAntyoxAshvipAshchAtyagaH ketustatpariveShadhanvasu balI chendvarkayogo nishi || 5|| rUpaM mAnuShabhe.alibhe.a~NdhrerapareShvarddhaM balaM syAttanoH tulyaM svAmibalena chopachayage nAthe.ativIryotkaTam | svAmIDyaGYayutexite kaviyute chAnyairayuktexite sharvaryAMnnishi rAshayo.ahani pare vIryAnvitAH kIrtItAH || 6|| svochche pUrNaM svatrikoNe tripAdaM svaxetra.arddhaM mitrabhe pAddamava | dviTxetre.alpaM nIchage.astaM gate.api xetraM vIryaM niShphalaM syAd grahAnAm || 7|| kendre grahANAmuditaM balaM yatsukhe bhavasyastagR^ihe vilagne | uparyuparyuktapadakrameNa balAbhivR^iddhi hi vikalpayanti || 8|| shreShTheti sA saptamadR^iShTireva sarvatra vAchyA na tathA.anyadR^iShTiH | yogAdiShu nyUnaphalapradeti visheShadR^iShTirna tu kaishchiduktA || 9|| naisargigaM shatrusuhR^ittvameva bhavetpramANaM phalakAri samyak | tAtkAlikaM kAryavashena vAchyaM tachChatrumitratvamanityameva || 10|| niHsheShadoShaharaNe shubhavarddhane cha vIryaM guroradhikamastyakhilagrahebhyaH | tadvIryapAdadalashaktibhR^itau GYashukrau chAndraM balaM tu nikhilagrahavIryabIjam || 11|| chandrakriyAdi janmarxavighatI nItairGYAnA~Ngairnanayairbhajet | labdhAshchandrakriyAvasthAvelAkhyAmstanphalaM kramAt || 12|| chandrakriyA phala sthAnAdbhraastapsvI parayuvatirato dyUtakR^iddhastimukhyA\- rUDhaH siMhAsanastho narapatirarihA daNDanetA guNI cha | niShprAnashChinnamUrddhA xatakaracharaNo bandhanastho vinaShTo rAjA vedAnadhIte svapiti sucharitaH saMsmR^ito dharmakartA || 13|| sadvaMshyo nidhisaMgataH shrutakulo vyAkhyAparaH shatruhA rogI shatrujitaH svadeshachalito bhR^ityo vinaShTArthakaH | asthAnI cha sumantrakaH paramahIbhartA sabhAryo gaja\- trastaH saMyugabhItimAnatibhayo lInonnadAtAgnigaH || 14|| xudbAdhAsahito.annamatti vicharanmAMsAno.astraxataH sodvAho dhR^itakanduko viharati dyUtairnR^ipo duHkhitaH | shayAstho ripusevitashcha sasuhR^idyogI cha bhAryAnvito miShTAhI cha payaH piban sukR^itakR^it svasthastathAste sukham || 15|| chandra\-avasthA phala AtmasthAnAtpravAso mahitanR^ipahito dAsatA prANahAni\- rbhUpAlatvaM svavaMshochitaguNanirato roga AsthAnavattvam | bhItiH xudbAdhitatvaM yuvatipariNayo smyashayyAnuShAkti mR^irShTAshitvaM cha gItA iti niyamavashAtsadbhirindoravasthA || 16|| chandravelA\-phala mUrddhamayo muditatA yajanaM sukhastho netramayaH sukhitatA vanitAviharaH | ugrajvaraH kanakabhUShaNamashrumoxaH xvelA naM nidhuvanaM jaTharasya rogaH || 17|| krIDA jale hasanachitravilekhane cha kroDashcha nR^ittakaraNaM ghR^itabhuktinidre | dAnakriyA dashanaruk kalahaH prayANa\- munmattatA cha salilAplavanaM virodhaH || 18|| svochChAsnAnaM xudbhayaM shAstralAbhaM svaira goShThI yodhanaM punyakarma | pApA chAraH krUrakarmA praharShaM prAGYairevaM chandravelA pradiShTA || 19|| jAtake cha muhUrte cha prashne chandrakriyAdayaH | samyak phalapradAstasmAdvisheSheNa vichintayet || 20|| oaxodbhavaM himakarasya visheShshamAhuH sthAnodbhavaM tu balamapyadhikraM pareShAM | tatsaMprayuktamitarairadhikAdhikaM syA\- danyAni tena sadR^ishAni bahUni te syuH || 21|| balapiMDa sArddhAni ShashatIxNakaro balIyAn chandrastu Shashapa~ncha vasundharAjaH saptendusUno ravivadgurostu sArddhAni pa~nchAtha sito balI syAt || 22|| mandastu pa~nchaiva hi ShaDbalAnAM saMyoga evAparathAnyathA syuH | evaM grahANAM svabalAbalAni vichintya samyakkathayetphalAni || 23|| lagnAdikAnAmadhipasya piNDe rUpAnvite tadbalapiNDamAhuH | gR^ihasya yasyAM dishAdigbalaM syAttadbhAvavIrya sahitasya dR^iShTyA || 24|| paMchamo.adhyAya karmAjIva prakaraNa arthAptI kathayedvilagnashashinoH prAbalyataH khechareH karmasthaiH pAtR^imAtR^ishAtravasuhR^idbrhAtrAdibhaH strIdhanAt | bhR^ityAdvA dinanAthalagnashashinAM madhye balIyAMstataH karmeshasthanavAmsharAshipavashAdvR^ittiM jagustadvidaH || 1|| phaladrumairmantrajapashcha shAThyAddyUtAnR^itaiH kaMbalabheShajAdyaiH dyAtukriyAdvA xitipAlapUjyAjjIvatyasau pa~NkajavallabhAMshe || 2|| jalodbhavAnAM krayavikrayeNa kR^iShikriyAgomahiShIsamutthaiH | tIrthATanAdvA vanitAshrayAdvA nishAkarAMshe vasanakrayAdvA || 3|| bhaumAMshake dhAturaNaprahArairmahAnasAdbhUmivashAtsuvarNAt | paropatApAyudhasAhasairvA mlechChAshrayAtsUchakachoravR^ityA || 4|| kAvyAgamairlekhakalipyupAyairjyotirgaNaGYAnavashAdbudhAMshe | parArthavedAdhyayanAjjapAchcha purohitavyAjavashAtpravR^ittiH || 5|| jIvAMshake bhUsuradevatAnAM samAshrayAdbhUmipatiprasAdAt | purANashAstrAgamanItimArgAddharmopadeshena kusIdavR^ityA || 6|| strIsaMshrayAdgomahiShIgajAshvaistauryatrikairvA rajataishcha gandhaiH | xIrAdyala~NkArapaTIpaTadyaiH shukrAMshake.amAtyaguNaiH kavitvAt || 7|| shanyaMshake mUlaphalaiH shrameNa preShyaiH khalainIrchadhanaiH kudhAnyaiH | bhArodvahAtkutsiramArgavR^ityA shilpAdibhirdArumayairvadhAdyaiH || 8|| aMsheshe balavatyayatnasaMprAptiM baloneshape svalpaM proktaphalaM bhavedudayataH karmarxadeshe phalam | aMshasyoktadishaM vadetpatiyute dR^iShTe svadeshe phalaM satyanyaiH paradeshajaM tadadhipasyAMshe svadeshe sthire || 9|| \medskip\hrule\medskip ShaShTo.adhyAyaH yogAdhyAya ruchakabhadrakahaMsakamAlavAH sashashakA iti pa~ncha cha kIrtitAH | svabhavanochchagateShu chatuShTaye xitisutAdiShu tAn kramasho vadet || 1|| dIrghAsyo bahusAhasAptavibhavaH shUro.arihantA balI gArviShTo ruchake pratItaguNavAn sanApatirjitvaraH | AyuShmAn sakushAgrabuddhiramalo vidvajjanashlAdhito bhUpo bhadrakayogajo.ativibhavashchAsthAnakolAhalaH || 2|| haMse sadbhirabhraShTutaH xitipatiH sha~NkhabjamatsyA~Nkushai\- shchihnaiH pAdakarA~NkitaH shubhavapurmR^iShTAnnabhugdhArmakaH | puShTA~Ngo dhR^itimAndhanI sutavadhUbhAgyAnvito vardhano mAlavye sukhabhuksuvAhanayashA vidvAnprasannendriyaH || 3|| shastaH sarvajanaiH subhR^ityabalavAn grAmAdhipo vA nR^ipo durvR^ittaH shashayogajo.anyavanitAvittaH saukhyavAn | lagnendvorapi yogapa~nchakamidaM sAntrAjyasiddhipradaM teShvekAdiShu bhAgyavAn nR^ipasamo rAjA nR^ipendro.adhikaH || 4|| vidhostu sunaphAnaphAdhurudhurAH svariHphobhaya\- sthitairvaMravibhirgrahairitarathA tu kemadrumaH | himatviShi chatuShTaye grahayute.atha kemadrumo na hIti kathito.athavA himakarAdgrahaiH kendragaiH || 5|| svayamAdhigatavittaH pArthivastatsamo vA bhavati hi sunaphAyAM dhIdhanakhyAtimAMshcha | prabhuragadasharIraH shIlavAn khyAtakIrti\- rviShayasukhasuveSho nirvR^itashchAnaphAyAm || 6|| utpannabhogasukhabhAgdhanavAhanADhya\- styAgAnvito dhurudhurAprabhavaH sabhR^ityaH | kemadrume malinaduHkhitanIchaniHsvAH preShyAH khalAshcha nR^ipaterapi vaMshajAtAH || 7|| hitvenduM shubhashubhasivevAsyubhayacharyAkhyAH svariHphobhaya\- sthAnasthaiH savituH shubhaiH syurashubhaiste papasaMGYAH smR^itAH | satpArshve shubhakartarItyudayabhe pApestu pApAhvayo lagnAdvittagataiH shubhaistu sushubho yogo na pApexitaiH || 8|| jAtaH syAt subhagaH sukhI guNanidhirdhIro nR^ipo dhArmiko vikhyAtaH sakalapriyo.atishubhago dAtA mahIshapriyaH | chArva~NgaH priyavAkprapa~ncharasiko vAgmI yashasvI dhanI vidyAdatra suvesivAsyubhayacharyakhyeShu pAdakramAt || 9|| anyAyAjjananindako hataruchirhInapriyo durjano\- mAyAvI paranindakaH khalayuto durvR^ittashAstrAdhikaH | loke syAdapakIrtiduHkhitamanA vidyArthabhAgyaishchyuto jAtashchAshubhavesivAsyubhayacharyakhyeShu pAdakramAt || 10|| jaivAtR^iko vibhayarogaripuH ukhI syA\- dADhyaH shriyA cha shubhakartariyoga jAtaH | niHsvo.ashuchirvisukhadArasuto.a~NgahInaH syAtpApakartaribhavo.achiramAyureti || 11|| AchAravAn dharmamtiH prasannaH saubhAgyavAn pArthivamAnanIyaH | mR^idusvabhAvaH smitabhAShaNashcha dhanI bhavechchAmalayogajAtaH || 12|| sushubhe shubhakartaryAM vesyAdau sunabhAdivat | shubhaiH kramAtphalaM GYeyaM viparItaMasadgrahaiH || 13|| ojeShvarkendulagnAnyajani divi pumaMshchenmahAbhAgyayogaH strINAntadvyatyayesyAchChashini suraguroH kendrage kesarIti | jIvantyAShTarisaMsthe shashini tu shakaTaH kendrage nAsti lagnA\- chchandre kendrAdige.arkAdadhamasamavariShThAkhyayogAH prasiddhaH || 14|| mahAbhagye jAtaH sakalanayanAnandajanako vadAnyo vikhyAtaH xitipatirashItyAyuramalaH | vadhUnAM yoge.asmin sati dhanasumA~NgalyasahitA chiraM putraiH pautraiH shubhamupagatA sA sucharitA || 15|| kesarIva ripuvargatihantA prauDhavAk sadasi rAjasavR^ittaH | dIrghajIvyatiyashAH paTibuddhistejasA jayati kesariyoge || 16|| kvachitkvachidbhAgyaparichyutaH sanpunaH punaH sarvamupaiti bhAgyam | loke.aprasiddho.aparihAryamantaH shalyaM prapannaH shakaTe.atiHukhI || 17|| kaShTamadhyamavarAhvayayoge dravyavAhanayashaH sukhasaMpat | GYAnadhIvinaya naipuNavidyAtyAgabhogajaphalAnyapi tadvat || 18|| chandrAdvA vasumAMstathopachayagairlagnAtsamastaiH shubhai\- shchandrAvdyomnymalAhvayaH shubhakagairyogo vilagnAdapi | janmeshe sahite vilagnapatinA kendre.adhimitrarxage lagnaM pashyati kashchidatra balavAnyyogo bhavetpuShkalaH || 19|| tiShTheyuH svagR^ihe sadA vasumati dravyANyanalpAnyapi xmeshaH syAdamale dhanI sutayashaH saMpadyuto nItimAn | shrImAn puShkalayogajo nR^ipavaraiH saMmAnito vishrutaH svAkalpAmbarabhUShitaH shubhavachAH sarvottamaH syAtprabhuH || 20|| sarve pa~nchasu ShaTsu saptasu shubhA mAlAshcha pa~NktyA sthitA yadyevaM mR^itiShadvyayAdiShugR^iheShvatrAshubhAkhyAH smR^itAH | svarxochche yadi koNakaNTakayutau bhAgyeshashukrAvubhau laxmyAkhyo.atha tathAvidhe himakare gaurIti jivexite || 21|| janAdhikArI xitipAlashasto bhogI pradAtA parakAryakartA | bandhupriyaH satsutadArayuktoMdhiraH sumAlAhvayayogajAtaH || 22|| kumArgayukto.ashubhamAlikAkhye duHkhI pareShAM vadhakR^it kR^itaghnaH | syAtkAtaro bhUsurabhaktihono lokAbhishaptaH kalahapriyaH syAt || 23|| nityaM ma~NgalashIlyA vanitayA krIDatyarogI dhanI tejasvI svajanAn suraxati mahAlaxmIprasAdAlayaH | shreShThAndolikayA prayAti turagastamberamadhyAsito lokAnandakaro mahIpativaro dAtA cha laxmIbhavaH || 24|| sundaragAtraH shlAghitagotraH pArthivamitraH sadguNaputraH | pa~NkhajavaktraH saMstutarjatro rAjati gaurIyogasamutthaH || 25|| shukravAkpatisudhAkarAtmajaiH kendrakoNasahitairdvitIyagaiH | svochchamitrabhavaneShu vAkpatau vIryage sati sarasvatIritA || 26|| dhIma nnATakagadyapadyagaNanAlaNkArashAstreShvayaM niShNAtaH kavitAprabandharachanAshAstrArthapAraMgataH | kIrtyAkAntajagattrayo.atidhaniko dArAtmajairanvitaH syAt sArasvatayogajo nR^ipavaraiH saMpUjito bhAgyavAn || 27|| lagnAdhIshvarabhAskarAmR^itakarAH kendratrikoNAshritAH svochchasvarxasuhR^idgR^ihAnupagatAH shrIkaNThayogo bhavet | tadvadbhArgavabhAgyanAthashashijAH shrInAthayogastathA vAgIshAtmapasUryajA yAdi tadA vairi~nchiyogastataH || 28|| rudrAxAbharaNo vibhUtidhavalachChAyo mahAtmA shivaM dhyAyatyAtmani santataM suniyamaH shaivavrate dIChitaH sAdhUnAmupakArakaH paramateShveva nasUyo bhavet tejasvI shivapUjayA pramuditaH shrIkaNThayogodbhavaH || 29|| laxmIvAn sarasoktichATunipuNo nArAyaNA~NkANkitaH tannAmA~NkitahR^idyapadyamanishaM saMkIrtayan sajjaneH | tadbhaktApachitau prasannavadanaH satputradArAnvitaH sarveShaM nayanapriyo.atisubhagaH shrInAthayogodbhavaH || 30|| brahmGYAnaparAyaNo bahumatirvedapradhAno guNI hR^iShTo vaidikamArgato na chalati prakhyAtashiShyavrajaH | saumyoktirbahuvittadAratanayaH sadbhrahmatejojvalandI\- rghayurkjitendriyo natanR^ipo vairi~nchiyogodbhavaH || 31|| anyonyaM bhavanasthayorvihagayorlagnAdirihphAntakaM bhAvAdhIshvaryoH krameNa kathitAH ShaTShaShTiyogA janaiH | trishaddainyamudIritaM vyayaripuchChidrAdinAthotthitA\- stvaShTau shauryapateH khalA nigaditAH sheShA mahAkhyAH smR^itAH || 32|| mUrkhaH syAdapavAdako duritakR^innityaM sapatnArditaH krUroktiH kiladainyajashchalamatirvichChinnakAryodyamaH | udvR^ittashcha khale kadAchidakhilaM bhAgyaM labhetAkhilaM saumyokttishcha kadAchidevamashubhaM dAridryaduHkhadikam || 33|| shrIkaTaxanilayaH prabhurADhyashchitravastrakanakAbharaNashcha | parthivAptabahumAnarasamAGYo yAnavittasutavAMshcha mahAkhye || 34|| lagnAdhipAptabhapatisthitarAshinAthaH svochchasvabheshu yadi koNachatuShTayasthaH yogaHsa kahala iti prathito.athattadvat lagnAdhipAptabhaptiryadi parvatAkhyaH || 35|| vArddhiShNurAryaH sumatiH prasannaH xema~NkaraH kAhalajo nR^imAnyaH | sthirAryasaukhyaH sthirakAryakarttA xitIshvaraH parvatayogajAtaH || 36|| dharmakarmabhavanAdhipatI dvau saMyutau mahitabhAvagatau | rAjayoga iti tadvadiha syAt kendrakoNayutiryati sha~NkhaH || 37|| bherIsha~NkhapraNAdrairdhR^itamR^idupaTikAjAtavR^ittatapatro hastyashvAndolikAdyaiH saha magadhakutaprastutirbhUmipAlaH | nAnArUpohArasphuritakarayutaiH prArthitaH sajjanaiH syAdrAjA syAkCha~Nkhayoge bahuvaravanitAbhogasampattipUrNaH || 38|| saMkhyAyogAH saptasaptarxasaMsthairekApAyAdvallakIdAmapAsham | kedArAkhyaH shUlayogo yugaM cha golashchAnyAn pUrvamuktAnvihAya || 39|| vINAyoge nR^ittagItapriyo.arthI dAmni tyAgIbhUtishchopakArI | pAshe bhogI sArthasachChIlabandhuH kedArAkhye shrIkR^iShixetreyuktaH || 40|| shUle hiMstraH krodhashIlo daridraH pAShaNDI syAd dravyahIno yugAkhye | nisvaH pApI mlechChayuktaH kushilpI gole jAtashchAlaso.alpAyureva || 41|| saumyairindordyUnaShaDrandhrasaMsthaistadvallagnAtsaMsthitairvAdhiyogaH | netA mantrI bhUpatiH syAtkrameNa khyAtaH shrimAndIrghajIvI manasvI || 42|| adhiyogabhavo nareshvaMraH sthirasaMpadbahubandhupoShakaH | amunA ripavaH parAjitAhchiramAyurlabhate prasiddhatAm || 43|| bhAvaiH saumyayutexitaistadadhipaiH susthAnagairbhAsvaraiH svochchasvarxagatairvilagnabhavanAdyogAH kramAddvAdasha | saMGYAshchAmaradhenushauryajaladhichChatrAstraka mAsurA\- bhAgyakhyAtisupArijAtamusalAstajGYairyathA kIrtitAH || 44|| pratyahaM vrajati vR^idimudagraM shuklachandra iva shobhanashIlaH | kIrtimAn janapatishchirajIvI shrInidhirbhavati chAmarajAtaH || 45|| sAnnapAnnavibhavo.akhilavidyA puShkalodhikakuTumbavibhUtiH | hemaratnadhanadhAnyasaMriddho rAjarAja iva rAjati dhenau || 46|| kIrtimadbhiranujairabhiShTuto lAlito mahitavikramayuktaH shauryajo bhavati rAma ivAsau rAjakAryanirato.atiyashasvI || 47|| gosaMpaddhanadhAnyshobhisadanaM bandhuprapurNaM vara\- strIratnAmbarabhuShaNAni mahitasthAnaM cha sarvottamam | prApnotyambuhiyogajaH sthirasukho hastyashvayAnAdigo rAjeDyo dvijadevakAryanirataH kUpaprapAkR^itpathi || 48|| susaMsArasaubhAgyasantAnalaxmI nivAso yashasvI