Kumbhaghonam Edition in Bangla Script
2. সভাপর্ব
সভাপর্ব - অধ্যায় 001
॥ শ্রীঃ ॥
2.1. অধ্যায়ঃ 001
Mahabharata - Sabha Parva - Chapter Topics
ময়স্যার্জুনম্প্রতি প্রত্যুপকারপ্রার্থনা॥ 1॥ কৃষ্ণে উপকৃতে অহমুপকৃত ময়ম্প্রতি অর্জুনস্যোক্তিঃ॥ 2॥ কৃষ্ণাজ্ঞয় ময়েন সভানির্মাণারম্ভঃ॥ 3॥Mahabharata - Sabha Parva - Chapter Text
2-1-0 (11255)
॥ শ্রীবেদব্যাসায় নমঃ॥ 2-1-0x (1373)
`নারায়ণং নমস্কৃত্য নরং চৈব নরোত্তমম্।
দেবীং সরস্বতীং চৈব (ব্যাসং)ততো জয়মুদীরয়েৎ॥ 2-1-1 (11256)
জনমেজয় উবাচ। 2-1-2x (1374)
অর্জুনো জয়তাং শ্রেষ্ঠো মোচয়িৎবা ময়ং তদা।
কিং চকার মহাতেজাস্তন্মে ব্রূহি দ্বিজোত্তম ॥ 2-1-2 (11257)
বৈশম্পায়ন উবাচ। 2-1-3x (1375)
শৃণু রাজন্নবহিতশ্চরিতং পূর্বকস্য তে।
মোক্ষয়িৎবা ময়ং তত্র পার্থঃ শস্ত্রভৃতাং বরঃ॥ 2-1-3 (11258)
গাণ্ডিবং কার্মুকশ্রেষ্ঠং তূণী চাক্ষয়সায়কৌ।
দিব্যান্যস্ত্রাণি রাজেন্দ্র দুর্লভানি নৃপৈর্ভুবি॥ 2-1-4 (11259)
রথধ্বজপতাকাশ্চ শ্বেতাশ্বাংশ্চ স বীর্যবান্।
এতানি পাবকাৎপ্রাপ্য মুদা পরময়া যুতঃ।
তস্থৌ পার্থো মহাবীর্যস্তদা সহ ময়েন সঃ'॥ 2-1-5 (11260)
ততোঽব্রবীন্ময়ঃ পার্থং বাসুদেবস্য সন্নিধৌ।
`পাণ্ডবেন পরিত্রাতস্তৎকৃতং প্রত্যনুস্মরন্'॥ 2-1-6 (11261)
প্রাঞ্জলিঃ শ্লক্ষ্ণয়া বাচা পূজয়িৎবা পুনঃ পুনঃ। 2-1-7 (11262)
ময় উবাচ।
অস্মাচ্চ কৃষ্ণাৎসঙ্ক্রুদ্ধাৎপাবকাচ্চ দিধক্ষতঃ॥ 2-1-7x (1376)
ৎবয়া ত্রাতোঽস্মি কৌন্তেয় ব্রূহি কিং করবাণি তে।
`অহং হি বিশ্বকর্মা বৈ অসুরাণাং পরন্তপ॥ 2-1-8 (11263)
তস্মাত্তে বিস্ময়ং কিঞ্চিৎকুর্যামন্যৈঃ সুদুষ্করম্॥ 2-1-9 (11264)
বৈশম্পায়ন উবাচ। 2-1-10x (1377)
এবমুক্তো মহাবীর্যঃ পার্থো মায়াবিদং ময়ম্।
ধ্যাৎবা মুহূর্তং কৌন্তেয়ঃ প্রহসন্বাক্যমব্রবীৎ'॥ 2-1-10 (11265)
কৃতমেব ৎবয়া সর্বং স্বস্তি গচ্ছ মহাঽসুর।
প্রীতিমান্ভব মে নিত্যং প্রীতিমন্তো বয়ং চ তে॥ 2-1-11 (11266)
প্রোপকারাদর্থং হি নাদাস্যামীতি মে ব্রতম্'। 2-1-12 (11267)
উবাচ।
যুক্তমেতত্ৎবয়ি বিভো যদাত্থ পুরুষর্ষভ॥ 2-1-12x (1378)
প্রীতিপূর্বমহং কিঞ্চিৎকর্তুমিচ্ছামি তেঽর্জুন।
অহং হি বিশ্বকর্মা বৈ দানবানাং মহাকবিঃ॥ 2-1-13 (11268)
`সোঽহং বৈ ৎবৎকৃতে কিঞ্চিৎকর্তুমিচ্ছামি পাণ্ডব।
`দানবানাং পুরা পার্থ প্রাসাদা হি ময়া কৃতাঃ॥ 2-1-14 (11269)
রম্যাণি সুখগর্ভাণি ভোগাঢ্যানি সহস্রশঃ।
উদ্যানানি চ রম্যাণি সরাংসি বিবিধানি চ॥ 2-1-15 (11270)
বিচিত্রাণি চ বস্ত্রাণি কামগানি রথানি চ।
নগরাণি বিশালানি সাট্টপ্রাকারবন্তি চ॥ 2-1-16 (11271)
বাহনানি চ মুখ্যানি বিচিত্রাণি সহস্রশঃ।
বিলানি রমণীয়ানি সুখয়ুক্তানি বৈ ভৃশম্।
এতে কৃতা ময়া তস্মাদিচ্ছামি ফল্গুন'॥ 2-1-17 (11272)
অর্জুন উবাচ। 2-1-18x (1379)
প্রাণকৃচ্ছ্রাদ্বিনির্মুক্তমাত্মানং মন্যসে ময়া।
এবং গতে ন শক্ষ্যামি কিঞ্চিৎকারয়িতুং ৎবয়া॥ 2-1-18 (11273)
ন চাপি তব সঙ্কল্পং মোঘমিচ্ছামি দানব।
কৃষ্ণস্য ক্রিয়তাং কিঞ্চিত্তথা প্রতিকৃতং ময়ি॥ 2-1-19 (11274)
বৈশম্পায়ন উবাচ। 2-1-20x (1380)
চোদিতো বাসুদেবস্তু ময়ং প্রতি নরর্ষভ।
মুহূর্তমিব সন্দধ্যৌ কিময়ং চোদ্যতামিতি॥ 2-1-20 (11275)
ততো বিচিন্ত্য মনসা লোকনাথঃ প্রজাপিতঃ।
চোদয়ামাস তং কৃষ্ণঃ সভা বৈ ক্রিয়তামিতি॥ 2-1-21 (11276)
যদি ৎবং কর্তুকামোঽসি প্রিয়ং শিল্পবতাং বর।
ধর্মরাজস্য দয়িতাং যাদৃশীমিহ মন্যসে॥ 2-1-22 (11277)
যাং ক্রিয়াং নানুকুর্যুস্তে মানবাঃ প্রেক্ষ্য বিষ্ঠিতাঃ।
মনুষ্যলোকে সকলে তাদৃশীং কুরু বৈ সভাম্॥ 2-1-23 (11278)
যত্র দ্বিব্যানভিপ্রায়ান্পশ্যেম বিহিতাংস্ৎবয়া।
আসুরান্মানুপাংশ্চৈব তাদৃশীং কুরু বৈ সভাম্॥ 2-1-24 (11279)
বৈশম্পায়ন উবাচ। 2-1-25x (1381)
প্রতিগৃহ্য তু তদ্বাক্যং সম্প্রহৃষ্টো ময়স্তদা।
বিমানপ্রতিমাং চক্রে পাণ্ডবস্য শুভাং সভাম্॥ 2-1-25 (11280)
ততঃ কৃষ্ণশ্চ পার্থশ্চ ধর্মরাজে যুধিষ্ঠিরে।
সর্বমেতৎসমাবেদ্য দর্শয়ামাসতুর্ময়ম্॥ 2-1-26 (11281)
তস্মৈ যুধিষ্ঠিরঃ পূজাং যথার্হমকরোত্তদা।
স তু তাং প্রতিজগ্রাহ ময়ঃ সৎকৃত্য ভারত॥ 2-1-27 (11282)
স পূর্বদেবচরিতং তদা তত্র বিশাম্পতে।
কথয়ামাস দৈতেয়ঃ পাণ্ডুপুত্রেষু ভারত॥ 2-1-28 (11283)
স কালং কঞ্চিদাশ্বস্য বিশ্বকর্মা বিচিন্ত্য তু।
সভাং প্রচকমে কর্তুং পাণ্ডবানাং মহাত্মনাম্॥ 2-1-29 (11284)
অভিপ্রায়েণ পার্থানাং কৃষ্ণস্য চ মহাত্মনঃ।
পুণ্যেঽহনি মহাতেজাঃ কৃতকৌতুকমঙ্গলঃ॥ 2-1-30 (11285)
তর্পয়িৎবা দ্বিজশ্রেষ্ঠান্পায়সেন সহস্রশঃ।
ধনং বহুবিধং দত্ৎবা তেভ্য এব চ বীর্যবান্॥ 2-1-31 (11286)
সর্বর্তুগুণসম্পন্নাং দিব্যরূপাং মনোরমাম্।
দশকিষ্কুসহস্রাং তাং মাপয়ামাস সর্বতঃ॥ ॥ 2-1-31 (11287)
ইতি শ্রীমন্মহাভারতে সভাপর্বণি মন্ত্রপর্বণি প্রথমোঽধ্যায়ঃ॥ 1॥
Mahabharata - Sabha Parva - Chapter Footnotes
2-1-1 সভাo 2-1-28 পূর্বদেবো বৃষপর্বা দানবস্তস্য চরিতং বিন্দুসরসি যজ্ঞকরণাদি ॥সভাপর্ব - অধ্যায় 002
॥ শ্রীঃ ॥
2.2. অধ্যায়ঃ 002
Mahabharata - Sabha Parva - Chapter Topics
দ্বারকাং গচ্ছতঃ শ্রীকৃষ্ণস্য যুধিষ্ঠরাদিভিঃ সারত্যাদিকরণম্॥ 1॥ অর্ধয়োজনপর্যন্তং গতানাং কৃষ্ণপাণ্ডবানাং পরস্পরানুজ্ঞয়া স্বস্বপুরগমনম্॥2॥Mahabharata - Sabha Parva - Chapter Text
বৈশম্পায়ন উবাচ।
উষিৎবা খাণ্ডবপ্রস্থে সুখবাসং জনার্দনঃ।
পার্থৈঃ প্রীতিসমায়ুক্তৈঃ পূজনার্হোঽভিপূজিতঃ॥ 2-2-1 (11288)
গমনায় মতিং চক্রে পিতুর্দর্শনলালসঃ।
ধর্মরাজমথামন্ত্র্য পৃথাং চ পৃথুলোচনঃ॥ 2-2-2 (11289)
ববন্দে চরণৌ মূর্ধ্না জগদ্বন্দ্যঃ পিতৃষ্বসুঃ।
স তয়া মূর্ধ্ন্যুপাঘ্রাতঃ পরিষ্বক্তশ্চ কেশবঃ॥ 2-2-3 (11290)
দদর্শানন্তরং কৃষ্ণো ভগিনীং স্বাং মহায়শাঃ।
তামুপেত্য হৃষীকেশঃ প্রীত্যা বাষ্পসমন্বিতঃ॥ 2-2-4 (11291)
অর্থ্যং তথ্যং হিতং বাক্যং লঘু যুক্তমনুত্তরম্।
উবাচ ভগবান্ভদ্রাং সুভদ্রাং ভদ্রভাষিণীম্॥ 2-2-5 (11292)
তয়া স্বজনগামীনি শ্রাবিতো বচনানি সঃ।
সম্পূজিতশ্চাপ্যসকৃচ্ছিরসা চাভিবাদিতঃ॥ 2-2-6 (11293)
তামনুজ্ঞায় বার্ষ্ণেয়ঃ প্রতিনন্দ্য চ ভামিনীম্।
দদর্শানন্তরং কৃষ্ণাং ধৌম্যং চাপি জনার্দনঃ॥ 2-2-7 (11294)
ববন্দে চ যথান্যায়ং ধৌম্যং পুরুষসত্তমঃ।
দ্রৌপদীং সান্ৎবয়িৎবা চ সুভদ্রাং পরিদায় চ॥ 2-2-8 (11295)
ভ্রাতৃনভ্যগমদ্বিদ্বান্পার্থেন সহিতো বলী।
ভ্রাতৃভিঃ পঞ্চভিঃ কৃষ্ণো বৃতঃ শক্র ইবামরৈঃ॥ 2-2-9 (11296)
যাত্রাকালস্য যোগ্যানি কর্মাণি গরুডধ্বজঃ।
কর্তুকামঃ শুচির্ভূৎবা স্নাতবান্সমলঙ্কৃতঃ॥ 2-2-10 (11297)
অর্চয়ামাস দেবাংশ্চ দ্বিজাংশ্চ যদুপুঙ্গবঃ।
মাল্যজাপ্যনমস্কারৈর্গন্ধৈরুচ্চাবচৈরপি॥ 2-2-11 (11298)
স কৃৎবা সর্বকার্যাণি প্রতস্থে তস্থুপাং বরঃ।
উপেত্য স যদুশ্রেষ্ঠো বাহ্যকক্ষাদ্বিনির্গতঃ॥ 2-2-12 (11299)
স্বস্তি বাচ্যার্হতো বিপ্রান্দধিপাত্রফলাক্ষতৈঃ।
বসু প্রদায় চ ততঃ প্রদক্ষিণমথাকরোৎ॥ 2-2-13 (11300)
কাঞ্চনং রথমাস্থায় তার্ক্ষ্যকেতনমাশুগম্।
গদাচক্রাসিশার্ঙ্গাদ্যৈরায়ুধৈরাবৃতং শুভম্॥ 2-2-14 (11301)
সুতিথাবথ নক্ষত্রে মুহূর্তে চ গুণান্বিতে।
প্রয়যৌ পুণ্ডরীকাক্ষঃ শৈব্যসুগ্রীববাহনঃ॥ 2-2-15 (11302)
অন্বারুরোহ চাপ্যেনং প্রেম্ণা রাজা যুধিষ্ঠিরঃ।
অপাস্য চাস্য যন্তারং দারুকং যন্তৃসত্তমম্॥ 2-2-16 (11303)
অভীষূন্সম্প্রজগ্রাহ স্বয়ং কুরুপতিস্তদা।
উপারুহ্যার্জুনশ্চাঽপি চামরব্যজনং সিতম্॥ 2-2-17 (11304)
রুক্মদণ্ডং বৃহদ্বাহুর্বিদুধাব প্রদক্ষিণম্।
তথৈব ভীমসেনোঽপি রথমারুহ্য বীর্যবান্॥ 2-2-18 (11305)
`ছত্রং শতশলাকং চ দিব্যমাল্যোপশোভিতম্।
বৈডূর্যমণিদণ্ডং চ চামীকরবিভূষিতম্। 2-2-19 (11306)
দধার তরসা ভীমঃ মুচ্ছত্রং শার্ঙ্গধন্বনে।
ভীমসেনার্জুনৌ চাপি যমাবরিনিষূদনৌ'॥ 2-2-20 (11307)
পৃষ্ঠতোঽনুয়যুঃ কৃষ্ণমৃৎবিক্পৌরজনৈর্বৃতা।
স তথা ভ্রাতৃভিঃ সর্বৈঃ কেশবঃ পরবীরহা॥ 2-2-21 (11308)
অন্বীয়মানঃ শুশুভে শিষ্যৈরিব গুরুঃ প্রিয়ৈঃ।
`অভিমন্যুং চ সৌভদ্রং বৃদ্ধৈঃ পরিবৃতস্তথা॥ 2-2-22 (11309)
রথমারোপ্য নির্যাতো ধৌম্যো ব্রাহ্মণপুঙ্গবঃ।
ইন্দ্রপ্রস্থমতিক্রম্য ক্রোশমাত্রং মহাদ্যুতিঃ'।
পার্থমামন্ত্র্য গোবিন্দঃ পরিষ্বজ্য সুপীডিতম্ ॥ 2-2-23 (11310)
যুধিষ্ঠরং পূজয়িৎবা ভীমসেনং যমৌ তথা।
পরিষ্বক্তো ভৃশং তৈস্তু যমাভ্যামভিবাদিতঃ॥ 2-2-24 (11311)
যোজনার্ধমথো গৎবা কৃষ্ণঃ পরপুরঞ্জয়ঃ।
যুধিষ্ঠিরং সমামন্ত্র্য নিবর্তস্বেতি ভারত॥ 2-2-25 (11312)
ততোঽভিবাদ্য গোবিন্দঃ পাদৌ জগ্রাহ ধর্মবিৎ।
উত্থাপ্য ধর্মরাজস্তু মূর্ধ্ন্যুপাঘ্রায় কেশবম্॥ 2-2-26 (11313)
পাণ্ডবো যাদবশ্রেষ্ঠং কৃষ্ণং কমললোচনম্।
গম্যতামিত্যনুজ্ঞাপ্য ধর্মরাজো যুধিষ্ঠিরঃ॥ 2-2-27 (11314)
ততস্তৈঃ সংবিদং কৃৎবা যথাবন্মধুসূদনঃ।
নিবর্ত্য চ তথা কৃচ্ছ্রাৎপাণ্ডবান্সপদানুগান্॥ 2-2-28 (11315)
স্বাং পুরীং প্রয়যৌ হৃষ্টো যথা শক্রোঽমরাবতীম্॥
লোচনৈরনুজগ্মুস্তে তমাদৃষ্টিপথাত্তদা॥ 2-2-29 (11316)
মনোভিরনুজগ্মুস্তে কৃষ্ণং প্রীতিসমন্বয়াৎ।
অতৃপ্তমনসামেব তেষাং কেশবদর্শনে॥ 2-2-30 (11317)
ক্ষিপ্রমন্তর্দধে শৌরিশ্চক্ষুষাং প্রিয়দর্শনঃ।
অকামা এব পার্থাস্তে গোবিন্দগমানসাঃ॥ 2-2-31 (11318)
নিবৃত্যোপয়যুস্তূর্ণং স্বং পুরং পুরুষর্ষভাঃ।
স্যন্দনেনাথ কৃষ্ণোঽপি ৎবরিতং দ্বারকামগাৎ॥ 2-2-32 (11319)
সাৎবতেন চ বীরেণ পৃষ্ঠতো যায়িনা তদা।
দারুকেণ চ সূতেন সহিতো দেবকীসুতঃ।
স গতো দ্বারকাং বিষ্ণুর্গরুত্মানিব বেগবান্॥ 2-2-33 (11320)
বৈশম্পায়ন উবাচ। 2-2-34x (1382)
নিবৃত্য ধর্মরাজস্তু সহ ভ্রাতৃভিরচ্যুতঃ।
সুহৃৎপরিবৃতো রাজা প্রবিবেশ পুরোত্তমম্॥ 2-2-34 (11321)
বিসৃজ্য সুহৃদঃ সর্বান্ভ্রাতৄন্পুত্রাংশ্চ ধর্মরাট্।
মুমোদ পুরুষব্যাঘ্রো দ্রৌপদ্যা সহিতো নৃপ॥ 2-2-35 (11322)
কেশবোপি মুদা যুক্তঃ প্রবিবেশ পুরোত্তমম্।
পূজ্যমানো যদুশ্রেষ্ঠৈরুগ্রসেনমুখৈস্তথা॥ 2-2-36 (11323)
আহুকং পিতরং বৃদ্ধং মাতরং চ যশস্বিনীম্।
অভিবাদ্য বলং চৈব স্থিতঃ কমললোচনঃ॥ 2-2-37 (11324)
প্রদ্যুম্নসাম্বনিশঠাংশ্চরুদেষ্ণং গদং তথা।
অনিরুদ্ধং চ ভানুং চ পরিষ্বজ্য জনার্দনঃ॥ 2-2-38 (11325)
স বৃদ্ধৈরভ্যনুজ্ঞাতো রুক্মিণ্যা ভবনং যয়ৌ।
`স তত্র ভবনে দিব্যে প্রমুমোদ সুখী সুখম্॥ 2-2-39 (11326)
এতস্মিন্নন্তরে রাজন্ময়ো দৈত্যাধিপস্তদা।
বিধিবৎকল্পয়ামাস সভাং ধর্মসুতায় বৈ॥ ॥ 2-2-40 (11327)
ইতি শ্রীমন্মহাভারতে সভাপর্বণি মন্ত্রপর্বণি দ্বিতীয়োঽধ্যায়ঃ॥ 2॥
সভাপর্ব - অধ্যায় 003
॥ শ্রীঃ ॥
2.3. অধ্যায়ঃ 003
Mahabharata - Sabha Parva - Chapter Topics
সভানির্মাণসামগ্র্যানয়নায় বিন্দুসরঃ প্রতি ময়স্য গমনম্॥1॥ গদাশঙ্খাভ্যাং সহ সামগ্রীং গৃহীৎবা ময়স্য খাণ্ডবপ্রস্থাগমনম্॥ 2॥ ভীমার্জুনয়োঃ গদাশঙ্খদানং সভানির্মাণং চ॥ 3॥Mahabharata - Sabha Parva - Chapter Text
বৈশম্পায়ন উবাচ।
অথাব্রবীন্ময়ঃ পার্থমর্যুনং জয়তাং বরম্।
আপৃচ্ছে ৎবাং গমিষ্যামি পুনরেষ্যামি চাপ্যহম্॥ 2-3-1 (11328)
`বিশ্রুতাং ত্রিষু লোকেষু পার্থ দিব্যাং সভাং তব।
প্রাণিনাং বিস্ময়করীং তব প্রিয়বিবর্ধিনীম্।
পাণ্ডবানাং চ সর্বেষাং করিষ্যামি ধনঞ্জয়'॥ 2-3-2 (11329)
উত্তরেণ তু কৈলাসং মৈনাকং পর্বতং প্রতি।
যিয়ক্ষমাণেষু পুরা দানবেষু ময়া কৃতম্॥ 2-3-3 (11330)
চিত্রং মণিময়ং ভাণ্ডং রম্যং বিন্দুসারঃ প্রতি।
সভায়াং সত্যসন্ধস্য যদাসীদ্বৃষপর্বণঃ॥ 2-3-4 (11331)
আগমিষ্যামি তদ্গৃহ্য যদি তিষ্ঠতি ভারত।
ততঃ সভাং করিষ্যামি পাণ্ডবস্য যশস্বিনীম্॥ 2-3-5 (11332)
মনঃ প্রহ্লাদিনীং চিত্রাং সর্বরত্নবিভূষিতাম্।
অস্তি বিন্দুসারস্যুগ্রা গদা চ কুরুনন্দন॥ 2-3-6 (11333)
নিহিতা যৌবনাশ্বেন রাজ্ঞা হৎবা রণে রিপূন্।
সুবর্ণবিন্দুভিশ্চিত্রা গুর্বী ভারসহা দৃঢা॥ 2-3-7 (11334)
সা বৈ শতসহস্রস্য সম্মিতা শত্রুঘাতিনী।
অনুরূপা চ ভীমস্য গাণ্ডীবং ভবতো যথা॥ 2-3-8 (11335)
বারুণশ্চ মহাশঙ্খো দেবদত্তঃ সুঘোষবান্।
সর্বমেতৎপ্রদাস্যামি ভবতে নাত্র সংশয়ঃ॥ 2-3-9 (11336)
বৈশম্পায়ন উবাচ। 2-3-10x (1383)
ইত্যুক্ৎবা সোঽসুরঃ পার্থং প্রাগুদীচীং দিশং গতঃ।
অথোত্তরেণ কৈলাসান্মৈনাকং পর্বতং প্রতি॥ 2-3-10 (11337)
হিরণ্যশৃঙ্গঃ সুমহান্মহামণিময়ো গিরিঃ।
রম্যং বিন্দুসরো নাম যত্র রাজা ভগীরথঃ॥ 2-3-11 (11338)
দ্রুষ্টুং ভাগীরথীং গঙ্গামুবাস বহুলাঃ সমাঃ।
যত্রেষ্টং সর্বভূতানামীশ্বরেণ মহাত্মনা॥ 2-3-12 (11339)
আহৃতাঃ ক্রতবো মুখ্যাঃ শতং ভরতসত্তম।
যত্র যূপা মণিময়াশ্চৈত্যাশ্চাপি হিরণ্ময়াঃ॥ 2-3-13 (11340)
শোভার্থং বিহিতাস্তত্র ন তু দৃষ্টান্ততঃ কৃতাঃ।
যত্রেষ্ট্বা স গতঃ সিদ্ধিং সহস্রাক্ষঃ শচীপতিঃ॥ 2-3-14 (11341)
যত্র ভূতপতিঃ সৃষ্ট্বা সর্বাঁল্লোকান্সনাতনঃ।
অপস্যতে তিগ্মতেজাঃ স্থিতো ভূতৈঃ সহস্রশঃ॥ 2-3-15 (11342)
নরনারায়ণৌ ব্রহ্মা যমঃ স্থাণুশ্চ পঞ্চমঃ।
উপাসতে যত্র পরং সহস্রয়ুগপর্যযে॥ 2-3-16 (11343)
যত্রেষ্টং বাসুদেবেন সত্ত্রৈর্বর্ষগণান্বহূন্।
শ্রদ্দধানেন সততং ধর্মসম্প্রতিপত্তয়ে॥ 2-3-17 (11344)
সুবর্ণমালিনো যূপাশ্চৈত্যাশ্চাপ্যতিভাস্বরাঃ।
দদৌ যত্র সহস্রাণি প্রয়ুতানি চ কেশবঃ॥ 2-3-18 (11345)
তত্র গৎবা স জগ্রাহ গদাং শঙ্খং চ ভারত।
`তস্মাদ্গিরেরুপাদায় শিলাঃ সুরুচিরাবহাঃ'।
স্ফাটিকং চ সভাদ্রব্যং যদাসীদ্বৃষপর্বণঃ॥ 2-3-19 (11346)
কিঙ্করৈঃ সহ রক্ষোভির্যদরক্ষন্মহদ্ধনম্।
তদগৃহ্ণান্ময়স্তত্র গৎবা সর্বং মহাঽসুরঃ॥ 2-3-20 (11347)
তদাহৃত্য চ তাং চক্রে সোঽসুরোঽপ্রতিমাং সভাম্।
বিশ্রুতাং ত্রিষু লোকেষু দিব্যাং মণিময়ীং শুভাম্॥ 2-3-21 (11348)
গদাং চ ভীমসেনায় প্রবরাং প্রদদৌ তদা।
দেবদত্তং চার্জুনায় শঙ্খপ্রবরমুত্তমম্॥ 2-3-22 (11349)
যস্য শঙ্খস্য নাদেন ভূতানি প্রচকম্পিরে।
`স কালং কঞ্চিদাশ্বস্য বিশ্বকর্মা বিচিন্ত্য চ॥ 2-3-23 (11350)
সভাং প্রচক্রমে কর্তুং পাণ্ডবানাং মহাত্মনাম্।
অভিপ্রায়েণ পার্থানাং কৃষ্ণস্য চ মহাত্মনঃ॥ 2-3-24 (11351)
সর্বর্তুগুণসম্পন্নাং দিব্যরূপামলঙ্কৃতাম্।
তর্পয়িৎবা দ্বিজশ্রেষ্ঠান্পায়সেন সহস্রশঃ।
সভা চ সা মহারাজ শাতকুম্ভময়দ্রুমা॥ 2-3-25 (11352)
দশকিষ্কুসহস্রাণি সমন্তাদায়তাভবৎ।
যথা বহ্নের্যথার্কস্য সোমস্য চ যথা সভা॥ 2-3-26 (11353)
ভ্রাজমানা তথাঽত্যর্থং দধার পরমং বপুঃ।
অভিঘ্নতীব প্রভয়া প্রভামর্কস্য ভাস্বরাম্॥ 2-3-27 (11354)
প্রবভৌ জ্বলমানেব দিব্যা দিব্যেন বর্চসা।
নবমেঘপ্রতীকাশা দিবমাকৃত্য বিষ্ঠিতা।
আয়তা বিপুলা রম্যা বিপাপ্মা বিগতক্লমা ॥ 2-3-28 (11355)
উত্তমদ্রব্যসম্পন্না রত্নপ্রাকারতোরণা।
বহুচিত্রা বহুধনা সুকৃতা বিশ্বকর্মণা॥ 2-3-29 (11356)
ন দাশার্হী সুধর্মা বা ব্রহ্মণো বাথ তাদৃশী।
সভা রূপেণ সম্পন্না যাং চক্রে মতিমান্ময়ঃ॥ 2-3-30 (11357)
তাং স্ম তত্র ময়েনোক্তা রক্ষন্তি চ বহন্তি চ।
সভামষ্টৌ সহস্রাণি কিঙ্করা নাম রাক্ষসাঃ॥ 2-3-31 (11358)
অন্তরিক্ষচরা ঘোরা মহাকায়া মহাবলাঃ।
রক্তাক্ষাঃ পিঙ্গলাক্ষাশ্চ শুক্তিকর্ণাঃ প্রহারিণঃ॥ 2-3-32 (11359)
তস্যাং সভায়াং নলিনীং চকারাপ্রতিমাং ময়ঃ।
বৈদূর্যপত্রবিততাং মণিনালময়াম্বুজাম্॥ 2-3-33 (11360)
পদ্মসৌগন্ধিকবতীং নানাদ্বিজগণায়ুতাম্।
পুষ্পিতৈঃ পঙ্কজৈশ্চিত্রাং কূর্মৈর্মৎস্যৈশ্চ কাঞ্চনৈঃ।
চিত্রস্ফটিকসোপানাং নিষ্পঙ্কসলিলাং শুভাম্॥ 2-3-34 (11361)
মন্দানিলসমুদ্ধূতাং মুক্তাবিন্দুভিরাচিতাম্।
মহামণিশিলাপট্টবদ্ধপর্যন্তবেদিকাম্॥ 2-3-35 (11362)
মণিরত্নচিতাং তাং তু কেচিদভ্যেত্য পার্থিবাঃ।
দৃষ্ট্বাপি নাভ্যজানন্ত তেঽজ্ঞানাৎপ্রপতন্ত্যুত ॥ 2-3-36 (11363)
তাং সভামভিতো নিত্যং পুষ্পবন্তো মহাদ্রুমাঃ।
আসন্নানাবিধা লোলাঃ শীতচ্ছায়া মনোরমাঃ॥ 2-3-37 (11364)
কাননানি সুগন্ধীনি পুষ্করিণ্যশ্চ সর্বশঃ।
হংসকারণ্ডবোপেতাশ্চক্রবাকোপশোভিতাঃ॥ 2-3-38 (11365)
জলজানাং চ পদ্মানাং স্থলজানাং চ সর্বশঃ।
মারুতো গন্ধমাদায় পাণ্ডবান্স্ম নিষেবতে॥ 2-3-39 (11366)
ঈদৃশীং তাং সভাং কৃৎবা মাসৈঃ পরিচতুর্দশৈঃ।
নিষ্ঠিতাং ধর্মরাজায় ময়ো রাজন্ন্যবেদয়ৎ॥ ॥ 2-3-40 (11367)
ইতি শ্রীমন্মহাভারতে সভাপর্বণি তৃতীয়োঽধ্যায়ঃ॥ 3॥
সভাপর্ব - অধ্যায় 004
॥ শ্রীঃ ॥
2.4. অধ্যায়ঃ 004
Mahabharata - Sabha Parva - Chapter Topics
ব্রাহ্মণান্ভোজয়িৎবা যুধিষ্ঠিরস্য সভাপ্রবেশঃ॥1॥ ঋষীণাং ক্ষত্রিয়াণাং দেবগন্ধর্বাদীনাং চ তত্রোপবেশনম্॥ 2॥Mahabharata - Sabha Parva - Chapter Text
বৈশম্পায়ন উবাচ॥
`তাং তু কৃৎবা সভাং শ্রেষ্ঠাং ময়শ্চার্জুনমব্রবীৎ।
ভূতানাং চ মহাবীর্যো ধ্বজাগ্রে কিঙ্করো গণঃ॥ 2-4-1 (11368)
তব বিষ্ফারঘোষেণ মেঘবন্নিনদিষ্যতি।
অয়ং হি সূর্যসঙ্কাশো জ্বলনস্য রথো মহান্॥ 2॥ 2-4-2 (11369)
ইমে চ দিবিজাঃ শ্বেতা বীর্যবন্তো হয়োত্তমাঃ।
মায়াময়ঃ কৃতো হ্যেষ ধ্বজো বানরলক্ষণঃ॥ 2-4-3 (11370)
অসজ্জমানো বৃক্ষেষু ধূমকেতুরিবোচ্ছ্রিতঃ।
বহুবর্ণং হি লক্ষ্যেত ধ্বজং বানরলক্ষণম্॥ 2-4-4 (11371)
ধ্বজোৎকটং হ্যনবমং যুদ্ধে দ্রক্ষ্যসি বিষ্ঠিতম্।
এব বীরঃ সব্যসাচিন্ধ্বজস্যান্তে ভবিষ্যতি॥ 2-4-5 (11372)
বৈশম্পায়ন উবাচ। 2-4-6x (1384)
ইত্যুক্ৎবাঽঽলিঙ্গ্য বীভৎসুং বিসৃষ্টঃ প্রয়যৌ ময়ঃ'। 2-4-6 (11373)
ততঃ প্রবেশনং তস্যাং চক্রে রাজা যুধিষ্ঠিরঃ।
অয়ুতং ভোজয়িৎবা তু ব্রাহ্মণানাং নরাধিপঃ॥ 2-4-7 (11374)
সাজ্যেন পায়সেনৈব মধুনা মিশ্রিতেন চ।
ভক্ষ্যৈর্মূলৈঃ ফলৈশ্চৈব মাংসৈর্বারাহহারিণৈঃ।
কৃসরেণাথ জীবন্ত্যা হবিষ্যেণ চ সর্বশঃ॥ 2-4-8 (11375)
মাংসপ্রকারৈর্বিবিধৈঃ খাদ্যৈশ্চাপি তথা নৃপ।
চোষ্যৈশ্চ বিবিধৈ রাজন্পেয়ৈশ্চ বহুবিস্তরৈঃ॥ 2-4-9 (11376)
অহতৈশ্চৈব বাসোভির্মাল্যৈরুচ্চাবচৈরপি।
তর্পয়ামাস বিপ্রেন্দ্রান্নানাদিগ্ভ্যঃ সমাগতান্॥ 2-4-10 (11377)
দদৌ তেভ্যঃ সহস্রাণি গবাং প্রত্যেকশঃ পুনঃ।
পুণ্যাহঘোষস্তত্রাসীদ্দিবস্পৃগিব ভারত॥ 2-4-11 (11378)
বাদিত্রৈর্বিবিধৈর্দিব্যৈর্গন্ধৈরুচ্চাবচৈরপি।
পূজয়িৎবা কুরুশ্রেষ্ঠো দেবতানি নিবেশ্য চ॥ 2-4-12 (11379)
তত্র মল্লা নটা ঝল্লাঃ সূতা বৈতালিকাস্তথা।
উপতস্থুর্মহাত্মানং ধর্মপুত্রং যুধিষ্ঠিরম্॥ 2-4-13 (11380)
তথা স কৃৎবা পূজাং তাং ভ্রাতৃভিঃ সহ পাণ্ডবঃ।
তস্যাং সভায়াং রম্যায়াং রেমে শক্রো যথা দিবি॥ 2-4-14 (11381)
সভায়ামৃষয়স্তস্যাং পাণ্ডবৈঃ সহ আসতে।
আসাঞ্চক্রুর্নরেন্দ্রাশ্চ নানাদেশসমাগতাঃ॥ 2-4-15 (11382)
অসিতো দেবলঃ সত্যঃ সর্পির্মালী মহাশিরাঃ।
অর্বা বসুঃ সুমিত্রশ্চ মৈত্রেয়ঃ শুনকো বলিঃ॥ 2-4-16 (11383)
বকো দাল্ভ্যঃ স্থূলশিরাঃ কৃষ্ণদ্বৈপায়নঃ শুকঃ।
সুমন্তুর্জৈমিনিঃ পৈলো ব্যাসশিষ্যাস্তথা বয়ম্ ॥ 2-4-17 (11384)
তিত্তিরির্যাজ্ঞবল্ক্যশ্চ সসুতো রোমহর্ষণঃ।
অপ্সুহোম্যশ্চ ধৌম্যশ্চ অণীমাণ্ডব্যকৌশিকৌ॥ 2-4-18 (11385)
দামোষ্ণীপস্ত্রৈবলীশ্চ পর্ণাদো ঘটজানুকঃ।
মৌঞ্জায়নো বায়ুভক্ষঃ পারাশর্যশ্চ সারিকঃ॥ 2-4-19 (11386)
বলিবাকঃ সিনীবাকঃ সপ্তপালঃ কৃতশ্রমঃ।
জাতূকর্ণঃ শিখাবাংশ্চ আলম্বঃ পারিজাতকঃ॥ 2-4-20 (11387)
পর্বতশ্চ মহাভাগো মার্কণ্ডেয়ো মহামুনিঃ।
পবিত্রপাণিঃ সাবর্ণো ভালুকির্গালবস্তথা॥ 2-4-21 (11388)
জঙ্ঘাবন্ধুশ্চ রৈভ্যশ্চ কোপবেগস্তথা ভৃগুঃ।
হরিবভ্রুশ্চ কৌণ্ডিন্যো বভ্রুমালী সনাতনঃ॥ 2-4-22 (11389)
কাক্ষীবানৌশিজশ্চৈব নাচিকেতোঽথ গৌতমঃ।
পৈঙ্গ্যো বরাহঃ শুনকঃ শাণ্ডিল্যশ্চ মহাতপাঃ॥ 2-4-23 (11390)
কুক্কুরো বেণুজঙ্ঘোঽথ কালাপঃ কঠ এব চ।
মুনয়ো ধর্মবিদ্বাংসো ধৃতাত্মানো জিতেন্দ্রিয়াঃ॥ 2-4-24 (11391)
এতে চান্যে চ বহবো বেদবেদাঙ্গপারগাঃ।
উপাসতে মহাত্মানং সভায়ামৃষিসত্তমাঃ॥ 2-4-25 (11392)
কথয়ন্তঃ কথাঃ পুণ্যা ধর্মজ্ঞাঃ শুচয়োঽমলাঃ।
তথৈব ক্ষত্রিয়শ্রেষ্ঠা ধর্মরাজমুপাসতে॥ 2-4-26 (11393)
শ্রীমান্মহাত্মা ধর্মাত্মা মুঞ্জকেতুর্বিবর্ধনঃ।
সঙ্গ্রামজিদ্দুর্মুখশ্চ উগ্রসেনশ্চ বীর্যবান্। 2-4-27 (11394)
কক্ষসেনঃ ক্ষিতিপতিঃ ক্ষেমকশ্চাপরাজিতঃ।
কম্বোজরাজঃ কমঠঃ কম্পনশ্চ মহাবলঃ॥ 2-4-28 (11395)
সততং কম্পয়ামাস যবনানেক এব যঃ।
বলপৌরুষসম্পন্নান্কৃতাস্ত্রানমিতৌজসঃ।
যথাঽসুরান্কালকেয়ান্দেবো বজ্রধরস্তথা॥ 2-4-29 (11396)
জটাসুরো মদ্রকানাং চ রাজা
কুন্তিঃ পুলিন্দশ্চ কিরাতরাজঃ।
তথাঙ্গবাঙ্গৌ সহপুণ্ড্রকেণ
পাণ্ড্যোড্ররাজৌ চ সহান্ধ্রকেণ ॥ 2-4-30 (11397)
অঙ্গো বঙ্গঃ সুমিত্রশ্চ শৈব্যশ্চামিত্রকর্শনঃ।
কিরাতরাজঃ সুমনা যবনাধিপতিস্তথা॥ 2-4-31 (11398)
চাণূরো দেবরাতশ্চ ভোজো ভীমরথশ্চ যঃ।
শ্রুতায়ুধশ্চ কালিঙ্গো জয়সেনশ্চ মাগধঃ॥ 2-4-32 (11399)
সুকর্মা চেকিতানশ্চ পুরুশ্চামিত্রকর্শনঃ।
কেতুমান্বসুদানশ্চ বৈদেহোঽথ কৃতক্ষণঃ॥ 2-4-33 (11400)
সুধর্মা চানিরুদ্ধশ্চ শ্রুতায়ুশ্চ মহাবলঃ।
অনূপরাজো দুর্ধর্পঃ ক্রমজিচ্চ সুদর্শনঃ॥ 2-4-34 (11401)
শিশুপালঃ সহসুতঃ করূপাধিপতিস্তথা।
বৃষ্ণীনাং চৈব দুর্ধর্পাঃ কুমারা দেবরূপিণঃ॥ 2-4-35 (11402)
আহুকো বিপৃথুশ্চৈব গদঃ সারণ এব চ।
অক্রূরঃ কৃতবর্মা চ সত্যকশ্চ শিনেঃ সুতঃ॥ 2-4-36 (11403)
ভীষ্মকোঽথাকৃতিশ্চৈব দ্যুমৎসেনশ্চ বীর্যবান্।
কেকয়াশ্চ মহেষ্বাসা যজ্ঞসেনশ্চ সোমকিঃ॥ 2-4-37 (11404)
কেতুমান্বসুমাংশ্চৈব কৃতাস্ত্রশ্চ মহাবলঃ।
এতে চান্যে চ বহবঃ ক্ষত্রিয়া মুখ্যসংমতাঃ। 2-4-38 (11405)
উপাসতে সভায়াং স্ম কুন্তীপুত্রং যুধিষ্ঠিরম্।
অর্জুনং যে ব সংশ্রিত্য রাজপুত্রা মহাবলাঃ॥ 2-4-39 (11406)
অশিক্ষন্ত ধনুর্বেদং রৌরবাজিনবাসসঃ।
তত্রৈব শিক্ষিতা রাজন্কুমারা বৃষ্ণিনন্দনাঃ। 2-4-40 (11407)
রৌক্মিণেয়শ্চ সাম্বশ্চ যুয়ুধানশ্চ সাত্যকিঃ।
সুধর্মা চানিরুদ্ধশ্চ শৈব্যশ্চ নরপুঙ্গবঃ॥ 2-4-41 (11408)
এতে চান্যে চ বহবো রাজানঃ পৃথিবীপতে।
ধনঞ্জয়সখা চাত্র নিত্যমাস্তে স্ম তুম্বুরুঃ॥ 2-4-42 (11409)
উপাসতে মহাত্মানমাসীনং সপ্তবিংশতিঃ।
চিত্রসেনঃ সহামাত্যো গন্ধর্বাপ্সরসস্তথা॥ 2-4-43 (11410)
গীতবাদিত্রকুশলাঃ সাম্যতালবিশারদাঃ।
প্রমাণোঽথ লয়ে স্থানে কিন্নরাঃ কৃতনিশ্রমাঃ॥ 2-4-44 (11411)
সঞ্চোদিতাস্তুম্বুরুণা গন্ধর্বসহিতাস্তদা।
গায়ন্তি দিব্যতানৈস্তে যথান্যায়ং মনস্বিনঃ॥ 2-4-45 (11412)
পাণ্ডুপুত্রানৃষীংশ্চৈব রময়ন্ত উপাসতে।
তস্যাং সভায়ামাসীনাঃ সুব্রতাঃ সত্যসঙ্গরাঃ॥ 2-4-46 (11413)
দিবীব দেবা ব্রহ্মাণং যুধিষ্ঠিরমুপাসতে॥ ॥ 2-4-47 (11414)
ইতি শ্রীমন্মহাভারতে সভাপর্বণি মন্ত্রপর্বণি চতুর্থোঽধ্যায়ঃ॥ 4॥
Mahabharata - Sabha Parva - Chapter Footnotes
2-4-29 কালকেয়াঃ কালকায়া অপত্যান্যসুরাঃ॥সভাপর্ব - অধ্যায় 005
॥ শ্রীঃ ॥
2.5. অধ্যায়ঃ 005
Mahabharata - Sabha Parva - Chapter Topics
তত্রাগতেন যুধিষ্ঠিরপূজিতেন নারদেন কুশলপ্রশ্নব্যাজেন রাজনীতিকথনম্॥ 1॥Mahabharata - Sabha Parva - Chapter Text
বৈশম্পায়ন উবাচ।
অথ তত্রোপবিষ্টেষু পাণ্ডবেষু মহাত্মসু।
মহৎসু চোপবিষ্টেষু গন্ধর্বেষু চ ভারত॥ 2-5-1 (11415)
বেদোপনিষদাং বেত্তা ঋষিঃ সুরগণার্চিতঃ।
ইতিহাসপুরাণজ্ঞঃ ক্রিয়াকল্পবিশেষবিৎ॥ 2-5-2 (11416)
`স্তুতস্তোমগ্রহস্তোভপদক্রমবিভাগবিৎ।
শিক্ষাক্ষরবিভাগজ্ঞঃ পুরাকল্পবিশেষবিৎ॥ 2-5-3 (11417)
আদিকল্পার্থবেত্তা চ কল্পসূত্রার্থতত্ৎববিৎ।
ব্রহ্মচর্যব্রতপর ঊহাপোহবিশারদঃ॥ 2-5-4 (11418)
নৃত্তগান্ধর্বসেবী চ সর্বত্রাপ্রতিমস্তথা।
অষ্টাদশানাং বিদ্যানাং কোশভূতো মহাদ্যুতিঃ'॥ 2-5-5 (11419)
ন্যায়বিদ্ধর্মতত্ৎবজ্ঞঃ ষডঙ্গবিদনুত্তমঃ।
ঐক্যসংয়োগনানাৎবসমবায়বিশারদঃ॥ 2-5-6 (11420)
বক্তা প্রগল্ভো মেধাবী স্মৃতিমান্নয়বিৎকবিঃ।
পরাপরবিভাগজ্ঞঃ প্রমাণকৃতনিশ্চয়ঃ॥ 2-5-7 (11421)
পঞ্চাবয়বয়ুক্তস্য বাক্যস্য গুণদোষবিৎ।
উত্তরোত্তরবক্তা চ বদতোপি বৃহস্পতেঃ॥ 2-5-8 (11422)
ধর্মকামার্থমোক্ষেষু যথাবৎকৃতনিশ্চয়ঃ।
তথা ভুবনকোশস্য সর্বস্যাস্য মহামতিঃ॥ 2-5-9 (11423)
প্রত্যক্ষদর্শী লোকস্য তির্যগূর্ধ্বমধস্তথা।
সাঙ্খ্যযোগবিভাগজ্ঞো নির্বিবিৎসুঃ সুরাসুরান্॥ 2-5-10 (11424)
সন্ধিবিগ্রহতত্ৎবজ্ঞস্ৎবনুমানবিভাগবিৎ।
ষাঙ্গুণ্যবিধিয়ুক্তশ্চ সর্বশাস্ত্রবিশারদঃ॥ 2-5-11 (11425)
যুদ্ধগান্ধর্বসেবী চ সর্বত্রাপ্রতিঘস্তথা।
এতৈশ্চান্যৈশ্চ বহুভির্যুক্তো গুণগণৈর্মুনিঃ॥ 2-5-12 (11426)
লোকাননুচরন্সর্বানাগমত্তাং সভাং নৃপ।
নারদঃ সুমহাতেজা ঋষিভিঃ সহিতস্তদা॥ 2-5-13 (11427)
পারিজাতেন রাজেন্দ্র পর্বতেন চ ধীমতা।
সুমুখেন চ সৌম্যেন দেবর্ষিরমিতদ্যুতিঃ॥ 2-5-14 (11428)
সভাস্থান্পাণ্ডবান্দ্রষ্টুং প্রীয়মাণো মনোজবঃ।
জয়াশীর্ভিস্তু তং বিপ্রো ধর্মরাজানমার্চয়ৎ॥ 2-5-15 (11429)
তমাগতমৃষিং দৃষ্ট্বা নারদং সর্বধর্মবিৎ।
সহসা পাণ্ডবশ্রেষ্ঠঃ প্রত্যুত্থায়ানুজৈঃ সহ॥ 2-5-16 (11430)
অভ্যবাদয়ত প্রীত্যা বিনয়াবনতস্তদা।
তদর্হমাসনং তস্মৈ সম্প্রদায় যথাবিধি॥ 2-5-17 (11431)
গাং চৈব মধুপর্কং চ সম্প্রদায়ার্ঘ্যমেব চ।
অর্চয়ামাস রত্নৈশ্চ সর্বকামৈশ্চ ধর্মবিৎ॥ 2-5-18 (11432)
তুতোষ চ যথাবচ্চ পূজাং প্রাপ্য যুধিষ্ঠিরাৎ।
সোঽর্চিতঃ পাণ্ডবৈঃ সর্বৈর্মহর্ষির্বেদপারগঃ।
ধর্মকামার্থসংয়ুক্তং পপ্রচ্ছেদং যুধিষ্ঠিরম্॥ 2-5-19 (11433)
নারদ উবাচ। 2-5-20x (1385)
কচ্চিদর্থাশ্চ কল্পন্তে ধর্মে চ রমতে মনঃ।
সুখানি চানুভূয়ন্তে মনশ্চ ন বিহন্যতে॥ 2-5-20 (11434)
কচ্চিদাচরিতাং পূর্বৈর্নরদেবপিতামহৈঃ।
বর্তসে বৃত্তিমক্ষুদ্রাং ধর্মার্থসহিতাং ত্রিষু॥ 2-5-21 (11435)
কচ্চিদর্থেন বা ধর্মং ধর্মেণার্থমথাপি বা।
উভৌ বা প্রীতিসারেণ ন কামেন প্রবাধসে॥ 2-5-22 (11436)
কচ্চিদর্থং চ ধর্মং চ কামং চ জয়তাং বর।
বিভজ্য কালে কালজ্ঞঃ সদা বরদ সেবসে ॥ 2-5-23 (11437)
কচ্চিদ্রাজগুণৈঃ ষড্ভিঃ সপ্তোপায়াংস্তথাঽনঘ।
বলাবলং তথা সম্যক্বতুর্দশ পরীক্ষসে॥ 2-5-24 (11438)
কচ্চিদাৎসানমর্ন্বাক্ষ্য পরাংশ্চ জয়তাং বর।
তথা সন্ধায় কর্মাণি অষ্টৌ ভারত সেবসে॥ 2-5-25 (11439)
কচ্চিৎপ্রকৃতয়ঃ সপ্ত ন লুপ্তা ভরতর্ষভ।
আঢ্যাস্তথা ব্যসনিনঃ স্বনুরক্তাশ্চ সর্বশঃ॥ 2-5-26 (11440)
কচ্চিন্ন কৃতকৈর্দূতৈর্যে চাপ্যপরিশঙ্কিতাঃ।
ৎবত্তো বা তব চামাত্যৈর্ভিদ্যতে মন্ত্রিতং তথা॥ 2-5-27 (11441)
মিত্রোদাসীনশত্রূণাং কচ্চিদ্বেৎসি চিকীর্ষিতম্।
কচ্চিৎসন্ধিং যথাকালং বিগ্রহং চোপসেবসে॥ 2-5-28 (11442)
কচ্চিদ্বৃত্তিমুদাসীনে মধ্যমে চানুমন্যসে।
কচ্চিদাত্মসমা বৃদ্ধাঃ শুদ্ধাঃ সম্বোধনক্ষমাঃ॥ 2-5-29 (11443)
কুলীনাশ্চানুরক্তাশ্চ কৃতাস্তে বীরমন্ত্রিণঃ।
বিজয়ো মন্ত্রমূলো হি রাজ্ঞো ভবতি ভারত॥ 2-5-30 (11444)
কচ্চিৎসংবৃতমন্ত্রৈস্তে অমাত্যৈঃ শাস্ত্রকোবিদৈঃ।
রাষ্ট্রং সুরক্ষিতং তাত শত্রুভির্ন বিলুপ্যতে॥ 2-5-31 (11445)
কচ্চিন্নিদ্রাবশং নৈষি কচ্চিৎকালে বিবুদ্ধ্যসে।
কচ্চিচ্চাপররাত্রেষু চিন্তয়স্যর্থমর্থবিৎ॥ 2-5-32 (11446)
কচ্চিন্মন্ত্রয়সে নৈকঃ কচ্চিন্ন বহুভিঃ সহ।
কচ্চিত্তে মন্ত্রিতো মন্ত্রো ন রাষ্ট্রং পরিধাবতি॥ 2-5-33 (11447)
কচ্চিদর্থান্বিনিশ্চিত্য লঘুমূলান্মহোদয়ান্।
ক্ষিপ্রমারভসে কর্তুং ন বিঘ্নয়সি তাদৃশান্॥ 2-5-34 (11448)
কচ্চিন্ন স্রবে কর্মান্তাঃ পরোক্ষাস্তে বিশঙ্কিতাঃ।
সর্বে বা পুনরুৎসৃষ্টাঃ সংসৃষ্টং চাত্র কারণম্॥ 2-5-35 (11449)
আপ্তৈরলুব্ধৈঃ ক্রমিকৈস্তে চ কচ্চিদনুষ্ঠিতাঃ।
কচ্চিদ্রাজন্কৃতান্যেব কৃতপ্রায়াণি বা পুনঃ॥ 2-5-36 (11450)
বিদুস্তে বীর কর্মাণি নানবাপ্তানি কানিচিৎ।
কচ্চিৎকারণিকা ধর্মে সর্বশাস্ত্রেষু কোবিদাঃ।
কারয়ন্তি কুমারাংশ্চ যোধমুখ্যাংশ্চ সর্বশঃ॥ 2-5-37 (11451)
কচ্চিৎসহস্রৈর্মূর্খাণামেকং ক্রীণাসি পণ্ডিতম্।
পণ্ডিতো হ্যর্থকৃচ্ছ্রেষু কুর্যান্নঃ শ্রেয়সং পরম্॥ 2-5-38 (11452)
কচ্চিদ্দুর্গাণি সর্বাণি ধনধান্যায়ুধোদকৈঃ।
যন্ত্রৈশ্চ পরিপূর্ণানি তথা শিল্পিধনুর্ধরৈঃ॥ 2-5-39 (11453)
একোপ্যমাত্যো মেধাবী শূরো দান্তো বিচক্ষণঃ।
রাজানং রাজপুত্রং বা প্রাপয়েন্মহতীং শ্রিয়ম্॥ 2-5-40 (11454)
কচ্চিদষ্টাদশান্যেষু স্বপক্ষে দশ পঞ্চ চ।
ত্রিভিস্ত্রিভিরবিজ্ঞাতৈর্বেৎসি তীর্থানি চারকৈঃ॥ 2-5-41 (11455)
কচ্চিদ্দ্বিষামবিদিতঃ প্রতিপন্নশ্চ সরবদা।
নিত্যযুক্তো রিপূন্সর্বান্বীক্ষসে রিপুসূদন॥ 2-5-42 (11456)
কচ্চিদ্বিনয়সম্পন্নঃ কুলপুত্রো বহুশ্রুতঃ।
অনসূয়ুরনুপ্রষ্টা সৎকৃতস্তে পুরোহিতঃ॥ 2-5-43 (11457)
কচ্চিদগ্নিষু তে যুক্তো বিধিজ্ঞো মতিমানৃজুঃ।
হুতং চ হোষ্যমাণং চ কালে বেদয়তে সদা॥ 2-5-44 (11458)
কচ্চিদঙ্গেষু নিষ্ণাতো জ্যোতিপঃ প্রতিপাদকঃ।
উৎপাতেষু চ সর্বেষু দৈবজ্ঞঃ কুশলস্তব॥ 2-5-45 (11459)
কচ্চিন্মুখ্যা মহৎস্বেব মধ্যমেষু চ মধ্যমাঃ।
জঘন্যাশ্চ জঘন্যেষু ভৃত্যাঃ কর্মসু যোজিতাঃ॥ 2-5-46 (11460)
অমাত্যানুপধাতীতান্পিতৃপৈতামহাঞ্শুচীন্।
শ্রেষ্ঠাঞ্শ্রেষ্ঠেষু কচ্চিত্ৎবং নিয়োজয়সি কর্মসু॥ 2-5-47 (11461)
কচ্চিন্নোগ্রেণ দণ্ডেন ভৃশমুদ্বিজসে প্রজাঃ।
রাষ্ট্রং তবানুশাসন্তি মন্ত্রিণো ভরতর্ষভ॥ 2-5-48 (11462)
কচ্চিত্ৎবাং নাবজানন্তি যাজকাঃ পতিতং যথা।
উগ্রপ্রতিগ্রহীতারং কাময়ানমিব স্ত্রিয়ঃ॥ 2-5-49 (11463)
কচ্চিদ্ধৃষ্টশ্চ শূরশ্চ মতিমান্ধৃতিমাঞ্শুচিঃ।
কুলীনশ্চানুরক্তশ্চ দক্ষঃ সেনাপতিস্তথা। 2-5-50 (11464)
কচ্চিদ্বলস্য তে মুখ্যাঃ সর্বয়ুদ্ধবিশারদাঃ।
ধৃষ্টাবদাতা বিক্রান্তাস্ৎবয়া সৎকৃত্য মানিতাঃ॥ 2-5-51 (11465)
কচ্চিদ্বলস্য ভক্তং চ বেতনং চ যথোচিতম্।
সম্প্রাপ্তকালে দাতব্যং দদাসি ন বিকর্ষসি॥ 2-5-52 (11466)
কালাতিক্রমণাদেতে ভক্তবেতনয়োর্ভৃতাঃ।
ভর্তুঃ কুপ্যন্তি দৌর্গত্যাৎসোঽনর্থঃ সুমহান্স্মৃতঃ॥ 2-5-53 (11467)
কচ্চিৎসর্বেঽনুরক্তাস্ৎবাং কুলপুত্রাঃ প্রধানতঃ।
কচ্চিৎপ্রাণাংস্তবার্থেষু সন্ত্যজন্তি সদা যুধি॥ 2-5-54 (11468)
কচ্চিন্নৈকো বহূনর্থান্সর্বশঃ সাম্পরায়িকান্।
অনুশাস্তি যথাকামং কামাত্মা শাসনাতিগঃ॥ 2-5-55 (11469)
কচ্চিৎপুরুষকারেণ পুরুষঃ কর্ম শোভয়ন্।
লভতে মানমধিকং ভূয়ো বা ভক্তবেতনম্॥ 2-5-56 (11470)
কচ্চিদ্বিদ্যাবিনীতাংশ্চ নরাঞ্জ্ঞানবিশারদান্।
যথার্হং গুণতশ্চৈব দানেনাভ্যুপপদ্যসে॥ 2-5-57 (11471)
কচ্চিদ্দারান্মনুষ্যাণাং তবার্থে মৃত্যুমীয়ুষাম্।
ব্যসনং চাভ্যুপেতানাং বিভর্ষি ভরতর্ষভ॥ 2-5-58 (11472)
কচ্চিদ্ভয়াদুপগতং ক্ষীণং বা রিপুমাগতম্।
যুদ্ধে বা বিজিতং পার্থ পুত্রবৎপরিরক্ষসি॥ 2-5-59 (11473)
কচ্চিত্ৎবমেব সর্বস্যাঃ পৃথিব্যাঃ পৃথিবীপতে।
সমশ্চানভিশঙ্ক্যশ্চ যথা মাতা যথা পিতা॥ 2-5-60 (11474)
কচ্চিদ্ব্যসনিনং শত্রুং নিশম্য ভরতর্ষভ।
অভিয়াসি জবেনৈব সমীক্ষ্য ত্রিবিধং বলম্॥ 2-5-61 (11475)
যাত্রামারভসে দিষ্ট্যা প্রাপ্তকালমরিন্দম।
পার্ষ্ণিমূলং চ বিজ্ঞায় ব্যবসায়ং পরাজয়ম্॥ 2-5-62 (11476)
বলস্য চ মহারাজ দত্ৎবা বেতনমগ্রতঃ।
কচ্চিচ্চ বলমুখ্যেভ্যঃ পররাষ্ট্রে পরন্তপ।
উপচ্ছন্নানি রত্নানি প্রয়চ্ছসি যথার্হতঃ॥ 2-5-63 (11477)
কচ্চিদাত্মানমেবাগ্রে বিজিত্য বিজিতেন্দ্রিয়ঃ।
পারঞ্জিগীষসে পার্থ প্রমত্তানজিতেন্দ্রিয়ান্॥ 2-5-64 (11478)
কচ্চিত্তে যাস্যতঃ শত্রূন্পর্বং যান্তি স্বনুষ্ঠিতাঃ।
সাম দানং চ ভেদশ্চ দণ্ডশ্চ বিধিবদ্গুণাঃ॥ 2-5-65 (11479)
তাংশ্চ বিক্রমসে জেতুং জিৎবা চ পরিরক্ষসি॥
কচ্চিদষ্টাঙ্গসংয়ুক্তা চতুর্বিধবলা চমূঃ। 2-5-66 (11480)
বলমুখ্যৈঃ সুনীতা তে দ্বিষতাং প্রতিবর্ধিনী ॥
কচ্চিল্লবং চ মুষ্টিং চ পররাষ্ট্রে পরন্তপ। 2-5-67 (11481)
অবিহায় মহারাজ নিহংসি সমরে রিপূন্॥
কচ্চিৎস্বপররাষ্ট্রেষু বহবোঽধিকৃতাস্তব। 2-5-68 (11482)
অর্থান্সমধিতিষ্ঠন্তি রক্ষন্তি চ পরস্পরম্॥ 2-5-69 (11483)
কচ্চিদভ্যবহার্যাণি গাত্রসংস্পর্শনানি চ।
ঘ্রেয়াণি চ মহারাজ রক্ষন্ত্যনুমতাস্তব। 2-5-70 (11484)
কচ্চিৎকোশশ্চ কোষ্ঠং চ বাহনং দ্বারমায়ুধম্॥
আয়শ্চ কৃতকল্যাণৈস্তব ভক্তৈরনুষ্ঠিতঃ॥ 2-5-71 (11485)
কচ্চিদাভ্যন্তরেভ্যশ্চ বাহ্যেভ্যশ্চ বিশাম্পতে॥
রক্ষস্যাত্মানমেবাগ্রে তাংশ্চ স্বেভ্যো মিথশ্চ তান্। 2-5-72 (11486)
কচ্চিন্ন পানে দ্যূতে বা ক্রীডাসু প্রমদাসু চ।
প্রতিজানন্তি পূর্বাহ্ণে ব্যযং ব্যসনজং তব॥ 2-5-73 (11487)
কচ্চিদায়স্য চার্ধেন চতুর্ভাগেন বা পুনঃ।
পাদভাগৈস্ত্রিভির্বাপি ব্যযঃ সংশুদ্ধ্যতে তব॥ 2-5-74 (11488)
কচ্চিজ্জ্ঞাতীন্গুরূন্বৃদ্ধা-
ন্বণিজঃ শিল্পিনঃ শ্রিতান্।
অভীক্ষ্ণমনুগৃহাণিসি
ধনধান্যেন দুর্গতান্॥ 2-5-75 (11489)
কচ্চিচ্চায়ব্যযে যুক্তাঃ সর্বে গণকলেখকাঃ।
অনুতিষ্ঠন্তি পূর্বাহ্ণে নিত্যমায়ং ব্যযং তব॥ 2-5-76 (11490)
কচ্চিদর্থেষু সম্প্রৌঢান্হিতকামাননুপ্রিয়ান্।
নাপকর্ষসি কর্মভ্যঃ পূর্বমপ্রাপ্য কিল্বিষম্॥ 2-5-77 (11491)
কচ্চিদ্বিদিৎবা পুরুষানুত্তমাধমমধ্যমান্।
ৎবং কর্মস্বনুরূপেষু নিয়োজয়সি ভারত॥ 2-5-78 (11492)
কচ্চিন্ন লুব্ধাশ্চৌরা বা বৈরিণো বা বিশাম্পতে।
অপ্রাপ্তব্যবহারা বা তব কর্মস্বনুষ্ঠিতাঃ॥ 2-5-79 (11493)
কচ্চিন্ন চৌরৈর্লুব্ধৈর্বা কুমারৈঃ স্ত্রীবলেন বা।
ৎবয়া বা পীড্যতে রাষ্ট্রং কচ্চিত্তুষ্টাঃ কৃষীবলাঃ 2-5-80 (11494)
কচ্চিদ্রাষ্ট্রে তটাকানি পূর্ণানি চ বৃহন্তি চ।
ভাগশো বিনিবিষ্টানি ন কৃষির্দেবমাতৃকা॥ 2-5-81 (11495)
কচ্চিন্নং ভক্তং বীজং চ কর্ষকস্যাবসীদতি।
প্রত্যেকং চ শতং বৃদ্ধ্যা দদাস্যৃণমনুগ্রহম্॥ 2-5-82 (11496)
কচ্চিৎস্বনুষ্ঠিতা তাত বার্তা তে সাধুভির্জনৈঃ।
বার্তায়াং সংশ্রিতস্তাত লোকোঽয়ং সুখমেধতে॥ 2-5-83 (11497)
কচ্চিচ্ছূরাঃ কৃতপ্রজ্ঞাঃ পঞ্চপঞ্চ স্বনুষ্ঠিতাঃ।
ক্ষেমং কুর্বন্তি সংহত্য রাজঞ্জনপদে তব॥ 2-5-84 (11498)
কচ্চিন্নগরগুপ্ত্যর্থং গ্রামা নগরবৎকৃতাঃ।
গ্রামবচ্চ কৃতাঃ প্রান্তাস্তে চ সর্বে ৎবদর্পণাঃ॥ 2-5-85 (11499)
কচ্চিদ্বলেনানুগতাঃ সমানি বিষমাণি চ।
পুরাণি চৌরান্নিঘ্নন্তশ্চরন্তি বিষয়ে তব॥ 2-5-86 (11500)
কচ্চিৎস্রিয়ঃ সান্ৎবয়সি কচ্চিত্তাশ্চ সুরক্ষিতাঃ।
কচ্চিন্ন শ্রদ্দধাস্যাসাং কচ্চিদ্গুহ্যং ন ভাষসে॥ 2-5-87 (11501)
কচ্চিদাত্যযিকং শ্রুৎবা তদর্থমনুচিন্ত্য চ।
প্রিয়াণ্যনুভবঞ্শেষে ন ৎবমন্তঃ পুরে নৃপ॥ 2-5-88 (11502)
কচ্চিদ্দ্বৌ প্রথমৌ যামৌ রাত্রেঃ সুপ্ৎবা বিশাম্পতে।
সঞ্চিন্তয়সি ধর্মার্থৌ যাম উত্থায় পশ্চিমে ॥ 2-5-89 (11503)
কচ্চিদ্দর্শয়সে নিত্যং মনুষ্যান্সমলঙ্কৃতঃ।
উত্থায় কালে কালজ্ঞৈঃ সহ পাণ্ডব মন্ত্রিভিঃ ॥ 2-5-90 (11504)
কচ্চিদ্রক্তাম্বরধরাঃ খড্গহস্তাঃ স্বলঙ্কৃতাঃ।
উপাসতে ৎবামভিতো রক্ষণার্থমরিন্দম॥ 2-5-91 (11505)
কচ্চিদ্দণ্ড্যেষু যমবৎপূজ্যেষু চ বিশাম্পতে।
পরীক্ষ্য বর্তসে সম্যগপ্রিয়েষু প্রিয়েষু চ॥ 2-5-92 (11506)
কচ্চিচ্ছারীরমাবাধমৌষধৈর্নিয়মেন বা।
মানসং বৃদ্ধসেবাভিঃ সদা পার্থাপকর্ষসি ॥ 2-5-93 (11507)
কচ্চিদ্বৈদ্যাশ্চিকিৎসায়ামষ্টাঙ্গায়াং বিশারদাঃ।
সুহৃদশ্চানুরক্তাশ্চ শরীরে তে হিতাঃ সদা॥ 2-5-94 (11508)
কচ্চিন্ন লোভান্মোহাদ্বা মানাদ্বাপি বিশাম্পতে।
অর্থিপ্রত্যর্থিনঃ প্রাপ্তান্নাপাস্যসি কথঞ্চন॥ 2-5-95 (11509)
কচ্চিন্ন লোভান্মোহাদ্বা বিশ্রম্ভাৎপ্রণয়েন বা।
আশ্রিতানাং মনুষ্যাণাং বৃত্তিং ৎবং সংরুণাৎসি বৈ॥ 2-5-96 (11510)
কচ্চিৎপৌরা ন সহিতা যে চ তে রাষ্ট্রবাসিনঃ।
ৎবয়া সহ বিরুধ্যন্তে পরৈঃ ক্রীতাঃ কথঞ্চন॥ 2-5-97 (11511)
কচ্চিন্ন দুর্বলঃ শত্রুর্বলেন পরিপীডিতঃ।
মন্ত্রেণ বলবান্কশ্চিদুভাভ্যাং চ কথঞ্চন॥ 2-5-98 (11512)
কচ্চিৎসর্বেঽনুরক্তাস্ৎবাং ভূমিপালাঃ প্রধানতঃ।
কচ্চিৎপ্রাণাংস্ৎবদর্থেষু সন্ত্যজন্তি ৎবয়া হৃতাঃ॥ 2-5-99 (11513)
কচ্চিত্তে সর্ববিদ্যাসু গুণতোঽর্চা প্রবর্ততে।
ব্রাহ্মণানাং চ সাধূনাং তব নৈঃ শ্রেয়সী শুভা।
দক্ষিণাস্ৎবং দদাস্যেষাং নিত্যং স্বর্গাপবর্গদাঃ ॥ 2-5-100 (11514)
কচ্চিদ্ধর্মে ত্রয়ীমূলে পূর্বৈরাচরিতে জনৈঃ।
যতমানস্তথা কর্তুং তস্মিন্কর্মণি বর্তসে॥ 2-5-101 (11515)
কচ্চিত্তব গৃহেঽন্নানি স্বাদূন্যশ্রন্তি বৈ দ্বিজাঃ।
গুণবন্তি গুণোপেতাস্তবাধ্যক্ষং সদক্ষিণম্॥ 2-5-102 (11516)
কচ্চিৎক্রতূনেকচিত্তো বাজপেয়াংশ্চ সর্বশঃ।
পৌণ্ডরীকাংশ্চ কার্ৎস্ন্যেন যতসে কর্তুমাত্মবান্ ॥ 2-5-103 (11517)
কচ্চিজ্জ্ঞাতীন্গুরূন্বৃদ্ধান্দৈবতাংস্তাপসানপি।
চৈত্যাংশ্চ বৃক্ষান্কল্যাণান্ব্রাহ্মণাংশ্চ নমস্যসি ॥ 2-5-104 (11518)
কচ্চিচ্ছোকো ন মন্যুর্বা ৎবয়া প্রোৎপাদ্যতেঽনঘ।
অপি মঙ্গলহস্তশ্চ জনঃ পার্শ্বে ন তিষ্ঠতি॥ 2-5-105 (11519)
কচ্চিদেষা চ তে বুদ্ধির্বৃত্তিরেষা চ তেঽনঘ।
আয়ুষ্যা চ যশস্যা চ ধর্মকামার্থদর্শিনী ॥ 2-5-106 (11520)
এতয়া বর্তমানস্য বুদ্ধ্যা রাষ্ট্রং ন সীদতি।
বিজিত্য চ মহীং রাজা সোত্যন্তং সুখমেধতে॥ 2-5-107 (11521)
কচ্চিদার্যো বিশুদ্ধাত্মা ক্ষারিতশ্চৌরকর্মণি।
অদৃষ্টশাস্ত্রকুশলৈর্ন লোভাদ্বধ্যতে শুচি॥ 2-5-108 (11522)
দুষ্টো গৃহীতস্তৎকারিতজ্জ্ঞৈর্দৃষ্টঃ সকারণঃ।
কচ্চিন্ন মুচ্যতে স্তেনো দ্রব্যলোভান্নরর্ষভ॥ 2-5-109 (11523)
উৎপন্নানকচ্চিদাঢ্যস্য দরিদ্রস্য চ ভারত।
অর্থান্ন মিথ্যা পশ্যন্তি তবামাত্যা হৃতা ধনৈঃ॥ 2-5-110 (11524)
নাস্তিক্যমনৃতং ক্রোধং প্রমাদং দীর্ঘসূত্রতাম্।
অদর্শনং জ্ঞানবতামালস্যং পঞ্চবৃত্তিতাম্।
একচিন্তনমর্থানামনর্থজ্ঞৈশ্চ চিন্তনম্॥ 2-5-111 (11525)
নিশ্চিতানামনারম্ভং মন্ত্রস্যাপরিরক্ষণম্।
মঙ্গলাদ্যপ্রয়োগং চ প্রত্যুত্থানং চ সর্বতঃ॥ 2-5-112 (11526)
কচ্চিত্ৎবং বর্জয়স্যেতান্রাজদোষাংশ্চতুর্দশ।
প্রায়শোয়ৈর্বিনশ্যন্তি কৃতমূলাপি পার্থিবঃ ॥ 2-5-113 (11527)
কচ্চিত্তে সফলা বেদাঃ কচ্চিত্তে সফল়ং ধনম্।
কচ্চিত্তে সফলা দারাঃ কচ্চিত্তে সফলং শ্রুতম্॥ 2-5-114 (11528)
যুধিষ্ঠির উবাচ । 2-5-115x (1386)
কথং বৈ সফলা বেদাঃ কথং বৈ সফলং ধনম্।
কথং বৈ সফলা দারাঃ কথং বৈ সফলং শ্রুতম্ ॥ 2-5-115 (11529)
নারদ উবাচ। 2-5-116x (1387)
অগ্নিহোত্রফলা বেদা দত্তভুক্তফলং ধনম্।
রতিপুত্রফলা দারাঃ শীলবৃত্তফলং শ্রুতম্॥ 2-5-116 (11530)
বৈশম্পায়ন উবাচ। 2-5-117x (1388)
এতদাখ্যায় স মুনির্নারদো বৈ মহাতপাঃ।
পপ্রচ্ছানন্তরমিদং ধর্মাত্মানং যুধিষ্ঠিরম্॥ 2-5-117 (11531)
নারদ উবাচ। 2-5-118x (1389)
কচ্চিদভ্যাগতা দূরাদ্বণিজো লাভকারণাৎ।
যথোক্তমবহার্যন্তে শুল্কং শুল্কোপজীবিভিঃ॥ 2-5-118 (11532)
কচ্চিত্তে পুরুষা রাজন্পুরে রাষ্ট্রে চ মানিতাঃ।
উপানয়ন্তি পণ্যানি উপাধাভিরবঞ্চিতাঃ॥ 2-5-119 (11533)
কচ্চিচ্ছৃণোষি বৃদ্ধানাং ধর্মার্থসহিতা গিরঃ।
নিত্যমর্থবিদাং তাত যথাধর্মার্থদর্শিনাম্॥ 2-5-120 (11534)
কচ্চিত্তে কৃষিতন্ত্রেষু গোষু পুষ্পফলেষু চ।
ধর্মার্থং চ দ্বিজাতিভ্যো দীয়েতে মধুসর্পিষী ॥ 2-5-121 (11535)
দ্রব্যোপকরণং কিঞ্চিৎসর্বদা সর্বশিল্পিনাম্।
চাতুর্মাস্যাবরং সম্যঙ্নিয়তং সম্প্রয়চ্ছসি॥ 2-5-122 (11536)
কচ্চিৎকৃতং বিজানীষে কর্তারং চ প্রশংসসি।
সতাং মধ্যে মহারাজ সৎকরোষি চ পূজয়ন্॥ 2-5-123 (11537)
কচ্চিৎসূত্রাণি সর্বাণি গৃহ্ণাসি ভরতর্ষভ।
হস্তিসূত্রাশ্বসূত্রাণি রথসূত্রাণি বা বিভো॥ 2-5-124 (11538)
কচ্চিদভ্যস্যতে সম্যগ্গৃহে তে ভরতর্ষভ।
ধনুর্বেদস্য সূত্রং বৈ যন্ত্রসূত্রং চ নাগরম্॥ 2-5-125 (11539)
কচ্চিদস্ত্রাণি সর্বাণি ব্রহ্মদণ্ডশ্চ তেঽনঘ।
বিষয়োগাস্তথা সর্বে বিদিতাঃ শত্রুনাশনাঃ॥ 2-5-126 (11540)
কচ্চিদগ্নিভয়াচ্চৈব সর্বং ব্যালভয়াত্তথা।
রোগরক্ষোভয়াচ্চৈব রাষ্ট্রং স্বং পরিরক্ষশি॥ 2-5-127 (11541)
কচ্চিদন্ধাংশ্চ মূকাংশ্চ পঙ্গূন্ব্যঙ্গানবান্ধবান্।
পিতেব পাসি ধর্মজ্ঞ তথা প্রব্রজিতানপি॥ 2-5-128 (11542)
ষডবর্থা মহারাজ কচ্চিত্তে পৃষ্ঠতঃ কৃতাঃ।
নিদ্রাঽঽলস্যং ভয়ং ক্রোধো মার্দবং দীর্ঘসূত্রতা॥ 2-5-129 (11543)
বৈশম্পায়ন উবাচ। 2-5-130x (1390)
ততঃ কুরূণামৃষভো মহাত্মা
শ্রুৎবা গিরো ব্রাহ্মণসত্তমস্য।
প্রণম্য পাদাবভিবাদ্য তুষ্টো
রাজাঽব্রবীন্নারদং দেবরূপম্॥ 2-5-130 (11544)
এবং করিষ্যামি যথা ৎবয়োক্তং
প্রজ্ঞা হি মে ভূয় এবাভিবৃদ্ধা।
উক্ৎবা তথা চৈব চকার রাজা
লেভে মহীং সাগরমেখলাং চ॥ 2-5-131 (11545)
নারদ উবাচ। 2-5-132x (1391)
এবং যো বর্ততে রাজা চাতুর্বর্ণ্যস্য রক্ষণে।
স বিহৃত্যেহ সুসুখী শুক্রস্যৈতি সলোকতাম্ ॥ ॥ 2-5-132 (11546)
ইতি শ্রীমন্মহাভারতে সভাপর্বণি পঞ্চমোঽধ্যায়ঃ॥ 5॥
Mahabharata - Sabha Parva - Chapter Footnotes
2-5-24 ষড্গুণাঃ সন্ধিবিগ্রহাদয়ঃ। সপ্তোপায়াঃ মন্ত্রৌষধেন্দ্রজালসহিতাঃ সামাদয়ঃ। স ্বপরপক্ষবলাবলসহিতা এতএব চতুর্দশ ॥ 2-5-25 অষ্টৌ কর্মাণি- কৃষির্বণিক্পতো দুর্গ সেতুঃ কুঞ্জরবন্ধনম্। খন্যাকরকরাদানং শূন্যানাং চ নিবেশনমিত্যুক্তানি॥ 2-5-26 সপ্তপ্রকৃতয়ঃ স্বাম্যমাত্যসুহৃৎকোশরাষ্ট্রদুর্গবলাখ্যাঃ॥ 2-5-27 কচ্চিন্ন তর্কৈর্দূতৈর্বা ইতি খ-পাঠঃ॥ 2-5-28 শুচয়ো জীবিতক্ষমাঃ ইতি খ-পাঠঃ॥ 2-5-35 কর্মান্তাঃ কৃষ্যাদয়ঃ॥ 2-5-37 কারণিকাঃ যুদ্ধোপকরণয়ুক্তাঃ॥ 2-5-41 মন্ত্রী পুরোহিতশ্চৈব যুবরাজশ্চমূপতিঃ। পঞ্চমো দ্বারপালশ্চ ষষ্ঠোঽন্তর্বেশ িকস্তথা 1, কারাগারাধিকারী চ দ্রব্যসঞ্চয়কৃত্তথা। কৃত্যাকৃত্যেষু চার্থানাং নবমো বিনিয়োজকঃ 2, প্রেদেষ্টা নগরাধ্যক্ষঃ কার্যানির্মাণকৃত্তথা। ধর্মাধ্য ক্ষঃ সভাধ্যক্ষো দণ্ডপালস্ত্রিপঞ্চমঃ 3, ষোডশো দুর্গপালশ্চ তথা রাষ্ট্রান্ত পালকঃ অটবীপালকান্তানি তীর্থান্যষ্টাদশৈব তু 4, চারান্বিচারয়েত্তীর্থেষ্বাত ্মনশ্চ পরস্য চ । পাখণ্ডাদীনবিজ্ঞাতানন্যোন্যমিতরেষ্বপি 5, মন্ত্রিণং যুবরা জং চ হিৎবা স্বেষু পুরোহিতমিতি॥ 2-5-67 অষ্টাঙ্গসংয়ুক্তা-রথা নাগা হয়া যোধাঃ পত্তয়ঃ কর্মকারকাঃ। চারা দৈশিকমুখ্যাশ ্চ ধ্বজিন্যষ্টাঙ্গিকা মতা। চতুর্বিধবলা মৌলমৈত্রমৃত্যাটবিকৈর্বলৈর্যুক্তা। বলমুখ্যৈঃ সেনাপতিভিঃ প্রতিবর্ধিনী প্রাতিকূল্যেন চ্ছেদিনী॥ 2-5-68 লবঃ সস্যচ্ছেদনকালঃ। মুষ্টিঃ সস্যানাং গোপনকালঃ॥ 2-5-71 কোষ্ঠং ধান্যস্থানম্॥ 2-5-73 কচ্চিন্নেতি পানাদিব্যসনজং ব্যযং তব পূর্বাহ্ণে ধর্মাচরণকালে ভৃত্যা ন প্রত িজানন্তি নাবেদয়ন্তি॥ 2-5-76 অনুতিষ্ঠন্তি নিবেদয়ন্তি ॥ 2-5-79 অপ্রাপ্তব্যবহারা অপ্রৌঢাঃ॥ 2-5-84 প্রতিগ্রামং পঞ্চপঞ্চেতি। তেচ-প্রশাস্তা সমাহর্তা সংবিধাতা লেখকঃ সাক্ষী চে তি॥ 2-5-88 আত্যযিকমকল্যাণম্॥ 2-5-93 আবাধং দুঃখম্। নিয়মেন পথ্যাশনাদিনা॥ 2-5-94 নিদানং পূর্বলিঙ্গানি রূপাণ্যুপশয়স্তথা। সম্প্রাপ্তিরৌষধী রোগী পরিচারক এবং চেত্যষ্টাঙ্গানি॥ 2-5-102 তবাধ্যক্ষং ৎবৎসমক্ষণ্॥ 2-5-108 ক্ষারিতঃ মিথ্যাপবাদৈঃ পাতিতঃ॥ 2-5-113 কৃতমূলাঃ অপীতি ছেদঃ॥ 2-5-126 ব্রহ্মদণ্ডঃ অভিচারঃ॥সভাপর্ব - অধ্যায় 006
॥ শ্রীঃ ॥
2.6. অধ্যায়ঃ 006
Mahabharata - Sabha Parva - Chapter Topics
উত্তমসভালাভগর্বিতেন যুধিষ্ঠিরেণ সভাবিষয়কপ্রশ্নে নারদস্য ইন্দ্রাদিসভাবর্ণ নপ্রতিজ্ঞানম্॥ 1॥Mahabharata - Sabha Parva - Chapter Text
বৈশমাপায়ন উবাচ।
সম্পূজ্যাথাভ্যনুজ্ঞাতো মহর্ষের্বচনাৎপরম্।
প্রত্যুবাচানুপূর্ব্যেণ ধর্মরাজো যুধিষ্ঠিরঃ॥ 2-6-1 (11547)
ভগবত্যায়্যমাহৈতং যথাবদ্ধর্মনিশ্চয়ম্।
যথাশক্তি যথান্যায়ং ক্রিয়তেঽয়ং বিধির্ময়া॥ 2-6-2 (11548)
রাজভির্যদ্যথা কার্যং, পুরা বৈ তন্ন সংশয়ঃ।
যথান্যায়োপনীতার্থং কৃতং হেতুমদর্থবৎ॥ 2-6-3 (11549)
বয়ং তু সৎপথং তেষাং যাতুমিচ্ছামহে প্রভো।
ন তু শক্যং তথা গন্তুং যথা তৈর্নিয়তাত্মভিঃ॥ 2-6-4 (11550)
বৈশম্পায়ন উবাচ। 2-6-5x (1392)
একমুক্ৎবা স ধর্মাত্মা বাক্যং তদভিপূজ্য চ।
` তং তু বিশ্রান্তমাসীনং দেবর্ষিমমিতদ্যুতিম্'॥
মুহূর্তাৎপ্রাপ্তকালং চ দৃষ্ট্বা লোকচরং মুনিম্॥ 2-6-5 (11551)
নাদরদং সুস্থমাসীনমুপাসীনো যুধিষ্ঠিরঃ।
অপৃচ্ছৎপাণ্ডবস্তত্র রাজমধ্যে মাহদ্যুতিঃ॥ 2-6-6 (11552)
ভবাৎসঞ্চরতে লোকান্সদা নানাবিধান্বহূন্।
ব্রহ্মণা নির্মিতান্পূর্বং প্রেক্ষমাণো মনোজবঃ। 2-6-7 (11553)
ঈদৃশী ভবিতা কাচিদ্দৃষ্টপূর্বা সভা ক্বচিৎ।
ইতো বা শ্রেয়সী ব্রহ্মংস্তন্মমাচক্ষ্ব পৃচ্ছতঃ॥ 2-6-8 (11554)
বৈশম্পায়ন উবাচ। 2-6-9x (1393)
তচ্ছ্রুৎবা নারদস্তস্য ধর্মরাজস্য ভাষিতম্।
পাণ্ডবং প্রত্যুবাচেদং স্ময়ন্মধুরয়া গিরা॥ 2-6-9 (11555)
নারদ উবাচ। 2-6-10x (1394)
মানুষেষু ন মে তাত দৃষ্টপূর্বা ন চ শ্রুতা।
সভা মণিময়ী রাজন্যথেয়ং তব ভারত॥ 2-6-10 (11556)
সভাং তু পিতৃরাজস্য বরুণস্য চ ধীমতঃ।
কথয়িষ্যে তথেন্দ্রস্য কৈলাসনিলয়স্য চ॥ 2-6-11 (11557)
ব্রহ্মণশ্চ সভাং দিব্যাং কথয়িষ্যে গতক্লমাম্।
দিব্যাদিব্যৈরভিপ্রায়ৈরুপেতাং বিশ্বরূপিণীম্॥ 2-6-12 (11558)
দেবৈঃ পিতৃগণৈঃ সাধ্যৈর্যজ্বভির্নিয়তাত্মভিঃ।
জুষ্টাং মুনিগণৈঃ শান্তৈর্বেদয়জ্ঞৈঃ সদক্ষিণৈঃ॥
যদি তে শ্রবণে বুদ্ধির্বর্ততে ভরতর্ষভ॥ 2-6-13 (11559)
নারদেনৈবমুক্তস্তু ধর্মরাজো যুধিষ্ঠিরঃ।
প্রাঞ্জলির্ভ্রাতৃভিঃ সার্ধং তৈশ্চ সর্বৈর্দ্বিজোত্তমৈঃ॥ 2-6-14 (11560)
নারদং প্রত্যবাচেদং ধর্মরাজো মহামনাঃ।
সভাঃ কথয় তাঃ সর্বাঃ শ্রোতুমিচ্ছামহে বয়ম্॥ 2-6-15 (11561)
কিন্দ্রব্যাস্তাঃ সভা ব্রহ্মন্কিংবিস্তারাঃ কিমায়তাঃ।
পিতামহং চ কে তস্যাং সভায়াং পর্যুপাসতে॥ 2-6-16 (11562)
বাসবং দেবরাজং চ যমং বৈবস্বতং চ কে।
বরুণং চ কুবেরং চ সভায়াং পর্যুপাসতে॥ 2-6-17 (11563)
এতৎসর্বং যথান্যায়ং ব্রহ্মর্ষে বদতস্তব।
শ্রোতুমিচ্ছাম সহিতাঃ পরং কৌতূহলং হি নঃ॥ 2-6-18 (11564)
এবমুক্তঃ পাণ্ডবেন নারদঃ প্রত্যভাষত।
ক্রমেণ রাজন্দিব্যাস্তাঃ শ্রূয়ন্তামিহ নঃ সভাঃ॥ ॥ 2-6-19 (11565)
ইতি শ্রীমন্মহাভারতে সভাপর্বণি মন্ত্রপর্বণি ষষ্ঠোঽধ্যায়ঃ॥ 6॥
Mahabharata - Sabha Parva - Chapter Footnotes
2-6-11 কৈলাসনিলয়স্য কুবেরস্য॥সভাপর্ব - অধ্যায় 007
॥ শ্রীঃ ॥
2.7. অধ্যায়ঃ 007
Mahabharata - Sabha Parva - Chapter Topics
ইন্দ্রসভাবর্ণনম্॥ 1॥Mahabharata - Sabha Parva - Chapter Text
নারদ উবাচ॥
শক্রস্য তু সভা দিব্যা ভাস্বরা কর্মনির্মিতা।
স্বয়ং শক্রেণ কৌরব্য নির্জিতার্কসমপ্রভা॥ 2-7-1 (11566)
বিস্তীর্ণা যোজনশতং শতমধ্যর্ধমায়তা।
বৈহায়সী কামগমা পঞ্চয়োজনমুচ্ছ্রিতা। 2-7-2 (11567)
জরাশোকক্লমাপেতা নিরাতঙ্কা শিবা শুভা।
বেশ্মাসনবতী রম্যা দিব্যপাদপশোভিতা॥ 2-7-3 (11568)
তস্যাং দেবেশ্বরঃ পার্থ সভায়াং পরমাসনে।
আস্তে শচ্যা মহেন্দ্রাণ্যা শ্রিয়া লক্ষ্ম্যা চ ভারত। 2-7-4 (11569)
বিভ্রদ্বপুরনির্দেশ্যং কিরীটী লোহিতাঙ্গদঃ।
বিরজোম্বরশ্চিত্রমাল্যো হ্রীকীর্তিদ্যুতিভিঃ সহ॥ 2-7-5 (11570)
তস্যামুপাসতে নিত্যং মহাত্মানং শতক্রতুম্।
মরুতঃ সর্বশো রাজন্সর্বে চ গৃহমেধিনঃ॥ 2-7-6 (11571)
সিদ্ধা দেবর্ষয়শ্চৈব সাধ্যা দেবগণাস্তথা।
মরুত্ৎবন্তশ্চ সহিতা ভাস্বন্তো হেমমালিনঃ॥ 2-7-7 (11572)
এতে সানুচরাঃ সর্বে দিব্যরূপাঃ স্বলঙ্কৃতাঃ।
উপাসতে মহাত্মান দেবরাজমরিন্দমম্॥ 2-7-8 (11573)
তথা দেবর্ষয়ঃ সর্বে পার্তে শক্রমুপাসতে।
অমলা ধূতপাপ্মানো দীপ্যমানা ইবাগ্নয়ঃ॥ 2-7-9 (11574)
তেজস্বিনঃ সোমসুতো বিশোকা বিগতজ্বরাঃ।
পরাশরঃ পর্বতশ্চ তথা সাবর্ণিগালবৌ॥ 2-7-10 (11575)
`একতশ্চ দ্বিতশ্চৈব ত্রিতশ্চৈব মহামতিঃ'।
শঙ্খশ্চ লিখিতশ্চৈব তথা গৌরশিরা মুনিঃ।
দুর্বাসাঃ ক্রোধনঃ শ্যেনস্তথা দীর্ঘতমা মুনিঃ॥ 2-7-11 (11576)
পবিত্রপাণিঃ সাবর্ণির্যাজ্ঞবল্ক্যোঽথ ভালুকিঃ।
উদ্দালকঃ শ্বেতকেতুস্তাণ্ডো ভাণ্ডায়নিস্তথা॥ 2-7-12 (11577)
হবিষ্মাংশ্চ গরিষ্ঠশ্চ হরিশ্চন্দ্রশ্চ পার্থিবঃ॥
হৃদ্যশ্চোদরশাণ্ডিল্যঃ পারাশর্যঃ কৃষীবলঃ॥ 2-7-13 (11578)
বাতস্কন্ধো বিশাখশ্চ বিধাতা কাল এব চ।
করালদন্তস্ৎবষ্টা চ বিশ্বকর্মা চ তুম্বুরুঃ॥ 2-7-14 (11579)
অয়োনিজা যোনিজাশ্চ বায়ুভক্ষা হুতাশিনঃ।
ঈশানং সর্বলোকস্য বজ্রিণং সমুপাসতে॥ 2-7-15 (11580)
সহদেবঃ সুনীথশ্চ বাল্মীকিশ্চ মহাতপাঃ।
সমীকঃ সত্যবাক্চৈব প্রচেতাঃ সত্যসঙ্গরঃ॥ 2-7-16 (11581)
মেধাতিথির্বামদেবঃ পুলস্ত্যঃ পুলহঃ ক্রতুঃ।
মরুত্তশ্চ মরীচিশ্চ স্থাণুশ্চাত্র মহাতপাঃ॥ 2-7-17 (11582)
কক্ষীবান্গৌতমস্তার্ক্ষ্যস্তথা বৈশ্বানরো মুনিঃ।
মুনিঃ কালকবৃক্ষীয় আশ্রাব্যোঽথ হিরণ্ময়ঃ॥ 2-7-18 (11583)
সংবর্তো দেবহব্যশ্চ বিষ্বক্সেনশ্চ বীর্যবান্।
দিব্যা আপস্তথৌষধ্যঃ শ্রদ্ধা মেধা সরস্বতী॥ 2-7-19 (11584)
অর্থো ধর্মশ্চ কামশ্চ বিদ্যুতশ্চৈব পাণ্ডব।
জলবাহাস্তথা মেঘা বায়বঃ স্তনয়িত্নবঃ॥ 2-7-20 (11585)
প্রাচীদিগ্যজ্ঞবাহাশ্চ পাবকাঃ সপ্তবিংশতিঃ।
অগ্নীষোমৌ তথেন্দ্রাগ্নী মিত্রশ্চ সবিতাঽর্যমা॥ 2-7-21 (11586)
ভগো বিশ্বে সাধ্যাশ্চ গুরুঃ শুক্রস্তথৈব চ।
বিশ্বাবসুশ্চিত্রসেনঃ সুমনস্তরুণস্তথা॥ 2-7-22 (11587)
যজ্ঞাশ্চ দক্ষিণাশ্চৈবং গ্রহাস্তোভাশ্চ ভারত।
যজ্ঞবাহাশ্চ যে মন্ত্রাঃ সর্বে তত্র সমাসতে॥ 2-7-23 (11588)
তথৈবাপ্সরসো রাজন্ `রম্ভোর্বশ্যথ মেনকা।
ঘৃতাচী পঞ্চচূডা চ বিপ্রচিত্তিপুরোগমাঃ॥ 2-7-24 (11589)
বিদ্যাধরাশ্চ রাজেন্দ্র' গন্ধর্বাশ্চ মনোরমাঃ।
নৃত্যবাদিত্রগীতৈশ্চ হাস্যৈশ্চ বিবিধৈরপি॥ 2-7-25 (11590)
রময়ন্তি স্ম নৃপতে দেবরাজং শতক্রতুম্।
স্তুতিভির্মঙ্গলৈশ্চৈব বস্তুবন্তঃ কর্মভিস্তথা॥ 2-7-26 (11591)
বিক্রমৈশ্চ মহাত্মানং বলবৃত্রনিষূদনম্।
ব্রহ্মরাজর্ষয়শ্চৈব সর্বে দেবর্ষয়স্তথা॥ 2-7-27 (11592)
বিমানৈর্বিবিধৈর্দিব্যৈর্দীপ্যমানা ইবাগ্নয়ঃ।
স্রগ্বিণো ভূষিতাঃ সর্বে যান্তি চায়ান্তি চাপরে॥ 2-7-28 (11593)
বৃহস্পতিশ্চ শুক্রশ্চ নিত্যমাস্তাং হি তত্র বৈ॥
এতে চান্যে চ বহবো মহাত্মানো যতব্রতাঃ॥ 2-7-29 (11594)
বিমানৈশ্চন্দ্রসঙ্কাশৈঃ সোমবৎপ্রিয়দর্শনাঃ।
ব্রহ্মণো বচনাদ্রাজন্ভৃগুঃ সপ্তর্ষয়স্তথা॥ 2-7-30 (11595)
এষা সভা ময়া রাজন্দৃষ্টা পুষ্করমালিনী।
শতক্রতোর্মহাবাহো যাম্যামপি সভাং শৃণু॥ ॥ 2-7-31 (11596)
ইতি শ্রীমন্মহাভারতে সভাপর্বণি মন্ত্রপর্বণি সপ্তমোঽধ্যায়ঃ॥ 7॥
Mahabharata - Sabha Parva - Chapter Footnotes
2-7-13 পারাশর্যঃ কপিষ্ঠল ইতি ঘ. পাঠঃ॥ 2-7-21 ব্রহ্মণোঙ্গাৎপ্রসূতোঽগ্নিরঙ্গিরা ইতি বিশ্রুতঃ। দক্ষিণাগ্নির্গার্হপত্যা হবনীয়াবিতি ত্রয়ী। নির্মন্থ্যো বৈদ্যুতঃ শূরঃ সংবর্তো লৌকিকস্তথা। 2-7-31 পুষ্করমালিনী নামতঃ॥সভাপর্ব - অধ্যায় 008
॥ শ্রীঃ ॥
2.8. অধ্যায়ঃ 008
Mahabharata - Sabha Parva - Chapter Topics
যমসভাবর্ণমম্॥ 1॥Mahabharata - Sabha Parva - Chapter Text
নারদ উবাচ।
কথয়িষ্যে সভাং যাম্যাং যুধিষ্ঠির নিবোধ তাম্।
বৈবস্বতস্য যাং পার্থ বিশ্বকর্মা চকার হ॥ 2-8-1 (11597)
তৈজসী সা সভা রাজন্বভূব শতয়োজনা।
বিস্তারায়ামসম্পন্না ভূয়সী চাপি পাণ্ডব॥ 2-8-2 (11598)
অর্কপ্রকাশা ভ্রাজিষ্ণুঃ সর্বতঃ কামরূপিণী।
নাতিশীতা চ চাত্যুষ্ণা মনসশ্চ প্রহর্ষিণী॥ 2-8-3 (11599)
ন শোকো ন জরা তস্যাং ক্ষুৎপিপাসে ন চাপ্রিয়ম্।
ন চ দৈন্যং ক্লমো বাঽপি প্রতিকূলং ন চাপ্যুত॥ 2-8-4 (11600)
সর্বে কামাঃ স্থিতাস্তস্যাং যে দিব্যা যে চ মানুষাঃ।
রসবচ্চ প্রভূতং চ ভক্ষ্যং ভোজ্যমরিন্দম॥ 2-8-5 (11601)
লেহ্যং চোপ্যং চ পেয়ং চ হৃদ্যং স্বাদু মনোহরম্।
পুণ্যগন্ধাঃ স্রজস্তস্য নিত্যং কামফলা দ্রুমাঃ॥ 2-8-6 (11602)
রসবন্তি চ তোয়ানি শীতান্যুষ্ণানি চৈব হি।
তস্যাং রাজর্ষয়ঃ পুণ্যাস্তথা ব্রহ্মর্ষয়োঽমলাঃ॥ 2-8-7 (11603)
যমং বৈবস্বতং তাত প্রহৃষ্টাঃ পর্যুপাসতে।
যয়াতির্নহুষঃ পুরুর্মান্ধাতা সোমকো নুগঃ॥ 2-8-8 (11604)
ত্রসদস্যুশ্চ রাজর্ষিঃ কৃতবীর্যঃ শ্রুতশ্রবাঃ।
অরিষ্টনেমিঃ সিদ্ধশ্চ কৃতবেগঃ কৃতির্নিমিঃ॥ 2-8-9 (11605)
প্রতর্দনঃ শিবির্মৎস্যঃ পৃথুলাক্ষো বৃহদ্রথঃ।
বার্তো মরুত্তঃ কুষিকঃ সাঙ্কাশ্যঃ সাঙ্কৃতির্ধ্রুবঃ॥ 2-8-10 (11606)
চতুরশ্চঃ সদস্যোর্মিঃ কার্তবীর্যশ্চ পার্থিবঃ।
ভরতঃ সুরথশ্চৈব সুনীথো নিশঠোঽনলঃ॥ 2-8-11 (11607)
দিবোদাসশ্চ সুমনা অম্বরীষো ভগীরথঃ।
ব্যশ্বঃ সদশ্বো বাঘ্র্যশ্বঃ পৃথুবেগঃ পৃথুশ্রবাঃ॥ 2-8-12 (11608)
পৃপদশ্বো বসুমনাঃ ক্ষুপশ্চ সুমহাবলঃ।
রুষদ্রুর্বৃষসেনশ্চ পুরুকুৎসো ধ্বজী রথী॥ 2-8-13 (11609)
আর্ষ্টিষেণো দিলীপশ্চ মহাত্মা চাপ্যুশীনরঃ।
ঔশীনরিঃ পুণ্ডরীকঃ শর্যাতিঃ শরভঃ শুচিঃ॥ 2-8-14 (11610)
অঙ্গো রিষ্টশ্চ বেনশ্চ দুষ্যন্তঃ সৃঞ্জয়ো জয়ঃ।
ভাঙ্গাসুরিঃ সুনীথশ্চ নিষধোঽথ বহীনরঃ॥ 2-8-15 (11611)
করন্ধমো বাহ্লিকশ্চ সুদ্যুম্নো বলবান্মধুঃ।
ঐলো মরুত্তশ্চ তথা বলবান্পৃথিবীপতিঃ॥ 2-8-16 (11612)
কপোতরোমা তৃণকঃ সহদেবার্জুনৌ তথা।
ব্যশ্বঃ সাশ্বঃ কৃশাশ্বশ্চ শশবিন্দুশ্চ পার্থিবঃ॥ 2-8-17 (11613)
রামো দাশরথিশ্চৈব লক্ষ্মণোঽথ প্রতর্দনঃ।
অলর্কঃ কক্ষসেনশ্চ গয়ো গৌরাওশ্ব এব চ॥ 2-8-18 (11614)
জামদগ্ন্যশ্চ রামশ্চ নাভাগসগরৌ তথা।
ভূরিদ্যুম্নো মহাশ্বশ্চ পৃথাশঅবো জনকস্তথা॥ 2-8-19 (11615)
রাজা বৈন্যো বারিসেনঃ পুরিজিজ্জনমেজয়ঃ।
ব্রহ্মদত্তস্ত্রিগর্তিশ্চ রাজোপরিচরস্তথা॥ 2-8-20 (11616)
ইন্দ্রদ্যুম্নো ভীমজানুর্গৌরপৃষ্ঠোঽনঘো লয়ঃ।
পদ্মোঽথ মুচুকুন্দশ্চ ভূরিদ্যুম্নঃ প্রসেনজিৎ॥ 2-8-21 (11617)
অরিষ্টনেমিঃ সুদ্যুম্নঃ পৃথুলাশ্বোঽষ্টকস্তথা।
শতং মৎস্যা নৃপতয়ঃ শতং নীপাঃ শতং হয়াঃ॥ 2-8-22 (11618)
ধৃতরাষ্ট্রাশ্চৈকশতমশীতির্জনমেজয়াঃ।
শতং চ ব্রহ্মদত্তানাং বীরিণামীরিণাং শতম্॥ 2-8-23 (11619)
ভীষ্ণাণাং দ্বে শতেঽপ্যত্র ভীমানাং তু তথা শতম্।
শতং চ প্রতিবিন্ধ্যানাং শতং নাগাঃ শতং হয়াঃ॥ 2-8-24 (11620)
পলাশানাং শতং জ্ঞেয়ং শতং কাশকুশাদয়ঃ।
শান্তনুশ্চৈব রাজেন্দ্র পাণ্ডুশ্চৈব পিতা তব॥ 2-8-25 (11621)
উশঙ্গবঃ শতরথো দেবরাজো জয়দ্রথঃ।
বৃষদর্ভশ্চ রাজর্ষির্বুদ্ধিমান্সহমন্ত্রিভিঃ॥ 2-8-26 (11622)
অথাপরে সহস্রাণি যে গতাঃ শসবিন্দবঃ।
ইষ্ট্বাঽশ্বমেধৈর্বহুভির্মহদ্ভির্ভূরিদক্ষিণৈঃ॥ 2-8-27 (11623)
এতে রাজর্ষয়ঃ পুণ্যাঃ কীর্তিমন্তো বহুশ্রুতাঃ।
তস্যাং সভায়াং রাজেন্দ্র বৈবস্বতমুপাসতে॥ 2-8-28 (11624)
অগস্ত্যোঽথ মতঙ্গশ্চ কালো মৃত্যুস্তথৈব চ।
যজ্বানশ্চৈব সিদ্ধাশ্চ যে ন যোগশরীরিণঃ॥ 2-8-29 (11625)
অগ্নিষ্বাত্তাশ্চ পিতরঃ ফেনপাশ্বোষ্মপাশ্চ যে।
সুধাবন্তো বর্হিষদো মূর্তিমন্তস্তথাঽপরে॥ 2-8-30 (11626)
কালচক্রং চ সাক্ষাচ্চ ভগবান্হব্যবাহনঃ।
নরা দুষ্কৃতকর্মাণো দক্ষিণায়নমৃত্যবঃ॥ 2-8-31 (11627)
কালস্য নয়নে যুক্তা যমস্য পুরুপাশ্চ যে।
তস্যাং শিংশুপপালাশাস্তথা কাশকুশাদয়ঃ॥ 2-8-32 (11628)
উপাসতে ধর্মরাজং মূর্তিমন্তো জনাধিপ।
এতে চান্যে চ বহবঃ পিতৃরাজসভাসদঃ।
ন শক্যাঃ পরিসঙ্খ্যাতুং নামভিঃ কর্মভিস্তথা । 2-8-33 (11629)
অসম্বাধা হি সা পার্থ রম্যা কামগমা সভা।
দীর্ঘকালং তপস্তপ্ৎবা নির্মিতা বিশ্বকর্মণা। 2-8-34 (11630)
জ্বলন্তী ভাসমানা চ তেজসা স্বেন ভারত।
তামুগ্রতপসো যান্তি সুব্রতাঃ সত্যবাদিনঃ॥ 2-8-35 (11631)
শান্তাঃ সন্যাসিনঃ শুদ্ধাঃ পূতাঃ পুণ্যেন কর্মণা।
সর্বে ভাস্বরদেহাশ্চ সর্বে চ বিরজোম্বরাঃ॥ 2-8-36 (11632)
চিত্রাঙ্গদাশ্চিত্রমাল্যাঃ সর্বে জ্বলিতকুণ্ডলাঃ।
সুকৃতৈঃ কর্মভিঃ পুণ্যৈঃ পারিবর্হৈশ্চ ভূষিতাঃ॥ 2-8-37 (11633)
গন্ধর্বাশ্চ মহাত্মানঃ সঙ্ঘশশ্চাপ্সরোগণাঃ।
বাদিত্রং নৃত্তগীতং চ হাস্যং লাস্যং চ সর্বশঃ॥ 2-8-38 (11634)
পুণ্যাশ্চ গন্ধাঃ শব্দাশ্চ তস্যাং পার্থ সমন্ততঃ।
দিব্যানি চৈব মাল্যানি উপতিষ্ঠন্তি নিত্যশঃ॥ 2-8-39 (11635)
শতং শতসহস্রাণি ধর্মিণাং তং প্রজেশ্বরম্।
উপাসতে মহাত্মানং রূপয়ুক্তা মনস্বিনঃ॥ 2-8-40 (11636)
ঈদৃশী সা সভা রাজন্পিতৃরাজ্ঞো মহাত্মনঃ।
বরুণস্যাপি বক্ষ্যামি সভাং পুষ্করমালিনীম্॥ ॥ 2-8-41 (11637)
ইতি শ্রীমন্মহাভারতে সভাপর্বণি মন্ত্রপর্বণি অষ্টমোঽধ্যায়ঃ॥ 8॥
Mahabharata - Sabha Parva - Chapter Footnotes
2-8-18 রামইতি রামলক্ষ্মণয়োর্বিষ্ণুশেষরূপেণ স্বস্থানস্থয়োরপি রূপান্তরেণ উপাসকানু গ্রহার্থমত্রাবস্থানম্॥ 2-8-23 ধৃতরাষ্টাশ্চৈকশতমিতি পুরাণেষু প্রায়েণাধিকারিণামেব কীর্তনাত্তেষাং চ প্রতি কল্পং সমাননামরূপকর্মৎবাদনেককল্পং ধর্মসভাবাসিনাং তেষাং বহুৎবং যুক্তম্। এবমন্যেষামপি॥ 2-8-31 দুষ্কৃতকর্মাণো বিদ্যাবিহীনকর্মমাত্রনিষ্টাঃ॥সভাপর্ব - অধ্যায় 009
॥ শ্রীঃ ॥
2.9. অধ্যায়ঃ 009
Mahabharata - Sabha Parva - Chapter Topics
বরুণসভাবর্ণনম্॥ 1॥Mahabharata - Sabha Parva - Chapter Text
নারদ উবাচ॥
যুধিষ্ঠির সভা দিব্যা বরুণস্যামিতপ্রভা।
প্রমাণেন যথা যাম্যা শুভপ্রাকারতোরণা॥ 2-9-1 (11638)
অন্তঃ সলিলমাস্থায় বিহিতা বিশ্বকর্মণা।
দিব্যৈ রত্নময়ৈর্বৃক্ষৈঃ ফলপুষ্পপ্রদৈর্যুতা॥ 2-9-2 (11639)
নীলপীতৈঃ সিতাঃ শ্যামৈঃ সিতৈর্লোহিতকৈরপি।
অবতানৈস্তথা গুল্মৈর্মঞ্জরীজালধারিভিঃ॥ 2-9-3 (11640)
তথা শকুনয়স্তস্যাং বিচিত্রা মধুরস্বরাঃ।
অনির্দেশ্যা বপুষ্মন্তঃ শতশোঽথ সহস্রশঃ॥ 2-9-4 (11641)
সা সভা সুখসংস্পর্শা ন শীতা ন চ ধর্মদা।
বেশ্মাসনবতী রম্যা সিতা বরুণপালিতা॥ 2-9-5 (11642)
যস্যামাস্তে স বরুণো বারুণ্যা চ সমন্বিতঃ।
দিব্যরত্নাম্বরধরো দিব্যাভরণভূষিতঃ॥ 2-9-6 (11643)
`দ্বিতীয়েন তু নাম্না বৈ গৌরীতি ভুবি বিশ্রুতা।
পত্ন্যা সবরুণো দেবঃ প্রমোদতি সুখী সুখম্'॥ 2-9-7 (11644)
স্রগ্বিণো দিব্যগন্ধাশ্চ দিব্যগন্ধানুলেপনাঃ।
আদিত্যাস্তত্র বরুণং জলেশ্বরমুপাসতে॥ 2-9-8 (11645)
বাসুকিস্তক্ষকশ্চৈব নাগশ্চৈরাবতস্তথা।
কৃষ্ণশ্চ লোহিতশ্চৈব পদ্মশ্চিত্রশ্চ বীর্যবান্॥ 2-9-9 (11646)
কম্বলাশ্বতরৌ নাগৌ ধৃতরাষ্ট্রবলাহকৌ।
মণিমান্কুণ্ডধারশ্চ কর্কোটকধনঞ্জয়ৌ॥ 2-9-10 (11647)
পাণিমান্কুণ্ডধারশ্চ বলবান্পৃথিবীপতে।
প্রহ্রাদো মুষিকাদশ্চ তথৈব জনমেজয়ঃ ॥ 2-9-11 (11648)
পতাকিনো মণ্ডলিনঃ ফণবন্তশ্চ সর্বশঃ।
` অর্থো ধর্মশ্চ কামশ্চ বসুঃ কপিল এব চ॥ 2-9-12 (11649)
অনন্তশ্চ মহানাগো যং দৃষ্ট্বা জলজেশ্বরঃ।
অভ্যর্চয়তি সৎকারৈরাসনেন চ তং বিভুঃ॥ 2-9-13 (11650)
বাসুকিপ্রমুখাশ্চৈব সর্বে প্রাঞ্জলয়ঃ স্থিতাঃ।
অনুজ্ঞাতাশ্চ শেষেণ যথার্হমুপবিশ্য চ॥ 2-9-14 (11651)
এতে চান্যে চ বহবঃ সর্পাস্তস্যাং যুধিষ্ঠির।
`বৈনতেয়শ্চ গরুডো যে চাস্য পরিচারিণঃ'।
উপাসতে মহাত্মানং বরুণং বিগতক্লমাঃ॥ 2-9-15 (11652)
বলির্বৈরোচনো রাজা নরকঃ পৃথিবীঞ্জয়ঃ।
সংহ্রাদো বিপ্রচিত্তিশ্চ কালখঞ্জাশ্চ দানবাঃ॥ 2-9-16 (11653)
সুহনুর্দুর্মুখঃ শঙ্খঃ সুমনাঃ সুমতিস্ততঃ।
ঘটোদরো মহাপার্শ্বঃ ক্রথনঃ পিঠরস্তথা॥ 2-9-17 (11654)
বিশ্বরূপঃ স্বরূপশ্চ বিরূপোঽথ মহাশিরাঃ।
দশগ্রীবশ্চ বালী চ মেঘবাসা দশাবরঃ॥ 2-9-18 (11655)
টিট্টিভো বিটভূতশ্চ সংহ্রাদশ্চেন্দ্রতাপনঃ।
দৈত্যদানবসঙ্ঘাশ্চ সর্বে রুচিরকুণ্ডলাঃ॥ 2-9-19 (11656)
স্রগ্বিণো মৌলিনশ্চৈব তথা দিব্যপরিচ্ছদাঃ।
সর্বে লব্ধবরাঃ শূরাঃ সর্বে বিগতমৃত্যবঃ॥ 2-9-20 (11657)
তে তস্যাং বরুণং দেবং ধর্মপাশধরং সদা।
উপাসতে মহাত্মানং সর্বে সুচরিতব্রতাঃ॥ 2-9-21 (11658)
তথা সমুদ্রাশ্চৎবারো নদী ভাগীরথী চ সা।
কালিন্দী বিদিশা বেণা নর্দমা বেগবাহিনী॥ 2-9-22 (11659)
বিপাশা চ শতদ্রুশ্চ চন্দ্রভাগা সরস্বতী।
ইরাবতী বিতস্তা চ সিন্ধুর্দেবনদী তথা॥ 2-9-23 (11660)
গোদাবরী কৃষ্ণবেণী কাবেরী চ সরিদ্বরা।
কিম্পুনা চ বিশল্যা চ তথা বৈতরণী নদী॥ 2-9-24 (11661)
তৃতীয়া জ্যেষ্ঠিলা চৈব শোণশ্চাপি মহানদঃ।
চর্মণ্বতী তথা চৈব পর্ণাশা চ মহানদী॥ 2-9-25 (11662)
সরয়ূর্বারবত্যাঽথ লাঙ্গলী চ সরিদ্বরা।
করতোয়া তথাঽঽত্রেয়ী লৌহিত্যশ্চ মহানদঃ॥ 2-9-26 (11663)
লঙ্ঘতী গোমতী চৈব সন্ধ্যা ত্রিস্রোতসী তথা।
এতাশ্চন্যাশ্চ রাজেন্দ্র সুতীর্থা লোকবিশ্রুতাঃ॥ 2-9-27 (11664)
সরিতঃ সর্বতশ্চান্যাস্তীর্থানি চ সরাংসি চ।
কূপাশ্চ সপ্রস্রবণা দেহবন্তো যুধিষ্ঠির। 2-9-28 (11665)
পল্বলানি তটাকানি দেহবন্ত্যথ ভারত।
দিশস্তথা মহী চৈব তথা সর্বে মহীধরাঃ॥ 2-9-29 (11666)
উপাসতে মহাত্মানং সর্বে জলচরাস্তথা।
গীতবাদিত্রবন্তশ্চ গন্ধর্বাপ্সরসাং গণাঃ॥ 2-9-30 (11667)
স্তুবন্তো বরুণং তস্যাং সর্ব এব সমাসতে।
মহীধরা রত্নবন্তো রসা যে চ প্রতিষ্ঠিতাঃ॥ 2-9-31 (11668)
কথয়ন্তঃ সুমধুরাঃ কথাস্তত্র সমাসতে।
বারুণশ্চ তথা মন্ত্রী সুনাভঃ পর্যুপাসতে॥ 2-9-32 (11669)
পুত্রপৌত্রৈঃ পরিবৃতো গোনাম্না পুষ্করেণ চ।
সর্বে বিগ্রহবন্তস্তে তমীশ্বরমুপাসতে॥ 2-9-33 (11670)
এষা ময়া সম্পততা বারুণী ভরতর্ষভ।
দৃষ্টপূর্বা সভা রম্যা কুবেরস্য সভাং শৃণু॥ ॥ 2-9-34 (11671)
ইতি শ্রীমন্মহাভারতে সভাপর্বণি মন্ত্রপর্বণি নবমোঽধ্যায়ঃ॥ 9॥
Mahabharata - Sabha Parva - Chapter Footnotes
2-9-34 সম্পততা সমাগচ্ছতা॥সভাপর্ব - অধ্যায় 010
॥ শ্রীঃ ॥
2.10. অধ্যায়ঃ 010
Mahabharata - Sabha Parva - Chapter Topics
কুবেরসভাবর্ণনম্॥ 1॥Mahabharata - Sabha Parva - Chapter Text
নারদ উবাচ।
সভা বৈশ্রবণী রাজঞ্শতয়োজনমায়তা।
বিস্তীর্ণা সপ্ততিশ্চৈব যোজনানি সিতপ্রভা॥ 2-10-1 (11672)
তপসা নির্জিতা রাজন্স্বয়ং বৈশ্রবণেন সা।
শশিপ্রভা প্রাবরণা কৈলাসশিখরোপমা॥ 2-10-2 (11673)
গুহ্যকৈরুহ্যমানা সা খে বিষক্তেব শোভতে।
দিব্যা হেমময়ৈরুচ্চৈঃ প্রাসাদৈরুপশোভিতা॥ 2-10-3 (11674)
মহারত্নবতী চিত্রা দিব্যগন্ধা মনোরমা।
সিতাভ্রশিখরাকারা প্লবমানেব দৃশ্যতে। 2-10-4 (11675)
দিব্যা হেমময়ৈ রঙ্গৈর্বিদ্যুদ্ভিরিব চিত্রিতা।
তস্যাং বৈশ্রবণো রাজা বিচিত্রাভরণাম্বরঃ॥ 2-10-5 (11676)
স্ত্রীসহস্রৈর্বৃতঃ শ্রীমানাস্তে জ্বলিতকুণ্ডলঃ।
`সহ পত্ন্যা মহারাজ ঋদ্ধ্যা সহ বিরাজতে। 2-10-6 (11677)
সর্বাভরণভূষিণ্যা বপুষ্মত্যা ধনেশ্বরঃ'।
দিবাকরনিভে পুণ্যে দিব্যাস্তরণসংবৃতে।
দিব্যপাদোপধানে চ নিষণ্ণঃ পরমাসনে॥ 2-10-7 (11678)
মন্দারাণামুদারাণাং বনানি পরিলোডয়ন্।
সৌগন্ধীকবনানাং চ গন্ধং গন্ধবহো বহন্॥ 2-10-8 (11679)
নলিন্যাশ্চালকাখ্যায়া নন্দনস্য বনস্য চ।
শীতো হৃদয়সংহ্লাদী বায়ুস্তমুপসেবতে॥ 2-10-9 (11680)
তত্র দেবাঃ সগন্ধর্বা গণৈরপ্সরসাং বৃতাঃ।
দিব্যতানৈর্মহারাজ গায়ন্তিস্ম সভাগতাঃ॥ 2-10-10 (11681)
মিশ্রকেশী চ রম্ভা চ চিত্রসেনা শুচিস্মিতা।
চারুনেত্রা ঘৃতাচী চ মেনকা পুঞ্জিকস্থলা॥ 2-10-11 (11682)
বিশ্বাচী সহজন্যা চ প্রম্লোচা উর্বশী ॥ 2-10-12 (11683)
বর্গা চ সৌরভেয়ী চ সমীচী বুদ্বুদা লতা।
এতাঃ সহস্রশশ্চান্যা নৃত্তগীতবিশারদাঃ॥ 2-10-13 (11684)
উপতিষ্ঠন্তি ধনদং গন্ধর্বাপ্সরসাং গণাঃ।
অনিশং দিব্যবাদিত্রৈর্নৃত্তগীতৈশ্চ স সভা॥ 2-10-14 (11685)
অশূন্যা রুচিরা ভাতি গন্ধর্বাপ্সরসাং গণৈঃ।
কিন্নরা নাম গন্ধর্বা নরা নাম তথাঽপরে॥ 2-10-15 (11686)
মাণিভদ্রোঽথ ধনদঃ শ্বেতভদ্রশ্চ গুহ্যকঃ।
কশেরকো গণ্ডকণ্ডূঃ প্রদ্যোতশ্চ মহাবলঃ॥ 2-10-16 (11687)
কুস্তম্বরুঃ পিশাচশ্চ গজকর্ণো বিশালকঃ।
বরাহকর্ণস্তাম্রৌষ্ঠঃ ফলকক্ষঃ ফলোদকঃ॥ 2-10-17 (11688)
হংসচূডঃ শইখাবর্তো হেমনেত্রো বিভীষণঃ।
পুষ্পাননঃ পিঙ্গলকঃ শোণিতোদঃ প্রবালকঃ॥ 2-10-18 (11689)
বৃক্ষবাস্যনিকেতশ্চ চীরবাসাশ্চ ভারত।
এতে চান্যে চ বহবো যক্ষাঃ শতসহস্রশঃ॥ 2-10-19 (11690)
সদা ভগবতী লক্ষ্মীস্তত্রৈব নলকূবরঃ।
অহং চ বহুশস্তস্যাং ভবন্ত্যন্যে চ মদ্বিধাঃ॥ 2-10-20 (11691)
ব্রহ্মর্ষয়ো ভবন্ত্যত্র তথা দেবর্ষয়োঽপরে।
ক্রব্যাদাশ্চ তথৈবান্যে গন্ধর্বাশ্চ মহাবলাঃ॥ 2-10-21 (11692)
উপাসতে মহাত্মানং তস্যাং ধনদমীশ্বরম্।
ভগবান্ভূতসঙ্ঘৈশ্চ বৃতঃ শতসহস্রশঃ॥ 2-10-22 (11693)
উমাপতিঃ পশুপতিঃ শূলভৃদ্ভগনেত্রহা।
ত্র্যম্বকো রাজশার্দূল দেবী চ বিগতক্লমা॥ 2-10-23 (11694)
বামনৈর্বিকটৈঃ কুব্জৈঃ ক্ষতজাক্ষৈর্মহারবৈঃ।
মেদোমাংসাশনৈরুগ্রৈরুগ্রধন্বা মহাবলঃ॥ 2-10-24 (11695)
নানাপ্রহরণৈরুগ্রৈর্বাতৈরিব মহাজবৈঃ।
বৃতঃ সখায়মন্বাস্তে সদৈব ধনদং নৃপ॥ 2-10-25 (11696)
প্রহৃষ্টাঃ শতশশ্চান্যে বহুশঃ সপরিচ্ছদাঃ।
গন্ধর্বাণাং চ পতয়ো বিশ্বাবসুর্হহা হুহূঃ॥ 2-10-26 (11697)
তুম্বুরুঃ প্রবতশ্চৈব শৈলূষশ্চ তথাঽপরঃ।
চিত্রসেনশ্চ গীতজ্ঞস্তথা চিত্ররথোপি চ॥ 2-10-27 (11698)
এতে চান্যে চ গন্ধর্বা ধনেশ্বরমুপাসতে।
বিদ্যাধরাধিপশ্চৈব চক্রধর্মা সহানুজৈঃ॥ 2-10-28 (11699)
উপাচরতি তত্র স্ম ধনানামীশ্বরং প্রভুম্।
কিন্নরাঃ শতশস্তত্র ধনানামীশ্বরং প্রভুম্॥ 2-10-29 (11700)
আসতে চাপি রাজানো ভগদত্তপুরোগমাঃ।
দ্রুমঃ কিম্পুরুষেশশ্চ উপাস্তে ধনদেশ্বরম্॥ 2-10-30 (11701)
রাক্ষসাধিপতিশ্চৈব মহেন্দ্রো গন্ধমাদনঃ।
সহ যক্ষৈঃ সগন্ধর্বৈঃ সহ সর্বৈর্নিশাচরৈঃ॥ 2-10-31 (11702)
বিভীষণশ্চ ধর্মিষ্ঠ উপাস্তে ভ্রাতরং প্রভুম্।
হিমবান্পারিয়াত্রশ্চ বিন্ধ্যকৈলাসমন্দরাঃ॥ 2-10-32 (11703)
মলয়ো দর্দুরশ্চৈব মহেন্দ্রো গন্ধমাদনঃ।
ইন্দ্রকীলঃ সুনাভশ্চ তথা দিব্যৌ চ পর্বতৌ॥ 2-10-33 (11704)
এতে চান্যে চ বহবঃ সর্বে মেরুপুরোগমাঃ।
উপাসতে মহাত্মানং ধনানামীশ্বরং প্রভুম্॥ 2-10-34 (11705)
ন্দীশ্বরশ্চ ভগবান্মহাকালস্তথৈব চ।
শঙ্কুকর্ণমুখাঃ সর্বে দিব্যাঃ পারিষদাস্তথা॥ 2-10-35 (11706)
কাষ্ঠঃ কুটী মুখো দন্তী বিজয়শ্চ তপোধিকঃ।
শ্বেতশ্চ বৃষভস্তত্র নর্দন্নাস্তে মহাবলঃ॥ 2-10-36 (11707)
ধনদং রাক্ষসাশ্চান্যে পিশাচাশ্চ উপাসতে।
পারিষদৈঃ পরিবৃতমুপায়ান্তং মহেশ্বরম্॥ 2-10-37 (11708)
সদা হি দেবদেবেশং শিবং ত্রৈলোক্যভাবনম্।
প্রণম্য মূর্ধ্না পৌলস্ত্যো বহুরূপমুমাপতিম্॥ 2-10-38 (11709)
ততোঽভ্যনুজ্ঞাং সম্প্রাপ্য মহাদেবাদ্ধনেশ্বরঃ।
আস্তে কদাচিদ্ভগবান্ভবো ধনপতেঃ সখা॥ 2-10-39 (11710)
নিধিপ্রবরমুখ্যৌ চ শঙ্খপদ্মৌ ধনেশ্বরৌ।
সর্বান্নিধীন্প্রগৃহ্যাথ উপাস্তাং বৈ ধনেশ্বরম্॥ 2-10-40 (11711)
সা সভা তাদৃশী রম্যা ময়া দৃষ্টান্তরিক্ষগা।
পিতামহসভাং রাজন্কীর্তয়িষ্যে নিবোধ তাম্॥ ॥ 2-10-41 (11712)
ইতি শ্রীমন্মহাভারতে সভাপর্বণি মন্ত্রপর্বণি দশমোঽধ্যায়ঃ॥ 10॥
Mahabharata - Sabha Parva - Chapter Footnotes
2-10-5 রঙ্গৈরিতিচ্ছেদঃ॥ 2-10-39 আস্তে ইত্যাবৃত্ত্যা যোজনীয়ম্। যদা ভবঃ কদাচিৎকুবেরসভামধ্যাস্তে তদা কুবেরোঽপি ভবাদনুজ্ঞাং প্রাপ্য তন্নিকটে আস্তে উপবিশতি॥সভাপর্ব - অধ্যায় 011
॥ শ্রীঃ ॥
2.11. অধ্যায়ঃ 011
Mahabharata - Sabha Parva - Chapter Topics
ব্রহ্মসভাবর্ণনম্॥1॥Mahabharata - Sabha Parva - Chapter Text
নারদ উবাচ॥
পিতামহসভাং তাত কথ্যমানাং নিবোধ মে।
শক্যতে যা ন নির্দেষ্টুমেবংরূপেতি ভারত॥ 2-11-1 (11713)
পুরা দেবয়ুগে রাজন্নাদিত্যো ভগবান্দিবঃ।
আগচ্ছন্মানুষং লোকং দিদৃক্ষুর্বিগতক্লমঃ॥ 2-11-2 (11714)
চরন্মানুষরূপেণ সভাং দৃষ্ট্বা স্বয়ম্ভুবঃ।
স তামকথয়ন্মহ্যং দৃষ্ট্বা তত্ৎবেন পাণ্ডব॥ 2-11-3 (11715)
অপ্রমেয়াং সভাং দিব্যাং মানসীং ভরতর্ষভ।
অনির্দেশ্যাং প্রভাবেণ সর্বভূতমনোরমাম্॥ 2-11-4 (11716)
শ্রুৎবা গুণানহং তস্যাঃ সভায়াঃ পাণ্ডবর্ষভ।
দর্শনেপ্সুস্তথা রাজন্নাদিত্যমিদমব্রুবম্। 2-11-5 (11717)
ভগবন্দ্রষ্টুমিচ্ছামি পিতামহসভাং শুভাম্।
যেন বা তপসা শক্যা কর্মণা বাঽপি গোপতে॥ 2-11-6 (11718)
ঔষধৈর্যা তথা যুক্তৈরুত্তমা পাপনাশিনী।
তন্মমাচক্ষ্ব ভগবন্পশ্যেয়ং তাং সভাং যথা॥ 2-11-7 (11719)
স তন্মম বচঃ শ্রুৎবা সহস্রাংশুর্দিবাকরঃ।
প্রোবাচ ভারতশ্রেষ্ঠ ব্রতং বর্ষসহস্রকম্॥ 2-11-8 (11720)
ব্রহ্মব্রতমুপাস্স্ব ৎবং প্রয়তেনান্তরাত্মনা।
ততোঽহং হিমবৎপৃষ্ঠে সমারব্দো মহাব্রতম্॥ 2-11-9 (11721)
ততঃ স ভগবান্সূর্যো মামুপাদায় বীর্যবান্।
আগচ্ছত্তাং সভাং ব্রাহ্মীং বিপাপ্মা বিগতক্লমঃ ? 2-11-10 (11722)
এবংরূপেতি সা শক্যা ন নির্দেষ্টুং নরাধিপ।
ক্ষণেন হি বিভর্ত্যন্যদনির্দেশ্যং বপুস্তথা॥ 2-11-11 (11723)
ন বেদ পরিমাণং বা সংস্থানং চাপি ভারত।
ন চ রূপং ময়া তাদৃক্ দৃষ্টপূর্বং কদাচন॥ 2-11-12 (11724)
সুসুখা সা সদা রাজন্ন শীতা ন চ ঘর্মদা।
ন ক্ষুৎপিপাসে ন গ্লানিং প্রাপ্যতাং প্রাপ্তুবন্ত্যুত ॥ 2-11-13 (11725)
নানারূপৈরিব কৃতা মণিভিঃ সা সুভাস্বরৈঃ।
স্তম্ভৈর্ন চ ধৃতা সা তু শাশ্বতী ন চ সা ক্ষরা ॥ 2-11-14 (11726)
দিব্যৈর্নানাবিধৈর্ভাবৈর্ভাসদ্ভিরমিতপ্রভৈঃ॥ 2-11-15 (11727)
অতি চন্দ্রং চ সূর্যং চ শিখিনং চ স্বয়ম্প্রভা।
দীপ্যতে নাকপৃষ্ঠস্থা ভর্ৎসয়ন্বীব ভাস্করম্॥ 2-11-16 (11728)
তস্যাং স ভগবানাস্তে বিদধদ্দেবমায়যা।
স্বয়মেকোঽনিশং রাজন্সর্বলোকপিতামহঃ॥ 2-11-17 (11729)
উপতিষ্ঠন্তি চাপ্যেনং প্রজানাং পতয়ঃ প্রভুম্।
দক্ষঃ প্রচেতাঃ পুলহো মরীচিঃ কশ্যপঃ প্রভুঃ॥ 2-11-18 (11730)
ভৃগুরত্রির্বসিষ্ঠশ্চ গৌতমোঽথ তথাঙ্গিরাঃ।
পুলস্ত্যশ্চ কতুশ্চৈব প্রহ্লাদঃ কর্দমস্তথা। 2-11-19 (11731)
অথর্বাঙ্গিরসশ্চৈব বালখিল্যা সরীচিপাঃ।
মনোঽন্তরিক্ষং বিদ্যাশ্চ বায়ুস্তেজো জলং মহী॥ 2-11-20 (11732)
শব্দস্পর্শৌ তথা রূপং রসো গন্ধশ্চ ভারত।
প্রকৃতিশ্চ বিকারশ্চ যচ্চান্যৎকারণং ভুবঃ॥ 2-11-21 (11733)
অগস্ত্যশ্চ মহাতেজা মার্কণ্ডেয়শ্চ বীর্যবান্।
জমদগ্নির্ভরদ্বাজঃ সংবর্তশ্চ্যবনস্তথা॥ 2-11-22 (11734)
দুর্বাসাশ্চ মহাভাগ ঋষ্ণশৃঙ্গশ্চ ধার্মিকঃ।
সনৎকুমারো ভগবান্যোগাচার্যো মহাতপাঃ॥ 2-11-23 (11735)
অসিতো দেবলশ্চৈব জৈগীষব্যশ্চ তত্ৎববিৎ।
ঋষভো জিতশত্রুশ্চ মহাবীর্যস্তথা মণিঃ॥ 2-11-24 (11736)
আয়ুর্বেদস্তথাঽষ্টাঙ্গো দেহবাংস্তত্র ভারত।
চন্দ্রমাঃ সহ নক্ষত্রৈরাদিত্যশ্চ গভস্তিমান্॥ 2-11-25 (11737)
বায়বঃ ক্রতবশ্চৈব সঙ্কল্পঃ প্রাণ এব চ।
মূর্তিমন্তো মহাত্মানো মহাব্রতপরায়ণাঃ॥ 2-11-26 (11738)
এতে চান্যে চ বহবো ব্রহ্মাণং সমুপস্থিতাঃ।
অর্থো ধর্মশ্চ কামশ্চ হর্ষো দ্বেষস্তপো দমঃ॥ 2-11-27 (11739)
আয়ান্তি তস্যাং সহিতা গন্ধর্বাপ্সরসাং গণাঃ।
বিংশতিঃ সপ্ত চৈবান্যে লোকপালাশ্চ সর্বশঃ॥ 2-11-28 (11740)
শুক্রো বৃহস্পতিশ্চৈব বুধোঽঙ্কারক এব চ।
শনৈশ্চরশ্চ রাহুশ্চ গ্রহাঃ সর্বে তথৈব চ॥ 2-11-29 (11741)
মন্ত্রো রথন্তরং চৈব হরিমান্বসুমানপি।
আদিত্যাঃ সাধিরাজানো নামদ্বন্দ্বৈরুদাহৃতাঃ॥ 2-11-30 (11742)
মরুতো বিশ্বকর্মা চ বসবশ্চৈব ভারত।
তথা পিতৃগণাঃ সর্বে সর্বাণি চ হবীংষ্যথ॥ 2-11-31 (11743)
ঋগ্বেদঃ সামবেদশ্চ যজুর্বেদশ্চ পাণ্ডব।
অথর্ববেদশ্চ তথা সর্বশাস্ত্রাণি চৈব হ॥ 2-11-32 (11744)
ইতিহাসোপবেদাশ্চ বেদাঙ্গানি চ সর্বশঃ।
গ্রহা যজ্ঞাশ্চ সোমশ্চ দেবতাশ্চাপি সর্বশঃ॥ 2-11-33 (11745)
সাবিত্রী দুর্গতরণী বাণী সপ্তবিধা তথা।
মেধা ধৃতিঃ শ্রুতিশ্চৈব প্রজ্ঞা বুদ্ধির্যশঃ ক্ষমা॥ 2-11-34 (11746)
সামানি স্তুতিশস্ত্রাণি গাথাশ্চ বিবিধাস্তথা।
ভাষ্যাণি তর্কয়ুক্তানি দেহবন্তি বিশাম্পতে॥ 2-11-35 (11747)
নাটকা বিবিধাঃ কাব্যাঃ কথাখ্যায়িকারিকাঃ ।
তত্রতিষ্ঠন্তি তে পুণ্যা যে চান্যে গুরুপূজকাঃ॥ 2-11-36 (11748)
ক্ষণা লবা মুহূর্তাশ্চ দিবা রাত্রিস্তথৈব চ।
অর্ধমাসাশ্চ মাসাশ্চ ঋতবঃ ষট্ চ ভারত॥ 2-11-37 (11749)
সংবৎসরাঃ পঞ্যযুগমহোরাত্রশ্চতুর্বিধঃ।
কালচক্রং চ তদ্দিব্যং নিত্যমক্ষয়মব্যযম্॥ 2-11-38 (11750)
ধর্মচক্রং তথা চাপি নিত্যমাস্তে যুধিষ্ঠির।
অদিতির্দিতির্দনুশ্চৈব সুরসা বিনতা ইরা॥ 2-11-39 (11751)
কালিকা সুরভী দেবী সরমা চাথ গৌতমী॥ 2-11-40 (11752)
প্রভা কদ্রূশ্চ বৈ দেব্যৌ দেবতানাং চ মাতরঃ।
রুদ্রাণী শ্রীশ্চ লক্ষ্মীশ্চ ভদ্রা ষষ্ঠী তথাঽপরা॥ 2-11-41 (11753)
পৃথিবী গাং গতা দেবী হ্রীঃ স্বাহা কীর্তিরেব চ।
সুরা দেবী শচী চৈব তথা পুষ্টিররুন্ধতী॥ 2-11-42 (11754)
সংবৃত্তিরাশা নিয়তিঃ সৃষ্টির্দেবী রতিস্তথা।
এতাশ্চান্যাশ্চবৈ দেব্য উপতস্থুঃ প্রজাপতিম্॥ 2-11-43 (11755)
আদিত্যা বসবো রুদ্রা মরুতশ্চাস্বিনাবপি।
বিশ্বেদেবাশ্চ সাধ্যাশ্চ পিতরশ্চ মনোজবাঃ॥ 2-11-44 (11756)
পিতৃণাং চ গণান্বিদ্ধি সপ্তৈব পুরুষর্ষভ।
মূর্তিমন্তো বৈ চৎবারস্ত্রয়শ্চাপি শরীরিণঃ॥ 2-11-45 (11757)
বৈরাজশ্চ মহাভাগা অগ্নিষ্বাত্তাশ্চ ভারত।
গার্হপত্যা নাকচরাঃ পিতরো লোকবিশ্রুতাঃ॥ 2-11-46 (11758)
সোমপা একশৃঙ্গাশ্চ চতুর্বেদাঃ কলাস্তথা।
এতে চতুর্ষু বর্ণেষু পূজ্যন্তে পিতরো নৃপ॥ 2-11-47 (11759)
এতৈরাপ্যায়িতৈঃ পুর্বং সোমশ্চাপ্যায়্যতে পুনঃ।
ত এতে পিতরঃ সর্বে প্রজাপতিমুপস্থিতাঃ॥ 2-11-48 (11760)
উপাসতে চ সংহৃষ্টা ব্রহ্মাণমমিতৌজসম্।
রাক্ষসাশ্চ পিশাচাশ্চ দানবা গুহ্যকাস্তথা॥ 2-11-49 (11761)
নাগাঃ সুপর্ণাঃ পশবঃ পিতামহমুপাসতে।
স্থাবরা জঙ্গমাশ্চৈব মহাভূতাস্তথাঽপরে॥ 2-11-50 (11762)
পুরন্দরশ্চ দেবেন্দ্রো বরুণো ধনদো যমঃ।
মহাদেবঃ সহোমোঽত্র সদা গচ্ছতি সর্বশঃ॥ 2-11-51 (11763)
মহাসেনশ্চ রাজেন্দ্র সদোপাস্তে পিতামহম্।
দেবো নারায়ণস্তস্যাং তথা দেবর্ষয়শ্চ যে॥ 2-11-52 (11764)
ঋষয়ো বালখিল্যাশ্চ যোনিজায়োনিজাস্তথা।
যচ্চ কিঞ্চিত্রিলোকেঽস্মিন্দৃশ্যতে স্থাণু জঙ্গমম্।
সর্বং তস্যাং ময়া দৃষ্টমিতি বিদ্ধি নরাধিপ॥ 2-11-53 (11765)
অষ্টাশীতিসহস্রাণি ঋষীণামূর্ধ্বরেতসাম্।
প্রজাবতাং চ পঞ্চাশদৃষীণামপি পাণ্ডব॥ 2-11-54 (11766)
তে স্ম তত্র যথাকামং দৃষ্ট্বা সর্বে দিবৌকসঃ।
প্রণম্য শিরসা তস্মৈ সর্বে যান্তি যথাগমম্॥ 2-11-55 (11767)
অতিথীনাগতান্দেবান্দৈত্যান্নাগাংস্তথা দ্বিজান্।
যক্ষান্মুপর্ণান্কালেয়ান্গন্ধর্বাপ্সরসস্তথা॥ 2-11-56 (11768)
মহাভাগানমিতধীর্ব্রহ্মা লোকপিতামহঃ।
দয়াবান্সর্বভূতেষু যথার্হং প্রতিপদ্যতে॥ 2-11-57 (11769)
প্রতিগৃহ্য তু বিশ্বাত্মা স্বয়ং স্বয়ম্ভূরমিতদ্যুতিঃ।
সান্ৎবমানার্থসম্ভোগৈর্যুনক্তি মনুজাধিপ॥ 2-11-58 (11770)
তথা তৈরুপয়াতৈশ্চ প্রতিয়দ্ভিশ্চ ভারত।
আকুলা সা সভাতাত ভবতি স্ম সুখপ্রদা॥ 2-11-59 (11771)
সর্বতেজোময়ী দিব্যা ব্রহ্মর্ষিগণসেবিতা।
ব্রাহয়া শ্রিয়া দীপ্যমানা শুশুভে বিগতক্লমা॥ 2-11-60 (11772)
সা সভা তাদৃশী দৃষ্টা ময়া লোকেষু দুর্লভা।
সভেয়ং রাজশার্দূল মনুষ্যেষু যথা তব॥ 2-11-61 (11773)
এতা ময়া দৃষ্টপূর্বাঃ সভা দেবেষু ভারত।
সভেয়ং মানুষে লোকে সর্বশ্রেষ্ঠতমা তব॥ ॥ 2-11-62 (11774)
ইতি শ্রীমন্মহাভারতে সভাপর্বণি মন্ত্রপর্বণি একাদশোঽধ্যায়ঃ॥ 11॥
Mahabharata - Sabha Parva - Chapter Footnotes
2-11-2 দেবয়ুগে কৃতয়ুগে॥ 2-11-30 মামদ্বন্দ্বৈরগ্নীষোমেন্দ্রাভ্যাদিভিঃ॥ 2-11-38 সংবৎসরাঃ ষষ্টিঃ প্রভবাদয়ঃ। তেচ পঞ্চপঞ্চ একৈকং যুগম্। চতুর্বিধো মানুষোঽ হোরাত্রঃ ষষ্টিঘটিকাভিঃ। পৈত্রো মাসেন। দৈবো বৎসরেণ। ব্রাহ্মঃ কল্পেনেতি। কালচক্রং দ্বাদশরাশ্যাত্মকম্॥সভাপর্ব - অধ্যায় 012
॥ শ্রীঃ ॥
2.12. অধ্যায়ঃ 012
Mahabharata - Sabha Parva - Chapter Topics
ইন্দ্রসভাস্থহরিশ্চন্দ্রচরিতে যুধিষ্ঠিরেণ পৃষ্টে তৎকথাপ্রসঙ্গেন নারদকৃতা রাজসূয়প্রশংসা॥ 1॥ যুধিষ্ঠরম্প্রতি পাণ্ডুসন্দেশকথনপূর্বকং নারদস্য গমনম্॥ 2॥Mahabharata - Sabha Parva - Chapter Text
যুধিষ্ঠির উবাচ॥
প্রায়শো রাজলোকস্তে কথিতো বদতাং বর।
বৈবস্বতসভায়াং তু যথা বদসি মে প্রভো॥ 2-12-1 (11775)
বরুণস্য সভায়াং তু নাগাস্তে কথিতা বিভো।
দৈত্যেন্দ্রাশ্চাপি ভূয়িষ্ঠাঃ সরিতঃ সাগরাস্তথা॥ 2-12-2 (11776)
তথা ধনপতের্যক্ষা গুহ্যকা রাক্ষসাস্তথা।
গন্ধর্বাপ্সরসশ্চৈব ভগবাংশ্চ বৃষধ্বজঃ॥ 2-12-3 (11777)
পিতামহসভায়াং তু কথিতাস্তে মহর্ষভঃ।
সর্বে দেবনিকায়াশ্চ সর্বশাস্ত্রাণি বৈব হ॥ 2-12-4 (11778)
শক্রস্য তু সভায়াং তু দেবাঃ সঙ্কীর্তিতা মুনে।
উদ্দেশতশ্চ গন্ধর্বা বিবিধাশ্চ মহর্ষয়ঃ॥ 2-12-5 (11779)
এক এব তু রাজর্ষির্হরিশ্চন্দ্রো মহামুনে।
কথিতস্তে সভায়াং বৈ দেবেন্দ্রস্য মহাত্মনঃ॥ 2-12-6 (11780)
কিং কর্ম তেনাচরিতং তপো বা নিয়তব্রত।
যেনাসৌ সহ শক্রেণ স্পর্ধদে সুমহায়শাঃ॥ 2-12-7 (11781)
পিতৃলোকগতশ্চৈব ৎবয়া বিপ্র পিতা মম।
দৃষ্টঃ পাণ্ডুর্মহাভাগঃ কথং বাঽপি সমাগতঃ॥ 2-12-8 (11782)
কিমুক্তবাংশ্চ ভগবংস্তন্মমাচক্ষ্ব সুব্রত।
ৎবত্তঃ শ্রোতুং সর্বমিদং পরং কৌতূহলং হি মে॥ 2-12-9 (11783)
নারদ উবাচ। 2-12-10x (1395)
যন্মাং পৃচ্ছসি রাজেন্দ্র হরিশ্চন্দ্রং প্রতি প্রভো।
তত্তেঽহং সম্প্রবক্ষ্যামি মাহাত্ম্যং তস্য ধীমতঃ॥ 2-12-10 (11784)
` ইক্ষ্বাকূণাং কুলে জাতস্ত্রিশঙ্কুর্নাম পার্থিবঃ।
অয়োধ্যাধিপতির্বীরো বিশ্বামিত্রেণ সংস্থিতঃ॥ 2-12-11 (11785)
তস্য সত্যবতী নাম পত্নী কেকয়বংশজা।
তস্যাং গর্ভঃ সমভবদ্ধর্মেণ কুরুনন্দন॥ 2-12-12 (11786)
সা চ কালে মহাভাগা রাজন্মাসং প্রবিশ্য চ।
কুমারং জনয়ামাস হরিশ্চন্দ্রমকল্মষম্।
স বৈ রাজা হরিশ্চন্দ্রস্ত্রৈশঙ্কব ইতি স্মৃতঃ'॥ 2-12-13 (11787)
স রাজা বলবানাসীৎসম্রাট্ সর্বমহীক্ষিতাম্।
তস্য সর্বে মহীপালাঃ শাসনাবনতাঃ স্থিতাঃ॥ 2-12-14 (11788)
তেনৈকং রথমাস্থায় জৈত্রং হেমবিভূষিতম্।
শস্ত্রপ্রতাপেন জিতা দ্বীপাঃ সপ্ত জনেশ্বর॥ 2-12-15 (11789)
স নির্জিত্য মহীং কৃৎস্নাং সশৈলবনকাননাম্।
আজহার মহারাজ রাজসূয়ং মহাক্রতুম্॥ 2-12-16 (11790)
তস্য সর্বে মহীপালা ধনান্যাজহ্রুরাজ্ঞয়া।
দ্বিজানাং পরিবেষ্টারস্তস্মিন্যজ্ঞে চ তেঽভবন্॥ 2-12-17 (11791)
`সমাপ্তয়জ্ঞো বিধিবদ্ধরিশ্চন্দ্রঃ প্রতাপবান্।
অভিষিক্তশ্চ শুশুভে সাম্রাজ্যেন নরাধিপঃ॥ 2-12-18 (11792)
রাজসূয়েঽভিষিক্তশ্চ সমাপ্তবরদক্ষিণে'॥ 2-12-19 (11793)
প্রাদাচ্চ দ্রবিণং প্রীত্যা যাচকানাং নরেশ্বরঃ।
যথোক্তবন্তস্তে তস্মিংস্ততঃ পঞ্চগুণাধিকম্॥ 2-12-20 (11794)
অতর্পয়চ্চ বিবিধৈর্বসুভির্ব্রাহ্মণাংস্তদা।
প্রসর্পকালে সম্প্রাপ্তে নানাদিগ্ভ্যঃ সমাগতান্॥ 2-12-21 (11795)
