%@@1
% File name             : dn11.itx
%--------------------------------------------
% Text title            : Dnyaneshvari or Bhavarthadipika Chapter 11
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 11 ..}##
\itxtitle{.. j~nAneshvarI bhAvArthadIpikA adhyAya 11 ..}##\endtitles ##
%Start of 11@
|| AUM shrI paramAtmane namaH ||
adhyAya akarAvA |
vishvaruupadarshanayogaH |

AtAM yAvarI ekAdashIM| kathA Ahe dohIM rasIM| yetha pArthA vishvarUpeMsIM| ho{I}la bheTI || 1||
jetha shAMtAchiyA gharA| adbhuta AlA Ahe pAhuNerA| ANi yerAMhI rasAM pAMtikarAM| jAhalA mAnu || 2||
aho vadhuvarAMchiye miLaNIM| jaishI varADiyAM lugaDIM leNIM| taise deshiyechyA sukhAsanIM| miravile rasa || 3||
parI shAMtAd{}bhuta barave| je DoLiyAMchyA aMjuLIM ghyAveM| jaise harihara premabhAveM| Ale kheMvA || 4||
nA tarI aMvasechyA divashIM| bheTalIM biMbeM donI jaishIM| tevIM ekavaLA rasIM| kelA etha || 5||
mInale gaMgeyamuneche ogha| taiseM rasAM jAhaleM prayAga| mhaNauni susnAta hota jaga| AghaveM etha || 6||
mAjIM gItA sarasvatI gupta| ANi donI rasa te ogha mUrta| yAlAgIM triveNI he uchita| phAvalI bApA || 7||
etha shravaNAcheni dvAreM| tIrthIM righatAM sopAreM| j~nAnadevo mhaNe dAtAreM| mAjheni keleM || 8||
tIreM saMskR^itAchIM gahaneM| toDoni maRhAThiyAM shabdasopAneM| rachilI dharmanidhAneM| shriinivR^ittideveM || 9||
mhaNauni bhalateNeM etha sad{}bhAveM nAhAveM| prayAgamAdhava vishvarUpa pahAveM| yetuleni saMsArAsi dyAveM| tiLodaka || 10||
heM aso aiseM sAvayava| etha sAsinnale AthI rasabhAva| tetha shravaNasukhAchI rANIva| joDalI jagA || 11||
jetha shAMtAd{}bhuta rokaDe| ANi yerAM rasAM paDapa joDe| heM alpachi parI ughaDeM| kaivalya etha || 12||
to hA akarAvA adhyAyo| jo devAchA ApaNapeM visaMvatA ThAvo| parI arjuna sadaivAMchA rAvo| jo ethahI pAtalA || 13||
etha arjunachi kAya mhaNoM pAtalA| Aji AvaDatayAhI sukALu jAhalA| je gItArthu hA AlA| maRhAThiye || 14||
yAchilAgIM mAjheM| vinavileM A{i}kije| tarI avadhAna dIje| sajjanIM tumhI || 15||
tevIMchi tumhAM saMtAMchiye sabhe| aisI salagI kIra karUM na labhe| parI mAnAveM jI tumhI lobheM| apatyA maja || 16||
aho puMsA ApaNachi paDhavije| maga paDhe tarI mAthA tukije| kAM karavileni chojeM na rijhe| bALakA mAya || 17||
tevIM mI jeM jeM boleM| teM prabhu tumacheMchi shikavileM| mhaNauni avadhArijo ApuleM| ApaNa devA || 18||
heM sArasvatAcheM goDa| tumhIMchi lAvileM jI jhADa| tarI AtAM avadhAnAmR^iteM vADa| siMponi kIje || 19||
maga heM rasabhAva phulIM phulela| nAnArtha phaLabhAreM phaLA ye{I}la| tumacheni dharmeM ho{I}la| suravADu jagA || 20||
yA bolA saMta rijhale| mhaNatI toShaloM gA bhaleM keleM| AtAM sAMgaiM jeM bolileM| arjuneM tetha || 21||
taMva nivR^ittidAsa mhaNe| jI kR^iShNArjunAMcheM bolaNeM| mI prAkR^ita kAya sAMgoM jANeM| parI sAMgavA tumhI || 22||
aho rAnIMchiyA pAlekhA{i}rA| nevANeM karavile laMkeshvarA| ekalA arjuna parI axauhiNI akarA| na jiNechi kA{I} \? || 23||
mhaNauni samartha jeM jeM karI| teM na ho na ye charAcharIM| tumhI saMta tayAparI| bolavA mAteM || 24||
AtAM bolijataseM A{i}kA| hA gItAbhAva nikA| jo vaikuMThanAyakA\-| mukhauni nighAlA || 25||
bApa bApa graMtha gItA| jo vedIM pratipAdya devatA| to shrIkR^iShNa vaktA| jiye graMthIM || 26||
tethiMche gaurava kaiseM vAnAveM| jeM shrIshaMbhUchiye matI nAgave| teM AtAM namaskArije jIveMbhAveM| heMchi bhaleM || 27||
maga A{i}kA to kirITI| ghAlUni vishvarUpIM diThI| pahilI kaisI goThI| karitA jAhalA || 28||
heM sarvahI sarveshvaru| aisA pratItigata jo patikaru| to bAherI hoAvA gocharu| lochanAMsI || 29||
he jivA{A}MtulI chADa| parI devAsi sAMgatAM sAMkaDa| kAM jeM vishvarUpa gUDha| kaiseni pusAveM \? || 30||
mhaNe mAgAM kavaNIM kahIM| jeM paDhiyaMteneM pusileM nAhIM| te sahasA kaiseM kA{I}| sAMgA mhaNoM \? || 31||
mI jarI salagIchA chAMgu| tarI kAya A{i}sIhUnI aMtaraMgu| parI tehI hA prasaMgu| bihAlI pusoM || 32||
mAjhI AvaDe taisI sevA jAhalI| tarI kAya ho{I}la garuDAchiyA yetulI \?| parI tohI heM bolI| karIchinA || 33||
mI kAya sanakAdikAMhUni javaLAM| parI tayAMhI nAgavechi hA chALA| mI AvaDena kAya premaLAM| gokuLIMchiyA aisA \? || 34||
tayAMteMhI lekurapaNeM jhakavileM| ekAche garbhavAsahI sAhile| parI vishvarUpa heM rAhavileM| na dAvIcha kavaNA || 35||
hA ThAyavarI guja| yAchiye aMtarIcheM heM nija| kevIM urA{u}rI maja| pusoM ye pAM \? || 36||
ANi na puseMchi jarI mhaNe| tarI vishvarUpa dekhiliyAviNeM| sukha nohechi parI jiNeM| teMhI vipAyeM || 37||
mhaNauni AtAM pusoM aLumALaseM| maga karUM devA AvaDe taiseM| yeNeM pravartalA sAdhvaseM| pArthu boloM || 38||
parI teMchi aiseni bhAveM| jeM ekA doM uttarAMsaveM| dAvI vishvarUpa AghaveM| jhADA de{}unI || 39||
aho vAMsarUM dekhiliyAchisAThIM| dhenu khaDabaDoni moheM uThI| maga stanAmukhAchiye bheTI| kAya pAnhA dhare \? || 40||
pAhA pAM tayA pAMDavAcheni nAMveM| jo kR^iShNa rAnIMhI pratipALUM dhAve| tayAMteM arjuneM jaMva pusAveM| taMva sAhIla kA{I} \? || 41||
to sahajeMchi snehAcheM avataraNa| ANi yeru snehA ghAtaleM Ahe mAjavaNa| aisiye miLavaNI vegaLepaNa| ure heMchi bahu || 42||
mhaNauni arjunAchiyA bolAsarisA| deva vishvarUpa ho{I}la ApaisA| tochi pahilA prasaMgu aisA| aikije tarI || 43||

\indent ##\hspace{1in}## arjuna uvAcha |
\indent ##\hspace{1in}## madanugrahAya parama.n guhyamadhyAtmasa.nj~nitam.h |
\indent ##\hspace{1in}## yatvayok{}ta.n vachastena moho.aya.n vigato mama || 1||\newline%@

maga pArthu devAteM mhaNe| jI tumhI majakAraNeM| vAchya keleM jeM na bolaNeM| kR^ipAnidhe || 44||
jaiM mahAbhUteM brahmIM ATatI| jIva mahadAdIMche ThAva phiTatI| taiM jeM deva ho{U}ni ThAkatI| teM visavaNeM sheShIMcheM || 45||
hoteM hR^idayAchiye parivarIM| roMvileM kR^ipaNAchiye parI| shabdabrahmAsahI chorI| jayAchI kelI || 46||
teM tumhIM Aji ApuleM| majapuDhAM hiyeM phoDileM| jayA adhyAtmA vovALileM| aishvarya hareM || 47||
te vastu maja svAmI| ekiheLAM didhalI tumhI| heM boloM tarI AmhI| tuja pAvoni kaiMche || 48||
parI sAchachi mahAmohAchiye purIM| buDAleyA dekhoni sIsavarI| tuvAM ApaNapeM ghAloni shrIharI| maga kADhileM mAteM || 49||
eka tUMvAMchUni kAMhIM| vishvIM dujiyAchI bhASha nAhIM| kIM AmucheM karma pAhIM| je AmhIM AthI mhaNoM || 50||
mI jagIM eka arjunu| aisA dehIM vAhe abhimAnu| ANi kauravAMteM iyAM svajanu| ApuleM mhaNeM || 51||
yAhIvarI yAMteM mI mArIna| mhaNeM teNeM pApeM keM rigena| aiseM dekhata hotoM duHsvapna| toM chevavilA prabhu || 52||
devA gaMdharvanagarIchI vastI| soDUni nighAloM laxmIpatI| hotoM udakAchiyA ArtI| rohiNI pIta || 53||
jI kiraDUM tarI kApaDAcheM| parI laharI yeta hotiyA sAcheM| aiseM vAyAM maratayA jIvAcheM| shreya tuvAM ghetaleM || 54||
ApuleM pratibiMba neNatA| siMha kuhAM ghAlIla dekhoni AtAM| aisA dharije tevIM anaMtA| rAkhileM mAteM || 55||
eRhavIM mAjhA tarI yetulevarI| etha nishchaya hotA avadhArIM| jeM AtAMchi sAtAMhI sAgarIM| ekatra miLije || 56||
heM jagachi AghaveM buDAveM| varI AkAshahi tuToni paDAveM| parI jhuMjaNeM na ghaDAveM| gotrajeshIM maja || 57||
aisiyA ahaMkArAchiye vADhI| miyAM AgrahajaLIM didhalI hotI buDI| chAMgachi tUM javaLAM eRhavIM kADhI| kavaNu mAteM || 58||
nAthileM ApaNa pAM eka mAnileM| ANi navhatayA nAma gotra ThevileM| thora piseM hoteM lAgaleM| pari rAkhileM tumhI || 59||
mAgAM jaLata kADhileM joharIM| taiM teM dehAsIcha bhaya avadhArIM| AtAM he joharavAhara dusarI| chaitanyAsakaTa || 60||
durAgraha hiraNyAxeM| mAjhI buddhi vasuMdharA sUdalI kAkhe| maga mAhArNava gavAxeM| righoni ThelA || 61||
tetha tujheni gosAvIpaNeM| ekaveLa buddhIchiyA ThAyA yeNeM| heM dusareM varAha hoNeM| paDileM tuja || 62||
aiseM apAra tujheM keleM| ekI vAchA kAya mI boleM| parI pAMchahI pAlava mokalile| majapratI || 63||
teM kAMhIM na vachechi vAyAM| bhaleM yasha phAvaleM devarAyA| je sAdyaMta mAyA| nirasilI mAjhI || 64||
AjIM AnaMdasarovarIMchIM kamaLeM| taise he tujhe DoLe| ApuliyA prasAdAchIM rA{u}LeM| jayAlAgIM karitI || 65||
hAM ho tayAhI ANi mohAchI bheTI| he kAyasI pAbaLI goThI \?| ke{}utI mR^igajaLAchI vR^iShTI| vaDavAnaLeMsIM \? || 66||
ANi mI taMva dAtArA| ye kR^ipechiye righoni gAbhArAM| gheta AheM chArA| brahmarasAchA || 67||
teNeM mAjhA jI moha jAye| etha vismo kAMhIM Ahe \?| tarI uddharaloM kIM tujhe pAye| shivatale AhAtI || 68||

\indent ##\hspace{1in}## bhavApyayau hi bhUtAnA.n shrutau vistarasho mayA |
\indent ##\hspace{1in}## tvattaH kamalapatrAkSha mAhAtmyamapi chAvyayam.h || 2||\newline%@

paiM kamalAyataDoLasA| sUryakoTitejasA| miyAM tujapAsoni maheshA| parisileM AjIM || 69||
iyeM bhUteM jayAparI hotI| athavA layA hana jaiseni jAtI| te majapuDhAM prakR^itI| vivaMchilI deveM || 70||
ANi prakR^itI kIra ugANA didhalA| vari puruShAchAhI ThAvo dAvilA| jayAchA mahimA pAMgharoni jAhalA| dhaDautA vedu || 71||
jI shabdarAshI vADhe jiye| kAM dharmA{ai}shiyA ratnAMteM viye| te ethiMche prabheche pAye| voLage mhaNauni || 72||
aiseM agAdha mAhAtmya| jeM sakaLamArgaikagamya| jeM svAtmAnubhavaramya| teM iyAparI dAvileM || 73||
jaisA keru phiTaliyA AbhALIM| diThI rige sUryamaMDaLIM| kAM hAteM sArUni bAbuLIM| jaLa dekhije || 74||
nAtarI ukalatayA sApAche veDhe| jaiseM chaMdanA kheMva deNeM ghaDe| athavA vivasI paLe maga chaDhe| nidhAna hAtAM || 75||
taisI prakR^itI he ADa hotI| te deveMchi sAroni parautI| maga paratattva mAjhiye matI| shejAra keleM || 76||
mhaNauni iyeviShayIMchA maja devA| bharaMvasA kIra jAhalA jIvA| parI ANIka eka hevA| upanalA ase || 77||
to bhiDAM jarI mhaNoM rAhoM| tarI AnA kavaNA pusoM jAvoM| kAya tujavAMchoni ThAvo| jANata AhoM AmhI \? || 78||
jaLacharu jaLAchA AbhAru dharI| bALaka stanapAnIM uparodhu karI| tarI tayA jiNayA shrIharI| Ana upAyo ase \? || 79||
mhaNauni bhIDa sAMkaDI na dharave| jIvA AvaDe teMhI tujapuDhAM bolAveM| taMva rAheM mhaNitaleM deveM| chADa sAMgaiM || 80||

\indent ##\hspace{1in}## evametadyathA.a.attha tvamAtmAna.n parameshvara |
\indent ##\hspace{1in}## draShTumichchhAmi te rUpamaishvara.n puruShottama || 3||\newline%@

maga bolilA to kirITI| mhaNe tumhIM kelI je goThI| tiyA pratItIchI diThI| nivAlI mAjhI || 81||
AtAM jayAcheni saMkalpeM| he lokaparaMparA hoya hArape| jayA ThAyAteM ApaNapeM| mI aiseM mhaNasI || 82||
teM muddala rUpa tujheM| jethUni iyeM dvibhujeM hana chaturbhujeM| surakAryAcheni vyAjeM| ghevoM ghevoM yesI || 83||
paiM jaLashayanAchiyA avagaNiyA| kAM matsya kUrma iyA miravaNiyA| kheLu saraliyA tUM guNiyA| sAMThavisI jetha || 84||
upaniShadeM jeM gAtI| yogiye hR^idayIM rigoni pAhAtI| jayAteM sanakAdika AhAtI| poTALuniyAM || 85||
aiseM agAdha jeM tujheM| vishvarUpa kAnIM aikije| teM dekhAvayA chitta mAjheM| utAvILa devA || 86||
deveM pheDUniyAM sAMkaDa| lobheM pusilI jarI chADa| tarI heMchi ekIM vADa| ArtIM jI maja || 87||
tujheM vishvarUpapaNa AghaveM| mAjhiye diThIsi gochara hoAveM| aisI thora Asa jIveM| bAMdhoni AheM || 88||