shubhAShI manIShI | amAtyo mahIshasya pUjyo dhanADhyaH sphurattIxNabuddhirbhavechChatrayoge || 49|| shatrUn baliShThAn balavannigR^ihya krUrapravttyA sahito.abhimAnI | vraNa~Nkita~Ngashcha vivAdakArI syAdastrayoge dR^iDhagAtrayuktaH || 50|| paradAraparA~Nmukho bhavedvaradArAtmajabandhusaMshritaH | janakAdadhikaH shubhairguNairmahanIyAM shriyameti kAmajaH || 51|| hantyanyakAryaM pishunaH svakAryaparo daridrashcha durAgrahI syAt | svayamkR^itAnarthaparaMparArtaH kukarmakR^ichchAsurayogajAtaH || 52|| cha~nchachchAmaravAdyaghoShanibiDAmAndolikAM shAshvatI laxmI prApya mahAjanaiH kR^itanatiH syAddharmamarge sthitaH | prINAtyeSha pitR^In surAndvijagaNAMstattatpriyaiH pUjanaiH svAchAraH svakulodvahaH suhR^idayaH syAdbhAgyayogodbhavaH || 53|| satkriyAM sakalalokasaMmatAmAcharannavati sajjannAnnR^ipaH | putramitradhanadArabhAgyavAn khyAtijo bhavati lokavishrutaH || 54|| nityama~NgalayutaH pR^ithivIshaH saMchitArthanichayaH sukuTumbI | satkathAshravaNabhaktrabhiGYo pArijAtajananaH shivatAtiH || 55|| kR^ichChralabdhadhanavAn pirabhUto lolasaMpaduchitavyayashIlaH | svargameva labha.antetyadashAyAM jAlmako musalajashchapalashcha || 56|| duHsthairbhAvagR^iheshvarairashubhasaMyuktexitairvA kramA\- dbhAvaiH syustvavayoganiHsvamR^itayaH proktAH kuhUH pAmaraH | harSho duShkR^itirityathApi saralo nirbhAgyaduryogakau yogA dvAdasha te daridra vimale proktAvipashchijjanaiH || 57|| aprasiddhiratiduHsahadainyaM svalpamAyuravamAnamasadbhiH | saMyutaH kucharitaH kutanuH syAchcha~nchalasthitirihApyavayoge || 58|| suvachanyashUnyo viphalakuTumbaH kujanasamAjaH kudashanachaxuH | matisutavidyA vibhavavihino ripuhR^itavittaH prabhavati niHsve || 59|| ariparibhUtaH sahajavihIno manasivilajjo hatabalavittaH | anuchitakarmashramaparikhinno vikR^itiguNaH syAditi mR^itiyoge || 60|| mAtR^ivAhanasuhR^itsukhabhUShabandhurbhivirahitaH sthitishUnyaH | sthAnamAshritamanena hanaM syAt kustriyAmabhirataH kuhuyoge || 61|| duHkhajIvyanR^itavAgavivekI va~nchako mR^itasuto.apyanapatyaH | nAstiko.alpakujanaM bhajate.asau ghasmaro bhavati pAmarayoge || 62|| sukhabhogabhAgyadR^iDhagAtrasaMyuto nihatAhito bhavati pApabhIrukaH prathitapradhAnajanavallabho dhanadyutimitrakIrtisutavAMshchai harShajaH || 63|| svapatnIviyogaM parastrIratIchChA durAlokamadhvAnasaMchAravR^itiH | pramehAdiguhyArtimurvIshapIDAM vadedduShkR^itau bandhudhikkArashokam || 64|| dIrghayuShmAn dR^iDhamatirabhayaH shrImAnvidyAsutadhanasahitaH | siddhArambho jitaripuramalo vikhyAtAkhyaH prabhavati sarale || 65|| pitrArjitaxetregR^ihAdinAshakR^it sAdhUn gurUnnindati dharmavarjitaH | pratmAtijIrNambaradhR^ichcha durgato nirbhAgyayoge bahuduHkhabhAjanam || 66|| sharIraprayAsaiH kR^itaM karma yattat vrajenniShphalatvaM laghutvaM janeShu | janadrohakArI svakurxibhariH syAt ajasraM pravAsI cha duryogajAtaH || 67|| R^iNagrasta ugro daridrAgragaNyo bhavetkarNarogI cha saubhAtrahInaH | akAryapravR^itto rasAbhAsavAdI parapreShyakaH syAddaridrAkhyayoge || 68|| ki~nchidvyayo bhUridhanAbhivR^iddhiM prayAtyayaM sarvajanAnukUlyam | sukhI svatantro mahanIyavR^itti gurNaiH pratIto vimalodbhavaH syAt || 69|| ChidrArivyayanAyakAH prabalagAHkendrantrikoNAshritAH lagnavyomachaturthabhAgyapatayaH ShaDrandhrariHphasthitAH nirvIryA vigataprabhA yAda tadA duryoga eva smR^ita\- stadvyaste sati yogavAndhanapatirbhUpaH sukhI dhArmikaH || 70|| \medskip\hrule\medskip saptamo.adhyAyaH rAjayoga tryAdyaih kheTaiH svochchagaiH kendrasaMstahiH svarxasthairvA bhUpatiH syAtprasiddhiH | pa~nchAdyaistairanyavaMshaprasUto.apyurvInAtho vAraNAshvanghayuktaH || 1|| bhUpaH syurnR^ipavaMshajAstu yadi duryoge na jAtAstathA hyantArdhirnahi chetkarAddinakarAjjAnAH sphurantyeva te | tryAdyaiH kendragataiH svabhochchasahitairbhUpodbhavAH pArthivAH martyastvanyakulodbhavAH xitipatestulyAH kadAchinnR^ipAH || 2|| yadyeko.api virAjitaMshunikaraH susthAnago vakrago nIchastho.api karoti bhUpasadR^ishaM dvau va trayo vA grahAH | evaM chejjanayanti bhUpatinamI shastAMsharAshisthitA stadvachchedvahavo nR^ipaM samakuTachChatrollasachchAmaram || 3|| dvau vA tryAdyA digbalayuktA yadijAtaH xmAbhR^idvaMshe bhUmipatiH syAjjayashIlaH | hitvA mandaM pa~nchakhagA digbalayuktA\- shchatvAro vA bhUpatiranyAnvayajo.api || 4|| gaNottame lagnanavAMshakodgame nishAkarashchApi gaNottame.api vA | chaturgrahaishchandravirvanitaistadA nirIxitaH syAdadhamodbhavo nR^ipaH || 5|| vilagneshaH kendre yadi tapasi vargottamagataH svatu~Nge svarxe vA gurupatirapi syAdyadi tathA | gajaskhandhe kArtasvarakR^itavimAne.atisuShame | sukhAsInaM bhUpaM janayati lasachchAmarayugam || 6|| niShAdamapi pArthivaM janayatInduruchchasvabhava\- sthitagrahanirIxito dhavalakAmtijAllojjvalaH | vihAya tanubhaM kalAsphuritapUrNakAntiH shashI chatuShTayagato nR^ipaM janayati dvipAshvAnvitam || 7|| ashvinyAmudayagato bhR^igurgrahendrai rdR^iShTashchejjanayati bhUpatiM jitArim | nIchAryorgR^ihamahapahAya vittasaMstho lagneshaH saha kavinA bahI cha bhUpam || 8|| bhaumashchedajaharichApalagnasaMsthaH pR^ithvIshaM kalayati mitrakheTadR^iShTaH | karmesho navamagatashcha bhAgyanAtho madhyastho bhavati nR^ipo janaiH prashastaH || 9|| chApArddhe bhagavAn sahasrakiraNastatraiva tArAdhipo lagne bhAnusute.ativIryasahitaH svochche cha bhUnandanaH | yadyevaM bhavati xiteradhipatiH saMshrutya dUraM bhayAt trastA eva namanti tasya ripavo dagdhAH pratApAgninA || 10|| sudhAmR^iNAlopamavimbashobhitaH shashI navAMshe nalinIpriyasya yadi xitIsho bahuhastipUrNaH shubhAshcha kendreShu na pApayuktAH || 11|| nIchArivargarahitairvihagaistribhistu svAMshopagairbalayutaiH shubhadR^iShTijuShTaiH | goxIrasha~NkhadhavalomR^igalA~nShChanashcha syAdyasya janmani sa bhUmipatirjitAriH || 12|| kumudagahanabandhuM shreShThamaMshaM prapannaM yadi balasamupetaH pashyati vyomachArI | udayabhavanasaMsthaH pApasaMGYo na chaivaM bhavati manujanAthaH sarvabhaumaH sudehaH || 13|| jivo budho bhR^igusuto.atha nishAkaro vA dharme vishuddhatanavaH sphuTarashmijAlAH | mitrairnirIxitayutA yadi sUtikAle kurvanti devasadR^ishaM nR^ipAtiM mahAntam || 14|| shukreDyau savituH shishustimiyuge svochche cha pUrNaH shashI dR^iShTastIbravilochanena dinakR^inmeShodaye.asau nR^ipaH | senAyAshchalanena reNupaTalairyasya praviShTe ravA\- vastabhrAntisamAkulA kamalinI saMkochamAgachChati || 15|| nIchAristhairbhavabhavanagaiH paShThadushchikyagairvA saumyaiH svochchaM paramupagatairnirmalaiH kendragairvA | AGYAM yate shishirakiraNe karkaTasthe vishAyA mekachChatraM tribhuvanamidaM yasya sa xatriyeshaH || 16|| vargottame himakaraH sakalaH sthito.aMshe kuryAnmahIpatimapUrvayasho.abhirAmam | yasyAshvabR^indakhuraghAtarajo.abhibhUto bhAnu prabhAtashashino.anukaroti rUpam || 17|| kendragau yadi cha jIvashashA~Nkau yasya janmani cha bhArgavadR^iShTau | bhUpatirbhavati so.atulakIrti nIchago yadi na kashchidiha syAt || 18|| jalachararAshinavAMshaka industanubhavane shubhadasvakavarge | ashubhakaraH khalu kaNTakahIno bhavati nR^ipo bahuvAraNanAthaH || 19|| shukro jIvanirIxito vitanute bhUpodbhavaM bhUpatiM deveDyo mR^igabhaM vihAya tanuyo mattebhayuktaM nR^ipam | kendre janmapatirbalAdhikayutaH kuryaddharitrIrpatiM dR^iShTe vAkpatinA budhe dadhati pR^ithvIshAshcha tachChAsanam || 20|| ekopyuchchaxetrago mitradR^iShTaH kUryadbhUpaM mitrayogAdbhanADhyam | svaMshe sUrye svarxagashchandramA\- shchedeshAdhIshaM sAshvanAgaM vidhatte || 21|| mIne pUrNajyotiShi mitragrahadR^iShTe chandre lokAnandakaraH syAnnR^ipamukhyaH | pUrNajyotiH svochchagatashchettuhinAMshu\- styAgAdhikyaM sa~njanashastaM jagadIsham || 22|| chandre.adhimitrAMshagate sudR^iShTe shukreNa laxmIsahito nR^ipaH syAH | tathA sthite vAsavamantridR^iShTe pUrnAM dharitrIM paripAlayetsaH || 23|| pApAstrishatrubhavagA yadi janmanAthA\- llagnAddhane kujabudhau hibuke.arkashukrau | karmAyalagnasahitAH kujamandajIvA\- stajGYA vadanti chaturastviha rAjayogAn || 24|| lAbheshadharmeshadhaneshvarANAmeko.api chandragrahakendravartI | svaputralAbhAdhipatirgurushchedakhaNDasAmrAjyapatitvameti || 25|| nIchabhaMga rAjayoga nIchasthito janmani yograhaH syAttdrAshinAtho.api taduchchanAthaH | sa chandralagnAdyadi kendravartI rAjA bhaveddhArmikachakravartI || 26|| yadyeko nIchagatattadrAshyadhipastadUchchapaH kendre | yasya sa tu chakravartI samastabhUpAlavandyAMdhriH || 27|| yasmingrashau vartate khecharastadrAshIshena prexitashchetsa kheTaH | xoNIpAlaM kIrtimantaM vidadhyAt susthAnashchetkiMpunaH pArthivendraH || 28|| nIche tiShThati yastadAshrigR^ihAdhIsho vilagnAdyadA chandrAdvA yadi nIchagasya vihagasyochcharxanAtho.athava | kendre tiShThati chetprapUrNavibhavaH syAchchakravartI nR^ipo dharmiShTho.anyamahIshavanditapadastejoyashobhAgyavAn || 29|| nIche yastasya nIchochchabheshau dvAveka eva vA kendrasthashchechchakravartI bhUpaH syAdbhupavanditaH || 30|| \medskip\hrule\medskip aShTamo.adhyAyaH bhAvAshraya phala lagne.arke.alpakachaH kriyAlasatamaH krodhI prachaNDonnato mAnI lochanarUxachaH kR^ishatanuH shUro.axamo nirghR^iNaH | sphoTAxaH shashibhe kriye satimiraH siMhe nishAndhaH puman daridryopahato vinaShTatanayo jAMtastulAyaM bhavet || 1|| vigatavidyA vinayavittaM skhalitavAchaM dhanagataH sabalashaurya shriyamudAraM svajanashatruM sahajagaH | janayatImaM suhR^idi sUryo visukhabandhuxitisuhR^id bhavanasuktaM nR^ipatisevA janakasaMpadvyayakaram || 2|| sukhadhanAyustanayahInaM sumatimAtmanyaTavigaM prathitamurvIpatimaristhaH suguNasaMpadvijayagam | nR^ipaviruddhaM kutanumaste.adhvagamadAraM hyavamataM hatadhanAyuH suhR^idamarko vigatadR^iShTi nidhanagaH || 3|| vijanako.arke sautabandhustapasi devadvijamanAH sasutayAnastutimatishrIbalayashAH khe xitipatiH | bhavagate.arke bahudhanAyurvigatashoko janapatiH pituramitraM vikalanetro vidhanaputro vyayagate || 4|| site chandre lagne dR^iDhatanuradabhrAyurabhayo baliShTho laxmIvAn bhavati viparItaM xayagate | dhanADhayo.antarvANirviShayasukhavAn vAchi vikalaH sahotye sabhrAtR^ipramadabalashauryo.atikR^ipaNaH || 5|| sukhI bhogI tyAgI suhR^idi sasuhR^idvAhanayashAH suputro medhAvI mR^idugatiramAtyaH sutagate | xate.alpAyushchandre.amatirudararogI paribhavI smare dR^iShTeH saumyo varayuvatikAnto.atisubhagaH || 6|| mR^itau rogyalpAyustapasi shubhadharmAtmasutavAn jayI siddArambho nabhasi shubhakR^itsatpriyakaraH | manasvI bahvAyurdhanatanayabhR^ityaiH saha bhave vyaye dveShyo duhkhI shashini paribhUto.alasatamaH || 7|| xatatanuratikrUro.alpAyustanau dhanasAhasI vachasi vimukho nirvidyArthaH kuje kujanAshritaH | suguNadhanavA~nChUro.adhR^iShyaH sukhI vyanujo.anuje suhR^idi visuhR^inmatR^ixoNIsukhAlayavAhanaH || 8|| visukhatanayo.anarthaprAyaH sute pishuno.alpadhIH prabalamadanaH shrImAn khyAto ripau vijayI nR^ipaH | anuchitakaro rogArto.astedhvago nR^itadAravAn kutanuradhano.alpAyushChidre kuje jananinditaH || 9|| nR^ipasuhR^idapi dveShyo.atAtaH shubha janaghatako nabhasi nR^ipati krUro dAtA pradhAnajanastutaH | dhanasukhayuto.ashokaH shUro bhave sushIlaH kuje nayanavikR^itaH krUro.adAro vyaye pishuno.adhamaH || 10|| dIrghayurjanmani GYe madhurachaturavAk sarvashAstrArthabodhaH syAdbuddhyopArjitasvaH kaviramalavachA vAchi miShTAnnabhoktA shaurye shUraH samAyuH susahajasahinaH sashramo dainyayuktaH saMkhyAvaN chATuvAkyaH suhR^idi sukrasuhR^itxetradhAnyArthabhogI || 11|| vidyAsaukhyapratApaH prachurasutayuto mAntrikaH pa~nchamasthe jAtakrodho vivAdirdvIShi ripubalahantAlaso niShThuroktiH | prAGYo.aste chAruveShaH sasakalamahimA yAti bhAryAM savittAM vikhyAtAkhyashchirAyuH kulabhR^idadhipatirGYe.aShTama daNdanetA || 12|| vidyArthAchAradharmaiH saha tapasi budhe syAtpravINo.ativAgmI siddhArambhaH suvidyAbalamatisukhasatkarmasatyAnvitaH khe | bahvAyuH satyasandho vipuladhanasukhI lAbhage bhR^ityayukto dIno vidyAvihInaH paribhava sahito.antye nR^ishaMso.alasashcha || 13|| shobhAvAn sukR^itI chirAyurabhayo lagne surau sAtmajo vAgmI bhojanasAravAMshcha sumukho vite dhanI kovidaH sAvaGYaH kR^ipaNaH pratItasahajaH shaurye.aghakR^idduShTadhI\- rbandhau matR^isuhR^itparichChadasutastrIsaukhyadhAnyAnvitaH || 14|| putraiH kleshayuto mahIshasachivo dhImAn sutasthe gurau ShaShThe syAdalaso.arihA paribhavI mantrAbhichAre paduH | satpatnIsutavAnmade.atisubhagastAtAdudAro.adhiko dIno jIvati sevayA kaluShabhagdIrghayurijye.aShTame || 15|| khyAtaH san sachivaH shubhe.arthasutavAn syAddharmakAryotsukaH svAchAraH suyashA nabhasyatidhanI jive mahIshapriyaH | Ayasthe dhaniko.abhayo.alpatanayo jaivAtR^iko yAnago dveShyo dhikkR^itavAgvyaye vitanayaH sAdho.alasaH sevakaH || 16|| tanau sutanudR^ikpriyaM sukhinameva dIrghayuShaM karoti kavirarthagaH kavimanekavittAnvitam | vidArasukhasampadaM kR^ipaNamapriyaM vikrame suvAhanasumandirAbharaNa vastragandhaM sukhe || 17|| akhaNDitadhanaM nR^ipaM sumatimAtmaje sAtmajaM vishatrumadhanaM xete yuvatidUShitaM viklavaM | subhAryamasatIrataM nR^itakalatramADhyaM made chirAyuShamilAdhipaM dhaninamaShTame saMsthitaH || 18|| sadArasuhR^idAtmajaM xitipalabdhabhAgyaM shubhe nabhasyatiyashaH suhR^itsukhitavR^ittiyuktaM prabhum dhanADhyamitarA~NganAratamanekasaukhyA bhave bhR^igurjanayati vyaye saratisaukhyavittadyutim || 19|| svochche svakIyabhavane xitipAlatulyo lagne.arkaje bhavati deshapurAdhinAthaH | sheSheShu dukhaparipIDita eva bAlye dAridryaduHkhavashago malino.alasashcha || 20|| vimukhamadhanamarthe.anyAyavantaM cha pashchA ditarajanapadasthaM yAnabhogArthayuktam | vipulamatimudAraM dArasaukhyaM cha shaurye janayati raviputrashchAlasaM viklavaM cha || 21|| duHkhI syAdgR^ihayAnamAtR^iviyuto bAlye sarugbandhubhe bhrAnto GYAnasutArthaharSharahito dhIsthe shaTo durmatiH | bahvAshI draviNAnvito ripuhato dhR^iShTashcha mAnI ripo kAmasthe ravije kudAranirato niHsbo.adhvago vihvalaH || 22|| shravaishchare mR^itisthite malImaso.ashaMso.avasuH | karAladhIrbubhuxitaH suhR^i~njanavamAnitaH || 23|| bhAgyArthatmajatAtadharmarahito mande shubhe durjano mantrI vA nR^ipatirdhanI kR^iShiparaH shUraH prasiddho.ambare bahvAyuH sthirasaMpadAyasahitaH shUro virogo dhanI nirlajjArthasuto vyaye.a~Ngavikalo mUrkho ripUtsAritaH || 