भञ्जेश् च चिणि ६।४।३३

भञ्जेश्च चिणि परतो विभाषा नकारलोपो भवति। अभाजि, अभञ्जि। अप्राप्तो ऽयं नलोपः पक्षे विधीयते, ततो न इति न अनुवर्तते।

भञ्जेश्च चिणि ७६१, ६।४।३३

नलोपो वा स्यात्। अभाजि, अभञ्जि॥ लभ्यते॥

भञ्जेश्च चिणि। , ६।४।३३

चकारः "विभाषा" ६।४।३२ इत्यनुकर्षणार्थः। "अभाजि" इति। पूर्वमेव व्युत्पादितम्()। "अप्राप्तोऽयं नकारलोपः" इति। क्ङिति नलोपविधानात्(), चिणश्चाक्ङित्वात्()। अतः प्रतिषेध्याभाबान्नति नानुवर्तते। तेन विधिरेवायमित्यभिप्रायः॥

भञ्जेश्च चिणि ५८९, ६।४।३३

भञ्जेश्च चिणि। "श्नान्नलोपः" इत्यतो नेति अभाजीति। नलोपपक्षे उपधावृद्धिः।