% Text title            : yaajuShajyotiSham
% File name             : yaajuShajyotiSha.itx
% Category              : jyotisha, sociology\_astrology
% Location              : doc\_z\_misc\_sociology\_astrology
% Transliterated by     : Sanjay Prabhakaran sanjaychettiar at gmail.com
% Proofread by          : Sanjay Prabhakaran sanjaychettiar at gmail.com
% Latest update         : May 21, 2009
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. yAjuShajyotiSham ..}##
\itxtitle{.. yAjuShajyotiSham ..}##\endtitles ##

paMchasaMvatsaramayaM yugAdhyakShaM prajApatim .
dinartvayanamAsAMgaM praNamya shirasA shuchiH .. 1..
jyotiShAmayanaM puNyaM pravakShyAmyanupUrvashaH .
viprANAM sammataM loke yaj~nakAlArtha siddhaye .. 2..
veda hi yaj~nArthamabhipravR^ittAH kAlAnupUrvyA vihitAshcha yaj~nAH .
tasmAdidaM kAlavidhAnashAstraM yo jyotiShaM veda sa veda yaj~nAn .. 3..
yathA shikhA mayUrANAM nAgAnAM maNayo yathA .
tadvadvedAMgashAstrANAM jyautiShaM mUrdhAni sthitam .. 4..
ye bR^ihaspatinA bhuktA mInAtprabhR^iti rAshayaH .
te hR^itAH paMchabhirbhUtA yaH sheShaH sa parigrahaH .. 0..
mAghashuklaprapannasya pauShakR^iShNasamApinaH .
yugasya paMchavarShasya kAlaj~nAnaM prachakShate .. 5..
svarAkramete somArkau yadA sAkaM savAsavau .
syAttadAdiyugaM mAghastapaH shuklo.ayanaM hyudak .. 6..
prapadyate shraviSThAdau sUryAchandramasAvudak .
sArpArdhe dakShiNArkastu mAghashrAvaNayoH sadA .. 7..
dharmavR^iddhirapAM prasthaH kShapAhrAsa udaggatau .
dakShiNe tau viparyAsaH ShaNmuhUrtyayanena tu .. 8..
prathamaM saptamaM chAhurayanAdyaM trayodasham .
chaturthaM dashamaM chaiva dviryugmaM bahulepyR^itau .. 9..
vasustvaShTA bhavo.ajashcha mitraH sarpo.ashvinau jalam .
dhAtA kashchAyanAdyAH syurardhapaMchamabhastvR^ituH .. 10..
ekAntare.ahni mAse cha pUrvAn kR^itvAdimuttaraH .
ardhayoH paMchavarShANAmR^idu paMchadashAShTamau .. 11..
dyuheyaM parva chetpAde pAdastriMshattu saikikA .
bhAgAtmanApavR^ijyAMshAn nirdishedadhiko yadi .. 12..
nirekaM dvAdashAbhyastaM dviguNaM gatasaMj~nikam .
ShaShTyA ShaShTyA yutaM dvAbhyAM parvaNAM rAshiruchyate .. 13..
syuH pAdo.ardhaMtripAdyAyA tridvayeka.ahnaH kR^itasthitim .
sAmyendostR^iNo.anye tu parvakAH paMcha sammitAH .. 14..
bhAMshAH syuraShTakAH kAryAH pakShadvAdashakodgatAH .
ekAdashaguNashchonaH shukle.ardhaM chaindavA yadi .. 15..
navakairudgatoMshaH syAdUnaH saptaguNo bhavet .
AvApastvayuje.ardhaM syAtpaulasye.AstaMgate.aparam .. 16..
jAvAdyaMshaiH samaM vidyAt pUrvArdhe parva sUttare .
bhAdAnaM syAchchaturdashyAM kAShThAnAM devinA kalAH .. 17..
jau drA gaH khe shve hI ro ShA shchinmUShakNyaH sUmAdhANaH .
re mR^i ghAH svApojaH kR^iShyo ha jyeShThA ityR^ikShA liMgaiH .. 18..
kAryA bhAMshAShTakAsthAne kalA ekAnnaviMshatiH .
unasthAne trisaptati mudvavapedUnasambhave .. 19..
tithimekAdashAbhyastAM parvabhAMshasamanvitAm .
vibhajya bhasamUhena tithinakShatramAdishet .. 20..