24|| lagne.ahAvachirAyurarthabalAvAnUrdhva~NgarogAnvita\- shChannoktirmukharugghR^iNI nR^ipadhanI vitte saroShaH sukhI | mAnI bhrAtR^ivirodhako dR^iDhamatiH shaurye chirAyurdhanI mUrkho veshmani duHkhakR^itsasuhR^idalpAyuH kadAchitsukhI || 25|| nAsodyadvachano.asutaH kaThinahR^idrAhau sute kuxiru\- gdviTkrUragrahapIDitaH sagudarupaChrImAMshchirAyuH xate | strIsaMgAdadhano made.atha vidhuro.avIryaH svatantro.alpadhI\- randhre.alpAyurashuddhikR^ichcha vikalo vAtAmayo.alpAtmajaH || 26|| dharmasthe pratikUlavAggaNapuragrAmAdhipo.apuNyavAn khyAtaH khe.alpasuto.anyakAryanirataH satkarmahIno.abhayaH | shrImAnnAtisutashchirAyurasure labhe sakarNAmayaH prachChannAgharato bahuvyayakaro riHphe.amburukpIDitaH || 27|| lagne kR^itaghnamasukhaM pishunaM vivaNaM sthAnachyutaM vikaladehamasatsamAjam | vidyArthahInamadhamoktiyutaM kudR^iShTiM pAtaH parAnnanirataM kurute dhanasthaH || 28|| AyurbalaM dhanayashA pramadAnnasaukhyaM ketau tR^itiyabhavane sahajapraNAsham bhUxetrayAnajananIsukhajanmabhUmi\- nAshaM sukhe paragR^ihasthitimeva datte || 29|| putraxayaM jaThararogapishAchapIDAM durbuddhimAtmani khalaprakR^itiM cha pAtaH | audAryamuttamaguNaM dR^iDhatAM prasiddhiM ShaShThe prabhutvamarimadarnamiShTasiddhim || 30|| dyUne.avamAnamasatIratimAntrarogaM pAtaH svadAraviyutiM madadhAtuhAnim svalpAyuriShTavirahaM kalahaM cha randhre shastraxataM sakalakAryavirodhameva || 31|| pApapravR^ittamashubhaM pitR^ibhAgyahInaM dAridrayamAryajanadUShaNamAha dharme | satkarmavighnamashuchitvamavadyakR^ityaM tejasvinaM nabhasi shauryamatiprasiddhim || 32|| lAbhe.arthasaMchayamanekaguNaM subhogaM saddravyasopakaraNaM sakalArthasiddhim | prachChannapApamadhamavyayamarthanAshaM riHphe viruddhagatimaxirujaM cha pAtaH || 33|| udayarxashasphuTatulyAMshe nivasan pUrNaM phalamAdhatte shanivadrAhuH kujavatketuH phaladAtA syAdiha saMproktaH || 34|| bhAvasamAMshakasaMsthA bhAvaphalaM pUrNameva kalayanti | nyUnAdhikAMshavashataH phalavR^iddhihlasitA vAchyA || 35|| \medskip\hrule\medskip navamo.adhyAyaH rAshiphala vR^ittexaNo durbalajAnurugro bhIrurjale syAllaghubhuk sukAmI | saMchArashIlashchapalo.anR^itoktivrarNANkitANgaH kriyabhe prajAtaH || 1|| pR^ithUruvaktraH kR^iShikarmakR^itsyAn\- madhyAntasaukhyaH pramadApriyashcha | syAgI xamI klesasahashcha gomAn pR^iShThAsyapashver.aNkayuto pR^iShotthaH || 2|| shyamexaNaH ku~nchitamurddhajaH strIkrIDAnuraktashcha pareNgitaGYaH | uttuNganAsaH priyagItanR^itto vasan sadAntaH sadane cha yugme || 3|| strInirjitaH pInagalaH samitro bahvAlayastuNgakaTirdhanADhyaH | hlasvashcha vakro drutagaH kulIre medhAnvitastoyarato.alpaputraH || 4|| piNgoxaNaH sthUlahanurvishAlavaktro.abhimAnI saparAkramaH syAt | kupyatyakArye vanashailagAmi mAturvidheyaH sthiradhIrmR^igendre || 5|| srastAMsabAhuH paravittagehaiH saMpUjate satyarataH priyoktiH | vrIDAlasAxaH suratapriyaH syAchChAstrArthvichchAlpasuto.aNganAyAm || 6|| chalatkR^ishANgo.alpasuto.atobhakto devadvijAnAmaTano dvinAmA | prAMshushcha daxaH krayavikrayeShu dhIro.adayastaulini madhyavAdI || 7|| vR^ittorujaNDhaH pR^ithunetravaxA rogI shishutve gurutAtahInaH | krUrakriyo rAjakulAbhimukhyaH kITe.abjarekhANkitapANipAdaH || 8|| dIrghAsyakaNThaH pR^ithukarNanAsaH karmodyataH kubjatanunR^ipeShTaH | prAgalbhyavAktyAgayuto.arihantA sAmnaikasAdhyo.ashvibhavo balAdhayaH || 9|| adhaH kR^ishaH sattvayuto gR^ihIta\- vAkyo.alaso.agamyajarANganeShTaH dharmadhvajo bhAgyayuto.aTanashcha vAtArdito nakrabhavo vilajjaH || 10|| prachChannapApo ghaTatulyadeho vighAtadaxo.adhvasaho.alpavittaH | lubdhaH parArthI xayavR^iddhiyukto ghaTodbhavaH syAtpriyagandhapuShpaH || 11|| bhratyambupAnaH samachArudehaH svadAragastoyajavittabhoktA | vidvAnkR^itaGYo.abhibhavatyamitrAn shubexaNo bhAgyayuto.antyarAshau || 12|| rAsheH svabhAvAshrayarUparvaNAn GYatvAnurUpANi phalAni tasya | yukttyA vadedatra phalaM vilagne yachchandralagne.api tadeva vAchyam || 13|| prahe sati nijochchage bhavati ratnagarbhadhipo mahIpatikR^itastutirmahitasaMpadAmAlayaH udAraguNasaMyuto jayati vikramArko yathA naye yashasi vikrame vitaraNe dhR^itau kaushale || 14|| svamindaragate grahe prabhuparigrahAdAryatiM prabhutvamapi vA gR^ihasthatimacha~nchalAM prApnuyAt | navaM bhuvanamurvarAxitimupaiti kAle svake jane bahumAtiM punaH sakalanaShTavastUnyapi || 15|| grahaH suhR^itxetragataH suhR^idbhiH kAryasya sirddhi navasauhR^idaM cha | satputrajAyAdhanadhAnyabhAgyaM dadAtyayaM sarvajanAnukUlyam || 16|| gate grahe shatrugR^ihaM nikR^iShTatAM parAnnavR^itti paramandirasthitim | arkichanatvaM ripupIDanaM sadA snigdho.api tasyAtiriputvamApnuyAt || 17|| nIche grahe.adhaH patanaM svavR^itterdainyaM durAchAramR^iNAptimAhuH | nIchAshrayaM kIkaTadeshavAsaM mR^ityatvamadhvAnamanarthakAryam || 18|| graho mauDhyaM prApto maraNamachirAt strIsutadhanaiH prahINatvaM vyarthe kalahamapavAdaM paribhavam | samarxasthaH kheto na kalayati vaisheShikaphalaM sukham vA duHkhaM yA janayati yathApUrvamachalam || 19|| vakraM gataH svochchaphalaM vidadhyA tsapatnanIcharxagato.api khetaH | vargottamaMshasthikhecharo.api svaxetragasyoktaphalAni tadvat || 20|| \medskip\hrule\medskip dashamo.adhyAyaH kalatra bhava shubhAdhipayutexite sutakalatrabhe lagnato vidhorapi tayoH shubhaM tvitarathAna siddhistayoH | sitAvdyayasukhAShTagaiH kharakhagairasannadhyage site.apyatha shubhetarexitayute cha jAyAvadhaH || 1|| dAreshe sutage praNaShTavanito.aputro.athavA dhIshvaro dyUne vA nidhaneshshvaro.api kurute patnIvinAshaM dhruvam | xINendau sutage vyayAstatanugaiH pApairadArAtmajaH strIsaMgAddhananAshanaM madagayAH svarbhanubhAnvorvadet || 2|| shukre dR^ishchakage made mR^itavadhUH kAme vR^iShasthe budhe strInAshastvatha nIchage suragurau dyUnAdhiruDhe tathA | jAmitre bhuShage shanau sati tathA bhaume.athavA strImR^iti\- shchandraxetragayormade.arkikujayoH patnI sati shobhanA || 3|| aste vAstapatAvasadgrahayute dR^iShTe.apyasanmadhyage nIchArAtigR^ihe.arkakAntyabhihate brUyAtkalatrachyutim | kame vA sutabhAgyayorvikaladAro.asau sapApe bhR^igau shukre vA kujamandavargasahite dR^iShTe parastrIrataH || 4|| bhaumArkyaste bhR^IgujashashinordAhIno.asuto vA klIbe.aste vA bhavati bhavagau dvau grahau strIdvayaM syAt | dvandvarxAshe madapatisitau tasya jAyAdvayaM syAt tAmyAM yuktairgagananilayairdArasaMkhyAM vadantu || 5|| strIsaMkhyAM madagairgrahairmR^irtimasatkheTaishcha sabdhiH sthitI dyUneshe sabale shubhe sati vadhuH sAdhvI suputrAnvitA | pApo.api svagR^ihaM gataH shubhakaraH patnyAshchakAmasthitA hitvA ShaDvyayarandhrapAnmadanagAH saumyAstu saukhyAvahAH || 6|| bhAryAnAshastvashubhasahitau vIxitau vArthakAmau tatra prAhustvashubhaphaladAM krUradR^iShTi visheShAt | evaM patnyA api sati made chAShme vAsti doShaH saumyairdR^iShTe sati shubhayute daMpatI bhAgyavantau || 7|| chandre samande madage punrabhUH patirbhavedvApyasuto vidAraH | nIchAribhasthairashubhairmade strI\- puMsormR^itiH syAnnidhane dhane vA || 8|| lagnAtkalatrabhavane samarAshisaMGYe bhAvAdhipe.api cha tathaiva gate.asureDye | sUryAbhitaptarahite sutadAranAthe vIryanvite tu jananaM sasutaM kalatraM || 9|| kuTumbadAravyayarAshinAthA jIvexitAH koNachatuShTayasthAH | dAreshcharAdvittakalatralAbhe saumyAH kalatraM sasutaM sukhADhyam || 10|| lagnAstanAthasthitabhAMshakoNe nIchochchabhe strIjananaM cha patyuH | chandrAShTavargedhikakindurAshau kalatrajanmeti tathA dhavasya || 11|| kAmasthakAmAdhipbhArgavAnA mR^ixaM dishaM shaMsati tasya patnyAH | shukro.astapo vA natunAthabhAMsha\- trikoNamAyAti tadA vivAhaH || 12|| kalatrasaMsthasya kalatradR^iShTe darshAgamevAtha kalatrapasya | yadA vilagnAdhipatiH prayAti kalatrabhaM tatra kalatralAbhaH || 13|| kalatranAthasthitabhAMshakeshayoH sitaxapAnAyakayorbalIyasaH | dashAgame dyUnapayuktabhAMshaka\- latrikoNage devagurau karagrahaH || 14|| kalatranAthe ripunIchasaMsthe mUDhe.athavA pApanirIxite vA kalatrabhe pApayute.atha dR^iShTe kalatrahAnI pravadanti santaH || 15|| \medskip\hrule\medskip ekAdashamo.adhyAyaH strI jAtaka yadyaTpuMprasave xamaM tadakhilaM strINaM priye vA vaden\- mA~NgalyaM nidhanAt sutAMshcha navamAllagnAttanoshchArutAm | bhartAraM shubhagatvamasta bhavanAtsaMgaM stItvaM sukhAt santasteShu shubhapradAstvashubhadAH krUrAstadIshaM || 1|| udayahimakarau dvau yugmagau saumyadR^iShTau sutanayapatibhUShAsaMpadutkR^iShTashIlA | ashubhasahitadR^iShTau chojagau puMsvabhAvA kuTilamatiravashyA bharturugrA daridrA || 2|| sadrAshyaMshayute made dyutiyashovidyArthavaMstatpati\- rvyatyaste kutanurjaDashcha kitavo niHsvo viyogastayo | Agneyairmadanasthitaishcha vidhavA mishchaiH punarbhUrbhavet krUreShvAyuShi bhartR^ihantryapi dhane santaH svayaM strImR^itiH || 3|| sutasthe.alistrIgohariShu himagau chAlpatanayA yamArArkAMsharxe madanasadane sAmayabhagA | sukhe pApairyukte bhavati kulaTa mandakujayo\- rgR^ihe.ashe lagnendU bhR^igurapi cha puMshchalyabhihitA || 4|| shubhaxetraMshe.aste shubhagajaghanA ma~NgalavatI vidhAH satsaMbandhe.apyudayukhayoH sAdhviyatiguNA | trikoNe saumyAshchetsukhasutamaMpadguNavatI balonAH krUrAshchedyadi bhavati vandhyA mR^itasunA || 5|| chandre bhaumagR^ihe kujAdikathitatriMshAshakeShu kramAt duShTA dAsyasatI sushIlavibhavA mAyAvinI dUShaNI | shukrarxe bahudUShaNAnyapatiga pUjyA sudhIvishchutA GYarxe chChasavatI napuMsakasamA sAdhvI guNADhyotsukA || 6|| svachChandA bartR^ighAtinyatimahitaguNA shilpinI sAdhuvR^ittA chAndre jaive guNADhyA viratiratiguNA GYAtashilpAtisAdhvI | mAnde dAsyanyasaktAshchitapatirasatI niShprajArthArkabhe syAd durbhAryA hinavR^ittA dharaNipattivadhUH puMvicheShTAnyasaktA || 7|| shashilagnasamAyuktaiH phalaM triMshAMshakairidam | balAbalavikalpena tayorevaM vichintayet || 8|| jyoShThAbhrAtaramanbikAM cha pitaraM bhartuH kaniShThaM kramAt jyoShThA hyAsurashUrpajAshcha vanitA ghnantIti tajGYA viduH | chitrArdrAbhujagasvarATchChatabhiSha~N mUlAgnitiShyodbhavA vandhyA vA vidhavAthavA mR^itasutA tyaktA priyeNAdhanA || 9|| chandrAstodayabhAgyapAH saha shubhaiH susthAnagA bhAsvarAH pUjyA bandhuShu puNyakarmakushalA saundaryabhAgyAnvitA bhartuH prItikarI suputrasahitA kalyANashIlA satI tAvadbhAti suma~NgalI cha sutasuryAvachChubhaDhye.aShTame || 10|| shItajyotiShi yoShito.anupachayasthAne kujenexite jAtaM garbhaphalapradaM khalu rajaH syAdanyathA niShphalaM | dR^iShTe.asmin guruNA nijopachayage kuryAnnishekaM pumAn atyAjye samaye shubhAdhikayute parvAdikAlojbhite || 11|| \medskip\hrule\medskip dvAdasho.adhyAyaH putrabhAva phala susthA vilagnashashinoH sutabheshajIvAH susthAnanAthashubhadR^iShTiyute sutarxe | lagnAtmapau yadiyutau cha mithaH sudR^iShTau xetre parasparagatau yadi putrasiddhiH || 1|| lagnAmareDyashashinAM sutabheShu pApai\- ryuktexiteShvatha shubhairayutexiteShu | pApobhayeShu sutabheShu suteshchareShu duHsthAnageShu na bhavanti sutAH karthachit || 2|| pApe svarxagate sute tanayabhAk tasmin sapApe punaH putrAH syurbahulAH shubhasvabhavane sogre sute putraha | saMGYAM chAlpasutarxamityalibR^iShastrIsiMhahabhAnAM viduH tadrAshau sutabhAvage.alpasutavAn kAlAntare.asAviti || 3|| sUrye chAlpasutarxage nidhanage mande kuje lagnage lagnAShTavyaygaiH shanIDyarudhiraishchAlpAtmajarxe sute | chandra lAbhagate gurusthitasutasthAne sapApe bhave\- llagne.anekakhagAnanvite tanayabhAkkAlAntare yatnataH || 4|| sUrye nAnyute sutarxasahite chandrasya gehe sthite bhaume vA bhR^iguje.api vA sati sutaprApti dvitIyastriyAm | mande vA bahuputravA~nchChashini vA saumye.api vAlpAtmajo deveDye bahudArikA shashigR^ihe tadvatsutAdhipeShThite || 5|| sukhAstadashamasthitairashubhakAvyashItAMshubhir\- vyayAShTatanayodayeShvashubhageShu vaMshaxayaH | made kavividau matau gururasadbhiraMbusthitaiH sute shashini naidhanavyayatanusthapApairapi || 6|| pApe lagne lagnape putrasaMsthe dhIshe vIrye veshmanIndAvaputraH | ojarxeshe putrage sUryadR^iShTe chandre putrakleshabhAk syAdasUnuH || 7|| mAndaM sutarxe yadi vA.athabaudhaM mAndyarkaputrAnvitavIxitaM chet | dattAtmajaH syAdudayAstanAtha\- saMbandhahIno vibalaH suteshaH || 8|| nIchAripUDhopagate suteshe riHphArirandhrAdhipasaMyute vA | sutasya nAshaH kathito.atra tajGYaiH shubhairadR^iShTe sutabhe suteshe || 9|| sutanAthajIvakujabhAskareShu vai puruShaMshakeShu cha gateShu kutrachit | munayo vadanti bahuputrataM tadA sutanAthavIryavashataH suputratAm || 10|| puMrAshyaMshe.adhIsvare puMgrahendrai\- ryukte dR^iShTe puMgrahe puMprasutiH | strIrAshyAMshe strIgrahairyuktadR^iShTe strINAM janma syAtsutarxe suteshe || 11|| balayuktau svagR^ihAMsheShvarkasitAvupachayarxagau puMsAm | strINAM vA kujachandrau yadA tadA saMbhavati garbhaH || 12|| ashatrunichArinavAMshakaiH sute suteshayuktairapi taistathAvidhaiH | sutarxagairvA gurubhAdinAMshakAtsute phalaiH putramitirvichintyate || 13|| jIvenduxitijasphuTaikyabhavane yugme cha yugmAMshake strINAM xetrebalaM vadanti sutadaM mishre prayAsAtphalam bhAsvachChukragurusphuTaikyabhava nepyojAMshake.apyojabhe puMsAM bIjabalaM sutapradamimaM mishre tu mishraM vadet || 14|| pa~nchAghnAchChashinaH phuTAdishuhataM bhAnusphuTaM shodhaye\- nnItvA tatra tithiM site shubhatithau putro.astyayatnAdapi | kR^iShNe nAsti sutastitherbalavashAdbrUyAddvaMyoH paxayoH darshe chChidratithau cha viShTikaraNe na syAt sthirAkhye sutaH || 15|| viShTiH sthiraM vA karaNaM yadi syAt kR^iShNaM jayet pauruShasUktamantraiH | paShThyAM guhArdhanamatra kAryaM yajechchaturthyAM kila nAgarAjaM || 16|| rAmAyaNasya shravaNaM navamyaM yadyaShTamI chechChravaNavrataM cha | chaturdashI chedyAdi rudrapUjA syAddvAdashI chetsamR^itamannadAnam || 17|| tR^ipti pitR^INAmiha pa~nchadashyAM kR^iShMe dashamyAH parato.atiyatnAt | paxatribhAgeShvapi nAgarAjaM skandaM cha seveta harI krameNa || 18|| putresho ripunIchago.astamayago riHphAShTamAristhita stadvatputragR^ihasthito.api yadi vA duHsthAnapastadvashAt | putrAbhAvanidAnameva kathayet tatkhecharAkrAntabha\- proktairdaivatabhUruhairapi mR^igaiH santAnahetu vadet || 19|| drohAchChaMbhusuparNayornahi sutaH shApAtpitR^IMAMrave rindormatR^isuvAsinIbhagavatIkopAnmanodoShataH | svagrAmasthitadvatAguharipuGYAtyutthadoShAtkuje