\indent ##\hspace{1in}## manyase yadi tachchhakya.n mayA draShTumiti prabho |
\indent ##\hspace{1in}## yogeshvara tato me tva.n darshayA.atmAnamavyayam.h || 4||\newline%@

parI ANIka eka etha shAra~NgI| tuja vishvarUpAteM dekhAvayAlAgIM| paiM yogyatA mAjhiyA AMgIM| ase kIM nAhIM || 89||
heM ApaleM ApaNa mI neNeM| teM kAM neNasI jarI deva mhaNe| tarI sarogu kAya jANe| nidAna rogAcheM \? || 90||
ANi jI ArtIcheni paDibhareM| Artu ApulI ThAkI paiM visare| jaisA tAnhelA mhaNe na pure| samudra maja || 91||
aishA sachADapaNAchiye bhulI| na sAMbhALave samasyA ApulI| yAlAgIM yogyatA jevIM mA{u}lI| bAlakAchI jANe || 92||
tayAparI shrIjanArdanA| vichArijo mAjhI saMbhAvanA| maga vishvarUpadarshanA| upakrama kIje || 93||
tarI aisI te kR^ipA karA| eRhavIM navhe heM mhaNA avadhArA| vAyAM paMchamAlApeM badhirA| sukha ke{}uteM deNeM \? || 94||
eRhavIM yekale bApiyAche tR^iShe| megha jagApurateM kAya na varShe \?| parI jahAlIhI vR^iShTi upakhe| jaRhI khaDakIM hoya || 95||
chakorA chaMdrAmR^ita phAvaleM| yerA ANa vAhUni kAya vArileM \?| parI DoLyAMvINa pAhaleM| vAyAM jAya || 96||
mhaNauni vishvarUpa tUM sahasA| dAvisI kIra hA bharavaMsA| kAM je kaDADAM ANi gahiMsA\-| mAjI nItya navA tUM kIM || 97||
tujheM audArya jANoM svataMtra| detAM na mhaNasI pAtrApAtra| paiM kaivalyA aiseM pavitra| jeM vairiyAMhI didhaleM || 98||
moxu durArAdhyu kIra hoya| parI tohI ArAdhI tujhe pAya| mhaNauni dhADisI tetha jAya| pA{i}ku jaisA || 99||
tuvAM sanakAdikAMcheni mAneM| sAyujyIM saurasu didhalA pUtane| je viShAcheni stanapAneM| mArUM AlI || 100||
hAM gA rAjasUya yAgAchiyA sabhAsadIM| dekhatAM tribhuvanAchI mAMdI| kaisA shatadhA durvAkya shabdIM| nistejilAsI || 101||
aishiyA aparAdhiyA shishupALA| ApaNapeM ThAvo didhalA gopALA| ANi uttAnacharaNAchiyA bALA |
                                        kAya dhruvapadIM chADa \? || 102||
to vanA AlA yAchilAgIM| je baisAveM pitayAchiyA utsaMgIM| kIM to chaMdrasUryAdikAMparisa jagIM| shlAghyu kelA || 103||
aisA vanavAsiyA sakaLAM| detAM ekachi tUM dhasALA| putrA ALavitAM ajAmiLA| ApaNapeM desI || 104||
jeNeM urIM hANitalAsi pAMparA| tayAchA charaNu vAhAsI dAtArA| ajhunI vairiyAMchiyA kalevarA| visaMbasInA || 105||
aisA apakAriyAM tujhA upakAru| tUM apAtrIMhI parI udAru| dAna mhaNauni dAravaMThekaru| jAhalAsI baLIchA || 106||
tUMteM ArAdhI nA AyakeM| hotI puMsA bolAvita kautukeM| tiye vaikuMThIM tuvAM gaNike| suravADu kelA || 107||
aisIM pAhUni vAyANIM miSheM| ApaNapeM devoM lAgasI vAnivaseM| to tUM kAM anAriseM| majalAgIM karisI || 108||
hAM gA dubhatayAcheni pavADeM| je jagAcheM pheDI sAMkaDeM| tiye kAmadhenUche pADe| kAya bhukele ThAtI \? || 109||
mhaNauni miyAM jeM vinavileM kAMhIM| teM deva na dAkhavitI heM kIra nAhIM| parI dekhAvayAlAgIM de{I}M| pAtratA maja || 110||
tujheM vishvarUpa AkaLe| aise jarI jANasI mAjhe DoLe| tarI ArtIche DohaLe| puravIM devA || 111||
aisI ThAyeMThAvo vinaMtI| jaMva karUM saralA subhadrApatI| taMva tayA ShaDguNachakravartI| sAhavechinA || 112||
to kR^ipApIyUShasajaLu| ANi yeru javaLAM AlA varShAkALu| nAnA kR^iShNa kokiLu| arjuna vasaMtu || 113||
nAtarI chaMdrabiMba vAToLeM| dekhoni xIrasAgara uchaMbaLe| taisA duNeMhI varI premabaLeM| ullasitu jAhalA || 114||
maga tiye prasannatecheni ATopeM| gAjoni mhaNitaleM sakR^ipeM| pArthA dekha dekha amupeM| svarUpeM mAjhIM || 115||
eka vishvarUpa dekhAveM| aisA manorathu kelA pAMDaveM| kIM vishvarUpamaya AghaveM| karUni ghAtaleM || 116||
bApa udAra devo aparimitu| yAchaka svechChA sadoditu| ase sahasravarI detu| sarvasva ApuleM || 117||
aho sheShAchehi DoLe chorile| veda jayAlAgIM jhakavile| laxmIyehI rAhavileM| jivhAra jeM || 118||
teM AtAM prakaTunI anekadhA| karIta vishvarUpadarshanAchA dhAMdA| bApa bhAgyA agAdhA| pArthAchiyA || 119||
jo jAgatA svapnAvasthe jAye| to jevIM svapnIMcheM AghaveM hoye| tevIM anaMta brahmakaTAha Ahe| ApaNachi jAhalA || 120||
te sahasA mudrA soDilI| ANi sthULadR^iShTIchI javanikA pheDilI| kiMbahunA ughaDilI| yogaR^iddhI || 121||
parI hA heM dekhela kIM nAhIM| aisI sechi na karI kAMhIM| ekasarAM mhaNatase pAhIM| snehAtura || 122||

\indent ##\hspace{1in}## shrIbhagavAnuvAcha |
\indent ##\hspace{1in}## pashya me pArtha rUpANi shatasho.atha sahasrashaH |
\indent ##\hspace{1in}## nAnAvidhAni divyAni nAnAvarNAkR^itIni cha || 5||\newline%@

arjunA tuvAM eka dAvA mhaNitaleM| ANi teMchi dAvUM tarI kAya dAvileM| AtAM dekheM AghaveM bharileM| mAjhyAchi rUpIM || 123||
ekeM kR^isheM ekeM sthULeM| ekeM RhasveM ekeM vishALeM| pR^ithutareM saraLeM| aprAMteM ekeM || 124||
ekeM anAvareM prAMjaLeM| savyApAreM ekeM nishchaLeM| udAsIneM snehALeM| tIvreM ekeM || 125||
eke ghUrNiteM sAvadheM| asalageM ekeM agAdheM| ekeM udAreM atibaddheM| kruddheM ekeM || 126||
ekeM shAMteM sanmadeM| stabdheM ekeM sAnaMdeM| garjiteM niHshabdeM| saumyeM ekeM || 127||
ekeM sAbhilASheM virakteM| unnidriteM ekeM nidriteM| parituShTeM ekeM ArteM| prasanneM ekeM || 128||
ekeM ashastreM sashastreM| ekeM raudreM atimitreM| bhayAnakeM ekeM pavitreM| layastheM ekeM || 129||
ekeM janalIlAvilAseM| ekeM pAlanashIleM lAlaseM| ekeM saMhArakeM sAvesheM| sAxibhUteM ekeM || 130||
evaM nAnAvidheM parI bahuvaseM| ANi divyatejaprakAsheM| tevIMchi eka{e}kA aiseM| varNeMhI navhe || 131||
ekeM tAtaleM sADepaMdhareM| taisIM kapilavarNeM apAreM| ekeM sarvAMgIM jaiseM seMdureM| DavaraleM nabha || 132||
ekeM sAviyAchi chuLukIM| jaiseM brahmakaTAha khachileM mANikIM| ekeM aruNodayAsArikhIM| kuMkumavarNeM || 133||
ekeM shuddhasphaTikasojvaLeM| ekeM iMdranILasunILeM| ekeM aMjanavarNeM sakALeM| raktavarNeM ekeM || 134||
ekeM lasatkAMchanasama piMvaLIM| ekeM navajaladashyAmaLIM| ekeM chAMpegaurIM kevaLIM| hariteM ekeM || 135||
ekeM taptatAmratAMbaDIM| ekeM shvetachaMdra chokhaDIM| aisIM nAnAvarNeM rUpaDIM| dekheM mAjhIM || 136||
he jaise kAM AnAna varNa| taiseM AkR^itIMhI anArisepaNa| lAjA kaMdarpa righAlA sharaNa| taisIM suMdareM ekeM || 137||
ekeM atilAvaNyasAkAreM| ekeM snigdhavapu manohareM| shR^iMgArashriyechIM bhAMDAreM| ughaDilI jaisIM || 138||
ekeM pInAvayavamAMsALeM| ekeM shuShkeM ati vikrALeM| ekeM dIrghakaMTheM vitALeM| vikaTeM ekeM || 139||
evaM nAnAvidhAkR^itI| iyAM pAhatAM pAru nAhIM subhadrApatI| yayAMchyA ekekIM aMgaprAMtIM| dekha pAM jaga || 140||

\indent ##\hspace{1in}## pashyAdityAnvasUnrudrAn ashvinau marutastathA |
\indent ##\hspace{1in}## bahUnyadR^iShTapUrvANi pashyAshcharyANi bhArata || 6||\newline%@

jetha unmIlana hota Ahe diThI| tetha pasaratI AdityAMchiyA sR^iShTI| puDhatI nimIlanIM miThIM| deta AhAtI || 141||
vadanIMchiyA vAphesaveM| hota jvALAmaya AghaveM| jetha pAvakAdika pAve| samUha vasUMchA || 142||
ANi bhrUlatAMche shevaTa| kopeM miLoM pAhatIM ekavaTa| tetha rudragaNAMche saMghATa| avatarata dekheM || 143||
paiM saumyatechA bolAvA| mitI neNije ashvinaudevAM| shrotrIM hotI pAMDavA| aneka vAyu || 144||
yAparI ekekAchiye lILe| janmatI surasiddhAMchIM kuLeM| aisIM apAreM ANi vishALeM| rUpeM iyeM pAhIM || 145||
jayAMteM sAMgAvayA veda bobaDe| pahAvayA kALAcheMhI AyuShya thokaDeM| dhAtayAhI parI na sAMpaDe| ThAva jayAMchA || 146||
jayAMteM devatrayI kadhIM nAyake| tiyeM iyeM pratyaxa dekha anekeM| bhogIM AshcharyAchI kavatikeM| mahAsiddhI || 147||

\indent ##\hspace{1in}## ihaikastha.n jagatkR^itsna.n pashyAdya sacharAcharam.h |
\indent ##\hspace{1in}## mama dehe guDAkesha yachchAnyaddR^iShTumichchhasi || 7||\newline%@

iyA mUrtIchiyA kirITI| romamULIM dekheM pAM sR^iShTI| suratarutaLavaTIM| tR^iNAMkura jaise || 148||
chaMDavAtAcheni prakAsheM| uData paramANu disatI jaise| bhramata brahmakaTAha taiseM| avayavasaMdhIM || 149||
etha ekaikAchiyA pradeshIM| vishva dekha vistAreMshI| ANi vishvAhI parauteM mAnasIM| jarI dekhAveM varte || 150||
tarI iyehI viShayIMcheM kAMhIM| etha sarvathA sAMkaDeM nAhIM| sukheM AvaDe teM mAjhiyA dehIM| dekhasI tUM || 151||
aiseM vishvamUrtI teNeM| bolileM kAruNyapUrNeM| taMva dekhata Ahe kIM nAhIM na mhaNe| nivAMtuchi yeru || 152||
etha kAM pAM hA ugalA \?| mhaNauni shrIkR^iShNeM jaMva pAhilA| taMva ArtIcheM leNeM le{i}lA| taisAchi Ahe || 153||

\indent ##\hspace{1in}## na tu mA.n shakyase draShTumanenaiva svachakShuShA |
\indent ##\hspace{1in}## divya.n dadAmi te chakShuH pashya me yogamaishvaram.h || 8||\newline%@

maga mhaNeM utkaMThe vohaTa na paDe| ajhunI sukhAchI soya na sAMpaDe| parI dAvileM teM phuDeM| nAkaLechi yayA || 154||
he boloni devo hAMsile| hAMsoni dekhaNiyAteM mhaNitaleM| AmhIM vishvarUpa tarI dAvileM| parI na dekhasIcha tUM || 155||
yayA bolA yereM vichaxaNeM| mhaNitaleM hAM jI kavaNAsI teM uNeM \?| tumhI bakAkaravIM chAMdiNeM| chara{}UM pahA mA || 156||
hAM ho uToniyAM ArisA| AMdhaLiyA dA{U}M baisA| bahiriyApuDheM hR^iShIkeshA| gANIva karA || 157||
makaraMdakaNAchA chArA| jANatAM ghAlUni dardurA| vAyAM dhADA shAra~N{}gadharA| kopA kavaNA || 158||
jeM atIMdriya mhaNauni vyavasthileM| kevaLa j~nAnadR^iShTIchiyA bhAgA phiTaleM| teM tumhIM charmachaxUMpuDheM sUdaleM| mI kaiseni dekheM || 159||
parI heM tumacheM uNeM na bolAveM| mIchi sAheM teMchi baraveM| etha Athi mhaNitaleM deveM| mAnUM bApA || 160||
sAcha vishvarUpa jarI AmhI dAvAveM| tarI AdhIM dekhAvayA sAmarthya kIM dyAveM| parI bolata bolata  premabhAveM |
                                               dhasALa geloM || 161||
kAya jAhaleM na vAhatAM bhu{}I perije| tarI to velu vilayA jA{i}je| tarI AtAM mAjheM nijarUpa dekhije |
                                     teM dR^iShTI devoM tuja || 162||
maga tiyA dR^iShTI pAMDavA| AmuchA aishvaryayogu AghavA| dekhoniyAM anubhavA| mAjivaDA karIM || 163||
aiseM teNeM vedAMtavedyeM| sakaLa loka AdyeM| bolileM ArAdhyeM| jagAcheni || 164||

\indent ##\hspace{1in}## sa.njaya uvAcha |
\indent ##\hspace{1in}## evamuk{}tvA tato rAjan mahAyogeshvaro hariH |
\indent ##\hspace{1in}## darshayAmAsa pArthAya parama.n rUpamaishvaram.h || 9||\newline%@

paiM kauravakulachakravartI| maja hAchi vismayo puDhatapuDhatI| je shriyehUni trijagatIM| sadaiva ase kavaNI \? || 165||
nA tarI khuNecheM vAnAvayAlAgIM| shrutIvAMchUni dAvA pAM jagIM| nA sevakapaNa tarI AMgIM| sheShAchyAchi AthI || 166||
hAM ho jayAcheni soseM| shiNata AThahI pahAra yogI jaise| anusaraleM garuDA{ai}seM| kavaNa Ahe \? || 167||
parI teM AghaveMchi ekIkaDe TheleM| sApeM kR^iShNasukha ekaMdareM jAhaleM| jiye divUni janmale| pAMDava he || 168||
parI pAMchAMhI AMtu arjunA| shrIkR^iShNa sAviyAchi jAhalA adhInA| kAmuka kAM jaisA aMganA| ApaitA kIje || 169||
paDhavileM pAkharUM aiseM na bole| yAparI krIDAmR^igahI taisA na chale| kaiseM daiva etheM suravADaleM| teM jANoM na ye || 170||
Aji heM parabrahma sagaLeM| bhogAvayA sadaiva yAchechi DoLe| kaise vAcheni hana laLe| pALIta ase || 171||
hA kope kIM nivAMtu sAhe| hA ruse tarI bujhAvIta jAye| navala piseM lAgaleM Ahe| pArthAcheM devA || 172||
eRhavIM viShaya jiNoni janmale| je shukAdika dAdule| te viShayochi vAnitAM jAhale| bhATa yayAcheM || 173||
hA yogiyAMcheM samAdhidhana| kIM ho{U}ni Thele pArthA{A}dhIna| yAlAgIM vismayo mAjheM mana| karItase rAyA || 174||
tevIMchi saMjaya mhaNe kAyasA| vismayo etheM kauraveshA| shrIkR^iShNeM svIkArije tayA aisA| bhAgyodaya hoya || 175||
mhaNauni to devAMchA rAvo| mhaNe pArthAte tuja dR^iShTi devoM| jayA vishvarUpAchA ThAvo| dekhasI tUM || 176||
aisI shrImukhauni axareM| nighatI nA jaMva ekasareM| taMva avidyeche AMdhAreM| jAvoMchi lAge || 177||
tIM axareM navhatI dekhA| brahmasAmrAjyadIpikA| arjunAlAgIM chitkaLikA| ujaLaliyA shrIkR^iShNeM || 178||
maga divyachaxuprakAshu pragaTalA| tayA j~nAnadR^iShTI phAMTA phuTalA| yayAparI dAvitA jAhalA| aishvarya ApuleM || 179||
he avatAra je sakaLa| te jiye samudrIMche kAM kalloLa| vishva heM mR^igajaLa| jayA rashmIstava dise || 180||
jiye anAdibhUmike niTe| charAchara heM chitra umaTe| ApaNapeM shrIvaikuMTheM| dAvileM tayA || 181||
mAgAM bALapaNIM yeNeM shrIpatI| jaiM eka veLa khAdalI hotI mAtI| taiM koponiyAM hAtIM| yashodAM dharilA || 182||
maga bheNeM bheNeM jaiseM| mukhIM jhADA dyAvayAcheni miseM| chavadAhI bhuvaneM sAvakAsheM| dAvilIM tiye || 183||
nA tarI madhuvanIM dhruvAsi keleM| jaiseM kapola shaMkheM shivataleM| ANi vedAMchiyehI matIM TheleM| teM lAgalA boloM || 184||
taisA anugraho paiM rAyA| shrIharI kelA dhanaMjayA| AtAM kavaNekaDehI mAyA| aisI bhASha neNeMchi to || 185||
ekasareM aishvaryatejeM pAhaleM| tayA chamatkArAcheM ekArNava jAhaleM| chitta samAjIM buDoni TheleM| vismayAchiyA || 186||
jaisA Abrahma pUrNodakIM| pavhe mArkaMDeya ekAkIM| taisA vishvarUpa kautukIM| pArthu loLe || 187||
mhaNe kevaDheM gagana etha hoteM| teM kavaNeM neleM pAM ke{}uteM| tIM charAchara mahAbhUteM| kAya jAhalIM \? || 188||
dishAMche ThAvahI hArapale| Adhordhva kAya neNoM jAhale| che{i}liyA svapna taise gele| lokAkAra || 189||
nAnA sUryatejapratApeM| sachaMdra tArAMgaNa jaiseM lope| taisIM giLilIM vishvarUpeM| prapaMcharachanA || 190||
tevhAM manAsI manapaNa na sphure| buddhi ApaNapeM na sAMvareM| iMdriyAMche rashmI mAghAre| hR^idayavarI bharale || 191||
tetha tATasthyA tATasthya paDileM| TakAsI Taka lAgale| jaiseM mohanAstra ghAtaleM| vichArajAtAM || 192||
taisA vismitu pAhe koDeM| taMva puDhAM hoteM chaturbhuja rUpaDeM| teMchi nAnArUpa chahUMkaDe| mAMDoni TheleM || 193||
jaiseM varShAkALIMche meghauDe| kAM mahApraLayIMcheM teja vADhe| taiseM ApaNAvINa kavaNIkaDe| nedIchi uroM || 194||
prathama svarUpasamAdhAna| pAvoni ThelA arjuna| savechi ughaDI lochana| taMva vishvarUpa dekheM || 195||
ihIMchi dohIM DoLAM| pAhAveM vishvarUpA sakaLA| to shrIkR^iShNeM sohaLA| puravilA aisA || 196||