yAH parvAbhAdAnakalAstAsu saptaguNAM tithim .
yuktyA tAsAM vijAnIyAt tithibhAdAnikAH kalAH .. 21..
atItaparvabhAgebhyaH shodhayed dviguNAM tithim .
teShu maNDalabhAgeShu tithiniShThAMgato raviH .. 22..
viShuvantaM dvirabhyastaM rUponaM ShaDguNIkR^itam .
pakShA yadardhaM pakShANAM tithiH sa viShuvAn smR^itaH .. 23..
palAni paMchAshadapAM dhR^itAni tadADhakaM droNamataH prameyam .
tribhirvihInaM kuDvaistu kAryaM tannADikAyAstu bhavet pramANam .. 24..
ekAdashabhirabhyasya parvANi navabhistithim .
yugalabdhaM saparva syAd vartamAnArkabhaM kramAt .. 25..
sUryarkShabhAgAn navabhirvibhajya sheShAn dvirabhyasya dinopabhuktiH .
titheryutA bhuktidineShu kAlo yogo dinaikAdashaken tadbham .. 26..
tryaMsho bhasheSho divasAMshabhAgashchaturdashasyApyapanIya bhinnam .
bhArdhe.adhike chAdhigate paroM.ashodvAvuttame tannavakairavetya .. 27..
triMshatyahnAM saShaTShaShTirabdaH ShaT chartavo.ayane .
mAsA dvAdasha sauryAH syuretat paMchaguNaM yugam .. 28..
udayAvAsavasya syurdinarAshi sapaMchakaH .
R^iSherdviShaShTihInaH syAd viMshatyA chaikayAstR^iNAm .. 29..
paMchatriMshaM shataM pauShNam ekonamayanonyR^iSheH .
parvaNAM syAchchatuShpAdI kAShThAnAM chaiva tAH kalAH .. 30..
sAvanendustR^imAsAnAM ShaShTiH saikadvisaptikA .
dyustriMshat sAvanaH sArdhaH saurastR^iNAM sa paryayaH .. 31..
agniH prajApatiH somo rudroditibR^ihaspatI .
sarpAshcha pitarashchaiva bhagashchaivAryamApi cha .. 32..
savitA tvaShTAtha vAyushchendrAgnI mitra eva cha .
indro niR^ItirApo vai vishvedevAstathaiva cha .. 33..
viShNurvasavo varuNoo.ajekapAt tathaiva cha .
ahirbudhnyastathA pUShA ashvinau yama eva cha .. 34..
nakShatradevatA etA etAbhiryaj~nakarmaNi .
yajamAnasya shAstraj~nairnAma nakShatrajaM smR^itam .. 35..
ugrANyArdrA cha chitrA cha vishAkhA shravaNoshvayuk .
krUraNi tu maghAsvAtI jyeShTA mUlaM yamasya cha .. 36..
dyUnaM dviShaShTibhAgena j~ne ##(##he##)## yaM sauraM sapArvaNam .
yatkR^itAvupajAyete madhye.ante chAdhimAsakau .. 37..
kalA dasha saviMshA syAd dve muhurtasya nADike .
dyustriMshat tatkalAnAM tu ShaTshatI tryadhikA bhavet .. 38..
sasaptamaM bhayuk somaH sUryo dyUni trayodasha .
navamAni tu paMchAhnaH kAShThA paMchAkSharA bhavet .. 39..
yaduttarasyAyanato gataM syAch CheShaM tathA dakShiNato.ayanasya .
tadekaShaShTyAdviguNaM vibhaktaM sadvAdashaM syAd divasapramANam .. 40..
yadardhaM dinabhAgAnAM sadA parvaNi parvaNi .
R^ItusheShaM tu tad vidyAt saMkhyAya saha sarvaNAm .. 41..
ityupAyasamuddesho bhUyopyahnaH prakalpayet .
j~neyarAshiM gatAbhyastaM vibhajejj~nAnarAshinA .. 42..
ityetanmAsavarShANAM muhUrtodayaparvaNAm .
dinartvayanamAsAMgaM vyAkhyAnaM lagadho.abravIt .. 00..
somasUryastR^icharitaM vidvAn vedavidashnute .
somasUryastR^icharitaM lokaM loke cha sammatim .. 43..
.. iti yAjuShajyotiShaM samAptam ..
##
Encoded and proofread by
Sanjay Prabhakaran sanjaychettiar at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}