ভক্ষ্যভোজ্যৈশ্চ বিবিধৈর্যথাকামপুরস্কৃতৈঃ।
রত্নৌঘতর্পিতৈস্তুষ্টৈর্দ্বিজৈশ্চ সমুদাহৃতম্।
তেজস্বী চ যশস্বী চ নৃপেভ্যোঽভ্যধিকোঽভবৎ । 2-12-22 (11796)
এতস্মাৎকারণাদ্রাজন্হরিশ্চন্দ্রো বিরাজতে।
তেভ্যো রাজসহস্রেভ্যস্তদ্বিদ্বি ভরতর্ষভ॥ 2-12-23 (11797)
সমাপ্য চ হরিশ্চন্দ্রো মহায়জ্ঞং প্রতাপবান্।
অভিষিক্তশ্চ শুশুভে সাম্রাজ্যেন নরাধিপ॥ 2-12-24 (11798)
যে চান্যে চ মহীপালা রাজসূয়ং মহাক্রতুম্।
যজন্তে তে সহেন্দ্রেণ মোদন্তে ভরতর্ষভ। 2-12-25 (11799)
যে চাপি নি নং প্রাপ্তাঃ সঙ্গ্রামেষ্বপলায়িনঃ।
তে তৎসদনম্ তাদ্য মোন্দতে ভরতর্ষভ॥ 2-12-26 (11800)
তপসা যে চ তীব্রেণ ত্যজন্তীহ কলেবরম্।
তে তৎস্থানং সমাসাদ্য শ্রীমন্তো ভান্তি নিত্যশঃ॥ 2-12-27 (11801)
পিতা চ ৎবাঽঽহ কৌন্তেয় পাণ্ডুঃ কৌরবনন্দন।
হরিশ্চন্দ্রে শ্রিয়ং দৃষ্ট্বা নৃপতৌ জাতবিস্ময়ঃ॥ 2-12-28 (11802)
বিজ্ঞায় মানুষং লোকমায়ান্তং মাং নরাধিপ।
প্রোবাচ প্রণতো ভূৎবা বদেথাস্ৎবং যুধিষ্ঠিরম্॥ 2-12-29 (11803)
সমর্থোঽসি মহীং জেতুং ভ্রাতরস্তে স্থিতা বশে।
রাজসূয়ং ক্রতুশ্রেষ্ঠমহারস্বেতি ভারত॥ 2-12-30 (11804)
ৎবয়ীষ্টবতি পুত্রেঽহং হরিশ্চন্দ্রবদাশু বৈ।
মোদিষ্যে বহুলাঃ শশ্বৎসমাঃ শক্রস্য সংসদি॥ 2-12-31 (11805)
এবং ভবতু বক্ষ্যেঽহং তব পুত্রং নরাধিপম্।
ভূলোকং যদি গচ্ছেয়মিতি পাণ্ডুমথাব্রুবম্॥ 2-12-32 (11806)
তস্য ৎবং পুরুষব্যাঘ্র সঙ্কল্পং কুরু পাণ্ডব।
গন্তাসিৎবং মহেন্দ্রস্য পূর্বৈঃ সহ সলোকতাম্॥ 2-12-33 (11807)
বহুবিঘ্নশ্চ নৃপতে ক্রতুরেষ স্মৃতো মহান্।
ছিদ্রাণ্যস্য বাঞ্ছন্তি যজ্ঞঘ্না ব্রহ্মরাক্ষসাঃ॥ 2-12-34 (11808)
যুদ্ধং চ ক্ষত্রশমনং পৃথিবীক্ষয়কারণম্।
কিঞ্চিদেব নিমিত্তং চ ভবত্যত্র ক্ষয়াবহম্॥ 2-12-35 (11809)
এতৎসঞ্চিন্ত্য রাজেন্দ্র যৎক্ষমং তৎসমাচর।
অপ্রমত্তোত্থিতো নিত্যং চাতুর্বর্ণ্যস্য রক্ষণে॥ 2-12-36 (11810)
ভব এধস্ব মোদস্ব ধনৈস্তর্পয় চ দ্বিজান্।
এতত্তে বিস্তরেণোক্তং যন্মাং ৎবং পরিপৃচ্ছসি।
আপৃচ্ছে ৎবাং গমিষ্যামি দাশার্হনগরীং প্রতি॥ 2-12-37 (11811)
বৈশম্পায়ন উবাচ। 2-12-38x (1396)
এবমাখ্যায় পার্থেভ্যো নারদো জনমেজয়।
জগাম তৈর্বৃতো রাজন্নৃষিভির্যৈঃ সমাগতঃ॥ 2-12-38 (11812)
গতে তু নারদে পার্থো ভ্রাতৃভিঃ সহ কৌরবঃ।
রাজসূয়ং ক্রতুশ্রেষ্ঠং চিন্তয়ামাস পার্থিবঃ॥ ॥ 2-12-39 (11813)
ইতি শ্রীমন্মহাভারতে সভাপর্বণি মন্ত্রপর্বণি দ্বাদশোঽধ্যায়ঃ॥ 12॥
সভাপর্ব - অধ্যায় 013
॥ শ্রীঃ ॥
2.13. অধ্যায়ঃ 013
Mahabharata - Sabha Parva - Chapter Topics
মন্ত্রিভিঃ সহ সংমন্ত্র্য কৃতরাজসূয়করণনিশ্চয়স্য যুধিষ্ঠিরস্য শ্রীকৃষ্ণম্প ্রতি দূতপ্রেষণম্॥ 1॥ দূতেন সহ ইন্দ্রপ্রস্থমাগতং শ্রীকৃষ্ণম্প্রতি যুধিষ্ঠিরোক্তি ॥ 2॥Mahabharata - Sabha Parva - Chapter Text
বৈশম্পায়ন উবাচ॥
ঋষেস্তদ্বচনং শ্রুৎবা নিশশ্বাস যুধিষ্ঠিরঃ।
চিন্তয়ন্রাজসূয়েষ্টিং ন লেভে শর্ম ভারত॥ 2-13-1 (11814)
রাজর্ষীণাং চ তং শ্রুৎবা মহিমানং মহাত্মনাম্।
যজ্বনাং কর্মভিঃ পুণ্যৈর্লোকপ্রাপ্তিং সমীক্ষ্য চ॥ 2-13-2 (11815)
হরিশ্চন্দ্রং চ রাজর্ষি রোজমানং বিশেষতঃ।
যজ্বানং যজ্ঞমাহর্তুং রাজসূয়মিয়েষ সঃ॥ 2-13-3 (11816)
যুধিষ্ঠিরস্ততঃ সর্বানর্চয়িৎবা সভাসদঃ।
প্রত্যর্চিতশ্চ তৈঃ সর্বৈর্যজ্ঞায়ৈব মনো দধে॥ 2-13-4 (11817)
স রাজসূয়ং রাজেন্দ্র কুরূণামৃষভস্তদা।
আহর্তুং প্রবণং চক্রে মনঃ সঞ্চিন্ত্য চাসকৃৎ॥ 2-13-5 (11818)
ভূয়শ্চাদ্ভুতবীর্যৌজা ধর্মমেবানুচিন্তয়ন্।
কিং হিতং সর্বলোকানাং ভবেদিতি মনো দধে॥ 2-13-6 (11819)
অনুগৃহ্ণন্প্রজাঃ সর্বাঃ সর্বধর্মভৃতাং বরঃ।
অবিশেষেণ সর্বেষাং হিতং চক্রে যুধিষ্ঠিরঃ॥ 2-13-7 (11820)
সর্বেষাং দীয়তাং দেয়ং মুষ্ণন্কোপমদাবুভৌ।
সাধু ধর্মেতি ধর্মেতি নান্যচ্ছ্রূয়েত ভাষিতম্॥ 2-13-8 (11821)
এবং গতে ততস্তস্মিন্পিতরীবাশ্বসঞ্জনাঃ।
ন তস্য বিদ্যতে দ্রেষ্টা ততোঽস্যাজাতশত্রুতা॥ 2-13-9 (11822)
পরিগ্রহান্নরেন্দ্রস্য ভীমস্য পরিপালনাৎ।
শত্রূণাং ক্ষপণাচ্চৈব বীভৎসোঃ সব্যসাচিনঃ॥ 2-13-10 (11823)
`বলীনাং সম্যগুত্থানান্নকুলস্য যশস্বিনঃ'।
ধীমতঃ সহদেবস্য ধর্মাণামনুশাসনাৎ॥ 2-13-11 (11824)
বৈনত্যাৎসর্বতশ্চৈব নকুলস্য স্বভাবতঃ।
অবিগ্রহা বীতভয়াঃ স্বকর্মনিরতাঃ সদা॥ 2-13-12 (11825)
নিকামবর্ষাঃ স্ফীতাশ্চ আসঞ্জনপদাস্তথা।
বার্ধুষী যজ্ঞসৎবানি গোরক্ষং কর্ষণং বণিক্ ॥ 2-13-13 (11826)
বিশেষাৎসর্বমেবৈতৎসঞ্জজ্ঞে রাজকর্মণা।
অনুকর্ষং চ নিষ্কর্ষং ব্যাধিপাবকমূর্ছনম্॥ 2-13-14 (11827)
সর্বমেব ন তত্রাসীদ্ধর্মনিত্যে যুধিষ্ঠিরে।
দস্যুভ্যো বঞ্চকেভ্যশ্চ রাজ্ঞঃ প্রতি পরস্পরম্॥ 2-13-15 (11828)
রাজবল্লভতশ্চৈব নাশ্রূয়ত মৃষাকৃতম্।
প্রিয়ং কর্তুমুপস্থাতুং বলিকর্ম স্বকর্মজম্॥ 2-13-16 (11829)
অভিহর্তুং নৃপাঃ ষট্সু পৃথক্জাত্যৈশ্চ নৈগমৈঃ।
ববৃধে বিষয়স্তত্র ধর্মনিত্যে যুধিষ্ঠিরে॥ 2-13-17 (11830)
কামতোঽপ্যুপয়ুঞ্জানৈ রাজসৈর্লোভজৈর্জনৈঃ।
সর্বব্যাপী সর্বগুণী সর্বসাহঃ স সর্বরাট্॥ 2-13-18 (11831)
যস্মিন্নধিকৃতঃ সম্রাড্ ভ্রাজমানো মহায়শাঃ।
যত্র রাজন্দশ দিশঃ পিতৃতো মাতৃতস্তথা।
অনুরক্তাঃ প্রজা আসন্নাগোপালা দ্বিজাতয়ঃ ॥ 2-13-19 (11832)
স মন্ত্রিণঃ সমানায়্য ভ্রাতৃংশ্চ বদতাং বরঃ।
রাজসূয়ং প্রতি তদা পুনঃ পুনরপৃচ্ছত॥ 2-13-20 (11833)
তে পৃচ্ছ্যমানাঃ সহিতা বচোঽর্থ্যং মন্ত্রিণস্তদা।
যুধিষ্ঠিরং মহাপ্রাজ্ঞং যিয়ক্ষুমিদমব্রুবন্॥ 2-13-21 (11834)
যেনাভিষিক্তো নৃপতির্বারুণং গুণমৃচ্ছতি।
তেন রাজাঽপি তং কুৎস্নং সম্রাড্গুণমভীপ্সৃতি॥ 2-13-22 (11835)
তস্য সম্রাড্গুণার্হস্য ভবতঃ কুরুনন্দন।
রাজসূয়স্য সময়ং মন্যন্তে সুহৃদস্তব॥ 2-13-23 (11836)
তস্য যজ্ঞস্য সময়ঃ স্বাধীনঃ ক্ষত্রসম্পদা।
সাম্না ষডগ্নয়ো যস্মিংশ্চীয়ন্তে শংসিতব্রতৈঃ॥ 2-13-24 (11837)
দর্বীহোমানুপাদায় সর্বান্যঃ প্রাপ্নুতে ক্রতূন্।
অভিষেকং চ যজ্ঞান্তে সর্বজিত্তেন চোচ্যতে॥ 2-13-25 (11838)
সমর্থোঽসি মহাবাহো সর্বে তে বশগা বয়ম্।
অচিরাত্ৎবং মহারাজ রাজসূয়মবাপ্স্যসি॥ 2-13-26 (11839)
অবিচার্য মহারাজ রাজসূয়ে মনঃ কুরু।
ইত্যেবং সুহৃদঃ সর্বে পৃথক্চ সহ চাব্রুবন্॥ 2-13-27 (11840)
স ধর্ম্যং পাণ্ডবস্তেষাং বচঃ শ্রুৎবা বিশাম্পতে।
ধৃষ্টমিষ্টং বরিষ্টং চ জগ্রাহ মনসাঽরিহা॥ 2-13-28 (11841)
শ্রুৎবা সুহৃদ্বচস্তচ্চ জানংশ্চাপ্যাত্মনঃ ক্ষমম্।
`স প্রশস্তক্রিয়ারম্ভঃ পরীক্ষামুপচক্রমে॥ 2-13-29 (11842)
বৈশম্পায়ন উবাচ॥ 2-13-30x (1397)
চতুর্ভির্ভীমসেনাদ্যৈর্ভ্রাতৃভিঃ সহিতো হিতম্।
এবমুক্তস্তথা পার্থো ধর্ম এব মনো দধে॥ 2-13-30 (11843)
স রাজসূয়ং রাজেন্দ্রঃ কুরূণামৃষভঃ ক্রতুম্।
জগাম মনসা সদ্য আহরিষ্যন্যুধিষ্ঠিরঃ॥ 2-13-31 (11844)
ভূয়স্ৎবদ্ভুতবীর্যোপি ধর্মমেবানুপালয়ন্ '।
পুনঃ পুনর্মনো দধ্রে রাজসূয়ায় ভারত॥ 2-13-32 (11845)
স ভ্রাতৃভিঃ পুনর্ধীমানৃৎবিগ্নিশ্চ মহাত্মভিঃ।
মন্ত্রিভিশ্চাপি সহিতো ধর্মরাজো যুধিষ্ঠিরঃ॥ 2-13-33 (11846)
ধৌম্যদ্বৈপায়নাদ্যৈশ্চ মন্ত্রয়ামাস মন্ত্রবিৎ।
`বিরাটদ্রুপদাভ্যাং চ সাত্যকেন চ ধীমতা॥ 2-13-34 (11847)
যুধামন্যূত্তমৌজোভ্যাং সৌভদ্রেণ চ ধীমতা।
দ্রৌপদেয়ৈঃ পরং শূরৈর্মন্ত্রয়ামাস সংবৃতঃ॥ 2-13-35 (11848)
যুধিষ্ঠির উবাচ'॥ 2-13-36x (1398)
ভবন্তো রাজসূয়স্য সম্রাডর্হস্য সুক্রতোঃ।
শ্রদ্দধানস্য বদত মমাবাপ্তিঃ কথং ভবেৎ॥ 2-13-36 (11849)
বৈশম্পায়ন উবাচ। 2-13-37x (1399)
এবমুক্তাস্তু তে তেন রাজ্ঞা রাজীবলোচন।
ইদমূচুর্বচঃ কালে ধর্মরাজং যুধিষ্ঠিরম্॥ 2-13-37 (11850)
অর্হস্ৎবমসি ধর্মজ্ঞ রাজসূয়ং মহাক্রতুম্।
অথৈবমুক্তে নৃপতাবৃৎবিগ্ভির্ঋষিভিস্তথা॥ 2-13-38 (11851)
মন্ত্রিণো ভ্রাতরশ্চাস্য তদ্বচঃ প্রত্যপূজয়ন্।
স তু রাজা মহাপ্রাজ্ঞঃ পুনরেবাত্মনাঽঽত্মবান্॥ 2-13-39 (11852)
ভূয়ো বিমমৃশে পার্থো লোকানাং হিতকাম্যযা।
সামর্থ্যযোগং সম্প্রেক্ষ্য দেশকালৌ ব্যযাগমৌ॥ 2-13-40 (11853)
বিমৃশ্য সম্যক্ চ ধিয়া কুর্বন্প্রাজ্ঞো ন সীদতি।
নহি যজ্ঞসমারম্ভঃ কেবলাত্মবিনিশ্চয়াৎ॥ 2-13-41 (11854)
ভবতীতি সমাজ্ঞায় যত্নতঃ কার্যমুদ্বহন্।
স নিশ্চয়ার্থং কার্যস্য কৃষ্ণমেব জনার্দনম্॥ 2-13-42 (11855)
সর্বলোকাৎপরং মৎবা জগাম মনসা হরিম্।
অপ্রমেয়ং মহাবাহুং কামাঞ্জাতমজং নৃষু॥ 2-13-43 (11856)
পাণ্ডবস্তর্কয়ামাস কর্মভির্দেবসংমতৈঃ।
নাস্য কিঞ্চিদবিজ্ঞাতং নাস্য কিঞ্চিদকর্মজম্॥ 2-13-44 (11857)
ন স কিঞ্চিন্ন বিষহেদিতি কৃষ্ণমমন্যত।
স তু তাং নৈষ্ঠিকীং বুদ্ধিং কৃৎবা পার্থো যুধিষ্ঠিরঃ ॥ 2-13-45 (11858)
গুরুবদ্ভূতগুরবে প্রাহিণোদ্দূতমঞ্জসা।
শীঘ্রগেন রথেনাশু স দূতঃ প্রাপ্য যাদবান্॥ 2-13-46 (11859)
দ্বারকাবাসিনং কৃষ্ণং দ্বারবত্যাং সমাসদৎ।
` স প্রভুং প্রাঞ্জলির্ভূৎবা ব্যজ্ঞাপয়ত মাধবম্॥ 2-13-47 (11860)
দূত উবাচ॥ 2-13-48x (1400)
ধর্মরাজো হৃষীকেশ ধৌম্যব্যাসাদিভিঃ সহ।
পাঞ্চালমাৎস্যসহিতৈর্ভ্রাতৃভিশ্চৈব সর্বশঃ॥ 2-13-48 (11861)
ৎবদ্দর্শনং মহাবাহো কাঙ্ক্ষতে স যুধিষ্ঠিরঃ॥ 2-13-49 (11862)
বৈশম্পায়ন উবাচ॥ 2-13-50x (1401)
ইন্দ্রসেনবচঃ শ্রুৎবা যাদবপ্রবরো বলী'।
দর্শনাকাঙ্ক্ষিণং পার্থং দর্শনাকাঙ্ক্ষয়াচ্যুতঃ॥ 2-13-50 (11863)
`আমন্ত্র্য রাজন্সুহৃদো বসুদেবং চ মাধবঃ'।
ইন্দ্রসেনেন সহিত ইন্দ্রপ্রস্থমগাত্তদা।
ব্যতীত্য বিবিধান্দেশাংস্ৎবরাবান্ক্ষিপ্রবাহনবঃ॥ 2-13-51 (11864)
ইন্দ্রপ্রস্থগতং পার্থমভ্যগচ্ছজ্জনার্দনঃ।
স গৃহে পিতৃবদ্ধাত্রা ধর্মরাজেন পূজিতঃ॥ 2-13-52 (11865)
ভীমেন চ ততোঽপশ্যৎস্বসারং প্রীতিমান্পিতুঃ।
প্রীতঃ প্রীতেন সুহৃদা রেমে স সহিতস্তদা॥ 2-13-53 (11866)
অর্জুনেন যমাভ্যাং চ গুরুবৎপর্যুপাসিতঃ।
তং বিশ্রান্তং শুভে দেশে ক্ষণিনং কল্পমচ্যুতম্।
ধর্মরাজঃ সমাগম্য জ্ঞাপয়ৎস্বপ্রয়োজনম্॥ 2-13-54 (11867)
যুধিষ্ঠির উবাচ॥ 2-13-5x (1402)
প্রার্থিতো রাজসূয়ো মে ন চাসৌ কেবলেপ্সয়া।
প্রাপ্যতে যেন তত্তে হি বিদিতং কৃষ্ণ সর্বশঃ॥ 2-13-55 (11868)
যস্মিন্সর্বং সম্ভবতি যশ্চ সর্বত্র পূজ্যতে।
যশ্চ সর্বেশ্বরো রাজা রাজসূয়ং স বিন্দতি॥ 2-13-56 (11869)
তং রাজসূয়ং সুহৃদঃ কার্যমাহুঃ সমেত্য মে।
তত্র মে নিশ্চিততমং তব কৃষ্ণ গিরা ভবেৎ॥ 2-13-57 (11870)
কেচিদ্ধি সৌহৃদা দেবে ন দোষং পরিচক্ষতে।
স্বার্থহেতোস্তথৈবান্যে প্রিয়মেব বদন্ত্যুত॥ 2-13-58 (11871)
প্রিয়মেব পরীপ্সন্তে কেচিদাত্মনি যদ্ধিতম্।
এবম্প্রায়াশ্চ দৃশ্যন্তে জনবাদাঃ প্রয়োজনে॥ 2-13-59 (11872)
ৎবং তু হেতূনতীত্যৈতান্কামক্রোধৌ ব্যুদস্য চ।
পরমং যৎক্ষমং লোকে যথাবদ্বক্তুমর্হসি॥ ॥ 2-13-60 (11873)
ইতি শ্রীমন্মহাভারতে সভাপর্বণি মন্ত্রপর্বণি ত্রয়োদশোঽধ্যায়ঃ॥ 13॥
Mahabharata - Sabha Parva - Chapter Footnotes
2-13-13 বার্ধুষী বৃদ্ধ্যুপজীবিকা। যজ্ঞসৎবানি কতূনা সামর্থ্যানি সদ্যঃ পুষ্কলফলপ্ রদৎবাদিবিষয়াণি॥ 2-13-14 অনুকর্ষ দারিদ্র্যাদ্রাজকীয়দ্রব্যস্যাতীতবর্ষস্য ঋণৎবেন ধারণম্। নিষ্কর্ষ করার্থং প্রজাপীডনম্। অবর্ষণং চাতিবর্ষং ইতি ক. পাঠঃ। মূর্ছনং বৃদ্ধিঃ॥ 2-13-17 নৈগমৈর্বণিগ্ভিঃ সহ আসন্নিতি শেবঃ। ইতরে নৃপা বিণিগ্বদ্যেন করদীকৃতা ইত্যর্ থঃ। তত্র তস্মিন্ বিষয়োদেশঃ॥ 2-13-18 লোভজৈর্বিমোহোত্থৈরাজসরৈর্বৃত্তিবিশেষৈস্তৃষ্ণাদিভিস্তাদৃশৈরপি ববৃধে বৃদ্ধ িমানভূৎ॥ 2-13-22 যেন কারেণ বারুণং গুণং বৃদ্ধিং। তেন কারণেনা॥ 2-13-52 ভ্রাত্রা পিতৃষ্বসৃজেন॥ 2-13-54 ক্ষণিনং সাবসরম্। কল্পং সমর্থম্ ॥সভাপর্ব - অধ্যায় 014
॥ শ্রীঃ ॥
2.14. অধ্যায়ঃ 014
Mahabharata - Sabha Parva - Chapter Topics
জরাসন্ধশৌর্যকথনাদিরূপং শ্রীকৃষ্ণবাক্যম্॥Mahabharata - Sabha Parva - Chapter Text
কৃষ্ণ উবাচ॥
সর্বৈর্গুণৈর্মহারাজ রাজসূয়ং ৎবমর্হসি।
জানতস্ৎবেব তে সর্বং কিঞ্চিদ্বক্ষ্যামি ভারত॥ 2-14-1 (11874)
জামদগ্ন্যেন রামেণ ক্ষত্রং যদবশেষিতম্।
তস্মাদবরজং লোকে যদিদং ক্ষত্রসংজ্ঞিতম্॥ 2-14-2 (11875)
কৃতোঽয়ং কলুসঙ্কল্পঃ ক্ষত্রিয়ৈর্বসুধাধিপ।
নিদেশবাগ্ভিস্তত্তেহ বিদিতং ভরতর্ষভ॥ 2-14-3 (11876)
ঐলস্যেক্ষ্বাকুবংশস্য প্রকৃতিং পরিচক্ষতে।
রাজানঃ শ্রেণিবদ্ধাশ্চ তথাঽন্যে ক্ষত্রিয়া ভুবি॥ 2-14-4 (11877)
ঐলবংশ্যাশ্চ যে রাজংস্তথৈবেক্ষ্বাকবো নৃপাঃ।
তানি চৈকশতং বিদ্ধি কুলানি ভরতর্ষভ॥ 2-14-5 (11878)
যয়াতেস্ৎবেব ভোজানাং বিস্তরো গুণতো মহান্।
ভজতেঽদ্য মহারাজ বিস্তরং সচতুর্দিশম্॥ 2-14-6 (11879)
তেষাং তথৈব তাং লক্ষ্মীং সর্বক্ষত্রমুপাসতে।
ইদানীমেব বৈ রাজঞ্জরাসন্ধো মহীপতিঃ॥ 2-14-7 (11880)
অভিভূয় শ্রিয়ং তেষাং কুলানামভিষেচিতঃ।
স্থিতো মূর্ধ্নি নরেন্দ্রাণামোজসাঽঽক্রম্য সর্বশঃ॥ 2-14-8 (11881)
সোঽবনীং মধ্যমাং ভুক্ৎবা মিথো ভেদমমন্যত।
প্রভুর্যস্তু পরো রাজা যস্মিন্নেকবশে জগৎ॥ 2-14-9 (11882)
স সাম্রাজ্যং মহারাজ প্রাপ্তো ভবতি যোগতঃ।
তং স রাজা জরাসন্ধং সংশ্রিত্য কিল সর্বশঃ॥ 2-14-10 (11883)
রাজন্সেনাপতির্জাতঃ শিশুপালঃ প্রতাপবান্।
তমেব চ মহারাজ শিষ্যবৎসমুপস্থিতঃ॥ 2-14-11 (11884)
বক্রঃ করূষাধিপতির্মায়ায়োধী মহাবলঃ॥
অপরৌ চ মহাবীর্যৌ মহাত্মানৌ সমাশ্রিতৌ॥ 2-14-12 (11885)
জরাসন্ধং মহাবীর্যং তৌ হিংসডিম্বিকাবুভৌ।
বক্রদন্তঃ করূষস্য করভো মেঘবাহনঃ।
মূর্ধ্না দিব্যং মণিং বিভ্রদ্যমদ্ভুতমণিং বিদুঃ॥ 2-14-13 (11886)
মরুং চ নরকং চৈব শাস্তি যো যবনাধিপঃ।
অপর্যন্তবলো রাজা প্রতীচ্যাং বরুণো যথা॥ 2-14-14 (11887)
ভগদত্তো মহারাজ বৃদ্ধস্তব পিতুঃ সখা।
স বাচা প্রণতস্তস্য কর্মণা চ বিশেষতঃ॥ 2-14-15 (11888)
স্নেহবদ্ধশ্চ মনসা পিতৃবদ্ভক্তিমাংস্ৎবয়ি।
প্রতীচ্যাং দক্ষিণং চান্তং পৃথিব্যাঃ প্রতি যো নৃপঃ॥ 2-14-16 (11889)
মাতুলো ভবতঃ শূরঃ পুরুজিৎকুন্তিবর্ধনঃ।
স তে সন্নিতিমানেকঃ স্নেহতঃ শত্রুসূদনঃ॥ 2-14-17 (11890)
জরাসন্ধং গতস্ৎবেব পুরা যো ন ময়া হতঃ।
পুরুষোত্তমবিজ্ঞাতো যোসৌ চেদিষু দুর্মতিঃ॥ 2-14-18 (11891)
আত্মানং প্রতিজানাতি লোকেঽস্মিন্পুরুষোত্তমম্।
আদত্তে সততং মোহাদ্যঃ স চিহ্নং চ মামকম্॥ 2-14-19 (11892)
বঙ্গপুণ্ড্রকিরাতেষু রাজা বলসমন্বিতঃ।
পৌণ্ড্রকো বাসুদেবেতি যোসৌ লোকেঽভিবিশ্রুতঃ॥ 2-14-20 (11893)
চতুর্থভাঙ্মহারাজ ভোজ ইন্দ্রসখো বলী।
বিদ্যাবলাদ্যো ব্যজয়ৎস পাণ্ড্যক্রথকৈশিকান্॥ 2-14-21 (11894)
ভ্রাতা তস্যাকৃতিঃ শূরো জামদগ্ন্যসমোঽভবৎ।
স ভক্তো মাগধং রাজা ভীষ্মকঃ পরবীরহা॥ 2-14-22 (11895)
প্রিয়াণ্যাচরতঃ প্রহ্বান্সদা সম্বন্ধিনস্ততঃ।
ভজতো ন ভজত্যস্মানপ্রিয়েষু ব্যবস্থিতঃ॥ 2-14-23 (11896)
ন কুলং সবলং রাজন্নভ্যজানাত্তথাঽঽত্মনঃ।
পশ্যমানো যশো দীপ্তং জরাসন্ধমুপস্থিতঃ॥ 2-14-24 (11897)
উদীচ্যাশ্চ তথা ভোজাঃ কুলান্যষ্টাদশ প্রভো।
জরাসন্ধভয়াদেব প্রতীচীং দিশমাস্থিতাঃ॥ 2-14-25 (11898)
শূরসেনা ভদ্রকারা বোধাঃ শাল্বাঃ পটচ্চরাঃ।
সুস্থলাশ্চ সুকুট্টাশ্চ কুলিন্দাঃ কুন্তিভিঃ সহ॥ 2-14-26 (11899)
শাল্বায়নাশ্চ রাজানঃ সোদর্যানুচরৈঃ সহ।
দক্ষিণা যে চ পঞ্চালাঃ পূর্বাঃ কুন্তিষু কোসলাঃ॥ 2-14-27 (11900)
তথোত্তরাং দিশং চাপি পরিত্যজ্য ভয়ার্দিতাঃ।
মৎস্যাঃ সন্ন্যস্তপাদাশ্চ দক্ষিণাং দিশমাশ্রিতাঃ॥ 2-14-28 (11901)
তথৈব সর্বপঞ্চালা জরাসন্ধভায়র্দিতাঃ।
স্বরাজ্যং সম্পরিত্যজ্য বিদ্রুতাঃ সর্বতোদিশম্॥ 2-14-29 (11902)
` অগ্রতো হ্যস্য পাঞ্চালাস্তত্রানীকে মহাত্মনঃ।
অনির্গতে সারবলে মাগধেভ্যো গিরিব্রজাৎ॥ 2-14-30 (11903)
উগ্রসেনসুতঃ কংসঃ পুরা নির্জিত্য বান্ধবান্'।
বার্হদ্রথসুতে দেব্যাবুপাগচ্ছদ্বৃথামতিঃ॥ 2-14-31 (11904)
অস্তিঃ প্রাস্তিশ্চ নাম্না তে সহদেবানুজেঽবলে।
বলেন তেন স্বজ্ঞাতীনভিভূয় বৃথামতিঃ॥ 2-14-32 (11905)
শ্রৈষ্ঠ্যং প্রাপ্তঃ স তস্যাসীদতীবাপনয়ো মহান্।
ভোজরাজন্যবৃদ্ধৈশ্চ পীড্যমানৈর্দুরাত্মনা॥ 2-14-33 (11906)
জ্ঞাতিত্রাণমভীপ্সদ্ভিরস্মৎসম্ভাবনা কৃতা।
দৎবাঽঽক্রূরায় সুতনুং তামাহুকসুতাং তদা॥ 2-14-34 (11907)
সঙ্কর্ষণদ্বিতীয়েন জ্ঞাতিকার্যং ময়া কৃতম্।
হতৌ কংসসুনামানৌ ময়া রামেণ চাপ্যুত॥ 2-14-35 (11908)
`হৎবা কংসং তথৈবাদৌ জরাসন্ধস্য বিভ্যতঃ।
ময়া রামেণ চান্যত্র জ্ঞাতয়ঃ পরিপালিতঃ'॥ 2-14-36 (11909)
ভয়ে তু সমতিক্রান্তে জরাসন্ধে সমুদ্যতে।
মন্ত্রোঽয়ং মন্ত্রিতো রাজন্কুলৈরষ্টাদশাবরৈঃ॥ 2-14-37 (11910)
অনারমন্তো নিঘ্নন্তো মহাস্ত্রৈঃ শত্রুঘাতিভিঃ।
ন হন্যামো বয়ং তস্য ত্রিভির্বর্ষশতৈর্বলম্॥ 2-14-38 (11911)
তস্য হ্যমরসঙ্কাশৌ বলেন বলিনাং বরৌ।
নামভ্যাং হংসডিবিকাবশস্ত্রনিধনাবুভৌ॥ 2-14-39 (11912)
তাবুভৌ সহিতৌ বীরৌ জরাসন্ধশ্চ বীর্যবান্।
ত্রয়স্ত্রয়াণাং লোকানাং পর্যাপ্তা ইতি মে মতিঃ॥ 2-14-40 (11913)
ন হি কেবলমস্মাকং যাবন্তোঽন্যে চ পার্থিবাঃ।
তথৈব তেষামাসীচ্চ বুদ্ধির্বুদ্ধিমতাং বর॥ 2-14-41 (11914)
`অষ্টাদশ ময়া তস্য সঙ্গ্রামা রোমহর্ষণাঃ।
দত্তা ন চ হতো রাজঞ্জরাসন্ধো মহাবলঃ'॥ 2-14-42 (11915)
অথ হংস ইতি খ্যাতঃ কশ্চিদাসীন্মহান্নৃপঃ।
রামেণ স হতস্তত্র সঙ্গ্রামেঽষ্টাদশাবরে॥ 2-14-43 (11916)
হতো হংস ইতি প্রোক্তস্য কেনাপি ভারত।
তচ্ছ্রুৎবা ডিবিকো রাজন্যমুনাম্ভস্যমজ্জত ॥ 2-14-44 (11917)
বিনা হসেন লোকেঽস্মিন্নাহং জীবিতুমুৎসহে।
ইত্যেতাং মতিমাস্থায় ডিবিকো নিধনং গতঃ॥ 2-14-45 (11918)
তথা তু ডিবিকং শ্রুৎবা হংসঃ পরুপুরঞ্জয়ঃ।
প্রপেদে যমুনামেব সোপি তস্যাং ন্যমজ্জত॥ 2-14-46 (11919)
তৌ স রাজা জরাজন্ধঃ শ্রুৎবা চ নিধনং গতৌ।
পুরং শূন্যেন মনসা প্রয়যৌ ভরতর্ষভ॥ 2-14-47 (11920)
ততো বয়মিত্রঘ্ন তস্মিন্প্রতিগতে নৃপে।
পুনরান্দিনঃ সর্বে মধুরায়াং বসামহে॥ 2-14-48 (11921)
যদা ৎবভ্যেত্য পিতরং সা বৈ রাজীবলোচনা।
কংসভার্যা জরাসন্ধং দুহিতা মাগধং নৃপম্।
চোদয়ত্যেব রাজেন্দ্র পতিব্যসনদুঃখিতা॥ 2-14-49 (11922)
পতিঘ্নং মে জহীত্যেবং পুনঃ পুনররিন্দম।
ততো বয়ং মহারাজ তং মন্ত্রং পূর্বমন্ত্রিতম্॥ 2-14-50 (11923)
সংস্মরন্তো বিমনসো ব্যপয়াতা নরাধিপ।
পৃথক্ৎবেন মহারাজ সঙ্ক্ষিপ্য মহতীং শ্রিয়ম্॥ 2-14-51 (11924)
পলায়ামো ভয়াত্তস্য সসুতজ্ঞাতিবান্ধবাঃ।
ইতি সঞ্চিন্ত্য সর্বে স্ম প্রতীচীং দিশমাশ্রিতাঃ॥ 2-14-52 (11925)
কুশস্থলীং পুরীং রম্যাং রৈবতেনোপশোভিতাম্।
ততো নিবেশং তস্যাং চ কৃতবন্তো বয়ং নৃপ॥ 2-14-53 (11926)
তথৈব দুর্গসংস্কারং দেবৈরপি দুরাসদম্।
স্ত্রিয়োঽপি যস্যাং যুধ্যেয়ুঃ কিমু বৃষ্ণিমহারথাঃ॥ 2-14-54 (11927)
তস্যাং বয়মমিত্রঘ্ন নিবসামোঽকুতোভয়াঃ।
আলোচ্য গিরিমুখ্যং তং মাগধং তীর্ণমেব চ॥ 2-14-55 (11928)
মাধবাঃ কুরুশার্দূল পরাং মুদমবাপ্নুবন্।
এবং বয়ং জরাসন্ধাদভিতঃ কৃতকিল্বিষাঃ॥ 2-14-56 (11929)
সামর্থ্যবন্তঃ সম্বন্ধাদ্গোমন্তং সমুপাশ্রিতাঃ।
ত্রিয়োজনায়তং সদ্ম ত্রিস্কন্ধং যোজনাবধি॥ 2-14-57 (11930)
যোজনান্তে শতদ্বারং বীরবিক্রমতোরণম্।
অষ্টাদশাবরৈর্নদ্ধং ক্ষত্রিয়ৈর্যুদ্ধদুর্মদৈঃ॥ 2-14-58 (11931)
অষ্টাদশ সহস্রাণি ভ্রাতৃণাং সন্তি নঃ কলে।
আহুকস্য শতং পুত্রা একৈকস্ত্রিদশাবরঃ॥ 2-14-59 (11932)
চারুদেষ্ণঃ সহ ভ্রাত্রা চক্রদেবোঽথ সাত্যকিঃ।
অহং চ রোহিণেয়শ্চ সাম্বঃ প্রদ্যুম্ন এব চ॥ 2-14-60 (11933)
এবমেতে রথাঃ সপ্ত রাজন্নন্যান্নিবোধ মে।
কৃতবর্মা হ্যনাধৃষ্টিঃ সমীকঃ সমির্তিজয়ঃ॥ 2-14-61 (11934)
কঙ্কঃ শঙ্কুশ্চ কুন্তিশ্চ সপ্তৈতে বৈ মহারথাঃ।
`প্রদ্যুম্নশ্চানিরুদ্ধশ্চ ভানুরক্রূরসারণৌ॥ 2-14-62 (11935)
নিশঠশ্চ গদশ্চৈব সপ্ত চৈতে মহারথাঃ।
বিকমো ঝিল্লিবভ্রূ চ উদ্ধবোঽথ বিদূরথঃ॥ 2-14-63 (11936)
বসুদেবোগ্রসেনৌ চ সপ্তৈতে মন্ত্রিপুঙ্গবাঃ।
প্রসেনজিচ্চ যমলো রাজরাজগুণান্বিতঃ॥ 2-14-64 (11937)
স্যমন্তকো মণির্যস্য রুক্মং নিস্রুবতে বহু।
পুত্রৌ চান্ধকভোজস্য বৃদ্ধো রাজা চ তে দশ॥ 2-14-65 (11938)
বজ্রসংহননা বীরী বীর্যবন্তো মহাবলাঃ।
স্মরন্তো মধ্যমং দেশং বৃষ্ণিবীরা গতজ্বরাঃ॥ 2-14-66 (11939)
পাণ্ডবৈশ্চাপি সততং নাথবন্তো বয়ং নৃপ।
সর্বসম্পদ্গুণৈঃ সিদ্ধে তস্মিন্নেবং ব্যবস্থিতে॥ 2-14-67 (11940)
ক্ষত্রে সম্রাজমাত্মানং কর্তুমর্হসি ভারত।
দুর্যোধনং শান্তনবং দ্রোণং দ্রৌণায়নিং কৃপম্॥ 2-14-68 (11941)
কর্ণং চ শিশুপালং চ রুক্মিণং চ ধনুর্ধরম্।
একলব্যং দ্রুমং শ্বেতং শৈব্যং শকুনিমেব চ॥ 2-14-69 (11942)
এতানজিৎবা সঙ্গ্রামে কথং শক্নোষি তং ক্রতুম্।
তথৈতে গৌরবেণৈব ন যোৎস্যন্তি নরাধিপাঃ॥ 2-14-70 (11943)
একস্তত্র বলোন্মত্তঃ কর্ণো বৈকর্তনো বৃষা।
যোৎস্যতে স পরামর্ষী দিব্যাস্রবলগর্বিতঃ'॥ 2-14-71 (11944)
ন তু শক্যং জরাসন্ধে জীবমানে মহাবল
রাজসূয়স্ৎবয়াঽবাপ্তুমেষা রাজন্মতির্মম॥ 2-14-72 (11945)
তেন রুদ্ধা হি রাজানঃ সর্বে জিৎবা গিরিব্রজে।
কন্দরে পর্বতেন্দ্রস্য সিংহেনেব মহাদ্বিপাঃ॥ 2-14-73 (11946)
স হি রাজা জরাসন্ধো যিয়ক্ষুর্বসুধাধিপৈঃ।
`অভিষিক্তঃ স রাজন্যৈঃ সহস্রৈরুত চাষ্টভিঃ'।
মহাদেবং মহাত্মানমুমাপতিমরিন্দম॥ 2-14-74 (11947)
আরাধ্য তপসোগ্রেণ নির্জিতাস্তেন পার্থিবাঃ।
প্রতিজ্ঞায়াশ্চ পারং স গতঃ পার্থিবসত্তম॥ 2-14-75 (11948)
স হি নির্জিত্য নির্জিত্য পার্থিবান্পৃতনাগতান্।
পুরমানীয় বদ্ধ্বা চ চকার পুরুষব্রজম্॥ 2-14-76 (11949)
বয়ং চৈব মহারাজ জরাসন্ধভয়াত্তদা।
মধুরা সম্পরিত্যজ্য গতা দ্বারবতীং পুরীম্॥ 2-14-77 (11950)
যদি ৎবেনং মহারাজ যজ্ঞং প্রাপ্তুমভীপ্সসি।
যতস্ব তেষাং মোক্ষায় জরাসন্ধবধায় চ॥ 2-14-78 (11951)
সমারম্ভো ন শক্যোঽয়মন্যথা কুরুনন্দন।
রাজসূয়স্য কার্ৎস্ন্যেন কর্তুং মতিমতাং বর॥ 2-14-79 (11952)
ইত্যেষা মে মতী রাজন্যথা বা মন্যসেঽনঘ।
এবং গতে মমাচক্ষ্ব স্বয়ং নিশ্চিত্য হেতুভিঃ॥ ॥ 2-14-80 (11953)
ইতি শ্রীমন্মহাভারতে সভাপর্বণি মন্ত্রপর্বণি চতুর্দশোঽধ্যায়ঃ॥ 14॥
Mahabharata - Sabha Parva - Chapter Footnotes
2-14-4 ভুবি যে শ্রেণিবদ্ধা রাজানঃ যেচান্যে ক্ষত্রিয়াঃ তান্ ইক্ষ্বাকুবংশস্য প্রকৃ তি প্রজাং পরিচক্ষতে॥ 2-14-56 মাধবাঃ মধুবশ্যাঃ ॥সভাপর্ব - অধ্যায় 015
॥ শ্রীঃ ॥
2.15. অধ্যায়ঃ 015
Mahabharata - Sabha Parva - Chapter Topics
রাজসূয়বিষয়ে শ্রীকৃষ্ণয়ুধিষ্ঠিরভীমানাং সংবাদঃ॥ 1॥Mahabharata - Sabha Parva - Chapter Text
যুধিষ্ঠির উবাচ।
উক্তং ৎবয়া বুদ্ধিমতা যন্নান্যো বক্তুমর্হতি।
সংশয়ানাং হি নির্মোক্তা ৎবন্নান্যো বিদ্যতে ভুবি॥ 2-15-1 (11954)
গৃহে গৃহে হি রাজানঃ স্বস্য স্বস্য প্রিয়ঙ্করাঃ।
ন চ সাম্রাজ্যমাপ্তাস্তে সম্রাদশব্দো হি কৃচ্ছ্রভাক্। 2-15-2 (11955)
কথং পরানুভাবজ্ঞঃ স্বং প্রশংসিতুমর্হতি।
পরেণ সমবেতস্তু যঃ প্রশস্যঃ স পূজ্যতে॥ 2-15-3 (11956)
বিশালা বহুলা ভূমির্বহুরত্নসমাচিতা।
দূরং গৎবা বিজানাতি শ্রেয়ো বৃষ্ণিকুলোদ্বহ॥ 2-15-4 (11957)
শমমেব পরং মন্যে শমাৎক্ষেমং ভবেন্মম।
আরম্ভে পারমেষ্ঠ্যং তু ন প্রাপ্যমিতি মে মতিঃ॥ 2-15-5 (11958)
এবমেতে হি জানন্তি কুলে জাতা মনস্বিনঃ।
কশ্চিৎকদাচিদেতেষাং ভবেচ্ছ্রেষ্ঠো জনার্দন। 2-15-6 (11959)
বয়ং যৈব মহাভাগ জরাসন্ধভয়াত্তদা।
শঙ্কিতাঃ স্ম মহাভাগ দ্বৌরাত্ম্যাত্তস্য চানঘ॥ 2-15-7 (11960)
অহং হি তব দুর্ধর্ষ ভুজবীর্যাশ্রয়ঃ প্রভো।
নাত্মানং বলিনং মন্যে ৎবয়ি তস্মাদ্বিশঙ্কিতে॥ 2-15-8 (11961)
ৎবৎসকাশাচ্চ রামাচ্চ ভীমসেনাচ্চ মাধব।
অর্জুনাদ্বা মহাবাহো হন্তুং শক্যো নবেতি বৈ।
এবং জানন্হি বার্ষ্ণেয় বিমৃশামি পুনঃ পুনঃ॥ 2-15-9 (11962)
ৎবং মে প্রমাণভূতোঽসি সর্বকার্যেষু কেশব।
তচ্ছ্রুৎবা চাব্রবীদ্ভীমো বাক্যং বাক্যবিশারদঃ॥ 2-15-10 (11963)
ভীম উবাচ॥ 2-15-11x (1403)
অনারম্ভপরো রাজা বল্মীক ইব সীদতি।
দুর্বলশ্চানুপায়েন বলিনং যোঽধিতিষ্ঠতি॥ 2-15-11 (11964)
অতন্দ্রিতশ্চ প্রায়েণ দুর্বলো বলিনং রিপুম্।
জয়েৎসম্যক্প্রয়োগেণ নীত্যাঽর্থানাত্মনো হিতান্॥ 2-15-12 (11965)
কৃষ্ণে নয়ো ময়ি বলং জয়ঃ পার্থে ধনঞ্জয়ে।
মাগধং সাধয়িষ্যাম ইষ্টিং ত্রয় ইবাগ্রয়ঃ॥ 2-15-13 (11966)
`ৎবদ্বুদ্ধিবলমাশ্রিত্য সর্বং প্রাপ্স্যতি ধর্মরাদ।
জয়োঽস্মাকং হি গোবিন্দ যেষাং নাথো ভবান্সদা'॥ 2-15-14 (11967)
কৃষ্ণ উবাচ। 2-15-15x (1404)
অর্থানারভতে বালো নানুবন্ধমবেক্ষতে।
তস্মাদরিং ন মৃষ্যন্তি বালমর্থপরায়ণম্॥ 2-15-15 (11968)
জিৎবা জয়্যান্যৌবনাশ্বিঃ পালনাচ্চ ভগীরথঃ।
কার্তবীর্যস্তপোবীর্যাদ্বলাত্তু ভরতো বিভুঃ॥ 2-15-16 (11969)
ঋদ্ধ্যা মরুত্তস্তান্পশ্চ সম্রাজস্ৎবনুশুশ্রুম।
`সর্বান্বংশ্যাননুমৃশন্নৈতে সন্তি যুগে যুগে'॥ 2-15-17 (11970)
সাম্রাজ্যমিচ্ছতস্তে তু সর্বাকারং যুধিষ্ঠির।
নিগ্রাহ্যলক্ষণং প্রাপ্তির্ধর্মার্থনয়লক্ষণৈঃ॥ 2-15-18 (11971)
বার্হদ্রথো নরাসন্ধস্তদ্বিদ্ধি ভরতর্ষভ।
ন চৈনং প্রত্যত্যুদ্ধ্যন্ত কুলান্যেকশতং নৃপাঃ॥ 2-15-19 (11972)
তস্মাদিহ বলাদেব সাম্রাজ্যং কুরুতে হি সঃ॥ 2-15-20 (11973)
রত্নভাজো হি রাজানো জরাসন্ধমুপাসতে।
ন চ তুষ্যতি তেনাপি বাল্যাদনয়মাস্থিতঃ॥ 2-15-21 (11974)
মূর্ধাভিষিক্তং নৃপতিং প্রধানপুরুষো বলাৎ।
আদত্তে ন চ নো দৃষ্টোঽভাগঃ পুরুষতঃ ক্বচিৎ॥ 2-15-22 (11975)
এবং সর্বান্বশে চক্রে জরাসন্ধঃ শতাবরান্।
তং দুর্বলতরো রাজা কথং পার্থ উপৈষ্যতি॥ 2-15-23 (11976)
`তণ্ডুলপ্রস্থকে রাজা কপর্দিনমুপাসতে'।
প্রোক্ষিতানাং প্রমৃষ্টানাং রাজ্ঞাং পশুপতের্গৃহে।
পশূনামিব প্রমৃষ্টানাং রাজ্ঞাং পশুপতের্গৃহে। 2-15-24 (11977)
ক্ষত্রিয়ঃ শস্ত্রমরণো যদা ভবতি সৎকৃতঃ।
ততঃ স্ম মাগধং সঙ্খ্যে প্রতিবাধেম যদ্বয়ম্॥ 2-15-25 (11978)
ষডশীতিঃ সমানীতাঃ শেষা রাজংশ্চতুর্দশ।
জরাসন্ধেন রাজানস্ততঃ ক্রূরং প্রবর্ৎস্যতে॥ 2-15-26 (11979)
প্রাপ্নুয়াৎস যশো দীপ্তং তত্র যো বিঘ্নমাচরেৎ।
জয়েদ্যশ্চ জরাসন্ধং স সম্রাণ্ণিয়তং ভবেৎ॥ ॥ 2-15-27 (11980)
ইতি শ্রীমন্মহাভারতে সভাপর্বণি মন্ত্রপর্বণি পঞ্চদশোঽধ্যায়ঃ॥ 25॥
Mahabharata - Sabha Parva - Chapter Footnotes
2-15-18 যুধিষ্ঠির ধর্মার্থনয়লক্ষণৈঃ সহিতা প্রাপ্তিঃ পালনং নিগ্রাহ্যলক্ষণং সাম্রা জ্যং চ তেঽস্তি ॥ 2-15-19 বার্হদ্রথং জরাসন্ধং তং বিদ্ধি ইতি ক. ঘ.পাঠঃ॥ 2-15-22 বলাৎপ্রধানপুরুষঃ জরাসন্ধঃ পুরুষতঃ পুরুষেষু অভাগঃ অস্বীকৃতঃ॥সভাপর্ব - অধ্যায় 016
॥ শ্রীঃ ॥
2.16. অধ্যায়ঃ 016
Mahabharata - Sabha Parva - Chapter Topics
যুধিষ্ঠির্জুনয়োর্ভাষণম্॥ 1॥Mahabharata - Sabha Parva - Chapter Text
যুধিষ্ঠির উবাচ॥
সম্রাড্গুণমভীপ্সন্বৈ যুষ্মান্স্বার্থপরায়ণঃ।
কথং প্রহিণুয়াং কৃষ্ণ সোঽহং কেবলসাহসাৎ॥ 2-16-1 (11981)
ভীমার্জুনাবুভৌ নেত্রে মনো মন্যে জনার্দনম্।
মনশ্চক্ষুর্বিহীনস্য কীদৃশং জীবিতং ভবেৎ॥ 2-16-2 (11982)
জরাসন্ধবলং প্রাপ্য দুষ্পারং ভীমবিক্রমম্।
যমোপি ন বিজেতাঽঽজৌ তত্র বঃ কিং বিচেষ্টিতম্॥ 2-16-3 (11983)
অস্মিংস্ৎবর্থান্তরে যুক্তমনর্থঃ প্রতিপদ্যতে।
তস্মান্ন প্রতিপত্তিস্তু কার্যা যুক্তা মতা মম॥ 2-16-4 (11984)
যথাঽহং বিমৃশাম্যেকস্তত্তাবচ্ছ্রূয়তাং মম।
সংন্যাসং রোচয়ে সাধু কার্যস্যাস্য জনার্দন।
প্রতিহন্তি মনো মেঽদ্য রাজসূয়ো দূরাহরঃ॥ 2-16-5 (11985)
বৈশম্পায়ন উবাচ॥ 2-16-6x (1405)
পার্থঃ প্রাপ্য ধনুঃ শ্রেষ্ঠমক্ষয়্যৌ চ মহেষুধী।
রথং ধ্বজং হয়াংশ্চৈব যুধিষ্ঠিরমভাষত॥ 2-16-6 (11986)
অর্জুন উবাচ। 2-16-7x (1406)
ধনুঃ শস্ত্রং শরা বীর্যং পক্ষো ভূমির্যশো বলম্।
প্রাপ্তমেতন্ময় রাজন্দুষ্প্রাপং যদভীপ্সিতম্। 2-16-7 (11987)
কুলে জন্ম প্রশংসন্তি বৈদ্যাঃ সাধু সুনিষ্ঠিতাঃ।
বলেন সদৃশং নাস্তি বীর্যং তু মম রোচতে। 2-16-8 (11988)
কৃতবীর্যকুলে জাতো নির্বীর্যঃ কিং করিষ্যতি।
নির্বীর্যে তু কুলে জাতো বীর্যবাংস্তু বিশিষ্যতে॥ 2-16-9 (11989)
ক্ষত্রিয়ঃ সর্বশো রাজন্যস্য বৃত্তির্দ্বিষজ্জয়ে।
সর্বৈগুণৈর্বিহীনোঽপি বীর্যবান্হি তরেন্দ্রিপূন্॥ 2-16-10 (11990)
সর্বৈরপি গুণৈর্যুক্তো নির্বীর্যঃ কিং করিষ্যতি।
জয়স্য হেতুঃ সিদ্ধির্হি কর্ম দৈবং চ সংশ্রিতম্॥ 2-16-11 (11991)
সংয়ুক্তো হি বলৈঃ কশ্চিৎপ্রমাদান্নোপয়ুজ্যতে॥ 2-16-12 (11992)
তেন দ্বারেণ শত্রুভ্যঃ ক্ষীয়তে সবলো রিপুঃ॥ 2-16-13 (11993)
দৈন্যং যথা বলবতি তথা মোহো বলান্বিতে।
তাবুভৌ নাশকৌ হেতূ রাজ্ঞা ত্যাজ্যৌ জয়ার্থিনা॥ 2-16-14 (11994)
জরাসন্ধিবিনাশং চ রাজ্ঞাং চ পরিরক্ষণম্।
যদি কুর্যাম্ যজ্ঞার্থং কিং ততঃ পরমং ভবেৎ॥ 2-16-15 (11995)
অনারম্ভে হি নিয়তো ভবেদগুণনিশ্চয়ঃ।
গুণান্নিঃ সংশয়াদ্রাজন্নৈর্গুণ্যং মন্যসে কথম্॥ 2-16-16 (11996)
কাষায়ং সুলভং পশ্চান্মুনীনাং শমমিচ্ছতাম্।
সাম্রাজ্যং তু ভবেচ্ছক্যং বয়ং যোৎস্যামহে পরান্॥ ॥ 2-16-17 (11997)
ইতি শ্রীমন্মহাভারতে সভাপর্বণি ষোডশোঽধ্যায়ঃ॥ 16॥
সভাপর্ব - অধ্যায় 017
॥ শ্রীঃ ॥
2.17. অধ্যায়ঃ 017
Mahabharata - Sabha Parva - Chapter Topics
যুধিষ্ঠিরেণ জরাসন্ধপ্রভাবপ্রশ্নে শ্রীকৃষ্ণেন তদুপোদ্ঘাততয়া বৃহদ্রথরাজোপা খ্যানকথনারম্ভঃ॥ 1॥ অপুত্রস্য বৃহথস্য পত্নীভ্যাং সহ তপোবনগমনম্॥ 2॥ তত্র চণ্ডকৌশিকমুনিনা বৃহদ্রথায় পুত্রীয়াম্রফলদানম্॥ 3॥ প্রবিভক্ততৎফলভোজনেন সঞ্জাতগর্ভয়োস্তদ্ভার্যযোঃ পৃথগেকৈকশরীরখণ্ডসম্ভবঃ॥4॥ তৎপত্নীভ্যাং দাসীদ্বারা বহিস্ত্যাজিতয়োঃ খণ্ডয়োঃ জরানাম্ন্যা রাক্ষস্যা স ন্ধানাজরাসন্ধসম্ভবঃ॥ 5॥ বালকং গৃহীৎবা আগতয়া জরয়া সহ বৃহদ্রথস্য সংবাদঃ॥ 6॥Mahabharata - Sabha Parva - Chapter Text
বাসুদেব উবাচ॥
জাতস্য ভারতে বংশে তথা কুন্ত্যাঃ সুতস্য চ।
যা বৈ যুক্তা মতিঃ সেয়মর্জুনেন প্রদর্শিতা॥ 2-17-1 (11998)
ন স্ম মৃত্যুং বয়ং বিদ্ম রাত্রৌ বা যদি বা দিবা।
ন চাপি কঞ্চিদমরময়ুদ্ধেনানুশুশ্রুম॥ 2-17-2 (11999)
এতাবদেব পুরুষৈঃ কার্যং হৃদয়তোষণম্।
নয়েন বিধিদৃষ্টেন যদুপক্রমতে পরান্॥ 2-17-3 (12000)
সুনয়স্যানপায়স্য সংয়োগে পরমঃ ক্রমঃ।
সঙ্গত্যা জায়তেঽসাম্যং সাম্যং চ ন ভবেদ্দ্বয়োঃ॥ 2-17-4 (12001)
অনয়স্যানুপায়স্য সংয়ুগে পরমঃ ক্ষয়টঃ।
সংশয়ো জায়তে সাম্যাজ্জয়শ্চ ন ভবেদ্দ্বয়োঃ॥ 2-17-5 (12002)
তে বয়ং নয়মাস্থায় শত্রুদেশসমীপগাঃ।
কথমন্তং ন গচ্ছেম বৃক্ষস্যেব নদীরয়াঃ॥
পররন্ধ্রে পরাক্রান্তাঃ স্বরন্ধ্রাবরণে স্থিতাঃ॥ 2-17-6 (12003)
ব্যূঢানীকৈরতিবলৈর্ন যুদ্ব্যেদরিভিঃ সহ।
ইতি বুদ্ধিমতাং নীতিস্তন্মমাপীহ রোচতে॥ 2-17-7 (12004)
অনবদ্যা হ্যসম্বুদ্ধাঃ প্রবিষ্টাঃ শত্রুসদ্ম তৎ।
শত্রুদেশমুপাক্রম্য তং কামং প্রাপ্নুয়ামহে॥ 2-17-8 (12005)
একো হ্যেব শ্রিয়ং নিত্যং বিভর্তি পুরুষর্ষভঃ।
অন্তরাত্মেব ভূতানাং তৎক্ষয়ং নৈব লক্ষয়ে॥ 2-17-9 (12006)
অথবৈনং নিহত্যাজৌ শেষেণাপি সমাহতাঃ।
প্রাপ্নুয়াম ততঃ স্বর্গং জ্ঞাতিত্রাণপরায়ণাঃ॥ 2-17-10 (12007)
যুধিষ্ঠির উবাচ॥ 2-17-11x (1407)
কৃষ্ণ কোঽয়ং জরাসন্ধঃ কিংবীর্যঃ কিম্পরাক্রমঃ।
যস্ৎবাং স্পৃষ্ট্বাঽগ্নিসদৃশং ন দগ্ধঃ শলভো যথা॥ 2-17-11 (12008)
কৃষ্ণ উবাচ॥ 2-17-12x (1408)
শৃণু রাজঞ্জরাসন্ধো যদ্বীর্যো যৎপরাক্রমঃ।
যথা চোপেক্ষিতোঽস্মাভির্বহুশঃ কৃতবিপ্রিয়ঃ॥ 2-17-12 (12009)
অক্ষৌহিণীনাং তিসৃণাং পতিঃ সমরদর্পিতঃ।
রাজা বৃহদ্রথো নাম মগধাধিপতির্বলী॥ 2-17-13 (12010)
রূপবান্বীর্যসম্পন্নঃ শ্রীমানতুলবিক্রমঃ।
নিত্যং দীক্ষাঙ্কিততনুঃ শতক্রতুরিবাপরঃ॥ 2-17-14 (12011)
তেজসা সূর্যসঙ্কাশঃ ক্ষময়া পৃথিবীসমঃ।
যশ্চান্তকসমঃ ক্রোধে শ্রিয়া বৈশ্রবণোপমঃ॥ 2-17-15 (12012)
`স্বরাজ্যং কারয়ামাস মগধেষু গিরিব্রজে'।
তস্যাভিজনসংয়ুক্তৈর্গণৈর্ভরতসত্তম।
ব্যাপ্তেয়ং পৃথিবী সর্বা সূর্যস্যেব গভস্তিভিঃ॥ 2-17-16 (12013)
স কাশিরাজস্য সুতে যমজে ভরতর্ষভঃ।
উপয়েমে মহাবীর্যো রূপদ্রবিণসংয়ুতে। 2-17-17cতয়োশ্চকার সময়ং মিথঃ স পুরুষর্ষভঃ॥ 2-17-17 (12014)
নাতিবর্তিষ্য ইত্যেবং পত্নীভ্যাং সন্নিধৌ তদা।
স তাভ্যাং শুশুভে রাজা পত্নীভ্যাং বসুধাধিপঃ॥ 2-17-18 (12015)
প্রিয়াম্ভামনুরূপাভ্যাং করেণুভ্যামিব দ্বিপঃ।
তয়োর্মধ্যগতশ্চাপি ররাজ বসুধাধিপঃ॥ 2-17-19 (12016)
গঙ্গায়মুনয়োর্মধ্যে মূর্তিমানিব সাগরঃ।
বিষয়েষু নিমগ্রস্য তস্য যৌবনমত্যগাৎ॥ 2-17-20 (12017)
ন চ বংশকরঃ পুত্রস্তস্যাজায়ত কশ্চন।
মঙ্গলৈর্বভির্হোমৈঃ পুত্রকামাভিরিষ্টিভিঃ॥ 2-17-21 (12018)
নাসসাদ নৃপশ্রেষ্ঠঃ পুত্রং কুলবিবর্ধনম্।
স ভার্যাভ্যাং চ সহিতো নির্বেদমগমদ্ধৃশম্॥ 2-17-22 (12019)
`রাজ্যং চাপি পরিত্যজ্য তপোবনমথাশ্রয়ৎ। '
বার্যমাণঃ প্রকৃতিভির্নৃপভক্ত্যা বিশাম্পতে'॥ 2-17-23 (12020)
অথ কাক্ষীবতঃ পুত্রং গৌতমস্য মহাত্মনঃ॥
শুশ্রাব তপসি শ্রেষ্ঠমুদারং চণ্ডকৌশিকম্॥ 2-17-24 (12021)
যদৃচ্ছয়াঽঽগতং তং তু বৃক্ষমূলমুপাশ্রিতম্।
পত্নীভ্যাং সহিতো রাজা সর্বয়ত্নৈরতোষয়ৎ॥ 2-17-25 (12022)
`বৃহদ্রথং চ স ঋষির্যথাবচ্চাভ্যনন্দত। '
উপবিষ্টঃ স তেনাথ অনুজ্ঞাতো মহাত্মনা॥ 2-17-26 (12023)
তমপৃচ্ছত্তদা বিপ্রঃ কিমাগমনমিত্যথ।
বিপ্রৈরনুগতস্যৈব পত্নীভ্যাং সহিতস্য চ॥ 2-17-27 (12024)
স উবাচ মুনিং রাজা ভগবন্নাস্তি মে সুতঃ।
অপুত্রস্য তু রাজ্যেন বৃদ্ধৎবে কিং প্রয়োজনম্॥ 2-17-28 (12025)
সোঽহং তপশ্চরিষ্যামি পত্নীভ্যাং সহিতো বনে।
নাপ্রজস্য মুনে কির্তিঃ স্বধা চৈবাক্ষয়া ভবেৎ।
এবমুক্তঃ স রাজ্ঞা তু মুনিঃ কারুণ্যমাগতঃ॥ 2-17-29 (12026)
তমব্রবীৎসত্যধৃতিঃ সত্যবাগৃষিসত্তমঃ।
পরিতুষ্টোঽস্মি রাজেন্দ্র বরং বরয় সুব্রত॥ 2-17-30 (12027)
ততঃ সভার্যঃ প্রণতস্তমুবাচ বৃহদ্রথঃ।
পুত্রদর্শননৈরাশ্যাদ্বাষ্পসন্দিগ্ধয়া গিরা॥ 2-17-31 (12028)
রাজোবাচ॥ 2-17-32x (1409)
ভগবন্ রাজ্যমুৎসৃজ্য প্রস্থিতস্য তপোবনম্।
কিং বরেণাল্পভাগ্যস্য কিং রাজ্যেনাপ্রজস্য মে॥ 2-17-32 (12029)
কৃষ্ণ উবাচ। 2-17-33x (1410)
এতচ্ছ্রুৎবা মুনির্ধ্যানমগমন্ক্ষুভিতেন্দ্রিয়ঃ।
তস্যৈব চাম্রবৃক্ষস্য ছায়ায়াং সমুপাবিশত॥ 2-17-33 (12030)
তস্যোপবিষ্টস্য মুনেরুৎসঙ্গে নিপপাত হ।
অবানমশুকাদষ্টমেকমাম্রফলং কিল॥ 2-17-34 (12031)
তৎপ্রগৃহ্য মুনিশ্রেষ্ঠো হৃদয়েনাভিমন্ত্র্য চ।
রাজ্ঞে দদাবপ্রতিমং পুত্রসম্প্রাপ্তিকারণম্॥ 2-17-35 (12032)
উবাচ চ মহাপ্রাজ্ঞস্তং রাজানং মহামুনিঃ।
গচ্ছ রাজন্কৃতার্থোঽসি নিবর্তস্ব নরাধিপ॥ 2-17-36 (12033)
`এষ তে তনয়ো রাজন্মা তপেহ তপোবনে।
প্রজাঃ পালয় ধর্মেণ এব ধর্মো মহীক্ষিতাম্॥ 2-17-37 (12034)
যজস্ব বিবিধৈর্যজ্ঞৈরিন্দ্রং তর্পয় চেন্দুনা।
পুত্রং রাজ্যে প্রতিষ্ঠাপ্য তত আশ্রমমাব্রজ॥ 2-17-38 (12035)
অষ্টৌ বরান্প্রয়চ্ছামি তব পুত্রস্য পার্থিব।
ব্রহ্মণ্যৎবমজেয়ৎবং যুদ্ধেষু চ তথা মতিঃ॥ 2-17-39 (12036)
প্রিয়াতিথেয়তাং চৈব দীনানামন্ববেক্ষণম্।
তথা বলং চ সুভহল্লোকে কীর্তি চ শাশ্বতীম্॥ 2-17-40 (12037)
অনুরাগং প্রজানাং চেত্যেবমষ্টৌ বরান্নৃপ।
গচ্ছ ৎবং কৃতকৃত্যোঽসি নিবর্তস্ব জনাধিপ'॥ 2-17-41 (12038)
অনুজ্ঞাতঃ স ঋষিণা পত্নীভ্যাং সহিতো নৃপঃ।
পৌরৈরনুগতশ্চাপি বিবেশ স্বপুরং ততঃ॥ 2-17-42 (12039)
যথাসময়মাজ্ঞায় তদা স নৃপসত্তমঃ।
দ্বাভ্যামেকং ফলং প্রাদাৎপত্নীভ্যাং ভরতর্ষভ॥ 2-17-43 (12040)
মুনেশ্চ বহুমানেন কালস্য চ বিপর্যযাৎ।
তে তদাম্রং দ্বিধা কৃৎবা ভক্ষয়ামাসতুঃ শুভে। 2-17-44 (12041)
তয়োঃ সমভবদ্গর্ভঃ ফলপ্রাশনসম্ভবঃ।
তে চ দৃষ্ট্বা স নৃপতিঃ পরাং মুদমবাপ হ॥ 2-17-45 (12042)
অথ কালে মহাপ্রাজ্ঞ যথাসময়মাগতে।
প্রজায়েতামুভে রাজঞ্শরীরশকলে তদা॥ 2-17-46 (12043)
একাক্ষিবাহুচরণে অর্ধোদরমুখস্ফিচে।
দৃষ্ট্বা শরীরশকলে প্রবেপতুরুভে ভৃশম্॥ 2-17-47 (12044)
উদ্বিগ্রে সহ সংমন্ত্র্য তে ভগিত্যৌ তদাঽবলে।
সজীবে প্রাণিশকলে তত্যজাতে সুদুঃখিতে॥ 2-17-48 (12045)
তয়োর্ধাত্র্যৌ সুসংবীতে কৃৎবা তে গর্ভসম্প্লবে।
নির্গম্যান্তঃ পুরদ্বারাৎসমুৎসৃজ্যাভিজগ্মতুঃ॥ 2-17-49 (12046)
`দুকূলাভ্যাং সুসঞ্ছন্নে পাণ্ডরাভ্যামুভে তদা।
অজ্ঞাতে কস্যচিত্তে তু জহতুস্তে চতুষ্পথে॥ 2-17-50 (12047)
ততো বিবিশতুর্ধাত্র্যৌ পুনরন্তঃ পুরং তদা।
কথয়ামাসতুরুভে দেবীভ্যাং তু পৃথক্পৃথক্'॥ 2-17-51 (12048)
তে চতুষ্পথনিক্ষিপ্তে জরা নামাথ রাক্ষসী।
জগ্রাহ মনুজব্যাঘ্র মাংসশোণিতভোজনা॥ 2-17-52 (12049)
কর্তুকামা সুখবহে শকলে সা তু রাক্ষসী।
সংয়োজয়ামাস তদা বিধানবলচোদিতা॥ 2-17-53 (12050)
তে সমানীতমাত্রে তু শকলে পুরুষর্ষভ।
একমূর্তিধরো বীরঃ কুমারঃ সমপদ্যত॥ 2-17-54 (12051)
ততঃ সা রাক্ষসী রাজন্বিস্ময়োৎফুল্ললোচনা।
ন শশাক সমুদ্বোদুং বজ্রসারময়ং শিশুম্॥ 2-17-55 (12052)
বালস্তাম্রতলং মুষ্টিং কৃৎবা চাস্যে নিধায় সঃ।
প্রাক্রোশদতিসংরব্ধঃ সতোয় ইব তোয়দঃ॥ 2-17-56 (12053)
তেন শব্দেন সম্ভ্রান্তঃ সহসাঽন্তঃ পুরে জনঃ।
নির্জগাম নরব্যাঘ্র রাজ্ঞা সহ পরন্তপ॥ 2-17-57 (12054)
তে চাবলে পরিম্লানে পয়ঃ পূর্ণপয়োধরে।
নিরাশে পুত্রলাভায় সহসৈবাব্যগচ্ছতাম্॥ 2-17-58 (12055)
তে চ দৃষ্ট্বা তথাভূতে রাজানং চেষ্টসংততিম্।
তং চ বালং সুবলিনং চিন্তয়ামাস রাক্ষসী॥ 2-17-59 (12056)
নার্হামি বিষয়ে রাজ্ঞো বসন্তী পুত্রগৃদ্ধিনঃ।
বালং পুত্রমিমং হন্তুং ধার্মিকস্য মহাত্মনঃ॥ 2-17-60 (12057)
সা তং বালমুপাদায় মেঘলেখেন ভাস্করম্।
কৃৎবা চ মানুষং রূপমুবাচ বসুধাধিপম্॥ 2-17-61 (12058)
বৃহদ্রথ সুতস্তেঽয়ং ময়া দত্তঃ প্রগৃহ্যতাম্।
তব পত্নীদ্বয়ে জাতো দ্বিজাতিবরশাসনাৎ।
ধাত্রীজনপরিত্যক্তো ময়াঽয়ং পরিরক্ষিতঃ॥ 2-17-62 (12059)
কৃষ্ণ উবাচ। 2-17-63x (1411)
ততস্তে ভরতশ্রেষ্ঠ কাশিরাজসুতে শুভে।
তং বালমভিপদ্যাশু প্রস্রবৈরভ্যষিঞ্জতাম্॥ 2-17-63 (12060)
ততঃ স রাজা সংহৃষ্টঃ সর্বং তদুপলভ্য চ।
অপৃচ্ছদ্ধেমগর্ভাভাং রাক্ষসীং তামরাক্ষসীম্॥ 2-17-64 (12061)
কাৎবং কমলগর্ভাভে মম পুত্রপ্রদায়িনী।
কামং মা ব্রূহি কল্যাণি দেবতা প্রতিভাসি মে॥ ॥ 2-17-65 (12062)
ইতি শ্রীমন্মহাভারতে সভাপর্বণি মন্ত্রপর্বণি সপ্তদশোঽধ্যায়ঃ॥ 17॥
Mahabharata - Sabha Parva - Chapter Footnotes
2-17-4 ক্রমঃ উপক্রমঃ॥ 2-17-9 তৎক্ষয়ে বলক্ষয়ঃ ইতি পাঠঃ॥ 2-17-34 অবানমশুষ্কং সরসমিতি যাবৎ। অমারুতমনাবিদ্ধং ইতি ঘ.পাঠঃ॥ 2-17-46 প্রজায়েতাং সুষুবতুঃ॥ 2-17-47 স্ফিক্ কট্যা অধোভাগঃ॥ 2-17-53 সুখবহে একীকৃতয়োর্বহনং হি সুখেন ভবতীতি প্রসিদ্ধম্॥ 2-17-54 সমানীতমাত্রে সংয়োজিতমাত্রে॥ 2-17-64 অরাক্ষসী বেষতঃ॥সভাপর্ব - অধ্যায় 018
॥ শ্রীঃ ॥
2.18. অধ্যায়ঃ 018
Mahabharata - Sabha Parva - Chapter Topics
রাজানম্প্রতি স্বস্বরূপমভিধায় জরায়া অন্তর্ধানম্॥ 1॥Mahabharata - Sabha Parva - Chapter Text
রাক্ষস্যুবাচ॥
জরা নামাস্মি ভদ্রং তে রাক্ষসী কামরূপিণী।
তব বেশ্মনি রাজেন্দ্র পূজিতা ন্যবসং সুখম্॥ 2-18-1 (12063)
গৃহে গৃহে মনুষ্যাণাং নিত্যং তিষ্ঠামি রাক্ষসী।
গৃহদেবীতি নাম্না বৈ পুরা সৃষ্টা স্বয়ংম্ভুবা॥ 2-18-2 (12064)
দানবানাং বিনাশায় স্থাপিতা দিব্যরূপিণী।
যো মাং ভক্ত্যা লিখেৎকুড্যে সপুত্রাং যৌবনান্বিতাম্॥ 2-18-3 (12065)
গৃহে তস্য ভবেদ্বৃদ্ধিরন্যথা ক্ষয়মাপ্নুয়াৎ।
ৎবদ্গৃহে তিষ্ঠমানাঽহং পূজিতাঽহং সদা বিভো॥ 2-18-4 (12066)
লিখিতা চৈব কুড্যেষু পুত্রৈর্বহুভিরাবৃতা।
গন্ধপুষ্পৈস্তথা ধূপৈর্ভক্ষ্যভোজ্যৈঃ সুপূজিতা॥ 2-18-5 (12067)
সাঽহং প্রত্যুপকারার্থং চিন্তয়ন্ত্যনিশং নৃপ।
তবেমে পুত্রশকলে দৃষ্টবত্যস্মি ধার্মিকা। 2-18-6 (12068)
সংশ্লিষিতে ময়া দৈবাৎকুমারঃ সমপদ্যত।
তব ভাগ্যান্মহারাজ হেতুমাত্রমহং ৎবিহ॥ 2-18-7 (12069)
মেরুং বা খাদিতুং শক্তা কিং পুনস্তব বালকম্।
গৃহসম্পূজনাত্তুষ্ট্যা ময়া প্রত্যর্পিতস্তব॥ 2-18-8 (12070)
মম নাম্না চ লোকেঽস্মিন্খ্যাত এব ভবিষ্যতি। 2-18-9 (12071)
কৃষ্ণ উবাচ।
এবমুক্ৎবা তু সা রাজংস্তত্রৈবান্তরধীয়ত।
স সঙ্গৃহ্য কুমারং তং প্রবিবেশ গৃহং নৃপঃ॥ 2-18-9x (1412)
তস্য বালস্য যৎকৃত্যং তচ্চকার নৃপস্তদা।
আজ্ঞাপয়চ্চ রাক্ষস্যা মগধেষু মহোৎসবম্॥ 2-18-10 (12072)
তস্য নামাকরোচ্চৈব পিতামহসমঃ পিতা।
জরয়া সন্ধিতো যস্মাজ্জরাসন্ধো ভবৎবয়ম্॥ 2-18-11 (12073)
সোঽবর্ধত মহাতেজা মাগধাধিপতেঃ সুতঃ।
প্রমাণবলসম্পন্নো হুতাহুতিরিবানলঃ॥ 2-18-12 (12074)
`এবং স ববৃধে রাজন্কুমারঃ পুষ্করেক্ষণঃ।
কালেন মহতা চাপি যৌবনস্থো বভূব হ'॥
মাতাপিত্রোর্নন্দকরঃ শুক্লপক্ষে যথা শশী॥ ॥ 2-18-13 (12075)
ইতি শ্রীমন্মহাভারতে সভাপর্বণি মন্ত্রপর্বণি অষ্টাদশোঽধ্যায়ঃ॥ 18॥
সভাপর্ব - অধ্যায় 019
॥ শ্রীঃ ॥
2.19. অধ্যায়ঃ 019
Mahabharata - Sabha Parva - Chapter Topics
পুনর্যদৃচ্ছাগতেন চণ্ডকৌশিকেন জরাসন্ধপরাক্রমাদৌ কথিতে জরাসন্ধং রাজ্যেঽভ িষিচ্য তপোবনগতস্য সভার্যস্য বৃহদ্রথস্য স্বর্গগমনম্॥ 1॥ কৃষ্ণেন কংসবধাৎ জরাসন্ধস্য স্বস্মিন্বৈরোদয়কথনম্॥ 2॥Mahabharata - Sabha Parva - Chapter Text
কৃষ্ণ উবাচ॥
কস্যচিত্ৎবথ কালস্য পুনরেব মহাতপাঃ।
মগধেষুপজক্রাম ভগবাংশ্চণ্ডকৌশিকঃ॥ 2-19-1 (12076)
তস্যাঽঽগমনসংহৃষ্টঃ সামাত্যঃ সপুরঃ সরঃ।
সভার্যঃ সহ পুত্রেণ নির্জগাম বৃহদ্রথঃ॥ 2-19-2 (12077)
পাদ্যার্ঘ্যাচমনীয়ৈস্তমর্চয়ামাস ভারত।
স নৃপো রাজ্যসহিতং পুত্রং তস্মৈ ন্যবেদয়ৎ॥ 2-19-3 (12078)
প্রতিগৃহ্য চ তাং পূজাং পার্থিবাদ্ভগবানৃষিঃ।
উবাচ মাগধং রাজন্প্রহৃষ্টেনান্তরাত্মনা॥ 2-19-4 (12079)
সর্বমেতন্ময়া জ্ঞাতং রাজন্দিব্যেন চক্ষুষা।
পুত্রস্তু শৃণু রাজেন্দ্র যাদৃশোঽয়ং ভবিষ্যতি॥ 2-19-5 (12080)
অস্য রূপং চ সৎবং চ বলমূর্জিতমেব চ।
এষ শ্রিয়া সমুদিতঃ পুত্রস্তব ন সংশয়ঃ॥ 2-19-6 (12081)
প্রাপয়িষ্যতি তৎসর্বং বিক্রমেণ সমন্বিতঃ।
অস্য বীর্যবতো বীর্যং নানুয়াস্যন্তি পার্থিবাঃ॥ 2-19-7 (12082)
পততো বৈনতেয়স্য গতিমন্যে যথা খগাঃ।
বিনাশমুপয়াস্যন্তি যে চাস্য পরিপন্থিনঃ॥ 2-19-8 (12083)
দেবৈরপি বিসৃষ্টানি শস্ত্রাণ্যস্য মহীপতে।
ন রুজং জনয়িষ্যন্তি গিরেরিব নদীরয়াঃ॥ 2-19-9 (12084)
সর্বমূর্ধাভিষিক্তানামেব মূর্ধ্নি জ্বলিষ্যতি।
প্রভাহরোঽয়ং সর্বেষাং জ্যোতিষামিব ভাস্করঃ॥ 2-19-10 (12085)
এনমাসাদ্য রাজানঃ সমৃদ্ধবলবাহনাঃ।
বিনাশমুপয়াস্যন্তি শলভা ইব পাবকম্॥ 2-19-11 (12086)
এষ শ্রিয়ঃ সমুদিতাঃ সর্বরাজ্ঞাং গ্রহীষ্যতি।
বর্ষাস্বিবোদীর্ণজলা নদীর্নদনদীপতিঃ॥ 2-19-12 (12087)
এষ ধারয়িত সম্যক্চাতুর্বর্ণ্যং মহাবলঃ।
শুভাং শুভবতীং স্ফীতাং সর্বসস্যধরাং ধরাম্॥ 2-19-13 (12088)
অস্যাজ্ঞাবশগাঃ সর্বে ভবিষ্যন্তি নরাধিপাঃ।
সর্বভূতাত্মভূতস্য বায়োরিব শরীরিণঃ॥ 2-19-14 (12089)
এষ রুদ্রং মহাদেবং ত্রিপুরান্তকরং হরম্।
সর্বলোকেষ্বতিবলঃ সাক্ষাদ্দ্রক্ষ্যতি মাগধঃ॥ 2-19-15 (12090)
এবং ব্রুবন্নেব মুনিঃ স্বকার্যমিব চিন্তয়ন্।
বিসর্জয়ামাস নৃপং বৃহদ্রথমথারিহন্॥ 2-19-16 (12091)
প্রবিশ্য নগরীং চাপি জ্ঞাতিসম্বন্ধিভির্বৃতঃ।
অভিষিচ্য জরাসন্ধং মগধাধিপতিস্তদা॥ 2-19-17 (12092)
বৃহদ্রথো নরপতিঃ পরাং নির্বৃতিমায়যৌ।
অভিষিক্তে জরাসন্ধে তদা রাজা বৃহদ্রথঃ।
পত্নীদ্বয়েনানুগতস্তপোবনচরোঽভবৎ॥ 2-19-18 (12093)
ততো বনস্থে পিতরি মাতৃভ্যাং সহ ভারত।
জরাসন্ধঃ স্ববীর্যেণ পার্থিবানকরোদ্বশে॥ 2-19-19 (12094)
অথ দীর্ঘস্য কালস্য তপোবনচরো নৃপঃ।
সভার্যঃ স্বর্গমগমত্তপস্তপ্ৎবা বৃহদ্রথঃ॥ 2-19-20 (12095)
জরাসন্ধোঽপি নৃপতির্যথোক্তং কৌশিকেন তৎ।
বরপ্রদানমখিলং প্রাপ্য রাজ্যমপালয়ৎ॥ 2-19-21 (12096)
হতে চৈব ময়া কংসে সহংসডিভিকে তদা।
জরাসন্ধস্য দুহিতা রোদতে পার্শ্বতঃ পিতুঃ।
জাতো বৈ বৈরনির্বন্ধো ময়াসীত্তত্র ভারত॥ 2-19-22 (12097)
ভ্রাময়িৎবা শতগুণমেকোনং যেন ভারত।
গদা ক্ষিপ্তা বলবতা মাগধেন গিরিব্রজাৎ॥ 2-19-23 (12098)
তিষ্ঠতো মথুরায়াং বৈ কুৎস্নস্যাদ্ভুতকর্মণঃ।
একোনয়োজনশতে সা পপাত গদা শুভা॥ 2-19-24 (12099)
দৃষ্ট্বা পৌরৈস্তদা সম্যগ্গদা চৈব নিবেদিতা।
গদাবসানং তৎখ্যাতং মথুরায়াঃ সমীপতঃ॥ 2-19-25 (12100)
তস্যাস্তাং হংসডিভিকাবশস্ত্রনিধনাবুভৌ।
মন্ত্রে মতিমতাং শ্রেষ্ঠৌ নীতিশাস্ত্রে বিশারদৌ॥ 2-19-26 (12101)
যৌ তৌ ময়া তে কথিতৌ পূর্বমেব মহাবলৌ।
ত্রয়স্ত্রয়াণাং লোকানাং পর্যাপ্তা ইতি মে মতিঃ॥ 2-19-27 (12102)
এবমেষ তদা বীর বলিভিঃ কুকুরান্ধকৈঃ।
বৃষ্ণিভিশ্চ মহারাজ নীতিহেতোরুপেক্ষিতঃ॥ ॥ 2-19-28 (12103)
ইতি শ্রীমন্মহাভারতে সভাপর্বণি মন্ত্রপর্বণি একোনবিংশোঽধ্যায়ঃ॥ 19॥
Mahabharata - Sabha Parva - Chapter Footnotes
2-19-16 আহ্নিকায় মহাতপাঃ ইতি ঘ. পাঠঃ॥সভাপর্ব - অধ্যায় 020
॥ শ্রীঃ ॥
2.20. অধ্যায়ঃ 020
Mahabharata - Sabha Parva - Chapter Topics
কৃষ্ণয়ুধিষ্ঠিরসংবাদানন্তরং ভীমার্জুনাভ্যাংসহ কৃষ্ণস্য মাগধপুরপ্রস্থানম্॥ 1॥Mahabharata - Sabha Parva - Chapter Text
বাসুদেব উবাচ॥
পতিতৌ হংসডিভিকৌ কংসশ্চ সগণো হতঃ।
জরাসন্ধস্য নিধনে কালোঽয়ং সমুপাগতঃ॥ 2-20-1 (12104)
ন শক্যোঽসৌ রণে জেতুং সর্বৈরপি সুরাসুরৈঃ।
প্রাণয়ুদ্ধেন জেতব্যঃ স ইত্যুপলভামহে॥ 2-20-2 (12105)
ময়ি নীতির্বলং ভীমে রক্ষিতা চাবয়োর্জয়ঃ।
মাগধং সাধয়িষ্যাম ইষ্টিং ত্রয় ইবাগ্নয়ঃ॥ 2-20-3 (12106)
ত্রিভিরাসাদিতোঽস্মাভির্বিজনে স নরাধিপঃ।
ন সন্দেহো যথা যুদ্ধমেকেনাপ্যুপয়াস্যতি॥ 2-20-4 (12107)
অবমানাচ্চ লোভাচ্চ বাহুবীর্যাচ্চ দর্পিতঃ।
ভীমসেনেন যুদ্ধায় ধ্রুবমপ্যুপয়াস্যতি॥ 2-20-5 (12108)
অলং তস্য মহাবাহুর্ভীমসেনো মহাবলঃ।
লোকস্য সমুদীর্ণস্য নিধনায়ান্তকো যথা॥ 2-20-6 (12109)
যদি ভীমবলং বেৎসি যদি তে প্রত্যযো ময়ি।
ভীমসেনার্জুনৌ শীঘ্রং ন্যাসভূতৌ প্রয়চ্ছ মে॥ 2-20-7 (12110)
বৈশম্পায়ন উবাচ॥ 2-20-8x (1413)
এবমুক্তো ভগবতা প্রত্যুবাচ যুধিষ্ঠিরঃ।
ভীমার্জুনৌ সমালোক্য সম্প্রহৃষ্টমুখৌ স্থিতৌ॥ 2-20-8 (12111)
যুধিষ্ঠর উবাচ। 2-20-9x (1414)
অচ্যুতাচ্যুত মামৈবং ব্যাহরামিত্রকর্শন।
পাণ্ডবানাং ভবান্নাথো ভবন্তং চাশ্রিতা বয়ম্॥ 2-20-9 (12112)
যথা বদসি গোবিন্দ সর্বং তদুপপদ্যতে।
নহি ৎবমগ্রতস্তেষাং যেষাং লক্ষ্মীঃ পরাঙ্মুখী॥ 2-20-10 (12113)
`যেষামভিমুখী লক্ষ্মীস্তেষাং কৃষ্ণ ৎবমগ্রতঃ'।
নিহতশ্চ জরাসন্ধো মোক্ষিতাশ্চ মহীক্ষিতঃ। 2-2--11c রাজসূয়শ্চ মে লব্ধো নিদেশে ৎব তিষ্ঠতঃ॥ 2-20-11 (12114)
ক্ষিপ্রমেব যথা ৎবেতৎকার্যং সমুপপদ্যতে।
অপ্রমত্তো জগন্নাথ তথা কুরু সমুপপদ্যতে। 2-20-12 (12115)
ত্রিভির্ভবদ্ভির্হি বিনা নাহং জীবিতুমুৎসহে।
ধর্মকামার্থরহিতো রোগার্ত ইব দুঃখিতঃ॥ 2-20-13 (12116)
ন শৌরিণা বিনা পার্থো ন শৌরিঃ পাণ্ডবং বিনা।
নাজেয়োস্ত্যনয়োঽর্লোকে কৃষ্ণয়োরিতি মে মতিঃ॥ 2-20-14 (12117)
অয়ং চ বলিনাং শ্রেষ্ঠঃ শ্রীমানপি বৃকোদরঃ।
যুবাভ্যাং সহিতো বীর কিং ন কুর্যান্মহায়শাঃ॥ 2-20-15 (12118)
সুপ্রণীতো বলৌঘো হি কুরুতে কার্যমুত্তমম্।
অন্ধং বলং জডং প্রাহুঃ প্রণেতব্যং বিচক্ষণৈঃ॥ 2-20-16 (12119)
যতো হি নিম্নং ভবতি নয়ন্তি হি ততো জলম্।
যতশ্ছিদ্রং ততশ্চাপি নয়ন্তে ধীবরা জলম্॥ 2-20-17 (12120)
তস্মান্নয়বিধানজ্ঞং পুরুষং লোকবিশ্রুতম্।
বয়মাশ্রিত্য গোবিন্দং যতামঃ কার্যসিদ্ধয়ে॥ 2-20-18 (12121)
এবং প্রজ্ঞানয়বলং ক্রিয়োপায়সমন্বিতম্।
পুরস্কৃর্বীত কার্যেষু কৃষ্ণকার্যার্থসিদ্ধয়ে॥ 2-20-19 (12122)
এবমেব যদুশ্রেষ্ঠ যাবৎকার্যাথিসিদ্ধয়ে।
অর্জুনঃ কৃষ্ণমন্বেতু ভীমোঽন্বেতু ধনঞ্জয়ম্।
নয়ো জয়ো বলং চৈব বিক্রমে সিদ্ধিমেষ্যতি॥ 2-20-20 (12123)
বৈশম্পায়ন উবাচ। 2-20-21x (1415)
এবমুক্তাস্ততঃ সর্বে ভ্রাতরো বিপুলৌজসঃ।
বার্ষ্ণেয়ঃ পাণ্ডবেয়ৌ চ প্রতস্থুর্মাগধং প্রতি॥ 2-20-21 (12124)
বর্চস্বিনাং ব্রাহ্মণানাং স্নাতকানাং পরিচ্ছদৈঃ।
আচ্ছাদ্য সুহৃদাং বাক্যৈর্মনোজ্ঞৈরভিনন্দিতাঃ॥ 2-20-22 (12125)
`মাধবঃ পাণ্ডবেয়ৌ চ প্রতস্থুর্ব্রতধারিণঃ'।
অমর্ষাদভিতপ্তানাং জ্ঞাত্যর্থং মুখ্যতেজসাম্।
রবিসোমাগ্নিবপুষাং দীপ্তমাসীত্তদা বপুঃ॥ 2-20-23 (12126)
ইতং মেনে জরাসন্ধং দৃষ্ট্বা ভীমপুরোগমৌ।
এককার্যসমুদ্যন্তৌ কৃষ্ণৌ যুদ্ধেঽপরাজিতৌ॥ 2-20-24 (12127)
ঈশৌ হিতৌ মহাত্মানৌ সর্বকার্যপ্রবর্তিনৌ।
ধর্মকামার্থলোকানাং কার্যাণাং চ প্রবর্তকৌ॥ 2-20-25 (12128)
কুরুভ্যঃ প্রস্থিতাস্তে তু মধ্যেন কুরুজাঙ্গলম্।
রম্যং পদ্মসরো গৎবা কালকূডমতীত্য চ॥ 2-20-26 (12129)
গণ্ডকীং চ মহাশোণং সদানীরাং তথৈব চ।
একপর্বতকে নদ্যঃ ক্রমেণৈত্যাব্রজন্ত তে॥ 2-20-27 (12130)
উত্তীর্য সরয়ূং রম্যাং দৃষ্ট্বা পূর্বাংশ্চ কোসলান্।
অতীত্য জগ্মুর্মিথিলাং মালাং চর্মণ্বতীং নদীম্॥ 2-20-28 (12131)
অতীত্য গঙ্গাং শোণং চ ত্রয়স্তে প্রাঙ্মুখাস্তদা।
কুশচীরচ্ছদা জগ্মুর্মাগধং ক্ষেত্রমচ্যুতাঃ॥ 2-20-29 (12132)
তে শশ্বদ্গোধনাকীর্ণমম্বুমন্তং শুভদ্রুমম্।
গোরথং গিরিমাসাদ্য দদৃশুর্মাগধং পুরম্॥ ॥ 2-20-30 (12133)
ইতি শ্রীমন্মহাভারতে সভাপর্বণি জরাসন্ধবধপর্বণি বিংশোঽধ্যায়ঃ॥ 20॥
Mahabharata - Sabha Parva - Chapter Footnotes
2-20-3 জয়োঽর্জুনঃ॥সভাপর্ব - অধ্যায় 021
॥ শ্রীঃ ॥
2.21. অধ্যায়ঃ 021
Mahabharata - Sabha Parva - Chapter Topics
জরাসন্ধসমীপং গতানাং শ্রীকৃষ্ণভীমার্জুনানাং জরাসন্ধেন সহ বিবাদঃ॥ 1॥Mahabharata - Sabha Parva - Chapter Text
বাসুদেব উবাচ॥
এষ পার্থ মহান্ভাতি পশুমান্নিত্যমম্বুমান্।
নিরাময়ঃ সুবেশ্মাঢ্যো নিবেশো মাগধঃ শুভঃ॥ 2-21-1 (12134)
বৈহারো বিপুলঃ শৈলো বারাহো বৃষভস্তথা।
তথা ঋষিগিরিস্তাত শুভাশ্চৈত্যকপঞ্চমাঃ॥ 2-21-2 (12135)
এতে পঞ্চমহাশৃঙ্গাঃ পর্বতাঃ শীতলদ্রুমাঃ।
রক্ষন্তীবাভিসংহত্য সংহতাঙ্গা গিরিব্রজম্॥ 2-21-3 (12136)
পুষ্পবেষ্টিতশাখাগ্রৈর্গন্ধবদ্ভির্মনোহরৈঃ।
নিগূঢা ইব লোধ্রাণাং বনৈঃ কামিজনপ্রিয়ৈঃ॥ 2-21-4 (12137)
`যত্র দীর্ঘতমা নাম ঋষিঃ পরমন্ত্রিতঃ'।
শূদ্রায়াং গৌতমো যত্র মহাত্মা সংশিতব্রতঃ।
ঔশীনর্যামজনয়ৎকাক্ষীবাদ্যান্সুতান্মুনিঃ॥ 2-21-5 (12138)
গৌতমঃ প্রণয়াত্তস্মাদ্যথাঽসৌ তত্র সদ্মনি।
ভজতে মাগধং বংশং স নৃপাণামনুগ্রহঃ। 2-21-6 (12139)
অঙ্গবঙ্গাদয়শ্চৈব রাজানঃ সুমহাবলাঃ।
গৌতমক্ষয়মভ্যেত্য রমন্তে স্ম পুরার্জুন॥ 2-21-7 (12140)
বনরাজীস্তু পশ্যেমাঃ পিপ্লানাং মনোরমাঃ।
লোঘ্রাণাং চ শুভাঃ পার্থ গৌতমৌকঃ সমীপজাঃ॥ 2-21-8 (12141)
অর্বুদঃ শক্রবাপী চ পন্নগৌ শত্রুতাপনৌ।
স্বস্তিকস্যালয়শ্চাত্র মণিনাগস্য চোত্তমঃ॥ 2-21-9 (12142)
অপারিহার্যা মেঘানাং মাগধা মনুনা কৃতাঃ।
কৌশিকো মণিমাংশ্চৈব চক্রাতে চাপ্যনুগ্রহম্॥ 2-21-10 (12143)
`পাণ্ডরে বিপুলে চৈব তথা বারাহকেঽপি চ।
চৈত্যকে চজ গিরিশ্রেষ্ঠে মাদঙ্গে চ শিলোচ্চয়ে॥ 2-21-11 (12144)
এতেষু পর্বতেন্দ্রেষু সর্বসিদ্ধসমালয়াঃ।
যতীনামাশ্রমাশ্চৈব মুনীনাং চ মহাত্মনাম্॥ 2-21-12 (12145)
বৃষভস্য তমালস্য মহাবীর্যস্য বৈ তথা।
গন্ধর্বরক্ষসাং চৈব নাগানাং চ তথাঽঽলয়াঃ॥ 2-21-13 (12146)
কক্ষীবতস্তপোবীর্যাত্তপোদা ইতি বিশ্রুতাঃ।
পুণ্যতীর্থাশ্চ তে সর্বে সিদ্ধানাং চৈব কীর্তিতাঃ।
মণেশ্চ দর্শনাদেব ভদ্রং শিবমবাপ্নুয়াৎ'॥ 2-21-14 (12147)
এবং প্রাপ্য পুরং রম্যং দুরাধর্পং সমন্ততঃ॥
অর্থসিদ্ধিং ৎবনুপমাং জরাসন্ধোঽভিমন্যতে॥ 2-21-15 (12148)
বয়মাসাদনে তস্য দর্পমদ্য হরেম হি। 2-21-16 (12149)
বৈশম্পায়ন উবাচ।
এবমুক্ৎবা ততঃ সর্বে ভ্রাতরো বিপুলৌজসঃ॥ 2-21-16x (1416)
বার্ষ্ণেয়ঃ পাণ্ডবৌ চৈব প্রতস্থুর্মাগধং পুরম্।
হৃষ্টপুষ্টজনোপেতং চাতুর্বর্ণ্যসমাকুলম্॥ 2-21-17 (12150)
স্ফীতোৎসবমনাধৃষ্যমাসেদুশ্চ গিরিব্রজতম্।
ততো দ্বারমনাসাদ্য পুরস্য গিরিমুচ্ছ্রিতম্॥ 2-21-18 (12151)
বার্হদ্রথৈঃ পূজ্যমানং তথা নগরবাসিভিঃ।
মাগধানাং তু রুচিরং চৈত্যকান্তরমাদ্রবন্॥ 2-21-19 (12152)
যত্র মাংসাদমৃষভমাসসাদ বৃহদ্রথঃ।
তং হৎবা মাসতালাভিস্তিস্রো ভেরীকারয়ৎ॥ 2-21-20 (12153)
স্বপুরে স্থাপয়ামাস তেন চানহ্য চর্মণা।
যত্র তাঃ প্রাণদন্ভের্যো দিব্যপুষ্পাবচূর্ণিতাঃ॥ 2-21-21 (12154)
ভঙ্ক্ৎবা ভেরীত্রয়ং তেঽপি চৈত্যপ্রাকারমাদ্রবন্।
দ্বারতোঽভিমুখাঃ সর্বে যয়ুর্নানায়ুধাস্তধা॥ 2-21-22 (12155)
মাগধানাং সুরুচিরং চৈত্যকং তং সমাদ্রবন্।
শিরসীব সমাঘ্নন্তো জরাসন্ধং জিঘাংস্বঃ॥ 2-21-23 (12156)
স্থিরং সুবিপুলং শৃঙ্গং সুমহত্তৎপুরাতনম্।
অর্চিতং গন্ধমাল্যৈশ্চ সততং সুপ্রতিষ্ঠিতম্॥ 2-21-24 (12157)
বিপুলৈর্বাহুভির্বীরস্তেঽভিহত্যাভ্যপাতয়ন্।
ততস্তে মাগধং হৃষ্টাঃ পুরং প্রবিবিশুস্তদা॥ 2-21-25 (12158)
এতস্মিন্নেব কালে তু ব্রাহ্মণা বেদপারগাঃ।
দৃষ্ট্বা তু দুর্নিমিত্তানি জরাসন্ধমদর্শয়ন্॥ 2-21-26 (12159)
পর্যুগ্ন্যকুর্বংশ্চ নৃপং দ্বিরদস্থং পুরোহিতাঃ।
ততস্তচ্ছান্তয়ে রাজা জরাসন্ধঃ প্রতাপবান্।
দীক্ষিতো নিয়মস্থোঽসাবুপবাসপরোঽভবৎ॥ 2-21-27 (12160)
স্নাতকব্রতিনস্তে তু বাহুশস্ত্রা নিরায়ুধাঃ।
যুয়ুৎসবঃ প্রবিবিশুর্জরাসন্ধেন ভারত॥ 2-21-28 (12161)
ভক্ষ্যমাল্যাপণানাং চ দদৃশুঃ শ্রিয়মুত্তমাম্।
স্ফীতাং সর্বগুণোপেতাং সর্বকামসমৃদ্ধিনাম্॥ 2-21-29 (12162)
তাং তু দৃষ্ট্বা সমৃদ্ধিং তে বীথ্যাং তস্যাং নরোত্তমাঃ।
রাজমার্গেণ গচ্ছন্তঃ কৃষ্ণভীমধনঞ্জয়াঃ।
বলাদ্গৃহীৎবা মাল্যানি মালাকারান্মহাবলাঃ॥ 2-21-30 (12163)
`কর্পূরশৃঙ্গং কোষ্ঠং চ সফলং চান্তরাপণে।
বৈশ্যাদ্বলাদ্গৃহীৎবা তে বিহৃত্য চ মহারথাঃ'॥ 2-21-31 (12164)
বিরাগবসনাঃ সর্বে স্রগ্বিণো মৃষ্টকুণ্ডলাঃ।
নিবেশনমথাজগ্মুর্জরাসন্ধস্য ধীমতঃ॥ 2-21-32 (12165)
গোবাসমিব বীক্ষন্তঃ সিংহা হৈমবতা যথা।
শালস্তম্ভনিভাস্তেষাং চন্দনাগুরুরূষিতাঃ॥ 2-21-33 (12166)
অশোভন্ত মহারাজ বাহবো যুদ্ধশালিনাম্।
তান্দৃষ্ট্বা দ্বিরদপ্রখ্যাঞ্শালস্কন্দানিবোদ্গতান্॥ 2-21-34 (12167)
ব্যূঢোরস্কান্মাগধানাং বিস্ময়ঃ সমপদ্যত।
`অদ্বারেণাভ্যবস্কন্দ্য বিবিশুর্মাগধালয়ম্'॥ 2-21-35 (12168)
তে ৎবতীত্য জনাকীর্ণাঃ কক্ষাস্তিস্রো নরর্ষভাঃ।
অহঙ্কারেণ রাজানমুপতস্থুর্গতব্যথাঃ॥ 2-21-36 (12169)
`ভো শব্দেনৈব রাজানমুচুস্তে তু মহারথাঃ'।
তান্পাদ্যমধুপর্কার্হান্গবার্হান্সৎকৃতিং গতান্।
প্রত্যুত্থায় জরাসন্ধ উপতস্থে যথাবিধি॥ 2-21-37 (12170)
উবাচ চৈতান্রাজাঽসৌ স্বাগতং বোস্ৎবিতি প্রভুঃ।
মৌনমাসীত্তদা পার্থভীময়োর্জনমেজয়॥ 2-21-38 (12171)
তেষাং মধ্যে মহাবুদ্ধিঃ কৃষ্ণো বচনমব্রবীৎ।
বক্তুং নায়াতি রাজেন্দ্র এতয়োর্নিয়মস্থয়োঃ॥ 2-21-39 (12172)
অর্বাঙ্নিশীথাৎপরতস্ৎবায়া সার্ধং বদিষ্যতঃ।
যজ্ঞাগারে স্থাপয়িৎবা রাজা রাজগৃহং বদিষ্যতঃ। 2-21-40 (12173)
ততোঽর্ধরাত্রে সম্প্রাপ্তে যাতো যত্র স্থিতা দ্বিজাঃ।
তস্য হ্যেতদ্ব্রতং রাজন্বভূব ভুবি বিশ্রুতম্॥ 2-21-41 (12174)
স্নাতকান্ব্রাহ্মণান্প্রাপ্তাঞ্শ্রুৎবা স সমিতিঞ্জয়ঃ।
অপ্যর্ধরাত্রে নৃপতিঃ প্রত্যুদ্গচ্ছতি ভারত॥ 2-21-42 (12175)
তাংস্ৎবপূর্বেণ বেষেণ দৃষ্ট্বা স নৃপসত্তমঃ।
উপতস্থে জরান্ধো বিস্মিতশ্চাভবত্তদা॥ 2-21-43 (12176)
তে তু দৃষ্ট্বৈব রাজানং জরাসন্ধং নরর্ষভাঃ।
ইদমূচুরমিত্রঘ্নাঃ সর্বে ভরতসত্তম॥ 2-21-44 (12177)
স্বস্ত্যস্তু কুশলং রাজন্নিতি তত্র ব্যবস্থিতাঃ।
তং নৃপং নৃপশার্দূল প্রেক্ষমাণাঃ পরস্পরম্॥ 2-21-45 (12178)
তানব্রবীঞ্জরাসন্ধস্তথা পাণ্ডবয়াদবান্।
আস্যতামিতি রাজেন্দ্র ব্রাহ্মণচ্ছদ্মসংবৃতান্॥ 2-21-46 (12179)
অথোপবিবিশুঃ সর্বে ত্রয়স্তে পুরুষর্ষভাঃ।
সম্প্রদীপ্তাস্ত্রয়ো লক্ষ্ম্যা মহাধ্বর ইবাগ্নয়ঃ॥ 2-21-47 (12180)
তানুবাচ জরাসন্ধঃ সত্যসন্ধো নরাধিপঃ।
বিগর্হমাণঃ কৌরব্য বেষগ্রহণবৈকৃতান্॥
ন স্নাতকব্রতা বিপ্রা বহির্মাল্যানুলেপনাঃ॥ 2-21-48 (12181)
ভবন্তীতি নৃলোকেঽস্মিন্বিদিতং মম সর্বশঃ।
কে যূয়ং পুষ্পবন্তশ্চ ভুজৈর্জ্যাকৃতলক্ষণৈঃ॥ 2-21-49 (12182)
বিভ্রতঃ ক্ষাত্রমোজশ্চ ব্রাহ্মণ্যং প্রতিজানথ।
এবং বিরাগবসনা বহির্মাল্যানুলেপনাঃ॥ 2-21-50 (12183)
` ক্ষত্রিয়া এব লোকেঽস্মিন্বিদিতা মম সর্বশঃ'॥
সত্যং বদত কে যূয়ং সত্যং রাজসু শোভতে॥ 2-21-51 (12184)
চৈত্যকস্য গিরেঃ শৃঙ্গং ভিত্ৎবা কিমিহ সদ্মনি।
অদ্বারেণ প্রবিষ্টাঃ স্থ নির্ভয়া রাজকিল্বিষাৎ॥ 2-21-52 (12185)
বদধ্বং বাচি বীর্যং চ ব্রাহ্মণস্য বিশেষতঃ।
কর্ম চৈতদ্বিলিঙ্গস্থং কিং বোঽদ্য প্রসমীক্ষিতম্॥ 2-21-53 (12186)
এবং চ মামুপাস্থায় কস্মাচ্চ বিধির্নাহণাম্।
প্রণীতাং নানুগৃহ্ণীত কার্যং কিং বাঽস্মদাগমে॥ 2-21-54 (12187)
বৈশম্পায়ন উবাচ। 2-21-55x (1417)
এবমুক্তে ততঃ কৃষ্ণঃ প্রত্যুবাচ মহামনাঃ।
স্নিগ্ধগমভীরয়া বাচা বাক্যং বাক্যবিশারদঃ॥ 2-21-55 (12188)
কৃষ্ণ উবাচ। 2-21-56x (1418)
স্নাতকান্ব্রাহ্মণান্রাজন্বিদ্ধ্যস্মাংস্ৎবং নরাধিপ।
স্নাতকব্রতিনো রাজন্ব্রাহ্মণাঃ ক্ষত্রিয়া বিশঃ॥ 2-21-56 (12189)
বিশেষনিয়মাশ্চৈষামবিশেষাশ্চ সন্ত্যুত।
বিশেষবাংশ্চ সততং ক্ষত্রিয়ঃ শ্রিয়মৃচ্ছতি॥ 2-21-57 (12190)
পুষ্পবৎসু ধ্রুবা শ্রীশ্চ পুষ্পবন্তস্ততো বয়ম্।
ক্ষত্রিয়ো বাহুবীর্যস্তু ন তথা বাক্যবীর্যবান্॥
অম্প্রগল্ভং বচস্তস্য তস্মাদ্বার্হদ্রথেরিতম্॥ 2-21-58 (12191)
স্ববীর্যং ক্ষত্রিয়াণাং তু বাহ্বোর্ধাতা ন্যবেশয়ৎ।
তদ্দিদৃক্ষসি চেদ্রাজন্দ্রষ্টাস্যদ্য ন সংশয়টঃ॥ 2-21-59 (12192)
অদ্বারেণ রিম্পোর্গেহং দ্বারেণ সুহৃদো গৃহান্।
প্রবিশন্তি নরা ধীরা দ্বারাণ্যেতানি ধর্মতঃ॥ 2-21-60 (12193)
কার্যবন্তো গৃহানেত্য শত্রুতো নার্হণাং বয়ম্।
প্রতিগৃহ্ণীম্ তদ্বিদ্বি এতন্নঃ শাশ্বতং ব্রতম্॥ ॥ 2-21-61 (12194)
ইতি শ্রীমন্মহাভারতে সভাপর্বণি জরাসন্ধবধপর্বণি একবিংশোঽধ্যায়ঃ॥ 21॥
সভাপর্ব - অধ্যায় 022
॥ শ্রীঃ ॥
2.22. অধ্যায়ঃ 022
Mahabharata - Sabha Parva - Chapter Topics
কৃষ্ণজরাসন্ধয়োর্বিবাদানন্তরং জরাসন্ধস্য যুদ্ধোদ্যমঃ॥ 1॥Mahabharata - Sabha Parva - Chapter Text
জরাসন্ধ উবাচ।
ন স্মরামি কদা বৈরং কৃতং যুষ্মাভিরিত্যুত।
চিন্তয়ংশ্চ ন পশ্যামি ভবতাং প্রতি বৈকৃতম্॥ 2-22-1 (12195)
বৈকৃতে বা সতি কথং মন্যধ্বং মামনাগসম্।
অরিং বৈ ব্রূত হে বিপ্রাঃ সতাং সময় এষ হি॥ 2-22-2 (12196)
অর্থধর্মোপঘাতাদ্ধি মনঃ সমুপতপ্যতে।
যোঽনাগসি প্রসজতি ক্ষত্রিয়ো হি ন সংশয়টঃ॥ 2-22-3 (12197)
অতোঽন্যথা চরঁল্লোকে ধর্মজ্ঞঃ সন্মহারথঃ।
বৃজিনাং গতিমাপ্নোতি শ্রেয়সোঽপ্যুপহন্তি চ॥ 2-22-4 (12198)
ত্রৈলোক্যে ক্ষত্রধর্মো হি শ্রেয়ান্বৈ সাধুচারিণাম্।
নান্যং ধর্মং প্রশংসন্তি যে চ ধর্মবিদো জনাঃ॥ 2-22-5 (12199)
তস্য মেঽদ্য স্থিতস্যেহ স্বধর্মে নিয়তাত্মনঃ।
অনাগসং প্রজানাং চ প্রমাদাদিব জল্পথ॥ 2-22-6 (12200)
কৃষ্ণ উবাচ। 2-22-7x (1419)
কুলকার্যং মহাবাহো কশ্চিদেকঃ কুলোদ্বহঃ।
বহতে যস্তন্নিয়োগাদ্বয়মভ্যুদ্যতাস্ৎবয়ি॥ 2-22-7 (12201)
ৎবয়া চোপহৃতা রাজন্ক্ষত্রিয়া লোকবাসিনঃ।
তদাগঃ ক্রূরমুৎপাদ্য মন্যসে কিমনাগসম্॥ 2-22-8 (12202)
রাজা রাজ্ঞঃ কথং সাধূন্হিংস্যান্নৃপতিসত্তম।
তদ্রাজ্ঞঃ সন্নিগৃহ্য ৎবং রুদ্রায়োপজিহীর্ষসি॥ 2-22-9 (12203)
অস্মাংস্তদেনোপগচ্ছেৎকৃতং বার্হদ্রথ ৎবয়া।
বয়ং হিং শক্তা ধর্মস্য রক্ষণে ধর্মচারিণঃ॥ 2-22-10 (12204)
`তস্মাদদ্যোপগচ্ছামস্তব বার্হদ্রথান্তিকম্'।
মনুষ্যাণাং সমালম্ভো ন চ দৃষ্টঃ কদাচন।
স কথং মানুষৈর্দেবং যষ্টুমিচ্ছসি শঙ্করম্॥ 2-22-11 (12205)
সবর্ণো হি সবর্ণানাং পশুসঞ্জ্ঞাং করিষ্যসি।
কোঽন্যং এবং যথা হি ৎবং জরাসন্ধ বৃথামতিঃ॥ 2-22-12 (12206)
যস্যাং যস্যামবস্থায়াং যদ্যৎকর্ম করোতি যঃ।
তস্যাং তস্যামবস্থায়াং তৎফলং সমবাপ্নুয়াৎ॥ 2-22-13 (12207)
তে ৎবাং জ্ঞাতিক্ষয়করং যমমার্তানুসারিণঃ।
জ্ঞাতিবৃদ্ধিনিমিত্তার্থং বিনিহন্তুমিহাগতাঃ॥ 2-22-14 (12208)
নাস্তি লোকে পুমানন্যঃ ক্ষত্রিয়োষ্বিতি চৈব তৎ।
মন্যসে স চ তে রাজন্সুমহান্বুদ্ধিবিপ্লবঃ॥ 2-22-15 (12209)
কো হি জানন্নভিজনমাত্মবান্ক্ষত্রিয়ো নৃপ।
নাবিশেৎস্বর্গমতুলং রণানন্তরমব্যযম্॥ 2-22-16 (12210)
স্বর্গং হ্যেব সমাস্থায় রণয়জ্ঞেষু দীক্ষিতাঃ।
জয়ন্তি ক্ষত্রিয়া লোকাংস্তদ্বিদ্ধি মনুজর্ষভ॥ 2-22-17 (12211)
স্বর্গয়োনির্মহদ্ব্রহ্ম স্বর্গয়োনির্মহদ্যশঃ।
স্বর্গং যোনিস্তপো যুদ্ধে মৃত্যুঃ সোঽব্যভিচারবান্॥ 2-22-18 (12212)
এষ হ্যৈন্দ্রো বৈজয়ন্তো গুণৈর্নিত্যং সমাহিতঃ।
যেনাসুরান্পরাজিত্য জগৎপাতি শতক্রতুঃ॥ 2-22-19 (12213)
স্বর্গমার্গায় কস্য স্যাদ্বিগ্রহো বৈ যথা তব।
মাগধৈর্বিপুলৈঃ সৈন্যৈর্বাহুল্যবলদর্পিতঃ॥ 2-22-20 (12214)
মাঽবমংস্থাঃ পরান্রাজন্নাস্তি বীর্যং নরে নরে।
সমং চেজস্ৎবয়া চৈব বিশিষ্টং বা নরেশ্বর॥ 2-22-21 (12215)
যাবদেতদসম্বুদ্ধং তাবদেব ভবেত্তব।
বিষহ্যমেতদস্মাকমতো রাজন্ব্রবীমি তে॥ 2-22-22 (12216)
জহি ৎবং সদৃশেষ্বেব মানং দর্পং চ মাগধ।
মা গমঃ সসুতামাত্যঃ সবলশ্চ যমক্ষয়ম্॥ 2-22-23 (12217)
দম্ভোদ্ভবঃ কার্তবীর্য উত্তরশ্চ বৃহদ্রথঃ।
শ্রেয়সো হ্যবমত্যেহ বিনেশুঃ সবলা নৃপাঃ॥ 2-22-24 (12218)
যুয়ুক্ষমাণাস্ৎবত্তো হি ন বয়ং ব্রাহ্মণা ধ্রুবম্।
শৌরিরস্মি হৃষীকেশো নৃবীরৌ পাণ্ডবাবিমৌ।
অনয়োর্মাতুলেয়ং চ কৃষ্ণং মাং বিদ্ধি তে রিপুম্॥ 2-22-25 (12219)
ৎবামাহ্বয়ামহে রাজন্স্থিরো যুধ্বস্ব মাগধ।
মুচ্ছ বা নৃপতীন্সর্বান্ গচ্ছ বা ৎবং যমক্ষয়ম্॥ 2-22-26 (12220)
` বৈশম্পায়ন উবাচ॥ 2-22-27x (1420)
এতচ্ছ্রুৎবা জরাসন্ধঃ ক্রুদ্ধো বচনমব্রবীৎ॥ 2-22-27 (12221)
নাহং কংসঃ প্রলম্বো বা ন বাণো ন চ মুষ্টিকঃ।
নরকো নেন্দ্রতপনো ন কেশী ন চ পূতনা॥ 2-22-28 (12222)
ন কালয়বনো বাঽপি যে ৎবয়া নিহতা যুধি।
ৎবং তু গোপকুলোৎপন্নো জাতিং বৈ পৌর্বিকীং স্মর॥ 2-22-29 (12223)
যোঽস্মদ্ভয়াদতিক্রম্য সাগরানূপমাশ্রিতঃ।
জন্মভূমিং পরিত্যজ্য মধুরাং প্রাকৃতো যথা॥ 2-22-30 (12224)
সোঽধুনা কত্থসে শৌরে শরদীব যথা ঘনঃ।
অদ্যানৃণ্যং করিষ্যামি ভোজরাজস্য ধীমতঃ॥ 2-22-31 (12225)
জামাতুরৌগ্রসেনস্য ৎবাং নিহত্যাদ্য মাধব।
চিরকাঙ্ক্ষিতো মে সঙ্গ্রামস্ৎবাং হন্তুং সমুহৃদ্গুণম্॥ 2-22-32 (12226)
দিষ্ট্যা মে সফলো যত্নঃ কৃতো দেবৈঃ সবাসবৈঃ।
ক্লীবাবিমৌ চ গোবিন্দ ভীমসেনার্জুনাবুভৌ॥ 2-22-33 (12227)
হিংস্যাসি যুধি বিক্রম্য সিংহঃ ক্ষুদ্রমৃগাবিব। 2-22-34 (12228)
বৈশম্পায়ন উবাচ॥
তস্য রোষাভিভূতস্য জরাসন্ধস্য গর্জতঃ॥ 2-22-34x (1421)
সর্বভূতানি বিত্রেমুষে তত্রাসন্সমাগতাঃ। 2-22-35 (12229)
শ্রীভগবানুবাচ॥
কিং গর্জসি জরাসন্ধ কর্মণা তৎসমাচর॥ 2-22-35x (1422)
মম নির্দেশকর্তৃভ্যাং পাণ্ডবাভ্যাং নৃপাধম।
সমাত্যং সসুতং চাদ্য ঘাতয়িষ্যাম্যহং রণে।
ন কথঞ্চন জীবন্বৈ প্রবেক্ষ্যসি পুরোত্তমম্'॥ 2-22-36 (12230)
জরাসন্ধ উবাচ। 2-22-37x (1423)
নাজিতান্বৈ নরপতীনহমাদদ্মি কাশ্চন।
অজিতঃ পর্যবস্থাতা কোঽত্র যো ন ময়া জিতঃ॥ 2-22-37 (12231)
ক্ষত্রিয়স্যৈতদেবাহুর্ধর্ম্যং কৃষ্ণোপজীবনম্।
বিক্রম্য বশমানীয় কামতো যৎসমাচরেৎ॥ 2-22-38 (12232)
দেবাতার্থমুপাহৃত্য রাজ্ঞঃ কৃষ্ণ কথং ভয়াৎ।
অহমদ্য বিমুচ্যেয়ং ক্ষাত্রং ব্রতমনুস্মরন্॥ 2-22-39 (12233)
সৈন্যং সৈন্যেন ব্যূঢেন এক একেন বা পুনঃ।
দ্বাভ্যাং ত্রিভির্বা যোৎস্যেঽহং যুগৎপৃথগেব বা॥ 2-22-40 (12234)
বৈশম্পায় উবাচ। 2-22-41x (1424)
এবমুক্ৎবা জরাসন্ধঃ সহদেবাভিষেচনম্।
অজ্ঞাপয়ত্তদা রাজা যয়ুৎসুর্ভীমকর্মভিঃ॥ 2-22-41 (12235)
স তু সেনাপতিং রাজা সস্মার ভরতর্ষভ।
কৌশিকং চিত্রসেনং চ তস্মিন্যুদ্ধ উপস্থিতে॥ 2-22-42 (12236)
যয়োস্তে নামনী রাজন্হংসেতি ডিবিকেতি চ।
পূর্বং সঙ্কথিতে পুম্ভির্নৃলোকে লোকসৎকৃতে॥ 2-22-43 (12237)
তং তু রাজন্বিভুঃ শৌরী রাজানং বলিনাং বরম্।
স্মৃৎবা পুরুষশার্দূলঃ শার্দূলসমবিক্রমম্॥ 2-22-44 (12238)
সত্যসন্ধো জরাসন্ধং ভুবি ভীমপরাক্রমম্।
ভাগমন্যস্য নির্দিষ্টমবধ্যং মধুর্ভির্মৃধেঃ॥ 2-22-45 (12239)
নাত্মনাঽঽত্মবতাং মুখ্য ইয়েষ মধুসূদনঃ।
ব্রাহ্মীমাজ্ঞাং পুরস্কৃত্য হন্তুং হলধরানুজঃ॥ ॥ 2-22-46 (12240)
ইতি শ্রীমন্মহাভারতে সভাপর্বণি জরাসন্ধবধপর্বণি দ্বাবিংশোঽধ্যায়ঃ॥ 2॥
Mahabharata - Sabha Parva - Chapter Footnotes
2-22-45 মধুভির্যাদবৈঃ। ষ্টং বধ্য মৎবা তদাচ্যুতঃ ইতি পাঠঃ॥সভাপর্ব - অধ্যায় 023
॥ শ্রীঃ ॥
2.23. অধ্যায়ঃ 023
Mahabharata - Sabha Parva - Chapter Topics
কৃষ্ণজরাসন্ধয়োর্দ্বেষকারণকথনম্॥ 1॥Mahabharata - Sabha Parva - Chapter Text
জনমেজয় উবাচ।
কিমর্থং বৈরিণাবাস্তামুভৌ তৌ কৃষ্ণমাগধৌ।
কথং চ নির্জিতঃ সঙ্খ্যে জরাসন্ধেন মাধবঃ॥ 2-23-1 (12241)
কশ্চ কংসো মাগধস্য যস্য হেতোঃ স বৈরবান্।
এতদাচক্ষ্ব মে সর্বং বৈশম্পায়ন তৎবতঃ॥ 2-23-2 (12242)
বৈশম্পায়ন উবাচ॥ 2-23-3x (1425)
যাদবানামন্ববায়ে বসুদেবো মহামতিঃ।
উদপদ্যত বার্ষ্ণেয়ো হ্যুগ্রসেনস্য মন্ত্রভৃৎ॥ 2-23-3 (12243)
উগ্রসেনস্য কংসস্তু বভূব বলবান্সুতঃ।
জ্যেষ্ঠো বহূনাং কৌরব্য সর্বশস্ত্রবিশারদঃ॥ 2-23-4 (12244)
জরাসন্ধস্য দুহিতা তস্য ভার্যাঽতিবিশ্রুতা।
রাজ্যশুক্লেন দত্তা সা জরাসন্ধেন ধীমতা॥ 2-23-5 (12245)
তদর্থমুগ্রসেনস্য মধুরায়াং সুতস্তদা।
অভিষিক্তস্তদাঽমাত্যৈঃ স বৈ তীব্রপরাক্রমঃ॥ 2-23-6 (12246)
ঐশ্বর্যবলমত্তস্তু স তদা বলমোহিতঃ।
নিগৃহ্য পিতরং ভুঙ্ক্তে তদ্রাজ্যং মন্ত্রিভিঃ সহ॥ 2-23-7 (12247)
বসুদেবস্য তৎকৃত্যং ন শৃণোতি স মন্দধীঃ।
ত তেন সহ তদ্রাজ্যং ধর্মতঃ পর্যপালয়ৎ॥ 2-23-8 (12248)
প্রীতিমান্স তু দৈত্যেন্দ্রো বসুদেবস্য দেবকীম্।
উবাহ ভার্যা স তদা দুহিতা দেবকস্য যা॥ 2-23-9 (12249)
তস্যামুদ্বাহ্যমানায়াং রথেন জনমেজয়।
উপারুরোহ বার্ষ্ণেয়ং কংসো ভূমিপতিস্তদা॥ 2-23-10 (12250)
ততোঽন্তরিক্ষে বাগাসীদ্দেবদূতস্য কস্যচিৎ।
বসুদেবশ্চ শুশ্রাব তাং বাচং পার্থিবশ্চ সঃ॥ 2-23-11 (12251)
যামেতাং বহমানোঽদ্য কংসোদ্বহসি দেবকীম্।
অস্যা যশ্চাষ্টমো গর্ভঃ স তে মৃত্যুর্ভবিষ্যতি॥ 2-23-12 (12252)
সোঽবতীর্য ততো রাজা খড্গমুদ্ধৃত্য নির্মলম্।
ইয়েষ তস্যা মূর্ধানং ছেত্তুং পরমদুর্মতিঃ॥ 2-23-13 (12253)
সান্ৎবয়ন্স তদা কংসং হসন্কোধবশানুগম্।
রাজন্ননুনয়ামাস বসুদেবো মহামতিঃ॥ 2-23-14 (12254)
অহিংস্যাং প্রমদামাহুঃ সর্বধর্মেষু পার্থিব।
অকস্মাদবলাং নারীং হন্তাসীমামনাগসীম্॥ 2-23-15 (12255)
যচ্চ তেঽত্র ভয়ং রাজঞ্শক্যতে বাধিতুং ৎবয়া।
ইয়ং শক্যা পালয়িতুং সময়ং চৈব রক্ষিতুম্॥ 2-23-16 (12256)
অস্যাস্ৎবমষ্টমং গর্ভং জাতমাত্রং মহীপতে।
বিধ্বংসয় তদা প্রাপ্তমেবং পরিহৃতং ভবেৎ॥ 2-23-17 (12257)
এবং স রাজা কথিতো বসুদেবেন ভারত।
তস্য তদ্বচনং চকে শূরসেনপতিস্তদা॥ 2-23-18 (12258)
ততস্তস্যাং সম্বভূবুঃ কুমারাঃ সূর্যবর্চসঃ।
জাতাঞ্চাতাংস্তু তান্সর্বাঞ্জঘান মধুরেশ্বরঃ॥ 2-23-19 (12259)
অথ তস্যাং সমভবদ্বলদেবস্তু সত্তমঃ।
যাম্যতা মায়যা তং তু যমো রাজা বিশাম্পতে॥ 2-23-20 (12260)
দেবক্যা গর্ভমতুলং রোহিণ্যা জঠরেঽক্ষিপৎ।
আকৃষ্য কর্ষণাৎসম্যক্সঙ্কর্ষণং ইতি স্মৃতঃ॥ 2-23-21 (12261)
বলশ্রেষ্ঠতয়া তস্য বলদেব ইতি স্মৃতঃ।
পুনস্তস্যাং সমভবদষ্টমো মধুমূদনঃ॥ 2-23-22 (12262)
তস্য গর্ভস্য রক্ষাং তু স চক্রেঽভ্যধিকং নৃপঃ।
ততঃ কালে রক্ষণার্থং বসুদেবস্য তৎবতঃ॥ 2-23-23 (12263)
উগ্রঃ প্রয়ুক্তঃ কংসেন সচিবঃ ক্রূরকর্মকৃৎ॥ 2-23-24 (12264)
জাতমাত্রং বাসুদেবমথাকৃষ্য পিতা ততঃ।
উপজহ্রে পরিক্রীতাং সুতাং গোপস্য কস্যচিৎ॥ 2-23-25 (12265)
অমৃষ্যমাণস্তং শব্দং দেবদূতস্য পার্থিবঃ।
বাসুদেবং মহাত্মানমর্পয়ামাস গোকুলে॥ 2-23-26 (12266)
বাসুদেবোপি গোপেষু ববৃধেঽব্জমিবাম্ভসি।
অজ্ঞায়মানঃ কংসেন গূঢোঽগ্নিরিব দারুষু॥ 2-23-27 (12267)
বিপ্রচকে তদা সর্বান্বল্লবান্মধুরেশ্বরঃ।
বর্ধমানো মহাবাহুস্তেজোবলসমন্বিতঃ॥ 2-23-28 (12268)
ততস্তে ক্লিশ্যমানাস্তু পুণ্ডরীকাক্ষমচ্যুতম্।
ভয়েন কামাদপরে গণশঃ পর্যবারয়ন্॥ 2-23-29 (12269)
স তু লব্ধ্বা বলং রাজন্নুগ্রসেনস্য সংমতঃ।
বসুদেবাত্মজঃ সর্বৈর্ভ্রাতৃভিঃ সহিতং পুনঃ॥ 2-23-30 (12270)
নির্জিত্য যুধি ভোজেন্দ্রং হৎবা কংসং মহাবলঃ।
অভ্যষিঞ্চত্ততো রাজ্য উগ্রসেনং বিশাম্পতে॥ 2-23-31 (12271)
ততঃ শ্রুৎবা জরাসন্ধো মাধবেন হতং যুধি।
শূরসেনাধিপং চক্রে কংসপুত্রং তদা নৃপ॥ 2-23-32 (12272)
সসৈন্যং মহদুত্থাপ্য বাসুদেবং তদা নৃপ।
অভ্যষিঞ্চৎসুতং তত্র সুতায়া জনমেজয়॥ 2-23-33 (12273)
উগ্রসেনং চ বৃষ্ণীংশ্চ মহাবলসমন্বিতঃ।
স তত্র বিপ্রকুরুতে জরাসন্ধঃ প্রতাপবান্॥ 2-23-34 (12274)
এতদ্বৈরং কৌরবেয় জরাসন্ধস্য মাধবে।
আশাসিতার্থে রাজেন্দ্র সংরুরোধ বিনির্জিতান্॥ 2-23-35 (12275)
পার্থিবৈস্তৈর্নৃপতিভির্যক্ষ্যমাণঃ সমৃদ্ধিমান্।
দেবশ্রেষ্ঠং মহাদেবং কৃত্তিবাসং ত্রিয়ম্বকম্॥ 2-23-36 (12276)
এতৎসর্বং যথাবৃত্তং কথিতং ভরতর্ষভ।
যথা তু স হতো রাজা ভীমসেনেন তচ্ছৃণু॥ ॥ 2-23-37 (12277)
ইতি শ্রীমন্মহাভারতে সভাপর্বণি জরাসন্ধবধপর্বণি ত্রয়োর্বিংশোঽধ্যায়ঃ॥ 23॥
সভাপর্ব - অধ্যায় 024
॥ শ্রীঃ ॥
2.24. অধ্যায়ঃ 024
Mahabharata - Sabha Parva - Chapter Topics
ভীমজরাসন্ধয়োঃ স্বস্ত্যযনপূর্বকং যুদ্ধারম্ভঃ॥ 1॥ শ্রীকৃষ্ণপ্রোৎসাহিতস্য ভীমস্য জরাসন্ধবধোদ্যমঃ॥ 2॥Mahabharata - Sabha Parva - Chapter Text
ততস্তং নিশ্চিতাত্মানং যুদ্ধায় যদুনন্দনঃ।
উবাচ বাগ্মী রাজানং জরাসন্ধমধোক্ষজঃ॥ 2-24-1 (12278)
ত্রয়াণাং কেন তে রাজন্যোদ্ধুমুৎসহতে মনঃ।
অস্মদন্যতমেনেহ সজ্জীভবতু কো যুধি॥ 2-24-2 (12279)
এবমুক্তঃ স নৃপতির্যুদ্ধং বব্রে মহাদ্যুতিঃ।
জরাসন্ধস্ততো রাজা ভীমসেনেন মাগধঃ॥ 2-24-3 (12280)
`ধারয়ন্তং গদাং দিব্যাং বলং শ্রুৎবা চ নির্বৃতঃ।
অর্জুন বাসুদেবং চ বজর্যিৎবা স মাগধঃ॥ 2-24-4 (12281)
মৎবা দেবং গোপ ইতি বালোঽর্জুন ইতি স্ম হ'।
আদায় রোজনাং মাল্যং মঙ্গল্যান্যপরাণি চ॥ 2-24-5 (12282)
ধারয়ন্নগদান্মুখ্যান্নির্বৃতীর্বেদনানি চ।
উপতস্থে জরাসন্ধং যুয়ুৎসুং বৈ পুরোহিতঃ॥ 2-24-6 (12283)
কৃতস্বস্ত্যযনো রাজা ব্রাহ্মণেন যশস্বিনা।
সমনহ্যজ্জরাসন্ধঃ ক্ষাত্রং ধর্মমনুস্মরন্॥ 2-24-7 (12284)
অবমুচ্য কিরীটং স কেশান্সমনুমৃজ্য চ।
উদতিষ্ঠজ্জরাসন্ধো বেলাতিগ ইবার্ণবঃ॥ 2-24-8 (12285)
উবাচ মতিমান্রাজা ভীমং ভীমপরাক্রমঃ।
ভীম যোৎস্যে ৎবয়া সার্ধং শ্রেয়সা নির্জিতং বরম্॥ 2-24-9 (12286)
এবমুক্ৎবা জরাসন্ধো ভীমসেনমরিন্দমঃ।
প্রত্যুদ্যযৌ মহাতেজাঃ শক্রং বল ইবাসুরঃ॥ 2-24-10 (12287)
ততঃ সংমন্ত্র্য কৃষ্ণেন কৃতস্বস্ত্যযনো বলী।
ভীমসেনো জরাসন্ধমাসসাদ যুয়ুৎসয়া॥ 2-24-11 (12288)
ততস্তৌ নরশার্দূলৌ বাহুশস্ত্রৌ সমীয়তুঃ।
বীরৌ পরমসংহৃষ্টাবন্যোন্যজয়কাঙ্ক্ষিণৌ॥ 2-24-12 (12289)
করগ্রহণপূর্বং তু কৃৎবা পাদাভিবন্দনম্।
কক্ষৈঃ কক্ষাং বিধুন্বানাবাস্ফোটং তত্র চক্রতুঃ॥ 2-24-13 (12290)
স্কন্ধে দোর্ভ্যাং সমাহত্য নিহত্য চ মুহুর্মুহুঃ।
অঙ্গমঙ্গৈঃ সমাশ্লিষ্য পুনরাস্ফালনং চ চক্রতুঃ। 2-24-14 (12291)
চিত্রহস্তাদিকং কৃৎবা সস্ফুলিঙ্গেন চাশনিম্॥
গলগণ্ডাভিঘাতেন সস্ফুলিঙ্গেন চাশনিম্॥ 2-24-15 (12292)
বাহুপাশাদিকং কৃৎবা পাদাহতশিরাবুভৌ।
উরোহস্তং ততশ্চক্রে পূর্ণকুম্ভৌ প্রয়ুজ্য তৌ॥ 2-24-16 (12293)
করসম্পীডনং কৃৎবা গর্জন্তৌ বারণাবিব।
নর্দন্তৌ মেঘসঙ্কাশৌ বাহুপ্রহরণাবুভৌ॥ 2-24-17 (12294)
তলেনাহন্যমানৌ তু অন্যোন্যং কৃতবীক্ষণৌ।
সিংহাবিব সুসংঙ্ক্রুদ্ধাবাকৃষ্যাকৃষ্য যুধ্যতাম্॥ 2-24-18 (12295)
অঙ্গেনাঙ্গং সমাপীড্য বাহুভ্যামুভয়োরপি।
আবৃত্য বাহুভিশ্চাপি উদরং চ প্রচক্রতুঃ॥ 2-24-19 (12296)
উভৌ কট্যাং সুপার্শ্বে তু তক্ষবন্তৌ চ শিক্ষিতৌ।
অধো হস্তং স্বকণ্ঠে তূদরস্যোরসি চাক্ষিপৎ॥ 2-24-20 (12297)
সর্বাতিক্রান্তমর্যাদং পৃষ্ঠভঙ্গং চ চক্রতুঃ।
সম্পূর্ণমূর্চ্ছাং বাহুভ্যাং পূর্ণকুম্ভং প্রচক্রতুঃ॥ 2-24-21 (12298)
তৃণপীডং যথাকামং পূর্ণয়োগং সমুষ্টিকম্।
এবমাদীনি যুদ্ধানি প্রকুর্বন্তৌ পরস্পরম্॥ 2-24-22 (12299)
তয়োর্যুদ্ধং ততো দ্রষ্টুং সমেতাঃ পুরবাসিনাঃ।
ব্রাহ্মণা বণিজশ্চৈব ক্ষত্রিয়াশ্চ সহস্রশঃ॥ 2-24-23 (12300)
শূদ্রাশ্চ নরশার্দূল স্ত্রিয়ো বৃদ্ধাশ্চ সর্বশঃ।
নিরন্তরমভূত্তত্র জনৌঘৈরভিসংবৃতম্॥ 2-24-24 (12301)
তয়োরথ ভুজাঘাতান্নিগ্রহপ্রগ্রহাত্তথা।
আসীৎসুভীমসম্পাতো বজ্রপর্বতয়োরিব॥ 2-24-25 (12302)
উভৌ পরমসংহৃষ্টৌ বলেন বলিনাং বরৌ।
অন্যোন্যস্যান্তরং প্রেপ্সূ পরস্পরজয়ৈষিণৌ॥ 2-24-26 (12303)
` শিরোভিরিব তৌ মেষৌ বৃক্ষৈরিব নিশাচরৌ।
পদৈরিব শুভাবশ্বৌ তুণ্ডাভ্যাং তিত্তিরী ইব'॥ 2-24-27 (12304)
তদ্ভীমমুৎসার্য জনং যুদ্ধমাসীদুপপ্লবে।
বলিনোঃ সংয়ুগে রাজন্বৃত্রবাসবয়োরিব॥ 2-24-28 (12305)
প্রকর্ষণাকর্ষণাভ্যামনুকর্ষবিকর্ষণৈঃ।
আচকর্ষতুরন্যোন্যং জানুভিশ্চাবজঘ্নতুঃ॥ 2-24-29 (12306)
ততঃ শব্দেন মহতা ভর্ৎসয়ন্তৌ পরস্পরম্।
পাষাণসঙ্ঘাতনিভৈঃ প্রহারৈরভিজঘ্নতুঃ॥ 2-24-30 (12307)
`ততো ভীমং জরাসন্ধো জঘানোরসি মুষ্টিনা।
ভীমোষি তং জরাসন্ধং বক্ষস্যভিজঘান হ'॥ 2-24-31 (12308)
ব্যূঢোরস্কৌ দীর্ঘভুজৌ নিয়ুদ্ধকুশলাবুভৌ।
বাহুভিঃ সমসজ্জোতামায়সৈঃ পরিঘৈরিব॥ 2-24-32 (12309)
কার্তিকস্য তু মাসস্য প্রবৃত্তং প্রথমেঽহনি।
তদা তদ্যুদ্ধমভবদ্দিনানি দশ পঞ্চ চ।
অনাহারং দিবারাত্রমবিশ্রান্তমবর্তত॥ 2-24-33 (12310)
তদ্বৃত্তং তু ত্রয়োদশ্যাং সমবেতং মহাত্মনোঃ।
চতুর্দশ্যাং নিশায়াং তু নিবৃত্তো মাগধঃ ক্লমাৎ॥ 2-24-34 (12311)
তং রাজানং তথা ক্লান্তং দৃষ্ট্বা রাজঞ্জনার্দনঃ।
উবাচ ভীমকর্মাণং ভীমং সম্বোধয়ন্নিব॥ 2-24-35 (12312)
ক্লান্তঃ শত্রুর্হি কৌন্তেয় শক্যঃ পীডয়িতুং রণে।
পীড্যমানো হি কার্ৎস্ন্যেন জহ্যাজ্জীবিতমাত্মনঃ॥ 2-24-36 (12313)
তস্মাত্তেঽদ্যৈব কৌন্তেয় পীডনীয়ো জনাধিপঃ।
সমমেতেন যুধ্যস্ব বাহুভ্যাং ভরতর্ষভ॥ 2-24-37 (12314)
বৈশম্পায়ন উবাচ। 2-24-38x (1426)
এবমুক্তঃস কৃষ্ণেন পাণ্ডবঃ পরবীরহা।
জরাসন্দস্য তদ্রন্ধ্রং জ্ঞাৎবা চক্রে মতিং বধে॥ 2-24-38 (12315)
ততস্তমজিতং জেতুং জরাসন্দং বৃকোদরঃ।
সংরম্ভাদ্বলিনাং শ্রেষ্ঠো জগ্রাহ কুরুনন্দনঃ॥ ॥ 2-24-39 (12316)
ইতি শ্রীমন্মহাভারতে সভাপর্বণি জরাসন্ধবধপর্বণি চতুর্বিশোঽধ্যায়ঃ॥ 24॥
Mahabharata - Sabha Parva - Chapter Footnotes
2-24-6 নির্বৃতীর্বেদনানি চ দুঃখমূর্ছয়োঃ কালে সুখসঞ্জ্ঞাকরাণি॥ 2-24-13 কক্ষৈঃ দোর্মূলৈঃ ॥ 2-24-16 গ্রথিতাঙ্গুলিভ্যাং হস্তাভ্যাং পরশিরসঃ পীডনে পূর্ণকুম্ভঃ॥ 2-24-20 তক্ষবন্তৌ গ্রাত্রসঙ্কোচবন্তৌ॥সভাপর্ব - অধ্যায় 025
॥ শ্রীঃ ॥
2.25. অধ্যায়ঃ 025
Mahabharata - Sabha Parva - Chapter Topics
জরাসন্ধবধঃ॥ 1॥ জরাসন্ধেন বন্ধীকৃতানাং রাজ্ঞাং কৃষ্ণেন মোচনম্॥2॥ মোচিতৈ রাজভিঃ কৃষ্ণায় রত্নাদিদানম্ ॥3॥ কৃষ্ণানুজ্ঞয়া জরাসন্ধপুত্রেণ সহদেবেন পিতুরৌর্ধ্বদৈহিককরণম্॥4॥ সহদেবং রাজ্যেঽভিষিচ্য শ্রীকৃষ্ণভীমার্জুনানামিন্দ্রপ্রস্থগমনম্॥ 5॥ জরাসন্ধবধশ্রবণহৃষ্টেন যুধিষ্ঠিরেণ পূজিতস্য কৃষ্ণস্য দ্বারকাগমনম্॥ 6॥Mahabharata - Sabha Parva - Chapter Text
বৈশম্পায়ন উবাচ।
ভীমসেনস্ততঃ কৃষ্ণমুবাচ যদুনন্দনম্।
বুদ্ধিমাস্থায় বিপুলাং জরাসন্ধবধোপ্সয়া॥ 2-25-1 (12317)
নায়ং পাপো ময়া কৃষ্ণ যুক্তঃ স্যাদনুরোধিতুম্।
প্রায়েণ যদুশার্দূল বান্ধবক্ষয়কৃত্তব॥ 2-25-2 (12318)
এবমুক্তস্ততঃ কৃষ্ণঃ প্রত্যুবাচ বৃকোদরম্।
ৎবরয়ন্পুরুষব্যাঘ্রো জরাসন্ধবধেপ্সয়া॥ 2-25-3 (12319)
যত্তে দৈবং পরং সৎবং যচ্চ তে মাতরিশ্বনঃ।
বলং ভীমং জরাসন্ধে দর্শয়াশু তদদ্য বৈ॥ 2-25-4 (12320)
`তবৈষ বধ্যো দুর্বুদ্ধির্জরাসন্ধো মহারথঃ।
ইত্যন্তরিক্ষে ৎবশ্রৌষং যদা বায়ুরবাপ্যতে॥ 2-25-5 (12321)
গোমন্তে পর্বতশ্রেষ্ঠে যেনৈষ পরিমোক্ষিতঃ।
বলদেববলং প্রাপ্য কোঽন্যো জীবেত্তু মাগধাৎ॥ 2-25-6 (12322)
তদস্য মৃত্যুর্বিহিতস্ৎবদৃতে ন মহাবল।
বায়ুং চিন্ত্য মহাবাহো জহীমং মগধাধিপম্॥ 2-25-7 (12323)
বৈশম্পায়ন উবাচ। 2-25-8x (1427)
এবমুক্তস্ততো ভীমো মনসাঽঽচিন্ত্য মারুতম্।
জনার্দনং নমস্কৃত্য পরিষ্বজ্য চ ফল্গুনম্'॥ 2-25-8 (12324)
প্রভঞ্জনবলাবিষ্টো জরাসন্ধমরিন্দমঃ।
উৎক্ষিপ্য ভ্রাময়ামাস বলবন্তং মহাবলঃ॥ 2-25-9 (12325)
ভ্রাময়িৎবা শতগুণং জানুভ্যাং ভরতর্ষভ।
বভঞ্জ পৃষ্টং সঙ্ক্ষিপ্য নিষ্পিষ্য বিননাদ চ॥ 2-25-10 (12326)
করে গৃহীৎবা চরণং দ্বিধা চক্রে মহাবলঃ।
তস্য নিষ্পিষ্যমাণস্য পাণ্ডবস্য চ গর্জতঃ॥ 2-25-11 (12327)
অভবত্তুমুলো নাদঃ সর্বপ্রাণিভয়ঙ্করঃ।
বিত্রেসুর্মাগধাঃ সর্বে স্ত্রীণাং গর্ভাশ্চ সুস্রুবুঃ॥ 2-25-12 (12328)
ভীমসেনস্য নাদেন জরাসন্ধস্য চৈব হ।
কিং নু স্যাদ্ধিমবান্ভিন্নঃ কিংনুস্বিদ্দীর্যতে মহী॥ 2-25-13 (12329)
ইতি বৈ মাগধা জজ্ঞুর্ভীমসেনস্য নিখনাৎ।
`ততস্তু ভগবান্কৃষ্ণো জরাসন্ধজিঘাংসয়া॥ 2-25-14 (12330)
ভীমসেনং সমালোক্য নলং জগ্রাহ পাণিনা।
দ্বিধা চিচ্ছেদ বৈ তত্তু জরাসন্ধবধং প্রতি॥ 2-25-15 (12331)
ততস্ৎবাজ্ঞায় তস্যৈব পাদমুৎক্ষিপ্য মারুতিঃ।
দ্বিধা বভঞ্জ তদ্গাত্রং প্রাক্ষিপদ্বিননাদ চ॥ 2-25-16 (12332)
