Kumbhaghonam Edition in Bangla Script
3. অরণ্যপর্ব
অরণ্যপর্ব - অধ্যায় 001
॥ শ্রীঃ ॥
3.1. অধ্যায়ঃ 001
Mahabharata - Vana Parva - Chapter Topics
দ্যূতজিতানাং পাণ্ডবানাং দ্রৌপদ্যাসহ বনংপ্রতি প্রস্থানম্ ॥ 1 ॥ তদনু পৌরৈর্দুর্যোধননগর্হণপূর্বকং পাণ্ডবৈঃ সহারণ্যবাসেচ্ছয়া তদনুগমনম্ ॥ 2 ॥ যুধিষ্ঠিরেণ প্রার্থনয়া তেষাং পুরংপ্রতি নিবর্তনপূর্বকং সায়ং গঙ্গাতীরগবটমেত্য তত্রানুগতব্রাহ্মণৈঃ সহ সুখেন রাত্রিয়াপনম্ ॥ 3 ॥Mahabharata - Vana Parva - Chapter Text
3-1-0 (15624)
শ্রীবেদব্যাসায় নমঃ। 3-1-0x (1748)
নারায়ণং নমস্কৃত্য নরং চৈব নরোত্তমম্।
দেবীং সরস্বতীং ব্যাসং ততো জয়মুদীরয়েৎ ॥ 3-1-1 (15625)
জনমেজয় উবাচ
এবং দ্যূতজিতাঃ পার্থাঃ কোপিতাশ্চ দুরাত্মভিঃ।
ধার্তরাষ্ট্রৈঃ সহামাত্যৈর্নিকৃত্যা দ্বিজসত্তম ॥ 3-1-1x (1749)
শ্রাবিতাঃ পরুষা বাচঃ সৃজন্তীর্বৈরমুত্তমম্।
কিমকুর্বত কৌরব্যা মম পূর্বপিতামহাঃ ॥ 3-1-2 (15626)
কথং চৈশ্বর্যভূয়িষ্ঠাঃ সহসা দুঃখমেয়ুষঃ।
বনে বিজহ্রিরে পার্থাঃ শক্রপ্রতিমতেজসঃ ॥ 3-1-3 (15627)
কে চৈতানন্ববর্তন্ত প্রাপ্তান্ব্যসনমুত্তমম্।
কিমাচারাঃ কিমাহারাঃ ক্বচ বাসো মহাত্মনাম্ ॥ 3-1-4 (15628)
কথং দ্বাদশ বর্ষাণি বনে তেষাং মহাত্মনাম্।
ব্যতীয়ুর্ব্রাহ্মণশ্রেষ্ঠ শূরাণামনিবর্তিনাম্ ॥ 3-1-5 (15629)
কথং চ রাজপুত্রী সা প্রবরা সর্বয়োষিতাম্।
পতিব্রতা মহাভাগা সততং প্রিয়বাদিনী ॥ 3-1-6 (15630)
বনবাসমদুঃখার্হা দারুণং প্রত্যপদ্যত।
এতদাচক্ষ্ব মে সর্বং বিস্তরেণ তপোধন ॥ 3-1-7 (15631)
শ্রোতুমিচ্ছামি তৎসর্বং ভূরিদ্রবিণতেজসাম্।
কথ্যমানং ৎবয়া বিপ্র পরং কৌতূহলং হি মে ॥ 3-1-8 (15632)
বৈশম্পায়ন উবাচ। 3-1-9x (1750)
এবং দ্যূতজিতাঃ পার্থাঃ কোয়িতাশ্চ দুরাত্মভিঃ।
ধার্তরাষ্ট্রৈঃ সহামাত্যৈর্নির্যযুর্গজসাহ্বয়াৎ ॥ 3-1-9 (15633)
বর্ধমানপুরদ্বারাদভিনিষ্ক্রম্য তে তদা।
উদঙ্মুখাঃ শস্ত্রভৃতঃ প্রয়যুঃ সহ কৃষ্ণয়া ॥ 3-1-10 (15634)
ইন্দ্রসেনাদয়শ্চৈতান্ভৃত্যাঃ পরিচতুর্দশ।
রথৈরনুয়যুঃ শীঘ্রৈঃ স্ত্রিয় আদায় সর্বশঃ ॥ 3-1-11 (15635)
`ততস্তে পুরুষব্যাঘ্রা রথানাস্থায় ভারত।
দদৃশুর্জাহ্নবীতীরে প্রমাণাখ্যং মহাবটম্ ॥' 3-1-12 (15636)
ব্রজতস্তান্বিদিৎবা তু পৌরাঃ শোকাভিপীডিতাঃ।
গর্হয়ন্তোঽসকৃদ্ভীষ্মবিদুরদ্রোণগৌতমান্।
ঊচুর্বৈ সময়ং কৃৎবা সমাগম্য পরস্পরম্ ॥ 3-1-13 (15637)
পৌরা ঊচুঃ। 3-1-14x (1751)
নেদমস্তি কুলং সর্বং ন বয়ং নচ নো গৃহাঃ।
যত্রদুর্যোধনঃ পাপঃ সৌবলেয়েন পালিতঃ।
কর্ণদুঃশাসনাদ্যৈশ্চ রাজ্যমেতচ্চিকীর্ষতি ॥ 3-1-14 (15638)
ন তৎকুলং ন চাচারো ন ধর্মোঽর্থঃ কুতঃ সুখম্।
যত্র পাপসহায়োঽয়ং পাপো রাজ্যং চিকীর্ষতি ॥ 3-1-15 (15639)
দুর্যোধনো গুরুদ্বেষী ত্যক্তধর্মঃ প্রিয়ানৃতঃ।
অর্তলুব্ধোঽভিমানী চ নীচঃ প্রকৃতিনির্ঘৃণঃ ॥ 3-1-16 (15640)
নেয়মস্তি মহী কৃৎস্না যত্র দুর্যোধনো নৃপঃ।
সাধু গচ্ছামহে সর্বে যত্র গচ্ছন্তি পাণ্ডবাঃ ॥ 3-1-17 (15641)
সানুক্রোশা মহাত্মানো বিজিতেন্দ্রিয়শত্রবঃ।
হীমন্তঃ কীর্তিমন্তশ্চ ধর্মাচারপরায়ণাঃ ॥ 3-1-18 (15642)
বৈশম্পায়ন উবাচ। 3-1-19x (1752)
এবমুক্ৎবাঽনুজগ্মুস্তে পাণ্ডবাংস্তান্সমেত্য চ।
ঊচুঃ প্রাঞ্জলয়ঃ সর্বে তান্কুন্তীমাদ্রিনন্দনান্ ॥ 3-1-19 (15643)
ক্বগমিষ্যথ ভদ্রংবস্ত্যক্ৎবাঽস্মান্দুঃখভাগিনঃ।
বয়মপ্যনুয়াস্যামো যত্র যূয়ং গমিষ্যথ ॥ 3-1-20 (15644)
অধর্মেণ জিতাঞ্শ্রুৎবা যুষ্মাংস্ত্যক্তঘৃণৈঃ পরৈঃ।
উদ্বিগ্নাঃ স্মো ভৃশং সর্বে নাস্মান্হাতুমিহার্হথ ॥ 3-1-21 (15645)
ভক্তানুরক্তান্সুহৃদঃ সদা প্রিয়হিতে রতান্।
কুরাজাঘিষ্ঠিতে রাজ্যে ন বিনশ্যেম সর্বশঃ ॥ 3-1-22 (15646)
শ্রূয়তাং চাভিধাস্যামো গুণদোষান্নরর্ষভাঃ।
শুভাশুভাধিবাসেন সংসর্গঃ কুরুতে যথা ॥ 3-1-23 (15647)
বস্ত্রমাপস্তিলান্ভূমিং গন্ধো বাসয়তে যথা।
পুষ্পাণামধিবাসেন তথা সংসর্গজা গুণাঃ ॥ 3-1-24 (15648)
মোহজালস্য যোনির্হি মূঢৈরেব সমাগমঃ।
অহন্যহনি ধর্মস্য যোনিঃ সাধুসমাগমঃ ॥ 3-1-25 (15649)
তস্মাৎপ্রাজ্ঞৈশ্চ বৃদ্ধৈশ্চ সুস্বভাবৈস্তপস্বিভিঃ।
সদ্ভিশ্চ সহ সংসর্গঃ কার্যঃ শমপরায়ণৈঃ ॥ 3-1-26 (15650)
যেষাং ত্রীণ্যবদাতানি বিদ্যা যোনিশ্চ কর্ম চ।
তে সেব্যাস্তৈঃ সমাস্যাহি শাস্ত্রেভ্যোপি গরীয়সী ॥ 3-1-27 (15651)
নিরারম্ভা হ্যপি বয়ং পুণ্যশীলেষু সাধুষু।
পুণ্যমেবাপ্নুয়ামেহ পাপং পাপোপসেবনাৎ ॥ 3-1-28 (15652)
অসতাং দর্শনাৎস্পর্শাৎসংজল্পাচ্চ সহাসবাৎ।
ধর্মাচারাঃ প্রহীয়ন্তে সিদ্ধ্যন্তি চ ন মানবাঃ ॥ 3-1-29 (15653)
বুদ্ধিশ্চ হীয়তে পুংসাং নীচৈঃ সহ সমাগমাৎ।
মধ্যমৈর্মধ্যতাং যাতি শ্রেষ্ঠৈঃ শ্রেষ্ঠৎবমাপ্নুয়ুঃ ॥ 3-1-30 (15654)
অনীচৈর্নাপ্যবিষয়ৈর্নাধর্মিষ্ঠৈর্বিশেষতঃ।
যে গুণাঃ কীর্তিতা লোকে ধর্মকামার্থসংভবাঃ।
লোকাচারেষু সংভূতা বেদোক্তাঃ শিষ্টসংমতাঃ ॥ 3-1-31 (15655)
তে যুষ্মাসু সমস্তাশ্চ ব্যস্তাশ্চৈবেহ সদ্গুণাঃ।
ইচ্ছামো গুণবন্মধ্যে বস্তুং শ্রেয়োভিকাঙ্ক্ষিণঃ ॥ 3-1-32 (15656)
যুধিষ্ঠির উবাচ। 3-1-33x (1753)
ধন্যা বয়ং যদস্মাকং স্নেহকারুণ্যযন্ত্রিতাঃ।
অসতোঽপি গুণানাহুর্ব্রাহ্মণপ্রমুখাঃ প্রজাঃ ॥ 3-1-33 (15657)
তদহং ভ্রাতৃসহিতঃ সর্বান্বিজ্ঞাপয়ামি বঃ।
নান্যথা তদ্ধি কর্তব্যমস্মৎস্নেহানুকম্পয়া ॥ 3-1-34 (15658)
ভীষ্মঃ পিতামহো রাজা বিদুরো জননী চ মে।
সুহৃজ্জনশ্চ প্রায়ো মে নগরে নাগসাহ্বয়ে ॥ 3-1-35 (15659)
তে ৎবস্মদ্ধিতকামার্থং পালনীয়াঃ প্রয়ত্নতঃ।
যুষ্মাভিঃ সহিতাঃ সর্বে শোকসংতাপবিহ্বলাঃ ॥ 3-1-36 (15660)
নিবর্ততাগতা দূরং মমাগমনকাঙ্ক্ষিণঃ।
স্বজনে ন্যাসভূতে মে কার্যা স্নেহান্বিতা মতিঃ ॥ 3-1-37 (15661)
এতদ্ধি মম কার্যাণাং পরমং হৃদি সংস্থিতম্।
কৃতা তেন তু তুষ্টির্মে সৎকারশ্চ ভবিষ্যতি ॥ 3-1-38 (15662)
বৈশম্পায়ন উবাচ। 3-1-39x (1754)
তথানুমন্ত্রিতাস্তেন ধর্মরাজেন তাঃ প্রজাঃ।
চক্রুরার্তস্বরং ঘোরং হা রাজন্নিতি দুঃখিতাঃ ॥ 3-1-39 (15663)
গুণান্পার্থস্য সংস্মৃত্য দুঃখার্তাঃ পরমাতুরাঃ।
অকামাঃ সংন্যবর্তন্ত সমাগম্যাথ পাণ্ডবান্ ॥ 3-1-40 (15664)
নিবৃত্তেষু তুং পৌরেষু রথানাস্থায় পাণ্ডবাঃ।
আজগ্মুর্জাহ্নবীতীরে প্রমাণাখ্যং মহাবটম্ ॥ 3-1-41 (15665)
তে তং দিষসশেষেণ বটং গৎবা তু পাণ্ডবাঃ।
ঊষুস্তাং রজনীং বীরাঃ সংস্পৃশ্য সলিলং শুচি ॥ 3-1-42 (15666)
উদকেনৈব তাং রাত্রিমৃষুস্তে দুঃখকর্শিতাঃ।
অনুজগ্মুশ্চ তত্রৈতান্স্নেহাৎকেচিদ্দ্বিজাতয়ঃ ॥ 3-1-43 (15667)
সাগ্রয়োঽনগ্নয়শ্চৈব সশিষ্যগণবান্ধবাঃ।
স তৈঃ পরিবৃতো রাজা শুশুভে ব্রহ্মবাদিভিঃ ॥ 3-1-44 (15668)
তেষাং প্রাদুষ্কৃতাগ্নীনাং মুহূর্তে রম্যদারুণে।
ব্রহ্মঘোষপুরস্কারঃ সংজল্পঃ সমজায়ত ॥ 3-1-45 (15669)
রাজানং তু কুরুশ্রেষ্ঠং তে হংসমধুরস্বরাঃ।
আশ্বাসয়ন্তো বিপ্রাগ্র্যাঃ ক্ষয়াং সর্বাং ব্যনোদয়ৎ ॥ 3-1-46 (15670)
`রাজা তু ভ্রাতৃভিঃ সার্ধং তথা সর্বৈঃ সুহৃদ্গণৈঃ।
অশেত তাং নিশাংরাজন্দুঃখশোকসমাহিতঃ ॥' 3-1-47 (15671)
ইতি শ্রীমন্মহাভাতে অরণ্যপর্বণি কির্মীরবধপর্বণি প্রথমোঽধ্যায়ঃ ॥ 1 ॥
Mahabharata - Vana Parva - Chapter Footnotes
3-1-1 পার্থা ইতি চ্ছত্রিন্যায়েন মাদ্রীসুতয়োরপ্যুপলক্ষণম্। দুরাত্মভির্দুষ্টচিত্তৈঃ। সহামাত্যৈঃ কর্ণাদিভিঃ। নিকৃত্যা ছলেন ॥ 3-1-2 সৃজদ্ভির্বৈরমুত্তমমিতি খ. ঙ. ঝ. পাঠঃ ॥ 3-1-3 এয়ুষঃ প্রাপ্তবন্তঃ। কথং চৈশ্বর্যবিভ্রষ্টা ইতি খ. ঝ. পাঠঃ ॥ 3-1-4 উত্তমং তীব্রম্ ॥ 3-1-8 দ্রবিণং পরাক্রমস্তেজো দেহকান্তিশ্চ তে উভে পুষ্কলে যেষাং তে ভূরিদ্রবিণতেজসঃ ॥ 3-1-9 গজসাহ্বয়াৎ হাস্তিনপুরাৎ ॥ 3-1-10 বর্ধমানপুরংনাম গ্রামবিশেষস্তদভিমুখং দ্বারং তস্মাৎ ॥ 3-1-11 পরিচতুর্দশ অধিকচতুর্দশাঃ। পঞ্চদশেত্যর্থঃ। সংখ্যায়াব্যযাসন্নেতি সমাসঃ। সমাসান্তবিধেরনিত্যৎবাৎ ডচূপ্রত্যযস্যাভাবঃ ॥ 3-1-13 ঊচুর্বিগতসংত্রাসা ইতি খ. ঝ. পাঠঃ ॥ 3-1-16 প্রকৃতিনির্ঘৃণঃ স্বভাবনির্দয়ঃ। ত্যক্তাচারসুহৃজ্জন ইতি ঝ. পাঠঃ ॥ 3-1-18 সানুক্রোশাঃ সদয়াঃ ॥ 3-1-22 ভক্তান্ আরাধনাপরান্। অনুরক্তান্ প্রীতিমতঃ। সুহৃদঃ বেতনাদ্যুপকারমনপেক্ষ্য উপকারকান্। ন বিনশ্যেম বিনাশং ন প্রার্থয়াসহে। প্রার্থনায়াং লিঙ্ ॥ 3-1-24 আপঃ অপঃ ॥ 3-1-27 অবদাতানি শুদ্ধানি। সমাস্যা সংগতিঃ ॥ 3-1-28 নিরারম্ভাঃ অগ্নিহোত্রাদ্যকুর্বাণা অপি ॥ 3-1-29 ন সিদ্ধ্যন্তি সিদ্ধিশ্চিত্তশুদ্ধিস্তাং ন প্রাপ্নুবন্তি ধর্মাচারহীনৎবাৎ ॥ 3-1-31 অবিষয়ৈঃ অগোচরৈরপরিচিতৈরিত্যর্থঃ। ধর্মকামার্থসংভবাঃ ধর্মাদীনাং সংভব উৎপত্তির্যেভ্যস্তে ॥ 3-1-32 সমস্তাঃ একীভূতাঃ। ব্যস্তাঃ পৃথক্পৃথগ্ভূতাঃ ॥ 3-1-34 স্নেহো বাৎসল্যং তৎসহিতা অনুকম্পা দয়া ॥ 3-1-40 সমাগম্য সংপৃচ্ছ্য 3-1-43 ঊষুঃ বাসং চক্রুঃ ॥ 3-1-44 ঊষুর্নিন্যুঃ ॥ 3-1-45 সাগ্নয়ঃ দারৈঃ সহিতাঃ অগ্নয়ো যৈস্তে। রম্যৎবং তাপবিরহাৎসংধ্যারাগাদিশোভাতশ্চ। দারুণো রক্ষঃপিশাচাদিসংচারকালৎবাৎ ॥অরণ্যপর্ব - অধ্যায় 002
॥ শ্রীঃ ॥
3.2. অধ্যায়ঃ 002
Mahabharata - Vana Parva - Chapter Topics
যুধিষ্ঠিরেণ বনে স্বানুয়ায়িনো ব্রাহ্মণান্প্রতি স্বস্য হৃতসর্বস্বতয়া তদ্ভরণস্য দুষ্করৎবকথনপূর্বকং প্রতিনিবর্তনপ্রার্থনা ॥ 1 ॥ ব্রাহ্মণৈঃ স্বয়মেবত্মভরণপূর্বকং স্বসহবাসমাত্রেঽর্থিতে যুধিষ্ঠিরেণ স্বস্য তদ্ভরণাশক্তিচিন্তনেন বিষাদাধিগমঃ ॥ শৌনকেন যুধিষ্ঠিরংপ্রতি ব্রাহ্মণভরণায় তপসা সিদ্ধিসংপাদনচোদনা ॥ 3 ॥Mahabharata - Vana Parva - Chapter Text
3-2-0 (15672)
বৈশম্পায়ন উবাচ। 3-2-0x (1755)
প্রভাতায়াং তু শর্বর্যাং তেষামক্লিষ্টকর্মণাম্।
বনং যিয়াসতাং বিপ্রাস্তস্থুর্ভিক্ষাভুজোঽগ্রতঃ।
তানুবাচ ততো রাজা কুন্তীপুত্রো যুধিষ্ঠিরঃ ॥ 3-2-1 (15673)
বয়ং হি হৃতসর্বস্বা হৃতরাজ্যা হৃতশ্রিয়ঃ।
ফলমূলামিষাহারা বনং যাস্যাম দুঃখিতাঃ ॥ 3-2-2 (15674)
বনং চ দোষবহুলং বহুব্যালসরীসৃপম্।
পরিক্লেশশ্চবো মন্যে ধ্রুবং তত্র ভবিষ্যতি ॥ 3-2-3 (15675)
ব্রাহ্মণানাং পরিক্লেশো দৈবতান্যপি সাদয়েৎ।
কিংপুনর্মামিতো বিপ্রা নিবর্তধ্বং যথেষ্টতঃ ॥ 3-2-4 (15676)
ব্রাহ্মণা ঊচুঃ। 3-2-5x (1756)
গতির্যা ভবতাং রাজংস্তাং বয়ং গন্তুমুদ্যতাঃ।
নার্হথাস্মান্পরিত্যক্তুং ভক্তান্সদ্ধর্মদর্শিন ॥ 3-2-5 (15677)
স্নেহকর্মাণি ভক্তেষু দৈবতান্যপি কুর্বতে।
বিশেষতো ব্রাহ্মণেষু সদাচারাবলম্বিষু ॥ 3-2-6 (15678)
যুধিষ্ঠির উবাচ। 3-2-7x (1757)
মমাপি পরমা ভক্তির্ব্রাহ্মণেষু সদা দ্বিজাঃ।
সহায়বিপরিভ্রংশস্ৎবয়ং সাদয়তীব মাম্ ॥ 3-2-7 (15679)
আহরেয়ুর্হি যে সর্বে ফলমূলমৃগাংস্তথা।
ত ইমে শোকজৈর্দুঃখৈর্ভ্রাতরো মে বিমোহিতাঃ ॥ 3-2-8 (15680)
দ্রৌপদ্যা বিপ্রকর্ষেণ রাজ্যাপহরণেন চ।
দুঃখার্দিতানিমান্ক্লেশৈর্নাহং যোক্তুমিহোৎসহে ॥ 3-2-9 (15681)
ব্রাহ্মণা ঊচুঃ। 3-2-10x (1758)
অস্মৎপোষণজা চিন্তা মা ভূত্তে হৃদি পার্থিব।
স্বয়মাহৃত্য বন্যানি ৎবানুয়াস্যামহে বয়ম্ ॥ 3-2-10 (15682)
অনুধ্যানেন জপ্যেন বিধাস্যামঃ শিব তব।
কথাভিশ্চানুকূলাভিঃ সহ রংস্যামহে বনে ॥ 3-2-11 (15683)
যুধিষ্ঠির উবাচ। 3-2-12x (1759)
এবমেতন্ন সংদেহো রমেয়ং ব্রাহ্মণৈঃ সহ।
ন্যূনভাবাত্তু পশ্যামি প্রত্যাদেশমিবাত্মনঃ ॥ 3-2-12 (15684)
কথং দ্রক্ষ্যামি বঃ সর্বান্স্বয়মাহৃত্য ভোজিনঃ।
মদ্ভক্ত্যা ক্লিশ্যতোঽনর্হান্ধিক্পাপান্ধৃতরাষ্ট্রজান্ ॥ 3-2-13 (15685)
বৈশম্পায়ন উবাচ। 3-2-14x (1760)
ইত্যুক্ৎবা নৃপতিঃ শোচন্নিষসাদ মহীতলে ॥ 3-2-14 (15686)
তমধ্যাত্মরতো বিদ্বাঞ্শৌনকো নাম বৈ দ্বিজঃ।
যোগে সাঙ্খ্যে চ কুশলো রাজানমিদমব্রবীৎ ॥ 3-2-15 (15687)
শোকস্থানসহস্রাণি হর্ষস্থানশতানি চ।
দিবসেদিবসে মূঢমাবিশন্তি ন পণ্ডিতম্ ॥ 3-2-16 (15688)
ন হি জ্ঞানবিরুদ্ধেষু বহুদোষেষু কর্মসু।
শ্রেয়োঘাতিষু সজ্জন্তে বুদ্ধিমন্তো ভবদ্বিধাঃ ॥ 3-2-17 (15689)
অষ্টাঙ্গাং বুদ্ধিমাহুর্যাং সর্বাশ্রেয়োভিঘাতিনীম্।
শ্রুতিস্মৃতিসমায়ুক্তাং রাজন্সা ৎবয়্যবস্থিতা ॥ 3-2-18 (15690)
`শুশ্রূষা শ্রবণং চৈব গ্রহণং ধারণং তথা।
ঊহাপোহোঽর্থবিজ্ঞানং তৎবজ্ঞানং চ ধীগুণাঃ ॥' 3-2-19 (15691)
অর্থকৃচ্ছ্রেষু দুর্গেষু ব্যাপৎসু স্বজনেষ্বপি।
শারীরমানসৈর্দুঃখৈর্ন সীদন্তি ভবদ্বিধাঃ ॥ 3-2-20 (15692)
শ্রূয়তাং চাভিধাস্যামি জনকেন যথা পুরা।
আত্মব্যবস্থানকরাগীতাঃ শ্লোকা মহাত্মনা ॥ 3-2-21 (15693)
মনোদেহসমুত্থাভ্যাং দুঃখাভ্যামর্দিতং জগৎ।
তয়োর্ব্যাসসমাসাভ্যাংশমোপায়মিমং শৃণু ॥ 3-2-22 (15694)
ব্যাধেরনিষ্টসংস্পর্শাচ্ছ্রমাদিষ্টবিবর্জনাৎ।
দুঃখং চতুর্ভিঃ শারীরং কারণৈঃ সংপ্রবর্ততে ॥ 3-2-23 (15695)
তদা তৎপ্রতিকারাচ্চ সততং চাবিচিন্তনাৎ।
আধিব্যাধিপ্রশমনং ক্রিয়ায়োগবলেন তু ॥ 3-2-24 (15696)
মতিমন্তো ব্যথোপেতাঃ শমং প্রাগেব কুর্বতে।
মানসস্য প্রিয়াখ্যানৈঃ সংভোগোপনয়ৈর্নৃণাম্ ॥ 3-2-25 (15697)
মানসেন হি দুঃখেন শরীরমুপতপ্যতে।
অয়ঃপিণ্ডেন তপ্তেন কুম্ভসংস্থমিবোদকম্ ॥ 3-2-26 (15698)
মানসং শময়েত্তস্মাজ্জ্ঞানেনাগ্নিমিবাম্বুনা।
প্রশন্তে মানসে দুঃখে শারীরমুপশাম্যতি ॥ 3-2-27 (15699)
মনসো দুঃখমূলং তু স্নেহ ইত্যুপলভ্যতে।
স্নেহাত্তু সজ্জতে জন্তুর্দুঃখয়োগমুপৈতি চ ॥ 3-2-28 (15700)
স্নেহমূলানি দুঃখানি স্নেহজানি ভয়ানি চ।
শোকহর্ষৌ তথায়াসঃ সর্বং স্নেহাৎপ্রবর্ততে ॥ 3-2-29 (15701)
স্নেহাৎকারুণ্যরাগৌ চ প্রজাস্বীর্ষ্যাদয়স্তথা।
অশ্রেয়স্কাবুভাবেতৌ পূর্বস্তত্র গুরুঃ স্মৃতঃ ॥ 3-2-30 (15702)
কোটরাগ্নির্যথাঽশেষং সমূলং পাদপং দহেৎ।
ধর্মার্থিনং তথাঽল্পোপি রাগদোষো বিনাশয়েৎ ॥ 3-2-31 (15703)
বিপ্রয়োগে ন তু ত্যাগী দোষদর্শী সমাগমে।
বিরাগং ভজতে জন্তুর্নির্বৈরো নিষ্পরিগ্রহঃ ॥ 3-2-32 (15704)
তস্মাৎস্নেহং স্বপক্ষেভ্যো মিত্রেভ্যো ধনসংচয়াৎ।
স্বশরীরসমুত্থং চ জ্ঞানেন বিনিবর্তয়েৎ ॥ 3-2-33 (15705)
জ্ঞানান্বিতেষু যুক্তেষু শাস্ত্রজ্ঞেষু কৃতাত্মসু।
ন তেষু সজ্জতে স্নেহঃ পদ্মপত্রেষ্বিবোদকম্ ॥ 3-2-34 (15706)
রাগাভিভূতঃ পুরুষঃ কামেন পরিকৃষ্যতে।
ইচ্ছা সংজায়তে তস্য ততস্তৃষ্ণা বিবর্ধতে ॥ 3-2-35 (15707)
তৃষ্ণা হি সর্বপাপিষ্ঠা নিত্যোদ্দেগকরী নৃণাম্।
অধর্মবহুলা চৈব ঘোরা পাপানুবন্ধিনী ॥ 3-2-36 (15708)
যা দুস্ত্যজা দুর্মতিভির্যা ন জীর্যতি জীর্যতঃ।
যোসৌ প্রাণান্তিকো রোগস্তাং তৃষ্ণাংত্যজতঃ সুখম্ ॥ 3-2-37 (15709)
অনাদ্যন্তা তু সা তৃষ্ণা অন্তর্দেহগতা নৃণাম্।
বিনাশয়তি ভূতানি অয়োনিজ ইবানলঃ ॥ 3-2-38 (15710)
যথৈধঃ স্বসমুত্থেন বহ্নিনা নাশমৃচ্ছতি।
তথাঽকৃতাত্মা লোভেন সহজেন বিনশ্যতি ॥ 3-2-39 (15711)
রাজতঃ সলিলাদগ্নেশ্চোরতঃ স্বজনাদপি।
`অর্থিভ্যঃ কালতস্তস্মান্নিত্যমর্থবতাং ভয়ম্'।
ভয়মর্থবতাং নিত্যং মৃত্যোঃ প্রাণভৃতামিব ॥ 3-2-40 (15712)
যথা হ্যাভিষমাকাশে পক্ষিভিঃ শ্বাপদৈর্ভুবি।
ভক্ষ্যতে সলিলে মৎস্যৈস্তথা সর্বেণ বিত্তবান্ ॥ 3-2-41 (15713)
অর্থ এব হি কেষাংচিদনর্থং ভজতে নৃণাম্।
অর্থশ্রেয়সি চাসক্তো ন শ্রেয়ো বিন্দতে নরঃ।
তস্মাদর্থাগমাঃ সর্বে মনোমোহবিবর্ধনাঃ ॥ 3-2-42 (15714)
কার্পণ্যং দর্পমানৌ চ ভয়মুদ্বেগ এব চ।
অর্থজানি বিদুঃ প্রাজ্ঞা দুঃখান্যেতানি দেহিনাম্ ॥ 3-2-43 (15715)
অর্থস্যোপার্জনে দুঃখমার্জিতানাং চ রক্ষণে।
নাশে দুঃখং ব্যযে দুঃখং ঘ্নন্তি চৈবার্থকারণাৎ 3-2-44 (15716)
অর্থা দুঃখং পরিত্যক্তুং পালিতাশ্চৈব শত্রবঃ।
দুঃখেন চাধিগম্যন্তে তেষাং নাশং ন চিন্তয়েৎ ॥ 3-2-45 (15717)
অসন্তোষপরা মূঢাঃ সংতোষং যান্তি পণ্ডিতাঃ।
অন্তো নাস্তি পিপাসায়াঃ সংতোষঃ পরমং সুখম্।
তস্মাৎসংতোষমেবেহ পরং পশ্যন্তি পণ্ডিতঃ ॥ 3-2-46 (15718)
অনিত্যং যৌবনং রূপং জীবিতং রত্নসংচয়ঃ।
ঐশ্বর্যং প্রিয়সংবাসো গৃদ্ধ্যেত্তত্র ন পণ্ডিতঃ ॥ 3-2-47 (15719)
ত্যজেত স চ যাংস্তস্মাত্তজ্জান্ক্লেশান্সহেত চ।
ন হি সংচয়বান্কশ্চিদ্দৃশ্যতে নিরুপদ্রবঃ।
অতশ্চ ধার্মিকৈঃ পুম্ভিরনীহার্থঃ প্রশস্যতে ॥ 3-2-48 (15720)
ধর্মার্থং যস্য বিত্তেহা বরং তস্য নরীহতা।
প্রক্ষালনাদ্ধি পঙ্কস্য শ্রেয়ো হ্যস্পর্শনং নৃণাম্ ॥ 3-2-49 (15721)
যুধিষ্ঠিরৈবমর্থেষু ন স্পৃহাং কর্তুমর্হসি।
ধর্মেণ যদি তে কার্যং বিমুক্তেচ্ছো ভবার্থতঃ ॥ 3-2-51xযুধিষ্ঠির উবাচ। 3-2-50 (15722)
নার্থোপভোগলিপ্সার্থমিয়মর্থেপ্সুতা মম।
ভরণার্থং তু বিপ্রাণাং ব্রহ্মন্কাঙ্ক্ষে ন লোভতঃ ॥ 3-2-51 (15723)
কথং হ্যস্মদ্বিধো ব্রহ্মন্বর্তমানো গৃহাশ্রমে।
ভরণং পালনং চাপি ন কুর্যাদনুয়ায়িনাম্ ॥ 3-2-52 (15724)
সংবিভাগো হি ভূতানাং সর্বেষামেব দৃশ্যতে।
তথৈবাপচমানেভ্যঃ প্রদেয়ং গৃহমেধিনা ॥ 3-2-53 (15725)
তৃণানি ভূমিরুদকং বাক্চতুর্থী চ সূনৃতা।
সতামেতানি গেহেষু নোচ্ছিদ্যন্তে কদাচন ॥ 3-2-54 (15726)
দেয়মার্তস্য শয়নং স্থিতশ্রান্তস্য চাসনম্।
তৃষিতস্য চ পানীয়ং ক্ষুধিতস্য চ ভোজনম্ ॥ 3-2-55 (15727)
চক্ষুর্দদ্যান্মনো দদ্যাদ্বাচং দদ্যাচ্চ সূনৃতাম্।
উত্থায় চাসনং দদ্যাদেষ ধর্মঃ সনাতনঃ।
প্রত্যুত্থায়াভিগমনং কুর্যান্ন্যায়েন চার্চনাম্ ॥ 3-2-56 (15728)
অগ্নিহোত্রমনড্বাংশ্চ জ্ঞাতয়োঽতিথিবান্ধবাঃ।
পুত্রা দারাশ্চ ভৃত্যাশ্চ নির্দহেয়ুরপূজিতাঃ ॥ 3-2-57 (15729)
আত্মার্থং পাচয়েন্নান্নং ন বৃথা ঘাতয়েৎপশূন্।
ন চৈকঃ স্বয়মশ্নীয়াদ্বিধিবর্জং ন নির্বপেৎ ॥ 3-2-58 (15730)
শ্বভ্যশ্চ শ্বপচেভ্যশ্চ বয়োভ্যশ্চাবপেদ্ভুবি।
বৈশ্বদেবং হি নামৈতৎসায়ং প্রাতশ্চ দীয়তে ॥ 3-2-59 (15731)
বিঘসাশী ভবেত্তস্মান্নিত্যং চামৃতভোজনঃ।
বিঘসো ভুক্তশেষং তু যজ্ঞশেষং তথাঽমৃতম্ ॥ 3-2-60 (15732)
চক্ষুর্দদ্যান্মনো দদ্যাদ্বাচং দদ্যাচ্চ সূনৃতাম্।
অনুব্রজেদুপাসীত স যজ্ঞঃ পঞ্চদক্ষিণঃ ॥ 3-2-61 (15733)
যো দদ্যাদপরিক্লিষ্টমন্নমদ্বনি বর্ততে।
শ্রান্তায়াদৃষ্টপূর্বায় তস্য পুণ্যফলং মহৎ ॥ 3-2-62 (15734)
এবং যো বর্ততে বৃত্তিং বর্তমানো গৃহাশ্রমে।
তস্য ধর্মং পরংপ্রাহুঃ কথং বা বিপ্র মন্যসে ॥ 3-2-63 (15735)
শৌনক উবাচ। 3-2-64x (1761)
অহো বত মহৎকষ্টং বিপরীতমিদং জগৎ।
যেনাপত্রপতে সাধুরসাধুস্তেন তুষ্যতি ॥ 3-2-64 (15736)
শিশ্নোদরকৃতেঽপ্রাজ্ঞঃ করোতি বিষসং বহু।
মোহরাগবশাক্রান্ত ইন্দ্রিয়ার্থবশানুগঃ ॥ 3-2-65 (15737)
হ্রিয়তে বুধ্যমানোপি নরো হারিভিরিন্দ্রিয়ৈঃ।
বিমূঢসংজ্ঞো দুষ্টাশ্বৈরুদ্ধান্তৈরিব সারথিঃ ॥ 3-2-66 (15738)
ষডিন্দ্রিয়াণি বিষয়ং সমাগচ্ছন্তি বৈ যদা।
তদ্রা প্রাদুর্ভবত্যষাং পূর্বসংকল্পজং মনঃ ॥ 3-2-67 (15739)
মনো যস্যেন্দ্রিয়স্যেহ বিষয়ান্যাতি সেবিতুম্।
বস্যৌৎসুক্যং সংভবতি প্রবৃত্তিশ্চোপজায়তে ॥ 3-2-68 (15740)
ততঃ সংকল্পবীর্যেণ কামেন বিষয়েষুভিঃ।
বিদ্ধঃ পততি লোভাগ্নৌজ্যোতির্লোভাৎপতঙ্গবৎ ॥ 3-2-69 (15741)
ততো দারৈর্বিহারৈশ্চ মোহিতশ্চ যথেপ্সয়া।
মহামোহমুখে মগ্নো নাত্মানমববুধ্যতে ॥ 3-2-70 (15742)
এবং পততি সংসারে তাসুতাস্বিহ যোনিষু।
অবিদ্যাকর্মতৃষ্ণাভির্ভ্রাম্যমাণোঽথ চক্রবৎ ॥ 3-2-71 (15743)
ব্রহ্মাদিষু তৃণান্তেষু ভূতেষু পরিবর্ততে।
জলে ভুবি তথাঽঽকাশে জায়মানঃ পুনঃপুনঃ ॥ 3-2-72 (15744)
অবুধানাং গতিস্ৎবেষা বুধানামপি মে শৃণু।
যে ধর্মে শ্রেয়সি রতা বিমোক্ষরতয়ো জনাঃ ॥ 3-2-73 (15745)
তদিদং বেদবচনং কুরু কর্ম ত্যজেতি চ।
তস্মাদ্ধর্মানিমান্সর্বান্নাভিমানাৎসমাচরেৎ ॥ 3-2-74 (15746)
ইজ্যাধ্যযনদানানি তপঃ সত্যং ক্ষমা দমঃ।
অলোভ ইতিমার্গোঽয়ং ধর্মমস্যাষ্টবিধঃ স্মৃতঃ ॥ 3-2-75 (15747)
অত্র পূর্বশ্চতুর্বর্গঃ পিতৃয়াণপথে স্থিতঃ।
কর্তব্যমিতি যৎকার্যং নাভিমানাৎসমাচরেৎ ॥ 3-2-76 (15748)
উত্তরো দেবয়ানস্তু সদ্ভিরাচরিতঃ সদা।
অষ্টাঙ্গেনৈব মার্গেণ বিশুদ্ধাত্মা সমাচরেৎ ॥ 3-2-77 (15749)
সম্যক্সংকল্পসংবন্ধাৎসম্যক্চেন্দ্রিয়নিগ্রহাৎ।
সম্যগ্দ্ব্রতবিশেষাচ্চ সম্যক্চ গুরুসেবনাৎ ॥ 3-2-78 (15750)
সম্যগাহারয়োগাচ্চ সম্যক্চাধ্যযনাগমাৎ।
সম্যক্কর্মোপসংন্যাসাৎসম্যক্চিত্তনিরোধনাৎ ॥ 3-2-79 (15751)
এবং কর্মাণি কুর্বন্তি সংসারবিজিগীষবঃ।
রাগদ্বেষবিনির্মুক্তা ঐশ্বর্যবশমাগতাঃ ॥ 3-2-80 (15752)
রুদ্রাঃ সাধ্যাস্তথাঽঽদিত্যা বসবোঽথ তথাশ্বিনৌ।
যোগৈশ্বর্যেণ সংয়ুক্তা ধারয়ন্তি প্রজা ইমাঃ ॥ 3-2-81 (15753)
তথা ৎবমপি কৌন্তেয় শমমাস্থায় পুষ্কলম্।
তপসা সিদ্ধিমন্বিচ্ছ যোগসিদ্ধিং চ ভারত ॥ 3-2-82 (15754)
পিতৃমাতৃময়ী সিদ্ধিঃ প্রাপ্তা কর্মময়ী চ তে।
তপসা সিদ্ধিমন্বিচ্ছ দ্বিজানাং ভরণায় বৈ ॥ 3-2-83 (15755)
সিদ্ধা হি যদ্যদিচ্ছন্তি কুর্বতে তদনুগ্রহম্।
তস্মাত্তপঃ সমাস্থায় কুরুষ্বাত্মমনোরথম্ ॥ 3-2-84 (15756)
ইতি শ্রীমন্মহাভারতে অরণ্যপর্বণি কির্মীরবধপর্বণি দ্বিতীয়োঽধ্যায়ঃ ॥ 2 ॥
Mahabharata - Vana Parva - Chapter Footnotes
3-2-1 প্রভাতায়ামরুণোদয়েন উদ্দীপিতায়াম্ ॥ 3-2-11 অনুধ্যানেন ইষ্টচিন্তনেন। জপ্যেন স্বস্ত্যযনেন তথা বিশ্বাসকরণৈঃ সহ রংস্যামহে ইতি ধ. পাঠঃ ॥ 3-2-12 প্রত্যাদেশং ধিক্কারম্ ॥ 3-2-15 অধ্যাত্মং আত্মানমধিকৃত্য প্রবৃত্তং শাস্ত্রমধ্যাত্মং বেদান্তস্তত্র রতঃ। যোগশ্চিত্তবৃত্তিনিরোধঃ ॥ 3-2-16 শোকঃস্থীয়তেঽনেনেতি ব্যুৎপত্ত্যা স্থানশব্দো হেতুবচনঃ। ভয়স্থানশতানি চেতি ঝ. পাঠঃ ॥ 3-2-20 গুর্দেষু দুস্তরেষু শারীরদুঃখেষু। আপৎসু স্ত্রীকর্ষণাদিষু ॥ 3-2-21 আত্মব্যবস্থানকরাঃ মনঃস্থৈর্যহেতবঃ ॥ 3-2-22 ব্যাসসমাসাভ্যাং বিস্তরসংক্ষেপাভ্যাম্ ॥ 3-2-23 অনিষ্টং কণঅটকাদিঃ। শ্রমো ব্যায়ামঃ ॥ 3-2-24 প্রতিকারাদৌষধাদিভিরুপশমনাৎ আধিপ্রশমনমবিচিনতনাৎ। ইদমেব ক্রিয়ায়োগবলম্ ॥ 3-2-25 প্রাগেব মানসস্য শমং কুর্বতে। প্রিয়াক্যানৈরনুকূলবচনৈঃ। সংভোগোপনয়ৈঃ স্ত্র্যাদিসমর্পণৈঃ। মতিমন্তো হ্যতো বৈদ্যা ইতি খ. চ. ঝ. পাঠঃ ॥ 3-2-28 স্নেহো রাগঃ সজ্জতে প্রবর্ততে ॥ 3-2-29 আয়াসঃ ক্লেশঃ ॥ 3-2-32 বিপ্রয়োগে বিষয়েণ সহ বিয়োগে ত্যাগী ন কিংতু সত্যপি সমাগমে যো বিষয়দোষদর্শী স এব ত্যাগী। স এব চ বিরাগং ভজতে ॥ 3-2-34 যুক্তেষু নিত্যবস্তুপ্রাপ্তয়ে উদ্যুক্তেষু। কৃতাত্মসু ধ্যানেন সংস্কৃতচিত্তেষু। তেষু প্রসিদ্ধেষু স্নেহো রাগো ন সজ্জতে ন সঙ্গং প্রাপ্নোতি ॥ 3-2-35 রাগঃ রম্যবস্তুদর্শনে চিত্তস্যোৎফুল্লতা। কামস্তল্লিপ্সা। ইচ্ছা লব্ধে তস্মিন্ রুচ্যতিশয়াৎপুনস্তদভিলাষঃ। পুনঃপুনস্তল্লাভেপ্যতৃপ্তিস্তৃষ্ণা ॥ 3-2-37 জীর্যতঃ জরামৃত্যুগ্রস্তস্য ॥ 3-2-38 অয়ঃ তপ্তায়ঃপিণ্ডং অনলো বহ্নিঃ ॥ 3-2-39 অকৃতাত্মা অনির্জিতচেতাঃ ॥ 3-2-42 অর্থশ্রেয়সি অর্থসাধ্যে শ্রেয়সি জ্যোতিষ্টোমাদৌ ॥ 3-2-46 পিপাসায়াঃ তৃষ্ণায়াঃ ॥ 3-2-48 সংচয়ান্ অর্থান্। তজ্জান্ অর্থত্যাগজান্। অনীহার্থঃ যদৃচ্ছালব্ধোঽর্থঃ ॥ 3-2-50 অর্থতঃ ধনাৎ ॥ 3-2-51 অর্থোপভোগঃ বিষয়োপভোগঃ। অর্থেপ্সুতা ঘনেপ্সুতা ॥ 3-2-53 দৃশ্যতে পঞ্চমহায়জ্ঞেষু। অপচমানেভ্যঃ যত্যাদিভ্যঃ ॥ 3-2-54 তৃণানি আসনার্থানি ॥ 3-2-58 বৃথা শ্রাদ্যজ্ঞাদিনিমিত্তংবিনা ॥ 3-2-59 বিশ্বং সর্বজাতীয়ং প্রাণিজাতং দেবো দেবতা যস্মিংস্তদ্বিশ্বদেবম্। স্বার্থে তদ্ধিতঃ। বৈশ্বদেবং নাম কর্ম ॥ 3-2-62 অপরিক্লিষ্টং কার্পণ্যং বিনা। অধ্বনি বর্ততে মার্গস্থায় ॥ 3-2-65 বিঘসং দেবতাদ্যুপয়ুক্তশেষং কামুকো বহুকরোতি। ইন্দ্রিয়ার্থাঃ শব্দাদয়ঃ ॥ 3-2-66 হারিভিঃ হরণশীলৈঃ ॥ 3-2-68 ইন্দ্রিয়স্যেন্দ্রিয়াণাং বিষয়ান্ শব্দাদীন্ ॥ 3-2-74 ইতি চ বেদবচনমিত্যন্বয়ঃ। ফলেচ্ছাং বিনৈঃ সমাচরেদিত্যর্থঃ ॥ 3-2-76 কর্তব্যমবশ্যানুষ্ঠেয়ং নিত্যাগ্নিহোত্রসংধ্যোপাসনাদি। অভিমানাৎসঙ্গাৎ ॥ 3-2-77 অষ্টাঙ্গেন বক্ষ্যমাণসংকল্পসংবন্ধাদ্যঙ্গাষ্টকবতা তদাচরেদিতি পূর্বেণ সংবন্ধঃ। বিশুদ্ধাত্মা শুদ্ধচিত্তঃ ॥ 3-2-78 সংকল্পো মানসং কর্ম তস্য সংবন্ধো নিরোধঃ ॥ 3-2-83 কর্মময়ী যজ্ঞয়ুদ্ধাদিকর্মরূপসাধনপ্রধানা সিদ্ধিঃ। পিতৃমাতৃময়ী পরলোকেহলোকফলপ্রধানা ॥অরণ্যপর্ব - অধ্যায় 003
॥ শ্রীঃ ॥
3.3. অধ্যায়ঃ 003
Mahabharata - Vana Parva - Chapter Topics
যুধিষ্ঠিরেণ ব্রাহ্মণভরণায় ধৌম্যচোদনয়া সূর্যস্তুতিঃ ॥ 1 ॥ স্তোত্রৈঃ প্রসন্নেন সূর্যেণ যুধিষ্ঠিরায়াক্ষয়পাত্রদানম্ ॥ 2 ॥Mahabharata - Vana Parva - Chapter Text
3-3-0 (15757)
বৈশম্পায়ন উবাচ। 3-3-0x (1762)
শৌনকেনৈবমুক্তস্তু কুন্তীপুত্রো যুধিষ্ঠিঃ।
`প্রণম্য দ্বিজশার্দূলং পূজ্যবাক্যং সুভাষিতম্।'
পুরোহিতমুপাগম্য ভ্রাতৃমধ্যেঽব্রবীষিদম্ ॥ 3-3-1 (15758)
প্রস্থিতাননুয়াতারো ব্রাহ্মণা বেদপারনাঃ।
ন চাস্মি পোষণে শক্তো বহুদুঃখসমন্বিতঃ ॥ 3-3-2 (15759)
পরিত্যক্তুং ন শক্নোমি দানশক্তিশ্চ নাস্তি মে।
কথমত্র ময়া কার্যং তদ্বূহি ভগবন্মম ॥ 3-3-3 (15760)
বৈশম্পায়ন উবাচ। 3-3-4x (1763)
মুহূর্তমিব স ধ্যাৎবা ধর্মেণান্বীক্ষ্য তাং গতিম্।
যুধিষ্ঠিরমুবাচৈদং ধৌম্যো ধর্মভৃতাং বরঃ ॥ 3-3-4 (15761)
পুরা সৃষ্টানি ভূতানি পীড্যন্তে ক্ষুধয়া ভৃশম্।
ততোঽনুকম্পংয়াং তেষাং সবিতা স্বপিতা যথা ॥ 3-3-5 (15762)
গৎবোত্তসয়ণং তেজো রসানুদ্ধৃত্য রশ্মিভিঃ।
দক্ষিণায়নমাবৃত্তো মহীং বর্ষতি বারিণা ॥ 3-3-6 (15763)
ক্ষেত্রভূতে ততস্তস্মিন্নোষধীরোষধীয়তিঃ।
রবেস্তেজঃ সমুদ্ধৃত্য জনয়ামাস বারিণা ॥ 3-3-7 (15764)
নিষিক্তশ্চন্দ্তেজোভিঃ সূয়তে জগতো রবিঃ।
ওষধ্যঃ ষড্রসা মেধ্যাস্তদন্নং প্রাণিনাং ভুবি ॥ 3-3-8 (15765)
এবং ভানুময়ং হ্যন্নং ভূতানাং প্রাণধারণম্।
নাথোঽয়ং সর্বভূতানাং তস্মাত্তং শরণং ব্রজ ॥ 3-3-9 (15766)
রাজানো হি মহাত্মানো যোনিকর্মবিশোধিতাঃ।
উদ্ধরন্তি প্রজাঃ সর্বাস্তপ আস্থায় পুষ্কলম্ ॥ 3-3-10 (15767)
ভৌমেন কার্তবীর্যেণ বৈন্যেন নহুষেণ চ।
তপোয়োগসমাধিস্থৈরুদ্ধৃতা হ্যাপদঃ প্রজাঃ ॥ 3-3-11 (15768)
তথা ৎবমপি ধর্মাত্মন্কর্মণা চ বিশোধিতঃ।
তপ আস্থায় ধর্মেণ দ্বিজাতীন্ভর ভারত ॥ 3-3-12 (15769)
বৈশম্পায়ন উবাচ। 3-3-13x (1764)
এবমুক্তস্তু ধৌম্যেন তৎকালসদৃশং বচঃ।
ততস্ৎবধ্যাপয়ামাস মন্ত্রং সর্বার্থসাধকম্।
অষ্টাক্ষরং পরং মন্ত্রমার্তস্য সততং প্রিয়ম্ ॥ 3-3-13 (15770)
[বিপ্রত্যাগসমাধিস্থঃ সংয়তাত্মা দৃঢব্রতঃ।
ধর্মরাজো বিশুদ্ধাত্মা তপ আতিষ্ঠদুত্তমম্ ॥] 3-3-14 (15771)
পুষ্পোপহারৈর্বলিভিরর্চয়িৎবা দিবাকরম্।
সোঽবগাহ্য জলং রাজা দেবস্যাভিমুখোঽভবৎ ॥ 3-3-15 (15772)
গাঙ্গেয়ং বার্যুপস্পৃশ্য প্রাণায়ামেন তস্থিবান্।
[শুচিঃ প্রয়তবাগ্ভূৎবা স্তোত্রমারব্ধবাংস্ততঃ 3-3-16 (15773)
যুধিষ্ঠির উবাচ। 3-3-17x (1765)
ৎবং ভানো জগতশ্চক্ষুস্ৎবমাত্মা সর্বদেহিনাম্।
ৎবং যোনিঃ সর্বভূতানাং ৎবমাচারঃ ক্রিয়াবতাং ॥ 3-3-17 (15774)
ৎবং গতিঃ সর্বসাঙ্খ্যানাং যোগিনাং ৎবং পরায়ণম্।
অনাবৃতার্গলদ্বারং ৎবং গতিস্ৎবং মুমুক্ষতাম্ ॥ 3-3-18 (15775)
ৎবয়া সংধার্যতে লোকস্ৎবয়া লোকঃ প্রকাশ্যতে।
ৎবয়াপবিত্রীক্রিয়তে নির্ব্যাজং পাল্যতে ৎবয়া ॥ 3-3-19 (15776)
ৎবামুপস্থায় কালে তু ব্রাহ্মণা বেদপারগাঃ।
স্বশাখাবিহিতৈর্মন্ত্রৈরর্চন্ত্যৃষিগণার্চিত ॥ 3-3-20 (15777)
তব দিব্যং রথং যান্তমনুয়ান্তি বরার্থিনঃ।
সিদ্ধচারণগন্ধর্বা যক্ষগুহ্যকপন্নগাঃ ॥ 3-3-21 (15778)
ত্রয়স্ত্রিংশচ্চ বৈ দেবাস্তথা বৈমানিকা গণাঃ।
সোপেন্দ্রাঃ সমহেন্দ্রাশ্চ ৎবামিষ্ট্বাসিদ্ধিমাগতাঃ ॥ 3-3-22 (15779)
উপয়ান্ত্যর্চয়িৎবা তু ৎবাং বৈ প্রাপ্তমনোরথাঃ।
দিব্যমন্দারমালাভিস্তূর্ণং বিদ্যাধরোত্তমাঃ ॥ 3-3-23 (15780)
গুহ্যাঃ পিতৃগণাঃ সপ্ত যে দিব্যা যে চ মানুষাঃ।
তে পূজয়িৎবা ৎবামেব গচ্ছন্ত্যাশু প্রধানতাম্ ॥ 3-3-24 (15781)
বসবো মরুতো রুদ্রা যে চ সাধ্যা মরীচিপাঃ।
বালখিল্যাদয়ঃ সিদ্ধাঃ শ্রেষ্ঠৎবং প্রাণিনাং গতাঃ ॥ 3-3-25 (15782)
সব্রহ্মকেষু লোকেষু সপ্তস্বপ্যখিলেষু চ।
ন তদ্ভূতমহং মন্যে যদর্কাদতিরিচ্যতে ॥ 3-3-26 (15783)
সন্তি চান্যানি সৎবানিবীর্যবন্তি মহান্তি চ।
ন তু তেষাং তথা দীপ্তিঃ প্রভাবো বায়থা তব ॥ 3-3-27 (15784)
জ্যোতীষিৎবয়ি সর্বাণি ৎবং সর্বজ্যোতিষাং পতিঃ।
ৎবয়িসত্ৎবং চ সত্ৎবং চ সর্বেভাবাশ্চ সাত্ৎবিকাঃ ॥ 3-3-28 (15785)
ৎবত্তেজসা কৃতংচক্রং সুনাভং বিশ্বকর্মণা।
দেবারীণাং মদো যেন নাশিতঃ শার্ঙ্গধন্বনা ॥ 3-3-29 (15786)
ৎবমাদায়াংশুভিস্তেজো নিদাঘে সর্বদেহিনাম্।
সর্বৌষধিরসানাং চ পুনর্বর্ষাসু মুঞ্চসি ॥ 3-3-30 (15787)
তপন্ত্যন্তে দহন্ত্যন্যে গর্জন্ত্যন্যে তথা ঘনাঃ।
বিদ্যোতন্তে প্রবর্ষন্তি তব প্রাবৃষি রশ্ময়ঃ ॥ 3-3-31 (15788)
ন তথা সুখয়ত্যগ্নির্ন প্রাবারা ন কম্বলাঃ।
শীতবাতার্দিতং লোকং যথা তব মরীচয়ঃ ॥ 3-3-32 (15789)
ত্রয়োদশদ্বীপবতীং গোভির্ভাসয়সে মহীম্।
ত্রয়াণামপি লোকানাং হিতায়ৈকঃ প্রবর্তসে ॥ 3-3-33 (15790)
তব যদ্যুদয়ো ন স্যাদন্ধং জগদিদং ভবেৎ।
ন চ ধর্মার্থকামেষু প্রবর্তেরন্মনীষিণঃ ॥ 3-3-34 (15791)
আধানপশুবন্ধেষ্টিমন্ত্রয়জ্ঞতপঃক্রিয়াঃ।
ৎবৎপ্রসাদাদবাপ্যন্তে ব্রহ্মক্ষত্রবিশাং গণৈঃ ॥ 3-3-35 (15792)
যদহর্ব্রহ্মণঃ প্রোক্তং সহস্রয়ুগসংমিতম্।
তস্য ৎবমাদিরন্তশ্চ কালজ্ঞৈঃ পরিকীর্তিতঃ ॥ 3-3-36 (15793)
মনূনাং মনুপুত্রাণাং জগতোঽমানবস্য চ।
মন্বন্তরাণাং সর্বেষামীশ্বরাণাং ৎবমীশ্বরঃ ॥ 3-3-37 (15794)
সংহারকালে সংপ্রাপ্তে তব ক্রোধবিনিঃসৃতঃ।
সংবর্তকাগ্নিস্ত্রৈলোক্যং ভস্মীকৃত্যাবতিষ্ঠতে ॥ 3-3-38 (15795)
ৎবদ্দীধিতিসমুৎপন্না নানাবর্ণ মহাঘনাঃ।
সৈরাবতাঃ সাশনয়ঃ কুর্বন্ত্যাভূতসংপ্লবম্ ॥ 3-3-39 (15796)
কৃৎবা দ্বাদশধাঽঽত্মানং দ্বাদশাদিত্যতাং গতঃ।
সংহৃত্যৈকার্ণবং সর্বং ৎবং শোষয়সি রশ্মিভিঃ ॥ 3-3-40 (15797)
ৎবামিন্দ্রমাহুস্ৎবং রুদ্রস্ৎবং বিষ্ণুস্ৎবং প্রজাপতিঃ।
ৎবমগ্নিস্ৎবং মনঃ সূক্ষ্মং প্রভুস্ৎবং ব্রহ্মশাশ্বতং ॥ 3-3-41 (15798)
ৎবং হংসঃ সবিতা ভানুরংশুমালী বৃষাকপিঃ।
বিবস্বান্মিহিরঃ পূষা মিত্রো ধর্মস্তথৈব চ ॥ 3-3-42 (15799)
সহস্ররশ্মিরাদিত্যস্তপনস্ৎবং গবাং পতিঃ।
মার্তণ্ডোঽর্কো রবিঃ সূর্যঃ শরণ্যো দিনকৃত্তথা ॥ 3-3-43 (15800)
দিবাকরঃ সপ্তসপ্তির্ধামকেশী বিরোচনঃ।
আশুগামী তমোঘ্নশ্চ হরিতাশ্বশ্চ কীর্ত্যসে ॥ 3-3-44 (15801)
সপ্তম্যাগথবা ষষ্ঠ্যাং ভক্ত্যা পূজাং করোতি যঃ।
অনির্বিণ্ণোঽনহংকারী তং লক্ষ্মীর্ভজতে নরম্ ॥ 3-3-45 (15802)
ন তেষামাপদঃ সন্তি নাধয়ো ব্যাধয়স্তথা।
যে তবানন্যমনসা কুর্বন্ত্যর্চনবন্দনম্ ॥ 3-3-46 (15803)
সর্বরোগৈর্বিরহিতাঃ সর্বপাপাবিবর্জিতাঃ।
ৎবদ্ভাবভক্তাঃ সুখিনো ভবন্তি চিরজীবিনঃ ॥ 3-3-47 (15804)
ৎবং মমাপন্নকামস্য সর্বাতিথ্যং চিকীর্ষতঃ।
অন্নমন্নপতে দাতুমভিতঃ শ্রদ্ধয়াঽর্হসি ॥ 3-3-48 (15805)
যেচ তেঽনুচরাঃ সর্বে পাদোপান্তং সমাশ্রিতাঃ।
মাঠরারুণদণ্ডাদ্যাস্তাংস্তান্বন্দেঽশনিক্ষুভান্ ॥ 3-3-49 (15806)
ক্ষুভয়া সহিতা মৈত্রী যাশ্চান্যা ভূতমাতরঃ।
তাশ্চ সর্বা নমস্যামি পান্তু মাং শরণাগতম্ ॥] 3-3-50 (15807)
বৈশম্পায়ন উবাচ। 3-3-51x (1766)
কণ্ঠদঘ্নে জলে স্থিৎবা মন্ত্রৈঃ স্তোত্রৈশ্চ তোষিতঃ।
ততো দিবাকরঃ প্রীতো দর্শয়ামাস পাণ্ডবম্।
দীপ্যমানঃ স্ববপুষা জ্বলন্নিব হুতাশনঃ ॥ 3-3-51 (15808)
বিবস্বানুবাচ। 3-3-52x (1767)
যত্তেঽভিলষিতং কিংচিত্তত্ৎবং সর্বমবাপ্স্যসি।
অহমন্নং প্রদাস্যামি সপ্ত পঞ্চ চ তে সমাঃ ॥ 3-3-52 (15809)
গৃহ্ণীষ্ব পিঠরং তাম্রং ময়া দত্তং নরাধিপ।
যাবদ্বর্ৎস্যতি পাঞ্চালী পাত্রেণানেন সুব্রত ॥ 3-3-53 (15810)
ফলমূলামিষং শাকং সংস্কৃতং যন্মহানসে।
চতুর্বিধং তদন্নাদ্যমক্ষয়্যং তে ভবিষ্যতি।
ইতশ্চতুর্দশে বর্ষে ভূয়ো রাজ্যমবাপ্স্যসি ॥ 3-3-54 (15811)
বৈশম্পায়ন উবাচ। 3-3-55x (1768)
এবমুক্ৎবা তু ভগবাংস্তত্রৈবান্তরধীয়ত ॥ 3-3-55 (15812)
লব্ধ্বা বরং তু কৌন্তেয়ো জলাদুত্তীর্য ধর্মবিৎ।
জগ্রাহ পাদৌ ধৌম্যস্য ভ্রাতৄংশ্চ পরিষস্বজে ॥ 3-3-56 (15813)
দ্রৌপদ্যা সহ-সংগম্য পশ্যমানোঽপয়াৎপ্রাভুঃ।
মহানসে তদান্নং তু সাধয়ামাস পাণ্ডবঃ ॥ 3-3-57 (15814)
সংস্কৃতং প্রসবং যাতি স্বল্পমন্নং চতুর্বিধম্।
অক্ষয়্যং বর্ধতে চান্নং তেনাভোজয়ত দ্বিজান্ ॥ 3-3-58 (15815)
ভুক্তবৎসু চ বিপ্রেষু ভোজয়িৎবাঽনুজানপি।
শেষং বিঘসসংজ্ঞং তুপশ্চাদ্ভুঙ্ক্তে যুধিষ্ঠিরঃ ॥ 3-3-59 (15816)
যুধিষ্ঠিরং ভোজয়িৎবা শেষমশ্নাতি পার্ষতী।
[দ্রৌপদ্যাং ভুজ্যমানায়াং তদন্নং ক্ষয়মেতি চ ॥] 3-3-60 (15817)
এবং দিবাকরাৎপ্রাপ্য দিবাকরসমপ্রভঃ।
কামান্মনোভিলষিতান্ব্রাহ্মণেভ্যোঽদদাৎপ্রভুঃ ॥ 3-3-61 (15818)
পুরোহিতপুরোগাশ্চ তিথিনক্ষত্রপর্বসু।
ইজ্যার্থে সংপ্রবর্তন্তে বিধিমন্ত্রপ্রমাণতঃ ॥ 3-3-62 (15819)
ততঃ কৃতস্বস্ত্যযনা ধৌম্যেন সহ পাণ্ডবাঃ।
দ্বিজসঙ্ঘৈঃ পরিবৃতাঃ প্রয়যুঃ কাম্যকং বনম্ ॥ 3-3-63 (15820)
`জনমেজয় উবাচ। 3-3-64x (1769)
পুষ্পোপহারবলিভির্বহুশশ্চ যথাবিধি।
সর্বাত্মভূতং সংপূজ্য যতপ্রাণো জিতেন্দ্রিয়ঃ ॥ 3-3-64 (15821)
স্তবেন কেন বিপ্রর্ষে স তু রাজা যুধিষ্ঠিরঃ।
বিপ্রার্থমারাধিতবান্সূর্যমদ্ভুতবিক্রমম্ ॥ 3-3-65 (15822)
ময়ি স্নেহোঽস্তি চেদ্ব্রহ্মন্যদ্যনুগ্রহভাগহম্।
ভগবন্নাস্তি চেদ্গুদ্যং তচ্চ মে ব্রূহি সাংপ্রতম্ ॥' 3-3-66 (15823)
বৈশম্পায়ন উবাচ। 3-3-67x (1770)
শৃণুষ্বাংবহিতো রাজঞ্শুচির্ভূৎবা সমাহিতঃ।
ক্ষণং চ কুরু রাজেন্দ্র গুহ্যং বক্ষ্যামি তে হিতম্ ॥ 3-3-67 (15824)
ধৌম্যেন তু যথাপ্রোক্তং পার্থায় সুমহাত্মনে।
নাম্নামষ্টোত্তরং পুণ্যং শতং তচ্ছৃণু ভূপতে ॥ 3-3-68 (15825)
সূর্যোঽর্যভা ভগস্ৎবষ্টা পূষাঽর্কঃ সবিতা রবিঃ।
গভস্তিমানজঃ কালো মৃত্যুর্ধাতা প্রভাকরঃ ॥ 3-3-69 (15826)
পৃথিব্যাপশ্চ তেজশ্চ খং বায়ুশ্চ পরায়ণম্।
সোমো বৃহস্পতিঃ শুক্রো বুধোঽঙ্গারক এব চ ॥ 3-3-70 (15827)
ইন্দ্রো বিবস্বান্দীপ্তাংশুঃ শুচিঃ শৌরিঃ শনৈশ্চরঃ।
ব্রহ্মা বিষ্ণুশ্চ রুদ্রশ্চ স্কন্দো বৈশ্রবণো যমঃ ॥ 3-3-71 (15828)
বৈদ্যুতো জাঠরশ্চাগ্নিরৈন্ধনস্তেজসাং পতিঃ।
ধর্মধ্বজো বেদকর্তা বেগাঙ্গো বেদবাহনঃ ॥ 3-3-72 (15829)
কৃতং ত্রেতা দ্বাপরশ্চ কলিঃ সর্বামরাশ্রয়ঃ।
কলা কাষ্ঠা মুহূর্তাশ্চ পক্ষা মাসা ঋতুস্তথা ॥ 3-3-73 (15830)
সংবৎসরকরোঽশ্বত্থঃ কালচক্রো বিভাবসুঃ।
পুরুষঃ শাশ্বতো যোগী ব্যক্তাব্যক্তঃ সনাতনঃ ॥ 3-3-74 (15831)
লোকাধ্যক্ষঃ সুরাধ্যক্ষো বিশ্বকর্মা তমোনুদঃ।
বরুণঃ সাগরোংশশ্চ জীমূতো জীবনোঽরিহা ॥ 3-3-75 (15832)
ভূতাশ্রয়ো ভূতপতি- সর্বভূতনিষেবিতঃ।
`মণিঃ সুবর্ণো ভূতাত্মা কামদঃ সর্বতোমুখঃ।'
[স্রষ্টা সংবর্তকো বহ্নিঃ সর্বস্যাদিরলোলুপঃ 3-3-76 (15833)
অনন্তঃ কপিলো ভানুঃ কামদঃ সর্বতোমুখঃ।]
জয়ো বিশালো বরদঃ সর্বধাতুনিষেচিতা ॥ 3-3-77 (15834)
মনঃ সুপর্ণো ভূতাদিঃ শীঘ্রগঃ প্রাণধারকঃ।
ধন্বন্তরির্ধূমকেতুরাদিদেবোঽদিতেঃ সুতঃ ॥ 3-3-78 (15835)
দ্বাদশাত্মাঽরবিন্দাক্ষঃ পিতা মাতা পিতামহঃ।
স্বর্গদ্বারং প্রজাদ্বারং মোক্ষদ্বারং ত্রিবিষ্টপম্ ॥ 3-3-79 (15836)
দেবকর্তা প্রশান্তাত্মা বিশ্বাত্মা বিশ্বতোমুখঃ।
চরাচরাত্মা সূক্ষ্মাত্মা মৈত্রেণ বপুষাঽন্বিতঃ ॥ 3-3-80 (15837)
এতদ্বৈ কীর্তনীয়স্য সূর্যস্যামিততেজসঃ।
নাম্নামষ্টশতং পুণ্যং শক্রেণোক্তং মহাত্মনা ॥ 3-3-81 (15838)
শক্রাচ্চ নারদঃ প্রাপ্তো ধৌম্যশ্চ তদন্তরম্।
ধৌম্যাদ্যুধিষ্ঠরঃ প্রাপ্য সর্বান্কমানবাপ্তবান্ ॥ 3-3-82 (15839)
সুরগণপিতৃয়ক্ষসেবিতং
হ্যসুরনিশাচরসিদ্ধবন্দিতম্।
বরকনকহুতাশনপ্রভং
ৎবমপি মনস্যভিধেহি ভাস্করম্ ॥ 3-3-83 (15840)
সূর্যোদয়ে যঃ সুসমাহিতঃ পঠে-
ত্ত পুত্রদারান্ধনরত্নসংচয়ান্।
লভেত জাতিস্মরতাং নরঃ সদা
ধৃতিং চ মেধাং চ স বিন্দতে পুমান্ ॥ 3-3-84 (15841)
[ইমং স্তবং দেববরস্য যো নরঃ
প্রকীর্তয়েচ্ছুচিসুমনাঃ সমাহিতঃ।
স মুচ্যতে শোকদবাগ্নিসাগরা-
ল্লভেত কামান্মনসা যথেপ্সিতান্ ॥ 3-3-85 (15842)
[ইমং স্তবং প্রয়তমনাঃ সমাধিনা
পছেদিহান্যোঽপি বরং সমর্থয়ন্।
তত্ৎস্য দদ্যাচ্চ রবির্মনীষিতং
তদাঽঽপ্নুয়াদ্যদ্যপি তৎসুদুর্লভম্ ॥ 3-3-86 (15843)
যশ্চেদং ধারয়েন্নিত্যং শৃণুয়াদ্বাপ্যভীক্ষ্ণশঃ।
পুত্রার্থী লভতে পুত্রং ধনার্থী লভতে ধনম্।
বিদ্যার্থী লভতে বিদ্যাং পুরুষোপ্যথবা স্ত্রিয়ঃ ॥ 3-3-87 (15844)
উভে সংধ্যে পঠেন্নিত্যং নারী বা পুরুষো যদি।
আপদং প্রাপ্য মুচ্যেত বদ্ধো মুচ্যেত বন্ধনাৎ ॥ 3-3-88 (15845)
সংগ্রামে চ জয়েন্নিত্যং বিপুলং চাপ্নুয়াদ্বসু।
মুচ্যতে সর্বপাপেভ্যঃ সূর্যলোকং স গচ্ছতি ॥] 3-3-89 (15846)
ইতি শ্রীমন্মহাভারতে অরণ্যপর্বণি কির্মীরবধপর্বণি তৃতীয়োঽধ্যায়ঃ ॥ 3 ॥
Mahabharata - Vana Parva - Chapter Footnotes
3-3-4 ধর্মেণ যোগময়েন ॥ 3-3-6 তেজো রসান্ জলানি। উদ্ধৃত্য আদায় ॥ 3-3-7 ওষধীপতিশ্চন্দ্রঃ ॥ 3-3-11 তপোয়োগঃ ব্রতস্বীকারঃ তৎপূর্বকঃ সমাধির্ধ্যানং তৎস্থৈঃ ॥ 3-3-14 বিপ্রত্যাগসমাধিস্থঃ বিপ্রেভ্যস্ত্যাগঃ ত্যজ্যমানমন্নং তদর্থং সমাধিস্থঃ নিয়মস্থঃ ॥ 3-3-18 সাংখ্যানাং জ্ঞাননিষ্ঠানাম্। যোগিনাং চিত্তনিরোধকানাম্। আবৃণোতীত্যাবৃতং কপাটম্। কর্তরিক্তঃ। অর্গলা কপাটবিষ্টম্ভকং তির্যক্কাষ্ঠং তদুভয়রহিতং মুক্তিদ্বারং ৎবং মুমুক্ষতাং গতিঃ প্রাপ্যং পদম্ ॥ 3-3-28 সত্ত্যং সৎ পৃথিব্যপ্তেজাংসি। ত্যৎ বায়্বাকাশৌ তদাত্মকং সত্ত্যম্। সত্ৎবং বুদ্ধিসত্ৎবম্। সাৎবিকা ভাবাঃ ধর্মো জ্ঞানং বিরাগ ঐশ্বর্যমিত্যাদ্যাঃ ॥ 3-3-29 সুনাভং সুদর্শনম্ ॥ 3-3-32 প্রাবারাঃ বস্ত্রবিশেষাঃ ॥ 3-3-33 গোভিঃ রশ্মিভিঃ ॥ 3-3-39 সৈরাবতাঃ মেঘস্যোপরি যো মেঘঃ স ঐরাবতস্তৎসহিতাঃ। আভূতং যাবচ্চতুর্বিধভূতগ্রামং তস্য সংপ্লবঃ জলেনাভিপ্লাবনম্ ॥ 3-3-42 হন্তি গচ্ছতি বিশ্বং সংহরতীতি বা হংসঃ বৃষাকপিঃ হরো হরির্বা ॥ 3-3-43 গবাং রশ্মীনাম্ ॥ 3-3-44 সপ্তসপ্তিঃ সপ্তাশ্বঃ। ধামকেশী জ্যোতির্ময়কিরণবান্ ॥ 3-3-45 অনির্বিণ্ণঃ পূজনে আসক্তঃ ॥ 3-3-47 ৎবদ্ভাবভক্তাঃ সূর্যএব সর্বত্রাস্তীতি ভাবো ভাবনা তত্র ভক্তা আদৃতাঃ ॥ 3-3-48 শ্রদ্ধয়া আতিথ্যং চিকীর্ষত ইতি সংবন্ধঃ ॥ 3-3-49 অশনিক্ষুভান্ বিদ্যুদশন্যাদিপ্রবর্তকান্ ॥ 3-3-50 ক্ষুভামৈত্র্যৌ নিগ্রহানুগ্রহকর্ত্র্যৌ দেবতে ॥ 3-3-53 পিঠরং পরিবেষণপাত্রম্। তাম্রং তাম্রময়ম্। বর্ৎস্যতি বৃত্তিং জনজীবিকাংরূপাং করিষ্যতি। পাত্রেণ পাত্রপ্রসূতেনান্নেন ॥ 3-3-57 মহানসে পাকশালায়াম্। সাঘয়ামাস কারয়ামাস অন্নমিতি শেষঃ ॥ 3-3-58 সংস্কৃতং পক্বম্। বন্যমন্নং চতুর্বিধমিতি ক. পাঠঃ ॥ 3-3-60 পার্ষতী পৃষতঃ দ্রুপদপিতুঃ গোত্রাপত্যম্ ॥ 3-3-62 প্রবর্তন্তে নিঃসরন্তি। বিধিমন্ত্রপ্রমাণতঃ। বিধির্বসন্তে বসন্তে জ্যোতিষা যজেতেত্যাদিরজ্ঞাপনরূপঃ। মন্ত্রঃ অনুষ্ঠেয়ার্থস্মারক ইষেৎবেত্যাদিঃ। তাবেব প্রমাণে তাভ্যামিত্যর্থঃ ॥ 3-3-76 সর্বলোকনমস্কৃত ইতি ঝ. পাঠঃ ॥ 3-3-80 মৈত্রেয়ঃ করুণান্বিত ইতি ঝ. পাঠঃ ॥ 80অরণ্যপর্ব - অধ্যায় 004
॥ শ্রীঃ ॥
3.4. অধ্যায়ঃ 004
Mahabharata - Vana Parva - Chapter Topics
পাণ্ডবেষু বনং গতেষু সৎসু হিতং পৃষ্টেন বিদুরেণ ধৃতরাষ্ট্রপ্রতি পাণ্ডবানাং পুনা রাজ্যে স্থাপনবিধানম্ ॥ 1 ॥ ততো ধৃতরাষ্ট্রধিক্কৃতেন বিদুরেণ পাণ্ডবান্প্রতি প্রস্থানম্ ॥ 2 ॥Mahabharata - Vana Parva - Chapter Text
3-4-0 (15847)
বৈশম্পায়ন উবাচ। 3-4-0x (1771)
বনং প্রবিষ্টেষ্বথ পাণ্ডবেষু
প্রজ্ঞাচক্ষুস্তপ্যমানোঽম্বিকেয়ঃ।
ধর্মাত্মানং বিদুরমগাধবুদ্ধিং 3-4-1da সুখাসীনো বাক্যমুবাচ রাজা ॥ 3-4-1 (15848)
ধৃতরাষ্ট্র উবাচ। 3-4-2x (1772)
প্রজ্ঞা চ তে ভার্গবস্যেব শুদ্ধা
ধর্মং চ ৎবং পরমং বেত্থ সূক্ষ্মম্।
সমশ্চ ৎবং সংমতঃ কৌরবাণাং
পথ্যং চৈষাং মম চৈব ব্রবীহি ॥ 3-4-2 (15849)
এবং গতে বিদুরয়দদ্য কার্যং
পৌরাশ্চেমে কথমস্মান্ভজেরন্।
তে চাপ্যস্মান্নোদ্ধরেয়ুঃ সমূলা-
ন্ন কাময়ে তাংশ্চ বিনশ্যমানান্ ॥ 3-4-3 (15850)
`সৌবলেনৈব পাপেন দুর্যোধনহিতৈষিণা।
ক্রূরমাচরিতং ক্ষত্তর্ন মে প্রিয়মনুষ্ঠিতম্ ॥ 3-4-4 (15851)
তথৈবাঙ্গীকৃতে তত্র তদ্ভবান্বক্তুমর্হতি।
উত্তরং প্রাপ্তকালং চ কিমন্যন্মন্যতে ক্ষমম্ ॥ 3-4-5 (15852)
নাস্তি ধর্মে সহায়ৎবমিতি মে দীর্যতে মনঃ।
যত্র পাণ্ডুসুতাঃ সর্বে ক্লিশ্যন্তি বানমাগতাঃ' ॥ 3-4-6 (15853)
বিদুর উবাচ। 3-4-7x (1773)
ত্রিবর্গোঽয়ং ধর্মমূলো নরেন্দ্র
রাজ্যং চেদং ধর্মমূলং বদন্তি।
ধর্মে রাজন্বর্তমানঃ স্বশক্ত্যা
পুত্রান্সর্বান্পাহি কুন্তীসুতাংশ্চ ॥ 3-4-7 (15854)
স বৈ ধ্রমো বিপ্রলব্ধঃ সভায়াং
পাপাত্মভিঃ সৌবলেয়প্রধানৈঃ।
আহূয় কুন্তীসুতমক্ষবত্যাং
পরাজৈষীৎসত্যসন্ধং সুতস্তে ॥ 3-4-8 (15855)
এতস্য তে দুষ্প্রণীতস্য রাজ-
ন্দ্বেষস্যাহং পরিপশ্যাম্যুপায়ম্।
যথা পুত্রস্তব কৌরব্য পাপা-
ন্মুক্তো লোকে প্রতিতিষ্ঠেত সাধু ॥ 3-4-9 (15856)
তদ্বৈ সর্বং পাণ্ডুপুত্রা লভন্তাং
যত্তদ্রাজন্নতিসৃষ্টং ৎবয়াঽঽসীৎ।
এষ ধর্মঃ পরমো যৎস্বকেন
রাজা তুষ্যেন্ন পরস্বেষু গৃদ্ধ্যেৎ ॥ 3-4-10 (15857)
[যশো নে নশ্যেজ্জ্ঞাতিভেদশ্চ ন স্যা-
দ্ধর্মো ন স্যান্নৈব চৈবং কৃতে ৎবাম্।]
এতৎকার্যে তব সর্বপ্রধানং
তেষাং তুষ্টিঃ শকুনেশ্চাবমানঃ ॥ 3-4-11 (15858)
এবং শেষং যদি পুত্রেষু তে স্যা-
দেতদ্রাজংস্ৎবরমাণঃ কুরুষ্ব।
অথৈতদেবং ন করোষি রাজন্
ধ্রুবং কুরূণাং ভবিতা বিনাশঃ ॥ 3-4-12 (15859)
নহি ক্রুদ্ধো ভীমসেনোঽর্জুনো বা
শেষং কুর্যাচ্ছাত্রবাণামনীকে।
যেষাং যোদ্ধা সব্যসাচী কৃতাস্ত্রো
ধনুর্যেষাং গাণ্ডিবং লোকসারম্ ॥ 3-4-13 (15860)
যেষাং ভীমো বাহুশালী চ যোদ্ধা
তেষাং লোকে কিংনু ন প্রাপ্যমস্তি।
উক্তং পূর্বং জাতমাত্রে সুতে তে
ময়া যত্তে হিতমাসীত্তদানীম্ ॥ 3-4-14 (15861)
পুত্রং ত্যজেমমহিতং কুলস্য
হিতং পরং ন চ তত্ৎবং চকর্থ।
ইদানীং তে হিতমুক্তং ন চেত্ৎব-
মেবং কর্তা পরিতপ্তাঽসি পশ্চাৎ ॥ 3-4-15 (15862)
যদ্যেতদেবমনুমন্তা সুতস্তে
সংপ্রীয়মাণঃ পাণ্ডবৈরেকরাজ্যম্।
তাপো ন তে ভবিতা প্রীতিয়োগা-
ত্ৎবং চেন্ন গৃহ্ণাসি সুতং সহায়ৈঃ ॥ 3-4-16 (15863)
দুর্যোধনং ৎবহিতং বৈ নিগৃহ্য
পাণ্ডোঃ পুত্রং প্রকুরুষ্বাধিপত্যে।
`ধ্রুবং বিনাশস্তব পুত্রেণ ধীমন্
সবন্ধুবর্গেণ সহৈব রাজভিঃ ॥ 3-4-17 (15864)
চতুর্দশে চৈব বর্ষে নরেন্দ্র
কুলক্ষয়ং প্রাপ্স্যসি রাজসিংহ।
তস্মাৎকুরুষ্বাধিপত্যে নরেন্দ্র
যুধিষ্ঠিরং ধর্মভৃতাং বরিষ্ঠম্ ॥' 3-4-18 (15865)
অজাতশত্রুর্হি বিমুক্তরাগো
ধর্মোণেমাং পৃথিবীং শাস্তু রাজন্।
ততো রাজন্পার্থিবাঃ সর্ব এব
বৈশ্যা ইবাস্মানুপতিষ্ঠন্তু সদ্যঃ ॥ 3-4-19 (15866)
দুর্যোধনঃ শকুনিঃ সূতপুত্রঃ
প্রীত্যা রাজন্পাণ্ডুপুত্রান্ভজন্তু।
দুঃশাসনো যাচতু ভীমসেনং
সভামধ্যে দ্রুপদস্যাত্মজাং চ ॥ 3-4-20 (15867)
যুধিষ্ঠিরং ৎবং পরিসান্ৎবয়স্ব
রাজ্যে চৈনং স্থাপয়স্বাভিপূজ্য।
ৎবয়া পৃষ্টঃ কিমহমন্যদ্বদেয়-
মেতৎকৃৎবা কৃতকৃত্যোসি রাজন্ ॥ 3-4-21 (15868)
ধৃতরাষ্ট্র উবাচ। 3-4-22x (1774)
এতদ্বাক্যং বিদুর যত্তে সভায়া-
মিহ প্রোক্তং পাণ্ডবান্প্রাপ্য মাং চ।
হিতং তেষামহিতং মামকানা-
মেতৎসর্বং মম নাবৈদি চেতঃ ॥ 3-4-22 (15869)
ইদং ৎবিদানীং গত এব নিশ্চিতং
তেষামর্থে পাণ্ডবানাং যদাত্থ।
তেনাদ্য মন্যে নাসি হিতো মমেতি
কথং হি পুত্রং পাণ্ডবার্থে ত্যজেয়ম্ ॥ 3-4-23 (15870)
অসংশয়ং তেঽপি মমৈব পুত্রা
দুর্যোধনস্তু মম দেহাৎপ্রমূতঃ।
স্বং বৈ দেহং পরহেতোস্ত্যজেতি
কোনু ব্রূয়াৎসমতামন্ববেক্ষন্ ॥ 3-4-24 (15871)
স মাং জিহ্মং বিদুর সর্বং ব্রবীপি
মন্যুং তেঽহমধিকং ধারয়ামি।
যথেচ্ছকং গচ্ছ বা তিষ্ঠ বা ৎবং
সুসান্ৎব্যমানাঽপ্যসতী স্ত্রী জহাতি ॥ 3-4-25 (15872)
বৈশেপায়ন উবাচ। 3-4-26x (1775)
এতাবদুক্ৎবা ধৃতরাষ্ট্রোঽন্বপদ্য-
দন্তর্বেশ্ম সহসোত্থায় রাজন্।
নেদমস্তীত্যথ বিদুরো ভাপমাপ্পঃ
সংপ্রাদ্রবদ্যত্র পার্থা বভূবুঃ ॥ 3-4-26 (15873)
ইতি শ্রীমন্মহাভারতে অরণ্যপর্বণি কির্মীরবধপর্বণি চতুর্থোঽধ্যায়ঃ ॥ 4 ॥
Mahabharata - Vana Parva - Chapter Footnotes
3-4-2 কৌরবাণাং পাণ্ডবধার্তরাষ্ট্রাণাং সমঃ পক্ষপাতশূন্যঃ ॥ 3-4-3 উদ্ধরেয়ুঃ উন্মূলয়েয়ঃ ॥ 3-4-8 অক্ষবত্যাং দ্যূতকীডায়াম্ ॥ 3-4-9 উপায়ং প্রশান্তিপ্রকারম্। শেষস্যাহং পরিপশ্যামীতি ঝ. ট. পাঠঃ ॥ 3-4-10 অতিসৃষ্টং দত্তম্। স্বকেন ধনেনেতি শেষঃ ॥ 3-4-11 এবং কৃতেসতি ৎবাংপ্রতি ধর্মো ন স্যাদিতি নৈব কিংতু স্যাদেব ॥ 3-4-15 চকর্থ কৃতবান্। কর্তা করিষ্যসি ॥ 3-4-16 একরাজ্যং যদি অনুমন্তা তর্হি তাপো ন ভবিতা। নচেৎ যদি নানুমন্তা তর্হি সুতং নিগৃহ্ণীষ্বেত্যর্থঃ ॥ 3-4-17 নচেন্নিগৃহ্ণীষ্ব সুতং সুখায়েতি ঝ. পাঠঃ। তত্র পক্ষান্তরমাহ দুর্যোধনমিতি ॥ 3-4-22 নাবৈতি নাঙ্গীররোতি ॥ 3-4-25 জিহ্মং কুটিলম্ ॥ 3-4-26 ইদং কুলম্ ॥অরণ্যপর্ব - অধ্যায় 005
॥ শ্রীঃ ॥
3.5. অধ্যায়ঃ 005
Mahabharata - Vana Parva - Chapter Topics
বিদুরস্য কাম্যকবনে পাণ্ডবসমাগমঃ ॥ 1 ॥ তেন তেষু তত্রস্বাগমনকারণনিবেদনম্ ॥ 2 ॥Mahabharata - Vana Parva - Chapter Text
3-5-0 (15874)
বৈশম্পায়ন উবাচ। 3-5-0x (1776)
পাণ্ডবাস্তু বনে বাসমুদ্দিশ্য ভরতর্পভাঃ।
প্রয়যুর্জাহ্নবীকূলাৎকুরুক্ষেত্রং সহানুগাঃ ॥ 3-5-1 (15875)
সরস্বতীদৃপদ্বত্যৌ যমুনাং চ নিষেব্য তে।
যয়ুর্বননৈব বনং সততং পশ্চিমাং দিশম্ ॥ 3-5-2 (15876)
ততঃ সরস্বতীকূলে সমেষু মরুধন্বসু।
কাম্যকং নাম দদৃশুর্বনং মুনিজনপ্রিয়ম্ ॥ 3-5-3 (15877)
তত্র তে ন্যবসন্বীরা বনে বহুমৃগদ্বিজে।
অন্বাস্যমানা মুনিভিঃ সান্ৎব্যমানাশ্চ ভারত ॥ 3-5-4 (15878)
বিদুরস্ৎবথ পাণ্ডূনাং সদা দর্শনলালসঃ।
জগামৈকরথেনৈব কাম্যকং বনমৃদ্ধিমৎ ॥ 3-5-5 (15879)
ততো গৎবা বিদুরঃ কাম্যকং ত-
চ্ছীঘ্রৈরশ্বৈর্বাহিতঃ স্যন্দনেন।
দদর্শাসীনং ধর্মাত্মানং বিবিক্তে
সার্ধং দ্রৌপদ্যা ভ্রাতৃভির্ব্রাহ্মণৈশ্চ ॥ 3-5-6 (15880)
ততোঽপশ্যদ্বিদুরং তূর্ণমারা-
দভ্যায়ান্তং সত্যসন্ধঃ স রাজা।
অথাব্রবীদ্ধাতরং ভীমসেনং
কিংনু ক্ষত্তা বক্ষ্যতিনঃ সমেত্য ॥ 3-5-7 (15881)
কচ্চিন্নায়ং বচনাৎসৌবলস্য
সমাহ্বাতুং দেবনায়োপয়াতি।
কচ্চিৎক্ষুদ্রঃ কুশলী চাঽয়ুধানি
জেষ্যত্যস্মাকং পুনরেবাক্ষবত্যাম্ ॥ 3-5-8 (15882)
সমাহূতঃ কেনচিদাহবায়
নাহং শক্তো ভীমসেনাপয়াতুম্।
গাণ্ডীবে চ সংশয়িতে কথং নু
রাজ্যপ্রাপ্তিঃ সংশয়িতা ভবেন্নঃ ॥ 3-5-9 (15883)
বৈশম্পায়ন উবাচ। 3-5-10x (1777)
তত উত্থায় বিদুরং পাণ্ডবেয়াঃ
প্রত্যগৃহ্ণন্নৃপতে সর্ব এব।
তৈঃ সৎকৃতঃ স চ তানাজমীঢো
যথোচিতং পাণ্ডুপুত্রান্সমেয়াৎ ॥ 3-5-10 (15884)
সমাশ্বস্তং বিদুরং তে নরর্ষভা-
স্ততোঽপৃচ্ছন্নাগমনায় হেতুম্।
স চাপি তেভ্যো বিস্তরতঃ শশংস
যথাবৃত্তং ধৃতরাষ্ট্রেঽম্বিকেয়ে ॥ 3-5-11 (15885)
বিদুর উবাচ। 3-5-12x (1778)
অবোচন্মাং ধৃতরাষ্ট্রোঽভিগুপ্ত-
মজাতশত্রো পরিগৃহ্যাভিপূজ্য।
এবং গতে সমতামভ্যুপেত্য
পথ্যং তেষাং মম চৈব ব্রবীহি ॥ 3-5-12 (15886)
ময়াপ্যুক্তং যৎক্ষমং কৌরবাণাং
হিতং পথ্যং ধৃতরাষ্ট্রস্য চৈব।
তদ্বৈ পথ্যং তন্মনো নাভ্যুপৈতি
ততশ্চাহং ক্ষমমন্যন্ন মন্যে ॥ 3-5-13 (15887)
পরং শ্রেয়ঃ পাণ্ডবেয়া ময়োক্তং
ন মে তচ্চ শুতবানাম্বিকেয়ঃ।
যথাঽঽতুরস্যেব হি পথ্যমৌপধং
ন রোচনতে স্মাস্য তদুচ্যমানম্ ॥ 3-5-14 (15888)
ন শ্রেয়সে যততেঽজাতশত্রো
স্ত্রী শ্রোত্রিয়স্যেব গৃহে প্রদুষ্টা।
ধ্রুবং ন রোচেদ্ভরতর্ষভস্য
পতিঃ কুমার্যা ইব ষষ্টিবর্ষঃ ॥ 3-5-15 (15889)
ধ্রুবং বিনাশো নৃপ কৌরবাণাং
ন বৈ শ্রেয়ো ধৃতরাষ্ট্রঃ পরৈতি।
যথা চ পর্ণে পুষ্করস্যাবসিক্তং
জলং ন তিষ্ঠেৎপথ্যমুক্তং তথাঽস্মিন্ ॥ 3-5-16 (15890)
ততঃ ক্রুদ্ধো ধৃতরাষ্ট্রোঽব্রবীন্মাং
যস্মিঞ্শ্রদ্ধা তব তত্র প্রয়াহি।
নাহং ভূয়ঃ কাময়ে ৎবাং সহায়ং
মহীমিমাং পালয়িতুং পুরং বা ॥ 3-5-17 (15891)
সোহং ত্যক্তো ধৃতরাষ্ট্রেণ রাজ্ঞা
প্রশাসিতুং ৎবামুপয়াতো নরেন্দ্র।
তদ্বৈ সর্বং যন্ময়োক্তং সভায়াং
তদ্ধার্যতাং যৎপ্রবক্ষ্যামি ভূয়ঃ ॥ 3-5-18 (15892)
ক্লেশৈস্তীর্ব্রর্যুজ্যমানঃ সপত্নৈঃ
ক্ষমাং কুর্বন্কালমুপাসতে যঃ।
সংবর্ধয়ন্স্তোকমিবাগ্রিমাত্মবান্
স বৈ ভুঙ্ক্তে পৃথিবীমেক এব ॥ 3-5-19 (15893)
যস্যাবিভক্তং বসু রাজন্সহায়ৈ-
স্তস্য দুঃখস্যাংশভাজঃ সহায়াঃ।
সহায়ানামেষ সংগ্রগণেঽভ্যুপায়ঃ
সহায়াপ্তৌ পৃথিবীপ্রাপ্তিমাহুঃ ॥ 3-5-20 (15894)
সত্যং শ্রেষ্টং পাণ্ডবা নিষ্প্রলাপং
তুল্যং চান্নং সহ ভোজ্যং সহায়ৈঃ।
আত্মা চৈষামগ্রতো নাতিবর্তে
দেবং বৃত্তির্বর্ধতে ভূমিপাল ॥ 3-5-21 (15895)
যুধিষ্ঠির উবাচ। 3-5-22x (1779)
এবং করিষ্যামি যথা ব্রবীপি
পরাং বুদ্ধিমুপগম্যাপ্রমত্তঃ।
যচ্চাপ্যন্যদ্দেশকালোপপন্নং
তদ্বৈ বাচ্যং তৎকরিষ্যামি কৃৎস্নম্ ॥ 3-5-22 (15896)
ইতি শ্রীমন্মহাভারতে অরণ্যপর্বণি কির্মীরবধপর্বণি পঞ্চমোঽধ্যায়ঃ ॥ 5 ॥
Mahabharata - Vana Parva - Chapter Footnotes
3-5-3 মরুধন্বসু মরুষু নির্জলদেশেষু। ধন্বসু জাঙ্গলদেশেষু ॥ 3-5-9 অপয়াতুং নিবর্তিতুম্। সংশয়িতে পণীকৃতেসতি। কথং নঃ রাজ্যপ্রাপ্তির্যতঃ সংশয়িতা। গাণ্ডীবনাশাদিত্যর্থঃ ॥ 3-5-12 অভিগুপ্তং অভিরক্ষিতারম্। হিতোপদেশেনেতি শেষঃ। কর্তরিক্তঃ। ব্রহীহীত্যবোচদিতি সংবন্ধঃ ॥ 3-5-13 অন্যৎ সাম্নোঽন্যৎ বৈরম্ ॥ 3-5-16 পরৈতি পরামৃশতি। পুষ্করস্ কমলস্য ॥ 3-5-17 শ্রদ্ধা ইষ্টোয়মিতি ধীঃ ॥ 3-5-18 ধার্যতাং ন বিস্মর্তব্যম্ ॥ 3-5-20 উপাসতে উপাস্তে প্রতীক্ষতে। তৃণৈঃ স্তোকং অগ্নিমিব আত্মানং সহায়সংপত্ত্যা সংবর্ধয়ন্। সহায়ার্জনোপায়মাহ যস্যেতি। অবিভক্তং সাধারণম্। বসু বিত্তম্ ॥অরণ্যপর্ব - অধ্যায় 006
॥ শ্রীঃ ॥
3.6. অধ্যায়ঃ 006
Mahabharata - Vana Parva - Chapter Topics
বিদুরবিপ্রয়োগখিন্নেন ধৃতরাষ্ট্রেণ তদাহ্বানায় সংজয়প্রেষণম্ ॥ 1 ॥ সংজয়াহূতেন বিদুরেণ পুনর্ধৃতরাষ্ট্রংপ্রত্যাগমনম্ ॥ 2 ॥Mahabharata - Vana Parva - Chapter Text
3-6-0 (15897)
বৈশম্পায়ন উবাচ। 3-6-0x (1780)
গতে তু বিদুরে রাজন্নাশ্রমং পাণ্ডবান্প্রতি।
ধৃতরাষ্ট্রো মহাপ্রাজ্ঞঃ পর্যতপ্যত দুর্মনাঃ ॥ 3-6-1 (15898)
[বিদুরস্য প্রভাবং চ সন্ধিবিগ্রহকারিতম্।
বিবৃদ্ধিং চ পরাং মৎবা পাণ্ডবানাং ভবিষ্যতি ॥] 3-6-2 (15899)
স সভাদ্বারমাগম্য বিদুরস্মারমোহিতঃ।
সমক্ষং পার্থিবেনদ্রাণাং বিসংজ্ঞঃ প্রাপতদ্ভুবি ॥ 3-6-3 (15900)
স তু লব্ধ্বা চিরাৎসংজ্ঞাং সমুত্থায় মহীতলাৎ।
সমীপোপস্থিতং রাজা সংজয়ং বাক্যমব্রবীৎ ॥ 3-6-4 (15901)
ভ্রাতা মম সুহৃচ্চৈব সাক্ষাদ্ধর্ম ইবাপরঃ।
তস্য স্মৃত্যাঽদ্য সুভৃশং হৃদয়ং দীর্যতীবমে ॥ 3-6-5 (15902)
তমানয় স্বধর্মজ্ঞং মম ভ্রাতরমাশু বৈ।
ইতি ব্রুবন্স নৃপতিঃ কৃপণং পর্যদেবয়ৎ ॥ 3-6-6 (15903)
পশ্চাত্তাপাভিসংতপ্তো বিদুরস্মারমোহিতঃ।
ভ্রাতৃশ্নেহাদিদং রাজা সংজয়ং বাক্যমব্রবীৎ ॥ 3-6-7 (15904)
গচ্ছ সংজয় জানীহি ভ্রাতরং বিদুরং মম।
যদি জীবতি রোষেণ ময়া পাপেন নির্ধুতঃ ॥ 3-6-8 (15905)
ন হি তেন মম ভ্রাত্রা সুসূক্ষ্মমপি কিংচন।
ব্যলীকং কৃতপূর্বং বৈ প্রাজ্ঞেনামিতবুদ্ধিনা ॥ 3-6-9 (15906)
স ব্যলীকং কথং প্রাপ্তো মত্তঃ পরমবুদ্ধিমান্।
ন জহ্মাজ্জীবিতং প্রাজ্ঞ তং গচ্ছানয় সংজয় ॥ 3-6-10 (15907)
তস্য তদ্বচনং শ্রুৎবা রাজ্ঞস্তমনুমান্য চ।
সংজয়ো বাঢমিত্যুক্ৎবা প্রাদ্রবৎকাম্যকং প্রতি 3-6-11 (15908)
সোঽচিরেণ সমাসাদ্য তদ্বনং যত্র পাণ্ডবাঃ।
রৌরবাজিনসংবীতং দদর্শাথ যুধিষ্ঠিরম্ ॥ 3-6-12 (15909)
বিদুরেণ সহাসীনং ব্রাহ্মণৈশ্চ সহস্রশঃ।
ভ্রাতৃভিশ্চাভিসংগুপ্তং দেবৈরিব পুরংদরম্ ॥ 3-6-13 (15910)
যুধিষ্ঠিরমুপাগম্য পূজয়ামাস সংজয়ঃ।
ভীমার্জুনয়মাশ্চাপি তদ্যুক্তং প্রতিপেদিরে ॥ 3-6-14 (15911)
রাজ্ঞা পৃষ্টঃ স কুশলং সুখাসীনশ্চ সংজয়ঃ।
শশংসাগমনে হেতুমিদং চৈবাব্রবীদ্বচঃ ॥ 3-6-15 (15912)
সংজয় উবাচ। 3-6-16x (1781)
রাজা স্মরতি তে ক্ষত্তর্ধৃতরাষ্ট্রোঽম্বিকাসুতঃ।
তং পশ্য গৎবা ৎবং ক্ষিপ্রং সংজীবয় চ পার্থিবম্ ॥ 3-6-16 (15913)
সোঽনুমান্য নরশ্রেষ্ঠান্পাণ্ডবান্কুরুনন্দনান্।
নিয়োগাদ্রাজসিংহস্য গন্তুমর্হসি সত্তম্ ॥ 3-6-17 (15914)
এবমুক্তস্তু বিদুরো ধীমান্স্বজনবৎসলঃ।
যুধিষ্ঠিরস্যানুমতে পুনরায়াদ্গজাহ্বয়ম্ ॥ 3-6-18 (15915)
তমব্রবীন্মহাতেজা ধৃতরাষ্ট্রোঽম্বিকাসুতঃ।
দিষ্ট্যা প্রাপ্তোসি ধর্মজ্ঞ দিষ্ট্যা স্মরসি মেঽনঘ ॥ 3-6-19 (15916)
অদ্য চাহং দিবারাত্রৌ ৎবৎকৃতে ভরতর্ষভ।
প্রজাগরে প্রপশ্যামি বিচিত্রং দেহমাত্মনঃ ॥ 3-6-20 (15917)
বৈশম্পায়ন উবাচ। 3-6-21x (1782)
সোঙ্কমানীয় বিদুরং মূর্ধন্যাঘ্রায় চৈব হ।
ক্ষম্যতামিতি চোবাচয়দুক্তোসি ময়াঽনঘ ॥ 3-6-21 (15918)
বিদুর উবাচ। 3-6-22x (1783)
ক্ষান্তমেব ময়া রাজন্গুরুর্মে পরমো ভবান্।
তথাঽহমাগতঃ শীঘ্রং ৎবদ্দর্শনপরায়ণঃ ॥ 3-6-22 (15919)
ভবন্তি হি নরব্যাঘ্র পুরুষা ধর্মচেতনাঃ।
দীনানুকম্পিনো রাজন্নাত্র কার্যা বিচারণা ॥ 3-6-23 (15920)
পাণ্ডোঃ পুত্রা যাদৃশাস্তে তাদৃশা মে সুতাস্তব।
দীনা ইতীব মে বুদ্ধিরভিপন্নাঽদ্য তান্প্রতি ॥ 3-6-24 (15921)
বৈশম্পায়ন উবাচ। 3-6-25x (1784)
অন্যোন্যমনুনীয়ৈবং ভ্রাতরৌ দ্বৌ মহাদ্যুতী।
বিদুরো ধৃতরাষ্ট্রশ্চ লেভাতে পরমাং মুদম্ ॥ 3-6-25 (15922)
ইতি শ্রীমন্মহাভারতে অরণ্যপর্বণি কির্মীরবধপর্বণি ষষ্ঠোঽধ্যায়ঃ ॥ 6 ॥
Mahabharata - Vana Parva - Chapter Footnotes
3-6-1 মহাপ্রাজ্ঞঃ বিদুরেপদেশে স্থিতানাং জয়ো ভবিষ্যতীতি জানন্ ॥ 3-6-2 সংধিবিগ্রহকারিতং সংধিবিগ্রহাদিনীতিজ্ঞৎবকৃতম্। ভবিষ্যতি আগামিনি কালে ॥ 3-6-8 নির্ধুতঃ নিঃসারিতঃ ॥ 3-6-9 ব্যলীকং অপ্রিয়ম্ ॥ 3-6-10 ত্যক্ষ্যামি জীবিতমিতি ঝ. পাঠঃ ॥অরণ্যপর্ব - অধ্যায় 007
॥ শ্রীঃ ॥
3.7. অধ্যায়ঃ 007
Mahabharata - Vana Parva - Chapter Topics
বিদুরস্য পুনরাগমনেন খিদ্যতা দুর্যোধনেন কর্ণাদিভিরালোচনম্ ॥ 1 ॥ কর্ণাদিষু সমালোচ্য পাণ্ডবজিঘাংসয়া প্রস্থিতেষু তদা সমাগতেন শ্রীব্যাসেন তেষাং প্রতিষেধনম্ ॥ 2 ॥Mahabharata - Vana Parva - Chapter Text
3-7-0 (15923)
বৈশম্পায়ন উবাচ। 3-7-0x (1785)
শ্রুৎবা চ বিদুরং প্রাপ্তং রাজ্ঞা চ পরিসান্ৎবিতম্।
ধৃতারাষ্ট্রাত্মজো রাজা পর্যতপ্যত দুর্মতিঃ ॥ 3-7-1 (15924)
স সৌবলেয়মানায়্য কর্ণদুঃশাসনৌ তথা।
অব্রবীদ্বচনং রাজা প্রবিশ্যাবুদ্ধিজং তমঃ ॥ 3-7-2 (15925)
এষ প্রত্যাগতো মন্ত্রী ধৃতরাষ্ট্রস্য সংমতঃ।
বিদুরঃ পাণ্ডুপুত্রাণাং সুহৃদ্বিদ্বান্হিতে রতঃ ॥ 3-7-3 (15926)
যাবদস্য পুনর্বুদ্ধিং বিদুরো নাপকর্ষতি।
পাণ্ডবানয়নে তাবন্মন্ত্রয়ধ্বং হিতং মম ॥ 3-7-4 (15927)
অথ পশ্যাম্যহং পার্থান্প্রাপ্তানিহ কথংচন।
পুনঃ শোষং গমিষ্যামি নিরসুর্নিষ্পরিগ্রহঃ ॥ 3-7-5 (15928)
বিষমুদ্বন্ধনং চৈব শস্ত্রমগ্নিপ্রবেশনম্।
করিষ্যে ন হি তানৃদ্ধান্পুনর্দ্রষ্টুমিহোৎসহে ॥ 3-7-6 (15929)
সুকুনিরুবাচ। 3-7-7x (1786)
কিং বালিশমতিং রাজন্নাস্থিতোসি বিশাংপতে।
গতাস্তে সময়ং কৃৎবা নৈতদেবং ভবিষ্যতি ॥ 3-7-7 (15930)
সত্যবাক্যেঃ স্বিতাঃ সর্বে পাণ্ডবা ভরতষভ।
পিতুস্তে বচনং তাত ন গ্রহীষ্যন্তি কর্হিচিতি ॥ 3-7-8 (15931)
অথবা তে গ্রহীষ্যন্তি পুনরেষ্যন্তি বা পুরম্।
নিরস্য সময়ং সর্বে পণোঽস্মাকং ভবিষ্যতি ॥ 3-7-9 (15932)
সর্বে ভবামো মধ্যস্থা রাজ্ঞশ্ছন্দানুবর্তিনঃ।
ছিদ্রং বহু প্রপশ্যন্তঃ পাণ্ডবানাং সুসংবৃতাঃ । 3-7-10 (15933)
দুঃশাসন উবাচ। 3-7-11x (1787)
এবমেতন্মহাপ্রাজ্ঞ যথা বদসি মাতুল।
নিত্যং হি মে কথয়তস্তব বুদ্ধির্বিরোচতে ॥ 3-7-11 (15934)
কর্ণ উবাচ। 3-7-12x (1788)
কামমীক্ষামহে সর্বে দুর্যোধন তবেপ্সিতম্।
ঐকমত্যং হি নো রাজন্সর্বেষামেব লক্ষয়ে ॥ 3-7-12 (15935)
[নাগমিষ্যন্তি তে ধীরা অকৃৎবা কালসংবিদম্।
আগমিষ্যন্তি চেন্মোহাৎপুনর্দ্যূতেন তাঞ্জয় ॥] 3-7-13 (15936)
বৈশম্পায়ন উবাচ। 3-7-14x (1789)
এবমুক্তস্তু কর্ণেন রাজা দুর্যোধনস্তদা।
নাতিহৃষ্টমনাঃ ক্ষিপ্রমভবৎস পরাঙ্মুখঃ ॥ 3-7-14 (15937)
উপলভ্য ততঃ কর্ণো বিবৃত্য নয়নে শুভে।
রোষাদ্দুঃশাসনং চৈব সৌবলং চ তমেব চ ॥ 3-7-15 (15938)
উবাচ পরমক্রুদ্ধ উদ্যম্যাত্মানমাত্মনা।
অথো মম মতং যত্তু তন্নিবোধত ভূমিপাঃ ॥ 3-7-16 (15939)
প্রিয়ং সর্বে করিষ্যামো রাজ্ঞঃ কিং করবামহে।
ন চাস্য শক্নুমঃ স্থাতুং প্রিয়ে সর্বে হ্যতন্দ্রিতাঃ ॥ 3-7-17 (15940)
বয়ং তু শস্ত্রাণ্যাদায় রথানাস্থায় দংশিতাঃ।
গচ্ছামঃ সহিতা হন্তুং পাণ্ডবান্বনগোচরান্ ॥ 3-7-18 (15941)
তেষু সর্বেষু শান্তেষু গতেষ্ববিদিতাং গতিম্।
নির্বিবাদা ভবিষ্যন্তি ধার্তরাষ্ট্রাস্তথা বয়ম্ ॥ 3-7-19 (15942)
যাবদেব পরিদ্যূনা যাবচ্ছোকপরায়ণাঃ।
যাবন্মিত্রবিহীনাশ্চ তাবদ্গচ্ছাম মাচিরম্ ॥ 3-7-20 (15943)
তস্যতদ্বচনং শ্রুৎবা পূজয়ন্তঃ পুনঃ পুনঃ।
প্রহৃষ্টমনসঃ সর্বে প্রত্যূচুঃ সূতজং তদা ॥ 3-7-21 (15944)
এবমুক্ৎবা সুসংরব্ধা রথৈঃ সর্বে পৃথক্পৃথক্।
নির্যযুঃ পাণ্ডবান্হন্তুং সহিতাঃ কৃতনিশ্চয়াঃ ॥ 3-7-22 (15945)
তান্প্রস্থিতান্পরিজ্ঞায় কৃষ্ণদ্বৈপায়নঃ প্রভুঃ।
আজগাম বিশুদ্ধাত্মা দৃষ্ট্বা দিব্যেন চক্ষুষা ॥ 3-7-23 (15946)
প্রতিষিধ্যাথ তান্সর্বান্ভগবাঁল্লোকপূজিতঃ।
প্রজ্ঞাচক্ষুষমাসীনমুবাচাভ্যেত্য সৎবরম্ ॥ 3-7-24 (15947)
ইতি শ্রীমন্মহাভারতে অরণ্যপর্বণি কির্মীরবধপর্বণি সপ্তমোঽধ্যায়ঃ ॥ 7 ॥
Mahabharata - Vana Parva - Chapter Footnotes
3-7-2 তমো রাগদ্বেষাত্মকং মোহম্ ॥ 3-7-6 করিষ্যে স্বীকরিষ্যে। ঋদ্ধান্ ঋদ্ধিমতঃ ॥ 3-7-9 পণঃ কার্যাকার্যবিবেকলক্ষণো ব্যবহারঃ ॥ 3-7-10 ছিদ্রং সময়াতিক্রমদোষম্ ॥ 3-7-15 উপলভ্য দুর্যোধনাশয়মিতি শেষঃ ॥ 3-7-16 উদ্যম্যোৎক্ষিষ্য। আত্মানং দেহম্ ॥ 3-7-17 প্রিয়ং চিদীর্ষামো নতু শক্নুমঃ প্রিয়ে স্থাতুমিতি সংবন্ধঃ। ধৃতরাষ্ট্রেণ নিরুদ্ধৎবাৎ ॥ 3-7-20 পরিদ্যূনাঃ খিন্না বর্জিতবিজিগীষা বা ॥ 3-7-21 বাঢমিত্যেব তে সর্বে ইতি ঝ. ফাঠঃ ॥অরণ্যপর্ব - অধ্যায় 008
॥ শ্রীঃ ॥
3.8. অধ্যায়ঃ 008
Mahabharata - Vana Parva - Chapter Topics
তদা সমাগতেন ব্যাসেন ধৃতরাষ্ট্রংপ্রতি পাণ্ডবৈঃ সহ বিরোধস্যানর্থহেতুৎবকথনপূর্বকং তৈঃ সহ শমবিধানম্ ॥ 1 ॥Mahabharata - Vana Parva - Chapter Text
3-7-0 (15948)
ব্যাস উবাচ। 3-7-0x (1790)
ধতরাষ্ট্র মহাপ্রাজ্ঞ নিবোধ বচনং মম।
বক্ষ্যামি ৎবাং কৌরবাণাং সর্বেষাং হিতমুত্তমম্ ॥ 3-7-1 (15949)
ন মে প্রিয়ং মহাবাহো যদ্গতাঃ পাণ্ডবা বনম্।
নিকৃত্ত্যা নিকৃতাশ্চৈব দুর্যোধনপুরোগমৈঃ ॥ 3-7-2 (15950)
তে স্মরন্তঃ পরিক্লেশান্বর্ষে পূর্ণে ত্রয়োদশে।
বিমোক্ষ্যন্তি বিষং ক্রুদ্ধাঃ কৌরবেয়েষু ভারত ॥ 3-7-3 (15951)
তদয়ং কিংনু পাপাত্মা তব পুত্রঃ সুমন্দধীঃ।
পাণ্ডবান্নিত্যসংক্রুদ্ধো রাজ্যহেতোর্জিঘাংসতি ॥ 3-7-4 (15952)
বার্যতাং সাধ্বয়ং মূঢঃ শমং গচ্ছতু তে সুতঃ।
বনস্থাংস্তানয়ং হন্তুমিচ্ছন্প্রাণান্বিমোক্ষ্যতি ॥ 3-7-5 (15953)
যথাঽঽহ বিদুরঃ প্রাজ্ঞো যথা ভীষ্মো যথা বয়ম্।
যথা কৃপশ্চ দ্রোণশ্চ তথা সাধু বিধীয়তাম্ ॥ 3-7-6 (15954)
বিগ্রহো হি মহাপ্রাজ্ঞ স্বজনেন বিগর্হিতঃ।
অধর্ম্যময়শস্যং চ মা রাজন্প্রতিপদ্যথাঃ ॥ 3-7-7 (15955)
সমীক্ষা যাদৃশী হ্মস্য পাণ্ডবান্প্রতি ভারত।
উপেক্ষ্যমাণা সা রাজন্মহান্তমনয়ং ব্রজেৎ ॥ 3-7-8 (15956)
অথবাঽয়ং সুমন্দাত্মা বনং গচ্ছতু তে সুতঃ।
পাণ্ডবৈঃ সহিতো রাজন্নেক এবাসহায়বান্ ॥ 3-7-9 (15957)
ততঃ সংসর্গজঃ স্নেহঃ পুত্রস্য তব পাণ্ডবৈঃ।
যদি স্যাৎকৃতকৃত্যস্ৎবং ভবেথাঃ পুরষর্ষভ ॥ 3-7-10 (15958)
অথবা জায়মানস্য যচ্ছীলমনুজায়তে।
শ্রূয়তে তন্মহারাজ নামৃতস্যাপসর্পতি ॥ 3-7-11 (15959)
কথং বা মন্যতে ভীষ্মো দ্রোণোঽথ বিদুরোপিবা।
ভবান্বাঽত্র পরং কার্যং পুরা চার্থো নিবর্ততে ॥ 3-7-12 (15960)
ইতি শ্রীমন্মহাভারতে অরণ্যপর্বণি কির্মীরবধপর্বণি অষ্টমোঽধ্যায়ঃ ॥ 8 ॥
Mahabharata - Vana Parva - Chapter Footnotes
3-7-2 নিকৃতাঃ নির্জিতাঃ ॥ 3-7-3 বিষমিব বিষং শস্ত্রম্ ॥ 3-7-8 সমীক্ষা বিচারপূর্বিকা বুদ্ধিঃ ॥ 3-7-11 এতদপি দুর্ঘটমিত্যাহ অথবেতি ॥অরণ্যপর্ব - অধ্যায় 009
॥ শ্রীঃ ॥
3.9. অধ্যায়ঃ 009
Mahabharata - Vana Parva - Chapter Topics
ব্যাসেন ধৃতরাষ্ট্রংপ্রতি পুত্রস্নেহস্য দুস্ত্যজৎবে দৃষ্টান্তৎবেন সুরভ্যুপাখ্যানাখ্যানপূর্বকং কৌরবাণাং জীবিতস্য পাণ্ডবৈঃ সহ শমাধীনৎবাভিধানম্ ॥ 1 ॥Mahabharata - Vana Parva - Chapter Text
3-9-0 (15961)
ধৃতরাষ্ট্র উবাচ। 3-9-0x (1791)
ভগবন্নাহমপ্যেতদ্রোচয়ে দ্যূতসংভবম্।
মন্যে তদ্বিধিনাঽঽকৃষ্য কারিতোস্মীতি বৈ মুনে ॥ 3-9-1 (15962)
নৈতদ্রোচয়তে ভীষ্মো ন দ্রোণো বিদুরো ন চ।
গান্ধার্যা নেষ্যতে দ্যূতং তত্র মোহাৎপ্রবর্তিতম্ ॥ 3-9-2 (15963)
পরিত্যক্তুং ন শক্নোমি দুর্যোধনমচেতনম্।
পুত্রস্নেহেন ভগবঞ্জানন্নপি যতব্রত ॥ 3-9-3 (15964)
ব্যাস উবাচ। 3-9-4x (1792)
বৈচিত্রবীর্য নৃপতে সত্যমাহ যথা ভবান্।
দৃঢং বিঝঃ পরং পুত্রং পরং পুত্রান্ন বিদ্যতে ॥ 3-9-4 (15965)
ইন্দ্রোপ্যশ্রুনিপাতেন সুরভ্যা প্রতিবোধিতঃ।
অন্যৈঃ সমৃদ্ধৈরপ্যর্থৈর্ন সুতানমন্যতে পরম্। 3-9-5 (15966)
অত্র তে বর্তয়িষ্যামি গহদাখ্যানমুত্তমম্।
সুরভ্যাশ্চৈব সংবাদমিন্দ্রস্য চ বিশাংপতে ॥ 3-9-6 (15967)
ত্রিবিষ্টপগতা রাজন্সুরভী প্রারুদৎকিল।
গবাং মাতা পুরা তাত তামিন্দ্রোঽন্বকৃপায়ত ॥ 3-9-7 (15968)
ইন্দ্র উবাচ। 3-9-8x (1793)
কিমিদং রোদিষি শুভে কচ্চিৎক্ষেমং দিবৌকসাম্।
মনুষ্যেষ্বথবা গোষু নৈতদল্পং ভবিষ্যতি ॥ 3-9-8 (15969)
সুরভিরুবাচ। 3-9-9x (1794)
বিনিপাতো ন বঃ কশ্চিদ্দৃশ্যতে ত্রিদশাধিপ।
অহং তু পুত্রং শোচামি তেন রোদিমি কৌশিক ॥ 3-9-9 (15970)
পশ্যৈনং কর্ষকং ক্ষুদ্রং দুর্বলং মম পুত্রকম্।
প্রতোদেনাভিনিঘ্নন্তং লাঙ্গলেন চ পীডিতম্।
নিষীদমানং সোৎকণ্ঠং বধ্যমানং সুরাধিপ ॥ 3-9-10 (15971)
`এনং দৃষ্ট্বা ভৃশং শ্রান্তং বধ্যমানং সুরাধিপ।'
কৃপাবিষ্টাঽস্মি দেবেন্দ্র মনশ্চোদ্বেপতে মম ॥ 3-9-11 (15972)
একস্তত্রবলোপেতো ধুরমুদ্বহতেঽধিকাম্।
অপরোপ্যবলপ্রাণঃ কৃশো ধমনিসংততঃ।
কৃচ্ছ্রাদুদ্বহতে ভারং তং বৈ শোচামি বাসব ॥ 3-9-12 (15973)
বধ্যমানঃ প্রতোদেন তুদ্যমানঃ পুনঃ পুনঃ।
নৈব শক্নোতি তং ভারমুদ্বোঢুং পশ্য বাসব ॥ 3-9-13 (15974)
ততোঽহং তস্য শোকার্তা বিরৌমি ভৃশদুঃখিতা।
অশ্রূণ্যাবর্তয়ন্তী চ নেত্রাভ্যাং করুণায়তী ॥ 3-9-14 (15975)
শক্র উবাচ। 3-9-15x (1795)
তব পুত্রসহস্রেষু পীড্যমানেষু শোভনে।
কিং কৃপায়িতবত্যত্র পুত্র একো নিপীড্যতে ॥ 3-9-15 (15976)
সুরভিরুবাচ। 3-9-16x (1796)
যদি পুত্রসহস্রাণি সর্বত্রসমতৈব মে।
দীনস্য তু সতঃ শক্র পুত্রস্যাভ্যধিকাকৃপা ॥ 3-9-16 (15977)
ব্যাস উবাচ। 3-9-17x (1797)
তদিন্দ্রঃ সুরভের্বাক্যং নিশম্য ভৃশবিস্মিতঃ।
জীবিতেনাপি কৌরব্য মেনেঽভ্যধিকমাত্মজম্ ॥ 3-9-17 (15978)
প্রববর্ষ চ তত্রৈব সহসা তোয়মুল্বণম্।
কর্ষকস্যাচরন্বিঘ্নং ভগবান্পাকশাসনঃ ॥ 3-9-18 (15979)
তদ্যথা সুরভিঃ প্রাহ সমমেবাস্তু তে তথা।
সুতেষু রাজন্সর্বেষু হীনেষ্বভ্যধিকা কৃপা ॥ 3-9-19 (15980)
যাদৃশো মে সুতঃ পাণ্ডুস্তাদৃশো মেঽসি পুত্রক।
বিদুরশ্চ মহাপ্রাজ্ঞঃ স্নেহাদেতদ্ব্রবীম্যহম্ ॥ 3-9-20 (15981)
চিরায় তব পুত্রাণাং শতমেকশ্চ ভারত।
পাণ্ডৌঃ পঞ্চৈব লক্ষ্যন্তে তেঽপি মন্দাঃসুদুঃখিতাঃ ॥ 3-9-21 (15982)
কথং জীবেয়ুরত্যন্তং কথং বর্ধেয়ুরিত্যপি।
ইতি দীনেষু পার্থেষু মনো মে পরিতপ্যতে ॥ 3-9-22 (15983)
যদি পার্থিব কৌখ্যাঞ্জীবমানানিহেচ্ছসি।
দুর্যোধনস্তব সুতঃ শমং গচ্ছতু পাণ্ডবৈঃ ॥ 3-9-23 (15984)
ইতি শ্রীমন্মহাভারতে অরণ্যপর্বণি কির্মীরবধপর্বণি নবমোঽধ্যায়ঃ ॥ 9 ॥
Mahabharata - Vana Parva - Chapter Footnotes
3-9-5 সুরভ্যা দেবধেন্বা ॥ 3-9-7 অন্বকৃপায়ত অনুকম্পিতবান্ ॥ 3-9-9 কৌশিক হে ইন্দ্র ॥ 3-9-10 প্রতোদেন তীক্ষ্ণাগ্রলোহবতা দণ্ডেন ॥ 3-9-12 ধুরং ভারম্। ধমনিসংততঃ শিরাভির্ব্যাপ্তঃ। নির্মাংস ইত্যর্থঃ ॥ 3-9-13 বধো দণ্ডাঘাতেন। তোদঃ প্রতোদেন ॥ 3-9-15 কৃপায়িতবতী কৃপাংকৃতবতী। পুত্র একো নিপীড্যতে বহুষু পুত্রেষু একঃ কশ্চিৎ নিপীড্যত এবেত্যর্থঃ ॥ 3-9-18 উল্বণং উৎকটম্ ॥ 3-9-21 মন্দা- ৎবৎপুত্রবৎকপটানভিজ্ঞাঃ ॥অরণ্যপর্ব - অধ্যায় 010
॥ শ্রীঃ ॥
3.10. অধ্যায়ঃ 010
Mahabharata - Vana Parva - Chapter Topics
ধৃতরাষ্ট্রেণ দুর্যোধনানুশাসনং প্রার্থিতেন ব্যাসেন তত্রাগমিষ্যন্তং মৈত্রেয়প্রতি তৎপ্রার্থনাবিধানপূর্বকং স্বাবাসংপ্রতি গমনম্ ॥ 1 ॥ তত্রাগতেন মৈত্রেয়েণ ঊর্বাস্ফালনপূর্বকং স্ববচনমনাদৃতবতো দুর্যোধনস্য ভীমসেনগদয়া তবোরুভেদো ভূয়াদিতি শাপদানম্ ॥ 2 ॥Mahabharata - Vana Parva - Chapter Text
3-10-0 (15985)
ধৃতরাষ্ট্র উবাচ। 3-10-0x (1798)
এবমেতন্মহাপ্রাজ্ঞ যথা বদসি মাং মুনে।
অহং চৈব বিজানামি সর্বে চেমে নরাধিপাঃ ॥ 3-10-1 (15986)
ভবাংশ্চ মন্যতে সাধু যৎকুরূণাং সুখোদয়ম্।
তদেব বিদুরোঽপ্যাহ ভীষ্মো দ্রোণশ্চ মাং মুনে ॥ 3-10-2 (15987)
যদিৎবহমনুগ্রাহ্যঃ কৌরব্যেষু দয়া যদি।
অন্বশাধি দুরাত্মানং পুত্রং দুর্যোধনং মম ॥ 3-10-3 (15988)
ব্যাস উবাচ. 3-10-4x (1799)
অয়মায়াতি বৈ রাজন্মৈত্রেয়ো ভগবানৃষিঃ।
অন্বীক্ষ্য পাণ্ডবান্ভ্রাতৃনিহৈবাঽস্মদ্দিদৃক্ষয়া ॥ 3-10-4 (15989)
এষ দুর্যোধনং পুত্রং তব রাজন্মহানৃষিঃ।
অনুশাস্তা যথান্যায়ং শমায়াস্য কুলস্য চ ॥ 3-10-5 (15990)
ব্রূয়াদ্যদেষ কৌরব্য তৎকার্যমবিশঙ্কয়া।
অক্রিয়ায়াং তু কার্যস্য পুত্রং তে শপ্স্যতে রুষা ॥ 3-10-6 (15991)
বৈশম্পায়ন উবাচ। 3-10-7x (1800)
এবমুক্ৎবা যয়ৌ ব্যাসো মৈত্রেয়ঃ প্রত্যদৃশ্যত।
পূজয়া প্রতিজগ্রাহ সপুত্রস্তং নরাধিপঃ ॥ 3-10-7 (15992)
কৃৎবাঽর্ধ্যাদ্যাঃ ক্রিয়াঃ সর্বা বিশ্রান্তং মুনিসত্তমম্
প্রশ্রয়েণাব্রবীদ্রাজা ধৃতরাষ্ট্রোঽম্বিকাসুতঃ ॥ 3-10-8 (15993)
সুখেনাগমনং কচ্চিদ্ভগবন্কুরুজাঙ্গলে।
কচ্চিৎকুশলিনো বীরা ভ্রাতরঃ পঞ্চ পাণ্ডবাঃ । 3-10-9 (15994)
সময়ে স্থাতুমিচ্ছন্তি কচ্চিচ্চ ভরতর্ষভাঃ।
কচ্চিৎকুরূণাং সৌভ্রাত্রমব্যুচ্ছিন্নং ভবিষ্যতি ॥ 3-10-10 (15995)
মৈত্রেয় উবাচ। 3-10-11x (1801)
তীর্থয়াত্রামনুক্রামন্প্রাপ্তোঽস্মি কুরুজাঙ্গলান্।
যদৃচ্ছয়া ধর্মরাজং দৃষ্ট্ববান্কাম্যকে বনে ॥ 3-10-11 (15996)
তং জটাজিনসংবীতং তপোবননিবাসিনম্।
সমাজগ্মুর্মহাত্মানং দ্রষ্টুং মুনিগণাঃ প্রভো ॥ 3-10-12 (15997)
তত্রাশ্রৌষং মহারাজ পুত্রাণাং তব বিগ্রহম্।
অনয়ং দ্যূতরূপেণ মহাভয়মুপস্থিতম্ ॥ 3-10-13 (15998)
ততোঽহং ৎবামনুপ্রাপ্তঃ কৌরবাণামবেক্ষয়া ॥
সদা হ্যভ্যধিকঃ স্নেহঃ প্রীতিশ্চ ৎবয়ি মে প্রভো ॥ 3-10-14 (15999)
নৈতদৌপয়িকং রাজংস্ৎবয়ি ভীষ্মে চ জীবতি।
যদন্যোন্যেন তে পুত্রা বিরুধ্যন্তে কথংচন ॥ 3-10-15 (16000)
মেঢীভূতঃ স্বয়ং রাজন্নিগ্রহে প্রগ্রহে ভবান্।
কিমর্থমনয়ং ঘোরমুৎপতন্তমুপেক্ষসে ॥ 3-10-16 (16001)
দস্যূনামিব যদ্বৃত্তং সভায়াং কুরুনন্দন।
তেন ন ভ্রাজসে রাজংস্তাপসানাং সমাগমে ॥ 3-10-17 (16002)
বৈশম্পায়ন উবাচ। 3-10-18x (1802)
ততো ব্যাবৃত্য রাজানং দুর্যোধনমমর্ষণম্।
উবাচ শ্লক্ষ্ণয়া বাচা মৈত্রেয়ো ভগবানৃপিঃ ॥ 3-10-18 (16003)
মৈত্রেয় উবাচ। 3-10-19x (1803)
দুর্যোধন মহাবাহো নিবোধ বদতাং বর।
বচনং মে মহাভাগ ব্রুবতো যদ্ধিতং তব ॥ 3-10-19 (16004)
মা দ্রুহঃ পাণ্ডবান্রাজন্কুরুষ্ব হিতমাত্মনঃ।
পাণ্ডবানাং কুরূণাং চ লোকস্য চ নরর্ষভ ॥ 3-10-20 (16005)
পাণ্ডবান্প্রাপ্য তান্রাত্রৌ কির্মীরো নাম রাক্ষসঃ।
অবৃত্য মার্গং রৌদ্রাত্মা তস্থৌ গিরিবাচলঃ ॥ 3-10-21 (16006)
তং ভীমঃ সমরস্লাঘী বলেন বলিনাং বরঃ।
জঘান পশুমারেণ ব্যাঘ্রঃ ক্ষুদ্রমৃগং যথা ॥ 3-10-22 (16007)
পশ্য দিগ্বিজয়ে রাজন্যথা ভীমেন পাতিতঃ।
জরাসন্ধো মহেষ্বাসো নাগায়ুতবলো যুধি ॥ 3-10-23 (16008)
সংবন্ধী বাসুদেবশ্চ শ্যালাঃ সর্বে চ পার্ষতাঃ।
তে হি সর্বে নরব্যাঘ্রাঃ শূরা বিক্রান্তয়োধিনঃ ॥ 3-10-24 (16009)
সর্বে নাগায়ুতপ্রাণা বজ্রসংহননা দৃঢঃ।
সত্যব্রতধরাঃ সর্বেসর্বে পুরুষমানিনঃ ॥ 3-10-25 (16010)
হন্তারো দেবশত্রূণাং রক্ষসাং কামরূপিণাম্।
হিডিম্ববকমুখ্যানাং কির্মীরস্ চ রক্ষসঃ।
কস্তান্যুধি সমাসীত জরামরণবান্নরঃ ॥ 3-10-26 (16011)
তস্য তে শম এবাস্তু পাণ্ডবৈর্ভরতর্ষভ।
কুরু মে বচনং রাজন্মা মৃত্যুবশমন্বগাঃ ॥ 3-10-27 (16012)
বৈশম্পায়ন উবাচ। 3-10-28x (1804)
এবং তু ব্রুবতস্তস্য মৈত্রেয়স্য বিশাংপতে।
ঊরুং করিকরাকারং করেণাভিজঘান তঃ ॥ 3-10-28 (16013)
দুর্যোধনঃ স্মিতং কৃৎবা চরণেনোল্লিখন্মহীম্।
নকিংচিদুক্ৎবা দুর্মেধাস্তস্থৌ কিংচিদবাঙ্মুখঃ ॥ 3-10-29 (16014)
তমশুশ্রূষমাণং তু বিলিখন্তং বসুংধরাম্।
দৃষ্ট্বা দুর্যোধনং রাজন্মৈত্রেয়ং কোপ আবিশৎ ॥ 3-10-30 (16015)
স কোপবশমাপন্নো মৈত্রেয়ো মুনিসত্তমঃ।
বিধিনা সংপ্রয়ুক্তশ্চ শাপায়াস্য মনো দধে ॥ 3-10-31 (16016)
ততঃ স বার্যুপস্পৃশ্য কোপসংরক্তলোচনঃ।
মৈত্রেয়ো ধার্তরাষ্ট্রং তমশপদ্দুষ্টচেতসম্ ॥ 3-10-32 (16017)
যস্মাত্ৎবং মামনাদৃত্য নেমাং বাচং চিকীর্ষসি।
তস্মাদস্যাতিমানস্য সদ্যঃ ফলমবাপ্স্যসি ॥ 3-10-33 (16018)
ৎবদভিদ্রোহসংয়ুক্তং যুদ্ধমুৎপৎস্যতে মহৎ।
যত্র ভীমো গদাঘাতৈস্তবোরুং ভেৎস্যতে বলী ॥ 3-10-34 (16019)
ইত্যেবমুক্তে বচনে ধৃতরাষ্ট্রো মহীপতিঃ।
প্রসাদয়ামাস মুনিং নৈতদেবং ভবেদিতি ॥ 3-10-35 (16020)
মৈত্রেয় উবাচ। 3-10-36x (1805)
শমং যাস্যতি চেৎপুত্রস্তব রাজন্যদা তদা।
শায়ো ন ভবিতা তাত বিপরীতে ভবিষ্যতি ॥ 3-10-36 (16021)
বৈশম্পায়ন উবাচ। 3-10-37x (1806)
সবিলক্ষস্তু রাজেন্দ্রো দুর্যোধনপিতা তদা।
মৈত্রেয়ং প্রাহ কির্মীরঃ কথং ভীমেন পাতিতঃ ॥ 3-10-37 (16022)
মৈত্রেয় উবাচ। 3-10-38x (1807)
নাহং বক্ষ্যাম্যসূয়া তে ন তে শুশ্রূষতে সুতঃ।
এষ তে বিদুরঃ সর্বমাখ্যাস্যতি গতে ময়ি ॥ 3-10-38 (16023)
বৈশম্পায়ন উবাচ। 3-10-39x (1808)
ইত্যেবমুক্ৎবা মৈত্রেয়ঃ প্রাতিষ্ঠত যথাগতম্।
কির্মীরবধসংবিগ্নো ভয়ং দুর্যোধনো যয়ৌ ॥ 3-10-39 (16024)
॥ ইতিশ্রীমন্মহাভারতে অরণ্যপর্বণি কির্মীরবধপর্বণি দশমোঽধ্যায়ঃ ॥ 10 ॥
Mahabharata - Vana Parva - Chapter Footnotes
3-10-5 অনুশাস্তা অনুশাসিষ্যতি ॥ 3-10-6 অক্রিয়ায়াং অকরণে। কার্যস্য অবশ্যকর্তব্যস্য ॥ 3-10-11 যদৃচ্ছয়া দৈবাৎ ॥ 3-10-15 ঔপয়িকং যোগ্যম্ ॥ 3-10-16 মেঢীভূতঃ খলদামস্তম্ভীভূতঃ। প্রগ্রহে অনুগ্রহে ॥ 3-10-18 ব্যাবৃৎ অভিমুখীভূয়েত্যর্থঃ ॥ 3-10-22 পশুমারেণ পশুমারণপ্রকারেণ ॥ 3-10-24 বিক্রান্তয়োধিনঃ বিক্রান্তাশ্চ যুদ্ধশীলাশ্চ ॥ 3-10-25 বজ্রসংহননাঃ বজ্রকায়াঃ ॥অরণ্যপর্ব - অধ্যায় 011
॥ শ্রীঃ ॥
3.11. অধ্যায়ঃ 011
Mahabharata - Vana Parva - Chapter Topics
মৈত্রেয়চোদিতেন বিদুরেণ ধৃতরাষ্ট্রায় ভীমকৃতকির্মীরবধপ্রকারকথনম্ ॥Mahabharata - Vana Parva - Chapter Text
3-11-0 (16025)
ধৃতরাষ্ট্র উবাচ। 3-11-0x (1809)
কির্মীরস্য বধং ক্ষত্তঃ শ্রোতুমিচ্ছামি কথ্যতাম্।
রক্ষসা ভীমসেনস্য কথমাসীৎসমাগমঃ ॥ 3-11-1 (16026)
বিদুর উবাচ। 3-11-2x (1810)
শৃণু ভীমস্য কর্মেদমতিমানষকর্মণঃ।
শ্রুতপূর্বং ময়া তেষাং কথান্তেষু পুনঃ পুনঃ ॥ 3-11-2 (16027)
ইতঃ প্রয়াতা রাজেন্দ্র পাণ্ডবা দ্যূতনির্জিতাঃ।
জগ্মুস্ত্রিভিরহোরাত্রৈঃ কাম্যকং নাম তদ্বনম্ ॥ 3-11-3 (16028)
রাত্রৌ নিশীথে ৎবাভীলে গতেঽর্ধসময়ে নৃপ।
প্রচারে পুরুষাদানাং রক্ষসাং ঘোরকর্মণাম্ ॥ 3-11-4 (16029)
তদ্বনং তাপসা নিত্যমশেষা বনচারিণঃ।
দূরাৎপরিহরন্তি স্ম পুরুষাদভয়াৎকিল ॥ 3-11-5 (16030)
তেষাং প্রবিশতাং তত্র মার্গমাবৃত্য ভারত।
দীপ্তাক্ষং ভীষণং রক্ষঃ মোল্মুকং প্রত্যপদ্যত ॥ 3-11-6 (16031)
বাহূ মহান্তৌ কৃৎবা চ তথাস্যং চ ভয়ানকম্।
স্থিতমাবৃত্যপন্থানং যেন যান্তি কুরূদ্বহাঃ ॥ 3-11-7 (16032)
দষ্টোষ্ঠদংষ্ট্রং তাম্রাক্ষং প্রদীপ্তোর্ধ্বশিরোরুহম্।
সার্করশ্মিতডিচ্চক্রং সবলাকমিবাম্বুদম্ ॥ 3-11-8 (16033)
সৃজন্তং রাক্ষসীং মায়াং মহানাদনিনাদিতম্।
মুঞ্চন্তং বিপুলান্নাদান্সতোয়মিব তোয়দম্ ॥ 3-11-9 (16034)
তস্য নাদেন সংত্রস্তাঃ পক্ষিণঃ সর্বতোদিশম্।
বিমুক্তনাদাঃ সংপেতুঃ স্থলজা জলজৈঃ সহ ॥ 3-11-10 (16035)
সংপ্রদ্রুতমৃগদ্বীপিমহিষর্ক্ষসমাকুলম্।
তদ্বনং তস্য নাদেন সংপ্রস্থিতমিবাভবৎ ॥ 3-11-11 (16036)
তস্যোরুবাতাভিহতাস্তাম্রপল্লববাহবঃ।
বিদূরজাতাশ্চ লতাঃ সমাশ্লিষ্যন্তি পাদপান্ ॥ 3-11-12 (16037)
তস্মিন্ক্ষণেঽথ প্রববৌ মারুতো ভৃশদারুণঃ।
রজসা সংবৃতং তেন নষ্টর্ক্ষমভবন্নভঃ ॥ 3-11-13 (16038)
পঞ্চানাং পাণ্ডুপুত্রাণামবিজ্ঞাতো মহারিপুঃ।
পঞ্চানামিন্দ্রিয়াণাং তু শোকাবেশ ইবাতুলঃ ॥ 3-11-14 (16039)
স দৃষ্ট্বা পাণ্ডবান্দূরাৎকৃষ্ণাজিনসমাবৃতান্।
আবৃণোত্তদ্বনদ্বারং মৈনাক ইব পর্বতঃ ॥ 3-11-15 (16040)
তং সমাসাদ্য বিত্রস্তা কৃষ্ণা কমললোচনা।
অদৃষ্টপূর্বং সংত্রাসান্ন্যমীলয়ত লোচনে ॥ 3-11-16 (16041)
দুঃশাসনকরোৎসৃষ্টবিপ্রকীর্ণশিরোরুহা।
পঞ্চপর্বতমধ্যস্থা নদীবাকুলতাং গতা ॥ 3-11-17 (16042)
বিমুহ্যমানাং তাং তত্র জগৃহুঃ পঞ্চ পাণ্ডবাঃ।
ইন্দ্রিয়াণি প্রসক্তানি বিষয়েষু যথারতিম্ ॥ 3-11-18 (16043)
অথ তাং রাক্ষসীং মায়ামুত্থিতাং ঘোরদর্শনাম্।
রক্ষোঘ্নৈর্বিবিধৈর্মন্ত্রৈর্ধৌম্যঃ সম্যক্প্রয়োজিতৈঃ ॥ 3-11-19 (16044)
পশ্যতাং পাণ্ডুপুত্রাণাং নাশয়ামাস বীর্যবান্।
স নষ্টমায়োঽতিবলঃ ক্রোধবিস্ফারিতেক্ষণঃ ॥ 3-11-20 (16045)
কামমূর্তিধরঃ ক্রূরঃ কালকল্পো ব্যদৃশ্যত।
তমুবাচ ততো রাজা দীর্ঘপ্রজ্ঞো যুধিষ্ঠিরঃ ॥ 3-11-21 (16046)
কো ভবান্কস্য বা কিং তে ক্রিয়তাং কার্যমুচ্যতাম্।
প্রত্যুবাচাথ তদ্রক্ষো ধর্মরাজং যুধিষ্ঠিরম্ ॥ 3-11-22 (16047)
অহং বকস্য বৈ ভ্রাতা কির্মীর ইতি বিশ্রুতঃ।
বনেঽস্মিন্কাম্যকে শূন্যে নিবসামি গতজ্বরঃ ॥ 3-11-23 (16048)
যুধি নির্জিত্য পুরুষানাহারং নিত্যমাচরন্।
কে যূয়মভিসংপ্রাপ্তা ভক্ষ্যভূতা মমান্তিকম্।
যুধি নির্জিত্যবঃ সর্বান্ভক্ষয়িষ্যে গতজ্বরঃ ॥ 3-11-24 (16049)
বিদুর উবাচ। 3-11-25x (1811)
যুধিষ্ঠিরস্তু তচ্ছ্রুৎবা বচস্তস্য দুরাত্মনঃ।
আচচক্ষে ততঃ সর্বং গোত্রনামাদি ভারত ॥ 3-11-25 (16050)
পাণ্ডবো ধর্মরাজোঽহং যদি তে শ্রোত্রমাগতঃ।
সহিতো ভ্রাতৃভিঃ সর্বৈর্ভীমসেনার্জুনাদিভিঃ ॥ 3-11-26 (16051)
হৃতরাজ্যো বনে বাসং বস্তুং কৃতমতিস্ততঃ।
বনমভ্যাগতো ঘোরমিদং তব পরিগ্রহম্ ॥ 3-11-27 (16052)
`বিস্ময়ং পরমং গৎবা রাক্ষসো ঘোরদর্শনঃ।'
কির্মীরস্ৎবব্রবীদেনং দিষ্ট্যা দেবৈরিদং মম।
উপপাদিতমদ্যেহ চিরকালান্মনোরথম্ ॥ 3-11-28 (16053)
ভীমসেনবধার্থং হি নিত্যমভ্যুদ্যতায়ুধঃ।
চরামি পৃথিবীং কৃৎস্নাং নৈনং চাসাদয়াম্যহম্ ॥ 3-11-29 (16054)
সোয়মাসাদিতো দিষ্ট্যা ভ্রাতৃহা কাঙ্ক্ষিতশ্চিরম্।
অনেন হি মম ভ্রাতা বকো বিনিহতঃ প্রিয়ঃ ॥ 3-11-30 (16055)
বৈত্রকীয়বনে রাজন্ব্রাহ্মণচ্ছদ্মরূপিণা।
বিদ্যাবলমুপাশ্রিত্য ন হ্মস্ত্যস্যৌরসং বলম্ ॥ 3-11-31 (16056)
হিডিম্বশ্চ সখা মহ্মং দয়িতো বনগোচরঃ।
হতো দুরাত্মনাঽনেন স্বসা চাস্য হৃতা পুরা ॥ 3-11-32 (16057)
সোয়মভ্যাগতো মূঢো মমেদং গহনং বনম্।
প্রচারসময়েঽস্মাকমর্দ্ধরাত্রে স্থিতে সমে ॥ 3-11-33 (16058)
অদ্যাস্য যাতয়িষ্যামি তদ্বৈরং চিরসংভৃতম্।
তর্পয়িষ্যামি চ বকং রুধিরেণাস্য ভূরিণা ॥ 3-11-34 (16059)
অদ্যাহমনৃণো ভূৎবা ভ্রাতুঃ সখ্যুস্তথৈব চ।
শান্তিং লব্ধাস্মি পরমাং হৎবা রাক্ষসকণ্টকম্ ॥ 3-11-35 (16060)
যদি তেন পুরা মুক্তো ভীমসেনো বকেন বৈ।
অদ্যৈনং ভক্ষয়িষ্যামি পশ্যতস্তে যুধিষ্ঠির ॥ 3-11-36 (16061)
এনং হি বিপুলপ্রাণমদ্য হৎবা বৃকোদরম্।
সংভক্ষ্য জরয়িষ্যামি যথাঽগস্ত্যো মহাসুরম্ ॥ 3-11-37 (16062)
এবমুক্তস্তু ধর্মাত্মা সত্যসন্ধো যুধিষ্ঠিরঃ।
নৈতদস্তীতি সক্রোধো ভর্ৎসয়ামাস রাক্ষসম্ ॥ 3-11-38 (16063)
ততো ভীমো মহাবাহুরারুজ্যতরসা দ্রুমম্।
দশব্যামমথোদ্বিদ্ধং নিষ্পত্রমকরোত্তদা ॥ 3-11-39 (16064)
চকার সজ্যং গাণ্ডীবং বজ্রনিষ্পেষগৌরবম্।
নিমেষান্তরমাত্রেণ তথৈব বিজয়োঽর্জুনঃ ॥ 3-11-40 (16065)
নিবার্য ভীমো জিষ্ণুং তং তদ্রক্ষো মেঘনিঃস্বনম্।
অভিদ্রুত্যাব্রবীদ্বাক্যং তিষ্ঠতিষ্ঠেতি ভারত ॥ 3-11-41 (16066)
ইত্যুক্ৎবৈনমতিক্রুদ্ধঃ কক্ষ্যামুৎপীড্য পাণ্ডবঃ।
নিষ্পিষ্য পাণিনা পাণিং সংদষ্টৌষ্ঠপুটো বলী।
তমভ্যধাবদ্বেগেন ভীমো বৃক্ষায়ুধস্তদা ॥ 3-11-42 (16067)
যমদণ্ডপ্রতীকাশং ততস্তং তস্য মূর্ধনি।
পাতয়ামাস বেগেন কুলিশং মঘবানিব ॥ 3-11-43 (16068)
অসংভ্রান্তং তু তদ্রক্ষঃ সমরে প্রত্যদৃশ্যত।
চিক্ষেপ চোল্মুকং দীপ্তমশনিং জ্বলিতামিব ॥ 3-11-44 (16069)
তদুদস্তমলাতং তু ভীমঃ প্রহরতাং বরঃ।
পদা সব্যেন চিক্ষেপ তদ্রক্ষঃ পুনরাব্রজৎ ॥ 3-11-45 (16070)
কির্মীরশ্চাপি সহসা বৃক্ষমুৎপাট্য পাণ্ডবম্।
দণ্ডপাণিরিব ক্রুদ্ধঃ সমরে প্রত্যধাবত ॥ 3-11-46 (16071)
তদ্বৃক্ষয়ুদ্ধমভবন্মহীরুহবিনাশনম্।
বালিসুগ্রীবয়োর্ভ্রাত্রোর্যথা স্ত্রীকাঙ্ক্ষিণোঃ পুরা ॥ 3-11-47 (16072)
শীর্ষয়োঃ পতিতা বৃক্ষা বিভিদুর্নৈকধা তয়োঃ।
যথৈবোৎপলপত্রাণি মত্তয়োর্দ্বিপয়োস্তথা ॥ 3-11-48 (16073)
মূর্ধ্নিজর্ঝরভূতাস্তু বহবস্তত্র পাদপাঃ।
চীরাণীব ব্যুদস্তানি রেজুস্তত্র মহাবনে ॥ 3-11-49 (16074)
তদ্বৃক্ষয়ুদ্ধমভবন্মহূর্তং ভরতর্ষভ।
রাক্ষসানাং চ মুখ্যস্য নরাণামুত্তমস্য চ ॥ 3-11-50 (16075)
ততঃ শিলাং সমুৎক্ষিপ্য ভীমস্য যুধি তিষ্ঠতঃ।
প্রাহিণোদ্রাসঃ ক্রুদ্ধো ভীমসেনশ্চচাল হ ॥ 3-11-51 (16076)
তং শিলাতাডনজডং পর্যধাবত রাক্ষসঃ।
বাহুবিক্ষিপ্তকিরণঃ স্বর্ভানুরিব ভাস্করম্ ॥ 3-11-52 (16077)
তাবন্যোন্যং সমাশ্লিশ্য প্রকর্ষন্তৌ পরস্পরম্।
উভাবপি চকাশেতে প্রবৃদ্ধৌ বৃষভাবিব ॥ 3-11-53 (16078)
তয়োরাসীৎসুতুমুলঃ সংপ্রহারঃ সুদারুণঃ।
নখদংষ্ট্রায়ুধবতোর্ব্যাঘ্রয়োরিব দৃপ্তয়োঃ ॥ 3-11-54 (16079)
দুর্যোধননিকারাচ্চ বাহুবীর্যাচ্চ দর্পিতঃ।
কৃষ্ণানয়নদৃষ্টশ্চ ব্যবর্ধত বৃকোদরঃ ॥ 3-11-55 (16080)
অভিহত্যাথ বাহুভ্যাং প্রত্যগৃহ্ণাদমর্ষিতঃ।
মাতঙ্গমিব মাতঙ্গঃ প্রভিননকরটামুখম্ ॥ 3-11-56 (16081)
স চাপ্যেনং ততো রক্ষঃ প্রতিজগ্রাহ বীর্যবান্।
তমাক্ষিপদ্ভীমসেনো বলেন বলিনাং বরঃ ॥ 3-11-57 (16082)
তয়োর্ভুজবিনিষ্পেষাদুভয়োর্বলিনোস্তদা।
শব্দঃ সমভবদ্ঘোরো বেণুস্ফোটসমো যুধি ॥ 3-11-58 (16083)
অথৈনমাক্ষিপ্য বলাদ্গৃদ্য মধ্যে বৃকোদরঃ।
ধূনয়ামাস বেগেন বায়ুশ্চণ্ড ইব দ্রুমম্ ॥ 3-11-59 (16084)
স ভীমেন পরামৃষ্টো দুর্বলো বলিনাং রণে।
ব্যস্পন্দত যথাপ্রাণং বিচকর্ষ চ পাণ্ডবম্ ॥ 3-11-60 (16085)
তত এনং পরিশ্রান্তমুপলক্ষ্য বৃকোদরঃ।
যোক্রয়ামাস বাহুভ্যাং পশুং রশনয়া যথা ॥ 3-11-61 (16086)
বিনদন্তং মহানাদং ভিন্নভিরীস্বনং বলী।
ভ্রাময়ামাস সুচিরং বিস্ফুরন্তমচেতসম্ ॥ 3-11-62 (16087)
তং বিষীদন্তমাজ্ঞায় রাক্ষসং পাণ্ডুনন্দনঃ।
প্রগৃহ্য তরসা দোর্ভ্যাং পশুমারমমারয়ৎ । 3-11-63 (16088)
আক্রম্য চ কটীদেশে জানুনা রাক্ষসাধমম্।
পীডয়ামাস পাণিভ্যাং তস্য কণ্ঠংবৃকোদরঃ ॥ 3-11-64 (16089)
অথ জর্জরসর্বাঙ্গং ব্যাবৃত্তনয়নোল্বণম্।
ভূতলে ভ্রাময়ামাস বাক্যং চেদমুবাচ হ ॥ 3-11-65 (16090)
হিডিম্ববকয়োঃ পাপ ন ৎবমশ্রুপ্রমার্জনম্।
করিষ্যসি গতশ্চাপি যমস্য সদনং প্রতি ॥ 3-11-66 (16091)
ইত্যেবমুক্ৎবা পুরুষপ্রবীর-
স্তং রাক্ষসং ক্রোধপরীতচেতাঃ।
বিস্রস্তবস্ত্রাভরণং স্ফুরন্ত-
মুদ্ধান্তচিত্তং ব্যসুমুৎসসর্জ ॥ 3-11-67 (16092)
তস্মিন্হতে তোয়দতুল্যরূপে
কৃষ্ণাং পুরস্কৃত্য নরেন্দ্রপুত্রাঃ।
ভীমং প্রশস্যাথ গুণৈরনেকৈ-
র্হৃষ্টাস্ততো দ্বৈতবনায় জগ্মুঃ ॥ 3-11-68 (16093)
বিদুর উবাচ। 3-11-69x (1812)
এবং বিনিহতঃ সঙ্খ্যে কির্মোরো মনুজাধিপ।
ভীমেন বচনাত্তস্ ধর্মরাজস্য কৌরব ॥ 3-11-69 (16094)
ততো নিষ্কষ্টকং কৃৎবা বনং তদয়রাজিতঃ।
দ্রৌপদ্যা সহ ধর্মজ্ঞো বসতিং তামুবাস হ ॥ 3-11-70 (16095)
সমাশ্বাস্য চ তে সর্বে দ্রৌপদীং ভরতর্ষভাঃ।
প্রহৃষ্টমনসঃ প্রীত্যা প্রসশংসুর্বৃকোদরম্ ॥ 3-11-71 (16096)
ভীমবাহুবলোৎপিষ্টে বিনষ্টে রাক্ষসে ততঃ।
বিবিশুস্তে বনং বীরাঃ ক্ষেমং নিহতকণ্টকম্ ॥ 3-11-72 (16097)
স ময়া গচ্ছতা মার্গে বিনিকীর্ণো ভয়াবহঃ।
বনে মহতি দুষ্টাত্মা দৃষ্টো ভীমবলাদ্ধতঃ ॥ 3-11-73 (16098)
তত্রাশ্রৌষমহং চৈতৎকর্ম ভীমস্ ভারত।
ব্রাহ্মণানাং কথয়তাং যে তত্রাসন্সমাগতাঃ ॥ 3-11-74 (16099)
বৈশম্পায়ন উবাচ। 3-11-75x (1813)
3-11-75 (16100)
এবং বিনিহতং সঙ্খ্যে কির্মীরং রক্ষসাং বরম্।
শ্রুৎবা ধ্যানপরো রাজা নিশশ্বাসার্তবত্তদা ॥
Mahabharata - Vana Parva - Chapter Footnotes
3-11-4 আভিলে ভয়ংকরে। অর্দ্ধসময়েঽর্দ্ধজ্ঞানে গতেসতি। লোকে তন্দ্রাবতি সতীত্যর্থঃ ॥ 3-11-9 ভয়ানকে ইতিবিশ্বঃ ॥ 3-11-31 দৈত্রকীয়বনে একচক্রায়াম্ ॥ 3-11-32 মহাং মম ॥ 3-11-35 লব্ধাস্মি লপ্স্যামি ॥ 3-11-37 মহাসুরং বাতাপিম্ ॥ 3-11-39 আরুজ্যভঙ্ৎবা। দশব্যামং বিস্তারিতয়োঃ করয়োস্তির্যগন্তরম্। উদ্বিদ্ধং উৎপাটিতম্ ॥ 3-11-40 বজ্রেণ নিষ্পেষশ্চূর্ণীভাবো যস্য পর্বতস্য তদ্বৎ গৌরবং গুরুৎবং যস্য তত্তথা । 3-11-42 কক্ষ্যামুৎপীড্য পরিধানবস্ত্রং দৃঢীকৃত্য ॥ 3-11-45 উদস্তং উৎক্ষিপ্তম্। অলাতং উল্মুকম্। রক্ষঃ রাক্ষসম্ ॥ 3-11-49 চীরাণি বৃক্ষদ ল্কলানি ॥ 3-11-55 নিকারাৎ পরিভবাৎ। কৃষ্ণায়া আনয় দৃষ্টং যেন স তথা। দ্রৌপদ্যাকর্ষণেন কুপিত ইত্যর্থঃ ॥ 3-11-56 প্রভিন্নকটামুখং প্রভিন্নে ব্যক্তীভূতে করটয়োর্গণ্ডয়োর্মুখে মদনির্গমমার্গৌ যস্য তম্ ॥ 3-11-60 ব্যস্পনদত কিংচিচ্চলনং কৃতবান্ ॥ 3-11-61 যোক্রয়ামাস ববন্ধ। রশনয়া পশুমিব ॥ 3-11-63 পশুমারং পশুমিব মারয়িৎবা ॥অরণ্যপর্ব - অধ্যায় 012
॥ শ্রীঃ ॥
3.12. অধ্যায়ঃ 012
Mahabharata - Vana Parva - Chapter Topics
শ্রীকৃষ্ণেন স্বীয়ৈঃ সহ বনে পাণ্ডবসমীপগমনম্ ॥ 1 ॥ অর্জুনেন কৃষ্ণস্তবনম্ ॥ 2 ॥ স্বদুখনিবেদনপূর্বকং রুদন্ত্যা দ্রৌপদ্যাঃ কৃষ্ণেন সমাশ্বাসনম্ ॥ 3 ॥Mahabharata - Vana Parva - Chapter Text
3-12-0 (16101)
বৈশম্পায়ন উবাচ। 3-12-0x (1814)
ভোজাঃ প্রব্রজিতাঞ্শ্রুৎবা বৃষ্ণয়শ্চান্ধকৈঃ সহ।
পাণ্ডবান্দুঃখসংতপ্তান্সমাজগ্মুর্মহাবনে ॥ 3-12-1 (16102)
পাঞ্চালস্য চ দায়াদো ধৃষ্টকেতুশ্চ চেদিপঃ।
কেকয়াশ্চ মহাবীর্যা ভ্রাতরো লোকবিশ্রুতাঃ ॥ 3-12-2 (16103)
বনে দ্রষ্টুং যয়ুঃ পার্থান্ক্রোধামর্ষসমন্বিতাঃ।
গর্হয়ন্তো ধার্তরাষ্ট্রান্কিং কুর্ম ইতি চাব্রুবন্ ॥ 3-12-3 (16104)
বাসুদেবং পুরস্কৃত্য সর্বে তে ক্ষত্রিয়র্ষভাঃ।
পরিবার্যোপবিবিশুর্ধর্মরাজং যুধিষ্ঠিরম্।
অভিবাদ্য কুরুশ্রেষ্ঠং বিষণ্ণঃ কেশবোঽব্রবীৎ ॥ 3-12-4 (16105)
বাসুদেব উবাচ। 3-12-5x (1815)
দুর্যোধনস্য কর্ণস্ শকুনেশ্চ দুরাত্মনঃ।
দুঃশাসনচতুর্থানাং ভূমিঃ পাস্যতি শোণিতম্ ॥ 3-12-5 (16106)
এতান্নিহত্য সমরে যে চ তেষাং পদানুগাঃ।
তাংশ্চ সর্বান্বিনির্জিত্য সহিতান্স নরাধিপান্ ॥ 3-12-6 (16107)
ততঃ সর্বেঽভিষিঞ্চামো ধর্মরাজং যুধিষ্ঠিরম্।
নিকৃত্যাঽভিচরন্বধ্য এষ ধর্মঃ সনাতনঃ ॥ 3-12-7 (16108)
বৈশম্পায়ন উবাচ। 3-12-8x (1816)
পার্তানামভিষঙ্গেণ তথা ক্রুদ্ধং জনার্দনম্।
অর্জুনঃ শময়ামাস দিধক্ষন্তমিব প্রজাঃ ॥ 3-12-8 (16109)
সংক্রুদ্ধং কেশবং দৃষ্ট্বা পূর্বদেবেষু ফল্গুনঃ।
কীর্তয়ামাস কর্মাণি সত্যকীর্তের্মহাত্মনঃ ॥ 3-12-9 (16110)
পুরুষস্যাপ্রমেয়স্য সত্যস্যামিততেজসঃ।
প্রজাপতিপতের্বিষ্ণোর্লোকনাথস্য ধীমতঃ ॥ 3-12-10 (16111)
অর্জুন উবাচ। 3-12-11x (1817)
দশবর্ষসহস্রাণি যত্রসায়ংগৃহো মুনিঃ।
ব্যচরস্ৎবং পুরা কৃষ্ণ পর্বতে গন্ধমাদনে ॥ 3-12-11 (16112)
দশবর্ষসহস্রাণি দশবর্ষশতানি চ।
পুষ্করেষ্ববসঃ কৃষ্ণং ৎবমপো ভক্ষয়ন্পুরা ॥ 3-12-12 (16113)
ঊর্ধ্ববাহুর্বিশালায়াং বদর্যাং মধুসূদন।
অতিষ্ঠ একপাদেন বায়ুভক্ষঃ শতং সমাঃ ॥ 3-12-13 (16114)
কৃষ্ণাজিনোত্তরাসঙ্গঃ কৃশো ধমনিসংততঃ।
আসীঃ কৃষ্ণ সরস্বত্যাং সত্রেদ্বাদশবার্ষিকে ॥ 3-12-14 (16115)
প্রভাসভপ্যথাসাদ্য তীর্থং পুণ্যজনার্চিতম্।
তত্র কৃষ্ণ মহাতেজা দিব্যং বর্ষসহস্রকম্ ॥ 3-12-15 (16116)
আতিষ্ঠস্ৎবমথৈকেন পাদেন নিয়মস্থিতঃ।
লোকপ্রবৃত্তিহেতোস্ৎবমিতি ব্যাসো মমাব্রবীৎ ॥ 3-12-16 (16117)
ক্ষেত্রজ্ঞঃ সর্বভূতানামাদিরন্তশ্চ কেশবং।
নিধানং তপসাং কৃষ্ণ যজ্ঞস্ৎবং চ সনাতনঃ ॥ 3-12-17 (16118)
`যোগকর্তা হৃষীকেশঃ সাংখ্যকর্তা সনাতনঃ।
শীলস্ৎবং সর্বয়োগানাং করণং নিয়মস্য চ' ॥ 3-12-18 (16119)
নিহত্য নরকং ভৌমমাহৃত্য মণিকুণ্ডলে।
প্রথমোৎপাদিতং কৃষ্ণ মেধ্যমশ্বমবাসৃজঃ ॥ 3-12-19 (16120)
কৃৎবাতৎকর্ম লোকানামৃষভঃ সর্বলোকজিৎ।
অবধীস্ৎবং রণে সর্বান্সমেতান্দৈত্যদানবান্ ॥ 3-12-20 (16121)
ততঃ সর্বেশ্বরৎবং চ সংপ্রদায় শচীপতেঃ।
মানুষেষু মহাবাহো প্রাদুর্ভূতোঽসি কেশব ॥ 3-12-21 (16122)
স ৎবং নারায়ণো ভূৎবা হরিরাসীঃ পরংতপ।
ব্রহ্মা সোমশ্চ সূর্যশ্চ ধর্মো ধাতা যমোঽনলঃ ॥ 3-12-22 (16123)
বায়ুর্বৈশ্রবণো রুদ্রঃ কালঃ খং পৃথিবী দিশঃ।
অজশ্চরাচরগুরুঃ স্রষ্টা ৎবং পুরুষোত্তম ॥ 3-12-23 (16124)
তুরায়ণাদিভির্দেব ক্রতুভির্ভূরদক্ষিণৈঃ।
অয়জো ভূরিতেজা বৈ কৃষ্ণ চৈত্ররথে বনে ॥ 3-12-24 (16125)
শতং শতসহস্রাণি সুবর্ণস্য জনার্দন।
একৈকস্মিংস্তদা যজ্ঞে পরিপূর্ণানি দত্তবান্ ॥ 3-12-25 (16126)
অদিতেরপি পুত্রৎবমেত্য যাদবনন্দন।
ৎবং বিষ্ণুরিতি বিখ্যাত ইন্দ্রাদবরজো বিভুঃ ॥ 3-12-26 (16127)
শিশুর্ভূৎবা দিবং খং চ পৃথিবীং চ পরংতপ।
ত্রিভির্বিক্রমণৈঃ কৃষ্ণ ক্রান্তবানসি তেজসা । 3-12-27 (16128)
সংপ্রাপ্য দিবমাকাশমাদিত্যস্যন্দনে স্থিতঃ।
অত্যরোচশ্চ ভূতাত্মন্ভাস্করং স্বেন তেজসা ॥ 3-12-28 (16129)
প্রাদুর্ভাবসহস্রেষু তেষুতেষু ৎবয়া বিভো।
অধর্মরুচয়ঃ কৃষ্ণ নিহতাঃ শতশোঽসুরাঃ ॥ 3-12-29 (16130)
সাদিতা মৌখাঃ পাশা নিশুম্ভনরকৌ হতৌ।
কৃতঃ ক্ষেমঃ পুনঃ পন্থাঃ পুরং প্রাগ্জ্যোতিষং প্রতি ॥ 3-12-30 (16131)
জারূথ্যামাহুতিঃ ক্রাথঃ শিশুপালো নৃপৈঃ সহ।
জরাসন্ধশ্চ শৈব্যশ্চ শতধন্বা চ নির্জিতঃ ॥ 3-12-31 (16132)
তথা পর্জন্যঘোষেণ রথেনাদিত্যবর্চসা।
অহার্ষী রুক্মিণীং ভৈষ্মীং রণে নির্জিত্য রুক্মিণে ॥ 3-12-32 (16133)
ইন্দ্রদ্যুম্নো হতঃ কোপাদ্যবনশ্চ কশেরুমান্।
হতঃ সৌভপতিঃ সাল্বস্ৎবয়া সৌভং চ পাতিতম্ 3-12-33 (16134)
এবমেতে যুধি হতা ভূয়শ্চান্যাঞ্শৃমুষ্ব হ।
ইরাবত্যাং হতো ভোজঃ কার্তবীর্যসমো যুধি।
গোপতিস্তালকেতুশ্চ ৎবয়া বিনিহতাবুভৌ ॥ 3-12-34 (16135)
তাং চ ভোগবতীং পুণ্যামৃষিকান্তাং জনার্দন।
দ্বারকামাত্মসাৎকৃৎবা সমুদ্রং গময়িষ্যসি ॥ 3-12-35 (16136)
ন ক্রোধো ন চ মাৎসর্যং নানৃতং মধুসূদন।
ৎবয়ি তিষ্ঠতি দাশার্হ ন নৃশংস্যং কুতোঽনৃজু ॥ 3-12-36 (16137)
আসীনং চৈত্যমধ্যে ৎবাং দীপ্যমানং স্বতেজসা।
আগম্য ঋষয়ঃ সর্বেঽয়াচন্তাভয়মচ্যুত ॥ 3-12-37 (16138)
যুগান্তে সর্বভূতানি সংক্ষিপ্য মধুসূদন।
আত্মনৈবাত্মসাৎকৃৎবা জগদাসীঃ পরংতপ ॥ 3-12-38 (16139)
যুগাদৌ তব বার্ষ্ণেয় নাভিপদ্মাদজায়ত।
ব্রহ্মা চরাচরগুরুর্যস্যেদং সকলং জগৎ।
তং হন্তুমুদ্যতৌ ঘোরৌ দানবৌ মধুকৈটভৌ ॥ 3-12-39 (16140)
তয়োর্ব্যতিক্রমং দৃষ্ট্বা ক্রুদ্ধস্য ভবতো হরেঃ।
ললাটাজ্জাতবাঞ্শংভুঃ শূলপাণিস্ত্রিলোচনঃ ॥ 3-12-40 (16141)
ইত্থং তাবপি দেবেশৌ ৎবচ্ছরীরসমুদ্ভবৌ।
ৎবন্নিয়োগকরাবেতাবিতি মে নারদোঽব্রবীৎ ॥ 3-12-41 (16142)
তথা নারায়ণ পুরা ক্রতুভির্ভূরিদক্ষিণৈঃ।
ইষ্টবাংস্ৎবং মহাসত্রং কৃষ্ণ চৈত্ররথে বনে ॥ 3-12-42 (16143)
নৈবং পরে নাপরে বা করিষ্যন্তি কৃতানি বা।
যানি কর্মাণি দেব ৎবং বাল এব মহাবলঃ ॥ 3-12-43 (16144)
কৃতবান্পুণ্ডরীকাক্ষ বলদেবসহায়বান্।
বৈরাজভবনে চাপি ব্রহ্মণা ন্যবসঃ সহ ॥ 3-12-44 (16145)
বৈশম্পায়ন উবাচ। 3-12-45x (1818)
এবমুক্ৎবা মহাত্মানমাত্মা কৃষ্ণস্য পাণ্ডবঃ।
তূষ্ণীমাসীত্ততঃ পার্থমিত্যুবাচ জনার্দনঃ ॥ 3-12-45 (16146)
মমৈব ৎবং তবৈবাহং যে মদীয়াস্তবৈব তে।
যস্ৎবাং দ্বেষ্টি স মাং দ্বেষ্টি যস্ৎবামনু স মামনু ॥ 3-12-46 (16147)
নরস্ৎবমসি দুর্ধর্ষ হরির্নারায়ণো হ্যহম্।
কালে লোকমিমং প্রাপ্তৌ নরনারায়ণাবৃষী ॥ 3-12-47 (16148)
অনন্যঃ পার্থ মত্তস্ৎবং ৎবত্তশ্চাহং তথৈব চ।
নাবয়োরন্তরং শক্যং বেদিতুং ভরতর্ষভ ॥ 3-12-48 (16149)
বৈশম্পায়ন উবাচ। 3-12-49x (1819)
`ইত্যুক্ৎবা পুণ্ডরীকাক্ষঃ পাণ্ডবং সুপ্রিয়ং বচঃ।
প্রীয়মাণো হৃষীকেশস্তূষ্ণীং তত্র বভূব সঃ ॥' 3-12-49 (16150)
এবমুক্তে তু বচনে কেশেবেন মহাত্মনা।
তস্মিন্বীরসমাবায়ে সংরব্ধেষ্বথ রাজসু ॥ 3-12-50 (16151)
ধৃষ্টদ্যুম্নমুখৈর্বীরৈর্ভ্রাতৃভিঃ পরিবারিতা।
পাঞ্চালী পুণ্ডরীকাক্ষমাসীনং যাদবৈঃ সহ।
অভিগম্যাব্রবীৎকৃষ্ণা শরণ্যং শরণৈষিণী ॥ 3-12-51 (16152)
দ্রৌপদ্যুবাচ। 3-12-52x (1820)
`বাসুদেব হৃষীকেশ বাসবাবরজাচ্যুত।
দেবদেবোসি দেবানামিতি দ্বৈপায়নোঽব্রবীৎ' ॥ 3-12-52 (16153)
পূর্বে প্রজাভিসর্গে ৎবামাহুরেকং প্রজাপতিম্।
স্রষ্টারং সর্বলোকানামসিতো দেবলোঽব্রবীৎ ॥ 3-12-53 (16154)
বিষ্ণুস্ৎবমসি দুর্ধর্ষ ৎবং যজ্ঞো মধুসূদন।
যষ্টাৎবমসি ৎবমসি যষ্টব্যো জামদগ্ন্যো যথাঽব্রবীৎ ॥ 3-12-54 (16155)
ঋষয়স্ৎবাং ক্ষমামাহুঃ সত্যং চ পরুষোত্তম।
সত্যাদ্যজ্ঞোসি সংভূতঃ কশ্যপস্ৎবাং যথাঽব্রবীৎ ॥ 3-12-55 (16156)
সাধ্যানামপি দেবানাং শিবানামীশ্বরেশ্বর।
লোকভাবন লোকেশ যথা ৎবাং নারদোঽব্রবীৎ ॥ 3-12-56 (16157)
ব্রহ্মশংকরশক্রাদ্যৈর্দেববৃন্দৈঃ পুনঃ পুনঃ।
ক্রীডসে ৎবং নরব্যাঘ্র বালঃ ক্রীডনকৈরিব ॥ 3-12-57 (16158)
দ্যৌশ্চ তে শিরসা ব্যাপ্তা পদ্ভ্যাং চ পৃথিবীপ্রভো।
জঠরে খমিমে লোকাঃ পুরুষোসি সনাতনঃ ॥ 3-12-58 (16159)
বিদ্যাতপোভিতপ্তানাং তপসা ভাবিতাত্মনাম্।
আত্মদর্শনতৃপ্তানামৃষীণামসি সত্তমঃ ॥ 3-12-59 (16160)
রাজর্ষীণাং পুণ্যকৃতামাহবেষ্বনিবর্তিনাম্।
সর্বধর্মোপপন্নানাং ৎবং গতিঃ পুরুষর্ষভ।
ৎবং প্রভুস্ৎবং বিভুশ্চ ৎবং ভূতাত্মা ৎবং বিচেষ্টসে ॥ 3-12-60 (16161)
লোকপালাশ্চ লোকাশ্চ নক্ষত্রাণি দিশে দশ।
নভশ্চন্দ্রশ্চ সূর্যশ্চ ৎবয়ি সর্বং প্রতিষ্ঠিতম্ ॥ 3-12-61 (16162)
মংর্ত্যতা চৈব ভূতানামমরৎবং দিবৌকসাম্।
ৎবয়ি সর্বং মহাবাহো লোককার্যং প্রতিষ্ঠিতম্ ॥ 3-12-62 (16163)
সা তেঽহং দুঃখমাখ্যাস্যে প্রণয়ান্মধুসূদন।
ঈশস্ৎবং সর্বভূতানাং যে দিব্যা যে চ মানুষাঃ ॥ 3-12-63 (16164)
কথং নু ভার্যা পার্থানাং তব কৃষ্ণ সখী বিভো।
ধৃষ্টদ্যুম্নস্য ভগিনী সভাং কৃষ্যেত মাদৃশী ॥ 3-12-64 (16165)
স্ত্রীধর্মিণী বেপমানা শোণিতেন সমুক্ষিতা।
একবস্ত্রা বিকৃষ্টাঽস্মি দুঃখিতা কুরুসংসদি ॥ 3-12-65 (16166)
রাজ্ঞাং মধ্যে সভায়াং তু রজসাঽতিপরিপ্লুতা।
দৃষ্ট্বা চ মাং ধার্তরাষ্ট্রাঃ প্রাহসন্পাপচেতসঃ ॥ 3-12-66 (16167)
দাসীভাবেন মাং ভোক্তুমীষ্সুতে মধুসূদন।
জীবৎসু পাণ্ডুপুত্রেষু পাঞ্চালেষু চ বৃষ্ণিষু ॥ 3-12-67 (16168)
নন্বহং কৃষ্ণ ভীষ্মস্য ধৃতরাষ্ট্রস্য চোভয়োঃ।
স্নুষা ভবামি ধর্মেণ সাঽহং দাসীকৃতা বলাৎ ॥ 3-12-68 (16169)
গর্হয়েপাণ্ডবাংস্ৎবেব যুধি শ্রেষ্ঠান্মহাবলান্।
যৎক্লিশ্যমানাং প্রেক্ষন্তে ধর্মপত্নীং যশস্বিনীম্ ॥ 3-12-69 (16170)
ধিগ্বলং ভীমসেনস্য ধিক্পার্থস্ চ গাণ্ডিবম্।
যৌ মাং বিপ্রকৃতাং ক্ষুদ্রৈর্মর্ষয়েতাং জনার্দন ॥ 3-12-70 (16171)
শাশ্বতোঽয়ং ধর্মপথঃ সদ্ভিরাচরিতঃ সদা।
যদ্ভার্যাং পরিরক্ষন্তি ভর্তারোঽল্পবলা অপি ॥ 3-12-71 (16172)
ভার্যায়াং রক্ষ্যমাণায়াং প্রজা ভবতি রক্ষিতা।
প্রজায়াং রক্ষ্যমাণায়ামাত্মা ভবতি রক্ষিতঃ ॥ 3-12-72 (16173)
আত্মা হি জায়েত তস্যাং তস্মজ্জায়া ভবত্যুত।
ভর্তা চ ভার্যযা রক্ষ্যঃ কথং জায়ান্মমোদরে ॥ 3-12-73 (16174)
নন্বিমে শরণং প্রাপ্তং ন ত্যজন্তি কদাচন।
তে মাং শরণমাপন্নাং নান্বপদ্যন্ত পাণ্ডবাঃ ॥ 3-12-74 (16175)
পঞ্চভিঃ পতিভির্জাতাঃ কুমাসরা মে মহৌজসঃ।
এতেষামপ্যবেক্ষার্থং ত্রাতব্যাঽস্মি জনার্দন ॥ 3-12-75 (16176)
প্রতিবিন্ধ্যো যুধিষ্ঠিরাৎসুতসোমো বৃকোদরাৎ।
অর্জুনাচ্ছ্রুতকীর্তিশ্চ শতানীকস্তু নাকুলিঃ ॥ 3-12-76 (16177)
কনিষ্ঠাচ্ছ্রুতকর্মা চ সর্বে সত্যপরাক্রমা।
প্রদ্যুম্নো যাদৃশঃ কৃষ্ণ তাদৃশাস্তে মহারথাঃ ॥ 3-12-77 (16178)
নন্বিমে ধনুষি শ্রেষ্ঠা অজেয়া যুধি শাত্রবৈঃ।
কিমর্থং ধার্তরাষ্ট্রাণাং সহন্তে দুর্বলীয়সাম্ ॥ 3-12-78 (16179)
অধর্মেণ হৃতং রাজ্যং সর্বে দাসাঃ কৃতাস্তথা।
সভায়াং পরিকৃষ্টাঽহমেকবস্ত্রা রজস্বলা ॥ 3-12-79 (16180)
নাধিজ্যমপি যচ্ছক্যং কর্তুমন্যেন গাণ্ডিবম্।
অন্যত্রার্জুনভীমাভ্যাং ৎবয়া বা মধুসূদন ॥ 3-12-80 (16181)
ধিগ্বলং ভীমসেনস্য ধিক্পার্থস্য চ পৌরুষম্।
যত্র দুর্যোধনঃ কৃষ্ণ মুহূর্তমপি জীবতি ॥ 3-12-81 (16182)
য এতানাক্ষিপদ্রাষ্টাৎসহ মাত্রাঽবিহিংসকান্।
অধীয়ানান্পুরা বালান্ব্রতস্থান্মধুসূদন ॥ 3-12-82 (16183)
ভোজনে ভীমসেনস্য পাপঃ প্রাক্ষিপয়দ্বিষম্।
কালকূটং নবং তীক্ষ্ণং সংভৃতং রোমহর্ষণম্ ॥ 3-12-83 (16184)
তজ্জীর্ণমবিকারেণ সহান্নেন জনার্দন।
সশেষৎবান্মহাবাহো ভীমস্য পুরুষোত্তম ॥ 3-12-84 (16185)
প্রমাণকোট্যাং বিশ্বস্তং তথা সুপ্তং বৃকোদরম্।
বদ্ধ্বৈনং কৃষ্ণ গঙ্গায়াং প্রক্ষিপ্য পুরমাব্রজৎ ॥ 3-12-85 (16186)
যদা বিবুদ্ধঃ কৌন্তেয়স্তদা সংছিদ্য বন্ধনম্।
উদতিষ্ঠন্মহাবাহুর্ভীমসেনো মহাবলঃ ॥ 3-12-86 (16187)
আশীবিষৈঃ কৃষ্ণসর্পৈঃ সুপ্তংচৈনমদংশয়ৎ।
সর্বেষ্বেবাঙ্গদেশেষু ন মমার চ শত্রুহা ॥ 3-12-87 (16188)
প্রতিবুদ্ধস্তু কৌন্তেয়ঃ সর্বান্সর্পানপোথয়ৎ।
সারথিং চাস্য দয়িতমপহস্তেন জঘ্নিবান্ ॥ 3-12-88 (16189)
পুনঃ সুপ্তানুপাধাক্ষীদ্বালকান্বারণাবতে।
শয়ানানার্যযা সার্ধং কো নু তৎকর্তুমর্হতি ॥ 3-12-89 (16190)
যত্রার্যা রুদতী ভীতা পাণ্ডবানিদমব্রবীৎ।
মহদ্ব্যসনমাপন্না শিখিনা পরিবারিতা ॥ 3-12-90 (16191)
হা হতাস্মি কুংতোন্বদ্য ভবেচ্ছান্তিরিহানলাৎ।
অনাথা বিনশিষ্যামি বালকৈঃ পুত্রকৈঃ সহ ॥ 3-12-91 (16192)
তত্র ভীমো মহাবাহুর্বায়ুবেগপরাক্রমঃ।
আর্যামাশ্বাসয়ামাস ভ্রাতৄংশ্চাপি বৃকোদরঃ ॥ 3-12-92 (16193)
বৈনতেয়ো যথা পক্ষী গরুত্মান্পততাংবরঃ।
তথৈবাভিপতিষ্যামি ভয়ংবো নেহ বিদ্যতে ॥ 3-12-93 (16194)
আর্যামঙ্কেন বামেন রাজানং দক্ষিণেন চ।
অংসয়োশ্চ যমৌ কৃৎবা পৃষ্ঠে বীভৎসুমেব চ ॥ 3-12-94 (16195)
সহসোৎপত্য বেগেন সর্বানাদায় বীর্যবান্।
ভ্রাতৄনার্যাং চ বলবান্মোক্ষয়ামাস পাবকাৎ ॥ 3-12-95 (16196)
তে রাত্রৌ প্রস্থিতাং সর্বে সহ মাত্রা যশস্বিনঃ।
অভ্যগচ্ছন্মহারণ্যে হিডিম্ববনমন্তিকাৎ ॥ 3-12-96 (16197)
শ্রান্তাঃ প্রসুপ্তাস্তত্রেমে মাত্রা সহ সুদুঃখিতাঃ।
সুপ্তাংশ্চৈনানভ্যগচ্ছদ্ধিডিম্বা নাম রাক্ষসী ॥ 3-12-97 (16198)
সা দৃষ্ট্বা পাণ্ডবাংস্তত্র সুপ্তান্মাত্রা সহ ক্ষিতৌ।
হৃচ্ছয়েনাভিভূতাত্মা ভীমসেনমকাময়ৎ ॥ 3-12-98 (16199)
ভীমস্য পাদৌ কৃৎবা তু স্বউৎসঙ্গে ততোঽবলা।
পর্যমর্দত সংহৃষ্টা কল্যাণী মৃদুপাণিনা ॥ 3-12-99 (16200)
তামবুদ্ধ্যদমেয়াত্মা বলবান্সত্যবিক্রমঃ।
পর্যপৃচ্ছত তাং ভীমঃ কিমিহেচ্ছস্যনিন্দিতে ॥ 3-12-100 (16201)
এবমুক্তা তু ভীমেন রাক্ষসী কামরূপিণী।
ভীমসেনং মহাত্মানমাহ চৈবমনিন্দিতা ॥ 3-12-101 (16202)
পলায়ধ্বমিতঃ ক্ষিপ্রং মম ভ্রাতৈষ বীর্যবান্।
আগমিষ্যতি বো হন্তুং তস্মাদ্গচ্ছত মাচিরম্ ॥ 3-12-102 (16203)
অথ ভীমোঽভ্যুবাচৈনাং সাভিমানমিদং বচঃ।
নোদ্বিজেয়মহং তস্মান্নিহনিষ্যেঽহমাগতম্ ॥ 3-12-103 (16204)
তয়োঃ শ্রুৎবা তু সংজল্পমাগচ্ছদ্রাক্ষসাধমঃ।
ভীমরূপো মহানাদান্বিসৃজন্ভীমদর্শনঃ ॥ 3-12-104 (16205)
রাক্ষস উবাচ। 3-12-105x (1821)
কেন সার্ধং কথয়সি আনয়ৈনং মমান্তিকম্।
হিডিম্বে ভক্ষয়িষ্যামো ন চিরং কর্তুমর্হসি ॥ 3-12-105 (16206)
সা কৃপাসংগৃহীতেন হৃদয়েন মনস্বিনী।
নৈনমৈচ্ছত্তদাকর্তুমনুক্রোশাদনিন্দিতা ॥ 3-12-106 (16207)
স নাদান্বিনদন্ঘোরান্রাক্ষসঃ পুরুষাদকঃ।
অভ্যদ্রবত বেগেন ভীমসেনং তদা কিল ॥ 3-12-107 (16208)
তমভিদ্রুত্য সংক্রুদ্ধো বেগেন মহতা বলী।
অগৃহ্ণাৎপাণিনা পাণিং ভীমসেনস্য রাক্ষসঃ ॥ 3-12-108 (16209)
ইন্দ্রাশনিসমস্পর্শং বজ্রসংহননং দৃঢম্।
সংহত্য ভীমসেনায় ব্যাক্ষিপৎসহসা করম্ ॥ 3-12-109 (16210)
গৃহীতং পাণিনা পাণিং ভীমসেনস্য রক্ষসা।
নামৃষ্যত মহাবাহুস্তত্রাক্রুদ্ধ্যদ্বৃকোদরঃ ॥ 3-12-110 (16211)
তদাসীত্তুমুলং যুদ্ধং ভীমসেনহিডিম্বয়োঃ।
সর্বাস্ত্রবিদুষোর্ঘোরং বৃত্রবাসবয়োরিব ॥ 3-12-111 (16212)
বিক্রীড্য সুচিরং ভীমো রাক্ষসেন সহানঘ।
নিজঘান মহাবীর্যস্তং তদা নির্বলং বলী ॥ 3-12-112 (16213)
হৎবা হিডিম্বং ভীমোঽথ প্রস্থিতো ভ্রাতৃভিঃ সহ।
হিডিম্বামগ্রতঃ কৃৎবা যস্যাং জাতো ঘটোৎকটঃ ॥ 3-12-113 (16214)
ততঃ সংপ্রাদ্রবন্সর্বে সহ মাত্রা পরংতপাঃ।
একচক্রামভিমুখাঃ সংবৃতা ব্রাহ্মণব্রজৈঃ ॥ 3-12-114 (16215)
প্রস্থানে ব্যাস এষাং চ মন্ত্রী প্রিয়হিতে রতঃ।
ততোঽগচ্ছন্নেকচক্রাং পাণঅডবাঃ সংশিতব্রতাঃ ॥ 3-12-115 (16216)
তত্রাপ্যাসাদয়ামাসুর্বকং নাম মহাবলম্।
পুরুষাদং প্রতিভয়ং হিডিম্বেনৈব সংমিতম্ ॥ 3-12-116 (16217)
তং চাপি বিনিহত্যোগ্রং ভীমঃ প্রহরতাং বরঃ।
সহিতো ভ্রাতৃভিঃ সর্বৈর্দ্রুপদস্য পুরং যয়ৌ ॥ 3-12-117 (16218)
লব্ধাঽহমপি তত্রৈব বসতা সব্যসাচিনা।
যথা ৎবয়া জিতা কৃষ্ণরুক্মিণী ভীষ্মকাত্মজা ॥ 3-12-118 (16219)
এবং সুয়ুদ্ধে পার্থেন জিতাঽহং মধুসূদন।
স্বয়ংবরে মহৎকর্ম কৃৎবা ন সুকরং পরৈঃ ॥ 3-12-119 (16220)
এবং ক্লেশৈঃ সুবহুভিঃ ক্লিশ্যমানা সুদুঃখিতা।
নিবসাম্যার্যযা হীনা কৃষ্ণ ধৌম্যপুরঃসুরা ॥ 3-12-120 (16221)
ত ইমে সিংহবিক্রান্তা বীর্যেণাভ্যধিকাঃ পরৈঃ।
নিহীনৈঃ পরিক্লিশ্যন্তি সমুপেক্ষন্তি মাং কথং। 3-12-121 (16222)
এতাদৃশানি দুঃখানি মহন্তী দুর্বলীয়সাম্।
দীর্ঘকালং প্রদীপ্তাঽস্মি পাপানাং পাপকর্মণাম্ ॥ 3-12-122 (16223)
কুলে মহতিজাতাঽস্মি দিব্যেন বিধিনা কিল।
পাণ্ডবানাং প্রিয়া ভার্যা স্নুষা পাণ্ডোর্মহাত্মনঃ ॥ 3-12-123 (16224)
কেশগ্রহমনুপ্রাপ্তা কা নু জীবেত মাদৃশী।
পঞ্চানামিন্দ্রকল্পানাং প্রেক্ষতাং মধুসূদন ॥ 3-12-124 (16225)
ইত্যুক্ৎবা প্রারুদৎকৃষ্ণা মুখং প্রচ্ছাদ্য পাণিনা।
পদ্মকোশপ্রকাশেন মৃদুনা মৃদুভাষিণী ॥ 3-12-125 (16226)
স্তনাবপতিতৌ পীনৌ সুজাতৌ শুভলক্ষণৌ।
অভ্যবর্ষত পাঞ্চালী দুঃখজৈরশ্রুবিন্দুভিঃ ॥ 3-12-126 (16227)
চক্ষুষী পরিমার্জন্তী নিঃশ্বসন্তী পুনঃপুনঃ।
বাষ্পপূর্ণেন কণঅঠেন ক্রুদ্ধা বচনমব্রবীৎ ॥ 3-12-127 (16228)
নৈব মে পতয়ঃ সন্তি ন পুত্রা ন চ বান্ধবাঃ।
ন ভ্রাতরো ন চ পিতা নৈব ৎবং মধুসূদন ॥ 3-12-128 (16229)
যে মাং বিপ্রকৃতাং ক্ষুদ্রৈরুপেক্ষধ্বং বিশোকবৎ।
ন চ মে শাম্যতে দুঃখং কর্ণো যৎপ্রাহসত্তদা ॥ 3-12-129 (16230)
চতুর্ভিঃ কারণৈঃ কৃষ্ণ ৎবয়া রক্ষ্যাঽস্মি নিত্যশঃ।
সংবন্ধাদ্গৌরবাৎসখ্যাৎপ্রভুৎবেনৈব কেশব ॥ 3-12-130 (16231)
বৈশম্পায়ন উবাচ। 3-12-131x (1822)
অথ তামব্রবীৎকৃষ্ণস্তস্মিন্বীরসমাগমে।
রোদিষ্যন্তি স্ত্রিয়ো হ্যেবং যেষাং ক্রুদ্ধাসি নামিনি ॥ 3-12-131 (16232)
বীভৎসুশরসংছন্নাঞ্শোণিতৌঘপরিপ্লুতান্।
নিহতান্বল্লভান্বীক্ষ্য শয়ানান্বসুধাতলে ॥ 3-12-132 (16233)
যৎসমর্থং পাণ্ডবনাং তৎকরিষ্যামি মা শুচঃ।
সত্যং তে প্রতিজানামি রাজ্ঞাং রাজ্ঞী ভবিষ্যসি ॥ 3-12-133 (16234)
পতেদ্দ্যৌর্হিমবাঞ্শীর্যেৎপৃথিবী শকলী ভবেৎ।
শুষ্যেত্তোয়নিধিঃ কৃষ্ণে ন মে মোঘং বচো ভবেৎ ॥ 3-12-134 (16235)
তচ্ছ্রুৎবা দ্রৌপদী বাক্যং প্রতিবাক্যমথাচ্যুতাৎ।
সাচীকৃতমবৈক্ষৎসা পাঞ্চালী মধ্যমং পতিম্ ॥ 3-12-135 (16236)
আবভাষে মহারাজ দ্রৌপদীমর্জুনস্তদা।
মা রোদীঃ শুভতাম্রাক্ষি যদাহ মধুসূদনঃ।
তথা তদ্ভবিতা দেবি নান্যথা বরবর্ণিনি ॥ 3-12-136 (16237)
ধৃষ্টদ্যুম্ন উবাচ। 3-12-137x (1823)
অহং দ্রোণং হনিষ্যামি শিখণ্ডী তু পিতামহম্।
দুর্যোধনং ভীমসেনঃ কর্ণং হন্তা ধনিজয়ঃ ॥ 3-12-137 (16238)
রামকৃষ্ণৌ ব্যপাশ্রিত্য অজেয়াঃ স্ম রণএ স্বসঃ।
অপি বৃত্রহণা যুদ্ধে কিং পুনর্ধৃতরাষ্ট্রজৈঃ ॥ 3-12-138 (16239)
বৈশম্পায়ন উবাচ। 3-12-139x (1824)
ইত্যুক্তেঽভিমুখা বীরা বাসুদেবমুপাস্থিতঃ।
তেষাং মধ্যে মহাবাহুঃ কেশবো বাক্যমব্রবীৎ ॥ 3-12-139 (16240)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি দ্বাদশোঽধ্যায়ঃ ॥ 12 ॥
Mahabharata - Vana Parva - Chapter Footnotes