\indent ##\hspace{1in}## anekavak{}tranayanamanekAdbhutadarshanam.h |
\indent ##\hspace{1in}## anekadivyAbharaNa.n divyAnekodyatAyudham.h || 10||\newline%@

maga tetha saiMgha dekhe vadaneM| jaisI ramAnAyakAchIM rAjabhuvaneM| nAnA pragaTalIM nidhAneM| lAvaNyashriyechIM || 197||
kIM AnaMdAchI vaneM sAsinnalIM| jaisI sauMdaryA rANIva joDalI| taisIM manohareM dekhilIM| harIchIM vak{}treM || 198||
tayAMhI mAjIM ekaikeM| sAviyAchi bhayAnakeM| kALarAtrIchIM kaTakeM| uThavalIM jaisIM || 199||
kIM mR^ityUsIchi mukheM jAhalIM| ho kAM jeM bhayAchIM durgeM pannAsilIM| kIM mahAkuMDeM ughaDalIM| praLayAnaLAchIM || 200||
taisIM ad{}bhuteM bhayAsureM| tetha vadaneM dekhilIM vIreM| ANikeM asAdhAraNeM sALaMkAreM| saumyeM bahuteM || 201||
paiM j~nAnadR^iShTIcheni avalokeM| parI vadanAMchA shevaTu na Take| maga lochana teM kavatikeM| lAgalA pAhoM || 202||
taMva nAnAvarNeM kamaLavaneM| vikAsilIM taise arjuneM| DoLe dekhile pAliMganeM| AdityAMchIM || 203||
tetheMchi kR^iShNameghAMchiyA dATI\-| mAjIM kalpAMta vijUMchiyA sphuTI| taisiyA vanhi piMgaLA diThI| bhrUbhaMgAtaLIM || 204||
heM ekaika Ashcharya pAhatAM| tiye ekechi rUpIM paMDusutA| darshanAchI anekatA| pratiphaLalI || 205||
maga mhaNe charaNa te kavaNekaDe| ke{}ute mukuTa keM dordaMDeM| aisI vADhavitAhe koDeM| chADa dekhAvayAchI || 206||
tetha bhAgyanidhi pArthA| kAM viphalatva ho{I}la manorathA| kAya pinAkapANIchiyA bhAtAM| vAyakAMDIM AhAtI \? || 207||
nA tarI chaturAnanAchiye vAche| kAya AhAtI laTikiyA axarAMche sAche \?| mhaNauni sAdyaMtapaNa apArAMche| dekhileM teNeM || 208||
jayAchI soya vedAM nAkaLe| tayAche sakaLAvayava ekechi veLe| arjunAche donhI DoLe| bhogite jAhale || 209||
charaNauni mukuTavarI| dekhata vishvarUpAchI thorI| je nAnA ratna aLaMkArIM| miravata ase || 210||
parabrahma Apuleni AMgeM| lyAvayA ApaNachi jAhalA anegeM| tiyeM leNIM mI sAMgeM| kA{i}sayAsArikhIM || 211||
jiye prabhechiye jhaLALA| ujALu chaMdrAdityamaMDaLA| je mahAtejAchA jivhALA| jeNeM vishva pragaTe || 212||
to divyateja shR^iMgAru| koNAchiye matIsI hoya gocharu| deva ApaNapeMchi le{i}le aiseM vIru| dekhata ase || 213||
maga tetheMchi j~nAnAchiyA DoLAM| pahAta karapallavAM jaMva saraLA| taMva toDita kalpAMtIMchiyA jvALA |
                                  taisIM shastreM jhaLakata dekhe || 214||
ApaNa AMga ApaNa alaMkAra| ApaNa hAta ApaNa hatiyAra| ApaNa jIva ApaNa sharIra| dekheM charAchara koMdaleM deveM || 215||
jayAchiyA kiraNAMche nikharapaNeM| naxatrAMche hota phuTANe| tejeM khiraDalA vanhi mhaNe| samudrIM righoM || 216||
maga kAlakUTakalloLIM kavaLileM| nAnA mahAvijUMcheM dAMga umaTaleM| taise apAra kara dekhile| uditAyudhIM || 217||

\indent ##\hspace{1in}## divyamAlyAmbaradhara.n divyagandhAnulepanam.h |
\indent ##\hspace{1in}## sarvAshcharyamaya.n devamananta.n vishvatomukham.h || 11||\newline%@

kIM bheNeM tethUni kADhilI diThI| maga kaMThamuguTa pahAtase kirITI| taMva suratarUchI sR^iShTI| jayAMpAsoni kAM jAhalI || 218||
jiye mahAsiddhIMchIM mULapITheM| shiNalI kamaLA jetha vAvaTe| taisIM kusumeM ati chokhaTeM| turaMbilIM dekhilIM || 219||
muguTAvarI stabaka| ThAyIM ThAyIM pUjAbaMdha aneka| kaMThIM ruLatAti alaukika| mALAdaMDa || 220||
svargeM sUryateja veDhileM| jaiseM paMdhareneM merUteM maDhileM| taiseM nitaMbAvarI gADhileM| pItAMbaru jhaLake || 221||
shrImahAdevo kApureM uTilA| kAM kailAsu pArajeM DavarilA| nAnA xIrodakeM pAMgharavilA| xIrArNavo jaisA || 222||
jaisI chaMdramayAchI ghaDI upalavilI| maga gaganAkaravIM buMthI ghevavilI| taisIM chaMdanapiMjarI dekhilI| sarvAMgIM teNeM || 223||
jeNeM svaprakAshA kAMtIM chaDhe| brahmAnaMdAchA nidAghu moDe| jayAcheni saurabhyeM jIvita joDe| vedavatIye || 224||
jayAche nirlepa anulepu karI| je anaMguhI sarvAMgIM dharI| tayA sugaMdhAchI thorI| kavaNa vAnI \? || 225||
aisI ekaika shR^iMgArashobhA| pAhatAM arjuna jAtaseM xobhA| tevIMchi devo baisalA kIM ubhA| kA shayAlu heM neNaveM || 226||
bAhera diThI ughaDoni pAhe| taMva AghaveM mUrtimaya dekhata Ahe| maga AtAM na pAheM mhaNauni ugA rAhe |
                                         tarI AMtuhI taiseMchi || 227||
anAvareM mukheM samora dekhe| tayAbheNeM pAThImorA jaMva ThAke| taMva tayAhIkaDe shrImukheM| karacharaNa taisechi || 228||
aho pAhatAM kIra pratibhAse| etha navalAvo kAya ase \?| pari na pAhatAMhI dise| choja A{i}kA || 229||
kaiseM anugrahAcheM karaNeM| pArthAcheM pAhaNeM ANi na pAhaNeM| tayAhI sakaTa nArAyaNeM| vyApUni ghetaleM || 230||
mhaNauni AshcharyAchyA purIM ekIM| paDilA ThAyeThAva thaDIM ThAkI| taMva chamatkArAchiyA ANikIM| mahArNavIM paDe || 231||
taisA arjunu asAdhAraNeM| ApuliyA darshanAcheni viMdANeM| kavaLUni ghetalA teNeM| anaMtarUpeM || 232||
to vishvatomukha svabhAveM| ANi techi dAvAvayAlAgIM pAMDaveM| prArthilA AtAM AghaveM| ho{U}ni ThelA || 233||
ANi dIpeM kAM sUryeM pragaTe| athavA nimuTaliyA dekhAveMchi khuMTe| taisI diThI navhe je vaikuMTheM| didhalI Ahe || 234||
mhaNauni kirITIsi dohIM parI| teM dekhaNeM dekheM aMdhArI| heM saMjayo hastinApurIM| sAMgatase rAyA || 235||
mhaNe kiMbahunA avadhArileM| pArtheM vishvarUpa dekhileM| nAnA AbharaNIM bharaleM| vishvatomukha || 236||

\indent ##\hspace{1in}## divi sUrya sahasrasya bhavedyugapadutthitA |
\indent ##\hspace{1in}## yadi bhAH sadR^ishI sA syAdbhAsastasya mahAtmanaH || 12||\newline%@

tiye aMgaprabhechA devA| navalAvo kA{i}sayA aisA sAMgAvA| kalpAMtIM ekuchi meLAvA| dvAdashAdityAMchA hoya || 237||
taise te divyasUrya sahasravarI| jarI udayajatI kAM ekechi avasarIM| taRhI tayA tejAchI thorI| upamUM naye || 238||
AghavayAchi vijUMchA meLAvA kIje| ANi praLayAgnIchI sarva sAmagrI ANije| tevIMchi dashakuhI meLavije |
                                      mahAtejAMchA || 239||
taRhI tiye aMgaprabhecheni pADeM| heM teja kAMhIM kAMhIM ho{I}la thoDeM| ANi tayA aiseM kIra chokhaDeM| trishuddhI nohe || 240||
aiseM mahAtmya yA shrIharIcheM sahaja| phAMkatase sarvAMgIcheM teja| teM munikR^ipA jI maja| dR^iShTa jAhaleM || 241||

\indent ##\hspace{1in}## tatraikastha.n jagatkR^itsnam.h pravibhaktamanekadhA |
\indent ##\hspace{1in}## apashyaddevadevasya sharIre pA.nDavastadA || 13||\newline%@

ANi tiye vishvarUpIM ekIkaDe| jaga AghaveM Apuleni pavADeM| jaise mahodadhImAjIM buDabuDe| sinAneM disatI || 242||
kAM AkAshIM gaMdharvanagara| bhUtaLIM pipIlikA bAMdhe ghara| nAnA meruvarI sapUra| paramANu baisale || 243||
vishva AghaveMchi tayAparI| tayA devachakravartIchiyA sharIrIM| arjuna tiye avasarIM| dekhatA jAhalA || 244||

\indent ##\hspace{1in}## tataH sa vismayAviShTo hR^iShTaromA dhana.njayaH |
\indent ##\hspace{1in}## praNamya shirasA deva.n kR^itAJjalirabhAShata || 14||\newline%@

tetha eka vishva eka ApaNa| aiseM aLumALa hoteM jeM dujepaNa| teMhI AToni geleM aMtaHkaraNa| virAleM sahasA || 245||
AMtu AnaMdA che{i}reM jAhaleM| bAheri gAtrAMcheM baLa hAraponi geleM| ApAda pAM guMtaleM| pulakAMchaleM || 246||
vArShiye prathamadashe| vohaLalayA shailAMcheM sarvAMga jaiseM| virUDhe komalAMkurIM taise| romAMcha jAhale || 247||
shivatalA chaMdrakarIM| somakAMtu drAvo dharI| taisiyA svedakaNikA sharIrIM| dATaliyA || 248||
mAjIM sApaDaleni alikuLeM| jaLAvarI kamaLakaLikA jevIM AMdoLe| tevIM AMtuliyA sukhormIcheni baLeM| bAheri kAMpe || 249||
karpUrakardaLIchIM garbhapuTeM| ukalatAM kApurAcheni koMdATeM| pulikA gaLatI tevIM theMbuTeM| netrauni paDatI || 250||
udayaleni sudhAkareM| jaisA bharalAchi samudra bhare| taisA veLoveLAM urmibhareM| uchaMbaLata ase || 251||
aisA sAttvikAMhI AThAM bhAvAM| paraspareM vartatase hevA| tetha brahmAnaMdAchI jIvA| rANIva phAvalI || 252||
taisAchi tayA sukhAnubhavApAThIM| kelA dvaitAchA sAMbhALu diThI| maga usAsauni kirITI| vAsa pAhilI || 253||
tetha baisalA hotA jiyA savA| tiyAchiyA kaDe mastaka khAlavilA devA| joDUni karasaMpuTa baravA| bolatu ase || 254||

\indent ##\hspace{1in}##  arjuna uvAcha |
\indent ##\hspace{1in}## pashyAmi devA.nstava deva dehe sarvA.nstathA bhUtavisheShasa.nghAn |\newline
\indent ##\hspace{1in}## brahmANamIsha.n kamalAsanastha mR^iShI.nshchasarvAnuragA.nshcha divyAn || 15||\newline%@

mhaNe jayajayAjI svAmI| navala kR^ipA kelI tumhIM| jeM heM vishvarUpa kIM AmhIM| prAkR^ita dekhoM || 255||
pari sAchachi bhaleM keleM gosAviyA| maja paritoShu jAhalA sAviyA| jI dekhalAsi jo iyA| sR^iShTIsI tUM Ashrayo || 256||
devA maMdarAcheni aMgalageM| ThAyIM ThAyIM shvApadAMchIM dAMgeM| taisIM iyeM tujhyA dehIM anegeM| dekhataseM  bhuvaneM || 257||
aho AkAshachiye khoLe| disatI grahagaNAMchIM kuLeM| kAM mahAvR^ixIM avisALeM| paxijAtIchIM || 258||
tayAparI shrIharI| tujhiyA vishvAtmakIM iye sharIrIM| svargu dekhataseM avadhArIM| suragaNeMsIM || 259||
prabhu mahAbhUtAMcheM paMchaka| yetha dekhata Ahe aneka| ANi bhUtagrAma ekeka| bhUtasR^iShTIcheM || 260||
jI satyaloku tujamAjIM Ahe| dekhilA chaturAnanu hA nohe \?| ANi yerIkaDe jaMva pAheM| taMva kailAsuhI dise || 261||
shrImahAdeva bhavAniyeshIM| tujhyA disatase eke aMshIM| ANi tUMteMhI gA hR^iShIkeshI| tujamAjIM dekhe || 262||
paiM kashyapAdi R^iShikuLeM| iyeM tujhiyA svarUpIM sakaLeM| dekhataseM pAtALeM| pannageMshIM || 263||
kiMbahunA trailokyapatI| tujhiyA ekekAchi avayavAchiye bhiMtI| iyeM chaturdashabhuvaneM chitrAkR^itI| aMkuralIM jANoM || 264||
ANi tethiMche je je loka| te chitrarachanA jI aneka| aiseM dekhatase alokika| gAMbhIrya tujheM || 265||

