सङ्ख्यासुपूर्वस्य ५।४।१४०

सङ्ख्यापूर्वस्य सुपूर्वस्य च बहुव्रीहेः पादशब्दान्तस्य लोपो भवति समासान्तः। द्वौ पादौ अस्य द्विपात्। त्रिपात्। शोभनौ पादौ अस्य सुपात्।

संख्यासुपूर्वस्य ९७८, ५।४।१४०

पादस्य लोपः स्यात्समासान्तो बहुव्रीहौ। द्विपात्। सुपात्॥

संख्यासुपूर्वस्य। , ५।४।१४०

अनुपमानार्थमिदम्()॥

सङ्ख्यासुपूर्वस्य ८६९, ५।४।१४०

सङ्ख्यासुपूर्वस्य। शेषपूरणेन सूत्रं व्याचष्टे--पादस्येति। उपमानात्परत्वाऽभावादप्राप्तौ वचनम्। द्विपादिति। द्वौ पादावस्येति विग्रहः। सुपादिति। शोभनौ पादावस्येति विग्रहः।