3-12-7 নিকৃত্যা ছলেন ॥ 3-12-8 অভিষঙ্গেণ দুঃখেন পরাভবেন বা ॥ 3-12-11 যত্র সায়ংকালস্তত্রৈব গৃহং যস্য স যত্রসায়ংগৃহঃ ॥ 3-12-14 উত্তরাসঙ্গ উত্তরীয়বস্ত্রম্ ॥ 3-12-17 ক্ষেত্রজ্ঞঃ অন্তরাত্মেত্য্রথঃ ॥ 3-12-19 ভৌমং ভূমিপুত্রম্। মেধ্যং যজ্ঞিয়ম্ ॥ 3-12-20 তৎকর্ম অশ্বোৎসর্গাখ্যম্ ॥ 3-12-28 সংপ্রাপ্য সম্যক্ব্যাপ্য। আদিত্যস্যন্দনে সূর্যদেহে ভাস্করমণ্ডলাভিমানিনং জীবম্ ॥ 3-12-30 সাদিতাঃ ছিন্নাঃ মৌরবাঃ আন্ত্রতন্তিময়াঃ। মুর বেষ্টনে অস্মাদৌণাদিকে উক্রপ্রত্যযে তদ্ধিতঃ ॥ 3-12-31 জারূথ্যাং নগর্যাম্ ॥ 3-12-32 সৌভং খেচরং পুরম্ ॥ 3-12-36 নৃশংস্যং নির্দয়ৎবম্ ॥ 3-12-37 চৈত্যং আয়তনং আধ্যাত্মিকং হৃদয়পুণ্ডরীকং। বাহ্যং দেবালয়াদি ॥ 3-12-38 আত্মনৈব নিমিত্তান্তরং বিনা ॥ 3-12-50 সমাবায়ে সমূহে। সংরব্ধেষু কুপিতেষু ॥ 3-12-65 স্ত্রীধর্মিণী রজস্বলা ॥ 3-12-67 ঈষুঃ ঐচ্ছন্ ॥ 3-12-68 স্নুষা বধূঃ ॥ 3-12-69 ধর্মপত্নীং যজ্ঞসংয়োগিনীম্ ॥ 3-12-70 বিপ্রকৃতাং দুঃখংপ্রাপিতাম্। মর্ষয়েতাং ক্ষমেতাম্ ॥ 3-12-74 নান্বপদ্যন্ত নানুগৃহীতবন্তঃ ॥ 3-12-78 রাষ্ট্রাণমপরাধম্। দুর্বলীয়সাং দুর্বলতরাণাম্ ॥ 3-12-80 অধিজ্যমারোপিতগুণম্ ॥ 3-12-84 সশেষৎবাৎ। আয়ুষ ইতি শেষঃ ॥ 3-12-85 প্রমাণকোট্যাং প্রমাণাখ্যো গঙ্গাতীরস্থো বটবিশেষস্তৎপ্রদেশে ॥ 3-12-88 অপোথয়ৎ প্রহৃতবান্। অপহস্তেন হস্তপৃষ্ঠেন ॥ 3-12-89 উপাধাক্ষীৎ দাহার্থং উপহৃতবান্। আর্যা শ্বশ্রূঃ ॥ 3-12-93 বৈনতেয়ঃ বিনতাপুত্রঃ ॥ 3-12-106 কৃপাসংগৃহীতেন শ্নেহবশেন ॥ 3-12-109 সংহৃত্য মুষ্টীকৃত্য ॥ 3-12-119 এবং ক্লেশৈঃ সুবহুভিঃ ক্লিশ্যমানাঃ সুদুঃখিতাঃ। নিবসামার্যযা হীনাঃ কৃষ্ণ ধৌম্যপুরস্সরা ইতি ক. ট. দ. পাঠঃ ॥ 3-12-129 বিশোকবদ্বিশোকা ইব ॥ 3-12-130 সংবন্ধাৎ পিতৃষ্বস্রীয়ভার্যাৎবাৎ। গৌরবাদগ্নিকুণ্ডোদ্ভবৎবাৎ। সখ্যাৎ ভক্তিমত্ৎবাৎ। প্রভুৎবেন সামর্থ্যবত্ৎবেন ৎবদীয়েন ॥ 3-12-138 স্বসঃ হে ভগিনি ॥অরণ্যপর্ব - অধ্যায় 013
॥ শ্রীঃ ॥
3.13. অধ্যায়ঃ 013
Mahabharata - Vana Parva - Chapter Topics
কৃষ্ণেন যুধিষ্ঠিরংপ্রতি তদ্ব্যসনস্য দ্বারকায়াং স্বস্যাসাংনিধ্যহেতুকৎবকথনেন সমাশ্বাসনম্ ॥ 1 ॥Mahabharata - Vana Parva - Chapter Text
3-13-0 (16241)
বাসদেব উবাচ। 3-13-0x (1825)
নৈতৎকৃচ্ছ্রমনুপ্রাপ্তো ভবান্স্যাদ্বসুধাধিপ।
যদ্যহং দ্বারকায়াং স্যাং রাজন্সন্নিহিতঃ পুরা ॥ 3-13-1 (16242)
আগচ্ছেয়মহং দ্যূতমনাহূতোঽপি কৌরবৈঃ।
আম্বিকেয়েন দুর্ধর্ষ রাজ্ঞা দুর্যোধনেন চ।
বারয়েয়মহং দ্যূতং বহূন্দোপান্প্রদর্শয়ন্ ॥ 3-13-2 (16243)
ভীষ্মদ্রোণৌ সমানায়্য কৃপং বাহ্লীকমেব চ।
বৈচিত্রবীর্যং রাজানমলং দ্যূতেন কৌরব ॥ 3-13-3 (16244)
পুত্রাণাং তব রাজেন্দ্র ৎবন্নিমিত্তমিতি প্রভো।
তত্রাচক্ষমহং দোষান্যৈর্ভবান্ব্যতিরোপিতঃ ॥ 3-13-4 (16245)
বীরসেনসুতো যৈস্তু রাজ্যাৎপ্রভ্রংশিতঃ পুরা।
অতর্কিতবিনাশশ্চ দেবনেন বিশাংপতে ॥ 3-13-5 (16246)
সাতত্যং চ প্রসঙ্গস্য বর্ণয়েয়ং যথাতথম্ ॥ 3-13-6 (16247)
স্ত্রিয়োঽক্ষা মৃগয়া পানমেতৎকামসমুত্থিতম্।
দুঃখং চতুষ্টয় প্রোক্তং যৈর্নরো ভ্রশ্যতে শ্রিয়ঃ ॥ 3-13-7 (16248)
তত্রসর্বত্রবক্তব্যং মন্যন্তে শাস্ত্রকোবিদাঃ।
বিশেষতশ্চ বক্তব্যং দ্যূতে পশ্যন্তি তদ্বিদঃ ॥ 3-13-8 (16249)
একাহাদ্দ্রব্যনাশোঽত্র ধ্রুবং ব্যসনমেব চ।
অভুক্তনাশশ্চার্থানাং বাক্পারুষ্যং চ কেবলম্ ॥ 3-13-9 (16250)
এতচ্চান্যচ্চ কৌরব্য প্রসঙ্গিকটুকোদয়ম্।
দ্যূতে ব্রূয়াং মহাবাহো সমাসাদ্যাম্বিকাসুতম্ ॥ 3-13-10 (16251)
এবমুক্তো যদি ময়া গৃহ্ণীয়াদ্বচনং মম।
অনাময়ং স্যাদ্ধর্মশ্চ কুরূণাং কুরুবর্দন ॥ 3-13-11 (16252)
ন চেৎস মম রাজেন্দ্র গৃহ্ণীয়ান্মধুরং বচঃ।
পথ্যং চ ভরতশ্রেষ্ঠ নিগৃহ্ণীয়াং বলেন তম্ ॥ 3-13-12 (16253)
অথৈনমবিনীতেন সুহৃদো নাম দুর্হৃদঃ।
সভাসদোঽনুবর্তেরংস্তাংশ্চ ইন্যাং দুরোদরান্ ॥ 3-13-13 (16254)
অসান্নিধ্যং তু কৌরব্য মমানর্তেষ্বভূত্তদা।
যেনেদং ব্যসনং প্রাজ্ঞা ভবন্তো দ্যূতকারিতম্ ॥ 3-13-14 (16255)
সোহমেত্য কুরুশ্রেষ্ঠ দ্বারকাং পাণ্ডুনন্দন।
অশ্রৌষং ৎবাং ব্যসনিনং যুয়ুধানাদ্যথাতথম্ ॥ 3-13-15 (16256)
শ্রুৎবৈব চাহং রাজেন্দ্র পরমোদ্বিগ্রমানসঃ।
তূর্ণমভ্যাগতোস্মিৎবাং দ্রষ্টুকামো বিশংপতে ॥ 3-13-16 (16257)
অহো কৃচ্ছ্রমনুপ্রাপ্তাঃ সর্বে স্ম ভরতর্ষভ।
সোঽহং ৎবাং ব্যসনে মগ্নং পশ্যামি সহ সোদরৈঃ ॥ 3-13-17 (16258)
ইতি শ্রীমন্মহাভারতে অরণ্যপর্বণই অর্জুনাভিগমনপর্বণি ত্রয়োদশোঽধ্যায়ঃ ॥ 13 ॥
Mahabharata - Vana Parva - Chapter Footnotes
3-13-4 অহং তত্র দ্যূতে দোষান্ অচক্ষং ব্যক্তং কথিতবান্ স্যামিত্যর্তঃ ॥ 3-13-5 বীরসেনসুতঃ নলঃ। যৈঃ অক্ষৈরিতি শেষঃ ॥ 3-13-6 সাতত্যমবিচ্ছেদম্। প্রসঙ্গস্য দ্যূতক্রীডায়াঃ হীয়মানোঽপি জয়াশয়া পুনঃপুনর্দীব্যত্যেবেত্যর্থঃ ॥ 3-13-13 অপনীতেনেতিপাঠে অন্যায়েন। দুরোদরান্ দ্যূতকারান্ ॥ 3-13-15 এত্যাগত্য। যুয়ুধানাৎসাত্যকেঃ ॥অরণ্যপর্ব - অধ্যায় 014
॥ শ্রীঃ ॥
3.14. অধ্যায়ঃ 014
Mahabharata - Vana Parva - Chapter Topics
কৃষ্ণেন যুধিষ্ঠিরংপ্রতি সাল্বেন যুদ্ধস্ স্বস্যানাগমনহেতুৎবকথনম্ ॥ 1 ॥Mahabharata - Vana Parva - Chapter Text
3-14-0 (16259)
যুধিষ্ঠির উবাচ। 3-14-0x (1826)
অসান্নিধ্যং কথং কৃষ্ণ তবাসীদ্বৃষ্ণিনন্দন।
ক্ব চাসীদ্বিপ্রবাসস্তে কিংচাকার্ষীঃ প্রবাসতঃ ॥ 3-14-1 (16260)
কৃষ্ণ উবাচ। 3-14-2x (1827)
সাল্বস্য নগরং সৌভং গতোঽহং ভরতর্ষভ।
নিহন্তুং কৌরবশ্রেষ্ঠ তত্র মে শৃণু কারণম্ ॥ 3-14-2 (16261)
মহাতেজা মহাংবাহুর্যঃ স রাজা মহায়শাঃ।
দমঘোষাত্মজো বীরঃ শিশুপালো ময়া হতঃ ॥ 3-14-3 (16262)
যজ্ঞে তে ভরতশ্রেষ্ঠ রাজসূয়েঽর্হণাং প্রতি।
স রোষবশমাপন্নো নামৃষ্যত দুরাত্মবান্ ॥ 3-14-4 (16263)
শ্রুৎবা তং নিহতং সাল্বস্তীব্ররোষসমন্বিতঃ।
উপায়াদ্দ্বারকাং শূন্যামিহস্থে ময়ি ভারত ॥ 3-14-5 (16264)
স তত্র যুদ্ধমকরোদ্বালকৈর্বৃষ্ণিপুঙ্গবৈঃ।
নিবৃত্তঃ কামগং সৌভমারুহ্যৈব নৃশংসবৎ ॥ 3-14-6 (16265)
`চিরজীবী নৃপঃ সোঽপি প্রসাদাৎপদ্মজন্মনঃ।'
ততো বৃষ্ণিপ্রবীরাংস্তান্বালান্হৎবা বহূংস্তদা।
পুরোদ্যানানি সর্বাণি ভেদয়ামাস দুর্ভতিঃ ॥ 3-14-7 (16266)
উক্তবাংশ্চ মহাবাহো ক্বাসৌ বৃষ্ণিকুলাধমঃ।
বাসুদেবঃ স মন্দাত্মা বসুদেবসুতো গতঃ ॥ 3-14-8 (16267)
তস্য যুদ্ধার্থিনো দর্পং যুদ্ধেনাশয়িতাঽস্ম্যহম্।
আনর্তাঃ সত্যমাখ্যাত তত্র গন্তাঽস্মি যত্র সঃ ॥ 3-14-9 (16268)
তং হৎবা বিনিবর্তিষ্যে কংসকেশিনিষূদনম্।
অহৎবা ন নিবর্তিষ্যে সত্যেনায়ুধমালভে । 3-14-10 (16269)
ক্বাসৌ ক্বাসাবিতি পুনস্তত্রতত্র প্রধাবতি।
ময়া সহ রণে যোদ্ধুং কাঙ্ক্ষমাণঃ স সৌভরাট্ ॥ 3-14-11 (16270)
অদ্যতং পাপকর্মাণং ক্ষুদ্রং বিশ্বাসঘাতিনম্।
শিশুপালবধামর্ষাদ্গময়িষ্যে যমক্ষয়ম্ ॥ 3-14-12 (16271)
মম পাপস্বভাবেন ভ্রাতা যেন নিপাতিতঃ।
শিশুপালো মহীপালস্তং বধিষ্যে মহীতলে ॥ 3-14-13 (16272)
ভ্রাতা বালশ্চ রাজা চ ন চ সংগ্রামকোবিদঃ।
প্রমত্তশ্চ হতো বীরস্তং হনিষ্যে জনার্দনম্। 3-14-14 (16273)
একমাদি মহারাজ বিলপ্যদিবমাস্থিতঃ।
কামগেন স সৌভেন ক্ষিপ্ৎবা মাং কুরুনন্দন ॥ 3-14-15 (16274)
তমশ্রৌষমহং গৎবা যথা বৃত্তঃ স দুর্মতিঃ।
ময়ি কৌরব্য দুষ্টাত্মা মার্তিকাবতকো নৃপঃ ॥ 3-14-16 (16275)
ততোঽহমপি কৌরব্য রোষব্যাকুললোচনঃ।
নিশ্চিত্য মনসা রাজন্বধায়াস্য মনো দধে ॥ 3-14-17 (16276)
আনর্তেষু বিমর্দং চ ক্ষেপং চাত্মনি কৌরব।
প্রবৃদ্ধমবলেপং চ তস্য দুষ্কৃতকর্মণঃ ॥ 3-14-18 (16277)
ততঃ সৌভবধায়াহং প্রতস্থে পৃথিবীপতে।
স ময়া সাগরাবর্তে দৃষ্ট আসীৎপরীপ্সতা ॥ 3-14-19 (16278)
ততঃ প্রধ্মাপ্য জলজং পাঞ্চজন্যমহে নৃপ।
আহূয় সাল্বং সমরে যুদ্ধায় সমবস্থিতঃ ॥ 3-14-20 (16279)
তন্মুহূর্তমভূদ্যুদ্ধং তত্র মে দানবৈঃ সহ।
শবীভূতাশ্চ মে সর্বে ভূতলে চ নিপাতিতাঃ ॥ 3-14-21 (16280)
এতৎকার্যং মহাবাহো যেনাহং নাগমং তদা।
শ্রুৎবৈব হাস্তিনপুরে দ্যূতং চাবিনয়োত্থিতম্।
দ্রুতমাগতবান্যুষ্মান্দ্রষ্টুকামঃ সুদুঃখিতান্ ॥ 3-14-22 (16281)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি চতুর্দশোঽষ্যায়ঃ ॥ 14 ॥
Mahabharata - Vana Parva - Chapter Footnotes
3-14-6 সৌভং সুষ্ঠু ভান্তি তে সুভাঃ কাঞ্চনাদয়ো ধাতবস্তজ্জম ॥ 3-14-9 আখ্যাত কথয়ত ॥ 3-14-16 মার্তিকাবতকঃ এতন্নামকদেশবাসী ॥ 3-14-18 অবলেপং গর্বং জ্ঞাৎবেতি শেষঃ ॥ 3-14-19 সাগরস্য আসমন্তাদ্বর্তো বর্তনং যস্মিন্সাগরদ্বীপে ইত্যর্থঃ ॥ 3-14-20 জলজং শঙ্খম্ ॥অরণ্যপর্ব - অধ্যায় 015
॥ শ্রীঃ ॥
3.15. অধ্যায়ঃ 015
Mahabharata - Vana Parva - Chapter Topics
কৃষ্ণেন যুধিষ্ঠিরংপ্রতি সাল্বসমাগমসময়ে উগ্রসেনকৃতদ্বারকারক্ষণপ্রকারকথনম্ ॥ 1 ॥Mahabharata - Vana Parva - Chapter Text
3-15-0 (16282)
যুধিষ্ঠির উবাচ। 3-15-0x (1828)
বাসুদেব মহাবাহো বিস্তরেণ মহামতে।
সৌভস্য বধমাচক্ষ্ব ন হি তৃষ্যামি কথ্যতঃ ॥ 3-15-1 (16283)
বাসুদেব উবাচ। 3-15-2x (1829)
হতং শ্রুৎবা মহাবাহৌ ময়া শ্রৌতশ্রবং নৃপ।
উপায়াদ্ভরতশ্রেষ্ঠ সাল্বো দ্বারবতীং পুরীম্ ॥ 3-15-2 (16284)
অরুণত্তাং সুদুষ্টাত্মা সর্বতঃ পাণ্ডুনন্দন।
সাল্বো বৈহায়সং চাপি তৎপুরং ব্যূহ্য ধিষ্ঠিতঃ ॥ 3-15-3 (16285)
তত্রস্থোঽথ মহীপালো যোধয়ামাস তাং পুরীম্।
অভিসারেণ সর্বেণ তত্র যুদ্ধমবর্তত ॥ 3-15-4 (16286)
পুরী সমন্তাদ্বিহিতা সপতাকা সতোরণা।
সচক্রা সহুডা চৈব সয়ন্ত্রখনকা তথা ॥ 3-15-5 (16287)
সোপশল্যপ্রতোলীকা সাট্টাট্টালকগোপুরা।
সচক্রগ্রহিণী চৈব সোল্কালাতাবপোথিকা ॥ 3-15-6 (16288)
সোষ্টিকা ভরতশ্রেষ্ঠ সভেরীপণবানকা।
সতোমরাঙ্কুশা রাজন্সশতঘ্নীকলাঙ্গলা ॥ 3-15-7 (16289)
সভুশুণ্ড্যশ্মগুডকা সায়ুধা সপরশ্বধা।
লোহচর্মবতী চাপি সাগ্নিঃ সগুডশৃঙ্গিকা।
শাস্ত্রদৃষ্টেন বিধিনা সুয়ুক্তা ভরতর্ষভ ॥ 3-15-8 (16290)
রথৈরনেকৈর্বিবিধৈর্গদসাম্বোদ্ধবাদিভিঃ।
পুরুষৈঃ কুরুশার্দূল সমর্থৈঃ প্রতিবারণে ॥ 3-15-9 (16291)
অতিখ্যাতকুলৈর্বীরৈর্দৃষ্টবীর্যৈশ্চ সংয়ুগে।
মধ্যমেন চ গুল্মেন রক্ষিভিঃ সা সুরক্ষিতা।
উৎক্ষিপ্তগুল্মৈশ্চ তথা হয়ৈশ্চ সপতাকিভিঃ ॥ 3-15-10 (16292)
আঘোষিতং চ নগরে ন পাতব্যা সুরেতি বৈ।
প্রমাদং পরিরক্ষদ্ভিরুগ্রসেনোদ্ধবাদিভিঃ ॥ 3-15-11 (16293)
প্রমত্তেষ্বভিঘাতং হি কুর্যাৎসাল্বো নরাধিপঃ।
ইতি কৃৎবাঽপ্রমত্তাস্তে সর্বেবৃষ্ণ্যন্ধকাঃ স্থিতাঃ ॥ 3-15-12 (16294)
আনর্তাশ্চ তথা সর্বে নটনর্তকগায়কাঃ।
বহির্নির্বাসিতাঃ সর্বে রক্ষদ্ভির্বিত্তসংচয়ম্ ॥ 3-15-13 (16295)
সংক্রমা ভেদিতাঃ সর্বে নাবশ্চ প্রতিষেধিতাঃ।
পরিখাশ্চাপি কৌরব্য কীলৈঃ সুনিচিতাঃ কৃতাঃ ॥ 3-15-14 (16296)
উদপানাঃ কুরুশ্রেষ্ঠ তথৈবাপ্যম্বরীষকাঃ।
সমন্তাৎক্রোশমাত্রং চ কারিতা বিষমা চ ভূঃ।
`সংক্রমা ভেদিতাঃ সর্বে প্রাকারাশ্চ নবীকৃতাঃ ॥' 3-15-15 (16297)
প্রকৃত্যা বিষমং দুর্গং প্রকৃত্যা চ সুরক্ষিতম্।
প্রকৃত্যা চায়ুধোপেতং বিশেষেণ তদাঽনঘ ॥ 3-15-16 (16298)
সুরক্ষিতং সুগুপ্তং চ সর্বায়ুধসমন্বিতম্।
তৎপুরং ভরতশ্রেষ্ঠ যথেন্দ্রভবনং তথা ॥ 3-15-17 (16299)
ন চামুদ্রোঽভিনির্যাতি ন চামুদ্রঃ প্রবেশ্যতে।
বৃষ্ণ্যন্ধকপুরে রাজংস্তদা সৌভসমাগমে ॥ 3-15-18 (16300)
অনুরধ্যাসু সর্বাসু চৎবরেষু চ কৌরব।
বলং বভূব রাজেন্দ্র প্রভূতগজবাজিমৎ ॥ 3-15-19 (16301)
দত্তবেতনভক্তং চ দত্তায়ুধপরিচ্ছদম্।
কৃতোপধানং চ তদা বলমাসীদ্বিশাংপতে ॥ 3-15-20 (16302)
ন কৃপ্যবেতনী কশ্চিন্ন চাতিক্রান্তবেতনী।
নানুগ্রহভৃতঃ কশ্চিন্ন চাদৃষ্টপরাক্রমঃ ॥ 3-15-21 (16303)
এবং সুবিহিতা রাজন্দ্বারকা ভূরিদক্ষিণৈঃ।
আহুকেন সুগুপ্তা চ রাজ্ঞা রাজীবলোচন ॥ 3-15-22 (16304)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি পঞ্চদশোঽধ্যায়ঃ ॥ 15 ॥
Mahabharata - Vana Parva - Chapter Footnotes
3-15-1 কথ্যতঃ কথয়তঃ ॥ 3-15-2 শ্রুতশ্রবা শিশুপালমাতা ॥ 3-15-5 পতাকা ধ্বজাঞ্চলঃ। তোরণানি বহুর্দ্বারাণি। চক্রাণি যোধগণাঃ। হুডাস্তদাশ্রয়স্থানানি। যন্ত্রাণি আগ্নেয়ৌষধবলেন দৃষৎপিণ্ডোৎক্ষেপণানি। খনকাঃ সুরংগদ্বারা গুপ্তমার্গকর্তারঃ ॥ 3-15-6 উপশল্যা লোহমুখাঃ কীলাস্তদ্যুক্তাঃ। প্রতোল্যো রথ্যামার্গা যস্যাং সা। অট্টালকাঃ উপরিগৃহাঃ। গোপুরাণি পুরদ্বারাণি। সাট্টানি অট্টেন অনেন সহিতানি অট্টালকাদীনি যস্যাং সা চক্র গ্রহণী সৈন্যনিগ্রাহিকা। সোল্কালাতাবপোথিকা সোল্কমলাতং জ্বালাসহিতমুল্মুকং যস্যাং সোল্কালাতা। অববদ্ধাঃ পোথিকাঃ যন্ত্রবদ্ধাঃ কাষ্ঠপাষাণাদয়ো রিপূণামুপরি পাতনায় যস্যামিতি প্রাঞ্চঃ। সকচগ্রহিণী চৈব ইতি ক. ট. পাঠঃ ॥ 3-15-7 উষ্ট্রিকা মৃচ্চর্মময়ানি ভাণ্ডানি। সর্ষ্টিকা সাঙ্কুশেতি ক. ট. পাঠঃ। ঋষ্টয় আয়ুধবিশেষাঃ ॥ 3-15-8 অশ্মগুডকাঃ বর্তুলীকৃতাঃ পাণাণাঃ। লোহময়ানি চর্মাণি কমঠপৃষ্ঠাকারাণি প্রহারবারকাণি। সাগ্নিঃ আগ্নেয়ৌষধসহিতা। গুডা গোলকাঃ। শৃঙ্গিকাস্তদুৎক্ষেপকয়ন্ত্রাণি ॥ 3-15-9 সমন্তাৎপরিপালিতে ইতি ক. পাঠঃ ॥ 3-15-13 নিবাসিতাঃ ক্ষিপ্রং ইতি ঝ. পাঠঃ ॥ 3-15-14 সংক্রমা নদীসেতবঃ। কীলৈঃ শূলৈঃ। সুনিচিতা ব্যাপ্তাঃ ॥ 3-15-15 উদপানাঃ কূপাঃ। অম্বরীষো গুপ্তাগ্নিঃ। বিষমা লোহকণ্টকাদ্যাকীর্ণা ॥ 3-15-19 অনুরথ্যাসু প্রতিরধ্যম্ ॥ 3-15-20 বেতনং ধনম্। ভক্তং নিত্যভোজনম্। কৃতোপধানং কৃতবিশেষম্ ॥ 3-15-21 কুপ্যং স্বর্ণরূপ্যেতরদ্ধনং তাম্রাদি। গ্রহো রণোদ্যমস্তমনুলক্ষীকৃত্য ভৃতোঽনুগ্রহভৃতস্তৎকালস্বীকৃতো ন কশ্চিৎ কিংতু চিরসংভৃতা এব। নাদত্তবেতনঃ কশ্চিৎ ইতি ক. ঠ. পাঠঃ ॥ 3-15-22 আহুকেন উগ্রসেনেন। ভূরিদক্ষিণেতি ঝ. পাঠঃ ॥অরণ্যপর্ব - অধ্যায় 016
॥ শ্রীঃ ॥
3.16. অধ্যায়ঃ 016
Mahabharata - Vana Parva - Chapter Topics
কৃষ্ণেন যুধিষ্ঠিরংপ্রতি সাল্বয়াদবয়ুদ্ধবর্ণনম্ ॥ 1 ॥Mahabharata - Vana Parva - Chapter Text
3-16-0 (16305)
বাসুদেব উবাচ। 3-16-0x (1830)
তাং তূপয়াতো রাজেন্দ্র সাল্বঃ সৌভপতিস্তদা।
প্রভূতনরনাগেন বলেনোপবিবেশ হ ॥ 3-16-1 (16306)
সমে নিবিষ্টাং সা সেনা প্রভূতসলিলাশয়ে।
চতুরঙ্গবলোপেতা সাল্বরাজাভিপালিতা ॥ 3-16-2 (16307)
বর্জয়িৎবা শ্মশানানি দেবতায়তনানি চ।
বল্মীকাংশ্চৈব চৈত্যাংশ্চ সংনিবিষ্টমভূদ্বলম্ ॥ 3-16-3 (16308)
অনীকানাং বিভাগেন পন্থানঃ সুকৃতাস্তথা।
প্রথমা নবমাশ্চৈব সাল্বস্য শিবিরে নৃপ ॥ 3-16-4 (16309)
সর্বায়ুধসমোপেতং সর্বশস্ত্রবিশারদম্।
রথনাগাশ্বকলিলং পদাতিজনসংকুলম্ ॥ 3-16-5 (16310)
তুষ্টপুষ্টবলোপেতং বীরলক্ষণলক্ষিতম্।
বিচিত্রধ্বজসন্নাহং বিচিত্ররথকার্মুকম্ ॥ 3-16-6 (16311)
সংনিবেশ্য চ কৌরব্য দ্বারকায়াং নরর্ষভ।
অভিসারয়ামাস তদা বেগৈন পতগেন্দ্রবৎ ॥ 3-16-7 (16312)
তদাপতন্তং সংদৃশ্য বলং সাল্বপতেস্তদা।
নির্যায় যোধয়ামাসুঃ কুমারা বৃষ্ণিনন্দনাঃ ॥ 3-16-8 (16313)
অসহন্তোঽভিয়ানং তৎসাল্বরাজস্য কৌরব।
চারুদেষ্ণশ্চ সাম্বশ্চ প্রদ্যুম্নশ্চ রমহারথঃ ॥ 3-16-9 (16314)
তে রথৈর্দংশিতাঃ সর্বেবিচিত্রাভরণধ্বজাঃ।
সংসক্তাঃ সাল্বরাজস্য বহুভির্যোধপুঙ্গবৈঃ ॥ 3-16-10 (16315)
গৃহীৎবা কার্মুকং সাম্বঃ সাল্বস্য সচিবং রণে।
যীধয়ামাস সংহৃষ্টঃ ক্ষেমধূর্তিং চমূপতিম্ ॥ 3-16-11 (16316)
তস্য বাণময়ং বর্ষং জাম্ববত্যাঃ সুতো মহৎ।
মুমোচ ভরতশ্রেষ্ঠ যথাবর্ষং সহস্রদৃক্ ॥ 3-16-12 (16317)
তদ্বাণবর্ষং তুমুলং বিষেহে স চমূপতিঃ।
ক্ষেমধূর্তির্মহারাজ হিমবানিব নিশ্চলঃ ॥ 3-16-13 (16318)
ততঃ সাম্বায় রাজেন্দ্র ক্ষেমধূর্তিরপি স্বয়ম্।
মুমোচ মায়াবিহিতং শরজালং মহত্তরম্ ॥ 3-16-14 (16319)
ততো মায়াময়ং জালং মায়যৈব বিদার্যসঃ।
সাম্বঃ শরসহস্রেণ রথমস্যাভ্যবর্ষত ॥ 3-16-15 (16320)
ততঃ স বিদ্ধঃ সাম্বেন ক্ষেমধূর্তিশ্চমূপতিঃ।
অপায়াজ্জবনৈরশ্বৈঃ সাম্ববাণপ্রপীডিতঃ ॥ 3-16-16 (16321)
তস্মিন্বিপ্রদ্রুতে শরে সাল্বস্যাথ চমূপতৌ।
বেগবান্নাম দৈতেয়ঃ সুতং মেঽভ্যদ্রবদ্বলী ॥ 3-16-17 (16322)
অভিপন্নস্তু রাজেন্দ্র সাম্বো বৃষ্ণিকুলোদ্বহঃ।
বেগং বেগবতো রাজংস্তস্থৌ বীরো বিধারয়ন্ ॥ 3-16-18 (16323)
স বেগবতি কৌন্তেয় সাম্বো বেগবতীং গদাম্।
চিক্ষেপ তরসা বীরো ব্যাবিদ্ধ্যন্সত্যবিক্রমঃ ॥ 3-16-19 (16324)
তয়া ৎবভিহতো রাজন্বেগবান্ন্যপতদ্ভুবি।
বাতরুগ্ণং ইব ক্ষুণ্ণো জীর্ণমূলোবনস্পতিঃ ॥ 3-16-20 (16325)
তস্মিন্নিপতিতে বীরে গদারুগ্ণে মহাসুরে।
প্রবিশ্য মহতীং সেনাং যোধয়ামাস মে সুতঃ ॥ 3-16-21 (16326)
চারুদেষ্ণেন সংসক্তো বিবিন্ধ্যো নাম দানবঃ।
মহারথঃ সমাজ্ঞাতো মহারাজ মহাধনুঃ ॥ 3-16-22 (16327)
ততঃ সুতুমুলং যুদ্ধং চারুদেষ্ণবিবিন্ধ্যযোঃ।
বৃত্রবাসবয়ো রাজন্যথাপূর্বং তথাঽভবৎ ॥ 3-16-23 (16328)
অন্যোন্যস্যাভিসংক্রুদ্ধাবন্যোন্যং জঘ্নতুঃ শরৈঃ।
বিনদন্তৌ মহারাজ সিংহাবিব মহাবলৌ ॥ 3-16-24 (16329)
রৌক্মিণেয়স্ততো বাণমগ্ন্যর্কোপমবর্চসম্।
অভিমন্ত্র্য মহাস্ত্রেণ সংদধে শত্রুনাশনম্ ॥ 3-16-25 (16330)
স বিবিন্ধ্যায় সক্রোধঃ সমাহূয় মহারথঃ।
চিক্ষেপ মে সুতো রাজন্স গতাসুরথাপতৎ ॥ 3-16-26 (16331)
বিবিন্ধ্যং নিহৃতং দৃষ্ট্বা তাং চ বিক্ষোভিতাং চমূম্।
কামগেন স সৌভেন সাল্বঃ পুনরুপাগমৎ ॥ 3-16-27 (16332)
ততো ব্যাকুলিতং সর্বং দ্বারকাবাসি তদ্বলম্।
দৃষ্ট্বা সাল্বং মহাবাহো সৌভস্থং পৃথিবীগতম্ ॥ 3-16-28 (16333)
ততো নির্যায় কৌরব্য অবস্থাপ্য চ তদ্বলম্।
আনর্তানাং মহারাজ প্রদ্যুম্নো বাক্যমব্রবীৎ ॥ 3-16-29 (16334)
সর্বে ভবন্তস্তিষ্ঠন্তু সর্বে পশ্যন্তু মাং যুধি।
নিবারয়ন্তং সংগ্রামে বলাৎসৌভং সরাজকম্ ॥ 3-16-30 (16335)
অয়ং সৌভপতেঃ সেনামায়সৈর্ভুজগৈরিব।
ধনুর্ভুজবিনির্মুক্তৈর্নাশয়ম্যদ্য যাদবাঃ ॥ 3-16-31 (16336)
আশ্বসধ্বং ন ভীঃ কার্যা সৌভরাডদ্য নশ্যতি।
ময়াঽভিপন্নো দুষ্টাত্মা সসৌভো বিনশিষ্যতি ॥ 3-16-32 (16337)
এবং ব্রুবতি সংহৃষ্টে প্রদ্যুম্নে পাণ্ডুনন্দন।
ধিষ্টিতং তদ্বলং দ্বারি যুয়ুধে চ যথাসুখম্ ॥ 3-16-33 (16338)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি ষোডশোঽধ্যায়ঃ ॥ 16 ॥
Mahabharata - Vana Parva - Chapter Footnotes
3-16-2 সমে দেশে ॥ 3-16-4 প্রবণায় চ নৈবাসন্নিতি ঝ. পাঠঃ ॥ 3-16-5 কলিলং সংকটম্। পদাতিধ্বজসংকুলমিতি ঝ. পাঠঃ ॥ 3-16-7 অভিসারয়ামাস নগরসমীপং গময়ামাস। সৈন্যং পতগেন্দ্রবৎসৌভং চোপরিতঃ অভিসারয়ামাস ॥ 3-16-8 আপতন্সমাপতৎ ॥ 3-16-16 ক্ষেমধূর্তিঃ স্ময়ন্নিবেতি ক. ট. পাঠঃ। অপায়াৎপলায়িতঃ ॥ 3-16-18 অভিপন্নঃ আভিমুখ্যেনাসাদিতঃ ॥ 3-16-19 ব্যাবিধ্য সত্যবিক্রমঃ ইতি ঝ. পাঠঃ। তত্র ব্যাবিধ্য ভ্রাময়িৎবেত্যর্থঃ ॥ 3-16-20 রুগ্ণঃ ক্ষুণ্ণশ্চ গজাদিপদাঘাতৈঃ ॥ 3-16-27 সৌভেন খেচরেণ পুরেণ ॥ 3-16-29 নির্যায় নির্গত্য। অবস্থাপ্য আশ্বাস্য। আনর্তানাং দ্বারকাবাসিনাম্ ॥ 3-16-31 ধনুর্ভুজবিনির্মুক্তৈঃ ধনুষঃ ভুজেন কৌটিল্যেন অত্যাকর্ষণজেন নির্মুক্তৈঃ. ভুজ কৌটিল্যে তুদাদিঃ ॥ 3-16-33 ধিষ্ঠিতং অধিষ্ঠিতম্ ॥অরণ্যপর্ব - অধ্যায় 017
॥ শ্রীঃ ॥
3.17. অধ্যায়ঃ 017
Mahabharata - Vana Parva - Chapter Topics
কৃষ্ণেন্ যুধিষ্ঠিরংপ্রতি সাল্বপ্রদ্যুম্নয়ুদ্ধবর্ণনম্ ॥ 1 ॥Mahabharata - Vana Parva - Chapter Text
3-17-0 (16339)
বাসুদেব উবাচ। 3-17-0x (1831)
এবমুক্ৎবা রৌক্মিণেয়ো যাদবান্যাদবর্ষভ।
দংশিতৈর্হরিভির্যুক্তং রথমাস্থায় কাঞ্চনম্ ॥ 3-17-1 (16340)
উচ্ছ্রিত্য মকরং কেতুং ব্যাত্তাননমলঙ্কৃতম্।
উৎপতদ্ভিরিবাকাশং তৈর্হয়ৈরন্বয়াৎপরান্ ॥ 3-17-2 (16341)
বিক্ষিপন্নাদয়ংশ্চাপি ধনুঃ শ্রেষ্ঠং মহাবলৈঃ।
তূণখঙ্গধরঃ শূরো বদ্ধগোধাঙ্গুলিত্রবান্ ॥ 3-17-3 (16342)
সবিদ্যুচ্ছুরিতং চাপং বিহরন্বৈ তলাত্তলম্।
মোহয়ামাস দৈতেয়ান্সর্বান্সৌভনিবাসিনঃ ॥ 3-17-4 (16343)
তস্য বিক্ষিপতশ্চাপং সংদধানস্য চাসকৃৎ।
নান্তরং দদৃশে কশ্চিন্নঘ্নিতঃ শাত্রবান্রণে ॥ 3-17-5 (16344)
মুখস্য বর্ণো ন বিকল্পতেঽস্য
চেলুশ্চ গাত্রাণি ন চাপি তস্য।
সিংহোন্নতং চাপ্যভিগর্জতোঽস্য
শুশ্রাব লোকোঽদ্ভুতবীর্যমগ্র্যম্ ॥ 3-17-6 (16345)
জলেচরঃ কাঞ্চনয়ষ্টিসংস্থো
ব্যাত্তাননঃ শত্রুবলপ্রমাথী।
বিত্রাসয়ন্রাজতি বাহমুখ্যে
সাল্বস্য সেনাপ্রমুখে ধ্বজাগ্র্যঃ ॥ 3-17-7 (16346)
ততস্তূর্ণং বিনিষ্পত্য প্রদ্যুম্নঃ শত্রুকর্শনঃ।
সাল্বমেবাভিদুদ্রাব বিধিৎসুঃ কলহং নৃপ ॥ 3-17-8 (16347)
অভিয়ানং তু বীরেণ প্রদ্যুম্নেন মহারণে।
নামর্ষয়ত সংক্রুদ্বঃ সাল্বঃ কুরুকুলোদ্বহ ॥ 3-17-9 (16348)
সরোষমহমত্তো বৈ কামগাদবরুহ্য চ।
প্রদ্যুম্নং যোধয়ামাস সাল্বঃ পরপুরংজয়ঃ ॥ 3-17-10 (16349)
তয়োঃ সুতুমুলং যুদ্ধং সাল্ববৃষ্ণিপ্রবীরয়োঃ।
সমেতা দদৃশুর্লোকা বলিবাসবয়োরিব ॥ 3-17-11 (16350)
তস্য মায়াময়ো বীর রথো হেমপরিষ্কৃতঃ।
সপতাকঃ সধ্বজশ্চ সানুকর্ষঃ স তূণবান্ ॥ 3-17-12 (16351)
স তং রথবরং শ্রীমান্সমারুহ্য কিল প্রভো।
মুমোচ বাণান্কৌখ্য প্রদ্যুম্নায় মহাবলঃ ॥ 3-17-13 (16352)
ততো বাণময়ং বর্ষং ব্যসৃজত্তরসা রণে।
প্রদ্যুম্নো ভুজবেগেন সাল্বং সংমোহয়ন্নিব ॥ 3-17-14 (16353)
স তৈরভিহতঃ সঙ্খ্যে নামর্যত সৌভরাট্।
শরান্দীপ্তাগ্নিসংকাশান্মুমোচ তনয়ে মম ॥ 3-17-15 (16354)
তমাপতন্তং বাণৌধং স চিচ্ছেদ মহাবলঃ।
ততশ্চান্যাঞ্শরান্দীপ্তান্প্রচিক্ষেপ সুতে মম ॥ 3-17-16 (16355)
স সাল্ববাণৈ রাজেন্দ্র বিদ্ধো রুক্মিণিনন্দনঃ।
মুমোচ বাণং ৎবরিতো মর্মভেদিনমাহবে ॥ 3-17-17 (16356)
তস্য বর্ম বিভিদ্যাশু স বাণো মৎসুতেরিতঃ।
বিবেশ হৃদয়ং পত্রী স পপাত ভৃশহতঃ ॥ 3-17-18 (16357)
তস্মিন্নিপতিতে বীরে সাল্বরাজে বিচেতসি।
সংপ্রদ্রবন্দানবেন্দ্রা দারয়ন্তো বসুংধরাম্ ॥ 3-17-19 (16358)
হাহাকৃতমভূৎসৈন্যং সাল্বস্য পৃথিবীপতে।
নষ্টসংজ্ঞে নিপতিতে তদা সৌভপতৌ নৃপে ॥ 3-17-20 (16359)
তত উত্থায় রাজেন্দ্র প্রতিলভ্য চ চেতনাম্।
মুমোচ বাণান্সহসা প্রদ্যুম্নায় মহাবলঃ ॥ 3-17-21 (16360)
তেন বাণেন মহতা প্রদ্যুম্নঃ সমরে স্থিতঃ।
জত্রুদেশে ভৃশং বিদ্ধো ব্যথিতো দদৃশে তদা ॥ 3-17-22 (16361)
তং স বিদ্ধ্বা মহারাজ সাল্বো রুক্মিণিনন্দনম্।
ননাদ সিংহনাদং বৈ নাদেনাপূরয়ন্মহীম্ ॥ 3-17-23 (16362)
ততো মোহং সমাপন্নে তনয়ে মম ভারত।
মুমোচ বাণাংস্ৎবরিতঃ পুনরন্যান্দুরাত্মবান্ ॥ 3-17-24 (16363)
স তৈরভিহতো বাণৈর্বহুভিস্তেন মোহিতঃ।
নিশ্চেষ্টঃ কৌরবশ্রেষ্ঠ প্রদ্যুম্নোঽভূদ্রণাজিরে ॥ 3-17-25 (16364)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি সপ্তদশোঽধ্যায়ঃ ॥ 17 ॥
Mahabharata - Vana Parva - Chapter Footnotes
3-17-1 হরিভিঃ অশ্বৈঃ ॥ 3-17-2 ব্যাত্তাননমিবান্তকং ইতি ঝ. পাঠঃ। অন্বয়াৎ উপগতঃ ॥ 3-17-3 বিক্ষিপন্ পরান্ধিক্বুর্বন্। মহাহলৈঃ হয়ৈঃ ॥ 3-17-4 সমানং বিদ্যুচ্ছুরিতেন বিদ্যুৎকম্পনেনেতি। বিদ্যুচ্ছুরিতম্। তলাত্তলং সব্যাপসব্যহস্ততলপরিবর্তেন ॥ 3-17-5 বিক্ষিপ্তঃ কর্ষতঃ ॥ 3-17-6 বিকল্পতে ভিদ্যতে ॥ 3-17-7 জলেচরঃ মীনঃ। সর্বতিমিপ্রমাথী ইতি ঝ. পাঠঃ। বাহমুখ্যে রথষেষ্ঠে ॥ 3-17-12 সানুকর্ষঃ রথাধস্থকাষ্ঠং অনুকর্ষঃ সঃ। রথঃ তূণবান্ ॥ 3-17-16 আপততেতি বিসর্গলোপ আর্ষঃ ॥ 3-17-22 জত্রুদেশে কণ্ঠমূলে ॥অরণ্যপর্ব - অধ্যায় 018
॥ শ্রীঃ ॥
3.18. অধ্যায়ঃ 018
Mahabharata - Vana Parva - Chapter Topics
প্রদ্যুম্নে সাল্ববাণাভিহত্যা মূর্চ্ছিতে সারথিনা রণাঙ্গণাদন্যতো রথয়াপনম্ ॥ 1 ॥ ততঃ প্রতিবুদ্ধেন প্রদ্যুম্নেন সারধিং প্রতি সবিষাদোক্তিঃ ॥ 2 ॥Mahabharata - Vana Parva - Chapter Text
3-18-0 (16365)
বাসুদেব উবাচ। 3-18-0x (1832)
সাল্ববাণার্দিতে তস্মিন্প্রদ্যুম্নে বলিনাংবরে।
বৃষ্ণয়ো ভগ্নসংকল্পা বিব্যথুঃ পৃতনামুখে ॥ 3-18-1 (16366)
হাহাকৃতমভূৎসর্বং বৃষ্ণ্যন্ধকবলং ততঃ।
প্রদ্যুম্নে মোহিতে রাজন্সাল্বঃ প্রমুদিতোঽভবৎ ॥ 3-18-2 (16367)
তং তথা মোহিতং দৃষ্ট্বা সারথির্জবনৈর্হয়ৈঃ।
রণাদপাহরত্তূর্ণং শিক্ষিতো দারুকিস্তদা ॥ 3-18-3 (16368)
নাতিদূরাপয়াতে তু রথে রথবরপ্রণুৎ।
ধনুর্গৃহীৎবা যন্তারং লব্ধসজ্ঞোঽব্রবীদিদম্ ॥ 3-18-4 (16369)
সৌতে কিং তে ব্যবসিতং কস্মাদ্যাসি পরাঙ্মুখঃ।
নৈষ বৃষ্ণিপ্রবীরাণামাহবে ধর্ম উচ্যতে ॥ 3-18-5 (16370)
কচ্চিৎসৌতে ন তে মোহঃ সাল্বং দৃষ্ট্বা মহাহবে।
বিষাদো বা রণঁ দৃষ্ট্বা ব্রূহি মে ৎবং যথাতথম্ ॥ 3-18-6 (16371)
সৌতিরুবাচ। 3-18-7x (1833)
জানার্দনে ন মে মোহো নাপি মাং ভয়মাবিশৎ।
অতিভারং তু তে মন্যে সাল্বং কেশবনন্দন ॥ 3-18-7 (16372)
সোভিয়াতি শনৈর্বীর বলবানেষ পাপকৃৎ।
মোহিতশ্চ রণে শূরো রক্ষ্যঃ সারথিনা রথী ॥ 3-18-8 (16373)
আয়ুষ্মংস্ৎবং ময়া নিত্যং রক্ষিতব্যস্ৎবয়াঽপ্যহম্।
রক্ষিতব্যো রণে নিত্যমিতি কৃৎবাঽপয়াম্যহম্ ॥ 3-18-9 (16374)
একশ্চাসি মহাবাহো বহবশ্চাপি দানবাঃ।
ন সমং রৌক্মিণেয়াহং রণএ মৎবাঽপয়ামি বা ॥ 3-18-10 (16375)
বাসুদেব উবাচ। 3-18-11x (1834)
এবং ব্রুবতি সূতে তু তদা মকরকেতুমান্।
উবাচ সূতং কৌরব্য সংনিবর্ত্য রথং পুনঃ ॥ 3-18-11 (16376)
দারুকাত্মজ মৈবং ৎবং পুনঃ কার্ষীঃ কথংচন।
ন্যপয়ানং রণাৎসৌতে জীবতো মম কর্হিচিৎ ॥ 3-18-12 (16377)
ন স বৃষ্ণিকুলে জাতো যো বৈ ত্যজতি সংগরম্।
যো বা নিপতিতং হন্তি তবাস্মীতি চ বাদিনম্ ॥ 3-18-13 (16378)
তথা স্ত্রিয়ং চ যো হন্তি বালং বৃদ্ধং তথৈব চ।
বিরথং মুক্তকেশং চ ভগ্নশস্ত্রায়ুধং তথা ॥ 3-18-14 (16379)
ৎবং চ সূতকুলে জাতো বিদিতঃ সূতকর্মণি।
ধর্মজ্ঞশ্চাসি বৃষ্ণীনামাহবেষ্বপি দারুকে ॥ 3-18-15 (16380)
স জানংশ্চরিতং কৃৎস্নং বৃষ্ণীনাং পৃতনামুখে।
অপয়ানং পুন সৌতে মৈবং কার্ষীঃ কথংচন ॥ 3-18-16 (16381)
অপয়াতং হতং পৃষ্ঠে ভ্রান্তং রণপলায়িতম্।
গদাগ্রজো দুরাধর্ষঃ কিং মাং বক্ষ্যতি মাধবঃ ॥ 3-18-17 (16382)
কেশবস্যাগ্রজো বাঽপি নীলবাসা মদোৎকটঃ।
কিং বক্ষ্যতি মহাবাহুর্বলদেবঃ সমাগতঃ ॥ 3-18-18 (16383)
কিং বক্ষ্যতিশিনের্নপ্তা রণসিংহো মহারথঃ।
অপয়াতং রণাৎসূত সাম্বশ্চ সমিতিংজয়ঃ ॥ 3-18-19 (16384)
চারুদেষ্ণশ্চ দুর্ধর্ষস্তথৈব গদসারণৌ।
অক্রূরশ্চ মহাবাহুঃ কিং মাং বক্ষ্যতি সারথে ॥ 3-18-20 (16385)
শূরং সংভাবিতং শান্তং নিত্যং পুরুষমানিনম্।
স্ত্রিয়শ্চ বৃষ্ণিবীরাণাং কিং মাংবক্ষ্যন্তি সংগতাঃ ॥ 3-18-21 (16386)
প্রদ্যুম্নোঽয়মুপায়াতি ভীতস্ত্যক্ৎবা মহাহবম্।
ধিগেনমিতি বক্ষ্যন্তি ন তু বক্ষ্যন্তি সাধ্বিতি ॥ 3-18-22 (16387)
ধিগ্বাচা পরিহাসোপি মম বা মদ্বিধস্য বা।
মৃত্যুনাঽভ্যধিকঃ সৌতে স ৎবং মাব্যপয়াঃ পুনঃ ॥ 3-18-23 (16388)
ভারং হি ময়ি সংন্যস্য যাতো মধুনিহা হরিঃ।
যজ্ঞং বারতসিংহস্য ন হি শক্যোঽদ্যমর্ষিতুম্ । 3-18-24 (16389)
কৃতবর্মা ময়া বীরো নির্যাস্যন্নেব বারিতঃ।
সাল্বং নিবারয়িষ্যেঽহং তিষ্ঠ ৎবমিতি সূতজ ॥ 3-18-25 (16390)
স চ সংভাবয়ন্মাং বৈ নিবৃত্তো হৃদিকাত্মজঃ।
তং সমেত্য রণং ত্যক্ৎবা কিং বক্ষ্যামি মহারথং ॥ 3-18-26 (16391)
উপয়ান্তং দুরাধর্ষং শঙ্খচক্রগদাধরম্।
পুরুষং পুণ্ডরীকাক্ষং কিং বক্ষ্যামি মহাভুজম্ ॥ 3-18-27 (16392)
সাত্যকিং বলদেবং চ যে চান্যেঽন্ধকবৃষ্ণয়ঃ।
ময়া স্পর্ধন্তি সততং কিং নু বক্ষ্যামি তানহং ॥ 3-18-28 (16393)
ত্যক্ৎবা রণমিমং সৌতে পৃষ্ঠতোঽভ্যাহতঃ শরৈঃ।
ৎবয়াঽপনীতী বিবশো ন জীবেয়ং কথংচন ॥ 3-18-29 (16394)
সংনিবর্ত রথেনাশু পুনর্দারুকনন্দন।
ন চৈতদেবং কর্তব্যমথাপৎসু কথংচন ॥ 3-18-30 (16395)
ন জীবিতমহং সৌতে বহু মন্যে কথংচন।
অপয়াতো রণাদ্ভীতঃ পৃষ্ঠতোঽভ্যাহতঃ শরৈঃ ॥ 3-18-31 (16396)
কদাঽপি সূতপুত্র ৎবং জানীষে মাং ভয়ার্দিতম্।
অপয়াতং রণং হিৎবা যথা কাপুরুষং তথা ॥ 3-18-32 (16397)
অয়ুক্তং তু ময়া ত্যক্তুং সংগ্রামং দারুকাত্মজ।
ময়ি যুদ্ধার্থিনি ভৃশং স ৎবং যাহি যতো রণম্ ॥ 3-18-33 (16398)
ইতি শ্রীমন্মহাভারতে অরণ্যপর্ণণি অর্জুনাভিগমনপর্বণি অষ্টাদশোঽধ্যায়ঃ ॥ 19 ॥
Mahabharata - Vana Parva - Chapter Footnotes
3-18-2 পরে চ মুদিতা ভৃশম্। ইতি ঝ. পাঠঃ ॥ 3-18-11 রথং পুনঃ ইতি ঝ. পাঠঃ ॥ 3-18-19 শিনের্নপ্তা সাত্যকিঃ ॥অরণ্যপর্ব - অধ্যায় 019
॥ শ্রীঃ ॥
3.19. অধ্যায়ঃ 019
Mahabharata - Vana Parva - Chapter Topics
প্রদ্যুম্নপরাজিতস্য সাল্বস্য রণাদপয়ানম্ ॥ 1 ॥Mahabharata - Vana Parva - Chapter Text
3-19-0 (16399)
বাসুদেব উবাচ। 3-19-0x (1835)
এবমুক্তস্তু কৌন্তেয় সূতপুত্রস্ততো মৃধে।
প্রদ্যুম্নমব্রবীচ্ছ্লক্ষ্ণং মধুরং বাক্যমঞ্জসা ॥ 3-19-1 (16400)
ন মে ভয়ং রৌক্মিণেয় সংগ্রামে যচ্ছতো হয়ান্।
যুদ্ধজ্ঞোস্মি চ বৃষ্ণীনাং নাত্র কিংচিদতোঽন্যথা ॥ 3-19-2 (16401)
আয়ুষ্মন্নুপদেশস্তু সারথ্যে বর্ততাং স্মৃতঃ।
সর্বার্থেষু রথী রক্ষ্যস্ৎবং চাপি ভৃশপীডিতঃ ॥ 3-19-3 (16402)
ৎবং হি সাল্বপ্রয়ুক্তেন শরেণাভিহতো ভৃশম্।
কশ্মলাভিহতো বীর ততোঽহমপয়াতবান্ ॥ 3-19-4 (16403)
সৎবং সাৎবতমুখ্যাদ্য লব্ধসংজ্ঞো যদৃচ্ছয়া।
পশ্য মে হয়সংয়ানে শিক্ষাং কেশবনন্দন ॥ 3-19-5 (16404)
দারুকেণাহমুৎপন্নো যথাবচ্চৈব শিক্ষিতঃ।
বীতভীঃ প্রবিশাম্যেতাং সাল্বস্য মহতীং চমূম্ ॥ 3-19-6 (16405)
বাসুদেব উবাচ। 3-19-7x (1836)
এবমুক্ৎবা ততো বীরো হয়ান্সংচোদ্য সংগরে।
রশ্মিভিস্তু সমুদ্যম্য জবেনাভ্যপতত্তদা ॥ 3-19-7 (16406)
মণ্ডলানি বিচিত্রাণি যমকানীতরাণি চ।
সব্যানি চ বিচিত্রাণি দক্ষিণানি চ সর্বশঃ ॥ 3-19-8 (16407)
প্রতোদেনাহতা রাজন্রশ্মিভিশ্চ সমুদ্যতাঃ।
উৎপতন্ত ইবাকাশং বিবভুস্তে হয়োত্তমাঃ ॥ 3-19-9 (16408)
তে হস্তলাঘবোপেতং বিজ্ঞায় নৃপ দারুকিম্।
উহ্যমানা ইব তদা নাস্পৃশংশ্চরণৈর্মহীম্ ॥ 3-19-10 (16409)
সোপসব্যাং চমূং তস্য সাল্বস্য ভরতর্ষভ।
চকার নাতিয়ত্নেন তদদ্ভুতমিবাভবৎ ॥ 3-19-11 (16410)
অমৃষ্যমাণোপসব্যং সাল্বঃ সমিতিদারুণঃ।
যন্তারমস্য সহসা ত্রিভির্বাণৈঃ সমার্দয়ৎ ॥ 3-19-12 (16411)
দারুকস্য সুতস্তং তু বাণবেগমচিন্তয়ন্।
ভূয় এব মহাবাহো প্রয়যাবপসব্যতঃ ॥ 3-19-13 (16412)
ততো বাণান্বহুবিধান্পুনরেব স সৌভরাট্।
মুমোচ তনয়ে বীর মম রুক্মিণিনন্দনে ॥ 3-19-14 (16413)
তানপ্রাপ্তাঞ্শিতৈর্ব্রাণৈশ্চিচ্ছেদ পরবীরহা।
রৌক্মিণেয়ঃ স্মিতং কৃৎবা দর্শয়ন্হস্তলাঘবং ॥ 3-19-15 (16414)
ছিন্নান্দৃষ্ট্বা তু তান্বাণান্প্রদ্যুম্নেন চ সৌভরাট্।
আসুরীং দারুণীং মায়ামাস্থায় ব্যসৃজচ্ছরান্ ॥ 3-19-16 (16415)
প্রয়ুজ্যমানমাজ্ঞায় দৈতেয়াস্ত্রং মহাবলম্।
ব্রহ্মাস্ত্রেণান্তরা চ্ছিত্ৎবামুমোচান্যন্পতস্ত্রিণঃ ॥ 3-19-17 (16416)
তে তদস্ত্রং বিধূয়াশু বিব্যধূ রুধিরাশনাঃ।
শিরস্যুরসি বক্রে চ স মুমোহ পপাত চ ॥ 3-19-18 (16417)
তস্মিন্নিপতিতে ক্ষুদ্রে সাল্বে বাণপ্রপীডিতে।
রৌক্মিণেয়োঽপরং বাণং সংদধে শত্রতাপনঃ ॥ 3-19-19 (16418)
তমর্চিতং সর্বদাশার্হপূগৈ-
রাশীর্ভিরর্কজ্বলনপ্রকাশম্।
দৃষ্ট্বা শরং জ্যামভিনীয়মানং
বভূব হাহাকৃতমন্তরিক্ষম্ ॥ 3-19-20 (16419)
ততো দেবগণাঃ সর্বে সেন্দ্রাঃ সহধনেশ্বরাঃ।
নারদং প্রেষয়ামাসু- শ্বসনং চ মনোজবম্ ॥ 3-19-21 (16420)
তৌ রৌক্মিণেয়মাগম্য বচোঽব্রূতাং দিবৌকসাম্।
নৈব বধ্যস্ৎবয়া বীর সাল্বরাজঃ কথংচন ॥ 3-19-22 (16421)
সংহরস্ব পুনর্বাণমবধ্যোঽয়ং ৎবয়া রণে।
এতস্য চ শরস্যাজৌ নাবধ্যোস্তি পুমান্ক্বচিৎ ॥ 3-19-23 (16422)
মৃত্যুরস্য মহাবাহো রণে দেবকিনন্দনঃ।
কৃষ্ণঃ সংকল্পিতো ধাত্রা তন্মিথ্যা ন ভবেদিতি ॥ 3-19-24 (16423)
ততঃ পরমসংহৃষ্টঃ প্রদ্যুম্নঃ শরমুত্তমম্।
সংজহার ধনুঃশ্রেষ্ঠাত্তূণে চৈব ন্যবেশয়ৎ ॥ 3-19-25 (16424)
তত উত্থায় রাজেন্দ্র সাল্বঃ পরমদুর্মনাঃ।
ব্যপায়াৎসবলস্তূর্ণং প্রদ্যুম্নশরপীডিতঃ ॥ 3-19-26 (16425)
স দ্বারকাং পরিত্যজ্য সাল্বো বৃষ্ণিভিরার্দিতঃ।
সৌভমাস্থায় রাজেন্দ্র দিবমাচক্রমে তদা ॥ 3-19-27 (16426)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি বিংশোঽধ্যায়ঃ ॥ 20 ॥
Mahabharata - Vana Parva - Chapter Footnotes
3-19-8 যমকানি সদৃশানি। ইতরাণি বিসদৃশানি ॥ 3-19-10 দহ্যমানা ইবেতি খ. ঝ. পাঠঃ ॥অরণ্যপর্ব - অধ্যায় 020
॥ শ্রীঃ ॥
3.20. অধ্যায়ঃ 020
Mahabharata - Vana Parva - Chapter Topics
কৃষ্ণেন যুধিষ্ঠিরংপ্রতি সংবস্য সাল্বেন সহ যুদ্ধপ্রকারকথনম্ ॥ 1 ॥Mahabharata - Vana Parva - Chapter Text
3-20-0 (16427)
বাসুদেব উবাচ। 3-20-0x (1837)
আনর্তনগরং মুক্তং ততোঽহমগমং তদা।
মহাক্রতৌ রাজসূয়ে নিবৃত্তে নৃপতে তব ॥ 3-20-1 (16428)
অপশ্যং দ্বারকাং চাহং মহারাজ হতৎবিষম্।
নিঃস্বাধ্যায়বষট্কারাং নির্ভূষণবরস্ত্রিয়ম্ ॥ 3-20-2 (16429)
অনভিজ্ঞেয়রূপাণি দ্বারকোপবনানি চ।
দৃষ্ট্বা শঙ্কোপপন্নোঽহমপৃচ্ছং হৃদিকাত্মজম্ ॥ 3-20-3 (16430)
অস্বস্থনরনারীকমিদং বৃষ্ণিকুলং ভৃশম্।
কিমিদং নরশার্দূল শ্রোতুমিচ্ছামি তত্ৎবতঃ ॥ 3-20-4 (16431)
এবমুক্তঃ স তু ময়া বিস্তরেণেদমব্রবীৎ।
রোধং মোক্ষং চ সাল্বেন হার্দিক্যো রাজসত্তম ॥ 3-20-5 (16432)
ততোঽহং ভরতশ্রেষ্ঠ শ্রুৎবা সর্বমশেষতঃ।
বিনাশে সাল্বরাজস্য তদৈবাকরবং মতিম্ ॥ 3-20-6 (16433)
ততোঽহং ভরতশ্রেষ্ঠ সমাশ্বাস্য পুরে জনম্ ॥
রাজানমাহুকং চৈব তথৈবাকনদুন্দুভিম্ ॥ 3-20-7 (16434)
সর্বান্বৃষ্ণিপ্রবীরাংশ্চ হর্ষয়ন্নব্রুবং তদা।
অপ্রমাদঃ সদা কার্যো নগরে যাদবর্ষভাঃ ॥ 3-20-8 (16435)
সাল্বরাজবিনাশায় প্রয়াতং মাং নিবোধত।
নাহৎবা তং নিবর্তিষ্যে পুরীং দ্বারবতীং প্রতি ॥ 3-20-9 (16436)
সসাল্বং সৌভনগরং হৎবা দ্রষ্টাস্মি বঃ পুনঃ।
ত্রিঃসামা হন্যতামেষা দুন্দুভিঃ শত্রুভীষণা ॥ 3-20-10 (16437)
তে ময়াঽঽশ্বাসিতা বীরা যথাবদ্ভরতর্ষভ।
সর্বে মামব্রুবন্হৃষ্টাঃ প্রয়াহি জহিশাত্রবান্ ॥ 3-20-11 (16438)
তৈঃ প্রহৃষ্টাত্মভির্বীরৈরাশীর্ভিরভিনন্দিতঃ।
বাচয়িৎবা দ্বিজশ্রেষ্ঠান্প্রণম্য শিরসা ভবম্ ॥ 3-20-12 (16439)
শৈব্যসুগ্রীবয়ুক্তেন রথেনানাদয়ন্দিশঃ।
প্রধ্মায় শঙ্খপ্রবরং পাঞ্চজন্যমহং নৃপ ॥ 3-20-13 (16440)
প্রয়াতোস্মি নরব্যাঘ্র বলেন মহতা বৃতঃ।
ক্লৃপ্তেন চতুরঙ্গেণ যত্তেন জিতকাশিনা ॥ 3-20-14 (16441)
সমতীত্য বহূন্দেশান্গিরীংশ্চ বহুপাদপান্।
সরাংসি সরিতশ্চৈব মার্তিকাবতমাসদম্ ॥ 3-20-15 (16442)
তত্রাশ্রৌষং নরব্যাঘ্র সাল্বং সাগরমন্তিকাৎ।
প্রয়ান্তং সৌভমাস্থায় তমহং পৃষ্ঠতোঽন্বগাম্ ॥ 3-20-16 (16443)
`দৃষ্টবানস্মি রাজেন্দ্র সাল্বরাজমথান্তিকে।'
ততঃ সাগরমাসাদ্য কুক্ষৌ তস্য মহোর্মিণঃ।
সমুদ্রনাভ্যাং সাল্বোঽভূৎসৌভমাস্থায় শত্রুহন্ ॥ 3-20-17 (16444)
`স মামালোক্য সহসা সেনাং স্বাং প্রাহিণোন্মৃধে।
মদ্বাহুনা চ সেনায়াং শিষ্টায়াং কিংচিদেব চ' 3-20-18 (16445)
স সমালোক্য সহসা স্ময়ন্নিব যুধিষ্ঠির।
আহ্বয়ামাস দুষ্টাত্মা যুদ্ধায়ৈব মুহুর্মুহুঃ ॥ 3-20-19 (16446)
তস্য শার্ঙ্গবিনির্মুক্তৈর্বহুভির্মর্মভেদিভিঃ।
পুরং নাসাদ্যত শরৈস্ততো মাং রোষ আবিশৎ ॥ 3-20-20 (16447)
স চাপি পাপপ্রকৃতির্দৈতেয়াপশদো নৃপ।
ময়্যবর্ষত দুর্ধর্ষঃ শরধারাঃ সহস্রশঃ ॥ 3-20-21 (16448)
সৈনিকান্মম সূতং চ হয়াংশ্চ স সমাকিরৎ।
অচিন্তয়ন্তস্তু শরান্বয়ং যুধ্যাম ভারত ॥ 3-20-22 (16449)
ততঃ শতসহস্রাণি শরাণাং নতপর্বণাম্।
চিক্ষিপুঃ সমরে বীরা ময়ি সাল্বপদানুগাঃ ॥ 3-20-23 (16450)
তে হয়াংশ্চ রথং চৈব ধ্বজং দারুকমেব চ।
ছাদয়ামাসুরসুরাস্তৈর্বাণৈর্মর্মভেদিভিঃ ॥ 3-20-24 (16451)
ন হয়া ন রথো বীর ন ধ্বজো ন চ দারুকঃ।
অদৃশ্যন্ত শরৈশ্ছন্নাস্তথাঽহং সৈনিকাশ্চ মে ॥ 3-20-25 (16452)
ততোঽহমপি কৌন্তেয় শরাণাময়ুতান্বহূন্।
আমন্ত্রিতানাং ধনুষা দিব্যেন বিধিনাঽক্ষিপম্ ॥ 3-20-26 (16453)
ন তত্রবিষয়স্ৎবাসীন্মম সৈন্যস্য ভারত।
খে বিষক্তং হি তৎসৌভং ক্রোশমাত্র ইবাভবৎ ॥ 3-20-27 (16454)
ততস্তে প্রেক্ষকাঃ সর্বে দেবা বৈ দিবমাস্থিতাঃ।
হর্ষয়ামাসুরুচ্চৈর্মাং সিংহনাদতলস্বনৈঃ ॥ 3-20-28 (16455)
মৎকার্মুকবিনির্মুক্তা দানবানাং মহারণে।
অঙ্গেষু রুধিরাক্তাস্তে বিবিশুঃ শলভা ইব ॥ 3-20-29 (16456)
ততো হলহলাশব্দঃ সৌভমধ্যে ব্যবর্ধত।
বধ্যতাং বিশিখৈস্তীক্ষ্ণৈঃ পততাং চ মহার্ণবে ॥ 3-20-30 (16457)
তে নিকৃত্তভুজস্কন্ধাঃ কবন্ধাকৃতিদর্শনাঃ।
নদন্তো ভৈরবান্নাদান্নিপতন্তি স্ম দানবাঃ।
পতিতাস্তেঽপি ভক্ষ্যন্তে সমুদ্রাংভোনিবাসিভিঃ ॥ 3-20-31 (16458)
ততো গোক্ষীরকুন্দেন্দুমৃণালরজতপ্রভম্।
জলজং পাঞ্চজন্যং বৈ প্রাণেনাহমপূরয়ম্ ॥ 3-20-32 (16459)
তান্দৃষ্ট্বা পতিতাংস্তত্র সাল্বঃ সৌভপতিস্ততঃ।
মায়ায়ুদ্ধেন মহতা যোধয়ামাস মাং যুধি ॥ 3-20-33 (16460)
ততো গদা হলাঃ প্রাসাঃ শূলশক্তিপরশ্চথাঃ।
অসয়ঃ শক্তিকুলিশপাশর্ষ্টিকনপাঃ শরাঃ।
পট্টসাশ্চ ভুশুণ্ড্যশ্চ প্রপতন্ত্যনিশং ময়ি ॥ 3-20-34 (16461)
তামহং মায়যৈবাশু প্রতিগৃহ্য ব্যনাশয়ম্।
তস্যাং হতায়াং মায়ায়াং গিরিশৃঙ্গৈরয়োধয়ৎ ॥ 3-20-35 (16462)
ততোঽভবত্তম ইব প্রকাশ ইব চাভবৎ।
দুর্দিনং সুদিনং চৈব শীতমুষ্ণং চ ভারত ॥ 3-20-36 (16463)
অঙ্গারপাংসুবর্ষং চ শস্ত্রবর্ষং চ ভারত।
এবং মায়াং প্রকুর্বাণো যোধয়ামাস মাং রিপুঃ ॥ 3-20-37 (16464)
বিজ্ঞায় তদহং সর্বং মায়যৈব ব্যনাশয়ম্।
যথাকালং তু যুদ্ধেন ব্যধমং সর্বতঃ শরৈঃ ॥ 3-20-38 (16465)
`ততো হতায়াং চ ময়া মায়ায়াং যুধি দানবঃ।
মায়ামন্যাং মহারাজ চকার মতিমোহিনীম্ ॥' 3-20-39 (16466)
ততো ব্যোম মহারাজ শতসূর্যমিবাভবৎ।
শতচন্দ্রং চ কৌন্তেয় সহস্রায়ুততারকম্ ॥ 3-20-40 (16467)
ততো নাজ্ঞায়ত তদা দিবারাত্রং তথা দিশঃ।
ততোঽহং মোহমাপন্নঃ প্রজ্ঞাস্ত্রং সময়োজয়ম্ ॥ 3-20-41 (16468)
তদস্ত্রমস্তমস্ত্রেণ বিধূতং শরতূলবৎ।
তথা তদভবদ্যুদ্ধং তুমুলং রোমহর্ষণম্।
লব্ধালোকস্তু রাজেন্দ্র পুনঃ শত্রুময়োধয়ম্ ॥ 3-20-42 (16469)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি বিংশোঽধ্যায়ঃ ॥ 20 ॥
Mahabharata - Vana Parva - Chapter Footnotes
3-20-3 হৃদিকাত্মজং কৃতকর্মাণম্ ॥ 3-20-10 ত্রিঃসামা ত্রিস্বরা নীচমন্দ্রতারভাবেন ॥ 3-20-12 বাচয়িৎবা স্বস্তিবাদানিতি শেষঃ। শিরসা হরমিতি ট. পাঠঃ। শিরসাহুকমিতি ক. পাঠঃ ॥ 3-20-14 জিতকাশিনা জয়শোভিনা ॥ 3-20-15 মার্তিকাবতং দেশবিশেষম্। আসদং প্রাপ্তঃ ॥ 3-20-16 সাগরমন্তিকাৎ সাগরসমীপে। অন্বগাং অনুগতবানস্মি ॥ 3-20-17 মহোর্মিণঃ মহোর্মিমতঃ। ব্রীহ্যাদিৎবাদিনিঃ। নাভ্যাং গর্ভে গুপ্ত ইত্যর্থঃ ॥ 3-20-20 তস্য পুরং মদীয়ৈঃ শরৈর্নাসাদ্যতেতি সংবন্ধঃ ॥ 3-20-26 আমন্ত্রিতানাং অভিমন্ত্রিতানাম্। দিব্যেন বিধিনা অলৌকিকয়া অস্ত্রিবিদ্যযা ॥ 3-20-30 বধ্যতাং বধ্যমানানাম্ ॥ 3-20-32 প্রাণএন বলেন ॥ 3-20-34 শক্ত্যাদীনাং কনো দীপ্তির্গতিঃ শোভা বা তাং পান্তি তে। কার্তিকেয়েন্দ্রবরুণয়মায়ুধতুল্যা ইত্যর্থঃ ॥অরণ্যপর্ব - অধ্যায় 021
॥ শ্রীঃ ॥
3.21. অধ্যায়ঃ 021
Mahabharata - Vana Parva - Chapter Topics
কৃষ্ণসাল্বয়োর্যুদ্ধম্ ॥ 1 ॥ সাল্বেন স্বমায়াসৃষ্টবসুদেবস্য শিরশ্ছেদনপ্রদর্শনেন কৃষ্ণব্যামোহনম্ ॥ 2 ॥ ততো মুহূর্তেন প্রতিবুদ্ধেন কৃষ্ণেন স্বানুভূতস্য মায়িকৎবাধ্যবসায়ঃ ॥ 3 ॥Mahabharata - Vana Parva - Chapter Text
3-21-0 (16470)
বাসুদেব উবাচ। 3-21-0x (1838)
এবং স পুরুষব্যাঘ্রঃ সাল্বো রাজ্ঞং মহারিপুঃ।
যুধ্যমানো ময়া সঙ্খ্যে বিয়দভ্যগমৎপুনঃ ॥ 3-21-1 (16471)
ততঃ শতঘ্নীশ্চ মহাগদাশ্চ
দীপ্তাশ্চ শূলান্মুসলানসীংশ্চ।
চিক্ষেপ রোষান্ময়ি মন্দবুদ্ধিঃ
সাল্বো মহারাজ জয়াভিকাঙ্ক্ষী ॥ 3-21-2 (16472)
তানাশুগৈরাপততোঽহমাশু
নিবার্য তূর্ণং খগমান্খ এব।
দ্বিধা ত্রিতা চাচ্ছিনমাশু মুক্তৈ-
স্ততোঽন্তরিক্ষে নিনদো বভূব ॥ 3-21-3 (16473)
ততঃ শতসহস্রেণ শরাণাং নতপর্বণাম্।
দারুকং বাজিনশ্চৈব রথং চ সমবাকিরৎ ॥ 3-21-4 (16474)
ততো মামব্রবীদ্বীর দারুকো বিহ্বলন্নিব।
স্থাতব্যমিতি তিষ্ঠামি সাল্ববাণপ্রপীডিতঃ।
অবস্থাতুং ন শক্নোমি অঙ্গং মে ব্যবসীদতি ॥ 3-21-5 (16475)
ইতি তস্য নিশম্যাহং সারথেঃ করুণং বচঃ।
অবেক্ষমাণো যন্তারমপশ্যং শরপীডিতম্ ॥ 3-21-6 (16476)
ন তস্যোরসি নো মূর্ধ্নি ন কায়ে ন ভুজদ্বয়ে।
অন্তরং পাণ্ডবশ্রেষ্ঠ পশ্যাম্যনিচিতং শরৈঃ ॥ 3-21-7 (16477)
স তু বাণবরোৎপীডাদ্বিস্রবত্যসৃগুল্বণম্।
অভিবৃষ্টো যথা মেঘৈর্গিরির্গৈরিকধাতুমান্ ॥ 3-21-8 (16478)
অভীশুহস্তং তং দৃষ্ট্বা সীদন্তং সারথিং রণে।
অস্তম্ভয়ং মহাবাহো সাল্ববাণপ্রপীডিতম্ ॥ 3-21-9 (16479)
অথ মাং পুরুষঃ কশ্চিদ্দ্বারকানিলয়োঽব্রবীৎ।
ৎবরিতো রথমারোপ্য সৌহৃদাদিব ভারত ॥ 3-21-10 (16480)
আহুকস্য বচো বীর তস্যৈব পরিচারকঃ।
বিষণ্ণঃ সন্নকণ্ঠেন তন্নিবোধ যুধিষ্ঠির ॥ 3-21-11 (16481)
দ্বারকাধিপতির্বীর আহ ৎবামাহুকো বচঃ।
কেশবৈহি বিজানীষ্ব যত্ৎবাং পিতৃসখোঽব্রবীৎ ॥ 3-21-12 (16482)
উপয়াৎবা তু সাল্বেন দ্বারকাং বৃষ্ণিনন্দন।
বিষক্তে ৎবয়ি দুর্ধর্ষ ইতঃ শূরসুতো বলাৎ ॥ 3-21-13 (16483)
তদলং সাধুয়ুদ্ধেন নিবর্তস্ব জনার্দন।
দ্বারকামেব রক্ষস্ব কার্যমেতন্মহত্তব ॥ 3-21-14 (16484)
ইত্যহং তস্য বচনং শ্রুৎবা পরমদুর্মনাঃ।
নিশ্চয়ং নাধিগচ্ছামি কর্তব্যস্যেতরস্য চ ॥ 3-21-15 (16485)
সাত্যকিং বলদেবং চ প্রদ্যুম্নং চ মহাংরথম্।
জগর্হে মনসা বীর তচ্ছ্রুৎবা মহদপ্রিয়ম্ ॥ 3-21-16 (16486)
অহং হি দ্বারকায়াশ্চ পিতুশ্চ কুরুনন্দন।
তেষু রক্ষাং সমাধায় প্রয়াতঃ সৌভয়াতনে ॥ 3-21-17 (16487)
বলদেবো মহাবাহুঃ কচ্চিজ্জীবতি শত্রুহা।
সাত্যকী রৌক্মিণেয়শ্চ চারুদেষ্ণশ্চ বীর্যবান্।
সাম্বপ্রভৃতয়শ্চৈবেত্যহমাসং সুদুর্মনাঃ ॥ 3-21-18 (16488)
এতেষু হি নরব্যাঘ্র জীবৎসু ন কথংচন।
শক্যঃ শূরসুতো হন্তুমপি বজ্রভৃতা স্বয়ম্ ॥ 3-21-19 (16489)
হতঃ শূরসুতো ব্যক্তং ব্যক্তং চৈতে পরাসবঃ।
বলদেবমুখাঃ সর্ব ইতি মে নিশ্চিতা মতিঃ ॥ 3-21-20 (16490)
সোহং সর্ববিনাশং তং চিন্তয়ানো মুহুর্মুহুঃ।
অবিহ্বলো মহারাজ পুনঃ সাল্বময়োধয়ম্ ॥ 3-21-21 (16491)
তদোঽপশ্যং মহারাজ প্রপতন্তমহং তদা।
সৌভাচ্ছূরসুতং বীর ততো মাং মোহ আবিশৎ ॥ 3-21-22 (16492)
তস্য রূপং প্রপততঃ পিতুর্মম নরাধিপ।
যয়াতেঃ ক্ষীণপুণ্যস্য স্বর্গাদিব ভহীতলম্ ॥ 3-21-23 (16493)
বিশীর্ণমলিনোষ্ণীপপ্রকীর্ণাম্বরমূর্ধজঃ।
প্রপতন্দৃশ্যতে হ স্ম ক্ষীণপুণ্য ইব গ্রহঃ ॥ 3-21-24 (16494)
ততঃ শার্ঙ্গং ধনুঃশ্রেষ্ঠং করাৎপ্রপতিতং মম।
মোহাপন্নশ্চ কৌন্তেয় রথোপস্থ উপাবিশম্ ॥ 3-21-25 (16495)
ততো হাহাকৃতং সর্বং সৈন্যং মে গতচেতনম্।
মাং দৃষ্ট্বা রথনীডস্থং গতাসুমিব ভারত ॥ 3-21-26 (16496)
প্রসার্য বাহূ পততঃ প্রসার্য চরণাবপি।
রূপং পিতুর্মে বিবভৌ শকুনে- পততো যথা ॥ 3-21-27 (16497)
তং পতন্তং মহাবাহো শূলপট্টসপাণয়ঃ।
অভিঘ্নন্তো ভৃশং বীর মম চোতোহ্যকম্পয়ন্ ॥ 3-21-28 (16498)
ততো মুহূর্তাৎপ্রতিলভ্য সংজ্ঞা-
মহং তদা বীর মহাবিমর্দে।
ন তত্রসৌমং ন রিপুং চ সাল্বং
পশ্যামি বৃদ্ধং পিতরং ন চাপি ॥ 3-21-29 (16499)
ততো মমাসীন্মনসি মায়েয়মিতি নিশ্চিতম্।
প্রবুদ্ধোস্মি ততো ভূয়ঃ শতশো বাঽকিরং শরান্ ॥ 3-21-30 (16500)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি একবিংশোঽধ্যায়ঃ ॥ 21 ॥
Mahabharata - Vana Parva - Chapter Footnotes
3-21-8 বাণরোৎপীডাৎ ক্ষতস্থানাৎ। উল্বণমুৎকটম্ ॥ 3-21-9 অস্তম্ভয়মাশ্বাসিতবান্ ॥ 3-21-12 পিতৃসখ আহুকঃ ॥ 3-21-13 বিষক্তেঽন্যত্র ব্যাসক্তে। শূরসুতো বসুদেবঃ ॥ 3-21-16 জগর্হে নিন্দিতবান্ ॥অরণ্যপর্ব - অধ্যায় 022
॥ শ্রীঃ ॥
3.22. অধ্যায়ঃ 022
Mahabharata - Vana Parva - Chapter Topics
কৃষ্ণেন যুধিষ্ঠিরংপ্রতি স্বেন সাল্বসংহারকথনপূর্বকং সুভদ্রাভিমন্যুমভ্যাং সহ দ্বারকাগমনম্ ॥ 1 ॥ ধৃষ্টদ্যুম্নধৃষ্টকেতুভ্যাং যথাক্রমং দ্রৌপদেয়ান্নকুলভার্যাং স্বস্বনগরগমনম্ ॥ 2 ॥Mahabharata - Vana Parva - Chapter Text
3-22-0 (16501)
বাসুদেব উবাচ। 3-22-0x (1839)
ততোঽহং ভরতশ্রেষ্ঠ প্রগৃহ্যরুচিরং ধনুঃ।
শরৈরপাতয়ং সৌভাচ্ছিরাংসি বিবুধদ্বিষাম্ ॥ 3-22-1 (16502)
শরাংশ্চাশীবিষাকারানূর্ধ্বগাংস্তিগ্মতেজসঃ।
প্রৈষয়ং সাল্বরাজায় শার্ঙ্গমুক্তান্সুবাসসঃ ॥ 3-22-2 (16503)
ততো নাদৃশ্যত তদা সৌভং কুরুকুলোদ্বহ।
অন্তর্হিতং মায়যাঽভূত্ততোঽহং বিস্মিতোঽভবম্ ॥ 3-22-3 (16504)
অথ দানবসঙ্ঘাস্তে বিকৃতাননমূর্ধজাঃ।
উদক্রোশন্মহারাজ ধিষ্ঠিতে ময়ি ভারত ॥ 3-22-4 (16505)
ততোঽস্ত্রং শব্দসাহং বৈ ৎবরমাণো মহারণে।
অয়োজয়ং তদ্বধায় ততঃ শব্দ উপারমৎ ॥ 3-22-5 (16506)
হতাস্তে দানবাঃ সর্বে যৈঃ স শব্দ উদীরিতঃ।
শরৈরাদিত্যসংকশৈর্জ্বলিতৈঃ শব্দসাধনৈঃ ॥ 3-22-6 (16507)
তস্মিন্নুপরতে শব্দে পুনরেবান্যতোঽভবৎ।
শব্দোঽপরো মহারাজ তত্রাপি প্রাহরং শরৈঃ ॥ 3-22-7 (16508)
এবং দশ দিশঃ সর্বাস্তির্যগূর্ধ্বং চ ভারত।
নাদয়ামাসুরসুরাস্তে চাপি নিহতা ময়া ॥ 3-22-8 (16509)
ততঃ প্রাগ্জ্যোতিষং গৎবা পুনরেব ব্যদৃশ্যত।
সৌভং কামগমং বীর মোহয়ন্মম চক্ষুষী ॥ 3-22-9 (16510)
ততো লোকান্তকরণো দানবো দারুণাকৃতিঃ।
শিলাবর্ষেণ মহতা সহসা মাং সমাবৃণোৎ ॥ 3-22-10 (16511)
সোহং পর্বতবর্ষেণ বধ্যমানঃ সমন্ততঃ।
বল্মীক ইব রাজেন্দ্র পর্বতোপচিতোঽভবম্ ॥ 3-22-11 (16512)
ততোঽহং পর্বতচিতঃ সহয়ঃ সহসারথিঃ।
অপ্রখ্যাতিমিয়াং রাজন্সধ্বজঃ পর্বতৈশ্চিতঃ ॥ 3-22-12 (16513)
ততো বৃষ্ণিপ্রবীরা যে মমাসন্সৈনিকাস্তদা।
তে ভয়র্তা দিশঃ সর্বে সহসা বিপ্রদুদ্রুবুঃ ॥ 3-22-13 (16514)
ততো হাহাকৃতমভূৎসর্বং কিল বিশাংপতে।
দ্যৌশ্চ ভূমিশ্চ খং চৈবাদৃশ্যমানে তথা ময়ি ॥ 3-22-14 (16515)
ততো বিষণ্ণমনসো মম রাজন্সুহৃজ্জনাঃ।
রুরুদুশ্চুক্রুশুশ্চৈব দুঃখশোকসমন্বিতাঃ ॥ 3-22-15 (16516)
দ্বিষতাং চ প্রহর্ষোঽভূদার্তিশ্চ সুহৃদামপি।
এবং বিজিতবান্বীর পশ্চাদশ্রৌষমচ্যুত ॥ 3-22-16 (16517)
ততোঽহমিন্দ্রদয়িতং সর্বপাষাণভেদনম্।
বজ্রমুদ্যম্য তান্সর্বান্পর্বতান্সমশাতয়ম্ ॥ 3-22-17 (16518)
ততঃ পর্বতভারার্তা মন্দপ্রাণবিচেষ্টিতাঃ।
হয়া মম মহারাজ বেপমানা ইবাভবন্ ॥ 3-22-18 (16519)
মেঘজাল ইবাকাশে বিদার্যাভ্যুদিতং রবিম্।
দৃষ্ট্বা মাং বান্ধবাঃ সর্বে হর্ষমাহারয়ন্পুনঃ ॥ 3-22-19 (16520)
ততঃ পর্বতভারার্তান্মন্দপ্রাণবিচেষ্টিতান্।
হয়ান্সংদৃশ্য মাং সূতঃ প্রাহ তাৎকালিকং বচঃ ॥ 3-22-20 (16521)
সাধু সংপশ্য বার্ষ্ণেয় সাল্বং সৌভপতিং স্থিতম্।
অলং কৃষ্ণাবমন্যৈনং সাধু যত্নং সমাচর ॥ 3-22-21 (16522)
মার্দবং সখিতাং চৈব সাল্বাদদ্য ব্যপাহর।
জহি সাল্বং মহাবাহো মৈনং জীবয় কেশব ॥ 3-22-22 (16523)
সর্বৈঃ পরাক্রমৈর্বীর বধ্যঃ শত্রুরমিত্রহন্।
ন শত্রুরবমন্তব্যো দুর্বলোঽপি বলীয়সা।
যোপিস্যাৎপীঠগঃ কশ্চিৎকিং পুনঃ সমরে স্থিতঃ ॥ 3-22-23 (16524)
স ৎবং পুরুষশার্দূল সর্বয়ত্নৈরিমং প্রভো।
জহি বৃষ্ণিকুলশ্রেষ্ঠ মা ৎবাং কালোঽত্যগাৎপুনঃ ॥ 3-22-24 (16525)
জিতবাঞ্জামদগ্ন্যং যঃ কোটিবর্ষগণান্বহূন্।
স এষ নান্যৈর্বধ্যো হি ৎবামৃতে নাস্তি কশ্চন ॥ 3-22-25 (16526)
নৈষ মার্দবসাধ্যো বৈ মতো নাপি সখা তব।
যেন ৎবং যোধিতো বীর দ্বারকা চাবমর্দিতা ॥ 3-22-26 (16527)
এবমাদি তু কৌন্তেয় শ্রুৎবাঽহং সারথের্বচঃ।
তৎবমেতদিতি জ্ঞাৎবা যুদ্ধে মতিমধারয়ম্ ॥ 3-22-27 (16528)
বধায় সাল্বরাজস্য সৌভস্য চ নিপাতনে।
দারুকং চাব্রুবং বীর মুহূর্তং স্থীয়তামিতি ॥ 3-22-28 (16529)
ততোঽপ্রতিহতং দিব্যমভোদ্যমতিবীর্যবৎ।
আগ্নেয়মস্ত্রং দয়িতং সর্বসাহং মহাপ্রভম্।
যোজয়ং তত্রধনুষা দানবান্তকরং রণে ॥ 3-22-29 (16530)
যক্ষাণাং রাক্ষসানাং চ দানবানাং চ সংয়ুগে।
রাজ্ঞাং চ প্রতিলোমানাং ভস্মান্তকরণং মহৎ ॥ 3-22-30 (16531)
ক্ষুরান্তমমলং চক্রং কালান্তকয়মোপমম্।
অনুমন্ত্র্যাহমতুলং দ্বিষতাং বিনিবর্হণম্ ॥ 3-22-31 (16532)
জহি সৌভং স্ববীর্যেণ যে চাত্র রিপবো মম।
ইত্যুক্ৎবা ভুজবীর্যেণ তস্মৈ প্রাহিণবং রুষা ॥ 3-22-32 (16533)
রূপং সুদর্শনস্যাসীদাকাশে পততস্তদা।
দ্বিতীয়স্যেব সূর্যস্ যুগান্তে প্রতপিষ্যতঃ ॥ 3-22-33 (16534)
তৎসমাসাদ্য নগরং সৌভং ব্যপগতৎবিষম্।
মধ্যেন পাটয়ামাস ক্রকচো দার্বিবোচ্ছ্রিতম্ ॥ 3-22-34 (16535)
দ্বিধা কৃতং ততঃ সৌভং সুদর্শনবলাদ্ধতম্।
মহেশ্বরশরোদ্ধূতং পপাত ত্রিপুরং যথা ॥ 3-22-35 (16536)
তস্মিন্নিপতিতে সৌভে চক্রমাগাৎকরং মম।
পুনশ্চাদায় বেগেন সাল্বায়েত্যহমব্রুবম্ ॥ 3-22-36 (16537)
ততঃ সাল্বং গদাং গুর্বীমাবিধ্যন্তে মহাহবে।
দ্বিধা চকার সহসা প্রজজ্বাল চ তেজসা ॥ 3-22-37 (16538)
তস্মিন্বিনিহতে বীরে দানবাস্ত্রস্তচেতসঃ।
হাহাভূতা দিশো জগ্মুরর্দিতা মম সায়কৈঃ ॥ 3-22-38 (16539)
ততোঽহংসমবস্থাপ্যরথং সৌভসমীপতঃ।
শঙ্খং প্রধ্মাপ্য হর্ষেণ সুহৃদঃ পর্যহর্ষয়ম্ ॥ 3-22-39 (16540)
তন্মেরুশিখরাকারং বিধ্বস্তাট্টালগোপুরম্।
দহ্যমানমভিপ্রেক্ষ্য স্ত্রিয়স্তাঃ সংপ্রদুদ্রুবুঃ ॥ 3-22-40 (16541)
এবং নিহত্য সমরে সৌভং সাল্বং নিপাত্য চ।
আনর্তাৎপুনরাগম্য সুহৃদাং প্রীতিমাবহম্ ॥ 3-22-41 (16542)
তদেতৎকারণং রাজন্নাগমং নাগসাহ্বয়ম্।
যদ্যাগাং পরবীরঘ্ন ন হি জীবেৎসুয়োধনঃ ॥ 3-22-42 (16543)
ময়্যাগতেঽথবা বীর দ্যূতং ন ভবিতা তথা।
অদ্যাহং কিং করিষ্যামি ভিন্নসেতুরিবোদকম্ ॥ 3-22-43 (16544)
বৈশম্পায়ন উবাচ। 3-22-44x (1840)
এবমুক্ৎবা মহাবাহুঃ কৌরবং পুরুষোত্তমঃ।
আমন্ত্র্য প্রয়যৌ শ্রীমান্পাণ্ডবান্মধুসূদনঃ ॥ 3-22-44 (16545)
অভিবাদ্য মহাবাহুর্ধর্মরাজং যুধিষ্ঠিরম্।
রাজ্ঞা মূর্ধন্যুপাঘ্রাতো ভীমেন চ মহাভুজঃ ॥ 3-22-45 (16546)
পরিষ্বক্তশ্চার্জুনেন যমাভ্যাং চাভিবাদিতঃ।
সংমানিতশ্চ ধৌম্যেন দ্রৌপদ্যা চার্চিতোশ্রুভিঃ ॥ 3-22-46 (16547)
সুভদ্রামভিমন্যুং চ রথমারোপ্য কাঞ্চনম্।
আরুরোহ রথং কৃষ্ণঃ পাণ্ডবৈরভিপূজিতঃ ॥ 3-22-47 (16548)
শৈব্যসুগ্রীবয়ুক্তেন রথেনাদিত্যবর্চসা।
দ্বারকাং প্রয়যৌ কৃষ্ণঃ সমাশ্বাস্য যুধিষ্ঠিরম্ ॥ 3-22-48 (16549)
ততঃ প্রয়তে দাশার্হে ধৃষ্টদ্যুম্নোপি পার্ষতঃ।
দ্রৌপদেয়ানুপাদায় প্রয়যৌ স্বপুরং তদা ॥ 3-22-49 (16550)
ধৃষ্টকেতুঃ স্বসারং চ সমাদায়াথ চেদিরাট্।
জগাম পাণ্ডবান্দৃষ্ট্বা রম্যাং শুক্তিমতীং পুরীম্ ॥ 3-22-50 (16551)
কেকয়াশ্চাপ্যনুজ্ঞাতাঃ কৌন্তেয়েনামিতৌজসা।
আমন্ত্র্য পাণ্ডবান্সর্বান্প্রয়যুস্তেঽপি ভারত ॥ 3-22-51 (16552)
ব্রাহ্মণাশ্চ বিশশ্চৈব তথাবিষয়বাসিনঃ।
বিসৃজ্যমানাঃ সুভৃশং ন ত্যজন্তি স্ম পাণ্ডবান্ ॥ 3-22-52 (16553)
সমবায়ঃ স রাজেন্দ্র সুমহাদ্ভুতদর্শনঃ।
আসীন্মহাত্মনাং তেষাং কাম্যকে ভরতর্ষভ ॥ 3-22-53 (16554)
যুধিষ্ঠিরস্তু বিপ্রাংস্তাননুমান্য মহামনাঃ।
শশাস পুরুষান্কালে রথান্যোজয়তেতি বৈ ॥ 3-22-54 (16555)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি দ্বাবিংশোঽধ্যায়ঃ ॥ 22 ॥
Mahabharata - Vana Parva - Chapter Footnotes
3-22-2 সুবাসসঃ সুপুঙ্খান্ ॥ 3-22-4 বিকৃতাননমূর্ধজা ইতি তেষাং স্বরূপকথনং নতু তদ্দর্শনম্। ধিষ্ঠিতে প্রাগল্ভ্যেন স্থিতে। বিষ্ঠিতে ইতি পাঠেপি সএবার্তঃ ॥ 3-22-5 শব্দএব সাহো লক্ষ্যং যত্রতত্তথা শব্দবেধি শব্দেঽস্ত্রমুপারমন্ন্যপতদিত্যর্থঃ শব্দসাহং শব্দবাধানিবারকং বা ॥ 3-22-6 শব্দসাধনৈঃ শব্দএব সাধনং লক্ষ্যসংবন্ধে কারণং যেষাং তৈঃ। পুরস্যাদৃশ্যৎবাৎ ॥ 3-22-9 আগ্জ্যেতিষং পূর্বসমুদ্রতীরস্থং নগরবিশেষম্। যতঃ কামগমং অতঃ প্রাগ্জ্যোতিষং গৎবা ব্যদৃশ্যত ॥ 3-22-12 অপ্রখ্যাতিং অদর্শনম্। ইয়াং প্রাপ্তবান্ ॥ 3-22-16 এবং মাং সৌভরাজো বিজিতবান্ এতদপ্যহং পশ্চাদশ্রৌষং পূর্বং মোহমাপন্নঃ সন্ সংজ্ঞালার্ভানন্তরং শ্রুতবান্সারথিমুখেনেতি শেষঃ। এবমজ্ঞাতবান্বীরেতি ট. পাঠঃ ॥ 3-22-17 ইন্দ্রদয়িতং ইন্দ্রদৈবত্যম্। বজ্রং বজ্রাস্ত্রম্ সমশাতয়ং নাশিতবান্ ॥ 3-22-19 আহারয়ন্প্রাপ্তবন্তঃ ॥ 3-22-20 তাৎকালিকং তৎকালয়োগ্যম্ ॥ 3-22-23 পীঠগঃ স্বাসনস্থঃ। অয়ুধ্যমানোপীত্যর্থঃ ॥ 3-22-30 প্রতিলোমানাং বিপরিতাচারাণাং ম্লেচ্ছানাম্ ॥ 3-22-31 ক্ষুরান্তং তীক্ষ্ণপরিধি ॥ 3-22-32 তস্মৈ সৌভায়। প্রাহিণবং প্রহিতবান্ ॥ 3-22-33 যুগান্তে পরিবেষ্টত ইতি ট. পাঠঃ ॥ 3-22-34 ক্রকচঃ দন্তুরখঙ্গঃ ॥ 3-22-43 উদকং ধারয়িতুমিতি শেষঃ ॥ 3-22-50 ধৃষ্টকেতুঃ শিশুপালসুতঃ। স্বসারং করেণুমতীং নকুলভার্যাম্ ॥ 3-22-51 কেকয়াঃ সহদেবশ্যালাঃ ॥ 3-22-54 শশাস আজ্ঞাপয়ামাস ॥অরণ্যপর্ব - অধ্যায় 023
॥ শ্রীঃ ॥
3.23. অধ্যায়ঃ 023
Mahabharata - Vana Parva - Chapter Topics
কৃষ্ণাদীনাং পাণ্ডবান্দৃষ্ট্বা বনাৎস্বনগরগমনানন্তরং পাণ্ডবৈঃ পৌরাণামাশ্বাসনপূর্বকং নগরপ্রতি নিবর্তনম্ ॥ 1 ॥Mahabharata - Vana Parva - Chapter Text
3-23-0 (16556)
বৈশম্পায়ন উবাচ। 3-23-0x (1841)
তস্মিন্দশার্হাধিপতৌ প্রয়াতে
যুধিষ্ঠিরো ভীমসেনার্জুনৌ চ।
যমৌ চ কৃষ্ণ চ পুরোহিতশ্চ
রথান্মহার্হান্পরমাশ্বয়ুক্তান্ ॥ 3-23-1 (16557)
অস্থায় বীরাঃ সহিতা বনায়
প্রতস্থিরে ভূতপতিপ্রকাশাঃ।
হিরণ্যনিষ্কান্বসনানি গাশ্চ
গদায় শিক্ষাক্ষরমন্ত্রবিদ্ভ্যঃ ॥ 3-23-2 (16558)
প্রেষ্যাঃ পুরো বিংশতিরাত্তশস্ত্রা
ধনূংষি শস্ত্রাণি শরাংশ্চ দীপ্তান্।
মৌর্বীশ্চ যন্ত্রাণি চ সায়কাংশ্চ
সর্বে সমাদায় জঘন্যমীয়ুঃ ॥ 3-23-3 (16559)
তৎসতু বাসাংসি চ রাজপুত্র্যা
ধাত্র্যশ্চ দাস্যশ্চ বিভূষণং চ।
তদিন্দ্রসেনস্ৎবরিতঃ প্রগৃহ্য
জঘন্যমেবোপয়যৌ রথেন ॥ 3-23-4 (16560)
ততঃ কুরুশ্রেষ্ঠমুপেত্য পৌরাঃ
প্রদক্ষিণং চক্রুরদীনসৎবাঃ।
তং ব্রাহ্মণাশ্চাভ্যবদন্প্রসন্না
মুখ্যাশ্চ সর্বে কুরুজাঙ্গলানাম্ ॥ 3-23-5 (16561)
স চাপি তানভ্যবদৎপ্রসন্নঃ
সহৈব তৈর্ভ্রাতৃভির্ধর্মরাজঃ।
তস্থৌ চ তত্রাধিপতির্মহাত্মা
দৃষ্ট্বা জনৌঘং কুরুজাঙ্গলানাম্ ॥ 3-23-6 (16562)
পিতেব পুত্রেষু স তেষু ভাবং
চক্রে কুরূণামৃষভো মহাত্মা।
তে চাপি তস্মিন্ভরতপ্রবর্হে
তথা বভূবুঃ পিতরীব পুত্রাঃ ॥ 3-23-7 (16563)
ততস্তমাসাদ্য মহাজনৌঘাঃ
কুরুপ্রবীরং পরিবার্য তস্থুঃ।
হানাথ হাধর্ম ইতি ব্রুবাণা
হীতাশ্চ সর্বেঽঽশ্রুমুখা বভূবুঃ ॥ 3-23-8 (16564)
বরঃ কুরূণামধিপঃ প্রজানাং
পিতেব পুত্রানপহায় চাস্মান্।
পৌরানিমাঞ্জানপদাংশ্চ সর্বান্
হিৎবা প্রয়াতঃ ক্বনু ধর্মরাজঃ ॥ 3-23-9 (16565)
ধিগ্ধার্তরাষ্ট্রং সুনৃশংসবুদ্ধিং
ধিক্সৌবলং পাপমতিং চ কর্ণম্।
অনর্থমিচ্ছন্তি নরেন্দ্র পাপা
যে ধর্মনিত্যস্য সতস্তবোগ্রাঃ ॥ 3-23-10 (16566)
স্বয়ং নিবেশ্যাপ্রতিমং মহাত্মা
পুরং মহাদেবপুরপ্রকাশম্।
শতক্রতুপ্রস্থমমোঘকর্মা
হিৎবা প্রয়াতঃ ক্বনু ধর্মরাজঃ ॥ 3-23-11 (16567)
চকার যামপ্রতিমাং মহাত্মা
সভাং ময়ো দেবসভাপ্রকাশাম্।
তাং দেবগুপ্তামিব দেবমায়াং
হিৎবাপ্রয়াতঃ ক্বনু ধর্মরাজঃ ॥ 3-23-12 (16568)
তান্ধর্মকামার্থবিদুত্তমৌজা
বীভৎসুরুচ্চৈঃ সহিতানুবাচ।
আদাস্যতে বাসমিমং নিরুষ্য
রবনেষু রাজা দ্বিষতাং যশাংসি ॥ 3-23-13 (16569)
দ্বিজাতিমুখ্যাঃ সহিতাঃ পৃথক্ব
ভবদ্ভিরাসাদ্য তপস্বিনশ্চ।
প্রসাদ্য ধর্মার্থবিদশ্চ বাচ্যা
যথার্থসিদ্ধিঃ পরমা ভবেন্নঃ ॥ 3-23-14 (16570)
ইত্যেবমুক্তে বচনেঽঽর্জুনেন
তে ব্রাহ্মণাঃ সর্ববর্ণাশ্চ রাজন্।
মুদাঽভ্যনন্দন্সহিতাশ্চ চক্রুঃ
প্রদক্ষিণং ধর্মভৃতাংবরিষ্ঠম্ ॥ 3-23-15 (16571)
আমন্ত্র্য পার্থং চ বৃকোদরং চ
ধনংজয়ং যাজ্ঞসেনীং যমৌ চ।
প্রতস্থিরে রাষ্ট্রমরপেতহার্ষা
যুধিষ্ঠিরেণানুমতা যথাস্বম্ ॥ 3-23-16 (16572)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি ত্রয়োবিংশোঽধ্যায়ঃ ॥ 23 ॥
Mahabharata - Vana Parva - Chapter Footnotes
3-23-1 ভূতপতিঃ শিবঃ। নিষ্কঃ অষ্টোত্তরশতং সুবর্ণানি বক্ষোঽলংকারো বা। শিক্ষেতিব্যাকরণাদ্যঙ্গানামুপলক্ষণম্। অক্ষরাণি বেদঃ। নিত্যৎবাৎক্ষরণশূন্যঃ। মন্ত্রঃ প্রণবঃ ॥ 3-23-3 পুর প্রাগেব। জঘন্যং পাশ্চাত্যং দ্বারকাদেশম্ ॥ 3-23-4 রাজপুত্র্যা সুভদ্রয়া সহা ॥ 3-23-7 তদা বভূবুরিতি ঝ. পাঠঃ ॥ 3-23-8 হীতাঃ কুরাজ্যে তিষ্ঠাম ইতি লজ্জিতাঃ ॥ 3-23-10 অনর্থং দ্যূতজম্ ॥ 3-23-13 বীভৎসুরর্জুনঃ আদাস্যতে আচ্ছিদ্য গ্রহীষ্যতি। যশাংসি যশস্করাণি দিব্যসভাদীনি ॥ 3-23-14 ভবদ্ভিঃ পৌরৈঃ বাচ্যাঃ প্রার্থ্যাঃ ॥অরণ্যপর্ব - অধ্যায় 024
॥ শ্রীঃ ॥
3.24. অধ্যায়ঃ 024
Mahabharata - Vana Parva - Chapter Topics
পাণ্ডবৈশ্চিরাবস্থাননির্ধারণপূর্বকং দ্বৈতবনপ্রবেশঃ ॥ 1 ॥Mahabharata - Vana Parva - Chapter Text
3-24-0 (16573)
বৈশম্পায়ন উবাচ। 3-24-0x (1842)
ততস্তেষু প্রয়াতেষু কৌন্তেয়ঃ সত্যসংগরঃ।
অভ্যভাষত ধর্মাত্মা ভ্রাতৄন্সর্বান্যুধিষ্ঠিরঃ ॥ 3-24-1 (16574)
দ্বাদশেমাঃ সমাঽস্মাভির্বস্তব্যং নির্জনে বনে।
সমীক্ষধ্বং মহারণ্যে দেশং বহুমৃগদ্বিজম্ ॥ 3-24-2 (16575)
বহুপুষ্পফলং রম্যং শিবং পুণ্যজনোচিতম্।
যত্রেমা দ্বাদশ সমাঃ সুখং প্রতিবসেমহি ॥ 3-24-3 (16576)
এবমুক্তে প্রত্যুবাচ ধর্মরাজং ধনংজয়ঃ।
গুরুবন্মানববরং মানয়িৎবা মনস্বিনম্ ॥ 3-24-4 (16577)
ভবানেব মহর্ষীণাং বৃদ্ধানাং পর্যুপাসিতা।
অজ্ঞাতং মানুষে লোকে ভবতো নাস্তি কিংচন ॥ 3-24-5 (16578)
ৎবয়া হ্যুপাসিতা নিত্যং ব্রাহ্মণা বেদপারগাঃ।
দ্বৈপায়নপ্রভৃতয়ো নারদশ্চ মহাতপাঃ ॥ 3-24-6 (16579)
যঃ সর্বলোকদ্বারাণি নিত্যং সংচরতে বশী।
দেবলোকাদ্ব্রহ্মলোকং গন্ধর্বাপ্সরসামপি ॥ 3-24-7 (16580)
অনুভাবাংশ্চ জানাসি ব্রাহ্মণানাং ন সংশয়ঃ।
প্রভাবাংশ্চৈব বেত্থ ৎবং সর্বেষামেব পার্থিব ॥ 3-24-8 (16581)
ৎবমেব রাজঞ্জানাসি শ্রেয়ঃকারণমেব চ।
যত্রেচ্ছসি মহারাজ নিবাসং তত্র কুংর্মহে ॥ 3-24-9 (16582)
ইদং দ্বৈতবনং নাম সরঃ পুণ্যজনোষিতম্।
বহুপুষ্পফলং রম্যং নানাদ্বিজনিষেবিতম্ ॥ 3-24-10 (16583)
অত্রেমা দ্বাদশ সমা বিহরেমেতি রোচয়ে।
যদি তেঽনুমতং রাজন্কিমন্যন্মন্যতে ভবান্ ॥ 3-24-11 (16584)
যুধিষ্ঠির উবাচ। 3-24-12x (1843)
মমাপ্যেতন্মতং পার্থ ৎবয়া যৎসমুদাহৃতম্।
গচ্ছামঃ পুণ্যবিখ্যাতং মহদ্দ্বৈতবনং সরঃ ॥ 3-24-12 (16585)
বৈশম্পায়ন উবাচ। 3-24-13x (1844)
ততস্তে প্রয়যুঃ সর্বে পাণ্ডবা ধর্মচারিণঃ।
ব্রাহ্মণৈর্বহুভিঃ সার্ধং পুণ্যং দ্বৈতবনং সরঃ ॥ 3-24-13 (16586)
ব্রাহ্মণাঃ সাগ্নিহোত্রাশ্চ তথৈব চ নিরগ্নয়ঃ।
স্বাধ্যায়িনো ভিক্ষবশ্চ তথৈব বনবাসিনঃ ॥ 3-24-14 (16587)
বহবো ব্রাহ্মণাস্তত্র পরিবব্রুর্যুধিষ্ঠিরম্।
তপস্বিনঃ সত্যশীলাঃ শতশঃ সংশিতব্রতাঃ ॥ 3-24-15 (16588)
তে যাৎবা পাণ্ডবাস্তত্রব্রাহ্মণৈর্বহুভিঃ সহ।
পুণ্যং দ্বৈতবনং রম্যং বিবিশুর্বরতর্ষভাঃ ॥ 3-24-16 (16589)
তৎসালতালাম্রমধূকনীপ-
কদম্বসর্জার্জুনকর্ণিকারৈঃ।
তপাত্যযে পুষ্পধরৈরুপেতং
মহাবনং রাষ্ট্রপতির্দদর্শ ॥ 3-24-17 (16590)
মহাদ্রুমাণাং শিখরেষু তস্থু-
র্মনোরমাং বাচমুদীরয়ন্তঃ।
ময়ূরদাত্যূহচকোরসঙ্ঘা-
স্তস্মিন্বনে বর্হিণকোকিলাশ্চ ॥ 3-24-18 (16591)
করেণুয়ূথৈঃ সহ যূথপানাং
মদোৎকটানামচলপ্রভাণাম্।
মহান্তি যূথানি মহাদ্বিপানাং
তস্মিন্বনে রাষ্ট্রপতির্দদর্শ ॥ 3-24-19 (16592)
মনোরমাং ভোগবতীমুপেত্য
পূতাত্মনাং চীরজটাধরাণাম্।
তস্মিন্বনে ধর্মভৃতাং নিবাসে
দদর্শ সিদ্ধর্ষিগণাননেকান্ ॥ 3-24-20 (16593)
ততঃ স যানাদবরুহ্য রাজা
সভ্রাতৃকঃ সজনঃ কাননং তৎ।
বিবেশ ধর্মাত্মবতাং বরিষ্ঠ-
স্ত্রিবিষ্টপং শক্র ইবামিতৌজাঃ ॥ 3-24-21 (16594)
তং সত্যসন্ধং সহিতাঽভিপেতু-
র্দিদৃক্ষবশ্চারণসিদ্ধসঙ্ঘাঃ।
বনৌকসশ্চাপি নেরন্দ্রসিংহং
মনস্বিনং তং পরিবার্য তস্থুঃ ॥ 3-24-22 (16595)
স তত্রবৃদ্ধানভিবাদ্য সর্বান্
প্রত্যর্চিতো রাজবদ্দেববচ্চ।
বিবেশ সর্বৈঃ সহিতো দ্বিজাগ্র্যৈঃ
কৃতাঞ্জলির্ধর্মভৃতাং বরিষ্ঠঃ ॥ 3-24-23 (16596)
স পুণ্যশীলঃ পিতৃবন্মহাত্মা
তপস্বিভির্মপরৈরুপেত্য।
প্রত্যর্চিতঃ পুষ্পধরস্য মূলে
মহাদ্রুমস্যোপবিবেশ রাজা ॥ 3-24-24 (16597)
ভীমশ্চ কৃষ্ণা চ ধনংজয়শ্চ
যমৌ চ তে চানুচরা নরেন্দ্রম্।
বিমুচ্যবাহানবশাশ্চ সর্বে
তত্রোপতস্থুর্ভরতপ্রবর্হাঃ ॥ 3-24-25 (16598)
লতাবতানাবনতঃ স পাণ্ডবৈ-
র্মহাদ্রুমঃ পঞ্চভিরেব ধন্বিভিঃ।
বভৌ নিবাসোপগতৈর্মহাত্মভি-
র্মহাগিরির্বারণয়ূথপৈরিব ॥ 3-24-26 (16599)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি চতুর্বিংশোঽধ্যায়ঃ ॥ 24 ॥
Mahabharata - Vana Parva - Chapter Footnotes
3-24-1 সত্যসংগর সত্যপ্রতিজ্ঞঃ ॥ সমাঃ বর্ষাণি। সংধিরার্ষঃ ॥ 3-24-8 অনুভাবান্ কর্তব্যাকর্তব্যবিষয়ান্নিশ্চয়ান্। প্রভাবো নিগ্রহানুগ্রহশক্তিঃ। সর্বা গতীর্বিজানাসি ইতি ক. পাঠঃ ॥ 3-24-10 দ্বৈতং দ্বৌ শোকমোহৌ ইতৌ গতৌ যস্মাত্তদ্বীতং দ্বীতমেব দ্বৈতম্। স্বার্থে তদ্ধিতঃ। বনং জলং যস্মিন্ দ্বৈতবনম্ ॥ 3-24-11 বিহরেম প্রীত্যানয়েম ॥ 3-24-16 যাৎবা গৎবা ॥ 3-24-17 তপাত্যযে বর্ষাসু ॥ 3-24-19 করেণুঃ হস্তিনী ॥ 3-24-20 ভোগবতীং সরস্বতীং নদীম্ ॥ 3-24-22 চারণাঃ দেবগায়নাঃ ॥ 3-24-24 মহাদ্রুমঃ কদম্বঃ ॥ 3-24-26 লতাবতানাবনতঃ বল্লীতন্তুভিরাবৃততয়া নম্রঃ ॥অরণ্যপর্ব - অধ্যায় 025
॥ শ্রীঃ ॥
3.25. অধ্যায়ঃ 025
Mahabharata - Vana Parva - Chapter Topics
মার্কণ্ডেয়েন পাণ্ডবানুপেত্য ধর্মোপদেশপূর্বকমুত্তরদিগ্গমনম্ ॥ 1 ॥Mahabharata - Vana Parva - Chapter Text
3-25-0 (16600)
বৈশম্পায়ন উবাচ। 3-25-0x (1845)
তৎকাননং প্রাপ্য নরেন্দ্রপুত্রাঃ
সুখোচিতা বাসমুপেত্য কৃচ্ছ্রম্।
বিজহ্রুরিনদ্রপ্রতিমাঃ শিবেষু
সরস্বতীসালবনেষু তেষু ॥ 3-25-1 (16601)
যতীংশ্চ রাজা স মুনীংশ্চ সর্বাং
স্তস্মিন্বনে মূলফলৈরুদগ্রৈঃ।
দ্বিজাতিমুখ্যানৃষভঃ কুরূণাং
সংতর্পয়ামাস মহানুভাবঃ ॥ 3-25-2 (16602)
ইষ্টীশ্চ পিত্র্যাণি তথা ক্রিয়াশ্চ
মহাবনে বসতাং পাণ্ডবানাম্।
পুরোহিতস্তত্র সমৃদ্ধতেজা-
শ্চকার ধৌম্যঃ পিতৃবন্নৃপাণাম্ ॥ 3-25-3 (16603)
অপেত্য রাষ্ট্রাদ্বসতাং তু তেষা-
মৃষিঃ পুরাণোঽতিথিরাজগাম।
তমাশ্রমং তীব্রসমৃদ্ধতেজা
মার্কণ্ডেয়ঃ শ্রীমতাং পাণ্ডবানাম্ ॥ 3-25-4 (16604)
তমাগতং জ্বলিতহুতাশনপ্রভং
মহামনাঃ কুরুবৃষভো যুধিষ্ঠিরঃ।
অপূজয়ৎসুরঋষিমানবার্চিতং
মহামুনিং হ্যনুপমসৎববীর্যবান্ ॥ 3-25-5 (16605)
স সর্ববিদ্দ্রৌপদীং বীক্ষ্য দীনাং
যুধিষ্ঠিরং ভীমসেনার্জুনৌ চ।
সংস্মৃত্যরামং মনসা মহাত্মা
তপস্বিমধ্যেঽস্ময়তামিতৌজাঃ ॥ 3-25-6 (16606)
তং ধর্মরাজো বিমনা ইবাব্রবী-
ৎসর্বে হ্রিয়া সন্তি তপস্বিনোঽমী।
ভবানিদং কিং স্ময়তীব হৃষ্ট-
স্তপস্বিনাং পশ্যতাং মামুদীক্ষ্য ॥ 3-25-7 (16607)
মার্কণ্ডেয় উবাচ। 3-25-8x (1846)
ন তাত হৃষ্যামি ন চ স্ময়ামি
প্রহর্ষজো মাং ভজতেন দর্পঃ।
তবাপদং ৎবদ্য সমীক্ষ্য রামং
সত্যব্রতং দাশরথিং স্মরামি ॥ 3-25-8 (16608)
স চাপি রাজা সহ লক্ষ্মণেন
বনে নিবাসং পিতুরেব শাসনাৎ।
ধন্বী চরন্পার্থ ময়ৈব দৃষ্টো
গিরে পুরা ঋষ্যমূকস্য সানৌ ॥ 3-25-9 (16609)
সহস্রনেত্রপ্রতিমো মহাত্মা
যমস্য নেতা নমুচেশ্চ হন্তা।
পিতুর্নিদেশাদনঘঃ স্বধর্মং
চরন্বনে দাশরথিশ্চকার ॥ 3-25-10 (16610)
স চাপি শক্রস্ সমপ্রভাবো
মহানুভাবঃ সমরেষ্বজেয়ঃ।
বিহায় ভোগানচরদ্বনেষু
নেশে বলস্যেতি চরেদধর্মম্ ॥ 3-25-11 (16611)
ভাপাশ্চ নাভাগভগীরথাদয়ো
মহীমিমাং সাগরান্তাং বিজিত্য।
সত্যেন তেঽপ্যজয়স্তাত লোকা-
ন্নেশে বলস্যেতি চরেদধর্মম্ ॥ 3-25-12 (16612)
অলর্কমাহুর্নবর্য সন্তং
সত্যব্রতং কাশিকরূশরাজম্।
বিহায় রাজ্যানি বসূনি চৈব
নেশে বলস্যেতি চরেদধর্মম্ ॥ 3-25-13 (16613)
ধাত্রা বিধির্যো বিহিতঃ পুরাণৈ-
স্তং পূজয়ন্তো নরবর্য সন্তঃ।
সপ্তর্ষয়ঃ পার্থ দিবি প্রভান্তি
নেশে বলস্যেতি চরেদধর্মম্ ॥ 3-25-14 (16614)
মহাবলান্পর্বতকূটমাত্রা-
ন্বিষাণিনঃ পশ্য গজান্নরেন্দ্র।
স্থিতান্নিদেশে নরবর্য ধাতু-
র্নেশে বলস্যেতি চরেদধর্মম্ ॥ 3-25-15 (16615)
সর্বাণি ভূতানি নরেন্দ্র পশ্য
তথা যথাবদ্বিহিতং বিধাত্রা।
স্বয়োনিতঃ কর্ম সদাচরন্তি
নেসে বলস্যেতি চরেদধর্মম্ ॥ 3-25-16 (16616)
সত্যেনং ধর্মেণ যথার্হবৃত্ত্যা
হ্রিয়া তথা সর্বভূতান্যতীত্য।
যশশ্চ তেজশ্চ তবাপি দীপ্তং
বিভাবসোর্ভাস্করস্যেব পার্ত ॥ 3-25-17 (16617)
যথাপ্রতিজ্ঞং চ মহানুভাব
কৃচ্ছ্রং বনে বাসমিমং নিরূষ্য।
ততঃ শ্রিয়ং তেজসা তেন দীপ্তা-
মাদাস্বসে পার্থিব কৌরেবভ্যঃ ॥ 3-25-18 (16618)
বৈশম্পায়ন উবাচ। 3-25-19x (1847)
তমেবমুক্ৎবা বচনং মহর্ষি-
স্তপস্বিমধ্যে সহিতং সুহৃদ্ধিঃ।
আমন্ত্র্য ধৌম্যং সহিতাংশ্চ পার্থাং-
স্ততঃ প্রতস্থে দিশমুত্তরাং সঃ ॥ 3-25-19 (16619)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি পঞ্চবিংশোঽধ্যায়ঃ ॥ 25 ॥
Mahabharata - Vana Parva - Chapter Footnotes
3-25-1 মহাবনেষ্বম্বুফলোচিতেষু সরস্বতীতি খ. পাঠঃ। ভাগীরথীসালবনেষ্বিতি ক. পাঠঃ ॥ 3-25-3 ইষ্টীঃ দর্শপৌর্ণমাসাদ্যাঃ। পিত্র্যাণি পিণ্ডপিতৃয়জ্ঞদর্সশ্রাদ্ধাদীনি ॥ 3-25-4 রাষ্ট্রাৎ অপেত্য নির্গত্য বনে বসতাম্ ॥ 3-25-6 অস্ময়ত বিস্মিতবান্ ॥ 3-25-7 হ্রিয়া প্রাগল্ভ্যসংকোচেন ॥ 3-25-11 বলস্য বহুসামর্থ্যস্য ঈশে প্রভবামীতি হেতোরধর্মং ন চরেৎ। শক্তৌ সত্যাং ধর্মমেবাচরেন্নৎবধর্মমিত্যর্থঃ। নেশো বলস্যেতীতি ক. পাঠঃ ॥ 3-25-14 ধাত্রা ঈশেন পুরাণৈর্বেদবাক্যৈর্বিহিতো বিধিরগ্নিহোত্রাদিঃ ॥ 3-25-15 পশবোঽপি বলবানস্মীতি দর্পেণাধর্মং ন চরন্তীত্যাহ মহাবলানিতি। বিষাণং দন্তঃ ॥ 3-25-17 বিভা প্রভা সৈব বসু বিত্তং যস্য ॥ 3-25-18 আদাস্যতে গ্রহীষ্যসি ॥অরণ্যপর্ব - অধ্যায় 026
॥ শ্রীঃ ॥
3.26. অধ্যায়ঃ 026
Mahabharata - Vana Parva - Chapter Topics
দাল্ভ্যেন যুধিষ্ঠিরংপ্রতি ব্রাহ্মণস্য ক্ষত্রবৃদ্ধিকারণৎবকধনম্ ॥ 1 ॥ মহর্ষীণাং যুধিষ্ঠিরাভিগমনম্ ॥ 2 ॥Mahabharata - Vana Parva - Chapter Text
3-11-0 (16620)
বৈশম্পায়ন উবাচ। 3-11-0x (1848)
বসৎসু বৈ দ্বৈতবনে পাণ্ডবেষু মহাত্মসু।
অনুকীর্ণং মহারণ্যং ব্রাহ্মণৈঃ সমপদ্যত ॥ 3-11-1 (16621)
ঈর্যমাণেন সততং ব্রহ্মঘোষেণ সর্বশঃ।
ব্রহ্মলোকসমং পুণ্যমাসীদ্দ্বৈতবনং সরঃ ॥ 3-11-2 (16622)
যজুষামৃচাং সাম্নাং চ গদ্যানাং চৈব সর্বশঃ।
আসীদুচ্চার্যমাণানাং নিঃস্বনো হৃদয়ংগমঃ ॥ 3-11-3 (16623)
জ্যাঘোষশ্চৈব পার্থানাং ব্রহ্মঘোষশ্চ ধীমতাম্।
সংসৃষ্টং ব্রহ্মণা ক্ষত্রং ভূয় এব ব্যরোচত ॥ 3-11-4 (16624)
অথাব্রবীদ্বকো দাল্ভ্যো ধর্মরাজং যুধিষ্ঠিরম্।
সন্ধ্যাং কৌন্তেয়মাসীনমৃষিভিঃ পরিবারিতম্ ॥ 3-11-5 (16625)
পশ্য দ্বৈতবনে পার্থ ব্রাহ্মণানাং তপস্বিনাম্।
হোমবেলাং কুরুশ্রেষ্ঠ সংপ্রজ্বলিতপাবকাম্ ॥ 3-11-6 (16626)
চরন্তি ধর্মং পুণ্যেঽস্মিংস্ৎবয়া গুপ্তা ধৃতব্রতাঃ।
ভৃগবোঽঙ্গিরসশ্চৈব বাসিষ্ঠাঃ কাশ্যপৈঃ সহ ॥ 3-11-7 (16627)
আগস্ত্যাশ্চ মহাভাগা আত্রেয়াশ্চোত্তমব্রতাঃ।
সর্বস্য জগতঃ শ্রেষ্ঠা ব্রাহ্মণাঃ সংগতাস্ৎবয়া ॥ 3-11-8 (16628)
ইদং তু বচনং পার্থ শৃণ্বেকাগ্রমনা মম।
ভ্রাতৃভিঃ সহ কৌন্তেয় যত্ৎবাং বক্ষ্যামি কৌরব ॥ 3-11-9 (16629)
ব্রাহ্ম ক্ষত্রেণ সংসৃষ্টং ক্ষত্রং চ ব্রহ্মণা সহ।
উদীর্ণে দহতঃ শত্রূন্বনানীবাগ্নিমারুতৌ ॥ 3-11-10 (16630)
নাব্রাহ্মণস্তাত চিরং বুভূষে-
দিচ্ছন্নমং লোকমমুং চ জেতুম্।
বিনীতধর্মার্থমপেতমোহং
লব্ধ্বা দ্বিজং হন্তি নৃপঃ সপত্নান্ ॥ 3-11-11 (16631)
চরন্নৈশ্রেয়সং ধর্মং প্রজাপালনকারিতম্।
নাধ্যগচ্ছদ্বলির্লোকে তীর্থমন্যত্র বৈ দ্বিজাৎ ॥ 3-11-12 (16632)
অনূনমাসীদসুরস্য কামৈ-
বৈরোচনেঃ শ্রীরপি চাক্ষয়াঽঽসীৎ।
লব্ধ্বা মহীং ব্রাহ্মণসংপ্রয়োগা-
ত্তেষ্বাচরন্দুষ্টময়থো ব্যনশ্যৎ ॥ 3-11-13 (16633)
নাব্রাহ্মণং ভূমিরিয়ং সভূতি-
র্বর্ণং দ্বিতীয়ং ভজতে চিরায়।
সমুদ্রনেমির্নমতে তু তস্মৈ
যং ব্রাহ্মণঃ শাস্তি নয়ৈর্বিনীতম্ ॥ 3-11-14 (16634)
কুঞ্চরস্যেব সংগ্রামে পরিগৃহ্যাঙ্কুশগ্রহম্।
ব্রাহ্মাণৈর্বিপ্রহীনস্য ক্ষত্রস্য ক্ষীয়তে বলম্ ॥ 3-11-15 (16635)
ব্রাহ্মণ্যনুপমা দৃষ্টিঃ ক্ষাত্রমপ্রতিমং বলম্।
তৌ যদা চরতঃ সার্ধং তদা লোকঃ প্রসীদতী ॥ 3-11-16 (16636)
যথা হি সুমহানগ্নিঃ কক্ষং দহতি সানিলঃ।
তথা দহতি রাজন্যো ব্রাহ্মণেন সমং রিপুম্ ॥ 3-11-17 (16637)
ব্রাহ্মণেষ্বেব মেধাবী বুদ্ধিপর্যেষণং চরেৎ।
অলব্ধস্য চ লাভায় লব্ধস্য পরিবৃদ্ধয়ে ॥ 3-11-18 (16638)
অলব্ধলাভায় চ লব্ধবৃদ্ধয়ে।
যথার্হতীর্থপ্রতিপাদনায়।
যশস্বিনং বেদবিদং বিপশ্চিতং
বহুশ্রুং ব্রাহ্মণমেব বাসয়েৎ ॥ 3-11-19 (16639)
ব্রাহ্মণেষূত্তমা ভক্তিস্তব নিত্যং যুধিষ্ঠির।
তেন তে সর্বলোকেষু দীপ্যতে প্রথিতং যশঃ ॥ 3-11-20 (16640)
বৈশম্পায়ন উবাচ। 3-11-21x (1849)
ততস্তে ব্রাহ্মণাঃ সর্বে বকং দাল্ভ্যমংপূজয়ন্।
যুধিষ্ঠিরং স্তূয়মানে ভূয়ঃ সুমনসোঽভবন্ ॥ 3-11-21 (16641)
দ্বৈপায়নো নারদশ্চ জামদগ্ন্যঃ পৃথুশ্রবাঃ।
ইন্দ্রদ্যুম্নো ভালুকিশ্চ কৃতচেতাঃ সহস্রপাৎ ॥ 3-11-22 (16642)
কর্ণশ্রবাশ্চ মুঞ্জশ্চ লবণাশ্বশ্চ কাশ্যপঃ।
হারীতঃ স্থূণকর্ণশ্চ অগ্নিবেশ্যোঽথ শৌনকঃ ॥ 3-11-23 (16643)
কৃতবাক্চ সুবাশ্চৈব বৃহদশ্চো বিভাবসুঃ।
ঊর্ধ্বরেতা বৃষামিত্রঃ সুহোত্রো হোত্রবাহনঃ ॥ 3-11-24 (16644)
এতে চান্যে চ বহবো ব্রাহ্মণাঃ সংশিতব্রতাঃ।
অজাতশত্রুমানর্চুঃ পুরংদরমিবর্ষয়ঃ ॥ 3-11-25 (16645)
ইতি শ্রীমন্মহাভারতে অরণ্যপর্বণি অর্জুনাবিগমনপর্বণি ষড্বিংশোঽধ্যায়ঃ ॥ 26 ॥
Mahabharata - Vana Parva - Chapter Footnotes
3-11-1 অনুকীর্ণং ব্যাপ্তম্ ॥ 3-11-3 গদ্যানাং ব্রাহ্মণবাক্যানাং পাদাক্ষরাদিনিয়মহীনানাম্। সাম্নাং চ নিগমানাং চ ভারতেতি ক. পাটঃ। ভাষ্যাণাং চৈব সর্বশ ইতি খ. পাঠঃ. ॥ 3-11-5 সংধ্যামুপাস্যেতি শেষঃ ॥ 3-11-11 নৃপঃ অব্রাহ্মণো ব্রাহ্মণহীনো ন বুভূষেৎ ন ভবিতুমিচ্ছেৎ। তস্যেচ্ছতোপি জয়ো দুর্লভ ইত্যর্থঃ। বিনীতৌ সম্যক্ শিক্ষিতৌ ধর্মার্থৌ যেন ॥ 3-11-12 তীর্থমুপায়ম্ ॥ 3-11-13 বৈরোচনের্বলেঃ ॥ 3-11-15 অঙ্কুশগ্রহমঙ্কুশেন নিগৃহ্ণাতি তম্। পরিগৃহ্য বর্জয়িৎবা। পরির্বর্জনে ॥ 3-11-18 বুদ্ধিপর্যেষণং বুদ্ধেঃ সাকল্যেন সংগ্রহণম্ ॥ 3-11-19 যথার্হতীর্থে যথায়োগ্যপাত্রে। প্রতিপাদনায় দানায় ॥অরণ্যপর্ব - অধ্যায় 027
॥ শ্রীঃ ॥
3.27. অধ্যায়ঃ 027
Mahabharata - Vana Parva - Chapter Topics
ভীমাদিসনিধানে যুধিষ্ঠিরংপ্রতি দ্রৌপদ্যাঃ সবিষাদবচনম্ ॥Mahabharata - Vana Parva - Chapter Text
3-27-0 (16646)
বৈশম্পায়ন উবাচ। 3-27-0x (1850)
ততো বনগতাঃ পার্থাঃ সায়াহ্নে সহ কৃষ্ণয়া।
উপবিষ্টাঃ কথাশ্চক্রুর্দুঃখশোকপরায়ণাঃ ॥ 3-27-1 (16647)
প্রিয়া চ দর্শনীয়া চ পণ্ডিতা চ পতিব্রতা।
অথ কৃষ্ণা ধর্মরাজমিদং বচনমব্রবীৎ ॥ 3-27-2 (16648)
দ্রৌপদ্যুবাচ। 3-27-3x (1851)
ন নূনং তস্য পাপস্য দুঃখমস্মাসু কিংচন।
বিদ্যতে ধার্তরাষ্ট্রস্য নৃশংসস্য দুরাত্মনঃ ॥ 3-27-3 (16649)
যস্ৎবাং রাজন্ময়া সার্ধমজিনৈঃ প্রতিবাসিতম্।
বনং প্রস্থাপ্য দুষ্টাত্মা নান্বতপ্যত দুর্মতিঃ ॥ 3-27-4 (16650)
আয়সং হৃদয়ং নূনং তস্য দুষ্কৃতকর্মণঃ।
যস্ৎবাং ধর্মপরং শ্রেষ্ঠং রূক্ষাণ্যশ্রাবয়ত্তদা।
`বচনান্যপরোক্ষাণি দুর্বাচ্যানি চ সংসদি ॥' 3-27-5 (16651)
সুখোচিতমদুঃখার্হং দুরাত্মা সসুহৃদ্গণঃ।
ঈদৃশং দুঃখমানীয় মোদতে পাপপূরুষঃ ॥ 3-27-6 (16652)
চতুর্ণামেব পাপানামস্রং ন পতিতং তদা।
ৎবয়ি ভারত নিষ্ক্রান্তে বনায়াজিনবাসসি ॥ 3-27-7 (16653)
দুর্যোধনস্য কর্ণস্য শকুনেশ্চ দুরাত্মনঃ।
দুর্ভ্রাতুস্তস্য চোগ্রস্য রাজন্দুঃখশাসনস্য চ ॥ 3-27-8 (16654)
ইতরেষাং তু সর্বেষাং কুরূণাং কুরুসত্তম।
দুঃখেনাভিপরীতানাং নেত্রেভ্যঃ প্রাপতজ্জলম্ ॥ 3-27-9 (16655)
ইদং চ শয়নং দৃষ্ট্বা যচ্চাসীত্তে পুরাতনম্।
শোচামিৎবাং মহারাজদুঃখানর্হংসুখোচিতম্ ॥ 3-27-10 (16656)
দান্তং যচ্চ সভামধ্য আসনং রত্নভূষিতম্।
দৃষ্ট্বা কুশবৃশীং চেমাং শোকো মাং দারয়ত্যযম্ ॥ 3-27-11 (16657)
যদপশ্যং সভায়াং ৎবাং রাজভিঃ পরিবারিতম্।
তচ্চ রাজন্নপশ্যন্ত্যাঃ কা সান্তির্হৃদয়স্যমে ॥ 3-27-12 (16658)
যা ৎবাঽহ্রং চন্দনাদিগ্ধমপশ্যং সূর্যবর্চসম্।
সা ৎবাং পঙ্কমলাদিগ্ধং দৃষ্ট্বা মুহ্যামি ভারত ॥ 3-27-13 (16659)
যা ৎবাঽহং কৌশিকৈর্বস্ত্রৈঃ শুভ্রৈরাচ্ছাদিতং পুরা।
দৃষ্টবত্যস্মিরাজেনদ্র সাঽদ্য পশ্যামি চীরিণম্ ॥ 3-27-14 (16660)
যচ্চ তদ্রুক্মপাত্রীভির্ব্রাহ্মণেভ্যঃ সহস্রশঃ।
হ্রিয়তে তে গৃহাদন্নং সংস্কৃতংসার্বকামিকম্ ॥ 3-27-15 (16661)
যতীনামগৃহাণাং তে তথৈব গৃহমেধিনাম্।
দীয়তে ভোজনং রাজন্নতীব গুণবৎপ্রভো ॥ 3-27-16 (16662)
সৎকৃতানি সহস্রাণি সর্বকামৈঃ পুরা গৃহে।
সর্বকামৈঃ সুবিহিতৈর্যদপূজয়থা দ্বিজান্।
তচ্চ রাজন্নপশ্যন্ত্যাঃ কা শান্তির্হৃদয়স্য মে ॥ 3-27-17 (16663)
যত্তে ভ্রাতৄন্মহারাজ যুবানো মৃষ্টকুণ্ডলাঃ।
অভোজয়ন্ত মৃষ্টান্নৈঃ সূদাঃ পরমসংস্কৃতৈঃ ॥ 3-27-18 (16664)
সর্বাংস্তানদ্য পশ্যামি বনে বন্যেন জীবিনঃ।
অদুঃখার্হান্মনুষ্যেন্দ্র নোপশাম্যতি মে মনঃ ॥ 3-27-19 (16665)
ভীমসেনমিমং চাপি দুঃখিতং বনবাসিনম্।
ধ্যায়তঃ কিং ন মন্যুস্তে প্রাপ্তে কালে বিবর্ধতে ॥ 3-27-20 (16666)
ভীমসেনং হি কর্মাণি স্বয়ং কুর্বাণমচ্যুতম্।
সুখার্হং দুঃখিতং দৃষ্ট্বা কস্মাদ্রাজন্নুপেক্ষসে ॥ 3-27-21 (16667)
সৎকৃতং বিবিধৈর্যানৈর্বস্ত্রৈরুচ্চাবচৈস্তথা।
তং তে বনগতং দৃষ্ট্বা কস্মান্মন্যুর্ন বর্ধতে ॥ 3-27-22 (16668)
অয়ং কুরূন্রণে সর্বান্হন্তুমুৎসহতে প্রভুঃ।
ৎবৎপ্রতিজ্ঞাং প্রতীক্ষংস্তু সহতেঽয়ং বৃকোদরঃ ॥ 3-27-23 (16669)
যোঽর্জুনেনার্জুনস্তুল্যো দ্বিবাহুর্বহুবাহুনা।
শরাতিসর্গে শীঘ্রৎবাৎকালান্তকয়মোপমঃ ॥ 3-27-24 (16670)
যস্ শস্ত্রপ্রতাপেন প্রণতাঃ সর্বপার্থিবাঃ।
যজ্ঞে তব মহারাজ ব্রাহ্মণানুপতস্থিরে ॥ 3-27-25 (16671)
তমিমং পুরুষব্যাঘ্রং পূজিতং দেবদানবৈঃ।
ধ্যায়ন্তমর্জুনং দৃষ্ট্বা কস্মাদ্রাজন্ন কুপ্যসি ॥ 3-27-26 (16672)
দৃষ্ট্বা বনগতং পার্থমদুঃখার্হং সুখোচিতম্।
ন চ তেবর্ধতে মন্যুস্তেন মুহ্যামি ভারত ॥ 3-27-27 (16673)
যো দেবাংশ্চ মনুষ্যাংশ্চ সর্পাংশ্চৈকরথোঽজয়ৎ।
তং তে বনগতং দৃষ্ট্বা কস্মান্মন্যুর্ন বর্ধতে ॥ 3-27-28 (16674)
যো যানৈরদ্ভুতাকারৈর্হয়ৈর্নাগৈশ্চ সংবৃতঃ।
প্রসহ্য বিত্তান্যাদত্ত পার্থিবেভ্যঃ পরংতপ ॥ 3-27-29 (16675)
ক্ষিপত্যেকেন বেগেন পঞ্চবাণশতানি যঃ।
তং তে বনগতং দৃষ্ট্বা কস্মান্মন্যুর্ন বর্ধতে ॥ 3-27-30 (16676)
শ্যামং বৃহন্তং তরুণং চর্মিণামুত্তমং রণে।
নকুলং তে বনে দৃষ্ট্বা কস্মান্মন্যুর্ন বর্ধতে ॥ 3-27-31 (16677)
দর্শনীয়ং চ শূরং চ মাদ্রীপুত্রং যুধিষ্ঠির। 3-27-32bসহদেবং বনে দৃষ্ট্বা কস্মাৎক্ষমসি পার্থিব ॥ 3-27-32 (16678)
নকুলং সহদেবং চ দৃষ্ট্বা তে দুঃখিতাবুভৌ।
অদুঃখার্হৌ মনুষ্যেন্দ্র কস্মান্মন্যুর্ন বর্ধতে ॥ 3-27-33 (16679)
দ্রুপদস্য কুলে জাতাং স্নুষাং পাণ্ডোর্মহাত্মনঃ।
ধৃষ্টদ্যুম্নস্য ভগিনীং বীরপত্নীমনুব্রতাম্।
মাং বৈ বনগতাং দৃষ্ট্বা কস্মাৎক্ষমসি পার্থিব ॥ 3-27-34 (16680)
নূনং চ তব নৈবাস্তি মন্যুর্ভরতসত্তম।
যত্তে ভ্রাতৄংশ্চ মাং চৈব দৃষ্ট্বা নব্যথতে মনঃ ॥ 3-27-35 (16681)
ন নির্মন্যুঃক্ষত্রিয়োঽস্তি লোকে নির্বচনং স্মৃতম্।
তদদ্য ৎবয়ি পশ্যামি ক্ষত্রিয়ে বিপরীতবৎ ॥ 3-27-36 (16682)
যো ন দর্শয়তে তেজঃ ক্ষত্রিয়ঃ কাল আগতে।
সর্বভূতানি তং পার্থ সদা পরিভবন্ত্যুত ॥ 3-27-37 (16683)
তত্ৎবয়া ন ক্ষমা কার্যা শত্রূন্প্রতি কথংচন।
তেজসৈব হি তে শক্যা নিহন্তুং নাত্র সংশয়ঃ ॥ 3-27-38 (16684)
তথৈব যঃ ক্ষমাকালে ক্ষত্রিয়ো নোপশাম্যতি।
অপ্রিয়ঃ সর্বভূতানাং সোমুত্রেহ চ নশ্যতি ॥ 3-27-39 (16685)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি সপ্তবিংশোঽধ্যায়ঃ ॥ 27 ॥
Mahabharata - Vana Parva - Chapter Footnotes
3-27-3 অস্মাসু দিঃখিতেষ্বিতি শেষঃ ॥ 3-27-6 আনীয় প্রাপয়্য ॥ 3-27-7 অস্রং নেত্রজলম্ ॥ 3-27-11 দান্তং গজদন্তময়ম্। কুশবৃসীং কুশাসনম্ ॥ 3-27-13 আদিগ্ধং লিপ্তম্ ॥ 3-27-14 কৌশিকৈঃ কোশজৈঃ ॥ 3-27-16 অগৃহাণাং ব্রহ্মচারিণাম্ ॥ 3-27-17 সর্বকামৈঃ কাম্যমানৈরন্নৈঃ সর্বৈঃ কাভৈর্মনোরথৈর্দ্বিজান্ অপূজয়থাঃ ॥ 3-27-24 অর্জুনেন কার্তবীর্যেণ ॥ 3-27-29 আদত্ত আত্তবান্ ॥ 3-27-31 চর্ভিণাং খঙ্গচর্মধরাণাম্ ॥ 3-27-36 নির্বচনং ক্ষত্রিয়শব্দস্য ক্ষরতে হিনস্তীতি ক্ষত্রমিতি ॥অরণ্যপর্ব - অধ্যায় 028
॥ শ্রীঃ ॥
3.28. অধ্যায়ঃ 028
Mahabharata - Vana Parva - Chapter Topics
দ্রৌপদ্যা যুধিষ্ঠিরংপ্রতি কালভেদেন ক্ষমাকোপয়োরবশ্যাশ্রয়ণীয়ৎবে প্রমাণতয়া বলিপ্রহ্লাদসংবাদানুবাদপূর্বকংপ্রকৃতে কোপস্যাবশ্যাদরণীয়ৎবোক্তিঃ ॥Mahabharata - Vana Parva - Chapter Text
3-28-0 (16686)
দ্রৌপদ্যুবাচ। 3-28-0x (1852)
অত্রাপ্যুদাহরন্তীমমিতিহাসং পুরাতনম্।
প্রহ্লাদস্য চ সংবাদং বলের্বৈরোচনস্য চ ॥ 3-28-1 (16687)
অসুরেন্দ্রং মহাপ্রাজ্ঞং ধর্মাণামাগতাগমম্।
বলিঃ পপ্রচ্ছ দৈত্যেনদ্রং প্রহ্লাদং পিতরং পিতুঃ ॥ 3-28-2 (16688)
ক্ষমা স্বিচ্ছ্রেয়সী তাত উতাহো তেজ ইত্যুত।
এতন্মে সংশয়ং তাত যথাবদ্ব্রূহি পৃচ্ছতে ॥ 3-28-3 (16689)
শ্রেয়ো যদত্র ধর্মজ্ঞ ব্রূহি মে তদসংশয়ম্।
করিষ্যামি হি তৎসর্বং যথাবদনুশাসনম্ ॥ 3-28-4 (16690)
তস্মৈ প্রোবাচ তৎসর্বমেবং পৃষ্টঃ পিতামহঃ।
সর্বনিশ্চয়বিৎপ্রাজ্ঞঃ সংশয়ং পরিপৃচ্ছতে ॥ 3-28-5 (16691)
প্রহ্লাদ উবাচ। 3-28-6x (1853)
ন শ্রেয়ঃ সততং তেজো ন নিত্যং শ্রেয়সী ক্ষমা।
ইতি তাত বিজানীহি দ্বয়মেতদসংশয়ম্ ॥ 3-28-6 (16692)
যো নিত্যং ক্ষমতে তাত বহূন্দোষান্স বিন্দতি।
ভৃত্যাঃ পরিভবন্ত্যেনমুদাসীনাস্তথাঽরয়ঃ ॥ 3-28-7 (16693)
সর্বভূতানি চাপ্যস্ ন নমন্তে কদাচন।
তস্মান্নিত্যং ক্ষমা তাত পণ্ডিতৈরপি বর্জিতা ॥ 3-28-8 (16694)
অবজ্ঞায় হিতং ভৃত্যা ভজন্তে বহুদোষতাম্।
আদাতুং চাস্য বিত্তানি প্রার্থয়ন্তেঽল্পচেতসঃ ॥ 3-28-9 (16695)
যানং বস্ত্রাণ্যলংকারাঞ্শয়নান্যাসনানি চ।
ভোজনান্যথ পানানি সর্বোপকরণানি চ ॥ 3-28-10 (16696)
আদদীরন্নধিকৃতা যথাকামমচেতসঃ।
প্রদিষ্টানি চ দেয়ানি ন দদ্যুর্ভর্তৃশাসনাৎ ॥ 3-28-11 (16697)
ন চৈনং ভর্তৃপূজাভিঃ পূজয়ন্তি কদাচন।
অব্রজ্ঞানং হি লোকেঽস্মিন্মরণাদপি গর্হিতম্ ॥ 3-28-12 (16698)
ক্ষমিণং তাদৃশং তাংত ব্রুবন্তি কটুকান্যপি।
প্রেষ্যাঃ পুত্রাশ্চ ভৃত্যাশ্চ তথোদাসীনবৃত্তয়ঃ ॥ 3-28-13 (16699)
অপ্যস্য দারানিচ্ছন্তি পরিভূয় ক্ষমাবতঃ।
দারাশ্চাস্য প্রবর্তন্তে যথাকামমচেতসঃ ॥ 3-28-14 (16700)
তথা চ নিত্যমুদিতা যদি নাল্পমপীশ্বরাৎ।
`অকৃতোপদ্রবঃ কশ্চিন্মহানপি ন পূজ্যতে। 3-28-15 (16701)
পূজয়ন্তি নরা নাগান্ন তার্ক্ষ্যং নামঘাতিনম্ ॥'
এতে চান্যে চ বহবো নিত্যং দোষাঃ ক্ষমাবতাম্। 3-28-16 (16702)
অথ বৈরোচনে দোষানিমান্বিদ্ধ্যক্ষমাংবতাম্ ॥
অথ বৈরোচনে দোষানিমান্বিদ্ধ্যক্ষমাবতাম্ ॥ 3-28-17 (16703)
অস্থানে যদি বা স্থানে সততং রজসাবৃতঃ।
ক্রুদ্ধো দণ্ডান্প্রণয়তি বিবিধান্স্বেন তেজসা ॥ 3-28-18 (16704)
মিত্রৈঃ সহ বিরোধং চ প্রাপ্নুতে তেজসাঽঽবৃতঃ।
আপ্নোতি দ্বেষ্যতাং চৈব লোকাৎস্বজনতস্তথা ॥ 3-28-19 (16705)
সোঽবমানাদর্থহানিমুপালম্ভমনাদরম্।
সংতাপদ্বেষমোহাংশ্চ শত্রূংশ্চ লভতে নরঃ ॥ 3-28-20 (16706)
ক্রোধাদ্দণ্ডান্মনুষ্যেষু বিবিধান্পুরুষোঽনয়াৎ।
ভ্রশ্যতে শীঘ্রমৈশ্বর্যাৎপ্রাণেভ্যঃ স্বজনাদপি ॥ 3-28-21 (16707)
যোপকর্তৄশ্চ হর্তৄশ্চ তেজসৈবোপগচ্ছতি।
তস্মাদুদ্বিজতে লোকঃ সর্পাদ্বেশ্মগতাদিব ॥ 3-28-22 (16708)
যস্মাদুদ্বিজতেলোকঃ কথং তস্য ভবো ভবেৎ।
অন্তরং তস্য দৃষ্ট্বৈব লোকো বিকুরুতে ধ্রুবম্ ॥ 3-28-23 (16709)
তস্মান্নাত্যুৎসৃজেত্তেজো ন চ নিত্যং মৃদুর্ভবেৎ।
কালেকালে তু সংপ্রাপ্তে মৃদুস্তীক্ষ্ণোপি বা ভবেৎ ॥ 3-28-24 (16710)
কালে মৃদুর্যো ভবতি কালে ভবতি দারুণঃ।
স বৈ সুখমবাপ্নোতি লোকেঽমুষ্মিন্নিহৈব চ ॥ 3-28-25 (16711)
ক্ষমাকালাংস্তু বক্ষ্যামি শৃণু মে বিস্তরেণ তান্।
যে তে নিত্যমসংত্যাজ্যা যথা প্রাহুর্মনীষিণঃ ॥ 3-28-26 (16712)
পূর্বোপকারী যস্তে স্যাদপরাধে গরীয়সি।
উপকারেণ তত্তস্য ক্ষন্তব্যমপরাধিনঃ ॥ 3-28-27 (16713)
অবুদ্ধিমাশ্রিতানাং তু ক্ষন্তব্যমপরাধিনাম্।
ন হি সর্বত্র পাণ্ডিৎবং সুলভং পুরুষেণ বৈ ॥ 3-28-28 (16714)
অথ চেদ্বুদ্ধিজং কৃৎবা ব্রূয়ুস্তে তদবুদ্ধিজম্।
পাপান্স্বল্পেঽপি তান্হন্যাদপরাধে তথাঽনৃজূন্ ॥ 3-28-29 (16715)
সর্বস্যৈকোপরাধস্তে ক্ষন্তব্যঃ প্রাণিনো ভবেৎ।
দ্বিতীয়ে সতি বধ্যস্তু স্বল্পেঽপ্যপকৃতে ভবেৎ ॥ 3-28-30 (16716)
অজানতা ভবেৎকশ্চিদপরাধঃ কৃতো যদি।
ক্ষন্তব্যমেব তস্যাহুঃ সুপরীক্ষ্য পরীক্ষয়া ॥ 3-28-31 (16717)
মৃদুনা দারুণং হন্তি মৃদুনা হন্ত্যদারুণম্।
নাসাধ্যং মৃদুনা কিংচিত্তস্মাত্তীব্রতরং মৃদু ॥ 3-28-32 (16718)
দেশকালৌ তু সংপ্রেক্ষ্য বলাবলমথাত্মনঃ।
অন্বীক্ষ্যকারণং চৈব কার্যং তেজঃ ক্ষমাপি বা ॥' 3-28-33 (16719)
নাদেশকালে কিংচিৎস্যাদ্দেশকালৌ প্রতীক্ষতাম্।
তথা লোকভয়াচ্চৈব ক্ষন্তব্যমপরাধিতম্ ॥ 3-28-34 (16720)
এত এবংবিধাঃ কালাঃ ক্ষমায়াঃ পরিকীর্তিতাঃ।
অতোঽন্যথাঽনুবর্তৎসু তেজসঃ কাল উচ্যতে ॥ 3-28-35 (16721)
তদহং তেজসঃ কালং তব মন্যে নরাধিপ।
ধার্তরাষ্ট্রেষু লুব্ধেষু সততং চাপকারিষু ॥ 3-28-36 (16722)
ন হি কশ্চিৎক্ষমাকালো বিদ্যতেঽদ্য কুরূন্প্রতি।
তেজসশ্চাগতে কালে তেজ উৎস্রষ্টুমর্হসি ॥ 3-28-37 (16723)
মৃদুর্ভবত্যবজ্ঞাতস্তীক্ষ্ণাদুদ্বিজতে জনঃ।
কালে প্রাপ্তে দ্বয়ং চৈতদ্যো বেদ স মহীপতিঃ ॥ 3-28-38 (16724)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি অষ্টাবিংশোঽধ্যায়ঃ ॥ 28 ॥
Mahabharata - Vana Parva - Chapter Footnotes
3-28-2 আগতাগমং প্রাপ্তরহস্যম্ ॥ 3-28-4 শ্রেয়ঃ প্রশস্ততরম্। অত্র ক্ষমাতেজসোর্মধ্যে ॥ 3-28-8 অস্ এনম্ ॥ 3-28-11 অধিকৃতাঃ অন্নপানাদিসংরক্ষণে নিয়ুক্তাঃ। প্রদিষ্টানি ইদমস্মৈ দেয়মিত্যাজ্ঞাপিতানি ॥ 3-28-12 এনং ক্ষমিণম্। ভর্তৃপূজাভিঃ স্বাম্যুচিতমানেন ॥ 3-28-18 তেজসা ক্রোধেন ॥ 3-28-20 উপালম্ভং ধিক্করম্ ॥ 3-28-22 উপকর্তৄনিতি চ্ছেদঃ। রসংধিরার্ষঃ। উপকর্তৄকোশাদিবৃদ্ধিকরান্। হর্তৄন্ চোরান্ ॥ 3-28-23 ভবঃ ঐশ্বর্যম্ অন্তরং ছিদ্রম্ ॥ 3-28-28 অবুদ্ধিং মৌঢ্যম্ ॥ 3-28-30 অপকৃতে অপকারে ॥ 3-28-32 মৃদুনা সাম্রা ॥ 3-28-37 উৎস্রষ্টুং প্রয়োক্তুম্ ॥অরণ্যপর্ব - অধ্যায় 029
॥ শ্রীঃ ॥
3.29. অধ্যায়ঃ 029
Mahabharata - Vana Parva - Chapter Topics
যুধিষ্ঠিরেণ দ্রৌপদীংপ্রতি ক্রোধে বহুদোষোদ্ভাবনপূর্বকং ক্রোধগর্হণম্ ॥ 1 ॥Mahabharata - Vana Parva - Chapter Text
3-29-0 (16725)
`বৈশম্পায়ন উবাচ। 3-29-0x (1854)
দ্রৌপদ্যা বচনং শ্রুৎবা শ্লক্ষ্ণাক্ষরপদং শুভম্।
উবাচ দ্রৌপদীং রাজা স্ময়মানো যুধিষ্ঠিরঃ ॥ 3-29-1 (16726)
কারণে ভবতী ক্রুদ্ধা ধার্তরাষ্ট্রস্য দুর্মতেঃ।
যেন ক্রোধং মহাপ্রজ্ঞে বহুধা বহুমন্যসে।
ক্রোধমূলং হরং শত্রুং কারণৈঃ শৃণু তং মম' ॥ 3-29-2 (16727)
যুধিষ্ঠির উবাচ। 3-29-3x (1855)
ক্রোধো হন্তা মনুষ্যাণাং ক্রোধো ভাবয়িতা পুনঃ।
ইতি বিদ্ধি মহাপ্রাত্রে ক্রোধমূলৌ ভবাভবৌ । 3-29-3 (16728)
যো হি সংহরতে ক্রোধং ভাবস্তস্য সুশোভনে।
`যো ন সংহরতে ক্রোধং তস্যাভাবো ভবত্যুত।
অভাবকারণং তস্মাৎক্রোধো ভবতি শোভনে' ॥ 3-29-4 (16729)
যঃ পুনঃ পুরুষঃ ক্রোধং নিত্যং বিসৃজতে শুভে।
তস্যাভাবায় ভবতি ক্রোধঃ পরমদারুণঃ ॥ 3-29-5 (16730)
ক্রোধমূলো বিনাশো হি প্রজানামিহ দৃশ্যতে।
তৎকথং মাদৃশঃ ক্রোধমুৎসৃজেল্লোকনাশনম্ ॥ 3-29-6 (16731)
ক্রুদ্ধঃ পাপং নরঃ কুর্যাৎক্রুদ্ধো হন্যাদ্গুরূনপি।
ক্রুদ্ধঃ পরুষয়া বাচা শ্রেয়সোঽপ্যবমন্যতে ॥ 3-29-7 (16732)
বাচ্যাবাচ্যে হি কুপিতো ন প্রজানাতি কর্হিচিৎ।
নাকার্যমস্তি ক্রুদ্ধস্য নাবাচ্যং বিদ্যতে তথা ॥ 3-29-8 (16733)
হিংস্যাৎক্রোধাদবধ্যাংস্তু বধ্যান্সংপূজয়ীত চ।
আত্মানমপি চ ক্রুদ্ধঃ প্রেষয়েদ্যমসাদনম্ ॥ 3-29-9 (16734)
এতান্দোষান্প্রপশ্যদ্ভির্জিতঃ ক্রোধো মনীষিভিঃ।
ইচ্ছদ্ভিঃ পরমং শ্রেয় ইহ চামুত্র চোত্তমম্ ॥ 3-29-10 (16735)
তং ক্রোধং বর্জিতং ধীরৈঃ কথমস্মদ্বিধশ্ররেৎ।
এতদ্দ্রৌপদি সংস্মৃত্যন মে মন্যুঃ প্রবর্ধতে ॥ 3-29-11 (16736)
আত্মানং চ পরাংশ্চৈব ত্রায়তে মহতো ভয়াৎ।
ক্রুধ্যন্তমপ্রতিক্রুধ্যন্দূয়োরেষ চিকিৎসকঃ ॥ 3-29-12 (16737)
মূঢো যদি ক্লিশ্যমানঃ ক্রুধ্যতেঽশক্তিমান্নরঃ।
বলীয়সাং মনুষ্যাণাং ত্যজত্যাত্মানমন্ততঃ ॥ 3-29-13 (16738)
তস্যাত্মানং সংত্যজতো লোকা নশ্যন্ত্যনাত্মনঃ।
তস্মাদ্দ্রৌপদ্যশক্তস্ মন্যোর্নিয়মনং স্মৃতম্ ॥ 3-29-14 (16739)
বিদ্বাংস্তথৈব যঃ শক্তঃ ক্লিশ্যমানঃ প্রকুপ্যতি।
স নাশয়িৎবা দ্বেষ্টারং পরলোকে ন নন্দতি ॥ 3-29-15 (16740)
তস্মাদ্বলবতা চৈব দুর্বলেন চ নিত্যদা।
ক্ষন্তব্যং পুরুষেণাহুরাপৎস্বপি বিজানতা ॥ 3-29-16 (16741)
মন্যোর্হি বিজয়ং কৃষ্ণে প্রশংসন্তীহ সাধবঃ।
ক্ষমাবতো জয়ো নিত্যং সাধোরিহ সতাং মতম্ ॥ 3-29-17 (16742)
সত্যংচানৃততঃ শ্রেয়ো নৃশংসাচ্চানৃশংসতা।
তমেবং বহুদোষং ত ক্রোধং সদ্ভির্বিবর্জিতম্।
মাদৃশো বিসৃজেত্তস্মাৎসর্বলোকবিনাশনম্ ॥ 3-29-18 (16743)
তেজস্বীতি যমাহুর্বৈ পণ্ডিতা দীর্গদর্শিনঃ।
ন ক্রোধোঽভ্যন্তরস্তস্ ভবতীতি বিনিশ্চেতম্ ॥ 3-29-19 (16744)
বস্তু ক্রোধং সমুৎপন্নং প্রজ্ঞয়া পরিবাধতে।
তেজস্বিনং তং বিদুষো মন্যন্তে তত্ৎবদর্শিনঃ ॥ 3-29-20 (16745)
ক্রুদ্ধো হি কার্যং সুশ্রোণি ন যথাবৎপ্রপশ্যতি।
নাকার্যং ন চ মর্যাদাং নরঃ ক্রুদ্ধোঽনুপশ্যতি ॥ 3-29-21 (16746)
হন্ত্যবধ্যানপি ক্রুদ্ধো গুরূন্রূক্ষৈস্তুদত্যপি।
তস্মাত্তেজসি কর্তব্যে ক্রোধো দূরাৎপ্রতিষ্ঠিতঃ ॥ 3-29-22 (16747)
দাক্ষ্যং হ্যমর্ষঃ শৌর্যং চ শীঘ্রৎবমিতি তেজসঃ।
গুণাঃ ক্রোধাভিভূতেন ন শক্যাঃ প্রাপ্তুমঞ্জসা ॥ 3-29-23 (16748)
ক্রোধং ত্যক্ৎবা তু পুরুষঃ সম্যক্তেজোঽভিপদ্যতে।
কালয়ুক্তং মহাপ্রাজ্ঞৈঃ ক্রুদ্ধৈস্তেজঃ সুদুর্লভম্ ॥ 3-29-24 (16749)
ক্রোধস্ৎবপণ্ডিতৈঃ শশ্বত্তেজ ইত্যভিনিশ্চিতম্।
রজস্তু লোকনাশায় বিহিতং মানুষান্প্রতি ॥ 3-29-25 (16750)
তস্মাচ্ছশ্বত্ত্যজেৎক্রোধং পুরুষঃ সম্যগাচরন্।
শ্রেয়ান্স্বধর্মানপগো ন ক্রুদ্ধ ইতি নিশ্চিতম্ ॥ 3-29-26 (16751)
যদি সর্বমবুদ্ধীনামতিক্রান্তমচেতসাম্।
অতিক্রমো মদ্বিধস্য কথং স্বিৎস্যাদনিন্দিতে ॥ 3-29-27 (16752)
যদি ন স্যুর্মানুষেষু ক্ষমিণঃ পৃথিবীসমাঃ।
ন স্যাৎসন্ধির্মনুষ্যাণাং ক্রোধমূলো হি বিগ্রহঃ ॥ 3-29-28 (16753)
অভিষক্তো হ্যভিষজেদাহন্যাদ্গুরুণা হতঃ।
এবং বিনাশো ভূতানামমধর্মঃ প্রথিতো ভবেৎ ॥ 3-29-29 (16754)
আক্রুষ্ট পুরুষঃ সর্বং প্রত্যাক্রোশেদনন্তরম্।
প্রতিহন্যাদ্ধতশ্চৈব তথা হিংস্যাচ্চ হিংসিতঃ ॥ 3-29-30 (16755)
হন্যুর্হি পিতরঃ পুত্রান্পুত্রাশ্চাপি তথা পিতৄন্।
হন্যুশ্চ পতয়ো ভার্যাঃ পতীন্ভার্যাস্তথৈব চ ॥ 3-29-31 (16756)
এবং সংকুপিতে লোকে জন্ম কৃষ্ণো ন বিদ্যতে।
প্রজানাং সন্ধিমূলং হি জন্ম বিদ্ধিশুভাননে ॥ 3-29-32 (16757)
তাঃ ক্ষীয়েরন্প্রজাঃ সর্বাঃ ক্ষিপ্রং দ্রৌপদি তাদৃশাঃ।
তস্মান্মন্যুর্বিনাশায় প্রজানামভবায় চ ॥ 3-29-33 (16758)
যস্মাত্তু লোকে দৃশ্যন্তে ক্ষমিণঃ পৃথিবীসমাঃ।
তস্মাজ্জন্ম চ ভূতানাং ভবশ্চ প্রতিপদ্যতে ॥ 3-29-34 (16759)
ক্ষন্তব্যং পুরুষেণেহ সর্বাপৎসু সুশোভনে।
ক্ষমাবতো হি ভূতানাং জন্ম চৈব প্রকীর্তিতম্ ॥ 3-29-35 (16760)
আক্রুষ্টস্তাডিতঃ ক্রুদ্ধঃ ক্ষমতে যো ববীয়সা।
যশ্চ নিত্যং জিতক্রোধো বিদ্বানুত্তমপূরুষঃ।
প্রভাববানপি নরস্তস্য লোকাঃ সনাতনাঃ ॥ 3-29-36 (16761)
ক্রোধনস্ৎবল্পবিজ্ঞানঃ প্রেত্য চেহ চ নশ্যতি ॥ 3-29-37 (16762)
অত্রাপ্যুদাহরন্তীমা গাথা নিত্যং ক্ষমাবতাম্।
গীতাঃ ক্ষমাবতাং কৃষ্ণে কাশ্যপেন মহাত্মনা ॥ 3-29-38 (16763)
ক্ষমা ধর্মঃ ক্ষমা যজ্ঞঃ ক্ষমা বেদাঃ ক্ষমা শ্রুতম্।
যস্তমেবং বিজানাতি স সর্বং ক্ষন্তুর্মহতি ॥ 3-29-39 (16764)
ক্ষমা ব্রহ্ম ক্ষমা সত্যং ক্ষমা ভূতং চ ভাবি চ।
ক্ষমা তপঃ ক্ষমা শৌচং ক্ষময়েদং ধৃতং জগৎ ॥ 3-29-40 (16765)
অতি যজ্ঞবিদাং লোকান্ক্ষমিণঃ প্রাপ্নুবন্তি চ।
অতি ব্রহ্মবিদাং লোকানতি চাপি তপস্বিনাম্ ॥ 3-29-41 (16766)
অন্যে বৈ যজুষাং লোকাঃ কর্মিণামপরে তথা।
ক্ষমাবতাং ব্রহ্মলোকে লোকাঃ পরমপূজিতাঃ ॥ 3-29-42 (16767)
ক্ষমা তেজস্বিনাং তেজঃ ক্ষমা ব্রহ্ম তপস্বিনাম্।
ক্ষমা সত্যং সত্যবতাং ক্ষমা যজ্ঞঃ ক্ষমা শভঃ ॥ 3-29-43 (16768)
তাং ক্ষমাং তাদৃশীং কৃষ্ণে কথমস্মদ্বিধস্ত্যজেৎ।
যত্রব্রহ্ম চ সত্যং চ যজ্ঞা লোকাশ্চ ধিষ্ঠিতাঃ ॥ 3-29-44 (16769)
`ইজ্যন্তে যজ্বনাং লোকাঃ ক্ষমিণামপরে তথা।'
ক্ষন্তব্যমেব সততং পুরুষেণ বিজানতা।
যদা হি ক্ষমতে সর্বং ব্রহ্ম সংপদ্যতে তদা ॥ 3-29-45 (16770)
ক্ষমাবতাময়ং লোকঃ পরশ্চৈব ক্ষমাবতাম্।
ইহ সন্মানমৃচ্ছন্তি পরত্র চ পরা গতিম্ ॥ 3-29-46 (16771)
যেষাং মন্যুর্মনুষ্যাণাং ক্ষময়াঽভিহতঃ সদা।
তেষাং পরতরে লোকাস্তস্মাৎক্ষান্তিঃ পরা মতা ॥ 3-29-47 (16772)
ইতি গীতাঃ কাশ্যপেন গাথানিত্যং ক্ষমাবতাম্।
শ্রুৎবা গাথাঃ ক্ষমায়াস্ৎবং তুষ্যদ্রৌপদি মা ক্রুধঃ ॥ 3-29-48 (16773)
পিতামহঃ শান্তনবঃ রশমং সংপূজয়িষ্যতি।
কৃষ্ণশ্চ দেবকীপুত্রঃ শমং সংপূজয়িষ্যতি ॥ 3-29-49 (16774)
আচার্যো বিদুরঃ ক্ষত্তা শমমেব বদিষ্যতঃ।
কৃপশ্চ সংজয়শ্চৈব শমমেব বদিষ্যতঃ ॥ 3-29-50 (16775)
সোমদত্তো যুয়ুৎসুশ্চ দ্রোণপুত্রস্তথৈব চ।
পিতামহশ্চ নো ব্যাসঃ শমং বদতি নিত্যশঃ ॥ 3-29-51 (16776)
এতৈর্হি রাজা নিয়তং চোদ্যমানঃ শমং প্রতি।
রাজ্যং দাতেতি মে বুদ্ধির্ন চেল্লোভান্নশিষ্যতি ॥ 3-29-52 (16777)
কালোঽয়ং দারুণঃ প্রাপ্তো ভরতানামভূতয়ে।
নিশ্চিতং মে সদৈবৈতৎপুরস্তাদপি ভামিতি ॥ 3-29-53 (16778)
সুয়োধনো নার্হতীতি ক্ষমা মামেব বিন্দতি।
অর্হস্তত্রাহমিত্যেবং তস্মান্মাং বিন্দতে ক্ষমা ॥ 3-29-54 (16779)
এতদাত্মবতাং বৃত্তমেষ ধর্মঃ সনাতনঃ।
ক্ষমা চৈবানৃশংস্যং চ তৎকর্তাঽস্ম্যহমঞ্জসা ॥ 3-29-55 (16780)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি একোনত্রিংশোঽধ্যায়ঃ ॥ 29 ॥
Mahabharata - Vana Parva - Chapter Footnotes
3-29-3 ভাবয়িতা বর্ধয়িতা। জিতঃসন্নিতি শেষঃ ॥ 3-29-7 পাপং ন কঃ কুর্যাৎ ইতি ক. পাঠঃ ॥ 3-29-11 চরেদাচরেৎ ॥ 3-29-12 দ্বয়োরাত্মপরয়ো- চিকিৎসকঃ দোষাপহর্তা। ক্রুধ্যন্তমপ্রতিক্রুধ্যাঞ্জয়েল্লোকাংশ্চ শাশ্বতান্ ইতি খ. পাঠঃ ॥ 3-29-13 বলীয়সামুপরি যদি অশক্তিমান্ ক্রুধ্যতে তর্হি আত্মানং দেহ ত্যজতি। মনুষ্যাণামাত্মনৈব বিপদ্যতে ইতি খ. পাটঃ। মনুষ্যাণাং ত্যজত্যাত্মানমাত্মনা ইতি ঝ.পাঠঃ ॥ 3-29-14 অনাত্মন অজিতচিত্তস্য ॥ 3-29-25 রজঃ রজোগুণপরিণামঃ ॥ 3-29-26 স্বধর্মান্ অপগঃ অপহায় গচ্ছতীতি তথা। দ্বিতীয়ায়া অলুগার্ষঃ ॥ 3-29-27 সর্বং ক্ষমার্জবাদিকম্। অবুদ্ধীনাং মূঢৈঃ অতিক্রান্তং লঙ্ঘিতম্। অনিন্দিতে প্রশস্তে বিষয়ে ক্ষমাদৌ ॥ 3-29-29 অভিষক্তঃ তাপিতঃ। অভিষজেত্তাপয়েৎ ॥ 3-29-30 আক্রুষ্টো বাচা তাডিতঃ। হতোঽন্যেনাভিগতঃ। হিংসিতস্তাডিতঃ ॥ 3-29-32 জন্ম উৎপত্তিঃ। তত্রহেতুঃ। প্রজানাং সংধিঃ দম্পত্যোঃ প্রীতিঃ। এবং সংকুচিতে লোকে ইতি প্রজানাং বৃদ্ধিমূলং হি ইতি চ. ক. পাঠঃ ॥ 3-29-33 অভবায় অনৈশ্বর্যায় ॥ 3-29-34 জন্ম প্রতিপদ্যতে। অন্যথা ক্রোধপ্রাবল্যে। পূর্ববয়স্যেব দম্পত্যোর্নাশাজ্জন্মাসংভব ইত্যর্থঃ ॥ 3-29-36 বলীয়সা আক্রুষ্টস্তাডিতো বাঽশক্তঃ ক্ষমতে তথা যঃ প্রভাববানপি ক্ষমতে তস্য লোকা ইত্যর্থঃ ॥ 3-29-38 ক্ষমাবতাং গাথাঃ প্রশংসাঃ। ক্ষমাবতাং মধ্যে মহাত্মনা ॥ 3-29-40 ব্রহ্ম ব্রাহ্মণজাতিঃ। ভূতং সংচিতং তপঃ ভাবি চ ক্ষমৈব রক্ষতি ॥ 3-29-41 অতি অতিক্রম্য প্রাপ্নুবন্তি। তদূর্ধ্বং পদমিতি শেষঃ। ব্র্হমবিদাং বেদবিদাম্ ॥ 3-29-42 যজুষাং ত্রোতাগ্নিসাষ্যকর্মবতাম্। কর্মিণাং বাপীকূপাদিধর্মবতাম্ ॥ 3-29-48 তুষ্য তুষ্টা ভব ॥ 3-29-52 দাতা দাস্যতি ॥ 3-29-53 অভূতয়ে নাশায় ॥অরণ্যপর্ব - অধ্যায় 030
॥ শ্রীঃ ॥
3.30. অধ্যায়ঃ 030
Mahabharata - Vana Parva - Chapter Topics
ভর্তৃব্যসনদর্শনদূনয়া দ্রৌপদ্যা যুধিষ্ঠিরংপ্রতি ধর্মাদিতোঽপি বিধেরেব প্রাবল্যোপপাদনম্ ॥ 1 ॥Mahabharata - Vana Parva - Chapter Text
3-30-0 (16781)
দ্রৌপদ্যুবাচ। 3-30-0x (1856)
নমো ধাত্রে বিধাত্রে চ যৌ মোহং চক্রতুস্তব।
পিতৃপৈতামহে রাজ্যে বোঢব্যে তেঽন্যথা মতিঃ ॥ 3-30-1 (16782)
[কর্মভিশ্চিন্তিতো লোকো গত্যাংগত্যাং পৃথগ্বিধঃ।
তস্মাৎকর্মাণি নিত্যানি লোভান্মোক্ষং যিয়াসতি ।] 3-30-2 (16783)
নেহ ধর্মানৃশংস্যাভ্যাং ন ক্ষান্ত্যা নার্জবেন চ।
পুরুষঃ শ্রিয়মাপ্নোতি ন ঘৃণিৎবেন কর্হিচিৎ ॥ 3-30-3 (16784)
ৎবাং চেদ্ব্যসনমভ্যাগাদিদং ভারত দুঃসহম্।
স ৎবং নার্হসি নাপীমে ভ্রাতরস্তে মহৌজসঃ ॥ 3-30-4 (16785)
ন হি তেঽধ্যগমঞ্জাতু তদানীং নাদ্য ভারত।
ধর্মাৎপ্রিয়তরং কিংচিদপি চেজ্জীবিতাদপি ॥ 3-30-5 (16786)
ধর্মার্থমেব তে রাজ্যং ধর্মার্থং জীবিতং চ তে।
ব্রাহ্মণা গুরবশ্চৈব জানন্ত্যপি চ দেবতাঃ ॥ 3-30-6 (16787)
ভীমসেনার্জুনৌ চোভৌ মাদ্রেয়ৌ চ ময়া সহ।
ত্যজেস্ৎবমিতি মে বুদ্ধির্ন তু ধর্মং পরিত্যজেঃ ॥ 3-30-7 (16788)
রাজানং ধর্মগোপ্তারং ধর্মো রক্ষতি রক্ষিতঃ।
ইতি মে শ্রুতমার্যাণাং ৎবাং তু মন্যে ন রক্ষতি ॥ 3-30-8 (16789)
ত্যক্ৎবাঽন্যান্হি নরব্যাঘ্র নিত্যদা ধর্ম এব তে।
বুদ্ধিঃ সততমন্বেতি ছায়েবং পুরুষং নিজা ॥ 3-30-9 (16790)
নাবমংস্থা হি সদৃশান্নাবরাঞ্শ্রেয়সঃ কুতঃ।
অবাপ্য পৃথিবীং কৃৎস্নাং ন তে শৃঙ্গমবর্ধত ॥ 3-30-10 (16791)
স্বাহাকারৈঃ স্বধাভিশ্চ পূজাভিরপি চ দ্বিজান্।
দেবতাশ্চ পিতৄংশ্চৈব সততং পার্থ সেবসে ॥ 3-30-11 (16792)
ব্রাহ্মণাঃ সর্বকামৈস্তে সততং পার্থ তর্পিতাঃ।
যতয়ো মোক্ষিণশ্চৈব গৃহস্তাশ্চৈব ভারত ॥ 3-30-12 (16793)
ভুঞ্জতে রুক্মপাত্রীভির্যত্রাহং পরিচারিকা।
আরণ্যকেভ্যো বন্যানি ভোজনানি প্রয়চ্ছসি।
নাদেয়ং ব্রাহ্মণেভ্যস্তে গৃহে কিংচন বিদ্যতে ॥ 3-30-13 (16794)
যদিদং বৈশ্বদেবান্তে সায়ং প্রাতঃ প্রদীয়তে।
তদ্দত্ৎবাঽতিথিভৃত্যেভ্যোরাজঞ্শিষ্টেনজীবসি ॥ 3-30-14 (16795)
ইষ্টয়ঃ পশুবন্ধাশ্চ কাম্যনৈমিত্তিকাশ্চ যে।
বর্তন্তে পাকয়জ্ঞাশ্চ সদা যজ্ঞাশ্চ তেঽনঘ ॥ 3-30-15 (16796)
অস্মিন্নপি মহারণ্যে বিজনে দস্যুসেবিতে।
রাষ্ট্রাদপেত্য বসতো ধর্মস্তে নাবসীদতি ॥ 3-30-16 (16797)
অশ্বমেধো রাজসূয়ঃ পৌণ্ডরীকোঽথ গোসবঃ।
ইষ্টাস্ৎবয়া মহায়জ্ঞাবহবোঽন্যে সদক্ষিণাঃ ॥ 3-30-17 (16798)
রাজন্পরীতয়া বুদ্ধ্যা বিষমেঽক্ষপরাজয়ে।
পার্থ মিত্রাণি চাস্মাংশ্চ বসূনি চ পরাজিতঃ ॥ 3-30-18 (16799)
ঋজোর্মৃদোর্বদান্যস্য ধীমতঃ সত্যবাদিনঃ।
কথমক্ষব্যসনজা বুদ্ধিরাপতিতা তব ॥ 3-30-19 (16800)
অতীব মোহ আয়াতি মনশ্ পরিদূয়তে।
নিশাম্য ব্যসনং পার্থ তবেদমতিদুঃসহম্ ॥ 3-30-20 (16801)
অত্রাপ্যুদাহরন্তীমমিতিহাসং পুরাতনম্।
ঈশ্বরস্য বশে লোকস্তিষ্ঠতে নাত্মনো যথা ॥ 3-30-21 (16802)
ধাতৈব খলু ভূতানাং সুখদুঃখে প্রিয়াপ্রিয়ে।
দদাতি সর্বমীশানঃ পুরস্তাচ্ছুক্রমুচ্চরন্ ॥ 3-30-22 (16803)
যথা দারুময়ীং যোষাং নরো ধীরঃ সমাহিতঃ।
ইঙ্গ্যত্যঙ্গমঙ্গানি তথা রাজন্নিমাঃ প্রজাঃ ॥ 3-30-23 (16804)
আকাশ ইব ভূতানি ব্যাপ্য সর্বাণি ভারত।
ঈশ্বরো বিদধাতীহ কল্যাণং যচ্চ পাপকম্ ॥ 3-30-24 (16805)
শকুনিস্তন্তুবদ্ধো বা নীয়তেঽয়মনীশ্বরঃ।
ঈশ্বরস্য বশে তিষ্ঠন্নান্যেষামাত্মনঃ প্রভুঃ ॥ 3-30-25 (16806)
মণিঃ সূত্র ইব প্রোতো নস্যোত ইব গোবৃষঃ।
ধাতুরাদেশমন্বেতি তন্ময়ো হি তদর্পণঃ ॥ 3-30-26 (16807)
নাত্মাথীনো মনুষ্যোঽয়ং কালং ভজতিং কংচন।
স্রোতসো মধ্যমাপন্নঃ কূলবৃক্ষ ইব চ্যুতঃ ॥ 3-30-27 (16808)
অজ্ঞো জন্তুরনীশোঽয়মাত্মনঃ সুখদুঃখয়োঃ।
ঈশ্বরপ্রেরিতো গচ্ছেৎস্বর্গং নরকমেব চ ॥ 3-30-28 (16809)
যথা বায়োস্তৃণাগ্রাণি বশং যান্তি বলীয়সঃ।
ধাতুরেবং বশং যান্তি সর্বভূতানি ভারত ॥ 3-30-29 (16810)
আর্যে কর্মণি যুঞ্জানঃ পাপে বা পুনরীশ্বঃ।
ব্যাপ্য ভূতানি চরতে ন চায়মিতি লক্ষ্যতে ॥ 3-30-30 (16811)
হেতুমাত্রমিদং ধাতুঃ শরীরং ক্ষেত্রসংজ্ঞিতম্।
যেন কারয়তে কর্ম শুভাশুভফলং বিভুঃ ॥ 3-30-31 (16812)
পশ্য মায়াপ্রভাবোঽয়মীশ্বরেণ যথা কৃতঃ।
যো হন্তি ভূতৈর্ভূতানি মোহয়িৎবাঽঽত্মমায়যা ॥ 3-30-32 (16813)
অন্যথা পরিদৃষ্টানি মুনিভিস্তত্ৎবদর্শিভিঃ।
অন্যথা পরিবর্তন্তে বেগা ইব নভস্বতঃ ॥ 3-30-33 (16814)
অন্যথৈব হি বর্তন্তে পুরুষাস্তানি তানি চ।
অন্যথৈব প্রভুস্তানি করোতি বিকরোতি চ ॥ 3-30-34 (16815)
যথা কাষ্ঠেন বা কাষ্ঠমশ্মানং চাশ্মনা পুনঃ।
অয়সা চাপ্যযশ্ছিন্দ্যান্নির্বিচেষ্টমচেতনম্ ॥ 3-30-35 (16816)
এবং স ভগবান্দেবঃ স্বয়ংভূঃ প্রপিতামহঃ।
নিহন্তি ভূতৈর্ভূতানি ছদ্ম কৃৎবা যুধিষ্ঠির ॥ 3-30-36 (16817)
সংপ্রয়োজ্য বিয়োজ্যায়ং কামকারকরঃ প্রভুঃ।
ক্রীডতে ভগবান্ভূতৈর্বালঃ ক্রীডনকৈরিব ॥ 3-30-37 (16818)
ন মাতৃপিতৃবদ্রাজন্ধাতা ভূতেষু বর্ততে।
রোষাদিব প্রবৃত্তোঽয়ং যথাঽয়মিতরো জনঃ ॥ 3-30-38 (16819)
আর্যাঞ্শীলবো দৃষ্ট্বা হীমতো বৃত্তিকর্শিতান্।
অনার্যান্সুখিনশ্চৈব বিহ্বলানিব চিন্তয়ে ॥ 3-30-39 (16820)
তবেমামাপদং দৃষ্ট্বা সমৃদ্ধিং চ সুয়োধনে।
ধাতারং গর্হয়ে পার্থ বিষমং যোঽনুপশ্যতি ॥ 3-30-40 (16821)
আর্যশাস্ত্রাতিগে ক্রূরে লুব্ধে ধর্মাপচায়িনি।
ধার্তরাষ্ট্রে শ্রিয়ং দত্ৎবা ধাতা কিং ফলমশ্নুতে ॥ 3-30-41 (16822)
কর্মচেৎকৃতমন্বেতি কর্তারং নান্যমৃচ্ছতি।
কর্মণা তেন পাপেন লিপ্যতে নূনমীশ্বরঃ ॥ 3-30-42 (16823)
অথ কর্মকৃতং পাপং ন চেৎকর্তারমৃচ্ছতি।
কারণং বলমেবেহ জনাঞ্শোচামি দুর্বলান্ ॥ 3-30-43 (16824)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি ত্রিংশোঽধ্যায়ঃ ॥ 30 ॥
Mahabharata - Vana Parva - Chapter Footnotes
3-30-1 ধাত্রে ঈশ্বরায়। বিধাত্রে পূর্বকর্মণে ॥ 3-30-2 চিন্তিতঃ কল্পিতো লোকো ভোগসাধনম্। গত্যাংগত্যাং ঊর্ধ্বাধোমধ্যমোত্তমাধময়োনিষু। নিত্যানি অপরিহার্যফলানি। লোভাৎ মোহাৎ মোক্ষং কর্মফলেভ্যো দুঃখেভ্যো মুক্তিং যিয়াসতি প্রাপ্তুমিচ্ছতি ॥ 3-30-5 ধর্মাৎপ্রিয়তরং নহি ত অষ্যগমন্ জ্ঞাতবন্তঃ কিংতু জীবিতাদপি প্রিয়তরং ধর্মমেবাধ্যগমন্ ॥ 3-30-10 শৃঙ্গং প্রভুৎবাভিমানঃ ॥ 3-30-12 তে ৎবয়া ॥ 3-30-15 পাকয়জ্ঞা গৃহ্যাগ্নিসাধ্যা ইষ্টয়ঃ ॥ 3-30-18 পরীতয়া বিপরীতয়া ॥ 3-30-19 ঋজোরবক্রস্য। মৃদোর্দয়ালোঃ ॥ 3-30-22 ধাতা ঈশ্বরঃ। তথৈব খলু ইতি ক. পাঠঃ। শুক্রং প্রাক্কর্মবীজম্। উচ্চরন্নুৎকর্ষেণানুসরন্ ॥ 3-30-24 অন্তর্বহির্ব্যাপ্তৌ আকাশদৃষ্টান্তঃ। বূতানি জরায়ুজাদীনি ॥ 3-30-25 বদ্ধো বা বদ্ধইব ॥ 3-30-26 নসি নাসিকায়াম্। নস্যং নাসাসূত্রং তেন বা ওতঃ প্রোতঃ ॥ 3-30-37 সংপ্রয়োজ্যসংয়োগং কৃৎবা কামকার ইচ্ছা তয়ৈব করোতীতি কামকারকরঃ। ক্রীডনকৈঃ সারীপ্রভৃতিভিঃ ॥ 3-30-42 কৃতং কর্ম যদি কর্তারমেব গচ্ছতি নৎবন্যং তর্হি কারয়িতৃতচ্বাদীশ্বরোপি পাপেন লিপ্যেতৈবেত্যর্থঃ ॥অরণ্যপর্ব - অধ্যায় 031
॥ শ্রীঃ ॥
3.31. অধ্যায়ঃ 031
Mahabharata - Vana Parva - Chapter Topics
যুধিষ্ঠিরেণ দ্রৌপদীংপ্রতি ধর্মস্য সাফল্যোপপাদনম্ ॥ 1 ॥Mahabharata - Vana Parva - Chapter Text
3-31-0 (16825)
যুধিষ্ঠির উবাচ। 3-31-0x (1857)
বল্গু চিত্রপদং শ্লক্ষ্ণং যাজ্ঞসেনি ৎবয়া বচঃ।
উক্তং তচ্ছ্রুতমস্মাভির্নাস্তিক্যং তু প্রভাষসে ॥ 3-31-1 (16826)
নাহং ধর্মফলাকাঙ্ক্ষী রাজপুত্রি চরাম্ভুত।
দদামি দেয়মিত্যেব যজে যষ্টব্যমিত্যুত ॥ 3-31-2 (16827)
অস্তু বাঽত্র ফলং মা বা কর্তব্যং পুরুষেণ যৎ।
গৃহে নিবসতা কৃষ্ণে যথাশক্তি করোমি তৎ ॥ 3-31-3 (16828)
ধর্মং চরামি সুশ্রোণি ন ধর্মফলকারণাৎ।
আগমাননতিক্রম্য সতাং বৃত্তমবেক্ষ্য চ ॥ 3-31-4 (16829)
ধর্ম এব মনঃ কৃষ্ণে স্বভাবাচ্চৈব মে ধৃতম্।
[ধর্মবাণিজ্যকো হীনো জঘন্যো ধর্মবাদিনাম্] 3-31-5 (16830)
ন ধর্মফলমাপ্নোতি যো ধর্মং দোগ্ধুমিচ্ছতি।
যশ্চৈনং শঙ্কতে কৃৎবা নাস্তিক্যাৎপাপচেতনঃ ॥ 3-31-6 (16831)
অতিবাদান্মদাচ্চৈব মা ধর্মমভিশঙ্কথাঃ।
ধর্মাতিশঙ্কী পুরুষস্তির্যগ্গতিপরায়ণঃ ॥ 3-31-7 (16832)
ধর্মো যস্যাতিশঙ্ক্যঃ স্যাদার্ষং বা দুর্বলাত্মনঃ।
বেদাচ্ছূদ্র ইবাপেয়াৎস লোকাদজরামরাৎ ॥ 3-31-8 (16833)
বেদাধ্যায়ী ধর্মপরঃ কুলে জাতো মনস্বিনি।
স্থবিরেষু স যোক্তব্যো রাজভির্ধর্মচারিভিঃ ॥ 3-31-9 (16834)
পাপীয়ান্স হি শূদ্রেভ্যস্তস্করেভ্যো বিশিষ্যতে।
শাস্ত্রাতিগো মন্দবুদ্ধির্যো ধর্মমতিশঙ্কতে ॥ 3-31-10 (16835)
প্রত্যক্ষং হি ৎবয়া দৃষ্ট ঋষির্গচ্ছন্মহাতপাঃ।
মার্কণ্ডেয়োঽপ্রমেয়াত্মা ধর্মেণ চিরজীবিতা ॥ 3-31-11 (16836)
ব্যাসো বসিষ্ঠো মৈত্রেয়ো নারদো লোমশঃ শুকঃ।
অন্যে চ ঋষয়ঃ সর্বে ধর্মেণৈব সুচেতসঃ ॥ 3-31-12 (16837)
প্রত্যক্ষং পশ্যসি হ্যেতান্দিব্যযোগসমন্বিতান্।
শাপানুগ্রহণে শক্তান্দেবেভ্যোঽপি গরীয়সঃ ॥ 3-31-13 (16838)
এতে হি ধর্মমেবাদৌ বর্ণয়ন্তি সদাঽনধে।
কর্তব্যমমরপ্রখ্যাঃ প্রত্যক্ষাগমবুদ্ধয়ঃ ॥ 3-31-14 (16839)
অতো নার্হসি কল্যাণি ধাতারং ধর্মমেব চ।
রজোমূঢেন মনসা ক্ষেপ্তুং শঙ্কিতুমেব চ ॥ 3-31-15 (16840)
উন্মত্তান্মন্যতে বালঃ সর্বানাগতনিশ্চয়ান্।
ধর্মাতিশঙ্কী নান্যস্মিন্প্রমাণমধিগচ্ছতি ॥ 3-31-16 (16841)
ইন্দ্রিয়প্রীতিসংবদ্ধং যদিদং লোকসাক্ষিকম্।
এতাবন্মন্যতে বালো মোহমন্যত্র গচ্ছতি ॥ 3-31-17 (16842)
প্রায়শ্চিত্তং ন তস্যাস্তি যো ধর্মমতিশঙ্কতে।
ধ্যায়ন্স কৃপণঃ পাপো ন লোকান্প্রতিপদ্যতে ॥ 3-31-18 (16843)
প্রমাণাদ্ধি নিবৃত্তো হি বেদশাস্ত্রার্থনিন্দকঃ।
কামলোভানুগো মূঢো নরকং প্রতিপদ্যতে ॥ 3-31-19 (16844)
আর্ষং প্রমাণমুৎক্রাম্য ধর্মং ন প্রতিপালয়ন্।
সর্বশাস্ত্রাতিগো মূঢঃ শং জন্মসু ন বিন্দতি ॥ 3-31-20 (16845)
যস্তু নিত্যং কৃতমতির্ধর্মমেবাভিপদ্যতে।
অশঙ্কমানঃ কল্যাণি সোঽমুত্রানন্ত্যমশ্নুতে ॥ 3-31-21 (16846)
যস্য নার্ষং প্রমাণং স্যাচ্ছিষ্টাচারশ্চ ভামিনি।