\indent ##\hspace{1in}## anekabAhUdaravak{}tranetra.n pashyAmi tvA.n sarvato.ana.ntarUpam.h |
\indent ##\hspace{1in}## nAnta.n na madhya.n na punastavAdi.n pashyAmi vishveshvara vishvarUpam.h || 16||\newline%@

tyA divyachaxUMcheni paiseM| chahuMkaDe jaMva pAhAta aseM| taMva dordaMDIM kAM jaiseM| AkAsha koMbhaileM || 266||
taise ekachi niraMtara| devA dekhata aseM tujhe kara| karIta Aghavechi vyApAra| ekechi kALIM || 267||
maga mahAshUnyAcheni paisAreM| ughaDalIM brahmakaTAhAchIM bhAMDAreM| taisIM dekhataseM apAreM| udareM tujhIM || 268||
jI sahasrashIrShayAcheM dekhileM| koDIvarI hotAti ekIveLeM| kIM parabrahmachi vadanaphaLeM| moDoni AleM || 269||
taisIM vak{}treM jI je{}utIM te{}utIM| tujhIM dekhitase vishvamUrtI| ANi tayAchiparI netrapaMktI| anekA saiMgha || 270||
heM aso svarga pAtALa| kIM bhUmI dishA aMtarALa| he vivaxA ThelI sakaLa| mUrtimaya dekhataseM || 271||
heM tujavINa ekAdiyAkaDe| paramANUhi etulA koDeM| avakAshu pAhataseM pari na sAMpaDe| aiseM vyApileM tuvAM || 272||
iye nAnAparI aparimiteM| jetulIM sAThavilIM hotIM mahAbhUteM| tetulAhi pavADu tuvAM anaMteM| koMdalA dekhataseM || 273||
aisA kavaNeM ThAyAhUni tUM AlAsI| etha baisalAsi kIM ubhA AhAsi| ANi kavaNiye mAyechiye poTIM hotAsI |
                                               tujheM ThANa kevaDheM || 274||
tujheM rUpa vaya kaiseM| tujapailIkaDe kAya ase| tUM kA{i}sayAvarI AhAsi aiseM| pAhileM miyAM || 275||
taMva dekhileM jI AghaveMchi| tari AtAM tuja ThAvo tUMchi| tUM kavaNAchA navhesi aisAchi| anAdi AyatA || 276||
tUM ubhA nA baiThA| dighaDu nA khujaTA| tuja taLIM varI vaikuMThA| tUMchi AhAsI || 277||
tUM rUpeM ApaNayAMchi aisA| devA tujhI tUMchi vayasA| pAThIM poTa pareshA| tujheM tUM gA || 278||
kiMbahunA AtAM| tujheM tUMchi AghaveM anaMtA| heM puDhata puDhatI pAhatAM| dekhileM miyAM || 279||
pari yA tujhiyA rUpA{A}Mtu| jI uNIva eka ase dekhatu| je Adi madhya aMtu| tinhIM nAhIM || 280||
eRhavIM giMvasileM AghavAM ThAyIM| pari soya na lAhechi kahIM| mhaNauni trishuddhI he nAhIM| tinhI etha || 281||
evaM AdimadhyAMtarahitA| tUM vishveshvarA aparimitA| dekhilAsi jI tattvatAM| vishvarUpA || 282||
tuja mahAmUrtIchiyA AMgI| umaTaliyA pR^ithak mUrtI anegI| le{i}lAsI vAneparIMchI AMgIM| aisA AvaDatu AhAsI || 283||
nAnA pR^ithak mUrtI tiyA drumavallI| tujhiyA svarUpamahAchaLIM| divyAlaMkAra phulIM phaLIM| sAsinnaliyA || 284||
ho kAM je mahodadhIM tUM devA| jAhalAsi taraMgamUrtI helAvA| kIM tUM eka vR^ixu baravA| mUrtiphaLIM phaLalAsI || 285||
jI bhUtIM bhUtaLa mAMDileM| jaiseM naxatrIM gagana guDhaleM| taiseM mUrtimaya bharaleM| dekhataseM tujheM rUpa || 286||
jI ekekIchyA aMgaprAMtIM| hoya jAya heM trijagatI| evaDhiyAhI tujhyA AMgIM mUrtI| kIM romA jAliyA || 287||
aisA pavADu mAMDUni vishvAchA| tUM kavaNa pAM etha koNAchA| heM pAhileM taMva AmuchA| sArathI tochi tUM || 288||
tarI maja pAhatAM mukuMdA| tUM aisAchi vyApaku sarvadA| maga bhaktAnugraheM tayA mugdhA| rUpAteM dharisI || 289||
kaiseM chahUM bhujAMcheM sAMvaLeM| pAhatAM volhAvatI mana DoLe| kheMva de{}UM jA{i}je tarI AkaLe| dohIMchi bAhIM || 290||
aisI mUrti koDisavANI kR^ipA| karUni hosI nA vishvarUpA| kIM amuchiyAchi diThI salepA| jeM sAmAnyatveM dekhitI || 291||
tarI AtAM diThIchA viTALu gelA| tuvAM sahajeM divyachaxU kelA| mhaNauni yathArUpeM dekhavalA| mahimA tujhA || 292||
parI makaratuMDAmAgilekaDe| tochi hotAsi tUM evaDheM| rUpa jAhalAsi heM phuDeM| voLakhileM miyAM || 293||

\indent ##\hspace{1in}## kirITina.n gadina.n chakriNa.n cha tejorAshi.n sarvato dIptimantam.h |
\indent ##\hspace{1in}## pashyAmi tvA.n durnirIkShya.n samantAddIptAnalArkadyutimaprameyam.h || 17||\newline%@

nohe tochi hA shirIM \?| mukuTa le{i}lAsi shrIharI| parI AtAMcheM teja ANi thorI| navala kIM bahu heM || 294||
teMchi heM variliyechi hAtIM| chakra parijitayA AyatI| sAMvaritAsi vishvamUrtI| te na moDe khUNa || 295||
yerIkaDe techi he nohe gadA| ANi taLiliyA donI bhujA nirAyudhA| vAgore sAMvarAvayA goviMdA| saMsariliyA || 296||
ANi teNeMchi vegeM sahasA| mAjhiyA manorathAsarisA| jAhalAsi vishvarUpA vishveshA| mhaNauni jANeM || 297||
parI kAyaseM bA heM choja| vismayo karAvayAhi pADU nAhIM maja| chitta ho{U}ni jAtaseM nirbuja| AshcharyeM yeNeM || 298||
heM etha Athi kAM yetha nAhIM| aiseM shvasoMhI naye kAMhIM| navala aMgaprabhechI navA{I}| kaisI koMdalIM saiMgha || 299||
etha agnIchIhI diThI karapata| sUrya khadyotu taisA hArapata| aiseM tIvrapaNa ad{}bhuta| tejAcheM yayA || 300||
ho kAM mahAtejAchiyA mahArNavIM| buDoni gelI sR^iShTI AghavI| kIM yugAMtavijUMchyA pAlavIM| jhAMkaleM gagana || 301||
nAtarI saMhAratejAchiyA jvALA| toDoni mAchU bAMdhalA aMtarALAM| AtAM divya j~nAnAchiyA DoLAM| pAhavenA || 302||
ujALu adhikAdhika bahuvasu| dhaDADIta Ahe atidAhasu| paData divyachaxuMsahI trAsu| nyAhALitAM || 303||
ho kAM je mahApraLayIMchA bhaDADu| hotA kALAgnirudrAchiyA ThAyIM gUDhu| to tR^itIyanayanAchA maDhU| phuTalA jaisA || 304||
taiseM pasaraleni prakAsheM| saiMgha pAMchavaniyA jvALAMche vaLase| paDatAM brahmakaTAha koLise| hota AhAtI || 305||
aisA ad{}bhuta tejorAshI| janmA navala myAM dekhilAsI| nAhIM vyAptI ANi kAMtIsI| pAru jI tujhiye || 306||

\indent ##\hspace{1in}## tvamakShara.n parama.n veditavya.n tvamasya vishvasya para.n nidhAnam.h |
\indent ##\hspace{1in}## tvamavyayaH shAshvatadharmagoptA sanAtanastva.n puruSho mato me || 18||\newline%@

devA tUM axara| auTAviye mAtresi para| shrutI jayAcheM ghara| giMvasIta AhAtI || 307||
jeM AkArAcheM Ayatana| jeM vishvanixepaikanidhAna| teM avyaya tUM gahana| avinAsha jI || 308||
tUM dharmAchA volAvA| anAdisiddha tUM nitya navA| jANeM mI sadatisAvA| puruSha visheSha tUM || 309||

\indent ##\hspace{1in}## anAdimadhyAntamanantavIrya.n anantabAhu.n shashisUryanetram.h |
\indent ##\hspace{1in}## pashyAmi tvA.n dIptahutAshavak{}tra.n svatejasA vishvamida.n tapantam.h || 19||\newline%@

tUM AdimadhyAMtarahitu| svasAmarthyeM tUM anaMtu| vishvabAhu aparimitu| vishvacharaNa tUM || 310||
paiM chaMdra chaMDAMshu DoLAM| dAvitAsi kopaprasAda lILA| ekAM rusasI tamAchiyA DoLAM| ekAM pALitosi kR^ipAdR^iShTI || 311||
jI evaMvidhA tUMteM| mI dekhataseM heM niruteM| peTaleM praLayAgnIcheM ujiteM| taiseM vak{}tra heM tujheM || 312||
vaNiveni peTale parvata| kavaLUni jvALAMche ubhaDa uThata| taisI chATIta dADhA dAMta| jIbha loLe || 313||
iye vadanIMchiyA ubA| ANi jI sarvAMgakAMtIchiyA prabhA| vishva tAtaleM ati xobhA| jAta Ahe || 314||

\indent ##\hspace{1in}## dyAvApR^ithivyoridamantara.n hi vyApta.n tvayaikena dishashcha sarvAH |
\indent ##\hspace{1in}## dR^iShTvA.adbhuta.n rUpamugra.n taveda.n lokatraya.n pravyathita.n mahAtman || 20||\newline%@

kAM je dyaurloka ANi pAtALa| pR^ithivI ANi aMtarALa| athavA dashadishA samAkuLa| dishAchakra || 315||
heM AghaveMchi tuMvA ekeM| bharaleM dekhata Ahe kautukeM| pari gaganAhIsakaTa bhayAnakeM| Aplavije jevIM || 316||
nAtarI ad{}bhutarasAchiyA kalloLIM| jAhalI chavadAhI bhuvanAMsi kaDiyALIM| taiseM Ashcharyachi maga mI AkaLIM |
                                                        kAya eka \? || 317||
nAvare vyAptI he asAdhAraNa| na sAhave rUpAcheM ugrapaNa| sukha dUrI geleM pari prANa| vipAyeM dharIje || 318||
devA aiseM dekhoni tUMteM| neNoM kaiseM AleM bhayAcheM bhariteM| AtAM duHkhakalloLIM jhaLaMbateM| tinhIM bhuvaneM || 319||
eRhavIM tuja mahAtmayAcheM dekhaNeM| tari bhayaduHkhAsi kAM meLavaNeM \?| pari heM sukha navhechi jeNeM guNeM| teM jANavata Ahe maja || 320||
jaMva tujheM rUpa nohe diTheM| taMva jagAsi saMsArika gomaTeM| AtAM dekhilAsi tarI viShayaviTeM| upanalA trAsu || 321||
tevIMchi tuja dekhiliyAsAThIM| kAya sahasA tuja devoM ye{I}la miThI| ANi nedIM tarI shokasaMkaTIM| rAhoM kevIM \? || 322||
mhaNauni mAgAM saroM taMva saMsAru| ADavIta yetase anivAru| ANi puDhAM tUM taMva anAvaru| na yesi ghevoM || 323||
aisA mAjhAraliyA sAMkaDAM| bApuDyA trailokyAchA hotase huraDA| hA dhvani jI phuDA| chojavalA maja || 324||
jaisA AraMbaLalA AgIM| to samudrA ye nivAvayAlAgIM| taMva kalloLapANiyAchiyA taraMgIM| AgaLA bihe || 325||
taiseM yA jagAsi jAhaleM| tUMteM dekhoni taLamaLita TheleM| yAmAjIM paila bhale| j~nAnashUrAMche meLAve || 326||

\indent ##\hspace{1in}## amI hi tvA.n surasa.nghA vishanti kechidbhItAH prA~njalayo gR^iNanti |
\indent ##\hspace{1in}## svastItyuk{}tvA maharShisiddhasa~NghAH stuvanti tvA.n sutibhiH puShkalAbhiH || 21||\newline%@

he tujheni AMgikeM tejeM| jALUni sarva karmAMchIM bIjeM| miLata tuja AMtu sahajeM| sad{}bhAvesIM || 327||
ANika eka sAviyAchi bhayabhIru| sarvasveM dharUni tujhI moharu| tuja prArthitAti karu| joDoniyAM || 328||
devA avidyArNavIM paDiloM| jI viShayavAgureM AMtuDaloM| svargasaMsArAchiyA sAMkaDaloM| dohIM bhAgIM || 329||
aiseM AmucheM soDavaNeM| tujavAMchoni kIjela kavaNeM \?| tuja sharaNa gA sarvaprANeM| mhaNata devA || 330||
ANi maharShI athavA siddha| kAM vidyAdharasamUha vividha| he bolata tuja svastivAda| karitI stavana || 331||

\indent ##\hspace{1in}## rudrAdityA vasavo ye cha sAdhyA vishve.ashvinau marutashchoshmapAshcha |
\indent ##\hspace{1in}## gandharvayakShAsurasiddhasa~NghA vIkShante tvA.n vismitAshchaiva sarve || 22||\newline%@

he rudrAdityAMche meLAve| vasu hana sAdhya Aghave| ashvinau deva vishvedeva vibhaveM| vAyuhI he jI || 332||
avadhArA pitara hana gaMdharva| paila yaxaraxogaNa sarva| jI maheMdramukhya deva| kAM siddhAdika || 333||
he Aghavechi ApulAliyA lokIM| sotkaMThita avalokIM| he mahAmUrtI daivikI| pAhAta AhAtI || 334||
maga pAhAta pAhAta pratixaNIM| vismita ho{U}ni aMtaHkaraNIM| karita nijamukaTIM vovALaNI| prabhujI tuja || 335||
te jaya jaya ghoSha kalaraveM| svarga gAjavitAtI Aghave| Thevita lalATAvarI barave| karasaMpuTa || 336||
tiye vinayadrumAchiye AravIM| suravADalI sAttvikAMchI mAdhavI| mhaNauni karasaMpuTapallavIM| tUM hotAsi phaLa || 337||

\indent ##\hspace{1in}## rUpa.n mahatte bahuvak{}tranetra.n mahAbAho bahubAhUrupAdam.h |
\indent ##\hspace{1in}## bahUdara.n bahuda.nShTrAkarAla.n dR^iShTvA lokAH pravyathitAstathA.aham.h || 23||\newline%@

jI lochanAM bhAgya udeleM| manA sukhAcheM suyANeM pAhaleM| je agAdha tujheM dekhileM| vishvarUpa ihIM || 338||
heM lokatrayavyApaka rUpaDeM| pAhatAM devAMhI vachaka paDe| yAcheM sanmukhapaNa joDeM| bhalatayAkaDunI || 339||
aiseM ekachi parI vichitreM| ANi bhayAnakeM vak{}treM| bahulochana he sashastreM| anaMtabhujA || 340||
anaMta chAru bAhu charaNa| bahUdara ANi nAnAvarNa| kaiseM prativadanIM mAtalepaNa| AveshAcheM || 341||
ho kAM mahAkalpAchiyA aMtIM| tavakaleni yameM je{}utate{}utIM| praLayAgnIchIM ujitIM| AMbukhilIM jaisIM || 342||
nAtarI saMhAratripurArIchIM yaMtreM| kIM praLayabhairavAchIM xetreM| nAnA yugAMtashaktIchIM pAtreM| bhUtakhichA voDhavilIM || 343||
taisIM jiyetiyekaDe| tujhIM vak{}treM jIM prachaMDeM| na samAtI darImAjIM siMvhADe| taise dashana disatI rAgITa || 344||
jaiseM kALarAtrIcheni aMdhAreM| ulhAsata nighatIM saMhArakheMchareM| taisiyA vadanIM praLayarudhireM| kATaliyA dADhA || 345||
heM aso kALeM avaMtileM raNa| kAM sarva saMhAreM mAtaleM maraNa| taiseM atibhiMguLavANeMpaNa| vadanIM tujhiye || 346||
he bApuDI lokasR^iShTI| moTakIye vipA{i}lI diThI| ANi duHkhakAliMdIchiyA taTIM| jhADa ho{U}ni ThelI || 347||
tuja mahAmR^ityUchiyA sAgarIM| AtAM he trailokya jIvitAchI tarI| shokadurvAtalaharI| AMdoLata ase || 348||
etha koponi jarI vaikuMTheM| aiseM hana mhaNipaila avachaTeM| jeM tuja lokAMcheM kA{I} vATe \?| tUM dhyAnasukha heM bhogIM || 349||
tarI jI lokAMcheM kIra sAdhAraNa| vAyAM ADa sUtase voDaNa| kevIM sahasA mhaNe prANa| mAjhechi kAMpatI || 350||
jyA maja saMhArarudra vAsipe| jyA majabheNeM mR^ityu lape| to mI etheM ahALabAhaLIM kAMpeM| aiseM tuvAM keleM || 351||
pari navala bApA he mahAmArI| iyA nAma vishvarUpa jarI| he bhyAsurapaNeM hArI| bhayAsi ANI || 352||

\indent ##\hspace{1in}## nabhaHspR^isha.n dIptamanekavarNa.n vyAttAnana.n dIptavishAlanetram.h |
\indent ##\hspace{1in}## dR^iShTvA hi tvA.n pravyathitAntarAtmA dhR^iti.n na vindAmi shama.n cha viShNo || 24||\newline%@