পুনঃ সন্ধায় তু তদা জরান্ধঃ প্রতাপবান্।
ভীমেন চ সমাগম্য বাহুয়ুদ্ধং চকার হ॥ 2-25-17 (12333)
তয়োঃ সমভবদ্যুদ্ধং তুমুলং রোমহর্ষণম্।
সর্বলোকক্ষয়করং সর্বভূতভয়াবহম্॥ 2-25-18 (12334)
পুনঃ কৃষ্ণস্তমিরিণং দ্বিধা বিচ্ছিদ্য মাধবঃ।
ব্যত্যস্য প্রাক্ষিপত্তত্তু জরাসন্ধবধেপ্সয়া॥ 2-25-19 (12335)
ভীমসেনস্তদা জ্ঞাৎবা নির্বিভেদ চ মাগধম্।
দ্বিধা ব্যত্যস্য পাদেন প্রাক্ষিপচ্চ ননাদ হ॥ 2-25-20 (12336)
শুষ্কমাংসাস্থিমেদস্ৎবগ্ভিন্নমস্তিষ্কপিণ্ডকটঃ।
শবভূতস্তদা রাজন্পিণ্ডীকৃত ইবাববৌ'॥ 2-25-21 (12337)
ততো রাজ্ঞঃ কুলদ্বারি প্রসুপ্তমিব তং নৃপম্।
রাত্রৌ গতাসুমুৎসৃজ্য নিশ্চক্রমুররিন্দমাঃ॥ 2-25-22 (12338)
জরাসন্ধরথং কৃষ্ণো যোজয়িৎবা পতাকিনম্।
আরোপ্য ভ্রাতরৌ চৈব মোক্ষয়ামাস বান্ধবান্॥ 2-25-23 (12339)
তে বৈ রত্নুভুজং কৃষ্ণং রত্নার্হং পৃথিবীশ্বরাঃ।
রাজানং চক্ররাসাদ্য মোক্ষিতা মহতো ভয়াৎ॥ 2-25-24 (12340)
অক্ষতঃ শস্ত্রসম্পন্নো জিতারিঃ সহ রাজভিঃ।
রথমাস্থায় তং দিব্যং নির্জগাম গিরিব্রজাৎ॥ 2-25-25 (12341)
যঃ স সোদর্যবান্নাম দ্বিয়োধী কৃষ্ণসারথিঃ।
অভ্যাসঘাতী সন্দৃশ্যো দুর্জয়ঃ সর্বরাজভিঃ॥ 2-25-26 (12342)
ভীমার্জুনাভ্যাং যোধাভ্যামাস্থিতঃ কৃষ্ণসারথিঃ।
শুশুভে রথবর্যোঽসৌ দুর্জয়ঃ সর্বধন্বিভিঃ॥ 2-25-27 (12343)
শক্রবিষ্ণূ হি সঙ্গ্রামে চেরতুস্তারকাময়ে।
রথেন তেন বৈ কৃষ্ণ উপারুহ্য যয়ৌ তদা॥ 2-25-28 (12344)
`এবমেতৌ মহাবাহূ তদা দুষ্করকারিণৌ।
কৃষ্ণপ্রণীতৌ লোকেঽস্মিন্নথে কো দ্রষ্টুমর্হতি॥ 2-25-29 (12345)
ইত্যবোচন্ব্রজন্তং তং জরাসন্ধপুরালয়াঃ।
বাসুদেবং নরশ্রেষ্ঠং যুক্তং বাতজবৈর্হয়ৈঃ'॥ 2-25-30 (12346)
তপ্তচামীকরাভেণ কিঙ্কিণীজালমালিনা।
মেঘনির্ঘোষনাদেন জৈত্রেণামিত্রঘাতিনা॥ 2-25-31 (12347)
যেন শক্রো দানবানাং জঘান নবতীর্নব।
তং প্রাপ্য সমহৃষ্যন্ত রথং তে পুরুষর্থভাঃ॥ 2-25-32 (12348)
ততঃ কৃষ্ণং মহাবাহুং ভ্রাতৃভ্যাং সহিতং তদা।
রথস্থং মাগধা দৃষ্ট্বা সমপদ্যন্ত বিস্মিতাঃ॥ 2-25-33 (12349)
হয়ৈর্দিব্যৈঃ সমায়ুক্তো রথো বায়ুসমো জবে।
অধিষ্ঠিতঃ স শুশুভে কৃষ্ণেনাতীব ভারত॥ 2-25-34 (12350)
অসঙ্গো দেববিহিতস্তস্মিন্রথবরে ধ্বজঃ।
যোজনাদ্দদৃশে শ্রীমানিন্দ্রায়ুধসমপ্রভঃ॥ 2-25-35 (12351)
চিন্তয়ামাস কৃষ্ণোঽথ গরুত্মন্তং স চাভ্যযাৎ।
ক্ষণে তস্মিন্স তেনাসীচ্চৈত্যবৃক্ষ ইবোত্থিতঃ॥ 2-25-36 (12352)
ব্যাদিতাস্যৈর্মহানাদৈঃ সহ ভূতৈর্ধ্বজালয়ৈঃ।
তস্মিন্রথবরে তস্থৌ গুরুত্মান্পন্নগাশনঃ॥ 2-25-37 (12353)
দুর্নিরীক্ষ্যো হি ভূতানাং তেজসাঽঽভ্যাধিকং বভৌ।
আদিত্য ইব মধ্যাহ্নে সহস্রকিরণাবৃতঃ॥ 2-25-38 (12354)
ন সজ্জতি বৃক্ষেষু শস্ত্রৈশ্চাপি ন রিষ্যতে।
দিব্যো ধ্বজবরো রাজন্দৃশ্যতে চেহ মানুষৈঃ॥ 2-25-39 (12355)
তমাস্থায় রথং দিব্যং পর্জন্যসমনিঃ স্বনম্।
নির্যযৌ পুরুষব্যাঘ্রঃ পাণ্ডবাভ্যাং সহাচ্যুতঃ॥ 2-25-40 (12356)
যং লেভে বাসবাদ্রাজা বসুস্তস্মাদ্বৃহদ্রথঃ।
বৃহদ্রথাৎক্রমেণৈব প্রাপ্তো বার্হদ্রথো রথম্॥ 2-25-41 (12357)
স নির্যায় মহাবাহুঃ পুণ্ডরীকেক্ষণস্ততঃ।
গিরিব্রজাদ্বহিস্তস্থৌ সমদেশে মহায়শাঃ॥ 2-25-42 (12358)
তত্রৈনং নাগরাঃ সর্বে সৎকারেণাভ্যযুস্তদা।
ব্রাহ্মণপ্রমুখা রাজন্বিধিদৃষ্টেন কর্মণা॥ 2-25-43 (12359)
বন্ধনাদ্বিপ্রমুক্তাশ্চ রাজানো মধুসূদনম্।
পূজয়ামাসুরূচুশ্চ স্তুতিপূর্বমিদং বচঃ॥ 2-25-44 (12360)
নৈতচ্চিত্রং মহাবাহো ৎবয়ি দেবকিনন্দনে।
ভীমার্জুনবলোপেতে ধর্মস্য প্রতিপালনম্॥ 2-25-45 (12361)
জরাসন্ধহ্রদে ঘোরে দুঃখপঙ্কে নিমজ্জতাম্।
রাজ্ঞাং সমভ্যুদ্ধরমং যদিদং কৃতমদ্য বৈ॥ 2-25-46 (12362)
বিষ্ণো সমবসন্নানাং গিরিদুর্গে সুদারুণে।
দিষ্ট্যা মোক্ষাদ্যশো দীপ্তমাপ্তং তে যদুনন্দন॥ 2-25-47 (12363)
কিং কর্মঃ পুরুষব্যাঘ্র শাধি নঃ প্রণতিস্থিতান্।
কৃতমিত্যেব তদ্বিদ্বি নৃপৈর্যযদ্যপি দুষ্করম্॥ 2-25-48 (12364)
বৈশম্পায়ন উবাচ॥ 2-25-49x (1428)
তানুবাচ হৃম্পীকেশঃ সমাশ্চাস্য মহামনাঃ।
যিধিষ্ঠিরো রাজসূয়ং ক্রতুমার্হতুমিচ্ছতি॥ 2-25-49 (12365)
তস্য ধর্মপ্রবৃত্তস্য পার্থিবৎবং চিকীর্ষতঃ।
সর্বৈর্ভবদ্ভির্বিজ্ঞায় সাহায়্যং ক্রিয়তামিতি॥ 2-25-50 (12366)
ততঃ সুপ্রীতমনসস্তে নৃপা নৃপসত্তম।
তথেত্যেবাব্রুবন্সর্বে প্রতিগৃহ্যাস্য তাং গিরম্॥ 2-25-51 (12367)
রত্নভাজং চ দাশার্হং চক্রুস্তে পৃথিবীশ্বরাঃ।
কৃচ্ছ্রাঞ্জগ্রাহ গোবিন্দস্তেষাং তদনুকম্পয়া॥ 2-25-52 (12368)
জরাসন্ধাত্মজশ্চৈব সহদেবো মহামনাঃ।
নির্যযৌ সজনামাত্যঃ পুরস্কৃত্য পুরোহিতম্॥ 2-25-53 (12369)
স নীচৈঃ প্রণতো ভূৎবা বহুরত্নপুরোগমঃ।
সহদেবো নৃণাং দেবং বাসুদেবমুপস্থিতঃ॥ 2-25-54 (12370)
ভয়ার্তায় ততস্তস্মৈ কৃষ্ণো দত্ৎবাঽভয়ং তদা।
আদদেঽস্য মহার্হাণি রত্নানি পুরুষোত্তমঃ॥ 2-25-55 (12371)
`সদদেব উবাচ। 2-25-56x (1429)
যৎকৃতং পুরুষব্যাঘ্র মম পিত্রা জনার্দন।
তত্তে হৃদি মহাবাহো ন কার্যং পুরুষোত্তম॥ 2-25-56 (12372)
ৎবাং প্রপন্নোঽস্মি গোবিন্দ প্রাসদং কুরু মে প্রভো।
পিতুরিচ্ছামি সংস্কারং কর্তুং দেবকিনন্দন॥ 2-25-57 (12373)
ৎবত্তোঽভ্যনুজ্ঞাং সম্প্রাপ্য ভীমসেনাত্তথার্জুনাৎ।
নির্ভয়ো বিচরিষ্যামি যথাকামং যথাসুখম্॥ 2-25-58 (12374)
বৈশম্পায়ন উবাচ। 2-25-59x (1430)
এবং বিজ্ঞাপ্যমানস্য সহদেবস্য মারিষ।
প্রহৃষ্টো দেবকীপুত্রঃ পাণ্ডবৈ চ মহারথৌ॥ 2-25-59 (12375)
ক্রিয়তাং সংস্ক্রিয়া রাজন্পিতুস্ত ইতি চাব্রুবন্।
তচ্ছ্রুৎবা বাসুদেবস্য পার্থয়োশ্চ স মাগধঃ॥ 2-25-60 (12376)
প্রবিশ্য নগরং তূর্ণং সহ মন্ত্রিভিরপ্যুত।
চিতাং চন্দনকাষ্ঠৈশ্চ কালেয়সরলৈস্তথা॥ 2-25-61 (12377)
কালাগরুসুনগন্ধৈশ্চ তৈলৈশ্চ বিবিধৈরপি।
ঘৃতধারাশতৈশ্চৈব সুমনোভিশ্চ ভারত॥ 2-25-62 (12378)
সমন্তাদেব কীর্যন্তোঽদহন্ত মগধাধিপম্।
উদকং তস্য চক্রেঽথ সহদেবঃ সহানুজঃ॥ 2-25-63 (12379)
কৃৎবা পিতুঃ স্বর্গগতিং নির্যযৌ যত্র কেশবঃ।
পাণ্ডবৌ চ মহাভাগৌ ভীমসেনার্জুনাবুভৌ ॥ 2-25-64 (12380)
স প্রহ্বঃ প্রাঞ্জলির্ভূৎবা ব্যজ্ঞাপয়ত মাধবম্। 2-25-65 (12381)
সহদেব উবাচ।
ইমে রত্নানি ভূরিণী গোজাবিমহিষাদয়ঃ॥ 2-25-65x (1431)
হস্তিনোঽশ্বাশ্চ গোবিন্দ বাসাংসি বিবিধানি চ।
দীয়তাং ধর্মরাজায় যথা বা মন্যতে ভবান্॥ 2-25-66 (12382)
বৈশম্পায়ন উবাচ। 2-25-67x (1432)
ভয়ার্তায় ততস্তস্মৈ কৃৎবা কৃষ্ণোঽভয়ং তদা।
অভ্যষিঞ্চত রাজানং সহদেবং জনার্দনঃ॥ 2-25-67 (12383)
মাগধানাং মহীপালং জরাসন্ধাত্মজং তদা।
আদদে চ মহার্হাণি রত্নানি পুরুষোত্তমঃ॥ 2-25-68 (12384)
গৎবৈকৎবং স কৃষ্ণেন পার্থাভ্যাং চাপি সৎকৃতঃ।
বিবেশ মতিমান্ত্রাজা পুনর্বার্হদ্রথং পুরম্॥ 2-25-69 (12385)
পার্থাভায়ং সহিতঃ কৃষ্ণঃ সর্বৈশ্চ বসুধাধিপৈঃ।
যথাবয়ঃ সমাগম্য বিসসর্জ নরাধিপান্॥ 2-25-70 (12386)
বিসৃজ্য সর্বান্নৃপতীন্রাজসূয়ে মহাত্মভিঃ।
আগন্তব্যং ভবদ্ভিশ্চ ধর্মরাজপ্রিয়েপ্সুভিঃ। 2-25-71 (12387)
এবমুক্তা মাধবেন সর্বে তে বসুধাধিপাঃ।
এবমস্ৎবিতি চাপ্যুক্ৎবা সমেতাঃ পরয়া মুদা॥ 2-25-72 (12388)
ভীমার্জুনহৃষীকেশৈঃ প্রহৃষ্টাঃ প্রয়যুস্তদা।
রত্নান্যাদায় ভূরীণী জ্বলন্তো রিপুসূদনাঃ'॥ 2-25-73 (12389)
কৃষ্ণস্তু সহ পার্থাভ্যাং শ্রিয়া পরময়া যুতঃ।
রত্নান্যাদায় ভূরিণী প্রয়যৌ পুরুষর্ষভঃ॥ 2-25-74 (12390)
ইন্দ্রপ্রস্থমুপাগম্য পাণ্ডবাভ্যাং সহাচ্যুতঃ।
সমেত্য ধর্মরাজানং প্রীয়মাণোঽভ্যভাষত॥ 2-25-75 (12391)
দিষ্ট্যা ভীমেন বলবাঞ্জরাসন্ধো নিপাতিতঃ।
রাজানো মোক্ষিতাশ্চেমে বন্ধনান্নৃপসত্তম॥ 2-25-76 (12392)
দিষ্ট্যা কুশলিনৌ চেমৌ ভীমসেনধনঞ্জয়ৌ।
পুনঃ স্বনগরং প্রাপ্তাবক্ষতাবিতি ভারত॥ 2-25-77 (12393)
ততো যুধিষ্ঠিরঃ কৃষ্ণং পূজয়িৎবা যথার্হতঃ।
ভীমসেনার্জুনৌ চৈব প্রহৃষ্টঃ পরিষস্বজে॥ 2-25-78 (12394)
ততঃ ক্ষীণে জরাসন্ধে ভ্রাতৃভ্যাং বিহিতং জয়ম্।
অজাতশত্রুরাসাদ্য মুমুদে ভ্রাতৃভিঃ সহ॥ 2-25-79 (12395)
`হৃষ্টশ্চ ধর্মরাড্বাক্যং জনার্দনমভাষত।
ৎবাং প্রাপ্য পুরুষব্যাঘ্র ভীমসেনেন পাতিতঃ॥ 2-25-80 (12396)
মাগধোঽসৌ বলোন্মত্তো জরাসন্ধঃ প্রতাপবান্।
রাজসূয়ং ক্রতুশ্রেষ্ঠং প্রাপ্স্যামি বিগতজ্বরঃ॥ 2-25-81 (12397)
ৎবদ্বুদ্ধিবলমাশ্রিত্য যাগার্হোঽস্মি জনার্দন।
পীতং পৃথিব্যাঃ ক্রুদ্ধেন যশস্তে পুরুষোত্তম॥ 2-25-82 (12398)
জরাসন্ধবধেনৈব প্রাপ্তাস্তে বিপুলাঃ শ্রিয়ঃ॥ 2-25-83 (12399)
বৈশম্পায়ন উবাচ।
এবং সম্ভাষ্য কৌন্তেয়ঃ প্রাদাদ্রথবরং প্রভোঃ॥ 2-25-83x (1433)
প্রতিগৃহ্য তু গোবিন্দো জরাসন্ধস্য তং রথম্॥ 2-25-84 (12400)
প্রহৃষ্টস্তস্য মুমুদে ফল্গুনেন জনার্দনঃ।
প্রীতিমানভবদ্রাজন্ধর্মরাজপুরস্কৃতঃ'॥ 2-25-85 (12401)
যথাবয়ঃ সমাগম্য ভ্রাতৃভিঃ সহ পাণ্ডবঃ।
সৎকৃত্য পূজয়িৎবা চ বিসসর্জ নরাধিপান্॥ 2-25-86 (12402)
যুধিষ্ঠিরাভ্যনুজ্ঞাতাস্তে নৃপা হৃষ্টমানসাঃ।
জগ্মুঃ স্বদেশাংস্ৎবরিতা যানৈরুচ্চাবচৈস্ততঃ॥ 2-25-87 (12403)
এবং পুরুষশার্দূলো মহাবুদ্ধির্জনার্দনঃ।
পাণ্ডবৈর্ঘাতয়ামাস জরাসন্ধমরিং তদা॥ 2-25-88 (12404)
ঘাতয়িৎবা জরাসন্ধং বুদ্ধিপূর্বমরিন্দমঃ।
ধর্মরাজমনুজ্ঞাপ্য পৃথাং কৃষ্ণাং চ ভারত॥ 2-25-89 (12405)
সুভদ্রাং ভীমসেনং চ ফাল্গুনং যমজৌ তথা।
ধৌম্যমামন্ত্রয়িৎবা চ প্রয়যৌ স্বাং পুরীং প্রতি॥ 2-25-90 (12406)
`পাণ্ডবৈরনুধাবদ্ভির্যুধিষ্ঠিরপুরোগমৈঃ।
হর্ষেণ মহতা যুক্তঃ প্রাপ্য চানুত্তমং যশঃ।
জগাম হৃষ্টঃ কৃষ্ণস্তু পুনর্দ্বারবতীং পুরীম্'॥ 2-25-91 (12407)
তেনৈব রথমুখ্যেন মনসস্তুল্যগামিনা।
ধর্মরাজবিসৃষ্টেন দিব্যেনানাদয়ন্দিশঃ॥ 2-25-92 (12408)
ততো যুধিষ্ঠিরমুখাঃ পাণ্ডবা ভরতর্ষভ।
প্রদক্ষিণমকুর্বন্ত কৃষ্ণমক্লিষ্টকারিণম্॥ 2-25-93 (12409)
ততো গতে ভগবতি কৃষ্ণে দেবকিনন্দনে।
জয়ং লব্ধ্বা সুবিপুলং রাজ্ঞাং দত্ৎবাঽভয়ং তদা॥ 2-25-94 (12410)
সংবর্ধিতং যশো ভূয়ঃ কর্মণা তেন ভারত।
দ্রৌপদ্যাঃ পাণ্ডবা রাজন্পরাং প্রীতিমবর্ধয়ন্॥ 2-25-95 (12411)
তস্মিন্কালে তু যদ্যুক্তং ধর্মকামার্থসংহিতম্।
তদ্রাজা ধর্মতশ্চক্রে প্রজাপালনকীর্তনম্॥ ॥ 2-25-96 (12412)
ইতি শ্রীমন্মহাভারতে সভাপর্বণি জরাসন্ধবধপর্বণি পঞ্চবিংশোঽধ্যায়ঃ॥ 25॥
Mahabharata - Sabha Parva - Chapter Footnotes
2-25-5 অবাপ্যতে প্রাপ্তঃ॥ 2-25-8 এবমুক্তস্তদা ভীভো জরাসন্ধমিতি ঝ. পাঠঃ ॥ 2-25-15 নলং ইরিণনামকং তৃণবিশেষম্॥ 2-25-22 কুলদ্বারি গৃহদ্বারি॥ 2-25-35 অসঙ্গো রথস্পর্শহীনঃ॥সভাপর্ব - অধ্যায় 026
॥ শ্রীঃ ॥
2.26. অধ্যায়ঃ 026
Mahabharata - Sabha Parva - Chapter Topics
যুধিষ্ঠিরাজ্ঞয়া দিগ্বিজয়ার্থং নির্গতানামর্জুনাদীনাং সঙ্ক্ষেপেণ দিগ্বিজয়ক থনম্॥Mahabharata - Sabha Parva - Chapter Text
বৈশম্পায়ন উবাচ।
`ঋষেস্তদ্বচনং স্মৃৎবা নিশশ্বাস যুধিষ্ঠিরঃ।
ধর্ম ধর্মভৃতাং শ্রেষ্ঠঃ কর্তুমিচ্ছন্পরন্তপঃ। 2-26-1 (12413)
তস্যেঙ্গিতজ্ঞো বীভৎসুঃ সর্বশস্ত্রভৃতাং বরঃ।
সংবিবর্তয়িষুঃ কামং পাবকাৎপাকশাসনিঃ'॥ 2-26-2 (12414)
প্রাপ্তং প্রাপ্য ধনুঃ শ্রেষ্ঠমক্ষয়্যৌ চ মহেষুধী।
রথং ধ্বজং সভাং চৈব যুধিষ্ঠিরমভাষত॥ 2-26-3 (12415)
অর্জুন উবাচ। 2-26-4x (1434)
ধনুরস্ত্রং শরা বীর্যং পক্ষো ভূমির্যশো বলম্।
প্রাপ্তমেতন্ময়া রাজন্দুষ্প্রাপং যদভীপ্সিতম্॥ 2-26-4 (12416)
তস্য কৃত্যমহং মন্যে কোশস্য পরিবর্ধনম্।
করমাহারয়িষ্যামি রাজ্ঞঃ সর্বান্নৃপোত্তম॥ 2-26-5 (12417)
বিজয়ায় প্রয়াস্যামি দিশং ধনদপালিতাম্।
তিথাবথ মুহূর্তে চ নক্ষত্রে চাভিপূজিতে॥ 2-26-6 (12418)
বৈশম্পায়ন উবাচ। 2-26-7x (1435)
ধনঞ্জয়বচঃ শ্রুৎবা ধর্মরাজো যুধিষ্ঠিরঃ
স্নিগ্ধগম্ভীরনাদিন্যাং তং গিরা প্রত্যভাষত॥ 2-26-7 (12419)
স্বস্তি বাচ্যার্হতো বিপ্রান্প্রয়াহি ভরতর্ষভ।
দুর্হৃদামপ্রহর্ষায় সুহৃদাং নন্দনায় চ॥ 2-26-8 (12420)
বিজয়স্তে ধ্রুবং পার্থ প্রিয়ং কামমবাপ্স্যসি।
ইত্যুক্তঃ প্রয়যৌ পার্থঃ সৈন্যেন মহতা বৃতঃ॥ 2-26-9 (12421)
অগ্নিদত্তেন দিব্যেন রথেনাদ্ভুতকর্মণা।
তথৈব ভীমসেনোঽপি যমৌ চ পুরুষর্ষভৌ॥ 2-26-10 (12422)
সসৈন্যাঃ প্রয়যুঃ সর্বে ধর্মরাজেন পূজিতাঃ।
দিশং ধনপতেরিষ্টামজয়ৎপাকশাসনিঃ॥ 2-26-11 (12423)
ভীমসেনস্তথা প্রাচীং সহদেবস্তু দক্ষিণাম্।
প্রতীচীং নকুলো রাজন্দিশং ব্যজয়তাস্ত্রবিৎ॥ 2-26-12 (12424)
খাণ্ডবপ্রস্থমধ্যস্থো ধর্মরাজো যুধিষ্ঠিরঃ।
আসীৎপরময়া লক্ষ্ম্যা সুহৃদ্গণবৃতঃ প্রভুঃ॥ ॥ 2-26-13 (12425)
ইতি শ্রীমন্মহাভারতে সভাপর্বণি দিগ্বিজয়পর্বণি ষড্বিংশোঽধ্যায়ঃ॥ 26॥
Mahabharata - Sabha Parva - Chapter Footnotes
2-26-13 খাণ্ডবপ্রস্থং খাণ্ডবদাহেন খ্যাপিতস্থানম্॥ 13॥সভাপর্ব - অধ্যায় 027
॥ শ্রীঃ ॥
2.27. অধ্যায়ঃ 027
Mahabharata - Sabha Parva - Chapter Topics
অর্জুনদিগ্বজয়ে ভগদত্তাদিজয়ঃ॥ 1॥Mahabharata - Sabha Parva - Chapter Text
জনমেজয় উবাচ॥
দিশামভিজয়ং ব্রহ্মন্বিস্তরেণানুকীর্তয়।
ন হি তৃপ্যামি পূর্বেষাং শৃণ্বানশ্চরিতং মহৎ॥ 2-27-1 (12426)
বৈশম্পায়ন উবাচ। 2-27-2x (1436)
ধনঞ্জয়স্য বক্ষ্যামি বিজয়ং পূর্বমেব তে।
যৌগপদ্যেন পার্থৈর্হি নির্জিতেয়ং বসুন্ধরা॥ 2-27-2 (12427)
`অবাপ্য রাজা রাজ্যার্ধং কুন্তীপুত্রো যুধিষ্ঠিরঃ।
মহত্ৎবে রাজশব্দস্য মনশ্চক্রে মহামনাঃ॥ 2-27-3 (12428)
তদা ক্ষাত্রং বিদিৎবাঽস্য পৃথিবীবিজয়ং প্রতি।
অমর্ষাৎপার্থিবেন্দ্রাণাং তং সমেয়ায় বারয়ৎ॥ 2-27-4 (12429)
তৎসমেত্য ভুবঃ ক্ষাত্রং রথনাগাশ্বপত্তিমৎ।
অভ্যযাৎপার্থিবং জিষ্ণুং মোঘং কর্তুং জনাধিপ॥ 2-27-5 (12430)
তৎপার্থঃ পার্থিবং ক্ষাত্রং যুয়ুৎসুং পরমাহবে।
প্রত্যুদ্যযৌ মহাবাহুস্তরসা পাকশাসনিঃ॥ 2-27-6 (12431)
তদ্ভগ্রং পার্থিবং ক্ষাত্রং পার্থেনাক্লিষ্টকর্মণা।
বায়ুনেব ঘনানীকং তূলীভূতং যয়ৌ দিশঃ॥ 2-27-7 (12432)
তজ্জিৎবা পার্থিবং ক্ষাত্রং সমরে পরবীরহা।
যয়ৌ তদা বশে কর্তুমুদীচীং পাণ্ডুনন্দনঃ'॥ 2-27-8 (12433)
পূর্বং কুলিঙ্গবিষয়ে বশে চক্রে মহীপতিম্।
ধনঞ্জয়ো মহাবাহুর্নাতিতীব্রেণ কর্মণা॥ 2-27-9 (12434)
`তেনৈব সহিতঃ প্রায়াজ্জিষ্ণুঃ সাল্বপুরং প্রতি।
স সাল্বপুরমাসাদ্য সাল্বরাজং ধনঞ্জয়টঃ॥ 2-27-10 (12435)
বিক্রমেণোগ্রধন্বানং বশে চক্রে মহামনাঃ।
তং পার্থঃ সহসা জিৎবা দ্যুমৎসেনং মহীশ্বরম্॥ 2-27-11 (12436)
কৃৎবা স সৈনিকং প্রায়াৎকটদেশমরিন্দমঃ।
তত্র পার্থো রণে জিষ্ণুঃ সুনাভং বসুধাধিপম্॥ 2-27-12 (12437)
বিক্রমেণ বশে কৃৎবা কৃতবাননুসৈনিকম্।
এতেন সহিতো রাজন্সব্যসাচী পরন্তপঃ'॥ 2-27-13 (12438)
বিজিগ্যে শাকলদ্বীপে প্রতিবিন্ধ্যং চ পার্থিবম্।
শাকলদ্বীপবাসাশ্চ সপ্তদ্বীপেষু যে নৃপাঃ॥ 2-27-14 (12439)
অর্জুনস্য চ সৈন্যস্থৈর্বিগ্রহস্তুমুলোঽভবৎ।
তান্সর্বানজয়ৎপার্তো ধর্মরাজপ্রিয়েপ্সয়া॥ 2-27-15 (12440)
তৈরেব সহিতঃ সর্বৈঃ প্রগ্জ্যোতিষমুপাদ্রবৎ॥ 2-27-16 (12441)
তত্র রাজা মহানাসীদ্ভগদত্তো বিশাম্পতে।
তেনাসীৎসুমহদ্যুদ্ধং পাণ্ডবস্য মহাত্মনঃ॥ 2-27-17 (12442)
স কিরাতৈশ্চ চীনৈশ্চ বৃতঃ প্রাগ্জ্যোতিষোঽভবৎ।
অন্যৈশ্চ বহুভির্যোধৈঃ সাগরানুপবাসিভিঃ॥ 2-27-18 (12443)
ততঃ স দিবসানষ্টৌ যোধয়িৎবা ধনঞ্জয়ম্।
প্রহসন্নব্রবীদ্রাজা সঙ্গ্রামবিগতক্রমম্॥ 2-27-19 (12444)
উপপন্নং মহাবাহো ৎবয়ি কৌরবনন্দন।
পাকশাসনদায়াদে বীর্যমাহবশোভিনি॥ 2-27-20 (12445)
অহং সখা মহেন্দ্রস্য শক্রাদনবরো রণে।
ন শক্ষ্যামি চ তে তাত স্থাতুং প্রমুখতো যুধি॥ 2-27-21 (12446)
ৎবমীপ্সিতং পাণ্ডবেয়ং ব্রূহি কিং করবাণি তে।
যদ্বক্ষ্যসি মহাবাহো তৎকরিষ্যামি পুত্রক॥ 2-27-22 (12447)
অর্জুন উবাচ॥ 2-27-23x (1437)
কুরূণামৃষভো রাজা ধর্মপুত্রো যুধিষ্ঠিরঃ।
ধর্মজ্ঞঃ সত্যসন্ধশ্চ যজ্বা বিপুলদক্ষিণঃ॥ 2-27-23 (12448)
তস্য পার্থিবতামীপ্সে করস্তস্মৈ প্রদীয়তাম্।
ভবান্পিতৃসখশ্চৈব প্রীয়মাণো ময়াপি চ।
ততো নাজ্ঞাপয়ামি ৎবাং প্রীতিপূর্বং প্রদীয়তাম্॥ 2-27-24 (12449)
ভগদত্ত উবাচ। 2-27-25x (1438)
কুন্তীমাতর্যথা মে ৎবং তথা রাজা যুধিষ্ঠিরঃ।
সর্বমেতৎকরিষ্যামি কিং চান্যৎকরবাণি তে॥ ॥ 2-27-25 (12450)
ইতি শ্রীমন্মহাভারতে সভাপর্বণি দিগ্বিজয়পর্বণি সপ্তবিংশোঽধ্যায়ঃ॥ 27॥
সভাপর্ব - অধ্যায় 028
॥ শ্রীঃ ॥
2.28. অধ্যায়ঃ 028
Mahabharata - Sabha Parva - Chapter Topics
অর্জুনেন উত্তরদিগ্বিজয়ে নানাদেশজয়ঃ॥ 1॥Mahabharata - Sabha Parva - Chapter Text
বৈশম্পায়ন উবাচ।
এবমুক্তঃ প্রত্যুবাচ ভগদত্তং ধনঞ্জয়ঃ।
অনেনৈব কৃতং সর্বং ভবিষ্যত্যনুজানতা॥ 2-28-1 (12451)
তং বিজিত্য মহাবাহুঃ কুন্তীপুত্রো ধনঞ্জয়ঃ।
প্রয়যাবুত্তরাং তস্মাদ্দিশং ধনদপালিতাম্॥ 2-28-2 (12452)
অন্তর্গিরিং চ কৌন্তেয়স্তথৈব চ বহির্গিরিম্।
তথৈবোপগিরং চৈব বিজিগ্যে পুরুষর্ষভঃ॥ 2-28-3 (12453)
বিজিত্য পর্বতান্সর্বান্যে চ তত্র নরাধিপাঃ।
তান্বশে স্থাপয়িৎবা স ধনান্যাদায় সর্বশঃ॥ 2-28-4 (12454)
তৈরেব সহিতঃ সর্বৈরনুরজ্য চ তান্নুপান্।
উলূকবাসিনং রাজন্বৃহন্তমুপজগ্মিবান্॥ 2-28-5 (12455)
মৃদঙ্গবরনাদেন রথনেমিস্বনেন চ।
হস্তিনাং চ নিনাদেন কম্পয়ন্বসুধামিমাম্॥ 2-28-6 (12456)
ততো বৃহন্তস্ৎবরিতো বলেন চতুরঙ্গিণা।
নিষ্ক্রম্য নগরাত্তস্মাদ্যোধয়ামাস ফাল্গুনম্॥ 2-28-7 (12457)
সুমহান্সন্নিপাতোঽভূদ্ধনঞ্জয়বৃহন্তয়োঃ।
ন শশাক বৃহন্তস্তু সোঢুং পাণ্ডববিক্রমম্॥ 2-28-8 (12458)
সোঽবিষহ্যতমং মৎবা কৌন্তেয়ং পর্বতেশ্বরঃ।
উপাবর্তত দুর্ধর্ষো রত্নান্যাদায় সর্বশঃ॥ 2-28-9 (12459)
স তদ্রাজ্যমবস্থাপ্য উলূকসহিতো যয়ৌ।
সেনাবিন্দুমথো রাজন্রাজ্যাদাশু সমাক্ষিপৎ॥ 2-28-10 (12460)
মোদাপুরং বামবেদং সুদামানং সুসঙ্কুলম্।
উলূকানুত্তরাংশ্চৈব তাংশ্চ রাজ্ঞঃ সমানয়ৎ॥ 2-28-11 (12461)
তত্রস্থঃ পুরুষৈরেব ধর্মরাজস্য শাসনাৎ।
কিরীটী জিতবান্রাজন্দেশান্পঞ্চগণাংস্ততঃ॥ 2-28-12 (12462)
স দেবপ্রস্থমাসাদ্য সেনাবিন্দোঃ পুরং প্রতি।
বলেন চতুরঙ্গেণ নিবেশমকরোৎপ্রভুঃ॥ 2-28-13 (12463)
স তৈঃ পরিবৃতঃ সর্বৈর্বিষ্বগশ্বং নরাধিপম্॥
অভ্যগচ্ছন্মহাতেজাঃ পৌরবং পুরুষর্ষভ॥ 2-28-14 (12464)
বিজিত্য চাহবে শূরান্পার্বতীয়ান্মহারথান্।
জিগায় সেনয়া রাজন্পুরং পৌরবরক্ষিতম্॥ 2-28-15 (12465)
পৌরবং যুধি নির্জিত্য দস্যূন্পর্বতবাসিনঃ।
গণানুৎসবসঙ্কেতানজয়ৎসপ্ত পাণ্ডবঃ॥ 2-28-16 (12466)
ততঃ কাশ্মীরকান্বীরান্ক্ষত্রিয়ান্ক্ষত্রিয়র্ষভঃ।
ব্যজয়ল্লোহিতং চৈব মণ্ডলৈর্দশভিঃ সহ॥ 2-28-17 (12467)
ততস্ত্রিগর্তাঃ কৌন্তেয়ং দার্বাঃ কোকনদাস্তথা।
ক্ষত্রিয়া বহবো রাজন্নুপাবর্তন্ত সর্বশঃ॥ 2-28-18 (12468)
অভিসারীং ততো রম্যাং বিজিগ্যে কুরুনন্দনঃ।
উরগাবাসিনং রম্যং রোচমানং রণেঽজয়ৎ॥ 2-28-19 (12469)
ততঃ সিংহপুরং রম্যং চিত্রায়ুধসুরক্ষিতম্।
প্রাধমদ্বলমাস্থায় পাকশাসনিরাহবে॥ 2-28-20 (12470)
ততঃ সুহ্যাংশ্চ চোলাংশ্চ কিরীটী পাণ্ডবর্ষভঃ।
সহিতঃ সর্বসৈন্যেন প্রামথৎকুরুনন্দনঃ॥ 2-28-21 (12471)
ততঃ পরমবিক্রান্তো বাহ্লীকান্পাকশাসনিঃ।
মহতা পরিমর্দেন বশে চক্রে দুরাসদান্॥ 2-28-22 (12472)
গৃহীৎবা তু বলং সারং ফল্গুনঃ পাণ্ডুনন্দনঃ।
দরদান্সহকাম্ভোজৈরজয়ৎপাকশাসনিঃ॥ 2-28-23 (12473)
প্রাগুত্তরং দিশং যে চ বসন্ত্যাশ্রিত্য দস্যবঃ।
নিবসন্তি বনে যে চ তান্সর্বানজয়ৎপ্রভুঃ॥ 2-28-24 (12474)
লোহান্পরমকাম্ভোজানৃষিকানুত্তরানপি।
সহিতাংস্তান্মহারাজ ব্যজয়ৎপাকশাসনিঃ॥ 2-28-25 (12475)
ঋষিকেষ্বপি সঙ্গ্রামে বভূবাতিভয়ঙ্করঃ।
তারকাময়সঙ্কাশঃ পরস্ৎবৃষিকপার্থয়োঃ॥ 2-28-26 (12476)
স বিজিত্য ততো রাজন্নৃষিকান্রণমূর্ধনি।
শুকোদরসমাংস্তত্র হয়ানষ্টৌ সমানয়ৎ॥ 2-28-27 (12477)
ময়ূরসদৃশানন্যানুত্তরানপরানপি।
জবনানাশুগাংশ্চৈব করার্থং সমুপানয়ৎ॥ 2-28-28 (12478)
স বিনির্জিত্য সঙ্গ্রামে হিমবন্তং সনিষ্কৃটম্।
শ্বেতপর্বতমাসাদ্য ন্যবিশৎপুরুষর্ষভঃ॥ ॥ 2-28-29 (12479)
ইতি শ্রীমন্মহাভারতে সভাপর্বণি দিগ্বিজয়পর্বণি অষ্টাবিংশোধ্যায়ঃ॥ 28॥
সভাপর্ব - অধ্যায় 029
॥ শ্রীঃ ॥
2.29. অধ্যায়ঃ 029
Mahabharata - Sabha Parva - Chapter Topics
অর্জুনেন উত্তরদিগ্বিজয়ে কিম্পুরুষাদিখণ্ডজয়ঃ॥ 1॥ অর্জুনস্য খাণ্ডবপ্রস্থং প্রতি প্রত্যাগমনম্॥ 2॥Mahabharata - Sabha Parva - Chapter Text
বৈশম্পায়ন ইবাচ॥
স শ্বেতপর্বতং বীরঃ সমতিক্রম্য বীর্যবান্।
দেশং কিম্পুরুষাবাসং দ্রুমপুত্রেণ রক্ষিতম্॥ 2-29-1 (12480)
মহতা সন্নিপাতেন ক্ষত্রিয়ান্তকরেণ হ।
অজয়ৎপাণ্ডবশ্রেষ্ঠঃ করে চৈনং ন্যবেশয়ৎ॥ 2-29-2 (12481)
তং জিৎবা হাটকং নাম দেশং গুহ্যকরক্ষিতম্।
পাকশাসনিরব্যগ্রঃ সহসৈন্যঃ সমাসদৎ॥ 2-29-3 (12482)
তাংস্তু সান্ৎবেন নির্জিত্য মানসং সর উত্তমম্।
ঋষিকুল্যাস্তথা সর্বা দদর্শ কুরুনন্দনঃ॥ 2-29-4 (12483)
সরো মানসমাসাদ্য হাটকানভিতঃ প্রভুঃ।
গন্ধর্বরক্ষিতং দেশমজয়ৎপাণ্ডবস্ততঃ॥ 2-29-5 (12484)
তত্র তিত্তিরিকল্মাষান্মণ্ডূকাখ্যান্হয়োত্তমান্।
লেভে স করসমত্যন্তং গন্ধর্বনগরাত্তদা॥ 2-29-6 (12485)
`হেমকূটমথাসাদ্য ন্যবসৎফল্গুনস্তদা।
তং হেমকূটং রাজেন্দ্র সমতিক্রম্য পাণ্ডবঃ॥ 2-29-7 (12486)
হরিবর্ষং বিবেশাথ সৈন্যেন মহতা বৃতঃ।
তত্র পার্থো দদর্শাথ বহূনিহ মনোরমান্॥ 2-29-8 (12487)
নগরান্সবনাংশ্চৈব নদীশ্চ বিমলোদকাঃ।
পুরুষান্দেবকল্পাংশ্চ নারীশ্চ প্রিয়দর্শনাঃ॥ 2-29-9 (12488)
তান্সর্বাস্তত্র দৃষ্ট্বাঽথ মুদা যুক্তো ধনঞ্জয়টঃ।
বশে চক্রে স রত্নানি লেভে চ সুবহূনি চ॥ 2-29-10 (12489)
ততো নিষধমাসাদ্য গিরিস্থানজয়ৎপ্রভুঃ।
অথ রাজন্নতিক্রম্য নিষধং শৈলমায়তম্॥ 2-29-11 (12490)
বিবেশ মধ্যমং বর্ষং পার্থো দিব্যমিলাবৃতম্।
তত্র দিব্যোপমান্দিব্যান্পুরুষান্দেবদর্শনান্॥ 2-29-12 (12491)
অদৃষ্টপূর্বান্সুভগান্স দদর্শ ধনঞ্জয়ঃ।
সদনানি চ শুভ্রাণি নারীশ্চাপ্সরসংনিভাঃ॥ 2-29-13 (12492)
দৃষ্ট্বা তানজয়দ্রম্যান্স তৈশ্চ দদৃশে তদা।
জিৎবা চ তান্মহাভাগান্করে চ বিনিবেশ্য চ॥ 2-29-14 (12493)
রত্নান্যাদায় দিব্যানি ভূষণান্যাসনৈঃ সহ।
উদীচীমথ রাজেন্দ্র যয়ৌ পার্থো মুদাঽন্বিতঃ॥ 2-29-15 (12494)
স দদর্শ ততো মেরুং শিখরীণাং প্রভুং মহৎ।
তং কাঞ্চনময়ং দিব্যং চতুর্বণং দুরাসদম্॥ 2-29-16 (12495)
উন্নতং শতসাহস্রং যোজনানাং তু সুস্থিতম্।
জ্বলন্তমচলং মেরুং তেজোরাশিমনুত্তমম্॥ 2-29-17 (12496)
আক্ষিপন্তং প্রভাং ভানোঃ স্বশৃঙ্গৈঃ কাঞ্চনোজ্জ্বলৈঃ।
কাঞ্চনাভরণং দিব্যদেবগন্ধর্বসেবিতম্॥ 2-29-18 (12497)
অপ্রমেয়মনাধৃষ্যমধর্মবহুলৈর্জনৈঃ।
ব্যালৈরাচরিতং ধোরৈর্দিব্যৌষধিবিদীপিতম্॥ 2-29-19 (12498)
স্বর্গমাবৃত্য তিষ্ঠন্তমুচ্ছ্রায়েণ মহাগিরিম্।
অগম্যং মনসাপ্যন্যৈর্নদীবৃক্ষসমন্বিতম্॥ 2-29-20 (12499)
নানাবিহগসঙ্ঘৈশ্চ নাদিতং সুমনোহরৈঃ।
তং দৃষ্টা ফল্গুনো মেরুং প্রীতিমানভবত্তদা॥ 2-29-21 (12500)
মেরোরিলাবৃতং দিব্যং সর্বতঃ পরিমণ়্ডিতম্।
মেরোস্তু দক্ষিণে পার্শ্বে জম্বূর্নাম বনস্পতিঃ॥ 2-29-22 (12501)
নিত্যপুষ্পফলোপেবঃ সিদ্ধচারণসেবিতঃ।
আস্বর্গমুচ্ছ্রিতা রাজংস্তস্য শাখা বনস্পতেঃ॥ 2-29-23 (12502)
যস্য নাম্না ৎবিদং দ্বীপং জন্বূদ্বীপমিতি স্মৃতম্।
তাং চ জম্বূং দদর্শাথ সব্যসাচী পরন্তপঃ॥ 2-29-24 (12503)
তৌ দৃষ্ট্বাঽপ্রতিমৌ লোকে জম্বূং মেরুং চ সংস্থিতৌ।
প্রতীমানভবদ্রাজন্সর্বতঃ স বিলোকয়ন্॥ 2-29-25 (12504)
তত্র লেভে ততো জিষ্ণুঃ সিদ্ধৈর্দিব্যৈশ্চ চারণৈঃ।
রত্নানি বহুসাহস্রং দত্তান্যাভরণানি চ॥ 2-29-26 (12505)
বাসাংসি চ মহার্হাণি তত্র লব্ধ্বাঽর্জুনস্তদা।
আমন্ত্রয়িৎবা তান্সর্বান্যজ্ঞমুদ্দিশ্য বৈ গুরোঃ॥ 2-29-27 (12506)
অথাদায় বহূন্রত্নান্গমনায়যোপচক্রমে।
মেরুং প্রদক্ষিণীকৃত্য প্রবতপ্রবরং প্রভুঃ॥ 2-29-28 (12507)
যয়ৌ জম্বূনদীতীরে নদীং শ্রেষ্ঠাং বিলোকয়ন্।
স তাং মনোরমাং দিব্যাং জম্বূস্বাদুরসাবহাম্॥ 2-29-29 (12508)
হৈমপক্ষিগণৈর্জুষ্টাং সৌবর্ণজলজাকুলাম্।
হৈমপঙ্কাং হৈমজলাং সৌবর্ণোজ্জ্বলবালুকাম্॥ 2-29-30 (12509)
ক্বচিত্মুপিষ্পিতৈঃ পূর্ণাং সৌবর্ণকুসুমোৎপলৈঃ।
ক্বচিত্তীররুহৈঃ কীর্ণাং হৈমপুষ্পৈঃ সুপুষ্পিতৈঃ॥ 2-29-31 (12510)
তীর্থৈশ্চ রুক্মসোপানৈঃ সর্বতঃ সমলঙ্কুতাম্।
বিমলৈর্মণিজালৈশ্চ নৃত্তগীতরবৈর্যুতাম্॥ 2-29-32 (12511)
দীপ্তৈর্হেমবিতানৈশ্চ সমন্তাচ্ছোভিতাং শুভাম্।
তথাবিধাং নদীং দৃষ্ট্বা পার্থস্তাং প্রশশংস হ॥ 2-29-33 (12512)
অদৃষ্টপূর্বাং রাজেন্দ্র দৃষ্ট্বা হর্ষমবাপ চ।
দর্শনীয়াং নদীতীরে পুরুষান্সুমনোহরান্॥ 2-29-34 (12513)
তান্নদীসলিলাহারান্সদারানমরোপমান্।
নিত্যং সুখমুদা যুক্তান্সর্বালঙ্কারশোভিতান্॥ 2-29-35 (12514)
তেভ্যো বহূনি রত্নানি তদা লেভে ধনঞ্জয়ঃ।
দিব্যজম্বূফলং হৈমং ভূষণানি চ পেশলম্॥ 2-29-36 (12515)
লব্ধ্বা তান্দুর্লভান্পার্থঃ প্রতীচীং প্রয়যৌ দিশম্।
নাগানাং রক্ষিতং দেশমজয়শ্চ পুনস্ততঃ॥ 2-29-37 (12516)
ততো গন্বা মহারাজ বারুণীং পাকশাসনিঃ।
গন্ধমাদনমাসাদ্য ততস্তানজয়ৎপ্রভুঃ॥ 2-29-38 (12517)
তং গন্ধমাদনং রাজন্নতিক্রম্য ততোঽর্জুনঃ।
কেতুমালং দদর্শাথ বর্ষং রত্নসমন্বিতম্॥ 2-29-39 (12518)
সেবিতং দেবকল্পৈশ্চ নারীভিঃ প্রিয়দর্শনৈঃ।
তং জিৎবা চার্জুনো রাজন্করে চ বিনিবেশ্য চ॥ 2-29-40 (12519)
আহৃত্য তত্র রত্নানি দুর্লভানি তথার্জুনঃ।
পুনশ্চ পরিবৃত্যাথ মাধ্যং দেশমিলাবৃতম্॥ 2-29-41 (12520)
গৎবা প্রাচীং দিশং রাজন্সব্যসাচী ধনঞ্জয়ঃ।
মেরুমন্দরয়োর্মধ্যে শৈলোদামভিতো নদীম্॥ 2-29-42 (12521)
যে তে কীচকবেণূনাং ছায়াং রম্যামুপাসতে।
কষান্ঝষাংশ্চ নদ্যৌ তান্প্রঘসান্দীপ্তবেণিপান্॥ 2-29-43 (12522)
পশুপাংশ্চ কুলিন্দাংশ্চ তঙ্কণান্পরতঙ্কণান্।
এতান্সমস্তাঞ্জিৎবা চ করে চ বিনিবেশ্য চ॥ 2-29-44 (12523)
রত্নান্যাদায় সর্বেভ্যো মাল্যবন্তং ততো যয়ৌ।
তং মাল্যবন্তং শৈলেন্দ্রং সমতিক্রম্য পাণ্ডবঃ॥ 2-29-45 (12524)
ভদ্রাশ্বং প্রবিবেশাথ বর্ষং স্বর্গোপমং শুচিম্।
তত্র দেবোপমান্দিব্যান্পুরুষাঞ্শুভসংয়ুতান্॥ 2-29-46 (12525)
জিৎবা তান্স্ববশে কৃৎবা করে চ বিনিবেশ্য চ।
আহৃত্য সর্বতো রত্নান্যসঙ্খ্যানি ততস্ততঃ॥ 2-29-47 (12526)
নীলং নাম গিরিং গৎবা তত্রস্থানজয়ৎপ্রভুঃ।
ততো জিষ্ণুরতিক্রম্য পর্বতং নীলমায়তম্॥ 2-29-48 (12527)
বিবেশ রম্যকং বর্ষং সঙ্কীর্ণং মিথুনৈঃ শুভৈঃ।
তং দেশমথ জিৎবা স করে চ বিনিবেশ্য চ॥ 2-29-49 (12528)
অজয়চ্চাপি বীভৎসুর্দেশং গুহ্যকরক্ষিতম্।
তত্র লেভে চ রাজেন্দ্র সৌবর্ণান্মৃগপক্ষিণঃ॥ 2-29-50 (12529)
অগৃহ্ণাদ্যজ্ঞভূত্যর্থং রমণীয়ান্মনোহরান্।
অন্যাংশ্চ লব্ধ্বা রত্নানি পাণ্ডবোঽথ মহাবলঃ॥ 2-29-51 (12530)
গন্ধর্বরক্ষিতং দেশমজয়ৎসগণং তদা।
তত্র রত্নানি দিব্যানি লব্ধ্বা রাজন্নথার্জুনঃ॥ 2-29-52 (12531)
বর্ষং হিরণ্বতং নাম বিবেশাথ মহীপতে।
স তু দেশেষু রম্যেষু গন্তুং তত্রোপচক্রমে॥ 2-29-53 (12532)
মধ্যে প্রাসাদবৃন্দেষু নক্ষত্রাণাং শশী যথা।
মহাপথেষু রাজৈন্দ্র সর্বতো যান্তমর্জুনম্॥ 2-29-54 (12533)
প্রাসাদবরশৃঙ্গস্থাঃ পরয়া বীর্যশোভয়া।
দদৃশুস্তং স্রিয়ঃ সর্বাঃ পার্থমাত্ময়শস্করম্॥ 2-29-55 (12534)
তং কলাপধরং শূরং সরথং সধনুঃ করম্।
সবর্মং সকিরীটং বৈ সংনদ্ধং সপরিচ্ছদম্॥ 2-29-56 (12535)
সুকুমারং মহাসৎবং তেজোরাশিমনুত্তমম্।
শক্রোপমমমিত্রঘ্নং পরবারণবারণম্॥ 2-29-57 (12536)
পশ্যন্তঃ স্ত্রীগণাস্তত্র শক্তিপাণিং স্ম মেনিরে।
অয়ং স পুরুষব্যাঘ্রো রণেঽদ্ভুতপরাক্রমঃ॥ 2-29-58 (12537)
অস্য বাহুবলং প্রাপ্য ন ভবন্ত্যসুহৃদ্গণাঃ।
ইতি বাচো ব্রুবন্ত্যস্তাঃ স্ত্রিয়ঃ প্রেম্ণা ধনঞ্জয়ম্॥ 2-29-59 (12538)
তুষ্টুবুঃ পুষ্পবৃষ্টিং চ সসৃজুস্তস্য মূর্ধনি।
দৃষ্ট্বা তে তু মুদা যুক্তাঃ কৌতূহলসমন্বিতঃ॥ 2-29-60 (12539)
রত্নৈর্বিভূষণৈশ্চৈব অভ্যবর্ষংশ্চ পাণ্ডবম্।
অথ জিৎবা সমস্তাংস্তান্করে চ বিনিবেশ্য চ॥ 2-29-61 (12540)
মণিহেমপ্রবালানি শস্ত্রাণ্যাভরণানি চ।
এতানি লব্ধ্বা পার্থোঽথ শৃঙ্গবন্তং গিরিং যয়ৌ॥ 2-29-62 (12541)
শৃঙ্গবন্তং চ কৌরব্যঃ সমতিক্রম্য ফল্গুনঃ।
উত্তরং হরিবর্ষং তু স সমাসাদ্য পাণ্ডবঃ॥ 2-29-63 (12542)
বিদ্যাধরগণাংশ্চৈব যক্ষেন্দ্রাংশ্চ বিনির্জয়ন্।
তত্র লেভে মহাত্মা বৈ বাসো দিব্যমনুত্তমম্॥ 2-29-64 (12543)
কিন্নরদ্রুমপত্রাংশ্চ তত্র কৃষ্ণাজিনান্বহূন্।
যাজ্ঞীয়াংস্তাংস্তদা দিব্যাংস্তত্র লেভে ধনঞ্জয়'॥ 2-29-65 (12544)
উত্তরং হরিবর্ষং তু স সমাসাদ্য পাণ্ডবঃ।
ইয়েষ জেতুং তং দেশং পাকশাসনন্দনঃ॥ 2-29-66 (12545)
তত এনং মহাবীর্যং মহাকায়া মহাবলাঃ।
দ্বারপালাঃ সমাসাদ্য হৃষ্টা বচনমব্রুবন্॥ 2-29-67 (12546)
পার্থ নেদং ৎবয়া শক্যং পুরং জেতুং কথঞ্জন।
উপাবর্তস্ব কল্যাণ পর্যাপ্তমিদমচ্যুত॥ 2-29-68 (12547)
ইদং পুরং যঃ প্রবিশেদ্ঘ্রুবং ন স ভবেন্নরঃ।
প্রীয়ামহে ৎবয়া বীর পর্যাপ্তো বিজয়স্তবৈ॥ 2-29-69 (12548)
ন চাত্র কিঞ্চিজ্জেতব্যমর্জুনাত্র প্রদৃশ্যতে।
উত্তরাঃ কুরুবো হ্যেতে নাত্র যুদ্ধং প্রবর্ততে॥ 2-29-70 (12549)
প্রবিষ্টোঽপি হি কৌন্তেয় নেহ দ্রক্ষ্যসি কিঞ্চন।
ন হি মানুষদেহেন শক্যমত্রাভিবীক্ষিতুম্॥ 2-29-71 (12550)
অথেহ পুরুষব্যাঘ্র কিঞ্চিদন্যচ্চিকীর্ষসি।
তৎপ্রব্রূহি করিষ্যামো বচনাত্তব ভারত॥ 2-29-72 (12551)
ততস্তানব্রবীদ্রাজন্নর্জুনঃ প্রহসন্নিব।
পার্থিবৎবং চিকীর্ষামি ধর্মরাজস্য ধীমতঃ॥ 2-29-73 (12552)
ন প্রবেক্ষ্যামি বো দেশং বিরুদ্ধং যদি মানুষৈঃ।
যুধিষ্ঠিরায় যৎকিঞ্চিৎকরপণ্যং প্রদীয়তাম্॥ 2-29-74 (12553)
`নো চেৎকৃষ্ণেন সহিতো যোধয়িষ্যামি সায়কৈঃ'।
ততো দিব্যানি বস্ত্রাণি দিব্যান্যাভরণানি চ।
ক্ষৌমাজিনানি দিব্যানি তস্য তে প্রদদুঃ করম্॥ 2-29-75 (12554)
এবং স পুরুষব্যাঘ্রো বিজিত্য দিশমুত্তরাম্।
সঙ্গ্রামান্সুবহূন্কৃৎবা ক্ষত্রিয়ৈর্দস্যুভিস্তথা॥ 2-29-76 (12555)
স বিনির্জিত্য রাজ্ঞস্তান্করে চ বিনিবেশ্য তু।
ধনান্যাদায় সর্বেভ্যো রত্নানি বিবিধানি চ॥ 2-29-77 (12556)
হয়াংস্তিত্তিরিকল্মাষাঞ্শুকপত্রনিভানপি।
ময়ূরসদৃশান্যান্সর্বাননিলরংহসঃ॥ 2-29-78 (12557)
বৃতঃ সুমহতা রাজন্বলেন চতুরঙ্গিণা।
আজগাম পুনর্বীরঃ শক্রপ্রস্থং পুরোত্তমম্॥ 2-29-79 (12558)
ধর্মরাজায় তৎপার্থো ধনং সর্বং সবাহনম্।
ন্যবেদয়দনুজ্ঞাতস্তেন রাজ্ঞা গৃহান্যযৌ॥ ॥ 2-29-80 (12559)
ইতি শ্রীমন্মহাভারতে সভাপর্বণি দিগ্বিজয়পর্বণি একোনত্রিংশোঽধ্যায়ঃ॥ 29॥
সভাপর্ব - অধ্যায় 030
॥ শ্রীঃ ॥
2.30. অধ্যায়ঃ 030
Mahabharata - Sabha Parva - Chapter Topics
ভীমেন প্রাচীদিগ্বিজয়ে পাঞ্চালদেশগমনম্॥Mahabharata - Sabha Parva - Chapter Text
বৈশম্পায়ন উবাচ।
এতস্মিন্নেব কালে তু ভীমসেনোঽপি বীর্যবান্।
ধর্মরাজমনুজ্ঞাপ্য যয়ৌ প্রাচীং দিশং প্রতি॥ 5 2-30-1 (12560)
মহতা বলচক্রেণ পররাষ্ট্রাবমর্দিনা।
হস্ত্যশ্বরথপূর্ণেন দংশিতেন প্রতাপবান্। 2-30-2 (12561)
বৃতো ভরতশার্দূলো দ্বিষচ্ছোকবিবর্ধনঃ।
স গৎবা নরশার্দূলঃ পঞ্চালানাং পুরং মহৎ॥ 2-30-3 (12562)
পঞ্চালান্বিবিধোপায়ৈঃ সান্ৎবয়ামাস পাণ্ডবঃ।
`কিঞ্চিৎকরং সমাদায় বিদেহানাং পুরং যয়ৌ'॥
ততঃ স গণ্ডকাঞ্শূরো বিদেহান্ভরতর্ষভঃ॥ 2-30-4 (12563)
বিজিত্যাল্পেন কালেন দশার্ণানজয়ৎপ্রভুঃ।
তত্র দাশার্ণকো রাজা সুধর্মা রোমহর্ষণম্।
কৃতবান্ভীমসেনেম মহদ্যুদ্ধং নিরায়ুধম্। 2-30-5 (12564)
ভীমসেনস্তু তদ্দৃষ্ট্বা তস্য কর্ম মহাত্মনঃ।
অধিসেনাপতিং চক্রে সুধর্মাণং মহাবলম্॥ 2-30-6 (12565)
ততঃ প্রাচীং দিশং ভীমো যয়ৌ ভীমপরাক্রমঃ।
সৈন্যেন মহতা রাজন্কম্পয়ন্নিব মেদিনীম্॥ 2-30-7 (12566)
সোঽশ্বমেধেশ্বরং রাজন্রোচমানং সহানুগম্।
জিগায় সমরে বীরো বলেন বলিনাং বরঃ॥ 2-30-8 (12567)
স তং নির্জিত্য কৌন্তেয়ো নাতিতীব্রেণ কর্মণা।
পূর্বদেশং মহাবীর্যং বিজিগ্যে কুরনন্দনঃ॥ 2-30-9 (12568)
ততো দক্ষিণমাগম্য পুলিন্দনগরং মহৎ।
সুকুমারং বশে চক্রে সুমিত্রং চ নরাধিপম্॥ 2-30-10 (12569)
ততস্তু ধর্মরাজস্য শাসনাদ্ভরতর্ষভঃ।
শিশুপালং মহাবীর্যমভ্যগাজ্জনমেজয়॥ 2-30-11 (12570)
চেদিরাজোঽপি তচ্ছ্রুৎবা পাণ্ডবস্য চিকীর্ষিতম্।
উপনিষ্কম্য নগরাৎপ্রত্যগৃহ্ণাৎপরন্তপ॥ 2-30-12 (12571)
তৌ সমেত্য মহারাজ কুরুচেদিবৃষৌ তদা।
উভয়োরাত্মকুলয়োঃ কৌশলং পর্যপৃচ্ছতাম্॥ 2-30-13 (12572)
ততো নিবেদ্য তদ্রাষ্ট্রং চেদিরাজো বিশাম্পতে।
উবাচ ভীমং প্রহসন্কিমিদং কুরুষেঽনঘ। 2-30-14 (12573)
তস্য ভীমস্তদাচখ্যৌ ধর্মরাজচিকীর্ষিতম্।
স চ তং প্রতিগৃহ্যৈব তথা চক্রে নরাধিপঃ॥ 2-30-15 (12574)
ততো ভীমস্তত্র রাজন্নিষিৎবা ত্রিদশাঃ ক্ষপাঃ।
সৎকৃতঃ শিশুপালেন যয়ৌ সবলবাহনঃ॥ ॥ 2-30-16 (12575)
ইতি শ্রীমন্মহাভারতে সভাপর্বণি দিগ্বিজয়পর্বণি ত্রিংশোঽধ্যায়ঃ॥ 30॥
সভাপর্ব - অধ্যায় 031
॥ শ্রীঃ ॥
2.31. অধ্যায়ঃ 031
Mahabharata - Sabha Parva - Chapter Topics
প্রাচীং দিশং নির্জিত্য ভীমস্য প্রতিনিবর্তনম্॥1॥Mahabharata - Sabha Parva - Chapter Text
বৈশম্পায়ন উবাচ।
ততঃ কুমারবিষয়ে শ্রেণিমন্তমথাজয়ৎ।
কোসলাধিপতিং চৈব বৃহদ্বলমরিন্দমঃ॥ 2-31-1 (12576)
অয়োধ্যায়াং তু ধর্মজ্ঞং দীর্ঘয়জ্ঞং মহাবলম্।
অজয়ৎণণ্ডবশ্রেষ্ঠো নাতিতীব্রেণ কর্মণা॥ 2-31-2 (12577)
ততো গোপালকক্ষং চ সোত্তরানপি কোসলান্।
মল্লানামধিপং চৈব পার্থিবং চাজয়ৎপ্রভুঃ॥ 2-31-3 (12578)
ততো হিমবতঃ পার্শ্বং সমভ্যেত্য জলোদ্ভবম্।
সর্বমল্পেন কালেন দেশং চক্রে বশং বলী॥ 2-31-4 (12579)
এবং বহুবিধান্দেশান্বিজিগ্যে ভরতর্ষভঃ।
ভল্লাটমভিতো জিগ্যে শুক্তিমন্তং চ পর্বতম্॥ 2-31-5 (12580)
পাণ্ডবঃ সুমহাবীর্যো বলেন বলিনাং বরঃ।
স কাশিরাজং সমরে সুবাহুমনিবর্তিনম্॥ 2-31-6 (12581)
বশে চক্রে মহাবাহুর্ভীমো ভীমপরাক্রমঃ।
ততঃ সুপার্শ্বমভিতস্তথা রাজপতিং ক্রথম্॥ 2-31-7 (12582)
যুধ্যমানং বালৎসঙ্খ্যে বিজিগ্যে পাণ্ডবর্ষভঃ।
ততো মৎস্যান্মহাতেজা মলদাংশ্চ মহাবলান্॥ 2-31-8 (12583)
অনঘানভয়াংশ্চৈব পশুভূমিং চ সর্বশঃ।
নিবৃত্য চ মহাবাহুর্মদধারং মহীধরম্॥ 2-31-9 (12584)
সোমধেয়াংশ্চ নির্জিত্য প্রত্যযাবুত্তরামুখঃ।
বৎসভূমিং চ কৌন্তেয়ো বিজিগ্যে বলবান্বলাৎ॥ 2-31-10 (12585)
ভর্গাণামধিপং চৈব নিষাদাধিপতিং তথা।
বিজিগ্যে ভূমিপালাংশ্চ মমিমৎপ্রমুখান্বহূন্॥ 2-31-11 (12586)
ততো দক্ষিণমল্লাংশ্চ ভোগবন্তং চ পর্বতম্।
তরসৈবাজয়দ্ভীমো নাতিতীব্রেণ কর্মণা॥ 2-31-12 (12587)
শর্মকান্বর্মকাংশ্চৈব ব্যজয়ৎসান্ৎবপূর্বকম্।
বৈদেহকং চ রাজানং জনকং জগতীপতিম্॥ 2-31-13 (12588)
বিজিগ্যে পুরুষব্যাঘ্রো নাতিতীব্রেণ কর্মণা।
শকাংশ্চ বর্বরাশ্চৈব অজয়চ্ছদ্মপূর্বকম্॥ 2-31-14 (12589)
বৈদেহস্থস্তু কৌন্তেয় ইন্দ্রপর্বতমন্তিকাৎ।
কিরাতানামধিপতীনজয়ৎসপ্ত পাণ্ডবঃ॥ 2-31-15 (12590)
ততঃ সুহ্যান্প্রসুহ্যাংশ্চ সপক্ষানতিবীর্যবান্।
বিজিত্য যুধি কৌন্তেয়ো মাগধানভ্যধাদ্বলী॥ 2-31-16 (12591)
দণ্ডং চ দণ্ডধারং চ বিজিত্য পৃথিবীপতীন্।
তৈরেব সহিতৈঃ সর্বৈর্গিরিব্রজমুপাদ্রবৎ॥ 2-31-17 (12592)
জারাসন্ধিং সান্ৎবয়িৎবা করে চ বিনিবেশ্য হ।
তৈরেব সহিতৈঃ সর্বৈঃ কর্ণমব্যদ্রবদ্বলী॥ 2-31-18 (12593)
স কম্পয়ন্নিব মহীং বলেন চতুঙ্গিণা।
যুয়ুধে পাণ্ডবশ্রেষ্ঠঃ কর্ণেনামিত্রঘাতিনা॥ 2-31-19 (12594)
স কর্ণং যুধি নির্জিত্য বশে কৃৎবা চ ভারত।
ততো বিজিগ্যে বলবান্রাজ্ঞঃ পর্বতবাসিনঃ॥ 2-31-20 (12595)
অথ মোদাগিরৌ চৈব রাজানং বলবত্তরম্।
পাণ্ডবো বাহুবীর্যেণ নিজঘান মহামৃধে॥ 2-31-21 (12596)
ততঃ পুণ্ড্রাধিপং বীরং বাসুদেবং সমায়যৌ।
`ইদানীং বৃষ্ণিবীরেণ ন যোৎস্যামীতি পৌণ্ড্রকঃ॥ 2-31-22 (12597)
কৃষ্ণস্য ভুজসংত্রাসাৎকরমাশু দদৌ নৃপঃ'।
কৌশিকীকচ্ছনিলয়ং রাজানং চ মহৌজসম্॥ 2-31-23 (12598)
উভৌ বলভৃতৌ বীরাবুমৌ তীব্রপরাক্রমৌ।
নির্জিত্যাজৌ মহারাজ বঙ্গরাজমুপাদ্রবৎ॥ 2-31-24 (12599)
সমুদ্রসেন নির্জিত্য চন্দ্রসেনং চ পার্থিবম্।
তাম্রলিপ্তং চ রাজানং কর্বটাধিপতিং তথা॥ 2-31-25 (12600)
সুহ্যানামধিপং চৈব যে চ সাগরবাসিনঃ।
সর্বান্ম্লেচ্ছগণাংশ্চৈব বিজিগ্যে ভরতর্ষভঃ॥ 2-31-26 (12601)
এবং বহুবিধান্দেশান্বিজিত্য পবনাত্মজঃ।
বসু তেভ্য উপাদায় লৌহিত্যমগদ্বলী॥ 2-31-27 (12602)
স সর্বান্ম্লেচ্ছনৃপতীন্সাগরানূপবাসিনঃ।
করমাহারয়ামাস রত্নানি বিবিধানি চ॥ 2-31-28 (12603)
চন্দনাগুরুবস্ত্রাণি মণিমৌক্তিককম্বলম্।
কাঞ্চনং রজতং চৈব বিদ্রুমং চ মহাধনম্॥ 2-31-29 (12604)
তে কোটীশতসঙ্খ্যেন কৌন্তেয়ং মহতা তদা।
অভ্যবর্ষন্মহাত্মানং ধনবর্ষেণ পাণ্ডবম্॥ 2-31-30 (12605)
ইন্দ্রপ্রস্থমুপাগম্য ভীমো ভীমপরাক্রমঃ।
নিবেদয়ামাস তদা ধর্মরাজায় তদ্ধনম্॥ ॥ 2-31-31 (12606)
ইতি শ্রীমন্মহাভারতে সভাপর্বণি দিগ্বিজয়পর্বণি একত্রিংশোঽধ্যায়ঃ॥ 32॥
Mahabharata - Sabha Parva - Chapter Footnotes
2-31-16 সুহ্যা রাঢাঃ মাগধানভ্যধাদ্বলী করং প্রয়চ্ছতেত্যুক্তবান্। পূর্বমেব পরাকান্ তৎবাৎ॥সভাপর্ব - অধ্যায় 032
॥ শ্রীঃ ॥
2.32. অধ্যায়ঃ 032
Mahabharata - Sabha Parva - Chapter Topics
দক্ষিণদিগ্বিজয়ে শূরসেনাদীঞ্জিতবতঃ সহদেবস্য মাহিষ্মত্যাং নীলেন সহ যুদ্ধম্ ॥ 1॥ নোলস্য অগ্নিসাহায়্যকরণকারণকথনম্॥ 2॥ সহদেবস্তুত্যা তুষ্টস্যাগ্নেরাজ্ঞয়া নীলেনার্চিতস্য সহদেবস্য বিভীষণাৎকরগ্ রহণার্থং ঘটোৎকচপ্রেষণম্॥ 3॥Mahabharata - Sabha Parva - Chapter Text
বৈশম্পায় উবাচ॥
তথৈব সহদেবোঽপি ধর্মরাজেন পূজিতঃ।
মহত্যা সেনয়া রাজন্প্রয়যৌ দক্ষিণাং দিশম্॥ 2-32-1 (12607)
স শূরসেনান্কার্ৎস্ন্যেন পূর্বমেবাজয়ৎপ্রভুঃ।
মৎস্যরাজং চ কৌরব্যো বশে চক্রে বলাদ্বলী॥ 2-32-2 (12608)
অধিরাজাধিপং চৈব দন্তবক্রং মহাবলম্।
জিগায় করদং চৈব কৃৎবা রাজ্যে ন্যবেশয়ৎ॥ 2-32-3 (12609)
সুকুমারং বশে চক্রে সুমিত্রং চ নরাধিপম্।
তথৈবাপরমৎস্যাংশ্চ ব্যজয়ৎস পটচ্চরান্॥ 2-32-4 (12610)
নিষাদভূমিং গোশৃঙ্গং পর্বতপ্রবরং তথা।
তরসৈবাজয়দ্ধীমাঞ্শ্রেণিমন্তং চ পার্থিবম্॥ 2-32-5 (12611)
নররাষ্ট্রং চ নির্জিত্য কুন্তিভোজমুপাদ্রবৎ।
প্রীতিপূর্বং চ তস্যাসৌ প্রতিজগ্রাহ শাসনম্॥ 2-32-6 (12612)
ততশ্চর্মণ্বতীকূলে জম্ভকস্যাত্মজং নৃপম্।
দদর্শ বাসুদেবেন শেষিতং পূর্ববৈরিণা॥ 2-32-7 (12613)
চক্রে তেন স সঙ্গ্রামং সহদেবেন ভারত।
স তমাজৌ বিনির্জিত্য দক্ষিণাভিমুখো যয়ৌ॥ 2-32-8 (12614)
সেকানপরসেকাংশ্চ রত্নানি বিবিধানি চ॥
ততস্তেনৈব সহিতো নর্মদামভিতো যয়ৌ। 2-32-10a`ভগদত্তং মহাবাহুং ক্ষত্রিয়ং নরকাত্মজম্।
অর্জুনায় করং দত্তং শ্রুৎবা তত্র ন্যবর্তত'॥ 2-32-9 (12615)
বিন্দানুবিন্দাবাবন্ত্যৌ সৈন্যেন মহতাবৃতৌ।
জিগায় সমরে বীরাবাশ্বিনেয়ঃ প্রতাপবান্॥ 2-32-11 (12616)
ততো রত্নান্যুপাদায় পুরং ভোজকটং যয়ৌ।
তত্র যুদ্ধমভূদ্রাজন্দিবসদ্বয়মচ্যুত॥ 2-32-12 (12617)
স বিজিত্য দুরাধর্ষং ভীষ্মকং মাদ্রিনন্দনঃ।
কোসলাধিপতিং চৈব তথা বেণাতটাধিপম্॥ 2-32-13 (12618)
কান্তারকাংশ্চ সমর তথা প্রাকোটকান্নৃপান্।
নাটকেয়াংশ্চ সমরে তথা হেরম্বকান্যুধি॥ 2-32-14 (12619)
মারুধং চ বিনির্জিত্য রম্যগ্রামমথো বলাৎ।
নাচীনানর্বুকাংশ্চৈব রাজানশ্চ মহাবলঃ॥ 2-32-15 (12620)
তাংস্তানাটবিকান্সর্বানজয়ৎপাণ্ডুনন্দনঃ।
নাতাধিপং চ নৃপতিং বশে চক্রে মহাবলঃ॥ 2-32-16 (12621)
পুলিন্দাংশ্চ রণে জিৎবা যয়ৌ দক্ষিণতঃ পুরঃ।
যুয়ুধে পাণ্ড্যরাজেন দিবসং নকুলানুজঃ॥ 2-32-17 (12622)
তং জিৎবা স মহাবাহুঃ প্রয়যৌ দক্ষিণাপথম্।
গুহামাসাদয়ামাস কিষ্কিন্ধাং লোকবিশ্রুতাম্॥ 2-32-18 (12623)
`পুরা বানররাজেন বালিনা চাভিরক্ষিতাম্।
ততঃ কোসলরাজস্য রামস্যৈবানুগেন চ।
সুগ্রীবেণাভিগুপ্তাং তাং প্রবিষ্টস্তমথাহ্বয়ৎ'॥ 2-32-19 (12624)
তত্র বানররাজাভ্যাং মৈন্দেন দ্বিবিদেন চ।
যুয়ুধে দিবসান্সপ্ত ন চ তৌ বিকৃতিং গতৌ॥ 2-32-20 (12625)
ততস্তুষ্টৌ মহাত্মানৌ সহদেবায় বানরৌ।
ঊচতুশ্চৈব সংহৃষ্টৌ প্রীতিপূর্বমিদং বচঃ॥ 2-32-21 (12626)
গচ্ছ পাণ্ডবশার্দূল রত্নান্যাদায় সর্বশঃ।
অবিঘ্নমস্ত কার্যায় ধর্মরাজায় ধীমতে॥ 2-32-22 (12627)
ততো রত্নান্যুপাদায় পুরীং মাহিষ্মতীং যয়ৌ॥
তত্র নীলেন রাজ্ঞা স চক্রে যুদ্ধং নরর্ষভঃ॥ 2-32-23 (12628)
পাণ্ডবঃ পরবীরঘ্নঃ সহদেবঃ প্রতাপবান্॥
ততোঽস্য সুমহদ্যুদ্ধমাসীদ্ভীরুভয়ঙ্করম্॥ 2-32-24 (12629)
সৈন্যক্ষয়করং চৈব প্রাণানাং সংশয়াবহম্।
চক্রে তস্য হি সাহায়্যং ভগবান্হব্যবাহনঃ॥ 2-32-25 (12630)
ততো রথা হয়া নাগাঃ পুরুষাঃ কবচানি চ।
প্রতীপ্তানি ব্যদৃশ্যন্ত সহদেববলে তদা॥ 2-32-26 (12631)
ততঃ সুসংভ্রান্তমনা বভূব কুরুনন্দনঃ।
নোত্তরং প্রতিবক্তুং চ শক্তোঽভূজ্জনমেজয়॥ 2-32-27 (12632)
জনমেজয় উবাচ। 2-32-28x (1439)
কিমর্থং ভগবান্বহ্নিঃ প্রত্যমিত্রোঽভবদ্যুধি।
সহদেবস্য যজ্ঞার্থং ঘটমানস্য বৈ দ্বিজ॥ 2-32-28 (12633)
বৈশম্পায়ন উবাচ। 2-32-29x (1440)
তত্র মাহিষ্মতীবাসী ভগবান্হব্যবাহনঃ।
শ্রূয়তে হি গৃহীতো বৈ পুরস্তাৎপারদারিকঃ॥ 2-32-29 (12634)
নীলস্য রাজ্ঞো দুহিতা বভূবতাতীব শোভনা।
সাঽগ্নিহোত্রমুপাতিষ্ঠদ্বোধনায় পিতুঃ সদা॥ 2-32-30 (12635)
ব্যজনৈর্ধূয়মানোঽপি তাবৎপ্রজ্বলতে ন সঃ॥
যাবচ্চারুপুটৌষ্ঠেন বায়ুনা ন বিধূয়তে॥ 2-32-31 (12636)
ততঃ স ভগবানগ্নিশ্চকমে তাং সুদর্শনাম্।
নীলস্য রাজ্ঞঃ সর্বেষামুপনীতশ্চ সোঽভবৎ॥ 2-32-32 (12637)
ততো ব্রহ্মণরূপেণ রমমাণো যদৃচ্ছয়া॥
চকমে তাং বরারোহাং কন্যামুৎপললোচনাম্॥
তং তু রাজা যথাশাস্ত্রমশাসদ্ধার্মিকস্তদা॥ 2-32-33 (12638)
প্রজজ্বাল ততঃ কোপাদ্ভগবান্হব্যবাহনঃ।
তং দৃষ্ট্বা বিস্মিতো রাজা জগাম শিরসাঽবনিম্॥ 2-32-34 (12639)
ততঃ কালেন তাং কন্যাং তথৈব হি তদা নৃপঃ।
প্রদদৌ বিপ্ররূপায় বহ্রয়ে শিরসা নতঃ॥ 2-32-35 (12640)
প্রতিগৃহ্য চ তাং সুভ্রুং নীলরাজ্ঞঃ সুতাং তদা।
চক্রে প্রসাদং ভগবাংস্তস্য রাজ্ঞো বিভাবসুঃ॥ 2-32-36 (12641)
বরেণ চ্ছন্দয়ামাস তং নৃপং স্বিষ্টকৃত্তমঃ।
অভয়ং চ স জগ্রাহ স্বসৈন্যে বৈ মহীপতিঃ॥ 2-32-37 (12642)
ততঃ প্রভৃতি যে কেচিদজ্ঞানাত্তাং পুরীং নৃপাঃ।
জিগীষন্তি বলাদ্রাজংস্তে দহ্যন্তে স্ম বহ্নিনা॥ 2-32-38 (12643)
তস্যাং পুর্যাং তদা চৈব মাহিষ্মত্যাং কুরূদ্বহ।
বভূবুরনতিগ্রাহ্য যোষিতশ্ছন্দতঃ কিল॥ 2-32-39 (12644)
এবমগ্নির্বরং প্রাদাৎস্ত্রীণামপ্রতিবারণে।
স্বৈরিণ্যস্তত্র চ রাজানস্তৎপুরং ভরতর্ষভ। 2-32-40 (12645)
বর্জয়ন্তি চ রাজানস্তৎপুরং ভরতর্ষভ।
ভয়াদগ্নের্মহারাজ তদাপ্রভৃতি সর্বদা॥ 2-32-41 (12646)
সহদেবস্তু ধর্মাত্মা সৈন্যং দৃষ্ট্বা ভয়ার্দিতম্।
পরীতমগ্নিনা রাজন্নাকম্পত যথাঽচলঃ।
উপস্পৃশ্য শুচির্ভূৎবা সোঽব্রবীৎপাবকং ততঃ॥ 2-32-42 (12647)
সহদেব উবাচ। 2-32-43x (1441)
ৎবদর্থোঽয়ং সমারম্ভঃ কৃষ্ণবর্ত্মন্নমোস্তু তে।
মুখং ৎবমসি দেবানাং যজ্ঞস্ৎবমসি পাবক॥ 2-32-43 (12648)
পাবনাৎপাবকশ্চাসি বহনাদ্ধব্যবাহনঃ।
বেদাস্ৎবদর্থং জাতা বৈ জাতবেদাস্ততো হ্যসি॥ 2-32-44 (12649)
চিত্রভানুঃ সুরেশশ্চ অনলস্ৎবং বিভাবসো।
স্বর্গদ্বারস্পৃশশ্চাসি হুতাশো জ্বলনঃ শিখী॥ 2-32-45 (12650)
বৈশ্বানরস্ৎবং পিঙ্গেশঃ প্লবঙ্গো ভূরিতেজসঃ।
কুমারসূস্ৎবং ভগবান্রুদ্রগর্ভো হিরণ্যকৃৎ॥ 2-32-46 (12651)
অগ্নির্দদাতু মে তেজো বায়ুঃ প্রাণং দদাতু মে।
পৃথিবী বলমাদধ্যাচ্ছিবং চাপো দিশন্তু মে॥ 2-32-47 (12652)
অপাং গর্ভ মহাসৎব জাতবেদঃ সুরেশ্বর।
দেবানাং মুখমগ্নে ৎবং সত্যেন বিপুনীহি মাম্॥ 2-32-48 (12653)
ঋষিভির্ব্রাহ্মণৈশ্চৈব দৈবতৈরসুরৈরপি।
নিত্যং সুহুত যজ্ঞেষু সত্যেন বিপুনীহি মাম্॥ 2-32-49 (12654)
ধূমকেতুঃ শিখী চ ৎবং পাপহাঽনিসম্ভবঃ।
সর্বপ্রাণিষু নিত্যস্থঃ সত্যেন বিপুনীহি মাম্॥ 2-32-50 (12655)
এবং স্তুতোঽসি ভগবন্প্রীতেন শিচিনা ময়া।
তুষ্টিং পুষ্টিং শ্রুতং চৈব প্রীতি চাগ্নে প্রয়চ্ছ মে॥ 2-32-51 (12656)
বৈশম্পায়ন উবাচ। 2-32-52x (1442)
ইত্যেবং মন্ত্রমাগ্নেয়ং পঠন্যো জুহুয়াদ্বিভুম্।
ঋদ্ধিমান্সততং দান্তঃ সর্বপাপৈঃ প্রমুচ্যতে॥ 2-32-52 (12657)
সহদেব উবাচ। 2-32-53x (1443)
যজ্ঞবিঘ্নমিমং কর্তুং নার্হস্ৎবং যজ্ঞবাহন।
এবমুক্ৎবা তু মাদ্রেয়ঃ কুশৈরাস্তীর্য মেদিনীম্॥ 2-32-53 (12658)
বিধিবৎপুরুষব্যাঘ্রঃ পাবকং প্রত্যুপাবিশৎ।
প্রমুখে তস্য সৈন্যস্য ভীতোদ্বিগ্রস্য ভারত॥ 2-32-54 (12659)
ন চৈনমত্যগাদ্বহ্নিরুবাচ মহোদধিঃ।
তমুপেত্য শনৈর্বহ্নিরুবাচ কুরুনন্দনম্॥ 2-32-55 (12660)
সহদেবং নৃণাং দেবং সান্ৎবপূর্বমিদং বচঃ।
উত্তিষ্ঠোত্তিষ্ঠ কৌরব্য জিজ্ঞাসেয়ং কৃতা ময়া॥ 2-32-56 (12661)
বেদ্মি সর্বমভিপ্রায়ং তব ধর্মসুতস্য চ।
ময়া তু রক্ষিতব্যা পূরিয়ং ভরতসত্তম॥ 2-32-57 (12662)
যাবদ্রাজ্ঞো হি নীলস্য কুলে বংশধরা ইতি।
ঈপ্সিতং তু করিষ্যামি মনসস্তব পাণ্ডব॥ 2-32-58 (12663)
তত উত্থায় হৃষ্টাত্মা প্রাঞ্জলিঃ শিরসা নতঃ।
পূজয়ামাস মাদ্রেয়টঃ পাবকং ভরতর্ষভ॥ 2-32-59 (12664)
পাবকে বিনিবৃত্তে তু নীলো রাজাঽভ্যগাত্তদা।
পাবকস্যাজ্ঞয়া চৈনমর্চয়ামাস পার্থিবঃ॥ 2-32-60 (12665)
সৎকারেণ নরব্যাঘ্রং সহদেবং যুধাং পতিম্।
প্রতিগৃহ্য চ তাং পূজাং করে চ বিনিবেশ্য চ॥ 2-32-61 (12666)
মাদ্রীসুতস্ততঃ প্রায়াদ্বিজয়ী দক্ষিণাং দিশম্।
ত্রৈপুরং স বশে কৃৎবা রাজানমমিতৌজসম্॥ 2-32-62 (12667)
নিজগ্রাহ মহাবাহুস্তরসা পৌরবেশ্বরম্।
আকৃতিং কৌশিকাচার্যং যত্নে মহতা ততঃ॥ 2-32-63 (12668)
বশে চক্রে মহাবাহুঃ সুরাষ্ট্রাধিপতিং তদা।
সুরাষ্ট্রবিষয়স্থশ্চ প্রেষয়ামাস রুক্মিণে॥ 2-32-64 (12669)
রাজ্ঞে ভোজকটস্থায় মহামাত্রায় ধীমতে।
ভীষ্মকায়স ধর্মাত্মা সাক্ষাদিন্দ্রসখায় বৈ॥ 2-32-65 (12670)
চ চাস্য প্রতিজগ্রাহ সসুতঃ শাসনং তদা।
প্রীতিপূর্বং মহারাজ বাসুদেবমবেক্ষ্য চ॥ 2-32-66 (12671)
ততঃ স রত্নান্যাদায় পুনঃ প্রায়াদ্যুধাং পতিঃ।
ততঃ শূর্পারকং চৈব তালাকটমথাপি চ॥ 2-32-67 (12672)
বশে চক্রে মহাতেজা দণ্ডকাংশ্চ মহাবলঃ।
সাগরদ্বীপবাসাংশ্চ নৃপতীন্ম্লেচ্ছয়োনিজান্॥ 2-32-68 (12673)
নিষাদান্পুরুষাদাংশ্চ কর্ণপ্রাবরণানপি।
যে চ কালমুখা নাম নররাক্ষসয়োনয়ঃ॥ 2-32-69 (12674)
কৃৎস্নং কোলগিরিং চৈব সুরভীপট্টনং তথা।
দ্বীপং তাম্রাহ্বয়ং চৈব পর্বতং রামকং তথা॥ 2-32-70 (12675)
তিমিঙ্গিলং চ স নৃপং বশে কৃৎবা মহামতিঃ।
একপাদাংশ্চ পুরুষান্কেরলান্বনবাসিনঃ॥ 2-32-71 (12676)
নগরীং সঞ্জয়ন্তীং চ পাষণ্ডং করহাটকম্।
দূতৈরেব বশে চক্রে করং চৈনানদাপয়ৎ॥ 2-32-72 (12677)
পাণ্ড্যাংশ্চ দ্রবিডাংশ্চৈব সহিতাংশ্চোড্রকেরলৈঃ।
অন্ধ্রাংস্তাবনাংশ্চৈব কলিঙ্গানুষ্ট্রকর্ণিকান্॥ 2-32-73 (12678)
আটবীং চ পুরীং রম্যাং যবনানাং পুরং তথা।
দূতৈরেব বশে চক্রে করং চৈনানদাপয়ৎ॥ 2-32-74 (12679)
`তাত্রপর্ণী ততো গৎবা কন্যাতীর্থমতীত্য চ।
দক্ষিণাং চ দিশং সর্বা বিজিত্য কুরুনন্দনঃ॥ 2-32-75 (12680)
উত্তরং তীরমাসাদ্য সাগরস্যোর্মিমালিনঃ।
চিন্তয়ামাস কৌন্তেয়ো ভ্রাতুঃ পুত্রং ঘটোৎকচম্॥ 2-32-76 (12681)
ততশ্চিন্তিতমাত্রস্তু রাক্ষসঃ প্রত্যদৃশ্যত।
তং মেরুশিখরাকারমাগতং পাণ্ডুনন্দনঃ॥ 2-32-77 (12682)
ভৃগুকচ্ছাত্ততো ধীমান্সাম্নৈবামিত্রকর্শনঃ।
আগম্যতামিতি প্রাহ ধর্মরাজস্য শসনাঃ॥ 2-32-78 (12683)
স রাক্ষসপরীবারস্তং প্রণম্যাশু সংস্থিতঃ।
ঘটোৎকচং মহাত্মানং রাক্ষসং ঘোরদর্শনম্॥ 2-32-79 (12684)
তত্রস্থঃ প্রেষয়ামাস পৌলস্ত্যায় মহাত্মনে'।
বিভীষণায় ধর্মাত্মা প্রীতিপূর্বমরিন্দমঃ॥ 2-32-80 (12685)
স চাস্য প্রতিজগ্রাহ শাসনং প্রীতিপূর্বকম্।
তচ্চ কৃষ্ণকৃতং ধীমানভ্যমন্যত স প্রভুঃ॥ 2-32-81 (12686)
ততঃ সম্প্রেষয়ামাস রত্নানি বিবিধানি চ।
চন্দনাগুরুকাষ্ঠানি দিব্যান্যাভরণানি চ॥ 2-32-82 (12687)
বাসাংসি চ মহার্হাণি মণীংশ্চৈব মহাধনান্॥ ॥ 2-32-82x (1444)
ইতি শ্রীমন্মহাভারতে সভাপর্বণি দিগ্বিজয়পর্বণি দ্বাত্রিংশোঽধ্যায়ঃ॥ 32॥
সভাপর্ব - অধ্যায় 033
॥ শ্রীঃ ॥
2.33. অধ্যায়ঃ 033
Mahabharata - Sabha Parva - Chapter Topics
জনমেজয়প্রশ্নানুরোধেন সহদেবস্য দ্রাবিডপাণ্ড্যদেশগমনকথনম্॥ 1॥Mahabharata - Sabha Parva - Chapter Text
`জনমেজয় উবাচ॥
ইচ্ছাম্যাগমনং শ্রোতুং হৈডিম্বস্য দ্বিজোত্তম।
লঙ্কায়াং চ গতিং ব্রহ্মন্পৌলস্ত্যস্য চ দর্শনম্॥ 2-33-1 (12688)
কাবেরীদর্শনং চৈব আনুপূর্ব্যা বদস্ব মে। 2-33-2 (12689)
বৈশম্পায়ন উবাচ।
শৃণু রাজন্যথা বৃত্তং সহেদবস্য সাহসম্॥ 2-33-2x (1445)
কালনদ্বীপগাংশ্চৈব তরসাঽজিত্য চাহবে।
দক্ষিণাং চ দিশং জিৎবা চোলস্য বিষয়ং যয়ৌ॥ 2-33-3 (12690)
দদর্শ পুণ্যতোয়াং বৈ কাবেরীং সরিতাং বরাম্।
নাজাপক্ষিগণৈর্জুষ্টাং তাপসৈরুপশোভিতাম্॥ 2-33-4 (12691)
কদম্বৈঃ সপ্তপর্ণৈশ্চ কশ্মর্যামলকৈর্বৃতাম্॥ 2-33-5 (12692)
ন্যগ্রোধৈশ্চ মহাশাখৈঃ প্লক্ষৈরৌদুম্বরৈরপি।
শমীপলাশবৃক্ষৈশ্চ অশ্বত্থৈঃ খদিরৈর্বৃতাম্॥ 2-33-6 (12693)
বদরীভিশ্চ সঞ্ছন্নামশ্বকর্ণৈশ্চ শোভিতাম্।
বূতৈঃ পুণ্ড্রকপত্রৈশ্চ কদলীবনসংবৃতাম্॥ 2-33-7 (12694)
চক্রবাকগণৈঃ কীর্ণং প্লবৈশ্চ জলবায়সৈঃ।
সমুদ্রকাকৈঃ ক্রৌঞ্চৈশ্চ নাদিতাং জলকুক্কুটৈঃ॥ 2-33-8 (12695)
এবং খগৈশ্চ বহুভিঃ সঙ্ঘুষ্টাং জলবাসিভিঃ।
আশ্রমৈর্বহুভিঃ সক্তাং চৈত্যবৃক্ষৈশ্চ শোভিতাম্॥ 2-33-9 (12696)
শোভিতাং ব্রাহ্মণৈঃ শুভ্রৈর্বেদবেদাঙ্গপারগৈঃ।
ক্বচিত্তীররুহৈর্বৃক্ষৈর্মালাভিরিব শোভিতাম্॥ 2-33-10 (12697)
ক্বচিৎসুপুষ্পিতৈর্বৃক্ষৈঃ ক্বচিৎসৌগন্ধিকোৎপলৈঃ।
কহ্লারকুমুদোৎফুল্লৈঃ কমলৈরুপশোভিতাম্॥ 2-33-11 (12698)
কাবেরীং তাদৃশীং দৃষ্ট্বা প্রীতিমান্পাণ্ডবস্তদা।
অস্মদ্রাষ্ট্রে যথা গঙ্গা কাবেরী চ তথা শুভা॥ 2-33-12 (12699)
সহদেবস্তু তাং তীর্ৎবা নদীমনুচরৈঃ সহ।
দক্ষিণং তীরভাসাদ্য গমনায়োপচক্রমে॥ 2-33-13 (12700)
আগতং পাণ্ডবং তত্র শ্রুৎবা বিষয়বাসিনঃ।
দর্শনার্থং যয়ুস্তে তু কৌতূহলসমন্বিতাঃ॥ 2-33-14 (12701)
দ্রমিডাঃ পুরুষা রাজন্স্রিয়চশ্চ প্রিয়দর্শনাঃ।
গৎবা পাণ্ডুসুতং তত্র দদৃশুস্তে মুদাঽন্বিতাঃ॥ 2-33-15 (12702)
সুকুমারং বিশালাক্ষং ব্রজন্তং ত্রিদশোপমম্।
দর্শনীয়তমং লোকে নেত্রৈরনিমিষৈরিব॥ 2-33-16 (12703)
আশ্চর্যভূতং দদৃশুর্দ্রমিডাস্তে সমাগতাঃ।
মহাসেনোপমং দৃষ্ট্বা পূজাং চক্রুশ্চ তস্য বৈ॥ 2-33-17 (12704)
রত্নৈশ্চ বিবিধৈরিষ্টৈর্ভোগৈরন্যৈশ্চ সংমতৈঃ।
গতিমঙ্গলয়ুক্তার্ভিঃ স্তুবন্তো নকুলানুজম্॥ 2-33-18 (12705)
সহদেবস্তু তান্দৃষ্ট্বা দ্রমিলানাগতান্মুদা।
বিসৃজ্য তান্মহাবাহুঃ প্রস্থিতো দক্ষিণাং দিশম্॥ 2-33-19 (12706)
দূতেন তরসা চোলং বিজিত্য দ্রমিডেশ্বরম্।
ততো রত্নান্যুপাদায় পাণ্ডস্য বিষয়ং যয়ৌ॥ 2-33-20 (12707)
দর্শনে সহদেবস্য ন চ তৃপ্তা নরাঃ পরে।
গচ্ছন্তমনুগচ্ছন্তঃ প্রাপ্তাঃ কৌতূহলান্বিতাঃ॥ 2-33-21 (12708)
ততো মাদ্রীসুতোং রাজন্মৃগসঙ্ঘান্বিলোকয়ন্।
গজান্বনচরানন্যান্ব্যাঘ্রান্কুষ্ণমৃগান্বহূন্ ॥ 2-33-22 (12709)
শুকান্ময়ূরান্দৃষ্ট্বা তু গৃধ্রানারণ্যকুক্কুটান্।
ততো দেশং সমাসাদ্য শ্বশুরস্য মহীপতেঃ॥ 2-33-23 (12710)
প্রেষয়ামাস মাদ্রেয়ো দূতান্পাণ্ড্যায় বৈ তদা।
প্রতিজগ্রাহ তস্যাজ্ঞাং সম্প্রীত্যা মলয়ধ্বজঃ॥ 2-33-24 (12711)
ভার্যা রূপবতী জিষ্ণোঃ পাণ্ড্যস্য তনয়া শুভা।
চিত্রাঙ্গদেতি বিখ্যাতা দ্রমিডী যোষিতাং বরা॥ 2-33-25 (12712)
আগতং সহদেবং তু সা শ্রুৎবাঽন্তঃ পুরে পিতুঃ।
প্রেষয়ামাস সম্প্রীত্যা পূজারত্নং চ বৈ বহু॥ 2-33-26 (12713)
পাণ্ড্যোঽপি বহুরত্নানি দূতৈঃ সহ মুমোচ হ।
মণিমুক্তাপ্রবালানি সহদেবায় কীর্তিমান্॥ 2-33-27 (12714)
তাং দৃষ্ট্বাঽপ্রতিমাং পূজাং পাণ্ডবোঽপি মুদা নৃপ।
ভ্রাতুঃ পুত্রে বহূন্রত্নান্দৎবা বৈ বভ্রূবাহনে॥ 2-33-28 (12715)
পাণ্ড্যং দ্রমিডরাজানং শ্বশুরং মলয়ধ্বজম্।
স দূতৈস্তং বশে কৃৎবা মণলূরেশ্বরং তদা॥ 2-33-29 (12716)
ততো রত্নান্যুপাদায় দ্রমিডৈরাবৃতো যয়ৌ।
অগস্ত্যস্যালয়ং দিব্যং দেবলোকসমং গিরিম্॥ 2-33-30 (12717)
স তং প্রদক্ষিমং কৃৎবা মলয়ং ভরতর্ষভ।
লঙ্ঘয়িৎবা তু মাদ্রেয়স্তাম্রপণীং নদীং শুভাম্॥ 2-33-31 (12718)
প্রসন্নসলিলাং দিব্যাং সুশীতাং চ মনোহরাম্।
সমুদ্রতীরমাসাদ্য ন্যবিশৎপাণ্ডুনন্দনঃ॥ ॥ 2-33-32 (12719)
ইতি শ্রীমন্মহাভারতে সভাপর্বণি দিগ্বিজয়পর্বণি ত্রয়স্ত্রিংশোঽধ্যায়ঃ॥ 33॥
সভাপর্ব - অধ্যায় 034
॥ শ্রীঃ ॥
2.34. অধ্যায়ঃ 034
Mahabharata - Sabha Parva - Chapter Topics
স্মৃতিমাত্রাগতঘটোৎকচলঙ্কাপ্রেষণবৃত্তান্তস্য বিস্তরেণ কথনম্॥1॥ কৃষ্ণগৌরবেণ বিভীষণেন করদানম্॥ 2॥ বিভীষণাৎকরণাহৃতবতা ঘটোৎকচেন সহ সহদেবস্য প্রতিনিবর্তনম্॥ 3॥Mahabharata - Sabha Parva - Chapter Text
বৈশম্পায়ন উবাচ॥
সহদেবস্ততো রাজা মন্ত্রিভিঃ সহ ভারত।
সম্প্রধার্য মহাবাহুঃ সচিবৈর্বুদ্ধিমত্তরৈঃ॥ 2-34-1 (12720)
স বিচার্য তদা রাজন্সহদেবস্ৎবরান্বিতঃ।
চিন্তয়ামাস রাজেন্দ্র ভ্রাতুঃ পুত্রং ঘটোৎকচম্॥ 2-34-2 (12721)
ততশ্চিন্তিতমাত্রে তু রাক্ষসঃ প্রত্যদৃশ্যত।
অতিদীর্ঘো মহাবাহু সর্বাভরণভূষিতঃ॥ 2-34-3 (12722)
নীলজীমূতসঙ্কাশস্তপ্তকাঞ্চনকুণ্ডলঃ।
বিচিত্রহারকেয়ূরঃ কিঙ্কিণীমণিভূষিতঃ॥ 2-34-4 (12723)
হেমমালী মহাদংষ্ট্রঃ কিরীটী কুক্ষিবন্ধনঃ।
তাম্রকেশো হরিশ্মশ্রুর্ভীমাঙ্গঃ কটকাঙ্গদঃ॥ 2-34-5 (12724)
রক্তচন্দনদিগ্ধাঙ্গঃ সূক্ষ্মাম্বরধরো বলী।
বলেন স যয়ৌ তত্র চালয়ন্নিব মেদিনীম্॥ 2-34-6 (12725)
ততো দৃষ্ট্বা জনা রাজন্নায়ান্তং পর্বতোপমম্।
ভয়াদ্ধি দুদ্রুবুঃ সর্বে সিংহাৎক্ষুদ্রমৃগা যথা॥ 2-34-7 (12726)
আসসাদ চ মাদ্রেয়ং পুলস্ত্যং রাবণো যথা।
অভিবাদ্য ততো রাজন্সহদেবং ঘটোৎকচঃ॥ 2-34-8 (12727)
প্রহ্বঃ কৃতাঞ্জলিস্তস্থৌ কিং কার্যমিতি চাব্রবীৎ।
তং পরিষ্বজ্য বাহুভ্যাং মূর্ধ্ন্যুপাঘ্রায় পাণ্ডবঃ॥ 2-34-9 (12728)
তং মেরুশিখরাকারমাগতং পাণ্ডুনন্দনঃ।
পূজয়িৎবা সহামাত্যঃ প্রীতো বাক্যমুবাচ হ॥ 2-34-10 (12729)
গচ্ছ লঙ্কাং পুরীং বৎস করার্থং মম শাসনাৎ। ॥
তত্র দৃষ্ট্বা মহাত্মানং রাক্ষসেন্দ্রং বিভীষণম্॥ 2-34-11 (12730)
রত্নানি রাজসূয়ার্থং বিবিধানি বহূনি চ।
উপাদায় চ সর্বাণি প্রত্যাগচ্ছ মহাবল॥ 2-34-12 (12731)
বৈশম্পায়ন উবাচ। 2-34-13x (1446)
পাণ্ডবেনৈবমুক্তস্তু মুদা যুক্তো ঘটোৎকচঃ।
তথেত্যুক্ৎবা মহারাজ প্রতস্যে দক্ষিণাং দিশম্॥ 2-34-13 (12732)
প্রয়যৌ দক্ষিণং কৃৎবা সহদেবং ঘটোৎকচঃ।
লঙ্কামভিমুকো রাজন্সমুদ্রং স ব্যলোকয়ৎ॥ 2-34-14 (12733)
কূর্মগ্রাহঝষাকীর্ণং মীননক্রৈস্তথাঽঽকুলম্।
শুক্তিব্রাতসমাকীর্ণং শঙ্কানাং নিচয়াকুলম্॥ 2-34-15 (12734)
স দৃষ্ট্বা রামসেতুং চ চিন্তয়ন্রামবিক্রমম্॥
গৎবা পারং সমুদ্রস্য দক্ষিণং স ঘটোৎকচঃ॥ 2-34-16 (12735)
দদর্শ লঙ্কাং রাজেন্দ্র নাকপৃষ্ঠোপমাং শুভাম্।
প্রাকারেণাবৃতাং রম্যাং শুভদ্বারৈশ্চ শোভিতাম্॥ 2-34-17 (12736)
প্রাসাদৈর্বহুসাহস্রৈঃ শ্বেতরক্তৈশ্চ সঙ্কুলাম্।
দিব্যদুন্দুভিনির্হ্রাদামুদ্যানবনশোভিতাম্॥ 2-34-18 (12737)
সর্বকালফলৈর্বৃক্ষৈঃ পুষ্পিতৈরুপশোভিতাম্।
পুষ্পগন্ধৈশ্চ সঙ্কীর্ণাং রমণীয়মহারথাম্॥ 2-34-19 (12738)
নানারত্নৈশ্চ সম্পূর্ণামিন্দ্রস্যেবামরাবতীম্।
বিবেশ স পুরীং লঙ্কাং রাক্ষসৈশ্চ নিষেবিতাম্॥ 2-34-20 (12739)
দদর্শ স পুরীং লঙ্কাং রাক্ষসৈশ্চ নিষেবিতাম্॥
নানাবেষধরান্দক্ষান্নারীশ্চ প্রিয়দর্শনাঃ॥ 2-34-21 (12740)
দিব্যমাল্যাম্বরধরা দিব্যভূষণভূষিতাঃ।
মদরক্তান্তনয়নাঃ পীনশ্রোণিপয়োধরাঃ॥ 2-34-22 (12741)
ভৈমসেনিং ততো দৃষ্ট্বা হৃষ্টাস্তে বিস্ময়ং গতাঃ।
আসসাদ গৃহং রাজ্ঞ ইন্দ্রস্য সদনোপমম্॥ 2-34-23 (12742)
স দ্বারপালমাসাদ্য বাক্যমেতদুবাচ হ। 2-34-24 (12743)
ঘটোৎকচ উবাচ॥
কুরূণামৃষ্টবো রাজা পাণ্ডুর্নাম মহাবলঃ॥ 2-34-24x (1447)
কনীয়াংস্তস্য দায়াদঃ সহদেব ইতি শ্রুতঃ।
তেনাহং প্রেষিতো দূতঃ করার্থং কৌরবস্য চ॥ 2-34-25 (12744)
দ্রষ্টুমিচ্ছামি রাজেনদ্রং ৎবং ক্ষিপ্রং মাং নিবেদয়। 2-34-26 (12745)
বৈশম্পায়ন উবাচ॥
তস্য তদ্বচনং শ্রুৎবা দ্বারপালো মহীপতে॥ 2-34-26x (1448)
তথেত্যুক্ৎবা বিবেশাথ ভবনং স নিবেদকঃ।
প্রাঞ্জলিঃ স্রবমাচষ্ট স্রবাং দূতগিরং তদা॥ 2-34-27 (12746)
দ্বারপালবচঃ শ্রুৎবা রাক্ষসেন্দ্রো বিভীষণঃ।
উবাচ বাক্যং ধর্মাত্মা সমীপং মে প্রবেশ্যতাম্॥ 2-34-28 (12747)
এবমুক্তস্তু রাজ্ঞা স ধর্মজ্ঞেন মহাত্মনা।
অথনিষ্কম্য সম্ভ্রান্তো দ্বার্স্থোহৈডিম্বমব্রবীৎ॥ 2-34-29 (12748)
এহি দূত নৃপং দ্রষ্টুং ক্ষিপ্রং প্রবিশ চ স্বয়ম্।
দ্বারপালবচঃ শ্রুৎবা প্রবিবেশ ঘটোৎকচঃ॥ 2-34-30 (12749)
স প্রবিশ্য দদর্শাথ রাক্ষসেন্দ্রস্য মন্দিরম্।
ততঃ কৈলাসসঙ্কাশং তৎপকাঞ্চনতোরণম্॥ 2-34-31 (12750)
প্রাকারেণ পরিক্ষিপ্তং গোপুরৈশ্চাপি শোভিতম্।
হর্ম্যপ্রাসাদসম্বাধং নানারত্নোপশোভিতম্॥ 2-34-32 (12751)
কাঞ্চনৈস্তাপনীয়ৈশ্চ স্ফাটিকৈ রাজতৈরপি।
বজ্রবৈডূর্যজুষ্টৈশ্চ স্তম্ভৈশ্চ সুমনোহরৈঃ॥ 2-34-33 (12752)
নানাধ্বজপতাকাভির্যুক্তং মণিবিচিত্রিতম্।
চিত্রমাল্যাবৃতং রম্যং তপ্তকাঞ্চনবেদিকম্॥ 2-34-34 (12753)
স দৃষ্ট্বা তত্র সর্বং চ ভৈমসেনির্মনোহরম্।
প্রবিশন্নেব হৈডিম্বঃ শুশ্রাব মধুরস্বরম্॥ 2-34-35 (12754)
তন্ত্রীগীতসমাকীর্ণং সমতালমিতাক্ষরম্।
দিব্যদুন্দুভিনির্হ্রাদং বাদিত্রসততং শুভম্॥ 2-34-36 (12755)
স শ্রুৎবা মধুরং শব্দং প্রীতিমানভবত্তদা।
ততো বিগাহ্য হৈডিম্বো বহুকক্ষ্যাং মনোরমাম্॥ 2-34-37 (12756)
স দদর্শ মহাত্মানং দ্বার্স্থেন সহ ভারত।
তং বিভীষণমাসীনং কাঞ্চনে পরমাসনে॥ 2-34-38 (12757)
দিবি ভাস্করসঙ্কাশং মুক্তামণিবিভূষিতম্।
দিব্যাভরণচিত্রাঙ্গং দিব্যরূপধরং বিভুম্॥ 2-34-39 (12758)
দিব্যমাল্যাম্বরধরং দিব্যগন্ধোক্ষিতং শুভম্।
বিভ্রাজমানং বপুষা সূর্যবৈশ্বানরপ্রভম্॥ 2-34-40 (12759)
উপোপবিষ্টং সচিবৈর্দেবৈরিব শতক্রতুম্।
যক্ষৈর্মহাত্মভির্দিব্যনারীভির্হৃদ্যকান্তিভিঃ॥ 2-34-41 (12760)
গীতৈর্মঙ্গলয়ুক্তৈশ্চ পূজ্যমানং যথা দিবি।
চামরে ব্যজনে চাগ্র্যে হেমদণ্ডে মহাধনে॥ 2-34-42 (12761)
গৃহীতে বরনারীভ্যাং ধূয়মানে চ মূর্ধনি।
অর্চিষ্মন্তং শ্রিয়া জুষ্টং কুবেরবরুণোপমম্॥ 2-34-43 (12762)
ধর্মে চৈব স্থিতং নিত্যমদ্ভুতং রাক্ষসেস্বরম্।
রামমিক্ষ্বাকুনাথং বৈ স্মরন্তং মনসা সদা॥ 2-34-44 (12763)
দৃষ্ট্বা ঘটোৎকচো রাজন্ববন্দে তং কৃতাঞ্জলিঃ।
প্রহ্বস্তস্থৌ মহাবীর্যঃ শক্রং চিত্ররথো যথা॥ 2-34-45 (12764)
তং দূতমাগতং দৃষ্ট্বা রাক্ষসেন্দ্রো বিভীষণঃ।
পূজয়িৎবা যথান্যায়ং সান্ৎবপূর্বং বচোঽব্রবীৎ॥ 2-34-46 (12765)
বিভীষণ উবাচ॥ 2-34-47x (1449)
কস্য বংশে স সঞ্জাতঃ করমিচ্ছন্মহীপতিঃ।
তস্যানুজান্সমস্তাংশ্চ পুরং দেশং চ তস্য বৈ॥ 2-34-47 (12766)
ৎবাং চ কার্যং চ তৎসর্বং শ্রোতুমিচ্ছামি তৎবতঃ।
বিস্তরেণ মম ব্রূহি সর্বানেতান্পৃথক্পৃথক্॥ 2-34-48 (12767)
বৈশম্পায়ন উবাচ। 2-34-49x (1450)
এবমুক্তস্তু হৈডিম্বঃ পৌলস্ত্যেন মহাত্মনা।
কৃতাঞ্জলিরুবাচাথ সমর্থমিদমুত্তরম্॥ 2-34-49 (12768)
ঘটোৎকচ উবাচ। 2-34-50x (1451)
সোমবংশোদ্ভবো রাজা পাণ্ডুর্নাম মহাবলঃ।
পাণ্ডোশ্চ পুত্রাঃ পঞ্চাসঞ্ছক্রতুল্যপরাক্রমাঃ॥ 2-34-50 (12769)
তেষাং জ্যেষ্ঠস্তু নাম্না বৈ যুধিষ্ঠির ইতি শ্রুতঃ।
অজাতশত্রুর্ধর্মাত্মা ধর্মো বিগ্রহবানিব॥ 2-34-51 (12770)
ততো যুধিষ্ঠিরো রাজা প্রাপ্য রাজ্যমকারয়ৎ।
গঙ্গায়া দক্ষিণে তীরে নগরে নাগসাহ্বয়ে॥ 2-34-52 (12771)
তদ্দৎবা ধৃতরাষ্ট্রায় শক্রপ্রস্থং যয়ৌ ততঃ।
ভ্রাতৃভিঃ সহ রাজেন্দ্র শক্রপ্রস্থেঽন্বমোদত॥ 2-34-53 (12772)
গঙ্গায়মুনয়োর্মধ্যে তে উভে নগরোত্তমে।
নিত্যং ধর্মে স্থিতো রাজা শক্রপ্রস্থে প্রশাস্তি নঃ॥ 2-34-54 (12773)
তস্যানুজো মহাবাহুর্ভীমসেন ইতি শ্রুতঃ।
মহাতেজা মহাকীর্তিঃ শক্রতুল্যপরাক্রমঃ॥ 2-34-55 (12774)
দশনাগসহস্রাণাং বলে তুল্যঃ স পাণ্ডবঃ।
তস্যানুজোঽর্জুনো নাম মহাবলপরাক্রমঃ॥ 2-34-56 (12775)
সুকুমারো মহাসৎবো লোকে বীর্যেণ বিশ্রুতঃ।
কার্তবীর্যসমো বীর্যে সাগরপ্রতিমো বলে॥ 2-34-57 (12776)
জামদগ্ন্যসমশ্চাস্ত্রে সঙ্খ্যে রামসমোঽর্জুনঃ।
রূপে শক্রসমঃ পার্থস্তেজসা ভাস্করোপমঃ॥ 2-34-58 (12777)
দেবদানবগন্ধর্বৈঃ পিশাচোরগরাক্ষসৈঃ।
মানুষৈশ্চ সমস্তৈস্তু অজেয়ঃ ফল্গুনো রণে॥ 2-34-59 (12778)
তেন তৎখণ্ডবং দাবং তর্পিতং জাতবেদসে।
বিজিত্য তরসা শক্রং যুধি দেবগণৈঃ সহ॥ 2-34-60 (12779)
লব্ধান্যস্ত্রাণি দিব্যানি তর্পয়িৎবা হুতাশনম্।
তেন লব্ধা মহারাজ দুর্লভা দৈবতৈরপি॥ 2-34-61 (12780)
বাসুদেবস্য ভগিনী সুভদ্রা নাম বিশ্রুতা।
অর্জুনস্যানুজো রাজন্নকুলশ্চেতি বিশ্রুতঃ॥ 2-34-62 (12781)
দর্শনীয়তমো লোকে মূর্তিমানিব মন্মথঃ।
তস্যানুজো মহাতেজাঃ সহদেব ইতি শ্রুতঃ॥ 2-34-63 (12782)
তেনাহং প্রেষিতো রাজন্কুমারেণ সমো রণে।
অহং ঘটোৎকচো নাম ভীমসেনসুতো বলী॥ 2-34-64 (12783)
মম মাতা মহাভাগা হিডিম্বা নাম রাক্ষসী।
পার্থানামুপকারার্থং চরামি পৃথিবীমিমাম্॥ 2-34-65 (12784)
আসীৎপৃথিব্যাঃ সর্বস্যা মহীপালো যুধিষ্ঠিরঃ।
রাজসূয়ং ক্রতুশ্রেষ্ঠমাহর্তুমুপচক্রমে॥ 2-34-66 (12785)
সন্দিদেশ চ স ভ্রাতৃন্করার্থং সর্বতোদিশম্।
বৃষ্ণিবীরেণ সহিতঃ সন্দিদেশানুজান্নৃপঃ॥ 2-34-67 (12786)
উদীচীমর্জুনস্তূর্ণং গৎবা মেরোরথোত্তমঃ।
গৎবা শতসহস্রাণি যোজনানি মহাবলঃ॥ 2-34-68 (12787)
জিৎবা সর্বান্নৃপান্যুদ্ধে হৎবা চ তরসা বশী।
স্বর্গদ্বারমুপাগম্য রত্নান্যাদায় বৈ ভৃশম্॥ 2-34-69 (12788)
অশ্বাংশ্চ বিবিধান্দিব্যান্সর্বানাদায় ফল্গুনঃ।
ধনং বহুবিধং রাজন্ধর্মপুত্রায় বৈ দদৌ॥ 2-34-70 (12789)
ভীমসেনো হি রাজেন্দ্র জিৎবা প্রাচীং দিশং বলাৎ।
বশে কৃৎবা মহীপালান্পাণ্ডবায় ধনং দদৌ॥ 2-34-71 (12790)
দিশং প্রতীচীং নকুলঃ করার্থং প্রয়যৌ তথা।
সহদেবো দিশং যাম্যাং জিৎবা সর্বান্মহীক্ষিতঃ॥ 2-34-72 (12791)
মাং সন্দিদেশ রাজেন্দ্র করার্থমিহ সৎকৃতঃ।
পার্থানাং চরিতং তুভ্যং সঙ্ক্ষেপাৎসমুদাহৃতম্॥ 2-34-73 (12792)
তমবেক্ষ্য মহারাজ ধর্মরাজং যুধিষ্ঠিরম্।
পাবনং রাজসূয়ং চ ভগবন্তং হরিং প্রভুম্।
এতানবেক্ষ্য ধর্মজ্ঞ করং দাতুমিহার্হসি॥ 2-34-74 (12793)
বৈশম্পায়ন উবাচ॥ 2-34-75x (1452)
তেন তদ্ভাষিতং শ্রুৎবা রাক্ষসেন্দ্রো বিভীষণঃ।
শাসনং প্রতিজগ্রাহ ধর্মাত্মা রাক্ষসৈঃ সহ॥ 2-34-75 (12794)
তচ্চ কৃষ্ণকৃতং ধীমানিত্যমন্যত স প্রভুঃ।
ততো দদৌ বিচিত্রাণি কম্বলানি কুথানি চ॥ 2-34-76 (12795)
দান্তকাঞ্চনপর্যঙ্কান্মণিহেমবিচিত্রিতান্।
ভূষণানি মহার্হাণি প্রবালানি মণীংশ্চ সঃ॥ 2-34-77 (12796)
কাঞ্চনানি চ ভাণ্ডনি কলশানি ঘটানি চ।
কটাহানি বিচিত্রানি দ্রোণ্যশ্চৈব সহস্রশঃ॥ 2-34-78 (12797)
রাজতানি চ ভাণ্ডানি রত্নগর্ভাংশ্চ কুণ্ডলান্।
হেমপুষ্পানি চান্যানি রুক্মমুখ্যানি চাপরান্। 2-34-79 (12798)
শঙ্খাংশ্চ চন্দ্রসঙ্কাশাংশ্চিত্রাবর্তবিচিত্রিতান্।
যজ্ঞস্য তোরণে যুক্তান্দদৌ তালাংশ্চতুর্দশ॥ 2-34-80 (12799)
রুক্মপঙ্কজপুষ্পাণি শিবিকা মণিভূষিতাঃ।
মুকুটানি মহার্হাণি রত্নগর্ভাংশ্চ কঙ্কণান্॥ 2-34-81 (12800)
চন্দনানি চ মুখ্যানি বাসাংসি বিবিধানি চ।
স দদৌ সহদেবায় তদা রাজা বিভীষণাঃ॥ 2-34-82 (12801)
তানি সর্বাণি রত্নানি আজহ্রুস্তে নিশাচরাঃ।
অষ্টাশীতিসহস্রাণি সমদা রক্তলোচনাঃ॥ 2-34-83 (12802)
রত্নান্যাদায় সর্বাণি প্রতস্থে স ঘটোৎকচঃ।
বিভীষণং চ রাজানমভিবাদ্য কৃতাঞ্জলিঃ॥ 2-34-84 (12803)
প্রদক্ষিণং পরীত্যৈব নির্জগাম ঘটোৎকচঃ।
ততো রত্নান্যুপাদায় হৈডিম্বো রাক্ষসৈঃ সহ॥ 2-34-85 (12804)
জগাম তূর্ণং লঙ্কায়াঃ সহদেবপদং প্রতি।
আসেদুঃ পাণ্ডবং সর্বে লঙ্ঘয়িৎবা মহোদধিম্॥ 2-34-86 (12805)
সহদেবো দদর্শাথ রত্নাহারান্নিশাচরান্।
আগতান্ভীমসঙ্কাশান্হৈডিম্বং চ তথা নৃপ॥ 2-34-87 (12806)
দ্রমিলা নৈঋতান্দৃষ্ট্বা দুদ্রুবুস্তে ভয়ার্দিতাঃ।
ভৈমসেনিস্ততো গৎবা মার্দেয়ং প্রাঞ্জলিঃ স্থিতঃ॥ 2-34-88 (12807)
প্রীতিমানভবদ্দৃষ্ট্বা রত্নৌধং তং চ পাণ্ডবঃ।
তং পরিষ্বজ্য পাণিভ্যাং দৃষ্ট্বা তান্প্রীতিমানভূৎ॥ 2-34-89 (12808)
বিসৃজ্য দ্রবিডান্সর্বান্গমনায়োপচক্রমে।
ন্যবর্তম ততো ধীমান্সহদেবো নরাধিপঃ॥ 2-34-90 (12809)
এবং বিজিত্য তরসা সান্ৎবেন বিজয়েন চ।
করদান্পার্থিবান্কৃৎবা প্রত্যাগচ্ছদরিন্দমঃ॥ 2-34-91 (12810)
রত্নসালমুপাদায় যয়ৌ সহনিশাচরঃ।
ইন্দ্রপ্রস্থং বিবেশাথ কম্পয়ন্নিব মেদিনীম্॥ 2-34-92 (12811)
দৃষ্ট্বা যুধিষ্ঠিরং রাজন্সহদেবঃ কৃতাঞ্জলিঃ।
প্রহ্বোঽভিবাদ্য তস্থৌ স পূজিতশ্চাপি তেন বৈ॥ 2-34-93 (12812)
লঙ্কাপ্রাপ্তান্ধনৌঘাংশ্চ দৃষ্ট্বা তান্দুর্লভান্বহূন্।
প্রীতিমানভবদ্রাজা বিস্ময়ং পরমং যয়ৌ॥ 2-34-94 (12813)
ধর্মরাজায় তৎসর্বং নিবেদ্য ভরতর্ষভ।
কোটীসহস্রমধিকং হিরণ্যস্য মহাত্মনে॥ 2-34-95 (12814)
বিবিধানি চ রত্নানি গোজাবিমহিষাংস্তথা।
কৃতকর্মা সুখং রাজন্নুবাস জনমেজয়॥ ॥ 2-34-96 (12815)
ইতি শ্রীমন্মহাভারতে সভাপর্বণি দিগ্বিজয়পর্বণি চতুস্ত্রিংসোঽধ্যায়ঃ॥ 34॥ ॥
সভাপর্ব - অধ্যায় 035
॥ শ্রীঃ ॥
2.35. অধ্যায়ঃ 035
Mahabharata - Sabha Parva - Chapter Topics
নকুলস্য পশ্চিমদিগ্বিজয়ঃ॥ 1॥Mahabharata - Sabha Parva - Chapter Text
বৈশম্পায়ন উবাচ॥
নকুলস্য তু বক্ষ্যামি কর্মাণি বিজয়ং তথা।
বাসুদেবজিতামাশাং যথাঽসাবজয়ৎপ্রভুঃ॥ 2-35-1 (12816)
নির্যায় খাণ্ডবপ্রস্থাৎপ্রতীচীমভিতো দিশম্।
উদ্দিশ্য মতিমান্প্রায়ান্মহত্যা সেনয়া সহ॥ 2-35-2 (12817)
সিংহনাদেন মহতা যোধানাং গর্জিতেন চ।
রথনেমিনিনাদৈশ্চ কম্পয়ন্বসুধামিমাম্॥ 2-35-3 (12818)
ততো বহু ধনং রম্যং গাবাঢ্যং ধনধান্যবৎ।
কার্তিকেয়স্য দয়িতং রোহীতকুপাদ্রবৎ॥ 2-35-4 (12819)
তত্র যুদ্ধং মহচ্চাসীচ্ছূরৈর্মত্তময়ূরকৈঃ।
মরুভূমিং স কার্ৎস্ন্যেন তথৈব বহুধান্যকম্॥ 2-35-5 (12820)
শৈরীষকং মহেত্থং চ বশে চক্রে মহাদ্যুতিঃ।
আক্রোশং চৈব রাজর্ষি তেন যুদ্ধমভূন্মহৎ॥ 2-35-6 (12821)
তান্দশার্ণান্স জিৎবা চ প্রতস্থে পাণ্ডুনন্দনঃ।
শিবীংস্ত্রিগর্তানম্বষ্ঠান্মালবান্পঞ্চ কর্পটান্॥ 2-35-7 (12822)
তথা মধ্যমকেয়াংশ্চ বাটধানান্দ্বিজানথ।
পুনশ্চ পরিবৃত্যাথ পুষ্করারণ্যবাসিনঃ॥ 2-35-8 (12823)
গণানুৎসবসঙ্কেতান্ব্যজয়ৎপুরুষর্ষভঃ।
সিন্ধুকূলাশ্রিতা যে চ গ্রামণীয়া মহাবলাঃ॥ 2-35-9 (12824)
শূদ্রাভীরগণাশ্চৈব যে চাশ্রিত্য সরস্বতীম্।
বর্তয়ন্তি চ যে মৎস্যৈর্যে চ পর্বতবাসিনঃ॥ 2-35-10 (12825)
কৎস্নং পঞ্চনন্দং চৈব তথৈবামরপর্বতম্।
উত্তরজ্যোতিষং চৈব তথা দিব্যকটং পুরম্॥ 2-35-11 (12826)
দ্বারপালং চ তরসা বশে চক্রে মহাদ্যুতিঃ।
রামঠান্হারহূণাংশ্চ প্রতীচ্যাশ্চৈব যে নৃপাঃ॥ 2-35-12 (12827)
তান্সর্বান্স বশে চক্রে শাসনাদেব পাণ্ডবঃ।
তত্রস্থঃ প্রেষয়ামাস বাসুদেবায় ভারত॥ 2-35-13 (12828)
স চাস্য গতভী রাজন্প্রতিজগ্রাহ শাসনম্।
ততঃ শাকলমভ্যেত্য মদ্রাণাং পুটভেদনম্॥ 2-35-14 (12829)
মাতুলং প্রীতিপূর্বেণ শল্যং চক্রে বশে বলী।
স তেন সৎকৃতো রাজ্ঞা সৎকারার্হো বিশাম্পতে॥ 2-35-15 (12830)
রত্নানি ভূরীণ্যাদায় সম্প্রতস্থে যুধাং পতিঃ।
ততঃ সাগরকুক্ষিস্থান্ম্লেচ্ছান্পরমদারুণান্॥ 2-35-16 (12831)
পহ্লবান্বর্বরাংশ্চৈব কিরাতান্যবনাঞ্শকান্।
ততো রত্নান্যপাদায় বশে কৃৎবা চ পার্থিবান্।
ন্যবর্তত কুরুশ্রেষ্ঠো নকুলশ্চিত্রমার্গবিৎ॥ 2-35-17 (12832)
করমাণাং সহস্রাণি কোশং তস্য মহাত্মনঃ।
ঊহর্দশ মহারাজ কৃচ্ছ্রাদিব মহাধনম্॥ 2-35-18 (12833)
ইন্দ্রপ্রস্থগতং বীরমভ্যেত্য স যুধিষ্ঠিরম্।
ততো মাদ্রীসুতঃ শ্রীমান্ধনং তস্মৈ ন্যবেদয়ৎ॥ 2-35-19 (12834)
এবং বিজিত্য নকুলো দিশং বরুণপালিতাম্।
প্রতীচীং বাসুদেবেন নির্জিতাং ভরতর্ষভ॥ ॥ 2-35-20 (12835)
ইতি শ্রীমন্মহাভারতে সভাপর্বণি দিগ্বিজয়পর্বণি পঞ্চত্রিংশোঽধ্যায়ঃ॥ 35॥
সভাপর্ব - অধ্যায় 036
॥ শ্রীঃ ॥
2.36. অধ্যায়ঃ 036
Mahabharata - Sabha Parva - Chapter Topics
দ্বারকাতঃ আগতস্য শ্রীকৃষ্ণস্যাজ্ঞয়া যজ্ঞসামগ্রীসম্পাদনোপক্রমঃ॥ 1॥ দ্বৈপায়নেন ঋৎবিগানয়নম্॥ 2॥ ব্রাহ্মণক্ষত্রিয়াদীনামামন্ত্রণায় দূতপ্রেষণম্॥ 3॥ ধৃতরাষ্ট্রাদ্যমন্ত্রণায় নকুলগমনম্॥ 4॥। দীক্ষা ॥ 5॥Mahabharata - Sabha Parva - Chapter Text
বৈশম্পায়ন উবাচ॥
রক্ষণাদ্ধর্মরাজস্য সত্যস্য পরিপালনাৎ।
শত্রূণাং ক্ষপণাচ্চৈব স্বকর্মনিরতাঃ প্রজাঃ॥ 2-36-1 (12836)
বলীনাং সম্যগাদানাদ্ধর্মতশ্চানুশাসনাৎ।
নিকামবর্ষী পর্জন্যঃ স্ফীতো জনপদোঽভবৎ॥ 2-36-2 (12837)
সর্বারম্ভাঃ সুপ্রবৃত্তা গোরক্ষা কর্ষণং বণিক্।
বিশেষাৎসর্বমেবৈতৎসঞ্জজ্ঞে রাজকর্মণঃ॥ 2-36-3 (12838)
দস্যুভ্যো বঞ্চকেভ্যো বা রাজন্প্রতি পরস্পরম্।
রাজবল্লভতশ্চৈব নাশ্রূয়ন্ত মৃষাগিরঃ॥ 2-36-4 (12839)
অবর্ষং চাতিবর্ষং চ ব্যাধিপাবকমূর্ছনম্।
সর্বমেতত্তদা নাসীদ্ধর্মনিত্যে যুধিষ্ঠিরে॥ 2-36-5 (12840)
প্রিয়ং কর্তুমুপস্থাতুং বলিকর্ম স্বভাবজম্।
অভিহর্তুং নৃপা জগ্মুর্নান্যৈঃ কার্যৈঃ কথঞ্চনঃ॥ 2-36-6 (12841)
ধর্মৈর্ধনাগমৈস্তস্য ববধে নিচয়ো মহান্।
কর্তুং যস্য ন শক্যেন ক্ষয়ো বর্ষশতৈরপি॥ 2-36-7 (12842)
স্বকোষ্ঠস্য পরীমাণং কোশস্য চ মহীপতিঃ।
বিজ্ঞায় রাজা কৌন্তেয়ো যজ্ঞায়ৈব মনো দধে॥ 2-36-8 (12843)
সুহৃদশ্চৈব যে সর্বে পৃথক্চ সহচাব্রুবন্।
যজ্ঞকালস্তব বিভো ক্রিয়তামত্র সাম্প্রতম্॥ 2-36-9 (12844)
অথৈবং ব্রুবতামেব তেষামভ্যায়যৌ হরিঃ।
ঋষিঃ পুরাণো বেদাত্মা দৃশ্যশ্চৈব বিজানতাম্॥ 2-36-10 (12845)
জগতস্তস্থুষাং শ্রেষ্ঠঃ প্রভবশ্চাপ্যযশ্চ হ।
ভূতভব্যভবন্নাথঃ কেশবঃ কেশিসূদনঃ॥ 2-36-11 (12846)
প্রাকারঃ সর্ববৃষ্ণীনামাপৎস্বভয়দোঽরিহা।
বলাধিকারে নিক্ষিপ্য সম্যগানকদুন্দুভিম্॥ 2-36-12 (12847)
উচ্চাবচমুপাদায় ধর্মরাজায় মাধবঃ।
ধনৌঘং পুরুষব্যাঘ্রো বলেন মহতা বৃতঃ॥ 2-36-13 (12848)
তং ধনৌঘমপর্যন্তং রত্নসাগরমক্ষয়ম্।
নাদয়ন্রথঘোষেণ প্রবিশেশ পুরোত্তমম্॥ 2-36-14 (12849)
পূর্ণমাপূরয়ংস্তেষাং দ্বিষচ্ছোকাবহোঽভবৎ।
অসূর্যমিব সূর্যেণ নিবাতমিব বায়ুনা।
কৃষ্ণেন সমুপেতেন জহৃষে ভারতং পুরম্॥ 2-36-15 (12850)
তং মুদাঽভিসমাগম্য সৎকৃত্য চ যথাবিধি।
স পৃষ্ট্বা কুশলং চৈব সুখাসীনং যুধিষ্ঠিরঃ॥ 2-36-16 (12851)
ধৌম্যদ্বৈপায়নমুখৈর্ঋৎবিগ্ভিঃ পুরুষর্ষভঃ।
ভীমার্জুনয়মৈশ্চৈব সহিতঃ কৃষ্ণমব্রবীৎ॥ 2-36-17 (12852)
যুধিষ্ঠির উবাচ॥ 2-36-18x (1453)
ৎবৎকৃতে পৃথিবী সর্বা মদ্বশে কৃষ্ণ বর্ততে।
ধনং চ বহু বার্ষ্ণেয় ৎবৎপ্রসাদাদুপার্জিতম্॥ 2-36-18 (12853)
সোঽহমিচ্ছামি তৎসর্বং বিধিবদ্দেবকীসুত।
উপয়োক্তুং দ্বিজাগ্র্যেভ্যো হব্যবাহে চ মাধব॥ 2-36-19 (12854)
তদহং যষ্টুমিচ্ছামি দাশার্হ সহিতস্ৎবয়া।
অনুজৈশ্চ মহাবাহো তন্মাঽনুজ্ঞাতুমর্হসি॥ 2-36-20 (12855)
তদ্দীক্ষাপয় গোবিন্দ ৎবমাত্মানং মহাভুজ।
ৎবয়ীষ্টবতি দাশার্হ বিপাপ্মা ভবিতা হ্যহম্॥ 2-36-21 (12856)
মাং বাপ্যভ্যনুজানীহ সহৈভিরনুজৈর্বিভো।
অনুজ্ঞাতস্ৎবয়া কৃষ্ণ প্রাপ্নুয়াং ক্রতুমুত্তমম্॥ 2-36-22 (12857)
বৈশম্পায়ন উবাচ। 2-36-23x (1454)
তং কৃষ্ণঃস প্রত্যুবাচেদং বহূক্ৎবা গুণবিস্তরম্।
ৎবমেব রাজশার্দূল রম্রাডর্হো মহাক্রতুম্।
সম্প্রাপ্নুহি ৎবয়া প্রাপ্তে কৃতকৃত্যাস্ততো বয়ম্॥ 2-36-23 (12858)
যদস্বাভীপ্সিতং যজ্ঞং ময়ি শ্রেয়স্যবস্থিতে।
নিয়ুঙ্ক্ষ্ব ৎবং চ মাং কৃত্যে সর্বং কর্তাস্মি তে বচঃ॥ 2-36-24 (12859)
যুধিষ্ঠির উবাচ। 2-36-25x (1455)
সফলঃ কৃষ্ণ সঙ্কল্পঃ সিদ্ধিশ্চ নিয়তা মম।
যস্যমে ৎবং হৃষীকেশ যথেপ্সিতমুপস্থিতঃ॥ 2-36-25 (12860)
বৈশম্পায়ন উবাচ। 2-36-26x (1456)
অনুজ্ঞাতস্তু কৃষ্ণেন পাণ্ডবো ভ্রাতৃভিঃ সহ।
ঈজিতুং রাজসূয়েন সাধনান্যুপচক্রমে॥ 2-36-26 (12861)
ততস্ৎবাজ্ঞাপয়ামাস পাণ্ডবোঽরিনিবর্হণঃ।
সহদেবং যুধাং শ্রেষ্ঠং মন্ত্রিণশ্চৈব সর্বশঃ॥ 2-36-27 (12862)
অস্মিন্ক্রতৌ যথোক্তানি যজ্ঞাঙ্গানি দ্ব্জাতিভিঃ।
যথোপকরণং সর্বং মঙ্গলানি চ সর্বশঃ॥ 2-36-28 (12863)
অধিয়জ্ঞাংশ্চ সম্ভারান্দৌম্যোক্তান্ক্ষিপ্রমেব হি।
সমানয়ন্তু পুরুষা যথায়োগং যথাক্রমম্॥ 2-36-29 (12864)
ইন্দ্রসেনো বিশোকশ্চ পূরশ্চার্জুনসারথিঃ।
অন্নাদ্যাহরণে যুক্তাঃ সন্তু মৎপ্রিয়কাম্যযা॥ 2-36-30 (12865)
সর্বকামাশ্চ কার্যন্তাং রসগন্ধসমন্বিতাঃ।
মনোরথপ্রীতিকরা দ্বিজানাং কুরুসত্তম॥ 2-36-31 (12866)
বৈশম্পায়ন উবাচ॥ 2-36-32x (1457)
তদ্বাক্যসমকালং চ কৃতং সর্বং ন্যবেদয়ৎ।
সহদেবো যুধাং শ্রেষ্ঠো ধর্মরাজো যুধিষ্ঠিরে॥ 2-36-32 (12867)
ততো দ্বৈপায়নো রাজন্নৃৎবিজঃ সমুপানয়ৎ।
বেদানিব মহাভাগান্সাক্ষান্মূর্তিমতো দ্বিজান্॥ 2-36-33 (12868)
স্বয়ং ব্রহ্মৎবমকরোত্তস্য সত্যবতীসুতঃ।
ধনঞ্জয়ানামৃষভঃ সুসামা সামগোঽভবৎ॥ 2-36-34 (12869)
যাজ্ঞবল্ক্যো বভূবাথ ব্রহ্মিষ্ঠোঽধ্বর্যুসত্তমঃ।
পৈলো হোতা বসোঃ পুত্রো ধৌম্যেন সহিতোঽভবৎ॥ 2-36-35 (12870)
এতেষাং পুত্রবর্গাশ্চ শিষ্যাশ্চ ভরতর্ষভ।
বভূবুর্হোত্রগাঃ সর্বে বেদবেদাঙ্গপারগাঃ॥ 2-36-36 (12871)
তে বাচয়িৎবা পুণ্যাহমূহয়িৎবা চ তং বিধিম্।
শাস্ত্রোক্তং পূজয়ামাসুস্তদ্দেবয়জনং মহৎ॥ 2-36-37 (12872)
তত্র চক্রুরনুজ্ঞাতাঃ শরণান্যুত শিল্পিনঃ।
গন্ধবন্তি বিশালানি বেশ্মানীব দিবৌকসাম্॥ 2-36-38 (12873)
তত আজ্ঞাপয়ামাস স রাজা রাজসত্তমঃ।
সহদেবং তদা সদ্যো মন্ত্রিণং পুরুষর্ষভঃ॥ 2-36-39 (12874)
আমন্ত্রণার্থং দূতাংস্ৎবং প্রেষয়স্বাশুগান্দ্রুতম্।
উপশ্রুত্য বচো রাজ্ঞঃ স দূতান্প্রাহিণোত্তদা॥ 2-36-40 (12875)
আমন্ত্রয়ধ্বং রাষ্ট্রেষু ব্রাহ্মণান্ভূমিপানথ।
বিনাশ্চ মান্যাঞ্শূদ্রাংশ্চ সর্বানানয়তেতি চ॥ 2-36-41 (12876)
বৈশম্পায়ন উবাচ॥ 2-36-42x (1458)
তে সর্বান্পৃথিবীপালান্পাণ্ডবেয়স্য শাসনাৎ।
আমন্ত্রয়াম্বভূবুস্তে প্রেষয়ামাস চাপরান্॥ 2-36-42 (12877)
দূতাশ্চ বাহনৈর্জগ্ভূ রাষ্ট্রাণি সুবহূন্যপি।
ততো যুধিষ্ঠিরো রাজা প্রেষয়ামাস পাণ্ডবম্॥ 2-36-43 (12878)
নকুলং হাস্তিনপুরং ভীষ্মায় ভরতর্ষভ।
দ্রোণায় ধৃতরাষ্ট্রায় বিদুরায় কৃপায় চ।
ভ্রাতৃণাং চৈব সর্বেণাং যেঽনুরক্তা যুধিষ্ঠিরে॥ 2-36-44 (12879)
ততস্তে তু যথাকালং কুন্তীপুত্রং যুধিষ্ঠিরম্।
দীক্ষয়াঞ্চক্রিরে বিপ্রা রাজসূয়ায় ভারত॥ 2-36-45 (12880)
` জ্যেষ্ঠামূলে অমাবাস্যাং মৃগাজিনসমাবৃতঃ।
রৌরবাজিনসংবীতো নবনীতাক্তদেহবান্'॥ 2-36-46 (12881)
দীক্ষিতঃ স তু ধর্মাত্মা ধর্মরাজো যুধিষ্ঠিরঃ।
জগাম যজ্ঞায়তনং বৃতো বিপ্রৈঃ সহস্রশঃ॥ 2-36-47 (12882)
ভাতৃভির্জ্ঞাতিভিশ্চৈব সুহৃদ্ভিঃ সচিবৈঃ সহ।
ক্ষত্রিয়ৈশ্চ মনুষ্যেন্দ্রৈর্নানাদেশসমাগতৈঃ॥ 2-36-48 (12883)
অমাত্যৈশ্চ নরশ্রেষ্ঠো ধর্মো বিগ্রহবানিব।
আজগ্মুর্ব্রাহ্মণাস্তত্র বিষয়েভ্যস্ততস্ততঃ॥ 2-36-49 (12884)
সর্ববিদ্যাসু নিষ্ণাতা বেদবেদাঙ্গপারগাঃ।
তেষামাবসথাংশ্চক্রুর্ধর্মরাজস্য শাসনাৎ॥ 2-36-50 (12885)
বহ্বন্নাচ্ছাদনৈর্যুক্তান্সগণানাং পৃথক্ পৃথক্।
সর্বর্তুগুণসম্পন্নাঞ্শিল্পিনোঽথ সহস্রশঃ॥ 2-36-51 (12886)
তেষু তে ন্যবসন্রাজন্ব্রাহ্মণা নৃপসৎকৃতাঃ।
কথয়ন্তঃ কথা বহ্বীঃ পশ্যন্তো নটনর্তকান্॥ 2-36-52 (12887)
ভুঞ্জতাং চৈব বিপ্রাণাং বদতাং চ মহাস্বনঃ।
অনিশং শ্রূয়তে তত্র মুদিতানাং মহাত্মনাম্॥ 2-36-53 (12888)
দীয়তাং দীয়তামেষাং ভুজ্যতাং ভুজ্যতামিতি।
এবম্প্রকারাঃ সঞ্জল্পাঃ শ্রূয়ন্তেস্মাত্র নিত্যশঃ॥ 2-36-54 (12889)
গবাং শতসহস্রাণি শয়নানাং চ ভারত।
রুক্মস্য যোষিতাং চৈব ধর্মরাজঃ পৃথক্ দদৌ॥ 2-36-55 (12890)
প্রাবর্ততৈব যজ্ঞঃ স পাণ্ডবস্য মহাত্মনঃ।
পৃথিব্যামেকবীরস্য শক্রস্যেব ত্রিবিষ্টপে॥ ॥ 2-36-56 (12891)
ইতি শ্রীমন্মহাভারতে সভাপর্বণি দিগ্বিজয়পর্বণি ষট্ত্রিংশোঽধ্যায়ঃ॥ 36॥
Mahabharata - Sabha Parva - Chapter Footnotes
2-36-5 মূর্ছনং প্রদীপনম্॥ 2-36-7 নিচয়ো ভাণ্ডাগারম্॥ 2-36-34 ধনঞ্জয়ানাং ধনঞ্জয়গোত্রাণাং মধ্যে শ্রেষ্ঠঃ সুসামানাম আঙ্গিরসঃ ॥সভাপর্ব - অধ্যায় 037
॥ শ্রীঃ ॥
2.37. অধ্যায়ঃ 037
Mahabharata - Sabha Parva - Chapter Topics
আমন্ত্রিতানাং সর্বেষাং আগমনম্॥ 1॥Mahabharata - Sabha Parva - Chapter Text
বৈশম্পায়ন উবাচ॥
তত আমন্ত্রিতা রাজন্রাজানঃ সৎকৃতাস্তদা।
পুরেভ্যঃ প্রয়যুস্তেভ্যো বিমানেভ্য ইবামরাঃ॥ 2-37-1 (12892)
তে বৈ দিগ্ভ্যঃ সমাপেতুঃ পার্থিবাস্তত্র ভারত।
সমাদায় মহার্হাণি রত্নানি বিবিধানি চ॥ 2-37-2 (12893)
তচ্ছ্রুৎবা ধর্মরাজস্য যজ্ঞে যজ্ঞবিদস্তদা।
রাজানঃ শতশস্তুষ্টৈর্মনোভির্মনুর্ষভ॥ 2-37-3 (12894)
বহু বিত্তং সমাদায় বিবিধং পার্থিবা যয়ুঃ।
দ্রষ্টুকামাঃ সভাং চৈব ধর্মরাজং চ পাণ্ডবম্॥ 2-37-4 (12895)
স গৎবা হাস্তিনপুরং নকুলঃ সমিতিঞ্জয়ঃ।
ভীষ্মমামন্ত্রয়াঞ্চক্রে ধৃতরাষ্ট্রং চ পাণ্ডবঃ॥ 2-37-5 (12896)
প্রয়তঃ প্রাঞ্জলির্ভূৎবা ভারতানানয়ত্তদা।
ধৃতরাষ্ট্রং চ ভীষ্মং চ বিদুরং চ মহামতিম্॥ 2-37-6 (12897)
দুর্যোধনমুখাংশ্চৈব ভ্রাতৄন্সর্বানথানয়ৎ॥ 2-37-7 (12898)
সৎকৃত্যামন্ত্রিতাঃ সর্বে হ্যাচার্যপ্রমুখাস্ততঃ।