ন বৈ তস্য পরো লোকো নায়মস্তীতি নিশ্চয়ঃ ॥ 3-31-22 (16847)
শিষ্টৈরাচরিতং ধর্মং কৃষ্ণে মাস্মাতিশঙ্কথাঃ।
পুরাণমৃষিভিঃ প্রোক্তং সর্বজ্ঞৈঃ সর্বদর্শিভিঃ ॥ 3-31-23 (16848)
ধর্ম এব প্লবো নান্যঃ স্বর্গং দ্রৌপদি গচ্ছতাম্।
সৈবঃ নৌঃ সাগরস্যেব বণিজঃ পারমিচ্ছতঃ ॥ 3-31-24 (16849)
অফলো যদি ধর্মঃ স্যাচ্চরিতো ধর্মচারিভিঃ।
অপ্রতিষ্ঠে তমস্যেতজ্জগন্মজ্জেদনিন্দিতে ॥ 3-31-25 (16850)
নির্বাণং নাধিগচ্ছেয়ুর্জীবেয়ুঃ পশুজীবিকাম্।
বিঘাতেনৈব যুজ্যেয়ুর্ন চার্থং কংচিদাপ্নুয়ুঃ ॥ 3-31-26 (16851)
তপশ্চ ব্রহ্মচর্যং চ যজ্ঞঃ স্বাধ্যায় এব চ।
দানমার্জবমেতানি যদি স্যুরফলানি বৈ ॥ 3-31-27 (16852)
নাচরিষ্যন্পরে ধর্মং পরে পরতরেঽপি চ।
দানমার্জবমেতানি যদি স্যুরফলানি বৈ ॥ 3-31-28 (16853)
ঋষয়স্চৈব দেবাশ্চ গন্ধর্বাসুররাক্ষসাঃ।
ঈশ্বরাঃ কস্য হেতোস্তে চরেয়ুর্ধর্মমাদৃতাঃ ॥ 3-31-29 (16854)
ফলদং ৎবিহ বিজ্ঞায় ধাতারং শ্রেয়সি স্থিতম্।
ধর্মং তেঽব্যচরন্কৃষ্ণে স হি ধর্ম সনাতনঃ ॥ 3-31-30 (16855)
স চায়ং সফলো ধর্মো ন ধর্মোঽফল উচ্যতে।
দৃশ্যন্তেঽপি হি বিদ্যানাং ফলানি তপসাং তথা ॥ 3-31-31 (16856)
ৎবয়্যেতদ্বৈ বিজানীহি জন্ম কৃষ্ণে যথাশ্রুতম্।
বেত্থ চাপি যথা জাতো ধৃষ্টদ্যুম্নঃ প্রতাপবান্ ॥ 3-31-32 (16857)
এতাবদেব পর্যাপ্তমুপমানং শুচিস্মিতে।
কর্মণাং ফলমস্তীতি ধীরোঽল্পেনাপি তুষ্যতি ॥ 3-31-33 (16858)
বহুনাঽপি হ্যবিদ্বাংসো নৈব তুষ্যন্ত্যবুদ্ধয়ঃ।
তেষাং ন ধ্মজং কিংচিৎপ্রেত্য কর্মাস্তি শর্ম বা ॥ 3-31-34 (16859)
কর্মণামুত পুণ্যানাং পাপানাং চ ফলোদয়ঃ।
প্রভবশ্চাপ্যযশ্চৈব দেবগুহ্যানি ভামিনি ॥ 3-31-35 (16860)
নৈতানি বেদ যঃ কশ্চিন্মুহ্যন্ত্যত্র প্রজা ইমাঃ।
[অপি কল্পসহস্রেণ ন চ শ্রেয়োঽধিগচ্ছতি ॥] 3-31-36 (16861)
রক্ষ্যাণ্যেতানি দেবানাং গূঢমায়া হি দেবতাঃ।
কৃশাঙ্গাঃ সুব্রতাশ্চৈব তপসা দগ্ধকিল্বিষাঃ।
প্রসন্নৈর্মানসৈর্যুক্তাঃ পশ্যন্ত্যেতানি বৈ দ্বিজাঃ ॥ 3-31-37 (16862)
ন ফলাদর্সনাদ্ধর্মঃ শঙ্কিতব্যো ন দেবতাঃ।
যষ্টব্যং চ প্রয়ত্নেন দাতব্যং চানমূয়তা ॥ 3-31-38 (16863)
কর্মণাং ফলমস্তীহ তথৈতদ্ধর্মশাসনম্।
ব্রহ্মা প্রোবাচ পুত্রাণাং যদৃষির্বেদ কাশ্যপঃ ॥ 3-31-39 (16864)
তস্মাত্তে সংশয়ঃ কৃষ্ণে নীহার ইব নশ্যতু।
বিমৃশ্য সর্বমস্তীতি নাস্তিক্যং ভাবমুৎসৃজ ॥ 3-31-40 (16865)
ঈশ্বরং চাপি ভূতানাং ধাতারং মা চ বৈ ক্ষিপ।
শিক্ষস্বৈনং নমস্বৈনং মা তেঽভূদ্বুদ্ধিরীদৃশী ॥ 3-31-41 (16866)
যস্য প্রসাদাত্তদ্ভক্তো মর্ত্যো গচ্ছত্যমর্ত্যতাম্।
উত্তমাং দেবতাং কৃষ্ণে মাতিবোচঃ কথংচন ॥ 3-31-42 (16867)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি একত্রিংশোঽধ্যায়ঃ ॥ 31 ॥
Mahabharata - Vana Parva - Chapter Footnotes
3-31-1 বল্গু শোভনম্। শ্লক্ষ্ণং সুকুমারম্। নাস্তিক্যং বেদবিদ্বিষ্টম্ ॥ 3-31-8 দোষো দুর্বোধ আত্মন ইতি ট. পাঠঃ। অদোষো দুর্বলাত্মনঃ ইতি ধ. পাঠঃ ॥ 3-31-21 মূঢ আজন্ম স ন নন্দতীতি ট. পাঠঃ। আজন্মসু ন নন্দতীতি ধ. পাঠঃ। আত্মানং স বিনশ্যতীতি ক. পাঠঃ ॥ 3-31-24 স বৈ নৌঃ সাগরস্যেবেতি ট. পাঠঃ ॥অরণ্যপর্ব - অধ্যায় 032
॥ শ্রীঃ ॥
3.32. অধ্যায়ঃ 032
Mahabharata - Vana Parva - Chapter Topics
যুধিষ্ঠিরংপ্রতি দ্রৌপদ্যা ব্রাহ্মণোক্তবৃহস্পতিনীতিকথনম্ ॥ 1 ॥Mahabharata - Vana Parva - Chapter Text
3-32-0 (16868)
দ্রৌপদ্যুবাচ। 3-32-0x (1858)
নাবমন্যে ন গর্হে চ ধর্মং পার্থ কথংচন।
ঈশ্বরং কুত এবাহমবমংস্যে প্রজাপতিম্ ॥ 3-32-1 (16869)
আর্তাঽহং প্রলপামীদমিতি মাং বিদ্ধি ভারত।
ভূয়শ্চ বিলপিষ্যামি সুমনাস্ৎবং নিবোধ মে ॥ 3-32-2 (16870)
কর্ম খল্বিহ কর্তব্যং জাতেনামিত্রকর্শন।
অকর্মাণো হি জীবন্তি স্থাবরা নেতরে জনাঃ ॥ 3-32-3 (16871)
আমাতৃস্তন্যপানাচ্চ যাবচ্ছয়্যোপসর্পণম্।
জঙ্গমাঃ কর্মণা বৃত্তিমাপ্নুবন্তি যুধিষ্ঠির ॥ 3-32-4 (16872)
জঙ্গমেষু বিশেষেণ মনুষ্যা ভরতর্ষভ।
ইচ্ছন্তি কর্মণা বৃত্তিমবাপ্তুং প্রেত্য চেহ চ ॥ 3-32-5 (16873)
উত্থানমভিজানন্তি সর্বভূতানি ভারত।
প্রত্যক্ষং ফলমশ্নন্তি কর্মণাং লোকসাক্ষিকম্ ॥ 3-32-6 (16874)
পশ্যন্তঃ স্বং সমুত্থানমুপজীবন্তি জন্তরঃ।
অপি ধাতা বিধাতা চ যথাঽয়মুদকে বকঃ ॥ 3-32-7 (16875)
[অকর্মণাং বৈ ভূতানাং বৃত্তিঃ স্বান্ন হি কাচন।
তদেবাভিপ্রপদ্যেত ন বিহন্যাৎকদাচন ॥] 3-32-8 (16876)
স্বকর্ম কুরু মাহাসীঃ কর্মণা ভব দংশিতঃ।
কৃত্যং হি যোঽভিজানাতি সহস্রে সোস্তি নাস্তি বাং ॥ 3-32-9 (16877)
তস্য চাপি ভবেৎকার্বং বিবৃদ্ধৌ রক্ষণে তথা।
ভক্ষ্যমাণো দ্যনাবাষঃ ক্ষীয়েত হিমবানপি ॥ 3-32-10 (16878)
উৎসীদেরন্প্রজাঃ সর্বা ন কুর্যুঃ কর্ম চেদ্যদি।
[তথা হ্যেতা ন বর্ধেরন্কর্ম চেদফলং ভবেৎ ॥] 3-32-11 (16879)
দৃষ্ট্বাঽপিচ ফলং কর্ম পশ্যামঃ কুর্বতো জনান্।
নান্যথা হ্যপি জানন্তি বৃত্তিং লোকাঃ কথংচন ॥ 3-32-12 (16880)
যশ্চ দিষ্টপরো লোকে যশ্চাপি হঠবাদকঃ।
উভাবপি শঠাবেতৌ কর্মবুদ্ধিঃ প্রশস্যতে ॥ 3-32-13 (16881)
যো হি দিষ্টমুপাসীত নির্বিচেষ্টঃ সুখং স্বপন্।
অবসীদেৎসুদুর্বুদ্ধিরামো ঘট ইবোদকে ॥ 3-32-14 (16882)
তথৈব হঠবুদ্ধির্যঃ শক্তঃ কর্মণ্যকর্মকৃৎ।
আসীত ন চিরং জীবেদনাথ ইব দুর্বলঃ ॥ 3-32-15 (16883)
অকস্মাদিহ যঃ কশ্চিদর্থং প্রাপ্নোতি পূরুষঃ।
তং হঠেনেতি মন্যন্তে স হি যত্নো ন কস্যচিৎ ॥ 3-32-16 (16884)
বশ্চাপি কশ্রিৎপুরুষো দিষ্টং নাম ভজত্যুত।
দৈবেন বিধিনা পার্থ তদ্দৈবমিতি নিশ্চিতম্ ॥ 3-32-17 (16885)
যত্তাবস্কর্মণা কিংচিৎফলমাপ্নোতি পূরুষঃ।
প্রত্যক্ষং চক্ষুষা দৃষ্টং তৎপৌরুষমিতি শ্রুতম্ ॥ 3-32-18 (16886)
স্বভাবতঃ প্রবৃত্তো যঃ প্রাপ্নোত্যর্থং ন কারণাৎ।
তৎস্বভাবাৎপ্রকং বিদ্ধি ফলং পুরুষসত্তম ॥ 3-32-19 (16887)
এবং হঠাচ্চ দৈবাচ্চ স্বভাবাৎকর্মণস্তথা।
যানি প্রাপ্নোতি পুরুষস্তৎফলং পূর্বকর্মণাম্ ॥ 3-32-20 (16888)
ধাতাপি হি স্বকর্মৈব তৈস্তৈর্হেতুভিরীশ্বরঃ।
বিদধাতি বিভজ্যেহ ফলং পূর্বকতং নৃণাম্ ॥ 3-32-21 (16889)
যদ্ধি যঃ পুরুষঃ কিংচিৎকুরুতে বৈ শুভাশুভম্।
তদ্ধাতৃবিহিতং বিদ্ধি পূর্বকর্মফলোদয়ম্ ॥ 3-32-22 (16890)
কারণং তস্য দেহোঽয়ং ধাতুঃ কর্মণি কর্মণি।
স যথা প্রেরয়ত্যেনং তথাঽয়ং কুরুতেঽবশঃ ॥ 3-32-23 (16891)
তেষুতেষু হি কৃত্যেষু বিনিয়োক্তা মহেশ্বরঃ।
সর্বভূতানি কৌন্তেয় কারয়ত্যবশান্যপি ॥ 3-32-24 (16892)
মনসাঽর্থান্বিনিশ্চিত্য পশ্চাৎপ্রাপ্নোতি কর্মণা।
বুদ্ধিপূর্বং স্বয়ং বীর পুরুষস্তত্র কারণম্ ॥ 3-32-25 (16893)
সংখ্যাতুং নৈব শক্যানি কর্মাণি পুরুষর্ষভ।
অগারনগরাণাং হি সিদ্ধিঃ পুরুষহৈতুকী ॥ 3-32-26 (16894)
তিলে তৈলং গবি ক্ষীরং কাষ্ঠে পাবকমন্ততঃ।
এবং ধীরো বিজানীয়াদুপায়ং চাস্য সিদ্ধয়ে ॥ 3-32-27 (16895)
ততঃ প্রবর্ততে পশ্চাৎকারণেষ্বস্ব সিদ্ধয়ে।
তাং সিদ্ধিমুপজীবন্তি কর্মণামিহ জন্তবঃ ॥ 3-32-28 (16896)
কুশলেন কৃতং কর্ম কর্ত্রা সাধু স্বনুষ্ঠিতম্।
ইদং ৎবকুশলেনেতি বিশেষাদুপলভ্যতে ॥ 3-32-29 (16897)
ইষ্টাপূর্ত্তফলং ন স্যান্ন শিষ্যো ন গুরুর্ভবেৎ।
পুরুষঃ কর্মসাধ্যেষু স্বাচ্চেদয়মকারণম্ ॥ 3-32-30 (16898)
কর্তৃৎবাদেব পুরুষঃ কর্মসিদ্ধৌ প্রশস্যতে।
অসিদ্ধৌ নিন্দ্যতে চাপি কর্মনাশঃ কথং ৎবিহ ॥ 3-32-31 (16899)
সর্বমেব হঠেনৈকে দৈবেনৈকে বদন্ত্যুত।
পুংসঃ প্রয়ত্নজং কেচিদ্দৈবমেতদ্বিশিষ্যতে ॥ 3-32-32 (16900)
ন চৈবৈতাবতা কার্যং মন্যন্ত ইতি চাপরে।
অস্তি সর্বমদৃশ্যং তু দিষ্টং চৈব তথা হঠঃ ॥ 3-32-33 (16901)
দৃশ্যতে হি হঠাচ্চৈব দিষ্টাচ্চার্থস্য সংততিঃ।
কিংচিদ্দৈবাদ্ধঠাৎকিংচিৎকিংচিদেব স্বকর্মতঃ ॥ 3-32-34 (16902)
পুরুষঃ ফলমাপ্নোতি চতুর্থং নাত্র কারণম্।
কুশলাঃ প্রতিজানন্তি যে বৈ তত্ৎববিদোজনাঃ ॥ 3-32-35 (16903)
তথৈব ধাতা ভূতানামিষ্টানিষ্টফলপ্রদঃ।
যদি ন স্বানন ভূতানাং কৃপণো নাম কশ্চন ॥ 3-32-36 (16904)
যংয়মর্থমভিপ্রেপ্সুঃ কুরুতে কর্ম পূরুষঃ।
তত্তৎসফলমেব স্যাদ্যদি ন স্যাৎপুরা কৃতম্ ॥ 3-32-37 (16905)
ত্রিদ্বারামর্থসিদ্ধিং তু নানুপশ্যন্তি যে নরাঃ।
তথৈবানর্থসিদ্ধিং চ যথা লোকাস্তথৈব তে ॥ 3-32-38 (16906)
কর্তব্যমেব কর্মেতি মনোরেষ বিনিশ্চয়ঃ।
একান্তেন হ্যনীহোঽয়ং বর্ততেঽস্মাসু সংপ্রতি ॥ 3-32-39 (16907)
কুর্বতো হি ভবত্যেব প্রায়েণেহ যুধিষ্ঠির।
একান্তফলসিদ্ধিং তু ন বিন্দত্যলসঃ ক্বচিৎ ॥ 3-32-40 (16908)
অসংভবে ৎবস্য হেতুঃ প্রায়শ্চিত্তং তু লক্ষ্যতে।
কৃতেকর্মণি রাজেন্দ্র তথাঽনৃণ্যমবাপ্নুতে ॥ 3-32-41 (16909)
অলক্ষ্মীরাবিশত্যেনং শয়ানমলসং নরম্।
নিঃসংশয়ং ফলং লব্ধ্বা দক্ষো ভূতিমুপাশ্নুতে ॥ 3-32-42 (16910)
অনর্থং সংশয়াবস্থং গৃণন্ত্যামুক্তসশংয়াঃ।
ধীরা নরাঃ কর্মরতা ন তু নিঃসংশয়াঃ ক্বচিৎ ॥ 3-32-43 (16911)
একান্তে নহ্যনর্থোঽয়ং বর্ততেঽস্মাসু সাংপ্রতম্।
স তু নিঃসংশয়ং ন স্যাত্ৎবয়ি কর্মণ্যবস্থিতে ॥ 3-32-44 (16912)
অথবাঽসিদ্ধিরেব স্যান্মহিমা তু তদেব তে।
বৃকোদরস্য বীভৎসোর্ভাত্রোশ্চ যময়োরপি ॥ 3-32-45 (16913)
অন্যেষাং কর্ম সফলমস্মাকমপি বা পুনঃ।
বিপ্রকর্ষেণ বুদ্ধ্যেত কৃতকর্মা যথা ফলম্ ॥ 3-33-46 (16914)
পৃথিবীং লাঙ্গলেনেহ কৃষ্ট্বা বীজং বপত্যুত।
আস্তেঽথ কর্ষকস্তূষ্ণীং পর্জন্যস্তত্র কারণম্ ॥ 3-32-47 (16915)
বৃষ্টিশ্চেন্নানুগৃহ্ণীয়াদনেনাস্তত্র কর্ষকঃ।
যদন্যঃ পুরুষঃ কুর্যাত্তৎকৃতং সফলং ময়া ॥ 3-32-48 (16916)
তচ্চেদং ফলমস্মাকমপরাধো ন মে ক্বচিৎ।
ইতি ধীরোঽন্ববেক্ষ্যৈব নাত্মানং তত্রগর্হয়েৎ ॥ 3-32-49 (16917)
কুর্বতো নার্থসিদ্ধির্মে ভবতীতি হ ভারত।
নির্বেদো নাত্র গন্তব্যো দ্বাবন্তৌ যস্য কর্মণঃ ॥ 3-32-50 (16918)
সিদ্ধির্বাঽপ্যথবাঽসিদ্ধিরপ্রবৃত্তিরতোঽন্যথা।
বহূনাং সমবায়ে হি ভাবানাং কর্ম সিধ্যতি ॥ 3-32-51 (16919)
গুণাভাবে ফলং ন্যূনং ভবত্যফলমেব চ।
অনারম্ভে হি ন ফলং ন গুণো দৃশ্যতে ক্বচিৎ ॥ 3-32-52 (16920)
দেশকালাবুপায়াংশ্চ মঙ্গলং স্বস্তিসিদ্ধয়ে।
যুনক্তি মেধয়া ধীরো যথায়োগং যথাবলম্ ॥ 3-32-53 (16921)
অপ্যুপায়েন তৎকার্যমুপদেষ্টা পরাক্রমঃ।
ভূয়িষ্ঠং কর্ময়োগেষু সর্ব এব পরাক্রমঃ ॥ 3-32-54 (16922)
যত্রধীমানবেক্ষেত শ্রেয়াসং বহুভির্গুণৈঃ।
সাম্নৈবার্থং ততো লিপ্সেৎকর্ম চাস্মৈ প্রয়োজয়েৎ ॥ 3-32-55 (16923)
ব্যসনং নাভিকাঙ্ক্ষেত্ত বিনাশং বা যুধিষ্ঠির।
অপি সিন্ধোর্গিরের্বাঽপি কিং পুনর্মর্ত্যধর্মিণঃ ॥ 3-32-56 (16924)
উত্থানয়ুক্তঃ সততং পরেষামন্তরৈষণে।
আনৃণ্যমাপ্নোতি নরঃ পরস্যাত্মন এব চ ॥ 3-32-57 (16925)
ন ৎবেবাত্মাঽবমন্তব্যঃ পুরুষেণ কদাচন।
ন হ্যাত্মপরিভূতস্ ভূতির্ভবতি শোভনা ॥ 3-32-58 (16926)
এবং সংস্থিতিকা সিদ্ধিরিয়ং লোকস্য ভারত।
চিত্রা সিদ্ধিগতিঃ প্রোক্তা কালাবস্থাবিভাগশঃ ॥ 3-32-59 (16927)
ব্রাহ্মণং মে পিতা পূর্বং বাসয়ামাস পণ্ডিতম্।
সর্বং চার্থমিমং প্রাহ পিত্রে মে ভরতর্ষভ ॥ 3-32-60 (16928)
নীতিং বৃহস্পতিপ্রোক্তাং ভ্রাতৃন্মেঽগ্রাহয়ন্পুরা।
তেষাং সকাশাদশ্রৌষমহমেতাং তদা গৃহে ॥ 3-32-61 (16929)
স মাং রাজন্কর্মবতীমাগতামাহ সান্ৎবয়ন্।
শুশ্রূষমাণামাসীনাং পিতুরঙ্কে যুধিষ্ঠির ॥ 3-32-62 (16930)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি দ্বাত্রিংশোঽধ্যায়ঃ ॥ 32 ॥
Mahabharata - Vana Parva - Chapter Footnotes
3-32-12 অপিবাহ্য ফলং কর্মেতি ট. ধ. পাঠঃ ॥ 3-32-18 যত্নবান্কর্মণেতি ধ. পাঠঃ ॥ 3-32-32 ত্রৈধমেতন্নিরুচ্যতে ইতি ঝ. পাটঃ ॥ 3-32-33 দৈবশিষ্টং তথা হঠমিতি ক. পাঠঃ। দৈবাদিষ্টং তথা হঠ ইতি ঠ. পাঠঃ ॥ 3-32-39 একান্তে নহ্যনর্থোয়মিতি ক ধ. পাঠঃ ॥ 3-32-59 সংস্থিতিকা ঈদৃগ্ব্যবস্থাবতী সিদ্ধিঃ ফলসিদ্ধিঃ ॥ 3-32-62 কর্মবতীমাগতাং কিংচিৎকার্যোদ্দেশেন পিতুরন্তিকে আগতাম্ ॥অরণ্যপর্ব - অধ্যায় 033
॥ শ্রীঃ ॥
3.33. অধ্যায়ঃ 033
Mahabharata - Vana Parva - Chapter Topics
ভীমেন যুধিষ্ঠিরংপ্রতি নীতিব্যুৎপাদনপূর্বকং যুদ্ধেন রাজ্যাহরণকর্তব্যৎবোক্তিঃ ॥ 1 ॥Mahabharata - Vana Parva - Chapter Text
3-33-0 (16931)
বৈশম্পায়ন উবাচ। 3-33-0x (1859)
যাজ্ঞসেন্যা বচঃ শ্রুৎবা ভীমসেনো হ্যমর্ষণঃ।
নিশ্বসন্নুপসংগম্য ক্রুদ্ধো রাজানমব্রবীৎ ॥ 3-33-1 (16932)
রাজন্সৎপদবীং ধর্ম্যাং ব্রজ সৎপুরুষোচিতাম্।
ধর্মকামার্থহীনানাং কিং নো বস্তুং তপোবনে ॥ 3-33-2 (16933)
নৈব ধর্মেণ তদ্রাজ্যং নার্জবেণ ন চৌজসা।
অক্ষকূটমধিষ্ঠায় হৃতং দুর্যোধনেন বৈ ॥ 3-33-3 (16934)
গোমায়ুনেব সিংহানাং দির্বলেন বলীয়সাম্।
আমিপং বিঘসাশেন তদ্বদ্রাজ্যং হি নো হৃতম্ ॥ 3-33-4 (16935)
ধর্মলেশপ্রতিচ্ছন্নঃ প্রভবং ধর্মকাময়োঃ।
অর্থমুৎসৃজ্য কিং রাজন্দুঃখেন পরিতপ্যসে ॥ 3-33-5 (16936)
ভবতোঽনুবিধানেন রাজ্যং নঃ পশ্যতাং হৃতম্।
অহার্যমপি শক্রেণ গুপ্তং গাণ্ডীবধন্বনা ॥ 3-33-6 (16937)
কুণীনামিব বিল্বানি পঙ্গূনামিব ধেনবঃ।
হৃতমৈশ্বর্যমস্মাকং জীবতাং ভবতঃ কৃতে ॥ 3-33-7 (16938)
ভবতঃ প্রিয়মিত্যেবং মহদ্ব্যসনমীদৃশম্।
ধর্মকামে প্রতীতস্য প্রতিপন্নাঃ স্ম ভারত ॥ 3-33-8 (16939)
কর্শয়ামঃ স্বমিত্রাণি নন্দয়ামশ্চ শাত্রবান্।
আত্মানং ভবতঃ শাস্ত্রৈর্নিয়ম্য ভরতর্ষভ ॥ 3-33-9 (16940)
যদ্বয়ং ন তদৈবৈতান্ধার্তরাষ্ট্রান্নিহন্ম হি।
ভবতঃ শাস্ত্রমাদায় তন্নস্তপতি দুষ্কৃতম্ ॥ 3-33-10 (16941)
অথৈনামন্ববেক্ষস্ব মৃগচর্যামিবাত্মনঃ।
অবীরাচরিতাং রাজন্নবলস্থৈর্নিষেবিতাম্ ॥ 3-33-11 (16942)
যাং ন কৃষ্ণো ন বীভৎসুর্নাভিমন্যুর্ন সৃঞ্জয়াঃ।
ন চাহমভিনন্দামি ন চ মাদ্রীসুতাবুভৌ ॥ 3-33-12 (16943)
ভবান্ধর্মো ধর্ম ইতি সততং ব্রতকর্শিতঃ।
কচ্চিদ্রাজন্ন নির্বেদাদাপন্নঃ ক্লীবজীবিকাম্ ॥ 3-33-13 (16944)
দুর্মনুষ্যা হি নির্বেদমফলং সর্বঘাতকম্।
অশক্তাঃ শ্রিয়মাহর্তুমাত্মনঃ কুর্বতে প্রিয়ম্ ॥ 3-33-14 (16945)
স ভবান্দৃষ্টিমাঞ্শক্তঃ পশ্যন্নস্মাসু পৌরুষম্।
আনৃশংস্যপরো রাজন্নাত্মার্থমববুধ্যসে ॥ 3-33-15 (16946)
অস্মানমী ধার্তরাষ্ট্রাঃ ক্ষমমাণানহিংসতঃ।
অশক্তানেব মন্যন্তে তদ্দুঃখং নাহবে বধঃ ॥ 3-33-16 (16947)
তত্রচেদ্যুধ্যমানানামজিহ্মমনিবর্তিনাম্।
সর্বশো হি বধঃ শ্রেয়ান্প্রেত্য লোকাংল্লভেমহি ॥ 3-33-17 (16948)
অধবা বয়মেবৈতান্নিহত্য ভরতর্ষভ।
আদদীমহি গাং সর্বাং তথাপি শ্রেয় এব নঃ ॥ 3-33-18 (16949)
সর্বথা কার্যমেতন্নঃ স্বধর্মমনুতিষ্ঠতাম্।
কাঙ্খতাং বিষুলাং কীর্তি বৈরং প্রতিচিকীর্ষতাম্ ॥ 3-33-19 (16950)
আত্মার্থং যুধ্যমানানাং জীবিতে কৃত্যলক্ষণে।
অন্যৈরপি হৃতে রাজ্যে প্রশংসৈব ন গর্হণা ॥ 3-33-20 (16951)
কর্শনার্থো হি যো ধর্মো বিপ্রাণামাত্মনস্তথা।
ব্যসনং নাম তদ্রাজন্ন ধর্মঃ স কুবর্ত্মতৎ ॥ 3-33-21 (16952)
সর্বথা ধর্মনিত্যং তু পুরুষং ধর্মদুর্বলম্।
জহতস্তাত ধর্মার্থৌ প্রেতং দুঃখসুখে যথা ॥ 3-33-22 (16953)
যস্য ধর্মো হি ধর্মার্থঁ ক্লেশভাঙ্গ স পণ্ডিতঃ।
ন স ধর্মস্য বেদার্থং সূর্যস্যান্ধঃ প্রভামিব ॥ 3-33-23 (16954)
যস্য চার্থার্থ এবার্থঃ স চ নার্থস্য কোবিদঃ।
রক্ষ্যতে ভৃতকঃ পুণ্যং যথা স্যাত্তাদৃগেব সঃ ॥ 3-33-24 (16955)
অতিবেলং হি যোঽর্থার্থী নেতরাবনুতিষ্ঠতি।
স বধ্যঃ সর্বভূতানাং ব্রহ্মহেব জুগুপ্সিতঃ ॥ 3-33-25 (16956)
সততং যশ্চ কামার্থী নেতরাবনুতিষ্ঠতি।
মিত্রাণি তস্য নশ্যন্তি ধর্মার্থাভ্যাং চ হীয়তে ॥ 3-33-26 (16957)
তস্য ধর্মার্থহীনস্য কামান্তে নিধনং ধ্রুবম্।
কামতো রমমাণস্য মীনস্যেবাম্ভসঃ ক্ষয়ে ॥ 3-33-27 (16958)
তস্মাদ্ধর্মার্থয়োর্নিত্যং ন প্রমান্দ্যন্তি পণ্ডিতাঃ।
প্রকৃতিঃ সা হি কামস্য পাবকস্যারণির্যথা ॥ 3-33-28 (16959)
সর্বথা ধর্মমূলোঽর্থো ধর্মশ্চার্থপরিগ্রহঃ।
ইতরেতরয়োর্নীতৌ বিদ্ধি মেঘোদধী যথা ॥ 3-33-29 (16960)
দ্রব্যার্থস্পর্শসংয়োগে যা প্রীতিরুপজায়তে।
স কামশ্চিত্তসংকল্পঃ শরীরং নাস্য দৃশ্যতে ॥ 3-33-30 (16961)
অর্থার্থী পুরুষো রাজন্বৃহন্তং ধর্মমিচ্ছতি।
অর্থমিচ্ছতি কামার্থীন কামাদন্যমিচ্ছতি ॥ 3-33-31 (16962)
ন হি কামেন কামোঽন্যঃ সিধ্যতে ফলমেব তৎ।
উষয়োগাৎফলস্যৈব কাষ্ঠাদ্ভস্মেব পণ্ডিতঃ ॥ 3-33-32 (16963)
ইমাঞ্শকুনকান্রাজন্হন্তি বৈতংসিকো যথা।
এতদ্রূপমধর্মস্য ভূতেষু চ বিহিংসনম্ ॥ 3-33-33 (16964)
কামাল্লোভাচ্চ ধর্মস্য প্রবৃত্তিং যো ন পশ্তি।
স বধ্যঃ সর্বভূতানাং প্রেত্য চেহৈচ দুর্মতিঃ ॥ 3-33-34 (16965)
ব্যক্তং তে বিদিতো রাজন্নর্থো দ্রব্যপরিগ্রহঃ।
প্রকৃতিং চাপি বেত্থাস্য বিকৃতিং চাপি ভূয়সীম্ ॥ 3-33-35 (16966)
তস্য নাশং বিনাশং বা জরয়া মরণেন বা।
অনর্থ ইতি মন্যন্তে সোয়মস্মাসু বর্ততে ॥ 3-33-36 (16967)
ইন্দ্রিয়াণাং চ পঞ্চানাং মনসো হৃদয়স্য চ।
বিপয়ে বর্তমানানাং যা প্রীতিরুপজায়তে ॥ 3-33-37 (16968)
স কাম ইতি মে বুদ্ধিঃ কর্মণাং ফলমুত্তমম্।
এবমেব পৃথগ্দৃষ্ট্বা ধর্মার্থৌ কামমেব চ ॥ 3-33-38 (16969)
ন ধর্মপর এব স্যান্ন চার্থপরমো নরঃ।
ন কামপরমো বা স্যাৎসর্বান্সেবেত সর্বদা ॥ 3-33-39 (16970)
ধর্মং পূর্বে ধনং মধ্যে জঘন্যে কামমাচরেৎ।
অহন্যনুচরেদেবমেষ শাস্ত্রকৃতো বিধিঃ ॥ 3-33-40 (16971)
কামং পূর্বে ধনং মধ্যে জঘন্যে ধর্মমাচরেৎ।
বয়স্যনুচরেদেবমেষ শাস্ত্রকৃতো বিধিঃ ॥ 3-33-41 (16972)
ধর্মং চার্থং চ কামং চ যথাবদ্বদতাংবর।
বিভজ্য কালে কালজ্ঞঃ সর্বান্সেবেত পণ্ডিতঃ ॥ 3-33-42 (16973)
মোক্ষো বা পরমং শ্রেয় এষ রাজন্সুখার্থিনাম্।
প্রাপ্তিং বা বুদ্ধিমাস্থায় সোপায়াং কুরুনন্দন ॥ 3-33-43 (16974)
তদ্বাঽঽশু ক্রিয়তাং রাজন্প্রাপ্তির্বাপ্যধিগম্যতাম্।
জীবিতং হ্যাতুরস্যেব দুঃখমন্তরবর্তিনঃ ॥ 3-33-44 (16975)
বিদিতশ্চৈব মে ধর্মঃ সততং চরিতশ্চ তে।
জানন্তস্ৎবয়ি শংসন্তি সুহৃদঃ কর্মচোদনাম্ ॥ 3-33-45 (16976)
দানং যজ্ঞাঃ সতাং পূজা বেদধারণমার্জবম্।
এষ ধর্মঃ পরো রাজন্ফলবান্প্রেত্য চেংহ চ ॥ 3-33-46 (16977)
এষ নার্থবিহীনেন শক্যো রাজন্নিপেবিতুম্।
অখিলাঃ পুরুষব্যাঘ্র গুণাঃ স্যুর্যদ্যপীনরে ॥ 3-33-47 (16978)
ধর্মমূলং জগদ্রাজন্নান্যদ্ধর্মাদ্বিশিষ্যতে।
ধর্মশ্চার্থেন মহতা শক্যো রাজন্নিষেবিতুম্ ॥ 3-33-48 (16979)
ন চার্থো ভৈক্ষ্যচর্যেণ নাপি ক্লৈব্যেন কর্হিচিৎ।
বেত্তুং শক্যস্তথা রাজন্কেবলং ধর্মবুদ্ধিনা ॥ 3-33-49 (16980)
প্রতিষ্দ্ধা হি তে যাচ্ঞা যয়া সিধ্যতি বৈ দ্বিজঃ।
তেজসৈবার্থলিপ্সায়াং যতস্ব পুরুষর্ষভ ॥ 3-33-50 (16981)
ভৈক্ষ্যচর্যা ন বিহিতা ন চ বিট্শূদ্রজীবিকা।
ক্ষত্রিয়স্ বিশেষেণ ধর্মস্তু বলমৌরসম্ ॥ 3-33-51 (16982)
স্বধর্মং প্রতিপদ্যস্ব জহি শত্রূন্সমাগতান্।
ধার্তরাষ্ট্রবনং পার্থ ময়া পার্থেন নাশয় ॥ 3-33-52 (16983)
উদারমেব বিদ্বাংসো ধর্মং প্রাহুর্মনীষিণঃ।
উদারং প্রতিপদ্যস্ব নাবরে স্থাতুমর্হসি ॥ 3-33-53 (16984)
অনুবুধ্যস্ব রাজেন্দ্র বেত্থ ধর্মান্সনাতনান্।
ক্রূরকর্মাঽভিজাতোসি যস্মাদুদ্বিজতে জনঃ ॥ 3-33-54 (16985)
প্রজাপালনসংভূতং ফলং তব ন গর্হিতম্।
এষ তে বিহিতো রাজন্ধাত্রা ধর্মঃ সনাতনঃ ॥ 3-33-55 (16986)
তস্মাদ্বিচলিতঃ পার্থ লোকে হাস্যং গমিষ্যসি।
স্বধর্মাদ্ধি মনুষ্যাণাং চলনং ন প্রশস্যতে ॥ 3-33-56 (16987)
স ক্ষাত্রং হৃদয়ং কৃৎবা ত্যক্ৎবেদং শিথিলং মনঃ।
বীর্যমাস্থায় কৌরব্য ধুরমুদ্বহ ধুর্যবৎ ॥ 3-33-57 (16988)
ন হি কেবলধর্মাত্মা পৃথিবীং জাতু কশ্চন।
পার্থিবো ব্যজয়দ্রাজন্ন ভূতিং ন পুনঃ শ্রিয়ম্ ॥ 3-33-58 (16989)
জিহ্বাং দত্তা বহূনাং হি ক্ষুদ্রাণাং লুব্ধচেতসাম্।
নিকৃত্যা লভতে রাজ্যমাহারমিব শল্যকঃ ॥ 3-33-59 (16990)
ভ্রাতর পূর্বজাতাশ্চ সুসমৃদ্ধাশ্চ সর্বশঃ।
নিকৃত্যা নির্জিতা দেবৈরসুরাঃ পাণ্ডবর্ষভ ॥ 3-33-60 (16991)
এবং বলবতঃ সর্বমিতি বুদ্ধ্বা মহীপতে।
জহি শত্রূন্মহাবাহো পরাং নিকৃতিমাস্থিতান্ ॥ 3-33-61 (16992)
ন হ্যর্জুনসমঃ কশ্চিদ্যুধি যোদ্ধা ধনুর্ধরঃ।
ভবিতা বা পুমান্কশ্চিন্মৎসমো বা গদাধরঃ ॥ 3-33-62 (16993)
সৎবেন কুরুতে যুদ্ধং রাজন্সুবলবানপি।
ন প্রমাণেন নোৎসাহাৎসৎবস্থো ভব পাণ্ডব ॥ 3-33-63 (16994)
সৎবং হি মূলমর্থস্ যবিতথং যদতোঽন্যথা।
ন তু প্রসক্তং ভবতি বৃক্ষচ্ছায়েন হৈমনী ॥ 3-33-64 (16995)
অর্থত্যাগোঽপি কার্যঃ স্যাদর্থং শ্রেয়াংসমিচ্ছতা।
বীজৌপম্যন কৌন্তেয় মা তে ভূদত্র সংশয়ঃ ॥ 3-33-65 (16996)
অর্থেন তু সমোঽনর্থো যত্র লব্ধো মহোদয়ঃ।
ন তত্র বিপণঃ কার্যঃ খরকণ্ডূয়নং হি তৎ ॥ 3-33-66 (16997)
এবমেব মনুষ্যেন্দ্র ধর্মং ত্যক্ৎবাঽল্পকং নরঃ।
বৃহন্তং ধর্মমাপ্নোতি স বুদ্ধ ইতি নিশ্চিতম্ ॥ 3-33-67 (16998)
অমিত্রং মিত্রসংপন্নং মিত্রৈর্ভিন্দন্তি পণ্ডিতঃ॥ 3-33-68 (16999)
ভিন্নৈর্মিত্রৈঃ পরিত্যক্তং দুর্বলং কুরুতে বশে ॥ 3-33-68 (17000)
সৎবেন কুরুতে যুদ্ধং রাজন্সুবলবানপি।
নোদ্যমেন ন হোত্রাভিঃ সর্বাঃ স্বীকুরুতে প্রজাঃ ॥ 3-33-69 (17001)
সর্বথা সংহতৈরেব দুর্বলৈর্বলবানপি।
অমিত্রঃ শক্যতে হন্তুং মধুহা ভ্রমরৈরিব ॥ 3-33-70 (17002)
যথা রাজন্প্রজাঃ সর্বাঃ সূর্যঃ পাতি গভস্তিভিঃ।
হন্তি চৈব তথৈব ৎবং সদৃশঃ সবিতুর্ভব ॥ 3-33-71 (17003)
এতচ্চাপি তপো পাজন্পুরাণমিতি নঃ শ্রুতম্।
বিধিনা পালনং ভূমের্যৎকৃতং নঃ পিতামহৈঃ ॥ 3-33-72 (17004)
ন তথা তপসা রাজঁল্লোকান্প্রাপ্নোতি ক্ষত্রিয়ঃ।
যথা সৃষ্টেন যুদ্ধেন বিজয়েনেতরেণ বা ॥ 3-33-73 (17005)
অপেয়াৎকিল ভা সূর্যাল্লক্ষ্মীশ্চন্দ্রমসস্তথা।
ইতিলোকো ব্যবসিতো দৃষ্ট্বেমাং ভবতোব্যথাম্ ॥ 3-33-74 (17006)
ভবতশ্চ প্রশংসাভির্নিন্দাভিরিতরস্য চ।
কথয়ন্ত্যঃ পরিষদঃ পৃথগ্রাজন্সমাগতাঃ ॥ 3-33-75 (17007)
ইদমভ্যধিকং রাজন্ব্রাহ্মণাঃ কুরবশ্চ তে।
সমেতাঃ কথয়ন্তীহ মুদিতাঃ সত্যসন্ধতাম্ ॥ 3-33-76 (17008)
যন্ন মোহান্ন কার্পণ্যান্ন লোভান্ন ভয়াদপি।
অনৃতং কিংচিদুক্তং তে ন কামান্নার্থকারণাৎ ॥ 3-33-77 (17009)
যদেনঃ কুরুতে কিংচিদ্রাজা ভূমিমবাপ্নুবন্।
সর্বং তন্নুদতে পশ্চাদ্যজ্ঞৈর্বিপুলদক্ষিণৈঃ ॥ 3-33-78 (17010)
ব্রাহ্মণেভ্যো দদদ্গ্রামান্গাশ্চ রাজন্সহস্রশঃ।
মুচ্যতে বীর পাপেভ্যস্তমোভ্য ইব চন্দ্রমাঃ ॥ 3-33-79 (17011)
পৌরজানপদাঃ সর্বে প্রায়শঃ কুরুনন্দন।
সবৃদ্ধবালাঃ সহিতাঃ শংসন্তি ৎবাং যুধিষ্ঠির ॥ 3-33-80 (17012)
শ্বদৃতৌ ক্ষীরমাসক্তং ব্রহ্ম বা বৃষলে যথা।
সত্যং স্তেনে বলং নার্যাং রাজ্যং দুর্যোধনে তথা ॥ 3-33-81 (17013)
ইতিলোকে নির্বচনং পুরশ্চরতি ভারত।
অপি চৈতাঃ স্ত্রিয়ো বালাঃ স্বাধ্যায়মধিকুর্বতে ॥ 3-33-82 (17014)
ইমামবস্থাং চ গতে সহাস্মাভিররিংদম্।
হন্ত নষ্টাঃ স্ম সর্বে বৈ ভবতোপদ্রবে সতি ॥ 3-33-83 (17015)
স ভবান্রথমাস্থায় সর্বোপকরণান্বিতম্।
ৎবরমাণোঽভিনির্যাতু বিপ্রেভ্যোঽর্থবিভাবকঃ ॥ 3-33-84 (17016)
বাচয়িৎবা দ্বিজশ্রেষ্ঠানদ্যৈব গজসাহ্বয়ম্।
অস্ত্রবিদ্ভিঃ পরিবৃতোভ্রাতৃভির্দৃঢধন্বিভিঃ ॥ 3-33-85 (17017)
আশীবিষসমৈর্বীরৈর্মরুদ্ভিরিব বৃত্রহা।
অমিত্রাংস্তেজসা মৃদ্গন্নসুরানিব বৃত্রহা।
শ্রিয়মাদৎস্ব কৌন্তেয় ধার্তরাষ্ট্রান্মহাবল ॥ 3-33-86 (17018)
ন হি গাণ্ডীবমুক্তানাং শরাণাং গার্ধ্রবাসসাম্।
স্পর্শমাশীবিষাভানাং মর্ত্যঃ কশ্চন সংসহেৎ ॥ 3-33-87 (17019)
ন স বীরো ন মাতঙ্গো ন চ সোঽশ্বোস্তি ভারত।
যঃ সহেত গদাবেগং মম ক্রুদ্ধস্য সংয়ুগে ॥ 3-33-88 (17020)
সৃঞ্জয়ৈঃ সহকৈকেয়ৈর্বৃষ্ণীনাং বৃষভেণ চ।
কথংস্বিদ্যুধি কৌন্তেয় ন রাজ্যং প্রাপ্নুয়ামহে ॥ 3-33-89 (17021)
শত্রুহস্তগতাং রাজন্কথংস্বিন্নাহরের্মহীম্।
ইহ যত্নমুপাহৃত্য বলেন মহতাঽন্বিতঃ ॥ 3-33-90 (17022)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি ত্রয়স্ত্রিংশোঽধ্যায়ঃ ॥ 33 ॥
Mahabharata - Vana Parva - Chapter Footnotes
3-33-2 কিংপ্রয়োজনমিতি শেষঃ। রাজ্যস্যপদবীমিতি ঝ.ঠ. পাঠঃ. ॥ 3-33-3 কূটং কপটম্ ॥ 3-33-4 বিঘসো ভূতবলিশেষঃ শ্বকাকাদিয়োগ্যস্তদ্ভক্ষকেণ শুনকেনেত্যর্থঃ ॥ 3-33-5 ধর্মলেশঃ প্রতিজ্ঞাপালনজস্তেন প্রতিচ্ছন্ন আবৃতঃ। অর্থং রাজ্যাখ্যম্ ॥ 3-33-7 কুণীনাং হস্তবিকলানাম্। পঙ্গূনাং পাদবিকলানাম্। অনাদরে ষষ্ঠী ॥ 3-33-8 ধর্মকামে ধর্মেচ্ছায়াম্। প্রতীতস্য বিশ্বস্তস্য ॥ 3-33-9 শাস্ত্রৈঃ শমবচনৈঃ। ন জয়ামঃ স্মশাত্রবানিতি ক. ধ. পাঠঃ ॥ 3-33-11 মৃগচর্যামিব। এনাং বনচর্যাম্। বলস্থৈর্ন নিষেবিতাং বলবদ্ভিরসেবিতামিত্যর্থঃ ॥ 3-33-13 ন আপন্ন ইতি সংবন্ধঃ ॥ 3-33-18 গাং পৃথিবীম্ ॥ 3-33-20 কৃত্যলক্ষণে করণীয়স্বরূপে ॥ 3-33-21 কুধর্মতৎ ইতি পাঠে কুধর্মং তনোতীতি কুধর্মতৎ কুধর্মবীজমিত্যর্থঃ ॥ 3-33-22 ধর্মার্থৌ বলসাধ্যহেমন্তপ্রাতঃস্নানশত্রুজয়সংভবৌ ॥ 3-33-23 ধর্মার্থে নৎবর্থকামার্থম্। অর্থং প্রয়োজনম্ ॥ 3-33-24 যস্য চাৎপার্থমেবার্থ ইতি ঝ. পাঠঃ ॥ 3-33-25 অতিবেলপ্রত্যন্তম্ ॥ 3-33-28 সাহি ধর্মার্থরূপাহি ॥ 3-33-29 অর্থপরিগ্রহোঽর্থার্থমেবালম্বনীয়ঃ। ইতরেতরয়োর্নীতৌ। ধর্মাদর্থঃ প্রণীয়তেঽর্থাচ্চ ধর্ম ইত্যর্থঃ। মেঘাদুদধিপুষ্টিরুদধের্মেঘপূর্তিরিব ॥ 3-33-30 দ্রব্যস্য স্রক্রচন্দনাদেঃ স্পর্শঃ। অর্থস্য স্বর্ণাদেঃ সংয়োগো লাভঃ ॥ 3-33-31 ন কামাদর্থমৃচ্ছতীতি ক. ধ. পাঠঃ ॥ 3-33-32 সাব্যতে ফলমেব তদিতি ঝ. পাঠঃ. উপয়োগঃ সাক্ষাৎপ্রীত্যুৎপাদনেন কৃতার্থৎবম্। কাষ্ঠাদ্ভস্ম সাধ্যং নতু ভস্মতোপি ভস্মান্তরে সাধ্যমস্তি তদ্বৎ ॥ 3-33-33 বৈতংসিকো বীতংসেন জীবতীতি পক্ষিহন্তা। বীতংসং বন্ধনোপায়ে মৃগাণাং পক্ষিণামপীতি বিশ্বঃ ॥ 3-33-40 ধর্মং পূর্বে অহনি চরেৎ ॥ 3-33-41 কামং পূর্বেবয়সি চরেৎ ॥ 3-33-44 প্রাপ্তির্মহোদয়ো বা রাজ্যলাভজঃ তন্মোক্ষাখ্যং শ্রেয়ঃ। দুঃখং দুঃখদম্ ॥ 3-33-45 কর্মচোদনাং প্রবৃত্তিজনকং বেদবাক্যং শংসন্তি কথয়ন্তি ॥ 3-33-49 ক্লৈব্যেন কাতর্যেণ। বেত্তুং লব্ধুম্ ॥ 3-33-50 দ্বিজঃ ব্রাহ্মণঃ ॥ 3-33-51 ঔরসং উৎসাহঃ ॥ 3-33-53 উদারং ঈশ্বরভাবম্। অবরে অনৈশ্বর্যে ॥ 3-33-54 ক্রূরং হিংসাত্মকং ক্ষাত্রং কর্ম যস্য ॥ 3-33-59 জিহ্বাং জিহ্বায়াঃ প্রিয়ং সাধ্বন্নং উৎকোচমিত্যর্থঃ। ক্ষুদ্রাণাং শত্রুপক্ষীয়াণাম্। নিকৃত্যা ভেদরূপেণ ছলেন। শল্যকঃ ব্যাধঃ। স হি মৃগেভ্যো ভক্ষ্যং দত্ৎবা বিশ্বাস্য হৎবা আহারং লভতে তদ্বৎ ॥ 3-33-63 সৎবেন বলেন। প্রমাণেন সংধেন। উৎসাহেন শত্রুপক্ষীয়ৈঃ সহ সংধানলক্ষণেন ॥ 3-33-67 এবমেব বীজৌপম্যেন ॥ 3-33-69 হোত্রাভিঃ সান্ৎবেন আহ্বানৈঃ ॥ 3-33-70 সংহতৈর্মিলিতৈঃ। মধুহা মধ্বর্থং গতঃ। ওহাঙ্গতৌ ইত্যস্য রূপম্। কালপ্রতীক্ষায়াং হি শত্রুর্বলবান্ ভূৎবাঽস্মান্ জেষ্যতীতি ভাবঃ ॥ 3-33-71 হন্তি রসশোষণেন। পাতি বর্ষেণ ॥ 3-33-72 পুরাণং অনাদি ॥ 3-33-73 ইতরেণ মরণেন ॥ 3-33-74 অপেয়াৎ অপগচ্ছেৎ। ব্যবসিতঃ নিশ্চিতঃ ॥ 3-33-78 এনঃ পাপম্। অবাপ্নুবন্ অবাপ্তিহেতোঃ ॥ 3-33-81 শ্বদৃতৌ সারমেয়চর্মকোশে। ব্রহ্ম বেদঃ। বৃষলে শূদ্রে ॥ 3-33-82 স্বাধ্যায়মধিকুর্বতেশ্বদৃতাবিতি শ্লোকং বেদবৎ স্ত্র্যাদয়ো নিত্যং পঠন্তীত্যর্তঃ ॥ 3-33-83 ভবতা হেতুনা। উপদ্রবে রাজ্যভ্রংশে ॥ 3-33-84 অর্থবিভাবকো জয়ার্জিতামর্থং প্রদাতুম্ ॥ 3-33-85 বাচয়িৎবা আশীর্বাদান্ ॥ 3-33-86 ধার্তরাষ্ট্রাদিতি চ্ছেদঃ ॥ 3-33-90 উপাহৃত্য আলম্ব্য ॥অরণ্যপর্ব - অধ্যায় 034
॥ শ্রীঃ ॥
3.34. অধ্যায়ঃ 034
Mahabharata - Vana Parva - Chapter Topics
যুধিষ্ঠিরেণ ভীমংপ্রতি স্বেন প্রতিজ্ঞায়া দুস্ত্যজৎবোক্তিপূর্বকং প্রতিজ্ঞাকালাবসানপ্রতিপালনবিধানম্ ॥ 1 ॥Mahabharata - Vana Parva - Chapter Text
3-34-0 (17023)
বৈশম্পায়ন উবাচ। 3-34-0x (1860)
স এবমুক্তস্তু মহানুভাবঃ
সত্যব্রতো ভীমসেনেন রাজা।
অজাতশত্রুস্তদনন্তরং বৈ
ধৈর্যান্বিতো বাক্যমিদং বভাষে ॥ 3-34-1 (17024)
অসংশয়ং ভারত সত্যমেত-
দ্যন্মাং তুদন্বাক্যশল্যৈঃ ক্ষিণোষি।
ন ৎবাং বিগর্হে প্রতিকূলমেত-
ন্মমানয়াদ্ধি ব্যসনং ব আগাৎ ॥ 3-34-2 (17025)
অহং হ্যক্ষানন্বপদ্যং জিহীর্ষন্
রাজ্যংসরাষ্ট্রং ধৃতরাষ্ট্রস্য পুত্রাৎ।
তন্মাং শঠঃ কিতব প্রত্যদেবী-
ৎসুয়োধনার্থং সুবলস্য পুত্রঃ ॥ 3-34-3 (17026)
মহামায়ঃ শকুনিঃ পার্বতীয়ঃ
সভামধ্যে প্রবপন্নক্ষপূগান্।
অমায়িনং মায়যা প্রত্যজৈষী-
ত্ততোঽপশ্যং বৃজিনং ভীমসেন ॥ 3-34-4 (17027)
অক্ষাংশ্চ দৃষ্ট্বা শকুনের্যথাবৎ
কামানুকূলানয়ুজো যুজশ্চ।
শক্যো নিয়ন্তুমভবিষ্যদাত্মা
মন্যুস্তু হন্যাৎপুরুষস্য ধৈর্যম্ ॥ 3-34-5 (17028)
যন্তুং নাত্মা শক্যতে পৌরুষেণ
মানেন বীর্যেণ চ তাত নদ্ধঃ।
ন তে বাচো ভীমসেনাভ্যসূয়ে
মন্যে তথা তদ্ভবিতব্যমাসীৎ ॥ 3-34-6 (17029)
স নো রাজা ধৃতরাষ্ট্রস্য পুত্রো
ন্যপাতয়দ্ব্যসনে রাজ্যমিচ্ছন্।
দাস্যং চ নোঽগময়দ্ভীমসেন
যত্রাভবচ্ছরণং দ্রৌপদী নঃ ॥ 3-34-7 (17030)
ৎবং চাপি তদ্বেত্থ ধনংজয়শ্চ
পুনর্দ্যূতায়াগতাস্তাং সভাং নঃ।
যন্মাঽব্হবীদ্ধৃতরাষ্ট্রস্য পুত্র
একগ্লহার্থং ভরতানাং সমক্ষম্ ॥ 3-34-8 (17031)
বনে সমা দ্বাদশ রাজপুত্র
যথাকামং বিদিতমজাতশত্রো।
অথাপরং চাবিদিতশ্চরেথাঃ
সর্বৈঃ সহ ভ্রাতৃভিশ্ছদ্মরূপঃ ॥ 3-34-9 (17032)
ৎবাং চেচ্ছ্রুৎবা তাত তথা চরন্ত-
মবভোৎস্যন্তে ভারতানাং চরাশ্চ।
অন্যাংশ্চরেথাস্তাবতোঽব্দাংস্তথাৎবং
নিশ্চিত্য তৎপ্রতিজানীহি পার্থ ॥ 3-34-10 (17033)
চরৈশ্চেন্নো বিদিতঃ কালমেতং
যুক্তো রাজন্মোহয়িৎবা মদীয়ান্।
ব্রবীমি সত্যং কুরুসংসদীহ
তবৈব তা ভারত পঞ্চ নদ্যঃ ॥ 3-34-11 (17034)
বয়ং চৈতদ্ভারত সর্ব এব
ৎবয়া জিতাঃ কালমপাস্য ভোগান্।
চরেম ইত্যাহ পুরা স রাজা
মধ্যে কুরূণাং স ময়োক্তস্তথেতি ॥ 3-34-12 (17035)
তত্র দ্যূতমভবন্নো জঘন্যং
যস্মিঞ্জিতাঃ প্রব্রজিতাশ্ সর্বে।
ইত্থং তু দেশাননুসংচরামো
বনানি কৃচ্ছ্রাণি চ কৃচ্ছ্ররূপাঃ ॥ 3-34-13 (17036)
সুয়োধনশ্চাপি ন শান্তিমিচ্ছৎ
ভূয়ঃ স মন্যোর্বশমন্বগচ্ছৎ।
উদ্যোজয়ামাস কুরূংশ্চ সর্বান্
যেচাস্য কেচিদ্বশমন্বগচ্ছন্ ॥ 3-34-14 (17037)
তাং সিদ্ধিমাস্থায় সতাং সকাশে
কো নাম জহ্যাদিহ রাজ্যহেতোঃ।
আর্যস্য মন্যে মরণাদ্গরীয়ো
যদ্ধর্মমুৎক্রম্য মহীং প্রশাসেৎ ॥ 3-34-15 (17038)
তদৈব চেদ্বীরকর্মাকরিষ্যো
যদা দ্যূতে পরিঘং পর্যমৃক্ষঃ।
বাহূ দিধক্ষন্বারিতঃ ফল্গুনেন
কিং দুষ্কৃতংভীম তদাঽভবিষ্যৎ ॥ 3-34-16 (17039)
প্রাগেব চৈবং সময়ক্রিয়ায়াঃ
কিং নাব্রবীঃ পৌরুষমাবিদানঃ।
প্রাপ্তং তু কালং ৎবভিপদ্যপশ্চাৎ
কিং মামিদানীমতিবেলমাত্থ ॥ 3-34-17 (17040)
ভূয়োপি দুঃখং মম ভীমসেন
দূয়ে বিষস্যেব রসং হি পীৎবা।
যদ্যাজ্ঞসেনীং পরিক্লিশ্যমানাং
সংদৃশ্য তৎক্ষান্তমিতি স্ম ভীম ॥ 3-34-18 (17041)
ন ৎবদ্য শক্যং ভরতপ্রবীর
কৃৎবা যদুক্তং কুরুবীরমধ্যে।
কালং প্রতীক্ষস্ব সুখোদয়ায়
পাকং ফলানামিব বীজবাপঃ ॥ 3-34-19 (17042)
যদা হি পূর্বং নিকৃতোনিকৃন্তে-
দ্বৈরং সপুষ্পং সফলং বিদিৎবা।
মহাগুণং হরতি হি পৌরুষেণ
তদা বীরো জীবতি জীবলোকে ॥ 3-34-20 (17043)
শ্রিয়ং চ লোকে লভতে সমগ্রাং
মন্যে চাস্মৈ শত্রবঃ সন্নমন্তে।
মিত্রাণি চৈনমতিরাগাদ্ভজন্তে
দেবা ইবেনদ্রমুপজীবন্তি চৈনম্ ॥ 3-34-21 (17044)
মম প্রতিজ্ঞাং চ নিবোধ সত্যাং
বৃণে সত্যমমৃতীজ্জীবিতাচ্চ।
রাজ্যং চ পুত্রাশ্চ যশো ধনং চ
সর্বং ন সত্যস্য কলামুপৈতি ॥ 3-34-22 (17045)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি চতুস্ত্রিংশোঽষ্যায়ঃ ॥ 34 ॥
Mahabharata - Vana Parva - Chapter Footnotes
3-34-3 অন্বপদ্যমনুসৃতবাৎ ॥ 3-34-4 প্রবপন্ পাতয়ন্। অক্ষপূগান্ পাশসমূহান্। বৃজিনং দুঃখদং ব্যসনম্ ॥ 3-34-5 অয়ুজো বিষমান্। যুজঃ সমান্। শক্য ইতি যঃ পুরুষস্য ধৈর্যং হন্যাৎ স সন্যুর্যদি নাভবিষ্যত্তর্হ্যাত্মা মনো নিয়ন্তুং শক্যঃ অভবিষ্যদিত্যধ্যাহৃত্য যোজ্যম্ ॥ 3-34-9 সমা বর্ষাণি। অথাপরং বর্ষম্। ছদ্মগূঢ ইতি. ঝ. পাঠঃ ॥ 3-34-10 অবভোৎস্যন্তে জ্ঞাস্যন্তি। বুদ্ধ্যেরন্বৈ ভারতানামিতি ক. পাঠঃ ॥ 3-34-11 নো ইতি নিপাতঃ। বিতস্তাদিপঞ্চনদ্যুপলক্ষিতো দেশঃ ॥ 3-34-12 সর্বে শতমপি ভ্রাতরঃ। স রাজা দুর্যোধনঃ ॥ 3-34-13 নোঽস্মাকম্। জঘন্যং নীচম্। কৃচ্ছ্ররূপাঃ ক্লিষ্টরূপাঃ। বনানি দুর্গাণি চ ঘোররূপা ইতি ক. ধ. পাঠঃ ॥ 3-34-14 শান্তিং নেচ্ছন্ অনিচ্ছন্। উদ্যোজয়ামাসোৎকর্ষেণ স্বেচ্ছয়া তেষু তেষু দ্রগদেশাদিপালনকার্যেষ্বিষ্টান্যোজিতবান্ ॥ 3-34-15 তং সংধিমাস্থায়েতি ঝ. ট. পাঠঃ ॥ 3-34-16 পর্যমৃক্ষঃ পরামৃষ্টবানসি। দিধক্ষন্ দগ্ধুমিচ্ছন্ ॥ 3-34-17 আবিদানো জানন্। প্রাপ্তং কালং কালতুল্যাং বিপদমভিপদ্য স্বীকৃত্য ॥ 3-34-18 ভূয়োপি বহ্বপি। দূয়ে উপতপ্যে ॥ 3-34-19 বীজবাপঃ কৃষীবলঃ। পক্তিং ফলানামিতি ঝ. ধ. পাঠঃ ॥ 3-34-20 বৈরং বৈরিসমূহম্। সপুষ্পং সফলং বিদিৎবা পুষ্টতরং জ্ঞাৎবা যদি নিকৃন্তেৎ ছিন্দ্যাৎ তদা হি প্রসিদ্ধং মহাগুণং মহান্তং গুণং হরতি আহরতি ॥ 3-34-22 অমৃতাৎ দেবভাবাৎ। কলাং ষোডশং ভাগম্ ॥অরণ্যপর্ব - অধ্যায় 035
॥ শ্রীঃ ॥
3.35. অধ্যায়ঃ 035
Mahabharata - Vana Parva - Chapter Topics
ভীমেন যুধিষ্ঠিরংপ্রতি সোপপত্তিকং বনবাসাপূরণেনৈব দুর্যোধননিগ্রহচোদনা ॥ 1 ॥Mahabharata - Vana Parva - Chapter Text
3-35-0 (17046)
ভীমসেন উবাচ। 3-35-0x (1861)
সন্ধিং কৃৎবৈব কালেন হ্যন্তকেন পতত্রিণা।
অনন্তেনাপ্রমেয়েণ স্রোতসা সর্বহারিণা ॥ 3-35-1 (17047)
প্রত্যক্ষং মন্যসে কালং মর্ত্যঃ সন্কালবন্ধনঃ।
ফেনধর্মা মহারাজ ফলধর্মা তথৈব চ ॥ 3-35-2 (17048)
নিমেষাদপি কৌন্তেয় যস্যায়ুরপচীয়তে।
সূচ্যেবাঞ্জনচূর্ণানি কিমিতি প্রতিপালয়েৎ ॥ 3-35-3 (17049)
যো নূনমমিতায়ুঃ স্যাদথবাঽঽয়ুঃপ্রমাণবিৎ।
স কালং বৈ প্রতীক্ষেত সর্বপ্রত্যক্ষদর্শিবান্ ॥ 3-35-4 (17050)
প্রতীক্ষ্যমাণঃ কালো নঃ সমা রাজংস্ত্রয়োদশ।
আয়ুষোপচয়ং কৃৎবা মরণায়োপনেষ্যতি ॥ 3-35-5 (17051)
শরীরিণাং হি মরণং শরীরে নিত্যমাশ্রিতম্।
প্রাগেব মরণাত্তস্মাদ্রাজ্যায়ৈব ঘটামহে ॥ 3-35-6 (17052)
যো ন যাতি প্রসংখ্যানমস্পষ্টো ভূমিবর্ধনঃ।
অয়াতয়িৎবা বৈরাণি সোঽবসীদতি গৌরিব ॥ 3-35-7 (17053)
যো ন যাতয়তে বৈরমল্পসৎবোদ্যমঃ পুমান্।
অফলং জন্ম তস্যাহং মন্যে দুর্জাতজীবিনঃ ॥ 3-35-8 (17054)
হৈরণ্যৌ ভবতো বাহূ শ্রুতির্ভবতি পার্থিবী।
হৎবা দ্বিষন্তং সংগ্রামে ভুঙ্ক্ষ্ব বাহুজিতং বসু ॥ 3-35-9 (17055)
হৎবা বৈ পুরুষো রাজন্নিকর্তারমরিংদম্।
অহ্নায় নরকং গচ্ছেৎস্বর্গেণাস্য স সংমিতঃ ॥ 3-35-10 (17056)
অমর্ষজো হি সংতাপঃ পাবকাদ্দীপ্তিমত্তরঃ।
যেনাহমভিসংতপ্তো ন নক্তং ন দিবা শয়ে ॥ 3-35-11 (17057)
অয়ং চ পার্থো বীভৎসুর্বরিষ্ঠো জ্যাবিকর্ষণে।
আস্তে পরমসংতপ্তো নূনং সিংহ ইবাশয়ে ॥ 3-35-12 (17058)
যোঽয়মেকো নুদেৎসর্বাংল্লোকে রাজন্ধনুর্ভৃতঃ।
সোয়মাত্মজমূষ্মাণং গ্রহাহস্তীব যচ্ছতি ॥ 3-35-13 (17059)
নকুলঃ সহদেবশ্চ বৃদ্ধা মাতা চ বীরসূঃ।
তবৈব প্রিয়মিচ্ছন্ত আসতে জডমূকবৎ ॥ 3-35-14 (17060)
সর্বে তেঽপ্রিয়মিচ্ছন্তি বান্ধবাঃ সহ সৃঞ্জয়ৈঃ।
অহমেকশ্চ সংতপ্তো মাতা চ প্রতিবিন্ধ্যতঃ ॥ 3-35-15 (17061)
প্রিয়মেব তু সর্বেষাং যদ্ব্রবীম্যুত কিংচন।
সর্বে হি ব্যসনং প্রাপ্তাঃ সর্বে যুদ্ধাভিনন্দিনঃ ॥ 3-35-16 (17062)
নাতঃ পাপীয়সী কাচিদাপদ্রাজন্ভবিষ্যতি।
যন্নো নীচৈরল্পবলৈ রাজ্যমাচ্ছিদ্য ভুজ্যতে ॥ 3-35-17 (17063)
শীলদোষাদ্ধৃণাবিষ্ট আনৃশংস্যাৎপরংতপ।
ক্লেশাংস্তিতিক্ষসে রাজন্নান্যঃ কশ্চিৎপ্রশংসতি ॥ 3-35-18 (17064)
শ্রোত্রিয়স্যেব তে রাজন্মন্দকস্যাবিপশ্চিতঃ।
অনুবাকহতা বুদ্ধির্নৈষা তত্ৎবার্থদর্শিনী ॥ 3-35-19 (17065)
ঘৃণী ব্রাহ্মণরূপোসি কথং ক্ষত্রেষ্বজায়থাঃ।
অস্যাং হি যোনৌ জায়ন্তে প্রায়শঃ ক্রূরবুদ্ধয়ঃ ॥ 3-35-20 (17066)
অশ্রৌষীস্ৎবং রাজধর্মান্যথা বৈ মনুরব্রবীৎ।
ক্রূরান্নিকৃতিসংপন্নান্বিহিতানশমাত্মকান্ ॥ 3-35-21 (17067)
ধার্তরাষ্ট্রান্মহারাজ ক্ষমসে কিং দুরাত্মনঃ।
কর্তব্যে পুরুষব্যাঘ্র কিমাস্সে পীঠসর্পবৎ ॥ 3-35-22 (17068)
বুদ্ধ্যা বীর্যেণ সংয়ুক্তঃ শ্রুতেনাভিজনেন চ।
তৃণানাং মুষ্টিনৈকেন হিমবন্তং চ পর্বতম্।
ছন্নমিচ্ছসি কৌন্তেয় যোঽস্মান্সংবর্তুমিচ্ছসি ॥ 3-35-23 (17069)
অজ্ঞাতচর্যাগূঢেন পৃথিব্যাং বিশ্রুতেন চ।
দিবীব পার্থ সূর্যেণ ন শক্যাঽঽচরিতুং ৎবয়া ॥ 3-35-24 (17070)
বৃহৎসাল ইবানূপে শাখাপুষ্পপলাবান্।
হস্তী শ্বেত ইবাজ্ঞাতঃ কথং জিষ্ণুশ্চরিষ্তি ॥ 3-35-25 (17071)
ইমৌ চ সিংহসংকাশৌ ভ্রাতরৌ সহিতৌ শিশূ।
নকুলঃ সহদেবশ্চ কথং পার্থ চরিষ্যতঃ ॥ 3-35-26 (17072)
পুণ্যকীর্তী রাজপুত্রী দ্রৌপদী বীরসূরিয়ম্।
বিশ্রুতা কথমজ্ঞাতা কৃষ্ণা পার্থ চরিষ্যতি ॥ 3-35-27 (17073)
মাং চাপি রাজঞ্জানন্তি হ্যাকুমারমিমাঃ প্রজাঃ।
অজ্ঞাতচর্যাং পশ্যন্তি মেরোরিব নিগূহনম্ ॥ 3-35-28 (17074)
তথৈব বহব্রোঽস্মাভী রাষ্ট্রেভ্যো বিপ্রবাসিতাঃ।
রাজানো রাজপুত্রাশ্চ ধার্তরাষ্ট্রমনুব্রতাঃ ॥ 3-35-29 (17075)
ন হি তেঽপ্যুপশাম্যন্তি নিকৃতা বা নিরাকৃতাঃ।
অবশ্যং তৈর্নিকর্তব্যমস্মাকং তৎপ্রিয়ৈষিভিঃ ॥ 3-35-30 (17076)
তেঽপ্যস্মাসু প্রয়ুঞ্জীরন্প্রচ্ছন্নান্সুবহূংশ্চরান্।
আচক্ষীরংশ্চ নো জ্ঞাৎবা ততঃ স্যাৎসুমহদ্ভয়ম্ ॥ 3-35-31 (17077)
অস্মাভিরুষিতাঃ সম্যগ্বনে মাসাস্ত্রয়োদশ।
পরিমাণএন তান্পশ্য তাবতঃ পরিবৎসরান্ ॥ 3-35-32 (17078)
অস্তি মাসঃ প্রতিনিধির্যথা প্রাহুর্মনীষিণঃ।
পূতিকানিব সোমস্য তথেদং ক্রিয়তামিতি ॥ 3-35-33 (17079)
অথবাঽনডুহে রাজন্সাধনে সাধুবাহিনে।
সৌহিত্যদানাদেতস্মাদেনসঃ প্রতিমুচ্যতে ॥ 3-35-34 (17080)
তস্মাচ্ছত্রুবধে রাজন্ক্রিয়তাং নিশ্চয়স্ৎবয়া।
ক্ষত্রিয়স্য হি সর্বস্য নান্যো ধর্মোস্তি সংয়ুগাৎ ॥ 3-35-35 (17081)
ইতি শ্রীমন্মহাভারেত অরণ্যপর্বণি অর্জুনাভিগমনপর্বণি পঞ্চস্ত্রিংশোঽধ্যায়ঃ ॥ 35 ॥
Mahabharata - Vana Parva - Chapter Footnotes
3-35-1 পতত্রিণা বাণবৎ শীঘ্রগামিনা স্রোতসা নিত্যবাহিনা ॥ 3-35-2 প্রত্যক্ষং প্রত্যক্ষেণ জ্ঞাতম্। কালবন্ধনঃ কালবশ্যঃ ফেনধর্মা নিঃসারঃ। ফলধর্মা পতনশীলঃ ॥ 3-35-3 সূচ্যেবাঞ্জনচূর্ণস্য। যথা কজ্জলক্ষোদস্যাতিশ্লক্ষ্ণস্য সূক্ষ্মাগ্রয়া সূচ্যাপি কিংচিদপত্রীয়তে এবং নিমেষাদপি যস্যায়ুরপচীয়তে স কিমিতি অবধিং প্রতিপালয়েন্ন কথমপীত্যধ্যাহৃত্য যোজ্যম্। সূচ্যেবাঞ্জনচূর্ণস্যেতি ঝ. পাঠঃ ॥ 3-35-7 প্রসংখ্যানং প্রকৃষ্ঠাং সাধুকীর্তিম্। যতঃ অস্পষ্টঃ শৌর্যাদ্যভাবাদিতরৈরবিদিতঃ। ভূমিবর্ধনঃ ভূমিহিংসকঃ। ভূমের্ভারভূত ইত্যর্থঃ। অয়াতয়িৎবা অনিস্তীর্য। গৌর্বলীবর্দইব। সোপ্যশক্তশ্চেৎ গোষু সংখ্যানং স্পষ্টতাং বাপ্য প্রাপ্নুবন্ভূমের্ভারভূতো ভবতি ॥ 3-35-8 দুর্জাতশায়িন ইতি ক. পাঠঃ ॥ 3-35-9 হৈরণ্যৌ হিরণ্যস্বামিনৌ। শ্রুতিঃ কীর্তিঃ। পার্থিবী পৃথোঃ রাজ্ঞ ইবেত্যর্থঃ ॥ 3-35-10 নিকর্তারং বঞ্চকম্। অহ্নায় সদ্যঃ ॥ 3-35-12 আশয়ে স্বস্থানে ॥ 3-35-15 প্রতিবিন্ধ্যতঃ প্তিবিন্ধ্যস্য মাতা দ্রৌদী ॥ 3-35-19 অনুবাকঃ গুরূক্তিমনুবচনং তেন হতা। অর্থজ্ঞানসূন্যস্য। বেদাক্ষরমাত্রাভ্যাসিনঃ ॥ 3-35-20 ঘৃণী দয়ালুঃ ॥ 3-35-22 আস্সে তূষ্ণীংভূতোসি। পীঠসর্পবৎ অজগরবৎ ॥ 3-35-23 সংবর্তুং সংবরীতুং ছাদিতুম্ ॥ 3-35-25 অনূপে বহুজে দেশে ॥ 3-35-30 নিকর্তব্যং নীয়ং সূচনাদিকর্ম কর্তব্যম্ ॥ 3-35-34 অনডুহে পূর্ণং ঘাসমুপাহৃত্যানৃতান্মুচ্যত ইতি ধর্মশাস্ত্রোক্তং প্রায়শ্চিত্তং বা কর্তব্যমিত্যাহাথবেতি। সৌহিত্যমাতৃপ্তিভোজনম্ ॥অরণ্যপর্ব - অধ্যায় 036
॥ শ্রীঃ ॥
3.36. অধ্যায়ঃ 036
Mahabharata - Vana Parva - Chapter Topics
ভীময়ুধিষ্ঠিরসংবাদসময়সংনিহিতেন ব্যাসেন যুধিষ্ঠিরায় প্রতিস্মৃতিবিদ্যোপদেশঃ ॥ 1 ॥ যুধিষ্ঠিরেণ ব্যাসবচনাৎপরিজনৈঃ সহ দ্বৈতবনাৎকাম্যককবনগমনম্ ॥ 2 ॥Mahabharata - Vana Parva - Chapter Text
3-36-0 (17082)
বৈশম্পায়ন উবাচ। 3-36-0x (1862)
ভীমসেনবচঃ শ্রুৎবা কুন্তীপুত্রো যুধিষ্ঠিরঃ।
নিঃশ্বস্য পুরুষব্যাঘ্রঃ সংপ্রদধ্যৌ পরংতপঃ ॥ 3-36-1 (17083)
শ্রুতা মে রাজধর্মাশ্চ বর্ণানাং চ পৃথক্পৃথক্।
আয়ত্যাং চ তদাৎবে চ যঃ পশ্যতি স পশ্যতি ॥ 3-36-2 (17084)
ধর্মস্য জানমানোঽহং গতিমগ্র্যাং সুদুর্বিদাম্।
কথং বলাৎকরিষ্যামি মেরোরিব বিবর্তনম্ ॥ 3-36-3 (17085)
স মুহূর্তমিব ধ্যাৎবা বিনিশ্চিত্যেতিকৃত্যতাম্।
ভীমসেনমিদ বাক্যমপদান্তরমব্রবীৎ ॥ 3-36-4 (17086)
এবমেতন্মহাবাহো যথা বদসি ভারত।
ইদমন্যৎসমাদৎস্ব বাক্যং মে বাক্যকোবিদ ॥ 3-36-5 (17087)
মহাপাপানি কর্মাণি যানি কেবলসাহসাৎ।
আরভ্যন্তে ভীমসেন ব্যথন্তে তানি ভারত ॥ 3-36-6 (17088)
সুমন্ত্রিতে সুবিক্রান্তে সুকৃতেসুবিচারিতে।
সিদ্ধ্যন্ত্যর্থা মহাবাহো দৈবং চাত্র প্রদক্ষিণম্ ॥ 3-36-7 (17089)
যত্তু কেবলচাপল্যাদ্বলদর্পোত্থিতঃ স্বয়ম্।
আরব্ধব্যমিদং কার্যং মন্যসে শৃণু তত্রমে ॥ 3-36-8 (17090)
ভূরিশ্রবাঃ শলশ্চৈব জলসন্ধশ্চ বীর্যবান্।
ভীষ্মো দ্রোণশ্চ কর্ণশচ্ দ্রোণপুত্রশ্চ বীর্যবান্ ॥ 3-36-9 (17091)
ধার্তরাষ্ট্রা দুরাধর্ষা দুর্যোধনপুরোগমাঃ।
সর্ব এব কৃতাশস্ত্রাশ্চ সততং চাততায়িনঃ ॥ 3-36-10 (17092)
রাজানঃ পার্থিবাশ্চৈব যেঽস্মাভিরুপতাপিতাঃ।
তে শ্রিতাঃ কৌরবং পক্ষং জাতস্নেহাশ্চ সাংপ্রতম্ ॥ 3-36-11 (17093)
দুর্যোধনহিতে যুক্তা ন তথাঽস্মাসু ভারত।
পূর্ণকোশা বলোপেতাঃ প্রয়তিষ্যন্তি রক্ষণে ॥ 3-36-12 (17094)
সর্বে কৌরবসৈন্যস্ সপুত্রামাত্যসৈনিকাঃ।
সংবিভক্তা হি মাত্রাভির্ভোগৈরপি চ সর্বশঃ ॥ 3-36-13 (17095)
দুর্যোধনেন তে বীরা মানিতাশ্চ বিশেষতঃ।
প্রাণাংস্ত্যক্ষ্যন্তি সংগ্রামে ইতি মে নিশ্চিতা মতিঃ ॥ 3-36-14 (17096)
সমা যদ্যপি ভীষ্মস্য বৃত্তিরস্মাসু তেষু চ।
দ্রোণস্ চ মহাবাহো কৃষস্য চ মহাত্মনঃ ॥ 3-36-15 (17097)
অবশ্যং রাজপিণ্ডস্তৈর্নির্বেশ্য ইতি মে মতিঃ।
তস্মাত্ত্যক্ষ্যন্তি সংগ্রামে প্রাণানপি সুদুস্ত্যজান্ ॥ 3-36-16 (17098)
সর্বেদিব্যাস্ত্রবিদ্বাংসঃ সর্বে ধর্মপরায়ণাঃ।
অজেয়াশ্চেতি মে বুদ্ধিরপি দেবৈঃ সবাসবৈঃ ॥ 3-36-17 (17099)
অমর্ষী নিত্যসংরব্ধস্তত্র কর্ণো মহারথঃ।
সর্বাস্ত্রবিদনাধৃষ্যো হ্যভেদ্যকবচাবৃতঃ ॥ 3-36-18 (17100)
অনির্জিত্যরণে সর্বানেতান্পুরুষসত্তমান্।
অশক্যো হ্যসহায়েন হন্তুং দুর্যোধনস্ৎবয়া ॥ 3-36-19 (17101)
ন নিদ্রামধিগচ্ছামি চিন্তয়ানো বৃকোদর।
অতিসর্বান্ধনুর্গ্রাহান্সূতপুত্রস্য লাঘবম্ ॥ 3-36-20 (17102)
বৈশম্পায়ন উবাচ। 3-36-21x (1863)
এতদ্বচনমাজ্ঞায় ভীমসেনোঽত্যমর্ষণঃ।
বভূব শান্তিসংয়ুক্তো গুরোর্বচনবারিতঃ ॥ 3-36-21 (17103)
তয়োঃ সংবদতোরেবং তদা পাণ্ডবয়োর্দ্বয়োঃ।
আজগাম মহায়োগী ব্যাসঃ সত্যবতীসুতঃ ॥ 3-36-22 (17104)
সোঽভিগম্য যথান্যায়ং পাণ্ডবৈঃ প্রতিপূজিতঃ।
যুধিষ্ঠিরমিদং বাক্যমুবাচ বদতাংবরঃ ॥ 3-36-23 (17105)
যুধিষ্ঠির মহাবাহো বেদ্মি তে হৃদয়স্থিতম্।
মনীষয়া তত ক্ষিপ্রমাগতোস্মি নরর্ষভ ॥ 3-36-24 (17106)
ভীষ্মাদ্দ্রোণাৎকৃপাৎকর্ণাদ্দ্রোণপুত্রাচ্চ ভারত।
দুর্যোধনান্নৃপসুতাত্তথা দুঃশাসনাদপি ॥ 3-36-25 (17107)
ত্তে ভয়মমিত্রঘ্ন হৃদি সংপরিবর্ততে।
তত্তেঽহং নাশয়িষ্যামি বিধিদৃষ্টেন হেতুনা ॥ 3-36-26 (17108)
তচ্ছ্রুৎবা ধৃতিমাস্থায় কর্মণা প্রতিপাদয়।
প্রতিপাদ্য তু রাজেন্দ্র ততঃ ক্ষিপ্রং জ্বরং জহি ॥ 3-36-27 (17109)
তত একান্তমানায়্য পারাশর্যো যুধিষ্ঠিরম্।
অব্রবীদুপপন্নার্থমিদং বাক্যবিশারদঃ ॥ 3-36-28 (17110)
শ্রেয়সস্তেঽপরঃ কালঃ প্রাপ্তো ভরতসত্তম।
যেনাভিভবিতা শত্রূন্রণে পার্থো ধনুর্ধরঃ ॥ 3-36-29 (17111)
গৃহাণেমাং ময়া প্রোক্তাং সিদ্ধিং মূর্তিমর্তামিব।
বিদ্যাং প্রতিস্মৃতিং নাম প্রপন্নায় ব্রবীমি তে ॥ 3-36-30 (17112)
যামবাপ্যমহাবাহুরর্জুনঃ সাধয়িষ্যতি।
অস্ত্রহেতোর্মহেন্দ্রং চ রুদ্রং চৈবাভিগচ্ছতু ॥ 3-36-31 (17113)
বরুণং চ কুবেরং চ ধর্মরাজং চ পাণ্ডব।
শক্তো হ্যেষ সুরান্দ্রষ্টুং তপসা বিক্রমেণ চ ॥ 3-36-32 (17114)
ঋষিরেষ মেহাতেজা নারায়ণসহায়বান্।
পুরাণঃ শাস্বতো দেবস্ৎবজেয়ো জিষ্ণুরচ্যুতঃ ॥ 3-36-33 (17115)
অস্ত্রাণীনদ্রাচ্চ রুদ্রাচ্চ লোকপালেভ্য এব চ।
সমাদায় মহাবাহুর্মহৎকর্ম করিষ্যতি ॥ 3-36-34 (17116)
বনাদস্মাচ্চ কৌন্তেয় বনমন্যদ্বিচিন্ত্যতাম্।
নিবাসার্থায় যদ্যুক্তং ভবেদ্বঃ পৃথিবীপতে ॥ 3-36-35 (17117)
একত্রচিরবাসো হি ন প্রীতিজননো ভবেৎ।
তাপসানাং চ শান্তানাং ভবেদুদ্বেগকারকঃ ॥ 3-36-36 (17118)
মৃগাণামুপরোধশ্চ বীরুদোষধিসংক্ষয়ঃ।
বিভর্ষি চ বহূন্বিপ্রান্বেদবেদাঙ্গপারগান্ ॥ 3-36-37 (17119)
বৈশম্পায়ন উবাচ। 3-36-38x (1864)
এবমুক্ৎবা প্রপন্নায় শুচয়ে ভগবান্প্রভুঃ।
প্রোবাচ যোগতত্ৎবজ্ঞো যোগবিদ্যামনুত্তমাম্ ॥ 3-36-38 (17120)
ধর্মরাজায় ধীমান্স ব্যাসঃ সত্যবতীসুতঃ।
অনুজ্ঞায় চ কৌন্তেয়ং তত্রৈবান্তরধীয়ত ॥ 3-36-39 (17121)
যুধিষ্ঠিরস্তু ধর্মাত্মা তদ্ব্রহ্ম মনসা যতঃ।
ধারয়ামাস মেধাবী কালেকালে সদাঽভ্যসন্ ॥ 3-36-40 (17122)
স ব্যাসবাক্যমুদিতো বনাদ্দ্বৈতবনাত্ততঃ।
যয়ৌ সরস্বতীকূলে কাম্যকং নাম কাননম্ ॥ 3-36-41 (17123)
তমন্বয়ুর্মহারাজ শিক্ষাক্ষরবিশারদাঃ।
ব্রাহ্মণাস্তপসা যুক্তা দেবেন্দ্রমৃষয়ো যথা ॥ 3-36-42 (17124)
ততঃ কাম্যকমাসাদ্য পুনস্তে ভরতর্ষভ।
ন্যবিশন্ত মহাত্মানঃ সামান্যাঃ সপদানুগাঃ ॥ 3-36-43 (17125)
তত্রতে ন্যবসন্রাজন্কংচিৎকালং মনস্বিনঃ।
ধনুর্বেদপরা বীরা গৃণানা বেদমুত্তমম্ ॥ 3-36-44 (17126)
চরন্তো মৃগয়াং নিত্যং শুদ্ধৈর্বাণৈর্মৃগার্থিনঃ।
পিতৃদৈবতবিপ্রেভ্যো নির্বপন্তো যথাবিধি ॥ 3-36-45 (17127)
ইতি শ্রীমন্মহাভারতে অরণ্যপর্বণি অর্জুনাভিগমনপর্বণি ষট্ত্রিংশোঽধ্যায়ঃ ॥ 36 ॥
Mahabharata - Vana Parva - Chapter Footnotes
3-36-2 আয়ত্যামুত্তরকালে তদাৎবে বর্তমানকালে। যস্তান্পশ্যতি ॥ 3-36-4 ইতি কৃত্যতামিতিকর্তব্যতাম্। অপদান্তরমবিলম্বিতম্ ॥ 3-36-6 ব্যথন্তে ব্যথয়ন্তি ॥ 3-36-7 সুবিচারিতে নিশ্চিতে সতি ॥ 3-36-13 সৈন্যস্ সৈন্যসংবন্ধিনঃ সর্বে। মাত্রাভিরংশপরিচ্ছেদৈঃ ॥ 3-36-16 রাজপিণ্ডো রাজদত্তো গ্রাসো নির্বেশ্য আনৃণ্যার্থং শোধনীয়ঃ ॥ 3-36-20 লাঘবং শীঘ্রতাম্ ॥ 3-36-31 সাধয়িষ্যতি রাজ্যম্ ॥ 3-36-33 শাশ্বতো দেবো বিষ্ণোরংশঃ সনাতন ইতি ক. ঠ. ধ. পাঠঃ ॥ 3-36-39 অনুজ্ঞায় পৃষ্ট্বা ॥ 3-36-40 ব্রহ্ম মন্ত্রম্ ॥ 3-36-43 সামাত্যাঃ সপরিচ্ছদা ইতি ঝ. পাঠঃ ॥অরণ্যপর্ব - অধ্যায় 037
॥ শ্রীঃ ॥
3.37. অধ্যায়ঃ 037
Mahabharata - Vana Parva - Chapter Topics
যুধিষ্ঠিরেণ ব্যাসোপদিষ্টমন্ত্রোপদেশপূর্বকমস্ত্রগ্রহণায় স্বর্গংপ্রত্যর্জুনস্য প্রস্থাপনম্ ॥ 1 ॥ স্বর্গং প্রস্থিতেনার্জুনেন যধ্যেপথমিন্দ্রকীলগিরৌ তপশ্চর্যা ॥ 2 ॥ তত্র মুনিরূপিণ ইন্দ্রস্য দর্শনম্ ॥ 3 ॥ দিব্যাস্ত্রদানং যাচিতেনেন্দ্রেণার্জুনংপ্রতি তপসা রুদ্রপ্রসাদনানন্তরমস্ত্রলাভায় স্বর্গাগমনচোদনা ॥ 4 ॥Mahabharata - Vana Parva - Chapter Text
3-37-0 (17128)
বৈশম্পায়ন উবাচ। 3-37-0x (1865)
কস্যচিত্ৎবথ কালস্য ধর্মরাজো যুধিষ্ঠিরঃ।
সংস্মৃত্য মুনিসংদেশমিদং বচনমব্রবীৎ ॥ 3-37-1 (17129)
বিবিক্তে বিদিতপ্রজ্ঞমর্জুনং পুরুষর্ষভ।
সান্ৎবপূর্বং স্মিতং কৃৎবাপাণিনা পরিসংস্পৃশন্ ॥ 3-37-2 (17130)
স মুহূর্তমিব ধ্যাৎবা বনবাসমরিংদমঃ।
ধনংজয়ংধর্মরাজো রহসীদমুবাচ হ ॥ 3-37-3 (17131)
ভীষ্মে দ্রোণে কৃপে কর্ণে দ্রোণপুত্রে চ ভারত।
ধনুর্বেদশ্চতুষ্পাদ এতেষ্বদ্য প্রতিষ্ঠিতঃ ॥ 3-37-4 (17132)
দৈবং ব্রাহ্মং চাসুরং চ সপ্রয়োগচিকিৎসিতম্।
সর্বাস্ত্রাণাং প্রয়োগং চ অভিজানন্তি কৃৎস্নশঃ ॥ 3-37-5 (17133)
তে সর্বে ধৃতরাষ্ট্রস্য পুত্রেণ পরিসান্ৎবিতাঃ।
সংবিভক্তাশ্চ তুষ্টাশ্চ গুরুবত্তেষু বর্ততে।
সর্বয়োধেষু চৈবাস্য সদা প্রীতিরনুত্তমা ॥ 3-37-6 (17134)
আচার্যা মানিতাস্তুষ্টাঃ শান্তিং ব্যবহরন্ন্যুত।
শক্তিং ন হাপয়িষ্যন্তি তে কালে প্রতিপূজিতাঃ ॥ 3-37-7 (17135)
অদ্য চেয়ং মহী কৃৎস্না দুর্যাধনবশানুগা।
সগ্রামনগরা পার্থ সসাগরবনাকরা ॥
ভবানেব প্রিয়োঽস্মাকং ৎবয়ি ভারঃ সমাহিতঃ ॥ 3-37-8 (17136)
অত্র কৃত্যং প্রপশ্যামি প্রাপ্তকালমরিংদম।
কৃষ্ণদ্বৈপায়নাত্তাত গৃহীতোপনিষন্ময়া ॥ 3-37-10 (17137)
গৃহীতয়া তয়া সম্যগ্জগৎসর্বং প্রকাশতে।
তেন ৎবং ব্রহ্মণা তাত সংয়ুক্তঃ সুসমাহিতঃ ॥ 3-37-11 (17138)
দেবতানাং যথাকালং প্রসাদং প্রতিপালয়।
তপসা যোজয়াত্মানমুগ্রেণ ভরতর্ষভ ॥ 3-37-12 (17139)
ধনুষ্মান্কবচী খঙ্গী মুনিঃ সাধুব্রতে স্থিতঃ।
ন কস্যচিদ্দদন্মার্গং গচ্ছ তাতোত্তরাং দিশম্ ॥ 3-37-13 (17140)
ইনদ্রে হ্যস্ত্রাণি দিব্যানি সমস্তানি ধনংজয়।
বৃত্রাদ্ভীতৈর্বলং দেবৈস্তদা শক্রে সমর্পিতম্ ॥ 3-37-14 (17141)
তান্যেকস্থানি সর্বাণি ততস্ৎবং প্রতিপৎস্যসে।
`অনেন ব্রহ্মণা তাত সর্বং সংপ্রতিপদ্যতে ॥' 3-37-15 (17142)
শক্রমেব প্রপদ্যস্ব স তেঽস্ত্রাণি প্রদাস্যতি।
দীক্ষিতোঽদ্যৈব গচ্ছ ৎবং দ্রষ্টুং দেবং পুরংদরম্ ॥ 3-37-16 (17143)
বৈশম্পায়ন উবাচ। 3-37-17x (1866)
এবমুক্ৎবা ধর্মরাজস্তমধ্যাপয়ত প্রভুঃ ॥ 3-37-17 (17144)
দীক্ষিতং বিধিনা তেন যতবাক্কায়মানসম্।
অনুজজ্ঞে তদা বীরং ভ্রাতা ভ্রাতরমগ্রজঃ ॥ 3-37-18 (17145)
নিদেশাদ্ধর্মরাজস্য দ্রষ্টুকামঃ পুরংদরম্।
ধনুর্গাণ্ডীবমাদায় তথাঽক্ষয়্যে মহেষুধী ॥ 3-37-19 (17146)
কবচী সতলত্রাণো বদ্ধগোধাঙ্গুলিত্রবান্।
হৎবাঽগ্নিং ব্রাহ্মণান্নিষ্কৈঃ স্বস্তিবাচ্য মহ্যভুজ ॥ 3-37-20 (17147)
প্রাতিষ্ঠত মহাবাহুঃ প্রগৃহীতশরাসনঃ।
বধায় ধার্তরাষ্ট্রাণাং নিঃশ্বস্যোর্ধ্বমুদৈক্ষত ॥ 3-37-21 (17148)
তং দৃষ্ট্বা তত্রকৌন্তেয়ং প্রগৃহীতশরাসনম্।
অব্রুবন্ব্রহ্মণাঃ সিদ্ধা ভূতান্যন্তর্হিতানি চ ॥ 3-37-22 (17149)
ক্ষিপ্রমাপ্নুহি কৌন্তেয় মনসা যদ্যদিচ্ছসি।
সংসাধয়স্ব কৌন্তেয় ধ্রুবোস্তু বিজয়স্তব ॥ 3-37-23 (17150)
অব্রুবন্ব্রাহ্মণাঃ পার্থমিতি কৃৎবা জয়াশিষঃ।
`সিদ্ধচারণসঙ্ঘাশ্চ গন্ধর্বাশ্চ তমব্রুবন্ ॥ 3-37-24 (17151)
স্বস্তিব্রতমুপাধৎস্ব সঙ্কল্পস্তব সিদ্ধ্যতাম্।
মনোরথাশ্চ তে সর্বে সমৃদ্ধ্যন্তাং মহারথ ॥ 3-37-25 (17152)
এবমুক্তোঽভিবাদ্যৈতান্বদ্ধাঞ্জলিপুটস্তথা।
তপোয়োগমনাঃ পার্থঃ পুরোহিতমবন্দত ॥ 3-37-26 (17153)
ততঃ প্রীতমনা জিষ্ণুস্তাবুভাবভ্যবন্দত।
সহোদরাবতিরথৌ যুধিষ্ঠিরবৃকোদরৌ ॥ 3-37-27 (17154)
তং ক্লান্তমনসৌ পূর্ণমভিগম্য মহারথৌ।
যমৌ গাণ্ডীবধন্বানমভ্যবাদয়তামুভৌ ॥ 3-37-28 (17155)
অভিবাদ্য তু তৌ বীরাবূচতুঃ পাকশাসনিম্।
অবাপ্তব্যানি সর্বাণি দিব্যান্যস্ত্রাণি বাসবাৎ। 3-37-29cঅস্ত্রাণ্যাপ্নুহি কৌন্তেয় মনসা যদ্যদিচ্ছসি ॥ 3-37-29 (17156)
গিরো হ্যশিথিলাঃ সর্বা নির্দোষাঃ সংমতাঃ সতাম্।
ৎবমেকঃ পাণ্ডবেষ্বদ্য সংপ্রাপ্তোসি ধনঞ্জয় ॥ 3-37-30 (17157)
ন চাধর্মবিদং দেবা নাসিদ্ধং নাতপস্বিনম্।
দ্রষ্টুমিচ্ছন্তি কৌন্তেয় চলচিত্তং শঠং ন চ ॥ 3-37-31 (17158)
রোরূয়মাণঃ কটুকমীর্ষ্যকঃ কটুকাক্ষরঃ।
শঠকঃ শ্লাঘকঃ ক্ষেপ্তা হন্তা চ বিচিকিৎসিতা ॥ 3-37-32 (17159)
বিশ্বস্ হন্তা মায়াবী ক্রোধনোঽনৃতভাষিতা।
অত্যাশী নাস্তিকোঽদাতা মিত্রধ্রুক্সর্বশঙ্কিতঃ ॥ 3-37-33 (17160)
আক্রোষ্টা চাতিমানী চ রৌদ্রো লুব্ধোঽথ লোলুপঃ।
স্তেনশ্চ মদ্যপশ্চৈব ভ্রূণহা গুরুতল্পগঃ ॥ 3-37-34 (17161)
সংভাবিতাত্মা চাত্যর্থং নৃশংসঃ পুরুষশ্চ যঃ।
নৈতে লোকানাপ্নুবন্তি নির্লোকাস্তে ধনঞ্জয় ॥ 3-37-35 (17162)
আনৃশংস্যমনুক্রোশঃ সত্যং করুণবেদিতা।
দমঃ স্থিতির্ধৃতির্ধর্মঃ ক্ষমা কৃত্যমনুত্তমম্ ॥ 3-37-36 (17163)
দয়া শমশ্চ ধর্মশ্চ গুরুপূজা কৃতজ্ঞতা।
মৈত্রতা দ্বিজভক্তিশ্চ বসন্তি ৎবয়ি ফল্গুন।
ব্যপেক্ষা সর্বভূতেষু কৃপা দানং মতিঃ স্মৃতিঃ ॥ 3-37-37 (17164)
তস্মাৎকৌরব্য শক্রেণ সমেষ্যসি ধনঞ্জয়।
ৎবাদৃশেন হি দেবানাং শ্লাঘনীয়ঃ সমাগমঃ ॥ 3-37-38 (17165)
সুহৃদাং সোদরাণাং চ সর্বেষাং ভরতর্ষভ।
ৎবং গতিঃ পরমা তাত বৃত্রহা মরুতামিব ॥ 3-37-39 (17166)
তস্মিংস্ত্রয়োদশে বর্ষে ভ্রাতরঃ সুহৃদশ্চ তে।
সর্বে হিসংশ্রয়িষ্যন্তি বাহুবীর্যং মহাবল ॥ 3-37-40 (17167)
স পার্থ পিতরং গচ্ছ সহস্রাক্ষমরিন্দম।
মুষ্টিগ্রহণমাদৎস্ব সর্বাণ্যস্ত্রাণি বাসবাৎ ॥ 3-37-41 (17168)
শতশৃঙ্গে মহাবাহো মঘবানিদমব্রবীৎ।
শৃণ্বতাং সর্বভূতানাং ৎবামুপাঘ্রায় মূর্ধনি ॥ 3-37-42 (17169)
বিদিতঃ সর্বভূতানাং দিবং তাত গমিষ্যসি।
প্রাপ্য পুণ্যকৃতাং লোকান্রংস্যসে জয়তাংবর ॥ 3-37-43 (17170)
মানিতস্ত্রিদশৈঃ পার্থ বিহৃত্য সুসুখং দিবি।
অবাপ্যপরমাস্ত্রাণি পৃথিবীং পুনরেষ্যসি ॥ 3-37-44 (17171)
গুণাংস্তে বাসবস্তাত খাণ্ডবং দহতি ৎবয়ি।
শৃণ্বতাং সর্বভূতানাং পুনঃ পুনরভাষত ॥ 3-37-45 (17172)
তাং প্রতিজ্ঞাং নরশ্রেষ্ঠ কর্তুমর্হসি বাসবীম্।
কংচিদ্দেশমিতঃ প্রাপ্য তপোয়োগমনা ভব ॥ 3-37-46 (17173)
কর্তুমর্হসি কৌরব্য মঘবদ্বচনং হিতম্।
দীক্ষিৎবাঽদ্যৈব গচ্ছ ৎবং দ্রষ্টাঽসি ৎবং পুরন্দরম্ ॥ 3-37-47 (17174)
তৌ পরিষ্বজ্য বীভৎসুঃ কৃষ্ণামামন্ত্র্য চাপ্যুভৌ।
মনাংস্যাদায় সর্বেষাং প্রয়াতঃ পুরুষর্ষভঃ ॥' 3-37-48 (17175)
তং তথা প্রস্থিতং বীরং সিংহস্কন্ধোরসং তদা।
প্রাঞ্জলিঃ পাণ্ডবংকৃষ্ণা দেবানাং কুর্বতী নমঃ।
বাগ্ভিঃ পরমশুদ্ধাভির্মঙ্গলাভিরভাষৎ ॥ 3-37-49 (17176)
নমো ধাত্রে বিধাত্রে চ স্বস্তি গচ্ছ বনাদ্বনম্।
`ধর্মস্ৎবাং জুষতাং পার্থ ভাস্করশ্চ বিভাবসুঃ।
ব্রহ্মা ৎবাং ব্রাহ্মণাশ্চৈব পালয়ন্তু ধনঞ্জয় ॥' 3-37-50 (17177)
জ্যেষ্ঠাপচায়ী জ্যেষ্ঠস্য ভ্রাতুর্বচনমাস্থিতঃ।
প্রপদ্যেথা বসূব্রুদ্রানাদিত্যান্সমরুদ্গণান্।
বিশ্বেদেবাংস্তথা সাধ্যাঞ্শান্ত্যর্থং ভরতর্ষভ ॥ 3-37-51 (17178)
স্বস্তি তেস্ৎবান্তরিক্ষেভ্যো দিব্যেভ্যো ভরতর্ষভ।
পার্থিবেভ্যশ্চ সর্বেভ্যো যে কেচিৎপরিপন্থিনঃ ॥ 3-37-52 (17179)
অবরোধাদ্বনে বাসাৎসর্বস্বহরণাদপি।
ইদং দুঃখতরং মন্যে পুত্রেভ্যশ্চ বিবাসনাৎ ॥ 3-37-53 (17180)
মাস্মাকং ক্ষত্রিয়কুলে জাতুচিৎপুনরুদ্ভবঃ।
ব্রাহ্মণেভ্যো নমস্যামি যেষাং নায়ুধজীবিকা ॥ 3-37-54 (17181)
ইদং মে পরমং দুঃখং যঃ স পাপঃ সুয়োধনঃ।
দৃষ্ট্বা মাং গৌরিতি প্রাহ প্রহসন্রাজসংসদি ॥ 3-37-55 (17182)
তস্মাদ্দুঃখাদিদং দুঃখং গরীয় ইতিমে মতিঃ।
যত্তৎপরিষদো মধ্যে বহ্বয়ুক্তমভাষত ॥ 3-37-56 (17183)
`ধ্বংসিতঃ স্বগৃহেভ্যশ্চ রাষ্ট্রাচ্চ ভরতর্ষভ।
বনে প্রতিষ্ঠিতো ভূৎবা সৌহার্দাদবতিষ্ঠসে ॥' 3-37-57 (17184)
জেতা যঃ সর্বশত্রূণাং যঃ পাবকমতর্পয়ঃ।
জনস্ৎবাং পশ্যতীদানীং গচ্ছন্তং ভরতর্ষভ ॥' 3-37-58 (17185)
অস্মিন্নূনং মহারণ্যে ভ্রাতরঃ সুহৃদশ্চ তে।
ৎবৎকথাঃ কথয়িষ্যন্তি চারণা ঋষয়স্তথা ॥ 3-37-59 (17186)
যত্তে কুন্তী মহাবাহো জাতস্যৈচ্ছদ্ধনঞ্জয়।
তত্তেঽস্তু সর্বং কৌন্তেয় যথা চ স্বয়মিচ্ছসি ॥ 3-37-60 (17187)
`বসুদেবস্বসা দেবী ৎবামার্যা পুনরাগতম্।
পশ্যতু ৎবাং পৃথা পার্থ সহস্রাক্ষমিবাদিতিঃ' ॥ 3-37-61 (17188)
নূনং তে ভ্রাতরঃ সর্বে ৎবৎকথাভিঃ প্রজাগরে।
রংস্যন্তে তব কর্মাণি কীরত্যন্তঃ পুনঃ পুনঃ ॥ 3-37-62 (17189)
ন চ নঃ পার্থ ভোগেষু ন ধনে নোত জীবিতে।
তুষ্টির্বুদ্ধির্ভবিত্রী বা ৎবয়ি দীর্ঘপ্রবাসিনি ॥ 3-37-63 (17190)
ৎবয়ি নঃ পার্থ সর্বেষাং সুখদুঃখে প্রতিষ্ঠতে।
জীবিতং মরণং চৈব রাজ্যমৈশ্বর্যমেব চ ॥ 3-37-64 (17191)
আপৃষ্টো নোসি কৌন্তেয় স্বস্তি প্রাপ্নুহি পাণ্ডব।
কৃতাস্ত্রং স্বস্তিমন্তং ৎবাং দ্রক্ষ্যামি পুনরাগতম্ ॥ 3-37-65 (17192)
বলবদ্ভির্বিরুদ্ধং ন কার্যমেতত্ৎবয়াঽনঘ।
প্রয়াহ্যবিঘ্নেয়ৈবাশু বিজয়ায় মহাবল ॥ 3-37-66 (17193)
হ্রীঃ শ্রীঃ কীর্তির্ধৃতিঃ পুষ্টিরুমা লক্ষ্মীঃ সরস্বতী।
ইমা বৈ তব পান্থস্ পালয়ন্তু ধনঞ্জয় ॥ 3-37-67 (17194)
বৈশম্পায়ন উবাচ। 3-37-68x (1867)
এবমুক্ৎবাঽঽশিষঃ কৃষ্ণা বিররাম যশস্বিনী। 3-37-68 (17195)
ততঃপ্রদক্ষিণং কৃৎবা ভ্রাতৄন্ধৌম্যং চ পাণ্ডবঃ।
প্রাতিষ্ঠত মহাবাহুঃ প্রগৃহ্য রুচিরং ধনুঃ ॥ 3-37-69 (17196)
`শনৈরিব দিশং বীর উদীচীং ভরতর্ষভ।
সংহরংস্তরসা বৃক্ষাঁল্লতা বল্লীশ্চ ভারত।
অসজ্জমানো বৃক্ষেষু জগাম সুমহাবলঃ ॥' 3-37-70 (17197)
তস্য মার্গাদপাক্রামন্সর্বভূতানি গচ্ছতঃ।
যুক্তস্যৈন্দ্রেণ যোগেন পরাক্রান্তস্য শুষ্মিণঃ ॥ 3-37-71 (17198)
সোঽগচ্ছৎপর্বতাংস্তাত তপোধননিষেবিতান্।
দিব্যং হৈমবতং পুণ্যং দেবজুষ্টং পরংতপঃ ॥ 3-37-72 (17199)
অগচ্ছৎপর্বতং পুণ্যমেকাহ্নৈব মহামনাঃ।
মনোজবগতির্ভূৎবা যোগয়ুক্তো যথাঽনিলঃ ॥ 3-37-73 (17200)
হিমবন্তমতিক্রম্য গন্ধমাদনমেব চ।
অত্যক্রামৎস দুর্গাণি দিবারাত্রমতন্দ্রিতঃ ॥ 3-37-74 (17201)
ইন্দ্রিকীলং সমাসাদ্য ততোঽতিষ্ঠদ্ধনংজয়ঃ।
`গৎবা স ষডহোরাত্রান্সপ্তমেঽহনি পাণ্ডবঃ ॥ 3-37-75 (17202)
প্রস্থেন্দ্রকীলস্য শুভে তপোয়োগপরোঽভবৎ।
ঊর্ধ্ববাহুর্ন চাঙ্গানি প্রাস্পন্দয়ত কিংচন ॥ 3-37-76 (17203)
সমাহিতাত্মা নিয়তঃ সহস্রাক্ষসুতোঽচ্যুতঃ'।
অন্তরিক্ষে স শুশ্রাব তিষ্ঠেতি স বচস্তদা ॥ 3-37-77 (17204)
তচ্ছ্রুৎবা সর্বতো দৃষ্টিং চারয়ামাস রপাণ্ডবঃ।
অথাপশ্যৎসব্যসাচী বৃক্ষমূলে তপস্বিনম্ ॥ 3-37-78 (17205)
ব্রাহ্ম্যা শ্রিয়া দীপ্যমানং পিঙ্গলং জটিলং কৃশম্।
সোঽব্রবীদর্জুনং তত্রস্থিতং দৃষ্ট্বা মহাতপাঃ ॥ 3-37-79 (17206)
কস্ৎবং তাতেহ সংপ্রাপ্তো ধনুষ্মান্কবচী শরী।
নিবদ্ধাঽসিতলত্রাণঃ ক্ষত্রধর্মমনুব্রতঃ ॥ 3-37-80 (17207)
নেহ শস্ত্রেণ কর্তব্যং শান্তানামেষ আলয়ঃ।
বিনীতক্রোধহর্ষাণাং ব্রাহ্মণানাং তপস্বিনাম্ ॥ 3-37-81 (17208)
নেহাস্তি ধনুষা কার্যং ন সংগ্রামোঽত্র কর্হিচিৎ।
নিক্ষিপৈতদ্ধনুস্তাত প্রাপ্তোসি পরমাং গতিম্ ॥ 3-37-82 (17209)
ইত্যনন্তৌজসং বীরং যথা চান্যং পৃথগ্জনম্।
তথা হসন্নিবাভীক্ষ্ণং ব্রাহ্মণোঽর্জুনমব্রবীৎ। 3-3783c ন চৈনং চালয়ামাস ধৈর্যাৎসুধৃতনিশ্চয়ম্ ॥ 3-37-83 (17210)
তমুবাচ ততঃ প্রীতঃ স দ্বিজঃ প্রহসন্নিব।
বরং বৃণীষ্ব ভদ্রং তে শক্রোঽহমরিসূদন ॥ 3-37-84 (17211)
এবমুক্তঃ সহস্রাক্ষং প্রত্যুবাচ ধনংজয়ঃ।
প্রাঞ্জলিঃ প্রণতো ভূৎবা সূরঃ কুরুকুলোদ্বহঃ ॥ 3-37-85 (17212)
ঈপ্সিতো হ্যেষ বৈ কামো বরং চৈনং প্রয়চ্ছ মে।
ৎবত্তোঽদ্য ভগবন্নস্ত্রংকৃৎস্নমিচ্ছামি বেদিতম্ ॥ 3-37-86 (17213)
প্রত্যুবাচ মহেন্দ্রস্তং প্রীতাত্মা প্রহসন্নিব।
ইহ প্রাপ্তস্য কিং কার্যমস্ত্রৈস্তব ধনংজয় ॥ 3-37-87 (17214)
কামান্বৃণীষ্ব লোকাংস্ৎবং প্রাপ্তোসি পরমাং গতিম্।
এবমুক্তঃ প্রত্যুবাচ সহস্রাক্ষং ধনংজয়ঃ ॥ 3-37-88 (17215)
ন লোভান্ন পুনঃ কামান্ন দেবৎবং পুনঃ সুখম্।
ন চ সর্বামরৈশ্বর্যং কাময়ে ত্রিদশাধিপ ॥ 3-37-89 (17216)
ভ্রাতৄংস্তান্বিপিনে ত্যক্ৎবা বৈরমপ্রতিয়াত্য চ।
অকীর্তিং সর্বলোকেষু গচ্ছেয়ং শাশ্বতীঃ সমাঃ ॥ 3-37-90 (17217)
এবমুক্তঃ প্রত্যুবাচ বৃত্রহা পাণ্ডুনন্দনম্।
সান্ৎবয়ঞ্শ্লক্ষ্ণয়া বাচা সর্বলোকনমস্কৃতঃ ॥ 3-37-91 (17218)
যদা দ্রক্ষ্যসি ভূতেশং ত্র্যক্ষং শূলধরং শিবম্।
তদা দাতাঽস্মি তে তাত দিব্যান্যস্ত্রাণি সর্বশঃ ॥ 3-37-92 (17219)
ক্রিয়তাং দর্শনে যত্নো দেবস্য পরমেষ্ঠিনঃ।
দর্শনাত্তস্য কৌন্তেয় সংসিদ্ধঃ স্বর্গমেষ্যসি ॥ 3-37-93 (17220)
ইত্যুক্ৎবা ফল্গুনং শক্রো জগামাদর্শনং পুনঃ।
অর্জুনোপ্যথ তত্রৈব তস্থৌ যোগসমন্বিতঃ ॥ 3-37-94 (17221)
ইতি শ্রীমন্মহাভারেত অরণ্যপর্বণি অর্জুনাভিগমনপর্বণি সপ্তত্রিংশোঽধ্যায়ঃ ॥ 37 ॥
Mahabharata - Vana Parva - Chapter Footnotes
3-37-2 বিবিক্তেঽবিতথপ্রজ্ঞমিতি ক. পাঠঃ ॥ 3-37-5 দৈবং ইন্দ্রবরুণাদ্যস্ত্রম্। ব্রাহ্মং ব্রহ্মাস্ত্রম্. চিকিৎসা পরপ্রয়ুক্তানাং প্রতীকারঃ ॥ 3-37-6 গুরুবৎ গুরুষ্বিব ॥ 3-37-7 শান্তিং দোষপরিহারং কর্তুং ব্যবহরন্তি যতন্তে। শক্তিং সামর্থ্যে ন হাপয়িষ্যন্তি ত্যাজয়িষ্যন্তি অপিতু উদ্দীপয়িষ্যন্তি ॥ 3-37-10 উপনিষৎ রহস্যবিদ্যা ॥ 3-37-11 তয়া প্রয়ুক্তয়া সম্যগিতি ঝ. পাঠঃ ॥ 3-37-12 প্রতিপালয় প্রাপ্নুহি ॥ 3-37-13 মার্গং ন দদৎ অদদৎ ॥ 3-37-14 বলং সর্বাস্ত্ররূপম্ ॥ 3-37-15 ততঃ শক্রাৎ ॥ 3-37-16 দীক্ষিতঃ স্বীকৃতব্রতঃ ॥ 3-37-17 অধ্যাপয়ত বিদ্যযায়োজিতবান্ ॥ 3-37-18 অনুজজ্ঞে গমনায় অনুজ্ঞাতবান্ ॥ 3-37-51 জ্যেষ্টাপচয়ী জ্যেষ্ঠপূজনশীলঃ ॥ 3-37-55 গৌরিতি বহুপুরুষভোগ্যেত্যুপহাসঃ ॥ 3-37-56 অভাষত শত্রুর্যৎ তস্মাদ্দুঃখাদিদং ৎবদ্বিয়োগজমিতি পূর্বেণ সংবন্ধঃ ॥ 3-37-69 প্রাতিষ্ঠত মহাবাহুঃ সুমনাঃ প্রীতিমাংস্তদেতি ক. পাঠঃ ॥ 3-37-71 শুষ্মিণও বলিনঃ ॥ 3-37-81 বিনীতৌ, জিতৌ ক্রোধহর্ষৌ যৈঃ ॥ 3-37-88 কামান্ কাম্যন্ত ইতি ব্যুৎপত্ত্যা ইষ্টান্ ॥ 3-37-90 অপ্রতিয়াত্যানিস্তীর্য ॥অরণ্যপর্ব - অধ্যায় 038
॥ শ্রীঃ ॥
3.38. অধ্যায়ঃ 038
Mahabharata - Vana Parva - Chapter Topics
অর্জুনেন হিমবচ্ছিখরে তপশ্চরণম্ ॥ 1 ॥ পার্থতপোভীরুভির্মহর্ষিভিঃ প্রার্থিতেন মহাদেবেনাশ্বাসনপূর্বকমৃষীণাং প্রতি নিবর্তনম্ ॥ 2 ॥Mahabharata - Vana Parva - Chapter Text
3-38-0 (17222)
জনমেজয় উবাচ। 3-38-0x (1868)
ভগবঞ্শ্রোতুমিচ্ছাসমি পার্থস্যাক্লিষ্টকর্মণঃ।
বিস্তরেণ কথামেতাং যথাঽস্ত্রাণ্যুপলব্ধবান্ ॥ 3-38-1 (17223)
কথং চ পুরুষব্যাঘ্রো দীর্ঘবাহুর্ধনংজয়ঃ।
বনং প্রবিষ্টস্তেজস্বী নির্মনুষ্যমভীতবৎ ॥ 3-38-2 (17224)
কিংচানেন কৃতংতত্রবসতা ব্রহ্মবিত্তম।
কথং চ ভগবান্স্থাণুর্দেবরাজশ্চ তোষিতঃ ॥ 3-38-3 (17225)
এতদিচ্ছাম্যহং শ্রোতুং ৎবৎপ্রসাদাদ্দ্বিজোত্তম।
ৎবং হি সর্বজ্ঞ দিব্যং চ মানুষং চৈব বেত্থ ॥ 3-38-4 (17226)
অত্যদ্ভুতং মহাপ্রাজ্ঞ রোমহর্ষণমর্জুনঃ।
ভবেন সহ সংগ্রামং চকারাপ্রতিমং কিল।
পুরা প্রহরতাংশ্রেষ্ঠঃ সংগ্রামেষ্বপরাজিতঃ ॥ 3-38-5 (17227)
যচ্ছ্রুৎবা নরসিংহানাং দৈন্যহর্ষাতিবিস্ময়াৎ।
শূরাণামপি পার্থানাং হৃদয়ানি চকম্পিরে ॥ 3-38-6 (17228)
যদ্যচ্চ কৃতবানন্যৎপার্থস্তদস্বিলং বদ ॥ 3-38-7 (17229)
ন হ্যস্ নিন্দিতং জিষ্ণোঃ সুসূক্ষ্মমপি লক্ষয়ে।
চরিতং যস্য শূরস্য তন্মে সর্বং প্রকীর্তয় ॥ 3-38-8 (17230)
বৈশম্পায়ন উবাচ। 3-38-9x (1869)
কথয়িষ্যামি তে তাত কথামেতাং মহাত্মনঃ।
দিব্যাং কৌরবশার্দূল মহতীমদ্ভুতোপমাম্ ॥ 3-38-9 (17231)
গাত্রসংস্পর্শসংবদ্ধাং ত্র্যম্বকেণ মহাহবে।
পার্থস্য দেবদেবেন শৃণু সম্যক্সমাগমম্ ॥ 3-38-10 (17232)
যুধিষ্ঠিরনিয়োগাৎস জগামামিতবিক্রমঃ।
শক্রং সুরেশ্বরং দ্রষ্টুং দেবদেবং চ শংকরম্ ॥ 3-38-11 (17233)
দিব্যং তদ্ধনুরাদায় খঙ্গং চ পুরুষর্ষভঃ।
মহাবলো মহাবাহুরর্জুনঃ কার্যসিদ্ধয়ে ॥ 3-38-12 (17234)
দিশং হ্যুদীচীং কৌরব্যো হিমবচ্ছিখরং প্রতি।
ঐন্দ্রিঃ স্থিরমনা রাজন্সর্বলোকমহারথঃ ॥ 3-38-13 (17235)
ৎবরয়া পরয়া যুক্তস্তপসে ধৃতনিশ্চয়ঃ।
বনং কণ্টকিতং ঘোরমেক এবান্বপদ্যত ॥ 3-38-14 (17236)
নানাপুষ্পফলোপেতং নানাপক্ষিনিনাদিতম্।
নানামৃগগণাকীর্ণং সিদ্ধচারণসেবিতম্ ॥ 3-38-15 (17237)
ততঃ প্রয়াতে বীভৎসৌ বনং মানুষবর্জিতম্।
শঙ্খানাং পটহানাং চ শব্দঃ সমভবদ্দিবি ॥ 3-38-16 (17238)
পুষ্পবর্ষং চ সুমহন্নিপপাত মহীতলে।
মেঘজালং চ সততং ছাদয়ামাস সর্বতঃ ॥ 3-38-17 (17239)
সোতীত্য বনদুর্গাণি সন্নিকর্ষে মহাগিরেঃ।
শুশুভে হিমবৎপৃষ্ঠে বসমানোঽর্জুনস্তদা ॥ 3-38-18 (17240)
তত্রতত্র দ্রুমান্ফুল্লান্বিহগৈর্বল্গুনাদিতান্।
নদীশ্চ বিপুলাবর্তা বৈদূর্যনীলসংনিভাঃ ॥ 3-38-19 (17241)
হংসকারণ্ডবোদ্গীতাঃ সারসাভিরুতাস্তথা।
পুংস্কোকিলরুতাশ্চৈব ক্রৌঞ্চবর্হিণনাদিতাঃ ॥ 3-38-20 (17242)
মনোহরবনোপেতাস্তস্মিন্নতিরথোঽর্জুনঃ।
পুণ্যশীতামলজলাঃ পশ্যন্প্রীতমনাঽভবৎ ॥ 3-38-21 (17243)
রমণীয়ে বনোদ্দেশে রমমাণোঽর্জুনস্তদা।
তপস্যুগ্রে বর্তমান উগ্রতেজা মহামনাঃ ॥ 3-38-22 (17244)
দর্ভচীরং নিবস্যাথ দণ্ডাজিনবিভূষিতঃ।
শীর্ণং চ পতিতং ভূমৌ পর্ণং সমুপভুক্তবান্ ॥ 3-38-23 (17245)
পূর্ণেপূর্ণে ত্রিররাত্রে তু মাসমেকং ফলাশনঃ।
দ্বিগুণেনৈব কালেন দ্বিতীয়ং মাসমত্যযাৎ ॥ 3-38-24 (17246)
তৃতীয়মপি মাসং স ক্রমেণাহারমাচরন্।
চতুর্থে ৎবথ সংপ্রাপ্তে মাসে ভরতসত্তমঃ ॥ 3-38-25 (17247)
বায়ুভক্ষো মহাবাহুরভবৎপাণ্ডুনন্দনঃ।
ঊর্ধ্ববাহুর্নিরালম্বঃ পাদাঙ্গুষ্ঠাগ্রধিষ্ঠিতঃ ॥ 3-38-26 (17248)
সদোপস্পর্শনাচ্চাস্য বভূবুরমিতৌজসঃ।
বিদ্যুদম্ভোরুহনিভা জটাস্তস্য মহাত্মনঃ ॥ 3-38-27 (17249)
ততো মহর্ষয়ঃ সর্বে জগ্মুর্দেবং পিনাকিনম্।
বিবেদয়িষবঃ পার্থং তপস্যুগ্রে সমাস্থিতম্ ॥ 3-38-28 (17250)
নীলকণ্ঠং মহাদেবমভিবাদ্য প্রণম্য চ।
সর্বে নিবেদয়ামাসুঃ কর্ম তৎফল্গুনস্য হ ॥ 3-38-29 (17251)
একঃ পার্থো মহাতেজা হিমবৎপৃষ্ঠমাশ্রিতঃ।
উগ্রে তপরসি দুষ্পারে স্থিতো ধূমাপয়ন্দিশঃ ॥ 3-38-30 (17252)
তস্য দেবেশ ন বয়ং বিদ্মঃ সর্বে চিকীর্ষিতম্।
সংতাপয়তি নঃ সর্বানসৌ সাধু নিবার্যতাম্ ॥ 3-38-31 (17253)
তেষাং তদ্বচনং শ্রুৎবা মুননাং ভাবিতাত্মনাম্।
উমাপতির্ভূতপতির্বাক্যমেতদুবাচ হ ॥ 3-38-32 (17254)
ন বো বিষাদঃ কর্তব্যঃ ফল্গুনং প্রতি সর্বশঃ।
শীঘ্রং গচ্ছত সংহৃষ্টা যথাগতমতন্দ্রিতাঃ ॥ 3-38-33 (17255)
অহমস্য বিজানামি সংকল্পং মনসি স্থিতম্।
নাস্য স্বর্গস্পৃহা কাচিন্নৈশ্বর্যস্য ন চায়ুষঃ।
যত্তস্য কাঙ্ক্ষিতং প্রাপ্তুং তৎকরিষ্যেঽহমদ্য বৈ ॥ 3-38-34 (17256)
বৈশম্পায়ন উবাচ। 3-38-35x (1870)
তচ্ছ্রুৎবা শর্ববচনমৃষয়ঃ সত্যবাদিনঃ।
প্রহৃষ্টমনসো জগ্মুর্যথাস্বং পুনরাশ্রমম্ ॥ 3-38-35 (17257)
ইতি শ্রীমন্মহাভারতে অরণ্যপর্বণি কৈরাতপর্বণি অষ্টত্রিংশোঽধ্যায়ঃ ॥ 38 ॥
Mahabharata - Vana Parva - Chapter Footnotes
3-38-12 খঙ্গং চ কনকৎসরুং ইতি ঝ. পাঠঃ। তত্র কনকৎসরুং স্বর্ণমুষ্টিংমিত্যর্তঃ ॥ 3-38-13 ঐন্দ্রিরর্জুনঃ ॥ 3-38-14 কণ্টকিতং কণ্টকাক্রান্তম্ ॥ 3-38-23 দর্ভচীরং তৃণময়ং বাসঃ। নিবস্য পরিধায় ॥ 3-38-24 দ্বিগুণেন ষট্রাত্রেণ অত্যযাৎ অতিবাহিতবান্ ॥ 3-38-25 পক্ষেণাহারমাচরন্ ইতি ঝ. পাঠঃ ॥ 3-38-26 নিরালম্বো নিরাশ্রয়ঃ ॥ 3-38-30 ধূমাপয়ন্ ধূমবতীরিব কুর্বন্ ॥ 3-38-34 সংকল্পং মনোরথম্ ॥অরণ্যপর্ব - অধ্যায় 039
॥ শ্রীঃ ॥
3.39. অধ্যায়ঃ 039
Mahabharata - Vana Parva - Chapter Topics
কিরাতরূপিণআ হরেণার্জুনস্য পরাজয়ঃ ॥ 1 ॥ তথা পার্থপূজাস্তুতিসংতুষ্টেন তেন তদাশ্বাসনম্ ॥ 2 ॥Mahabharata - Vana Parva - Chapter Text
3-39-0 (17258)
বৈশম্পায়ন উবাচ। 3-39-0x (1871)
গতেষু তেষু সর্বেষু তপস্বিষু মহাত্মসু।
পিনাকপাণির্ভগবান্সর্বপাপহরো হরঃ ॥ 3-39-1 (17259)
কৈরাতং বেষমাস্থায় কাঞ্চনদ্রুমসন্নিভম্।
বিভ্রাজমানো বপুষা গিরির্মেরুরিবাপরঃ ॥ 3-39-2 (17260)
শ্রীগদ্ধনুরুপাদায় শরাংশ্চাশীবিষোপমান্।
নিষ্পপাত মহার্চিষ্মান্দহন্কক্ষমিবানলঃ ॥ 3-39-3 (17261)
দেব্যা সহোময়া শ্রীমান্সমানব্রতবেষয়া।
নানাবেষধরৈর্হৃষ্টৈর্ভূতৈরনুগতস্তদা ॥ 3-39-4 (17262)
কিরাতবেষসংছন্নঃ স্ত্রীভিশ্চাপি সহস্রশঃ।
অশোভত তদা রাজন্স দেশোঽতীব ভারত ॥ 3-39-5 (17263)
ক্ষণেন তদ্বনং সর্বং নিঃশব্দমভবত্তদা।
নাদঃ প্রস্রবণানাং চ পক্ষিণাং চাপ্যুপারমৎ ॥ 3-39-6 (17264)
স সন্নিকর্ষমাগম্য পার্থস্যাক্লিষ্টকর্মণঃ।
মূকং নাম দিতেঃ পুত্রং দদর্শাদ্ভুতদর্শনম্ ॥ 3-39-7 (17265)
বারাহং রূপমাস্থায় তর্জয়ন্তমিবার্জুনম্।
হন্তুং পরমদুষ্টাত্মা তমুবাচাথ ফল্গুনঃ ॥ 3-39-8 (17266)
গাণ্ডীবং ধনুরাদায় শরাংশ্চাশীবিষোপমান্।
সজ্যং ধনুর্বরং কৃৎবা জ্যাঘোষেণ নিনাদয়ন্ ॥ 3-39-9 (17267)
যন্মাং প্রার্থয়সে হন্তুমনাগসমিহাগতম্।
তস্মাত্ৎবাং পূর্বমেবাহং নেষ্যামি যমসাদনম্ ॥ 3-39-10 (17268)
দৃষ্ট্বা তং প্রহরিষ্যন্তং ফল্গুনং দৃঢধন্বিনম্।
কিরাতরূপী সহসা বারয়ামাস শংকরঃ ॥ 3-39-11 (17269)
ময়ৈষ প্রার্থিতঃ পূর্বং নীলমেঘসমপ্রভঃ।
অনাদৃত্যৈব তদ্বাক্যং প্রজহারাথ ফল্গুনঃ ॥ 3-39-12 (17270)
কিরাতশ্চ সমং তস্মিন্নেকলক্ষ্যে মহাদ্যুতিঃ।
প্রমুমোচাশনিপ্রখ্যং শরমগ্নিশিখোপমম্ ॥ 3-39-13 (17271)
তৌ মুক্তৌ সায়কৌ তাভ্যাং সমং তত্র নিপেততুঃ।
মূকস্য গাত্রে বিস্তীর্ণে শৈলপৃষ্ঠনিভে তদা ॥ 3-39-14 (17272)
যথাঽশনৈর্বিনিষ্পেষো বজ্রস্যেব চ পর্বতে।
তথা তয়োঃ সন্নিপাতঃ শরয়োরভবত্তদা ॥ 3-39-15 (17273)
স বিদ্ধো বহুভির্বাণৈর্দীপ্তাস্যৈঃ পন্নগৈরিব।
মমার রাক্ষসং রূপং ভূয়ঃ কৃৎবা সুদারুণম্ ॥ 3-39-16 (17274)
স দদর্শ ততো জিষ্ণুঃ পুরুষং কাঞ্চনপ্রভম্।
কিরাতবেষসংছন্নং স্ত্রীসহায়মমিত্রহা ॥ 3-39-17 (17275)
তমব্রবীৎপ্রীতমনা কৌন্তেয়ঃ প্রহসন্নিব।
কো ভবানটতে শূন্যে বনে রস্ত্রীগণসংবৃতঃ ॥ 3-39-18 (17276)
ন ৎবমস্মিন্বনে ঘোরে বিভেষি কনকপ্রভ।
কিমর্থং চ ৎবয়া বিদ্ধো মৃগোঽয়ং মৎপরিগ্রহঃ ॥ 3-39-19 (17277)
ময়াঽভিপন্নঃ পূর্বং হি রাক্ষসোঽয়মিহাগতঃ।
কামাৎপরিভবাদ্বাঽপি ন মে জীবন্বিমোক্ষ্যসে ॥ 3-39-20 (17278)
ন হ্যেষ মৃগয়াধর্মো যস্ৎবয়াঽদ্য কৃতো ময়ি।
তেন ৎবাং ভ্রংশয়িষ্যামি জীবিতাৎপর্বতাশ্রয়ম্ ॥ 3-39-21 (17279)
ইত্যুক্তঃ পাণ্ডবেয়েন কিরাতঃ প্রহসন্নিব।
উবাচ শ্লক্ষ্ণয়া বাচা পাণ্ডবং সব্যসাচিনং ॥ 3-39-22 (17280)
ন মৎকৃতে ৎবয়া বীরঃ ভীঃ কার্যা বনমন্তিকাৎ।
ইয়ং ভূমিঃ সদাঽস্মাকমুচিতা বসতাং বনে ॥ 3-39-23 (17281)
ৎবয়া তু দুষ্করঃ কস্মাদিহ বাসঃ প্ররোচিতঃ।
বয়ং তু বহুসত্ৎবেঽস্মিন্নিবসামস্তপোধন ॥ 3-39-24 (17282)
ভবাংস্তু কৃষ্ণবত্মার্ভঃ সুকুমারঃ সুখোচিতঃ।
কথং শূন্যমিমং দেশমেকাকী বিচরিষ্যতি ॥ 3-39-25 (17283)
অর্জুন উবাচ। 3-39-26x (1872)
গাণ্ডীবমাশ্রয়ং কৃৎবা নারাজাংশ্চাগ্নিসন্নিভান্।
নিবসামি মহারণ্যে দ্বিতীয় ইব পাবকঃ ॥ 3-39-26 (17284)
এষ চাপি ময়া জন্তুর্মৃগরূপং সমাশ্রিতঃ।
রাক্ষসো নিহতো ঘোরো হন্তুং মামিহ চাগতঃ ॥ 3-39-27 (17285)
কিরাত উবাচ। 3-39-28x (1873)
ময়ৈষ ধন্বনির্মুক্তৈস্তাডিতঃ পূর্বমেব হি।
বাণৈরভিহতঃ শেতে নীতশ্চ যমসাদনম্ ॥ 3-39-28 (17286)
মমৈবায়ং লক্ষ্যভূতঃ পূর্বমেব পরিগ্রহঃ।
মমৈব চ প্রহারেণ জীবিতাদ্ব্যপরিপিতঃ ॥ 3-39-29 (17287)
দোষান্স্বান্নার্হসেঽন্যস্মৈ বক্তুং স্ববলদর্পিতঃ।
অভিষক্তোস্মি মন্দাত্মন্ন মে জীবন্বিমোক্ষ্যসে ॥ 3-39-30 (17288)
স্থিরো ভব বিমোক্ষ্যামি সায়কানশনীনিব।
ঘটস্ব পরয়া শক্ত্যা মুঞ্চ ৎবমপি সায়কান্ ॥ 3-39-31 (17289)
তস্য তদ্বচনং শ্রুৎবা কিরাতস্যার্জুনস্তদা।
রোষমাহারয়ামাস তাডয়ামাস চেষুভিঃ ॥ 3-39-32 (17290)
ততো হৃষ্টেন মনসা প্রতিজগ্রাহ সায়কান্।
ভূয়োভূয় ইতি প্রাহ মন্দমন্দেত্যুবাচ হ ॥ 3-39-33 (17291)
প্রহরস্ব শরানেতান্নারাচান্মর্মভেদিনঃ।
ইত্যুক্তো বাণবর্ষং স মুমোচ সহসাঽর্জুনঃ ॥ 3-39-34 (17292)
ততস্তৌ তত্রসংরব্ধৌ গর্জমানৌ মুহুর্মুহুঃ।
শরৈরাশীবিষাকারৈস্ততক্ষাতে পরস্পরম্ ॥ 3-39-35 (17293)
ততোঽর্জুনঃ শরবর্ষং কিরাতে সমবাসৃজৎ।
তৎপ্রসন্নেন মনসা প্রতিজগ্রাহ শংকরঃ ॥ 3-39-36 (17294)
মুহূর্তং শরবর্ষং তু প্রতিগৃহ্য পিনাকধৃক্।
অক্ষতেন শরীরেণ তস্থৌ গিরিবাচলঃ ॥ 3-39-37 (17295)
স দৃষ্ট্বা বাণবর্ষং তু মঘীভূতং ধনংজয়ঃ।
পরমং বিস্ময়ং চক্রে সাধুসাধ্বিতি চাব্রবীৎ ॥ 3-39-38 (17296)
অহোঽয়ং সুকুমারাঙ্গো হিমবচ্ছিখরাশ্রয়ঃ।
গাণ্ডীবমুক্তান্নারাচান্প্রতিগৃহ্ণাত্যবিহ্বলঃ ॥ 3-39-39 (17297)
কোঽয়ং দেবো ভবেৎসাক্ষাদ্রুদ্রো যক্ষঃ সুরোঽসুরঃ।
বিদ্যতে হি গিরিশ্রেষ্ঠে ত্রিদশানাং সমাগমঃ ॥ 3-39-40 (17298)
ন হি মদ্বাণজালানামুৎসৃষ্টানাং সহস্রশঃ।
শক্তোঽন্যঃ সহিতুং বেগমৃতে দেবং পিনাকিনম্ ॥ 3-39-41 (17299)
দেবো বা যদি বা যক্ষো রুদ্রাদন্যো ব্যবস্থিতঃ।
অহমেনং শরৈস্তীক্ষ্ণৈর্নয়ামি যমসাদনম্ ॥ 3-39-42 (17300)
ততো হৃষ্টমনা জিষ্ণুর্নারাচান্মর্মভেদিনঃ।
ব্যসৃজচ্ছতধা রাজন্ময়ূখানিব ভাস্করঃ ॥ 3-39-43 (17301)
তান্প্রসন্নেন মনসা ভগবাঁল্লোকভাবনঃ।
শূলপাণিঃ প্রত্যগৃহ্ণাচ্ছিলাবর্ষমিবাচলঃ ॥ 3-39-44 (17302)
ক্ষণেন ক্ষীণবাণোঽথ সংবৃত্তঃ ফল্গুনস্তদা।
বিত্রাসং চ জগামাথ তং দৃষ্ট্বা শরসংক্ষয়ম্ ॥ 3-39-45 (17303)
চিন্তয়ামাস জিষ্ণুস্তু ভগবন্তং হুতাশনম্।
পুরস্তাদক্ষয়ৌ দত্তৌ তূণৌ যেনাস্য খাণ্ডবে ॥ 3-39-46 (17304)
কিং নু মোক্ষ্যামি ধনুষা যন্মে বাণাঃ ক্ষয়ং গতাঃ।
অয়ং চ পুরুষঃ কোপি বাণান্গ্রসতি সর্বশঃ ॥ 3-39-47 (17305)
অহমেনং ধনুষ্কোট্যা রশূলাগ্রেণেব কুঞ্জরম্।
নয়ামি দণ্ডধারস্য যমস্য সদনং প্রতি ॥ 3-39-48 (17306)
প্রগৃহ্যাথ ধনুষ্কোট্যা জ্যাপাশেনাবকৃষ্য চ।
মুষ্টিভিশ্চাপি হতবান্বজ্রকল্পৈর্মহাদ্যুতিঃ ॥ 3-39-49 (17307)
সংপ্রায়ুধ্যদ্ধনুষ্কোট্যা কৌন্তেয়ঃ পরবীরহা।
তদপ্যস্য ধনুর্দিব্যং জগ্রাহ গিরিগোচরঃ ॥ 3-39-50 (17308)
ততোঽর্জুনো গ্রস্তধনুঃ খঙ্গপাণিরতিষ্ঠত।
যুদ্ধস্যান্তমভীপ্সন্বৈ বেগেনাভিজগাম তম্ ॥ 3-39-51 (17309)
তস্য মূর্ধ্নি শিতং খঙ্গমসক্তং পর্বতেষ্বপি।
মুমোয় ভুজবীর্যেণ বিক্রম্য কুরুনন্দনঃ ॥ 3-39-52 (17310)
তকস্য মূর্ধানমাসাদ্য পফালাসিবরো হি সঃ।
ততো বৃক্ষৈঃ শিলাভিশ্চ যোধয়ামাস ফল্গুনঃ ॥ 3-39-53 (17311)
তদা বৃক্ষান্মহাকায়ঃ প্রত্যগৃহ্ণাদথো শিলাঃ।
কিরাতরূপী ভগবাংস্ততঃ পার্থো মহাবলঃ ॥ 3-39-54 (17312)
মুষ্টিভির্বজ্রসংস্পর্শৈর্ধূমমুৎপাদয়ন্মুখে।
প্রজহার দুরাধর্ষে কিরাতসমরূপিণি ॥ 3-39-55 (17313)
ততঃ শক্রাশনিসমৈর্মুষ্টিভির্ভৃশদারুণৈঃ।
কিরাতরূপী ভগবানর্দয়ামাস ফল্গুনম্ ॥ 3-39-56 (17314)
ততশ্চটচটাশব্দঃ সুধোরঃ সমজায়ত।
পাণ্ডবস্য চ মুষ্টীনাং কিরাতস্ চ যুধ্যতঃ ॥ 3-39-57 (17315)
সুমুহূর্তং তয়োর্যুদ্ধমভবল্লোমহর্ষণম্।
ভুজপ্রহারসংয়ুক্তং বৃত্রবাসবয়োরিব ॥ 3-39-58 (17316)
মহারাজ ততো জিষ্ণুঃ কিরাতমুরসা বলী।
পাণ্ডবং চ বিচেষ্টন্তং কিরাতোপ্যহনদ্বলাৎ ॥ 3-39-59 (17317)
তয়োর্ভুজবিনিষ্পেষাৎসংধর্ষেণোরসোস্তথা।
সমজায়ত গাত্রেষু পাবকোঽঙ্গারধূমবান্ ॥ 3-39-60 (17318)
তত এনং মহাদেবঃ পীড্য গাত্রৈঃ সুপীডিতম্।
তেজসা ব্ক্রমদ্রোষাচ্চেতস্তস্য বিমোহয়ন্ ॥ 3-39-61 (17319)
ততোঽভিপীডিতৈর্গাত্রৈঃ পিণ্ডীকৃত ইবাবভৌ।
ফল্গুনো গাত্রসংরুদ্ধো দেবদেবেন ভারত ॥ 3-39-62 (17320)
নিরুচ্ছ্বাসোঽভবচ্চৈব সন্নিরুদ্ধো মহামনাঃ।
ততঃ পপাত সংমূঢস্ততঃ প্রীতোঽভবদ্ভবঃ ॥ 3-39-63 (17321)
স মুহূর্তং তথা ভূৎবা সচেতাঃ পুনরুত্থিতঃ।
রুধিরেণাপ্লুতাঙ্গস্তু পাণ্ডবো ভৃশদুঃখিতঃ ॥ 3-39-64 (17322)
শরণ্যং শরণং গৎবা ভগবন্তং পিনাকিনম্।
মৃন্ময়ং স্ণ্ডিলং কৃৎবামাল্যেনাপূজয়দ্ভবম্ ॥ 3-39-65 (17323)
তচ্চ মাল্যং তদা পার্থঃ কিরাতশিরসি স্থিতম্।
অপশ্যৎপাণ্ডবশ্রেষ্ঠো হর্ষেণ প্রকৃতিং গতঃ ॥ 3-39-66 (17324)
পপাত পাদয়োস্তস্য ততঃ প্রীতোঽভবদ্ভবঃ।
[উবাচ চৈনং বচসা মেঘগম্ভীরগীর্হসঃ।
জাতবিস্ময়মালোক্য ততঃ ক্ষীণাঙ্গসংহতিম্ ॥ 3-39-67 (17325)
ভব উবাচ। 3-39-68x (1874)
ভোভো ফল্গুন তুষ্টোস্মি কর্মণাঽপ্রতিমেন তে।
শৌর্যেণানেন ধৃত্যা চ ক্ষত্রিয়ো নাস্তি তে সমঃ ॥ 3-39-68 (17326)
সমং তেজশ্চ বীর্যং চ মমাদ্য তব চানঘ।
প্রীতস্তেঽহং মহাবাহো পশ্য মাং ভরতর্ষভ ॥ 3-39-69 (17327)
দদামি তে বিশালাক্ষ চক্ষুঃ পূর্বং মুনির্ভবান্।
বিজেষ্যসি রণে শত্রূনপি সর্বান্দিবৌকসঃ ॥ 3-39-70 (17328)
[প্রীত্যা চ তেঽহং দাস্যামি যদস্ত্রমনিবারিতম্।
ৎবং হি শক্তো মদীয়ং তদস্ত্রং ধারয়িতুং ক্ষণাৎ ॥] 3-39-71 (17329)
বৈশম্পায়ন উবাচ। 3-39-72x (1875)
ততো দেবং মহাদেবং গিরিশং শূনপাণিনম্।
দদর্শ ফল্গুনস্তত্র সহ দেব্যা মহাদ্যুতিম্ ॥ 3-39-72 (17330)
স জানুভ্যাং মহীং গৎবা শিরসা প্রণিপত্য চ।
প্রসাদয়ামাস হরং পার্থঃ পরপুরংজয়ঃ ॥ 3-39-73 (17331)
অর্জুন উবাচ। 3-39-74x (1876)
কপর্দিন্সর্বভূতেশ ভগনেত্রনিপাতন।
[দেবদেব মহাদেব নীলগ্রীব জটাধর ॥ 3-39-74 (17332)
কারণানাং চ পরমং জানে ৎবাং ত্র্যম্বকং বিভুম্।
দেবানাং চ গতিং দেবং ৎবৎপ্রসূতমিদং জগৎ ॥ 3-39-75 (17333)
অজেয়স্ৎবং ত্রিভির্লোকৈঃ সদেবাসুরমানুষৈঃ।
শিবায় বিষ্ণুরূপায় বিষ্ণবে শিবরূপিণে ॥ 3-39-76 (17334)
দক্ষিয়জ্ঞবিনাশায় হরিরূপায় তে নমঃ।
ললাটাক্ষায় শর্বায় মীঢুষে শূলপাণয়ে ॥ 3-39-77 (17335)
পিনাকগোপ্ত্রে সূর্যায় মঙ্গল্যায় চ বেধসে।
প্রসাদয়ে ৎবাং ভগবন্সর্বভূতমহেশ্বর ॥ 3-39-78 (17336)
গণেশং জগতঃ শম্ভুং লোককারণকারণম্।
প্রধানপুরুষাতীতং পরং সূক্ষ্মতরং হরম্ ॥ 3-39-79 (17337)
ব্যতিক্রমং মে ভগবন্ক্ষন্তুমর্হসি শংকর।
ভগবন্দর্শনাকাঙ্ক্ষী প্রাপ্তোস্মীমং মহাগিরিম্ ॥ 3-39-80 (17338)
দয়িতং তব দেবেশ তাপসালয়মুত্তমম্।
প্রসাদয়ে ৎবাং ভগবন্সর্বলোকনমস্কৃতম্ ॥ 3-39-81 (17339)
কৃতো ময়াঽয়মজ্ঞানাদ্বিমর্দো যস্ৎবয়া সহ।
শরণং প্রতিপন্নায় তৎক্ষমস্বাদ্য শংকর ॥ 3-39-82 (17340)
বৈশম্পায়ন উবাচ। 3-39-83x (1877)
তমুবাচ মহাতেজাঃ প্রহসন্বৃষভধ্বজঃ।
প্রগৃহ্য রুচিরং বাহুং ক্ষান্তমিত্যেব ফল্গুনম্ ॥ 3-39-83 (17341)
পরিষ্বজ্য চ বাহুভ্যাং প্রীতাত্মা ভগবান্হরঃ।
পুনঃ পার্থং সান্ৎবপূর্বমুবাচ বৃষভধ্বজঃ ॥ 3-39-84 (17342)
`গঙ্গাঙ্গিতজটঃ শর্বঃ পার্থস্যামিততেজসঃ।
প্রগৃহ্য রুচিরং বাহুং বৃত্তং তাম্রতলাঙ্গুলিম্ ॥' 3-39-85 (17343)
ইতি শ্রীমন্মহাভারতে অরণ্যপর্বণি কৈরাতপর্বণি একোনচৎবারিংশোঽধ্যায়ঃ ॥ 39 ॥
Mahabharata - Vana Parva - Chapter Footnotes
3-39-4 ভূতৈঃ প্রমথাখ্যৈঃ স্বপার্ষদৈঃ ॥ 3-39-13 সমং এককালম্ ॥ 3-39-15 অশনির্মেধজং বজ্রম্। বজ্রং ইন্দ্রপ্রহরণম্। সংনিষাতো যোগঃ ॥ 3-39-16 স দানবঃ রাক্ষসমিব ॥ 3-39-20 অভিপন্নঃ পরিগৃহীতঃ কামানৎ। যদৃচ্ছাতঃ। পরিভবাৎ মমাভিভবায় ॥ 3-39-23 মৎকৃতে মন্নিমিত্তম্। বনমন্তিকাদ্বনস্য সমীপে ॥ 3-39-24 প্ররোচিতঃ স্বীকৃতঃ ॥ 3-39-30 দোষান্মৃগয়া ধর্মাতিক্রমরূপান্ ॥ 3-39-34 নারাচান্ শরজাতিভেদান্ ॥ 3-39-39 অহোঽয়মিতি সংধিরার্ষঃ ॥ 3-39-41 সহিতুং সোঢুম্ ॥ 3-39-52 অসক্তমকুণ্ঠিতম্ ॥ 3-39-53 পফাল বিশীর্ণ 3-39-55 ধূমং ক্রোধাবেশেন ॥ 3-39-61 পীড্য নিপীড্য ॥ 3-39-62 গাত্রেষু সংরুদ্ধশ্চলনহীনঃ ॥ 3-39-66 প্রকৃতিং স্বাস্থ্যম্ ॥ 3-39-70 চক্ষুঃ দিব্যজ্ঞানম্ ॥ 3-39-77 মীঢুষে বর্ষকায় ॥অরণ্যপর্ব - অধ্যায় 040
॥ শ্রীঃ ॥
3.40. অধ্যায়ঃ 040
Mahabharata - Vana Parva - Chapter Topics
মহাদেবেন পার্থায় স্বগ্রস্তগাণ্ডীবাদিপ্রত্যর্পণপূর্বকং পাশুপতাস্ত্রপ্রদানম্ ॥ 1 ॥Mahabharata - Vana Parva - Chapter Text
3-40-0 (17344)
দেবদেব উবাচ। 3-40-0x (1878)
নরস্ৎবং পূর্বদেহে বৈ নারায়ণসহায়বান্।
বদর্যাং তপ্তবানুগ্রং তপো বর্ষায়ুতান্বহূন্ ॥ 3-40-1 (17345)
ৎবয়ি বা পরমং তেজো বিষ্ণৌ বা পুরুষোত্তমে।
যুবাভ্যাং পুরুষাগ্র্যাভ্যাং তেজসা ধার্যতে জগৎ ॥ 3-40-2 (17346)
শক্রাভিষেকে সুমহদ্ধনুর্জলদনিঃস্বনম্।
প্রগৃহ্য দানবাঃ শস্তাস্ৎবয়া কৃষ্ণেন চ প্রভো ॥ 3-40-3 (17347)
তদেতদেব গাণ্ডীবং তব পার্থ করোচিতম্।
ভায়ামাস্থায় তদ্গ্রস্তং ময়া পুরুষসত্তম ॥ 3-40-4 (17348)
তূণৌ চাপ্যক্ষয়ৌ ভূয়স্তব পার্থ করোচিতৌ।
ভবিষ্যতি শরীরং চ নীরুজং কুরুনন্দন ॥ 3-40-5 (17349)
প্রীতিমানস্মি বৈ পার্থ ভবান্সত্যপরাক্রমঃ।
গৃহাণ বরমস্মত্তঃ কাঙ্ক্ষিতং যন্নরর্ষভ ॥ 3-40-6 (17350)
ন ৎবয়া সদৃশঃ কশ্চিৎপুমান্মর্ত্যেষু ভারত।
দিবি বা বর্ততে ত্রং ৎবৎপ্রধানমরিংদম ॥ 3-40-7 (17351)
অর্জুন উবাচ। 3-40-8x (1879)
বরং দদাসি চেন্মহ্যং কামং প্রীত্যা বৃষধ্বজ।
কাময়ে দিব্যামস্ত্রং তদ্ধোরং পাশুপতং প্রভো ॥ 3-40-8 (17352)
যত্তদ্ব্রহ্মশিরো নাম রৌদ্রং ভীমপরাক্রমম্।
যুগান্তে দারুণে প্রাপ্তে কৃৎস্নং সংহরতে জগৎ ॥ 3-40-9 (17353)
[কর্ণভীষ্মকৃপদ্রোণৈর্ভবিতা তু মহাহবঃ।
ৎবৎপ্রসাদান্মহাদেব জয়েয়ং তান্যথা যুধি ॥] 3-40-10 (17354)
জয়েয়ং যেন সংগ্রামে দানবান্রাক্ষসাংস্তথা।
রাজ্ঞশ্চৈব পিশাচাংশ্চ গন্ধর্বানথপন্নগান্ ॥ 3-40-11 (17355)
যস্মিঞ্শূলসহস্রাণি গদাশ্চোগ্রপ্রদর্শনাঃ।
শরাশ্চাশীবিষাকারাঃ সংভবন্ত্যনুমন্ত্রিতাঃ ॥ 3-40-12 (17356)
যুধ্যেয়ং যেন ভীষ্মেণ দ্রোণেন চ কৃপেণ চ।
সূতপুত্রেণ চ রণে নিত্যং কটুকভাষিণা ॥ 3-40-13 (17357)
এষ মে প্রথমঃ কামো ভগবন্ভগনেত্রহন্।
ৎবৎপ্রসাদাদ্বিনির্বৃত্তঃ সমর্থঃ স্যামহং যথা ॥ 3-40-14 (17358)
ভব উবাচ। a30-11-15x (1880)
দদামি তেঽস্ত্রং দয়িতমহং পাশুপতং বিভো।
সমর্থো ধারণে মোক্ষে সংহারেঽপি চ পাণ্ডব ॥ 3-40-15 (17359)
ন তদ্বেদ মহেন্দ্রোপি ন যমো ন চ যক্ষরাট্।
বরুণোপ্যথবা বায়ুঃ কুতো বেৎস্যন্তি মানবাঃ ॥ 3-40-16 (17360)
ন ৎবয়া সহসা পার্থ মোক্তব্যং পুরুষে ক্বচিৎ।
জগদ্বিনির্দহেৎসর্বমল্পতেজসি পাতিতম্ ॥ 3-40-17 (17361)
অবধ্যো নাম নাস্ত্যস্য ত্রৈলোক্যে সচরাচরে।
মনসা চক্ষুষা বাচা ধনুষা চ নিপাত্যতে ॥ 3-40-18 (17362)
বৈশম্পায়ন উবাচ। 3-40-19x (1881)
তচ্ছ্রুৎবা ৎবরিতঃ পার্থঃ শুচির্ভূৎবা সমাহিতঃ।
উপসংগৃহ্য বিশ্বেশমধীষ্বেত্যথ সোঽব্রবীৎ ॥ 3-40-19 (17363)
ততস্ৎবধ্যাপয়ামাস সরহস্যনিবর্তনম্।
তদস্ত্রং পাণ্ডবশ্রেষ্ঠং মূর্তিমন্তমিবান্তকম্ ॥ 3-40-20 (17364)
উপতস্থে মহাত্মানং যথা ত্র্যক্ষমুমাপতিম্।
প্রতিজগ্রাহ তচ্চাপি প্রীতিমানর্জুনস্তদা ॥ 3-40-21 (17365)
ততশ্চচাল পৃথিবী সপর্বতবনদ্রুমা।
সসাগরবনোদ্দেশা সগ্রামনগরাকরা ॥ 3-40-22 (17366)
শঙ্খদুন্দুভিঘোষাশ্চ ভেরীণাং চ সহস্রশঃ।
তস্মিনমুহূর্তে সংপ্রাপ্তে নির্ঘাতশ্চ মহানভূৎ ॥ 3-40-23 (17367)
অথাস্ত্রং জাজ্বলদ্ধোরং পাণ্ডবস্যামিতৌজসঃ।
মূর্তিমদ্বিষ্ঠিতং পার্শ্বে দদৃশুর্দেবদানবাঃ ॥ 3-40-24 (17368)
স্পৃষ্টস্য ত্র্যম্বকেণাথ ফল্গুনস্যামিতৌজসঃ।
যৎকিং গচ্ছেত্যনুজ্ঞাতস্ত্র্যম্বকেণ তদাঽর্জুনঃ ॥ 3-40-25 (17369)
স্বর্গং গচ্ছেত্যনুজ্ঞাতস্ত্র্যম্বকেণ তদাঽর্জুনঃ।
প্রণম্য শিরসা রাজন্প্রাঞ্জলির্ভবমৈক্ষত । 3-40-26 (17370)
ততঃ প্রভুস্ত্রিদিবনিবাসিনাং বসী
মহামতির্গিরিশ উমাপতিঃ শিবঃ।
ধনুর্মহদ্দিতিজপিশাচসূদনং
দদৌ ভবঃ পুরুষবরায় গাণ্ডিবম্ ॥ 3-40-27 (17371)
ততঃ শুভং গিরিবরমীশ্বরস্তদা
সহোময়াঽসিততটসানুকন্দরম্।
বিহায় তং পতগমহর্ষিসেবিতং
জগাম স্বং পুরুষবরস্য পশ্যতঃ ॥ 3-40-28 (17372)
ইতি শ্রীমন্মহাভারতে অরণ্যপর্বণি কৈরাতপর্বণি চৎবারিংশোঽধ্যায়ঃ ॥ 40 ॥
Mahabharata - Vana Parva - Chapter Footnotes
3-40-3 শস্তাঃ মারিতাঃ ॥ 3-40-7 ৎবৎপ্রধানং ৎবমেব শ্রেষ্ঠো রয়স্মিন্ ক্ষত্রে ॥ 3-40-14 বিনির্বৃত্তঃ বিশেষেণ কৃতকৃত্যঃ ॥ 3-40-15 সংহারে নিবর্তনে ॥ 3-40-18 মনসা সংকল্পমাত্রেণ নিপাত্যতে শত্রুঃ ধনুষেতি বাণপ্রয়োগেণ ॥ 3-40-19 অধীষ্ব অধ্যাপয় ॥ 3-40-23 নির্ঘাত উৎপাতঃ ॥ 3-40-27 বশী বশ ইচ্ছা তদ্বান্। তজ্জয়ীত্যর্থঃ ॥অরণ্যপর্ব - অধ্যায় 041
॥ শ্রীঃ ॥
3.41. অধ্যায়ঃ 041
Mahabharata - Vana Parva - Chapter Topics
যমবরুণকুবেরৈরর্জুনায়াস্ত্রদানম্ ॥ 1 ॥ অর্জুনংপ্রতি শক্রেণ স্বর্গাগমনচোদনা ॥ 2 ॥Mahabharata - Vana Parva - Chapter Text
3-41-0 (17373)
বৈশম্পায়ন উবাচ। 3-41-0x (1882)
তস্য সংপশ্যতস্ৎবেব পিনাকী গোবৃষধ্বজঃ।
জগামাদর্শনং ভানুর্লোকস্যেবাস্তমীয়িবান্ ॥ 3-41-1 (17374)
ততোঽর্জুনঃ পরং চক্রে বিস্ময়ং পরবীরহা।
ময়া সাক্ষান্মহাদেবো দৃষ্ট ইত্যেব ভারত ॥ 3-41-2 (17375)
ধন্যোস্ম্যনুগৃহীতোস্মি যন্ময়া ত্র্যম্বকো হরঃ।
পিনাকী বরদো রূপী দৃষ্টঃ স্পৃষ্টশ্ট পাণিনা ॥ 3-41-3 (17376)
কৃতার্থং চাবগচ্ছামি পরমাত্মানমাত্মনা।
শত্রূংশ্চ বিজিতান্সর্বান্নির্বৃত্তং চ প্রয়োজনম্ ॥ 3-41-4 (17377)
ইত্যেবং চিন্তয়ানস্য পার্থস্যামিততেজসঃ।
ততো বৈডূর্যবর্ণাভো ভাসয়ন্সর্বতো দিশঃ।
যাদোগণবৃতঃ শ্রীমানাজগাম জলেশ্বরঃ ॥ 3-41-5 (17378)
নাগৈর্নদৈর্নদীভিশ্চ দৈত্যৈঃ সাধ্যৈর্মরুদ্গণৈঃ।
বরুণো যাদসাংভর্তা বশী তং দেশমাগমৎ ॥ 3-41-6 (17379)
অথ জাম্বূনদবপুর্বিমানেন মহার্চিষা।
কুবেরঃ সমনুপ্রাপ্তো যক্ষৈরনুগতঃ প্রভুঃ ॥ 3-41-7 (17380)
বিদ্যোতয়ন্নিবাকাশমদ্ভুতোপমদর্শনঃ।
ধনানামধিপঃ শ্রীমানর্জুনং দ্রষ্টুমাগতঃ ॥ 3-41-8 (17381)
তথা লোকান্তকঃ শ্রীমান্যমঃ সাক্ষাৎপ্রতাপবান্।
মর্ত্যমূর্তিধরৈঃ সার্ধং পিতৃভির্লোকভাবনৈঃ ॥ 3-41-9 (17382)
দণ্ডপাণিরচিন্ত্যাত্মা সর্বভূতবিনাশকৃৎ।
বৈবস্বতো ধর্মরাজো বিমানেনাবভাসয়ন্ ॥ 3-41-10 (17383)
ত্রীল্লোকান্গুহ্যকাংশ্চৈব গন্ধর্বাশ্চৈব পন্নগান্।
দ্বিতীয় ইব মার্তাণ্ডো যুগান্তে সমুপস্থিতে ॥ 3-41-11 (17384)
ভানুমন্তি বিচিত্রাণি শিখরাণি মহাগিরেঃ।
সমাস্থায়ার্জুনং তত্রদদৃশুস্তপসান্বিতম্ ॥ 3-41-12 (17385)
ততো মুহূর্তাদ্ভগবানৈরাবতশিরোগতঃ।
আজগাম সহেন্দ্রাণ্যা শক্রঃ সুরগণৈর্বৃতঃ ॥ 3-41-13 (17386)
পাণ্ডুরেণাতপত্রেণ ধ্রিয়মাণেন মূর্ধনি।
শুশুভে নাগরাজস্থঃ সিতমভ্রমিব স্থিতঃ ॥ 3-41-14 (17387)
সংস্তূয়মানো গন্ধর্বৈর্ঋষিভিশ্চ তপোধনৈঃ।
শৃঙ্গং গিরেঃ সমাসাদ্য তস্থৌ সূর্য ইবোদিতঃ ॥ 3-41-15 (17388)
অথ মেঘস্বনো ধীমান্ব্যাজহার শুভাং গিরম্।
যমঋ পরমধর্মজ্ঞো দক্ষিণাং দিশমাস্থিতঃ ॥ 3-41-16 (17389)
অর্জুনার্জুন পশ্যাস্মাঁল্লোকপালান্সমাগতান্।
দৃষ্টিং তে বিতরামোঽদ্য ভবানর্হতি দর্শনম্ ॥ 3-41-17 (17390)
পূর্বর্ষিরমিতাত্মা ৎবং নরো নাম মহাবলঃ।
নিয়োগাদ্ব্রহ্মণস্তাত মর্ত্যতাং সমুপাগতঃ ॥ 3-41-18 (17391)
ৎবয়া চ বসুসংভূতো মহাবীর্যঃ পিতামহঃ।
ভীষ্মঃ পরমধর্মাত্মা জেতব্যশ্চ রণেঽনঘ ॥ 3-41-19 (17392)
ক্ষত্রং চাগ্নিসমস্পর্শং ভারদ্বাজেন রক্ষিতম্।
নিবাতকবচাশ্চৈব সংসাধ্যাঃ কুরুনন্দন ॥ 3-41-20 (17393)
পিতুর্মমাংশো দেবস্য সর্বলোকপ্রতাপিনঃ।
কর্ণশ্ব সুমহাবীর্যস্ৎবয়া বধ্যো ধনংজয় ॥ 3-41-21 (17394)
অংশাশ্চ ক্ষিতিসংপ্রাপ্তা দেবগন্ধর্বরক্ষসাম্।
ৎবয়া নিপাতিতা যুদ্ধেস্বকর্মফলনির্জিতাম্।
গতিং প্রাপ্স্যন্তি কৌন্তেয় যথাস্বমরিকর্শন ॥ 3-41-22 (17395)
অক্ষয়া তব কীর্তিশ্চ লোকে স্থাসয়্তি ফল্গুন।
ৎবয়া সাক্ষান্মহাদেবস্তোষিতো হি মহামৃধে ॥ 3-41-23 (17396)
লঘ্বী বসুমতী চাপি কর্তব্যা বিষ্ণুনা সহ ॥ 3-41-24 (17397)
গৃহাণাস্ত্রং মহাবাহো দণ্ডমপ্রতিবারণম্।
অনেনাস্ত্রেণ সুমহত্ৎবং হি কর্ম করিষ্যসি ॥ 3-41-25 (17398)
বৈশম্পায়ন উবাচ। 3-41-26x (1883)
প্রতিজগ্রাহ পার্থোপি বিধিবৎকুরুনন্দনঃ।
সমন্ত্রং সোপরোধং চ সমোক্ষবিনিবর্তনম্ ॥ 3-41-26 (17399)
ততো জলধরশ্যামো বরুণো যাদসাংপতিঃ।
পশ্চিমাং দিশমাস্থায় গিরমুচ্চারয়ন্প্রভুঃ ॥ 3-41-27 (17400)
পার্থ ক্ষত্রিয়মুখ্যস্ৎবং ক্ষত্রধর্মে ব্যবস্থিতঃ।
পশ্য মাং পৃথুতাম্রাক্ষ বরুণোস্মি জলেশ্বরঃ ॥ 3-41-28 (17401)
ময়া সমুদ্যতান্পাশান্বারুণাননিবারিতান্।
প্রতিগৃহ্ণীষ্ব কৌন্তেয় সহরহস্যনিবর্তনান্ ॥ 3-41-29 (17402)
এভিস্তদা ময়া বীর সংগ্রামে তারকাময়ে।
দৈতেয়ানাং সহস্রাণি সংয়তানি মহাত্মনাম্ ॥ 3-41-30 (17403)
তস্মাদিমান্মহাসৎব মৎপ্রসাদসমুত্থিতান্।
গৃহাণ ন হি তে মুচ্যেদন্তকোপ্যাততায়িনঃ ॥ 3-41-31 (17404)
অনেন ৎবং যদাঽস্ত্রেণ সংগ্রামে বিচরিষ্যসি।
তদা নিঃক্ষত্রিয়া ভূমির্ভবিষ্যতি ন সংশয়ঃ ॥ 3-41-32 (17405)
`ততস্তান্বারুণানস্ত্রান্দিব্যানস্ত্রবিদাংবরঃ।
প্রতিজগ্রাহ বিধিবদ্বরুণাদ্বাসবিস্তদা ॥' 3-41-33 (17406)
ততঃ কৈলাসনিলয়ো ধনাধ্যক্ষোঽভ্যভাপত।
দত্তেষ্বস্ত্রেষু দিব্যেষু বরুণেন যমেন চ ॥ 3-41-34 (17407)
প্রীতোঽহমপি তে প্রাজ্ঞ পাণ্ডবেয় মহাহল।
ৎবয়া সহ সমাগম্য অজিতেন তথৈব চ ॥ 3-41-35 (17408)
সব্যসাচিন্মহাবাহো পূর্বদেব সনাতন।
সহাস্মাভির্ভবাঞ্শ্রান্তঃ পুরাকল্পেষু নিত্যশঃ ॥ 3-41-36 (17409)
দর্শনং তে ৎবিদং দিব্যং প্রদিশামি নরর্ষভ।
অমানুষান্মহাবাহো দুর্জয়ানপি জেষ্যসি ॥ 3-41-37 (17410)
মত্তশ্চৈব ভবানাশু গৃহ্ণাৎবস্ত্রমনুত্তমম্।
অনেন ৎবমনীকানি ধার্তরাষ্ট্রস্য ধক্ষ্যসি ॥ 3-41-38 (17411)
মত্তোঽপি ৎবং গৃহাণাস্ত্রমন্তর্ধানং প্রিয়ং ভম।
ওজস্তেজোদ্যুতিকরং প্রস্বাপনমরাতিনুৎ ॥ 3-41-39 (17412)
মহাত্মনা শংকরেণ ত্রিপুরং নিহতং যাদা।
তদৈতদস্ত্রং নির্মুক্তং যেন দগ্ধা মহাসুরাঃ ॥ 3-41-40 (17413)
ৎবদর্থমুদ্যতং চেদং ময়া সত্যপরাক্রম।
ৎবমর্হো ধারণে চাস্য মেরুপ্রতিমগৌরব। 3-41-41 (17414)
ততোঽর্জুনো মহাবাহুর্বিধিবৎকুরুনন্দনঃ।
কৌবেরমধিজগ্রাহ দিব্যমস্ত্রং মহাবলঃ ॥ 3-41-42 (17415)
ততোঽব্রবীদ্দেবরাজঃ পার্থমক্লিষ্টকারিণম্।
সান্ৎবয়ঞ্শ্লক্ষ্ণয়াবাচাদিব্যদুন্দুভিনিঃস্বনঃ ॥ 3-41-43 (17416)
কুন্তীমাতর্মহাবাহো ৎবমীশানঃ পুরাতনঃ।
পরাং সিদ্ধিমনুপ্রাপ্তঃ সাক্ষাদ্দেবগতিং গতঃ ॥ 3-41-44 (17417)
দেবকার্যং তু সুমহত্ৎবয়া কার্যমরিংদম।
আরোঢব্যস্ৎবয়া স্বর্গঃ সজ্জীভব মহাদ্যুতে ॥ 3-41-45 (17418)
রথো মাতলিসংয়ুক্ত আগতস্ৎবৎকৃতে মম।
তত্র তেঽহংপ্রদাস্যামি সর্বাণ্যস্ত্রাণি কৌরব ॥ 3-41-46 (17419)
তান্দৃষ্ট্বা লোকপালাংস্তু সমেতান্গিরিমূর্ধনি।
জগাম বিস্ময়ং ধীমান্কুন্তীপুত্রো ধনংজয়ঃ ॥ 3-41-47 (17420)
ততোঽর্জুনো মহাতেজা লোকপালান্সমাগতান্।
পূজয়ামাস বিধিবদ্বাগ্ভিরদ্ভিঃ ফলৈরপি ॥ 3-41-48 (17421)
ততঃ প্রতিয়যুর্দেবাঃ প্রতিপূজ্য ধনংজয়ম্।
যথাগতেন বিবুধাঃ সর্বে কামং মনোজবাঃ ॥ 3-41-49 (17422)
3-41-50 (17423)
ততো ঽর্জুনো মুদং লেভে লব্ধাস্ত্রঃ পুরুষর্পভঃ।
কৃতার্থমথ চাত্মানং স মেনে পূর্ণমানসম্ ॥
Mahabharata - Vana Parva - Chapter Footnotes
3-41-4 নির্বৃত্তং নিষ্পন্নম্ ॥ 3-41-5 যাদাংসি জলজন্তবস্তেষাং গণঃ ॥ 3-41-6 নাগৈঃ সর্পৈঃ ॥ 3-41-12 ভানুমন্তি দীপ্তিমন্তি ॥ 3-41-17 বিতরামো যচ্ছামঃ ॥ 3-41-20 সংসাধ্যাঃ জেতব্যাঃ ॥ 3-41-21 মম পিতুঃ সূর্যস্য ॥ 3-41-23 মৃধেসংপ্রামে ॥ 3-41-24 লধ্বী ভারশূন্যা ॥ 3-41-30 সংয়তানি বদ্ধানি ॥ 3-41-35 অজিতেন কৃষ্ণেন যথা তথৈব প্রীতোস্মি ॥ 3-41-36 পূর্বদেব নর ॥ 3-41-41 উদ্যতমুপস্থিতম্ .। 3-41-44 দেবগতিং দেবানাং পরায়ণৎবম্ ॥ 3-41-45 আগন্তা ইতি ঝ. পাঠঃ। আগন্তা আয়াস্যতীত্যর্থঃ ॥অরণ্যপর্ব - অধ্যায় 042
॥ শ্রীঃ ॥
3.42. অধ্যায়ঃ 042
Mahabharata - Vana Parva - Chapter Topics
পার্থেন মাতলিসমানীতরথারোহণএন স্বর্গগমনম্ ॥ 1 ॥Mahabharata - Vana Parva - Chapter Text
3-42-0 (17424)
বৈশম্পায়ন উবাচ। 3-42-0x (1884)
গতেষু লোকপালেষু পার্থঃ শত্রুনিবর্হণঃ।
চিন্তয়ামাস রাজেন্দ্র দেবরাজরথাগমম্ ॥ 3-42-1 (17425)
তস্য চিন্তয়মানস্য গুডাকেশস্য ধীমতঃ।
রথো মাতলিসংয়ুক্ত আজগাম মহাপ্রভঃ ॥ 3-42-2 (17426)
নভো বিতিমিরং কুর্বঞ্জলদান্পাটয়ন্নিব।
দিশঃ সংপূরয়ন্নাদৈর্মহামেঘরবোপমৈঃ। 3-42-3 (17427)
অসয়ঃ শক্তয়ো ভীমা গদাশ্চোগ্রপ্রদর্শনাঃ।
দিব্যপ্রভাবাঃ প্রাসাশ্চ বিদ্যুতশ্চ মহাপ্রভাঃ ॥ 3-42-4 (17428)
তথৈবাশনয়শ্চৈব চক্রয়ুক্তাস্তুলাগুডাঃ।
বায়ুস্ফোটাঃ সনির্ঘাতাঃ শঙ্খমেঘস্বনাস্তথা ॥ 3-42-5 (17429)
তত্রনাগা মহাকায়া জ্বলিতাস্যাঃ সুদারুণাঃ।
সিতাভ্রকূটপ্রতিমাঃ সংহতাশ্চ যথোপলাঃ ॥ 3-42-6 (17430)
দশবাজিসহস্রাণি হরীণাং বাতরংহসাম্।
বহন্তি যং নেত্রমুষং দিব্যং মায়াময়ং রথম্ ॥ 3-42-7 (17431)
তত্রাপশ্যন্মহানীলং বৈজয়ন্তং মহাপ্রভম্।
ধ্বজমিন্দীবরশ্যামং বংশং কনকভূষণম্ ॥ 3-42-8 (17432)
তস্মিন্রথে স্থিতং সূতং তপ্তহেমবিভূষিতম্।
দৃষ্ট্বা পার্থো মহাবাহুর্দেবরাজমতর্কয়ৎ ॥ 3-42-9 (17433)
তথা তর্কয়তস্তস্য ফল্গুনস্যাথ মাতলিঃ।
সন্নতঃ প্রস্থিতো ভূৎবা বাক্যমর্জুনমব্রবীৎ ॥ 3-42-10 (17434)
ভোভো শক্রাত্মজ শ্রীমঞ্শক্রস্ৎবাং দ্রষ্টুমিচ্ছতি।
আরোহতু ভবাঞ্শীঘ্রং রথমিন্দ্রস্য সংভতম্ ॥ 3-42-11 (17435)
আহ মামমরশ্রেষ্ঠঃ পিতা তব শতক্রতুঃ।
কুন্তীসুতমিহ প্রাপ্তং পশ্যন্তু ত্রিদশালয়াঃ ॥ 3-42-12 (17436)
এষ শক্রঃ পরিবৃতো দেবৈর্ঋষিগণৈস্তথা।
গন্ধর্বৈরপ্সরোভিশ্চ ৎবাং দিদৃক্ষুঃ প্রতীক্ষতে ॥ 3-42-13 (17437)
অস্মাল্লোকাদ্দেবলোকং পাকশাসনশাসনাৎ।
মারোহ ৎবং ময়া সার্ধং লব্ধাস্ত্রঃ পুনরেষ্যসি ॥ 3-42-14 (17438)
অর্জুন উবাচ। 3-42-15x (1885)
মাতলে গচ্ছ শীঘ্রং ৎবমারোহস্ব রথোত্তমম্।
রাজসূয়াশ্বমেধানাং শতৈরপি সুদুর্লভম্ ॥ 3-42-15 (17439)
পার্থিবৈঃ সুমহাভাগৈর্যজ্বভির্ভূরিদক্ষিণৈঃ।
দৈবতৈর্বা দুরারোহং দানবৈর্বা রথোত্তমম্ ॥ 3-42-16 (17440)
নাতপ্ততপসা শক্য এষ দিব্যো মহারথঃ।
দ্রষ্টুং বাঽপ্যথবা স্প্রষ্টুমারোঢুং কুত এব চ ॥ 3-42-17 (17441)
ৎবয়ি মতিষ্ঠিতে সাধো রথস্থে স্থিরবাজিনি।
পশ্চাদহমথারোক্ষ্যে মুকৃতী সৎপথং যথা ॥ 3-42-18 (17442)
বৈশম্পায়ন উবাচ। 3-42-19x (1886)
তস্যতদ্বচনং শ্রুৎবা মাতলিঃ শক্রসারথিঃ।
আরুরোহ রথং শীঘ্রং হয়াঞ্জগ্রাহ রশ্মিভিঃ ॥ 3-42-19 (17443)
ততোঽর্জুনো হৃষ্টমনা গঙ্গায়ামাপ্লুতঃ শুচিঃ।
জজাপ জপ্যং কৌন্তেয়ো বিধিবৎকুরুনন্দনঃ ॥ 3-42-20 (17444)
ততঃ পিতৃন্যথান্যায়ং তর্পয়িৎবা যথাবিধি।
মন্দরং শৈলরাজং তমাপ্রষ্টুমুপচক্রমে ॥ 3-42-21 (17445)
সাধূনাং পুণ্যশীলানাং মুনীনাং পুণ্যকর্মণাম্।
ৎবং সদা সংশ্রয়ঃ শৈল স্বর্গমার্গাভিকাঙ্ক্ষিণাম্ ॥ 3-42-22 (17446)
ৎবৎপ্রসাদাৎসদা শৈল ব্রাহ্মণাঃ ক্ষত্রিয়া বিশঃ।
স্বর্গং প্রাপ্তাশ্চরন্তি স্ম দেবৈঃ সহ গতব্যথাঃ ॥ 3-42-23 (17447)
অদ্রিরাজ মহাশৈল মুনিসংশ্রয় তীর্থবন্।
গচ্ছাম্যামন্ত্রয়িৎবা ৎবাং সুখমস্ম্যুষিতস্ৎবয়ি ॥ 3-42-24 (17448)
তব সানূনি কুঞ্জাশ্চ নদ্যঃ প্রস্রবণানি চ।
তীর্থানি চ সুপুণ্যানি ময়া দৃষ্টান্যনেকশঃ ॥ 3-42-25 (17449)
সুসুগন্ধাশ্চ বৈর্যোঘাস্ৎবচ্ছরীরবিনিঃসৃতাঃ।
অমৃতাস্বাদসৃশাঃ পীতাঃ প্রস্রবণোদকাঃ ॥ 3-42-26 (17450)
শিশুর্যথা পিতুশ্চাঙ্কে সুখং শেতে তটে তথা।
ময়া তবাঙ্কে ললিতং শৈলরাজ মহাপ্রভো ॥ 3-42-27 (17451)
অপ্সরোগণসংকীর্ণএ ব্রহ্মঘোষানুনাদিতে।
সুখমস্ম্যুষিতঃ শৈল তব সানুষু নিত্যদা ॥ 3-42-28 (17452)
এবমুক্ৎবার্জুনঃ শৈলমামন্ত্র্য পরবীরহা।
আরুরোহ রথং দিব্যং দ্যোতয়ন্নিব ভাস্করঃ ॥ 3-42-29 (17453)
স তেনাদিত্যরূপেণ দিব্যেনাদ্ভুতকর্মণা।
ঊর্ধ্বমাচক্রমে ধীমান্প্রহৃষ্টঃ কুরুনন্দনঃ ॥ 3-42-30 (17454)
সোঽদর্শনপথং যাতো মর্ত্যানাং ধর্মচারিণাম্।
দদর্শাদ্ভুতরূপাণি বিমানানি সহস্রশঃ ॥ 3-42-31 (17455)
ন তত্র সূর্যঃ সোমো বা দ্যোততে ন চ পাবকঃ।
স্বয়ৈব প্রভয়া তত্র দ্যোতন্তে পুণ্যলব্ধয়া ॥ 3-42-32 (17456)
তারারূপাণি যানীহ দৃশ্যন্তে দ্যুতিমন্তি বৈ।
আকাশে বিপ্রকৃষ্টৎবাত্তনূনি সুমহান্ত্যপি ॥ 3-42-33 (17457)
তানি তত্র প্রভাস্বন্তি রূপবন্তি চ পাণ্ডবঃ।
দদর্শ স্বেষু ধিষ্ণ্যেষু দীপ্তিমন্তি স্বয়াঽর্চিষা ॥ 3-42-34 (17458)
তত্র রাজর্ষয়ঃ সিদ্ধা বীরাশ্চ নিহতা যুধি।
তপসা চ জিতং স্বর্গং সংপেতুঃ শতসঙ্ঘশঃ ॥ 3-42-35 (17459)
গন্ধর্বাণাং সহস্রাণি মূর্যজ্বলিততেজসাম্।
গুহ্যকারনামৃষীণাং চ তথৈবাপ্সরসাং গণান্ ॥ 3-42-36 (17460)
লোকানাত্মপ্রভান্পশ্যন্ফল্গুনো বিস্ময়ান্বিতঃ।
পপ্রচ্ছ মাতলিং প্রীত্যা স চাপ্যেনমুবাচ হ ॥ 3-42-37 (17461)
এতে সুকৃতিনঃ পার্থ স্বেষু ধিষ্ণ্যেষ্ববস্থিতাঃ।
তান্দৃষ্টবানসি বিভো তারারূপাণি ভূতলে ॥ 3-42-38 (17462)
ততোঽপশ্যৎস্থিতং দ্বারি মত্তং বিজয়িনং গজম্।
ঐরাবতং চতুর্দন্তং কৈলাসমিব শৃঙ্গিণম্ ॥ 3-42-39 (17463)
স সিদ্ধমার্গমাক্রম্য কুরুপাণ্ডবসত্তমঃ।
ব্যরোচত যথাপূর্বং মান্ধাতা পার্থিবোত্তমঃ ॥ 3-42-40 (17464)
অভিচক্রাম লোকান্স রাজ্ঞাং রাজীবলোচনঃ ॥ 3-42-41 (17465)
[এবং স সংক্রমংস্তত্র স্বর্গলোকে মহায়শাঃ ।]
ততো দদর্শ শক্রস্য পুরীং তামমরাবতীম্ ॥ 3-42-42 (17466)
॥ ইতি রশ্রীমন্মহাভারতে অরণ্যপর্বণি ইন্দ্রলোকাভিগমনপর্বণি দ্বিচৎবারিংশোঽধ্যায়ঃ ॥ 42 ॥
Mahabharata - Vana Parva - Chapter Footnotes
3-42-3 পাটয়ন্ দ্বিধাকুর্বন্ ॥ 3-42-5 তুলাগুডাঃ ভাণ্ডগোলকাঃ। বায়ুস্ফোটাঃ বেগবশাদ্বায়ুং জনয়ন্তঃ ॥ 3-42-7 হরীণাং পীতকৌশেয়সংনিভানাং বাজিনাং সহস্রাণীত্যেকদেশান্বয়ঃ ॥ 3-42-8 বৈজয়ন্তং নাম্না দেবেন্দ্রধ্বজম্ ॥ 3-42-20 আপ্লুতঃ স্নাতঃ ॥ 3-42-27 ললিতং ক্রীডিতম্ ॥ 3-42-33 বিপ্কৃষ্টৎবাৎ দূরৎবাৎ। সুমহান্ৎপি তনূনি সূক্ষ্মাণি দৃশ্যন্তে ॥ 3-42-34 ধিষ্ণ্যেষু স্থানেষু ॥ 3-42-42 সংক্রমন্ গচ্ছন্ ॥অরণ্যপর্ব - অধ্যায় 043
॥ শ্রীঃ ॥
3.43. অধ্যায়ঃ 043
Mahabharata - Vana Parva - Chapter Topics
ইন্দ্রেণার্জুনস্য সবহুমানং স্বার্ধাসনারোপণম্ ॥ 1 ॥Mahabharata - Vana Parva - Chapter Text
3-43-0 (17467)
বৈশম্পায়ন উবাচ। 3-43-0x (1887)
দদর্শ স পুরীং রম্যাং সিদ্ধচারণসেবিতাম্।
সর্বর্তুকুসুমৈঃ পুণ্যৈঃ পাদপৈরুপশোভিতাম্ ॥ 3-43-1 (17468)
তত্র সৌগন্ধিকানাং চ পুষ্পাণাং পুণ্যগন্ধিনাম্।
উপবীজ্যমানো মিশ্রেণ বায়ুনা পুণ্যগন্ধিনা ॥ 3-43-2 (17469)
নন্দনং চ বনং দিব্যমপ্সরোগণসেবিতম্।
দদর্শ দিব্যকুসুমৈরাহ্বয়দ্ভিরিব দ্রুমৈঃ ॥ 3-43-3 (17470)
নাতপ্ততপসা শক্যো দ্রষ্টুং নানাহিতাগ্নিনা।
স লোকঃ পুণ্যকর্তৄণাং নাপি যুদ্ধে পরাঙ্যুখৈঃ ॥ 3-43-4 (17471)
নায়জ্বভির্নাব্রতিকৈর্ন বেদশ্রুতিবর্জিতৈঃ।
নানাপ্লুতাঙ্গৈস্তীর্থেষু যজ্ঞদানবহিষ্কৃতৈঃ ॥ 3-43-5 (17472)
নাপি যজ্ঞহনৈঃ ক্ষুদ্রৈর্দ্রষ্টুং শক্যঃ কথংচন।
পানপৈর্গুরুতল্পৈশ্চ মাংসাদৈর্বা দুরাত্মভিঃ ॥ 3-43-6 (17473)
স তদ্দিব্যং বনং পশ্যন্দিব্যগীতনিনাদিতম্।
প্রবিবেশ মহাবাহুঃ শক্রস্য দয়িতাং পুরীম্ ॥ 3-43-7 (17474)
তত্র দেববিমানানি কামগানি সহস্রশঃ।
সংস্থিতান্যভিয়াতানি দদর্শায়ুতশস্তদা ॥ 3-43-8 (17475)
সংস্তূয়মানো গন্ধর্বৈরপ্সরোভিশ্চ পাণ্ডবঃ।
পুষ্পগন্ধবহৈঃ পুণ্যৈর্বায়ুভিশ্চানুবীজিতঃ ॥ 3-43-9 (17476)
ততো দেবাঃ সগন্ধর্বাঃ সিদ্ধাশ্চ পরমর্ষয়ঃ।
হৃষ্টাঃ সংপূজয়ামাসুঃ পার্থমক্লিষ্টকারিণম্ ॥ 3-43-10 (17477)
আসীর্বাদৈঃ স্তূয়মানো দিব্যবাদিত্রনিঃস্বনৈঃ।
প্রতিপেদে মহাবাহুঃ শঙ্খদুন্দুভিনাদিতম্ ॥ 3-43-11 (17478)
নক্ষত্রমার্গং বিপুলং সুরবীথীতি বিশ্রুতম্।
ইন্দ্রাজ্ঞয়া যয়ৌ পার্থঃ স্তূয়মানঃ সমন্ততঃ ॥ 3-43-12 (17479)
তত্র সাধ্যাস্তথা বিশ্বে মরুতোঽথাশ্বিনৌ তথা।
আদিত্যা বসবো রুদ্রাস্তথা ব্রহ্মর্ষয়োঽমলাঃ ॥ 3-43-13 (17480)
রাজর্ষয়শ্চ বহবো দিলীপপ্রমুখা নৃপাঃ।
তম্বুরুর্নারদশ্চৈব গন্ধর্বৌ চ হাহা হূহূঃ ॥ 3-43-14 (17481)
তান্স সর্বান্সমাগম্য বিধিবৎকুরুনন্দনঃ।
ততোঽপশ্যদ্দেবরাজং শতক্রতুমরিংদমঃ ॥ 3-43-15 (17482)
ততঃ পার্থো মহাবাহুরবতীর্য রথোত্তমাৎ।
দদর্শ সাক্ষাদ্দেবেশং পিতরং পাকশাসনম্ ॥ 3-43-16 (17483)
পাণ্ডুরেণাতপত্রেণ হেমদণ্ডেন চারুণা।
দিব্যগন্ধাধিবাসেন ব্যজনেন বিধূয়তা ॥ 3-43-17 (17484)
বিশ্বাবসুপ্রভৃতিনির্গন্ধর্বৈঃ স্তুতিবন্দিভিঃ।
স্তূয়মানং দ্বিজাগ্র্যৈশ্চ ঋগ্যজুঃসামসংস্তবৈঃ ॥ 3-43-18 (17485)
ততোঽভিগম্য কৌন্তেয়ঃ শিরসাঽভ্যগমদ্বলী।
স চৈনং বৃত্তপীনাভ্যাং বাহুভ্যাং প্রত্যগৃহ্ণত ॥ 3-43-19 (17486)
ততঃ শক্রাসনে পুণ্যে দেবর্ষিগণসেবিতে।
শক্রঃ পাণৌ গৃহীৎবৈনমুপাবেশয়দন্তিকে ॥ 3-43-20 (17487)
মূর্ধি চৈনমুপাঘ্রায় দেবেন্দ্রঃ পরবীরহা।
অঙ্কমারোপয়ামাস প্রশ্রয়াবনতং তদা ॥ 3-43-21 (17488)
সহস্রাক্ষনিয়োগাৎস পার্থঃ শক্রাসনং তদা।
আরুরুক্ষুরমেয়াত্মা দ্বিতীয় ইববাসবঃ ॥ 3-43-22 (17489)
ততঃ প্রেম্ণা বৃত্রশত্রুরর্জুনস্য শুভং মুখম্।
পস্পর্শ পুণ্যগন্ধেন করেণ পরিসান্ৎবয়ন্ ॥ 3-43-23 (17490)
প্রমার্জমানঃ শনকৈর্বাহূ চাস্যায়তৌ শুভৌ।
জ্যাশরক্ষেপকিনৌ স্তম্ভাবিব হিরণ্ময়ৌ ॥ 3-43-24 (17491)
বজ্রগ্রহণচিহ্নেন করেণ পরিসান্ৎবয়ন্।
মুহুর্মুহুর্বজ্রধরো বাহূ চাস্ফোটয়ঞ্শনৈঃ ॥ 3-43-25 (17492)
স্ময়ন্নিব গুডাকেশং প্রেক্ষমাণঃ সহস্রদৃক্।
হর্ষেণোৎফুল্লনয়নো ন চাতৃপ্যত বৃত্রহা ॥ 3-43-26 (17493)
একাসনোপবিষ্টৌ তৌ শোভয়াংসচক্রতুঃ সভাম্।
সূর্যাচন্দ্রমসৌ ব্যোম চতুর্দশ্যামিবোদিতৌ ॥ 3-43-27 (17494)
তত্র স্ম গাথা গায়ন্তি সাম্না পরমবল্গুনা।
গন্ধর্বাস্তুম্বুরুশ্রেষ্ঠাঃ কুশলা গীতসামসু ॥ 3-43-28 (17495)
ঘৃতাচী মেনকা রম্ভা পূর্বচিত্তিঃ স্বয়ংপ্রভা।
উর্বশী মিশ্রকেশী চ দণ্ডগৌরী বরূথীনি ॥ 3-43-29 (17496)
গোপালী সহজন্যা চ কুম্ভয়োনিঃ প্রজাগরা।
চিত্রসেনা চিত্রলেখা সহা চ মধুরস্বরা ॥ 3-43-30 (17497)
এতাশ্চান্যাশ্চ ননৃতুস্তত্রতত্র শুচিস্মিতাঃ।
চত্তপ্রমথনে যুক্তাঃ সিদ্ধানাং পদ্মলোচনাঃ ॥ 3-43-31 (17498)
মহাকটিতটশ্রোণ্যঃ কম্পমানৈঃ পয়োধরৈঃ।
কটাক্ষহাবমাধুর্যৈশ্চেতোবুদ্ধিমনোহরৈঃ ॥ 3-43-32 (17499)
[ততো দেবাঃ সগন্ধর্বাঃ সমাদায়ার্ঘ্যমুত্তমম্।
শক্রস্য মতমাজ্ঞায় পার্থমানর্চুরঞ্জসা ॥ 3-43-33 (17500)
পাদ্যমাচমনীয়ং চ প্রতিগ্রাহ্য নৃপাত্মজম্।
প্রবেশয়ামাসুরথো পুরংদরনিবেশনম্ ॥ 3-43-34 (17501)
এবং সংপূজিতো জিষ্ণুরুবাস ভবনে পিতুঃ।
উপশিক্ষন্মহাস্রাণি সসংহারাণি পাণ্ডবঃ ॥ 3-43-35 (17502)
শক্রস্য হস্তাদ্দয়িতং বজ্রমস্ত্রং চ দুঃসহম্।
অশনীশ্চ মহানাদা মেঘবর্হিণলক্ষণাঃ ॥ 3-43-36 (17503)
গৃহীতাস্ত্রস্তু কৌন্তেয়ো ভ্রাতৄন্সস্মার পাণ্ডবঃ।
পুরংদরনিয়োগাচ্চ পঞ্চাব্দানবসৎসুখী ॥ 3-43-37 (17504)
ততঃ শক্রোঽব্রবীৎপার্থং কৃতাস্ত্রং কাল আগতে।
নৃত্যং গীতং চ কৌন্তেয় চিত্রসেনাদবাপ্নুহি ॥ 3-43-38 (17505)
বাদিত্রং দেববিহিতং নৃলোকে যন্ন বিদ্যতে।
তদর্জয়স্ব কৌন্তেয় শ্রেয়ো বৈ তে ভবিষ্যতি ॥ 3-43-39 (17506)
সখায়ং প্রদদৌ চাস্য চিত্রসেনং পুরংদরঃ।
