नन्वोर् विभाषा ३।२।१२१

भूते इत्येव। नशब्दे नुशब्दे च उपपदे पृष्टप्रतिवचने विभषा लट् प्रत्ययो भवति भूते। अकार्षीः कटं देवदत्त? न क्रोमि भोः, नाकार्षम्। अहं नु करोमि, अहं नु अकार्षम्।

नन्वोर्विभाषा ६०५, ३।२।१२१

नन्वोर्विभाषा। न नु अनयोद्र्वन्द्वः। तदाह-- नशब्दे नुशब्दे चेति। लड्वा स्यादिति "भूते" इति शेषः। अकार्षीः किमिति प्रश्नः। न कोरमि, नाकार्षमित्युत्तरम्। अहं नु करोमि, अहं न्वकार्षमिति च। "तर्के नु स्या"दित्यमरः।

नन्वोर्विभाषा ४९७, ३।२।१२१

नन्वोः। भृत इत्येव। पक्षे लुङ्। अनद्यतने तु लङ्। पक्षे यथाप्राप्तमिति। लुङ्लटोरभावपक्षे लङ्, पारोक्ष्ये तु लिडित्यर्थः। भविष्यतीति। "भविष्यति गम्यादयः" इति सूत्रात्।