ThelIM mahAkALeMsi haTeMtaTeM| taisI kitI{e}keM mukheM rAgiTeM| ihIM vADhoniyAM dhAkuTeM| AkAsha keleM || 353||
gaganAcheMni vADapaNeM nAkaLe| tribhuvanIMchiyAhI vAriyA na veMTALe| yayAcheni vAphA AgI jaLe| kaiseM dhaDADIta ase || 354||
tevIMchi ekasArikheM eka nohe| etha varNAvarNAchA bhedu Ahe| ho kAM jeM praLayIM sAvAvo lAhe| vanhM yayAchA || 355||
jayAchiye AMgIMchI dIptI yevaDhI| je trailokya kIje rAkhoMDI| kIM tayAhI toMDeM ANi toMDIM| dAMta dADhA || 356||
kaisA vArayA dhanurvAta chaDhalA| samudra kIM mahApurIM paDilA| viShAgni mArA pravartalA| vaDavAnaLAsI || 357||
haLAhaLa AgI piyAleM| navala maraNa mArA pravartaleM| taiseM saMhAratejA yA jAhaleM| vadana dekhA || 358||
parI koNeM mAneM vishALa| jaiseM tuTaliyA aMtarALa| AkAshAsi kavhaLa| paDoni TheleM || 359||
nAtarI kAkhe sUni vasuMdharI| jaiM hiraNyAxu rigAlA vivarIM| taiM ughaDale hATakeshvarIM| jevIM pAtALakuhara || 360||
taisA vak{}trAMchA vikAshu| mAjIM jivhAMchA AgaLAchi Aveshu| vishva na pure mhaNauni ghAMsu| na bharIchi koMDeM || 361||
ANi pAtALavyALAMchiyA phUtkArIM| garaLajvALA lAgatI aMbarIM| taisI pasaraliye vadanadarI\-| mAjIM he jivhA || 362||
kADhUni praLayavijUMchIM juMbADeM| jaiseM pannAsileM gaganAche huDe| taise AvALuvAMvarI AMkaDe| dhagadhagIta dADhAMche || 363||
ANi lalATapaTAchiye khoLe| kaiseM bhayAteM bheDavitAtI DoLe| ho kAM je mahAmR^ityUche umALe| kaDavasAM rAhile || 364||
aiseM vA{U}ni bhayAcheM bhoja| etha kAya nipajavUM pAhAtosi kAja| teM neNoM parI maja| maraNabhaya AleM || 365||
devA vishvarUpa pahAvayAche DohaLe| kele tiye pAvaloM pratiphaLeM| bApA dekhilAsi AtAM DoLe| nivAve taise nivAle || 366||
aho deho pArthiva kIra jAye| yayAchI kAkuLatI kavaNA Ahe| pari AtAM chaitanya mAjheM vipAyeM| vAMche kIM na vAMche || 367||
eRhavIM bhayAstava AMga kAMpe| nAveka AgaLeM tarI mana tApe| athavA buddhihI vAsipe| abhimAnu visarije || 368||
parI yetuliyAhI vegaLA| jo kevaLa AnaMdaikakaLA| tayA aMtarAtmayAhI nishchaLA| shiyArI AlI || 369||
bApa sAxAtkArAchA vedhu| kaisA deshadhaDI kelA bodhu| hA gurushiShyasaMbaMdhu| vipAyeM nAMde || 370||
devA tujhyA ye darshanIM| jeM vaikalya upajaleM Ahe aMtaHkaraNIM| teM sAvarAvayAlAgIM gaMvasaNI| dhairyAchI karitaseM || 371||
taMva mAjheni nAmeM dhairya hArapaleM| kIM tayAhIvarI vishvarUpadarshana jAhaleM| heM aso pari maja bhaleM AtuDavileM |
                                                        upadeshA iyA || 372||
jIva visaMvAvayAchiyA chADA| saiMgha dhAMvAdhAMvI karitase bApuDA| pari soyahI kavaNeMkaDAM| na labhe etha || 373||
aiseM vishvarUpAchiyA mahAmArI| jIvitva geleM AheM charAcharIM| jI na boleM tari kAya karIM| kaiseni rAheM \? || 374||

\indent ##\hspace{1in}## da.nShTrAkarAlAni cha te mukhAni dR^iShTvaiva kAlAnalasannibhAni |
\indent ##\hspace{1in}## disho na jAne na labhe cha sharma prasIda devesha jagannivAsa || 25||\newline%@

paiM akhaMDa DoLyAMpuDheM| phuTaleM jaiseM mahAbhayAcheM bhAMDeM| taishIM tujhIM mukheM vitaMDeM| pasaralIM dekheM || 375||
aso dAMta dADhAMchI dATI| na jhAMkave mA doM doM voThIM| saiMgha praLayashastrAMchiyA dATa kAMTI| lAgaliyA jaishA || 376||
jaiseM taxakA viSha bharaleM| ho kAM je kALarAtrIM bhUta saMcharaleM| kIM AgneyAstra parajileM| vajrAgni jaiseM || 377||
taishIM tujhIM vak{}treM prachaMDeM| vari Avesha hA bAherI vosaMDe| Ale maraNarasAche loMDhe| AmhAMvarI || 378||
saMhArasamayIMchA chaMDAniLu| ANi mahAkalpAMta praLayAnaLu| yA dohIM jaiM hoya meLu| taiM kAya eka na jaLe \? || 379||
taisIM saMhArakeM tujhIM mukheM| dekhoni dhIru kAM AmhAM pArukhe \?| AtAM bhulaloM mI dishA na dekheM| ApaNapeM neNeM || 380||
moTakeM vishvarUpa DoLAM dekhileM| ANi sukhAcheM avarShaNa paDileM| AtAM jApANIM jApANIM ApuleM| astAvyasta heM || 381||
aiseM karisI mhaNauni jarI jANeM| tarI he goShTI sAMgAvIM kAM mI mhaNeM| AtAM eka veLa vAMchavI jI prANeM |
                                           yA svarUpapraLayApAsoni || 382||
jarI tUM gosAvI AmuchA anaMtA| tarI su{}IM voDaNa mAjhiyA jIvitA| sAMTavIM pasArA hA mAgutA| mahAmArIchA || 383||
A{i}keM sakaLa devAMchiyA paradevate| tuvAM chaitanyeM gA vishva vasateM| teM visaralAsI heM uparateM| saMhArUM AdarileM || 384||
mhaNauni vegIM prasanna ho{I}M devarAyA| saMharIM saMharIM ApulI mAyA| kADhIM mAteM mahAbhayA\-| pAsoniyAM || 385||
hA ThAyavarI puDhatapuDhatIM| tUMteM mhaNije bahuvA kAkuLatI| aisA mI vishvamUrtI| bheDakA jAhaloM || 386||
jaiM amarAvatIye AlA dhADA| taiM myAM ekaleni kelA uveDA| jo mI kALAchiyAhI toMDA| vAsipu na dharIM || 387||
parI tayA AMtula navhe heM devA| etha mR^ityUsahI karUni chaDhAvA| tuvAM AmuchAchi ghoTU bharAvA| yA sakaLa vishveMsIM || 388||
kaisA navhatA praLayAchA veLu| gokhA tUMchi minalAsi kALu| bApuDA hA tribhuvanagoLu| alpAyu jAhalA || 389||
ahA bhAgyA viparItA| vighna uThileM shAMta karitAM| kaTAkaTA vishva geleM AtAM| tUM lAgalAsi grAsUM || 390||
heM navhe mA rokaDeM| saiMgha pasarUniyAM toMDeM| kavaLitAsi chahUMkaDe| sainyeM iyeM || 391||

\indent ##\hspace{1in}## amI cha tvA.n dhR^itarAShTrasya putrAH sarve sahaivAvanipAlasa~NghaiH |
\indent ##\hspace{1in}## bhIShmo droNaH sUtaputrastathA.asau sahAsmadIyairapi yodhamukhyaiH || 26||\newline%@

noheti \? he kauravakuLIMche vIra| AMdhaLiyA dhR^itarAShTrAche kumara| he gele gele sahaparivAra| tujhiyA vadanIM || 392||
ANi je je yAMcheni sAvAyeM| Ale deshodeshIMche rAye| tayAMcheM sAMgAvayA jAvoM na lAhe| aiseM sarakaTita AhAsI || 393||
madamukhAchiyA saMghaTA| gheta AhAsi ghaTaghaTAM| AraNIM hana thATA| detAsi miThI || 394||
jaMtrAvarichIla mAra| padAtIMche mogara| mukhA{A}Mta bhAra| hArapatAti mA || 395||
kR^itAMtAchiyA jAvaLI| jeM ekachi vishvAteM giLI| tiyeM koTIvarI sagaLIM| giLitAsi shastreM || 396||
chaturaMgA parivArA| saMjoDiyAM rahaMvarAM| dAMta na lAvisI mA parameshvarA| kasA tuShTalAsi baravA || 397||
hAM gA bhIShmA{ai}sA kavaNu| satyashauryanipuNu| tohI ANi brAhmaNa droNu| grAsilAsi kaTakaTA || 398||
ahA sahasrakarAchA kumaru| etha gelA gelA karNavIru| ANi AmuchiyA AghavayAMchA keru| pheDilA dekheM || 399||
kaTakaTA dhAtayA| kaiseM jAhaleM anugrahA yayA| miyAM prArthUni jagA bApuDiyA| ANileM maraNa || 400||
mAgAM thoDiyA bahuvA upapattI| yeNeM sAMgitaliyA vibhUtI| taisA nasechi mA puDhatI| baisaloM pusoM || 401||
mhaNauni bhogya teM trishuddhI na chuke| ANi buddhihI hoNArAsArikhI ThAke| mAjhyA kapALIM piTAveM lokeM |
                                               teM loTela kAMhyAM || 402||
pUrvIM amR^itahI hAtAM AleM| parI deva nasatIchi ugale| maga kALakUTa uThavileM| shevaTIM jaiseM || 403||
parI teM ekabagIM thoDeM| keliyA pratikArAmAjivaDeM| ANi tiye avasarIcheM teM sAMkaDeM| nistaravileM shaMbhU || 404||
AtAM hA jaLatAM vArA keM veMTALe \?| koNA he viShA bharaleM gagana giLe \?| mahAkALeMsi keM kheLeM \?| AMgavata ase || 405||
aisA arjuna duHkheM shiNatu| shochita ase jivA{A}Mtu| parI na dekheM to prastutu| abhiprAya devAchA || 406||
je mI mAritA he kaurava marate| aiseni veMTALilA hotA moheM bahuteM| to pheDAvayAlAgIM anaMteM| heM dAkhavileM nija || 407||
are koNhI koNAteM na mArI| etha mIchi ho sarva saMhArIM| heM vishvarUpavyAjeM harI| prakaTita ase || 408||
parI vAyAMchi vyAkulatA| te na chojavechi paMDusutA| maga ahA kaMpu navhatA| vADhavita ase || 409||

\indent ##\hspace{1in}## vak{}trANi te tvaramANA vishanti da.nShTrAkarAlAni bhayAnakAni |
\indent ##\hspace{1in}## kechidvilagnA dashanAntareShu sa.ndR^ishyante chUrNitairuttamA~N{}gaiH || 27||\newline%@

tetha mhaNe pAhA ho eke veLe| sAsikavacheMsi donhI daLeM| vadanIM gelIM AbhALeM| gaganIM kAM jaisIM || 410||
kAM mahAkalpAchiyA shevaTIM| jaiM kR^itAMtu kopalA hoya sR^iShTI| taiM ekavisAMhI svargAM miThI| pAtALAsakaTa de || 411||
nAtarI udAsIneM daiveM| saMchakAchIM vaibhaveM| jethIMchIM tetha svabhAveM| vilayA jAtI || 412||
taisIM sAsinnalIM sainyeM ekavaTeM| iye mukhIM jAhalIM praviShTeM| parI ekahI toMDauni na suTe| kaiseM karma dekhA || 413||
ashokAche aMgavase| chaghaLile kaRheni jaise| loka vaktrAmAjIM taise| vAyAM gele || 414||
pari sisALeM mukuTeMsIM| paDilI dADhAMche sAMDasIM| pITha hota kaisIM| disata AhAtI || 415||
tiyeM ratneM dAMtAMchiye savaDIM| kUTa lAgaleM jibhechyA buDIM| kAMhIM kAMhIM  AgaraDIM| draMShTrAMchIM mAkhalIM || 416||
ho kAM je vishvarUpeM kALeM| grAsilIM lokAMchIM sharIreM baLeM| pari jIvitva dehIMchIM sisALeM| avashya kIM rAkhilIM || 417||
taisIM sharIrAmAjIM chokhaDIM| iyeM uttamAMgeM hotIM phuDIM| mhaNauni mahAkALAchiyAhI toMDIM| pari uralIM shekhIM || 418||
maga mhaNe heM kA{I}| janmalayAM Ana moharachi nAhIM| jaga ApaiseMchi vadanaDohIM| saMchAratAhe || 419||
yayA ApeMApa AghaviyA sR^iShTI| lAgaliyA AhAti vadanAchyA vATIM| ANi hA jethiMchiyA tetha miThI| detase ugalA || 420||
brahmAdika samasta| uMchA mukhAmAjIM dhAMvata| yera sAmAnya he bharata| ailIcha vadanIM || 421||
ANIkahI bhUtajAta| teM upajalechi ThAyIM grAsita| pari yAchiyA mukhA nibhrAMta| na suTechi kAMhIM || 422||

\indent ##\hspace{1in}## yathA nadInAm.h bahavo.ambuvegAH samudramevAbhimukhA dravanti |
\indent ##\hspace{1in}## tathA tavAmI naralokavIrA vishanti vak{}trANyabhivijvalanti || 28||\newline%@

jaise mahAnadIche vogha| vahile ThAkitI samudrAcheM AMga| taiseM AghavAchikaDUni jaga| praveshata mukhIM || 423||
AyuShyapaMtheM prANigaNI| karoni ahorAtrAMchI movaNI| vegeM vak{}trAmiLaNIM| sAdhijata AhAtI || 424||

\indent ##\hspace{1in}## yathA pradIpta.n jvalana.n pata~N{}gA vishanti nAshAya samR^iddhavegAH |
\indent ##\hspace{1in}## tathaiva nAshAya vishanti lokA stavApi vak{}trANi samR^iddhavegAH || 29||\newline%@

jaLatayA girIchyA gavakhA\-| mAjIM ghApatI pataMgAchiyA jhAkA| taise samagra loka dekhA| iye vadanIM paDatI || 425||
pari jetuleM yetha praveshaleM| teM tAtaliyA loheM pANIchi pAM giLileM| vahavaTIMhi pusileM| nAmarUpa tayAMcheM || 426||

\indent ##\hspace{1in}## lelihyase grasamAnaH samantAllokAnsamagrAnvadanairjvadbhiH |
\indent ##\hspace{1in}## tejobhirApUrya jagatsamagra.n bhAsastavogrAH pratapanti viShNo || 30||\newline%@

ANi yetulAhI ArogaNa| karitAM bhuke nAhIM uNepaNa| kaiseM dIpana asAdhAraNa| udayaleM yayA || 427||
jaisA rogiyA jvarAhUni uThilA| kA bhaNagA dukALu pAhalA| taisA jibhAMchA laLalaLATu dekhilA| AvALuveM chATitAM || 428||
taiseM AhArAche nAMveM kAMhIM| toMDApAsUni uraleMchi nAhIM| kaisI samasamIta navA{I}| bhukelepaNAchI || 429||
kAya sAgarAchA ghoMTu bharAvA \?| kIM parvatAchA ghAMsu karAvA \?| brahmakaTAho ghAlAvA| AghavAchi dADhe || 430||
dishA sagaLiyAchi giLAviyA| chAMdiNiyA chATUni ghyAviyA| aiseM vartata Ahe sAviyA| lolupya bA tujheM || 431||
jaisA bhogIM kAmu vADhe| kAM iMdhaneM AgIsi hAkAka chaDhe| taisI khAtakhAtAMchi toMDeM| khAkhAMteM ThelIM || 432||
kaiseM ekachi kevaDheM pasaraleM| tribhuvana jivhAgrIM Ahe TekaleM| jaiseM kAM kavITha ghAtaleM| vaDavAnaLIM || 433||
aisIM apAra vadaneM| AtAM yetulIM kaiMchIM tribhuvaneM| kAM AhAru na miLatAM yeNeM mAneM| vADhavilIM saiMgha || 434||
agA hA loku bApuDA| jAhalA vadanajvALAM varapaDA| jaisI vaNaveyAchiyA veDhAM| sAMpaDatI mR^igeM || 435||
AtAM taiseM yAM vishvA jAhAleM| deva navhe heM karma AleM| kAM jaga chaLachaLAM pAMgileM| kALajALeM || 436||
AtAM iye aMgaprabhechiye vAgure| koNIkaDUni nigijaila charAchareM| hIM vak{}treM nohetI johAreM| voDavalIM jagA || 437||
AgI Apuleni dAhakapaNeM| kaiseni poLije teM neNe| parI jayA lAge tayA prANeM| suTikAchI nAhIM || 438||
nAtarI mAjheni tikhaTapaNeM| kaiseM nivaTe heM shastra kAyi jANeM| kAM ApuliyAM mArA neNeM| viSha jaiseM || 439||
taisI tuja kAMhIM| ApuliyA ugrapaNAchI sechi nAhIM| parI ailIkaDile mukhIM khA{I}| ho saralI jagAchI || 440||
agA AtmA tUM eku| sakaLa vishvavyApaku| tarI kAM AmhAM aMtaku| taisA voDavalAsI \? || 441||
tarI miyAM sAMDilI jIvitvAchI chADa| ANi tuvAMhI na dharAvI bhIDa| manIM Ahe teM ughaDa| bola pAM sukheM || 442||
kitI vADhavisI yA ugrarUpA| AMgIMcheM bhagavaMtapaNa AThavIM bApA| nAhIM tarI kR^ipA| majapuratI pAhI || 443||