প্রয়যুঃ প্রীতমনসো যজ্ঞং ব্রহ্মপুরস্সরাঃ॥ 2-37-8 (12899)
ধৃতরাষ্ট্রশ্চ ভীষ্মশ্চ বিদুরস্চ মহামতিঃ।
দুর্যোধনপুরোগাশ্চ ভ্রাতরঃ সর্ব এব তে।
গান্ধাররাজঃ সুবলঃ শকুনিশ্চ মহাবলঃ॥ 2-37-9 (12900)
অচলো বৃষকশ্চৈব কর্ণশ্চ রথিনাং বরঃ।
তথা শল্যশ্চ বলবান্বাহ্লিকশ্চ মহাবলঃ॥ 2-37-10 (12901)
সোমদত্তোঽথ কৌরব্যো ভূরির্ভূরিশ্রবাঃ শলঃ।
অশ্বত্থামা কৃপো দ্রোণঃ সৈন্ধবশ্চ জয়দ্রথঃ॥ 2-37-11 (12902)
যজ্ঞসেনঃ সপুত্রশ্চ সাল্বশ্চ বসুধাধিপঃ।
প্রাগ্জ্যোতিষশ্চ নৃপতির্ভগদত্তো মহারথঃ॥ 2-37-12 (12903)
স তু সর্বৈঃ সহ ম্লেচ্ছৈঃ সাগরানূপবাসিভিঃ।
পার্বতীয়াশ্চ রাজানো রাজা চৈব বৃহদ্বলঃ॥ 2-37-13 (12904)
পৌণ্ড্রকো বাসুদেবশ্চ বঙ্গঃ কালিঙ্গকস্তথা।
আকর্ষাঃ কুন্তলাশ্চৈব গালবাশ্চান্ধ্রকাস্তথা॥ 2-37-14 (12905)
দ্রাবিডাঃ সিংহলাশ্চৈব রাজা কাশ্মীরকস্তথা।
কুন্তিভোজো মহাতেজাঃ পার্থিবো গৌরবাহনঃ॥ 2-37-15 (12906)
বাহ্লিকাশ্চাপরে শূরা রাজানঃ সর্ব এব তে।
বিরাটঃ সহ পুত্রাভ্যাং মাবেল্লশ্চ মহাবলঃ॥ 2-37-16 (12907)
রাজানো রাজপুত্রাশ্চ নানাজনপদেশ্বরাঃ।
শিশুপালো মহাবীর্যঃ সহ পুত্রেণ ভারত॥ 2-37-17 (12908)
আগচ্ছৎপাণ্ডবেয়স্য যজ্ঞং সমরদুর্মদঃ।
রামশ্চৈবানিরুদ্ধশ্চ কঙ্কশ্চ সহসারণঃ॥ 2-37-18 (12909)
গদপ্রদ্যুম্নসাম্বাশ্চ চারুদেষ্ণশ্চ বীর্যবান্।
উল্মুকো নিশঠশ্চৈব বীরশ্চাঙ্গাবহস্তথা॥ 2-37-19 (12910)
বৃষ্ণয়ো নিখিলাশ্চান্যে সমাজগ্মুর্মহারথাঃ।
এতে চান্যে চ বহবো রাজানো মধ্যদেশজাঃ॥ 2-37-20 (12911)
আজগ্মুঃ পাণ্ডুপুত্রস্য রাজসূয়ং মহাক্রতুম্।
দদুস্তেষামাবসথান্ধর্মরাজস্য শাসনাৎ॥ 2-37-21 (12912)
বহুভক্ষ্যান্বিতান্রাজন্দীর্ঘিকাবৃক্ষশোভিতান্।
তথা ধর্মাত্মজঃ পূজাং চক্রে তেষাং মহাত্মনাম্॥ 2-37-22 (12913)
সৎকৃতাশ্চ যথোদ্দিষ্টাঞ্জগ্মুরাবসথান্নৃপাঃ।
কৈলাসশিখরপ্রখ্যান্মনোজ্ঞান্দ্রব্যভূষিতান্॥ 2-37-23 (12914)
সর্বতঃ সংবৃতানুচ্চৈঃ প্রাকারৈঃ সুকৃতৈঃ সিতৈঃ।
সুবর্ণজালসংবীতান্মণিকুট্টিমভূষিতান্॥ 2-37-24 (12915)
সুখারোহণসোপানান্মহাসনপরিচ্ছদান্।
স্নগ্দামসমবচ্ছন্নানুত্তমাগুরুগন্ধিনঃ॥ 2-37-25 (12916)
হংসেন্দুবর্ণসদৃশানায়োজনসুদর্শনান্।
অসম্বাধান্সমদ্বারান্যুতানুচ্চাবচৈর্গুণৈঃ॥ 2-37-26 (12917)
বহুধাতুনিবদ্ধাঙ্গান্হিমবচ্ছিখরানিব।
বিশ্রান্তাস্তে ততোঽপশ্যন্ভূমিপা ভূরিদক্ষিণম্॥ 2-37-27 (12918)
বৃতং সদস্যৈর্বহুভির্ধর্মরাজং যুধিষ্ঠিরম্।
তৎসদঃ পার্থিবৈঃ কীর্ণং ব্রাহ্মণৈশ্চ মহর্ষিভিঃ।
ভ্রাজতে স্ম তদা রাজন্নাকপৃষ্ঠং যথাঽমরৈঃ॥ ॥ 2-37-28 (12919)
ইতি শ্রীমন্মহাভারতে সভাপর্বণি দিগ্বিজয়পর্বণি সপ্তত্রিংশোঽধ্যায়ঃ॥ 37॥
Mahabharata - Sabha Parva - Chapter Footnotes
2-37-8 ব্রহ্মপুরস্সরাঃ ব্রাহ্মণপুরস্সরাঃ॥সভাপর্ব - অধ্যায় 038
॥ শ্রীঃ ॥
2.38. অধ্যায়ঃ 038
Mahabharata - Sabha Parva - Chapter Topics
আগতান্ভীষ্ণাদীন্সমান্য তত্তদধিকারেষু তেষাংতেষাং নিয়মনম্॥ 1॥ রাজসূয়যাগঃ॥ 2॥Mahabharata - Sabha Parva - Chapter Text
বৈশম্পায়ন উবাচ॥
পিতামহং গুরুং চৈব প্রত্যুদ্গম্য যুধিষ্ঠিরঃ।
অভিবাদ্য ততো রাজন্নিদং বচনমব্রবীৎ॥ 2-38-1 (12920)
ভীষ্মং দ্রোণং কৃপং দ্রৌণিং দুর্যোধনবিবিংশতী।
অস্মিন্যজ্ঞে ভবন্তো মামনুগৃহ্ণন্তু সর্বশঃ॥ 2-38-2 (12921)
ইদং বঃ সুমহচ্চৈব যদিহাস্তি ধনং মম।
প্রণয়ন্তু ভবন্তো মাং যথেষ্টমভিমন্ত্রিতঃ॥ 2-38-3 (12922)
এবমুক্ৎবা স তান্সর্বান্দীক্ষিতঃ পাণ্ডবাগ্রজঃ।
যুয়োজ স যথায়োগমধিকারেষ্বনন্তরম্॥ 2-38-4 (12923)
`পঙ্ক্ত্যারোপণকার্যে চ উচ্ছিষ্টাপনয়ে পুনঃ।
ভোজনাবেক্ষণে চৈব যুয়ুৎসুং সময়োজয়ৎ'॥ 2-38-5 (12924)
ভক্ষ্যভোজ্যাধিকারেষু দুঃশাসনময়োজয়ৎ।
পরিগ্রহে ব্রাহ্মণানামশ্বত্থামানমুক্তবান্। 2-38-6 (12925)
রাজ্ঞাং তু প্রতিপূজার্থং সঞ্জয়ং ন্যযোজয়ৎ।
কৃতাকৃতপরিজ্ঞানে ভীষ্ণদ্রোণৌ মহামতী॥ 2-38-7 (12926)
হিরণ্যস্য সুবর্ণস্য রত্নানাং চান্ববেক্ষণে।
দক্ষিণানাং চ বৈ দানে কৃপং রাজা ন্যযোজয়ৎ॥ 2-38-8 (12927)
তথাঽঽন্যান্পুরুষব্যাঘ্রাংস্তস্মিংস্তস্মিন্ন্যযোজয়ৎ।
বাহ্লিকো ধৃতরাষ্ট্রশ্চ সোমদত্তো জয়দ্রথঃ।
নকুলেন সমানীতাঃ স্বামিবত্তত্র রেমিরে॥ 2-38-9 (12928)
ক্ষত্তা ব্যযকরস্ৎবাসীদ্বিদুরঃ সর্বধর্মবিৎ।
দুর্যোধনস্ৎবর্হণানি প্রতিজগ্রাহ সর্বশঃ॥ 2-38-10 (12929)
`কুন্তী সাধ্বী চ গান্ধারী স্ত্রীণাং কুর্বন্তি চার্চনম্॥
অন্যাঃ সর্বাঃ স্নুষাস্তাসাং সন্দেশং যান্তু মাচিরম্।
তিষ্ঠেৎকৃষ্ণান্তিকে সোয়মর্জুনঃ কার্যসিদ্ধয়ে'॥ 2-38-11 (12930)
চরণক্ষালনে কৃষ্ণো ব্রাহ্মণানাং স্বয়ং হ্যভূৎ।
সর্বলোকসমাবৃত্তঃ পিপ্রীষুঃ ফলমুত্তমম্॥ 2-38-12 (12931)
দ্রষ্টুকামঃ সভাং চৈব ধর্মরাজং যধিষ্ঠিরম্।
ন কশ্চিদাহরত্তত্র সহস্রাবরমর্হণম্॥ 2-38-13 (12932)
রত্নৈশ্চ বহুভিস্তত্র ধর্মরাজমবর্ধয়ৎ।
কথং তু মম কৌরব্যো রত্নদানৈঃ সমাপ্নুয়াৎ॥ 2-38-14 (12933)
যজ্ঞমিত্যেব রাজানঃ স্পর্ধমানা দদুর্ধনম্।
ভবনৈঃ সবিমানাগ্রৈঃ সোদর্কৈর্বলসংবৃতৈঃ॥ 2-38-15 (12934)
লোকরাজবিমানৈশ্চ ব্রাহ্মণাবসথৈঃ সহ।
কৃতৈরাবসথৈর্দিব্যৈর্বিমানপ্রতিমৈস্তথা॥ 2-38-16 (12935)
বিচিত্রৈ রৎববদ্ভিশ্চ ঋদ্ধ্যা পরময়া যুতৈঃ।
রাজভিশ্চ সমাবৃত্তৈরতীব শ্রীসমৃদ্ধিভিঃ।
অশোভত সদো রাজন্কৌন্তেয়স্য মহাত্মনঃ॥ 2-38-17 (12936)
ঋদ্ধ্যা তু বরুণং দেবং স্পর্ধমানো যুধিষ্ঠিরঃ।
ষডগ্নিনাথ যজ্ঞেন সোঽয়জদ্দক্ষিণাবতা॥ 2-38-18 (12937)
সর্বাঞ্জনান্সর্বকামৈঃ সমৃদ্ধৈঃ সমতর্পয়ৎ।
অন্নবান্বহুভক্ষ্যশ্চ ভুক্তবজ্জনসংবৃতঃ।
রত্নোপহারসম্পন্নো বভূব স সমাগমঃ॥ 2-38-19 (12938)
ইডাজ্যহোমাহুতিভির্মন্ত্রশিক্ষাবিশারদৈঃ।
তস্মিন্হি ততৃপুর্দেবাস্ততে যজ্ঞে মহর্ষিভিঃ॥ 2-38-20 (12939)
যথা দেবাস্তথা বিপ্রা দক্ষিণান্নমহাধনৈঃ।
ততৃপুঃ সর্ববর্ণাশ্চ তস্মিন্যজ্ঞে মুদাঽন্বিতাঃ॥ ॥ 2-38-21 (12940)
ইতি শ্রীমন্মহাভারতে সভাপর্বণি দিগ্বিজয়পর্বণি অষ্টত্রিংশোঽধ্যায়ঃ॥ 38 ॥ ॥ সমাপ্তং চ রাজসূয়পর্ব॥
সভাপর্ব - অধ্যায় 039
॥ শ্রীঃ ॥
2.39. অধ্যায়ঃ 039
Mahabharata - Sabha Parva - Chapter Topics
অভিষেচনদিনে ব্রাহ্মণাদীনামন্তর্বেদিপ্রবেশঃ॥ 1॥ ভূভারক্ষপণে নারদচিন্তনম্॥ 2॥ পূর্বং সঙ্ক্ষিপ্যোক্তায়াঃ কৃষ্ণাগমনকথায়াঃ কিঞ্চিদ্বিস্তরেণ কথনম্॥ 3॥ সহদেবেন শ্রীকৃষ্ণস্যাগ্রপূজাকরণম্॥ 4॥ শিশুপালেন শ্রীকৃষ্ণস্যাগ্রপূজাঽসহনম্॥ 5॥Mahabharata - Sabha Parva - Chapter Text
বৈশম্পায়ন উবাচ॥
ততোঽভিষেচনীয়েঽহ্নি ব্রাহ্মণা রাজভিঃ সহ।
অন্তর্বেদীং প্রবিবিশুঃ সৎকারার্হা মহর্ষয়ঃ॥ 2-39-1 (12941)
নারদপ্রমুখাস্তস্যামন্তর্বেদ্যাং মহাত্মনঃ।
সমাসীনাঃ শুশুভিরে সহরাজর্ষিভিস্তদা॥ 2-39-2 (12942)
সমেতা ব্রহ্মভবনে দেবা দেবর্ষয়স্তথা।
কর্মান্তরমুপাসন্তো জজল্পুরমিতৌজসঃ॥ 2-39-3 (12943)
এবমেতন্ন চাপ্যেবমেবং চৈতন্ন চান্যথা।
ইত্যূচুর্বহবস্তত্র বিতণ্ডাং বৈ পরস্পরম্॥ 2-39-4 (12944)
কৃশানর্থাংস্ততঃ কেচিদকৃশাংস্তত্র কুর্বতে।
অকৃশাংশ্চ কৃশাংশ্চক্রুর্হেতুভিঃ শাস্ত্রনিশ্চয়ৈঃ॥ 2-39-5 (12945)
তত্র মেধাবিনঃ কেচিদর্থমন্যৈরুদীরিতম্।
বিচিক্ষিপুর্যথা শ্যেনা নভোগতমিবামিষম্॥ 2-39-6 (12946)
কেচিদ্ধর্মার্থকুশলাঃ কেচিত্তত্র মহাব্রতাঃ।
রেমিরে কথয়ন্তশ্চ সর্বভাষ্যবিদাং বরাঃ॥ 2-39-7 (12947)
সা বেদির্বেদসম্পন্নৈর্দেবদ্বিজমহর্ষিভিঃ।
আবভাসে সমাকীর্ণা নক্ষত্রৈর্দ্যৌরিবায়তা॥ 2-39-8 (12948)
ন তস্যাং সন্নিধৌ শূদ্রঃ কশ্চিদাসীন্ন চাব্রতী।
অন্তর্বেদ্যাং তদা রাজন্যুধিষ্ঠিরনিবেশনে॥ 2-39-9 (12949)
তাং তু লক্ষ্মীবতো লক্ষ্মীং তদা যজ্ঞবিধানজাম্।
তুতোষ নারদঃ পশ্যন্ধর্মরাজস্য ধীমতঃ॥ 2-39-10 (12950)
অথ চিন্তাং সমাপেদে স মুনির্মনুজাধিপ।
নারদস্তু তদা পশ্যন্সর্বক্ষত্রসমাগমম্॥ 2-39-11 (12951)
সস্মার চ পুরাবৃত্তাং কথাং তাং পুরুষর্ষভ।
অংশাবতরণে যাঽসৌ ব্রহ্মণো ভবনেঽভবৎ॥ 2-39-12 (12952)
দেবানাং সঙ্গমং তং তু বিজ্ঞায় কুরুনন্দন।
নারদঃ পুণ্ডরীকাক্ষং সস্মার মনসা হরিম্॥ 2-39-13 (12953)
সাক্ষাৎস বিবুধারিঘ্নঃ ক্ষত্রে নারায়ণো বিভুঃ।
প্রতিজ্ঞাং পালয়ংশ্চেমাং জাতঃ পরপুরঞ্জয়ঃ॥ 2-39-14 (12954)
সন্দিদেশ পুরা যোঽসৌ বিবুধান্ভূতকৃৎস্বয়ম্।
অন্যোন্যমভিনিঘ্নন্তঃ পুনর্লোকানবাপ্স্যথ॥ 2-39-15 (12955)
ইতি নারায়ণঃ শম্ভুর্ভগবান্ভূতভাবনঃ।
আদিশ্য বিবুধান্সর্বানজায়ত যদুক্ষয়ে॥ 2-39-16 (12956)
ক্ষিতাবন্ধকবৃষ্ণীনাং বংশে বংশভৃতাং বরঃ।
পরয়া শুশুভে লক্ষ্ম্যা নক্ষত্রাণামিবোডুরাট্॥ 2-39-17 (12957)
যস্য বাহুবলং সেন্দ্রাঃ সুরাঃ সর্ব উপাসতে।
সোয়ং মানুষবন্নাম হরিরাস্তেঽরিমর্দনঃ॥ 2-39-18 (12958)
অহো বত মহদ্ভূতং স্বয়ম্ভূর্যদিদং স্বয়ম্।
আদাস্যতি পুনঃ ক্ষত্রমেবং বলসমন্বিতম্॥ 2-39-19 (12959)
ইত্যেতাং নারদশ্চিন্তাং চিন্তয়ামাস সর্ববিৎ।
হরিং নারায়ণং জ্ঞাৎবা যজ্ঞৈরীজ্যং তমীশ্বরম্॥ 2-39-20 (12960)
তস্মিন্ধর্মবিদাং শ্রেষ্ঠো ধর্মরাজস্য ধীমতঃ।
মহাধ্বরে মহাবুদ্ধিস্তস্থৌ স বহুমানতঃ॥ 2-39-21 (12961)
`ততঃ সমুদিতা মুখ্যৈর্গুণৈর্গুণবতাং বরাঃ।
বহবো ভাবিতাত্মানঃ পৃথক্পৃথগরিন্দমাঃ॥ 2-39-22 (12962)
আত্মকৃত্যমিতি জ্ঞাৎবা পাঞ্চালাস্তত্র সর্বশঃ।
সমীয়ুর্বৃষ্ণয়শ্চৈব তদাঽনীকাগ্রহারিণঃ॥ 2-39-23 (12963)
সদারাঃ সজনামাত্যা বহন্তো রত্নসঞ্চয়ান্।
বিকৃষ্টৎবাচ্চ দেশস্য গুরুভারতয়া চ তে॥ 2-39-24 (12964)
যয়ুঃ প্রমুদিতাঃ পশ্চাদ্ভগবন্তং সমন্বয়ুঃ।
বলশেষং সমুদিতং পরিগৃহ্য সমন্ততঃ॥ 2-39-25 (12965)
অজশ্চক্রায়ুধঃ শৌরিরমিত্রগণমর্দনঃ।
বলাধিকারে নিক্ষিপ্য সংমান্যানকদুন্দুভিম্॥ 2-39-26 (12966)
সম্প্রায়াদ্যাদবশ্রেষ্ঠো জয়মানে যুধিষ্ঠিরে।
উচ্চাবচমুপাদায় ধর্মরাজায় মাধবঃ॥ 2-39-27 (12967)
ধনৌঘং পুরতঃ কৃৎবা খাণ্ডবপ্রস্থমায়যৌ।
তত্র যজ্ঞগতান্পশ্যংশ্চৈদ্যবর্গসমাগতান্॥ 2-39-28 (12968)
ভূমিপালগণান্সর্বান্সপ্রভানিব তোয়দান্।
মেঘকায়ান্নিবসতো যূথপানিব যূথপঃ॥ 2-39-29 (12969)
বলিনঃ সিংহসঙ্কাশান্মহীমাবৃত্য তিষ্ঠতঃ।
ততো জনৌঘসম্বাধং রাজসাগরমব্যযম্॥ 2-39-30 (12970)
নাদয়ন্রথঘোষেণ হ্যুপায়ান্মধুসূদনঃ।
অসূর্যমিব সূর্যেণ নিবাতমিব বায়ুনা॥ 2-39-31 (12971)
কৃষ্ণেন সমুপেতেন জহর্ষে ভারতং পুরম্।
ব্রাহ্মণক্ষত্রিয়াণাং তু পূজার্থং হ্যর্থধর্মবিৎ॥ 2-39-32 (12972)
সহদেবো বিশেষজ্ঞো মাদ্রীপুত্রঃ কৃতোঽভবৎ।
ভগবন্তং তু ভূতানাং ভাস্বন্তমিব তেজসা॥ 2-39-33 (12973)
বিশন্তং যজ্ঞভূমিং তাং সিতস্যাবরজং প্রভুম্।
তেজোরাশিমৃষিং বিপ্রমদৃশ্যং বৈ বিজানতাম্॥ 2-39-34 (12974)
বয়োধিকানাং বৃদ্ধানাং মার্গমাত্মনি তিষ্ঠতাম্।
জগতস্তস্থুষশ্চৈব প্রভবাপ্যযমচ্যুতম্॥ 2-39-35 (12975)
অনন্তমন্তং শত্রূণামমিত্রগণমর্দনম্।
প্রভবং সর্বভূতানামাপৎস্বভয়মচ্যুতম্॥ 2-39-36 (12976)
ভবিষ্যং ভাবনং ভূতং দ্বারবত্যামরিন্দমম্।
স দৃষ্ট্বা কৃষ্ণমায়ান্তং প্রতিপূজ্যামিতৌজসম্॥ 2-39-37 (12977)
যথার্হং কেশবে বৃত্তিং প্রত্যপদ্যত পাণ্ডবঃ।
জ্যৈষ্ঠ্যকানিষ্ঠ্যসংয়োগং সম্প্রধার্য গুণাগুণৈঃ॥ 2-39-38 (12978)
আরিরাধয়িষুর্ধর্মঃ পূজয়িৎবা দ্বিজোত্তমান্।
মহদাদিত্যসঙ্কাশমাসনং চ জগৎপতেঃ।
দদৌ নাসাদিতং কৈশ্চিত্তস্মিন্নুপবিবেশ সঃ'॥ 2-39-39 (12979)
ততো ভীষ্মোঽব্রবীদ্রাজন্ধর্মরাজং যুধিষ্ঠিরম্।
ক্রিয়তামর্হণং রাজ্ঞাং যথার্হমিতি ভারত॥ 2-39-40 (12980)
আচার্যমৃৎবিজং চৈব সংয়ুজং চ যুধিষ্ঠির।
স্নাতকং চ প্রিয়ং প্রাহুঃ ষডর্ঘার্হান্নৃপং তথা॥ 2-39-41 (12981)
এতানর্ঘ্যানভিগতানাহুঃ সংবৎসরোষিতান্।
ত ইমে কালপূগস্য মহতোঽস্মানুপাগতাঃ॥ 2-39-42 (12982)
এষামেকৈকশো রাজন্নর্ঘ আনীয়তামিতি।
অথ তৈষাং বরিষ্ঠায় সমর্থায়োপনীয়তাম্॥ 2-39-43 (12983)
যুধিষ্ঠির উবাচ॥ 2-39-44x (1459)
কস্মৈ ভবান্মন্যতেঽর্ঘমেকস্মৈ কুরুনন্দন।
উপনীয়মানং যুক্তং চ তন্মে ব্রূহি পিতামহ॥ 2-39-44 (12984)
বৈশম্পায়ন উবাচ॥ 2-39-45x (1460)
ততো ভীষ্মঃ শান্তনবো বুদ্ধ্যা নিশ্চিত্য বীর্যবান্।
বার্ষ্ণেয়ং মন্যতে কৃষ্ণমর্হণীয়তমং ভুবি॥ 2-39-45 (12985)
ভীষ্ণ উবাচ॥ 2-39-46x (1461)
এষ হ্যেষাং সমস্তানাং তেজোবলপরাক্রমৈঃ।
মধ্যে তপন্নিবাভাতি জ্যোতিষামিব ভাস্করঃ॥ 2-39-46 (12986)
অসূর্যমিব সূর্যেণ নির্বাতমিব বায়ুনা।
ভাসিতং হ্লাদিতং চৈব কৃষ্ণেনেদং সদো হি নঃ॥ 2-39-47 (12987)
তস্মৈ ভীষ্মাভ্যনুজ্ঞাতঃ সহদেবঃ প্রতাপবান্।
উপজহ্রেঽথ বিধিবদ্বার্ষ্ণেয়ায়ার্ঘ্যমুত্তমম্॥ 2-39-48 (12988)
`গামর্ঘ্যং মধুপর্কং চ হ্যানীয়োপাহরত্তদা।
এতস্মিন্নন্তরে রাজন্নিদমাসীত্তদাঽদ্ভুতম্॥ 2-39-49 (12989)
তাং দৃষ্ট্বা ক্ষত্রিয়াঃ সর্বে পূজাং কৃষ্ণস্য ভূয়সীম্।
সম্প্রেক্ষ্যান্যোন্যমাসীনা হৃদয়ৈস্তামধারয়ন্'॥ 2-39-50 (12990)
প্রতিজগ্রাহ তাং কৃষ্ণঃ শাস্ত্রদৃষ্টেন কর্মণা।
শিশুপালস্তু তাং পূজাং বাসুদেবে ন চক্ষমে॥ 2-39-51 (12991)
উপালভ্য স ভীষ্মং চ ধর্মরাজং চ সংসদি।
অবাক্ষিপদ্বাসুদেবং চেদিরাজো মহাবলঃ॥ 2-39-52 (12992)
`তেষামাকারভাবজ্ঞঃ সহদেবো ন চক্ষমে।
মানিনাং বলিনাং রাজ্ঞাং পুরুঃ সন্দর্শিতে পদে॥ 2-39-53 (12993)
পুষ্পবৃষ্টির্মহত্যাসীৎসহদেবস্য মূর্ধনি।
জন্মপ্রভৃতি বৃষ্ণীনা সুনীথঃ শত্রুরব্রবীৎ॥ 2-39-54 (12994)
প্রষ্টা বিয়োনিজো রাজা প্রতিবক্তা নদীসুতঃ।
প্রতিগ্রহীতা গোপালঃ প্রদাতা চ বিয়োনিজঃ॥ 2-39-55 (12995)
সদস্যা মূকবৎসর্বে আসতেঽত্র কিমুচ্যতে।
ইত্যুক্ৎবা স বিহস্যাশু পাণ্ডুং পুনরব্রবীৎ॥ 2-39-56 (12996)
অতিপশ্যসি বা সর্বান্ন বা পশ্যসি পাণ্ডব।
তিষ্ঠৎস্বন্যেষু পূজ্যেষু গোপমর্চিতবানসি॥ 2-39-57 (12997)
এতে চৈবোভয়ে তাত কার্যস্য তু বিনাশকে।
অতিদৃষ্টিরদৃষ্টির্বা তয়োঃ কিং ৎবং সমাস্থিতঃ'॥ ॥ 2-39-58 (12998)
ইতি শ্রীমন্মহাভারতে সভাপর্বণি দিগ্বিজয়পর্বণি একোনচৎবারিংশোঽধ্যায়ঃ॥39॥
Mahabharata - Sabha Parva - Chapter Footnotes
2-39-41 সংয়ুজং সম্বন্ধিনং শ্বশুরাদিম্। প্রিয়ং মিত্রম্॥ 2-39-52 অবাক্ষিপদ্দূষিতবান্॥সভাপর্ব - অধ্যায় 040
॥ শ্রীঃ ॥
2.40. অধ্যায়ঃ 040
Mahabharata - Sabha Parva - Chapter Topics
শিশুপালেন অনেকধা কৃষ্ণোপালম্ভনপূর্বকং সভাতো নির্গমনম্॥ 1॥Mahabharata - Sabha Parva - Chapter Text
শিশুপাল উবাচ।
নায়মর্হতি বার্ষ্ণেয়স্তিষ্ঠৎস্বিহ মহাত্মসু।
মহীপতিষু কৌরব্য রাজবৎপার্থিবার্হণম্॥ 2-40-1 (12999)
নায়ং যুক্তঃ সমাচারঃ পাণ্ডবেষু মহাত্মসু।
যৎকামাদ্দেবকীপুত্রং পাণ্ডবার্চিতবানসি॥ 2-40-2 (13000)
বালা যূয়ং ন জানীধ্বং ধর্মঃ সূক্ষ্মো হি পাণ্ডবাঃ।
অয়ং তত্রাভ্যতিক্রান্তো হ্যাপগেয়োঽল্পদর্শনঃ॥ 2-40-3 (13001)
ৎবাদৃশো ধর্ময়ুক্তো হি কুর্বাণঃ প্রিয়কাম্যযা।
ভবত্যভ্যধিকং ভীষ্মো লোকেষ্ববমতঃ সতাম্॥ 2-40-4 (13002)
কথং হ্যরাজা দাশার্হো মধ্যে সর্বমহীক্ষিতাম্।
অর্হণামর্হতি তথা যথা যুষ্মাভিরর্চিতঃ॥ 2-40-5 (13003)
অথবা মন্যসে কৃষ্ণং স্থবিরং কুরুপুঙ্গবঃ।
বসুদেবে স্থিতে বৃদ্ধে কথমর্হতি তৎসুতঃ॥ 2-40-6 (13004)
অথবা বাসুদেবোঽপি প্রিয়কামোঽনুবৃত্তবান্।
দ্রুপদে তিষ্ঠতি কথং মাধবোঽর্হতি পূজনম্॥ 2-40-7 (13005)
আচার্যং মন্যসে কৃষ্ণমথবা কুরুনন্দন।
দ্রোণে তিষ্ঠতি বার্ষ্ণেয়ং কস্মাদর্চিতবানসি॥ 2-40-8 (13006)
ঋৎবিজং মন্যসে কৃষ্ণমথবা কুরুনন্দন।
দ্বৌপায়নে স্থিতে বৃদ্ধে কথং কৃষ্ণোঽর্চিতস্ৎবয়া॥ 2-40-9 (13007)
ভীষ্মে শান্তনবে রাজন্স্থিতে পুরুষসত্তমে।
স্বচ্ছন্দমৃত্যুকে রাজন্কথং কৃষ্ণোঽর্চিতস্ৎবয়া॥ 2-40-10 (13008)
অশ্বত্থাম্নি স্থিতে বীরে সর্বশাস্ত্রবিশারদে।
কথং কৃষ্ণস্ৎবয়া রাজন্নর্চিতঃ কুরুনন্দন॥ 2-40-11 (13009)
দুর্যোধনে চ রাজেন্দ্রে স্থিতে পুরুষসত্তমে।
কৃপে চ ভারতাচার্যে কথং কৃষ্ণস্ৎবয়াঽর্চিতঃ॥ 2-40-12 (13010)
দ্রুমং কম্পুরুষাচার্যমতিক্রম্য তথাঽর্চিতঃ।
ভীষ্মকে চৈব দুর্ধর্ষে পাণ্ডুবৎকৃতলক্ষণে॥ 2-40-13 (13011)
নৃপে চ রুক্মিণি শ্রেষ্ঠে একলব্যে তথৈব চ।
শল্যে মদ্রাধিপে চৈব কথং কৃষ্ণস্ৎবয়ার্চিতঃ॥ 2-40-14 (13012)
অয়ং চ সর্বরাজ্ঞাং বৈ বলশ্লাঘী মহাবলঃ।
জামদগ্ন্যস্য দয়িতঃ শিষ্যো বিপ্রস্য ভারত॥ 2-40-15 (13013)
যেনাত্মবলমাশ্রিত্য রাজানো যুধি নির্জিতাঃ।
তং চ কর্ণমতিক্রম্য কথং কৃষ্ণস্ৎবয়ার্চিতঃ॥ 2-40-16 (13014)
নৈবর্ৎবিঙ্নৈব চাচার্যো ন রাজা মধুসূদনঃ।
অর্চিতশ্চ কুরুশ্রেষ্ঠ কিমন্যৎপ্রিয়কাম্যযা॥ 2-40-17 (13015)
অথবাঽভ্যর্চনীয়োঽয়ং যুষ্মাকং মধুসূদনঃ।
কিং রাজভিরিহানীতৈরবমানায় ভারত॥ 2-40-18 (13016)
বয়ং তু ন ভয়াদস্য কৌন্তেয়স্য মহাত্মনঃ।
প্রয়চ্ছামঃ করান্সর্বে ন লোভান্ন চ সান্ৎবনাৎ॥ 2-40-19 (13017)
অস্য ধর্মপ্রবৃত্তস্য পার্থিবৎবং চিকীর্ষতঃ।
করানস্মৈ প্রয়চ্ছামঃ সোঽয়মস্মান্ন মন্যতে॥ 2-40-20 (13018)
কিমন্যদবমনানাদ্ধে যদেনং রাজসংসদি।
অপ্রাপ্তলক্ষণং কৃষ্ণমর্ঘ্যেণার্চিতবানসি॥ 2-40-21 (13019)
অকস্মাদ্ধর্মপুত্রস্য ধর্মাত্মেতি যশো গতম্।
কো হি ধর্মচ্যুতে পূজামেবং যুক্তাং নিয়োজয়েৎ॥ 2-40-22 (13020)
যোয়ং বৃষ্ণিকুলে জাতো রাজানং হতবান্পুরা।
জরাসন্ধং মহাত্মানমন্যায়েন দুরাত্মবান্॥ 2-40-23 (13021)
অদ্য ধর্মাত্মতা চৈব ব্যপকৃষ্টা যুধিষ্ঠিরাৎ।
দর্শিতং কৃপণৎবং চ কৃষ্ণেঽর্ঘ্যস্য নিবেদনাৎ॥ 2-40-24 (13022)
যদি ভীতাশ্চ কৌন্তেয়াঃ কৃপণাশ্চ তপস্বিনঃ।
ননু ৎবয়াঽপি বোদ্ধব্যং যাং পূজাং মাধবার্হসি॥ 2-40-25 (13023)
অথবা কৃপণৈরেতামুপনীতাং জনার্দন।
পূজামনর্হঃ কস্মাত্ৎবমভ্যনুজ্ঞাতবানসি॥ 2-40-26 (13024)
অয়ুক্তামাত্মনঃ পূজাং ৎবং পুনর্বহুমন্যসে।
হবিষঃ প্রাপ্য নিষ্যন্দং প্রাশিতা শ্বেব নির্জনে॥ 2-40-27 (13025)
ন ৎবং পার্থিবেন্দ্রাণামপমানঃ প্রয়ুজ্যতে।
ৎবামেব কুরবো ব্যক্তং প্রলম্ভন্তে জনার্দন॥ 2-40-28 (13026)
ক্লীবে দারক্রিয়া যাদৃগন্ধে বা রূপদর্শনম্।
অরাজ্ঞো রাজবৎপূজা তথা তে মধুসূদন॥ 2-40-29 (13027)
দৃষ্টো যুধিষ্ঠিরো রাজা দৃষ্টো ভীষ্মশ্চ যাদৃশঃ।
বাসুদেবোঽপ্যযং দৃষ্টঃ সর্বমেতদ্যথাতথম্॥ 2-40-30 (13028)
ইত্যুক্ৎবা শিশুপালস্তানুত্থায় পরমাসনাৎ।
নির্যযৌ সদসস্তস্মাৎসহিতো রাজভিস্তদা॥ ॥ 2-40-31 (13029)
ইতি শ্রীমন্মহাভারতে সভাপর্বণি দিগ্বিজয়পর্বণি চৎবারিংশোঽধ্যায়ঃ॥ 40॥
সভাপর্ব - অধ্যায় 041
॥ শ্রীঃ ॥
2.41. অধ্যায়ঃ 041
Mahabharata - Sabha Parva - Chapter Topics
শিশুপালং সান্ৎবয়ন্তং যুধিষ্ঠিরং নিবার্য ভীষ্ণেণ শ্রীকৃষ্ণমাহাত্ম্যকথনম্ ॥ 1॥Mahabharata - Sabha Parva - Chapter Text
বৈশম্পায়ন উবাচ।
ততো যুধিষ্ঠিরো রাজা শিশুপালমুপাদ্রবৎ।
উবাচ চৈনং মধুরং সান্ৎবপূর্বমিদং বচঃ॥ 2-41-1 (13030)
নেদং যুক্তং মহীপাল যাদৃশং বৈ ৎবমুক্তবান্।
অধর্মশ্চ পরো রাজন্পারুষ্যং চ নিরর্থকম্॥ 2-41-2 (13031)
ন হি ধর্মং পরং জাতু নাববুধ্যেত পার্থিবঃ।
ভীষ্মঃ শান্তনবস্ৎবেনং মাবমংস্থাস্ৎবমন্যথা॥ 2-41-3 (13032)
পশ্য চৈতান্মহীপালাংস্ৎবত্তো বৃদ্ধতরান্বহূন্।
মৃষ্যন্তে চার্হণাং কৃষ্ণে তদ্বৎবং ক্ষন্তুমর্হসি॥ 2-41-4 (13033)
বেদ তত্ৎবেন কৃষ্ণং হি ভীষ্ণশ্চেদিপতে ভৃশম্।
ন হ্যেনং ৎবং তথা যথৈনং বেদ কৌরবঃ॥ 2-41-5 (13034)
ভীষ্ম উবাচ। 2-41-6x (1462)
নাস্মৈ দেয়ো হ্যনুনয়ো নায়মর্হতি সান্ৎবনম্।
লোকবৃদ্ধতমে কৃষ্ণে যোঽর্হণাং নাভিমন্যতে॥ 2-41-6 (13035)
ক্ষত্রিয়ঃ ক্ষত্রিয়ং জিৎবা রণে রণকৃতাং বরঃ।
যো মুঞ্চতি বশে কৃৎবা গুরুর্ভবতি তস্য সঃ॥ 2-41-7 (13036)
অস্যাং হি সমিতৌ রাজ্ঞামেকমপ্যজিতং যুধি।
ন পশ্যামি মহীপালং সাৎবতীপুত্রতেজসা॥ 2-41-8 (13037)
ন হি কেবলমস্মাকময়মর্চ্যতমোঽচ্যুতঃ।
ত্রয়াণামপি লোকানামর্চনীয়ো মহাভুজঃ॥ 2-41-9 (13038)
কৃষ্ণেন হি জিতা যুদ্ধে বহবঃ ক্ষত্রিয়র্ষভাঃ।
জগৎসর্বং চ বার্ষ্ণেয়ে নিখিলেন প্রতিষ্ঠিতম্॥ 2-41-10 (13039)
তস্মাৎসৎস্বপি বৃদ্ধেষু কৃষ্ণমর্চাম নেতরান্।
এবং বক্তুং ন চার্হস্ৎবং মা তেঽভূদ্বুদ্ধিরীদৃশী॥ 2-41-11 (13040)
জ্ঞানবৃদ্ধা ময়া রাজন্বহবঃ পর্যুপাসিতাঃ।
`যস্য রাজন্প্রভাবজ্ঞাঃ পুরা সর্বে চ রক্ষিতাঃ'।
তেষাং কথয়তাং শৌরেরহং গুণবতো গুণান্॥ 2-41-12 (13041)
সমাগতানামশ্রৌষং বহূন্বহুমতান্সতাম্।
কর্মাণ্যপি চ যান্যস্য জন্মপ্রভৃতি ধীমতঃ॥ 2-41-13 (13042)
বহৃশঃ কথ্যমানানি নরৈর্ভূয়ঃ শ্রুতানি মে।
ন কেবলং বয়ং কামাচ্চেদিগজ জনার্দনম্॥ 2-41-14 (13043)
ন সম্বন্ধং পুরস্কৃত্য কৃতার্থং বা কথঞ্চন।
অর্চামহেঽর্চিতং সদ্ভির্ভুবি ভূতসুখাবহম্॥ 2-41-15 (13044)
যশঃ শৌর্যং জয়ং চাস্য বিজ্ঞায়ার্চাং প্রয়ুঞ্জ্মহে
ন চ কশ্চিদিহাস্মাভিঃ সুবালোপ্যপরীক্ষিতঃ॥ 2-41-16 (13045)
গুণৈর্বৃদ্ধানতিক্রম্য হরিরর্চ্যতমো মতঃ।
জ্ঞানবৃদ্ধো দ্বিজাতীনাং ক্ষত্রিয়াণাং বলাধিকঃ॥ 2-41-17 (13046)
বৈশ্যানাং ধান্যধনবাঞ্শূদ্রাণামেব জন্মতঃ।
পূজ্যতায়াং চ গোবিন্দে হেতূ দ্বাবপি সংস্থিতৌ॥ 2-41-18 (13047)
বেদবেদাঙ্গবিজ্ঞানং বলং চাভ্যধিকং তথা।
নৃণাং লোকে হি কোঽন্যোস্তি বিশিষ্টঃ কেশবাদৃতে॥ 2-41-19 (13048)
দানং দাক্ষ্যং শ্রুতং শৌর্যং হ্রীঃ কীর্তির্বুদ্ধিরুত্তমা।
সংনতিঃ শ্রীর্ধৃতিস্তুষ্টিঃ পুষ্টিশ্চ নিয়তাঽচ্যুতে॥ 2-41-20 (13049)
তমিমং লোকসম্পন্নমাচার্যং পিতরং গুরুম্।
অর্ঘ্যমর্চিতমর্চামঃ সর্বে সঙ্ক্ষন্তুমর্হথ॥ 2-41-21 (13050)
ঋৎবিগ্গুরুর্বিবাহ্যশ্চ স্নাতকো নৃপতিঃ প্রিয়ঃ।
সর্বমেতদ্ধৃষীকেশস্তস্মাদভ্যর্চিতোঽচ্যুতঃ॥ 2-41-22 (13051)
কৃষ্ণ এব হি লোকানামুৎপত্তিরপি চাপ্যযঃ।
কৃষ্ণস্য হি কৃতে বিশ্বমিদং ভূতং চরাচরম্॥ 2-41-23 (13052)
এষ প্রকৃতিরব্যক্তা কর্তা চৈব সনাতনঃ।
পরশ্চ সর্বভূতেভ্যস্তস্মাৎপূজ্যতমোঽচ্যুতঃ॥ 2-41-24 (13053)
বুদ্ধির্মনো মহদ্বায়ুস্তেজোঽভঃ খং মহী চ যা।
চতুর্বিধং চ যদ্ভূতং সর্বং কৃষ্ণে প্রতিষ্ঠিতম্॥ 2-41-25 (13054)
আদিত্যশ্চন্দ্রমাশ্চৈব নক্ষত্রাণি গ্রহাশ্চ যে।
দিশশ্চ বিদিশশ্চৈব সর্বং কৃষ্ণে প্রতিষ্ঠিতম্॥ 2-41-26 (13055)
` এষ রুদ্রশ্চ সর্বাত্মা ব্রহ্মা চৈব সনাতনঃ।
অক্ষরং ক্ষররূপেণ মানুষৎবমুপাগতঃ'॥ 2-41-27 (13056)
অগ্নিহোত্রমুখা বেদা গায়ত্রী চ্ছন্দসাং মুখম্।
রাজা মুখং মনুষ্যাণাং নদীনাং সাগরো মুখম্॥ 2-41-28 (13057)
নক্ষত্রাণাং মুখং চন্দ্র আদিত্যস্তেজসাং মুখম্।
পর্বতানাং মুখং মেরুর্গরুডঃ পততাং মুখম্॥ 2-41-29 (13058)
ঊর্ধ্বং তির্যগধশ্চৈব যাবতী জগতো গতিঃ।
সদেবকেষু লোকেষু ভগবান্কেশবো মুখম্॥ 2-41-30 (13059)
অয়ং তু পুরুষো বালঃ শিশুপালো ন বুধ্যতে।
সর্বত্র সর্বদা কৃষ্ণং তস্মাদেবং প্রভাষতে॥ 2-41-31 (13060)
যো হি ধর্মং বিচিনুয়াদুৎকৃষ্টং মতিমান্নরঃ।
স বৈ পশ্যেদ্যথা ধর্মং ন তথা চেদিরাডয়ম্॥ 2-41-32 (13061)
সবৃদ্ধবালেষ্বথবা পার্থিবেষু মহাত্মসু।
কো নার্হং মন্যতে কৃষ্ণং কো বাপ্যেনং ন পূজয়েৎ॥ 2-41-33 (13062)
অথৈনাং দুষ্কৃতাং পূজাং শিশুপালো ব্যবস্যতি।
দুষ্কৃতায়াং যথান্যায়ং তথাঽয়ং কর্তুমর্হতি॥ ॥ 2-41-34 (13063)
ইতি শ্রীমন্মহাভারতে সভাপর্বণি অর্ঘাহরণপর্বণি একচৎবারিংশোঽধ্যায়ঃ॥ 41 ॥
Mahabharata - Sabha Parva - Chapter Footnotes
2-41-25 চতুর্বিধং জরায়ুজাদি ভৌতিকম্॥সভাপর্ব - অধ্যায় 042
॥ শ্রীঃ ॥
2.42. অধ্যায়ঃ 042
Mahabharata - Sabha Parva - Chapter Topics
শ্রীকৃষ্ণস্যাগ্রপূজামসহমানানাং শিরসি পদমাহিতমিতি সহদেববচনশ্রবণেন শিশুপাল স্য কোপোদয়ঃ॥ 1॥Mahabharata - Sabha Parva - Chapter Text
`বৈশম্পায়ন উবাচ॥
গাঙ্গেয়েনৈবমুক্তস্তু শিশুপালশ্চুকোপ তম্।
ক্রুদ্ধং সুনীথং দৃষ্ট্বাঽথ সহদেবোঽব্রবীত্তদা॥ 2-42-1 (13064)
মতিপূর্বমিদং সর্বং চেদিরাজ ময়া কৃতম্।
তন্মে নিগদতস্তত্ৎবং কারণাদত্র মে শৃণু॥ 2-42-2 (13065)
স পার্থিবানাং সর্বেষাং গুরুঃ কৃষ্ণোঽপরো ন হি।
তস্মাদভ্যর্চিতোঽস্মাভিঃ সর্বে সংমন্তুমর্হথ॥ 2-42-3 (13066)
যো বা সহতে কশ্চিদ্রাজ্ঞাং সবলবাহনঃ।
ক্ষিপ্রং যুদ্ধায় নির্যাতু তস্য মূর্ধ্ন্যাহিতং পদম্॥ 2-42-4 (13067)
এবমুক্তো ময়া হেতুরুত্তরং প্রব্রবীতু মে। 2-42-5 (13068)
বৈশম্পায়ন উবাচ॥
ততো ন ব্যাজহারৈষাং কশ্চিদ্বুদ্ধিমতাং সতাম্॥ 2-42-5x (1463)
মানিনাং বলিনাং রাজ্ঞাং মধ্যে সন্দর্শিতে পদে।
এবমুক্তে সুনীথস্য সহদেবেন কেশবে॥ 2-42-6 (13069)
স্বভাবরক্তে নয়নে কোপাদ্রক্ততরে কৃতে।
তস্য কোপং সমুদ্ভূতং জ্ঞাৎবা ভীষ্মঃ প্রতাপবান্॥ 2-42-7 (13070)
আচচক্ষে পুনস্তস্মৈ কৃষ্ণস্যৈবোত্তরান্গুণান্।
স সুনীথং সমামন্ত্র্য তাংশ্চ সর্বান্মহীক্ষিতঃ॥ 2-42-8 (13071)
উবাচ বদতাং শ্রেষ্ঠং ইদং মতিমতাং বরঃ।
সহদেবেন রাজানো যদুক্তং কেশবং প্রতি।
তত্তথেতি বিজানীধ্বং ভূয়শ্চাত্র বিবোধত॥ ॥ 2-42-9 (13072)
ইতি শ্রীমন্মহাভারতে সভাপর্বণি অর্ঘাহরণপর্বণি দ্বিচৎবারিংশোঽধ্যায়ঃ॥ 42 ॥
সভাপর্ব - অধ্যায় 043
॥ শ্রীঃ ॥
2.43. অধ্যায়ঃ 043
Mahabharata - Sabha Parva - Chapter Topics
শ্রীকৃষ্ণমহিম্নো বিস্তরেণ কথনায় ভীষ্মম্প্রতি যুধিষ্ঠিরপ্রার্থনা॥ 1॥ ভীষ্ণেণ বিষ্ণোর্জগৎসৃষ্টিকথাকথনম্॥ 2॥Mahabharata - Sabha Parva - Chapter Text
বৈশম্পায়ন উবাচ।
ততো ভীষ্মস্য তচ্ছ্রুৎবা বচঃ কালে যুধিষ্ঠিরঃ।
জ্ঞাপনার্থায় সর্বেষাং ভীষ্মং পুনরথাব্রবীৎ॥ 2-43-1 (13073)
বিস্তরেণাস্য দেবস্য কর্মাণীচ্ছামি সর্বশঃ।
শ্রোতুং ভগবতস্তানি প্রব্রবীহি পিতামহ॥ 2-43-2 (13074)
কর্মণামানুপূর্বা চ প্রাদুর্ভাবাশ্চ যে বিভোঃ।
যথা চ প্রকৃতিঃ কৃষ্ণে তন্মে ব্রূহি পিতামহ॥ 2-43-3 (13075)
এবমুক্তস্তদা ভীষ্মঃ প্রোবাচ ভরতর্ষভ।
যুধিষ্ঠিরমমিত্রঘ্নং তস্মিন্ত্রাজসমাগমে॥ 2-43-4 (13076)
সমক্ষং বাসুদেবস্য দেবস্যেব শতক্রতোঃ।
কর্মাণ্যসুকরাণ্যন্যৈরাচচক্ষে জনাধিপ॥ 2-43-5 (13077)
শৃণ্বতাং পার্থিবানাং চ ধর্মরাজস্য চান্তিকে।
ইদং মতিমতাং শ্রেষ্ঠঃ কৃষ্ণং প্রতি বিশাম্পতে॥ 2-43-6 (13078)
নাম্নৈবামন্ত্র্য রাজেন্দ্র চেদিরাজমরিন্দমম্।
ভীমকর্মা ততো ভীষ্ণো ভূয়ঃ স ইতমব্রবীৎ॥ 2-43-7 (13079)
করূণামপি রাজানং যুধিষ্ঠিরমভাষত। 2-43-8 (13080)
ভীষ্ণ উবাচ।
বর্তমানামতীতাং চ শৃণু রাজন্যুধিষ্ঠির॥ 2-43-8x (1464)
ঈশ্বরস্যোত্তমস্যৈনাং কর্মণাং গহনাং গতিম্।
অব্যক্তো ব্যক্তলিঙ্গস্থো য এষ ভগবান্প্রভুঃ॥ 2-43-9 (13081)
পুরা নারায়ণো দেবঃ স্বয়ম্ভূঃ প্রপিতামহঃ।
সহস্রশীর্ষঃ পুরুষো ধ্রবোঽনন্তঃ সনাতনঃ॥ 2-43-10 (13082)
সহস্রাস্যঃ সহস্রাশ্চঃ সহস্রচরণো বিভুঃ।
সহস্রবাহুঃ সর্বজ্ঞো দেবো নামসহস্রবান্॥ 2-43-11 (13083)
সহস্রমুকুটো দেবো বিশ্বরূপো মহাদ্যুতিঃ।
অনেকবর্ণো দেবাদিরব্যক্তাদ্বৈ পরে স্থিতঃ॥ 2-43-12 (13084)
অসৃজৎসলিলং পূর্বং স চ নারায়ণঃ প্রভুঃ।
ততস্তু ভগবাংস্তোয়ে ব্রহ্মাণমসৃজৎস্বয়ম্॥ 2-43-13 (13085)
ব্রহ্মা চতুর্মুখো লোকান্সর্বাংস্তানসৃজৎস্বয়ম্।
আদিকালে পুরা হ্যেবং সর্বলোকস্য চোদ্ভবঃ।
পুরা যঃ প্রলয়ে প্রাপ্তে নষ্টে স্থাবরজঙ্গমে॥ 2-43-14 (13086)
ব্রহ্মাদিষু প্রলীনেষু নষ্টে লোকে চরাচরে।
আভূতসম্প্লবে প্রাপ্তে প্রলীনে প্রকৃতৌ মহান্॥ 2-43-15 (13087)
একস্মিষ্ঠতি সর্বাত্মা স তু নারায়ণঃ প্রভুঃ।
নারায়ণস্য চাঙ্গানি সর্বদৈবানি ভারত॥ 2-43-16 (13088)
শিরস্তস্য দিবং রাজন্নাভিঃ খং চরণৌ মহী।
অশ্বিনৌ কর্ণয়োর্দেবৌ চক্ষুষী শশিভাস্করৌ॥ 2-43-17 (13089)
ইন্দ্রবৈশ্বানরৌ দেবৌ মুখং তস্য মহাত্মনঃ।
অন্যানি সর্বদৈবানি সর্বাঙ্গানি মহাত্মনঃ॥ 2-43-18 (13090)
সর্বং চাপি হরৌ সংস্থং সূত্রে মণিগণা ইব।
আভূতসম্প্লবান্তেঽথ দৃষ্ট্বা সর্বং তমোন্বিতম্॥ 2-43-19 (13091)
নারায়ণো মহায়োগী সর্বজ্ঞঃ পরমাত্মবান্।
ব্রহ্মভূতস্তদাত্মানং ব্রহ্মণমসৃজৎস্বয়ম্॥ 2-43-20 (13092)
সোঽধ্যক্ষঃ সর্বভূতানাং প্রভূতপ্রভবোঽচ্যুতঃ।
সনৎকুমারং রুদ্রং চ সপ্তর্ষীশ্চ তপোধনাৎ॥ 2-43-21 (13093)
সর্বমেবাসৃজদ্ব্রহ্মা তথা লোকাংস্তথা প্রজাঃ।
তে চ তদ্ব্যসৃজংস্তত্র প্রাপ্তকালে যুধিষ্ঠির॥ 2-43-22 (13094)
তেভ্যোঽভবন্মহাত্মভ্যো বহুধা ব্রহ্ম শাশ্বতম্।
কল্পানাং বহুকোট্যশ্চসমতীতাস্তু ভারত॥ 2-43-23 (13095)
আভূতসম্প্লবাশ্চৈব বহুধাঽদ্ধাঽপচক্রমুঃ।
মন্বন্তরয়ুগা রাজন্সঙ্কল্পো ভূতসম্প্লবাঃ॥ 2-43-24 (13096)
চক্রবৎপরিবর্তন্তে সর্বং বিষমুখং জগৎ।
সৃষ্ট্বা চতুর্মুখং দেবং দেবো নারায়ণঃ প্রভুঃ॥ 2-43-25 (13097)
স লোকানাং হিতার্থায় ক্ষীরোদে বসতি প্রভুঃ।
ব্রহ্মা চ সর্বলোকানাং লোকস্য চ পিতামহঃ॥ 2-43-26 (13098)
ততো নারায়ণো দেবঃ সর্বস্য প্রপিতামহঃ। ॥ 2-43-27 (13099)
ইতি শ্রীমন্মহাভারতে সভাপর্বণি অর্ঘাহরণপর্বণি ত্রিচৎবারিংশোঽধ্যায়ঃ॥ 43 ॥
Mahabharata - Sabha Parva - Chapter Footnotes
2-43-25 বিষমুখং জলাদিকম্॥সভাপর্ব - অধ্যায় 044
॥ শ্রীঃ ॥
2.44. অধ্যায়ঃ 044
Mahabharata - Sabha Parva - Chapter Topics
মধুকৈটভবধকথনম্॥ 1॥Mahabharata - Sabha Parva - Chapter Text
ভীষ্ম উবাচ।
অব্যক্তো ব্যক্তলিঙ্গস্থো য এব ভগবান্প্রভুঃ।
নরনারায়ণো ভূৎবা হরিরাসীদ্যুধিষ্ঠির॥ 2-44-1 (13100)
ব্রহ্মা চ শক্রঃ সূর্যশ্চ ধর্মশ্চৈব সনাতনঃ।
বহুশঃ সর্বভূতাত্মা প্রাদুর্ভবতি কার্যতঃ।
প্রাদুর্ভাবাংস্তু বক্ষ্যামি দিব্যান্দেবগণৈর্যুতান্। 2-44-2 (13101)
সুপ্ৎবা যুগসহস্রং স প্রাদুর্ভবতি কার্যবান্।
অনেকবহুসাহস্রৈর্দেবদেবো জগৎপতিঃ॥ 2-44-3 (13102)
ব্রহ্মাণং কপিলং চৈব পরমেষ্ঠিং তথৈব চ।
দেবান্সপ্তর্ষিভিশ্চৈব শঙ্করং চ মহায়শাঃ॥ 2-44-4 (13103)
সনৎকুমারং ভগবান্মনুং চৈব প্রজাপতিম্।
পুরা চক্রে চ দেবাদিঃ প্রদীপ্তাগ্নিসমপ্রভঃ॥ 2-44-5 (13104)
যেন চার্ণবমধ্যস্থৌ নষ্টেস্থাবরজঙ্গমে।
নষ্টদেবাসুরবরে প্রনষ্টোরগরাক্ষসে॥ 2-44-6 (13105)
যোদ্ধুকামৌ সুদুর্ধর্ষৌ ভ্রাতরৌ মধুকৈঠভৌ।
হতৌ ভগবতা তেন ততো দত্ৎবা বরং পরম্॥ 2-44-7 (13106)
ভূমিং বদ্ধ্বা কৃতৌ পূর্বাবজেয়ৌ দ্বৌ মহাঽসুরৌ।
তৌ কর্ণমলসংভূতৌ বিষ্ণোস্তস্য মহাত্মনঃ॥ 2-44-8 (13107)
মহার্ণবে প্রস্বপতঃ শৈলরাজসমৌ স্থিতৌ।
তৌ বিবেশ স্বয়ং বায়ুর্ব্রহ্মণা সাধু চোদিতঃ॥ 2-44-9 (13108)
তৌ দিবং ছাদয়িৎবা তু ববৃধাতে মহাঽসুরৌ।
বায়ুপ্রমাণৌ তৌ দৃষ্ট্বা ব্রহ্মা পর্যমৃশচ্ছনৈঃ॥ 2-44-10 (13109)
একং মৃদুতরং বেত্তি কঠিনং বেত্তি চাপরম্।
নামনী তু তয়োশ্চকে সবিতা সলিলোদ্ভবঃ॥ 2-44-11 (13110)
মৃদুস্ৎবয়ং মধুর্নাম কঠিনঃ কৈঠভঃ স্বয়ম্।
তৌ দৈত্যৌ কৃতনামানৌ চেরতুর্বলগর্বিতৌ॥ 2-44-12 (13111)
তৌ পুরাঽথ দিবং সর্বাং প্রাপ্তৌ রাজন্মহাসুরৌ।
প্রচ্ছাদ্যাথ দিবং সর্বাং চেরতুর্মধুকৈঠভৌ॥ 2-44-13 (13112)
সর্বমেকার্ণবং লোকং যোদ্ধুকামৌ সুনির্ভয়ৌ।
তৌ গতাবসুরৌ দৃষ্ট্বা ব্রহ্মা লোকপিতামহঃ॥ 2-44-14 (13113)
একার্ণবাম্বুনিচয়ে তত্রৈবান্তরধীয়ত।
স পদ্মাৎপদ্মনাভস্য নাভিদেশাৎসমুত্থিতাৎ॥ 2-44-15 (13114)
আসসাদ স্বয়ং জন্ম তৎপঙ্কজমপঙ্কজম্।
পূজয়ামাস বসতিং ব্রহ্মা লোকপিতামহঃ॥ 2-44-16 (13115)
তাবুভৌ জলগর্ভস্থৌ নারায়ণচতুর্মুখৌ।
বহূন্বর্ষায়ুতানপ্সু শয়ানৌ ন চ কম্পিতৌ॥ 2-44-17 (13116)
অথ দীর্ঘস্য কালস্য তাবুভৌ মধুকৈঠভৌ।
আজগ্মতুস্তৌ তং দেশং যত্র ব্রহ্মা ব্যবস্থিতঃ॥ 2-44-18 (13117)
তৌ দৃষ্ট্বা লোকনাথস্তু রোষাৎসংরক্তলোচনঃ।
উৎপপাতাথ শয়নাৎপদ্মনাভো মহাদ্যুতিঃ॥ 2-44-19 (13118)
তদ্যুদ্ধমভবদ্ঘোরং তয়োস্তস্য চ ভারত।
একার্ণবে তদা ঘোরে ত্রৈলোক্যে জলতাং গতে॥ 2-44-20 (13119)
তদভূত্তুমুলং যুদ্ধং বর্ষসঙ্খ্যাসহস্রশঃ।
ন চ তাবসুরৌ যুদ্ধে তদা শ্রমমবাপতুঃ॥ 2-44-21 (13120)
অথ দীর্ঘস্য কালস্য তৌ দৈত্যৌ যুদ্ধদুর্মদৌ।
ঊচতুঃ প্রীতমনসৌ দেবং নারায়ণং প্রভুম্॥ 2-44-22 (13121)
প্রীতৌ স্বস্তব যুদ্ধেন শ্লাঘ্যস্ৎবং মৃত্যুরাবয়োঃ।
আবাং জহি ন যত্রোর্বা সলিলেন পিরপ্লুতা॥ 2-44-23 (13122)
হতৌ চ তব পুত্রৎবং প্রাপ্নুয়াব সুরোত্তম।
যো হ্যানাং যুধি নির্জেতা তস্যাবাং বিহিতৌ সুতৌ॥ 2-44-24 (13123)
তয়োস্তু বচনং শ্রুৎবা তদা নারায়ণঃ প্রভুঃ।
তৌ প্রহস্য মৃধে দৈত্যৌ দোর্ভ্যাং চ সমপীডয়ম্॥ 2-44-25 (13124)
ঊরুভ্যাং নিধনং চক্রে তাবুভৌ মধুকৈঠবৌ।
তৌ হতৌ চাপ্লুতৌ তোয়ে বপুর্ভ্যামেকতাং গতৌ॥ 2-44-26 (13125)
মেদো মুমুচতুর্দৈত্যৌ মজ্জমানৌ জলোর্মিভিঃ।
মেদসা তজ্জলং ব্যাপ্তং তাভ্যামন্তর্দধে তদা॥ 2-44-27 (13126)
নারায়ণশ্চ ভগবানসৃজদ্বিবিধাঃ প্রজাঃ।
দৈত্যযোর্মেদসা ছন্না সর্বা রাজন্বসুন্ধরা॥ 2-44-28 (13127)
তদাপ্রভৃতি কৌন্তেয় মেদিনীতি স্মৃতা মহী।
প্রভাবাৎপদ্মনাভস্য শাশ্বতী চ কৃতা নৃণাম্॥ ॥ 2-44-29 (13128)
ইতি শ্রীমন্মহাভারতে সভাপর্বণি অর্ঘাহরণপর্বণি চতুশ্চৎবারিংশোঽধ্যায়ঃ॥ 44॥
সভাপর্ব - অধ্যায় 045
॥ শ্রীঃ ॥
2.45. অধ্যায়ঃ 045
Mahabharata - Sabha Parva - Chapter Topics
বরাহাবতারকথনম্॥ 1॥Mahabharata - Sabha Parva - Chapter Text
ভীষ্ম উবাচ॥
প্রাদুর্ভাবসহস্রাণি সমতীতান্যনেকশঃ।
যথাশক্তি তু বক্ষ্যামি শৃণু তান্কুরুনন্দন॥ 2-45-1 (13129)
পুরা কমলনাভস্য স্বপতঃ সাগরাম্ভসি।
পুষ্করে যত্র সম্ভূতা দেবা ঋষিগণৈঃ সহ॥ 2-45-2 (13130)
এষ পৌষ্করিকো নাম প্রাদুর্ভাবঃ প্রকীর্তিতঃ।
পুরাণৈঃ কথ্যতে যত্র বেদশ্রুতিসমাহিতঃ॥ 2-45-3 (13131)
বারাহস্তু শ্রুতিসুখঃ প্রাদুর্ভাবো মহাত্মনঃ।
যত্র বিষ্ণুঃ সুরশ্রেষ্ঠো বারাহং রূপমাস্থিতঃ॥ 2-45-4 (13132)
উজ্জহার মহীং তোয়াৎসশৈলবনকাননাম্।
বেদপাদো যূপদংষ্ট্রঃ ক্রতুর্দন্তশ্চিতীমুখঃ॥ 2-45-5 (13133)
অগ্নিজিহ্বো দর্ভরোমা ব্রহ্মশীর্ষো মহাতপাঃ।
অহোরাত্রেক্ষণো দিব্যো বেদাঙ্গঃ শ্রুতিভূষণঃ॥ 2-45-6 (13134)
আজ্যনাসঃ স্রুবং তুণ্ডং সামঘোষস্বনো মহান্।
ধর্মসত্যময়ঃ শ্রীমান্কর্মবিক্রমসৎকৃতঃ॥ 2-45-7 (13135)
প্রায়শ্চিত্তমুখো ধীরঃ পশুজানুর্মহাবৃষঃ।
ঔদ্গাত্রহোমলিঙ্গোঽসৌ পশুবীজমহৌষধিঃ॥ 2-45-8 (13136)
বাহ্যন্তরাত্মা মন্ত্রাস্থিবিকৃতঃ সৌম্যদর্শনঃ।
বেদিস্কন্ধো হবির্গন্ধো হব্যকব্যাভিবেগবান্॥ 2-45-9 (13137)
প্রাগ্বংশকায়ো দ্যুতিমান্নানাদীক্ষাভিরূর্জিতঃ।
দক্ষিণাহৃদয়ো যোগী মহাশাস্ত্রময়ো মহান্॥ 2-45-10 (13138)
উপাকর্মোষ্ঠরুচকঃ প্রাবর্গ্যাবর্তভূষণঃ।
শালাপত্নীসহায়ো বৈ মণিশৃঙ্গসমুচ্ছ্রিতঃ॥ 2-45-11 (13139)
এবং যজ্ঞবরাহো বৈ ভূৎবা বিষ্ণুঃ সনাতনঃ।
মহীং সাগরপর্যন্তাং সশৈলবনকাননাম্॥ 2-45-12 (13140)
একার্ণবজলে ভ্রষ্টামেকার্ণবগতঃ প্রভুঃ।
মজ্জন্তীং সলিলে তস্মিন্স্বদেবীং পৃথিবীং তদা॥ 2-45-13 (13141)
উজ্জহার বিষাণেন মার্গণ্ডেয়স্য পশ্যতঃ।
শৃঙ্গেণ যঃ সমুদ্ধৃত্য লোকানাং হিতকাম্যযা॥ 2-45-14 (13142)
সহস্রশীর্ষো দেবেশো নির্মমে জগতীং প্রভুঃ।
এবং যজ্ঞবরাহেণ ভূতভব্যভাত্মনা॥ 2-45-15 (13143)
উদ্ধৃতা পৃথিবী দেবী পূজ্যা বৈ সাগরাম্বরা।
নিহতা দানবাঃ সর্বে দেবদেবেন বিষ্ণুনা॥ 2-45-16 (13144)
বারাহঃ কথিতো হ্যেষ নারসিংহমতো শৃণু।
যত্র ভূৎবা মৃগেন্দ্রেণ হিরণ্যকশিপুর্হতঃ॥ ॥ 2-45-17 (13145)
ইতি শ্রীমন্মহাভারতে সভাপর্বণি অর্ঘাহরণপর্বণি পঞ্চচৎবারিংশোঽধ্যায়ঃ॥ 45 ॥
সভাপর্ব - অধ্যায় 046
॥ শ্রীঃ ॥
2.46. অধ্যায়ঃ 046
Mahabharata - Sabha Parva - Chapter Topics
হিরণ্যকশিপুনা সমুদ্রে তপশ্ররণম্॥ 1॥ তপঃ প্রসন্নেন ব্রহ্মণা তস্মৈ বরদানম্॥2॥ তস্য বরপ্রাপ্ত্যা ভীতানাং দেবানাং ব্রহ্মণা পরিসান্ৎবনম্॥ 3॥ হিরণ্যকশইপুনা ত্রৈলোক্যপীডনে আত্মানং শরণং গতানাং দেবানাং শ্রীহরিণাঽভয়প্ রদানম্॥ 4॥ নৃসিংহরূপিণা হরিণা হিরণ্যকশিপুহননম্॥ 5॥Mahabharata - Sabha Parva - Chapter Text
ভীষ্ম উবাচ।
দৈত্যেন্দ্রো বলবান্ত্রাজন্সুরারির্বলগর্বিতঃ।
হিরণ্যকশিপুর্নাম আসীত্রৈলোক্যকণ্টকঃ॥ 2-46-1 (13146)
দৈত্যানামাদিপুরুষো বীর্যেণাপ্রতিমো বলী।
প্রবিশ্য জলধং রাজংশ্চকার তপ উত্তমম্॥ 2-46-2 (13147)
দশবর্ষসহস্রাণি শতানি দশ পঞ্চ চ।
ব্রতোপবাসতস্তস্থৌ স্যাণুমৌনব্রতো দৃঢঃ॥ 2-46-3 (13148)
ততঃ শমদমাভ্যাং চ ব্রহ্মচর্যেণ চানঘ।
ব্রহ্মা প্রীতমনাস্তস্য তপসা নিয়মেন চ॥ 2-46-4 (13149)
ততঃ স্বয়ম্ভূর্ভগবান্স্বয়মাগম্য ভূপতে।
বিমানেনার্কবর্ণেন হংসয়ুক্তেন ভাস্বতা॥ 2-46-5 (13150)
আদিত্যৈর্বসুভিঃ সাধ্যৈর্মরুদ্ভির্দৈবতৈস্তথা।
রুদ্রৈর্বিশ্বসহায়ৈশ্চ যক্ষরাক্ষসকিন্নরৈঃ॥ 2-46-6 (13151)
দিশাভির্বিদিশাভিশ্চ নদীভিঃ সাগরৈঃ সহ।
নক্ষত্রৈশ্চ মুহূর্তৈশ্চ খেচরৈশ্চাপরৈর্গ্রহৈঃ॥ 2-46-7 (13152)
দেবর্ষিভিস্তপোয়ুক্তৈঃ সিদ্ধৈঃ সপ্তর্ষিভিস্তদা।
রাজর্ষিভিঃ পুণ্যতমৈর্গন্ধর্বৈরপ্সরোগণৈঃ॥ 2-46-8 (13153)
চরাচরগুরুঃ শ্রীমান্বৃতঃ সর্বসুরৈস্তথা।
ব্রহ্মা ব্রহ্মবিদাং শ্রেষ্ঠো দৈত্যমাগম্য চাব্রবীৎ॥ 2-46-9 (13154)
প্রীতোঽস্মি তব ভক্তস্য তপসাঽনেন সুব্রত।
বরং বরয় ভদ্রং তে যথেষ্টং কামমাপ্নুহি॥ 2-46-10 (13155)
হিরণ্যকশিপুরুবাচ। 2-46-11x (1465)
ন দেবা ন চ গন্ধর্বা ন যক্ষোরগরাক্ষসাঃ।
ন মানুষাঃ পিশাচাশ্চ হন্যুর্মাং দেবসত্তম॥ 2-46-11 (13156)
ঋষয়ো বা ন মাং শাপৈঃ ক্রুদ্ধা লোকপিতামহ।
শপেয়ুস্তপসা যুক্তা বর এষ বৃতো ময়া॥ 2-46-12 (13157)
ন শস্ত্রেণ নচাস্ত্রেণ গিরিণা পাদপেন চ।
ন শুষ্কেণ ন চার্দেণ স্যান্ন বাঽন্যেন মে বধঃ॥ 2-46-13 (13158)
নাকাশে নাথ ভূমৌ বা রাত্রৌ বা দিবসেপি বা।
নান্তর্বা ন বহির্বাপি স্যাদ্বধো মে পিতামহ॥ 2-46-14 (13159)
পশুভির্বা মৃগৈর্ন স্যাৎপক্ষিভির্বা সরীসৃপৈঃ।
দদাসি চেদ্বরানেতন্দেবদেব বৃণোম্যহম্।। 2-46-15 (13160)
ব্রহ্মোবাচ। 2-46-16x (1466)
এতে দিব্যা বরাস্তাত ময়া দত্তাস্তবাদ্ভুতাঃ।
সর্বকামবরাংস্তাত প্রাপ্স্যসি ৎবমসংশয়ম্॥ 2-46-16 (13161)
এবমুক্ৎবা স ভগবাঞ্জগামাকাশমেব হি।
ররাজ ব্রহ্মলোকে হি ব্রহ্মর্ষিগণসেবিতঃ॥ 2-46-17 (13162)
ততো দেবাশ্চ নাগাশ্চ গন্ধর্বা মুনয়স্তথা।
বরপ্রদানং শ্রুৎবৈব তে ব্রহ্মাণমুপস্থিতঃ॥ 2-46-18 (13163)
দেবা ঊচুঃ। 2-46-19x (1467)
বরেণানে ভগবন্বাধিষ্যতি স নোঽসুরঃ।
তৎপ্রসীদস্ব ভগবন্বধোপায়োঽস্য চিন্ত্যতাম্॥ 2-46-19 (13164)
ভীষ্ম উবাচ॥ 2-46-20x (1468)
ততো লোকহিতং বাক্যং শ্রুৎবা দেবঃ প্রজাপতিঃ।
প্রোবাচ ভগবান্বাক্যং সর্বদেবগণাংস্তদা॥ 2-46-20 (13165)
অবশ্যং ত্রিদশাস্তেন প্রাপ্তব্যং তপসঃ ফলম্।
তপসোঽন্তেঽস্য ভগবান্বধং কৃষ্ণঃ করিষ্যতি॥ 2-46-21 (13166)
এতচ্ছ্রুৎবা সুরাঃ সর্বে ব্রহ্মণা তস্য বৈ বধম্।
স্বানি স্থানানি দিব্যানি জগ্মুস্তে বৈ মুদান্বিতাঃ॥ 2-46-22 (13167)
লব্ধমাত্রে বরে চাপি সর্বাস্তা বাধতে প্রজাঃ।
হিরণ্যকশিপুর্দৈত্যো বরদানেন দর্পিতঃ॥ 2-46-23 (13168)
রাজ্যং চকার দৈত্যেন্দ্রো দৈত্যসঙ্ঘৈঃ সমাবৃতঃ।
সপ্তদ্বীপান্বশেচকে লোকালোকান্তরং বলাৎ॥ 2-46-24 (13169)
দিব্যভোগান্সমস্তান্বৈ লোকে সর্বানবাপ সঃ।
দেবাংস্ত্রিভুবনস্থাংস্তু পরাজিত্য মহাসুরঃ॥ 2-46-25 (13170)
ত্রৈলোক্যং বশমানীয় স্বর্গে বসতি দানবঃ।
যদা বরমদোন্মত্তো ন্যবসদ্দানবো দিবি॥ 2-46-26 (13171)
অথ লোকান্সগস্তাংশ্চ বিজিত্য স মহাবলঃ।
ভবেয়মহমেবেন্দ্রঃ সোমোঽগ্নির্মারুতো রবিঃ॥ 2-46-27 (13172)
সলিলং চান্তরিক্ষং চ নক্ষত্রাণি দিশো দশ।
অহং ক্রোধশ্চ কামশ্চ বরুণো বসবোঽর্যমা॥ 2-46-28 (13173)
ধনদশ্চ ধনাধ্যক্ষো যক্ষকিম্পুরুষাধিপঃ।
এতে ভবেয়মিত্যুক্ৎবা স্বয়ং ভূৎবা বলাৎস চ॥ 2-46-29 (13174)
এষাং গৃহীৎবা স্থানানি তেষাং কার্যাণ্যবাপ সঃ।
ইজ্যশ্চাসীন্মখবরৈর্দেবকিন্নরসত্তমৈঃ॥ 2-46-30 (13175)
নরকস্থান্সমানীয় স্বর্গস্থাংশ্চ চকার সঃ।
এবমাদীনি কর্মাণি কৃৎবা দৈত্যপতির্বলী॥ 2-46-31 (13176)
আশ্রমেষু মহাভাগান্মুনীন্বৈ শংসিতব্রতান্।
সত্যধর্মপরান্দান্তান্পুরা ধর্ষিতবাংস্তু সঃ॥ 2-46-32 (13177)
যাজ্ঞীয়ান্কৃতবান্দৈত্যন্যাজকাংশ্চৈব দেবতাঃ।
যত্রয়ত্র সুরা জগ্মুস্তত্রতত্র ব্রজত্যুত॥ 2-46-33 (13178)
স্থানানি দেবতানাং তু হৃৎবা রাজ্যমকারয়ৎ।
পঞ্চকোট্যশ্চ বর্ষাণি অয়ুতান্যেকষষ্টি চ॥ 2-46-34 (13179)
ষষ্টিশ্চৈব সহস্রাণাং জগ্মুস্তস্য দুরাত্মনঃ।
এতদ্বর্ষং স দৈত্যেন্দ্রো ভোগৈশ্চর্যমবাপ সঃ॥ 2-46-35 (13180)
তেনাতিবাধ্যমানাস্তে দৈত্যেন্দ্রেণ বলীয়সা।
ব্রহ্মলোকং সুরা জগ্মুঃ শর্বশক্রপুরোগমাঃ॥ 2-46-36 (13181)
পিতামহং সমাসাদ্য খিন্নাঃ প্রাঞ্জলয়োঽব্রুবন্ ॥ 2-46-37 (13182)
দেবা ঊচুঃ। 2-46-38x (1469)
ভগবন্ভূতভব্যেশ নস্ত্রায়স্ব ইহাগতান্।
ভয়ং দিতিসুতাদ্ঘোরাদ্ভবত্যদ্য দিবানিশম্॥ 2-46-38 (13183)
ভগবন্সর্বদৈত্যানাং স্বয়ম্ভূরাদিকৃৎপ্রভুঃ।
স্রষ্টা ৎবং হব্যকব্যানামব্যক্তঃ প্রকৃতির্ধ্রুবঃ॥ 2-46-39 (13184)
ব্রহ্মোবাচ। 2-46-40x (1470)
শ্রূয়তামাপদেবং হি দুর্বিজ্ঞেয়া ময়াপি চ।
নারায়ণস্তু পুরুষো বিশ্বরূপো মহাদ্যুতিঃ॥ 2-46-40 (13185)
অব্যক্তঃ সর্বভূতানামচিন্ত্যো বিভুরব্যযঃ।
মমাপি স তু যুষ্মাকং ব্যসনে পরমা গতিঃ॥ 2-46-41 (13186)
নারায়ণঃ পরোঽব্যক্তাদহমব্যক্তসম্ভবঃ।
মত্তো জজ্ঞুঃ প্রজা লোকাঃ সর্বে দেবাসুরাশ্চ তে॥ 2-46-42 (13187)
দেবা যথাহং যুষ্মাকং তথা নারায়ণো মম।
পিতামহোঽহং সর্বস্য স বিষ্ণুঃ প্রপিতামহঃ॥ 2-46-43 (13188)
নিশ্চিতং বিষুধা দৈত্যং স বিষ্ণুস্তং হনিষ্যতি।
তস্য নাস্তি ন শক্যং চ তস্মাদ্ব্রজত মাচিরম্॥ 2-46-44 (13189)
ভীষ্ম উবাচ॥ 2-46-45x (1471)
পিতামহবচঃ শ্রুৎবা সর্বে তে ভরতর্ষভ।
বিবুধা ব্রহ্মণা সার্ধং জগ্মুঃ ক্ষীরোদধিং প্রতি॥ 2-46-45 (13190)
আদিত্যা বসবঃ সাধ্যা বিশ্বে চ মরুতস্তথা।
রুদ্রা মহর্ষয়শ্চৈব অশ্বিনৌ চ সুরূপিণৌ॥ 2-46-46 (13191)
অন্যে চ দিব্যা যে রাজংস্তে সর্বে সগণাঃ সুরাঃ।
চতুর্মুখং পুরস্কৃত্য শ্বেতদ্বীপমুপাগতাঃ॥ 2-46-47 (13192)
দেবা ঊচুঃ। 2-46-48x (1472)
ত্রায়স্ব নোঽদ্য দেবেশ হিরণ্যকশিপোর্বধাৎ।
ৎবং হি নঃ পরমো ধাতা ব্রহ্মাদীনাং সুরোত্তম॥ 2-46-48 (13193)
উৎফুল্লাম্বুজপত্রাক্ষ শত্রুপক্ষভয়ঙ্কর।
ক্ষয়ায় দিতিবংশস্য শরণং ৎবং ভবিষ্যসি॥ 2-46-49 (13194)
ভীষ্ণ উবাচ॥ 2-46-50x (1473)
তদ্দেবানাং বচঃ শ্রুৎবা তদা বিষ্ণুঃ শুচিশ্রবাঃ।
অদৃশ্যঃ সর্বভূতাত্মা বক্তুমেবোপচক্রমে॥ 2-46-50 (13195)
বিষ্ণুরুবাচ॥ 2-46-51x (1474)
ভয়ং ত্যজধ্বমমরা অভয়ং বো দদাম্যহম্।
তদেব ত্রিদিবং দেবাঃ প্রতিপদ্যত মাচিরম্॥ 2-46-51 (13196)
এষোঽহং সগণং দৈত্যং বরদানেন দর্পিতম্।
অবধ্যমমরেন্দ্রাণাং দানবেন্দ্রং নিহন্ম্যহম্॥ 2-46-53 ব্রহ্মোবাচ॥ 2-46-52 (13197)
ভহবন্দেবদেবেশ খিন্না এতে ভৃশং সুরাঃ।
তস্মাত্ৎবং জহি দৈত্যেন্দ্রং ক্ষিপ্রং কালোঽস্য মাচিরম্।
এষ ৎবং সগণং দৈত্যং বরদানেন দর্পিতম্॥ 2-46-53 (13198)
বিষ্ণুরুবাচ॥ 2-46-54x (1475)
ক্ষিপ্রমেব করিষ্যামি ৎবরয়া দৈত্যনাশনম্।
তস্মাত্ৎবং বিবুধাশ্চৈব প্রতিপদ্যত বৈ দিবম্॥ 2-46-54 (13199)
ভীষ্ম উবাচ॥ 2-46-55x (1476)
এবমুক্ৎবা তু ভগবান্বিসৃজ্য ত্রিদিবেশ্বরান্।
নরস্যার্ধতনুর্ভূৎবা সিংহস্যার্ধতনুঃ পুনঃ॥ 2-46-55 (13200)
নারসিংহেন বপুষা পাণিং সংস্পৃশ্য পাণিনা।
ভীমরূপো মহাতেজা ব্যাদিতাস্য ইবান্তকঃ॥ 2-46-56 (13201)
হিরণ্যকশিপুং রাজঞ্জগাম হরিরীশ্বরঃ।
দৈত্যাস্তমাগতং দৃষ্ট্বা নারসিংহং মহাবলম্॥ 2-46-57 (13202)
ববর্ষুঃ শস্ত্রবর্ষৈস্তে সুসঙ্ক্রুদ্ধাস্তদা হরিম্।
তৈঃ সৃষ্টসর্বশস্ত্রাণি ভক্ষয়ামাস বৈ হরিঃ॥ 2-46-58 (13203)
জঘান ন রণে দৈত্যান্সহস্রাণি বহূনি চ।
তান্নিহত্য চ দৈতেয়ান্সর্বান্ক্রুদ্ধান্মহাবলান্॥ 2-46-59 (13204)
অভ্যধাবৎসুসঙ্ক্রুদ্ধো দৈত্যেন্দ্রং বলগর্বিতম্।
জীমূতঘনসঙ্কাশো জীমূতঘননিস্বনঃ॥ 2-46-60 (13205)
জীমূত ইব দীপ্তৌজা জীমূত ইব বেগবান্।
দৈত্যং সোঽতিবলং দৃপ্তং দৃপ্তশার্দূলবিক্রমম্॥ 2-46-61 (13206)
দৃপ্তৈর্দৈত্যগণৈর্গুপ্তং খরৈর্নখমুকৈরুত।
ততঃ কৃৎবা তু যুদ্ধং বৈ তেন দৈত্যেন বৈ হরিঃ॥ 2-46-62 (13207)
সন্ধ্যাকালে মহাতেজা ভবনান্তে ৎবরান্বিতঃ।
ঊরৌ নিধায় দৈত্যেন্দ্রং নির্বিভেদ নখৈস্তদা॥ 2-46-63 (13208)
মহাবলং মহাবীর্যং বরদানেন গর্বিতম্।
দৈত্যশ্রেষ্ঠং সুরশ্রেষ্ঠো জঘান তরসা হরিঃ॥ 2-46-64 (13209)
হিরণ্যকশিপুং হৎবা সর্বদৈত্যাংশ্চ বৈ তদা।
বিবুধানাং প্রজানাং চ হিতং কৃৎবা মহাদ্যুতিঃ॥ 2-46-65 (13210)
প্রমুমোদ হরির্দেবঃ প্রাপ্য ধর্মং তদা ভুবি।
এষ তে নারসিংহোঽত্র কথিতঃ পাণ্ডুনন্দন। 2-46-66 (13211)
শৃণু ৎবং বামনং নাম প্রাদুর্ভাবং মহাত্মনঃ॥ ॥ 2-46-67 (13212)
ইতি শ্রীমন্মহাভারতে সভাপর্বণি অর্ঘাহরণপর্বণি ষট্চৎবারিংশোঽধ্যায়ঃ॥ 46॥
সভাপর্ব - অধ্যায় 047
॥ শ্রীঃ ॥
2.47. অধ্যায়ঃ 047
Mahabharata - Sabha Parva - Chapter Topics
বলিনিপীডিতৈরিন্দ্রাদিভিঃ প্রার্ধিতেন হরিণা অদিত্যাং বামনৎবেনাবতীর্য বলি ম্প্রতি যাচনম্॥ 1॥ ত্রিবিক্রমরূপিণো হরেঃ পাদাঙ্গুষ্ঠনখনির্ভিণ্ণোর্ধ্বাণ্ডাদ্গঙ্গায়াঃ প্রাদু র্ভাবো বলিনিগ্রহশ্চ ॥ 2॥Mahabharata - Sabha Parva - Chapter Text
ভীষ্ম উবাচ॥
পুরা ত্রেতায়ুগে রাজন্বলির্বৈরোজনোঽভবৎ।
দৈত্যানাং পার্থিবো বীরো বলেনাপ্রতিমো বলী॥ 2-47-1 (13213)
তদা বলির্মহারাজ দৈত্যসঙ্ঘৈঃ সমাবৃতঃ।
বিজেতুং তরসা শক্রমিন্দ্রস্থানমবাপ সঃ॥ 2-47-2 (13214)
তেন বিত্রাসিতা দেবা বলিনাঽঽখণ্ডলাদয়ঃ।
ব্রহ্মাণং তু পুরস্কৃত্য গৎবা ক্ষীরোদধিং তদা॥ 2-47-3 (13215)
তুষ্টুবুঃ সহিতাঃ সর্বে দেবং নারায়ণং প্রভুম্।
স তেষাং দর্শনং চক্রে বিবুধানাং হরিস্তদা॥ 2-47-4 (13216)
প্রসাদজং তস্য বিভোরদিত্যাং জন্ম উচ্যতে।
অদিতেরপি পুত্রৎবমেত্য যাদবনন্দনঃ॥ 2-47-5 (13217)
এষ বিষ্ণুরিতি খ্যাত ইন্দ্রস্যাবরজোঽভবৎ।
তস্মিন্নেব চ কালে তু দৈত্যেন্দ্রো বলবীর্যবান্॥ 2-47-6 (13218)
অশ্বমেধং ক্রতুশ্রেষ্ঠমাহর্তুমুপচক্রমে।
বর্তমানে তদা যজ্ঞে দৈত্যেন্দ্রস্য যুধিষ্ঠির॥ 2-47-7 (13219)
স বিষ্ণুর্মানবো ভূৎবা প্রচ্ছন্নো ব্রহ্মসংবৃতঃ।
মুণ্ডো যত্রোপবীতী চ কৃষ্ণাজিনধরঃ শিখী॥ 2-47-8 (13220)
পালাশদণ্ডং সঙ্গৃহ্য বামনোঽদ্ভুতদর্শনঃ।
প্রবিশ্য স বলের্যজ্ঞে বর্তমানো চ দক্ষিণাম্॥ 2-47-9 (13221)
দেহীত্যুবাচ দৈত্যেন্দ্রং বিক্রমাংস্ত্রীনিহৈব হ।
দীয়তাং ত্রিপদীমাত্রমিত্যযাচন্মহাসুরম্॥ 2-47-10 (13222)
স তথেতি প্রতিশ্রুত্য প্রদদৌ বিষ্ণবে তদা।
তেন লব্ধ্বা হিরর্ভূমিং জৃম্ভয়ামাস বৈ ভৃশম্॥ 2-47-11 (13223)
স শিশুঃ সদিবং খং চ পৃথিবীং বচ বিশাম্পতে।
ত্রিভির্বিক্রমণৈশ্চৈব সর্বমাক্রমতাভিভূঃ॥ 2-47-12 (13224)
বলের্বলবতো যজ্ঞে বলিনা বিষ্ণুনা পুরা।
বিক্রমৈস্ত্রিভিরক্ষোভ্যাঃ ক্ষোভিতাস্তে মহাসুরাঃ॥ 2-47-13 (13225)
বিপ্রচিত্তিমুখাঃ ক্রুদ্ধাঃ সর্বসঙ্ঘা মহাসুরাঃ।
নানাবক্রা মহাকায়া নানাবেষধরা নৃপ॥ 2-47-14 (13226)
নানাপ্রহরণা রৌদ্রা নানামাল্যানুলেপনাঃ।
স্বান্যায়ুধানি সঙ্গৃহ্য প্রদীপ্তা ইব তেজসা॥ 2-47-15 (13227)
ক্রমমাণং হরি তত্র উপাবর্তন্ত ভারত।
প্রমথ্য সর্বান্দৈতেয়ান্পাদহস্ততলৈস্তু তান্॥ 2-47-16 (13228)
রূপং কৃৎবা মহাভীমং জহারাশু স মেদিনীম্।
সম্প্রাপ্য দিবমাকাশমাদিত্যসদনে স্থিতঃ॥ 2-47-17 (13229)
অত্যরোচত ভূতাত্মা আদিত্যস্যৈব তেজসা।
প্রকাশয়ন্দিশঃ সর্বাঃ প্রদিশশ্চ মহায়শাঃ॥ 2-47-18 (13230)
শুশুভে স মহাবাহুঃ সর্বলোকান্প্রকাশয়ন্।
তস্য বিক্রমতো ভূমিং চন্দ্রাদিত্যৌ স্তনান্তরে॥ 2-47-19 (13231)
নভস্তু ক্রমমাণস্য নাভ্যাং কিল তদা স্থিতৌ।
পরমাক্রমমাণস্য নানুভ্যাং তৌ ব্যবস্থিতৌ॥ 2-47-20 (13232)
বিষ্ণোরমিতবীর্যস্য বদন্ত্যেবং দ্বিজাতয়ঃ।
অথাস্য পাদাক্রমণাৎপফালাণ্ডো যুধিষ্ঠিরঃ॥ 2-47-21 (13233)
তচ্ছিদ্রাৎস্যন্দিনী তস্য পাদভ্রষ্টা তু নিম্নগা।
সসার সাগরং সা তু পাবনী সাগরংগমা॥ 2-47-22 (13234)
জহার মেদিনীং সর্বাং হৎবা দানবপুঙ্গবান্।
আসুরী শ্রিয়মাহৃত্য ত্রীল্লোকান্স জনার্দন॥ 2-47-23 (13235)
সপুত্রদারানসুরান্পাতালে সংন্যবেশয়ৎ।
নমুচিঃ শম্বরশ্চৈব প্রহ্লাদশ্চ মহামনাঃ॥ 2-47-24 (13236)
মহাভূতানি ভূতাত্মা সবিশেষানি বৈ হরিঃ।
কালং চ সকলং রাজন্গাত্রভূতান্যদর্শয়ৎ॥ 2-47-25 (13237)
তস্য গাত্রে জগৎসর্বমানীতমধিপশ্যতি।
ন কিঞ্চিদস্তি লোকেষু যদনাপ্তং মহাত্মনা॥ 2-47-26 (13238)
তদ্ধি রূপমুপেন্দ্রস্য দেবদানবমানবাঃ।
দৃষ্ট্বা সংমুমুহুঃ সর্বে বিষ্ণুতেজোঽভিপীডিতাঃ॥ 2-47-27 (13239)
বলির্বদ্ধোঽভিমানী চ যজ্ঞবাটে মহাত্মনা।
বিরোচনকুলং সর্বং পাতালে বিনিবেশিতম্॥ 2-47-28 (13240)
এবংবিধানি কর্মাণি কৃৎবা গরুডাবাহনঃ।
ন বিস্ময়মুপাগচ্ছৎপারমেষ্ঠ্যেন তেজসা॥ 2-47-29 (13241)
স সর্বমসুরৈশ্বর্যং সম্প্রদায় শচীপতেঃ।
ত্রৈলোক্যং চ দদৌ শক্রে বিষ্ণুর্দানবসূদনঃ॥ 2-47-30 (13242)
এষ তে বামনো নাম প্রাদুর্ভাবো মহাত্মনঃ।
বেদবিদ্ভির্দ্বিজৈরেতচ্ছ্রূয়তে বৈষ্ণবং যশঃ।
মানুষেষু ততো বিষ্ণোঃ প্রাদুর্ভাবাংস্তথা শৃণু॥ ॥ 2-47-31 (13243)
ইতি শ্রীমন্মহাভারতে সভাপর্বণি অর্ঘাহরণপর্বণি সপ্তচৎবারিংশোঽধ্যায়ঃ॥ 47 ॥
সভাপর্ব - অধ্যায় 048
॥ শ্রীঃ ॥
2.48. অধ্যায়ঃ 048
Mahabharata - Sabha Parva - Chapter Topics
দত্তাত্রেয়নাম্নাঽবতীর্ণস্য হরেঃ কার্তবীর্যার্জুনস্য বরদানাদিকম্॥ 1॥Mahabharata - Sabha Parva - Chapter Text
ভীষ্ণ উবাচ॥
বিষ্ণোঃ পুনর্মহাভাগঃ প্রাদুর্ভাবো মহাত্মনঃ।
দত্তাত্রেয় ইতি খ্যাত ঋষিরাসীন্মহায়শাঃ॥ 2-48-1 (13244)
তেন নষ্টেষু বেদেষু ক্রিয়াসু চ মখেষু চ।
চাতুর্বর্ণ্যে চ সঙ্কীর্ণে ধর্মে শিথিলতাং গতে॥ 2-48-2 (13245)
অভবর্ধতি চাধর্মে সত্যে নষ্টে স্থিতেঽনৃতে।
প্রজাসু ক্ষীয়মাণাসু ধর্মে চামূলতাং পতে॥ 2-48-3 (13246)
সয়জ্ঞাঃ সক্রিয়া বেদাঃ প্রত্যানীতা হি তেন বৈ।
চাতুর্বর্ণ্যমসঙ্কীর্ণং কৃতং তেন মহাত্মনা॥ 2-48-4 (13247)
স এব বৈ যদা প্রাদাদ্ধৈহয়াধিপতের্বরম্।
তং হৈহয়ানামধিপস্ৎবর্জুনোঽভিপ্রসাদয়ন্॥ 2-48-5 (13248)
বনং পর্যচরন্সম্যক্ছুশ্রূষুরনুসূয়কঃ।
নির্মমো নিরহঙ্কারো দীর্ঘকালমতোষয়ৎ॥ 2-48-6 (13249)
আরাধ্য দত্তাত্রেয়ং হি অগৃঙ্ণাৎস বরানিমান্।
আপ্তাদাপ্ততরান্বিপ্রাদ্বিদ্বান্বিদ্বন্নিষেবিতাৎ॥ 2-48-7 (13250)
ঋতেঽমরৎবং বিপ্রেণ দত্তাত্রেয়েণ ধীমতা।
বরৈশ্চতুর্ভিঃ প্রবৃত ইমান্বব্রে বরান্নৃপঃ॥ 2-48-8 (13251)
শ্রীমান্মনস্বী বলবান্সত্যবাগনসূয়কঃ।
সহস্রবাহুর্ভূয়াসমেষু মে প্রথমো বরঃ॥ 2-48-9 (13252)
জরায়ুজাণ্ডজং সর্বং সর্বং চৈব চরাচরম্।
শাস্তুমিচ্ছামি ধর্মেণ দ্বিতীয়স্ৎবেষ মে বরঃ॥ 2-48-10 (13253)
পিতৃন্দেবানৃষীন্বিপ্রান্যজেয়ং বিপুলৈর্মখৈঃ।
অমিত্রাংশ্চ শিতৈর্বাণৈস্তৃতীয়ো ব্রর এষ মে॥ 2-48-11 (13254)
যস্য নাসীন্ন ভবিতা ন চাস্তি সদৃশঃ পুমান্।
ইহ বা দিবি বা লোকে স মে হন্তা ভবেদিতি॥ 2-48-12 (13255)
সোঽর্জুনঃ কৃতবীর্যস্য বরঃ পুত্রোঽভবদ্যুধি।
স সহস্রং সহস্রাণাং মাহিষ্মত্যামবর্ধত॥ 2-48-13 (13256)
স ভূমিমখিলাং জিৎবা দ্বীপাংশ্চাপি সমুদ্রিণঃ।
নভসীবাজ্বলৎসূর্যঃ পুণ্যৈঃ কর্মভির্জুনঃ॥ 2-48-14 (13257)
ইন্দ্রদ্বীপং কশেরুং চ কামদ্বীপং গভস্তিতম্।
গন্ধর্ববরুণদ্বীপং সৌহৃষ্টমমিতপ্রভঃ॥ 2-48-15 (13258)
পূর্বৈরজিতপূর্বাংশ্চ দ্বীপনজয়দর্জুনঃ।
ইদং তু কার্তবীর্যস্য বভূবাসদৃশং জনৈঃ॥ 2-48-16 (13259)
ন পূর্বে নাপরে তস্য গমিষ্যন্তি গতিং নৃপাঃ।
যদর্ণবে প্রয়াতস্য বস্ত্রং ন পরিষিচ্যতে॥ 2-48-17 (13260)
সৌবর্ণং সর্বমপ্যাসীদ্বিমানবরমুত্তমম্।
চতুর্ধা ব্যভজদ্রাষ্ট্রং তদ্বিভজ্যান্বপালয়ৎ॥ 2-48-18 (13261)
একাংশেনাহরৎসেনামেকাংশেনাবসদ্গৃহান্।
যস্তু তস্য তৃতীয়াংশো রাজ্ঞোঽভূজ্জনসঙ্গ্রহে॥ 2-48-19 (13262)
আপ্তঃ পরমকল্যাণস্তেন যজ্ঞানকল্পয়ৎ।
যে দস্যবো গ্রামচরা অরম্যে চ বসন্তি যে॥ 2-48-20 (13263)
চতুর্থেন তু সোংঽশেন তান্সর্বান্প্রত্যষেধয়ৎ।
দ্বারাণি নাপিধীয়ন্তে পুরেষু নগরেষু চ॥ 2-48-21 (13264)
স এব রাষ্ট্রপালোঽভূৎস্রীপালোঽভবদর্জুনঃ।
স এবাসীদ্জাপালঃ সঃ গোপালো বিশাম্পতে॥ 2-48-22 (13265)
শতং বর্ষসহস্রাণামনুশিষ্যার্জুনো মহীম্।
দত্তাত্রেয়প্রসাদেন এবং রাজ্যং চকার সঃ॥ 2-48-23 (13266)
এবং বহূনি কর্মাণি চক্রে লোকহিতায় সঃ॥
দত্তাত্রেয় ইতি খ্যাতঃ প্রাদুর্ভাবো হ্যযং হরেঃ।
কথিতো ভরতশ্রেষ্ট শৃণু ভূয়ো মহাত্মনঃ॥ ॥ 2-48-24 (13267)
ইতি শ্রীমন্মহাভারতে সভাপর্বণি অর্ঘাহরণপর্বণি অষ্টচতৎবারিংশোঽধ্যায়ঃ॥ 48 ॥
সভাপর্ব - অধ্যায় 049
॥ শ্রীঃ ॥
2.49. অধ্যায়ঃ 049
Mahabharata - Sabha Parva - Chapter Topics
শ্রীহরের্জমদগ্নিগৃহে রামনাম্নাঽবতরণম্॥ 1॥ পরশুরামেণ কার্তবীর্যার্জুনহননম্॥ 2॥। ত্রিস্সপ্তকৃৎবঃ ক্ষত্রিয়ান্নিহত্য তদ্রক্তজলৈঃ স্বপিতৄণাং তর্পণম্॥3॥ কাশ্যপায়াখণ্ডভূমণ্ডলং দত্ৎবা সাল্বেনায়োধনে কুমারীণাং বাণ্যা তং বিসৃজ্য শস্ত্রন্যাসপূর্বকং তপশ্চরণম্॥ 4॥Mahabharata - Sabha Parva - Chapter Text
ভীষ্ম উবাচ॥
তথা ভৃগুকুলে জন্ম যদর্থং চ মহাত্মনঃ।
জামদগ্ন্য ইতি খ্যাতঃ প্রাদুর্ভাবশ্চ বৈষ্ণবঃ॥ 2-49-1 (13268)
জমদগ্নিসুতো রাজন্ত্রামো নাম স বীর্যবান্।
হেহয়ান্তকরো রাজন্স রামো বলিনাং বরঃ॥ 2-49-2 (13269)
কার্তাবীর্যো মহাবীর্যো বলেনাপ্রতিমস্তদা।
রামেণ জামদগ্ন্যেন হতো বিষমমাচরন্॥ 2-49-3 (13270)
তং কার্তবীর্যং রাজানং হেহয়ানামরিন্দমম্।
রথস্থং পার্থিবং রামঃ পাতয়িৎবাঽবধীদ্রণে॥ 2-49-4 (13271)
জম্ভস্য যজ্ঞং হৎবা স ঋৎবিজশ্চৈব সংস্তরে।
জম্ভস্য মূর্ধ্নি ভেত্তা চ হন্তা চ শতদুন্দুভেঃ॥ 2-49-5 (13272)
স এষ কৃষ্ণো গোবিন্দো জাতো ভৃগুষু বীর্যবান্।
সহস্রবাহুমুদ্ধর্তুং সহস্রজিতমাহবে॥ 2-49-6 (13273)
ক্ষত্রিয়াণাং চতুষ্পষ্টিময়ুতানি মহায়শাঃ।
সরস্বত্যাং সমেতানি এষ বৈ ধনুষাঽজয়ৎ॥ 2-49-7 (13274)
ব্রহ্মদ্বিষাং ধে তস্মিন্মহস্রাণি চতুর্দশ।
পুনর্জঘান শূরাণামতিক্রূরো রথর্ষভঃ॥ 2-49-8 (13275)
ততো রাজ্ঞাং সহস্রং স ভঙ্ক্তা পূর্বমরিন্দমঃ।
সহস্রং মুসলেনাহন্সহস্রমুদকৃন্তত॥ 2-49-9 (13276)
চতুর্দশসহস্রাণি কৃণদূমমপায়যৎ।
শিষ্টান্ব্রহ্মদ্বিষো জিৎবা ততোঽস্নায়ত ভার্গবঃ 2-49-10 (13277)
রামরামেত্যমিক্রুষ্টো ব্রাহ্মণৈঃ ক্ষত্রিয়ার্দিতৈঃ।
নিঘ্নঞ্শতসহস্রাণি রামঃ পরশুনাভিভূঃ॥ 2-49-11 (13278)
ন হ্যমৃষ্যত তাং বাচমার্তৈর্ভৃশমুদীরিতাম্।
ভৃগো রামাভিধাবেতি যদাঽক্রন্দন্দ্বিজাতয়ঃ॥ 2-49-12 (13279)
কাশ্মীরান্দরদান্কুন্তীন্ক্ষুদ্রকান্মালবাঞ্ছবান্।
চেদিকাশিকরূশাংশ্চ ঋষিকান্ক্রথকৈশিকান্॥ 2-49-13 (13280)
অঙ্গান্বঙ্গান্কলিঙ্গাংশ্চ মাগধান্কাশিকোসলান্।
রাত্রায়ণান্বীতিহোত্রান্কিরাতান্কার্তিকাবতান্॥ 2-49-14 (13281)
এতানন্যাংশ্চ রাজন্যান্দেশেদেশে সহস্রশঃ।
নিকৃত্য নিশিতৈর্বাণৈঃ সম্প্রদায় বিবস্বতে॥ 2-49-15 (13282)
কীর্ণা ক্ষত্রিয়কোটীভির্মেরুমন্দরভূষণা।
ত্রিঃ সপ্তকৃৎবঃ পৃথিবী তেন নিঃক্ষত্রিয়া কৃতা॥ 2-49-16 (13283)
কৃৎবা নিঃক্ষত্রিয়াং চৈব ভার্গবঃ স মহায়শাঃ।
ইন্দ্রগোপকবর্ণস্য জীবঞ্জীবনিভস্য চ॥ 2-49-17 (13284)
পূরয়িৎবা চ সরিতঃ ক্ষতজস্য সরাংসি চ।
চকার তর্পণং বীরঃ পিতৄণাং তাসু তেষু চ॥ 2-49-18 (13285)
সর্বানষ্টাদশ দ্বীপান্বশমানীয় ভার্গবঃ।
সোঽশ্বমেধসহস্রাণি নরমেধশতানি চ॥ 2-49-19 (13286)
ইষ্ট্বা সাগরপর্যন্তাং কাশ্যপায় মহীং দদৌ।
তস্যাগ্রেণানুপর্যেতি ভূমিং কৃৎবা বিপাংসুলাম্॥ 2-49-20 (13287)
ততঃ কালকৃতাং সত্যাং ভার্গবায় মহাত্মনে।
গাধামপ্যত্র গায়ন্তি যে পুরাণবিদো জনাঃ॥ 2-49-21 (13288)
বেদিমষ্টাদশোৎসেধাং হিরণ্যস্যাতিপৌরুষীম্।
রামেণ জামদগ্ন্যেন প্রতিজগ্রাহ কাশ্যপঃ॥ 2-49-22 (13289)
এবমিষ্ট্বা মহাবাহুঃ ক্রতুভির্ভূরিদক্ষিণৈঃ।
অন্যদ্বর্ষশতং রামঃ সৌভে সাল্বময়োধয়ৎ॥ 2-49-23 (13290)
ততঃ স ভৃগুশার্দূলস্তং সৌভং যোধয়ন্প্রভুঃ।
সুবন্ধুরং রথং রাজন্নাস্থায় ভরতর্ষভ॥ 2-49-24 (13291)
নগ্নিকানাং কুমারীণাং গায়ন্তীনামুপাশৃণোৎ।
রামরাম মহাবাহো ভৃগূণাং কীর্তিবর্ধন॥ 2-49-25 (13292)
ত্যজ শস্ত্রাণি সর্বাণি ন ৎবং সৌভং বধিষ্যসি।
শঙ্খচক্রগদাপাণির্দেবানামভয়ঙ্গরঃ॥ 2-49-26 (13293)
যুধি প্রদ্যুম্নসাম্বাভ্যাং কৃষ্ণঃ সৌভং বধিষ্যতি।
তচ্ছ্রুৎবা পুরুষব্যাঘ্রস্তত এব বনং যয়ৌ॥ 2-49-27 (13294)
ন্যস্য সর্বাণি শস্ত্রাণি কালকাঙ্ক্ষী মহায়শাঃ।
রথং সর্বায়ুধং চৈব শরান্পরশুমেব চ॥ 2-49-28 (13295)
ধনূংষ্যপ্সু প্রতিষ্ঠাপ্য রামস্তেপে পরং তপঃ।
হ্রিয়ং প্রজ্ঞাং শ্রিয়ং কীর্তিং লক্ষ্মীং চামিত্রকর্শনঃ॥ 2-49-29 (13296)
পঞ্চাধিষ্ঠায় ধর্মাত্মা তং রথং বিসসর্জ হ।
আদিকালে প্রবৃত্তং তু ব্যভজৎকরমীশ্বরঃ॥ 2-49-30 (13297)
নাঘ্নতং শ্রদ্ধয়া সৌভং ন হ্যশক্তো মহায়শাঃ।
জামদগ্ন্য ইতি খ্যাতো যস্ৎবয়ং ভগবানুপিঃ। 2-49-31 (13298)
সোঽস্য ভাগস্তপস্তেপে ভার্গবো লোকবিশ্রুতঃ॥ ॥ 2-49-32 (13299)
ইতি শ্রীমন্মহাভারতে সভাপর্বণি অর্ঘাহরণপর্বণি একোনপঞ্চাশোঽধ্যায়ঃ॥ 49॥
সভাপর্ব - অধ্যায় 050
॥ শ্রীঃ ॥
2.50. অধ্যায়ঃ 050
Mahabharata - Sabha Parva - Chapter Topics
শ্রীবিষ্ণোর্দশরথগৃহে রামৎবেনাবতারঃ॥ 1॥ বিশ্বামিত্রেণ স্বাশ্রমং নীতেন সলক্ষ্মণেন রামেণ সুবাহ্বাদিহননম্॥ 2॥ সীতামুদূহ্য নিজনগরমেত্য পিতৃনিদেশেন সীতালক্ষ্মণাভ্যাং সহ বনং গতেন রামেণ স্বরদূষণাদিহননম্॥ 3॥ সীতাবিয়োগিনঃ সুগ্রীবেণ সখ্যমেত্য বালিনং সংহৃতবতো রামস্য হনুমদ্বচনেন লঙ্ক াগমনম্॥ 4॥ রাবণাদীন্নিহত্য সীতাপ্রমুখৈঃ সহায়োধ্যাং গতেন রামেণ লবণাসুরং শত্রুঘ্নেন ঘ াতয়িৎবা প্রজাপালনম্॥ 5॥ সঙ্গ্রহেণ শ্রীকৃষ্ণচরিত্রনিরূপণং কল্ক্যবতারকথনং চ॥ 6॥Mahabharata - Sabha Parva - Chapter Text
ভীষ্ম উবাচ॥
শৃণু রাজংস্ততো বিষ্ণোঃ প্রাদুর্ভাবং মহাত্মনঃ।
অষ্টাবিংশে যুগে চাপি মার্কণ্ডেয়পুরঃ সরঃ॥ 2-50-1 (13300)
তিথৌ নাবমিকে জজ্ঞে তথা দশরথাদপি।
কৃৎবাঽঽত্মানং মহাবাহুশ্চতুর্ধা বিষ্ণুরব্যযঃ॥ 2-50-2 (13301)
লোকে রাম ইতি খ্যাতস্তেজসা ভাস্করোপমঃ।
প্রসাদনার্থং লোকস্য বিষ্ণুস্তত্র সনাতনঃ॥ 2-50-3 (13302)
ধর্মার্থমেব কৌন্তেয় জজ্ঞে তত্র মহায়শাঃ।
তমপ্যাহুর্মনুষ্যেন্দ্রং সর্বভূতপতেস্তনুম্॥ 2-50-4 (13303)
যজ্ঞবিঘ্নকরস্তত্র বিশ্বামিত্রস্য ভারত।
সুবাহুর্নিহতস্তেন মারীচস্তাডিতো ভৃশম্॥ 2-50-5 (13304)
তস্মৈ দত্তানি চাস্রাণি বিশ্বমিত্রেণ ধীমতা।
বধার্থং সর্বশত্রূণাং দুর্বারাণি সুরৈরপি॥ 2-50-6 (13305)
বর্তমানে মহায়জ্ঞে জনকস্য মহাত্মনঃ।
ভগ্নং মাহেশ্বরং চাপং ক্রীডতা লীলয়া ভৃশম্॥ 2-50-7 (13306)
ততস্তু সীতাং জগ্রাহ ভার্যার্থে জানকীং বিভুঃ।
নগরীং পুনরাসাদ্য মুমুদে তত্র সীতয়া॥ 2-50-8 (13307)
কস্যচিত্ৎবথ কালস্য পিত্রা তত্রাভিচোদিতঃ।
কৈকেয়্যাঃ প্রিয়মন্বিচ্ছন্বনমভ্যবপদ্যত॥ 2-50-9 (13308)
যঃ সমাঃ সর্বধর্মজ্ঞশ্চতুর্দশ বনে বসন।
লক্ষ্মণানুচরো রামঃ সর্বভূতহিতে রতঃ॥ 2-50-10 (13309)
চতুর্দশ বনে তীর্ৎবা তদা বর্ষাণি ভারত।
রূপিণী যস্য পার্শ্বস্থা সীতেত্যভিহিতা জনৈঃ॥ 2-50-11 (13310)
পূর্বোচিতৎবাৎসা লক্ষ্মীর্ভর্তারমনুশোচতি।
জনস্থানে বসন্কার্যং ত্রিদশানাং চকার সঃ॥ 2-50-12 (13311)
মারীচং দূষণং হুৎবা খরং ত্রিশিরসং তথা।
চতুর্দশ সহস্রাণি রক্ষসাং ঘোরকর্মণাম্॥ 2-50-13 (13312)
জঘান রামো ধর্মাত্মা প্রজানাং হিতকাম্যয।
বিরাধং চ কবন্ধং চ রাক্ষসৌ ঘোরকর্মিণৌ॥ 2-50-14 (13313)
জঘান চ তদা রামো গন্ধর্বৌ শাষবিক্ষতৌ।
স রাবণস্য ভগিনীনাসাচ্ছেদমকারয়ৎ॥ 2-50-15 (13314)
ভার্যাবিয়োগং তং প্রাপ্য মৃগয়ন্ব্যচরদ্বনম্।
স তস্মাদৃশ্যমূকং তু গৎবা পম্পামতীত্য চ॥ 2-50-16 (13315)
সুগ্রীবং মারুতিং দৃষ্ট্বা চক্রে মৈত্রীং তয়োঃ স বৈ।
অথ গৎবা স কিষ্কিন্ধাং সুগ্রীবেণ তদা সহ॥ 2-50-17 (13316)
নিহত্য বালিনং যুদ্ধে বানরেদ্রং মহাবলম্।
অভ্যপিঞ্চত্তদা রামঃ সুগ্রীবং বানরেশ্বরম্॥ 2-50-18 (13317)
ততঃ স বীর্যবান্রাজংস্ৎবরয়া বৈ সমুৎসুকঃ।
বিচিত্য বায়ুপুত্রেণ লঙ্কাদেশং নিবেদিতঃ॥ 2-50-19 (13318)
মেতুং বদ্ধ্বা সমুদ্রস্য বানরৈঃ স সমুৎসুকঃ।
সীতায়াঃ পদমন্বিচ্ছন্রামো লঙ্কাং বিবেশ বৈ॥ 2-50-20 (13319)
দেবোরগগণানাং হি যক্ষরাক্ষসপক্ষিণাম্।
তত্রাবদ্যং রাক্ষসেন্দ্রং রাবণং যুধি দুর্জয়ম্॥ 2-50-21 (13320)
যুক্তং রাক্ষসকোটীভির্ভিন্নাঞ্জনচয়োপমম্।
দুর্নিরীক্ষ্যং সুরগণৈর্বরদানেন দর্পিতম্॥ 2-50-22 (13321)
জঘান সচিবৈঃ সার্ধং সান্বয়ং রাবণং রণে॥ 2-50-23 (13322)
ত্রৈলোক্যকণ্টকং বীরং মহাকায়ং মহাবলম্।
রাবমং সগণং হৎবা রামো ভূতপতিঃ পুরা॥ 2-50-24 (13323)
লঙ্কায়াং তং মহাত্মানং রাক্ষসেন্দ্রং বিভীষণম্।
অভিষিচ্য ততো রাম অমরৎবং দদৌ তদা॥ 2-50-25 (13324)
আরুহ্য পুষ্পকং রামঃ সীতামাদায় পাণ্ডব।
সবলং স্বপুরং গৎবা ধর্মরাজ্যমপালয়ৎ॥ 2-50-26 (13325)
দানবো লবণো নাম মধোঃ পুত্রো মহাবলঃ।
শত্রুঘ্নেন হতো রাজংস্তদা রামস্য শাসনাৎ॥ 2-50-27 (13326)
এবং বহূনি কর্মাণি কৃৎবা লোকহিতায় সঃ।
রাজং চকার বিধিবদ্রামো ধর্মভৃতাং বরঃ॥ 2-50-28 (13327)
শতাশ্বমেধানাজহ্রে জ্যোতিরুক্থ্যান্নিরর্গলান্।
নাশ্রূয়ন্তাশুভা বাচো নাত্যযঃ প্রাণিনাং তদা। 2-50-29 (13328)
ন দস্যুজং ভয়ং চাসীদ্রামে রাজ্যং প্রশসতি।
ঋষীণাং দেবতানাং চ মনুষ্যাণাং তথৈব চ॥ 2-50-30 (13329)
পৃথিব্যাং ধার্মিকাঃ সর্বে রামে রাজ্যং প্রশাসতি।
নাধর্মিষ্ঠো নরঃ কশ্চিদ্বভূব প্রাণিনাং ক্বচিৎ॥ 2-50-31 (13330)
প্রাণাপানৌ সমৌ হ্যাস্তাং রামে রাজ্যং প্রশাসতি।
গাধামপ্যত্র গায়ন্তি যে পুরাণবিদো জনাঃ॥ 2-50-32 (13331)
শ্যামো যুবা লোহিতাক্ষো মাতঙ্গানামিবর্ষভঃ।
আজানুবাহুঃ সুমুখঃ সিংহস্কন্ধো মহাবলঃ॥ 2-50-33 (13332)
দশবর্ষসহস্রাণি দশবর্ষশতানি চ।
রাজ্যং ভোগং চ সম্প্রাপ্য শশাস পৃথিবীমিমাম্॥ 2-50-34 (13333)
রামো রামো রাম ইতি প্রাজানামভবন্কথাঃ।
রামভূতং জগদিদং রামে রাজ্যং প্রশাসতি॥ 2-50-35 (13334)
ঋগ্যজুঃ সামহীনাশ্চ ন তদাঽসন্দ্বিজায়ঃ।
উষিৎবা দণ্ডকে কার্যং ত্রিদশানাং চকার সঃ॥ 2-50-36 (13335)
পূর্বাপকারিণং তং তু পৌলস্ত্যং মনুজর্ষভম্।
দেবগন্ধর্বনাগানামরিং স নিজঘানহ॥ 2-50-37 (13336)
সৎববান্গুণসম্পন্নো দীপ্যমানঃ স্বতেজসা।
এবমেব মহাবাহুরিক্ষ্বাকুকুলবর্ধনঃ॥ 2-50-38 (13337)
রাবণং সগণং হৎবা দিবমাক্রমতাভিভূঃ।
ইতি দাশরথেঃ খ্যাতঃ প্রাদুর্ভাবো মহাত্মনঃ॥ 2-50-39 (13338)
ততঃ কৃষ্ণো মহাবাহুর্ভীতানামভয়ঙ্করঃ।
অষ্টাবিংশে যুগে রাজঞ্জজ্ঞে শ্রীবৎসলক্ষণঃ॥ 2-50-40 (13339)
পেশলশ্চ বদান্যশ্চলোকে বহুমতো নৃষু।
স্মৃতিমান্দেশকালজ্ঞঃ শঙ্খচক্রগদাসিভৃৎ॥ 2-50-41 (13340)
বাসুদেব ইতি খ্যাতো লোকানাং হিতকৃৎসদা।
বৃষ্ণীনাং চ কুলে জাতো ভূমেঃ প্রিয়চিকীর্ষয়া॥ 2-50-42 (13341)
শত্রূণাং ভয়কৃদ্দাতা মধুহেতি স বিশ্রুতঃ।
শকটার্জুনরামাণাং কীলস্থানান্যসূদয়ৎ॥ 2-50-43 (13342)
কংসাদীন্নিজঘানাজৌ দৈত্যান্মানুষবিগ্রহান্।
অয়ং লোকহিতার্থায় প্রাদুর্ভাবো মহাত্মনঃ॥ 2-50-44 (13343)
কল্কী বিষ্ণুয়শা নাম ভূয়শ্চোৎপৎস্যতে হরিঃ।
লের্যুগান্তে সম্প্রাপ্তে ধর্মে শিথিলতাং গতে॥ 2-50-45 (13344)
পাষণ্ডিনাং গণানাং হি বধার্থং ভরতর্ষভ।
ধর্মস্য চ বিবৃদ্ধ্যর্থং বিপ্রাণাং হিতকাম্যযা॥ 2-50-46 (13345)
এতে চান্যে চ বহবো বিষ্ণোর্দেবগণৈর্যুতাঃ।
প্রাদুর্ভাবাঃ পুরাণেষু গীয়ন্তে ব্রহ্মবাদিভিঃ॥ ॥ 2-50-47 (13346)
ইতি শ্রীমন্মহাভারতে সভাপর্বণি অর্ঘাহরণপর্বণি পঞ্চাশোঽধ্যায়ঃ॥ 50॥
সভাপর্ব - অধ্যায় 051
॥ শ্রীঃ ॥
2.51. অধ্যায়ঃ 051
Mahabharata - Sabha Parva - Chapter Topics
যুধিষ্ঠিরেণ ভীষ্মম্প্রতি বিস্তরেণ কৃষ্ণকথাকথনপ্রার্থনা॥ 1॥ দেবাসুরয়ুদ্ধে পরাজিতানাং দেবানাং স্মরণমাত্রসংনিহিতেন হরিণা দৈত্যানাং পরা জয়ঃ॥ 2॥ ভূম্যা স্বভারাবতরণং প্রার্থিতেঽস্য বিষ্ণোঃ ভূমাববতারনির্ধারণম্॥ 3॥Mahabharata - Sabha Parva - Chapter Text
বৈশম্পায়ন উবাচ॥
এবমুক্তে তু কৌন্তেয়স্ততঃ কৌরবনন্দনঃ।
আবভাষে পুনর্ভীষ্ণে ধর্মরাজো যুধিষ্ঠিরঃ॥ 2-51-1 (13347)
ভূয় এব মনুষ্যেন্দ্র উপেন্দ্রস্য যশস্বিনঃ।
জন্ম বৃষ্ণিষু বিজ্ঞাতুমিচ্ছামি বদতাং বর॥ 2-51-2 (13348)
যথৈব ভগবাঞ্জাতঃ ক্ষিতাবিহ জনার্দনঃ।
মাধবেষু মহাবুদ্ধিস্তন্মে ব্রূহি পিতামহ॥ 2-51-3 (13349)
বৈশম্পায়ন উবাচ। 2-51-4x (1477)
এবমুক্তস্ততো ভীষ্মঃ কেশবস্য মহাত্মনঃ।
মাধবেষু তথা জন্ম কথয়ামাস বীর্যবান্॥ 2-51-4 (13350)
হন্ত তে কথয়িষ্যামি যুধিষ্ঠির যথাতথম্।
যতো নারায়ণস্যেহ জন্ম বৃষ্ণিষু কৌরব॥ 2-51-5 (13351)
পুরা লোকে মহারাজ বর্তমানে কৃতে যুগে।
আসীত্রৈলোক্যবিখ্যাতঃ সঙ্গ্রামস্তারকাময়ঃ॥ 2-51-6 (13352)
বিরোচনো ময়স্তারো বরাহঃ শ্বেত এব চ।
বিপ্রচিত্তিঃ প্রলম্বশ্চ বৃত্রজম্ভবলাদয়ঃ॥ 2-51-7 (13353)
নমুচিঃ কালনেমিশ্চ প্রহ্লাদ ইতি বিশ্রুতঃ।
লম্বঃ কিশোরঃ স্বর্ভানুররিষ্টো রাক্ষসেশ্বরঃ॥ 2-51-8 (13354)
এতে চান্যে চ বহবো দৈত্যসঙ্ঘাঃ সহস্রশঃ।
নানাশস্ত্রধরা রাজন্নানাভূষণবাহনাঃ॥ 2-51-9 (13355)
দেবতানামভিমুখাস্তস্থুর্দৈতেয়দানবাঃ।
দেবাস্তু যুধ্যমানাস্তে দানবানভ্যযূ রণে॥ 2-51-10 (13356)
আদিত্যা বসবো রুদ্রাঃ সাধ্যা বিশ্বে মরুদ্গণাঃ।
ইন্দ্রো যমশ্চ বরুণশ্চন্দ্রশ্চৈব ধনেশ্বরঃ॥ 2-51-11 (13357)
অশ্বিনৌ চ মহাবীর্যৌ যে চান্যে দেবতাগণাঃ।
চক্রুর্যুদ্ধং মহাঘোরং দানবৈশ্চ যথাক্রমম্॥ 2-51-12 (13358)
যুধ্যমানাঃ সমেয়ুশ্চ দেবা দৈতেয়দানবৈঃ।
তদ্যুদ্ধমভবদ্ঘোরং দেবদানবসঙ্কুলম্॥ 2-51-13 (13359)
তাভ্যাং বলাভ্যাং সঞ্জজ্ঞে তুমুলো বিগ্রহস্তদা।
তীক্ষ্ণশস্ত্রৈঃ কিরন্তোঽথ অভ্যযুর্দেবদানবাঃ॥ 2-51-14 (13360)
ঘ্রন্তি দেবান্সগন্ধর্বান্সয়ক্ষোরগচারণান্।
তে বধ্যমানা দৈতেয়ৈর্দেবসঙ্ঘাস্তদা রণে॥ 2-51-15 (13361)
ত্রাতারং মনসা জগ্মুর্দেবং নারায়মং প্রভুম্।
এতস্মিন্নন্তরে তত্র জগাম হরিরীশ্বরঃ॥ 2-51-16 (13362)
দীপয়ঞ্জ্যোতিষা ভূমিং শঙ্খচক্রগদাধরঃ।
তমাগতং সুপর্ণস্থং বিষ্ণুং লোকনমস্কৃতম্॥ 2-51-17 (13363)
দৃষ্ট্বা মুদা যুতাঃ সর্বে ভয়ং ত্যক্ৎবা রমে সুরাঃ।
চক্রুর্যুদ্ধং পুনঃ সর্বে দেবা দৈতেয়দানবৈঃ॥ 2-51-18 (13364)
তদ্যুদ্ধমভবদ্ঘোরমচিন্ত্যং রোমহর্ষণম্।
জঘ্রুর্দৈত্যান্ত্রণে ঘোরাঃ সর্বে শক্রপুরোগমাঃ॥ 2-51-19 (13365)
তে বাধ্যমানা বিবুধৈর্দুদ্রুবুদৈত্যদানবাঃ॥ 2-51-20 (13366)
বিদ্রুতান্দানবান্দৃষ্ট্বা তদা ভারত সংয়ুগে।
কালনেমিরিতি খ্যাতো দানবঃ প্রত্যদৃশ্যতা॥ 2-51-21 (13367)
শত্রুপ্রহরণে ঘোরঃ শতবাহুঃ শতাননঃ।
শতশীর্ষঃ স্থিতঃ শ্রীমাঞ্ছতশৃঙ্গং ইবাচলঃ॥ 2-51-22 (13368)
ভাস্করাকারমুকুটঃ শিঞ্জিতাভরণাঙ্গদঃ।
ধূম্রকেতুর্হরিশ্মশ্রুর্নির্দষ্টোষ্ঠপুটাননঃ॥ 2-51-23 (13369)
ত্রৈলোক্যান্তরবিস্তারং ধারয়ন্বিপুলং বপুঃ।
তর্জয়ন্বৈ রণে দেবাঞ্ছাদয়ন্বৈ দিশো দশ॥ 2-51-24 (13370)
অভ্যধাবৎসুসঙ্ক্রুদ্ধো ব্যাদিতাস্য ইবান্তকঃ।
তত্র শস্ত্রপ্রতানৈশ্চ দেবান্ধর্ষিতবান্ত্রণে॥ 2-51-25 (13371)
অভ্যায়যুঃ সুরান্সর্বান্পুনস্তে দৈত্যদানবাঃ।
আপীডয়ন্ত্রণে ক্রুদ্ধাস্ততো দেবান্যুধিষ্ঠির॥ 2-51-26 (13372)
তে বধ্যমানা বিবুধাঃ সমরে কালনেমিনা।
দৈত্যৈশ্চৈব মহারাজ দুদ্রুবুস্তে দিশো দশ॥ 2-51-27 (13373)
বিবুধান্বিদ্রুতান্দৃষ্ট্বা কালনেমির্মহা।ঞসুরঃ।
ইন্দ্রং যমং চ বরুণং বায়ুং চ ধনদং রবিম্॥ 2-51-28 (13374)
এতাংশ্চান্যান্বলাঞ্জিৎবা তেষাং কার্যাণ্যবাপ সঃ।
তান্সর্বান্সহসা জিৎবা কালনেমির্মহাসুরঃ॥ 2-51-29 (13375)
দদর্শ গগনে বিষ্ণুং সুপর্ণস্থং মহাদ্যুতিম্।
তং দৃষ্ট্বা ক্রোধতাম্রাক্ষস্তর্জয়ন্নভ্যযাত্তদা॥ 2-51-30 (13376)
স বাহুশতমুদ্যম্য সর্বাস্ত্রগ্রহণং রণে।
রোষাদ্ভারত দৈত্যেন্দ্রো বিষ্ণোরুরসি পাতয়ৎ॥ 2-51-31 (13377)
দৈত্যাশ্চ দানবাশ্চৈব সর্বে ময়পুরোগমাঃ।
স্বান্যায়ুধানি সঙ্গৃহ্য সর্বে বিষ্ণুমুপাদ্রবন্॥ 2-51-32 (13378)
স তাড্যমানো।ঞতিবলৈর্দৈত্যৈঃ সর্বায়ুঘোদ্যতৈঃ।
ন চচাল হরির্যুদ্ধেঽকম্পমান ইবাচলঃ॥ 2-51-33 (13379)
পুনরুদ্যম্য সঙ্ক্রুদ্ধঃ কালনেমির্দৃঢাং গদাম্।
জঘান গদয়া রাজংস্তং বিষ্ণুং গরুডং চ বৈ॥ 2-51-34 (13380)
তং দৃষ্ট্বা গুরডং শ্রান্তং চক্রমুদ্যস্য বৈ হরিঃ।
শতং শিরাংসি বাহূংশ্চ সোচ্ছিনৎকালনেমিনঃ॥ 2-51-35 (13381)
জঘানান্যাংস্চ তান্সর্বান্সমরে দৈত্যদানবান্।
বিবুধানামৃষীণাং চ স্বানি স্থানানি বৈ দদৌ॥ 2-51-36 (13382)
দত্ৎবা সুরাণাং সুগ্রীতো যোগ্যকর্মাণি ভারত।
জগাম ব্রহ্মণা সার্ধং ব্রহ্মলোকং তদা হরিঃ॥ 2-51-37 (13383)
ব্রহ্মলোকং প্রবিশ্যাশ্চ প্রাপ্য নারায়ণঃ প্রভুঃ।
পৌরাণং ব্রহ্মসদনং দিব্যং নারায়ণাশ্রয়ম্॥ 2-51-38 (13384)
স প্রবিশ্য তদা দেবঃ স্তূয়মানো মহর্ষিভিঃ।
সহস্রশীর্ষা ভূৎবা চ শয়নায়োপচক্রমে॥ 2-51-39 (13385)
আদিদেবঃ পুরাণাত্মা নিদ্রাবশমুপাগতঃ।
শেতে সুখং সদা বিষ্ণুর্মোহয়ঞ্জগদব্যযঃ॥ 2-51-40 (13386)
জগ্মুস্তস্যাথ বর্ষাণি শয়ানস্য মহাত্মনঃ।
ষট্ত্রিংশচ্ছতসাহস্রং মানুষেণেহ সঙ্খ্যযা॥ 2-51-41 (13387)
জগ্মুঃ কৃতয়ুগত্রেতাদ্বাপরান্তে বুবোধ হ।
ব্রহ্মাদিভিঃ স্তূয়মানঃ সুরৈশ্চাপি সহর্ষিভিঃ॥ 2-51-42 (13388)
উৎপত্য শয়নাদ্বিষ্ণুর্ব্রহ্মণা বিবুধৈঃ সহ।
দেবানাং চ হিতার্থায় যয়ৌ দেবসভাং প্রতি॥ 2-51-43 (13389)
মেরোঃ শিরসি বিন্যস্তাং জ্বলন্তীং তাং শুভাং সভাম্।
বিবিশুস্তে সুরাঃ সর্বে ব্রহ্মণা সহ ভারত॥ 2-51-44 (13390)
জগ্মুস্তত্র নিষেদুস্তে সা নিঃশব্দা হ্যভূত্তদা।
তত্র ভূমিরুবাচাথ খেদাৎকরুণভাষিণী॥ 2-51-45 (13391)
রাজ্ঞাং বলৈর্বলবতাং খিন্নাস্মি ভৃশপীডিতা।
নিত্যং ভারপরিশ্রান্তা দুঃখং জীবাম্যহং সুরাঃ॥ 2-51-46 (13392)
পুরে পুরে চ নৃপতিঃ কোটিসঙ্খ্যৈর্বলৈর্বৃতঃ।
রাষ্ট্রে রাষ্ট্রে চ শতশো গ্রামাঃ কুলসহস্রিণঃ॥ 2-51-47 (13393)
ভূমিপানাং সহস্রৈশ্চ তেষাং চ বিলনাং বলৈঃ।
গ্রামায়ুতৈঃ পুরৈ রাষ্ট্রৈরহং নির্বিবরীকৃতা॥ 2-51-48 (13394)
তস্মাদ্ধারয়িতুং শক্ত্যা ন ক্ষমাসি জনানহম্।
দৈত্যৈশ্চ বাধ্যমানাস্তাঃ প্রাজ নিত্যং দুরাত্মভিঃ॥ 2-51-49 (13395)
ভীষ্ণ উবাচ। 2-51-50x (1478)
ভূমেস্তু বচনং শ্রুৎবা দেবো নারায়ণস্তদা।
ব্যাদিশ্য তান্সুরান্সর্বান্ক্ষিতৌ বস্তুং মনো দধে॥ ॥ 2-51-50 (13396)
ইতি শ্রীমন্মহাভারতে সভাপর্বণি অর্ঘাহরণপর্বণি একপঞ্চাশোঽধ্যায়ঃ॥ 51॥
Mahabharata - Sabha Parva - Chapter Footnotes
2-51-42 কৃতয়ুগত্রেতাদ্বাপরাঃ অন্ত ইতি ছেদঃ॥সভাপর্ব - অধ্যায় 052
॥ শ্রীঃ ॥
2.52. অধ্যায়ঃ 052
Mahabharata - Sabha Parva - Chapter Topics
বিষ্ণুনা দেবানাং ভূমাবুৎপত্তয়ে আজ্ঞাপনম্॥ 1॥ অবতীর্ণে কৃষ্ণে স্বর্গাদাগতানামিন্দ্রাদীনাং শ্রীকৃষ্ণং স্তুৎবা পুনঃ স্ব লোকগমনম্॥ 2॥ শ্রীকৃষ্ণেন শকটাসুরবধঃ। অর্জুনতরুভঞ্জনম্। বৃন্দাবং গৎবা বনে বিহরণম্॥ 3॥Mahabharata - Sabha Parva - Chapter Text
ভীষ্ণ উবাচ।
যচ্চকে ভগবান্বিষ্ণুর্বসুদেবসুতস্তদা।
তত্তেঽহং সম্প্রবক্ষ্যামি শৃণু স্রবমশেষতঃ॥ 2-52-1 (13397)
বাসুদেবস্য মহাত্ম্যং চরিতং চ মহাত্মনঃ।
হিতার্থং সুরসর্ত্যানাং লোকানাং চ হিতায় চ॥ 2-52-2 (13398)
যদা দিবি বিভুস্তাত ন রেমে ভগবানসৌ।
ততো ব্যাদিশয় ভূতানি বিভুর্ভূমিসুখাবহঃ॥ 2-52-3 (13399)
নিগ্রহার্থায় দৈত্যানাং চোদয়ামাস বৈ তদা।
মুরুতশ্চ বসূংশ্চৈব সূর্যাচন্দ্রমসাবুভৌ॥ 2-52-4 (13400)
গন্ধর্বাপ্সরসশ্চৈব রুদ্রাদিত্যাংস্তথাঽশ্বিনৌ।
জায়ধ্বং মানুষে লোকে সর্বলোকমহেশ্বরাঃ॥ 2-52-5 (13401)
জঙ্গমানি বিশালাক্ষো হ্যাত্মার্থমসৃজৎপ্রভুঃ।
জায়ন্তামিতি গোবিন্দস্তির্যগ্যোনিগতৈঃ সহ॥ 2-52-6 (13402)
তানি সর্বাণি সর্বজ্ঞো ব্যজায়ত যদোঃ কুলে।
আত্মানমাত্মনা তাত কৃৎবা বহুবিধং হরিঃ।
রত্যর্থমিহ গাস্তত্র ররক্ষ পুরুষোত্তমঃ। 2-52-7 (13403)
অজাতশত্রো জাতস্তু যথেষ্ট ভুবি ভূমিপ।
কীর্ত্যমানং ময়া তাত নিবোধ ভরতর্ষভ॥ 2-52-8 (13404)
সাগরাঃ সমকম্পন্ত মুদা চেলুশ্চ পর্বতাঃ।
জজ্বলুশ্চাগ্নয়ঃ শান্তা জায়মানে জনার্দনে॥ 2-52-9 (13405)
শিবাঃ সম্প্রববুর্বাতাঃ প্রশান্তমভবদ্রজঃ।
জ্যোতীংষি সম্প্রকাশন্ত জায়মানে জনার্দনে॥ 2-52-10 (13406)
দেবদুন্দুভয়শ্চাপি সস্বনুর্ভৃশমম্বরে।
অভ্যবর্ষংস্তদাঽঽগম্য দেবতাঃ পুষ্পবৃষ্টিভিঃ॥ 2-52-11 (13407)
গীর্ভির্মঙ্গলয়ুক্তাভিঃ স্তুবন্বৈ মধুসদনম্।
উপতস্থুস্তদা প্রীতাঃ প্রাদুর্ভাবে মহর্ষয়ঃ॥ 2-52-12 (13408)
ততস্তানভিসম্প্রেক্ষ্য নারদপ্রমুখানৃষীন্।
উপানৃত্যন্নুপজগুর্গন্ধর্বাপ্সরসাং গণাঃ॥ 2-52-13 (13409)
উপতস্থে চ গোবিন্দং সহস্রাক্ষঃ শচীপতিঃ।
অভ্যভাষত তেজস্বী মহর্ষীন্পূজয়ংস্তদা॥ 2-52-14 (13410)
কৃৎবা চ দেবকার্যাণি কৃৎবা দেবহিতানি চ।
খং লোকং লোককৃদ্দেবঃ পুনর্গচ্ছতি তেজসা॥ 2-52-15 (13411)
ইত্যুক্ৎবা ঋষিভিঃ সার্ঘং জগাম ত্রিদিবং পুনঃ।
অভ্যনুজ্ঞায় তান্সর্বাঞ্ছাদয়ন্প্রকৃতিং পরাম্॥ 2-52-16 (13412)
নন্দগোপকুলে কৃষ্ণ উবাস বহুলাঃ সমাঃ।
ততঃ কদাচিৎসুপ্তং তং শকটস্য ৎবধঃ শিশুম্॥ 2-52-17 (13413)
যশোদা সম্পরিত্যজ্য জগাম যমুনাং নদীম্।
শিশুলীলাং ততঃ কুর্বন্স্বহস্তচরণৌ ক্ষিপন্॥ 2-52-18 (13414)
রুরোদ মধুরং কৃষ্ণঃ পাদাবূর্ধ্বং প্রসারয়ন্।
পাদাঙ্গুষ্ঠেন শকটং দারয়ন্নথ কেশবঃ॥ 2-52-19 (13415)
তত্র একেন পাদেন পাতয়িৎবা তথা শিশুঃ।
ন্যুব্জং পয়োধরাকাঙ্ক্ষী সসার চ রুরোদ চ॥ 2-52-20 (13416)
পাটিতং শকটং দৃষ্ট্বা ভিন্নভাণ্ডপুটীকটম্।
জনাস্তে শিশুনা তেন বিস্ময়ং পরমং যয়ুঃ॥ 2-52-21 (13417)
প্রত্যক্ষং শূরসেনানাং দৃশ্যতে মহদদ্ভুতম্।
শয়ানেন হতঃ কংসপক্ষবাংস্তিগ্মতেজসা॥ 2-52-22 (13418)
পূতনা চাপি নিহতা মহাকায়া মহাস্তনী।
ততঃ কালে মহারাজ সংসক্তৌ রামকেশবৌ॥ 2-52-23 (13419)
কৃষ্ণঃ সঙ্কর্ষণশ্চোভৌ রিঙ্খিণৌ চ বভূবতুঃ।
অন্যোন্যকিরণাক্রান্তৌ চন্দ্রসূর্যাবিবাম্বরে॥ 2-52-24 (13420)
বিসর্পন্তৌ চ সর্বত্র মহাসর্পভুজৌ তদা।
রেজতুঃ পাংসুদিগ্ধাঙ্গৌ রামকৃষ্ণৌ তদা নৃপ॥ 2-52-25 (13421)
ক্বচিচ্চ জানুভিঃ স্পৃষ্টৌ ক্রীডমানৌ ক্বচিদ্বনে।
পিবন্তৌ দধিকুল্যাংশ্চ মথ্যমানে চ ভারত॥ 2-52-26 (13422)
ততঃ স বালো গোবিন্দো নবনীতং তদা ক্ষয়ম্।
গ্রাসমানস্তু তত্রায়ং গোপীভির্দদৃশে তথা॥ 2-52-27 (13423)
দাম্নাঽথোলূখলে কৃষ্ণো গোপীভিশ্চ নিবন্ধিতঃ।
তত্তথা শিশুনা তেন কর্ষতা চার্জুনাবৃভৌ॥ 2-52-28 (13424)
সমূলবিটপৌ ভগ্নৌ তদদ্ভুতমিবাভবৎ।
ততস্তৌ বাল্যমুত্তীর্ণৌ কৃষ্ণসঙ্কর্ষণাবুভৌ॥ 2-52-29 (13425)
তস্মিন্নেব ব্রজস্থানে সপ্তবর্ষৈ বভূবতুঃ।
নীলপীতাম্বরধরৌ পীতশ্বেতানুলেপনৌ॥ 2-52-30 (13426)
বভুবতুর্বৎসপালৌ কাকপক্ষধরাবুভৌ।
পর্ণবাদ্যং শ্রুতিসুখং বাদয়ন্তৌ বরাননৌ॥ 2-52-31 (13427)
শুশুভাতে বনগতৌ ত্রিশীর্ষাবিব পন্নগৌ।
ময়ূরাঙ্গজকর্ণৌ তৌ পল্লবাপীডধারিণৌ॥ 2-52-32 (13428)
বনমালাপরিক্ষিপ্তৌ সালপোতাবিবোদ্গতৌ।
অরবিন্দকৃতাপীডৌ রজ্জুয়জ্ঞোপবীতিনৌ॥ 2-52-33 (13429)
সশিক্যতুম্বুরুকরৌ গোপবেণুপ্রবাদকৌ।
ক্বচিদ্বসন্তাবন্যোন্যং ক্রডমানৌ ক্বচিদ্বনে॥ 2-52-34 (13430)
পর্ণশয়্যাসু তৌ সুপ্তৌ ক্বচিন্নিদ্রান্তরৈষিণৌ।
তৌ বৎসান্পালয়ন্তৌ হি শোভয়ন্তৌ মহদ্বনম্॥ 2-52-35 (13431)
চঞ্চূর্যন্তৌ রমন্তৌ চ রাজন্নেবং তদা শুভম্।
ততো বৃন্দাবনং গৎবা বসুদেবসুতাবুভৌ।
গোকুলং তত্র কৌন্যেয় চারয়ন্তৌ বিজহ্রতুঃ॥ ॥ 2-52-36 (13432)
ইতি শ্রীমন্মহাভারতে সভাপর্বণি অর্ঘাহরণপর্বণি দ্বিপঞ্চাশোঽধ্যায়ঃ॥ 52॥
সভাপর্ব - অধ্যায় 053
॥ শ্রীঃ ॥
2.53. অধ্যায়ঃ 053
Mahabharata - Sabha Parva - Chapter Topics
কৃষ্ণেন বালকৈঃ সহ বিহৃত্য কালিয়মর্দনম্॥ 1॥ বলরামেণ ধেনুকাসুরহননম্॥ 2॥ কৃষ্ণেন গোবর্ধনোদ্ধরণম্॥ 3॥ অরিষ্টাসুরাদিহননম্॥ 4॥ মধুরায়াং কংসং হৎবা পিত্রোঃ পাদাভিবন্দনম্॥ 5।Mahabharata - Sabha Parva - Chapter Text
ভীষ্ণ উবাচ।
ততঃ কদচিদ্গোবিন্দো জ্যেষ্ঠং সঙ্কর্ষণং বিনা।
চচার তদ্বনং রম্যং সুস্বরূপো বরাননঃ॥ 2-53-1 (13433)
কাকপক্ষধরঃ শ্রীমাঞ্ছ্যামঃ পদ্মনিভেক্ষণঃ।
শ্রীবৎসেনোরসা যুক্তঃ শশাঙ্ক ইব লক্ষ্মণা॥ 2-53-2 (13434)
রজ্জুয়জ্ঞোপবীতী স পীতাম্বরধরো যুবা।
শ্বেতচন্দ্রনলিপ্রাঙ্গো নীলকুঞ্চিতমূর্ধজঃ॥ 2-53-3 (13435)
রাজতা বর্হিপত্রেণ মন্দমারুতকম্পিনা।
ক্বচিদ্গায়ন্ক্বঞ্চিৎক্রীডন্ক্বচিন্নৃত্যন্ক্বচিদ্ধসন্॥ 2-53-4 (13436)
গোপবেণুং সুমধুরং কামং তদপি বাদয়ন্।
প্রহ্লাদনার্থং চ গবাং ক ক্বচিদ্বনগতো যুবা॥ 2-53-5 (13437)
গোকুলে মেঘকালে তু চচার দ্যুতিমান্প্রভুঃ।
বহুরম্যেষু দেশেষু বনস্য বনরাজিপু॥ 2-53-6 (13438)
তাসু কৃষ্ণো মুদা যুক্তঃ ক্রীডয়ন্ভরতর্ষভ।
স কদাচিদ্বনে তস্মিন্গোভিঃ সহ পরিব্রজন্॥ 2-53-7 (13439)
ভাণ্ডীরং নাম দৃষ্ট্বাঽথ ন্যগ্রোধং কেশবো মহান্।
তচ্ছায়ায়াং মতিং চক্রে নিবাসায় তদা প্রভুঃ॥ 2-53-8 (13440)
স তত্র বয়সা তুল্যৈর্বৎসপালৈস্তদাঽনঘ।
রেমে স দিবসং কৃষ্ণঃ পুরা স্বর্গগতো যথা॥ 2-53-9 (13441)
তং ক্রীডমানং গোপালাঃ কৃষ্ণং ভাণ্ডীরবাসিনঃ।
রময়ন্তি স্ম বহবো মান্যৈঃ ক্রীডনকৈস্তদা॥ 2-53-10 (13442)
অন্যে স্ম পরিগায়ন্তি গোপা মুদিতমানসাঃ।
গোপালকৃষ্ণমেবান্যে গায়ন্তি স্ম বনপ্রিয়াঃ॥ 2-53-11 (13443)
তেষাং সঙ্গায়তামেব বাদয়ামাস কেশবঃ।
পর্ণবাদ্যান্তরে বেণুং তুম্ববীণাং চ তত্র বৈ॥ 2-53-12 (13444)