shApAdvAlakR^itAdvilAlavadhataH shchIviShNukopAdUbudhe || 20|| pAraMparyasurapriyadvijagurudrohAtphalADhyadru ma\- chChedAddevagurau tathA sati bhR^igau puShpadrumachChedanAt | sAdhvIgokulajAtadoShavashato yaxyAdikAmena sA mande.ashvatthavadhAdruShA pitR^ipateH pretaiH pishAchAdibhiH || 21|| svarbhAnau sutage suteshasahite sarpasya shApAttathA ketau brAhmaNashApatashcha gulike pretothashApaM vadet | shukrendU gulikAnvitau yadi vadhUgohattimAhuH sute jIvo vAtha shikhI samAndiriha chedbhUdevatyA.sutaH || 22|| evaM hi janmasamaye bahupUrvajanma\- karmArjitaM duritamasya vadanti tajGYAH | tattadgrahoktajapadAnashubhakriyA\- bhistaddoShashAntimiha shaMsatu putrasidhdyai || 23|| setusnAnaM kIrtanaM satkathAyAH pUjAM shaMbhoH shrIpateH sadvratAni | dAnaM shchAddhaM karjanAgapratiShTAM kuryadetaiH prApnuyAtsantarti saH || 24|| lagnAstaputrapatijIvadashApahAre putrexakasya sutagasya cha putrasiddhiH putresharAshimathavA yamakaNTakarxaM jIvegate tanayasiddhirathAMshabhe vA || 25|| lagnAdhIshaH putranAthena yogaM svochche svarxechAragatyA sameti | putraprAptiH syAttadA lagnanAthaH putrarxaM vA yAti dhIshAptabhaM vA || 26|| vilagnakAmAtmajanAyakAnAM yogAtsamAnIya dashAM mahAkhyAm | sutasthatadvIxakatatpatInAM dashApahAreShu sutodbhavaH syAt || 27|| sutapatigurvorathavA tadyuktarAshyaMshakAdhipAnAM vA | balasahitasya dashAyAmapahAre vA sutaprAptiH || 28|| jIve tu jIvAtmajanAthabhashaka\- trikoNage putrajanirbhavennR^iNAm | athAnyashAstreNa cha janmakAlato nirUpayetsantatilaxaNaM budhaH || 29|| janmanaxatranAthasya pratyayarxardhipasya cha sphuTayogaM gate jIve trikoNe vA sutodbhavaH || 30|| niShekalagnAddinapastR^itIye rAshau yadA chAravashAdupaiti | AdhAnalagnAdathavA trikoNe ravau yadA janma vadennarANAm || 31|| AdhAnalgnAtsutabheshajanma bhAgye.api vA puNyavashAchcha vAchyaM | Adhanalagne shubhadR^iShTiyoge dIrghayuraishvaryayuto naraH syAt || 32|| tatkAlendudvAdashAMshe meShAttAvati bhe.api vA | tasmAttAvati bhe vApi janmachandraM vadedbudhaH || 33|| prashnAtmajasvIkaraNopanItikanyApradAnAbhinavArtaveShu | AdhAnakAle.api cha janmatulyaM phalaM vade~njanmavilagnatashcha || 34|| \medskip\hrule\medskip trayodasho.adhyAyaH AyurbhAva jAte kumAre sati pUrvamAryai rAyurvichintyaM hi tataH phalAni | vichAraNIyA guNini sthitetad guNAH samasthAH khalu laxaNaGYaiH || 1|| kechidyathAdhAnavilagnamanye shIrShodayaM bhUpatanaM hi kechit | horAvidashchitanakAyayonyorviyogakAlaM kathayanti lagnam || 2|| AdvAdashAbdAnnarayonijanmanA\- mAyuShkalA nishchayituM na shakyate mAtrA cha pitrA kR^itapApakarmaNa bAlagrahairnashamupaiti bAlakaH || 3|| Adye chatuShke jananIkR^itAghai\- rmadhye cha pitrArjitapApasa~NdhaiH | bAlastadantyAsu chatuHsharatsu svakIyadoShaiH samupaiti nAsham || 4|| taddoShashAntyai pratijanmatAra\- mAdvadashAbdaM japahomapUrvam | AyuShkaraM karma vidhAya tAtA bAlaM chikitsAdibhireva taxet || 5|| AShTau bAlAriShTamAdau narANaM yogAriShTaM prAhurAvIMshati syAt | alpaM chAdvAtriMshataM madhyamAyu\- shchAsaptatyAH pUrNamAyuH shatAntam || 6|| nR^iNAM varShashataM hyAyustAsmIMstredhA vibhajyate | alpaM madhyaM dIrghamAyurityetatsarvasammatam || 7|| mR^ityuH syAddinamR^ityurugviShaghaTIkAle.atha tiShye.ambubhe tAtAmbAsutamAtulAnpadavashAttvAShTre cha hanyAttathA | mUlarxe pitR^imAtR^ivaMshavilayaM tasyAntyapAde shriyAM sArpe vyastamidaM phalaM na shubhasambandhaM vilagnaM yadi || 8|| pApAptexitarAshisandhijanane sadyo vinAshaM dhruvaM gaNDAnte pitR^imatR^ihA shishumR^itirjIvedyadi xmApatiH | jAtaH sandhichatuShTaye.apyashubhasaMyuktexite syAnmR^iti\- rmR^irtyobhArgagate cha sA sAti vidhau kendro.aShTame vA mR^itiH || 9|| chAndraM rUpaM lokashUro varaGYaH kuDye chitraM bhAgyaloke shukAnAm | mene rAjyaM mR^ityubhAgAH pradiShTA meShAdinAM varNasamkhyaihImAMshoH || 10|| dAnaM dheno rudra raudrI mukhena bhAgyA bhAnurgotra jAyA nakhena | putrI nityaM mR^ityubhAgAH krameNa meShAdInAM teShu jAtA gatAyuH || 11|| randhre kendreShu pApairudayanidhanagairvatha lagnAstayorva lagne.abjevogramadhye vyayamR^itiripuge durbale shItabhanau | xINendau sAshubhe vA tanumadagurudhIbhAji randhrAstagograi\- mR^ityuH syAdashu kendre na yadi shubhakhagAH sadyutirvIxaNaM vA || 12|| janmesho.atha vilagnapo yadibhaveddustho.abalo vatsarai\- stadrAshipramitaishcha mArayati tanmAsaidR^irgANAdhipaH | aMshesho divasaistathA yadi mR^itirdvitryAdiyogAnbahU\- nAlochya pravadetsutAShTamagataiH pApairariShTaM shishoH || 13|| lagnendvostadadhIsayorapi mitho lagnesharandhreshayo\- rdrekkANAsvanavAMshakAdapi mithastaddvAdashAMshAtkramAt | AyurdIrghasamAlpatAM charanagavdyAMgaishchare.atha sthire brUyAddvandvacharasthirairubhayabhaiH sthAsnudvidehATanaiH || 14|| lagnAdhIshashubhAH kramAdbahusamAlpAyuMShi kendrAdigAH randhreshograkhagAstathA yadi gatA vyastaM vidadhyuH phalaM | janmeshAShTamanAthayorudayapachChidreshayormaitrato bhAsvallagnapayAshchirAyurahite.alpAyuH same madhyamaH || 15|| lagnAdhipo lagnanavaMshanAyako janmeshvaro janmanavAMshanAyakaH | svasvAShTameshAdyadi chedbalAnvitA dIrghayuShaH syuviparItamanyatha || 16|| lagneshvarAdatibalI nidhanesvaro.asau kendrasthito nidhanariH phagatishcha pApaiH | tasyAyuralpamathavA yadi madhyamAyu\- rutsAhasaMkaTavashAtparamAyureti || 17|| naro.alpAyuyorge prathamabhagaNe nashyati shane\- rdvitIye madhyAyuryadi bhavati dIrghayuShi sati | tR^itiye niryANaM sphuTajashanigurvarkahimagUn dashAM bhukti kaShTamapi vadati nishchitya sumatiH || 18|| sapApo lagnesho ravihataruchirnIcharipugo yadA duHsthAneShu sthitimupagato gocharavashAt | tanau vA tadyogo yadi nidhanamAhustanubhR^itAM navAMshAddrekkANAchChishirakaralagnAdapi vadet || 19|| shashI tadArUDhagR^ihAdhipashcha lagnAdhinAthashcha yadA trayo.amI | guNAdhikAH sadgrahadR^iShTayukta guNadhikaM taM kathayanti kAlam || 20|| lagnAdhipo.atibalavAnashubhairadR^iShTaH kendrasthitaH shubhakhagairavalokyamAnaH | mR^ityuM vihAya vidadhAti sa dIrghamAyuH sArddhaM guNairbahubhirUrjitarAjalaxmyA || 21|| sarvatishAyyatibalaH sphuradaMshujAlo lagne sthitaH prashamayet surarAjamantrI eko bahUni duritAni sudustarANi bhaktyA prayuktyA iva chakradhare praNamaH || 22|| mUrtestrikoNAgamakaNTakeShu ravIndujIvarxanavAMshasaMsthaH | sukarmakR^innatyamasheShadoShAnmuShNAti vaddhiShNaranuShNarashmiH || 23|| kendratrikoNanidhaneShu na yasya pApA lagnAdhipaH suragurushcha chatuShTayasthau | bhuktvA sukhAni vividhAni supuNyakarmA jIvechcha vatsarashataM sa vimuktarogaH || 24|| shchIpatyudIritadashAbhirathAShTavargat\- yatkAlachakradashayoDudashAprakArAt | samyaksphuTAbhihatayA kriyayAptavAkyA\- dAyurbudho vadatu bhUriparIxayA cha || 25|| \medskip\hrule\medskip chaturdasho.adhyAyaH roganirNaya rogasya chintAmapi rogabhAvasthitairgrahairvA vyayamR^ityusaMsthaiH | rogeshvareNApi tadanvitairvA dvitryAdisamvAdavashAdvadantu || 1|| pittoShNajvaratApadehatapanApasmArahR^itkroDaja\- vyAdhInvakti ravirdR^igArtyaribhayaM tvagdoShamasthistrutim | kAShThAgnyastraviShAtidAratanayavyApachchatuShpAdbhayaM choraxmApatidharmadevaphaNabhR^idbhUteshabhUtaM bhayam || 2|| nidrAlasyakaphAtisArapiTakAH shItajvaraM chandramAH shR^i~NgayabjAhatimagnimAndyamaruchiM yoShivdyathAkAmilAH | chetaH shAntimasR^igvikAramudakAdbhitiM cha bAlagrahAd durgakinnaradharmadevaphaNabhR^idyaxyAshcha bhItiM vadet || 3|| tR^iShNAsR^ikkopapittajvaramanalaviShAstrAtikuShTAxirogAn gulmApasmAramajjAvihatiparuShatApAmikAdehabha~NgAn | bhUpAristenapIDAM sahajasutasuhR^idvairiyuddhaM vidhatte raxogandharvaghoragrahabhayamavanIsUnurUrdhva~Ngarogam || 4|| bhrAntiM durvachanaM dR^igAmayagaladhrANottharogaM jvaraM pittashleShmasamIrajaM viShamapi tvagdoShapANDvAmayAn duHsvapnaM cha vicharchikAgnipatane pAruShyabandhashramAn | gandharvaxitiharmyavAhibhirapi GYo vakti pIDAM grahaiH || 5|| gulmAntrajvarashokamohakaphajAn shrotrArtimohAmayAn devasthAnanidhiprapIDanamahIdeveshashApodbhavam | rogaM kinnarayaxadephaNa bhR^idvidyAdharAdyudbhavaM jIvaH sUchayati svayaM budhagurUtkR^iShTApachArodbhavam || 6|| pANDushleShmamarutprakopanayanavyApatpramehAmayAn guhyastyAmayamUtrakR^ichChramadanavyApattishuklasrutim | dArastrIkR^itadehakAntivirhati shoShAmayaM yoginI\- yaxImAtR^igaNAdbhayaM priyasuhR^idbha~NgaM sitaH sUchayet || 7|| vAtashleShmavikArapAdavihatiM chApattitandrAshramAn bhrAntIM kuxirugantaruShNabhR^itakadhvaMsaM cha pArshvahatim | bhAryAputravipattima~NgvihartiM hR^ittApamarkatmajo vR^ixAshmaxatimAha kashmalagaNaiH pIDAM pishAchAdibhiH || 8|| svarbhAnuhR^idI tApakuShThavimati vyArdhaM viShaM kR^itrimaM pAdArti cha pishAcha pannagabhayaM bhAryAtanUjApadam | brahmaxatravirodhashatrujabhayaM ketustu saMsUchayet pretotthaM cha bhayaM viShaM cha guliko dehArtamAshauchajam || 9|| mandArAnvitavIxite vyayadhane chandrAruNau chAxiruk shauryA~Ngiraso yamAra sahitA dR^iShTA yadi shrotraruk | sogre pa~nchamabhe bhavedudararugrandhrArinAthAnvite tadvatsaptamanaidhane sagudarukChukre cha guhyAmayaH || 10|| ShaShThe.arke.apyathavAShTame jvarabhayaM bhaume cha ketau vraNaM shukre guhyarujaM xayaM suragurau mande cha vAtAmayam | rAhau bhaumanirIxite cha pilakAM sendau shanau gulmajaM xINendau jalabheShu pApasahite tatsthe.amburogaM xayam || 11|| jAto gachChati yena kena maraNaM vaxye.atha tatkAraNaM randhrasthaistadavexarkairbalavatA tasyoktarogaimR^itiH | randharxoktarujAthavA mR^itapatiprAptarxadoSheNa vA randhreshena kharatribhAgapatinA mR^ityuM vadennishchitam || 12|| graheNa yukte nidhane taduktarogairmR^itirvA.atha tadIxakasya grahairvImukte nidhane.atha tasya rAsheH svabhAvoditadoShajAtA || 13|| agnyuShNajvarapittashastrajaminashchandro viShUchyamburu\- gyaxmAdi xitijo.asR^ijA cha dahanaxudrAbhichArAyudhaiH | pANDvAdi bhramajaM budho gururanAyAsena mR^ityuM kaphAt strIsa~NgottharujaM kavistu marutA vA saMnipAtaiH shani || 14|| kuShThena vA kR^itrimabhaxaNAdvA rAhurvIShAdvAtha masUrikAdyaiH | kuryAchChikhI durmaraNaM narANaM riporvirodhAdapi kITakAdyaiH || 15|| lagnAdaShTamarAsheH svabhAvadoShodbhavaM vadenmR^ityum | nidhaneshasya navAMshasthitarAshinimittadoShajanitaM vA || 16|| paittyajvaroShNairjaTharAgninAje vR^iShe tridoShairdanAchcha shastrAt | yugme tu kAlashchasanoShNashUlai\- runmAdavAtAruchibhiH kulIre || 17|| mR^igajvarasphoTajashatrujaM harau striyAM striyAguhyajA prapAtanAt | tulAdhare dhIjvarasaMnipAtajaM plIhAlipANDugrahaNIrujAlini || 18|| vR^ixAmbukAShTAyudhajaM hayA~Nga mR^ige tu shUlAchidhIbhramAdyaiH | kumbhe tu kAsajvarayaxmarogai\- rjale vipadvA jalarogato.antye || 19|| pAparxayukte nidhane sapApe shastrAnalavyAdhrabhuja~NgapIDA | anyonyadR^iShTau vdyashubhau sakendrau kopAtprabhoH shastraviShAgnijairvA || 20|| saumyAMshake saumyagR^ihe.atha saumya\- sambandhage vA xayabhe xayeshe | akleshajAtaM maraNaM narANAM vyaste tadA krUramR^itI vadanti || 21|| svochche svamItre sati saumyavarge vyayAdhipe chordhvagatI sasaumye | viparyaye.adhogatimeva kechit\- urdhvasyashIrShodayarAshibhedAt || 22|| kelAsaM ravishItagU bhR^igusutaH svarga mahIjo mahIM vaikuNThaM shashijo yamo yamapuraM sadbrahmalokaM guruH | dvIpAn bhogivaraH shikhI tu nirayaM samprApayet prANinaH sambandhAvdyayanAyakasya kathayettatrAntyarAshyaMshataH || 23|| dharmeshvareNaiva hi pUrvajanma vR^ittaM bhaviShyajjananaM suteshAt | tadIshajAtIM tadadhiShThitarxa dishaM hi tatraiva tadIshadesham || 24|| svochche tadIshe sati devabhUmI dvIpantaraM nIcharipusthnalasthe | svarxe suhR^idbhe samabhe sthite vA samprApnuyAdbhAratavarShameva || 25|| AryavartaM gIShpateH shuyanadyaH kAvyendvoshcha GYasya puNyasthalAni | pa~NgonIndyA mlechChabhUstIxNabhAnoH saulAraNyaM kIkaTaM bhUmijasya || 26|| sthire sthirAMshAdhigataH sapApaH pR^iShThodaye.adhomukhabhe cha saMsthaH | tadIshvaro vR^ixalatAdijanma syAdanyathAjIvayutaH sharIrI || 27|| lagneshituH svochchasuhR^itsvagehAn tadIshvaro yAti manuShyajanma | same mR^igAH syuvIhagAH parasmin drekkANarUpairapi chintanIyam || 28 || tAdhekarAshau jananaM svadeshe tau tulyavIryau yadi tulyajAtau | varNo guNastasya khagasya tulyaH saMGYoditaireva vadetsamastam || 29|| \medskip\hrule\medskip pa~nchadasho.adhyAyaH bhAvachintA bhAvAh sarve shubhapatiyutA vIxitA vA shubheshai\- stattadbhAvAH sakalaphaladAH pApadR^igyogahInAH | pApAH sarve bhavanapatayashchedihAhustathaiva kheTaiH sarvaiH shubhaphalamiDaM nIchamUDhArihInaiH || 1|| tattadbhAvAt trikoNe svasukhamadanabhe chAspade saumyayukte pApAnAM dR^iShTihIne bhavanapasahite pApakheTairayukte bhAvAnAM puShTimAhuH sakalashubhakarImanyathA chetpraNAshaM | mishraM mishrairgrahendraiH sakalamapi tathA murtibhAvAdikAnAm || 2|| nAshasthAnagato devAkarakarairluptastu yudbhAvapo nIchArAtigR^ihaM gato yadi bhavetsaumyairayuktexitaH | tadbhAvasya vinAshanaM vitanute tAdR^igvadho.anyo.asti chet tadbhAvo.api phalaprado na hi shubhashchennAshamugragrahaH || 3|| lagnAdibhAvAdripurandhrariHphe pApagrahAstadbhavanAdinAsham | saumyAstu nAtyantaphalapradAH syurbhavAdikAnAM phalamevamAhuH || 4|| yadbhAvanAtho ripurandhrariHphe duHsthAnapo yadbhavanasthito vA | tadbhAvanAshaM kathayanti tajGYAH shubhexitastadbhavanasya saukhyam || 5|| bhAvAdhIshe cha bhAbe sati balarahite cha grahe kArakAkhye pApAntahsthe cha pApairaribhirapi sanexite nAnyakheTaiH | pApaistadbandhumR^ityuvyayabhavanagataistattrikoNasthitairvA vAchyA tadbhAvahAniH sphuTamiha bhavati dvitrisaMvAdabhAvAt || 6|| tattadbhAvaparAbhaveshvarakharadreShkANapA durbalA bhAvAryaShTamakAmagA nijadashAyAM bhAvanAshapradAH | pApA bhAvagR^ihAt trishatrubhavagAH kendratrikoNe shubhAH vIryaDhyAH khalu bhAvanAthasuhR^ido bhAvasya siddhipradAH || 7|| rAshtojanmavilagnayordhR^itipatirbhR^ityusthatadvIxakau mandaH krUradR^igANapo gulikapastairyuktarAshyaMshapA rAhushchaiSha sudurbalaH sa jananebhAvAnabhIShTasthitaH pApAlokitasaMyuto nijadashAyAM bhAvanAshAvahAH || 8|| bhAvasyodayapAshritasya kushalaM yadbhAvapenodaya\- svAmI tiShThati saMyuto.api kalayettadbhAvajAtaM phalam | duHsthAne viparItametaduditaM bhAveshvare durbale doSho.atIva bhavedbalena sahite doShAlpatA jalpitA || 9|| yadbhAveShvashubho.api