স তেন সহ সংগম্য রেমে পার্থো নিরাময়ঃ ॥ 3-43-40 (17507)
গীতবাদিত্রনৃত্যানি ভূয় এবাদিদেশ হ।
তথাঽপি নালভচ্ছর্ম তরস্বী দ্যূতকারিতম্ ॥ 3-43-41 (17508)
দুঃশাসনবধামর্ষী শকুনেঃ সৌবলস্য চ।
ততস্তেনাতুলাং প্রীতিমুপাগম্য ক্বচিৎক্বচিৎ।
গান্ধর়্বমতুলং নৃত্যং বাদিত্রং চোপলব্ধবান্ ॥ 3-43-42 (17509)
স শিক্ষিতো নৃত্যগুণাননেকা-
ন্বাদিত্রগীতার্থগুণাংশ্চ সর্বান্।
ন শর্ণ লেভে পরবীরহন্তা
ভ্রাতৄন্স্মরন্মাতরং চৈব কুন্তীম্ ॥ 3-43-43 (17510)
ইতি শ্রীমন্মহাভারতে অরণ্যপর্বণি ইন্দ্রলোকাভিগমনপর্বণি ত্রিচৎবারিংশোঽধ্যায়ঃ ॥ 43 ॥
Mahabharata - Vana Parva - Chapter Footnotes
3-43-3 নন্দনং নামতঃ ॥ 3-43-21 প্রশ্রয়াবনতং বিনয়েন প্রহ্বীভূতম্ ॥ 3-43-25 বজ্রগ্রহণস্য চিহ্নং কিণো যস্মিন্ ॥ 3-43-28 গীতানি অমন্ত্রেপরি গানম্। সাম মন্ত্রোপরি গানম্ ॥ 3-43-32 চেতঃ অলোচনাত্মিকা চিত্তবৃত্তিঃ। বুদ্ধিরধ্যবসায়রূপা। মনঃ সংকল্পবিকল্পাত্মকম্। কটাক্ষাদিভিঃ চিত্তস্য বৃত্ত্যন্তরং হরন্তীত্যর্থঃ ॥অরণ্যপর্ব - অধ্যায় 044
॥ শ্রীঃ ॥
3.44. অধ্যায়ঃ 044
Mahabharata - Vana Parva - Chapter Topics
উর্বশ্যামর্জুনস্য দৃষ্টিবিশেষেণ তস্য তস্যামনুরাগোৎপ্রেক্ষিণা শক্রেণ চিত্রসেনদ্বারা তস্যাস্তংপ্রতি যাপনম্ ॥ 1 ॥ তথা স্বপ্রার্থনাং ব্যর্থীকৃতবতে পার্থায় ক্লীবো ভবেতি শাপদানম্ ॥ 2 ॥ শক্রেণ তচ্ছাপস্ ভাব্যজ্ঞাতবাসমত্রোপয়োগিতয়া রপর্যবসানম্ ॥ 3 ॥Mahabharata - Vana Parva - Chapter Text
3-44-0 (17511)
বৈসংপায়ন উবাচ। 3-44-0x (1888)
কদাচিৎস হি দেবেন্দ্রশ্চিত্রসেনং রহোঽব্রবীৎ।
পার্থস্য চক্ষুরুর্বশ্যাং সক্তং বিজ্ঞায় বাসবঃ ॥ 3-44-1 (17512)
গন্ধর্বরাজ গচ্ছাদ্য প্রহিতোঽপ্সরসাংবরাম্।
উর্বশীং পুরুষব্যাঘ্রং সোপাতিষ্ঠতু ফল্গুনম্ ॥ 3-44-2 (17513)
যথা ন তামভিসৃতাং বিদ্যাদস্মন্নিয়োগতঃ।
তথা ৎবয়া বিধাতব্যং স্ত্রীসংসর্গবিশারদ ॥ 3-44-3 (17514)
এবমুক্তস্তথেত্যুক্ৎবা সোঽনুজ্ঞাং প্রাপ্য বাসবাৎ।
গন্ধর্বরাজোঽপ্সরসমভ্যগাদুর্বশীং বরাম্ ॥ 3-44-4 (17515)
তাং দৃষ্ট্বা বিদিতো হৃষ্টঃ স্বাগতেনার্চিতস্তয়া।
সুখাসীনঃ সুখাসীনাং স্মিতপূর্বং বচোঽব্রবীৎ ॥ 3-44-5 (17516)
বিদিতং তেঽস্তু সুশ্রোণি প্রেষিতোঽহমিহাগতঃ।
ত্রিদিবস্যৈকরাজেন ৎবৎপ্রসাদাভিনন্দিনা ॥ 3-44-6 (17517)
যঃ স দেবমনুষ্যেষু প্রখ্যাতঃ সহজৈর্গুণৈঃ।
শ্রিয়া শীলেন রূপেণ শ্রুতেন চ বলেন চ।
প্রখ্যাতঃ শৌর্যবীর্যাভ্যাং প্রপন্নঃ প্রতিভানবান্ ॥ 3-44-7 (17518)
তেজস্বী সৌম্যীলশ্চ ক্ষমাবাঞ্জিতমৎসরঃ।
সাঙ্গোপনিষদান্বেদাংশ্চতুরাখ্যানপঞ্চমান্ ॥ 3-44-8 (17519)
যোঽধীতে গুরুশুশ্রূষাং মেধাং চাষ্টগুণাশ্রয়াম্।
ব্রহ্মচর্যেণ দাক্ষ্যেণ প্রসবৈর্বয়সাঽপি চ ॥ 3-44-9 (17520)
একো বৈ রক্ষিতা চৈব ত্রিদিবং মঘবানিব।
অকত্থনো মানয়িতা স্থূললক্ষ্যঃ প্রিয়ংবদঃ ॥ 3-44-10 (17521)
সুহৃদশ্চান্নপানেন বিবিধেনাভিবর্ষতি।
সত্যবাগূর্জিতো বক্তা রূপবাননহংকৃতঃ ॥ 3-44-11 (17522)
ভক্তানুকম্পী কান্তশ্চ প্রিয়শ্চ স্থিরসংগরঃ।
প্রার্থনীয়ৈর্গুণগণৈর্মহেন্দ্রবরুণোপমঃ ॥ 3-44-12 (17523)
বিদিতস্তেঽর্জুনো বীরঃ স স্বর্গফলমাপ্তবান্।
তব শক্রাভ্যনুজ্ঞাতঃ পাদাবদ্যপ্রপদ্যতাম্। 3-44-13 (17524)
এবমুক্তা স্মিতং কৃৎবা স্বাত্মানং বহুমান্য চ।
প্রত্যুবাচোর্বশী প্রীতা চিত্রসেনমনিন্দিতা ॥ 3-44-14 (17525)
যত্ৎবস্য কথিতঃ সত্যো গুণোদ্দেশস্ৎবয়াঽনঘ।
তং শ্রুৎবাঽন্যং প্রিয়ং নারী বৃণুয়াৎকিমতোঽর্জুনং ॥ 3-44-15 (17526)
তস্য চাহং গুণৌঘেন ফল্গুনে জাতমন্মথা।
গচ্ছৎবং হি যাথাকামমাগমিষ্যাম্যহং সুখম্ ॥ 3-44-16 (17527)
বৈশম্পায়ন উবাচ। 3-44-17x (1889)
ততো বিসৃজ্যগন্ধর্বং কৃতকৃত্যা শুচিস্মিতা।
উর্বশী চাকরোৎস্নানং পার্থপ্রার্থনলালসা ॥ 3-44-17 (17528)
স্নানালঙ্কারনেপথ্যৈর্গন্ধমাল্যৈশ্চ শৌভনৈঃ।
ধনংজয়স্য রূপেণ শরৈর্মন্মথচোদিতৈঃ ॥ 3-44-18 (17529)
অতিবিদ্ধেন মনসা মন্মথেন প্রদীপিতা।
দিব্যাস্তরণসংস্তীর্ণে বিস্তীর্ণে শয়নোত্তমে ॥ 3-44-19 (17530)
চিত্তসংকল্পভাবেন সুচিত্তাঽনন্যমানসা।
মনোরথেন সংপ্রাপ্তং রময়ন্তীব ফল্গুনম্ ॥ 3-44-20 (17531)
নিশাম্য চন্দ্রোদয়নং বিগাঢে রজনীমুখে।
প্রস্থিতা সা পৃথুশ্রোণী পার্থস্য ভবনং মহৎ ॥ 3-44-21 (17532)
মৃদুকুঞ্চিতদীর্ঘেণ কুসুমোত্তমধারিণা।
কেশপাশেন ললনা গচ্ছমানা ব্যরাজত ॥ 3-44-22 (17533)
ভ্রূক্ষেপালাপমাধুর্যৈঃ কান্ত্যা সৌম্যতয়াঽপি চ।
শশিনং বক্রচন্দ্রেণ সাঽঽহ্বয়ন্তীব গচ্ছতী ॥ 3-44-23 (17534)
দিব্যাঙ্গরাগৌ সুমুখৌ দিব্যচন্দনরূষিতৌ।
গচ্ছন্ত্যা হাররুচিরৌ স্তনৌ তস্যা ববল্গতুঃ ॥ 3-44-24 (17535)
স্তনোদ্বহনসংক্ষোভাত্তাম্যমানা পদেপদে।
ত্রিবলীদামচিত্রেণ মধ্যেনাতীব শেভিনা ॥ 3-44-25 (17536)
রথকূবরবিস্তীর্ণং নিতম্বোন্নতপীবরম্।
মন্মথায়তনং শুভ্রং রশনাদামভূষিতম্ ॥ 3-44-26 (17537)
ঋষীণামপি দিব্যানাং মনোব্যাঘাতকারণম্।
সূক্ষ্মবস্ত্রধরং ভাতি জঘনং নিরবদ্যবৎ ॥ 3-44-27 (17538)
গূডগুল্ফধরৌ পাদৌ তাম্রায়ততলাঙ্গুলী।
কূর্মপৃষ্ঠোন্তৌ চাস্যাঃ শোভেতে কিঙ্কিণীকিণৌ ॥ 3-44-28 (17539)
শীধুপানেন চাল্পেন তুষ্টা চ মদনেন চ।
বিলাসিতৈশ্চ বিবিধৈঃ প্রেক্ষণীয়তরাঽভবৎ ॥ 3-44-29 (17540)
সিদ্ধচারণগন্ধর্বৈঃ সাধ্যৈর্যাতি বিলাসিনী।
বব্বাশ্চর্যেঽপি বৈ স্বর্গে দর্শনীয়তমাকৃতিঃ ॥ 3-44-30 (17541)
সুমূক্ষ্মেণোত্তরীয়েণ মেঘবর্ণেন রাজতা।
তন্বভ্রপ্রাবৃতা ব্যোম্নি চন্দ্রলেখেন গচ্ছতি ॥ 3-44-31 (17542)
ততঃ প্রাপ্তাতিদুষ্প্রাপা মনসাঽপি বিকর্মভিঃ।
ভবনং পাণ্ডুপুত্রস্য ফল্গুনস্য শুচিস্মিতা ॥ 3-44-32 (17543)
তত্র দ্বারমনুপ্রাপ্তা দ্বারস্থৈশ্চ নিবেদিতা।
অর্জুনস্য নরশ্রেষ্ঠ উর্বশী শুভলোচনা ॥ 3-44-33 (17544)
উপাতিষ্ঠত তদ্বেশ্ম নির্মলং সুমনোহরম্।
স শঙ্কিতমনা রাজন্প্রত্যগচ্ছত তাং নিশি ॥ 3-44-34 (17545)
দৃষ্ট্বৈব চোর্বশীং পার্থো লজ্জাসংবৃলোচনঃ।
তদাঽভিবাদনং কৃৎবা গুরুপূজাং প্রয়ুক্তবান্ ॥ 3-44-35 (17546)
অর্জুন উবাচ। 3-44-36x (1890)
অভিবাদয়ে ৎবাং শিরসা প্রবরাপ্সরসাংবরে।
কিং চাগমনকৃত্যং তে ব্রূহি সর্বং যথাতথম্।
কিমাজ্ঞাপয়সে দেবি প্রেষ্যস্তেঽহমুপস্থিতঃ ॥ 3-44-36 (17547)
অকামং ফল্গুনং জ্ঞাৎবা ইঙ্গিতজ্ঞা তদোর্বশী।
গন্ধর্ববচনং সর্বং শ্রাবয়ামাস ফল্গুনম্ ॥ 3-44-37 (17548)
উর্বশ্যুবাচ। 3-44-38x (1891)
যথা মে চিত্রসেনেন কথিতং মনুজোত্তম।
নত্তেঽহং সংপ্রবক্ষ্যামি যথা চাহমিহাগতা ॥ 3-44-38 (17549)
উপস্তানে মহেন্দ্রস্ বর্তমানে মনোরমে।
তবাগমনতুষ্ট্যা চ স্বর্গস্য পরমোৎসবে ॥ 3-44-39 (17550)
রুদ্রাণাং চৈব সান্নিধ্যমাদিত্যানাং চ সর্বশঃ।
সমাগমেঽশ্বিনোশ্চৈব বসূনাং চ নরোত্তম ॥ 3-44-40 (17551)
মহর্ষীণাং চ সঙ্ঘেষু রাজর্ষিপ্রবরেষু চ।
সিদ্ধচারণয়ক্ষেষু মহোরগগণেষু চ ॥ 3-44-41 (17552)
উপবিষ্টেষু সর্বেষু স্থানমানপ্রভাবতঃ।
ঋদ্ধ্যা প্রজ্বলমানেষু অগ্নিসোমার্কবর্ষ্মসু ॥ 3-44-42 (17553)
বীণাসু বাদ্যমানাসু গন্ধর্বৈঃ শক্রনন্দন।
দিব্যে মনোরমে গীতে প্রবৃত্তে পৃথুলোচন ॥ 3-44-43 (17554)
সর্বাপ্সরঃসু মুখ্যাসু প্রনৃত্তাসু কুরূদ্বহ।
ৎবং কিলানিমিষঃ পার্থ মামেকাং তত্র দৃষ্টবান্ ॥ 3-44-44 (17555)
তত্র চাবভৃথে তস্মিন্নুপস্থানে দিবৌকসাম্।
তব পিত্রাঽভ্যনুজ্ঞাতা গতাঃ স্বনিলয়ান্সুরাঃ ॥ 3-44-45 (17556)
তথৈবাপ্সরসঃ সর্বাবিশিষ্টাঃ স্বগৃহং গতাঃ।
অপি চান্যাশ্চ শত্রুঘ্ন তব পিত্রা বিসর্জিতাঃ ॥ 3-44-46 (17557)
ততঃ শক্রেণ সংদিষ্টশ্চিত্রসেনো মমান্তিকম্।
প্রাপ্তঃ কমলপত্রাক্ষ স চ মামব্রবীৎস্বয়ম্ ॥ 3-44-47 (17558)
ৎবৎকৃতেঽহং সুরেশেন প্রেষিতো বরবর্ণিনি।
প্রিয়ং কুরু মহেন্দ্রস্য মম চৈবাত্মনশ্চ হ ॥ 3-44-48 (17559)
শক্রতুল্যং রণে শূরং রূপৌদার্যগুণান্বিতম্।
পার্থং প্রার্থয় সুশ্রোণি ৎবমিত্যেবং তদাঽব্রবীৎ ॥ 3-44-49 (17560)
ততোঽহং সমনুজ্ঞাতা তেন পিত্রা চ তেঽনঘ।
তবান্তিকমনুপ্রাপ্তা শুশ্রূষিতুমরিংদম ॥ 3-44-50 (17561)
ন কেবলং হি চক্রেণ প্রেষিতা চাহমাগতা।
চিরাভিলষিতো বীর মমাপ্যেষ মনোরথঃ ॥ 3-44-51 (17562)
বৈশম্পায়ন উবাচ। 3-44-52x (1892)
তাং তথা ব্রুবতীং শ্রুৎবা ভৃশং লজ্জান্বিতোঽর্জুনঃ।
উবাচ কর্ণৌ হস্তাভ্যাং পিধায় ত্রিদশোপমঃ ॥ 3-44-52 (17563)
দুঃশ্রুতং মেঽস্তু সুভগে যন্মাং বদসি ভামিনি।
গুরুদারৈঃ সমানা মে নিশ্চয়েন বরাননে ॥ 3-44-53 (17564)
[যথা কুন্তীমহাভাগা যথেন্রাণী শচী মম।
তথা ৎবমপি কল্যাণীনাত্র কার্যা বিচারণা] 3-44-54 (17565)
যচ্চেক্ষিতাঽসি বিস্পষ্টং বিশেষেণ ময়া শুভে।
তচ্চ মে কারণং সর্বং শৃণু সত্যেন সুস্মিতে ॥ 3-44-55 (17566)
ইয়ং পৌরববংশস্ জননী সুদতীতি হ।
ৎবামহং দৃষ্টবাংস্তত্র বিস্ময়োৎফুল্ললোচনঃ ॥ 3-44-56 (17567)
ন মামর্হসি কল্যাণি অন্যথা ধ্যাত্রমপ্সরঃ।
গুরোর্গরুতরা মে ৎবং মম ৎবং বংশবর্ধিনী ॥ 3-44-57 (17568)
উর্বশ্যুবাচ। 3-44-58x (1893)
অনাবৃতাশ্চ সর্বাঃ স্ম দেবরাজাভিনন্দন।
গুরুস্থানে ন মাং বীর নিয়োক্তুং ৎবমিহার্হসি ॥ 3-44-58 (17569)
পিতরঃ সোদরাঃ পুত্রা নপ্তারো বা ৎবিহাগতাঃ।
তপসা রময়ন্ত্যস্মান্ন চ তেষাং ব্যতিক্রমঃ ॥ 3-44-59 (17570)
তৎপ্রসীদ ন মামার্তাং বিসর্জয়িতুমর্হসি।
হৃচ্ছয়েন চ সংতপ্তাং ভক্তাং চ ভজ মানদ ॥ 3-44-60 (17571)
অর্জুন উবাচ। 3-44-61x (1894)
শৃণু সত্যংবরারোহে যত্ৎবাং বক্ষ্যাম্যনিন্দিতে।
শৃণ্বন্তু মে দিশশ্চৈব বিদিশশ্চ সদেবতাঃ ॥ 3-44-61 (17572)
যথা কুন্তী চ মাদ্রী চ শচী চৈব সমা ইহ।
তথা চ বংশজননী ৎবং হি মেঽদ্য গরীয়সী ॥ 3-44-62 (17573)
গচ্ছ মূর্ধ্না প্রপন্নোস্মি পাদৌ তে বরবর্ণিনি।
ৎবং হি মে মাতৃবৎপূজ্যা রক্ষ্যোঽহং পুত্রবত্ৎবয়া ॥ 3-44-63 (17574)
বৈশম্পায়ন উবাচ। 3-44-64x (1895)
ততোঽবধূতা পার্থেন উর্বশী ক্রোধমূর্চ্ছিতা।
বেপন্তী ভ্রুকুটীকক্রা শশাপাথ ধনংজয়ম্ ॥ 3-44-64 (17575)
উর্বশ্যুবাচ। 3-44-65x (1896)
তব পিত্রাঽভ্যনুজ্ঞাতাং স্বয়ং চ গৃহমাগতাম্।
যস্মান্মাং নাভিনন্দেথাঃ কামবাণবশংগতাম্ ॥ 3-44-65 (17576)
তস্মাত্ৎবং নর্তকঃ পার্থ স্ত্রীমধ্যে মানবর্জিতঃ।
অপুংস্ৎবেন চ বিখ্যাতঃ পণ্ঢবদ্বিচরিষ্যসি ॥ 3-44-66 (17577)
এবং দত্ৎবাঽর্জুনে শাপং স্ফুরিতোষ্ঠী শ্বসন্ত্যথ।
পুনঃ প্রত্যাগতা ক্ষিপ্রমুর্বশী স্বং নিবেশনম্ ॥ 3-44-67 (17578)
পার্থোপি লব্ধ্বা শাপং তং তাং নিশাং দুঃখিতোঽবসম্।
বিবক্ষুশ্চিত্রসেনায় প্রাতঃ সর্বমহৃষ্টবৎ ॥ 3-44-68 (17579)
ততঃ প্রভাতে বিমলে গন্ধর্বায় যথাতথম্।
নিবেদয়ামাস তদা চিত্রসেনায় পাণ্ডবঃ ॥ 3-44-69 (17580)
তচ্চ সর্বং যথাবৃত্তং শাপং চৈব যথাতথম্।
অবেদয়চ্চ শক্রস্য চিত্রসেনোঽপি সর্বশঃ ॥ 3-44-70 (17581)
তদা ৎবানায়্য তনয়ং বিবিক্তে হরিবাহনঃ।
সান্ৎবয়িৎবা শুভৈর্বাক্যৈঃ স্ময়মানোঽভ্যভাষত ॥ 3-44-71 (17582)
সুপুত্রাদ্যপৃথা তাত ৎবয়া পুত্রেণ সত্তম।
ঋষয়োপি হি ধৈর্যেণ জিতা বৈ তে মহাভুজ ॥ 3-44-72 (17583)
যং চ দত্তবতী শাপমুর্বশী তব মানদ।
স চাপি তেঽর্থকৃত্তাত সাধকশ্চ ভবিষ্যতি ॥ 3-44-73 (17584)
অজ্ঞাতবাসো বস্তব্যো ভবদ্ভির্ভূতলেঽনঘ।
বর্পে ত্রয়োদশে বীর তত্র ৎবং গময়িষ্যসি ॥ 3-44-74 (17585)
তেন নর্তকবেপেণ অপুংস্ৎবেন তথৈব চ।
বর্ষমেকং বিহৃত্যৈব ততঃ পুংস্ৎবমবাপ্স্যসি ॥ 3-44-75 (17586)
এবমুক্তস্তু শক্রেণ ফল্গুনঃ পরবীরহা।
মুদং পরমিকাং লেভে ন চ শাপং ব্যচিন্তয়ৎ ॥ 3-44-76 (17587)
চিত্রসেনেন সহিতো গন্ধর্বেণ যশস্বিনা।
রেমে স স্বর্গভবনে পাণ্ডুপুত্রো ধনংজয়ঃ ॥ 3-44-77 (17588)
য ইমাং শৃণুয়ান্নিত্যং ধৃতিং পাণ্ডুসুতস্য বৈ।
ন তস্য কামঃ কামেষু পাপকেষু প্রবর্ততে ॥ 3-44-78 (17589)
ইদমমরবরাত্মজস্য ঘোরং
সুচি চরিতং বিনিশাম্য ফল্গুনস্য।
ব্যপগতমদদম্ভরাগদোষা-
স্ত্রিদিবগতাঽভিরমন্তি মানবেন্দ্রাঃ ॥ 3-44-79 (17590)
ইতি শ্রীমন্মহাভারতে অরণ্যপর্বণি ইন্দ্রলোকাভিগমনপর্বণি চতুশ্চৎবারিংশোঽধ্যায়ঃ ॥ 44 ॥
Mahabharata - Vana Parva - Chapter Footnotes
3-44-7 প্রতিভানং সময়ে স্ফূর্তিঃ ॥ 3-44-8 চতুরাখ্যানপচ্চমান্ চতুঃচতুঃসংখ্যান্। বিভক্তিলোপ আর্ষঃ ॥ 3-44-9 গুরুশুশ্রূষাং মেঘাং চ প্রত্যেকমষ্টগুণাং অধীতে প্রাপ্নোতি। প্রসবৈর্দেব মাতুঃ কুলেদ্বে পিতুস্তৈশ্চতুর্ভিঃ ॥ 3-44-10 স্থূললক্ষ্যো দাতা ॥ 3-44-12 কান্তঃ সুখদঃ ॥ 3-44-13 স্বর্গফলং ৎবৎসঙ্গম্ ॥ 3-44-23 আঙ্গয়ন্তী স্বর্ধয়া যুদ্ধার্থম্ ॥ 3-44-26 উন্নতঃ পীবরশ্চ নিতম্বো যস্যেতি বিশেষণং বিশেষ্যেণ বহুলমিতি বাহুলকাৎসমাসঃ ॥ 3-44-45 অবভৃথো যজ্ঞান্তস্নানং তৎপ্রাপ্যে ॥ 3-44-59 পুরোর্বংশে হি যে পুত্রা ইতি ঝ. পাঠঃ ॥ 3-44-79 ইদমমরবরাত্মজস্যঘোরাং ধৃতিমচলাং চ ধনঞ্জয়স্য শ্রুৎবা। অপগতভয়দম্ভরাগরোষাস্ত্রিদিবগতা রময়ন্তি মানবেন্দ্রাঃ। ইতি ক. ধ. পাঠঃ ॥অরণ্যপর্ব - অধ্যায় 045
॥ শ্রীঃ ॥
3.45. অধ্যায়ঃ 045
Mahabharata - Vana Parva - Chapter Topics
শক্রেণ স্বর্গমাগতং লোমশংপ্রতি পার্থমহিমানুবর্ণনপূর্বকং যুধিষ্ঠিরায় তদ্বৃত্তান্তকথনপ্রার্থনা ॥ 1 ॥Mahabharata - Vana Parva - Chapter Text
3-45-0 (17591)
`বৈশম্পায়ন উবাচ। 3-45-0x (1897)
ততো দেবাঃ সগন্ধর্বাঃ সমাদায়ার্ঘ্যমুত্তমম্।
শক্রস্য মতমাজ্ঞায় পার্থমানর্চুর্জসা ॥ 3-45-1 (17592)
পাদ্যমাচমনীয়ং চ প্রতিগ্রাহ্য নৃপাত্মজম্।
প্রবেশয়ামাসুরথো পুরন্দরনিবেশনম্ ॥ 3-45-2 (17593)
এবং সংপূজিতো জিষ্ণুরুবাস ভবনে পিতুঃ।
উপশিক্ষন্মহাস্ত্রাণি সসংহারাণি পাণ্ডবঃ ॥ 3-45-3 (17594)
স শক্রহস্তাদ্দয়িতং বজ্রমস্ত্রং দুরুৎসহম্।
অশনিং চ মহানাদাং মেঘবৃংহিতলক্ষণাম্ ॥ 3-45-4 (17595)
গৃহীতাস্ত্রস্তু কৌন্তেয়ো ভ্রাতৄন্সস্মার পাণ্ডবঃ।
পুরন্দরনিয়োগাচ্চ পঞ্চাব্দমবসৎসুখম্ ॥ 3-45-5 (17596)
ততঃ শক্রোঽব্রবীৎপার্থং কৃতাস্ত্রং কাল আগতে।
নৃত্তং গীতং চ কৌন্তেয় চিত্রসেনাদবাপ্নুহি ॥ 3-45-6 (17597)
বাদিত্রং দৈববিহিতং নৃলকে যন্ন বিদ্তে।
মদাজ্ঞয়া চ কৌন্তেয় শ্রেয়ো বৈ তে ভবিষ্তি ॥ 3-45-7 (17598)
সখায়ং প্রদদৌ চাস্য চিত্রসেনং পুরন্দরঃ।
স তেন সহ সংগম্য রেমে পার্থো নিরাময়ঃ ॥' 3-45-8 (17599)
কদাচিদটমানস্তু মহর্ষিরথ লোমশঃ।
জগাম শক্রভবনং পুরংদরদিদৃক্ষয়া ॥ 3-45-9 (17600)
স সমেত্য নমস্কৃত্য দেবরাজং মহামুনিঃ।
দদর্শার্ধাসনগতং পাণ্ডবং বাসবস্য হি ॥ 3-45-10 (17601)
ততঃ শক্রাভ্যনুজ্ঞাত আসনে বিষ্টরোত্তরে।
নিষসাদ দ্বিজশ্রেষ্ঠঃ পূজ্যমানো মহর্ষিভিঃ ॥ 3-45-11 (17602)
তস্য দৃষ্ট্বাঽভবদ্বুদ্ধিঃ পার্থমিন্দ্রাসনে স্থিতম্।
কথং নু ক্ষত্রিয়ঃ পার্থঃ শক্রাসনমবাপ্তবান্ ॥ 3-45-12 (17603)
কিং ৎবস্য সুকৃতং কর্ম কে লোকা বৈ বিনির্জিতাঃ।
স এবমনুসংপ্রাপ্তঃ স্থানং দেবনমস্কৃতম্ ॥ 3-45-13 (17604)
তস্য বিজ্ঞায় সংকল্পং শক্রো বৃত্রবিমর্দনঃ।
লোমশং প্রহসন্বাক্যমিদমাহ শচীপতিঃ ॥ 3-45-14 (17605)
দেবর্ষে শ্রূয়তাং যত্তে মনসৈতদ্বিবক্ষিতম্।
নায়ং কেবলমর্ত্যোঽভূৎক্ষত্রিয়ৎবমুপাগতঃ ॥ 3-45-15 (17606)
মহর্ষে মম পুত্রোঽয়ং কুন্ত্যাং জাতো মহাভুজঃ।
অস্ত্রহেতোরিহ প্রাপ্তঃ কস্মাচ্চিৎকারণান্তরাৎ ॥ 3-45-16 (17607)
অহো নৈনং ভবান্বেত্তি পুরাণমৃষিসত্তমম্।
শৃণু মে বদতো ব্রহ্মন্যোঽয়ং যচ্চাস্য কারণম্ ॥ 3-45-17 (17608)
নরনারায়ণৌ যৌ তৌ পুরাণাবৃষিসত্তমৌ।
তাবিমাবভিজানীহি হৃষীকেশধনংজয়ৌ ॥ 3-45-18 (17609)
বিখ্যাতৌ ত্রিষু লোকেষু নরনারায়ণাবৃষী।
কার্যার্থমবতীর্ণৌ তৌ পৃথ্বীং পুণ্যপ্রতিশ্রয়াম্ ॥ 3-45-19 (17610)
যন্ন শক্যং শুরৈর্দ্রষ্টুমৃষিভির্বা মহাত্মভিঃ।
তদাশ্রমপদং পুণ্যং বদরীনাম বিশ্রুতম্ ॥ 3-45-20 (17611)
স নিবাসোঽভবদ্বিপ্র বিষ্ণোর্জিষ্ণোস্তথৈব চ।
যতঃ প্রববৃতে গঙ্গা সিদ্ধচারণসেবিতা ॥ 3-45-21 (17612)
তৌ মন্নিয়োগাদ্ব্রহ্মর্ষে ক্ষিতৌ জাতৌ মহাদ্যুতী।
ভূমের্ভারাবতরণং মহাবীর্যৌ করিষ্যতঃ ॥ 3-45-22 (17613)
উদ্বৃত্তা হ্যসুরাঃ কেচিন্নিবাতকবচা ইতি।
বিপ্রিয়েষু স্থিতাঽস্মাকং বরদানেন মোহিতাঃ ॥ 3-45-23 (17614)
তর্কয়ন্তে সুরান্হন্তুং বলদর্পসমন্বিতাঃ।
দেবান্ন গণয়ন্ত্যেতে তথা দত্তবরা হি তে ॥ 3-45-24 (17615)
পাতালবাসিনো রৌদ্রা দনোঃ পুত্রা মহাবলাঃ।
সর্বে দেবনিকায়া হি নালং যোধয়িতুং হি তান্ ॥ 3-45-25 (17616)
যোসৌ ভূমিগতঃ শ্রীমান্বিষ্ণুর্মুধুনিষূদনঃ।
কপিলো নাম দেবোসৌ ভগবানজিতো হরিঃ ॥ 3-45-26 (17617)
যেন পূর্বংমহাত্মানঃ খনমানা রসাতলম্।
দর্শনাদেব নিহতাঃ সগরস্যাত্মজা বিভো ॥ 3-45-27 (17618)
তেন কার্যং মহৎকার্যমস্মাকং দ্বিজসত্তম।
পাথেন চ মহায়ুদ্ধে সমেতাভ্যামসংশয়ম্ ॥ 3-45-28 (17619)
সোঽসুরান্দর্শনাদেব শক্তো হন্তুং সহানুগান্।
নিবাতকবচান্সর্বান্নাগানিব মহাহ্রদে ॥ 3-45-29 (17620)
কিংতু নাল্পেন কার্যেণ প্রবোধ্যো মধুসূদনঃ।
তেজসঃ সুমহারাশিঃ প্রবুদ্ধঃ প্রদহেজ্জগৎ ॥ 3-45-30 (17621)
অয়ং তেষাং সমস্তানাং শক্তঃ প্রতিসমাসনে।
তান্নিহত্যরণে শূরঃ পুনর্যাস্যতি মানুষান্ ॥ 3-45-31 (17622)
ভবানস্মন্নিয়োগেন যাতু তাবন্মহীতলম্।
কাম্যকে দ্রক্ষ্যসে বীরং নিবসন্তং যুধিষ্ঠিরম্ ॥ 3-45-32 (17623)
সবাচ্যো মম সংদেশাদ্ধর্মাত্মা সত্যসংগরঃ।
নোৎকণঅঠা ফল্গুনে কার্যা কৃতাস্ত্রঃ শীঘ্রমেষ্যতি ॥ 3-45-33 (17624)
নাশুদ্বাহুবীর্যেণ নাকৃতাস্ত্রেণ বা রণে।
ভীষ্মদ্রোণাদয়ো যুদ্ধে শক্যাঃ প্রতিসমাসিতুম্ ॥ 3-45-34 (17625)
গৃহীতাস্ত্রো গুডাকেশো মহাবাহুর্মহামনাঃ।
নৃত্তবাদিত্রগীতানাং দিব্যানাং পারমীয়িবান্ ॥ 3-45-35 (17626)
ভবানপি বিবিক্তানি তীর্থানি মনুজেশ্বর।
ভ্রাতৃভিঃ সহিতঃ সর্বৈর্দ্রষ্টুমর্হত্যরিংদম ॥ 3-45-36 (17627)
তীর্থেষ্বাপ্লুত্য পুণ্যেষু বিপাপ্মা বিগতজ্বরঃ।
রাজ্যং ভোক্ষ্যসি ধর্মেণ সুখী বিগতকল্মপঃ ॥ 3-45-37 (17628)
ভবাংশ্চৈনং দ্বিজশ্রেষ্ঠ পর্যটন্তং মহীতলম্।
ত্রাতুমর্হতি বিপ্রাগ্র্য তপোবলসমন্বিতঃ ॥ 3-45-38 (17629)
গিরিদুর্গেষু চ সদা দেশেষু বিষমেষু চ।
বসন্তি রাসা রৌদ্রাস্তেভ্যোরক্ষাং বিধাস্যতি ॥ 3-45-39 (17630)
এবমুক্তে মহেন্দ্রেণ বীভৎসুরপি লোমশম্।
উবাচ প্রয়তো বাক্যং রক্ষেথাঃ পাণ্ডুনন্দনম্ ॥ 3-45-40 (17631)
[যথা গুপ্তস্ৎবয়া রাজা চরেত্তীর্থানি সত্তম।
দানং দদ্যাদ্যথা চৈব তথা কুরু মহামুনে ॥] 3-45-41 (17632)
বৈশম্পায়ন উবাচ। 3-44-42x (1898)
তথেতি সংপ্রতিজ্ঞায় লোমশঃ সুমহাতপাঃ।
কাময়্কং বনমুদ্দিশ্য সমুপায়ান্মহীতলম্ ॥ 3-45-42 (17633)
দদর্শ তত্র কৌন্তেয়ং ধর্মরাজমরিংদমম্।
তাপসৈর্ভ্রাতৃভিশ্চৈব সর্বতঃ পরিবারিতম্ ॥ 3-45-43 (17634)
ইতি শ্রীমন্মহাভারতে অরণ্যপর্বণি ইন্দ্রলোকাভিগমনপর্বণি পঞ্চচৎবারিংশোঽধ্যায়ঃ ॥ 45 ॥
Mahabharata - Vana Parva - Chapter Footnotes
3-45-25 দেবনিকায়াঃ দেবসমূহাঃ। নালং ন সমর্থাঃ ॥ 3-45-30 প্রবোধ্যো বিজ্ঞাপ্যঃ ॥ 3-45-31 তেষাং নিবাতকবচানাম্। প্রতিসমাসনে সংক্ষেপণে ॥ 3-45-35 গুডাকেশোঽর্জুনঃ ॥ 3-45-42 সংপ্রতিজ্ঞায়াঙ্গীকৃত্য ॥অরণ্যপর্ব - অধ্যায় 046
॥ শ্রীঃ ॥
3.46. অধ্যায়ঃ 046
Mahabharata - Vana Parva - Chapter Topics
অর্জুনস্য পাশুপতাস্ত্রলাভস্বর্লোকগমনাদিশ্রবণেন পরিখিদ্যতা ধৃতরাষ্ট্রেণ সংজয়াগ্রে স্বপুত্রান্প্রতি পরিশোচনম্ ॥ 1 ॥Mahabharata - Vana Parva - Chapter Text
3-46-0 (17635)
জনমেজয় উবাচ। 3-46-0x (1899)
অত্যদ্ভুতমিদং কর্ম পার্থস্যামিততেজসঃ।
ধৃতরাষ্ট্রো মহাতেজাঃ শ্রুৎবা তত্র কিমব্রবীৎ ॥ 3-46-1 (17636)
বৈশম্পায়ন উবাচ। 3-46-2x (1900)
শক্রলোকগতং পার্থং শ্রুৎবা রাজাঽম্বিকাসুতঃ।
দ্বৈপায়নাদৃষিশ্রেষ্ঠাৎসংজয়ং বাক্যমব্রবীৎ ॥ 3-46-2 (17637)
শ্রুতং মে সূত কার্ৎস্ন্যেন কর্ম পার্থস্ ধীমতঃ।
কচ্চিত্তবাপি বিদিতং যাথাতথ্যেন সারথে ॥ 3-46-3 (17638)
প্রমত্তো গ্রাম্যধর্মেষু মন্দাত্মা পাপনিশ্চয়ঃ।
মম পুত্রঃ সুদুর্বুদ্ধিঃ পৃথিবীং ঘাতয়িষ্যতি ॥ 3-46-4 (17639)
যস্য নিত্যমৃতা বাচঃ স্বৈরেষ্বপি মহাত্মনঃ।
ত্রৈলোক্যমপি তস্য স্যাদ্যোদ্ধা যস্য ধনংজয়ঃ ॥ 3-46-5 (17640)
অস্যতঃ কর্ণিনারাচাংস্তীক্ষ্ণাগ্রাংশ্চ শিলাশিতান্।
নার্জুনস্যাগ্রতস্তিষ্ঠেদপি মৃত্যুর্জরাতিগঃ ॥ 3-46-6 (17641)
মম পুত্রা দুরাত্মানঃ সর্বে মৃত্যুবশংগতাঃ।
যেষাং যুদ্ধং দুরাধর্ষৈঃ পাণ্ডবৈঃ সমুপস্থিতম্ ॥ 3-46-7 (17642)
তস্যৈব চ ন পশ্যামি যুধি গাণ্ডীবধন্বনঃ।
অনিশং চিন্তয়ানোঽপি য এনমুদিয়াদ্যুধি ॥ 3-46-8 (17643)
দ্রোণকর্ণৌ প্রতীয়াতাং যদি ভীষ্মোঽপি বা রণে।
মহান্স্যাৎসংশয়োলোকে ন তু পশ্যামি নো জয়ম্ ॥ 3-46-9 (17644)
ঘৃণী কর্ণঃ প্রমাদী চ আচার্যঃ স্থবিরো গুরুঃ।
অমর্ষী বলবান্পার্থঃ সংরম্ভী দৃঢবিক্রমঃ ॥ 3-46-10 (17645)
ভবেৎসুতুমুলং যুদ্ধং সর্বস্যাপ্যপরাজিতম্।
সর্বে হ্যস্ত্রবিদঃ শূরাঃ সর্বে প্রাপ্তা মহদ্যশঃ ॥ 3-46-11 (17646)
অপি সর্বেশ্বরৎবং হি ন বাঞ্ছেরন্পরাজিতাঃ।
বধে নূনং ভবেচ্ছান্তিরেতেষাং ফল্গুনস্য বা ॥ 3-46-12 (17647)
ন তু হন্তাঽর্জুনস্যাস্তি জেতা বাঽস্য ন বিদ্যতে।
মন্যুস্তস্য কথং শাম্যেন্মন্দান্প্রতি সমুত্থিতঃ ॥ 3-46-13 (17648)
ত্রিদশেশসমো বীরঃ খাণ্ডবেঽগ্নিমতর্পয়ৎ।
জিগা পার্থিবান্সর্বান্রাজসূয়ে মহাক্রতৌ ॥ 3-46-14 (17649)
শেষং কুর্যাদ্গিরের্বজ্রো নিপতন্মূর্ধ্নি সংজয়।
ন তু কুর্যুঃ শরাঃ শেষং ক্ষিপ্তাস্তাত কিরীটিনা ॥ 3-46-15 (17650)
যথা হি কিরণা ভানোস্তপন্তীহ চরাচরম্।
তথা পার্থভুজোৎসৃষ্টাঃ শরাস্তপ্স্যন্তি মৎসুতান্ ॥ 3-46-16 (17651)
অপি তদ্রথঘোষেণ ভয়ার্থা সব্যসাচিনঃ।
প্রতিভাতি বিদীর্ণেব সর্বতো ভারতী চমূঃ ॥ 3-46-17 (17652)
সমুদ্ধরন্প্রবপংশ্চৈব বাণান্
স্তাতাঽঽততায়ী সমরে কিরীটি।
সৃষ্টোঽন্তকঃ সর্বহরো বিধাত্রা
ভবেদ্যথা তদ্বদবারণীয়ঃ ॥ 3-46-18 (17653)
সংজয় উবাচ। 3-46-19x (1901)
যদতৎকথিতং রাজংস্ৎবয়া দুর্যোধনং প্রতি।
সর্বমেতদ্যথাতত্ৎবং নতু মিথ্যা মহীপতে ॥ 3-46-19 (17654)
মন্যুনা হি সমাবিষ্টাঃ পাণ্ডবাস্ৎবমিতৌজসঃ।
দৃষ্ট্বা কৃষ্ণাং সভাং নীতাং ধর্মপত্নীং যশস্বিনীং ॥ 3-46-20 (17655)
দুঃশাসনস্য তা বাচঃ শ্রুৎবা বৈ কটুকোদয়াঃ।
কর্ণস্য চ মহারাজ ন স্বপ্স্যন্তীতি মে মতিঃ ॥ 3-46-21 (17656)
শ্রুতং হি তে মহারাজ যথা পার্থেন সংয়ুগে।
একাদশতনুঃ স্থাণুর্ধেনুষা পরিতোষিতঃ ॥ 3-46-22 (17657)
কৈরাতং বেষমাস্থায় যোধয়ামাস ফল্গুনম্।
জিজ্ঞাসুঃ সর্বদেবেশঃ কপর্দী ভগবান্স্বয়ম্ ॥ 3-46-23 (17658)
`লেভে পাশুপতং চাপি পরমাস্ত্রং মহাদ্যুতিঃ।'
তত্রৈনং লোকপালাস্তে দর্শয়ামাসুরর্জুনম্।
অস্ত্রহেতোঃ পরাক্রান্তং তপসা কৌরবর্ষভম্ ॥ 3-46-24 (17659)
নৈতদুৎসহতে চান্যো লব্ধুমন্যত্র ফল্গুনাৎ।
সাক্ষাদ্দর্শনমেতেষামীশ্বরাণাং নরো ভুবি ॥ 3-46-25 (17660)
মহেশ্বরেণ যো রাজন্ন জীর্ণো গ্রস্তমূর্তিমান্।
কস্তমুৎসহতে বীরো যুদ্ধে জরয়িতুং পুমান্ ॥ 3-46-26 (17661)
আসাদিতমিদং ঘোরং তুমুলং রোমহর্ষণম্।
দ্রৌপদীং পরিকর্ষদ্ভিঃ কোপয়দ্ভিশ্চ পাণ্ডবান্ ॥ 3-46-27 (17662)
যত্র বিস্ফুরমাণৌষ্ঠো ভীমঃ প্রাহ বচোঽর্থবৎ।
দৃষ্ট্বা দুর্যোধনেনোরূ দ্রৌপদ্যা দর্শিতাবুভৌ ॥ 3-46-28 (17663)
ঊরুং ভেৎস্যামি তে পাপ গদয়া বজ্রকল্পয়া।
ত্রয়োদশানাং বর্ষাণামন্তে দুর্দ্যূতদেবিনঃ ॥ 3-46-29 (17664)
সর্বে প্রহরতাং শ্রেষ্ঠাঃ সর্বেচামিততেজসঃ।
সর্বেসর্বাস্ত্রবিদ্বাংসো দেবৈরপি সুদুর্জয়াঃ ॥ 3-46-30 (17665)
মন্যে মন্যুসমুদ্ভূতাঃ পুত্রাণাং তব সংয়ুগে।
অন্তং পার্থাঃ করিষ্যন্তি বীর্যামর্ষসমন্বিতাঃ ॥ 3-46-31 (17666)
ধৃতরাষ্ট্র উবাচ। 3-46-32x (1902)
কিং কৃতং সূত কর্ণেন বদতা পরুষং বচঃ।
পর্যাপ্তং বৈরমেতাবদ্যৎকৃষ্ণা সা সভাং গতা ॥ 3-46-32 (17667)
অপীদানীং মম সুতাস্তিষ্ঠেরন্মন্দচেতসঃ।
যেষাং ভ্রাতা গুরুর্জ্যেষ্ঠো বিনয়ে নাবতিষ্ঠতে ॥ 3-46-33 (17668)
মমাপি বচনং সূত ন শুশ্রূষতি মন্দভাক্।
দৃষ্ট্বা মাং চক্ষুষা হীনং নির্বিচেষ্টমচেতসম্ ॥ 3-46-34 (17669)
যে চাস্য সচিবা মন্দাঃ কর্ণসৌবলকাদয়ঃ।
তে তস্য ভূয়সো দোষান্বর্ধয়ন্তি বিচেতসঃ ॥ 3-46-35 (17670)
স্বৈরং মুক্তা হ্যপি শরাঃ পার্থেনামিততেজসা।
নির্দহেয়ুর্মম সুতান্কিংপুনর্মন্যুনেরিতাঃ ॥ 3-46-36 (17671)
পার্থবাহুবলোৎসৃষ্টা মহাচাপবিনিঃসৃতাঃ।
দিব্যাস্ত্রমন্ত্রমুদিতাঃ সাদয়েয়ুঃ সুরানপি ॥ 3-46-37 (17672)
যস্য মন্ত্রী চ গোপ্তা চ সুহৃচ্চৈব জনার্দনঃ।
হনিস্ত্রৈলোক্যনাথঃ স কিংনু তস্ ন নির্জিতম্ ॥ 3-46-38 (17673)
ইদং হি সুমহচ্চিত্রমর্জুনস্যেহ সংজয়।
মহাদেবেন বাহুভ্যাং যৎসমেত ইতি শ্রুতিঃ ॥ 3-46-39 (17674)
প্রত্যক্ষং সর্বলোকস্য খাণ্ডবে যৎকৃতং পুরা।
ফল্গুনেন সহায়ার্থে বহ্নের্দামোদরেণ চ ॥ 3-46-40 (17675)
সর্বথা ন হি মে পুত্রাঃ সহামাত্যাঃ সবান্ধবাঃ।
ক্রুদ্ধে পার্থে চ ভীমে চ বাসুদেবে চ সাৎবতে ॥ 3-46-41 (17676)
ইতি শ্রীমন্মহাভারতে অরণ্যপর্বণি ইন্দ্রলোকাভিগমনপর্বণি ষট্চৎবারিংশোঽধ্যায়ঃ ॥ 46 ॥
Mahabharata - Vana Parva - Chapter Footnotes
3-46-5 ঋতাঃ সত্যাঃ ॥ 3-46-9 প্রতীয়াতাং প্রতিগচ্ছেতাম্ ॥ 3-46-10 ধৃণী দয়ালুঃ। প্রমাদী অনবহিতঃ। সংরম্ভী উদ্যমী ॥ 3-46-18 প্রবপন্ প্রেরয়ন্। স্থাতা স্থাস্যতি ॥ 3-46-25 নৈতদুৎপৎস্যতেঽন্যো হি ইতি ক. ধ. পাঠঃ ॥ 3-46-26 ন জীর্ণো ন ক্ষীণঃ ॥ 3-46-31 অন্তং নাশম্। ভার্যামর্ষসমন্বিতাঃ ইতি ঝ. পাঠঃ ॥ 3-46-33 বিনয়ে নীতৌ ॥ 3-46-41 নহি সন্তীতি শেষঃ ॥অরণ্যপর্ব - অধ্যায় 047
॥ শ্রীঃ ॥
3.47. অধ্যায়ঃ 047
Mahabharata - Vana Parva - Chapter Topics
বৈশম্পায়নেন জনমেজয়ংপ্রতি পাণ্ডবানাং বনে ভোজ্যবস্তুকথনম্ ॥ 1 ॥Mahabharata - Vana Parva - Chapter Text
3-47-0 (17677)
জনমেজয় উবাচ। 3-47-0x (1903)
যদিদং শোচিতং রাজ্ঞা ধৃতরাষ্ট্রেণ বৈ মুনে।
প্রব্রাজ্যপাণ্ডবান্বীরান্সর্বমেতন্নির্রথকম্ ॥ 3-47-1 (17678)
কথং চ রাজপুত্রং তমুপেক্ষেতাল্পচেতসম্।
দুর্যোধনং পাণ্ডুপুত্রান্কোপয়ানং মহারথান্ ॥ 3-47-2 (17679)
কিমাসীৎপাণ্ডুপুত্রাণাং বনে ভোজনমুচ্যতাম্।
বন্যং বাঽপ্যবা কৃষ্টমেতদাখ্যাতু নো ভবান্ ॥ 3-47-3 (17680)
বৈংশংপায়ন উবাচ। 3-47-4x (1904)
বানেয়ং চ মৃগাংশ্চৈব শুদ্ধৈর্বাণৈর্নিপাতিতান্।
ব্রাহ্মণানাং নিবেদ্যাগ্রমভুঞ্জতা মহারথাঃ ॥ 3-47-4 (17681)
তাংস্তু শূরান্মহেষ্বাসাংস্তদা নিবসতো বনে।
অন্বয়ুর্ব্রাহ্মণা রাজন্সাগ্নয়োঽনগ্নয়স্তথা ॥ 3-47-5 (17682)
ব্রাহ্মণানাং সহস্রাণি স্নাতকানাং মহাত্মনাম্।
দশ মোক্ষবিদাং তদ্বদ্যান্বিভর্তি যুধিষ্ঠিরঃ ॥ 3-47-6 (17683)
রুরূন্কৃষ্ণমৃগাংশ্চৈব মেধ্যাংশ্চান্যান্মনোরমান্।
বাণৈরুন্মথ্য বিবিধৈর্ব্রাহ্মণেভ্যো ন্যবেদয়ৎ ॥ 3-47-7 (17684)
ন তত্র কশ্চিদ্দুর্বর্ণো ব্যাধিতো বাঽপি দৃশ্যতে।
কৃশো বা দুর্বলো বাঽপি দীনো ভীতোপি বা পুনাঃ ॥ 3-47-8 (17685)
পুত্রানিব প্রিয়ান্ভ্রাতৄন্জ্ঞাতীনিব সহোদরান্।
পুরোষ কৌরবশ্রেষ্ঠো ধর্মেরাজো যুধিষ্ঠিরঃ। 3-47-9 (17686)
পতীশ্চ দ্রৌপদী সর্বাঞ্দ্বিজাতীশ্চ যশস্বিনী।
মাতেব ভোজয়িৎবাঽগ্রে শিষ্টমাহারয়ত্তদা ॥ 3-47-10 (17687)
প্রাচীং রাজা দক্ষিণাং ভীমসেনো
যমৌ প্রতীচীমথবাঽপ্যুদীচীম্।
ধনুর্ধরা মাংসহেতোর্মৃগাণাং
ক্ষয়ং চক্রুর্নিত্যমেবোপগম্য ॥ 3-47-11 (17688)
তথা তেষাং কবসতাং কাম্যকে বৈ
বিহীনানামর্জুনেনোৎসুকানাম্।
পঞ্চৈব বর্ষাণি তথা ব্যতীয়ু-
রথীয়তাং জপতাং জুহ্বতাং চ ॥ 3-47-12 (17689)
ইতি শ্রীমন্মহাভারতে অরণ্যপর্বণি ইন্দ্রলোকাভিগমনপর্বণি সপ্তচৎবারিংশোঽধ্যায়ঃ ॥ 47 ॥
Mahabharata - Vana Parva - Chapter Footnotes
3-47-3 কৃষ্টং কর্ষণজং গ্রাম্যধান্যম্ ॥ 3-47-4 শুদ্ধৈর্বিষালিপ্তৈঃ। আনেয়ং বনভবম্ ॥ 3-47-5 অনগ্নয়ঃ পরিব্রাজকাঃ ॥ 3-47-10 আহারয়ৎ আহারং কৃতবতী ॥অরণ্যপর্ব - অধ্যায় 048
॥ শ্রীঃ ॥
3.48. অধ্যায়ঃ 048
Mahabharata - Vana Parva - Chapter Topics
ধৃতরাষ্ট্রেণ সংজয়াগ্রে পাণ্ডবপরাক্রমস্মরণেন পুত্রান্প্রতি পরিশোচনম্ ॥ 1 ॥ সংজয়েন ধৃতরাষ্ট্রংপ্রতি স্বস্য চারমুস্বাৎ পাণ্ডবদিদৃক্ষয়া বনং গতানাং কৃষ্ণাদীনাং দুর্যোধনাদিবধপ্রতিজ্ঞাশ্রবণকথনম্ ॥ 2 ॥Mahabharata - Vana Parva - Chapter Text
3-48-0 (17690)
বৈশম্পায়ন উবাচ। 3-48-0x (1905)
তেষাং তচ্চরিতং শ্রুৎবা মনুষ্যাতীতমদ্ভুতম্।
চিন্তাশোকপরীতাত্মা মন্যুনাভিপরিপ্লুতঃ ॥ 3-48-1 (17691)
দীর্ঘমুষ্ণং চ নিঃশ্বস্য ধৃতরাষ্ট্রোঽম্বিকাসুতঃ।
অব্রবীৎসংজয়ং সূতমামন্ত্র্য ভরতর্ষভ ॥ 3-48-2 (17692)
ন রাত্রৌ ন দিবা সূত শান্তিং প্রাপ্নোমি বৈক্ষণম্।
সংচিন্ত্য দুর্ণয়ং ঘোরমতীতং দ্যূতজং হি তৎ ॥ 3-48-3 (17693)
তেষামসহ্যবীর্যাণাং শৌর্যং ধৈর্যং ধৃতিং পরাম্।
অন্যোন্যমনুরাগং চ ভ্রাতৄণামতিমানুষম্ ॥ 3-48-4 (17694)
দেবপুত্রৌ মহাভাগৌ দেবরাজসমদ্যুতী।
নকুলঃ সহদেবশ্চ পাণ্ডবৌ যুদ্ধদুর্মদৌ ॥ 3-48-5 (17695)
দৃঢায়ুধৌ দূরপাতৌ যুদ্ধে চ কৃতনিশ্চয়ৌ।
শীঘ্রহস্তৌ দৃঢক্রোধৌ নিত্যযুক্তৌ রথে স্থিতৌ ॥ 3-48-6 (17696)
ভীমার্জুনৌ পুরোধায় যদা তৌ রণমূর্ধনি।
স্থাস্যেতে সিংহবিক্রান্তাবশ্বিনাবিব দুঃসহৌ ॥ 3-48-7 (17697)
নিঃশেষমিহ পশ্যামি মম সৈন্যস্য সংজয় ॥ 3-48-8 (17698)
তৌ হ্যপ্রতিরথৌ যুদ্ধে দেবপুত্রৌ মহারথৌ।
দ্রৌপদ্যাস্তং পরিক্লেশং ন ক্ষংস্যেতেঽত্যমর্ষিণৌ ॥ 3-48-9 (17699)
বৃষ্ণয়োঽথ মহেষ্বাসাঃ পাঞ্চালা বা মহৌজসঃ।
যুধি সত্যাভিসন্ধেন বাসুদেবেন রক্ষিতাঃ।
প্রধক্ষ্যন্তি রণে পার্থাঃ পুত্রাণাং মম বাহিনীম্ ॥ 3-48-10 (17700)
রামকৃষ্ণপ্রণীতানাং বৃষ্ণীনাং সূতনন্দন।
ন শক্যঃ সহিতুং বেগঃ পর্বতৈরপি দুঃসহঃ ॥ 3-48-11 (17701)
তেষাং মধ্যে মহেষ্বাসো ভীমো ভীমপরাক্রমঃ।
শৈক্যযা বীরঘাতিন্যা গদয়া বিচরিষ্যতি ॥ 3-48-12 (17702)
তথা গাণ্ডীবনির্ঘোষং বিস্ফূর্জিতমিবাশনেঃ।
গদাবেগং চ ভীমস্য নালং সোঢুং নরাধিপাঃ ॥ 3-48-13 (17703)
ততোঽহং সুহৃদাং বাচো দুর্যোধনবশানুগঃ।
স্মরণীয়াঃ স্মরিষ্যামি ময়া যা ন কৃতাঃ পুরা ॥ 3-48-14 (17704)
সংজয় উবাচ। 3-48-15x (1906)
ব্যতিক্রমোঽয়ং সুমহাংস্ৎবয়া রাজন্নুপেক্ষিতঃ।
সমর্থেনাপি যন্মোহাৎপুত্রস্তে ন নিবারিতঃ ॥ 3-48-15 (17705)
শ্রুৎবাঽয়ং নির্জিতান্দ্যূতে পাণ্ডবান্মধুসূদনঃ।
ৎবরিতঃ কাময়্কে পার্থান্সমভাবয়দচ্যুতঃ ॥ 3-48-16 (17706)
দ্রুপদস্য তথা পুত্রা ধৃষ্টদ্যুম্নপুরোগমাঃ।
বিরাটো ধৃষ্টকেতুশ্চ কেকয়াশ্চ মহারথাঃ ॥ 3-48-17 (17707)
তৈশ্চ যৎকথিতং রাজন্দৃষ্ট্বা পার্থান্পরাজিতান্।
চারেণ বিদিতং সর্বং তন্ময়া বেদিতং চ তে ॥ 3-48-18 (17708)
সমাগম্য বৃতস্তত্র পাণ্ডবৈর্মধুসূদনঃ।
সারথ্যে ফল্গুনস্যাজৌ তথেত্যাহ চ তান্হরিঃ ॥ 3-48-19 (17709)
অমর্ষিতো হি কৃষ্ণোপি দৃষ্ট্বা পার্থাংস্তদা গতান্।
কৃষ্ণাজিনোত্তরাসঙ্গানব্রবীচ্চ যুধিষ্ঠিরম্ ॥ 3-48-20 (17710)
যা সা সমৃদ্ধিঃ পার্থানামিন্দ্রপ্রস্থে বভূব হ।
রাজসূয়ে ময়া দৃষ্টা নৃপৈরন্যৈঃ সুদুর্লভা ॥ 3-48-21 (17711)
যত্রসর্বান্মহীপালাঞ্শস্ত্রতেজোভয়ার্দিতান্।
সবঙ্গাঙ্গান্সপৌণ্ড্রৌঢ্রান্সচোলদ্রবিডান্ধ্রকান্ ॥ 3-48-22 (17712)
সাগরানূপকাংশ্চৈব যে চ পত্তনবাসিনঃ।
সিংহলান্বর্বরান্ম্লেচ্ছান্যে চ লঙ্কানিবাসিনঃ ॥ 3-48-23 (17713)
পশ্চিমানি চরাষ্ট্রাণি শতশঃ সাগরান্তিকান্।
পহ্লবান্দরদান্সর্বান্কিরাতান্যবনাঞ্শকান্ ॥ 3-48-24 (17714)
হারহূণাংশ্চ চীনাংশ্চ তুষারান্সৈন্ধবাংস্তথা।
জাগুডান্রামঠান্মুণ্ডান্স্ত্রীরাজ্যমথ তঙ্গণান্ ॥ 3-48-25 (17715)
কেকয়ান্মালবাংশ্চৈব তথা কাশ্মীরকানপি।
অদ্রাক্ষমহমাহূতান্যজ্ঞে তে পরিবেষকান্ ॥ 3-48-26 (17716)
সা তে সমৃদ্ধির্যৈরাত্তা চপলা প্রতিসারিণী।
আদায় জীবিতং তেষামাহরিষ্যামি তামহম্ ॥ 3-48-27 (17717)
রামেণ সহ কৌরব্য ভীমার্জুনবয়ৈস্তথা।
অক্রূরগদসাম্বৈশ্চ প্রদ্যুম্নেনাহুকেন চ ॥ 3-48-28 (17718)
ধৃষ্টদ্যুম্নেন বীরেণ শিশুপালাত্মজেন চ।
দুর্যোধনং রণে হৎবা সদ্যঃ কর্ণং চ ভারত।
দুঃশাসনং সৌবলেয়ং যশ্চান্যঃ প্রতিয়োৎস্যতি ॥ 3-48-29 (17719)
ততস্ৎবং হাস্তিনপুরে ভ্রাতৃভিঃ সহিতো বসন্।
ধার্তরাষ্ট্রীং শ্রিয়ং প্রাপ্য প্রশাধি পৃথিবীমিমাং ॥ 3-48-30 (17720)
অথৈনমব্রবীদ্রাজা তস্মিন্বীরসমাগমে।
শৃণ্বৎস্বেতেষু বীরেষু ধৃষ্টদ্যুম্নমুখেষু চ ॥ 3-48-31 (17721)
প্রতিগৃহ্ণামি তে বাচমিমাং সত্যাং জনার্দন।
অমিত্রান্মে মহাবাহো সানুবন্ধান্হনিষ্যসি ॥ 3-48-32 (17722)
বর্ষাত্রয়োদশাদূর্ধ্বং সত্যং মাং কুরু কেশব।
প্রতিজ্ঞাতো বনে বাসো রাজ্ঞাংমধ্যে ময়া হ্যযম্ ॥ 3-48-33 (17723)
ধর্মরাজস্য বচনং প্রতিশ্রুত্য সভাসদঃ।
ধৃষ্টদ্যুম্নপুরোগাস্তে সময়ামাসুর়ঞ্জসা ॥ 3-48-34 (17724)
কেশবং মধুরৈর্বাক্যৈঃ কালয়ুক্তৈরমর্ষিতম্।
পাঞ্চালীং প্রাহুরক্লিষ্টাং বাসুদেবস্য শৃণ্বতঃ ॥ 3-48-35 (17725)
দুর্যোধনস্তব ক্রোধাদ্দেবি ত্যক্ষ্যতি জীবিতম্।
প্রতিজানীম তে সত্যং মা শুচো বরবর্ণিনি ॥ 3-48-36 (17726)
যে স্ম তে কুরবঃ কৃষ্ণে দৃষ্ট্বা ৎবাং প্রাহসংস্তদা।
মাংসানি তেষাং খাদন্তো হরিষ্যন্তি বৃকদ্বিজাঃ ॥ 3-48-37 (17727)
পাস্যন্তি রুধিরং তেষাং গৃধ্রা গোমায়বস্তথা।
উত্তমাঙ্গানি কর্ষন্তো যৈঃ কৃষ্টাঽসি সভাতলে ॥ 3-48-38 (17728)
তেষাং দ্রক্ষ্যসি পাঞ্চালি গাত্রাণি পৃথিবীতলে।
ক্রব্যাদৈঃ কৃষ্যমাণানি ভক্ষ্যমাণানি চাসকৃৎ ॥ 3-48-39 (17729)
পরিক্লিষ্টাঽসিয়ৈস্তত্রয়ৈশ্চাসি সমুপেক্ষিতা।
তেষামুৎকৃত্তশিরসাং ভূমিঃ পাস্যতি শোণিতম্ ॥ 3-48-40 (17730)
এবং বহুবিধা বাচস্ত ঊচুঃ পুরুষর্ষভাঃ।
সর্বেতেজস্বিনঃ শূরাঃ সর্বেচাহতলক্ষণাঃ ॥ 3-48-41 (17731)
তে ধর্মরাজেন বৃতাবর্ষাদূর্ধ্বং ত্রয়োদশাৎ।
পুরস্কৃত্যোপয়াস্যন্তি বাসুদেবং মহারথাঃ ॥ 3-48-42 (17732)
রামশ্চ কৃষ্ণশ্চ ধনংজয়শ্চ
প্রদ্যুম্নসাম্বৌ যুয়ুধানভীমৌ।
মাদ্রীসুতৌ কেকয়রাজপুত্রাঃ
পাঞ্চালপুত্রাঃ সহ মৎস্যরাজ্ঞা ॥ 3-48-43 (17733)
এতান্সর্বাল্লোঁকবীরানজেয়া-
ন্মহাত্মনঃ সানুবন্ধান্সসৈন্যান্।
কো জীবিতার্থী সমরেঽভ্যুদীয়া-
ৎক্রুদ্ধান্সিংহান্কেসরিণো যথৈব ॥ 3-48-44 (17734)
ধৃতরাষ্ট্র উবাচ। 3-48-45x (1907)
যন্মাঽব্রবীদ্বিদুরো দ্যূতকালে
ৎবং পাণ্ডবাঞ্জেষয়্সি চেন্নরেন্দ্র।
ধ্রুবং কুরূণাময়মন্তকালো
মহাভয়ো ভবিতা শোণিতৌধঃ ॥ 3-48-45 (17735)
মন্যে যথা তদ্ভবিতেতি সূত
যথা ক্ষত্তা প্রাহ বচঃ পুরা মাম্।
অসংশয়ং ভবিতা যুদ্ধমেত-
দ্গতে কালে পাণ্ডবানাং যথোক্তম্ ॥ 3-48-46 (17736)
ইতি শ্রীমন্মহাভারতে অরণ্যপর্বণি ইন্দ্রলোকাভিগমনপর্বণি অষ্টচৎবারিংশোঽধ্যায়ঃ ॥ 48 ॥
Mahabharata - Vana Parva - Chapter Footnotes
3-48-9 ন ক্ষংস্যেতে ক্ষমাং ন করিষ্তঃ ॥ 3-48-11 সহিতুং সোঢুম্ ॥ 3-48-12 শৈক্যযা শিক্যস্থয়া ভূমিং ভিত্ৎবা পাতালং প্রবেক্ষ্যতীতি ভয়াদন্তরিক্ষে এব ধৃতয়েত্যর্থঃ ॥ 3-48-27 প্রতিসারিণী প্রতীপং সরতীতি নীচানুগামিনীত্যর্থঃ। আহারেষ্যামি ইদানীমেবেতি শেষঃ। অতএব প্রার্থনা সত্যং মাং কুর্বিতি ॥ 3-48-34 সময়ামাসুঃ সমং যুক্তমিত্যাচখ্যুঃ। সমশব্দাত্তদাচষ্ট ইতি ণিচ্ লিটি আম্ ॥ 3-48-43 যুয়ুধানঃ সাত্যকিঃ ॥ 3-48-44 কেসরিণঃ ক্রোধেনোচ্ছ্রিতসটান্ ॥অরণ্যপর্ব - অধ্যায় 049
॥ শ্রীঃ ॥
3.49. অধ্যায়ঃ 049
Mahabharata - Vana Parva - Chapter Topics
ভীময়ুধিষ্ঠিরসংবাদসময়ে বৃহদশ্বাগমনম্ ॥ 1 ॥ যুধিষ্ঠিরংপ্রতি বৃহদশ্বেন নলোপাখ্যানকথনারম্ভঃ ॥ 2 ॥Mahabharata - Vana Parva - Chapter Text
3-49-0 (17737)
জনমেজয় উবাচ। 3-49-0x (1908)
অস্ত্রহেতোর্গতে পার্থে শক্রলোকং মহাত্মনি।
যুধিষ্ঠিরপ্রভৃতয়ঃ কিমকুর্বত পাণ্ডবাঃ ॥ 3-49-1 (17738)
বৈশম্পায়ন উবাচ। 3-49-2x (1909)
অস্ত্রহেতোর্গতে পার্থে শক্রলোকং মহাত্মনি।
ন্যবসন্কৃষ্ণয়া সার্ধং কাম্যকে ভরতর্ষভাঃ ॥ 3-49-2 (17739)
ততঃ কদাচিদেকান্তে বিবিক্তে মৃদুশাদ্বলে।
দুঃখার্তা ভরতশ্রেষ্ঠা নিষেদুঃ সহ কৃষ্ণয়া ॥ 3-49-3 (17740)
ধনংজয়ং শোচমানাঃ সাশ্রুকণ্ঠাঃ সুদুঃখিতাঃ।
তদ্বিয়োগার্দিতান্সর্বাঞ্শোকঃ সমভিপুপ্লুবে ॥ 3-49-4 (17741)
ধনংজয়বিয়োগাচ্চ রাজ্যভ্রংশাচ্চ দুঃখিতাঃ।
অথ ভীমো মহাবাহুর্যুধিষ্ঠিরমভাষত ॥ 3-49-5 (17742)
নিদেশাত্তে মহারাজ গতোঽসৌ ভরতর্ষভঃ।
অর্জুনঃ পাণ্ডুপুত্রাণাং যস্মিন্প্রাণাঃ প্রতিষ্ঠিতাঃ ॥ 3-49-6 (17743)
যস্মিন্বিনষ্টে পাঞ্চালাঃ সহ পুত্রৈস্তথা বয়ম্।
সাত্যকির্বাসুদেবশ্চ বিনশ্যেয়ুর্ন সংশয়াঃ ॥ 3-49-7 (17744)
যোসৌ গচ্ছতি ধর্মাত্মা বহূন্ক্লেশান্বিচিন্তয়ন্।
ভবন্নিয়োগাদ্বীভৎসুস্ততো দুঃখতরং নু কিম্ ॥ 3-49-8 (17745)
যস্য বাহূ সমাশ্রিত্য বয়ং সর্বে মহাত্মনঃ।
মন্যামহে জিতানাজৌ পরান্প্রাপ্তাং চ মেদিনীম্ ॥ 3-49-9 (17746)
যস্য প্রভাবাদ্ধি বয়ং সভামধ্যে ধনুষ্মতঃ।
`জিতান্মন্যামহে সর্বান্ধার্তরাষ্ট্রাৎসসৌবলান্ ॥ 3-49-10 (17747)
যস্য প্রভাবান্ন ময়া সভামধ্যে মহাবলাঃ'।
নীতা লোকমমুং সর্বে ধার্তরাষ্ট্রাঃ সসৌবলাঃ ॥ 3-49-11 (17748)
তেবয়ং বাহুবলিনঃ ক্রোধমুত্থিতমাত্মনঃ।
সহামহে ভবন্মূলং বাসুদেবেন পালিতাঃ ॥ 3-49-12 (17749)
ময়া হি সহ কৃষ্ণেন হৎবা কর্ণমুখান্পরান্।
স্ববাহুবিজিতাং কৃৎস্নাং প্রশাধীনাং বসুংধরাম্ ॥ 3-49-13 (17750)
ভতো দ্যূতদোষেণ সর্বেবয়মুপপ্লুতাঃ।
অহীনপৌরুষা রাজন্বলিভির্বলবত্তরাঃ ॥ 3-49-14 (17751)
ক্ষাত্রং ধর্মং মহারাজ ৎবমবেক্ষিতুমর্হসি।
গ হিধর্মো মহারাজ ত্রিয়স্য বনাশ্রয়ঃ ॥ 3-49-15 (17752)
রাজ্যমেব পরংধর্মং ক্ষত্রিয়স্য বিদুর্বুধাঃ।
স ক্ষত্রধর্মবিদ্রাজন্মাধর্ম্যান্নীনশঃ পথঃ ॥ 3-49-16 (17753)
প্রাগ্দ্বাদশ সমা রাজন্ধার্তরাষ্ট্রান্নিহন্মহি।
নিবর্ত্য চ বনাৎপার্থমানায়্য চ জনার্দনম্ ॥ 3-49-17 (17754)
ব্যূঢানীকান্মহারাজ জবেনৈব মহাহবে।
ধার্তরাষ্ট্রানমুং লোকং গময়াম বিশাংপতে ॥ 3-49-18 (17755)
সর্বানহং হনিষ্যামি ধার্তরাষ্ট্রান্সসৌবলান্।
দুর্যোধনং চ কর্ণং চ যো বাঽন্যঃ প্রতিয়োৎস্যতে ॥ 3-49-19 (17756)
ময়া প্রশমিতে পশ্চাত্ৎবমেষ্যসি বনং পুনঃ।
এবং কৃতে ন তে দোষো ভবিষ্যতি বিশাংপতে ॥ 3-49-20 (17757)
যজ্ঞৈশ্চ বিবিধৈস্তাত কৃতংপাপমরিংদম।
অবধূয় মহারাজগচ্ছেম স্বর্গমুত্তমম্ ॥ 3-49-21 (17758)
এবমেতদ্ভবেদ্রাজন্যদি রাজা ন বালিশঃ।
অস্মাকং দীর্ঘসূত্রঃ স্যাদ্ভবান্ধর্মপরায়ণঃ ॥ 3-49-22 (17759)
নিকৃত্যা নিকৃতিপ্রত্রা হন্তব্যা ইতি নিশ্চয়ঃ।
ন হি নৈকৃতিকং হৎবা নিকৃত্যা পাপমুচ্যতে।
তথা ভারত ধর্মেষু ধর্মজ্ঞৈরিহ দৃশ্যতে ॥ 3-49-23 (17760)
অহোরাত্রং মহারাজ তুল্যং সংবৎসরেণ হ।
তথৈব বেদবচনং শ্রূয়তে নিত্যদা বিভো।
সংবৎসরো মহারাজ পূর্ণো ভবতি কৃচ্ছ্রতঃ ॥ 3-49-24 (17761)
যদি বেদাঃ প্রমাণং তে দিবসাদূর্ধ্বমচ্যুত।
তয়োদশাদিতঃ কালো জ্ঞায়তাং পরিনিষ্ঠিতঃ ॥ 3-49-25 (17762)
কালো দুর্যোধনং হন্তুং সানুবন্ধমরিংদম।
একাগ্রাং পৃথিবীং সর্বাং পুরা রাজন্করোতি সঃ ॥ 3-49-26 (17763)
দ্যূতপ্রিয়েণ রাজেন্দ্র তথা তদ্ভবতা কৃতম্।
প্রায়েণাজ্ঞাতচ্রয়ায়াং বয়ং সর্বেনিপাতিতাঃ ॥ 3-49-27 (17764)
ন তং দেশং প্রপশ্যামি যত্র সোঽস্মান্সুদুর্জনঃ।
ন বিজ্ঞাস্যতি দুষ্টাত্মা চারৈরিতি সুয়োধনঃ ॥ 3-49-28 (17765)
অধিগম্য চ সর্বান্নো বনবাসমিমং ততঃ।
প্রব্রাজয়িষ্যতিপুনর্নিকৃত্যাঽধমপূরুষঃ।
যদ্যস্মানভিগচ্ছেত পাপঃ স হি কথংচন ॥ 3-49-29 (17766)
অজ্ঞাতচর্যামুত্তীর্ণান্দৃষ্ট্বা চ পুনরাহ্বয়েৎ।
দ্যূতেন তে মহারাজ পুনর্যুদ্ধং প্রবর্ততে ॥ 3-49-30 (17767)
ভবাংশ্চ পুনরাহূতো দ্যূতেনৈবাপনেষ্যতি।
স তথাঽক্ষেষু কুশলো নিশ্চিতো গতচেতনঃ ॥ 3-49-31 (17768)
চরিষ্যসি মহারাজ বনেষু বসতীঃ পুনঃ ॥ 3-49-32 (17769)
যদ্যস্মান্সুমহারাজ কৃপণান্কর্তুমর্হসি।
যাবজ্জীবমবেক্ষস্ব বেদধর্মাংশ্চ কৃৎস্নশঃ।
নিকৃত্যা নিকৃতিপ্রজ্ঞো হন্তব্য ইতি নিশ্চয়ঃ ॥ 3-49-33 (17770)
অনুজ্ঞাতস্ৎবয়া গৎবায়াবচ্ছক্তি সুয়োধনম্।
যথৈব কক্ষমুৎসৃষ্টো দহেদনিলসারথিঃ।
হনিষ্যামি তথা মন্দমনুজানাতু মে ভবান্ ॥ 3-49-34 (17771)
বৈশম্পায়ন উবাচ। 3-49-35x (1910)
এবং ব্রুবাণং ভীমং তু ধর্মরাজো যুধিষ্ঠিরঃ।
উবাচ সান্ৎবয়ন্রাজা মূর্ন্ধ্যুপাঘ্রায় পাণ্ডবম্ ॥ 3-49-35 (17772)
অসশয়ং মহাবাহো হনিষ্যসি সুয়োধনম্।
বর্ষাত্রয়োদশাদূর্ধ্বং সহ গাণ্ডীবধন্বনা ॥ 3-49-36 (17773)
যত্ৎবমাভাষসে পার্থ প্রাপ্তঃ কাল ইতি প্রভো।
অনৃতং নৎসহে বক্তুং ন হ্যেতন্ময়ি বিদ্যতে ॥ 3-49-37 (17774)
অন্তরেণাপি কৌন্তেয় নিকৃতিংপাপনিশ্চয়ম্।
হন্তা ৎবমসি দুর্ধর্ষ সানুবন্ধং সুয়োধনম্ ॥ 3-49-38 (17775)
এবং ব্রুবতি ভীমং তু ধর্মরাজে যুধিষ্ঠিরে।
আজগাম মহাভাগো বৃহদশ্বো মহানৃষিঃ ॥ 3-49-39 (17776)
তমভিপ্রেক্ষ্যধর্মাত্মা সংপ্রাপ্তং ধর্মচারিণম্।
শাস্ত্রবন্মধুপর্কেণ পূজয়ামাস ধর্মরাট্ ॥ 3-49-40 (17777)
আশ্বস্তং চৈনমাসীনমুপাসনো যুধিষ্ঠিরঃ।
অভিপ্রেক্ষ্য মহাবাহুঃ কৃপণং বহ্বভাষত ॥ 3-49-41 (17778)
অক্ষদ্যূতে চ ভগবন্ধনং রাজ্যং চ মে হৃতম্।
আহূয় নিকৃতিপ্রজ্ঞৈঃ কিতবৈরক্ষকোবিদৈঃ ॥ 3-49-42 (17779)
অনক্ষজ্ঞস্য হি সতো নিকৃত্যা পাপনিশ্চয়ৈঃ।
ভার্যা চ মে সভাং নীতা প্রাণেভ্যোপি গরীয়সী ॥ 3-49-43 (17780)
পুনর্দ্যূতেন মাং জিৎবা বনবাসাং সুদারুণম্।
প্রাব্রাজয়ন্মংহারণ্যমজিনৈঃ পরিবারিতম্ ॥ 3-49-44 (17781)
অহং বনে দুর্বসতীর্বসন্পরমদুঃখিতঃ।
অক্ষদ্যূতাভিষঙ্গেণ গিরঃ শৃণ্বন্সুদারুণাঃ ॥ 3-49-45 (17782)
আর্তানাং সুহৃদাং বাচো দ্যূতপ্রভৃতি শংসতাম্।
অহং হৃদি শ্রিতাঃ স্মৃৎবা সর্বরাত্রীর্বিচিন্তয়ন্ ॥ 3-49-46 (17783)
যস্মিংশ্চ বয়মায়ত্তাঃ সদা গাণ্ডীবধন্বনি।
`স চেন্দ্রলোকং গতবানস্ত্রহেতোর্মহাবলঃ ॥' 3-49-47 (17784)
বিনা মহাত্মনা তেন গতসৎব ইবাস্মহে।
কদা দ্রক্ষ্যামি বীভৎসুং কৃতাস্ত্রং পুনরাগতম্ ॥ 3-49-48 (17785)
`ইতি সর্বে মহেষ্বাসং চিন্তয়ানা ধনংজয়ম্।
অনেন তু বিষণ্ণোঽহং কারণেন সহানুজঃ ॥ 3-49-49 (17786)
বনবাসান্নিবৃত্তং মাং পুনস্তে পাপবুদ্ধয়ঃ।
জানন্তঃ প্রীয়মাণা বৈ দেবনে ভ্রাতৃভিঃ সহ।
দ্যূতেনৈবাহ্বয়িষ্যন্তি বলাদক্ষেষু তদ্বিদঃ ॥ 3-49-50 (17787)
আহূতশ্চ পুনর্দ্যূতে নাস্মি শক্তো নিবর্তিতুম্।
পণে চ মম নাত্যর্থং বসু কিংচন বিদ্যতে ॥ 3-49-51 (17788)
এতৎসর্বমনুধ্যায়ংশ্চিন্তয়ানো দিবানিশম্।
ন মত্তো দুঃখিততরঃ পুমানস্তীহ কশ্চন' ॥ 3-49-52 (17789)
নাস্তি রাজা ময়া কশ্চিদল্পভাগ্যতরো ভুবি।
ভবতা দৃষ্টপূর্বো বা শ্রুতপূর্বোপি বা ক্বচিৎ।
ন মত্তো দুঃখিততরঃ পুমানস্তীতি মে মতিঃ ॥ 3-49-53 (17790)
`এবং ব্রুবন্তং দুঃখার্তমুবাচ ভগবানৃষিঃ।
শোকং ব্যপনুদন্রাজ্ঞো ধর্মরাজস্য ধীমতঃ ॥ 3-49-54 (17791)
বৃহদশ্ব উবাচ। 3-49-55x (1911)
ন বিষাদে মনঃ ৎবয়া বুদ্ধিমতাংবর।
আগমিষ্যতি বীভৎসুরমিত্রাংশ্চ বিজেষ্যতে' ॥ 3-49-55 (17792)
যদ্ব্রবীষি মহারাজ ন মত্তো বিদ্তে ক্বচিৎ।
অল্পভাগ্যতরঃ কশ্চিৎপুমানস্তীতি পাণ্ডব ॥ 3-49-56 (17793)
অত্র তে বর্ণয়িষ্যামি যদি শুশ্রূষসেঽনঘ।
যস্ৎবত্তো দুঃখিততরো রাজাঽঽসীৎপৃথিবীপতে ॥ 3-49-57 (17794)
বৈশম্পায়ন উবাচ। 3-49-58x (1912)
অথৈনমব্রবীদ্রাজা ব্রবীতু ভগবানিতি।
ইমামবস্থাং সংপ্রাপ্তং শ্রোতুমিচ্ছামি পার্থিবম্ ॥ 3-49-58 (17795)
বৃহদশ্ব উবাচ। 3-49-59x (1913)
শৃণু রাজন্নবহিতঃ সহ ভ্রাতৃভিরচ্যুত।
যস্ৎবত্তো দুঃখিততরো রাজাঽঽসীৎপৃথিবোপতে ॥ 3-49-59 (17796)
নিষধেষু মহীপালো বীরসেন ইতি শ্রুতঃ।
তস্য পুত্রোঽভবন্নাম্না নলো ধর্মার্তকোবিদঃ ॥ 3-49-60 (17797)
স নিকৃত্যাজতো রাজা পুষ্করেণেতি নঃ শ্রুতম্।
বনবাসং সুদুঃখার্তো ভার্যযা ন্যবসৎসহ ॥ 3-49-61 (17798)
ন তস্য দাসা ন রথো ন ভ্রাতা ন চ ভান্ধবাঃ।
বনে নিবসতো রাজন্নশ্রূয়ন্ত কদাচন ॥ 3-49-62 (17799)
ভবান্হি সংবৃতো বীরৈর্ভ্রাতৃভির্দেবসংমিতৈঃ।
ব্রহ্মকল্পৈর্দ্বিজাগ্র্যৈশ্চ তস্মান্নার্হসি শোচিতুম্ ॥ 3-49-63 (17800)
যুধিষ্ঠির উবাচ। 3-49-64x (1914)
বিস্তরেণাহমিচ্ছামি নলস্য সুমহাত্মনঃ।
চরিতং বদতাংশ্রেষ্ঠ তন্মমাখ্যাতুমর্হসি ॥ 3-49-64 (17801)
ইতি শ্রীমন্মহাভারতে অরণ্যপর্বণি নলোপাখ্যানপর্বণি একোনপঞ্চাশোঽধ্যায়ঃ ॥ 49 ॥
Mahabharata - Vana Parva - Chapter Footnotes
3-49-4 পুপ্লুবে প্লাবিতবান্ ॥ 3-49-6 নিদেশাৎ আজ্ঞাতঃ ॥ 3-49-11 অগং লকং পরলোকম্ ॥ 3-49-14 বলিভিঃ সামন্তদত্তৈর্ধর্নর্বলবত্তরা ॥ 3-49-22 বালিশঃ বালবদ্বৃথাহঠী। দীর্ঘসূত্রঃ চিরকারী ॥ 3-49-26 পুরা অগ্রে ॥ 3-49-30 দ্যূতেন দ্যূতার্থম্ ॥ 3-49-31 অপনেষ্যতি দূরীকরিষ্তি। থিয়মিতি শেষঃ ॥ 3-49-34 কক্ষং তৃণম্ ॥ 3-49-50 জয়ন্তঃ প্রীয়মাণা বৈ ইতি ক. পাঠঃ ॥ 3-49-61 পুষ্করেণ রাজ্ঞা ॥অরণ্যপর্ব - অধ্যায় 050
॥ শ্রীঃ ॥
3.50. অধ্যায়ঃ 050
Mahabharata - Vana Parva - Chapter Topics
দময়নত্যাং সমুৎকণ্ঠিতেন নলংন বনে বিহরৎসু হংসেষ্বেকতমস্য গ্রহণম্ ॥ 1 ॥ প্রতিক্রিয়াপ্রতিজ্ঞানেন আত্মানং মোচিতবতা হংসেন নলগুণানুবর্ণনেন দময়ন্ত্যা নলে রাগোৎপাদনম্ ॥ 2 ॥Mahabharata - Vana Parva - Chapter Text
3-50-0 (17802)
বৃহদশ্ব উবাচ। 3-50-0x (1915)
আসীদ্রাজা নলো নাম বীরসেনসুতো বলী।
উপপন্নো গুণৈরিষ্টৈ রূপবানশ্বকোবিদঃ ॥ 3-50-1 (17803)
`যজ্বা দানপতির্দক্ষঃ সদা শীলপুরস্কৃতঃ'।
অতিষ্ঠন্মনুজেন্দ্রাণাং মূর্ধ্নি দেবপতির্যথা।
উপর্যুপরি সর্বেষামাদিত্য ইব তেজসা ॥ 3-50-2 (17804)
ব্রহ্মণ্যো বেদবিচ্ছ্ররো নিষধেষু মহীপতিঃ।
অক্ষপ্রিয়ঃ সত্যবাদী মহানক্ষৌহিণীপতিঃ ॥ 3-50-3 (17805)
ঈপ্সিতো বরনারীণামুদারঃ সংয়তেন্দ্রিয়ঃ।
রক্ষিতাধন্বিনাং শ্রেষ্ঠঃ সাক্ষাদিব মনুঃ স্বয়ম্ ॥ 3-50-4 (17806)
তথৈবাসীদ্বিদর্ভেষু ভীমো ভীমপরাক্রমঃ।
শূরঃ সর্বগুণৈর্যুক্তঃ প্রজাকামঃ স চাপ্রজাঃ ॥ 3-50-5 (17807)
স প্রজার্থে পরং যত্নমকরোৎসুসমাহিতঃ।
তমভ্যগচ্ছদ্ব্রহ্মর্ষির্দমনো নাম ভারত ॥ 3-50-6 (17808)
তং স ভীমঃ প্রজাকামস্তোষয়ামাস ধর্মবিৎ।
মহিষ্যা সহ রাজেনদ্র সৎকারেণ সুবর্চসম্ ॥ 3-50-7 (17809)
তস্মৈ প্রসন্নো দমনঃ সভার্যায় বরং দদৌ।
কন্যারত্নং কুমারাংশ্চ ত্রীনুদারান্মহায়শাঃ ॥ 3-50-8 (17810)
দময়ন্তীং দমং দান্তং দমনং চ সুবর্চসম্।
উপপন্নান্গুণৈঃ সর্বৈর্ভীমান্ভীমপরাক্রমান্ ॥ 3-50-9 (17811)
দময়ন্তী তু রূপেণ তেজসা বপুষা শ্রিয়া।
সৌভাগ্যেন চ লোকেষু যশঃ প্রাপ সুমধ্যমা ॥ 3-50-10 (17812)
অথ তাং বসি প্রাপ্তে দাসীনাং সমলংকৃতম্।
শতং সখীনাং চ তদা পর্যুপাস্তে শচীমিব ॥ 3-50-11 (17813)
তত্র স্ম রাজতে ভৈমী সর্বাভরণভূষিতা।
সখীমধ্যেঽনবদ্যাঙ্গী বিদ্যুৎসৌদামনী যথা ॥ 3-50-12 (17814)
অতীব রূপসংপন্না শ্রীরিবায়তলোচনা।
ন দেবেষু ন যক্ষেষু তাদৃগ্রূপবতী ক্বচিৎ ॥ 3-50-13 (17815)
মানুষেষ্বপি চান্যেষু দৃষ্টপূর্বাঽথবা শ্রুতা।
চিত্তপ্রমাথিনী বালা দেবানামপি সুন্দরী ॥ 3-50-14 (17816)
নলশ্চ নরশার্দূলো রূপেণাপ্রতিমো ভুবি।
কংদর্প ইব রূপেণ মূর্তিমানভবৎস্বয়ম্ ॥ 3-50-15 (17817)
তস্যাঃ সমীপে তু নলং প্রশশংসুঃ কুতূহলাৎ।
নৈষধস্য সমীপে তু দময়ন্তীং পুনঃ পুনঃ ॥ 3-50-16 (17818)
তয়োরদৃষ্টঃ কামোঽভূচ্ছৃণ্বতোঃ সততং গুণান্।
অন্যোন্যং প্রতিকৌন্তেয় স ব্বর্ধত হৃচ্ছয়ঃ ॥ 3-50-17 (17819)
অশক্নবন্নলঃ কামং তদা ধারয়িতুং হৃদা।
অন্তঃপুরসমীপস্থে বন আস্তে রহোগতঃ ॥ 3-50-18 (17820)
স দদর্শৈ ততো হংসাঞ্জাতরূপপরিচ্দান্।
বনে বিচরতাং তেষামেকং জগ্রাহ পক্ষিণম্ ॥ 3-50-19 (17821)
ততো।ডন্তরিক্ষগো বাচং ব্যাজহার নলং তদা।
হন্তব্যোস্মি ন তেরাজন্করিষ্যামি তবপ্রিয়ম্ ॥ 3-50-20 (17822)
দময়ন্তীসকাশে ৎবাং কথয়িষ্যামি নৈষধ।
যথা ৎবদন্যং পুরুষং ন সা মংস্যতি কর্হিচিৎ ॥ 3-50-21 (17823)
`তব চৈব যথা ভার্যা ভবিষ্যতি তথাঽনঘ।
বিধাস্যামি নরব্যাঘ্র সোঽনুজানাতু মাং ভবান্ ॥' 3-50-22 (17824)
এবমুক্তস্ততো হংসমুৎসসর্জ মহীপতিঃ।
তে তু হংসাঃ সমুৎপত্য বিদর্ভানগমংস্ততঃ ॥ 3-50-23 (17825)
বিদর্ভনগরীং গৎবা দময়ন্ত্যাস্তদান্তিকে।
নিপেতুস্তে গরুত্মন্তঃ সা দদর্শাথ তান্খগান্ ॥ 3-50-24 (17826)
সা তানদ্ভুতরূপান্বৈ দৃষ্ট্বা সখিগণাবৃতা।
হৃষ্টা গ্রহীতুং খগমাংস্ৎবরমাণোপচক্রমে ॥ 3-50-25 (17827)
অথ হংসা বিসসৃপুঃ সর্বতঃ প্রমদাবনে।
একৈকশস্তদা কন্যাস্তান্হংসান্সমুপাদ্রবন্ ॥ 3-50-26 (17828)
দময়ন্তী তু যং হংসং সমুপাধাবদন্তিকে।
স মানুষীং গিরং কৃৎবা দময়ন্তীমথাব্রবীৎ ॥ 3-50-27 (17829)
দময়ন্তি নলো নাম নিষধেষু মহীপতিঃ।
অশ্বিনোঃ সদৃশো রূপে ন সমাস্তস্য মানুষাঃ ॥ 3-50-28 (17830)
[কন্দর্প ইব রূপেণ মূর্তিমানভবৎস্বয়ম্।]
তস্য বৈ যদিভার্যা ৎবং ভবেথা বরবর্ণিনি।
সফলংতে ভবেজ্জন্ম রূপং চেদং সুমধ্যমে ॥ 3-50-29 (17831)
বয়ং হি দেবগন্ধর্বমনুষ্যোরগরাক্ষসান্।
দৃষ্টবন্তো ন চাস্মাভির্দৃষ্টপূর্বস্তথাবিধঃ ॥ 3-50-30 (17832)
ৎবং চাপি রত্নং নারীণাং নরেষু চ নলো বরঃ।
বিশিষ্টায়া বিশিষ্টেন সংগমো গুণবান্ভবেৎ ॥ 3-50-31 (17833)
এবমুক্তা তু হংসেন দময়ন্তী বিশাংপতে।
অব্রবীত্তত্র তং হংসং ৎবমপ্যেবং নলং বদ ॥ 3-50-32 (17834)
তথেত্যুক্ৎবাঽণ্ডজঃ কন্যাং বিদর্ভস্য বিশাংপতে।
পুনরাগম্য নিষধান্নলে সর্বং ন্যবেদয়ৎ ॥ 3-50-33 (17835)
ইতি শ্রীমন্মহাভারতে অরণ্যপর্বণি নলোপাখ্যানপর্বণি পঞ্চাশোঽধ্যায়ঃ ॥ 50 ॥
Mahabharata - Vana Parva - Chapter Footnotes
3-50-1 উপপন্নো যুক্তঃ ॥ 3-50-12 সৌদামনী প্রাবৃষেণ্যমেঘসংবন্ধিনী ॥ 3-50-15 মূর্তিমান্ শরীরী ॥ 3-50-16 প্রশশংসুঃ বার্তাহরা ইতি শেষঃ ॥ 3-50-17 হৃচ্ছয়ঃ কামঃ ॥ 3-50-19 জাতরূপপরিচ্ছদান্ সুবর্ণপক্ষান্ ॥ 3-50-20 অন্তরিক্ষগঃ খগঃ ॥ 3-50-24 গরুত্মন্তঃ পক্ষিণঃ ॥অরণ্যপর্ব - অধ্যায় 051
॥ শ্রীঃ ॥
3.51. অধ্যায়ঃ 051
Mahabharata - Vana Parva - Chapter Topics
নারদেনন্দ্রাদীন্প্রতি দময়ন্তীগুণানুবর্ণনপূর্বকং তস্স্বয়ংবরপ্রবৃত্তিকথনম্ ॥ 1 ॥ তৎস্বয়ংবরার্থমাগচ্ছদ্ভিরিন্দ্রাদিভিঃ পথি দৃষ্টস্য নলস্য দময়ন্তীঘটনায়াং দূত্যেন বরণম্ ॥ 2 ॥Mahabharata - Vana Parva - Chapter Text
3-51-0 (17836)
বৃহদশ্ব উবাচ। 3-51-0x (1916)
দময়ন্তী তু তচ্ছ্রুৎবা বচো হংসস্য ভারত।
তদা প্রভৃতি ন স্বস্থা নলং প্রতি বভূব সা ॥ 3-51-1 (17837)
ততশ্চিন্তাপরা দীনা বিবর্ণবদনা কৃশা।
বভূবদময়ন্তী তু নিঃশ্বাসপরমা তদা ॥ 3-51-2 (17838)
ঊর্ধ্বদৃষ্টির্ধ্যানপরা বভূবোন্মত্তদর্শনা।
পাণ্ডুবর্ণা ক্ষণেনাথ হৃচ্ছয়াবিষ্টচেতনা ॥ 3-51-3 (17839)
ন শয়্যাসনভোগেষু রতিং বিন্দতি কর্হিচিৎ।
ন নক্তং ন দিবা শেতে হাহেতি রুদতী মুহুঃ ॥ 3-51-4 (17840)
তামস্বস্থাং তদাকারাং সখ্যস্তা জজ্ঞিরিঙ্গিতৈঃ ॥ 3-51-5 (17841)
ততো বিদর্ভপতয়ে দময়ন্ত্যাঃ সখীজনঃ।
ন্যবেদয়ত্তামস্বস্থাং দময়ন্তীং নরেশ্বরঃ ॥ 3-51-6 (17842)
তচ্ছ্রুৎবা নৃপতির্ভীমো দময়ন্তীসখীগণাৎ।
কিমর্থং দুহিতা মেঽদ্যনাতিস্বস্থেব লক্ষ্যতে ॥ 3-51-7 (17843)
স সমীক্ষ্য মহীপালঃ স্বাং সুতাং প্রাপ্তয়ৌবনাম্।
অপশ্যদাত্মনা কার্যং দময়ন্ত্যাঃ স্বয়ংবরম্ ॥ 3-51-8 (17844)
স সন্নিপাতয়ামাস মহীপালান্বিশাংপতিঃ।
এষোঽনুভূয়তাং চীরাঃ স্বয়ংবর ইতি প্রভো ॥ 3-51-9 (17845)
শ্রুৎবা তু পার্থিবাঃ সর্বে দময়ন্ত্যাঃ স্বয়ংবরম্।
অভিজগ্মুস্ততো বীরা রাজানো ভীমশাসনাৎ ॥ 3-51-10 (17846)
হস্ত্যশ্বরথঘোষেণ নাদয়ন্তো বসুংধরাম্।
বিচিত্রমাল্যাভরণৈর্বলৈর্দৃশ্যৈঃ স্বলংকৃতৈঃ ॥ 3-51-11 (17847)
তেষাং ভীমো মহাবাহুঃ পার্থিবানাং মহাত্মনাম্।
যথার্হমকরোৎপূজাং তেঽবসংস্তত্র পূজিতাঃ ॥ 3-51-12 (17848)
এতস্মিন্নেব কালে তু সুরাণামৃষিসত্তমৌ।
অটমানৌ মহাত্মানাবিন্দ্রলোকমিতো গতৌ ॥ 3-51-13 (17849)
নারদঃ পর্বতশ্চৈব মহাপ্রাজ্ঞৌ মহাব্রতৌ।
দেবরাজস্ ভবনং বিবিশাতে সুপূজিতৌ ॥ 3-51-14 (17850)
তাবর্চয়িৎবা মঘবা ততঃ কুশলমব্যযম্।
পপ্রচ্ছানাময়ং চাপি তয়োঃ সর্বগতং বিভুঃ ॥ 3-51-15 (17851)
নারদ উবাচ। 3-51-16x (1917)
আবয়োঃ কশলং দেব সর্বত্রগতমীশ্বর।
লোকে চ মঘবন্কৃৎস্নে নৃপাঃ কুশলিনো বিভো ॥ 3-51-16 (17852)
বৃহদশ্ব উবাচ। 3-51-17x (1918)
নারদস্য বচঃ শ্রুৎবা পপ্রচ্ছ বলবৃত্রহা।
ধর্মজ্ঞাঃ পৃথিবীপালাস্ত্যক্তজীবিতয়োধিনঃ ॥ 3-51-17 (17853)
শস্ত্রেণ নিধনং কালে যে গচ্ছন্ত্যপরাড্যুখাঃ।
অয়ং লোকোঽক্ষয়স্তেষাং যথৈব মম কামধুক্ ॥ 3-51-18 (17854)
ক্বনু তে ক্ষত্রিয়াঃ শূরা নহি পশ্যামি তানহম্।
আগচ্ছতো মহীপালান্দয়িতামনিথীন্মম ॥ 3-51-19 (17855)
এবমুক্তস্তু শক্রেণ নারদঃ প্রত্যভাষত।
শৃণু মে মঘবন্যেন ন দৃশ্যন্তে মহীক্ষিতঃ ॥ 3-51-20 (17856)
বিদর্ভরাজ্ঞো দুহিতা দময়ন্তীতি বিশ্রুতা।
রূপেণ সমতিক্রান্তা পৃথিব্যাং সর্বয়োষিতঃ ॥ 3-51-21 (17857)
তস্যাঃ স্বয়ংবরঃ শক্র ভবিতা নচিরাদিব।
তত্র গচ্ছন্তি রাজানো রাজপুত্রাশ্চ সর্বশঃ ॥ 3-51-22 (17858)
তাং রত্নভূতাং লোকস্য প্রার্থয়ন্তো মহীক্ষিতঃ।
কাঙ্ক্ষন্তি স্ম বিশেষেণ বলবৃত্রনিষূদন ॥ 3-51-23 (17859)
এতস্মিন্কথ্যমানে তু লোকপালাশ্চ সাগ্নিকাঃ।
আজগ্মুর্দেবরাজস্য সমীপমমরোত্তমাঃ ॥ 3-51-24 (17860)
ততস্তে শুশ্রুবুঃ সর্বে নারদস্য বচো মহৎ।
শ্রুৎবৈব চাব্রুবন্হৃষ্টা গচ্ছামো বয়মপ্যুত ॥ 3-51-25 (17861)
ততঃ সর্বে মহারাজ সগণাঃ সহবাহনাঃ।
বিদর্ভানভিজগ্মুস্তে যতঃ সর্বে মহীক্ষিতঃ ॥ 3-51-26 (17862)
নলোপি রাজা কৌন্তেয় শ্রুৎবা রাজ্ঞাং সমাগমম্।
অভ্যগচ্ছদদীনাত্মা দময়ন্তীমনুব্রতঃ ॥ 3-51-27 (17863)
অথ দেবাঃ পথি নলং দদৃশুর্ভূতলে স্তিতম্।
সাক্ষাদিব স্থিতং মূর্ত্যা মন্মথং রূপসংপদা ॥ 3-51-28 (17864)
তং দৃষ্ট্বা লোকপালাস্তে ভ্রাজমানং যথা রবিম্।
তস্থুর্বিগতসংকল্পা বিস্মিতা রূপসংপদা ॥ 3-51-29 (17865)
ততোঽন্তরিক্ষে বিষ্টভ্য বিমানানি দিবৌকসঃ।
অব্রুবন্নৈষধং রাজন্নবতীর্য নভস্তলাৎ ॥ 3-51-30 (17866)
ভোভো নিষধরাজেন্দ্র নল সত্যব্রতো ভবাৎ।
অস্মাকং কুরু সাহায়্যং দূতো ভব নরোত্তম ॥ 3-51-31 (17867)
ইতি শ্রীমন্মহাভারতে অরণ্যপর্বণি নলোপাখ্যানপর্বণি একপঞ্চাশোঽধ্যায়ঃ ॥ 51 ॥
Mahabharata - Vana Parva - Chapter Footnotes
3-51-5 জজ্ঞুঃ জ্ঞাতবত্যঃ। রইঙ্গিতৈঃ অভিপ্রায়সৃচকৈশ্চেষ্টিতৈঃ ॥ 3-51-9 অনুভূয়তাং প্রেক্ষ্যতাং ভবদ্ভিঃ ॥ 3-51-20 মহীক্ষিতঃ পৃষ্বীশ্বরা ॥ 3-51-29 বিগতো বিনষ্টঃ দময়ন্তীং প্রাপ্স্যাম ইতিসংকল্পো যেষাম্ ॥অরণ্যপর্ব - অধ্যায় 052
॥ শ্রীঃ ॥
3.52. অধ্যায়ঃ 052
Mahabharata - Vana Parva - Chapter Topics
নলেন দময়ন্ত্যভিন্দ্রাদিনিদেশনিবেদনম্ ॥ 1 ॥Mahabharata - Vana Parva - Chapter Text
3-52-0 (17868)
বৃহদশ্ব উবাচ। 3-52-0x (1919)
তেভ্যঃ প্রতিজ্ঞায় নলঃ করিষ্য ইতি ভারত।
অথৈতান্পরিপপ্রচ্ছ কৃতাঞ্জলিরুপস্থিতঃ ॥ 3-52-1 (17869)
কে বৈ ভবন্তঃ কশ্চাসৌ যস্যাহং দূত ঈপ্সিতঃ।
কিংচ তত্রময়া কার্যং কথয়ধ্বং যথাতথম্ ॥ 3-52-2 (17870)
এবমুক্তে নৈষধেন মঘবানভ্যভাষত।
অমরান্বৈ নিবোধাস্মান্দময়ন্ত্যর্থমাগতান্ ॥ 3-52-3 (17871)
অহমিন্দ্রোঽয়মগ্নিশ্চ তথৈবায়মপাংপতিঃ।
শরীরান্তকরো নৄণাং যমোঽয়মপি পার্থিব ॥ 3-52-4 (17872)
ৎবং বৈ সমাগতানস্মান্দময়ন্ত্যৈ নিবেদয়।
লোকপালা মহেন্দ্রাদ্যাঃ সমায়ান্তি দিদৃক্ষবঃ ॥ 3-52-5 (17873)
প্রাপ্তুমিচ্ছন্তি দেবাস্ৎবাং শক্রোঽগ্নির্বরুণো যমঃ।
তেষামন্যতমং দেবং পতিৎবে বরয়স্ব হ ॥ 3-52-6 (17874)
এবমুক্তঃ স শক্রেণ নলঃ প্রাঞ্জলিরব্রবীৎ।
একার্থসমবেতং মাং ন প্রেষয়িতুমর্হথ ॥ 3-52-7 (17875)
কথ হি জাতসংকল্পঃ স্ত্রিয়মুৎসৃজতে পুমান্।
পরার্থমীদৃশং বক্তং তদ্বৈ পশ্যামরেশ্বর ॥ 3-52-8 (17876)
`এবমুক্তো নৈষধেন মঘবান্পুনরব্রবীৎ।'
করিষ্য ইতিসংশ্রুত্য পূর্বমস্মাসু নৈষধ।
ন করিষ্যসি কস্মাত্ৎবং ব্রজ নৈষধ মাচিরম্ ॥ 3-52-9 (17877)
`স বৈ ৎবমাগতানস্মান্দময়ন্ত্যৈ নিবেদয়।
শ্রেয়সা যোক্ষ্যসে হি ৎবং কুর্বন্নমরশাসনম্ ॥' 3-52-10 (17878)
বৃহদশ্ব উবাচ। 3-52-11x (1920)
এবমুক্তঃ স দেবৈস্তৈর্নৈষধঃ পুনরব্রবীৎ।
সুরক্ষিতানি বেশ্মানি প্রবেষ্টুং কথমুৎসহে ॥ 3-52-11 (17879)
প্রবেক্ষ্যসীতি তং শক্রঃ পুনরেবাভ্যভাষত।
জগাম স তথেত্যুক্ৎবা দময়ন্ত্যা নিবেশনম্ ॥ 3-52-12 (17880)
দদর্শ তত্র বৈদর্ভীং সখীগণসমাবৃতাম্।
দেদীপ্যমানাং বপুষা শ্রিয়া চ বরবর্ণিনীম্ ॥ 3-52-13 (17881)
অতীব সুকুমারাঙ্গীং তনুমধ্যাং সুলোচনাম্।
আক্ষিপন্তীমিব চ তাং শশিনং স্বেন তেজসা ॥ 3-52-14 (17882)
তস্য দৃষ্ট্বৈব ববৃধে কামস্তাং চারুহাসিনীম্।
সত্যং চিকীর্ষমাণস্তুধারয়ামাস হৃচ্ছয়ম্ ॥ 3-52-15 (17883)
ততস্তা নৈষধং দৃষ্ট্বা সংভ্রান্তাঃ পরমাঙ্গনাঃ।
আসনেভ্যঃ সমুৎপেতুস্তেজসা তস্য ধর্ষিতাঃ ॥ 3-52-16 (17884)
প্রশশংসুশ্চ মুপ্রীতা নলং তা বিস্ময়ান্বিতাঃ।
ন চৈনমভ্যভাষন্ত মনোভিস্ৎবভ্যপূজয়ন্ ॥ 3-52-17 (17885)
অহো রূপমহো কান্তিরহো ধৈর্যং মহাত্মনঃ।
কোঽয়ং দেবোঽথবা যক্ষো গন্ধর্বো বা ভবিষ্যতি ॥ 3-52-18 (17886)
ন তাস্তং শক্নুবন্তি স্ম ব্যাহর্তুমপি কিংচন।
তেজসা ধর্ষিতাস্তস্য লজ্জাবত্যো বরাঙ্গনাঃ ॥ 3-52-19 (17887)
অথৈনং স্ময়মানেব স্মিতপূর্বাভিভাষিণী।
দময়ন্তী নলং বীরমভ্যভাষত বিস্মিতা ॥ 3-52-20 (17888)
কস্ৎবং সর্বানবদ্যাঙ্গ মম হৃচ্ছয়বর্ধন।
প্রাপ্তোস্যমরবদ্বীর জ্ঞাতুমিচ্ছামি তেঽনঘ ॥ 3-52-21 (17889)
কথমাগমনং চেহ কথং চাসি ন লক্ষিতঃ।
সুরক্ষিতং হি মে বেশ্ম রাজা চৈবোগ্রশাসনঃ ॥ 3-52-22 (17890)
এবমুক্তস্তু বৈদর্ভ্যা নলস্তাং প্রত্যুবাচ হ।
নলং মাং বিদ্ধি কল্যাণি দেবদূতমিহাগতম্ ॥ 3-52-23 (17891)
দেবাস্ৎবাং প্রাপ্তুমিচ্ছন্তি শক্রোঽগ্নির্বরুণো যমঃ।
তেষামন্যতমং দেবং পতিং বরয় শোভনে ॥ 3-52-24 (17892)
তেষামেব প্রভাবেণ প্রবিষ্টোঽহমলক্ষিতঃ।
প্রবিশন্তং ন মাং কশ্চিদপশ্যন্নাপ্যবারয়ৎ ॥ 3-52-25 (17893)
এতদর্থমহং ভদ্রে প্রেষিতঃ সুরসত্তমৈঃ।
এতচ্ছ্রুৎবা শুভে বুদ্ধিং প্রকুরুষ্ব যথেচ্ছসি ॥ 3-52-26 (17894)
ইতি শ্রীমন্মহাভারতে অরণ্যপর্বণি নলোপাখ্যানপর্বণি দ্বিপঞ্চাশোঽধ্যায়ঃ ॥ 52 ॥
Mahabharata - Vana Parva - Chapter Footnotes
3-52-16 ধর্ষিতা অভিভূতাঃ ॥অরণ্যপর্ব - অধ্যায় 053
॥ শ্রীঃ ॥
3.53. অধ্যায়ঃ 053
Mahabharata - Vana Parva - Chapter Topics
নলদময়ন্তীসংবাদ ॥ 1 ॥ নলেনেন্দ্রাদীন্প্রতি দময়ন্তীবচননিবেদনম্ ॥ 2 ॥Mahabharata - Vana Parva - Chapter Text
3-53-0 (17895)
বৃহদশ্ব উবাচ। 3-53-0x (1921)
সা নমস্কৃত্য দেবেভ্যঃ প্রহস্য নলমব্রবীৎ।
প্রণয়স্ব যথাশ্রদ্ধং রাজন্কিং করবাণি তে ॥ 3-53-1 (17896)
অহং চৈব হি যচ্চান্যন্মমাস্তি বসু কিংচনা।
তৎসর্বং তব বিস্রব্ধং কুরু প্রণয়মীশ্বর ॥ 3-53-2 (17897)
হংসানাং বচনং যত্তু তন্মাং দহতি পার্থিব।
ৎবৎকৃতে হি ময়া বীর রাজানঃ সন্নিপাতিতাঃ ॥ 3-53-3 (17898)
যদি ৎবং ভজমানাং মাং প্রত্যাখ্যাস্যসি মানদ।
বিষমগ্নিং জলং রজ্জুমাস্থাস্যে তব কারণাৎ ॥ 3-53-4 (17899)
এবমুক্তস্তু বৈদর্ভ্যা নলস্তাং প্রত্যুবাচ হ।
তিষ্ঠৎসু লোকপালেষু কথং মানুষমিচ্ছসি ॥ 3-53-5 (17900)
যেষামহং লোককৃতামীশ্বরাণাং মহাত্মনাম্।
ন পাদরজসা তুল্যো মনস্তে তেষু বর্ততাম্ ॥ 3-53-6 (17901)
বিপ্রিয়ং হ্যাচরন্মর্ত্যো দেবানাং মৃত্যুচ্ছতি।
ত্রাহি মামনবদ্যাঙ্গি বরয়স্ব সুরোত্তমান্ ॥ 3-53-7 (17902)
বিরজাংসি চ বাসাংসি দিব্যাশ্চিত্রাঃ স্রজস্তথা।
ভূষণানি তু দিব্যানি দেবান্প্রাপ্য তু ভুঙ্ক্ষ্ব বৈ ॥ 3-53-8 (17903)
য ইমাং পৃথিবীং কৃৎস্নাং সংক্ষিপ্য গ্রসতে পুনঃ।
হুতাশমীশং দেবানাং কা তং ন বরয়েৎপতিম্ ॥ 3-53-9 (17904)
যস্ দণ্ডভয়াৎসর্বে ভূতগ্রামাঃ সমাগতাঃ।
ধর্মমেবানুরুধ্যন্তি কা তং ন বরয়েৎপতিম্ ॥ 3-53-10 (17905)
ধর্মাত্মানং মহাত্মানং দৈত্যদানবমর্দনম্।
মহেন্দ্রং সর্বদেবানাং কা তং ন বরয়েৎপতিম্ ॥ 3-53-11 (17906)
ক্রিয়তামবিশঙ্কেন মনসা যদি মন্যসে।
বরুণং লোকপালানাং সুহৃদ্বাক্যমিদং শৃণু ॥ 3-53-12 (17907)
নৈষধেনৈবমুক্তা সা দময়ন্তী বচোঽব্রবীৎ।
সমাপ্লুতাভ্যাং নেত্রাভ্যাং শোকজেনাথ বারিণা ॥ 3-53-13 (17908)
দেবেভ্যোঽহং নমস্কৃৎ যসর্বেভ্যঃ পৃথিবীপতে।
বৃণে ৎবামেব ভর্তারং সত্যমেতদ্ব্রবীমি তে ॥ 3-53-14 (17909)
তামুবাচ ততো রাজা বেষমানাং কৃতাঞ্জলিম্।
দৌত্যেনাগত্য কল্যাণি নোৎসহে স্বার্থমীপ্সিতং ॥ 3-53-15 (17910)
কথং হ্যহং প্রতিশ্রুত্য দেবতানাং বিশেষতঃ।
পরার্থে যত্নমারভ্য কথং স্বার্থমিহোৎসহে ॥ 3-53-16 (17911)
এষ ধর্মো যদি স্বার্থো মমাপি ভবিতা ততঃ।
এবং স্বার্থং করিষ্যামি তথা ভদ্রে বিধীয়তাম্ ॥ 3-53-17 (17912)
ততো বাষ্পাকুলাংবাচং দময়ন্তী শুচিস্মিতা।
প্রত্যাহরন্তী শনকৈর্নলং রাজানমব্রবীৎ ॥ 3-53-18 (17913)
অস্ত্যুপায়ো ময়া দৃষ্টো নিরপায়ো নরেশ্বর।
যেন দোষো ন ভবিতা তব রাজন্কথংচন ॥ 3-53-19 (17914)
ৎবং চৈব হি নরশ্রেষ্ঠ দেবাশ্চেন্দ্রপুরোগমাঃ।
আয়ান্তু সহিতাঃ সর্বে মম যত্র স্বয়ংবরঃ ॥ 3-53-20 (17915)
ততোঽহং লোকপালানাং সন্নিধৌ ৎবাং নরেশ্বর।
বরয়িষ্যে নরব্যাঘ্র নৈবং দোষো ভবিষ্যতি ॥ 3-53-21 (17916)
এবমুক্তস্তু বৈদর্ভ্যা নলো রাজা বিশংপতে।
আজগাম পুনস্তত্র যত্র দেবাঃ সমাগতাঃ ॥ 3-53-22 (17917)
তমপশ্যংস্তথাঽঽয়ান্তং লোকপালা মহেশ্বরাঃ।
দৃষ্ট্বা চৈনং ততোঽপৃচ্ছন্বৃত্তান্তং সর্বমেব তম্ ॥ 3-53-23 (17918)
কচ্চিদ্দৃষ্টা ৎবয়া রাজন্দময়ন্তী শুচিস্মিতা।
কিমব্রবীচ্চ নঃ সর্বান্বদ ভূমিপতেঽনঘ ॥ 3-53-24 (17919)
নল উবাচ। 3-53-25x (1922)
ভবদ্ভিরহমাদিষ্টো দময়ন্ত্যা নিবেশনম্।
প্রবিষ্টঃ সুমহাকক্ষ্যং দণ্ডিভিঃ স্থবিরৈর্বৃতম্ ॥ 3-53-25 (17920)
প্রবিশন্তং চ মাং তত্র ন কশ্চিদ্দৃষ্টবান্নরঃ।
ঋতে তাং পার্তিবসুতাং ভবতামেব তেজসা ॥ 3-53-26 (17921)
সখ্যশ্চাস্যা ময়া দৃষ্টাস্তাভিশ্চাপ্যুপলক্ষিতঃ।
বিস্মিতাশ্চাভবন্সর্বা দৃষ্ট্বা মাং বিবুধেশ্বরাঃ ॥ 3-53-27 (17922)
বর্ণ্যমানেষু চ ময়া ভবৎসু রুচিরাননাং।
মামেব গতসংকল্পা বৃণীতে সা সুরোত্তমাঃ ॥ 3-53-28 (17923)
অব্রবীচ্চৈব মাং বালা আয়ান্তু সহিতাঃ সুরাঃ।
ৎবয়া সহ নরব্যাঘ্র মম যত্রস্বয়ংবরঃ ॥ 3-53-29 (17924)
তেষামহং সংনিধৌ ৎবাং বরয়িষ্যামি নৈষধ।
এবং তব মহাবাহো দোষো ন ভবিতেতি হ ॥ 3-53-30 (17925)
এতাবদেব বিবুধা যথাবৃত্তমুপাহৃতম্।
ময়া শেষে প্রমাণং তু ভবন্তস্ত্রিদশেশ্বরাঃ ॥ 3-53-31 (17926)
ইতি শ্রীমন্মহাভারতে অরণ্যপর্বণি নলোপাখ্যানপর্বণি ত্রিপঞ্চাশোঽধ্যায়ঃ ॥ 53 ॥
Mahabharata - Vana Parva - Chapter Footnotes
3-53-1 যথাশ্রদ্ধং দেবেভ্যো নমস্কৃৎ প্রণয়স্বেতি সংবন্ধঃ। প্রণয়স্ব পরিণয়স্ব। মামিতি শেষঃ ॥ 3-53-2 বিস্রব্ধং সবিশ্বাসং যথাস্যাত্তথা প্রণয়ং পরিণয়নং বিবাহম্ ॥ 3-53-3 সন্নিপাতিতাঃ মেলিতাঃ ॥ 3-53-4 মৃত্যুকারণাদিতি ক. ধ. পাঠঃ ॥ 3-53-25 মহাকক্ষ্যং মহান্তং রাজদ্বারপ্রদেশম্ ॥ 3-53-31 অতঃপরং প্রমাণং তু ভবন্তোঽমরসত্তমা ইতি. ক. পাঠঃ ॥অরণ্যপর্ব - অধ্যায় 054
॥ শ্রীঃ ॥
3.54. অধ্যায়ঃ 054
Mahabharata - Vana Parva - Chapter Topics
স্বয়ংবরমণ্ডপে ইন্দ্রাগ্নিয়মবরুণৈর্নলসারূপ্যেণ তৎপার্শ্বে সমুপবেশনম্ ॥ 1 ॥ দময়ন্ত্যা স্বগুণসংতুষ্টেন্দ্রাদিপ্রসাদেব নলস্থৈব বরণম্ ॥ 2 ॥Mahabharata - Vana Parva - Chapter Text
3-54-0 (17927)
বৃহদশ্ব উবাচ। 3-54-0x (1923)
অথ কালে শুভে প্রাপ্তে তথৌ পুণ্যে ক্ষণে তথা।
আজুহাব মহীপালান্ভীমো রাজা স্বয়ংবরে ॥ 3-54-1 (17928)
তচ্ছ্রুৎবা পৃথিবীপালাঃ সর্বে হৃচ্ছয়পীডিতাঃ।
ৎবরিতাঃ সমপাজগ্মুর্দময়ন্তীমভীপ্সবঃ ॥ 3-54-2 (17929)
কনকস্তম্ভরুচিরং তোরণেন বিরাজিতম্।
বিবিশুস্তে নৃপা রঙ্গং মহাসিংহ ইবাচলম্ ॥ 3-54-3 (17930)
তত্রাসনেষু বিবিধেষ্বাসীনাঃ পৃথিবীক্ষিতঃ।
সুরভিস্রগ্ধরাঃ সর্বে প্রমৃষ্টমণিকুণ্ডলাঃ ॥ 3-54-4 (17931)
সংপূর্ণাং পুরুষব্যাঘ্রৈর্ব্যাঘ্রৈর্গিরিগুহামিব।
`প্রবিবেশ নলো দেবৈঃ পুণ্যশ্লোকো নরাধিপ' ॥ 3-54-5 (17932)
তত্র স্ম পীনা দৃশ্যন্তে বাহবঃ পরিঘোপমাঃ।
আকারবর্ণসুশ্লক্ষ্ণাঃ পঞ্চশীর্ষা ইবোরগাঃ ॥ 3-54-6 (17933)
সুকেশান্তানি চারূণি সুনাসানি শুভানি চ।
মুখানি রাজ্ঞাং শোভন্তে নক্ষত্রাণি যথা দিবি ॥ 3-54-7 (17934)
দময়ন্তী ততো রঙ্গং প্রবিবেশ শুভাননা।
মুষ্ণন্তী প্রভয়া রাজ্ঞাং চক্ষূষি চ মনাংসি চ ॥ 3-54-8 (17935)
তস্যা গাত্রেষু পতিতা তেষাং দৃষ্টির্মহাত্মনাম্।
তত্রতত্রৈব সক্তাঽভূন্ন চচাল চ পশ্যতাম্ ॥ 3-54-9 (17936)
ততঃ সংকীর্ত্যমানেষু রাজ্ঞাং নামসু ভারত।
দদর্শ ভৈমী পুরুষান্পঞ্চ তুল্যাকৃতীনিহ ॥ 3-54-10 (17937)
তান্সমীক্ষ্য ততঃ সর্বান্নির্বিশেষাকৃতীন্স্থিতান্।
সংদেহাদথ বেদর্ভী নাভ্যজানান্নলং নৃপম্ ॥ 3-54-11 (17938)
`নির্বিশেষবয়োবেষরূপাণাং তত্র সা শুভা।'
যংয়ং হি দদৃশে তেষাং তংতং মেনে নলং নৃপম্।
সাচিন্তয়ন্তী বুদ্ধ্যাঽথ তর্কয়ামাস ভামিনী ॥ 3-54-12 (17939)
কথং নু দেবাঞ্জানীয়াং কথং বিদ্যাং নলং নৃপম্।
এবং সংচিন্তয়ন্তী সা বৈদর্ভী ভৃশদুঃখিতা ॥ 3-54-13 (17940)
শ্রুতানি দেবলিঙ্গানি তর্কয়ামাস ভারত।
দেবানাং যানি লিঙ্গানি স্থবিরেভ্যঃ শ্রুতানি মে ॥ 3-54-14 (17941)
তানীহ তিষ্ঠতাং ভূমাবেকস্যাপি ন লক্ষয়ে।
এবং বিচিন্ত্য বহুধা বিচার্য চ পুনঃ পুনঃ ॥ 3-54-15 (17942)
শরণং প্রতি দেবানাং প্রাপ্তকালমমন্যত।
বাচা চ মনসা চৈব নমস্কারং প্রয়ুজ্য সা ॥ 3-54-16 (17943)
দেবেভ্যঃ প্রাঞ্জলির্ভূৎবা বেপমানেদমব্রবীৎ।
হংসানাং বচনং শ্রুৎবা যথা মে নৈষধো বৃতঃ।
পতিৎবে তেন সত্যেন দেবাস্তং প্রদিশন্তু মে ॥ 3-54-17 (17944)
মনসা বচসা চৈব যথা নাতিচরাম্যহম্।
তেন সত্যেন বিবুধাস্তমেব প্রদিশন্তু মে ॥ 3-54-18 (17945)
যথা দেবৈঃ স মে ভর্তা বিহিতো নিষধাধিষঃ।
তেন সত্যেন মে দেবাস্তমেব প্রদিশন্তু মে ॥ 3-54-19 (17946)
যথেদং ব্রতমারব্ধং নলস্যারাধনে ময়া।
তেন সত্যেন মে দেবাস্তমেব প্রদিশন্তু মে ॥ 3-54-20 (17947)
স্বং চৈব রূপং পুষ্যন্তু লোকপালা মহেশ্বরাঃ।
যথাঽহমভিজানীয়াং পুণ্যশ্লোকং নরাধিপম্ ॥ 3-54-21 (17948)
নিশম্য দময়ন্ত্যাস্তৎকরুণং প্রতিদেবিতম্।
নিশ্চয়ংপরমং তথ্যমনুরাগং চ নৈষধে ॥ 3-54-22 (17949)
মনোবিশুদ্ধিং বুদ্ধিং চ ভক্তিং রাগং চ নৈষধে।
যথোক্তং চক্রিরে দেবাঃ সামর্থ্যং লিঙ্গধারণে ॥ 3-54-23 (17950)
সাঽপশ্যদ্বিবুধান্সর্বানস্বেদান্স্তব্ধলোচনান্।
অম্লানস্রগ্রজোহীনান্স্থিতানস্পৃশতঃ ক্ষিতিম্ ॥ 3-54-24 (17951)
ছায়াদ্বিতীয়ো ম্লানস্রগ্রজঃস্বেদসমন্বিতঃ।
ভূমিষ্ঠো নৈষধশ্চৈব নিমেষেণ চ সূচিতঃ ॥ 3-54-25 (17952)
সা সমীক্ষ্য তু তান্দেবান্পুণ্যশ্লোকং চ ভারত।
নৈষধং বরয়ামাস ভৈমী ধর্মেণ পাণ্ডব ॥ 3-54-26 (17953)
বিলজ্জমানা বস্ত্রান্তং জগ্রাহায়তলোচনা।
স্কন্ধদেশেঽসৃজত্তস্য স্রজং পরমশোভনাম্ ॥ 3-54-27 (17954)
বরয়ামাস চৈবৈনং পতিৎবে বরবর্ণিনী।
ততো হাহেতি সহসা মুক্তঃ শব্দো নরাধিপৈঃ ॥ 3-54-28 (17955)
দেবৈর্মহর্ষিভিস্তত্র সাধুসাধ্বিতি ভারত।
বিস্মিতৈরীরিতঃ শব্দঃ প্রশংসদ্ভির্নলং নৃপম্ ॥ 3-54-29 (17956)
দময়ন্তীং তু কৌরব্য বীরসেনসুতো নৃপঃ।
আশ্বাসয়দ্বরারোহাং প্রহৃষ্টেনান্তরাত্মনা ॥ 3-54-30 (17957)
যত্ৎবং ভজসি কল্যাণি পুমাংসং দেবসন্নিধৌ।
তস্মান্মাং বিদ্ধি ভর্তারমেতত্তে বচনে রতম্ ॥ 3-54-31 (17958)
যাবচ্চ মে ধরিষ্যন্তি প্রাণা দেহে শুচিস্মিতে।
তাবত্ৎবয়ি ভবিষ্যামি সত্যমেতদ্ব্রবীমি তে ॥ 3-54-32 (17959)
দময়ন্তী তথা বাগ্ভিরভিনন্দ্য কৃতাঞ্জলিঃ ॥ 3-54-33 (17960)
তৌ পরস্পরতঃ প্রীতৌ দৃষ্ট্বা ৎবগ্নিপুরোগমান্।
তানেব শরণং দেবাঞ্জগ্মতুর্মনসা তদা ॥ 3-54-34 (17961)
বৃতে তু নৈষধে ভৈম্যা লোকপালা মহৌজসঃ।
প্রহৃষ্টমনসঃ সর্বে নলায়াষ্টৌ বরান্দদুঃ ॥ 3-54-35 (17962)
প্রত্যক্ষদর্শনং যজ্ঞে গতিং চানুত্তমাং শুভাম্।
নৈষধায় দদৌ শক্রঃ প্রীয়মাণঃ শচীপতিঃ ॥ 3-54-36 (17963)
অগ্নিরাত্মভবং প্রাদাদ্যত্র বাঞ্ছতি নৈষধঃ।
লোকানাত্মপ্রভাংশ্চৈব দদৌ তস্মৈ হুতাশনঃ ॥ 3-54-37 (17964)
যমস্ৎবন্নরসং প্রাদাদ্ধর্মে চ পরমাং স্থিতিম্।
অপাংপতিরপাং ভাবং যত্রবাঞ্ছতি নৈপধঃ ॥
স্রজশ্চোত্তমগন্ধাঢ্যাঃ সর্বেচ মিথুনং দদুঃ 3-54-38 (17965)
বরানেবং প্রদায়াস্য দেবাস্তে ত্রিদিবং গতাঃ।
`এতৎসর্বং নলোঽপশ্যদ্দময়ন্তী চ ভারত।
যথা স্বপ্নং মহারাজ তথৈব দদৃশুর্জনাঃ ॥ 3-54-39 (17966)
ততঃ স্বয়বরং চক্রে ভীমো রাজাঽতিমানুষম্।
সমাগতেষু সর্বেষু ভূপালেসু বিশাংপতে ॥ 3-54-40 (17967)
দময়ন্ত্যপি তদ্দৃষ্ট্বারাজমণ্ডলমৃদ্ধিমৎ।
অন্বীক্ষ্যনৈষধং বব্রে ভৈমী ধর্মেণ ভারত ॥ 3-54-41 (17968)
বৃতে চ নৈষধে ভৈম্যা নিবৃত্তে চ স্বয়ংবরে।
সর্ব এব মহীপালাঃ প্রতিজগ্মুর্যথাগতম্' ॥ 3-54-42 (17969)
পার্থিবাশ্চানুভূয়াস্য বিবাহং বিস্ময়ান্বিতাঃ।
দময়ন্ত্যাশ্চ মুদিতাঃ প্রতিজগ্মুর্যথাগতম্ ॥ 3-54-43 (17970)
গতেষু পার্থিবেন্দ্রেষু ভীমঃ প্রীতো মহামনাঃ।
বিবাহং কারয়ামাস দময়ন্ত্যা নলস্য চ ॥ 3-54-44 (17971)
উষ্য তত্র তথাকামং নৈষধো দ্বিপদাংবরঃ।
ভীমেন সমনুজ্ঞাতো জগাম নগরং স্বকম্।
অবাপ্য নারীরত্নং তু পুণ্যশ্লোকোপি পার্থিবঃ ॥ 3-54-45 (17972)
রেমে সহ তয়া রাজঞ্ছচ্যেব বলবৃত্রহা।
অতীব মুদিতো রাজা ভ্রাজমানোংশুমানিব ॥ 3-54-46 (17973)
অরঞ্জয়ৎপ্রজা বীরো ধর্মেণ পরিপালয়ন্।
ঈজে চাপ্যশ্বমেধেন যয়াতিরিব নাহুষঃ।
অন্যৈশ্চ বহুভির্ধীমান্ক্রতুভিশ্চাপ্তদক্ষিণৈঃ ॥ 3-54-47 (17974)
পুগশ্চ রমণীয়েষু বনেষূপবনেষু চ।
দময়ন্ত্যা সহ নলো বিজহারামরোপমঃ ॥ 3-54-48 (17975)
জনয়ামাস চ ততো দময়ন্ত্যাং মহামনাঃ।
ইন্দ্রসেনং সুতং চাপি ইন্দ্রসেনাং চকন্যকাম্ ॥ 3-54-49 (17976)
এবং স যজমানশ্চ বিহরংশ্চ নরাধিপঃ।
ররক্ষ বসুসংপূর্ণাং বসুধাং বসুধাধিপঃ ॥ 3-54-50 (17977)
ইতি শ্রীমন্মহাভারতে অরণ্যপর্বণি নলোপাখ্যানপর্বণি চতুঃপঞ্চাশোঽধ্যায়ঃ ॥ 54 ॥
Mahabharata - Vana Parva - Chapter Footnotes
3-54-7 সুনাসাক্ষিভ্রুবাণি শ্বেতি ঝ. পাঠঃ ॥ 3-54-8 মুষ্ণন্তী হরন্ত ॥ 3-54-21 লোকপালাঃ সহেশ্বরা ইতি ঝ. পাঠঃ ॥ 3-54-24 অম্লানস্রজশ্চ তে রজোহীনাশ্চেতি বিগ্রহঃ। ঠায়াবিহীনানম্লানস্রজোঽস্বেদসমন্বিতানিতি ক. পাঠঃ ॥ 3-54-31 যদ্যস্মান্মাং ভজসি তস্মাত্তে তব বচনে রতং ইত্যেতৎ বিদ্ধি ॥ 3-54-37 আত্মভবং ভাত্মন আবির্ভাবম্ ॥ 3-54-38 অন্নরসং যাদৃশে তাদৃশেপ্যন্নে বিশিষ্টরসবত্তাম্। ভাবং সত্তাম্। মুধুনং একৈকেন দ্বয়ং দ্বয়মপীত্যর্থঃ ॥ 3-54-43 অনুভূয় দৃষ্ট্বা ॥ 3-54-45 উষ্য বাসং কৃৎবা ॥অরণ্যপর্ব - অধ্যায় 055
॥ শ্রীঃ ॥
3.55. অধ্যায়ঃ 055
Mahabharata - Vana Parva - Chapter Topics
দময়ন্তীস্বয়ংবরাদনন্তরং দিবং গচ্ছতামিন্দ্রাদীনাং মধ্যেমার্গং কলিদ্বাপরয়োর্দর্শনম্ ॥ 1 ॥ তৈঃ স্বয়ংবরে দময়ন্ত্যা নলবরণং নিবেদিতেন দ্বাপরদ্বিতীয়েন কলিনা নলপরাভবপ্রতিজ্ঞানম্ ॥ 2 ॥Mahabharata - Vana Parva - Chapter Text
3-55-0 (17978)
বৃহদশ্ব উবাচ। 3-55-0x (1924)
বৃতে তু নৈষধে ভৈম্যা লোকপালা মহৌজসঃ।
যান্তো দদৃশুরায়ান্তং দ্বাপরং কলিনা সহ ॥ 3-55-1 (17979)
অথাব্রবীৎকলিং শক্রঃ সংপ্রেক্ষ্য বলবৃত্রহা।
দ্বাপরেণ সহায়েন কলে ব্রূহি ক্ব যাস্যসি ॥ 3-55-2 (17980)
ততোঽব্রবীৎকলিঃ শক্রং দময়ন্ত্যাঃ স্বয়ংবরম্।
গৎবা হি বরয়িষ্যে তাং মনো হি মম তাং গতম্ ॥ 3-55-3 (17981)
তমব্রবীৎপ্রহস্যেন্দ্রো নির্বৃত্তঃ স স্বয়ংবরঃ।
বৃতস্তয়া নলো রাজা পতিরস্মৎসমীপতঃ ॥ 3-55-4 (17982)
এবমুক্তস্তু শক্রেণ কলিঃ কোপসমন্বিতঃ।
দেবানামন্ত্র্য তান্সর্বানুবাচেদং বচস্তদা ॥ 3-55-5 (17983)
দেবানাং মানুষং মধ্যে যৎসা পতিমবিন্দত।
ননু তস্যা ভবেন্ন্যায়্যং বিপুলং দণ্ডধারণম্ ॥ 3-55-6 (17984)
এবমুক্তে তু কলিনা প্রত্যূচুস্তে দিবৌকসঃ।
অস্মাভিঃ সভনুজ্ঞাতে দময়ন্ত্যা নলো বৃতঃ ॥ 3-55-7 (17985)
কা হি সর্বগুণোপেতং নাশ্রয়েত নলং নৃপম্।
যো বেদ ধর্মানখিলান্যথাবচ্চরিতব্রতঃ ॥ 3-55-8 (17986)
যোঽধীতে চতুরো বেদান্সর্বানাখ্যানপঞ্চমান্।
অহিংসানিরতো যশ্চ সত্যবাদী দৃঢব্রতঃ ॥ 3-55-9 (17987)
যস্মিন্দাক্ষ্যং ধৃতির্জ্ঞানং তপঃ শৌচং দমঃ শমঃ।
ধ্রুবাণি পুরুষব্যাঘ্রে লোকপালসমে নৃপে ॥ 3-55-10 (17988)
এবংরূপং নলং যো বৈ কাময়েচ্ছপিতুং কলে।
আত্মানং স শপেন্মূঢো হন্যাদাত্মানমাত্মনা ॥ 3-55-11 (17989)
এবংগুণং নলং যো বৈ কাময়েচ্ছপিতুং কলে।
কৃচ্ছ্রে স নরকে মঞ্জেদগাধে বিপুলে হ্রদে ॥ 3-55-12 (17990)
এবমুক্ৎবা কলিং দেবা দ্বাপরং চ দিবং যয়ুঃ।
ততো গতেষু দেবেষু কলির্দ্বাপরমব্রবীৎ ॥ 3-55-13 (17991)
সংয়ন্তুং নোৎসহে কোপং নলে বৎস্যামি দ্বাপর।
ভ্রংশয়িষ্যামি তং রাজ্যান্ন ভৈম্যা সহ রংস্যতে ॥ 3-55-14 (17992)
ৎবমপ্যক্ষান্সমাবিশ্য সাহায়্যং কর্তুমর্হসি।
`মম প্রিয়কৃতে হ্যস্মন্কৃতবাংশ্চ ভবিষ্যসি' ॥ 3-55-15 (17993)
ইতি শ্রীমন্মহাভারতে অরণ্যপর্বণি নলোপাখ্যানপর্বণি পঞ্চপঞ্চাশোঽধ্যায়ঃ ॥ 55 ॥
Mahabharata - Vana Parva - Chapter Footnotes
3-55-4 নির্বৃত্তঃ সমাপ্তঃ ॥ 3-55-7 অস্মাভিঃ সমনুজ্ঞাতো দময়ন্ত্যেতি ক. ধ. পাঠঃ ॥ 3-55-9 ধর্মবাদী দৃঢব্রতং ইতি ক. পাঠঃ ॥ 3-55-10 শৌচং দয়া ক্ষমেতি ক. পাঠঃ ॥অরণ্যপর্ব - অধ্যায় 056
॥ শ্রীঃ ॥
3.56. অধ্যায়ঃ 056
Mahabharata - Vana Parva - Chapter Topics
কলিচোদনয়া পুষ্করেণ নলাহ্বানম্ ॥ 1 ॥ নলপুষ্করয়োরক্ষদেবনম্ ॥ 1 ॥Mahabharata - Vana Parva - Chapter Text
3-56-0 (17994)
বৃহদশ্ব উবাচ। 3-56-0x (1925)
এবং স সময়ং কৃৎবা দ্বাপরেণ কলিঃ সহ।
আজগাম ততস্তত্র যত্ররাজা স নৈষধঃ ॥ 3-56-1 (17995)
স নিত্যমন্তরপ্রেক্ষী নিষধেষ্ববসচ্চিরম্।
অথাস্য দ্বাদশে বর্ষে দদর্শ কলিরন্তরম্ ॥ 3-56-2 (17996)
কৃৎবা মূত্রমুপস্পৃশ্য সংধ্যামন্বাস্ত নৈষধঃ।
অকৃৎবা পাদয়োঃ শৌচং তত্রৈনং কলিরাবিশৎ ॥ 3-56-3 (17997)
স সমাবিশ্য চ নলং সমীপং পুষ্করস্য চ।
গৎবা পুষ্করমাহেদমেহি দীব্য নলেন বৈ ॥ 3-56-4 (17998)
অক্ষদ্যূতে নলং জেতা ভবান্হি সহিতো ময়া।
নিষধান্প্রতিপদ্যস্ব জিৎবা রাজ্যং নলং নৃপম্ ॥ 3-56-5 (17999)
এবমুক্তস্তু কলিনা পুষ্করো নলমভ্যযাৎ।
কলিশ্চৈব বৃষো ভূৎবা তং বৈ পুষ্করমন্বয়াৎ ॥ 3-56-6 (18000)
আসাদ্য তু নলং বীরং পুষ্করঃ পরবীরহা।
দীব্যাবেত্যব্রবীদ্ধাতা বৃষেণেতি মুহুর্মুহুঃ ॥ 3-56-7 (18001)
ন চক্ষমে ততো রাজা সমাহ্বানং মহামনাঃ।
বৈদর্ভ্যাঃ প্রেক্ষমাণায়াঃ প্রাপ্তকালমমন্যত ॥ 3-56-8 (18002)
`ততঃ স রাজ্ঞা সহসা দেবিতুং সংপ্রচক্রমে ॥ 3-56-9 (18003)
ভ্রাত্রা দেবাভিভূতেন দৈবাবিষ্টো জনাধিপঃ।'
হিরণ্যস্য সুবর্ণস্য যানয়ুগ্যস্ বাসসাম্।
আবিষ্টঃ কলিনা দ্যূতে জীয়তে স্ম নলস্তদা ॥ 3-56-10 (18004)
তমক্ষমদসংমত্তং সুহৃদাং ন তু কশ্চন।
নিবারণেঽভবচ্ছক্তো দীব্যমানমরিংদমম্ ॥ 3-56-11 (18005)
ততঃ পৌরজনাঃ সর্বে মন্ত্রিভিঃ সহ ভারত।
রাজানং দ্রষ্টুমাগচ্ছন্নিবারয়িতুমাতুরম্ ॥ 3-56-12 (18006)
ততঃ সূত উপাগম্য দময়ন্ত্যৈ ন্যবেদয়ৎ।
এষ পৌরজনো দেবি দ্বারি তিষ্ঠতি কার্যবান্ ॥ 3-56-13 (18007)
নিবেদ্যতাং নৈষধায় সর্বাঃ প্রকৃতয়ঃ স্থিতাঃ।
অমৃষ্যমাণা ব্যসনং রাজ্ঞো ধর্মার্থদর্শিনঃ ॥ 3-56-14 (18008)
ততঃ সা বাষ্পকলয়া বাচা দুখেন কর্শিতা।
উবাচ নৈষধং ভৈমী শোকোপহতচেতনা ॥ 3-56-15 (18009)
রাজন্পৌরজনো দ্বারি ৎবাং দিদৃক্ষুরবস্থিতঃ।
`বৃদ্ধৈর্ব্রাহ্মণমুখ্যৈশ্চ বণিগ্ভিশ্চ সমন্বিতঃ ॥ 3-56-16 (18010)
আগতং সহিতং রাজংস্ৎবৎপ্রসাদাবলম্বনম্।'
তং দ্রষ্টুমর্হসীত্যেবং পুনঃ পুনরভাষত ॥ 3-56-17 (18011)
তাং তথা রুচিরাপাঙ্গীং বিলপন্তীং তথাবিধাম্।
আবিষ্টঃ কলিনা রাজা নাভ্যভাষত কিংচন ॥ 3-56-18 (18012)
ততস্তে মন্ত্রিণঃ সর্বে তে চৈব পুরবাসিনঃ।
নায়মস্তীতি দুঃখার্তা ব্রীডিতা জগ্মুরালয়ান্ ॥ 3-56-19 (18013)
তথা তদভবদ্দ্যূতং পুষ্করস্য নলস্য চ।
যুধিষ্ঠির বহূন্মাসান্পুণ্যশ্লোকস্ৎবজীয়ত ॥ 3-56-20 (18014)
ইতি শ্রীমন্মহাভারতে অরণ্যপর্বণি নলোপাখ্যানপর্বণি ষট্পঞ্চাশোঽধ্যায়ঃ ॥ 65 ॥
Mahabharata - Vana Parva - Chapter Footnotes
3-56-1 সময়ং সংকেতম্ ॥ 3-56-3 অন্বাস্ত উপাসিতবান্ ॥ 3-56-4 স কুলিঃ। নলং সমাবিশ্য রূপান্তরেণ পুষ্করং চাব্রবীৎ। দীব্য দ্যূতং কুরু ॥ 3-56-6 বৃষঃ শ্রেষ্ঠঃ পাশশ্রেষ্ঠো ভূৎবা ॥ 3-56-7 বৃষেণাক্ষমুখ্যেন। অব্রবীৎপ্রীত্যেতি ক. পাঠঃ ॥ 3-56-10 যানেষু যুগ্যং যুগবহং রথাদি তস্য ॥ 3-56-19 নায়মস্তি নষ্টোয়মিত্যর্থঃ ॥ 3-56-20 পুণ্যঃ পাবনঃ শ্লোকো যশো যস্য। অজীয়ত জিতঃ ॥অরণ্যপর্ব - অধ্যায় 057
॥ শ্রীঃ ॥
3.57. অধ্যায়ঃ 057
Mahabharata - Vana Parva - Chapter Topics
দ্যূতে নলপরাজয়মুৎপশ্যন্ত্যা দময়ন্ত্যা চোদিতেন সারথিনা তৎপুত্রমিথুনস্য রথারোপণেন ভীমনগরপ্রাপণম্ ॥ 1 ॥Mahabharata - Vana Parva - Chapter Text
3-57-0 (18015)
বৃহদশ্ব উবাচ। 3-57-0x (1926)
দময়ন্তী ততো দৃষ্ট্বা পুণ্যশ্লোকং নরাধিপম্।
উন্মত্তবদনুন্মত্তা দেবনে কৃতচেতসম্ ॥ 3-57-1 (18016)
ভয়শোকসমাবিষ্টা রাজন্ভীমসুতা ততঃ।
চিন্তয়ামাস তৎকার্যং সুমহৎপার্থিবং প্রতি ॥ 3-57-2 (18017)
সা শঙ্কমানা তৎপাপং চিকীর্ষন্তী চ তৎপ্রিয়ম্।
নলং চ হৃতসর্বস্বমুপলভ্যেদমব্রবীৎ ॥ 3-57-3 (18018)
বৃহৎসেনামতিয়শাং তাং ধাত্রীং পরিচারিকাম্।
হিতাং সর্বার্থকুশলামনুরক্তাং সুভাষিতাম্ ॥ 3-57-4 (18019)
বৃহন্সেনে ব্রজামাত্যানানায়্য নলংশাসনাৎ।
আচক্ষ্ব যদ্ধৃতং দ্রব্যমবশিষ্টং চ যদ্বসু ॥ 3-57-5 (18020)
`ইত্যেবং সা সমাদিষ্টা বৃহৎসেনা নরেশ্বর।
উবাচ দেব্যা বচনং মন্ত্রিণাং সা সমীপত ॥' 3-57-6 (18021)
ততস্তে মন্ত্রিণঃ সর্বে বিজ্ঞায় নলশাসনম্।
অপি নো ভাগধেয়ং স্যাদিত্যুক্ৎবা পুনরাব্রজন্ ॥ 3-57-7 (18022)
তাস্তু সর্বাঃ প্রকৃতয়ো দ্বিতীয়ং সমুপস্থিতাঃ।
ন্যবেদয়দ্ভীমসুতা ন চ তৎপ্রত্যনন্দত ॥ 3-57-8 (18023)
বাক্যমপ্রতিনন্দন্তং ভর্তারমভিবীক্ষ্য সা।
দময়ন্তী পুনর্বেশ্ম ব্রীডিতা প্রবিবেশ হ ॥ 3-57-9 (18024)
নিশাম্য সততং চাক্ষান্পুণ্যশ্লোকপরাঙ্যুখান্।
নলং চ হৃতসর্বস্বং ধাত্রীং পুনরুবাচ হ ॥ 3-57-10 (18025)
বৃহৎসেনে পুনর্গচ্ছ বার্ষ্ণেয়ং নলশাসনাৎ।
সূতমানয় কল্যাণি মহৎকার্যমুপস্থিতম্ ॥ 3-57-11 (18026)
বৃহৎসেনা তু সা শ্রুৎবা দময়ন্ত্যাঃ প্রভাপিতম্।
বার্ষ্ণেয়মানয়ামাস পুরুষৈরাপ্তকারিভিঃ ॥ 3-57-12 (18027)
বার্ষ্ণেয়ং তু ততো ভৈমী সান্ৎবয়চ্ছ্লক্ষ্ণয়া গিরা।
উবাচ দেশকালজ্ঞা প্রাপ্তকালমনিন্দিতা ॥ 3-57-13 (18028)
জানষে ৎবং যথা রাজা সম্যগ্বৃত্তঃ সদা ৎবয়ি।
তস্য ৎবং বিপমস্থস্য সাহায়্যং কর্তুমর্হসি ॥ 3-57-14 (18029)
যথায়থা হি নৃপতিঃ পুষ্করেণৈব জীয়তে।
তথাতথাঽস্য বৈ দ্যূতে রাগো ভূয়োঽভিবর্ধতে ॥ 3-57-15 (18030)
যথা চ পুষ্করস্যাক্ষাঃ পতন্তি বশবর্তিনঃ।
তথা বিপর্যযশ্চাপি নলস্যাক্ষেষু দৃশ্যতে ॥ 3-57-16 (18031)
সুহৃৎস্বজনবাক্যানি যথাঽয়ং ন শৃণোতি চ।
মমাপি চ তথা বাক্যং নাভিনন্দতি নৈষধ ॥ 3-57-17 (18032)
যথা রাজ্ঞঃ প্রদীপ্তানাং ভাগ্যানামদ্য সারথে।
নূনং মন্যে ন শেষোস্তি নৈষধস্য মহাত্মনঃ ॥ 3-57-18 (18033)
যত্তু মে বচনং রাজা নাভিনন্দতি মোহিতঃ।
শরণং ৎবাং প্রপন্নাঽস্মি সারথে কুরু মদ্বচঃ।
ন হি মে শুধ্তে ভাবো বিনাশং প্রতি সারথে ॥ 3-57-19 (18034)
নলস্য দয়িতানশ্বান্যোজয়িৎবা মনোজবান্।
রথমারোপ্য মিথুনং কুণ্ডিনং যাতুর্মহসি ॥ 3-57-20 (18035)
মম জ্ঞাতিষু নিক্ষিপ্য দারকৌ স্যন্দনং তথা।
অশ্বাংশ্চেমান্যথাকামং বস বাঽন্যত্র গচ্ছবা ॥ 3-57-21 (18036)
দময়ন্ত্যাস্তু তদ্বাক্যং বার্ণ্যেয়ো নলসারথিঃ।
ন্যবেদয়দশেষেণ নলামাত্যেষু মুখ্যশঃ ॥ 3-57-22 (18037)
তৈঃ সমেত্য বিনিশ্চিত্য সোঽনুজ্ঞাতো মহীপতে।
যয়ৌ মিথুনমারোপ্য বিদর্ভাংস্তেন বাহিনা ॥ 3-57-23 (18038)
হয়াংস্তত্র বিনিক্ষিপ্য সূতো রথবরং চ তম্।
ইন্দ্রসেনাং চ তাং কন্যামিন্দ্রসেনং চ বালকম্ ॥ 3-57-24 (18039)
আমন্ত্র্য ভীমং রাজানমার্তঃ শোচন্নলং নৃপম্।
ক্ব নু যাস্যামি মনসা চিন্তয়ানো মুহুর্মুহুঃ।
অটমানস্ততোঽয়োধ্যাং জগাম নগরীং তদা ॥ 3-57-25 (18040)
ঋতুপর্ণং স রাজানমুপতস্থে সুদুঃখিতঃ।
ভৃতিং চ স দদৌ চাস্য সারথ্যেন নিয়োজিতঃ ॥ 3-57-26 (18041)
ইতি শ্রীমন্মহাভারতে অরণ্যপর্বণি নলোপাখ্যানপর্বণি সপ্তপঞ্চাশোঽধ্যাঃ ॥ 57 ॥
Mahabharata - Vana Parva - Chapter Footnotes
3-57-2 দ্বিতীয়ং দ্বতীয়বারম্। ন চ তৎপ্রত্যববুধ্যতেতি ক. ধ.পাঠঃ ॥ 3-57-19 কদাচিদ্বিনশেদপীতি ঝ.পাঠঃ ॥ 3-57-20 মিথুনং কুমারীং কুমারং চ। কুণ্ডিনং ভীমস্ নগরম্ ॥ 3-57-22 মুখ্যশঃ মুখ্যেষু মুখ্যেষু ॥ 3-57-23 বাহিনা অশ্বরথেন ॥ 3-57-26 ভৃতিং বেতনম্ ॥অরণ্যপর্ব - অধ্যায় 058
॥ শ্রীঃ ॥
3.58. অধ্যায়ঃ 058
Mahabharata - Vana Parva - Chapter Topics
দ্যূতে পুষ্করজিতেন নলেন দময়ন্ত্যা সহ বনপ্রবেশঃ ॥ 1 ॥ অন্তরিক্ষে পক্ষিরূপেণ সমুৎপতদ্ভিরক্ষৈরাত্মজিঘৃক্ষোর্নলস্য অন্তরীয়বস্ত্রাপকর্ষণেন পলায়নম্ ॥ 2 ॥Mahabharata - Vana Parva - Chapter Text
3-58-0 (18042)
বৃহদশ্ব উবাচ। 3-58-0x (1927)
ততস্তু যাতে বার্ষ্ণেয়ে পুণ্যশ্লোকস্য দীব্যতঃ।
পুষ্করেণ হৃতং রাজ্যং যচ্চাপি বসু কিংচন ॥ 3-58-1 (18043)
হৃতরাজ্যং নলং রাজন্প্রহসন্পুষ্করোঽব্রবীৎ।
দ্যূতং প্রবর্ততাং ভূয়ঃ প্রতিপাণোঽস্তি কস্তব ॥ 3-58-2 (18044)
শিষ্টা তে দময়ন্ত্যেকা সর্বমন্যদ্ধৃতং ময়া।
দময়ন্ত্যাঃ পণঃ সাধু বর্ততাং যদি মন্যসে ॥ 3-58-3 (18045)
পুষ্রেণৈবমুক্তস্য পুণ্যশ্লোকস্য মন্যুনা।
ব্যদীর্যতেব হৃদয়ং ন চৈনং কিংচিদব্রবীৎ ॥ 3-58-4 (18046)
ততঃ পুষ্করমালোক্য নলঃ পরমমন্যুমান্।
`উবাচ বিদ্যতেঽন্যচ্চ ধনং মম নরাধম ॥ 3-58-5 (18047)
ষণরূপেণ নিক্ষিপ্য পুণ্যশ্লোকঃ সুদুর্মনাঃ।
উত্তরীয়ং তথা বস্ত্রং তস্যাশ্চাভরণানি চ'।
উন্সৃজ্য সর্বগাত্রভ্যো ভূষণানি সহায়শাঃ ॥ 3-58-6 (18048)
সুকবাসা হ্যসংবীতঃ সুহৃচ্ছোকবিবর্ধনঃ।
নিশ্চক্রাম ততোরাজা ত্যক্ৎবা সুবিপুলাং শ্রিয়ম্ ॥ 3-58-7 (18049)
দময়ন্ত্যেকবস্ত্রাঽথ গচ্ছন্তং পৃষ্ঠতোঽন্বগাৎ।
স তয়া নগরাভ্যাশে ত্রিরাত্রং নৈপধোঽবসৎ ॥ 3-58-8 (18050)
পুষ্করস্তু মহারাজ ধোষয়ামাস বৈ পুরে।
নলে যঃ সম্যগাতিষ্ঠেৎস গচ্ছেদ্বধ্যতাং মম ॥ 3-58-9 (18051)
পুষ্করস্য তু বাক্যেন তস্য বিদ্বেষণেন চ।
পৌরা ন তস্য সৎকারং কৃতবন্তো যুধিষ্ঠির ॥ 3-58-10 (18052)
স তথা নগরাভ্যাশে সৎকারার্হো ন সন্কৃতঃ।
ত্রিগত্রমুপিতো রাজা জলমাত্রেণ বর্তয়ন্ ॥ 3-58-11 (18053)
[পীড্যমানঃ ক্ষুধা তত্র ফলমৃলানি কর্পয়ন্।
প্রাতিষ্ঠত ততোরাজা দময়ন্তী তমন্বগাৎ ॥] 3-58-12 (18054)
ক্ষুধয়া পীড্যমানম্তু নলো বহুতিথেঽহনি।
অপশ্যচ্ছকুনান্কাংশ্রিদ্ধিরণ্যসদৃশচ্ছদান্ ॥ 3-58-13 (18055)
স চিন্তয়ামাস তদা নিপধাধিপতির্বলী।
অস্তি ভক্ষ্যো মমাদ্যাপি বসু চেদং ভবিষ্যতি ॥ 3-58-14 (18056)
ততস্তানন্তরীয়েণ বাসসা স সমাবৃণোৎ।
তস্য তদ্বস্ত্রমাদায় সর্বে জগ্মুর্বিহায়সা ॥ 3-58-15 (18057)
উন্পতন্তঃ খগা বাক্যমেতদাহুস্ততো নলম্।
দৃষ্ট্বা দিগ্বাসসং ভূমৌ স্থিতং দীনমধোমুখম্ ॥ 3-58-16 (18058)
বয়মক্ষাঃ সুদুর্বুদ্ধে তববাসো জিহীর্ষবঃ।
আগতা ন হি নঃ প্রীতিঃ সবাসসি গতে ৎবয়ি ॥ 3-58-17 (18059)
নান্সমীক্ষ্য গতানক্ষানাত্মানং চ বিবাসসম্।
পুণ্যশ্লোকস্তদা রাজা দময়ন্তীমথাব্রবীৎ ॥ 3-58-18 (18060)
যেষাং প্রকোপাদৈশ্বর্যান্প্রচ্যুতোঽহমনিন্দিতে।
প্রাণয়াত্রাং ন বিন্দেয়ং দুঃখিতঃ ক্ষুধয়াঽন্বিতঃ ॥ 3-58-19 (18061)
যেষাং কৃতে ন সৎকারমকুর্বন্ময়ি নৈষধাঃ।
ইমে তে শকুনা ভূৎবা বাসশ্চাষহরন্তি মে ॥ 3-58-20 (18062)
বৈষম্যং পরমং প্রাপ্তো দুঃখিতো গতচেতনঃ।
ভর্তা তেঽহং নিবোধেদং বচনং হিতমাত্মনঃ ॥ 3-58-21 (18063)
এতে গচ্ছন্তি বহবঃ পন্থানো দিণাপথম্।
অবন্তীমৃক্ষবন্তং চ সমতিক্রম্য পর্বতম্ ॥ 3-58-22 (18064)
এষ বিন্ধ্যো মহাশৈলঃ পয়োষ্ণী চ সমুদ্রগা।
আশ্রমাশ্চ মহর্ষীণাং বহুমূলফলান্বিতাঃ ॥ 3-58-23 (18065)
এষ পন্থা বিদর্ভাণামেষ যাস্যতি কোসলান্।
অতঃপরং চ দেশোঽয়ং দক্ষিণো দক্ষিণাপথঃ ॥ 3-58-24 (18066)
এতদ্বাক্যং নলো রাজা দময়ন্তীং সমাহিতঃ।
উবাচাসকৃদার্তো হি ভৈমীমুদ্দিশ্য ভারত ॥ 3-58-25 (18067)
ততঃ সা বাষ্পকলয়া বাচা দুঃখেন কর্শিতা।
উবাচ দময়ন্তী তং নৈষধং করুণং বচঃ ॥ 3-58-26 (18068)
উদ্বেষতে মে হৃদয়ং সীদন্ত্যঙ্গানি সর্বশঃ।
তব পার্থিব সংকল্পং চিন্তয়ন্ত্যাঃ পুনঃ পুনঃ ॥ 3-58-27 (18069)
হৃতরাজ্যং হৃতদ্রব্যং বিবস্ত্রং ক্ষুচ্ছ্রমান্বিতম্।
কথমুৎসৃজ্য গচ্ছেয়মহং ৎবাং নির্জনে বনে ॥ 3-58-28 (18070)
শ্রান্তস্য তে ক্ষুধার্তস্য চিন্তয়ানস্য তৎসুখম্।
বনে ঘোরে মহারাজ নাশয়িষ্যাম্যহং ক্লমম্ ॥ 3-58-29 (18071)
ন চ ভার্যাসমং কিংচিন্নরস্যার্তস্য ভেষজম্।
নিত্যং হি সর্বদুঃখেষু সত্যমেতদ্ব্রবীমি তে ॥ 3-58-30 (18072)
নল উবাচ। 3-58-31x (1928)
এবমেতদ্যথাঽঽন্থ ৎবং দময়ন্তি সুমধ্যমে।
নাস্তি বার্যাসমং মিত্রং নরস্যার্তস্য ভেষজম্ ॥ 3-58-31 (18073)
ন চাহং ত্যক্তুকামস্ৎবাং কিমলং ভীরু শঙ্কসে।
ত্যজেয়মহমাত্মানং ন চৈব ৎবামনিন্দিতে ॥ 3-58-32 (18074)
দময়ন্ত্যুবাচ। 3-58-33x (1929)
যদি মাং ৎবং মহারাজ ন বিহাতুমিহচ্ছসি।
তৎকিমর্থং বিদর্ভাণাং পন্থাঃ সমুপদিশ্যতে ॥ 3-58-33 (18075)
অবৈমি চাহং নৃপতে ন তু মাং ত্যক্তুমর্হসি।
চেতসা ৎবপকৃষ্টেন মাং ত্যজেথা মহীপতে ॥ 3-58-34 (18076)
পন্থানং হি মমাভীক্ষ্ণমাখ্যাসি চ নরোত্তম।
অতো নিমিত্তং শোকং মে বর্ধয়স্যমরোপম ॥ 3-58-35 (18077)
যদি চায়মভিপ্রায়স্তব রাজন্ভবিষ্যতি।
সহিতাবেব গচ্ছাবো বিদর্ভান্যদি মন্যসে ॥ 3-58-36 (18078)
বিদর্ভরাজস্তত্র ৎবাং পূজয়িষ্যতি মানদ।
তেন ৎবং পূজিতো রাজন্সুখং বৎস্যসি নো গৃহে ॥ 3-58-37 (18079)
ইতি শ্রীমন্মহাভারতে অরণ্যপর্বণি নলোপাখ্যানপর্বণি অষ্টপঞ্চাশোঽধ্যায়ঃ ॥ 58 ॥
Mahabharata - Vana Parva - Chapter Footnotes
3-58-2 প্রতিপাণঃ পণনীয়ং দ্রব্যম্ ॥ 3-58- অপকৃষ্ঠেন কলিকর্পিতন ॥অরণ্যপর্ব - অধ্যায় 059
॥ শ্রীঃ ॥
3.59. অধ্যায়ঃ 059
Mahabharata - Vana Parva - Chapter Topics
নলেন স্বপন্ত্যা দময়ন্ত্যা বস্ত্রার্ধচ্ছেদনপূর্বকং পরিত্যাগেনাপয়ানম্ ॥ 1 ॥Mahabharata - Vana Parva - Chapter Text
3-59-0 (18080)
বৃহদশ্ব উবাচ। 3-59-0x (1930)
`ইত্যুক্তঃ স তদা দেব্যা নলো বচনমব্রবীৎ।'
যথা রাজ্যংতব পিতুস্তথা মম নসংশয়ঃ।
ন তু তত্র গমিষ্যামি বিষমস্থঃ কথংচন ॥ 3-59-1 (18081)
কথং সমৃদ্ধো গৎবাঽহং তব হর্ষবিবর্ধনঃ।
পরিদ্যূনো গমিষ্যামি তব শোকবিবর্ধনঃ ॥ 3-59-2 (18082)
ইতি ব্রুবন্নলো রাজা দময়ন্তীং পুনঃ পুনঃ।
সান্খয়ামাস কল্যাণীং বাসসোর্ধেন সংবৃতাম্ ॥ 3-59-3 (18083)
তাবেকবস্ত্রসংবীতাবটমানাবিতস্ততঃ।
ক্ষুৎপিপাসাপরিশ্রান্তৌ সভাং কাংচিদুপেয়তুঃ ॥ 3-59-4 (18084)
তাং সভামুপসংপ্রাপ্য তদা স নিষধাধিপঃ।
বৈদর্ভ্যা সহিতো রাজা নিষসাদ মহীতলে ॥ 3-59-5 (18085)
স বৈ বিবস্ত্রো মলিনো বিবর্ণঃ পাংসুগুণ্ঠিতঃ।
দময়ন্ত্যা সহ শ্রান্তঃ সুষ্বাপ ধরণীতলে ॥ 3-59-6 (18086)
`ততঃ স্ববসনস্যান্তং দময়ন্তী বিশাংপতে।
ভূমাবাস্তীর্য সুষ্বাপ পতিমালিঙ্গ্য শোভনা ॥' 3-59-7 (18087)
দময়নত্যপি কল্যাণী নিদ্রয়াঽপহৃতা ততঃ।
সহসা দুঃখমাসাদ্য সুকুমারী তপস্বিনী ॥ 3-59-8 (18088)
সুপ্তায়াং দময়ন্ত্যাং তু নলো রাজা বিশাংপতে।
শোকোন্মথিতচিত্তঃ সন্ন স্ম শেতে যথা পুরা ॥ 3-59-9 (18089)
স তদ্রাজ্যাপহরণং সুহৃত্ত্যাগং চ সর্বশঃ।
বনে চ তং পরিধ্বংসং প্রেক্ষ্য চিন্তামুপেয়িবান্ ॥ 3-59-10 (18090)
কিং নু মে স্যাদিদং কৃৎবা কিংনু মে স্যাদকুর্বতঃ।
কিংনু মে মরণং শ্রেয়ঃ পরিত্যাগো জনস্য বা ॥ 3-59-11 (18091)
মামিয়ং হ্যনুরক্তৈবং দুঃখমাপ্নোতি মৎকৃতে।
মদ্বিহীনা ৎবিয়ং গচ্ছেৎকদাচিৎস্বজনং প্রতি ॥ 3-59-12 (18092)
ময়া নিঃসংশয়ং দুখমিয়ং প্রাপ্স্যত্যনুব্রতা।
উৎসর্গেসংশয়ঃ স্যাত্তু বিন্দেতাপি সুখং ক্বচিৎ ॥ 3-59-13 (18093)
বৃহদশ্চ উবাচ। 3-59-14x (1931)
স বিনিশ্চিত্য বহুধা বিচার্য চ পুনঃপুনঃ।
উৎসর্গেঽমন্যত শ্রেয়ো দময়ন্ত্যা নরাধিপ ॥ 3-59-14 (18094)
ন চৈষা তেজসা শক্যা কৈশ্চিদ্ধর্ষয়িতুং পথি।
যশস্বিনী মহাভাগা মদ্ভক্তেয়ং পতিব্রতা ॥ 3-59-15 (18095)
এবং তস্ তদা বুদ্ধির্দময়ন্ত্যাং ন্যবর্তত।
কলিনা দুষ্টভাবেন দময়ন্ত্যা বিসর্জনে ॥ 3-59-16 (18096)
সোঽবস্ত্রতামাত্মনশ্চ তস্যাশ্চাপ্যেকবস্ত্রতাম্।
চিন্তয়িৎবাঽধ্যগাদ্রাজা বস্ত্রার্ধস্যাবকর্তনম্ ॥ 3-59-17 (18097)
কথং বাসো বিকর্তেয়ং ন চ বুদ্ধ্যেত মে প্রিয়া।
বিচিন্ত্যৈবং নলো রাজা সভাং পর্যচরত্তদা ॥ 3-59-18 (18098)
পরিধাবন্নথ নল ইতশ্চেতশ্চ ভারত।
আসসাদ সভোদ্দেশে বিকোশং স্বঙ্গমুত্তমম্ ॥ 3-59-19 (18099)
তেনার্ধং বাসসশ্ছিত্ৎবা নিবস্ চ পরংতপঃ।
সুপ্তামুৎসৃজ্য বৈদর্ভীং প্রাদ্রবদ্গতচেতনাম্ ॥ 3-59-20 (18100)
ততো নিবদ্ধহৃদয়ঃ পুনরাগম্ তাং সভাম্।
দময়ন্তীং তদা দৃষ্ট্বা রুরোদ নিষধাধিপঃ ॥ 3-59-21 (18101)
যাং ন বায়ুর্ন চাদিত্যঃ পুরা পশ্যতি মে প্রিয়াম্।
সেয়মদ্য সভামধ্যে শেতে ভূমাবনাথবৎ ॥ 3-59-22 (18102)
ইয়ং বস্ত্রাবকর্তেন সংবীতা চারুহাসিনী।
উন্মত্তেব ময়া হীনা কথং বুদ্ধ্বা ভবিষ্যতি ॥ 3-59-23 (18103)
কথমেকা সতী ভমী ময়া বিরহিতা শুভা।
চরিষ্যতি বনে ঘোরে মৃগব্যালনিষেবিতে ॥ 3-59-24 (18104)
আদিত্যা বসবো রুদ্রা অশ্বিনৌ সমরুদ্গণৌ।
রক্ষন্তু ৎবাং মহাভাগে ধর্মেণাসি সমাবৃতা ॥ 3-59-25 (18105)
এবমুক্ৎবা প্রিয়াং ভার্যাং রূপেণাপ্রতিমাং ভুষি।
কলিনাঽপহৃতজ্ঞানো নলঃ প্রাতিপষ্ঠদুদ্যতঃ ॥ 3-59-26 (18106)
গৎবাগৎবা নলো রাজা পুনরেতি সভাং মুহুঃ।
আকৃষ্যমাণঃ কলিনা সৌহৃদেনাবকৃষ্যতে ॥ 3-59-27 (18107)
দ্বিধেব হৃদয়ং তস্য দুঃখিতস্যাভবত্তদা।
দোলেব মুহুরায়াতি যাতি চৈব মুহুর্মুহুঃ ॥ 3-59-28 (18108)
অবকৃষ্টস্তু কলিনা মোহিতঃ প্রাদ্রবন্নলঃ।
সুপ্তামুৎসৃজ্য তাং ভার্যাং বিলপ্য করুণং বহু ॥ 3-59-29 (18109)
নষ্টাত্মা কলিনাঽঽবিষ্টস্তত্তদ্বিগণয়ন্মুহুঃ।
জগামৈকাং বনে শূন্যে ভার্যামুৎসৃজ্য মোহিতঃ ॥ 3-59-30 (18110)
ইতি শ্রীমন্মহাভারতে অরণ্যপর্বণি নলোপাখ্যানপর্বণি একোনষষ্টিতমোঽধ্যায়ঃ ॥ 59 ॥
Mahabharata - Vana Parva - Chapter Footnotes
3-59-10 পরিধ্বংসং কলিনা বস্ত্রাপহরণাদিক্লেশম্ ॥ 3-59-11 জনস্য ভার্যায়াঃ ॥ 3-59-16 দময়ন্ত্যাং বিষয়ে ন্যবর্তত নিবৃত্তাসতী বিসর্জনেঽভূদিতি শেষঃ ॥ 3-59-20 নিবস্য পরিধায় ॥অরণ্যপর্ব - অধ্যায় 060
॥ শ্রীঃ ॥
3.60. অধ্যায়ঃ 060
Mahabharata - Vana Parva - Chapter Topics
বনে চরন্ত্যা দময়ন্ত্যা অজগরেণ গ্রহণম্ ॥ 1 ॥ বনচরেণ ব্যাধেন তাং গ্রসতোঽজগরস্য বধঃ ॥ 2 ॥ দময়ন্ত্যা আত্মকামুকস্য তদ্ব্যাধস্য স্বপাতিব্রত্যমহিম্না হননম্ ॥ 3 ॥Mahabharata - Vana Parva - Chapter Text
3-60-0 (18111)
বৃহদশ্ব উবাচ। 3-60-0x (1932)
অপক্রান্তে নলে রাজন্দময়ন্তী গতক্লমা।
অবুধ্যত বরারোহা সংত্রস্তা বিজনে বনে ॥ 3-60-1 (18112)
অপশ্যমানা ভর্তারং শোকদুঃখসমন্বিতা।
প্রাক্রোশদুচ্চৈঃ সংত্রস্তা মহারাজেতি নৈষধম্ ॥ 3-60-2 (18113)
হা নাথ হা মহারাজ হা স্বামিন্কিং জহাসি মাম্।
হা হতাঽস্মি বিনষ্টাঽস্মি ভীতাঽস্মি বিজনে বনে ॥ 3-60-3 (18114)
ননু নাম মহারজ ধর্মজ্ঞঃ সত্যবাগসি।
কথংবিধস্ৎবংহি তথা সুপ্তামুৎসৃজ্য মাং গতঃ ॥ 3-60-4 (18115)
কথমুৎসৃজ্যগন্তাঽসি বশ্যাং ভার্যামনুব্রতাম্।
বিশেষতো নাপকৃতঃ পরেণাপকৃতো হ্যসি ॥ 3-60-5 (18116)
শক্যসে ন গিরঃ সত্যাঃ কর্তুং ময়ি নরেশ্বর।
যাস্ৎবয়া লোকপালানাং সন্নিধৌ কথিতাঃ পুরা ॥ 3-60-6 (18117)
নাকালে বিহিতো মৃত্যুর্মর্ত্যানাং পুরুষর্ষভ।
যত্র কান্তা ৎবয়োৎসৃষ্টা মুহূর্তমপি জীবতি ॥ 3-60-7 (18118)
পর্যাপ্তঃ পরিহাসোঽয়মেতাবান্পুরুষর্ষভ।
ভৃশং ভীতাস্মি দুর্ধর্ষ দর্শয়াত্মানমীশ্বর ॥ 3-60-8 (18119)
দৃশ্যসে দৃশ্যসে রাজন্নেষ তিষ্ঠসি নৈষধ।
আবার্য গুল্মৈরাত্মানং কিং মাং ন প্রতিভাষসে ॥ 3-60-9 (18120)
নৃশংসাং বত রাজেন্দ্র যন্মামেবংগতামিহ।
বিলপন্তীং সমালিঙ্গ্য নাশ্বাসয়সি পার্থিব ॥ 3-60-10 (18121)
ন শোচাম্যহমাত্মানং ন চান্যদপি কিংচন।
কথং নু ভবিতাস্যেক ইতি ৎবাং নৃপ শোচয়ে ॥ 3-60-11 (18122)
কথং নু রাজংস্তৃষিতঃ ক্ষুক্ষিতঃ শ্রমকর্শিতঃ।
সায়াহ্নে বৃক্ষমূলেষু মামপশ্যন্ভবিষ্যসি ॥ 3-60-12 (18123)
ততঃ সা তীব্রশোকার্তা প্রদীপ্তেব চ মন্যুনা।
ইতশ্চেতশ্চ রুদতী পর্যধাবত দুঃখিতা ॥ 3-60-13 (18124)
মুহুরুৎপততে বালা মুহুঃ পততি বিহ্বলা।
মুহুরালীয়তে ভীতা মুহুঃ ক্রোশতি রোদিতি ॥ 3-60-14 (18125)
অতীব শোকসংতপ্তা মুহুর্নিঃশ্বস্ বিহ্বলা।
উবাচ ভৈমী নিঃশ্বস্ রোদমানা পতিব্রতা ॥ 3-60-15 (18126)
যস্যাভিশাপাদ্দুঃখার্তো নৈষ নন্দতি নৈষধঃ।
তস্য ভূতস্য তদ্দুঃখাদ্দুঃখমভ্যধিকং ভবেৎ ॥ 3-60-16 (18127)
অপাপচেতসং পাপো য এবং কৃতবান্নলম্।
তস্মাদ্দুঃখতরং প্রাপ্য জীবৎবমসুখজীবিকাম্ ॥ 3-60-17 (18128)
এবং তু বিলপন্তী সা রাজ্ঞো ভার্যা মহাত্মনঃ।
অন্বেষতি স্ম ভর্তারং বনে শ্বাপদসেবিতে ॥ 3-60-18 (18129)
উন্মত্তবদ্ভীমসুতা বিলপন্তী ততস্ততঃ।
হাহা রাজন্নিতি মুহুরিতশ্চেতশ্চ ধাবতি ॥ 3-60-19 (18130)
তাং শুষ্যমাণামত্যর্থং কুররীমিব বাশতীম্।
করুণং বহুশোচন্তীং বিলপন্তীং সুমধ্যমাম্। 3-60-20 (18131)
সহসাঽভ্যাগতাং ভৈমীমভ্যাশপরিবর্তিনীম্।
জগ্রাহাজগরো গ্রাহো মহাকায়ঃ ক্ষুধান্বিতঃ ॥ 3-60-21 (18132)
সা গ্রস্যমানা গ্রহেণ শোকেন চ পরাজিতা।
নাত্মানং শোচতি তথা যথা শোচতি নৈষধম্ ॥ 3-60-22 (18133)
দ্বা নাথ মামিহ বনে গ্রস্যমানামনাগসম্।
গ্রাহেণানেন বিজনে কিমর্থং নানুধাবসি ॥ 3-60-23 (18134)
কথং ভবিষ্যসি পুনর্মামনুস্মৃত্য নৈষধ।
[কথং ভবাঞ্জগামাদ্য মামুৎসৃজ্য বনে প্রভো।]
পাপান্মুক্তঃ পুনর্লব্ধ্বা বুদ্ধিং চোতো ধনানি চ ॥ 3-60-24 (18135)
শ্রান্তস্য তে ক্ষুধার্তস্ পরিগ্লানস্য নৈষধ।
কঃ শ্রমং রাজশার্দূল নাশয়িষ্যতি তেঽনঘ ॥ 3-60-25 (18136)
বৃহদশ্চ উবাচ। 3-60-26x (1933)
তাং তু দৃষ্ট্বা তথা গ্রস্তামুরগেণায়তেক্ষণাম্।
আক্রন্দমানাং সংশ্রুত্য জবেনাভিসসার হ ॥ 3-60-26 (18137)
তাং তু দৃষ্ট্বা তথা গ্রস্তামুরগেণায়তেক্ষণাম্।
ৎবরমাণো মৃগব্যাধঃ সংচরন্গহনে বনে।
সমভিক্রম্য বেগেন সৎবরঃ স বনেচরঃ ॥ 3-60-27 (18138)
মুখে তং পাটয়ামাস শস্ত্রেণ নিশিতেন চ।
নির্বিচেষ্টং ভুজঙ্গং তং বিশস্ মৃগজীবনঃ ॥ 3-60-28 (18139)
মোক্ষয়িৎবা স তাংব্যাধঃ প্রক্ষাল্য সলিলেন হ।
সমাশ্বাস্য কৃতাহারামথ পপ্রচ্ছ ভারত ॥ 3-60-29 (18140)
কস্য ৎবং মৃগশাবাক্ষি কথং চাস্যাগতা বনম্।
কথং চেদং মহৎকৃচ্ছ্রং প্রাপ্তবত্যসি ভামিনি ॥ 3-60-30 (18141)
দময়ন্তী তথা তেন পৃচ্ছ্যমানা বিশাংপতে।
সর্বমেতদ্যথাবৃত্তমাচচক্ষেঽস্য ভারত ॥ 3-60-31 (18142)
তামর্ধবস্ত্রসংবীতাং পীনশ্রোণিপয়োধরাম্।
সুকুমারানবদ্যাঙ্গীং পূর্ণচন্দ্রনিভাননাম্ ॥ 3-60-32 (18143)
অরালপক্ষ্মনয়নাং তথা মধুরভাষিণীম্।
লক্ষয়িৎবা মৃগব্যাধঃ কামস্য বশমীয়িবান্ ॥ 3-60-33 (18144)
তামথ শ্লক্ষ্ণয়া বাচা লুব্ধকো মৃদুপূর্বয়া।
সান্ৎবয়ামাস কামার্তস্তদবুধ্যত ভামিনী ॥ 3-60-34 (18145)
দময়ন্ত্যপি তং দুষ্টমুপলভ্য পতিব্রতা।
তীব্ররোষসমাবিষ্টা প্রজজ্বালেব মন্যুনা ॥ 3-60-35 (18146)
স তু পাপমতিঃ ক্ষুদ্রঃ প্রধর্ষয়িতুমাতুরঃ।
দুর্ধর্ষাং তর্কয়ামাস দীপ্তামগ্নিশিখামিব ॥ 3-60-36 (18147)
দময়ন্তী তু দুঃখার্থা পতিরাজ্যবিনাকৃতা।
অতীতবাক্যথে কালে শশাপৈনং রুষা কিল ॥ 3-60-37 (18148)
যথাঽহং নৈষধাদন্যং মনসাঽপি ন চিন্তয়ে।
তথাঽয়ং পততাং ক্ষুদ্রঃ পরাসুর্মৃগজীবনঃ ॥ 3-60-38 (18149)
উক্তমাত্রে তু বচনে তয়া স মৃগজীবনঃ।
ব্যসুঃ পপাত মেদিন্যামগ্নিদগ্ধ ইব দ্রুমঃ ॥ 3-60-39 (18150)
ইতি শ্রীমন্মহাভারতে অরণ্যপর্বণি নলোপাখ্যানপর্বণি ষষ্টিতমোঽধ্যায়ঃ ॥ 60 ॥
Mahabharata - Vana Parva - Chapter Footnotes
3-60-13 মন্যুনা শোকেন ॥ 3-60-16 কলিং শপতি যস্যেতি। অভিশাপাত্র বৃথাদ্বেষাৎ ॥ 3-60-20 বাশতীং ক্রোশন্তীম্ ॥ 3-60-21 গ্রাহঃ সর্পঃ ॥ 3-60-24 বুদ্ধিলাভাদূর্ধ্বং মাং বিনা কথং ভবিষ্যসি কথং জীবিষ্যসি। শাপান্মুক্তঃ ইতি ক. পাঠঃ ॥ 3-60-28 বিশস্য বিদার্য ॥ 3-60-33 অরালানি শোভমানানি পক্ষ্মাণি নয়নপ্রান্তরোমাণি যয়োস্তাদৃশে নয়নে যস্যা ইতি তথা ॥ 3-60-35 মন্যুনা ক্রোধেন ॥ 3-60-37 পতিরাজ্যবিনাকৃতা পত্যা রাজ্যেন চ রহিতা। অতীতবাক্পথে বাচাপ্যনিবার্যে সতি। কালে ধূম্রবর্ণে ব্যাধে ॥ 3-60-38 পরাসুঃ গতপ্রাণঃ ॥ 3-60-39 ব্যসুর্বিগতপ্রাণঃ ॥অরণ্যপর্ব - অধ্যায় 061
॥ শ্রীঃ ॥
3.61. অধ্যায়ঃ 061
Mahabharata - Vana Parva - Chapter Topics
নলমন্বেষয়ন্ত্যা দময়ন্ত্যা বনমধ্যে হস্ত্যশ্বরথসংকুলজনসার্থদর্শনম্ ॥ 1 ॥ তথা সার্তনাথেন সংভাবণম্ ॥ 2 ॥Mahabharata - Vana Parva - Chapter Text
3-61-0 (18151)
বৃহদশ্ব উবাচ। 3-61-0x (1934)
সা নিহত্য মৃগব্যাধং প্রতস্থে কমলেক্ষণা।
বনং প্রতিভয়ং শূন্যং ঝিল্লিকাগণনাদিতম্ ॥ 3-61-1 (18152)
সিংহদ্বীপিরুরুব্যাঘ্রবরাহর্ক্ষগণৈর্যুতম্।
নানাপক্ষিগণাকীর্ণাং ম্লেচ্ছতস্করসেবিতম্ ॥ 3-61-2 (18153)
সালবেণুধবাশ্বত্থতিন্দুকেঙ্গুদিকিংশুকৈঃ।
অর্জুনারিষ্টসংছন্নং স্যন্দনৈশ্চ সশাল্মলৈঃ ॥ 3-61-3 (18154)
জম্ব্বাম্রলোধ্রখদিরশাকবেত্রসমাকুলম্।
পদ্মকামলকপ্লক্ষকদম্বোদুম্বরাবৃতম্ ॥ 3-61-4 (18155)
বদরীবিল্বসংছন্নং ন্যগ্রোধৈশ্চ সমাকুলম্।
প্রিয়ালতালখর্জূরহরীতকিবিভীতকৈঃ ॥ 3-61-5 (18156)
নানাধাতুশতৈর্নদ্ধান্বিবিধানপি চাচলান্।
নিকুঞ্জান্পক্ষিসংঘুষ্টান্দরীশ্চাদ্ভুতদর্শনাঃ ॥ 3-61-6 (18157)
নদী সরাংসি বাপীশ্চ বিবিধাংশ্চরতো দ্বিজান্।
সা বহূন্ভীমরূপাংশ্চ পিশাচোরগরাক্ষসান্ ॥ 3-61-7 (18158)
পল্বলানি তটাকানি গিরিকূটানি সর্বশঃ।
সরিৎসরাংসি চ তদা দদর্শাদ্ভুতদর্শনাম্ ॥ 3-61-8 (18159)
যূথশো দদৃশে চাত্র বিদর্ভাধিপনন্দিনী।
মহিষান্বরাহান্গোমায়ূনৃক্ষবানরপন্নগান্ ॥ 3-61-9 (18160)
তেজসা যশসা লক্ষ্ম্যা স্থিত্যা চ পরয়া যুতা।
বৈর্দভী বিচচারৈকা নলমন্বেষতী তদা ॥ 3-61-10 (18161)
নাবিভ্যৎসা নৃপসুতা ভৈমী তত্রাথ কস্যচিৎ।
দারুণামটবীং প্রাপ্য ভর্তৃব্যসনকর্শিতা ॥ 3-61-11 (18162)
বিদর্ভতনয়া রাজন্বিললাপ সুদুঃখিতা।
ভর্তৃশোকপরীতাঙ্গী শিলাতলমথাশ্রিতা ॥ 3-61-12 (18163)
দময়ন্ত্যুবাচ। 3-61-13x (1935)
সিহ্যোরস্ক মহাবাহো নিষধানাং জনাধিপ।
ক্বনু রাজন্গতোসি ৎবং ত্যক্ৎবা মাং বিজনে বনে ॥ 3-61-13 (18164)
অশ্বমেধাদিভির্বীর ক্রতুভিশ্চাপ্তদক্ষিণৈঃ।
কথমিষ্ট্বা নরব্যাঘ্র ময়ি মিথ্যা প্রবর্তসে ॥ 3-61-14 (18165)
যত্ৎবয়োক্তং নরশ্রেষ্ঠ মৎসমক্ষং মহাদ্যুতে।
কর্তুমর্হসি কল্যাণ তদৃতং পার্থিবর্ষভ ॥ 3-61-15 (18166)
যচ্চোক্তং বিহগৈর্হংসৈঃ সমীপে তব ভূমিপ।
মৎসকাশে চ তৈরুক্তং তদবেক্ষিতুমর্হসি ॥ 3-61-16 (18167)
চৎবার একতো বেদাঃ সাঙ্গোপাঙ্গাঃ সবিস্তরাঃ।
স্বধীতা মনুজব্যাঘ্র সত্যমেকং কিলৈকতঃ ॥ 3-61-17 (18168)
তস্মাদর্হসি শত্রুঘ্ন সত্যং কর্তুং নরেশ্বর।
উক্তবানসি যদ্বীর মৎসকাশে পুরা বচঃ ॥ 3-61-18 (18169)
হা বীর ননুনামাহমিষ্টা কিল তবানঘ।
অস্যামটব্যাং ঘোরায়াং কিং মাং ন প্রতিভাষসে ॥ 3-61-19 (18170)
ভর্ৎসয়ত্যেষ মাং রৌদ্রো ব্যাত্তাস্যো দারুণাকৃতিঃ।
অরণ্যরাট্ ক্ষুধাবিষ্টঃ কিং মাং ন ত্রাতুমর্হসি ॥ 3-61-20 (18171)
ন মে ৎবদন্যা কাচিদ্ধি প্রিয়াঽস্তীত্যব্রবীস্তদা।
তামৃতাং কুরু কল্যাণ পুরোক্তাং ভারতীং নৃপ ॥ 3-61-21 (18172)
উন্মত্তাং বিলপন্তীং মাং ভার্যামিষ্টাং নরাধিপ।
ঈপ্সিতামীপ্সিতোসি ৎবং কিং মাং ন প্রতিভাষসে ॥ 3-61-22 (18173)
কৃশাং দীনাং বিবর্ণাং চ মলিনাং বসুধাধিপ।
বস্ত্রার্ধপ্রাবৃতামেকাং বিলপন্তীমনাথবৎ ॥ 3-61-23 (18174)
যূথভ্রষ্টামিবৈকাং মাং হরিণীং পৃথুলোচন।
ন মানয়সি মামার্য রুদন্তীমরিকর্শন ॥ 3-61-24 (18175)
মহারাজ মহারণ্যে মামিহৈকাকিনীং সতীম্।
আভাষমাণাং স্বাং পত্নীং কিং মাং ন প্রতিভাষসে ॥ 3-61-25 (18176)
কুলশীলোপসংপন্নাং চারুসর্বাঙ্গশোভনাম্।
`অনুব্রতাং মহারাজ কিং মাং ন প্রতিভাষসে ॥' 3-61-26 (18177)
নাদ্যৎবাং প্রতিপশ্যামি গিরাবস্মিন্নরোত্তম।
বনে চাস্মিন্মহাধোরে সিংহব্যাঘ্রনিষেবিতে ॥ 3-61-27 (18178)
শয়ানমুপবিষ্টং বা স্থিতং বা নিষধাধিপ।
প্রস্থিতং বা নরশ্রেষ্ঠ মম শোকনিবর্হণ ॥ 3-61-28 (18179)
কং নু পৃচ্ছামি দুঃখার্তা ৎবদর্থে শোককর্শিতা।
কচ্চিদ্দৃষ্টস্ৎবয়াঽরণ্যে সংগত্যেতি নলো নৃপঃ ॥ 3-61-29 (18180)
কো নু মে কথয়েদদ্য বনেঽস্মিন্বিষ্ঠিতং নৃপম্।
অভিরূপং মহাত্মানং পরব্যূহবিনাশনম্ ॥ 3-61-30 (18181)
যমন্বেপসি রাজানং নলং পদ্মনিভেক্ষণম্।
অয়ংস ইতি কস্যাদ্য শ্রোষ্যামি মধুরাং গিরম্ ॥ 3-61-31 (18182)
অরণ্যরাডয়ং শ্রীমাংশ্চতুর্দংষ্ট্রো মহাহনুঃ।
শার্দূলোঽভিমুখোঽভ্যেতি পৃচ্ছাম্যেনমশঙ্কিতা ॥ 3-61-32 (18183)
ভবান্মৃগাণামধিপস্ৎবমস্মিন্কাননে প্রভুঃ।
বিদর্ভরাজতনয়াং দময়ন্তীতি বিদ্ধি মাম্ ॥ 3-61-33 (18184)
নিষধাধিপতের্ভার্যাং নলস্যামিত্রঘাতিনঃ।