এবং ক্রীডান্তরৈঃ কৃষ্ণো গোপালৈর্বিজহার সঃ।
তেন বালেন কৌন্তেয় কৃতং লোকহিতং তদা॥ 2-53-13 (13445)
পশ্যতাং সর্বভূতানাং বাসুদেবেন ভারত।
হ্রদে নিপাততা তত্র ক্রীডিতং নাগমূর্ধনি॥ 2-53-14 (13446)
শাসয়িৎবা তু কালীয়ং সর্বলোকস্য পশ্যতঃ।
বিজহার ততঃ কৃষ্ণো বলেদবসহায়বান্॥ 2-53-15 (13447)
ধেনুকো দারুণো রাজন্দৈত্যো রাসভবিগ্রহঃ।
তদা তালবনে রাজন্বলদেবেন বৈ হতঃ॥ 2-53-16 (13448)
ততঃ কদাচিৎকৌন্তেয় রামকৃষ্ণৌ বনং গতৌ।
চারয়ন্তৌ প্রবৃদ্ধানি গোধনানি শুভাননৌ॥ 2-53-17 (13449)
বিহরন্তৌ মুদা যুক্তৌ বীক্ষমাণৌ বনানি বৈ।
শ্বেলয়ন্তৌ প্রগায়ন্তৌ বিচিন্বন্তৌ চ পাদপান্॥ 2-53-18 (13450)
নামভির্ব্যাহরন্তৌ চ বৎসান্গাশ্চ পরন্তপৌ।
চেরতুর্লোকসিদ্ধাভিঃ ক্রীডাভিরপরাজিতৌ॥ 2-53-19 (13451)
তৌ দেবৌ মানুষীং দীক্ষাং বহন্তৌ সুরপূজিতৌ।
তজ্জাতিগুণয়ুক্তাভিঃ ক্রীডাভিশ্চেরতুর্বনম্॥ 2-53-20 (13452)
এবং বাল্যেঽপি গোপালৈঃ ক্রীডাভিশ্চ বিজহ্রতুঃ॥ 2-53-21 (13453)
ততঃ কৃষ্ণো মহাতেজাস্তদা গৎবা তু গোব্রজম্।
গিরিয়জ্ঞং তমেবৈষ প্রবৃত্তং গোপদারকৈঃ॥ 2-53-22 (13454)
বুভুজে পায়সং শৌরিরীশ্বরঃ সর্বভূতকৃৎ।
তং দৃষ্ট্বা গোপকাঃ সর্বে কৃষ্ণমেব সমর্চয়ন্॥ 2-53-23 (13455)
পূজ্যমানস্তদা দেবৈর্দিব্যং বপুরধারয়ৎ।
ধৃতো গোবর্ধনো নাম সপ্তাহং পর্বতো ধৃতঃ॥ 2-53-24 (13456)
শিশুনা বাসুদেবেন গবার্থমরিমর্দন।
ক্রীডমানস্তদা কৃষ্ণঃ কৃতবান্কর্ম দুষ্করম্॥ 2-53-25 (13457)
তদদ্ভুতমতীবাসীৎসর্বলোকস্য ভারত।
দেবদেবঃ ক্ষিতং গৎবা কৃষ্ণং নৎবা মুদান্বিতঃ। 2-53-26 (13458)
গোবিন্দ ইতি তং হ্যুক্ৎবা হ্যভ্যষিঞ্চৎপুরন্দরঃ।
ইত্যুক্ৎবাশ্লিষ্য গোবিন্দং পুরুহূতোভ্যযাদ্দিবম্॥ 2-53-27 (13459)
অথারিষ্ট ইতি খ্যাতং দৈত্যং বৃষভবিগ্রহম্।
জঘান তরসা কৃষ্ণঃ পশূনাং হিতকাম্যযা॥ 2-53-28 (13460)
কেশিনামা ততো দৈত্যো রাজংস্তুরগবিগ্রহঃ।
তথা বনগতং পার্থ গজায়ুতবলং হয়ম্॥ 2-53-29 (13461)
করাম্ভোরুহবজ্রেণ জঘান মধুসূদনঃ।
অথ মল্লং তু চাণূরং নিজঘান মহাঽসুরম্॥ 2-53-30 (13462)
সুদামানমমিত্রঘ্ন সর্বসৈন্যপুরস্কৃতম্।
বালরূপেণ গোবিন্দো নিজঘান চ ভারত॥ 2-53-31 (13463)
বলদেবেন চায়ত্নাৎসমাজে মুষ্টিকো হতঃ।
তাডিতশ্চ সহামাত্যঃ কংসঃ কৃষ্ণেন ভারত॥ 2-53-32 (13464)
হৎবা কংসমমিত্রঘ্নঃ সর্বেষাং পশ্যতাং তদা।
অভিষিচ্যোগ্রসেনং তং পিত্রোঃ পাদমবন্দত। 2-53-33 (13465)
এবমাদীনি কর্মাণি কৃতবান্বৈ জনার্দনঃ॥ ॥ 2-53-34 (13466)
ইতি শ্রীমন্মহাভারতে সভাপর্বণি অর্ঘাহরণপর্বণি ত্রিপঞ্চাশোঽধ্যায়ঃ॥53 ॥
সভাপর্ব - অধ্যায় 054
॥ শ্রীঃ ॥
2.54. অধ্যায়ঃ 054
Mahabharata - Sabha Parva - Chapter Topics
রামকৃষ্ণয়োঃ বিদ্যাভ্যাসার্থং সান্দীর্পিন্যাচার্যসমীপগমনম্॥ 1॥ সান্দীপিনিনা গুরুদক্ষিণাৎবেন মৃতপুত্রানয়নং চোদিতেন কৃষ্ণেন স্বেনোজ্জীবি তস্য পুত্রস্য সমর্পণম্॥2॥ কংসপরাক্রমাদিবর্ণনম্॥ 3॥ কৃষ্ণেন জরাসন্ধপরাজয়ঃ॥ 4॥Mahabharata - Sabha Parva - Chapter Text
ভীষ্ম উবাচ॥
ততস্তৌ জগ্মতুস্তত্র গুরুং সান্দীপিনিং পুনঃ।
গুরুশুশ্রূষণায়ুক্তৌ ধর্মজ্ঞৌ ধর্মচারিণৌ॥ 2-54-1 (13467)
ব্রতমুগ্রং মহাত্মানৌ বিচরন্তাববন্তিষু।
অহোরাত্রৈশ্চতুষ্পষ্ট্যা সাঙ্গান্বেদানবাপতুঃ॥ 2-54-2 (13468)
লেখ্যং চ গণিতং চোভৌ প্রাপ্নুতাং যদুনন্দনৌ।
গান্ধর্ববেদং বৈদ্যং চ সকলং সমাবাপতুঃ॥ 2-54-3 (13469)
হস্তিশিক্ষামশ্বিশিক্ষাং দ্বাদশাহেন চাপ্নুতাম্।
তাবুভৌ জগ্মতুর্বীরৌ গুরুং সান্দীপিনিং পুনঃ॥ 2-54-4 (13470)
ধনুর্বেদচিকীর্ষার্থং ধর্মজ্ঞৌ ধর্মচারিণৌ।
তাবিষ্বাসবরাচার্যমভিগম্য প্রণম্য চ॥ 2-54-5 (13471)
তেন বৈ সৎকৃতৌ রাজংশ্চরন্তৌ তাববন্তিষু।
পঞ্চাশদ্ভিরহোরাত্রৈর্দশাঙ্গং সুপ্রতিষ্ঠিতম্॥ 2-54-6 (13472)
সরহস্যং ধনুর্বেদং সকলং তাববাপতুঃ।
দৃষ্ট্বা কৃতার্থো বিপ্রেন্দ্রো গুর্বর্থে তাবচোদয়ৎ॥ 2-54-7 (13473)
অয়াচতার্থং গোবিন্দং তদা সান্দীপিনির্বিভুম্।
মম পুত্রঃ সমুদ্রেঽস্মিংস্তিমিনা চাপবাহিতঃ॥ 2-54-8 (13474)
পুত্রমানয় ভদ্রং তে ভক্ষিতং তিমিনা মম।
আর্তায় গুরবে তত্র প্রতিশুশ্রাব দুষ্করম্॥ 2-54-9 (13475)
অশক্যং সর্বভূতেষু কর্তুমন্যেন কেনচিৎ।
যশ্চ সান্দীপিনেঃ পুত্রং জহার ভরতর্ষভ॥ 2-54-10 (13476)
সোঽসুরঃ সমরে তাভ্যাং সমুদ্রে বিনিপাতিতঃ।
ততঃ সান্দীপিনেঃ পুত্রঃ প্রসাদাদমিতৌজসঃ॥ 2-54-11 (13477)
দীর্ঘকালং কৃতঃ প্রেতঃ পুনরাসীচ্ছরীরবান্।
তদশক্যমচিন্ত্যং চ দৃষ্ট্বা সুমহদদ্ভুতম্॥ 2-54-12 (13478)
সর্বেষামেব ভূতানাং বিস্ময়ঃ সমজায়ত।
আসনানি চ সর্বাণি গবাশ্বং চ ধনাদিকম্॥ 2-54-13 (13479)
সর্বং তদুপজহাতে গুরবে রামকেশবৌ।
গদাপরিঘয়ুদ্ধে চ সর্বাস্ত্রেষু চ কেশবঃ॥ 2-54-14 (13480)
পরমাং মুখ্যতাং প্রাপ্তঃ সর্বলোকেষু বিশ্রুতঃ।
কশ্চ নারায়ণাদন্যঃ সর্বরত্নবিভূষিতম্॥ 2-54-15 (13481)
রথমাদিত্যসঙ্কাশমাতিষ্ঠেত শচীপতেঃ।
কস্য চাপ্রতিমো যন্তা বজ্রপাণেঃ প্রিয়ঃ সখা॥ 2-54-16 (13482)
মাতলিঃ সঙ্গৃহীতা স্যাদন্যত্র পুরুষোত্তমাৎ।
ভোজরাজাত্মজো বাপি কংসস্তাত যুধিষ্ঠির॥ 2-54-17 (13483)
অস্ত্রজাতে বলে বীর্যে কার্তবীর্যসমোঽভবৎ।
তস্য ভোজপতেঃ পুত্রাদ্ভোজরাজন্যবর্ধনাৎ॥ 2-54-18 (13484)
উদ্বিজন্তে স্ম রাজানঃ সুপর্ণাদিব পন্নগাঃ।
চিত্রকার্মুকনিস্ত্রিংশবিমলপ্রাসয়োধিনঃ॥ 2-54-19 (13485)
শতং শতসহস্রাণি পাদাতাস্তস্য ভারত।
অষ্টৌ শতসহস্রাণি শূরাণামনিবর্তিনাম্॥ 2-54-20 (13486)
অভবন্ভোজরাজস্য জাম্বূনদময়া ধ্বজাঃ।
রুক্মকাঞ্চনকক্ষ্যাস্তু রথাস্তস্য যুধিষ্ঠি॥ 2-54-21 (13487)
অভবন্ভোজপুত্রস্য দ্বিপাস্তাবদ্ধি তদ্বলম্।
চিত্রকার্মুকনিস্ত্রিংশবিমলপ্রাসয়োধিনাম্॥ 2-54-22 (13488)
ষোডশাশ্বসহস্রাণি কিংশুকাভানি তস্য বৈ।
অপরস্তু মহাব্যূহঃ কিশোরণাং যুধিষ্ঠির॥ 2-54-23 (13489)
আরোহবরসম্পন্নো দুর্ধর্ষঃ কেনচিদ্বলান্।
স চ ষোডশসাহস্রঃ কংসভ্রাতৃপুরঃ সরঃ॥ 2-54-24 (13490)
সুনামা সর্বতস্ৎবেনং স কংসং পর্যপালয়ৎ।
সগণো মিশ্রকো নাম ষষ্টিমসাহস্র উচ্যতে॥ 2-54-25 (13491)
কংসরোষমহাবেগাং বৈবস্বতবশানুগাম্॥
মত্তদ্বিপমহাগ্রাহাং বৈবস্বতবশানুগাম্॥ 2-54-26 (13492)
শস্রজালমহাফেনাং সাদিবেগমহাজলাম্।
গদাপরিঘপাঠীনাং নানাকবচশৈবলাম্॥ 2-54-27 (13493)
রথনাগমহাবর্তাং নানারুধিরকর্দমাম্।
চিত্রকার্মুককল্লোলাং রথাশ্বকলিলহ্রদাম্॥ 2-54-28 (13494)
মহামৃধনদীং ঘোরাং যোধাবর্তননিস্বনাম্।
কোঽন্যো নারায়ণাদেত্য কংসহন্তা যুধিষ্ঠির॥ 2-54-29 (13495)
এষ শক্ররথে তিষ্ঠংস্তান্যনীকানি ভারত।
ব্যধমদ্ভোজপুত্রস্য মহাভ্রাণীব মারুতঃ॥ 2-54-30 (13496)
তং সভাস্থং সহামাত্যং হৎবা কংসং সহান্বয়ম্।
আনয়ামাস মানার্হাং দেবকীং সমুহৃদ্গণাম্॥ 2-54-31 (13497)
যশোদাং রোহিণীং চৈব অভিবাদ্য পুনঃ পুনঃ।
উগ্রসেনং চ রাজানমভিষিচ্য জনার্দনঃ॥ 2-54-32 (13498)
অর্চিতো যদুমুখ্যৈশ্চ ভগবান্বাসবানুজঃ।
ততঃ পার্থিবমায়ান্তং সহিতং সর্বরাজভিঃ।
সরস্বত্যাং জরাসন্ধমজয়ৎপুরুষোত্তমঃ॥ ॥ 2-54-33 (13499)
ইতি শ্রীমন্মহাভারতে সভাপর্বণি অর্ঘাহরণপর্বণি চতুঃ পঞ্চাশোঽধ্যায়ঃ॥ 54॥
সভাপর্ব - অধ্যায় 055
॥ শ্রীঃ ॥
2.55. অধ্যায়ঃ 055
Mahabharata - Sabha Parva - Chapter Topics
কৃষ্ণস্য মধুরাং ত্যক্ৎবা দ্বারকাগমনম্॥1॥ নরকাসুরপ্রতাপবর্ণনম্॥ 2॥ ইন্দ্রেণ দ্বারকামেত্য কৃষ্ণং প্রতি নরকবধপ্রার্থনম্॥ 3॥ গরুডমারুহ্য প্রাগ্জ্যোতিচং গতেন কৃষ্ণেন নিহতে ধরণ্যা তস্মৈ কুণ্ডলার্পণম্ ॥ 4॥Mahabharata - Sabha Parva - Chapter Text
ভীষ্ণ উবাচ॥
শূরসেনপুরং ত্যক্ৎবা ততো যাদবনন্দনঃ।
দ্বারকাং ভগবান্কৃষ্ণঃ প্রত্যপদ্যত ভারত॥ 2-55-1 (13500)
ততো মহাত্মা যানানি রত্নানি বিবিধানি চ।
যথার্হং পুণ্ডরীকাক্ষো নৈর্ঋতাৎপ্রত্যপদ্যত॥ 2-55-2 (13501)
তত্র বিঘ্নং চরন্তি স্ম দৈতেয়াঃ সহদানবৈঃ।
তাঞ্জঘান মহাবাহুর্বরমত্তান্মহাসুরান্॥ 2-55-3 (13502)
স বিঘ্নমকরোত্তত্র নরকো নাম নৈর্ঋতঃ।
অদিতিং ধর্ষয়ামাস কুণ্ডলার্থং যুধিষ্ঠির॥ 2-55-4 (13503)
ন চাসুরগণৈঃ সর্বৈঃ সহিতৈঃ কর্ম তৎপুরা।
কৃতপূর্বং মহাঘোরং যদকার্ষীন্মহাসুরঃ॥ 2-55-5 (13504)
যং মহী সুষুবে দেবী যস্য প্রাগ্জ্যোতিষং পুরম্।
বিষয়ান্তপালাশ্চৎবারো যস্যাসন্যুদ্ধদুর্মদাঃ॥ 2-55-6 (13505)
আদেবয়ানমাবৃত্য পন্থানং পর্যবস্থিতাঃ।
ত্রাসনাঃ সুরসঙ্ঘানাং বিরূপৈ রাক্ষসৈঃ সহ॥ 2-55-7 (13506)
হয়গ্রীবো নিকুম্ভশ্চ ঘোরঃ পঞ্চজনস্তদা।
মুরঃ পুত্রসহস্রৈশ্চ বরমত্তো মহাসুরঃ॥ 2-55-8 (13507)
তদ্বধার্থং মহাবাহুরেষ চক্রগদাসিভৃৎ।
জাতো বৃষ্ণিষু দেবক্যাং বাসুদেবো জনার্দনঃ॥ 2-55-9 (13508)
তস্যাস্য পুরুষেন্দ্রস্যলোকপ্রথিততেজসঃ।
নিবাসো দ্বারকায়াং তু বিদিতো বঃ প্রধানতঃ॥ 2-55-10 (13509)
অতীব হি পুরী রম্যা দ্বারকা বাসবক্ষয়াৎ।
অতিবৈরাজমপ্যদ্ধা প্রত্যক্ষস্তে যুধিষ্ঠির॥ 2-55-11 (13510)
তস্মিন্দেবপুরপ্রখ্যে সা সভা বৃষ্ণ্যুপাশ্রয়া।
সুধর্মেতি চ বিখ্যাতা যোজনায়তবিস্তৃতা॥ 2-55-12 (13511)
তত্র বৃষ্ণ্যন্দকাঃ সর্বে রামকৃষ্ণপুরোগমাঃ।
লোকয়াত্রামিমাং কৃৎস্নাং পরিরক্ষন্ত আসতে॥ 2-55-13 (13512)
তত্রাসীনেষু সর্বেষু কদাচিদ্ভরতর্ষভ।
দিব্যগন্ধা ববুর্বাতাঃ কুসুমানাং চ বৃষ্টয়ঃ॥ 2-55-14 (13513)
ততঃ সূর্যসহস্রাভস্তেজোরাশির্মহাদ্ভুতঃ।
মধ্যে তু তেজসস্তস্য পাণ্ডরং গজমাস্থিতঃ। 2-55-15 (13514)
বৃতো দেবগণৈঃ সর্বৈর্বাসবঃ প্রত্যদৃশ্যত॥
রামকৃষ্ণৌ চ রাজা চ বৃষ্ণ্যন্ধকগণৈঃ সহ। 2-55-16 (13515)
উৎপত্য সহসা দেবে নমস্কারমকুর্বত॥
সোঽবতীর্য গজাত্তূর্ণং পরিষ্বজ্য জনার্দনম্। 2-55-17 (13516)
সস্বজে বলদেবং চ রাজানং চ তমাহুকম্॥
বাসুদেবোদ্ধবৌ চৈব বিকদ্রুং চ মহামতিম্। 2-55-18 (13517)
প্রদ্যুম্নসাম্বনিশঠাননিরুদ্ধং চ সাত্যকিম্॥
গদং সারণমক্রূরং ভানুঝল্লিবিডূরথান্। 2-55-19 (13518)
তথৈব কৃতবর্ণাণাং চারুদেষ্ণং মহাবলম্॥
দেবকল্পান্মহারাজ তান্দাশার্হপুরোগমান্। 2-55-20 (13519)
পিরিষ্বজ্য চ দৃষ্ট্বা চ ভগবান্ভূতভাবনঃ॥
বৃষ্ণ্যন্ধকমহামাত্রান্পরিষ্বজ্যাথ বাসবঃ। 2-55-21 (13520)
প্রগৃহ্য পূজাং তৈর্দত্তাং ভগবান্পাকশাসনঃ॥
সোঽদিতের্বচনাত্তাত কুণ্ডলার্থে জনার্দনম্। 2-55-22 (13521)
উবাচ পরমপ্রীতো জহি ভৌমং নরেশ্ব॥ 2-55-23 (13522)
ভীষ্ণ উবাচ।
নিহত্য নরকং ভৌমমাহরিষ্যামি কুণ্ডলে। 2-55-23x (1479)
এবমুক্ৎবাঽথ গোবিন্দো রামমেবাভ্যভাষত॥
প্রদ্যুম্নমনিরুদ্ধং চ সাম্বং চাপ্রতিমং বলে। 2-55-24 (13523)
এতাংশ্চোচ্ৎকা তথা তত্র বাসুদেবো মহায়শাঃ॥
অথারুহ্য সুপর্ণং বৈ শঙ্খচক্রগদাসিভৃৎ। 2-55-25 (13524)
যয়ৌ তদা হৃষীকেশো দেবানাং হিতকাম্যযা॥
তং প্রয়ান্তমমিত্রঘ্নং দেবাঃ সহপুরন্দরাঃ। 2-55-26 (13525)
পৃষ্ঠতোঽনুয়যুঃ প্রীত্যা স্তুবন্তো বিষ্ণুমচ্যুতম্।
উগ্রান্ত্রক্ষোগণান্হৎবা নরকস্য মহাসুরান্। 2-55-27 (13526)
ক্ষুরান্তান্মৌরবান্পাশান্ষট্সহস্রং দদর্শ সঃ॥
স়ঞ্ছিদ্য পাশাচ্ছস্ত্রেণ মুরং হৎবা সহান্বয়ম্। 2-55-28 (13527)
শৈলসঙ্ঘানতিক্রম্য নিশুম্ভং চ ব্যপোথয়ৎ॥ 2-55-29 (13528)
যঃ সহস্রসহস্ৎবেকঃ সর্বান্দেবানপোথয়ৎ।
তং জঘান মহাবীর্যং হয়গ্রীবং মহাবলম্॥ 2-55-30 (13529)
অপারতেজা দুর্ধর্ষঃ সর্বয়াদবনন্দনঃ॥
মধ্যে লোহিতগঙ্গায়াং ভগবান্দেবকীসুতঃ॥ 2-55-31 (13530)
ঔদকায়াং বিরূপাক্ষং জঘান মধুসূদনঃ।
ততঃ প্রাগ্জ্যোতিষং নাম দীপ্যমানমিব শ্রিয়া।
পুরমাসাদয়ামাস তত্র যুদ্ধমবর্তত॥ 2-55-32 (13531)
তদ্যুদ্ধমভবদ্ঘোরং তেন ভৌমেন ভারত।
কুণ্ডলার্থে সুরেশস্য নরকেণ মহাত্মনা॥ 2-55-33 (13532)
মুহূর্তং লালয়িৎবা তু নরকং মধূসূদনঃ।
প্রবৃত্তচক্রং চক্রেণ প্রমমাথ বলাদ্বলী॥ 2-55-34 (13533)
চক্রপ্রমথিতং তস্য পপাত সহসা ভুবি।
উত্তমাঙ্গং হতাঙ্গস্য বৃত্রে বজ্রহতে যথা॥ 2-55-35 (13534)
ভূমিস্তু পতিতং দৃষ্ট্বা প্রায়চ্ছৎকুণ্ডলে সুতম্।
প্রদায় চ মহাবাহুমিদং বচনমব্রবীৎ॥ 2-55-36 (13535)
সৃষ্টস্ৎবয়ৈব মধুহংস্ৎবয়ৈব বিনিপাতিতঃ।
যথেচ্ছসি তথা ক্রীডা প্রজাস্তস্যানুপালয়॥ 2-55-37 (13536)
শ্রীবাসুদেব উবাচ। 2-55-38x (1480)
দেবানাং চ মুনীনাং চ পিতৄণাং চ মহাত্মনাম্।
উদ্বেজনীয়ো ভূতানাং ব্রহ্মদ্বিদ্ পুরুষাধমঃ॥ 2-55-38 (13537)
লোকদ্বিষ্টঃ সুতস্তে তু দেবারির্লোককণ্টকঃ।
সর্বলোকনমস্কার্যামদিতং বাধয়দ্বলী॥ 2-55-39 (13538)
কুণ্ডলে হৃতবান্দর্পাত্ততস্তে নিহতঃ সুতঃ।
নৈব মন্যুস্ৎবয়া কার্যো যৎকৃতং ময়ি ভামিনি ॥ 2-55-40 (13539)
ৎবৎপ্রভাবাচ্চ তে পুত্রো লব্ধবান্গতিমুত্তমাম্।
তস্মাদ্গচ্ছ মহাভাগে ভারাবতরণং কৃতম্॥ ॥ 2-55-41 (13540)
ইতি শ্রীমন্মহাভারতে সভাপর্বণি অর্ঘাহরণপর্বণি পঞ্চপঞ্চাশোঽধ্যায়ঃ॥55 ॥
সভাপর্ব - অধ্যায় 056
॥ শ্রীঃ ॥
2.56. অধ্যায়ঃ 056
Mahabharata - Sabha Parva - Chapter Topics
কৃষ্ণস্য নরকং নিহত্য তদীয়ধনরত্নাদিকং শতোত্তরষোডশসহস্রস্ত্রীসহিতং মণিপর্ব তং চ গরুডমারোপ্য স্বর্গলোকগমনম্॥ 1॥ রামকৃষ্ণয়োঃ অদিত্যৈ কুণ্ডলাদিকং দত্ৎবা অদিতিশচীভ্যাং সৎকৃতয়া সত্যভাময়া সহ দ্বারকাং প্রত্যাগমনম্॥ 2॥Mahabharata - Sabha Parva - Chapter Text
ভীষ্ণ উবাচ॥
নিহত্য নরকং ভৌমং সত্যভামাসহায়বান্।
সহিতো লোকপালৈশ্চ দদর্শ নরকালয়ম্॥ 2-56-1 (13541)
অথাস্য গৃহমাসাদ্য নারকস্য মহাত্মনঃ।
দদর্শ ধনমক্ষয়্যং রত্নানি বিবিধানি চ। 2-56-2 (13542)
মণিমুক্তাপ্রবালানি বৈডূর্যবিকৃতানি চ।
বিস্তারাল্পাংশ্চার্কমণীন্বিপুলান্স্ফাটিকানপি॥ 2-56-3 (13543)
জাম্বূনদময়ান্যেব শাতকুম্ভময়ানি চ।
প্রদীপ্তজ্বলনাভানি শীতরশ্মিপ্রভাণি চ॥ 2-56-4 (13544)
হিরণ্যবর্ণং রুচিরং শ্বেতমভ্যন্তরং গৃহম্।
তদক্ষয়্যং গৃহে দৃষ্টং নরকস্য ধনং বহু॥ 2-56-5 (13545)
ন হি রাজ্ঞঃ কুবেরস্য তাবদ্ধনসমুচ্ছ্রয়ঃ।
দৃষ্টপূর্বঃ পুরা সাক্ষান্মহেন্দ্রভবনেষ্বপি॥ 2-56-6 (13546)
হতে ভৌমে নিশুম্ভে চ বাসবঃ সগণোঽব্রবীৎ।
দাশার্হপতিমাসীনমাহৃত্য মণিকুণ্ডলে॥ 2-56-7 (13547)
হেমসূত্রা মহাকক্ষ্যাস্তোমরৈর্বীর্যশালিনঃ।
বিমলানি পতাকানি বাসাংসি বিবিধানি চ॥ 2-56-8 (13548)
ভীমরূপাশ্চ মাতঙ্গাঃ প্রবালবিকৃতাঃ কুথাঃ।
তে চ বিংশতিসাহস্রা দ্বাস্তাবত্যঃ করেণবঃ॥ 2-56-9 (13549)
অষ্টৌ শতসহস্রাণি দেশজাশ্চোত্তমা হয়াঃ।
গোভিশ্চাবিকৃতৈর্যাবৎকামাত্তব জনার্দন॥ 2-56-10 (13550)
এতত্তে প্রাপয়িষ্যাণি বৃষ্ণ্যাবাসমরিন্দম।
বসু যত্রিষু লোকেষু ধর্মেণাবর্জিতং ৎবয়া॥ 2-56-11 (13551)
ভীষ্ম উবাচ। 2-56-12x (1481)
দেবগন্ধর্বরত্নানি দৈতেয়াসুরজানি চ।
যানি সন্তি হিরণ্যানি নরকস্য নিবেশনে॥ 2-56-12 (13552)
এতত্তু গরুডে সর্বং ক্ষিপ্রমারোপ্য বাসবঃ।
দার্শার্হপতিনা সার্ধমুপায়ান্মণিপর্বতম্॥ 2-56-13 (13553)
চিত্রগ্রথিতমেঘাভঃ প্রবভৌ মণিপর্বতঃ।
হেমচিত্রবিতানৈশ্চ প্রাসাদৈরুপশোভিতঃ॥ 2-56-14 (13554)
হর্ম্যাণি চ বিশালানি মণিসোপানবন্তি চ।
তত্রস্থা বরবর্ণিন্যো দদৃশুর্মধুসূদনম্॥ 2-56-15 (13555)
গন্ধর্বসুরমুখ্যানাং প্রিয়া দুহিতরস্তদা।
ত্রিবিষ্টপসমে দেশে তিষ্ঠন্তমপরাজিতম্॥ 2-56-16 (13556)
পরিবব্রুর্মহাবাহুমেকবেণীধরাঃ স্ত্রিয়ঃ।
পর্বাঃ কাষায়বাসিন্যঃ সর্বাশ্চ নিয়তেন্দ্রিয়াঃ॥ 2-56-17 (13557)
ব্রতসন্তাপজঃ শোকে নাত্র কশ্চিদপীডয়ৎ।
অরজাংসি চ বাসাংসি বিভ্রত্যঃ কৌশিকান্যপি॥ 2-56-18 (13558)
সমেত্য যদুসিংহস্য চক্রুরস্যাঞ্জলিং স্ত্রিয়ঃ।
ঊচুশ্চৈনং হৃষীকেশং সর্বাস্তাঃ কমলেক্ষণাঃ॥ 2-56-19 (13559)
নারদেন সমাখ্যাতমস্মাকং পুরুষোত্তম।
আগমিষ্যতি গোবিন্দঃ সুরকার্যার্থসিদ্ধয়ে॥ 2-56-20 (13560)
সোঽসুরং নরকং হৎবা নিশুম্ভং মুরমেব চ।
ভৌমং চ সপরীবারং হয়গ্রীবং চ দানবম্॥ 2-56-21 (13561)
তথা পঞ্চজনং চৈব প্রাপ্স্যতে ধনমক্ষয়ম্।
সোঽচিরেণৈব কালেন যুষ্মন্মোক্তা ভবিষ্যতি॥ 2-56-22 (13562)
এবমুক্ৎবাগমদ্ধীরো দেবর্ষির্নারদস্তথা।
ৎবাং চিন্তয়ানাঃ সততং তপো ঘোরমুপাস্মহে॥ 2-56-23 (13563)
কালেঽতীতে মহাবাহুং কদা দ্রক্ষ্যাম মাধবম্।
ইত্যেবং হৃদি সঙ্কল্পং কৃৎবা পুরুষসত্তম।
তপশ্চরাম সততং রক্ষ্যমাণা হি দানবৈঃ॥ 2-56-24 (13564)
ততোঽস্মৎপ্রিয়কামার্থং ভগবান্মারুতোঽব্রবীৎ।
যথোক্তং নারদেনাথ ন চিরাত্তদ্ভবিষ্যতি॥ 2-56-25 (13565)
ভীষ্ণ উবাচ॥ 2-56-26x (1482)
তাসাং পরমনারীণামৃষভাক্ষং পুরঃ স্থিতম্।
দদৃশুর্দেবগন্ধর্বা গৃষ্টীনামিব গোপতিম্॥ 2-56-26 (13566)
তস্য চন্দ্রোপমং বক্ত্রমুদীক্ষ্য মুদিতেন্দ্রিয়াঃ।
সম্প্রহৃষ্টা মহাবাহুমিদং বচনমব্রুবন্। 2-56-27 (13567)
সত্যব্রত পুরা বায়ুরিদমস্মানিহাব্রবীৎ।
সর্বভূতহিতজ্ঞশ্চ মহর্ষিরপি নারদঃ॥ 2-56-28 (13568)
বিষ্ণুর্নারায়ণো দেবঃ শঙ্খচক্রগদাসিভৃৎ।
স ভৌমং নরকং হৎবা ভর্তা বো ভবিতা ধ্রুবম্॥ 2-56-29 (13569)
দিষ্ট্যা তস্যর্ষিমুখ্যস্য নারদস্য মহাত্মনঃ।
বচনাদেব সত্যং নো ভর্তা ভবিতুমর্হসি॥ 2-56-30 (13570)
যৎপ্রিয়ং বত পশ্যাম শ্রুতং প্রিয়মরিন্দম।
দর্শনেন কৃতার্থাঃ স্মো বয়মস্য মহাত্মনঃ॥ 2-56-31 (13571)
উবাচ হি যদুশ্রেষ্ঠঃ সর্বাস্তা জাতমন্মথাঃ।
যথা ব্রূত বিশালাক্ষ্যস্তৎসর্বং বো ভবিষ্যতি॥ 2-56-32 (13572)
ততস্তা গরুডে সর্বাঃ সরত্নধনসঞ্চয়াঃ।
ক্ষিপ্রমারোপয়াঞ্চক্রে ভগবান্দেবকীসুতঃ॥ 2-56-33 (13573)
সপক্ষিগণমাতঙ্গং সব্যালমৃগপন্নগম্।
শাখামৃগগণৈর্জুষ্টং সপ্রস্তরশিলাতলম্॥ 2-56-34 (13574)
ন্যঙ্কুভিশ্চ বরাহৈশ্চ রুরুভিশ্চ নিষেবিতম্।
সপ্রপাতমহাসানুং বিচিত্রশিখিসঙ্কুলম্॥ 2-56-35 (13575)
স মহেন্দ্রানুজঃ শৌরিশ্চকার গুরুডোপরি।
পশ্যতাং সর্বভূতানামুৎপাট্য মণিপর্বতম্॥ 2-56-36 (13576)
উপেন্দ্রং বলদেবং চ বাসবং চ মহাবলম্।
স্বপক্ষবলবিক্ষেপৈর্মহাদ্রিশিখরোপমঃ॥ 2-56-37 (13577)
দিক্ষু সর্বাসু সংরাবং স চক্রে গরুডো বহন্।
আরুজন্পর্বতাগ্রাণি পাদপাংশ্চ সমুৎক্ষিপন্॥ 2-56-38 (13578)
সঞ্জহার মহাভ্রাণি বৈশ্বানরপথং গতঃ।
গ্রহনক্ষত্রতারাণাং সপ্তর্ষীণাং স্বতেজসা॥ 2-56-39 (13579)
প্রভাজালমতিক্রম্য চাশ্বিনোশ্চ পরন্তপ।
প্রাপ্য পুণ্যতমং স্থানং দেবলোকমরিন্দমঃ॥ 2-56-40 (13580)
শক্রসদ্ম সমাসাদ্য চাবরুহ্য জনার্দনঃ।
সোঽভিবাদ্যাদিতেঃ পাদাবর্চিতঃ সর্বদৈবতৈঃ।
ব্রহ্মদক্ষপুরোগৈশ্চ প্রজাপতিভিরেব চ॥ 2-56-41 (13581)
অদিতেঃ কুণ্ডলে দিব্যে দদাবথ তদা বিভুঃ।
রত্নান চ পরার্ঘ্যাণি রামেণ সহ কেশবঃ॥ 2-56-42 (13582)
প্রতিগৃহ্য চ তৎসর্বমদিতির্বাসবানুজম্।
পূজয়ামাস দাশার্হং রামং চ বিগতজ্বরা॥ 2-56-43 (13583)
শচী মহেন্দ্রমহিষী কৃষ্ণস্য মহিষীং তদা।
সত্যভামাং তু সঙ্গৃহ্য অদিত্যৈ সা ন্যবেদয়ৎ॥ 2-56-44 (13584)
সা তস্যাঃ সত্যভামায়াঃ কৃষ্ণাপ্রিয়চিকীর্ষয়া।
বরং প্রাদাদ্দেবমাতা সত্যায়ৈ বিগতজ্বরা॥ 2-56-45 (13585)
জরাং ন যাস্যসি শুভে যাবৎকৃষ্ণোঽস্তি ভূতলে।
সর্বগন্ধগুণোপেতা ভবিষ্যসি বরাননে॥ 2-56-46 (13586)
বিসৃজ্য সত্যভামা বৈ পৌলোমীং চ সুমধ্যমা।
শচ্যাপি সমনুজ্ঞাতা যয়ৌ কৃষ্ণনিবেশনম্॥ 2-56-47 (13587)
সম্পূজ্যমানস্ত্রিদশৈর্মহর্ষিগণসেবিতঃ।
দ্বারকাং প্রয়যৌ কৃষ্ণো দেবলোকাদরিন্দমঃ॥ 2-56-48 (13588)
শীঘ্রাদেত্য মহাবাহুর্দীর্ঘমধ্বানমচ্যুতঃ।
বর্ঘমানপুরদ্বারমাসসাদ সুরোত্তমঃ॥ ॥ 2-56-49 (13589)
ইতি শ্রীমন্মহাভারতে সভাপর্বণি অর্ঘাহরণপর্বণি ষট্পঞ্চাশোঽধ্যায়ঃ॥ 56॥
সভাপর্ব - অধ্যায় 057
॥ শ্রীঃ ॥
2.57. অধ্যায়ঃ 057
Mahabharata - Sabha Parva - Chapter Topics
দ্বারকাবর্ণনম্॥ 1॥ রুক্মিণীসত্যভামাদিগৃহবর্ণনম্॥2॥ কৃষ্ণেন স্বর্গাদানীতস্ব পারিজাতস্য প্রতিষ্ঠাপনমুদ্যান বর্ণনং চ॥ 3॥Mahabharata - Sabha Parva - Chapter Text
ভীষ্ণ উবাচ॥
তাং পুরী দ্বারকীং দৃষ্ট্বা বিভুর্নারায়ণো হরিঃ।
হৃষ্টঃ সর্বার্থসম্পন্নঃ প্রবেষ্টুমুপচক্রমে॥ 2-57-1 (13590)
সোঽপশ্যদ্বৃক্ষষণ্ডাংশ্চ রম্যান্নানাজনান্বহূন্।
সমন্ততো দ্বারবত্যাং নানাপুষ্পফলান্বিতান্॥ 2-57-2 (13591)
অর্কচন্দ্রপ্রতীকাশৈর্মেরুকূটনিভৈর্গৃহৈঃ।
দ্বারকামাবৃতাং রম্যাং সুকৃতাং বিশ্বকর্মণা॥ 2-57-3 (13592)
পদ্মষণ্ডাকুলাভিশ্চ হংসসেবিতবারিভিঃ।
গঙ্গাসিন্ধুপ্রকাশাভিঃ পরিঘাভিরলঙ্কৃতাম্॥ 2-57-4 (13593)
প্রাকারেণার্কবর্ণেন পাণ্ডরেণ বিরাজিতাম্।
বিয়ন্মূর্ধ্নি নিবিষ্টেন দ্যামিবাভ্রপরিচ্ছদাম্॥ 2-57-5 (13594)
নন্দনপ্রতিমৈশ্বাপি মিশ্রকপ্রতিমৈর্বনৈঃ।
তত্র সা বিহিতা সাক্ষান্নগরী বিশ্বকর্মণা॥ 2-57-6 (13595)
কাঞ্চনৈর্মণিসোপানৈরুপেতা জনহর্ষিণী।
গীতঘোষমহাঘোষৈঃ প্রসাদপ্রবরৈঃ শুভা॥ 2-57-7 (13596)
তস্মিন্পুরবারশ্রেষ্ঠে দাশার্হাণাং যশস্বিনাম্।
নেশ্মানি জহৃষে দৃষ্ট্বা ভগবান্পাকশাসনঃ॥ 2-57-8 (13597)
সমুচ্ছ্রিতপতাকানি পারিপ্লবনিভানি চ।
কাঞ্চনাভানি ভাখন্তি মেরুকূটনিভানি চ॥ 2-57-9 (13598)
সুধাপাণ্ডরশৃঙ্গৈশ্চ শাতকুম্ভপরিচ্ছদৈঃ।
রত্নসানুমহাশৃঙ্গৈঃ সর্বরত্নসমন্বিতৈঃ? 2-57-10 (13599)
সহর্ম্যৈঃ সার্ধচন্দ্রৈশ্চ সনির্যূহৈঃ সপঞ্জরৈঃ।
সয়ন্ত্রগৃহসংবাধৈঃ সধাতুভিরিবাদ্রিভিঃ॥ 2-57-11
মণিকাঞ্চনভোমেশ্চ সুধামৃষ্টতলৈস্তথা।
জাম্বূনদময়দ্বারৈর্বৈডূর্যবিকৃতার্গলৈঃ॥ 2-57-11 (13600)
সর্বর্তুসুখসংস্যর্শৈর্মহাধনপরিচ্ছদৈঃ।
রম্যসানুগৃহৈঃ শৃঙ্গৈর্বিচিত্রৈরিব পর্বতৈঃ॥ 2-57-13 (13601)
পঞ্চবর্ণসবর্ণৈশ্চ পুষ্পবৃষ্টিসমপ্রভৈঃ।
তুল্যৈঃ পর্জন্যনির্ঘোষৈর্হ্রাদৈর্ভোগবতী যথা॥ 2-57-14 (13602)
কৃষ্ণধ্বজোপবাহ্যৈশ্চ দাশার্হায়ুধরোহিতৈঃ।
বৃষ্ণিবীরময়ূরৈশ্চ স্ত্রীসহস্রপ্রজাকুলৈঃ॥ 2-57-15 (13603)
বাসুদেবৈন্দ্রপর্জন্যৈর্গৃহমেঘৈরলঙ্কৃতা।
দদৃশে দ্বারকাঽতীব মেঘৈর্দ্যৈরিব সংবৃতা॥ 2-57-16 (13604)
সাক্ষাদ্ভগবতো বেশ্ম বিহিতং বিশ্বকর্মণা।
দদৃশুর্বাসুদেবস্য চতুর্যোজনমায়তম্॥ 2-57-17 (13605)
তাবদেব সুবিস্তীর্ণং সুসম্পূর্ণং মহাধনৈঃ।
প্রাসাদবরসম্পন্নং যুক্তং জগতি পর্বতৈঃ॥ 2-57-18 (13606)
যং চকার মহাভাগস্ৎবষ্টা বাসবচোদিতঃ।
প্রাসাদং হেমনাভস্য সর্বতো যোজনায়তম্॥ 2-57-19 (13607)
মেরোরিব গিরেঃ শৃঙ্গমুচ্ছ্রিতং কাঞ্চনালয়ম্।
রুক্মিণ্যাঃ প্রবরো বাসো নির্মিতঃ সুমহাত্মনা॥ 2-57-20 (13608)
সত্যভামা পুনর্বেশ্ম সদা বসতি পাণ্ডরম্।
বিচিত্রমণিসোপানং যং বিদুঃ শীতবানিতি॥ 2-57-21 (13609)
বিমলাদিত্যবর্ণাভিঃ পতাকাভিরলঙ্কৃতম্।
ব্যক্তবদ্ধং যথোদ্দেশে চতুর্দশমহাধ্বজম্॥ 2-57-22 (13610)
সর্বপ্রাসাদমুখ্যোঽত্র জাম্ববত্যা বিভূষিতঃ।
প্রভায়া জৃম্ভণৈশ্চিত্রৈস্ত্রৈলোক্যমিব ভাসয়ন্॥ 2-57-23 (13611)
যস্তু পাণ্ডরবর্ণাভস্তয়োরন্তরমাশ্রিতঃ।
বিশ্বকর্মাকরোদেনং কৈলাসশিখরোপমম্॥ 2-57-24 (13612)
জাম্বূনদপ্রদীপ্তাগ্রঃ প্রদীপ্তজ্বলনোপমঃ।
সাগরপ্রতিমোঽতিষ্ঠন্মেরুরিত্যভিবিশ্রুতঃ॥ 2-57-25 (13613)
তস্মিন্গান্ধাররাজস্য দুহিতা কুলশালিনী।
সুকেশী নাম বিখ্যাতা কেশবেন নিবেশিতা॥ 2-57-26 (13614)
পদ্মকূট ইতি খ্যাতঃ পদ্মবর্ণো মহাপ্রভঃ।
সুপ্রভায়া মহাবাহো বাসঃ স পরমোচ্ছ্রিতঃ॥ 2-57-27 (13615)
যস্তু সূর্যপ্রভো নাম প্রাসাদবর উচ্যতে।
লক্ষণায়াঃ কুরুশ্রেষ্ঠ স দত্তঃ শার্ঙ্গধন্বনা॥ 2-57-28 (13616)
বৈডূর্যবরবর্ণাভঃ প্রাসাদো হরিতপ্রভঃ।
শ্বেতজালা হি যত্রৈব যত্রৈব চ নিবেশিতা॥ 2-57-29 (13617)
যং বিদুঃ সর্বভূতানি হরিরিত্যেব ভারত।
সুমিত্রবিজয়াবাসো দেবর্ষিগণপূজিতঃ॥ 2-57-30 (13618)
মহিষ্যা বাসুদেবস্য ভূষণং সর্ববেশ্মনাম্।
যস্তু প্রাসাদমুখ্যোঽত্র বিহিতঃ সর্বশিল্পিভিঃ॥ 2-57-31 (13619)
মহিষ্যা বাসুদেবস্য কেতুমানিতি বিশ্রুতঃ।
প্রসাদো বিরজো নাম বিরজস্কো মহাত্মনঃ॥ 2-57-32 (13620)
উপস্থানগৃহং তাত কেশবস্য মহাত্মনঃ।
যস্তু প্রাসাদমুখ্যোঽত্র যং ৎবষ্টা ব্যদধাৎস্বয়ম্॥ 2-57-33 (13621)
যোজনায়তবিষ্কম্ভং সর্বরত্নময়ং বিভোঃ।
তেষাং তু বিহিতাঃ সর্বে রুক্মদণ্ডাঃ পতাকিনঃ॥ 2-57-34 (13622)
সদনে বাসুদেবস্য মার্গসঞ্জননা ধ্বজাঃ।
ঘণ্টাজালানি তত্রৈব সর্বেষাং নিবেশনে॥ 2-57-35 (13623)
আহৃত্য যদুসিংহেন বৈজয়ন্তচ্ছলো মহাৎ।
হংসকূটস্য যচ্ছ্রঙ্গমিন্দ্রদ্যুম্নসরো মহৎ॥ 2-57-36 (13624)
ষষ্টিতালসমুৎসেধমর্ধয়োজনবিস্তৃতম্।
সকিন্নরমহানাদং তদপ্যমিততেজসঃ॥ 2-57-37 (13625)
পশ্যতাং সর্বভূতানাং ত্রিষু লোকেষু বিশ্রুতম্।
আদিত্যপথগং যত্তন্মেরোঃ শিখরমুত্তমম্॥ 2-57-38 (13626)
জাম্বূনদময়ং দিব্যং ত্রিষু লোকেষু বিশ্রুতম্।
তদপ্যুৎপাট্য কুচ্ছ্রেণ স্বং নিবেশনমাহৃতম্॥ 2-57-39 (13627)
ভ্রাজমানং পুরা তত্র সর্বৌষধিবিদীপিতম্।
যমিন্দ্রভবনাচ্ছৌরিরাজহার পরন্তপঃ॥ 2-57-40 (13628)
পারিজাতঃ স তত্রৈব কেশবেন নিবেশিতঃ।
লেপহস্তশতৈর্জুষ্টো বিমানৈশ্চ হিরণ্ময়ৈঃ॥ 2-57-41 (13629)
বিহিতা বাসুদেবেন তত্রৈব চ মহাদ্রুমাঃ।
পদ্মাকুলজলোপেতা রক্তসৌগন্ধিকোৎপলাঃ॥ 2-57-42 (13630)
মণিমৌক্তিকবালূকাঃ পুষ্করিণ্যঃ সরাংসি চ।
তাসাং পরমকূলি শোভয়ন্তি মহাদ্রুমাঃ॥ 2-57-43 (13631)
সালতালাশ্বকর্ণাশ্চ শতশাখাশ্চ রোহিণঃ।
ভল্লাতককপিত্থাশ্চ ইন্দ্রবৃক্ষাশ্চ চম্পকাঃ॥ 2-57-44 (13632)
খাদিরা মৃতকাশ্চৈব সমন্তাৎপরিরোপিতাঃ।
যে চ হৈমবতা বৃক্ষা যে চ নন্দনজাস্তথা॥ 2-57-45 (13633)
আহৃত্য যদুসিংহেন তেঽপি তত্র নিবেশিতাঃ।
রত্নপীতারুণপ্রখ্যাঃ সিতপুষ্পাশ্চ পাদপাঃ॥ 2-57-46 (13634)
সর্বর্তুফলপূর্ণোস্তে তে চ কাননসিন্ধুষু।
সহস্রপত্রপদ্মাশ্চ মন্দরাশ্চ সহস্রশঃ॥ 2-57-47 (13635)
অশোকাঃ কর্ণিকারাশ্চ তিলকা নাগ মল্লিকাঃ।
কুরকা নাগপুষ্পাশ্চ চম্পকাস্তৃণপুল্লিকাঃ॥ 2-57-48 (13636)
সপ্তবর্ণাঃ কবন্ধাশ্চ নীপাঃ কুরবকাস্তথা।
কেতকাঃ কেসরাশ্চৈব হিনতালতলতাটকাঃ॥ 2-57-49 (13637)
তালাঃ প্রলম্বা বকুলাঃ পিণ্ডিকা বীজপূরকাঃ।
দ্রুতামলকখর্জূরা মহিতা জম্বুকাস্তথা॥ 2-57-50 (13638)
আম্রাঃ পনসবৃক্ষাশ্চ চম্পকাস্তিলতিন্দুকাঃ।
লিকুচামৃতাশ্চৈব ক্ষীরিকা কর্ণিকা তথা॥ 2-57-51 (13639)
নালিকেরেঙ্গুদাশ্চৈব উৎক্রোশকবনানি চ।
কদলী জাতমল্লী চ পাটলী কুমুদোৎপলাঃ॥ 2-57-52 (13640)
নীলোৎপলকপূর্ণাশ্চ বাপ্যঃ কূপাঃ সহস্রশঃ।
ফুল্লাশাককপিত্থাশ্চ তৈস্তীর্ৎবা বন্ধুজীবকাঃ॥ 2-57-53 (13641)
প্রিয়ালাশোকবাদির্যাঃ প্রাচীনাশ্চাপি সর্বশঃ।
প্রিয়ঙ্গুবদরীভিশ্চ যবৈঃ স্যন্দনচন্দনৈঃ॥ 2-57-54 (13642)
শচীপীলুপলাশ্চৈশ্চ পলাশবধপিপ্লৈঃ।
উদুম্বরৈশ্চ বিল্বৈশ্চ পালাশৈঃ পারিভদ্রকৈঃ॥ 2-57-55 (13643)
ইন্দ্রবৃক্ষার্জুনৈশ্চৈব অশ্বত্থৈশ্চিরবিল্বকৈঃ।
ভৌমগঞ্জনবৃক্ষৈশ্চ ভল্লাভৈরশ্বসাহ্বয়ৈঃ॥ 2-57-56 (13644)
সজ্জৈস্তাম্বূলবল্লীভির্লবঙ্গৈঃ ক্রমুকৈস্তথা।
বংশৈশ্চ বিবিধৈস্তত্র সমন্তাৎপরিরোপিতৈঃ॥ 2-57-57 (13645)
যে চ নন্দনজা বৃক্ষা যে চ চৈত্ররথে বনে।
সর্বে তে যদুনাথেন সমন্তাৎপরিরোপিতাঃ॥ 2-57-58 (13646)
সমাহিতা মহানদ্যঃ পীতলোহিতবালুকাঃ।
তস্মিন্গৃহবরে রম্যে মণিশক্রসবালুকাঃ॥ 2-57-59 (13647)
মত্তবর্হিণনাদাশ্চ কোকিলাশ্চ মদাবহাঃ।
বভূবুঃ পরমোপেতাঃ সর্বে জগতি পর্বতাঃ॥ 2-57-60 (13648)
তত্রৈব গজয়ূথানি তত্র গোমহিষাস্তথা।
নিবাসাশ্চ কৃতাস্তত্র বরাহা মৃগপক্ষিণাম্॥ 2-57-61 (13649)
বিশ্বকর্মকৃতঃ শৈলঃ প্রাকারস্তত্র বেশ্মনি।
ব্যক্তকিষ্কুশতোদ্যামঃ সুধারসসমপ্রভঃ॥ 2-57-62 (13650)
তেন তে চ মহাশৈলাঃ সরিতশ্চ সরাংসি চ।
পরিক্ষিপ্তানি বৈ তস্য বনান্যুপবনানি চ॥ ॥ 2-57-63 (13651)
ইতি শ্রীমন্মহাভারতে সভাপর্বণ অর্ঘাহরণপর্বণি সপ্তপঞ্চাশোঽধ্যায়ঃ॥ 57॥
সভাপর্ব - অধ্যায় 058
॥ শ্রীঃ ॥
2.58. অধ্যায়ঃ 058
Mahabharata - Sabha Parva - Chapter Topics
কৃষ্ণদর্শনায় বসুদেবাদীনামাগমনম্॥1॥ রামকৃষ্ণাভ্যাং পিত্রাদিবন্দনপূর্বকং বন্ধুভ্যো রত্নাদিবিতরণম্॥ 2॥ ইন্দ্রস্য কৃষ্ণচরিতপ্রশংসনপূর্বকং স্বলোকগমনম্॥ 3॥Mahabharata - Sabha Parva - Chapter Text
ভীষ্ম উবাচ।
এবমালোকয়াঞ্চক্রুর্দ্বারকামৃষভাস্ত্রয়ঃ।
উপেন্দ্রবলদেবৌ চ বাসবশ্চ মহায়শাঃ॥ 2-58-1 (13652)
ততস্তং পাণ্ডরং শৌরির্মূর্ধ্নি তিষ্ঠন্গরুত্মতঃ।
প্রীতঃ শঙ্খমুপাধ্মাসীদ্দ্বিষতাং রোমহর্ষণম্॥ 2-58-2 (13653)
তস্য শঙ্খস্য শব্দেন সারশ্চুক্ষুভে ভৃশম্।
ররাস চ নভঃ সর্বং তচ্চিত্রমভবত্তদা॥ 2-58-3 (13654)
পাঞ্চজন্যস্য নির্ঘোষং নিশম্য কুকুরান্দকাঃ।
প্রীয়মাণাঃ সমাজগ্মুরালোক্য মধুসূদনম্॥ 2-58-4 (13655)
বসুদেবং পুরস্কৃত্য বেণুশঙ্খরবৈঃ সহ।
উগ্রসেনো যয়ৌ রাজা বাসুদেবনিবেশনম্॥ 2-58-5 (13656)
আনন্দিতুং পর্যচন্স্বেষু বেশ্মসু দেবকী।
রোহিণী চ যয়ৌ দেশমাহুকস্য চ যাঃ স্ত্রিয়ঃ॥ 2-58-6 (13657)
হতা ব্রহ্মদ্বিষঃ সর্বে জয়ন্ত্যন্ধকবৃষ্ণয়টঃ।
এবমুক্তঃ সহ স্ত্রীভিরক্ষতৈর্মধুসূদনঃ॥ 2-58-7 (13658)
ততঃ শৌরিঃ সুপর্ণেন স্বং নিবেশনমভ্যযাৎ।
চকারাথ যথোদ্দেশমীশ্বরো মণিপর্বতম্॥ 2-58-8 (13659)
ততো ধনানি রত্নানি সভায়াং মধুসূদনঃ।
নিধায় পুণ্ডরীকাক্ষঃ পিতুর্দর্শনলালসঃ॥ 2-58-9 (13660)
ততঃ সান্দীপিনিং পূর্বং ব্রাহ্মণং চাপি ভারত।
যথান্যায়ং বাসুদেব উপস্পৃষ্ট্বা মহায়শাঃ॥ 2-58-10 (13661)
ববন্দে পৃথুতাম্রাক্ষঃ প্রীয়মাণো মহায়শাঃ।
তথাঽশ্রুপরিপূর্ণাক্ষমানন্দভৃতচেতসম্॥ 2-58-11 (13662)
ববন্দে সহ রামেণ পিতরং বাসবানুজঃ।
তাভ্যাং চ মূর্ধ্ন্যুপাঘ্রাতঃ কেশবঃ পরবীরহা॥ 2-58-12 (13663)
যথাশ্রেষ্ঠমুপাগম্য সাৎবতান্যদুনন্দনঃ।
সর্বেষাং নাম জগ্রাহ দাশার্হাণামধোক্ষজঃ॥ 2-58-13 (13664)
ততঃ সর্বাণি বিত্তানি সর্বরত্নময়ানি চ।
ব্যভজত্তানি তেভ্যোঽথ সর্বেভ্যো যদুনন্দনঃ॥ 2-58-14 (13665)
সা কেশবমহামাত্রৈর্মহেন্দ্রপ্রতিমৈঃ সভা।
শুশুভে বৃষ্ণিশার্দূলৈঃ সিংহৈরিব গিরের্গুহা॥ 2-58-15 (13666)
অথাসনগতান্সর্বানুবাচ বিবুধাধিপঃ।
শুভয়া হর্ষয়ন্বাচা মহেন্দ্রস্তান্মহায়শাঃ।
কুকুরান্ধকমুখ্যাংশ্চ তং চ রাজানমাহুকম্॥ 2-58-16 (13667)
ইন্দ্র উবাচ। 2-58-17x (1483)
যদর্থং জন্ম কৃষ্ণস্য মানুষেষু মহাত্মনঃ।
যৎকৃতং বাসুদেবেন তদ্বক্ষ্যামি সমাসতঃ॥ 2-58-17 (13668)
অয়ং শতসহস্রাণি দানবানামরিন্দমঃ।
নিহয়্ পুণ্ডরীকাক্ষঃ পাতালবিবরং যয়ৌ॥ 2-58-18 (13669)
যচ্চ নাধিগতং পূর্বৈঃ প্রহ্লাদবলিশম্বরৈঃ।
তদিদং শৌরিণা বিত্তং প্রাপিতং ভবতামিহ॥ 2-58-19 (13670)
সপাশং মুরমাক্রময়্ পাঞ্চজন্যং চ ধীমতা।
শিলাসঙ্ঘানতিক্রম্য নিশুম্ভঃ সগণো হতঃ॥ 2-58-20 (13671)
হয়গ্রীবশ্চ বিক্রান্তো দানবো নিহতো বলী।
মথিতশ্চ মৃধে ভৌমঃ কুণ্ডলে চাহৃতে পুনঃ॥ 2-58-21 (13672)
পুনর্বাণবধে শৌরিমাদিত্যা বসুভিঃ সহ।
মন্মুখা আগমিষ্যন্তি সাধ্যাশ্চ মধুসূদনম্॥ 2-58-22 (13673)
এবমুক্ৎবা ততঃ সর্বানামন্ত্র্য কুকুরান্ধকান্।
সস্বজে রামকৃষ্ণৌ চ বসুদেবং চ বাসবঃ॥ 2-58-23 (13674)
প্রদ্যুম্নসাম্বপ্রমুখাননিরূদ্ধং চ সারণম্।
বভ্রুং ঝল্লিং গদং ভানুং চারুদেষ্ণং চ বৃত্রহা॥ 2-58-24 (13675)
সৎকৃত্য সারণাক্রূরৌ পুনরাভাষ্য সাত্যকিম্।
সস্বজে বৃষ্ণিরাজানমাহুকং কুকুরাধিপম্।
ভোজং চ কৃতবর্ণাণমন্যাংশ্চান্দকবৃষ্ণিষু॥ 2-58-25 (13676)
আমন্ত্র্য দেবপ্রবরৈর্বাসবো বাসবানুজম্।
ততঃ শ্বেতাচলপ্রখ্যং গজমৈরাবতং প্রভুঃ॥ 2-58-26 (13677)
পশ্যতাং সর্বভাতানামারুরোহ শচীপতিঃ।
পৃথিবীং চান্তরিক্ষং চ দিবং চ বরবারণম্॥ 2-58-27 (13678)
মুখাডম্বরনির্ঘোষৈঃ পূরয়ন্তমিবাসকৃৎ।
হৈময়ন্ত্রমহাকক্ষ্যং হিরণ্ময়বিষাণিনম্॥ 2-58-28 (13679)
মনোহরকুথাস্তীর্ণং সর্বরত্নবিভূষিতম্।
নিত্যস্রুতমদস্রাবং ক্ষরন্তমিব তোয়দম্॥ 2-58-29 (13680)
দিশাগজং মহামাত্রং কাঞ্চনস্রজমাস্থিতঃ।
প্রবভৌ মন্দরাগ্রস্থঃ প্রতপন্ভানুমানিব॥ 2-58-30 (13681)
ততো বজ্ময়ং ভীমং প্রগৃহ্য পরামাঙ্কুশম্।
যয়ৌ বলবতা সার্ধং পাবকেন শচীপতিঃ॥ 2-58-31 (13682)
তং করেণুগজব্রাতৈর্বিমানৈশ্চ মরুদ্গণাঃ।
পৃষ্ঠতোঽনুয়যুঃ প্রীতাঃ কুবেরবরুণগ্রহাঃ॥ 2-58-32 (13683)
স বায়ুপক্ষমাস্থায় বৈশ্বানরপথং গতঃ।
প্রাপ্য সূর্যপথং দেবস্তত্রৈবান্তরধীয়ত॥ ॥ 2-58-33 (13684)
ইতি শ্রীমন্মহাভারতে সভাপর্বণি অর্ঘাহরণপর্বণি অষ্টপঞ্চাশোঽধ্যায়ঃ॥ 58॥
সভাপর্ব - অধ্যায় 059
॥ শ্রীঃ ॥
2.59. অধ্যায়ঃ 059
Mahabharata - Sabha Parva - Chapter Topics
কৃষ্ণেনাহৃতবিভূতিবিলোকনায় দেবকীরুক্মিণ্যাদিস্ত্রীণামাগমনম্॥1॥ সভামাগতায়াঃ যশোদাসুতায়াঃ রামকৃষ্ণাভ্যাং সৎকারঃ॥ 2॥ সর্বেষাং স্বস্বভবনগমনম্॥ 3॥Mahabharata - Sabha Parva - Chapter Text
ভীষ্ম উবাচ॥
ততঃ সর্বদশার্হাণামাহুকস্য চ যাঃ স্ত্রিয়ঃ।
নন্দগোপস্য মহিষী যশোদা লোকবিশ্রুতা॥ 2-59-1 (13685)
রেবতী চ মহাভাগা রুক্মিণী চ পত্রিব্রতা।
সত্যা জাম্ববতী চোভে গান্ধারী শিংশুমাপি চ॥ 2-59-2 (13686)
বিশোকা লক্ষণা চাপি সুমিত্রা কেতুমা তথা।
বাসুদেবমহিষ্যোঽন্যাঃ শ্রিয়া সার্ধং যয়ুস্তদা॥ 2-59-3 (13687)
বিভূতিং দ্রষ্টুমনসঃ কেশবস্য মহাত্মনঃ।
প্রীয়মাণাঃ সভাং জগ্মুরালোকয়িতুমচ্যুতম্॥ 2-59-4 (13688)
দেবকী সর্বদেবীনাং রোহিণী চ পুরস্কৃতা।
দদৃশুর্দেবমাসীনং কৃষ্ণং হলভৃতা সহ॥ 2-59-5 (13689)
তৌ তু পূর্বমতিক্রম্য রোহিণীমভিবাদ্য চ।
অভ্যবাদয়তাং দেবৌ দেবকীং রামকেশবৌ॥ 2-59-6 (13690)
সা তাভ্যামৃষভাক্ষাভ্যাং পুত্রাভ্যাং শুশুভেঽধিকম্।
দেবকী দেবমাতেব মিত্রেণ বরুণেন চ॥ 2-59-7 (13691)
ততঃ প্রাপ্তা যশোদায়া দুহিতা বৈ ক্ষণেন হি।
জাজ্বল্যমানা বপুষা প্রভয়াঽতীব ভারত॥ 2-59-8 (13692)
একানঙ্গেতি যামাহুঃ কন্যাং বৈ কামরূপিণীম্।
যৎকৃতে সগণং কংসং জঘান পুরুষোত্তমঃ॥ 2-59-9 (13693)
ততঃ স ভগবান্রামস্তামুপাক্রম্য ভামিনাম্।
মূর্ধ্ন্যুপাঘ্রায় সব্যেন পরিজগ্রাহ পাণিনা॥ 2-59-10 (13694)
তাং চ তত্রোপসম্প্রাপ্য প্রিয়ামিব সখীমিমাম্।
দক্ষিণেন করাগ্রেণ পিরজগ্রাহ মাধবঃ॥ 2-59-11 (13695)
দদৃশুস্তাং সভামধ্যে ভগিনীং রামকৃষ্ণয়োঃ।
রুক্মপদ্মশাং পদ্মশ্রীমিবোত্তমনাভয়োঃ॥ 2-59-12 (13696)
অথাক্ষতমহাবষ্ট্যা লাজপুষ্পঘৃতৈরপি।
বৃষ্ণয়োঽবাকিরন্প্রীতাঃ সঙ্কর্ষণজনার্দনৌ॥ 2-59-13 (13697)
সবালাঃ সহবৃদ্ধাশ্চ যে জ্ঞাতিকুলবান্ধবাঃ।
উপোপবিবিশুঃ প্রীতা বৃষ্ণয়ো মধুসূদনম্॥ 2-59-14 (13698)
পূজ্যমানো মহাবাহুঃ পৌরাণাং রতিবর্ধনঃ।
বিবেশ পুরুষব্যাঘ্রঃ স্ববেশ্ম মধুসূদনঃ॥ 2-59-15 (13699)
রুক্মিণ্যা সহিতো দেব্যা প্রমুমোদ সুখী সুখম্।
অনন্তরং চ সত্যায়া জাম্ববত্যাশ্চ ভারত॥ 2-59-16 (13700)
সর্বাসাং চ যদুশ্রেষ্ঠো গেহে গেহে বিহারবান্।
জগাম চ হৃষীকেশো রুক্মিণ্যাঃ সদনং পুনঃ॥ 2-59-17 (13701)
এষ তাত মহাবাহো বিজয়ঃ শার্ঙ্গধন্বনঃ।
এতদর্থং চ জন্মাহুর্মানুষেষু মহাত্মনঃ॥ ॥ 2-59-18 (13702)
ইতি শ্রীমন্মহাভারতে সভাপর্বণি অর্ঘাহরণপর্বণি একোনষষ্টিতমোঽধ্যায়ঃ॥ 59 ॥
সভাপর্ব - অধ্যায় 060
॥ শ্রীঃ ॥
2.60. অধ্যায়ঃ 060
Mahabharata - Sabha Parva - Chapter Topics
শর্ববরগর্বিতেন বাণাসুরেণ স্বতনয়যা উষয়া সহ গূঢং রমমাণস্য অনিরুদ্ঘস্য কারা গৃহপ্রাষণম্॥1॥ নারদাদ্বিদিতপৌত্রবৃত্তেন কৃষ্ণেন সরামপ্রদ্যুম্নেন বাণং নির্জিত্য উষয়া সহ অনিরুদ্ঘানয়নম্॥ 2॥Mahabharata - Sabha Parva - Chapter Text
ভীষ্ম উবাচ॥
দ্বারকায়াং ততঃ কৃষ্ণঃ স্বদারেষু দিবানিশম্।
সুখং লব্ধ্বা মহারাজ প্রমুমোদ মহায়শাঃ॥ 2-60-1 (13703)
পৌত্রস্য কারণাচ্চক্রে বিবুধানাং প্রিয়ং তদা।
সাবসবৈঃ সুরৈঃ সর্বৈর্দুষ্করং ভরতর্ষভ॥ 2-60-2 (13704)
বাণো নামাঽভবদ্রাজা বলের্জ্যেষ্ঠসুতো বলী।
বীর্যবান্ভরতশ্রেষ্ঠ স চ বাহুসহস্রবান্॥ 2-60-3 (13705)
ততস্তেপে তপস্তীব্রং সৎবেন মনসা নৃপ।
রুদ্রমারাধয়ামাস স চ বাণঃ সমা বহু॥ 2-60-4 (13706)
তস্মৈ বহুবরা দত্তাঃ শঙ্করেণ মহাত্মনা।
তাংশ্চ লব্ধ্বা বরান্বাণো দুর্লভানসুরৈর্ভুবি॥ 2-60-5 (13707)
স শোণিতপুরে রাজ্যং চকারাপ্রতিমো বলী।
ত্রাসিতাশ্চ সুরাঃ সর্বে তেন বাণেন পাণ্ডব॥ 2-60-6 (13708)
বিজিত্য বিবুধান্সেন্দ্রান্বাণঃ সংবৎসরান্বহূন্।
অশাসত মহদ্রাজ্যং কুবের ইব ভারত॥ 2-60-7 (13709)
ততো রাজন্নুষা নাম বাণস্য দুহিতা যথা।
যেনোপায়েন কৌন্তেয় অনিরুদ্ধো মহাদ্যুতিঃ॥ 2-60-8 (13710)
প্রাদ্যুম্নিস্তামুষাং প্রাপ্য প্রচ্ছন্নঃ প্রমুমোদ হ।
অথ বাণো মহাতেজাস্তদা তত্র যুধিষ্ঠির ॥ 2-60-9 (13711)
তং গৃহ্যনিলয়ং জ্ঞাৎবা প্রাদ্যুম্নিং সুতয়া তদা।
গৃহীৎবা কারয়ামাস বস্তুং কারাগৃহে বলাৎ॥ 2-60-10 (13712)
স কুমারঃ সুখার্হোঽথ তদা দুঃখসমন্বিতঃ।
বামেন ঘাতিতো রাজন্ননিরুদ্ধো মুমোহ চ॥ 2-60-11 (13713)
এতস্মিন্নেব কালে তু নারদো মুনিপুঙ্গবঃ।
দ্বারকাং প্রাপ্য কৌন্তেয় কৃষ্ণং দৃষ্ট্বা বচোঽব্রবীৎ॥ 2-60-12 (13714)
কৃষ্ণ কৃষ্ণ মহাবাহো যদূনাং কীর্তিবর্ধন।
পৌত্রস্তে বাধ্যমানোঽত্র বাণেনামিততেজসা॥ 2-60-13 (13715)
কৃচ্ছ্রং প্রাপ্তোঽনিরুদ্ধো বৈ শেতে কারাগৃহে সদা।
এতদুক্ৎবা সুরর্ষির্বৈ বাণস্যাথ পুরং যয়ৌ॥ 2-60-14 (13716)
নারদস্য বচঃ শ্রুৎবা ততো রাজঞ্জনার্দনঃ।
জাহূয় বলদেবং হি প্রদ্যুম্নং চ মহাদ্যুতিম্॥ 2-60-15 (13717)
আরুরোহ গরুত্মন্তং তাভ্যাং সহ জনার্দনঃ।
ততঃ সুপর্ণমারুহ্য জয়ায় ভরতর্ষভ॥ 2-60-16 (13718)
জগ্মুঃ ক্রুধা মহাবীর্যা বাণস্য নগরং প্রতি।
অথাসাদ্য মহারাজ তৎপুরং দদৃশুশ্চ তে॥ 2-60-17 (13719)
তাম্রপ্রাকারসঙ্গুপ্তাং হেমপ্রাসাদসঙ্কুলাম্।
দৃষ্ট্বা মুদা যুতাঃ সর্বে বিস্ময়ং পরমং যয়ুঃ॥ 2-60-18 (13720)
তথা বাণপুরস্যাসন্দ্বারস্থা দেবতাঃ সদা।
মহেশ্বরো গুহশ্চৈব ভদ্রকালী বিনায়কঃ॥ 2-60-19 (13721)
অথ কৃষ্ণো বলাজ্জিৎবা দ্বারপালান্যুধিষ্ঠির।
সুসঙ্ক্রুদ্ধো মহাতেজাঃ শঙ্খচক্রগদাসিভৃৎ॥ 2-60-20 (13722)
আসসাদোত্তরদ্বারং শঙ্করেণাভিরক্ষিতম্।
তত্র তস্থৌ মহাতেজাঃ শূলপাণির্মহেশ্বরঃ॥ 2-60-21 (13723)
পিনাকং সশরং গৃহ্য বাণস্য হিতকাম্যযা।
জ্ঞাৎবা তমাগতং কৃষ্ণং ব্যাদিতাস্যমিবান্তকম্॥ 2-60-22 (13724)
ততস্তৌ চক্রতুর্যুদ্ধং বাসুদেবমহেশ্বরৌ।
তদ্যুদ্ধমভবদ্ঘোরমচিন্ত্যং রোমহর্ষণম্॥ 2-60-23 (13725)
অন্যোন্যং তৌ ততক্ষাতে অন্যোন্যজয়কাঙ্ক্ষিণৌ।
দিব্যান্যস্ত্রাণি তৌ দেবৌ ক্রুদ্ধৌ মুমুচতুস্তদা॥ 2-60-24 (13726)
ততঃ কৃষ্ণো রণং কৃৎবা মুহূর্তং শূলপাণিনা।
বিজিত্য তং মহাদেবং ততো যুদ্ধে শূলপাণিনা।
অন্যাংশ্চ জিৎবা দ্বারস্থান্প্রবিবেশ পুরোত্তমম্॥ 2-60-25 (13727)
প্রবিশ্য বাণমাসাদ্য স তত্রাথ জনার্দনঃ।
চক্রে যুদ্ধং মহাক্রুদ্ধস্তেন বাণেন ভরতর্ষভ। 2-60-26 (13728)
বাণোঽপি সর্বশস্ত্রাণি শিতানি ভরতর্ষভ।
সুসঙ্ক্রুদ্ধস্তদা যুদ্ধে পাতয়ামাস কেশবে॥ 2-60-27 (13729)
পুনরুদ্যম্য শস্ত্রাণি সহস্রং সর্ববাহুভিঃ।
মুমোচ বাণঃ সঙ্ক্রুদ্ধঃ কৃষ্ণং প্রতি রণাজিরে॥ 2-60-28 (13730)
ততঃ কৃষ্ণস্তদা কৃত্ৎবা তানি সর্বাণি ভারত।
কৃত্ৎবা মুহূর্তং বাণেন যুদ্ধং রাজন্নগোক্ষজঃ॥ 2-60-29 (13731)
চক্রমুদ্যম্য রোষাদ্বৈ দিব্যং শস্ত্রোত্তমং ততঃ।
সহস্রবাহূংশ্চিচ্ছেদ বাণস্যামিততেজসঃ॥ 2-60-30 (13732)
ততো বাণো মহারাজ কৃষ্ণেন ভৃশপীডিতঃ।
ভিন্নবাহুঃ পপাতাশু বিশাখ ইব পাদপঃ॥ 2-60-31 (13733)
স পাতয়িৎবা বাণৈস্তং বাণং কৃষ্ণস্ৎবরান্বিতঃ।
প্রাদ্যুম্নিং মোচয়ামাস ক্ষিপ্রং রাজগৃহাত্তদা॥ 2-60-32 (13734)
মোক্ষয়িৎবাঽথ গোবিন্দঃ প্রাদ্যুম্নিং সহ ভার্যযা।
বাণস্য সর্বরত্নানি অসঙ্খ্যানি জহার সঃ॥ 2-60-33 (13735)
গোধনানি চ সর্বস্বং স বাণস্যালয়ে বলাৎ।
জহার চ হৃষীকেশো যদূনাং কুলবর্ধনঃ॥ 2-60-34 (13736)
ততঃ স সর্বরত্নানি চাহৃত্য মধুসূদনঃ।
ক্ষিপ্রমারোপয়াঞ্চক্রে সর্বস্বং গরুডোপরি॥ 2-60-35 (13737)
ৎবরয়াঽথ স কৌন্তেয় বলদেবং মহাবলম্।
প্রাদুম্নিং চ মহাবীর্যমনিরুদ্ধং মহাদ্যুতিম্॥ 2-60-36 (13738)
উষাং চ সুন্দরীং রাজন্ভৃত্যদারগণৈঃ সহ।
সর্বানেতান্সমারোপ্য গরুডোপরি বীর্যবান্॥ 2-60-37 (13739)
মুদা যুক্তো মহাতেজাঃ পীতাম্বরধরো বলী।
দিব্যাভরমচিত্রাঙ্গঃ শঙ্কচক্রগদাসিভৃৎ। 2-60-38ca আরুরোহ গরুত্মন্তমুদয়ং ভাস্করো যথা॥ ॥ 2-60-38 (13740)
ইতি শ্রীমন্মহাভারতে সভাপর্বণি অর্ঘাহরণপর্বণি ষষ্টিতমোঽধ্যায়ঃ॥ 60॥
সভাপর্ব - অধ্যায় 061
॥ শ্রীঃ ॥
2.61. অধ্যায়ঃ 061
Mahabharata - Sabha Parva - Chapter Topics
ভীষ্মেণ নরকবাণাসুরপ্রমুখদুষ্টনিগ্রহাদিরূপাতীতানাগতকৃষ্ণচরিত্রনিরূপণম্॥ 1॥।Mahabharata - Sabha Parva - Chapter Text
ভীষ্ণ উবাচ॥
সূদিতা দ্বারপালাশ্চ নিশুম্ভনরকৌ হতৌ।
কৃতক্ষেমঃ পুনঃ পন্থাঃ পুরং প্রাগ্জ্যোতিষং প্রতি॥ 2-61-1 (13741)
শৌরিণা পৃথিবীপালাস্ত্রাসিতা ভরতর্ষভ।
ধনুষশ্চ প্রণাদেন পাঞ্চজন্যস্বনেন চ॥ 2-61-2 (13742)
মেঘপ্রখ্যৈরনেকৈশ্চ দাক্ষিণাত্যাভিসংবৃতম্।
রুক্মিণং ত্রাসয়ামাস কেশবো ভরতর্ষভ॥ 2-61-3 (13743)
ততঃ পর্জন্যঘোষেণ রথেনাদিত্যবর্চসা।
উবাহ মহিষীং ভোজ্যামেষ চক্রগদাধরঃ॥ 2-61-4 (13744)
জারূথ্য আহৃতক্রোধঃ শিশুপালশ্চ নির্জিতঃ।
বক্রশ্চ স হতঃ সঙ্খ্যে শতধন্বা চ ক্ষত্রিয়ঃ॥ 2-61-5 (13745)
ইন্দ্রদ্যুম্নো হতঃ কোপাদ্যবনশ্চ কশেরুকঃ।
হতঃ সৌভপতিশ্চৈব সাল্বশ্চ কৃতধন্বনা॥ 2-61-6 (13746)
পর্বতানাং সহস্রং চ চক্রেণ পুরুষোত্তমঃ।
বিভজ্য পুণ্ডরীকাক্ষো দ্যুমৎসেনমপোথয়ৎ॥ 2-61-7 (13747)
মহেন্দ্রশিখরে চৈব নিমেষান্তরচারিণৌ।
জগ্রাহ ভরতশ্রেষ্ঠ বানরাবভিতশ্চরৌ॥ 2-61-8 (13748)
ইরাবত্যাং মহাভোজো বহ্নিসূর্যসমো বলে।
গোপতিস্তালকেতুশ্চ নিহতৌ শার্ঙ্গধন্বনা॥ 2-61-9 (13749)
অক্ষপ্রপত্তনে রাজন্নবহেলনতৎপরৌ।
উভৌ তাবপি কৃষ্ণেন স্বরাষ্ট্রে বিনিপাতিতৌ॥ 2-61-10 (13750)
দগ্ধা বারাণসী তাত কেশবেন মহাত্মনা।
পাণ্ড্যং পৌণ্ড্রং চ মাৎস্যং চ কলিঙ্গং চ জনার্দনঃ॥ 2-61-11 (13751)
জঘান সহিতান্সর্বানঙ্গরাজং চ মাধবঃ॥ 2-61-12 (13752)
এষ চৈব শতং হৎবা রথেন ক্ষত্রপুঙ্গবান্।
গান্ধারীমবহৎকৃষ্ণো মহিষীং যাদবর্ষভঃ॥ 2-61-13 (13753)
অথ গাণ্ডীবধন্বানং ক্রীডার্থং মধুসূদনঃ।
জিগায় ভরতশ্রেষ্ঠ কুন্ত্যাশ্চ প্রমুখে বিভুঃ॥ 2-61-14 (13754)
দ্রৌণিং কৃপং চ কর্ণং চ ভীমসেনং সুয়োধনম্।
যুদ্ধায় সহিতান্ত্রাজঞ্জিগায় ভরতর্ষভ॥ 2-61-15 (13755)
বভ্রোশ্চ প্রিয়মন্বিচ্ছন্নেষ চক্রগদাধরঃ।
বেণুদারিবৃতাং ভার্যাং প্রমমাথ যুধিষ্ঠির॥ 2-61-16 (13756)
পর্যাপ্তাং পৃথিবীং সর্বাং সাশ্বাং সরথকুঞ্জরাম্।
বেণুদারিবশে যুক্তাং জিগায় মধুসূদনঃ॥ 2-61-17 (13757)
অবাপ্য তপসা বীর্যং বলমোজশ্চ ভারত।
ত্রাসিতাঃ সগণাঃ সর্বে বাণেন বিবুধাধিপাঃ॥ 2-61-18 (13758)
বজ্রাশনিগদাবামৈস্তাডয়দ্ভিরনেকশঃ।
তস্য নাসীদ্রণে মৃত্যুর্দেবৈরপি সবাসবৈঃ॥ 2-61-19 (13759)
সোঽভিভূতশ্চ কৃষ্ণেন ন হতশ্চ মগাত্মনা।
ছিৎবা বাহুসহস্রং তু গোবিন্দেন মহাত্মনা॥ 2-61-20 (13760)
এষোঽপীডন্মহাবাহুঃ কংসং চ মধুসূদনঃ।
অবাপ্তং তপসা বীর্যং বলমোজশ্চ ভারত।
কৈটভং চাতিলোমানি নিজঘান জনার্দনঃ॥ 2-61-21 (13761)
জম্বুমৈরাবতং চৈব বিরূপং চ মহায়শাঃ। 2-61-22bজঘান ভরতশ্রেষ্ঠ শম্বরং চারিমর্দনম্॥ 2-61-22 (13762)
এষ ভোগবতীং গৎবা বাসুকিং ভরতর্ষভ।
নির্জিত্য পুণ্ডরীকাক্ষো রৌক্মিণেয়মমোচয়ৎ॥ 2-61-23 (13763)
এবং বহূনি কর্মাণি শিশুরেব জনার্দনঃ।
কৃতবান্পুণ্ডরীকাক্ষঃ সঙ্কর্ষণসহায়বান্॥ 2-61-24 (13764)
এবমেষোঽসুরাণাং চসুরাণামপি সর্বশঃ।
ভয়াময়করঃ কৃষ্ণঃ সর্বলোকেশ্বরঃ প্রভুঃ॥ 2-61-25 (13765)
এবমেব মহাবাহুঃ শাস্তা সর্বদুরাত্মনাম্।
কৃৎবা দেবার্থমমিতং স্বস্থানং প্রাপ্স্যতে পুনঃ॥ 2-61-26 (13766)
এষ ভোগবতীং পুণ্যাং রবিকান্তিং মহায়শাঃ।
দ্বারকামাত্মসাৎকৃৎবা সাগরং প্লাবয়িষ্যতি॥ 2-61-27 (13767)
সুরাসুরমনুষ্যেষু নাভূন্ন ভবিতা ক্বচিৎ।
যস্তামধ্যবসদ্রাজা নান্যত্র মধুসূদনাৎ॥ 2-61-28 (13768)
ভ্রাজমানাস্তু বৈ সর্বে বৃষ্ণ্যন্ধকমহারথাঃ।
তেজিষ্ঠং প্রতিপৎস্যন্তে নাকপৃষ্টং গতাসবঃ॥ 2-61-29 (13769)
এবমেব দশার্হাণাং বিধায় বিধিনা বিধিম্।
বিষ্ণুর্নারায়ণঃ সাক্ষাৎস্বস্থানং প্রাপ্স্যতে ধ্রুবম্॥ 2-61-30 (13770)
অপ্রমেয়োঽনিয়োজ্যশ্চ যত্র কামগমো বশী। 2-61-32ab মোদতে ভগবান্প্রীতো বালঃ ক্রীডানকৈরিব॥ 2-61-31 (13771)
নৈষ গর্ভৎবমাপেদে ন যোন্যামাবসৎপ্রভুঃ।
আত্মনস্তেজসা কৃষ্ণঃ সর্বেষাং কুরুতে গতিম্॥ 2-61-32 (13772)
যথা বুদ্বুদ উত্থায় তত্রৈব প্রবিলীয়তে।
চরাচরাণি ভূতানি তথা নারায়ণে সদা॥ 2-61-33 (13773)
ন প্রমাতুং মহাবাহুঃ শক্যো ভারত কেশবঃ।
পরং হি পরতস্তস্মাদ্বিশ্বরূপান্ন বিদ্যতে॥ ॥ 2-61-34 (13774)
ইতি শ্রীমন্মহাভারতে সভাপর্বণি অর্ঘাহরণপর্বণি একষষ্টিতমোঽধ্যায়ঃ॥ 61॥
সভাপর্ব - অধ্যায় 062
॥ শ্রীঃ ॥
2.62. অধ্যায়ঃ 062
Mahabharata - Sabha Parva - Chapter Topics
ভীষ্মবাক্যোপরমে সহদেবেন কৃষ্ণপূজাবিরুদ্ধভাষিণো বধে প্রতিজ্ঞাতে রাজ্ঞাং ত ূষ্ণীম্ভাবঃ॥ 1॥ সহদেবমূর্ধ্নি পুষ্পবৃষ্টিঃ। অশরীরবাণীচ॥ 2॥ নাদরদেন কৃষ্ণানর্চকস্য নিন্দনম্॥ 3॥ সহদেবেন সভ্যষূজনপূর্বকং কর্মসমাপনম্॥ 4॥ শিশুপালেন যজ্ঞবিঘাতায় রাজ্ঞাং প্রোৎসাহনম্॥ 5॥Mahabharata - Sabha Parva - Chapter Text
বৈশম্পায়ন উবাচ॥
এবমুক্ৎবা ততো ভীষ্ণো বিররাম মহাবলঃ।
ব্যাজহারোত্তরং তত্র সহদেবোঽর্থবদ্বচঃ॥ 2-62-1 (13775)
কেশবং কেশিহন্তারমপ্রমেয়পরাক্রমম্।
পূজ্যমানং ময়া যো বঃ কৃষ্ণং ন সহতে নৃপাঃ॥ 2-62-2 (13776)
সর্বেষাং বলিনাং মূর্ধ্নি ময়েদং নিহিতং পদম্।
এবমুক্তে ময়া সম্যগুত্তরং প্রব্রবীতু সঃ॥ 2-62-3 (13777)
স এব হি ময়া বধ্যো ভবিষ্যতি ন সংশয়ঃ।
মতিমন্তশ্চ যে কেচিদাচার্যং পিতরং গুরুম্॥ 2-62-4 (13778)
অর্চ্যমর্চিতমর্ঘার্হমনুজানন্তু তে নৃপাঃ।
ততো ন ব্যাজহারৈষাং কশ্চিদ্বুদ্ধিমতাং সতাম্॥ 2-62-5 (13779)
মানিনাং বলিনাং রাজ্ঞাং মধ্যে বৈ দর্শিতে পদে।
ততোঽপতৎপুষ্পবৃষ্টিঃ সহদেবস্য মূর্ধনি॥ 2-62-6 (13780)
অদৃশ্যরূপা বাচশ্চাপ্যব্রুবন্সাধুসাধ্বিতি।
অবিধ্যদজিনং কৃষ্ণং ভবিষ্যদ্ভূতজল্পনঃ॥ 2-62-7 (13781)
সর্বসংশয়নির্মোক্তা নারদঃ সর্বলোকবিৎ।
উবাচাখিলভূতানাং মধ্যে স্পষ্টতরং বচঃ॥ 2-62-8 (13782)
কৃষ্ণং কমলপত্রাক্ষং নার্চয়িষ্যন্তি যে নরাঃ।
জীবন্মৃতাস্তু তে জ্ঞেয়া ন সভাষ্যাঃ কদাচনা॥ 2-62-9 (13783)
বৈশম্পায়ন উবাচ। 2-62-10x (1484)
পূজয়িৎবা চ পূজার্হান্ব্রহ্মক্ষত্রবিশেষবিৎ।
সহদেবো নৃণাং দেবঃ সমাপয়ত কর্ম তৎ॥ 2-62-10 (13784)
তস্মিন্নভ্যর্চিতে কৃষ্ণে সুনীথঃ শত্রুকর্ষণঃ।
অতিতাম্রেক্ষণঃ কোপাদুবাচ মনুজাধিপান্॥ 2-62-11 (13785)
স্থিতঃ সেনাপতির্যোঽহং মন্বধ্বং কিং তু সাম্প্রতম্।
যুধি তিষ্ঠাম সন্নহ্য সমেতান্বৃষ্ণিপাণ্ডবান্॥ 2-62-12 (13786)
ইতি সর্বান্সমুৎসাদ্য রাজ্ঞস্তাংশঅচেদিপুঙ্গবঃ।
যজ্ঞোপঘাতায় ততঃ সোঽমন্ত্রতয় রাজভিঃ॥ 2-62-13 (13787)
তত্রাহূতাগতাঃ সর্বে সুনীথপ্রমুখা গণাঃ.
সমদৃশ্যন্ত সঙ্ক্রুদ্ধা বিবর্ণবদনাস্তথা॥ 2-62-14 (13788)
যুধিষ্ঠিরাভিষেকং চ বাসুদেবস্য চার্হণম্।
ন স্যাদ্যথা তথা কার্যমেবং সর্বে তদাঽব্রুবন্॥ 2-62-15 (13789)
নিষ্কর্ষান্নিশ্চয়াৎসর্বে রাজানঃ ক্রোধমূর্ছিতাঃ।
অব্রুবংস্তত্র রাজানো নির্বেদাদাত্মনিশ্চয়াৎ॥ 2-62-16 (13790)
সুহৃদ্ভির্বার্যমাণানাং তেষাং হি বপুরাবভৌ।
আমিষাদপকৃষ্টানাং সিহানামিব গর্জতাম্॥ 2-62-17 (13791)
তং বলৌঘমপর্যন্তং রাজসাগারমক্ষয়ম্।
কুর্বাণং সময়ং কৃষ্ণো যুদ্ধায় বুবুধে তদা॥ ॥ 2-62-18 (13792)
ইতি শ্রীমন্মহাভারতে সভাপর্বণি অর্ঘাহরণপর্বণি দ্বিষষ্টিতমোঽধ্যায়ঃ॥ 62॥
সভাপর্ব - অধ্যায় 063
॥ শ্রীঃ ॥
2.63. অধ্যায়ঃ 063
Mahabharata - Sabha Parva - Chapter Topics
রাজ্ঞাং রণোদ্যমাদ্বিভ্যতো যুধিষ্ঠিরস্য ভীষ্ণেণ সমাশ্বাসনম্॥ 1॥Mahabharata - Sabha Parva - Chapter Text
বৈশম্পায়ন উবাচ॥
ততঃ সাগরসঙ্কাশং দৃষ্ট্বা নৃপতিমণ্ডলম্।
সংবর্তবাতাভিহতং ভীমং ক্ষুব্ধমিবার্ণবম্। 2-63-1 (13793)
রোষাৎপ্রচলিতং সর্বমিদমাহ যুধিষ্ঠিরঃ।
ভীষ্মং মতিমতাং মুখ্যং বৃদ্ধং কুরুপিতামহম্।
বৃহস্পতিং বৃহত্তেজাঃ পুরুহূত ইবারিহা। 2-63-2 (13794)
অসৌ রোষাৎপ্রচলিতো মহান্নৃপতিসাগরঃ।
অত্র যৎপ্রতিপত্তব্যং তন্মে ব্রূহি পিতামহ॥ 2-63-3 (13795)
যজ্ঞস্য চ ন বিঘ্নঃ স্যাৎপ্রজানাং চ হিতং ভবেৎ।
যথা সর্বত্র তৎসর্বং ব্রূহি মেঽদ্য পিতামহ॥ 2-63-4 (13796)
ইত্যুক্তবতি ধর্মজ্ঞে ধর্মরাজে যুধিষ্ঠিরে।
উবাচেদং বচো ভীষ্মস্ততঃ কুরুপিতামহঃ॥ 2-63-5 (13797)
মা ভৈস্ৎবং কুরুশার্দূল শ্বা সিংহং হন্তুমর্হতি।
শিবঃ পন্থাঃ সুনীতোঽত্র ময়া পূর্বতরং বৃতঃ॥ 2-63-6 (13798)
প্রসুপ্তে হি যথা সিংহে শ্বানস্তাত সমাগতাঃ।
ভষেয়ুঃ সহিতাঃ সর্বে তথেমে বসুধাধিপাঃ॥ 2-63-7 (13799)
বৃষ্ণিসিংহস্য সুপ্তস্য তথাঽমী প্রমুকে স্থিতাঃ।
ভষন্তে তাত সঙ্ক্রুদ্ধাঃ শ্বানঃ সিংহস্য সন্নিধৌ॥ 2-63-8 (13800)
ন হি সম্বুধ্যতে যাবৎসুপ্তঃ সিংহ ইবাচ্যুতঃ।
` তদিদং জ্ঞাতপূর্বং হি তব সংস্তোতুমিচ্ছসি'।
তেন সিংহীকরোত্যেতানসিংহশ্চেদিপুঙ্গবঃ॥ 2-63-9 (13801)
পার্থিবান্পার্থিবশ্রেষ্ঠ শিশুপালোঽল্পচেতনঃ।
সর্বান্সর্বাত্মনা তাত নেতুকামো যমক্ষয়ম্॥ 2-63-10 (13802)
নূনমেতৎসমাদাতুং পুনরিচ্ছত্যধোক্ষজঃ।
যদস্য শিশুপালস্য তেজস্তিষ্ঠতি ভারত॥ 2-63-11 (13803)
বিপ্লুতা চাস্য ভদ্রং তে বুদ্ধির্বুদ্ধিমতাং বর।
চেদিরাজস্য কৌন্তেয় সর্বেষাং চ মহীক্ষিতম্॥ 2-63-12 (13804)
আদাতুং চ নরব্যাঘ্রো যং যমিচ্ছত্যযং তদা।
তস্য বিপ্লবতে বুদ্ধিরেবং চেদিপতের্যথা॥ 2-63-13 (13805)
চতুর্বিধানাং ভূতানাং ত্রিষু লোকেষু মাধবঃ।
প্রভবশ্চৈব সর্বেষাং নিধনং চ যুধিষ্ঠির॥ 2-63-14 (13806)
বৈশম্পায়ন উবাচ। 2-63-15x (1485)
ইতি তস্য বচঃ শ্রুৎবা ততশ্চেদিপতির্নৃপঃ।
ভীষ্মং রূক্ষাক্ষরা বাচঃ শ্রাবয়ামাস ভারত॥ ॥ 2-63-15 (13807)
ইতি শ্রীমন্মহাভারতে সভাপর্বণি শিশুপালবধপর্বণি ত্রিষষ্টিতমোঽধ্যায়ঃ॥ 63॥
Mahabharata - Sabha Parva - Chapter Footnotes
2-63-7 ভষণং শ্বরবঃ॥সভাপর্ব - অধ্যায় 064
॥ শ্রীঃ ॥
2.64. অধ্যায়ঃ 064
Mahabharata - Sabha Parva - Chapter Topics
শিশুপালেন ভীষ্মস্তৃতকৃষ্ণচরিত্রাপহসনপূর্বকং ভীষ্মোপালম্ভনম্॥Mahabharata - Sabha Parva - Chapter Text
শিশুপাল উবাচ।
বিভীষিকাভির্বহ্বীভির্ভীষয়ন্ভীষ্ম পার্থিবান্।
ন ব্যপত্রপসে কস্মাদ্বৃদ্ধঃ সন্কুলপাংসনঃ॥ 2-64-1 (13808)
যুক্তমেতত্তৃতীয়ায়াং প্রকৃতৌ বর্ততা ৎবয়া।
বক্তুং ধর্মাদপেতার্থং ৎবং হি সর্বকুরূত্তমঃ॥ 2-64-2 (13809)
নাবি নৌরিব সম্বদ্ধা যথান্ধো বান্ধমন্বিয়াৎ।
তথাভূতা হি কৌরব্যা যেষাং ভীষ্ম ৎবমগ্রণীঃ॥ 2-64-3 (13810)
পূতনাঘাতপূর্বাণি কর্মাণ্যস্য বিশেষতঃ।
ৎবয়া কীর্তয়তাঽস্মাকং ভূয়ঃ প্রব্যথিতং মনঃ॥ 2-64-4 (13811)
অবলিপ্তস্য মূর্শস্য কেশবং স্তোতুমিচ্ছতঃ।
কথং ভীষ্ম ন তে জিহ্বা শতধেয়ং বিদীর্যতে॥ 2-64-5 (13812)
যত্র কুৎসা প্রয়োক্তব্যা ভীষ্ম বালতরৈর্নরৈঃ।
তমিমং জ্ঞানবৃদ্ধঃ সন্গোপং সংস্তোতুমিচ্ছসি॥ 2-64-6 (13813)
যদ্যনেন হতা বাল্যে শকুনিশ্চিত্রমত্র কিম্।
তৌ বাঽশ্ববৃষভৌ ভীষ্ণ যৌ ন যুদ্ধবিশারদৌ॥ 2-64-7 (13814)
চেতনারহিতং কাষ্ঠং যদ্যনেন নিপাতিতম্।
পাদেন শকটং ভীষ্ণ তত্র কিং কৃতমদ্ভুতম্॥ 2-64-8 (13815)
`অর্কপ্রমাণৌ তৌ বৃক্ষৌ যদ্যনেন নিপাতিতৌ। '
নাগশ্চ দমিতোঽনেন তত্র কো বিস্ময়ঃ কৃতঃ'॥ 2-64-9 (13816)
বল্মীকমাত্রঃ সপ্তাহং যদ্যনেন ধৃতোঽচলঃ।
তদা গোবর্ধনো ভীষ্ম ন তচ্চিত্রং মতং মম॥ 2-64-10 (13817)
ভুক্তমেতেন বহ্বন্নং ক্রীডতা নগমূর্ধনি।
ইতি তে ভীষ্ণ শৃণ্বানাঃ পরে বিস্ময়মাগতাঃ॥ 2-64-11 (13818)
যস্য চানেন ধর্মজ্ঞ ভুক্তমন্নং বলীয়সঃ।
স চানেন হতঃ কংস ইত্যেতত্তু বলীয়সঃ। 2-64-12 (13819)
স চানেন হতঃ কংস ইত্যেতত্তু মহাদ্ভুতম্॥
ন তে শ্রুতমিদং ভীষ্ম নূনং কথয়তাং সতাম্। 2-64-13 (13820)
যদ্বক্ষ্যে ৎবামধর্মজ্ঞং বাক্যং কুরুকুলাধম॥
স্ত্রীষু গোষু ন শস্ত্রাণি পাতয়েদ্ব্রাহ্মণেষু চ। 2-64-14 (13821)
ইতি সন্তোঽনুশাসন্তি সঞ্জনা ধর্মিণঃ সদা।
ভীষ্ম লোকে হি তৎসর্বং বিতথং ৎবয়ি দৃশ্যতে॥ 2-64-15 (13822)
জ্ঞানবৃদ্ধং চ বৃদ্ধং চ ভূয়াংসং কেশবং মম।
অজানত ইবাখ্যাসি সংস্তুবন্কৌরবাধম॥ 2-64-16 (13823)
গোঘ্রঃ স্ত্রীঘ্নশ্চ সন্ভীষ্ম ৎবদ্বাক্যাদ্যদি পূজ্যতে।
এবম্ভূতশ্চ যো ভীষ্ম কথং সংস্তবমর্হতি॥ 2-64-17 (13824)
অসৌ মতিমতাং শ্রেষ্ঠো য এষ জগতঃ প্রভুঃ।
সম্ভাবয়তি চাপ্যেবং ৎবদ্বাক্যাচ্চ জনার্দনঃ।
এবমেতৎসর্বমিতি তৎসর্বং বিতথং ধ্রুবম্॥ 2-64-18 (13825)
আত্মানমাত্মনাঽঽধাতুং যদি শক্তো জনার্দনঃ।
অকাময়ন্তং তং ভীষ্ম কথং সাধ্বিব পশ্যসি॥ 2-64-19 (13826)
ন গাথা গাথিনং শাস্তি বহুচেদপি গায়তি।
প্রকৃতিং যান্তি ভূতানি কুলিঙ্গশকুনির্যথা॥ 2-64-20 (13827)
নূনং প্রকৃতিরেষা তে জঘন্যা নাত্র সংশয়টঃ।
`নদীসুতৎবাত্তে চিত্তং চঞ্চলং ন স্থিরং স্মৃতম্' ॥ 2-64-21 (13828)
অতঃ পাপীয়সী চৈষাং পাণ্ডবানামপীষ্যতে।
যেষামর্চ্যতমঃ কৃষ্ণস্ৎবং চ যেষাং প্রদর্শকঃ॥ 2-64-22 (13829)
ধর্মবাংস্ৎবমধর্মজ্ঞঃ সতাং মার্গাদবপ্লুতঃ।
কো হি ধর্মিণমাত্মানং জানঞ্জ্ঞানবিদাং বরঃ॥ 2-64-23 (13830)
কুর্যাদ্যথা ৎবয়া ভীষম কৃতং ধর্মমবেক্ষতা।
চেত্ৎবং ধর্মং বিজানাসি যদি প্রাজ্ঞা মতিস্তব॥ 2-64-24 (13831)
অন্যকামা হি ধর্মজ্ঞা কন্যকা প্রাজ্ঞমানিনা।
অম্বা নামেতি ভদ্রং তে কথং সাঽপহৃতা ৎবয়া॥ 2-64-25 (13832)
তাং ৎবয়াঽপহৃতাং ভীষ্ম কন্যাং নৈষিতবান্নৃপঃ।
ভ্রাতা বিচিত্রবীর্যস্তে সতাং মার্গমনুস্মরন্॥ 2-64-26 (13833)
ভার্যযোর্যস্য চান্যেন মিষতঃ প্রাজ্ঞমানিনঃ।
তব জাতান্যপত্যানি সজ্জনাচরিতে পথি॥ 2-64-27 (13834)
কো হি ধর্মোঽস্তি তে ভীষম ব্রহ্মচর্যমিদং বৃথা।
যদ্ধারয়সি মোহাদ্বা ক্লীবৎবাদ্বা ন সংশয়ঃ॥ 2-64-28 (13835)
ন ৎবং তব ধর্মজ্ঞ পশ্যাম্যুপচরং ক্বচিৎ।
ন হি তে সেবিতা বৃদ্ধা য এবং ধর্মমব্রবীঃ॥ 2-64-29 (13836)
ইষ্টং দত্তমধীতং চ যজ্ঞাশ্চ বহুদক্ষিণাঃ।
সর্বমেতদপত্যস্য কলাং নার্হন্তি ষোডশীম্॥ 2-64-30 (13837)
ব্রতোপবাসৈর্বহুভিঃ কৃতং ভবতি ভীষ্ম যৎ।
সর্বং তদনপত্যস্য মোঘং ভবতি নিশ্চয়াৎ॥ 2-64-31 (13838)
সোঽনপত্যশ্চ বৃদ্ধশ্চ মিথ্যাধর্মানুশাসনাৎ।
হংসবত্ৎবমপীদানীং জ্ঞাতিভ্যঃ প্রাপ্নুয়া বধম্॥ 2-64-32 (13839)
এবং হি কথয়ন্ত্যন্যে নরা জ্ঞানবিদঃ পুরা।
ভীষ্ম যত্তদহং সম্যগ্বক্ষ্যামি তব শৃণ্বতঃ॥ 2-64-33 (13840)
বৃদ্ধঃ কিল সমুদ্রান্তে কশ্চিদ্ধংসোঽভবৎপুরা।
ধর্মবাগন্যথাবৃত্তঃ পক্ষিণঃ সোঽনুশাস্তি চ॥ 2-64-34 (13841)
ধর্ম চরত মাঽধর্মমিতি তস্য বচঃ কিল।
পক্ষিণঃ শুশ্রুবুর্ভীষ্ম সততং ধর্মবাদিনঃ॥ 2-64-35 (13842)
হংসস্য তু বচঃ শ্রুৎবা মুদিতাঃ সর্বপক্ষিণঃ।
ঊচুশ্চৈব স্বগা হংসং পরিবার্য চ সর্বশঃ॥ 2-64-36 (13843)
কথয়স্ব ভবান্সর্বং পক্ষিণাং তু সমাসতঃ।
কো হি নাম দ্বিজশ্রেষ্ঠ ব্রূহি নো ধর্ম উত্তমঃ॥ 2-64-37 (13844)
হংস উবাচ॥ 2-64-38x (1486)
প্রজাস্বহিংসা ধর্মো বৈ হিংসাঽধর্মঃ খগব্রজাঃ।
এতদেবানুবোদ্ধব্যং ধর্মাধর্মঃ সমাসতঃ॥ 2-64-38 (13845)
শিশুপাল উবাচ॥ 2-64-39x (1487)
বৃদ্ধহংসবচঃ শ্রুৎবা পক্ষিণস্তে সুসংহিতাঃ।
ঊচুশ্চ ধর্মলুব্ধাস্তে স্ময়মানা ইবাণ্ডজাঃ॥ 2-64-39 (13846)
ধর্মং যঃ কুরুতে নিত্যং লোকে ধীরতরোঽণ্ডজঃ।
স যত্র গচ্ছেদ্ধর্মাত্মা তন্মে ব্রূহীহ তত্ৎবতঃ॥ 2-64-40 (13847)
হংস উবাচ॥ 2-64-41x (1488)
বালা যূয়ং ন জানীধ্বং ধর্মসূক্ষ্মং বিহঙ্গমাঃ।
ধর্মং যঃ কুরুতে লোকে সততং শুভবুদ্ধিনা।
ন চায়ুষোঽন্তে স্বং দেহং ত্যক্ৎবা স্বর্গং স গচ্ছতি॥ 2-64-41 (13848)
তথাঽহমপি চ ত্যক্ৎবা কালে দেহমিমং দ্বিজাঃ।
স্বর্গলোকং গমিষ্যামি ইয়ং ধর্মস্য বৈ গতিঃ॥ 2-64-42 (13849)
এবং ধর্মকথাং চক্রে স হংসঃ পক্ষিণাং ভৃশম্।
পক্ষিণঃ শুশ্রুবুর্ভীষ্ম সততং ধর্মমেব তে॥ 2-64-43 (13850)
অথাস্য ভক্ষ্যমাজহ্রুঃ সমুদ্রজলচারিণঃ।
অণ্ডজা ভীষ্ম তস্যান্যে ধর্মার্থমিতি শুশ্রুম॥ 2-64-44 (13851)
তে চ তস্য সমভ্যাশে নিক্ষিপ্যাণ্ডানি সর্বশঃ।
সমুদ্রাম্ভস্যমোদন্ত চরন্তো ভীষ্ম পক্ষিণঃ॥ 2-64-45 (13852)
তেষামণ্ডানি সর্বেষাং ভক্ষয়ামাস পাপকৃৎ।
স হংসঃ সম্প্রমত্তানামপ্রমত্তঃ স্বকর্মণি॥ 2-64-46 (13853)
ততঃ প্রক্ষীয়মাণেষু তেষু তেষ্বণ্ডজোঽপরঃ।
অশঙ্কত মহাপ্রাজ্ঞঃ স কদাচিদ্দদর্শ হ॥ 2-64-47 (13854)
ততঃ সঙ্কথয়ামাস দৃষ্ট্বা হংসস্য কিল্বিষম্।
তেষাং পরমদুঃখার্তঃ স পক্ষী সর্বপক্ষিণাম্॥ 2-64-48 (13855)
ততঃ প্রত্যক্ষতো দৃষ্ট্বা পক্ষিণস্তে সমীপগাঃ।
নিজঘ্নস্তং তদা হংসং মিথ্যাবৃত্তং কুরূদ্বহ॥ 2-64-49 (13856)
এবং ৎবাং হংসধর্মাণমপীমে বসুধাধিপাঃ।
নিহন্যুর্ভীষ্ম সঙ্ক্রুদ্ধাঃ পক্ষিণস্তং যথাণ্ডজম্॥ 2-64-50 (13857)
গাথামপ্যত্র গায়ন্তি যে পুরাণবিদো জনাঃ।
ভীষ্ম যাং তাং চ তে সম্যক্বথয়িষ্যামি ভারত॥ 2-64-51 (13858)
অন্তরাত্মন্যভিহতে রৌষি পত্ররথাশুচি।
অণ্ডভক্ষণকর্মৈতত্তব বাচমতীয়তে॥ ॥ 2-64-52 (13859)
ইতি শ্রীমন্মহাভারতে সভাপর্বণি শিশুপালবধপর্বণি চতুঃষষ্টিতোঽধ্যায়ঃ॥ 64 ॥
Mahabharata - Sabha Parva - Chapter Footnotes
2-64-2 তৃতীয়ায়াং প্রকৃতৌ নপুংসকৎবে॥ 2-64-20 কুলিগোনাম ভূশায়ী পক্ষী মাসাহসমিত্যনিশং বদন্নপি সিংহদংষ্টান্তরস্থং মাংসমা দত্তে স্বয়ং সাহসমতিশয়িতং করোতি॥সভাপর্ব - অধ্যায় 065
॥ শ্রীঃ ॥
2.65. অধ্যায়ঃ 065
Mahabharata - Sabha Parva - Chapter Topics
কৃষ্ণনিন্দাশ্রবণেন শিশুপালজিঘাংসয়া উৎপততো ভীমস্য ভীষ্মেণ বিনিবর্তনম্॥ 1॥Mahabharata - Sabha Parva - Chapter Text
শিশুপাল উবাচ।
স মে বহুমতো রাজা জরাসন্ধো মহাবলঃ।
যোঽনেন যুদ্ধং নেয়েষ দাক্ষোঽয়মিতি সংয়ুগে॥ 2-65-1 (13860)
কেশবেন কৃতং কর্ম জরাসন্ধবধে তদা।
ভীমসেনার্জুনাভ্যাং চ কস্তৎসাধ্বিতি মন্যতে॥ 2-65-2 (13861)
উদ্বারেণ প্রবিষ্টেন ছদ্মনা ব্রহ্মবাদিনা।
দৃষ্টঃ প্রভাবঃ কৃষ্ণেন জরাসন্ধস্য ভূপতেঃ॥ 2-65-3 (13862)
যেন ধর্মাত্মনাঽঽত্মানং ব্রহ্মণ্যমভিজানতা।
প্রেষিতং পাদ্যমস্মৈ তদ্দাতুমগ্রে দূরাত্মনে॥ 2-65-4 (13863)
ভুজ্যতামিতি তেনোক্তাঃ কৃষ্ণবীমধনঞ্জয়াটঃ।
জরাসন্ধেন কৌরব্য কৃষ্ণেন বিকৃতং কৃতম্॥ 2-65-5 (13864)
যদ্যযং জগতঃ কর্তা যথৈনং মূর্খ মন্যসে।
কস্মান্ন ব্রাহ্মণং সম্যগাত্মানমবগচ্ছতি॥ 2-65-6 (13865)
ইদং ৎবাশ্চর্যভূতং মে যদিভে পাণ্ডবাস্ৎবয়া।
অপকৃষ্টাঃ সতাং মার্গান্মন্যন্তে তচ্চ সাধ্বিতি॥ 2-65-7 (13866)
অথবা নৈতদাশ্চর্যং যেষাং ৎবমসি ভারত।
স্ত্রীসধর্মা চ বৃদ্ধশ্চ সর্বার্থানাং প্রদর্শকঃ॥ 2-65-8 (13867)
বৈশম্পায়ন উবাচ॥ 2-65-9x (1489)
তস্য তদ্বচনং শ্রুৎবা রূক্ষং রূক্ষাক্ষরং বহু।
চকোপ বলিনাং শ্রেষ্ঠো ভীমসেনঃ প্রতাপবান্॥ 2-65-9 (13868)
তথা পদ্মপ্রতীকাশে স্বভাবায়তবিস্তৃতে।
ভূয়ঃ ক্রোধাভিতাম্রাক্ষে রক্তে নেত্রে বভূবতুঃ॥ 2-65-10 (13869)
ত্রিশিখাং ভ্রকুটীং চাস্য দদৃশুঃ সর্বপার্থিবাঃ।
ললাটস্থাং ত্রিকূটস্থাং গঙ্গাং ত্রিপথগামিব॥ 2-65-11 (13870)
দন্তান্সন্দশতস্তস্য কোপাদ্দদৃশুরাননম্।
যুগান্তে সর্বভূতানি কালস্যেব জিঘৎসতঃ॥ 2-65-12 (13871)
উৎপতন্তং তু বেগেন জগ্রাহৈনং মনস্বিন্।
ভীষ্ম এব মহাবাহুর্মহাসেনমিবেশ্বরঃ॥ 2-65-13 (13872)
তস্ব ভীমস্য ভীষ্মেণ বার্যমাণস্য ভারত।
গুরুণা বিবিধৈর্বাক্যৈঃ ক্রোধঃ প্রশমমাগতঃ॥ 2-65-14 (13873)
নাতিচক্রাম ভীষ্মস্য স হি বাক্যমরিন্দমঃ।
সমুদ্বৃত্তো ঘনাপায়ে বেলামিব মহোদধিঃ॥ 2-65-15 (13874)
শিশুপালস্তু সঙ্ক্রুদ্ধে ভীমসেনে জনাধিপ।
নাকম্পত তদা বীরঃ পৌরুষে ব্যবস্থিতঃ॥ 2-65-16 (13875)
উৎপতন্তং তু বেগেন পুনঃ পুনররিন্দমঃ।
ন স তং চিন্তয়ামাস সিংহঃ ক্রুদ্ধো মৃগং যথা॥ 2-65-17 (13876)
প্রহসংশ্চাব্রবীদ্বাক্যং চেদিরাজঃ প্রতাপবান্।
ভীমসেনমভিক্রুদ্ধং দৃষ্ট্বা ভীমপরাক্রমম্॥ 2-65-18 (13877)
মুঞ্চৈনং ভীষ্ম পশ্যন্তু যাবদেনং নরাধিপঃ।
মৎপ্রভাববিনির্দগ্ধং পতঙ্গমিব বহ্নিনা॥ 2-65-19 (13878)
ততশ্চেদিপতের্বাক্যং শ্রুৎবা তৎকুরুসত্তমঃ।
ভীমসেনমুবাচেদং ভীষ্মে মতিমতাং বরঃ॥ 2-65-20 (13879)
`নৈষা চেদিপতের্বুদ্ধির্যত্ৎবামাহ্বয়তেঽচ্যুতম্।
ভীমসেন মহাবাহো কৃষ্ণস্যৈব বিনিশ্চয়ঃ'॥ ॥ 2-65-21 (13880)
ইতি শ্রীমন্মহাভারতে সভাপর্বণি শিশুপালবধপর্বণি পঞ্চষষ্টিতমোঽধ্যায়ঃ॥65॥
Mahabharata - Sabha Parva - Chapter Footnotes
2-65-13 মহাসেন কার্তিকয়ম্॥সভাপর্ব - অধ্যায় 066
॥ শ্রীঃ ॥
2.66. অধ্যায়ঃ 066
Mahabharata - Sabha Parva - Chapter Topics
ভীষ্মেণ শিশুপালবৃত্তান্তকথনপূর্বকং স্বেন ভীমনিষেধনে স্বাভিপ্রায়াবিষ্করণম্॥ 1॥Mahabharata - Sabha Parva - Chapter Text
ভীষ্ম উবাচ॥
চেদিরাজকুলে জাতখ্যক্ষ এষ চতুর্ভুজঃ।
রাসভারাবসদৃশং ররাস চ ননাদ চ॥ 2-66-1 (13881)
তেনাস্য মাতাপিতরৌ ত্রেসতুস্তৌ সবান্ধবৌ।
বৈকৃতং তস্যত তৌ দৃষ্ট্বা ত্যাগায়াকুরুতাং মতিম্॥ 2-66-2 (13882)
ততঃ সভার্যং নৃপতিং সামাত্যং সপুরোহিতম্।
চিন্তাসংমূঢহৃদয়ং বাগুবাচাশরীরেণী॥ 2-66-3 (13883)
এষ তে নৃপতে পুত্রঃ শ্রীমাঞ্জাতো বলাধিকঃ।
তস্মাদস্মান্ন ভেতব্যমব্যগ্রঃ পাহি বৈ শিশুম্॥ 2-66-4 (13884)
ন চ বৈ তস্য মৃত্যুস্ৎবং ন কালঃ প্রত্যুপস্থিতঃ।
যশ্চ শস্ত্রেণ হন্তাঽস্য স চোৎপন্নো নরাধিপ॥ 2-66-5 (13885)
সংশ্রুত্যোদাহৃতং বাক্যং ভূতমন্তর্হিতং ততঃ।
পুত্রস্নেহাভিসন্তপ্তা জননী বাক্যমব্রবীৎ॥ 2-66-6 (13886)
যেনেদমীরিতং বাক্যং মমৈতং তনয়ং প্রতি।
প্রাঞ্জলিস্তং নমস্যামি ব্রবীতু স পুনর্বচঃ॥ 2-66-7 (13887)
যাথাতথ্যেন ভগবান্দেবো বা যদি বেতরঃ।
শ্রোতুমিচ্ছামি পুত্রস্য কোঽস্য মৃত্যুর্ভবিষ্যতি॥ 2-66-8 (13888)
অন্তর্ভূতং ততো ভূতমুবাচেদং পুনর্বচঃ।
যস্যোৎসঙ্গে গৃহীতস্য ভুজাবভ্যধিকাবুভৌ॥ 2-66-9 (13889)
পতিষ্যতঃ ক্ষিতিতলে পঞ্চশীর্ষাবিবোরগৌ।
তৃতীয়মেতদ্বালস্য ললাটস্থং তু লোচনম্॥ 2-66-10 (13890)
নিমজ্জিষ্যতি যং দৃষ্ট্বা সোঽস্য মৃত্যুর্ভবিষ্যতি।
ত্র্যক্ষং চতুর্ভুজং শ্রুৎবা তথা চ সমুদাহৃতম্॥ 2-66-11 (13891)
পৃথিব্যাং পার্থিবাঃ সর্বে অভ্যাগচ্ছন্দিদৃক্ষবঃ।
তান্পূজয়িৎবা সম্প্রাপ্তান্যথার্হং স মহীপতিঃ॥ 2-66-12 (13892)
একৈকস্য নৃপস্যাঙ্কে পুত্রমারোপয়ত্তদা।
এবং রাজসহস্রাণা পৃথক্ৎবেন যথাক্রমম্॥ 2-66-13 (13893)
শিশুরঙ্কে সমারূঢো ন তৎপ্রায় নিদর্শনম্।
এতদেব তু সংশ্রুত্য দ্বারবত্যাং মহাবলৌ॥ 2-66-14 (13894)
ততশ্চেদিপুরং প্রাপ্তৌ সঙ্কর্ষণজনার্দনৌ।
যাদবৌ যাদবীং দ্রুষ্টুং স্বসারং তৌ পিতুস্তদা॥ 2-66-15 (13895)
অভিবাদ্য যথান্যায়ং যথাশ্রেষ্ঠং নৃপং চ তাম্।
কুশলানাময়ং পৃষ্ট্বা নিষণ্ণৌ রামকেশবৌ॥ 2-66-16 (13896)
সাঽভ্যর্চ্য তৌ তদা বীরৌ প্রীত্যা চাভ্যধিকং ততঃ।
পুত্রং দামোদরোৎসঙ্গে দেবী সংন্যদধাৎস্বয়ম্॥ 2-66-17 (13897)
ন্যস্তমাত্রস্য তস্যাঙ্কে ভুজাবভ্যধিকাবুভৌ।
পেততুস্তচ্চ নয়নং ন্যমজ্জত ললাটজম্॥ 2-66-18 (13898)
তদ্দৃষ্ট্বা ব্যথিতা ত্রস্তা বরং কৃষ্ণময়াচত।
দদস্ব মে বরং কৃষ্ণ ভয়ার্তায়া মহাভুজ॥ 2-66-19 (13899)
ৎবং হ্যার্তানাং সমাশ্বাসো ভীতানামভয়প্রদঃ।
এবমুক্তস্ততঃ কৃষ্ণঃ সোঽব্রবীদ্যদুনন্দনঃ॥ 2-66-20 (13900)
মা ভৈস্ৎবং দেবি ধর্মজ্ঞে ন মত্তোঽস্তি ভয়ং তব।
দদামি কং বরং কিং চ করবাণি পিতৃষ্বসঃ॥ 2-66-21 (13901)
শক্যং বা যদি বাঽশক্যং করিষ্যাণি বচস্তব।
এবমুক্তা ততঃ কৃষ্ণমব্রবীদ্যদুনন্দনম্॥ 2-66-22 (13902)
শিশুপালস্যাপরাধান্ক্ষমেথাস্ৎবং মহাবল।
মৎকৃতে যদুশার্দূল বিদ্ধ্যেনং মে বরং প্রভো॥ 2-66-23 (13903)
কৃষ্ণ উবাচ। 2-66-24x (1490)
অপরাধশতং ক্ষাম্যং ময়া হ্যস্য পিতৃষ্বসঃ।
পুত্রস্য তে বধার্হস্য মা ৎবং শোকে মনঃ কৃথাঃ॥ 2-66-24 (13904)
ভীষ্ম উবাচ। 2-66-25x (1491)
`স জানন্নাত্মনো মৃত্যুং কৃষ্ণং যদুসুখাবহম্'।
এবমেষ নৃপঃ পাপঃ শিশুপাঃ সুমন্দধীঃ।
ৎবাং সমাহ্বয়তে বীর গোবিন্দবরদর্পিতঃ॥ ॥ 2-66-25 (13905)
ইতি শ্রীমন্মহাভারতে সভাপর্বণি শিশুপালবধপর্বণি ষট্ষষ্টিতমোঽধ্যায়ঃ॥ 66 ॥
সভাপর্ব - অধ্যায় 067
॥ শ্রীঃ ॥
2.67. অধ্যায়ঃ 067
Mahabharata - Sabha Parva - Chapter Topics
শিশুপালেন রাজ্ঞাং প্রশংসনপূর্বকং গর্হিতেন ভীষ্মেণ রাজ্ঞাং তিরস্করণাদিকম্॥ 1॥Mahabharata - Sabha Parva - Chapter Text
ভীষ্ম উবাচ॥
নৈষা চেদিপতের্বুদ্ধির্যযা ৎবাহ্বয়তেঽচ্যুতম্।
নূনমেব জগদ্ভর্তুঃ কৃষ্ণস্যৈব বিনিশ্চয়ঃ। 2-67-1 (13906)
কো হি মাং ভীমসেনাদ্য ক্ষিতাবর্হতি পার্থিবঃ।
ক্ষেপ্তুং কালপরীতাত্মা যথৈষ কুলপাংসনঃ॥ 2-67-2 (13907)
এষ হ্যস্য মহাবাহুস্তের্জোশশ্চ হরের্ধ্রুবম্।
তমেব পুনরাদাতুং কুরুতেঽত্র মতিং হরিঃ॥ 2-67-3 (13908)
যেনৈষ কুরুশার্দূল শার্দূল ইব চেদিরাট্।
গর্জত্যতীব দুর্বুদ্ধিঃ সর্বানস্মানচিন্তয়ন্॥ 2-67-4 (13909)
বৈশম্পায়ন উবাচ॥ 2-67-5x (1492)
ততো ন মমৃষে চৈদ্যস্তদ্ভীষ্মবচনং তদা।
উবাচ চৈন সঙ্ক্রুদ্ধঃ পুনর্ভীষ্মমথোত্তরম্॥ 2-67-5 (13910)
শিশুপাল উবাচ॥ 2-67-6x (1493)
দ্বিষতাং নোঽস্তু ভীষ্মৈষ প্রভাবঃ কেশবস্য যঃ।
যস্য সংস্তববক্তা ৎবং বন্দিবৎসততোত্থিতঃ॥ 2-67-6 (13911)
সংস্তবে চমনো ভীষ্ম পরেষাং রমতে যদি।
তদা সংস্তুহি রাজ্ঞস্ৎবমিমং হিৎবা জনার্দনম্॥ 2-67-7 (13912)
দরদং স্তুহি বাহ্লীকমিমং পার্থিবসত্তমম্।
জায়মানেন যেনেয়ভবদ্দারিতা মহী॥ 2-67-8 (13913)
বঙ্গাঙ্গবিষয়াধ্যক্ষং সহস্রাক্ষসমং বলে।
স্তুহি কর্ণমিমং ভীষ্ম মহাচাপবিকর্ষণম্॥ 2-67-9 (13914)
যস্যেমে কুণ্ডলে দিব্যে সহজে দেবনির্মিতে।
কবচং চ মহাবাহো বালার্কসদৃশপ্রভম্॥ 2-67-10 (13915)
বাসবপ্রতিমো যেন জরাসন্ধোঽতিদুর্জয়ঃ।
বিজিতো বাহুয়ুদ্ধেন দেহভেদং চ লম্ভিতঃ॥ 2-67-11 (13916)
দ্রোণং দ্রৌণিং চ সাধু ৎবং পিতাপুত্রৌ মহারথৌ।
স্তুহি স্তুত্যাবুভৌ ভীষ্ম সততং দ্বিজসত্তমৌ॥ 2-67-12 (13917)
যয়োরন্যতরো ভীষ্ম সঙ্ক্রুদ্ধঃ সচরাচরাম্।
ইমাং বসুমতীং কুর্যান্নিঃ শেষামিতি মে মতিঃ॥ 2-67-13 (13918)
দ্রোণস্য হি সমং যুদ্ধে ন পশ্যামি নরাধিপম্।
নাশ্বত্থাম্নঃ সমং ভীষ্ম ন চ তৌ স্তোতুমিচ্ছসি॥ 2-67-14 (13919)
পৃথিব্যাং সাগরান্তায়াং যো বৈপ্রতিসমো ভবেৎ।
দুর্যোধনং ৎবং রাজেন্দ্রমতিক্রম্য মহাভুজম্॥ 2-67-15 (13920)
জয়দ্রথং চ রাজানং কৃতাস্ত্রং দৃঢবিক্রমম্।
দ্রুমং কিম্পুরুষাচার্যং লোকে প্রথিতবিক্রমম্।
অতিক্রম্য মহাবীর্যং কিং প্রশংসসি কেশবম্॥ 2-67-16 (13921)
বৃদ্ধং চ ভরতাচার্যং তথা শারদ্বতং কৃপম্।
অতিক্রম্য মহাবীর্যং কিং প্রশংসসি কেশবম্॥ 2-67-17 (13922)
ধনুর্ধরাণাং প্রবরং রুক্মিণং পুরুষোত্তমম্।
অতিক্রম্য মহাবীর্যং কিং প্রশংসসি কেশবম্॥ 2-67-18 (13923)
ভীষ্মকং চ মহাবীর্যং দন্তবক্ত্রং চ ভূমিপম্।
ভগদত্তং যূপকেথু জয়ৎসেনং চ মাগধম্॥ 2-67-19 (13924)
বিরাটদ্রুপদৌ চোভৌ শকুনিং চ বহদ্বলম্।
বিন্দানুবিন্দাবাবন্ত্যৌ পাণ্ড্যং শ্বেতমথোত্তমম্॥ 2-67-20 (13925)
শঙ্খং চ সুমহাভাগং বৃষসেনং চ মানিনম্।
একলব্যং চ বিক্রান্তং কালিঙ্গং চ মহারথম্॥ 2-67-21 (13926)
অতিক্রম্য মহাবীর্যং কিং প্রশংসতি কেশবম্।
শল্যাদীনপি কস্মাত্ৎবং ন স্তৌষি বসুধাধিপান্।
স্তবায় যদি তে বুদ্ধির্বর্ততে ভীষ্ম বসুধাধিপান্। 2-67-22 (13927)
কিং হি শক্যং ময়া কর্তুং যদ্বৃদ্ধানাং ৎবয়া নৃপ।
পুরা কথয়তাং নূনং ন শ্রুতং ধর্মবাদিনাম্॥ 2-67-23 (13928)
আত্মনিন্দাত্মপূজা চ পরনিন্দা পরস্তবঃ।
অনাচরিতমার্যাণামিতি তে ভীষ্ম ন শ্রুতম্॥ 2-67-24 (13929)
যদস্তব্যমিমং শশ্বন্মোহাৎসংস্তৌষি ভক্তিতঃ।
কেশবং তচ্চ তে ভীষ্ম ন কশ্চিদনুমন্যতে॥ 2-67-25 (13930)
কথং ভোজস্য পুরুষে বৎসপালে দুরাত্মনি।
সমাবেশয়সে সর্বং জগৎকেবলকাম্যযা॥ 2-67-26 (13931)
অথ চৈষা ন তে বুদ্ধিঃ প্রকৃতিং যাতি ভারত।
ময়ৈব কথিতং পূর্বং কুলিঙ্গশকুনির্যথা॥ 2-67-27 (13932)
কুলিঙ্গশকুনির্নাম পার্শ্বে হিমবতঃ পরে।
ভীষ্ম তস্যাঃ সদা বাচঃ শ্রূয়ন্তেঽর্থবিগর্হিতাঃ॥ 2-67-28 (13933)
মা সাহসমিতীদং সা সততং বাশতে কিল।
সাহসং চাত্মনাতীব চরন্তী নাববুধ্যতে॥ 2-67-29 (13934)
সা হি মাংসার্গলং ভীষ্ম মুখাৎসিংহস্য খাদতঃ।
দন্তান্তরবিলগ্নং যত্তদাদত্তেঽল্পচেতনা॥ 2-67-30 (13935)
ইচ্ছতঃ সা হি সিংহস্য ভীষ্ম জীবত্যসংশয়ম্।
তদ্বত্ৎবমপ্যধর্মিষ্ঠ সদা বাচঃ প্রভাষসে॥ 2-67-31 (13936)
ইচ্ছতাং ভূমিপালানাং ভীষ্ম জীবস্যসংশয়ম্।
লোকবিদ্বিষ্টকর্মা হি নান্যোঽস্তি ভবতা সমঃ॥ 2-67-32 (13937)
বৈশম্পায়ন উবাচ॥ 2-67-33x (1494)
ততশ্চেদিপতেঃ শ্রুৎবা ভীষ্মঃ স কটুকং বচঃ।
উবাচেদং বচো রাজংশ্চেদিরাজস্য শৃণ্বতঃ॥ 2-67-33 (13938)
ইচ্ছতাং কিল নামাহং জীবাম্যেষাং মহীক্ষিতাম্।
সোঽহং ন গণয়াম্যেতাংস্তৃণেনাপি নরাধিপান্॥ 2-67-34 (13939)
এবমুক্তে তু ভীষ্মেণ ততঃ সঞ্চুক্রুশুর্নৃপাঃ।
কেচিজ্জহৃষিরে তত্র কেচিদ্ভীষ্মং জগর্হিরে॥ 2-67-35 (13940)
কেচিদূচুর্মহেষ্বাসাঃ শ্রুৎবা ভীষ্মস্য যদ্বচঃ।
পাপোঽবলিপ্তো বৃদ্ধশ্চ নায়ং ভীষ্মোঽর্হতি ক্ষমাম্॥ 2-67-36 (13941)
হন্যতাং দুর্মতির্ভীষ্মঃ পশুবৎসাধ্বয়ং নৃপাঃ।
সর্বৈঃ সমেত্য সংরব্ধৈর্দহ্যতাং বা কটাগ্নিনা॥ 2-67-37 (13942)
ইতি তেষাং বচঃ শ্রুৎবা ততঃ কুরুপিতামহঃ।
উবাচ মতিমান্ভীষ্মস্তানেব বসুধাধিপান্॥ 2-67-38 (13943)
উক্তস্যোক্তস্য নেহান্তমহং সমুপলক্ষয়ে।
যত্তু বক্ষ্যামি তৎসর্বং শৃণুধ্বং বসুধাধিপাঃ॥ 2-67-39 (13944)
পশুবদ্ঘাতনং বা মে দহনং বা কটাগ্নিনা।
ক্রিয়তাং মূর্ধ্নি বো ন্যস্তং ময়েদং সকলং পদম্॥ 2-67-40 (13945)
এষ তিষ্ঠতি গোবিন্দঃ পূজিতোঽস্মাভিরচ্যুতঃ।
যস্য বস্ৎবরতে বুদ্ধির্মরণায় স মাধবম্॥ 2-67-41 (13946)
কৃষ্ণমাহ্বয়তামদ্য যুদ্ধে চক্রগদাধরম্।
যাদবস্যৈব দেবস্য দেহং বিশতু পাতিতঃ॥ ॥ 2-67-42 (13947)
ইতি শ্রীমন্মহাভারতে সভাপর্বণি শিশুপালবধপর্বণি সপ্তষষ্টিতমোঽধ্যায়ঃ॥ 67 ॥
Mahabharata - Sabha Parva - Chapter Footnotes
2-67-15 বৈপ্রতিসমঃ বিগতঃ প্রতিসমো যস্য স তথা। স্বার্থে তদ্ধিতঃ। অতুল ইত্যর্থঃ॥ 2-67-27 কুলিঙ্গশকুনিরিতি স্ত্রীপক্ষিবিশেষঃ॥ 2-67-37 কটাগ্নিনা কক্ষাগ্নিনা॥সভাপর্ব - অধ্যায় 068
॥ শ্রীঃ ॥
2.68. অধ্যায়ঃ 068
Mahabharata - Sabha Parva - Chapter Topics
ভীষ্মবাক্যাৎকুপিতেন শশুপালেন রাজ্ঞঃ সজ্ঞাহ্য যুয়ুৎসয়া কৃষ্ণস্যাহ্বানম্ ॥ 1॥ কৃষ্ণেন স্বস্মিন্ শিশুপালকৃতাপরাধান্বিশ্রাব্য বিভীষিতানাং রাজ্ঞাং পলায়নম ্॥ 2॥ অপগতেষু রাজসু শিশুপালস্য একাকিনঃ কৃষ্ণং প্রতি যুদ্ধায় গমনম্॥ 3॥Mahabharata - Sabha Parva - Chapter Text
বৈশম্পায়ন উবাচ॥
বচঃ শ্রুৎবৈব ভীষ্মস্য চেদিরাডুরুবিক্রমঃ।
যুয়ুৎসুর্বাসুদেবেন বাসুদেবমুবাচ হ॥ 2-68-1 (13948)
আহ্বয়ে ৎবাং রণং গচ্ছ ময়া সার্ধং জনার্দন।
যাবদদ্য নিহন্মি ৎবাং সহিতং সর্বপাণ্ডবৈঃ॥ 2-68-2 (13949)
সহ ৎবয়া হি মে বধ্যাঃ সর্বথা কৃষ্ণ পাণ্ডবাঃ।
নৃপতীন্সমতিক্রম্য যৈররাজা ৎবমর্চিতঃ॥ 2-68-3 (13950)
যে ৎবাং দাসমরাজানং বাল্যাদর্চন্তি দুর্মতিম্।
অনর্হমর্হবৎকৃষ্ণ বধ্যাস্ত ইতি মে মতিঃ॥ 2-68-4 (13951)
ইত্যুক্ৎবা রাজশার্দূল `শার্দূল ইব নাদয়ন্।
পশ্যতাং সর্বভূতানাং শিশুপালঃ প্রতাপবান্॥ 2-68-5 (13952)
স রণায়ৈব সঙ্ক্রুদ্ধঃ সন্নদ্ধঃ সর্বরাজভিঃ।
সুনীথঃ প্রয়যৌ ক্ষিপ্রং পার্থয়জ্ঞজিঘাংসয়া॥ 2-68-6 (13953)
ততশ্চক্রগদাপাণিঃ কেশবঃ কেশিহা হরিঃ।
সধ্বজং রথমাস্থায় দারুকেণ সুসৎকৃতম্।
ভীষ্মেণ দত্তহস্তোঽসাবারুহোহ রথোত্তমম্॥ 2-68-7 (13954)
তেন পাপস্বভাবেন কোপিতান্সর্বপার্থিবান্।
আসসাদ রণে কৃষ্ণঃ সজ্জিতৈকরথঃ স্থিতঃ॥ 2-68-8 (13955)
ততঃ পুষ্করপত্রাক্ষং তার্ক্ষ্যধ্বজরথে স্থিতম্।
দিবাকরমিবোদ্যন্তং দদৃশুঃ সর্বপার্থিবাঃ॥ 2-68-9 (13956)
আরোপয়ন্তং জ্যাং কৃষ্ণং প্রতপন্তমিবৌজসা।
স্থিতং পুষ্পরথে দিব্যে পুষ্পকেতুমিবাপরম্॥ 2-68-10 (13957)
দৃষ্ট্বা কৃষ্ণং তথা যান্তং প্রতপন্তমিবৌজসা।
যথার্হং কেশবে বৃত্তিমবশাঃ প্রতিপেদিরে॥ 2-68-11 (13958)
তানুবাচ মহাবাহুর্মহাঽসুরনিবর্হণঃ।
বৃষ্ণিবীরস্তদা রাজন্সান্ৎবয়ন্পরবীরহা॥ 2-68-12 (13959)
শ্রীভগবানুবাচ॥ 2-68-13x (1495)
অপেত সবলাঃ সর্ব আস্বস্তা মম শাসনাৎ।
মা দৃষ্টো দূষয়েৎপাপ এষ বঃ সর্বপার্থিপাঃ॥ 2-68-13 (13960)
এষ নঃ শত্রুরত্যন্তমেষ বৃষ্ণিবিমর্দনঃ।
সাৎবতাং সাৎবতীপুত্রো বৈরং চরতি শাশ্বতম্'॥ 2-68-14 (13961)
প্রাগ্জ্যোতিষপুরং যাতানস্মাঞ্জ্ঞাৎবা নৃশংসকৃৎ।
অদহদ্দ্বারকামেষ স্বস্ত্রীয়ঃ সন্নরাধিপাঃ॥ 2-68-15 (13962)
ক্রীডতো ভোজরাজস্য এব রৈবতকে গিরৌ।
হৎবা বধ্বা চ তান্সার্বানুপায়াৎস্বপুরং পুরা॥ 2-68-16 (13963)
অশ্বমেধে হয়ং মেধ্যমুৎসৃষ্টং রক্ষিভির্বৃতম্।
পিতুর্মে যজ্ঞবিঘ্নার্থমহরৎপাপনিশ্চয়ঃ॥ 2-68-17 (13964)
সৌবীরান্প্রতিয়াতাং চ বভ্রোরেষ তপস্বিনঃ।
ভার্যামভ্যহরন্মোহাদকামাং তামিতো গতাম্॥ 2-68-18 (13965)
এষ মায়াপ্রতিচ্ছন্নঃ কারূশার্থে তপস্বিনীম্।
জহার ভদ্রাং বৈশালীং মাতুলস্য নৃশংসকৃৎ॥ 2-68-19 (13966)
বৃষ্ণিদারান্বিলাপ্যৈব হৎবা চ কুকুরান্ধকান্।
পাপাবুদ্ধিরুপাতিষ্ঠৎস প্রবিশ্য সসম্ভ্রমম্॥ 2-68-20 (13967)
বিশালরাজ্ঞো দুহিতাং মম পিত্রা বৃতাং সতীম্।
অনেন কৃৎবা সন্ধানং করূশেন জিগীষয়া॥ 2-68-21 (13968)
জরাসন্ধং সমাশ্রিত্য কৃতবান্বিপ্রিয়াণি মে।
তানি সর্বাণি সঙ্খ্যাতুং ন শক্নোমি নরাধিপাঃ॥ 2-68-22 (13969)
এবমেতদপর্যন্তমেষ বৃষ্ণিষু কিল্বিষী।
অস্মাকময়মারম্ভাংশ্চকার পরভানৃজুঃ॥ 2-68-23 (13970)
শতং ক্ষন্তব্যমস্মাভির্বধার্হাণাং কিলাগসাম্।
বদ্ধোঽস্মি সময়ৈর্ঘোরৈর্মাতুরস্যৈব সঙ্গরে॥ 2-68-24 (13971)
তত্তথা শতমস্মাকং ক্ষান্তং ক্ষয়করং ময়া।
দ্বৌ তু মে বধকালেঽস্মিন্ন ক্ষন্তব্যৌ কথঞ্চন॥ 2-68-25 (13972)
যজ্ঞবিঘ্নকরং হন্যাং পাণ্ডবানাং চ দুর্হৃদম্।
ইতি মে বর্ততে ভাবস্তমতীয়াং কথং ন্বহম্॥ 2-68-26 (13973)
পিতৃষ্বসুঃ কৃতে দুঃখং সুমহন্মর্ষয়াম্যহম্।
দিষ্ট্যা হীদং সর্বরাজ্ঞাং সন্নিধাবদ্য বর্ততে॥ 2-68-27 (13974)
পশ্যন্তি হি ভবন্তোঽদ্য ময়্যতীব ব্যতিক্রমম্।
কৃতানি তু পরোক্ষং মে যানি তানি নিবোধত॥ 2-68-28 (13975)
ইমং ৎবস্য ন শক্ষ্যামি ক্ষন্তুমদ্য ব্যতিক্রমম্।
অবলেপাদ্বধার্হস্য সমগ্রে রাজমণ্ডলে॥ 2-68-29 (13976)
রুক্মিণ্যামস্য মূঢস্য প্রার্থনাঽঽসীন্মুমূর্ষতঃ।
ন চ তাং প্রাপ্তবান্মূঢঃ শূদ্রো বেদশ্রুতীমিব॥ 2-68-30 (13977)
বৈশম্পায়ন উবাচ॥ 2-68-31x (1496)
এবমাদি ততঃ সর্বে সহিতাস্তে নরাধিপাঃ।
গর্হণং শিশুপালস্য বাসুদেবেন বিশ্রুতঃ॥ 2-68-31 (13978)
বাসুদেববচঃ শ্রুৎবা চেদিরাজং ব্যগর্হয়ন্।
রথোপস্থে ধনুষ্মন্তং শরান্সন্দধতং রুষা॥ 2-68-32 (13979)
শ্রুৎবাঽপি চ বিলোক্যাশু দুদ্রুবুঃ সর্বপার্থিবাঃ।
বিহায় পরমোদ্বিগ্নাশ্চেদিরাজং চমূমুখে॥ 2-68-33 (13980)
তস্য তদ্বচনং শ্রুৎবা শিশুপালঃ প্রতাপবান্।
জহাস স্বনবদ্ধাসং বাক্যং চেদমুবাচ হ॥ 2-68-34 (13981)
মৎপূর্বাং রুক্মিণীং কৃষ্ণ সংসৎসু পরিকীর্তয়ন্।
বিশেষতঃ পার্থিবেষু ব্রীডাং ন কুরুষে কথম্॥ 2-68-35 (13982)
মন্যমানো হি কঃ সৎসু পুরুষঃ পরিকীর্তয়েৎ।
অন্যপূর্বা স্ত্রিয়ং জাতু ৎবদন্যো মধূসূদন॥ 2-68-36 (13983)
ক্ষমা বা যদি তে শ্রদ্ধা মা বা কৃষ্ণ মম ক্ষম।
ক্রুদ্ধাদ্বাপি প্রসন্নাদ্বা কিং মে ৎবত্তো ভবিষ্যতে॥ 2-68-37 (13984)
`বৈশম্পায়ন উবাচ॥ 2-68-38x (1497)
স তাংস্তু বিদ্রুতান্সর্বান্সাশ্বপত্তিরথদ্বিপান্।
কৃষ্ণতেজোহতান্সর্বান্সমীক্ষ্য বসুধাধিপান্॥ 2-68-38 (13985)
শিশুপালো রথেনৈকঃ প্রত্যুপায়াৎস কেশবম্।
রুষা তাম্রেক্ষণো রাজঞ্ছলভঃ পাবকং যথা॥ ॥ 2-68-39 (13986)
ইতি শ্রীমন্মহাভারতে সভাপর্বণি শিশুপালবধপর্বণি অষ্টষষ্টিতমোঽধ্যায়ঃ॥ 68॥
Mahabharata - Sabha Parva - Chapter Footnotes
2-68-31 বিশ্রুতাঃ শ্রাবিতাঃ॥সভাপর্ব - অধ্যায় 069
॥ শ্রীঃ ॥
2.69. অধ্যায়ঃ 069
Mahabharata - Sabha Parva - Chapter Topics
শিশুপালে সন্নদ্ধে সতি উৎপাতদর্শনেন যুধিষ্ঠিরস্য প্রশ্নে নারদেন তত্তদুত ্পাতানাং বিশিষ্য ফলকথনম্॥ 1॥Mahabharata - Sabha Parva - Chapter Text
বৈশম্পায়ন উবাচ॥
ততো যুদ্ধায় সংনদ্ধং চেদিরাজং যুধিষ্ঠিরঃ।
দৃষ্ট্বা মতিমতাং শ্রেষ্ঠো নারদং সমুবাচ হ॥ 2-69-1 (13987)
যুধিষ্ঠির উবাচ॥ 2-69-2x (1498)
অন্তরিক্ষে চ ভূমৌ চ তেঽস্ত্যবিদিতং ক্বচিৎ।
যানি রাজবিনাশায় ভৌমানি চ খগানি চ॥ 2-69-2 (13988)
নিমিত্তানীহ জায়ন্তে উৎপাতাশ্চ পৃথগ্বিধাঃ।
এতদিৎছামি কার্ৎস্ন্যেন শ্রোতুং ৎবত্তো মহামুনে॥ 2-69-3 (13989)
বৈশম্পায়ন উবাচ। 2-69-4x (1499)
ইত্যেবং মিতমান্বিপ্রঃ কুরুরাজস্য ধীমতঃ।
পৃচ্ছতঃ সর্বমব্যগ্রমাচচক্ষে মহায়শাঃ॥ 2-69-4 (13990)
নারদ উবাচ॥ 2-69-5x (1500)
পরাক্রমং চ মার্গং চ সংনিপাতং সমুচ্ছ্রয়ম্।
আরোহণং কুরুশ্রেষ্ঠ অন্যোন্যং প্রতিসর্পণম্॥ 2-69-5 (13991)
পশ্মীনাং ব্যতিসংসর্গং ব্যায়ামং বৃত্তিপীডনম্।
দর্শনাদর্শনং চৈব অদৃশ্যানাং চ দর্শনম্॥ 2-69-6 (13992)
হানিং বৃদ্ধিং চ হ্রাসং চ বর্ণস্থানং বলাবলম্।
সর্বমেতৎপরীক্ষেত গ্রহাণাং গ্রহকোবিদঃ॥ 2-69-7 (13993)
ভৌমাঃ পূর্বং প্রবর্তন্তে খেচরাশ্চ ততঃ পরম্।
উৎপদ্যন্তে চ লোকেঽস্মিন্নুৎপাতা দেবনির্মিতাঃ॥ 2-69-8 (13994)
যদা তু সর্বভূতানাং ছায়া ন পরিবর্ততে।
অপরেণ গতে সূর্যে তৎপরাভবলক্ষণম্॥ 2-69-9 (13995)