vodayapatistadbhAvavR^iddhiM dishe\- dduHsthAnAdhipatiH sa chedyadi tanoH prAbalyamanyasya na | atrodAharaNaM kuje sutagate siMhe buShe vA sthite putrAptiM shubhavIxite bhuTiti tatprAptiM vadantyuttamAH || 10|| dvisthAnAdhipatitvamasti yadi chenmukhyaM trikoNarxajaM tasyArddhaM svagR^ihe.atha pUrvamubhayoryattadR^iShAdau vadet | pashchadbhAvamihAparArddhasamaye yugme gR^ihe yugmajaM tvojasthe sati chaujabhAvajaphalaM shaMsanti kechijjanAH || 11|| yadbhAveshasyAdhishatrugraho vA yo vA kheTo bindushUnyarxayuktaH tattatpAke mUrtibhAvAdikAnAM nAshaM krUyAdR^iaivavitprAshrikAya || 12|| svochche suhR^itxetragato grahendraH ShaDbhirbalairmukhyabalAnvito.api | sandhau sthitaH sannaphalapradaH syat evaM vichintyAtra vadedvipAke || 13|| bhAveShu bhAvasphuTatulbhAgasta\- dbhAvajaM pUrNaphalaM vidhatte | sandhau phalaM nAsti tadantarAle chintyo.anupAtaH khalu khecharANam || 14|| sUryAdAtmapitR^iprabhAvanivijAM shaktiM shriyaM chintayet chetobuddhinR^ipaprasAdajananIsaMpatkarashchandramAH | satvaM rogaguNAnujAvaniripuGYAtIndharAsUnunA vidyAbandhuvivekamAtulasuhR^idvAkkarmakR^idbodhanaH || 15|| praGYAvittasharIrapuShTitanayaGYAnAni vAgIshvarAt patnIvAhanabhUShaNAni madanavyApArasaukhyaM bhR^igoH | AyurjIvanmR^ityukAraNavipadbhR^ityAMshcha mandAdvadet sarpeNaiva pitAmahaMtu shikhinA mAtAmahaM chintayet || 16|| dyumaNiramantrI bhUsutaH saumasaumyau gururinatanayArau bhArgavo bhAnuputraH | dinakaradvijejau jIvabhAnuGYamandAH suragururinasUnuH kArakAH syuvilagnAt || 17|| suhR^idariparakIyasvarxatu~NgasthitAnAM phalamanuparichintyaM lagnadehAdibhAvaiH | samupachayavipattI saumyapApeShu satyaH kathayati viparItaM riHphaShaShTameShu || 18|| pApagrahAH ShaShThamR^itivyayasthA\- stadbhAvavR^iddhiM kalayanti doShaiH | shubhAstu tadbhAvalayaM hi tasmAchChatravAdi bhAvotphalapraNAshaH || 19|| bhAvasya yasyaiva phalaM vichintyaM bhAvaM cha taM lagnamiti prakalpya | tasmAdvadeddvAdashabhAvajAni phalAni tadrUpadhanAdikAni || 20|| evaM hi tatkArakato vichintyaM pitushcha mAtushcha sahodarasya | tanmAtulasyApi sutasya patyu\- rbhR^ityasya sUryAdikhagasthitarxAt || 21|| sUryAsthitarxAjjanakasvarUpaM vR^iddhiM dvitIyena tu tatprakAsham | tadbhrAtaraM tasya guNaM tR^itIyAt tanmAtaraM chApi sukhaM chaturthAt || 22|| budhiM prasAdaM sutabhAchcha ShaShThA\- tpIDA piturdoSharmAraM cha rogam | kAmaM madaM tasya tu saptamena duHkhaM mR^itiM mR^ityugR^ihAttadayuH || 23|| puNyaM shubhaM tatpitaraM shubhena vyApAramasyaiva hi karmabhAvAt | lAbhaM hyupAntyAt xayamantya\- bhAvAchchandrAdikAnAM phalamevamAhuH || 24|| tattadbhAvAtkArakAdevamUhyaM tattanmAtR^ibhrAtR^ipitrAtmajAdyam | tasmin bhAve kArake bhAvanAthe vIryopete tasya bhAvasya saukham || 25|| dharme sUryaH shItagurbandhubhAve shaurye bhaumaH pa~nchame devamantrI kAme shukrashchAShTame bhAnuputraH kuryAttasya kleshamityAhuranye || 26|| lagneshvaro yadbhavaneshayukto yadbhAvagastasya phalaM dadAti | bhAve tadIshe balabhAji tena bhAvena saukhyaM vyasanaM balone || 27|| yadbhAvaprabhuNA yuto balavatA mukhyA~Ngago lagnapa\- stadbhAvAnubhavaM vitanute yadbhAvagastasya cha | saMyukto balahInabhAvapatinA nindyA~NgabhAjAM phalaM kuryAttadviparItamevamuditaM sarveShu bhAveShvapi || 28|| duHsthAnapastaditarasvagR^ihasthitashchet svaxetrabhAvaphalameva karoti nAnyati mando mR^ige sutagR^ihe yadi putrasiddhiH ShaShThAdhipatakR^itadoShaphalaM cha nAtra || 29|| rAshau sthitirmitho yogo dR^iShtiH kendreShu saMsthitaH | trikoNe vA sthitiH pa~nchaprakAro bandha IritaH || 30|| \medskip\hrule\medskip ShoDasho.adhyAyaH dvAdsha bhAvaphala lagnanavaMshapatulyatanuH syAdvIryayuttagrahatulyatanurvA chandrasametanavAMshapavarNaH kAdivilagnavibhaktabhagAtraH || 1|| lagneshe kendrakoNe sphuTakaranikare svochchabhe vA svabhe vA kendrAdanyatrasaMsthe nidhanabhavanape saumyayukte vilagne | dIrghayuShmAndhanADhyo mahitaguNayuto bhUmipAlaprashasto laxmIvAn sundarA~Ngo dR^iDhatanurabhayo dhArmikaH satkuTumbI || 2 satsaMbandhayute kalevarapatau sadgrAmavAso.athavA satsa~NgaH prabalagraheNa sahite vikhyAtabhUpAshrayaH | svochchasthe nR^ipatiH svayaM svagR^ihage tajjanmabhUmau sthitiH sa~nchArashcharabhe sthitiH sthiragR^ihe dvadvaM dvirUpaM phalam || 3|| vikhyAtaH kiraNojvale tanupatau susthe sukhI vardhano duHsthe duHkhyasadR^ixanIchabhavane vAso nikR^iShTasthale | svastho jIvati shaktimatyudayabhe varddhiShNarUrjasvalo niHshaktau nihato vipadbhirasakR^itkhinno bhavedAturaH || 4|| arthasvAmini mukhyabhAvajuShi satsvarthe kuTumbashriyA sarvotkR^iShTaguNo dhanI cha sumukhI syAddUradarshI naraH | sambandhe saviturdvitIyapatinA lopakAraxamAN vidyAmarthamavApnuyAdatha shaneH xudrAlpavidyArataH || 5|| jaive vaidikadharmashAstranipuNo baudhe.arthashastre paduH shR^i~garokti paTurbhR^igorhimarucheH ki~nchitkalAvidhbhavet | kauje krUrakalA paTushcha pishuno rAhau sthite lohalaH ketau bhrashyadalIkavAgdhanagatiH pApaishcha mUDho.adhanaH || 6|| bandho yadi syAttanushauryanAthago\- ranyonyarAshisthatayorbalADhyayoH | dhairyaM cha shauryaM sahajAnukUlatAM prApnotyayaM sAhasakAryakartR^itAm || 7|| shauryape balini sadgrahayukte kArake.api shubhabhAvamupete | bhrAtR^i vR^iddhiratha vIryavihIne duHsthane bhavati sodaranAshaH || 8|| ayugmarAshau yadi kArakeshau gurvarkabhUsUnunirIxitau chet | ojo gR^ihaH syAdadi vikramAkhyaH puMbhrAtarastvaMshavashADbhaveyuH || 9|| duHsthAne sukhape shashinyapi satAM yogexaNairvajite pApAntaHsthitimatyasadgrahayute dR^iShTe jananyA mR^itiH etau dvAvapi vIryagau shubhayutau dR^iShTau shubhairbandhugai\- rmAtuH saukhyakarau vidhoshcha sukhagaiH saumyairvadettatsukham || 10|| lagneshe sukhage.athavA sukhapatau lagne tayorIxaNI yoge vA shashinastathA yadi karotyantyAM svamAtuH kriyAm | anyonyaM yadi shatrunIchabhavane ShaShThAShThame vA tayo rmAturnopakaroti nAshasagaye bandhastayorvA na chet || 11|| mAtrR^ibhAvoktavadvAchyaM pitR^ibhrAtR^isutAdiShu | bhAvakarakabhAveshalagnalagneshvarairvadet || 12|| susthau sukheshabhR^igujau tanubandhuyuktA vAndolikAM janapateshvaratAM vidhattaH | svarNadyanardhyamaNibhUShaNapaTTashayyA\- kAmopabhogakaraNAni cha gogajAshvAn || 13|| duHsthe sukheshe kujasUryakte sukhe.api vA janmagR^ihaM pradagdham | jIrNaM tamomandayute.ariyukte parairhR^itaM goxitivAhanAdyam || 14|| saumyarxaMshe saumyayukte pa~nchame vA tadIshvare | vaisheShikAMshe sadbhAve dhImAnniShkapaTI bhavet || 15|| sthitiH pApAnAM vA dviShati balayuktAripatinA yuto vA dR^iShTo vA yadi ripugR^ihe vA tanupatiH | arIshaH kendre vA.apyashubhakhagasaMvIxitayuto ripUNAM pIDAM drAgbhR^ishamaparihAryaM vitanute || 16|| ShaShTheshvarAdatibalinyudayAdhinAthe saumyagrahAMshasahite shubhadR^iShTayukte | saukhyeshvare.api sabale yadi kendrakoNe\- ShvArogyamAgyasahito dR^iDhagAtrayuktaH || 17|| shatrunAthe tu duHsthAne nIchamUDhArisaMyute TasmAdbalAdhyelagneshe shatrunAshaM ravau shubhe || 18|| yadbhAveshayuto vairinAtho yadbhAvasaMshchitaH | ShaShTasthito yadbhAveshaste bhAvAHshatrutAM yayuH || 19|| satsaMbandhayute saptarxe tadIshe balAnvite | patiputravatI ShaDhvI bhAryA sarkguNairvR^itA || 20|| kendrAdanyatra radhreshe lagneshAddurbale sati | nAdhirna vighno na klesho nR^iNAmAyushchiraM bhavet || 21|| dharme kuje vA sUrya vA duHsthe tannAyake sati | pApamadhyagate vA.api piturmaraNamAdishet || 22|| divA sUrye nishA mande susthe shubhanirIxite | dharmeshe balasaMyukte chiraM jIvati tatpitA || 23|| mandArayoH shItaruchau cha sUrye trikoNage tajjananIpitR^ibhyAm | tyatko bhavechChakrapurohitena dR^iShTe tanUjo.asti sukhI chirAyuH || 24|| shanirbhagyAdhipaH syAchchechcharastho na shubhexitaH | sUrye duHsthAnage.apyanyapitaraM hyupajIvati || 25|| dharme tadIshe vA mandayukte dR^iShTe.api vA chare | jAto datto bhavennUnaM vyayeshe balashAlini || 26|| nabhasi shubhakhage vA tatpatau kendrakoNe balini nijagR^ihochche karmage lagnapi vA | mahitapR^ithuyashAH syAddharmakarmapradR^ittaH nR^ipatisadR^ishabhAgyaM dIrghamAyushcha tasya || 27|| urjasvI janavallabhe dashamage sUrye kuje vA mahat kAryaM sAdhayati pratApabahulaM kheshashcha sustho yadi | savdyApAravtIM kriyaM vitanute saumyeShu sachChalAdhitAM karmastheShvahimandaketuShu bhavedduSharmakArI naraH || 28|| lAbheshe yadbhAvanAthayukte yadbhAvage.api vA | bhAvaM tadanurUpasya vastuno lAbhagairapi || 29|| vyayasthito yadbhAvesho vyayesho yatra tiShThati | tasya bhAvasyAnurUpavastuno nAshamAdishet || 30|| bhAveshasthitabhaMshakoNamapi vA bhAvaM tu vA lagnapo lagneshasthitabhAMshakoNamudayaM vA.ayAti bhAvAdhipaH | saMyoge.api vilokane.api cha tayostadbhAvasiddhiM tadA brUyAtkArakayogatastanupaterlagnAchcha chandrAdapi || 31|| yadbhAveshAsthatarxAMshatrikoNasthe gururyadA | gochare tasya bhAvasya phalaprAptiM vinirdishet || 32|| lagnArinAthayoge tu lagneshAddurbale ripau | tadA tadvashagaH shatruvIparitamato.anyathA || 33|| yadbhAvapasya tanupasya bhavatyaritvA\- ttatkAlashatru vashato.arimR^itisthito vA | spardhAM tadA vadatu neta cha gocharastha\- stadvatsuhR^itvamapi saMyutimaitratashcha || 34|| lagneshayadbhAvapayostu yogo yadA tadA tatphalasiddhikAlaH | bhAveshavIrye shubhamanyathAnya\- llagnAchcha chandrAdapi chintanIyam || 35|| \medskip\hrule\medskip saptadasho.adhyAyaH niryANaprakaraNa tattadbhAvAdaShTameshasthitAMshe tattrikoNage | vyayeshasthitabhaMshe vA mande tadbhAvanAshanam || 1|| randhreshe guliko mandaH kharadrekkANapA.api vA | yatra tiShThati tadbhaMshatrikoNe ravije mR^itaH || 2|| udyaddR^igANanAthasya tathA randhrAdhipasya cha | randhradrekkANapasyApi bhAMshakoNe gurau mR^itiH || 3|| svasphuTadvAdashAMshe vA randhreshasthanavAMshake | lagneshasthanavAMshe vA tattrikoNe.api vA mR^itiH || 4|| randhrabhorvA bhAnorvA bhAnorvAbhAMshakoNaM gate vidhau | mR^itiM vadetsarvametallagnAchchadrAchcha chintayet || 5|| lagneshahInayamakaNTakabhAMshakoNaM prApte.athavA shanivihInahimAMshubhAMsham | yAte gurau svamaraNantvatha rAhuhIna\- bhUsUnubhAMshakagurau sahajapraNAshaH || 6|| bhAnoH kaNTakavarjitasya bhavanAMShe vA trikoNe gurau tAto nashyati kaNTakonagulikarxaMshatrikoNe shanau | arkonendugR^ihaMshakoNagagurau chandronamandAtmaja\- xetreM.ashe.apyathavA trikoNagR^ihage mande jananyA mR^iti || 7|| vadetpratyarinaxatranAthAchcha yamakaNTakam | tyaktvA tadbhavane koNe gurau putravinAshanam || 8|| lagnArkamAndisphuTayogarAsheradhIshvaro yadbhavanopagastu | tadrAshisaMsthe puruhUtavandye tatkoNage vA mR^itimeti jAtaH || 9|| mAndisphuTe bhAnusuTaM vishodhya rAshyaMshakoNe ravije mR^itaH syAt | dhUmAdipa~chagrahayogarAshi\- drekkANayAte.arkamute cha mR^ityuH || 10|| vilagnamandisphuTayogabhAMshaM niryaNamAsaM pravadanti tajGYAH | niryaNachandro gulikenduyogo lagnaM vilagnArkisutenduyogaH || 11|| mAndisphuToditanavAMshagate.amaraDye taddvAdashAMshasahite dinanAthasUnau | drekkANakoNabhavane dinape cha mR^ityu\- rlagnendumAndiyutabheshagatodaye syAt || 12|| gulikaM ravisUnuM cha guNitvA navasaMkhyayA | ubhayoraikyarAshyaMshagR^ihage ravije mR^itiH || 13|| sphuTe vilagnanAthasya vishodhya yamakaNTakam | tadrAshinavabhAgasthe jIve mR^ityurna saMshayaH || 14|| ShaShThAvasAnarandhreshasphuTaikyabhavanaM gate | tattrikoNopage vA.api mande mR^ityubhayaM nR^iNAm || 15|| udyaddR^igANapatirAshigate sureDye tasya trikoNamapi gachChati vA vinAsham | randhratribhAgapatimandirage.atha mande prApte trikoNamathavAsya vadanti mR^ityum || 16|| vilagnajanmAShTamarAshinAthayoH kharatribhAgeshvarayostayorapi | shashA~NkamAndyorapi durbalAMshaka\- trikoNage sUryasute mR^itirbhavet || 17|| lagnAdhipasthitanavAMshakarAshitulyaM randhrAdhipasya gR^ihamApatite ghaTeshe | tasminvadenmaraNayogamanekashAstra\- saMxuNNakhinnamatibhiH parikIrtitaM tat || 18|| shashA~NkasaMyuktadR^igANapUrvataH kharatribhAgeshagR^ihaM gate.api vA | trikoNage vA maraNaM sharIriNAM shashinyatha syAttanurandhrariHphage || 19|| nidhaneshvaragatarAshau bhAnAvindau tu bhAnugatarAshau | nidhanAdhipasaMyukte naxatre nirdishenmaraNam || 20|| yo rAshirgurlikopetaH tattrikoNagate shanau | maraNaM nishijAtAnAM divijAnAM tadastake || 21|| gururAhusphuTaikyasya rAshiM yAto gururyadA | tadA tu nidhanaM vidyAttattrikoNagato.athavA || 22|| aShTamasya tribhAgAMshapatisthitagR^ihaM shanau | tadIhanavabhAgarxaM gate vA maraNaM bhavet || 23|| janmakAle shanau yasya janmAShTamapaterapi | rAsheraMshakarAshervA trikoNasthe shanau mR^itaH || 24|| nishIndurAshau chejjanma mAndibhe.aMshe mR^itiH | divArkabhe chettaddyUnatrikoNe vA shanau mR^itiH || 25|| randhreshvarAdyAvati bhe mAndistAvati bhe tataH | shanishchenmaraNaM brUyAditi sadgurubhAShitam || 26|| janmakAlInamR^igujAtkAmashatru vyaye ravau | maraNaM nishchitaM bruyAditi sadgurubhAShitam || 27|| tiShThantyaShTamariHphaShaShThapatayo randhratribhAgeshvaro mAndiryadbhavaneShu teShvapi gR^iheShvArkIDayasUryendavaH | sarve chAravashAtprayAnti hi yadA mR^ityustadA syAnnR^iNAM teShAmaMshavashAdvadantu nidhanaM tattattrikoNe.api vA || 28|| \medskip\hrule\medskip aShTAdasho.adhyAyaH dvigrahayoga tigmAMshurjanayatyuSheshasahito yantrAshmakAraM naraM bhaumenAgharataM budhena nipuNaM dhIkIrtisaukhyAnvitam | krUraM vAkpatinAnyakAryanirataM shukreNa ra~NgAyudhair\- labdhasvaM ravijena dhAnukushalaM bhANDuprakAreShu vA || 1|| kUTstryAsavakuMbhapaNyamashivaM mAtuH savakraH shashI saGYaH prashchitavAkyamarthanipuNaM saubhAgyakIrtyanvitam | vikrantaM kulamukhyamasthiramatiM chitteshvaraM sA~NgirA vastrANAM sasitaH kriyAdikushalaM sArkiH punarbhUsutam || 2|| mUlAdisnehakUTaivaharati vaNigbAhuyoddhA sasaumye puryadhyaxaH sajIve bhavati narapatiH prAptavitto dvijo vA | gopo mallo.atha daxaH parayuvatirato dyUtakR^itsAsurejye duHkhArto.asatyasandhaH sasavitR^itanaye bhUmije ninditashcha || 3|| saumye ra~Ngacharo bR^ihaspatiyute gItapriyo nR^ityavid vAgmI bhUgaNapaH sitena mR^idunA mAyApaTurlampaTaH | sadvidyo dhanadAravAn bahuguNaH shukreNa ukte gurau GYeyaH shmashchukaro.asitena ghaTakR^ijjAto.annakAro.api || 4|| asitasitasamAgame.alpachaxu\- ryuvatisamAshchayasampravR^iddhavittaH | bhavati cha likhipustakachitravettA kathitaphalaiH parato vikalpanIyAH || 5|| bhUpo vidvAn bhUpatirbhUpatulya\- shchandre meShe moShako nirdhanashcha | nissvaH steno lokamAnyo mahIshaH svADhyaH preShyashchApi dR^iShTe kujAdyaiH || 6|| yugmasthe.ayojIvibhUpaGYadhR^iShTA\- shchandre dR^iShTe tantuvAyo.adhanI cha | svarxe yodhaprAGYasUrixitIshA lohAjIvo netrarogI krameNa || 7|| rAjA jyotirviddhanADhyo narendraH siMhe chandre nApitaH pArthivendraH | daxo bhUpaH sainyapaH kanyakAyAM niShNAtaH syAdbhUminAthashcha bhUpaH || 8|| shaTho nR^ipastaulini rukmakAra shchandre vaNik syAtpiShunaH khalashcha | kITe nR^ipo yugmapitA mahIshaH syAdvastrajIvI vikR^itA~NgavittaH || 9|| dhUrto hayA~Nge svajanaM janeshaM naraughamAshritya shaThaH sadambhaH | bhUpo nareshaH xitipo vipashchi\- ddhanI daridro makare himAMshau || 10|| kuMbhe.anyadAranirataH xitipo narendro veshyApatirnR^ivaparo himagau nR^imAnyaH | antye.aghakR^itpaTumatirnR^ipatishcha vidvAn doShaikadR^igduratikR^ichcha kujAdidR^iShte || 11|| chandramA ke vibhinna navAMshoM meM hone kA Aura usa para vividha grahoM kI dR^iShTi kA phala Araxako vadharuchiH kushalashcha yuddhe bhUpo.arthavAnkalahakR^itxitijAMshasaMsthe | mUrkho.anpadAranirataH sukviH sitAMshe satkAvyakR^itsukhaparo.anyakalatragashcha || 12|| baudhe hi ra~Ngacharachorakavindramantri\- geyaGYAshilpanipuNaH shahini sthite.aMshe | svAMshe.alpagAtradhanalubdhatapasvimukhyaH strIpreshyakR^ityaniratashcha nirIxyamANe || 13|| sakrodho narapatisaMmato nidhIshaH siMhAMshe prabhurasuto.atirhiMsrakarmA | jIvAMshe prathitabalo raNopadeShTA hAsyaGYaH sachivavikAmavR^iddhashIlaH || 14|| alpApatyo duHkhitaH satyapi sve mAnAsatkaH karmaNi sve.anuraktaH | duShTastrIShTaH kopanashchArkibhAge chandre bhAnau tadvadindvAdidR^iShTe || 15|| sUryAdito.atrAMshaphalaM pradiShTaM GYeyaM navAMshasya phalaM tadeva | rAshIxaNe yatphalamuktamindo\- staddvAdashAMshasya phalaM hi vAchyam || 16|| vargottamasvaparageShu shubhaM yaduktaM tatpuShTamadhyalaghutA.ashubhamutkrameNa | vIryAnvitoM.aMshakapartinaruNaddhi pUrvaM rAshIxaNasya phalamaMshaphalaM dadAti || 17|| \medskip\hrule\medskip ekonaviMsho.adhyAyaH dashAphala bhaktyA yena navagrahA bahuvidhairArAdhitAste chiraM santuShtAH phalabodhahetumadishansAnugrahaM nirNayam | khyAtAM tena parAshareNa kathitAM saMgR^ihya horAgamAt sAraM bhUriparIxayAtiphalitAM vaxye mahAkhyAM dashAm || 1|| agnyAditArapatyo ravichandrabhauma\- sarpamareNyashanichandrajaketushukrAH | tene naTaH sanijayA chaTudhAnyasaumya\- sthane nakhA nigaditAH sharadastu teShAM || 2|| tR^ixasya gamyA ghaTikA dashAbda\- nighnA natAptA svadashAbdasaMkhyA | rUpairnagaiH saMguNayennatena hR^itAstu mAsA divasAH krameNa || 3|| ravisphuTaM tajjanane yadAsIt tathA vidhashchetprativarShamarkaH | AvR^ittayuH santi dashAbdakAnAM bhAgakramAttadR^ivasAH prakalpyAH || 4|| dashAphala bhAnuH karoti kalahaM xitipAlakopa\- mAkasmikaM svajanarogaparibhramaM cha | anyonyavairamatiduHsahachittakopaM guptyarthadhAnyasutadArakR^ishAnupIDAm || 5|| krauryadhvibhUpaiH kalahairdhanAptiM vanAdrisaMchAramatiprasiddhim | karoti sustho vijayaM dinesha\- staixNyaM sadodyogaratiM sukhaM cha || 6|| manaHprasAdaM prakaroti chandraH sarvArthasiddhiM sukhabhojanaM cha | strIputrabhUShAmbararatnasiddhIM goxetrelAbhaM dvijapUjanaM cha || 7|| balena sarvaM shashinastu vAchyaM pUrve dashAhe phalamatra madhyam | madhye dashahe paripUrNavIryaM tR^itIyebhAge.alpaphalaM krameNa || 8|| bhaumasya svadashAphalAni hutabhugbhUpAhavAdyairdhanaM bhaiShajyAnR^itava~nchanaishcha vividhaiH krauryairdhanasyAgamaH | pittAsR^igjvarabAdhitashcha satataM nIchA~NganAsevanaM vidveShaH sutadArabandhugurubhiH kaShTo.anyabhAgye rataH || 9|| saumyaH karoti suhR^idAgamamAtmasaukhyaM vidvatprashaMsitayashashcha guruprasAdam | prAgalbhyamuktiviShaye.api paropakAraM jAyAtmajAdisuhR^idAM kushalaM mahattvam || 10|| dharmakriyAptimamarendragururvidhatte saMtAnasiddhimavanIpatipUjanaM cha | shlAghyatvamunnatajaneShu gajAshvayAna\- prAptiM vadhUsutasuhR^idyutimiShTasiddhim || 11|| krIDAsukhopakaraNAni suvAhanAptiM goratmabhUShaNanidhipramadApramodam | GYanakriyAM salilayAnamupaiti shaukrayAM kalyANakarmabahumAnamilAdhinAthAt || 12|| pAke.arkajasyanijadArasutAtirogAn\- vAtottarAnkR^iShivinAshamasatpralApam | kustrIratiM parijanairviyutiM pravAsa mAkasmikaM svajanabhUmisukhArthanAsham || 13|| kuryArdahiH xitipachoraviShAgnoshastra\- bhIrtiM sutArtisativibhramabandhunAsham | nIchAvamAnanamatikramato.apavAdaM sthAnachyutiM padahAtiM kR^itakAryahAnim || 14|| vidhuMtude shubhAnvite prashastabhAvasaMyute dashA shubhapradA tadA mahIpatulyabhUtidA | abhIShTakAryasiddhayo gR^ihe sukhasthitirbhave\- dacha~nchalArthasaMchayAH xitau prasiddhakIrtayaH || 15|| pathonamInAligatasya rAho\- rdashAvipAke mahitaM cha saukhyam | deshAdhiptyaM naravAhanApti\- rdashAvasAne sakalasya nAshaH || 16|| ketordashAyAmarichorabhUpaiH pIDA cha shastraxatamuShNarogaH | mithyApavAdaH kuladUShitatvaM vahnerbhayaM proShaNamAtmadeshAt || 17|| atha taraNidashAyAM krauryabhUpAlayuddhai\- rdhanamanalachatuShpAtpIDanaM netratApaH | udaradashanarogaH putradArArtiruchchai\- rgurujanavirahaH syAdbhR^ityanAsho.arthahAniH || 18|| shishirakaradashAyAM mantradevadvijorvI\- patijanitavibhUtiH strIdhanaxetrasiddhiH | kusumavasanabhUShAgandhanAnArasApti\- bharvati khalavirodhaH svaxayo vAtarogaH || 19|| xititanayadashAyAM xetravairaxitisha\- pratijanitavibhUtiH syAtpashuxetralAbhaH | sahajatanayavairaM durjanastrIShusakti\- darhanarudhirapittavyAdhirarthopahAniH || 20|| asuravaradashAyAM duHsvabhAvo.athavA syA\- datigahanagadArtiH sUnunAryorvinAshaH | viShabhayamaripIDAvIxaNoddharvA~NgIrogaH suhR^idi kR^iShavirodho bhUpaterdveShalAbhaH || 21|| amaragurudashAyAmambarAdyarthasiddhiH parijanaparivAraprauDhiratyarthamAnaH | sutadhanasuhR^idAptiH sAdhuvAdAptapUjA bhavati guruviyogaH karNarogaH kaphArtiH || 22|| ravitanayadashAyAM rAShTapIDAprahAra\- pratijanitavibhUtiH preShyavR^iddhA~NganAptiH | pashumahiShavR^iShAptiH putradAraprapIDA pavanakaphagudArtiH pAdahastA~NgatApaH || 23|| shashitanayadashAyAM shashvadAchAryasiddhi\- rdvijajanitadhanAptiH xetregovAjilAbhaH | manavarasurapUjA vittasaMdhAtasiddhiH prabhavati maruduShNashleShmarogaprapIDA || 24|| shikhijanitadashAyAM shokamoho.a~NganAbhiH prabhujanaparipIDA vittanAsho.aparAdhaH | prabhavati tanubhAjAM svIyadeshA\- dR^ishanacharaNarogaH shleShmantApanaM cha || 25|| bhR^igutanayadashAyAma~NganAratnavastra\- dyatimidhidhanabhUShAvAjishayyAsanAptiH | krayakR^iShijalayAnaprAptavittAgamo vA bhavati guruviyogo bAndhavAtirmanoruk || 26|| \medskip\hrule\medskip viMsho.adhyAyaH antardashAphala bhAveshvareNa prabalena yena yadyatphalaM hInabalena yena | yadAnubhoktavyamananyasamyaksaMsUchayiShyatyatha saMgraheNa || 1|| lagne baliShThe jagati prabhutvaM sukhasthiti dehabalaM suvarchaH | uparyuparyabhyudayAbhivR^iddhiM prApnoti bAlenduvadeSha jAtaH || 2|| pAke.arthanAthasya kuTumbasiddhiM satputrikAptiM sukhabhojanaM cha | prApnoti vAgjIvikayA dhanAni vaktA saduktiM sadasi prashastAm || 3|| shaurye savIrye sahajAnukUlyaM saNtoShavAtashrivaNaM cha shauryaM | senApatitvaM labhate.abhimAnaM janAshrayaM sadguNabhAjanatvam || 4|| bandhUpakAraM kR^iShakarmasiddhiM strIsa~NghamaM vAhanalAbhameti | xetraM gR^ihaM nUtanumarthasiddhiM sthAnaMprashastaM cha sukheshdAye || 5|| putraprAptiM bandhuvilAsaM nR^ipatInAM sAchivyaM vA dhIshadashAyAM bahumAnam | prAjyairbhojyairmR^iShTamihAshnAti dadAti shreyaskAryaM sajjanashastaM sa vidadhyAt || 6|| ripUnnihanti sAhasairarIshvarasya vatsare | arogatAnudAratAmadhR^iShyatAmatishriyam || 7|| sampAdya vastrAbharaNAni shayyAM prIto ramaNyA ramate.ativIryaH | karoti kalyANamahotsavAdIn santoShayAtrAM cha madeshadAye || 8|| R^iNavimochanamuchChratimAtmanaH kalahakR^ityanivR^ittimupaiti saH | mahiShapashvajabhR^ityajanAgamaM vayasi randhrapaterbalashAlinaH || 9|| strIputrapautraiH sahabandhuvargai\- rbhAgyaMshriyaM chAnubhavatyajastram | shreyAMsi kAryANyavanIshapUjAM bhAgyeshadAye vijadevabhaktim || 10|| yatkAryamArabdhamupaityanena tasyaiva siddhiM sukhajIvanaM cha | kIrtiM pratiShThAM kushalapravR^ittiM mAnonnatiM karmapaterdashAyAm || 11|| eshvaryamavyAhatamiShTabandhu\- samAgamaM bhR^ityajanAMshcha dAsAn | saMsArasaubhAgyamahodayaM cha labheta lAbhAdhipaterdAshAyAm || 12|| vyayeshiturvayasyativyayaM karoti sajjane | aghaughanAshinIM shubhakriyAM mahIshamAnyatAm || 13|| vakragasya nijatu~NgasuhR^it\- susthAnagasya dashAphalamevam | shatrunIchagR^ihamauDhyaShaDantya\- Chidragasya tu phalAnyapi vaxye || 14|| duHsthelagnapatau nirodhanamupaityaGYAtavAsaM bhayaM vyAdhyAdhInaparakriyAbhigamanaM sthAnachyutiM chApadam | jADyaM saMsadi vAkkuTumbachalanaM duShpatrikAM dR^igrujaM vAgdoShaM draviNavyayaM nR^ipabhayaM duHsthe dvitIyAdhipe || 15|| dushchikyAdhipatau sahodaramR^itiM kArye durAlochanA\- mantaHshatru nipIDanaM paribhavaM tadgarvabha~Nga vadet | mAtR^ikleshamariShTamiShThasuhR^idAM xetragR^ihopaplutiM pashvashvAdivinAshanaM jalabhayaM pAtAlanAthe.abale || 16|| vIryone pratibhApatau sutamR^itirbuddhibhramaM pa~nchanA\- madhvAnaM hyudarAmayaM narapateH kopaM svashaktixayam | chorAdbhItimanarthatAM cha damanaM rogAn bahUnduShkR^itiM bhR^ityatvaM labhate.avamAnamayashaH ShaShTheshadAye vraNam || 17|| jAmAturvyasanaM kalatravirahaM strIhetvanarthAgamaM dyUneshe vibalinyasatyabhiratiM guhyAmayaM chATanam | randhreshAyuShi shokamohamadamAtsaryAdimUrchChochChritiM dAridryaM bhramaNaM vadedapayashovyAdhInavaGYAM mR^itim || 18|| pUrvopAsitadevakopamashubhaM jAyAtanUjApadaM dauShkR^ityaM svaguroH pitushcha nidhanaM dainyaM shubhe durbale | yadyatkarma karoti tattadaphalaM syAnmAnabha~Ngo nabho\- bhAve durguNatAM pravAsamashubhaM durvR^ittamApannatAm || 19|| shravaNamashubhavAchAM bhratR^ikaShTaM sutAtiM bhavapavayasi dainyaM va~nchanaM karNarogam | bahurujamapamAnaM bandhanaM sarvasampat\- xayamaparashashIvA.ayAti riHpheshadAye || 20|| maMGYAyAM yadagAchcha kArakavidhishlokeShu yajjalpitaM karmAjIvanirUpitaM phalamidaM yadrogachiratAvidhau | yadyasyoxaNayogasaMbhavaphalaM bhAveshayogodbhavaM bhAveshairapi bhAvagairapi phalaM vAchyaM dashAyAmiha || 21|| vargottamAMshasthadashA shubhapradA mishraiva sA chAstamite cha nIchage | mR^ityuvyayArIshadashApahArayo\- statra sthitasyApyashubhaM phalaM bhavet || 22|| krUragrahasyaiva dashApahAre tripa~nchasaptarxapatevipAke | tathaiva janmAShTamanAthabhuktau chorAripIDAM labhate.atiduHkham || 23|| shaneshchaturthI cha gurostu ShaShThI dashA kujAhyoryadi pa~chamI sA | kaShTa bhavedrAshyavasAnabhAga\- sthitasya duHsthAnapatestathaiva || 24|| urdhvAsyatu~NgabhavanasthitabhUmijasya karmAyagasya hi dashA vidadhAti rAjyam | jitvA ripUnvipulavAhanasainyayuktAM rAjyashriyaM vitanute.adhikamannadAnam || 25|| svochchasthito bhR^igusuto vyayakarmago vA lAbhe.api vA.astarahito na cha pApayuktaH | tasyAbdapAkasamaye bahuratnapUrNo dhImAnvishAlavibhavo jayati prashastaH || 26|| nIchAriShaShThavyayasaMshritA hi shubhAH prayachChantyashubhAni sarve | shubhetarAstveShu gatAH prayachCha\- ntyamoghaduHkhAni dashAsu teSham || 27|| dasheshatrorarigehabhAjo lagneshashatrorapi vA.atha bhuktau | shatrorbhayaM sthAnalayaH tadAsya snigdhopi shatrutvamupaiti nUnam || 28|| yadbhAvagaH pAkapatirdasheshAt\- tadbhAvajAtAni phalAni kuryAt | vipaxariHphAShTamabhAvagashched\- duHkhaM vidadhyAditaratra saukhyam || 29|| svochchatrikoNasvahitArinIche pUrNaM tripAdArddhapadAlpashUnyam | kramAchChubhaM chedashubhaM vilomAT mUDhe grahe nIchasamaM phalaM syAt || 30|| mandamAndyagukharesharandhrapAH\- tannavAMshapatayo.api ye grahAH | teShu durbaladashA mR^itipradA kaShTabhe charati sUryanandane || 31|| mR^itIshanAthasthitabhAMshakeshayoH kharatribhAgeshvarayorbalIyasaH | dashAgame mR^ityuyuktabhAMshaka\- trikoNage devagurau tanuxayaH || 32|| chatuShTayasthA gurujanmalagnapA bhavanti madhye vayasaH sukhapradAH | krameNa pR^iShThobhayamastakodaya\- sthito.antyamadhyaprathameShu pAkadaH || 33|| yadbhAvago gocharato vilagnAt\- dasheshvaraH svochchasuhR^idgR^ihasthaH | tadbhAvapuShTiM kurute tadAnIM balAnvitashchejjanane.api tasya || 34|| balonito janmani pAkanAtho mauDhyaM svanIchaM ripumandiraM vA | prAptashcha yadbhAvamupaiti chArAt\- tadbhAvanAshaM kurute tadAnIm || 35|| dasheshasya tu~Nge suhR^idbhe dasheshAt triShatkarmalAbhatrikoNAstabheShu | yadA chAragatyA samAyAti chandraH hubhaM saMvidhatte.anyathA chedariShTam || 36|| pAkaprabhurgocharataH svanIchaM mauDhyaM yadAyAti vipaxabhaM vA | kaShTaM vidadhyAtsvagR^ihaM svatu~NgaM vakraM gataH saukhyaphalaM tadAnIm || 37|| pAkeshasya shubhapradasya bhavanaM tu~NgaM prapanne yadA sUrye tatphalasiddhimeti guruNApyevaM phalaM chintayet | nIchaM kaShTaphalapradasya cha dashAnAthasya vairisthalaM prApte bhAsvati gochareNa labhate tasyaiva kaShTaM phalam || 38|| yena graheNa sahito bhujagAdhinAtha\- statkheTajAtaguNadoShaphalAni kuryAt | sarpAnvitaH sa tu khagaH shubhado.api kaShTaM duHkhaM dashAntyasamaye kurute visheShAt || 39|| dvAvarthakAmAviha mArakAkhyau tadIshvarastatra gato balADhyaH | hanti svapAke nidhaneshvaro vA vyayeshvaro va.apyatidurbalashchet || 40|| kendreshasya sato.asato.shubhashubhau kuryAddashA koNapAH sarve shobhanadAstrivairibhavapA yadyapyanarthapradAH | randhresho.api vilagnapo yadi shubhaM kuryAdravirvA shashI yadyevaM shubhadaH parAsharamataM tattaddashAyAM phalam || 41|| koNAdhIshaH kendragaH kendrapo vA koNasthashched dvau cha yogapradau staH | dvAvapyetau bhuktikAle dashAyA\- manyonyaM tau yogadau sopakArau || 42|| na disheyurgrahAH sarve svadashAsu svabhuktiShu | bhavAshubhaphalaM nR^INAmAtmabhAvAnurUpataH || 43|| Atmasambandhino ye cha ye ye nijasardhAmiNaH | teShAmantardAsveva dishanti svadashAphalam || 44|| kendratrikoNanetArau doShayuktAvapi svayam | sambandhumAtrAdbalinau bhavetAM yogakArako || 45|| trikoNAdhipayormadhye sambandho yena kenachit | kendranAthasya balino bhavedyadi sa yogakR^it || 46|| kendratrikoNAdhipayoraikye tau yogakArakau | anyatrikoNapatinA saMbandho yadi kiM punaH || 