दाधेट्सिशदसदो रुः ३।२।१५९

दा धेट् सि शद सद इत्येतेभ्यः रुः प्रत्ययो भवति। दरुः। धारुर्वत्सो मातरम् न लौकाव्ययनिष्ठाखलर्थतृनाम् २।३।६९ इति उकारप्रश्लेषात् षष्ठी न भवति। सेरुः। शद्रुः। सद्रुः।

दाधेट्सिशदसदो रुः। , ३।२।१५९

"डुदाञ् दाने" (धा।पा।१०९१), "दो अवखण्डने"(धा।पा।११४८), "देङ रक्षणे"(धा।पा।९६२)--त्रयाणामिह ग्रहणम्; "गामादाग्रहणेष्वविशेषः" (व्या।प।१२४) इति वचनात्। "धेट् पाने"(धा।पा।९०२), षिञ् बन्धने" (धा।पा।१४७७), "शद्लृ शातने" (धा।पा।१४२८), "षद्लृ विशरणगत्यवसादनेषु" (धा।पा।१४२७)। अथ "धारुर्वत्सो मातरम्" इति कथमत्र द्वितीया, यावता "कर्त्तृकर्मणोः कृति" २।३।६५ इति षष्ठ()आ भवितव्यमित्यत आह-- "न लोकाव्ययनिष्ठा" इति। उको य उकारस्तेन सहाकः सवर्णदीर्घत्वेन प्रश्लिष्टः, तेन तदन्तविधौ विज्ञायमाने उकारान्तस्य प्रत्ययस्य प्रयोगे षष्ठी न भवति, तेन द्वितीयैव भवतीति न षष्ठी। नन्विह तर्हि-- कटं चिकीर्षुरिति प्रतिषेधो न स्यात्, उप्रत्यय्सयानुकारान्तत्वात्। घिनुणपि बवति। छन्दस्युकारान्तत्वात् "आदृगमहन" ३।२।१७१ इत्यादिना किकिनावपि भवतः॥

दाधेट्?सिशदसदो रुः ९४१, ३।२।१५९

दाधेट्। दा, धेट्, सि, शद्, सद् एषां द्वन्द्वात्पञ्चमी। एभ्यो रुप्रत्ययः स्यात्तच्छीलादिष्वित्यर्थः।

दाधेट्सिशदसदोः रुः ७७४, ३।२।१५९

दाधेट्। डुदाञ्()दोडेङां त्रयाणामेव ग्रहणं,न तु दाण्()दापोरित्याहुः।