अधःशिरसी पदे ८।३।४७

अधस् शिरसित्येतयोः विसर्जनीयस्य समासे अनुत्तरपदस्थस्य सकारः आदेशो भवति पदशब्दे परतः। अधस्पदम्। शिरस्पदम्। अधस्पदी। शिरस्पदी। समासे इत्येव, अधः पदम्। अनुत्तरपदस्थस्य इत्येव, परमशिरःपदम्। अधस्पदम् इति मयूरव्यंसकादित्वात् समासः।

अधःशिरसी पदे। , ८।३।४७

"अथःशिरसो" इति। सुब्व्यत्ययेन षष्ठ्याः स्थाने प्रथमा। "पदशब्दे परतः" इति एतेन पद इति स्वरूपस्य ग्रहणम्(); न पारिभाषिकस्येति दर्शयति। यदि हि पारिभाषिकस्य ग्रहणं स्यात्(), पदग्रहणमनर्थकं स्यात्()। समासाधिकारादेव तस्य लब्धत्वादित्यभिप्रायः। "शिरस्पदम्()" इति। षष्ठीसमासः॥