পতিমন্বেষতীমেকাং কৃপণাং শোককর্শিতাম্ ॥ 3-61-34 (18185)
আশ্বাসয় মৃগেন্দ্রেহ যদি দৃষ্টস্ৎবয়া নলঃ।
`সিংহস্কন্ধো মহাবাহুঃ পদ্মপত্রনিভেক্ষণঃ ॥' 3-61-35 (18186)
অথবাঽরণ্যনৃপতে নলং যদি ন শংসসি।
মাং খাদয় মৃগশ্রেষ্ঠ দুঃখাদস্মাদ্বিমোচয় ॥ 3-61-36 (18187)
শ্রুৎবাঽরণ্যে বিলপিতং মমৈষ মৃগরাট্ স্বয়ম্।
যাত্যেষ মৃষ্টসলিলামাপগাং সাগরোপমাম্ ॥ 3-61-37 (18188)
ইমং শিলোচ্চয়ং পৃচ্ছে শৃঙ্গৈর্বহুভিরুচ্ছিতৈঃ।
বিরাজিতং দিবস্পৃগ্ভির্নৈকবর্ণৈর্মনোরমৈঃ ॥ 3-61-38 (18189)
নানাধাতুসমাকীর্ণং বিবিধোপলভূষিতম্।
আস্যারণ্যস্য মহতঃ কেতুভূতমিবোচ্ছিতম্ ॥ 3-61-39 (18190)
সিংহশার্দূলমাতঙ্গবরাহর্ক্ষমৃগায়ুতম্।
পতত্রিভির্বহুবিধৈঃ সমন্তাদনুনাদিতম্ ॥ 3-61-40 (18191)
কিংশুকাশোকবকুলপুন্নাগৈরুপশোভিতম্।
[কর্ণিকারধবপ্লক্ষৈঃ সুপুষ্পৈরুপশোভিতম্ ॥] 3-61-41 (18192)
সরিদ্ভিঃ সবিহঙ্গাভিঃ শিখরৈশ্চ সমাকুলম্।
`পৃথিব্যা রুচিরাকারং চূডামণিমিব স্থিতম্'।
নিরিরাজমিমং তাবৎপৃচ্ছামি নৃপতিং প্রতি ॥ 3-61-42 (18193)
ভগবন্নচলশ্রেষ্ঠ দিব্যদ্রশন বিশ্রুত।
শরণ্য বহুকল্যাণ নমস্তেঽস্তু মহীধর ॥ 3-61-43 (18194)
প্রণমে ৎবাঽভিগম্যাহং রাজপুত্রীং নিবোধ মাম্।
রাজস্নুষাং রাজভার্যাং দময়ন্তীতি বিশ্রুতাম্ ॥ 3-61-44 (18195)
রাজা বিদর্ভাধিপতিঃ পিতা মম মহারথঃ।
ভীমো নাম ক্ষিতিপতিশ্চাতুর্বর্ণ্যস্য রক্ষিতা ॥ 3-61-45 (18196)
রাজসূয়াশ্বমেধানাং ক্রতূনাং দক্ষিণাবতাম্।
আহর্তা পার্থিবশ্রেষ্ঠঃ পৃথুচার্বঞ্চিতেক্ষণঃ ॥ 3-61-46 (18197)
ব্রহ্মণ্যঃ সাধুবৃত্তশ্চ সত্যবাগনসূয়কঃ।
শীলবান্বীর্যসংপন্নঃ পৃথুশ্রীর্ধর্মবিচ্ছুচিঃ ॥ 3-61-47 (18198)
সম্যগ্গোপ্তা বিদর্ভাণাং নির্জিতারিগণঃ প্রভুঃ।
তস্য মাং বিদ্ধি তনয়াং ভগবংস্ৎবামুপস্থিতাম্ ॥ 3-61-48 (18199)
নিষধেষু মহারাজঃ শ্বশুরো মে নরোত্তমঃ।
গৃহীতনামা বিখ্যাতো বীরসেন ইতি স্ম হ ॥ 3-61-49 (18200)
তস্য রাজ্ঞঃ সুতো বীরঃ শ্রীমান্সত্যপরাক্রমঃ।
ক্রমপ্রাপ্তং পিতুঃ স্বং যো রাজ্যং সমনুশাস্তি হ ॥ 3-61-50 (18201)
নলো নামারিহা শ্যামঃ পুণ্যল্কো ইতি শ্রুতঃ।
ব্রহ্মণ্যো বেদবিদ্বাগ্মী পুণ্যকৃৎসোমপোঽগ্নিচিৎ ॥ 3-61-51 (18202)
যষ্টা দাতা চ যোদ্ধা চ সম্যক্চৈব প্রশাসিতা।
তস্য মামচলশ্রেষ্ঠ বিদ্ধি ভার্যামিহাগতাম্ ॥ 3-61-52 (18203)
ত্যক্তশ্রিয়ং ভর্তৃহীনামনাথাং ব্যসনান্বিতাম্।
অন্বেষমাণাং ভর্তারং নলং নরবরোত্তমম্ ॥ 3-61-53 (18204)
খমুল্লিখদ্ভিরেতৈর্হি ৎবয়া শৃঙ্গশতৈর্নৃপঃ।
কচ্চিদ্দৃষ্টোঽচলশ্রেষ্ঠ বনেঽস্মিন্দারুণে নলঃ ॥ 3-61-54 (18205)
বিক্রান্তঃ সত্ৎববান্বীরো ভর্তা মম মহায়শাঃ।
নিষধানামধিপতিঃ কচ্চিদ্দৃষ্টস্ৎবয়া নলঃ ॥ 3-61-55 (18206)
কং মীং বিলপতীমেকাং পর্বতশ্রেষ্ঠ বিহ্বলাম্।
গিরা নাশ্বাসয়স্যদ্যস্বাং সুতামিব দুখিতাং ॥ 3-61-56 (18207)
বীর বিক্রান্ত ধর্মজ্ঞ সত্যসংধ মহীপতে।
যদ্যস্যস্মিন্বনে রাজন্দর্শয়াত্মানমাত্মনা ॥ 3-61-57 (18208)
কদা সুস্নিগ্গম্ভীরাং জীমূতস্বনসন্নিভাম্।
শ্রোষ্যামি নৈষধস্যাহং বাচং তামমৃতোপমাম্ ॥ 3-61-58 (18209)
বৈদর্ভ্যেহীতি বিস্পষ্টাং শুভাং রাজ্ঞো মহাত্মনঃ।
আত্মাভিধায়িনীমৃদ্ধাং মম শোকবিনাশিনীং ॥ 3-61-59 (18210)
ইতিসা তং গিরিশ্রেষ্ঠমুক্ৎবা পার্থিবনন্দিনী।
দময়ন্তী ততো ভূয়ো জগাম দিশমুত্তরাম্ ॥ 3-61-60 (18211)
সা গৎবা ত্রীনহোরাত্রান্দদর্শ পরমাঙ্গনা।
তাপসারণ্যমতুলং দিব্যকাননশোভিতম্ ॥ 3-61-61 (18212)
বসিষ্ঠভৃগ্বত্রিসমৈস্তাপসৈরুপশোভিতম্।
নিয়তৈঃ সংয়তাহারৈর্দমশৌচসমন্বিতৈঃ ॥ 3-61-62 (18213)
অব্ভক্ষৈর্বায়ুভক্ষৈশ্চ পত্রাহারৈস্তথৈব চ।
জিতেন্দ্রিয়ৈর্মহাভাগৈঃ স্বর্গমার্গদিদৃক্ষুভিঃ ॥ 3-61-63 (18214)
বল্কলাজিনসংবীতৈর্মুনিভিঃ সংয়তেন্দ্রিয়ৈঃ।
তাপসাধ্যুষিতং রম্যং দদর্শাশ্রমমণ্ডলম্ ॥ 3-61-64 (18215)
নানামৃগগণৈর্জুষ্টং শাখামৃগগণায়ুতম্।
তাপসৈঃ সমুপেতং চ সা দৃষ্ট্বৈব সমাশ্বসৎ ॥ 3-61-65 (18216)
সুভ্রূঃ সুকেশী সুশ্রোণী সুকুচা সুদ্বিজাননা।
বর্চস্বিনী সুপ্রতিষ্ঠা স্বসিতায়তলোচনা ॥ 3-61-66 (18217)
সা বিবেশাশ্রমপদং বীরসেনসুতপ্রিয়া।
যোষিদ্রত্নং মহাভাগা দময়ন্তী তপস্বিনী ॥ 3-61-67 (18218)
সাঽভিবাদ্য তপোবৃদ্ধান্বিনয়াবনতা স্থিতা।
স্বাগতং ত ইতিপ্রোক্তা তৈঃ সর্বৈস্তাপসোত্তমৈঃ ॥ 3-61-68 (18219)
পূজাং চাস্যা যথান্যায়ং কৃৎবা তত্রতপোধনাঃ।
আস্যতামিত্যথোচুস্তে ব্রূহি কিং করবামহে ॥ 3-61-69 (18220)
তানুবাচ বরারোহা কচ্চিদ্ভগবতামিহ।
তপঃস্বগ্নিষু ধর্মেষু মৃগপক্ষিষু চানঘাঃ ॥ 3-61-70 (18221)
কুশলং বো মহাভাগাঃ স্বধর্মাচরণেষু চ।
তৈরুক্তা কুশলং ভদ্রে সর্বত্রেতি যশস্বিনী ॥ 3-61-71 (18222)
ব্রূহি সর্বানবদ্যাঙ্গি কা ৎবং কিংচ চিকীর্ষসি।
দৃষ্ট্বৈব তে পরংরূপং দ্যুতিং চ পরমামিহ ॥ 3-61-72 (18223)
বিস্ময়ো নঃ সমুৎপন্নঃ সমাশ্বসিহি মা শুচঃ।
অস্যারণ্যস্য দেবী ৎবমুতাহোঽস্য মহীভৃতঃ।
অস্যাশ্চ নদ্যাঃ কল্যাণি বদ সত্যমনিন্দিতে ॥ 3-61-73 (18224)
সাঽব্রবীত্তানৃপীন্নাহমরণ্যস্যাস্য দেবতা।
ন চাপ্যস্য গিরর্বিপ্রা নৈব নদ্যাশ্চ দেবতা ॥ 3-61-74 (18225)
মানুষীং মাং বিজানীত যূয়ং সর্বেতপোধনাঃ।
বিস্তরেণাভিধাস্যামি তন্মে শৃণুত সর্বশঃ ॥ 3-61-75 (18226)
বিদর্ভেপু মহীপালো ভীমো নাম মহীপতিঃ।
তস্য মাং তনয়াং সর্বে জানীত দ্বিজসত্তমাঃ ॥ 3-61-76 (18227)
নিপধাধিপতির্ধীমান্নলো নাম মহায়শাঃ।
বীরঃ সংগ্রামজিদ্বিদ্বান্মম ভর্তা বিশাংপতিঃ ॥ 3-61-77 (18228)
দেবতাভ্যর্চনপরো দ্বিজাতিজনবৎসলঃ।
গোপ্তা নিপধবংশস্য মহাতেজা মহাবলঃ ॥ 3-61-78 (18229)
সত্যবান্ধর্মবিৎপ্রাজ্ঞঃ সত্যসংধোঽরিমর্দনঃ।
ব্রহ্মণ্যো দৈবতপরঃ শ্রীমান্পরপুরংজয়ঃ ॥ 3-61-79 (18230)
নলো নাম নৃপশ্রেষ্ঠো দেবরাজসমদ্যুতিঃ।
মম ভর্তা বিশালাক্ষঃ পূর্ণেন্দুবদনোঽরিহা ॥ 3-61-80 (18231)
আহর্তা ক্রতুমুখ্যানাং বেদবেদাঙ্গপারগঃ।
সপত্নানাং মৃধে হন্তা রবিসোমসমপ্রভঃ ॥ 3-61-81 (18232)
স কৈশ্চিন্নিকৃতিপ্রজ্ঞৈরনার্যৈরকৃতাত্মভিঃ।
আহৃয় পৃথিবীপালঃ সত্যধর্মপরায়ণঃ।
দেবনেকুশলৈর্জিহ্মৈর্জিতো রাজ্যং বসূনি চ ॥ 3-61-82 (18233)
তস্য মামবগচ্ছধ্বং ভার্যাং রাজর্পভস্য বৈ।
দময়ন্তীতি বিখ্যাতাং ভর্তুর্দর্শনলালসাম্ ॥ 3-61-83 (18234)
সা বনানি গিরীংশ্চৈব সরাংসি সরিতস্তথা।
পল্বলানি চ সর্বাণি তথাঽরণ্যানি সর্বশঃ ॥ 3-61-84 (18235)
অন্বেপমাণআ ভর্তারং নলং রণবিশারদম্।
মহাত্মানং কৃতাস্ত্রং চ বিচরামীহ দুঃখিতা ॥ 3-61-85 (18236)
কচ্চিদ্ভগবতাং রম্যং তপোবনমিদং নৃপঃ।
ভবেৎপ্রাপ্তো নলো নাম নিপধানাং জনাধিপঃ ॥ 3-61-86 (18237)
যৎকৃতেঽহমিদং দুঃখং প্রপন্না ভৃশদারুণম্।
বনং প্রতিয়ং ধোরং শার্দূলমৃগসেবিতম্ ॥ 3-61-87 (18238)
যদি কৈশ্চিদহোরাত্রৈর্ন দ্রক্ষ্যামি নলং নৃপম্।
আত্মানং শ্রেয়সা যোক্ষ্যে দেহস্যাস্য বিমোক্ষণাৎ ॥ 3-61-88 (18239)
কোনু মে জীবিতেনার্থস্তমৃতে পুরুষর্ষভম্।
কথং ভবিষ্যাম্যদ্যাহং ভর্তৃশোকাভিপীডিতা ॥ 3-61-89 (18240)
তথা বিলপতীমেকামরণ্যে ভীমনন্দিনীম্।
দময়ন্তীমথোচুস্তে তাপসাঃ সত্যবাদিনঃ ॥ 3-61-90 (18241)
উদর্কস্তব কল্যাণি কল্যাণো ভবিতা শুভে।
বয়ং পশ্যাম তপসা ক্ষিপ্রং দ্রক্ষ্যসি নৈষধম্ ॥ 3-61-91 (18242)
নিপধানামধিপতিং নলং রিপুনিপাতিনম্।
ভৈমি ধর্মভৃতাং শ্রেষ্ঠং দ্রক্ষ্যসে বিগতজ্বরম্ ॥ 3-61-92 (18243)
বিমুক্তং সর্বপাপেভ্যঃ সর্বরত্নসমন্বিতম্।
তদেব নগরং শ্রেষ্ঠং প্রশাসতমরিন্দমম্ ॥ 3-61-93 (18244)
দ্বিপতাং ভয়কর্তারং সুহৃদাং শোকনাশনম্।
পতিমেষ্যসি কল্যাণি কল্যাণাভিজনং নৃপম্ ॥ 3-61-94 (18245)
এবমুক্ৎবা নলস্যেষ্টাং মহিষীং পার্থিবাত্মজাম্।
অন্তর্হিতাস্তাপসাস্তে সাগ্নিহোত্রাশ্রমাস্তথা ॥ 3-61-95 (18246)
সা দৃষ্ট্বা মহদাশ্চর্যং বিস্মিতা হ্যভবত্তদা।
দময়ন্ত্যনবদ্যাঙ্গী বীরসেননৃপস্নুষা ॥ 3-61-96 (18247)
`চিন্তয়ামাস বৈদর্ভী কিমেতদ্দৃষ্টবত্যহম্' ॥ 3-61-97 (18248)
কিংনু স্বপ্নো ময়া দৃষ্টঃ কোঽয়ংবিধিরিহাভবৎ।
ক্বনু তে তাপসাঃ সর্বে ক্ব তদাশ্রমমণ্ডলম্ ॥ 3-61-98 (18249)
ক্ব সা পুণ্যজলা রম্যা নদী দ্বিজনিষেবিতা।
ক্বনু তে হ নগা হৃদ্যাঃ ফলপুষ্পোপশোভিতাঃ ॥ 3-61-99 (18250)
`ইত্যেবং নরশার্দূল বিস্মিতা কমলেক্ষণা।'
ধ্যাৎবা চিরং ভীমসুতা দময়ন্তী শুচিস্মিতা।
ভর্তৃশোকপরা দীনাবিবর্ণবদনাঽভবৎ ॥ 3-61-100 (18251)
সা গৎবাঽথাপরাং ভূমিং বাষ্পসংদিগ্ধয়া গিরা।
বিললাপাশ্রুপূর্ণাক্ষী দৃষ্ট্বাঽশোকতরুং ততঃ ॥ 3-61-101 (18252)
উপগম্য তরুশ্রেষ্ঠমশোকং পুষ্পিতং বনে।
পল্লবাপীডিতং হৃদ্যং বিহঙ্গৈরনুনাদিতম্ ॥ 3-61-102 (18253)
অহো বতায়মগমঃ শ্রীমানস্মিন্বনান্তরে।
আপীডৈর্বহুভির্ভাতি শ্রীমান্পর্বতরাডিব ॥ 3-61-103 (18254)
বিশোকাং কুরু মাং ক্ষিপ্রমশোক প্রিয়দর্শন।
বীতশোকভয়াবাধং কচ্চিত্ৎবং দৃষ্টবান্নৃপম্ ॥ 3-61-104 (18255)
নলং নামারিদমনং নময়ন্ত্যাঃ প্রিয়ং পতিম্।
নিমধানামধিপতিং দৃষ্টবানসি মে প্রিয়ম্ ॥ 3-61-105 (18256)
একবস্ত্রার্ধসংবীতং সুকুমারতনুৎবচম্।
ব্যসনেনার্দিতং বীরমরণ্যমিদমাগতম্ ॥ 3-61-106 (18257)
যথা বিশোকা গচ্ছেয়মশোকনগ তৎকুরু।
সত্যনামা ভবাশোক মম শোকবিনাশনাৎ ॥ 3-61-107 (18258)
এবংসাঽশোকবৃত্তং তমার্তা বৈ পরিগম্য হ।
জগাম দারুণতরং দেশং ভৈমী বরাঙ্গনা ॥ 3-61-108 (18259)
সা দদর্শ নাগান্নৈকান্নৈকাশ্চ সরিতস্তথা।
নৈকাংশ্চ পর্বতান্রম্যান্নৈকাংশ্চ মৃগপক্ষিণঃ ॥ 3-61-109 (18260)
কন্দরাংশ্চ নিতম্বাংশ্চ নদীশ্চাদ্ভুতদর্শনাঃ।
দদর্শ তান্ভীমসুতা পতিমন্বেষতী তদা ॥ 3-61-110 (18261)
গৎবা প্রকৃষ্টমধ্বানং দময়ন্তী শুচিস্মিতা।
দদর্শাথ মহাসার্থং হস্ত্যশ্বরথসংকুলম্ ॥ 3-61-111 (18262)
উত্তরন্তং নদীং রম্যাং প্রসন্নসলিলাং শুভাম্।
সুশীততোয়াং বিস্তীর্ণাং হ্রদিনীং বেতসৈর্বৃতাম্ ॥ 3-61-112 (18263)
প্রোদ্ধুষ্টাং ক্রৌঞ্চকুররৈশ্চক্রবাকোপকূজিতাম্।
কূর্মগ্রাহঝবাকীর্ণাং বিপুলদ্বীপশোভিতাম্ ॥ 3-61-113 (18264)
সা দৃষ্ট্বৈব মহাসার্থং নলপত্নী যশস্বিনী।
উপসর্প্য বরারোহা জনমধ্যং বিবেশ হ ॥ 3-61-114 (18265)
উন্মত্তরূপা শোকার্তা তথা বস্ত্রার্ধসংবৃতা।
কৃশা বিবর্ণা মলিনা পাংসুধ্বস্তশিরোরুহা ॥ 3-61-115 (18266)
তাং দৃষ্ট্বা তত্রমনুজাঃ কেচিদ্ভীতাঃ প্রদুদ্রুবুঃ।
কেচিচ্চিন্তাপরাস্তস্থুঃ কেচিত্তত্রবিচুক্রুশুঃ ॥ 3-61-116 (18267)
প্রহসন্তি স্ম তাং কেচিদভ্যসূয়ন্তি চাপরে।
কুর্বন্ত্যস্যাংদয়াংকেচিৎপপ্রচ্ছুশ্চাপি ভারত ॥ 3-61-117 (18268)
কাঽসি কস্যাসি কল্যাণি কিং বা মৃগয়সে বনে।
ৎবাং দৃষ্ট্বা ব্যথিতাঃ স্মেহ কচ্চিত্ৎবমসিং মানুষী ॥ 3-61-118 (18269)
বদ সত্যং বনস্যাস্য পর্বতস্যাথবা দিশঃ।
দেবতা ৎবং হি কল্যাণি ৎবাং বয়ং শরণং গতাঃ ॥ 3-61-119 (18270)
যক্ষী বা রাক্ষসী বা ৎবমুতাহোসি সুরাঙ্গনা।
সর্বথাকুরু নঃ স্বস্তি রক্ষ চাস্মাননিন্দিতে ॥ 3-61-120 (18271)
যথাঽয়ংসর্বথা সার্থঃ ক্ষেমী শীঘ্রমিতো ব্রজেৎ।
তথা বিধৎস্ব কল্যাণি যথা শ্রেয়ো হি নো ভবেৎ ॥ 3-61-121 (18272)
তথোক্তা তেন সার্থেন দময়ন্তী নৃপাত্মজা।
প্রত্যুবাচ ততঃ সাধ্বী ভর্তৃব্যসনপীডিতা ॥ 3-61-122 (18273)
সার্তবাহং চ সার্থং চ জনা যে চাত্র কেচন।
যুবস্থবিরবালাশ্ সার্থস্য চ পুরোগমাঃ ॥ 3-61-123 (18274)
মানুষীং মাং বিজানীত মনুজাধিপতেঃ সুতাম্।
নৃপস্নুষাং রাজভার্যাং ভর্তৃদর্শনলালসাম্ ॥ 3-61-124 (18275)
বিদর্ভরাণ্মম পিতা ভর্তা রাজা চ নৈষধঃ।
নলোনাম মহাভাগস্তং মার্গাম্যপরাজিতম্ ॥ 3-61-125 (18276)
যদি জানীত নৃপতিং ক্ষিপ্রং শংসত মে প্রিয়ম্।
নলং পুরুষশার্দূলমমিত্রগণসূদনম্ ॥ 3-61-126 (18277)
তামুবাচানবদ্যাঙ্গীং সার্থস্য মহতঃ প্রভুঃ।
সার্থবাহঃ শুচির্নাম শৃণু কল্যাণি মদ্বচঃ ॥ 3-61-127 (18278)
অহং সার্থস্য নেতা বৈ সার্থবাহঃ শুচিস্মিতে।
মনুষ্যং নলনামানং ন পশ্যামি যশস্বিনি ॥ 3-61-128 (18279)
কুঞ্জরদ্বীপিমহিষশার্দূলর্ক্ষমৃগানপি।
পশ্যাম্যস্মিন্বনে কৃৎস্নে হ্যমনুষ্যনিষেবিতে ॥ 3-61-129 (18280)
ঋতে ৎবাং মানুষীং মর্ত্যং ন পশ্যামি মহাবনে।
তথা নো যক্ষরাডদ্য মণিভদ্রঃ প্রসীদতু ॥ 3-61-130 (18281)
সাঽব্রবীদ্বণিজঃ সর্বান্সার্থবাহং চ তং ততঃ।
ক্বনু যাস্যতি সার্থোঽয়মেতদাখ্যাতুমর্হসি ॥ 3-61-131 (18282)
সার্তবাহ উবাচ। 3-61-132x (1936)
সার্থোঽয়ং চেদিরাজস্য সুবাহোঃ সত্যদর্শিনঃ।
ক্ষিপ্রং জনপদং গন্তা লাভায় মনুজাত্মজে ॥ 3-61-132 (18283)
ইতি শ্রীমন্মহাভারতে অরণ্যপর্বণি নলোপাখ্যানপর্বণি একষষ্টিতমোঽধ্যায়ঃ ॥ 61 ॥
Mahabharata - Vana Parva - Chapter Footnotes
3-61-1 প্রতিভয়ং ভীষণম্। ঝিল্লিকা তীক্ষ্ণশব্দঃ পতঙ্গবিশেষঃ ॥ 3-61-47 ব্রহ্মণ্যঃ ব্রহ্মণি ব্রাহ্মণজাতৌ বেদে বৈদিককর্মণি পরমাত্মনি বা সাধুঃ ॥ 3-61-66 সুদ্বিজাননা শোভনদন্তয়ুক্তমুখী। সুপ্রতিষ্ঠা সুজঘনা ॥ 3-61-67 বীরসেনসুতস্য নলস্য প্রিয়া ॥ 3-61-82 সধূতৈর্নিকৃতিপ্রজ্ঞৈরকল্যাণৈর্নরাধমৈরিতি ক. পাঠঃ ॥ 3-61-88 শ্রেয়সা মোক্ষেণ যোক্ষ্যে যোজয়িষ্যে। যোগবলেন দেহে ত্যক্ৎবা মোক্ষং প্রাপ্স্যে ইত্যর্তঃ ॥ 3-61-91 উদর্কঃ উত্তরকালঃ ॥ 3-61-102 পল্লবৈঃ আপীডিতং ভূষিতম্ ॥ 3-61-103 অগমঃ বৃক্ষঃ। আপীডৈঃ পুষ্পফলাদিরূপৈরলংকারৈঃ ॥ 3-61-111 মহাসার্থং মহান্তং জনসমূহম্ ॥ 3-61-114 বরারোহা বিস্তীর্ণজঘনা ॥ 3-61-115 পাংসুয়ুক্তাঃ ধ্বস্তাঃ মুক্তবন্ধাশ্চ শিরোরুহাঃ কেশা যস্যাঃ ॥ 3-61-125 মার্গামি অন্বেষয়ামি ॥অরণ্যপর্ব - অধ্যায় 062
॥ শ্রীঃ ॥
3.62. অধ্যায়ঃ 062
Mahabharata - Vana Parva - Chapter Topics
দময়ন্ত্যা সার্থেন সহ চেদিরাজপুরংপ্রতি প্রস্তানম্ ॥ 1 ॥ বনমধ্যে সরস্তীরশায়িনি সার্থে নিশীথে পানীয়পানায়াগতগজয়ূথনিহতভূয়িষ্ঠে দিষ্টয়া দময়ন্ত্যা অপি শেষীকারঃ ॥ 2 ॥ হতাবশিষ্টেন জনেন সহ চেদিরাজপুরং গতায়া দময়ন্ত্যা রাজমাত্রা স্বান্তঃপুরাধিবাসনম্ ॥ 3 ॥Mahabharata - Vana Parva - Chapter Text
3-62-0 (18284)
বৃহৃদশ্ব উবাচ। 3-62-0x (1937)
সা তচ্ছ্রুৎবাঽনবদ্যাঙ্গী সার্থবাহবচস্তদা।
জগাম সহ তেনৈব সার্থেন পতিলালসা ॥ 3-62-1 (18285)
অথ কালে বহুতিথে বনে মহতি দারুণে।
তটাকং সর্বতোভদ্রং পদ্মসৌগন্ধিকায়ুতম্ ॥ 3-62-2 (18286)
দদৃশুর্বণিজো রম্যং প্রভূতয়বসেন্ধনম্।
বহুমূলফলোপেতং নানাপক্ষিনিষেবিতম্ ॥ 3-62-3 (18287)
তং দৃষ্ট্বা মৃষ্টসলিলং মনোহারি সুশীতলম্।
সুপরিশ্রান্তবাহাস্তে নিবেশায় মনো দধুঃ ॥ 3-62-4 (18288)
সংমতে সার্থবাহস্য বিবিশুর্বনমুত্তমম্।
উবাস সার্থঃ সুমহান্নিশামাসাদ্য পদ্মিনীম্ ॥ 3-62-5 (18289)
অথার্ধরাত্রসময়ে নিঃশব্দে তিমিরে তদা।
সুপ্তে সার্থে পরিশ্রান্তে হস্তিয়ূথমুপাগমৎ।
পানীয়ার্থং গিরিতটান্মদপ্রস্রবণাবিলম্ ॥ 3-62-6 (18290)
[অথাপশ্যত সার্থং তং সার্থজান্সুবহূন্গজান্ ॥ 3-62-7 (18291)
তে তান্গ্রাম্যগজান্দৃষ্ট্বা সর্বে বনগজাস্তদা।
সমাদ্রবন্ত বেগেন জিঘাংসন্তো মদোৎকটাঃ ॥ 3-62-8 (18292)
তেষামাপততাং বেগঃ করিণাং দুঃসহোঽভবৎ।
নগাগ্রাদিব শীর্ণানাং শৃঙ্গাণাং পততাং ক্ষিতৌ।
স্পন্দতামপি নাগানাং মার্গা নষ্টা বনোদ্ভবাঃ ॥] 3-62-9 (18293)
মার্গং সংরুদ্ধ্য সংসুপ্তং পদ্মিন্যাঃ সার্থমুত্তমম্।
তে তং মমর্দুঃ সহসা বেষ্টমানং মহীতলে ॥ 3-62-10 (18294)
মহারবং প্রমুঞ্চতো বদ্ধ্যন্তে শরণার্থিনঃ।
বনগুল্মাংশ্চ ধাবন্তো নিদ্রয়া মহতো ভয়াৎ ॥ 3-62-11 (18295)
কেচিদ্দন্তৈঃ করৈঃ কেচিৎকেচিৎপদ্ভ্যাং হতা গজৈঃ ॥ 3-62-12 (18296)
নিহতোষ্ট্রাশ্ববহুলাঃ পদাতিজসংকুলাঃ।
ভয়াদাধাবমানাশ্ পরস্পরহতাস্তদা ॥ 3-62-13 (18297)
ঘোরান্নাদান্বিমুঞ্চন্তো নিপেতুর্ধরণীতলে।
বৃক্ষেষ্বাসজ্যসংভগ্নাঃ পতিতা বিষমেষু চ ॥ 3-62-14 (18298)
এবংপ্রকারৈর্বহুভির্দৈবেনাক্রম্য হস্তিভিঃ।
রাজন্বিনিহতং সর্বং সমৃদ্ধং সার্থমণ্ডলম্ ॥ 3-62-15 (18299)
আরাবঃ সুমহাংশ্চাসীত্রৈলোক্যভয়কারকঃ।
এষোঽগ্নিরুত্থিতঃ কষ্টস্ত্রায়ধ্বং ধাবতাঽধুনা ॥ 3-62-16 (18300)
রত্নরাশির্বিশীর্ণোঽয়ং গৃহ্ণীধ্বং কিং প্রধাবত।
সামান্যমেতদ্দ্রবিণং ন মিথ্যা বচনং মম ॥ 3-62-17 (18301)
পুনরেবাভিধাস্যামি চিন্তয়ধ্বং সুকাতরাঃ।
এবমেবাভিভাষন্তো বিদ্রবন্তি ভয়াত্তদা ॥ 3-62-18 (18302)
তস্মিংস্তথা বর্তমানে দারুণে জনসংক্ষয়ে।
দময়ন্তী চ বুবুধে ভয়সংত্রস্তমানসা।
অপশ্যদ্বৈশসং তত্র সর্বলোকভয়ংকরম্ ॥ 3-62-19 (18303)
অদৃষ্টপূর্বং তদ্দৃষ্ট্বা বালা পদ্মনিভেক্ষণা।
সংসক্তবদনাশ্বাসা উত্তস্থৌ ভয়বিহ্বলা ॥ 3-62-20 (18304)
যে তু তত্র বিনির্মুক্তাঃ সার্থাৎকেচিদবিক্ষতাঃ।
তেঽব্রুবন্সহিতাঃ সর্বে কস্যেদং কর্মণঃ ফলম্ ॥ 3-62-21 (18305)
নূনং ন পূজিতোঽস্মাভির্মণিভদ্রো মহায়শাঃ।
তথা যক্ষাধিপঃ শ্রীমান্ন বৈ বৈশ্রবণঃ প্রভুঃ ॥ 3-62-22 (18306)
ন পূজা বিঘ্রকর্তৄণামথবা প্রথমং কৃতা ॥ 3-62-23 (18307)
শকুনানাং ফলং বাঽথ বিপরীতিমিদং ধ্রুবম্।
গ্রহা ন বিপরীতাস্তু কিমন্যদিদমাগতম্ ॥ 3-62-24 (18308)
অপরে ৎবব্রুবন্দীনা জ্ঞাতিদ্রব্যবিনাকৃতা।
যাঽসাবদ্য মহাসার্থে নারী হ্যুন্মত্তদর্শনা ॥ 3-62-25 (18309)
প্রবিষ্টা বিকৃতাকারা কৃৎবা রূপমমানুষম্।
তয়ৈবং বিহিতা পূর্বং মায়া পরমদারুণা ॥ 3-62-26 (18310)
রাক্ষসী বা ধ্রুবং যক্ষী পিশাচী বা ভয়ংকরী।
তস্যাঃ সর্বমিদং পাপং নাত্র কার্যা বিচারণা ॥ 3-62-27 (18311)
যদি পশ্যাম তাং পাপাং সার্থঘ্নীং নৈকদুঃখদাম্।
লোষ্টভিঃ পাংসুভিশ্চৈব তৃণৈঃ কাষ্ঠৈশ্চ মুষ্টিভিঃ।
অবশ্যমেব হন্যামঃ সার্থস্য কিল কৃত্যকাম্ ॥ 3-62-28 (18312)
দময়ন্তী তু তচ্ছ্রুৎবা বাক্যং তেষাং সুদারুণম্।
হ্রীতা ভীতা চ সংবিগ্রা প্রাদ্রবদ্যত্র কাননম্ ॥ 3-62-29 (18313)
আশঙ্কমানা তৎপাপমাত্মানং পর্যদেবয়ৎ ॥ 3-62-30 (18314)
অহো মমোপরি বিধেঃ সংরম্ভো দারুণো মহান্।
নানুবধ্নাতি কুশলং কস্যেদং কর্মণঃ ফলম্ ॥ 3-62-31 (18315)
ন স্মরাম্যশুভং কিংচিৎকৃতং কস্যচিদণ্বপি।
কর্মণা মনসা বাচা কস্যেদং কর্মণঃ ফলম্ ॥ 3-62-32 (18316)
নূনং জন্মান্তরকৃতং পাপাং মাঽঽপতিতং মহৎ।
অপশ্চিমামিমাং কষ্টামাপদং প্রাপ্তবত্যহম্ ॥ 3-62-33 (18317)
ভর্তৃরাজ্যাপহরণং স্বজনাচ্চ রপরাজয়ঃ।
ভর্ত্রা সহ বিয়োগশ্চ তনয়াভ্যাং চ বিচ্যুতিঃ।
নির্নাথতা বনে বাসো বহুব্যালনিষেবিতে ॥ 3-62-34 (18318)
অথাপরেদ্যুঃ সংপ্রাপ্তে হতশিষ্টা জনাস্তদা।
বনগুল্মাদ্বিনিষ্ক্রম্য শোচন্তে বৈশসং কৃতম্।
ভ্রাতরং পিতরং পুত্রং সখায়ং চ নরাধিপ ॥ 3-62-35 (18319)
`হন্যমানে তদা সার্থে দময়ন্তী শুচিস্মিতা।
ব্রাহ্মণৈঃ সহিতা তত্রবনে তু ন বিনাশিতা ॥' 3-62-36 (18320)
অশোচত্তত্র বৈদর্ভী কিংনু মে দুষ্কতং কৃতম্।
যোপি মে নির্জনেঽরণ্যে সংপ্রাপ্তোঽয়ং জনার্ণবঃ ॥ 3-62-37 (18321)
স হতো হস্তিয়ূথেন মন্দভাগ্যান্মমৈব তৎ।
প্রাপ্তব্যং সুচিরং দুঃখং নূনমদ্যাপি বৈ ময়া ॥ 3-62-38 (18322)
নাপ্রাপ্তকালো ম্রিয়তে শ্রুতং বৃদ্ধানুশাসনম্।
যা নাহমদ্য মৃদিতা হস্তিয়ূথেন দুঃখিতা ॥ 3-62-39 (18323)
ন হ্যদৈবকৃতংকিংচিন্নরাণামিহ বিদ্যতে।
ন চ মে বালভাবেঽপি কিংচিৎপাপকৃতং কৃতম্ ॥ 3-62-40 (18324)
কর্মণা মনসা বাচা যদিদং দুঃখমাগতম্।
মন্যে স্বয়ংবরকৃতেলোকপালা সমাগতাঃ ॥ 3-62-41 (18325)
প্রত্যাখ্যাতা ময়া তত্র নলস্যার্থায় দেবতাঃ।
নূনং তেষাং প্রভাবেন বিয়োগং প্রাপ্তবত্যহম্ ॥ 3-62-42 (18326)
এবমাদীনি দুঃখার্তা সা বিলপ্য বরাঙ্গনা।
প্রলাপানি তদা তানি দময়ন্তী পতিব্রতা ॥ 3-62-43 (18327)
হতশেষৈঃ সহ তদা ব্রাহ্মণৈর্বেদপারগৈঃ।
অগচ্ছদ্রাজশার্দূল দুঃখশোকপরায়ণা ॥ 3-62-44 (18328)
গচ্ছন্তী সা চিরাদ্বালা পুরমাসাদয়ন্মহৎ।
সায়াহ্নি চেদিরাজস্ সুবাহোঃ সত্যবাদিনঃ ॥ 3-62-45 (18329)
`সা তু তচ্চারুসর্বাঙ্গী সুবাহোস্তুঙ্গগোপুরম্।'
বস্ত্রার্ধেন চ সংবীতা প্রবিবেশ পুরোত্তমম্ ॥ 3-62-46 (18330)
তাং বিহ্বলাং কৃশাং দীনাং মুক্তকেশীমমার্জিতাম্।
উন্মত্তামিব গচ্ছন্তীং দদৃশুঃ পুরবাসিনঃ ॥ 3-62-47 (18331)
প্রবিশন্তীং তু তাং দৃষ্ট্বা চেদিরাজপুরীং তদা।
অনুজগ্মুস্তত্র বালা গ্রামিপুত্রাঃ কুতূহলাৎ ॥ 3-62-48 (18332)
সা তৈঃ পরিবৃতাঽগচ্ছৎসমীপং রাজবেশ্মনঃ।
তাং প্রাসাদগতাঽপশ্যদ্রাজমাতা জনৈর্বৃতাম্ ॥ 3-62-49 (18333)
ধাত্রীমুবাচ চ্ছৈনামানয়েহ মমান্তিকম্।
জনেন ক্লিশ্যতে বালা দুঃখিতা শরণার্থিনী ॥ 3-62-50 (18334)
তাদৃগ্রূপং চ পশ্যামি বিদ্যোতয়তি মে গৃহম্।
উন্মত্তবেষা কল্যাণী শ্রীরিবায়তলোচনা ॥ 3-62-51 (18335)
সা জনং বারয়িৎবা তং প্রাসাদতলমুত্তমম্।
আরোপ্য বিস্মিতা রাজন্দময়ন্তীমপৃচ্ছত ॥ 3-62-52 (18336)
এবমপ্যসুখাবিষ্টা বিভর্ষি পরমং বপুঃ।
ভাসি বিদ্যুদিবাভ্রেষু শংস মে কাঽসিকস্য বা ॥ 3-62-53 (18337)
ন হি তে মানুষং রূপং ভূষণৈরপি বর্জিতম্।
অসহায়া নরেভ্যশ্চ নোদ্বিজস্যমরপ্রভে ॥ 3-62-54 (18338)
তচ্ছ্রুৎবা বচনং তস্যা ভৈমী বচনমব্রবীৎ।
মানুষীং মাং বিজানীহি ভর্তারং সমনুব্রতাম্ ॥ 3-62-55 (18339)
সৈরন্ধ্রীং জাতিসংপন্নাং ভুজিষ্যাং কামবাসিনীম্।
ফলমূলাশনামেকাং যত্রসায়ংপ্রতিশ্রয়াম্ ॥ 3-62-56 (18340)
অসঙ্খ্যেয়গুণো ভর্তা মাং চ নিত্যমনুব্রতঃ।
ভক্তাঽহমপি তং বীরং ছায়েবানুগতা পথি ॥ 3-62-57 (18341)
তস্য দৈবাৎপ্রসঙ্গোঽভূদতিমাত্রং সুদেবনে।
দ্যূতে স নির্জিতশ্চৈব বনমেক উপেয়িবান্ ॥ 3-62-58 (18342)
তমেকবসনচ্ছন্নমুন্ম্তমিব বিহ্বলম্।
আশ্বাসয়ন্তী ভর্তারমহমপ্যগমং বনম্ ॥ 3-62-59 (18343)
স কদাচিদ্বনে বীরঃ কস্মিংশ্চিৎকারণান্তরে।
ক্ষুৎপরীতস্তু বিমনা বাসশ্চৈকং ব্যসর্জয়ৎ ॥ 3-62-60 (18344)
তমেকবসনা নগ্নমুন্মত্তবদচেতসম্।
অনুব্রজন্তী বহুলা ন স্বপামি নিশাঃ সদা ॥ 3-62-61 (18345)
ততো বহুতিথে কালে সুপ্তামুৎসৃজ্য মাং ক্বচিৎ।
বাসসোঽর্ধং পরিচ্ছিদ্য ত্যক্তবান্মামনাগসম্ ॥ 3-62-62 (18346)
তং মার্গমাণা ভর্তারং দহ্যমানা দিবানিশম্।
ন বিন্দাম্যমরপ্রখ্যং প্রিয়ং প্রাণেশ্বরং প্রভুম্ ॥ 3-62-63 (18347)
`ইত্যুক্ৎবা সাঽনবদ্যাঙ্গী রাজমাতরমপ্যুত।
স্থিতাঽশ্রুপরিপূর্ণাক্ষী বেপমানা সুদুঃখিতা' ॥ 3-62-64 (18348)
তামশ্রুপরিপূর্ণাক্ষীং বিলপন্তীং তথা বহু।
রাজমাতাঽব্রবীদার্তা ভৈমীমার্তস্বরাং স্বয়ম্ ॥ 3-62-65 (18349)
বস ৎবমিহ কল্যাণি প্রীতির্মে পরমা ৎবয়ি।
মৃগয়িষ্যন্তি তে ভদ্রে ভর্তারং পুরুষা মম ॥ 3-62-66 (18350)
অপি বা স্বয়মাগচ্ছেৎপরিধাবন্নিতস্ততঃ।
ইহৈব বসতী ভদ্রে ভর্তারমুপলপ্স্যসে ॥ 3-62-67 (18351)
রাজমাতুর্বচঃ শ্রুৎবা দময়ন্তী বচোঽব্রবীৎ।
সময়েনোৎসহে বস্তুং ৎবি বীরপ্রজায়িনি ॥ 3-62-68 (18352)
উচ্ছিষ্টং নৈব ভুঞ্জীয়াং ন কুর্যাং পাদধাবনম্।
ন চাহং পুরুষানন্যান্প্রভাষেয়ং কথংচন ॥ 3-62-69 (18353)
প্রার্থয়েদ্যদি মাং কশ্চিদ্দণ্ড্যস্তে স পুমান্ভবেৎ।
বধ্যশ্চ তে সকৃন্মন্দ ইতিমে ব্রতমাহিতম্ ॥ 3-62-70 (18354)
ভর্তুরন্বেষণার্থং তু পশ্যেয়ং ব্রাহ্মণানহম্।
যদ্যেবমিহ বৎস্যামি ৎবৎসকাশে ন সংশয়ঃ।
অতোঽন্যথা ন মে বাসো বর্ততে হৃদয়ে ক্বচিৎ ॥ 3-62-71 (18355)
ইত্যুক্তা দময়ন্ত্যা তু রাজমাতেদমব্রবীৎ।
সর্বমেতৎকরিষ্যামি দিষ্ট্যা তে ব্রতমীদৃশম্ ॥ 3-62-72 (18356)
এবমুক্ৎবা ততো ভৈমীং রাজমাতা বিশাংপতে।
উবাচেদং দুহিতরং সুনন্দাং নাম ভারত ॥ 3-62-73 (18357)
সৈরন্ধ্রীমভিজানীষ্ব সুনন্দে দেবরূপিণীম্।
বয়সা তুল্যতাং প্রাপ্তা সখী তব ভবৎবিয়ম্।
এতয়া সহ মোদস্ব নিরুদ্বিগ্রমনা সদা ॥ 3-62-74 (18358)
ততঃ পরমসংহৃষ্টা সুনন্দা গৃহণাগমৎ।
দময়ন্তীমুপাদায় সখীভিঃ পরিবারিতা ॥ 3-62-75 (18359)
সহসা ন্যবসদ্রাজন্রাজপুত্র্যা সুনন্দয়া।
চিন্তয়ন্তী নলং বীরমনিশং বামলোচনা ॥ 3-62-76 (18360)
ইতি শ্রীমন্মহাভারতে অরণ্যপর্বণি নলোপাখ্যানপর্বণি দ্বিষষ্টিতমোঽধ্যায়ঃ ॥ 62 ॥
Mahabharata - Vana Parva - Chapter Footnotes
3-62-3 যবসং ঘাসঃ ॥ 3-62-4 শ্রান্তবাহাঃ শ্রান্তবাহনাঃ। নিবেশায় বাসায় ॥ 3-62-10 পদ্মিন্যাঃ সরস্যাঃ ॥ 3-62-28 কৃত্যৈব কৃত্যকা। কুৎসিতা কৃত্যা কৃত্যকেতি বা তাম্ ॥ 3-62-33 অপশ্চিমাং অপরাবর্তিনীম্ ॥ 3-62-40 পাপকৃতংপাপং কর্ম ॥ 3-62-47 অমার্জিতাং ধূসরবেণীম্ ॥ 3-62-56 ভূজিষ্যাং দাসীং। কামবাসিনীং যত্রকাম ইচ্ছা তত্রৈব বসন্তীম্। যত্র সায়ংকালস্তত্রৈব প্রতিশ্রয়ো গৃহং যস্যাস্তাম্ ॥ 3-62-57 ভর্তারমপি তং বীরং সীতেবানুগতা সদেতি ক. পাঠঃ। অহং চানুগতা বীরং ছায়েবানপগা সদেতি ধ. পাঠঃ ॥ 3-62-68 হেবীরপ্রজায়িনি বীরানেব প্রজায়তে সূতে সা বীরপ্রজায়ীনী ॥ 3-62-71 যদ্যেবমিহ বস্তব্যং বসাম্যহমসংশয়মিতি ধ. পাঠঃ ॥অরণ্যপর্ব - অধ্যায় 063
॥ শ্রীঃ ॥
3.63. অধ্যায়ঃ 063
Mahabharata - Vana Parva - Chapter Topics
দময়ন্তীং পরিত্যজ্যাটব্যামটন্তং নলংপ্রতি বনবহ্নিবেষ্টিতেন কর্কোটকেনাত্মপরিরক্ষণপ্রার্থনা ॥ 1 ॥ নলেন দাবাগ্নিতো মোচিতেন কর্কোটকেন নলগাত্রে দংশনেন বৈরূপ্যাপাদনম্ ॥ 2 ॥ তথা নিজরূপাবিষ্করণেচ্ছায়াং স্বস্মরণেন বাসোবসনবিধানপূর্বকং বস্ত্রপ্রদানম্ ॥ 3 ॥Mahabharata - Vana Parva - Chapter Text
3-63-0 (18361)
বৃহদশ্ব উবাচ। 3-63-0x (1938)
উৎসৃজ্য দময়ন্তীং তু নলো রাজা বিশাংপতে।
দদর্শ দাবং দহ্যন্তং মহান্তং গহনে বনে ॥ 3-63-1 (18362)
তত্র সুশ্রাব শব্দংবৈ মধ্যে ভূতস্য কস্যচিৎ।
অভিধাব নলেত্যুচ্চৈঃ পুণ্যশ্লোকেতি চাসকৃৎ ॥ 3-63-2 (18363)
মা ভৈরিতি নলশ্চোক্ৎবা মধ্যমগ্নেঃ প্রবিশ্য তম্।
দদ্রশ নাগরাজানং শয়ানং কুণ্ডলীকৃতম্ ॥ 3-63-3 (18364)
স নাগঃ প্রঞ্জলির্ভূৎবা বেপমানো নলং তদা।
উবাচ মাং বিদ্ধিরাজন্নাগং কর্কোটকং নৃপ ॥ 3-63-4 (18365)
ময়া প্রলব্ধো ব্রহ্মর্ষিরনাগাঃ সুমহাতপাঃ।
তেন মন্যুপরীতেন শপ্তোস্মি মনুজাধিপ ॥ 3-63-5 (18366)
তিষ্ঠ ৎবং স্থাবর ইব যাবদেতি নলঃ ক্বচিৎ।
ইতো নেতাসি তৎস ৎবং শাপান্মোক্ষ্যসি মৎকৃতাৎ ॥ 3-63-6 (18367)
তস্য শাপান্ন শক্নোমি পদাদ্বিচলিতুং পদম্।
উপদেক্ষ্যামি তে শ্রেয়স্ত্রাতুমর্হতি মাং ভবান্ ॥ 3-63-7 (18368)
সখা চ তে ভবিষ্যামি মৎসমো নাস্তি পন্নগঃ।
লঘুশ্চ তে ভবিষ্যামি শীঘ্রমাদায় গচ্ছ মাম্ ॥ 3-63-8 (18369)
এবমুক্ৎবা স নাগেন্দ্রো বভূবাঙ্গুষ্ঠমাত্রকঃ।
দং গৃহীৎবা নলঃ প্রায়াদ্দেশং দাববিবর্জিতম্ ॥ 3-63-9 (18370)
আকাশদেশমাসাদ্য বিমুক্তং কৃষ্ণবর্ত্মনা।
উৎস্রষ্টুকামং তং নাগঃ পুনঃ কর্কোটকোঽব্রবীৎ ॥ 3-63-10 (18371)
পদানি গণয়ন্গচ্ছ স্বানি নৈষধ কানিচিৎ।
তত্রতেঽহং মহাবাহো শ্রেয়ো ধাস্যামি যৎপরম্ ॥ 3-63-11 (18372)
ততঃ সংখ্যাতুমারব্ধমদশদ্দশমে পদে।
তস্য দষ্টস্য তদ্রূপং ক্ষিপ্রমন্তরধীয়ত ॥ 3-63-12 (18373)
স দৃষ্ট্বা বিস্মিতস্তস্থাবাত্মানং বিকৃতং নলঃ।
স্বরূপধারিণং নাগং দদর্শ স মহীপতিঃ ॥ 3-63-13 (18374)
ততঃ কর্কোটকো নাগঃ সান্ৎবয়ন্নলমব্রবীৎ।
ময়া তেঽন্তর্হিতং রূপং ন ৎবাং বিদ্যুর্জনা ইতি ॥ 3-63-14 (18375)
যৎকৃতে চাসি নিকৃতো দুঃখেন মহতা নল।
বিষেণ স মদীয়েন ৎবয়ি দুঃখং নিবৎস্যতি ॥ 3-63-15 (18376)
বিষেণ সংবৃতৈর্গাত্রৈর্যাবত্ৎবাং ন বিমোক্ষ্যতি।
তাবত্তু ৎবাং মহারাজ ক্লেশেঽস্মিন্স নিয়োক্ষ্যতি ॥ 3-63-16 (18377)
অনাগা যেন নিকৃতস্ৎবমনর্হো জনাধিপ।
ক্রোধাদসূয়যিৎবা তং রক্ষা মে ভবতঃ কৃতা ॥ 3-63-17 (18378)
ন তে ভয়ং নরব্যাঘ্র দংষ্ট্রিভ্যঃ শত্রুতোপি বা।
ব্রহ্মবিত্ৎবং চ ভবিতা মৎপ্রসাদান্নরাধিপ ॥ 3-63-18 (18379)
রাজন্বিষনিমিত্তা চ ন তে পীডা ভবিষ্যতি।
সংগ্রামেষু ন রাজেন্দ্রশশ্বজ্জয়মবাপ্স্যসি ॥ 3-63-19 (18380)
গচ্ছ রাজন্নিতঃ সূতো বাহুকোঽহমিতি ব্রুবন্।
সমীপমৃতুপর্ণস্য স হি বেদাক্ষনৈপুণম্ ॥ 3-63-20 (18381)
অয়োধ্যাং নগরীং রম্যামদ্য বৈ নিষধেশ্বর।
স তেঽক্ষহৃদয়ং দাতা রাজাঽশ্বহৃদয়েন বৈ ॥ 3-63-21 (18382)
ইক্ষ্বাকুকুলজঃ শ্রীমান্মিত্রং চৈব ভবিষ্যতি।
ভবিষ্যসি যদাঽক্ষজ্ঞঃ শ্রেয়সা যোক্ষ্যসে তদা ॥ 3-63-22 (18383)
সংয়োক্ষ্যসে স্বদারৈস্ৎবং মা স্ম শোকে মনঃ কৃথাঃ।
রাজ্যেন তনয়াভ্যাং চ সত্যমেতদ্ব্রবীমি তে ॥ 3-63-23 (18384)
স্বং রূপং চ যদা দ্রষ্টুমিচ্ছেথাস্ৎবং নরাধিপ।
সংস্মর্তব্যস্তদা তেঽহংবাসশ্চদং বিবাসয়েঃ ॥ 3-63-24 (18385)
অনেন বাসসাচ্ছন্নঃ স্বং রূপং প্রতিপৎস্যসে।
ইত্যুক্ৎবা প্রদদৌ তস্মৈ দিব্যং বাসোয়ুগং তদা ॥ 3-63-25 (18386)
এবং নলং চ সংদিশ্য বাসো দত্তাব চ কৌরব।
নাগরাজস্ততো রাজংস্তত্রৈবান্তরধীয়ত ॥ 3-63-26 (18387)
ইতি শ্রীমন্মহাভারতে অরণ্যপর্বণি নলোপাখ্যানপর্বণি ত্রিষষ্টিতমোঽধ্যায়ঃ ॥ 63 ॥
Mahabharata - Vana Parva - Chapter Footnotes
3-63-8 লঘুগুরুৎবরহিতঃ ॥ 3-63-9 দাববিবর্জিতং বহ্নিহীনম্ ॥ 3-63-12 দশেত্যুক্তেঽদশৎ। আজ্ঞাং বিনা নাগো ন দশতীতি ভাবঃ 3-63-15 স কলিঃ। ইদং দময়ন্ত্যা দত্তস্য শাপস্য ফলং কলির্ভুঙ্ক্তে ইতি ভাবঃ ॥ 3-63-17 অনাগাঃ নিরপরাধঃ। নিকৃতো বঞ্চিতঃ। মে ময়া ॥ 3-63-18 ব্রহ্মবিদ্ভ্যশ্চ ভবিতেতি ঝ. পাঠঃ ॥ 3-63-21 অক্ষহৃদয়ং দ্যূতে জয়াবহম্। অশ্বহৃদয়েন বিদ্যযা বিদ্যাং পরিবর্তয়েদিত্যর্থঃ ॥ 3-63-24 নিবাসয়েঃ পরিধেহি ॥অরণ্যপর্ব - অধ্যায় 064
॥ শ্রীঃ ॥
3.64. অধ্যায়ঃ 064
Mahabharata - Vana Parva - Chapter Topics
কর্কোটকবচনান্নলেনায়োধ্যায়াং বাহুক ইতি স্বনামনির্দেশপূর্বকমৃতুপর্ণনৃপসমীপোপসর্পণম্ ॥ 1 ॥ ঋতুপর্ণেন তস্য সারথ্যে নিয়োজনম্ ॥ 2 ॥Mahabharata - Vana Parva - Chapter Text
3-64-0 (18388)
বৃহদশ্ব উবাচ। 3-64-0x (1939)
তস্মিন্নন্তর্হিতে নাগে প্রয়যৌ নৈষধো নলঃ।
ঋতুপর্ণস্য নগরং প্রাবিশদ্দশমেঽহনি ॥ 3-64-1 (18389)
স রাজানমুপাতিষ্ঠদ্বাহুকোঽহমিতি ব্রুবন্।
অশ্বানাং বাহনে যুক্তঃ পৃথিব্যাং নাস্তি মৎসমঃ ॥ 3-64-2 (18390)
অর্থকৃচ্ছ্রেষু চৈবাহং প্রষ্টব্যো নৈপুণেষু চ।
অন্নসংস্কারমপি চ জানাম্যন্যৈর্বিশেষতঃ ॥ 3-64-3 (18391)
যানি শিল্পানি লোকেঽস্মিন্যচ্চৈবান্যৎসুদুষ্করম্।
সর্বং যতিষ্যে তৎকর্তুমৃতুপর্ণ ভরস্ব মাম্ ॥ 3-64-4 (18392)
`ইত্যুক্তঃ স নলেনাথ ঋতুপর্ণো নরাধিপঃ।
উবাচ সুপ্রীতমনাস্তং প্রেক্ষ্য চ মহীপতে' ॥ 3-64-5 (18393)
বসবাহুক ভদ্রং তে সর্বমেতৎকরিষ্যসি।
শীঘ্রয়ানে সদা বুদ্ধির্ধ্রিয়তে মে বিশেষতঃ ॥ 3-64-6 (18394)
স ৎবমাতিষ্ঠ যোগং তং যেন শীধ্রাং হয়া মম।
ভবেয়ুরশ্বাধ্যক্ষোসি বেতনং তে শতংশতম্ ॥ 3-64-7 (18395)
ৎবামুপস্থাস্যতশ্চৈব নিত্যং বার্ষ্ণেয়জীবলৌ।
এতাভ্যাং রংস্যসে সার্ধং বস বৈ ময়ি বাহুক ॥ 3-64-8 (18396)
বৃহদশ্ব উবাচ। 3-64-9x (1940)
এবমুক্তো নলস্তেন ন্যবসত্তত্রপূজিতঃ।
ঋতুপর্ণস্য নগরে সহবার্ষ্ণেয়জীবলঃ ॥ 3-64-9 (18397)
স বৈ তত্রাবসদ্রাজা বৈদর্ভীমনুচিন্তয়ন্।
সায়ংসায়ং সদা চেমং শ্লোকমেকং জগাদ হ ॥ 3-64-10 (18398)
ক্ব নু সা ক্ষুৎপিপাসার্তা শ্রান্তা শেতে তপস্বিনী।
স্মরন্তী তস্য মন্দস্য কং বাঽঽসাদ্যোপতিষ্ঠতি ॥ 3-64-11 (18399)
এবং ব্রুবন্তং রাজানং নিশায়াং জীবলোঽব্রবীৎ।
কামেনাং শোচসে নিত্যং শ্রোতুমিচ্ছামি বাহুক।
আয়ুষ্মন্কস্য বা নারী যামেবমনুশোচসি ॥ 3-64-12 (18400)
তমুবাচ নলো রাজা মন্দপ্রজ্ঞস্য কস্যচিৎ।
আসীদ্বহুমতা নারী তস্যা দৃঢতরশ্চ সঃ ॥ 3-64-13 (18401)
স বৈ কেনচিদর্থেন তয়া মন্দো ব্যযুজ্যত।
বিপ্রয়ুক্তঃ স মন্দাত্মা ভ্রমত্যসুখপীডিতঃ ॥ 3-64-14 (18402)
দহ্যমানঃ স শোকেন দিবারাত্রমতন্দ্রিতঃ।
নিশাকালে স্মরংস্তস্যাঃ শ্লোকমেকং স্ম গায়তি ॥ 3-64-15 (18403)
স বিভ্রমন্মহীং সর্বাং ক্বচিদাসাদ্য কিংচন।
বসত্যনর্হস্তদ্দুঃখং ভূয় এবানুসংস্মরন্ ॥ 3-64-16 (18404)
সা তু তং পুরুষং নারী কৃচ্ছেঽপ্যনুগতা বনে।
ত্যক্তা তেনাল্পভাগ্যেন দুষ্করং যদি জীবতি ॥ 3-64-17 (18405)
একা বালাঽনভিজ্ঞা চ মার্গমাণাঽতথোচিতা।
ক্ষুৎপিপাসাপরীতাঙ্গী দুষ্করং যদি জীবতি ॥ 3-64-18 (18406)
শ্বাপদাচরিতে নিত্যং বনে মহতি দারুণে।
ত্যক্তা তেনাল্পভাগ্যেন মন্দপ্রজ্ঞেন মারিষ ॥ 3-64-19 (18407)
ইত্যেবং নৈষধো রাজা দময়ন্তীমনুস্মরন্।
অজ্ঞাতবাসং ন্যবসদ্রাজ্ঞস্তস্য নবেশনে ॥ 3-64-20 (18408)
ইতি শ্রীমন্মহাভারতে অরণ্যপর্বণি নলোপাখ্যানপর্বণি চতুঃষষ্টিতমোঽধ্যায়ঃ ॥ 64 ॥
Mahabharata - Vana Parva - Chapter Footnotes
3-64-9 মারিষ আর্য ॥অরণ্যপর্ব - অধ্যায় 065
॥ শ্রীঃ ॥
3.65. অধ্যায়ঃ 065
Mahabharata - Vana Parva - Chapter Topics
ভীমরাজেন নলদময়ন্ত্যন্বেষণায় নানাদেশেষু ব্রাহ্মণানাং প্রস্থাপনম্ ॥ 1 ॥ সুদেবনাম্না বিপ্রেণ চেদিরাজগৃহে দময়ন্তীদর্শনম্ ॥ 2 ॥ বিপ্রেণ সহ সবাষ্পং ভাষমাণাং দময়ন্তীং দৃষ্ট্বা রাজমাত্রা বিপ্রংপ্রতি দময়ন্তীকুলশীলাদিপ্রশ্নঃ ॥ 3 ॥Mahabharata - Vana Parva - Chapter Text
3-65-0 (18409)
বৃহদ্শ্ব উবাচ। 3-65-0x (1941)
হৃতরাজ্যে নলে ভীমঃ সভার্যেঽদর্শনং গতে।
`চিন্তয়ামাস বহুশঃ সহামাত্যৈর্নরাধিপঃ ॥ 3-65-1 (18410)
সমাহূয় দ্বিজান্সর্বানিদং বচনমব্রবীৎ।
অগ্রহারং চ দাস্যামিগ্রামং নগরসংমিতম্ ॥ 3-65-2 (18411)
দময়ন্তীং নলং চৈব পর্যন্বেষতি যো দ্বিজঃ।
গবাং শতসহস্রাণি দাতা তস্মৈ দ্বিজাতয়ে ॥ 3-65-3 (18412)
ইত্যুক্ৎবা ব্রাহ্মণান্সর্বান্সমাহূয় দ্বিজোত্তমান্।
প্রস্থাপয়ামাস তদা তয়োর্দর্শনকাঙ্ক্ষয়া' ॥ 3-65-4 (18413)
সংদিদেশ চ তান্ভীমো বসু দত্তা চ পুষ্কলম্।
মৃগয়ধ্বং নলং চৈব দময়ন্তীং চ মে সুতাম্ ॥ 3-65-5 (18414)
অস্মিন্কর্মণি নিষ্পন্নে বিজ্ঞাতে নিষধাধিপে।
গবাং সহস্রং দাস্যামি যো বস্তাবানয়িষ্যতি ॥ 3-65-6 (18415)
অগ্রহারাংশ্চ দাস্যামি গ্রামং নগরসংমিতম্।
হিরণ্যংচ সুবর্ণং চ দাসীদাসং তথৈব ॥ 3-65-7 (18416)
ন চেচ্ছক্যাবিহানেতুং দময়ন্তী নলোঽপি বা।
জ্ঞাতমাত্রেঽপি দাস্যামি গবাং দশশতং ধনম্ ॥ 3-65-8 (18417)
ইত্যুক্তাস্তে যয়ুর্হৃষ্টা ব্রাহ্মণাঃ সর্বতো দিশম্।
পুররাষ্ট্রাণি চিন্বন্তো নৈষধং সহ ভার্যযা।
নৈব ক্বাপি প্রপশ্যন্তি নলং বা ভীমপুত্রিকাম্ ॥ 3-65-9 (18418)
ততশ্চেদিপুরীং রম্যাং সুদেবো নাম বৈ দ্বিজঃ।
বিচিন্বানোঽথ বৈদর্ভীমপশ্যদ্রাজবেশ্মনি ॥ 3-65-10 (18419)
তয়ৈব রাজমাতা চ ব্রাহ্মণান্পর্যবেষয়ৎ।
ভোজনার্থে সুদেবোঽপি তত্রৈব প্রবিবেশ হ ॥ 3-65-11 (18420)
কৃশাং বিবর্ণাং মলিনাং ভর্তৃশোকপরায়ণাম্।
পুণ্যাহবাচনে রাজ্ঞঃ সুনন্দাসহিতাং স্থিতাম্ ॥ 3-65-12 (18421)
মন্দং প্রখ্যায়মানেন রূপেণাপ্রতিমেন তাম্।
নিবদ্ধাং ধূমজালেন প্রভামিব বিভাবসোঃ ॥ 3-65-13 (18422)
তাং সমীক্ষ্য বিশালাক্ষীমধিকং মলিনাং কৃশাম্।
তর্কয়ামাস ভৈমীতি কারণৈরুপপাদয়ন্ ॥ 3-65-14 (18423)
সুদেব উবাচ। 3-65-15x (1942)
যথেয়ং মে পুরা দৃষ্টা তথারূপেয়মঙ্গনা।
কৃতার্থোস্ম্যদ্য দৃষ্ট্বেমাং লোককান্তামিব শ্রিয়ং ॥ 3-65-15 (18424)
পূর্ণচন্দ্রাননাং শ্যামাং চারুবৃত্তপয়োধরাম্।
কুর্বন্তীং প্রভয়া দেবীং সর্বাবিতিমিরা দিশঃ ॥ 3-65-16 (18425)
চারুপদ্মবিশালাক্ষীং মন্মথস্য রতীমিব।
ইষ্টাং সমস্তলোকস্য পূর্ণচন্দ্রপ্রভামিব ॥ 3-65-17 (18426)
বিদর্ভসরসস্তস্মাদ্দৈবদোষাদিবোদ্ধৃতাম্।
মলপঙ্কানুলিপ্তাঙ্গীং প্রম্লানাং নলিনীমিব ॥ 3-65-18 (18427)
পৌর্ণমাসীমিব নিশাং রাহুগ্রস্তনিশাকরাম্।
পতিশোকাকুলাং দীনাং কৃশস্ত্রোতাং নদীমিব ॥ 3-65-19 (18428)
বিধ্বস্তপর্ণকমলাং বিত্রাসিতবিহংগমাম্।
হস্তিহস্তপরিক্লিষ্টাং ব্যাকুলামিব পদ্মিনীম্ ॥ 3-65-20 (18429)
সুকুমারীং সুজাতাঙ্গীং রত্নগর্ভগৃহোচিতাম্।
দহ্যমানামিবার্কেণ মৃণালীমিব চোদ্ধৃতাম্ ॥ 3-65-21 (18430)
রূপৌদার্যগুণোপেতাং মণ্ডনার্হামমণ্ডিতাম্।
চন্দ্রলেখামিব নবাংব্যোম্নি নীলাভ্রসংবৃতাম্ ॥ 3-65-22 (18431)
কামভোগৈঃ প্রিয়ৈর্হীনাং হীনাং বন্ধুজনেন চ।
দেহং ধারয়তীং দীনং ভর্তৃদর্শনকাঙ্ক্ষয়া ॥ 3-65-23 (18432)
ভর্তা নাম পরং নার্যা ভূষণং ভূষণৈর্বিনা।
এষা হি রহিতা তেন শোভমানা ন শোভতে ॥ 3-65-24 (18433)
দুষ্করং কুরুতেঽত্যন্তং হীনো যদনয়া নলঃ।
ধারয়ত্যাত্মনো দেহং ন শোকেনাপি সীদতি ॥ 3-65-25 (18434)
ইমামসিতকেশান্তাং শতপত্রায়তেক্ষণাম্।
সুখার্হাং দুঃখিতাং দৃষ্ট্বা মমাপি ব্যথতে মনঃ ॥ 3-65-26 (18435)
কদা নু খলুঃ দুঃখস্য পারং যাস্যতি বৈ শুভা।
ভর্তুঃ সমাগমাৎসাধ্বীরোহিণী শশিনো যথা ॥ 3-65-27 (18436)
অস্যা নূনং পুনর্লাভান্নৈষধঃ প্রীতিমেষ্যতি।
রাজা রাজ্যপরিভ্রষ্টঃ পুনর্লব্ধ্বেব মেদিনীম্ ॥ 3-65-28 (18437)
তুল্যশীলবয়োয়ুক্তাং তুল্যাভিজনসংবৃতম্।
নৈষধোঽর্হতি বৈদর্ভীং তং চেয়মসিতেক্ষণা ॥ 3-65-29 (18438)
যুক্তং তস্যাপ্রমেয়স্য বীর্যসৎববতো ময়া।
সমাশ্বাসয়িতুং ভার্যাং পতিদর্শনলালসাম্ ॥ 3-65-30 (18439)
অহমাশ্বাসয়াম্যেনাং পূর্ণচন্দ্রনিভাননাম্।
অদৃষ্টদুঃখাং দুঃখার্তাং ধ্যানরোদনতৎপরাম্ ॥ 3-65-31 (18440)
বৃহদশ্ব উবাচ। 3-65-32x (1943)
এবং বিমৃশ্য বিবিধৈঃ কারণৈর্লক্ষণৈশ্চ তাম্।
উপগম্য ততো ভৈমীং সুদেবো ব্রাহ্মণোঽব্রবীৎ ॥ 3-65-32 (18441)
অহং সুদেবো বৈদর্ভি ভ্রাতুস্তে দয়িতঃ সখা।
ভীমস্য বচনাদ্রাজ্ঞস্ৎবামন্বেষ্টুমিহাগতঃ ॥ 3-65-33 (18442)
কুশলী তে পিতা রাজ্ঞি জননী ভ্রাতরশ্চ তে।
আয়ুষ্মন্তৌ কুশলিনৌ তত্রস্থৌ দারকৌ চ তে ॥ 3-65-34 (18443)
ৎবৎকৃতেবন্ধুবর্গাশ্চ গতসৎবা ইবাসতে।
অন্বেষ্টারো ব্রাহ্মণাশ্চ ভ্রমন্তি শতশো মহীম্ ॥ 3-65-35 (18444)
বৃহদশ্ব উবাচ। 3-65-36x (1944)
অভিজ্ঞায় সুদেবং তং দময়ন্তী যুধিষ্ঠির।
পর্যপৃচ্ছত তান্সর্বান্ক্রমেণ সুহৃদঃ স্বকান্ ॥ 3-65-36 (18445)
রুরোদ চ ভৃশং রাজন্বৈদর্ভী শোককর্শিতা।
দৃষ্ট্বা সুদেবং সহসা ভ্রাতুরিষ্টং দ্বিজোত্তমম্ ॥ 3-65-37 (18446)
ততো রুদন্তীং তাং দৃষ্ট্বা সুনন্দা শোককর্শিতা।
সুদেবেন সহৈকান্তে কথয়ন্তীং চ ভারত ॥ 3-65-38 (18447)
জনিত্র্যাঃ প্রেষয়ামাস সৈরন্ধ্রী রুদতে ভৃশম্।
ব্রাহ্মণেন সহাগম্য তাংবিদ্ধি যদি মন্যসে ॥ 3-65-39 (18448)
অথ চেদিপতের্মাতা রাজ্ঞশ্চান্তঃপুরাত্তদা।
জগাম যত্রসা বালা ব্রাহ্মণেন সহাভবৎ ॥ 3-65-40 (18449)
ততঃ সুদেবমানায়্য রাজমাতা বিশাংপতে।
পপ্রচ্ছ ভার্যা কস্যেয়ং সুতা বা কস্য ভামিনী ॥ 3-65-41 (18450)
কথং চ নষ্টা জ্ঞাতিভ্যো ভর্তুর্বা বামলোচনা।
ৎবয়া চ বিদিতা বিপ্র কথমেবংগতা সতী ॥ 3-65-42 (18451)
এতদিচ্ছাম্যহং শ্রোতুং ৎবত্তঃ সর্বমশেষতঃ।
তত্ৎবেন হি মমাচক্ষ্ব পৃচ্ছন্ত্যাদেবরূপিণীম্ ॥ 3-65-43 (18452)
এবমুক্তস্তয়া রাজন্সুদেবো দ্বিজসত্তমঃ।
সুখোপবিষ্ট আচষ্ট দময়ন্ত্যা যথাতথম্ ॥ 3-65-44 (18453)
ইতি শ্রীমন্মহাভারতে অরণ্যপর্বণি নলোপাখ্যানপর্বণি পঞ্চষষ্টিতমোঽধ্যায়ঃ ॥ 65 ॥
Mahabharata - Vana Parva - Chapter Footnotes
3-65-7 অগ্রং ব্রাহ্মণভোজনং তদর্থং হ্রিয়ন্তে রাজধনাৎপৃথকূক্রিয়ন্তে তেঽগ্রহারাঃ ক্ষেত্রাদয়ঃ ॥ 3-65-14 কারণৈর্লিঙ্গৈঃ উপপাদয়ন্ ইয়মেব দময়ন্তীতি নিশ্চিন্বন্ ॥ 3-65-16 শ্যামাং সদা ষোডশবার্ষিকীম্ ॥ 3-65-20 পদ্মিনীং সরসীম্ ॥অরণ্যপর্ব - অধ্যায় 066
॥ শ্রীঃ ॥
3.66. অধ্যায়ঃ 066
Mahabharata - Vana Parva - Chapter Topics
সুদেবেন দময়ন্তীতৎবং নিবেদিতয়া রাজমাত্রা পিপ্লুরূপলাঞ্ছনেন তৎবনির্ধারণপূর্বকং তস্যাঃ পিতৃপুরংপ্রতি প্রাপণম্ ॥ 1 ॥Mahabharata - Vana Parva - Chapter Text
3-66-0 (18454)
সুদেব উবাচ। 3-66-0x (1945)
বিদর্ভরাজো ধর্মাত্মা ভীমো ভীমপরাক্রমঃ।
সুতেয়ং তস্য কল্যাণী দময়ন্তীতি বিশ্রুতা ॥ 3-66-1 (18455)
রাজা তু নৈষধো নাম বীরসেনসুতো নলঃ।
ভার্যেয়ং তস্য কল্যাণী পুণ্যশ্লোকস্য ধীমতঃ ॥ 3-66-2 (18456)
স দ্যূতেন জিতো ভ্রাত্রা হৃতরাজ্যো মহামনাঃ।
দময়ন্ত্যা গতঃ সার্ধং ন প্রাজ্ঞায়ত কস্যচিৎ ॥ 3-66-3 (18457)
তে বয়ং দময়ন্ত্যর্থে চরামঃ পৃথিবীমিমাম্।
সেয়মাসাদিতা বালা তব দেবি নিবেশনে ॥ 3-66-4 (18458)
অস্যা রূপেণ সদৃশী মানুষী ন হি বিদ্যতে।
অস্যা হ্যেষ ভ্রুবোর্মধ্যে সহজঃ পিপ্লুরুত্তমঃ ॥ 3-66-5 (18459)
শ্যামায়াঃ পদ্মসংকাশো লক্ষিতোঽন্তর্হিতো ময়া।
মলেন সংবৃতোহ্যস্যাশ্ছন্নোঽভ্রেণেব চন্দ্রমাঃ ॥ 3-66-6 (18460)
চিহ্নভূতো বিভূত্যর্থময়ং ধাত্রা বিনির্মিতঃ।
প্রতিপৎকলুষেবেন্দোর্লেখা নাতিবিরাজতে ॥ 3-66-7 (18461)
ন চাস্যা নশ্যতে রূপং বপুর্মলসমাচিতম্।
অসংস্কৃতমপি ব্যক্তং ভাতি কাঞ্চনসন্নিভম্ ॥ 3-66-8 (18462)
অনেন বপুষা বালা পিপ্লুনাঽনেন সূচিতা।
লক্ষিতেয়ং ময়া দেবী পিহিতোঽগ্নিরিবোষ্মণা ॥ 3-66-9 (18463)
বৃহদশ্ব উবাচ। 3-66-10x (1946)
তচ্ছ্রুৎবা বচনং তস্য সুদেবস্য বিশাংপতে।
সুনন্দা শোধয়ামাস পিপ্লুপ্রচ্ছাদনং মলম্ ॥ 3-66-10 (18464)
স মলেনাপকৃষ্টন পিপ্লুস্তস্যা ব্যরোচত।
দময়ন্ত্যা যথা ব্যভ্রে নভসীব নিশাকরঃ ॥ 3-66-11 (18465)
পিপ্লুং দৃষ্ট্বা সুনন্দা চ রাজমাতা চ ভারত।
রুদন্ত্যৌ তাং পরিষ্বজ্যমুহূর্তমিব তস্থতুঃ ॥ 3-66-12 (18466)
উৎসৃজ্য বাষ্পং শনকৈ রাজমাতেদমব্রবীৎ।
ভগিন্যা দুহিতা মেঽসি পিপ্লুনানেন সূচিতা ॥ 3-66-13 (18467)
অহং চ তব মাতা চ রাজন্যস্য মহাত্মনঃ।
সুতে দশার্ণাধিপতেঃ সুদাম্নশ্চারুদর্শনে ॥ 3-66-14 (18468)
ভীমস্য রাজ্ঞঃ সা দত্তা বীরবাহোরহং পুনঃ।
ৎবং তু জাতা ময়া দৃষ্টা দশার্ণেষু পিতুর্গৃহে ॥ 3-66-15 (18469)
যথৈব তে পিতুর্গেহং তথেদমপি ভামিতি।
যথৈব চ মমৈশ্বর্যং দময়ন্তি তথা তব ॥ 3-66-16 (18470)
তাং প্রহৃষ্টেন মনসা দময়ন্তী বিশাংপতে।
প্রণম্য মাতুর্ভগিনীমিদং বচনমব্রবীৎ ॥ 3-66-17 (18471)
অজ্ঞায়মানাঽপিসতী সুখমস্ম্যুষিতা ৎবয়ি।
সর্বকামৈঃ সুবিহিতা রক্ষ্যমাণা সদা ৎবয়া ॥ 3-66-18 (18472)
সুখাৎসুখতরো বাসো ভবিষ্যতি ন সংশয়ঃ।
চিরবিপ্রোষিতাং মাতর্মামনুজ্ঞাতুমর্হসি ॥ 3-66-19 (18473)
দারকৌ চ হি মে নীতৌ বসতস্তত্র বালকৌ।
পিত্রা বিহীনৌ শোকার্তৌ ময়া চৈব কথং নু তৌ ॥ 3-66-20 (18474)
যদি চাপি প্রিয়ং কিংচিন্ময়ি কর্তুমিহেচ্ছসি।
বিদর্ভান্যাতুমিচ্ছামি শীঘ্রং মে যানমাদিশ ॥ 3-66-21 (18475)
বাঢমিত্যেব তামুক্ৎবা হৃষ্ট্বা মাতৃষ্বসা নৃপ।
গুপ্তাং বলেন মহতা পুত্রস্যানুমতে ততঃ ॥ 3-66-22 (18476)
প্রাস্থাপয়দ্রাজমাতা শ্রীমতীং নরবাহিনা।
যানেন ভরতশ্রেষ্ঠ স্বন্নপানপরিচ্ছদাম্ ॥ 3-66-23 (18477)
ততঃ সা নচিরাদেব বিদর্ভানগমচ্ছুভা।
তাং তু বন্ধুজনঃ সর্বঃ প্রহৃষ্টঃ সমপূজয়ৎ ॥ 3-66-24 (18478)
সর্বান্কুশলিনো দৃষ্ট্বা বান্ধবান্দারকৌ চ তৌ।
মাতরং পিতরং চোভৌ সর্বং চৈব সখীজনম্ ॥ 3-66-25 (18479)
দেবতাঃ পূজয়ামাস ব্রাহ্মণাংশ্চ যশস্বিনী।
পরেণ বিধিনা দেবী দময়ন্তী বিশাংপতে ॥ 3-66-26 (18480)
অতর্পয়ৎসুদেবং চ গোসহস্রেণ পার্থিবঃ।
প্রীতো দৃষ্ট্বৈব তনয়াং গ্রামেণ দ্রবিণেন চ ॥ 3-66-27 (18481)
সা ব্যুষ্টা রজনীং তত্রপিতুর্বেশ্মনি ভামিনী।
বিশ্রান্তা মাতরং রাজন্নিদং বচনমব্রবীৎ ॥ 3-66-28 (18482)
ইতি শ্রীমন্মহাভারতে অরণ্যপর্বণি নলোপাখ্যানপর্বণি ষট্ষষ্টিতমোঽধ্যায়ঃ ॥ 66 ॥
Mahabharata - Vana Parva - Chapter Footnotes
3-66-5 পিপ্লুঃ রক্ততিলকাকৃতিলাঞ্ছনম্ ॥ 3-66-6 স দৃষ্টো বহুশো নাদ্য লক্ষ্যতেঽন্তর্হিতো ময়েতি ক. পাঠঃ ॥ 3-66-7 চিহ্নভূতঃ সচাত্যর্থমিতি ধ. পাঠঃ ॥ 3-66-8 অস্যাস্তু দৃশ্যতে রূপমিতি ধ. পাঠঃ ॥ 3-66-11 অপকৃষ্টেন দূরীকৃতেন ॥ 3-66-20 দারকৌ সুতঃ সুতা চ ॥ 3-66-28 ব্যুষ্টা বাসংকৃতবতী ॥অরণ্যপর্ব - অধ্যায় 067
॥ শ্রীঃ ॥
3.67. অধ্যায়ঃ 067
Mahabharata - Vana Parva - Chapter Topics
দময়ন্তীপ্রেষিতৈর্বিপ্রৈস্তত্রতত্রনলান্বেষণম্ ॥ 1 ॥Mahabharata - Vana Parva - Chapter Text
3-67-0 (18483)
দময়ন্ত্যবাচ। 3-67-0x (1947)
মাং চেদিচ্ছসি জীবন্তীং মাতঃ সত্যং ব্রবীমিতে।
নলস্য নরবীরস্য যতস্বানয়নে পুনঃ ॥ 3-67-1 (18484)
দময়ন্ত্যা তথোক্তা তু সা দেবী ভৃশদুঃখিতা।
বাষ্পেণাপিহিতা রাজ্ঞী নোত্তরং কিংচিদব্রবীৎ ॥ 3-67-2 (18485)
তদবস্থাং তু তাং দৃষ্ট্বা সর্বমন্তঃপুরং তদা।
হাহাভূতমতীবাসীদ্ভৃশং চ প্ররুরোদ হ ॥ 3-67-3 (18486)
ততো ভীমং মহারাজং ভার্যা বচনামব্রবীৎ।
দময়ন্তী নৃপ ভৃশং ভর্তারমনুশোচতি ॥ 3-67-4 (18487)
অপকৃষ্য চ লজ্জাং সা স্বয়মুক্তবতী বিভো।
প্রয়তন্তু তবপ্রেষ্যাঃ পুণ্যশ্লোকস্য দর্শনে ॥ 3-67-5 (18488)
বৃহদশ্ব উবাচ। 3-67-6x (1948)
তয়াপ্রয়োদিতো রাজা ব্রাহ্মণান্বশবর্তিনঃ।
প্রাশ্থাপয়দ্দিশঃ সর্বা যতধ্বং নলদর্শনে ॥ 3-67-6 (18489)
ততো বিদর্ভাধিপতের্নিয়োগাদ্ব্রাহ্মণাস্তদা।
দময়ন্তীমথাপৃচ্ছ্য প্রস্থিতাস্তে তথাঽব্রুবন্ ॥ 3-67-7 (18490)
অথ তানব্রবীদ্ভৈমী সর্বরাষ্ট্রেষ্বিদং বচঃ।
ব্রূত বৈ জনসংসৎসু তত্রতত্র পুনঃ পুনঃ ॥ 3-67-8 (18491)
ক্বনু ৎবং কিতব চ্ছিত্ৎবা বস্ত্রার্ধং প্রস্থিতো মম।
উৎসৃজ্য বপিনে সুপ্তামনুরক্তাং প্রিয়াং প্রিয় ॥ 3-67-9 (18492)
সা বৈ যথা ৎবয়া দৃষ্টা তথাঽঽস্তে ৎবৎপ্রতীক্ষিণী।
দহ্যমানা ভৃশং বালা বস্ত্রার্ধেনাভিসংবৃতা ॥ 3-67-10 (18493)
তস্যা রুদন্ত্যাঃ সততং তেন শোকেন পার্থিব।
প্রসাদং কুরু বৈ দেব প্রতিবাক্যং বদস্ব চ ॥ 3-67-11 (18494)
এবমন্যচ্চ বক্তব্যং কৃপাং কুর্যাদ্যথা ময়ি।
বায়ুনা ধূয়মানো হি বনং দহতি পাবকঃ ॥ 3-67-12 (18495)
ভর্তব্যা রক্ষণীয়া ৎব পত্নী পত্যা হি নিত্যদা।
তন্নষ্টমুভয়ং কস্মাদ্ধর্মজ্ঞস্য সতস্তব ॥ 3-67-13 (18496)
খ্যাতঃ প্রাজ্ঞঃ কুলীনশ্ সানুক্রোশো ভবান্সদা।
সংবৃত্তো নিরনুক্রোশঃ শঙ্কে মদ্ভাগ্যসংক্ষয়াৎ ॥ 3-67-14 (18497)
তৎকুরুষ্ব নরব্যাঘ্র দয়াং ময়ি নরর্পভ।
আনৃশংস্যং পরো ধর্মস্ৎবত্ত এব হি মে শ্রুতঃ ॥ 3-67-15 (18498)
এবংব্রুবাণান্যদি বঃ প্রতিব্রূয়াদ্ধি কশ্চন।
স নরঃ সর্বথা জ্ঞেয়ঃ কশ্চাসৌ ক্বনু বর্ততে ॥ 3-67-16 (18499)
যশ্চৈবং বচনং শ্রুত্য্বা বূয়াৎপ্রতিবচো নরঃ।
তদাদায় বচস্তস্য মমাবেদ্যং দ্বিজোত্তমাঃ ॥ 3-67-17 (18500)
যথা চ বো ন জানীয়াচ্চরতো ভীমশাসনাৎ।
পুনরাগমনং চেহ তথা কার্যমতন্দ্রিতৈঃ ॥ 3-67-18 (18501)
যদি বাঽসৌ সমৃদ্ধঃ স্যাদ্যদি বাঽপ্যধনো ভবেৎ।
যদিঽবাপ্যসমর্থঃ স্যাজ্জ্ঞেয়মস্য চিকীর্ষিতম্ ॥ 3-67-19 (18502)
এবমুক্তাস্ৎবগচ্ছংস্তে ব্রাহ্মণাঃ সর্বতো দিশম্।
নলং মৃগয়িতুং রাজংস্তদা ব্যসনিনং তথা ॥ 3-67-20 (18503)
তে পুরাণি সরাষ্ট্রাণি গ্রামান্ধোপাংস্তথাঽঽশ্রমান্।
অন্বেষন্তো নলং রাজন্নাধিজগ্মুর্দবিজাতয়ঃ ॥ 3-67-21 (18504)
তচ্চ বাক্যং তথা সর্বেতত্রতত্র বিশাংপতে।
শ্রাবয়াংচক্রিরে বিপ্রা দময়ন্ত্যা যথেরিতম্ ॥ 3-67-22 (18505)
ইতি শ্রীমন্মহাভারতে অরণ্যপর্বণি নলোপাখ্যানপর্বণি সপ্তষষ্টিতমোঽধ্যায়ঃ ॥ 67 ॥
Mahabharata - Vana Parva - Chapter Footnotes
3-67-7 তথা অব্রুবন্নলান্বেষণায় প্রস্থিতাঃস্মেতি ॥ 3-67-12 বায়ুনেতি শোকাগ্নিঃ কালবায়ুনা দিনেদিনে বর্ধমানো দময়ন্তীশরীরবনং দহতীতি রূপকেণোক্তম্ ॥ 3-67-13 ভর্তব্যাঽন্নাদিনা। রক্ষণীয়া দস্যুপ্রভৃতিভ্যঃ। উভয়ং রক্ষণভরণাত্মকম্ ॥ 3-67-14 সানুক্রোশঃ সদয়ঃ ॥অরণ্যপর্ব - অধ্যায় 068
॥ শ্রীঃ ॥
3.68. অধ্যায়ঃ 068
Mahabharata - Vana Parva - Chapter Topics
নলান্বেপিণা পর্ণাদনাম্না বিপ্রেণ ঋতুপর্ণনৃপগৃহে বাহুকনামনিগৃঢে নলে শৃণ্বতি দময়ন্তীবচনানুবাদঃ ॥ 1 ॥ বাহুকেন বিজনে পর্ণাদংপ্রতি দময়ন্তীবচনস্যোত্তরদানম্ ॥ 2 ॥ পর্ণাদেন বিদর্ভান্পুনরভ্যেত্য দময়ন্ত্যা বাহুকবচননিবেদনম্ ॥ 3 ॥ বাহুকে নলশঙ্কিন্যা দময়ন্ত্যা প্রেপিতেন সুদেবেন অয়োধ্যাংগৎবা ঋতুপর্ণে শ্লোনভূতে দময়ন্ত্যাঃ পুনঃ স্বয়ংবরো ভবিতেতি কীর্তনম্ ॥ 4 ॥Mahabharata - Vana Parva - Chapter Text
3-68-0 (18506)
বৃহদশ্ব উবাচ। 3-68-0x (1949)
অথ দীর্ঘস্য কালস্য পর্ণাদো নাম বৈ দ্বিজঃ।
প্রত্যেত্য নগরং ভৈমীমিদং বচনমব্রবীৎ ॥ 3-68-1 (18507)
নৈষধং মৃগয়াণেন দময়ন্তি দিবানিশম্।
অয়োধ্যাং নগরীং গৎবা ভাগস্বরিরুপস্থিতঃ ॥ 3-68-2 (18508)
শ্রাবিতশ্চ ময়া বাক্যং ৎবদীয়ং স মহাজনে।
ঋতুপর্ণো মহাভাগো যথোক্তং বরবর্ণিনি ॥ 3-68-3 (18509)
তচ্ছ্রুৎবা নাব্রবীৎকিংচিদৃতুপর্ণো নরাধিপঃ।
ন চ পারিষদঃ কশ্চিদ্ভাষ্যমাণো ময়াঽসকৃৎ ॥ 3-68-4 (18510)
অনুজ্ঞাতং তু মাং রাজ্ঞা বিজনে কশ্চিদব্রবীৎ।
ঋতুপর্ণস্য পুরুষো বাহুকো নাম নামতঃ ॥ 3-68-5 (18511)
সূতস্তস্য নরেন্দ্রস্য বিরূপো হ্রস্ববাহুকঃ।
শীঘ্রয়ানেষু কুশলো মৃষ্টকর্তা চ ভোজনে ॥ 3-68-6 (18512)
স বিনিঃশ্বস্য বংহুশো রুদিৎবা চ ষুনঃপুনঃ।
কুশলং চৈব মাং পৃষ্ট্বা পশ্চাদিদমভাষত ॥ 3-68-7 (18513)
বৈষম্যমপি সংপ্রাপ্তা গোপায়ন্তি কুলস্ত্রিয়ঃ।
আত্মানমাত্মনা সত্যো জিতঃ স্বর্গো ন সংশয়ঃ ॥ 3-68-8 (18514)
রহিতা ভর্তৃভিশ্চৈব ন কুপ্যন্তি কদাচন। 3-68-9bপ্রাণাংশ্চারিত্রকবচান্ধারয়ন্তি বরস্ত্রিয়ঃ ॥ 3-68-9 (18515)
বিষমস্থেন মূঢেন পরিভ্রষ্টসুখেন চ।
যৎসা তেন পরিত্যক্তা তত্র ন ক্রোদ্ধুমর্হতি ॥ 3-68-10 (18516)
প্রাণয়াত্রাং পরিপ্রেপ্সোঃ শকুনৈর্হৃতবাসসঃ।
আধিভির্দহ্যমানস্য শ্যামা ন ক্রোদ্ধুমর্হতি ॥ 3-68-11 (18517)
সৎকৃতাঽসৎকৃতা বাঽপি পতিং দৃষ্ট্বা তথাগতম্।
ভ্রষ্টরাজ্যং শ্রিত্যা হীনং শ্যামা ন ক্রোদ্ধুমর্হতি ॥ 3-68-12 (18518)
তস্য তদ্বচনং শ্রুৎবা ৎবরিতোঽহমিহাগতঃ।
শ্রুৎবা প্রমাণং ভবতী রাজ্ঞশ্চৈব নিবেদয়ঃ ॥ 3-68-13 (18519)
এতচ্ছ্রুৎবাঽশ্রুপূর্ণাক্ষী পর্ণাদস্য বিশাংপতে।
দময়ন্তী রহোঽভ্যেত্য মাতরং প্রত্যভাপত ॥ 3-68-14 (18520)
অয়মর্থৌ ন সংবেদ্যো ভীমে মাতঃ কদাচন।
ৎবৎসন্নিধৌ নিয়োক্ষ্যেঽহংসুদেবং দ্বিজসত্তমম্ ॥ 3-68-15 (18521)
যথা ন নৃপতির্ভীমঃ প্রতিপদ্যেত মে মতম্।
যথা ৎবয়া প্রকর্তব্যং মম চেৎপ্রিয়মিচ্ছসি ॥ 3-68-16 (18522)
যথা চাহং সমানীতা সুদেবেনাশু বান্ধবান্।
তেনৈব মঙ্গলেনাদ্য সুদেবো যাতু মা চিরম্ ॥ 3-68-17 (18523)
সমানেতুং নলং মাতরয়োধ্যাং নগরীমিতঃ।
`ঋতুপর্ণস্য নগরে নিবসন্তমরিন্দমম্' ॥ 3-68-18 (18524)
বিশ্রান্তং তু ততঃ পশ্চাৎপর্ণাদং দ্বিজসত্তমম্।
অর্চয়ামাস বৈদর্ভী ধনেনাতীব ভামিনী ॥ 3-68-19 (18525)
`লবাচ চৈনং মহতা সংপূজ্য দ্রবিণেন বৈ।'
নলে চেহাগতে বিপ্র ভূয়ো দাস্যাভি তে বসু ॥ 3-68-20 (18526)
ৎবয়া হি মে বহুকৃতংয়দন্যো ন করিষ্যতি।
যদ্ভর্ত্রাঽহং সমেষ্যামি শীঘ্রমেব দ্বিজোত্তম ॥ 3-68-21 (18527)
স এবমুক্তোঽথাশ্বাস্য আশীর্বাদৈঃ সুমঙ্গলৈঃ।
গৃহানুপয়যৌ চাপি কৃতার্থঃ সুমহামনাঃ ॥ 3-68-22 (18528)
ততঃ সুদেবমানায়্য দময়ন্তী যুধিষ্ঠির।
অব্রবীৎসন্নিদৌ মাতুর্দুঃখশোকসমন্বিতা ॥ 3-68-23 (18529)
গৎবা সুদেব নগরীময়োধ্যাবাসিনং নৃপম্।
ঋতুপর্ণং বচো ব্রূহি পতিমন্যং চিকীর্ষতী ॥ 3-68-24 (18530)
আস্থাস্যতি পুনর্ভৈমী দময়ন্তী স্বয়ংবরম্।
তত্র গচ্ছন্তি রাজানো রাজপুত্রাশ্চ সর্বশঃ ॥ 3-68-25 (18531)
তথা চ গণিতঃ কালঃ শ্বোভূতে স ভবিষ্যতি।
যদি সংভাবিনীয়ং তে গচ্ছ শীঘ্রমরিংদম ॥ 3-68-26 (18532)
সূর্যোদয়ে দ্বতীয়ং সা ভর্তারং বরয়িষ্যতি।
ন হি স জ্ঞায়তে বীরো নলো জীবন্মৃতোপি বা ॥ 3-68-27 (18533)
এবং তথা যথোক্তো বৈ গৎবা রাজানমব্রবীৎ।
ঋতুপর্ণং মহারাজ সুদেবো ব্রাহ্মণস্তদা ॥ 3-68-28 (18534)
ইতি শ্রীমন্মহাভারতে অরণ্যপর্বণি নলোপাস্ত্র্যানপর্বণি অষ্টষষ্ঠিতমোঽধ্যায়ঃ ॥ 68 ॥
Mahabharata - Vana Parva - Chapter Footnotes
3-68-8 গোপায়ন্তি পালয়ন্তি। জিতঃ স্বর্গস্তাভিরিত শেষঃ ॥ 3-68-26 সংভাবিনী সংভাবিতা ইয়ম্। গতিরিতি শেষঃ ॥অরণ্যপর্ব - অধ্যায় 069
॥ শ্রীঃ ॥
3.69. অধ্যায়ঃ 069
Mahabharata - Vana Parva - Chapter Topics
ঋতুপর্ণেন দময়ন্তীস্বয়ংবরায় বাহুকং সারত্যেনিয়োজ্য বার্ষ্ণেয়েন সহ বিদর্ভান্প্রতি প্রস্থানম্ ॥ 1 ॥ বার্ষ্ণেয়েন বাহুকে সারথ্যকৌশলেন নলৎবসংভাবনা ॥ 2 ॥Mahabharata - Vana Parva - Chapter Text
3-69-0 (18535)
বৃহদশ্ব উবাচ। 3-69-0x (1950)
শ্রুৎবা বচঃ সুদেবস্য ঋতুপর্ণো নরাধিপঃ।
`সারথীন্স সমানীয় বার্ষ্ণেয়প্রভৃতীন্নৃপঃ।
কথয়ামাস যদ্বৃত্তং ব্রাহ্মণেন শ্রুতং তথা ॥ 3-69-1 (18536)
বাহুকং চ সমাহূয় দময়ন্ত্যাঃ স্বয়ংবরম্'।
সান্ত্যঞ্শ্র্লক্ষ্ণয়া বাচা বাহুকং প্রত্যভাষত ॥ 3-69-2 (18537)
বিদর্ভান্যাতুমিচ্ছামি দময়ন্ত্যাঃ স্বয়ংবরম্।
একাহ্না হয়তত্ৎবজ্ঞ মন্যসে যদি বাহুক ॥ 3-69-3 (18538)
এবমুক্তস্য কৌন্তেয় তেন রাজ্ঞা নলস্য হ।
ব্যদীর্যত মনো দুঃখাৎপ্রদধ্যৌ চ মহামনাঃ ॥ 3-69-4 (18539)
দময়ন্তী ভবেদেবং কিংনু দুঃখেন মোহিতা।
অস্মদর্থে ভবেদ্বাঽয়মুপায়শ্চিন্তিতো মহান্ ॥ 3-69-5 (18540)
নৃশংসং বত বৈদর্ভী কর্তুকামা তপস্বিনী।
যয়া ক্ষুদ্রেণ নিকৃতাকৃপণা পাপবুদ্ধিনা।
স্ত্রীস্বভাবশ্চলো লোকে মম দোষশ্চ দারুণঃ ॥ 3-69-6 (18541)
মম শোকেন সংবিগ্না নৈরাশ্যাত্তনুমধ্যমা।
নৈবং সা কর্হিচিৎকুর্যাৎসাপত্যা চ বিশেষতঃ ॥ 3-69-7 (18542)
যদত্র সত্যং বাঽসত্যং গৎবা বেৎস্যামি নিশ্চয়ম্।
ঋতুপর্ণস্য বৈ কামমাত্মার্থং চ করোম্যহম্ ॥ 3-69-8 (18543)
ইতি নিশ্চিত্য মনসা বাহুকো দীনমানসঃ।
কৃতালুরুবাচেদমৃতুপর্ণং জনাধিপম্ ॥ 3-69-9 (18544)
প্রতিজানামি তে বাক্যং গমিষ্যামি নরাধিপ।
একাহ্না পুরুষব্যাঘ্র বিদর্ভনগরীং নৃপ।
`তত্রাদিত্যোদয়ে কালে শ্বো বিদর্ভান্গমিষ্যসি ॥ 3-69-10 (18545)
এবমুক্তোঽব্রবীদ্রাজা বাহুকং প্রহসন্নিব।
কিং তে কামং করোম্যদ্য তুষ্টোঽস্মি তব বাহুক ॥ 3-69-11 (18546)
বাহুক উবাচ। 3-69-12x (1951)
যাবদ্যানমিদং সজ্জমৃতুপর্ণ করোম্যহম্' ॥ 3-69-12 (18547)
ততঃ পরীক্ষামশ্বানাং চক্রে রাজন্স বাহুকঃ।
অশ্বশালামুপাগম্য ভাগস্বরিনৃপাজ্ঞয়া ॥ 3-69-13 (18548)
স ৎবর্যমাণো বহুশ ঋতুপর্ণন বাহুকঃ।
অশ্বাঞ্জিজ্ঞাসমানো বৈ বিচার্য চ পুনঃপুনঃ।
অধ্যগচ্ছৎকৃশানশ্বান্সমর্থানধ্বনি ক্ষমান্ ॥ 3-69-14 (18549)
তেজোবলসমায়ুক্তান্কুলশীলসমন্বিতান্।
বর্জিতাঁল্লক্ষণৈর্হীনৈঃ পৃথুপ্রোথান্মহাহনূন্ ॥ 3-69-15 (18550)
শুদ্ধান্দশভিরাবর্তৈঃ সিন্ধুজান্বাতরংহসঃ।
`দৃশ্যমানান্কৃশানঙ্গৈর্জবেনাপ্রতিমান্পথি' ॥ 3-69-16 (18551)
তান্দৃষ্ট্বা দুর্বলান্নাজা প্রাহ কোপসমন্বিতঃ।
কিমিদং প্রার্থিতং কর্তুং প্রলব্ধব্যা ন তে বচম্ ॥ 3-69-17 (18552)
কথমল্পবলপ্রাণা বক্ষ্যন্তীমে হয়া রথম্।
মহানধ্বা স চৈকাহ্না গন্তব্যঃ কথমীদৃশৈঃ ॥ 3-69-18 (18553)
বাহুক উবাচ। 3-69-19x (1952)
[একো ললাটে দ্বে মূর্ধ্নি দ্বৌদ্বৌ পার্শ্বোপপার্শ্বয়োঃ।
দ্বৌদ্বৌ বক্ষসি বিজ্ঞৈর্যৌ প্রয়াণে চৈক এব তু ॥] 3-69-19 (18554)
এতে হয়া গমিষ্যন্তি বিদর্ভান্নাত্র সংশয়ঃ।
যানন্যান্মন্যসে রাজন্ব্রূহি তান্যোজয়ামিতে ॥ 3-69-20 (18555)
ঋতুপর্ণ উবাচ। 3-69-21x (1953)
ৎবমেব হয়তত্ৎবজ্ঞঃ কুশলো হ্যসি বাহুক।
যান্মন্যসে সমর্থাস্ৎবং ক্ষিপ্রং তানেব যোজয় ॥ 3-69-21 (18556)
ততঃ সদশ্বাংশ্চতুরঃ কুলশীলসমন্বিতান্।
যোজয়ামাস কুশলো জবয়ুক্তান্রথে নলঃ ॥ 3-69-22 (18557)
ততো যুক্তং রথং রাজা সমারোহত্ৎবরান্বিতঃ।
অথ পর্যপতন্ভূমৌ জানুভিস্তে হয়োত্তমাঃ ॥ 3-69-23 (18558)
ততো নরবরঃ শ্রীমান্নলো রাজা বিশাংপতে।
সান্ৎবয়ামাস তানশ্বাংস্তেজোবলসমন্বিতান্ ॥ 3-69-24 (18559)
রশ্মিভিশ্চ সমুদ্যম্য নলো যাতুমিয়েষ সঃ।
সূতমারোপ্য বার্ষ্ণেয়ং জবমাস্থায় বৈ পরম্ ॥ 3-69-25 (18560)
তে চোদ্যমানা বিধিবদ্বাহুকেন হয়োত্তমাঃ।
সমুৎপেতুরিবাকাশং রথিনং মোহয়ন্তি চ ॥ 3-69-26 (18561)
তথা তু দৃষ্ট্বা তানশ্বান্বহতো বাতরংহসঃ।
অয়োধ্যাধিপতিঃ শ্রীমান্বিস্ময়ং পরমং যয়ৌ ॥ 3-69-27 (18562)
রথঘোষং তু তং শ্রুৎবা হয়সংগ্রহণং চ তৎ।
বার্ষ্ণেয়শ্চিন্তয়ামাস বাহুকস্য হয়জ্ঞতাম্ ॥ 3-69-28 (18563)
কিংনু স্যান্মাতলিরয়ং দেবরাজস্য সারথিঃ।
তথা তল্লক্ষণং বীরে বাহুকে দৃশ্যতে মহৎ ॥ 3-69-29 (18564)
শালিহোত্রোঽথ কিংতু স্যাদ্ধয়ানাং কুলতত্ৎববিৎ।
মানুপং সমনুপ্রাপ্তো বপুঃ পরমশোভনম্ ॥ 3-69-30 (18565)
উতাহোস্বিদ্ভবেদ্রাজা নলঃ পরপুরংজয়ঃ।
সোয়ং নৃপতিরায়াত ইত্যেবং সমচিন্তয়ৎ ॥ 3-69-31 (18566)
অথবাঽয়ংনলাৎপ্রাপ্তো বিদ্যাং তামেব বাহুকঃ।
তুল্যং হি লক্ষয়ে জ্ঞানং বাহুকস্য নলস্য চ ॥ 3-69-32 (18567)
অপিচেদং বয়স্তুল্যং বাহুকস্য নলস্য চ।
নায়ং নলো মহাবীর্যস্তদ্বিদ্যশ্চ ভবিষ্যতি ॥ 3-69-33 (18568)
প্রচ্ছন্না হি মহাত্মানশ্চরন্তি পৃথিবীমিমাম্।
দৈবেন বিধিনা যুক্তাঃ শাস্ত্রোক্তৈশ্চ নিরূপণৈঃ ॥ 3-69-34 (18569)
ভবেন্ন মতিভেদো মে গাত্রবৈরূপ্যতা প্রতি।
প্রমাণাৎপরিহীনস্তু ভবেদিতি মতির্মম ॥ 3-69-35 (18570)
বয়ঃপ্রমাণং তত্তুল্যং রূপেণ তু বিপর্যযঃ।
নলং সর্বগুণৈর্যুক্তং মন্যে বাহুকমন্ততঃ ॥ 3-69-36 (18571)
এবং বিচার্য বহুশো বার্ষ্ণোয়ঃ পর্যচিন্তয়ৎ।
হৃদয়েন মহারাজ পুণ্যশ্লোকস্য সারথিঃ ॥ 3-69-37 (18572)
ঋতুপর্ণশ্চ রাজেনদ্রো বাহুকস্য হয়জ্ঞতাম্।
চিন্তয়ন্মুমুদে রাজা সহবার্ষ্ণেয়সারথিঃ ॥ 3-69-38 (18573)
ঐকাগ্র্যং চ তথোৎসাহং হয়সংগ্রহণং চ তৎ।
কৌশলং চাপি সংপ্রেক্ষ্য পরাং সুদমবাপ হ ॥ 3-69-39 (18574)
ইতি শ্রীমন্মহাভারতে অরণ্যপর্বণি নলোপাখ্যানপর্বণি একোনসপ্ততিতমোঽধ্যায়ঃ ॥ 69 ॥
Mahabharata - Vana Parva - Chapter Footnotes
3-69-7 সাপত্যা অপত্যসহিতা ॥ 3-69-15 প্রোথং নাসিকা। হনুঃ অধরং মুখফলকম্ ॥ 3-69-16 সিন্ধুজান্ সিন্ধুদেশজান্ ॥ 3-69-18 বলং ভারসহিষ্ণুতা। প্রাণো বেগবত্তা। বক্ষ্যন্তি বহ্নং করিষ্যন্তি ॥ 3-69-19 প্রয়াণে পৃষ্ঠভাগে ॥ 3-69-30 শালিহোত্রঃ অশ্বশাস্ত্রপ্রণেতা আচার্যঃ ॥ 3-69-34 বিধিনা যুক্তাঃ সংয়ুক্তাশ্চ বিরূপণৈরিতি ক. পাঠঃ ॥ 3-69-35 ভবেত্তু মতিভেদো মে ইতি ক. পাঠঃ ॥ 3-69-36 অন্ততঃ নির্ণয়েন ॥অরণ্যপর্ব - অধ্যায় 070
॥ শ্রীঃ ॥
3.70. অধ্যায়ঃ 070
Mahabharata - Vana Parva - Chapter Topics
বাহুকস্য সারধ্যসামর্থ্যবিস্মিতেন ঋতুপর্ণেন তংপ্রতি পুঞ্জীভূতবস্তুপরিসংখ্যানে স্বীয়সামর্থ্যনিবেদনম্ ॥ 1 ॥ বৃক্ষশাখাস্থপর্ণেষু তৎপরীক্ষয়া বিস্মিতেন নলেনাশ্বহৃদয়বিদ্যাদানপ্রতিজ্ঞানন তদীয়াক্ষহৃদয়াদিবিদ্যাস্বীকরণম্ ॥ 2 ॥ ততো নলদেহাদ্বহির্নিঃসৃতেন কলিনা নলশাপভয়াত্তস্মৈ বরদানপূর্বকং বিভীতকবৃক্ষপ্রবেশঃ ॥ 3 ॥Mahabharata - Vana Parva - Chapter Text
3-70-0 (18575)
বৃহদশ্ব উবাচ। 3-70-0x (1954)
স নদীঃ পর্বতাংশ্চৈব বনানি চ সরাংসি চ।
অচিরেণাতিচক্রাম স্বেচরঃ খে চরন্নিব ॥ 3-70-1 (18576)
তথা প্রয়াতে তু রথে তদা ভাগস্বরির্নৃপঃ।
উত্তরীয়মধোপশ্যদ্ধষ্টং পরপুরংজয়ঃ ॥ 3-70-2 (18577)
ততঃ স ৎবরমাণস্তু পটে নিপতিতে তদা।
গ্রহীষ্যামীতি তং রাজা নলমাহ মহামনাঃ ॥ 3-70-3 (18578)
নিগৃহ্ণীষ্ব মহাবুদ্ধে হয়ানেতান্মহাজবান্।
বার্ষ্ণেয়ো যাবদেনং মে পটমানয়তামিহ ॥ 3-70-4 (18579)
নলস্তং প্রত্যুবাচাথ দূরে ভ্রষ্টঃ পটস্তব।
যোজনং সমতিক্রান্তো নাহর্তুং শক্যতে পুনঃ ॥ 3-70-5 (18580)
এবমুক্তে নলেনাথ নাতিপ্রীতমনা নৃপঃ।
আসসাদ বনে রাজন্ফলবন্তং বিভীতকম্ ॥ 3-70-6 (18581)
তং দৃষ্ট্বা বাহুকং রাজা ৎবরমাণোঽভ্যভাপত।
মমাপি সূত পশ্য ৎবং সংখ্যানে পরমং বলম্ ॥ 3-70-7 (18582)
সর্বঃ সর্বং ন জানাতি সর্বজ্ঞো নাস্তি কশ্চন।
নৈকত্র পরিনিষ্ঠাঽস্তি জ্ঞানস্য পুরুষে ক্বচিৎ ॥ 3-70-8 (18583)
বৃক্ষেঽস্মিন্যানি পর্ণানি ফলামেকং চ বাহুক।
পতিতান্যপি যান্যত্রতত্রৈকমধিকং কৃতম্ ॥ 3-70-9 (18584)
এবপত্রাধিকং চাত্র ফলমেকং চ বাহুক।
ফলকোট্যপি পত্রাণাং দ্বয়োরপি চ শাখয়োঃ।
`প্রবক্ষ্যামি ফলান্যত্র যানি সংখ্যাস্যতে ভবান্ ॥' 3-70-10 (18585)
প্রচিনুহ্যস্য শাখে দ্বে যাশ্চাপ্যন্যাঃ প্রশাখিকাঃ।
আভ্যাং ফলসহস্রে দ্বে পঞ্চোনং শতমেব চ ॥ 3-70-11 (18586)
ততো রথাদবপ্লুত্য রাজানং বাহুকোঽব্রবীৎ।
পরোক্ষমিব মে রাজন্কত্থসে শত্রুকর্শন ॥ 3-70-12 (18587)
প্রত্যক্ষমেতৎকর্তাঽস্মি শাতয়িৎবা বিভীতকম্।
অথ তে গণিতে রাজন্দ্বিজামাম্যপরোক্ষতাম্ ॥ 3-70-13 (18588)
প্রত্যক্ষং তে মহারাজ্ গণয়িষ্যে বিভীতকম্।
অহং হি নাভিজানামি ভবেদেব নবেতি বা ॥ 3-70-14 (18589)
সংখ্যাস্যামি ফলান্যস্য পশয়্তস্তে জনাধিপ।
মুহূর্তমপি বার্ষ্ণেয়ো রশ্মীন্যচ্ছতু বাজিনাম্ ॥ 3-70-15 (18590)
তমব্রবীন্নৃপঃ সূতং নায়ং কালো বিলম্বিতুম্।
বাহুকস্ৎবব্রবীদেনং পরং যত্নং সমাস্থিতঃ ॥ 3-70-16 (18591)
প্রতীক্ষস্ব মুহূর্তং ৎবমথবা ৎবরতে ভবান্।
এষ যাতি শিবঃ পন্থা যাহি বার্ষ্ণেয়সারথিঃ ॥ 3-70-17 (18592)
অব্রবীদৃতুপর্ণস্তং সান্ৎবয়ন্কুরুনন্দন।
ৎবভেব যন্তা নান্যোস্তি পৃথিব্যামপি বাহুক ॥ 3-70-18 (18593)
ৎবৎকৃতেয়াতুমিচ্ছামি বিদর্ভান্হয়কোবিদ।
শরণং ৎবাংপ্রপন্নোস্মি ন বিঘ্নং কর্তুমর্হসি ॥ 3-70-19 (18594)
কামং চ তে করিষ্যামি যন্মাং বক্ষ্যসি বাহুক।
বিদর্ভান্যদি যাৎবাঽদ্য সূর্যং দর্শয়িতাসি মে। 3-70-20 (18595)
অথাব্রবীদ্বাহুকস্তং সংখ্যায়চ বিভীতকম্।
ততো বিদর্ভান্যাস্যামি কুরুষ্বৈবং বচো মম ॥ 3-70-21 (18596)
অকাম ইব তং রাজা গণয়স্বেত্যুবাচ হ।
একদেশং চ শাখায়াঃ সমাদিষ্টং ময়াঽনঘ ॥ 3-70-22 (18597)
গণয়স্বাশ্বতৎবজ্ঞ ততস্ৎবংপ্রীতিমাবহ।
সোঽবতীর্য রথাত্তূর্ণং শাতয়ামাস তং দ্রুমম্ ॥ 3-70-23 (18598)
ততঃ স বিস্ময়াবিষ্টো রাজানমিদমব্রবীৎ।
গণয়িৎবায়থোক্তানি তাবন্ত্যেব ফলানি তু ॥ 3-70-24 (18599)
অত্যুদ্ভুতমিদং রাজন্দৃষ্টবানস্মি তে বলম্।
শ্রোতুমিচ্ছামি তাং বিদ্যাং যয়ৈতজ্জ্ঞায়তে নৃপ ॥ 3-70-25 (18600)
তমুবাচ ততো রাজা ৎবরিতো গমনে নৃপ।
বিদ্ধ্যক্ষহৃদয়জ্ঞং মাং সংখ্যানে চ বিশারদম্ ॥ 3-70-26 (18601)
বাহুকস্তমুবাচাথ দেহি বিদ্যাদ্বয়ং চ মে।
মত্তোঽপি চাশ্বহৃদয়ং গৃহাণ পুরুপর্পভ ॥ 3-70-27 (18602)
ঋতুপর্ণস্ততো রাজা বাহুকং কার্যগৌরবাৎ।
হয়জ্ঞানস্য লোভাচ্ তং তথেত্যব্রবীদ্বচঃ ॥ 3-70-28 (18603)
যথোক্তং ৎবং গৃহাণেদমক্ষাণাং হৃদয়ং পরম্।
নিক্ষেপো মেঽশ্বহৃদয়ং ৎবয়ি তিষ্ঠতু বাহুক।
এবমুক্ৎবা দদৌ বিদ্যামৃতুপর্ণো নলায় বৈ ॥ 3-70-29 (18604)
তস্যাক্ষহৃদয়জ্ঞস্য শরীরান্নিঃসৃতঃ কলিঃ।
কর্কোটকবিষং তীক্ষ্ণং মুখাৎসততমুদ্বমন্।
কলেস্তস্য তদার্তস্য শাপাগ্নিঃ স বিনিঃসৃতঃ ॥ 3-70-30 (18605)
সাতেন কর্শিতো রাজাদীর্ঘকালমনাত্মবান্ ॥ 3-70-31 (18606)
`তং ভ্রাম্তরূপং নিঃশোভং সংক্লিষ্টমকরোৎকলিঃ'।
ততো বিষবিমুক্তাত্মা স্বংরূপমকরোৎকলিঃ।
তং শপ্তুমৈচ্ছৎকুপিতো নিষধাধিপতির্নলঃ ॥ 3-70-32 (18607)
ততো বিষবিমুক্তাত্মা স্বংরূপমকরোৎকলিঃ।
তং শপ্তুমৈচ্ছৎকুপিতো নিষধাধিপতির্নলঃ ॥ 3-70-32 (18608)
তমুবাচ কলির্ভীতো বেপমানঃ কৃতাঞ্জলিঃ।
কোপং সংয়চ্ছ নৃপতে কীর্তিং দাস্যামি তে পরাম্ ॥ 3-70-33 (18609)
ইন্দ্রসেনস্য জননী কুপিতা মাঽশপৎপুরা।
যদা ৎবয়া পরিত্যক্তা ততোঽহং ভৃশপীডিতঃ ॥ 3-70-34 (18610)
অবসং ৎবয়ি রাজেন্দ্র সুদুঃখভপরাজিত।
বিষেণ নাগরাজস্য দহ্যমানো দিবানিশম্ ॥ 3-70-35 (18611)
শরণং ৎবাং প্রপন্নোস্মি শৃণু চেদং বচো মম।
যে চ ৎবাং মনুজা লোকে কীর্তয়িষ্যন্ত্যতন্দ্রিতাঃ।
মৎপ্রৎসূতং ভয়ং তেষাং ন কদাচিদ্ভবিষ্যতি ॥ 3-70-36 (18612)
`ন তেষাং মানসং কিংচিচ্ছারীরং বাচিকং তথা।
ভবিষ্যতি মহারাজ কীর্তয়িষ্যন্তি যে নলম্'।
ভয়ার্তং শরণং যাতং যদি মাং ৎবং ন শপ্স্যসে ॥ 3-70-37 (18613)
এবমুক্তো নলো রাজা ন্যযচ্ছৎকোপমাত্মনঃ।
ততো বীতঃ কলিঃ ক্ষিপ্রং প্রবিবেশ বিভীতকম্।
কলিস্ৎবন্যেন নো দৃষ্টঃ কথয়ন্নৈষধেন বৈ ॥ 3-70-38 (18614)
ততো গতৎবরো রাজা নৈষধঃ পরবীরহা।
সংপ্রনষ্টে কলৌ রাজা সংখ্যায়াস্য ফলান্যুত ॥ 3-70-39 (18615)
মুদা পরময়া যুক্তস্তেজসাঽথ পরেণ বৈ।
রথমারুহ্য তেজস্বী প্রয়যৌ জবনৈর্হয়ৈঃ ॥ 3-70-40 (18616)
বিভীতকশ্চাপ্রশস্তঃ সংবৃত্তঃ কলিসংশ্রয়াৎ।
`ততঃ প্রভৃতিরাজেন্দ্র লোকেঽস্মিন্পাণ্ডুনন্দন'॥ 3-70-41 (18617)
হয়োত্তভানুৎপততো দ্বিজানিব পুনঃ পুনঃ।
নলঃ সংচোদয়ামাস প্রহৃষ্টেনান্তরাত্মনা ॥ 3-70-42 (18618)
বিদর্ভাভিমুখো রাজা প্রয়যৌ স মহায়শাঃ।
নলে তু সমতিক্রান্তে কলিরপ্যগমদ্গৃহম্ ॥ 3-70-43 (18619)
ততো গতজ্বরো রাজা নলোঽভূৎপৃথিবীপতিঃ।
বিমুক্তঃ কলিনা রাজন্রূপমাত্রবিয়োজিতঃ ॥ 3-70-44 (18620)
ইতি শ্রীমন্মহাভারতে অরণ্যপর্বণি নলোপাখ্যানপর্বণি সপ্ততিতমোঽধ্যায়ঃ ॥ 70 ॥
Mahabharata - Vana Parva - Chapter Footnotes
3-70-9 তত্রৈকমধিকং শতমিতি ঝ. পাঠঃ ॥ 3-70-10 পঞ্চকোট্যোঽথ পত্রাণামিতি ঝ. পাঠঃ ॥ 3-70-26 অক্ষহৃদয়জ্ঞং অক্ষাণাং অক্ষাভিমানিদেবতায়া হৃদয়বদ্বশীকরণার্থো মন্ত্রঃ অক্ষহৃদয়ম্। যেন জ্ঞাতেন দ্যূতেঽক্ষা অনুকূলা ভবন্তি। সংখ্যানে রাশীকৃতানাং পত্রপুষ্পফলধান্যাদীনা রাশ্যায়ামবিস্তারোচ্ছ্রায়াদ্যালোচনেন পাটীগণিতরীত্যা ঝটিতি তৎসংখ্যাকথনে ॥ 3-70-30 শাপাগ্নির্দময়ন্তীনিশৃষ্টঃ স বিষরূপঃ ॥ 3-70-39 ফলানি সংখ্যায়। অক্ষবিদ্যাসামর্থ্যাৎ রাশেরায়ামাদিকমনালোচ্যৈবেতি ভাবঃ ॥ 3-70-42 দ্বিজানিব পক্ষিণ ইব ॥অরণ্যপর্ব - অধ্যায় 071
॥ শ্রীঃ ॥
3.71. অধ্যায়ঃ 071
Mahabharata - Vana Parva - Chapter Topics
ঋতুপর্ণে কুণ্ডিনপুরং প্রবিষ্টে তদ্রধঘোষশ্রবণেন দময়ন্ত্যা তৎসারথৌ নলসংভাবনা ॥ 1 ॥ ততস্তৎবজিজ্ঞাসয়া নলংপ্রতি দূত্যাঃ প্রস্থাপনম্ ॥ 2 ॥Mahabharata - Vana Parva - Chapter Text
3-71-0 (18621)
বৃহদশ্ব উবাচ। 3-71-0x (1955)
ততো বিদর্ভান্সংপ্রাপ্তং সায়াহ্নে সত্যবিক্রমম্।
ঋতুপর্ণং জনা রাজ্ঞে ভীমায় প্রত্যবেদয়ন্ ॥ 3-71-1 (18622)
স ভীমবচনাদ্রাজা কুণ্ডিনং প্রাবিশৎপুরম্।
নাদয়ন্রথঘোষেণ সর্বাঃ স বিদিশো দিশঃ ॥ 3-71-2 (18623)
ততস্তং রথনির্ঘোষং নলাশ্বাস্তত্র শুশ্রুবুঃ।
শ্রুৎবা তু সমহৃষ্যন্ত পুরেব নলসন্নিধৌ ॥ 3-71-3 (18624)
দময়ন্তী তু শুশ্রাব রথঘোষং নলস্য তম্।
যথা মেঘস্য নদতো গম্ভীরং জলদাগমে ॥ 3-71-4 (18625)
পরং বিস্ময়মাপন্না শ্রুৎবা নাদং মহাস্বনম্।
নলেন সংগৃহীতেষু পুরেব নলবাজিষু।
সদৃশং রথনির্ঘোষং মেনে ভৈমী তথা হয়াঃ ॥ 3-71-5 (18626)
প্রাসাদস্থাশ্চ শিখিনঃ শালাস্থাশ্চৈব বারণাঃ।
হয়াশ্চ শুশ্রুবুস্তস্য রথঘোষং মহীপতেঃ ॥ 3-71-6 (18627)
তচ্ছ্রুৎবা রথনির্ঘোষং বারণাঃ শিখিনস্তথা।
প্রবেদুরুন্মুখা রাজন্দৃষ্ট্বেব জলদোদয়ম্ ॥ 3-71-7 (18628)
দময়ন্ত্যুবাচ। 3-71-8x (1956)
যথাঽসৌ রথনির্ঘোষঃ পূরয়ন্নিব মেদিনীম্।
মমাহ্লাদয়তে চেতো নল এব মহীপতিঃ ॥ 3-71-8 (18629)
অদ্য নন্দ্রাভবক্রং তং ন পশ্যামি নলং যদি।
অসংখ্যেয়গুণং বীরং বিনঙ্ক্ষ্যামি ন সংশয়ঃ ॥ 3-71-9 (18630)
যদি বৈ তস্য বীরস্য হাহ্বোর্নাদ্যাহমন্তরম্।
প্রবিশামি সুখস্পর্শং নভবিষ্যাম্যসংশয়ম্ ॥ 3-71-10 (18631)
যদি মাং মেঘনির্ঘোষো নোপগচ্ছতি নৈষধঃ।
অদ্য চামীকরপ্রখ্যং প্রবেক্ষ্যামি হুতাশনম্ ॥ 3-71-11 (18632)
যদি মাং সিংহবিক্রান্তো মত্তবারণবিক্রমঃ।
নাভিগচ্ছতিরাজেন্দ্রো বিনঙ্ক্ষ্যামি ন সংশয়ঃ ॥ 3-71-12 (18633)
ন স্মরাম্যনৃতং কিংচিন্ন স্মরাম্যপকারতাম্।
ন চ পর্যুষিতং বাক্যং স্বৈরেষ্বপি মহাত্মনঃ ॥ 3-71-13 (18634)
প্রভুঃ ক্ষমাবান্বীরশ্চ দাতা চাপ্যধিকো নৃপৈঃ।
অহো নীচানুবর্তী চ ক্লীববন্মম নৈষধ ॥ 3-71-14 (18635)
গুণাংস্তস্য স্মরন্ত্যা মে তৎপরায়া দিবানিশম্।
হৃদয়ং দীর্যত ইদং শোকাৎপ্রিয়বিনাকৃতম্ ॥ 3-71-15 (18636)
এবং বিলপমানা সা নষ্টসংজ্ঞেব ভারত।
আরুরোহ মহদ্বেশ্ম পুণ্যশ্লোকদিদৃক্ষয়া ॥ 3-71-16 (18637)
ততো মধ্যমকক্ষায়াং দদর্শ রথমাস্থিতম্।
ঋতুপর্ণং মহীপালং সহবার্ষ্ণেয়বাহুকম্ ॥ 3-71-17 (18638)
ততোঽবতীর্য বার্ষ্ণএয়ো বাহুকশ্চ রথোত্তমাৎ।
হয়াংস্তানবমুচ্যাথ স্থাপয়ামাসতূ রথম্ ॥ 3-71-18 (18639)
সোঽবতীর্য রথোপস্থাদৃতুপর্ণো নরাধিপঃ।
উপতস্থে মহারাজং ভীমং ভীমপরাক্রমম্ ॥ 3-71-19 (18640)
তং ভীমঃ প্রতিজগ্রাহ পূজয়া পরয়া মুদা।
স তেন পূজিতো রাজ্ঞা ঋতুপর্ণো নরাধিপঃ ॥ 3-71-20 (18641)
স তত্র কুণ্ডিনে রম্যে বসমানো মহীপতিঃ।
ন চ কিংচিত্তদাঽপশ্যৎপ্রেক্ষমাণো মুহুর্মুহুঃ।
স তু রাজ্ঞা সমাগম্য বিদর্ভপতিনা তদা ॥ 3-71-21 (18642)
কিং কার্যং স্বাগতং তেঽস্তু রাজ্ঞা পৃষ্টঃ স ভারত।
নাভিজজ্ঞে স নৃপতির্দুহিত্রর্থে সমাগতম্ ॥ 3-71-22 (18643)
ঋতুপর্ণোপি রাজা স ধীমান্সত্যপরাক্রমঃ।
রাজানং রাজপুত্রং বা ন স্ম পশ্যতি কংচন ॥ 3-71-23 (18644)
নৈব স্বয়ংবরকথাং ন চ বিপ্রসমাগমম্।
`ন চান্যং কংচিদারম্ভং স্বয়ংবরবিধিং প্রতি' ॥ 3-71-24 (18645)
ততো বিগণয়দ্রাজা মনসা কোসলাধিপঃ।
আগতোস্মীত্যুবাচৈনং ভবন্তমভিবাদুকঃ ॥ 3-71-25 (18646)
রাজাপি চ স্ময়ন্ভীমো মনসা সমচিন্তয়ৎ।
অধিকং যোজনশতং তস্যাগমনকারণম্।
গ্রামান্বহূনতিক্রম্য নাধ্যগচ্ছদ্যথাতথম্ ॥ 3-71-26 (18647)
অল্পকার্যং বিনির্দিষ্টং তস্যাগমনকারণম্।
পশ্চাদুদর্কে জ্ঞাস্যাপ্রি কারণং যদ্ভবিষ্যতি ॥ 3-71-27 (18648)
নৈতদেবং স নৃপতিস্তং সৎকৃত্য ব্যসর্জয়ৎ।
বিশ্রাম্যতামিত্যুবাচ ক্লান্তোসীতি পুনঃপুনঃ ॥ 3-71-28 (18649)
স সৎকৃতঃ প্রহৃষ্টাত্মা প্রীতঃ প্রীতেন পার্থিবঃ।
রাজপ্রেষ্যৈরনুগতো দিষ্টং বেশ্ম সমাবিশৎ ॥ 3-71-29 (18650)
ঋতুপর্ণে গতে রাজন্বার্ষ্ণেয়সহিতে নৃপে।
বাহুকো রথমাদায় রথশালামুপাগমৎ ॥ 3-71-30 (18651)
স মোচয়িৎবা তানশ্বানুপচর্য চ শাস্ত্রতঃ।
স্বয়ং চৈতান্সমাশ্বাস্য রথোপস্থ উপাবিশৎ ॥ 3-71-31 (18652)
দময়ন্ত্যপি শোকার্তা দৃষ্ট্বা ভাগস্বরিং নৃপম্।
সূতপুত্রং চ বার্ষ্ণেয়ং বাহুকং চ তথাবিধম্ ॥ 3-71-32 (18653)
চিন্তয়ামাস বৈদর্ভী কস্যৈষ রথনিঃস্বনঃ।
নলস্যেব মহানাসীন্ন চ পশ্যামি নৈষধম্ ॥ 3-71-33 (18654)
বার্ষ্ণোয়েন ভবেন্নূনং বিদ্যা সৈবোপশিক্ষিতা।
তেনাদ্য রথনির্ঘোষো নলস্যেব মহানভূৎ ॥ 3-71-34 (18655)
কআহোস্বিদৃতুপর্ণোঽপি যথা রাজা নলস্যথা।
যথাঽয়ংরথনির্ঘোষো নৈষধস্যেব লক্ষ্যতে ॥ 3-71-35 (18656)
এবং সা তর্কয়িৎবা তু দময়ন্তী বিশাংপতে।
দূতীং প্রস্থাপয়ামাস নৈষধান্বেষণে শুভা ॥ 3-71-36 (18657)
ইতি শ্রীমন্মহাভারতে অরণ্যপর্বণি নলোপাখ্যানপর্বণি একসপ্ততিতমোঽধ্যায়ঃ ॥ 71 ॥
Mahabharata - Vana Parva - Chapter Footnotes
3-71-3 নলাশ্বাঃ বিদর্ভনগরে যে দময়ন্ত্যাঽপত্যাভ্যাং সহ প্রেষিতাঃ ॥ 3-71-7 শিখিনো ময়ূরাঃ ॥ 3-71-13 পর্যুষিতং প্রতিজ্ঞাতকালাতিলঙ্ঘি ॥ 3-71-29 দিষ্টং নির্দিষ্টম্ ॥অরণ্যপর্ব - অধ্যায় 072
॥ শ্রীঃ ॥
3.72. অধ্যায়ঃ 072
Mahabharata - Vana Parva - Chapter Topics
দময়ন্তীপ্রেষিতয়া কেশিন্যা বাহুকেন সংভাষ্য দময়ন্ত্যৈ সংভাষণকালিকবাহুকবিকারাদিনিবেদনম্ ॥ 1 ॥Mahabharata - Vana Parva - Chapter Text
3-72-0 (18658)
দময়ন্ত্যুবাচ। 3-72-0x (1957)
গচ্ছ কেশিনি জানীহি ক এষ রথবাহকঃ।
উপবিষ্টো রথোপস্থে বিকৃতো হ্রস্ববাহুকঃ ॥ 3-72-1 (18659)
অভ্যেত্য কুশলং ভদ্রে মৃদুপূর্বংসমাহিতা।
পৃচ্ছেথাঃ পুরুষে হ্যেনং যথাতত্ৎবমনিন্দিতে ॥ 3-72-2 (18660)
অত্র মে মহতী শঙ্কা ভবেদেষ নলো নৃপঃ।
যথাচ মনসস্তুষ্টির্হৃদয়স্য চ নির্বৃতিঃ ॥ 3-72-3 (18661)
ব্রূয়াশ্চৈনং কথান্তে ৎবং পর্ণাদবচনং যথা।
প্রতিবাক্যং চ সুশ্রোণি বুদ্ধ্যেথাস্ৎবমনিন্দিতে ॥ 3-72-4 (18662)
এবং সমাহিতা গৎবা দূতী বাহুকমব্রবীৎ।
দময়ন্ত্যপি কল্যাণী প্রাসাদস্থাঽনব্বৈক্ষত ॥ 3-72-5 (18663)
কেশিন্যুবাচ। 3-72-6x (1958)
স্বাগতং তে মনুষ্যেন্দ্র কুশলং তে ব্রবীম্যহম্।
দময়ন্ত্যা বচঃ সাধু নিবোধ পুরুষর্ষভ ॥ 3-72-6 (18664)
কদা বৈ প্রস্থিতা যূয়ং কিমর্থমিহ চাগতাঃ।
তত্ৎবং ব্রূহি যথান্যায়ং বৈদর্ভী শ্রোতুমিচ্ছতি ॥ 3-72-7 (18665)
বাহুক উবাচ। 3-72-8x (1959)
শ্রুতঃ স্বয়ংবরো রাজ্ঞা কোসলেন মহাত্মনা।
দ্বিতীয়ো দময়ন্ত্যা বৈ ভবিতা শ্ব ইতি দ্বিজাৎ ॥ 3-72-8 (18666)
শ্রুৎবৈতৎপ্রস্থিতো রাজা শতয়োজনয়ায়িভিঃ।
হয়ৈর্বাতজবৈর্মুখ্যৈরহমস্য চ সারথিঃ ॥ 3-72-9 (18667)
কেশিন্যুবাচ। 3-72-10x (1960)
অথ যোসৌ তৃতীয়ো বঃ স কুতঃ কস্য বা পুনঃ।
ৎবং চ কস্য কথং চেদংৎবয়ি কর্ম সমাহিতম্ ॥ 3-72-10 (18668)
বাহুক উবাচ। 3-72-11x (1961)
পুণ্যশ্লোকস্য বৈ সূতো বার্ষ্ণেয় ইতি বিশ্রতঃ।
স নলে বিদ্রুতে ভদ্রেভাগস্বরিমুপস্থিতঃ ॥ 3-72-11 (18669)
অহমপ্যশ্বকুশলঃ সূতৎবে চ প্রতিষ্ঠিতঃ।
ঋতুপর্ণেন সারথ্যে ভোজনে চ বৃতঃ স্বয়ম্ ॥ 3-72-12 (18670)
কেশিন্যুবাচ। 3-72-13x (1962)
অথ জানাতি বার্ষ্ণেয়ঃ ক্বনু রাজা নলো গতঃ।
কথং চ ৎবয়ি বা তেন কথিতং স্যাত্তু বাহুক ॥ 3-72-13 (18671)
বাহুক উবাচ। 3-72-14x (1963)
ইহৈব পুত্রৌ নিক্ষিপ্য নলস্য প্রিয়দর্শনৌ।
গতস্ততো যথাকামং নৈষ জানাতি নৈষধম্ ॥ 3-72-14 (18672)
ন চান্যঃ পুরুষঃ কশ্চিন্নলং বেত্তি যশস্বিনি।
গূঢশ্চরতি লোকেঽস্মিন্নষ্টরূপো মহীপতিঃ ॥ 3-72-15 (18673)
আত্মৈব তু নলং বেদ যা চাস্য তদনন্তরা।
ন হি বৈ স্বানি লিঙ্গানি নলং শংসন্তি কর্হিচিৎ ॥ 3-72-16 (18674)
কেশিন্যুবাচ। 3-72-17x (1964)
যোসাবয়োধ্যাং প্রথমং গতোসৌ ব্রাহ্মণস্তদা।
ইমানি নারীবাক্যানি কথয়ানঃ পুনঃপুনঃ ॥ 3-72-17 (18675)
ক্বনু ৎবং কিতব চ্ছিত্ৎবা বস্ত্রার্ধং প্রস্থিতো মম।
উৎসৃজ্য বিপিনে সুপ্তামনুরক্তাং প্রিয়াং প্রিয় ॥ 3-72-18 (18676)
সা বৈ যথা সমাদিষ্টা তথাঽঽস্তে ৎবৎপ্রতীক্ষিণী।
দহ্যমানা দিবারাত্রৌ বস্ত্রার্ধেনাভিসংবৃতা ॥ 3-72-19 (18677)
তস্যা রুদনত্যাঃ সততং তেন দুঃখেন পার্থিব।
প্রসাদং কুরু মে বীর প্রতিবাক্যং বদস্ব চ ॥ 3-72-20 (18678)
তস্যাস্তৎপ্রিয়মাখ্যানং প্রবদস্ব মহামতে।
তদেব বাক্যং বৈদর্ভী শ্রোতুমিচ্ছন্ত্যনিন্দিতা ॥ 3-72-21 (18679)
এতচ্ছ্রুৎবা প্রতিবচস্তস্য দত্তং ৎবয়া কিল।
যৎপুরা তৎপুনস্ৎবত্তো বৈদর্ভী শ্রোতুমিচ্ছতি ॥ 3-72-22 (18680)
বৃহদশ্ব উবাচ। 3-72-23x (1965)
এবমুক্তস্য কেশিন্যা নলস্য কুরুনন্দন।
হৃদয়ং ব্যথিতং চাসীদশ্রুপূর্ণে চ লোচনে ॥ 3-72-23 (18681)
স নিগ্রাহ্যাত্মনো দুঃখং দহ্যমানো মহীপতিঃ।
বাষ্পসংদিগ্ধয়া বাচা পুনরেবেদমব্রবীৎ ॥ 3-72-24 (18682)
বৈষম্যমপি সংপ্রাপ্তা গোপায়ন্তি কুলস্ত্রিয়ঃ।
আত্মানমাত্মনা সত্যো জিতঃ স্বর্গো ন সংশয়ঃ ॥ 3-72-25 (18683)
রহিতা ভর্তৃভিশ্চাপি ন ক্রুধ্যন্তি কদাচন।
প্রাণাংশ্চারিত্রকবচান্ধারয়ন্তি বরস্ত্রিয়ঃ ॥ 3-72-26 (18684)
বিষমস্থেন মূঢেন পরিভ্রষ্টসুখেন চ।
যৎসা তেন পরিত্যক্তা তত্রন ক্রোদ্ধুমর্হতি ॥ 3-72-27 (18685)
প্রাণয়াত্রাং পরিপ্রেপ্সোঃ শকুনৈর্হতবাসসঃ।
আধিভির্দহ্যমানস্য শ্যামা ন ক্রোদ্ধুমর্হতি ॥ 3-72-28 (18686)
সৎকৃতাঽসৎকৃতা বাঽপি পতিং দৃষ্ট্বা তথাবিধম্।
রাজ্যভ্রষ্টং শ্রিয়া হীনং ক্ষিধিতং ব্যসনাপ্লুতম্ ॥ 3-72-29 (18687)
এবং ব্রুবাণস্তদ্বাক্যং নলঃ পরমদুর্মনাঃ।
ন বাষ্পমশকৎসোঢুং প্ররুরোদ চ ভারত ॥ 3-72-30 (18688)
ততঃ সা কেশিনী গৎবা দময়ন্ত্যৈ ন্যবেদয়ৎ।
তৎসর্বং কথিতং চৈব বিকারং তস্য চৈব তম্ ॥ 3-72-31 (18689)
ইতি শ্রীমন্মহাভারতে অরণ্যপর্বণি নলোপাখ্যানপর্বণি দ্বিসপ্ততিতমোঽধ্যায়ঃ ॥ 72 ॥
অরণ্যপর্ব - অধ্যায় 073
॥ শ্রীঃ ॥
3.73. অধ্যায়ঃ 073
Mahabharata - Vana Parva - Chapter Topics
কেশিন্যা বাহুকস্য জলাগ্ন্যুৎপাদনাদ্যদ্ভুতকর্মনিবেদিতয়া দময়ন্ত্যা পুনঃপরীক্ষণায় তংপ্রতি কন্যাপুত্রয়োঃ প্রেপণম্ ॥ 1 ॥ বাহুকেন সবাষ্পং পুত্রয়োঃ পরিরম্ভণম্। কেশিনীংপ্রতি স্বকর্মণঃ কারণান্তরকথনেনাপহ্নবশ্চ ॥ 2 ॥Mahabharata - Vana Parva - Chapter Text
3-73-0 (18690)
বৃহদশ্ব উবাচ। 3-73-0x (1966)
কেশিন্যাস্তদ্বচঃ শ্রুৎবা দময়ন্তী বিশাংপতে।
শঙ্কমানা নলং তং বৈ কেশিনীমিদমব্রবীৎ ॥ 3-73-1 (18691)
গচ্ছ কেশিনি ভূয়স্ৎবং পরীক্ষাং কুরু বাহুকে।
অব্রুবাণা সমীপস্থা চরিতান্যস্য লক্ষয় ॥ 3-73-2 (18692)
যদা চ কিংচিৎকুর্যাৎস কারণং তত্র ভামিনি।
তত্রসংচেষ্টমানস্য সংলক্ষেথা বিচেষ্টিতম্ ॥ 3-73-3 (18693)
ন চাস্য প্রতিবন্ধেন দেয়োঽগ্নিরপি কেশিনি।
যাচতে ন জলং দেয়ং সকৃচ্চাৎবরমাণয়া।
এতৎসর্বং সমীক্ষ্যৎবং চরিতং মে নিবেদয় ॥ 3-73-4 (18694)
নিমিত্তং যত্ৎবয়া দৃষ্টং বাহুকে দৈবমানুষম্।
যচ্চান্যদপি পশ্যেথাস্তচ্চাখ্যেয়ং ৎবয়া মম ॥ 3-73-5 (18695)
দময়ন্ত্যৈবমুক্তা সা জগামাথ চ কেশিনী।
নিশাম্যাথ হয়জ্ঞস্য লিঙ্গানি পুনরাগমৎ ॥ 3-73-6 (18696)
সা তৎসর্বং যথাবৃত্তং দময়ন্ত্যৈ ন্যবেদয়ৎ।
নিমিত্তং যত্তয়া দৃষ্টং বাহুকে দিব্যমানুষম্ ॥ 3-73-7 (18697)
কেশিন্যুবাচ। 3-73-8x (1967)
দৃঢং শুচ্যপদানোসৌ ন ময়া মানুষঃ ক্বচিৎ।
দৃষ্টপূর্বঃ শ্রুতো বাঽপি দময়ন্তি তথাবিধঃ ॥ 3-73-8 (18698)
হ্রস্বমাসাদ্য তু দ্বারং নাসৌ বিনমতে ক্বচিৎ।
তং তু দৃষ্ট্বা যথাসঙ্গমুৎসর্পতি যথাসুখম্।
সংকটেঽপ্যস্য সুমহদ্বিবরং জায়তেঽধিকম্ ॥ 3-73-9 (18699)
ঋতুপর্ণস্য চার্থায় ভোজনীয়মনেকশঃ।
ঋতুপর্ণস্য চার্থায় ভোজনীয়মনেকশঃ।
প্রেষিতং তত্ররাজ্ঞা তু মাংসং বহু চ পাশবম্ ॥ 3-73-10 (18700)
তস্য প্রক্ষালনার্থায় কুম্ভাস্তত্রোপকল্পিতাঃ।
তে তেনাবেক্ষিতাঃ কুম্ভাঃ পূর্ণা এবাভবংস্ততঃ ॥ 3-73-11 (18701)
ততঃ প্রক্ষালনং কৃৎবা সমধিশ্রিত্য বাহুকঃ।
তৃণমুষ্টিং সমাদায় সবিতুস্তং সমাদধৎ ॥ 3-73-12 (18702)
অথ প্রজ্বলিতস্তত্র সহসা হব্যবাহনঃ।
তদদ্ভুততমং দৃষ্ট্বা বিস্মিতাঽমিহাগতা ॥ 3-73-13 (18703)
অন্যচ্চ তস্মিন্সুমহদাশ্চর্যং লক্ষিতং ময়া।
যদগ্নিমপি সংস্পৃশ্য নৈবাসৌ দহ্যতে শুভে ॥ 3-73-14 (18704)
ছন্দেন চোদকং তস্য বহত্যাবর্জিতং দ্রুতম্।
অতীব চান্যৎসুমহদাশ্চর্যং দৃষ্টবত্যহম্ ॥ 3-73-15 (18705)
যৎস পুষ্পাণ্যুপাদায় হস্তাভ্যাং মমৃদে শনৈঃ।
মৃদ্যমানানি পাণিভ্যাং তেন পুষ্পাণি নান্যথা।
ভূয় এব সুগন্ধীনি হৃপিতানি ভবন্তি হি ॥ 3-73-16 (18706)
এতান্যদ্ভুতকল্পানি দৃষ্ট্বাঽহং ভৃশবিস্মিতা।
চেষ্টিতানি বিশালাক্ষি বাহুকস্য সমীপতঃ ॥ 3-73-17 (18707)
বৃহদশ্ব উবাচ। 3-73-18x (1968)
দময়ন্তী তু তচ্ছ্রুৎবা পুণ্যশ্লোকস্য চেষ্টিতম্।
অমন্যত নলং প্রাপ্তং কর্মচেষ্টাভিসূচিতম্ ॥ 3-73-18 (18708)
সা শঙ্কমানা ভর্তারং নলং বাহুকরূপিণম্।
কেশিনীং শ্লক্ষ্ণয়া বাচা রুদন্তী পুনরব্রবীৎ ॥ 3-73-19 (18709)
পুনর্গচ্ছ প্রমত্তস্য বাহুকস্যোপসংস্কৃতম্।
মহানসাচ্ছ্রিতং মাংসমানয়স্বেহ ভামিনি ॥ 3-73-20 (18710)
সা দৃষ্ট্বাবাহুকে ব্যগ্রে তন্মাংসমপকৃষ্য চ।
অত্যুষ্ণমেব ৎবরিতা তৎক্ষণাৎপ্রিয়কারিণী।
দময়ন্ত্যৈ ততঃ প্রাদাৎকেশিনী কুরুনন্দন ॥ 3-73-21 (18711)
সাঽশিতা নলসিদ্ধস্ মাংসস্য বহুশঃ পুরা।
প্রাশ্য মৎবা নলং সূতং প্রাক্রোশদ্ভৃশদুঃখিতা ॥ 3-73-22 (18712)
বৈক্লব্যং পরমং গৎবাপ্রক্ষাল্য চ মুখং ততঃ।
মিথুনং প্রেষয়ামাস কেশিন্যা সহ ভারৎ ॥ 3-73-23 (18713)
ইন্দ্রসেনাং সহ ভ্রাত্রা সমভিজ্ঞায় বাহুকঃ।
অভিদ্রুত্য তদা রাজা পরিষ্বজ্যাঙ্কমানয়ৎ ॥ 3-73-24 (18714)
বাহুকস্তু সমাসাদ্য সুতৌ সুরসুতোপমৌ।
ভৃশং দুঃখপরীতাত্মা সুস্বরং প্ররুরোদ হ ॥ 3-73-25 (18715)
নৈষধো দর্শয়িৎবা তু বিকারমসকৃত্তদা।
উৎসৃজ্য সহসা পুত্রৌ কেশিনীমিদমব্রবীৎ ॥ 3-73-26 (18716)
ইদং চ মদৃশং ভদ্রে মিথুনং মম পুত্রয়োঃ।
অতো দৃষ্ট্বৈব সহসা বাষ্পমুৎসৃষ্টবানহম্ ॥ 3-73-27 (18717)
বহুশঃ সংপতন্তীং ৎবাং জনঃ শঙ্কেত দোষতঃ।
বয়ংচ দেশাতিথয়ো গচ্ছ ভদ্রে যথাসুখম্ ॥ 3-73-28 (18718)
ইতি শ্রীমন্মহাভারতে অরণ্যপর্বণি নলোপাখ্যানপর্বণি ত্রিসপ্ততিতমোঽধ্যায়ঃ ॥ 73 ॥
Mahabharata - Vana Parva - Chapter Footnotes
3-73-9 দ্বারং হ্রস্বমপি উৎসর্পতি দীর্ঘং ভবতি। সংকটে সংকুচিতে ॥ 3-73-10 পাশবং পশুসংবন্ধি ॥ 3-73-12 সবিতুঃ সকাশাৎ। সমাদধৎ উদ্দীপিতবান্। সমাদায় হ্যাবিধ্যৈনমিতি ঝ. পাঠঃ ॥ 3-73-18 কর্ম পাকাদি। চেষ্টা ভূতজয়াদি ॥ 3-73-22 বহুশঃ বহুবারম্ ॥ 3-73-28 সংপতন্তীং আয়ান্তীম্ ॥অরণ্যপর্ব - অধ্যায় 074
॥ শ্রীঃ ॥
3.74. অধ্যায়ঃ 074
Mahabharata - Vana Parva - Chapter Topics
দময়ন্ত্যা বাহুকস্য কেশিন্যা স্বগৃহানয়নম্ ॥ 1 ॥ বাহুকদময়ন্ত্যোঃ সংবাদঃ ॥ 2 ॥ বাহুকেন স্বস্য নলৎবোৎকীর্তনপূর্বকং কর্কোটকানুস্মরণেন তদ্বত্তবস্ত্রদ্বয়পরিধানে তস্য নিজরূপপ্রাদুর্ভাবঃ ॥ 3 ॥ ততো নলংপ্রত্যভিজানন্ত্যা দময়ন্ত্যা তৎপরিরম্ভণম্ ॥ 4 ॥Mahabharata - Vana Parva - Chapter Text
3-74-0 (18719)
বৃহদশ্ব উবাচ। 3-74-0x (1969)
সর্বং বিকারং দৃষ্ট্বা তু পুণ্যশ্লোকস্য ধীমতঃ।
আগত্য কেশিনী ক্ষিপ্রং দময়ন্ত্যৈ ন্যবেদয়ৎ ॥ 3-74-1 (18720)
দময়ন্তী ততো ভূয়ঃ প্রেষয়ামাস কেশিনীম্।
মাতুঃ সকাশং দুঃখার্তা নলশঙ্কাসমুৎসুকা ॥ 3-74-2 (18721)
পরীক্ষিতো মে বহুশো বাহুকো নলশঙ্কয়া।
রূপে মে সংশয়স্ৎবেকঃ স্বয়মিচ্ছমি বেদিতুম্ ॥ 3-74-3 (18722)
স বা প্রবেশ্যতাং মাতর্মাং বাঽনুজ্ঞাতুমর্হসি।
বিদিতং বাঽথবাঽজ্ঞাতং পিতুর্মে সংবিধীয়তাম্ ॥ 3-74-4 (18723)
এবমুক্তা তু বৈদর্ভ্যা সা দেবী ভীমমব্রবীৎ।
দুহিতুস্তমভিপ্রায়মন্বজানাৎস পার্থিবঃ ॥ 3-74-5 (18724)
সা চৈ পিত্রাঽভ্যনুজ্ঞাতা মাত্রা চ ভরতর্ষভ।
`তয়োর্নিয়োগাৎকৌরব্য কেশিনীমিদমব্রবীৎ' ॥ 3-74-6 (18725)
গচ্ছ কেশিনি শীঘ্রং ৎবংবাহুকং পিতৃশাসনাৎ।
আনয়স্ব যথা মাতা ৎবং তথা কুরু মে প্রিয়ম্ ॥ 3-74-7 (18726)
গৎবা তু কেশিনী শিঘ্রং বাহুকং বাক্যমব্রবীৎ।
ভীমস্য শাসনাৎসূতাগতাহং বিদ্ধি বাহুক ॥ 3-74-8 (18727)
প্রবিশ্যতাং রাজবেশ্ম ইত্যুক্তো ভরতর্ষভ।
বাহুকস্তু চিরং ধ্যাৎবা কেশিন্যা সহ ভারত।
প্রবিবেশ মহাবাহুর্দময়ন্তীনিবেশনম্' ॥ 3-74-9 (18728)
নলং প্রবেশয়ামাস যত্রতস্যাঃ প্রতিশ্রয়ঃ ॥ 3-74-10 (18729)
তাং স্ম দৃষ্ট্বৈব সহসা দময়ন্তীং নলো নৃপঃ।
আবিষ্টঃ শোকদুঃখাভ্যাং বভূবাশ্রুপরিপ্লুতঃ ॥ 3-74-11 (18730)
তং তু দৃষ্ট্বাতথায়ুক্তং দময়ন্তী নলং তদা।
তীব্রশোকসমাবিষ্টা বভূব বরবর্ণিনী ॥ 3-74-12 (18731)
ততঃ কাষায়বসনা জটিলা মলপঙ্কিনী।
দময়ন্তী মহারাজ বাহুকং বাক্যমব্রবীৎ ॥ 3-74-13 (18732)
পূর্বং দৃষ্টস্ৎবয়া কশ্চিদ্ধর্মজ্ঞো নাম বাহুক।
সুপ্তামুৎসৃজ্যবিপিনে গতো যঃ পুরুষঃ স্ত্রিয়ম্ ॥ 3-74-14 (18733)
অনাগসং প্রিয়াং ভার্যাং বিজনে শ্রমমোহিতাম্।
অপহায় তু কো গচ্চেৎপুণ্যশ্লোকমৃতেনলম্ ॥ 3-74-15 (18734)
কিমু তস্য ময়া বাল্যাদপরাদ্ধং মহীপতেঃ।
যো মামুৎসৃজ্য বিপিনে গতবান্নিদ্রয়াঽর্দিতাম্ ॥ 3-74-16 (18735)
সাক্ষাদ্দেবানপাহায় বৃতো যঃ স পুরা ময়া।
অনুব্রতামভিমতাং পুত্রিণীং ত্যক্তবান্কথম্ ॥ 3-74-17 (18736)
অগ্নৌ পাণিগৃহীতা চ হংসানাং বচনে স্থিতাম্।
ভরিষ্যামীতি সত্যং তু প্রতিশ্রুত্য ক্ব তদ্গতম্ ॥ 3-74-18 (18737)
বৃহদশ্ব উবাচ। 3-74-19x (1970)
দময়ন্ত্যা ব্রুবন্ত্যাস্তু সর্বমেতদরিদম।
শোকজং বারিনেত্রাভ্যামসুখং প্রাস্রবদ্বহু ॥ 3-74-19 (18738)
অতীব কৃষ্ণতারাভ্যাং রক্তান্তাভ্যাং জলংতু তৎ।
পরিস্রবন্নলো রাজা শোকার্তইদমব্রবীৎ ॥ 3-74-20 (18739)
`নলোঽহং বিপুলশ্রোণি ৎবামুৎসৃজ্য যতো গতঃ।
আবিষ্টঃ কলিনা ভদ্রে তেন মোহবশং গতঃ ॥' 3-74-21 (18740)
মম রাজ্যং প্রনষ্টং যন্নাহং তৎকৃতবান্স্বয়ম্।
কলিনা তৎকৃতং ভীরু যচ্চ ৎবামহমত্যজম্ ॥ 3-74-22 (18741)
যত্ৎবয়া ধর্মকৃচ্ছ্রে তু শাপেনাভিহতঃ পুরা।
বনস্থয়া দুঃখিতয়া শোচন্ত্যা মাংদিবানিশম্ ॥ 3-74-23 (18742)
স মচ্ছরীরে ৎবচ্ছাপাদ্দহ্যমানোঽবসৎকলিঃ।
ৎবচ্ছাপদগ্ধঃ সততং সোঽগ্নাবগ্নিরিবাহিতঃ ॥ 3-74-24 (18743)
মম চ ব্যবসায়েন তপসা চৈব নির্জিতঃ।
দুঃখস্যান্তেন চানেন ভবিতব্যং হি নৌ শুভে ॥ 3-74-25 (18744)
বিমুচ্য মাং গতঃ পাপস্ততোঽহমিহ চাগতঃ।
ৎবদর্থং বিপুলশ্রোণি ন হি মেঽন্যৎপ্রয়োজনম্ ॥ 3-74-26 (18745)
কথং নু নারী ভর্তারমনুরক্তমনুব্রতম্।
উৎসৃজ্য বরয়েদন্যং যথা ৎবং ভীরু কর্হিচিৎ ॥ 3-74-27 (18746)
দূতাশ্চরন্তি পৃথিবীং কৃৎস্নাং নৃপতিশাসনাৎ।
ভৈমী কিল স্ম ভর্তারং দ্বিতীয়ং বরয়িষ্যতি ॥ 3-74-28 (18747)
স্বৈরবৃত্তা যথাকামমনুরূপমিবাত্মনঃ।
শ্রুৎবৈব চৈবং ৎবরিতো ভাগস্বরিরুপস্থিতঃ ॥ 3-74-29 (18748)
দময়ন্তী তু তচ্ছ্রুৎবা নলস্য পরিদেবিতম্।
প্রাঞ্জলির্বেপমানা চ ভীতা বচনমব্রবীৎ ॥ 3-74-30 (18749)
ন মামর্হসি কল্যাণ পাপেন পরিশঙ্কিতুম্।
ময়া হি দেবানুৎসৃজ্য বৃতস্ৎবং নিষধাধিপ ॥ 3-74-31 (18750)
তবাভিগমনার্থং তু সর্বতো ব্রাহ্মণা গতাঃ।
বাক্যানি মম গাথাভির্গায়মানা দিশো দশ ॥ 3-74-32 (18751)
ততস্ৎবাং ব্রাহ্মণো বিদ্বান্পর্ণাদো নাম পার্থিব।
অভ্যগচ্ছৎকোসলায়ামৃতুপর্ণনিবেশনে ॥ 3-74-33 (18752)
তেন বাক্যে কৃতেসম্যক্প্রতিবাক্যে তথা হৃতে।
উপায়োঽয়ংময়া দৃষ্টো নৈষধানয়নে তব ॥ 3-74-34 (18753)
ৎবামৃতে নহি লোকেঽন্য একাহ্না পৃথিবীপতে।
সমর্থো যোজনশতং গন্তুমশ্বৈর্নরাধিপ ॥ 3-74-35 (18754)
`তথাপি মাং মহীপাল ভজেতাং চরণৌ তব।'
স্পৃশেয়ং তেন সত্যেন পাদাবেতৌ মহীপতে।
যথা নাসৎকৃতং কিংচিন্মনসাঽপি চরাম্যহম্ ॥ 3-74-36 (18755)
অয়ং চরতি লোকেঽস্মিন্ভূতসাক্ষী সদাগতিঃ।
এষ মে মুঞ্চতু প্রাণান্যদি পাপং চরাম্যহম্ ॥ 3-74-37 (18756)
যথা চরতি তিগ্মাংশুঃ পরিতো ভুবনং সদা।
স মুঞ্চতু মম প্রাণান্যদি পাপং চরাম্যহম্ ॥ 3-74-38 (18757)
চন্দ্রমাঃ সর্বভূতানামন্তশ্চরতি সাক্ষিবৎ।
স মুঞ্চতু মম প্রাণান্যদি পাপং চরাম্যহম্ ॥ 3-74-39 (18758)
এতে দেবাস্ত্রয়ঃ কৃৎস্নং ত্রৈলোক্যং ধারয়ন্তি বৈ।
বিব্রুবন্তু যথা সত্যমেতদ্দেবাস্ত্যজন্তু মাম্ ॥ 3-74-40 (18759)
এবমুক্তে ততো বায়ুরন্তরিক্ষাদভাষত।
নৈষা কৃতবতী পাপং নল সত্যং ব্রবীমি তে ॥ 3-74-41 (18760)
রাজঞ্শীলনিধিঃ স্ফীতো দময়ন্ত্যা সুরক্ষিতঃ।
সাক্ষিণো রক্ষিণশ্চাস্যা বয়ং ত্রীন্পরিবৎসরান্ ॥ 3-74-42 (18761)
উপায়ো বিহিতশ্চায়ং ৎবদর্থমতুলোঽনয়া।
ন হ্যেকাহ্না শতং গন্তা ৎবামৃতেঽন্যঃ পুমানিহ ॥ 3-74-43 (18762)
উপপন্না ৎবয়া ভৈমী ৎবং চ ভৈম্যা মহীপতে।
নাত্র শঙ্কা ৎবয়া কার্যা সংগচ্ছ সহ ভার্যযা ॥ 3-74-44 (18763)
তথা ব্রুবতি বায়ৌ তু পুষ্পবৃষ্টিঃ পপাত হ।
দেবদুন্দুভয়ো নেদুর্ববৌ চ পবনঃ শিবঃ ॥ 3-74-45 (18764)
তদদ্ভুতময়ং দৃষ্ট্বা নলো রাজাঽথ ভারত।
দময়ন্ত্যাং বিশঙ্কাং তামুপাকর্ষদরিংদমঃ ॥ 3-74-46 (18765)
ততস্তদ্বস্ত্রমরজঃ প্রাবৃণোদ্বসুধাধিপঃ।
সংস্মৃত্য নাগরাজং তং ততো লেভে স্বকং বপুঃ ॥ 3-74-47 (18766)
স্বরূপিণং তু ভর্তারং দৃষ্ট্বা ভীমসুতা তদা।
প্রাক্রোশদুচ্চৈরালিঙ্গ্য পুণ্যশ্লোকমনিন্দিতা ॥ 3-74-48 (18767)
ভৈমীমপি নলো রাজা ভ্রাজমানো যথা পুরা।
সস্বজে স্বসুতৌ চাপি যথাবৎপ্রত্যনন্দত ॥ 3-74-49 (18768)
ততঃ স্বোরসি বিন্যস্য বক্রং তস্য শুভাননা।
পরীতা তেন দুঃখেন নিশশ্বাসায়তেক্ষণা ॥ 3-74-50 (18769)
তথৈব মলদিগ্ধাঙ্গীং পরিষ্বজ্য শুচিস্মিতাম্।
সুচিরং পুরুষব্যাঘ্রস্তস্থৌ শোকপরিপ্লুতঃ ॥ 3-74-51 (18770)
ততঃ সর্বং যথাবৃত্তং দময়ন্ত্যা নলস্য চ।
ভীমায়াকথয়ৎপ্রীত্যা বৈদর্ভ্যা জননী নৃপ ॥ 3-74-52 (18771)
ততোঽব্রবীন্মহারাজঃ কৃতশৌচমহংনলম্।
দময়ন্ত্যা সহোপেতং কল্যে দ্রষ্টা সুখোষিতম্ ॥ 3-74-53 (18772)
ততস্তৌ সহিতৌ রাত্রিং কথয়ন্তৌ পুরাতনম্।
বনে বিচরিতং সর্বমূষতুর্মুদিতৌ নৃপ ॥ 3-74-54 (18773)
গৃহে ভীমস্য নৃপতেঃ পরস্পরসুখৈষিণৌ।
বসেতাং হৃষ্টসংকল্পৌ বৈদর্ভী চ নলশ্ হ ॥ 3-74-55 (18774)
স চতুর্থে ততো বর্ষে সংগম্য সহ ভার্যযা।
সর্বকামৈঃ সুসিদ্ধার্থো লব্ধবান্পরমাং মুদম্ ॥ 3-74-56 (18775)
দময়ন্ত্যপি ভর্তারমাসাদ্যাপ্যায়িতা ভৃশম্।
অর্ধসংজাতসস্যেব তোয়ং প্রাপ্য বসুংধরা ॥ 3-74-57 (18776)
সৈবং সমেত্য ব্যপনীয় তন্দ্রাং
শান্তজ্বরা হর্ষবিবৃদ্ধসত্ৎবা।
ররাজ ভৈমী সমবাপ্তকামা
শীতাংশুনা রাত্রিরিবোদিতেন ॥ 3-74-58 (18777)
॥ ইতিশ্রীমন্মহাভারতে অরণ্যপর্বণি নলোপাখ্যানপর্বণি চতুঃসপ্ততিতমোঽধ্যায়ঃ ॥ 74 ॥
Mahabharata - Vana Parva - Chapter Footnotes
3-74-10 প্রতিশ্রয়ঃ গৃহম্ ॥ 3-74-16 কিংনু তস্য ময়া চীর্ণমপরাধমিতি ধ. পাটঃ ॥ 3-74-18 অগ্নৌ পাণি গৃহীৎবাতু দেবানামপ্রতস্তথেতি ঝ. পাঠঃ ॥ 3-74-33 ৎবাং দৃষ্টবান্কোসলেষ্বতি ধ. পাঠঃ ॥ 3-74-37 সদাগতির্বায়ুঃ ॥ 3-74-39 চন্দ্রমাশ্চিত্তাভিমানিনী দেবতা ॥ 3-74-53 কল্যে প্রভাতে। কৃতার্থং তমহং নলমিতি ক. ধ. পাঠঃ ॥অরণ্যপর্ব - অধ্যায় 075
॥ শ্রীঃ ॥
3.75. অধ্যায়ঃ 075
Mahabharata - Vana Parva - Chapter Topics
পরেদ্যুঃ প্রভাতে ভীমরাজেন স্রাতালংকৃতয়োর্নলদময়ন্ত্যোর্দর্শনম্ ॥ 1 ॥ ঋতুপর্ণেন নলং ক্ষমাপয়িৎবা ততোঽশ্ববিদ্যাপরিগ্রহণপূর্বকং স্বপুরংপ্রতি গমনম্ ॥ 2 ॥Mahabharata - Vana Parva - Chapter Text
3-75-0 (18778)
বৃহদশ্ব উবাচ। 3-75-0x (1971)
অথ তাং ব্যুষিতো রাত্রিং নলো রাজা স্বলংকৃতঃ।
বৈদর্ভ্যা সহিতঃ কাল্যং দদর্শ বসুধাধিপম্ ॥ 3-75-1 (18779)
ততোঽভিবাদয়ামাস প্রয়তঃ শ্বশুরং নলঃ।
ততো নু দময়ন্তী চ ববন্দে পিতরং শুভা ॥ 3-75-2 (18780)
তং ভীমঃ প্রতিজগ্রাহ পুত্রবৎপরয়া মুদা।
যথার্হং পূজয়িৎবা চ সমাশ্বাসয়ত প্রভুঃ ॥ 3-75-3 (18781)
নলেন সহিতাং তত্রদময়ন্তীং পতিব্রতাম্।
`অনুজগ্রাহ মহতা সৎকারেণ ক্ষিতীশ্বরঃ' ॥ 3-75-4 (18782)
তামর্হণাং নলো রাজা প্রতিগৃহ্য যথাবিধি।
পরিচর্যাং স্বকাং তস্মৈ যথাবৎপ্রত্যবেদয়ৎ ॥ 3-75-5 (18783)
ততো বভূব নমরে সুমহান্হর্ষজঃ স্বনঃ।
জনস্য সংপ্রহৃষ্টস্য নলং দৃষ্ট্বা তথাঽঽগতম্ ॥ 3-75-6 (18784)
অশোভয়চ্চ নগরীং পতাকাধ্বজমালিনীম্।
সিক্তাঃ সুমৃষ্টপুষ্পাঢ্যা রাজমার্গাঃ স্বলংকৃতাঃ ॥ 3-75-7 (18785)
দ্বারিদ্বারি চ পৌরাণাং পুষ্পভঙ্গঃ প্রকল্পিতঃ।
অর্চিতানি চ সর্বাণি দেবতায়তনানি চ ॥ 3-75-8 (18786)
ঋতুপর্ণোঽপিশুশ্রাব বাহুকচ্ছদ্মিনং নলম্।
দময়ন্ত্যা সমায়ুক্তং জহৃষে চ নরাধিপঃ ॥ 3-75-9 (18787)
তমানায়্য নলং রাজা ক্ষময়ামাস পার্থিবঃ।
স চ তং ক্ষময়ামাস হেতুভির্বুদ্ধিসংমিতঃ ॥ 3-75-10 (18788)
স সৎকৃতোমহীপালো নৈষধং বিস্মিতাননঃ।
দিষ্ট্যা সমেতো দারৈঃ স্বৈর্ভবানিত্যভ্যনন্দত ॥ 3-75-11 (18789)
কচ্চিত্তু নাপরাধং তে কৃতবানস্মি নৈষধ।
অজ্ঞাতবাসে বসতো মদ্গৃহেবসুধাধিপ ॥ 3-75-12 (18790)
যদি বাঽবুদ্ধিপূর্বাণি যদি বুদ্ধ্যাঽপি কানিচিৎ।
ময়া কৃতান্যকার্যাণি তানি ৎবং ক্ষন্তুমর্হসি ॥ 3-75-13 (18791)
নল উবাচ। 3-75-14x (1972)
ন মেঽপরাধং কৃতবাংস্ৎবং স্বল্পমপি পার্থিব।
কৃতেঽপি চ ন মে কোপঃ ক্ষন্তব্যং হি ময়া তব ॥ 3-75-14 (18792)
পূর্বং হ্যাপি সখা মেঽসি সংবন্ধী চ জনাধিপ।
অত ঊর্ধ্বং তু ভূয়স্ৎবং প্রীতিমাহর্তুমর্হসি ॥ 3-75-15 (18793)
সর্বকামৈঃ সুবিহিতৈঃ সুখমস্ম্যুষিতস্ৎবয়ি।
ন তথা স্বগৃহেরাজন্যথা তব গৃহে সদা ॥ 3-75-16 (18794)
ইদং চৈব হয়জ্ঞানং ৎবদীয়ং ময়ি তিষ্ঠতি।
তদুপাকর্তুমিচ্ছামি মন্যসে যদি পার্থিব ॥ 3-75-17 (18795)
এবমুক্ৎবা দদৌ বিদ্যামৃতুপর্ণায় নৈষধঃ।
স চ তাং প্রতিজগ্রাহ বিধিদৃষ্টেন ক্রমণা ॥ 3-75-18 (18796)
গৃহীৎবা চাশ্বহৃদয়ং প্রীতো ভাগস্বরির্নৃপ।
নিষধাধিপতেশ্চাপি দত্তাঽক্ষহৃদয়ং নৃপঃ।
সূতমন্যমুপাদায় যয়ৌ স্বপুরমেব হ ॥ 3-75-19 (18797)
ঋতুপর্ণে গতে রাজন্নলো রাজা বিশাংপতে।
নগরে কুণ্ডিনে কালং নাতিদীর্গমিবাবসৎ ॥ 3-75-20 (18798)
ইতি শ্রীমন্মহাভারতে অরণ্যপর্বয়ণি নলোপাখ্যানপর্বণি পঞ্চসপ্ততিতমোঽধ্যায়ঃ ॥ 75 ॥
Mahabharata - Vana Parva - Chapter Footnotes
3-75-6 জনাশ্চ সর্বে সংহৃষ্টা রাজা চোৎসবমাচরদিতি ধ. পাঠঃ .। 3-75-8 পুষ্পভঙ্গঃ পুষ্পসংমর্দঃ ॥ 3-75-17 উপাকর্তুং দাতুম্ ॥অরণ্যপর্ব - অধ্যায় 076
॥ শ্রীঃ ॥
3.76. অধ্যায়ঃ 076
Mahabharata - Vana Parva - Chapter Topics
নলেন পুনঃ স্বপুরংপ্রত্যাগমনম্ ॥ 1 ॥ তথা পুনর্দ্যূতেন পুষ্রং পরাজিত্য তস্য তৎপুরং প্রতিয়াপনম্ ॥ 2 ॥Mahabharata - Vana Parva - Chapter Text
3-76-0 (18799)
বৃহদশ্ব উবাচ। 3-76-0x (1973)
স মাসমুষ্য কৌন্তেয় ভীমমামন্ত্র্য নৈষধঃ।
পুরাদল্পপরীবারো জগাম নিষধান্প্রতি ॥ 3-76-1 (18800)
রথেনৈকেন শুভ্রেণ দন্তিভিঃ পরিষোডশৈ।
পঞ্চাশদ্ভির্হয়ৈশ্চৈব ষট্শতৈশ্চ পদাতিভিঃ ॥ 3-76-2 (18801)
স কম্পয়ন্নিব মহীং ৎবরমাণো মহাপুরীম্।
প্রবিবেশাথ সংরব্ধস্তরসৈব মহামনাঃ ॥ 3-76-3 (18802)
ততঃ পুষ্করমাসাদ্য বীরসেনসুতো নলঃ।
উবাচ দীব্যাব পুনর্বহুবিত্তং ময়াঽর্জিতম্ ॥ 3-76-4 (18803)
দময়ন্তী চ যচ্চান্যন্মম কিংচন বিদ্যতে।
এষ বৈ মম সংন্যাসস্তব রাজ্যংতু পুষ্কর ॥ 3-76-5 (18804)
পুনঃ প্রবর্ততাং দ্যূতমিতি মে নিশ্চিতা মতিঃ।
একপাণেন ভদ্রং তে প্রাণয়োশ্চ পণাবহে ॥ 3-76-6 (18805)
জিৎবা পরস্বমাহৃৎ রাজ্যংবা যদি বা বসু।
প্রতিপাণঃ প্রদাতব্যঃ প্রাণো হি পণমুচ্যতে ॥ 3-76-7 (18806)
ন চেদ্বাঞ্ছসি তদ্দ্যূতং যুদ্ধদ্যূতং প্রবর্ততাম্।
দ্বৈরথেনাস্তু বৈ শান্তিস্তব বা মম বা নৃপ ॥ 3-76-8 (18807)
বংশভোজ্যমিদং রাজ্যমর্থিতব্যং যথা তথা।
যেনকেনাপ্যুপায়েন বৃদ্ধানামিতি শাসনম্ ॥ 3-76-9 (18808)
দ্বয়োরেকতরে বুদ্ধিঃ ক্রিয়তামদ্য পুষ্কর।
কৈতবেনাক্ষবত্যাং বা যুদ্ধে বা নাম্যতাং ধনুঃ ॥ 3-76-10 (18809)
নৈষধেনৈবমুক্তস্তু পুষ্করঃ প্রহসন্নিব।
ধ্রুবমাত্মজয়ং মৎবা প্রত্যাহ নিষধাধিপম্ ॥ 3-76-11 (18810)
দিষ্ট্যা ৎবয়াঽর্জিতং বিত্তং প্রতিপাণায় নৈষধ।
দিষ্ট্যা চ দুষ্কৃতংকর্ম দময়ন্ত্যাঃ ক্ষয়ং গতম্ ॥ 3-76-12 (18811)
দিষ্ট্যা বৈ প্রীসে রাজন্মম লাভায় নৈষধ।
পুনর্দ্যূতে চ তে বুদ্ধির্দিষ্ট্যা পুরুষসত্তম ॥ 3-76-13 (18812)
ধনেনানেন বৈ ভৈমী জিতেন সমলংকৃতা।
মামুপস্থাস্যতি ব্যক্তং দিবি শক্রমিবাপ্সরাঃ ॥ 3-76-14 (18813)
নিত্যশো হি স্মরামি ৎবাং প্রতীক্ষেঽপি চ নৈষধ।
দেবনে চ মভ প্রীতির্ভবত্যেবাসুহৃদ্গণৈঃ ॥ 3-76-15 (18814)
জিৎবাৎবদ্য বরারোহাং দময়ন্তীমনিন্দিতাম্।
কতকৃত্যো ভবিষ্যামি সা হিমে নিত্যশো হৃদি ॥ 3-76-16 (18815)
শ্রুৎবা তু তস্ তা বাচো বহ্ববদ্ধপ্রলাপিনঃ।
ইয়েষ স শিরশ্ছেত্তুং খঙ্গেন কুপিতো নলঃ ॥ 3-76-17 (18816)
স্ময়ংস্তু রোষতাম্রাক্ষস্তমুবাচ নলো নৃপঃ।
পণাবঃ কিং ব্যাহরসে জিতো ন ব্যাহরিষ্যসি ॥ 3-76-18 (18817)
ততঃ প্রাবর্তত দ্যূতং পুষ্করস্য নলস্য চ।
একপাণেন ভদ্রং তে নলেন স পরাজিতঃ ॥ 3-76-19 (18818)
স রত্নকোশনিচয়ৈঃ প্রাণেন পণিতোপি চ।
জিৎবা চ পুষ্করং রাজা প্রহসন্নিদমব্রবীৎ ॥ 3-76-20 (18819)
মম সর্বমিদং রাজ্যমব্যগ্রং হতকণ্ঠকম্।
বৈদর্ভী ন ৎবয়া শক্যা রাজাপশদ বীক্ষিতম্।
তস্যাস্ৎবং সপরীবারো মূঢ দাসৎবমাগতঃ ॥ 3-76-21 (18820)
ন ৎবয়া তৎকৃতংকর্ম যেনাহং বিজিতঃ পুরা।
কলিনা তৎকৃতং কর্ম ৎবং চ মূঢ ন বুধ্যসে ॥ 3-76-22 (18821)
নাহং পরকৃতং দোষং ৎবয়্যাধাস্যে কথংচন।
যথাসুখং বৈ জীবৎবংপ্রাণানবসৃজামি তে ॥ 3-76-23 (18822)
তথৈব সর্বসংভারং স্বমংশং বিতরামি তে।
তথৈব চ মম প্রীতিস্ৎবয়ি বীর ন সংশয়ঃ ॥ 3-76-24 (18823)
সৌহার্দং চাপি মে ৎবত্তো ন কদাচিৎপ্রহাস্যতি।
পুষ্কর ৎবং হি মে ভ্রাতা সংজীব শরদঃ শতম্ ॥ 3-76-25 (18824)
এবং নলঃ সান্ৎবয়িৎবা ভ্রাতরং সত্যবিক্রমঃ।
বচনৈস্তোষয়ামাস পরিষ্বজ্য পুনঃ পুনঃ ॥ 3-76-26 (18825)
সান্ৎবিতো নৈষধেনৈবং পুষ্ররঃ প্রত্যুবাচ তম্।
পুণ্যশ্লোকং তদা রাজন্নভিবাদ্য কৃতাঞ্জলিঃ ॥ 3-76-27 (18826)
কীর্তিরস্তু তবাক্ষয়্যা জীব বর্ষায়ুতং সুখী।
যো মে বিতরসি প্রাণানধিষ্ঠানং চ পার্থিব ॥ 3-76-28 (18827)
স তথা সৎকৃতো রাজ্ঞা মাসমুষ্য তদা নৃপঃ।
প্রয়যৌ পুষরো হৃষ্টঃ স্বপুরং স্বজনাবৃতঃ ॥ 3-76-29 (18828)
মহত্যা সেনয়া সার্ধংবিনীতৈঃ পরিচারকৈঃ।
ভ্রাজমান ইবাদিত্যো বপুষা পুরুষর্ষভ ॥ 3-76-30 (18829)
প্রস্থাপ্য পুষ্করং রাজা বিত্তবন্তমনাময়ম্।
প্রবিবেশ পুরং শ্রীমানত্যর্থমুপশোভিতাম্ ॥ 3-76-31 (18830)
প্রবিশ্য সান্ৎবয়ামাস পৌরাংশ্চ নিষধাধিপঃ।
`হিতেষু চৈষাং সততং পিতেবাবহিতোঽভবৎ' ॥ 3-76-32 (18831)
পৌরা জানপদাশ্চাপি সংপ্রহৃষ্টতনূরুহাঃ।
ঊচুঃ প্রাঞ্জলয়ঃ সর্বে সামাত্যপ্রমুখা জনাঃ ॥ 3-76-33 (18832)
3-76-34 (18833)
অদ্যস্ম নির্বৃতা রাজন্পুরে জনপদেঽপি চ।
উপাসিতুং পুনঃ প্রাপ্তা দেবা ইব শতক্রতুম্ ॥
Mahabharata - Vana Parva - Chapter Footnotes
3-76-1 উষ্য বাসং কৃৎবা ॥ 3-76-5 শ্ময়ন্ত্যা চ যচ্চান্যজ্জয়ৎবং সুসমার্জিতমিতি ধ. পাঠঃ .। 3-76-6 রাজ্যং একপাণেনৈব মম তুদময়ন্ত্যাদি চ প্রাণয়োশ্চ পণাবহে যুদ্ধমপি বর্ততামিত্যর্তঃ ॥ 3-76-7 প্রাণো হি ধনমুচ্যতে ইতি ধ. পাঠঃ ॥ 3-76-9 প স্তগতং রাজ্যংইতিধ. পাঠঃ ॥ 3-76-13 দিষ্ট্যাচ ধ্রিয়সে রাজন্সদারোঽদ্য মহাভুজেতি ঝ. পাঠঃ ॥ 3-76-18 পণায় কিং ব্যাহরসে শীঘ্রং দ্যূতং প্রবর্ততামিতি ক. পাঠঃ ॥অরণ্যপর্ব - অধ্যায় 077
॥ শ্রীঃ ॥
3.77. অধ্যায়ঃ 077
Mahabharata - Vana Parva - Chapter Topics
পুষ্করং নিষ্কাসিতবতা নলেন কুণ্ডিনপুরাৎসপুত্রায়া দময়ন্ত্যা আনয়নপূর্বকং প্রজাপালনেন সুখবাসঃ ॥ 1 ॥ বৃহদশ্বেন দ্যুধিষ্ঠিরায়াক্ষহৃদয়বিদ্যোপদেশপূর্বকং সংক্ষেপেণ হরিশ্চন্দ্রোপাখ্যানকথনম্ ॥ 2 ॥Mahabharata - Vana Parva - Chapter Text
3-77-0 (18834)
বৃহদশ্ব উবাচ। 3-77-0x (1974)
প্রশান্তে তু পুরে হৃষ্টে সংপ্রবৃত্তে মহোৎসবে।
মহত্যা সেনয়া রাজা দময়ন্তীমুপানয়ৎ ॥ 3-77-1 (18835)
`পুণ্যশ্লোকং তু রাজ্যস্থং শ্রুৎবা ভীমো মহীপতিঃ।
মুদা পরময়া যুক্তো বভূব ভরতর্ষভ ॥ 3-77-2 (18836)
অথ হৃষ্টমনা রাজা মহত্যা সেনয়া সহ।
সুতাং প্রস্থাপয়ামাস পুণ্যশ্লোকায় ধীমতে' ॥ 3-77-3 (18837)
দময়ন্তীমপি পিতা সৎকৃত্যপরবীরহা।
প্রাস্থাপয়দমেয়াত্মা ভীমো ভীমপরাক্রমঃ ॥ 3-77-4 (18838)
আগতায়াং তু বৈদর্ভ্যাং সপুত্রায়াং নলো নৃপঃ।
বর্তয়ামাস মুদিতো দোবরাডিব নন্দনে ॥ 3-77-5 (18839)
তথা প্রকাশতাং যাতো জম্বূদ্বীপে স রাজসু।
পুনঃ স্বে চাবসদ্রাজ্যে প্রত্যাহৃত্য মহায়শাঃ ॥ 3-77-6 (18840)
ঈজে চ বিবিধৈর্যজ্ঞৈর্বিধিবচ্চাপ্তদক্ষিণৈঃ।
তথা ৎবমপি রাজেন্দ্র সসুহৃদ্বক্ষ্যসে চিরাৎ ॥ 3-77-7 (18841)
দুঃখমেতাদৃশংপ্রাপ্তো নলঃ পরপুরংজয়ঃ।
দেবনেন নরশ্রেষ্ঠ সভার্যো ভরতর্ষভ ॥ 3-77-8 (18842)
একাকিনৈব সুমহন্নলেন পৃথিবীপতে।
দুঃখমাসাদিতং ঘোরং প্রাপ্তশ্চাভ্যুদয়ঃ পুনঃ ॥ 3-77-9 (18843)
ৎবং পুনর্ভ্রাতৃসহিতঃ কৃষ্ণয়া চৈব পাণ্ডব।
কথাশ্চাপি সমাকর্ণ্য ধর্মমেবানুচিন্তয়ন্ ॥ 3-77-10 (18844)
ব্রাহ্মণৈশ্চ মহাভাগৈর্বেদবেদাঙ্গপারগৈঃ।
নিত্যমন্বাস্যসে রাজংস্তত্র কা পরিদেবনা ॥ 3-77-11 (18845)
কর্কোটকস্য নাগস্ দময়ন্ত্যা নলস্য চ।
ঋতুপর্ণস্য রাজর্ষেঃ কীর্তনং কলিনাশনম্ ॥ 3-77-12 (18846)
ইতিহাসমিমং চাপি কলিনাশনমচ্যুত।
শক্যমাশ্বসিতুং শ্রুৎবা ৎবদ্বিধেন বিশাংপতে ॥ 3-77-13 (18847)
অস্থিরৎবং চ সংচিন্ত্য পুরুষার্থস্ নিত্যদা।
তস্যোদয়ে ব্যযে চাপি ন চিন্তয়িতুমর্হসি ॥ 3-77-14 (18848)
শ্রুৎবেতিহাসং নৃষতে সমাশ্বসিহি মা শুচঃ।
ব্যসনে ৎবং মহারাজ ন বিষীদিতুমর্হসি ॥ 3-77-15 (18849)
বিষমাবস্থিতে দৈবে পৌরুষেঽফলতাং গতে।
বিষাদয়ন্তি নাত্মানং সত্ৎবাপাশ্রয়িণো নরাঃ ॥ 3-77-16 (18850)
যে চেদং কথয়িষ্যন্তি নলস্ চরিতং মহৎ।
শ্রোষ্যন্তি চাপ্যভীক্ষ্ণং বৈ নালক্ষ্মীস্তান্ভজিষ্যতি ॥ 3-77-17 (18851)
অর্থাস্তস্যোপপৎস্যন্তে ধন্যতাং চ গমিষ্যতি।
ইতিহাসমিমং শ্রুৎবা পুরাণং শশ্বদুত্তমম্ ॥ 3-77-18 (18852)
পুত্রান্পৌত্রান্পশূংশ্চাপি লভতে নৃষু চাগ্র্যতাম্।
আরোগ্যপ্রীতিমাংশ্চৈব ভবিষ্তি ন সংশয়ঃ ॥ 3-77-19 (18853)
ভয়াত্রস্যসি যচ্চ ৎবমাহ্বয়িষ্যতি মাং পুনঃ।
অক্ষজ্ঞ ইতি তত্তেঽহং নাশয়িষ্যামি পার্থিব ॥ 3-77-20 (18854)
বেদাক্ষহৃদয়ং কৃৎস্নমহং সত্যপরাক্রম।
উপপদ্যস্ব কৌন্তেয় প্রসন্নোঽহং ব্রবীমি তে ॥ 3-77-21 (18855)
বৈশম্পায়ন উবাচ। 3-77-22x (1975)
ততো হৃষ্টমনা রাজা বৃহদশ্বমুবাচ হ।
ভগবন্নক্ষহৃদয়ং জ্ঞাতুমিচ্ছামি তত্ৎবতঃ ॥ 3-77-22 (18856)
`কৌন্তেয়েনৈবমুক্তস্তু বৃহদশ্বো মহামুনিঃ'।
ততোঽক্ষহৃদয়ং প্রাদাৎপাণ্ডবায় মহাত্মনে।
`লব্ধ্বা চ পাণ্ডবো রাজা বিশোকঃ সমপদ্যত ॥ 3-77-23 (18857)
বৃহদশ্ব উবাচ। 3-77-24x (1976)
পুনরেব তু বক্ষ্যামি যস্ৎবত্তো দুঃখিতো নৃপঃ।
তং শৃণুষ্ব মহারাজ সর্বদুঃখাপনুত্তয়ে ॥ 3-77-24 (18858)
ইক্ষ্বাকূণাং কুলে জাতো মহাত্মা পৃথিবীপতিঃ।
ত্রিশঙ্কুরিতি বিখ্যাতোরাজরাজো মহাদ্যুতিঃ ॥ 3-77-25 (18859)
হরিশ্চন্দ্রস্ততো জজ্ঞে গুণরত্নাকরো নৃপাৎ।
ততো বিশেষৈর্বিবিধৈর্যজ্ঞৈর্বিপুলদক্ষিণৈঃ ॥ 3-77-26 (18860)
স তু লোকে বরঃ পুংসাং পুণ্যশ্লোকো মহায়শাঃ।
সত্যবাদী মধুরবাক্সত্যেন বহুভাষিতা ॥ 3-77-27 (18861)
তস্য ভার্যাঽভবদ্ভূমৌ সৌশীল্যসমলংকৃতা।
উশীনরস্য রাজর্ষের্দুহিতা পুণ্যলক্ষণা ॥ 3-77-28 (18862)
স্বয়ংবরে মহাভাগং বরয়ামাস ভামিনী।
হরিশ্চন্দ্রং সমেতানাং রাজ্ঞাং মদ্যে পতিং বিভুম্ ॥ 3-77-29 (18863)
তয়া সহ মহীপালঃ সত্যবত্যা মনোজ্ঞয়া।
রেমে চ সুচিরং কালং রাজা রাজ্যমবাপ্য চ ॥ 3-77-30 (18864)
তস্যাং দেব্যাং হরিশ্চন্দ্রাজ্জজ্ঞে রাজীবলোচনঃ।
পুত্রঃ পুণ্যবতাং শ্রেষ্ঠো লোহিতাশ্ব ইতি শ্রুতঃ ॥ 3-77-31 (18865)
দেব্যা পুত্রেণ সহিতঃ পুণ্যশ্লোকো মহায়শাঃ।
বসিষ্ঠয়াজ্যো নৃপতিরীজে শুণ্যৈর্মহাধ্বরৈঃ ॥ 3-77-32 (18866)
এতস্মিন্নেব কালে তু বিশ্বামিত্রো দিবং গতঃ।
পুরুহূতপুরীং রম্যামাজগামেন্দ্রসেবয়া ॥ 3-77-33 (18867)
উপস্থানে চ সংবৃত্তে দেবেন্দ্রস্য মহাত্মনঃ।
আজগাম বসিষ্ঠোঽপি বামদেবসহায়বান্ ॥ 3-77-34 (18868)
উপস্থানে চ সংবৃত্তে সুখাসীনে পুরংদরে।
বর্ণ্যমানেষু চ তদা সত্যবাদিষু রাজসু ॥ 3-77-35 (18869)