অচ্ছায়ে বিমলচ্ছায়া প্রতিচ্ছায়েব দৃশ্যতে।
যত্র চৈত্যকবৃক্ষাণাং তত্র বিদ্যান্মহদ্ভয়ম্॥ 2-69-10 (13996)
শীর্ণপর্ণপ্রবালাশ্চ শুষ্কপর্ণাশ্চ চৈত্যকাঃ।
অপভ্রষ্টপ্রবালাশ্চ তত্রাভাবং বিনির্দিশেৎ॥ 2-69-11 (13997)
স্নিগ্ধপর্ণপ্রবালাশ্চ দৃশ্যন্তে যত্র চৈত্যকাঃ।
ঈহমানাশ্চ বৃক্ষাশ্চ ভাবস্তত্র ন সংশয়টঃ॥ 2-69-12 (13998)
পুষ্পে পুষ্পং প্রজায়েত ফলে বা ফলমাশ্রিতম্।
রাজা বা রাজমাত্রো বা মরণায়োপপদ্যতে॥ 2-69-13 (13999)
প্রাবৃট্ছরদি হেমন্তে বসন্তে বাপি সর্বশঃ।
আকালিকং পুষ্পফলং রাষ্ট্রক্ষোভং বিনির্দিশেৎ॥ 2-69-14 (14000)
নদীনাং স্ত্রোতসোঽকালে দ্যোতয়ন্তি মহাভয়ম্।
বনস্পতিঃ পূজ্যমানঃ পূজিতোঽপূজিতোঽপি বা॥ 2-69-15 (14001)
যদা ভজ্যেত বাতেন ভিদ্যতে নমিতোঽপি বা।
অগ্নিবায়ুভয়ং বিদ্যাচ্ছ্রেষ্ঠো বাপি বিনশ্যতি॥ 2-69-16 (14002)
দিশঃ সর্বাশ্চ দীপ্যন্তে জায়ন্তে রাজবিভ্রমাঃ।
ভিদ্যমানো যদা বৃক্ষো নিনদেচ্চাপি পাতিতঃ।
সহ রাষ্ট্রং চ পতিতং নতং বৃক্ষং প্রপাতয়েৎ॥ 2-69-17 (14003)
অথৈনং ছেদয়েৎকশ্চিৎপ্রতিক্রুদ্ধো বনস্পতিঃ।
ছেত্তা ভেত্তা পতিশ্চৈব ক্ষিপ্রমেব নশিষ্যতি॥ 2-69-18 (14004)
দেবতানাং চ পতনং মষ্টপানাং চ পাতনম্।
অচলানাং প্রকম্পশ্চ তৎপরাভবলক্ষণম্॥ 2-69-19 (14005)
নিশি চেন্দ্রধনুর্দৃষ্টং ততোপি চ মহদ্ভয়ম্।
তদ্দ্রষ্টরেব ভীতিঃ স্যান্নান্যেষাং ভরতর্ষভ॥ 2-69-20 (14006)
রাত্রাবিন্দ্রধনুর্দৃষ্ট্বা তদ্রাষ্ট্রং পরিবর্জয়েৎ॥ 2-69-21 (14007)
অর্চা যত্র প্রনৃত্যন্ত নদন্তি চ হসন্তি চ।
উন্মীলন্তি নিমীলন্তি রাষ্ট্রক্ষোভং বিনির্দিশেৎ॥ 2-69-22 (14008)
শিলা যদি প্রসিঞ্চন্তি স্নেহাংশ্চোদকসম্ভবান্।
অন্যদ্বা বিকৃতং কিঞ্চিত্তদ্ভয়স্য নিদর্শনম্॥ 2-69-23 (14009)
ম্রিয়ন্তে বা মহামাত্রা রাজা সপরিবারকঃ।
পুরস্য যা ভবেদ্ব্যাধী রাষ্ট্রে দেশে চ বিভ্রমাঃ॥ 2-69-24 (14010)
দেবতানাং যদাঽঽবাসে রাজ্ঞাং বা যত্র বেশ্মনি।
ভাণ্ডাগারায়ুধাগারে নিবিশেত যদা মধু॥ 2-69-25 (14011)
সর্বং তদা ভবেৎস্থানং হন্যমানং বলীয়সা।
আগন্তুকং ভয়ং তত্র ভবেদিত্যেব নির্দিশেৎ॥ 2-69-26 (14012)
পাদপশ্চৈব যো যত্র রক্তং স্রবতি শোণিতম্।
দন্তাগ্রাৎকুঞ্জরো বাপি শৃঙ্গাদ্বা বৃষভস্তথা॥ 2-69-27 (14013)
পাদপাদ্রাষ্ট্রিবিভ্রংশঃ কুঞ্জরাদ্রাজবিভ্রমঃ।
গোব্রাহ্মণবিনাশঃ স্যাদ্বৃবভস্যেতি নির্দিশেৎ॥ 2-69-28 (14014)
ছত্রং নরপতের্যত্র নিপতেৎপৃথিবীতলে।
সরাষ্ট্রো নৃপতী রাজন্ক্ষিপ্রমেব বিনশ্যতি॥ 2-69-29 (14015)
দেবাগারেষু বা যত্র রাজ্ঞো বা যত্র বেশ্মনি।
বিকৃতং যদি দৃশ্যেত নাগাবাসেষু বা পুনঃ॥ 2-69-30 (14016)
তস্য দেশস্য পীডা স্যাদ্রাজ্ঞো জনপদস্য বা।
অনাবৃষ্টিভয়ং ঘোরমতিদুর্ভিক্ষমাদিশেৎ॥ 2-69-31 (14017)
অর্চায়া বাহুভঙ্গেন গৃহস্থানাং ভয়ং ভবেৎ।
ভগ্নে প্রহরণে বিদ্যাৎসেনাপতিবিনাশনম্॥ 2-69-32 (14018)
আগন্তুকা তু প্রতিমা স্থানং যত্র ন বিন্দতি।
জভ্যন্তরেণ ষণ্মাসাদ্রাজা ত্যজতি তৎপুরম্॥ 2-69-33 (14019)
প্রদীর্যতে মহী যত্র বিনদত্যপি পাত্যতে।
ম্রিয়তে তত্র রাজা চ তত্র রাষ্ট্রং বিনশ্যতি॥ 2-69-34 (14020)
এণীপদান্বা সর্পান্বা ডুণ্ডুভানথ দীপ্যকান্।
মণ্ডূকো গ্রসতে যত্র তত্র রাজা বিনশ্যতি॥ 2-69-35 (14021)
অভিন্নং বাপ্যপক্বং বা যত্রান্নমুপচীয়তে।
জীর্যন্তে বা ম্রিয়ন্তে বা তদন্নং নোপভুঞ্জতে॥ 2-69-36 (14022)
উদপানে চ যত্রাপো বিবর্ধন্তে যুধিষ্ঠির।
স্থাবরেষু প্রবর্তন্তে নির্গচ্ছেন্ন পুনস্ততঃ॥ 2-69-37 (14023)
অপাদং বা ত্রিপাদং বা দ্বিশীর্ষং বা চতুর্ভুজম্।
স্ত্রিয়ো যত্র প্রসূয়ন্তে ব্রূয়াত্তত্র পরাভবম্॥ 2-69-38 (14024)
অজৈডকাঃ স্ত্রিয়ো গাবো যে চান্যে চ বিয়োনয়ঃ।
বিকৃতানি প্রজায়ন্তে তত্র তত্র পরাভবঃ॥ 2-69-39 (14025)
নদী যত্র প্রতিস্রোতা আবহেৎকলুষোদকম্।
দিশশ্চ ন প্রকাশন্তে তৎপরাভবলক্ষণম্॥ 2-69-40 (14026)
এতানি চ নিমিত্তানি যানি চান্যানি ভারত।
কেশবাদেব জায়ন্তে ভৌমানি চ খগানি চ॥ 2-69-41 (14027)
চন্দ্রাদিত্যৌ গ্রহাশ্চৈব নক্ষত্রাণি চ ভারত।
বায়ুরগ্নিস্তথা চাপঃ পৃথিবী চ জনার্দনাৎ॥ 2-69-42 (14028)
যস্য দেশস্য হানিং বা বৃদ্ধিং বা কর্তুমিচ্ছতি।
তস্মিন্দেশে নিমিত্তানি তানি তানি করোত্যযম্॥ 2-69-43 (14029)
সোসৌ চেদিপতেস্তাত বিনাশং সমুপস্থিতম্।
নিবেদয়তি গোবিন্দঃ স্বৈরুপায়ৈর্ন সংশয়ঃ॥ 2-69-44 (14030)
ইয়ং প্রচলিতা ভূমিরশিবা বান্তি মারুতাঃ।
রাহুশ্চাপ্যপতৎসোমমপর্বণি বিশাম্পতে॥ 2-69-45 (14031)
সনির্ঘাতাঃ পতন্ত্যুল্কাস্তমঃ সঞ্জায়তে ভৃশম্।
চেদিরাজবিনাশায় হরিরেষ বিজৃম্ভতে॥ 2-69-46 (14032)
বৈশম্পায়ন উবাচ॥ 2-69-47x (1501)
এবমুক্ৎবা তু দেবর্ষির্নারদো বিররাম হ।
তাভ্যাং পুরুষসিংহাভ্যাং তস্মিন্যুদ্ধ উপস্থিতে। 2-69-47 (14033)
দদৃশুর্ভূমিপালাস্তে ঘোরানৌৎপাতিকান্বহূন্॥
তত্র বৈ দৃশ্যমানানাং দিক্ষু সর্বাসু ভারত। 2-69-48 (14034)
অশ্রূয়ন্ত তদা রাজঞ্ছিবানামশিবা রবাঃ॥
ররাস চ মহী কৃৎস্না সবৃক্ষবনপর্বতা। 2-69-49 (14035)
অপর্বণি চ মধ্যাহ্নে মূর্যং স্বর্ভানুরগ্রসৎ॥
ধ্বজাগ্রে চেদিরাজস্য সর্বরত্নপরিষ্কৃতে। 2-69-50 (14036)
অপতৎখাচ্চ্যুতো গৃধ্রস্তীক্ষ্ণতুণ্ডঃ পরন্তপ॥
আরণ্যৈঃ সহসা হৃষ্টা গ্রাম্যাশ্চ মৃগপক্ষিণঃ। 2-69-51 (14037)
চুক্রুশুর্ভৈরবং তত্র তস্মিন্যুদ্ধ উপস্থিতে॥
এবমাদিনি ঘোরাণি ভৌমানি চ স্বগানি চ। 2-69-52 (14038)
ঔৎপাতিকান্যদৃশ্যন্ত সঙ্ক্রুদ্ধে শার্ঙ্গধন্বনি॥ ॥ 2-69-53 (14039)
ইতি শ্রীমন্মহাভারতে সভাপর্বণি শিশুপালবধপর্বণি একোনসপ্ততিতমোঽধ্যায়ঃ॥ 69 ॥
সভাপর্ব - অধ্যায় 070
॥ শ্রীঃ ॥
2.70. অধ্যায়ঃ 070
Mahabharata - Sabha Parva - Chapter Topics
কৃষ্ণশিশুপালয়োর্যুদ্ধবর্ণনম্॥ 1॥ শিশুপালবধঃ॥ 2॥Mahabharata - Sabha Parva - Chapter Text
বৈশম্পায়ন উবাচ॥
ততো বিষ্ফারয়ন্রাজা মহচ্চৈদিপতির্ধনুঃ।
অভিয়াস্যন্হৃষীকেশমুবাচ মধুসূদনম্॥ 2-70-1 (14040)
একস্ৎবমসি মে শত্রুস্তত্ৎবাং হৎবাঽদ্য মাধব।
ততঃ সাগরপর্যন্তাং পালয়িষ্যামি মেদিনীম্॥ 2-70-2 (14041)
দ্বৈরথং কাঙ্ক্ষিতং যদ্বৈ তদিদং পর্যুপস্থিতম্।
চিরস্য বত মে দিষ্ট্যা বাসুদেব সহ ৎবয়া।
অদ্য ৎবাং নিহনিষ্যামি ভীষ্মং চ সহ পাণ্ডবৈঃ॥ 2-70-3 (14042)
বৈশম্পায়ন উবাচ। 2-70-4x (1502)
এবমুক্ৎবা স তং বাণৈর্নিশিতৈরত্ততেজনৈঃ।
বিব্যাধ যুধি তীক্ষ্ণাগ্রৈশ্চেদিরাড্যপুঙ্গবম্? 2-70-4 (14043)
কঙ্কপত্রচ্ছদা বাণাশ্চেদিরাজধনুশ্চ্যুতাঃ।
বিবিশুস্তে তদা কৃষ্ণং ভুজঙ্গা ইব পর্বতম্? 2-70-5 (14044)
নাদদানস্য চৈদ্যস্য শরানত্যস্যতোপি বা।
দধৃশুর্বিবরং কেচিদ্গতিং বায়োরিবাম্বরে? 2-70-6 (14045)
চেদিরাজমহামেধঃ শরজালাম্বুমাংস্তদা।
অভ্যবর্ষদ্ধৃষীকেশং পয়োদ ইব পর্বতম্? 2-70-7 (14046)
ততঃ শার্ঙ্গমমিত্রঘ্নঃ কৃৎবা সশরমচ্যুতঃ।
আবভাষে মহবাহুঃ সুনীথং পরবীরহা।। 2-70-8 (14047)
অয়ং ৎবং ভামকস্তীক্ষ্ণশ্চেদিরাজ মহাশরঃ।
ভেত্তুমর্হতি বেগেন মহাশনিরিবাচলম্॥ 2-70-9 (14048)
বৈশম্পায়ন উবাচ। 2-70-10x (1503)
এবং ব্রুবতি গোবিন্দে ততশ্চেদিপতিঃ পুনঃ।
মুমোচ নিশিতানন্যান্কৃষ্ণং প্রতি শরান্বহূন্॥ 2-70-10 (14049)
অথ বাণার্দিতঃ কৃষ্ণঃ শার্ঙ্গমায়ম্য দীপ্তিমান্।
মুমোচ নিশিতান্বাণাঞ্ছতশোথ সহস্রশঃ॥ 2-70-11 (14050)
তাঞ্ছরাংস্তু স চিচ্ছেদ শরবর্ষৈস্তু চেদিরাট্।
ষড্ভিশ্চান্যৈর্জঘানাশু কেশবং চেদিপুঙ্গবঃ॥ 2-70-12 (14051)
ততোঽস্রং সহসা কৃষ্ণঃ প্রমুমোচ জগদ্গুরুঃ।
অস্ত্রেণ তন্মহাবাহুর্বারয়ামাস চেদিরাট্॥ 2-70-13 (14052)
ততঃ শতসহস্রেণ শরাণাং নতপর্বণাম্।
সর্বতঃ সমবাকীর্য শৌরিং দামোদরং তদা॥ 2-70-14 (14053)
ননাদ বলবান্ক্রুদ্ধঃ শিশুপালঃ প্রতাপবান্।
ইদং চোবাচ সংরব্ধঃ কেশবং পরবীরহা॥ 2-70-15 (14054)
শিশুপাল উবাচ॥ 2-70-16x (1504)
অদ্যাঙ্গং মামকা বাণা ভেৎস্যন্তি তব সংয়ুগে।
হৎবা ৎবাং সমুতামাত্যং পাণ্ডবাংশ্চ তরস্বিনঃ॥ 2-70-16 (14055)
অনৃণ্যমদ্যয যাস্যামি জরাসন্ধস্য ধীমতঃ।
কংসস্য কেশিনশ্চৈব নরকস্য তথৈব হ॥ 2-70-17 (14056)
বৈশম্পায়ন উবাচ॥ 2-70-18x (1505)
ইত্যুক্ৎবা ক্রোধতাম্রাক্ষঃ শিশুপালো জনার্দনম্।
অদৃশ্যং শরবর্ষেণ সর্বতঃ স চকার হ॥ 2-70-18 (14057)
ততোঽস্ত্রেণৈব চান্যোন্যং নিকৃত্য চ শরান্বহূন্।
শরবর্ষৈস্তদা চৈদ্যমন্তর্ধাতুং প্রচক্রমে॥ 2-70-19 (14058)
অন্তর্ধানগতৌ বীরৌ শুশুভাতে মহারথৌ।
তৌ দৃষ্ট্বা সর্বভূতানি সাধুসাধ্বিত্যপূজয়ন্॥ 2-70-20 (14059)
ন দৃষ্টপূর্বমস্মাভির্যুদ্ধমীদৃশকং পুরা।
ততঃ কৃষ্ণং জঘানাশু শুশুপালস্ত্রিভিঃ শরৈঃ॥ 2-70-21 (14060)
কৃষ্ণোঽপি বাণৈর্বিব্যাধ সুনীথং পঞ্চভির্যুধি।
ততঃ সুনীথং সপ্তত্যা নারাচৈর্দয়দ্বলী। 2-70-22 (14061)
ততোঽতিবিদ্ধঃ কৃষ্ণেন সুনীথঃ ক্রোধমূর্ছিতঃ।
বিব্যাধ নিশিতৈর্বাণৈর্বাসুদেবং স্তনান্তরে॥ 2-70-23 (14062)
পুনঃ কৃষ্ণং ত্রিভির্বিদ্ধ্বা ননাদাবসরে নৃপঃ।
ততোঽতিদারুণং যুদ্ধং সহসা চক্রতুস্তদা॥ 2-70-24 (14063)
নৌ নখৈরিব শার্দূলৌ দন্তৈরিব মহাগজৌ।
দংষ্ট্রাভিরিব পঞ্চাস্যৌ চরণৈরিব কুক্কুটৌ॥ 2-70-25 (14064)
দারয়েতাং শরৈস্তীক্ষ্ণৈরন্যোন্যং যুধি তাবুভৌ।
ততো মুমুচতুঃ ক্রুদ্ধৌ শরবর্ষমনুত্তমম্॥ 2-70-26 (14065)
শরৈরেব শরাঞ্ছিৎবা তাবুভৌ পুরুষর্ষভৌ।
চক্রাতেঽস্ত্রময়ং যুদ্ধং ঘোরং তদতিমানুষম্॥ 2-70-27 (14066)
আগ্নেয়মস্ত্রং মুমুচে শিশুপালঃ প্রতাপবান্।
বারুণাস্ত্রেণ তচ্ছ্রীঘ্রং নাশয়ামাস কেশবঃ॥ 2-70-28 (14067)
কৌবেরমস্ত্রং সহসা চেদিরাট্ প্রমুমোচ হ। 2-70-29 কৌবেরণৈব সহসাঽনাশয়ত্তং জগৎপ্রভুঃ॥ 2-70-29 (14068)
যাম্যমস্ত্রং ততঃ ক্রুদ্ধো মুমুচে কালমোহিতঃ।
যাম্যেনৈবাস্ত্রয়োগেন যাম্যমস্ত্রং ব্যনাশয়ৎ॥ 2-70-30 (14069)
গান্ধর্বেণ চ গান্ধর্বং মানবং মানবেন চ।
বায়ব্যেন চ বায়ব্যং রৌদ্রং রৌদ্রেণ চাভিভূঃ॥ 2-70-31 (14070)
ঐন্দ্রমৈন্দ্রেণ ভগবান্বৈষ্ণবেন চ বৈষ্ণবম্।
এবমস্ত্রাণি কুর্বাণৌ যুয়ুধাতে মহাবলৌ॥ 2-70-32 (14071)
ততো মায়াং বিকুর্বাণো দমগোষসুতো বলী।
গদামুসলসংয়ুক্তাঞ্ছক্তিতোমরসায়কান্॥ 2-70-33 (14072)
পরশ্বথমুসণ্ডীশ্চ ববর্ষ যুধি কেশবম্।
অমোঘাস্ত্রেণ ভগবান্নাশয়ামাস কেশিহা॥ 2-70-34 (14073)
শিলাবর্ষং মহাঘোরং ববর্ষ যুধি চেদিরাট্।
বজ্রাস্ত্রেণাভিসঙ্ক্রুদ্ধশ্চূর্ণং তদকরোৎপ্রভুঃ॥ 2-70-35 (14074)
জলবর্ষং ততো ঘোরং ব্যস়জচ্চেদিপুঙ্গবঃ।
বায়ব্যাস্ত্রেণ ভগবান্ব্যাক্ষিপচ্ছতশো হি তৎ॥ 2-70-36 (14075)
নিহত্য সর্বমায়াং বৈ সুনীতস্য জনার্দনঃ।
স মুহূর্তং চকারাশু দ্বন্দ্বয়ুদ্ধং মহারথঃ॥ 2-70-37 (14076)
স বাণয়ুদ্ধং কুর্বাণো ভর্ৎসয়ামাস চেদিরাট্।
দমঘোষসুতো ধৃষ্টমুবাচ যদুপুঙ্গবম্॥ 2-70-38 (14077)
অদ্য কৃষ্ণমকৃষ্ণং তু কুর্বন্তু মম সায়কাঃ।
ইত্যেবমুক্ৎবা দুষ্টাত্মা শরবর্ষং জনার্দনে॥ 2-70-39 (14078)
মুমোচ পুরুষব্যাঘ্রো ঘোরং বৈ চেদিপুঙ্গবঃ।
শরসংঙ্কৃত্তগাত্রস্তু ক্ষণেন যদুনন্দনঃ॥ 2-70-40 (14079)
রুধিরং পরিসুস্রাব মদং মত্ত ইব দ্বিপঃ।
ন যন্তা ন রথো বাপি ন চাশ্বাঃ পর্বতোপমাঃ॥ 2-70-41 (14080)
দৃশ্যন্তে শরসঞ্ছন্নাঃ কেশবস্য মহাত্মনঃ।
কেশবং তদবস্থং তু দৃষ্ট্বা ভূতানি চক্রুশুঃ॥ 2-70-42 (14081)
দারুকস্তু তদা প্রাহ কৃষ্ণং যাদবনন্দনম্।
নেদৃশো দৃষ্টপূর্বো হি সঙ্গ্রামো বৈ পুরা ময়া॥ 2-70-43 (14082)
স্থাতব্যমিতি তিষ্ঠামি ৎবৎপ্রভাবেণ মাধব।
অন্যথা ন চ মে প্রাণা ধরায়েয়ুর্জনার্দন॥ 2-70-44 (14083)
অতঃ সঞ্চিন্ত্য গোবিন্দ ক্ষিপ্রমস্য বধং কুরু।
এবমুক্তস্তু সূতেন কেশবো বাক্যমব্রবীৎ॥ 2-70-45 (14084)
এষ হ্যতিবলো দৈত্যো হিরণ্যকশিপুঃ পুরা।
রিপুঃ সুরাণামভবদ্বরদানেন গর্বিতঃ॥ 2-70-46 (14085)
তথাঽঽসীদ্রাবণো নাম রাক্ষসো হ্যতিবীর্যবান্।
তেনৈব বলবীর্যেণ বলং নাগণয়ন্মম॥ 2-70-47 (14086)
অহং মৃত্যুশ্চ ভবিতা কালে কালে দুরাত্মনঃ।
ন ভেতব্যং তথা সূত নৈষ কশ্চিন্ময়ি স্থিতে॥ 2-70-48 (14087)
ইত্যেবমুক্ৎবা ভগবান্ননর্দ গরুডধ্বজঃ।
পাঞ্চজন্যং মহাশঙ্খং পূরয়ামাস কেশবঃ॥ 2-70-49 (14088)
সংমোহয়িৎবা ভগবাংশ্চক্রং দিব্যং সমাদদে।
চিচ্ছেদ চ সুনীথস্য শিরশ্চক্রেণ সংয়ুগে'॥ 2-70-50 (14089)
স পপাত মহাবাহুর্বজ্রাহত ইবাচলঃ।
ততশ্চেদিপতের্দেহাত্তেজোঽগ্র্যং দদৃশুর্নৃপাঃ॥ 2-70-51 (14090)
উৎপতন্তং মহারাজ গগনাদিব ভাস্করম্।
ততঃ কমলপত্রাক্ষং কৃষ্ণং লোকনমস্কৃতম্।
ববন্দে তত্তদা তেজো বিবেশ চ নরাধিপ॥ 2-70-52 (14091)
তদদ্ভুতমমন্যন্ত দৃষ্ট্বা সর্বে মহীক্ষিতঃ।
যদ্বিবেশ মহাবাহুং তত্তেজঃ পুরুষোত্তমম্॥ 2-70-53 (14092)
অনভ্রে প্রববর্ষ দ্যৌঃ পপাত জ্বলিতাশনিঃ।
কৃষ্ণেন নিহতে চৈদ্যে চচাল ন বসুন্ধরা॥ 2-70-54 (14093)
ততঃ কেচিন্মহীপালা নাব্রুবংস্তত্র কিঞ্চন।
অতীতবাক্পথে কালে প্রেক্ষমাণা জনার্দনম্॥ 2-70-55 (14094)
হস্তৈর্হস্তাগ্রমপরে প্রত্যপিংষন্নমর্ষিতাঃ।
অপরে দশনৈরোষ্ঠানদশন্ক্রোধমূর্ছিতাঃ॥ 2-70-56 (14095)
রহশ্চ কেচিদ্বার্ষ্ণেয়ং প্রশশংসুর্নরাধিপাঃ।
কেচিদেব সুসংরব্ধা মধ্যস্থাস্ৎবপরেঽভবন্॥ 2-70-57 (14096)
প্রহৃষ্টাঃ কেশবং জগ্মুঃ সংস্তুবন্তো মহর্ষয়ঃ।
ব্রাহ্মণাশ্চ মহাত্মানঃ পার্থিবাশ্চ মহাবলাঃ।
শশংসুর্নির্বৃতাঃ সর্বে দৃষ্ট্বা কৃষ্ণস্য বিক্রমম্॥ 2-70-58 (14097)
`সদেবগন্ধর্বগণা রাজানো ভুবি বিশ্রুতাঃ।
প্রণামং হি হৃষীকেশে প্রাকুর্বত মহাত্মনি॥ 2-70-59 (14098)
যে ৎবাসুরগণাঃ পক্ষাঃ সম্ভূতাঃ ক্ষত্রিয়া ইহ।
তে নিন্দন্তি হৃষীকেশং দুরাত্মানো গতায়ুষঃ॥ 2-70-60 (14099)
প্রজাপতিগণা যে তু মধ্যস্থাশ্চ মহাত্মনি।
ব্রহ্মর্ষয়শ্চ সিদ্ধাশ্চ গন্ধর্বোরগচারণাঃ॥ 2-70-61 (14100)
তে বৈ স্তুবন্তি গোবিন্দং দিব্যৈর্মঙ্গলসংয়ুতৈঃ।
পরস্পরং চ নৃত্যন্তি গীতেন বিবিধেন চ।
উপতিষ্ঠন্তি গোবিন্দং প্রীতিয়ুক্তা মহাত্মনি॥ 2-70-62 (14101)
প্রহৃষ্টাঃ কেশবং জগ্মুঃ সংস্তুবন্তো মহর্ষয়ঃ।
ব্রাহ্মণাশ্চাপি সুপ্রীতাঃ পাণ্ডবাশ্চ মহাবলাঃ॥ 2-70-63 (14102)
পাণ্ডবস্ৎবব্রবীদ্ভাতৄন্সৎকারেণ মহীপতিম্।
দমঘোষাত্মজং শূরং সংস্কারয়ত মা চিরম্॥ 2-70-64 (14103)
কুরুরাজবচঃ শ্রুৎবা ভ্রাতরস্তে ৎবরান্বিতাঃ।
তথা চ কৃতবন্তস্তে ভ্রাতুর্বৈ শাসনং তদা॥ 2-70-65 (14104)
চেদীনামাধিপত্যে চ পুত্রং তস্যাজ্ঞয়া হরেঃ।
অভ্যষিঞ্চত তং পার্থঃ সহিতৈর্বসুধাধিপৈঃ॥ ॥ 2-70-66 (14105)
ইতি শ্রীমন্মহাভারতে সভাপর্বণি শিশুপালবধপর্বণি সপ্ততিতমোঽধ্যায়ঃ॥ 70॥
সভাপর্ব - অধ্যায় 071
॥ শ্রীঃ ॥
2.71. অধ্যায়ঃ 071
Mahabharata - Sabha Parva - Chapter Topics
বিস্তরেণ রাজসূয়বর্ণনম্॥ 1॥Mahabharata - Sabha Parva - Chapter Text
বৈশম্পায়ন উবাচ॥
ততঃ প্রববৃতে যজ্ঞো ধর্মরাজস্য ধীমতঃ।
শান্তবিঘ্নার্হণক্ষোভো মহর্ষিগণসঙ্কুলঃ॥ 2-71-1 (14106)
তং তু যজ্ঞং মহাবাহুরাসমাপ্তের্জনার্দনঃ।
ররক্ষ ভগবাঞ্ছৌরিঃ শার্ঙ্গচক্রগদাধরঃ॥ 2-71-2 (14107)
তস্মিন্যজ্ঞে প্রবৃত্তে তু বাগ্মিনো হেতুবাদিনঃ।
হেতুবাদান্বহূন্প্রাহুঃ পরপক্ষজিগীষবঃ॥ 2-71-3 (14108)
দদৃশুস্তে নৃপতয়ো যজ্ঞস্য বিধিমুত্তমম্।
উপেন্দ্রস্যেব বিহিতং সহদেবেন ভারত॥ 2-71-4 (14109)
তদ্যজ্ঞে ন্যবসন্রাজন্ব্রাহ্মণা ভৃশমুৎসুকাঃ।
কথয়ন্তঃ কথাঃ পুণ্যাঃ পশ্যন্তো নটনর্তকান্॥ 2-71-5 (14110)
দদৃশুস্তোরণান্যত্র হেমতালময়ানি চ।
দীপ্তভাস্করতুল্যানি প্রদীপ্তানীব তেজসা॥ 2-71-6 (14111)
স যজ্ঞস্তোরণৈস্তত্র গ্রহৈর্দ্যোরিব সম্বভৌ।
শয়্যাসনবিহারাংশ্চ সুবহূন্রত্নসংবৃতান্॥ 2-71-7 (14112)
ঘটান্পাত্রীকটাহানি কলশানি সমন্ততঃ।
ন তে কিঞ্চিদসৌবর্ণমপশ্যংস্তত্র পার্থিবাঃ॥ 2-71-8 (14113)
ভুঞ্জানানাং চ বিপ্রাণাং স্বাদুভোজ্যৈঃ পৃথগ্বিধৈঃ।
অনিশং শ্রূয়তে তত্র মুদিতানাং মহাত্মনাম্॥ 2-71-9 (14114)
দীয়তাং দীয়তামেষাং ভুজ্যতাং ভুজ্যতামিতি।
এবম্প্রকারাঃ সঞ্জল্পাঃ শ্রূয়ন্তে তত্র নিত্যশঃ॥ 2-71-10 (14115)
ওদনানাং বিকারাণি স্বাদূনি চ বহূনি চ।
বিবিধআনি চ ভক্ষ্যাণি পেয়ানি মধুরাণি চ॥ 2-71-11 (14116)
দদুর্দ্বিজানাং সততং রাজপ্রেষ্যা মহাধ্বরে।
পূর্ণে শতসহস্রে তু বিপ্রাণাং ভুঞ্জতাং তদা॥ 2-71-12 (14117)
স্থাপিতস্তত্র সঞ্জ্ঞার্থং শঙ্খোঽধ্মায়ত নিত্যশঃ।
মুহুর্মুহুঃ প্রণাদস্তু তস্য শঙ্খস্য ভারত॥ 2-71-13 (14118)
উত্তমঃ শ্রূয়তে শব্দঃ শ্রুৎবা বিস্ময়মাগমন্।
এবং প্রবৃত্তে যজ্ঞে তু তুষ্টপুষ্টজনায়ুতে॥ 2-71-14 (14119)
অন্নস্য বহুশো রাজন্নুৎসেধাঃ পর্বতোপমাঃ।
দধিকুল্যাশ্চ দদৃশুঃ সর্পিষশ্চ হ্রদাঞ্জনাঃ॥ 2-71-15 (14120)
জম্বূদ্বীপো হি সকলো নানাজনপদায়ুতঃ।
রাজন্নদৃশ্যতৈকস্থো রাজ্ঞস্তস্মিন্মহাক্রতৌ॥ 2-71-16 (14121)
তত্র রাজসহস্রাণি পুরুষাণাং ততস্ততঃ।
গৃহীৎবা ধনমাজগ্মুস্তস্য রাজ্ঞো মহাক্রতৌ॥ 2-71-17 (14122)
রাজানঃ স্রগ্বিণশ্চৈব সংমৃষ্টমণিকুণ্ডলাঃ।
তান্পরীবিবিষুর্বিপ্রাঞ্ছতশোঽথ সহস্রশঃ॥ 2-71-18 (14123)
বিবিধান্যন্নপানানি লেহ্যানি বিবিধানি চ।
তেষাং নৃপোপভোগ্যানি ব্রাহ্মণেভ্যো দদুঃ স্ম তে॥ 2-71-19 (14124)
নানাবিধানি ভক্ষ্যাণি স্বাদুপুষ্পফলানি চ।
গুলানি স্বাদুক্ষৌদ্রাণি দদুস্তে ব্রাহ্মণেষু বৈ॥ 2-71-20 (14125)
এতানি সততং ভুক্ৎবা তস্মিন্যজ্ঞে দ্বিজাতয়ঃ।
পরাং প্রীতিং যয়ুঃ সর্বে মোদমানাস্ততস্ততঃ॥ 2-71-21 (14126)
এবং প্রমুদিতং সর্বং বহুশো ধনধান্যবৎ।
যজ্ঞবাটং নৃপা দৃষ্ট্বা বিস্ময়ং পরমং যয়ুঃ॥ 2-71-22 (14127)
যথাবদ্ধূয়মানাগ্নিং রাজসূয়ং মহাক্রতুম্।
পাণ্ডবস্য যথাশাস্ত্রং জুহুবুঃ সর্বয়াজকাঃ॥ 2-71-23 (14128)
ব্যাসধৌম্যাদয়ঃ সর্বে বিধিবৎষোডশর্ৎবিজঃ।
স্বস্বকর্মাণি চক্রুস্তে পাণ্ডবস্য মহাক্রতৌ॥ 2-71-24 (14129)
নাষডঙ্গবিদত্রাসীৎসদস্যো নাবহুশ্রুতঃ।
নাব্রতো নানুপাধ্যায়ো ন পাপো নাক্ষমো দ্বিজঃ॥ 2-71-25 (14130)
ন তত্র কৃপণঃ কশ্চিদ্দরিদ্রো ন বভূব হ।
ক্ষুধিতো দুঃখিতো বাপি প্রাকৃতো বাপি মানুষঃ॥ 2-71-26 (14131)
ভোজনং ভোজনার্থিভ্যো দাপয়ামাস সর্বদা।
সহদেবো মহাতেজাঃ সততং রাজশাসনাৎ॥ 2-71-27 (14132)
সংস্তরে কুশলাশ্চাপি সর্বকর্মাণি যাজকাঃ।
দিবস দিবসে চক্রুর্যথাশাস্ত্রার্থচক্ষুষঃ॥ 2-71-28 (14133)
ব্রাহ্মণা দেবশাস্ত্রজ্ঞঃ কথাশ্চক্রুশ্চ সর্বতঃ।
রেমিরে চ কথান্তে তু সর্বে তস্মিন্মহাক্রতৌ॥ 2-71-29 (14134)
সা বেদির্বেদসম্পন্নৈর্দেবদ্বিজমহর্ষিভিঃ।
আবভাসে তদা কীর্ণা নক্ষত্রৈর্দ্যৌরিবামলা॥ 2-71-30 (14135)
পাণ্ডিত্যদর্শনার্থায় কেচন দ্বিজসত্তমাঃ।
তর্কার্থমাগতাঃ কেচিৎকেচিদ্বিদ্যাভিমানিনঃ॥ 2-71-31 (14136)
কেচিদ্দিদৃক্ষয়া কেচিদ্ভীত্যা রাজ্ঞঃ প্রতাপিনঃ।
সর্বেঽপ্যবভৃথস্নাতা যাজকাঃ কেচন দ্বিজাঃ॥ 2-71-32 (14137)
ততো বৈ হেময়ূপাংশ্চ সর্বরত্নসমাচিতান্।
শোভার্থং কারয়ামাস সহদেবো মহাদ্যুতিঃ॥ 2-71-33 (14138)
দদৃশুস্তোরণান্যত্র হেমতালময়ানি চ।
স যজ্ঞস্তোরণৈস্তৈশ্চ গ্রহৈর্দ্যোরিব সম্বভৌ॥ 2-71-34 (14139)
তালানাং তোরণৈর্হৈমৈর্দান্তৈরিব দিশাগজৈঃ।
দিক্ষু সর্বাসু বিন্যস্তৈস্তেজোভির্ভাস্করৈর্যথা॥ 2-71-35 (14140)
সকিরীটৈর্নৃপৈশ্চৈব শুশুভে তৎসদস্তদা।
দেবৈর্দিব্যৈশ্চ যক্ষৈশ্চ উরগৈর্দিব্যমানুষৈঃ॥ 2-71-36 (14141)
বিদ্যাধরগণৈঃ কীর্ণঃ পাণ্ডবস্য মহাত্মনঃ।
স রাজসূয়ঃ শুশুভে ধর্মরাজস্য ধীমতঃ॥ 2-71-37 (14142)
গন্ধর্বগণসঙ্কীর্ণঃ শোভিতোঽপ্সরসাং গণৈঃ।
দেবৈর্মুনিগণৈর্যক্ষৈর্দেবলোক ইবাপরঃ॥ 2-71-38 (14143)
স কিম্পুরুষগীতৈশ্চ কিন্নরৈরুপশোভিতঃ।
নারদশ্চ জগৌ তত্র তুম্বুরুশ্চ মহাদ্যুতিঃ॥ 2-71-39 (14144)
বিশ্বাসুশ্চিত্রসেনস্তথাঽন্যে গীতকোবিদাঃ।
রময়ন্তি স্ম তান্সর্বান্যজ্ঞকর্মান্তরেষ্বথ॥ 2-71-40 (14145)
তত্র চাপ্সরসঃ সর্বাঃ সুন্দর্যঃ প্রিয়দর্শনাঃ।
ননৃতুশ্চ জগুশ্চাত্র নিত্যং কর্মান্তরেষ্বথ॥ 2-71-41 (14146)
ইতিহাসপুরাণানি আখ্যানানি চ সর্বশঃ।
ঊচুর্বৈ শব্দশাস্ত্রজ্ঞা নিত্যং কর্মান্তরেষ্বথ॥ 2-71-42 (14147)
ভের্যশ্চ মুরজাশ্চৈব মড্ডুকা গোমুখাশ্চ যে।
শৃঙ্গবংশাম্বুজা বীণাঃ শ্রূয়ন্তে স্ম সহস্রশঃ॥ 2-71-43 (14148)
লোকেঽস্মিন্সর্ববিপ্রাশ্চ বৈশ্যাঃ শূদ্রা নৃপাদয়ঃ।
সর্বে ম্লেচ্ছাঃ সর্বগণাস্ৎবাদিমধ্যান্তজাস্তথা। 2-71-44 (14149)
নানাদেশসমুদ্ভূতৈর্নানাজাতিভিরাগতৈঃ।
পর্যাপ্ত ইব লোকোঽয়ং যুধিষ্ঠিরনিবেশনে॥ 2-71-45 (14150)
ভীষ্মদ্রোণাদয়ঃ সর্বে কুরবঃ সসুয়োধনাঃ।
বৃষ্ণয়শ্চ সমগ্রাশ্চ পাঞ্চালাশ্চাপি সর্বশঃ॥ 2-71-46 (14151)
যজ্ঞেঽস্মিন্সর্বকর্মাণি চক্রুর্দাসা ইব ক্রতৌ।
এবং প্রবৃত্তো যজ্ঞঃ স ধর্মরাজস্য ধীমতঃ॥ 2-71-47 (14152)
শুশুভে চ মহাবাহো সোমস্যেব ক্রতুর্যথা।
বস্ত্রাণি কম্বলাংশ্চৈব প্রাবারাংশ্চৈব সর্বদা॥ 2-71-48 (14153)
নিষ্কহেমজভাণ্ডানি ভূষণানি চ সর্বশঃ।
প্রদদৌ তত্র বিপ্রাণাং ধর্মরাজো যুধিষ্ঠিরঃ॥ 2-71-49 (14154)
যানি তত্র মহীপালৈর্লব্ধবান্ভরতর্ষভঃ।
তানি সর্বাণি রত্নানি ব্রাহ্মণানাং দদৌ তদা'॥ ॥ 2-71-50 (14155)
ইতি শ্রীমন্মহাভারতে সভাপর্বণি শিশুপালবধপর্বণি একসপ্ততিতমোঽধ্যায়ঃ॥71 ॥
সভাপর্ব - অধ্যায় 072
॥ শ্রীঃ ॥
2.72. অধ্যায়ঃ 072
Mahabharata - Sabha Parva - Chapter Topics
যুধিষ্ঠিরেণ ব্যাসাদীনাং পূজনম্॥ 1॥ রাজ্ঞাং যুধিষ্ঠিরমামন্ত্র্য স্বস্বদেশগমনম্॥ 2॥ শ্রীকৃষ্ণস্য যুধিষ্ঠিরাদীনামন্ত্র্য দ্বারকাং প্রতি গমনম্॥ 3॥Mahabharata - Sabha Parva - Chapter Text
বৈশম্পায়ন উবাচ॥
ততঃ স কুরুরাজস্য সর্বকর্মসমৃদ্ধিমান্।
যজ্ঞঃ প্রীতিকরো রাজন্সংবভৌ বিপুলোৎসবঃ॥ 2-72-1 (14156)
শান্তবিঘ্নঃ সুখারম্ভঃ প্রভূতধনধান্যবান্।
অন্নবান্বহুভক্ষ্যশ্চ কেশবেন সুরক্ষিতঃ॥ 2-72-2 (14157)
সমাপয়ামাস চ তং রাজসূয়ং মহাক্রতুম্।
`কোটিসহস্রং প্রদদৌ ব্রাহ্মণানাং মহাত্মনাম্॥ 2-72-3 (14158)
ন করিষ্যতি তং লোকে কশ্চিদন্যো মহীপতিঃ।
যাজকাঃ সর্বকামৈশ্চ সততং ততৃপুর্ধনৈঃ॥ 2-72-4 (14159)
ততশ্চাবভৃথস্নাতঃ স রাজা পাণ্ডুনন্দনঃ।
ব্যাসং ধৌম্যং বসিষ্ঠং চ নারদং চ মহামুনিম্॥ 2-72-5 (14160)
সুমন্তু জৈমিনিং পৈলং বৈশম্পায়নমেব চ।
যাজ্ঞবল্ক্যং চ কপিলং কপালং কৌশিকং তথা।
সর্বাংশ্চ ঋৎবিক্প্রবরান্পূজয়ামাস সৎকৃতান্॥ 2-72-6 (14161)
যুধিষ্ঠির উবাচ॥ 2-72-7x (1506)
যুষ্মৎপ্রসাদাৎপ্রাপ্তোঽয়ং রাজসূয়ো মহাক্রতুঃ।
জনার্দনপ্রসাদাদ্ধি সম্পূর্ণো মে মনোরথঃ॥ 2-72-7 (14162)
বৈশম্পায়ন উবাচ॥ 2-72-8x (1507)
অথ যজ্ঞং সমাপ্যান্তে পূজয়ামাস মাধবম্।
বলদেব চ দেবেশং ভীষ্মাদ্যাংশ্চ কুরূদ্বহান্'॥ 2-72-8 (14163)
ততস্ৎববভৃথস্নাতং ধর্মাত্মানং যুধিষ্ঠিরম্।
সমস্তং পার্থিবং ক্ষত্রমুপগম্যেদমব্রবীৎ॥ 2-72-9 (14164)
দিষ্ট্যা বর্ধসি ধর্মজ্ঞ সাম্রাজ্যং প্রাপ্তবানসি।
আজমীঢাজমীঢানাং যশঃ সংবর্ধিতং ৎবয়া॥ 2-72-10 (14165)
কর্মণৈতেন রাজেন্দ্র ধর্মশ্চ সুমহান্কৃতঃ।
আপৃচ্ছামো নরব্যাঘ্র সর্বকামৈঃ সূপূজিতাঃ॥ 2-72-11 (14166)
স্বরাষ্ট্রাণি গমিষ্যামস্তদনুজ্ঞাতুমর্হসি।
শ্রুৎবা তু বচনং রাজ্ঞাং ধর্মরাজো যুধিষ্ঠিরঃ॥ 2-72-12 (14167)
যথার্হং পূজ্য নৃপতীন্ভ্রাতৄন্সর্বানুবাচ হ।
রাজানঃ সর্ব এবৈতে প্রীত্যাঽস্মান্প্তমুপাগতাঃ॥ 2-72-13 (14168)
প্রস্থিতাঃ স্বানি রাষ্ট্রাণি মামাপৃচ্ছয় পরন্তপাঃ।
অনুব্রজত ভদ্রং বো বিষয়ান্তং নৃপোত্তমান্॥ 2-72-14 (14169)
ভ্রাতুর্বচনমাজ্ঞায় পাণ্ডবা ধর্মচারিণঃ।
যথার্হং নৃপতীন্সর্বানেকৈকং সমনুব্রজন্॥ 2-72-15 (14170)
বিরায়টমন্বায়াত্তূর্ণং ধৃষ্টহ্যুম্নঃ প্রতাপবান্।
ধনঞ্জয়ো যজ্ঞসেনং মহাত্মানং মহারথম্॥ 2-72-16 (14171)
ভীষ্মং চ ধৃতরাষ্ট্রং চ ভীমসেনো মহাবলঃ।
দ্রোণং তু সসুতং বীরং সহদেবো যুধাং পতিঃ॥ 2-72-17 (14172)
নকুলঃ সুবলং রাজন্সহপুত্রং সমন্বয়াৎ।
দ্রৌপদেয়াঃ সসৌভদ্রাঃ পার্বতীয়ান্মহারথান্॥ 2-72-18 (14173)
অন্বগচ্ছংস্তথৈবান্যান্ক্ষত্রিয়ান্ক্ষত্রিয়র্ষভাঃ।
এবং সুপূজিতাঃ সর্বে জগ্মুর্বিপ্রাঃ সহস্রশঃ॥ 2-72-19 (14174)
গতেষু পার্থিবেন্দ্রেষু সর্বেষু ব্রাহ্মণেষু চ।
যুধিষ্ঠিরমুবাচেদং বাসুদেবঃ প্রতাপবান্॥ 2-72-20 (14175)
আপৃচ্ছে ৎবাং গমিষ্যামি দ্বারকাং কুরুনন্দন।
রাজসূয়ং ক্রতুশ্রেষ্ঠং দিষ্ট্যা ৎবং প্রাপ্তবানসি॥ 2-72-21 (14176)
তমুবাচৈবমুক্তস্তু ধর্মরাজো জনার্দনম্।
তব প্রসাদাদ্গোবিন্দ প্রাপ্তঃ ক্রতুবরো ময়া॥ 2-72-22 (14177)
ক্ষত্রং সমগ্রমপি চ ৎবৎপ্রসাদাদ্বশে স্থিতম্।
উপাদায় বলিং মুখ্যং মামেব সমুপস্থিতম্॥ 2-72-23 (14178)
কথং ৎবদ্গমনার্থং মে বাণী বিতরতেঽনঘ॥ 2-72-24 (14179)
ন হ্যহং ৎবামৃতে বীরং রতিং প্রাপ্নোমি কর্হচিৎ।
অবশ্যং চৈব গন্তব্যা ভবতা দ্বারকা পুরী॥ 2-72-25 (14180)
বৈশম্পায়ন উবাচ॥ 2-72-26x (1508)
এবমুক্তঃ স ধর্মাত্মা যুধিষ্ঠিরসহায়বান্।
অভিগম্যাব্রবীৎপ্রীতঃ পৃথাং পৃথুয়শা হরিঃ॥ 2-72-26 (14181)
সাম্রাজ্যং সমনুপ্রাপ্তাঃ পুত্রাস্তেঽদ্য পিতৃষ্বসঃ।
সিদ্ধার্থা বসুমন্তশ্চ সা ৎবং প্রীতিমবাপ্নুহি॥ 2-72-27 (14182)
অনুজ্ঞাতস্ৎবয়া চাহং দ্বারকাং গন্তুমুৎসহে।
সুভদ্রাং দ্রৌপদীং চৈব সভাজয়ত কেশবঃ॥ 2-72-28 (14183)
নিষ্ক্রম্যান্তঃ পুরাত্তস্মাদ্যুধিষ্ঠিরসহায়বান্।
স্নাতশ্চ কৃতজপ্যশ্চ ব্রাহ্মণান্স্বস্তি বাচ্য চ॥ 2-72-29 (14184)
ততো মেঘবপুঃ প্রগ্ব্যং স্যন্দনং চ সুকল্পিতম্।
যোজয়িৎবা মহাবাহুর্দারুকঃ সমুপস্থিতঃ॥ 2-72-30 (14185)
উপস্থিতং রথং দৃষ্ট্বা তার্ক্ষ্যপ্রবরকেতনম্।
প্রদক্ষিণমুপাবৃত্য সমারুহ্য মহামনাঃ॥ 2-72-31 (14186)
প্রয়যৌ পুণ্ডরীকাক্ষস্ততো দ্বারবতীং পুরীম্॥ 2-72-32 (14187)
তং পদ্ভ্যামনুবব্রাজ ধর্মরাজো যুধিষ্ঠিরঃ।
ভ্রাতৃভিঃ সহিতঃ শ্রীমান্বাসুদেবং মহাবলম্॥ 2-72-33 (14188)
ততো মুহূর্তং সঙ্গৃহ্য স্যন্দনপ্রবরং হরিঃ।
অব্রবীৎপুণ্ডরীকাক্ষঃ কুন্তীপুত্রং যুধিষ্ঠিরম্॥ 2-72-34 (14189)
অপ্রমত্তঃ স্থিতো নিত্যং প্রজাঃ পাহি বিশাম্পতে।
পর্জন্যমিব ভূতানি মহাদ্রুমমিব দ্বিজাঃ॥ 2-72-35 (14190)
বান্ধবাস্ৎবোপজীবন্তু সহস্রাক্ষমিবামরাঃ।
কৃৎবা পরস্পরেণৈব সংবাদং কৃষ্ণপাণ্ডবৌ॥ 2-72-36 (14191)
অন্যোন্যং সমনুজ্ঞাপ্য জগ্মতুঃ স্বগৃহান্প্রতি।
গতে দ্বারবতীং কৃষ্ণে সাৎবতপ্রবরে নৃপ॥ 2-72-37 (14192)
মহাদুর্যোধনো রাজা শকুনিশ্চাপি সৌবলঃ।
`সূতপুত্রশ্চ গধেয়ঃ সহ দুঃশাসনাদিভিঃ॥ 2-72-38 (14193)
সর্বকামগুণোপেতৈরর্চ্যমানাস্তু ভারত'।
তস্যাং সভায়াং দিব্যায়ামবসংস্তত্র পাণ্ডবৈঃ॥ ॥ 2-72-39 (14194)
ইতি শ্রীমন্মহাভারতে সভাপর্বণি শিশুপালবধপর্বণি দ্বিসপ্ততিতমোঽধ্যায়ঃ॥72 ॥
Mahabharata - Sabha Parva - Chapter Footnotes
2-72-28 সভাজয়ত প্রীণিতবান্॥সভাপর্ব - অধ্যায় 073
॥ শ্রীঃ ॥
2.73. অধ্যায়ঃ 073
Mahabharata - Sabha Parva - Chapter Topics
ব্যাসম্প্রতি যুধিষ্ঠিরেণ উৎপাতফলপ্রশ্নে ব্যাসেন তৎকথনপূর্বকং কৈলাসগমনম ্॥ 1॥ ব্যাসোক্তং ভ্রাতৃষু নিবেদ্য শোচতো যুধিষ্ঠিরস্য অর্জুনেন সমাশ্বাসনম্॥ 2। । যিধিষ্ঠিরেণ সময়করণম্॥ 3॥Mahabharata - Sabha Parva - Chapter Text
বৈশম্পায়ন উবাচ॥
`অনুসংসার্য নৃপতীন্পাণ্ডবাঃ পাণ্ডবাগ্রজম্।
অভিজগ্মুর্মহেষ্বাসা ধর্মরাজং যুধিষ্ঠিরম্॥ 2-73-1 (14195)
সোঽনুমেনে মহাবাহুর্ভাতৄংশ্চ সুহৃদস্তথা'।
শিষ্যৈঃ পরিবৃতো ব্যাসঃ পুরস্তাৎসমপদ্যত॥ 2-73-2 (14196)
সোঽভ্যযাদাসনাত্তূর্ণং ভ্রাতৃভিঃ পরিবারিতঃ।
পাদ্যেনাসনদানেন পিতামহমপূজয়ৎ॥ 2-73-3 (14197)
অথোপবিশ্য ভগবান্কাঞ্চনে পরমাসনে।
আস্যতামিতি চোবাচ ধর্মরাজং যুধিষ্ঠিরম্॥ 2-73-4 (14198)
অথোপবিষ্টং রাজানং ভ্রাতৃভিঃ পরিবারিতম্।
উবাচ ভগবান্ব্যাসস্তত্তদ্বাক্যবিশারদঃ॥ 2-73-5 (14199)
দিষ্ট্যা বর্ধসি কৌন্তেয় সাম্রাজ্যং প্রাপ্য দুর্লভম্।
বর্ধিতাঃ কুরবঃ সর্বে ৎবয়া কুরুকুলোদ্বহ॥ 2-73-6 (14200)
আপৃচ্ছে ৎবাং গমিষ্যামি পূজিতোঽস্মি বিশাম্পতে।
এবমুক্তঃ স কৃষ্ণেন ধর্মরাজো যুধিষ্ঠিরঃ॥ 2-73-7 (14201)
অভিবাদ্যোপসঙ্গৃহ্য পিতামহমথাব্রবীৎ॥ 2-73-8 (14202)
যুধিষ্ঠির উবাচ। 2-73-8x (1509)
সংশয়ো দ্বিপদাং শ্রেষ্ঠ মমোৎপন্নঃ সুদুর্লভঃ।
তস্য নান্যোঽস্তি বক্তা বৈ ৎবামৃতে দ্বিজপুঙ্গব॥ 2-73-9 (14203)
উৎপাতাংস্ত্রিবিধান্প্রাহ নারদো ভগবানৃষিঃ।
দিব্যাংশ্চৈবান্তরিক্ষাংশ্চ পার্থিবাংশ্চ পিতামহ॥ 2-73-10 (14204)
`সুমহচ্চ ফলং তেষাং ভবিতেতি ন সংশয়ঃ'।
অপি চৈদ্যস্য পতনাচ্ছান্তমৌৎপাতিকং মহৎ॥ 2-73-11 (14205)
বৈশম্পায়ন উবাচ॥ 2-73-12x (1510)
রাজ্ঞস্তু বচনং শ্রুৎবা পরাশরসুতঃ প্রভুঃ।
কৃষ্ণদ্বৈপায়নো ব্যাস ইদং বচনমব্রবীৎ॥ 2-73-12 (14206)
ত্রয়োদশ সমা রাজন্নুৎপাতানাং ফলং মহৎ।
সর্বক্ষত্রবিনাশায় ভবিষ্যতি বিশাম্পতে॥ 2-73-13 (14207)
ৎবামেকং কারণং কৃৎবা কালেন ভরতর্ষভ।
সমেতং পার্থিবং ক্ষত্রং ক্ষয়ং যাস্যতি ভারত।
দুর্যোধনাপরাধেন ভীমার্জুনবলেন চ॥ 2-73-14 (14208)
স্বপ্নং দ্রক্ষ্যসি রাজেন্দ্র তস্মিন্কাল উপস্থিতে।
তত্তেঽহং সম্প্রবক্ষ্যামি তন্নিবোধ যুধিষ্ঠির॥ 2-73-15 (14209)
যান্তং দ্রক্ষ্যসি রাজেন্দ্র ক্ষপান্তে ৎবং বৃষধ্বজম্।
নীলকণ্ঠং ভবং স্থাণুং কপালিং ত্রিপুরান্তকম্॥ 2-73-16 (14210)
উগ্রং রুদ্রং পশুপতিং মহাদেবমুমাপতিম্।
হরং শর্বং বৃষং শূলং পিনাকিং কৃত্তিবাসসম্॥ 2-73-17 (14211)
কৈলাসকূডপ্রতিমে বৃষভেঽবস্থিতং শিবম্।
নিরীক্ষমাণং সততং পিতৃরাজাশ্রিতাং দিশম্॥ 2-73-18 (14212)
এবমীদৃশকং স্বপ্নং দ্রক্ষ্যসি ৎবং বিশাম্পতে।
মা তৎকৃতে হ্যনুধ্যাহি কালো হি দুরতিক্রমঃ॥ 2-73-19 (14213)
স্বস্তি তেঽস্তু গমিষ্যামি কৈলাসং পর্বতং প্রতি।
অপ্রমত্তঃ স্থিতো দান্তঃ পৃথিবীং পরিপালয়॥ 2-73-20 (14214)
বৈশম্পায়ন উবাচ॥ 2-73-21x (1511)
এবমুক্ৎবা স ভগবান্কৈলাসং পর্বতং যয়ৌ।
কৃষ্ণদ্বৈপায়নো ব্যাসঃ সহ শিষ্যৈঃ সহানুগৈঃ॥ 2-73-21 (14215)
গতে পিতামহে রাজা চিন্তাশোকসমন্বিতঃ।
নিঃ শ্বসন্নুষ্ণমসকৃত্তমেবার্থং বিচিন্তয়ন্॥ 2-73-22 (14216)
কথং তু দৈবং শক্যেত পৌরুষেণ প্রবাধিতুম্।
অবশ্যমেব ভবিতা যদুক্তং পরমর্ষিণা॥ 2-73-23 (14217)
ততোঽব্রবীন্মহাতেজাঃ সর্বান্ভ্রাতৄন্যুধিষ্ঠিরঃ।
শ্রুতং বৈ পুরুষব্যাঘ্রা যন্মাং দ্বৈপায়নোঽব্রবীৎ॥ 2-73-24 (14218)
তদা তদ্বচনং শ্রুৎবা মরণে নিশ্চিতা মতিঃ।
সর্বক্ষত্রস্য নিধনে যদ্যহং হেতুরীপ্সিতঃ॥ 2-73-25 (14219)
কালেন নির্মিতস্তাত কো মমার্থোঽস্তি জীবতঃ।
এবং ব্রুবন্তং রাজানং ফাল্গুনঃ প্রত্যভাষত॥ 2-73-26 (14220)
মা রাজন্কশ্মলং ঘোরং প্রবিশো বুদ্ধিনাশনম্।
সম্প্রধার্য মহারাজ যৎক্ষমং তৎসমাচর॥ 2-73-27 (14221)
বৈশম্পায়ন উবাচ॥ 2-73-28x (1512)
ততোঽব্রবীৎসত্যধৃতির্ভ্রাতৄন্সর্বান্যুধিষ্ঠিরঃ।
দ্বৈপায়নস্য বচনং তত্রৈব সমচিন্তয়ৎ॥ 2-73-28 (14222)
অদ্যপ্রভৃতি ভদ্রং বঃ প্রতিজ্ঞাং মে নিবোধত।
ত্রয়োদশ সমাস্তাত কো মমার্থো ঽস্তি জীবতঃ॥ 2-73-29 (14223)
ন প্রবক্ষ্যামি পরুষং ভ্রাতৄনন্যাংশ্চ পার্থিবান্।
স্থিতো নিদেশে জ্ঞাতীনাং যোক্ষ্যে তৎসুমুদাহরন্॥ 2-73-30 (14224)
এবং মে বর্তমানস্য স্বসুতেঽষ্বিতরেষু চ।
ভেদো ন ভবিতা লোকে ভেদমূলো হি বিগ্রহঃ॥ 2-73-31 (14225)
বিগ্রহং দূরতো রক্ষন্প্রিয়াণ্যেব সমাচরন্।
বাচ্যতাং ন গমিষ্যামি লোকেষু মনুজর্ষভাঃ॥ 2-73-32 (14226)
ভ্রাতৃর্জ্যেষ্ঠস্য বচনং পাণ্ডবাঃ সংনিশম্য তত।
তমেব সমবর্তন্ত ধর্মরাজহিতে রতাঃ॥ 2-73-33 (14227)
সংসৎসু সময়ং কৃৎবা ধর্মরাড্ভ্রাতৃভিঃ সহ।
পিতৄংস্তর্প্য যথান্যায়ং দেবতাশ্চ বিশাম্পতে॥ 2-73-34 (14228)
কৃতমঙ্গলকল্যামো ভ্রাতৃভিঃ পিরবারিতঃ।
গতেষু ক্ষত্রিয়েন্দ্রেষু সর্বেষু ভরতর্ষভ॥ 2-73-35 (14229)
যুধিষ্ঠিরঃ সহামাত্যঃ প্রবিবেশ পুরোত্তমম্।
দুর্যোধনো মহারাজ শকুনিশ্চাপি সৌবলঃ।
সভায়াং সমণীয়ায়াং তত্রৈবাস্তে নরাধিপ॥ ॥ 2-73-36 (14230)
ইতি শ্রীমন্মহাভারতে সভাপর্বণি দ্যূতপর্বণি ত্রিসপ্ততিতমোঽধ্যায়ঃ॥ 73 ॥
সভাপর্ব - অধ্যায় 074
॥ শ্রীঃ ॥
2.74. অধ্যায়ঃ 074
Mahabharata - Sabha Parva - Chapter Topics
যুধিষ্ঠিরসভায়াং দুর্যোধনে নির্জলদেশে জলভ্রমেণ পরিধানমুৎকর্ষতি সতি তথা স জলদেশে স্থলভ্রান্ত্যা ভবনধানগমনেন জলে পততি চ সতি ভীমাদিভিরুপহাসঃ॥ 1॥ চিন্তাতান্তং দুর্যোধনং প্রতি শকুনিনা চিন্তাহেতুপ্রশ্নে দুর্যোধনেন তৎকথন পূর্বকং ধৃতরাষ্ট্রে স্বদুঃ শনিবেদনায় শকুনিম্প্রতি চোদনম্॥ 2॥Mahabharata - Sabha Parva - Chapter Text
বৈশম্পায়ন উবাচ॥
বসন্দুর্যোধনস্তস্যাং সভায়াং পুরুষর্ষভ।
শনৈর্দদর্শ তাং সর্বাং সভাং শকুনিনা সহ॥ 2-74-1 (14231)
তস্যাং দিব্যানভিপ্রায়ান্দদর্শ কুরুনন্দনঃ।
ন দৃষ্টপূর্বা যে তেন নগরে নাগসাহ্বয়ে॥ 2-74-2 (14232)
স কদাচিৎসভামধ্যে ধার্তরাষ্ট্রো মহীপতিঃ।
স্ফাটিকং স্থলমাসাদ্য জলমিত্যভিশঙ্কয়া॥ 2-74-3 (14233)
স্ববস্ত্রোৎকর্ষণং রাজা কৃতবান্বুদ্ধিমোহিতঃ।
দুর্মনা বিমুখশ্চৈব পরিচক্রাম তাং সভাম্॥ 2-74-4 (14234)
ততঃ স্থলে নিপতিতো দুর্মনা ব্রীডিতো নৃপঃ।
নিঃ শ্বসন্বিমুখশ্চাপি পরিচক্রাম তাং সভাম্॥ 2-74-5 (14235)
ততঃ স্ফাটিকতোয়াং বৈ স্ফাটিকাম্বুজশোভিতাম্।
বাপীং মৎবা স্থলমিব সবাসাঃ প্রাপতঞ্জলে॥ 2-74-6 (14236)
জলে নিপতিতং দৃষ্ট্বা ভীমসেনো মহাবলঃ।
জহাস জহসুশ্চৈব কিঙ্করাশ্চ সুয়োধনম্॥ 2-74-7 (14237)
বাসাংসি চ শুভান্যস্মৈ প্রদদূ রাজশাসনাৎ।
তথাগতং তু তং দৃষ্ট্বা ভীমসেনো মহাবলঃ॥ 2-74-8 (14238)
অর্জুনশ্চ যমৌ চোভৌ সর্বে তে প্রাহসংস্তদা।
নামর্ষয়ত্ততস্তেষামবহাসমমর্ষণঃ॥ 2-74-9 (14239)
আকারং রক্ষমাণস্তু ন স তান্সমুদৈক্ষত।
পুনর্বসনমুৎক্ষিপ্য প্রতিরিষ্যন্নিব স্থলম্॥ 2-74-10 (14240)
আরুরোহ ততঃ সর্বে জহসুশ্চ পুনর্জনাঃ।
দ্বারং তু পিহিতাকারং স্ফাটিকং প্রেক্ষ্য ভূমিপঃ।
প্রবিশন্নাহতো মূর্ধ্নি ব্যাঘূর্ণিত ইব স্থিতঃ॥ 2-74-11 (14241)
তাদৃশং চ পরং দ্বারং স্ফাটিকোরুকবাটকম্।
বিঘট্টয়ন্করাভ্যাং তু নিষ্ক্রম্যাগ্রে পপাত হা॥ 2-74-12 (14242)
দ্বারং তু বিততাকারং সমাপেদে পুনশ্চ সঃ।
তদ্বৃত্তং চেতি মন্বানো দ্বারস্থানাদুপারমৎ॥ 2-74-13 (14243)
এবং প্রলম্ভান্বিবিধান্প্রাপ্য তত্র বিশাম্পতে।
পাণ্ডবেয়াভ্যনুজ্ঞাতস্ততো দুর্যোধনো নৃপঃ॥ 2-74-14 (14244)
অপহৃষ্টেন মনসা রাজসূয়ে মহাক্রতৌ।
প্রেক্ষ্য তামদ্ভুতামৃদ্ধিং জগাম গজসাহ্বয়ম্॥ 2-74-15 (14245)
পাণ্ডবশ্রীপ্রতপ্তস্য ধ্যায়মানস্য গচ্ছতঃ।
দুর্যোধনস্য নৃপতেঃ পাপা মতিরজায়ত॥ 2-74-16 (14246)
পার্থান্সুমনসো দৃষ্ট্বা পার্থিবাংশ্চ বশানুগান্।
কৃৎস্নং চাপি হিতং লোকমাকুমারং কুরূদ্বহ॥ 2-74-17 (14247)
মহিমানং পরং চাপি পাণ্ডবানাং মহাত্মনাম্।
দূর্যোধনো ধার্তরাষ্ট্রো বিবর্ণঃ সমপদ্যত॥ 2-74-18 (14248)
স তু গচ্ছন্ননেকাগ্নঃ সভামেকোঽন্বচিন্তয়ৎ।
শ্রিয়ং চ তামনুপমাং ধর্মরাজস্য ধীমতঃ॥ 2-74-19 (14249)
প্রমত্তো ধৃতরাষ্ট্রস্য পুত্রো দুর্যোধনস্তদা।
নাভ্যভাষৎসুবলজং ভাষমাণং পুনঃ পুনঃ॥ 2-74-20 (14250)
অনেকাগ্রং তু তং দৃষ্ট্বা শকুনিঃ প্রত্যভাষত।
দুর্যোধন কৃতোমূলং নিঃশ্বসন্নিব গচ্ছসি॥ 2-74-21 (14251)
দুর্যোধন উবাচ॥ 2-74-22x (1513)
দৃষ্ট্বেমাং পৃথিবীং কৃৎস্নাং যুধিষ্ঠিরবশানুগাম্।
জিতামস্ত্রপ্রতাপেন শ্বেতাশ্বস্য মহাত্মনঃ॥ 2-74-22 (14252)
তং চ যজ্ঞং তথাভূতং দৃষ্ট্বা পার্থস্য মাতুল।
যথা শক্রস্য দেবেষু তথাভূতং মহাদ্যুতেঃ॥ 2-74-23 (14253)
অমর্ষেণ তু সম্পূর্ণো দহ্যমানো দিবানিশম্।
শুচিশুক্রাগমে কালে শুষ্যে তোয়মিবাল্পকম্॥ 2-74-24 (14254)
পশ্য সাৎবতমুখ্যেন শিশুপালো নিপাতিতঃ।
ন চ তত্র পুমানাসীৎকশ্চিত্তস্য পদানুগঃ॥ 2-74-25 (14255)
দহ্যমানা হি রাজানঃ পাণ্ডবোত্থেন বহ্নিনা।
ক্ষান্তবন্তোঽপরাধং তে কো হি তৎক্ষন্তুমর্হতি॥ 2-74-26 (14256)
বাসুদেবেন তৎকর্ম যথাঽয়ুক্তং মহৎকৃতম্।
সিদ্ধং চ পাণ্ডুপুত্রাণাং প্রতাপেন মহাত্মনাম্॥ 2-74-27 (14257)
তথাহি রত্নন্যাদায় বিবিধানি নৃপা নৃপম্।
উপাতিষ্ঠন্ত কৌন্যেয়ং বৈশ্যা ইব করপ্রদাঃ॥ 2-74-28 (14258)
শ্রিয়ং তথাগতং দৃষ্ট্বা জ্বলন্তীমিব পাণ্ডবে।
অমর্ষবশমাপন্নো দহ্যামি ন তথোচিতঃ॥ 2-74-29 (14259)
বহ্নিমেব প্রবেক্ষ্যামি ভক্ষয়িষ্যামি বা বিষম্।
অপো বাপি প্রবেক্ষ্যামিন হি শক্ষ্যামি জীবিতুম্॥ 2-74-30 (14260)
কো হি নাম পুমাংল্লোকে মর্ষয়িষ্যতি সৎববান্।
সপত্নানৃদ্ধ্যতো দৃষ্ট্বা হীনমাত্মানমেব চ॥ 2-74-31 (14261)
সোঽহং ন স্ত্রী ন চাপ্যস্ত্রী ন পুমান্নাপুমানপি।
যোঽহং তাং মর্ষয়াম্যদ্য তাদৃশীং শ্রিয়মাগতাম্॥ 2-74-32 (14262)
ঈশ্বরৎবং পৃথিব্যাশ্চ বসুমত্তাং চ তাদৃশীম্।
যজ্ঞং চ তাদৃশং দৃষ্ট্বা মাদৃশঃ কো ন সংঞ্জ্বরেৎ॥ 2-74-33 (14263)
অশক্তশ্চৈক এবাহং তামাহর্তুং নৃপশ্রিয়ম্।
সহায়াংশ্চ ন পশ্যামি তেন মৃত্যুং বিচিন্তয়ে॥ 2-74-34 (14264)
দৈবমেব পরং মন্যে পৌরুষং চ নিরর্থকম্।
দৃষ্ট্বা কুন্তীসুতে শুদ্ধাং শ্রিয়ং তামহতাং তথা॥ 2-74-35 (14265)
কৃতো যত্নো ময়া পূর্বং বিনাশে তস্য সৌবল।
তচ্চ সর্বমতিক্রম্য সংবৃদ্ধোঽপ্স্বিব পঙ্গজম্॥ 2-74-36 (14266)
তেন দৈবং পরং মন্যে পৌরুষং চ নিরর্থকম্।
ধার্তরাষ্ট্রাশ্চ হীয়ন্তে পার্থা বর্ধন্তি নিত্যশঃ। 2-74-38c`কৃষ্ণস্তু সুমনাস্তেষাং বিবর্ধয়তি সম্পদঃ'॥ 2-74-37 (14267)
সোঽহং শ্রিয়ং চ তাং দৃষ্ট্বা সভাং তাং চ তথাবিধাম্।
রক্ষিভিশ্চাবহাসং তং পরিতপ্যে যথাঽগ্নিনা॥ 2-74-38 (14268)
অমর্ষং চ সমাবিষ্টং ধৃতরাষ্ট্রে নিবেদয়॥ ॥ 2-74-39 (14269)
ইতি শ্রীমন্মহাভারতে সভাপর্বণি দ্যূতপর্বণি চতুঃসপ্ততিতমোঽধ্যায়ঃ॥ 74॥
সভাপর্ব - অধ্যায় 075
॥ শ্রীঃ ॥
2.75. অধ্যায়ঃ 075
Mahabharata - Sabha Parva - Chapter Topics
শকুনিনা দুর্যোধনম্প্রতি পাণ্ডবানাং পৌরুষেণাজয়্যৎবকথনপূর্বকং দ্যূতেন জেষ ্যামীতি সমাশ্বাসনাদিকম্॥ 1॥Mahabharata - Sabha Parva - Chapter Text
শকুনিরুবাচ॥
দুর্যোধন ন তেঽমর্ষঃ কার্যঃ প্রতি যুধিষ্ঠিরম্।
ভাগধেয়ানি হি স্বানি পাণ্ডবা ভুঞ্জতে সদা॥ 2-75-1 (14270)
বিধানং বিবিধাকারং পরং তেষাং বিধানতঃ।
অনেকৈরভ্যুপায়ৈশ্চ ৎবয়া ন শকিতাঃ পুরা॥ 2-75-2 (14271)
আরব্ধা হি মহারাজ পুনঃ পুনররিন্দম।
বিমুক্তাশ্চ নরব্যাঘ্রা ভগধেয়পুরস্কৃতাঃ।
`উৎসাহবন্তঃ পুরুষা নাবসীদন্তি কর্মসু'॥ 2-75-3 (14272)
তৈর্লব্ধা দ্রৌপদী ভার্যা দ্রুপদশ্চ সুতৈঃ সহ।
সহায়াঃ পৃথিবীপালা বাসুদেবশ্চ বীর্যবান্॥ 2-75-4 (14273)
লব্ধশ্চানভিভূতার্থৈঃ পিত্র্যোংশঃ পৃথিবীপতে।
বিবৃদ্ধস্তেজসা তেষাং তত্র কা পরিদেবনা॥ 2-75-5 (14274)
ধনঞ্জয়েন গাণ্ডীবমক্ষয়্যৌ চ মহেষুধী।
লব্ধান্যস্ত্রাণি দিব্যানি তোষয়িৎবা হুতাশনম্॥ 2-75-6 (14275)
তেন কার্মুকমুখ্যেন বাহুবীর্যেণ চাত্মনঃ।
কৃতা বশে মহীপালাস্তত্র কা পরিদেবনা॥ 2-75-7 (14276)
অগ্নিদাহান্ময়ং চাপি মোক্ষয়িৎবা স দানবম্।
সভাং তাং কারয়ামাস সব্যসাচী পরন্তপঃ॥ 2-75-8 (14277)
তেন চৈব ময়েনোক্তাঃ কিঙ্করা নাম রাক্ষসাঃ।
বহন্তি তাং সভাং ভীমাস্তত্র কা পরিদেবনা॥ 2-75-9 (14278)
যচ্চাসহায়তাং রাজন্নুক্তবানসি ভারত।
তন্মিথ্যা ভ্রাতরো হীমে তব সর্বে বশানুগাঃ॥ 2-75-10 (14279)
দ্রোণস্তব মহেষ্বাসঃ সহ পুত্রেণ বীর্যবান্।
মূতপুত্রশ্চ রাধেয়ো দৃঢধন্বা মহারথঃ॥ 2-75-11 (14280)
`স একঃ সমরে সর্বান্পাণ্ডবান্সহসোমকান্।
বিজেষ্যতি মহাবাহো কিং সহায়ৈঃ করিষ্যসি॥ 2-75-12 (14281)
ভীষ্মশ্চ পুরুষব্যাঘ্রো গৌতমশ্চ মহারথঃ।
জয়দ্রথশ্চ বলাবান্সোমদত্তস্তথৈব চ'॥ 2-75-13 (14282)
অহং চ সহ সোদর্যৈঃ সৌমদত্তিশ্চ পার্থিবঃ।
এতৈস্ৎবং সহিতঃ সর্বৈর্জয় কৃৎস্নং বসুন্দরাম্॥ 2-75-14 (14283)
দুর্যোধন উবাচ। 2-75-15x (1514)
ৎবয়া চ সহিতো রাজন্নেতৈশ্চান্যৈর্মহারথৈঃ।
এতানহং বিজেষ্যামি যদি ৎবমনুমন্যসে॥ 2-75-15 (14284)
এতেষু বিজিতেষ্বদ্য ভবিষ্যতি মহী মম।
সর্বে চ পৃথিবীপালাঃ সভা সা চ মহাধনা॥ 2-75-16 (14285)
শকুনিরুবাচ॥ 2-75-17x (1515)
ধনঞ্জয়ো বাসুদেবো ভীমসেনো যুধিষ্ঠিরঃ।
নকুলঃ সহদেবশ্চ দ্রুপদশ্চ সহাত্মজৈঃ॥ 2-75-17 (14286)
নৈতে যুধি পরাজেতুং শক্যা দেবগণৈরপি।
মহারথা মহেষ্বাসাঃ কৃতাস্ত্রা যুদ্ধদুর্মদাঃ॥ 2-75-18 (14287)
অহং তু তদ্বিজানামি বিজেতুং যেন শক্যতে।
যুধিষ্ঠিরং স্বয়ং রাজংস্তন্নিবোধ জুষস্ব চ॥ 2-75-19 (14288)
দুর্যোধন উবাচ॥ 2-75-20x (1516)
অপ্রমাদেন সুহৃদামন্যেষাং চ মহাত্মনাম্।
যদি শক্যা বিজেতুং তে তন্মমাচক্ষ্ব মাতুল॥ 2-75-20 (14289)
শকুনিরুবাচ। 2-75-21x (1517)
দ্যূতপ্রিয়শ্চ কৌন্তেয়ো ন স জানাতি দেবিতুম্।
সমাহূতশ্চ রাজেন্দ্রো ন শক্ষ্যতি তিবর্তিতুম্॥ 2-75-21 (14290)
দেবনে কুশলশ্চাহং ন মেঽস্তি সদৃশো ভুবি।
ত্রিষু লোকেষু কৌরব্য তং ৎবং দ্যূতে সমাহ্বয়॥ 2-75-22 (14291)
তস্যাক্ষকুশলো রাজন্নাদাস্যেঽহমসংশয়ম্।
রাজ্যং শ্রিয়ং চ তাং দীপ্তাং ৎবদর্থং পুরুষর্ষভ॥ 2-75-23 (14292)
ইদং তু সর্বং ৎবং রাজ্ঞে দুর্যোধন নিবেদয়।
অনুজ্ঞাতস্তু তে পিত্রা বিজেষ্যে তান্ন সংশয়ঃ॥ 2-75-24 (14293)
দুর্যোধন উবাচ। 2-75-25x (1518)
ৎবমেব করুমুখ্যায় ধৃতরাষ্ট্রায় সৌবল।
নিবেদয় যথান্যায়ং নাহং শক্ষ্যে নিবেদিতুম্॥ ॥ 2-75-25 (14294)
ইতি শ্রীমন্মহাভারতে সভাপর্বণি দ্যূতপর্বণি পঞ্চসপ্ততিতমোঽধ্যায়ঃ॥75 ॥
সভাপর্ব - অধ্যায় 076
॥ শ্রীঃ ॥
2.76. অধ্যায়ঃ 076
Mahabharata - Sabha Parva - Chapter Topics
শকুনিনা দুর্যোধনস্য চিন্তয়া কার্শ্যাদিকং বোধিতেন ধৃতরাষ্ট্রেণ দুর্যোধনম্ প্রতি চিন্তাকারণপ্রশ্নঃ॥ 1॥ দুর্যোধনেন তৎকথনপুর্বকং ধৃতরাষ্ট্রং প্রতি দ্যূতাভ্যনুজ্ঞানপ্রার্থনম্॥ 2॥ ধৃতরাষ্ট্রেণ দ্যূতসভানির্মাণাজ্ঞাপনপূর্বকং পাণ্ডবানয়নায় বিদুরং প্রতি চোদ নম্॥ 3॥Mahabharata - Sabha Parva - Chapter Text
বৈশম্পায়ন উবাচ॥
অনুভূয় তু রাজ্ঞস্তং রাজসূয়ং সুদুর্মতিঃ।
`যুধিষ্ঠিরস্য শকুনির্দুর্যোধসুসংয়ুতঃ॥ 2-76-1 (14295)
বিবেশ হাস্তিনপুরং দুর্যোধনমতেন সঃ।
বাঢমিত্যেব শকুনির্দৃঢং হৃদি চকার হ॥ 2-76-2 (14296)
অস্বস্থতাং চতাং দৃষ্ট্বা ধার্তরাষ্ট্রস্য পাপকৃৎ।
ভারতানাং চ দুষ্টাত্মা ক্ষয়ায় হি নৃপক্ষয়ঃ'॥ 2-76-3 (14297)
প্রিয়কৃন্মতমাজ্ঞায় পূর্বং দুর্যোধনস্য তৎ।
প্রজ্ঞাচক্ষুষমাসীনং শকুনিঃ সৌবলস্তদা॥ 2-76-4 (14298)
দুর্যোধনবচঃ শ্রুৎবা ধৃতরাষ্ট্রং জনাধিপম্।
উপগম্য মহাপ্রাজ্ঞং শকুনির্বাক্যমব্রবীৎ॥ 2-76-5 (14299)
শকুনিরুবাচ। 2-76-6x (1519)
দুর্যোধনো মহারাজ বিবর্ণো হরিণঃ কৃশঃ।
দীনশ্চিন্তাপরশ্চৈব তং বিদ্ধি মনুজাধিপ॥ 2-76-6 (14300)
ন বৈ পরীক্ষসে সম্যগসহ্যং শত্রুসংভবম্।
জ্যেষ্ঠপুত্রস্য হৃচ্ছোকং কিমর্থং নাববুধ্যসে॥ 2-76-7 (14301)
`এবমুক্তঃ শকুনিনা ধৃতরাষ্ট্রো জনেশ্বরঃ।
দুর্যোধনং সমাহূয়ং ইদং বচনমব্রবীৎ'॥ 2-76-8 (14302)
ধৃতরাষ্ট্র উবাচ। 2-76-9x (1520)
দুর্যোধন কৃতোমূলং ভৃশমার্তোঽসি পুত্রক।
শ্রোতব্যশ্চেন্ময়া সোঽর্থো ব্রূহি মে কুরুনন্দন॥ 2-76-9 (14303)
অয়ং ৎবাং শকুনিঃ প্রাহ বিবর্ণং হরিমং কৃশম্।
চিন্তয়ংশ্চ ন পশ্যামি শোকস্য তব সম্ভবম্॥ 2-76-10 (14304)
ঐশ্বর্যং হি মহৎপুত্র ৎবয়ি সর্বং প্রতিষ্ঠিতম্।
ভ্রাতরঃ সুহৃদশ্চৈব নাচরন্তি তবাপ্রিয়ম্॥ 2-76-11 (14305)
আচ্ছাদয়সি প্রাবারানশ্নাসি পিশিতৌদনম্।
আজানেয়া বহন্ত্যশ্বাঃ কেনাসি হরিণঃ কৃশঃ॥ 2-76-12 (14306)
শয়নানি মহার্হাণি যোষিতশ্চ মনোরমাঃ।
গুণবন্তি চ বেশ্মানি বিহারাশ্চ যথাসুখম্॥ 2-76-13 (14307)
দেবনামিব তে সর্বং বাচি বদ্ধং ন সংশয়ঃ।
স দীন ইব দুর্ধর্ষ কস্মাচ্ছোচসি পুত্রক॥ 2-76-14 (14308)
`মাত্রা পিত্রা চ পুত্রস্য যদ্বৈ কার্যং পরং স্মৃতম্।
প্রাপ্তস্ৎবমসি তত্তাত নিখিলাং নঃ কুলশ্রিয়ম্॥ 2-76-15 (14309)
উপস্থিতঃ সর্বকামৈস্ত্রিদিবে বাসবো যথা।
বিবিধৈরন্নপানৈশ্চ প্রবরৈঃ কিং নু শোচসি॥ 2-76-16 (14310)
নিরুক্তং নিগমং ছন্দঃ ষডঙ্গান্যস্ত্রশাস্ত্রবান্।
অধীতী কৃতবিদ্যস্ৎবং দশব্যাকরণৈঃ কৃপাৎ॥ 2-76-17 (14311)
হলায়ুধাৎকৃপাদ্দ্রোণাদস্ত্রবিদ্যামধীতবান্।
ভ্রাতাজ্যেষ্ঠঃ স্থিতো রাজ্যে কিমু শোচসি পুত্রক॥ 2-76-18 (14312)
পৃথগ্জনৈরলভ্যং যদশনাচ্ছাদনং বহু।
প্রভুঃ সন্ভুঞ্জসে পুত্র সংস্তুতঃ সূতমাগধৈঃ॥ 2-76-19 (14313)
তস্য তে বিদিতপ্রজ্ঞ শোকমূলমিদং কথম্।
লোকেস্মিঞ্জ্যেষ্ঠভাগন্যস্তন্মমাচক্ষ্ব পৃচ্ছতঃ॥ 2-76-20 (14314)
বৈশম্পায়ন উবাচ॥ 2-76-21x (1521)
তস্য তদ্বচনং শ্রুৎবা মন্দঃ ক্রোধবশানুগঃ।
পিতরং প্রত্যুবাচেদং স্বমতিং সম্প্রকাশয়ন্ '॥ 2-76-21 (14315)
দুর্যোধন উবাচ॥ 2-76-22x (1522)
অশ্নাম্যাচ্ছাদয়ে চাহং যথা কুপুরুষস্তথা।
অমর্ষং ধারয়ে চোগ্রং নিনীষুঃ কালপর্যযম্॥ 2-76-22 (14316)
অমর্ষণঃ স্বাঃ প্রকৃতীরভিভূয় পরং স্থিতঃ।
ক্লেশান্মুমুক্ষুঃ পরজান্স বৈ পুরুষ উচ্যতে॥ 2-76-23 (14317)
সন্তোষো বৈ শ্রিয়ং হন্তি হ্যভিমানং চ ভারত।
অনুক্রোশভয়ে চোভে যৈর্বৃতো নাশ্নুতে মহৎ॥ 2-76-24 (14318)
ন মাং প্রীণাতি মদ্ভুক্তং শ্রিয়ং দৃষ্ট্বা যুধিষ্ঠেরে।
অতিজ্বলন্তীং কৌন্তেয়ে বিবর্ণকরণীং মম॥ 2-76-25 (14319)
সপত্নানৃদ্ব্যতোত্মানং হীয়মানং নিশাম্য চ।
অদৃশ্যামপি কৌন্তেয় শ্রিয়ং পশ্যন্নিবোদ্যতাম্॥ 2-76-26 (14320)
তস্মাদহং বিবর্ণশ্চ দীনশ্চ হরিমঃ কৃশঃ।
অষ্টাশীতিসহস্রাণি স্নাতকা গৃহমেধিনঃ॥ 2-76-27 (14321)
ত্রিংশদ্দাসীক একৈকো যান্বিভর্তি যুধিষ্ঠিরঃ।
দশান্যানি সহস্রাণি যতীনামূর্ধ্বরেতসাম্।
ভুঞ্জতে রুক্মপাত্রীভির্যুধিষ্ঠিরনিবেশনে॥ 2-76-28 (14322)
কদলীমৃগমোকানি কৃষ্ণশ্যামারুণানি চ।
কাম্ভোজঃ প্রাহিণোত্তস্মৈ পরার্ধ্যানপি কম্বলান্।
গজয়োষিদ্গবাশ্বস্য শতশোঽথ সহস্রশঃ॥ 2-76-29 (14323)
ত্রিশতং চোষ্ট্রবামীনাং শতানি বিচরন্ত্যুত।
রাজন্যা বলিমাদায় সমেতা হি নৃপক্ষয়ে॥ 2-76-30 (14324)
পৃথগ্বিধানি রত্নান পার্থিবাঃ পৃথিবীপতে।
আহরন্ক্রতুমুখ্যেঽস্মিন্কুন্তীপুত্রায় ভূরিশঃ॥ 2-76-31 (14325)
ন ক্বচিদ্ধি ময়া তাদৃগ্দৃষ্টপূর্বো ন চ শ্রুতঃ।
যাদৃগ্ধনাগমো যজ্ঞে পাণ্ডুপুত্রস্য ধীমতঃ॥ 2-76-32 (14326)
`অসত্যং চেদিদং সর্বং সঞ্জয়ং প্রষ্টুমর্হসি'।
অপর্যন্তং ধনৌঘং তং দৃষ্ট্বা শত্রোরহং নৃপ।
শর্ম নৈবাভিগচ্ছামি চিন্তয়ানো বিশাম্পতে॥ 2-76-33 (14327)
ব্রহ্মণা বাটধানাশ্চ গোমন্তঃ শতসঙ্ঘশঃ।
ত্রিখর্বং বলিমাদায় দ্বারি তিষ্ঠন্তি বারিতাঃ॥ 2-76-34 (14328)
কমণ্ডলূনুপাদায় জাতরূপময়াঞ্শুভান্।
ত্রৈখর্বাঃ প্রতিবেদ্যাস্মৈ লেভিরেঽথ প্রবেশনম্॥ 2-76-35 (14329)
যথৈব মধু শক্রায় ধারয়ন্ত্যমরস্ত্রিয়টঃ।
তদস্মৈ কাংস্যমাহার্ষীদ্বারুণং কলশোদধিঃ॥ 2-76-36 (14330)
শঙ্খপ্রবরমাদায় বাসুদেবোঽভিষিক্তবান্।
শক্যং রুক্মসহস্রস্য বহুরত্নবিভূষিতম্॥ 2-76-37 (14331)
দৃষ্ট্বা চ মম তৎসর্বং জ্বররূপমিবাভবৎ।
গৃহীৎবা তত্তু গচ্ছন্তি সমুদ্রৌ পূর্বদক্ষিণৌ॥ 2-76-38 (14332)
তথৈব পশ্চিমং যান্তি গৃহীৎবা ভরতর্ষভ।
উত্তরং তু ন গচ্ছন্তি বিনা তাত পতত্রিণঃ।
তত্র গৎবাঽর্জুনো দণ্ডমাজহারামিতং ধনম্॥ 2-76-39 (14333)
`কৃতাং বৈন্দুসরৈ রত্নৈর্ময়েন স্ফাটিকচ্ছদাম্।
অপশ্যং নলিনীং পূর্ণামুদকস্যেব ভারত॥ 2-76-40 (14334)
উৎকর্ষন্তং চ বাসশ্চ প্রাহসন্মাং বৃকোদরঃ।
কিঙ্করাশ্চ সভাপালা জহসুর্ভরতর্ষভ॥ 2-76-41 (14335)
পিত্রোরর্থে বিশেষেণ প্রাবৃণ্বং তত্র জীবিতম্।
তত্র ত্ম যদি শক্তঃ স্যাং ঘাতয়েয়ং বৃকোদরম্॥ 2-76-42 (14336)
সপত্নেনাপহাসো হি স মাং দহতি ভারত॥ 2-76-43 (14337)
তত্র স্ফাটিকতোয়াং হি স্ফাটিকাম্বুজশোভিতাম্।
সভাং পুষ্করিণীং মৎবা পতিতোঽস্মি নরাধিপ॥ 2-76-44 (14338)
তত্র মামহসদ্ভীমঃ সহ পার্থেন সস্বরম্।
দ্রৌপদী চসহ স্ত্রীভিঃ পাতয়ন্তী মনো মম॥ 2-76-45 (14339)
ক্লিন্নবস্ত্রস্য চ জলে কিঙ্করা রাজচোদিতাঃ।
দদুর্বাসাংসি মেঽন্যানি তচ্চ দুঃখতরং মম॥ 2-76-46 (14340)
অস্তম্ভা ইব তিষ্ঠন্তি স্তম্ভা ইব সহস্রশঃ।
সোহং তত্রাহতো রাজন্স্ফটিকাভ্যন্তরে বিভো॥ 2-76-47 (14341)
অদ্বারেণ বিনির্গচ্ছন্দ্বারসংস্থানরূপিণা।
অভিহত্য শিলাং ভূয়ো ললাটেনাস্মি বিক্ষতঃ॥ 2-76-48 (14342)
আমৃশন্নিব তাং দৃষ্ট্বা মার্গান্তরমুপাবিশম্।
ইদং দ্বারমিদং রাজন্নদ্বারমিতি মাং প্রতি।
অদ্ভুতং প্রহসন্বাক্যং বভাষে স বৃকোদরঃ॥ 2-76-49 (14343)
স্ত্রিয়শ্চ তত্র মাং দৃষ্ট্বা জহসুস্তাদৃশং নৃপ।
সর্বং হাসকরং তেষাং সদস্যানাং নরর্ষভ॥ 2-76-50 (14344)
ন শ্রুতানি ন দৃষ্টানি যানি রত্নান মে ক্বচিৎ।
তানি মে তত্র দৃষ্টানি তেন তপ্তোস্মি দুঃখিতঃ॥ 2-76-51 (14345)
হুতাশনং প্রবেক্ষ্যামি প্রবেক্ষ্যামি মহোদধিম্।
সম্ভাবিতস্য চাকীর্তির্মরণাদতিরিচ্যতে'॥ 2-76-52 (14346)
ইদং চাদ্ভুতমত্রাসীত্তন্মে নিগদতঃ শৃণু॥ 2-76-53 (14347)
পূর্ণে শতসহস্রে তু বিপ্রাণাং ভুঞ্জতাং সদা।
স্থাপিতস্তত্র সঞ্জ্ঞার্থং শঙ্খো ধ্মায়তি নিত্যসঃ॥ 2-76-54 (14348)
মুহুর্মুহুঃ প্রণদতস্তস্য শঙ্খস্য ভারত।
অনিশং শব্দমশ্রৌষং ততো রোমাণি মেঽহৃষন্॥ 2-76-55 (14349)
পার্থিবৈর্বহুভিঃ কীর্ণমুপস্থানং দিদৃক্ষুভিঃ।
অশোভত মহারাজ নক্ষত্রৈর্দ্যৈরিবামলা॥ 2-76-56 (14350)
সর্বরত্নান্যুপাদায় পার্থিবা বৈ জনেশ্বর।
যজ্ঞে তস্য মহারাজ পাণ্ডুপুত্রস্য ধীমতঃ॥ 2-76-57 (14351)
বৈশ্যা ইব মহীপালা দ্বিজাতিপরিবেষকাঃ।
ন সা শ্রীর্দেবরাজস্য যমস্য বরুণস্য চ।
গুহ্যকাধিপতের্বাপি যা শ্রী রাজন্যুধিষ্ঠিরে॥ 2-76-58 (14352)
তাং দৃষ্ট্বা পাণ্ডুপুত্রস্য শ্রিয়ং পরমিক্রামহম্।
শান্তিং ন পরিগচ্ছামি দহ্যমানেন চেতসা॥ 2-76-59 (14353)
`অপ্রাপ্য পাণ্ডবৈশ্বর্যং শমো মম ন বিদ্যতে।
অরীন্বাণৈঃ শায়যিষ্যে শয়িষ্যে বা হতঃ পরৈঃ॥ 2-76-60 (14354)
এতাদৃশস্য মে কিং তু জীবিতেন পরন্তপ।
বর্ধন্তে পাণ্ডবা রাজন্বয়ং হি স্থিতবৃদ্ধয়ঃ'॥ 2-76-61 (14355)
শকুনিরুবাচ॥ 2-76-62x (1523)
যামেতামতুলাং লক্ষ্মীং দৃষ্টবানসি পাণ্ডবে।
তস্যাটঃ প্রাপ্তাবুপায়ং মে শৃণু সত্যপরাক্রম॥ 2-76-62 (14356)
অহমক্ষেষ্বভিজ্ঞোঽস্মি পৃথিব্যামপি ভারত।
হৃদয়জ্ঞঃ পণজ্ঞশ্চ বিশেষজ্ঞশ্চ দেবনে॥ 2-76-63 (14357)
দ্যূতপ্রিয়শ্চ কৌন্তেয়ো ন চ জানাতি দেবিতুম্।
আহূতশ্চৈষ্যতি ব্যক্তং নিত্যমেবাহ্বয়ৎস্বয়ম্॥ 2-76-64 (14358)
নিয়তং তং বিজেষ্যামি কৃৎবা তু কপটং বিভো।
আনয়ামি সমৃদ্ধিং তাং দিব্যাং চোপাহ্বয়স্ব তম্॥ 2-76-65 (14359)
বৈশম্পায়ন উবাচ॥ 2-76-66x (1524)
এবমুক্তঃ শকুনিনা রাজা দুর্যোধনস্ততঃ।
ধৃতরাষ্ট্রমিদং বাক্যমপদান্তরমব্রবীৎ॥ 2-76-66 (14360)
অয়মুৎসহতে রাজঞ্শ্রিয়মাহর্তুমক্ষবিৎ।
দ্যূতেন পাণ্ডুপুত্রস্য তদনুজ্ঞাতুমর্হসি॥ 2-76-67 (14361)
ধৃতরাষ্ট্র উবাচ॥ 2-76-68x (1525)
ক্ষত্তা মন্ত্রী মহাপ্রাজ্ঞঃ স্থিতো যস্যাস্মি শাসনে।
তেন সঙ্গম্য বেৎস্যামি কার্যস্যাস্য বিনিশ্চয়ম্॥ 2-76-68 (14362)
স হি ধর্মং পুরস্কৃত্য দীর্ঘদর্শী পরং হিতম্।
উভয়োটঃ পক্ষয়োর্যুক্তং বক্ষ্যত্যর্থবিনিশ্চয়ম্॥ 2-76-69 (14363)
দুর্যোধন উবাচ। 2-76-70x (1526)
নিবর্তয়িষ্যতি ৎবাঽসৌ যদি ক্ষত্তা সমেষ্যতি।
নিবৃত্তে ৎবয়ি রাজেন্দ্র মরিষ্যেঽহমসংশয়ম্॥ 2-76-70 (14364)
স ৎবং ময়ি মৃতে রাজন্বিদুরেণ সুখী ভব।
ভোক্ষ্যসে পৃথিবীং কৃৎস্নাং কিং ময়া ৎবং করিষ্যসি॥ 2-76-71 (14365)
বৈশম্পায়ন উবাচ॥ 2-7-72x (1527)
আর্তবাক্যং তু তত্তস্য প্রণয়োক্তং নিশম্য সঃ।
ধৃতরাষ্ট্রোঽব্রবীৎপ্রেষ্যন্দুর্যোধনমতে স্থিতঃ॥ 2-76-72 (14366)
স্থূণাসহস্রৈর্বৃহতীং শতদ্বারাং সভাং মম।
মনোরমাং দর্শনীয়ামাশু কুর্বন্তুং শিল্পিনঃ॥ 2-76-73 (14367)
ততঃ সংস্তীর্য রত্নৈস্তাং তক্ষ্ণ আনায়্য সর্বশঃ।
সুকৃতাং সুপ্রবেশাং চ নিবেদয়ত মেঽশনৈঃ॥ 2-76-74 (14368)
দূর্যোধনস্য শান্ত্যর্থমিতি নিশ্চিত্য ভূমিপঃ।
ধৃতরাষ্ট্রো মহারাজ প্রাহিণোদ্বিদুরায় বৈ॥ 2-76-75 (14369)
অপৃষ্ট্বা বিদুরং স্বস্যন নাসীৎকশ্চিদ্বিনিশ্চয়ঃ।
দ্যূতে দোষাংশ্চ জানন্স পুত্রস্নেহাদকৃষ্যত॥ 2-76-76 (14370)
তচ্ছ্রুৎবা বিদুরো ধীমান্কলিদ্বারমুপস্থিতম্।
বিনাশমুখমুৎপন্নং ধৃতরাষ্ট্রমুপাদ্রবৎ॥ 2-76-77 (14371)
সোঽভিগম্য মহাত্মানং ভ্রাতা ভ্রাতরমগ্রজম্।
মূর্ধ্না প্রণম্য চরণাবিদং বচনমব্রবীৎ॥ 2-76-78 (14372)
বিদুর উবাচ। 2-76-79x (1528)
নাভিনন্দামি তে রাজন্ব্যবসায়মিমং প্রভো।
পুত্রৈর্ভেদো যথা ন স্থাদ্দ্যূতহেতোস্তথা কুরু॥ 2-76-79 (14373)
ধৃতরাষ্ট্র উবাচ। 2-76-80x (1529)
ক্ষত্তঃ পুত্রেষু পুত্রৈর্মে কলহো ন ভবিষ্যতি।
যদি দেবাঃ প্রসাদং নঃ করিষ্যন্তি ন সংশয়ঃ॥ 2-76-80 (14374)
অশুভং বা শুভং বাপি হিতং বা যদি বাঽহিতম্। 2-76-81 (14375)
ময়ি সন্নিহিতে দ্রোণে ভীষ্মে ৎবয়ি চ ভারত।
অনয়ো দৈববিহিতো ন কথঞ্চিদ্ভবিষ্যতি॥ 2-76-82 (14376)
গচ্ছ ৎবং রথমাস্থায় হয়ৈর্বাতসমৈর্জবে।
খাণ্ডবপ্রস্থমদ্যৈব সমানয় যুধিষ্ঠিরম্॥ 2-76-83 (14377)
ন বাচ্যো ব্যবসায়ো মে বিদুরৈতদ্ব্রবীমি তে।
দৈবমেব পরং মন্যে যেনৈতদুপপদ্যতে॥ 2-76-84 (14378)
ইত্যুক্তো বিদুরো ধীমান্নেদমস্তীতি চিন্তয়ন্।
আপগেয়ং মহাপ্রাজ্ঞমভ্যগচ্ছৎসুদুঃ খিতঃ॥ ॥ 2-76-85 (14379)
ইতি শ্রীমন্মহাভারতে সভাপর্বণি দ্যূতপর্বণি ষট্সপ্ততিতমোঽধ্যায়ঃ॥ 76 ॥
Mahabharata - Sabha Parva - Chapter Footnotes
2-76-9 কুতোমূলং কিংমুলম্। কুতইতি প্রথমার্থে তসিঃ॥ 2-76-29 কদলীমৃগা হরিণবিশেষাস্তেষাং মোকান্যজিনানি তান্যেব কৃষ্ণশ্যামারুণানি চিত্র বর্ণানীত্যর্থঃ॥ 2-76-34 বাটাঃ ক্ষেত্রাদিবৃত্তয়স্তাসাং ধানা অভিনবোদ্ভেদো যেষাং তে সস্যাদিসম্পন্নক ্ষেত্রাদিবৃত্তিমন্ত ইত্যর্থঃ॥ 2-76-37 শৈক্যং বরত্রাময়ং পাত্রাধারভূতং শিক্যং কাবডীতি প্রসিদ্ধং তত্র স্থিতং পাৎ রং শৈক্যম্। এতেন সামুদ্রয় আপ উক্তাঃ॥সভাপর্ব - অধ্যায় 077
॥ শ্রীঃ ॥
2.77. অধ্যায়ঃ 077
Mahabharata - Sabha Parva - Chapter Topics
জনমেজয়েন বিস্তরেণ দ্যূতবৃত্তান্তকথনপ্রার্থনম্॥ 1॥ ধৃতরাষ্ট্রেণ দুর্যোধনম্প্রতি দ্যূতনিষেধনম্॥ 2॥ দুর্যোধনেন ধৃতরাষ্ট্রম্প্রতি ভীমাদিকৃতস্বাপহসনাদিকথনম্॥ 3॥Mahabharata - Sabha Parva - Chapter Text
জনমেজয় উবাচ॥
কথং সমভবদ্দ্যূতং ভ্রাতৄণাং তন্মহাত্যযম্।
যত্র তদ্ব্যসনং প্রাপ্তং পাণ্ডবৈর্মে পিতামহৈঃ॥ 2-77-1 (14380)
কে চ তত্র সমাস্তারা রাজানো ব্রহ্মবিত্তম।
কে চৈনমন্বমোদন্ত কে চৈনং প্রত্যষেধয়ন্॥ 2-77-2 (14381)
বিস্তরেণৈতদিচ্ছামি কথ্যমানং ৎবয়া দ্বিজ।
মূলং হ্যেতদ্বিনাশস্য পৃথিব্যা দ্বিজসত্তম॥ 2-77-3 (14382)
সৌতিরুবাচ। 2-77-4x (1530)
এবমুক্তস্ততো রাজ্ঞা ব্যাসশিষ্যঃ প্রতাপবান্।
আচচক্ষেঽথ যদ্বৃত্তং তৎসর্বং বেদতত্ৎববিদ্॥ 2-77-4 (14383)
বৈশম্পায়ন উবাচ॥ 2-77-5x (1531)
এবমুক্তস্ততো রাজ্ঞা ব্যাসশিষ্যঃ প্রতাপবান্।
আচচক্ষেঽথ যদ্বৃত্তং তৎসর্বং বেদতত্ৎববিৎ॥ 2-77-5 (14384)
বিদুরস্য মতিং জ্ঞাৎবা ধৃতরাষ্ট্রোঽম্বিকাসুতঃ।
দুর্যোধনমিদং বাক্যমুবাচ বিজনে পুনঃ॥ 2-77-6 (14385)
অলং দ্যূতেন গান্ধারে বিদুরো ন প্রশংসতি।
ন হ্যসৌ সুমহাবুদ্ধিরহিতং নো বদিষ্যতি॥ 2-77-7 (14386)
হিতং হি পরমং মন্যে বিদুরো যৎপ্রভাষতে।
ক্রিয়তাং পুত্র তৎসর্বমেতন্মন্যে হিতং তব॥ 2-77-8 (14387)
দেবর্ষির্বাসবাগুরুর্দেবরাজায় ধীমতে।
যৎপ্রাহ শাস্ত্রং ভগবান্বৃহস্পতিরুদারধীঃ।
তদ্দে বিদুরঃ সর্বং সরহস্যং মহাকবিঃ॥ 2-77-9 (14388)
স্থিতস্তু বচনে তস্য সদাঽহমপি পুত্রক।
বিদুরো বাপি মেধাবী কুরূণাং প্রবরো মতঃ॥ 2-77-10 (14389)
উদ্ধবো বা মহাবুদ্ধির্বৃষ্ণীনামর্চিতো নৃপ।
তদলং পুত্র দ্যূতেন দ্যূতে ভেদো হি দৃশ্যতে॥ 2-77-11 (14390)
ভেদে বিনাশো রাজ্যস্য তৎপুত্র পরিবর্জয়॥ 2-77-12 (14391)
পিত্রা মাত্রা চ পুত্রস্য যদ্বৈ কার্যং পরং স্মৃতম্।
প্রাপ্তস্ৎবমসি তন্নাম পিতৃপৈতামহং পদম্॥ 2-77-13 (14392)
অধীতবান্কৃতী শাস্ত্রে লালিতঃ সততং গৃহে।
ভ্রাতৃজ্যেষ্ঠঃ স্থিতো রাজ্যে বিন্দসরে কিং ন শোভনম্॥ 2-77-14 (14393)
পৃথগ্জনৈরলভ্যং যদ্ভোজনাচ্ছাদনং পরম্।
তৎপ্রাপ্তোসি মহাবাহো কস্মাচ্ছোনসি পুত্রক॥ 2-77-15 (14394)
স্ফীতং রাষ্ট্রং মহাবাহো পিতৃপৈতামহং মহৎ।
নিত্যমাজ্ঞাপয়ন্ভাসি দিবি দেবেশ্বরো যথা॥ 2-77-16 (14395)
`যাদৃশং চ তবৈশ্বর্যং তদন্যেষাং সুদুর্লভম্।
যে চোপভোগাস্তে রাজন্ময়া তে পরিকীর্তিতাঃ'॥ 2-77-17 (14396)
তস্য তে বিদিতপ্রজ্ঞ শোকমূলমিদং কথম্।
সমুত্থিতং দুঃখকরং তন্মে শংসিতুমর্হসি॥ 2-77-18 (14397)
দুর্যোধন উবাচ॥ 2-77-19x (1532)
অশ্নাম্যাচ্ছাদয়ামীতি প্রপশ্যন্হীনপৌরুষঃ।
নামর্ষং কুরুতে যস্তু পুরুষঃ সোঽধমঃ স্মৃতঃ॥ 2-77-19 (14398)
ন মাং প্রীণাতি রাজেন্দ্র লক্ষ্মীঃ সাধারণী বিভো।
জ্বলিতামেব কৌন্যেয়ে শ্রিয়ং দৃষ্ট্বা চ বিব্যথে॥ 2-77-20 (14399)
সর্বাং চ পৃথিবীং চৈব যুধিষ্ঠিরবশানুগাম্।
স্থিরোঽস্মি যোঽহং জীবামি দুঃখাদেতদ্ব্রবীমি তে। 2-77-21 (14400)
আবর্জিতা ইবাভান্তি নীপাশ্চিত্রককৌকুরাঃ।
কারস্কারা লোহজঙ্ঘা যুধিষ্ঠিরনিবেশনে॥ 2-77-22 (14401)
হিমবৎসাগরানুপাঃ সর্বে রত্নাকরাস্তথা।
অন্ত্যাঃ সর্বে পর্যুদস্তা যুধিষ্ঠিরনিবেশনে॥ 2-77-23 (14402)
জ্যেষ্ঠোঽয়মিতি মাং মৎবা শ্রেষ্ঠশ্চেতি বিশাম্পতে।
যুধিষ্ঠিরেণ সৎকৃত্য যুক্তো রত্নপরিগ্রহে॥ 2-77-24 (14403)
উপস্থিতানাং রত্নানাং শ্রেষ্ঠানামর্ঘহারিণাম্।
নাদৃশ্যত পরঃ পারো নাপরস্তত্র ভারত॥ 2-77-25 (14404)
ন মে হস্তঃ সমভবদ্বসু তৎপ্রতিগৃহ্ণতঃ।
অতিষ্ঠন্ত ময়ি শ্রান্তে গৃগ্য দূরাহৃতং বসু॥ 2-77-26 (14405)
কৃতাং বিন্দুসরোরত্নৈর্ময়েন স্ফাটিকচ্ছদাম্।
অপশ্যং নলিনীং পূর্ণামুদকস্যেব ভারত॥ 2-77-27 (14406)
বস্ত্রমুৎকর্ষতি ময়ি প্রাহসৎস বৃকোদরঃ।
শত্রোর্ঋদ্ধিবিশেষেণ বিমূঢ রত্তবর্জিতম্॥ 2-77-28 (14407)
তত্র স্ম যদি শক্তঃ স্যং পাতয়েঽহং বৃকোদরম্।
যদি কুর্যাং সমারম্ভং ভীমং হন্তুং নরাধিপ॥ 2-77-29 (14408)
শিশুপাল ইবাস্মাকং গতিঃ স্যান্নাত্র সংশয়ঃ।
সপত্নেনাবহাসো মে স মাং দহতি ভারত॥ 2-77-30 (14409)
পুনশ্চ তাদৃশীমেব বাপীং জলজশালিনীম্।
মৎবা শিলাসমাং তোয়ে পতিতোঽস্মি নরাধিপ॥ 2-77-31 (14410)
তত্র মাং প্রাহসৎকৃষ্ণঃ পার্থেন সহ সুস্বরম্।
দ্রৌপদী চ সহ স্ত্রীভির্ব্যথয়ন্তী মনো মম॥ 2-77-32 (14411)
ক্লিন্নবস্ত্রস্য তু জলে কিঙ্করা রাজনোদিতাঃ।
দদুর্বাসাংসি মেঽন্যানি তচ্চ দুঃখং পরং মম॥ 2-77-33 (14412)
প্রলম্ভং চ শৃণুষ্বান্যদ্বদতো মে নরাধিপ।
অদ্বারেণ বিনির্গচ্ছন্দ্বারসংস্থানরূপিণা।
অভিহত্য শিলাং ভূয়ো ললাটেনাস্মি বিক্ষতঃ॥ 2-77-34 (14413)
তত্র মাং যমজৌ দূরাদালোক্যাভিহতং তদা।
বাহুভিঃ পরিগৃহ্ণীতাং শোচন্তৌ সহিতাবুভৌ॥ 2-77-35 (14414)
উবাচ সহদেবস্তু তত্র মাং বিস্ময়ন্নিব।
ইদ দ্বারং ধার্তরাষ্ট্র মা গচ্ছেতি পুনঃ পুনঃ॥ 2-77-36 (14415)
ভীমসেনেন তত্রোক্তো ধৃতরাষ্ট্রাত্মজেতি চ।
সম্বোধ্য প্রহসিৎবা চ ইতো দ্বারং নরাধিপ॥ 2-77-37 (14416)
নামধেয়ানি রত্নানাং পুরস্তান্ন শ্রুতানি মে।
যানি দৃষ্টানি মে তস্যাং মনস্তপতি তচ্চ মে॥ ॥ 2-77-38 (14417)
ইতি শ্রীমন্মহাভারতে সভাপর্বণি দ্যূতপর্বণি সপ্তসপ্ততিতমোঽধ্যায়ঃ॥ 77 ॥
Mahabharata - Sabha Parva - Chapter Footnotes
2-77-22 নীপাদয়ো রাজানঃ। আবর্জিতা দাসবদ্বশগাঃ॥ 2-77-23 পর্যুদস্তা দূরক্ষিপ্তাঃ॥ 2-77-26 ন সমভবৎ সমর্থো নাভবৎ॥সভাপর্ব - অধ্যায় 078
॥ শ্রীঃ ॥
2.78. অধ্যায়ঃ 078
Mahabharata - Sabha Parva - Chapter Topics
দুর্যোধনেন ধৃতরাষ্ট্রসমীপে যুধিষ্ঠিরায় নানাদেশীয়রাজোপাহৃতোপায়নবর্ণনম্॥ 1॥Mahabharata - Sabha Parva - Chapter Text
দুর্যোধন উবাচ॥
যন্ময়া পাণ্ডবোয়ানাং দৃষ্টং তচ্ছৃণু ভারত।
আহৃতং ভূমিপালৈর্হি বসু মুখ্যং ততস্ততঃ॥ 2-78-1 (14418)
নাবিদং মূঢমাত্মানং দৃষ্ট্বাহং তদরের্ধনম্।
ফলতো ভূমিতো বাঽপি প্রতিপদ্যস্ব ভারত॥ 2-78-2 (14419)
ঔর্ণান্বৈলান্বার্ষদংশান্ জাতরূপপরিষ্কৃতান্।
প্রাবারাজিনমুখ্যাংশ্চ কাম্ভোজঃ প্রদদৌ বহূন্॥ 2-78-3 (14420)
অশ্বাংস্তিত্তিরিকল্মাষাংস্ত্রিশতং শুকনাসিকান্।
অষ্ট্রবামীস্ত্রিগর্তাশ্চ পুষ্টাঃ পীলুশমীঙ্গুদৈঃ॥ 2-78-4 (14421)
গোপাঃ স্বীয়েন সহিতাস্তদাদায় চতুষ্পদম্।
বসাতয়োঽন্যদ্দ্রব্যং দ্বারি তস্যাবতস্থিরে॥ 2-78-5 (14422)
কমণ্ডলূনুপাদায় জাতরূপময়ঞ্ছিবান্।
রত্নানি চ হিরণ্যং চ সুবর্ণং চৈব কেবলম্। 2-78-6 (14423)
প্রীয়মাণঃ প্রসন্নাত্মা স্বয়ং স্বজনসংবৃতঃ।
ত্রৈখর্বো রথমুখ্যেশঃ পাণ্ডবায় ন্যবেদয়ৎ॥ 2-78-7 (14424)
যশ্চ স দ্বিজমুখ্যেন রাজ্ঞঃ শঙ্খো নিবেদিতঃ।
প্রীত্যা দত্তঃ কুবিন্দেন ধর্মরাজায় ধীমতে॥ 2-78-8 (14425)
তং সর্বে ভ্রাতরো ভ্রাত্রে দদুঃ শঙ্খং কিরীটিনে।
তং প্রত্যগৃহ্ণাদ্বীভৎসুস্তোয়জং হেমমালিনম্॥ 2-78-9 (14426)
চিত্রং নিষ্কসহস্রেণ ভ্রাজমানং স্বতেজসা।
রুচিরং দর্শনীয়ং চ পূজিতং বিশ্বকর্মণা॥ 2-78-10 (14427)
অধারয়চ্চ ধর্মশ্চ তং নমস্য পুনঃ পুনঃ।
যোঽনাদনেঽপি নদতি স ননাদাধিকং তদা॥ 2-78-11 (14428)
প্রণাদাদ্ভূমিপাস্তস্য পেতুর্হীনাঃ খতেজসা।
ধৃষ্টদ্যুম্নঃ পাণ্ডবাশ্চ সাত্যকিঃ কেশবোঽষ্টমঃ॥ 2-78-12 (14429)
সৎবেন স্বেন সম্পন্না অন্যোন্যপ্রিয়কারিণঃ।
বিসঞ্জ্ঞান্ভূমিপান্দৃষ্ট্বা মাং চ তে প্রাহসংস্তদা॥ 2-78-13 (14430)
ততঃ প্রহৃষ্টো বীভৎসুরদদাদ্ধেমশৃঙ্গিণঃ।
শতাননডুহান্পঞ্চ দ্বিজমুখ্যায় ভারত॥ 2-78-14 (14431)
সুমুখেন বলির্মুখ্যঃ প্রেষিতোঽজাতশত্রবে।
কুবিন্দেন হিরণ্যং চ বাসাংসি বিবিধানি চ॥ 2-78-15 (14432)
কাশ্মীররাজো মার্দ্বীকং শুদ্ধং চ সরসং মধু।
বলিং চ কুৎস্নমাদায় পাণ্ডবায়াভ্যুটপাগমৎ॥ 2-78-16 (14433)
যবনা হয়ানুপাদায় পার্বতীয়ান্মনোজবান্।
আসনানি মহার্হাণি কম্বলাংশ্চ মহাধনান্॥ 2-78-17 (14434)
নবান্সূক্ষ্মাংশ্চ হৃদ্যাংশ্চ পরার্থ্যান্সুপ্রদর্শনান্।
অন্যচ্চ বিবিধং রত্নং দ্বারি তে ন্যবতস্থিরে॥ 2-78-18 (14435)
শ্রুতায়ুরপি কালিঙ্গো মণিরত্নমনুত্তমম্।
অঙ্গঃ স্ত্রিয়ো দর্শনীয়া জাতরূপবিভূষিতাঃ॥ 2-78-19 (14436)
বঙ্গো জাম্বূনদময়ান্পর্যঙ্গাঞ্ছতশো নৃপ।
দক্ষিণাৎসাগরাভ্যাশাৎপ্রাবারাংশ্চ পরশ্শতম্॥ 2-78-20 (14437)
ঔদকানি সরত্নানি বলিং চাদায় ভারত।
অন্যেভ্যো ভূমিপালেভ্যঃ পাণ্ডবায় ন্যবেদয়ৎ॥ 2-78-21 (14438)
দার্দুরং চন্দনং মুখ্যং ভারং ষণ্ণবতি দ্রুতম্।
পাণ্ডবায় দদৌ পাণ্ড্যঃ শঙ্খাংস্তাবত এব চ॥ 2-78-22 (14439)
চন্দনাগরু চানন্তং মুক্তাবৈডূর্যচিত্রিতাঃ।
চোলশ্চ কেরলশ্চোমৌ দদতুঃ পাণ্ডবায় বৈ॥ 2-78-23 (14440)
অশ্মকো হেমশৃঙ্গীশ্চ দোগ্ধ্রীর্হেমবিভূষিতঃ।
সবৎসাঃ কুম্ভদোহাশ্চ সহস্রাণ্যদদাদ্দশ॥ 2-78-24 (14441)
সৈন্ধবানাং সহস্রাণি হয়ানাং পঞ্চবিংশতিম্।
অদদাৎসৈন্ধবো রাজা হেমমাল্যৈরলঙ্কৃতান্॥ 2-78-25 (14442)
সৌবীরো হস্তিভির্যুক্তান্রথাংশ্চ ত্রিশতং পরান্।
জাতরূপপরিষ্কারান্মণিরত্নবিভূষিতান্॥ 2-78-26 (14443)
মধ্যন্দিনার্কপ্রতিমাংস্তেজসা জ্বলিতানিব।
বলিং চ কৃৎস্নমাদায় পাণ্ডবায় ন্যবেদয়ৎ॥ 2-78-27 (14444)
অবন্তিরাজো রত্নানি বিবিধানি সহস্রশঃ।
হারাঙ্গদাংশ্চ মুখ্যান্বৈ বিবিধং চ বিভূষণম্॥ 2-78-28 (14445)
দাসীনাময়ুতং চাপি বলিমাদায় ভারত।
সভাদ্বারি নরশ্রেষ্ঠ দিদৃক্ষুরবতিষ্ঠতে॥ 2-78-29 (14446)
দশার্ণশ্চেদিরাজশ্চ শূরসেনশ্চ বীর্যবান্।
বস্ত্রাণি মুখ্যান্যাদায় রত্নানি বিবিধানি চ।
বলিং চ কৃৎস্নমাদায় পাণ্ডবায় ন্যবেদয়ৎ॥ 2-78-30 (14447)
কাশিরাজেন হৃষ্টেন বলী রাজ্ঞি নিবেদিতঃ।
অশীতিগোসহস্রাণি শতান্যষ্টৌ চ দন্তিনাম্॥ 2-78-31 (14448)
অয়ুতং চ নদীজানাং হয়ানাং হেমমালিনাম্।
বিবিধানি চ রত্নানি কাশিরাজো বলিং দদৌ॥ 2-78-32 (14449)
কৃতক্ষণশ্চ বৈদেহঃ কৌসলশ্চ বৃহদ্বলঃ।
দদতুর্বাজিমুখ্যাংশ্চ সহস্রাণি চতুর্দশ॥ 2-78-33 (14450)
শৈব্যো বসাদিভিঃ সার্ধং ত্রিগর্তো মালবৈঃ সহ।
তেভ্যো রত্নানি দদতুরেকৈকো ভূমিপোঽমিতম্॥ 2-78-34 (14451)
হারান্মুখ্যান্পরার্ধ্যাংশ্চ বিবিধং চ বিভূষণম্।
শতং দাসীসহস্রাণি কার্পাসিকনিবাসিনাম্॥ 2-78-35 (14452)
শ্যামাস্তন্বীর্দীর্ঘকেশীর্হেমাভরণভূষিতাঃ।
বলিং চ কৃৎস্নমাদায় ভারুকচ্ছো নরর্ষভ॥ 2-78-36 (14453)
শুদ্ধান্বিপ্রোত্তমার্হাংশ্চ কম্বলপ্রবরান্দদৌ।
তে সর্বে পাণ্ডুপুত্রস্য দ্বার্যতিষ্ঠন্দিদৃক্ষবঃ॥ 2-78-37 (14454)
উপায়নং যদা দদ্যুস্তদা দ্বারমলভ্যত।
ইন্দ্রকৃষ্টৈর্বর্ধয়ন্তি ধান্যৈর্নদমুখৈস্তু যে॥ 2-78-38 (14455)
সমুদ্রনিকটে জাতাঃ পরিসিন্ধুনিবাসিনঃ।
তে বৈ দ্রুমাঃ পারদাশ্চ কাশ্যকৈরাতকৈঃ সহ॥ 2-78-39 (14456)
বলিং বিবিধমাদায় রত্নানি বিবিধানি চ।
অজাবিকং গোহিরণ্যং খরোষ্ট্রং ফলবন্মধু॥ 2-78-40 (14457)
কম্বলান্বিবিধাংশ্চৈব দ্বারি তিষ্ঠন্তি বারিতাঃ।
প্রাগ্জ্যোতিষপতিঃ শূরো ম্লেচ্ছানামধিপো বলী॥ 2-78-41 (14458)
যবনৈঃ সহিতো রাজা ভগদত্তো মহাবলঃ।
আজানেয়ান্হয়াঞ্ছীঘ্রমাদায়ানিলরংহসঃ॥ 2-78-42 (14459)
বলিং চ কৃৎস্নমাদায় দ্বারি তিষ্ঠতি বারিতঃ।
অশ্বসারময়ান্ভাণ্ডাঞ্ছুভান্দন্তৎসরূনসীন্॥ 2-78-43 (14460)
প্রাগ্জ্যোতিষাধিপো দত্ৎবা ভগদত্তোঽব্রজত্তদা।
ব্যক্ষাঙ্খ্যক্ষাংল্ললাটাক্ষান্নানাদিগ্ভ্যঃ সমাগতান্॥ 2-78-44 (14461)
ঔষ্ণীষআনহয়াংশ্চৈব বাহুকান্পুরুষাদকান্।
একপাদাংশ্চ তত্রাহমপশ্যং দ্বারি বারিতান্॥ 2-78-45 (14462)
বল্যর্থং দদতস্তস্য হিরণ্যং রজতং বসু।
ইন্দ্রগোপকসঙ্কাশাঞ্ছুকবর্ণান্মনোজবান্॥ 2-78-46 (14463)
তথৈবেন্দ্রায়ুধনিভান্সন্ধ্যাভ্রসদৃশানপি।
অনেকবর্ণানারণ্যান্গৃহীৎবাশ্বাংস্তথা বহূন্॥ 2-78-47 (14464)
জাতরূপমনর্ঘ্যং চ দদুস্তস্যৈকপাদকাঃ।
সিংহলশ্চ তদা রাজা পরিগৃহ্য ধনং বহু॥ 2-78-48 (14465)
গোশীর্ষং হরিতশ্যামং চন্দনপ্রবরং মহৎ।
ভারাণাং শতমেকং তু দ্বারি তিষ্ঠতি বারিতঃ॥ 2-78-49 (14466)
যে নগ্নবিষয়া রাজন্বর্বরেয়াশ্চ বিশ্রুতাঃ।
শতং দাসীসহস্রাণাং কম্বলাংশ্চ সহস্রশঃ।
পরিগৃহ্য মহারাজ দ্বারি তিষ্ঠন্তি বারিতাঃ॥ 2-78-50 (14467)
পৌণ্ড্রাশ্চ দামলিপ্তাশ্চ যথাকামকৃতো নৃপাঃ।
কালেয়কং চ রূপ্যং চ পরিগৃহ্য পরিচ্ছদান্॥ 2-78-51 (14468)
অগরূন্স্ফাটিকাংশ্চৈব দন্তাঞ্জাতীফলানি চ।
তক্কোলাংশ্চ লবঙ্গাশ্চ কর্পূরাংশ্চ মহাবল॥ 2-78-52 (14469)
অন্যাংশ্চ বিবিধান্দ্রব্যান্পরিগৃহ্যোপতস্থিরে।
এতে সর্বে মহাত্মানো দ্বারি তিষ্ঠন্তি বারিতাঃ॥ 2-78-53 (14470)
শৈলেয়শ্চ ততো রাজা পত্রোর্ণান্পরিগৃহ্য সঃ।
দ্বারি তিষ্ঠন্মহারাজ দ্বারপালৈর্নিবারিতঃ॥ 2-78-54 (14471)
চীনা হূণাঃ কষাঃ কাচাঃ পর্বতান্তরবাসিনঃ।
আহার্ষুর্দশসাহস্রান্বিন্নীতান্দিক্ষু বিংশ্রুতান্॥ 2-78-55 (14472)
ঔষ্ণীকং কম্বলং চৈব কীটজং মণিজং তথা।
প্রমাণরাগস্পর্শাঢ্যং বাহ্বীচীনসমুদ্ভবম্॥ 2-78-56 (14473)
রসান্ গন্ধান্প্রশংসন্তস্ততো দ্বারমলভ্যত।
খর্বটাস্তোমরাশ্চৈব শূরা বর্ধনকাস্তথা॥ 2-78-57 (14474)
চেলান্বহুবিধান্গৃহ্য দ্বারি তিষ্ঠন্তি বারিতাঃ।
প্রাক্কোটা নাটকেয়াশ্চ নন্দীনগরকাস্তথা॥ 2-78-58 (14475)
নাপিতাস্ত্রৈপুরাশ্চৈব পঞ্চমেয়াঃ সহোরুজাঃ।
তথা চাটবিকাঃ সর্বে নানাদ্রব্যপরিচ্ছদান্॥ 2-78-59 (14476)
পরিগৃহ্য মহারাজ দ্বারি তিষ্ঠন্তি বারিতাঃ।
শকাস্তুষারাঃ কৌরব্য রোমকাঃ শৃঙ্গিণোশ্মকাঃ॥ 2-78-60 (14477)
বলাদূরুগমা রাজন্গণিতং চার্বুদং ময়া।
কূটীকৃতং সুবর্ণং চ পদ্মকিঞ্জল্কসংনিভম্॥ 2-78-61 (14478)
শিতান্দীর্ঘানসীনন্যান্যষ্টিশক্তিপরশ্বথান্।
শ্লক্ষ্ণং বস্ত্রমকার্পসমাবিকং মৃদু চাজিনম্॥ 2-78-62 (14479)
বলং মত্তং সমাদায় দ্বারি তিষ্ঠন্তি বারিতাঃ।
আসনানি মহার্হাণি যানানি শয়নানি চ॥ 2-78-63 (14480)
মণিকাঞ্চনচিত্রাণি গজদন্তময়ানি চ।
রথাংশ্চ বিবিধাকারাঞ্জাম্বূনদপরিষ্কৃতান্॥ 2-78-64 (14481)
হয়ৈর্বিনীতৈঃ সম্পন্নান্বৈয়াঘ্রপরিবারিতান্।
বিচিত্রান্সপরিস্তোমাংশ্চাপানি বিবিধানি চ। 2-78-65 (14482)
নারাচানর্ঘনারাচাঞ্ছস্ত্রাণি বিবিধানি চ।
এতদ্দ্রব্যং মহদ্গৃহ্য পূর্বদেশাধিপো নৃপঃ॥ 2-78-66 (14483)
প্রবিষ্টো যজ্ঞসদনং পাণ্ডবস্য মহাত্মনঃ।
জন্তুচেলান্দ্বিসাহস্রান্দুকূলান্যযুতানি চ॥ 2-78-67 (14484)
কাংস্যানি চৈব ভাণ্ডানি মহার্হাণি কুথানি চ।
এতান্যন্যানি রত্নানি দদৌ পার্থস্য বৈ মুদা॥ 2-78-68 (14485)
অন্যান্বহুবিধান্রাজন্নরঃ সাগরমাশ্রিতাঃ।
রত্নানি বিবিধান্গৃহ্য দদুস্তে পাণ্ডবায় তু॥ 2-78-69 (14486)
মালবাশ্চ ততো রাজন্রত্নানি বিবিধানি চ।
গোধূমানাং চ রাজেন্দ্র দ্রোণানাং কোটিসংমিতম্॥ 2-78-70 (14487)
অন্যাংশ্চ বিবিধান্ধান্যান্পরিগৃহ্য মহাবলঃ।
পাণ্ডবায় দদৌ প্রীত্যা প্রবিবেশ মহাধ্বরম্॥ 2-78-71 (14488)
নানারত্নান্বহূন্গৃহ্য সুরাষ্ট্রাধিপতির্নৃপঃ।
তৈলকুম্ভান্মহারাজ দ্রোণানাময়ুতানি চ॥ 2-78-72 (14489)
গুডানপি স তান্স্বাদূন্সহস্রশকটৈর্নৃপঃ।
এতানি সর্বাণ্যাদায় দদৌ কুন্তীসুতায় সঃ॥ 2-78-73 (14490)
অন্যে চ পার্থিবা রাজন্নানাদেশসমাগতাঃ।
রত্নানি বিবিধান্গৃহ্য দদুস্তে কৌরবায় তু॥ 2-78-74 (14491)
জম্বূদ্বীপে সমস্তে তু সরাষ্ট্রবনপর্বতে।
করং তু ন প্রয়চ্ছেত নাস্তি পার্থস্য পার্থিবঃ॥ 2-78-75 (14492)
নরঃ সপ্তসু বর্ষেসু তদ্যজ্ঞে নাস্তি নাগতঃ।
ক্রতুর্নানাগণৈঃ কীর্ণো বভৌ শক্রসদো যথা॥ 2-78-76 (14493)
ইমাংশ্চ দায়ান্বিবিধান্নিবোধ মম পার্থিব।
যজ্ঞাপ্থে রাজভির্দত্তান্মহতো ধনসঞ্চয়ান্॥ 2-78-77 (14494)
মেরুমন্দরয়োর্মধ্যে শৈলোদামভিতো নদীম্।
যে তে কীচকবেণূনাং ছায়াং রম্যামুপাসতে॥ 2-78-78 (14495)
খষা একাসনাদ্যর্হাঃ প্রদরা দীর্ঘবেণবঃ।
পারদাশ্চ কুলিন্দাশ্চ তঙ্কণাঃ পরতঙ্কণাঃ॥ 2-78-79 (14496)
তদ্বৈ পিপীলিকং নাম উদ্ধৃতং যৎপিপীলিকৈঃ।
জাতরূপং দ্রোণমেয়মহার্ষুঃ কুঞ্জশো নরাঃ॥ 2-78-80 (14497)
কৃষ্ণবালাংশ্চ চমরাঞ্ছুক্লবালাংস্তথা পরান্।
হিমবৎপুষ্পজং চৈব স্বাদুক্ষৌদ্ররসং বহু॥ 2-78-81 (14498)
উত্তরেভ্যঃ কুরুভ্যশ্চ ব্যূঢমাল্যৈর্মহাত্মভিঃ।
উত্তরাদপি কৈলাসাদোষধীঃ সুমহাবলাঃ॥ 2-78-82 (14499)
পার্বতীয়াশ্চরাজান আহৃত্য প্রণতাঃ স্থিতাঃ।
অজাতশত্রবে রাজন্দ্বারি তিষ্ঠন্তি বারিতাঃ॥ 2-78-83 (14500)
যে পরার্ঘ্যা হিমবতঃ সূর্যোদয়গিরেরনু।
এবংরূপাঃ সমুদ্রান্তে লৌহিত্যমভিতশ্চ যে॥ 2-78-84 (14501)
ফলমূলাশনা যে চ কিরাতাশ্চর্মবাসসঃ।
চন্দ্নাগরুমুখ্যানি মহার্হান্কম্বলানি চ॥ 2-78-85 (14502)
চর্মরত্নসুবর্ণানি গন্ধানুচ্চাবচানি চ।
কৈরাতকীনাময়ুতং দাসীনাং চ বিশংপতে ॥ 2-78-86 (14503)
আহৃত্য রমণীয়ার্থান্দূরগান্মৃগপক্ষিণঃ।
নিচিতং পর্বতেভ্যশ্চ হিরণ্যংভূরিবর্চসম্॥ 2-78-87 (14504)
বলিং চ কৃৎস্ত্রমাদায় দ্বারি তিষ্টন্তি বারিতাঃ।
কাপব্যা দরদা দর্বাঃ শূরা বৈ যমকাস্তথা॥ 2-78-88 (14505)
ঔদুম্বরা দুর্বিভাগা দ্বারি তিষ্টন্তি বারিতাঃ।
কাশ্মীরাশ্চ কুমারাশ্চ গৌরকা হংসকাস্তথা॥ 2-78-89 (14506)
শিবিত্রৈগর্তয়ৌধেয়া রাজন্যা মদ্রকৈঃ সহ।
বসুতেয়াঃ সমৌলেয়া দাহক্ষুদ্রকমালবৈঃ॥ 2-78-90 (14507)
চৌণ্ডিকাশ্চৌদকাশ্চৈব সাল্বাশ্চৈব বিশম্পতে।
অঙ্কবঙ্কাশ্চ যবনা অনবদ্যা গয়ৈঃ সহ॥ 2-78-91 (14508)
সুজাতয়ঃ শ্রেণিমন্তঃ শ্রেয়াংসঃ শস্ত্রধারিণঃ।
আহার্ষুঃ ক্ষত্রিয়া বিত্তং শতশোঽজাতশত্রবৈ॥ 2-78-92 (14509)
বঙ্কাঃ কলিঙ্গা মগধাস্তাম্রলিপ্তাঃ সপুণ্ড্রকাঃ।
দুকূলং কৌশিকং চৈব পত্রোর্ণং চৈব ভারত॥ 2-78-93 (14510)
উপাবৃত্তা নৃপাস্তস্য দদুঃ প্রীতিং ন চাগমন্।
উচ্যন্তে তত্র হি দ্বার্স্থৈর্বলিমাদায় বিষ্ঠিতাঃ॥ 2-78-94 (14511)
ঈষাদন্তান্হেমকক্ষ্যান্পদ্মবর্ণান্কুথাবৃতান্।
শৈলাভান্নিত্যমত্তাংশ্চাপ্যভিতঃ কাম্যকং সরঃ॥ 2-78-95 (14512)
ক্ষমাবতঃ কুলীনাংশ্চ কুঞ্জরান্সপরিচ্ছদান্।
দত্ৎবৈকৈকো দশশতান্দ্বারেণ প্রবিশন্ৎবিতি॥ 2-78-96 (14513)
বৈদেহকাশ্চ পুণ্ড্রাশ্চ গৌলেয়াস্তাম্রলিপ্তকাঃ।
মরুকাঃ কাশিকা দর্দা ভৌমেয়া নটনাটকাঃ॥ 2-78-97 (14514)
কর্ণাটাঃ কাংস্যকুট্টাশ্চ পদ্মজালাঃ সতীনরাঃ।
দাক্ষিণাত্যাঃ পুলিন্দাশ্চ শবেরাস্তঙ্কণাঃ শষাঃ॥ 2-78-98 (14515)
বর্বরা যবনাশ্চৈব গর্গরাভীরকাস্তথা।
পল্লবাঃ শককারূশাস্তুম্বকাঃ কাশিকাস্তদা॥ 2-78-99 (14516)
এতে চান্যে চ বহবো নানাদিগভ্যঃ সমাগতাঃ।
অন্যৈশ্চোপহৃতান্যত্র রত্নানি হি মহাত্মভিঃ॥ 2-78-100 (14517)
সমুদ্রসারবৈডূর্যান্মুক্তাঃ শঙ্খাস্তথৈব চ।
শুভাবর্তাঞ্ছুভাঞ্ছুক্তীঃ সিংহলাঃ সমুপাহরন্॥ 2-78-101 (14518)
সম্ভৃতান্মণিচীরৈশ্চ শ্যামাংস্তাম্রান্তলোচনান্।
রাজা চিত্ররথো নাম গন্ধর্বো বাসবানুগঃ।
শতানি চৎবার্যদদদ্ধয়ানাং বাতরংহসাম্॥ 2-78-102 (14519)
তুম্বুরুস্তু প্রমুদিতো গন্ধর্বো বাজিনাং শতম্।
আম্রপত্রসবর্ণানামদদদ্ধেমমালিনাম্॥ 2-78-103 (14520)
কৃতী রাজা চ কৌরব্য শূকরাণাং বিশাম্পতে।
অদদদ্গজরত্নানাং শতানি সুবহূন্যথ॥ 2-78-104 (14521)
বিরাটেন তু মৎস্যেন বল্যর্থং হেমমালিনাম্।
কুঞ্জরাণাং সহস্রে দ্বে মত্তানাং সমুপাহৃতে॥ 2-78-105 (14522)
পাংসুরাষ্ট্রাদ্বমুদানো রাজা ষড্বিংশতিং গজান্।
অশ্বানাং চসহস্রে দ্বে রাজন্কাঞ্চনমালিনাম্॥ 2-78-106 (14523)
জবসৎবোপপন্নানাং বয়স্থানাং নরাধিপ।
বলিং চ কৃৎস্নমাদায় পাণ্ডবেভ্যো ন্যবেদয়ৎ॥ 2-78-107 (14524)
যজ্ঞসেনেন দাসীনাং সহস্রাণি চতুর্দশ।
দাসানাময়ুতং চৈব সদারাণাং বিশাম্পতে॥ 2-78-108 (14525)
গজয়ুক্তা মহারাজ রথাঃ ষড্বিংশতিস্তথা।
রাজ্যং চ কৃৎস্নং পার্থেভ্যো যজ্ঞার্থং বৈ নিবেদিতম্॥ 2-78-109 (14526)
বাসুদেবোঽপি বার্ষ্ণেয়ো মানং কুর্বন্কিরীটিনঃ।
অদদদ্গজমুখ্যানাং সহস্রাণি চতুর্দশ॥ 2-78-110 (14527)
আত্মা হি কৃষ্ণঃ পার্থস্য কৃষ্ণস্যাত্মা ধনঞ্জয়ঃ।
যদ্ব্রূয়াদর্জুনঃ কৃষ্ণং সর্বং কুর্যাদসংশয়ম্॥ 2-78-111 (14528)
কৃষ্ণো ধনঞ্জয়স্যার্থে স্বর্গলোকমপি ত্যজেৎ।
তথৈব পার্থঃ কৃষ্ণার্থে প্রাণানপি পরিত্যজেৎ॥ 2-78-112 (14529)
সুরভীংশ্চন্দনরসান্হেমকুম্ভসমাস্থিতান্।
মলয়াদ্দর্দুরাচ্চৈব চন্দনাগুরুসঞ্চয়ান্॥ 2-78-113 (14530)
মণিরত্নানি ভাস্বন্তি কাঞ্চনং সূক্ষ্মবস্ত্রকম্।
চোলপাণ্ড্যাবপি দ্বারং ন লেভাতে হ্যুপস্থিতৌ॥ 2-78-114 (14531)
সমুদ্রসারং বৈদূর্যং মুক্তাসঙ্ঘাংস্তথৈব চ।
শতশশ্চ কুথাংস্তত্র সিংহলাঃ সমুপাহরন্॥ 2-78-115 (14532)
সংবৃতা মণিচীরৈস্তু শ্যামাস্তাম্রান্তলোচনাঃ।
তা গৃহীৎবা নরাস্তত্র দ্বারি তিষ্ঠন্তি বারিতাঃ॥ 2-78-116 (14533)
প্রীত্যর্থং ব্রাহ্মণশ্চৈব ক্ষত্রিয়াশ্চ বিনির্জিতাঃ।
উপাজহ্রুর্বিশশ্চৈব শূদ্রাঃ শুশ্রূষবস্তথা॥ 2-78-117 (14534)
প্রীত্যা চ বহুমানাচ্চাপ্যুপাগচ্ছন্যুধিষ্ঠিরম্।
সর্বে ম্লেচ্ছাঃ সর্ববর্ণা আদিমধ্যান্তজাস্তথা॥ 2-78-118 (14535)
নানাদেশসমুত্থৈশ্চন নানাজিতিভিরেব চ।
পর্যস্ত ইব লোকোঽয়ং যুধিষ্ঠিরনিবেশনে॥ 2-78-119 (14536)
উচ্চাবচানুপগ্রাহান্রাজভিঃ প্রাপিতান্বহূন্।
শত্রূণাং পশ্যতো দুঃখান্মুমূর্ষা মে ব্যজায়ত॥ 2-78-120 (14537)
ভৃত্যাস্তু যে পাণ্ডবানাং তাংস্তে বক্ষ্যামি পার্থিব।
যেষামামং চ পক্বং চ সংবিধত্তে যুধিষ্ঠিরঃ॥ 2-78-121 (14538)
অয়ুতং ত্রীণি পদ্মানি গজারোহাঃ সসাদিনঃ।
রথানামর্বুদং চাপি পাদাতা বহবস্তথা॥ 2-78-122 (14539)
প্রমীয়মাণমাং চ পচ্যমানং তথৈব চ।
বিসৃজ্যমানং চান্যত্র পুণ্যাহস্বন এব চ॥ 2-78-123 (14540)
নাভুক্তবন্তং নাপীতং নালঙ্কৃতমসৎকৃতম্।
অপশ্যং সর্ববর্ণানাং যুধিষ্ঠিরনিবেশনে॥ 2-78-124 (14541)
অষ্টাশীতিসহস্রাণি স্নাতকা গৃহমেধিনঃ।
ত্রিংশদ্দাসীক একৈকো যান্বিভর্তি যুধিষ্ঠিরঃ।
সুপ্রীতাঃ পরিতৃষ্টাশ্চ তে হ্যাশংসত্ত্যরিক্ষয়ম্॥ 2-78-125 (14542)
দশান্যানি সহস্রাণি যতীনামূর্ধ্বরেতসাম্।
ভুঞ্জতে রুক্মপাত্রীভির্যুধিষ্ঠিরনিবেশনে॥ 2-78-126 (14543)
অভুক্তং ভুক্তবদ্বাপি সর্বমাকুব্জবামনম্।
অভুঞ্জানা যাজ্ঞসেনী প্রত্যবৈক্ষদ্বিশাম্পতে॥ 2-78-127 (14544)
দ্বৌ করৌ ন প্রয়চ্ছেতাং কুন্তীপুত্রায় ভারত।
সাম্বন্ধিকেনপাঞ্চালাঃ সখ্যেনান্ধকবৃষ্ণয়ঃ॥ ॥ 2-78-128 (14545)
ইতি শ্রীমন্মহাভারতে সভাপর্বণি দ্যূতপর্বণি অষ্টসপ্ততিতমোঽধ্যায়ঃ॥78॥
Mahabharata - Sabha Parva - Chapter Footnotes
2-78-2 নাবিদমিতি সম্বন্ধঃ। অপি তথাপি মুখ্যতো বক্ষ্যমাণং ধনং প্রতিপদ্যস্বেত্যর্থ ঃ। ফলতো জাতং বস্ত্রাদি। ভূমিতো জাতং হীরাদি ॥ 2-78-5 বস্ত্রাণি ধান্যদ্রব্যং চ ঘ.পাঠঃ ॥ 2-78-104সভাপর্ব - অধ্যায় 079
॥ শ্রীঃ ॥
2.79. অধ্যায়ঃ 079
Mahabharata - Sabha Parva - Chapter Topics
দুর্যোধনেন ধৃতরাষ্ট্রসমীপে রাজসূয়বর্ণনাদি॥ 1॥Mahabharata - Sabha Parva - Chapter Text
দুর্যোধন উবাচ॥
আর্যাস্তু যে বৈ রাজানঃ সত্যসন্ধা মহাব্রতাঃ।
পর্যাপ্তবিদ্যা বক্তারো বেদান্তাবভৃথপ্লুতাঃ॥ 2-79-1 (14546)
ধৃতিমন্তো হ্রীনিষেবা ধর্মাত্মানো নাশস্বিনঃ।
মূর্ধাভিষিক্তাস্তে চৈনং রাজানঃ পর্যুপাংসতে॥ 2-79-2 (14547)
দক্ষিণার্থং সমানীত রাজভিঃ কাংস্যদোহনাঃ।
আরণ্যা বহুসাহস্রা অপশ্যংস্তত্রতত্র গাঃ॥ 2-79-3 (14548)
আজহ্রস্তত্র সৎকৃত্য স্বয়মুদ্যম্য ভারত।
অভিষেকার্থমব্যগ্রা ভাণ্ডমুচ্চাবচং নৃপাঃ॥ 2-79-4 (14549)
বাহ্লীকো রথমাহার্ষীজ্জাম্বূনদবিভূষিতম্।
সুদক্ষিণস্তু যুয়ুজে শ্বেতৈঃ কাম্ভোজজৈর্হয়ৈঃ॥ 2-79-5 (14550)
সুনীথঃ প্রীতিমাংশ্চৈব হ্যনুকর্ষং মহাবলঃ।
ধ্বজং চেদিপতিশ্চৈবমহার্ষীৎস্বয়মুদ্যতম্॥ 2-79-6 (14551)