\indent ##\hspace{1in}## AkhyAhi me ko bhavAnugrarUpo namo.astu te devavara prasIda |
\indent ##\hspace{1in}## vij~nAtumichchhAmibhavantamAdya.n na hi prajAnAmi tava pravR^ittim.h || 31||\newline%@

tarI eka veLa vedavedyA| jI tribhuvanaika AdyA| vinavaNI vishvavaMdyA| A{i}keM mAjhI || 444||
aiseM boloni vIreM| charaNa namaskArileM shireM| maga mhaNeM tarI sarveshvareM| avadhArijo || 445||
miyAM hoAvayA samAdhAna| jI pusileM vishvarUpadhyAna| ANi ekeMchi kALeM tribhuvana| giLituchi uThilAsI || 446||
tarI tUM koNa kAM yetulIM| iyeM bhyAsureM mukheM kAM meLavilIM| AghaviyAchi karIM parijilIM| shastreM kAMhyA || 447||
jI jaMva taMva rAgITapaNeM| vADhoni gaganA ANitosi uNeM| kAM DoLe karUni bhiMguLavANe| bheDasAvIta AhAsI || 448||
etha kR^itAMteMsi devA| kAsayA kijatase hevA| hA ApulA tuvAM sAMgAvA| abhiprAya maja || 449||
yA bolA mhaNe anaMtu| mI koNa heM AhAsI pusatu| ANi kAyisayAlAgIM ase vADhatu| ugratesI || 450||

\indent ##\hspace{1in}## shrIbhagavAnuvAcha |
\indent ##\hspace{1in}## kAlo.asmi lokakShayakR^itpravR^iddho lokAn samAhartumiha pravR^ittaH |\newline
\indent ##\hspace{1in}## R^ite.api tvA.n na bhaviShyanti sarve ye.avasthitAH pratyanIkeShu yodhAH || 32||\newline%@

tarI mI kALu gA heM phuDeM| loka saMhArAvayAlAgIM vADheM| saiMgha pasarilIM AhAtIM toMDeM| AtAM grAsIna heM AghaveM || 451||
etha arjuna mhaNe kaTakaTA| ubagiloM mAgilyA saMkaTA| mhaNauni ALavilA taMva vokhaTA| uvA{i}lA hA || 452||
tevIMchi kaThiNa boleM AsatuTI| arjuna ho{I}la hiMpuTI| mhaNauni saveMchi mhaNe kirITI| pari Ana eka ase || 453||
tarI AtAMchiye saMhAravAhare| tumhIM pAMDava asA bAhire| tetha jAtajAtAM dhanurdhareM| sAMvarile prANa || 454||
hotA maraNamahAmArIM gelA| to mAgutA sAvadhu jAhalA| maga lAgalA bolA| chitta de{}UM || 455||
aiseM mhaNijata Ahe deveM| arjunA tumhI mAjheM heM jANAveM| yera jANa mI AghaveM| saraloM grAsUM || 456||
vajrAnaLIM prachaMDIM| jaisI ghApe loNiyAchI uMDI| taiseM jaga heM mAjhiyA toMDIM| tuvAM dekhileM jeM || 457||
tarI tayAmAjhArIM kAMhIM| bharaMvaseni uNeM nAhIM| iye vAyAMchi sainyeM pAhIM| baravateM AhAtI || 458||
aisA chaturaMgAchiyA saMpadA| karita mahAkALeMsIM spardhA| vAMTivechiyA madA| vaghaLale je || 459||
he je miLoniyAM meLe| kuMthatI vIravR^ittIcheni baLeM| yamAvarI gajadaLeM| vAkhANijatAtI || 460||
mhaNatI sR^iShTIvarI sR^iShTI karUM| ANa vAhUni mR^ityUteM mArUM| ANi jagAchA bharUM| ghoMTu yayA || 461||
pR^ithvI sagaLIchi giLUM| AkAsha varichyAvarI jALUM| kAM bANavarI khiLUM| vArayAteM || 462||
bola hatiyerAhUni tikhaTa| disatI agniparisa dAsaTa| mArakapaNeM kALakUTa| mahura mhaNata || 463||
tarI he gaMdharvanagarIMche umALe| jANa pokaLIche peMDavaLeM| agA chitrIva phaLeM| vIra he dekheM || 464||
hAM gA mR^igajaLAchA pUra AlA| daLa navhe kApaDAchA sApa kelA| iyA shR^iMgArUniyAM khAlA| mAMDiliyA paiM || 465||

\indent ##\hspace{1in}## tasmAttvamuttiShTha yasho labhasva jitvA shatrUnbhu.nkShva rAjya.n samR^iddham.h |
\indent ##\hspace{1in}## mayaivaite nihatAH pUrvameva nimittamAtra.n bhava savyasAchin || 33||\newline%@

yera cheShTaviteM jeM baLa| teM mAgAMchi miyAM grAsileM sakaLa| AtAM kolhAriche vetALa| taise nirjIva he AhAtI || 466||
hAlavitI dorI tuTalI| tarI tiyeM khAMbAvarIla bAhulIM| bhalateNeM loTilIM| ulathoni paDatI || 467||
taisA sainyAchA yayA bagA| moDatAM veLU na lagela paiM gA| mhaNauni uThIM uThIM vegAM| shAhANA ho{I}M || 468||
tuvAM gograhaNAcheni avasareM| ghAtaleM mohanAstra ekasareM| maga virATAcheni mahAbheDeM uttareM| AsaDUni nAgAvileM || 469||
AtAM heM tyAhUni nipaTAreM jahAleM| nivaTIM AyiteM raNa paDileM| ghe{I}M yasha ripu jiMtile| ekaleni arjuneM || 470||
ANi koraDeM yashachi nohe| samagra rAjyahI AleM Ahe| tUM nimittamAtrachi hoyeM| savyasAchI || 471||

\indent ##\hspace{1in}## droNa.n cha bhIShma.n cha jayadratha.n cha karNA.n tathAnyAnapi yodhavIrAn |
\indent ##\hspace{1in}## mayA hatA.nstva.n jahi mA vyathiShThA yudhyasva jetAsi raNe sapat{}nAn || 34||\newline%@

droNAchA pADu na karIM| bhIShmAcheM bhaya na dharIM| kaiseni karNAvarI| parajUM heM na mhaNa || 472||
koNa upAyo jayadrathA kIje| heM na chiMtUM chitta tujheM| ANikahI Athi je je| nAvANige vIra || 473||
tehI eka eka AghaveM| chitrIMche siMhADe mAnAve| jaise voleni hAteM ghyAveM| pusoniyAM || 474||
yAvarI pAMDavA| kA{i}sA yuddhAchA meLAvA \?| hA AbhAsu gA AghavA| yera grAsileM miyAM || 475||
jevhAM tuvAM dekhile| he mAjhiyA vadanIM paDile| tevhAMchi yAMcheM AyuShya saraleM| AtAM ritIM sopeM || 476||
mhaNauni vahilA uThIM| miyAM mArile tUM nivaTIM| na rige shokasaMkaTIM| nAthiliyA || 477||
ApaNachi ADakhiLA kIje| to kautukeM jaisA viMdhoni pADije| taiseM dekheM gA tujheM| nimitta Ahe || 478||
bApA viruddha jeM jAhaleM| teM upajatAMchi vAgheM neleM| AtAM rAjyeMshIM saMchaleM| yasha tUM bhogIM || 479||
sAviyAchi utata hote dAyAda| ANi baLiye jagIM durmada| te vadhile vishada| sAyAsu na lAgatAM || 480||
aisiyA iyA goShTI| vishvAchyA vAk{}paTIM| lihUni ghAlI kirITI| jagAmAjIM || 481||

\indent ##\hspace{1in}## sa.njaya uvAcha |
\indent ##\hspace{1in}## etachchhrutvA vachana.n keshavasya kR^itA~njalirvepamAnaH kirITI |\newline
\indent ##\hspace{1in}## namaskR^itvA bhUya evAha kR^iShNa.n sagad{}gada.n bhItabhItaH praNamya || 35||\newline%@

aisI AghavIchi he kathA| tayA apUrNa manorathA| saMjayo sAMge kurunAthA| j~nAnadevo mhaNe || 482||
maga satyalokauni gaMgAjaLa| suTaliyA vAjata khaLALa| taishI vAchA vishALa| bolatAM tayA || 483||
nAtarI mahAmeghAMche umALe| ghaDaghaDIta eke veLe| kAM ghumaghumilA maMdarAchaLeM| xIrAbdhI jaisA || 484||
taiseM gaMbhIreM mahAnAdeM| heM vAkya vishvakaMdeM| bolileM agAdheM| anaMtarUpeM || 485||
teM arjuneM moTakeM aikileM| ANi sukha kIM bhaya duNAvaleM| heM neNoM pari kAMpinnaleM| sarvAMga tayAcheM || 486||
sakholapaNeM vaLalI moTa| ANi taisechi joDale karasaMpuTa| veLoveLAM lalATa| charaNIM ThevI || 487||
tevIMchi kAMhIM boloM jAye| taMva gaLA bujAlAchi ThAye| heM sukha kIM bhaya hoye| heM vichArA tumhIM || 488||
pari tevhAM devAcheni boleM| arjunA heM aiseM jAhaleM| miyAM padAMvarUni dekhileM| shlokIMchiyA || 489||
maga taisAchi bheNabheNa| puDhatI johArUni charaNa| maga mhaNe jI ApaNa| aiseM boliletI || 490||

\indent ##\hspace{1in}## arjuna uvAcha |
\indent ##\hspace{1in}## sthAne hR^iShIkesha tava prakIrtyA jagatprahR^iShyatyanurajyate cha |\newline
\indent ##\hspace{1in}## rakShA.nsi bhItAni disho dravanti sarve namasyanti cha siddhasa.nghAH || 36||\newline%@

nA tarI arjunA mI kALu| ANi grAsije to mAjhA kheLu| hA bolu tujhA kIra aDhaLu| mAnUM AmhI || 491||
pari tuvAM jI kALeM| Aji sthitIchiye veLe| grAsije heM na miLe| vichArAsI || 492||
kaiseni AMgIMcheM tAruNya kADhAveM \?| kaicheM navhe teM vArdhakya ANAveM \?| mhaNauni karUM mhaNasI teM navhe| bahutakarunI || 493||
hAM jI chaupAhArI na bharatAM| koNehI veLe shrIanaMtA| kAya mAdhyAnhIM savitA| mAvaLatu Ahe \? || 494||
paiM tuja akhaMDitA kALA| tinhI AhAtI jI veLA| tyA tinhI parI sabaLA| ApulAliyA samayIM || 495||
je veLIM hoM lAge utpattI| te veLIM sthiti praLayo hArapatI| ANi sthitikALIM na miravitI| utpatti praLayo || 496||
pAThIM praLayAchiye veLe| utpatti sthiti mAvaLe| heM kAyasenahI na DhaLe| anAdi aiseM || 497||
mhaNauni Aji taMva bhareM bhogeM| sthiti vartijata Ahe jageM| etha grasisI tUM heM na lage| mAjhyA jIvIM || 498||
taMva saMketeM deva bole| agA yA donhI sainyAMsIchi maraNa puraleM| teM pratyaxachi tuja dAvileM| yera yathAkALeM jANa || 499||
hA saMketu jaMva anaMtA| veLu lAgalA bolatAM| taMva arjuneM loku mAgutA| dekhilA yathAsthiti || 500||
maga mhaNatase devA| tUM sUtrIM vishvalAghavA| jaga AlA mA AghavA| pUrvasthiti puDhatI || 501||
parI paDiliyA duHkhasAgarIM| tUM kADhisI kAM jayAparI| te kIrti tujhI shrIharI| AThavita ase || 502||
kIrti AThavitAM veLoveLAM| bhogitaseM mahAsukhAchA sohaLA| tetha harShAmR^itakalloLA| varI loLata AheM || 503||
devA jiyAlepaNeM jaga| dharI tujhyA ThAyIM anurAga| ANi duShTAM tayAM bhaMga| adhikAdhika || 504||
paiM tribhuvanIMchiyA rAxasAM| mahAbhaya tUM hR^iShIkeshA| mhaNauni paLatAtI dAhI dishAM| pailIkaDe || 505||
yetha sura nara siddha kinnara| kiMbahunA charAchara| te tuja dekhoni harShanirbhara| namaskArita asatI || 506||

\indent ##\hspace{1in}## kasmAchcha te na nameranmahAtman garIyase brahmaNo.apyAdikartre |
\indent ##\hspace{1in}## ananta devesha jagannivAsa tvamakShara.n sadasattatpara.n yat.h || 37||\newline%@

etha gA kavaNA kAraNA| rAxasa he nArAyaNA| na lagatIchi charaNA| paLate jAhale || 507||
ANi heM kAya tUMteM pusAveM| yetuleM AmhAMsihI jANave| tarI sUryodayIM rAhAveM| kaiseni tameM \? || 508||
jI tUM prakAshAchA Agaru| ANi jAhalA AmhAsi gocharU| mhaNauniyA nishAcharAM keru| phiTalA sahajeM || 509||
heM yetule divasa AmhAM| kAMhIM neNavechi shrIrAmA| AtAM dekhatasoM mahimA| gaMbhIra tujhA || 510||
jethUni nAnA sR^iShTIMchiyA voLI| pasaratI bhUtagrAmAchiyA velI| tayA mahad{}brahmAteM vyAlI| daivikI ichChA || 511||
devo niHsIma tattva sadoditu| devo niHsIma guNa anaMtu| devo niHsIma sAmya satatu| nareMdra devAMchA || 512||
jI tUM trijagatiye volAvA| axara tUM sadAshivA| tUMchi sadasat devA| tayAhI atIta teM tUM || 513||

\indent ##\hspace{1in}## tvamAdidevaH puruShaH purANastvamasya vishvasya para.n nidhAnam.h |
\indent ##\hspace{1in}## vettAsi vedya.n cha para.n cha dhAma tvayA tata.n vishvamanantarUpa || 38||\newline%@

tUM prakR^itipuruShAMchiyA AdI| jI mahattatvAM tUMchi avadhI| svayeM tUM anAdi| purAtanu || 514||
tUM sakaLa vishvajIvana| jIvAMsi tUMchi nidhAna| bhUtabhaviShyAcheM j~nAna| tujhyAchi hAtIM || 515||
jI shrutIchiyAM lochanAM| svarUpasukha tUMchi abhinnA| tribhuvanAchiyA AyatanA| Ayatana tUM || 516||
mhaNauni jI parama| tUMteM mhaNije mahAdhAma| kalpAMtIM mahad{}brahma| tujamAjIM rige || 517||
kiMbahunA tuvAM deveM| vishva vistArileM Ahe AghaveM| tari anaMtarUpA vAnAveM| kavaNeM tUMteM || 518||

\indent ##\hspace{1in}## vAyuryamognirvaruNaH shashA~NkaH prajApatistva.n prapitAmahashcha |
\indent ##\hspace{1in}## namo namaste.astusahasrakR^itvaH punashcha bhUyo.api namo namaste || 39||\newline%@