47|| yogakArakasambandhAtpApino.api grahAH svataH | tattadbhuktyAnusAreNa disheyuryaugikaM phalam || 48|| svadashAyAM trikoNesho shuktau kendrapateH shubham | dishetso.api tathA no chedasaMbandhe.api pApakR^it || 49|| kendrAdhipatyadoShastu balavAn gurushukrayoH | mArakatve.api cha tayormArakasthAnasaMsthitiH || 50|| budhastadanu chaMdro.api bhavettdanu tadvidhaH | pApAshchetkendrapatayaH shubhadAshchottarottaram || 51|| yadi kendre trikoNe vA nivasetAM tamograhau | nAthenAnyatarasyaiva saMbandhAdyogakArakau || 52|| tamograhau shubhArUDhau.asaMbaddhau yena kenachit | antardashAnurUpeNa bhavetAM yogakArakau || 53|| Arambho rAjayogasya bhavenmArakabhuktiShu | prathayanti tamArabhya kramashaH pApabhuktayaH || 54|| randhrastharandhrexakarandhranAtha\- randhratribhAgAdhipamAndibheshAH | duHkhapradAsteShvapi durbalo yaH sa nAshakArI svadashApahAre || 55|| bhraShThasya tu~NgAdavarohisaMGYA madhyA bhavetsA suhR^iduchchabhAge | ArohiNI nimnaparichyutasya nIchAribhAMsheShvadhamA bhavetsA || 56|| shastagR^ihe shastAMshe nIche ripubhe.astasaMsthite vA.api | tasya dashA mishraphalA dashAparArdhe phalapradA GYeyA || 57|| tattadbhAvAtvyayathasya tadbhAvavyayapasya cha | vIryahInasya kheTasya pAke mR^ityumavApnuyAt || 58|| dashApatirlagnagato yadi syAt triShaTdashaikAdashagashcha lagnAt | tatsaptavarge.apyatha tatsuhR^idvA lagne shubho vA shubhadA dashA syAt || 59|| yAvanti varShaNi dashA cha sA syAt\- chArakramAttatra dashApatiH saH | yatra sthitastadbhavanAdvidhostu sthiteH prakalpyaM sadasatphalaM hi || 60|| dashAdhinAthasya suhR^idgR^ihastha\- staduchchago vA.atha dashAdhinAthAt | smaratrikoNopachayopagashcha dadAti chandraH khalu satphalAni || 61|| ukteShu rAshiShu gatasya vidhoH sa rAshiH syAjjanmakAlabhavamUrtidhanAdibhAvaH | tattadvivR^idhikR^idasau kathito narANAM tadbhAvahAnikR^idathetararAshisaMsthaH || 62|| sArAvalImuDudashAM cha varAhahorA\- mAlokya jAtakaphalaM pravadennarANAm | prashnodayagrahavashAdatha vA svajanma\- rAshyAdinA vadatu nAstyanayorvisheShaH || 63|| \medskip\hrule\medskip ekaviMsho.adhyAyaH pratyantardashAphala apahAravibhAgalaxaNaM tatpaMktiM kramashaH sphuTaM pravachim | yadudIritamatra tatsamastaM kathayetsvadashAntarAntarAdau || 1|| pAkeshAbdahatA dasheshvarasamA netrA~NkabhaktAH samAH shiShTa rUpahatA narA~NkavihR^itA mAsA nagairvAsarAH | ChidrAdiShvapi chaivameva kalayetpAkakramAchcheddashA\- nAthAdyA punarantarAntaradashAstatpAkanAthakramAH || 2|| sUrya mahIshvarAdupalabhate.adhikaM yasho vanAchalasthalavasatiM dhanAgamam | jvaroShNarugjanakaviyogajaM bhayaM nijAM dashAM pravishati nIxaNadIdhitau || 3|| ripuxayo vyasanashamo dhanAgamaH kR^iShikriyA gR^ihakaraNaM suhR^idyutiH xayAnalapratihatirakardAyakaM shashI yadA harati jalodbhavA rujaH || 4 || rujAgamaH padaviraho.aripIDanaM varNodbhavaH svakulajanairvarodhitA mahIbhR^ito bhavati bhayaM dhanachyuti yardA kujo harati tad.arkarvatsaram || 5 || ripUdayo dhanahR^itirApadudgamo viShAdbhayaM viShayavimUDhatA punaH shirodR^ishoradhikarugeva dehinAm ahau bhavedhimakarAyurantaro || 6|| ripuxayo vividhadhanAptiranvahaM surArchanaM dvijagurubandhupUjanam | shravaHshramo bhavati cha yaxmarogitA surAchiMte pravishati gopashati gopaterdashAm || 7|| dhanAhatiH sutavirahaH striyA rujo guruvyayaH sapadi parichChadachyutiH | maliShThatA bhavati kaphaprapIdanaM shanaishchare savitR^idashAntaraM gate || 8|| vichanchikA piTakasakuShThakAmilA vishardhanaM jaTharakaTiprapIDanam | mahIxayaH trigadabhayaM bhavettadA vidhoH sute charati raverathAbdakam || 9|| suhR^ivdyayuH svajanakuTumbavigraho riporbhayaM dhanaharaNaM padachyutiH | gurorgadashcharaNashiroruguchchakaiH shikhI yadA vishati dashAM vivasvataH || 10|| shirorujA jaTharagudAtiMpIDanaM kR^iShikriyA gR^ihadhanadhanyavichyutiH | sutastriyorasukhamatIva dehinAM bhR^igoH sute charati raverathAbdakam || 11|| chandra\-vichAra strIprajAptiramalAMshukAgamo bhUsurottamasamAgamo bhavet | mAturiShTaphalama~NganAsukhaM svAM dashAM vishati shItadIdhitau || 12|| pittavahnirudhirodbhavA rujaH kleshaduHkharipuchorapIDanam | vittamAnavihatirbhavetkuje shItadIdhitidashAntaraM gate || 13|| tIvradoSharipuvR^iddhibandhuru~N mArutAshanibhayAtirudbhavet | annapAnajanitajvarodayAshchandravatsaravihArake hyahau || 14|| dAnadharmaniratiH sukhodayo vastrabhUShaNasuhR^itsamAgamaH | rAjasatkR^itiratIva jAyate kairavapriyavayohare guraU || 15|| naikarogavihatiH suhR^itsuta\- strIrujA vyasanasaMbhavo mahAn | prANahAnirathavA bhavechChanau mArabandhuvayaso gate.antaram || 16|| sarvadA dhanagajAshvagokula\- prAptirAbharaNasaukhyasampadaH | chittabodha iti jAyate vidho\- rAyuShi praveshati prabodhane || 17 chittahAnirapi sapadashchyuti\- rbandhuhAnirapi toyajaM bhayam | dAsabhR^ityahatirasti dehinAM ketuke harati chAndramabdakam || 18|| toyayAnavasubhUShaNA~NganAvikrayakrayakR^iShikriyAdayaH | putramitrapashudhAnyasaMyutishchandradAyaharaNonmukhe bhR^igau || 19|| rAjamAnanamatIva shUratA rogashAntiraripaxavichyutiH | pittavAtarugine gate tadA syAchChashA~NkaparivatsarAntaram || 20|| maMgala kI mahAdashA meM vividha antardashoM kA phala pittoShNarugvraNabhayaM sahajaiviyogaH xetrapravAdajanitArthavibhUtisiddhiH | GYAtyagnishatrunR^ipachorajanaivirodho dhAtrIsuto harati chechCharadaM svakIyAm || 21|| shastrAgnichoraripubhUpabhayaM viShAtiH shuxyaxishIrShajagado gurubandhuhAniH | prANavyayo.atha yadivA vipulApado vA vakrAyurantaragate bhujagAdhinAthe || 22|| dvijavibudhasamarchA tirthapuNyAnusevA satatamatithipUjA putramitrAdivR^iddhiH | shravaNarugatimAtraM shleShmarogodbhavo vA bhavatikujadashAntaH saMgate vAgadhIshe || 23|| uparyuparivinAshaH svAtmajastrIgurUNA\- magaNitavipadantarduHkhamarthopahAniH | vasuharaNamaribhyo bhItiruShNAnilAgni\- rbhavati kujadashAyAmarkaje samprayAte || 24|| aribhayamuruchoropadravo.athArthahAniH pashugajaturagANAM viplavo.amitrayogaH | nR^ipakR^itaparipIDA shUdravairodbhavo vA vishati shashitanUje viShvadhAtrIsutAyuH || 25|| ashanibhayamakasmAdagnishastraprapIDA vigamanamatha dehAdvittanAsho.athavA syAt | apagamanamasubhyo yoShito vA vinAshaH pravishati yadi ketuH krUranetrAyurantam || 26|| yudhi janitavimAnaM vipravAsaH svadeshA\- dvasuhR^itirapi chorairvamanetroparodhaH | parijanaparihAnirjAyate mAnavAnA\- mapaharati yadAyurbhaumijaM bhArgavendraH || 27|| nR^ipakR^itaparipUjA yaddhalabdhaprabhAvaH parijanadhanadhAnyashrImadantaHpuraM cha | ativilasitakR^ittaH sAhasAdAptalaxmI\- stimirabhidi kujAyurdAyasaMhAriNIti || 28|| vividhadhanasutAptiviprayogo.arivargai\- rvasanashayanabhUShAratnasampatprasUtiH | bhavati gurujanAtirgulmapittaprapIDA dharaNitanayavarShaM shItagau samprayAte || 29|| rAhu kI mahAdashA meM vividha antardashoM kA phala viShAmburugduShTabhuja~NgadarshanaM parAbalAsaMyutiriShTavichyutiH | ariShTavAgduShTajanavyathA bhavedvidhuMtudenApahR^ite svavatsare || 30|| sukhopanItiH suraviprapUjanaM virogatA vAmadR^ishAM samAgamaH | supuNyashAstrarthavichArasambhavaH surAridAyAntage bR^ihaspatau || 31|| samIrapittapragadaxatistanau tanUjayoShitsahajaishcha vigrahaH | svabhR^ityanAshashcha padachyutirbhavet\- ditiprajAyuH pravisshatyathArkaje || 32|| sutasvasiddhiH suhR^idAM samAgamo manovinindyatvamatIva jAyate | paTukriyAbhUShaNakaushalAdayo bhuja~NgasaMvatsarahAriNInduje || 33|| jvarAgnishastrAribhayaM shirorujA sharIrakampaH svasuhR^idguruvyathA | viShavraNAtiH kalahaH suhR^ijjanai\- rahIndradAyAntarage shikhAdhare || 34|| kalatralabdhiH shayanopachAratA tura~NgamAta~NgamahIsamAgamaH | kaphAnilAptiH svajanaivirodhitA bhavedbhuja~NgAyurapAhR^itau bhR^igoH || 35|| arivyathA syAdatipIDanaM dR^ishoviMShAgnishastrAhatirApadudgamaH | vadhUsutAtirnR^ipatermahadbhayaM bhuja~NgavarShe timirAriNA hR^ite || 36|| vadhUvinAshaH kalaho manorujA kR^iShikrayAvittapashuprajAxayaH | suhR^idvipattiH salilAdbhayaM bhave\- dvidhau dashAbhaktari devavidvidhaH || 37|| nR^ipAgnichorAstrabhayaM sharIriNAM sharIranAsho yadi vA mahArujaH | padabhramo hR^innayanaprapIDanaM yadAtra sarpayuShi saMcharetkujaH || 38|| bR^ihaspati kI mahAdashA meM vividha antardashoM kA phala saubhAgyakAntitabahumAnaguNodayaH syAtsatputrasiddhiravanIpatipUjanaM cha | AchAryasAdhujanasaMyutiriShTasiddhiH savatsaraM harati devagurau svakIyam || 39|| veshyA~NganAmadakR^idAsavadoShasa~Nga utkarShasaukhyasakuTumbapashuprapIDA | arthavyayorubhayamaxijaruksutAti jaivIM dashAM vishati dainakare narANAm || 40|| strIdyUtamadyajamahAvyasanaM tridoShaiH kechidvadantyapi cha kevalama~NgalAptiH | devadvijArchanasutArthasukhaprayogai\- rgIvarNapUjitadashAM haratIndusUtau || 41|| shastravraNaM bhavati bhR^ityajanaivirodha\- shchittavyathA tanayayoShidupadravashcha | praNachyutirgurusuhR^ijjanaviprayogaH saureDyamAyurapahR^itya dadAti ketuH || 42|| nAnAvidhArthapashudhAnyaparichChadastrI\- putrAnnapAnashayanAmbarabhUShaNAptiH | devadvijArchanamupAsanatatparatva\- mAyuryadA harati jaivamathAsureDyaH || 43|| shatrorjayaH xitipamAnanakIrtilAbhaH syAchchaNDatA naratura~NgamavAhanAptiH | shreNyagrahArapurarAShTrasamastasaMpada duchchairuchathyasahajAyurapAhR^ite.arke || 44|| yoShidbahutvamarinAshanamarthalAbhaH kR^iShyarthavastuparamonnatakIrtilAbhaH | davadvijArchanaparatvamatIva puMsAM saMjAyate gurudashAhR^iti sharvarIshe || 45|| bandhUpatoShaNamarivrajato.arthalAbhaH suxetrasatkR^itiriha prathitaprabhAvaH irShadgurUpahatirIxaNasuxatirvA xityAtmaje harati vatsaramAryajAtam || 46|| bandhUpataptirurumAnasaruggadArti\- shchorAdbhayaM gurugado jaTharodbhavo vA | rAjendrapIDanamarivyasanaM svanAshaH sampadyate harati sUridashAM surArau || 47|| shani ko mahAdashA meM vividha antardashoM kA phala kR^iShivR^iddhabhR^ityamahiShAbhyudayaH pavanAmayo vR^iShalajAtidhanam | sthavirA~NganAptiralasatvamagho nijavatsarAntaragate ravije || 48|| subhagatvamasti sukhita vanitA nR^ipalAlanaM vijayamitrayutiH trigadodbhavaH sahajaputrarujA shanidAyahAriNi shashA~Nkasute || 49|| marudagnipIDanamarivyasanaM sutadAravigramatiH satatam | ashubhAvalokanamaheshcha bhayaM mR^iduvatsaraM harati ketupatau || 50|| suhR^ida~NganAtanayasaukhyayutaH kR^iShitoyayAnajanitArthachayaH | shubhakIrtirudbhavati dehabhR^itAM yamadAyahAriNi bhR^igostanaye || 51|| maraNaM tu vA ripubhayaM satataM guruvargarugjaTharanetrarujA | dhanadhAnyavichyutiriha prabhavet\- ravijAyurAvishati tIvrakare || 52|| vanitAhatirmaraNameva nR^iNAM suhR^idAM vipattiratha rogabhayam | jalavAtajaM bhayamatIva bhavet\- ravijAyurAvishati rAtrikare || 53|| svapadachyutiH svajanavigraharuk\- jvaravAhnashastravishabhiratha vA | arivR^iddhirAntararugaxibhayaM ravijAyurAvishati bhumisute || 54|| apmArgayAnamasubhivirahastu atha vA pramehagurugulmabhayam | jvararukxatiH satatameva nR^iNA\- masitAntaraM vishati bhogipatau || 55|| amarArchanadvijagaNAbhiruchi\- rgR^ihaputradAravihatistu bhavet | dhanadhAnyavR^iddhiradhikA hi nR^iNAM gatavatyathArkivayasIndragurau || 56|| budha kI mahAdashA meM vividha antardashoM kA phala dharmArganiratirvivapashchitAM sa~Ngamo vimaladhIrghanaM dvijAt | vidyayA bahuyashaH sukhaM sadA chandraje harati vatsaraM svakam || 57|| duHkhashokakalahAkulAtmatA gAtrakampanamamitrasaMyutiH | xetrayAnvipyutiryadA bhavet\- somamasUnusharadaM gataH shikhI || 58|| devavipragurupUjanakriyA dAnadharmaparatAsamAgamaH | vastrabhUShaNasuhR^idyutirbhavedbodhanAyuShi samAgate site || 59|| hemavidrumatura~NgavAraNaprAvR^itaM bhavanamannapAnayuk | bhUpaterapi cha pUjanaM bhavedbhAnumAlini budhAbdakaM gate || 60|| mastakavyasanamaxipIDanaM kuShThadadrubahukaNThapIDanam | prANasaMshayayutirnR^iNAM bhavejGYAyuShaM vrajati shItadIghitau || 61|| agnibhItirapi netrajA rujA chorajaM bhayamatIva duHkhitA | sthAnahAniratha vAtarogitA GYAyuShaM harati medinIsute || 62|| mAnahAnirathavAshrayachyutiH svaxayo.agniviShatoyajaM bhayam | mastakAxijaTharaprapIDanaM shItarashmijadashAM gate.asure || 63|| vyAdhishatrubhayavichyutirbhave\- dbrahmasiddhiravanIshasatkR^itiH | dharmasiddhitapasAM samudgramo devamantriNi vido dashAM gate || 64|| arthadharmapariluptiruchchakaiH sarvakAryaviphalatvama~NginAm | shleShmavAtajanitA rugudbhave\- dvodhanAyuShi samAgate.asite || 65|| ketu kI mahAdashA meM vividha antardashoM kA phala ripujanakalahaM suhR^idvirodhaM tvashubhachaH shravaNaM jvarA~NgadAham | gamanaparadhAmni vittanAshaM shikhini labhet dashAM gate svakIyAm || 66|| dvijavarakalahaH striyA virodhaH svakulajanairapi kanyakAprasUtiH | paribhavajananaM paropatApo bhavati site shikhivatsarAntarAle || 67|| gurujanamaraNaM jvartAraH svajanavirodhavideshayAnalabhaH | nR^ipakR^itakalahaH kaphAnilAti\- rvishati ravau shikhivatsarAntarAlam || 68|| sulabhabahudhanaM tathaiva hAniH sutaviraho bahuduHkhabhAkprasUtiH | parijanayuvatiprajApralAbhaH shashini yadA shikhidAyamabhyupete || 69|| svakulajakalahaM svabandhunAshaM bhayamapi pannagajaM vadanti chorAt hutavahabhayashatrupIDanaM cha vrajatikuje dhvajanAmakhecharAyuH || 70|| arikR^itakalahaM nR^ipAgnichaurai\- rbhayamapi pannagajaM vadanti tajGYAH | khalajanavachanaM duriShTacheShTA samasi gate.atra shikhIndradAyamAhuH || 71|| sutavarajananaM surendrapUjA dharaNidhanAptirupAyanArthasiddhiH | dhanachayajananaM mahIshamAno bhavati gate.atra gurau shikhIndradAyam || 72|| parijanavihatiM paropatApaM ripujanavigrahama~Ngabha~NgatAM cha | dhanapadaviryutiM tathAhurAryA gatavati sUryasute shikhAdharAyuH || 73|| sutavarjananaM prabhuprashastiH xitidhanasiddhirarIshvaraprapIDA | pashukR^iShIvihatirbhavettu puMsAM vishati budhe shikhivatsarAntarAlam || 74|| shukra kI mahAdashA meM vividha antardashoM kA phala vasanabhUShaNavAhachandanA\- dyanubhavaH pramadAsukhasampadaH | dyutiyutiH xitipAddhanalabdhayo bhR^igusute svadashAM pravishatyapi || 75|| nayanakuxikapolagadodbhavaH xitibhR^ito bhayamasti sharIriNAm | gurukulodbhavabAndhavapIDanaM bhR^igusutAyuShi bhAnumati sthite || 76|| nakhashiroradanaxatiruchchakaiH pavanapittarugarthavinAshanam | grahaNigulmakayaxmakapIDanaM sitavayohR^iti tatra himalviShi || 77|| rudhirapittagadAtisamAshrayaH kanakatAmrachayAvanisaMgrahaH | suvatidUShaNamudyamavichyuti\- rvR^iShabhavallabhavatsarage kuje || 78|| nidhibhavaH sutalabdhirabhIShtavAk svajanapUjanamapyaribandhanam | dahanachoraviShodbhavapIDanaM tuladhareshvaravatsarage.asure || 79|| vividhadharmasureshanamaskriyA bhavati chAtmajavAmadR^igAgamaH | vividharAjyasukhaM cha sharIriNAM kavidashAhR^iti kArmukanAyake || 80|| nagarayodhanR^ipodbhavapUjanaM pravarayoShidavAptirathAsti vA | vividhavittaparichChadasaMyuti\- ditipUjitadAyagate shanau || 81|| tanayasaukhyamAgamasampadAM nichayalabdhiratiprabhutA yashaH | pavanapittakaphAtirarichyutir\- danujamantridashAhR^iti chandraje || 82|| sutasukhAdibahiH sthitiragnijaM bhayamatIva vinAshanama~Ngaruk | api cha vAravadhUjanasaMyutiH shikhini yAtyalamaushanasIm dashAm || 83|| dashApahAreShu phalaM yaduktaM varNAdhikArAnuguNaM vadantu | ChidreShu sUxmeShvapi tatphalAptiH ChAyA~NkavArtashravaNAni vA syuH || 84|| \medskip\hrule\medskip dvAviMsho.adhyAyaH kAlachakra dashA dasrAditaH pAdavashena meShAnn\- mInAmshakAntaM kramasho.apasavyam | kITAddhayAntaM gaNayechcha savya\- mArgeNa pAdakramasho.ajatArAt || 1|| evaM bhUyAchchApasavyaM cha savyaM bhAni trINi trINi vidyAtkrameNa | tadrAshIshaproktavarShairdashAsya devaM prAhuH kAlachakre mahAntaH || 2|| manuH paraH sanirdhanirnR^ipastapo vane kramAt | divAkaradivatsarAH shubhAshubhAptihetavaH || 3|| dasHapahArAdikakAlachakre vAkyAni dasrAdipadAdijAni | daxyAmi varNairnavabhirbhamAnai rAshIshavarShaiH paramAyuratra || 4|| pauraM gAvo mita sandigdhaM naxatrenduH sa tu bhUshUlam | rUpetraxannidhayora~Nge vANI chasthaM dadhi naxatram || 5|| dAsatvesho gaurIputraM xannidhikAro gobhUsheSham | saudadhinaxatrehAsanto bhaumaguruH putrAxonAdhiH || 6|| vAkyAnyetAnyashviyAmyarxayoryA\- nyashvinyAdyanyagnibhasyApasavye | savye.ajendvorvaxyamANeShu vAkye\- ShvindorvakyAnyeva raudrasya bhUyaH || 7|| dhenuH xetre purago shaMbhu\- stAsAM jatru xannidhi dAsI | charmAbhogI rAyadhinAxa\- strIpaurA~NgI shivatIrthAbje || 8|| traxanidhirdA sUchishaMbho saurayadhI naxatraM pAram | goshivatIrthe dAtrixnno dhIhasitAMshubhorgI ramyA || 9|| naxatrapAdaiShyaghaTI samutthA pUrvA dashA tatpativarShajAtA | pUrvoktapAdakramasho.atra vidyAt\- keShAMchidevaM matamAhurAryA || 10|| dasrAdipAdaprabhR^itIni bhAnAM vAkyAni yAnyaxarapaMktijAni | teShAM krameNaiva dashA prakalpyA vAkyakramaM sAdhviti kechidAhuH || 11|| vAkyakrame karkyalimInasandhau maNDUkagatyashvaraplutishcha | siMhAvalokastrividhA tadAnIM dashAntaraM duHkhaphalapradaM syAt || 12|| tadvAkyavarNakramashopahAra\- varShAhate tatparamAyurApte | tadA dashAyAmapahAravarSha\- saMkhyAshcha mAsAndivasAnvadeyuH || 13|| vAkyeShu yAvachCharadAM pramANaM vadanti tAvatparamAyuratra | meShAdanIkaM madanaM gajena tundaH punashchaivamudIritaM tat || 14|| utpanna AdhAna Aura xema mahAdashA mahAdashAsu yatphalaM prakIrtitaM mayA purA | tadeva yojayed budho dashAsu chaivamAdiShu || 15|| janmarxAtparatastu pa~nchamabhavA.athotpannasaMGYA dashA syAdAdhAnadashA.apyato.aShTamabhavAt xemAnmahAkhyA dashA | AsAmeva dashAvasAnasamaye mR^ityupradA syAnnR^iNAM svalpAnalpasamAyuShAM trivadhapa~ncharxeshadAyAntime || 16|| nisargadashA ekaM dve nava viMshatirdhR^itikR^itiH pa~nchAshadeShAM kramAt chandrArendujashukrajIvadinakR^iddaivAkarINAM samAH | svai svaiH puShTaphalA nisargajanitaiH paktirdashAyA kramA\- dante lagnadashA hubheti yavanA nechChanti kechittathA || 17|| aMshadashA liptIkR^itya bhajedrgrahaM khakhajinaistachChiShTamAyuShkalA AshAkhAshvihR^itAbdamadivasAH satyodite.amshAyuShI | vakriNyuchchagate trisa~NguNamidaM svAMshatribhAgottame dvighnaM nIchagate.ardhamapyatha dalaM mauDhye sitArkI vinA || 18|| sarvArddhatrikR^iteShuShaNmitalavahlAso.asatAmutkramA\- driHphAtsatsu dalaM tadA harati balyeko bahuShvekabhe | tryaMshonaM ripubhe vinA xitisutaM satyopadeshe dashA lagnasyAMshasamA balinyudayabhe.asyAtrApi tulyApi cha || 19|| tasyopadesho varamatra kintu kurvantyayogyaM bahuvargaNabhiH | AchAryakaM tvatra bahughnatAyAm eko tu yadbhuri tadeva kAryam || 20|| piNDAyurdashA dheyaM shUra shake shriyaM smaya pare nidrAH samA bhAskarAt piNDAkhyayuShi pUrvachcha haraNaM sarva vidadhyAdiha | lagne pApini bhaM vinodayalavairnighnaM natA~NgairhR^itaM tyAjyaM saumyanirIxite.ardhamR^iNamatrAyuShyabhiGYA viduH || 21|| lagnadashAmaMshasamAM balavatyaMshe vadanti paiNDAkhye | balayuktaM yadi lagnaM rAshisamaivAtra nAMshotvA || 22|| haraNaM nIche.arddhamR^iNaM syAtpUrNaM proktavarShamuchchagR^ihe | paiNDAdau vdyantarage prAGYaistrairAshikaM chintyam || 23|| paiNDAkhyamAyurbrurvate pradhAnaM maNitthachANakyamayAdayashcha | etanna sAdhvityavadadbhadanto varAhasUryasya tathaiva vAkyam || 24|| sUryAdikAnAM svamatena jIva\- sharma svarAMshaM paramAyuSho.atra | asyApi sarva haraNaM vidheyaM pUrvoktivallagnadashAmapIha || 25|| nR^INAM dvAdashavatsarA dashahatA hyAyuHpramANaM parai\- rAkhyAtaM paramaM shanestribhagaNaM yAvatparairIritam | kaishchichchandrasahasradarshanamiha proktaM kalau kintu yat vedoktaM sharadaH shataM hi paramAyurdAyamAchaxmahe || 26|| lagnAdityendukAnAmadhikabalavataH syAddashAdau tato.anyA tatkendrAdisthitAnAmiha bahuShu punarvIryato vIryasAmye | bahvAyurvarShadAtuH prathamaminavashAchchoditasyAbdasAmye vIryaM kintvatra sandhigrahavivarahataM bhAvasandhyantarAptam || 27|| aMshodbhavaM lagnabalAtprasAdhya\- mAyushcha piNDodbhavamarkavIryAt | naisargikaM chandrabalAtprasAdhyaM brUmasrayANAmapi vIryasAmye || 28|| teShAM trayANAmiha saMyutistu tribhirhR^itA saiva dashA prakalpyA | vIrye dvayoraikyadalaM tayoH syAt chejjIvasharmAyuramI balonAH || 29|| kAlachakradashA GYeyA chandrAMsheshe balAnvite | sadA naxatramArgeNa dashA balavatI smR^itA || 30|| samAH ShaShTidvighnA manujakariNAM pa~ncha cha nishA hayAnAM dvatriMshatkharakarabhayoH pa~nchakakR^itiH | virUpA sApyAyurvR^iShamahiShayodvadisha shunAM smR^itaM ChAgAdInAM dashakasahitAH ShaT cha paramam || 31|| ye dharmakarmaniratA vijitendriyA ye ye pathyabhojanajuSho dvijadevabhaktAH | loke narA dadhati ye kulashIlalilAM teShAmidaM kathitamAyurudAradhIbhiH || 32|| \medskip\hrule\medskip trayoviMsho.adhyAyaH praShTakavarga gocharagrahavashAnmanujAnAM yachChubhAshubhaphalAmyupalabdhyai | aShTavarga iti yo mahaduktastatprasAdhanamihAbhidadhe.aham || 1|| Alikhya samyagbhuvi rAshichakraM grahasthitiM tajjananapravR^ittam | tattadgraharxAtkramasho.aShtavargaM proktaM karotyaxavidhAnamatra || 2|| putrIvaMsAhidhanike.arkakujArkajebhyo muktAvvake suragurorbhR^igujAttathAshrIH | GYAdgomatIdhanaparA raviriShTadobjAt\- gItonnayepyudayabhAllaghutAnnapAtre || 3|| gItAsau janake raveH kalitasAnniShke tuShAradyuteH bhaumAChrIguNite dhanasya yugavanmAsAbdanitye budhAt | nIvAtkauravasajjanasya bhR^igujAdgUDhAtmasiddhAGYayA mandAdvANachaye tanIrgatinaye chandraH shubho gochare || 4|| tIxNAMshorgaNitAnake shishiragorlAxAya bhUmeH sutAt putrIvAsajanAya chandratanayAdgometake gIShpateH | tannAkAri sitAttadA kurushaneH kovAsadAdhenuko lagnAtsvAtkalitaM nayet xitisutaH xemaprado gochare || 5|| saumyAdyogashataM dhanaiH kururavermoShAdhikashrIrguroH tejo yatra yamArayoH puravasandigdhenaye bhArgavAt | putro garbhamahAndhake parabhR^itAM dAnAya lagnAtsudhA\- mUrteH prAvR^iShi jAnakI shashisutastvatra sthitashchechChubhaH || 6|| mArtAnDAtkaralAbhasajjadhanike chandrAdrumesAlike bhaumAtkiM prabhusUdanAya kuravaH shixAdhanADhye budhAt | putrI garbhasadAnake suraguroH svallaxmichandre shaneH shrImanto dhanikAH sitAtkarivisheShe siddhinityaM tanoH || 7|| jAtyAM shrIstu ravervidhoH puragavAmandolliputre tanoH paure lAbhamadAlike kurulavaM mohe dhaneDhye bhR^igoH | lobhastAllipare kujAdravisutAngarbhaM mahAbdhau naye GYAlaxmIchullake gurormadadhatADhyo.asau bhR^iguH saukhyadaH || 8|| raveryAtrAvIthIjanaya shashino laxaya shaneH guNestutyo bhaumAdgaNitanikaro.asau shubhakaraH | shatAkAre jIvAttadadhanapare GYAdudayabhAt kalAbhUtAnamye bhR^iguja chayakhe sUryatanayaH || 9|| iti nigaditamiShTaM neShTamanyadvisheShA\- dalikaphalavipAkaM janminAM tatra dadyuH | upachayagR^ihamitrasvochchagaiH puShTamiShTaM tvapachayagR^ihanIchArAtigairneShTasampat || 10|| kR^ivAShTavarga dyusadAM kriyAdi\- ShvaxairviMhIne mR^itirekabindoH | nAsho vyayo bhItibhayArthanArI\- shrIrAjyasiddhiH kramashaH phalAni || 11|| tattadgrahAdhiShThitasarvarAshIM\- statsaMGYitaM lagnamiti prakalpya | tebhyaH phalAnyaShTavidhAnyabhUvaM\- stattadgR^ihAdbhA vavashAdvadantu || 12|| tattadgraharxAshakatulyabhAMsha sthitA grahAshchAravashAdidAnIm | tathaiva tadbhAvasamutthitAni phalAni kurvanti shubhAshubhAni || 13|| kR^ite.aShtavarge sati kArakarxAt\- yadbhAvamuktA~Nkamupaiti kheTaH | tadbhAvapuShTiM sashubho.ashubho vA karotyanukte viparItameva || 14|| ekatra bhAve bahavo yadAnI\- muktA~NkagAshchAravashAdvrajanti | puShNanti tadbhAvaphalAni samyak tatkArakAttattanR^ipUrvabhAve || 15|| bindau sthite tatphalasiddhikAla vinirNayAya prahite.aShTavarge | bhAnyaShTadhA tatra vibhajya kaxA krameNa teShAM phalamAhuranye || 16|| prastArAShTakavargaH Alikhya chakraM nava pUrvarekhA yAmyottarasthA dasha cha trirekhAH | prastArakaM ShaNNavatiprakoShThaM pa~NktyaShTakaM chAShTakavargajaM syAt || 17|| horAshashIbodhanashukrasUrya\- bhaumAmarendrAchiMtabhAnuputrAH | yAmyAdipa~NktyaShTakarAshinAthAH krameNa tatbinduphalapradAH syuH || 18|| rAshyShTabhAgaprathamAMshakAle shanirdvitIye ty guruH phalAya | kaxAkrameNaivamihAntyabhAga\- kAle vilagnaM phaladaM pradiShTam || 19|| sarvagrahANAM prahite.aShTavarge tatkAlarAshisthitabinduyoge | aShTAxasaMkhyAdhikavindavashvet shubhaM tadune vyasanaM krameNa || 20|| yAvantastuhinarucheH shubhA~NkasaMsthA yAvantaH shubhabhavane himadyutervA | itthaM tadviditamihAdhike cha tebhyaH svastyUne vipaditi sUchitaM pareShAm || 21|| kartuH svajanmasamayAvasathagrahANAM kR^itvAShTavargakathitAxavidhAnamatra | bahvaxayogavashataH shubharAshimAsa\- bhAvagrahasthitiShu karmashubhaM vidadhyAt || 22|| pApo.api svagR^ihasthashchedbhAvavR^iddhiM karotyalam| nIchArAtigR^ihasthashchetkuryAdbhAvaxayaM dhruvam || 23|| svochchastho.api shubho bhAvahAniM duHsthAnapo yadi | susthAnapashchet svochchasthaH pApI bhAvAnukUlyakR^it || 24|| \medskip\hrule\medskip chaturviMsho.adhyAyaH praShTakavargaphala arkasthitasya navamo rAshiH pitR^igR^ihaH smR^itaH tadrAshiphalasaMkhyAbhirvarddhayechxodhyapiNDakam || 1|| saptaviMshahR^itAllabdhaM naxatraM yAti bhAnuje | tasmin kAle pitR^iklesho bhaveShyati na saMshayaH || 2|| tattrikoNagate vA.api pitR^itulyasya vA mR^itaH | saMyogaH shodhyashiShANAM shodhyapiNDa iti smR^itaH || 3|| lagnAtsukheshvarAMsheshadashAyAM cha pitR^ixayaH | sukhanAthadashAyAM vA pitR^itulyamR^itiM vadet || 4|| saMshodhya piNDaM sUryasya randhramAnena varddhayet | dvAdashena hatAchCheSharAshiM yAte divAkare || 5|| tattrikoNagate vA.api maraNaM tasya nirdishet | evaM grahANAM sarveShAM chintayenmatimAnnaraH || 6|| chandrAtsukhaphalaiH pinDaM hatvA sArAvasheShitam | shanau yAte mAtR^ihAniH trikoNarxagate.api vA || 7|| chandrAtsukhAShTameshaMshatrikoNe videsAdhipe | mAtuviMyogaM tanmAse nirdishlellagnataH pituH || 8|| bhaumAttR^ittIyarAshisthaphalaibhrAtR^igaNaM vadet | budhAtsukhaphalairbandhugaNaM vA mAtulasya cha || 9|| gurusthitasutasthAne yAvatAM vidyate phalam | shatrunIchagrahaM syaktvA sheShAstasyAtmajAH smR^itAH || 10|| guroraShTakavarge tu shodhyashiShTaphalAni vai | krUrarAshiphalaM tyaktvA sheShAstasyAtmajAH smR^itAH || 11|| phalAdhikaM bhR^igoryatra tatra bhAryAjaniryadi | tasyAM vaMshAbhivR^iddhiH syAdalpe xINArthasaMtatiH || 12|| shodhyapiNDaM shanerlagnAddhatvA randhraphalaiH sukhaiH | hR^itvAvasheShabhaM yAte mande jIve.api vA mR^itiH || 13|| lagnAdimandAntaphalaikyasaMkhyA\- varShe vipattistu tathArkaputrAt | yAvadvilaggAntaphalAni tasmin\- nAsho hi tadyogasamAnavarShe || 14|| aShTamastthaphalairlagnAtpiNDaM hatvA sukhairbhajet | phalamAyuvijAnIyAtprAgvadvelAM tu kalpayet trikoNa shodhana trikoNeShu tu yannyUnaM tattulyaM triShu shodhayet | ekasmin bhavane shUnye tatrikoNaM na shodhayet || 16|| bhavanadvayashUnye tu shodhayedanyamandiram | samatve sarvageheShu sarvaM saMshodhayettadA || 17|| ekAdhipatya shodhana trikoNashodhanAM kR^itvA prashchadaikAhipatyakam | xetredvaye phalAni syustadA saMshodhayetsudhIH || 18|| grahayukte phalairhIne grahAbhAve phalAdhike | Unena sadR^ishantvasmin shodhayedgrahavarjite || 19|| phalAdhike grahairyukte chAnyasmin sarvamtsR^ijet | sagrahAgrahatulyatve sarvaM saMshodhyamagrahAt || 20|| ubhAbhyAM grahahInAbhyAMsamatve sakalaM tyajet | ubhayorgrahasaMyukte na saMshodhyaM kadAchana || 21|| ekasmin bhavane shUnye na saMshodhyaM kadAchana | dvAvagrahau chedyannayUnaM tattulyaM shodhayeddvayoH || 22|| shodhyAvashiShTaM saMsthApya rAshimAnena varddhayet | grahayukte.api tadrAshau grahamAnena varddhayet || 23|| rAshi guNaka Aura graha guNaka gosiMhau dashaguNitau vasubhirmithunAlibhe | vaNi~NmeShau cha munibhiH kanyakAmakare sharaiH || 24|| sheShAH svamAnaguNitAH karkichApaghaTIbhuShAH | ete rAshiguNAH proktAH pR^ithaggrahaguNAH pR^ithak || 25|| jIvArashukrasaumyAnAM dashavasumaptendriyaiH kramAdguNitA | budhasaMkhyA sheShANAM rAshiguNAdgrahaguNaH pR^ithakkAryaH || 26|| evaM gunitvA saMyojya saptabhirguNayetpunaH | saptaviMshahR^itAlabdhavarShANyatra bhavanti hi || 27|| dvAdashAdguNayellabdhA mAsAharghatikAH kramAt | saptaviMshati varshANi maNDalaM shodhayetpunaH || 28|| anyo.anyamarddhaharaNaM grahayukte tu kArayet | nIche.arddhamastage.apyarddhaharaNaM teShu kArayet || 29|| shatruxetre tribhAgonaM dR^ishyArddhaharaNaM tathA | tryaMshonaharaNaM bha~Nge sUryendvoH pAtasaMshrayAt || 30|| bahutve haraNe prApte kArayedvalavattaram | pashchAttAn sakalAn kR^itvA varA~NgeNa vivarddhayet || 31|| mAta~NgalabdhaM shuddhAyurbhavatIti na saMshayaH | pUrvavaddinamAsAbdAn kR^itvA tasya dashA bhavet || 32|| evaM grahAnAM sarveShaM dashAM kuryAt pR^ithak pR^ithak | aShTavargadashAmArgaH sarveShAmuttamottamaH || 33|| balo baliShto lavaNAgamosuro rAgI murariH shikharIndragAthayA bhaumo gaNendro laghu