দাক্ষিণাত্যঃ সন্নহনং স্রগুষ্ণীষে চ মাগধঃ।
বসুদানো মহেষ্বাসো গজেন্দ্রং ষষ্টিহায়নম্॥ 2-79-7 (14552)
মৎস্যস্ৎবক্ষান্হেমনদ্ধানেকলব্য উপানহৌ।
আবন্ত্যস্ৎবভিষেকার্থমপো বহুবিধাস্তথা॥ 2-79-8 (14553)
চেকিতান উপাসঙ্গং ধনুঃ কাশ্য উপাহরৎ।
অসিং চ সুৎসরুং শল্যঃ শৈক্যং কাঞ্চনভূষণম্॥ 2-79-9 (14554)
অভ্যপিঞ্চত্ততো ধৌম্যো ব্যাসশ্চ সমুহাতপাঃ।
নারদং চ পুরস্কৃত্য দেবলং চাসিতং মুনিম্॥ 2-79-10 (14555)
প্রীতিমন্ত উপাতিষ্ঠন্নভিষেকং মহর্ষয়ঃ।
জামদগ্ন্যেন সহিতাস্তথান্যে বেদপারগাঃ॥ 2-79-11 (14556)
অভিজগ্মর্মহাত্মানো মন্ত্রবদ্ভূরিদক্ষিণম্।
মহেন্দ্রমিব দেবেন্দ্রং দিবি সপ্তর্ষয়ো যথা॥ 2-79-12 (14557)
অধারয়চ্ছত্রমস্য সাত্যকিঃ সত্যবিক্রমঃ।
ধনঞ্জয়শ্চ ব্যজনে ভীমসেনশ্চ পাণ্ডবঃ॥ 2-79-13 (14558)
চামরে চাপি শুদ্ধে দ্বে যমৌ জগৃহতুস্তথা।
উপাগৃহ্ণাদ্যমিন্দ্রায় পুরাকল্পে প্রজাপতিঃ॥ 2-79-14 (14559)
তমস্মৈ শঙ্খমাহার্ষীদ্বারুণং কলশোদধিঃ।
শৈক্যং নিষ্কসহস্রেণ সুকৃতং বিশ্বকর্মণা॥ 2-79-15 (14560)
তেনাভিষিক্তঃ কৃষ্ণেন তত্র মে কশ্মলোঽভবৎ।
গচ্ছন্তি পূর্বাদপরং সমুদ্রং চাপি দক্ষিণম্॥ 2-79-16 (14561)
উত্তরং তু গচ্ছন্তি বিনা তাত পতত্র্রিভিঃ।
তত্র স্ম দধ্মুঃ শতশঃ শঙ্খান্মঙ্গলকারকান্॥ 2-79-17 (14562)
প্রাণদন্ত সমাধ্মাতাস্ততো রোমাণি মেঽহৃষন্।
প্রাপতন্ভূমিপালাশ্চ যে তু হীনাঃ স্বতেজসা॥ 2-79-18 (14563)
ধৃষ্টদ্যুম্নঃ পাণ্ডবাশ্চ সাত্যকিঃ কেশবোঽষ্টমঃ।
সৎবস্থা বীর্যসম্পন্না হ্যন্যোন্যপ্রিয়দর্শনাঃ॥ 2-79-19 (14564)
বিসঞ্জ্ঞান্ভূমিপান্দৃষ্ট্বা মাং চ তে প্রাহসংস্তদা।
ততঃ প্রহৃষ্টো বীভৎসুঃ প্রাদাদ্ধেমবিষাণিনাম্॥ 2-79-20 (14565)
শতান্যনডুহাং পঞ্চ দ্বিজমুখ্যেষু ভারত।
ন রন্তিদেবো নাভাগো যৌবনাশ্বো মনুর্ন চ॥ 2-79-21 (14566)
ন চ রাজা পৃথুর্বৈন্যো ন চাপ্যাসীদ্ভগীরথঃ।
যয়াতির্নহুষো বাপি যথা রাজা যুধিষ্ঠিরঃ॥ 2-79-22 (14567)
যথাঽতিমাত্রং কৌন্তেয়ঃ শ্রিয়া পরময়া যুতঃ।
রাজসূয়মবাপ্যৈবং হরিশ্চন্দ্র ইব প্রভুঃ॥ 2-79-23 (14568)
এতাং দৃষ্টা শ্রিয়ং পার্থে হরিশ্চন্দ্রে যথা বিভো।
কথং তু জীবিতং শ্রেয়ো মম পশ্যসি ভারত॥ 2-79-24 (14569)
অন্ধেনেব যুগং নদ্ধং বিপর্যস্তং নরাধিপ।
কনীয়াংসো বিবর্ধন্তে জ্যেষ্ঠা হীয়ন্ত এব চ॥ 2-79-25 (14570)
এবং দৃষ্ট্বা নাভিবিন্দামি শর্ম
সমীক্ষমাণোঽপি কুরুপ্রবীর।
তেনাহমেবং কৃশতাং গতশ্চ
বিবর্ণতাং চৈব সশোকতাং চ॥ ॥ 2-79-26 (14571)
ইতি শ্রীমন্মহাভারতে সভাপর্বণি দ্যূতপর্বণি ঊনাশীতিতমোঽধ্যায়ঃ॥79 ॥
Mahabharata - Sabha Parva - Chapter Footnotes
2-79-2 হীনিষেবা লজ্জাবন্তঃ॥সভাপর্ব - অধ্যায় 080
॥ শ্রীঃ ॥
2.80. অধ্যায়ঃ 080
Mahabharata - Sabha Parva - Chapter Topics
দুর্যোধনম্প্রতি ধৃতরাষ্ট্রেণ পাণ্ডবেষু দ্বেষনিষেধনম্॥ 1॥Mahabharata - Sabha Parva - Chapter Text
ধৃতরাষ্ট্র উবাচ।
ৎবং বৈ জ্যেষ্ঠো জ্যৈষ্ঠিনেয়ঃ পুত্র মা পাণ্ডবান্দ্বিষঃ।
দ্বেষা হ্যসুখমাদত্তে যথৈব নিঘনং তথা॥ 2-80-1 (14572)
অব্যুৎপন্নং সমানার্থং তুল্যমিত্রং যুধিষ্ঠিরম্।
অদ্বিষন্তং কথং দ্বিষ্যাত্ৎবাদৃশো ভরতর্ষভ॥ 2-80-2 (14573)
তুল্যাভিজনবীর্যশ্চ কথং ভ্রাতুঃ শ্রিয়ং নৃপ।
পুত্র কাময়সে মোহান্মৈবং ভূঃ শাম্য মা শুচঃ॥ 2-80-3 (14574)
অথ যজ্ঞবিভূতিং তাং কাঙ্ক্ষসে ভরতর্ষভ।
ঋৎবিজস্তব তন্বন্তু সপ্ততন্তুং মহাধ্বরম্॥ 2-80-4 (14575)
আহরিষ্যন্তি রাজানস্তবাপি বিপুলং ধনম্।
প্রীত্যা চ বহুমানাচ্চ রত্নান্যাভরণানি চ॥ 2-80-5 (14576)
অনার্যাচরিতং তাত পরস্বস্পৃহণং ভৃশম্।
স্বসন্তুষ্টঃ স্বধর্মস্থো যঃ স বৈ সুখমেধতে॥ 2-80-6 (14577)
`মহী কামদুঘা সা হি বীরপত্নীতি চোচ্যতে।
তথা বীরস্য ভার্যা শ্রীস্তে ইমে হি কলত্রবৎ॥ 2-80-7 (14578)
তবাপ্যস্তি হে চেদ্বীর্যং ভোক্ষ্যসে হি মহীমিমাম্॥ 2-80-8 (14579)
অয়ুক্তমিদমেতত্তু পরস্বহরণং ভৃশম্।
উভয়োর্লোকয়োর্দুঃখং সুহৃদাং কাঙ্ক্ষতোঽনয়ম্॥ 2-80-9 (14580)
অব্যাপারঃ পরার্তেষু নিত্যোদ্যোগঃ স্বকর্মসু।
রক্ষণং সমুপাত্তানামেতদ্বৈভবলক্ষণম্॥ 2-80-10 (14581)
বিপত্তিষ্বব্যথো দক্ষো নিত্যমুত্থানবান্নরঃ।
অপ্রমত্তো বিনীতাত্মা নিত্যং ভদ্রাণি পশ্যতি॥ 2-80-11 (14582)
বাহূনিবৈতান্মা চ্ছেৎসীঃ পাণ্ডুপুত্রাস্তথৈব তে।
ভ্রাতৃণাং তদ্ধনার্থং বৈ মিত্রদ্রোহং চ মা কুরু॥ 2-80-12 (14583)
পাণ্ডোঃ পুত্রান্মা দ্বিষস্বেহ রাজং-
স্তথৈব তে ভ্রাতৃধনং সমগ্রম্।
মিত্রদ্রোহে তাত মহানঘর্মঃ
পিতামহা যে তব তেঽপি তেষাম্॥ 2-80-13 (14584)
অন্তর্বেদ্যাং দদদ্বিত্তং কামাননুভবন্প্রিয়ান্।
ক্রীডন্স্ত্রীভির্নিরাতঙ্কঃ প্রশাম্য ভরতর্ষভ॥ ॥ 2-80-14 (14585)
ইতি শ্রীমন্মহাভারতে সভাপর্বণি দ্যূতপর্বণি অশীতিতমোঽধ্যায়ঃ॥80 ॥
Mahabharata - Sabha Parva - Chapter Footnotes
2-80-1 জ্যেষ্ঠায়া অপত্যং জ্যৈষ্ঠিনেয়ঃ॥ 2-80-2 অব্যুৎপন্নং পরকপটানভিজ্ঞম্। সমানার্থং তুল্যধনম্। তুল্যমিত্রং ৎবন্মিত্রা দ্রোহিণম্ অদ্বিষন্তং চ ৎবামপীতি শেষঃ॥সভাপর্ব - অধ্যায় 081
॥ শ্রীঃ ॥
2.81. অধ্যায়ঃ 081
Mahabharata - Sabha Parva - Chapter Topics
দুর্যোধনেন ধৃতরাষ্ট্রোক্তিপ্রতিকূলভাষণম্॥ 1॥Mahabharata - Sabha Parva - Chapter Text
দুর্যোধন উবাচ॥
যস্য নাস্তি নিজা প্রজ্ঞা কেবলং তু বহুশ্রুতঃ।
ন স জানাতি শাস্ত্রার্থং দর্বী সূপরসানিব॥ 2-81-1 (14586)
জানন্বৈ মোহয়তি মাং নাবি নৌরিব সংয়তা।
স্বার্থে কিং নাবধানং তে উতাহো দ্বেষ্টি মাং ভবান্॥ 2-81-2 (14587)
ন সন্তীমে ধার্তরাষ্ট্রা যেষাং ৎবমনুশাসিতা।
ভবিষ্যমর্থমাখ্যাসি সর্বদা কৃত্যমাত্মনঃ॥ 2-81-3 (14588)
পরনেয়োঽগ্রণীর্যস্য স মার্গান্প্রতিমুহ্যতি।
পন্থানমনুগচ্ছেয়ুঃ কথং তস্য পদানুগাঃ॥ 2-81-4 (14589)
রাজন্পরিণতপ্রজ্ঞো বৃদ্ধসেবী জিতেন্দ্রিয়ঃ।
প্রতিপন্নান্স্বকার্যেষু সংমোহয়সি নো ভৃশম্॥ 2-81-5 (14590)
লোকবৃত্তাদ্রাজবৃত্তমন্যদাহ বৃহস্পতিঃ।
তস্মাদ্রাজ্ঞাঽপ্রমত্তেন স্বার্থশ্চিন্ত্যঃ সদৈব হি॥ 2-81-6 (14591)
ক্ষত্রিয়স্য মহারাজ জয়ে বৃত্তিঃ সমাহিতা।
স বৈ ধর্মস্ৎবধর্মো বা স্ববৃত্তৌ কা পরীক্ষণা॥ 2-81-7 (14592)
প্রকালয়েদ্দিশঃ সর্বাঃ প্রতোদেনেব সারথিঃ।
প্রত্যমিত্রশ্রিয়ং দীপ্তাং জিঘৃক্ষুর্ভরতর্ষভ॥ 2-81-8 (14593)
প্রচ্ছন্নো বা প্রকাশো বা যোগো যোঽরিং প্রবাধতে।
তদ্বৈ শস্ত্রং শস্ত্রবিদাং ন শস্ত্রং ছেদনং স্মৃতম্॥ 2-81-9 (14594)
শত্রুশ্চৈব হি মিত্রং চ ন লেখ্যং ন চ মাতৃকা।
যো বৈ সন্তাপয়তি যং স শত্রুঃ প্রোচ্যতে নৃপ॥ 2-81-10 (14595)
অসন্তোষঃ শ্রিয়ো মূলং তস্মাত্তং কাময়াম্যহম্।
সমুচ্ছ্রয়ে যো যততে স রাজন্পরমো নয়ঃ॥ 2-81-11 (14596)
মমৎবং হি ন কর্তব্যমৈশ্বর্যে বা ধনেঽপি বা।
পূর্বাবাপ্তং হরন্ত্যন্যে রাজধ্রমং হি তং বিদুঃ॥ 2-81-12 (14597)
অদ্রোহসমংয় কৃৎবা চিচ্ছেদ নমুচেঃ শিরঃ।
শক্রঃ সাঽভিমতা তস্য রিপৌ বৃত্তিঃ সনাতনী॥ 2-81-13 (14598)
দ্বাবেতৌ গ্রসতে ভূমিঃ সর্পো বিলশয়ানিব।
রাজানং চাবিরোদ্ধারং ব্রাহ্মণং চাপ্রবাসিনম্॥ 2-81-14 (14599)
নাস্তি বৈ জাতিতঃ শত্রুঃ পুরুষস্য বিশাম্পতে।
যেন সাধারণী বৃত্তিঃ স শত্রুর্নেতরো জনঃ॥ 2-81-15 (14600)
শত্রুপক্ষং সমৃধ্যন্তং যো মোহাৎসমুপেক্ষতে।
ব্যাধিরাপ্যায়িত ইব তস্য মূলং ছিনত্তি সঃ॥ 2-81-16 (14601)
অল্পোঽপি হ্যরিরত্যর্থং বর্ধমানঃ পরাক্রমৈঃ।
বল্মীকো মূলজ ইব গ্রসতে বৃক্ষমন্তিকাৎ॥ 2-81-17 (14602)
আজমীঢ রিপোর্লক্ষ্মীর্মা তে রোচিষ্ট ভারত।
এষ ভারঃ সৎববতাং ন যঃ শিরসি ধিষ্ঠিতঃ॥ 2-81-18 (14603)
জন্মবৃদ্ধিমিবার্থানাং যো বৃদ্ধিমাভিকাঙ্ক্ষতে।
এধতে জ্ঞাতিষু স বৈ সদ্যো বৃদ্ধির্হি বিক্রমঃ॥ 2-81-19 (14604)
নাপ্রাপ্য পাণ্ডবৈশ্বর্যং সংশয়ো মে ভবিষ্যতি।
অবাপ্স্যে বা শ্রিয়ং তাং হি শয়িষ্যে বা হতো যুধি॥ 2-81-20 (14605)
এতাদৃশস্য কিং মেঽদ্য জীবিতেন বিশাম্পতে।
বর্ধন্তে পাণ্ডবা নিত্যং বয়ং স্বস্থিরবৃদ্ধয়ঃ॥ ॥ 2-81-21 (14606)
ইতি শ্রীমন্মহাভারতে সভাপর্বণি দ্যূতপর্বণি একাশীতিতমোঽধ্যায়ঃ॥81 ॥
Mahabharata - Sabha Parva - Chapter Footnotes
2-81-3 কৃত্যং ইদানীং কর্তব্যম্॥ 2-81-14 অপ্রবাসিনং তীর্থাটনাদিরহিতম্॥ 2-81-15 সাধারণী তুল্যা বৃত্তির্জীবিকা। একামিষৎবমিত্যর্থঃ॥সভাপর্ব - অধ্যায় 082
॥ শ্রীঃ ॥
2.82. অধ্যায়ঃ 082
Mahabharata - Sabha Parva - Chapter Topics
দুর্যোধনম্প্রতি শকুনিনা দ্যূতায় প্রোৎসাহনম্॥ 1॥ ধৃতরাষ্ট্রাজ্ঞয়া শিল্পিভিঃ সভানির্মাণম্॥ 2॥ ধৃতরাষ্ট্রেণ পাণ্ডবানয়নায় বিদুরপ্রেষণম্॥ 3॥Mahabharata - Sabha Parva - Chapter Text
শকুনিরুবাচ॥
যাং ৎবমেতাং শ্রিয়ং পাণ্ডুপুত্রে যুধিষ্ঠিরে।
তপ্যসে তাং হরিষ্যামি দ্যূতেন জয়তাং বর॥ 2-82-1 (14607)
আহূয়তাং পরং রাজন্কুন্তীপুত্রো যুধিষ্ঠিরঃ।
অগৎবা সংশয়মহময়ুদ্ধ্বা চ চমূমুখে॥ 2-82-2 (14608)
অক্ষান্ক্ষিপন্নক্ষতঃ সন্বিদ্বানবিদুষো জয়ে।
গ্লহান্ধনূংষি মে বিদ্ধি শরানক্ষাংশ্চ ভারত॥ 2-82-3 (14609)
অক্ষাণাং হৃদয়ং মে জ্যাং রথং বিদ্ধি মমাস্ফুরম্॥ 2-82-4 (14610)
দুর্যোধন উবাচ। 2-82-5x (1533)
অয়মুৎসহতে রাজচ্ছ্রিয়মাহর্তুমক্ষবিৎ।
দ্যূতেন পাণ্ডুপুত্রেভ্যস্তদনুজ্ঞাতুমর্হসি॥ 2-82-5 (14611)
ধৃতরাষ্ট্র উবাচ। 2-82-6x (1534)
স্থিতোঽস্মি শাসনে ভ্রাতুর্বিদুরস্য মহাত্মনঃ।
তেন সঙ্গম্য বেৎস্যামি কার্যস্যাস্য বিনিশ্চয়ম্॥ 2-82-6 (14612)
দুর্যোধন উবাচ॥ 2-82-7x (1535)
`কৃষ্ণাদভ্যাধিকঃ সোঽপি ক্ষত্তা বোদ্ধা বিশাম্পতে।
কেবলং ধর্মমেবাহ ন তদ্বিজয়সাধকম্॥ 2-82-7 (14613)
জয়শ্চ ধর্মতোপেতস্তথৈব ভরতর্ষভ।
তস্মাদ্বিনয়তো জেতা তাবুভৌ চ বিরোধিনৌ'॥ 2-82-8 (14614)
ব্যপনেষ্যতি তে বুদ্ধিং বিদুরো মুক্তসংশয়ঃ।
পাণ্ডবানাং হিতে যুক্তো ন তথা মম কৌরব॥ 2-82-9 (14615)
নারভেতান্যসামর্থ্যাৎপুরুষঃ কার্যমাত্মনঃ।
মতিসাম্যং দ্বয়োর্নাস্তি কার্যেষু কুরুনন্দন॥ 2-82-10 (14616)
ভয়ং পরিহরন্মত্ত আত্মানং পরিপালয়ন্।
বর্ষাসু ক্লিন্নবটবত্তিষ্ঠন্নৈবাবসীদতি॥ 2-82-11 (14617)
ন ব্যাধয়ো নাপি যমঃ প্রাপ্তুং শ্রেয়ঃ প্রতীক্ষতে।
যাবদেব ভবেৎকল্পস্তাবচ্ছ্রেয়ঃ সমাচরেৎ॥ 2-82-12 (14618)
ধৃতরাষ্ট্র উবাচ॥ 2-82-13x (1536)
সর্বথা পুত্র বলিভির্বিগ্রহো মে রোচতে।
বৈরং বিকারং সৃজতি তদ্বৈ শস্ত্রমনায়সম্॥ 2-82-13 (14619)
অনর্থমর্থং মন্যসে রাজপুত্র
সঙ্গ্রন্থনং কলহস্যাতিয়াতি।
তদ্বৈ প্রবৃত্তং তু যথাকথঞ্চিৎ
সৃজেদসীন্নিশিতান্সায়কাংশ্চ॥ 2-82-14 (14620)
দুর্যোধন উবাচ॥ 2-82-15x (1537)
দ্যূতে পুরাণৈর্ব্যবহারঃ প্রণীত-
স্তত্রাত্যযো নাস্তি ন সম্প্রহারঃ।
তদ্রোচতাং শকুনের্বাক্যমদ্য
সভাং ক্ষিপ্রং ৎবমিহাজ্ঞাপয়স্ব॥ 2-82-15 (14621)
স্বর্গদ্বারং দীব্যতাং নো বিশিষ্টং
তদ্বর্তিনাং চাপি তথৈব যুক্তম্।
ভবেদেবং হ্যাত্মনা তুল্যমেব
দুরোদরং পাণ্ডবৈস্ৎবং কুরুষ্ব॥ 2-82-16 (14622)
ধৃতরাষ্ট্র উবাচ। 2-82-17x (1538)
বাক্যং ন মে রোচতে যত্ৎবয়োক্তং
যত্তে প্রিয়ং তৎক্রিয়তাং নরেন্দ্র।
পশ্চাত্তপ্স্যসে তদুপাক্রম্য বাক্যং
ন হীদৃশং ভাবি বচো হি ধর্ম্যম্॥ 2-82-17 (14623)
দৃষ্টং হ্যেতদ্বিদুরেণৈ সর্বং
বিপশ্চিতা বুদ্ধিবিদ্যানুগেন।
তদেবৈতদবশস্যাভ্যুপৈতি
মহদ্ভয়ং ক্ষত্রিয়জীবঘাতি॥ 2-82-18 (14624)
বৈশম্পায়ন উবাচ॥ 2-82-19x (1539)
এবমুক্ৎবা ধৃতরাষ্ট্রো মনীষী
দৈবং মৎবা পরমং দুস্তরং চ।
শশাসোচ্চৈঃ পুরুষান্পুত্রবাক্যে
স্থিতো রাজা দৈবসংমূঢচেতাঃ॥ 2-82-19 (14625)
সহস্রস্তম্ভাং হেমবৈদূর্যচিত্রাং
শতদ্বারাং তোরণস্ফাটিকাঢ্যাম্।
সভামগ্র্যাং ক্রোশমাত্রায়তাং মে
তদ্বিস্তারামাশু কুর্বন্তু যুক্তাঃ॥ 2-82-20 (14626)
শ্রুৎবা তস্য ৎবরিতা নির্বিশঙ্কাঃ
প্রাজ্ঞা দক্ষাস্তাং তদা চক্রুরাশু।
সর্বদ্রব্যাণ্যুপজহ্রুঃ সভায়াং
সহস্রশঃ শিল্পিনশ্চৈব যুক্তাঃ॥ 2-82-21 (14627)
কালেনাল্পেনাথ নিষ্ঠাং গতাং তাং
সভাং রম্যাং বহুরত্নাং বিচিত্রাম্।
চিত্রৈর্হৈমৈরাসনৈরভ্যুপেতা-
মাচখ্যুস্তে তস্য রাজ্ঞঃ প্রতীতাঃ॥ 2-82-22 (14628)
ততো বিদ্বান্বিদুরং মন্ত্রিমুখ্য-
মুবাচেদং ধৃতরাষ্ট্রো নরেন্দ্রঃ।
যুধিষ্ঠিরং রাজপুত্রং চ গৎবা
মদ্বাক্যেন ক্ষিপ্রমিহানয়স্ব॥ 2-82-23 (14629)
সভেয়ং মে বহুরত্না বিচিত্রা
শয়্যাসনৈরুপপন্না মহার্হৈঃ।
সা দৃশ্যতাং ভ্রাতৃভিঃ সার্ধমেত্য
মুহৃদ্দ্যূতং বর্ততামত্র চেতি॥ 2-82-24 (14630)
বৈশম্পায়ন উবাচ॥ 2-82-25x (1540)
মতমাজ্ঞায় পুত্রস্য ধৃতরাষ্ট্রো নরাধিপঃ।
মৎবা চ দুস্তরং দৈবমেতদ্রাজংশ্চকার হ॥ 2-82-25 (14631)
অন্যায়েন তথোক্তস্তু বিদুরো বিদুষাং বরঃ।
নাভ্যনন্দদ্বচো ভ্রাতুর্বচনং চেদমব্রবীৎ॥ 2-82-26 (14632)
বিদুর উবাচ॥ 2-82-27x (1541)
নাভিনন্দে নৃপতে প্রৈষমেতং
মৈবং কৃথাঃ কুলনাশাদ্বিভেমি।
পুত্রৈর্ভিন্নঃ কলহস্তে ধ্রুবং স্যা-
দেতচ্ছঙ্কে দ্যূতকৃতে নরেন্দ্র॥ 2-82-27 (14633)
ধৃতরাষ্ট্র উবাচ। 2-82-28x (1542)
নেহ ক্ষত্তঃ কলহস্তপ্স্যতে মাং
ন চেদ্দৈবং প্রতিলোমং ভবিষ্যৎ।
ছাত্রা তু দিষ্টস্য বশে কিলেদং
সর্বং জগচ্চেষ্টতি ন স্বতন্ত্রম্॥ 2-82-28 (14634)
তদদ্য বিদুর প্রাপ্য রাজানং মম শাসনাৎ।
ক্ষিপ্রমানয় দুর্ধর্ষং কুন্তীপুত্রং যুধিষ্ঠিরম্॥ ॥ 2-82-29 (14635)
ইতি শ্রীমন্মহাভারতে সভাপর্বণি দ্যূতপর্বণি দ্ব্যশীতিতমোঽধ্যায়ঃ॥ 82 ॥
Mahabharata - Sabha Parva - Chapter Footnotes
2-82-3 গ্লহান্ পণান্॥ 2-82-4 আস্ফুরমক্ষবিন্যাসপাতনাদিস্থানম্ ॥ 2-82-8 বিনয়তঃ অনয়াৎ॥ 2-82-16 দুরোদরং দ্যূতম্॥সভাপর্ব - অধ্যায় 083
॥ শ্রীঃ ॥
2.83. অধ্যায়ঃ 083
Mahabharata - Sabha Parva - Chapter Topics
বিদুরস্য ইন্দ্রপ্রস্থগমনম্॥ 1॥ পাণ্ডবানাং দ্যূতসভাপ্রবেশঃ॥ 2॥Mahabharata - Sabha Parva - Chapter Text
বৈশম্পায়ন উবাচ॥
ততঃ প্রায়াদ্বিদুরোঽশ্বৈরুদারৈ-
র্মহাজবৈর্বলিভিঃ সাধু দান্তৈঃ।
বলান্নিয়ুক্তো ধৃতরাষ্ট্রেণ রাজ্ঞা
মনীষিণাং পাণ্ডবানাং সকাশে॥ 2-83-1 (14636)
সোঽভিপত্য তদধ্বানমাসাদ্য নৃপতেঃ পুরম্।
প্রবিবেশ মহাবুদ্ধিঃ পূজ্যমানো দ্বিজাতিভিঃ॥ 2-83-2 (14637)
স রাজগৃহমাসাদ্য কুবেরভবনোপমম্।
অভ্যাগচ্ছত ধর্মাত্মা ধর্মপুত্রং যুধিষ্ঠিরম্॥ 2-83-3 (14638)
তং বৈ রাজা সত্যধৃতির্মহাত্মা
অজাতশত্রুর্বিদুরং যথাবৎ।
পূজাপূর্বং প্রতিগৃহ্যাজমীঢ-
স্ততোঽপৃচ্ছদ্ধৃতরাষ্ট্রং সপুত্রম্॥ 2-83-4 (14639)
যুধিষ্ঠির উবাচ॥ 2-83-5x (1543)
বিজ্ঞায়তে তে মনসোঽপ্রহর্ষঃ
কচ্চিৎক্ষত্তঃ কুশলেনাগতোঽসি।
কচ্চিৎপুত্রাঃ স্থবিরস্যানুলোমা
বশানুগাশ্চাপি বিশোঽথ কচ্চিৎ॥ 2-83-5 (14640)
বিদুর উবাচ॥ 2-83-6x (1544)
রাজা মহাত্মা কুশলী সপুত্র
আস্তে বৃতো জ্ঞাতিভিরিন্দ্রকল্পঃ।
প্রীতো রাজন্পুত্রগুণৈর্বিনীতো
বিশোক এবাত্মরতির্মহাত্মা॥ 2-83-6 (14641)
ইদং তু ৎবাং কুরুরাজোঽভ্যুবাচ
পূর্বং পৃষ্ট্বা কুশলং চাব্যযং চ।
ইয়ং সভা ৎবৎসভাতুল্যরূপা
ভ্রাতৄণাং তে দৃস্যতামেত্য পুত্র॥ 2-83-7 (14642)
সমাগম্য ভ্রাতৃভিঃ পার্থ তস্যাং
সুহৃদ্দ্যূতং ক্রিয়তাং রম্যতাং চ।
প্রীয়ামহে ভবতাং সঙ্গমেন
সমাগতাঃ কুরবশ্চাপি সর্বে॥ 2-83-8 (14643)
দুরোদরা বিহিতা যে তু তত্র
মহাত্মনা ধৃতরাষ্ট্রেণ রাজ্ঞা।
তান্দ্রক্ষ্যসে কিতবান্সন্নিবিষ্টা-
নিত্যাগতোঽহং নৃপতে তজ্জুষস্ব॥ 2-83-9 (14644)
যুধিষ্ঠর উবাচ॥ 2-83-10x (1545)
দ্যূতে ক্ষত্তঃ কলহো বিদ্যতে নঃ
কো বৈ রোচতনে বুধ্যমানঃ।
কিং বা ভবান্মন্যতে যুক্তরূপং
ভবদ্বাক্যে সর্ব এব স্থিতাঃ স্মঃ॥ 2-83-10 (14645)
বিদুর উবাচ॥ 2-83-11x (1546)
জানাম্যহং দ্যূতমনর্থমূলং
কৃতশ্চ যত্নোঽস্য ময়া নিবারণে।
রাজা চ মাং প্রাহিমোত্ৎবৎসকাশং
শ্রুৎবা বিদ্বঞ্শ্রেয় ইহাচরস্ব॥ 2-83-11 (14646)
যুধিষ্ঠির উবাচ॥ 2-83-12x (1547)
কে তত্রান্যে কিতবা দীব্যমানা
বিনা রাজ্ঞো ধৃতরাষ্ট্রস্য পুত্রৈঃ।
পৃচ্ছামি ৎবাং বিদুর ব্রূহি নস্তান্
যৈর্দীব্যামঃ শতশঃ সন্নিপত্য॥ 2-83-12 (14647)
বিদুর উবাচ॥ 2-83-13x (1548)
গন্ধাররাজঃ শকুনির্বিশাম্পতে
রাজাঽতিদেবী কৃতহস্তো মতাক্ষঃ।
বিনিংশতিশ্চিত্রসেনশ্চ রাজা
সত্যব্রতঃ পুরুমিত্রো জয়শ্চ॥ 2-83-13 (14648)
যুধিষ্ঠির উবাচ॥ 2-83-14x (1549)
মহাভয়াঃ কিতবাঃ সন্নিবিষ্টা
মায়োপধা দেবিতারোঽত্র সন্তি।
ধাত্রা তু দিষ্টস্য বশে কিলেদং
সর্বং জগত্তিষ্ঠতি ন স্বতন্ত্রম্॥ 2-83-14 (14649)
নাহং রাজ্ঞো ধৃতরাষ্ট্রস্য শাসনা-
ন্ন গন্তুমিচ্ছামি কবে দুরোদরম্।
ইষ্টো হি পুত্রস্য পিতা সদৈব
তদস্মি কর্তা বিদুরাত্থ মাং যথা॥ 2-83-15 (14650)
ন চাকামঃ শকুনিনা দেবিতাহং
ন চেন্মাং জিষ্ণুরাহ্বয়িতা সভায়াম্।
আহূতোঽহং ন নিবর্তে কদাচিৎ
তদাহিতং শাশ্বতং বৈ ব্রতং মে॥ 2-83-16 (14651)
বৈশম্পায়ন উবাচ॥ 2-83-17x (1550)
এবমুক্ৎবা বিদুরং ধর্মরাজঃ
প্রায়াত্রিকং সর্বমাজ্ঞাপ্য তূর্ণম্।
প্রায়াচ্ছ্বোভূতে সগণঃ সানুয়াত্রঃ
সহ স্ত্রীভির্দৌপদামাদি কৃৎবা॥ 2-83-17 (14652)
দৈবং হি প্রজ্ঞাং মুষ্ণাতি চক্ষুস্তেজ ইবাপতৎ।
ধাতুশ্চ বশমন্বেতি পাশৈরিব নরঃ সিতঃ॥ 2-83-18 (14653)
ইত্যুক্ৎবা প্রয়যৌ রাজা সহ ক্ষত্র্রা যুধিষ্ঠিরঃ।
অমৃষ্যমাণস্তস্যাথ সমাহ্বানমরিন্দমঃ॥ 2-83-19 (14654)
বাহ্লিকেন রথং যত্তমাস্থায় পরবীরহা।
পরিচ্ছন্নো যয়ৌ পার্থো ভ্রাতৃভিঃ সহ পাণ্ডবঃ।
রাজশ্রিয়া দীপ্যমানো যয়ৌ ব্রহ্মপুরঃ সরঃ॥ 2-83-20 (14655)
`সন্দিদেশ ততঃ প্রেষ্যানাগতান্নগরং প্রতি।
ততস্তে নৃপশার্দূল চক্রুর্বৈ নৃপশাসনম্॥ 2-83-21 (14656)
ততো রাজা মহাতেজাঃ সংয়ম্য সপরিচ্ছদম্।
ব্রাহ্মণৈঃ স্বস্তি বাচ্যাথ প্রয়যৌ মন্দিরাদ্বহিঃ 2-83-22 (14657)
ব্রাহ্মণেভ্যো ধনং দত্ৎবা গত্যর্থং স যথাবিধি।
অন্যেভ্যঃ স তু দত্ৎবা চ গন্তুমেবোপচক্রমে॥ 2-83-23 (14658)
সর্বলক্ষণসম্পন্নং রাজহংসপরিচ্ছদম্।
তমারুহ্য মহারাজো গজেন্দ্রং ষষ্টিহায়নম্॥ 2-83-24 (14659)
হারী কিরীটী হেমাভঃ সর্বাভরণভূষিতঃ।
ররাজ রাজন্পার্থো বৈ পরয়া নৃপশোভয়া॥ 2-83-25 (14660)
রুক্মবেদিগতঃ প্রাজ্যো জ্বলন্নিব হুতাশনঃ।
ততো জগাম রাজা স প্রহৃষ্টনরবাহনঃ॥ 2-83-26 (14661)
রথঘোষেণ মহতা পূরয়ন্বৈ নভঃ স্থলম্।
সংস্তূয়মানঃ স্তুতিভিঃ সূতমাগধবন্দিভিঃ॥ 2-83-27 (14662)
মহাসৈন্যেন সহিতো যথাদিত্যঃ স্বরশ্মিভিঃ।
পাণ্ডুরেণাতপত্রেণ ধ্রিয়মাণেন মূর্ধনি॥ 2-83-28 (14663)
বভৌ যুধিষ্ঠিরো রাজা পৌর্ণমাস্যামিবোডুরাট্।
চামরৈর্হেমদণ্ডৈশ্চ ধূয়মানঃ সমন্ততঃ॥ 2-83-29 (14664)
জয়াশিষঃ প্রহৃষ্টানাং নরাণাং পথি পাণ্ডবঃ।
প্রত্যগৃহ্ণাদ্যথান্যায়ং যথআবদ্ভরতর্ষভঃ॥ 2-83-30 (14665)
তথৈব সৈনিকা রাজন্রাজানমনুয়ান্তি যে।
তেষাং হলহলাশব্দো দিবং স্তব্ধঃ প্রতিষ্ঠিতঃ॥ 2-83-31 (14666)
নৃপস্যাগ্নে যয়ৌ রাজন্ভীমসেনো রথী বলী।
উভৌ পার্শ্বগতৌ রাজ্ঞঃ সতল্পৌ বৈ সুকল্পিতৌ॥ 2-83-32 (14667)
অধিরূঢৌ যমৌ চাপি জগ্মতুর্ভরতর্ষভ।
শোভয়ন্তৌ মহাসৈন্যং তাবুভৌ রূপশালিনৌ॥ 2-83-33 (14668)
পৃষ্ঠতোঽনুয়যৌ জিষ্ণুর্বীরঃ শস্ত্রভৃতাং বরঃ।
শ্বেতাশ্বো গাণ্ডিবং গৃহ্য অগ্নিদত্তং রথং গতঃ॥ 2-83-34 (14669)
সৈন্যমধ্যে যয়ৌ রাজন্কুরুরাজো যুধিষ্ঠিরঃ।
দ্রৌপদীপ্রমুখা নার্যঃ সানুগাঃ সপরিচ্ছদাঃ॥ 2-83-35 (14670)
আরুহ্য তা বিচিত্রাঙ্গ্যো যানানি বিবিধানি চ।
মহত্যা সেনয়া রাজন্নগ্রে যানানি বিবিধানি চ। 2-83-36 (14671)
সমৃদ্ধনরনাগাশ্বং সপতাকরথধ্বজম্।
সংনদ্ধবরনিস্ত্রিংশং পথি নির্ঘোষনিঃ স্বনম্॥ 2-83-37 (14672)
শঙ্খদুন্দুভিতালানাং বেণুবীণানুবনাদিতম্।
শুশুভে পাণ্ডবং সৈন্যং প্রয়াস্যত্তত্তদা নৃপ॥ 2-83-38 (14673)
যথা কুবেরো লঙ্কায়াং পুরা চাত্যন্তশোভয়া।
মহত্যা সেনয়া সার্ধং গুরুমিন্দ্রং স গচ্ছতি॥ 2-83-39 (14674)
তথা যয়ৌ স পার্থোঽপি অসঙ্খ্যেয়বিভূতিনা।
সুসমৃদ্ধেন সৈন্যেন যথা বৈশ্রবণস্তথা॥ 2-83-40 (14675)
স সরাংসি নদীশ্চৈব বনান্যুপবনানি চ।
অত্যক্রামন্মহারাজ পুরীং চাভ্যবপদ্যত॥ 2-83-41 (14676)
স হাস্তিনসমীপে তু কুরুরাজো যুধিষ্ঠিরঃ।
চক্রে নিবেশনং তত্র ততঃ স সহসৈনিকাঃ॥ 2-83-42 (14677)
শিবে দেশে সমে চৈব ন্যবসৎপাণ্ডবস্তদা।
ততোরাজন্সমাহূয় শোকবিহ্বলয়া গিরা॥ 2-83-43 (14678)
এতদ্বাক্যং চ সর্বস্বং ধৃতরাষ্ট্রচিকীর্ষিতম্।
আচচক্ষে যথাবৃত্তং বিদুরোঽথ নৃপস্য হ॥ 2-83-44 (14679)
তচ্ছ্রুৎবা ভাষিতং তেন ধর্মরাজোঽব্রবীদিদম্।
ন মর্ষয়াম্যহং ক্ষত্তঃ সমাহ্বানং ব্রতং হি মে।
স্বস্ত্যস্তু লোকে বিপ্রাণাং প্রজানাং চৈব সর্বদা॥ 2-83-45 (14680)
বৈশম্পায়ন উবাচ॥ 2-83-46x (1551)
প্রবিবেশ ততো রাজা নগরং নাগসাহ্বয়ম্।
ধৃতরাষ্ট্রেণ চাহূতঃ কালস্য সময়েন চ'॥ 2-83-46 (14681)
স হাস্তিনপুরং গৎবা ধৃতরাষ্ট্রগৃহং যয়ৌ।
সমিয়ায় চ ধর্মাত্মা ধৃতরাষ্ট্রেণ পাণ্ডবঃ॥ 2-83-47 (14682)
তথা ভীষ্মেণ দ্রোণেন কর্ণেন চ কৃপেণ চ।
সমিয়ায় যথান্যায়ং দ্রৌণিনা চ বিভুঃ সহ 2-83-48 (14683)
সমেত্য চ মহাবাহুঃ সোমদত্তেন চৈব হ।
দূর্যোধনেন সভ্রাত্রা সৌবলেন চ বীর্যবান্॥ 2-83-49 (14684)
যে চান্যে তত্র রাজানঃ পূর্বমেব সমাগতাঃ।
দুঃশাসনেন বীরেণ সর্বৈর্ভ্রাতৃভিরেব চ॥ 2-83-50 (14685)
জয়দ্রথেন চ তথা কুরুভিশ্চাপি সর্বশঃ।
ততঃ সর্বৈর্মহাবাহুর্ভ্রাতৃভিঃ পিরবারিতঃ॥ 2-83-51 (14686)
প্রবিবেশ গৃহং রাজ্ঞো ধৃতরাষ্ট্রস্য ধীমতঃ।
দদর্শ তত্র গান্ধারীং দেবীং পতিমনুব্রতাম্॥ 2-83-52 (14687)
স্নুষাভিঃ সংবৃতাং শশ্বত্তারাভিরিব রোহিণীম্।
অভিবাদ্য স গান্ধারীং তয়া চ প্রতিনন্দিতঃ॥ 2-83-53 (14688)
দদর্শ পিতরং বৃদ্ধং প্রজ্ঞাচক্ষুষমীশ্বরম্॥ 2-83-54 (14689)
রাজ্ঞা মূর্ধন্যুপাঘ্রাতাস্তে চ কৌরবনন্দনাঃ।
চৎবারঃ পাণ্ডবা রাজন্ভীমসেনপুরোগমাঃ॥ 2-83-55 (14690)
ততো হর্ষঃ সমভবৎকৌরবাণাং বিশাম্পতে।
তান্দৃষ্ট্বা পুরুষব্যাঘ্রান্পাণ্ডবান্প্রিয়দর্শনান্॥ 2-83-56 (14691)
বিবিশুস্তেঽভ্যনুজ্ঞাতা রত্নবন্তি গৃহাণি চ।
দদৃশুশ্চোপয়াতারো দ্রোপদীপ্রমুখাঃ স্ত্রিয়ঃ॥ 2-83-57 (14692)
যাজ্ঞসেন্যাঃ পরামৃদ্ধিং দৃষ্ট্বা প্রজ্বলিতামিব।
স্নুষাস্তা ধৃতরাষ্ট্রস্য নাতিপ্রমনসোঽভবন্॥ 2-83-58 (14693)
ততস্তে পুরুষব্যাঘ্রা গ্তবা স্ত্রীভিস্তু সংবিদম্।
কৃৎবা ব্যায়ামপূর্বাণি কৃত্যানি প্রতিকর্ম চ॥ 2-83-59 (14694)
ততঃ কৃতাহ্নিকাঃ সর্বে দিব্যচন্দনভূষিতাঃ।
কল্যাণমনসশ্চৈব ব্রাহ্মণান্স্বস্তি বাচ্য চ॥ 2-83-60 (14695)
মনোজ্ঞমশনং ভুক্ৎবা বিবিশুঃ শরণান্যথ।
উপগীয়মানা নারীভিরস্বপন্কুরুপুঙ্গবাঃ॥ 2-83-61 (14696)
জগাম তেষাং সা রাত্রিঃ পুণ্যা রতিবিহারিণাম্।
স্তূয়মানাশ্চ বিশ্রান্তাঃ কালে নিদ্রামথাত্যজন্॥ 2-83-62 (14697)
মুখোষিতাস্তে রজনীং প্রাতঃ সর্বে কৃতাহ্নিকাঃ।
সভাং রম্যাং প্রবিবিশুঃ কিতবৈরভিনন্দিতাঃ॥ ॥ 2-83-63 (14698)
ইতি শ্রীমন্মহাভারতে সভাপর্বণি দ্যূতপর্বণি ব্যশীতিতমোঽধ্যায়ঃ॥83 ॥
Mahabharata - Sabha Parva - Chapter Footnotes
2-83-2 দ্বিজাতিভিস্ত্রৈবর্ণিকৈঃ॥ 2-83-6 আত্মরতিঃ আত্মনঃ স্বস্যোৎকর্ষ এব রতির্যস্য নতু ধর্মমন্বীক্ষতে ইতি ভাবঃ॥ 2-83-7 অব্যযং ধনাদেরবিনাশম্॥ 2-83-9 দুরোদরা দ্যূতকরাঃ॥ 2-83-17 আদি অবিভক্তিকনির্দেশঃ॥ 2-83-57 যাতারঃ যাতরঃ॥ 2-83-59 সংবিদং মিথঃ কথাম্। ব্যায়ামঃ শ্রমানোদনব্যাপারঃ পূর্বো যেষাং তানি। প্রতিকর ্ম কেশপ্রসাধনাদিপরিষ্কারম্॥সভাপর্ব - অধ্যায় 084
॥ শ্রীঃ ॥
2.84. অধ্যায়ঃ 084
Mahabharata - Sabha Parva - Chapter Topics
শকুনিয়ুধিষ্ঠিরয়োঃ সংবাদঃ॥ 1॥ দ্যূতনির্ধারণম্॥2॥Mahabharata - Sabha Parva - Chapter Text
বৈশম্পায়ন উবাচ॥
প্রবিশ্য তাং সভাং পার্থা যুধিষ্ঠিরপুরোগমাঃ।
সমেত্য পার্থিবান্সর্বান্পূজার্হানভিপূজ্য চ॥ 2-84-1 (14699)
যথাবয়ঃ সমেয়ানা উপবিষ্টা যথার্হতঃ।
আসনেষু বিচিত্রেষু স্পর্দ্ধ্যাস্তরণবৎসু চ॥ 2-84-2 (14700)
তেষু তত্রোপবিষ্টেষু সর্বেষ্বথ নৃপেষু চ।
শকুনিঃ সৌবলস্তত্র যুধিষ্ঠিরমভাষত॥ 2-84-3 (14701)
শকুনিরুবাচ॥ 2-84-4x (1552)
উপস্তীর্ণা সভা রাজন্সর্বে ৎবয়ি কৃতক্ষণাঃ।
অক্ষানুপ্ৎবা দেবনস্য সময়োঽস্তু যুধিষ্ঠির॥ 2-84-4 (14702)
যুধিষ্ঠির উবাচ। 2-84-5x (1553)
নিতির্দেবনং পাপং ন ক্ষাত্রোঽত্র পরাক্রমঃ।
ন চ নীতির্ধ্রুবা রাজন্কিং ৎবং দ্যূতং প্রশংসসি॥ 2-84-5 (14703)
ন হি মানং প্রশংসন্তি নিকৃতৌ কিতবস্য হি।
শকুনে মৈবং নোঽজৈষীরমার্গেণ নৃশংসবৎ॥ 2-84-6 (14704)
শকুনিরুবাচ। 2-84-7x (1554)
যো বেত্তি সঙ্খ্যা নিকৃতৌ বিধিজ্ঞ-
শ্চেষ্টাস্বখিন্নঃ কিতবোঽক্ষজাসু।
মহামতির্যশ্চ জানাতি দ্যূতং
স বৈ সর্বং সহতে প্রক্রিয়াসু॥ 2-84-7 (14705)
অক্ষগ্লহঃ সোঽভিভবেৎপরং ন-
স্তেনৈব দোষো ভবতীহ পার্থ।
দীব্যামহে পার্থিব মা বিশঙ্কাং
কুরুষ্ব পাণং চ চিরং চ মা কৃথাঃ॥ 2-84-8 (14706)
যুধিষ্ঠির উবাচ। 2-84-9x (1555)
এবমাহায়মসিতো দেবলো মুনিসত্তমঃ।
ইমানি লোকদ্বারাণি যো বৈ ভ্রাম্যতি সর্বদা॥ 2-84-9 (14707)
ইদং বৈ দেবনং পাপং নিকৃত্যা কিতবৈঃ সহ।
ধর্মেণ তু জয়ো যুদ্ধে তৎপরং ন তু দেবনম্॥ 2-84-10 (14708)
নার্যা ম্লেচ্ছন্তি ভাষাভির্মায়যা ন চরন্ত্যুত।
অজিহ্যমশঠং যুদ্ধমেতৎসৎপুরুষব্রতম্॥ 2-84-11 (14709)
শক্তিতো ব্রাহ্মণার্থায় শিক্ষিতুং প্রয়তামহে।
তদ্বৈ বিত্তং মাতিদেবীর্মাজৈষীঃ শকুনে পরান্॥ 2-84-12 (14710)
নিকৃত্যা কাময়ে নাহং সুখান্যুত ধনানি বা।
কিতবস্যেহ কৃতিনো বৃত্তমেতন্ন পূজ্যতে॥ 2-84-13 (14711)
শকুনিরুবাচ। 2-84-14x (1556)
শ্রোত্রিয়ঃ শ্রোত্রিয়ানেতি নিকৃত্যৈব যুধিষ্ঠির।
বিদ্বানবিদুষোঽভ্যেতি নাহুস্তাং নিকৃতিং জনাঃ॥ 2-84-14 (14712)
অক্ষৈর্হি শিক্ষিতোঽভ্যেতি নিকৃত্যৈব যুধিষ্ঠির।
বিদ্বানবিদুষোঽভ্যেতি নাহুস্তাং নিকৃতিং জনাঃ॥ 2-84-15 (14713)
অকৃতাস্ত্রং কৃতাস্রশ্চ দুর্বলং বলবত্তরঃ।
এবং কর্মসু সর্বেষু নিকৃত্যৈব যুধিষ্ঠিরঃ।
বিদ্বানবিদুষোভ্যেতি নাহুস্তাং নিকৃতিং জনাঃ॥ 2-84-16 (14714)
এবং ৎবং মামিহাভ্যেত্য নিকৃতিং যদি মন্যসে।
দেবনাদ্বিনিবর্তস্ব যদি তে বিদ্যতে ভয়ম্॥ 2-84-17 (14715)
যুধিষ্ঠির উবাচ॥ 2-84-18x (1557)
আহূতো ন নিবর্তেয়মিতি মে ব্রতমাহিতম্।
বিধিশ্চ বলবান্রাজন্দিষ্টস্যাস্মি বশে স্থিতঃ॥ 2-84-18 (14716)
অস্মিন্সমাগমে কেন দেবনং মে ভবিষ্যতি।
প্রতিপাণশ্চ কোঽন্যোস্তি ততো দ্যূতং প্রবর্ততাম্॥ 2-84-19 (14717)
দুর্যোধন উবাচ। 2-84-20x (1558)
অহং দাতাস্মি রত্নানাং ধনানাং চ বিশাম্পতে।
মদর্থে দেবিতা চায়ং শকুনির্মাতুলো মম॥ 2-84-20 (14718)
যুধিষ্ঠির উবাচ॥ 2-84-21x (1559)
অন্যেনান্যস্য বৈ দ্যূতং বিষমং প্রতিভাতি মে।
এতদ্বিদ্বিন্নুপাদৎস্ব কামমেবং প্রবর্ততম্॥ ॥ 2-84-21 (14719)
ইতি শ্রীমন্মহাভারতে সভাপর্বণি দ্যূতপর্বণি চতুরশীতিতমোঽধ্যায়ঃ॥84 ॥
Mahabharata - Sabha Parva - Chapter Footnotes
2-84-5 পাপং পাপহেতুঃ॥ 2-84-8 পাণং পণনীয়দ্রব্যম্॥সভাপর্ব - অধ্যায় 085
॥ শ্রীঃ ॥
2.85. অধ্যায়ঃ 085
Mahabharata - Sabha Parva - Chapter Topics
ভীষমদ্রোণাদীনাং দ্যূতসভাপ্রবেশঃ॥ 1॥ দ্যূতীপক্রমঃ॥ 2॥ যুধিষ্ঠিরেণ পণীকৃতানাং সর্ববস্তূনাং শকুনিনা অপহারঃ॥ 3॥Mahabharata - Sabha Parva - Chapter Text
বৈশম্পায়ন উবাচ॥
উপোহ্যমানে দ্যূতে তু রাজানঃ সর্ব এব তে।
ধৃতরাষ্ট্রং পুরস্কৃত্য বিবিশুস্তাং সভাং ততঃ॥ 2-85-1 (14720)
ভীষ্মো দ্রোণঃ কৃপশ্চৈব বিদুরশ্চ মহামতিঃ।
নাতিপ্রীতেন মনসা তেঽন্ববর্তন্ত ভারত॥ 2-85-2 (14721)
তে দ্বন্দ্বশঃ পৃথচ্কৈব সিংহগ্রীবা মহৌজসঃ।
সিংহাসনানি ভূরিণী বিচিত্রাণি চ ভেজিরে॥ 2-85-3 (14722)
শুশুভে সা সভা রাজন্রাজভিস্তৈঃ সমাগতৈঃ।
দেবৈরিব মহাভাগৈঃ সমবেতৈস্ত্রিবিষ্টপম্॥ 2-85-4 (14723)
সর্বে বেদবিদঃ শূরাঃ সর্বে ভাস্বরমূর্তয়ঃ।
প্রবর্তত মহারাজ সুহৃদ্দ্যূতমনন্তরম্॥ 2-85-5 (14724)
যুধিষ্ঠির উবাচ॥ 2-85-6x (1560)
অয়ং বুহধনো রাজন্সাগরাবর্তসম্ভবঃ।
মণির্হারোত্তরঃ শ্রীমান্কনকোত্তমভূষণঃ॥ 2-85-6 (14725)
এতদ্রাজন্মম ধনং প্রতিপাণোঽস্তি কস্তব।
যেন মাং ৎবং মহারাজ ধনেন প্রতিদীব্যসে॥ 2-85-7 (14726)
দুর্যোধন উবাচ॥ 2-85-8x (1561)
সন্তি মে মণয়শ্চৈব ধনানি সুবহূনি চ।
মৎসরশ্চ ন মেঽর্থেষু জয়স্বৈনং দুরোদরম্॥ 2-85-8 (14727)
বৈশম্পায়ন উবাচ॥ 2-85-9x (1562)
ততো জগ্রাহ শকুনিস্তানক্ষানক্ষতত্ৎববিৎ।
জিতমিত্যেব শকুনির্যুধিষ্ঠিরমভাষত॥ 2-85-9 (14728)
যুধিষ্ঠির উবাচ॥ 2-85-10x (1563)
মত্ত কৈতকেনৈব যজ্জিতোঽস্মি দুরোদরে।
শকুনে হন্ত দীব্যামো গ্লহমানাঃ পরস্পরম্॥ 2-85-10 (14729)
সন্তি নিষ্কসহস্রস্য ভাণ্ডিন্যো ভরিতাঃ শুভাঃ।
কোশো হিরণ্যমক্ষয়্যং জাতরূপমনেকশঃ।
এতদ্রাজন্মম ধনং তেন দীব্যাম্যহং ৎবয়া॥ 2-85-11 (14730)
বৈশম্পায়ন উবাচ॥ 2-85-12x (1564)
কৌরবাণাং কুলকরং জ্যেষ্ঠং পাণ্ডবমচ্যুতম্।
ইত্যুক্তঃ শকুনিঃ প্রাহ জিতমিত্যেব তং নৃপম্॥ 2-85-12 (14731)
যুধিষ্ঠির উবাচ॥ 2-85-13x (1565)
অয়ং সহস্রসমিতো বৈয়াঘ্রঃ সুপ্রতিষ্ঠিতঃ।
সুচক্রোপস্করঃ শ্রীমান্কিঙ্কিণীজালমণ্ডিতঃ॥ 2-85-13 (14732)
সংহ্রাদনো রাজরথো য ইহাস্মানুপাবহৎ।
জৌত্রো রথবরঃ পুণ্যো মেঘসাগরনিঃ স্বনঃ॥ 2-85-14 (14733)
অষ্টৌ যং কুররচ্ছায়াঃ সদশ্বা রাষ্ট্রসংমতাঃ।
বহন্তি নৈষাং মুচ্যেত পদাদ্ভূমিমুপস্পৃশন্।
এতদ্রাজন্ধনং মহ্যং তেন দীব্যাম্যহং ৎবয়া॥ 2-85-15 (14734)
বৈশম্পায়ন উবাচ॥ 2-85-16x (1566)
এবং শ্রুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-85-16 (14735)
যুধিষ্ঠির উবাচ॥ 2-85-17x (1567)
শতং দাসীসহস্রাণি তরুণ্যো হেমভদ্রিকাঃ।
কম্বুকেয়ূরধারিণ্যো নিষ্ককণ্ঠ্যঃ স্বলঙ্কৃতাঃ॥ 2-85-17 (14736)
মহার্হমাল্যাভরণাঃ সুবস্ত্রাশ্চন্দনোক্ষিতাঃ।
মণীন্হেম চ বিভ্রত্যশ্চতুঃষষ্টিবিশারদাঃ॥ 2-85-18 (14737)
অনুসেবাং চরন্তীমাঃ কুশলা নৃত্তসামসু।
স্নাতকানামমাত্যানাং রাজ্ঞাং চ মম শাসনাৎ।
এতদ্রাজন্মম ধনং তেন দীব্যাম্যহং ৎবয়া॥ 2-85-19 (14738)
বৈশম্পায়ন উবাচ॥ 2-85-20x (1568)
এতচ্ছুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-85-20 (14739)
যুধিষ্ঠির উবাচ। 2-85-21x (1569)
এতাবন্তি চ দাসানাং সহস্রাণ্যুত সন্তি মে।
প্রদক্ষিণানুলোমাশ্চ প্রাবারবসনাঃ সদা॥ 2-85-21 (14740)
প্রাজ্ঞা মেধাবিনো দান্তা যুবানো মৃষ্টকুণ্ডলাঃ।
পাত্রীহস্তা দিবারাত্রমতিথীন্ভোজয়ন্ত্যুত।
এতদ্রাজন্মম ধনং তেন দীব্যাম্যহং ৎবয়া॥ 2-85-22 (14741)
বৈশম্পায়ন উবাচ॥ 2-85-23x (1570)
এতচ্ছ্রুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরভাষত॥ 2-85-23 (14742)
যুধিষ্ঠির উবাচ॥ 2-85-24x (1571)
সহস্রসঙ্খ্যা নগা মে মত্তাস্তিষ্ঠন্তি সৌবল।
হেমকক্ষাঃ কৃতাপীডাঃ পদ্মিনো হেমমালিনঃ॥ 2-85-24 (14743)
সুদান্তা রাজবহনাঃ সর্বশব্দক্ষমা যুধি।
ঈষাদন্তা মহাকায়াঃ সর্বে চাষ্টকরেণবঃ॥ 2-85-25 (14744)
সর্বে চ পুরভেত্তারো নবমেঘনিভা গজাঃ।
এতদ্রাজন্মম ধনং তেন দীব্যাম্যহং ৎবয়া॥ 2-85-26 (14745)
বৈশম্পায়ন উবাচ॥ 2-85-27x (1572)
ইত্যেবংবাদিনং পার্থং প্রহসন্নিব সৌবলঃ।
জিতমিত্যেব শকুনির্যুধিষ্ঠিরমভাষত॥ 2-85-27 (14746)
যুধিষ্ঠির উবাচ॥ 2-85-28x (1573)
রথাস্তাবন্ত এবেমে হেমদণ্ডাঃ পতাকিনঃ।
হয়ৈর্বিনীতৈঃ সম্পন্না রথিভিশ্চিত্রয়োধিভিঃ॥ 2-85-28 (14747)
একৈকো হ্যত্র লভতে সহস্রপরমাং ভৃতিম্।
যুধ্যতোঽয়ুধ্যতো বাপি বেতনং মাসকালিকম্।
এতদ্রাজন্ম ধনং তেন দীব্যাম্যহং ৎবয়া॥ 2-85-29 (14748)
বৈশম্পায়ন উবাচ॥ 2-85-30x (1574)
ইত্যেবমুক্তে বচনে কৃতবৈরো দুরাত্মবান্।
জিতমিত্যেব শকুনির্যুধিষ্ঠিরমভাষত॥ 2-85-30 (14749)
যুধিষ্ঠির উবাচ॥ 2-85-31x (1575)
অশ্বাংস্তিত্তিরিকল্মাষান্গান্ধর্বান্হেমমালিনঃ।
দদৌ চিত্ররথস্তুষ্টো যাংস্তান্গাণ্ডীবধন্বনে॥ 2-85-31 (14750)
যুদ্ধে জিতঃ পরাভূতঃ প্রীতিপূর্বমরিন্দমঃ।
এতদ্রাজন্মম ধনং তেন দীব্যাম্যহং ৎবয়া॥ 2-85-32 (14751)
বৈশম্পায়ন উবাচ॥ 2-85-33x (1576)
এতচ্ছ্রুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-85-33 (14752)
যুধিষ্ঠির উবাচ॥ 2-85-34x (1577)
রথানাং শকটানাং চ শ্রেষ্ঠানাং চায়ুতানি মে।
যুক্তান্যেব হি তিষ্ঠন্তি বাহৈরুচ্চাবচৈস্তথা॥ 2-85-34 (14753)
এবং বর্ণস্য বর্ণস্য সমুচ্চীয় সহস্রশঃ।
যথা সমুদিতা বীরাঃ সর্বে বীরপরাক্রমাঃ॥ 2-85-35 (14754)
ক্ষীরং পিবন্তস্তিষ্ঠন্তি ভুঞ্জানাঃ শালিতণ্ডুলান্।
ষষ্টিস্তানি সহস্রাণি সর্বে বিপুলবক্ষসঃ।
এতদ্রাজন্মম ধনং তেন দীব্যাম্যহং ৎবয়া॥ 2-85-36 (14755)
বৈশম্পায়ন উবাচ॥ 2-85-37x (1578)
এতচ্ছ্রৎবা ব্যবসিতো নিকৃতি সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-85-37 (14756)
যুধিষ্ঠির উবাচ। 2-85-38x (1579)
তাম্রলোহৈঃ পরিবৃতা নিধয়ো যে চতুঃ শতাঃ।
পঞ্চদ্রৌণিক একৈকঃ সুবর্ণস্যাহতস্য বৈ॥ 2-85-38 (14757)
জাতরূপস্য মুখ্যস্য নার্ঘো যস্য হি ভারত।
এতদ্রাজন্মম ধনং তেন দীব্যাম্যহং ৎবয়া॥ 2-85-39 (14758)
বৈশম্পায়ন উবাচ॥ 2-85-40x (1580)
এতচ্ছ্রুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাপতঃ॥ ॥ 2-85-40 (14759)
ইতি শ্রীমন্মহাভারতে সভাপর্বণি দ্যূতপর্বণি পঞ্চাশীতিতমোঽধ্যায়ঃ॥85 ॥
Mahabharata - Sabha Parva - Chapter Footnotes
2-85-8 দুরোদরং পণম্॥ 2-85-11 ভাণ্ডিন্যো মঞ্জষাঃ॥ 2-85-17 কম্ববঃ শঙ্খবলয়ানি। নিষ্পো বক্ষোভূষণম্॥ 2-85-18 চতুষ্ষষ্টিকলাসু বিশারদাঃ॥ 2-85-19 নৃত্তসামসু নর্তনে গীতিবিশেষেষু চ॥ 2-85-24 কৃতপীডাঃ কৃতভূষণাঃ॥ 2-85-25 ঈষা লাঙ্গলদণ্ডঃ। অষ্টকরেণবঃ, অষ্টহস্তিনীকাঃ॥সভাপর্ব - অধ্যায় 086
॥ শ্রীঃ ॥
2.86. অধ্যায়ঃ 086
Mahabharata - Sabha Parva - Chapter Topics
বিদুরেণ ধৃতরাষ্ট্রং প্রতি দুর্যোধননিন্দাপূর্বকং দ্যূতোপরমচোদনম্॥1॥Mahabharata - Sabha Parva - Chapter Text
বৈশম্পায়ন উবাচ॥
এবং প্রবর্তিতে দ্যূতে ঘোরে সর্বাপহারিণি।
সর্বসংশয়নির্মোক্তা বিদুরো বাক্যমব্রবীৎ॥ 2-86-1 (14760)
মহারাজ বিজানীহি যত্ৎবাং বক্ষ্যামি ভারত।
মুমূর্ষোরৌষধমিব ন রোচেতাপি তে শ্রুতম্॥ 2-86-2 (14761)
যদ্বৈ পুরা জাতমাত্রো রুরাব
গোমায়ুবদ্বিস্বরং পাপচেতাঃ।
দুর্যোধনো ভারতানাং কুলঘ্নঃ
সোঽয়ং যুক্তো ভবতাং কালহেতুঃ॥ 2-86-3 (14762)
গৃহে বসন্তং গোমায়ুং ৎবং বৈ মোহান্ন বুধ্যসে।
দুর্যোধনস্য রূপেণ শৃণু কাব্যাং গিরং মম॥ 2-86-4 (14763)
মধু বৈ মাধ্বিকো লব্ধ্বা প্রপাতং নৈব বুধ্যতে।
আরুহ্য তং মজ্জতি বা পতনং চাধিগচ্ছতি॥ 2-86-5 (14764)
সোঽয়ং মত্তোঽক্ষদ্যূতেন মধুবন্ন পীরক্ষতে।
প্রপাতং বুধ্যতে নৈব বৈরং কৃৎবা মহারথৈঃ॥ 2-86-6 (14765)
বিদিতং মে মহাপ্রাজ্ঞ ভোজেষ্বেবাসমঞ্জসম্।
পুত্রং সংত্যক্তবান্পূর্বং পৌরাণাং হিতকাম্যযা॥ 2-86-7 (14766)
অন্ধকা যাদবা ভোজাঃ সমেতাঃ কংসমত্যজন্।
নিয়োগাত্তু হতে তস্মিন্কৃষ্ণেনামিত্রঘাতিনা॥ 2-86-8 (14767)
এবং তে জ্ঞাতয়ঃ সর্বে মোদমানাঃ শতং সমাঃ।
ৎবন্নিয়ুক্তঃ সব্যসাচী নিগৃহ্ণাতু সুয়োধনম্॥ 2-86-9 (14768)
নিগ্রহাদস্য পাদস্য মোদন্তাং কুরবঃ সুখম্।
কাকেনেমাংশ্চিত্রবর্হাঞ্শার্দূলান্ক্রোষ্টুকেন চ।
ক্রীণীষ্ব পাণ্ডবান্রাজন্মা মজ্জীঃ শোকসাগরে॥ 2-86-10 (14769)
ত্যজেৎকুলার্থে পুরুষং গ্রামস্যার্থে কুলং ত্যজেৎ।
গ্রামং জনপদস্যার্থে আত্মার্থে পৃথিবীং ত্যজেৎ॥ 2-86-11 (14770)
সর্বজ্ঞঃ সর্বভাবজ্ঞঃ সর্বশত্রুভয়ঙ্করঃ।
ইতি স্ম ভাষতে কাব্যো জম্ভত্যাগে মহাঽসুরান্॥ 2-86-12 (14771)
হিরণ্যষ্ঠীবিনঃ কাংশ্চিৎপক্ষিণো বনগোচরান্।
গৃহে কিল কৃতাবাসাঁল্লোভাদ্রাজা ন্যপীডয়ৎ।
স চোপভোগলোভান্ধো হিরণ্যার্থী পরন্তপ॥ 2-86-13 (14772)
আয়তিং চ তদাৎবং চ উভে সদ্যো ব্যনাশয়ৎ।
তদর্থকামস্তদ্বত্ৎবং মাদ্রুহঃ পাণ্ডবান্নৃপ॥ 2-86-14 (14773)
মোহাত্মা তপ্স্যসে পশ্চাৎপত্রিহা পুরুষো যথা।
জাতঞ্জাতং পাণ্ডবেভ্যঃ পুষ্পমাদৎস্ব ভারত॥ 2-86-15 (14774)
মালাকার ইবারামে স্নেহং কুর্বন্পুনঃ পুনঃ।
বৃক্ষানঙ্গারকারীব মৈনাদ্যাক্ষীঃ সমূলকান্।
মা গমঃ সমুতামাত্যঃ সবলশ্চ যমক্ষয়ম্॥ 2-86-16 (14775)
সমবেতান্হি কঃ পার্থান্প্রতিয়ুধ্যেত ভারত।
মরুদ্ভিঃ সহিতো রাজন্নপি সাক্ষান্মরুৎপতিঃ॥ 2-86-17 (14776)
দ্যূতং মূলং কলহস্যাভ্যুপৈতি
মিথো ভেদং মহতে দারুণায়।
তদা স্থিতোঽয়ং ধৃতরাষ্ট্রস্য পুত্রো
দুর্যোধনঃ সৃজতে বৈরমুগ্রম্॥ 2-86-18 (14777)
প্রাতিপেয়াঃ শান্তনবা ভীমসেনাঃ সবাহ্নিকাঃ।
দুর্যোধনাপরাধেন কৃচ্ছ্রং প্রাপ্স্যন্তি সর্বশঃ॥ 2-86-19 (14778)
দুর্যোধনো মদেনৈব ক্ষেমং ব্যপোহতি।
বিষাণং গৌরিব মদাৎস্বয়মারুজতেত্মনঃ॥ 2-86-20 (14779)
যশ্চিত্তমন্বেতি পরস্য রাজন্
বীরঃ কবিঃ স্বামবমত্য দৃষ্টিম্।
নাবং সমুদ্র ইব বালনেত্রা-
মারুহ্য ঘোরে ব্যসনে নিমজ্জেৎ॥ 2-86-21 (14780)
দুর্যোধনো গ্লহতে পাণ্ডবেন
প্রীয়ায়সে ৎবং জয়তীতি তচ্চ।
অতিনর্মা জায়তে সংপ্রহারো
যতো বিনাশঃ সমুপৈতি পুংসাম্॥ 2-86-22 (14781)
আকর্ষস্তেঽবাক্ফলঃ সুপ্রণীতো
হৃদি প্রৌঢো মন্ত্রপদঃ সমাধিঃ।
যুধিষ্ঠিরেণ কলহস্তবায়-
মচিন্তিতোঽভিমতঃ স্ববন্ধুনা॥ 2-86-23 (14782)
প্রাতিপেয়াঃ শান্তনবাঃ শৃণুধ্বং
কাব্যাং বাচং সংসদি কৌরবাণাম্।
বৈশ্বানরং প্রজ্বলিতং সুঘোরং
মা যাস্যধ্বং মন্দমনুপ্রপন্নঃ॥ 2-86-24 (14783)
যদা মন্যুং পাণ্ডবোঽজাতশত্রু-
র্ন সংয়চ্ছেদক্ষমদাভিভূতঃ।
বৃকোদরঃ সব্যসাচী যমৌ চ
কোঽত্র দ্বীপঃ স্যাত্তুমুলে বস্তদানীম্॥ 2-86-25 (14784)
মহারাজ প্রভবস্ৎবং ধনানাং
পুরা দ্যূতান্মনসা যাবদিচ্ছেঃ।
বহুবিত্তান্পাণ্ডবাংশ্চেজ্জয়স্ৎবং
কিং তে তৎস্যাদ্বসু বিন্দেহ পার্থান্॥ 2-86-26 (14785)
জানীমহে দেবিতং সৌবলস্য
বেদ দ্যূতে নিকৃতিং পার্বতীয়ঃ।
যতঃ প্রাপ্তঃ শকুনিস্তত্র যাতু
মা যূয়ুধো ভারত পাণ্ডবেয়ান্॥ ॥ 2-86-27 (14786)
ইতি শ্রীমন্মহাভারতে সভাপর্বণি দ্যূতপর্বণি ষডশীতিতমোঽধ্যায়ঃ॥ 86॥
Mahabharata - Sabha Parva - Chapter Footnotes
2-86-4 কাব্যং কবিনা শুক্রেণোক্তাং নীতিগিরম্॥ 2-86-5 মাধ্বিকো মধুপণ্যবান্। প্রপাতং ভৃগুম্ ॥ 2-86-8 নিয়োগাদ্দৈবয়োগাৎ॥ 2-86-10 চিত্রবর্হান্ ময়ূরান্॥ 2-86-14 আয়তিমুত্তরকালম্। তদাৎবং সাংপ্রতম্। তত্তস্মাৎ। অর্থকামো ধনকামঃ॥ 2-86-15 পত্রিহা পক্ষিহা ॥ 2-86-21 বালনেত্রামব্যুৎপন্ননেতৃকাম্॥ 2-86-22 গ্লহতে পণং করোতি। প্রীয়ায়সে অতিশয়েন প্রীয়সে॥ 2-86-23 আকর্ষো দ্যূতম্ ॥ 2-86-26 জয়ঃ অজয়ঃ॥সভাপর্ব - অধ্যায় 087
॥ শ্রীঃ ॥
2.87. অধ্যায়ঃ 087
Mahabharata - Sabha Parva - Chapter Topics
দুর্যোধনেন বিদুরোপালম্ভঃ॥ 1॥ বিদুরেণ ধৃতরাষ্ট্রস্য হিতোপদেশঃ॥ 2॥Mahabharata - Sabha Parva - Chapter Text
দুর্যোধন উবাচ॥
পরেষামেব যশসা শ্লোঘসে ৎবং
সদা ক্ষত্তঃ কুৎসয়ন্ধার্তরাষ্ট্রান্।
জানীমহে বিদুর যৎপ্রিয়স্ৎবং
বালানিবাস্মানবমন্যসে নিত্যমেব॥ 2-87-1 (14787)
স বিজ্ঞেয়ঃ পুরুষোঽন্যত্রকামো
নিন্দাপ্রশংসে হি তথা যুনক্তি।
জিহ্বাঽঽত্মনো হৃদয়স্থং ব্যনক্তি
জানীমহে ৎবন্মনসঃ প্রাতিকূল্যম্॥ 2-87-2 (14788)
উৎসঙ্গে চ ব্যাল ইবাহিতোঽসি
মার্জরবৎপোষকং চোপহংসি।
ভর্তৃঘ্নং ৎবাং ন হি পাপীয় আহু-
স্তস্মাৎক্ষত্তঃ কিং ন বিভেষি পাপাৎ॥ 2-87-3 (14789)
জিৎবা শত্রূন্ফলমাপ্তং মহদ্বৈ
মাঽস্মান্ক্ষত্তঃ পরুষামীহ বোচঃ।
দ্বিষদ্ভিস্ৎবং সম্প্রয়োগাভিনন্দী
মুহুর্দেষং যাসি নঃ সম্প্রয়োগাৎ॥ 2-87-4 (14790)
অমিত্রতাং যাতি নরোঽক্ষমং ব্রুব-
ন্নিগূহতে গুহ্যমমিত্রসংস্তবে।
তদাশ্রিতোঽপত্রপ কিং নু বাধসে
যদিচ্ছসি ৎবং তদিহাভিভাষতসে॥ 2-87-5 (14791)
মা নোঽবমংস্থা বিদ্য মানস্তবেদং
শিক্ষস্ব বুদ্ধিং স্থবিরাণাং সকাশাৎ।
যশো রক্ষস্ব বিদুর সম্প্রণীতং
মা ব্যাপৃতঃ পরকার্যেশু ভূস্ৎবম্॥ 2-87-6 (14792)
অহং কর্তেতি বিদূর মা চ মংস্থা
মা নো নিত্যং পরুষাণীহ বোচঃ।
ন ৎবাং পৃচ্ছামি বিদুর যদ্ধিতং মে
স্বস্তি ক্ষত্তর্মা তিতিক্ষূন্ ক্ষিণ্ ৎবম্॥ 2-87-7 (14793)
একঃ শাস্তা ন দ্বিতীয়োঽস্তি শাস্তা
গর্ভে শয়ানং পুরুষং শাস্তি শাস্তা।
তেনানুশিষ্টঃ প্রবণাদিবাম্ভো
যথা নিয়ুক্তোঽস্তি তথা ভবামি॥ 2-87-8 (14794)
ভিনত্তি শিরসা শৈলমহিং ভোজয়তে চ যঃ।
ধীরেব কুরুতে তস্য কার্যাণামনুশাসনম্।
যো বলাদনুশাস্তীহ সোঽমিত্রং তেন বিন্দতি॥ 2-87-9 (14795)
মিত্রতামনুবৃত্তং তু সমুপেক্ষত্যপণ্ডিতঃ।
দীপ্য যঃ প্রদীপ্তাগ্নিং প্রাচ্কিরং নাভিধাবতি।
ভস্মাপি ন স বিন্দেত শিষ্টং ক্বচন ভারত॥ 2-87-10 (14796)
ন বাসয়েৎপারবর্গ্যং দ্বিষন্তং
বিশেষতঃ ক্ষত্তরহিতং মনুপ্যম্।
স যত্রেচ্ছসি বিদুর তত্র গচ্ছ
সুসান্ৎবিতা হ্যসতী স্ত্রী জহাতি॥ 2-87-11 (14797)
বিদুর উবাচ॥ 2-87-12x (1581)
এতাবতা পুরুষং যে ত্যজন্তি
তেষাং সখ্যমন্তবদ্ব্রূহি রাজন্।
রাজ্ঞাং হি চিত্তানি পরিপ্লুতানি
সান্ৎবং দৎবা মুসলৈর্ঘাতয়ন্তি॥ 2-87-12 (14798)
অবালৎবং মন্যসে রাজপুত্র
বালোঽহমিত্যেব সুমন্দবুদ্ধে।
যঃ সৌহৃদে পুরুষং স্থাপয়িৎবা
পশ্চাদেনং দূষয়তে স বালঃ॥ 2-87-13 (14799)
ন শ্রেয়সে নীয়তে মন্দবুদ্ধিঃ
স্ত্রী শ্রোত্রিয়স্যেব গৃহে প্রদুষ্টা।
ধ্রুবং ন রোচেদ্ভরতর্ষভস্য
পতিঃ কুমার্যা ইব ষষ্টিবর্ষঃ॥ 2-87-14 (14800)
অতঃ প্রিয়ং চেদনুকাঙ্ক্ষসে ৎবং
সর্বেষু কার্যেষু হিতাহিতেষু
স্ত্রিয়শ্চ রাজঞ্জডপঙ্গুকাংশ্চ
পৃচ্ছ ৎবং বৈ তাদৃশাংশ্চৈব সর্বান্॥ 2-87-15 (14801)
লভ্যতে খলু পাপীয়ান্নরোঽনু প্রিয়বাগিহ।
অপ্রিয়স্য হি পথ্যস্য বক্তা শ্রোতা চ দুর্লভঃ 2-87-16 (14802)
যস্তু ধর্মপরশ্চ স্যাদ্ধিৎবা ভর্তুঃ প্রিয়াপ্রিয়ে।
অপ্রিয়াণ্যাহ পথ্যানি তেন রাজা সহায়বান্॥ 2-87-17 (14803)
অব্যাধইজং কটুজং তীক্ষ্ণমুষ্ণং
যশোমুষং পরুষং পূতিগন্ধিম্।
সতাং পেয়ং যন্ন পিবন্ত্যসন্তো
মন্যুং মহারাজ পিব প্রশাম্য ॥ 2-87-18 (14804)
বৈচিত্রবীর্যস্য যশো ধনং চ
বাঞ্ছাম্যহং সহপুত্রস্য শশ্বৎ।
যথা তথা তেঽস্তু নমশ্চতেঽস্তু
মমাপি চ স্বস্তি দিশন্তু বিপ্রাঃ॥ 2-87-19 (14805)
আশীবিষান্নেত্রবিষান্কোপয়েন্ন চ পণ্ডিতঃ।
এবং তেঽহং বদামীদং প্রয়তঃ কুরুনন্দন॥ ॥ 2-87-20 (14806)
ইতি শ্রীমন্মহাভারতে সভাপর্বণি দ্যূতপর্বণি সপ্তাশীতিতমোঽধ্যায়ঃ॥ 87 ॥
Mahabharata - Sabha Parva - Chapter Footnotes
2-87-3 পাপীয়ঃ পাপীয়াংসম্॥ 2-87-11 পারবর্গ্যং শত্রুপক্ষজাতম্॥সভাপর্ব - অধ্যায় 088
॥ শ্রীঃ ॥
2.88. অধ্যায়ঃ 088
Mahabharata - Sabha Parva - Chapter Topics
সপত্নীভ্রাতৃকস্য যুধিষ্ঠিরস্য শকুনিনা পরাজয়ঃ॥ 1॥Mahabharata - Sabha Parva - Chapter Text
শকুনিরুবাচ॥
বহুবিত্তং পরাজৈষীঃ পাণ্ডবানাং যুধিষ্ঠির।
আচক্ষ্ব বিত্তং কৌন্তেয় যদি তেঽস্ত্যপরাজিতম্॥ 2-88-1 (14807)
যুধিষ্ঠির উবাচ॥ 2-88-2x (1582)
মম বিত্তমসঙ্খ্যেয়ং যদহং বেদ সৌবল।
অথ ৎবং শকুনে কস্মাদ্বিত্তং সমনুপৃচ্ছসি॥ 2-88-2 (14808)
অয়ুতং প্রয়ুতং চৈব শঙ্কুং পদ্মং তথার্বুদম্।
খর্বং শঙ্খং নিখর্বং চ মহাপদ্মং চ কোটয়ঃ॥ 2-88-3 (14809)
মধ্যং চৈব পরার্ধং চ সপরং চাত্র পণ্যতাম্।
এতন্মম ধনং রাজংস্তেন দীব্যাম্যহং ৎবয়া॥ 2-88-4 (14810)
বৈশম্পায়ন উবাচ॥ 2-88-5x (1583)
এতচ্ছুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-88-5 (14811)
যুধিষ্ঠির উবাচ॥ 2-88-6x (1584)
গবাশ্বং বহুধেনূকমসঙ্খ্যেয়মজাবিকম্।
যৎকিঞ্চিদনু পর্ণাশাং প্রাক্ সিন্ধোরপি সৌবল।
এতন্মম ধনং সর্বং তেন দীব্যাম্যহং ৎবয়া॥ 2-88-6 (14812)
বৈশম্পায়ন উবাচ॥ 2-88-7x (1585)
এতচ্ছুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-88-7 (14813)
যুধিষ্ঠির উবাচ॥ 2-88-8x (1586)
পুরং জনপদো ভূমিরব্রাহ্মণধনৈঃ সহ।
অব্রাহ্মণাশ্চ পুরুষা রাজঞ্শিষ্টং ধনং মম।
এতদ্রাজন্মম ধনং তেন দীব্যাম্যহং ৎবয়া॥ 2-88-8 (14814)
বৈশম্পায়ন উবাচ॥ 2-88-9x (1587)
এতচ্ছ্রুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-88-9 (14815)
যুধিষ্ঠির উবাচ॥ 2-88-10x (1588)
রাজপুত্রা ইমে রাজঞ্ছোমন্তে যৈর্বিভূষিতাঃ।
কুম্ডলানি চ নিষ্কাশ্চ সর্বং রাজবিভূষণম্।
এতন্মম ধনং রাজংস্তেন দীব্যাম্যহং ৎবয়া॥ 2-88-10 (14816)
বৈশম্পায়ন উবাচ॥ 2-88-11x (1589)
এতচ্ছ্রুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-88-11 (14817)
যুধিষ্ঠির উবাচ॥ 2-88-12x (1590)
শ্যামো যুবা লোহিতাক্ষঃ সিংহস্কন্ধো মহাভুজঃ।
নকুলো গ্লহ এবৈকী বিদ্ধ্যেতন্মম তদ্ধনম্॥ 2-88-12 (14818)
শকুনিরুবাচ। 2-88-13x (1591)
প্রিয়স্তে নকুলো রাজন্রাজপুত্রো যুধিষ্ঠির।
অস্মাকং বশতাং প্রাপ্তো ভূয়ঃ কেনেহ দীব্যসে॥ 2-88-13 (14819)
বৈশম্পায়ন উবাচ॥ 2-88-14x (1592)
এবমুক্ৎবা তু তানক্ষাঞ্শকুনিঃ প্রত্যদীব্যত।
জিতমিত্যেব শকুনির্যুধিষ্ঠিরমভাষত॥ 2-88-14 (14820)
যুধিষ্ঠির উবাচ॥ 2-88-15x (1593)
অয়ং ধর্মান্সহদেবোঽনুশাস্তি
লোকে হ্যস্মিন্পণ্ডিতাখ্যাং গতশ্চ।
অনর্হতা রাজপুত্রেণ তেন
দীব্যাম্যহং চাপ্রিয়বৎপ্রিয়েণ॥ 2-88-15 (14821)
বৈশম্পায়ন উবাচ॥ 2-88-16x (1594)
এতচ্ছ্রুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-88-16 (14822)
শকুনিরুবাচ॥ 2-88-17x (1595)
মাদ্রীপুত্রৌ প্রিয়ৌ রাজংস্তবেমৌ বিজিতৌ ময়া।
গরীয়াংসৌ তু মন্যে ভীমসেনধনঞ্জয়ৌ॥ 2-88-17 (14823)
যুধিষ্ঠির উবাচ। 2-88-18x (1596)
অধর্মং চরসে নূনং যো নাবেক্ষসি বৈ নয়ম্।
যো নঃ সুমনসাং মূঢ বিভেদং কর্তুমিচ্ছসি॥ 2-88-18 (14824)
শকুনিরুবাচ॥ 2-88-19x (1597)
গর্তে মত্তঃ প্রপততে প্রমত্তঃ স্থাণুমৃচ্ছতি।
জ্যেষ্ঠো রাজন্ব্ররিষ্ঠোঽসি নমস্তে ভরতর্ষভ॥ 2-88-19 (14825)
স্বপ্নে তানি ন দৃশ্যন্তে জাগ্রতো বা যুধিষ্ঠির।
কিতবা যানি দীব্যন্তঃ প্রলপন্ত্যুৎকটা ইব॥ 2-88-20 (14826)
যুধিষ্ঠির উবাচ॥ 2-88-21x (1598)
যো নঃ সঙ্খ্যে নৌরিব পারনেতা
জেতা রিপূণাং রাজপুত্রস্তরস্বী।
অনর্হতা লোকবীরেণ তেন
দীব্যাম্যহং শকুনে ফাল্গুনেন॥ 2-88-21 (14827)
বৈশম্পায়ন উবাচ॥ 2-88-22x (1599)
এতচ্ছ্রুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-88-22 (14828)
শকুনিরুবাচ। 2-88-23x (1600)
অয়ং ময়া পাণ্ডবানাং ধনির্ধরঃ
পরাজিতঃ পাণ্ডবঃ সব্যসাচী।
ভীমেন রাজন্দয়িতেন দীব্য
যৎকৈতবং পাণ্ডব তেঽবশিষ্টম্॥ 2-88-23 (14829)
যুধিষ্ঠির উবাচ॥ 2-88-24x (1601)
যো নো নেতা যো যুধি নঃ প্রণেতা
যথা বজ্রী দানবশত্রুরেকঃ।
তির্যক্প্রেক্ষী সন্নতভ্রূর্মহাত্মা
সিংহস্কন্ধো যশ্চ সদাঽত্যমর্ষী॥ 2-88-24 (14830)
বলেন তুল্যো যস্যপ পুমান্ন বিদ্যতে
গদাভৃতামগ্র্য ইহারিমর্দনঃ।
অনর্হতা রাজপুত্রেণ তেন
দীব্যাম্যহং ভীমসেনেন রাজন্॥ 2-88-25 (14831)
বৈশম্পায়ন উবাচ॥ 2-88-26x (1602)
এতচ্ছ্রুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-88-26 (14832)
শকুনিরুবাচ। 2-88-27x (1603)
বহুবিত্তং পরাজৈষীর্ভ্রাতৄংশ্চ সহয়দ্বিপান্।
আচক্ষ্ব বিত্তং কৌন্তেয় যদি তেঽস্ত্যপরাজিতম্॥ 2-88-27 (14833)
যুধিষ্ঠির উবাচ॥ 2-88-28x (1604)
অহং বিশিষ্টঃ সর্বেষাং ভ্রাতৄণাং দয়িতস্তথা।
কুর্যামহং জিতঃ কর্ম স্বয়মাত্মন্যুপল্পুতে॥ 2-88-28 (14834)
বৈশম্পায়ন উবাচ॥ 2-88-29x (1605)
এতচ্ছ্রুৎবা ব্যবসিতো নিকৃতিং সমুপাশ্রিতঃ।
জিতমিত্যেব শকুনির্যুধিষ্ঠিরমভাষত॥ 2-88-29 (14835)
শকুনিরুবাচ। 2-88-30x (1606)
এতৎপাপিষ্ঠমকরোর্যদাত্মানং পরাজয়েঃ।
শিষ্টে সতি ধনে রাজন্পাপ আত্মপরাজয়ঃ॥ 2-88-30 (14836)
বৈশম্পায়ন উবাচ॥ 2-88-31x (1607)
এবমুক্ৎবা মতাক্ষস্তান্ গ্লহে সর্বানবস্থিতান্।
পরাজয়ল্লোকবীরানুক্ৎবা রাজ্ঞাং পৃথক্ পৃথক্॥ 2-88-31 (14837)
শকুনিরুবাচ॥ 2-88-32x (1608)
অস্তি তে বৈ প্রিয়া রাজন্ গ্লহ একোঽপরাজিতঃ।
পণস্ব কৃষ্ণাং পাঞ্চালীং তয়াত্মানং পুনর্জয়॥ 2-88-32 (14838)
যুধিষ্ঠির উবাচ॥ 2-88-33x (1609)
নৈব হ্রস্বা ন মহতী ন কৃশা নাতিরোহিণী।
নীলকুঞ্চিতকশী চ তয়া দীব্যাম্যহং ৎবয়া॥ 2-88-33 (14839)
শারদোৎপলপত্রাক্ষ্যা শারদোৎপলগন্ধয়া।
শারদোৎপলসেবিন্যা রূপেণ শ্রীসমানয়া॥ 2-88-34 (14840)
তথৈব স্যাদানুশংস্যাত্তথ স্যাদ্রূপসম্পদা।
তথা স্যাচ্ছীলসম্পত্ত্যা যামিচ্ছেৎপুরুষঃ স্ত্রিয়ম্॥ 2-88-35 (14841)
সর্বৈর্গুণৈর্হি সম্পন্নামনুকূলাং প্রিয়ংবদাম্।
যাদৃশীং ধর্মকামার্থসিদ্ধিমিচ্ছেন্নরঃ স্ত্রিয়ম্॥ 2-88-36 (14842)
চরমং সংবিশতি যা প্রথমং প্রতিবুধ্যতে।
আগোপালাবিপালেভ্যঃ সর্বং বেদ কৃতাকৃতম্॥ 2-88-37 (14843)
আভাতি পদ্মবদ্বক্ত্রং সস্বেদং মল্লিকেব চ।
বেদীমধ্যা দীর্ঘকেশী তাম্রাস্যা নাতিলোমশা॥ 2-88-38 (14844)
তয়ৈবংবিধয়া রাজন্পাঞ্চাল্যাহং সুমধ্যমা।
গ্লহং দীব্যামি চার্বঙ্গ্যা দ্রৌপদ্যা হন্ত সৌবল॥ 2-88-39 (14845)
বৈশম্পায়ন উবাচ॥ 2-88-40x (1610)
এবমুক্তে তু বচনে ধর্মরাজেন ধীমতা।
ধিগ্ধিগিত্যেব বৃদ্ধানাং সভ্যানাং নিঃ সৃতা গিরঃ॥ 2-88-40 (14846)
চুক্ষুভে সা সভা রাজন্রাজ্ঞাং সঞ্জত্রিরে শুচঃ।
ভীষ্মদ্রোণকৃপাদীনাং স্বেদশ্চ সমজায়ত॥ 2-88-41 (14847)
শিরো গৃহীৎবা বিদুরো গতসৎব ইবাভবৎ।
আস্তে ধ্যায়ন্নধোবক্ত্রো নিঃ শ্বসন্নিব পন্নগঃ॥ 2-88-42 (14848)
`বাহ্লীকঃ সোমদত্তশ্চ প্রাতিপেয়শ্চ সঞ্জয়ঃ।
দ্রৌণির্ভূরিশ্রবাশ্চৈব যুয়ুৎসুর্ধৃতরাষ্ট্রজঃ।
আসুর্বীক্ষ্য ৎবধোবক্ত্রা নিশ্বসন্ত ইবোরগাঃ'॥ 2-88-43 (14849)
ধৃতরাষ্ট্রস্তু সংহৃষ্টঃ পর্যপৃচ্ছৎপুনঃ পুনঃ।
কিং জিতং কিং জিতমিতি হ্যাকারং নাভ্যরক্ষত॥ 2-88-44 (14850)
জহর্ষ কর্ণোঽতিভৃশং সহ দুঃশাসনাদিভিঃ।
ইতরেষাং তু সভ্যানাং নেত্রেভ্যঃ প্রাপতঞ্জলম্॥ 2-88-45 (14851)
সৌবলস্ৎবভিঘায়ৈব জিতকাশী মদোৎকটঃ।
জিতমিত্যেব তানক্ষান্পুররেবান্বপদ্যত॥ ॥ 2-88-46 (14852)
ইতি শ্রীমন্মহাভারতে সভাপর্বণি দ্যূতপর্বণি অষ্টাশীতিতমোঽধ্যায়ঃ॥88॥
Mahabharata - Sabha Parva - Chapter Footnotes
2-88-6 পর্ণাশা নদী॥ 2-88-23 কৈতব কিতবেভ্য আহর্তব্যং ধনম্॥ 2-88-46 জিতকাশী জয়শোভী॥সভাপর্ব - অধ্যায় 089
॥ শ্রীঃ ॥
2.89. অধ্যায়ঃ 089
Mahabharata - Sabha Parva - Chapter Topics
দুশ্শাসনেন দ্রৌপদ্যাঃ সভাং প্রত্যানয়নম্॥ 1॥ দ্রৌপদ্যা সভ্যান্প্রতি প্রশ্নঃ॥ 2॥Mahabharata - Sabha Parva - Chapter Text
দুর্যোধন উবাচ॥
এহি ক্ষত্তর্দ্রৌপদীমানস্ব
প্রিয়াং ভার্যাং সংমতাং পাণ্ডবানাম্।
সংমার্জতাং বেশ্ম পরৈতু শীঘ্রং
তত্রাস্তু দাসীভিরপুণ্যশীলা॥ 2-89-1 (14853)
বিদুর উবাচ॥ 2-89-2x (1611)
দর্বিভাষং ভাষিতং ৎবাদৃশেন
ন মন্দ সম্বুদ্ধ্যসি পাশবদ্ধঃ।
প্রপাতে ৎবং লম্বমানো ন বেৎসি
ব্যাঘ্রান্মৃগঃ কোপয়সেঽতিবেলম্॥ 2-89-2 (14854)
আশীবিষাস্তে শিরসি পূর্ণকোপা মহাবিষাঃ।
মা কোপিষ্ঠাঃ সুমন্দাত্মন্মা গমস্ৎবং যমক্ষয়ম্॥ 2-89-3 (14855)
ন হি দাসীৎবমাপন্না কৃষ্ণা ভবিতুমর্হতি।
জনীশেন হি রাজ্ঞৈষা পণে ন্যস্তেতি মে মতিঃ॥ 2-89-4 (14856)
অয়ং দত্তে বেণুরিবাত্মঘাতী
ফলং রাজা ধৃতরাষ্ট্রস্য পুত্রঃ।
দ্যূতং হি বৈরায় মহাভয়ায়
মত্তো ন বুধ্যত্যযমন্তকালম্॥ 2-89-5 (14857)
নারুন্তুদঃ স্যান্ন নৃশংসবাদী
ন হীনতাঃ পরমভ্যাদদীত।
যয়াস্য বাচা পর উদ্বিজেত
ন তাং বদেদুশতী পাপলোক্যাম্॥ 2-89-6 (14858)
সমুচ্চরন্ত্যতিবাদাশ্চ বক্ত্রা-
ধ্যৌরাহতঃ শৌচতি রাত্র্যহানি।
পরস্য নামর্মসু তে পতন্তি
তান্পণ্ডিতো নাবসৃজেৎপরেষু॥ 2-89-7 (14859)
অজো হি শস্ত্রমগিলৎকিলৈকঃ
শস্ত্রে বিপন্নে শিরসাস্য ভূমৌ।
নিকৃন্তনং স্বস্য কণ্ঠস্য ঘোরং
তদ্বদ্বেরং মা কৃথাঃ পাণ্ডুপুত্রৈঃ॥ 2-89-8 (14860)
ন কিঞ্চিদিত্থং প্রবদন্তি পার্থা
বনেচরং বা গৃহমেধিনং বা।
তপস্বিনং বা পরিপূর্ণবিদ্যং
ভষন্তি হৈবং শ্বনরাঃ সদৈব॥ 2-89-9 (14861)
দ্বারং সুঘোরং নরকস্য জিহ্যং
ন বুধ্যতে ধৃতরাষ্ট্রস্য পুত্রঃ।
তমন্বেতারো বহবঃ কুরূণাং
দ্যূতোদয়ে সহ দুঃশাসনেন॥ 2-89-10 (14862)
মজ্জন্ত্যলাবূনি শিলাঃ প্লবন্তে
মুহ্যন্তি নাবোম্ভসি শশ্বদেব।
মূঢো রাজা ধৃতরাষ্ট্রস্য পুত্রো
ন মে বাচঃ পথ্যরূপাঃ শৃণোতি॥ 2-89-11 (14863)
অন্তো নূং ভবিতায়ং করূণাং
সুদারুণঃ সর্বহরো বিনাশঃ।
বাচঃ কাব্যাঃ সুহৃদাং পথ্যরূপা
ন শ্রূয়ন্তে বর্ধতে লোভ এব॥ 2-89-12 (14864)
বৈশম্পায়ন উবাচ॥ 2-89-13x (1612)
ধিগস্তু ক্ষত্তারমিতি ব্রুবাণো
দর্পেণ মত্তো ধৃতরাষ্ট্রস্য পুত্রঃ।
অবৈক্ষত প্রাতিকামীং সভায়া-
মুবাচ চৈনং পরমার্যমধ্যে॥ 2-89-13 (14865)
দুর্যোধন উবাচ॥ 2-89-14x (1613)
ৎবং প্রাতিকামিন্দ্রৌপদীমানয়স্ব
ন তে ভয়ং বিদ্যতে পাণ্ডবেভ্যঃ।
ক্ষত্তা হ্যযং বিবদত্যেব ভীতো
ন চাস্মাকং বৃদ্ধিকামঃ সদৈব॥ 2-89-14 (14866)
বৈশম্পায়ন উবাচ॥ 2-89-15x (1614)
এবমুক্তঃ প্রাতিকামী স সূতঃ
প্রায়াচ্ছীঘ্রং রাজবচো নিশম্য।
প্রবিশ্য চ শ্বেব হি সিংহগেষ্ঠং
সমাসদন্মহিষীং পাণ্ডবানাম্॥ 2-89-15 (14867)
প্রাতিকাম্যুবাচ। 2-89-16x (1615)
যুধিষ্ঠিরো দ্যূতমদেন মত্তো
দুর্যোধনো দ্রৌপদি ৎবামজৈষীৎ।
সা ৎবং প্রপদ্যস্ব ধৃতরাষ্ট্রস্য বেশ্ম
নয়ামি ৎবাং কর্মণি যাজ্ঞসেনি॥ 2-89-16 (14868)
দ্রৌপদ্যুবাচ॥ 2-89-17x (1616)
কথং ৎবেবং বদসি প্রাতিকামি-
কো হি দীব্যেদ্ভার্যযা রাজপুত্রঃ।
মূডো রাজা দ্যূতমদেন মত্তো
হ্যভূন্নান্যৎকৈতবমস্য কিঞ্চিৎ॥ 2-89-17 (14869)
প্রাতিকাম্যুবাচ॥ 2-89-18x (1617)
যদা নাভূৎকৈতবমন্যদস্য
তদাঽদেবীৎপাণ্ডবোঽজাতশত্রুঃ।
ন্যস্তাঃ পূর্বং ভ্রাতরস্তেন রাজ্ঞা
স্বয়ং চাত্মা ৎবমথো রাজপুত্রি॥ 2-89-18 (14870)
দ্রৌপদ্যুবাচ॥ 2-89-19x (1618)
গচ্ছ ৎবং কিতবং গৎবা সভায়াং পৃচ্ছ সূতজ।
কিং তু পূর্বং পরাজৈষীরাত্মানমথবা নু মাম্॥ 2-89-19 (14871)
এতজ্জ্ঞাৎবা সমাগচ্ছ ততো মাং নয়ং সূতজ।
জ্ঞাৎবা চিকীর্ষিতমহং রাজ্ঞো যাস্যামি দুঃখিতা॥ 2-89-20 (14872)
বৈশম্পায়ন উবাচ॥ 2-89-21x (1619)
সভাং গৎবা স চোবাচ দ্রৌপদ্যস্তদ্বচস্তদা।
যুধিষ্ঠিরং নরেনদ্রাণাং মধ্যে স্থিতমিদং বচঃ॥ 2-89-21 (14873)
কস্যেশো নঃ পরাজৈষীরিতি ৎবামাহ দ্রৌপদী।
কিং নু পূর্বং পরাজৈষীরাত্মানমথবাপি মাম্॥ 2-89-22 (14874)
বৈশম্পায়ন উবাচ॥ 2-89-23x (1620)
যুধিষ্ঠিরস্তু নিশ্চেতা গতসৎব ইবাভবৎ।
ন তং সূতং প্রত্যুবাচ বচনং সাধ্বসাধু বা॥ 2-89-23 (14875)
দুর্যোধন উবাচ॥ 2-89-24x (1621)
ইহৈবাগত্য পাঞ্চালী প্রশ্নমেনং প্রভাষতাম্।
ইহৈব সর্বে শৃণ্বন্তু তস্যাশ্চৈতস্য যদ্বচঃ॥ 2-89-24 (14876)
বৈশম্পায়ন উবাচ॥ 2-89-25x (1622)
স গৎবা রাজভবনং দুর্যোধনবশানুগঃ।
উবাচ দ্রৌপদীং সূতঃ প্রাতিকামী ব্যথন্নিব॥ 2-89-25 (14877)
সভ্যাস্ৎবমী রাজপুত্র্যাহ্বয়ন্তি
মন্যে প্রাপ্তঃ সংশয়ঃ কৌরবাণাম্।
ন বৈ সমৃদ্দিং পালয়তে লঘীয়ান্
যস্ৎবাং সভাং নেষ্যতি রাজপুত্রি॥ 2-89-26 (14878)
দ্রৌপদ্যুবাচ॥ 2-89-27x (1623)
এবং নূনং ব্যদধাৎসংবিধাতা
স্পর্শাবুভৌ স্পৃশতো বৃদ্ধবালৌ।
ধর্মং ৎবেকং পরমং প্রাহ লোকে
স নঃ শমং ধাস্যতি গোপ্যমানঃ॥ 2-89-27 (14879)
সোঽয়ং ধর্মো মা ত্যগাৎকৌরবান্বৈ
সভ্যান্গৎবা পৃচ্ছ ধর্ম্যং বচো মে।
তে মাং ব্রূয়ুর্নিশ্চিতং তৎকরিষ্যে
ধর্মাত্মানো নীতিমন্তো বরিষ্ঠাঃ॥ 2-89-28 (14880)
বৈশম্পায়ন উবাচ॥ 2-89-29x (1624)
শ্রুৎবা সূতস্তদ্বচো যাজ্ঞসেন্যাঃ
সভাং গৎবা প্রাহ বাক্যং তদানীম্।
অধোমুখাস্তে ন চ কিঞ্চিদূচু-
র্নির্বন্ধং তং ধার্তরাষ্ট্রস্য বুদ্ধ্বা॥ 2-89-29 (14881)
যুধিষ্ঠিরস্তু তচ্ছ্রুৎবা দুর্যোধনচিকীর্ষিতম্।
দ্রৌপদ্যাঃ সংমতং দূতং প্রাহিণোদ্ভরতর্ষভ॥ 2-89-30 (14882)
একবস্ত্র ৎবধোনীবো রোদমানা রজস্বলা।
সভামাগম্য পাঞ্চালি শ্বশুরস্যাগ্রতো ভব॥ 2-89-31 (14883)
অথ ৎবামাগতাং দৃষ্ট্বা রাজপুত্রীং সভাং তদা।
সভ্যাঃ সর্বে বিনিন্দেরন্মনোর্ভির্ধৃতরাষ্ট্রজম্॥ 2-89-32 (14884)
বৈশম্পায়ন উবাচ॥ 2-89-33x (1625)
স গৎবা ৎবরিতং দূতঃ কৃষ্ণায়া ভবনং নৃপ।
ন্যবেদয়ন্মতং ধীমান্ধর্মরাজস্য নিশ্চিতম্॥ 2-89-33 (14885)
পাণ্ডবাশ্চ মহাত্মানো দীনা দুঃখসমন্বিতাঃ।
সত্যেনাতিপরীতাঙ্গা নোদীক্ষন্তে স্ম কিঞ্চন॥ 2-89-34 (14886)
ততস্ৎবেষাং মুখমালোক্য রাজা
দুর্যোধনঃ সূতমুবাচ হৃষ্টঃ।
ইহৈবৈতামানয় প্রাতিকামিন্
প্রত্যক্ষমস্যাঃ কুরবো ব্রুবন্তঃ॥ 2-89-35 (14887)
ততঃ সূতস্তস্য বশানুগামী
ভীতশ্চ কোপাদ্দ্রুপদাত্মজায়াঃ।
বিহায় মানং পুনরেব সভ্যা-
নুবাচ কৃষ্ণাং কিমহং ব্রবীমি॥ 2-89-36 (14888)
দূর্যোধন উবাচ। 2-89-37x (1626)
দুঃশাসনৈষ মম সূতপুত্রো
বৃকোদরাদুদ্বিজতেঽল্পচেতাঃ।
স্বয়ং প্রগৃহ্যানয় যাজ্ঞসেনীং
কিং তে করিষ্যন্ত্যবশাঃ সপত্নাঃ॥ 2-89-37 (14889)
বৈশম্পায়ন উবাচ॥ 2-89-38x (1627)
ততঃ সমুত্থায় স রাজপুত্রঃ
শ্রুৎবা ভ্রাতুঃ শাসনং রক্তদৃষ্টিঃ।
প্রবিশ্য তদ্বেশ্ম মহারথানা-
মিত্যব্রবীদ্দ্রৌপদীং রাজপুত্রীম্॥ 2-89-38 (14890)
এহ্যেহি পাঞ্চালি রাজপুত্রীম্।
দুর্যোধনং পশ্য বিমুক্তলজ্জা।
কুরূন্ভজস্বায়তপত্রনেত্রে
ধর্মেণ লব্ধাঽসি সভাং পরৈহি॥ 2-89-39 (14891)
ততঃ সমুত্থায় সুদূর্মনাঃ সা
বিবর্ণমামৃজ্য মুখং করেণ।
আর্তা প্রদুদ্রাব যতঃ স্ত্রিয়স্তা
বৃদ্ধস্য রাজ্ঞঃ কুরুপুঙ্গবস্য॥ 2-89-40 (14892)
ততো জবেনাভিসসার রোষা-
দ্দুঃশাসনস্তামভিগর্জমানঃ।
দীর্ঘেষু নীলেষ্বথ চোর্মিমৎসু
জগ্রাহ কেশেষু নরেন্দ্রপত্নীম্॥ 2-89-41 (14893)
যে রাজসূয়াবভৃথে জলেন
মহাক্রতৌ মন্ত্রপূতেন সিক্তাঃ।
তে পাণ্ডবানাং পরিভূয় বীর্যং
বলাৎপ্রমৃষ্টা ধৃতরাষ্ট্রজেন ॥ 2-89-42 (14894)
স তাং পরাকৃষ্য সভাসমীপ-
মানীয় কৃষ্ণামতিদীর্ঘকেশীম্।
দুঃশাসনো নাথবতীমনাথব-
চ্চকর্ষ বায়ুঃ কদলীমিবার্তাম্॥ 2-89-43 (14895)
সা কৃষ্ণমাণা নমিতাঙ্গয়ষ্টিঃ
শনৈরুবাচাথ রজস্বলাঽস্মি।
একং চ বাসো মম মন্দবুদ্ধে
সভাং নেতুং নার্হসি মামনার্য॥ 2-89-44 (14896)
ততোঽব্রবীত্তাং প্রসভং নিগৃহ্য
কেশেশু কৃষ্ণেষু তদা স কৃষ্ণাম্।
কৃষ্ণং চ জিষ্ণুং চ হরিং নরং চ
ত্রায়ায় বিক্রোশতি যাজ্ঞসেনি॥ 2-89-45 (14897)
রজস্বলা বা ভব যাজ্ঞসেনি
একাম্বরা বাপ্যথবা বিবস্ত্রা।
দ্যূতে জিতা চাসি কৃতাঽসি দাসী
দাসীষু বাসশ্চ যথোপজোষম্॥ 2-89-46 (14898)
বৈশম্পায়ন উবাচ। 2-89-47x (1628)
প্রকীর্ণকেশী পতিতার্ধবস্ত্রা
দুঃশাসনেন ব্যবধূয়মানা।
হীমত্যমর্ষেণ চ দহ্যমানা
শনৈরিদং বাক্যমুবাচ কৃষ্ণা॥ 2-89-47 (14899)
দ্রৌপদ্যুবাচ। 2-89-48x (1629)
ইমে সমায়ামুপনীতশাস্ত্রাঃ
ক্রিয়াবন্তঃ সর্ব এবেন্দ্রকল্পাঃ।
গুরুস্থানা গুরবশ্চৈব সর্বে
তেষামগ্রে নোৎসহে স্থাতুমেবম্॥ 2-89-48 (14900)
নশংসকর্মংস্ৎবমনার্যবৃত
মা মা বিবস্ত্রাং কুরু মা বিকার্ষীঃ।
ন মর্ষয়েয়ুস্তব রাজপুত্রাঃ
সেন্দ্রাপি দেবা যদি তে সহায়াঃ॥ 2-89-49 (14901)
ধর্মে স্থিতো ধর্মসুতো মহাত্মা
ধর্মশ্চ সূক্ষ্মো নিপুণোপলক্ষ্যঃ।
বাচাপি ভর্তুঃ পরমাণুমাত্র-
মিচ্ছামি দোষং ন গুণান্বিসৃজ্য॥ 2-89-50 (14902)
ইদং ৎবকার্যং কুরুবীরমধ্যে
রজস্বলাং যৎপরিকর্ষসে মাম্।
ন চাপি কশ্চিৎকুরুতেঽত্র কুৎসাং
ধ্রুবং তবেদং মতমভ্যুপেতঃ॥ 2-89-51 (14903)
ধিগস্তু নষ্টঃ খলু ভারতানাং
ধর্মস্তথা ক্ষত্রবিদাং চ বৃত্তম্।
যত্র হ্যতীতাং কুরুধর্মবেলাং
প্রেক্ষন্তি সর্বে কুরবঃ সভায়াম্॥ 2-89-52 (14904)
দ্রোণস্য ভীষ্মস্য চ নাস্তি সত্ৎবং
ক্ষত্তুস্তথৈবাস্য চনাস্তি সত্ৎবং
ক্ষত্তুস্তথৈবাস্য মহাত্মনোপি।
ন লক্ষয়ন্তি কুরুবৃদ্ধমুখ্যাঃ॥ 2-89-53 (14905)
বৈশম্পায়ন উবাচ॥ 2-89-54x (1630)
তথা ব্রুবন্তী করুণং সুমধ্যমা
ভর্তৄন্কটাক্ষৈঃ কুপিতানপশ্যৎ।
সা পাণ্ডবান্কোপপরীতদেহা-
ন্সন্দীপয়ামাস কটাক্ষপাতৈঃ॥ 2-89-54 (14906)
হৃতেন রাজ্যেন তথা ধনেন
রত্নৈশ্চ মুখ্যৈর্ন তথা বভূব।
যথা ত্রপাকোপসমীরিতেন
কৃষ্ণাকটাক্ষেণ বভূব দুঃখম্॥ 2-89-55 (14907)
দুঃশাসনশ্চাপি সমীক্ষ্য কৃষ্ণা-
মবেক্ষমাণাং কৃপণান্পতীংস্তান্।
আধূয় বেগেন বিসঞ্জ্ঞকল্পা-
মুবাচ দাসীতি হসন্সশব্দম্॥ 2-89-56 (14908)
কর্ণস্তু তদ্বাক্যমতীব হৃষ্টঃ
সম্পূজয়ামাস হসন্সশব্দম্।
গান্ধাররাজঃ সুবলস্য পুত্র-
স্তথৈব দুঃশাসনমভ্যনন্দৎ॥ 2-89-57 (14909)
সভ্যাস্তু যে তত্র বভূবুরন্যে
তাভ্যামৃতে ধার্তরাষ্ট্রেণ চৈব।
তেষামভূদ্দুঃ খমতীব কৃষ্ণাং
দৃষ্ট্বা সভায়াং পরিকৃষ্যমাণাম্॥ 2-89-58 (14910)
ভীষ্ম উবাচ। 2-89-59x (1631)
ন ধর্মসৌক্ষ্ম্যাৎসুভগে বিবেক্তুং
শক্রোমি তে প্রশ্নমিমং যথাবৎ।
অস্বাম্যশক্তঃ পণিতুং পরস্বং
স্ত্রিয়াশ্চ ভর্তুর্বশতাং সমীক্ষ্য॥ 2-89-59 (14911)
ত্যজেত সর্বাং পৃথিবীং সমৃদ্ধাং
যুধিষ্ঠিরো ধর্মমথো ন জহ্যাৎ।
উক্তং জিতোঽস্মীতি চ পাণ্ডবেন
তস্মান্ন শক্নোমি বিবেক্তুমেতৎ॥ 2-89-60 (14912)
দ্ব্যূতেঽদ্বিতীয়ঃ শকুনির্নরেষু
কুন্তীসুতস্তেন নিসৃষ্টকামঃ।
ন মন্যতে তাং নিকৃতিং যুধিষ্ঠির-
স্তস্মান্ তে প্রশ্নমিমং ব্রবীমি॥ 2-89-61 (14913)
দ্রৌপদ্যুবাচ। 2-89-61x (1632)
আহূয় রাজা কুশলৈরনার্যৈ-
র্দুষ্টাত্মভির্নৈকৃতিকৈঃ সভায়াম্।
দ্যূতপ্রিয়ৈর্নাতিকৃতপ্রয়ত্নঃ
কস্মাদয়ং নাম নিসৃষ্টকামঃ॥ 2-89-62 (14914)
অশুদ্ধভাবৈর্নিকৃতিপ্রবৃত্তৈ-
রবুধ্যমানঃ কুরুপাণ্ডবাগ্র্যঃ।
সম্ভূয় সর্বৈশ্চ জিতোঽপি যস্মা-
ৎপশ্চাদয়ং কৈতবমভ্যুপেতঃ॥ 2-89-63 (14915)
তিষ্ঠন্তি চেমে কুরবঃ সভায়া-
মীশাঃ সুতানাং চ তথা স্নুপাণাম্।
সমীক্ষ্য সর্বে মম চাপি বাক্যং
বিব্রূত মে প্রশ্নমিমং যথাবৎ॥ 2-89-64 (14916)
ন সা সভা যত্র ন সন্তি বৃদ্ধা
ন তে বৃদ্ধা যে ন বদন্তি ধর্মম্।
নাসৌ ধর্মো যত্র ন সত্যমস্তি
ন তৎসত্যং যচ্ছলেনানুবিদ্ধম্॥ 2-89-65 (14917)
বৈশম্পায়ন উবাচ॥ 2-89-66x (1633)
তথা ব্রুবন্তীং করুণং রুদন্তী-
মবেক্ষমাণাং কৃপণান্পতীংস্তান্।
দুঃশাসনঃ পরুষাণ্যপ্রিয়াণি
বাক্যান্যুবাচামধুরাণি চৈব॥ 2-89-66 (14918)
তাং কৃষ্যমাণাং চ রজস্বলাং চ
স্রস্তোত্তরীয়ামতদর্হমাণাম্।
বৃকোদরঃ প্রেক্ষ্য যুধিষ্ঠিরং চ
চকার কোপং পরমার্তরূপঃ॥ ॥ 2-89-67 (14919)
ইতি শ্রীমন্মহাভারতে সভাপর্বণি দ্যূতপর্বণি একোননবতিতমোঽধ্যায়ঃ॥ 89॥
Mahabharata - Sabha Parva - Chapter Footnotes
2-89-17 কৈতবং কিতবেভ্যো দেয়ং ধনম্॥ 2-89-27 স্পর্শো সুখদুঃখে বৃদ্ধবালৌ স্পৃশতঃ প্রাপ্নুতঃ । শমং স্বাস্থ্যম্॥ 2-89-41 ঊর্মিমৎসু প্রবহন্নদীজলবন্নিম্নোন্নতেষু ॥ 2-89-49 সেন্দ্রপি সেন্দ্রা অপি॥ 2-89-64 বিব্রূত বিস্পষ্ট ব্রূত নতু ভঈষ্মবৎসন্দিগ্ধমিতি ভাবঃ॥সভাপর্ব - অধ্যায় 090
॥ শ্রীঃ ॥
2.90. অধ্যায়ঃ 090
Mahabharata - Sabha Parva - Chapter Topics
ভৌমবচনম্॥ 1॥ বিকর্ণবচনম্॥ 2॥ দুঃশাসনেন দ্রৌপদীবস্ত্রাপহারঃ॥3॥ শ্রীকৃষ্ণপ্রসাদাৎ দ্রৌপদ্যঃ বস্ত্ররাশিপ্রাদুর্ভাবঃ॥ 4॥ বিদুরবচনম্॥ 5॥Mahabharata - Sabha Parva - Chapter Text
ভীম উবাচ।
ভবন্তি গেহে বন্ধক্যঃ কিতবানাং যুধিষ্ঠির।
ভবন্তি দীব্যন্তি দয়া চৈবাস্তি তাবস্বপি॥ 2-90-1 (14920)
কাশ্যো যদ্ধনমাহার্ষীদ্দ্রব্যং যচ্চান্যদুত্তমম্।
তথাঽন্যে পৃথিবীপালা যানি রত্নান্যুপাহরন্॥ 2-90-2 (14921)
বাহনানি ধনং চৈব কবচান্যায়ুধানি চ।
রাজ্যমাত্মা বয়ং চৈব কৈতবেন হৃতং পরৈঃ॥ 2-90-3 (14922)
ন চ মে তত্র কোপোঽভূৎসর্বস্যেশো হি নো ভবান্।
ইমং ৎবতিক্রমং মন্যো দ্রৌপদী যত্র পণ্যতে॥ 2-90-4 (14923)
এষা হ্যনর্হতী বালা পাণ্ডবান্প্রাপ্য কৌরবৈঃ।
ৎবৎকৃতে ক্লিশ্যতে ক্ষুদ্রৈর্নৃশংসৈরকৃতাত্মভিঃ॥ 2-90-5 (14924)
অস্যাঃ কৃতে মন্যুরয়ং ৎবয়ি রাজন্নিপাত্যতে।
বাহূ তে সম্প্রধক্ষ্যামি সহদেবাগ্নিমানয়ঃ॥ 2-90-6 (14925)
অর্জুন উবাচ। 2-90-7x (1634)
ন পুরা ভীমসেন ৎবমীদৃশীর্বদিতা গিরঃ।
পরৈস্তে নাশিতং নূনং নৃশংসৈর্ধর্মগৌরবম্॥ 2-90-7 (14926)
ন সকামাঃ পরো কার্যা ধর্মমেবাচরোত্তমম্।
ভ্রাতরং ধার্মিকং জ্যেষ্ঠং কোঽতিবর্তিতুমর্হতি॥ 2-90-8 (14927)
আহূতো হি পরৈ রাজা ক্ষাত্রং ব্রতমনুস্মরন্।
দীব্যতে পরকামেন তন্নঃ কীর্তিকরং মহৎ॥ 2-90-9 (14928)
ভীমসেন উবাচ॥ 2-90-10x (1635)
এবমস্মিন্কৃতং বিদ্যাং যদি নাহং ধনঞ্জয়।
দীপ্তেঽগ্নৌ সহিতৌ বাহূ নির্দহেয়ং বলাদিব॥ 2-90-10 (14929)
বৈশম্পায়ন উবাচ॥ 2-90-11x (1636)
তথা তান্দুঃ খিতান্দৃষ্ট্বা পাণ্ডবান্ধৃতরাষ্ট্রজঃ।
কৃষ্যমাণাং চ পাঞ্চালীং বিকর্ণ ইদমব্রবীৎ॥ 2-90-11 (14930)
যাজ্ঞসেন্যা যদুক্তং তদ্বাক্যং বিব্রূত পার্থিবাঃ।
অবিবেকেন বাক্যস্য নরকঃ সদ্য এব নঃ॥ 2-90-12 (14931)
ভীষ্মশ্চ ধৃতরাষ্ট্রশ্চ কুরুবৃদ্ধতমাবুভৌ।
সমেত্য নাহতুঃ কিঞ্চিদ্বিদুরশ্চ মহামতিঃ॥ 2-90-13 (14932)
ভারদ্বাজশ্চ সর্বেষামাচার্যঃ কৃপ এব চ।
কুত এতাবপি প্রশ্নং নাহতুর্দ্বিজসত্তমৌ॥ 2-90-14 (14933)
যে ৎবন্যে পৃথিবীপালাঃ সমেতাঃ সর্বতোদিশম্।
কামক্রোধৌ সমুৎসৃজ্য তে ব্রুবন্তু যথামতি॥ 2-90-15 (14934)
যদিতং দ্রৌপদী বাক্যমুক্তবত্যসকৃচ্ছুভা।
বিমৃশ্য কস্য কঃ পক্ষঃ পার্থিবা বদতোত্তরম্॥ 2-90-16 (14935)
বাশম্পায়ন উবাচ॥ 2-90-17x (1637)
এবং স বহুশঃ সর্বানুক্তবাংস্তান্সভাসদঃ।
ন চ তে পৃথিবীপালাস্তমূচুঃ সাধ্বসাধু বা॥ 2-90-17 (14936)
উক্ৎবাঽসকৃত্তথা সর্বান্বিকর্ণঃ পৃথিবীপতীন্।
পাণৌ পাণিং বিনিষ্পিষ্য নিঃশ্বসন্নিদমব্রবীৎ॥ 2-90-18 (14937)
বিব্রূত পৃথিবীপালা বাক্যং মা বা কথঞ্চনি।
মন্যে ন্যায়্যং যদত্রাহং তদ্বি বক্ষ্যামি কৌরবাঃ॥ 2-90-19 (14938)
চৎবার্যাহুর্নশ্রেষ্ঠা ব্যসনানি মহীক্ষিতাম্।
মৃগয়াং পানমক্ষাংশ্চ গ্রাম্যে চৈবাতিরক্ততাম্॥ 2-90-20 (14939)
এতেষু হি নরঃ সক্তো ধর্মমুৎসৃজ্য বর্ততে।
যথাঽয়ুক্তেন চ কৃতাং ক্রিয়াং লোকো ন মন্যতে॥ 2-90-21 (14940)
তথেয়ং পাণ্ডুপুত্রেণ ব্যসনে বর্ততা ভৃশম্।
সমাহূতেন কিতবৈরাস্থিতো দ্রৌপদীপণঃ॥ 2-90-22 (14941)
সাধারণী চ সর্বেষাং পাণ্ডবানামনিন্দিতা।
জিতেন পূর্বং চানেন পাণ্ডবেন কৃতঃ পণঃ॥ 2-90-23 (14942)
ইয়ং চ কীর্তিতা কৃষ্ণা সৌবলেন পণার্থিনা।
এতৎসর্বং বিচার্যাহং মন্যে ন বিজিতামিমাম্॥ 2-90-24 (14943)
বৈশম্পায়ন উবাচ॥ 2-90-25x (1638)
এতচ্ছ্রুৎবা মহান্নাদঃ সভ্যানামুদতিষ্ঠত।
বিকর্ণং শংসমানানাং সৌবলং চাপি নিন্দতাম্॥ 2-90-25 (14944)
তস্মিন্নুপরতে শব্দে রাধেয়ঃ ক্রোধমূর্ছিতঃ।
প্রগৃহ্য রুচিরং বাহুমিদং বচনমব্রবীৎ॥ 2-90-26 (14945)
কর্ণ উবাচ॥ 2-90-27x (1639)
দৃশ্যন্তে বৈ বিকর্ণেহ বৈকৃতানি বহূন্যপি।
তজ্জাতস্তদ্বিনাশায় যথাঽগ্নিররণিপ্রজঃ॥ 2-90-27 (14946)
এতে ন কিঞ্চিদপ্যাহুশ্চোদিতা হ্যপি কৃষ্ণয়া।
ধর্মেণ বিজিতামেতাং মন্যন্তে দ্রপদাত্মজাম্॥ 2-90-28 (14947)
ৎবং তু কেবলবাল্যেন ধার্তরাষ্ট্র বিদীর্যসে।
যদ্ব্রবীষি সভাম্ধ্যে বালঃ স্থবিরভাষিতম্॥ 2-90-29 (14948)
ন চ ধর্ম যথাবত্ৎবং কৃষ্ণাং চ জিতেতি সুমন্দধীঃ।
যদ্ব্রবীষি জিতাং কৃষ্ণাং ন জিতেতি সুমন্দধীঃ॥ 2-90-30 (14949)
কথং হ্যবিজিতাং কৃষ্ণাং মন্যসে ধৃতরাষ্ট্রজ।
যদা সভায়াং সর্বস্বং ন্যস্তবান্পাণ্ডবাগ্রজঃ॥ 2-90-31 (14950)
অভ্যন্তর চ সর্বস্বে দ্রৌপদী ভরতর্ষভ।
এবং ধর্মজিতাং কৃষ্ণাং মন্যসে ন জিতাং কথম্॥ 2-90-32 (14951)
কীর্তিতা দ্রৌপদী বাচা অনুজ্ঞাতা চ পাণ্ডবৈঃ।
ভবত্যবিজিতা কেন হেতুনৈষা মতা তব॥ 2-90-33 (14952)
মন্যসে বা সভামেতামানীতামেকবাসসম্।
অধর্মেণেতি তত্রাপি শৃণু মে বাক্যমুত্তমম্॥ 2-90-34 (14953)
একো ভর্তা স্ত্রিয়া দেবৈর্বিহিতঃ কুরুনন্দন।
ইয়ং ৎবনেকবশগা বন্ধকীতি বিনিশ্চিতা॥ 2-90-35 (14954)
অস্যাঃ সভামানয়নং ন চিত্রমিতি মে মতিঃ।
একাম্বরধরৎবং বাঽপ্যথবাঽপি বিবস্ত্রতা॥ 2-90-36 (14955)
যচ্চৈষাং দ্রবিণং কিঞ্চিদ্য চৈষা যে চ পাণ্ডবাঃ।
সৌবলেনেহ তৎসর্বং ধর্মেণ বিজিতং বসু॥ 2-90-37 (14956)
দুঃশাসন সুবালোঽয়ং বিকর্ণঃ প্রাজ্ঞবাদিকঃ।
পাণ্ডবানাং চ বাসাংসি দ্রৌপদ্যাশ্চাপ্যুপাহর॥ 2-90-38 (14957)
বৈশম্পায়ন উবাচ॥ 2-90-39x (1640)
তচ্ছ্রুৎবা পাণ্ডবাঃ সর্বে স্বানি বাসাংসি ভারত।
অবকীর্যোত্তরীয়াণি সভায়াং সমুপাবিশন্॥ 2-90-39 (14958)
ততো দুঃশাসনো রাজন্দ্রৌপদ্যা বসনং বলাৎ।
সভামধ্যে সভাক্ষিপ্য ব্যপাক্রষ্টুং প্রচক্রমে॥ 2-90-40 (14959)
`আকৃষ্যমাণে বসনে বিললাপ সুদুঃখিতা।
জ্ঞাতং ময়া বিসিষ্ঠেন পুরা গীতং মহাত্মনা॥ 2-90-41 (14960)
মহত্যাপদি সম্প্রাপ্তে স্মর্তব্যো ভগবান্হরিঃ।
ইতি নিশ্চিত্য মনসা শরণাগতবৎসলম্।
আকৃষ্যমাণে বসনে দ্রৌপদী কৃষ্ণমস্তরৎ॥ 2-90-42 (14961)
শঙ্খচক্রগদাপাণে দ্বারকানিলয়াচ্যুত।
গোবিন্দ পুণ্ডরীকাক্ষ রক্ষ মাং শরণাগতাম্॥ 2-90-43 (14962)
হা কৃষ্ণ দ্বারকাবাসিন্ক্বাসি যাদবন্দন।
ইমামবস্থাং সম্প্রাপ্তামনাথাং কিমুপেক্ষসে॥ 2-90-44 (14963)
গোবিন্দ দ্বারকাবাসিন্কৃষ্ণ গোপীজনপ্রিয়।
কৌরবৈঃ পরিভূতাং মাং কিং ন জানাসি কেশব'॥ 2-90-45 (14964)
হে নাথ হে রমানাথ ব্রজনাথার্তিনাশন।
কৌরবার্ণবগ্নাং মামুদ্ধরস্ব জনার্দন॥ 2-90-46 (14965)
কৃষ্ণকৃষ্ণ মহায়োগিন্বিশ্বাত্মন্বিশ্ব্ভাবন।
প্রপন্নাং পাহি গোবিন্দ কুরমধ্যেঽবসীদতীম্॥ 2-90-47 (14966)
ইত্যনুস্মৃত্য কৃষ্ণং সা হরিং ত্রিভুবনেশ্বরম্।
প্রারুদদ্দুঃ খিতা রাজন্মুখমাচ্ছাদ্য ভামিনী॥ 2-90-48 (14967)
তস্য প্রসাদ্দ্রৌপদ্যাঃ কৃষ্ণমাণেঽম্বরে তদা।
তদ্রূপমপরে বস্ত্রং প্রাদুরাসীদনেকশঃ॥ 2-90-49 (14968)
নানারাগবিরাগাণি বসনান্যথ বৈ প্রভো।
প্রাদুর্ভবন্তি শতশো ধর্মস্য পরিপালনাৎ॥ 2-90-50 (14969)
ততো হলহলাশব্দস্তত্রাসীদ্ঘোরদর্শনঃ।
তদদ্ভুততমং লোকে বীক্ষ্য সর্বে মহীভৃতঃ॥ 2-90-51 (14970)
শশংসুর্দ্রৌপদীং তত্র কুৎসন্তো ধৃতরাষ্ট্রজম্।
`ধিগ্ধিগিত্যশিবাং বাচমুৎসৃজন্কৌরবান্প্রতি'॥ 2-90-52 (14971)
যদা তু বাসসাং রাশিঃ সভামধ্যে সমাচিতঃ'।
তদা দুঃশাসনঃ শ্রান্তো ব্রীডিতঃ সমুপাবিশৎ 2-90-53 (14972)
শশাপ তত্র ভীমস্তু রাজমধ্যে বৃহৎস্বনঃ।
ক্রোধাদ্বিস্ফুরমাণৌষ্ঠো বিনিষ্পিষ্য করে করম্॥ 2-90-54 (14973)
ভীম উবাচ॥ 2-90-55x (1641)
ইদং মে বাক্যমাদধ্বং ক্ষত্রিয়া লোকবাসিনঃ।
নোক্তপূর্বং নরৈরন্যৈর্ন চান্যো যদ্বদিষ্যতি॥ 2-90-55 (14974)
যদ্যেতদেবমুক্ৎবাঽহং ন কুর্যাং পৃথিবীশ্বরাঃ।
পিতামহানাং পূর্বেষাং নাহং গতিমবাপ্নুয়াম্॥ 2-90-56 (14975)
অস্য পাপস্য দুর্বুদ্ধের্ভারতাপসদস্য চ।
ন পিবেয়ং বলাদ্বক্ষো ভিত্ৎবা চেদ্রুধিরং যুধি॥ 2-90-57 (14976)
বৈশম্পায়ন উবাচ॥ 2-90-58x (1642)
তস্য তে তদ্বচঃ শ্রুৎবা রৌদ্রং লোমপ্রহর্ষণম্॥
প্রচক্রুর্বহুলাং পূজাং কুসন্তো ধৃতরাষ্ট্রজম্॥ 2-90-58 (14977)
ন বিব্রুবন্তি কৌরব্যাঃ প্রশ্নমেতমিতি স্ম হ।
সুজনঃ ক্রোশতি স্মাত্র ধৃতরাষ্ট্রং বিগর্হয়ন্॥ 2-90-59 (14978)
বিদুর উবাচ।
দ্রৌপদী প্রশ্নমুক্ৎবৈবং রোরবীতি ৎবনাথবৎ। 2-90-60 (14979)
বৈশম্পায়ন উবাচ॥ 2-90-61x (1643)
তস্য তে তদ্বচঃ শ্রুৎবা রৌদ্রং লোমপ্রহর্ষণম্।
ন চ বিব্রূত তং প্রশ্নং সভ্যা ধর্মোঽত্র পীড্যতে॥ 2-90-61 (14980)
সভাং প্রপদ্যতে প্রশ্নঃ প্রজ্বলন্নিব হব্যবাদ্।
তং বৈ সত্যেন ধর্মেণ সভ্যাঃ প্রশময়ন্ত্যুত॥ 2-90-62 (14981)
ধর্ম্যং প্রশ্নমতো ব্রূয়াদার্যঃ সত্যেন মানবঃ।
বিব্রূয়ুস্তত্র তং প্রশ্নং কামক্রোধবলাতিগাঃ॥ 2-90-63 (14982)
বিকর্ণেন যথাপ্রজ্ঞমুক্তঃ প্রশ্নো নরাধিপাঃ।
ভবন্তোঽপি হি তং প্রশ্নং বিব্রুবন্তু যথামতি॥ 2-90-64 (14983)
যো হি প্রশ্নং ন বিব্রূয়াদ্ধর্মদর্শী সভাং গতঃ।
অনৃতে যা ফলাবাপ্তিস্তস্যাঃ সোঽর্ধং সমশ্নুতে॥ 2-90-65 (14984)
যঃ পুনর্বিতথং ব্রূয়াদ্ধর্মদশীং সভাং গতঃ।
অনৃতস্য ফলং কৃৎস্নং স প্রাপ্নোতীতি নিশ্চয়ঃ॥ 2-90-66 (14985)
অত্রাপ্যুদাহরন্তীমমিতিহাসং পুরাতনম্।
প্রহ্লাদস্য চ সংবাদং মুনেরাঙ্গিরসস্য চ॥ 2-90-67 (14986)
প্রহ্লাদো নাম দৈত্যেন্দ্রস্তস্য পুত্রো বিরোচনঃ।
কন্যাহেতোরাঙ্গিরসং সুধন্বানমুপাদ্রবৎ॥ 2-90-68 (14987)
অহং জ্যায়ানহং জ্যায়ানিতি কন্যেপ্সয়া তদা।
তয়োর্দেবনমত্রাসীৎপ্রাণয়োরিতি নঃ শ্রুতম্॥ 2-90-69 (14988)
তয়োঃ প্রশ্নবিবাদোঽভূৎপ্রহ্লাদং তাবপৃচ্ছতাম্।
জ্যায়ান্ক আবয়োরেকঃ প্রশ্নং প্রব্রূহি মা মৃষা॥ 2-90-70 (14989)
স বৈ বিবদনাদ্ভীতঃ সুধন্বানং বিলোকয়ন্।
তং সুধন্বাব্রবীৎক্রুদ্ধো ব্রহ্মদম্ড ইব জ্বলন্॥ 2-90-71 (14990)
যদি বৈ বক্ষ্যসি মৃষা প্রহ্লাদাথ ন বক্ষ্যসি॥
শতঘা তে শিরো বজ্রী বজ্রেণ প্রহরিষ্যতি॥ 2-90-72 (14991)
সুধন্বনা তথোক্তঃ সন্ব্যথিতোঽশ্বত্থপর্ণবৎ।
জগাম কশ্যপং দৈত্যঃ পরিপ্রষ্টুং মহৌজসম্॥ 2-90-73 (14992)
প্রহ্লাদ উবাচ॥ 2-90-74x (1644)
ৎবং বৈ ধর্মস্য বিজ্ঞাতা দৈবস্যেহাসুরস্য চ।
ব্রাহ্মণস্য মহাভাগ ধর্মকৃচ্ছ্রমিদং শৃণু॥ 2-90-74 (14993)
যো বৈ প্রশ্নং ন বিব্রূয়াদ্বিতথং চৈব নির্দিশেৎ।
কে বৈ তস্য পরে লোকাস্তন্মমাচক্ষ্ব পৃচ্ছতঃ॥ 2-90-75 (14994)
কশ্যপ উবাচ॥ 2-90-76x (1645)
জানন্নবিব্রুবন্প্রশ্নান্কামাৎক্রোধাদ্ভয়াত্তথা।
সহস্রং বারুণান্পাশানাত্মনি প্রতিমুঞ্চতি॥ 2-90-76 (14995)
সাক্ষী বা বিব্রুবন্সাক্ষ্যং গোকর্ণশিথিলশ্বরন্।
সহস্রং বারুণান্পাশানাত্মনি প্রতিমুঞ্জতি॥ 2-90-77 (14996)
তস্য সংবৎসরে পূর্ণে পাশ একঃ প্রমুচ্যতে।
তস্মাৎসত্যং তু বক্তব্যং জানতা সত্যমুঞ্জসা॥ 2-90-78 (14997)
বিদ্ধো ধর্মো হ্যধর্মেণ সভাং যত্রোপপদ্যতে।
ন চাস্য শল্যং কৃন্তন্তি বিদ্ধাস্তত্র সভাসদঃ॥ 2-90-79 (14998)
অর্ধং হরতি বৈ শ্রেষ্ঠঃ পাদো ভবতি কর্তৃষু।
পাদশ্চৈব সভাসৎসু যে ন নিন্দন্তি নিন্দিতম্॥ 2-90-80 (14999)
অনেনা ভবতি শ্রেষ্ঠো মুচ্যন্তে চ সভাসদঃ।
এনো গচ্ছতি কর্তারং নিন্দার্হো যত্র নিন্দ্যতে॥ 2-90-81 (15000)
বিতথং তু বদেয়ুর্যে ধর্মং প্রহ্লাদ পৃচ্ছতে।
ইষ্টাপূর্তং চ তে ঘ্ন্তি সপ্তসপ্ত পরাবরান্॥ 2-90-82 (15001)
হৃতস্বস্য হি যদ্দুঃখং হতপুত্রস্য চৈব যৎ।
ঋণিনঃ প্রতি যচ্চৈব স্বার্থাদ্ধষ্টস্য চৈব যৎ॥ 2-90-83 (15002)
স্ত্রিয়াঃ পত্যা বিহীনায়া রাজ্ঞা গ্রস্তস্য চৈব যৎ।
অপুত্রায়াশ্চ যদ্দুঃখং ব্যাঘ্রাঘ্রাতস্য চৈব যৎ॥ 2-90-84 (15003)
অধ্যূঢায়াশ্চ যদ্দুঃখং ব্যাঘ্রাঘ্রাতস্য চৈব যৎ॥
এতানি বৈ সমান্যাহুর্দুঃখানি ত্রিদিবেশ্বরাঃ॥ 2-90-85 (15004)
তানি সর্বাণি দুঃখানি প্রাপ্নোতি বিতথং ব্রুবন্।
সমক্ষদর্শনাৎসাক্ষী শ্রবণাচ্চেতি ধারণাৎ॥ 2-90-86 (15005)
তস্মাৎসত্যং ব্রুবৎসাক্ষী ধর্মার্থাভ্যাং ন হীয়তে।
কশ্যপস্য বচঃ শ্রুৎবা প্রহ্লাদঃ পুত্রমব্রবীৎ॥ 2-90-87 (15006)
শ্রেয়ান্সুধন্বা ৎবত্তো বৈ মত্তঃ শ্রেয়াংস্তথাঙ্গিরাঃ।
মাতা সুধন্বাঽয়ং প্রাণানামীশ্বরস্তব॥
বিরোচন সুধন্বাঽয়ং প্রাণানামীশ্বরস্তব॥ 2-90-88 (15007)
সুধন্বোবাচ। 2-90-89x (1646)
পুত্রস্নেহং পিরত্যজ্য যস্ৎবং ধর্মে ব্যবস্থিতঃ।
অনুজানামি তে পুত্রং জীবৎবেব শতং সমাঃ॥ 2-90-89 (15008)
বিদুর উবাচ। 2-90-90x (1647)
এবং বৈ পরমং ধর্মং শ্রুৎবা সর্বে সভাসদঃ।
যথাপ্রশ্নং তু কৃষ্ণায়া মন্যধ্বং তত্র কিং পরম্॥ 2-90-90 (15009)
বৈশম্পায়ন উবাচ॥ 2-90-91x (1648)
বিদুরস্য বচঃ শ্রুৎবা নোচুঃ কিঞ্চন পার্থিবাঃ।
কর্ণো দুঃশাসনং ৎবাহ কৃষ্ণং দাসীং গৃহান্নয়॥ 2-90-91 (15010)
তাং বেপমানাং সব্রীডাং প্রলপন্তীং স্ম পাণ্ডবান্।
দুঃশাসনঃ সভামধ্যে বিচকর্ষ তপস্বিনীম্॥ ॥ 2-90-92 (15011)
ইতি শ্রীমন্মহাভারতে সভাপর্বণি দ্যূতপর্বণি নবতিতমোঽধ্যায়ঃ॥ 90॥
Mahabharata - Sabha Parva - Chapter Footnotes
2-90-20 গ্রাম্যে স্ত্রীভোগী॥ 2-90-41 আকৃষ্যমাণে বসনে দ্রৌপদ্যা চিন্তিতো হরিঃ। গোবিন্দ দ্বারকান্বাসিন্কৃষ্ণ গো পীজনপ্রিয়। কৌরবৈঃ পরিভূতাং মাং কিং জ জানাসি কেশব। ইতি ঝ.পাঠঃ॥ 2-90-77 গোকর্ণশিথিল উভয়ক্ষস্পর্শী॥সভাপর্ব - অধ্যায় 091
॥ শ্রীঃ ॥
2.91. অধ্যায়ঃ 091
Mahabharata - Sabha Parva - Chapter Topics
দ্রৌপদীবচনম্॥ 1॥ যুধিষ্ঠিরেণৈব দ্রৌপদীপ্রশ্নস্যোত্তরং বক্তব্যমিতি ভীষ্মবচনম্॥ 2॥Mahabharata - Sabha Parva - Chapter Text
দ্রৌপদ্যুবাচ॥
পুরস্তাৎকরণীয়ং মে ন কৃতং কার্যমুত্তরম্।
বিহ্বলাঽস্মি কৃতাঽনেন কর্ষতা বলিনা বলাৎ॥ 2-91-1 (15012)
অভিবাদং করোম্যেষাং কুরূণাং কুরুসংসদি।
ন মে স্যাদপরাধোঽয়ং তদিদং ন কৃতং ময়া॥
বৈশম্পায়ন উবাচ॥ 2-91-2 (15013)
সা তেন চ সমাধূতা দুঃখেন চ তপস্বিনী।
পতিতা বিললাপেদং সভায়ামতথোচিতা॥ 2-91-3 (15014)
দ্রৌপদ্যুবাচ। 2-91-4x (1649)
স্বয়ংবরে যাস্মি নৃপৈদৃষ্টা রঙ্গে সমাগতৈঃ।
ন দৃষ্টপূর্বা চান্যত্র সাঽহমদ্য সভাং গতা॥ 2-91-4 (15015)
যাং ন বায়ুর্ন চাদিত্যো দৃষ্টবন্তৌ পুরা গৃহে।
সাঽহমদ্য সভামধ্যে দৃষ্টাস্মি জনসংসদি॥ 2-91-5 (15016)
যাং ন মৃষ্যন্তি বাতেন স্পৃশ্যমানাং গৃহে পুরা।
স্পৃশ্যমানাং সহন্তেঽদ্য পাণ্ডবাস্তাং দূরাত্মনা॥ 2-91-6 (15017)
মৃষ্যন্তি কুরবশ্চেমে মন্যে কালস্য পর্যযম্।
স্নুষাং দুহিতরং চৈব ক্লিশ্যমানামনর্হতীম্॥ 2-91-7 (15018)
কিংন্বতঃ কৃপণং ভূয়ো যদহং স্ত্রী সতী শুভা।
সভামধ্যং বিগাহেঽদ্য ক্ব নু ধর্মো মহীক্ষিতাম্॥ 2-91-8 (15019)
ধর্ম্যং স্ত্রিয়ং সভাং পূর্বে ন নয়ন্তীতি নঃ শ্রুতম্।
স নষ্টঃ কৌরবেয়েষু পূর্বো ধর্মঃ সনাতনঃ॥ 2-91-9 (15020)
কথং হি ভার্যা পাণ্ডুনাং পার্ষতস্য স্বসা সতী।
বাসুদেবস্য চ সখী পার্থিবানাং সভামিয়াম্॥ 2-91-10 (15021)
তামিমাং ধর্মরাজস্য ভার্যাং সদৃশবর্ণজাম্।
ব্রূত দাসীমদাসীং বা তৎকরিষ্যামি কৌরবাঃ। 2-91-11 (15022)
অয়ং মাং সুদৃঢং ক্ষুদ্রঃ কৌরবাণাং যশোহরঃ.