তস্যাং সংসদিসর্বস্মাদ্ধরিশ্চন্দ্রোঽপি পপ্রথে।
যজ্ঞদানতপঃশীলসত্যবাক্যদৃঝব্রতৈঃ ॥ 3-77-36 (18870)
বসিষ্ঠঃ পরমপ্রীতঃ স্বয়াজ্যপরিকীর্তনাৎ।
তথাপি বিশ্বামিত্রস্তং ন সেহে সত্যভূষিতম্ ॥ 3-77-37 (18871)
হরিশ্চন্দ্রং প্রতি তদা বিশ্বামিত্রবসিষ্ঠয়োঃ।
পণঃ কৃতস্তদা পশ্চাদ্বিশ্বামিত্রেণ পার্থিবঃ ॥ 3-77-38 (18872)
রাজ্যাচ্চাপি সুখাচ্চাপি সহসা চাবরোপিতঃ।
অবাপ পরমং দুঃখং মরণাদমনোহরম্ ॥ 3-77-39 (18873)
বৈশম্পায়ন উবাচ। 3-77-40x (1977)
তচ্ছ্রুৎবা পরমপ্রীতো ধর্মরাজো যুধিষ্ঠিরঃ।
ভ্রাতৃভির্ব্রাহ্মণৈশ্চৈব দ্রৌপদ্যা চ সমন্বিতঃ।
বিস্ময়ং পরমং গৎবা সাধুসাধ্বিত্যভাষত ॥ 3-77-40 (18874)
ততো হরিশ্চন্দ্রকথাং চ সর্বে
শ্রুৎবা তু রাজা মনুজেন্দ্রকেতুঃ।
বিহায় শোকং বিজহার ভূয়ঃ
স্মরন্হরিশ্চন্দ্রমনন্তকীর্তিম্ ॥ 3-77-41 (18875)
কথামেবং তথা কৃৎবা হরিশ্চন্দ্রনলাশ্রয়াম্।
আমন্ত্র্য পাণ্ডবান্সর্বান্বৃহদশ্বো জগাম হ'।
উক্ৎবা চাশু সরোঽগচ্ছদুপস্প্রষ্টুং মহাতপাঃ ॥ 3-77-42 (18876)
বৃহদশ্ব গতে পার্থমশ্রৌষীৎসব্যসাচিনম্।
বর্তমনং তপস্যুগ্রে বায়ুভক্ষং মনীষিণম্ ॥ 3-77-43 (18877)
ব্রাহ্মণএভ্যস্তপস্বিভ্যঃ সংপতদ্ভ্যস্ততস্ততঃ।
তীর্থশৈলবনেভ্যশ্চ সমেতেভ্যো দৃঢব্রতঃ ॥ 3-77-44 (18878)
ইতিপার্থো মহাবাহুর্দুরাপং তপ আস্থিতঃ।
ন তথা দৃষ্টপূর্বোঽন্যঃ কশ্চিদুগ্রতপা ইতি ॥ 3-77-45 (18879)
যথা ধনংজয়ঃ পার্থস্তপস্বী নিয়তব্রতঃ।
মুনিরেকচরঃ শ্রীমান্ধর্মো বিগ্রহবানিব ॥ 3-77-46 (18880)
তং শ্রুৎবা পাণ্ডবো রাজংস্তপ্যমানং মহাবনে।
অন্বশোচত কৌন্তেয়ঃ প্রিয়ং বৈ ভ্রাতরং জয়ম্ ॥ 3-77-47 (18881)
দহ্যমানেন তু হৃদা শরণার্থী মহাবনে।
ব্রাহ্মণান্বিবিধজ্ঞানান্পর্যপৃচ্ছদ্যুধিষ্ঠিরঃ ॥ 3-77-48 (18882)
`প্রতিগৃহ্যাক্ষহৃদয়ং কুন্তীপুত্রো যুধিষ্ঠিরঃ।
আসীদ্ধৃষ্টমনা রাজন্ভীমসেনাদিভির্যুতঃ ॥ 3-77-49 (18883)
স্বভ্রাতৄন্সহিতান্পশ্যন্কুন্তীপুত্রো যুধিষ্ঠিরঃ।
অপশ্যন্নর্জুনং তত্রবভূবাশ্রুপরিপ্লুতঃ ॥ 3-77-50 (18884)
সংতপ্যমানঃ কৌন্তেয়ো ভীমসেনমুবাচ হ।
কদা দ্রক্ষ্যামি বৈ ভীম পার্তমত্র তবানুজম্ ॥ 3-77-51 (18885)
মৎকৃতে হি কুরুশ্রেষ্ঠ তষ্যতে পরমং তপঃ।
তস্যাক্ষহৃদয়জ্ঞানমাখ্যাস্যামি কদা ন্বহম্ ॥ 3-77-52 (18886)
স হি শ্রুৎবাঽক্ষহৃদয়ং সমুপাত্তং ময়া বিভো।
প্রহৃষ্টঃ পুরুষব্যাঘ্রো ভবিষ্যতি ন সংশয়ঃ' ॥ 3-77-53 (18887)
ইতি শ্রীমন্মহাভারতে অরণ্যপর্বণি নলোপাখ্যানপর্বণি সপ্তসপ্ততিতমোঽধ্যায়ঃ ॥ 77 ॥
Mahabharata - Vana Parva - Chapter Footnotes
3-77-1 প্রশান্তে বীতশোকে। প্রশান্তে পুষ্করে হৃষ্টে ইতি ক. পাঠঃ ॥ 3-77-7 বক্ষ্যসে দীব্যসে। বশকান্তাবিত্যস্য রূপম্। সমহচ্যক্ষ্যসে হ্যঘমিতি ক. পাঠঃ ॥ 3-77-21 বেদ বেদ্মি। উপপদ্যস্ব গৃহাণ ॥অরণ্যপর্ব - অধ্যায় 078
॥ শ্রীঃ ॥
3.78. অধ্যায়ঃ 078
Mahabharata - Vana Parva - Chapter Topics
অর্জুনবিনাভাবেন কাম্যকবনে নিবাসমরোচয়ানৈঃ পাণ্ডবৈস্তস্মান্নির্গমননির্ধারণম্ ॥ 1 ॥Mahabharata - Vana Parva - Chapter Text
3-78-0 (18888)
জনমেজয় উবাচ। 3-78-0x (1978)
ভগবান্কাম্যকাৎপার্থে গতে মে প্রপিতামহে।
পাণ্ডবাঃ কিমকুর্বংস্তে তমৃতে সব্যসাচিনম্ ॥ 3-78-1 (18889)
স হি তেষাং মহেষ্বাসো গতিরাসীদনীকজিৎ।
আদিত্যানাং যথা বিষ্ণুস্তথৈব প্রতিভাতি মে ॥ 3-78-2 (18890)
তেনেন্দ্রসমবীর্যেণ সংগ্রামেষ্বনিবর্তিনা।
বিনাভূতা বনে বীরাঃ কথমাসন্পিতামহাঃ ॥ 3-78-3 (18891)
বৈশম্পায়ন উবাচ। 3-78-4x (1979)
গতে তু পাণ্ডবেতাত কাম্যকাৎসব্যসাচিনি।
বভূবুঃ কৌরবেয়াস্তে দুঃখশোকপরায়ণাঃ ॥ 3-78-4 (18892)
আক্ষিপ্তসূত্রা মণয়শ্ছিন্নপক্ষা ইবাণ্ডজাঃ।
অপ্রীতমনসঃ সর্বে বভূবুরথ পাণ্ডবাঃ ॥ 3-78-5 (18893)
বনং তু তদভূত্তেন হীনমক্লিষ্টকর্মণা।
কুবেরেণ যথাহীনং বনং চৈত্ররথং তথা ॥ 3-78-6 (18894)
তমৃতে তে নরব্যাঘ্রাঃ পাণ্ডবা জনমেজয়।
মুদমপ্রাপ্নুবন্তো বৈ কাম্যকে ন্যবসংস্তদা ॥ 3-78-7 (18895)
ব্রাহ্মণার্থে পরাক্রান্তাঃ শুদ্ধৈর্বাণৈর্মহারথাঃ।
নিঘ্নন্তো ভরতশ্রেষ্ঠ মেধ্যান্বহুবিধান্মৃগান্ ॥ 3-78-8 (18896)
নিত্যংহি পুরুষব্যাঘ্রা বন্যাহারমরিংদমাঃ।
প্রবিসৃত্য সমাহৃত্য ব্রাহ্মণেভ্যো ন্যবেদয়ন্ ॥ 3-78-9 (18897)
এবং তে ন্যবসংস্তত্রসোৎকণঅঠাঃ পুরুষর্ষভাঃ।
অহৃষ্টমনসঃ সর্বেগতে রাজন্ধনংজয়ে ॥ 3-78-10 (18898)
অথ বিপ্রোষিতং রাজন্পাঞ্চালী মধ্যমং পতিম্।
স্মরন্তী পাণ্ডবশ্রেষ্ঠমিদং বচনমব্রবীৎ ॥ 3-78-11 (18899)
যোঽর্জুনেনার্জুনস্তুল্যো দ্বিবাহুর্বহুবাহুনা।
তমৃতে পাণ্ডবশ্রেষ্ঠং বনং ন প্রতিভাতি মে ॥ 3-78-12 (18900)
শূন্যামিব প্রপশ্যামি তত্রতত্র মহীমিমাম্।
বহ্বাশ্চর্যমিদং চাপি বনং কুসুমিতদ্রুমম্ ॥ 3-78-13 (18901)
ন তথা রমণীয়ং বৈ তমৃতে সব্যসাচিনম্।
নীলাম্বুদসমপ্রখ্যং মত্তমাতঙ্গগামিনম্ ॥ 3-78-14 (18902)
তমৃতে পুণ্ডরীকাক্ষং কাম্যকং নাতিভাতি মে।
যস্য বা ধনুষো ঘোষঃ শ্রূয়তে চাশনিস্বনঃ।
ন লভে শর্ম বৈ রাজন্স্মরন্তী সব্যসাচিনম্ ॥ 3-78-15 (18903)
তথা লালপ্যমানাং তাং নিশাম্য পরবীরহা।
ভীমসেনো মহারাজ দ্রৌপদীমিদমব্রবীৎ ॥ 3-78-16 (18904)
মনঃপ্রীতিকরং ভদ্রে যদ্ব্রবীষি সুমধ্যমে।
তন্ম প্রীণাতি হৃদয়মমৃতপ্রাশনোপমম্ ॥ 3-78-17 (18905)
যস্য দীর্ঘৌ সমৌ পীনৌ ভুজৌ পরিঘসন্নিভৌ।
মৌর্বীকৃতকিণৌ বৃত্তৌ খঙ্গায়ুধধনুর্ধরৌ ॥ 3-78-18 (18906)
নিষ্কাঙ্গদকৃতাপীডৌ পঞ্চশীর্ষাবিবোরগৌ।
তমৃতে পুরুষব্যাঘ্রং নষ্টসূর্যমিবাম্বরম্ ॥ 3-78-19 (18907)
যমাশ্রিত্য মহাবাহুং পাঞ্চালাঃ কুরবস্তথা।
সুরাণামপি যত্তানাং পৃতনাসু ন বিভ্যতি ॥ 3-78-20 (18908)
যস্য বাহূ সমাশ্রিত্য বয়ং সর্বেমহাত্মনঃ।
মন্যামহে জিতানাজৌ পরান্প্রাপ্তাং চ মেদিনীম্ ॥ 3-78-21 (18909)
তমৃতে ফল্গুনং বীরং ন লভে কাম্যকে ধৃতিম্।
পশ্যামি চ দিশঃ সর্বাস্তিমিরেণাবৃতা ইব ॥ 3-78-22 (18910)
ততোঽব্রবীৎসাশ্রুকণ্ঠো নকুলঃ পাণ্ডুনন্দনঃ।
যস্মিন্দিব্যানি কর্মাণি কথয়ন্তি রণাজিরে।
দেবা অপি যুধাংশ্রেষ্ঠং তমৃতেকা রতির্বনে ॥ 3-78-23 (18911)
উদীচীং চো দিশং গৎবা জিৎবা যুধি মহাবলান্।
গন্ধর্বমুখ্যাঞ্শতশো হর্যাঁল্লেবে মহাদ্যুতিঃ ॥ 3-78-24 (18912)
রাজ্ঞে তিত্তিরিকল্মাষাঞ্শ্রীমতোঽনিলরংহসঃ।
প্রাদাদ্ভাত্রে প্রিয়ঃ প্রেম্ণা রাজসূয়ে মহাক্রতৌ ॥ 3-78-25 (18913)
তমৃতেভীমধন্বানং ভীমাদবরজং বনে।
কাময়ে কাম্যকে বাসং নেদানীমমরোপমম্ ॥ 3-78-26 (18914)
সহদেব উবাচ। 3-78-27x (1980)
যো ধনানিন কন্যাশ্চ যুধি হিৎবা মহাবলান্।
`শতশো ঘাতয়িৎবাঽরীন্পৃতনামধ্যগস্তদা'।
আজহার পুরা রাজ্ঞে রাজসূয়ে মহাক্রতৌ ॥ 3-78-27 (18915)
যঃ সমেতান্মৃধে জিৎবায়াদবানমিতদ্যুতিঃ।
সুভদ্রামাজহারৈকো বাসুদেবস্য সংমতে ॥ 3-78-28 (18916)
`যেনার্ধরাজ্যমাচ্ছিদ্য দ্রুপদস্য মহাত্মনঃ।
আচার্যদক্ষিণা দত্তা রণে দ্রোণশ্যভারত' ॥ 3-78-29 (18917)
তস্য জিষ্ণোর্বৃসীং দৃষ্ট্বা সূন্যত্রেব নিবেশনে।
হৃদয়ং মে মহারাজ ন শাম্যাত্রকদাচন ॥ 3-78-30 (18918)
বিনাদস্মাদ্বিবাসং তু রোচয়েঽহমরিংদম।
ন হি নস্তমৃতে বীরং রমণীয়মিদং বনম্ ॥ 3-78-31 (18919)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি অষ্টসপ্ততিতমোঽধ্যায়ঃ ॥ 78 ॥
Mahabharata - Vana Parva - Chapter Footnotes
3-78-5 আক্ষিপ্তসূত্রাশ্ছিন্নসূত্রাঃ। অণ্ডজাঃ পক্ষিণঃ ॥ 3-78-8 মেধ্যান্ যজ্ঞার্হান্ ॥ 3-78-18 কিণং আঘাতচিহ্নম্ ॥ 3-78-19 নিষ্কাঙ্গদকৃতাপীডৌ সাষ্টশতং সুবর্ণাঃ নিষ্কঃ তৎকৃতেনাঙ্গদেন কৃতভূষণৌ ॥ 3-78-30 বৃসীং আসনম্ ॥অরণ্যপর্ব - অধ্যায় 079
॥ শ্রীঃ ॥
3.79. অধ্যায়ঃ 079
Mahabharata - Vana Parva - Chapter Topics
যুধিষ্ঠিরেণ কাম্যকবনমুপাগতং নারদংপ্রতি ভূপ্রাদক্ষিণ্যেন তীর্থয়াত্রাফলপ্রশ্নঃ ॥ 1 ॥ নারদেন তৎকথনায় পুলস্ত্যভীষ্মসংবাদানুবাদারম্ভঃ ॥ 2 ॥Mahabharata - Vana Parva - Chapter Text
3-79-0 (18920)
বৈশম্পায়ন উবাচ। 3-79-0x (1981)
`ধনঞ্জয়োৎসুকাস্তে তু বনে তস্মিন্মহারথাঃ।
ন্যবসন্ত মহাভাগা দ্রৌপদ্যা সহ কৃষ্ণয়া' ॥ 3-79-1 (18921)
ধনং জয়োৎসুকানাং তু ভ্রাতৄণাং কৃষ্ণয়া সহ।
শ্রুৎবা বাক্যানি বিমনা ধর্মরাজোপ্যজায়ত ॥ 3-79-2 (18922)
অথাপশ্যন্মহাত্মানং দেবর্ষিং তত্র নারদম্।
দীপ্যমানং শ্রিয়া ব্রাহ্ম্যা দীপ্তাগ্নিসমতেজসম্ ॥ 3-79-3 (18923)
তমাগতমভিপ্রেক্ষ্য ভ্রাতৃভিঃ সহ ধর্মরাট্।
প্রত্যুত্থায় যথান্যায়ং পূজাং চক্রে মহাত্মনে ॥ 3-79-4 (18924)
স তৈঃ পরিবৃতঃ শ্রীমান্ভ্রাতৃভিঃ কুরুসত্তমঃ।
বিবভাবতিদীপ্তৌজা দেবৈরিব শতক্রতুঃ ॥ 3-79-5 (18925)
যথা চ বেদান্সাবিত্রী যাজ্ঞসেনী তথা পতীন্।
ন জহৌ ধর্মতঃ পার্থান্মেরুমর্কপ্রভা যথা ॥ 3-79-6 (18926)
`অর্ধ্যং পাদ্যমথানীয় ৎবভ্যবায়দচ্যুতঃ।
নারদস্তু মহাতেজাঃ স্বস্ত্যস্ৎবিত্যভ্যভাষত ॥ 3-79-7 (18927)
ততো যুধিষ্ঠিরো রাজা দৃষ্ট্বা দেবর্ষিসত্তমম্।
যথার্হং পূজয়ামাস বিধিবৎকুরুনন্দনঃ' ॥ 3-79-8 (18928)
প্রতিগৃহ্য চ তাং পূজাং নারদো ভগবানৃষিঃ।
আশ্বাসয়দ্ধর্মসুতং যুক্তরূপমিবানঘ ॥ 3-79-9 (18929)
উবাচ চ মহাত্মানং ধর্মরাজং যুধিষ্ঠিরম্।
ব্রূহি ধর্মভৃতাং শ্রেষ্ঠ কেনার্থঃ কিং দদানি তে ॥ 3-79-10 (18930)
অথ ধর্মসুতো রাজা প্রণম্য ভ্রাতৃভিঃ সহ।
উবাচ প্রাঞ্জলির্ভূৎবা নারদং দেবসংমিতম্ ॥ 3-79-11 (18931)
ন্বয়ি তুষ্টে মহাভাগ সর্বলোকাভিপূজিতে।
কৃতমিত্যেব মন্যেঽহং প্রসাদাত্তব সুব্রত ॥ 3-79-12 (18932)
যদি ৎবহমনুগ্রাহ্যো ভ্রাতৃভিঃ সহিতোঽনঘ।
সংদেহং মে সুনিশ্রেষ্ঠ তৎবতশ্ছেত্তুমর্হসি ॥ 3-79-13 (18933)
প্রদক্ষিণাং যঃ কুরুতে পৃথিবীং তীর্থতৎপরঃ।
কিং ফলং তস্য কার্ৎস্ন্যেন তদ্ভবান্বক্তুমর্হতি ॥ 3-79-14 (18934)
নারদ উবাচ। 3-79-15x (1982)
শৃণু রাজন্নবহিতো যথা ভীষ্মেণ ধীমতা।
পুলস্ত্যস্য সকাশাদ্বৈ সর্বমেতদুপশ্রুতম্ ॥ 3-79-15 (18935)
পুরা ভাগীরথীতীরে ভীষ্মো ধর্মভৃতাংবরঃ।
পিত্র্যং ব্রতং সমাস্থায় ন্যবসন্মুনিভিঃ সহ ॥ 3-79-16 (18936)
শুভে দেশে তথা রাজন্পুণ্যে দেবর্ষিসেবিতে।
গঙ্গাদ্বারে মহাভাগ দেবগন্ধর্বসেবিতে ॥ 3-79-17 (18937)
স পিতৄংস্তর্পয়ামাস দেবাংশ্চ পরমদ্যুতিঃ।
ঋষীংশ্চ তর্পয়ামাস বিধিদৃষ্টেন কর্মণা ॥ 3-79-18 (18938)
কস্য চিত্ৎবথ কালস্য জপন্নেব মহায়শাঃ।
দদর্শাদ্ভুতসংকাশং পুলস্ত্যমৃষিসত্তমম্ ॥ 3-79-19 (18939)
স তং দৃষ্ট্বোগ্রতপসং দীপ্যমানমিব শ্রিয়া।
প্রহর্ষমতুলং লেভে বিস্ময়ং পরমং যয়ৌ ॥ 3-79-20 (18940)
উপস্থিতং মহাভাগং পূজয়ামাস ভারত।
ভীষ্মো ধর্মভৃতাং শ্রেষ্ঠো বিধিদৃষ্টেন কর্মণা ॥ 3-79-21 (18941)
শিরসা চাঘমাদায় শুচিঃ প্রয়তমানসঃ।
নাম সংকীর্তয়ামাস তস্মিন্ব্রহ্মর্ষিসত্তমে ॥ 3-79-22 (18942)
ভীষ্মোঽহমস্মি ভদ্রং তে দাসোঽস্মি তব সুব্রত।
তব সংদর্শনাদেব মুক্তোঽহং সর্বকিল্বপৈঃ ॥ 3-79-23 (18943)
রএবমুক্ৎবা মহারাজ ভীষ্মো ধর্মভৃতাংবরঃ।
বাগ্যতঃ প্রাঞ্জলির্ভূৎবাতূষ্ণীমাসীদ্যুধিষ্ঠির ॥ 3-79-24 (18944)
তং দৃষ্ট্বা নিয়মেনাথ স্বাধ্যায়াম্নায়কর্শিতম্।
ভীষ্মং কুরুকুলশ্রেষ্ঠং মুনিঃ প্রীতমনাঽভবৎ ॥ 3-79-25 (18945)
`ততঃ স মধুরেণাথ স্বরেণ সুমহাতপাঃ।
উবাচ বাক্যং ধর্মজ্ঞঃ পুলস্ত্যঃ প্রীতমানসঃ' ॥ 3-79-26 (18946)
ইতি শ্রীমন্মাহাভারতে অরণ্যপর্বণি তীর্থয়াত্রাপর্বণি একোনাশীতিতমোঽধ্যায়ঃ ॥ 79 ॥
অরণ্যপর্ব - অধ্যায় 080
॥ শ্রীঃ ॥
3.80. অধ্যায়ঃ 080
Mahabharata - Vana Parva - Chapter Topics
পলস্ত্যেন ভীষ্ম্প্রতিপুষ্করাদিতীর্থমহিমানুবর্ণনম্ ॥ 1 ॥Mahabharata - Vana Parva - Chapter Text
3-80-0 (18947)
পুলস্ত্য উবাচ। 3-80-0x (1983)
অনেন তব ধর্মজ্ঞ প্রশ্রয়েণ দমেন চ।
সত্যেন চ মহাভাগ তুষ্টোস্মি তব সুব্রত ॥ 3-80-1 (18948)
যস্যেদৃশস্তে ধর্মোঽয়ং পিতৃবাক্যাশ্রিতোঽনঘ।
তেন পশ্যসি মাং পুত্র প্রীতিশ্চ পরমা ৎবয়ি ॥ 3-80-2 (18949)
অমোঘদর্শী ভীষ্মাহং ব্রূহি কিং করবাণি তে।
যদ্বক্ষ্যসি কুরুশ্রেষ্ঠ তস্য দাতাঽস্মি তেঽনঘ ॥ 3-80-3 (18950)
ভীষ্ম উবাচ। 3-80-4x (1984)
প্রীতে ৎবয়ি মহাভাগ সর্বলোকাভিপূজিতে।
কৃতমিত্যেব মন্যেঽহং যদহং দৃষ্টবান্প্রভুম্ ॥ 3-80-4 (18951)
যদি ৎবহমনুগ্রাহ্যস্তব ধর্মভৃতাংবর।
সংদেহং তে প্রবক্ষ্যামি তন্মে ৎবং ছেত্তুমর্হসি ॥ 3-80-5 (18952)
অস্তি মে ভগবন্কশ্চিত্তীর্থানি প্রতি সংশয়ঃ।
তমহং শ্রোতুমিচ্ছামি তদ্ভবান্বক্তুমর্হতি ॥ 3-80-6 (18953)
প্রদক্ষিণাং যঃ পৃথিবীং করোত্যমরসন্নিভ।
কিং ফলং তস্য বিপ্রর্ষে তন্মে ব্রূহি তষোধন ॥ 3-80-7 (18954)
পুলস্ত্য উবাচ। 3-80-8x (1985)
হন্ত তেঽহংপ্রবক্ষ্যামি যদৃষীণাং পরায়ণম্।
তদেকাগ্রমনাস্তাত শৃণু তীর্থেষু যৎফলম্ ॥ 3-80-8 (18955)
যস্য হস্তৌ চ পাদৌ চ মনশ্চৈব সুসংয়তম্।
বিদ্যা তপশ্চ কীর্তিশ্চ স তীর্থফলমশ্নুতে ॥ 3-80-9 (18956)
প্রতিগ্রহাদপাবৃত্তঃ সংতুষ্টো যেন কেনচিৎ।
অহংকারনিবৃত্তশ্চ স তীর্থফলমশ্নুতে ॥ 3-80-10 (18957)
অকল্ককো নিরারম্ভো লধ্বাহারো জিতেন্দ্রিয়ঃ।
বিমুক্তঃ সর্বপাপেভ্যঃ স তীর্থফলমশ্নুতে ॥ 3-80-11 (18958)
অক্রোধনশ্চ রাজেন্দ্র সত্যশীলো দৃঢব্রতঃ।
আত্মোপমশ্চ ভূতেষু স তীর্ধফলমশ্নুতে ॥ 3-80-12 (18959)
ঋষিভিঃ ক্রতবঃ প্রোক্তা দেবেষ্বিহ যথাক্রমম্।
ফলং চৈব যথাতত্ৎবং প্রেত্য চেহ চ সর্বশঃ ॥ 3-80-13 (18960)
ন তে শক্যা দরিদ্রেণ যজ্ঞাঃ প্রাপ্তুং মহীপতে।
বহূপকরণা যজ্ঞা নানাসংভারবিস্তরাঃ ॥ 3-80-14 (18961)
প্রাপ্যন্তে পার্থিবৈরেতৈঃ সমৃদ্ধৈর্বা নরৈঃ ক্বচিৎ।
নার্থন্যূনোপকরণৈরেকাত্মভিরসংহতৈঃ ॥ 3-80-15 (18962)
যো দরিদ্রৈরপি বিধিঃ শক্যঃ প্রাপ্তুং নরেশ্বর।
তুল্যো যজ্ঞফলৈঃ পুণ্যৈস্তং নিবোধ যুধাংবর ॥ 3-80-16 (18963)
ঋষীণাং পরমং গুহ্যমিদং ভরতসত্তম।
তীর্থাভিগমনং পুণ্যং যজ্ঞৈরপি বিশিষ্যতে ॥ 3-80-17 (18964)
অনপোষ্য ত্রিরাত্রাণি তীর্থান্যনভিগম্য চ।
অদত্ৎবা কাঞ্চনং গাশ্চ দরিদ্রো নাম জায়তে ॥ 3-80-18 (18965)
অগ্নিষ্টোমাদিভির্যজ্ঞৈরিষ্ট্বা বিপুলদক্ষিণৈঃ।
ন তৎফলমবাপ্নোতি তীর্থাভিগমনেন যৎ ॥ 3-80-19 (18966)
সর্বতীর্থেষু রাজেন্দ্র তীর্থং ত্রৈলোক্যবিশ্রুতম্।
পুষ্করং নাম বিখ্যাতং মহাভাগঃ সমাবিশেৎ ॥ 3-80-20 (18967)
দশকোটিসহস্রাণি তীর্থানাং বৈ মহামতে।
সান্নিধ্যং পুষ্করে যেষাং ত্রিসন্ধ্যং কুরুনন্দন ॥ 3-80-21 (18968)
আদিত্যা বসবো রুদ্রাঃ সাধ্যাশ্চ সমরুদ্গণাঃ।
গন্ধর্বাপ্সরসশ্চৈব নিত্যং সন্নিহিতা বিভো ॥ 3-80-22 (18969)
যত্র দেবাস্তপস্তপ্ৎবা দৈত্যা ব্রহ্মর্ষয়স্তথা।
`তপোবিশেষৈর্বহুভিঃ স্থানান্যাপুর্মহৌজসঃ'।
দিব্যযোগা মহারাজ পুণ্যেন মহতাঽন্বিতাঃ ॥ 3-80-23 (18970)
মনসাভ্যেতুকামস্য পুষ্করাণি মনস্বিনঃ।
পূয়ন্তে সর্বপাপানি নাকপৃষ্ঠে চ পূজ্যতে ॥ 3-80-24 (18971)
তস্মিংস্তীর্থে মহাভাগো নিত্যমেব পিতামহঃ।
উবাস পরমপ্রীতো দেবদানবসত্তমঃ ॥ 3-80-25 (18972)
পুষ্করেষু মহাভাগ দেবাঃ সর্পিগণাঃ পুরা।
সিদ্ধিং সমভিসংপ্রাপ্তাঃ পুণ্যেন মহতাঽন্বিতাঃ ॥ 3-80-26 (18973)
তত্রাভিষেকং যঃ কুর্যাৎপিতৃদেবাংশ্চ তর্পয়েৎ।
সর্বপাপবিনির্মুক্তো ব্রহ্মলোকে চ পূজ্যতে ॥ 3-80-27 (18974)
অপ্যেকং ভোজয়েদ্বিপ্রং পুষ্করারণ্যমাশ্রিতঃ।
তেনাসৌ কর্মণা ভীষ্ম প্রেৎ যচেহ চ মোদতে ॥ 3-80-28 (18975)
শাকৈর্মূলৈঃ ফলৈর্বাঽপিচেন বর্তয়তে স্বয়ম্।
তদ্বৈ দদ্যাদ্ব্রাহ্মণায় শ্রদ্ধাবাননসূয়কঃ।
তেনৈব প্রাপ্নুয়াৎপ্রাজ্ঞো হয়মেধফলং নরঃ ॥ 3-80-29 (18976)
`অপি বাঽপ্যুদপাত্রেণ ব্রাহ্মণান্স্বস্তি বাচয়েৎ।
তেনাপি পূজনেনাশু প্রেত্যানন্ত্যায় কল্পতে' ॥ 3-80-30 (18977)
ব্রাহ্মণাঃ ক্ষত্রিয়া বৈশ্যাঃ শূদ্রা বা রাজসত্তম।
ন বৈ যোনৌ প্রজায়ন্তে স্নাতাস্তীর্থে মহাত্মনঃ ॥ 3-80-31 (18978)
কার্তিক্যাং তু বিশেষেণ যোঽভিগচ্ছতি পুষ্করম্।
`ফলং তত্রাক্ষয়ং তেন লভতে ভরতর্ষভ' ॥ 3-80-32 (18979)
সায়ংপ্রাতঃ স্মরেদ্যস্তু পুষ্করাণি কৃতাঞ্জলিঃ।
উপস্পৃষ্টং ভবেত্তেন সর্বতীর্থেষু ভারত।
প্রাপ্নুয়াচ্চ নরো লোকান্ব্রহ্মণঃ সদনেঽক্ষয়ান্ ॥ 3-80-33 (18980)
জন্মপ্রভৃতিয়ৎপাপং স্ত্রিয়া বা পুরুষস্ বা।
পুষ্করে স্নাতমাত্রস্য সর্বমেব প্রণশ্যতি ॥ 3-80-34 (18981)
যথা সুরাণাং সর্বেষামাদিস্তু মধুসূদনঃ।
তথৈব পুষ্করং রাজংস্তীর্থানামাদিরুচ্যতে ॥ 3-80-35 (18982)
উষ্য দ্বাদশবর্ষাণি পুষ্করে নিয়তঃ শুচিঃ।
ক্রতূন্সর্বানবাপ্নোতি ব্রহ্মলোকং স গচ্ছতি ॥ 3-80-36 (18983)
যস্তু বর্ষশতং পূর্ণমগ্নিহোত্রমুপাসতে।
কার্তিকীং বা বসেদেকাং পুষ্করে সমমেব তৎ ॥ 3-80-37 (18984)
[ত্রীণি শৃঙ্গাণি শুভ্রাণি ত্রীণি প্রস্রবণানি চ।
পুষ্করাণ্যাদিসিদ্ধানি ন বিদ্মস্তত্র কারণম্ ॥] 3-80-38 (18985)
দুষ্করং পুষ্করং গন্তুং দুষ্করং পুষ্করে তপঃ।
দুষ্করং পুষ্করে দানং বস্তুং চৈব সুদুষ্করম্ ॥ 3-80-39 (18986)
উষ্য দ্বাদশরাত্রং তু নিয়তো নিয়তাশনঃ।
প্রদক্ষিণমুপাবৃত্য জম্বূমার্গং সমাবিশেৎ ॥ 3-80-40 (18987)
জম্বূমার্গং সমাক্শ্যি দেবর্ষিপিতৃসেবিতম্।
অশ্বমেধমবাপ্নোতি বিষ্ণুলোকং চ গচ্ছতি ॥ 3-80-41 (18988)
তত্রোষ্য রজনীঃ পঞ্চ কষষ্ঠকালক্ষমী নরঃ।
ন দুর্গতিমবাপ্নোতি বিষ্ণুলোকং চ গচ্ছতি ॥ 3-80-42 (18989)
`তত্রগৎবা মহাপ্রাজ্ঞঃ কুর্যাচ্ছ্রাদ্ধং দৃঢব্রতঃ।
বাজপেয়মবাপ্নোতি দুষ্কৃতং চাস্য নশ্যতি' ॥ 3-80-43 (18990)
জম্বূমার্গাদুপাবৃকত্যগচ্ছেৎস্থণ্ডিলকাশ্রমম্।
ন দুর্গতিমবাপ্নোতি ব্রহ্মলোকং চ গচ্ছতি ॥ 3-80-44 (18991)
আগস্ত্যং সর আসাদ্য পিতৃদেবার্চনে রতঃ।
ত্রিরাত্রোপোষিতো রাজন্নগ্নিষ্টোমফলং লভেৎ ॥ 3-80-45 (18992)
শাকবৃত্তিঃ ফলৈর্বাঽপি কৌমারং বিন্দতে পদম্।
কণ্বাশ্রমং ততো গচ্ছেচ্ধ্রীজুষ্টং লোকপূজিতম্ ॥ 3-80-46 (18993)
ধর্মারণ্যং হি তৎপুণ্যমাদ্যং চ ভরতর্ষভ।
যত্র প্রবিষ্টমাত্রো বৈ সর্বপাপৈঃ প্রমুচ্যতে ॥ 3-80-47 (18994)
অর্চয়ুৎবা পিতৄন্দেবান্নিয়তো নিয়তাশনঃ।
সর্বকামসমৃদ্ধঃ স্যাদ্যজ্ঞস্য ফলমশ্নুতে ॥ 3-80-48 (18995)
প্রদক্ষিণং ততঃ কৃৎবা যয়াতিপতনং ব্রজেৎ।
হয়মেধস্য যজ্ঞস্য ফংল প্রাপ্নোতি তত্র বৈ ॥ 3-80-49 (18996)
মহাকালং ততো গচ্ছেন্নিয়তো নিয়তাশনঃ।
কোটিতীর্থমুপস্পৃশ্য হয়মেধফলং লভেৎ ॥ 3-80-50 (18997)
ততো গচ্ছেত ধর্মজ্ঞঃ স্থাণোস্তীর্থমুমাপতেঃ।
নাম্না ভদ্রবটং নাম ত্রিষু লোকেষু বিশ্রুতম্ ॥ 3-80-51 (18998)
তত্রাভিগম্য চেশানং গোসহস্রফলং লভেৎ।
মহাদেবপ্রসাদাচ্চ গাণপত্যং চ বিন্দতি ॥ 3-80-52 (18999)
সমৃদ্ধমসপত্নং চ শ্রিয়া যুক্তং নরোত্তমঃ।
`রাজ্ঞাং চৈবাধিপত্যং হি তত্র গৎবা সমাপ্নুয়াৎ ॥' 3-80-53 (19000)
নর্মদাং স সমাসাদ্য নদীং ত্রৈলোক্যবিশ্রুতাম্।
তর্পয়িৎবা পিতৃন্দেবানগ্নিষ্টোমফলং লভেৎ ॥ 3-80-54 (19001)
দক্ষিমং সিন্ধুমাসাদ্য ব্রহ্মচারী জিতেন্দ্রিয়ঃ।
অগ্নিষ্টোমমবাপ্নোতি বিমানং চাধিরোহতি ॥ 3-80-55 (19002)
চর্মণ্বতীং সমাসাদ্য নিয়তো নিয়তাশনঃ।
রন্তিদেবাভ্যনুজ্ঞাতমগ্নিষ্টোমফলং লভেৎ ॥ 3-80-56 (19003)
ততো গচ্ছেত ধর্মজ্ঞং হিমবৎসুতমর্বুদম্।
পৃথিব্যাং যত্রবৈ ছিদ্রং পূর্বমাসীদ্যুধিষ্ঠির ॥ 3-80-57 (19004)
তত্রাশ্রমো বসিষ্ঠস্য ত্রিষু লোকেষু বিশ্রুতঃ।
তত্রোষ্য রজনীমেকাং গোসহস্রফলং লভেৎ ॥ 3-80-58 (19005)
পিঙ্গতীর্থমুপস্পৃশ্য ব্রহ্মচারী জিতেন্দ্রিয়ঃ।
কপিলানাং নরশ্রেষ্ঠ শতস্ ফলমশ্নুতে ॥ 3-80-59 (19006)
ততো গচ্ছেত রাজেন্দ্র প্রভাসং লোকবিশ্রুতম্।
`তীর্থং দেবগণৈঃ পূজ্যমৃষিভিশ্চ নিষেবিতম্' ॥ 3-80-60 (19007)
দেবতানাং মুখং বীর জ্বলনোঽনিলসারথিঃ।
দেবতানাং মুখং বীর জ্বলনোঽনিলসারথিঃ ॥ 3-80-61 (19008)
তস্মিংস্তীর্থে নরঃ স্নাৎবা শুচিঃ প্রয়তমানসঃ।
অগ্নিষ্টোমাতিরাত্রাভ্যাং ফলং প্রাপ্নোতি মানবঃ ॥ 3-80-62 (19009)
ততো গৎবা সরস্বত্যাঃ সাগরস্য চ সংগমে।
গোসহস্রফলং তস্য স্বর্গলোকং চ বিন্দতি।
প্রভয়া দীপ্যতে নিত্যমগ্নিবদ্ভরতর্ষভ ॥ 3-80-63 (19010)
বরদানং ততো গচ্ছেত্তীর্থং ভরতসত্তম।
বিষ্ণোর্দুর্বাসসা যত্র বরো দত্তো যুধিষ্ঠির।
প্রভাসতে যথা সোমঃ সোশ্বমেধং চ বিন্দতি ॥ 3-80-64 (19011)
বরদানং ততো গচ্ছেত্তীর্থং ভরতসত্তম।
বিষ্ণোর্দুর্বাসসা যত্র বরো দত্তো যুধিষ্ঠির।
বরদানে নরঃ স্নাৎবা গোসহস্রফংল লভেৎ ॥ 3-80-65 (19012)
ততো দ্বারবতীং গচ্ছেন্নিয়তো নিয়তাশনঃ।
পিণ্ডারকে নরঃ স্নাৎবা লভেদ্বহুসুবর্ণকম্ ॥ 3-80-66 (19013)
তস্মিংস্তীর্থে মহাভাগ পদ্মলক্ষণলক্ষিতাঃ।
অদ্যাপি মুদ্রা দৃশ্যন্তে তদদ্ভুতমরিংদম ॥ 3-80-67 (19014)
ত্রিশূলাঙ্কানি পদ্মানি দৃশ্যন্তে কুরুনন্দন।
মহাদেবস্য সাংনিধ্যং তত্র বৈ পুরুষর্ষভ ॥ 3-80-68 (19015)
সাগরস্য চ সিন্ধোশ্চ সংগমং প্রাপ্য দুর্লভম্।
তীর্থে সলিলরাজস্য স্নাৎবা প্রয়তমানসঃ ॥ 3-80-69 (19016)
তর্পয়িৎবা পিতৄন্দেবানৃষীংশ্চ ভরতর্ষভ।
প্রাপ্নোতি বারুণং লোকং দীপ্যমানং স্বতেজসা ॥ 3-80-70 (19017)
শঙ্কুকর্ণেশ্বরং দেবমর্চয়িৎবা যুধিষ্ঠির।
অশ্বমেধাদ্দশগুণং প্রবদন্তি মনীষিণঃ ॥ 3-80-71 (19018)
প্রদক্ষিণমুপাবৃত্য গচ্ছেত ভরতর্ষভ।
তীর্থং কুরুবরশ্রেষ্ঠ ত্রিষু লোকেষু বিশ্রুতম্ ॥ 3-80-72 (19019)
শমীতি নাম্না বিখ্যাতং সর্বপাপপ্রণাশনম্।
তত্রব্রহ্মাদয়ো দেবা উপাসন্তে মহেশ্বরম্ ॥ 3-80-73 (19020)
তত্রস্নাৎবাঽর্চয়িৎবা চ রুদ্রং দেবগণৈর্বৃতম্।
জন্মপ্রভৃতিয়ৎপাপং তৎস্নাতস্য প্রণশ্যতি ॥ 3-80-74 (19021)
শমী চাত্রনরশ্রেষ্ঠ সর্বদেবৈরভিষ্টুতা।
তত্র স্নাৎবা নরব্যাঘ্র হয়মেধমবাপ্নুয়াৎ ॥ 3-80-75 (19022)
গৎবা যত্রমহাপ্রাজ্ঞ বিষ্ণুনা প্রভবিষ্ণুনা।
পুরা শৌচং কৃতংরাজন্হৎবা দৈবতকণ্টকান্ ॥ 3-80-76 (19023)
ততো গচ্ছেত ধর্মজ্ঞ বসোর্ধারামভিষ্টুতাম্।
গমনাদেবতস্যাং হি হয়মেধফলং লভেৎ ॥ 3-80-77 (19024)
স্নাৎবা কুরুবরশ্রেষ্ঠ প্রয়তাত্মা সমাহিতঃ।
তর্প্য দেবান্পিতৄংশ্চৈব বিষ্ণুলোকে মহীয়তে ॥ 3-80-78 (19025)
তীর্থে চাত্র সর পুণ্যং বসূনাং ভরতর্ষভ।
তত্র স্নাৎবা চ পীৎবা চ বসূনাং সংমতোভবেৎ ॥ 3-80-79 (19026)
সিন্ধূত্তমমিতি খ্যাতং সর্বপাপপ্রণাশনম্।
তত্র স্নাৎবা নরশ্রেষ্ঠ লভেদ্বহুসুবর্ণকম্ ॥ 3-80-80 (19027)
ব্রহ্মতীর্থং সমাসাদ্য শুচিঃ শীলসমন্বিতঃ।
ব্রহ্মলোকমবাপ্নোতি গতিং চ পরমাং ব্রজেৎ ॥ 3-80-81 (19028)
কুমারিকাণাং শক্রস্য তীর্থং সিদ্ধনিষেবিতম্।
তত্র স্নাৎবা নরঃ ক্ষিপ্রং স্বর্গলোকমবাপ্নুয়াৎ ॥ 3-80-82 (19029)
রেণুকায়াশ্চ তত্রৈব তীর্থং সিদ্ধনিষেবিতম্।
তত্র স্নাৎবা ভবেদ্বিপ্রো নির্মলশ্চন্দ্রমা যথা ॥ 3-80-83 (19030)
অথ পঞ্চনদং গৎবা নিয়তো নিয়তাশনঃ।
পঞ্চয়জ্ঞানবাপ্নোতি ক্রমশো যেঽনুকীর্তিতাঃ ॥ 3-80-84 (19031)
ততো গচ্ছেত রাজেন্দ্র ভীমায়াঃ স্থানমুত্তমম্।
তত্রস্নাৎবা ন যোন্যাং বৈ ভবেদ্ভরতসত্তম ॥ 3-80-85 (19032)
দেব্যাঃ পুত্রো ভবেদ্রাজংস্তপ্তকুণ্ডলভূষণঃ।
গবাং শতসহস্রস্য ফলং প্রাপ্নোতি মানবঃ ॥ 3-80-86 (19033)
গিরিকুঞ্জং সমাসাদ্য ত্রিষু লোকেষু বিশ্রুতম্।
পিতামহং নমস্কৃত্য গোসহস্রফলং লভেৎ ॥ 3-80-87 (19034)
ততো গচ্ছেত ধর্মজ্ঞ বিমলং তীর্থমুত্তমম্।
অদ্যাপি যত্রদৃশ্যন্তে মৎস্যাঃ সৌবর্ণরাজতাঃ ॥ 3-80-88 (19035)
তত্র স্নাৎবা নরঃ ক্ষিপ্রং বাসবং লোকমাপ্নুয়াৎ।
সর্বপাপবিশুদ্ধাত্মা গচ্ছেত পরমাং গতিম্ ॥ 3-80-89 (19036)
বিতস্তাং চ সমাসাদ্য সংতর্প্য পিতৃদেবতাঃ।
নরঃ ফলমবাপ্নোতি বাজপেয়স্য ভারত ॥ 3-80-90 (19037)
কাশ্মীরষ্বেব নাগস্য ভবনং তক্ষকস্য চ।
বিতস্তাখ্যমিতি খ্যাতং সর্বপাপপ্রমোচনম্ ॥ 3-80-91 (19038)
তত্রস্নাৎবা নরো নূনং বাজপেয়মবাপ্নুয়াৎ।
সর্বপাপবিশুদ্ধাত্মা গচ্ছেচ্চ পরমাং গতিম্ ॥ 3-80-92 (19039)
ততো গচ্ছেত মলদাং ত্রিষু লোকেষু বিশ্রুতাম্।
পশ্চিমায়াং তু সংধ্যায়ামুপস্পৃশ্য যথাবিধি ॥ 3-80-93 (19040)
চরুং সপ্তার্চিষে রাজন্যথাশক্তি নিবেদয়েৎ।
পিতৄণামক্ষয়ং দানং প্রবদন্তি মনীষিণঃ ॥ 3-80-94 (19041)
ঋষয়ঃ পিতরো দেবা গন্ধর্বাপ্সরসাং গণাঃ।
গুহ্যকাঃ কিন্নরা যক্ষাঃ সিদ্ধা বিদ্যাধরা নরাঃ ॥ 3-80-95 (19042)
রাক্ষসা দিতিজা রুদ্রা ব্রহ্মা চ মনুজাধিপ।
নিয়তঃ পরমাং দীক্ষামাস্থায়াব্দসহস্রিকীম্ ॥ 3-80-96 (19043)
বিষ্ণোঃ প্রসাদনং কুর্বংশ্চরুং চ শ্রপয়ংস্তথা।
সপ্তভিঃ সপ্তভিশ্চৈব ঋগ্ভিস্তুষ্টাব কেশবম্ ॥ 3-80-97 (19044)
দদাবষ্টগুণৈশ্বর্যং তেষাং তুষ্টস্তু কেশবঃ।
যথাভিলষিতানন্যান্কামান্দৎবা মহীপতে ॥ 3-80-98 (19045)
তত্রৈবান্তর্দধে দেবো বিদ্যুদভ্রেষু বৈ যথা।
নাম্না সপ্তচরুং তেন খ্যাতং লোকেষু ভারত ॥ 3-80-99 (19046)
গবাং শতসহস্রেণ রাজসূয়শতেন চ।
অশ্বমেধসহস্রেণ শ্রেয়ান্সপ্তার্চিষে চরুঃ ॥ 3-80-100 (19047)
ততো নিবৃত্তো রাজেন্দ্র রুদ্রং পদমথাবিশেৎ।
অর্চয়িৎবামহাদেবমশ্বমেধফলং লভেৎ। 3-80-101 (19048)
মণিমন্তং সমাসাদ্য ব্রহ্মচারী সমাহিতঃ।
একরাত্রোপিতো রাজন্নগ্নিষ্টোমফলং লভেৎ ॥ 3-80-102 (19049)
অথ গচ্ছেত রাজেন্দ্র দেবিকাং লোকবিশ্রুতম্।
প্রসূতির্যত্র বিপ্রাণাং শ্রূয়তে ভরতর্ষভ ॥ 3-80-103 (19050)
ত্রিশূলপাণএঃ স্থানং চ ত্রিষু লোকেষু বিশ্রুতম্।
দেবিকায়াং নরঃ স্নাৎবা সমভ্যর্চ্য মহেশ্বরম্ ॥ 3-80-104 (19051)
যথাশক্তি চরুং তত্র নিবেদ্য ভরতর্ষভ।
সর্বকামসমৃদ্ধস্য যজ্ঞস্য লভতে ফলম্ ॥ 3-80-105 (19052)
কামাখ্যং তত্র রুদ্রস্য তীর্থং দেবনিষেবিতম্।
তত্রস্নাৎবা নরঃ ক্ষিপ্রং সিদ্ধিং প্রাপ্নোতি ভারত ॥ 3-80-106 (19053)
যজনং যাজনং চৈবতথৈব ব্রহ্মবালুকম্।
পুষ্পাম্ভশ্চ উপস্পৃশ্য ন শোচেন্মরণং গতঃ ॥ 3-80-107 (19054)
অর্ধয়োজনবিস্তারাং পঞ্চয়োজনমায়তাম্।
এতাং হি দেবিকামাহুঃ পুণ্যাং দেবর্ষিসেবিতাম্ ॥ 3-80-108 (19055)
ততো গচ্ছেত ধর্মজ্ঞ দীর্ঘসত্রং যথাক্রমম্।
তত্র ব্রহ্মাদয়ো দেবাঃ সিদ্ধাশ্চ পরমর্ষপঃ।
দীর্ঘসত্রমুপাসন্তে দীক্ষিতা নিয়তব্রতাঃ ॥ 3-80-109 (19056)
গমনাদেব রাজেন্দ্র দীর্ঘসত্রমরিংদম।
রাজসূয়াশ্বমেধাভ্যাং ফলং প্রাপ্নোতি ভারত ॥ 3-80-110 (19057)
ততো বিনশনং গচ্ছেন্নিয়তো নিয়তাশনঃ।
গচ্ছত্যন্তর্হিতা যত্রমেরুপৃষ্ঠে সরস্বতী ॥ 3-80-111 (19058)
চমসেঽথ শিবোদ্ভেদে নাগোদ্ভেদে চ দৃশ্যতে।
`তত্র স্নাৎবা নরব্যাঘ্র দ্যোততে শশিবৎবদা।'
স্নাৎবা তু চমসোদ্ভেদে অগ্নিষ্টোমফলং লভেৎ ॥ 3-80-112 (19059)
শিবোদ্ভেদে নরঃ স্নাৎবা গোসহস্রফংল লভেৎ।
নাগোদ্ভেদে নরঃ স্নাৎবা নাগলোকমবাপ্নুয়াৎ ॥ 3-80-113 (19060)
শশয়ানং চ রাজেন্দ্রতীর্থমাসাদ্য দুর্লভম্।
শতরূপপ্রতিচ্ছন্নাঃ পুষ্করা যত্র ভারত ॥ 3-80-114 (19061)
সরস্বত্যাং মহারাজ শতং সংবৎসরং চ তে।
দৃশ্যন্তে ভরতশ্রেষ্ঠ বৃত্তাং বৈ কার্তিকীং সদা ॥ 3-80-115 (19062)
তত্রস্নাৎবা নরব্যাঘ্র দ্যোততে শশিবৎসদা।
গোসহস্রফলং চৈব প্রাপ্নুয়াদ্ভরতর্ষভ ॥ 3-80-116 (19063)
কুমারকোটীমাসাদ্য নিয়তঃ কুরুনন্দন।
তত্রাভিষেকং কুর্বীত পিতৃদেবার্চনে রতঃ ॥ 3-80-117 (19064)
গবাময়ুতমাপ্নোতি কুলং চৈব সমুদ্ধরেৎ।
ততো গচ্ছেত ধর্মজ্ঞ রুদ্রকোটিং সমাহিতঃ ॥ 3-80-118 (19065)
পুরা যত্র মহারাজ মুনিকোটিঃ সমাগতা।
হর্ষেণ মহতাঽঽবিষ্টা রুদ্রদর্শনকাঙ্ক্ষয়া ॥ 3-80-119 (19066)
অহংপূর্বমহংপূর্বং দ্রক্ষ্যামি বৃষভধ্বজম্।
এবং সংপ্রস্থিতা রাজন্নৃষয়ঃ কিল ভারত ॥ 3-80-120 (19067)
ততো যোগীশ্বরেণাপি যোগমাস্থায় ভূপতে।
তেষাং মন্যুপ্রণাশার্থমৃষীণাং ভাবিতাত্মনাম্ ॥ 3-80-121 (19068)
স্রষ্টা কোটীস্তু রুদ্রাণামৃষীণামগ্রতঃ স্থিতা।
ময়া পূর্বতরং দৃষ্ট ইতিতে মেনিরে পৃথক্ ॥ 3-80-122 (19069)
তেষাং তুষ্টো মহাদেবো মুনীনাং ভাবিতাত্মনাম্।
ভক্ত্যা পরময়া রাজন্বরং তেষাং প্রদিষ্টবান্ ॥ 3-80-123 (19070)
অদ্যপ্রভৃতি যুষ্মাকং ধর্মবৃদ্ধির্ভবিষ্যতি।
তত্রস্নাৎবা নরব্যাঘ্র রুদ্রকোট্যাং নরঃ শুচিঃ ॥ 3-80-124 (19071)
অশ্বমেধমবাপ্নোতি কুলং চৈব সমুদ্ধরেৎ।
ততো গচ্ছেত রাজেন্দ্র সংগমং লোকবিশ্রুতম্ ॥ 3-80-125 (19072)
সরস্বত্যা মহাপুণ্যং কেশবং সমুপাসতে।
যত্রব্রহ্মাহয়ো দেবা ঋষয়শ্চ তপোধনাঃ ॥ 3-80-126 (19073)
অভিগচ্ছন্তি রাজেন্দ্র চৈত্রশুক্লচতুর্দশীম্।
তত্রস্নাৎবা নরব্যাঘ্র বিন্দেদ্বহুসুবর্ণকম্।
সর্বপাপবিশুদ্ধাত্মা ব্রহ্মলোকং চ গচ্ছতি ॥ 3-80-127 (19074)
ঋষীণাং যত্র সত্রাণি সমাপ্তানি নরাধিপ।
তত্রাবসানমাসাদ্য গোসহস্রফলং লভেৎ । 3-80-128 (19075)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি অশীতিতমোঽধ্যায়ঃ ॥ 80 ॥
Mahabharata - Vana Parva - Chapter Footnotes
3-80-10 অপাবৃত্তো নিবৃত্তঃ। সংতুষ্টো নিয়তঃ শুচিরিতি ক. ধ. পাঠঃ ॥ 3-80-11 অকল্ককঃ দম্ভাদিহীনঃ ॥ 3-80-20 নৃলোকে দেবদেবস্য তীর্থমিতি ঝ. পাঠঃ ॥ 3-80-27 পিতৃদেবার্চনে রতঃ ইতি ঝ. পাঠঃ ॥ 3-80-35 উপস্পৃষ্টং স্নাতং ভবেৎ ॥ 3-80-33 উষ্য বাসং কৃৎবা ॥ 3-80-36 পুণ্যং স্থানমুমাপতেরিতি ধ. পাঠঃ ॥ 3-80-51 পিকতীর্থমিতি ধ. পাঠঃ ॥ 3-80-59 তস্মিংস্তীর্থে নরঃ স্নাৎবা পুণ্যলক্ষণলক্ষিতঃ ইতি ধ. পাঠঃ ॥ 3-80-67 দমীতীতি প্রমীতীতি ক্রমেণ ক. ধ. পাঠঃ ॥ 3-80-73 ভদ্রতুঙ্গং সমাসাদ্যেতি ঝ. পাঠঃ। অবাপ্নোতি সুকৃতী বিরজানর ইতি ধ. পাঠঃ ॥ 3-80-81 শ্রীকুণ্ডং তুং সমাসাদ্যেতি ঝ. পাঠঃ ॥ 3-80-93 ততো গচ্ছেত বডবামিতি ঝ. পাঠঃ ॥ 3-80-101 ভদ্রপাদমুপবিশেদিতি ধ. পাঠঃ ॥ 3-80-107 পুষ্পজায়ামুপস্পৃশ্যেতি ধ. পাঠঃ ॥ 3-80-109 দক্ষিণাভির্যতব্রতা ইতি ক. ধ. পাঠঃ ॥ 3-80-112 চমসে চমসোদ্ভেদে ইতি ধ. পাঠঃ ॥ 3-80-114 শতহ্রদং চ রাজেন্দ্রেতি ক. ধ.পাঠঃ ॥ 3-80-118 গবাং মেধমবাপ্নোতীতি ক. ধ. পাঠঃ ॥অরণ্যপর্ব - অধ্যায় 081
॥ শ্রীঃ ॥
3.81. অধ্যায়ঃ 081
Mahabharata - Vana Parva - Chapter Topics
পুলস্ত্যেন ভীষ্মংপ্রতি নানাতীর্থমহিমানুবর্ণনম্ ॥ 1 ॥Mahabharata - Vana Parva - Chapter Text
3-81-0 (19076)
পুলস্ত্য উবাচ। 3-81-0x (1986)
ততো গচ্ছেত রাজেন্দ্র কুরুক্ষেত্রমভিষ্টুতম্।
পাপেভ্যোবিপ্রমুচ্যন্তে তদ্গতাঃ সর্বজন্তবঃ ॥ 3-81-1 (19077)
কুরুক্ষেত্রং গমিষ্যামি কুরুক্ষেত্রে বসাম্যহম্।
য এবং সততং ব্রূয়াৎসোঽপি পাপৈঃ প্রমুচ্যতে ॥ 3-81-2 (19078)
পাংসবোঽপিকুরুক্ষেত্রে বায়ুনা সমুদীরিতাঃ।
অপিদুষ্কৃতকর্মাণং নয়ন্তি পরমাং গতিম্ ॥ 3-81-3 (19079)
দক্ষিণেন সরস্বত্যা দৃষদ্বত্যুত্তরেণ চ।
যে বসন্তি কুরুক্ষেত্রে তে বসন্তি ত্রিবিষ্টপে ॥ 3-81-4 (19080)
তত্র মাসং বসেদ্ধীরঃ সরস্বত্যাং যুধাংবর।
যত্রব্রহ্মাদয়ো দেবা ঋষয়ঃ সিদ্ধচারণাঃ ॥ 3-81-5 (19081)
গন্ধর্বাপ্সরসো যক্ষাঃ পন্নগাশ্চ মহীপতে।
ব্রহ্মক্ষেত্রং মহাপুণ্যমভিগচ্ছন্তি ভারত ॥ 3-81-6 (19082)
মনসাঽপ্যভিকামস্য কুরুক্ষেত্রং যুধাংবর।
পাপানি বিপ্রণশ্যন্তি ব্রহ্মলোকং চ গচ্ছতি ॥ 3-81-7 (19083)
গৎবা হি শ্রদ্ধয়া যুক্তঃ করুক্ষেত্রং কুরূদ্বহ।
রাজসূয়াশ্বমেধাভ্যাং ফলমাপ্নোতি মানবঃ ॥ 3-81-8 (19084)
ততশ্চ মন্তুকং রাজন্দ্বারপালং মহাবলম্।
যক্ষং সমভিবাদ্যৈব গোসহস্রফলং লভেৎ ॥ 3-81-9 (19085)
ততো গচ্ছেত ধর্মজ্ঞ বিষ্ণো স্থানমনুত্তমম্।
সততং নাম রাজেন্দ্র যত্রসন্নিহিতো হরিঃ ॥ 3-81-10 (19086)
তত্রস্নাৎবাঽর্চয়িৎবা চ ত্রিলোকপ্রভবং হরিম্।
অশ্বমেধমবাপ্নোতি বিষ্ণুলোকং চ গচ্ছতি ॥ 3-81-11 (19087)
ততঃ পরিপ্লবং গচ্ছেত্তীর্থং ত্রৈলোক্যবিশ্রুতম্।
অগ্নিষ্টোমাতিরাত্রাভ্যাং ফলং প্রাপ্নোতি ভারত ॥ 3-81-12 (19088)
পৃথিবীতীর্থমাসাদ্য গোসহস্রফলং লভেৎ।
ততঃ শালূকিনী গৎবা তীর্থসেবী নরাধিপ ॥ 3-81-13 (19089)
দশাশ্বমেধে স্নাৎবা চ তদেব ফলমাপ্নুয়াৎ।
সর্পদর্বীং সমাসাদ্য নাগানাং তীর্থমুত্তমম্ ॥ 3-81-14 (19090)
অগ্নিষ্টোমমবাপ্নোতি নাগলোকং চ বিন্দতি।
ততো গচ্ছেত ধর্মজ্ঞ দ্বারপালমরুন্তুকম্ ॥ 3-81-15 (19091)
তত্রোষ্য রজনীমেকাং গোসহস্রফলং লভেৎ।
ততঃ পঞ্চনদং গৎবা নিয়তো নিয়তাশনঃ ॥ 3-81-16 (19092)
কোটিতীর্থমুপস্পৃশ্য হয়মেধফংল লভেৎ।
অশ্বিনোস্তীর্থমাসাদ্য রূপবানমিজায়তে ॥ 3-81-17 (19093)
ততো গচ্ছেত ধর্মজ্ঞ বারাহং তীর্থমুত্তমম্।
বিষ্ণুর্বারাহরূপেণ পূর্বং যত্র স্থিতো বিভুঃ ॥ 3-81-18 (19094)
তত্রস্নাৎবা নরশ্রেষ্ঠ অগ্নিষ্টোমফলং লভেৎ।
ততো জয়ন্ত্যাং রাজেন্দ্র সোমতীর্থং সমাবিশেৎ ॥ 3-81-19 (19095)
স্নাৎবা ফলমবাপ্নোতি রাজসূয়স্য মানবঃ।
একহংসে নরঃ স্নাৎবা গোসহস্রফলং লভেৎ ॥ 3-81-20 (19096)
শতশৌচং সমাসাদ্য তীর্থসেবী নরাধিপ।
পৌণ্ডরীকমবাপ্নোতি কৃতশৌচো ভবেচ্চ সঃ ॥ 3-81-21 (19097)
ততো মুঞ্জবটং নাম স্থাণোঃ স্থানং মহাত্মনঃ।
উপোষ্য রজনীমেকাং গাণপত্যমবাপ্নুয়াৎ ॥ 3-81-22 (19098)
তত্রৈব চ মহারাজ যক্ষিণী লোকবিশ্রুতা।
তাং চাভিগম্যরাজেন্দ্র সর্বান্কামানবাপ্নুয়াৎ ॥ 3-81-23 (19099)
কুরুক্ষেত্রস্ তদ্দ্বারং বিশ্রুতং ভরতর্ষভ।
প্রদক্ষিণমুপাবৃত্য তীর্থসেবী সমাহিতঃ ॥ 3-81-24 (19100)
সংমিতে পুষ্করাণাং চ স্নাৎবাঽর্চ্য পিতৃদেবতাঃ।
জামদগ্ন্যেন রামেণ কৃতং তৎসুমহাত্মনা ॥ 3-81-25 (19101)
কৃতকৃত্যো ভবেদ্রাজন্নশ্বমেধং চ বিন্দতি।
ততো রামহ্রদানার্চ্ছেত্তীর্থসেবী সমাহিতঃ ॥ 3-81-26 (19102)
তত্ররামেণ রাজেনদ্রতরসা দীপ্ততেজসা।
ক্ষত্রমুৎসাদ্ বীরেণ হ্রদাঃ পঞ্চ নিবেশিতাঃ ॥ 3-81-27 (19103)
পূরয়িৎবা নরব্যাঘ্র রুধিরেণেতি নঃ শ্রুতম্।
পিতরস্তর্পিতাঃ সর্বে তথৈব প্রপিতাগহাঃ ॥ 3-81-28 (19104)
ততস্তে পিতরঃ প্রীতা রামমূচুর্নরাধিপ।
রামরাম মহাভাগ প্রীতাঃ স্ম তব ভার্গব ॥ 3-81-29 (19105)
অনয়া পিতৃভক্ত্যা চ বিক্রমেণ চ তে বিভো।
বরং বৃণীষ্ব ভদ্রং তে কিমিচ্ছসি মহাদ্যুতে ॥ 3-81-30 (19106)
এবমুক্তঃ স রাজেন্দ্র রাম প্রহরতাংবরঃ।
অব্রবীৎপ্রাঞ্জলির্বাক্যং পিতৄন্স গগনে স্থিতান্ ॥ 3-81-31 (19107)
ভবন্তো যদি মে প্রীতা যদ্যনুগ্রাহ্যতা ময়ি।
পিতৃপ্রসাদাদিচ্ছেয়ং তপঃস্বাধ্যযনং পুনঃ ॥ 3-81-32 (19108)
যচ্চ রোষাভিভূতেন ক্ষত্রমুৎসাদিতং ময়া।
ততশ্চ পাপান্মুচ্যেয়ং যুষ্মাকং তেজসাঽপ্যহম্ ॥ 3-81-33 (19109)
হ্রদাশ্চ তীর্থভূতা মে ভবেয়ুর্ভুবি বিশ্রুতাঃ।
এতচ্ছ্রুৎবা শুভং বাক্যং রামস্য পিতরস্তদা ॥ 3-81-34 (19110)
প্রত্যূচুঃ পরমপ্রীতা রামং হর্পসমন্বিতাঃ।
তপস্তে বর্ধতাং ভূয়ঃ পিতৃভক্ত্যা বিশেষতঃ ॥ 3-81-35 (19111)
যচ্চ রোপাভিভূতেন ক্ষত্রমুৎসাদিতং ৎবয়া।
ততশ্চ পাপান্মুক্তস্ৎবং পাতিতাস্তে স্বকর্মভিঃ ॥ 3-81-36 (19112)
হ্রদাশ্চ তব তীর্থৎবং গমিষ্যন্তি ন সংশয়ঃ।
হ্রদেষু তেষু যঃ স্নাৎবা পিতৄন্সংতর্পয়িষ্যতি ॥ 3-81-37 (19113)
পিতরস্তস্ বৈ প্রীতা দাস্যন্তি ভুবি দুর্লভম্।
ঈপ্সিতং চ মনঃকামং স্বর্গলোকং চ শাশ্বতম্ ॥ 3-81-38 (19114)
এবং দত্ৎবা বরান্রাজন্রামস্য পিতরস্তদা।
আমন্ত্র্য ভারগ্বং প্রীত্যা তত্রৈবান্তর্হিতাস্ততঃ ॥ 3-81-39 (19115)
এবং রামহ্রদাঃ পুণ্যা ভার্গবস্য মহাত্মনঃ।
স্নাৎবা হ্রহেষু রামস্য ব্রহ্মচারী শুচিব্রতঃ ॥ 3-81-40 (19116)
রামমভ্যর্চ্য রাজেন্দ্র লভেদ্বহু সুবর্ণকম্।
বংশমূলকমাসাদ্য তীর্থসেবী কুরূদ্বহ ॥ 3-81-41 (19117)
স্ববংশমুদ্ধরেদ্রাজন্স্নাৎবা বৈ বংশমূলকে।
কায়শোধনমাসাদ্য তীর্থং ভরতসত্তম ॥
শরীরশুদ্ধিঃ স্নাতস্য তস্মিংস্তীর্থে ন সংশয়ঃ। 3-81-42 (19118)
শরীরশুদ্ধিঃ স্নাতস্য তস্মিংস্তীর্থে ন সংশয়ঃ।
শুদ্ধদেহশ্চ সংয়াতি যুভাঁল্লোকাননুত্তমান্ ॥ 3-81-43 (19119)
ততো গচ্ছেত ধর্মজ্ঞ তীর্থং ত্রৈলোক্যবিশ্রুতম্।
লোকা যত্রোদ্ধৃতাঃ পূর্বং বিষ্ণুনা প্রভবিষ্ণুনা ॥ 3-81-44 (19120)
লোকোদ্ধারং সমাসাদ্য তীর্থং ত্রৈলোক্যপূজিতম্।
স্নাৎবা তীর্থবরে রাজঁল্লোকানুদ্ধরতে স্বকান্ ॥ 3-81-45 (19121)
শ্রীতীর্থং চ সমাসাদ্য স্নাৎবা নিয়তমানসঃ।
অর্চয়িৎবা পিতৄন্দেবান্বিন্দতে শ্রিয়মুত্তমাম্ ॥ 3-81-46 (19122)
কপিলাতীর্থমাসাদ্য ব্রহ্মচারী সমাহিতঃ।
তত্র স্নাৎবাঽর্চয়িৎবা চ পিতৄন্স্বান্দৈবতান্যপি ॥ 3-81-47 (19123)
কপিলানাং সহস্রস্য ফলংবিন্দতি মানবঃ।
সূর্যতীর্থং সমাসাদ্য স্নাৎবা নিয়তমানসঃ ॥ 3-81-48 (19124)
অর্চয়িৎবা পিতৄন্দেবানুপবাসপরায়ণঃ।
অগ্নিষ্টোমমবাপ্নোতি সূর্যলোকং চ গচ্ছতি ॥ 3-81-49 (19125)
গবাং ভগবনাসাদ্য তীর্থসেবী যথাক্রমম্।
তত্রাভিষেকং কুর্বাণো গোসহস্রফলং লভেৎ ॥ 3-81-50 (19126)
শঙ্খিনীতীর্থমাসাদ্য তীর্থসেবী কুরূদ্বহ।
দেব্যাস্তীর্থে নরঃ স্নাৎবা লভতে রূপমুত্তমম্ ॥ 3-81-51 (19127)
ততো গচ্ছেত রাজেন্দ্রদ্বারপালমরুন্তুকম্।
তচ্চ তীর্থং সরস্বত্যাং যক্ষেন্দ্রস্য মহাত্মনঃ ॥ 3-81-52 (19128)
তত্রস্নাৎবা নরো রাজন্নগ্নিষ্টোমফলং লভেৎ।
ততো গচ্ছেত রাজেন্দ্র ব্রহ্মাবর্তং নরোত্তমঃ ॥ 3-81-53 (19129)
ব্রহ্মাবর্তে নরঃ স্নাৎবা ব্রহ্মলোকমবাপ্নুয়াৎ।
ততো গচ্ছেত রাজেন্দ্র সুতীর্থকমনুত্তমম্ ॥ 3-81-54 (19130)
তত্রসন্নিহিতা নিত্যং পিতরো দৈবতৈঃ সহ।
তত্রাভিষেকং কুর্বীত পিতৃদেবার্চনে রতঃ ॥ 3-81-55 (19131)
অশ্বমেধমাবাপ্নোতি পিতৃলোকং চ গচ্ছতি।
ততোম্বুমত্যাং ধর্মজ্ঞ সুতীর্থকমনুত্তমম্ ॥ 3-81-56 (19132)
কোশেশ্বরস্য তীর্থেষু স্নাৎবা ভরতসত্তম।
সর্বব্যাধিবিনির্মুক্তো ব্রহ্মলোকে মহীয়তে ॥ 3-81-57 (19133)
মাতৃতীর্থং চ তত্রৈব যত্রস্নাতস্য ভারত।
প্রজা বিবর্ধতে রাজন্ন তন্বীং শ্রিয়মশ্নুতে ॥ 3-81-58 (19134)
ততঃ শীতবনং গচ্ছেন্নিয়তো নিয়তাশনঃ।
তীর্থং তত্রমহারাজ মহদন্যত্র দুর্লভম্ ॥ 3-81-59 (19135)
পুনাতি গমনাদেব কুলমেকং নরাধিপ।
কেশানভ্যুক্ষ্ বৈ তস্মিন্পূতো ভবতি ভারত ॥ 3-81-60 (19136)
তীর্থং তত্র মহারাজ শ্বানলোমাপহং স্মৃতম্।
যত্র বিপ্রা নরব্যাঘ্র বিদ্বাংসস্তীর্থতৎপরাঃ ॥ 3-81-61 (19137)
গতিং গচ্ছন্তি পরমাং স্নাৎবা ভরতসত্তম।
শ্বানলোমাপনয়নে তীর্থে ভরতসত্তম ॥ 3-81-62 (19138)
প্রাণায়ামৈর্নির্হরন্তি স্বলোমানি দ্বিজোত্তমাঃ।
পূতাত্মানশ্চ রাজেন্দ্রপ্রয়ান্তি পরমাং গতিম্ ॥ 3-81-63 (19139)
দশাশ্বমেধিকং চৈব তস্মিংস্তীর্থে মহীপতে।
তত্র স্নাৎবা নরব্যাঘ্র গচ্ছেত পরমাং গতিম্ ॥ 3-81-64 (19140)
ততো গচ্ছেত রাজেন্দ্র মানুষং লোকবিশ্রুতম্।
যত্র কৃষ্ণমৃগা রাজন্ব্যাধেন পরিপীডিতাঃ ॥ 3-81-65 (19141)
বিগাহ্য তস্মিন্সরসি মানুষৎবমুপাগতাঃ।
তস্মিংস্তীর্থে নরঃ স্নাৎবা ব্রহ্মচারী সমাহিতঃ ॥ 3-81-66 (19142)
সর্বপাপবিশুদ্ধাত্মা স্বর্গলোকে মহীয়তে।
মানুষস্য তু পূর্বেণ ক্রোশমাত্রে মহীপতে ॥ 3-81-67 (19143)
আপগা নাম বিখ্যাতা নদীসিদ্ধনিষেবিতা।
শ্যামাকভোজনং তত্রয়ঃ প্রয়চ্ছতি মানবঃ ॥ 3-81-68 (19144)
দেবান্পিতৄন্সমুদ্দিশ্য তস্য ধর্মফলং মহৎ।
একস্মিন্ভোজিতে বিপ্রে কোটির্ভবতি ভোজিতা ॥ 3-81-69 (19145)
তত্রস্নাৎবাঽর্চয়িৎবা চ পিতৃন্বৈ দৈবতানি চ।
উষিৎবা রজনীমেকামগ্নিষ্টোমফলং লভেৎ ॥ 3-81-70 (19146)
ততো গচ্ছেত রাজেন্দ্র ব্রহ্মণঃ স্থানমুত্তমম্।
ব্রহ্মোদুম্বরমিত্যেব প্রকাশং ভুবি ভারত ॥ 3-81-71 (19147)
তত্রসপ্তর্ষিকুণ্ডেষু স্নাতস্ যনরপুঙ্গব।
কেদারে চৈবরাজেন্দ্রকপিঞ্জলমহামুনেঃ ॥ 3-81-72 (19148)
ব্রহ্মাণমধিগৎবা চ শুচিঃ প্রয়তমানসঃ।
সর্বপাপবিশুদ্ধাত্মা ব্রহ্মলোকং প্রপদ্যতে ॥ 3-81-73 (19149)
কপিঞ্জলস্য কেদারং সমাসাদ্য সুদুর্লভম্।
অন্তর্ধানমবাপ্নোতি তপসা দগ্ধকিল্বিষঃ ॥ 3-81-74 (19150)
ততো গচ্ছেত রাজেন্দ্র শঙ্করং লোকবিশ্রুতম্।
কৃষ্ণপক্ষে চতুর্দশ্যামভিগম্য বৃষধ্বজম্ ॥ 3-81-75 (19151)
লভেত সর্বকামান্হি স্বর্গলোকং চ গচ্ছতি।
তিস্রঃ কোট্যস্তু তীর্থানাং শঙ্করে কুরুনন্দন ॥ 3-81-76 (19152)
রুদ্রকোট্যাং তথা কূপে হ্রদেষু চ মহীপতে।
শুদ্ধাস্পদং চ তত্রৈব তীর্থং ভরতসত্তম ॥ 3-81-77 (19153)
তত্রস্নাৎবাঽর্চয়িৎবা চ দৈবতানি পিতৄনথ।
ন দুর্গতিমবাপ্নোতি বাজপেয়ং চ বিন্দতি ॥ 3-81-78 (19154)
কিংদানে চ নরঃ স্নাৎবা কিংজপ্যে চ মহীপতে।
অপ্রমেয়মবাপ্নোতি দানং জপ্যং চ ভারত ॥ 3-81-79 (19155)
কলশ্যাং বার্যুপস্পৃশ্য শ্রদ্দধানো জিতেন্দ্রিয়ঃ।
অগ্নিষ্টোমস্ যজ্ঞস্য ফলং প্রাপ্নোতি মানবঃ ॥ 3-81-80 (19156)
শংকরস্য তু পূর্বেণ নারদস্য মহাত্মনঃ।
তীর্থং কুরুকুলশ্রেষ্ঠ অজানন্তেতি বিশ্রুতম্ ॥ 3-81-81 (19157)
তত্রতীর্থে নরঃ স্নাৎবা প্রাণানুৎসৃজ্য ভারত।
নারদেনাভ্যনুজ্ঞাতো লোকান্প্রাপ্নোত্যনুত্তমানন্ ॥ 3-81-82 (19158)
শুক্লপক্ষে দশম্যাং চ পুণ্ডরীকং সমাবিশেৎ।
তত্র স্নাৎবা নরো রাজন্পৌণ্ডরীকফলং লভেৎ ॥ 3-81-83 (19159)
ততস্ত্রিবিষ্টপং গচ্ছেত্রিষু লোকেষু বিশ্রুতম্।
তত্র বৈতরণী পুণ্যা নদী পাপপ্রণাশিনী ॥ 3-81-84 (19160)
তত্র স্নাৎবাঽর্চয়িৎবা চ শূলপাণিং বৃষধ্বজম্।
সর্বপাপবিশুদ্ধাত্মা গচ্ছেত পরমাং গতিম্ ॥ 3-81-85 (19161)
ততো গচ্ছেত রাজেন্দ্র ফলকীবনমুত্তমম্।
তত্র দেবাঃ সদা রাজন্ফলকীবনমাশ্রিতাঃ ॥ 3-81-86 (19162)
তপশ্চরন্তি বিপুলং বহুবর্ষসহস্রকম্।
দৃষদ্বত্যাং নরঃ স্নাৎবা তর্পয়িৎবা চ দেবতাঃ ॥ 3-81-87 (19163)
অগ্নিষ্টোমাতিরাত্রাভ্যাং ফলং বিন্দতি ভারত।
তীর্তে চ সর্বদেবানাং স্নাৎবা ভরতসত্তম ॥ 3-81-88 (19164)
গোসহস্রস্য রাজেন্দ্র ফলং বিন্দতি মানবঃ।
পাণিস্বাতে নরঃ স্নাত্ৎবা তর্পয়িৎবা চ দেবতাঃ ॥ 3-81-89 (19165)
অগ্নিষ্টোমাতিরাত্রাভ্যাং ফলং বিন্দতি ভারত।
রাজসূয়মাবাপ্নোতি ঋষিলোকং চ বিন্দতি ॥ 3-81-90 (19166)
ততো গচ্ছেত রাজেন্দ্র মিশ্রকং তীর্থমুত্তমম্।
তত্র তীর্থানি রাজেন্দ্র মিশ্রিতানি মহাত্মনা ॥ 3-81-91 (19167)
ব্যাসেন নৃপশার্দূল দ্বিজার্থমিতি নঃ শ্রুতম্।
সর্বতীর্থেষু স স্নাতি মিশ্রকে স্নাতি যো নরঃ ॥ 3-81-92 (19168)
ততো ব্যাসবনং গচ্ছেন্নিয়তো নিয়তাশনঃ।
মনোজবে নরঃ স্নাৎবা গোসহস্রফলং লভেৎ ॥ 3-81-93 (19169)
গৎবা মধুবটীং চৈব দেব্যাঃ স্থানং নরঃ শুচিঃ।
তত্র স্নাৎবাঽর্চয়িৎবা চ পিতৄন্দেবাংশ্চ পূরুষঃ ॥ 3-81-94 (19170)
স দেব্যা সমনুজ্ঞাতো গোসহস্রফলং লভেৎ।
কৌশিক্যাঃ সংগমে যস্তু দৃষদ্বত্যাশ্চ ভারত ॥ 3-81-95 (19171)
স্নাতি বৈ নিয়তাহার সর্বপাপৈঃ প্রমুচ্যতে।
ততো ব্যাসস্থলী নাম যত্রব্যাসেন ধীমতা ॥ 3-81-96 (19172)
পুত্রশোকাভিতপ্তেন দেহত্যাগে কৃতা মতিঃ।
ততো দেবৈস্তু রাজেন্দ্র পুনরুত্থাপিতস্তদা ॥ 3-81-97 (19173)
অভিগৎবা স্থলীং তস্য গোসহস্রফলং লভেৎ।
কিংদত্তং কূপমাসাদ্য তিলপ্রস্থং প্রদায় চ ॥ 3-81-98 (19174)
গচ্ছেত পরমাং সিদ্ধিমৃণৈর্মুক্তঃ কুরূদ্বহ।
বেদীতীর্থে নরঃ স্নাৎবা গোসহস্রফলং লভেৎ ॥ 3-81-99 (19175)
অহস্ছ সুদিনং চৈব দ্বে তীর্থে লোকবিশ্রুতে।
তয়োঃ স্নাৎবা নরব্যাঘ্র সূর্যলোকমবাপ্নুয়াৎ ॥ 3-81-100 (19176)
মৃগধূমং ততো গচ্ছেত্রিষু লোকেষু বিশ্রুতম্।
তত্রাভিষেকং কুর্বীত গঙ্গায়াং নৃপসত্তম ॥ 3-81-101 (19177)
অর্চয়িৎবা মহাদেবমশ্বমেধফলং লভেৎ।
দেব্যাস্তীর্থে নরঃ স্নাৎবা গোসহস্রফলং লভেৎ ॥ 3-81-102 (19178)
ততো বামনকং গচ্ছেত্রিষু লোকেষু বিশ্রুতম্।
তত্রবিষ্ণুপদে স্নাৎবা অর্চয়িৎবা চ বামনম্ ॥ 3-81-103 (19179)
সর্বপাপবিশুদ্ধাত্মা বিষ্ণুলোকং স গচ্ছতি।
কুলপুনে নরঃ স্নাৎবা পুনাতি স্বকুলং ততঃ ॥ 3-81-104 (19180)
পবনস্য হ্রদে স্নাৎবা মরুতাং তীর্থমুত্তমম্।
তত্রস্নাৎবা নখ্যাঘ্র বিষ্ণুলোকে মহীয়তে ॥ 3-81-105 (19181)
অমরাণাং হ্রদে স্নাৎবা সমভ্যর্চ্যামরাধিপম্।
অমরাণাং প্রভাবেন স্বর্গলোকে মহীয়তে ॥ 3-81-106 (19182)
শালিহোত্রস্য তীর্থে চ শালিশূর্পে যথাবিধি।
স্নাৎবা নরবরশ্রেষ্ঠ গোসহস্রফলং লভেৎ ॥ 3-81-107 (19183)
শ্রীকুঞ্জং চ সরস্বত্যাস্তীর্থং ভরতসত্তম।
তত্র স্নাৎবা নরশ্রেষ্ঠ অগ্নিষ্টোমফলং লভেৎ ॥ 3-81-108 (19184)
ততো নৈমিপকুঞ্জং চ সমাসাদ্য কুরূদ্বহ।
ঋষয়ঃ কিল রাজেন্দ্র নৈমিষেয়াস্তপস্বিনঃ ॥ 3-81-109 (19185)
তীর্থয়াত্রাং পুরস্কৃত্য কুরুক্ষেত্রং গতাঃ পুরা।
`তত্র তীর্থে নরঃ স্নাৎবা বাজিমেধফলং লভেৎ।'
ততঃ কুঞ্জঃ সরস্বত্যাঃ কৃতো ভরতসত্তম ॥ 3-81-110 (19186)
ঋপীণামবকাশঃ স্যাদ্যথা তুষ্টিকরো মহান্।
কন্যাতীর্থে নরঃ স্নাৎবাগোসহস্রফলং লভেৎ ॥ 3-81-111 (19187)
ততো গচ্ছেত ধর্মজ্ঞ কন্যাতীর্থমনুত্তমম্।
কন্যাতীর্থে নরঃ স্নাৎবা অগ্নিষ্টোমফলং লভেৎ ॥ 3-81-112 (19188)
ততো গচ্ছেত রাজেন্দ্র ব্রহ্মণস্তীর্থমুত্তমম্।
তত্রবর্ণাবরঃ স্নাৎবা ব্রাহ্মণ্যং লভতে নরঃ ॥ 3-81-113 (19189)
ব্রাহ্মণশ্চ বিশুদ্ধাত্মা গচ্ছেত পরমাং গতিম্।
ততো গচ্ছেন্নরশ্রেষ্ঠ সোমতীর্থমনত্তমম্ ॥ 3-81-114 (19190)
তত্র স্নাৎবা নরো রাজন্সোমলোকমবাপ্নুয়াৎ।
সপ্তসারস্বতং তীর্থং ততো গচ্ছেন্নরাধিপ ॥ 3-81-115 (19191)
যত্র মঙ্কণকঃ সিদ্ধো মহর্ষির্লোকবিশ্রুতঃ।
পুরা মঙ্কণকো রাজন্কুশাগ্রেণেতি নঃশ্রুতম্ ॥ 3-81-116 (19192)
ক্ষতঃ কিল করে রাজংস্তস্য শাকরসোঽস্রবৎ।
স বৈ শাকরসং দৃষ্ট্বা হর্ষাবিষ্টঃ প্রনৃত্তবান্ ॥ 3-81-117 (19193)
ততস্তস্মিন্প্রনৃত্তে তু স্থাবরং জঙ্গমং চ যৎ।
প্রনৃত্তমুভয়ং বীর তেজসা তস্য মোহিতম্ ॥ 3-81-118 (19194)
ব্রহ্মাদিভিঃ সুরৈ রাজনৃষিভিশ্চ তপোধনৈঃ।
ক্ষিপ্তো বৈ মহাদেব ঋষেরর্থে নরাধিপ ॥ 3-81-119 (19195)
নায়ং নৃত্যেদ্যথা দেব তথা ন্বং কর্তুমর্হসি।
তং প্রনৃত্তং সমাসাদ্য হর্ষাবিষ্টেন চেতসা।
সুরাণাং হিতকামার্থমৃষিং দেবোঽভ্যভাষত ॥ 3-81-120 (19196)
ভোভো মহর্ষে ধর্মজ্ঞ কিমর্থং নৃত্যতে ভবান্।
হর্ষস্থানং কিমর্থং বা তবাদ্য মুনিপুঙ্গব ॥ 3-81-121 (19197)
ঋষিরুবাচ। 3-81-122x (1987)
তপস্বিনো ধর্মপথে স্থিতস্য দ্বিজসত্তম।
কিং ন পশ্যসি মে ব্রহ্মন্করাচ্ছাকরসং স্রুতম্ ॥ 3-81-122 (19198)
যং দৃষ্ট্বাঽহং প্রনৃত্তোঽহং হর্ষেণ মহতাঽন্বিতঃ।
তং প্রহস্যাব্রবীদ্দেব ঋষিং রাগেণ মোহিতম্ ॥ 3-81-123 (19199)
অহং তু বিস্ময়ং বিপ্র ন গচ্ছামীতি পশ্য মাম্।
এবমুক্ৎবা নরশ্রেষ্ঠ মহাদেবেন ধীমতা ॥ 3-81-124 (19200)
অঙ্গুল্যগ্রেণ রাজেন্দ্রস্বাঙ্গুষ্ঠস্তাডিতোঽনঘ।
ততো ভস্ম ক্ষতাদ্রাজন্নির্গতং হিমসন্নিভম্ ॥ 3-81-125 (19201)
তদ্দৃষ্ট্বা ব্রীডিতো রাজন্স মুনিঃ পাদয়োর্গতঃ।
নান্যদ্দেবাৎপরং মেনে রুদ্রাৎপরতরং মহৎ ॥ 3-81-126 (19202)
সুরাসুরস্য জগতো গতিস্ৎবমসি শূলধৃৎ।
ৎবয়া সর্বমিদং সৃষ্টং ত্রৈলোক্যং সচরাচরম্ ॥ 3-81-127 (19203)
ৎবমেব সর্বান্গ্রসসি পুনরেব যুগক্ষয়ে।
দেবৈরপি ন শক্যস্ৎবং পরিজ্ঞাতুং কুতো ময়া ॥ 3-81-128 (19204)
ৎবয়ি সর্বে প্রদৃশ্যন্তে সুরা ব্রহ্মাদয়োঽনঘ।
সর্বস্ৎবমসি লোকানাং কর্তাকারয়িতা চ হ ॥ 3-81-129 (19205)
ৎবৎপ্রসাদাৎসুরাঃ সর্বে নিবসন্ত্যকুতোভয়াঃ।
এবং স্তুৎবা মহাদেবমৃষির্বচনমব্রবীৎ ॥ 3-81-130 (19206)
ৎবৎপ্রসাদান্মহাদেব তপো মে ন ক্ষরেত বৈ।
ততো দেবঃ প্রহৃষ্টাত্মা ব্রহ্মর্ষিমিদমব্রবীৎ ॥ 3-81-131 (19207)
তপস্তে বর্ধতাং বিপ্র মৎপ্রসাদাৎসহস্রশঃ।
আশ্রমে চেহ বৎস্যামি ৎবয়া সহ মহামুনে ॥ 3-81-132 (19208)
সপ্তসারস্বতে স্নাৎবা অর্চয়িষ্যন্তি যে তু মাম্।
ন তেষাং দুর্লভং কিংচিদিহ লোকে পরত্র চ ॥ 3-81-133 (19209)
সারস্বতং চ তে লোকং গমিষ্যন্তি ন সংশয়ঃ।
এবমুক্ৎবা মহাদেবস্তত্রৈবান্তরধীয়ত ॥ 3-81-134 (19210)
পুলস্ত্য উবাচ। 3-81-135x (1988)
ততস্ৎবৌশনসং গচ্ছেত্রিষু লোকেষু বিশ্রুতম্।
যত্রব্রহ্মাদয়ো দেবা ঋষয়শ্চ তপোধনাঃ ॥ 3-81-135 (19211)
কার্তিকেয়শ্চ ভগবাংস্ত্রিসংধ্যং কিল ভারত।
সান্নিধ্যমকরোন্নিত্যং ভার্গবপ্রিয়কাম্যযা ॥ 3-81-136 (19212)
কপালমোচনং তীর্থং সর্বপাপপ্রমোচনম্।
তত্র স্নাৎবা নরব্যাঘ্র সর্বপাপৈঃ প্রমুচ্যতে ॥ 3-81-137 (19213)
অগ্নিতীর্থং ততো গচ্ছেত্তত্র স্নাৎবা নরর্ষভ।
অগ্নিলোকমবাপ্নোতি কুলং চৈব সুমুদ্ধরেৎ ॥ 3-81-138 (19214)
বিশ্বামিত্রস্য তত্রৈব তীর্থং ভরতসত্তম।
তত্র স্নাৎবা নরশ্রেষ্ঠ ব্রাহ্মণ্যমধিগচ্ছতি ॥ 3-81-139 (19215)
ব্রহ্ময়োনিং সমাসাদ্য শুচিঃ প্রয়তমানসঃ।
তত্র স্নাৎবা নরব্যাঘ্র ব্রহ্মলোকং প্রপদ্যতে ॥ 3-81-140 (19216)
পুনাত্যাসপ্তমং চৈব কুলং নাস্ত্যত্রসংশয়ঃ।
ততো গচ্ছেত রাজেন্দ্র তীর্থং ত্রৈলোক্যবিশ্রুতম্ ॥ 3-81-141 (19217)
পৃথূদকমিতি খ্যাতং কার্তিকেয়স্য বৈ নৃপ।
তত্রাভিষেকং কুর্বীত পিতৃদেবার্চনে রতঃ ॥ 3-81-142 (19218)
অজ্ঞানাজ্জ্ঞানতো বাঽপিস্ত্রিয়া বা পুরুষেণ বা।
যৎকিংচিদশুভং কর্ম কৃতং মানুষবুদ্ধিনা ॥ 3-81-143 (19219)
তৎসর্বং নশ্যতে তত্র স্নাতমাত্রস্য ভারত।
অশ্বমেধফলং চাস্য স্বর্গলোকং চ গচ্ছতি ॥ 3-81-144 (19220)
পুণ্যমাহুঃ কুরুক্ষেত্রং কুরুক্ষেত্রাৎসরস্বতী।
সরস্বত্যাশ্চ তীর্থানি তীর্থেভ্যশ্ পৃথূদকম্ ॥ 3-81-145 (19221)
উত্তমে সর্বতীর্থানাং যস্ত্যজেদাত্মনস্তনুম্।
পৃথূদকে জপ্যপরো নৈব শ্বো মরণং তপেৎ ॥ 3-81-146 (19222)
গীতং সনৎকুমারেণ ব্যাসেন চ মহাত্মনা।
বেদে চ নিয়তং রাজন্নভিগচ্ছেৎপৃথূদকম্ ॥ 3-81-147 (19223)
পৃথূদকাত্তীর্থতমং নান্যত্তীর্থং কুরূদ্বহ।
তন্মেধ্যং তৎপবিত্রং চ পাবনং চ ন সংশয়ঃ ॥ 3-81-148 (19224)
তত্রস্নাৎবা দিবং যান্তি যেঽপি পাপকৃতো নরাঃ।
পৃথূদকে নরশ্রেষ্ঠ এবমাহুর্মনীষিণঃ ॥ 3-81-149 (19225)
মধুস্রবং চ তত্রৈব তীর্থং ভরতসত্তম।
তত্র স্নাৎবা নরো রাজন্গোসহস্রফলং লভেৎ ॥ 3-81-150 (19226)
ততো গচ্ছেত রাজেন্দ্র তীর্থং দেব্যা যথাক্রমম্।
সরস্বত্যারুণায়াশ্চ সংগমে লোকবিশ্রুতে ॥ 3-81-151 (19227)
ত্রিরাত্রোপোষিতঃ স্নাৎবা মুচ্যতে ব্রহ্মহত্যযা।
অগ্নিষ্টোমাতিরাত্রাভ্যাং ফলং বিন্দতি মানবঃ ॥ 3-81-152 (19228)
আসপ্তমং কুলং চৈব পুনাতি ভরতর্ষভ।
অবতীর্ণং চ তত্রৈব তীর্থং কুরুকুলোদ্বহ ॥ 3-81-153 (19229)
বিপ্রাণামনুকম্পার্থং শার্ঙ্গিণা নির্মিনং পুরা।
ব্রতোপনয়নাভ্যাং চাপ্যুপবাসেন বাঽপ্যুত ॥ 3-81-154 (19230)
ক্রিয়ামন্ত্রৈশ্চ সংয়ুক্তো ব্রাহ্মণঃ স্যান্ন সংশয়ঃ।
ক্রিয়ামন্ত্রবিহীনোঽপি তত্র স্নাৎবা নরর্ষভ।
চীর্ণব্রতো ভবেদ্বিদ্বান্দৃষ্টমেতৎপুরাতনৈঃ ॥ 3-81-155 (19231)
সমুদ্রাশ্চাপি চৎবারঃ সমানীতাশ্ দর্ভিণা।
তেষু স্নাতো নরশ্রেষ্ঠ ন দুর্গতিমবাপ্নুয়াৎ ॥ 3-81-156 (19232)
ফলানি গোসহস্রাণাং চতুর্ণাং বিন্দতে চ সঃ।
ততো গচ্ছেত ধর্মজ্ঞ তীর্থং শতসহস্রকম্ ॥ 3-81-157 (19233)
সাহস্রকং চ তত্রৈব দ্বে তীর্থে লোকবিশ্রুতে।
উভয়োর্হি নরঃ স্নাৎবা গোসরস্রফংল লভেৎ ॥ 3-81-158 (19234)
দানং বাঽপ্যুপবাসো বা সহস্রগুণিতং ভবেৎ।
ততো গচ্ছেত রাজেন্দ্র রেণুকাতীর্থমুত্তমম্ ॥ 3-81-159 (19235)
তীর্তাভিষেকং কুর্বীত পিতৃদেবার্চনে রতঃ।
সর্বপাপবিশুদ্ধাত্মা অগ্নিষ্টোমফলং লভেৎ ॥ 3-81-160 (19236)
বিমোচনমুপস্পৃশ্য জিতমন্যুর্জিতেন্দ্রিয়ঃ।
প্রতিগ্রহকৃতৈর্দোষৈঃ সর্বৈঃ স পরিমুচ্যতে ॥ 3-81-161 (19237)
ততঃ পঞ্চবটীং গৎবা ব্রহ্মচারী জিতেন্দ্রিয়ঃ।
পুণ্যেন মহতা যুক্তঃ সতাং লোকে মহীয়তে ॥ 3-81-162 (19238)
যত্রয়োগেশ্বরঃ স্থাণুঃ স্বয়মেব বৃষধ্বজঃ।
তমর্চয়িৎবা দেবেশং গমনাদেব সিদ্ধ্যতি ॥ 3-81-163 (19239)
তৈজসং বারুণং তীর্থং দীপ্যমানং স্বতেজসা।
যত্র রব্রহ্মাদিভির্দৈর্বৈর্ঋষিভিশ্চ তপোধনৈঃ ॥ 3-81-164 (19240)
সৈনাপত্যেন দেবানামভিষিক্তো গুহস্তদা।
তৈজসস্য তু পূর্বেণ কুরুতীর্থং কুরূদ্বহ ॥ 3-81-165 (19241)
কুরুতীর্থে নরঃ স্নাৎবা ব্রহ্মচারী জিতেন্দ্রিয়ঃ।
সর্বপাপবিশুদ্ধাত্মা ব্রহ্মলোকং প্রপদ্যতে ॥ 3-81-166 (19242)
স্বর্গদ্বারং ততো গচ্ছেন্নিয়তো নিয়তাশনঃ।
স্বর্গলোকমবাপ্নোতি ব্রহ্মলোকং চ গচ্ছতি ॥ 3-81-167 (19243)
ততো গচ্ছেদনরকং তীর্থসেবী নরাধিপ।
তত্র স্নাৎবা নরো রাজন্ন দুর্গতিমবাপ্নুয়াৎ ॥ 3-81-168 (19244)
তত্রব্রহ্মা স্বয়ং নিত্যং দেবৈঃ সহ মহীপতে।
অন্বাস্তে পুরুষব্যাঘ্র নারায়ণপুরোগমৈঃ ॥ 3-81-169 (19245)
সান্নিধ্যং তত্ররাজেন্দ্র রুদ্রপত্ন্যাঃ কুরূদ্বহ।
অভিগম্য চ তাং দেবীং ন দুর্গতিমবাপ্নুয়াৎ ॥ 3-81-170 (19246)
তত্রৈব চ মহারাজ বিশ্বেশ্বরমুমাপতিম্।
অভিগম্য মহাদেবং মুচ্যতে সর্বকিল্বিষৈঃ ॥ 3-81-171 (19247)
নারায়ণং চাভিগম্য পদ্মনাভমরিংদম।
রাজমানো মহারাজ বিষ্ণুলোকং চ গচ্ছতি ॥ 3-81-172 (19248)
তীর্থেষু সর্বদেবানাং স্নাতঃ স পুরুষর্ষভ।
সর্বদুঃখৈঃ পরিত্যক্তো দ্যোততে শশিবন্নরঃ ॥ 3-81-173 (19249)
ততঃ স্বস্তিপুরং গচ্ছেত্তীর্থসেবী নরাধিপ।
প্রদক্ষিণমুপাবৃত্য গোসহস্রফলং লভেৎ ॥ 3-81-174 (19250)
পাবনং তীর্থমাসাদ্য তর্পয়েৎপিতৃদেবতাঃ।
অগ্নিষ্টোমস্য যত্রস্য ফলং প্রাপ্নোতি ভারত ॥ 3-81-175 (19251)
গঙ্গাহ্রদশ্চ তত্রৈব কূপশ্চ ভরতর্ষভ।
তিস্রঃ কোট্যস্তু তীর্থানাং তস্মিন্কূপে মহীপতে ॥ 3-81-176 (19252)
তত্র স্নাৎবা নরো রাজন্স্বর্গলোকং প্রপদ্যতে।
আপগায়াং নরঃ স্নাৎবা অর্চয়িৎবা মহেশ্বরম্ ॥ 3-81-177 (19253)
গাণপত্যমবাপ্নোতি কুলং চৈব সমুদ্ধরেৎ।
ততঃ স্থাণুবটং গচ্ছেত্রিষু লোকেষু বিশ্রুতম্ ॥ 3-81-178 (19254)
তত্র স্নাৎবা স্থিতো রাত্রিং রুদ্রলোকমবাপ্নয়াৎ।
বদরীকাননং গচ্ছেদ্বসিষ্ঠস্যাশ্রমং গতঃ ॥ 3-81-179 (19255)
বদরীং ভক্ষয়েত্তত্র ত্রিরাত্রোপোষিতো নরঃ।
সম্যগ্দ্বাদশবর্ষাণি বদরীং ভক্ষয়েত্তু যঃ ॥ 3-81-180 (19256)
ত্রিরাত্রোপোষিতস্তেন ভবেত্তুল্যো নরাধিপ।
ইন্দ্রমার্গং সমাসাদ্য তীর্থসেবী নরাধিপ ॥ 3-81-181 (19257)
অহোরাত্রোপবাসেন শক্রলোকে মহীয়তে।
একরাত্রং সমাসাদ্য একরাত্রোষিতো নরঃ ॥ 3-81-182 (19258)
নিয়তঃ সত্যবাদী চ ব্রহ্মলোকে মহীয়তে।
ততো গচ্ছেত রাজেন্দ্র তীর্থং ত্রৈলোক্যবিশ্রুতম্ ॥ 3-81-183 (19259)
আদিত্যস্যাশ্রমো যত্র তেজোরাশের্মহাত্মনঃ।
তস্মিংস্তীর্থে নরঃ স্নাৎবা পূজয়িৎবা বিভাবসুং ॥ 3-81-184 (19260)
আদিত্যলোকং ব্রজতি কুলং চৈব সমুদ্ধরেৎ।
সোমতীর্থে নরঃ স্নাৎবা তীর্থসেবী নরাধিপ ॥ 3-81-185 (19261)
সোমলোকমবাপ্নোতি নরো নাস্ত্যত্রসংশয়ঃ।
ততো গচ্ছেত ধর্মজ্ঞ দধীচস্য মহাত্মনঃ ॥ 3-81-186 (19262)
তীর্থং পুণ্যতমং রাজন্পাবনং লোকবিশ্রুতম্।
যত্র সারস্বতো যাতঃ সোঙ্গিরাস্তপসো নিধিঃ ॥ 3-81-187 (19263)
তস্মিস্তীর্থে নরঃ স্নাৎবা বাজিমেধফলং লভেৎ।
সারস্বতীং গতিং চৈব লভতে নাত্র সংশয়ঃ ॥ 3-81-188 (19264)
ততঃ কন্যাশ্রমং গচ্ছেন্নিয়তো ব্রহ্মচর্যবান্।
ত্রিরাত্রোপোষিতো রাজন্নিয়তো নিয়তাশনঃ ॥ 3-81-189 (19265)
লভেৎকন্যাশতং দিব্যং স্বর্গলোকং চ গচ্ছতি।
ততো গচ্ছেত ধর্মজ্ঞ তীর্থং সন্নিহতীমপি ॥ 3-81-190 (19266)
তত্রব্রহ্মাদয়ো দেবা ঋষয়শ্চ তপোধনাঃ।
মাসিমাসি সমায়ান্তি পুণ্যেন মহাতাঽন্বিতাঃ ॥ 3-81-191 (19267)
সন্নিহত্যামুপস্পৃশ্য রাহুগ্রস্তে দিবাকরে।
অশ্বমেধশতং তেন তত্রেষ্টং শাশ্বতং ভবেৎ ॥ 3-81-192 (19268)
পৃথিব্যাং যানি তীর্থানি অন্তরিক্ষচরাণি চ।
নদ্যো হ্রদাস্তডাগাশ্চ সর্বপ্রস্রবণানি চ ॥ 3-81-193 (19269)
উদপানানি বাপ্যশ্চ তীর্থান্যায়তনানি চ।
নিঃসংশয়মমাবাস্যাং সমেষ্যন্তি নরাধিপ ॥ 3-81-194 (19270)
মাসিমাসি নরব্যাঘ্র সন্নিহত্যাং ন সংশয়ঃ।
তীর্থসন্নিহনাদেব সন্নিহত্যেতি বিশ্রুতা ॥ 3-81-195 (19271)
তত্র স্নাৎবা চ পীৎবা চ স্বর্গলোকে মহীয়তে।
অমাবাস্যাং তু তত্রৈব রাহুগ্রস্তে রদিবাকরে ॥ 3-81-196 (19272)
যঃ শ্রাদ্ধং কুরুতে মর্ত্যস্তস্য পুণ্যফংল শৃণু।
অশ্বমেধসহস্রস্য সম্যগিষ্টস্য যৎফলম্ ॥ 3-81-197 (19273)
স্নাত এব সমাপ্নোতি কৃৎবা শ্রাদ্ধং চ মানবঃ।
যৎকিংচিদ্দুষ্কৃতংকর্ম স্ত্রিয়া বা পুরুষেণ বা ॥ 3-81-198 (19274)
স্নাতমাত্রস্য তৎসর্বং নশ্যতে নাত্র সংশয়ঃ।
পদ্মবর্ণেন যানে ব্রহ্মলোকং প্রপদ্যতে ॥ 3-81-199 (19275)
অভিবাদ্য ততো যক্ষং দ্বারপালং মচক্রুকম্।
কোটিতীর্থমুপস্পৃশ্য লভেদ্বহুসুবর্ণকম্ ॥ 3-81-200 (19276)
গঙ্গাহ্রদশ্চ তত্রৈব তীর্থং ভরতসত্তম।
তত্রস্নায়ীত ধর্মজ্ঞ ব্রহ্মচারী সমাহিতঃ ॥ 3-81-201 (19277)
রাজসূয়াশ্বমেধাভ্যাং ফলং বিন্দতি মানবঃ।
পৃথিব্যাং নৈমিষং তীর্থমন্তরিক্ষে চ পুষ্করম্ ॥ 3-81-202 (19278)
ত্রয়াণামপি লোকানাং কুরুক্ষেত্রং বিশিষ্যতে।
পাংসবোপি কুরুক্ষেত্রাদ্বায়ুনা সমুদীরিতাঃ ॥ 3-81-203 (19279)
অপি দুষ্কৃতকর্মাণং নয়ন্তি পরমাং গতিম্।
দক্ষিণেন সরস্বত্যা উত্তরেণ দৃষদ্বতীম্ ॥ 3-81-204 (19280)
যে বসন্তি কুরুক্ষেত্রে তেবসন্তি ত্রিবিষ্টপে।
কুরুক্ষেত্রং গমিষ্যামি কুরুক্ষেত্রে বসাম্যহম্।
অপ্যেকাং বাচমুৎসৃজ্য সর্বপাপৈঃ প্রমুচ্যতে ॥ 3-81-205 (19281)
ব্রহ্মবেদী কুরুক্ষেত্রং পুণ্যং ব্রহ্মর্ষিসেবিতম্।
তস্মিন্বসন্তি যে মর্ত্যা ন তে শোচ্যাঃ কথংচন ॥ 3-81-206 (19282)
তরন্তুকারন্তুকয়োর্যদন্তরং
রামহ্রদানাং চ মচক্রুকস্য চ।
এতৎকুরুক্ষেত্রসমন্তপঞ্চকং
পিতামহস্যোত্তরবেদিরুচ্যতে ॥ 3-81-207 (19283)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একাশীতিতমোঽধ্যায়ঃ ॥ 81 ॥
Mahabharata - Vana Parva - Chapter Footnotes
3-81-7 কুৎসিতং রৌতীতি কুরু তস্য ক্ষেপণাত্রায়ত ইতি কুরুক্ষেত্র পাপনিবর্তকম্ ॥ 3-81-9 ততশ্চ মন্তুকং রাজন্নিতি ধ. পাঠঃ। ততো মচক্রুকং নামেতি ঝ. পাঠঃ ॥ 3-81-63 প্রাণায়ামৈর্হরন্তীহ শ্বানলোমা দ্বিজোত্তমা ইতি ধ. পাঠঃ ॥ 3-81-125 হিমসন্নিভ অতিশ্বেতমিক্ষুবিকারং খণ্ডশর্করাখ্যম্ ॥ 3-81-192 সন্নিহত্যাং কুরুক্ষেত্রে ॥অরণ্যপর্ব - অধ্যায় 082
॥ শ্রীঃ ॥
3.82. অধ্যায়ঃ 082
Mahabharata - Vana Parva - Chapter Topics
পুলস্ত্যেন ভীষ্মংপ্রতি নানাতীর্থমাহাত্ম্যকথনম্ ॥ 1 ॥Mahabharata - Vana Parva - Chapter Text
3-82-0 (19284)
পুলস্ত্য উবাচ। 3-82-0x (1989)
ততো গচ্ছেন্মহারাজ ধর্মতীর্থমনুত্তমম্।
[যত্র ধর্মো মহাভাগস্তপ্তবানুত্তমং তপঃ ॥
তেন তীর্থং কৃতংপুণ্যং স্বেন নাম্না চ বিশ্রুতম্ ॥] 3-82-1 (19285)
তত্রস্নাৎবা নরো রাজন্ধর্মশীল সমাহিতঃ।
আসপ্তমং কুলং চৈব পুনীতে নাত্র সংশয়ঃ ॥ 3-82-2 (19286)
ততো গচ্ছেত রাজেন্দ্র জ্ঞানপাবনমুত্তমম্।
অগ্নিষ্টোমমবাপ্নোতি মুনিলোকং চ গচ্ছতি ॥ 3-82-3 (19287)
সৌগন্ধিকবনং রাজংস্ততো গচ্ছেত মানবঃ।
তত্রব্রহ্মাদয়ো দেবা ঋষয়শ্চ তপোধনাঃ ॥ 3-82-4 (19288)
সিদ্ধচারণগন্ধর্বাঃ কিন্নরাশ্চ মহোরগাঃ।
কতদ্বনং প্রবিশন্নেব সর্বপাপৈঃ প্রমুচ্যতে ॥ 3-82-5 (19289)
ততশ্চাপি সরিচচ্ছ্রেষ্ঠা নদীনামুত্তমা নদী।
প্লক্ষা দেবী স্মৃতা রাজন্পুণ্যা দেবী সরস্বতী ॥ 3-82-6 (19290)
তত্রাভিষেকং কুর্বীত বল্মীকান্নিঃ সৃতেজলে।
অর্চয়িৎবা পিতৄন্দেবানশ্বমেধফলং লভেৎ ॥ 3-82-7 (19291)
কবেরাধ্যুষিতং নাম তত্র তীর্থং সুদুর্লভম্।
পট্সু শম্যানিপাতেষু বল্মীকাদিতি নিশ্চয়ঃ ॥ 3-82-8 (19292)
কপিলানাং সহস্রং চ বাজিমেধং চ বিন্দতি।
তত্র স্নাৎবা নরব্যাঘ্র দৃষ্টমেতৎপুরাতনে ॥ 3-82-9 (19293)
সুগন্ধাং শতকুম্ভাং চ পঞ্চয়ক্ষাং চ ভারত।
অভিগম্য নরশ্রেষ্ঠ স্বর্গলোকে মহীয়তে ॥ 3-82-10 (19294)
ত্রিশূলখাতং তত্রৈব তীর্থমাসাদ্য ভারত।
তত্রাভিষেকং কুর্বীত পিতৃদেবার্চনে রতঃ।
গাণপত্যং চ লভতে দেহং ত্যক্ৎবা ন সংশয়ঃ ॥ 3-82-11 (19295)
ততো গচ্ছেত রাজেন্দ্র দেব্যাঃ স্থানং সুদুর্লভম্।
শাকম্ভরীতি বিখ্যাতা ত্রিষু লোকেষু বিশ্রুতা ॥ 3-82-12 (19296)
দিব্যং বর্ষসহস্রং হি শাকেন কিল সুব্রতা।
আহারং সা কৃতবতী মাসিমাসি নরাধিপ ॥ 3-82-13 (19297)
ঋষয়োঽভ্যাগতাস্তত্রদেব্যা ভক্ত্যা তপোধনাঃ।
আতিথ্যং চ কৃতং তেষাং শাকেন কিল ভারত।
ততঃ শাকম্ভরীত্যেব নাম তস্যাঃ প্রতিষ্ঠিতম্ ॥ 3-82-14 (19298)
শাকম্ভরীং সমাসাদ্য ব্রহ্মচারী সমাহিতঃ।
ত্রিরাত্রমুষিতঃ শাকং ভক্ষয়িৎবা নরঃ শুচিঃ ॥ 3-82-15 (19299)
শাকাহারস্য যৎকিংচিদ্বর্ষৈর্দ্বাদশভিঃ কৃতম্।
তৎফলং তস্য ভবতি দেব্যাশ্ছন্দেন ভারত ॥ 3-82-16 (19300)
ততো গচ্ছেৎসুবর্ণাখ্যং ত্রিষু লোকেষু বিশ্রুতম্।
তত্র বিষ্ণুঃ প্রসাদার্থং রুদ্রকমারাধয়ৎপুরা ॥ 3-82-17 (19301)
বরাংশ্চ সুবর্হূল্লেভে দৈবতেষু সুদুর্লভান্।
উক্তশ্চ ত্রিপুরঘ্নেন পরিতুষ্টেন ভারত ॥ 3-82-18 (19302)
অপিচ ৎবং প্রিয়তরো লোকে কৃষ্ণ ভবিষ্যসি।
ৎবন্মুখং চ জগৎসর্বং ভবিষ্তি ন সংশয়ঃ ॥ 3-82-19 (19303)
তত্রাভিগম্য রাজেন্দ্র পূজয়িৎবা বৃষধ্বজম্।
অশ্বমেধমবাপ্নোতি গাণপত্যং চ বিন্দতি ॥ 3-82-20 (19304)
ধূমাবতীং ততো গচ্ছেত্রিরাত্রোপোষিতো নরঃ।
মনসা প্রার্থিতান্কার্মাল্লভতে নাত্র সংশয়ঃ ॥ 3-82-21 (19305)
দেব্যাস্তু দক্ষিণার্ধেন রথাবর্তো নরাধিপ।
তত্রারোহেত ধর্মজ্ঞ শ্রদ্দধানো জিতেন্দ্রিয়ঃ।
মহাদেবপ্রসাদাদ্ধি গচ্ছেত পরমাং গতিম্ ॥ 3-82-22 (19306)
প্রদক্ষিণমুপাবৃত্য গচ্ছেত ভরতর্ষভ।
ধারাং নাম মহাপ্রাত্র সর্বপাপপ্রমোচনীম্ ॥ 3-82-23 (19307)
তত্র স্নাৎবা নরব্যাঘ্র ন শোচতি নরাধিপ।
ততো গচ্ছেত ধর্মজ্ঞ নমস্কৃৎ মহাগিরিম্ ॥ 3-82-24 (19308)
`অশীতিয়োজনশতং পুষ্করং স্বর্গমুচ্যতে।
অশীতিং ধর্মপৃষ্ঠাত্তু প্রবদন্তি মনীষিণঃ ॥ 3-82-25 (19309)
ষষ্টিং প্রয়াগাদ্রাজেন্দ্র কুরুক্ষেত্রাত্তু দ্বাদশ।
সংয়ুক্তমেব রাজেন্দ্র গঙ্গাদ্বারং ত্রিবিষ্টপম্' ॥ 3-82-26 (19310)
স্বর্গদ্বারেণ যত্তুল্যং গঙ্গাদ্বারং ন সংশয়ঃ।
তত্রাভিষেকং কুর্বীত কোটিতীর্থে সমাহিতঃ ॥ 3-82-27 (19311)
পৌণ্ডরীকমবাপ্নোতি কুলং চৈব সমুদ্ধরেৎ।
উষ্যৈকাং রজনীং তত্র গোসহস্রফলং লভেৎ ॥ 3-82-28 (19312)
সপ্তগঙ্গে ত্রিগঙ্গে চ শক্রাবর্তে চ তর্পয়ন্।
দেবান্পিতৄংশ্চ বিধিবৎপুণ্যে লোকে মহীয়তে ॥ 3-82-29 (19313)
ততঃ কনস্বলে স্নাৎবা ত্রিরাত্রোপোষিতো নরঃ।
অশ্বমেধমবাপ্নোতি স্বর্গলোকং চ গচ্ছতি ॥ 3-82-30 (19314)
কপিলাবটং ততো গচ্ছেত্তীর্থসেবী নরাধিপ।
উপোষ্য রজনীং তত্র গোসহস্রফলং লভেৎ ॥ 3-82-31 (19315)
নাগরাজস্য রাজেন্দ্র কপিলস্য মহাত্মনঃ।
তীর্থং কুরুবরশ্রেষ্ঠ সর্বলোকেষু বিশ্রুতম্ ॥ 3-82-32 (19316)
তত্রাভিষেকং কুর্বীত নাগতীর্থে নরাধিপ।
কপিলানাং সহস্রস্য ফলং বিন্দতি মানবঃ ॥ 3-82-33 (19317)
ততো ললিতকং গচ্ছেচ্ছন্তনোস্তীর্থমুত্তমম্।
তত্র স্নাৎবা নরো রাজন্ন দুর্গতিমবাপ্নুয়াৎ ॥ 3-82-34 (19318)
গঙ্গায়মুনয়োর্মধ্যে স্নাতি যঃ সংগমে নরঃ।
দশাশ্বমেধানাপ্নোতি কুলং চৈব সমুদ্ধরেৎ ॥ 3-82-35 (19319)
ততো গচ্ছেত রাজেন্দ্র সুগন্ধং লোকবিথুতম্।
সর্বপাপবিশুদ্ধাত্মা ব্রহ্মলোকে মহীয়তে ॥ 3-82-36 (19320)
রুদ্রাবর্তং ততো গচ্ছেত্তীর্থসেবী নরাধিপ।
তত্রস্নাৎবা নরো রাজন্স্বর্গলোকে চ গচ্ছতি ॥ 3-82-37 (19321)
গঙ্গায়াশ্চ নরশ্রেষ্ঠ সরস্বত্যাশ্চ সংগমে।
স্নাৎবাঽশ্বমেধং প্রাপ্নোতি স্বর্গলোকং চ গচ্ছতি ॥ 3-82-38 (19322)
ভদ্রকর্ণএশ্বরং গৎবা দেবমর্চ্য যথাবিধি।
ন দুর্গতিমবাপ্নোতি নাকপৃষ্ঠে চ পূজ্যতে ॥ 3-82-39 (19323)
তত কুব্জাবতীং গচ্ছেত্তীর্থসেবী নরাধিপ।
রগোসহস্রমবাপ্নোতি স্বর্গলোকং চ নচ্ছতি ॥ 3-82-40 (19324)
অরুন্ধতীবটং গচ্ছেত্তীর্থসেবী নরাধিপ।
সামুদ্রকমুপস্পৃশ্য ব্রহ্মচারী সমাহিতঃ ॥ 3-82-41 (19325)
অশ্বমেধমবাপ্নোতি ত্রিরাত্রোপোষিতো নরঃ।
গোসহস্রফলং বিদ্যাৎকুলং চৈব সমুদ্ধরেৎ ॥ 3-82-42 (19326)
কব্র্হমাবর্তং ততো গচ্ছেদ্ব্রহ্মচারী সমাহিতঃ।
অশ্বমেধমবাপ্নোতি সোমলোকং চ গচ্ছতি ॥ 3-82-43 (19327)
যমুনাপ্রভবং গৎবা সমুপস্পৃশ্য যামুনম্।
অশ্বমেধফংল লব্ধ্বা স্বর্গলোকে মহীয়তে ॥ 3-82-44 (19328)
দর্বীসংক্রমণং প্রাপ্য তীর্থং ত্রৈলোক্যপূজিতম্।
অশ্বমেধমবাপ্নোতি স্বর্গলোকং চ গচ্ছতি ॥ 3-82-45 (19329)
সিন্ধোশ্চ প্রভবং গৎবা সিদ্ধগন্ধর্বসেবিতম্।
তত্রোষ্য রজনীঃ পঞ্চ বিন্দেদ্বহু সুবর্ণকম্ ॥ 3-82-46 (19330)
অথ বেদীং সমাসাদ্য নরঃ পরমদুর্গমাম্।
অশ্বমেধমবাপ্নোতি গচ্ছেদৌশনসীং গতিম্ ॥ 3-82-47 (19331)
ঋষিকুল্যাং সমাসাদ্য বাসিষ্ঠং চৈবভারত।
বাসিষ্ঠীং সমতিক্রম্য সর্বে বর্ণা দ্বিজাতয়ঃ ॥ 3-82-48 (19332)
ঋষিকুল্যাং সমাসাদ্য নরঃ স্নাৎবা বিকল্মষঃ।
দেবান্পিতৄংশ্চার্চয়িৎবা ঋষিলোকং প্রপদ্যতে ॥ 3-82-49 (19333)
যদি তত্রবসেন্মাসং শাকাহারো নরাধিপ।
`দ্বাদশাহস্য যজ্ঞস্য ফলং স লভতে নরঃ' ॥ 3-82-50 (19334)
ভৃগুতুঙ্গং সমাসাদ্য বাজিমেধফলং লভেৎ।
গৎবা বীরপ্রমোক্ষং চ সর্বপাপৈঃ প্রমুচ্যতে ॥ 3-82-51 (19335)
কৃত্তিকামঘয়োশ্চৈব তীর্থমাসাদ্য ভারত।
অগ্নিষ্টোমাতিরাত্রাভ্যাং ফলমাপ্নোতি মানবঃ ॥ 3-82-52 (19336)
তত্র সংধ্যাং সমাসাদ্য বিদ্যাতীর্থমনুত্তমম্।
উপস্পৃশ্য চ বৈ বিদ্যাং যত্র তত্রোপপদ্যতে ॥ 3-82-53 (19337)
মহাশ্রমে বসেদ্রাত্রিং সর্বপাপপ্রমোচনে।
এককালং নিরাহারো লোকানাবসতে শুভান্ ॥ 3-82-54 (19338)
ষষ্ঠাকালোপবাসেন মাসমুষ্য মহালয়ে।
সর্বপাপবিশুদ্দাত্মা বিন্দেদ্বহু সুবর্ণকম্।
দশাপরান্দশপূর্বান্নরানুদ্ধরতে কুলম্ ॥ 3-82-55 (19339)
অথ বেতসিকাং গৎবা পিতামহনিষেবিতাম্।
অশ্বমেধমবাপ্নোতি গচ্ছেদৌশনসীং গতিম্ ॥ 3-82-56 (19340)
অথ সুন্দরিকাতীর্থং প্রাপ্য সিদ্ধনিষেবিতম্।
রূপস্য ভাগী ভবতি দৃষ্টমেতৎপুরাতনৈঃ ॥ 3-82-57 (19341)
ততো বৈ ব্রাহ্মণং গৎবা ব্রহ্মচারী জিতেন্দ্রিয়ঃ।
পদ্মবর্ণেন যানেন ব্রহ্মলোকং প্রপদ্যতে ॥ 3-82-58 (19342)
ততস্তু নৈমিষং গচ্ছেৎপুণ্যং সিদ্ধনিষেবিতম্।
তত্র নিত্যং নিবসতি ব্রহ্মা দেবগণৈঃ সহ ॥ 3-82-59 (19343)
নৈমিষং মৃগয়াণস্ পাপস্যার্ধং প্রণশ্যতি।
প্রবিষ্টমাত্রস্তু নরঃ সর্বপাপৈঃ প্রমুচ্যতে ॥ 3-82-60 (19344)
তত্র মাসং বসেদ্ধীরো নৈমিষে তীর্থতৎপরঃ।
পৃথিব্যাং যানি তীর্থানি তানি তীর্থানি নৈংমিষে ॥ 3-82-61 (19345)
কৃতাভিষেকস্তত্রৈব নিয়তো নিয়তাশনঃ।
গবাং মেধস্য যজ্ঞস্য ফলং প্রাপ্নোতি ভারত।
পুনাত্যাসপ্তমং চৈব কুলং ভরতসত্তম ॥ 3-82-62 (19346)
যস্ত্যজেন্নৈমিষে প্রাণানুপবাসপরায়ণঃ।
স মোদেৎসর্বলোকেষু এবমাহুর্মনীষিণঃ ॥ 3-82-63 (19347)
নিত্যং মেধ্যং চ পুণ্যং চ নৈমিষং নৃপসত্তম ॥ 3-82-64 (19348)
গঙ্গোদ্ভেদং সমাসাদ্য ত্রিরাত্রোপোষিতো নরঃ।
বাজপেয়মবাপ্নোতি ব্রহ্মভূতো ভবেৎসদা ॥ 3-82-65 (19349)
সরস্বতীং সমাসাদ্য তর্পয়েৎপিতৃদেবতাঃ।
সারস্বতেষু লোকেষু মোদতে নাত্র সংশয়ঃ ॥ 3-82-66 (19350)
ততশ্চ বাহুদাং গচ্ছেদ্ব্রহ্মচারী সমাহিতঃ।
তত্রোষ্য রজনীমেকাং স্বর্গলোকে মহীয়তে।
দেবসত্রস্য যজ্ঞস্য ফলংপ্রাপ্নোতি কৌরব ॥ 3-82-67 (19351)
ততঃ ক্ষীরবতীং গচ্ছেৎপুণ্যাং পুণ্যতরৈর্বৃতাম্।
পিতৃদেবার্চনপরো বাজপেয়মবাপ্নুয়াৎ ॥ 3-82-68 (19352)
বিমলাশোকমাসাদ্য ব্র্হমচারী সমাহিতঃ।
তত্রোষ্য রজনীমেকাং স্বর্গলোকে মহীয়তে ॥ 3-82-69 (19353)
গোপ্রতারং ততো গচ্ছেৎসরয়্বাস্তীর্থমুত্তমম্।
যত্র রামো গতঃ স্বর্গং সভৃত্যবলবাহনঃ।
দেহং ত্যক্ৎবা মহারাজ তস্য তীর্থস্য তেজসা ॥ 3-82-70 (19354)
রামস্য চ প্রসাদেন ব্যবসায়াচ্চ ভারত।
তস্মিংস্তীর্থে নরঃ স্নাৎবা গোপ্রতারে নরাধিপ।
সর্বপাপবিশুদ্ধাত্মা স্বর্গলোকে মহীয়তে ॥ 3-82-71 (19355)
রামতীর্থে নরঃ স্নাৎবা গোমত্যাং কুরুনন্দন।
অশ্বমেধমবাপ্নোতি পুনাতি চ কুলং নরঃ ॥ 3-82-72 (19356)
শতসাহস্রকং তীর্থং তত্রৈব ভরতর্ষভ ॥ 3-82-73 (19357)
তত্রোপস্পর্শনং কৃৎবা নিয়তো নিয়তাশনঃ।
গোসহস্রফলং পুণ্যং প্রাপ্নোতি ভরতর্ষভ ॥ 3-82-74 (19358)
রততো গচ্ছেত রাজেনদ্র ভর্তৃস্থানমনুত্তমম্।
অশ্বমেধস্য যজ্ঞস্য ফলং প্রাপ্নোতি মানবঃ ॥ 3-82-75 (19359)
কোটিতীর্থে নরঃ স্নাৎবা অর্চয়িৎবা গুহং নৃপ।
গোসহস্রফংল বিদ্যাত্তেজস্বী চ ভবেন্নরঃ ॥ 3-82-76 (19360)
ততো বারাণসীং গৎবা অর্চয়িৎবা নৃষধ্বজম্।
কপিলাহ্রদে নরঃ স্নাৎবারাজসূয়মবাপ্নুয়াৎ ॥ 3-82-77 (19361)
অবিমুক্তং সমাসাদ্য তীর্থসেবী কুরূদ্বহ।
দর্শনাদ্দেবদেবস্য মুচ্যতে ব্রহ্মহত্যযা ॥ 3-82-78 (19362)
প্রাণানুৎসৃজ্যতত্রৈব মোক্ষং প্রাপ্নোতি মানবঃ।
মার্কণ্ডেয়স্য রাজেন্দ্র তীর্থমাসাদ্য দুর্লভম্ ॥ 3-82-79 (19363)
গোমতীগঙ্গয়োশ্চৈব সংগমে লোকবিশ্রুতে।
অগ্নিষ্টোমমবাপ্নোতি কুলং চৈব সমুদ্ধরেৎ ॥ 3-82-80 (19364)
ততো গয়াং সমাসাদ্য ব্রহ্মচারী সমাহিতঃ।
অশ্বমেধমবাপ্নোতি কুলং চৈব সমুদ্ধরেৎ ॥ 3-82-81 (19365)
তত্রাক্ষয়বটো নাম ত্রিষু লোকেষু বিশ্রুতঃ।
তত্র দত্তং পিতৃভ্যস্তু ভবত্যক্ষয়মুচ্যতে ॥ 3-82-82 (19366)
মহানদ্যামুপস্পৃশ্য তর্পয়েৎপিতৃদেবতাঃ।
অক্ষয়ান্প্রাপ্নুয়াল্লোকান্কুলং চৈব সমুদ্ধরেৎ ॥ 3-82-83 (19367)
ততো ব্রহ্মসরো গৎবা ধর্মারণ্যোপশোভিতম্।
ব্রহ্মলোকমবাপ্নোতি প্রভাতামেব শর্বরীম্ ॥ 3-82-84 (19368)
ব্রহ্মণা তত্র সরসি যূপশ্রেষ্ঠঃ সমুচ্ছ্রিতঃ।
যূপং প্রদক্ষিণীকৃত্য বাজপেয়ফলং লভেৎ ॥ 3-82-85 (19369)
ততো গচ্ছেত রাজেন্দ্র ধেনুকং লোকবিশ্রুতম্।
একরাত্রোষিতো রাজন্প্রয়চ্ছেত্তিলধেনুকাম্ ॥ 3-82-86 (19370)
সর্বপাপবিশুদ্ধাত্মা সোমলোকং ব্রজেদ্ভুবম্।
তত্র চিহ্নিং মহদ্রাজন্নদ্যাপি সুমহদ্ভৃশম্ ॥ 3-82-87 (19371)
কপিলায়াঃ সবৎসায়াশ্চরন্ত্যাঃ পর্বতে কৃতম্।
সবৎসায়াঃ পদানি স্ম দৃশ্যন্তেঽদ্যাপি ভারত ॥ 3-82-88 (19372)
তেষূপস্পৃশ্য রাজেন্দ্রপদেষু নৃপসত্তম।
যৎকংচিদশুভং কর্ম তৎপ্রণশ্যতি ভারত ॥ 3-82-89 (19373)
ততো গৃধ্রবটং গচ্ছেৎস্থানং দেবস্য ধীমতঃ।
স্নায়ীত ভস্মনা তত্র অভিগম্য বৃষধ্বজম্ ॥ 3-82-90 (19374)
ব্রাহ্মণেন ভবেচ্চীর্ণং ব্রতং দ্বাদশবার্ষিকম্।
ইতরেষাং তু বর্ণানাং সর্বপাপং প্রণশ্যতি ॥ 3-82-91 (19375)
উদ্যন্তং চ ততো গচ্ছেৎপর্বতং গীতনাদিতম্।
সাবিত্র্যাস্তু পদং তত্র দৃশ্যতে ভরতর্ষভ ॥ 3-82-92 (19376)
তত্রসংধ্যামুপাসীত ব্রাহ্মণঃ সংশিতব্রতঃ।
উপাসিতা ভবেৎসংধ্যা তেন দ্বাদশবার্ষিকী ॥ 3-82-93 (19377)
যোনিদ্বারং চ তত্রৈব বিশ্রুতং ভরতর্ষভ।
তত্রাভিগম্য মুচ্যেত পুরুষো যোনিসংকরাৎ ॥ 3-82-94 (19378)
কৃষ্ণশুক্লাবুভৌ পক্ষৌ গয়ায়াং যো বসেন্নরঃ।
পুনাত্যাসপ্তমং রাজন্কুলং নাস্ত্যত্র সংশয়ঃ ॥ 3-82-95 (19379)
এষ্টব্যা বহবঃ পুত্রা যদ্যেকোপি গয়াং ব্রজেৎ।
গৌরীং বা বরয়েৎকন্যাং নীলং বা বৃষমুৎসৃজেৎ ॥ 3-82-96 (19380)
ততঃ ফল্গুং ব্রজেদ্রাজংস্তীর্থসেবী নরাধিপ।
অশ্বমেধমবাপ্নোতি সিদ্ধিং চ মহতীং ব্রজেৎ ॥ 3-82-97 (19381)
ততো গচ্ছেত রাজেন্দ্র ধর্মপ্রস্থং সমাহিতঃ।
তত্র ধর্মো মহারাজ নিত্যমাস্তে যুধিষ্ঠির ॥ 3-82-98 (19382)
তত্র কূপোদকং কৃৎবা তেন স্নাতঃ শুচিস্তথা।
পিতৄন্দেবাংস্তু সংতর্প্য মুক্তপাপো দিবং ব্রজেৎ ॥ 3-82-99 (19383)
মতঙ্গস্যাশ্রমস্তত্রমহর্ষের্ভাবিতাত্মনঃ ॥ 3-82-100 (19384)
তং প্রবিশ্যাশ্রমং শ্রীমচ্ছ্রমশোকবিনাশনম্।
গবাময়নয়জ্ঞস্য ফলংপ্রাপ্নোতি মানবঃ ॥ 3-82-101 (19385)
ধর্মং তত্রাভিসংস্পৃশ্য বাজিমেধমবাপ্নুয়াৎ ॥ 3-82-102 (19386)
ততো গচ্ছেত রাজেন্দ্র ব্রহ্মস্থানমনুত্তমম্।
তত্রাভিগম্য রাজেন্দ্র ব্রহ্মাণং পুরুষর্ষভ।
রাজসূয়াশ্বমেধাভ্যাং ফলং বিন্দতি মানবঃ ॥ 3-82-103 (19387)
ততো রাজগৃহং গচ্ছেত্তীর্থসেবী নরাধিপ।
উপস্পৃশ্য ততস্তত্রকক্ষীবানিব মোদতে ॥ 3-82-104 (19388)
যক্ষিণ্যা নৈত্যকং তত্র প্রাশ্নীন পুরুষঃ শুচিঃ।
যক্ষিণ্যাস্তু প্রসাদেন মুচ্যতে ব্র্হমহত্যযা ॥ 3-82-105 (19389)
মণইনাগং ততো গৎবা গোসহস্রফলং লভেৎ ॥ 3-82-106 (19390)
তৈর্থিকং ভুঞ্জতে যস্তু মণিনাগস্ ভারত।
দষ্টস্যাশীবিষেণাপি ন তস্য ক্রমতে বিপম্ ॥ 3-82-107 (19391)
তত্রোষ্ রজনীভেকাং গোসহস্রফংল লভেৎ।
ততো গচ্ছেত ব্রহ্মর্পের্গৌতমস্য বনং প্রিয়ম্ ॥ 3-82-108 (19392)
অহল্যায়া হ্রদে স্নাৎবা ব্রজেত পরমাং গতিম্।
অভিগম্যাশ্রমং রাজন্বিনদ্তে শ্রিয়মাত্মনঃ ॥ 3-82-109 (19393)
তত্রোদপানং ধর্মজ্ঞ ত্রিপু লোকেষু বিশ্রুতম্।
তত্রাভিষেকং কৃৎবা তু বাজিমেধমবাপ্নুয়াৎ ॥ 3-82-110 (19394)
জনকস্ তু রাজর্ষেঃ কূপস্ত্রিদশপূজিতঃ।
তত্রাভিষেকং কৃৎবা তু বিষ্ণুলোকমবাপ্নুয়াৎ ॥ 3-82-111 (19395)
ততো বিনশনং গচ্ছেৎসর্বপাপপ্রমোচনম্।
বাজপেয়মবাপ্নোতি সোমলোকং চ গচ্ছতি ॥ 3-82-112 (19396)
গণ্ডকীং তু সমাসাদ্য সর্বতীর্থজলোদ্ভবাম্।
বাজপেয়মবাপ্নোতি সূর্যলোকং চ গচ্ছতি ॥ 3-82-113 (19397)
কততো বিশল্যামাসাদ্য নদীং ত্রৈলোক্যবিশ্রুতাম্।
অগ্নিষ্টোমমবাপ্নোতি স্বর্গলোকং চ গচ্ছতি ॥ 3-82-114 (19398)
ততোঽধিবঙ্গং ধর্মজ্ঞ সমাবিশ্য ততো বনম্।
গুহ্যকেষু মহারাজ মোদতে নাত্র সংশয়ঃ ॥ 3-82-115 (19399)
কম্পনাং তু সমাসদ্য নদীং সিদ্ধনিবেষিতাম্।
পুণ্ডরীকমবাপ্নোতি স্বর্গলোকং চ গচ্ছতি ॥ 3-82-116 (19400)
অথ মাহেশ্বরীং ধারাং সমাসাদ্য ধরাধিপ।
অশ্বমেধমবাপ্নোতি কুলং চৈব সমুদ্ধরেৎ ॥ 3-82-117 (19401)
দিবৌকসাং পুষ্করিণীং সমাসাদ্য নরাধিপ।
ন দুর্গতিমবাপ্নোতি বাজিমেধং চ বিন্দতি ॥ 3-82-118 (19402)
অথ সোমপদং গচ্ছেদ্ব্রহ্মচারী সমাহিতঃ।
মাহেশ্বরপদে স্নাৎবা বাজিমেধফলং লভেৎ ॥ 3-82-119 (19403)
তত্রকোটী তু তীর্থানাং বিশ্রুতা ভরতর্ষভ।
কূর্মরূপেণ রাজেন্দ্র হ্যসুরেণ দুরাত্মনা ॥ 3-82-120 (19404)
হ্রিয়মাণা হৃতা রাজন্বিষ্ণুনা প্রভবিষ্ণুনা।
তত্রাভিষেকং কুর্বীত তীর্থকোট্যাং যুধিষ্ঠির ॥ 3-82-121 (19405)
পুণ্ডরীকমবাপ্নোতি বিষ্ণুলোকং চ গচ্ছতি।
ততো গচ্ছেত রাজেন্দ্রস্থানং নারায়ণস্য চ ॥ 3-82-122 (19406)
সদা সন্নিহিতো যত্রবিষ্ণুর্বসতি ভারত।
যত্রব্রহ্মাদয়ো দেবা ঋষয়শ্চ তপোধনাঃ ॥ 3-82-123 (19407)
আদিত্যা বসবো রুদ্রা জনার্দনমুপাসতে।
শালগ্রাম ইতি খ্যাতো বিষ্ণুরদ্ভুতকর্মকঃ ॥ 3-82-124 (19408)
অভিগম্য ত্রিলোকেশং বরদং বিষ্ণুমব্যযম্।
অশ্বমেধমবাপ্নোতি বিষ্ণুলোকং চ গচ্ছতি ॥ 3-82-125 (19409)
তত্রোপদানং ধর্মজ্ঞ সর্বপাপপ্রমোচনম্।
সমুদ্রাস্তত্রচৎবারঃ কূপে সংনিহিতাঃ সদা।
তত্রোপস্পৃশ্ রাজেন্দ্র ন দুর্গতিমবাপ্নুয়াৎ ॥ 3-82-126 (19410)
অভিগম্য ত্রিলোকেশং বরদং বিষ্ণুমব্যযম্।
বিরাজতি যথাসোমো মেঘৈর্মুক্তো নরাধিপ ॥ 3-82-127 (19411)
জাতিস্মরমুপস্পৃশ্য শুচিঃ প্রয়তমানসঃ।
জাতিস্মরৎবমাপ্নোতি স্নাৎবা তত্র ন সংশয়ঃ ॥ 3-82-128 (19412)
বদেশ্বরপুরং গৎবা অর্চয়িৎবা তু কেশবম্।
ঈপ্সিতাঁল্লভতে কামানুপবাসান্ন সংশয়ঃ ॥ 3-82-129 (19413)
ততস্তু বামনং গৎবা সর্বপাপপ্রমোচনম্।
অভিগম্য হরিং দেবং ন দুর্গতিমবাপ্নুয়াৎ ॥ 3-82-130 (19414)
ভরতস্যাশ্রমং গচ্ছেৎসর্বপাপপ্রমোচনম্ ॥ 3-82-131 (19415)
কৌশিকীং তত্র গচ্ছেত মহাপাপপ্রণাশিনীম্।
রাজসূয়স্য যজ্ঞস্য ফলং প্রাপ্নোতি মানবঃ ॥ 3-82-132 (19416)
ততো গচ্ছেত রাজেন্দ্র চম্পকারণ্যমুত্তমম্।
তত্রোষ্য রজনীমেকাং গোসহস্রফলং লভেৎ ॥ 3-82-133 (19417)
অথ জেষ্ঠিলমাসাদ্য তীর্ধং পরমদুর্লভম্।
তত্রোষ্য রজনীমেকাং গোসহস্রফলং লভেৎ ॥ 3-82-134 (19418)
তত্র বিশ্বেশ্বরং দৃষ্ট্বা দেব্যা সহ মহাদ্যুতিম্।
মিত্রাবরুণয়োর্লোকানাপ্নোতি পুরুষর্ষভ।
ত্রিরাত্রোপোষিতস্তত্রঅগ্নিষ্টোমফলং লভেৎ ॥ 3-82-135 (19419)
কন্যাসংবেদ্যমাসাদ্য নিয়তো নয়িতাশনঃ।
মনোঃ প্রজাপতের্লোকানাপ্নোতি পুরুষর্ষভ ॥ 3-82-136 (19420)
কন্যায়াং যে প্রয়চ্ছন্তি দানমণ্বপি ভারত।
তদক্ষয়্যমিতি প্রাহুর্ঋষয়ঃ সংশিতব্রতাঃ ॥ 3-82-137 (19421)
ততো নির্বীরমাসাদ্য ত্রিপু লোকেপু বিশ্রুতম্।
অশ্বমেধমবাপ্নোতি বিষ্ণুলোকং চ গচ্ছতি ॥ 3-82-138 (19422)
যে ৎবিন্ধনং প্রয়চ্ছন্তি নির্বীরাসংগমে নরাঃ।
তে যান্তি নরশার্দূল শক্রলোকমনাময়ম্ ॥ 3-82-139 (19423)
তত্রাশ্রমো বসিষ্ঠস্ ত্রিষু লোকেষু বিশ্রুতঃ।
তত্রাভিষেকং কুর্বাণো বাজপেয়মবাপ্নুয়াৎ ॥ 3-82-140 (19424)
দেবকূটং সমাসাদ্য ব্রহ্মর্ষিগণসেবিতম্।
অশ্বমেধমবাপ্নোতি কুলং চৈব সমুদ্ধরেৎ ॥ 3-82-141 (19425)
ততো গচ্ছেত রাজেন্দ্র কৌশিকস্য মুনের্হ্রদম্।
যত্র সিদ্ধিং পরাং প্রাপ্তো বিশ্বামিত্রোথ কৌশিকঃ ॥ 3-82-142 (19426)
তত্র মাসং বসেদ্বীর কৌশিক্যাং ভরতর্ষভ।
অশ্বমেধস্য যৎপুণ্যং তন্মাসেনাধিগচ্ছতি ॥ 3-82-143 (19427)
সর্বতীর্থবরে চৈব যো বসেত মহাহ্রদে।
ন দুর্গতিমবাপ্নোতি বিন্দ্যাদ্বহু সুবর্ণকম্ ॥ 3-82-144 (19428)
কুমারমভিগম্যাথ বীরাশ্রমনিবাসিনম্।
অশ্বমেধমবাপ্নোতি নরো নাস্ত্যত্র সংশয়ঃ ॥ 3-82-145 (19429)
অগ্নিধারাং সমাসাদ্য ত্রিষু লোকেষু বিশ্রুতাম্।
তত্রাভিষেকং কুর্বাণো হ্যগ্নিষ্টোমমবাপ্নুয়াৎ ॥ 3-82-146 (19430)
অভিগম্য মহাদেবং বরদং বিষ্ণুমব্যযম্।
পিতামহসরো গৎবা শৈলরাজসমীপতঃ।
তত্রাভিষেকং কুর্বাণো হ্যগ্নিষ্টোমমবাপ্নুয়াৎ ॥ 3-82-147 (19431)
পিতামহস্য সরসঃ প্রস্রুতা লোকপাবনী।
কুমারধারা তত্রৈব ত্রিষু লোকেষু বিশ্রুতা ॥ 3-82-148 (19432)
যত্রস্নাৎবা কৃতার্থোস্মীত্যাত্মানমবগচ্ছতি।
ষষ্ঠকালোপবাসেন মুচ্যতে ব্রহ্মহত্যযা ॥ 3-82-149 (19433)
ততো গচ্ছেত ধর্মজ্ঞ তীর্থসেবনতৎপরঃ।
শিখরং বৈ মহাদেব্যা গৌর্যাস্ত্রৈলোক্যবিশ্রুতম্ ॥ 3-82-150 (19434)
সমারুহ্য নরশ্রেষ্ঠ স্তনকুণ্ডেষু সংবিশেৎ।
স্তনকুণ্ডমুপস্পৃশ্য বাজপেয়ফলং লভেৎ ॥ 3-82-151 (19435)
তত্রাভিষেকং কুর্বাণঃ পিতৃদেবার্চনে রতঃ।
হয়মেধমবাপ্নোতি শক্রলোকং চ গচ্ছতি ॥ 3-82-152 (19436)
তাম্রারুণং সমাসাদ্য ব্রহ্মচারী সমাহিতঃ।
অশ্বমেমবাপ্নোতি ব্রহ্মলোকং চ গচ্ছতি ॥ 3-82-153 (19437)
নন্দিন্যাং চ সমাসাদ্য কূপং দেবনিষেবিতম্।
নরমেধস্ যৎপুণ্যং তদাপ্তোতি নরাধিপ ॥ 3-82-154 (19438)
কালিকাসংগমে স্নাৎবা কৌশিক্যরুণয়োর্গতঃ।
ত্রিরাত্রোপোষিতো রাজন্সর্বপাপৈঃ প্রমুচ্যতে ॥ 3-82-155 (19439)
উর্বশীতীর্থমাসাদ্য ততঃ সোমাশ্রমং বুধঃ।
কুম্ভকর্ণাশ্রমং গৎবা পূজ্যতে ভুবিমানবঃ ॥ 3-82-156 (19440)
কোকামুখমুপস্পৃশ্ ব্রহ্মচারী যতব্রতঃ।
জাতিস্মরৎবমাপ্নোতি দৃষ্টমেতৎপুরাতনৈঃ ॥ 3-82-157 (19441)
প্রাঙ্গদীং চ সমাসাদ্য কৃতাত্মা ভবতি দ্বিজঃ।
সর্বপাপবিশুদ্ধাত্মা শক্রলোকং চ গচ্ছতি ॥ 3-82-158 (19442)
ঋষভদ্বীপমাসাদ্য মেধ্যং ক্রৌঞ্চনিষূদনম্।
সরস্বত্যামুপস্পৃশ্য বিমানস্থো বিরাজতে ॥ 3-82-159 (19443)
ঔদ্দালকং মহারাজ তীর্থং মুনিনিষেবিতম্।
তত্রাভিষেকং কৃৎবা বৈ সর্বপাপৈঃ প্রমুচ্যতে ॥ 3-82-160 (19444)
ধর্মতীর্থং সমাসাদ্য পুণ্যং ব্রহ্মর্ষিসেবিতম্।
বাজপেয়মবাপ্নোতি বিমানস্থশ্চ পূজ্যতে ॥ 3-82-161 (19445)
অথ পম্পাং সমাসাদ্য ভাগীরথ্যাং কৃতোদকঃ।
দণ্ডার্তমভিগৎবা তু গোসহস্রফলং লভেৎ ॥ 3-82-162 (19446)
`ততো লেবলিকাং গচ্ছেৎপুণ্যাং পুণ্যোপসেবিতাম্।
বাজপেয়মবাপ্নোতি বিমানস্থশ্চ পূজ্যতে' ॥ 3-82-163 (19447)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি দ্ব্যশীতিতমোঽধ্যায়ঃ ॥ 82 ॥
Mahabharata - Vana Parva - Chapter Footnotes
3-82-8 শম্যা মুদ্গরাকৃতির্যজ্ঞোপকরণবিশেষঃ স বলবতাক্ষিপ্তো যাবদ্দূরং পতেৎ তাবান্দেশঃ শম্যানিপাতঃ তেষু ষট্সু ॥ 3-82-9 পুরাতনে ভবিষ্যপুরাণাদৌ ॥ 3-82-16 ছন্দেন ইচ্ছয়া ॥ 3-82-19 ৎবমুখং ৎবৎপ্রধানম্ ॥ 3-82-56 ঔশনসীং গতিং শুক্রৎবম্ ॥ 3-82-71 ব্যবসায়ান্নিশ্চয়াৎ ॥ 3-82-105 নৈত্যক নৈবেদ্যম্ ॥অরণ্যপর্ব - অধ্যায় 083
॥ শ্রীঃ ॥
3.83. অধ্যায়ঃ 083
Mahabharata - Vana Parva - Chapter Topics
নারদেন যুধিষ্ঠিরংপ্রতি ভীষ্মায় পুলস্ত্যোদিততীর্থমহিমানুবাদপূর্বকমিষ্টদেশগমনম্ ॥ 1 ॥Mahabharata - Vana Parva - Chapter Text
3-83-0 (19448)
পুলস্ত্য উবাচ। 3-83-0x (1990)
অথ সন্ধ্যাং সমাসাদ্য সংবেদ্যে তীর্থ উত্তমে।
উপস্পৃশ্য নরো বিদ্যাং লভতে নাত্র সংশয়ঃ ॥ 3-83-1 (19449)
রামস্য চ প্রসাদেন তীর্থং রাজন্কৃতং পুরা।
তল্লৌহিত্যং সমাসাদ্য বিন্দ্যাদ্বহু সুবর্ণকম্ ॥ 3-83-2 (19450)
করতোয়াং সমাসাদ্য ত্রিরাত্রোপোষিতো নরঃ।
অশ্বমেধমবাপ্নোতি প্রজাপতিকৃতো বিধিঃ ॥ 3-83-3 (19451)
গঙ্গায়াস্তত্র রাজেন্দ্র সাগরস্য চ সঙ্গমে।
অশ্বমেধং দশগুণং প্রবদন্তি মনীষিণঃ ॥ 3-83-4 (19452)
গঙ্গায়াস্ৎবপরং পারং প্রাপ্য যঃ স্নাতি মানবঃ।
ত্রিরাত্রমুষিতো রাজন্সর্বান্কামানবাপ্নুয়াৎ ॥ 3-83-5 (19453)
ততো বৈতরণীং গৎবা সর্বপাপপ্রমোচনীম্।
বিরজাতীর্থমাসাদ্য বিরাজতি যথা শশী ॥ 3-83-6 (19454)
প্রভবেচ্চ কুলে পুণ্যে সর্বপাপং ব্যপোহতি।
গোসহস্রফংল লব্ধ্বা রপুনাতি স্বকুলং নরঃ ॥ 3-83-7 (19455)
শোণস্য জ্যোতিরথ্যায়াঃ সংগমে নিয়তঃ শুচিঃ।
তর্পয়িৎবা পিতৄন্দেবানগ্নিষ্টোমফলং লভেৎ ॥ 3-83-8 (19456)
শোণস্য নর্মদায়াশ্ প্রভেদে কুরুনন্দন।
বংশগুল্ম উপস্পৃশ্য বাচজিমেধফলং লভেৎ ॥ 3-83-9 (19457)
বাজপেয়মবাপ্নোতি ত্রিরাত্রোপোষিতো নরঃ।
গোসহস্রফলং বিন্দ্যাৎকুলং চৈব সমুদ্ধরেৎ ॥ 3-83-10 (19458)
কোসলাং তু সমাসাদ্য কালতীর্থমুপস্পৃশেৎ।
বৃষভৈকাদশফলং লভতে নাত্র সংশয়ঃ ॥ 3-83-11 (19459)
পুষ্পবত্যামুপস্পৃশ্য ত্রিরাত্রোপোষিতো নরঃ।
গোসহস্রফলং লব্ধ্বা পুনাতি স্বকুলং নৃপ ॥ 3-83-12 (19460)
ততো বদরিকাতীর্থে স্নাৎবা ভরতসত্তম।
দীর্ঘমায়ুরবাপ্নোতি স্বর্গলোকং চ গচ্ছতি ॥ 3-83-13 (19461)
তথা চম্পাং সমাসাদ্য ভাগীরথ্যাং কৃতোদকঃ।
দণ্ডাখ্যমভিগম্যৈব গোসহস্রফলং লভেৎ ॥ 3-83-14 (19462)
লপেটিকাং ততো গচ্ছেৎপুণ্যাং পুণ্যোপশোভিতাম্।
বাজপেয়মবাপ্নোতি দেবৈঃ সর্বৈশ্চ পূজ্যতে ॥ 3-83-15 (19463)
ততো মহেন্দ্রমাসাদ্য জামদগ্ন্যনিপেবিতম্।
রামতীর্থে নরঃ স্নাৎবা বাজিমেধফলং লভেৎ ॥ 3-83-16 (19464)
মতঙ্গস্য তু কেদারস্তত্রৈব কুরুনন্দন।
তত্র স্নাৎবা কুরুশ্রেষ্ঠ গোসহস্রফলং লভেৎ ॥ 3-83-17 (19465)
শ্রীপর্বতং সমাসাদ্য নদীতীরমুপস্পৃশেৎ।
রঅশ্বমেধমবাপ্নোতি পূজয়িৎবা বৃষধ্বজম্ ॥ 3-83-18 (19466)
শ্রীপর্বতে মহাদেবো দেব্যা সহ মহাদ্যুতিঃ।
ন্যবসৎপরমপ্রীতো ব্রহ্মা চ ত্রিদশৈঃ সহ ॥ 3-83-19 (19467)
তত্র দেবহ্রদে স্নাৎবা শুচিঃ প্রয়তমানসঃ।
অশ্বমেধমবাপ্নোতি কুলং চৈব সমুদ্ধরেৎ ॥ 3-83-20 (19468)
ঋষভং পর্বতং গৎবা পাণ্ড্যেষু নৃপপূজিতম্।
বাজপেয়মবাপ্নোতি নাকপৃষ্ঠে চ মোদতে ॥ 3-83-21 (19469)
ততো গচ্ছেত কাবেরীং বৃতামপ্সরসাং গণৈঃ।
তত্রস্নাৎবা নরো রাজন্গোসহস্রফলং লভেৎ ॥ 3-83-22 (19470)
ততস্তীরে সমুদ্রস্য কন্যাতীর্থমুপস্পৃশেৎ।
তত্তোয়ং স্পৃশ্য রাজেন্দ্র সর্বপাপৈঃ প্রমুচ্যতে ॥ 3-83-23 (19471)
অথ গোকর্ণমাসাদ্য ত্রিষু লোকেষু বিশ্রুতম্।
সমুদ্রমধ্যে রাজেন্দ্র সর্বলোকনমস্কৃতম্ ॥ 3-83-24 (19472)
রয়ত্র ব্রহ্মাদয়ো দেবা ঋষয়শ্চ তপোধনাঃ।
ভূতয়ক্ষপিশাচাশ্চ কিন্নরাঃ সমহোরগাঃ ॥ 3-83-25 (19473)
সিদ্ধচারণগন্ধর্বমানুষাঃ পন্নগাস্তথা।
সরিতঃ সাগরাঃ শৈলা উপাসন্ত উমাপতিম্ ॥ 3-83-26 (19474)
তত্রেশানং সমভ্যর্চ্য ত্রিরাত্রোপোষিতো নরঃ।
অশ্বমেধমবাপ্নোতি গাণপত্যং চ বিন্দতি ॥ 3-83-27 (19475)
উষ্য দ্বাদশরাত্রং তু পূতাত্মা চ ভবেন্নরঃ ॥ 3-83-28 (19476)
তত এব চ গায়ত্র্যাঃ স্থানং ত্রৈলোক্যপূজিতম্।
ত্রিরাত্রমুষিতস্তত্র গোসহস্রফলং লভেৎ।
নিদর্শনং চ প্রত্যক্ষং ব্রাহ্মণানাং নরাধিপ ॥ 3-83-29 (19477)
গায়ত্রীং পঠতে যস্তু যোনিসংকরজস্তথা।
গাথা চ গাথিকা চাপি তস্য সংপদ্যতে নৃপ ॥ 3-83-30 (19478)
অব্রাহ্মণস্য সাবিত্রীং পঠতস্তু প্রণশ্যতি ॥ 3-83-31 (19479)
সংবর্তস্য তু বিপ্রর্ষের্বাপীমাসাদ্য দুর্লভাম্।
রূপস্য ভাগী ভবতি সুভগশ্চ প্রজায়তে ॥ 3-83-32 (19480)
ততো বেণাং সমাসাদ্য ত্রিরাত্রোপোষিতো নরঃ।
ময়ূরহংসসংয়ুক্তং বিমানং লভতে নরঃ ॥ 3-83-33 (19481)
ততো গোদাবরীং প্রাপ্য নিত্যং সিদ্ধনিষেবিতাম্।
গবাং মেধমবাপ্নোতি বাসুকের্লোকমুত্তমম্ ॥ 3-83-34 (19482)
বেণায়াঃ সংগমে স্নাৎবা বাজিমেধফলং লভেৎ।
বরদাসংগমে স্নাৎবা গোসহস্রফলং লভেৎ ॥ 3-83-35 (19483)
ব্রহ্মস্থানং সমাসাদ্য ত্রিরাত্রোপোষিতো নরঃ।
গোসহস্রফলং বিন্দ্যাৎস্বর্গলোকং চ গচ্ছতি ॥ 3-83-36 (19484)
কুশপ্লবনমাসাদ্য ব্রহ্মচারী সমাহিতঃ।
ত্রিরাত্রমুষিতঃ স্নাৎবা অশ্বমেধফংল লভেৎ ॥ 3-83-37 (19485)
ততো দেবহ্রদেঽরণ্যে কৃষ্ণবেণাজলোদ্ভবে।
জাতিস্মরহ্রদে স্নাৎবা ভবেজ্জাতিস্মরো নরঃ।
যত্র ক্রতুশতৈরিষ্ট্বা দেবরাজো দিবং গতঃ ॥ 3-83-38 (19486)
অগ্নিষ্টোমফলং বিন্দ্যাদ্গমনাদেব ভারত।
ততঃ সর্বহ্রদে স্নাৎবা গোসহস্রফলং লভেৎ ॥ 3-83-39 (19487)
ততো বাপীং মহাপুণ্যাং পয়োষ্ণীং সরিতাং বরাম্।
পিতৃদেবার্চনরতো গোসহস্রফলং লভেৎ ॥ 3-83-40 (19488)
দণ্ডকারণ্যমাসাদ্য পুণ্যং রাজন্নুপস্পৃশেৎ।
গোসহস্রফলং তস্য স্নাতমাত্রস্য ভারত ॥ 3-83-41 (19489)
শরভঙ্গাশ্রমং গৎবা শুকস্য চ মহাত্মনঃ।
ন দুর্গতিমবাপ্নোতি পুনাতি চ কুলং নরঃ ॥ 3-83-42 (19490)
ততঃ শূর্পারকং গচ্ছেজ্জামদগ্ন্যনিষেবিতম্।
রামতীর্থে নরঃ স্নাৎবা বিন্দ্যাদ্বহু সুবর্ণকম্ ॥ 3-83-43 (19491)
সপ্তগোদাবরে স্নাৎবা নিয়তো নিয়তাশনঃ।
মহৎপুণ্যমবাপ্নোতি দেবলোকং চ গচ্ছতি ॥ 3-83-44 (19492)
ততো দেবপথং গৎবা নিয়তো নিয়তাশনঃ।
দেবসত্রস্য যৎপুণ্যং তদেবাপ্নোতি মানবঃ ॥ 3-83-45 (19493)
তুঙ্গকারণ্যমাসাদ্য ব্র্হমচারী জিতেন্দ্রিয়ঃ।
বেদানধ্যাপয়ত্তত্র ঋষিঃ সারস্বতঃ পুরা ॥ 3-83-46 (19494)
তত্র বেদেষু নষ্টেষু মুনেরঙ্গিরসঃ সুতঃ।
ঋষীণআমুত্তরীয়েষু সূপবিষ্টো যথাসুখম্ ॥ 3-83-47 (19495)
ওংকারেণ যথান্যায়ং সম্যগুচ্চারিতেন হ।
যেন যৎপূর্বমভ্যস্তং তৎসর্বং সমুপস্থিতম্ ॥ 3-83-48 (19496)
ঋষয়স্তত্র দেবাশ্চ বরুণোঽগ্নিঃ প্রজাপতিঃ।
হরির্নারায়ণস্তত্র মহাদেবস্তথৈব চ ॥ 3-83-49 (19497)
পিতামহশ্চ ভগবান্দেবৈঃ সহ মহাদ্যুতিঃ।
ভৃগুং নিয়োজয়ামাস যাজনার্থে মহাদ্যুতিম্ ॥ 3-83-50 (19498)
ততঃ স চক্রে ভগবানৃষীণাং বিধিবত্তদা।
সর্বেষাং পুনরাধানং বিধিদৃষ্টেন কর্মণা ॥ 3-83-51 (19499)
আজ্যভাগেন তত্রাগ্নীং তর্পয়িৎবা যথাবিধি।
দেবাঃ স্বভবনং যাতা ঋষয়শ্চ যথাক্রমম্ ॥ 3-83-52 (19500)
তদরণ্যং প্রবিষ্টস্য তুঙ্গকং রাজসত্তম।
পাপং প্রণশ্যত্যখিলং স্ত্রিয়া বা পুরুষস্য বা ॥ 3-83-53 (19501)
তত্রমাসং বসেদ্ধীরো নিয়তো নিয়তাশনঃ।
ব্রহ্মলোকং ব্রজেদ্রাজন্কুলং চৈব সমুদ্ধরেৎ ॥ 3-83-54 (19502)
মেধাবিকং সমাসাদ্য পিতৄন্দেবাংশ্চ তর্পয়েৎ।
অগ্নিষ্টোমমবাপ্নোতি স্মৃতিং মেধাং চ বিন্দতি ॥ 3-83-55 (19503)
অত্র কালঞ্চরং গৎবা পর্বতং লোকবিশ্রুতম্।
তত্র দেবহ্রদে স্নাৎবা গোসহস্রফলং লভেৎ ॥ 3-83-56 (19504)
আত্মানং স্নাপয়েত্তত্রগিরৌ কালঞ্জরে নৃপ।
স্বর্গলোকে মহীয়েত নরো নাস্ত্যত্র সংশয়ঃ ॥ 3-83-57 (19505)
ততো গিরিবরশ্রেষ্ঠে চিত্রকূটে বিশাংপতে।
মন্দাকিনীং সমাসাদ্য সর্বপাপপ্রণাশিনীম্ ॥ 3-83-58 (19506)
তত্রাভিষেকং কুর্বাণঃ পিতৃদেবার্চনে রতঃ।
অশ্বমেধমবাপ্নোতি গতিং চ পরমাং ব্রজেৎ ॥ 3-83-59 (19507)
ততো গচ্ছেত ধর্মজ্ঞ ভর্তৃস্থানমনুত্তমম্।
যত্র নিত্যং মহাসেনো গুহঃ সন্নিহিতো নৃপ ॥ 3-83-60 (19508)
তত্র গৎবা নৃপশ্রেষ্ঠ গমনাদেব সিধ্যতি।
কোটিতীর্থে নরঃ স্নাৎবা গোসহস্রফলং লভেৎ ॥ 3-83-61 (19509)
প্রদক্ষিণমুপাবৃত্য জ্যেষ্ঠস্থানং ব্রজেন্নরঃ।
অভিগম্য মহাদেবং বিরাজতি যথা শশী ॥ 3-83-62 (19510)
তত্র কূপে মহারাজ বিশ্রুতা ভরতর্ষভ।
সমুদ্রাস্তত্র চৎবারো নিবসন্তি যুধিষ্ঠির ॥ 3-83-63 (19511)
তত্রোপস্পৃশ্য রাজেন্দ্র পিতৃদেবার্চনে রতঃ।
নিয়তাত্মা নরঃ পূতো গচ্ছেত পরমাং গতিম্ ॥ 3-83-64 (19512)
ততো গচ্ছেত রাজেন্দ্র শৃঙ্গবেরপুরং মহৎ।
যত্রতীর্ণো মহারাজ রামো দাশরথিঃ পুরা ॥ 3-83-65 (19513)
রকতস্মিংস্তীর্থে মহাবাহো স্নাৎবা পাপৈঃ প্রমুচ্যতে।
গঙ্গায়াং তু নরঃ স্নাৎবা ব্রহ্মচারী সমাহিতঃ ॥ 3-83-66 (19514)
বিধূতপাপ্মা ভবতি বাজপেয়ং চ বিন্দতি।
ততো মুঞ্জবটং গচ্ছেৎস্থানং দেবস্য ধীমতঃ ॥ 3-83-67 (19515)
অভিগম্য মহাদেবমভিবাদ্য চ ভারত।
প্রদক্ষিণমুপাবৃৎ যগাণপত্যমবাপ্নুয়াৎ ॥ 3-83-68 (19516)
তস্মিংস্তীর্থে তু জাহ্নব্যাং স্নাৎবা পাপৈঃ প্রমুচ্যতে।
ততো গচ্ছেত রাজেন্দ্র প্রয়াগমৃষিসংস্তুতম্ ॥ 3-83-69 (19517)
যত্র ব্রহ্মাদয়ো দেবা দিশশ্চ সদিগীশ্বরাঃ।
লোকপালাশ্চ সাধ্যাশ্চ পিতরো লোকসংমতাঃ ॥ 3-83-70 (19518)
সনৎকুমারপ্রমুখাস্তথৈব পরমর্ষয়ঃ।
অঙ্গিরঃপ্রমুখাশ্চৈব তথা ব্রহ্মর্ষয়োঽমলাঃ ॥ 3-83-71 (19519)
তথা নাগাঃ সুপর্ণশ্চ সিদ্ধাশ্চক্রচরাস্তথা।
সরিতঃ সাগরাশ্চৈব গন্ধর্বাপ্সরসোঽপি চ ॥ 3-83-72 (19520)
হরিশ্চ ভগবানাস্তে প্রজাপতিপুরস্কৃতঃ।
তত্র ত্রীণ্যগ্নিকুণ্ডানি যেষাং মধ্যেন জাহ্নবী ॥ 3-83-73 (19521)
প্রয়াগাদভিনিষ্ক্রান্তা সর্বতীর্থপুরস্কৃতা।
তপনস্য সুতা দেবী ত্রিষু লোকেষু বিশ্রুতা ॥ 3-83-74 (19522)
যমুনা গঙ্গয়া সার্ধং সংগতা লোকপাবনী।
গঙ্গায়মুনয়োর্মধ্যং পৃথিব্যা জঘনং স্মৃতম্ ॥ 3-83-75 (19523)
প্রয়াগং জঘনস্থানমুপস্থমৃষয়ো বিদুঃ।
প্রয়াগং সপ্রতিষ্ঠানং কম্বলাশ্বতরৌ তথা ॥ 3-83-76 (19524)
তীর্থং ভোগবতী চৈব বেদিরেষা প্রজাপতেঃ।
তত্রবেদাশ্চ যজ্ঞাশ্চ মূর্তিমন্তো যুধিষ্ঠির ॥ 3-83-77 (19525)
প্রজাপতিমুপাসন্তে ঋষয়শ্চ তপোধনাঃ।
যজন্তে ক্রতুভির্দেবাস্তথা চক্রধরা নৃপাঃ ॥ 3-83-78 (19526)
ততঃ পুণ্যতমং নাম ত্রিষু লোকেষু ভারত।
প্রয়াগং সর্বতীর্থেভ্যঃ প্রবদন্ত্যধিকং বিভো ॥ 3-83-79 (19527)
শ্রবণাত্তস্য তীর্থস্ নামসংকীর্তনাদপি।
মৃত্যুকালভয়াচ্চাপি নরঃ পাপাৎপ্রমুচ্যতে ॥ 3-83-80 (19528)
তত্রাভিষেকং যঃ কুর্যাৎসংগমে লোকবিশ্রুতে।
পুণ্যং স ফলমাপ্নোতি রাজসূয়াশ্বমেধয়োঃ ॥ 3-83-81 (19529)
এষা যজনভূমির্হি দেবানামভিসংস্কৃতা।
তত্র রদত্তং সূক্ষ্মমপি মহদ্ভবতি ভারত ॥ 3-83-82 (19530)
ন বেদবচনাত্তাত ন লোকবচনাদপি।
মতিরুৎক্রমণীয়া তে প্রয়াগমরণং প্রতি ॥ 3-83-83 (19531)
দশতীর্তসহস্রাণি ষষ্টিঃ কোট্যস্তথাঽপরাঃ।
যেষাং সান্নিধ্যমত্রৈব কীর্তিতং কুরুন্দন ॥ 3-83-84 (19532)
চতুর্বিদ্যে চ যৎপুণ্যং সত্যবাদিষু চৈব যৎ।
স্নাত এব তদাপ্নোতি গঙ্গায়মুনসংগমে ॥ 3-83-85 (19533)
তত্র ভোগবতী নাম বাসুকেস্তীর্থমুত্তমম্।
তত্রাভিষেকং যঃ কুর্যাৎসোঽশ্বমেধফলং লভেৎ ॥ 3-83-86 (19534)
তত্র হংসপ্রপতনং তীর্থং ত্রৈলোক্যবিশ্রুতম্।
দশাশ্বমেধিকং চৈব গঙ্গায়াং কুরুনন্দন ॥ 3-83-87 (19535)
কুরুক্ষেত্রসমা গঙ্গা যত্রতত্রাবগাহিতা।
বিশেষো বৈ কনখলে প্রয়াগে পরমং মহৎ ॥ 3-83-88 (19536)
যদ্যকার্যশতং কৃৎবা কৃতংগঙ্গাবসেচনম্।
সর্বং তত্তস্য গঙ্গাপো দহত্যগ্নিরিবেন্ধনম্ ॥ 3-83-89 (19537)
সর্বং কৃতয়ুগে পুণ্যংত্রেতায়াং পুষ্করং স্মৃতম্।
দ্বাপরেঽপি কুরুক্ষেত্রং গঙ্গা কলিয়ুগে স্মৃতা ॥ 3-83-90 (19538)
পুষ্করে তু তপস্তপ্যেদ্দানং দদ্যান্মহালয়ে।
মলয়ে ৎবগ্নিমারোহেদ্ভৃগুতুন্দে ৎবনাশনম্ ॥ 3-83-91 (19539)
পুষ্করে তু কুরুক্ষেত্রে রগঙ্গায়াং মগধেষু চ।
স্নাৎবা তারয়তে জন্তুঃ সপ্তসপ্তাবরাংস্তথা ॥ 3-83-92 (19540)
পুনাতি কীর্তিতা পাপং দৃষ্টা ভদ্রং প্রয়চ্ছতি।
অবগাঢা চ পীতা চ পুনাত্যাসপ্তমং কুলম্ ॥ 3-83-93 (19541)
যাবদস্থি মনুষ্যস্ গঙ্গায়াঃ স্পৃশতে জলম্।
তাবৎস পুরুষো রাজন্স্বর্গলোকে মহীপতে ॥ 3-83-94 (19542)
যথা পুণ্যানি তীর্থানি পুণ্যান্যায়তনানি চ।
উপাস্য পুণ্যং লব্ধ্বা চ ভবত্যমরলোকভাক্ ॥ 3-83-95 (19543)
ন গঙ্গাসদৃশং তীর্থং ন দেবঃ কেশবাৎপরঃ।
ব্রাহ্মণেভ্যঃ পরং নাস্তি এবমাহ পিতামহঃ ॥ 3-83-96 (19544)
যত্র গঙ্গা মহারাজ স দেশস্তত্তপোকবনম্।
সিদ্ধিক্ষেত্রং চ তজ্জ্ঞেয়ং গঙ্গাতীরসমাশ্রিতম্ ॥ 3-83-97 (19545)
ইদং সত্যংদ্বিজাতীনাং সাধূনামাত্মনোপি চ।
সুহৃদাং চ জপেৎকর্মে শিষ্যস্যানুগতস্য চ ॥ 3-83-98 (19546)
ইদং ধন্যমিদং মেধ্যমিদং স্বর্গ্যমিদং সুখম্।
ইদং পুণ্যমিদং রম্যং পাবনং ধর্ম্যমুত্তমম্ ॥ 3-83-99 (19547)
মহর্ষীণামিদং গুহ্যং সর্বপাপপ্রমোচনম্।
অধীত্যদ্বিজমধ্যে চ নির্মলঃ স্বর্গমাপ্নুয়াৎ ॥ 3-83-100 (19548)
শ্রীমৎস্বর্গ্যং তথা পুণ্যং সপত্নশমনং শিবম্।
মেধাজননমগ্র্যং বৈ তীর্থবংশানুকীর্তনম্ ॥ 3-83-101 (19549)
অপুত্রো লভতে পুত্রমধনো ধনমাপ্নুয়াৎ।
শূদ্রো যথেপ্সিতান্কামান্ব্রাহ্মণঃ পারগঃ পঠন্।
মহীং বিজয়তে রাজা বৈশ্যো ধনমবাপ্নুয়াৎ ॥ 3-83-102 (19550)
যশ্চেদং শৃণুয়ান্নিত্যং তীর্থপুণ্যং নরঃ শুচিঃ।
জাতীঃ স স্মরতে বহ্বীর্নাকপৃষ্ঠে চ মোদতে ॥ 3-83-103 (19551)
গম্যান্যপি চ তীর্থানি কীর্তিতান্যগমানি চ।
মনসা তানি গচ্ছেত সর্বতীর্থসমীক্ষয়া ॥ 3-83-104 (19552)
এতানি বসুভিঃ সাধ্যৈরাদিত্যৈর্মরুদশ্বিভিঃ।
ঋষিভির্দেবকল্পৈশ্চ স্নাতানি সুকৃতৈষিভিঃ ॥ 3-83-105 (19553)
এবং ৎবমপি কৌরব্য বিধিনাঽনেন সুব্রত।
ব্রত তীর্থানি নিয়তঃ পুণ্যং পুণ্যেন বর্ধয়ন্ ॥ 3-83-106 (19554)
ভাষিতৈঃ করণৈঃ পূর্বমাস্তিক্যাচ্ছ্রুতিদর্শনাৎ।
প্রাপ্যন্তে তানি তীর্তানি সদ্ভিঃ শাস্ত্রার্থদর্শিভিঃ।
সদ্ভিঃ শাস্ত্রার্থতৎবজ্ঞৈর্ব্রাহ্মণৈঃ সহ গম্যতাম্ ॥ 3-83-107 (19555)
নাব্রতী নাকৃতাত্মা চ নাশুচির্ন চ তস্করঃ।
স্নাতি তীর্থেষু কৌরব্য ন চ বক্রমতির্নরঃ ॥ 3-83-108 (19556)
ৎবয়া তু সম্যগ্বৃত্তেন নিত্যং ধর্মার্থদর্শিনা।
`পিতরস্তাত সর্বে চ তারিতাঃ প্রপিতামহাঃ' ॥ 3-83-109 (19557)
পিতা পিতামহস্চৈব সর্বে চ প্রপিতামহাঃ।
পিতামহপুরোগাশ্চ দেবাঃ সর্ষিগণা নৃপ।
তব ধর্মেণ ধর্মজ্ঞ নিত্যমেবাভিতোষিতঃ ॥ 3-83-110 (19558)
অবাপ্স্যসি ৎবং লোকান্বৈ বসূনাং বাসবোপম।
কীর্তিং চ মহাতীং ভীষ্ম প্রাপ্স্যসে ভুবিশাশ্বতীং ॥ 3-83-111 (19559)
নারদ উবাচ। 3-83-112x (1991)
এবমুক্ৎবাঽভ্যনুজ্ঞায় পুলস্ত্যো ভগবানৃষিঃ।
প্রীতঃ প্রীতেন মনসা তত্রৈবান্তরধীয়ত ॥ 3-83-112 (19560)
ভীষ্মশ্চ কুরুশার্দূল শাস্ত্রতত্ৎবার্থদর্শিবান্।
পুলস্ত্যবচনাচ্চৈব পৃথিবীং পরিচক্রমে ॥ 3-83-113 (19561)
এবমেষা মহাভাগা প্রতিষ্ঠানে প্রতিষ্ঠিতা।
তীর্থয়াত্রা মহাপুণ্যা সর্বপাপপ্রমোচনী ॥ 3-83-114 (19562)
অনেন বিধিনা যস্তু পৃথিবীং সংচরিষ্যতি।
অশ্বমেধশতং সাগ্রং ফলং প্রেত্য স ভোক্ষ্যতি ॥ 3-83-115 (19563)
ততশ্চাষ্টগুণং পার্থ প্রাপ্স্যসে ধর্মমুত্তমম্।
ভীষ্মঃ কুরূণাং প্রবরো যথা পূর্বমবাপ্তবান্ ॥ 3-83-116 (19564)
নেতা চ ৎবমৃষীন্যস্মাত্তেন তেঽষ্টগুণং ফলম্।
রক্ষোগণবিকীর্ণানি তীর্থান্যেতানি ভারত।
অগম্যানি মনুষ্যেন্দ্রৈস্ৎবামৃতে কুরুনন্দন ॥ 3-83-117 (19565)
ইদং দেবর্ষিচরিতং সর্বতীর্তাভিসংবৃতম্।
যঃ পঠেচ্ছৃণুয়াদ্বাঽপিসর্বপাপৈঃ প্রমুচ্যতে ॥ 3-83-118 (19566)
ঋষিমুখ্যাঃ সদা যত্রবাল্মীকিস্ৎবথ কশ্যপঃ।
আত্রেয়ঃ কুণ্ডজঠরো বিশ্বামিত্রোঽথ গৌতমঃ ॥ 3-83-119 (19567)
অসিতো দেবলশ্চৈব মার্কণ্ডেয়োঽথ গালবঃ।
ভরদ্বাজো বসিষ্ঠশ্চ মুনিরুদ্দালকস্তথা ॥ 3-83-120 (19568)
শৌনকঃ সহ পুত্রেণ ব্যাসশ্চ তপতাংবরঃ।
দুর্বাসাশ্চ মুনিশ্রেষ্ঠো জাবালিশ্চ মহাতপাঃ ॥ 3-83-121 (19569)
এতে ঋষিবরাঃ সর্বে ৎবৎপ্রতীক্ষাস্তপোধনাঃ।
এভিঃ সহ মহারাজ তীর্থান্যেতান্যনুব্রজ ॥ 3-83-122 (19570)
এষ তে লোমশো নাম মহর্ষিরমিতদ্যুতিঃ।
সমেষ্যতি মহারাজ তেন সার্ধমনুব্রজ ॥ 3-83-123 (19571)
ময়াঽপিসহ ধর্মজ্ঞ তীর্থান্যেতান্যনুক্রমাৎ। 3-83-b124 প্রাপ্স্যসে মহতীং কীর্তিং যথা রাজা মহাভিষক্ ॥ 3-83-124 (19572)
যথা যয়াতির্ধর্মাত্মা যথা রাজা পুরূরবাঃ।
তথা ৎবং কুরুশার্দূল স্বেন ধর্মেণ শোভসে ॥ 3-83-125 (19573)
যথা ভগীরথো রাজা যথা রামশ্চ বিশ্রুতঃ।
তথা ৎবং সর্বরাজভ্যো ভ্রাজসে রশ্মিবানিব ॥ 3-83-126 (19574)
যথা মনুর্যথেক্ষ্বাকুর্যথা পূরুর্মহায়শাঃ।
যথা বৈন্যো মহারাজ তথা ৎবমপি বিশ্রুতঃ ॥ 3-83-127 (19575)
যথা চ বৃত্রহা সর্বান্সপত্নান্নির্দহন্পুরা।
ত্রৈলোক্যং পালয়ামাস দেবরাড্বিগতজ্বরঃ ॥ 3-83-128 (19576)
তথা শত্রুক্ষয়ং কৃৎবা ৎবং প্রজাঃ পালয়িষ্যসি।
স্বধর্মবিজিতামুর্বীং প্রাপ্য রাজীবলোচন।
খ্যাতিং যাস্যসি ধর্মেণ কার্তবীর্যার্জুনো যথা ॥ 3-83-129 (19577)
বৈশম্পায়ন উবাচ। 3-83-130x (1992)
এবমাশ্বাস্য রাজানং নারদো ভগবানৃষিঃ।
অনুজ্ঞাপ্য মহারাজ তত্রৈবান্তরধীয়ত ॥ 3-83-130 (19578)
যুধিষ্ঠিরোষি ধর্মাত্মা তমেবার্থং বিচিন্তয়ন্।
তীর্থয়াত্রাশ্রিতং পুণ্যমৃষীণাং প্রত্যবেদয়ৎ ॥ 3-83-131 (19579)
ইতি শ্রীমন্মহাভারতে অরণ্যপর্বণি তীর্তয়াত্রাপর্বণি ত্র্যশীতিতমোঽধ্যায়ঃ ॥ 83 ॥
Mahabharata - Vana Parva - Chapter Footnotes
3-83-4 অশ্বমেধাদ্দশগুণমিতি ক. পাঠঃ ॥ 3-83-29 নিদর্শনমুদাহরণম্ ॥ 3-83-30 যো যোনিসংকরজঃ স জেতত্র গায়ত্রীং পঠতি তস্য সম্যক্ পঠতোপিতীর্থমাহাত্ম্যাৎসা গায়ত্রী গাথা স্বরনিয়মহীনা গদ্যবন্মুখান্নিঃসরতি। গাথিকা গ্রাম্যগীতবৎ স্বরবর্ণবিকৃতা ॥ 3-83-31 অব্রাহ্মণস্য তু প্রাক্সিদ্ধাপি তত্র ন স্ফুরতীতি ভাবঃ ॥ 3-83-33 ততো বেণ্ণাং সমাসাদ্যেতি ক. ধ. পাঠঃ ॥ 3-83-73 চক্রচরাঃ সূর্যাদয়ঃ ॥ 3-83-75 স্ত্রীরূপায়াঃ পৃথিব্যাঃ মেরুপৃষ্ঠশীর্ষায়া হরিদ্বারাদরভ্য জঘনং নাভেরধোভাগঃ ॥ 3-83-77 নদী প্রোক্তা প্রজাপতেরিতি ধ. পাঠঃ ॥ 3-83-83 প্রয়াগগমনং প্রতীতি ক. পাঠঃ ॥ 3-83-85 চাতুর্বেদ্যে চ যৎপুণ্যমিতি ক. পাঠঃ ॥ 3-83-103 কৈলাসে সত্যলোকে নাকপৃষ্ঠে চ মোদত ইতি ক. পাঠঃ ॥ 3-83-104 অগমানি অগম্যানি। সমীক্ষয়া দর্শনেচ্ছয়া ॥ 3-83-107 করণৈঃ ইন্দ্রিয়ৈঃ ॥ 3-83-108 অকৃতাত্মা অবশীকৃতচিত্তঃ ॥ 3-83-114 প্রতিষ্ঠানে প্রয়াগে। প্রতিষ্ঠিতা সমাপ্তা ॥ 3-83-124 মহাভিষক্ শন্তনুরূপেণাবতীর্ণঃ ॥ 3-83-126 রশ্মিবান্ সূর্যঃ ॥অরণ্যপর্ব - অধ্যায় 084
॥ শ্রীঃ ॥
3.84. অধ্যায়ঃ 084
Mahabharata - Vana Parva - Chapter Topics
যুধিষ্ঠিরেণ ধৌম্যংপ্রতি অর্জুনেন বিনা স্বস্য কাম্যকবনেঽনমিরুচিকথনপূর্বকং নিবাসায় স্থানান্তরকথনপ্রার্থনা ॥ 1 ॥Mahabharata - Vana Parva - Chapter Text
3-84-0 (19580)
বৈশম্পায়ন উবাচ। 3-84-0x (1993)
ভ্রাতৄণাং মতমাজ্ঞায় নারদস্য চ ধীমতঃ।
পিতামহসমং ধৌম্যং প্রাহ রাজা যুধিষ্ঠিরঃ ॥ 3-84-1 (19581)
ময়া স পুরুষব্যাঘ্রো জিষ্ণুঃ সত্যপরাক্রমঃ।
অস্ত্রহেতোর্মহাবাহুরমিতাত্মা বিবাসিতঃ ॥ 3-84-2 (19582)
স হি বীরোঽনুরক্তশ্ সমর্থশ্চ তপোধনঃ।
কৃতী চ ভৃশমপ্যস্ত্রে বাসুদেব ইব প্রভুঃ ॥ 3-84-3 (19583)
অহং হ্যেতাবুভৌ ব্রহ্মন্কৃষ্ণাবরিবিঘাতিনৌ।
অভিজানামি বিক্রান্তৌ তথা ব্যাসঃ পরন্তপৌ ॥ 3-84-4 (19584)
ত্রিয়ুগৌ পুণ্ডরীকাক্ষৌ বাসুদেবধনংজয়ৌ।
নারদোঽপিতথা বেদ যোষ্যশংসৎসদা মম ॥ 3-84-5 (19585)
তথাঽহমপি জানামি নরনারায়ণাবৃষী।
শক্তোঽয়মিত্যতো মৎবা ময়া স প্রেষিতোঽর্জুনঃ ॥ 3-84-6 (19586)
ইন্দ্রাদনবরঃ শক্রং সুরসূনুঃ সুরাধিপম্।
দ্রষ্টুমস্ত্রাণি চাদাতুমিন্দ্রাদিতি বিবাসিতঃ ॥ 3-84-7 (19587)
ভীষ্মদ্রোণাবতিরথৌ কৃপো দ্রৌণিশ্চ দুর্জয়ঃ।
ধৃতরাষ্ট্রস্য পুত্রেণ সুধৃতাঃ সুমহাবলাঃ ॥ 3-84-8 (19588)
সর্বে বেদবিদঃ শূরাঃ সর্বেঽস্ত্রকুশলাস্তথা।
`সর্বে মহারথা মুখ্যাঃ সর্বে জিতপরিশ্রমাঃ'।
যোদ্ধুকামাশ্চ পার্থেন সততং যে মহাবলাঃ ॥ 3-84-9 (19589)
স চ দিব্যাস্ত্রবিৎকর্ণঃ সূতপুত্রো মহারথঃ।
যোঽস্ত্রবেগানিলবলঃ শরার্চিস্তলনিঃস্বনঃ।
রজোধূমোঽস্ত্রসংপাতো ধার্তরাষ্ট্রানিলোদ্ধতঃ ॥ 3-84-10 (19590)
নিসৃষ্ট ইব কালেন যুগান্তজ্বলনো যথা।
মম সৈন্যময়ং কক্ষং প্রধক্ষ্যতি ন সংশয়ঃ ॥ 3-84-11 (19591)
তং স কুষ্ণানিলোদ্ধূতো দিব্যাস্ত্রজ্বলনো মহান্।
শ্বেতবাজিবলাকাভৃদ্গণ্ডীবেন্দ্রায়ুধোল্বণঃ ॥ 3-84-12 (19592)
সংরব্ধঃ শরধারাভিঃ সুধীপ্তং কর্ণপাবকম্।
উদীর্ণোঽর্জুনমেঘোঽয়ং শময়িষ্যতি সংয়ুগে ॥ 3-84-13 (19593)
স সাক্ষাদেব সর্বাণি শক্রাৎপরপুরংজয়ঃ।
দিব্যান্যস্ত্রাণি বীভৎসুর্যথাবৎপ্রতিপৎস্যতে ॥ 3-84-14 (19594)
অলং স তেষাং সর্বেষামিতি মে ধীয়তে মতিঃ।
নাস্তি ৎবতিক্রিয়া তস্ রণেঽরীণাং প্রতিক্রিয়া ॥ 3-84-15 (19595)
তে বয়ং পাণ্ডবং সর্বে গৃহীতাস্ত্রমরিংদমম্।
দ্রষ্টারো ন হি বীভৎসুর্ভারমুদ্যম্য সীদতি ॥ 3-84-16 (19596)
বয়ং তু তমৃতে বীরং বনেঽস্মিন্দ্বিপদাংবর।
অবধানং ন গচ্ছামঃ কাম্যকে সহ কৃষ্ণয়া ॥ 3-84-17 (19597)
ভবানন্যদ্বনং সাধু বহ্বন্নং ফলবচ্ছুচি।
আখ্যাতু রমণীয়ং চ সেবিতং পুণ্যক্রমভিঃ ॥ 3-84-18 (19598)
যত্রকংচিদ্বয়ং কালং বসন্তঃ সত্যবিক্রমম্।
প্রতীক্ষামোঽর্জুনং বরং বৃষ্টিকামা ইবাম্বুদম্ ॥ 3-84-19 (19599)
বিবিধানাশ্রমান্কাংশ্চিদ্দ্বিজাতিভ্যঃ প্রতিশ্রুতান্।
সরাংসি সরিতশ্চৈব রমণীয়াংশ্চ পর্বতান্ ॥ 3-84-20 (19600)
আচক্ষ্ব ন হি মে ব্রহ্মন্রোচতে তমৃতেঽর্জুনম্।
বনেঽস্মিন্কাম্যকে বাসো গচ্ছামোঽন্যাং দিশংপ্রতি ॥ 3-84-21 (19601)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি চতুরশীতিতমোঽধ্যায়ঃ ॥ 84 ॥
Mahabharata - Vana Parva - Chapter Footnotes
3-84-7 অনবরোঽন্যূনঃ ॥ 3-84-10 রজঃকার্যং ক্রোধঃ স এব ধূমো যস্য। ধার্তরাষ্ট্রৈরনিলৈরিব উদ্ধত উদ্দীপিতঃ ॥ 3-84-11 কক্ষং তৃণবনম্ ॥ 3-84-12 উল্বণো দুঃসহঃ ॥ 3-84-15 অলং জেতুং পর্যাপ্তঃ ॥ 3-84-16 দ্রষ্টারো দ্রক্ষ্যামঃ ॥ 3-84-17 অবধানং স্বাস্থ্যম্ ॥ 3-84-18 ব্রহ্মাঢ্যং জলবচ্ছুচীতি ক. ঘ. পাঠঃ ॥অরণ্যপর্ব - অধ্যায় 085
॥ শ্রীঃ ॥
3.85. অধ্যায়ঃ 085
Mahabharata - Vana Parva - Chapter Topics
ধৌম্যেন যুধিষ্ঠিরয় প্রাচীস্থনানাতীর্থকথনম্ ॥ 1 ॥Mahabharata - Vana Parva - Chapter Text
3-85-0 (19602)
বৈশম্পায়ন উবাচ। 3-85-0x (1994)
তান্সর্বানুৎসুকান্দৃষ্ট্বা পাণ্ডবান্দীনচেতসঃ।
অশ্বাসয়ংস্তথা ধৌম্যো বৃহস্পতিসমোঽব্রবীৎ ॥ 3-85-1 (19603)
ব্রাহ্মণানুমতান্পুণ্যানাশ্রমান্ভরতর্ষভ।
দিশস্তীর্থানি শৈলাংশ্চ শৃণু মে বদতোঽনঘ ॥ 3-85-2 (19604)
যাঞ্শ্রুৎবা গদতো রাজন্বিশোকো ভবিতাসি হ।
দ্রৌপদ্যা চানয়া সার্ধং ভ্রাতৃভিশ্চ নরেশ্বর ॥ 3-85-3 (19605)
শ্রবণাচ্চৈব তেষাং ৎবং পুণ্যমাপ্স্যসি পাণ্ডব।
গৎবা শতগুণং চৈব তেভ্য এব নরোত্তম ॥ 3-85-4 (19606)
শৃণু পূর্বাং দিশং রাজন্দেবর্ষিগণসেবিতাম্।
রম্যাং তে কথয়িষ্যামি যুধিষ্ঠির যথাস্মৃতি ॥ 3-85-5 (19607)
তস্যাং রদেবর্ষিজুষ্টায়াং নৈমিষং নাম ভারত।
যত্রতীর্থানি দেবানাং পুণ্যানি চ পৃথক্ পৃথক্ ॥ 3-85-6 (19608)
যত্র সা গোমতী পুণ্যা রম্যা দেবর্ষিসেবিতা।