\indent ##\hspace{1in}## namaH purastAdatha pR^iShThataste namo.astu te sarvata eva sarva |
\indent ##\hspace{1in}## anantavIryAmitavikramastva.n sarva.n samApnoShi tato.asi sarvaH || 40||\newline%@

jI kAya eka tUM navhasI| kavaNe ThAyIM nasasI| heM aso jaisA AhAsI| taisiyA namo || 519||
vAyu tUM anaMtA| yama tUM niyamitA| prANigaNIM vasatA| agni to tUM || 520||
varuNa tUM soma| sraShTA tUM brahma| pitAmahAchAhI parama| Adi janaka tUM || 521||
ANikahI jeM jeM kAMhIM| rUpa Athi athavA nAhIM| tayA namo tuja taisayAhI| jagannAthA || 522||
aiseM sAnurAgeM chitteM| namana keleM paMDusuteM| maga puDhatI mhaNe namaste| namaste prabho || 523||
pAThIM tiye sAdyaMte| nyAhALI shrImUrtIteM| ANi puDhatI mhaNe namaste| namaste prabho || 524||
pAhatAM pAhatAM prAMteM| samAdhAna pAve chitteM| ANi puDhatI mhaNe namaste| namaste prabho || 525||
iye charAcharIM jIM bhUteM| sarvatra dekhe tayAMteM| ANi puDhatI mhaNe namaste| namaste prabho || 526||
aisIM rUpeM tiyeM ad{}bhuteM| AshcharyeM sphuratI anaMteM| taMva taMva namaste| namastechi mhaNe || 527||
ANika stutihI nAThave| ANi nivAMtuhI na baisave| neNeM kaisA premabhAveM| gAjoMchi lAge || 528||
kiMbahunA iyAparI| namana keleM sahasravarI| kIM puDhatI mhaNe shrIharI| tuja sanmukhA namo || 529||
devAsi pAThI poTa Athi kIM nAhIM| yeNeM upayogu AmhAM kA{I}| tari tuja pAThimoreyAhI| namo svAmI || 530||
ubhA mAjhiye pAThIsIM| mhaNauni pAThImoreM mhaNAveM tumhAMsI| sanmukha vinmukha jageMsIM| na ghaDeM tuja || 531||
AtAM vegaLAliyA avayavAM| neNeM rUpa karUM devA| mhaNauni namo tuja sarvA| sarvAtmakA || 532||
jI anaMtabaLasaMbhramA| tuja namo amita vikramA| sakaLakALIM samA| sarvarUpA || 533||
AghaviyA AkAshIM jaiseM| avakAshachi ho{U}ni AkAsha ase| tUM sarvapaNeM taiseM| pAtalAsi sarva || 534||
kiMbahunA kevaLa| sarva heM tUMchi nikhiLa| parI xIrArNavIM kalloLa| payAche jaise || 535||
mhaNauniyA devA| tUM vegaLA navhasI sarvAM| heM AleM maja sad{}bhAvA| AtAM tUMchi sarva || 536||

\indent ##\hspace{1in}## sakheti matvA prasabha.n yaduk{}ta.n he kR^iShNa he yAdava he sakheti |
\indent ##\hspace{1in}## ajAnatA mahimAna.n taveda.n mayA pramAdAtpraNayena vApi || 41||\newline%@

pari aisiyA tUteM svAmI| kahIMcha neNoM jI AmhI| mhaNauni soyare saMbaMdhadharmIM| rAhATaloM tujasIM || 537||
ahA thora vA{u}ra jAhaleM| amR^iteM saMmArjana myAM keleM| vArikeM ghe{}Uni didhaleM| kAmadhenUteM || 538||
parisAchA khaDavAchi joDalA| kIM phoDoni AmhI gADorA ghAtalA| kalpatarU toDoni kelA| kUMpa shetA || 539||
chiMtAmaNIchI khANI lAgalI| teNeM kareM voDhALeM volhAMDilI| taisI tujhI javaLika dhADilI| sAMgAtIpaNeM || 540||
heM AjicheMchi pAheM pAM rokaDeM| kavaNa jhuMja heM kevaDheM| etha parabrahma tUM ughaDeM| sArathI kelAsI || 541||
yayA kauravAMchiyA gharA| shiShTA{I} dhADilAsi dAtArA| aisA vaNijesAThIM jAgeshvarA| vikalAsi AmhIM || 542||
tUM yogiyAMcheM samAdhisukha| kaisA jANechinA mI mUrkha| uparodhu jI sanmukha| tujasIM karUM || 543||

\indent ##\hspace{1in}## yachchAvahAsArthamasatkR^ito.asi vihArashayyAsanabhojaneShu |
\indent ##\hspace{1in}## eko.athavApyachyuta tatsamakSha.n tatkShAmaye tvAmahamaprameyam.h || 42||\newline%@

tUM yA vishvAchI anAdi AdI| baisasI jiye sabhAsadIM| tetheM soyarIkIchiyA saMbaMdhIM| raLIM boloM || 544||
vipAyeM rA{u}LA yevoM| tari tujheni aMgeM mAnu pAvoM| na mAnisI tarI jAvoM| rusoni salagI || 545||
pAyAM lAgoni bujhAvaNI| tujhyA ThAyIM shAra~N{}gapANI| pAhije aishI karaNI| bahu kelI AmhIM || 546||
sajaNapaNAchiyA vATA| tujapuDheM baiseM upharATA| hA pADu kAya vaikuMThA \?| pari chukaloM AmhIM || 547||
deveMsi kolakAThI dharUM| AkhADA jhoMbIloMbI karUM| sArI kheLatAM AviShkarUM| nikareMhI bhAMDoM || 548||
chAMga teM urA{u}rIM mAgoM| devAsi kIM buddhi sAMgoM| tevIMchi mhaNoM kAya lAgoM| tujheM AmhI || 549||
aisA aparAdhu hA Ahe| jo tribhuvanIM na samAye| jI neNatAMchi kIM pAye| shivatile tujhe || 550||
devo bonayAchyA avasarIM| lobheM kIra AThavaNa karI| parI mAjhA nisuga garva avadhArIM| je phugUnachi baiseM || 551||
devAchiyA bhogAyatanIM| kheLatAM AshaMkenA manIM| jI rigoniyAM shayanIM| sarisA pahuDeM || 552||
'kR^iShNa mhaNauni hAkArije| yAdavapaNeM tUMteM lekhije| ApalI ANa ghAlije| jAtAM tuja || 553||
maja ekAsanIM baisaNeM| kAM tujhA bolu na mAnaNeM| heM votaTIcheni dATapaNeM| bahuta ghaDaleM || 554||
mhaNauni kAya kAya AtAM| nivedijela anaMtA| mI rAshi AheM samastAM| aparAdhAMchi || 555||
yAlAgIM puDhAM athavA pAThIM| jiyeM rAhaTaloM bahuveM vokhaTIM| tiyeM mAyechiyA parI poTIM| sAmAvIM prabho || 556||
jI koNhI eke veLe| saritA ghe{U}na yetI khaDuLeM| tiyeM sAmAvijeti siMdhujaLeM| Ana upAyo nAhIM || 557||
taisI prItI kAM pramAdeM| deveMsIM maja viruddheM| bolavilIM tiyeM mukuMdeM| upasAhAvIM jI || 558||
ANi devAcheni xamatveM xamA| AdhAru jAlI Ahe yA bhUtagrAmA| mhaNauni jI puruShottamA| vinavUM teM thoDeM || 559||
tarI AtAM aprameyA| maja sharaNAgatA ApuliyA| xamA kIjo jI yayA| aparAdhAMsi || 560||

\indent ##\hspace{1in}## pitAsi lokasya charAcharasya tvamasya pUjyashcha gururgarIyAn |
\indent ##\hspace{1in}## na tvatsamo.astyabhyadhikaH kuto.anyo lokatraye.apyapratimaprabhAvaH || 43||\newline%@

jI jANitaleM miyAM sAcheM| mahimAna AtAM devAcheM| je devo hoya charAcharAcheM| janmasthAna || 561||
hariharAdi samastAM| devA tUM parama devatA| vedAMteMhI paDhavitA| Adiguru tUM || 562||
gaMbhIra tUM shrIrAmA| nAnA bhUtaikasamA| sakaLaguNIM apratimA| advitIyA || 563||
tujasI nAhIM sariseM| heM pratipAdanachi kAyaseM \?| tuvAM jAleni AkAsheM| sAmAvileM jaga || 564||
tayA tujheni pADeM dujeM| aiseM bolatAMchi lAjije| tetha adhikAchI kIje| goThI kevIM || 565||
mhaNauni tribhuvanIM tUM eku| tujasarikhA nA adhiku| tujhA mahimA alaukiku| neNije vAnUM || 566||

\indent ##\hspace{1in}## tasmAt.h praNamya praNidhAya kAya.n prasAdaye tvAmahamIshamIDyam.h |
\indent ##\hspace{1in}## piteva putrasya sakheva sakhyuH priyaH priyAyArhasi deva soDhum.h || 44||\newline%@

aiseM arjuneM mhaNitaleM| maga puDhatI daMDavata ghAtaleM| tetheM sAttvikAcheM AleM| bharateM tayA || 567||
maga mhaNatase prasIda prasIda| vAchA hotase sadgada| kADhI jI aparAdha\-| samudrauni mAteM || 568||
tuja vishvasuhR^idAteM kahIM| soyarepaNeM na manUMchi pAhIM| tuja viIshveshvarAchiyA ThAyIM| aishvarya keleM || 569||
tUM varNanIya parI lobheM| mAteM varNisI pAM sabhe| tari miyAM valgije xobheM| adhikAdhika || 570||
AtAM aisiyA aparAdhAM| maryAdA nAhIM mukuMdA| mhaNauni raxa raxa pramAdA| pAsoniyAM || 571||
jI heMchi vinavAvayAlAgIM| kaiMchI yogyatA mAjhiyA AMgIM| parI apatya jaiseM salagI| bApeMsIM bole || 572||
putrAche aparAdha| jarI jAhale agAdha| tarI pitA sAhe nirdvaMdva| taiseM sAhijo jI || 573||
sakhyAcheM uddhata| sakhA sAhe nivAMta| taiseM tuvAM samasta| sAhijo jI || 574||
priyAchiyA ThAyIM sanmAna| priya na pAheM sarvathA jANa| tevIM uchChiShTa kADhileM ApaNa| te xamA kIjo jI || 575||
nAtarI prANAcheM soyareM bheTe| maga jIveM bhUtalIM jiyeM saMkaTeM| tiyeM niveditAM na vATe| saMkochu kAMhIM || 576||
kAM ukhiteM AMgeM jIveM| ApaNapeM didhaleM jiyA manobhAveM| tiyA kAMtu minaliyA na rAhaveM| hR^idaya jevIM || 577||
tayAparI jI miyAM| heM vinavileM tumateM gosAviyA| ANi kAMhIM eka mhaNAvayA| kAraNa ase || 578||

\indent ##\hspace{1in}## adR^iShTapUrva.n hR^iShito.asmi dR^iShTvA bhayena cha pravyathita.n mano me |
\indent ##\hspace{1in}## tadeva me darshaya deva rUpa.n prasIda devesha jagannivAsa || 45||\newline%@

tarI deveMsIM salagI kelI| je vishvarUpAchI ALI ghetalI| te mAyabApeM puravilI| snehALAcheni || 579||
suratarUMchI jhADeM| AMgaNIM lAvAvIM koDeM| deyAveM kAmadhenucheM pADeM| kheLAvayA || 580||
miyAM naxatrIM DAva pADAvA| chaMdra cheMDuvAlAgIM ANAvA| hA ChaMdu siddhI nelA AghavA| mA{u}liye tuvAM || 581||
jiyA amR^italeshAlAgIM sAyAsa| tayAchA pA{U}sa kelA chArI mAsa| pR^ithvI vAhUna chAsechAsa| chiMtAmaNI perile || 582||
aisA kR^itakR^itya kelA svAmI| bahuve laLA pALilA tumhIM| dAvileM jeM harabrahmIM| nAyakije kAnIM || 583||
mA dekhAvayAchI ke{}utI goThI| jayAchI upaniShadAM nAhIM bheTI| te jivhArIMchI gAMThI| majalAgIM soDilI || 584||
jI kalpAdIlAgoni| AjichI ghaDI dharunI| mAjhIM jetulIM ho{u}nI| gelIM janmeM || 585||
tayAM AghaviyAMchi AMtu| gharaDoLI ghe{}Uni aseM pAhatu| pari hI dekhilI aikilI mAtu| AtuDechinA || 586||
buddhIcheM jANaNeM| kahIM na vachechi yAcheni AMgaNeM| he sAdahI aMtaHkaraNeM| karavechinA || 587||
tethA DoLyAM dekhI hoAvI| hI goThIchi kAyasayA karAvI| kiMbahunA pUrvIM| dR^iShTa nA shruta || 588||
teM heM vishvarUpa ApuleM| tumhIM maja DoLAM dAvileM| tarI mAjheM mana jhAleM| hR^iShTa devA || 589||
pari AtAM aisI chADa jIvIM| je tujasIM goThI karAvI| javaLIka he bhogAvI| AliMgAvAsI || 590||
te yAchi rUpIM karUM mhaNije| tari koNe eke mukheMsI chAvaLije| ANi kavaNA kheMva de{I}je| tuja lekha nAhIM || 591||
mhaNauni vAriyAsaveM dhAvaNeM| na Thake gaganA kheMva deNeM| jaLakelI kheLaNeM| samudrIM ke{}uteM \? || 592||
yAlAgIM jI devA| ethiMcheM bhaya upajatase jIvA| mhaNauni yetulA laLA pALAvA| je pure heM AtAM || 593||
paiM charAchara vinodeM pAhije| maga teNeM sukheM gharIM rAhije| taiseM chaturbhuja rUpa tujheM| to visAMvA AmhAM || 594||
AmhIM yogajAta abhyAsAveM| teNeM yAchi anubhavA yAveM| shAstrAMteM AloDAveM| pari siddhAMtu to hAchi || 595||
AmhIM yajaneM kijatI sakaLeM| pari tiyeM phaLAvIM yeNeMchi phaLeM| tIrtheM hotu sakaLeM| yAchilAgIM || 596||
ANIkahI kAMhIM jeM jeM| dAna puNya AmhIM kIje| tayA phaLIM phaLa tujheM| chaturbhuja rUpa || 597||
aisI tethiMchI jIvA AvaDI| mhaNauni teMchi dekhAvayA lavaDasavaDI| vartata ase te sAMkaDI| pheDIje vegIM || 598||
agA jIvIMcheM jANateyA| sakaLa vishvavasaviteyA| prasanna ho{I}M pUjitayA| devAMchiyA devA || 599||

\indent ##\hspace{1in}## kirITina.n gadina.n chakrahastamichchhAmi tvA.n draShTumaha.n tathaiva |
\indent ##\hspace{1in}## tenaiva rUpeNa chaturbhujena sahasrabAho bhava vishvamUrte || 46||\newline%@

kaiseM nIlotpalAteM rAMvita| AkAshAhI raMgu lAvita| tejAchI voja dAvita| iMdranILA || 600||
jaisA parimaLa jAhalA maragajA| kAM AnaMdAsi nighAliyA bhujA| jyAche jAnuvarI makaradhvajA| joDalI barava || 601||
mastakIM mukuTAteM ThevileM| kIM mukuTA mukuTa mastaka jhAleM| shR^iMgArA leNeM lAdhaleM| AMgAcheni jayA || 602||
iMdradhanuShyAchiye ADaNI| mAjIM megha gaganaraMgaNIM| taiseM AvarileM shAra~N{}gapANI| vaijayaMtiyA || 603||
AtAM kavaNI te udAra gadA| asurAM deta kaivalya padA| kaiseM chakra hana goviMdA| saumyatejeM mirave || 604||
kiMbahunA svAmI| teM dekhAvayA utkaMThita pAM mI| mhaNauni AtAM tumhIM| taisayA hoAveM || 605||
he vishvarUpAche sohaLe| bhogUni nivAle jI DoLe| AtAM hotAti AMdhale| kR^iShNamUrtIlAgIM || 606||
teM sAkAra kR^iShNarUpaDeM| vAMchUni pAhoM nAvaDe| teM na dekhatAM thoDeM| mAnitAtI he || 607||
AmhAM bhogamoxAchiyA ThAyIM| shrImUrtIvAMchUni nAhIM| mhaNauni taisAchi sAkAru ho{I}M| heM sAMvarIM AtAM || 608||

\indent ##\hspace{1in}## shrIbhagavAnuvAcha |
\indent ##\hspace{1in}## mayA prasannena tavArjuneda.n rUpa.n para.n darshitamAtmayogAt.h |
\indent ##\hspace{1in}## tejomaya.n vishvamanantamAdya.n yanme tvadanyena na dR^iShTapUrvam.h || 47||\newline%@

yA arjunAchiyA bolA| vishvarUpA vismayo jAhalA| mhaNe aisA nAhIM dekhilA| dhasALa koNI || 609||
koNa he vastu pAvalA AhAsI| tayA lAbhAchA toShu na ghesI| mA bheNeM kAya neNoM bolasI| hekADu aisA || 610||
AmhIM sAviyAchi jaiM prasanna hoNeM| taiM AMgachivarI mhaNeM deNeM| vAMchoni jIva ase veMchaNeM| kavaNAsi gA || 611||
teM heM tujhiye chADe| Aji jivAcheMchi daLavADeM| kAma{U}niyAM yevaDheM| rachileM dhyAna || 612||
aisI kAya neNoM tujhiye AvaDI| jAhalI prasannatA AmuchI veDI| mhaNauni gaupyAchIhI guDhI| ubhavilI jagIM || 613||
teM heM apArAM apAra| svarUpa mAjheM parAtpara| ethUni te avatAra| kR^iShNAdika || 614||
heM j~nAnatejAcheM nikhiLa| vishvAtmaka kevaLa| anaMta he aDhaLa| Adya sakaLAM || 615||
heM tujavAMchoni arjunA| pUrvIM shruta dR^iShTa nAhIM AnA| je jogeM navhe sAdhanA| mhaNauniyAM || 616||