ক্লিশ্নাতি নাহং তৎসোঢুং ক্ষুদ্রঃ কৌরবাণাং যশোহরঃ। 2-91-12 (15023)
জিতাং বাঽপ্যজিতাং বাপি মন্যধ্বং মাং যথা নৃপাঃ।
তথা প্রত্যুক্তমিচ্ছামি তৎকরিষ্যামি কৌরবাঃ॥ 2-91-13 (15024)
ভীষ্ম উবাচ॥ 2-91-14x (1650)
উক্তবানস্মি কল্যাণি ধর্মস্য পরমা গতিঃ।
লোকে ন শক্যতে জ্ঞাতুমপি বিজ্ঞৈর্মহাত্মভিঃ॥ 2-91-14 (15025)
বলবাংশ্চ যথা ধর্মং লোকে পশ্যতি পুরুষঃ॥
স ধর্মো ধর্মবেলায়াং ভবত্যভিহতঃ পরঃ॥ 2-91-15 (15026)
ন বিবেক্তুং চ তে প্রশ্নমিমং শক্নোমি নিশ্চয়াৎ।
সূক্ষ্মৎবাদ্গহনৎবাচ্চ কার্যস্যাস্য চ গৌরবাৎ॥ 2-91-16 (15027)
নূনমন্তঃ কুলস্যাস্য ভবিতা ন চিরাদিব।
তথা হি কুরবঃ সর্বে লোভমোহপরায়ণাঃ॥ 2-91-17 (15028)
কুলেষু জাতাঃ কল্যাণি ব্যসনৈরাহতা ভৃশম্।
ধর্ম্যান্মার্গান্ন চ্যবন্তে যেষাং নস্ৎবং বধূঃ স্থিতা॥ 2-91-18 (15029)
উপপন্নং চ পাঞ্চালি তবেদং বৃত্তমীদৃশম্।
যৎকৃচ্ছ্রমপি সম্প্রাপ্তা ধর্মমেবান্ববেক্ষসে॥ 2-91-19 (15030)
এতে দ্রোণাদয়শ্চৈব বৃদ্ধা ধর্মবিদো জনাঃ।
শূন্যৈঃ শরীরৈস্তিষ্ঠন্তি গতাসব ইবানতাঃ॥ 2-91-20 (15031)
যুধিষ্ঠিরস্তু প্রশ্নোঽস্মিন্প্রমাণমিতি মে মতিঃ।
অজিতাং বা জিতাং বেতি স্বয়ং ব্যাখ্যাতুমর্হতি॥ ॥ 2-91-21 (15032)
ইতি শ্রীমন্মহাভারতে সভাপর্বণি দ্যূতপর্বণি একনবতিতমোঽধ্যায়ঃ॥91 ॥
সভাপর্ব - অধ্যায় 092
॥ শ্রীঃ ॥
2.92. অধ্যায়ঃ 092
Mahabharata - Sabha Parva - Chapter Topics
দুর্যোধনবচনম্॥ 1॥ দুর্যোধনেন দ্রৌপদীং প্রতি নিজোরৌ প্রদর্শিতে ভীমেন তদ্ভেদনপ্রতিজ্ঞা॥2॥ অর্জুনাদিভিঃ কর্ণাদিহননপ্রতিজ্ঞা॥ 3॥ দ্রৌপদ্যা দুর্যোধনাদীনাং শাপদানসময়ে অন্তরিক্ষাৎপুষ্পবৃষ্টিঃ॥ 4॥Mahabharata - Sabha Parva - Chapter Text
বৈশম্পায়ন উবাচ॥
তথা তু দৃষ্ট্বা বহু তত্র দেবীং
রোরূয়মাণাং কুররীমিবার্তাম্।
নোচুর্বচঃ সাধ্বথবাঽপ্যসাধু
মহীক্ষিতো ধার্তরাষ্ট্রস্য ভীতাঃ॥ 2-92-1 (15033)
দৃষ্ট্বা তথা পার্থিবপুত্রপৌত্রাং-
স্তূষ্ণীংভূতান্ধৃতরাষ্ট্রস্য পুত্রঃ।
স্ময়ন্নিবেদং বচনং বভাষে
পাঞ্চালরাজস্য সুতাং তদানীম্॥ 2-92-2 (15034)
দুর্যোধন উবাচ॥ 2-92-3x (1651)
তিষ্ঠৎবয়ং প্রশ্ন উদারসৎবে
ভীমেঽর্জুনে সহদেবে তথৈব।
পত্যৌ চ তে নকুলে যাজ্ঞসেনি
বদন্ৎবেতে বচনং ৎবৎপ্রসূতম্॥ 2-92-3 (15035)
অনীশ্বরং বিব্রুবন্ৎবার্যমধ্যে
যুধিষ্ঠিরং তব পাঞ্চালি হেতোঃ।
কুর্বন্তু সর্বে চানৃতং ধর্মরাজং
পাঞ্চালি ৎবং মোক্ষ্যসে দাসভাবাৎ॥ 2-92-4 (15036)
ধর্মে স্থিতো ধর্মসুতো মহাত্মা
স্বয়ং চেদং কথয়ৎবিন্দ্রকল্পঃ।
ঈশো বা তে হ্যনীশোঽথবৈষ
বাক্যাদস্য ক্ষিপ্রমেকং ভজস্ব॥ 2-92-5 (15037)
সর্বে হীমে কৌরবেয়াঃ সভায়াং
দুঃখান্তরে বর্তমানাস্তবৈব।
ন বিব্রুবন্ত্যার্যসৎবা যথাব-
ৎপতীংশ্চ তে সমবেক্ষ্যাল্পভাগ্যান্॥ 2-92-6 (15038)
বৈশম্পায়ন উবাচ॥ 2-92-7x (1652)
ততঃ সভ্যাঃ কুরুরাজস্য তস্য
বাক্যং সর্বে প্রশশংসুস্তথোচ্চৈঃ।
চেলাবেধাংশ্চাপি চক্রুর্নদন্তো
হাহেত্যাসীদপি চৈবার্তনাদঃ॥ 2-92-7 (15039)
শ্রুৎবা তুং তদ্বাক্যমনোহরং ত-
দ্ধর্ষশ্চাসীৎকৌরবাণাং সভায়াম্।
সর্বে চাসন্পার্থিবাঃ প্রীতিমন্তঃ
কুরুশ্রেষ্ঠং ধার্মিকং পূজয়ন্তঃ॥ 2-92-8 (15040)
যুধিষ্ঠিরং চ তে সর্বে সমুদৈক্ষন্ত পার্থিবাঃ।
কিং নু বক্ষ্যতি ধর্মজ্ঞ ইতি সাচীকৃতাননাঃ॥ 2-92-9 (15041)
কিং নু বক্ষ্যতি বীভৎসুরজিতো যুধি পাণ্ডবঃ।
ভীমসেনো যমৌ চোভৌ ভৃশং কৌতূহলান্বিতাঃ॥ 2-92-10 (15042)
তস্মিন্নুপরতে শব্দে ভীমসেনোঽব্রবীদিদম্।
প্রগৃহ্য রুচিরং দিব্যং ভুজং চন্দনচর্চিতম্॥ 2-92-11 (15043)
যদ্যেষ গুরুরস্মাকং ধর্মরাজো মহামনাঃ।
ন প্রভুঃ স্যাৎকুলস্যাস্য ন বয়ং মর্ষয়েমহি॥ 2-92-12 (15044)
ঈশো নঃ পুণ্যতপসাং প্রাণানামপি চেশ্বরঃ।
মন্যতে জিতমাত্মানং যদ্যেষ বিজিতা বয়ম্॥ 2-92-13 (15045)
ন হি মুচ্যেত মে জীবন্পদা ভূমিমুপস্পৃশন্।
মর্ত্যধর্মা পরামৃশ্য পাঞ্চাল্যা মূর্ধজানিমান্॥ 2-92-14 (15046)
পশ্যধ্বং হ্যায়তৌ বৃত্তৌ ভুজৌ মে পরিঘাবিব।
নৈতয়োরন্তরং প্রাপ্য মুচ্যেতাপি শতক্রতুঃ॥ 2-92-15 (15047)
ধর্মপাশসিতস্ৎবেবমধিগচ্ছামি সঙ্কটম্।
গৌরবেণ নিরুদ্ধশ্চ নিগ্রহাদর্জুনস্য চ॥ 2-92-16 (15048)
ধর্মরাজনিসৃষ্টস্তু সিংহঃ ক্ষুদ্রমৃগানিব।
ধার্তরাষ্টারানিমান্পাপান্নিষ্পষেয়ং তলাসিভিঃ॥ 2-92-17 (15049)
বৈশম্পায়ন উবাচ॥ 2-92-18x (1653)
তমুবাচ তদা ভীষ্মো দ্রোণো বিদুর এব চ।
ক্ষম্যতামিদমিত্যেবং সর্বং সম্ভাব্যতে ৎবয়ি॥ 2-92-18 (15050)
কর্ণ উবাচ॥ 2-92-19x (1654)
ত্রয়ঃ কিলেমে হ্যধনা ভবন্তি।
দাসঃ পুত্রশ্চাস্বতন্ত্রা চ নারী।
দাসস্য পত্নী ৎবধনস্য ভদ্রে
হীনশ্বরা দাসধনং চ সর্বম্॥ 2-92-19 (15051)
প্রবিশ্য রাজ্ঞঃ পরিবারং ভজস্ব
তত্তে কার্যং শিষ্টমাদিশ্যতেঽত্র।
ঈশাস্তু সর্বে তব রাজপুত্রি
ভবন্তি বৈ ধার্তরাষ্ট্রা ন পার্থাঃ॥ 2-92-20 (15052)
অন্যং বৃণীষ্ব পতিমাশু ভামিনি
যস্মাদ্দাস্যং ন লভসি দেবনেন।
অবাচ্যা বৈ পতিষু কামবৃত্তি-
র্নিত্যং দাস্যে বিদিতং তত্তবাস্তু॥ 2-92-21 (15053)
পরাজিতো নকুলো ভীমসেনো
যুধিষ্ঠরঃ সহদেবার্জুনৌ চ।
দাসীভূতা ৎবং হি বৈ যাজ্ঞসেনি
পরাজিতাস্তে পতয়ো নৈব সন্তি॥ 2-92-22 (15054)
প্রয়োজনং জন্মনি কিং ন মন্যতে
পরাক্রমং পৌরুষং চৈব পার্থটঃ।
পাঞ্চাল্যস্য দ্রুপদস্যাত্মজামিমাং
সভামধ্যে যো ব্যদেবীদ্গ্লহেষু॥ 2-92-23 (15055)
বৈশম্পায়ন উবাচ॥ 2-92-24x (1655)
তদ্বৈ শ্রুৎবা ভীমসেনোঽত্যমর্ষী
ভৃশং নিশশ্বাস তদাঽর্তরূপঃ।
রাজানুগো ধর্মপাশানুবদ্ধো
দহন্নিবৈনং ক্রোধসংরক্তদৃষ্টিঃ॥ 2-92-24 (15056)
ভীম উবাচ॥ 2-92-25x (1656)
নাহং কুপ্যে সূতপুত্রস্য রাজ-
ন্নেষ সত্যং দাসধর্মঃ প্রদিষ্টঃ।
কিং বিদ্বিষো বৈ মামেবং ব্যাহরেয়ু-
র্নাদেবীস্ৎবং যদ্যনয়া নরেন্দ্র॥ 2-92-25 (15057)
বৈশম্পায়ন উবাচ॥ 2-92-26x (1657)
ভীমসেনবচঃ শ্রুৎবা রাজা দুর্যোধনস্তদা।
যুধিষ্ঠিরমুবাচেদং তূষ্ণীম্ভূতমচেতনম্॥ 2-92-26 (15058)
ভীমার্জুনৌ যমৌ চৈব স্থিতৌ তে নৃপ শাসনে।
প্রশ্নং ব্রূহি চ কৃষ্ণাং ৎবমজিতাং যদি মন্যসে॥ 2-92-27 (15059)
এবমুক্ৎবা তু কৌন্যেয়মপোহ্য বসনং স্বকম্।
স্ময়ন্নিবেক্ষ্য পাঞ্চালীমৈশ্বর্যমদমোহিতঃ॥ 2-92-28 (15060)
কদলীদণ্ডসদৃশং সর্বলক্ষণসংয়ুতম্।
গজহস্তপ্রতীকাশং বজ্রপ্রতিমগৌরবম্॥ 2-92-29 (15061)
অভ্যুৎস্ময়িৎবা রাধেয়ং ভীমমাধর্ষয়ন্নিব।
দ্রৌপদ্যাঃ প্রেক্ষমাণায়াঃ সব্যমূরুমদর্শয়ৎ॥ 2-92-30 (15062)
ভীমসেনস্তমালোক্য নেত্রে উৎফাল্য লোহিতে।
প্রোবাচ রাজমধ্যে তং সভাং বিশ্রাবয়ন্নিব॥ 2-92-31 (15063)
পিতৃভিঃ সহ সালোক্যং মা স্ম গচ্ছেদ্বৃকোদরঃ।
যদ্যেতমূরুং গদয়া ন ভিন্দ্যাং তে মহাহবে॥ 2-92-32 (15064)
বৈশম্পায়ন উবাচ॥ 2-92-33x (1658)
ক্রুদ্ধস্য তস্য সর্বেভ্যঃ স্রোতোভ্যঃ পাবকার্চিষঃ।
বৃক্ষস্যেব বিনিশ্বেরুঃ কোটরেভ্যঃ প্রদহ্যতঃ॥ 2-92-33 (15065)
বিদুর উবাচ॥ 2-92-34x (1659)
পরং ভয়ং পশ্যত ভীমসেনা-
ত্তদ্বুধ্যধ্বং পার্থিবাঃ প্রাতিপেয়াঃ।
দৈবেরিতো নূনময়ং পুরস্তা-
ৎপরোঽনয়ো ভরতেষূদপাদি॥ 2-92-34 (15066)
অতিদ্যূতং কৃতমিদং ধার্তরাষ্ট্র
যস্মাৎস্ত্রিয়ং বিবদধ্বং সভায়াম্।
যোগক্ষেমৌ নশ্যতো বঃ সমগ্রৌ
পাপান্মন্ত্রান্কুরবো মন্ত্রয়ন্তি॥ 2-92-35 (15067)
ইমং ধর্মং কুরবো জানতাশু
ধ্বস্তে ধর্মে পরিষৎসম্প্রদুষ্যেৎ।
ইমাং চেৎপূর্বং কিতবোঽগ্লহিষ্য-
দীশোঽভবিষ্যদপরাজিতাত্মা॥ 2-92-36 (15068)
স্বপ্নে যথৈতদ্বিজিতং ধনং স্যা-
দেবং মন্যে যস্য দীব্যত্যনীশঃ।
গান্ধাররাজস্য বচো নিশম্য
ধর্মাদস্মাৎকুরবো মাঽপয়াত॥ 2-92-37 (15069)
দুর্যোধন উবাচ॥ 2-92-38x (1660)
ভীমস্য বাক্যে তদ্বদেবার্জুনস্য
স্থিতোঽহং বৈ যময়োশ্চৈবমেব।
যুধিষ্ঠিরং তে প্রবদন্ৎবনীশ-
মথো দাস্যান্মোক্ষসে যাজ্ঞসেনি॥ 2-92-38 (15070)
অর্জুন উবাচ॥ 2-92-39x (1661)
ঈশো রাজা পূর্বমাসীদ্গ্লহে নঃ
কুন্তীসুতো ধর্মরাজো মহাত্মা।
ঈশস্ৎবয়ং কস্য পরাজিতাত্মা
তজ্জানীধ্বং কুরবঃ সর্ব এব॥ 2-92-39 (15071)
`কর্ণ উবাচ॥ 2-92-40x (1662)
দুশ্শাসন নিবোধেদং বচনং বৈ প্রভাষিতম্।
কিমনেন চিরং বীর নয়স্ব দ্রপদাত্মজাম্।
দাসীভাবেন ভুঙ্ক্ষ্ব ৎবং যথেষ্টং কুরুনন্দন॥ 2-92-40 (15072)
বৈশম্পায়ন উবাচ॥ 2-92-41x (1663)
ততো গান্ধাররাজস্য পুত্রঃ শকুনিরব্রবীৎ।
সাধু কর্ণ মহাবাহো যথেষ্টং ক্রিয়তামিতি॥ 2-92-41 (15073)
ততো দুশ্শাসনস্তূর্ণং দ্রুপদস্য সুতাং বলাৎ।
প্রবেশয়িতুমারব্ধঃ স চকর্ষ দুরাত্মবান্॥
ততো বিক্রোশতি তদা পাঞ্চালী বরবর্ণিনী॥ 2-92-42 (15074)
দ্রৌপদ্যুবাচ। 2-92-44x (1664)
পরিত্রায়স্ব মাং ভীষ্ণ দ্রোণ দ্রৌণে তথা কৃপ।
পরিত্রায়স্ব বিদুর ধর্মিষ্ঠো ধর্মবৎসল॥ 2-92-44 (15075)
ধৃতরাষ্ট্র মহারাজ পরিত্রায়স্ব বৈ স্নুষাম্।
গান্ধারি ৎবং মহাভাগে সর্বজ্ঞে সর্বদর্শিনি।
পিরত্রায়স্ব মাং ভীরুং সুয়োধনভয়ার্দিতাম্॥ 2-92-45 (15076)
ৎবমার্যে বীরজননি কিং মাং পশ্যসি যাদবীম্।
ক্লিশ্যমানামনার্যেণ ন ত্রায়সিব বধূং স্বকাম্॥ 2-92-46 (15077)
যদি লালপ্যমানাং মাং ন কশ্চিৎকিঞ্চিদব্রবীৎ।
হা হতাঽস্মি সুমন্দাত্মা সুয়োধনবশং গতা॥ 2-92-47 (15078)
ন বৈ পাণ্ডুর্নরপতির্ন ধর্মো ন চ দেবরাট্।
ন চায়ুর্নাশ্বিনৌ বাঽপি পরিত্রায়ন্তি বৈ স্নুষাম্॥
ধিক্কষ্টং যদি জীবেয়ং মন্দভাগ্যা পতিব্রতা॥ 2-92-48 (15079)
বিদুর উবাচ॥ 2-92-50x (1665)
শৃণোমি বাক্যং তব রাজপুত্রি
নেমে পার্থাঃ কিঞ্চিদপি ব্রুবন্তি।
সা ৎবং প্রিয়ার্থং শৃণু বাক্যমেত-
দ্যদুচ্যতে পাপমতিঃ কৃতঘ্নঃ॥ 2-92-50 (15080)
সুয়োধনঃ সানুচরঃ সুদুষ্টঃ
সহৈব রাজা নিকৃতঃ সূনুনা চ
যদ্যেষ বাচং মহদুচ্যমানাং
ন শ্রোষ্যতে পাপমতিঃ সুদুষ্টঃ॥ 2-92-51 (15081)
বৈশম্পায়ন উবাচ॥ 2-92-52x (1666)
ইত্যেবমুক্ৎবা দ্রুপদস্য পুত্রীং
ক্ষত্তাঽব্রবীদ্ধৃতরাষ্ট্রস্য পুত্রম্। 2-92-52 (15082)
মা ক্লিশ্যতাং বৈ দ্রুপদস্য পুত্রীং
মা ৎবং চরীং দ্রক্ষ্যসি রাজপুত্র॥ 2-92-53 (15083)
বিদুর উবাচ॥ 2-92-54x (1667)
যদ্যেবং ৎবং মহারাজ সঙ্ক্লেশয়সি দ্রৌপদীম্।
অচিরেণৈব কালেন পুত্রস্তে সহ মন্ত্রিভিঃ।
গমিষ্যতি ক্ষয়ং পাপঃ পাণ্ডবক্ষয়কারণাৎ॥ 2-92-54 (15084)
ভীমার্জুনাভ্যাং ক্রুদ্ধাভ্যাং মাদ্রীপুত্রদ্বয়েন চ।
তস্মান্নিবারয় সুতং মা বিনাশং বিচিন্তয়॥ 2-92-55 (15085)
বৈশম্পায়ন উবাচ॥ 2-92-56x (1668)
এতচ্ছুৎবা মন্দবুদ্ধির্নোত্তরং কিঞ্চিদব্রবীৎ।
ততো দুর্যোধনস্তত্র দৈবমোহবলাৎকৃতঃ॥ 2-92-56 (15086)
অচিন্ত্য ক্ষত্তুর্বচনং হর্ষেণায়তলোচনঃ।
ঊরূ দর্শয়তে পাপো দ্রৌপদ্যা বৈ মুহুর্মুহুঃ॥ 2-92-57 (15087)
ঊরৌ সন্দর্শ্যমানে তু নিরীক্ষ্য তু সুয়োধনম্।
বৃকোদরস্তদালোক্য নেত্রে চোল্ফাল্য লোহিতে॥ 2-92-58 (15088)
এতৎসমীক্ষ্যাত্মনি চাবমানং
নিয়ম্য মন্যুং বলনান্স মানী।
রাজানুজঃ সংসদি কৌরবাণাং
বিনিষ্ক্রমন্বাক্যমুবাচ ভীমঃ॥ 2-92-59 (15089)
অহং দুর্যোধনং হন্তা কর্ণং হন্তা ধনঞ্জয়ঃ।
শকুনিং চাক্ষকিতবং সহদেবো হনিষ্যতি॥ 2-92-60 (15090)
ইদং চ ভূয়ো বক্ষ্যামি সভামধ্যে বৃহদ্বচঃ।
সত্যং দেবাঃ করিষ্যন্তি যন্নো যুদ্ধং ভবিষ্যতি॥ 2-92-61 (15091)
সুয়োধনমিমং পাপং হন্তাঽস্মি গদয়া যুধি।
শিরঃ পাদেন চাস্যাহমধিষ্ঠাস্যামি ভূতলে॥ 2-92-62 (15092)
বক্ষঃ শূরস্য নির্বাস্য পরুষস্য দুরাত্মনঃ।
দুশ্শাসনস্য রুধিরং পাস্যামি মৃগরাডিব॥ 2-92-63 (15093)
অর্জুন উবাচ॥ 2-92-64x (1669)
ভীমসেন ন তে সন্তি যেষাং বৈরং ৎবয়া সহ।
নন্দা গৃহেষু ন বুদ্ধ্যন্তে মহদ্ভয়ম্॥ 2-92-64 (15094)
নৈব বাচা ব্যবসিতং ভীম বিজ্ঞায়তে সতাম্।
যদি স্থাস্যন্তি সঙ্গ্রামে ক্ষত্রধর্মেণ বৈ সহ॥ 2-92-65 (15095)
দুর্যোধনস্য কর্ণস্য শকুনেশ্চ দুরাত্মনঃ।
দুশ্শাসনচতুর্থানাং ভূমিঃ পাস্যতি শোণিতম্॥ 2-92-66 (15096)
অসূয়িতারং বক্তারং প্রহৃষ্টানাং দুরাত্মনাম্।
ভীমসেন নিয়োগাত্তে হন্তাঽহং কর্ণমাহবে॥ 2-92-67 (15097)
কর্ণং কর্ণানুগাংশ্চৈব রণে হন্তাঽস্মি পত্রিভিঃ।
যে চান্যে বিপ্রয়োৎস্যন্তি বুদ্ধিমোহেন মাং নৃপাঃ।
তান্স্ম সর্বঞ্ছিতৈর্বাণৈর্নেতাঽস্মি যমসাদনম্॥ 2-92-68 (15098)
চলেদ্বি হিমবান্স্থানান্নিষ্প্রভঃ স্যাদ্দিবাকরঃ।
শৈত্যং সোমাৎপ্রণশ্যেত মৎসত্যং বিচলেদ্যদি॥ 2-92-69 (15099)
বৈশম্পায়ন উবাচ॥ 2-92-70x (1670)
উত্যুক্তবতি পার্থে তু শ্রীমান্মাদ্রবতীসুতঃ।
প্রগৃহ্য বিপুলং বাহুং সহদেবঃ প্রতাপবান্॥ 2-92-70 (15100)
সৌবলস্য বধপ্রেপ্সুরিদং বচনমব্রবীৎ।
ক্রোধসংরক্তনয়নো নিশ্বস্য চ মুহুর্মুহুঃ॥ 2-92-71 (15101)
সহদেব উবাচ॥ 2-92-72x (1671)
যানক্ষান্মন্যসে মূঢ গান্ধারাণাং যশোহর।
নৈতে হ্যক্ষাঃ শিতা বাণাস্ৎবয়ৈতে সমরে ধৃতাঃ॥ 2-92-72 (15102)
যথা চৈবোক্তবান্ভীমস্ৎবামুদ্দিশ্য সবান্ধবম্।
কর্তাঽহং কর্মণা চাস্য কুরুকার্যাণি সর্বশঃ।
যদি স্থস্যাসি সঙ্গ্রামে ক্ষত্রধর্মেণ সৌবল॥ 2-92-73 (15103)
বৈশম্পায়ন উবাচ॥ 2-92-74x (1672)
সহদেববচঃ শ্রুৎবা নকুলোঽপি বিশাম্পতে।
দর্শনীয়তমো নৄণামিদং বচনমব্রবীৎ॥ 2-92-74 (15104)
নকুল উবাচ॥ 2-92-75x (1673)
সুতেয়ং যজ্ঞসেনস্য দ্যূতেঽস্মিন্ধৃতরাষ্ট্রজৈঃ।
যৈর্বাচঃ শ্রাবিতা রূক্ষা ধূর্তৈর্দুর্যোধনপ্রিয়ৈঃ॥ 2-92-75 (15105)
ধার্তরাষ্ট্রান্সুদুর্বৃত্তান্মুমূর্ষূন্কালচোদিতান্।
দর্শয়িষ্যামি ভূয়িষ্ঠমহং বৈবস্বতক্ষয়ম্॥ 2-92-76 (15106)
উলূকং চ দুরাত্মানং সৌবলস্য প্রিয়ং সুতম্।
হন্তাঽহমস্মি সমরে মম শত্রুং নরাধমম্॥ 2-92-77 (15107)
নিদেশাদ্ধর্মরাজস্য দ্রৌপদ্যাঃ পদবীং চরন্।
নর্ধার্তরাষ্টাং পৃথিবীং কর্তাস্মি নচিরাদিবা॥ 2-92-78 (15108)
দ্রৌপদ্যুবাচ॥ 2-92-79x (1674)
যস্মাচ্চোরুং দর্শয়সে যস্মাচ্চোরুং নিরীক্ষসে।
তস্মাত্তব হ্যধর্মিষ্ঠ ঊরৌ মৃত্যুর্ভবিষ্যতি॥ 2-92-79 (15109)
যস্মাচ্চৈবং ক্লেশয়তি ভ্রাতা তে মাং দুরাত্মবান্।
তস্মাদুধিরমেবাস্য পাস্যতে বৈ বৃকোদরঃ॥ 2-92-80 (15110)
ইমং চ পাপিষ্ঠমতিং কর্ণং সমুতবান্ধবম্।
সামাত্যং সপরীবারং হনিষ্যতি ধনঞ্জয়ঃ॥ 2-92-81 (15111)
ক্ষুদ্রধর্মং নৈকৃতিকং শকুনিং পাপচেতসম্।
সহদেবো রণে ক্রুদ্ধো হনিষ্যতি সবান্ধবম্॥ 2-92-82 (15112)
বৈশম্পায়ন উবাচ॥ 2-92-83x (1675)
এবমুক্তে তু বচনে দ্রৌপদ্যা ধর্মশীলয়া।
ততোঽন্তরিক্ষাৎসুমহৎপুষ্পবর্ষমবাপততম্॥ 2-92-83 (15113)
তেষাং তু বচনং শ্রুৎবা নোচুস্তত্র সভাসদঃ।
অর্জুনস্য ভয়াদ্রাজন্নভূন্নিশ্শব্দমত্র বৈ॥ ॥ 2-92-84 (15114)
ইতি শ্রীমন্মহাভারতে সভাপর্বণি দ্যূতপর্বণি দ্বিনবতিতমোঽধ্যায়ঃ॥92 ॥
Mahabharata - Sabha Parva - Chapter Footnotes
2-92-13 দ্রৌপদীপণনাৎ প্রাগিতি শেষঃ। অতো দ্রৌপদী ন দাসভাবমাপন্নেতি ভাবঃ॥ 2-92-16 পশ্যসিতঃ পাশবদ্ধঃ॥ 2-92-33 স্রোতোভ্যঃ রোমকূপেভ্যঃ॥সভাপর্ব - অধ্যায় 093
॥ শ্রীঃ ॥
2.93. অধ্যায়ঃ 093
Mahabharata - Sabha Parva - Chapter Topics
কুপ্যতোঽর্জুনস্য যুধিষ্ঠিরেণ পরিসান্ৎবনম্॥ 1॥ ধৃতরাষ্ট্রেণ বরং বরয়েতি দ্রৌপদীম্প্রতি চোদনম্॥ 2॥ তৎপ্রার্থনয়া ধৃতরাষ্ট্রেণ যুধিষ্ঠিরাদীনামদাসৎববরদানম্॥ 3॥Mahabharata - Sabha Parva - Chapter Text
বৈশম্পায়ন উবাচ॥
দ্রৌপদ্যা বচনং শ্রুৎবা চুকোপাথ ধনঞ্জয়ঃ।
স তদা ক্রোধতাম্রাক্ষ ইদং বচনমব্রবীৎ॥ 2-93-1 (15115)
অয়ং তু মাং বারয়তে ধর্মরাজো যুধিষ্ঠিরঃ।
ইত্যুক্ৎবা ক্রোধতাম্রাক্ষো ধনুরাদায় বীর্যবান্॥ 2-93-2 (15116)
সব্যসাচী সমুৎপত্য তাঞ্ছত্রূন্সমুদৈক্ষত।
উদ্যতং ফল্গুনং তত্র দদৃশুঃ সর্বপার্থিবাঃ॥ 2-93-3 (15117)
যুগান্তে সর্বলোকাংস্তু দহন্তমিব পাবকম্।
বীক্ষমাণং ধনুষ্পামিং হন্তুকামং মুহুর্মুহুঃ॥ 2-93-4 (15118)
হন্তুকামং পশূন্ক্রুদ্ধং রুদ্রং দক্ষক্রতৌ যথা।
তথাভূতং নরং দৃষ্ট্বা বিষেদুস্তত্র মানবাঃ॥ 2-93-5 (15119)
ধনঞ্জয়স্যব বীর্যজ্ঞা নিরাশা জীবিতে তদা।
মৃতভূতা ভবন্সর্বে নেত্রৈরনিমিষৈরিব॥ 2-93-6 (15120)
অর্জুনং ধর্মপুত্রং চ সমুদৈক্ষন্ত পার্থিবাঃ।
ক্রুদ্ধং তদাঽর্জুনং দৃষ্ট্বা পৃথিবী চ চচাল হ॥ 2-93-7 (15121)
খেচরাণি চ ভূতানি বিত্রেসুর্বৈ ভয়ার্দিতাঃ।
নাদিত্যো বিররাজাথ নাপি বান্তি চ মারুতাঃ। 2-93-8 (15122)
ন চন্দ্রো ন চ নক্ষত্রং দ্যৌর্দিশোন ন বিভান্তি হ।
সর্বমাবিদ্ধমভবজ্জগৎস্থাবরজঙ্গমম্॥ 2-93-9 (15123)
উৎপতন্স বভৌ পার্তো দিবাকর ইবাম্বরে। 2-93-10 (15124)
পার্থং দৃষ্ট্বা ক্রুদ্ধং কালান্তকয়মোপমম্।
ভীমসেনো মুদা যুক্তো যুদ্ধায়ৈব মনো দধে॥ 2-93-11 (15125)
পাঞ্চালী চ দদর্শাথ সুসঙ্ক্রুদ্ধং ধনঞ্জয়ম্।
হন্তুকামং রিপূন্মর্বান্সুপর্ণমিব পন্নগান্॥ 2-93-12 (15126)
দুষ্প্রেক্ষঃ সোঽভবৎক্রুদ্ধো যুগান্তাগ্নিরিব জ্বলন্।
তং দৃষ্ট্বা তেজসা যুক্তং বিব্যধুঃ পুরবাসিনঃ॥ 2-93-13 (15127)
উৎপতন্তং তু বেগেন ততো দৃষ্ট্বা ধনঞ্জয়ম্।
জগ্রাহ স তদা রাজা পুরুহূতো যথা হরিম্॥ 2-93-14 (15128)
উবাচ স ঘৃণী জ্যেষ্ঠো ধর্মরাজো যুধিষ্ঠিরঃ।
মা পার্থ সাহসং কার্ষীর্মা বিনাশং গমেদ্যশঃ॥ 2-93-15 (15129)
অহমেতান্পাপকৃতো দ্যূতজ্ঞান্দগ্ধুমুৎসহে।
কন্ত্ৎবসত্যগতিং দৃষ্ট্বা ক্রোধো নাশমুপৈতি মে॥ 2-93-16 (15130)
ৎবমিমং জগতোঽর্থে বৈ কোপং সংয়চ্ছ পাণ্ডব॥ 2-93-17 (15131)
বৈশম্পায়ন উবাচ॥ 2-93-18x (1676)
এবমুক্তস্তদা রাজ্ঞা পাণ্ডবোঽথ ধনঞ্জয়ঃ।
ক্রোধং সংশময়ন্পার্থো ধার্তরাষ্ট্রং প্রতি স্থিতঃ॥ 2-93-18 (15132)
তস্মিন্বীরে প্রশান্তে তু পাণ্ডবে ফল্গুনে পুনঃ।
সুসম্প্রহৃষ্টমভবজ্জগৎস্থাবরজঙ্গমম্॥ 2-93-19 (15133)
বারিতং চ তথা দৃষ্ট্বা ভ্রাত্রা পার্থং বৃকোদরঃ।
বভূব বিমনা রাজন্নভূন্নিশ্শব্দমত্র বৈ॥ 2-93-20 (15134)
ততো রাজ্ঞো ধৃতরাষ্ট্রস্য গেহে
গোমায়ুরুচ্চৈর্ব্যাহরদগ্নিহোত্রে।
তং রাসভাঃ প্রত্যভাষন্ত রাজ-
ন্সমন্ততঃ পক্ষিণশ্চৈব রৌদ্রাঃ॥ 2-93-21 (15135)
তং বৈ শব্দং বিদুরস্তত্ৎববেদী
শুশ্রাব ঘোরং সুবলাত্মজা চ।
ভীষ্মো দ্রোণো গৌতমশ্চাপি বিদ্বান্
স্বস্তিস্বস্তীত্যপি চৈবাহুরুচ্চৈঃ॥ 2-93-22 (15136)
ততো গান্ধারী বিদুরশ্চাপি বিদ্বাং-
স্তমুৎপাতং ঘোরমালক্ষ্য রাজ্ঞে।
নিবেদয়ামাসতুরার্তবত্তদা
ততো রাজা বাক্যমিদং বভাষে॥ 2-93-23 (15137)
ধৃতরাষ্ট্র উবাচ॥ 2-93-24x (1677)
হতোঽসি দুর্যোধন মন্দবুদ্ধে
যস্ৎবং সভায়াং কুরুপুঙ্গবানাম্।
স্ত্রিয়ং সমাভাষসি দুর্বিনীত
বিশেষতো দ্রৌপদীং ধর্মপত্নীম্॥ 2-93-24 (15138)
বৈশম্পায়ন উবাচ॥ 2-93-25x (1678)
এবমুক্ৎবা ধৃতরাষ্ট্রো মনীষী
হিতান্বেষী বান্ধবানামপায়াৎ।
কৃষ্ণাং পাঞ্চালীমব্রবীৎসান্ৎবপূর্বং 2-93-25 (15139)
বিমৃশ্যৈতৎপ্রজ্ঞয়া তত্ৎববুদ্ধিঃ॥ 2-93-26 (15140)
ধৃতরাষ্ট উবাচ॥
বরং বৃণীষ্ব পাঞ্চালি মত্তো যদভিবাঞ্ছসি। 2-93-26x (1679)
বধূনাং হি বিশিষ্টা মে ৎবং ধর্মপরমা সতী॥ 2-93-27 (15141)
দ্রৌপদ্যুবাচ॥ 2-93-27x (1680)
দদাসি চেদ্বরং মহ্যংবৃণোমি ভরতর্ষভ।
সর্বধর্মানুগঃ শ্রীমানদাসোঽস্তু যুধিষ্ঠিরঃ॥ 2-93-27 (15142)
মনস্বিনমজানন্তো মৈবং ব্রূয়ুঃ কুমারকাঃ।
এতং বৈ দাসপুত্রেতি প্রতিবিন্ধ্যং মমাত্মজম্॥ 2-93-28 (15143)
রাজপুত্রঃ পুরা ভূৎবা যথা নান্যঃ পুমান্ক্বচিৎ।
লালিতো দাসপুত্রৎবং পশ্যন্নশ্যেদ্ধি ভারত॥ 2-93-29 (15144)
ধৃতরাষ্ট্র উবাচ॥ 2-93-30x (1681)
এবং ভবতু কল্যাণি যথা ৎবমভিভাষসে।
দ্বিতীয়ং তে বরং ভদ্রে দদানি বরয়স্ব হ।
মনো হি মে বিতরতি নৈকং ৎবং বরমর্হসি॥ 2-93-30 (15145)
দ্রৌপদ্যুবাচ॥ 2-93-31x (1682)
সরথৌ সঘনুষ্কৌ ন ভীমসেনধনঞ্জয়ৌ।
যমৌ চ বরয়ে রাজন্নদাসান্স্ববশানহম্॥ 2-93-31 (15146)
ধৃতরাষ্ট্র উবাচ॥ 2-93-32x (1683)
তথাঽস্তু তে মহাভাগে যথা ৎবং নন্দিনীচ্ছসি।
তৃতীয়ং বরয়াস্মত্তো নাসি দ্বাভ্যাং সুসংস্কৃতা। 2-93-32 (15147)
ৎবং হি সর্বস্নুষাণাং মে শ্রেয়সী ধর্মচারিণী ॥ 2-93-33 (15148)
দ্রৌপদ্যুবাচ। 2-93-33x (1684)
লোভো ধর্মস্য নাশায় ভগবন্নাহমুৎসহে।
অনর্হা বরমাদাতুং তৃতীয়ং রাজসত্তম॥ 2-93-33 (15149)
একামাহুর্বৈশ্যবরং দ্বৌ তু ক্ষত্রস্ত্রিয়ো বরৌ।
ত্রয়স্তু রাজ্ঞো রাজেন্দ্র ব্রাহ্মণস্য শতং বরাঃ॥ 2-93-34 (15150)
পাপীয়াংস ইমে ভূৎবা সন্তীর্ণাঃ পতয়ো মম।
বেৎস্যন্তি চৈব ভদ্রাণি রাজন্পুণ্যেন কর্মণা॥ ॥ 2-93-35 (15151)
ইতি শ্রীমন্মহাভারতে সভাপর্বণি দ্যূতপর্বণি ত্রিনবতিতমোঽধ্যায়ঃ॥93 ॥
Mahabharata - Sabha Parva - Chapter Footnotes
2-93-21 অগ্নিহোত্রে গৃহ্যাগ্নিসমীপে॥সভাপর্ব - অধ্যায় 094
॥ শ্রীঃ ॥
2.94. অধ্যায়ঃ 094
Mahabharata - Sabha Parva - Chapter Topics
কর্ণপ্রলপিতম্॥ 1॥ ক্রুদ্ধং ভীমং নিবার্য যুধিষ্ঠিরস্য ধৃতরাষ্ট্রসমীপগমনম্॥ 2॥Mahabharata - Sabha Parva - Chapter Text
কর্ণ উবাচ॥
যা নঃ শ্রুতা মনুষ্যেষু স্ত্রিয়ো রূপেণ সংমতাঃ।
তাসামেতাদৃশং কর্ম ন কস্যাশ্চন শুশ্রুম॥ 2-94-1 (15152)
ক্রোধাবিষ্টেষু পার্থেষু ধার্তরাষ্ট্রেষু চাপ্যতি।
দ্রৌপদী পাণ্ডুপুত্রাণাং কৃষ্ণা শান্তিরিহাভবৎ॥ 2-94-2 (15153)
অপ্লবেঽম্ভসি মগ্নানামপ্রতিষ্ঠে নিমজ্জতাম্।
পাঞ্চালী পাণ্ডুপুত্রাণাং নৌরেষাং পারগাঽভবৎ॥ 2-94-3 (15154)
বৈশম্পায়ন উবাচ॥ 2-94-4x (1685)
তদ্বৈ শ্রুৎবা ভীমসেনঃ কুরুমধ্যেঽত্যমর্ষণঃ।
স্ত্রী গতিঃ পাণ্ডুপুত্রাণামিত্যুবাচ সুদুর্মনাঃ॥ 2-94-4 (15155)
ভীম উবাচ॥ 2-94-5x (1686)
ত্রীণি জ্যোতীংষি পুরুষ ইতি বৈ দেবলোঽব্রবীৎ।
অপত্যং কর্ম বিদ্যা চ যতঃ সৃষ্টাঃ প্রজাস্ততঃ॥ 2-94-5 (15156)
অমেধ্যে বৈ গতপ্রামে শূন্যে জ্ঞাতিভিরুজ্ঝিতে।
দেহে ত্রিতয়মেবৈতৎপুরুষস্যোপয়ুজ্যতে॥ 2-94-6 (15157)
তন্নো জ্যোতিরভিহতং দারাণামভিমর্শনাৎ।
ধনঞ্জয় কথং স্বিৎস্যাদপত্যমভিমৃষ্টজম্॥ 2-94-7 (15158)
অর্জুন উবাচ॥ 2-94-8x (1687)
ন চৈবোক্তা ন চানুক্তা হীনতঃ পরুষা গিরঃ।
ভারত প্রতিজল্পন্তি সদা তূত্তমপূরুষাঃ॥ 2-94-8 (15159)
স্মরন্তি সুকৃতান্যেব ন বৈরাণি কৃতান্যপি।
সন্তঃ প্রতিবিজানন্তো লব্ধসম্ভাবনাঃ স্বয়ম্॥ 2-94-9 (15160)
ভীম উবাচ॥ 2-94-10x (1688)
ইহৈবৈতানহং সর্বান্হন্মি শত্রূন্সমাগতান্।
অথ নিষ্ক্রম্য রাজেন্দ্র সমূলান্হন্মি ভারত॥ 2-94-10 (15161)
কিং নো বিবদিতেনেহ কিমুক্তেন চ ভারত।
অদ্যৈবৈতান্নিহন্মীহ প্রশাধি পৃথিবীমিমাম্॥ 2-94-11 (15162)
ইত্যুক্ৎবা ভীমসেনস্তু কনিষ্ঠৈর্ভ্রাতৃভিঃ সহ।
মৃগমধ্যে যথা সিংহো মুহুর্মুহুরুদৈক্ষত॥ 2-94-12 (15163)
সান্ৎব্যমানো বীক্ষমাণঃ পার্থেনাক্লিষ্টকর্মণা।
খিদ্যত্যেব মহাবাহুরন্তর্দাহেন বীর্যবান্॥ 2-94-13 (15164)
ক্রুদ্ধস্য তস্য স্রোতোভ্যঃ কর্ণাদিভ্যো নরাধিপ।
সধূমঃ সস্ফুলিঙ্গার্চিঃ পাবকঃ সমজায়ত॥ 2-94-14 (15165)
ভ্রুকুটীকৃতদুষ্প্রেক্ষ্যমভবত্তস্য তন্মুখম্।
যুগান্তকালে সম্প্রাপ্তে কৃতান্তস্যেব রূপিণঃ॥ 2-94-15 (15166)
যুধিষ্ঠিরস্তমাবার্য বাহুনা বাহুশালিনম্।
মৈবমিত্যব্রবীচ্চৈনং জোষমাস্বেতি ভারত॥ 2-94-16 (15167)
নিবার্য চ মহাবাহুং কোপসংরক্তলোচনম্।
পিতরং সমুপাতিষ্ঠদ্ধৃতরাষ্ট্রং কৃতাঞ্জলিঃ॥ ॥ 2-94-17 (15168)
ইতি শ্রীমন্মহাভারতে সভাপর্বণি দ্যূতপর্বণি চতুর্নবতিতমোঽধ্যায়ঃ॥94 ॥
Mahabharata - Sabha Parva - Chapter Footnotes
2-94-16 জোষং তূষ্ণীম্॥সভাপর্ব - অধ্যায় 095
॥ শ্রীঃ ॥
2.95. অধ্যায়ঃ 095
Mahabharata - Sabha Parva - Chapter Topics
ধৃতরাষ্ট্রানুজ্ঞয়া সভ্রাতৃকস্য যুধিষ্ঠিরস্য ইন্দ্রপ্রস্থগমনম্॥ 1॥Mahabharata - Sabha Parva - Chapter Text
যুধিষ্ঠর উবাচ॥
রাজন্কিং করবামস্তে প্রশাধ্যস্মাংস্ৎবমীশ্বরঃ।
নিত্যং হি স্থাতুমিচ্ছামস্তব ভারত শাসনে॥ 2-95-1 (15169)
ধৃতরাষ্ট্র উবাচ॥ 2-95-2x (1689)
অজাতশত্রো ভদ্রং তে অরিষ্টং স্বস্তি গচ্ছত।
অনুজ্ঞাতাঃ সহধনাঃ স্বরাজ্যমনুশাসত॥ 2-95-2 (15170)
ইদং চৈবাববোদ্ধব্যং বৃদ্ধস্য মম শাসনম্।
ময়া নিগদিতং সর্বং পথ্যং নিঃশ্রেয়সং পরম্॥ 2-95-3 (15171)
বেত্থ ৎবং তাত ধর্মাণাং গতিং সূক্ষ্মাং যুধিষ্ঠির।
বিনীতোঽসি মহাপ্রাজ্ঞ বৃদ্ধানাং পর্যুপাসিতা॥ 2-95-4 (15172)
যতো বুদ্ধিস্ততঃ শান্তিঃ প্রশমং গচ্ছ ভারত।
নাদারুণি পতেচ্ছস্ত্রং দারুণ্যেতন্নিপাত্যতে॥ 2-95-5 (15173)
ন বৈরাণ্যভিজানন্তি গুণান্পশ্যন্তি নাগুণান্।
বিরোধং নাধিগচ্ছন্তি যে ত উত্তমপূরুষাঃ॥ 2-95-6 (15174)
স্মরন্তি সুকৃতান্যেব ন বৈরাণি কৃতান্যপি।
সন্তঃ পরার্থং কুর্বাণা নাবেক্ষন্তি প্রতিক্রিয়াম্॥ 2-95-7 (15175)
সংবাদে পরুষাণ্যাহুর্যুধিষ্ঠির নরাধমাঃ।
প্রত্যাহুর্মধ্যমাস্ৎবেতেঽনুক্তাঃ নরাধমাঃ। 2-95-8 (15176)
ন চোক্তা নৈব চানুক্তাস্ৎবহিতাঃ পরুষা গিরঃ।
প্রতিজল্পন্তি বৈ ধীরাঃ সদা তূত্তমপুরুষাঃ॥ 2-95-9 (15177)
স্মরন্তি সুকৃতান্যেব ন বৈরাণি কৃতান্যপি।
সন্তঃ প্রতিবিজানন্তো লব্ধ্বা প্রত্যযমাত্মনঃ॥ 2-95-10 (15178)
অসম্ভিন্নার্যমর্যাদাঃ সাধবঃ প্রিয়দর্শনাঃ।
তথা চরিত্তংমার্যেণ ৎবয়াঽস্মিন্সৎসমাগমে॥ 2-95-11 (15179)
দুর্যোধনস্য পারুষ্যং তত্তাত হৃদি মা কৃথাঃ।
মাতরং চৈব গান্ধারীং মাং চ ৎবং গুণকাঙ্ক্ষয়া॥ 2-95-12 (15180)
উপস্থিতং বৃদ্ধমন্ধং পিতরং পশ্য ভারত।
প্রেক্ষাপূর্বং ময়া দ্যূতমিদমাসীদুপেক্ষিতম্॥ 2-95-13 (15181)
মিত্রাণি দ্রষ্টুকামেন পুত্রাণাং চ বলাবলম্।
অশোচ্যাঃ কুরবো রাজন্যেষাং ৎবমনুশাসিতা॥ 2-95-14 (15182)
মন্ত্রী চ বিদুরো ধীমান্সর্বশাস্ত্রবিশারদঃ।
ৎবয়ি ধর্মোঽর্জুনে ধৈর্যং ভীমসেনে পরাক্রমঃ॥ 2-95-15 (15183)
শুদ্ধা চ গুরুশুশ্রূষা যময়োঃ পুরুষাগ্র্যযোঃ।
অজাতশত্রো ভদ্রং তে খাণ্ডবপ্রস্থমাবিশ।
ভ্রাতৃভিস্তেঽস্তু সৌভ্রাত্রং ধর্মে তে ধীয়তাম মনঃ॥ 2-95-16 (15184)
বৈশম্পায়ন উবাচ॥ 2-95-17x (1690)
ইত্যুক্তো ভরতশ্রেষ্ঠ ধর্মরাজো যুধিষ্ঠিরঃ।
কৃৎবাঽঽর্যসময়ং সর্বং প্রতস্থে ভ্রাতৃভিঃ সহ॥ 2-95-17 (15185)
তে রথান্মেঘসঙ্কাশানাস্থায় সহ কৃষ্ণয়া।
প্রয়যুর্হৃষ্টমনস ইন্দ্রপ্রস্থং পুরোত্তমম্॥ ॥ 2-95-18 (15186)
ইতি শ্রীমন্মহাভারতে সভাপর্বণি দ্যূতপর্বণি পঞ্চনবতিতমোঽধ্যায়ঃ॥95 ॥
সভাপর্ব - অধ্যায় 096
॥ শ্রীঃ ॥
2.96. অধ্যায়ঃ 096
Mahabharata - Sabha Parva - Chapter Topics
দুর্যোধনেন ধৃতরাষ্ট্রসমীপে কার্তবীর্যার্জুনোপাখ্যানকথনম্॥ 1॥Mahabharata - Sabha Parva - Chapter Text
জনমেজয় উবাচ॥
অনুজ্ঞাতাংস্তান্বিদিৎবা সরত্নধনসঞ্জয়ান্।
পাণ্ডবান্ধার্তরাষ্ট্রাণাং কথমাসীন্মনস্তদা॥ 2-96-1 (15187)
বৈশম্পায়ন উবাচ॥ 2-96-2x (1691)
অনুজ্ঞাতাংস্তান্বিদিৎবা ধৃতরাষ্ট্রেণ ধীমতা।
রাজন্দুঃ শাসনঃ ক্ষিপ্রং জগাম ভ্রাতরং প্রতি॥ 2-96-2 (15188)
দুর্যোধনং সমাসাদ্য সামাত্যং ভরতর্ষভ।
দুঃখার্তো ভরতশ্রেষ্ঠ ইদং বচনমব্রবীৎ॥ 2-96-3 (15189)
দুঃশাসন উবাচ॥ 2-96-4x (1692)
দুঃখেনৈতৎসমানীতং স্থবিরো নাশয়ত্যসৌ।
শত্রুসাদ্গময়দ্দ্রব্যং তদ্বুধ্যধ্বং মহারথাঃ॥ 2-96-4 (15190)
অথ দুর্যোধনঃ কর্ণঃ শকুনিশ্চাপি সৌবলঃ।
মিথঃ সঙ্গম্য সহিতাঃ পাণ্ডবান্প্রতি মানিনঃ॥ 2-96-5 (15191)
বৈচিত্রবীর্যং রাজানং ধৃতরাষ্ট্রং মনীষিণম্।
অভিগম্য ৎবরায়ুক্তাঃ শ্লক্ষ্ণং বচনমব্রুবন্॥ 2-96-6 (15192)
দুর্যোধন উবাচ॥ 2-96-7x (1693)
ন ৎবয়েদং শ্রুতং রাজন্যজ্জগাদ বৃহস্পতিঃ।
শক্রস্য নীতিং প্রবদন্বিদ্বান্দেবপুরোহিতঃ॥ 2-96-7 (15193)
সর্বোপায়ৈর্নিহন্তব্যাঃ শত্রবঃ শত্রুসূদন।
পুরা যুদ্ধাদ্বলাদ্বাপি প্রকুর্বন্তি তবাহিতম্॥ 2-96-8 (15194)
তে বয়ং পাণ্ডবধনৈঃ সর্বান্সম্পূজ্য পার্থিবান্।
যদি তান্যোধয়িষ্যামঃ কিং বৈ নিঃ পরিহাস্যতি॥ 2-96-9 (15195)
অহীনাশীবিষান্ক্রুদ্ধান্নাশায় সমুপস্থিতান্।
কৃৎবা কণ্ঠে চ পৃষ্ঠে চ কঃ সমুৎস্রষ্টুমর্হতি॥ 2-96-10 (15196)
আত্তশস্ত্রা রথগতাঃ কুপিতাস্তাত পাণ্ডবাঃ।
নিঃশেষান্নঃ করিষ্যন্তি ক্রুদ্ধা হ্যাশীবিষা ইব॥ 2-96-11 (15197)
সন্নদ্ধো হ্যর্জুনো যাতি বিধৃত্য পরমেষুধী।
গাণ্ডীবং মুহুরাদত্তে নিঃশ্বসংশ্চ নিরীক্ষতে॥ 2-96-12 (15198)
গদাং গুর্বী সমুদ্যম্য ৎবরিতশ্চ বৃকোদরঃ।
স্বরথং যোজয়িৎবাঽশু নির্যাত ইতি নঃ শ্রুতম্॥ 2-96-13 (15199)
নকুলঃ খহ্গমাদায় চর্ম চাপ্যর্ধচন্দ্রবৎ।
সহদেবশ্চ রাজা চ চক্রুরাকারমিঙ্গিতৈঃ॥ 2-96-14 (15200)
তে ৎবাস্থায় রথান্সর্বে বহুশস্ত্রপরিচ্ছদান্।
অভিঘ্নান্তো রথব্রাতান্সেনায়োগায় নির্যযুঃ॥ 2-96-15 (15201)
ন ক্ষংস্যন্তে তথাঽস্মাভির্জাতু বিপ্রকৃতা হি তে।
দ্রৌপদ্যাশ্চ পরিক্লেশং কস্তেষাং ক্ষন্তুমর্হতি॥ 2-96-16 (15202)
` ন পশ্যামি রণে ক্রদ্ধুং বীভৎসুং প্রতিবারণম্।
ভীষ্মো দ্রোণশ্চ কর্ণশ্চ দ্রৌণিশ্চ রথিনাং বরঃ॥ 2-96-17 (15203)
কৃপশ্চ বৃষসেনশ্চ বিকর্ণশ্চ জয়দ্রথঃ।
বাহ্লীকঃ সোমদত্তশ্চ ভূরির্ভূরিশ্রবাঃ শলঃ॥ 2-96-18 (15204)
শকুনিঃ সসুতশ্চৈব নৃপাশ্চান্যে চ কৌরবাঃ।
নৈতে সর্বে রণোদ্যুক্তাঃ পার্থং সোঢুমশক্নুবন্॥ 2-96-19 (15205)
অর্জুনেন সমো লোকে নাস্তি বীর্যে ধনুর্ধরঃ।
যোঽর্জুনেনার্জুনস্তুল্যো দ্বিবাহুর্বহুবাহুনা॥ 2-96-20 (15206)
ধৃতরাষ্ট্র উবাচ॥ 2-96-21x (1694)
কস্ৎবয়োক্তঃ পুমান্বীরো বীভৎসুসমবিক্রমঃ।
তং যে ব্রূহি মহাবীর্যং শ্রোতুমিচ্ছামি পুত্রক॥ 2-96-21 (15207)
দুর্যোধন উবাচ॥ 2-96-22x (1695)
কার্তবীর্যস্য চরিতং শৃণু রাজন্মহাত্মনঃ।
অব্যক্তপ্রভবো ব্রহ্মা সর্বলোকপিতামহঃ॥ 2-96-22 (15208)
ব্রহ্মণোঽত্রিঃ সুতো বিদ্বানত্রেঃ পুত্রো নিশাকরঃ।
সোমস্য তদু বুধঃ পুত্রো বুধস্য তু পুরূরবাঃ॥ 2-96-23 (15209)
তস্যাপ্যধ সুতোঽপ্যায়ুরায়োস্তু নহুষঃ সুতঃ। 2-96-24 (15210)
স চার্জুনোঽথ তেজস্বী তপঃ পরমদুশ্চরম্।
দত্তমারাধয়ামাস সোঽর্জুনোঽত্রিসুতং মুনিম্॥ 2-96-30 (15216)
তস্য দত্তো বরান্প্রাদাচ্চতুরঃ পার্থিবস্য বৈ।
পূর্বং বাহুসহস্রং তু প্রার্থিতঃ পরমো বরঃ॥ 2-96-31 (15217)
অধর্মে প্রীয়মাণস্য সদ্ভিস্তত্র নিবারণম্।
ধর্মেণ পৃথিবীং জিৎবা ধর্মেণৈব হি রঞ্জনম্॥ 2-96-32 (15218)
সঙ্গ্রামান্সুবহূন্কৃৎবা হৎবা চারীন্সহস্রশঃ।
সঙ্গ্রামে যতমানস্য বধশ্চৈবাধিকাদ্রণৈ॥ 2-96-33 (15219)
তস্য বাহুসহস্রং তু যুধ্যতঃ কিল ভারত।
রথো ধ্বজশ্চ সঞ্জজ্ঞ ইত্যেবং মে শ্রুতং পরা॥ 2-96-34 (15220)
তথেয়ং পৃথিবী রাজন্ৎসপ্তদ্বীপা সপত্তনা।
সসমুদ্রাকরা তাত বিধিনোগ্রেণ বৈ জিতা॥ 2-96-35 (15221)
চার্জুনোঽথ তেজস্বী সপ্তদ্বীপেশ্বরোঽভবৎ।
চ রাজা মহায়জ্ঞানাজহার মহাবলঃ।
প্রশশাস মহাবাহুর্মহীং স চ সমা বহূঃ॥ 2-96-36 (15222)
ততোঽর্জুনঃ কদাচিদ্বৈ রাজন্মাহিষ্মতীপতিঃ।
নর্মদাং ভরতশ্রেষ্ঠং তাং তু দারৈর্যযৌ সহ॥ 2-96-37 (15223)
ততস্তাং স নদীং গৎবা প্রবিশ্যন্তর্জলে তদা।
কর্তুং রাজঞ্জলক্রীডাং ততো রাজোপচক্রমে॥ 2-96-38 (15224)
তস্মিন্নেব ততঃ কালে রাবমো রাক্ষসৈঃ সহ।
লঙ্কায়া ঈশ্বরস্তাত তং দেশং প্রয়যৌ বলী॥ 2-96-39 (15225)
ততস্তমর্জুনং দৃষ্ট্বা নর্মদায়াং দশাননঃ।
নিত্যং ক্রোধপরো ধীরো বরদানেন মোহিতঃ॥ 2-96-40 (15226)
অভ্যঘাবৎসুসঙ্ক্রুদ্ধো মহেন্দ্রং শম্বরো যথা।
অর্জুনোঽপ্যথ তং দৃষ্ট্বা রাবণং প্রত্যবারয়ৎ॥ 2-96-41 (15227)
ততস্তৌ চক্রতুর্যুদ্ধং রাবণশ্চার্জুনশ্চ বৈ।
ততস্তু দুর্জয়ং বীরং বরদানেন দর্পিতম্॥ 2-96-42 (15228)
রাক্ষসেন্দ্রং মনুষ্যেন্দ্রো জিৎবা বধ্বা রণে বলাৎ।
বধ্বা ধনুর্জ্যযা রাজন্বিবেশাথ পুরীং স্বকাম্॥ 2-96-43 (15229)
স তু তং বন্ধিতং শ্রুৎবা পুলস্ত্যো রাবণং তদা।
মোক্ষয়াণাস বন্ধাদ্বৈ পুরে দৃষ্ট্বাঽর্জুনং তদা॥ 2-96-44 (15230)
ততঃ কদাচিত্তেজস্বী কার্তবীর্যোর্জুনো বলী।
সমুদ্রতীরং গৎবাথ বিরচন্দর্পমোহিতঃ॥ 2-96-45 (15231)
অবাকিরচ্ছিতশরৈঃ সমুদ্রং স তু ভারত।
তং সমুদ্রো নমস্কৃত্য কৃতাঞ্জলিরভাষত॥ 2-96-46 (15232)
আশুগান্বীর মা মুঞ্চ ব্রূহি কিং করবাণি তে।
মদাশ্রয়াণি সৎবানি ৎবদ্বিসৃষ্টৈর্মহেষুভিঃ।
বাধ্যন্তে রাজশার্দূল তেভ্যো দেহ্যভয়ং বিভো॥ 2-96-47 (15233)
অর্জুন উবাচ॥ 2-96-48x (1696)
দেহি সিন্ধুপতে যুদ্ধমদ্যৈব ৎবরয়া মম।
অথবা পীডয়ামি ৎবাং তস্মাত্ৎবং কুরু মাচিরম্॥ 2-96-48 (15234)
সমুদ্র উবাচ॥ 2-96-49x (1697)
লোকে রাজন্মহাবীর্যা বহবো নিবসন্তি যে।
তেষামেকেন রাজেন্দ্র কুরু যুদ্ধং মহাবল॥ 2-96-49 (15235)
অর্জুন উবাচ॥ 2-96-50x (1698)
মৎসমো যদি সঙ্গ্রামে বরায়ুধধরঃ ক্বচিৎ।
বিদ্যতে তং মমাচক্ষ্ব যঃ সমাসেত মা মৃধে॥ 2-96-50 (15236)
সমুদ্র উবাচ॥ 2-96-51x (1699)
মহর্ষির্জমদগ্নিস্তু যদি রাজন্পরিশ্রুতঃ।
তস্য পুত্রো রণং দাতুং যথাবদ্বৈ তবার্হতি॥ 2-96-51 (15237)
দুর্যোধন উবাচ॥ 2-96-52x (1700)
সমুদ্রস্য বচঃ শ্রুৎবা রাজা মাহিষ্মতীপতিঃ।
নারদস্য চ বৈ পূর্বং ক্রোধেন মহতা বৃতঃ॥ 2-96-52 (15238)
ততঃ প্রতিয়যৌ শীঘ্রং ক্রোধেন সহ ভারত।
স তমাশ্রমমাগত্য কামমেবান্বপদ্যত॥ 2-96-53 (15239)
স কামং প্রতিকূলানি চকার সহ বন্ধুভিঃ।
আয়াসং জনয়ামাস রামস্য স মহাত্মনঃ॥ 2-96-54 (15240)
ততস্তেজঃ প্রজজ্বাল রামস্যামিততেজসঃ।
প্রদহন্নিব সৈন্যানি রশ্মিমানিব তেজসা॥ 2-96-55 (15241)
অথ তৌ চক্রতুর্যুদ্ধং বৃত্রবাসবয়োরিব॥ 2-96-56 (15242)
ততঃ পরশুমাদায় নৃপং বাহুসহস্রিণম্।
চিচ্ছেদ সহসা রামো বহুশাখমিব দ্রুমম্॥ 2-96-57 (15243)
তং হতং পতিতং দৃষ্ট্বা সমেতাস্তস্য বান্ধবাঃ।
অসীনাদায় শক্তীশ্চ রামং তে প্রত্যবারয়ন্॥ 2-96-58 (15244)
রামোঽপি রথমাস্থায় ধনুরায়ম্য সৎবরঃ।
বিসৃজন্পরমাস্ত্রাণি ব্যধমৎপার্থিবান্বলী॥ 2-96-59 (15245)
ততস্তু ক্ষত্রিয়া রাজঞ্জামদগ্ন্যভয়ার্দিতাঃ।
বিবিশুর্গিরিদুর্গাণি মৃগাঃ সিংহভয়াদিব॥ 2-96-60 (15246)
তেষাং স্ববিহিতং কর্ম তদ্ভয়ান্নানুতিষ্ঠতি।
প্রজা বৃষলতাং প্রাপ্তা ব্রাহ্মণানামদর্শনাৎ॥ 2-96-61 (15247)
তথা চ দ্রবিডাঃ কাচাঃ পুণ্ডাশ্চ শবরৈঃ সহ।
বৃষলৎবং পরিগতা বিচ্ছিন্নাঃ ক্ষত্রধর্মিণঃ॥ 2-96-62 (15248)
ততস্তু হতবীরাসু ক্ষত্রিয়াসু পুনঃ পুনঃ।
দ্বিজৈরভ্যুদিতং ক্ষত্রং তানি রামো নিহত্য চ॥ 2-96-63 (15249)
ততস্ত্রিস্মপ্তমে যাতে রামং বাগশরীরিণী।
দিব্যা প্রোবাচ মধুরা সর্বলোকপরিশ্রুতা॥ 2-96-64 (15250)
রামরাম নিবর্তস্ব স্বগুণং নাত্র পশ্যসি।
ক্ষত্রবন্ধূনিমান্প্রামৈর্বিপ্রয়ুজ্য পুনঃ পুনঃ॥ 2-96-65 (15251)
তথৈব তং মহাত্মানমৃচীকপ্রমুখাস্তথা।
রামরাম মহাবীর্য নিবর্তস্বেত্যথাব্রুবন্॥ 2-96-66 (15252)
পিতুর্বধমসমৃষ্যংস্তু রামঃ প্রোবাচ তানৃষীন্।
নার্হা হন্ত ভবন্তো মাং নিবারয়িতুমিত্যুত॥ 2-96-67 (15253)
পিতর ঊচুঃ। 2-96-68x (1701)
নার্হসি ক্ষত্রবন্ধূংস্ৎবং নিহন্তুং জয়তাং বর।
ন হি যুক্তং ৎবয়া তাত ব্রাহ্মণেনসতা নৃপান্॥ 2-96-68 (15254)
দুর্যোধন উবাচ॥ 2-96-69x (1702)
পিতৄণাং বচনং শ্রুৎবা ক্রোধং ত্যক্ৎবা স ভার্গবঃ।
অশ্বমেধসহস্রাণি নরমেধশতানি চ॥ 2-96-69 (15255)
ইষ্ট্বা সাগরপর্যন্তাং কাশ্যপায় দদৌ মহীম্।
তেন রামেণ সঙ্গ্রামে তুল্যস্তাত দয়ঞ্জয়ঃ॥ 2-96-70 (15256)
কার্তবীর্যেণ চ রণে তুল্যঃ পার্থো ন সংশয়ঃ।
রণে বিক্রম্য রাজেন্দ্র পার্থং জেতুং ন শক্যতে॥ ॥ 2-96-71 (15257)
ইতি শ্রীমন্মহাভারতে সভাপর্বণি অনুদ্যূতপর্বণি ষণ্ণবতিতমোঽধ্যায়ঃ॥96 ॥
Mahabharata - Sabha Parva - Chapter Footnotes
2-96-4 গময়ৎ অগময়ৎ॥ 2-96-9 পরিহাস্যতি নঙ্ক্ষ্যতি॥সভাপর্ব - অধ্যায় 097
॥ শ্রীঃ ॥
2.97. অধ্যায়ঃ 097
Mahabharata - Sabha Parva - Chapter Topics
দুর্যোধনেন ধৃতরাষ্ট্রসমীপে অর্জুনপ্রভাববর্ণনম্॥ 1॥ দুর্যোধনদুর্বোধনেন ধৃতরাষ্ট্রস্য পুনর্দ্যূতায় পাণ্ডবানয়নাভ্যনুজ্ঞা॥ 2॥Mahabharata - Sabha Parva - Chapter Text
দুর্যোধন উবাচ॥
শৃণু রাজন্পুরাঽচিন্ত্যানর্জুনস্য চ সাহসান্।
অর্জুনো ধন্বিনাং শ্রেষ্ঠো দুষ্করং কৃতবান্পুরা॥ 2-97-1 (15258)
দ্রুপদস্য পুরে রাজন্দ্রৌপদ্যাশ্চ স্বয়ংবর॥
আবালবৃদ্ধসঙ্ক্ষোভে সর্বক্ষত্রসমাগমে।
ক্ষিপ্রকারী জলে মৎস্যং দুর্নিরীক্ষ্যং সসর্জ হ॥ 2-97-2 (15259)
সর্বৈর্নৃপৈরসাধ্যং তৎকার্মুকপ্রবরং চ বৈ।
ক্ষণেন সজ্যমকরোৎসর্বক্ষত্রস্য পশ্যতঃ॥ 2-97-3 (15260)
ততো যন্ত্রময়ং বিধ্বা বিসারং ফল্গুনো বলী।
কৃষ্ণয়া হেমমাল্যেন স্কন্ধে স পরিবেষ্টিতঃ॥ 2-97-4 (15261)
ততস্তয়া বৃতং পার্থং দৃষ্ট্বা সর্বে নৃপাস্তদা।
রোষাৎসর্বায়ুধান্গৃহ্য ক্রুদ্ধা বীরা মহৌজসঃ।
বৈকর্তনং পুরস্কৃত্য সর্বে পার্থমুপাদ্রবন্॥ 2-97-5 (15262)
স সর্বান্পার্থিবান্দৃষ্ট্বা ক্রুদ্ধান্পার্থো মহাবলঃ।
বারয়িৎবা শরৈস্তীক্ষ্ণৈরজয়ত্তত্র স স্বয়ম্॥ 2-97-6 (15263)
জিৎবা তু তান্মহীপালান্সর্বান্কর্ণপুরোগমান্।
লেভে কৃষ্ণাং শুভাং পার্থো যুধ্বা বীর্যবলাত্তদা॥ 2-97-7 (15264)
সর্বক্ষত্রসমূহেষু অম্বাং ভীষ্মো যথা পুরা।
ততঃ কদাচিদ্বীভৎসুস্তীর্যযাত্রাং যয়ৌ স্বয়ম্॥ 2-97-8 (15265)
অথোলূপীং শুভাং তাত নাগরাজসতাং তদা।
নাগেষ্বাপ বরাগ্র্যেষু প্রার্থিতোঽথ যথা তথা॥ 2-97-9 (15266)
ততো গোদাবরীং কৃষ্ণাং কাবেরীং চাবগাহত।
তত্র পাণ্ড্যং সমাসাদ্য তস্য কন্যামবাপ সঃ॥ 2-97-10 (15267)
লব্ধ্বা জিষ্ণুর্মুদং তত্র ততো যাম্যাং দিশং যয়ৌ॥ 2-97-11 (15268)
স দক্ষিণং সমুদ্রান্তং গৎবা চাপ্সরসাং চ বৈ।
কুমারতীর্থমাসাদ্য মোক্ষয়ামাস চার্জুনঃ॥ 2-97-12 (15269)
গ্রাহরূপাশ্চ তাঃ পঞ্চ অতিশৌর্যেণ বৈ বলাৎ।
কন্যাতীর্থং সমভ্যেত্য ততো দ্বারবতীং যয়ৌ॥। 2-97-13 (15270)
তত্র কৃষ্ণনিদেশাৎস সুভদ্রাং প্রাপ্য ফল্গুনঃ।
তামারোপ্য রথোপস্থে প্রয়যৌ স্বপুরীং প্রতি॥ 2-97-14 (15271)
অথাদায় গতে পার্থে তে শ্রুৎবা সর্বয়াদবাঃ।
তমভ্যধাবন্ৎসঙ্ক্রুদ্ধাঃ সিংহব্যাঘ্রগণা ইব॥ 2-97-15 (15272)
প্রদ্যুম্নঃ কৃতবর্মা চ গদঃ সারণসাত্যকী।
আহুকশ্চৈব সাম্বশ্চ চারুদেষ্ণো বিদূরথঃ॥ 2-97-16 (15273)
অন্যে চ যাদবাঃ সর্বে বলদেবপুরোগমাঃ।
একমেব পরে কৃষ্ণং গজবাজিরথৈর্যুতাঃ॥ 2-97-17 (15274)
অথাসাদ্য বনে যান্তং পরিবার্য ধনঞ্জয়ম্।
চক্রুর্যুদ্ধং সুসঙ্ক্রুদ্ধা বহুকোট্যশ্চ যাদবাঃ॥ 2-97-18 (15275)
এক এব তু পার্থস্তৈর্যুদ্ধং চক্রে সুদারুণম্।
তেন তেষাং সমং যুদ্ধং মুহূর্তং প্রবভূব হ॥ 2-97-19 (15276)
ততঃ পার্থো রণে সর্বান্বারয়িৎবা শিতৈঃ শরৈঃ।
বলাদ্বিজিত্য রাজেন্দ্র বীরস্তান্সর্বয়াদবান্।
তাং সুভদ্রামথাদায় শক্রপ্রস্থং বিবেশ হ॥ 2-97-20 (15277)
ভূয়ঃ শৃণু মহারাজ ফল্গুনস্য চ সাহসম্।
দদৌ স বহ্নের্বিভৎসুঃ প্রার্থিতং খাণ্ডবং বনম্॥ 2-97-21 (15278)
লব্ধমাত্রে তু তেনাথ ভগবান্হব্যবাহনঃ।
ভক্ষিতুং খাণ্ডবং রাজংস্তত্রস্থানুপচক্রমে॥ 2-97-22 (15279)
ততস্তং ভক্ষয়ন্তং বৈ সব্যসাচী বিভাবসুম্।
রথা ধন্বী শরান্গৃহ্য স কলাপয়ুতঃ প্রভুঃ।
পালয়ামাস রাজেন্দ্র স্ববীর্যেণ মহাবলঃ॥ 2-97-23 (15280)
ততঃ শ্রুৎবা মহেনদ্রস্তু মেঘাংস্তান্সন্দিদেশ হ।
তেনোক্তা মেঘসঙ্ঘাস্তে ববর্ষুরতিবৃষ্টিভিঃ॥ 2-97-24 (15281)
ততো মেঘগাণান্পার্থঃ শরব্রাতৈঃ সমান্ততঃ।
খগমৈর্বারয়ামাস তদাশ্চর্যমিবাভবৎ॥ 2-97-25 (15282)
বারিতান্মেঘসঙ্ঘাংশ্চ শ্রুৎবা ক্রুদ্ধঃ পুরন্দরঃ।
পাণ্ডরং গজমাস্থায় সর্বদেবগণৈর্বৃতঃ।
যয়ৌ পার্থেন সংয়োদ্ধুং রক্ষার্থং খাণ্ডবস্য চ॥ 2-97-26 (15283)
রুদ্রাশ্চ মরুতশ্চৈব বসবশ্চাশ্বিনৌ তদা।
আদিত্যাশ্চৈব সাধ্যাশ্চ নিশ্বেদেবাশ্চ ভারত।
গন্ধর্বাশ্চৈব সহিতা অন্যে দেবগণাশ্চ যে॥ 2-97-27 (15284)
তে সর্বে শস্ত্রসম্পন্না দীপ্যমানাঃ স্বতেজসা।
ধনঞ্জয়ং জিঘাংসন্তঃ প্রপেতুর্বিবুধাধিপাঃ॥ 2-97-28 (15285)
যুগান্তে যানি দৃশ্যন্তে নিমিত্তানি মহান্ত্যপি।
সর্বাণি তত্র দৃশ্যন্তে নিমিত্তানি মহীপতে॥ 2-97-29 (15286)
ততো দেবগমাঃ সর্বে পার্থং সমভিদুদ্রুবুঃ।
অসম্ভ্রান্তস্তু তান্দৃষ্ট্বা স তাং দেবময়ীং চমূম্॥ 2-97-30 (15287)
ৎবরিতঃ ফল্গুনো গৃহ্য তীক্ষ্ণাংস্তানাশুগাংস্তদা।
ইন্দ্রং দেবাংশ্চ সম্প্রেক্ষ্য তস্থৌ কাল ইবাত্যযে॥ 2-97-31 (15288)
ততো দেবগণাঃ সর্বে বীভৎসুং সপুরন্দরাঃ।
অবাকিরঞ্ছরব্রাতৈর্মানুষং তং মহীপতে॥ 2-97-32 (15289)
ততঃ পার্থো মহাতেজা গাণ্ডিবং গৃহ্য সৎবরঃ।
বারয়ামাস দেবানাং শরব্রাতৈঃ শরাংস্তদা॥ 2-97-33 (15290)
পুনঃ ক্রুদ্ধাঃ সুরাঃ সর্বে মর্ত্যং তং সুভহাবলাঃ।
নানাশস্ত্রৈর্ববর্ষুস্তং সব্যসাচী মহীপতে॥ 2-97-34 (15291)
তান্পার্থঃ শস্ত্রবর্ষান্বৈ বিসৃষ্টান্বিবুধৈস্তদা।
দ্বিধা ত্রিধা স চিচ্ছেদ স এব নিশিতৈঃ শরৈঃ॥ 2-97-35 (15292)
পুনশ্চ পার্থঃ সঙ্ক্রুদ্ধো মণ্ডলীকৃতকার্মুকঃ।
দেবসঙ্ঘাঞ্ছরৈস্তীক্ষ্ণৈরর্পয়ন্বৈ সমন্ততঃ॥ 2-97-36 (15293)
ততো দেবগণাঃ সর্বে যুধ্বা পার্থেন বৈ মুহুঃ।
রণে জেতুমশক্যং তং জ্ঞাৎবা তে ভরতর্ষভ॥ 2-97-37 (15294)
শান্তাস্তে বিবুধাঃ সর্বে পার্থবাণাভিপীডিতাঃ।
সদ্বিপং বাসবং ত্যক্ৎবা দুদ্রুবুঃ সর্বতো দিশম্॥ 2-97-38 (15295)
প্রাচীং রুদ্রাঃ সগন্ধর্বা দক্ষিণাং মরুতো যয়ুঃ।
দিশং প্রতীচীং ভীতাস্তে বসবশ্চ তথাঽশ্বিনৌ ॥ 2-97-39 (15296)
আদিত্যাশ্চৈব বিশ্বে চ দুদ্রুবুর্বা উদঙ্মুখাঃ।
সাধ্যাশ্চোর্ধ্বমুখা ভীতাশ্চিন্তয়ন্তোঽস্য সায়কান্॥ 2-97-40 (15297)
এবং সুরগণাঃ সর্বে প্রাদ্রবন্ৎসর্বতো দিশম্।
মুহুর্মুহুঃ প্রেক্ষমাণাঃ পার্থমেব সকার্মুকম্॥ 2-97-41 (15298)
বিদ্রুতান্দেবসঙ্ঘাংস্তান্রণে দৃষ্ট্বা পুরন্দরঃ।
ততঃ ক্রুদ্ধো মহাতেজাঃ পার্থং বাণৈরবাকিরৎ॥ 2-97-42 (15299)
পার্থোঽপি শক্রং বিব্যাথ মানুষো বিবুধাধিপম্॥ 2-97-43 (15300)
ততঃ সোঽশ্মময়ং বর্ষং ব্যসৃজদ্বিবুধাধিপঃ।
তচ্ছরৈরর্জুনো বর্ষং প্রতিজাঘ্নেঽত্যমর্ষণঃ॥ 2-97-44 (15301)
অথ সংবর্ধয়ামাস তদ্বর্ষং দেবরাডপি।
ভূয় এব মহাবীর্যং জিজ্ঞাসুঃ সব্যসাচিনঃ॥ 2-97-45 (15302)
সোঽশ্মবর্ষং মহাবেগমিষুভিঃ পাণ্ডবোঽপি চ।
বিলয়ং গময়ামাস হর্ষয়ন্পাকশাসনম্॥ 2-97-46 (15303)
উপাদায় তু পাণিভ্যামঙ্গদং নাম পর্বতম্।
সদ্রুমং ব্যসৃজচ্ছক্রো জিঘাংসুঃ শ্বেতবাহনম্॥ 2-97-47 (15304)
ততোঽর্জুনো বেগবদ্ভির্জ্বলমানৈরজিহ্যগৈঃ।
বাণৈর্বিধ্বংসয়ামাস গিরিরাজং সহস্রধা॥ 2-97-48 (15305)
শক্রং চ পাতয়ামাস শরৈঃ পার্থো মহান্যুধি।
ততঃ শক্রো মহারাজ রণে বীরং ধনঞ্জয়ম্॥ 2-97-49 (15306)
জ্ঞাৎবা জেতুমশক্যং তং তেজোবলসমন্বিতম্।
পরাং প্রীতি যয়ৌ তত্র পুত্রশৌর্যেণ বাসবঃ॥ 2-97-50 (15307)
তদা তত্র ন তস্যাস্তি দিবি কশ্চিন্মহায়শাঃ।
সমর্থো নির্জয়ে রাজন্নপি সাক্ষাৎপ্রজাপতিঃ॥ 2-97-51 (15308)
ততঃ পার্থঃ শরৈর্হৎবা যক্ষরাক্ষসপন্নগান্।
দীপ্তে চাগ্নৌ মহাতেজাঃ পাতয়ামাস সন্ততম্॥ 2-97-52 (15309)
প্রতিষেধয়িতুং পার্থং ন শেকুস্তত্র কেচন।
দৃষ্ট্বা নিবারিতং শক্রং দিবি দেবগণৈঃ সহ॥ 2-97-53 (15310)
যথা সুপর্ণঃ সোমার্থং বিবুধানজয়ৎপুরা।
তথা জিৎবা সুরান্পার্থস্তর্পয়ামাস পাবকম্॥ 2-97-54 (15311)
ততোঽর্জুনঃ স্ববীর্যেণ তর্পয়িৎবা বিভাবসুম্।
রথং ধ্বজং চ সহয়ং দিব্যানস্ত্রাংশ্চ পাণ্ডবঃ॥ 2-97-55 (15312)
গাণ্ডীবং চ ধনুঃ শ্রেষ্ঠং তূণী চাক্ষয়সায়কৌ।
এতান্যপি চ বীভৎসুর্লেভে কীর্তি চ ভারত॥ 2-97-56 (15313)
ভূয়োঽপি শৃণু রাজেন্দ্র পার্থো গৎবোত্তরাং দিশম্।
বিজিত্য নববর্ষাংশ্চ সপুরাংশ্চ সপর্বতান্॥ 2-97-57 (15314)
জম্বুদ্বীপং বশে কৃৎবা সর্বং তদ্ভরতর্ষভ।
বলাজ্জিৎবা নৃপান্সর্বান্করে চবিনিবেশ্য চ॥ 2-97-58 (15315)
রত্নান্যাদায় সর্বাণি গৎবা চৈব পুনঃ পুরীম্।
ততো জ্যেষ্ঠং মহাত্মানং ধর্মরাজং যুধিষ্ঠিরম্।
রাজসূয়ং ক্রতুশ্রেষ্ঠং কারয়ামাস ভারত॥ 2-97-59 (15316)
স তান্যন্যানি কর্মাণি কৃতবানর্জুনঃ পুরা।
অর্জুনেন সমো বীর্যে ত্রিষু লোকেষু ন ক্বচিৎ॥ 2-97-60 (15317)
দেবদানবয়ক্ষাশ্চ পিশাচোরগরাক্ষসাঃ।
ভীষ্মদ্রোণাদয়ঃ সর্বে কুরবশ্চ মহারথাঃ॥ 2-97-61 (15318)
লোকে সর্বনৃপাশ্চৈব বীরাশ্চান্যে ধনুর্ধরাঃ।
এতে পার্থং রণে যুক্তাঃ প্রতিয়োদ্ধুং ন শক্নুয়ুঃ॥ 2-97-62 (15319)
অহং হি নিত্যং কৌরব্য ফল্গুনং হৃদি সংস্থিতম্।
অপশ্যং চিন্তয়িৎবা তং সমুদ্বিগ্নোঽস্মি তদ্ভয়াৎ॥ 2-97-63 (15320)
গৃহে গৃহে চ পশ্যামি তাত পার্থমহং সদা।
শরগাণ্ডীবসংয়ুক্তং পাশহস্তমিবান্তকম্॥ 2-97-64 (15321)
অপি পার্থসহস্রাণি ভীতঃ পশ্যামি ভারত।
পার্থভূতমিদং সর্বং নগরং প্রতিভাতি মে॥ 2-97-65 (15322)
পার্থমেব হি পশ্যামি রহিতে তাত ভারত।
দৃষ্ট্বা স্বপ্নগতং পার্থমুদ্ধমামি বিচেতনঃ॥ 2-97-66 (15323)
অকারাদীনি নামানি অর্জুনগ্রস্তচেতসঃ।
অশ্বাক্ষরাম্বুজাশ্চৈব ত্রাসং সঞ্জনয়ন্তি মে॥ 2-97-67 (15324)
নাস্তি পার্থাদৃতে তাত পরবীরাদ্ভয়ং মম।
প্রহ্লাদং বা বলিং বাপি হন্যাদ্ধি বিজয়ো রণে॥ 2-97-68 (15325)
তস্মাত্তেন মহারাজ যুদ্ধং নস্তাত ন ক্ষমম্।
অহং তস্য প্রভাবজ্ঞো নিত্যং দুঃখং বহামি চ॥ 2-97-69 (15326)
পুরা হি দণ্ডকারণ্যে মারীচস্য যথা ভয়ম্।
ভবেদ্রামে মহাবীর্যে তথা পার্থে ভয়ং মম॥ 2-97-70 (15327)
ধৃতরাষ্ট্র উবাচ॥ 2-97-71x (1703)
জানাম্যেব মহদ্বীয়ং জিষ্ণোরেতদ্দুরাসদম্।
এতদ্বীরস্য পার্থস্য কার্ষীস্ৎবং তু বিপ্রিয়ম্॥ 2-97-71 (15328)
দ্যূতং বা শস্ত্রয়ুদ্ধং বা দুবাক্যং বা কথঞ্চন।
এতেষ্বেবং কৃতে তস্য বিগ্রহশ্চৈব বো ভবেৎ॥ 2-97-72 (15329)
তস্মাত্ৎবং পুত্র পার্থেন নিত্যং স্নেহেন বর্তয়।
যশ্চ পার্থেন সম্বন্ধো বর্ততে চেন্নরো ভুবি॥ 2-97-73 (15330)
তস্য নাস্তি ভয়ং কিঞ্চিত্রিষু লোকেষু ভারত।
তস্মাত্ৎবং জিষ্ণুনা বৎস নিত্যং স্নেহেন বর্তয়॥ 2-97-74 (15331)
দুর্যোধন উবাচ॥ 2-97-75x (1704)
দ্যূতে পার্থস্য কৌরব্য মায়যা নিকৃতিঃ কৃতা।
তস্মাদ্বি নো জয়স্তাত অন্যোপায়েন নো ভবেৎ॥ 2-97-75 (15332)
ধৃতরাষ্ট্র উবাচ॥ 2-97-76x (1705)
উপায়শ্চ ন কর্তব্যঃ পাণ্ডবান্প্রতি ভারত।
পার্থান্প্রতি পুরা বৎস বহূপায়াঃ কৃতাস্ৎবয়া॥ 2-97-76 (15333)
তানুপায়ান্হি কৌন্তেয়া বহুশো ব্যতিচক্রমুঃ।
তস্মাদ্বিতং জীবিতায় নঃ কুলস্য জনস্য চ॥ 2-97-77 (15334)
ৎবং চিকীর্ষসি চেদ্বৎস সমিত্রঃ সহবান্ধবঃ।
সভ্রাতৃকস্ৎবং পার্থেন নিত্যং স্নেহেন বর্তয়॥ 2-97-78 (15335)
বৈশম্পায়ন উবাচ॥ 2-97-79x (1706)
ধৃতরাষ্ট্রবচঃ শ্রুৎবা রাজা দুর্যোধনস্তদা।
চিন্তয়িৎবা মুহূর্তং তু বিধিনা চোদিতোঽব্রবীৎ'॥ 2-97-79 (15336)
পুনর্দীব্যাম ভদ্রং তে বনবাসায় পাণ্ডবৈঃ।
এবমেতান্বশে কর্তুং শক্ষ্যামঃ পুরুষর্ষভ॥ষ 2-97-80 (15337)
তে বা দ্বাদশ বর্ষাণি বয়ং বা দ্যূতনির্জিতাঃ।
প্রবিশেম মহারণ্যমজিনৈঃ প্রতিবাসিতাঃ॥ 2-97-81 (15338)
ত্রয়োদশং চ স্বজনৈরজ্ঞাতাঃ পরিবৎসরম্।
জ্ঞাতাশ্চ পুনরন্যানি বনে বর্ষাণি দ্বাদশ॥ 2-97-82 (15339)
নিবসেম বয়ং তে বা তথা দ্যূতং প্রবর্ততাম্।
অক্ষানুপ্ৎবা পুনর্দ্যূতমিদং কুর্বন্তু পাণ্ডবঃ॥ 2-97-83 (15340)
এতৎকৃত্যতমং রাজন্নস্মাকং ভরতর্ষভ।
অয়ং হি শকুনির্বেদ সবিদ্যামক্ষসম্পদম্॥ 2-97-84 (15341)
দৃঢমূলং বয়ং রাজ্যে মিত্রাণি পরিগৃহ্য চ।
সারবদ্বিপুলং সৈন্যং সৎকৃত্য চ দুরাসদম্॥ 2-97-85 (15342)
তে চ ত্রয়োদশং বর্ষং পারয়িষ্যন্তি চেদ্ব্রতম্।
জেষ্যামস্তান্বয়ং রাজত্রোচতাং তে পরন্তপ॥ 2-97-86 (15343)
ধৃতরাষ্ট্র উবাচ॥ 2-97-87x (1707)
তূর্ণং প্রত্যানয়স্বৈতান্কামং ব্যধ্বগতানপি।
আগচ্ছন্তু পুনর্দ্যূতমিদং কুর্বন্তু পাণ্ডবঃ॥ 2-97-87 (15344)
বৈশম্পায়ন উবাচ॥ 2-97-88x (1708)
ততো দ্রোণঃ সোমদত্তো বাহ্লীকশ্চৈব গৌতমঃ।
বিদুরো দ্রোণপুত্রশ্চ বৈশ্যাপুত্রশ্চ বীর্যবান্॥ 2-97-88 (15345)
ভূরিশ্রবাঃ শান্তনবো বিকর্ণশ্চ মহারথঃ।
মা দ্যূতমিত্যভাষন্ত শমোঽস্ৎবিতি চ সর্বশঃ॥ 2-97-89 (15346)
অকামানাং চ সর্বেষাং সুহৃদামর্থদর্শিনাম্।
অকরোৎপাণ্ডবাহ্বানং ধৃতরাষ্ট্রঃ সুতপ্রিয়ঃ॥ 2-97-90 (15347)
অথাব্রবীন্মহারাজ ধৃতরাষ্ট্রং জনেশ্বরম্।
পুত্রহার্দাদ্ধর্ময়ুক্তা গান্ধারী শোককর্শিতা॥ 2-97-91 (15348)
জাতে দুর্যোধনে ক্ষত্তা মহামতিরভাষত।
নীয়তাং পরলোকায় সাধ্বয়ং কুলপাংসনঃ॥ 2-97-92 (15349)
ব্যনদজ্জাতমাত্রো হি গোমায়ুরিব ভারত।
অন্তো নূনং কুলস্যাস্য কুরবস্তন্নিবোধত॥ 2-97-93 (15350)
মা নিমজ্জীঃ স্বদোষেণ মহাপ্সু ৎবং হি ভারত।
মা বালানামশিষ্টানামভিমংস্থা মতিং প্রভো॥ 2-97-94 (15351)
মা কুলস্য ক্ষয়ে ঘোরে কারণং ৎবং ভবিষ্যসি।
বদ্ধং সেতুং কো নু ভিন্দ্যাদ্ধমেচ্ছান্তং চ পাবকম্॥ 2-97-95 (15352)
শমে স্থিতান্কো নু পার্থান্কোপয়েদ্ভরতর্ষভ।
স্মরন্তং ৎবামাজমীঢং স্মারয়িষ্যাম্যহং পুনঃ॥ 2-97-96 (15353)
শাস্ত্রং ন শাস্তি দুর্বুদ্ধিং শ্রেয়সে চেতরায় চ।
ন বৈ বৃদ্ধো বালমতির্ভবেদ্রাজন্কথঞ্চন॥ 2-97-97 (15354)
ৎবন্নেত্রাঃ সন্তু তে পুত্রা মা ৎবাং দীর্ণাঃ প্রহাসিষুঃ।
তস্মাদয়ং মদ্বচনাত্ত্যজ্যতাং কুলপাংসনঃ॥ 2-97-98 (15355)
তথা তে ন কৃতং রাজন্পুত্রস্নেহান্নরাধিপ।
তস্য প্রাপ্তং ফলং বিদ্ধি কুলান্তকরণায় যৎ॥ 2-97-99 (15356)
শমেন ধর্মেণ নয়েন যুক্তা
যা তে বুদ্ধিঃ সাঽস্তু তে মা প্রমাদীঃ।
প্রধ্বংসিনী ক্রূরসমাহিতা শ্রী-
র্মৃদুপ্রৌঢা গচ্ছতি পুত্রপৌত্রান্॥ 2-97-100 (15357)
অথাব্রবীন্মহারাজো গান্ধারীং ধর্মদর্শিনীম্।
অন্তঃ কামং কুলস্যাস্তু ন শক্নোমি নিবারিতুম্॥ 2-97-101 (15358)
যথেচ্ছন্তি তথৈবাস্তু প্রত্যাগচ্ছন্তু পাণ্ডবাঃ।
পুনর্দ্যূতং চ কুর্বন্তু মামকাঃ পাণ্ডবৈঃ সহ॥ ॥ 2-97-102 (15359)
ইতি শ্রীমন্মহাভারতে সভাপর্বণি অনুদ্যূতপর্বণি সপ্তনবতিতমোঽধ্যায়ঃ॥97॥
Mahabharata - Sabha Parva - Chapter Footnotes
2-97-90 অকামানাং দ্যূতমনিচ্ছতাং সতাম্॥ 2-97-98 ৎবন্নেত্রাস্ৎবমেব নেতা যেষাং তে ৎবন্নেত্রাঃ। দীর্ণাস্ৎবত্তো ভিন্নর্ম যাদাঃ॥সভাপর্ব - অধ্যায় 098
॥ শ্রীঃ ॥
2.98. অধ্যায়ঃ 098
Mahabharata - Sabha Parva - Chapter Topics
নিজনগরং গচ্ছতো যুধিষ্ঠিরস্য মধ্যেমার্গং দূতাহ্বানেন পুনর্নিবৃত্ত্য দ্যূত সভাপ্রবেশঃ॥ 1॥ অনুদ্যূতেপি যুধিষ্ঠিরস্য শকুনিনা পরাজয়ঃ॥ 2॥Mahabharata - Sabha Parva - Chapter Text
বৈশম্পায়ন উবাচ॥
ততো ব্যধ্বগতং পার্থং প্রাতিকামী যুধিষ্ঠিরম্।
উবাচ বচনাদ্রাজ্ঞো ধৃতরাষ্ট্রস্য ধীমতঃ॥ 2-98-1 (15360)
উপাস্তীর্ণা সভা রাজন্নক্ষানুপ্ৎবা যুধিষ্ঠির।
এহি পাণ্ডব দীব্যেতি পিতা ৎবাহ নরাধিপঃ॥ 2-98-2 (15361)
যুধিষ্ঠির উবাচ॥ 2-98-3x (1709)
ধাতুর্নিয়োগাদ্ভূতানি প্রাপ্নুবন্তি শুভাশুভম্।
ন নিবৃত্তিস্তয়োরস্তি দেবতব্যং পুনর্যদি॥ 2-98-3 (15362)
অক্ষদ্যূতে সমাহ্বানং নিয়োগাৎস্থবিরস্য চ।
জানন্নপি ক্ষয়করং নাতিক্রমিতুমুৎসহে॥ 2-98-4 (15363)
বৈশম্পায়ন উবাচ॥ 2-98-5x (1710)
অসম্ভবো হেমময়স্য জন্তো-
স্তথাপি রামো লুলুভে মৃগায়।
প্রায়ঃ সমাসন্নপরাভবাণাং
ধিয়ো বিপর্যস্ততরা ভবন্তি॥ 2-98-5 (15364)
ইতি ব্রুবন্নিববৃতে ভ্রাতৃভিঃ সহ পাণ্ডবঃ।
জানাংশ্চ শকুনের্মায়াং পার্থো দ্যূতমিয়াৎপুনঃ॥ 2-98-6 (15365)
বিবিশুস্তে সভাং তাং তু পুনরেব মহারথাঃ।
ব্যথয়ন্তি স্ম চেতাংসি মুহৃদাং ভরতর্ষভাঃ॥ 2-98-7 (15366)
যথোপজোষমাসীনাঃ পুনর্দ্যূতপ্রবৃত্তয়ে।
সর্বলোকবিনাশায় দৈবেনোপনিপীডিতাঃ॥ 2-98-8 (15367)
শকুনিরুবাচ॥ 2-98-9x (1711)
অমুঞ্চৎস্থবিরো যদ্বো ধনং পূজিতমেব তৎ।
মহাধনং গ্লহং ৎবেকং শৃণু ভো ভরতর্ষভ॥ 2-98-9 (15368)
বয়ং বা দ্বাদশাব্দানি যুষ্মাভির্দ্যূতনির্জিতাঃ।
প্রবিশেম মহারণ্যং রৌরবাজিনবাসসঃ॥ 2-98-10 (15369)
ত্রয়োদশং চ স্বজনৈরজ্ঞাতাঃ পরিবৎসরম্।
জ্ঞাতাশ্চ পুনরন্যানি বনে বর্ষাণি দ্বাদশ॥ 2-98-11 (15370)
অস্মাভির্নির্জিতা যূয়ং বনে দ্বাদশ বৎসরান্।
বসধ্বং কৃষ্ণয়া সার্ধমজিনৈঃ প্রতিবাসিতাঃ॥ 2-98-12 (15371)
ত্রয়োদশং চ স্বজনৈরজ্ঞাতাঃ পিরবৎসরম্।
জ্ঞাতাশ্চ পুনরন্যানি বনে বর্ষাণি দ্বাদশ॥ 2-98-13 (15372)
ত্রয়োদশে চ নির্বৃত্তে পুনরেব যথোচিতম্।
স্বরাজ্যং প্রতিপত্তব্যমিতরৈরথবেতরৈঃ॥ 2-98-14 (15373)
অনেন ব্যবসায়েন সহাস্মাভির্যুধিষ্ঠির।
অক্ষানুপ্ৎবা পুনর্দ্যূতমেহি দীব্যস্ব ভারত॥ 2-98-15 (15374)
অথ সভ্যাঃ সভামধ্যে সমুচ্ছ্রিতকরাস্তদা।
ঊচুরুদ্বিগ্নমনসঃ সংবেগাৎসর্ব এব হি॥ 2-98-16 (15375)
সভ্যা ঊচুঃ। 2-98-17x (1712)
অহো ধিগ্বান্ধবা নৈনং বোধয়ন্তি মহদ্ভয়ম্।
বুদ্ধ্যা বুদ্ধ্যেন্ন বা বুদ্ধ্যেদয়ং বৈ ভরতর্ষভ॥ 2-98-17 (15376)
বৈশম্পায়ন উবাচ॥ 2-98-18x (1713)
জনপ্রবাদান্সুবহূঞ্শৃণ্বন্নপি নরাধিপঃ।
হ্রিয়া চ ধর্মসংয়োগাৎপার্থো দ্যূতমিয়াৎপুনঃ॥ 2-98-18 (15377)
জানন্নাপি মহাবুদ্ধিঃ পুনর্দ্যূতমবর্তয়ৎ।
অপ্যাসন্নো বিনাশঃ স্যাৎকুরূণামিতিচিন্তয়ন্॥ 2-98-19 (15378)
যুধিষ্ঠির উবাচ॥ 2-98-20x (1714)
কথং বৈ মদ্বিধো রাজা স্বধর্মমনুপালয়ন্।
আহূতো বিনিবর্তেত দীব্যামি শকুনে ৎবয়া॥ 2-98-20 (15379)
শকুনিরুবাচ॥ 2-98-21x (1715)
গবাশ্বং বহুধেনুকমপর্যন্তমজাবিকম্।
গজাঃ কোশো হিরণ্যং চ দাসীদাসাশ্চ সর্বশঃ॥ 2-98-21 (15380)
হিৎবা নো গ্লহ এবৈকো বনবাসায় পাণ্ডবাঃ।
যূয়ং বয়ং বা বিজিতা বসেম বনমাশ্রিতাঃ॥ 2-98-22 (15381)
ত্রয়োদশং চ বৈ বর্ণমজ্ঞাতাঃ স্বজনৈস্তথা।
অনেন ব্যবসায়েন দীব্যাম পুরুষর্ষভাঃ। 2-98-23 (15382)
সমুৎক্ষেপেণ চৈকেন বনবাসায় ভারত॥ 2-98-24 (15383)
` বৈশম্পায়ন উবাচ॥ 2-98-24x (1716)
এবং দৈববলাবিষ্টো ধর্মরাজো যুধিষ্ঠিরঃ।
ভীষ্মদ্রোণাঽঽবার্যমাণো বিদুরেণ চ ধীমতা॥ 2-98-24 (15384)
যুয়ুৎসুনা কৃপেণাথ সঞ্জয়েন চ ভারত।
গান্ধার্যা পৃথয়া চৈব ভীমার্জুনয়মৈস্তথা॥ 2-98-25 (15385)
বিকর্ণেন চ বীরেণ দ্রৌপদ্যা দ্রৌণিনা তথা।
সোমদত্তেন চ তথা বাহ্লীকেন চ ধীমতা॥ 2-98-26 (15386)
বার্যমাণোপি সততং ন চ রাজন্নিয়চ্ছতি।
এবং সংবার্যমাণোপি কৌন্তেয়ো হিতকাম্যযা॥ 2-98-27 (15387)
দেবকার্যার্থসিদ্ধ্যর্থং মুহূর্তং কলিমাবিশৎ।
অবিষ্টঃ কলিনা রাজঞ্ছকুনিং প্রত্যভাষত॥ 2-98-28 (15388)
এবং ভবৎবিতি তদা বনবাসায় দীব্যতি'।
প্রতিজগ্রাহ তং পার্থো গ্লহং জগ্রাহ সৌবলঃ॥
জিতমিত্যেব শকুনির্যুধিষ্ঠিরমভাষত॥ ॥ 2-98-29 (15389)
ইতি শ্রীমন্মহাভারতে সভাপর্বণি অনুদ্যূতপর্বণি অষ্টনবতিতমোঽধ্যায়ঃ॥ 98 ॥
Mahabharata - Sabha Parva - Chapter Footnotes
2-98-16 সংবেগাদতিশয়াৎ॥সভাপর্ব - অধ্যায় 099
॥ শ্রীঃ ॥
2.99. অধ্যায়ঃ 099
Mahabharata - Sabha Parva - Chapter Topics
বনায় প্রস্থিতান্পাণ্ডবান্প্রতি দুশ্শাসনকৃতাপহাসঃ॥1॥ পাণ্ডবানাং বহুপ্রতিজ্ঞাকরণপূর্বকং ধৃতরাষ্ট্রসমীপগমনম্॥ 2॥Mahabharata - Sabha Parva - Chapter Text
বৈশম্পায়ন উবাচ॥
ততঃ পরাজিতাঃ পার্থা বনাবাসায় দীক্ষিতাঃ।
অজিনান্যুত্তরীয়াণি জগৃহুশ্চ যথাক্রমম্॥ 2-99-1 (15390)
অজিনৈঃ সংবৃতান্দৃষ্ট্বা হৃতরাজ্যানরিন্দমান্।
প্রস্থিতান্বনবাসায় ততো দুঃশাসনোঽব্রবীৎ॥ 2-99-2 (15391)
প্রবৃত্তং ধার্তরাষ্ট্রস্য চক্রং রাজ্ঞো মহাত্মনঃ।
পরাজিতাঃ পাণ্ডবেয়া বিপত্তিং পরমাং গতাঃ॥ 2-99-3 (15392)
অদ্য দেবাঃ সম্প্রয়াতাঃ সমৈর্বর্ত্মভিরস্থলৈঃ।
গুণজ্যেষ্ঠাস্তথা শ্রেষ্ঠাঃ শ্রেয়াংসো যদ্বয়ং পরৈঃ॥ 2-99-4 (15393)
নরকং পাতিতাঃ পার্থা দীর্ঘকালমনন্তকম্।
মুখাচ্চ হীনা রাজ্যাচ্চ বিনষ্টাঃ শাশ্বতীঃ সমাঃ॥ 2-99-5 (15394)
ধনেন মত্তা যে তে স্ম ধার্তরাষ্ট্রান্প্রহাসিষুঃ।
তে নির্জিতা হৃতধনা বনমেষ্যন্তি পাণ্ডবঃ॥ 2-99-6 (15395)
চিত্রান্সন্নাহানবমুঞ্চন্তু চৈষাং
বাসাংসি দিব্যানি চ ভানুমন্তি॥
বিবাস্যন্তাং রুরুচর্মাণি সর্বে
যথা গ্লহং সৌবলস্যাভ্যুপেতাঃ॥ 2-99-7 (15396)
ন সন্তি লোকেষু পুমাংস ঈদৃশা
ইত্যেব যে ভাবিতবুদ্ধয়ঃ সদা।
জ্ঞাস্যন্তি তেত্মানমিমেঽদ্য পাণ্ডবা
বিপর্যযে পাণ্ঢতিলা ইবাফলাঃ॥ 2-99-8 (15397)
ইদং হি বাসো যদি বেদৃশানাং
মনস্বিনাং রৌরবমাহবেষু॥
আদীক্ষিতানামজিনানি যদ্ব-
দ্বলীয়সাং পশ্যত পাণ্ডবানাম্॥ 2-99-9 (15398)
মহাপ্রাজ্ঞঃ সৌমকির্যজ্ঞসেনঃ
কন্যাং পাঞ্চালীং পাণ্ডবেভ্যঃ প্রদায়।
অকার্ষিদ্বৈ সুকৃতং নেহ কিঞ্চিৎ
ক্লীবাঃ পার্থাঃ পতয়ো যাজ্ঞসেন্যাঃ॥ 2-99-10 (15399)
সূক্ষ্মপ্রাবারানজিনোত্তরীয়ান্
দৃষ্ট্বাঽরণ্যে নির্ধনানপ্রতিষ্ঠান্।
কাং ৎবং প্রীতিং লপ্স্যসে যাজ্ঞসেনি
পতিং বৃণীষ্বেহ যমন্যমিচ্ছসি॥ 2-99-11 (15400)
এতে হি সর্বে কুরবঃ সমেতাঃ
ক্ষান্তা দান্তাঃ সুদ্রবিণোপপন্নাঃ।
এষাং বৃণীষ্বৈকতমং পতিৎবে
ন ৎবাং নয়েৎকালবিপর্যযোঽয়ম্॥ 2-99-12 (15401)
যথাঽফলাঃ ষণ্ঢতিলা যথা চর্মময়া মৃগাঃ।
তথৈব পাণ্ডবাঃ সর্বে যথা কাকয়বা অপি॥ 2-99-13 (15402)
কিং পাণ্ডবাংস্তে পতিতানুপাস্য
মোঘঃ শ্রমঃ ষণ্ঢতিলানুপাস্য।
এবং নৃশংসঃ পরুষাণি পার্থা-
নশ্রাবয়দ্ধৃতরাষ্ট্রস্য পুত্রঃ॥ 2-99-14 (15403)
তদ্বৈ শ্রুৎবা ভীমসেনোঽত্যমর্ষী
নির্ভর্ৎস্যোচ্চৈঃ সন্নিগৃহ্যৈব রোষাৎ।
উবাচ চৈনং সহসৈবোপগম্য
সিংহো যথা হৈমবতঃ শৃগালম্॥ 2-99-15 (15404)
ভীমসেন উবাচ॥ 2-99-16x (1717)
ক্রূর পাপজনৈর্জুষ্টমকৃতার্থং প্রভাষসে।
গান্ধারবিদ্যযা হি ৎবং রাজমধ্যে বিকত্থসে॥ 2-99-16 (15405)
যথা তুদসি মর্মাণি বাক্ছরৈরিহ নো ভৃশম্।
তথা স্মারয়িতা তেঽহং কৃন্তন্মর্মাণি সংয়ুগে॥ 2-99-17 (15406)
যে চ ৎবামনুবর্তন্তে ক্রোধলোভবশানুগাঃ।
গোপ্তারঃ সানুবন্ধাংস্তান্নেতাঽস্মি যমসাদনম্॥ 2-99-18 (15407)
বৈশম্পায়ন উবাচ॥ 2-99-19x (1718)
এবং ব্রুবাণমজিনৈর্বিবাসিতং
দুঃশাসনস্তং পরিনৃত্যতি স্ম।
মধ্যে কুরূণাং ধর্মনিবদ্ধমার্গং
গৌর্গৌরিতি স্মাহ্বয়ন্মুক্তলজ্জঃ॥ 2-99-19 (15408)
ভীমসেন উবাচ॥ 2-99-20x (1719)
নৃশংস পরুষং বক্তুং দুঃশাসন ৎবয়া।
নিকৃত্যা হি ধনং লব্ধ্বা কো বিকত্থিতুমর্হতি॥ 2-99-20 (15409)
মৈব স্ম সুকৃতাং লোকান্গচ্ছেৎপার্থো বৃকোদরঃ।
যদি বক্ষো হি তে ভিত্ৎবা ন পিবেচ্ছোণিতং রণে॥ 2-99-21 (15410)
ধার্তরাষ্ট্রান্রণে হত্ৎবা মিষতাং সর্বধন্বিনাম্।
শমং গন্তাঽস্মি নচিরাৎসত্যমেতদ্ব্রবীমি তে॥ 2-99-22 (15411)
বৈশম্পায়ন উবাচ॥ 2-99-23x (1720)
তস্য রাজা সিংহগতেঃ সখেলং
দুর্যোধনো ভীমসেনস্য হর্ষাৎ।
গতিং স্বগত্যাঽনুচকার মন্দো
নির্গচ্ছতাং পাণ্ডবানাং সভায়াঃ॥ 2-99-23 (15412)
নৈতাবতা কৃতমিত্যব্রবীত্তং
বৃকোদরঃ সন্নিবৃত্তার্ধকায়ঃ।
শীঘ্রং হি ৎবাং নিহতং সানুবন্ধং
সংস্মার্যাহং প্রতিবক্ষ্যামি মূঢ॥ 2-99-24 (15413)
এবং সমীক্ষ্যাত্মনি চাবমানং
নিয়ম্য মন্যুং বলবান্স মানী।
রাজানুগঃ সংসদি কৌরবাণাং
বিনিষ্কামন্বাক্যমুবাচ ভীমঃ॥ 2-99-25 (15414)
অহং দুর্যোধনং হন্তা কর্ণং হন্তা ধনঞ্জয়ঃ।
শকুনিং চাক্ষকিতবং সহদেবো হনিষ্যতি॥ 2-99-26 (15415)
ইদং চ ভূয়ো বক্ষ্যামি সভামধ্যে বৃহদ্বচঃ।
সত্যং দেবাঃ করিষ্যন্তি যন্নো যুদ্ধং ভবিষ্যতি॥ 2-99-27 (15416)
সুয়োধনমিমং পাপং হন্তাঽস্মি গদয়া যুধি।
শিরঃ পাদেন চাস্যাহমধিষ্ঠাস্যামি ভূতলে॥ 2-99-28 (15417)
বাক্যশূরস্য চৈবাস্য পরুষস্য দুরাত্মনঃ।
দুঃশাসনস্য রুধিরং পাতাঽস্মি মৃগরাডিব॥ 2-99-29 (15418)
অর্জুন উবাচ॥ 2-99-30x (1721)
`ভীমসেন ন তে সন্তি যেষাং বৈরং ৎবয়া ৎবিহ।
মত্তা মৃগেষু সুখিনো ন বুদ্ধ্যন্তে মহদ্ভয়ম্'॥ 2-99-30 (15419)
নৈবং বাচা ব্যবসিতং ভীম বিজ্ঞায়তে সতাম্।
ইতশ্চতুর্দশে বর্ষে দ্রষ্টারো যদ্ভবিষ্যতি॥ 2-99-31 (15420)
ভীমসেন উবাচ॥ 2-99-32x (1722)
দুর্যোধনস্য কর্ণস্য শকুনেশ্চ দুরাত্মনঃ।
দুঃশাসনচতুর্থানাং ভূমিঃ পাস্যতি শোণিতম্॥ 2-99-32 (15421)
অর্জুন উবাচ॥ 2-99-33x (1723)
অসূয়িতারং দ্রষ্টারং প্রবক্তারং বিকত্থনম্।
ভীমসেন নিয়োগাত্তে হন্তাহং কর্ণমাহবে॥ 2-99-33 (15422)
অর্জুনঃ প্রতিজানীতে ভীমস্য প্রিয়কাম্যযা।
কর্ণং কর্ণানুগাংশ্চৈব রণে হন্তাঽস্মি পত্রিভিঃ॥ 2-99-34 (15423)
যে চান্যে প্রতিয়োৎস্যন্তি বুদ্ধিমোহেন মাং নৃপাঃ।
তাংশ্চ সর্বানহং বাণৈর্নেতাঽস্মি যমসাদনম্॥ 2-99-35 (15424)
চলেদ্বি হিমবান্স্থানান্নিষ্প্রভঃ স্যাদ্দিবাকরঃ।
শৈত্যং সোমাৎপ্রণশ্যেত মৎসত্যং বিচলেদ্যদি॥ 2-99-36 (15425)
ন প্রদাস্যতি চেদ্রাজ্যমিতো বর্ষে চতুর্দশে।
দুর্যোধনোঽভিসৎকৃত্য সত্যমেতদ্ভবিষ্যতি॥ 2-99-37 (15426)
বৈশম্পায়ন উবাচ॥ 2-99-38x (1724)
ইত্যুক্তবতি পার্থে তু শ্রীমান্মাদ্রবতীসুতঃ।
প্রগৃহ্য বিপুলং বাহুং সহদেবঃ প্রতাপবান্॥ 2-99-38 (15427)
সৌবলস্য বধং প্রেপ্সুরিদং বচনমব্রবীৎ।
ক্রোধসংরক্তনয়নো নিঃ শ্বসন্নিব পন্নগঃ॥ 2-99-39 (15428)
সহদেব উবাচ॥ 2-99-40x (1725)
অক্ষান্যান্মন্যসে মূঢ গান্ধারাণাং যশোহর।
নৈতেঽক্ষা নিশিতা বাণাস্ৎবয়ৈতে সমরে বৃতাঃ॥ 2-99-40 (15429)
যথা চৈবোক্তবান্ভীমস্ৎবামুদ্দিশ্য সবান্ধবম্।
কর্তাহং কর্মণস্তস্য কুরু কার্যাণি সর্বশঃ॥ 2-99-41 (15430)
হন্তাঽস্মি তরসা যুদ্ধে ৎবামেবহে সবান্ধবম্।
যদি স্থাস্যসি সঙ্গ্রামে ক্ষত্রধর্মেণ সৌবল॥ 2-99-42 (15431)
সহদেববচঃ শ্রুৎবা নকুলোঽপি বিশাম্পতে।
দর্শনীয়তমো নৄণামিদং বচনমব্রবীৎ॥ 2-99-43 (15432)
সুতেয়ং যজ্ঞসেনস্য দ্যূতেঽস্মিন্ধৃতরাষ্ট্রজৈঃ।
যৈর্বাচঃ শ্রাবিতা রূক্ষাঃ স্থিতৈর্দুর্যোধনপ্রিয়ে॥ 2-99-44 (15433)
তান্ধার্তরাষ্ট্রান্দুর্বৃত্তান্মুমূর্ষূন্কালনোদিতান্।
গময়িষ্যামি ভূয়িষ্ঠানহং বৈবস্বতক্ষয়ম্॥ 2-99-45 (15434)
`উলূকং চ দুরাত্মানং সৌবলস্য সুতং প্রিয়ম্।
ক্রূরং হন্তাঽস্মি সমরে তং বৈ ক্রূরং নরাধমম্'॥ 2-99-46 (15435)
নিদেশাদ্ধর্মরাজস্য দ্রৌপদ্যাঃ পদবীং চরন্।
নির্ধার্তরাষ্ট্রাং পৃথিবীং কর্তাঽস্মি নচিরাদিব॥ 2-99-47 (15436)
বৈশম্পায়ন উবাচ॥ 2-99-48x (1726)
এবং তে পুরুষব্যাঘ্রাঃ সর্বে ব্যায়তবাহবঃ।
প্রতিজ্ঞা বহুলাঃ কৃৎবা ধৃতরাষ্ট্রমুপাগমন্॥ ॥ 2-99-48 (15437)
ইতি শ্রীমন্মহাভারতে সভাপর্বণি অনুদ্যূতপর্বণি একোনশততমোঽধ্যায়ঃ॥ 99 ॥
Mahabharata - Sabha Parva - Chapter Footnotes
2-99-13 কাকয়বা নিস্তণ্ডুলং তৃণধান্যম্॥ 2-99-17 স্মরয়িতা স্মারয়িষ্যামি ॥সভাপর্ব - অধ্যায় 100
॥ শ্রীঃ ॥
2.100. অধ্যায়ঃ 100
Mahabharata - Sabha Parva - Chapter Topics
যুধিষ্ঠিরেণ বনগমনায় ভীষ্মাদ্যামন্ত্রণম্॥ 1॥ পাণ্ডবান্প্রতি বিদুরবচনম্॥ 2॥Mahabharata - Sabha Parva - Chapter Text
যুধিষ্ঠির উবাচ॥
আমন্ত্রয়ামি ভরতাংস্তথা বৃদ্ধং পিতামহম্॥
রাজানং সোমদত্তং চ মহারাজং চ বাহ্লিকম্॥ 2-100-1 (15438)
দ্রোণং কৃপং নৃপাংশ্চান্যানশ্বত্থামানমেব চ।
বিদুরং ধৃতরাষ্ট্রং চ ধার্তরাষ্ট্রাংশ্চ সর্বশঃ॥ 2-100-3a`সৌমদত্তিং মহাবীর্যং বিকর্ণং চ মহামতিম্'।
যুয়ুৎসুং সঞ্জয়ং চৈব তথৈবান্যান্সভাসদঃ॥ 2-100-4a`গান্ধারীং চ মহাভাগাং মাতরং চ তথা পৃথাম্'।
সর্বানামন্ত্র্য গচ্ছামি দ্রষ্টাঽস্মি পুনরেত্য বঃ॥ 2-100-2 (15439)
বৈশম্পায়ন উবাচ॥ 2-100-5x (1727)
ন চ কিঞ্চিদথোচুস্তং হ্রিয়াঽঽসন্না যুধিষ্ঠিরম্।
মনোভিরেব কল্যাণং দধ্যুস্তে তস্য ধীমতঃ॥ 2-100-5 (15440)
বিদুর উবাচ॥ 2-100-6x (1728)
আর্যা পৃথা রাজপুত্রী নারণ্যং গন্তুমর্হতি।
সুকুমারী চ বৃদ্ধা চ নিত্যং চৈব সুখোচিতা॥ 2-100-6 (15441)
ইহ বৎস্যতি কল্যাণী সৎকৃতা মম বেশ্মনি।
ইতি পার্থা বিজানীধ্বমগদং বোঽস্তু সর্বশঃ॥ 2-100-7 (15442)
পাণ্ডবা ঊচুঃ। 2-100-8x (1729)
তথেত্যুক্ৎবাঽব্রুবন্সর্বে যথা নো বদসেঽনঘ।
ৎবং পিতৃব্যঃ পিতৃসমো বয়ং চ ৎবৎপরায়ণাঃ॥ 2-100-8 (15443)
যথাঽঽজ্ঞাপয়সে বিদ্বংস্ৎবং হি নঃ পরমো গুরুঃ।
যচ্চান্যদপি কর্তব্যং তদ্বিধৎস্ব মহামতে॥ 2-100-9 (15444)
বিদুর উবাচ॥ 2-100-10x (1730)
যুধিষ্ঠির বিজানীহি মমেদং ভরতর্ষভ।
নাধর্মেণ জিতঃ কশ্চিদ্ব্যথতে বৈ পরাজয়ে॥ 2-100-10 (15445)
ৎবং বৈ ধর্মং বিজানীষে যুদ্ধে জেতা ধনঞ্জয়ঃ।
হন্তাঽরীণাং ভীমসেনো নকুলস্ৎবর্থসঙ্গ্রহী॥ 2-100-11 (15446)
সংয়ন্তা সহদেবস্তু ধৌম্যো ব্রহ্মবিদুত্তমঃ।
ধর্মার্থকুশলা চৈব দ্রৌপদী ধর্মচারিণী॥ 2-100-12 (15447)
অন্যোন্যস্য প্রিয়াঃ সর্বে তথৈব প্রিয়দর্শনাঃ।
পরৈরভেদ্যাঃ সন্তুষ্টাঃ কো বোন ন স্পৃহয়েদিহ॥ 2-100-13 (15448)
এষ বৈ সর্বকল্যাণঃ সমাধিস্তব ভারত।
নৈনং শত্রুর্বিষহতে শক্রেণাপি সমোঽপ্যুত॥ 2-100-14 (15449)
হিমবত্যনুশিষ্টোঽসি মেরুসাবর্ণিনা পুরা।
দ্বৈপায়নেন কৃষ্ণেন নগরে বারণাবতে॥ 2-100-15 (15450)
ভৃগুতুঙ্গে চ রামেণ দৃষ্টদ্বত্যাং চ শম্ভুনা।
অশ্রৌষীরসি তস্যাপি মহর্ষেরঞ্জনং প্রতি॥ 2-100-16 (15451)
কল্মাষীতীরসংস্থস্য গতস্ৎবং শিষ্যতাং ভৃগোঃ।
দ্রষ্টা সদা নারদস্তে ধৌম্যস্তেঽয়ং পুরোহিতঃ॥ 2-100-17 (15452)
মাহাসীঃ সাম্পরায়ে ৎবং বুদ্ধিং তামৃষিপূজিতাম্।
পুরূরবসমৈলং ৎবং বুদ্ধ্যা জয়সি পাণ্ডব॥ 2-100-18 (15453)
শক্ত্যা জয়সি রাজ্ঞোঽন্যানৃষীন্ধর্গোপসেবয়া।
ঐন্দ্রে জয়ে ধৃতমনা যাম্যে কোপবিধারণে॥ 2-100-19 (15454)
তথা বিসর্গে কৌবেরে বারুণে কোপবিধারণে॥
আত্মপ্রদানং সৌম্যৎবমদ্ভ্যশ্চৈবোপজীবনম্॥ 2-100-20 (15455)
ভূমেঃ ক্ষমা চ তেজশ্চ সমগ্রং সূর্যমণ্ডলাৎ।
বায়োর্বলং প্রাপ্নুহি ৎবং ভূতেভ্যশ্চাত্মসম্পদম্॥ 2-100-21 (15456)
অগদং বোঽস্তু ভদ্রং বো দ্রষ্টাঽস্মি পুনরাগতান্।
আপদ্ধর্মার্থকৃচ্ছ্রেষু সর্বকার্যেষু বা পুনঃ॥ 2-100-22 (15457)
যথাবৎপ্রতিপদ্যেথাঃ কালে কালে যুধিষ্ঠির।
আপৃষ্টোঽসীহ কৌন্তেয় স্বস্তি প্রাপ্নুহি ভারত॥ 2-100-23 (15458)
কৃতার্থং স্বস্মিমন্তং ৎবাং দ্রক্ষ্যামঃ পুনরাগতম্।
ন হি বো বৃজিনং কিঞ্চিদ্বেদ কশ্চিৎপুরাকৃতম্॥ 2-100-24 (15459)
বৈশম্পায়ন উবাচ॥ 2-100-25x (1731)
এবমুক্তস্তথেত্যুক্ৎবা পাণ্ডবঃ সত্যবিক্রমঃ।
ভীষ্মদ্রোণৌ নমস্কৃত্য প্রাতিষ্ঠত যুধিষ্ঠিরঃ॥ ॥ 2-100-25 (15460)
ইতি শ্রীমন্মহাভারতে সভাপর্বণি অনুদ্যাতপর্বণি শততমোঽধ্যায়ঃ॥ 100॥
Mahabharata - Sabha Parva - Chapter Footnotes
2-100-14 সমাধির্মনঃ স্বাস্থ্যকরো নিয়মঃ॥ 2-100-19 বিধারণে নিয়মনে ॥ 2-100-20 বিসর্গে দানে। সংয়মে বশীকরণে । উপজীবনং জীবনহেতুৎবম্॥সভাপর্ব - অধ্যায় 101
॥ শ্রীঃ ॥
2.101. অধ্যায়ঃ 101
Mahabharata - Sabha Parva - Chapter Topics
পাণ্ডবানাং বনপ্রস্থানেন খিদ্যতাং পৌরাণাং বচনানি॥ 1॥Mahabharata - Sabha Parva - Chapter Text
বৈশম্পায়ন উবাচ॥
ততঃ সম্প্রস্থিতে তত্র ধর্মরাজে তদা নৃপ।
জনাঃ সমন্তাদ্দ্রষ্টুং তং সমারুরুহুরাতুরাঃ॥ 2-101-1 (15461)
ততঃ প্রাসাদবর্যাণি বিমানশিখরাণি চ।
গোপুরাণি চ সর্বাণি বৃক্ষানন্যাংশ্চ সর্বশঃ॥ 2-101-2 (15462)
অথাধিরুহ্য সস্ত্রীকা উদাসীনা ব্যলোকয়ন্।
ন হি রথ্যাস্তদা শক্যা গন্তুং তাশ্চ জনাকুলাঃ॥ 2-101-3 (15463)
আরুহ্য স্মানতাস্তত্র দীনাঃ পশ্যন্তি পাণ্ডবান্।
পদাতিং বর্জিতচ্ছত্রং চেলভূষণবর্জিতম্॥ 2-101-4 (15464)
বল্কলাজিনসংবীতং পার্থং দৃষ্ট্বা জনাস্তদা।
ঊচুর্বহুবিধা বাচো ভৃশোপহতচেতসঃ॥ 2-101-5 (15465)
জনা ঊচুঃ। 2-101-6x (1732)
যং যান্তমনুয়াতি স্ম চতুরঙ্গবলং মহৎ।
তমেকং কৃষ্ণয়া সার্ধমনুগচ্ছন্তি পাণ্ডবাঃ॥ 2-101-6 (15466)
চৎবারো ভ্রাতরশ্চৈব ধৌম্যশ্চৈব পুরোহিতঃ।
ভীমার্জুনৌ বারয়িৎবা নিকৃত্যা বদ্ধকার্মুকৌ॥ 2-101-7 (15467)
ধর্ম এবাস্থিতো যেন ত্যক্ৎবা রাজ্যং মহাত্মনা।
যা ন শক্যা পুরা দ্রষ্টুং ভূতৈরাকাশগৈরপি॥ 2-101-8 (15468)
তামদ্য কৃষ্ণাং পশ্যন্তি রাজমার্গগতা জনাঃ।
অঙ্গরাগোচিতাং কৃষ্ণাং রক্তচন্দনসেবিনীম্॥ 2-101-9 (15469)
বর্ষমুষ্ণং চ শীতং চ নেষ্যত্যাশু বিবর্ণতাম্।
অদ্য নূনং পৃথা দেবী সত্যমাবিশ্য ভাষতে॥ 2-101-10 (15470)
পুত্রান্স্নুষাং চ দেবী তু দ্রষ্টুমদ্যাথ নার্হতি।
নির্গুণস্যাপি পুত্রস্য কথং স্যাহুঃ স্বদর্শনম্॥ 2-101-11 (15471)
কিম্পুনর্যস্য লোকোঽয়ং জিতো বৃত্তেন কেবলম্।
আনৃশংস্যমনুক্রোশো ধৃতিঃ শীলং দমঃ শমঃ॥ 2-101-12 (15472)
পাণ্ডবং শোভয়ন্ত্যেতে ষড্গুণাঃ পুরুষোত্তমম্।
তস্মাদস্যোপঘাতেন প্রজাঃ পরমপীডিতাঃ॥ 2-101-13 (15473)
ঔদকানীব সৎবানি গ্রীষ্মে সলিলসঙ্ক্ষয়াৎ।
পীডয়া পীডিতং সর্বং জগদস্য জগৎপতেঃ॥ 2-101-14 (15474)
মূলস্যৈবোপঘাতেন বৃক্ষঃ পুষ্পফলোপগঃ।
মূলং হ্যেষ মনুষ্যাণাং ধর্মরাজো মহাদ্যুতিঃ॥ 2-101-15 (15475)
পুষ্পং ফলং চ পত্রং চ শাখাস্তস্যেতরে জনাঃ।
তে ভ্রাতর ইব ক্ষিপ্রং সপুত্রাঃ সহবান্ধবাঃ॥ 2-101-16 (15476)
গচ্ছন্তমনুগচ্ছামো যেন গচ্ছতি পাণ্ডবঃ।
উদ্যানানি পরিত্যজ্য ক্ষেত্রাণি চ গৃহাণি চ॥ 2-101-17 (15477)
একদুঃখসুখাঃ পার্থমনুয়াম সুধার্মিকম্।
সমুচ্ছ্রিতপতাকানি পরিধ্বস্তাজিরাণি চ॥ 2-101-18 (15478)
উপাত্তধনধান্যানি হৃতসারাণি সর্বশঃ।
রজসাঽপ্যবকীর্ণানি পরিত্যক্তানি দৈবতৈঃ॥ 2-101-19 (15479)
মূষকৈঃ পরিধাবদ্ভিরুদ্বলৈরাবৃতানি চ।
অপেতোদকধূমানি হীনসংমার্জনানি চ॥ 2-101-20 (15480)
প্রনষ্টবলিকর্মেজ্যামন্ত্রহোমজপানি চ।
দুষ্কালেনেব ভগ্নানি ভিন্নভাজনবন্তি চ॥ 2-101-21 (15481)
অস্মত্ত্যক্তানি বেশ্মানি সৌবলঃ প্রতিপদ্যতাম্।
বনং নগরমেবাস্তু যেন গচ্ছন্তি পাণ্ডবাঃ॥ 2-101-22 (15482)
অস্মাভিশ্চ পরিত্যক্তং পুরং সম্পদ্যতাং বনম্।
বিলানি দংষ্ট্রিণঃ সর্বে বানি মৃগপক্ষিণঃ॥ 2-101-23 (15483)
ত্যজন্ৎবস্মদ্ভয়াদ্ভীতা গজাঃ সিংহা বনান্যপি।
অনাক্রান্তং প্রপদ্যন্তঃ সেবমানং ত্যজন্তু চ॥ 2-101-24 (15484)
তৃণমাংসফলাদানাং দেশাংস্ত্যক্ৎবা মৃগদ্বিজাঃ।
বয়ং পার্থৈর্বনে সম্যক্সহ বৎস্যাম নির্বৃতাঃ॥ 2-101-25 (15485)
ইত্যেবং বিবিধা বাচো নানাজনসমীরিতাঃ।
শুশ্রাব পার্থঃ শ্রুৎবা চ ন বিচক্রেঽস্য মানসম্॥ 2-101-26 (15486)
ততঃ প্রাসাদসংস্থাস্তু সমন্তাদ্বৈ গৃহে গৃহে।
ব্রাহ্মণক্ষত্রিয়বিশাং শূদ্রাণাং চৈব যোষিতঃ॥ 2-101-27 (15487)
গৎবা স্বগৃহজালানি উৎপাট্যাবরণানি চ।
দদৃশুঃ পাণ্ডবান্দীনান্বল্কলাজিনবাসসঃ॥ 2-101-28 (15488)
কৃষ্ণাং ৎবদৃষ্টপূর্বাং তাং ব্রজন্তীং পদ্ভিরেব চ।
একবস্ত্রাং রুদন্তীং তাং মুক্তকেশীং রজস্বলাম্॥ 2-101-29 (15489)
দৃষ্ট্বা তদা স্ত্রিয়ঃ সর্বা বিবর্ণবদনা ভৃশম্।
বিলপ্য বহুধা মোহাদ্দুঃখশোকেন পীডিতাঃ।
হাহা ধিগ্ধিগ্ধিগিত্যুক্ৎবা নেত্রৈরশ্রূণ্যবর্তয়ন্॥ 2-101-30 (15490)
জনস্যাথ বজঃ শ্রুৎবা স রাজা ভ্রাতৃভিঃ সহ।
উদ্দিশ্য বনাবাসায় প্রতস্থে কৃতনিশ্চয়ঃ॥ 2-101-31 (15491)
বৈশম্পায়ন উবাচ॥ 2-101-32x (1733)
তস্মিন্সম্প্রস্থিতে কৃষ্ণা পৃথাং প্রাপ্য যশস্বিনীম্।
অপৃচ্ছদ্ভৃশদুঃখার্তা যাশ্চান্যাস্তত্র যোষিতঃ॥ 2-101-32 (15492)
ততো নিনাদঃ সুমহান্পাণ্ডবান্তঃ পুরেঽভবৎ॥ 2-101-33 (15493)
কুন্তী চ ভৃশশন্তপ্তা দ্রৌপদীং প্রেক্ষ্য গচ্ছতীম্।
শোকবিহ্বলয়া বাচা কৃচ্ছ্রাদ্বচনমব্রবীৎ॥ 2-101-34 (15494)
বৎসে শোকো ন তে কার্যঃ প্রাপ্যেদং ব্যসনং মহৎ।
স্ত্রীধর্মাণামভিজ্ঞাঽসি শীলাচারবতী তথা॥ 2-101-35 (15495)
ন ৎবাং শন্দেষ্টুমর্হামি ভর্তৄন্প্রতি শুচিস্মিতে।
সাধ্বী গুণসমাপন্না ভূষিতং তে কুলদ্বয়ম্॥ 2-101-36 (15496)
সভাগ্যাঃ কুরবশ্চেমে যে ন দগ্ধাস্ৎবয়াঽনঘে।
অরিষ্টং ব্রজ পন্থানং মদনুধ্যানবৃংহিতা॥ 2-101-37 (15497)
ভাবিন্যর্থে হি সৎস্ত্রীণাং বৈকৃতং নোপজায়তে।
গুরুধর্মাভিগুপ্তা চ শ্রেয়ঃ ক্ষিপ্রমবপ্স্যসি॥ 2-101-38 (15498)
সহদেবশ্চ মে পুত্রঃ সদাঽবেক্ষ্যো বনে বসন্।
যথেদং ব্যসনং প্রাপ্য নায়ং সীদেন্মহামতিঃ॥ 2-101-39 (15499)
বৈশম্পায়ন উবাচ॥ 2-101-40x (1734)
তথেন্যুক্ৎবা তু সা দেবী স্রবন্নেত্রজলাবিলা।
শোণিতাক্তৈকবসনা মুক্তকেশী বিনির্যযৌ॥ 2-101-40 (15500)
তাং ক্রোশন্তীং পৃথা দুঃখাদনুবব্রাজ গচ্ছতীম্।
অথাপশ্যন্সুতান্সর্বান্হৃতাভরণবাসসঃ॥ 2-101-41 (15501)
রুরুচর্মাবৃততনূন্হ্রিয়া কিঞ্চিদবাহ্মুখান্।
পরৈঃ পরীতান্সংহৃষ্টৈঃ সুহৃদ্ভিশ্চানুশোচিতান্॥ 2-101-42 (15502)
তদবস্থান্সুতান্সর্বানুপসৃত্যাতিবৎসলা।
স্বজমানাঽবদচ্ছেকাত্তত্তদ্বিলপতী বহু॥ 2-101-43 (15503)
কুন্ত্যুবাচ। 2-101-44x (1735)
কথং সদ্ধর্মচারিত্রান্বৃত্তস্থিতিবিভূষিতান্।
অক্ষুদ্রান্দৃঢভক্তাংশ্চ দৈবতেজ্যাপরান্সদা॥ 2-101-44 (15504)
ব্যসনং বঃ সমভ্যাগাৎকোঽয়ং বিধিবিপর্যযঃ।
কস্যাপধ্যানজং চেদমাগঃ পশ্যামি বো ধিয়া॥ 2-101-45 (15505)
স্যাত্তু মদ্ভাগ্যদোষোঽয়ং যাঽহং যুষ্মানজীজনম্।
দুঃখায়াসভুজোঽত্যর্থং যুক্তানপ্যুত্তমৈর্গুণৈঃ॥ 2-101-46 (15506)
কথং বৎস্যথ দুর্গেষু বনে ঋদ্ধিবিনাকৃতাঃ।
বীর্যসৎববলোৎসাহতেজোভিরকৃশাঃ কৃশাঃ॥ 2-101-47 (15507)
যদ্যেবমহমজ্ঞাস্যং বনে বাসং হি বো ধ্রুবম্।
শতশৃঙ্গান্মৃতে পাণ্ডৌ নাগমিষ্যং গজাহ্বয়ম্॥ 2-101-48 (15508)
ধন্যং বঃ পিতরং মন্যে তপোমেধান্বিতং তথা।
যঃ পুত্রাধিমসম্প্রাপ্য স্বর্গেচ্ছামকরোৎপ্রিয়াম্॥ 2-101-49 (15509)
ধন্যাং চাতীন্দ্রিয়জ্ঞানামিমাং প্রাপ্তাং পরাং গতিম্।
মন্যে তু মাদ্রীং ধর্মজ্ঞাং কল্যাণীং সর্বথৈব তু॥ 2-101-50 (15510)
রত্যা মত্যা চ গত্যা চ যয়াঽহমভিসন্ধিতা।
জীবিতপ্রিয়তাং মহ্যং ধিঙ্মাং সঙ্ক্লেশভাগিনীম্॥ 2-101-51 (15511)
পুত্রকা ন বিহাস্যে বঃ কৃচ্ছ্রলব্ধান্প্রিয়ান্সতঃ।
সাঽহং যাস্যামি হি বনং হা কৃষ্ণে কিং জহাসি মাম্। 2-101-52 (15512)
অন্তবত্যসুধর্মেঽস্মিন্ধাত্রা কিং নু প্রমাদতঃ।
মমান্তো নৈব বিহিতস্তেনায়ুর্ন জহাতি মাম্॥ 2-101-53 (15513)
হা কৃষ্ণ দ্বারকাবাসিন্ক্বাসি সঙ্কর্ষণানুজ।
কস্মান্ন ত্রায়সে দুঃখান্মাং চেমাংশ্চ নরোত্তমান্॥ 2-101-54 (15514)
অনাদিনিধনং যে ৎবামনুধ্যায়ন্তি বৈ নরাঃ।
তাংস্ৎবং পাসীত্যযং বাদঃ স গতো ব্যর্থতাং কথম্॥ 2-101-55 (15515)
ইমে সদ্ধর্মমাহাত্ম্যযশোবীর্যানুবর্তিনঃ।
নার্হন্তি ব্যসনং ভোক্তুং নন্বেষাং ক্রিয়তাং দয়া॥ 2-101-56 (15516)
সেয়ং নীত্যর্থবিজ্ঞেষু কথমাপদুপাগতা॥
স্থিতেষু কুলনাথেষু কথমাপদুপাগতা॥ 2-101-57 (15517)
হা পাণ্ডো হা মহারাজ ক্বাসি কিং সমুপেক্ষসে।
পুত্রান্বিবাস্যতঃ সাধূনরিভির্দ্যূতনির্জিতান্॥ 2-101-58 (15518)
সহদেব নিবর্তস্ব ননু ৎবমসি মে প্রিয়ঃ।
শরীরাদপি মাদ্রেয় মাং মা ত্যাক্ষীঃ কুপুত্রবৎ॥ 2-101-59 (15519)
ব্রজন্তু ব্রাতরস্তেঽমী যদি সত্যাভিসন্ধিনঃ।
মৎপরিত্রাণজং ধর্মমিহৈব ৎবমবাপ্নুহি॥ 2-101-60 (15520)
বৈশম্পায়ন উবাচ॥ 2-101-61x (1736)
এবং বিপলতীং কুন্তীমভিবাদ্য প্রণম্য চ।
পাণ্ডবা বিগতানন্দা বনায়ৈব প্রবব্রজুঃ॥ 2-101-61 (15521)
বিদুরশ্চাপি তামার্তাং কুন্তীমাশ্বাস্য হেতুভিঃ।
প্রাবেশয়দ্গৃহং ক্ষত্তা স্বয়মার্ততরঃ শনৈঃ॥ 2-101-62 (15522)
ধার্তরাষ্ট্রস্ত্রিস্তাশ্চ নিখিলেনোপলভ্য তৎ।
গমনং পরিকর্ষং চ কৃষ্ণায়া দ্যূতমণ্ডলে॥ 2-101-63 (15523)
রুরুদুঃ সুস্বনং সর্বা বিনিন্দন্ত্যঃ কুরূন্ভৃশম্।
দধ্যুশ্চ সুচিরং কালং করাসক্তমুখাম্বুজাঃ॥ 2-101-64 (15524)
রাজা চ ধৃতরাষ্ট্রস্তু পুত্রাণামনয়ং তদা।
ধ্যায়ন্নুদ্বিগ্নহৃদয়ো ন শান্তিমধিজগ্মিবান্॥ 2-101-65 (15525)
স চিন্তয়ন্ননেকাগ্রঃ শোকব্যাকুলচেতনঃ।
ক্ষত্তুঃ সম্প্রেষয়ামাস শীঘ্রমাগম্যতামিতি॥ 2-101-66 (15526)
ততো জগাম বিদুরো ধৃতরাষ্ট্রনিবেশনম্।
তং পর্যপৃচ্ছৎসংবিগ্নো ধৃতরাষ্ট্রো জনাধিপঃ॥ ॥ 2-101-67 (15527)
ইতি শ্রীমন্মহাভারতে সভাপর্বণি অনুদ্যূতপর্বণি একোত্তরশততমোঽধ্যায়ঃ॥ 101॥
Mahabharata - Sabha Parva - Chapter Footnotes
2-101-40 শোণিতাক্তৈকবসনা রজস্বলা॥ 2-101-51 মহ্যং মম ॥ 2-101-53 অসুধর্মে প্রাণধারণে। অন্তবতি বিনাশবতি॥সভাপর্ব - অধ্যায় 102
॥ শ্রীঃ ॥
2.102. অধ্যায়ঃ 102
Mahabharata - Sabha Parva - Chapter Topics
ধৃতরাষ্ট্রেণ বিদুরম্প্রতি পাণ্ডবানাং বনপ্রস্থানসময়ে চেষ্টবিশেষপ্রশ্নে তত ্তচ্চেষ্টাবিশেষকথনপূর্বকং তত্তদভিপ্রায়াবিষ্করণম্ ॥ 1॥ দ্রোণেন দুর্যোধনায় হিতোপদেশঃ॥ 2॥Mahabharata - Sabha Parva - Chapter Text
বৈশম্পায়ন উবাচ॥
তমাগতমথো রাজা বিদুরং দীর্ঘদর্শিনম্।
সাশঙ্ক ইব প্রপচ্ছ ধৃতরাষ্টোঽম্বিকাসুতঃ॥ 2-102-1 (15528)
কথং গচ্ছতি কৌন্তেয়ো ধর্মপুত্রো যুধিষ্ঠিরঃ।
ভীমসেনঃ সব্যসাচী মাদ্রীপুত্রী চ পাণ্ডবৌ॥ 2-102-2 (15529)
ধৌম্যশ্চৈব কথং ক্ষত্তর্দ্রৌপদী চ যশস্বিনী।
শ্রোতুমিচ্ছাম্যহং সর্বং তেষাং শংস বিচেষ্টিতম্॥ 2-102-3 (15530)
বিদুর উবাচ॥ 2-102-4x (1737)
বস্ত্রেণ সংবৃত্য মুখং কুন্তীপুত্রো যুধিষ্ঠিরঃ।
বাহূ বিশালৌ সম্পশ্যন্ভীমো গচ্ছতি পাণ্ডবঃ॥ 2-102-4 (15531)
সিকতা বপন্সব্যসাচী রাজানমনুগচ্ছতি।
মাদ্রীপুত্রঃ সহদেবো মুখমালিপ্য গচ্ছতি॥ 2-102-5 (15532)
পাংসূপলিপ্তসর্বাঙ্গো নকুলশ্চিত্তবিহ্বলঃ।
দর্শনীয়তমো লোকে রাজানমনুগচ্ছতি॥ 2-102-6 (15533)
কৃষ্ণা তু কেশৈঃ প্রচ্ছাদ্য মুখমায়তলোচনা।
দর্শনীয়া প্ররুদতী রাজানমনুগচ্ছতি॥ 2-102-7 (15534)
ধৌম্যো রৌদ্রাণি সামানি যাম্যানি চ বিশাম্পতে।
গায়ন্গচ্ছতি মার্গেষু কুশানাদায় পাণিনা॥ 2-102-8 (15535)
ধৃতরাষ্ট্র উবাচ॥ 2-102-9x (1738)
বিবিধানীহ রূপাণি কৃৎবা গচ্ছন্তি পাণ্ডবাঃ।
তন্মমাচক্ষ্ব বিদুর কস্মাদেবং ব্রজন্তি তে॥ 2-102-9 (15536)
বিদুর উবাচ॥ 2-102-10x (1739)
নিকৃতস্যাপি তে পুত্রৈর্হৃতে রাজ্যে ধনেষু চ।
ন ধর্মাচ্চলতে বুদ্ধির্ধর্মরাজস্য ধীমতঃ॥ 2-102-10 (15537)
যোঽসৌ রাজা ঘৃণী নিত্যং ধার্তরাষ্ট্রেষু ভারত।
নিকৃত্যা ভ্রংশিতঃ ক্রোধান্নোন্মীলয়তি লোচনে॥ 2-102-11 (15538)
নাহং জনং নির্দহেয়ং দৃষ্ট্বা ঘোরেণ চক্ষুষা।
স পিধায় মুখং রাজা তস্মাদ্গচ্ছতি পাণ্ডবঃ॥ 2-102-12 (15539)
যথা চ ভীমো ব্রজতি নিগদতঃ শৃণু।
বাহ্বোর্বলে নাস্তি সমো মমেতি ভরতর্ষভ॥ 2-102-13 (15540)
বাহূ বিশালৌ কৃৎবাঽসৌ তেন ভীমোপি গচ্ছতি।
বাহূ বিদর্শয়ন্রাজন্বাহুদ্রবিণদর্পিতঃ॥ 2-102-14 (15541)
চিকীর্ষন্কর্ম শত্রুভ্যো বাহুদ্রব্যানুরূপতঃ।
প্রদিশঞ্শরসম্পাতান্কুন্তীপুত্রোঽর্জুনস্তদা॥ 2-102-15 (15542)
সিকতা বপন্সব্যসাচী রাজানমনুগচ্ছতি।
অসক্তাঃ সিকতাস্তস্য যথা সম্প্রতি ভারত।
অসক্তং শরবর্ষাণি তথা মোক্ষ্যতি শত্রুষু॥ 2-102-16 (15543)
ন মে কশ্চিদ্বিজানীয়ান্মুখমদ্যেতি ভারত।
মুখমালিপ্য তেনাসৌ সহদেবোঽপি গচ্ছতি॥ 2-102-17 (15544)
নাহং মনাংস্যাদদেয়ং মার্গে স্ত্রীণামিতি প্রভো।
পাংসূপলিপ্তসর্বাঙ্গো নকুলস্তেন গচ্ছতি॥ 2-102-18 (15545)
একবস্ত্রা প্ররুদতী মুক্তকেশী রজস্বলা।
শোণিতেনাক্তবসনা দ্রৌপদী বাক্যমব্রবীৎ॥ 2-102-19 (15546)
যৎকৃতেঽহমিদং প্রাপ্তা তেষাং বর্ষে চতুর্দশে।
হতপত্যো হতসুতা হতবন্ধুজনপ্রিয়াঃ॥ 2-102-20 (15547)
বন্ধুশোণিতদিগ্ধাঙ্গ্যো মুক্তকেশ্যো রজস্বলাঃ।
এবং কৃতোদকা ভার্যাঃ প্রবেক্ষ্যন্তি গজাহ্বয়ম্॥ 2-102-21 (15548)
কৃৎবা তু নৈর্ঋতান্দর্ভান্ধীরো ধৌম্যঃ পুরোহিতঃ।
সামানি গায়ন্যাম্যানি পুরতো যাতি ভারত॥ 2-102-22 (15549)
হতেষু ভরতেষ্বাজৌ কুরূণাং গুরবস্তদা।
এবং সামানি -- ন্তীত্যুক্ৎবা ধৌম্যোপি গচ্ছতি । 2-102-23 (15550)
`প্রস্থাপ্য পাণ্ডবাঞ্শেষান্নিঃ শেষস্তে ভবিষ্যতি।
ইতি ধৌম্যো ব্যবসিতো রৌদ্রসামানি গায়তি॥ 2-102-24 (15551)
ধৃতরাষ্ট্র উবাচ॥ 2-102-25x (1740)
কিমব্রুবন্নৈকৃতিকঃ কিং বা নাগরিকা জনাঃ।
তথ্যেন মে সমাচক্ষ্ব ক্ষত্তঃ সর্বমশেষতঃ ॥ 2-102-25 (15552)
বিদুর উবাচ॥ 2-102-26x (1741)
ব্রাহ্মণাঃ ক্ষত্রিয়া বৈশ্যাঃ শূদ্রা যেঽন্যে বদন্ত্যথ।
তচ্ছৃণুষ্ব মহারাজ বক্ষ্যতে চ ময়া তব॥ 2-102-26 (15553)
প্রকৃতয় ঊচুঃ। 2-102-27x (1742)
হাহা গচ্ছন্তি নো নাথাঃ সমবেক্ষধ্বমীদৃশম্।
অহো ধিক্কুরুবৃদ্ধানাং বালানামিব চেষ্টিতম্॥ 2-102-27 (15554)
রাষ্ট্রেভ্যঃ পাণ্ডুদায়াদাঁল্লোভান্নির্বাসয়ন্তি যে।
অনাথাঃ স্ম বয়ং সর্বে বিয়ুক্তাঃ পাণ্ডুনন্দনৈঃ॥ 2-102-28 (15555)
দুর্বিনীতেষু লুব্ধেষু কা প্রীতিঃ কৌরবেষু নঃ।
ইতি পৌরাঃ সুদুঃ খার্তাঃ ক্রোশন্তি স্ম পুনঃ পুনঃ॥ 2-102-29 (15556)
এবমাকারলিঙ্গৈস্তে ব্যবসায়ং মনোগতম্।
কথয়ন্তশ্চ কৌন্তেয়া বনং জগ্মুর্মনস্বিনঃ॥ 2-102-30 (15557)
এবং তেষু নরাগ্র্যেষু নির্যৎসু গজসাহ্বয়াৎ।
অনভ্রে বিদ্যুতশ্চাসন্ভূমিশ্চ সমকম্পত॥ 2-102-31 (15558)
রাহুরগ্রসদাদিত্যমপর্বণি বিশাম্পতে।
উল্কা চাপ্যপসব্যেন পুরং কৃৎবা ব্যশীর্যত॥ 2-102-32 (15559)
প্রত্যাহরন্তি ক্রব্যাদা গৃধ্রগোমায়ুবায়সাঃ।
দেবায়তনচৈত্যেষু প্রাকারাট্টালকেষু চ॥ 2-102-33 (15560)
এবমেতে মহোৎপাতাঃ প্রাদুরাসন্দুরাসদাঃ।
ভরতানামভাবায় রাজন্দুর্মন্ত্রিতে তব॥ 2-102-34 (15561)
বৈশম্পায়ন উবাচ॥ 2-102-35x (1743)
এবং প্রবদতোরেব তয়োস্তত্র বিশাম্পতে।
ধৃতরাষ্ট্রস্য রাজ্ঞশ্চ বিদুরস্য চ ধীমতঃ॥ 2-102-35 (15562)
নারদশ্চ সভামধ্যে কুরূণামগ্রতঃ স্থিতঃ।
মহর্ষিভিঃ পরিবৃতো রৌদ্রং বাক্যমুবাচ হ॥ 2-102-36 (15563)
ইতশ্চতুর্দশে বর্ষে বিঙ্ক্ষ্যন্তীহ কৌরবাঃ।
দুর্যোধনাপরাধেন ভীমার্জুনবলেন চ॥ 2-102-37 (15564)
ইত্যুক্ৎবা দিবমাক্রম্য ক্ষিপ্রমন্তরধীয়ত।
ব্রাহ্মীং শ্রিয়ং সুবিপুলাং বিভ্রদ্দেবর্ষিসত্তমঃ॥ 2-102-38 (15565)
ততো দুর্যোধনঃ কর্ণঃ শকুনিশ্চাপি সৌবলঃ।
দ্রোণং দ্বীপমমন্যন্ত রাজ্যং চাস্মৈ ন্যবেদয়ন্॥ 2-102-39 (15566)
অথাব্রবীত্ততো দ্রোণো দুর্যোধনমমর্ষণম্।
দুঃশাসনং চ কর্ণং চ সর্বানেব চ ভারতান্॥ 2-102-40 (15567)
অবধ্যান্পাণ্ডবান্প্রাহুর্দেবপুত্রান্দ্বিজাতয়ঃ।
অহং চৈ শরণং প্রাপ্তান্বর্তমানো যথাবলম্॥ 2-102-41 (15568)
গন্তা সর্বাত্মনা ভক্ত্যা ধার্তরাষ্ট্রান্সরাজকান্।
নোৎসহেয়ং পরিত্যক্তুং দৈবং হি বলবত্তরম্॥ 2-102-42 (15569)
ধর্মতঃ পাণ্ডুপুত্রা বৈ বনং গচ্ছন্তি নির্জিতাঃ।
তে চ দ্বাদশ বর্ষাণি বনে বৎস্যন্তি পাণ্ডবঃ॥ 2-102-43 (15570)
চরিতব্রহ্মচর্যাশ্চ ক্রোধামর্ষবশানুগাঃ।
বৈরং নির্যাতয়িষ্যন্তি মহদ্দুঃখায় পাণ্ডবাঃ॥ 2-102-44 (15571)
ময়া চ ভ্রংশিতো রাজন্দ্রুপদঃ সখিবিগ্রহে।
পুত্রার্থময়জদ্রাজা বধায় মম ভারত॥ 2-102-45 (15572)
যাজোপয়াজতপসা পুত্রং লেভে স পাবকাৎ।
ধৃষ্টদ্যুম্নং দ্রৌপদীং চ বেদীমধ্যাৎসুমধ্যমাম্॥ 2-102-46 (15573)
ধৃষ্টদ্যুম্নস্তু পার্থানাং স্যালঃ সম্বন্ধতো মতঃ।
পাণ্ডবানাং প্রিয়রতস্তস্মান্মাং ভয়মাবিশৎ॥ 2-102-47 (15574)
জ্বালাবর্ণো দেবদত্তো ধনুষ্মান্কবচী শরী।
মর্ত্যধর্মতয়া তস্মাদদ্য মে সাধ্বসো মহান্॥ 2-102-48 (15575)
গতো হি পক্ষতাং তেষাং পার্ষতঃ পরবীরহা।
রথাতিরথসঙ্খ্যায়াং যোঽগ্রণীরর্জুনো যুবা॥ 2-102-49 (15576)
সৃষ্টপ্রাণো ভৃশতরং তেন চেৎসঙ্গমো মম।
কিমন্যদ্দুঃখমধিকং পরমং ভুবি কৌরবাঃ॥ 2-102-50 (15577)
ধৃষ্টদ্যুম্নো দ্রোণমৃত্যুরিতি বিপ্রথিতং বচঃ।
মদ্বধায়াশ্রিতোঽপ্যেষ লোকে চাপ্যতিবিশ্রুতঃ॥ 2-102-51 (15578)
সোঽয়ং নূনমনুপ্রাপ্তস্ৎবৎকৃতে কালপর্যযঃ।
ৎবরিতং কুরুত শ্রেয়ো নৈতদেতাবতা কৃতম্॥ 2-102-52 (15579)
মুহূর্তং সুখমেবৈতত্তালচ্ছায়েব হৈমনী।
জয়ধ্বং চ মহায়জ্ঞৈর্ভোগানশ্নীত দত্ত চ॥ 2-102-53 (15580)
ইতশ্চতুর্দশে বর্ষে মহৎপ্রাপ্স্যথ বৈশসম্।
দুর্যোধন নিশম্যৈতৎপ্রতিপদ্য যথেচ্ছসি॥ 2-102-54 (15581)
শমং বা পাণ্ডুপুত্রেণ প্রয়ুঙ্ক্ষ্ব যদি মন্যসে। 2-102-55 (15582)
বৈশম্পায়ন উবাচ॥
দ্রোণস্য --চনং শ্রুৎবা ধৃতরাষ্ট্রোঽব্রবীদিদম্॥ 2-102-55x (1744)
সম্যগাহ গুরুঃ ক্ষত্তরুপাবর্তয় পাণ্ডবান্।
যদি তে ন নিবর্তন্তে সৎকৃতা যান্তু পাণ্ডবাঃ। 2-102-56 (15583)
সশস্ত্ররথপাদাতা ভোগবন্তশ্চ পুত্রকাঃ॥ ॥ 2-102-57 (15584)
ইতি শ্রীমন্মহাভারতে সভাপর্বণি অনুদ্যতপর্বণি দ্ব্যধিকশততমোঽধ্যায়ঃ॥ 102॥
Mahabharata - Sabha Parva - Chapter Footnotes
2-102-16 অসক্তাঃ পরস্পরমলগ্নাঃ॥ 2-102-39 দ্বীপমাশ্রয়ম্॥ 2-102-48 দেবদত্তো দেবৈর্দত্তঃ॥ 2-102-50 সঙ্গমঃ সঙ্গ্রামে ইতি শেষঃ॥ 2-102-53 হৈমনী হেমন্তসম্বন্ধিনী॥ 2-102-54 বৈশসং নাশম্॥সভাপর্ব - অধ্যায় 103
॥ শ্রীঃ ॥
2.103. অধ্যায়ঃ 103
Mahabharata - Sabha Parva - Chapter Topics
ধৃতরাষ্ট্রসঞ্জয়যোঃ সংবাদঃ॥ 1॥Mahabharata - Sabha Parva - Chapter Text
বৈশম্পায়ন উবাচ॥
বনং গতেষু পার্থেষু নির্জিতেষু দুরোদরে।
ধৃতরাষ্ট্রং মহারাজ তদা চিন্তা সমাবিশৎ॥ 2-103-1 (15585)
তং চিন্তয়ানমাসীনং ধৃতরাষ্ট্রং জনেশ্বরম্।
নিঃ শ্বসন্তমনেকাগ্রমিতি হোবাচ সঞ্জয়ঃ॥ 2-103-2 (15586)
অবাপ্য বসুসম্পূর্ণাং বসুধাং বসুধাধিপ।
প্রব্রাজ্য পাণ্ডবান্রাজ্যাদ্রাজন্কিমনুশোচসি॥ 2-103-3 (15587)
ধৃতরাষ্ট্র উবাচ॥ 2-103-4x (1745)
অশোচ্যৎবং কুতস্তেষাং যেষাং বৈরং ভবিষ্যতি।
পাণ্ডবৈর্যুদ্ধশৌণ্ডৈর্হি বলবদ্ভির্মহারথৈঃ॥ 2-103-4 (15588)
সঞ্জয় উবাচ॥ 2-103-5x (1746)
তবেদং সুকৃতং রাজন্মহদ্বৈরমুপস্থিতম্।
বিনাশো যেন লোকস্য সানুবন্ধো ভবিষ্যতি॥ 2-103-5 (15589)
বার্যমাণো হি ভীষ্মেণ দ্রোণেন বিদুরেণ চ।
পাণ্ডবানাং প্রিয়াং ভার্যাং দ্রৌপদীং ধর্মচারিণীম্। 2-103-6 (15590)
প্রাহিণোদানয়েহেতি পুত্রো দুর্যোধনস্তব।
সূতপুত্রং সুমন্দাত্মা নির্লজ্জঃ প্রাতিকামিনম্॥ 2-103-7 (15591)
যস্মৈ দেবাঃ প্রয়চ্ছন্তি পুরুষায় পরাভবম্।
বুদ্ধিং তস্যাপকর্ষন্তি সোঽবাচীনানি পশ্যতি॥ 2-103-8 (15592)
বুদ্ধৌ কলুষভূতায়াং বিনাশে সমুপস্থিতে।
অনয়ো নয়সঙ্কাশো হৃদয়ান্নাপসর্পতি॥ 2-103-9 (15593)
অনর্থাশ্চার্থরূপেণ অর্থাশ্চানর্থরূপিণঃ।
উত্তিষ্ঠন্তি বিনাশায় নূনং তচ্চাস্য রোচতে॥ 2-103-10 (15594)
ন কালো দণ্ডমুদ্যম্য শিরঃ কৃন্ততি কস্যচিৎ।
কালস্য বলমেতার্বাদ্বপরীতার্থদর্শনম্॥ 2-103-11 (15595)
আসাদিতমিদং ঘোরং তুমুলং রোমহর্ষণম্।
পাঞ্চালীমপকর্ষদ্ভিঃ সভামধ্যে তপস্বিনীম্॥ 2-103-12 (15596)
অয়োনিজাং রূপবতীং কুলে জাতাং বিভাবসোঃ।
কো নু তাং সর্বধর্মজ্ঞাং পরিভূয় যশস্বিনীম্॥ 2-103-13 (15597)
পর্যানয়েৎসভামধ্যে বিনা দুর্দ্যূতদেবিনম্।
স্ত্রীধর্মিণী বরারোহা শোণিতেন পরিপ্লুতা॥ 2-103-14 (15598)
একবস্ত্রাথ পাঞ্চালী পাণ্ডবানভ্যবৈক্ষত।
হৃতস্বান্হৃতরাজ্যাংশ্চ হৃতবস্ত্রান্হৃতশ্রিয়ঃ॥ 2-103-15 (15599)
বিহীনান্সর্বকামেভ্যো দাসভাবমুপাগতান্।
ধর্মপাশপরিক্ষিপ্তানশক্তানিব বিক্রমে॥ 2-103-16 (15600)
ক্রুদ্ধাং চানর্হতীং কৃষ্ণাং দুঃখিতাং কুরুসংসদি।
দুর্যোধনশ্চ কর্ণশ্চ কটুকান্যভ্যভাষতাম্॥ 2-103-17 (15601)
ইতি সর্বমিদং রাজন্নাকুলং প্রতিভাতি মে। 2-103-18 (15602)
ধৃতরাষ্ট্র উবাচ॥
তস্যাঃ কৃপণচক্ষুর্ভ্যাং প্রদহ্যেতাপি মেদিনী॥ 2-103-18x (1747)
অপি শেষং ভবেদদ্য পুত্রাণাং মম সঞ্জয়।
ভরতানাং স্ত্রিয়ঃ সর্বা গান্ধার্যা সহ সঙ্গতাঃ॥ 2-103-19 (15603)
প্রাকোশন্ভৈরবং তত্র দৃষ্ট্বা কৃষ্ণাং সভাগতাম্।
ধর্মিষ্টাং ধর্মপত্নীং চ রূপয়ৌবনশালিনীম্॥ 2-103-20 (15604)
প্রজাভিঃসহ সঙ্গম্য হ্যনুশোচন্তি নিত্যশঃ।
অগ্নিহোত্রাণি সায়াহ্নে চ চাহূয়ন্ত সর্বশঃ॥ 2-103-21 (15605)
ব্রাহ্মণাঃ কুপিতাশ্চাসন্দ্রৌপদ্যাঃ পরিকর্ষণে।
আসীন্নিষ্ঠানকো ঘোরো নির্ঘাতশ্চ মহানভূৎ॥ 2-103-22 (15606)
দিব উল্কাশ্চাপতন্ত রাহুশ্চার্কমুপাগ্রসৎ।
অপর্বণি মহাঘোরং প্রজানাং জয়ন্ভয়ম্॥ 2-103-23 (15607)
তথৈব রথশালাসু প্রাদুরাসীদ্ধুতাশনঃ।
ধ্বজাশ্চাপি ব্যশীর্যন্ত ভরতানামভূতয়ে॥ 2-103-24 (15608)
দুর্যোধনস্যাগ্নিহোত্রে প্রাক্রোশন্ভৈরবং শিবাঃ।
তাস্তদা প্রত্যভাষন্ত রাসভাঃ সর্বতো দিশঃ॥ 2-103-25 (15609)
প্রাতিষ্ঠত ততো ভীষ্মো দ্রোণেন সহ সঞ্জয়।
কৃপশ্চ সোমদত্তশ্চ বাহ্লীকশ্চ মহামনাঃ॥ 2-103-26 (15610)
ততোঽহমব্রুবং তত্র বিদুরেণ প্রচোদিতঃ।
বরং দদানি কৃষ্ণায়ৈ কাঙ্ক্ষিতং যদ্যদিচ্ছতি॥ 2-103-27 (15611)
অবৃণোত্তত্র পাঞ্চালী পাণ্ডবানা --সতাম্।
সরথান্সধনুষ্কাংশ্চাপ্যনুজ্ঞাসিষমপ্যহম্॥ 2-103-28 (15612)
অথাব্রবীন্মহাপ্রাজ্ঞো বিদুরঃ সর্বধর্মবিৎ।
এতদন্তাস্তু ভরতা যদ্ব-কৃষ্ণা সভাং গতা॥ 2-103-29 (15613)
যৈষা পাঞ্চালরাজস্য সুতা সা শ্রীরনুত্তমা।
পাঞ্চালী পাণ্ডবানেতান্দৈবসৃষ্টোপসর্পতি॥ 2-103-30 (15614)
তস্যাঃ পার্থাঃ পরিক্লেশং ন ক্ষংস্যন্তে হ্যমর্ষণাঃ।
বৃষ্ণয়ো বা মহেষ্বাসাঃ পাঞ্চালা বা মহারথাঃ॥ 2-103-31 (15615)
তেন সত্যাভিসন্ধেন বাসুদেবেন রক্ষিতাঃ।
আগমিষ্যতি বীভৎসুঃ পঞ্চালৈঃ পরিবারিতঃ॥ 2-103-32 (15616)
তেষাং মধ্যে মহেষ্বাসো ভীমসেনো মহাবলঃ।
আগমিষ্যতি ধুন্বানো গদাং দণ্ডমিবান্তকঃ॥ 2-103-33 (15617)
ততো গাণ্ডীবনির্ঘোষং শ্রুৎবা পার্থস্য ধীমতঃ।
গদাবেগং চ ভীমস্য নালং সোঢুং নরাধিপাঃ॥ 2-103-34 (15618)
তত্র মে রোচতে নিত্যং পার্থৈঃ সাম ন বিগ্রহঃ।
কুরুভ্যো হি সদা মন্যে পাণ্ডবান্বলবত্তরান্॥ 2-103-35 (15619)
তথা হি বলবান্রাজা জরাসন্ধো মহাদ্যুতিঃ।
বাহুপ্রহরণেনৈব ভীমেন নিহতো যুধি। 2-103-36 (15620)
তস্য তে শম এবাস্তু পাণ্ডবৈর্ভরতর্ষভ।
উভয়োঃ পক্ষয়োর্যুক্তং ক্রিয়তামবিশঙ্কয়া॥ 2-103-37 (15621)
এবং কৃতে মহারাজ পরং শ্রেয়স্ৎবমাপ্স্যসি।
এবং গাবল্গণে ক্ষত্তা ধর্মার্থসহিতং বচঃ॥ 2-103-38 (15622)
উক্তবান্ন গৃহীতং বৈ ময়া পুত্রহিতৈষিণা॥ ॥ 2-103-39 (15623)
ইতি শ্রীমন্মহাভারতে শতসাহস্রয়াং সংহিতায়াং বৈয়াসিক্যাং সভাপর্বণি অনুদ্যূতপর্বণি ব্যধিকশততমোঽধ্যায়ঃ॥ 103॥ ॥ সমাপ্তমনুদ্যূতপর্ব সভাপর্ব চ॥ ইতঃ পরং বনপর্ব ভবিষ্যতি তস্যায়মাদ্যঃ শ্লোকঃ। জনমেজয় উবাচ॥ এবং দ্যূতজিতাঃ পার্থাঃ কোপিতাশ্চ দুরাত্মভিঃ। ধার্তরাষ্ট্রৈঃ সহামাত্যৈর্নিকৃত্যা দ্বিজসত্তম॥ 1॥