যজ্ঞভূমিশ্চ দেবানাং শামিত্রং চ বিবস্বতঃ ॥ 3-85-7 (19609)
তস্যাং গিরিবরঃ পুণ্যো গয়ো রাজর্ষিসৎকৃতঃ।
শিবং ব্রহ্মসরো যত্রসেবিতং ত্রিদশর্ষিভিঃ ॥ 3-85-8 (19610)
যদর্থে পুরুষব্যাঘ্র কীর্তয়ন্তি পুরাতনাঃ।
এষ্টব্যা বহবঃ পুত্রা যদ্যেকোপি গয়াং ব্রজেৎ ॥ 3-85-9 (19611)
গৌরীং বা বরয়েৎকন্যাং নীলং বা বৃষমুৎসৃজেৎ।
উত্তারয়তি সংতত্যা দশ পূর্বান্দশাবরান্ ॥ 3-85-10 (19612)
মহানদী চ তত্রৈব তথা গয়শিরো নৃপ।
যত্রাসৌ কীর্ত্যতে বিপ্রৈরক্ষয়্যকরণো বটঃ ॥ 3-85-11 (19613)
যত্রদত্তং পিতৃভ্যোঽন্নমক্ষয়্যং ভবতি প্রভো।
সা চ পুণ্যজলা তত্র ফল্গুনামা মহানদী ॥ 3-85-12 (19614)
বহুমূলফলা চাপি কৌশিকী ভরতর্ষভ।
বিশ্বামিত্রোঽধ্যগাদ্যত্র ব্রাহ্মণৎবং তপোধনঃ ॥ 3-85-13 (19615)
গঙ্গা যত্রনদী পুণ্যা যস্যাস্তীরে ভগীরথঃ।
অয়জত্তত্রবহুভিঃ ক্রতুভির্ভূরিদক্ষিণৈঃ ॥ 3-85-14 (19616)
পাঞ্চালেষু চ কৌরব্য কথয়ন্ত্যুৎপলাবতম্।
বিশ্বামিত্রোঽয়জদ্যত্র শক্রেণ সহ কৌশিকঃ ॥ 3-85-15 (19617)
যত্রানুবংশং ভগবাঞ্জামদগ্ন্যস্তথা জগৌ।
বিশ্বামিত্রস্য তাং দৃষ্ট্বা চিভূতিমতিমানুষীম্ ॥ 3-85-16 (19618)
কান্যকুব্জেঽপিবৎসোমমিন্দ্রেণ সহ কৌশিকঃ।
ততঃ ক্ষত্রাদপাক্রামদ্ব্রাহ্মণোস্মীতি চাব্রবীৎ ॥ 3-85-17 (19619)
পবিত্রমৃষিভির্জুষ্টং পুণ্যং পাবনমুত্তমম্।
গঙ্গায়মুনয়োর্বীর সংগমং লোকবিশ্রুতম্ ॥ 3-85-18 (19620)
যত্রায়জত ভূতাত্মা পূর্বমেব পিতামহঃ।
প্রয়াগমিতি বিখ্যাতং তস্মাদ্ভরতসত্তম ॥ 3-85-19 (19621)
অগস্ত্যস্য তু রাজেন্দ্র তত্রাশ্রমবরো নৃপ।
তত্তথা তাপসারণ্যং তাপসৈরুপশোভিতম্ ॥ 3-85-20 (19622)
হিরণ্যবিন্দুঃ কথিতো গিরৌ কালঞ্জরে মহান্।
আগস্ত্যপর্বতোরভ্যঃ পুণ্যো গিরিবঃ শিবঃ ॥ 3-85-21 (19623)
মহেন্দ্রো নাম কৌরব্য ভার্গবস্য মহাত্মনঃ।
অয়জত্তত্রকৌন্তেয় পূর্বমেব পিতামহঃ ॥ 3-85-22 (19624)
যত্রভাগীরথী পুণ্যাং সরস্যাসীদ্যুধিষ্ঠির।
যত্র সা ব্রহ্মশালেতি পুণ্যাখ্যাতা বিশাংপতে।
ধূতপাপ্মভিরাকীর্ণা পুণ্যং তস্যাশ্চ দর্শনম্ ॥ 3-85-23 (19625)
পবিত্রো মঙ্গলীয়শ্চ খ্যাতো লোকে সনাতনঃ।
কেদারশ্চ মতঙ্গস্য মহানাশ্রম উত্তমঃ ॥ 3-85-24 (19626)
কুণ্ডোদঃ পর্বতো রম্যো বহুমূলফলোদকঃ।
নৈষধস্তৃষিতো যত্র জলং শর্ম চ লব্ধবান্ ॥ 3-85-25 (19627)
যত্র দেববনং পুণ্যং তাপসৈরুপশোভিতম্।
বাহুদা চ নদী যত্রনন্দা চ গিরিমূর্ধনি ॥ 3-85-26 (19628)
তীর্থানি সরিতঃ শৈলাঃ পুণ্যান্যায়তনানি চ।
প্রাচ্যাং দিশি মহারাজ কীর্তিতানি ময়া তব ॥ 3-85-27 (19629)
তিসৃষ্বন্যাসু পুণ্যানি দিক্ষু তীর্থানি মে শৃণু।
সরিতঃ পর্বতাংশ্চৈব পুণ্যান্যায়তনানি চ ॥ 3-85-28 (19630)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি পঞ্চাশীতিতমোঽধ্যায়ঃ ॥ 85 ॥
Mahabharata - Vana Parva - Chapter Footnotes
3-85-7 শামিত্রং শমিতুঃ কর্ম যজ্ঞে পশুমারণম্। বিবস্বতঃ পুত্রস্য যমস্যেতি শেষঃ ॥ 3-85-8 তস্যাং প্রাচ্যাং দিশি। রাজর্ষিরপি গয়সংজ্ঞঃ ॥ 3-85-18 পবির্বজ্রং তত্তুল্যং জন্মমরণাদিদুঃখং তস্মাত্রায়ত ইতি পবিত্রম্। অতএব ঋষিভির্জুষ্টং সেবিতম্। পুণ্যং ধর্মবৃদ্ধিহেতুঃ। পাবনং পাপনাশনম্ ॥ 3-85-21 অত্যন্যান্পর্বতান্রাজন্পুণ্যো গিরিবরঃ শিবঃ ইতি ক. পাঠঃ ॥ 3-85-23 সরসি মণিকর্ণিকাখ্যে প্রবিষ্টা আসীৎ। আকার্ণা ব্যাপ্তা ॥ 3-85-24 মঙ্গলীয়ঃ মঙ্গলাবহঃ ॥ 3-85-25 নৈষধো নলঃ ॥ 3-85-26 বহুলা চ নদী যত্রেতি ক. ধ. পাঠঃ ॥অরণ্যপর্ব - অধ্যায় 086
॥ শ্রীঃ ॥
3.86. অধ্যায়ঃ 086
Mahabharata - Vana Parva - Chapter Topics
ধৌম্যেন যুধিষ্ঠিরংপ্রতি দক্ষিণদিক্স্থনানাতীর্থানুকীর্তনম্ ॥ 1 ॥Mahabharata - Vana Parva - Chapter Text
3-86-0 (19631)
ধৌম্য উবাচ। 3-86-0x (1995)
দক্ষিণস্যাং তু পুণ্যানি শৃণু তীর্থানি ভারত।
বিস্তরেণ যথাবুদ্ধি কীর্ত্যমানানি তানি বৈ ॥ 3-86-1 (19632)
যস্যামাখ্যায়তে পুণ্যা দিশি গোদাবরী নদী।
বহ্বারামা বহুজলা তাপসাচরিতা শিবা ॥ 3-86-2 (19633)
বেণা ভীমরথী চৈব নদ্যৌ পাপভয়াপহে।
মৃগদ্বিজসমাকীর্ণে তাপসালয়ভূষিতে ॥ 3-86-3 (19634)
রাজর্ষেস্তস্ চ সরিন্নৃগস্য ভরতর্ষভ।
রম্যতীর্থা বহুজলা পয়োষ্ণী দ্বিজসেবিতা ॥ 3-86-4 (19635)
অপি চাত্র মহায়োগী মার্কণ্ডেয়ো মহায়শাঃ।
অনুবংশ্যাং জগৌ গাথাং নৃগস্য ধরণীপতেঃ ॥ 3-86-5 (19636)
নৃগস্ যজমানস্য প্রত্যক্ষমিতি নঃ শ্রুতম্।
`মরুতঃ পরিবেষ্টারঃ সদস্যাশ্চ দিবৌকসঃ'॥ 3-86-6 (19637)
পয়োষ্ণ্যাং যজমানস্য বারাহে তীর্থ উত্তমে।
উদ্ধৃতং ভূতলস্থং বাবায়ুনা সমুদীরিতম্।
পয়োষ্ণ্যা হরতে তোয়ং পাপমামরণান্তিকম্ ॥ 3-86-7 (19638)
স্বর্গাদুত্তুঙ্গমমলং বিষাণং যত্র শূলিনঃ।
স্বমাত্মবিহিতং দৃষ্ট্বা মর্ত্যঃ শিবপুরং ব্রজেৎ ॥ 3-86-8 (19639)
একতঃ সরিতঃ সর্বা গঙ্গাদ্যাঃ সলিলোচ্চয়াঃ।
পয়োষ্ণী চৈকতঃ পুণ্যা তীর্থেভ্যো হি মতা মম ॥ 3-86-9 (19640)
মাঠরস্য বনং পুণ্যং বহুমূলফলং শিবম্।
যূপশ্চ ভরতশ্রেষ্ঠ বরুণস্রোতসে গিরৌ ॥ 3-86-10 (19641)
প্রবেণ্যুত্তরপার্স্বে তু পুণ্যে কণ্বাশ্রমে তথা।
তাপসানামরণ্যানি কীর্তিতানি যথাশ্রুতি ॥ 3-86-11 (19642)
বেদী শূর্পারকে তাত জমদগ্নের্মহাত্মনঃ।
রম্যা পাষাণতীর্থা চ পুরশ্চন্দ্রা চ ভারত ॥ 3-86-12 (19643)
অশোকতীর্থং তত্রৈব কৌন্তে য বহুলাশ্রমম্।
অগস্ত্যতীর্থং পাণ্ড্যেষু বারুণং চ যুধিষ্ঠির ॥ 3-86-13 (19644)
কুমার্যঃ কথিতাঃ পুণ্যাঃ পাণ্ড্যেষ্বেব নরর্ষভ।
তাম্রপর্ণী তু কৌন্তেয় কীর্তয়িষ্যামি তাং শৃণু ॥ 3-86-14 (19645)
যত্র দেবৈস্তপস্তপ্তং মহদিচ্ছদ্ভিরাশ্রমে।
গোকর্ণমিতি বিখ্যাতং ত্রিষু লোকেষু ভারত ॥ 3-86-15 (19646)
শীততোয়ো বহুজলঃ পুণ্যস্তাত শিবশ্চ সঃ।
হ্রদঃ পরমদুষ্প্রাপো মানুষৈরকৃতাত্মভিঃ ॥ 3-86-16 (19647)
তত্র বৃক্ষতৃণাদ্যৈশ্চ সংপন্নঃ ফলমূলবান্।
আশ্রমোঽগস্ত্যশিষ্যস্য পুণ্যো দেবসহে গিরৌ ॥ 3-86-17 (19648)
বৈডূর্যপর্বতস্তত্র শ্রীমান্মণিময়ঃ শিবঃ।
অগস্ত্যস্যাশ্রমশ্চৈব বহুমূলফলোদকঃ ॥ 3-86-18 (19649)
সুরাষ্ট্রেষ্বপি বক্ষ্যামি পুণ্যান্যায়তনানি চ।
আশ্রমান্সরিতশ্চৈব সরাংসি চ নরাধিপ ॥ 3-86-19 (19650)
চমসোদ্ভেদনং বিপ্রাস্তত্রাপি কথয়ন্ত্যুত।
প্রভাসং চোদধৌ তীর্থং ত্রিষু লোকেষু বিশ্রুতম্ ॥ 3-86-20 (19651)
তত্র পিণ্ডারকং নাম তাপসাচরিতং শিবম্।
উজ্জয়ন্তশ্চ শিখরী ক্ষিপ্রং সিদ্ধিকরো মহান্ ॥ 3-86-21 (19652)
তত্র দেবর্ষিবীরেণ নারদেনানুকীর্তিতঃ।
পুরাণঃ শ্রূয়তে শ্লোকস্তং নিবোধ যুধিষ্ঠির ॥ 3-86-22 (19653)
পুণ্যে গিরৌ সুরাষ্ট্রেষু মৃগপক্ষিনিষেবিতে।
উজ্জয়ন্তে স্ম তপ্তাঙ্গো নাকপৃষ্ঠে মহীয়তে ॥ 3-86-23 (19654)
`এষ নারায়ণঃ শ্রীমান্ক্ষীরার্ণবনিকেতনঃ।
নাগপর্যঙ্কমুৎসৃজ্যহ্যাগতো মধুরাং পুরীম্' ॥ 3-86-24 (19655)
পুণ্যা দ্বারবতী তত্রয়ত্রাসৌ মধুসূদনঃ।
সাক্ষাদ্দেবঃ পুরাণোসৌ স হি ধর্মঃ সনাতনঃ ॥ 3-86-25 (19656)
যে চ কবেদবিদো বিপ্রা যে চাধ্যাত্মবিদো জনাঃ।
তে বদন্তি মহাত্মানং কৃষ্ণং ধর্মং সনাতনম্ ॥ 3-86-26 (19657)
পবিত্রাণাং হি গোবিন্দঃ পবিত্রং পরমুচ্যতে।
পুণ্যানামপি পুণ্যোসৌ মঙ্গালানাং চ মঙ্গলম্।
ত্রৈলোক্যে পুণ্ডরীকাক্ষো দেবদেবঃ সনাতনঃ ॥ 3-86-27 (19658)
অব্যযাত্মা ব্যযাত্মা চ ক্ষেত্রজ্ঞঃ পরমেশ্বরঃ।
আস্তে হরিরচিন্ত্যাত্মা তত্রৈব মধুসূদনঃ ॥ 3-86-28 (19659)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ষডশীতিতমোঽষ্যায়ঃ ॥
Mahabharata - Vana Parva - Chapter Footnotes
3-86-5 অনুবংশ্যাং বংশানূরূপাং তু নৃগমাত্রানুরূপাম্ ॥ 3-86-13 অশোকতীর্থং মৎস্যেষ্বিতি ধ. পাঠঃ ॥ 3-86-15 মহৎ মোক্ষফলম্ ॥ 3-86-23 তপ্তাঙ্গ কৃততপস্কঃ ॥অরণ্যপর্ব - অধ্যায় 087
॥ শ্রীঃ ॥
3.87. অধ্যায়ঃ 087
Mahabharata - Vana Parva - Chapter Topics
ধৌম্যেন যুধিষ্ঠিরংপ্রতি প্রতীচীস্থতীর্থকথনম্ ॥ 1 ॥Mahabharata - Vana Parva - Chapter Text
3-87-0 (19660)
ধৌম্য উবাচ। 3-87-0x (1996)
অবন্তীষু প্রতীচ্যাং বৈ কীর্তয়িষ্যামি তে দিশি।
যানি তত্রপবিত্রাণি পুণ্যান্যায়তনানি চ ॥ 3-87-1 (19661)
প্রিয়ঙ্গ্বাম্রবণোপেতা বানীরফলমালিনী।
প্রত্যক্স্রোতা নদী পুণ্যা নর্মদা তত্র ভারত ॥ 3-87-2 (19662)
ত্রৈলোক্যে যানি তীর্থানি পুণ্যান্যায়তনানি চ।
সরিদ্বনানি শৈলেন্দ্রা দেবাশ্চ সপিতামহাঃ ॥ 3-87-3 (19663)
নর্মদায়াং কুরুশ্রেষ্ঠ সহসিদ্ধর্ষিচারণৈঃ।
স্নাতুমায়ান্তি পুণ্যৌধৈঃ সদা বারিষু ভারত ॥ 3-87-4 (19664)
নিরেতঃ শ্রূয়তে পুণ্যো যত্র বিশ্রবসো মুনেঃ।
জজ্ঞে ধনপতির্যত্র কুবেরো নরবাহনঃ ॥ 3-87-5 (19665)
বৈঢূর্যশিখরো নাম পুণ্যো গিরিবরঃ শিবঃ।
নিত্যপুষ্পফলাস্তত্র পাদপা হরিতচ্ছদাঃ ॥ 3-87-6 (19666)
তস্য শৈলস্য শিখরে সরঃ পুণ্যং মহীপতে।
ফুল্লপদ্মং মহারাজ দেবগন্ধর্বসেবিতম্ ॥ 3-87-7 (19667)
বহ্বাশ্চর্যং মহারাজ দৃশ্যতে তত্র পর্বতে।
পুণ্যে স্বর্গোপমে চৈব দেবর্ষিগণসেবিতে ॥ 3-87-8 (19668)
হ্রদিনী পুণ্যতীর্থা চ রাজর্ষেস্তত্র বৈ সরিৎ।
বিশ্চামিত্রেণ তপসা নির্মিতা সর্বপাবনী ॥ 3-87-9 (19669)
যস্যাস্তীরে সতাং মধ্যে যয়াতির্নহুষাত্মজঃ।
পপাত স পুনর্লোকাঁল্লেভে ধর্মান্সনাতনান্ ॥ 3-87-10 (19670)
তত্রপুণ্যো হ্রদঃ খ্যাতো মৈনাকশ্চৈব পর্বতঃ।
বহুমূলফলোপেতস্ৎবমিতো নাম পর্বতঃ ॥ 3-87-11 (19671)
আশ্রমঃ কক্ষসেনস্য পুণ্যস্তত্রয়ুধিষ্ঠিরঃ।
চ্যবনস্যাশ্রমশ্চৈব বিখ্যাতস্তত্রপাণ্ডব।
তত্রাল্পেনৈব সিদ্ধ্যন্তি মানবাস্তপসা বিভো ॥ 3-87-12 (19672)
জম্বূমার্গো মহারাজ ঋষীণাং ভাবিতাত্মনাম্।
আশ্রম শাম্যতাং শ্রেষ্ঠ মৃগদ্বিজনিষেবিতঃ ॥ 3-87-13 (19673)
ততঃ পুণ্যতমা রাজন্সততং তাপসৈর্যুতা।
কেতুমালা চ মেধ্যা চ গঙ্গাদ্বারং চ ভূমিপ।
খ্যাতং চ সৈন্ধবারণ্যং পুণ্যং দ্বিজনিষেবিতম্ ॥ 3-87-14 (19674)
পিতামহসরঃ পুণ্যং পুষ্করং নাম নামতঃ।
বৈখানসানাং সিদ্ধানামৃষীণামাশ্রমঃ প্রিয়ঃ ॥ 3-87-15 (19675)
অপ্যত্র সংশ্রয়ার্থায় প্রজাপতিরথো জগৌ।
পুষ্করেষু কুরুশ্রেষ্ঠ গাথাং সুকৃতিনাংবর ॥ 3-87-16 (19676)
মনসাঽপ্যভিকামস্য পুষ্করাণি মনখিনঃ।
বিপ্রণশ্যন্তি পাপানি নাকপৃষ্ঠে চ মোদতে ॥ 3-87-17 (19677)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণই সপ্তাশীতিতমোঽধ্যায়ঃ ॥
Mahabharata - Vana Parva - Chapter Footnotes
3-87-2 প্রত্যক্স্ত্রোতা- পশ্চিমবাহিনী ॥ 3-87-13 শাম্যতাং শমবতাম্ ॥ 3-87-14 গঙ্গারণ্যং চ ভূমিপেতি ধ. পাঠঃ ॥ 3-87-16 সংশ্রয়ার্থায় বাসার্থম্ ॥ 3-87-17 অভিকামস্য গন্তুমিচ্ছোঃ ॥অরণ্যপর্ব - অধ্যায় 088
॥ শ্রীঃ ॥
3.88. অধ্যায়ঃ 088
Mahabharata - Vana Parva - Chapter Topics
ধৌম্যেন যুধিষ্ঠিরংপ্রত্যুদীচীস্থতীর্থকথনম্ ॥ 1 ॥Mahabharata - Vana Parva - Chapter Text
3-88-0 (19678)
ধৌম্য উবাচ। 3-88-0x (1997)
উদীচ্যাং রাজশার্দূল দিশি পুণ্যানি যানি বৈ।
তানি তে কীর্তয়িষ্যামি পুণ্যান্যায়তনানি চ ॥ 3-88-1 (19679)
শৃণুষ্বাবহিতো ভূৎবা মম মন্ত্রয়তঃ প্রভো।
কথাপ্রতিগ্রহো বীর শ্রদ্ধাং জনয়তে শুভাম্ ॥ 3-88-2 (19680)
সরস্বতী মহাপুণ্যা হ্রদিনী তীর্থমালিনী।
সমুদ্রগা মহাবেগা যমুনা যত্র পাণ্ডব ॥ 3-88-3 (19681)
যত্র পুণ্যতরং তীর্থং প্লক্ষাবতরণং শুভম্।
যত্রসারস্বতৈরিষ্ট্বা গচ্ছন্ত্যবভৃথং দ্বিজাঃ ॥ 3-88-4 (19682)
পুণ্যং চাখ্যায়তে দিব্যং শিবমগ্নিশিরোঽনঘ।
সহদেবোঽয়জদ্যত্রশম্যাক্ষেপেণ ভারত ॥ 3-88-5 (19683)
এতস্মিন্নেব চার্থেঽসৌ ইন্দ্রগীতা যুধিষ্ঠির।
গাথা চরতি লোকেঽস্মিন্গীয়মানা দ্বিজাতিভিঃ ॥ 3-88-6 (19684)
অগ্নয়ঃ সহদেবেন যে চিতা যমুনামনু।
তে তস্য কুরুশার্দূল সহস্রশতদক্ষিণাঃ ॥ 3-88-7 (19685)
তত্রৈব ভরতো রাজা চক্রবর্তী মহায়শাঃ।
বিংশতীং সপ্ত চাষ্টৌ চ হয়মেধানুপাহরৎ ॥ 3-88-8 (19686)
কামকৃদ্যো দ্বিজাতীনাং শ্রুতস্তাত যথা পুরা।
অত্যন্তমাশ্রমঃ পুণ্যঃ শরভঙ্গস্য বিশ্রুতঃ ॥ 3-88-9 (19687)
সরস্বতী নদী সদ্ভিঃ সততং পার্থ পূজিতা।
বালখিল্যৈর্মহারাজ যত্রেষ্টমৃষিভিঃ পুরা ॥ 3-88-10 (19688)
দৃষদ্বতী মহাপুণ্যা যত্র রখ্যাতা যুধিষ্ঠির।
ন্যগ্রোধাখ্যস্তু পাঞ্চাল্যঃ পাঞ্চাল্যোদ্বিপদাংবর।
দাল্ভ্যঘোষশ্চ দাল্ভ্যাশ্ ধরণীস্থো মহাত্মনঃ ॥ 3-88-11 (19689)
কৌন্তেয়ানন্তয়শসঃ সুব্রতস্যামিতৌজসঃ।
আশ্রমঃ খ্যায়তে পুণ্যস্ত্রিষু লোকেষু বিশ্রুতঃ ॥ 3-88-12 (19690)
এতাবর্ণাববর্ণৌ চ বিশ্রুতৌ মনুজাধিপ।
ঈজাতে ক্রতুভির্মুখ্যৈঃ পুণ্যৈর্ভরতসত্তম ॥ 3-88-13 (19691)
সমেত্য বহুশো দেবাঃ সেন্দ্রাঃ সবরুণাঃ পুরা।
বিশাখয়ূপেঽতপ্যন্ তেন পুণ্যতমশ্চ সঃ ॥ 3-88-14 (19692)
ঋষির্মহান্মহাভাগো জমদগ্নির্মহায়শাঃ।
পলাশকেষু পুণ্যেষু রম্যেষ্বয়জত প্রভুঃ ॥ 3-88-15 (19693)
যত্রসর্বাঃ সরিচ্ছ্রেষ্টাঃ সাক্ষাত্তমৃষিসত্তমম্।
স্বং স্বং তোয়মুপাদায় পরিবার্যোপতস্থিরে ॥ 3-88-16 (19694)
অপি চাত্র মহারাজ স্বয়ং বিশ্বাবসুর্জগৌ।
ইমং শ্লোকং তদা বীর প্রেক্ষ্য দীক্ষাং মহাত্মনঃ ॥ 3-88-17 (19695)
যজমানস্য বৈ দেবাঞ্জমদগ্নের্মহাত্মনঃ।
আগম্য সরিতো বিপ্রান্মধুনা সমতর্পয়ন্ ॥ 3-88-18 (19696)
গন্ধর্বয়ক্ষরক্ষোবিরপ্সরোভিশ্চ সেবিতম্।
কিরাতকিন্নরাবাসং শৈলং শিখরিণাংবরম্ ॥ 3-88-19 (19697)
বিভেদ তরসা গঙ্গা গঙ্গাদ্বারং যুধিষ্ঠির।
পুণ্যং তৎখ্যায়তে রাজন্ব্রহ্মর্ষিগণসেবিতম্ ॥ 3-88-20 (19698)
সনৎকুমারঃ কৌরব্য পুণ্যং কনখলং তথা।
পর্বতশ্চ পুরুর্নাম যত্রয়াতঃ পুরূরবাঃ ॥ 3-88-21 (19699)
ভৃগুর্যত্রতপস্তেপে মহর্ষিগণসেবিতে।
রাজন্স আশ্রমঃ খ্যাতো ভৃগুতুন্দো মহাগিরিঃ ॥ 3-88-22 (19700)
যঃ স ভূতং ভবিষ্যচ্চ ভবচ্ ভরতর্ষভ।
নারায়ণঃ প্রভুর্বিষ্ণুঃ শাশ্বতঃ পুরুষোত্তমঃ ॥ 3-88-23 (19701)
তস্যাতিয়শসঃ পুণ্যাং বিশালাং বদরীমনু।
আশ্রমঃ খ্যায়তে পুণ্যস্ত্রিষু লোকেষু বিশ্রুতঃ ॥ 3-88-24 (19702)
উষ্ণতোয়বহা গঙ্গা শীততোয়বহা পুরা।
সুবর্ণসিকতা রাজন্বিশালাং বদরীমনু ॥ 3-88-25 (19703)
ঋষয়ো যত্রদেবাশ্চ মহাভাগা মহৌজসঃ।
প্রাপ্য নিত্যং নমস্যন্তি দেবং নারায়ণং প্রভুম্ ॥ 3-88-26 (19704)
যত্রনারাজণো দেবঃ পরমাত্মা সনাতনঃ।
তত্র কৃৎস্নং জগৎসর্বং তীর্থান্যায়তনানি চ ॥ 3-88-27 (19705)
তৎপুণ্যং পরমং ব্রহ্ম তত্তীর্থং ত্তপোবনম্।
তৎপরং পরমং দেবং ভূতানাং পরমেশ্বরম্ ॥ 3-88-28 (19706)
শাশ্বতং পরমং চৈব ধাতারং পরমং পদম্।
যং বিদিৎবান শোচন্তি বিদ্বাংসঃ শাস্ত্রদৃষ্টয়ঃ ॥ 3-88-29 (19707)
তত্র দেবর্ষয়ঃ সিদ্ধাঃ সর্বে চৈব তপোধনাঃ।
আদিদেবো মহায়োগী যত্রাস্তে মধুসূদনঃ ॥ 3-88-30 (19708)
পুণ্যানামপি তৎপুণ্যমত্র তে সংশয়েস্তু মা।
এতানি রাজন্পুণ্যানি পৃথিব্যাং পৃথিবীপতে।
কীর্তিতানি নরশ্রেষ্ঠ তীর্থান্যায়তনানি চ ॥ 3-88-31 (19709)
এতানি বসুভিঃ সাধ্যৈরাদিত্যৈর্মরুদশ্বিভিঃ।
ঋষিভির্দেবকল্পৈশ্চ সেবিতানি মহাত্মভিঃ ॥ 3-88-32 (19710)
3-88-33 (19711)
চরন্নেতানি কৌন্তেয় সহিতো ব্রাহ্মণর্ষভৈঃ।
ভ্রাতৃভিশ্চ মহাভাগৈরুৎকণ্ঠাং বিজয়িষ্যসি ॥
Mahabharata - Vana Parva - Chapter Footnotes
3-88-7 শতং শতসহস্রাণি সহস্রশতদক্ষিণাঃ ইতি ক. ধ. পাঠঃ ॥ 3-88-9 শংকরস্তত্রবিশ্রুত ইতি ক. ধ. পাঠঃ ॥ 3-88-13 এতা কৃষ্ণমৃগী তদ্বর্ণৈ কৃষ্ণৌ নরনারায়ণাবিত্যর্থঃ। বস্তুতস্ৎববর্ণৌ বর্ণাঃ লোহিতশুক্লকৃষ্ণাঃ রজঃসৎবতমাংসি তদ্রহিতৌ। তত্র বৈবর্ণ্যবর্ণ্যৌ চেতি ক. ধ. পাঠঃ ॥ 3-88-23 প্রভুর্জিষ্ণুরিতি ক. পাঠঃ ॥ 3-88-24 বিশালাং নামতঃ। বদরীমনু বদরীসমীপে ॥অরণ্যপর্ব - অধ্যায় 089
॥ শ্রীঃ ॥
3.89. অধ্যায়ঃ 089
Mahabharata - Vana Parva - Chapter Topics
লোমশেনেন্দ্রবচনাদ্যুধিষ্ঠিরংপ্রতি পার্থস্ পাশুপতাদিপ্রাপ্তিকথনপূর্বকমিনদ্রসংদেশনিবেদনম্ ॥ 1 ॥Mahabharata - Vana Parva - Chapter Text
3-89-0 (19712)
বৈশম্পায়ন উবাচ। 3-89-0x (1998)
এবং সংভাষমাণে তু ধৌম্যে কৌরবনন্দন।
লোমশঃ স মহাতেজা ঋষিস্তত্রাজগাম হ ॥ 3-89-1 (19713)
তং পাণ্ডবাগ্রজো রাজা সগণো ব্রাহ্মণাশ্চ তে।
উপাতিষ্ঠন্মহাভাগং দিবি শক্রমিবামরাঃ ॥ 3-89-2 (19714)
সমভ্যর্চ্য যথান্যায়ং ধর্মপুত্রো যুধিষ্ঠিরঃ।
পপ্রচ্ছাগমনে হেতুমটনে চ প্রয়োজনম্ ॥ 3-89-3 (19715)
স পৃষ্টঃ পাণ্ডুপুত্রেণ প্রীয়মাণো মহামনাঃ।
উবাচ শ্লক্ষ্ণয়া বাচা হর্ষয়ন্নিব পাণ্ডবান্ ॥ 3-89-4 (19716)
সংচরন্নস্মি কৌন্তেয় সর্বাংল্লোকান্যদৃচ্ছয়া।
গতঃ শক্রস্য ভবনং তত্রাপশ্যং সুরেশ্বরম্ ॥ 3-89-5 (19717)
তব চ ভ্রাতরং বীরমপশ্যং সব্যসাচিনম্।
শক্রস্যার্ধাসনগতং তত্র মে বিস্ময়ো মহান্ ॥ 3-89-6 (19718)
আসীৎপুরুষশার্দূল দৃষ্ট্বা পার্থং তথাগতম্।
আহ মাং তত্র দেবেশো গচ্ছ পাণ্ডুসুতান্প্রতি ॥ 3-89-7 (19719)
সোঽহমভ্যাগতঃ ক্ষিপ্রং দিদৃক্ষস্ৎবাং সহানুজম্।
বচনাৎপুরুহূতস্য পার্থস্ চ মহাত্মনঃ ॥ 3-89-8 (19720)
আখ্যাস্যে তে প্রিয়ং তাত মহৎপাণ্ডবনন্দন।
ভ্রাতৃভিঃ সহিতো রাজন্কৃষ্ণয়া চৈব তচ্ছৃণু ॥ 3-89-9 (19721)
যত্ৎবয়োক্তো মহাবাহুরস্ত্রার্থং ভরতর্ষভ।
তদস্ত্রমাপ্তং পার্থেন রুদ্রাদপ্রতিমং বিভো ॥ 3-89-10 (19722)
যত্তদ্ব্রহ্মশিরো নাম তপসা রুদ্রমাগমৎ।
অমৃতাদুত্থিতং রৌদ্রং তল্লব্ধং সব্যসাচিনা ॥ 3-89-11 (19723)
তৎসমন্ত্রং সসংহারং সপ্রায়শ্চিত্তমঙ্গলম্।
বজ্রমস্ত্রাণি চান্যানি দণ্ডাদীনি যুধিষ্ঠির ॥ 3-89-12 (19724)
যমাৎকুবেরাদ্বরুণাদিন্দ্রাচ্চ কুরুনন্দন।
অস্ত্রাণ্যধীতবান্পার্থো দিব্যান্যমিতবিক্রমঃ ॥ 3-89-13 (19725)
বিশ্বাবসোস্তু তনয়াদ্গীতং নৃত্যং চ সাম চ।
বাদিত্রং চ যথান্যায়ং প্রত্যবিন্দদ্যথাবিধি ॥ 3-89-14 (19726)
এবং কৃতাস্ত্রঃ কৌন্তেয়ো গান্ধর্বং বেদমাত্মবান্।
সুখং বসতি বীভৎসুরনুজস্যানুজস্তব ॥ 3-89-15 (19727)
যদর্থং মাং সুরশ্রেষ্ঠ ইদং বচনমব্রবীৎ।
তচ্চ তে কথয়িষ্যামি যুধিষ্ঠির নিবোধ মে ॥ 3-89-16 (19728)
ভবান্মনুষ্যলোকেঽপি গমিষ্যতি ন সংশয়ঃ।
ব্রূয়াদ্যুধিষ্ঠিরং তত্রবচনান্মে দ্বিজোত্তম ॥ 3-89-17 (19729)
আগমিষ্যতি তে ভ্রাতা কৃতাস্ত্রঃ ক্ষিপ্রমর্জুনঃ।
সুরকার্যং মহৎকৃৎবা যদশক্যং দিবৌকসৈঃ ॥ 3-89-18 (19730)
তপসাঽপি ৎবমাত্মানং যোজয় ভ্রাতৃভিঃ সহ।
তপসো হি পরং নাস্তি তপসা বিন্দতে মহৎ ॥ 3-89-19 (19731)
অহং চ কর্ণং জানামি যথাবদ্ভরতর্ষভ।
সত্যসন্ধং মহোৎসাহং মহাবীর্যং মহাবলম্ ॥ 3-89-20 (19732)
মহাহবেষ্বপ্রতিমং মহায়ুদ্ধবিশারদম্।
মহাধনুর্ধরং বীরং মহাস্ত্রং বরবর্ণিনম্ ॥ 3-89-21 (19733)
মহেশ্বরসুতপ্রখ্যমাদিত্যতনয়ং প্রভুম্।
তথাঽর্জুনমতিস্কন্ধং সহজোল্বণপৌরুণম্ ॥ 3-89-22 (19734)
ন স পার্তস্য সংগ্রামে কলামর্হতি ষোডশীম্ ॥ 3-89-23 (19735)
যচ্চাপি তে ভয়ং কর্ণান্মনসিস্থমরিংদম।
তচ্চাপ্যপহরিষ্যামি সব্যসাচিন্যুপাগতে ॥ 3-89-24 (19736)
যচ্চ তে মানসং বীর তীর্থয়াত্রামিমাং প্রতি।
স মহর্ষির্লোমশস্তে কথয়িষ্যত্যসংশয়ম্ ॥ 3-89-25 (19737)
যচ্চ কিংচিত্তপোয়ুক্তং ফলং তীর্থেষু ভারত।
ব্রহ্মর্ষিরেষ ব্রূয়াত্তে ন তচ্ছ্রদ্ধেয়মন্যথা ॥ 3-89-26 (19738)
ইতি শ্রীমন্মহাভারতে অরণ্যপর্বণি তীর্তয়াত্রাপর্বণি একোননবতিতমোঽধ্যায়ঃ ॥ 89 ॥
Mahabharata - Vana Parva - Chapter Footnotes
3-89-12 প্রায়শ্চিত্তং অস্ত্রাগ্নিনা নিরপরাধানাং দাহে যো দোষস্তস্ শোধনম্। মঙ্গলং দগ্ধানামেবারামাদীনাং পুনর্বিকসনম্। বজ্রং বজ্রবদপ্রতীকার্যং রৌদ্রমেব ॥ 3-89-14 গীতং লৌকিকং গানম্। সাম ঋক্ষু গানম্ ॥ 3-89-18 সুরকার্যং নিবাতকবচাদীনাং বধঃ। কৃতার্থঃ ক্ষিপ্রমর্জুন ইতি ক. থ. পাঠঃ ॥ 3-89-20 রসত্যসন্ধং সত্যপ্রতিজ্ঞম্ ॥ 3-89-21 বরবর্ণিনং অতিসুন্দরম্ ॥ 3-89-22 মহেশ্বরসুতপ্রখ্যং স্কন্দতুল্যম্। অতিৎকন্ধং উন্নতাংসম্ ॥ 3-89-24 অপহরিষ্যামি কবচকুণ্ডলাপহরণেন ॥ 3-89-26 তৎ শ্রদ্ধেয়ং নৎবন্যথা গ্রহীতব্যমিত্যর্থঃ ॥অরণ্যপর্ব - অধ্যায় 090
॥ শ্রীঃ ॥
3.90. অধ্যায়ঃ 090
Mahabharata - Vana Parva - Chapter Topics
লোমশেন যুধিষ্ঠিরংপ্রতি স্বসাহিত্যেন তীর্থয়াত্রাবিধায়কপার্থবচননিবেদনম্ ॥ 1 ॥ যুধিষ্ঠিরেণ লোমশাশয়াঽধিক পরিজনবিসর্জনম্ ॥ 2 ॥Mahabharata - Vana Parva - Chapter Text
3-90-0 (19739)
লোমশ উবাচ। 3-90-0x (1999)
ধনংজয়েন চাপ্যুক্তং যত্তচ্ছৃণু যুধিষ্ঠির।
যুধিষ্ঠিরং ভ্রাতরং মে যোজয়ের্ধর্ম্যযা ধিয়া ॥ 3-90-1 (19740)
ৎবং হি ধর্মান্পরান্বেত্থ তপাংসি চ তপোধন।
শ্রীমতাং চাপি জানাসি ধর্মং রাজ্ঞাং সনাতনম্ ॥ 3-90-2 (19741)
স ভবান্পরমং বেদ রপাবনং পুরুষং প্রতি।
তেন সংয়োজয়েথাস্ৎবং তীর্থপুণ্যেন পাণ্ডবান্ ॥ 3-90-3 (19742)
যথা তীর্থানি গচ্ছেত গাশ্চ দদ্যাৎস পার্থিবঃ।
তথা সর্বাত্মনা কার্যমিতি মামর্জুনোঽব্রবীৎ ॥ 3-90-4 (19743)
ভবতা চানুগুপ্তোঽসৌ চরেত্তীর্থানি সর্বশঃ।
রক্ষোভ্যো রক্ষিতব্যশ্চ দুর্গেষু বিষমেষু চ ॥ 3-90-5 (19744)
দধীচ ইব দেবেন্দ্রং যথা চাপ্যঙ্গিরা রবিম্।
তথা রক্ষস্ব কৌন্তেয়ান্রাক্ষসেভ্যো দ্বিজোত্তম ॥ 3-90-6 (19745)
যাতুধানা হি বহবো রাক্ষসাঃ পর্বতোপমাঃ।
ৎবয়াঽভিগুপ্তান্কৌন্তেয়ান্ন বিবর্তেয়ুরন্তিকম্ ॥ 3-90-7 (19746)
সোঽহমিন্দ্রস্য বচনান্নিয়োগাদর্জুনস্য চ।
রক্ষমাণো ভয়েভ্যস্ৎবাং চরিষ্যামি ৎবা সহ ॥ 3-90-8 (19747)
দ্বিস্তীর্থানি ময়া পূর্বং দৃষ্টানি কুরুনন্দন।
ইদং তৃতীয়ং দ্রক্ষ্যামি তান্যেব ভবতা সহ ॥ 3-90-9 (19748)
ইয়ং রাজর্ষিভির্যাতা পুণ্যকৃদ্ভির্যুধিষ্ঠির।
মন্বাদিভির্মহারাজ তীর্থয়াত্রা ভয়াপহা ॥ 3-90-10 (19749)
নানৃজুর্নাকৃতাত্মা চ নাবিদ্যো ন চ পাপকৃৎ।
স্নাতি তীর্থেষু কৌরব্য ন চ বক্রমতির্নরঃ ॥ 3-90-11 (19750)
ৎবং তু ধর্মমতির্নিত্যং ধর্মজ্ঞঃ সত্যসংগরঃ।
বিমুক্তঃ সর্বপাপেভ্যো ভূয় এব ভবিষ্যসি ॥ 3-90-12 (19751)
যথা ভগীরথো রাজা রাজানশ্চ গয়াদয়ঃ।
যথা যয়াতিঃ কৌন্তেয় তথা ৎবমপি পাণ্ডব ॥ 3-90-13 (19752)
যুধিষ্ঠির উবাচ। 3-90-14x (2000)
ন হর্ষাৎসংপ্রপশ্যামি বাক্যস্যাস্যোত্তরং ক্বচিৎ।
যন্মাং স্মরতি দেবেশঃ কিং নামাভ্যধিকং ততঃ ॥ 3-90-14 (19753)
ভবতা সংগমো যস্ ভ্রাতা চৈব ধনংজয়ঃ।
বাসবঃ স্মরতে যস্ কো নামাভ্যধিকস্ততঃ ॥ 3-90-15 (19754)
যচ্চ মাং ভগবানাহ তীর্থানাং গমনং প্রতি।
ধৌম্যস্য বচনাদেষা বুদ্ধিঃ পূর্বং কৃতৈব মে ॥ 3-90-16 (19755)
তদ্যদা মন্যসে ব্রহ্মন্গমনং তীর্তদর্শনে।
তদৈব গন্তাস্মি তীর্তান্যেষ মে নিশ্চয়ঃ পরঃ ॥ 3-90-17 (19756)
বৈশম্পায়ন উবাচ। 3-90-18x (2001)
গমনে কৃতবুদ্ধিং তং পাণ্ডবং লোমশোঽব্রবীৎ।
লঘুর্ভব মহারাজ লঘুঃ স্বৈরং গমিষ্যসি ॥ 3-90-18 (19757)
যুধিষ্ঠির উবাচ। 3-90-19x (2002)
ভিক্ষাভুজো নিবর্তন্তাং ব্রাহ্মণা যতয়শ্চ যে ॥ 3-90-19 (19758)
ক্ষুত্তৃডধ্বশ্রমায়াসশীতার্তিমসহিষ্ণবঃ।
তে সর্বে বিনিবর্তন্তাং যে চ মৃষ্টভুজো দ্বিজাঃ ॥ 3-90-20 (19759)
পক্বান্নলেহ্যপানানাং মাংসানাং চ বিকল্পকাঃ।
তেঽপি সর্বে নিবর্তন্তাং যে চ সূদানুয়ায়িনঃ।
ময়া যথোচিতাঽঽজীব্যৌঃ সংবিভক্তাশ্চ বৃত্তিভিঃ ॥ 3-90-21 (19760)
যে চাপ্যনুগতাঃ পৌরা রাজভক্তিপুরঃসরাঃ।
ধৃতরাষ্ট্রং মহারাজমভিগচ্ছন্তু তে চ বৈ।
স দাস্যতি যথাকালমুচিতা যস্য যা ভৃতিঃ ॥ 3-90-22 (19761)
স চেদ্যথোচিতাং বৃত্তিং ন দদ্যান্মনুজেশ্বরঃ।
অস্মৎপ্রিয়হিতার্থায়পাঞ্চাল্যো বঃ প্রদাস্যতি ॥ 3-90-23 (19762)
বৈশম্পায়ন উবাচ। 3-90-24x (2003)
ততো ভূয়িষ্ঠশঃ পৌরা গুরৌ ভারে সমাহিতে।
বিপ্রাশ্চ যতয়ো মুখ্যা জগ্মুর্নাগপুরং প্রতি ॥ 3-90-24 (19763)
তান্সর্বান্ধর্মরাজস্য প্রেম্ণা রাজাঽম্বিকাসুতঃ।
প্রতিজগ্রাহ বিধিবদ্ধনৈশ্চ সমতর্পয়ৎ ॥ 3-90-25 (19764)
ততঃ কুন্তীসুতো রাজা লঘুভির্ব্রাহ্মণৈঃ সহ।
লোমশেন চ সুপ্রীতস্ত্রিরাত্রং কাম্যকেঽবসৎ ॥ 3-90-26 (19765)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি নবতিতমোঽধ্যায়ঃ ॥ 90 ॥
Mahabharata - Vana Parva - Chapter Footnotes
3-90-3 পুরুষপ্রতি পুরুষস্যেত্যর্থঃ ॥ 3-90-9 দ্বিঃ দ্বিবারম্। তৃতীয়ং তৃতীয়বারম্ ॥ 3-90-10 তীর্তয়াত্রা শুভাবহেতি ক ধ. পাঠঃ ॥ 3-90-11 নানৃতী নাকৃতাত্মা চেতি ক. ধ. পাঠঃ ॥ 3-90-18 লঘুরল্পপরিবারঃ ॥ 3-90-21 বিকল্পকাঃ মৃষ্টামৃষ্টবিভাজকাঃ। আজীব্যৈর্ভৃত্যাদিভিঃ। বৃত্তিভির্জীবনহেতুভিরন্নাদিভিঃ ॥ 3-90-23 পাঞ্চাল্যো দ্রুপদঃ ॥অরণ্যপর্ব - অধ্যায় 091
॥ শ্রীঃ ॥
3.91. অধ্যায়ঃ 091
Mahabharata - Vana Parva - Chapter Topics
যুধিষ্ঠিরেণ লোমশাদিভিঃ সহ তীর্থসেবনায় প্রস্থানম্ ॥ 1 ॥Mahabharata - Vana Parva - Chapter Text
3-91-0 (19766)
বৈশম্পায়ন উবাচ। 3-91-0x (2004)
ততঃ প্রয়ান্তং কৌন্তেয়ং ব্রাহ্মণা বনবাসিনঃ।
অভিগম্য তদা রাজন্নিদং বচনমব্রুবন্ ॥ 3-91-1 (19767)
রাজংস্তীর্থানি গন্তাসি পুণ্যানি ভ্রাতৃভিঃ সহ।
দেবর্ষিণা চ সহিতো লোমশেন মহাত্মনা ॥ 3-91-2 (19768)
অস্মানপি মহারাজ নেতুমর্হসি পাণ্ডব।
অস্মাভির্হি ন শক্যানি ৎবদৃতে তানি কৌরব ॥ 3-91-3 (19769)
শ্বাপরদৈরুপসৃষ্টানি দুর্গাণি বিষমাণি চ।
অগম্যানি নরৈরল্পৈস্তীর্থানি মনুজেশ্বর ॥ 3-91-4 (19770)
ভবতো ভ্রাতরঃ শূরা ধনুর্ধরবরাঃ সদা।
ভবদ্ভিঃ পালিতাঃ শূরৈর্গচ্ছামো বয়মপ্যুত ॥ 3-91-5 (19771)
ভবৎপ্রসাদাদ্ধি বয়ং প্রাপ্নুয়ামঃ সুখং ফলম্।
তীর্থানাং পৃথিবীপাল বনানাং চ বিশাংপতে ॥ 3-91-6 (19772)
তব বীর্যপরিত্রাতাঃ শুদ্ধাস্তীর্থপরিপ্লতাঃ।
ভবেম ধূতপাপ্মানস্তীর্থসংদর্শনান্নৃপ ॥ 3-91-7 (19773)
ভবানপি নরেন্দ্রস্য কার্তবীর্যস্য ভারত।
অষ্টকস্য চ রাজর্ষের্লোমপাদস্ চৈব হ ॥ 3-91-8 (19774)
ভরতস্য চ বীরস্য সার্বভৌমস্য পার্তিব।
ধ্রুবং প্রাপ্স্যতি দুষ্প্রাপাঁল্লোকাংস্তীর্থপরিপ্লুতঃ ॥ 3-91-9 (19775)
প্রভাসাদীনি তীর্থানি মহেন্দ্রাদীংশ্চ পর্বতান্।
গঙ্গাদ্যাঃ সরিতশ্চৈব প্লক্ষাদীংশ্চ পর্বতান্ ॥ 3-91-10 (19776)
ৎবয়া সহ মহীপাল দ্রষ্টুমিচ্ছামহে বয়ম্।
`ভবদ্ভিঃ পালিতাঃ শূরৈস্তীর্থান্যায়তনানি চ' ॥ 3-91-11 (19777)
যদি তে ব্রাহ্মণেষ্বস্তি কাচিৎপ্রীতির্জনাধিপ।
কুরুক্ষিপ্রং বচোঽস্মাকং ততঃ শ্রেয়োঽভিপৎস্যসে ॥ 3-91-12 (19778)
তীর্তানি হি মহাবাহো তপোবিঘ্নকরৈঃ সদা।
অনুকীর্ণানি রক্ষোভিস্তেভ্যো নস্ত্রাতুমর্হসি ॥ 3-91-13 (19779)
তীর্থান্যুক্তানি ধৌম্যেন নারদেন চ ধীমতা।
যান্যুবাচ চ দেবর্ষির্লোমশঃ সুমহাতপাঃ ॥ 3-91-14 (19780)
বিধিবত্তানি সর্বাণি পর্যটস্ব নরাধিপ।
ধূতপাপ্মা সহাস্মাভির্লোমশেনাবিপালিতঃ ॥ 3-91-15 (19781)
স রাজা পূজ্যমানস্তৈর্হর্ষাদশ্রুপরিপ্লুতঃ।
ভীমসেনাদিভির্বীরৈর্ভ্রাতৃভিঃ পরিবারিতঃ ॥ 3-91-16 (19782)
বাঢমিত্যব্রবীৎসর্বাংস্তানৃষীন্পাণ্ডবর্ষভঃ।
লোমশং সমনুজ্ঞাপ্য ধৌম্যং চৈব পুরোহিতম্ ॥ 3-91-17 (19783)
ততঃ স পাণ্ডবশ্রেষ্ঠো ভ্রাতৃভিঃ সহিতো বশী।
দ্রৌপদ্যা চানবদ্যাঙ্গ্যা গমনায় মনো দধে ॥ 3-91-18 (19784)
অথ ব্যাসো মহাভাগস্তথা পর্বতনারদৌ।
দাম্যকে পাণ্ডবংদ্রষ্টুং সমাজগ্মুর্মনীষিণঃ ॥ 3-91-19 (19785)
তেষাং যুধিষ্ঠিরো রাজা পূজাং চক্রে যথাবিধি।
সৎকৃতাস্তে মহাভাগা যুধিষ্ঠিরমথাব্রুবন্ ॥ 3-91-20 (19786)
যুধিষ্ঠিরয়মৌ ভীম মনসা কুরুতার্জবম্।
মনসা কৃতশৌচা বৈ শদ্ধাস্তীর্থানি যাস্যথ ॥ 3-91-21 (19787)
শরীরনিয়মং প্রাহুর্ব্রাহ্মণা মানুষং ব্রতম্।
মনোবিশুদ্ধাং বুদ্ধিং চ দৈবমাহুর্ব্রতং দ্বিজাঃ ॥ 3-91-22 (19788)
মনো হ্যদুষ্টং শৌচায় পর্যাপ্তং বৈ নরাধিপ।
মৈত্রীং বুদ্ধিং সমাস্থায় শুদ্ধাস্তীর্থানি গচ্ছত ॥ 3-91-23 (19789)
তে যূয়ং মানসৈঃ শুদ্ধাঃ শরীরনিয়মব্রতৈঃ।
দৈবং ব্রতং সমাস্থায় যথোক্তং ফলমাপ্স্যথ ॥ 3-91-24 (19790)
তে তথেতি প্রতিজ্ঞায় কৃষ্ণয়া সহ পাণ্ডবাঃ।
কৃতস্বস্ত্যযনাঃ সর্বে মুনিভির্দেবমানুষৈঃ ॥ 3-91-25 (19791)
লোমশস্যোপসংগৃহ্য পাদৌ দ্বৈপায়নস্ চ।
নারদস্য চ রাজেন্দ্র দেবর্ষেঃ পর্বতস্য চ ॥ 3-91-26 (19792)
ধৌম্যেন সহিতা বীরাস্তথা তৈর্বনবাসিভিঃ।
মার্গশীর্ষ্যামতীতায়াং পুষ্যেণ প্রয়যুস্ততঃ ॥ 3-91-27 (19793)
কঠিনানি সমাদায় চীরাজিনজটাধরাঃ।
অভেদ্যৈঃ কবচৈর্যুক্তাস্তীর্থান্যন্বচরংস্ততঃ ॥ 3-91-28 (19794)
ইন্দ্রসেনাদিভির্ভৃত্যৈ রথৈঃ পরিচতুর্দশৈঃ।
মহানসব্যাপৃতৈশ্চ তথাঽন্যৈঃ পরিচারকৈঃ ॥ 3-91-29 (19795)
সায়ুধা বদ্ধনিস্ত্রিংশাস্তূণবন্তঃ সমার্গণাঃ।
প্রাঙ্যুখাঃ প্রয়যুর্বীরাঃ পাণ্ডবা জনমেজয় ॥ 3-91-30 (19796)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একনবতিতমোঽধ্যায়ঃ ॥ 91 ॥
Mahabharata - Vana Parva - Chapter Footnotes
3-91-7 তীর্থসংস্পর্শনান্নৃপেতি ক. পাঠঃ ॥ 3-91-13 অনুকীর্ণানি ব্যাপ্তানি। নোঽস্মান্ ॥ 3-91-21 আর্জবমৃজুবুদ্ধিং শ্রদ্ধামিত্যর্থঃ ॥ 3-91-23 মনো হ্যদুষ্টং শূরাণামিতি ক. পাঠঃ ॥ 3-91-24 ফলমাপ্নুতেতি ক. পাঠঃ ॥ 3-91-28 কঠিনানি করণ্ডানি ॥ 3-91-29 পরিচতুর্দশৈঃ পঞ্চদশাভিঃ। চতুর্দশভ্যঃ পরি উপরীতি ব্যুৎপত্তেঃ। সংখ্যযাব্যযাসন্নেতি সমাসঃ। বহুব্রীহৌ সংখ্যেয়ে ডজিতি ডচ্ ॥অরণ্যপর্ব - অধ্যায় 092
॥ শ্রীঃ ॥
3.92. অধ্যায়ঃ 092
Mahabharata - Vana Parva - Chapter Topics
লোমশেন যুধিষ্ঠিরংপ্রতি ধর্মাধর্ময়োঃ সমৃদ্ধসমৃদ্ধিলক্ষণোদর্ককারণৎবাভিধানম্ ॥ 1 ॥Mahabharata - Vana Parva - Chapter Text
3-92-0 (19797)
যুধিষ্ঠির উবাচ। 3-92-0x (2005)
ন বৈ নির্গুণমাত্মানং মন্যে দেবর্ষিসত্তম।
তথাঽস্মি দুঃখসংতপ্তো যথা নান্যো মহীপতিঃ ॥ 3-92-1 (19798)
পরাংশ্চ নির্গুণান্মন্যে ন চ ধ্রমগতানপি।
তে চ লোমশ লোকেঽস্মিন্নৃধ্যন্তে কে ন হেতুনা ॥ 3-92-2 (19799)
লোমশ উবাচ। 3-92-3x (2006)
নাত্র দুঃখং ৎবয়া রাজন্কার্যং পার্থ কথংচন।
যদধর্মেণ বর্ধেয়ুরধর্মরুচয়ো জনাঃ ॥ 3-92-3 (19800)
বর্ধত্যধর্মেণ নরস্ততো ভদ্রাণি পশ্যতি।
ততঃ সপত্নাঞ্জয়তি সমূলস্তু বিনশ্যতি ॥ 3-92-4 (19801)
`যত্র ধর্মেণ বর্ধন্তে রাজানো রাজসত্তম।
সর্বান্সপত্নান্বাধন্তে রাজ্যং চৈষাং বিবর্ধতে' ॥ 3-92-5 (19802)
ময়া হি দৃষ্টা দৈতেয়া দানবাশ্চ মহীপতে।
বর্ধমানা হ্যধর্মেণ ক্ষয়ং চোপগতাঃ পুনঃ ॥ 3-92-6 (19803)
পুরা দেবয়ুগে চৈব দৃষ্টং সর্বং ময়া বিভো।
অরোচয়ন্সুরা ধর্মং ধর্মং তত্যজিরেঽসুরাঃ ॥ 3-92-7 (19804)
তীর্তানি দেবা বিবিশুর্নাবিশন্ভারতাসুরাঃ।
তানধর্মকৃতো দর্পঃ পূর্বমেব সমাবিশৎ ॥ 3-92-8 (19805)
দর্পান্মানঃ সমভবন্মানাৎক্রোধো ব্যজায়ত।
ক্রোধাদহীস্ততোঽলঞ্জা বৃত্তং তেষাং ততোঽনশৎ ॥ 3-92-9 (19806)
তানলজ্জান্গতশ্রীকান্হীনবৃত্তান্বৃথাব্রতান্।
ক্ষমা লক্ষ্মীঃ স্বধর্মশ্চ নচিরাৎপ্রজহুস্ততঃ ॥ 3-92-10 (19807)
লক্ষ্মীস্তু দেবানগমদলক্ষ্মীরসুরান্নৃপ ॥ 3-92-11 (19808)
তানলক্ষ্মীসমাবিষ্টান্দর্পোপহতচেতসঃ।
দৈতেয়ান্দানবাংশ্চৈব কলিরপ্যাবিশত্ততঃ ॥ 3-92-12 (19809)
তানলক্ষ্মীসমাবিষ্টান্দানবান্কলিনাহতান্।
দর্পাভিভূতান্কৌন্তেয় ক্রিয়াহীনানচেতসঃ ॥
মানাভিভূতানচিরাদ্বিনাশঃ সমপদ্যত ॥ 3-92-13 (19810)
নির্যশস্কাস্তথা দৈত্যাঃ কৃৎস্নশো বিলয়ং গতাঃ।
`অধর্মরুচয়োরাজন্নলক্ষ্ম্যা সমধিষ্ঠিতাঃ' ॥ 3-92-14 (19811)
দেবাস্তু সাগরাংশ্চৈব সরিতশ্চ সরাংসি চ।
অভ্যগচ্ছন্ধর্মশীলাঃ পুণ্যান্যাবতনানি চ ॥ 3-92-15 (19812)
তপোভিঃ ক্রতুভির্দানৈরাশীর্বাদৈশ্চ পাণ্ডব।
প্রজহুঃ সর্বপাপানি শ্রেয়শ্চ প্রতিপেদিরে ॥ 3-92-16 (19813)
এবমাদানবন্তশ্ নিরাদানাশ্চ সর্বশঃ।
তীর্থান্যগচ্ছন্বিবুধাস্তেনাপুর্ভূতিমুত্তমাম্ ॥ 3-92-17 (19814)
তথা ৎবমপি রাজেন্দ্র স্নাৎবা তীর্থেষু সানুজঃ।
পুনর্বেৎস্বসি তাং লক্ষ্মীমেষ পন্থাঃ সনাতনঃ ॥ 3-92-18 (19815)
যথৈব হি নৃগো রাজা শিবিরৌশীনরো যথা।
ভগীরয়ো বসুমনা গয়ঃ পূরুঃ পুরূরবাঃ ॥ 3-92-19 (19816)
চরমাণাস্তপো নিত্যংস্পর্শনাদম্ভসশ্চ তে।
তীর্থামিগমনাৎপূতা দর্শনাচ্চ মহাত্মনাম্ ॥ 3-92-20 (19817)
অলভন্ত যশঃ পুণ্যং ধনানি চ বিশাংপতে।
তথা ৎবমপি রাজেন্দ্র লব্ধ্বা সুবিপুলাং শ্রিয়ম্ ॥ 3-92-21 (19818)
যথা চেক্ষ্বাকুরভবৎসপুত্রজনবান্ধবঃ।
মুচুকুন্দোঽথ মাংধাতা মরুত্তশ্চ মহীপতিঃ ॥ 3-92-22 (19819)
কীর্তিং পুণ্যামবিন্দন্ত যথা দেবাস্তপোবলাৎ।
দেবর্ষয়শ্চ কার্ৎস্ন্যেন তথা ৎবমপি বেৎস্যসি ॥ 3-92-23 (19820)
ধার্তরাষ্ট্রাস্ৎবধর্মেণ মোহিন চ বশীকৃতাঃ।
নচিরাদ্বৈ বিনঙ্ক্ষ্যন্তি দৈত্যা ইব ন সংশয়ঃ ॥ 3-92-24 (19821)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি দ্বিনবতিতমোঽধ্যায়ঃ ॥ 92 ॥
Mahabharata - Vana Parva - Chapter Footnotes
3-92-2 পরান্ শত্রূন্ ॥ 3-92-8 বিবিশুঃ স্নানার্থমিতি শেষঃ ॥ 3-92-9 অহ্নীঃ অকার্যে প্রবৃত্তিঃ। ততঃ অলজ্জা লজ্জা নিন্দ্যতাদোষাদ্ভয়ং তস্য নাশঃ । 3-92-10 নচিরাৎ শীঘ্রমেব ॥ 3-92-17 আদানবন্তঃ আর্জবাদিনিয়মগ্রহণবন্তঃ। নিরাদানাঃ অপ্রতিবদ্ধাঃ। সর্বশঃ দেবাদিভিরপি। এবং হি দানবন্তশ্চ ক্রিয়াবন্তশ্চ সর্বশঃ ইতি ধ. পাঠঃ ॥ 3-92-18 বেৎস্যসিলপ্স্যসে ॥ 3-92-24 ধার্তরাষ্ট্রস্তু দর্পেণ ইতি ক. ধ. পাঠঃ ॥অরণ্যপর্ব - অধ্যায় 093
॥ শ্রীঃ ॥
3.93. অধ্যায়ঃ 093
Mahabharata - Vana Parva - Chapter Topics
যুধিষ্ঠিরাদিভিঃ ক্রমেণ ব্রহ্মসরস্তীর্থগমনম্ ॥ 1 ॥ তত্রশমঠেন যুধিষ্ঠিরাদীন্প্রতি গয়যজ্ঞবর্ণনম্ ॥ 2 ॥Mahabharata - Vana Parva - Chapter Text
3-93-0 (19822)
বৈশম্পায়ন উবাচ। 3-93-0x (2007)
নে তথা সহিতা বীরা বসন্তস্তত্রতত্র হ।
ক্রমেণ পৃথিবীপাল নৈমিষারণ্যমাগতাঃ ॥ 3-93-1 (19823)
তৎস্তীর্থেষু পুণ্যেষু গোমত্যাঃ পাণ্ডবা নৃপ।
কৃতাভিষেকাঃ প্রদদুর্গাশ্চ বিত্তং চ ভারত ॥ 3-93-2 (19824)
তত্র দেবান্পিতৄন্বিপ্রাংস্তর্পয়িৎবা পুনঃপুনঃ।
কন্যাতীর্থেঽশ্বতীর্থে চ গবাং তীর্থে চ ভারত ॥ 3-93-3 (19825)
কালকোট্যাং বিপপ্রস্থে গিরাবুষ্য চ কৌরবাঃ।
বাহুদায়াং মহীপাল চক্রুঃ সর্বেঽভিষেচনম্ ॥ 3-93-4 (19826)
প্রয়াগে দেবয়জনে দেবানাং পৃথিবীপতে।
ঊষুগপ্লুত্য গাত্রাণি তপশ্চাতস্থুরুত্তমম্ ॥ 3-93-5 (19827)
গঙ্গায়মুনয়োশ্চৈব সংগমে সত্যসংগরাঃ।
বিপাপ্মানো মহাত্মানো বিপ্রেভ্যঃ প্রদদুর্বসু ॥ 3-93-6 (19828)
তপস্বিজনজুষ্টাং চ ততো বেদীং প্রজাপতেঃ।
জগ্মুঃ পাণ্ডুসুতা রাজন্ব্রাহ্মণৈঃ সহ ভারত ॥ 3-93-7 (19829)
তত্র তে ন্যবসন্বীরাস্তপশ্চাতস্থুরুত্তমম্।
সংতর্পয়ন্তঃ সততং বন্যেন হবিষা দ্বিজান্ ॥ 3-93-8 (19830)
ততো মহীধরং জগ্মুর্ধর্মজ্ঞেনাভিসৎকৃতম্।
রাজর্ষিণা পুণ্যকৃতা গয়েনানুপমদ্যুতে ॥ 3-93-9 (19831)
নগো গয়শিরো যত্র পুণ্যা চৈব মহানদী।
বানীরমালিনী রম্যা নদী পুলিনশোভিতা ॥ 3-93-10 (19832)
দিব্যং পবিত্রকূটং চ পবিত্রধরণীধরম্।
ঋষিজুষ্টং সুপুণ্যং তত্তীর্থং ব্রহ্মসরোতুলম্ ॥ 3-93-11 (19833)
অগস্ত্যো ভগবান্যত্র গতো বৈবস্বতং প্রতি।
রউবাস চ স্বয়ং তত্র ধর্মরাজঃ সনাতনঃ ॥ 3-93-12 (19834)
সর্বাসাং সরিতাং চৈব সমুদ্ভেদো বিশাংপতে।
যত্রসংনিহিতো নিত্যং মহাদেবঃ পিনাকধৃক্ ॥ 3-93-13 (19835)
`পরিপূর্ণঃ পরংজ্যোতিঃ পরমাত্মা সনাতনঃ।
ব্রহ্মাদিভিরুপাস্যোঽয়ং ভগবান্পরমেশ্বরঃ ॥ 3-93-14 (19836)
তং প্রণম্য মহাদেবং চতুর্বর্গফলপ্রদম্।
রসিদ্ধিক্ষেত্রমিদং মৎবাসর্বেষাংমোক্ষকাঙ্ক্ষিণাম্ ॥ 3-93-15 (19837)
তত্র তে পাণ্ডবা বীরাশ্চাতুর্মাস্যৈস্তদেজিরে।
ঋষিয়জ্ঞেন মহতা যত্রাক্ষয়বটো মহান্।
অক্ষয়ে দেবয়জনে অক্ষয়ং যত্রবৈ ফলম্ ॥ 3-93-16 (19838)
যে তু তত্রোপবাসাংস্তু চক্রুর্নিশ্চিতমানসাঃ।
ব্রাহ্মণাস্তত্রশতশঃ সমাজগ্মুস্তপোধনাঃ ॥ 3-93-17 (19839)
চাতুর্মাস্যেনায়জন্ত আর্ষেণ বিধিনা তদা।
তত্র বিদ্যাতপোবৃদ্ধা ব্রাহ্মণা বেদপারগাঃ।
কথাং প্রচক্রিরে পুণ্যাং সদসিস্থা মহাত্মনাম্ ॥ 3-93-18 (19840)
তত্র বিদ্যাব্রতস্নাতঃ কৌমারং ব্রতমাস্থিতঃ।
শমঠোঽকথয়দ্রাজন্নাধূর্তরজসং গয়ম্ ॥ 3-93-19 (19841)
শমঠ উবাচ। 3-93-20x (2008)
আধূর্তরজসঃ পুত্রো গয়ো রাজর্ষিসত্তমঃ।
পুণ্যানি তস্য কর্মাণি তানি মে শৃণু ভারত ॥ 3-93-20 (19842)
যস্য যজ্ঞো বভূবেহ বহ্বন্নো বহুদক্ষিণঃ।
যত্রান্নপর্বতা রাজঞ্শতশোঽথ সহস্রশঃ ॥ 3-93-21 (19843)
ঘৃতকুল্যাশ্চ দধ্নশ্চ নদ্যো বহুশতাস্তথা।
ব্যঞ়্জনানাং প্রবাহাশ্চ মহার্হাণাং সহস্রশঃ ॥ 3-93-22 (19844)
অহন্যহনি চাপ্যেবং যাচতাং সংপ্রদীয়তে।
অন্যে চ ব্রাহ্মণা রাজন্ভুঞ্জতেঽন্নং সুসংস্কৃতম্ ॥ 3-93-23 (19845)
তত্র বৈ দক্ষিণাকালে ব্রহ্মঘোষো দিবং গতঃ।
ন চ প্রজ্ঞায়তে কিংচিদ্ব্রহ্মশব্দেন ভারত ॥ 3-93-24 (19846)
পুণ্যেন চরতা রাজন্ভূর্দিশঃ খং নভস্তথা।
আপূর্ণমাসীচ্ছব্দেন তদপ্যাসীন্মহাদ্ভুতম্ ॥ 3-93-25 (19847)
যত্রস্ম গাথা গায়ন্তি মনুষ্যা মরতর্ষভ।
অন্নপানৈঃ শুভৈস্তৃপ্তা দেশে দেশে সুবর্চসঃ ॥ 3-93-26 (19848)
গয়স্য যজ্ঞে কে ৎবদ্য প্রাণিনো ভোক্তুমীপ্সবঃ।
তত্র ভোজনশিষ্টস্য পর্বতাঃ পঞ্চবিংশতিঃ ॥ 3-93-27 (19849)
ন তৎপূর্বে জনাশ্চক্রুর্ন করিষ্যন্তি চাপরে।
গয়ো যদকরোদ্যজ্ঞে রাজর্ষিরমিতদ্যুতিঃ ॥ 3-93-28 (19850)
কথং তু দেবা হবিষা গয়েন পরিতর্পিতাঃ।
পুন শক্ষ্যন্ত্যুপাদাতুমন্যৈর্দত্তানি কানিচিৎ ॥ 3-93-29 (19851)
সিকতা বা যথা লোকে যথা বা দিবি তারকাঃ।
যথা বা বর্ষতোধারা অসংখ্যেয়াঃ স্ম কেনচিৎ।
তথা গণয়িতুং শক্যা গয়যজ্ঞে ন দক্ষিণাঃ ॥ 3-93-30 (19852)
এবংবিধাঃ সুবহবস্তস্য যজ্ঞা মহীপতেঃ।
বভূবুরস্য সরসঃ সমীপে কুরুনন্দন ॥ 3-93-31 (19853)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ত্রিনবতিতমোঽধ্যায়ঃ ॥ 93 ॥
Mahabharata - Vana Parva - Chapter Footnotes
3-93-10 বানীরমালিনী বেত্রপঙ্ক্তিয়ুক্তা। সরো গয়শিরো যত্রেতি ক. ধ. পাঠঃ ॥ 3-93-24 ব্রহ্মশব্দেন বেদধ্বনিনা ॥অরণ্যপর্ব - অধ্যায় 094
॥ শ্রীঃ ॥
3.94. অধ্যায়ঃ 094
Mahabharata - Vana Parva - Chapter Topics
লোমশেন যুধিষ্ঠিরংপ্রত্যগস্ত্যচরিতকথনারম্ভঃ ॥ 1 ॥ বাতাপীল্বলবৃত্তকধনম্ ॥ 2 ॥ তথা লোপামুদ্রোৎপত্তিপ্রকারকথনম্ ॥ 3 ॥Mahabharata - Vana Parva - Chapter Text
3-94-0 (19854)
বৈশম্পায়ন উবাচ। 3-94-0x (2009)
ততঃ সংপ্রস্থিতো রাজা কৌন্তেয়ো ভূরিদক্ষিণঃ।
অগস্ত্যাশ্রমমাসাদ্য দুর্জয়ায়ামুবাস হ ॥ 3-94-1 (19855)
তত্রৈব লোমশং রাজা পপ্রচ্ছ বদতাংবরঃ।
অগস্ত্যেনেহ বাতাপিঃ কিমর্থমুপশামিতঃ ॥ 3-94-2 (19856)
আসীদ্বা কিংপ্রভাবশ্চ স দৈত্যো মানবান্তকঃ।
কিমর্থং চোদিতো মন্যুরগস্ত্যস্য মহাত্মনঃ ॥ 3-94-3 (19857)
লোমশ উবাচ। 3-94-4x (2010)
ইল্বলো নাম দৈতেয় আসীৎকৌরবনন্দনা।
মণিমত্যাং পুরি পুরা বাতাপিস্তস্য চানুজঃ ॥ 3-94-4 (19858)
স ব্রাহ্মণং তপোয়ুক্তমুবাচ দিতিনন্দনঃ।
পুত্রং মে ভগবানেকমিন্দ্রতুল্যং প্রয়চ্ছতু ॥ 3-94-5 (19859)
তস্মৈ স ব্রাহ্মণো নাদাৎপুত্রং বাসবসংমিতম্।
চুক্রোধ সোঽসুরস্তস্য ব্রাহ্মণস্য ততো ভৃশম্ ॥ 3-94-6 (19860)
তদাপ্রভৃতিরাজেন্দ্র ইল্বলো ব্রহ্মহাঽসুরঃ।
মন্যুমান্ভ্রাতরং ছাগং মায়াবী হ্যকরোত্ততঃ ॥ 3-94-7 (19861)
মেষরূপী চ বাতাপিঃ কামরূপ্যভবৎক্ষণাৎ।
সংস্কৃত্যতং ভোজয়তি ততো বিপ্রং জিধাংসতি ॥ 3-94-8 (19862)
স চাহ্বয়তি যং বাচা গতং বৈবস্বতক্ষয়ম্।
স পুনর্দেহমাস্থায় জীবন্স্ম প্রত্যদৃশ্যত ॥ 3-94-9 (19863)
ততো বাতাপিমসুরং ছাগং কৃৎবা সুসংস্কৃতম্।
তং ব্রাহ্মণং ভোজয়িৎবা পুনরেব সমাহ্বয়ৎ ॥ 3-94-10 (19864)
তামিল্বলেন মহতা স্বরেণ গিরমীরিতাম্।
শ্রুৎবাঽতিমায়ো বালবান্ক্ষিপ্রং ব্রাহ্মণকণ্টকঃ ॥ 3-94-11 (19865)
তস্য পার্শ্বং বিনির্ভিদ্য ব্রাহ্মণস্য মহাসুরঃ।
বাতাপিঃ প্রহসন্রাজন্নিশ্চক্রাম বিশাংপতে ॥ 3-94-12 (19866)
এবং স ব্রাহ্মণান্রাজন্ভোজয়িৎবা পুনঃপুনঃ।
হিংসয়ামায়স দৈতেয় ইল্বলো দুষ্টচেতনঃ ॥ 3-94-13 (19867)
অগস্ত্যশ্চাপি ভগবানেতস্মিন্কাল এব তু।
পিতৄন্দদর্শ গর্তে বৈ লম্বমানানধোমুখান্ ॥ 3-94-14 (19868)
সোঽপৃচ্ছল্লম্বমানাংস্তান্ভগবন্তশ্চ কিংপরাঃ।
`কিংমর্থং বেহ লম্বধ্বে গর্তে যূয়মধোমুখাঃ'।
সংতানহেতোরিতি তে প্রত্যূচুর্ব্রহ্মবাদিনঃ ॥ 3-94-15 (19869)
তে তস্মৈ কথয়ামাসুর্বয়ং তে পিতরঃ স্বকাঃ।
গর্তমেতমনুপ্রাপ্তা লম্বামঃ প্রসবার্থিনঃ ॥ 3-94-16 (19870)
যদি নো জনয়েথাস্ৎবমগস্ত্যাপত্যমুত্তমম্।
স্যান্নোস্মান্নিরয়ান্মোক্ষস্ৎবং চ পুত্রাপ্নুয়া গতিম্ ॥ 3-94-17 (19871)
স তানুবাচ তেজস্বী সত্যধর্মপরায়ণঃ।
করিষ্যে পিতরঃ কামং ব্যেতু বো মানসো জ্বরঃ ॥ 3-94-18 (19872)
ততঃ প্রসবসন্তানং চিন্তয়ন্ভগবানৃষিঃ।
আত্মনঃ প্রসবস্যার্থে নাপশ্যৎসদৃশীং স্ত্রিয়ম্ ॥ 3-94-19 (19873)
স তস্য তস্ সৎবস্য তত্তদঙ্গমনুত্তমম্।
সংগৃহ্যতৎসমৈরঙ্গৈর্নির্মমে স্ত্রিয়মুত্তমাম্ ॥ 3-94-20 (19874)
স তাং বিদর্ভরাজায় পুত্রকামায় তাম্যতে।
নির্মিতামাত্মনোঽর্থায় মুনিঃ প্রাদান্মহাতপাঃ ॥ 3-94-21 (19875)
সা তত্র জজ্ঞে সুভগা বিদ্যুৎসৌদামনী যথা।
বিভ্রাজমানা বপুষা ব্যবর্ধত শুভাননা ॥ 3-94-22 (19876)
জাতমাত্রাং চ তাং দৃষ্ট্বা বৈদর্ভঃ পৃথিবীপতিঃ।
প্রহর্ষেণ দ্বিজাতিভ্যো ন্যবেদয়ত ভারত ॥ 3-94-23 (19877)
অভ্যনন্দন্ত তাং সর্বে ব্রাহ্মণা বসুধাধিপ।
লোপামুদ্রেতি তস্যাশ্চ চক্রিরে নাম তে দ্বিজাঃ ॥ 3-94-24 (19878)
ববৃধে সা মহারাজ বিভ্রতী রূপমুত্তমম্।
অপ্স্বিবোৎপলিনী শীঘ্রমগ্নেরিব শিখা শুভা ॥ 3-94-25 (19879)
তাং যৌবনস্থাং রাজেন্দ্রশতং কন্যাঃ স্বলংকৃতাঃ।
দাস্যঃ শতং চ কল্যাণীমুপাতস্থুর্বশানুগাঃ ॥ 3-94-26 (19880)
সা স্ম দাসীশতবৃতা মধ্যে কন্যাশতস্য চ।
আরস্তে তেজস্বিনী কন্যা রোহিণীব দিবিপ্রভা ॥ 3-94-27 (19881)
যৌবনস্থামপি চ তাং শীলাচারসমন্বিতাম্।
ন বব্রে পুরুষঃ কশ্চিদ্ভয়াত্তস্য মহাত্মনঃ ॥ 3-94-28 (19882)
সা তু সত্যবতী কন্যা রূপেণাপ্সরসোপ্যতি।
তোষয়ামাস পিতরং শীলেন স্বজনং তথা ॥ 3-94-29 (19883)
বৈদর্ভী তু তথায়ুক্তাং যুবতীং প্রেক্ষ্য বৈ পিতা।
মনসা চিন্তয়ামাস কস্মৈ দদ্যামিমাংসুতাম্ ॥ 3-94-30 (19884)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি চতুর্নবতিতমোঽধ্যায়ঃ ॥ 94 ॥
Mahabharata - Vana Parva - Chapter Footnotes
3-94-1 দুর্জয়ায়াং বাতাপিপুর্যাং মণিমতীসংজ্ঞায়াম্ ॥ 3-94-6 নাদাৎ ন দত্তবান্ ॥ 3-94-8 কামরূপী যথাকামং রূপাণি কর্তুং সমর্থঃ। সংস্কৃত্য পক্ৎবা ॥ 3-94-9 স চ ইল্বলশ্চ ॥ 3-94-19 প্রসবসন্তানং সংততেরবিচ্ছেদম্ ॥ 3-94-20 তস্য তস্য সিংহমৃগাদেঃ অঙ্গং কটিদৃষ্ঠ্যাদি। সর্বগুণবতীমিত্যর্থঃ ॥ 3-94-22 জজ্ঞে জাতা। বিদ্যুদিতি বিশেষণং দ্যুতিবিশেষোপপাদনার্থম্ ॥ 3-94-24 মুদ্রাণাং তত্তন্মৃগাদিজাতিগতানামসাধারণানাং চিহ্নানাং কমনীয়চক্ষুষ্ট্বানাং লোপইব লোপস্তিরস্কারো যয়া সা লোপামুদ্রা। আহিতাগ্ন্যাদিবৎপূর্বনিপাতঃ। অন্যেষ্বপি দৃশ্যত ইতি দীর্ঘঃ ॥ 3-94-26 বশানুগাঃ ইচ্ছানুরূপাঃ ॥অরণ্যপর্ব - অধ্যায় 095
॥ শ্রীঃ ॥
3.95. অধ্যায়ঃ 095
Mahabharata - Vana Parva - Chapter Topics
বিদর্ভরাজেন সন্তানার্থং কন্যাং কাময়মানায়াগস্ত্যায় লোপামুদ্রায়া যথাবিধি প্রদানম্ ॥ 1 ॥ অগস্ত্যেন লোপামুদ্রায়া মহার্হবসনাভরণত্যাজনেন বল্কলাদিগ্রাহণপূর্বকং স্বাশ্রমংপ্রত্যানয়নম্ ॥ 2 ॥ ঋতুকালে সমাহূতয়া তয়া মহার্হবসনাভরণানি যাচিতেনাগস্ত্যেন তৎসংপাদনায় প্রস্থানম্ ॥ 3 ॥Mahabharata - Vana Parva - Chapter Text
3-95-0 (19885)
লোমশ উবাচ। 3-95-0x (2011)
যদাৎবমন্যতাগস্ত্যো গার্হস্থ্যে তাং ক্ষমামিতি।
তদাঽভিগম্য প্রোবাচ বৈদর্ভং পৃথিবীপতিম্ ॥ 3-95-1 (19886)
রাজন্নিবেশে বুদ্ধির্মে বর্ততে পুত্রকারণাৎ।
বরয়েৎবাং মহীপাল লোপামুদ্রাং প্রয়চ্ছ মে ॥ 3-95-2 (19887)
এবমুক্তঃ স মিনিনা মহীপালো বিচেতনঃ।
প্রত্যাখ্যানায় চাশক্তঃ প্রদাতুং চৈব নৈচ্ছত ॥ 3-95-3 (19888)
ততঃ স ভার্যামভ্যেত্য প্রোবাচ পৃথিবীপতিঃ।
মহর্ষির্বীর্যবানেষ ক্রুদ্ধঃ শাপাগ্নিনা দহেৎ ॥ 3-95-4 (19889)
তং তথা দুঃখিতং দৃষ্ট্বা সভার্যং পৃথিবীপতিম্।
লোপামুদ্রাঽভিগম্যেদং কালে বচনমব্রবীৎ ॥ 3-95-5 (19890)
ন মৎকৃতে মহীপাল পীডামভ্যেতুমর্হসি।
প্রয়চ্ছ মামগস্ত্যায় ত্রাহ্যাত্মানং ময়া পিতঃ ॥ 3-95-6 (19891)
দুহিতুর্বচনাদ্রাজা সোঽগস্ত্যায় মহাত্মনে।
লোপামুদ্রাং ততঃ প্রাদাদ্বিধিপূর্বং বিশাংপতে ॥ 3-95-7 (19892)
প্রাপ্য ভার্যামগস্ত্যস্তু লোপামুদ্রামভাষত।
মহার্হাণ্যুৎসৃজৈতানি বাসাংস্যাভরণানি চ ॥ 3-95-8 (19893)
ততঃ সা দর্শনীয়ানি মহার্হাণি তনূনি চ।
সমুৎসসর্জ রম্ভোরূর্বসনান্যায়তেক্ষণা ॥ 3-95-9 (19894)
ততশ্চীরাণি জগ্রাহ বল্কলান্যজিনানি চ।
সমানব্রতচর্যা চ বভূবায়তলোচনা ॥ 3-95-10 (19895)
গঙ্গাদ্বারমথাগম্য ভগবানৃষিসত্তমঃ।
উগ্রমাতিষ্ঠত তপঃ সহ পত্ন্যাঽনুকূলয়া ॥ 3-95-11 (19896)
সা প্রীত্যা বহুমানাচ্চ পতিং পর্যচরত্তদা।
অগস্ত্যশ্চ পরাং প্রীতিং ভার্যায়ামগমৎপ্রভুঃ ॥ 3-95-12 (19897)
ততো বহুতিথে কালে লোপামুদ্রাং বিশাংপতে।
তপসা দ্যোতিতাং স্নাতাং দদর্শ ভগবানৃষিঃ ॥ 3-95-13 (19898)
স তস্যাঃ পরিচারেণ শৌচেন চ দমেন চ।
শ্রিয়া রূপেণ চ প্রীতো মৈথুনায়াজুহাব তাম্ ॥ 3-95-14 (19899)
ততঃ সা প্রাঞ্জলির্ভূৎবা লজ্জমানেব ভামিনী।
তদা সপ্রণয়ং বাক্যং ভগবন্তমথাব্রবীৎ ॥ 3-95-15 (19900)
অসংশয়ং প্রজাহেতোর্ভার্যাং পতিরবিন্দত।
পা তু ৎবয়ি মম প্রীতিস্তামৃষে কর্তুমর্হসি ॥ 3-95-16 (19901)
যথা পিতুর্গৃহে বিপ্র প্রাসাদে শয়নং মম।
তথাবিধে ৎবং শয়নে মামুপৈতুমিহার্হসি ॥ 3-95-17 (19902)
ইচ্ছামি ৎবাং স্রগ্বিণং চ ভূষণৈশ্চ বিভূষিতম্।
উপসর্তুং যথাকামং দিব্যাভরণভূষিতা ॥ 3-95-18 (19903)
অন্যথা নোপতিষ্ঠেয়ং চীরকাষায়বাসিনী।
নৈবাপবিত্রো বিপ্রর্ষে ভূষণোয়ং কথংচন ॥ 3-95-19 (19904)
অগস্ত্য উবাচ। 3-95-20x (2012)
ন তে ধনানি বিদ্যন্তে লোপামুদ্রে তথা মম।
যথাবিধানি কল্যাণি পিতুস্তব সুমধ্যমে ॥ 3-95-20 (19905)
লোপামুদ্রোবাচ। 3-95-21x (2013)
ঈশোসি তপসা সর্বং সমাহর্তুং তপোধন।
ক্ষণেন জীবলোকে যদ্বসু কিংচন বিদ্যতে ॥ 3-95-21 (19906)
অগস্ত্য উবাচ। 3-95-22x (2014)
এবমেতদ্যথাঽঽত্থ ৎবং তপোব্যযকরং তু তৎ।
যথা তু মে ন নশ্যেত তপস্তন্মাং প্রয়োদয় ॥ 3-95-22 (19907)
লোপামুদ্রোবাচ। 3-95-23x (2015)
অল্পাবশিষ্টঃ কালোঽয়মৃতোর্মম তপোধন।
ন চান্যথাঽহমিচ্ছামি ৎবামুপৈতুং কথংচন ॥ 3-95-23 (19908)
ন চাপি ধর্মমিচ্ছামি বিলোপ্তুং তে কথংচন।
এবং তু মে যথাকামং সংপাদয়িতুমর্হসি ॥ 3-95-24 (19909)
অগস্তয় উবাচ। 3-95-25x (2016)
3-95-25 (19910)
যদ্যেষ কাম সুভগে তব বুদ্ধ্যা বিনিশ্চিতঃ।
হর্তুং গচ্ছাম্যহং ভদ্রে চর কামমিহ স্থিতা ॥
Mahabharata - Vana Parva - Chapter Footnotes
3-95-2 নিবেশে বিবাহে ॥ 3-95-13 স্নাতাং ঋতাবিতি শেষঃ ॥ 3-95-14 পরিচারেণ সেবয়া ॥ 3-95-19 ভূষণোয়ং চীরকাষায়াদিস্তপস্বিনাং শ্লাঘ্যোয়ং সামগ্রীকলাপো ভোগসংপর্কেণাপবিত্রো নৈব ভবৎবিতি শেষঃ ॥ 3-95-21 সমাহর্তুং মমেপ্সিতমিতি ক. ধ. পাঠঃ ॥ 3-95-23 ঋতোঃ কালঃ ষোডশদিনানি তেষু অল্পোঽবশিষ্টঃ ॥অরণ্যপর্ব - অধ্যায় 096
॥ শ্রীঃ ॥
3.96. অধ্যায়ঃ 096
Mahabharata - Vana Parva - Chapter Topics
ধনয়াচনায় শ্রুতর্বাদিনৃপত্রয়মুপগতেনাগস্ত্যেন তদ্ধনানাং সমায়ব্যযতাপরিজ্ঞানেন তৈঃসহ ইল্বলং প্রতি গমনম্ ॥ 1 ॥Mahabharata - Vana Parva - Chapter Text
3-96-0 (19911)
লোমশ উবাচ। 3-96-0x (2017)
ততো জগাম কৌরব্য সোঽগস্ত্যো ভিক্ষিতুং বসু।
শ্রুতর্বাণং মহীপালং যং বেদাভ্যধিকং নৃপৈঃ ॥ 3-96-1 (19912)
স বিদিৎবা তু নৃপতিঃ কুম্ভয়োনিমুপাগতম্।
বিষয়ান্তে সহামাত্যঃ প্রত্যগৃহ্ণাৎসুসৎকৃতম্ ॥ 3-96-2 (19913)
তস্মৈ চার্ঘ্যং থান্যায়মানীয় পৃথিবীপতিঃ।
প্রাঞ্জলিঃ প্রয়তো ভূৎবাপপ্রচ্ছাগমনেঽর্থিতাম্ ॥ 3-96-3 (19914)
অগস্ত্য উবাচ। 3-96-4x (2018)
বিত্তার্থিনমনুপ্রাপ্তং বিদ্ধি মাং পৃথিবীপতে।
থাশক্ত্যবিহিংস্যান্যান্সংবিভাগং প্রয়চ্ছ মে ॥ 3-96-4 (19915)
লোমশ উবাচ। 3-96-5x (2019)
তত আয়ব্যযৌ পূর্ণো তস্মৈ রাজা ন্যবেদয়ৎ।
অতো বিদ্বন্নুপাদৎস্ব যদত্রব্যতিরিচ্যতে ॥ 3-96-5 (19916)
তত আয়ব্যযৌ দৃষ্ট্বা সমৌ সমমতির্দ্বিজঃ।
সর্বথা প্রাণিনাং পীডামুপাদানাদমন্যত ॥ 3-96-6 (19917)
স শ্রুতর্বাণমাদায় ব্রধ্নশ্বমগমত্ততঃ।
স চ তৌ বিষয়স্যান্তে প্রত্যগৃহ্ণাদ্যথাবিধি ॥ 3-96-7 (19918)
তয়োরর্ধ্যং চ পাদ্যং চ ব্রধ্নশ্বঃ প্রত্যবেদয়ৎ।
অনুজ্ঞাপ্যচ পপ্রচ্ছ প্রয়োজনমুপক্রমে।
`বদ কামং মুনিশ্রেষ্ঠ ধন্যোস্ম্যাগমনেন তে' ॥ 3-96-8 (19919)
অগস্ত্য উবাচ। 3-96-9x (2020)
বিত্তকামাবিহ প্রাপ্তৌ বিদ্ধ্যাবাং পৃথিবীপতে।
যথাশক্ত্যবিহিংস্যান্যান্সংবিভাগং প্রয়চ্ছ নৌ ॥ 3-96-9 (19920)
লোমশ উবাচ। 3-96-10x (2021)
তত আয়ব্যযৌ পূর্ণৌ তাভ্যাং রাজা ন্যবেদয়ৎ।
অতো জ্ঞাৎবা তু গৃহ্ণীতং যদত্রব্যতিরিচ্যতে ॥ 3-96-10 (19921)
তত আয়ব্যযৌ দৃষ্ট্বাসমৌ সমমতির্দ্বিজঃ।
সর্বথা প্রাণিনাং পীডামুপাদানাদমন্যত ॥ 3-96-11 (19922)
পৌরুকুৎসং ততো জগ্মুস্ত্রসদস্যুং মহাধনম্।
অগস্ত্যশ্চ শ্রুতর্বা চ ব্রধ্নশ্বশ্চ মহীপতিঃ ॥ 3-96-12 (19923)
ত্রসদস্যুস্তু তান্দৃষ্ট্বা প্রত্যগৃহ্ণাদ্যথাবিধি।
অভিগম্য মহারাজ বিষয়ান্তে মহামনাঃ ॥ 3-96-13 (19924)
অর্চয়িৎবা যথান্যায়মৈক্ষ্বাকো রাজসত্তমঃ।
সমস্তাংশ্চ ততোঽপচ্ছৎপ্রয়োজনমুপক্রমে ॥ 3-96-14 (19925)
অগস্ত্য উবাচ। 3-96-15x (2022)
বিত্তকামানিহ প্রাপ্তান্বিদ্ধি নঃ পৃথিবীপতে।
যথাশক্ত্যবীহিংস্যান্যান্সংবিভাগং প্রয়চ্ছ নঃ ॥ 3-96-15 (19926)
লোমশ উবাচ। 3-96-16x (2023)
তত আয়ব্যযৌ পূর্ণৌ তেষাং রাজা ন্যবেদয়ৎ।
এতজ্জ্ঞাৎবা হ্যুপাদদ্ধ্বং যদত্রব্যতিরিচ্যতে ॥ 3-96-16 (19927)
তত আয়ব্যযৌ দৃষ্ট্বাসমৌ সমমতির্দ্বিজঃ।
সর্বথা প্রাণিনাং পীডামুপাদানাদমন্যত ॥ 3-96-17 (19928)
ততঃ সর্বে সমেত্যাথ তে নৃপাস্তং মহামুনিম্।
ইদমূচুর্মহারাজ সমবেক্ষ্য পরস্পরম্ ॥ 3-96-18 (19929)
অয়ং বৈ দানবো ব্রহ্মন্নিল্বলো বসুমান্ভুবি।
তমতিক্রম্য সর্বেঽদ্যবয়ং চার্তামহে বসু ॥ 3-96-19 (19930)
লোমশ উবাচ। 3-96-20x (2024)
3-96-20 (19931)
তেষাং তদাসীদুচিতমিল্বলস্যৈব ভিক্ষণম্।
ততস্তে সহিতা রাজন্নিল্বলং সমুপাদ্রবন্ ॥
Mahabharata - Vana Parva - Chapter Footnotes
3-96-2 বিষয়ান্তে দেশসীমান্তে ॥ 3-96-3 আগমনে নিমিত্তভূতাং অর্থিতাম্। কিমিচ্ছন্নাগতোসীতি পপ্রচ্ছেত্যর্থঃ ॥ 3-96-6 উপাদানাৎ ধনগ্রহণাৎ ॥ 3-96-7 বাধ্র্যশ্বমগমত্তত ইতি ক. ধ. পাঠঃ ॥ 3-96-8 উপক্রমে আগমনে ॥ 3-96-9 নৌ আবাভ্যাম্ ॥ 3-96-19 বসুমান্ ধনবান্ ॥অরণ্যপর্ব - অধ্যায় 097
॥ শ্রীঃ ॥
3.97. অধ্যায়ঃ 097
Mahabharata - Vana Parva - Chapter Topics
ইল্বলেনাগস্ত্যায় মেষীকৃতবাতাপিমাংসপরিবেষণম্ ॥ 1 ॥ ইল্বলেন বাতাপেরাহ্নানেঽগস্ত্যেন স্বেন তস্য জীর্ণীকরণোক্তি ॥ 2 ॥ ভীতেনেল্বলেনাগস্ত্যায় ধনদানপূর্বকং তজ্জিধাংসয়া তদনুগমনম্ ॥ 3 ॥ অগস্ত্যেন হুঙ্কারেণেল্বলস্য ভস্মীকরণপূর্বকং লোপামুদ্রায়ৈ বহুধনদানেন তস্যাং গুণবদেকাপত্যোৎপাদনম্ ॥ 4 ॥Mahabharata - Vana Parva - Chapter Text
3-97-0 (19932)
লোমশ উবাচ। 3-97-0x (2025)
ইল্বলস্তান্বিদিৎবা তু মহর্ষিসহিতান্নৃপান্।
উপস্থিতান্সহামাত্যো বিষয়ান্তে হ্যপূজয়ৎ ॥ 3-97-1 (19933)
তেষাং ততোঽসুরশ্রেষ্ঠস্ৎবাতিথ্যমকরোত্তদা।
সুসংস্কৃতেন কৌরব্য ভ্রাত্রা বাতাপিনা তদা ॥ 3-97-2 (19934)
ততো রাজর্ষয়ঃ সর্বে বিষণ্ণা গতচেতসঃ।
বাতাপিং সংস্কৃতং দৃষ্ট্বা মেষভূতং মহাসুরম্ ॥ 3-97-3 (19935)
অথাব্রবীদগস্ত্যস্তান্রাজর্ষীনৃষিসত্তমঃ।
বিষাদো বো ন কর্তব্যো হ্যহং ভোক্ষ্যে মহাসুরম্ ॥ 3-97-4 (19936)
ধুর্যাসনমথাসাদ্য নিষসাদ মহানৃষিঃ।
তং পর্যবেষদ্দৈত্যেন্দ্র ইল্বলঃ প্রহসন্নিব ॥ 3-97-5 (19937)
অগস্ত্য এব কৃৎস্নং তু বাতাপিং বুভুজে ততঃ।
`বহ্বন্নাশাপি তে মেঽস্তীত্যবদদ্ভক্ষয়ন্স্বয়ম্' ॥ 3-97-6 (19938)
ভুক্তবত্যসুরোঽহ্বানমকরোত্তস্য চেল্বলঃ।
`বাতাপে প্রতিবুধ্যস্ব দর্শয়ন্বলতেজসী।
তপসা দুর্জয়ো যাবদেষ ৎবাং নাতিবর্ততে ॥ 3-97-7 (19939)
ততস্তস্যোদরং ভেত্তুং বাতাপির্বেগমাহরৎ।
তমবুধ্যত তেজস্বী কুম্ভয়োনির্মহাতপাঃ ॥ 3-97-8 (19940)
স বীর্যাত্তপসোগ্রস্তু ননর্দ ভগবানৃষিঃ।
এষ জীর্ণোসি বাতাপে ময়া লোকস্য শান্তয়ে ॥ 3-97-9 (19941)
ইত্যুক্ৎবা স্বকরাগ্রেণ উদরং সমতাডয়ৎ।
ত্রিরেবং প্রতিসংরব্ধস্তেজসা প্রজ্বলন্নিব'॥ 3-97-10 (19942)
ততো বায়ুঃ প্রাদুরভূদধস্তস্য মহাত্মনঃ।
শব্দেন মহতা তাত গর্জন্নিব যথা ঘনঃ ॥ 3-97-11 (19943)
বাতাপে নিষ্ক্রমস্বেতি পুনঃ পুনরুবাচ হ।
তং প্রহস্যাব্রবীদ্রাজন্নগস্ত্যো মুনিসত্তমঃ।
কুতো নিষ্ক্রমিতুং শক্তো ময়া জীর্ণস্তু সোসুরঃ ॥ 3-97-12 (19944)
ইল্বলস্তু বিষণ্ণোঽভূদ্দৃষ্ট্বা জীর্ণং মহাসুরম্।
প্রাঞ্জলিশ্চ সহামাত্যৈরিদং বচনমব্রবীৎ।
কিমর্থমুপয়াতাঃ স্থ ব্রূত কিং করবাণি বঃ ॥ 3-97-13 (19945)
প্রত্যুবাচ ততোঽগস্ত্যঃ প্রহসন্নিল্বলং তদা।
ঈশোস্যসুর বিদ্মস্ৎবাং বয়ং সর্বে ধনেশ্বরম্ ॥ 3-97-14 (19946)
এতে চ নাতিধনিনো ধনাশা মহতী মম।
যথাশক্ত্যবিহিংস্যান্যান্সংবিভাগং প্রয়চ্ছ নঃ ॥ 3-97-15 (19947)
ততোঽবমত্য তমৃষিমিল্বলো বাক্যমব্রবীৎ।
দিৎসিতং যদি বেৎসি ৎবংততো দাস্যামি তে বসু ॥ 3-97-16 (19948)
অগস্ত্য উবাচ। 3-97-17x (2026)
গবাং দশসহস্রাণি রাজ্ঞামেকৈকশোঽসুর।
তাবদেব সুবর্ণস্য দিৎসিতং তে মহাসুর ॥ 3-97-17 (19949)
মহ্যং ততো বৈ দ্বিগুণং রথশ্চৈব হিরণ্ময়ঃ।
মনোজবৌ বাজিনৌ চ দিৎসিতং তে মহাসুর ॥ 3-97-18 (19950)
`লোমশ উবাচ। 3-97-19x (2027)
উল্বলস্তু মুনিং প্রাহ সর্বমস্তি যথাঽঽত্থ মাম্।
সর্বমেতৎপ্রদাস্যামি হিরণ্যং গাশ্চ যদ্ধনম্।
রথং তু যদবোচো মাং নৈতং বিদ্ম হিরণ্ময়ম্ ॥ 3-97-19 (19951)
আগস্ত্য উবাচ। 3-97-20x (2028)
ন মে বাগনৃতা কাচিদুক্তপূর্বা মহাঽসুর।
বিজ্ঞায়তাং রথঃ সাধু ব্যক্তমস্তি হিরণ্ময়ঃ ॥ 3-97-20 (19952)
লোমশ উবাচ। 3-97-21x (2029)
বিজ্ঞায়মানঃ স রথঃ কৌন্তেয়াসীদ্ধিরণ্ময়ঃ'।
ততঃ প্রব্যথিতো দৈত্যো দদাবভ্যধিকং বসু ॥ 3-97-21 (19953)
বিবাজী চ সুবাজী চ তস্মিন্যুক্তৌ রথে হয়ৌ।
ঊহতুঃ স বসূনাশু তাবগস্ত্যাশ্রমং প্রতি।
সর্বান্রাজ্ঞঃ সহাগস্ত্যান্নিমেষাদিব ভারত ॥ 3-97-22 (19954)
`ইল্বলস্ৎবনুগম্যৈনমগস্ত্যং হন্তুমৈচ্ছত।
ভস্ম চক্রে মহাতেজা হুঙ্কারেণ মহাঽসুরম্' ॥ 3-97-23 (19955)
অগস্ত্যেনাভ্যনুজ্ঞাতা জগ্মূ রাজর্ষয়স্তদা।
কৃতবাংশ্ মুনিঃ সর্বং লোপামুদ্রাচিকীর্ষিতম্ ॥ 3-97-24 (19956)
লোপামুদ্রোবাচ। 3-97-25x (2030)
কৃতবানসি তৎসর্বং ভগবন্মম কাঙ্ক্ষিতম্।
উৎপাদয় সকৃন্মহ্যমপত্যং বীর্যবত্তরম্ ॥ 3-97-25 (19957)
অগস্ত্য উবাচ। 3-97-26x (2031)
তুষ্টোঽহমস্মি কল্যাণি তব বৃত্তেন শোভনে।
বিচারণামপত্যে তু তব বক্ষ্যামি তাং শৃণু ॥ 3-97-26 (19958)
সহস্রং তেঽস্তু পুত্রাণআং শতং বা তৎসমং তব।
দশ বা শততুল্যাঃ স্যুরেকো বাঽপি সহস্রজিৎ ॥ 3-97-27 (19959)
লোপামুদ্রোবাচ। 3-97-28x (2032)
সহস্রসংমিতঃ পুত্র একোপ্যস্তু তপোধন।
একো হি বহুভিঃ শ্রেয়ান্বিদ্বান্সাধুরসাধুভিঃ ॥ 3-97-28 (19960)
স তথেতি প্রতিজ্ঞায় তয়া সমগমন্মুনিঃ।
সময়ে সমশীলিন্যা শ্রদ্ধাবান্শ্রদ্দধানয়া ॥ 3-97-29 (19961)
তত আধায় গর্ভং তমগমদ্বনমেব সঃ।
তস্মিন্বনগতে গর্ভো ববৃধে সপ্ত শারদান্ ॥ 3-97-30 (19962)
সপ্তমেঽব্দে গতে চাপি প্রাচ্যবৎস মহাকবিঃ।
জ্বলন্নিব প্রভাবেন দৃঢস্যুর্নাম ভারত ॥ 3-97-31 (19963)
সাঙ্গোপনিষদান্বেদাঞ্জপন্নেব মহাতপাঃ।
তস্য পুত্রোঽভবদৃষেঃ স তেজস্বী মহানৃষিঃ ॥ 3-97-32 (19964)
স বাল এবতেজস্বী পিতুস্তস্য নিবেশনে।
ইধ্মানাং ভারমাজহ্রে ইধ্মবাহস্ততোঽভবৎ ॥ 3-97-33 (19965)
তথায়ুক্তং তু তং দৃষ্ট্বা মুমুদে স মুনিস্তদা।
এবং স জনয়ামাস ভারতাপত্যমুত্তমম্।
লেভিরে পিতরশ্চাস্য লোকান্রাজন্যথেপ্সিতান্ ॥ 3-97-34 (19966)
অগস্ত্যস্যাশ্রমশ্চায়মত ঊর্ধ্বং বিশাংপতে।
খ্যাতো ভুবি মহারাজ তেজসা তস্য ধীমতঃ ॥ 3-97-35 (19967)
প্রাহ্লাদিরেবং বাতাপির্ব্রহ্মঘ্নো দুষ্টচেতনঃ।
এবং বিনাশিতো রাজন্নগস্ত্যেন মহাত্মনা।
তস্যায়মাশ্রমো রাজন্রমণীয়ৈর্গুণৈর্যুতঃ ॥ 3-97-36 (19968)
এষা ভাগীরথী পুণ্যা দেবগন্ধর্বসেবিতা।
বাতেরিতা পতাকেব বিরাজতি নভস্তলে ॥ 3-97-37 (19969)
প্রতার্যমাণা কূটেষু যথা নিম্নেষু নিত্যশঃ।
শিলাতলেষু সংত্রস্তা পন্নগেন্দ্রবধূরিব ॥ 3-97-38 (19970)
3-97-39 (19971)
দক্ষিণাং বৈ দিশং সর্বাং প্লাবয়ন্তী চ মাতৃবৎ।
পূর্বং শংভোর্জটাভ্রষ্টা সমুদ্রমহিষী প্রিয়া।
অস্যাং নদ্যাং মুপুণ্যায়াং যথেষ্টমবগাহ্যতাম্ ॥
Mahabharata - Vana Parva - Chapter Footnotes
3-97-16 ঈপ্সিতং যদিহ ব্রূহি তদ্ধি দাস্যামি তে বসু ইতি ক. পাঠঃ দিৎসিতং ময়া যুষ্মভ্যং দাতুমিষ্টম্ ॥ 3-97-31 প্রচ্যবদুদরান্নির্গতোঽভবদিত্যর্থঃ ॥ 3-97-34 যুক্তমধ্যযনেধ্যবাহনাদৌ ॥ 3-97-36 প্রাহ্লাদিঃ প্রহ্নাদগোত্রোদ্ভবঃ ॥অরণ্যপর্ব - অধ্যায় 098
॥ শ্রীঃ ॥
3.98. অধ্যায়ঃ 098
Mahabharata - Vana Parva - Chapter Topics
যুধিষ্ঠিরেণ ভৃগুতীর্থগমনম্ ॥ 1 ॥ লোমশেন যুধিষ্ঠিরংপ্রতি পরশুরামস্য দাশরথিরামেণ তেজোহরণপ্রকারকথনম্ ॥ 2 ॥ তথাপরশুরামস্য পিতৃনিদেশাদ্ভৃগুতীর্থনিমজ্জনেন পুনস্তেজোলাভকথনম্ ॥ 3 ॥Mahabharata - Vana Parva - Chapter Text
3-98-0 (19972)
[লোমশ উবাচ। 3-98-0x (2033)
যুধিষ্ঠির নিবোধেদং ত্রিষু লোকেষু বিশ্রুতম্।
ভৃগোস্তীর্থং মহারাজ মহর্ষিগণসেবিতম্ ॥ 3-98-1 (19973)
যত্রোপস্পৃষ্টবান্রামো হৃতংতেজস্তদাপ্তবান্।
অত্র ৎবংভ্রাতৃভিঃ সার্ধং কৃষ্ণয়া চৈব পাণ্ডব ॥ 3-98-2 (19974)
দুর্যোধনহৃতংতেজঃ পুনরাদাতুমর্হসি।
কৃতবৈরেণ রামেণ যথা কচোপহৃতং পুনঃ ॥ 3-98-3 (19975)
বৈশম্পায়ন উবাচ। 3-98-4x (2034)
স তত্রভ্রাতৃভিশ্চৈব কৃষ্ণয়া চৈব পাণ্ডবঃ।
স্নাৎবা দেবান্পিতৄংশ্চৈব তর্পয়ামাস ভারত ॥ 3-98-4 (19976)
তস্য তীর্থস্য রূপং বৈ দীপ্তাদ্দীপ্ততরং বভৌ।
অপ্রবৃষ্যতরশ্চাসীচ্ছাত্রবাণাং নরর্ষভ ॥ 3-98-5 (19977)
অপৃচ্ছচ্চৈব রাজেন্দ্র লোমশং পাণ্ডুনন্দনঃ।
ভগবন্কিমর্থং রামস্য হৃতমাসীদ্বপুঃ প্রভো।
কথং প্রত্যাহৃতংচৈব এতদাচক্ষ্ব পৃচ্ছতঃ ॥ 3-98-6 (19978)
লোমশ উবাচ। 3-98-7x (2035)
শৃণু রামস্য রাজেন্দ্র ভার্গবস্য চ ধীমতঃ।
জাতো দশরথস্যাসীৎপুত্রো রামো মহাত্মনঃ ॥ 3-98-7 (19979)
বিষ্ণুঃ স্বেন শরীরেণ রাবণস্য বধায় বৈ।
পশ্যামস্তময়োধ্যায়াং জাতং দাশরথিং ততঃ ॥ 3-98-8 (19980)
ঋচীকনন্দনো রাভো ভার্গবো রেণুকাসুতঃ।
তস্ দাশরথেঃ শ্রুৎবা ররামস্যাক্লিষ্টকর্মণঃ ॥ 3-98-9 (19981)
কৌতূহলান্বিতো রামস্ৎবয়োধ্যামগমৎপুনঃ।
জিজ্ঞাসমানো রামস্য বীর্যং দাশরথেস্তদা ॥ 3-98-10 (19982)
তং বৈ দশরথঃ শ্রুৎবা বিয়ান্তমুপাগতম্।
প্রেষয়ামাস রামস্য রামং পুত্রং পুরস্কৃতম্ ॥ 3-98-11 (19983)
স তমভ্যাগতং দৃষ্ট্বা উদ্যতাস্ত্রমবস্থিতম্।
প্রহসন্নিব কোন্তেয় রামো বচনমব্রবীৎ ॥ 3-98-12 (19984)
কৃতকালং হি রাজেন্দ্র ধনুরেতন্ময়া বিভো।
সমারোপয় যত্নেন যদি শক্নোষি পার্তিব ॥ 3-98-13 (19985)
ইত্যুক্তস্ৎবাহ ভগবংস্ৎবং নাধিক্ষেপ্তুমর্হসি।
নাহমপ্যধমো ধর্মে ক্ষত্রিয়াণাং দ্বিজাতিষু।
ইশ্র্বাকূণাং বিশেষেণ বাহুবীর্যে ন কত্থনম্ ॥ 3-98-14 (19986)
তমেবং বাদিনং তত্র রামো বচনমব্রবীৎ।
অলং বৈ ব্যপদেশেন ধনুরায়চ্ছ রাঘব ॥ 3-98-15 (19987)
ততো জগ্রাহ রোষেণ ক্ষত্রিয়র্ষভমূদনম্।
রামো দাশরথির্দিব্যং হস্তাদ্রামস্য কার্মুকম্ ॥ 3-98-16 (19988)
ধনুরারোপয়ামাস সলীল ইব ভারত।
জ্যাশব্দমকরোচ্চৈব স্ময়মানঃ স বীর্যবান্।
তস্য শব্দস্ ভূতানি বিত্রসন্ত্যশনেরিব ॥ 3-98-17 (19989)
অথাব্রবীত্তদা রামো রামং দাশরথিস্তদা।
ইদমারোপিতং ব্র্হমন্কিমন্যৎকরবাণি তে ॥ 3-98-18 (19990)
তস্য রামো দদৌ দিব্যং জামদগ্ন্যো মহাত্মনঃ।
শরমাকর্ণদেশান্তময়মাকৃষ্যতামিতি ॥ 3-98-19 (19991)
লোমশ উবাচ। 3-98-20x (2036)
এতচ্ছ্রুৎবাঽব্রবীদ্রামঃ প্রদীপ্ত ইব মন্যুনা।
শ্রূয়তে ক্ষম্যতে চৈব দর্পপূর্ণোসি ভার্গব ॥ 3-98-20 (19992)
ৎবয়া হ্যধিগতং তেজঃ ক্ষত্রিয়েভ্যো বিশেষতঃ।
পিতামহপ্রসাদেন তেন মাং ক্ষিপসি ধ্রুবম্।
পশ্য মাং স্বেন রূপেণ চক্ষুস্তে বিতরাম্যহম্ ॥ 3-98-21 (19993)
ততো রামশরীরে বৈ রামঃ পশ্যতি ভার্গবঃ।
আদিত্যান্সবসূন্রুদ্রান্সাধ্যাংশ্চ সমরুদ্গণান্ ॥ 3-98-22 (19994)
পিতরো হুতাশনশ্চৈব নক্ষত্রাণি গ্রহাস্তথা।
গন্ধর্বা রাক্ষসা যক্ষা নদ্যস্তীর্থানি যানি চ ॥ 3-98-23 (19995)
ঋষয়ো বালখিল্যাশ্চ ব্র্হমভূতাঃ সনাতনাঃ।
দেবর্ষয়শ্চ কার্ৎস্ন্যেন সমুদ্রাঃ পর্বতাস্তথা ॥ 3-98-24 (19996)
বেদাশ্চ সোপনিষদো বষট্কারৈঃ সহাধ্বরৈঃ।
চেতোমন্তি চ সামানি ধনুর্বেদশ্চ ভারত।
মেঘবৃন্দানি বর্ষাণি বিদ্যুতশ্চ যুধিষ্ঠির ॥ 3-98-25 (19997)
ততঃ স ভগবান্বিষ্ণুস্তং বৈ বাণং মুমোচ হ।
শুষ্কাশনিসমাকীর্ণং মহোল্কাভিশ্চ ভারত ॥ 3-98-26 (19998)
পাংসুবর্ষেণ মহতা মেঘবর্ষৈশ্চ ভূতলম্।
ভূমিকম্পৈশ্চ নির্ঘাতৈর্নাদৈশ্চ বিপুলৈরপি ॥ 3-98-27 (19999)
স রামং বিহ্বলং কৃৎবা তেজশ্চাক্ষিপ্য কেবলম্।
আগচ্ছজ্জ্বলিতো বাণো রামবাহুপ্রচোদিতঃ ॥ 3-98-28 (20000)
স তু বিহ্বলতাং গৎবা প্রতিলভ্য চ চেতনাম্।
রামঃ প্রত্যাগতপ্রাণঃ প্রাণমদ্বিষ্ণুতেজসম্ ॥ 3-98-29 (20001)
বিষ্ণুনা সোভ্যনুজ্ঞাতো মহেন্দ্রমগমৎপুনঃ।
ভীতস্তু তত্রন্যবসদ্ব্রীডিতস্তু মহাতপাঃ ॥ 3-98-30 (20002)
ততঃ সংবৎসরেঽতীতে হৃতৌজসমবস্থিতম্।
নির্মদং দুঃখিতং দৃষ্ট্বা পিতরো রামমব্রুবন্ ॥ 3-98-31 (20003)
ন বৈ সম্যগিদং পুত্র বিষ্ণুমাসাদ্য বৈকৃতম্।
স হি পূজ্যশ্চ মান্যশ্চ ত্রিষু লোকেষু সর্বদা ॥ 3-98-32 (20004)
গচ্ছ পুত্রনদীং পুণ্যাং বধূসরকৃতাহ্বয়াম্।
তত্রোপস্পৃশ্য তীর্থেষু পুনর্বপুরবাপ্স্যসি ॥ 3-98-33 (20005)
দীপ্তোদং নাম তত্তীর্থং যত্রতে প্রতিতামহঃ।
ভৃগুর্দেবয়ুগে রাম তপ্তবানুত্তমং তপঃ ॥ 3-98-34 (20006)
তত্তথা কৃতবান্রামঃ কৌন্তেয় বচনাৎপিতুঃ।
প্রাপ্তবাংশ্চ পুনস্তেজস্তীর্থেঽস্মিন্পাণ্ডুনন্দন ॥ 3-98-35 (20007)
এতদীদৃশকং তাত রামেণাক্লিষ্টকর্মণা।
প্রাপ্তমাসীন্মহারাজ বিষ্ণুমাসাদ্য বৈ পুরা ॥ 3-98-36 (20008)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি অষ্টনবতিতমোঽধ্যায়ঃ ॥ 98 ॥
Mahabharata - Vana Parva - Chapter Footnotes
3-98-2 রামো জামদগ্যঃ। হৃতং দাশরথিরমেণ ॥ 3-98-5 তস্য যুধিষ্ঠিরস্য। তীর্থস্ তীর্থে স্নাতস্য ॥ 3-98-6 বষুঃ তেজঃ ॥ 3-98-9 দাশরথেঃ। কর্মণি ষষ্ঠী ॥ 3-98-15 ব্যপদেশেন উক্ত্যা ॥ 3-98-25 চেতোমন্তি চেতনাবন্তি। আর্ষং পদৎবপ্রয়ুক্তং রুৎবম্। চেতস্বন্তীত্যপেক্ষিতম্ ॥অরণ্যপর্ব - অধ্যায় 099
॥ শ্রীঃ ॥
3.99. অধ্যায়ঃ 099
Mahabharata - Vana Parva - Chapter Topics
বৃত্রাসুরনিপীডিতশকাদিভির্ব্রহ্মবচনাদ্বজ্রনির্মাণায় দধীচংপ্রতি তচ্ছরীরাস্থিপ্রার্থনম্ ॥ 1 ॥ ৎবষ্ট্রা দধীচাস্থিভির্বজ্রায়ুধনির্মাণম্ ॥ 2 ॥Mahabharata - Vana Parva - Chapter Text
3-99-0 (20009)
যুধিষ্ঠির উবাচ। 3-99-0x (2037)
ভূয় এবাহমিচ্ছামি মহর্ষেস্তস্য ধীমতঃ।
কর্মণাং বিস্তরং শ্রোতুমগস্ত্যস্য দ্বিজাত্তম ॥ 3-99-1 (20010)
লোমশ উবাচ। 3-99-2x (2038)
শৃণু রাজন্কথাং দিব্যামদ্ভুতামতিমানুষীম্।
অগস্ত্যস্য মহারাজ প্রভাবমমিতৌজসঃ ॥ 3-99-2 (20011)
আসন্কৃতয়ুগে ঘোরা দানবা যুদ্ধদুর্মদাঃ।
কালকেয়া ইতিখ্যাতা গণাঃ পরমদারুণাঃ ॥ 3-99-3 (20012)
তে তু বৃত্রং সমাশ্রিত্য নানাপ্রহরণোদ্যতাঃ।
সমন্তাৎপর্যধাবন্ত মহেন্দ্রপ্রমুখান্সুরান্ ॥ 3-99-4 (20013)
ততো বৃত্রবধে যত্নমকুর্বংস্ত্রিদশাঃ পুরা।
পুরংদরং পুরস্কৃত্য ব্রহ্মাণমুপতস্থিরে ॥ 3-99-5 (20014)
কৃতাঞ্জলীংস্তু তান্সর্বান্পরমেষ্ঠীত্যুবাচ হ।
বিদিতং মে সুরাঃ সর্বং যদ্বঃ কার্যং চিকীর্ষিতম্ ॥ 3-99-6 (20015)
তমুপায়ং প্রবক্ষ্যামি যথা বৃত্রং বধিষ্যথ।
দধীচ ইতিবিখ্যাতো মহানৃষিরুদারধীঃ ॥ 3-99-7 (20016)
তং গৎবা সহিতাঃ সর্বেবরং বৈ সংপ্রয়াচত।
স বো দাস্যতি ধর্মাত্মা সুপ্রীতেনান্তরাত্মনা ॥ 3-99-8 (20017)
স বাচ্যঃ সহিতৈঃ সর্বৈর্ভবদ্ভির্জয়কাঙ্ক্ষিভিঃ।
স্বান্যস্থীনি প্রয়চ্ছেতি ত্রৈলোক্যস্ হিতায় বৈ ॥ 3-99-9 (20018)
স শরীরং সমুৎসৃজ্য স্বান্যস্থীনি প্রদাস্যতি।
তস্যাস্থিভির্মহাঘোরং বজ্রং সংস্ক্রিয়তাং দৃঢম্ ॥ 3-99-10 (20019)
মহচ্ছত্রুহণং ঘোরং ষ়ডশ্চং ভীমনিঃস্বনম্।
তেন বজ্রেণ বৈ বৃত্রং বধিষ্যতি শতক্রতুঃ ॥ 3-99-11 (20020)
এতদ্বঃ সর্বমাখ্যাতং তস্মাচ্ছীঘ্রং বিধীয়তাম্।
এবমুক্তাস্ততো দেবা অনুজ্ঞাপ্য পিতামহম্ ॥ 3-99-12 (20021)
নারায়ণং পুরস্কৃত্য দধীচস্যাশ্রমং যয়ুঃ।
সরস্বত্যাঃ পরে পারে নানাদ্রুমলতাবৃতম্ ॥ 3-99-13 (20022)
ষট্পদোদ্গীতনিনদৈর্বিঘুষ্টং সামগৈরিব।
পুংস্কোকিলরবোন্মিশ্রং জীবংজীবকনাদিতম্ ॥ 3-99-14 (20023)
মহিষৈশ্চ বরাহৈশ্চ সৃমরৈশ্চমরৈরপি।
তত্র তত্রানুচরিতং শার্দূলভয়বর্জিতৈঃ ॥ 3-99-15 (20024)
করেণুভির্বারণৈশ্চ প্রভিন্নকরটামুখৈঃ।
সরোবগাঢৈঃ ক্রীডদ্ভিঃ সমন্তাদনুনাদিতম্ ॥ 3-99-16 (20025)
সিংহব্যাঘ্রৈর্মহানাদান্নদদ্ভিরনুনাদিতম্।
অপরৈশ্চাপি সংলীনৈর্গুহাকন্দরশায়িভিঃ ॥ 3-99-17 (20026)
তেষু তেষ্ববকাশেষু শোভিতং সুমনোরমম্।
ত্রিবিষ্টপসমপ্রখ্যং দধীচাশ্রমমাগমন্ ॥ 3-99-18 (20027)
তত্রাপশ্যন্দধীচং তে দিবাকরসমদ্যুতিম্।
জাজ্বল্যমানং বপুষা যথা সাক্ষাৎপিতামহম্ ॥ 3-99-19 (20028)
তস্য পাদৌ সুরা রাজন্নভিবাদ্য প্রণম্য চ।
অয়াচন্ত বরং সর্বে যথোক্তং পরমেষ্ঠিনা ॥ 3-99-20 (20029)
ততো দধীচঃ পরমপ্রতীতঃ
সুরোত্তমাংস্তানিদমভ্যুবাচ।
করোমি যদ্বো হিতমদ্য দেবাঃ
স্বং চাপি দেহংস্বয়মুৎসৃজামি ॥ 3-99-21 (20030)
স এবমুক্ৎবা দ্বিপদাংবরিষ্ঠঃ
প্রাণান্বশী স্বান্সহসোৎসসর্জ।
ততঃ সুরাস্তে জগৃহুঃ পরাসো-
রস্থীনি তস্যাথ যথোপদেশম্ ॥ 3-99-22 (20031)
প্রহৃষ্টরূপাশ্চ জয়ায় দেবা-
স্ৎবষ্টারমাগম্ তমর্থমূচুঃ।
ৎবষ্টা তু তেষাং বচনং নিশম্য
প্রহৃষ্টরূপঃ প্রয়তঃ প্রয়ত্নাৎ ॥ 3-99-23 (20032)
চকার বজ্রং ভৃশমুগ্ররূপং
কৃৎবা চ শক্রং স উবাচ হৃষ্টঃ।
অনেন বজ্রপ্রবরেণ দেব
ভস্মীকুরুষ্বাদ্য সুরারিমুগ্রম্ ॥ 3-99-24 (20033)
ততো হতারিঃ সগণঃ সুখং বৈ
প্রশাধিকৃৎস্নং ত্রিদিবং দিবিষ্ঠঃ।
ৎবষ্ট্রা তথোক্তস্তু পুরংদরস্ত-
দ্বজ্রং প্রহৃষ্টঃ প্রয়তো হ্যগৃহ্নাৎ ॥ 3-99-25 (20034)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একোনশততমোঽধ্যায়ঃ ॥ 99 ॥
Mahabharata - Vana Parva - Chapter Footnotes
3-99-3 কালেয়া ইতি বিখ্যাতা ইতি ক. পাটঃ ॥ 3-99-8 সবো দাস্যতি ঈপ্সিতমিতি শেষঃ .। 3-99-11 ষডশ্রং ষট্রকোণম্ ॥ 3-99-16 করেণুভির্হস্তিনীভিঃ প্রভিন্নং মদস্রাবিকরটামদোদ্ভেদস্থানং গণ্ডস্থলৈকদেশস্তস্য মুখমুপরিভাগো তেষা তৈঃ ॥ 3-99-18 ত্রিবিষ্টপসমপ্রখ্য স্বর্গতুল্যপ্রকাশম্ ॥ 3-99-22 পরাসোঃ গতপ্রাণস্য ॥অরণ্যপর্ব - অধ্যায় 100
॥ শ্রীঃ ॥
3.100. অধ্যায়ঃ 100
Mahabharata - Vana Parva - Chapter Topics
ইন্দ্রেণ বৃত্রহননম্ ॥ 1 ॥ ততো দেবগণাভিপীডনাৎসমুদ্রং প্রবিষ্টৈদৈত্যৈর্জগদ্বিনাশনাধ্যবসায়ঃ ॥ 2 ॥Mahabharata - Vana Parva - Chapter Text
3-100-0 (20035)
লোমশ উবাচ। 3-100-0x (2039)
ততঃ স বজ্রী বলভিদ্দৈবতৈরভিরক্ষিতঃ।
আসসাদ ততো বৃত্রং স্থিতমাবৃত্য রোদসী ॥ 3-100-1 (20036)
কালকেয়ৈর্মহাকায়ৈ সমন্তাদভিরক্ষিতম্।
সমুদ্যতপ্রহরণৈঃ সশৃঙ্গৈরিব পর্বতৈঃ ॥ 3-100-2 (20037)
ততো যুদ্ধং সমভবদ্দেবানাং দানবৈঃ সহ।
মুহূর্তং ভরতশ্রেষ্ঠ লোকত্রাসকরং মহৎ ॥ 3-100-3 (20038)
উদ্যতপ্রতিবিদ্ধানাং স্বঙ্গানাং বীরবাহুভিঃ।
আসীৎসুতুমুঃ শব্দঃ শরীরেষ্বভিপাত্যতাম্ ॥ 3-100-4 (20039)
শিরোভিঃ প্রপতদ্ভিশ্চাপ্যন্তরিক্ষান্মহীতলম্।
তালৈরিব মহারাজ বৃন্তাদ্ভ্রষ্টৈরদৃশ্যত ॥ 3-100-5 (20040)
তে হেমকবচা ভূৎবা কালেয়াঃ পরিঘায়ুধাঃ।
ত্রিদশানভ্যবর্তন্ত দাবদগ্ধা ইবাদ্রয়ঃ ॥ 3-100-6 (20041)
তেষাং বেগবতাং বেগং সহিতানাং প্রধাবতাম্।
ন শেকুস্ত্রিদশাঃ সোঢুং তে ভগ্নাঃ প্রাদ্রবন্ভয়াৎ ॥ 3-100-7 (20042)
তান্দৃষ্ট্বা দ্রবতো ভীতান্সহস্রাক্ষঃ পুরংদরঃ।
বৃত্রে বিবর্ধমানে চ কশ্মলং মহদাবিশৎ ॥ 3-100-8 (20043)
তং শক্তং কশ্মলাবিষ্টং দৃষ্ট্বা বিষ্ণুঃ সনাতনঃ।
জগাম শরণং শীঘ্রং তং তু নারায়ণং প্রভুম্ ॥ 3-100-9 (20044)
তং শক্রং কশ্মলাবিষ্টং দৃষ্ট্বা বিষ্ণুঃ সনাতনঃ।
স্বতেজো ব্যদধচ্ছক্রে বলমস্য বিবর্ধয়ন্ ॥ 3-100-10 (20045)
বিষ্ণুনা গোপিতং শক্রং দৃষ্ট্বাদেবগণাস্ততঃ।
স্বং স্বংতেজঃ সমাদধ্যুস্তথা ব্রহ্মর্ষয়োঽমলাঃ ॥ 3-100-11 (20046)
স সমাপ্যায়িতঃ শক্রো বিষ্ণুনা দৈবতৈঃ সহ।
ঋষিভিশ্চ মহাভাগৈর্বলবান্সমপদ্যত ॥ 3-100-12 (20047)
জ্ঞাৎবা বলস্থং ত্রিদশাধিপং তু
ননাদ বৃত্রো মহতো নিনাদান্।
তস্ প্রণাদেন ধরা দিশশ্চ
খং দ্যৌর্নগাশ্চাপি চচাল সর্বম্ ॥ 3-100-13 (20048)
ততো মহেন্দ্রঃ পরমাভিতপ্তঃ
শ্রুৎবা রবং ঘোররূপং মহান্তম্।
ভয়ে নিমগ্নস্ৎবরিতো মুমোচ
বজ্রং মহত্তস্য বধায় রাজন্ ॥ 3-100-14 (20049)
স চক্রবজ্রাভিহতঃ পপাত
মহাসুরঃ কাঞ্চনমাল্যধারী।
যথা মহাশৈলবরঃ পুরস্তা-
ৎস মন্দরো বিষ্ণুকরাদ্বিমুক্তঃ ॥ 3-100-15 (20050)
তস্মিন্হতে দৈত্যবরে ভয়ার্তঃ
শক্রঃ প্রদুদ্রাব সরঃ প্রবেষ্টুম্।
বজ্রং ন মেনে স্বকরাদ্বিমুক্তং
বৃত্রং ভয়াচ্চাপি হতং ন মেনে ॥ 3-100-16 (20051)
সর্বে চ দেবা মুদিতাঃ প্রহৃষ্টা
মহর্ষয়শ্চন্দ্রমভিষ্টুবন্তঃ।
`বৃত্রং হতং সংদদৃশুঃ পৃথিব্যাং
বজ্রাহতং শৈলমিবাবদীর্ণম্ ॥ 3-100-17 (20052)
সর্বাংশ্চ দৈত্যাংস্ৎবরিতাঃ সমেত্য
জঘ্নুঃ সুরা বৃত্রবধাভিতপ্তান্।
তে বধ্যমানাস্ত্রিদশৈঃ সমেতৈঃ
সমুদ্রমেবাবিবিশুর্ভয়ার্তাঃ ॥ 3-100-18 (20053)
প্রবিশ্য চৈবোদধিমপ্রমেয়ং
ঝষাকুলং নক্রসমাকুলং চ।
তদা স্ম মন্ত্রং সহিতাঃ প্রচক্রু-
স্ত্রৈলোক্যনাশার্থমভিপ্রয়ত্নাৎ ॥ 3-100-19 (20054)
তত্রস্ম কেচিন্মতিনিশ্চয়জ্ঞা-
স্তাংস্তানুপয়ানুপবর্ণয়ন্তি।
তেষাং তু তত্রক্রমকালয়োগা-
দ্ধোরা মতিশ্চিন্তয়তাং বভূব ॥ 3-100-20 (20055)
যে সন্তি বিদ্যাতপসোপপন্না-
স্তেষাং বিনাশঃ প্রথমং তু কার্যঃ।
লোকা হি সর্বে তপসা ধ্রিয়ন্তে
তস্মাত্ৎবরধ্বং তপসঃ ক্ষয়ায় ॥ 3-100-21 (20056)
যেসন্তি কেচিচ্চ বসুংধরায়াং
তপস্বিনো ধর্মবিদশ্ তজ্জ্ঞাঃ।
তেষাং বধঃ ক্রিয়তাং ক্ষিপ্রমেব
তেষু প্রনষ্টেষু জগৎপ্রনষ্টম্ ॥ 3-100-22 (20057)
এবং হি সর্বে গতবুদ্ধিভাবা
জগদ্বিনাশে পরমপ্রহৃষ্টাঃ।
দুর্গং সমাশ্রিত্য মহোর্মিমন্তং
রত্নাকরং বরুণস্যালয়ং স্ম ॥ 3-100-23 (20058)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি শততমোঽধ্যায়ঃ ॥ 100 ॥
Mahabharata - Vana Parva - Chapter Footnotes
3-100-1 রোদসী দ্যাবাপৃথিব্যৌ ॥ 3-100-5 তালৈস্তালফলৈঃ ॥ 3-100-10 ব্যদধৎ নিহিতবান্ ॥ 3-100-13 বলস্থং বলবন্তম্ ॥ 3-100-16 হতমপি বৃত্রং ভয়াৎ ন হতমিব মেনে ॥ 3-100-21 ধ্রিয়ন্তে জীবন্তি ॥ 3-100-23 বৃদ্ধিভাবাঃ প্রাপ্তধীনিশ্চয়াঃ। বরুণস্যালয়ং সমুদ্রম্ ॥অরণ্যপর্ব - অধ্যায় 101
॥ শ্রীঃ ॥
3.101. অধ্যায়ঃ 101
Mahabharata - Vana Parva - Chapter Topics
সমুদ্রান্তর্হিতৈর্দৈত্যৈ রাত্রৌরাত্রৌ বহির্নির্গত্যাশ্রমেষু ঋষিগণেষু নিহতেষু দেবগণৈর্নারায়ণস্য শরণীকরণম্ ॥ 1 ॥Mahabharata - Vana Parva - Chapter Text
3-101-0 (20059)
লোমশ উবাচ। 3-101-0x (2040)
সমুদ্রং তে সমাশ্রিত্য বরুণং নিধমম্ভসঃ।
কালেয়াঃ সংপ্রবর্তন্ত ত্রৈলোক্যস্য বিনাশনে ॥ 3-101-1 (20060)
তে রাত্রৌ সমভিক্রুদ্ধা ভক্ষয়ন্তি সদা মুনীন্।
আশ্রমেষু চ যে সন্তি পুণ্যেষ্বায়তনেষু চ ॥ 3-101-2 (20061)
বসিষ্ঠস্যাশ্রমে বিপ্রা ভক্ষিতাস্তৈর্দুরাত্মভিঃ।
অশীতিঃ শতমষ্টৌ চ নব চান্যে তপস্বিনঃ ॥ 3-101-3 (20062)
চ্যবনস্যাশ্রমং গৎবা পুণ্যং দ্বিজনিষেবিতম্।
ফলমূলাশনানাং হি মুনীনাং ভক্ষিতং শতম্ ॥ 3-101-4 (20063)
এবং রাত্রৌ স্ম কুর্বন্তি বিবিশুশ্চার্ণবং দিবা।
`কালেয়াস্তে দুরাত্মানো ভক্ষয়ন্তস্তপোধনান্' ॥ 3-101-5 (20064)
ভরদ্বাজাশ্রমে চৈব নিয়তা ব্র্হমচারিণঃ।
বায়্বাহারাম্বুভক্ষাশ্চ বিংশতিঃ সংনিষূদিতাঃ ॥ 3-101-6 (20065)
এবং ক্রমেণ সর্বাংস্তানাশ্রমান্দানবাস্তদা।
নিশায়াং পরিবাধন্তে সমুদ্রাম্বুবলাশ্রয়াৎ।
কালোপসৃষ্টাঃ কালেয়া ঘ্নন্তো দ্বিজগণান্বহূন্ ॥ 3-101-7 (20066)
ন চৈনানন্ববুধ্যন্ত মনুজা মনুজোত্তম।
এবং প্রবৃত্তান্দৈত্যাংস্তাংস্তাপসেষু তপস্বিষু ॥ 3-101-8 (20067)
`ক্ষয়ায় জগতঃ ক্রূরাঃ পর্যটন্তি স্ম মেদিনীম্ ॥ 3-101-9 (20068)
প্রভাতে সমদৃশ্যন্ত নিয়তাহারকর্শিতাঃ।
মহীতলস্থা মুনয়ঃ শরীরৈর্গতজীবিতৈঃ ॥ 3-101-10 (20069)
ক্ষীণমাংসৈর্বিরুধিরৈর্বিমজ্জান্ত্রৈর্বিসন্ধিভিঃ।
আকীর্ণৈরাচিতা ভূমিঃ শঙ্খানামিব রাশিভিঃ ॥ 3-101-11 (20070)
লশৈর্বিপ্রবিদ্ধৈশ্চ স্রুবৈর্ভগ্নৈস্তথৈব চ।
বিকীর্ণৈরগ্নিহোত্রৈশ্চ ভূর্বভূব সমাবৃতা ॥ 3-101-12 (20071)
নিঃস্বাধ্যায়বপট্কারং নষ্টয়জ্ঞোৎসবক্রিয়ম্।
জগদাসীন্নিরুৎসাহং কালেয়ভয়পীডিতম্ ॥ 3-101-13 (20072)
এবং সংক্ষীয়মাণাশ্চ মানবা মনুজেশ্বর।
আত্মত্রাণপপা ভীতাঃ প্রাদ্রবন্ত দিশো ভয়াৎ ॥ 3-101-14 (20073)
কেচিদ্গুহাঃ প্রবিবিশুর্নির্ভরাংশ্চাপরে শ্রিতাঃ।
অপরে মরণোদ্বিগ্না ভয়াৎপ্রাণান্সমুৎসৃজন্ ॥ 3-101-15 (20074)
কেচিদত্রমহেষ্বাসাঃ শূরাঃ পরমহর্ষিতাঃ।
মার্গমাণআঃ পরং যত্নং দানবানাং প্রচক্রিরে ॥ 3-101-16 (20075)
ন চৈতানধিজগ্মুস্তে সমুদ্রং সমুপাশ্রিতান্।
শ্রমং জগ্মুশ্চ পরমমাজগ্মুঃ ক্ষয়মেব চ ॥ 3-101-17 (20076)
জগত্যুপশমং যাতে নষ্টয়জ্ঞোৎসবক্রিয়ে।
আজগ্মুঃ পরমামার্তিং ত্রিদশা মনুজেশ্বর ॥ 3-101-18 (20077)
সমেত্য সমহেন্দ্রাশ্চ ভয়ান্মন্ত্রং প্রচক্রিরে ॥ 3-101-19 (20078)
শরণ্যং শরণং দেবং নারায়ণমজং বিভুম্।
তেঽভিগম্য নমস্কৃত্য বৈকুণ্ঠমপরাজিতম্।
ততো দেবাঃ সমস্তাস্তে তদোচুর্মধুসূদনম্ ॥ 3-101-20 (20079)
ৎবংনঃ স্রষ্টা চ ভর্তা চ হর্তা চ জগতঃ প্রভো।
ৎবয়া সৃষ্টমিদং বিশ্বং যচ্চেঙ্গং যচ্চ নেঙ্গতি।
`ৎবয়্যেব পুণ্ডরীকাক্ষ পুনস্তৎপ্রবিলীয়তে' ॥ 3-101-21 (20080)
ৎবয়া ভূমিঃ পুরা নষ্টা সমুদ্রাৎপুষ্করেক্ষণ।
বারাহং বপুরাশ্রিত্যজগদর্থে সমুদ্ধৃতা ॥ 3-101-22 (20081)
আদিদৈত্যো মহাবীর্যো হিরণ্যকশিপুঃ পুরা।
নারসিংহং বপুঃ কৃৎবা সূদিতঃ পুরুষোত্তম ॥ 3-101-23 (20082)
অবধ্যঃ সর্বভূতানাং বলিশ্চাপি মহাসুরঃ।
বামনং বপুরাশ্রিত্য ত্রৈলোক্যাদ্ধংশিতস্ৎবয়া ॥ 3-101-24 (20083)
অসুরশ্চ মহেষ্বাসো জম্ভ ইত্যভিবিশ্রুতঃ।
যজ্ঞক্ষোভকরঃ ক্রূরস্ৎবয়ৈব বিনিপাতিতঃ ॥ 3-101-25 (20084)
এবমাদীনি কর্মাণি যেষাং সংখ্যা ন বিদ্যতে।
অস্মাকং ভয়ভীতানাং ৎবং গতির্মধুসূদন ॥ 3-101-26 (20085)
তস্মাত্ৎবাং দেবদেবেশ লোকার্থং জ্ঞাপয়ামহে।
রক্ষ লোকাংশ্চ দেবাংশ্চ শক্রং চ মহতো ভয়াৎ।
`শরণাগতসংত্রাণে ৎবমেকোঽসি দৃঢব্রতঃ' ॥ 3-101-27 (20086)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একাধিকশততমোঽধ্যায়ঃ ॥ 101 ॥
Mahabharata - Vana Parva - Chapter Footnotes
3-101-1 ---নিশ্চিত্যৈবমসুরা বজ্রসংহারদুঃখিতা ইতি ক. পাঠঃ. ---- কালায়াঃ কশ্যপভার্যায়াঃ পুত্রাঃ ॥ 1 ॥ 3-101-7 সৃষ্টাঃ মৃত্যুনা গ্রস্তাঃ ॥ 3-101-16 দানবানাং বধায়েতি শেষঃ ॥ 3-101-21 ইঙ্গতি চলতীতি ইঙ্গং পচাদ্যচ্ জঙ্গমম্। নেঙ্গতি স্থাবরম্ ॥অরণ্যপর্ব - অধ্যায় 102
॥ শ্রীঃ ॥
3.102. অধ্যায়ঃ 102
Mahabharata - Vana Parva - Chapter Topics
বিষ্ণুনা সমুদ্রান্তর্হিতদৈত্যনিধনে সমুদ্রশোপণস্যোপায়ৎবং জ্ঞাপিতৈর্দেবৈর্ব্রহ্মলোকগমনম্ ॥ 1 ॥ ব্রহ্মচোদনয়া দেবৈরগস্ত্যমেত্য সাগরশোষণপ্রার্থনম্ ॥ 2 ॥Mahabharata - Vana Parva - Chapter Text
3-102-0 (20087)
দেবা ঊচুঃ। 3-102-0x (2041)
তব প্রসাদাদ্বর্ধন্তে প্রজাঃ সর্বাশ্চতুর্বিধাঃ।
তা ভাবিতা ভাবয়নতি হব্যকব্যৈর্দিবৌকসঃ ॥ 3-102-1 (20088)
লোকা হ্যেবং বিবর্ধন্তে হ্যন্যোন্যং সমুপাশ্রিতাঃ।
ৎবৎপ্রসাদান্নিরুদ্বিগ্নাস্ৎবয়ৈব পরিরক্ষিতাঃ ॥ 3-102-2 (20089)
ইদং চ সমনুপ্রাপ্তং লোকানাং ভয়মুত্তমম্।
ন চ জানীম কেনেতি রাত্রৌ বধ্যন্তি ব্রাহ্মণাঃ ॥ 3-102-3 (20090)
ক্ষীণেষু চ ব্রাহ্মণেষু পৃথিবী ক্ষয়মেষ্যতি।
তত পৃথিব্যাং ক্ষীণায়াং ত্রিদিবং ক্ষয়মেষ্যতি ॥ 3-102-4 (20091)
ৎবৎপ্রসাদান্মহাবাহো লোকাঃ সর্বে জগৎপতে।
বিনাশং নাধিগচ্ছেয়ুস্ৎবয়া বৈ পরিরক্ষিতাঃ ॥ 3-102-5 (20092)
বিষ্ণুরুবাচ। 3-102-6x (2042)
বিদিতং মে সুরাঃ সর্বং প্রজানাং ক্ষয়কারণম্।
ভবতাং চাপি বক্ষ্যামি শৃণুধ্বং বিগতজ্বরাঃ ॥ 3-102-6 (20093)
কালেয়া ইতি বিখ্যাতা গণাঃ পরমদারুণাঃ।
তৈশ্চ বৃত্রং সমাশ্রিত্য জগৎসর্বং প্রমাথিতম্ ॥ 3-102-7 (20094)
তে বৃত্রং নিহতং দৃষ্ট্বা সহস্রাক্ষেণ ধীমতা।
জীবিতং পরিরক্ষন্তঃ প্রবিষ্টা বরুণালয়ম্ ॥ 3-102-8 (20095)
তে প্রবিশ্যোদধিং ঘোরং নক্রগ্রাহসমাকুলম্।
উৎসাদার্থং লোকানাং রাত্রৌ ঘ্নন্তি ঋষীনিহ ॥ 3-102-9 (20096)
ন তু শক্যাঃ ক্ষয়ং নেতুং সমুদ্রাশ্রয়িণো হি তে।
সমুদ্রস্য ক্ষয়ে বুদ্ধির্ভবদ্ভিঃ সংপ্রধার্যতাম্ ॥ 3-102-10 (20097)
`এতচ্ছ্রুৎবা বচো দেবা বিষ্ণুনা সমুদীরিতম্।
বিষ্ণুমেব পুরস্কৃত্যব্রহ্মাণং সমুপস্থিতাঃ ॥ 3-102-11 (20098)
ততস্তে প্রণতা ভূৎবা তমেবার্ধং ন্যবেদয়ন্।
সর্বলোকবিনাশার্থং কালেয়া কৃতনিশ্চয়াঃ ॥ 3-102-12 (20099)
এষাং তদ্বচনং শ্রুৎবা পদ্ময়োনিঃ সনাতনঃ।
উবাচ পরমপ্রীতস্ত্রিদশানর্থবদ্বচঃ ॥ 3-102-13 (20100)
বিদিতং মে সুরাঃ সর্বে দানবানাং বিবেষ্টিতম্।
মনুষ্যাদেশ্চ নিধনং কালেয়ৈঃ কালচোদিতৈঃ ॥ 3-102-14 (20101)
ক্ষয়স্তেপামনুপ্রাপ্তঃ কালেনোপহতাশ্চ যে।
উপায়ং সংপ্রবক্ষ্যামি সমুদ্রস্য বিশোষণে ॥ 3-102-15 (20102)
অগস্ত্য ইতিবিগ্ব্যাতো বারুণিঃ সুসমাহিতঃ।
তমুপাগম্য সহিতা ইমমর্থং প্রয়াচত ॥ 3-102-16 (20103)
স হি শক্তো মহাতেজাঃ ক্ষণাৎপাতুং মহোদধিম্'।
অগস্ত্যেন বিনা কো হি শক্তোঽন্যোঽর্ণবশোপণে ॥ 3-102-17 (20104)
অন্যথা হি ন শক্যাস্তে বিনা সাগরশোপণম্।
সমুদ্রে চ ক্ষয়ং নীতে কালেয়ান্নিহনিষ্যথ ॥ 3-102-18 (20105)
এবং শ্রুৎবা বচো দেবা ব্রহ্মণঃ পরমেষ্ঠিনঃ।
পরমেষ্ঠিনমাজ্ঞাপ্যঅগস্ত্যস্যাশ্রমং যয়ুঃ ॥ 3-102-19 (20106)
তত্রাপশ্যন্মহাত্মানং বারুণিং দীপ্ততেজসম্।
উপাস্যমানমৃপিভির্দেবৈরিব পিতামহম্ ॥ 3-102-20 (20107)
তেঽভিগম্য মহাত্মানং মৈত্রাবরুণিমচ্যুতম্।
আশ্রমশ্থং তপোরাশিং কর্মভিঃ স্বৈস্তু তুষ্টুবুঃ ॥ 3-102-21 (20108)
দেবা ঊচুঃ। 3-102-22x (2043)
নহুপেণাভিতপ্তানাং ৎবং লোকানাং গতিঃ পুরা।
ভ্রংশিতশ্চ সুরৈশ্বর্যাল্লোকার্থং লোককণ্টকঃ ॥ 3-102-22 (20109)
ক্রোধাৎপ্রবৃদ্ধস্তরণং ভাস্করস্য নভোগতঃ।
বচস্তবানতিক্রামন্বিন্ধ্যঃ শৈলো ন বর্ধতে ॥ 3-102-23 (20110)
তমসা চাবৃতেলোকে মৃত্যুনাঽভ্যর্দিতাঃ প্রজাঃ।
ৎবামেব নাথমাসাদ্য নির্বৃতিং পরমাং গতাঃ ॥ 3-102-24 (20111)
অস্মাকং ভয়ভীতানাং নিত্যশো ভগবান্গতিঃ।
ততস্ৎবার্তাঃ প্রয়াচামো বরং ৎবাং বরদো হ্যসি ॥ 3-102-25 (20112)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি দ্ব্যধিকশততমোঽধ্যায়ঃ ॥ 102 ॥
Mahabharata - Vana Parva - Chapter Footnotes
3-102-1 চতুর্বিধাঃ সুরনরতির্যক্স্থাবরাঃ। দিবৌকসঃ দেবান্ ॥ 3-102-20 বারুণিং মৈত্রাবরুণপুত্রম্ ॥ 3-102-23 কোধাৎপ্রবৃদ্ধস্তরসা ভাস্করস্য নগোতম ইতি ঝ. পাঠঃ ॥অরণ্যপর্ব - অধ্যায় 103
॥ শ্রীঃ ॥
3.103. অধ্যায়ঃ 103
Mahabharata - Vana Parva - Chapter Topics
লোমশেন যুধিষ্ঠিরংপ্রতি বিন্ধ্যগিরেরিবৃদ্ধেরগস্ত্যেন তন্নিরোধস্ চ হেতুকথনম্ ॥ 1 ॥ দেবৈঃ সমুদ্রশোষণং প্রার্থিতেনাগস্ত্যেন তৈঃসহ সমুদ্রংপ্রতি গমনম্ ॥ 2 ॥Mahabharata - Vana Parva - Chapter Text
3-103-0 (20113)
যুধিষ্ঠির উবাচ। 3-103-0x (2044)
কিমর্থং সহসা বিন্ধ্যঃ প্রবৃদ্ধঃ ক্রোধমূর্চ্ছিতঃ।
এতদিচ্ছাম্যহং শ্রোতুং বিস্তরেণ মহামুনে ॥ 3-103-1 (20114)
লোমশ উবাচ। 3-103-2x (2045)
অদ্রিরাজং মহাঘোরং রমেরুং কনকপর্বতম্।
উদয়াস্তমনে ভানুঃ প্রদক্ষিণমবর্তত ॥ 3-103-2 (20115)
তং তু দৃষ্ট্বা তথা বিন্ধ্য শৈলঃ সূর্যমথাব্রবীৎ।
যথা হি মেরুর্ভবতা নিত্যশঃ পরিগম্যতে ॥ 3-103-3 (20116)
প্রদক্ষিণশ্চ ক্রিয়তে মামেবং করু ভাস্কর।
এবমুক্তস্ততঃ সূর্যঃ শৈলেন্দ্রং প্রত্যভাপত ॥ 3-103-4 (20117)
নাহমাত্মেচ্ছয়া শৈল করোম্যেনং প্রদক্ষিণম্।
এষ মার্গঃ প্রদিষ্টো মে যেনেদং নির্মিতং জগৎ ॥ 3-103-5 (20118)
এবমুক্তস্ততঃ ক্রোধাৎপ্রবৃদ্ধঃ সহসাঽচলঃ।
সূর্যাচন্দ্রমসোর্মার্গং রোদ্ধুমিচ্ছন্পরংতপ ॥ 3-103-6 (20119)
ততো দেবাঃ সহিতাঃ সর্ব এব।
সেন্দ্রাঃ সমাগম্য মহাদ্রিরাজম্।
নিবারয়ামাসুরুপায়তস্তং
ন চ স্ম তেষাং বচনং চকার ॥ 3-103-7 (20120)
অথাভিজগ্মুর্মুনিমাশ্রমস্থং
তপস্বিনং ধর্মভৃতাং বরিষ্ঠম্।
অগস্ত্যমত্যদ্ভুতবীর্যদীপ্তং
তং চার্থমূচুঃ সহিতাঃ সুরাস্তে ॥ 3-103-8 (20121)
সূর্যাচন্দর্মসোর্মার্গং নক্ষত্রাণাং গতিং তথা।
শৈলরাজো বৃণোত্যেপ বিন্ধ্যঃ ক্রোধবশানুগঃ ॥ 3-103-9 (20122)
তং নিবারয়িতুং শক্তো নান্যঃ কশ্চিদ্দ্বিজোত্তম।
ঋতে ৎবাং হি মহাভাগ তস্মাদেনং নিবারয় ॥ 3-103-10 (20123)
তচ্ছ্রুৎবা বচনং বিপ্রঃ সুরাণাং শৈলমভ্যগাৎ।
সোভিগম্যাব্রবীদ্বিন্ধ্যং সদারঃ সমুপস্থিতঃ ॥ 3-103-11 (20124)
মার্গমিচ্ছাম্যহং দত্তং ভবতা পর্বতোত্তম।
দক্ষিণামভিগন্তাস্মি দিশে কার্যেণ কেনচিৎ ॥ 3-103-12 (20125)
যাবদাগমনং মহ্যং তাবত্ৎবং প্রতিপালয়।
নিবৃত্তে ময়ি শৈলেন্দ্র ততো বর্ধস্ব কামতঃ ॥ 3-103-13 (20126)
এবং স সময়ং কৃৎবাবিন্ধ্যেনামিত্রকর্শন।
অদ্যাপি দক্ষিণাদ্দেশাদ্বারুণির্ন নিবর্ততে ॥ 3-103-14 (20127)
বিন্ধ্যোঽপিতদ্ভয়াদ্রাজন্কুঞ্চিতাঙ্গো ন বর্ধতে।
অগস্ত্যস্য প্রভাবেণ যন্মাং ৎবং পরিপৃচ্ছসি ॥ 3-103-15 (20128)
কালেয়াস্তু যথা রাজন্সুরৈঃ সর্বৈর্নিষূদিতাঃ।
অগস্ত্যাদ্বরমাসাদ্য তন্মে নিগদতঃ শৃণু ॥ 3-103-16 (20129)
ত্রিদশানাং বচঃ শ্রুৎবা মৈত্রাবরুণিরব্রবীৎ।
কিমর্থমভিয়াতা স্থ বরং মত্তঃ কমিচ্ছথ ॥ 3-103-17 (20130)
এবমুক্তাস্ততস্তেন দেবতা মুনিমব্রুবন্।
`সর্বে প্রাঞ্জলয়ো ভূৎবা পুরন্দরপুরোগমাঃ' ॥ 3-103-18 (20131)
এবং ৎবয়োচ্ছাম কৃতং হি কার্যং
মহার্ণবং পীয়মানং মহাত্মন্।
ততো বধিষ্যাম সহানুবন্ধা-
ন্কালোপসৃষ্টান্সুরবিদ্বিষস্তান্ ॥ 3-103-19 (20132)
ত্রিদশানাং বচঃ শ্রুৎবা তথেতি মুনিরব্রবীৎ।
করিষ্যে ভবতাং কামং লোকানাং চ মহৎসুখম্ ॥ 3-103-20 (20133)
এবমুক্ৎবা ততোঽগচ্ছৎসমুদ্রং সরিতাংপতিম্।
ঋষিভিশ্চ তপঃসিদ্ধৈ সার্ধং দেবৈশ্চ সুব্রত ॥ 3-103-21 (20134)
মনুষ্যোরগগন্ধর্বয়ক্ষকিংপুরুষাস্তথা।
অনুজগ্মুর্মহাত্মানং দ্রষ্টুকানাস্তদদ্ভুতম্ ॥ 3-103-22 (20135)
ততোঽভ্যগচ্ছন্সহিতাঃ সমুদ্রং ভীমনিঃখনম্।
নৃত্যন্তমিব চোর্মীভির্বল্গন্তমিব বায়ুনা ॥ 3-103-23 (20136)
হসন্তমিব ফেনৌঘৈঃ স্খলন্তং কন্দরেষু চ।
তানাগ্রাহসমাকীর্ণং নানাদ্বিজগণান্বিতম্ ॥ 3-103-24 (20137)
অগস্ত্যসহিতা দেবাঃ সগন্ধর্বমহারগাঃ।
ঋষয়শ্চ মহাভাগাঃ সমাসেদুর্মহোদধিম্ ॥ 3-103-25 (20138)
ইতি শ্রীমন্মহাভারতে অরণ্যপর্বণি তীর্তয়াত্রাপর্বণি ত্র্যধিকশততমোঽধ্যায়ঃ ॥ 103 ॥
অরণ্যপর্ব - অধ্যায় 104
॥ শ্রীঃ ॥
3.104. অধ্যায়ঃ 104
Mahabharata - Vana Parva - Chapter Topics
অগস্ত্যেন সমুদ্রসলিলে নিপীতে দেবৈর্দৈত্যহননম্ ॥ 1 ॥ দেবৈঃ পুনরর্ণবপূরণায় পীতোদকোৎসর্জনং প্রারিথিতেনাগস্ত্যেন তস্ স্বেন জীর্ণীকরণোক্তৌ তদর্থং ব্রহ্মাণংপ্রতি প্রার্থনম্ ॥ 2 ॥Mahabharata - Vana Parva - Chapter Text
3-104-0 (20139)
লোমশ উবাচ। 3-104-0x (2046)
সমুদ্রং স সমাসাদ্য বারুণির্ভগবানৃষিঃ।
উবাচ সহিতান্দেবানৃষীংশ্চৈব সমাগতান্ ॥ 3-104-1 (20140)
এষ লোকহিতার্থং বৈ পিবামি বরুণালয়ম্।
ভবদ্ভির্যদনুষ্ঠেয়ং তচ্ছীঘ্রং সংবিধীয়তাম্ ॥ 3-104-2 (20141)
এতাবদুক্ৎবা বচনং মৈত্রাবরুণিরচ্যুতঃ।
সমুদ্রমপিবৎক্রুদ্ধঃ সর্বলোকস্য পশ্যতঃ ॥ 3-104-3 (20142)
পীয়মানং সমুদ্রং তং দৃষ্ট্বা সেন্দ্রাস্তদাঽমরাঃ।
বিস্ময়ং পরমং জগ্মুঃ স্তুতিভিশ্চাপ্যপূজয়ন্ ॥ 3-104-4 (20143)
ৎবং নস্ত্রাতা বিধাতা চ লোকানাং লোকভাবন।
ৎবৎপ্রসাদাৎসমুচ্ছেদং ন গচ্ছেৎসামরং জগৎ ॥ 3-104-5 (20144)
স পূজ্যমানস্ত্রিদশৈর্মহাত্মা
গন্ধর্বতূর্যেষু নদৎসু সর্বশঃ।
দিব্যৈশ্চ পুষ্পৈরবকীর্যমাণো
মহার্ণবং নিঃসলিলং চকার ॥ 3-104-6 (20145)
দৃষ্ট্বা কৃতংনিঃসলিলং মহার্ণবং
সুরাঃ সমস্তাঃ পরমপ্রহৃষ্টাঃ। 3-104-7cপ্রগৃহ্য দিব্যানিবরায়ুধানি
তান্দানবাঞ্জঘ্রুরদীনসৎবাঃ ॥ 3-104-7 (20146)
তে বধ্যমানাস্ত্রিদশৈর্মহাত্মভি-
র্মহাবলৈর্বেগিভিরুন্নদদ্ভিঃ।
ন সেহিরেবেগবতাং মহাত্মনাং
বেগং তদা ধারয়িতুং দিবৌকসাম্ ॥ 3-104-8 (20147)
তে বধ্যমানাস্ত্রিদশৈর্দানবা ভীমনিঃস্বনাঃ।
রচক্রু সুতুমুলং যুদ্ধং মুহূর্তমিব ভারত ॥ 3-104-9 (20148)
তে পূর্বং তপসা দগ্ধা মুনিভির্ভাবিতাত্মভিঃ।
যতমানাঃ পরং শক্ত্যা ত্রিদশৈর্বিনিষূদিতাঃ ॥ 3-104-10 (20149)
তেহেমনিষ্কাভরণাঃ কুণ্ডলাঙ্গদধারিণঃ।
নিহতা বহ্বশোভন্ত পুষ্পিতা ইব কিংশুকাঃ ॥ 3-104-11 (20150)
হতশেষাস্ততঃ কেচিৎকালেয়া মনুজোত্তম।
বিদার্য বসুধাং দেবীং পাতালতলমাস্থিতাঃ ॥ 3-104-12 (20151)
নিহতান্দানবান্দৃষ্ট্বা ত্রিদশা মুনিপুহ্গবম্।
তুষ্টুবুর্বিবিধৈর্বাক্যৈরিদং বচনমব্রুবন্ ॥ 3-104-13 (20152)
ৎবৎপ্রসাদান্মহাবাহো লোকৈঃ প্রাপ্তং মহৎসুখম্।
ৎবত্তেজসা চ নিহতাঃ কালেয়াঃ ক্রূরবিক্রমাঃ ॥ 3-104-14 (20153)
পূরস্ব মহাবাহো সমুদ্রং লোকভাবন।
যত্ৎবয়া সলিলং পীতং তদস্মিন্পুনরুৎসৃজ ॥ 3-104-15 (20154)
এবমুক্তঃ প্রত্যুবাচ ভগবান্মুনিপুঙ্গবঃ।
`তাংস্তদা সহিতান্দেবানগস্ত্যঃসপুরন্দরান্' ॥ 3-104-16 (20155)
জীর্ণং তদ্ধি ময়া তোয়মুপায়োঽন্যঃ প্রচিন্ত্যতাম্।
পূরণার্থং সমুদ্রস্য ভবদ্ভির্যত্নমাস্থিতৈঃ ॥ 3-104-17 (20156)
কেতচ্ছ্রুৎবা তু বচনং মহর্ষের্ভাবিতাত্মনঃ।
বিস্মিতাশ্চ বিষণ্ণাশ্চ বভূবুঃ সহিতাঃ সুরাঃ ॥ 3-104-18 (20157)
পরস্পরমনুজ্ঞাপ্যপ্রণম্য মুনিপুঙ্গবম্।
প্রজাঃ সর্বা মহারাজ বিপ্রজগ্মুর্যথাগতম্ ॥ 3-104-19 (20158)
ত্রিদশা বিষ্ণুনা সার্ধমুপজগ্মুঃ পিতামহম্।
পূরণার্থং সমুদ্রস্য মন্ত্রয়িৎবা পুনঃ পুনঃ ॥ 3-104-20 (20159)
তে ধাতারমুপাগম্য ত্রিদশাঃ সহ বিষ্ণুনা।
ঊচুঃ প্রাঞ্জলয়ঃ সর্বে সাগরস্যাভিপূরণম্ ॥ 3-104-21 (20160)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি চতুরধিকশততমোঽধ্যায়ঃ ॥ 104 ॥
অরণ্যপর্ব - অধ্যায় 105
॥ শ্রীঃ ॥
3.105. অধ্যায়ঃ 105
Mahabharata - Vana Parva - Chapter Topics
ব্রহ্মণা দেবান্প্রতি ভগীরথেন সমুদ্রপূরণকথনম্ ॥ 1 ॥ যুধিষ্ঠিরেণ তৎপ্রকারং পৃষ্টেন লোমশেন তদুপোদ্ধাততয়া সগরস্য ভার্যাদ্বয়ে পুত্রলাভপ্রকার়কথনম্ ॥ 2 ॥Mahabharata - Vana Parva - Chapter Text
3-105-0 (20161)
লোমশ উবাচ। 3-105-0x (2047)
তানুবাচ সমেতাংস্তু ব্রহ্মা লোকপিতামহঃ।
`নির্হ্রাদিন্যা গিরা রাজন্দেবানাশ্বাসয়ংস্তদা' ॥ 3-105-1 (20162)
গচ্ছধ্বং বিবুধাঃ সর্বে যথাকামং যথেপ্সিতম্।
মহতা কালয়োগেন প্রকৃতিং যাস্যতেঽর্ণবঃ ॥ 3-105-2 (20163)
জ্ঞাতীংশ্চ কারণং কৃৎবা মহারাজো ভগীথঃ।
`পূরয়িষ্যতি তোয়ৌঘৈঃ সমুদ্রং নিধিমম্ভসাম্' ॥ 3-105-3 (20164)
পিতামহবচঃ শ্রুৎবা সর্বে বিবুধসত্তমাঃ।
কালয়োগং প্রতীক্ষন্তো জগ্মুশ্চাপি যথাগতম্ ॥ 3-105-4 (20165)
যুধিষ্ঠির উবাচ। 3-105-5x (2048)
কথং বৈ জ্ঞাতয়োব্রহ্মন্কারণং চাত্র কিং মুনে।
কথং সমুদ্রঃ পূর্ণশ্চ ভগীরথপরিশ্রমাৎ ॥ 3-105-5 (20166)
এতদিচ্ছাম্যহং শ্রোতুং বিস্তরেণ তপোধন।
কথ্যমানং ৎবয়া বিপ্র রাজ্ঞাং চরিতমুত্তমম্ ॥ 3-105-6 (20167)
বৈশম্পায়ন উবাচ। 3-105-7x (2049)
এবমুক্তস্তু বিপ্রেন্দ্রো ধর্মরাজ্ঞা মহাত্মনা।
কথয়ামাস মাহাত্ম্যং সগরস্য মহাত্মনঃ ॥ 3-105-7 (20168)
লোমশ উবাচ। 3-105-8x (2050)
ইক্ষ্বাকূণাং কুলে জাতঃ সগরো নাম পার্থিবঃ।
রূপসৎববলোপেতঃ স চাপুত্রঃ প্রতাপবান্ ॥ 3-105-8 (20169)
স হৈহয়ান্সমুৎসাদ্য তালজঙ্ঘাংশ্চ ভারত।
বশে চ কৃৎবা রাজন্যান্স্বরাজ্যমনুশিষ্টবান্ ॥ 3-105-9 (20170)
তস্য ভার্যে ৎবভবতাং রূপয়ৌবনদর্পিতে।
বৈদর্ভী ভরতশ্রেষ্ঠ শৈব্যা চ ভরতর্ষভ ॥ 3-105-10 (20171)
সপুত্রকামো নৃপতিস্তপ্যতে স্ম মহত্তপঃ।
পত্নীভ্যাং সহ রাজেন্দ্র কৈলাসং গিরিমাশ্রিতঃ ॥ 3-105-11 (20172)
স তপ্যমানঃ সুমহত্তপোয়োগসমন্বিতঃ।
আসসাদ মহাত্মানং ত্র্যক্ষং ত্রিপুরমর্দনম্ ॥ 3-105-12 (20173)
শংকরং ভবমীশানং পিনাকিং শূলপাণিনম্।
ত্র্যম্বকং শিবমুগ্রেশং বহুরূপমুমাপতিম্ ॥ 3-105-13 (20174)
স তং দৃষ্ট্বৈব বরদং পত্নীভ্যাং সহিতো নৃপঃ।
প্রণিপত্য মহাবাহুঃ পুত্রার্থে সময়াচত ॥ 3-105-14 (20175)
তং প্রীতিমান্হরঃ প্রাহ সভার্যং নৃপসত্তমম্।
যস্মিন্বৃতো মুহূর্তেঽহং ৎবয়েহ নৃপতে বরম্ ॥ 3-105-15 (20176)
ষষ্টিঃ পুত্রসহস্রাণি শূরাঃ পরমদর্পিতাঃ।
একস্যাং সংভবিষ্যন্তি পত্ন্যাং নরবরোত্তম ॥ 3-105-16 (20177)
তে চৈবসর্বে সহিতাঃ ক্ষয়ং যাস্যন্তি পার্থিব।
একো বংশধরঃ শূর একস্যাং সংভবিষ্যতি ॥ 3-105-17 (20178)
এবমুক্ৎবা তু তং রুদ্রস্তত্রৈবান্তরধীয়ত।
স চাপি সগরো রাজা জগাম স্বং নিবেশনম্ ॥ 3-105-18 (20179)
পত্নীভ্যাং সহিতস্তত্র হোঽতিহৃষ্টমনাস্তদা।
`কালং শংভুবরপ্রাপ্তং প্রতীক্ষন্সগরোঽনয়ৎ' ॥ 3-105-19 (20180)
তস্য তেমনুজশ্রেষ্ঠ ভার্যে কললোচনে।
বৈদর্ভী চৈব শৈব্যা চ গর্ভিণ্যৌ সংবভূবতুঃ ॥ 3-105-20 (20181)
ততঃ কালেন বৈদর্ভী গর্ভালাবুং ব্যজায়ত।
শৈব্যা চ সুষুবে পুত্রং কুমারং দেবরূপিণম্ ॥ 3-105-21 (20182)
তদাঽলাবুং সমুৎস্রষ্টুং মনশ্চক্রে স পার্থিবঃ।
অথান্তরিক্ষাচ্ছুশ্রাব বাচং গংভীরনিঃস্বনাম্ ॥ 3-105-22 (20183)
রাজন্মা সাহসংকার্ষীঃ পুত্রান্ন ত্যক্তুমর্হসি।
অলাবুমধ্যান্নিষ্কৃষ্য বীজং যত্নেন গোপ্যতাম্ ॥ 3-105-23 (20184)
সোপস্বেদেষু পাত্রেষু ঘৃতপূর্ণেষু ভাগশঃ।
ততঃ পুত্রসহস্রাণি ষষ্টিং প্রাপ্স্যসি পার্থিব ॥ 3-105-24 (20185)
মহাদেবেন দিষ্টং তে পুত্রজন্ম নরাধিপ।
অনেন ক্রময়োগেন মা তে বুদ্ধিরতোঽন্যথা ॥ 3-105-25 (20186)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি পঞ্চাধিকশততমোঽধ্যায়ঃ ॥ 105 ॥
অরণ্যপর্ব - অধ্যায় 106
॥ শ্রীঃ ॥
3.106. অধ্যায়ঃ 106
Mahabharata - Vana Parva - Chapter Topics
অশ্বমেধে দীক্ষিতসগরাজ্ঞয়া ষষ্টিসহস্রৈস্তৎপুত্রৈর্ভুবং সংচারিতস্যাশ্বস্ সমুদ্রতীরেঽন্তর্ধানম্ ॥ 1 ॥ পিত্রাজ্ঞয়া হয়ান্বেষণায় সমুদ্রতীরং খনদ্ভিঃ সাগরৈঃ পাতালতলে তপস্যতো ভগবতঃ কপিলস্ তৎসমীপচারিণো হয়স্য চ দর্শনম্ ॥ 2 ॥Mahabharata - Vana Parva - Chapter Text
3-106-0 (20187)
লোমশ উবাচ। 3-106-0x (2051)
এতচ্ছ্রুৎবান্তরিক্ষাচ্চ স রাজা রাজসত্তমঃ।
যথোক্তং তচ্চরাকাথ শ্রদ্দধদ্ভরতর্ষভ ॥ 3-106-1 (20188)
[একৈকশস্ততঃ কৃৎবা বীজং বীজং নরাধিপঃ।
ঘৃতপূর্ণেষু কুম্ভেষু তান্ভাগান্বিদধে ততঃ ॥ 3-106-2 (20189)
ধাত্রীশ্চৈকৈকশঃ প্রাদাৎপুত্ররক্ষণতৎপরঃ।
ততঃ কালেন মহতা সমুত্তস্থুর্মহাবলাঃ ॥] 3-106-3 (20190)
ষষ্টিঃ পুত্রসহস্রণি তস্যাপ্রতিমতেজসঃ।
রুদ্রপ্রসাদাদ্রাজর্ষেঃ সমজায়ন্ত পার্থিব ॥ 3-106-4 (20191)
তে ঘোরাঃ ক্রূরকর্মাণ আকাশপরিসর্পিণঃ।
বহুৎবাচ্চাবজানন্তঃ সর্বাল্লোঁকান্সহামরান্ ॥ 3-106-5 (20192)
ত্রিদশাংশ্চাপ্যবাধন্ত তথা গন্ধর্বরাক্ষসান্।
সর্বাণি চৈব ভূতানি শূরা সমরশালিনঃ ॥ 3-106-6 (20193)
বধ্যমানাস্তদা লোকাঃ সাগরৈর্মন্দবুদ্ধিভিঃ।
ব্রহ্মাণং শরণং জগ্মুঃ সহিতাঃ সর্বদৈবতৈঃ ॥ 3-106-7 (20194)
তানুবাচ মহাভাগঃ সর্বলোকপিতামহঃ।
গচ্ছধ্বং ত্রিদশাঃ সর্বে লোকৈঃ সার্ধং যথাগতম্ ॥ 3-106-8 (20195)
নাতিদীর্ঘেণ কালেন সাগরাণাং ক্ষয়ো মহান্।
বিষ্যতি মহাঘোরঃ স্বকৃতৈঃ কর্মভিঃ সুরাঃ ॥ 3-106-9 (20196)
এবমুক্তাস্তু তে দেবা লোকাশ্ মনুজেশ্বর।
পিতামহমনুজ্ঞাপ্য বিপ্রজগ্মুর্যথাগতম্ ॥ 3-106-10 (20197)
ততঃ কালে বহুতিথে ব্যতীতে ভরতর্ষভ।
দীক্ষিতঃ সগরো রাজা হয়মেধেন বীর্যবান্ ॥ 3-106-11 (20198)
তস্যাশ্বো ব্যচরদ্ভূমিং পুত্রৈঃ সুপরিরক্ষিতঃ।
`সর্বৈরেব মহোৎসাহৈঃ স্বচ্ছন্দপ্রচরো নৃপ' ॥ 3-106-12 (20199)
সমুদ্রং স সমাসাদ্য নিস্তোয়ং ভীমদর্শনম্।
রক্ষ্যমাণঃ প্রয়ত্নেন তত্রৈবান্তরধীয়ত ॥ 3-106-13 (20200)
ততস্তে সাগরাস্তাত হৃতং মৎবা হয়োত্তমম্।
আগম্য পিতুরাচখ্যুরদৃশ্যং তুরগং হৃতম্।
তেনোক্তা দিক্ষু সর্বাসু পুত্রা মার্গত বাজিনম্ ॥ 3-106-14 (20201)
ততস্তে পিতুরাজ্ঞায় দিক্ষু সর্বাসু তং হয়ম্।
অমার্গন্ত মহারাজ সর্বংচ পৃথিবীতলম্ ॥ 3-106-15 (20202)
ততস্তে সাগরাঃ সর্বে সমুপেত্য পরস্পরম্।
নাধ্যগচ্ছন্ত তুরগমশ্বহর্তারমেব চ ॥ 3-106-16 (20203)
আগম্য পিতরং চোচুস্ততঃ প্রাঞ্জলয়োঽগ্রতঃ ॥ 3-106-17 (20204)
সসমুদ্রবনদ্বীপা সনদীনদকন্দরা।
সপর্বতবনোদ্দেশা নিখিলেন মহী নৃপ ॥ 3-106-18 (20205)
অস্মাভির্বিচিতা রাজঞ্শাসনাত্তব পার্থিব।
ন চাশ্বমধিগচ্ছামো নাশ্বহর্তারমেব চ ॥ 3-106-19 (20206)
শ্রুৎবা তু বচনং তেষাং স রাজা ক্রোধমূর্চিতঃ।
উবাচ বচনং সর্বাংস্তদা দৈববশান্নৃপ ॥ 3-106-20 (20207)
অনাগমায় গচ্ছধ্বং ভূয়ো মার্গত বাজিনম্।
যাজ্ঞীয়ং তং বিনাহ্যশ্বং নাগন্তব্যং হি পুত্রকাঃ ॥ 3-106-21 (20208)
প্রতিগৃহ্য তু সংদেশং পিতুস্তে সগরাত্মজাঃ।
ভূয় এব মহীং কৃৎস্নাং বিচেতুমুপচক্রমুঃ ॥ 3-106-22 (20209)
অথাপশ্যন্ত তে বীরাঃ পৃথিবীমবদারিতাম্।
`সমুদ্রে পৃথিবীপাল পদং মার্গং চ বাজিনঃ' ॥ 3-106-23 (20210)
সমাসাদ্য বিলং তচ্চাপ্যখনন্সগরাত্মজাঃ।
কুদ্দালৈর্মুসলৈশ্চৈব সমুদ্রং যত্নমাস্থিতাঃ ॥ 3-106-24 (20211)
স খন্যমানঃ সহিতৈঃ সাগরৈর্বরুণালয়ঃ।
অগচ্ছৎপরমামার্তিং দীর্যমাণঃ সমন্ততঃ ॥ 3-106-25 (20212)
অসুরোরগরক্ষাংসি সৎবানি বিবিধানি চ।
আর্তনাদমকুর্বন্ত বধ্যমানানি সাগরৈঃ ॥ 3-106-26 (20213)
ছিন্নশীর্ষা বিদেহাশ্চ ভিন্নজান্বস্থিমস্তকাঃ।
প্রাণিনঃ সমদৃশ্যন্ত শতশোথ সহস্রশঃ ॥ 3-106-27 (20214)
এবং হি খনতাং তেষাং সমুদ্রং বরুণালয়ম্।
ব্যতীতঃ সুমহান্কালো ন চাশ্বঃ সমদৃশ্যত ॥ 3-106-28 (20215)
ততঃ পূর্বোত্তরে দেশে সমুদ্রস্য মহীপতে।
বিদার্য পাতালমথ সংক্রুদ্ধাঃ সগরাত্মজাঃ ॥ 3-106-29 (20216)
অপশ্যন্ত হয়ং যত্র বিচরন্তং মহীতলে।
কপিলং চ মহাত্মানং তেজোরাশিমনুত্তমম্ ॥ 3-106-30 (20217)
তেজসা দীপ্যমানং তু জ্বালাভিরিব পাবকম্।
`দৃষ্ট্বা হি বিস্মিতাঃ সর্বে বভূবুঃ সগরাত্মজাঃ' ॥ 3-106-31 (20218)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণই ষডধিকশততমোঽধ্যায়ঃ ॥ 106 ॥
Mahabharata - Vana Parva - Chapter Footnotes
3-106-29 পূর্বোত্তরে ঐশান্যাম্ ॥অরণ্যপর্ব - অধ্যায় 107
॥ শ্রীঃ ॥
3.107. অধ্যায়ঃ 107
Mahabharata - Vana Parva - Chapter Topics
কপিলেন হয়চোরৎবভ্রমেণ স্বজিঘাংসূনাং সর্বসাগরাণাং নয়নানলেন ভস্মীকরণম্ ॥ 1 ॥ সগরনিদেশান্নির্গতেনাংশুমতা কপিলপ্রসাদনন হয়ানয়নপূর্বকং পিতামহয়জ্ঞসমাপনম্ ॥ 2 ॥ সগরইবাংশুমত্যপি স্বর্গতে তৎসুতেন - দিলীপেন গঙ্গাবতরণআয় যতমাননাপি তদপারয়তৈব ত্রিদিবগমনম্ ॥ 3 ॥Mahabharata - Vana Parva - Chapter Text
3-107-0 (20219)
লোমশ উবাচ। 3-107-0x (2052)
*তেতং দৃষ্ট্বা হয়ং রাজন্সংপ্রহৃষ্টতনূরুহাঃ।
অনাদৃৎ মহাত্মানং কপিলং কালচোদিতাঃ ॥ 3-107-1 (20220)
সংফুদ্ধাঃ সংপ্রধাবন্ত বাজিগ্রহণকাঙ্ক্ষিণঃ।
ততঃ ক্রুদ্ধো মহারাজ কপিলো মুনিসত্তমঃ ॥ 3-107-2 (20221)
বাসুদেবেতি যং প্রাহুঃ কপিলং মুনিপুঙ্গবম্।
স চক্ষুর্বিকতং কৃৎবা তেজস্তেষু সমুৎসৃজন্ ॥ 3-107-3 (20222)
দদাহ সুমহাতেজা মন্দবুদ্ধীন্স সাগরান্।
ষষ্টিং রতানি সহস্রাণি যুগপন্মুনিসত্তমঃ ॥ 3-107-4 (20223)
তান্দৃষ্ট্বা ভস্মসাদ্ভূতান্নারদঃ সুমহাতপাঃ।
সগরান্তিকমাগত্য তচ্চ তস্মৈ ন্যবেদয়ৎ ॥ 3-107-5 (20224)
স তচ্ছ্রুৎবা বচো ঘোরং রাজা মুনিমুখোদ্গতম্।
মহূর্তং বিমনা ভূৎবা স্থাণোর্বাক্যমচিন্তয়ৎ ॥ 3-107-6 (20225)
`স পুত্রনিধনোত্থেন দুঃখেন সমভিপ্লুতঃ।
আত্মানমাত্মনাঽঽশ্বাস্য হয়মেবান্বচিন্তয়ৎ' ॥ 3-107-7 (20226)
অশুমন্তং সমাহূয় অসমঞ্জসুতং তদা।
পৌত্রং ভরতশার্দূল ইদং বচনমব্রবীৎ ॥ 3-107-8 (20227)
ষষ্টিস্তাত সহস্রাণি পুত্রাণামমিতৌজসাম্।
কাপিলং তেজ আসাদ্য মৎকৃতেনিধনং গতাঃ ॥ 3-107-9 (20228)
তব চাপি পিতা তাত পরিত্যক্তো ময়াঽনঘ।
ধর্মং সংরক্ষমাণেন পৌরাণাং হিতমিচ্ছতা ॥ 3-107-10 (20229)
যুধিষ্ঠির উবাচ। 3-107-11x (2053)
কিমর্থং রাজশার্দূলঃ সগরঃ পুত্রমাত্মজম্।
ত্যক্তবান্দুস্ত্যজং বীরং তন্মে ব্রূহি তপোধন ॥ 3-107-11 (20230)
লোমশ উবাচ। 3-107-12x (2054)
অসমঞ্জ ইতি খ্যাতঃ সগরস্য সুতো হ্যভূৎ।
যং শৈব্যা জনয়ামাস পৌরাণাং স হি দারকান্ ॥ 3-107-12 (20231)
`ক্রীডতঃ সহসাঽঽসাদ্য তত্রতত্র মহীপতে'।
চূডাসু ক্রোশতো গৃহ্যনদ্যাং চিক্ষেপ দুর্বলান্ ॥ 3-107-13 (20232)
ততঃ পৌরাঃ সমাজগ্মুর্ভয়শোকপরিপ্লুতাঃ।
সগরং চাভ্যভাষন্ত সর্বে প্রাঞ্জলয়ঃ স্থিতাঃ ॥ 3-107-14 (20233)
ৎবং নস্ত্রাতা মহারাজ পরচক্রাদিভির্ভয়াৎ।
অসমঞ্জভয়াদ্ধোরাত্ততো নস্ত্রাতুনর্হসি ॥ 3-107-15 (20234)
পৌরাণাং বচনং শ্রুৎবা ঘোরং নৃপতিসত্তমঃ।
মুহূর্তং বিমনা ভূৎবাসচিবানিদমব্রবীৎ ॥ 3-107-16 (20235)
অসমঞ্জ পুরাদদ্য সুতো মে বিপ্রবাস্যতাম্।
যদি বো মৎপ্রিয়ং কার্যমেতচ্ছীধ্রং বিধীয়তাম্ ॥ 3-107-17 (20236)
এবমুক্তা নরেন্দ্রেণ সচিবাস্তে নরাধিপ।
যথোক্তং ৎবরিতাশ্চক্রুর্যথাঽঽজ্ঞাপিতবান্নৃপঃ ॥ 3-107-18 (20237)
এতত্তে সর্বমাখ্যাতং যথা পুত্রো মহাত্মনা।
পৌরাণাং হিতকামেন সগরেণ বিবাসিতঃ ॥ 3-107-19 (20238)
অংশুমাংস্তু মহেষ্বাসো যদুক্তঃ সগরেণ হি।
তত্তে সর্বংপ্রবক্ষ্যামি কীর্ত্যমানং নিবোধ মে ॥ 3-107-20 (20239)
সগর উবাচ। 3-107-21x (2055)
পিতুশ্ তেঽহংত্যাগেন পুত্রাণাং নিধনেন চ।
অলাভেন তথাঽশ্বস্ পরিতপ্যামি পুত্রক ॥ 3-107-21 (20240)
তস্মাদ্দুঃখাভিসংতপ্তং যজ্ঞবিঘ্নাচ্চ মোহিতম্।
হয়স্যানয়নাৎপৌত্র নরকান্মাং সমুদ্ধর ॥ 3-107-22 (20241)
লোমশ উবাচ। 3-107-23x (2056)
অংশুমানেবমুক্তস্তু সগরণ মহাত্মনা।
জগাম দুঃখাত্তং দেশং যত্রবৈ দারিতা মহী ॥ 3-107-23 (20242)
স তু তেনৈব মার্গেণ সমুদ্রং প্রবিবেশ হ।
অপশ্যচ্চ মহাত্মানং কপিলং তুরগং চ তম্ ॥ 3-107-24 (20243)
স দৃষ্ট্বা তেজসো রাশিং পুরাণমৃপিসত্তমম্।
প্রণম্য শিরসা ভূমৌ কার্যমস্মৈ ন্যবেদয়ৎ ॥ 3-107-25 (20244)
ততঃ প্রীতো মহারাজ কপিলোংঽশুমতোঽভবৎ।
উবাচ চৈনং ধর্মাত্মা বরদোস্মীতি ভারত ॥ 3-107-26 (20245)
স বব্রে তুরগং তত্র প্রথমং যজ্ঞকারণাৎ।
দ্বিতীয়মুদকং বব্রে পিতৄণাং পাবনেচ্ছয়া ॥ 3-107-27 (20246)
তমুবাচ মহাতেজাঃ কপিলো মুনিপুঙ্গবঃ।
দদানি তব ভদ্রং তে যদ্যৎপ্রার্থয়সেঽনঘ ॥ 3-107-28 (20247)
ৎবয়ি ক্ষমা চ ধর্মশ্চ সত্যং চাপি প্রতিষ্ঠিতম্।
ৎবয়া কৃতার্থঃ সগরঃ পুত্রবাংশ্চ ৎবয়া পিতা ॥ 3-107-29 (20248)
তব চৈব প্রভাবেন স্বর্গং যাস্যন্তি সাগরাঃ।
`শলভৎবং গতা যে তে মম ক্রোধহুতাশনে' ॥ 3-107-30 (20249)
পৌত্রশ্চ তে ত্রিপথগাং ত্রিদিবাদানয়িষ্যতি।
পাবনার্থং সাগরাণাং তোষয়িৎবা মহেশ্বরম্ ॥ 3-107-31 (20250)
হয়ং নয়স্ব ভদ্রং তে যাজ্ঞিং নরপুঙ্গব।
যজ্ঞঃ সমাপ্যতাং তাত সগরস্য মহাত্মনঃ ॥ 3-107-32 (20251)
অংশুমানেবমুক্তস্তু কপিলেন মহাত্মনা।
আজগাম হয়ং গৃহ্য যজ্ঞবাটং মহাত্মনঃ ॥ 3-107-33 (20252)
সোভিবাদ্য ততঃ পাদৌ সগরস্য মহাত্মনঃ।
মূর্ধ্নি তনাপ্যুপাঘ্রাতস্তস্মৈ সর্বংনয়্বেদয়ৎ ॥ 3-107-34 (20253)
যথা দৃষ্টং শ্রুতং চাপি সাগরাণাং ক্ষয়ং তথা।
তং চাস্মৈ হয়মাচষ্ট যজ্ঞবাটমুপাগতম্ ॥ 3-107-35 (20254)
তচ্ছ্রুৎবা সগরো রাজা পুত্রজং দুঃখমত্যজৎ।
অংশুমন্তং চ সংপূজ্যসমাপয়ত তং ক্রতুম্ ॥ 3-107-36 (20255)
সমাপ্তয়জ্ঞঃ সগরো দেবৈঃ সর্বৈঃ সভাজিতঃ।
পুত্রৎবে কল্পয়ামাস সমুদ্রং বরুণালয়ম্ ॥ 3-107-37 (20256)
প্রশাস্য সুচিরং কালং রাজ্যং রাজীবলোচনঃ।
পৌত্রে ভারং সমবেশ্য জগাম ত্রিদিবং তদা ॥ 3-107-38 (20257)
অংশুমানপি ধর্মাত্মা মহীং সাগরমেখলাম্।
প্রশশাস মহারাজ যথৈবাস্ পিতামহঃ ॥ 3-107-39 (20258)
তস্য পুত্রঃ সমভবদ্দিলীপো নাম ধর্মবিৎ।
তস্মিন্রাজ্যং সমাধায় অংশুমানপি সংস্থিতঃ ॥ 3-107-40 (20259)
দিলীপস্তু ততঃ শ্রুৎবা পিতৄণাং নিধনং মহৎ।
পর্যতপ্যত দুঃখেন তেষাং গতিমচিন্তয়ৎ ॥ 3-107-41 (20260)
গঙ্গাবতরণএ যত্নং সুমহচ্চাকরোন্নৃপঃ।
ন চাবতারয়ামাস চেষ্টমানো যথাবলম্ ॥ 3-107-42 (20261)
তস্ পুত্র সমভবচ্ছ্রীমান্ধর্মপরাণঃ।
ভগীরথ ইতি খ্যাতঃ সত্যবাগনসূয়কঃ ॥ 3-107-43 (20262)
অভিষিচ্য তু তং রাজ্যেদিলীপো বনমাশ্রিতঃ ॥ 3-107-44 (20263)
তপঃ সিদ্ধিসমায়োগাৎস রাজা ভরতর্ষভ।
বনাজ্জগাম ত্রিদিবং কালয়োগেন ভারত ॥ 3-107-45 (20264)
Alternate Text??