\indent ##\hspace{1in}## na vedayaj~nAdhyayanairna dAnairna cha kriyAbhirna tapobhirugraiH |
\indent ##\hspace{1in}## eva.n rUpaH shakya aha.n nR^iloke draShTu.n tvadanyena kurupravIra || 48||\newline%@

yAchI soya pAtale| ANi vedIM maunachi ghetaleM| yAj~nikI mAghaute Ale| svargauniyAM || 617||
sAdhakIM dekhilA AyAsu| mhaNauni vALilA yogAbhyAsu| ANi adhyayaneM saurasu| nAhIM etha || 618||
sIgechIM satkarme| dhAvinnalIM saMbhrameM| tihIM bahutekIM shrameM| satyaloku ThAkilA || 619||
tapIM aishvarya dekhileM| ANi ugrapaNa ubhayAMchi sAMDileM| eka tapasAdhana jeM TheleM| apArAMtareM || 620||
teM heM tuvAM anAyAseM| vishvarUpa dekhileM jaiseM| iye manuShyalokIM taiseM| na phavechi kavaNA || 621||
Aji dhyAnasaMpattIlAgIM| tUMchi eku AthilA jagIM| heM parama bhAgya AMgIM| viraMchIhI nAhIM || 622||

\indent ##\hspace{1in}## mA te vyathA mA cha vimUDhabhAvo dR^iShTvA rUpa.n ghoramIdR^i~Nmamedam.h |
\indent ##\hspace{1in}## vyapetabhIH prItamanAH punastva.n tadeva me rUpamida.n prapashya || 49||\newline%@

mhaNauni vishvarUpalAbheM shlAgha| ethicheM bhaya negha negha| heM vAMchUni anya chAMga| na manIM kAMhIM || 623||
hAM gA samudra amR^itAchA bharalA| ANi avasAMta varapaDA jAhalA| maga koNIhI Athi vosaMDilA| buDijaila mhaNauni \? || 624||
nAtarI sonayAchA DoMgaru| yesaNA na chale hA thoru| aiseM mhaNauni avheru| karaNeM ghaDe \? || 625||
daiveM chiMtAmaNI le{I}je| kIM heM ojheM mhaNauni sAMDije \?| kAmadhenu davaDije| na posave mhaNauni \? || 626||
chaMdramA AliyA gharA| mhaNije nige karitosi ubArA| paDisAyi pADitosi dinakarA| paratA sara || 627||
taiseM aishvarya heM mahAteja| Aji hAtAM AleM Ahe sahaja| kIM etha tuja gajabaja| hoAvI kAM \? || 628||
pari neNasIcha gAMvaDhiyA| kAya kopoM AtAM dhanaMjayA| AMga sAMDoni ChAyA| AliMgitosi mA \? || 629||
heM navhe jo mI sAcheM| etha mana karUniyAM kAcheM| prema dharisI avagaNiyecheM| chaturbhuja jeM || 630||
tari ajhunivarI pArthA| sAMDIM sAMDIM he vyavasthA| iyeviShayIM AsthA| karisI jhaNeM || 631||
heM rUpa jarI ghora| vikR^iti ANi thora| tarI kR^itanishchayAcheM ghara| heMchi karIM || 632||
kR^ipaNa chittavR^itti jaisI| roMvoni ghAlIM ThevayApAsIM| maga nusadheni deheMsIM| ApaNa ase || 633||
kAM ajAtapaxiyA javaLA| jIva baisavUni avisALAM| paxiNI aMtarALA\-| mAjIM jAya || 634||
nAnA gAya chare DoMgarIM| pari chitta bAMdhileM vatseM gharIM| prema ethiMcheM karIM| sthAnapatI || 635||
yereM varichileni chitteM| bAhya sakhya sukhApurateM| bhogijo kAM shrImUrtIMteM| chaturbhuja || 636||
pari puDhatapuDhatI pAMDavA| hA eka bolu na visarAvA| je iye rUpIMhUni sad{}bhAvA| nedAveM nighoM || 637||
heM kahIM navhateMchi dekhileM| mhaNauni bhaya jeM tuja upajaleM| teM sAMDIM etha saMchaleM| asoM de prema || 638||
AtAM karUM tujayAsArakheM| aiseM mhaNitaleM vishvatomukheM| tari mAgIla rUpa sukheM| nyAhALIM pAM tUM || 639||

\indent ##\hspace{1in}## sa.njaya uvAcha |
\indent ##\hspace{1in}## ityarjuna.n vAsudevastathok{}tvA svaka.n rUpa.n darshayAmAsa bhUyaH |\newline
\indent ##\hspace{1in}## AshvAsayAmAsa cha bhItamena.n bhUtvA punaH saumyavapurmahAtmA || 50||\newline%@

aiseM vAkya bolatakheMvo| mAgutA manuShya jAhalA devo| heM nA pari navalAvo| AvaDIchA tiye || 640||
shrIkR^iShNachi kaivalya ughaDeM| vari sarvasva vishvarUpAyevaDheM| hAtIM didhaleM kIM nAvaDe| arjunAsi || 641||
vastu ghe{}Uni vALije| jaiseM ratnAsi dUShaNa Thevije| nAtarI kanyA pAhUniyAM mhaNije| manA na ye he || 642||
tayA vishvarUpAyevaDhI dashA| karitAM prItIchA vADhU kaisA| sela dIdhalIse upadeshA| kirITIsiM deveM || 643||
moDoni bhAMgArAchA ravA| leNeM ghaDileM ApaliyA savA| maga nAvaDe jarI jIvA| tarI ATije puDhatI || 644||
taiseM shiShyAchiye prItI jAhaleM| kR^iShNatva hoteM teM vishvarUpa keleM| teM manA nayechi maga ANileM| kR^iShNapaNa mAguteM || 645||
hA ThAvavarI shiShyAchI nikasI| sahAteM guru AhAtI kavaNe deshIM \?| pari neNije AvaDI kaishI| saMjayo mhaNe || 646||
maga vishvarUpa vyApuni bhoMvateM| jeM divya teja pragaTaleM hoteM| teMchi sAmAvaleM mAguteM| kR^iShNarUpIM taye || 647||
jaiseM tvaMpada heM AghaveM| tatpadIM sAmAve| athavA drumAkAru sAMThave| bIjakaNike jevIM || 648||
nAtarI svapnasaMbhramu jaisA| giLI che{i}lI jIvadashA| shrIkR^iShNeM yogu hA taisA| saMhArilA to || 649||
jaisI prabhA hArapalI biMbIM| kIM jaLadasaMpattI nabhIM| nAnA bharateM siMdhugarbhIM| rigAleM rAyA || 650||
ho kAM je kR^iShNAkR^itIchiye moDI| hotI vishvarUpapaTAchI ghaDI| te arjunAchiye AvaDI| ukalUni dAvilI || 651||
taMva parimANA raMgu| teNeM dekhileM sAviyA chAMgu| tetha grAhakIye navhechi lAgu| mhaNauni ghaDI kelI puDhatI || 652||
taiseM vADhIcheni bahuvasapaNeM| rUpeM vishva jiMtileM jeNeM| teM saumya koDisavANeM| sAkAra jAhaleM || 653||
kiMbahunA anaMteM| dharileM dhAkuTapaNa mAguteM| pari AshvAsileM pArthAteM| bihAliyAsI || 654||
jo svapnIM svargA gelA| to avasAMta jaisA che{i}lA| taisA vismayo jAhalA| kirITIsI || 655||
nAtarI gurukR^ipesaveM| vosaraleyA prapaMchaj~nAna AghaveM| sphure tattva tevIM pAMDaveM| shrImUrti dekhilI || 656||
tayA pAMDavA aiseM chittIM| ADa vishvarUpAchI javanikA hotI| te phiToni gelI parautI| heM bhaleM jAhaleM || 657||
kAya kALAteM jiNoni AlA| kIM mahAvAtu mAgAM sAMDilA| ApuliyA bAhI utaralA| sAtahI siMdhu || 658||
aisA saMtoSha bahu chitteM| ghe{i}jata ase paMDusuteM| vishvarUpApAThIM kR^iShNAteM| dekhoniyAM || 659||
maga sUryAchiyA astamAnIM| mAgutI tArA ugavatI gaganIM| taisI dekhoM lAgalA avanIM| lokAMsahita || 660||
pAhe taMva teMchi kuruxetra| taiseMchi dekhe dohIM bhAgIM gotra| vIra varShatAtI shastrAstra| saMghATavarI || 661||
tayA bANAMchiyA mAMDavA{A}Mtu| taisAchi rathu dekhe nivAMtu| dhure baisalA laxmIkAMtu| ApaNa taLIM || 662||

\indent ##\hspace{1in}## arjuna uvAcha |
\indent ##\hspace{1in}## dR^iShTveda.n mAnuSha.n rUpa.n tava saumya.n janArdana |
\indent ##\hspace{1in}## idAnImasmi sa.nvR^ittaH sachetAH prakR^iuti.n gataH || 51||\newline%@

evaM mAgIla jaiseM taiseM| teNeM dekhileM vIravilAseM| maga mhaNe jiyAloM aiseM| jAhaleM AtAM || 663||
buddhIteM sAMDoni j~nAna| bheNeM vaLaghaleM rAna| ahaMkAreMsI mana| deshodhaDI jAhaleM || 664||
iMdriyeM pravR^ittI bhulalIM| vAchA prANA chukalI| aiseM ApAMparI hotI jAlI| sharIragrAmIM || 665||
tiyeM AghavIMchi mAgutIM| jivaMta bheTalIM prakR^itI| AtAM jitANeM shrImUrtI| jAhaleM miyAM || 666||
aiseM sukha jIvIM ghetaleM| maga shrIkR^iShNAteM mhaNitaleM| miyAM tumacheM rUpa dekhileM| mAnuSha heM || 667||
heM rUpa dAkhavaNeM devarAyA| kIM maja apatyA chukaliyA| bujhAvoni tuvAM mAyA| stanapAna didhaleM || 668||
jI vishvarUpAchiyA sAgarIM| hotoM taraMga mavita vAMvevarI| to iye nijamUrtIchyA tIrIM| nigAloM AtAM || 669||
A{i}keM dvArakApurasuhADA| maja sukatiyA jI jhADA| he bheTI navhe bahuDA| meghAchA kelA || 670||
jI sAviyAchI tR^iShA phuTalA| tayA maja amR^itasiMdhu hA bheTalA| AtAM jiNayAchA jAhalA| bharaMvasA maja || 671||
mAjhiyA hR^idayaraMgaNIM| hotAhe harikhalatAMchI lAvaNI| sukheMsIM bujhAvaNI| jAhalI maja || 672||

\indent ##\hspace{1in}## shrIbhagavAnuvAcha |
\indent ##\hspace{1in}## sududarshamida.n rUpa.n dR^iShTavAnasi yanmama |
\indent ##\hspace{1in}## devA apyasya rUpasya nitya.n darshakA~N{}kShiNaH || 52||\newline%@

yayA pArthAchiyA bolAsaveM| heM kAya mhaNitaleM deveM| tuvAM prema ThevUni yAveM| vishvarUpIM kIM || 673||
maga iye shrImUrtI| bheTAveM saDiyA AyatI| te shikavaNa subhadrApatI| visaralAsi mA || 674||
agA AMdhaLiyA arjunA| hAtA AliyA merUhI hoya sAnA| aisA AthI manA| chukIchA bhAvo || 675||
tarI vishvAtmaka rUpaDeM| jeM dAvileM AmhI tujapuDheM| teM shaMbhUhI pari na joDe| tapeM karitAM || 676||
ANi aShTAMgAdisaMkaTIM| yogI shiNatAti kirITI| pari avasaru nAhIM bheTI| jayAchiye || 677||
teM vishvarUpa ekAde veLa| kaiseni dekhoM aLumALa| aiseM smaratAM kALa| jAtase devAM || 678||
Ashechiye aMjuLI| The{}Uni hR^idayAchiyA niDaLIM| chAtaka nirALIM| lAgale jaise || 679||
taise utkaMThA nirbhara| ho{U}niyAM suravara| ghokIta AThahI pAhAra| bheTI jayAchI || 680||
pari vishvarUpAsArikheM| svapnIMhI koNhI na dekhe| teM pratyaxa tuvAM sukheM| dekhileM heM || 681||

\indent ##\hspace{1in}## nAha.n vedairna tapasA na dAnena na chejyayA |
\indent ##\hspace{1in}## shakya.n eva.nvidho draShTu.n dR^iShTavAnasi mA.n yathA || 53||\newline%@

paiM upAyAMsi vATA| na vAhatI etha subhaTA| sAhIsahita vohaTA| vAhilA vedIM || 682||
maja vishvarUpAchiyA moharA| chAlAvayA dhanurdharA| tapAMchiyAhI saMbhArA| navhechi lAgu || 683||
ANi dAnAdi kIra kAnaDeM| mI yaj~nIMhI taisA na sAMpaDeM| jaiseni kAM suravADeM| dekhilA tuvAM || 684||
taisA mI ekIchi pari| AMtuDeM gA avadhArIM| jarI bhakti ye{U}ni varI| chittAteM gA || 685||

\indent ##\hspace{1in}## bhaktyA tvananyayA shakya ahameva.nvidho.arjuna |
\indent ##\hspace{1in}## j~nAtu.n draShTu.n cha tattvena praveShTu.n cha para.ntapa || 54||\newline%@

pari techi bhakti aisI| parjanyAchI suTikA jaisI| dharAvAMchUni anArisI| gatIchi neNeM || 686||
kAM sakaLa jaLasaMpattI| ghe{}Uni samudrAteM giMvasitI| gaMgA jaisI ananyagatI| miLAlIchi miLe || 687||
taiseM sarvabhAvasaMbhAreM| na dharata prema ekasareM| majamAjIM saMchare| mIchi ho{U}ni || 688||
ANi tevIMchi mI aisA| thaDiye mAjhArIM sarisA| xIrAbdhi kAM jaisA| xIrAchAchi || 689||
taiseM majalAguni muMgIvarI| kiMbahunA charAcharIM| bhajanAsi kAM dusarI| parIchi nAhIM || 690||
tayAchi xaNAsaveM| evaMvidha mI jANaveM| jANitalA tarI svabhAveM| dR^iShTahI hoya || 691||
maga iMdhanIM agni uddIpeM| ANi iMdhana heM bhASha hArape| teM agnichi ho{U}ni AropeM| mUrta jevIM || 692||
kAM udaya na kIje tejAkAreM| taMva gaganachi ho{U}ni ase AMdhAreM| maga uda{}IliyA ekasareM| prakAshu hoya || 693||
taiseM mAjhiye sAxAtkArIM| sare ahaMkArAchI vArI| ahaMkAralopIM avadhArIM| dvaita jAya || 694||
maga mI to heM AghaveM| eka mIchi AthI svabhAveM| kiMbahunA sAmAve| samaraseM to || 695||

\indent ##\hspace{1in}## matkarmakR^inmatparamo madbhaktaH sa.ngavarjitaH |
\indent ##\hspace{1in}## nirvairaH sarvabhUteShu yaH sa mAmeti pANDava || 55||\newline%@

\indent ##\hspace{1in}## AUM iti shrImadbhagvadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde vishvarUpadarshanayogonAma ekAdasho.adhyAyaH || 11a ||\newline%@

jo majachi ekAlAgIM| karmeM vAhAtase AMgIM| jayA mIvAMchoni jagIM| gomaTeM nAhIM || 696||
dR^iShTAdR^iShTa sakaLa| jayAcheM mIchi kevaLa| jeNeM jiNayAcheM phaLa| majachi nAma ThevileM || 697||
maga bhUteM he bhASha visaralA| je diThI mIchi AheM sUdalA| mhaNauni nirvaira jAhalA| sarvatra bhaje || 698||
aisA jo bhaktu hoye| tayAcheM tridhAtuka heM jaiM jAye| taiM mIchi ho{u}ni ThAyeM| pAMDavA gA || 699||
aiseM jagadudaradoMdileM| teNeM karuNArasarasALeM| saMjayo mhaNe bolileM| shrIkR^iShNadeveM || 700||
yayAvarI to paMDukumaru| jAhalA AnaMdasaMpadA thoru| ANi kR^iShNacharaNachaturu| eka to jagIM || 701||
teNeM devAchiyA donahI mUrtI| nikiyA nyAhALiliyA chittIM| taMva vishvarUpAhUni kR^iShNAkR^itIM| dekhilA lAbhu || 702||
pari tayAchiye jANive| mAnu na kIjechi deveM| jeM vyApakAhUni navhe| ekadeshI || 703||
heMchi samarthAvayAlAgIM| eka dona chAMgI| upapattI shAra~NgI| dAvitA jAhalA || 704||
tiyA aikoni subhadrAkAMtu| chittIM Ahe mhaNatu| tari hoya baraveM donhIM AMtu| teM puDhatI pusoM || 705||
aisA Alochu karUni jIvIM| AtAM pusatI voja baravI| AdarIla te parisAvI| puDheM kathA || 706||
prAMjaLa oMvIprabaMdheM| goShTI sAMgijela vinodeM| teM parisA AnaMdeM| j~nAnadevo mhaNe || 707||
bharoni sad{}bhAvAchI aMjuLI| miyAM voMviyAphuleM mokaLIM| arpilIM aMghriyugulIM| vishvarUpAchyA || 708||
iti shrIj~nAnadevavirachitAyAM bhAvArthadIpikAyAM ekAdasho.adhyAyaH ||
%End of 11@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}