3-107a-1a তে তং দৃষ্ট্বা হয়ং রাজন্সংপ্রহৃষ্টতনূরুহাঃ। 3-107a-1b অনাদৃত্য মহাত্মানং কপিলং কালচোদিতাঃ। 3-107a-1c সংক্রুদ্ধাঃ সমধাবন্ত কপিলং হন্তুমুদ্যতাঃ ॥ 3-107a-2a তান্দৃষ্ট্বা হন্তুমুদ্যুক্তান্কপিলো রোপমূর্চ্ছিতঃ। 3-107a-2b সগরস্যাত্মজান্সর্বান্দদাহ ক্ষণতো নৃপ ॥ 3-107a-3a তান্দৃষ্ট্বা ভস্মসাদ্ভূতান্নারদঃ সুমহাতপাঃ। 3-107a-3b সগরান্তিকমাগন্য তচ্চ তস্মৈ ন্যবেদয়ৎ ॥ 3-107a-4a এতচ্ছ্রুৎবা বচো রাজা ঘোরং মুনিমুখোদ্গতম্। 3-107a-4b মুহূর্তং বিমনা ভূৎবাস্থাণোর্বাক্যমচিন্তয়ৎ ॥ 3-107a-5a অশুমন্তং প্রেপয়িৎবা হয়মানায়্য যত্নতঃ। 3-107a-5b যজ্ঞং সমাপ্য বিধিবন্সগরো ভৃশদুঃখিতঃ। 3-107a-5c কৃৎবাংঽশুমতি তদ্রাজ্যং বনমেবান্বপদ্যত ॥ 3-107a-6a অশুমানকরোদ্রাজ্যং প্রজা ধর্মেণ রঞ্জয়ন্। 3-107a-6b দিলীপে রাজ্যমাধায় বনমেবান্বপদ্যত ॥ 3-107a-7a দিলীপোপি মহারাজ চিরং রাজ্যমকারয়ৎ ॥ 3-107a-8a তস্ পুত্রো মহীপাল ভগীরথ ইতি শ্রুতঃ। 3-107a-8b ধর্মজ্ঞশ্চ কৃতজ্ঞশ্চ প্রজানামনুরঞ্জকঃ ॥ 3-107a-9a পিতরি স্বর্গতে রাজন্দিলীপে পুণ্যশালিনি। 3-107a-9b ভগীরথো মহানাসীদ্রাজা পরমধার্মিকঃ ॥ 3-107a-10a স চিরং তপ আতিষ্ঠছন্মহাদেবপ্রসাদতঃ। 3-107a-10b ঊর্ধ্ববাহুর্নিরালম্বঃ পাদাঙ্গুষ্ঠাশ্রিতাবনিঃ ॥ 3-107a-11a বায়ুভক্ষো নিরাহারো ভক্তিয়ুক্তেন চেতসা। 3-107a-11b তত আবিরভূদ্দেবঃ পিনাকী বৃপভধ্বজঃ ॥ 3-107a-12a পরংব্রহ্ম পরং ধাম পরমাত্মা সনাতনঃ। 3-107a-12b আনাদিমধ্যনিধনঃ শঙ্করঃ সর্বপূজিতঃ ॥ 3-107a-13a ভগীরথোপি তং দৃষ্ট্বা ভগবান্তমুমাপতিম্। 3-107a-13b প্রণিপত্য মহাদেবমস্তৌষীদ্ধিবিধৈঃ স্তবৈঃ ॥ 3-107a-14a স্তুৎবা চ বিবিধৈ স্তোত্রৈঃ কৃতাঞ্জলিপুটো নৃপঃ। 3-107a-14b অয়াচত বরং দেবং গঙ্গায়া ধারণং প্রতি ॥ 3-107a-15a ভগবংস্তপসা তুষ্টোব্রহ্মা মে স্বর্গবাসিনীম্। 3-107a-15b গঙ্গাং সংপ্রেষয়ামীতি দদৌ বরমনুত্তমম্ ॥ 3-107a-17a তাং বৈ ধারয়িতুং শক্তং নান্যং পশ্যামি শূলিনঃ। 3-107a-17b তং তোষয় মহারাজেৎপেবমুক্ত্যা দিবং গতঃ ॥ 3-107a-18a ভবৎপ্রসাদসিদ্ধ্যর্থং তপস্তপ্তং ময়া বিভো। 3-107a-18b ভবতা ধৃতয়া দেব গঙ্গয়া পূতয়া মম। 3-107a-18c পিতামহাশ্চ লোকাশ্চ সর্বে সদ্ভতিমাপ্নুয়ুঃ ॥ 3-107a-19a এবংসংপ্রার্থিতো দেবস্তথা চক্রে মহেশ্বরঃ ॥ 3-107a-20a ব্রহ্মণা সমনুজ্ঞতা গঙ্গাঽপিক্রোধমূর্চ্ছিতা। 3-107a-20b বিশাম্যহং তু পাতালং স্রোতসা গৃহ্য শঙ্করম্ ॥ 3-107a-21a ইত্যাগ্রহান্মহারাজ শিবে শিবশিরস্যুত। 3-107a-21b পতিৎবা তব বভ্রাম বহন্বর্পান্বিমোহিতা। 3-107a-21c তৃণেঽবশ্যায়কণিকা যথা তদ্বৎস্থিতাক্বচিৎ ॥ 3-107a-22a তামদৃষ্ট্বাঽথ ভূপালস্তোপয়ামাস শঙ্করম্। 3-107a-22b পুনশ্চ ব্যসৃজদ্দেবো গঙ্গাং বৈ গূহিতাং নৃপ ॥ 3-107a-23a প্রণিপত্য মহাদেবং পুরা রাজা ভগীরথঃ। 3-107a-23b পিতৄনাপ্লাবয়ামাস সাগরং চাপ্যপূরয়ৎ ॥ 3-107a-24a তেঽপি স্বর্গং গতা রাজন্সগরস্যাত্মজাঃ ক্ষণাৎ। 3-107a-24b পিতৃভ্যশ্চোদকং তত্রদদৌ পূর্ণমনোরথঃ ॥ 3-107a-25a এতত্তে সর্বমাখ্যাতং যন্মাং ৎবং পরিপৃচ্ছসি। 3-107a-25b এবং স সাগরো রাজন্পূরিতোঽগস্ত্যদূপিতঃ ॥অরণ্যপর্ব - অধ্যায় 108
॥ শ্রীঃ ॥
3.108. অধ্যায়ঃ 108
Mahabharata - Vana Parva - Chapter Topics
দিলীপসুতেন ভগীরথেন ধরণীতলাবতরণায় গঙ্গাংপ্রতি তপশ্চরণম্ ॥ 1 ॥ তথা ধরণীতলমবতরন্ত্যা গঙ্গায়া বেগাধারণায় তদাজ্ঞয়া তপসা শংকরতোষণম্ ॥ 2 ॥Mahabharata - Vana Parva - Chapter Text
3-108-0 (20265)
লোমশ উবাচ। 3-108-0x (2057)
স তু রাজা মহেষ্বাসশ্চক্রবর্তী মহারথঃ।
বভূব সর্বলোকস্ মনোনয়ননন্দনঃ ॥ 3-108-1 (20266)
স শুশ্রাব মহাবাহুঃ কপিলেন মহাত্মনা।
পিতৄণআং নিধনং ঘোরমপ্রাপ্তিং ত্রিদিবস্য চ ॥ 3-108-2 (20267)
স রাজ্যং সচিবে ন্যস্য হৃদয়েন বিদূয়তা।
জগাম হিমবৎপার্শ্বং তপস্তপ্তুং নরেশ্বরঃ ॥ 3-108-3 (20268)
আরিরাধয়িষুর্গঙ্গাং তপসা দগ্ধকিল্বিষঃ।
সোঽপশ্যত নর্রেষ্ঠ হিমবন্তং নগোত্তমম্ ॥ 3-108-4 (20269)
শৃঙ্গৈর্বহুবিধাকারৈর্ধাতুমদ্ভিরলংকৃতম্।
পবনালম্বিভির্মেঘৈঃ পরিপিক্তং সমন্ততঃ ॥ 3-108-5 (20270)
নদীকুঞ্জনিতম্বৈশ্চ সোদকৈরুপশোভিতম্।
গুহাকন্দরসংলীনসিংহব্যাঘ্রনিষেবিতম্ ॥ 3-108-6 (20271)
শকুনৈশ্চ বিচিত্রাঙ্গৈঃ কূজদ্ভির্বিবিধা গিরঃ।
ভৃঙ্গরাজৈস্তথা হংসৈর্দাত্যূহৈর্জলকুক্কুটৈঃ ॥ 3-108-7 (20272)
ময়ূরৈঃ শতপত্রৈশ্চ জীবংজীবককোকিলৈঃ।
চকোরৈরসিতাপাঙ্গৈস্তথা পুত্রপ্রিয়ৈরপি ॥ 3-108-8 (20273)
জলস্থানেষু রম্যেষু পদ্মিনীভিশ্চ সংকুলম্।
সারসানাং চ মধুরৈর্ব্যাহৃতৈঃ সমলংকৃতম্ ॥ 3-108-9 (20274)
কিন্নরৈরপ্সরোভিশ্চ নিষেবিতশিলাতলম্।
দিগ্বারণবিষাণাগ্রৈঃ সমন্তাদ্ধৃষ্টপাদপম্ ॥ 3-108-10 (20275)
বিদ্যাধরানুচরিতং নানারত্নসমাকুলম্।
বিষোল্বণৈর্ভুজঙ্গৈশ্চ দীপ্তাজিহ্বৈর্নিষেবিতম্ ॥ 3-108-11 (20276)
ক্বচিৎকনকসংকাশং ক্বচিদ্রজতসংনিভম্।
ক্বচিদঞ্জনপুঞ্জাভং হিমবনতমুপাগমৎ ॥ 3-108-12 (20277)
স তু তত্রনরশ্রেষ্ঠস্তপো ঘোরং সমাশ্রিতঃ।
ফলমূলাম্বুসংভক্ষঃ সহস্রপরিবৎসরান্ ॥ 3-108-13 (20278)
সংবৎসরসহস্রে তু গতে দিব্যে মহানদী।
দর্শয়ামাস তং গঙ্গা তদা মূর্তিমতী স্বয়ম্ ॥ 3-108-14 (20279)
গঙ্গোবাচ। 3-108-15x (2058)
কিমিচ্ছসি মহারাজ ম্তঃ কিংচ দদানি তে।
তদ্ব্রবীহি নরশ্রেষ্ঠ করিষ্যামি বচস্তব ॥ 3-108-15 (20280)
এবমুক্তঃ প্রত্যুবাচ রাজা হৈমবতীং নদীম্।
`তদা ভগীরথো রাজন্প্রণিপত্য কৃতাঞ্জলিঃ'।
পিতামহা মে বরদে কপিলেন মহানদি ॥ 3-108-16 (20281)
অন্বেষমাণাস্তুরগং নীতা বৈবস্বতক্ষয়ম্।
ষষ্টিস্তানি সহস্রাণি সাগরাণাং মহাত্মনাম্ ॥ 3-108-17 (20282)
কপিলং দেবমাসাদ্য ক্ষণেন নিধনং গতাঃ।
তেষামেবং বিনষ্টানাং স্বর্গে বাসো ন বিদ্যতে ॥ 3-108-18 (20283)
যাবত্তানি শরীরাণি ৎবং জলৈর্নাভিষিঞ্চসি।
তাবত্তেষাং গতির্নাস্তি সাগরাণাং মহানদি ॥ 3-108-19 (20284)
স্বর্গং নয় মহাভাগে মৎপিতৄন্সগরাত্মজান্।
তেষামর্থেঽভিয়াচামি ৎবামহং বৈ মহানদি ॥ 3-108-20 (20285)
লোমশ উবাচ। 3-108-21x (2059)
এতচ্ছ্রুৎবা বচো রাজ্ঞো গঙ্গা লোকনমস্কৃতা।
ভগীরথমিদং বাক্যং সুপ্রীতা সমভাষত ॥ 3-108-21 (20286)
করিষ্যামি মাহারাজ বচস্তে নাত্র সংশয়ঃ।
বেগং তু মম দুর্ধার্যং পতন্ত্যা গগনাচ্চ্যুতম্ ॥ 3-108-22 (20287)
ন শক্তস্ত্রিষু লোকেষু কশ্চিদ্ধারয়িতুং নৃপ।
অন্যত্র বিবুধশ্রেষ্ঠান্নীলকণ্ঠান্মহেশ্বরাৎ ॥ 3-108-23 (20288)
তং তোষয় রমহাবাহো তপসা বরদং হরম্।
স তু মাং প্রচ্যুতাং দেবঃ শিরসা ধারয়িষ্যতি ॥ 3-108-24 (20289)
স করিষ্যতি তে রকামং পিতৄণাং হিতকাম্যযা।
`তপসাঽঽরাধিতঃ শংভুর্ভগর্বাঁল্লোকভাবনঃ' ॥ 3-108-25 (20290)
এতচ্ছ্রুৎবা ততো রাজন্মহারাজো ভগীরথঃ।
কৈলাসং পর্বতং গৎবা তোষয়ামাস শংকরম্ ॥ 3-108-26 (20291)
ততস্তেন সমাগম্য কালয়োগেন কেনচিৎ।
`গহ্গাবতরণং রাজন্নয়াচত মহীপতিঃ ॥ 3-108-27 (20292)
অগৃহ্ণাচ্চ বরং তস্মাদ্গঙ্গায়া ধারণে নৃপ।
স্বর্গে বাসং সমুদ্দিশ্ পিতৄণাং স নরোত্তমঃ ॥ 3-108-28 (20293)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি অষ্টাধিকশততমোঽধ্যায়ঃ ॥ 108 ॥
Mahabharata - Vana Parva - Chapter Footnotes
3-108-22 গগনাচ্চ্যুতং যথা ভবতি তথা পতন্ত্যাঃ। গগনাদ্ভুবমিতি ঝ. পাঠঃ ॥অরণ্যপর্ব - অধ্যায় 109
॥ শ্রীঃ ॥
3.109. অধ্যায়ঃ 109
Mahabharata - Vana Parva - Chapter Topics
শঙ্করেণ ভগীরথপ্রার্থনয়া ক্ষিতিতলমভিপতন্ত্যা গঙ্গায়া ধারণম্ ॥ ১ ॥ ভগীরথেন স্বপথানুগতয়া গঙ্গয়া পিতৃভ্য উদকদানপূর্বকং সাগরপূরণম্ ॥ ২ ॥Mahabharata - Vana Parva - Chapter Text
লোমশ উবাচ । 3-109-1x
ভগীরথবচঃ শুৎবা প্রিয়ার্য চ দ্বিচৌকসাম্ । 3-109-1a
এবমস্ৎবিতি রাজানং ভগবান্প্রত্যভাপত ॥ 3-109-1b(20294)
ধারয়িষ্যে মহাভাগ গগনাত্মচ্যুতাং শিবাম্ 3-109-2a
দিব্যাং দেবনদীং পুণ্যাং ৎবৎকৃতে নৃপসত্তম্ । 3-109-2b
এবমুক্ৎবা মহাবাহো হিমবন্তুমুপাগমৎ । 3-109-3a
সংবৃতঃ পার্ষদৈর্ঘোরৈর্নানাপ্রহরণোধতৈঃ । 3-109-3b
তত্র স্থিৎবা নরশ্রেষ্ঠং ভগীরথমুবাচ হ । 3-109-4a
প্রয়াচস্ব মহাবাহো শৈলরাজসুতাং নদীম্ ॥ 3-109-4b
পিতৃণাং পাবনার্থ তে তামহং মনুজাধিপ । 3-109-5a
পতমানাং সরিচ্ছ্রেষ্ঠাং ধারয়িষ্যে ত্রিবিষ্টপাৎ ।। 3-109-5b
এতচ্ছ্রুৎবা বচো রাজা শর্বেণ সমুদাহৃতম্ । 3-109-6a
প্রয়তঃ প্রণতো ভূৎবা গঙ্গং হি সমচিন্তয়ৎ ॥ 3-109-6b
ততঃ পুণ্যজলা রম্যা রাজ্ঞা সমনুচিন্তিতা । 3-109-7a
ঈশানং চ স্থিতং দৃষ্ট্বা গগনাৎসহসা চ্যুতা ॥ 3-109-7b
তাং প্রচ্যুতামথো দৃষ্ট্বা দেবাঃ সার্ঘ্ মহর্ষিভিঃ । 3-109-8a
গন্ধর্বোরগয়ক্ষাশ্ব সমাজগ্মুর্দিদৃক্ষবঃ ॥ 3-109-8b
ততঃ পপাত গগনাদ্গ্ঙ্গা হিমবতঃ সুতা । 3-109-9a
সমুদ্বান্তমহাবর্তা মীনগ্রাহসমাকুলা ॥ 3-109-9b
তাং দধার হরো রাজন্গঙ্গাং গগনমেখলাম্ । 3-109-10a
ললাটদেশে পতিতাং মালাং মুক্তাময়ীমিব । 3-109-10b
সা বভূব বিসর্পন্তী ত্রিধা রাজন্সমুদ্রগা । 3-109-11a
ফেনপুঞ্জাকুলজলা হংসানামিব পঙ্কয়ঃ ॥ 3-109-11b
ক্কচিদাভোগকুটিলা প্রস্খলন্তী ক্কচিৎক্কচিৎ । 3-109-12a
সা ফেনপটসংবীতা মত্তেব প্রমদাঽব্রজৎ ।। 3-109-12b
ক্কচিৎসা তোয়নিনদৈর্নদন্তী নাদমুত্তমম্ । 3-109-13a
‘ক্কচিদাকাশমাবর্তৈঃ সংক্ষিপন্তীব সর্বশঃ ॥ 3-109-13b
এবংপ্রকারান্সুবহূন্কুর্বতী গগনাচ্যুতা । 3-109-14a
পৃথিবীতলমাসাদ্য ভগীরথমথাব্রবীৎ ॥ 3-109-14b
দর্শয়স্ব মহারাজ মার্গ কেন ব্রজাম্যহম্ । 3-109-15a
ৎবদর্থমবতীর্ণাস্মি পৃথিবীং পৃথিবীপতে ॥ 3-109-15b
এতচ্ছ্রুৎবা বচো রাজা প্রাতিষ্টত ভগীরথঃ । 3-109-16a
তত্র তানি শরীরাণি সাগরাণাং মহাত্মনাম্ । 3-109-16b
প্লাবনার্থং নরশ্রেষ্ঠ পুণ্যেন সলিলেন চ ॥ 3-109-16c
গংঙ্গায়া ধারণং কৃৎবা হরো লোকনমস্কৃতঃ । 3-109-17a
কৈলাসং পর্বতশ্রেষ্ঠং জগাম ত্রিদশৈঃ সহ ॥ 3-109-17b
সমাসাদ্য সমুদ্রং চ গঙ্গয়া সহিতো নৃপঃ । 3-109-18a
পূরয়ামাস বেগেন সমুদ্রং বরুণালয়ম্ ॥ 3-109-18b
দুহিতৃৎবে চ নৃপতির্গঙ্গাং সমনুকল্পয়ৎ । 3-109-19a
পিতৃণাং চোদকং তত্র দদৌ পূর্ণমনোরথঃ ॥ 3-109-19b
এতত্তে সর্বমাখ্যাতং গঙ্গ ত্রিপথগা যথা । 3-109-20a
পূরণার্থ সমুদ্রস্য পৃথিবীমবতারিতা ॥ 3-109-20b
`কালেয়াশ্চ মহারাজ ত্রিদশৈর্বিনিপাতিতাঃ । 3-109-21a
সমুদ্রশ্চ যথা পীতঃ কারণার্থ মহাত্মনা ॥ 3-109-21b
বাতাপিশ্চ যথা নীতঃ ক্ষয়ং স ব্রহ্মহা প্রভো । 3-109-22a
অগস্ত্যেন মহারাজ যন্মাং ৎবং পরিপৃচ্ছসি ॥ 3-109-22b(20316)
॥ ইতি শ্রীমন্মহাভারতে অরণ্যপর্বণি তীর্থয়াত্রাপর্বণি নবাধিকশততমোঽধ্যায়ঃ ॥১০৯॥
Mahabharata - Vana Parva - Chapter Footnotes
গগনাচ্যুতং যথা ভবতি তথা পতন্ত্যাঃ । গগনাদ্ভুবমিতি । ঝ্.পাঠঃ ॥২২॥ অষ্টাধিকশততমোঽধ্যায়ঃ ॥ ১০৮॥অরণ্যপর্ব - অধ্যায় 110
॥ শ্রীঃ ॥
3.110. অধ্যায়ঃ 110
Mahabharata - Vana Parva - Chapter Topics
যুধিষ্ঠিরেণ ঋষভকূটগিরৌ নন্দাঽপরনন্দানদীগমনম্ ॥ ১ ॥ লোমশেন যুধিষ্ঠিরং প্রতি ঋষভমুনের্নন্দায়াশ্চ মহিমকথনম্ ॥ ২ ॥ Mahabharata - Vana Parva - Chapter Text
বৈশংপায়ন উবাচ । 3-110-1x (20317)
ততঃ প্রায়তঃ কৌন্তেয়ঃ ক্রমেণ ভরতর্ষভ । 3-110-1a
নন্দামপরনন্দাং চ নদ্যৌ পাপভয়াপহে ॥ 3-110-1b (20318)
পর্বতং স সমাসাদ্য হেমকূটমনাময়ম্ । 3-110-2a
অচিন্ত্যাবদ্ভুতান্ভাবাব্দদর্শ সুবহূন্নৃপঃ 3-110-2b
বর্ষো যত্রাভাবদ্বওর উপলাশ্চ সহস্রশঃ । 3-110-3a
নাশক্রুবংস্তমারোঢুং বিপণ্ণমনসো জনাঃ 3-110-3b
বায়ুর্নিত্যং ববৌ তত্র নিত্যং দেবশ্চ বর্ষতি । 3-110-4a
খাদ্যায়ঘোষশ্চ তথা শ্রূয়তে ন চ দৃশ্যতে ॥ 3-110-4b
সায়ং প্রাতশ্চ ভগবান্দৃশ্যতে হব্যবাহনঃ 3-110-5a
মক্ষিকাশ্চাদশংস্তত্র তপসঃ প্রতিঘাতিকাঃ॥ 3-110-5b
নির্বেদো জায়তে তত্র গ্রুহাণি স্মরতে জনঃ । 3-110-6a
এবং বহুবিধানভাবানদ্ভুতান্বীক্ষ্য পাণ্ডবঃ । 3-110-6b
লোমশং পুনরেবাথ পর্যপৃচ্ছত্তদদ্ভুতম্ ॥ 3-110-6c
যদেতদ্ভগবংশ্চিত্রং পর্বতেঽস্মিন্মহৌজসি । 3-110-7a
এতন্মে সর্বমাচক্ষ্ব বিস্তরেণ মহাদ্যুতে ॥ 3-110-7b
লোমশ উবাচ । 3-110-8x
যথাশ্রুতমিদং পূর্বমস্মাভিরর্কির্শন । 3-110-8a
তদেকাগ্রমনা রাজন্নিবোধ গদতো মম ॥ 3-110-8b
অস্মিন্নৃপভকূটেঽভূদৃপভো নাম তাপসঃ। 3-110-9a
অনেকশতবর্ষায়ুস্তপস্বী কোপনো ভৃশম্ ॥ 3-110-9b
স বৈ সংভাষ্যমাণোঽন্যৈঃ কোপাদ্ভিরিমুবাচ হ । 3-110-10a
য ইহ ব্যাহরেৎকশ্চিদুপলানুৎসৃজেত বা ॥ 3-110-10b
বাতং চাহূয় মা শব্দমিত্যুবাচ স তাপসঃ । 3-110-11a
ব্যাহরংশ্চেহ পুরুষো মেঘশব্দেন বার্যতে ॥ 3-110-11b
এবমেতানি কর্মাণি রাজংস্তেন মহর্ষিণা । 3-110-12a
কৃতানি কানিচিৎক্রোধাৎপ্রতিষিদ্ধানি কানিচিৎ । 3-110-12b
নন্দাং ৎবভিগতা দেবাঃ পুরা রাজন্নিতি শ্রুতিঃ । 3-110-13a
অন্বপদ্যন্ৎ সহসা পুরুষা দেবদর্শিনঃ ॥ 3-110-13b
তেনাদর্শনমিচ্ছন্তো দেবাঃ শক্রপুরোগমাঃ । 3-110-14a
দুর্গচক্রুরিমং দেশং গিরিং প্রত্যূহরুপকম্ ॥ 3-110-14b
তদাপ্রভৃতি কৌন্তেয় নরা গিরিমিমং সদা । 3-110-15a
নাশক্রুবন্নভিদ্রষ্টুং কুত এবাধিরোহিতুম্ ॥ 3-110-15b
নাতপ্ততপসা শক্যো দ্রষ্টুমেপ মহাগিরিঃ । 3-110-16a
আরোঢুং বাঽপি কৌন্তেয় তস্মান্নিয়তবাগভব ॥ 3-110-16b
ইহ দেবাস্তদা সর্বে যজ্ঞানাজহুরুত্তমান্ । 3-110-17a
তেষামেতানি লিঙ্গানি দৃশ্যন্তেঽদ্যাপি ভারত ॥ 3-110-17b
কুশাকারেব দূর্বেয়ং সংস্তীর্ণেব চ্ ভূরিয়ম্ । 3-110-18a
য়ূপপ্রকারা বহবো বৃক্ষাশ্চেমে বিশাংপতে ॥ 3-110-18b
দেবাশ্চ ঋষৌয়শ্চৈব বসন্ত্যদ্যাপি ভারত । 3-110-19a
ত্তেষাং সায়ং তথা প্রাতর্দৃশ্যতে হব্যবাহনঃ ॥ 3-110-19b
ইহাপ্লতানাং কৌন্তেয় সদ্যঃ পাপ্মাঽভিহন্যতে । 3-110-20a
কুরুশ্রেষ্ঠাভিষেকং বৈ তস্মাঅৎকুরু সহানুজঃ ॥ 3-110-20b
ততো নন্দাপ্লুতাঙ্গস্ৎবং কৌশিকীমভিয়াস্যসি । 3-110-21a
বিশ্বামিত্রেণ যত্রোগ্রং তপস্তপ্তমনুত্তমম্ ॥ 3-110-21b
বৈশংপায়ন উবাচ । 3-110-22x
ততস্তত্র সমাপ্লুত্য গাত্রাণি সগণো নৃপঃ 3-110-22a
জগামকৌশিকীং পুণ্যাং রম্যাং শীতজলাং শুভাং ॥ 3-110-22b (20339)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি দশাধিকশততমোঽধ্যায়ঃ ॥১১০॥
Mahabharata - Vana Parva - Chapter Footnotes
অরণ্যপর্ব - অধ্যায় 111
॥ শ্রীঃ ॥
3.111. অধ্যায়ঃ 111
Mahabharata - Vana Parva - Chapter Topics
যুধিষ্ঠিরেণ কৌশিকীতীরে ঋশ্যশৃঙ্গাশ্রমগমনম্ ॥ 1 ॥ লোমশেন যুধিষ্ঠিরংপ্রতি বিভাণ্ডকান্মৃগ্যামৃশ্যশৃঙ্গোৎপত্তিকথনম্ ॥ 2 ॥ লোমপাদেনানাবৃষ্টিনিবৃত্তয়ে ঋশ্যশৃঙ্গানয়নং চোদিতাভির্বেশ্যাভিস্তদ্বনগমনম্ ॥ 3 ॥Mahabharata - Vana Parva - Chapter Text
3-111-0 (20340)
লোমশ উবাচ। 3-111-0x (2063)
এষা দেবনদী পুণ্যা কৌশিকী ভরতর্ষভ।
বিশ্বামিত্রাশ্রমো রম্য এষ চাত্র প্রকাশতে ॥ 3-111-1 (20341)
আশ্রমশ্চৈব পুণ্যাখ্যঃ কাশ্যপস্য মহাত্মনঃ।
ঋশ্যশৃঙ্গঃ সুতো যস্ তপস্বী সংয়তেন্দ্রিয়ঃ ॥ 3-111-2 (20342)
তপসো যঃ প্রভাবেন বর্ষয়ামাস বাসবম্।
অনাবৃষ্ঠ্যাং ভয়াদ্যস্য ববর্ষ বলবৃত্রহা ॥ 3-111-3 (20343)
মৃগ্যাং জাতঃ স তেজস্বী কাশ্যপস্য সুতঃ প্রভুঃ।
বিষয়ে লোমপাদস্য যশ্চকারাদ্ভুতং মহৎ ॥ 3-111-4 (20344)
নির্বর্তিতেষু সস্যেষু যস্মৈ শান্তাং দদৌ নৃপঃ।
লোমপাদো দুহিতরং সাবিত্রীং সবিতা যথা ॥ 3-111-5 (20345)
যুধিষ্ঠির উবাচ। 3-111-6x (2064)
ঋশ্যশৃঙ্গঃ কথং মৃগ্যামুৎপন্নঃ কাশ্যপাত্মজঃ।
বিরুদ্ধয়োনিসংসর্গঃ কথং চ তপসা যুতঃ ॥ 3-111-6 (20346)
কিমর্থং চ ভয়াচ্ছক্রস্তস্য বালস্য ধীমতঃ।
অনাবৃষ্ট্যাং প্রবৃত্তায়াং ববর্ষ বলবৃত্রহা ॥ 3-111-7 (20347)
কথংরূপা চ সা শান্তা রাজপুত্রী পতিব্রতা।
লোভয়ামাস যা চেতো মৃগভূস্য তস্য বৈ ॥ 3-111-8 (20348)
লোমপাদশ্চ রাজর্ষির্যদাঽশ্রূয়ত ধার্মিকঃ।
কথং বৈ বিষয়ে তস্য নাবর্ষৎপাকশাসনঃ ॥ 3-111-9 (20349)
এতন্মে ভগবন্সর্বং বিস্তরেণ যথাতথম্।
বক্তুমর্হসি শুশ্রূষোর্ঋশ্যশৃঙ্গস্ চেষ্টিতম্ ॥ 3-111-10 (20350)
লোমশ উবাচ। 3-111-11x (2065)
বিভাণ্ডকস্য ব্রহ্মর্ষেস্তপসা ভাবিতাত্মনঃ।
অমোঘবীর্যস্য সতঃ প্রজাপতিসমদ্যুতেঃ ॥ 3-111-11 (20351)
শৃণু পুত্রো যথা জাত ঋশ্যশৃঙ্গঃ প্রতাপবান্।
মহাহ্রদে মহাতেজা বালঃ স্থবিরসংভতঃ ॥ 3-111-12 (20352)
মহাহ্রদং সমাসাদ্য কাশ্যপস্তপসি স্থিতঃ।
দীর্ঘকালং রিশ্রান্ত ঋষির্দেবর্ষিসংমিতঃ ॥ 3-111-13 (20353)
তস্য রেতঃ প্রচস্কন্দ দৃষ্ট্বাঽপ্সরসমুর্বশীম্।
অপ্সূপস্পৃশতো রাজন্মৃগী তচ্চাপিবত্তদা।
সহ তোয়েন তৃষিতা গর্ভিণী চাভবত্ততঃ ॥ 3-111-14 (20354)
সা পুরোক্তা ভগবতা ব্রহ্মণা লোককর্তৃণা।
দেবকন্যা মৃগী ভূৎবা মুনিং সূয় বিমোক্ষ্যসে ॥ 3-111-15 (20355)
অমোঘৎবাদ্বিধেশ্চৈব ভাবিৎবাদ্দৈবনির্মিতাৎ।
তস্যাং মৃগ্যাং সমভবত্তস্ব পুত্রো মহানৃষিঃ।
ঋশ্যশৃঙ্গস্তপোনিত্যো বন এবাভ্যবর্ধত ॥ 3-111-16 (20356)
তস্য শৃঙ্গং শিরসি বৈ রাজন্নাসীন্মহাত্মনঃ।
তেনর্শ্যশৃঙ্গ ইত্যেবং তদা স প্রথিতোঽভবৎ ॥ 3-111-17 (20357)
ন তেন দৃষ্টপূর্বোঽন্যঃ পিতুরন্যত্রমানুষঃ।
তস্মাত্তস্য মনো নিত্যং ব্রহ্মচর্যেঽভবন্নৃপ ॥ 3-111-18 (20358)
এতস্মিন্নেব কালে তু সখা দশরশস্য বৈ।
কলোমপাদ ইতিখ্যাতো হ্যঙ্গানামীশ্বরোঽভবৎ ॥ 3-111-19 (20359)
তেন কামঃ কৃতো মিথ্যা ব্রাহ্মণেভ্য ইতি শ্রুতিঃ।
`দৈবোপহতসত্ৎবেন ধর্মজ্ঞেনাপি ভারত'।
স ব্রাহ্মণৈঃ পরিত্যক্তস্তদা ভরতসত্তম ॥ 3-111-20 (20360)
পুরোহিতাপচারাচ্চ তস্য রাজ্ঞো যদচ্ছয়া।
ন ববর্ষ সহস্রাক্ষস্ততোঽপীড্যন্ত বৈ প্রজাঃ ॥ 3-111-21 (20361)
স ব্রাহ্মণান্পর্যপৃচ্ছত্তপোয়ুক্তান্মনীষিণঃ।
প্রবর্ষণে সুরেন্দ্রস্য সমর্থান্পৃথিবীপতে ॥ 3-111-22 (20362)
কথং প্রবর্ষেৎপর্জন্য উপায়ঃ পরিমৃশ্যতাম্।
তমূচুশ্চোদিতাস্তে তু স্বমতানি মনীষিণঃ ॥ 3-111-23 (20363)
তত্র ৎবেকো রমুনিবরস্তং রাজানমুবাচ হ।
কুপিতাস্তব রাজেন্দ্র ব্রাহ্মণা নিষ্কৃতিং চর ॥ 3-111-24 (20364)
ঋশ্যশৃঙ্গং মুনিসুতমানয়স্ব চ পার্থিব।
ঐণেয়মনভিজ্ঞং চ নারীণামার্জবে রতম্ ॥ 3-111-25 (20365)
স চেদবতরেদ্রাজন্বিষয়ং তে মহাতপাঃ।
সদ্যঃ প্রবর্ষেৎপর্জন্য ইতি মে নাস্তি সংশয়ঃ ॥ 3-111-26 (20366)
এতচ্ছ্রুৎবা বচো রাজন্কৃৎবা নিষ্কৃতিমাত্মনঃ।
স গৎবা পুনরাগচ্ছৎপ্রসন্নেষু দ্বিজাতিষু ॥ 3-111-27 (20367)
রাজানমাগতং জ্ঞাৎবা প্রতিসংজগৃহুঃ প্রজাঃ।
`স চ তা প্রতিজগ্রাহ পিতেব হিতকৃৎসদা' ॥ 3-111-28 (20368)
ততোঽঙ্গপতিরাহূয় সচিবান্মন্ত্রকোবিদান্।
ঋশ্যশৃঙ্গাগমে যত্নমকরোন্মন্ত্রনিশ্চয়ে ॥ 3-111-29 (20369)
সোঽধ্যগচ্ছদুপায়ং তু তৈরমাত্যৈঃ সহাচ্যুতঃ।
শাস্ত্রজ্ঞৈরলমর্থজ্ঞৌর্নীত্যাং চ পরিনিষ্ঠিতৈঃ ॥ 3-111-30 (20370)
ততশ্চানায়যামাস বারমুখ্যা মহীপতিঃ।
বেশ্যাঃ সর্বত্রনিষ্ণাতাস্তা উবাচ স পার্থিবঃ ॥ 3-111-31 (20371)
ঋশ্যশৃঙ্গমৃষেঃ পুত্রমানয়ধ্বমুপায়তঃ।
লোভয়িৎবাঽভিবিশ্চাস্য বিষয়ং মম শোভনাঃ ॥ 3-111-32 (20372)
তা রাজভয়ভীতাশ্চ শাপভীতাশ্চ যোষিতঃ।
অশক্যমূচুস্তৎকার্যং বিষণ্ণা গতচেতসঃ ॥ 3-111-33 (20373)
তত্র ৎবেকা জরদ্যোষা রাজানমিদমব্রবীৎ।
প্রয়তিষ্যে মহারাজ তমানেতুং তপোধনম্ ॥ 3-111-34 (20374)
অভিপ্রেতাংস্তু মে কামাংস্ৎবমনুজ্ঞাতুমর্হসি।
ততঃ শক্ষ্যাম্যানয়িতুমৃশ্যশৃঙ্গমৃষেঃ সুতম্ ॥ 3-111-35 (20375)
তস্যাঃ সর্বমভিপ্রেতমন্বজানাৎস পার্থিবঃ।
ধনং চ প্রদদৌ ভূরি রত্নানি বিবিধানি চ ॥ 3-111-36 (20376)
ততো রূপেণ সপন্না বয়সা চ মহীপতে।
স্ত্রিয় আদায় কাশ্চিৎসা জগাম বনমঞ্জসা ॥ 3-111-37 (20377)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একাদশাধিকশততমোঽধ্যায়ঃ ॥ 111 ॥
Mahabharata - Vana Parva - Chapter Footnotes
3-111-2 কাশ্যপস্য বিভাণ্কস্য ॥ 3-111-3 হর্ষয়ামাস বাসবমিতি ধ. পাঠঃ ॥ 3-111-10 শুস্রূষোর্মে ইতি সংবন্ধঃ ॥ 3-111-15 সূয় প্রসূয় ॥ 3-111-16 বিধেঃ বিধিবাক্যস্য দৈবনির্মিতাদ্ধেতোঃ ভাবিৎবাৎ অপরিহার্যৎবাচ্চ ॥ 3-111-19 অঙ্গানাং দেশানাম্ ॥ 3-111-20 মিথ্যাকৃতঃ ময়া তুভ্যং দাতুং কিমপি ন প্রতিশ্রুতমিত্যপলাপং কৃতবানিত্যর্থঃ ॥ 3-111-24 নিষ্কৃতিং প্রায়শ্চিত্তম্ ॥ 3-111-25 মুনিসুতমাহ্বয়স্বচেতি ক. পাঠঃ ॥ 3-111-31 সর্বত্র পরবঞ্চনাদৌ নিষ্ণাতাঃ কুশলাঃ ॥ 3-111-34 জরদ্যোষা বৃদ্ধাস্ত্রী ॥ 3-111-36 অন্বজানাৎ অজুজ্ঞাতবান্ ॥অরণ্যপর্ব - অধ্যায় 112
॥ শ্রীঃ ॥
3.112. অধ্যায়ঃ 112
Mahabharata - Vana Parva - Chapter Topics
বিভাণ্ডকস্যাসন্নিধানে তদাশ্রমং প্রবিষ্টয়া বেশ্যায়ুবত্যা বিলাসৈ র্ঋশ্যশৃঙ্গং প্রলোভ্য পুনঃ স্বাবাসগমনম্ ॥ 1 ॥ আগতেন বিভাণ্ডকেন বেশ্যাবিলাসমুগ্ধচেতসং সুতংপ্রতি মোহকারণপ্রশ্নঃ ॥ 2 ॥Mahabharata - Vana Parva - Chapter Text
3-112-0 (20378)
লোমশ উবাচ। 3-112-0x (2066)
সা তু নাব্যাশ্রমং চক্রে রাজকার্যার্থসিদ্ধয়ে।
সংদেশাচ্চৈব নৃপতেঃ স্ববুদ্ধ্যা চৈব ভারত ॥ 3-112-1 (20379)
নানাপুষ্পফলৈর্বৃক্ষৈঃ কৃত্রিমৈরুপশোভিতৈঃ।
নানাগুল্মলতোপেতৈঃ স্বাদুকামফলপ্রদৈঃ ॥ 3-112-2 (20380)
অতীব রমণীয়ং তদতীব চ মনোহরম্।
চক্রে নাব্যাশ্রমং রম্যমদ্ভুতোপমদের্শনম্ ॥ 3-112-3 (20381)
ততো নিবধ্য সা নাবমদূরে কাশ্যপাশ্রমাৎ।
চারয়ামাস পুরুষৈর্বিহারং তস্য বৈ মুনেঃ ॥ 3-112-4 (20382)
ততো দুহিতরং বেশ্যাং সমাধায়েতিকার্যতাম্।
দৃষ্ট্বাঽন্তরং কাশয়্পস্য প্রাহিণোদ্বুদ্ধিসংমতাম্ ॥ 3-112-5 (20383)
সা তত্র গৎবা কুশলা তপোনিত্যস্য সংনিধৌ।
আশ্রমং তং সমাসাদ্য দদর্শ তমৃষেঃ সুতম্ ॥ 3-112-6 (20384)
বেশ্যোবাচ। 3-112-7x (2067)
কচ্চিন্মুনে কুশলং তাপসানাং
কচ্চিচ্চ বো মূলফলং প্রভূতম্।
কচ্চিদ্ভবান্রমতে চাশ্রেঽস্মিং-
স্ৎবাং বৈ দ্রষ্টুং সাংপ্রতমাগতাস্মি ॥ 3-112-7 (20385)
কচ্চিত্তপো বর্ধতে তাপসানাং
পিতা চ তে কচ্চিদহীনতেজাঃ।
কচ্চিত্ৎবয়া প্রীয়তেচৈব বিপ্র
কচ্চিৎস্বাধ্যায়ঃ ক্রিয়তে চর্শ্যশৃঙ্গঃ ॥ 3-112-8 (20386)
ঋশ্যশৃঙ্গ উবাচ। 3-112-9x (2068)
ঋদ্ধ্যা ভবাঞ্জ্যোতিরিব প্রকাশতে
মন্যে চাহং ৎবামভিবাদনীয়ম্।
পাদ্যং বৈ তে সংপ্রদাস্যামি কামা-
দ্যথাধর্মং ফলমূলানি চৈব ॥ 3-112-9 (20387)
কৌশ্যাং বৃস্যামাস্স্ব যথোপজোষং
কৃষ্ণাজিনেনাবৃতায়াং সুখায়।
ক্ব চাশ্রমস্তব কিং নাম চেদং
ব্রতংব্রহ্মংশ্চরসি হি দেববত্ৎবম্ ॥ 3-112-10 (20388)
বেশ্যোবাচ। 3-112-11x (2069)
মমাশ্রমঃ কাশ্যপপুত্র রম্য-
স্ত্রিয়োজনং শৈলমিমং পরেণ।
তত্রস্বধর্মোঽনভিবাদনং নো
ন চোদকং পাদ্যমুপস্পৃশামঃ ॥ 3-112-11 (20389)
ভবতা নাভিবাদ্যোঽহমভিবাদ্যো ভবান্ময়া।
ব্রতমেতাদৃশং ব্রহ্মন্পরিষ্বজ্যো ভবান্ময়া ॥ 3-112-12 (20390)
ঋশ্যশৃঙ্গ উবাচ। 3-112-13x (2070)
ফলানি পক্বানি দদানি তেঽহং
ভল্লাতকান্যামলকানি চৈব।
করূষকানীঙ্গুদধন্বনানি
প্রিয়ালানাং কাঙ্ক্ষিতং বৈ কুরুষ্ব ॥ 3-112-13 (20391)
লোমশ উবাচ। 3-112-14x (2071)
সা তানি সর্বাণি বিসর্জয়িৎবা
ভক্ষ্যাণ্যনর্হাণি দদৌ ততোঽস্মৈ।
তান্যৃশ্যশৃঙ্গায় মহারসানি
ভৃশং সুরূপাণি চ মোদকানি ॥ 3-112-14 (20392)
দদৌ চ মাল্যানি সুগন্ধবন্তি
চিত্রাণি বাসাংসি চ ভানুমন্তি।
পেয়ানি চাগ্র্যাণি ততো মুমোদ
চিক্রীড চৈব প্রজহাস চৈব ॥ 3-112-15 (20393)
সা কন্দুকেনারমতাস্য মূলে
বিভজ্যমানা ফলিতা লতেব।
গাত্রৈশ্চ গাত্রাণি নিষেবমাণা
সমাশ্লিষচ্চাসকৃদৃশ্যশৃঙ্গম্ ॥ 3-112-16 (20394)
সর্জানশোকাংস্তিলকাংশ্চ বৃক্ষা-
ন্সুপুষ্পিতানবনাম্যাবভজ্য।
বিলজ্জমানেব মদাভিভূতা
প্রোভয়ামাস সুতং মহর্ষেঃ ॥ 3-112-17 (20395)
অথর্শ্যশৃঙ্গং বিকৃতংসমীক্ষ্য
পুনঃ পুনঃ পীঞ্য চ কায়মস্য।
অবেক্ষ্যমাণা শনকৈর্জগাম
কৃৎবাঽগ্নিহোত্রস্য তদাঽপদেশম্ ॥ 3-112-18 (20396)
তস্যাং গতায়াং মদনেন মত্তো
বিচেতনশ্চাভবদৃশ্যশৃঙ্গঃ।
তামেব ভাবেন গতেন শূন্যে
বিনিঃশ্বসন্নার্তরূপো বভূব ॥ 3-112-19 (20397)
ততো মুহূর্তাদ্ধরিপিঙ্গলাক্ষঃ
প্রবেষ্টিতো রোমভিরানখাগ্রাৎ।
স্বাধ্যায়বান্বৃত্তসমাধিয়ুক্তো
বিভাণ্ডকঃ কাশ্যপঃ প্রাদুরাসীৎ ॥ 3-112-20 (20398)
সোঽপশ্যদাসীনমুপেত্য পুত্রং
ধ্যায়ন্তমেকং বিপরীতচিত্তম্।
বিনিঃশ্বসন্তং মুহুরূর্ধ্বদৃষ্টিং
বিভাণ়্কঃ পুত্রমুবাচ দীনম্ ॥ 3-112-21 (20399)
ন কল্পিতাঃ সমিধঃ কিংনু তাত
কচ্চিদ্ধুতং চাগ্নিহোঽত্রং ৎবয়াঽদ্য।
`ন সংসৃষ্টং ক্রিয়তে দ্বারভাগে
সুবৃক্ষাণা খণ্ডনে কঃ প্রবৃত্তঃ' ॥ 3-112-22 (20400)
সুনির্ণিক্তং স্রুক্স্রুবং হোমধেনুঃ
কচ্চিৎসবৎসাদ্যকৃতা ৎবয়া চ।
`কোপ্যাগতঃ শুশ্রূষণায়েহ পুত্র
কুতশ্চিত্রং মাল্যমিদং প্রবৃদ্ধম্' ॥ 3-112-23 (20401)
ন বৈ যথাপূর্বমিবাসি পুত্র
চিন্তাপরশ্চাসি বিচেতনশ্চ।
দীনোতিমাত্রং কিমিবাদ্য খিন্নঃ
পৃচ্ছামি ৎবাং ক ইহাদ্যাগতোঽভূৎ ॥ 3-112-24 (20402)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি দ্বাদশাধিকশততমোঽধ্যায়ঃ ॥ 112 ॥
Mahabharata - Vana Parva - Chapter Footnotes
3-112-1 সা তু নার্যাশ্রমং চক্রে ইতি ক. ধ.পাঠঃ। নাব্যাশ্রমং নাবা তার্যমাশ্রমম্ ॥ 3-112-4 মুনের্বিভাণ্ডকস্য বিহারং বহির্গমনং চারয়ামাস চারৈরধিগতবতী ॥ 3-112-5 সমাধায় বোধয়িৎবা। ইতিকার্যাতাং ইতিকর্তব্যতাম্। অন্তরং অসান্নিধ্যম্ ॥ 3-112-10 কৌশ্যাং বৃস্যামাস্ব কুশাসনে উপবিশ। যথোপজোষং যথাসুখম্ ॥ 3-112-14 অনর্হাণি অমূল্যানি ॥ 3-112-16 মূলে সমীপে। বিভজ্যমানা অঙ্গমোটনাদীনি কুর্বাণা ॥ 3-112-18 কায়ং দেহং পীড্য আলিঙ্গ্যেত্যর্থঃ। অপদেশং ছলম্ ॥ 3-112-19 ভাবেনাভিপ্রায়ে ॥ 3-112-20 প্রবেষ্টিতো ব্যাপ্তঃ ॥ 3-112-23 নির্ণিক্তং প্রক্ষালিতম্। সবৎসা কৃতা। দোহনায়েতি শেষঃ ॥অরণ্যপর্ব - অধ্যায় 113
॥ শ্রীঃ ॥
3.113. অধ্যায়ঃ 113
Mahabharata - Vana Parva - Chapter Topics
ঋশ্যশৃঙ্গেণ বিভাণ্ডকংপ্রতি ভ্রমাদ্বেশ্যাকুমার্যাং মুনিকুমারৎবব্যপদেশেন তদাগমনোক্তিপূর্বকং তদঙ্গচেষ্টাবিলাসৈস্তস্যামেব স্বচিত্তাসক্ত্যুক্তিঃ ॥ 1 ॥Mahabharata - Vana Parva - Chapter Text
3-113-0 (20403)
ঋশ্যশৃঙ্গ উবাচ। 3-113-0x (2072)
ইহাগতো জটিলো ব্রহ্মচারী
ন বৈ হ্রস্বো নাতিদীর্ঘো মনস্বী।
সুবর্ণবর্ণঃ কমলায়তাক্ষঃ
সুতঃ সুরাণামবি শোভমানঃ ॥ 3-113-1 (20404)
সমৃদ্ধরূপঃ সবিতেব দীপ্তঃ
সুশ্লক্ষ্ণবাক্কৃষ্ণতারশ্চকোরাৎ।
নীলাঃ প্রসন্নাশ্চ জটাঃ সুগন্ধা
হিরণ্যরজ্জুগ্রথিতাঃ সুদীর্ঘাঃ ॥ 3-113-2 (20405)
আধারভূতঃ পুনরস্য কণ্ঠে
বিভ্রাজতে বিদ্যুদিবান্তরিক্ষে।
দ্বৌ চাস্ পিণ্ডাবধরেণ কণ্ঠা-
দজাতরোমৌ সুমনোহরৌ চ ॥ 3-113-3 (20406)
বিলগ্নমধ্যশ্চ স নাভিদেশে
কটিশ্চ তস্যাতিকৃতপ্রমাণা।
তথাঽস্ চীরান্তরতঃ প্রভাতি
হিরণ্ময়ী মেখলা মে যথেয়ম্ ॥ 3-113-4 (20407)
অন্যচ্চ তস্যাদ্ভুতদর্শনীয়ং
বিকূজিতং পাদয়োঃ সংপ্রভাতি।
পাণ্যোশ্চ তদ্বৎস্বনবন্নিবদ্ধৌ
কলাপকাবক্ষমালা যথেয়ম্ ॥ 3-113-5 (20408)
বিচেষ্টমানস্য চ তস্য তানি
কূজন্তি হংসাঃ সরসীব মত্তাঃ।
চীরাণি তস্যাদ্ভুতদর্শনানি
নেমানি তদ্বন্মম রূপবন্তি ॥ 3-113-6 (20409)
বক্রং চ তস্যাদ্ভুতদর্সনীয়ং
প্রব্যাহৃতং হ্লাদয়তীব চেতঃ।
পিংস্কোকিলস্যেব চ তস্য বাণি
তাং শৃণ্বতো মে ব্যথিতোঽন্তরাত্মা ॥ 3-113-7 (20410)
যথা বনং মাধবমাসিমধ্যে
সমীরীতং শ্বসনেনেব ভাতি।
তথা স ভাত্যুত্তমপুণ্যগন্ধী
নিষেব্যমাণঃ পবনেন তাত ॥ 3-113-8 (20411)
সুসংবতাশ্চাপি জটা বিভক্তা
দ্বৈধীকৃতা ভাতিললাটদেশে।
কর্ণৌ চ চিত্রৈরিব চক্রবাকৈঃ
সমাবৃতৌ তস্য সুরূপবদ্ভিঃ ॥ 3-113-9 (20412)
তথা ফলং বৃত্তমথো বিচিত্রং
সমাহতং পাণিনা দক্ষিণেন।
তদ্ভূমিমাসাদ্য পুনঃপুনশ্চ
সমুৎপতত্যদ্ভুতরূপমুচ্চৈঃ ॥ 3-113-10 (20413)
তচ্চাভিহৎবা পরিবর্ততেঽসৌ
বাতেরিতো বৃক্ষ ইবাবঘূর্ণম্।
তং প্রেক্ষতঃ পুত্রমিবামরাণাং
প্রীতিঃ পরা তাত রতিশ্চ জাতা ॥ 3-113-11 (20414)
স মে সমাশ্লিষ্য পুনঃ শরীরং
জটাসু গৃহ্যাভ্যবনাম্য বক্রম্।
বক্রেণ বক্রং প্রণিধায় শব্দং
চকার তন্মেঽজনয়ৎপ্রহর্ষম্ ॥ 3-113-12 (20415)
ন চাপি পাদ্যং বহুমন্যতেঽসৌ
ফলানি চেমানি ময়া হৃতানি।
এবংব্রতোস্মীতি চ মামবোচ-
ৎফলানি চান্যানি নবান্যদান্মে ॥ 3-113-13 (20416)
ময়োপয়ুক্তানি ফলানি যানি
নেমানি তুল্যানি রসেন তেষাম্।
ন চাপি তেষাং ৎবগিয়ং যথৈষাং
সারাণি নৈষামিব সন্তি তেষাম্ ॥ 3-113-14 (20417)
তোয়ানি চৈবাতিরসানি মহ্যং
প্রাদাত্ম বৈ পাতুমুদাররূপঃ।
পীৎবৈব যান্যভ্যধিকঃ প্রহর্ষো
মমাভবদ্ভূশ্চলিতেব চাসীৎ ॥ 3-113-15 (20418)
ইমানি চিত্রাণি চ গন্ধবন্তি
মাল্যানি তস্যোদ্গ্রথিতানি পট্টৈঃ।
যানি প্রকীর্যেহ গতঃ স্বমেব
স আশ্রমং তপসা দ্যোতমানঃ ॥ 3-113-16 (20419)
গতেন তেনাস্মিকৃতো বিচেতা
গাত্রং চ মে সংপরিদহ্যতীব।
ইচ্ছামি তস্যান্তিকমাশু গন্তুং
তং চেহ নিত্যং পরিবর্তমানম্ ॥ 3-113-17 (20420)
গচ্ছামি তস্যান্তিকমেব তাত
কা নাম সা ব্রহ্মচর্যা চ তস্য।
ইচ্ছাম্যহং চরিতুং তেন সার্ধং
যথা তপঃ স চরত্যার্যধর্মা ॥ 3-113-18 (20421)
চর্তুং তথেচ্ছা হৃদয়ে মমাস্তি
দুনোতি চিত্তং যদি তং ন পশ্যে ॥ 3-113-19 (20422)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ত্রয়োদশাধিকশততমোঽধ্যায়ঃ ॥ 113 ॥
Mahabharata - Vana Parva - Chapter Footnotes
3-113-3 আধাররূপা পুনরিতি ঝ. ধ. পাঠঃ ॥ 3-113-5 কলাপকৌ ভূষণবিশেষৌ। স্বার্থে কঃ। কঙ্গণাবিত্যর্থঃ। বিকুঞ্চিতং পাদয়োঃ সংপ্রভাতি ইতি ধ. পাঠঃ ॥ 3-113-10 তথা ফলং ফলসদৃশং কন্দুকম্ ॥ 3-113-11 প্রীতিরাহ্লাদঃ। রতিরাসক্তিঃ ॥অরণ্যপর্ব - অধ্যায় 114
॥ শ্রীঃ ॥
3.114. অধ্যায়ঃ 114
Mahabharata - Vana Parva - Chapter Topics
পুনর্বিভাণ্ডকাসন্নিধানে তদাশ্রমং গতয়া গণিকাতরুণ্যা নৌকারোপণেন ঋশ্যশৃঙ্গেঽঙ্গদেশমানীতে মহাবৃষ্টেরাবির্ভাবঃ ॥ 1 ॥ ঋশ্যশৃঙ্গেণ লোমপাদপ্রার্থনয়া শান্তাভিধায়াস্তৎসুতায়াঃ পরিণয়নম্ ॥ 2 ॥ লোমপাদেন ক্রুদ্ধস্ বিভাণ্ডকস্য প্রসাদনম্ ॥ 3 ॥ ঋশ্যশৃঙ্গেণ পিতৃশাসনাদঙ্গদেশে তনয়োদয়াবধিনিবাসপূর্বকং ততঃ সহভার্যযা নিজাশ্রমাভিগমনম্ ॥ 4 ॥Mahabharata - Vana Parva - Chapter Text
3-114-0 (20423)
বিভাণ্ডক উবাচ। 3-114-0x (2073)
রক্ষাংসি চৈতানি চরন্তি পুত্র
রূপেণ তেনাদ্ভুতদর্শনেন।
অতুল্যবীর্যাণ্যভিরূপবন্তি
বিঘ্রং সদা তপসশ্চিন্তয়ন্তি ॥ 3-114-1 (20424)
সুরূপরূপাণি চ তানি তাত
প্রলোভয়ন্তে বিবিধৈরুপায়ৈঃ।
সুখাচ্চ লোকাচ্চ নিপাতয়ন্তি
তান্যুগ্ররূপাণি মুনীন্বনেষু ॥ 3-114-2 (20425)
ন তানি সেবেত মুনির্যতাত্মা
সতাং লোকান্প্রার্থয়ানঃ কথংচিৎ।
কৃৎবা বিঘ্রনং তাপসানাং রমন্তে
পাপাচারাস্তাপসস্তান্ন পশ্যেৎ ॥ 3-114-3 (20426)
অসজ্জনেনাচরিতানি পুত্র
পানান্যপেয়ানি মধূনি তানি।
মাল্যানি চৈতানি ন বৈ মুনীনাং
স্মৃতানি চিত্রোজ্জ্বলগন্ধবন্তি ॥ 3-114-4 (20427)
রক্ষাংসি তানীতি নিবার্য পুত্রং
বিভাণ্ডকস্তাং মৃগয়াংবভূব।
নাসাদয়ামাস যদা ত্র্যহেণ
তদা স পর্যাববৃতে শ্রমায় ॥ 3-114-5 (20428)
যদা পুন কাশ্যপো বৈ জগাম
ফলান্যাহর্তুং বিধিনাশ্রমেঽসৌ।
তদা পুনর্লোভয়িতুং জগাম
সা বেশায়োষা মুনিমৃশ্যশৃহ্গম্ ॥ 3-114-6 (20429)
দৃষ্ট্বৈব তামৃশ্যশৃঙ্গঃ প্রহৃষ্টঃ
সংভ্রান্তরূপোঽভ্যপতত্তদানীম্।
প্রোবাচ চৈনাং ভবতঃ শ্রমায়
গচ্ছাব যাবন্ন পিতা মমৈতি ॥ 3-114-7 (20430)
লোমশ উবাচ। 3-114-8x (2074)
ততো রাজন্কাশ্যপস্যৈকপুত্রং
প্রবেশ্য বেগেন বিমুচ্য নাবম্।
প্রলোভয়ন্ত্যো বিবিধৈরুপায়ৈ-
রাজগ্মুরঙ্গাধিপতেঃ সমীপম্ ॥ 3-114-8 (20431)
সংস্থাপ্যতামাশ্রমদর্শনে তু
সংতারিতাং নাবমথাতিশুভ্রাম্।
তীরাদুপাদায় তথৈব চক্রে
রাজাশ্রমং নাম বনং বিচিত্রম্ ॥ 3-114-9 (20432)
অন্তঃপুরে তং তু নিবেশ্য রাজা
বিভাণ্ডকস্যাত্মজমেকপুত্রম্।
দদর্শ মেঘৈঃ সহসা প্রবৃষ্ট-
মাপূর্যণাণং চ জগজ্জলেন ॥ 3-114-10 (20433)
স রোমপাদ পরিপূর্ণকামঃ
সুতাং দদাবৃশ্যশৃঙ্গায় শান্তাম্।
ক্রোধপ্রতীকারকরং চ চক্রে
গোভিশ্চ মার্গেষ্বভিকর্ষণং চ ॥ 3-114-11 (20434)
বিভাণ্ডকস্যাব্রজতঃ স রাজা
পশূন্প্রভূতান্পশুপাংশ্চ বীরান্।
সমাদিশৎপুত্রগৃদ্ধী মহর্ষি-
র্বিভাণ্ডকঃ পরিপৃচ্ছেদ্যদা বঃ ॥ 3-114-12 (20435)
স ক্তব্যঃ প্রাঞ্জলিভির্ভবদ্ভিঃ
পুত্রস্য তে পশবঃ কর্ষণং চ।
কিং তে প্রিয়ং বৈ ক্রিয়তাং মহর্ষে
দাসাঃ স্ম সর্বে তব বাচি বদ্ধাঃ ॥ 3-114-13 (20436)
অথোপায়াৎস মুনিশ্চণ্ডকোপঃ
স্বমাশ্রমং মূলফলং গৃহীৎবা।
অন্বেষমাণশ্চ ন তত্র পুত্রং
দদর্শ চুক্রোধ ততো ভৃশং সঃ ॥ 3-114-14 (20437)
ততঃ স কোপেন বিদীর্যমাণ
আশঙ্কমানো নৃপতের্বিধানম্।
জগাম চম্পাং প্রতিধক্ষ্যমাণ-
স্তমঙ্গরাজং সপুরং সরাষ্ট্রম্ ॥ 3-114-15 (20438)
স বৈ শ্রান্তঃ ক্ষুধিতঃ কাশ্যপস্তা-
ন্ঘোষান্সমাসাদিতবান্সমৃদ্ধান্।
গোপৈশ্চ তৈর্বিধিবৎপূজ্যমানো
রাজেব তাং রাত্রিমুবাস তত্র ॥ 3-114-16 (20439)
অবাপ্য সৎকারমতীব হৃষ্টঃ
প্রোবাচ কস্য প্রথিতাঃ স্থ গোপাঃ।
ঊচুস্ততস্তেঽভ্যুপগম্য সর্বে
ধনং তবেদং বিহিতং সুতস্য ॥ 3-114-17 (20440)
দেশেষু দেশেষু স পূজ্যমান-
স্তাংশ্চৈব শৃণ্বন্মধুরান্প্রলাপান্।
প্রশান্তভূয়িষ্ঠরজাঃ প্রহৃষ্টঃ
সমাসসাদাঙ্গপতিং পুরস্থম্ ॥ 3-114-18 (20441)
স পূজিতস্তেন নরর্ষভেণ
দদর্শ পুত্রং দিবি দেবং যথেন্দ্রম্।
শান্তাং স্নুষাং চৈব দদর্শ তত্র
সৌদামনীমুচ্চরন্তীং যথৈব ॥ 3-114-19 (20442)
গ্রামাং শ্চ ঘোষাংশ্চ সুতস্য দৃষ্ট্বা
শান্তাং চ শান্তোঽস্য পরঃ স কোপঃ।
চকার তস্যৈব পরং প্রসাদং
বিভাণ্ডকো ভূমিপতের্নরেদ্র ॥ 3-114-20 (20443)
স তত্রনিক্ষিপ্য সুতং মহর্ষি-
রুবাচ সূর্যাগ্নিসমপ্রভাবঃ।
জাতে চ পুত্রে বনমেবাব্রজেথা
রাজ্ঞঃ প্রিয়াণ্যস্য সর্বাণি কৃৎবা ॥ 3-114-21 (20444)
স তদ্বচঃ কৃতবানৃশ্যশৃঙ্গো
যয়ৌ চ যত্রাস্য পিতা বভূব।
শান্তা চৈনং পর্যচরন্নরেন্দ্র
স্বে রোহিণী সোমমিবানুকূলা ॥ 3-114-22 (20445)
অরুন্ধতী বা সুভগা বসিষ্ঠং
লোপামুদ্রা বা যথা হ্যগস্ত্যম্।
নলস্য বৈ দময়ন্তী যথা ভূ
দ্যথা শচী বজ্রধরস্য চৈব ॥ 3-114-23 (20446)
নালায়নী চেন্দ্রসেনা বভূব
বস্যা নিত্যং মুদ্গলস্যাজমীঢ।
`যথা সীতা দাশরথের্মহাত্মনো
যথা তব দ্রৌপদী পাণ্ডুপুত্র'।
তথা শান্তা ঋশ্যশৃঙ্গং বনস্থং
প্রীত্যা যুক্তা পর্যচরন্নরেন্দ্র ॥ 3-114-24 (20447)
তস্যাশ্রমঃ পুণ্য এষোঽবভাতি
মহাহ্রদং শোভয়ন্পুণ্যকীর্তিঃ।
অত্রস্নাতঃ কৃতকৃত্যো বিশুদ্ধ-
স্তীর্থান্যন্যান্যনুসংয়াহি রাজন্ ॥ 3-114-25 (20448)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি চতুর্দশাধিকশততমোঽধ্যায়ঃ ॥ 114 ॥
Mahabharata - Vana Parva - Chapter Footnotes
3-114-5 শ্রমায় আশ্রমায় ॥ 3-114-6 বিধিনা শ্রাবণেনেতি ঝ. পাঠঃ। বেশয়োষা বেশ্যা ॥ 3-114-9 আশ্রমো যত্রস্থৈর্দৃশ্যতে তাবতিদেশে আশ্রমদর্শনে। নাব্যাশ্রমং নামেতি ঝ. পাঠঃ ॥ 3-114-11 গাশ্চৈব মার্গেষু চ কর্ষণানীতি ঝ. পাঠঃ ॥অরণ্যপর্ব - অধ্যায় 115
॥ শ্রীঃ ॥
3.115. অধ্যায়ঃ 115
Mahabharata - Vana Parva - Chapter Topics
যুধিষ্ঠিরেণ গঙ্গাসাগরসঙ্গমাদিতীর্থগমনম্ ॥ 1 ॥ লোমশেন যুধিষ্ঠিরংপ্রতি তত্তত্তীর্থাশ্রমমহিমানুবর্ণনম্ ॥ 2 ॥Mahabharata - Vana Parva - Chapter Text
3-115-0 (20449)
বৈশম্পায়ন উবাচ। 3-115-0x (2075)
ততঃ প্রয়াতঃ কৌশিক্যাঃ পাণ্ডবো জনমেজয়।
আনুপূর্ব্যেণ সর্বাণি জগামায়তনান্যথ ॥ 3-115-1 (20450)
স সাগরং সমাসাদ্য গঙ্গায়াঃ সংগমে নৃপ।
নদীশতানাং পঞ্চানাং মধ্যে চক্রে সমাপ্লবম্ ॥ 3-115-2 (20451)
ততঃ সমুদ্রতীরেণ জগাম বসুধাধিপঃ।
ভ্রাতৃভিঃ সহিতো বীরঃ কলিঙ্গান্প্রতি ভারত ॥ 3-115-3 (20452)
লোমশ উবাচ। 3-115-4x (2076)
এতে কলিঙ্গাঃ কৌন্তেয় যত্র বৈতরণী নদী।
যত্রায়জত ধর্মোপি দেবাঞ্শরণমেত্য বৈ ॥ 3-115-4 (20453)
ঋষিভিঃ সমুপায়ুক্তং যজ্ঞিয়ং গিরিশোভিতম্।
উত্তরং তীরমেতদ্ধি সততং দ্বিজসেবিতম্ ॥ 3-115-5 (20454)
সমেন দেবয়ানেন পথা স্বর্গমুপেয়ুষঃ।
অত্রবৈ ঋষয়োঽন্যেঽপি পুরা ক্রতুভিরীজিরে ॥ 3-115-6 (20455)
অত্রৈব রুদ্রো রাজেন্দ্র পশুমাদত্তবান্মখে।
পশুমাদায় রাজেন্দ্র ভাগোয়মিতি চাব্রবীৎ ॥ 3-115-7 (20456)
হৃতে পশৌ তদা দেবাস্তমূচুর্ভরতর্ষভ।
মা পরস্বমভিদ্রোগ্ধা মাধর্ম্যান্নীনশঃ পথঃ ॥ 3-115-8 (20457)
`স্বয়ং যজ্ঞেশ্বরো ভূৎবা কর্মণাং ফলদায়কঃ।
যজ্ঞং বিহন্তুং ভগবান্নার্হসে জগদীশ্বর' ॥ 3-115-9 (20458)
ইতিকল্যাণরূপাভির্বাগ্ভিস্তে রুদ্রমস্তুবন্।
ইষ্ট্যা চৈনং তর্পয়িৎবা মানয়াংচক্রিরে তদা ॥ 3-115-10 (20459)
ততঃ স পশুমুৎসৃজ্য দেবয়ানেন জগ্মিবান্।
তত্রানুবংশো রুদ্রস্যতং নিবোধ যুধিষ্ঠির ॥ 3-115-11 (20460)
অয়াতয়ামং সর্বেভ্যো ভাগেভ্যো ভাগমুত্তমম্।
দেবাঃ সংকল্পয়ামাসুর্ভয়াদ্রুদ্রস্য শাশ্বতম্ ॥ 3-115-12 (20461)
ইমাং গাথামত্র গায়ন্নপঃ স্পৃশতি যো নরঃ।
দেবয়ানোঽস্য পন্থাশ্চ চক্ষুষাঽভিপ্রকাশতে ॥ 3-115-13 (20462)
বৈশম্পায়ন উবাচ। 3-115-14x (2077)
ততো বৈতরণীং সর্বে পাণ্ডবা দ্রৌপদী তথা।
অবতীর্য মহাভাগাস্তর্পয়াংচক্রিরে পিতৃন্ ॥ 3-115-14 (20463)
যুধিষ্ঠির উবাচ। 3-115-15x (2078)
উপস্পৃশ্যেহ বিধিবদস্যাং নদ্যাং তপোবলাৎ।
মানুষাদস্মি বিষয়াদপেতঃ পশ্য লোমশ ॥ 3-115-15 (20464)
সর্বাল্লোঁকান্প্রপশ্যামি প্রসাদাত্তব সুব্রত।
বৈখানসানাং জপতামেষ শব্দো মহাত্মনাম্ ॥ 3-115-16 (20465)
লোমশ উবাচ। 3-115-17x (2079)
ত্রিশতং বৈ সহস্রাণি যোজনানাং যুধিষ্ঠির।
যত্রধ্বনিং শৃণোষ্যেনং তূষ্ণীমাস্স্ব বিশাংপতে ॥ 3-115-17 (20466)
এতৎস্বয়ংভুবো রাজন্বনং দিব্যং প্রকাশতে।
যত্রায়জত রাজেন্দ্র বিশ্বকর্মা প্রতাপবান্ ॥ 3-115-18 (20467)
যস্মিন্যজ্ঞে হি ভূর্দত্তা কশ্যপায় মহাত্মনে।
সপর্বতবনোদ্দেশা দক্ষিণার্থে স্বয়ংভুবা ॥ 3-115-19 (20468)
অবাসীদচ্চ কৌন্তেয় দত্তমাত্রা মহী তদা।
উবাচ চাপি কুপিতা লোকশ্বরমিদং প্রভুম্ ॥ 3-115-20 (20469)
ন মাং মর্ত্যায় ভগবন্কস্মৈচিদ্দাতুমর্হসি।
প্রদানং মোঘমেতত্তে যাস্যাম্যেষা রসাতলম্ ॥ 3-115-21 (20470)
বিষীদন্তীং তু তাং দৃষ্ট্বা কশ্যপো ভগবানৃষিঃ।
প্রসাদয়াংবভূবাথ ততো ভূমিং বিশাংপতে ॥ 3-115-22 (20471)
ততঃ প্রসন্না পৃথিবী তপসা তস্য পাণ্ডব।
পুনরুন্নহ্য সলিলাদ্দেদীরূপাস্থিতা বভৌ ॥ 3-115-23 (20472)
সৈষা প্রকাশতে রাজন্বেদীসংস্থানলক্ষণা।
আরুহ্যাত্র মহারাজ বীর্যবান্বৈ ভবিষ্যসি ॥ 3-115-24 (20473)
সৈষা সাগরমাস্রাদ্য রাজন্বেদী সমাশ্রিতা।
এতামারুহ্য ভদ্রং তে ৎবমেকস্তর সাগরম্ ॥ 3-115-25 (20474)
অহং চ তে স্বস্ত্যযনং প্রয়োক্ষ্যে
যথা ৎবমেনামধিরোহসেঽদ্য।
স্পৃষ্টা হি মর্ত্যেন ততঃ সমুদ্র-
মেষা বেদী প্রবিশত্যাজমীঢ ॥ 3-115-26 (20475)
ওংনমো বিশ্বগুপ্তায় নমো বিশ্বপরায় তে।
সান্নিধ্যং কুরু দেবেশ সাগরে লবণাম্ভসি ॥ 3-115-27 (20476)
অগ্নির্মিত্রো যোনিরাপোঽথ দেব্যো
বিষ্ণো রেতস্ৎবমমৃতস্য নাভিঃ।
এবং ব্রুবন্পাণ্ডব সত্যবাক্যং
বেদীমিমাং ৎবং তরসাঽধিরোহ ॥ 3-115-28 (20477)
অগ্নিশ্চ তে যোনিরিডা চ দেহো
রেতোধা বিষ্ণোরমৃতস্য নাভিঃ।
এবং ব্রুবন্পাণ্ডব সত্যবাক্যং
ততোঽবগাহেত পতিং নদীনাম্ ॥ 3-115-29 (20478)
অন্যথা হি কুরুশ্রেষ্ঠ দেবয়োনিরপাংপতিঃ।
কুশাগ্রেণাপি কৌন্তেয় ন স্প্রষ্টব্যো মহোদধিঃ ॥ 3-115-30 (20479)
বৈশম্পায়ন উবাচ। 3-115-31x (2080)
ততঃ কৃতস্বস্ত্যযনো মহাত্মা
যুধিষ্ঠিরঃ সাগরমভ্যগচ্ছৎ।
কৃৎবা চ তচ্ছাসনমস্য সর্বং
মহেন্দ্রমাসাদ্য নিশামুবাস ॥ 3-115-31 (20480)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি পঞ্চদশাধিকশততমোঽধ্যায়ঃ ॥ 115 ॥
Mahabharata - Vana Parva - Chapter Footnotes
3-115-5 উত্তরংতীরং বৈতরণ্যাঃ ॥ 3-115-8 মা পরস্বমভিদ্রোগ্ধা পরভাগস্য নাশং মাদুর্বিত্যর্থঃ ॥ 3-115-12 অয়াতয়ামং তাৎকালিকম্ ॥ 3-115-27 সমুদ্রপ্রার্থনামন্রমাহ ওংনম ইতি। বিশ্বং গুপ্তং লীনমস্মিন্ প্রলয়ে ইতি বিশ্বগুপ্তঃ। বিশ্বস্মাৎপরায় শ্রেষ্ঠায় বিষ্ণবে ইত্যর্থঃ। লবণাম্ভসি ক্ষারোদকে ॥ 3-115-30 দেবয়োনিঃ দেবস্তানম্ ॥ 3-115-31 যুধিষ্ঠিরঃ সাগরগামচচ্ছদিতি ক. ধ. পাঠঃ ॥অরণ্যপর্ব - অধ্যায় 116
॥ শ্রীঃ ॥
3.116. অধ্যায়ঃ 116
Mahabharata - Vana Parva - Chapter Topics
অকৃতব্রণএন মুনিনা যুধিষ্ঠিরংপ্তি পরশুরামচরিত্রকীর্তনারম্ভঃ ॥ 1 ॥ ঋচীকেন ভৃগুসুতেন দিব্যাশ্বসহস্রশুল্কদানেন গাধিকন্যাপরিণয়নম্ ॥ 2 ॥ গাধিসুতয়া সত্যবত্যা ভূগুপ্রসাদাজ্জমদগ্নিনামকতবয়োৎপাদনম্ ॥ 3 ॥Mahabharata - Vana Parva - Chapter Text
3-116-0 (20481)
বৈশম্পায়ন উবাচ। 3-116-0x (2081)
স তত্র তামুষিৎবৈকাং রজনীং পৃথিবীপতিঃ।
তাপসানাং পরং চক্রে সৎকারং ভ্রাতৃভিঃ সহ ॥ 3-116-1 (20482)
লোমশস্তস্য তান্সর্বানাচখ্যৌ তত্র তাপসান্।
ভৃগূনঙ্গিরসশ্চৈব বসিষ্ঠানথ কাশ্যপান্ ॥ 3-116-2 (20483)
তান্সমেত্য সা রাজর্ষিরভিবাদ্য কৃতাঞ্জলিঃ।
রামস্যানুচরং বীরমপৃচ্ছদকৃতব্রণম্ ॥ 3-116-3 (20484)
কদা নু রামো ভগবাংস্তাপসো দর্শয়িষ্যতি।
তমহং তপসা যুক্তং দ্রষ্টুমিচ্ছামি ভার্গবম্ ॥ 3-116-4 (20485)
অকৃতব্রণ উবাচ। 3-116-5x (2082)
আয়ানেবাসি বিদিতো রামস্য বিদিতাত্মনঃ।
প্রীতিস্ৎবয়ি চ রামস্য ক্ষিপ্রং ৎবাং দর্শয়িষ্যতি ॥ 3-116-5 (20486)
চতুর্দশীমষ্টমীং চ রামং পশ্যন্তি তাপসাঃ।
অস্যাং রাত্র্যাং ব্যতীতায়াং ভবিত্রী শ্বশ্চতুর্দশী ॥ 3-116-6 (20487)
`ততো দ্রক্ষ্যসি রামং ৎবং কৃষ্ণাজিনজটাধরম্'। 3-116-7 (20488)
যুধিষ্ঠির উবাচ।
ভবাননুগতো রামং জামদগ্ন্যং মহাবলম্।
প্রত্যক্ষদর্শী সর্বস্য পূর্ববৃত্তস্য কর্মণঃ ॥ 3-116-7x (2083)
স ভবান্কথয়ৎবদ্য যথা রামেণ নির্জিতাঃ।
আহবে ক্ষত্রিয়াঃ সর্বে কথং কেন চ হেতুনা ॥ 3-116-8 (20489)
অকৃতব্রণ উবাচ। 3-116-9x (2084)
[হন্ত তে কথয়িষ্যামি মহদাখ্যানমুত্তমম্।
ভৃগূণাং রাজশার্দূল বংশে জাতস্য ভারত ॥ 3-116-9 (20490)
রামস্য জামদগ্ন্যস্য চরিতং দেবসংমিতম্।
হৈহয়াধিপতেশ্চৈব কার্তবীর্যস্ ভারত ॥ 3-116-10 (20491)
রামেণ চার্জুনো নাম হৈহয়াধিপতির্হতিঃ।
তস্য বাহুশতান্যাসংস্ত্রীণি সপ্ত চ পাণ্ডব ॥ 3-116-11 (20492)
দত্তাত্রেয়প্রসাদেন বিমানং কাঞ্চনং তথা।
ঐশ্বর্যং সর্বভূতেষু পৃথিব্যাং পৃথিবীপতে ॥ 3-116-12 (20493)
অব্ঘাহতগতিশ্চৈব রথস্তস্য মহাত্মনঃ।
রথেন তেন তু সদাবরদানেন বীর্যবান্ ॥ 3-116-13 (20494)
মমর্দ দেবান্যক্ষাংশ্চ ঋষীংশ্চৈব সমন্ততঃ।
ভূতাংশ্চৈব স সর্বাংস্তু পীডয়ামাস সর্বতঃ ॥ 3-116-14 (20495)
ততো দেবাঃ সমেত্যাহুর্ঋষয়শ্চ মহাব্রতাঃ।
দেবদেবং সুরারিঘ্নং বিষ্ণুং সত্যপরাক্রমম্।
ভগবন্ভূতরার্থমর্জুনং জহি বৈ প্রভো ॥ 3-116-15 (20496)
বিমানেন চ দিব্যেন হৈহয়াধিপতিঃ প্রভুঃ।
শচীসহায়ং ক্রীডন্তং ধর্ষয়ামাস বাসবম্ ॥ 3-116-16 (20497)
ততস্তু ভগবান্দেবঃ শক্রেণ সহিতস্তদা।
কার্তবীর্যবিনাশার্থং মন্ত্রয়ামাস ভারত ॥ 3-116-17 (20498)
যত্তদ্ভূতহিতং কার্যং সুরেন্দ্রেণ নিবেদিতম্।
সংপ্রতিশ্রুত্য তৎসর্বং ভগবাঁল্লোকপূজিতঃ।
জগাম বদরীং রম্যাং স্বমেবাশ্রমমণ্ডলম্ ॥ 3-116-18 (20499)
এতস্মিন্নেব কালে তু পৃথিব্যাং পৃথিবীপতিঃ।]
কান্যকুব্জে মহানাসীৎপার্থিবঃ সুমহাবলঃ।
গাধীতি বিশ্রুতো লোকে বনবাসং জগাম হ ॥ 3-116-19 (20500)
বনে তু তস্য বসতঃ কন্যা জজ্ঞেঽপ্সরঃসমা।
ঋচীকো ভার্গবস্তাং চ বরয়ামাস ভারত ॥ 3-116-20 (20501)
তমুবাচ ততো গাধির্ব্রাহ্মণং সংশিতব্রতম্।
উচিতং নঃ কুলে কিংচিৎপূর্বৈর্যৎসংপ্রবর্তিতম্ ॥ 3-116-21 (20502)
একতঃ শ্যামকর্ণানাং পাণ্ডুরাণাং তরস্বিনাম্।
সহস্রং বাজিনাং শুক্লমিতি বিদ্ধি দ্বিজোত্তম ॥ 3-116-22 (20503)
ন চাপি ভগবান্বাচ্যোদীয়তামিতি ভার্গব।
দেয়া মে দুহিতা চৈব ৎবদ্বিধায় মহাত্মনে ॥ 3-116-23 (20504)
ঋচীক উবাচ। 3-116-24x (2085)
একতঃ শ্যামকর্ণানাং পাণ্ডুরাণাং তরস্বিনাম্।
দাস্যাম্যশ্বসহস্রং তে মম ভার্যা সুতাঽস্তু তে ॥ 3-116-24 (20505)
`গাধিরুবাচ। 3-116-25x (2086)
দদাস্যশ্বসহস্রং মে তব ভার্যা সুতাঽস্তু মে' ॥ 3-116-25 (20506)
অকৃতব্রণ উবাচ। 3-116-26x (2087)
স তথেতি প্রতিজ্ঞায় রাজন্বরুণমব্রবীৎ।
একতঃ শ্যামকর্ণানাং পাণ্ডুরাণাং তরস্বিনাম্।
সহস্রং বাজিনামেকং শুল্কার্থং প্রতিদীয়তাম্ ॥ 3-116-26 (20507)
তস্মৈ প্রাদাৎসহস্রং বৈ বাজিনাং বরুণস্তদা।
তদশ্বতীর্থং বিখ্যাতমুত্থিতা যত্র তে হয়াঃ ॥ 3-116-27 (20508)
গঙ্গায়াং কান্যকুব্জে বৈ দদৌ সত্যবতীং তদা।
ততো গাধিঃ সুতাং চাস্মৈ জন্যাশ্চাসন্সুরাস্তদা ॥ 3-116-28 (20509)
লব্ধং হয়সহস্রং তু তাং চ দৃষ্ট্বা দিবৌকসঃ।
`বিস্ময়ং পরমং জগ্মুস্তমেব দিবি সংস্তুবন্' ॥ 3-116-29 (20510)
ধর্মেণ লব্ধ্বা তাং ভার্যামৃচীকো দ্বিজসত্তমঃ।
যথাকামং যথাজোষং তয়া রেমে সুমধ্যযা ॥ 3-116-30 (20511)
তং বিবাহে কৃতেরাজন্সভার্যমবলোককঃ।
আজগাম ভৃগুশ্রেষ্ঠঃ পুত্রং দৃষ্ট্বা ননন্দ চ ॥ 3-116-31 (20512)
ভার্যাপতী তমাসীনং ভৃগুং সুরগণার্চিতম্।
অর্চিৎবা পর্যুপাসীনৌ প্রাঞ্জলী তস্থতুস্তদা ॥ 3-116-32 (20513)
ততঃ স্নুষাং স ভগবান্প্রহৃষ্টো ভৃগুরব্রবীৎ।
বরং বৃণীষ্ব সুভগে দাতা হ্যস্মি তবেপ্সিতম্ ॥ 3-116-33 (20514)
সা বৈ প্রসাদয়াভাস তং গুরুং পুত্রকারণাৎ।
আত্মনশ্চৈব মাতুশ্চ প্রসাদং চ চকার সঃ ॥ 3-116-34 (20515)
ভৃগুরুবাচ। 3-116-35x (2088)
ঋতৌ ৎবং চৈব মাতা চ স্নাতে পুংসবনায় বৈ।
আলিঙ্গেতাং পৃথগ্বৃক্ষৌ সাঽস্বত্থং ৎবমুদুম্বরম্ ॥ 3-116-35 (20516)
চরুদ্বয়মিদং ভদ্রে জনন্যাশ্চ তবৈব চ।
বিশ্বমাবর্তয়িৎবা তু ময়া যত্নেন সাধিতম্ ॥ 3-116-36 (20517)
প্রাশিতব্যং প্রয়ত্নেন তেত্যুক্ৎবাঽদর্শনং গতঃ।
আলিঙ্গনে চরৌ চৈব চক্রতুস্তে বিপর্যযম্ ॥ 3-116-37 (20518)
ততঃ পুন স ভগবান্কালে বহুতিথে গতে।
দিব্যজ্ঞানাদ্বিদিৎবা তু ভগবানাগতঃ পুনঃ ॥ 3-116-38 (20519)
অথোবাচ মহাতেজা ভৃগুঃ সত্যবতীং শ্নুষাম্ ॥ 3-116-39 (20520)
উপয়ুক্তশ্চরুর্ভদ্রে বৃক্ষে চালিঙ্গনং কৃতম্।
বিপরীতেন তে সুভ্রূর্মাত্রা চৈবাসি বঞ্চিতা ॥ 3-116-40 (20521)
ক্ষত্রিয়ো ব্রাহ্মণাচারো মাতুস্তব সুতো মহান্।
ভবিষ্যতি মহাবীর্যঃ সাধূনাং মার্গমাস্থিতঃ ॥ 3-116-41 (20522)
ততঃ প্রসাদয়ামাস শ্বশুরং সা পুনঃপুনঃ।
ন মে পুত্রো ভবেদীদৃক্কামং পৌত্রো ভবেদিতি ॥ 3-116-42 (20523)
এবমস্ৎবিতি সা তেন পাণ্ডব প্রতিনন্দিতা।
ক্রালং প্রতীক্ষতী গর্ভং ধারয়ামাস যত্নতঃ ॥ 3-116-43 (20524)
জমদগ্নিং ততঃ পুত্রং জজ্ঞে সা কাল আগতে।
তেজসা বর্চসা চৈব যুক্তং ভার্গবনন্দনম্ ॥ 3-116-44 (20525)
স বর্ধমানস্তেজস্বী বেদস্যাধ্যযনেন চ।
বহূনৃষীন্মহাতেজাঃ পাণ্ডবেয়াত্যবর্তত ॥ 3-116-45 (20526)
তং তু কৃৎস্নো ধনুর্বেদঃ প্রত্যভাদ্ভরতর্ষভ।
চতুর্বিধানি চাস্ত্রাণি ভাস্করোপমবর্চসম্ ॥ 3-116-46 (20527)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ষোডশাধিকশততমোঽধ্যায়ঃ ॥ 116 ॥
Mahabharata - Vana Parva - Chapter Footnotes
3-116-4 তাপসান্দর্শয়িষ্যতি। তেনৈবাহংপ্রসঙ্গেনেতি ঝ. পাঠঃ ॥ 3-116-5 আয়ান্ আগচ্ছন্ ॥ 3-116-28 জন্যাঃ বরপক্ষীয়াঃ। ততো গাধিঃ সুতাং তস্মৈ দদৌ কন্যাং নৃপোত্তমেতি ক. পাঠঃ ॥ 3-116-29 লব্ধ্বা হয়সহস্রং তদ্দেবানাং সন্নিধৌ তদেতি ক. পাঠঃ ॥ 3-116-31 অবলোককঃ অবলোকনার্থী ॥ 3-116-36 বিশ্বংবিরাটপুরুষং আবর্তয়িৎবামুহুর্মুহুরনুসংধায় এতয়োশ্চর্বোর্ভক্ষণেন বিশ্বস্রষ্টৃতুল্যৌ পুত্রৌ ভবিষ্যত ইতি ভাবঃ ॥ 3-116-37 তে উভে প্রতি ইত্যুক্ৎবেতীকারলোপঃ সংধির্বা আর্ষঃ। আলিঙ্গনে অশ্বত্থোদুম্বরয়োঃ ॥অরণ্যপর্ব - অধ্যায় 117
॥ শ্রীঃ ॥
3.117. অধ্যায়ঃ 117
Mahabharata - Vana Parva - Chapter Topics
রামেণ রেণুকায়াং মানসিকব্যভিচারদর্শিনঃ পিতুর্জমদগ্নের্নিয়োগাৎকুঠারেণ তস্যাঃ কণ্ঠচ্ছেদনম্ ॥ 1 ॥ জমদগ্নিনা পুত্রপ্রার্থনয়া রেণুকায়াঃ পুনরুজ্জীবনম্ ॥ 2 ॥ রামাসংনিধানে জমদগ্ন্যাশ্রমমুপাগতেন কার্তবীর্যার্জুনেন তদীয়হোমধেনুবৎসাহরণপূর্বকং তদাশ্রমপীডনম্ ॥ 3 ॥ তত আগতেন রামেণ কার্তবীর্যে যুধি নিহতে তদীয়ৈ রামাসংনিধানে জমদগ্নের্বধঃ ॥ 4 ॥Mahabharata - Vana Parva - Chapter Text
3-117-0 (20528)
অকৃতব্রণ উবাচ। 3-117-0x (2089)
স বেদাধ্যযনে যুক্তো জমদগ্নির্মহাতপাঃ।
তপস্তেপে ততো দেবান্নিয়মাদ্বশমানয়ৎ ॥ 3-117-1 (20529)
স প্রসেনজিতং রাজন্নধিগম্য নরাধিপম্।
রেণুকাং বরয়ামাস স চ তস্মৈ দদৌ নৃপঃ ॥ 3-117-2 (20530)
রেণুকাং ৎবথ সংপ্রাপ্য ভার্যাং ভার্গবনন্দনঃ।
আশ্রমস্থস্তয়া সার্ধং তপস্তেপেঽনুকূলয়া ॥ 3-117-3 (20531)
তস্যাঃ কুমারাশ্চৎবারো জজ্ঞিরে রামপঞ্চমাঃ।
সর্বেষামজঘন্যস্তু রাম আসীঞ্জঘন্যজঃ ॥ 3-117-4 (20532)
ফলাহারেষু সর্বেষু গতেষ্বথ সুতেষু বৈ।
রেণুকা স্নাতুমগমৎকদাচিন্নিয়তব্রতা ॥ 3-117-5 (20533)
সা তু চিত্ররথং নাম মার্তিকাবতকং নৃপম্।
দদর্শ রেণুকা রাজন্নাগচ্ছন্তী যদৃচ্ছয়া ॥ 3-117-6 (20534)
ক্রীডন্তং সলিলে দৃষ্ট্বা সভার্যং পদ্মমালিনম্।
ঋদ্ধিমন্তং ততস্তস্য স্পৃহয়ামাস রেণুকা ॥ 3-117-7 (20535)
ব্যভিচারাচ্চ তস্মাৎসা ক্লিন্নাম্ভসি বিচেতনা।
`অন্তরিক্ষান্নিপতিতা নর্মদায়াং মহাহ্রদে ॥ 3-117-8 (20536)
উতীর্য চাপি সা যত্নাজ্জগাম ভরতর্ষভ'।
প্রবিবেশাশ্রমং ত্রস্তা তাং বৈ ভর্তান্ববুধ্যত ॥ 3-117-9 (20537)
স তাং দৃষ্ট্বাচ্যুতাংধৈর্যাদ্ব্রাহ্ম্যা লক্ষ্ম্যা বিবর্জিতাম্।
শ্রিক্শব্দেন মহাতেজা গর্হয়ামাস বীর্যবান্ ॥ 3-117-10 (20538)
ততো জ্যেষ্ঠো জামদগ্ন্যো রুমণ্বান্নাম নামতঃ।
আজগাম সুষেণশ্চ বসুর্বিশ্বাবসুস্তথা ॥ 3-117-11 (20539)
তানানুপূর্ব্যাদ্ভগবান্বধে মাতুরচোদয়ৎ।
ন চ তে জাতসংমোহাঃ কিংচিদূচুর্বিচেতসঃ ॥ 3-117-12 (20540)
ততঃ শশাপ তান্ক্রোধাত্তে শপ্তাশ্চৈতনাং জহুঃ।
মৃগপক্ষিসধর্মাণঃ ক্ষিপ্রমাসঞ্জডোপমাঃ ॥ 3-117-13 (20541)
ততো রামোঽভ্যযাৎপশ্চাদাশ্রমং পরবীরহা।
তমুবাচ মহামন্যুর্জমদগ্নির্মহাতপাঃ ॥ 3-117-14 (20542)
জহীমাং মাতরং পাপাং মা চ পুত্র ব্যথাং কৃথাঃ।
তত আদায় পরশুং রামো মাতু শিরোঽহরৎ ॥ 3-117-15 (20543)
ততস্তস্য মহারাজ জমদগ্নের্মহাত্মনঃ।
কোপোঽভ্যগচ্ছৎসহসা প্রসন্নশ্চাব্রবীদিদম্ ॥ 3-117-16 (20544)
মমেদং বচনাত্তাত কৃতং তে কর্ম দুষ্করম্।
বৃণীষ্ব কামান্ধর্মজ্ঞ যাবতো বাঞ্ছসে হৃদা ॥ 3-117-17 (20545)
স বব্রে মাতুরুত্থানমস্মৃতিং চ বধস্য বৈ।
পাপেন তেন চাস্পর্শং ভ্রাতৄণাং প্রকৃতিং তথা ॥ 3-117-18 (20546)
অপ্রতিদ্বন্দ্বতাং যুদ্ধে দীর্ঘমায়ুশ্চ ভারত।
দদৌ চ সর্বান্কামাংস্তাঞ্জমদগ্নির্মহাতপাঃ ॥ 3-117-19 (20547)
কদাচিত্তু তথৈবাস্য বিনিষ্ক্রান্তাঃ সুতাঃ প্রভো।
অথানূপপতির্বীরঃ কার্তবীর্যোঽভ্যবর্তত ॥ 3-117-20 (20548)
তমাশ্রমপদং প্রাপ্তমৃষিরর্ধ্যাৎসমার্চয়ৎ।
স যুদ্ধমদসংমত্তো নাভ্যনন্দত্তথাঽর্চনম্ ॥ 3-117-21 (20549)
প্রমথ্য চাশ্রমাত্তস্মাদ্ধোমধেনোস্ততোবলাৎ।
জহার বৎসং ক্রোশন্ত্যা বভঞ্জ চ মহাদ্রুমান্ ॥ 3-117-22 (20550)
আগতায় চ রামায় তদাচষ্ট পিতা স্বয়ম্।
গাং চ রোরুদতীং দৃষ্ট্বা কোপো রামং সমাবিশৎ।
স মন্যুবশমাপন্নঃ কার্তবীর্যমুপাদ্রবৎ ॥ 3-117-23 (20551)
তস্যাথ যুধি বিক্রম্য ভার্গবঃ পরবীরহা।
চিচ্ছেদ নিশিতৈর্ভল্লৈর্বাহূন্পরিঘসংনিভান্ ॥ 3-117-24 (20552)
সহস্রসংমিতান্রাজন্প্রগৃহ্য রুচিরং ধনুঃ।
অভিভূতঃ স রামেণ সংয়ুক্তঃ কালধর্মণা ॥ 3-117-25 (20553)
অর্জুনস্যাথ দায়াদা রামেণ কৃতমন্যবঃ।
আশ্রমস্থং বিনা রামং জমদগ্নিমুপাদ্রবন্ ॥ 3-117-26 (20554)
তে তং জঘ্নুর্মহাবীর্যময়ুধ্যন্তং তপস্বিনম্।
অসকৃদ্রামরামেতি বিক্রোশন্তমনাথবৎ ॥ 3-117-27 (20555)
কার্তবীর্যস্য পুত্রাস্তু জমদগ্নিং যুধিষ্ঠির।
ঘাতয়িৎবা শরৈর্জগ্মুর্যথাগতমরিংদমাঃ ॥ 3-117-28 (20556)
অপক্রান্তেষু বৈ তেষু জমদগ্নৌ তথা গতে।
সমিৎপাণিরুপাগচ্ছদাশ্রমং ভৃগুনন্দনঃ ॥ 3-117-29 (20557)
স দৃষ্ট্বা পিতরং বীরস্তদা মৃত্যুবশং গতম্।
অনর্হং তং তথাভূতং বিললাপ সুদুঃখিতঃ ॥ 3-117-30 (20558)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি সপ্তদশাধিকশততমোঽধ্যায়ঃ ॥ 117 ॥
Mahabharata - Vana Parva - Chapter Footnotes
3-117-7 ততস্তস্য স্পৃহয়ামাস তমৈচ্ছৎ। সভার্যং হেমমালিনমিতি ক. ধ. পাঠঃ ॥ 3-117-25 কালধর্মণা মৃত্যুনা ॥অরণ্যপর্ব - অধ্যায় 118
॥ শ্রীঃ ॥
3.118. অধ্যায়ঃ 118
Mahabharata - Vana Parva - Chapter Topics
অকৃতব্রণেন যুধিষ্ঠিরংপ্রতি পিতৃবধমর্ষাৎ ত্রিঃ সপ্তকৃৎবঃ পৃথিব্যা নিঃক্ষত্রিয়ীকরণাদিরামচরিত্রকথনম্ ॥ 1 .। যুধিষ্ঠিরেণ পরেদ্যুশ্চতুর্দশ্যাং সংনিহিতপরশুরামপূজনাদিপূর্বকং মহেন্দ্রশৈলাৎপুরঃ প্রস্থানম্ ॥ 2 ॥Mahabharata - Vana Parva - Chapter Text
3-118-0 (20559)
রাম উবাচ। 3-118-0x (2090)
মমাপরাধাত্তৈঃ ক্ষুদ্রৈর্হতস্ৎবং তাত বালিশৈঃ।
কার্তবীর্যস্য দায়াদৈর্বনে মৃগ ইবেষুভিঃ ॥ 3-118-1 (20560)
ধর্মজ্ঞস্য কথং তাত বর্তমানস্য সৎপথে।
মৃত্যুরেবংবিধো যুক্তঃ সর্বভূতেষ্বনাগসঃ ॥ 3-118-2 (20561)
কিংনু তৈর্ন কৃতংপাপং যৈর্ববাংস্তপসি স্তিতঃ।
অয়ুধ্যমানো বৃদ্ধঃ সন্হতঃ শরশতৈঃ শিতৈঃ ॥ 3-118-3 (20562)
কিংনু তে তত্র বক্ষ্যন্তি সচিবেষু সুহৃৎসু চ।
অয়ুধ্যমানং ধর্মজ্ঞমেকং হৎবাঽনপত্রপাঃ ॥ 3-118-4 (20563)
অকৃতব্রণ উবাচ। 3-118-5x (2091)
লালপ্যৈবং সকুস্ন্ণং বহু নানাবিধং নৃপ।
প্রেতকার্যাণি সর্বাণি পিতুশ্চক্রে মহাতপাঃ ॥ 3-118-5 (20564)
দদাহ পিতরং চাগ্নৌ রামঃ পরপুরংজয়ঃ।
প্রতিজজ্ঞে বধং চাপি সর্বক্ষত্রস্য ভারত ॥ 3-118-6 (20565)
সংক্রুদ্ধোঽতিবলঃ সঙ্খ্যে শস্ত্রমাদায় বীর্যবান্।
জঘ্নিবান্কার্তবীর্যস্য সুতানেকোঽন্তকোপমঃ ॥ 3-118-7 (20566)
তেষাং চানুগতা যে চ ক্ষত্রিয়াঃ ক্ষত্রিয়র্ষভ।
তাংশ্চ সর্বানবামৃদ্গাদ্রামঃ প্রহরতাংবরঃ ॥ 3-118-8 (20567)
ত্রিঃসপ্তকৃৎবঃ পৃথিবীং কৃৎবা নিঃক্ষিত্রিয়াং প্রভুঃ।
সমন্তপঞ্চকে পঞ্চ চকার রুধিরহ্রদান্ ॥ 3-118-9 (20568)
স তেষু তর্পয়ামাস পিতৄন্ভৃগুকুলোদ্বহঃ।
সাক্ষাদ্দদর্শ চর্চীকং স চ রামং ন্যবারয়ৎ ॥ 3-118-10 (20569)
ততো যজ্ঞেন মহতা জামদগ্ন্যঃ প্রতাপবান্।
তর্পয়ামাস দেবেন্দ্রমৃৎবিগ্ভ্যঃ প্রদদৌ মহীম্ ॥ 3-118-11 (20570)
বেদীং চাপ্যদদদ্ধৈমীং কশ্যপায় মহাত্মনে।
দশব্যামায়তাং কৃৎবা নবোৎসেধাং বিশাংপতে ॥ 3-118-12 (20571)
তাং কশ্যপস্যানুমতে ব্রাহ্মণাঃ খণ্ডশস্তদা।
ব্যভজংস্তে তদা রাজন্প্রখ্যাতাঃ খাণ্ডবায়নাঃ ॥ 3-118-13 (20572)
স প্রদায় মহীং তস্মৈ কশ্যপায় মহাত্মনে।
`তপঃ সুমহদাস্থায় মহাবলপরাক্রমঃ'।
অস্মিন্মহেন্দ্রে শৈলেন্দ্রে বসত্যমিতবিক্রমঃ ॥ 3-118-14 (20573)
এবং বৈরমভূত্তস্য ক্ষত্রিয়ৈর্লোকবাসিভিঃ।
পৃথিবী চাপি বিজিতা রামেণামিততেজসা ॥ 3-118-15 (20574)
বৈশম্পায়ন উবাচ। 3-118-16x (2092)
ততশ্চতুর্দশীং রামঃ সময়েন মহামনাঃ।
দর্শয়ামাস তান্বিপ্রান্ধর্মরাজং জ সানুজম্ ॥ 3-118-16 (20575)
স তমানর্চ রাজেন্দ্র ভ্রাতৃভিঃ সহিতঃ প্রভুঃ।
দ্বিজানাং চ পরাং পূজাং চক্রে নৃপতিসত্তমঃ ॥ 3-118-17 (20576)
অর্জিৎবা জামদগ্ন্যং স পূজিতস্তেন চোদিতঃ।
মহেন্দ্র উষ্য তাং রাত্রিং প্রয়যৌ দক্ষিণামুখঃ ॥ 3-118-18 (20577)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি অষ্টাদশাধিকশততমোঽধ্যায়ঃ ॥ 118 ॥
Mahabharata - Vana Parva - Chapter Footnotes
3-118-12 দশব্যামায়তাং ব্যামো হস্তচতুষ্টয়ম্। চৎবারিংশদ্ধস্তায়ামবিস্তারাম্। নবোৎসেধাং ষট্রত্রিংশদ্ধস্তোচ্ছ্রায়াং চেত্যর্থঃ 3-118-17 আনর্চ অর্চিতবান্ ॥ 3-118-18 উষ্য উষিৎবা ॥অরণ্যপর্ব - অধ্যায় 119
॥ শ্রীঃ ॥
3.119. অধ্যায়ঃ 119
Mahabharata - Vana Parva - Chapter Topics
যুধিষ্ঠিরেণ যাত্রাক্রমেণ প্রভাসতীর্থেপ্রতি গমনম্ ॥ 1 ॥ তত্রতদ্দিদৃক্ষয়া কৃষ্ণবলভদ্রাদীনামাগমনম্ ॥ 2 ॥Mahabharata - Vana Parva - Chapter Text
3-119-0 (20578)
বৈশম্পায়ন উবাচ। 3-119-0x (2093)
গচ্ছন্স তীর্থানি মহানুভাবঃ।
পুণ্যানি রম্যাণি দদর্শ রাজা।
সর্বাণি বৈপ্রৈরুপশোভিতানি
ক্বচিৎক্বচিদ্ভারত সাগরম্য ॥ 3-119-1 (20579)
স বৃত্তবাংস্তেষু কৃতাভিষেকঃ
সহানুজঃ পার্থিবপুত্রপৌত্রঃ।
সমুদ্রগাং পুণ্যতমাং প্রশস্তাং
জগাম পারিক্ষিত পাণ্ডুপুত্রঃ ॥ 3-119-2 (20580)
তত্রাপি চাপ্লুত্য মহানুভাব
সংতর্পয়ামাস পিতৃডন্সুরাংশ্চ।
দ্বিজাতিমুখ্যেষু ধনং বিসৃজ্য
গোদাবরীং সাগরগামগচ্ছৎ ॥ 3-119-3 (20581)
ততো বিপাপ্মা দ্রবিডেষু রাজ-
ন্সমুদ্রমাসাদ্য চ লোকপুণ্যম্।
অগস্ত্যতীর্থং চ মহাপবিত্রং-
নারীতীর্থান্যথা বীরো দদর্শ ॥ 3-119-4 (20582)
তত্রার্জুনস্যাগ্র্যধনুর্ধরস্য
নিশম্য তৎকর্ম পরৈরশক্যম্।
সংপূজ্যমানঃ পরমর্ষিসঙ্ঘৈঃ
পরাং মুদং পাণঅডুসুতঃ স লেভে ॥ 3-119-5 (20583)
স তেষু তীর্থেষ্বভিষিক্তগাত্রঃ
কৃষ্ণাসহায়ঃ সহিতোঽনুজৈশ্চ।
সংপূজয়ন্বিক্রমমর্জুনস্য
রমে মহীপালপতিঃ পৃথিব্যাম্ ॥ 3-119-6 (20584)
ততঃ সহস্রাণি গবাং প্রদায়
তীর্থেষু তেষ্বম্বুধরোত্তমস্য।
হৃষ্টঃ সহ ভ্রাতৃভিরর্জুনস্য
সংকীর্তয়ামাস গবাং প্রদানম্ ॥ 3-119-7 (20585)
স তানি তীর্থানি চ সাগরস্য
পুণ্যানি চান্যানি বহূনি রাজন্।
ক্রমেণ গচ্ছন্পরিপূর্ণকামঃ
শূর্পারকং পুণ্যতমং দদর্শ ॥ 3-119-8 (20586)
তত্রোদধেঃ কংচিদতীত্য দেশং
খ্যাতং পৃথিব্যাং বনমাসসাদ।
তপ্তং সুরৈরত্র তপঃ পুরস্তা-
দিষ্টুং কতথা পুণ্যপরৈর্নরেন্দ্রৈঃ ॥ 3-119-9 (20587)
স তত্র তামগ্র্যধনুর্ধরস্য
বেদীং দদর্শায়তপীনবাহুঃ।
ঋচীকপুত্রস্য তপস্বিসঙ্ঘৈঃ
সমাবৃতাং পুণ্যকৃদর্চনীয়াম্ ॥ 3-119-10 (20588)
ততো বসূনাং বসুধাধিপঃ স
মরুদ্গণানাং চ তথাশ্বিনোশ্চ।
বৈবস্বতাদিত্যধনেশ্বরাণা-
মিন্দ্রস্য বিষ্ণোঃ সবিতুর্বিভোশ্চ ॥ 3-119-11 (20589)
ভগস্য চন্দ্রস্য দিবাকরস্য
পতেরপাং সাধ্যগণস্য চৈব।
ধাতুঃ পিতৄণাং চ তথা মহাত্মা
রুদ্রস্য রাজন্সগণস্য চৈব ॥ 3-119-12 (20590)
সরস্বত্যাঃ সিদ্ধগণস্য চৈব
পূষ্ণশ্চ যে চাপ্যমরাস্তথাঽন্যে।
পুণ্যানি চাপ্যায়তনানি তেষাং
দদর্শ রাজা সুমনোহরাণি ॥ 3-119-13 (20591)
তেষূপবাসান্বিবুধানুপোষ্য
দুত্ৎবা চ রত্নানি মহান্তি রাজা।
তীর্থেষু সর্বেষু পরিপ্লুতাঙ্গঃ
পুনঃ স শূর্পারকমাজগাম ॥ 3-119-14 (20592)
স তেন তীরেণ তু সাগরস্য
পুনঃ প্রয়াতঃ সহ সোদরীয়ৈঃ।
দ্বিজৈঃ পৃথিব্যাং প্রথিতং মহদ্ভি-
স্তীর্থং প্রভাসং সমুপাজগাম ॥ 3-119-15 (20593)
তত্রাভিষিক্তঃ পৃথুলোহিতাক্ষঃ
সহানুজৈর্দেবগণান্পিতৄংশ্চ।
সংতর্পয়ামাস তথৈব কৃষ্ণা
তে চাপি বিপ্রাঃ সহ লোমশেন ॥ 3-119-16 (20594)
কস দ্বাদশাহং জলবায়ুভক্ষঃ
কুর্বন্ক্ষপাহঃসু তদাঽভিষেকম্।
সমন্ততোঽগ্নীনুপদীপয়িৎবা
তেপে তপো ধর্মভৃতাংবরিষ্ঠঃ ॥ 3-119-17 (20595)
তমুগ্রমাস্থায় তপশ্চরন্তং
শুশ্রাব রামশ্চ জনার্দনশ্চ।
তৌ সর্ববৃষ্ণিপ্রবরৌ সসৈন্যৌ
যুধিষ্ঠিরং জগ্মতুরাজমীঢম্ ॥ 3-119-18 (20596)
তে বৃষ্ণয়ঃ পাণ্ডুসুতান্সমীক্ষ্য
ভূমৌ শয়ানান্মলদিগ্ধগাত্রান্।
অনর্হতীং দ্রৌপদীং চাপি দৃষ্ট্বা
সুদুঃখিতাশ্চুক্রুশুরার্তনাদান্ ॥ 3-119-19 (20597)
ততঃ স রামং চ জনার্দনং চ
কার্ষ্ণি চ সাম্বং চ শিনেশ্চ পৌত্রম্।
অন্যাংশ্চ বৃষ্ণীনুপগম্য পূজাং
চক্রে যথাধর্মমহীনসৎবঃ ॥ 3-119-20 (20598)
তে চাপি সর্বান্প্রতিপূজ্য পার্থাং-
স্তৈঃ সৎকৃতাঃ পাণ্ডুসুতৈস্তথৈব।
যুধিষ্ঠিরং সংপরিবার্য রাজ-
ন্নুপাবিশন্দেবগণা যথেন্দ্রম্ ॥ 3-119-21 (20599)
তেষাং স সর্বং চরিতং পরেষাং
বনে চ বাসং পরমপ্রতীতঃ।
অস্ত্রার্থমিন্দ্রস্য গতং চ পার্থং
কৃষ্ণে শশংসামররাজসূনুম্ ॥ 3-119-22 (20600)
শ্রুৎবা তু তে তস্য বচঃ প্রতীতা-
স্তাংশ্চাপি দৃষ্ট্বা সুকৃশনতীব।
নেত্রোদ্ভবং সংমুমুচুর্মহার্হা
দুঃখার্তিজং বারি মহানুভাবাঃ ॥ 3-119-23 (20601)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একোনবিংশত্যধিকশততমোঽধ্যায়ঃ ॥ 119 ॥
Mahabharata - Vana Parva - Chapter Footnotes
3-119-2 বৃত্তবান্ সদ্বৃত্তঃ। পার্থিবঃ পৃথ্বীপতিঃ কশ্যপস্তস্য পুত্রঃ সূর্যস্তস্য পৌত্রো যুধিষ্ঠিরঃ তৎপিতুর্ধর্মস্য সূর্যপুত্রৎবাৎ। প্রশস্তাং নাম নদীম্ ॥ 3-119-4 নারীতীর্থানি গ্রাহরূপাঃ পঞ্চাপ্সরসো মুনিশাপবশাদ্যত্র স্থিতা অর্জুনেন চ শাপান্মোচিতাস্তানি নারীতীর্থানি ॥ 3-119-7 মম্বুধরোত্তমস্য সমুদ্রস্য ॥ 3-119-14 তীর্থেষু। উপবাসান্ পুমীপবাসিনো বিবুধান্পণঅডিতানুপোষ্য বস্ত্রৈরাবাস্ রত্নানি চ তেভ্য এব দত্ৎবা ॥ 3-119-20 কার্জ্জি প্রদ্যুম্নম্। পৌত্রং সাত্যকিম্ ॥অরণ্যপর্ব - অধ্যায় 120
॥ শ্রীঃ ॥
3.120. অধ্যায়ঃ 120
Mahabharata - Vana Parva - Chapter Topics
বলভদ্রেণ বৃষ্ণিপাণ্ডবসভায়াং ভীষ্মধৃতরাষ্ট্রাদিগর্হণপূর্বকং পাণ্ডবান্প্রতি শোচনম্ ॥ 1 ॥Mahabharata - Vana Parva - Chapter Text
3-120-0 (20602)
জনমেজয় উবাচ। 3-120-0x (2094)
প্রভাসতীর্থমাসাদ্যপাণ্ডবা বৃষ্ণয়স্তথা।
কিমকুর্বন্কথাশ্চৈষাং কাস্তত্রাসংস্তপোধন ॥ 3-120-1 (20603)
তে হি সর্বে মহাত্মানঃ সর্বশাস্ত্রবিশারদাঃ।
বৃষ্ণয়ঃ পাণ্ডবাশ্চৈব সুহৃদশ্চপরস্পরম্ ॥ 3-120-2 (20604)
বৈশম্পায়ন উবাচ। 3-120-3x (2095)
প্রভাসতীর্থং সংপ্রাপ্য পুণ্যং তীর্থং মহোদধেঃ।
বৃষ্ণয়ঃ পাণ্ডবান্বীরাঃ পরিবার্যোপতস্থিরে ॥ 3-120-3 (20605)
ততো গোক্ষীরকুন্দেন্দুমৃণআলরজতপ্রভঃ।
বনমালী হলী রামো বভাষে পুষ্করেক্ষণম্ ॥ 3-120-4 (20606)
ন কৃষ্ণ ধর্মশ্চরিতো ভবায়
জন্তোরধর্মশ্চ পরাভবায়।
যুধিষ্ঠিরো যত্রজটী মহাত্মা
বনাশ্রয়ঃ ক্লিশ্যতি চীরবাসাঃ ॥ 3-120-5 (20607)
দুর্যোধনশ্চাপি মহীং প্রশাস্তি
ন চাস্য ভূমির্বিবরং দদাতি।
ধর্মাদধর্মশ্চরিতো বরীয়া-
নিতীব মন্যেত নরোঽল্পবুদ্ধিঃ ॥ 3-120-6 (20608)
দুর্যোধনে চাপি বিবর্ধমানে
যুধিষ্ঠিরে চাসুখমাত্তরাজ্যে।
`হৃতস্বরাজ্যায়তনার্থভার্যে
দুর্যোধনেনাল্পধিয়া চ পার্থে'।
কিংন্বত্র কর্তব্যমিতি প্রজাভিঃ
শঙ্কা মিথঃ সংজনিতা নরাণাম্ ॥ 3-120-7 (20609)
অয়ং স ধর্মপ্রভবো নরেন্দ্রো
ধর্মে ধৃতঃ সত্যধৃতিঃ প্রদাতা।
চলেদ্ধি রাজ্যাচ্চ সুখাচ্চ পার্থো
ধর্মাদপেতস্তু কথং বিবর্ধেৎ ॥ 3-120-8 (20610)
কথং নু ভীষ্মশ্চ কৃপশ্চ বিপ্রো
দ্রোণশ্চ রাজা চ কুলস্য বৃদ্ধঃ।
প্রব্রাজ্য পার্থান্সুমাপ্নুবন্তি
ধিক্পাপবুদ্ধীন্ভরতপ্রধানান্ ॥ 3-120-9 (20611)
কিংনাম বক্ষ্যত্যবনিপ্রধানঃ
পিতৃডন্সমাগম্য পরত্র পাপঃ।
পুত্রেষু সম্যক্বরিতং ময়েতি
পুত্রানপাপান্ব্যপরোপ্য রাজ্যাৎ ॥ 3-120-10 (20612)
নাসৌ ধিয়া সংপ্রতি পশ্যতি স্ম
কিংনাম কৃৎবাঽহমচক্ষুরেবম্।
জাতঃ পৃথিব্যামিতি পার্থিবেষু
প্রব্রাজ্যকৌন্তেয়মিতি স্ম রাজ্যাৎ ॥ 3-120-11 (20613)
নূনং সমৃদ্ধান্পিতৃলোকভূমৌ
চামীকরাভান্ক্ষিতিজান্প্রফুল্লান্।
বিচিত্রবীর্যস্য সুতঃ সপুত্রঃ
কৃৎবা নৃশংসং বত পশ্যতি স্ম ॥ 3-120-12 (20614)
ব্যূঢোত্তরাংসান্পৃথুলোহিতাক্ষা-
নিমাম্স্ম পৃচ্ছন্স শৃণোতি নূনম্।
প্রাস্থাপয়দ্যৎস বনং সশঙ্কো
যুধিষ্ঠিরং সানুজমাত্তশস্ত্রম্ ॥ 3-120-13 (20615)
যোঽয়ং পরষাং পৃতনাং সমৃদ্ধাং
নিরায়ুধো দীর্ঘভুজো নিহন্যাৎ।
শ্রুৎবৈব শব্দং হি বৃকোদরস্য
মুঞ্চন্তি সৈন্যানি শকৃৎসমূত্রম্ ॥ 3-120-14 (20616)
স ক্ষুৎপিপাসাধ্বকৃশস্তরস্বী
সমেত্য নানায়ুধবাণপাণিঃ।
বনে স্মরন্বাসমিমং সুঘোরং
শেষং ন কুর্যাদিতি নিশ্চিতং মে ॥ 3-120-15 (20617)
ন হ্যস্ বীর্যেণ বলেন কশ্চি-
ৎসমঃ পৃথিব্যামপি বিদ্যতেঽন্যঃ।
স শীতবাতাতপকর্শিতাঙ্গো
ন শেষমাজাবসুহৃৎসু কুর্যাৎ ॥ 3-120-16 (20618)
প্রাচ্যাং নৃপানেকরথেন জিৎবা
বৃকোদরঃ সানুচরান্রণেষু।
স্বস্ত্যাগমদ্যোঽতিরথস্তরস্বী
সোয়ং বনে ক্লিশ্যতি চীরবাসাঃ ॥ 3-120-17 (20619)
যঃ সিন্ধুকূলে ব্যজয়ন্নৃদেবা-
ন্সমাগতান্দাক্ষিণাত্যান্মহীপান্।
তং পশ্যতেমং সহদেবমদ্য
তরস্বিনং তাপসবেষরূপম্ ॥ 3-120-18 (20620)
যঃ পার্থিবানেকরথেন বীরো
দিশং প্রতীচীং প্রত্নিয়ুদ্ধশৌণ্ডঃ।
জিগ্যে রণে তং নকুলং বনেঽস্মি-
ন্সংপশ্যতৈনং মলদিগ্ধগাত্রম্ ॥ 3-120-19 (20621)
সত্রে সমৃদ্ধেঽতিরথস্য রাজ্ঞো
বেদীতলাদুৎপতিতা সুতা যা।
সেয়ং বনে বাসমিমং সুদুঃখং
কথং সহত্যদ্য সতী সুখার্হা ॥ 3-120-20 (20622)
ত্রিবর্গমুখ্যস্ সমীরণস্য
দেবেশ্বরস্যাপ্যথবাঽশ্বিনোশ্চ।
এষাং সুরাণাং তনয়াঃ কথংনু
বনে চরন্ত্যস্তসুখাঃ সুখার্হাঃ ॥ 3-120-21 (20623)
জিতে হি ধর্মস্য সুতে সভার্যে
সভ্রাতৃকে সানুচরে নিরস্তে।
দুর্যোধনে চাপি বিবর্ধমানে
কথং ন সীদত্যবনিঃ সশৈলা ॥ 3-120-22 (20624)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি বিংশত্যধিকশততমোঽধ্যায়ঃ ॥ 120 ॥
Mahabharata - Vana Parva - Chapter Footnotes
3-120-5 ভবায় অভ্যুদয়ায় ॥ 3-120-6 বিবরং শরীরগূহৃনায় ন দদাতীত্যর্থঃ ॥ 3-120-7 মিথঃ শঙ্কাধর্মাধর্ময়োঃ কিং বলীয় ইতি শাস্ত্রানুভবয়োর্বিরোধাৎসংশয়ঃ ॥ 3-120-8 রাজ্যাচ্চ সুখাচ্চ চলেৎ নতু ধর্মাদিতি শেষঃ। তত্র হেতুঃ ধর্মাদিতি ॥ 3-120-10 অবনিপ্রধানো ধৃতরাষ্ট্রঃ ॥ 3-120-11 কিংনাম পাপং কৃৎবাঽহমচক্ষুর্জাতঃ কৌন্তেয়ং প্রব্রাজ্য কীদৃশো ভবিষ্যামীতি ধিয়া নাসৌ পশ্যতীত্যধ্যাহৃত্য যোজ্যম্ ॥ 3-120-12 চামীকরাভান্ কনকপ্রভান্। এতন্মরণচিহ্নম্। নৃশংসং নিন্দ্যং কর্স ॥ 3-120-15 শেষং ন কুর্যাৎ নিঋশেষমেব নাশয়েদিত্যর্থঃ ॥ 3-120-17 খস্তি ক্ষেমেণ আগমৎ আগতঃ ॥ 3-120-18 যো দন্তকূটে ৎবজয়ৎসমেতানিতি ধ. পাঠঃ ॥ 3-120-20 রাজ্ঞঃ দ্রুপদস্য ॥ 3-120-21 ত্রিবর্গমুখ্যস্ ধর্মস্য ॥অরণ্যপর্ব - অধ্যায় 121
॥ শ্রীঃ ॥
3.121. অধ্যায়ঃ 121
Mahabharata - Vana Parva - Chapter Topics
সাত্যকিনা পাণঅডবানপেক্ষণেন স্বৈরেব ধার্তরাষ্ট্রাদিহননপূর্বকং পাণ্ডবানামাবনবাসসমাপনমভিমন্যো রাজ্যেঽভিষচ নোক্তিঃ ॥ 1 ॥ কৃষ্ণেন সাত্যকিংপ্রতিপাণ্ডবানাং পরবাহুবলৈকানুপজীবিৎবাদিগুণকথনপূর্বকং তন্নিপেধনম্ ॥ 2 ॥Mahabharata - Vana Parva - Chapter Text
3-121-0 (20625)
সাত্যকিরুবাচ। 3-121-0x (2096)
ন রাম কালঃ পরিদেবনায়
যদুত্তরং ৎবত্র তদেব সর্বে।
সমাচরামো হ্যনতীতকালং
যুধিষ্ঠিরো যদ্যপি নাহ কিংচিৎ ॥ 3-121-1 (20626)
যে নাথবন্তোঽদ্য ভবন্তি লোকে
তে নাত্মনা কর্ম সমারন্তে।
তেষাং তু কার্যেষু ভবন্তি নাথাঃ
শৈব্যাদয়ো রাম যথা যয়াতেঃ ॥ 3-121-2 (20627)
যেষাং তথা রাম সমারভন্তে
কার্যাণি নাথাঃ স্বমতেন লোকে।
রতে নাথবন্তঃ পুরুষপ্রবীরা
নানাথবৎকৃচ্ছ্রমবাপ্নুবন্তি ॥ 3-121-3 (20628)
কস্মাদিমৌ রামজনার্দনৌ চ
প্রদ্যুম্নসাম্বৌ চ ময়া সমেতৌ।
বসন্ত্যরণ্যে সহ সোদরীয়ৈ-
স্ত্রৈলোক্যনাথানভিগম্য পার্থাঃ ॥ 3-121-4 (20629)
নির্যাতু সাধ্যদ্য দশার্হসেনা
প্রভূতনানায়ুধচিত্রবর্মা।
যমক্ষয়ং গচ্ছতু ধার্তরাষ্ট্রঃ
সবান্ধবো বৃষ্ণিবলাভিভূতঃ ॥ 3-121-5 (20630)
ৎবং হ্যেব কোপাৎপৃথিবীমপীমাং
সংবেষ্টয়েস্তিষ্ঠতু শার্হ্গধন্বা।
স ধার্তরাষ্ট্রং জহি সানুবন্ধং
বৃত্রং যথা দেবপতির্মহেন্দ্রঃ ॥ 3-121-6 (20631)
ভ্রাতা চ মে যঃ স সখা গুরুশ্চ
জনার্দনস্যাত্মসমশ্চ পার্থঃ।
তদর্থমেকো হি য উদ্যমন্বৈ
করোতি কর্ণোঽস্ত্রমবারণীয়ম্ ॥ 3-121-7 (20632)
[যদর্থমৈচ্ছন্মনুজাঃ সুপুত্রং
শিষ্যং গুরুং চাপ্রতিকূলবাদম্।
যদর্থমভ্যুদ্যতমুত্তমং ত-
ৎকরোতি কর্মাগ্র্যমপারণীয়ম্ ॥] 3-121-8 (20633)
তস্যাস্ত্রবর্ষাণ্যহমুত্তমাস্ত্রৈ-
র্বিহত্য সর্বাণই রণেঽভিভূয়।
কায়াচ্ছিরঃ সর্পবিষাগ্নিকল্পৈঃ
শরোত্তমৈরুন্মথিতাঽস্মি রাম ॥ 3-121-9 (20634)
খঙ্গেন চাহং নিশিতেন সঙ্খ্যে
কায়াচ্ছিরস্তস্য বলাৎপ্রমত্য।
ততোঽস্ সর্বাননুগান্হনিষ্যে
দুর্যোধনং চাপি কুরূশ্চ সর্বান্ ॥ 3-121-10 (20635)
আত্তায়ুধং মামিহ রৌহিণএয়
পশ্যন্তু ভৈমা যুধি জাতহর্ষাঃ।
নিঘ্নন্তমেকং কুরুয়োধমুখ্যা-
নগ্নিং মহাকক্ষমিবান্তকালে ॥ 3-121-11 (20636)
প্রদ্যুম্নমুক্তান্নিশিতান্ন শক্তাঃ।
সোঢুং কৃপদ্রোণবিকর্ণকর্ণাঃ।
জানাসি পীর্যং চ তবাত্মজস্য
কার্ষ্ণির্ভবত্যেব যথা রণস্থঃ ॥ 3-121-12 (20637)
সাম্বঃ সসূতং সরথং ভুজাভ্যাং
দুঃশাসনং শাস্তু বলাৎপ্রমথ্য।
ন বিদ্যতেজাম্ববতীসুতস্য
রণেঽবিষহ্যং হি রণোৎকটস্য ॥ 3-121-13 (20638)
এতেন বালেন হি শম্বরস্য
দৈত্যস্য সৈন্যং সহসা প্রণুন্নম্।
`হতঃ স পাপো যুধি কেবলেন
যুদ্ধেঽদ্বিতীয়ো হরিতুল্যবীর্যঃ' ॥ 3-121-14 (20639)
বৃত্তোরুরত্যায়তপীনবাহু-
রেতেন সঙ্খ্যে নিহতোঽশ্বচক্রঃ।
কো নাম সাম্বস্য মহারথস্য
রণে সমক্ষং রথমভ্যুদীয়াৎ ॥ 3-121-15 (20640)
যথা প্রবিশ্যান্তরমন্তকস্য
কালে মনুষ্যো ন বিনিষ্ক্রমেত।
তথা প্রবিশ্যান্তরমস্য সঙ্খ্যে
কো নাম জীবন্পুনরাব্রজেচ্চ ॥ 3-121-16 (20641)
দ্রোণং কচ ভীষ্মং চ মহারথৌ তৌ
সুতৈর্বৃতং চাপ্যথ সোমদত্তম্।
সর্বাণই সৈন্যানি চ বাসুদেবঃ
প্রধক্ষ্যতে সায়কবহ্নিজালৈঃ ॥ 3-121-17 (20642)
কিংনাম লোকেষু বিষহ্মমস্তি-
কৃষ্ণস্য সর্বেষু সদেবকেষু।
আত্তায়ুধস্যোত্তমবাণপাণে-
শ্চক্রায়ুধস্যাপ্রতিমস্য যুদ্ধে ॥ 3-121-18 (20643)
ততো নিরুদ্ধোঽপ্যসিচর্মপাণি-
র্মহীমিমাং ধার্তরাষ্ট্রৈর্বিসংজ্ঞৈঃ।
হৃতোত্তমাঙ্গৈর্নিহতৈঃ করোতু
কীর্ণাঙ্কুশৈর্বেদিমিবাধ্বরেষু ॥ 3-121-19 (20644)
গদোল্মুকৌ বাহুকভানুনীথাঃ
শূরশ্র সঙ্খ্যে নিশঠঃ কুমারঃ।
রণোৎকটৌ সারণচারুদেষ্ণৌ
কুলোচিতং বিপ্রথয়ন্তু কর্ম ॥ 3-121-20 (20645)
সবৃষ্ণিভোজান্ধকয়োধমুখ্যা
সমাগতা সাৎবতশূরসেনা।
হৎবা রণে তান্ধৃতরাষ্ট্রপুত্রা-
ন্লোকে যশঃ স্ফীতমুপাকরোতু ॥ 3-121-21 (20646)
ততোঽভিমন্যুঃ পৃথিবীং প্রশাস্তু
যাবদ্ব্রতং ধর্মভৃতাংবরিষ্ঠঃ।
যুধিষ্ঠিরঃ পারয়তে মহাত্মা
দ্যূতে যথোক্তং কুরুসত্তমেন ॥ 3-121-22 (20647)
অস্মৎপ্রমুক্তৈর্বিশিখৈর্জিতারি-
স্ততো মহীং ভোক্ষ্যতি ধর্মরাজঃ।
নির্ধার্তরাষ্ট্রাং হতসূতপুত্রা-
মেতদ্ধি নঃ কৃত্যতমং যশস্যম্ ॥ 3-121-23 (20648)
বাসুদেব উবাচ। 3-121-24x (2097)
অসংশয়ং মাধব সত্যমেত-
দ্গৃহ্ণীম তে বাক্যমদীনসৎব।
স্বাভ্যাং ভুজাভ্যামজিতাং তু ভূমিং
নেচ্ছেৎকুরূণামৃষভঃ কথংচিৎ ॥ 3-121-24 (20649)
ন হ্যেষ কামান্ন ভয়ান্ন লোভা-
দ্যুধিষ্ঠিরো জাতু জহ্যাৎস্বধর্মম্।
ভীমার্জুনৌ চাতিরথৌ যমৌ চ
তথৈব কৃষ্ণা দ্রুপদাত্মজেয়ম্ ॥ 3-121-25 (20650)
উভৌ হি যুদ্ধেঽপ্রতিমৌ পৃথিব্যাং
বৃকোদরশ্চৈব ধনংজয়শ্চ।
কস্মান্ন কৃৎস্নাং পৃথিবীং প্রশাসে-
ন্মাদ্রীসুতাভ্যাং চ পুরস্কৃতোঽয়ম্ ॥ 3-121-26 (20651)
যদা তু পাঞ্চালপতির্মহাত্মা
সকেকয়শ্চেদিপতির্বয়ং চ।
যুধ্যেম বিক্রম্য রণে সমেতা-
স্তদৈব সর্বে রিপবো হি ন স্যুঃ ॥ 3-121-27 (20652)
যুধিষ্ঠির উবাচ। 3-121-28x (2098)
নেদং চিত্রং মাধব যদ্ব্রবীষি
সত্যং তু মে রক্ষ্যতমং ন রাজ্যম্।
কৃষ্ণস্তু মাং বেদ যথাবদেকঃ
কৃষ্ণং চ বেদাহমথো যথাবৎ ॥ 3-121-28 (20653)
যদৈব কালং পুরুষপ্রবীরো
বেৎস্যত্যযং মাধব বিক্রমস্য।
তদা রণে ৎবং চ শিনিপ্রবীর
সুয়োধনং জেষ্যসি কেশবশ্চ ॥ 3-121-29 (20654)
প্রতিপ্রয়ান্ৎবদ্য দশার্হবীরা
দৃষ্টোস্মি নাথৈর্নরলোকনাথৈঃ।
ধর্মেঽপ্রমাদং কুরুতাপ্রমেয়া
দ্রষ্টাঽস্মি ভূয়ঃ সুখিনঃ সমেতান্ ॥ 3-121-30 (20655)
বৈশম্পায়ন উবাচ। 3-121-31x (2099)
তেঽন্যোন্যমামন্ত্র্য তথাঽভিবাদ্য
বৃদ্ধান্পরিষ্বজ্য শিশূংশ্চ সর্বান্।
যদুপ্রবীরাঃ স্বগৃহাণি জগ্মু-
স্তে চাপি তীর্থান্যমুসংবিচেরুঃ ॥ 3-121-31 (20656)
বিসৃজ্য বৃষ্ণীননু ধর্মরাজৌ
বিদর্ভরাজোপচিতাং সুতীর্থাম্।
জগাম পুণ্যাং সরিতং পয়োষ্ণীং
সভ্রাতৃভৃত্যঃ সহ লোমশেন ॥ 3-121-32 (20657)
সুতেন সোমেন বিমিশ্রতোয়াং
পয়ঃ পয়োষ্ণীং প্রতি সোধ্যুবাস।
দ্বিজাতিমুখ্যৈর্মুদিতৈর্মহাত্মা
সংস্তূয়মানঃ স্তুতিভির্বরাভিঃ ॥ 3-121-33 (20658)
ইতি শ্রীমন্মহাভারতে অরণ্যপর্বণি তীর্তয়াত্রাপর্বণি একবিংশত্যধিকশততমোঽধ্যায়ঃ ॥ 121 ॥
Mahabharata - Vana Parva - Chapter Footnotes
3-121-2 শৈব্যাদয় ইতি স্বার্থে ষ্যঞ্ ॥ 3-121-7 স পার্থোপি তিষ্ঠৎবিতি পূর্বেণান্বয়ঃ ॥ 3-121-8 যদর্থং শত্রুবধার্থম্। তৎ সুপুত্রাদিকম্। অস্মাকমস্তীতি শেষঃ ॥ 3-121-11 ভৈমা ভীমকর্মকর্তারো ভীমবংশজা বা ॥ 3-121-14 এতেন প্রদ্যুম্নেন ॥ 3-121-33 সুতেন অভিষুতেন। যজ্ঞে সোমপানতুল্যং তজ্জলপানমিত্যর্থঃ। পয়োষ্ণীং প্রতি পয়োষ্ণ্যাং পয়োমাত্রমধ্যুবাসং ভক্ষিতবান্ ॥অরণ্যপর্ব - অধ্যায় 122
॥ শ্রীঃ ॥
3.122. অধ্যায়ঃ 122
Mahabharata - Vana Parva - Chapter Topics
লোমশেন যুধিষ্ঠিরংপ্রতি পয়োষ্ণোতটে গয়কৃতয়াগবর্ণনম্ ॥ 1 ॥ তথা চ্যবনেন শর্যাতিয়াজনাদিকথনম্ ॥ 2 ॥ যুধিষ্ঠিরেণ লোমশংপ্রতিসবিস্তরং চ্যবনচরিত্রকীর্তনপ্রার্থনা ॥ 3 ॥Mahabharata - Vana Parva - Chapter Text
3-122-0 (20659)
লোমশ উবাচ। 3-122-0x (2100)
গয়েন যজমানেন সোমেনেহ পুরংদরঃ।
তর্পিত শ্রূয়তে রাজন্স তৃপ্তো মুদমভ্যগাৎ ॥ 3-122-1 (20660)
ইহ দেবৈঃ সহেন্দ্রৈশ্চ প্রজাপতিভিরেব চ।
ইষ্টং বহুবিধৈর্যজ্ঞৈর্মহদ্ভির্ভূরিদক্ষিণৈঃ ॥ 3-122-2 (20661)
আধূর্তরজসশ্চেহ রাজা বজ্রধরং প্রভুঃ।
তর্পয়ামাস সোমেন হয়মেধেষু সপ্তসু ॥ 3-122-3 (20662)
তস্য সপ্তসু যজ্ঞেষু সর্বমাসীদ্ধিরণ্যযম্।
বানপ্রস্থং চ ভৌমং চ যদ্দ্রব্যং নিয়তং মখে ॥ 3-122-4 (20663)
চষালয়ূপচমসাঃ স্থাল্যঃ পাত্র্যঃ স্রুচঃ স্রুবাঃ।
তেষ্বেব চাস্য যজ্ঞেষু প্রয়োগাঃ সপ্ত বিশ্রুতাঃ ॥ 3-122-5 (20664)
সপ্তৈকৈকস্যযূপস্য চষালাশ্চোপরিশ্থিতাঃ।
তস্য স্ম যূপান্যজ্ঞেষু ভ্রাজমানান্হিরণ্ময়ান্।
স্বয়মুত্থাপয়ামাসুর্দেবাঃ সেন্দ্রা যুধিষ্ঠির ॥ 3-122-6 (20665)
তেষু তস্য মখাগ্র্যেষু গয়স্য পৃথিবীপতেঃ।
অমাদ্যদিন্দ্রঃ সোমেন দক্ষিণাভির্দ্বিজাতয়ঃ ॥ 3-122-7 (20666)
প্রসঙ্খ্যানানসঙ্খ্যেয়ান্প্রত্যগৃহ্ণন্দ্বিজাতয়ঃ ॥ 3-122-8 (20667)
সিকতা বা যথা লোকে যথাবা দিবি তারকাঃ।
যথা বা বর্ষতো ধারা অসঙ্খ্যেয়াঃ স্ম কেনচিৎ ॥ 3-122-9 (20668)
তথৈব তদসঙ্খ্যেয়ং ধনং যৎপ্রদদৌ গয়ঃ।
সদস্যেভ্যো মহারাজ তেষু যজ্ঞেষু সপ্তসু ॥ 3-122-10 (20669)
ভবেৎসঙ্খ্যেয়মেতদ্ধি যদেতৎপরিকীর্তিতম্।
ন তস্য শক্যাঃ সঙ্খ্যাতুং দক্ষিণাদক্ষিণাবতঃ ॥ 3-122-11 (20670)
হিরণ্ময়ীভির্গোভিশ্চ কৃতাভির্বিশ্বকর্মণা।
ব্রাহ্মণাংস্তর্পয়ামাস নানাদিগ্ভ্যঃ সমাগতান্ ॥ 3-122-12 (20671)
অল্পাবশেষা পৃথিবী চৈত্যৈরাসীৎসমাচিতা।
গয়স্য যজমানস্য তত্রতত্র বিশাংপতে ॥ 3-122-13 (20672)
স লোকান্প্রাপ্তবৈনৈন্দ্রান্কর্মণা তেন ভরত।
সলোকতাং তস্য গচ্ছেৎপয়োষ্ণ্যাং য উপস্পৃশেৎ ॥ 3-122-14 (20673)
তরস্মাত্ৎবমত্র রাজেনদ্র ভ্রাতৃভিঃ সহিতোচ্যুত।
উপস্পৃশ্য মহীপাল ধূতপাপ্মা ভবিষ্যসি ॥ 3-122-15 (20674)
বৈশম্পায়ন উবাচ। 3-122-16x (2101)
স পয়োষ্ণ্যাং নরশ্রেষ্ঠঃ স্নাৎবা বৈ ভ্রাতৃভিঃ সহ।
বৈদূর্যপর্বতং চৈব নর্মদাং চ মহানদীম্ ॥ 3-122-16 (20675)
`উদ্দিশ্য পাণ্ডবশ্রেষ্ঠঃ স প্রতস্থে মহীপতিঃ'।
সমাগমত তেজস্বী ভ্রাতৃভিঃ সহিতো নঘ ॥ 3-122-17 (20676)
তত্রাস্য সর্বাণ্যাচখ্যৌ লোমশো ভগবানৃষিঃ।
তীর্থানি রমণীয়ানি পুণ্যান্যায়তনানি চ ॥ 3-122-18 (20677)
যথায়োগং যথাপ্রীতি প্রয়যৌ ভ্রাতৃভিঃ সহ।
তত্রতত্রাদদদ্বিত্তং ব্রাহ্মণেভ্যঃ সহস্রশঃ ॥ 3-122-19 (20678)
লোমশ উবাচ। 3-122-20x (2102)
দেবানামেতি কৌন্তেয় তথা রাজ্ঞাং সলোকতাম্।
বেদূর্যপর্বতং দৃষ্ট্বা নর্মদামবতীর্য চ ॥ 3-122-20 (20679)
সন্ধিরেষ নরশ্রেষ্ঠ ত্রেতায়া দ্বাপরস্য চ।
এনমাসাদ্য কৌন্তেয় সর্বপাপৈঃ প্রমুচ্যতে ॥ 3-122-21 (20680)
এষ শর্যাতিয়জ্ঞস্য দেশস্তাত প্রকাশতে।
সাক্ষাদ্যত্রাপিবৎসোমমশ্বিভ্যাং সহ বাসবঃ ॥ 3-122-22 (20681)
চুকোপ ভার্গবশ্চাপি মহেন্দ্রস্ মহাতপাঃ।
সংস্তম্ভয়ামাস চ তং বাসবং চ্যবনঃ প্রভুঃ ॥ 3-122-23 (20682)
সুকন্যাং চাপি ভার্যাং স রাজপুত্রীমবাপ্তবান্।
`নাসত্যৌ চ মহাভাগ কৃতবান্সোমপীথিবৌ' ॥ 3-122-24 (20683)
যুধিষ্ঠির উবাচ। 3-122-25x (2103)
কথং বিষ্টম্ভিতস্তেন ভগবান্পাকশাসনঃ।
কিমর্থং ভার্গবশ্চাপি কোপং চক্রে মহাতপাঃ ॥ 3-122-25 (20684)
নাসত্যৌ চ কথং ব্রহ্মন্কৃতবান্সোমপীথিনৌ।
এতৎসর্বং যথাবৃত্তমাখ্যাতু ভগবান্মম ॥ 3-122-26 (20685)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি দ্বাবিংশত্যধিকশততমোঽধ্যায়ঃ ॥ 122 ॥
Mahabharata - Vana Parva - Chapter Footnotes
3-122-3 আধূর্তরজসো গয়নামা ॥ 3-122-4 বানরস্পত্যং বৃক্ষজং চষালাদি। ভৌমং মৃন্ময়ং স্থাল্যাদি ॥ 3-122-5 চষালো যূপাকটকঃ। যূপঃ যজ্ঞস্তম্ভঃ। চমসাঃ সোমপানপাত্রাণি। পাত্র্যঃ হবিঃস্থাপনার্থানি মৃন্ময়ানি। স্রুচঃ হবিঃপ্রদানার্থাঃ। স্রুবাহবিরবদানার্থাঃ ॥ 3-122-8 প্রসঙ্খ্যানান্ একয়ত্নেন ভূয়ঃখর্ণমুদ্রাদের্মাপকান্ খারীদ্রোণাদীন্ ॥ 3-122-26 সোমস্য পীথঃ পানং তদ্বন্তৌ সোমপীথিনৌ ॥অরণ্যপর্ব - অধ্যায় 123
॥ শ্রীঃ ॥
3.123. অধ্যায়ঃ 123
Mahabharata - Vana Parva - Chapter Topics
লামশেন যুধিষ্ঠিরংপ্রতি সুকন্যোপাখ্যানকথনারম্ভঃ ॥ 1 ॥ কদাচন শর্যাতনিনা নৃপেণ সৈন্যাদিভিঃসহ চ্যবনাশ্রমাভিগমনম্ ॥ 2 ॥ তত্র শর্যাতিকন্যযা সুকন্যযা চিরতরতপশ্চর্যানিরতস্য চ্যবনস্য শরীরং পর্যাবৃত্য বিবর্ধমানমহাবল্মীকাবলোকনম্ ॥ 3 ॥ তথা কুতূহলাদ্বল্মীকোপরি দৃশ্যমানচ্যবননয়নয়ুগলস্যাজ্ঞানাৎকণ্টকেন বিভেদনম্ ॥ 4 ॥ ততঃ ক্রুদ্ধস্য চ্যবনস্য প্রসাদনায় শর্যাতিনা ভার্যাৎবায় তস্মৈ সুকন্যায়াঃ প্রদানম্ ॥ 5 ॥Mahabharata - Vana Parva - Chapter Text
3-123-0 (20686)
লোমশ উবাচ। 3-123-0x (2104)
ভৃগোর্মহর্ষেঃ পুত্রোঽভূচ্চয়বনো নাম ভারত।
সমীপে সরসস্তস্য তপস্তেপে মহাদ্যুতিঃ ॥ 3-123-1 (20687)
স্থাণুভূতো মহাতেজা বীরস্থানেন পাণ্ডব।
অতিষ্ঠত চিরং কালমেকদেশে বিশাংপতে ॥ 3-123-2 (20688)
সবল্মীকোঽভবদৃষির্লতাভিরিব সংবৃতঃ।
কালেন মহতা রাজন্সমাকীর্ণঃ পিপীলিকৈঃ ॥ 3-123-3 (20689)
তথা স সংবৃতো ধীমান্মৃৎপিণ্ড ইব সর্বশঃ।
তপ্যতে স্ম তপো ঘোরং বল্মীকেন সমাবৃতঃ ॥ 3-123-4 (20690)
অথ দীর্ঘস্য কালস্য শর্যাতির্নাম পার্থিবঃ।
আজগাম সরো রম্যং বিহর্তুমিদমুত্তমম্ ॥ 3-123-5 (20691)
তস্য স্ত্রীণাং সহস্রাণি চৎবার্যাসন্পরিগ্রহঃ।
একৈব চ সুতা সুভ্রূঃ সুকন্যা নাম ভারত ॥ 3-123-6 (20692)
সা সখীভিঃ পরিবৃতা দিব্যাভরণভূষিতা।
চঙ্ক্রম্যমাণা বল্মীকং ভার্গবস্য সমাসদৎ ॥ 3-123-7 (20693)
সা বৈ বসুমতীং তত্র পশ্যন্তী সুমনোরমাম্।
বনস্পতীন্প্রচিন্বন্তী বিজহার সখীবৃতা ॥ 3-123-8 (20694)
রূপেণ বয়সা চৈব ভদনেন মদেন চ।
বভঞ্জ বনবৃক্ষাণাং শাখাঃ পরমপুষ্পিতাঃ ॥ 3-123-9 (20695)
তাং সখীরহিতামেকামেকবস্ত্রামলংকৃতাম্।
দদর্শ ভার্গবো ধমাংশ্চরন্তীমিব বিদ্যুতম্ ॥ 3-123-10 (20696)
তাং পশ্যমানো বিজনে স রেমে পরমদ্যুতিঃ।
ক্ষামকণ্ঠশ্চ বিপ্রর্ষিস্তপোবলসমন্বিতঃ।
তামাবভাষেকল্যাণীং সা চাস্য ন শৃণোতি বৈ ॥ 3-123-11 (20697)
ততঃ সুকন্যা বল্মীকে দৃষ্ট্বা ভার্গবচক্ষুষী।
কৌতূহলাৎকণ্টকেন বুদ্ধিমোহবলাৎকৃতা।
কিংনু খল্বিদমিত্যুক্ৎবা নির্বিভেদাস্য লোচনে ॥ 3-123-12 (20698)
অক্রুদ্ধ্যৎস তথা বিদ্ধে নেত্রে পরমমন্যুমান্।
ততঃ শর্যাতিসৈন্যস্য শকৃন্মূত্রে সমাবৃণোৎ ॥ 3-123-13 (20699)
ততো রুদ্ধে শকৃন্মূত্রে সৈন্যমাসীৎসুদুঃখিতম্।
তথাগতমভিপ্রেক্ষ্য পর্যপৃচ্ছৎস পার্থিবঃ ॥ 3-123-14 (20700)
তপোনিত্যস্য বৃদ্ধস্য রোষণস্য বিশেষতঃ।
কেনাপকৃতমদ্যেহ ভার্গবস্য মহাত্মনঃ।
জ্ঞাতং বা যদি বাঽজ্ঞাতং তদ্দ্রুতং ব্রূত মাচিরম্ ॥ 3-123-15 (20701)
তমূচুঃ সৈনিকাঃ সর্বে ন বিদ্মোঽপকৃতং বয়ম্।
সর্বোপায়ৈর্যথাকামং ভবাংস্তদধিগচ্ছতু ॥ 3-123-16 (20702)
ততঃ স পৃথিবীপালঃ সাম্না চোগ্রেণ চ স্বয়ম্।
পর্যপৃচ্ছৎসুহৃদ্বর্গং পর্যজানন্ন চৈব তে ॥ 3-123-17 (20703)
আনাহার্তং ততো দৃষ্ট্বা তৎসৈন্যমনুখার্দিতম্।
পিতরং দুঃখিতং দৃষ্ট্বা সুকন্যেদমথাব্রবীৎ ॥ 3-123-18 (20704)
ময়াঽটন্ত্যেহ বল্মীকে দৃষ্টং সৎবমভিজ্বলৎ।
খদ্যোতবদভিজ্ঞাতং তন্ময়া বিদ্ধমন্তিকাৎ ॥ 3-123-19 (20705)
এতচ্ছ্রুৎবা তু বল্মীকং শর্যাতিস্তূর্ণমভ্যযাৎ।
তত্রাপশয়্ত্তপোবৃদ্ধং চন্দ্রাদিত্যসমপ্রভম্ ॥ 3-123-20 (20706)
অয়াচদথ সৈন্যার্থং প্রাঞ্জলিঃ পৃথিবীপতিঃ।
অজ্ঞানাদ্বালয়া যত্তে কৃতং তৎক্ষন্তুমর্হসি ॥ 3-123-21 (20707)
ততোঽব্রবীন্মহীপালং চ্যবনো ভার্গবস্তদা।
অপমানাদহং বিদ্ধো হ্যনয়া দর্পপূর্ণয়া ॥ 3-123-22 (20708)
রূপৌদার্যসমায়ুক্তাং লোভমোহবলাৎকৃতাম্।
তামেব প্রতিগৃহ্যাহং রাজন্দুহিতরং তব।
ক্ষংস্যামীতি মহীপাল সত্যমেতদ্ব্রবীমি তে ॥ 3-123-23 (20709)
লোমশ উবাচ। 3-123-24x (2105)
ঋষের্বচনমাজ্ঞায় শর্যাতিরবিচারয়ন্।
দদৌ দুহিতরং তস্মৈ চ্যবনায় মহাত্মনে ॥ 3-123-24 (20710)
প্রতিগৃহ্য চ তাং কন্যাং ভগবান্প্রসসাদ হ।
প্রাপ্তপ্রসাদৌ রাজা বৈ সসৈন্যঃ পুরমাব্রজৎ ॥ 3-123-25 (20711)
সুকন্যাঽপি পতিং লব্ধ্বা তপস্বিনমনিন্দিতা।
নিত্যং পর্যচরৎপ্রীত্যা তপসা নিয়মেন চ ॥ 3-123-26 (20712)
অগ্নীনামতীথীনাং চ শুশ্রূষুনসূয়িকা।
সমারাধয়ত ক্ষিপ্রং চ্যবনং সা শুভাননা ॥ 3-123-27 (20713)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ত্রয়োবিংশত্যধিকশততমোঽধ্যায়ঃ ॥ 123 ॥
Mahabharata - Vana Parva - Chapter Footnotes
3-123-2 বীরস্তানেন বীরাসনেন ॥ 3-123-11 ক্ষামকণ্ঠঃ ক্ষীণধ্বনিঃ অতএব সা তদ্বচনং ন শৃণোতি ॥ 3-123-20 বয়োবৃদ্ধং চ ভার্গবম্ ইতি ঝ. ধ. পাঠঃ ॥অরণ্যপর্ব - অধ্যায় 124
॥ শ্রীঃ ॥
3.124. অধ্যায়ঃ 124
Mahabharata - Vana Parva - Chapter Topics
কদাচন চ্যবনাশ্রমমুপাগতাভ্যামশ্বিভ্যাং ভার্যাৎবায় সুকন্যাপ্রতি প্রার্থনম্ ॥ 1 ॥ তদকাময়মানাং তাং প্রত্যশ্বিভ্যাং স্বপ্রসাদাচ্চ্যবনে রূপয়ৌবনসংপন্নে সতি তুল্যরূপেষু ত্রিষু কস্যচিদ্বরণচোদনা ॥ 2 ॥ ভর্ত্রাজ্ঞয়া তয়া তদঙ্গীকারে চ্যবনেন সহাশ্বিভ্যাং সরসোঽন্তর্জলে নিমজ্জনম্ ॥ 3 ॥ সুকন্যযা নিমজ্জ্যোত্থিতেষু সরূপেষু ত্রিষু তেষু স্বপাতিব্রত্যমহিন্না চ্যবনস্যৈব বরণম্ ॥ 4 ॥ ততস্তুষ্টেন চ্যবনেনাশ্বিনোঃ সোমরসদাপনপ্রতিজ্ঞানম্ ॥ 5 ॥Mahabharata - Vana Parva - Chapter Text
3-124-0 (20714)
লোমশ উবাচ। 3-124-0x (2106)
কস্য চিত্ৎবথ কালস্য ত্রিদশাবশ্বিনৌ নৃপ।
কৃতাভিষেকাং বিবৃতাং সুকন্যাং তামপশ্যতাম্ ॥ 3-124-1 (20715)
তাং দৃষ্ট্বা দর্শনীয়াঙ্গীং দেবরাজসুতামিব।
ঊচতুঃ সমভিদ্রুত্য নাসত্যাবশ্বিনাবিদম্ ॥ 3-124-2 (20716)
কস্য ৎবমসি বামোরু বনেঽস্মিন্কিং করোষি চ।
ইচ্ছাব ভদ্রে জ্ঞাতুং ৎবাং তৎবমাখ্যাহি শোভনে ॥ 3-124-3 (20717)
ততঃ সুকন্যা সংবীতা তাবুবাচ সুরোত্তমৌ।
শর্যাতিতনয়াং বিত্তং ভার্যাং মাং চ্যবনস্য চ ॥ 3-124-4 (20718)
`নাম্না চাহং সুকন্যেতি নৃলোকেঽস্মিন্প্রতিষ্ঠিতা।
সাঽহংসর্বাত্মনা নিত্যং ভর্তারমনুবর্তিনী' ॥ 3-124-5 (20719)
অথাশ্বিনৌ প্রহস্যৈতামব্রূতাং পুনরেব তু।
কথং ৎবমসি কল্যাণি পিত্রা দত্তাঽঽগতা বনে ॥ 3-124-6 (20720)
ভ্রাজসেঽস্মিন্বনে ভীরু বিদ্যুৎসৌদামনী যথা।
ন দেবেষ্বপি তুল্যাং হি ৎবয়া পশ্যাব ভামিনি ॥ 3-124-7 (20721)
অনাভরণসংপন্না পরমাম্বরবর্জিতা।
শোভয়স্যধিকং ভদ্রে বনমপ্যনলংকৃতা ॥ 3-124-8 (20722)
সর্বাভরণসংপননা পরমাম্বরধারিণী।
শোভেথাস্ৎবনবদ্যাঙ্গি ন ৎবেবং মলপঙ্কিনী ॥ 3-124-9 (20723)
কস্মাদেবংবিধা ভূৎবা জরাজর্জরিতং পতিম্।
ৎবমুপাস্সে হ কল্যাণি কামভোগবহিষ্কৃতম্ ॥ 3-124-10 (20724)
অসমর্থং পরিত্রাণে পোষণে তু শুচিস্মিতে।
সা ৎবং চ্যবনমুৎসৃজ্যবরয়স্বৈকমাবয়োঃ ॥ 3-124-11 (20725)
পত্যর্থং দেবগর্ভাভে মা বৃথা যৌবনং কৃথাঃ।
এবমুক্তা সুকন্যাঽপি সুরৌ তাবিদমব্রবীৎ ॥ 3-124-12 (20726)
রতাঽহং চ্যবনে পত্যৌ মৈবং মাং পর্যশঙ্কতম্।
তাবব্রূতাং পুনস্ৎবেনামাবাং দেবভিষগ্বরৌ ॥ 3-124-13 (20727)
যুবানং রূপসংপন্নং করিষ্যাবঃ পতিং তব।
ততস্তস্যাবয়োশ্চৈব বৃণীষ্বান্যতমং পতিম্।
এতেন সময়েনৈনমামন্ত্রয় পতিং শুভে ॥ 3-124-14 (20728)
সা তয়োর্বচনাদ্রাজন্নুপসংগম্য ভার্গবম্।
উবাচ বাক্যং যত্তাভ্যামুক্তং ভৃগুসুতং প্রতি ॥ 3-124-15 (20729)
তচ্ছ্রুৎবা চ্যবনো ভার্যামুবাচ ক্রিয়তামিতি।
`সা ভর্ত্রা সমনুজ্ঞাতা ক্রিয়তামিত্যথাব্রবীৎ ॥ 3-124-16 (20730)
শ্রুৎবা তদশ্বিনৌ বাক্যং তস্যাস্তৎক্রিয়তামিতি'।
ঊচতূ রাজপুত্রীং তাং পতিস্তব বিশৎবপঃ ॥ 3-124-17 (20731)
ততোঽম্ভশ্চ্যবনঃ শীঘ্রং রূপার্থী প্রবিবেশ হ।
অশ্বিনাবপি তদ্রাজন্সরঃ প্রাবিশতাং তদা ॥ 3-124-18 (20732)
ততো মুহূর্তাদুত্তীর্ণাঃ সর্বে তে সরসস্ত্রয়ঃ।
দিব্যরূপধরাঃ সর্বে যুবানো মৃষ্টকুণ্ডলাঃ।
তুল্যবেষধরাশ্চৈব মনসঃ প্রীতিবর্ধনাঃ ॥ 3-124-19 (20733)
তেঽব্রুবন্সহিতাঃ সর্বে বৃণীষ্বান্যতমং শুভে।
অস্মাকমীপ্সিতং ভদ্রে পতিৎবে বরবর্ণিনি ॥ 3-124-20 (20734)
`ৎবমশ্বিনোরন্যতরং চ্যবনং বা যশস্বিনি'।
যত্র বাঽপ্যভিকামাঽসি তং বৃণীষ্ব সুশোভনে ॥ 3-124-21 (20735)
সা সমীক্ষ্য তু তান্সর্বাংস্তুল্যরূপধরান্স্থিতান্।
নিশ্চিত্য মনসা বুদ্ধ্যা দেবী বব্রে স্বকং পতিম্ ॥ 3-124-22 (20736)
লব্ধ্বা তু চ্যবনো ভার্যাংবয়োরূপং চ বাঞ্ছিতম্।
হৃষ্টোঽব্রবীন্মহাতেজাস্তৌ নাসত্যাবিদং বচঃ ॥ 3-124-23 (20737)
যথাঽহং রূপসংপন্নো বয়সা চ সমন্বিতঃ।
কৃতো ভবদ্ভ্যাং বৃদ্ধঃ সন্ভার্যাং চ প্রাপ্তবানিমাম্ ॥ 3-124-24 (20738)
তস্মাদ্যুবাং করিষ্যামি প্রীত্যাঽহং সোমপীথিনৌ।
মিষতো দেবরাজস্য সত্যমেতদ্ব্রবীমি বাম্ ॥ 3-124-25 (20739)
তচ্ছ্রুৎবা হৃষ্টমনসৌ দিবং তৌ প্রতিজগ্মতুঃ।
চ্যবনশ্চ সুকন্যা চ সুরাবিব বিজহ্রতুঃ ॥ 3-124-26 (20740)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি চতুর্বিংশত্যধিকশততমোঽধ্যায়ঃ ॥ 124 ॥
Mahabharata - Vana Parva - Chapter Footnotes
3-124-1 বিবৃতামনাচ্ছাদীতাম্ ॥ 3-124-4 ততঃ সুকন্যা সব্রীডেতি ঝ. পাঠঃ ॥অরণ্যপর্ব - অধ্যায় 125
॥ শ্রীঃ ॥
3.125. অধ্যায়ঃ 125
Mahabharata - Vana Parva - Chapter Topics
চ্যবনস্য যৌবনলাভশ্রবণহৃষ্টেন শর্যাতিনা তদাশ্রমাভিগমনম্ ॥ 1 ॥ চ্যবনেন শর্যাতের্যাজনম্ ॥ 2 ॥ তত্র চ্যবনেনাশ্বিভ্যাং স্বপ্রতিশ্রুতসোমরসদানোদ্যমে ইন্দ্রেণ তস্য হননায় বাহুনা বজ্রোদ্যমনম্ ॥ 3 ॥ তদ্বাহুসংস্তগ্ভনপূর্বকং চ্যবনসৃষ্টয়া কৃত্যযা শক্রংপ্রত্যভিসরণম্ ॥ 4 ॥Mahabharata - Vana Parva - Chapter Text
3-125-0 (20741)
লোমশ উবাচ। 3-125-0x (2107)
ততঃ শ্রুৎবা তু শর্যাতির্বয়স্থং চ্যবনং কৃতম্।
সুহৃষ্টঃ সেনয়া সার্ধমুপায়াদ্ভার্গবাশ্রমম্ ॥ 3-125-1 (20742)
চ্যবনং চ সুকন্যাং চ দৃষ্ট্বা দেবসুতাবিব।
রেমে সভার্যঃ শর্যাতিঃ কৃৎস্নাং প্রাপ্য মহীমিব ॥ 3-125-2 (20743)
ঋষিণা সৎকৃতস্তেন সভার্যঃ পৃথিবীপতিঃ।
উপোপবিষ্টঃ কল্যাণীঃ কথাশ্চক্রে মনোরমাঃ ॥ 3-125-3 (20744)
অথৈনং ভার্গবো রাজন্নুবাচ পরিসান্ৎবয়ন্।
যাজয়িষ্যামি রাজংস্ৎবাং সংভারানুপকল্পয় ॥ 3-125-4 (20745)
ততঃ পরমসংহৃষ্টঃ শর্যাতিরবনীপতিঃ।
চ্যবনস্য মহারাজ তদ্বাক্যং প্রত্যপূজয়ৎ ॥ 3-125-5 (20746)
প্রশস্তেঽহনি যজ্ঞীয়ে সর্বকামসমৃদ্ধিমৎ।
কারয়ামাস শর্যাতির্যজ্ঞায়তনমুত্তমম্ ॥ 3-125-6 (20747)
তত্রৈনং চ্যবনো রাজন্যাজয়ামাস ভার্গবঃ।
অদ্ভুতানি চ তত্রাসন্যানি তানি নিবোধ মে ॥ 3-125-7 (20748)
অগৃহ্ণাচ্চ্যবনঃ সোমমশ্বিনোর্দেবয়োস্তদা।
তমিন্দ্রো বারয়ামাস গৃহ্ণানং স তয়োর্গ্রহম্ ॥ 3-125-8 (20749)
ইন্দ্র উবাচ। 3-125-9x (2108)
উভাবেতৌ ন সোমার্হৌ নাসত্যাবিতি মে মতিঃ।
ভিষজৌ দিবি দেবানাং কর্মণা তেন নার্হতঃ ॥ 3-125-9 (20750)
চ্যবন উবাচ। 3-125-10x (2109)
মাবমংস্থা মহাত্মানৌ রূপদ্রবিণবত্তরৌ।
যৌ চক্রতুর্মাং মধবন্বৃন্দারকমিবাজরম্ ॥ 3-125-10 (20751)
ঋতে ৎবাং বিবুধাংশ্চান্যান্কথং বৈ নার্হতঃ সবম্।
অশ্বিনাবপি দেবেন্দ্র দেবৌ বিদ্ধি পুরংদর ॥ 3-125-11 (20752)
ইন্দ্র উবাচ। 3-125-12x (2110)
চিকিৎসকৌ কর্মকরৌ কামরূপসমন্বিতৌ।
লোকে চরন্তৌ মর্ত্যানাং কথং সোমমিহার্হতঃ ॥ 3-125-12 (20753)
লোমশ উবাচ। 3-125-13x (2111)
এতদেব তদা বাক্যমাম্রেডয়তি বাসবে।
অনাদৃত্যততঃ শক্রং গ্রহং জগ্রাহ ভার্গবঃ ॥ 3-125-13 (20754)
গ্রহীষ্যন্তং তু তং সোমমশ্বিনোরুত্তমং তদা।
সমীক্ষ্য বলভিদ্দেব ইদং বচনমব্রবীৎ ॥ 3-125-14 (20755)
আভ্যামর্তায় সোমং ৎবং গ্রহীষ্যসি যদি স্বয়ম্।
বজ্রং তে প্রহরিষ্যামি ঘোররূপমনুত্তমম্ ॥ 3-125-15 (20756)
এবমুক্তঃ স্ময়ন্নিন্দ্রমভিবীক্ষ্যস ভার্গবঃ।
জগ্রাহ বিধিবৎসোমমশ্বিভ্যামুত্তমং গ্রহম্ ॥ 3-125-16 (20757)
ততোঽস্মৈ প্রাহরদ্বজ্রং ঘোররূপং শচীপতিঃ।
তস্য প্রহরতো বাহুং স্তম্ভয়ামাস ভার্গবঃ ॥ 3-125-17 (20758)
তং স্তম্ভয়িৎবা চ্যবনো জুহুবে মন্ত্রতোঽনলম্।
কৃত্যার্থী সুমহাতেজা দেবং হিংসিতুমুদ্যতঃ ॥ 3-125-18 (20759)
ততঃ কৃত্যাঽথ সংজজ্ঞে মুনেস্তস্য তপোবলাৎ।
মদো নাম মহাবীর্যো বৃহৎকায়ো মহাসুরঃ ॥ 3-125-19 (20760)
শরীরং যস্ নির্দেষ্টুমশক্যং তু সুরাসুরৈঃ।
তস্যাস্যমভবদ্ধোরং তীক্ষ্ণাগ্রদশনং মহৎ ॥ 3-125-20 (20761)
হনুরেকা স্থিতা ৎবস্য ভূমাবেকা দিবং গতা।
চতস্রশ্চায়তা দংষ্ট্রা যোজনানাং শতংশতম্ ॥ 3-125-21 (20762)
ইতরে তস্য দশনা বভূবুর্দশয়োজনাঃ।
প্রাসাদশিখরাকারাঃ শূলাগ্রসমদর্শনাঃ ॥ 3-125-22 (20763)
বাহূ পরিঘসংকাশাবায়তাবয়ুতং সমৌ।
নেত্রে রবিশশিপ্রখ্যে বক্রং কালাগ্নিসংনিভম্ ॥ 3-125-23 (20764)
লেলিহঞ্জিহ্বয়া বক্রং বিদ্যুচ্চপললোলয়া।
ব্যাত্তাননো ঘোরদৃষ্টির্গ্রসন্নিব জগদ্বলাৎ ॥ 3-125-24 (20765)
স ভক্ষয়িষ্যন্সংক্রুদ্ধঃ শতক্রতুমুপাদ্রবৎ।
মহতা ঘোররূপেণ লোকাঞ্শব্দেন নাদয়ৎ ॥ 3-125-25 (20766)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি প়্চবিংশত্যধিকশততমোঽধ্যায়ঃ ॥ 125 ॥
Mahabharata - Vana Parva - Chapter Footnotes
3-125-1 বয়স্থং যুবানম্ ॥ 3-125-4 সংভারান্ যজ্ঞোপকরণানি ॥ 3-125-8 গ্রহং সোমস্য। গৃহ্ণানং তয়োরর্থে ॥ 3-125-11 সবং সোমম্ ॥ 3-125-12 ভৈষজ্যাৎকর্মণো নিন্দ্যাবিতি ক. পাঠঃ ॥ 3-125-13 আম্রেড্যতি পুনঃপুনরাবর্তয়তি ॥অরণ্যপর্ব - অধ্যায় 126
॥ শ্রীঃ ॥
3.126. অধ্যায়ঃ 126
Mahabharata - Vana Parva - Chapter Topics
ইন্দ্রাভিষ্টুতেন চ্যবনেন তস্মিন্স্বপ্রয়ুক্তকৃত্যায়াস্ততো বিনিবর্ত্য স্র্যাদিষু বিভজনম্ ॥ 1 ॥ লোমশেন সুকম্যোপাখ্যানসমাপনপূর্বকং যুধিষ্ঠিরায় নানাতীর্থমহিমানুবর্ণনম্ ॥ 2 ॥Mahabharata - Vana Parva - Chapter Text
3-126-0 (20767)
লোমশ উবাচ। 3-126-0x (2112)
তং দৃষ্ট্বা ঘোরবদনং মদং দেবঃ শতক্রতুঃ।
আয়ান্তং ভক্ষয়িষ্যন্তং ব্যাত্তাননমিবান্তকম্ ॥ 3-126-1 (20768)
ভয়াৎসংস্তম্ভিতভুজঃ সৃক্বিণী লেলিহন্মুহুঃ।
ততোঽব্রবীদ্দেবরাজশ্চ্যবনং ভয়পীডিতঃ ॥ 3-126-2 (20769)
সোমার্হাবশ্বিনাবেতাবদ্য প্রভৃতি ভার্গব।
ভবিষ্যতঃ সত্যমেতদ্বচো বিপ্র প্রসীদ মে ॥ 3-126-3 (20770)
ন তে মিথ্যা সমারম্ভো ভবৎবেষ পরো বিধিঃ।
জানামি চাহং বিপ্রর্ষে ন মিথ্যা ৎবং করিষ্যসি ॥ 3-126-4 (20771)
সোমপাবশ্বিনাবেতৌ যথা বাদ্য কৃতৌ ৎবয়া।
`তথৈব মামপি ব্রহ্মঞ্শ্রেয়সা যোক্তুমর্হসি' ॥ 3-126-5 (20772)
ভূয় এব তু তে বীর্যং প্রকাশেদিতি ভার্গব।
সুকন্যায়াঃ পিতুশ্চাস্য লোকে কীর্তিঃ প্রথেদিতি ॥ 3-126-6 (20773)
অতো ময়ৈতদ্বিহিতং তব বীর্যপ্রকাশনম্।
তস্মান্প্রসাদং কুরু মে ভবৎবেবং যথেচ্ছসি ॥ 3-126-7 (20774)
এবমুক্তস্য শক্রেণ চ্যবনস্য মহাত্মনঃ।
স মন্যুর্ব্যগমচ্ছীঘ্রং সুমোচ চ পুরংদরম্ ॥ 3-126-8 (20775)
মদং চ ব্যভজদ্রাজন্পানে স্ত্রীষু চ বীর্যবান্।
অক্ষেষু মৃগয়ায়াং চ পূর্বসৃষ্টং পুনঃ পুনঃ ॥ 3-126-9 (20776)
তদা মদং বিনিক্ষিপ্য শক্রং সংতর্প্য চেন্দুনা।
অশ্বিভ্যাং সহিতান্দেবান্যাজয়িৎবা চ তং নৃপম্ ॥ 3-126-10 (20777)
বিখ্যাপ্য বীর্যং লোকেষু সর্বেষু বদতাংবরঃ।
সুকন্যযা সহারণ্যে বিজহারানুকূলয়া ॥ 3-126-11 (20778)
তস্যৈতদ্দ্বিজসংঘুষ্টং সরো রাজন্প্রকাশতে।
অত্রৎবং সহ সোদর্যৈঃ পিতৃডন্দেবাংশ্চ তর্পয় ॥ 3-126-12 (20779)
এতদ্দৃষ্ট্বা মহীপাল সিকতাক্ষং চ ভারত।
সৈন্ধবারণ্যমাসাদ্য কুল্যানাং কুরু দর্শনম্ ॥ 3-126-13 (20780)
পুষ্করেষু মহারাজ সর্বেষু চ জলং স্পৃশ।
স্থাণোর্মন্ত্রাণি চ জপন্সিদ্ধিং প্রাপ্স্যসি ভারত ॥ 3-126-14 (20781)
সংধির্দ্বয়োর্নরশ্রেষ্ঠ ত্রেতায়া দ্বাপরস্য চ।
অয়ং হি দৃশ্যতে পার্থ সর্বপাপপ্রণাশনঃ।
অত্রোপস্পৃশ চৈব ৎবং সর্বপাপপ্রণাশনে ॥ 3-126-15 (20782)
আর্চীকপর্বতশ্চৈব নিবাসৌ বৈ মনীষিণাম্।
সদাফলঃ সদাস্রোতো মরুতাং স্তানমুত্তমম্ ॥ 3-126-16 (20783)
চৈত্যাশ্চৈতে বহুবিধাস্ত্রিদশানাং যুধিষ্ঠির।
এতচ্চন্দ্রমসস্তীর্থমৃষয়ঃ পর্যুপাসতে।
বৈখানসপ্রভৃতয়ো বালখিল্যাস্তথৈব চ ॥ 3-126-17 (20784)
শৃঙ্গাণি ত্রীণি পুণ্যানি ত্রীণি প্রসর্বণানি চ।
সর্বাণ্যনুপরিক্রম্য যথাকামমুপস্পৃশ ॥ 3-126-18 (20785)
শান্তনুশ্চাত্র রাজেন্দ্র শুনকশ্চ নরাধিপঃ।
নরনারায়ণৌ চোভৌ তপস্তপ্ৎবা চিরং নৃপ।
স্থানং সনাতনং প্রাপ্তাবীশ্বরধ্যানতৎপরৌ ॥ 3-126-19 (20786)
ইহ নিত্যাশ্রয়া দেবাঃ পিতরশ্চ মহর্ষিভিঃ।
আর্চীকপর্বতে তেপুস্তান্যজস্ব যুধিষ্ঠির ॥ 3-126-20 (20787)
ইহ তে বৈ চরূন্প্রাশ্নন্নৃষয়শ্চ বিশাংপতে।
যমুনা চাক্ষয়স্রোতাঃ কৃষ্ণশ্চেহ তপোরতঃ ॥ 3-126-21 (20788)
যমৌ চ ভীমসেনশ্চ কৃষ্ণা চামিত্রকর্শন।
সর্বে চাত্র গমিষ্যামস্ৎবয়ৈব সহ পাণ্ডব ॥ 3-126-22 (20789)
এতৎপ্রস্রবণং পুণ্যমিন্দ্রস্য মনুজেশ্বর।
যত্রধাতা বিধাতা চ বপরুণশ্চোর্ধ্বমাগতাঃ ॥ 3-126-23 (20790)
ইহ তেঽপ্যবসন্রাজঞ্শান্তাঃ পরমধর্মিণঃ।
মৈত্রাণামৃজুবুদ্ধীনাময়ং গিরিবরঃ শুভঃ ॥ 3-126-24 (20791)
এষা সা যমুনা রাজন্মহর্ষিগণসেবিতা।
নানায়জ্ঞচিতা রাজন্পুণ্যা পাপভয়াপহা ॥ 3-126-25 (20792)
অত্ররাজা মহেষ্বাসো মাংধাতাঽয়জত স্বয়ম্।
সাহদেবিশ্চ কৌন্তেয় সোমকো দদতাংবরঃ ॥ 3-126-26 (20793)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ষড্বিংশত্যধিকশততমোঽধ্যায়ঃ ॥ 126 ॥
Mahabharata - Vana Parva - Chapter Footnotes
3-126-2 সৃক্কিণী গল্লগর্ভৌ ॥ 3-126-3 বচো ব্রহ্মন্ব্রবীমি তে ইতি ক. পাঠঃ ॥ 3-126-15 সংপ্রতি কলিদ্বাপরসংধাবপি অত্রতীর্থে ত্রেতাদ্বাপারসংধিতুল্যঃ কালেস্তি। অত্রস্নাতানাং কলিস্পর্শো নাস্তীতি ভাবঃ ॥ 3-126-16 সদাস্রোতঃ সদাপ্রবাহয়ুক্তম্ ॥ 3-126-18 ত্রীণি সৃঙ্গাণীতি ত্রিকোণং বারাণসীক্ষেত্রম্। ত্রীণি প্রস্রবণানীতি চ প্রয়াগম্। এতানি সর্বাণি অনুপরিক্রম্য প্রদক্ষিণীকৃত্য ॥ 3-126-20 তেপুস্তপস্রক্রুঃ ॥ 3-126-26 সাহদেবিঃ সৃঞ্জয়পুত্রস্য পুত্রঃ ॥অরণ্যপর্ব - অধ্যায় 127
॥ শ্রীঃ ॥
3.127. অধ্যায়ঃ 127
Mahabharata - Vana Parva - Chapter Topics
লোমশেন যুধিষ্ঠিরংপ্রতি মান্ধাতৃপদপ্রবৃত্তিনিমিত্তকথনপূর্বকং মাংদাতৃচরিত্রকীর্তনম্ ॥ 1 ॥Mahabharata - Vana Parva - Chapter Text
3-127-0 (20794)
যুধিষ্ঠির উবাচ। 3-127-0x (2113)
মান্ধাতা রাজশার্দূলস্ত্রিষু লোকেষু বিশ্রুতঃ।
কথং জাতো মহাব্রহ্মন্যৌবনাশ্বো নৃপোত্তমঃ ॥ 3-127-1 (20795)
কথং চৈনাং পরাং খ্যাতিং প্রাপ্তবানমিতদ্যুতিঃ।
যস্য লোকাস্ত্রয়ো বশ্যা বিষ্ণোরিব মহাত্মনঃ ॥ 3-127-2 (20796)
এতদিচ্ছাম্যহং শ্রোতুং চরিতং তস্য ধীমতঃ।
`সত্যকীর্তের্হি মান্ধাতুঃ কথ্যমানং ৎবয়াঽনঘ' ॥ 3-127-3 (20797)
যথা মান্ধাতৃশব্দশ্চ তস্য শক্রসমদ্যুতে।
জন্ম চাপ্রতিবীর্যস্ কুশলো হ্যসি ভাষিতুম্ ॥ 3-127-4 (20798)
লোমশ উবাচ। 3-127-5x (2114)
শৃণুষ্বাবহিতো রাজন্রাজ্ঞস্তস্য মহাত্মনঃ।
যথা মান্ধাতৃশব্দো বৈ লোকেষু পরিগীয়তে ॥ 3-127-5 (20799)
ইক্ষ্বাকুবংশপ্রভবো যুবনাশ্বো মহীপতিঃ।
সোঽয়জৎপৃথিবীপালঃ ক্রতুভির্ভূরিদক্ষিণৈঃ ॥ 3-127-6 (20800)
অশ্বমেধসহস্রং চ প্রাপ্য ধর্মভৃতাংবরঃ।
অন্যৈশ্চ ক্রতুভির্মুখ্যৈরয়জৎস্বাপ্তদক্ষিণৈঃ ॥ 3-127-7 (20801)
অনপত্যস্তু রাজর্ষিঃ স মহাত্মা মহাব্রতঃ।
মন্ত্রিষ্বাধায় তদ্রাজ্যং বনিত্যো বভূব হ।
শাস্ত্রদৃষ্টেন বিধিনা সংয়োজ্যাত্মানমাত্মবান্ ॥ 3-127-8 (20802)
স কদাচিন্নৃপো রাজন্নুপবাসেন দুঃখিতঃ।
পিপাসাশুষ্কহৃদয়ঃ প্রবিবেশাশ্রমং ভৃগোঃ ॥ 3-127-9 (20803)
তামেব রাত্রিং রাজেন্দ্র মহাত্মা ভৃগুনন্দনঃ।
ইষ্টিং চকার সৌদ্যুম্নের্মহর্ষিঃ পুত্রকারণাৎ ॥ 3-127-10 (20804)
সংভৃতো মন্ত্রপূতেন বারিণা কলশো মহান্।
তত্রাতিষ্ঠত রাজেন্দ্র পূর্বমেব সমাহিতঃ ॥ 3-127-11 (20805)
যৎপ্রাশ্য প্রসবেত্তস্য পত্নী শক্রসমং সুতম্।
`তদ্বারি বিহিতং রাজন্যস্মিন্নাসীৎসুসংস্কৃতম্'।
তং ন্যস্য বেদ্যাং কলশং সুষুপুস্তে মহর্ষয়ঃ ॥ 3-127-12 (20806)
রাত্রিজাগরণাচ্ছ্রান্তান্সৌদ্যুম্নিঃ সমতীত্য তান্।
শুষ্ককণ্ঠঃ পিপাসার্তঃ পানীয়ার্থী ভৃশং নৃপঃ।
তং প্রবিশ্যাশ্রমং শান্তঃ পানীয়ং সোঽভ্যযাচত ॥ 3-127-13 (20807)
তস্য শ্রান্তস্য শুষ্কেণ কণ্ঠেন ক্রোশতস্তদা।
নাশ্রৌষীৎকশ্চন তদা শকুনেরিব বাশতঃ ॥ 3-127-14 (20808)
ততস্তং কলশং দৃষ্ট্বা জলপূর্ণং স পার্থিবঃ।
অভ্যদ্রবত বেগেন পীৎবা চাম্ভো ব্যবাসৃজৎ ॥ 3-127-15 (20809)
স পীৎবা শীতলং তোয়ং পিপাসার্তো মহীপতিঃ।
নির্বাণমগমদ্ধীমান্সুসুখী চাভবত্তদা ॥ 3-127-16 (20810)
ততস্তে প্রত্যবুধ্যন্ত মুনয়ঃ সতপোধনাঃ।
নিস্তোয়ং তং চ কলশং দদৃশুঃ সর্ব এব তে ॥ 3-127-17 (20811)
কস্য কর্মেদমিতি তে পর্যপৃচ্ছন্সমাগতাঃ।
যুবনাশ্বো মমেত্যেবং সত্যং সমভিপদ্যত ॥ 3-127-18 (20812)
ন যুক্তমিতি তং প্রাহ ভগবান্ভার্গবস্তদা।
সুতার্থং স্থাপিতা হ্যাপস্তপসা চৈব সংভৃতাঃ ॥ 3-127-19 (20813)
ময়া হ্যত্রাহিতং ব্রহ্ম তপ আস্থায় দারুণম্।
পুত্রার্থং তব রাজর্ষে মহাবলপরাক্রম ॥ 3-127-20 (20814)
মহাবলো মহাবীর্যস্তপোবলসমন্বিতঃ।
যঃ শক্রমপি বীর্যেণ গময়েদ্যমসাদনম্ ॥ 3-127-21 (20815)
অনেন বিধিনা রাজন্ময়ৈতদুপপাদিতম্।
অব্ভক্ষণং ৎবয়া রাজন্ন যুক্তং কৃতমদ্য বৈ ॥ 3-127-22 (20816)
ন ৎবদ্য শক্যমস্মাভিরেতৎকর্তুমতোঽনয়্থা।
নূনং দৈবকৃতং হ্যেতদ্যদেবং কৃতবানসি ॥ 3-127-23 (20817)
পিপাসিতেন যাঃ পীতা বিধিমন্ত্রপুরস্কৃতাঃ।
আপস্ৎবয়া মহারাজ মত্তপোবীর্যসংভৃতাঃ ॥ 3-127-24 (20818)
তাভ্যস্ৎবমাত্মনা পুত্রমীদৃশং জনয়িষ্যসি।
বিধাস্যামো বয়ং তত্র তবেষ্টিং পরমাদ্ভুতাম্ ॥ 3-127-25 (20819)
যথা শক্রসমং পুত্রং জনয়িষ্যসি বীর্যবান্।
`ন চ প্রাণৈর্মহারাজ বিয়োগস্তে ভবিষ্যতি' ॥ 3-127-26 (20820)
মা খিদস্ৎবং হি রাজেনদ্র দৈবং হি বলবত্তরম্'।
গর্ভধারণজং বাঽপি ন খেদং সমবাপ্স্যসি ॥ 3-127-27 (20821)
ততো বর্ষশতে পূর্ণে তস্য রাজ্ঞো মহাত্মনঃ।
বামং পার্শ্বং বিনির্ভিদ্য সুতঃ সূর্য ইব স্থিতঃ ॥ 3-127-28 (20822)
নিশ্চক্রাম মহাতেজা ন চ তং মৃত্যুরাবিশৎ।
যুবনাশ্বং নরপতিং তদদ্ভুতমিবাভবৎ ॥ 3-127-29 (20823)
ততঃ শক্রো মহাতেজাস্তং দিদৃক্ষুরুপাগমৎ।
ততো দেবা মহেন্দ্রং তমপৃচ্ছন্ধাস্যতীতি কিম্ ॥ 3-127-30 (20824)
প্রদেশিনীং ততোঽস্যাস্যে শক্রঃ সমভিসংদধে।
মাময়ং ধাস্যতীত্যেবং ভাষিতে চৈব বজ্রিণা।
মাংধাতেতি চ নামাস্য চক্রুঃ সেন্দ্রা দিবৌকসঃ ॥ 3-127-31 (20825)
প্রদেশিনীং শক্রদত্তামাখাদ্য স শিশুস্তদা।
অবর্ধত মহাতেজাঃ কিষ্কূন্রাজংস্ত্র্যোদশ ॥ 3-127-32 (20826)
বেদাস্তং সধনুর্বেদা দিব্যান্স্ত্রাণি চেশ্বরম্।
উপতস্থুর্মহারাজং ধ্যাতমাত্রাণি সর্বশঃ ॥ 3-127-33 (20827)
ধনুরাজগবং নাম শরাঃ শৃঙ্গোদ্ভবাশ্চ যে।
অভেদ্যং কবচং চৈব সদ্যস্তমুপশিশ্রিয়ুঃ ॥ 3-127-34 (20828)
সোঽভিষিক্তো ভগবতা স্বয়ং শক্রেণ ভারত।
ধর্মেণ ব্যজয়ল্লোকাংস্ত্রীন্বিষ্ণুরিব বিক্রমৈঃ ॥ 3-127-35 (20829)
তস্যাপ্রতিহতং চক্রং প্রাবর্তত মহাত্মনঃ।
রত্নানি চৈব রাজর্ষিং স্বয়মেবোপতস্থিরে ॥ 3-127-36 (20830)
তস্যেয়ং বসুসংপূর্ণা বসুধা বসুধাধিপ।
তেনেষ্টং বিবিধৈর্যজ্ঞৈর্বহুভিঃ স্বাপ্তদক্ষিণৈঃ ॥ 3-127-37 (20831)
চিতচৈত্যো মহাতেজা ধর্মান্প্রাপ্য চ পুষ্কলান্।
শক্রস্যার্ধাসনং রাজঁল্লব্ধবানমিতদ্যুতিঃ ॥ 3-127-38 (20832)
একাহ্না পৃথিবী তেন ধর্মনিত্যেন ধীমতা।
বিজিতা শাসনাদেব সরত্নাকরপত্তনা ॥ 3-127-39 (20833)
তস্য চৈত্যৈর্মহারাজ ক্রতূনাং দক্ষিণাবতাম্।
চতুরন্তা মহী ব্যাপ্তা নাসীৎকিংচিদনাবৃতম্ ॥ 3-127-40 (20834)
তেন পদ্মসহস্রাণি গবাং দশ মহাত্মনা।
ব্রাহ্মণেভ্যো মহারাজ দত্তানীতি প্রচক্ষতে ॥ 3-127-41 (20835)
তেন দ্বাদশবার্ষিক্যামনাবৃষ্ট্যাং মহাত্মনা।
বৃষ্টং সস্যবিবৃদ্ধ্যর্থং মিষতো বজ্রপাণিনঃ ॥ 3-127-42 (20836)
তেন সোমকুলোৎপন্নো গান্ধারাধিপতির্মহান্।
শর্জন্নিব মহামেঘঃ প্রমথ্য নিহতঃ শরৈঃ ॥ 3-127-43 (20837)
প্রজাশ্চতুর্বিধাস্তেন ত্রাতা রাজন্কৃতাত্মনা।
তেনাত্মতপসা লোকাস্তাপিতাশ্চাতিতেজসা ॥ 3-127-44 (20838)
তস্যৈতদ্দেবয়জনং স্থানমাদিত্যবর্চসঃ।
যস্য পুণ্যতমে দেশে কুরুক্ষেত্রেস্য মধ্যতঃ ॥ 3-127-45 (20839)
`তথা ৎবমপি রাজেন্দ্র মান্ধাতেব মহীপতিঃ।
ধর্মং কৃৎবা মহীং রক্ষ স্বর্গলোকং গমিষ্যসি' ॥ 3-127-46 (20840)
এতত্তে সর্বমাখ্যাতং মান্ধাতুশ্চরিতং মহৎ।
জন্ম চাগ্র্যং মহীপাল যন্মাং ৎবং পরিপৃচ্ছসি ॥ 3-127-47 (20841)
বৈশম্পায়ন উবাচ। 3-127-48x (2115)
এবমুক্তঃ স কৌন্তেয়ো লোমশেন মহর্ষিণা।
পপ্রচ্ছানন্তরং ভূয়ঃ সোমকং প্রতি ভারত ॥ 3-127-48 (20842)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি সপ্তবিংশত্যধিকশততমোঽধ্যায়ঃ ॥ 127 ॥
Mahabharata - Vana Parva - Chapter Footnotes
3-127-1 যৌবনাশ্বো যুবনাশ্বপুত্রঃ। যৌবনাশ্বির্নৃপোত্তম ইতি ক. পাঠঃ ॥ 3-127-8 আত্মানং চিত্তম্। আত্মবান্ জিতচিত্তঃ। সংয়োজ্যেষ্টদেবতয়া ঐবয়ং নীৎবা ॥ 3-127-10 সৌদ্যুম্নেঃ যুবনাশ্বস্য ॥ 3-127-14 বাশতঃ শব্দং কুর্বতঃ ॥ 3-127-16 নির্বাণং তপঃফলম্ ॥ 3-127-25 ইষ্টিমিচ্ছিতম্ ॥ 3-127-30 কিং ধাস্যতি পাস্যতি স্তন্যাভাবাৎ ॥ 3-127-31 মাং ধাস্যতি মাং ধাতা। ধাতেতি লুডন্তস্য ব্যাখ্যানং ধাস্যতীতি। প্রদেশিনীং, তর্জনীম্ ॥ 3-127-32 কিষ্কূন্ হস্তান্ বিতস্তীন্বা ॥ 3-127-36 চক্রমাজ্ঞা 3-127-38 চিতচৈত্যঃ কৃতচয়নক্রতুঃ ॥ 3-127-41 পদ্মং শতকোটয়স্তেষামপি সহস্রাণি দশ ॥ 3-127-44 চতুর্বিধাঃ সুরনরতির্যক্স্থাবরাঃ ॥অরণ্যপর্ব - অধ্যায় 128
॥ শ্রীঃ ॥
3.128. অধ্যায়ঃ 128
Mahabharata - Vana Parva - Chapter Topics
সোমকনামকেন রাজ্ঞা ভার্যাশতোদ্বাহেপি জ্যেষ্ঠায়ামেব জন্তুনামকৈকাপত্যজননম্ ॥ 1 ॥ পিপীলিকাদষ্টসুতদুঃখদর্শননির্বিণ্ণেন তেন রাজ্ঞা ঋৎবিজংপ্রতি বহুপুত্রোৎপাদনোপায়প্রশ্নঃ ॥ 2 ॥ ঋৎবিজা রাজানংপ্রতি জন্তোঃ পশূকরণেন হোমে তদ্বপাঘ্রাণনেন ভার্যাশতে পুত্রশতজননোক্তিঃ ॥ 3 ॥Mahabharata - Vana Parva - Chapter Text
3-128-0 (20843)
যুধিষ্ঠির উবাচ। 3-128-0x (2116)
কথংবীর্যঃ স রাজাঽভূৎসোমকো দদতাংবরঃ।
কর্মাণ্যস্য প্রভাবং চ শ্রোতুমিচ্ছামি তত্ৎবতঃ ॥ 3-128-1 (20844)
লোমশ উবাচ। 3-128-2x (2117)
যুধিষ্ঠিরাসীন্নৃপতিঃ সোমকো নাম ধার্মিকঃ।
তস্য ভার্যাশতং রাজন্সদৃশীনামভূত্তদা ॥ 3-128-2 (20845)
স বৈ যত্নেন মহতা তাসু পুত্রং মহীপতিঃ।
কংচিন্নাসাদয়ামাস কালেন মহতা হ্যপি ॥ 3-128-3 (20846)
কদাচিত্তস্ বৃদ্ধস্য যতমানস্য ধীমতঃ।
জন্তুর্নাম সুতস্তস্য জ্যেষ্ঠায়াং সমজায়ত ॥ 3-128-4 (20847)
তং জাতং মাতরঃ সর্বাঃ পরিবার্য সমাসতে।
সততং পৃষ্ঠতঃ কৃৎবা কামভোগান্বিশাংপতে ॥ 3-128-5 (20848)
ততঃ পিপীলিকা জন্তুং কদাচিদদশৎস্ফিচি।
স দষ্টো হ্যরুদদ্রাজংস্তেন দুঃখেন বালকঃ ॥ 3-128-6 (20849)
ততস্তা মাতরঃ সর্বাঃ প্রাক্রোশন্ভৃশদুঃখিতাঃ।
প্রবার্য জনতুং সহসা স শব্দস্তুমুলোঽভবৎ ॥ 3-128-7 (20850)
তমার্তনাদং সহসা শুশ্রাব স মহীপতিঃ।
অমাত্যপর্ষদো মধ্যে উপবিষ্টঃ সহর্ৎবিজা ॥ 3-128-8 (20851)
ততঃ প্রস্থাপয়ামাস কিমেতদিতি পার্থিবঃ।
তস্মৈ ক্ষত্তা যথাবৃত্তমাচচক্ষে সুতং প্রতি ॥ 3-128-9 (20852)
ৎবরমাণঃ স চোত্থায় সোমকঃ সহ মন্ত্রিভিঃ।
প্রবিশ্যান্তঃপুরং পুত্রমাশ্বাসয়দরিংদমঃ ॥ 3-128-10 (20853)
সান্ৎবয়িৎবা তু তং পুত্রং নিষ্ক্রম্যান্তঃপুরান্নৃপঃ।
ঋৎবিজা সহিতো রাজন্সহামাত্য উপাবিশৎ ॥ 3-128-11 (20854)
সোমক উবাচ। 3-128-12x (2118)
ধিগস্ৎবিহৈকপুত্রৎবমপুত্রৎবং বরং ভবেৎ।
নিত্যাতুরৎবাদ্ভূতানাং শোক এবৈকপুত্রতা ॥ 3-128-12 (20855)
ইদং ভার্যাশতং ব্রহ্মন্পরীক্ষ্যসদৃশং প্রভো।
পুত্রার্থিনা ময়া বোঢং ন তাসাং বিদ্যতে প্রজা ॥ 3-128-13 (20856)
একঃ কথংচিদুৎপন্নঃ পুত্রো জন্তুরয়ং মম।
যতমানাসু সর্বাসু কিংনু দুঃখমতঃ পরম্ ॥ 3-128-14 (20857)
বয়শ্চ সমতীতং মে সভার্যস্যং দ্বিজোত্তম।
আসাং প্রাণাঃ সমায়ত্তা মম চাত্রৈকপুত্রকে ॥ 3-128-15 (20858)
স্যাত্তু কর্ম তথা যুক্তং যেন পুত্রশতং ভবেৎ।
মহতা লঘুনা বাঽপি কর্মণা দুষ্করেণ বা ॥ 3-128-16 (20859)
ঋৎবিগুবাচ। 3-128-17x (2119)
অস্তি চৈতাদৃশং কর্ম যেন পুত্রশতং ভবেৎ।
যদি শক্নোষি তৎকর্তুমথ বক্ষ্যামি সোমক ॥ 3-128-17 (20860)
সোমক উবাচ। 3-128-18x (2120)
কার্যং বা যদি বাঽকার্যং যেন পুত্রশতং ভবেৎ।
কৃতমেবেতি তদ্বিদ্ধি ভগবান্প্রব্রবীতু মে ॥ 3-128-18 (20861)
ঋৎবিগুবাচ। 3-128-19x (2121)
যজস্ব জন্তুনা রাজংস্ৎবং ময়া বিততে ক্রতৌ।
ততঃ পুত্রশতং শ্রীমদ্ভবিষ্যত্যচিরেণ তে ॥ 3-128-19 (20862)
বপার্যা হূয়মানায়াং ধূমমাঘ্রায় মাতরঃ।
ততস্তাঃ সুমহাবীর্যাঞ্জনয়িষ্যন্তি তে সুতান্ ॥ 3-128-20 (20863)
তস্যামেব তু তে জন্তুর্ভবিতা পুনরাত্মজঃ।
উত্তরে চাস্য সৌবর্ণং লক্ষ্ম পার্শ্বে ভবিষ্যতি ॥ 3-128-21 (20864)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি অষ্টাবিংশত্যধিকশততমোঽধ্যায়ঃ ॥ 128 ॥
Mahabharata - Vana Parva - Chapter Footnotes
3-128-6 স্ফিচি কঠ্যাম্ ॥ 3-128-8 অমাত্যপর্ষদো মধ্যে মন্ত্রিসভান্তঃ ॥ 3-128-9 ক্ষত্তা দৌবারিকঃ ॥ 3-128-19 জন্তুনা পশুভূতেন ॥অরণ্যপর্ব - অধ্যায় 129
॥ শ্রীঃ ॥
3.129. অধ্যায়ঃ 129
Mahabharata - Vana Parva - Chapter Topics
ঋৎবিক্চোদনয়া সোমকেন রাজ্ঞা জন্তুনামকপুত্রবপায়া হোমে তদ্গন্ধাঘ্রাণনেন তদ্ভার্যাশতে পুত্রশতোৎপত্তিঃ ॥ 1 ॥ লোকান্তরং গতেন সোমকেন ঋৎবিজা সহ তদ্ভোগ্যস্বপুত্রহননজনারকীয়দুঃখানুভবপূর্বকং তেন সহৈব স্বীয়সুকৃতকলোপভোগঃ ॥ 2 ॥Mahabharata - Vana Parva - Chapter Text
3-129-0 (20865)
সোমক উবাচ। 3-129-0x (2122)
ব্রহ্মন্যদ্যদ্যথা কার্যং তৎকুরুষ্ব তথাতথা।
পুত্রকামতয়া সর্বংকরিষ্যামি বচস্তব ॥ 3-129-1 (20866)
লোমশ উবাচ। 3-129-2x (2123)
ততঃ স যাজয়ামাস সোমকং তেন জন্তুনা।
মাতরস্তু বলাতপুত্রমপাকার্ষুঃ কৃপান্বিতাঃ ॥ 3-129-2 (20867)
হা হতাঃ স্মেতি বাশন্ত্যস্তীব্রশোকসমাহতাঃ।
তং মাতরঃ প্ত্যকর্ষন্গৃহীৎবা দক্ষিণে করে ॥ 3-129-3 (20868)
সব্যে পাণৌ গৃহীৎবা তু যাজকোপি স্ম কর্ষতি।
কুররীণামিবার্তানামপাকৃষ্য তু তং সুতম্ ॥ 3-129-4 (20869)
বিশস্য চৈনং বিধিবদ্বপামস্য জুহাব সঃ।
বপায়াং হূয়মানায়াং গন্ধমাঘ্রায় মাতরঃ ॥ 3-129-5 (20870)
আর্তা নিপেতুঃ সহসা পৃথিব্যাং কুরুনন্দন।
সর্বাশ্চ গর্ভানলবংস্ততস্তাঃ পার্থিবাঙ্গনাঃ ॥ 3-129-6 (20871)
ততো দশসু মাসেষু সোমকস্য বিশাংপতে।
জজ্ঞে পুত্রশতং পূর্ণং তাসু সর্বাসু ভারত ॥ 3-129-7 (20872)
জন্তুর্জ্যেষ্ঠঃ সমভবজ্জনিত্র্যামেব পূর্ববৎ।
স তাসামিষ্ট এবাসীন্ন তথাঽন্যে নিজাঃ সুতাঃ ॥ 3-129-8 (20873)
তচ্চ লক্ষণমস্যাসীৎসৌবর্ণং পার্শ্ব উত্তরে।
তস্মিন্পুত্রশতে চাগ্র্যঃ স বভূব গুণৈরপি ॥ 3-129-9 (20874)
ততঃ স লোকমগমৎসোমকস্য গুরুঃ পরম্।
অন্বক্ষমেব পশ্চাত্তু সোমকোপ্যগমৎপরম্ ॥ 3-129-10 (20875)
অথ তং নরকে ঘোরে পচ্যমানং দদর্শ সঃ।
তমপৃচ্ছৎকিমর্থং ৎবং নরকে পচ্যসে দ্বিজ ॥ 3-129-11 (20876)
তমব্রবীদ্গুরুঃ সোঽথ পচ্যমানোঽগ্নিনা ভৃশম্।
ৎবং ময়া যাজিতো রাজংস্তস্যেদং কর্মণঃ ফলম্ ॥ 3-129-12 (20877)
এতচ্ছ্রুৎবা স রাজর্ষির্ধর্মরাজমথাব্রবীৎ।
অহমত্র প্রবেক্ষ্যামি মুচ্যতাং মম যাজকঃ ॥ 3-129-13 (20878)
মৎকৃতে হি মহাভাগঃ পচ্যতে নরকাগ্নিনা।
`সোহমাত্মানমাধাস্যে নরকে মুচ্যতাং গুরুঃ' ॥ 3-129-14 (20879)
ধর্ম উবাচ। 3-129-15x (2124)
নান্য কর্তুঃ ফলং রাজন্নুপভুঙ্ক্তে কদাচন।
ইমানি তব দৃশ্যন্তে ফলানি বদতাংবর ॥ 3-129-15 (20880)
সোমক উবাচ। 3-129-16x (2125)
পুণ্যান্ন কাময়ে লোকানৃতেঽহং ব্রহ্মবাদিনম্।
ইচ্ছাম্যহমননৈব সহ বস্তুং সুরালয়ে ॥ 3-129-16 (20881)
নরকে বা ধর্মরাজ কর্মণাঽস্য সমো হ্যহম্।
পুণ্যাপুণ্যফলং দেব সমমস্ৎবাবয়োরিদম্ ॥ 3-129-17 (20882)
ধর্মরাজ উবাচ। 3-129-18x (2126)
যদ্যেবমীপ্সিতং রাজন্ভুঙ্খাস্য সহিতঃ ফলম্।
তুল্যকালং সহানেন পশ্চাৎপ্রাপ্স্যসি সদ্গতিম্ ॥ 3-129-18 (20883)
লোমশ উবাচ। 3-129-19x (2127)
স চকার তথা সর্বং রাজা রাজীবলোচনঃ।
ক্ষীণপাপশ্চ তস্মাৎস বিমুক্তো গুরুণা সহ ॥ 3-129-19 (20884)
লেভে কামাঞ্শুভান্রাজন্কর্মণা নির্জিতান্স্বয়ম্।
সহ তেনৈব বিপ্রেণ গুরুণা স গুরুপ্রিয়ঃ ॥ 3-129-20 (20885)
এষ তস্যাশ্রমঃ পুণ্যো য এষোগ্রে বিরাজতে।
ক্ষান্ত উষ্যাত্র ষড্রাত্রং প্রাপ্নোতি সুগতিং নরঃ ॥ 3-129-21 (20886)
এতস্মিন্নপি রাজেন্দ্র বৎস্যামো বিগতজ্বরাঃ।
ষড্রাত্রং নিয়তাত্মানঃ স়জ্জীভব কুরূদ্বহ ॥ 3-129-22 (20887)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একোনত্রিংশদধিকশততমোঽধ্যায়ঃ ॥ 129 ॥
Mahabharata - Vana Parva - Chapter Footnotes
3-129- বাশন্ত্যঃ ক্রোশন্ত্যঃ ॥ 3-129- বপাং দেহান্তর্গতমপূপাকারং মাসম্ ॥ 3-129- লক্ষণং চিহ্নম্ ॥ 3-129- সোমকস্য ঋৎবিগিতি শেষঃ ॥ 3-129- ক্ষান্তঃ ক্ষমাবান্। উষ্য উষিৎবা ॥অরণ্যপর্ব - অধ্যায় 130
॥ শ্রীঃ ॥
3.130. অধ্যায়ঃ 130
Mahabharata - Vana Parva - Chapter Topics
যুধিষ্ঠিরেণ মার্কণ্ডেয়াশ্রমগমনম্ ॥ 1 ॥ লোমশেন যুধিষ্ঠিরংপ্রতি সংগ্রহেণ মার্কণ্ডেয়চরিত্রকথনম্ ॥ 2 ॥Mahabharata - Vana Parva - Chapter Text
3-130-0 (20888)
`বৈশম্পায়ন উবাচ। 3-130-0x (2128)
সোমকস্যাশ্রমে পুণ্যে ধর্মরাজো যুধিষ্ঠিরঃ।
ষড্রাত্রমুষ্য নিয়তো ভ্রাত্রাদিভিররিংদমঃ।
তস্মান্নির্গম্য সহসা দিশং প্রায়াত্তথোত্তরাম্ ॥ 3-130-1 (20889)
বহুদূরং ততো গৎবা বনং তত্র মনোহরম্।
বহুপষ্পফলাকীর্ণং মহানদ্যুপশোভিতম্ ॥ 3-130-2 (20890)
দৃষ্ট্বা পপ্রচ্ছ রাজাঽসৌ লোমশং মুনিসত্তমম্।
কিমিদং দৃশ্যতে রম্যং বনং বহুমৃগদ্বিজম্ ॥ 3-130-3 (20891)
বহুপুষ্পফলোপেতং মুনিসঙ্ঘৈর্নিষেবিতম্।
স্রবন্ত্যা চ সমায়ুক্তং মহত্যা পুণ্যতোয়যা ॥ 3-130-4 (20892)
ঋষীণামাশ্রমাঃ পুণ্যা দৃশ্যন্তে বিবিধা মুনে।
কস্যায়মাশ্রমঃ পুণ্যঃ কস্যেমে মুনয়োঽমলাঃ।
এতদিচ্ছাম্যহং শ্রোতুং বদ ৎবং বদতাংবর ॥ 3-130-5 (20893)
লোমশ উবাচ। 3-130-6x (2129)
শৃণু রাজেনদ্র ভদ্রং তে বনস্যাস্য পুরাতনম্।
বৃত্তান্তং নিখিলেনাদ্য প্রোচ্যমানং ময়াঽনঘ ॥ 3-130-6 (20894)
মৃকণ্ডুপুত্রো মেধাবী মার্কণ্ডেয়ো মহামুনিঃ।
বাল এব মহাবুদ্ধিঃ সর্ববিদ্যাবিশারদঃ ॥ 3-130-7 (20895)
মাতাপিত্রোঃ প্রিয়ং কুর্বংস্তপোর্থং বনমাবিশৎ।
অত্রাশ্রমপদং কৃৎবা তপস্তেপে সুদারুণম্ ॥ 3-130-8 (20896)
গ্রীষ্মে পঞ্চতপা ভূৎবা বর্ষাস্বাকাশসংশ্রয়ঃ।
জলস্থঃ শিশিরে যোগী বহুকালমবর্তত ॥ 3-130-9 (20897)
ঊর্ধ্ববাহুর্নিরালম্বঃ পাদাঙ্গুষ্ঠাগ্রবিষ্ঠিতঃ।
জিতেন্দ্রিয়ো জিতপ্রাণশ্চিন্তয়ন্দৃঢমব্যযম্।
অনাহারো জিতক্রোধশ্চিরমেবমবর্তত ॥ 3-130-10 (20898)
এতস্মিন্নন্তরে রাজন্ননাবৃষ্টিঃ সুদারুণা।
সংভূতা সর্বসংহর্ত্রী তয়া দগ্ধং চরাচরম্ ॥ 3-130-11 (20899)
অনাবৃষ্ট্যাং প্রবৃত্তায়াং সর্বে চ নিধনং গতাঃ।
কেচিদন্যে মহাত্মানো মুনয়ো দ্বিজপুঙ্গবাঃ ॥ 3-130-12 (20900)
ব্রাহ্মণাঃ ক্ষত্রিয়া বৈশ্যাঃ শূদ্রা সর্বাশ্চ যোষিতঃ।
পশুপক্ষিমৃগাঃ সর্বে ক্ষুৎপিপাসাসমাকুলাঃ।
কৃশাঃ শুষ্কোষ্ঠকণ্ঠাশ্চ শ্রান্তা ভ্রান্তা বিচেতসঃ ॥ 3-130-13 (20901)
কেনচিৎপুণ্যশেষেণ মার্কণ্ডেয়স্য ধীমতঃ।
আশ্রমং শনকৈঃ প্রাপ্তা মূর্চ্ছিতাঃ সহসাঽপতন্ ॥ 3-130-14 (20902)
সমাধিবিরতো যোগী মার্কণ্ডেয়ো মহাতপাঃ।
তদ্বনং নিবিডং দৃষ্ট্বা জনৈঃ ক্ষুত্তৃট্সমাকলৈঃ ॥ 3-130-15 (20903)
দয়ার্দ্রহৃদয়ো যোগী শিবং ধ্যাৎবা হৃদম্বুজে।
তেষাং সংরক্ষণার্থায় বেদগন্ধিস্বরেণ সঃ।
আজুহাব তদা গঙ্গাং তপোয়োগেন ভারত ॥ 3-130-16 (20904)
গঙ্গা সমাগতা শীঘ্রং তেনাহূতাঽতিপাবনা।
নাম্না বেদনদীত্যেব প্রখ্যাতা লোকপাবনা ॥ 3-130-17 (20905)
পর্জন্যশ্চ সমাহূতঃ সুখং বর্ষতি ভারত।
সস্যানি চ সমৃদ্ধানি ফলমূলান্যনেকশঃ।
সংভূতান্যত্ররাজেনদ্র সর্বে তে রক্ষিতা জনাঃ ॥ 3-130-18 (20906)
মার্কণ্ডেয়ং প্রশংসন্তো জনাঃ সর্বে দ্বিজাত্তয়ঃ।
চিরং সুখমবর্তন্ত তেন সংরক্ষিতা নৃপ ॥ 3-130-19 (20907)
এবং বিধায় রক্ষাং স সর্বেষাং পুণ্যকর্মণাম্।
পুনশ্চচার চ তপঃ পরমেশ্বরতুষ্টয়ে ॥ 3-130-20 (20908)
এবং বহুতিথে কালে প্রাদুরাসীন্মহেশ্বরঃ ॥ 3-130-21 (20909)
দৃষ্ট্বা চ সর্বদেবেশং চন্দ্রমৌলিমুমাপতিম্।
ব্রহ্মবিষ্ণ্বাদিভির্দেবৈঃ সিদ্ধবিদ্যাধরোরগৈঃ ॥ 3-130-22 (20910)
গন্ধর্বয়ক্ষপ্রবরৈঃ সকিন্নরপতত্রিভিঃ।
স্তূয়মানং মহাদেবমব্যযং নিষ্কলং শিবম্।
প্রণনাম মুনির্ভক্ত্যা সাষ্টাঙ্গং চ পুনঃ পুনঃ ॥ 3-130-23 (20911)
প্রণম্যোত্থায় সহসা বদ্ধাঞ্জলিপুটো মুনিঃ।
তুষ্টাব বিবিধৈঃ স্তোত্রৈর্মহাদেবং জগৎপতিম্ ॥ 3-130-24 (20912)
তমুবাচ মহাদেবো মার্কণ্ডেয়ং মহামুনিম্।
বরং বরয় ভদ্রং তে বরদোস্মি মুনে তব ॥ 3-130-25 (20913)
এবং সংবোধিতস্তেন শিবেন পরমাত্মনা।
সগদ্গদমিদং বাক্যমুবাচ পরমেশ্বরম্ ॥ 3-130-26 (20914)
নান্যং বরং বৃণে শংভো ---ৎবৎপাদপঙ্কজে।
ভক্তিংহ্যনন্যসুলভাং স্ব ব্যভিচারিণীম্ ॥ 3-130-27 (20915)
এবমুক্তোঽথ মুনিনা ভরতগীশ্বরেশ্বরঃ।
পুনরেবাব্রবীদ্বাক্যং মার্কণ্ডেয় মহামুনিম্ ॥ 3-130-28 (20916)
সম্যগারাধিতঃ পিত্রা তব পুত্রার্থমাদরাৎ ॥ 3-130-29 (20917)
শতায়ুর্নির্গুণঃ পুত্রঃ শুভঃ ষোডশবার্ষিকঃ।
উভয়োরন্যমিচ্ছ ৎবমিত্যুক্তঃ সোঽব্রবীচ্চ মাম্ ॥ 3-130-30 (20918)
নির্গুণো মাস্তু দেবেশ শতায়ুঃ ষোডশাব্দকঃ।
সুগুণোঽস্তু সুতো মেঽদ্য ইতি পিত্রাবৃত পুরা ॥ 3-130-31 (20919)
ৎবয়া তপ্তেন তপসা তোষিতোঽহং ভৃশং মুনে।
দীর্ঘমায়ুর্ময়া দত্তং মৃত্যুশ্চ প্রতিষেধিতঃ ॥ 3-130-32 (20920)
ইত্যুক্ৎবা ভগবানীশস্তত্রৈবান্তরধীয়ত।
তস্যায়মাশ্রমঃ পুণ্যস্তস্যেমে মুনয়োঽমলাঃ ॥ 3-130-33 (20921)
অত্রৈকরাত্রমুষিতাঃ সর্বে মৃত্যুং তরন্তি বৈ।
অত্রৈব ভরতশ্রেষ্ঠ প্রয়তো বস ভূমিপ' ॥ 3-130-34 (20922)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ত্রিংশদধিকশততমোঽধ্যায়ঃ ॥ 130 ॥
অরণ্যপর্ব - অধ্যায় 131
॥ শ্রীঃ ॥
3.131. অধ্যায়ঃ 131
Mahabharata - Vana Parva - Chapter Topics
লোমশেন যুধিষ্ঠিরংপ্রতি নানাতীর্থমহিমানুবর্ণনম্ ॥ 1 ॥Mahabharata - Vana Parva - Chapter Text
3-131-0 (20923)
লোমশ উবাচ। 3-131-0x (2130)
অস্মিন্কিল স্বয়ং রাজন্নিষ্টবান্বৈ প্রজাপতিঃ।
সত্রমিষ্টীকৃতং নাম পুরা বর্ষসহস্রিকম্ ॥ 3-131-1 (20924)
অম্বরীষশ্চ নাভাগ ইষ্টবান্যমুনামনু।
যত্রেষ্ট্বা দশপদ্মানি সদস্যেভ্যোঽভিসৃষ্টবান্ ॥ 3-131-2 (20925)
যজ্ঞৈশ্চ তপসা চৈব পরাং সিদ্ধিমবাপ সঃ।
দেশশ্চ নাহুষস্যায়ং য়জ্বনঃ পুণ্যকর্মণঃ ॥ 3-131-3 (20926)
সার্বভৌমস্য কৌন্তেয় যয়াতেরমিতৌজসঃ।
স্পর্ধমানস্য শক্রেণ তস্যেদং যজ্ঞবাস্ৎবিহ ॥ 3-131-4 (20927)
পশ্য নানাবিধাকারৈরগ্নিভির্নিচিতাং মহীম্।
মজ্জন্তীমিব চাক্রান্তাং যয়াতের্যজ্ঞকর্মভিঃ ॥ 3-131-5 (20928)
এষা শম্যেকপত্রা সা শকটং চৈতদুত্তমম্।
পশ্য রামহ্রদানেতান্পশ্য নারায়ণাশ্রমম্ ॥ 3-131-6 (20929)
এতচ্চর্চীকপুত্রস্য যোগৈর্বিচরতো মহীম্।
প্রসর্পণং মহীপাল রৌপ্যায়ামমিতৌজসঃ ॥ 3-131-7 (20930)
অত্রানুবংশং পঠতঃ শৃণু মে কুরুনন্দন।
উলূখলৈরাভরণৈঃ পিশচী যদভাষত ॥ 3-131-8 (20931)
যুগন্ধরে দধি প্রাশ্য উষিৎবা চাচ্যুতস্থলে।
তদ্বদ্ভূতলয়ে স্নাৎবা সপুত্রা বস্তুমর্হসি ॥ 3-131-9 (20932)
একরাত্রমুবিৎবেহ দ্বিতীয়ং যদি বৎস্যসি।
এতদ্বৈ তে গদেবাবৃত্তং রাত্রৌ বৃত্তমিতোঽন্যথা ॥ 3-131-10 (20933)
অদ্য চাত্র নিবৎস্যামঃ ক্ষপাং ভরতসত্তম।
দ্বারমেতত্তু কৌন্তেয় কুরুক্ষেত্রস্য ভারত ॥ 3-131-11 (20934)
অত্রৈব নাহুষো রাজা রাজন্ক্রতুভিরিষ্টবান্।
যয়াতির্বহুরত্নৌর্ঘর্যত্রেন্দ্রো মুদমভ্যগাৎ ॥ 3-131-12 (20935)
এতৎপ্লক্ষাবতরণং যমুনাতীর্থমুত্তমম্।
এতদ্বৈ নাকপৃষ্ঠস্য দ্বারমাহুর্মনীষিণঃ ॥ 3-131-13 (20936)
অত্রসারস্বতৈর্যজ্ঞৈরীজানাঃ পরমর্ষয়ঃ।
যূপোলূখলিকাস্তাত গচ্ছন্ত্যবভৃথপ্লবম্ ॥ 3-131-14 (20937)
অত্রবৈ ভরতো রাজা রাজন্ক্রতুভিরিষ্টবান্।
হয়মেধেন যজ্ঞেন মেধ্যমশ্বমবাসৃজৎ ॥ 3-131-15 (20938)
অসকৃৎকৃষ্ণসারঙ্গং ধর্মেণাপ্য চ মেদিনীম্।
অত্রৈব পুরুষব্যাঘ্র মরুত্তঃ সত্রমুত্তমম্।
প্রাপ চৈবর্ষিমুখ্যেন সংবর্তেনাভিপালিতঃ ॥ 3-131-16 (20939)
অত্রোপস্পৃশ্য রাজেন্দ্র সর্বাল্লোঁকান্প্রপশ্যতি।
পূয়তে দুষ্কৃতাচ্চৈব অত্রাপি সমুপস্পৃশ ॥ 3-131-17 (20940)
বৈশম্পায়ন উবাচ। 3-131-18x (2131)
তত্র সভ্রাতৃকঃ স্নাৎবা স্তূয়মানো মহর্ষিভিঃ।
লোমশং পাণ্ডবশ্রেষ্ঠ ইদং বচনমব্রবীৎ ॥ 3-131-18 (20941)
সর্বাঁল্লোকান্প্রপশ্যামি তপসা সত্যবিক্রম।
ইহস্তঃ পাণ্ডবশ্রেষ্ঠং পশ্যামি শ্বেতবাহনম্ ॥ 3-131-19 (20942)
লোমশ উবাচ। 3-131-20x (2132)
এবমেতন্মহাবাহো পশ্যন্তি পরমর্ষয়ঃ।
ইহ স্নাৎবা তপোয়ুক্তাংস্ত্রীল্লোঁকান্সচরাচরান্ ॥ 3-131-20 (20943)
সরস্বতীমিমাং পুণ্যাং পুণ্যৈকশরণাবৃতাম্।
যত্র স্নাৎবা নরশ্রেষ্ঠ ধূতপাপ্মা ভবিষ্যসি ॥ 3-131-21 (20944)
ইহ সারস্বতৈর্যজ্ঞৈরিষ্টবন্তঃ সুরর্ষয়ঃ।
ঋষয়শ্চৈব কৌন্তেয় তথা রাজর্ষয়োপি চ ॥ 3-131-22 (20945)
বেদী প্রজাপতেরেষা সমন্তাৎপঞ্চয়োজনা।
কুরোর্বৈ যজ্ঞশীলস্য ক্ষেত্রমেতন্মহাত্মনঃ ॥ 3-131-23 (20946)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একত্রিংশদধিকশততমোঽধ্যায়ঃ ॥ 131 ॥
Mahabharata - Vana Parva - Chapter Footnotes
3-131-2 অভিসৃষ্টবান্ দত্তবান্ ॥ 3-131-4 যজ্ঞবাস্তু যজ্ঞভূমিঃ। ইহ অস্মিন্বাস্তুনি। ইদমুত্তরান্বয়ি ॥ 3-131-5 অগ্নিভিরগ্নিস্থাপনার্থৈরিষ্টকারচিতৈঃ স্থণ্ডিলৈঃ ॥ 3-131-6 শমী আমিক্ষার্থং দধ্যুৎপাদনার্থমানীতা শমীশাখা। একপত্রা শাতিতপত্রা ॥ 3-131-7 প্রসর্পণং সংচারভূমিঃ। রৌপ্যায়াং রূপ্যবৎ শ্বেতবর্ণায়াং স্থত্যাং নদ্যাং বা। সামীপ্যে সপ্তমী। প্রসর্পণং তীর্থমিত্যন্যে ॥ 3-131-8 অনুবংশং পরংপরাগতমাখ্যানশ্বোকম্। উলূখলৈরিতি। উলূখলসদৃশানি স্ত্রীণাং কর্ণাভরণানি ভবন্তীতি স্বয়মুলূলৈরেবাভরণৈর্যুক্তাসতীতি শেষঃ। এতেন বিকৃতবেষৎবং পিশাচ্যাঃ ॥ 3-131-9 যুগন্ধরে পয়ঃ প্রাশ্যেতি ধ. পাঠঃ। উক্তং ভাষণমেবাহ দ্বাভ্যাং যুগন্ধর ইতি। অস্মিংস্তীর্থে সপুত্রা ব্রাহ্মণী স্নাতুমাগতা তাং প্রতি পিশাচী বদতি। ৎবয়া যুগন্ধরে পর্বতে দেশে বা দধিপ্রাশনং কৃতম্। তত্রোষ্ট্রীক্ষীরং গর্দভ্যাদিক্ষীরং চ দধি ক্রিয়তে। তথা অচ্যুতস্থলাখ্যে সংকরজানাং গ্রামে বাসশ্চ কৃতঃ। তথা ভূতিলয়াখ্যে দস্যুগ্রামেঽগ্নিদগ্ধানাং মৃতানাং ক্ষেপণং যস্যাং নদ্যাং ক্রিয়তে তস্যাং স্নাতাসি। অতো দোষত্রয়বতী ৎবম্। এতৎকরণে রহি প্রায়শ্চিত্তং ধর্মশাস্ত্রে প্রসিদ্ধম্। ঔষ্ট্রমৈকশফং ক্ষীরং সুরাতুল্যমিতি। সংসৃজ্য সংকরৈঃ সার্ধং প্রাজাপত্যং ব্রতং চরেদিতি। প্রোষ্যভূতিলয়ে বিপ্রঃ প্রাজাপত্যং ব্রতং চরেদিতি চ। তচ্চ ৎবয়া ন কৃতমতঃ কথমত্র বস্তুমিচ্ছসি। দোষবতামিহ তীর্থে বাসো দুর্লভ ইত্যর্থঃ। এবং পিশাচীবাক্যং শ্রুৎবাপি সা ব্রাহ্মণী তত্র স্নানাদিকং কৃতবতী। ততস্তয়া রাক্ষস্যা তস্যা ঘটপিঠরাদিকং নাশিতম্। উক্তংচ। এতত্তব দিবাবৃত্তং রাত্রৌ বৃত্তং তু দ্রক্ষ্যসীতি। বৃত্তং জাতম্। রাত্রৌ তু তব পুত্রমপি নাশয়িষ্যামীতি ভাবঃ। অথাপি দ্বিতীয়াং রাত্রিং বস্তুমিচ্ছসি চেত্তব ভূয়াংসমপকারং করিষ্যামীতি যুগন্ধরাদিদেশত্রয়নিন্দাপরৎবেন ব্যাখ্যা ॥ 3-131-10 ৎবং তু অব্রহ্মবিৎ একরাত্রমেবাত্র বস্তুং যোগ্যা। যদি দ্বিতীয়াং বস্তুমিচ্ছসি তর্হি তে তব এতৎ মদীয়ং বৃত্তং ভবিষ্যতি মদ্বৎ পিশাচী ভূৎবাত্র স্নানং ন লপ্স্যসে। এতদিতি স্ববৃত্তস্যাভিনীয় প্রদর্শনম্। দ্বিতীয়দিনবাসস্যৈবৈতৎফলং। দ্বিতীয়রাত্রিবাসে তুং ইতোন্থা অহল্যাদিবন্মোহপ্রাপ্ত্যা শিলাভাবো ভবিষ্যতি। তেন তীর্থদর্শনমপি ন লপ্স্যসে ইতি ॥ 3-131-13 এতৎপ্লক্ষবটং নামেতি ক. পাঠঃ ॥ 3-131-14 দন্তোলূখলিনস্তত্রেতি ক. পাঠঃ। সারস্বতৈর্ব্রাহ্মণৈঃ ঋৎবিগ্ভির্যজ্ঞৈরীজানাঃ যূপোলূখলিকাঃ যূপান্ উলূখলানি চ যজ্ঞসাধনান্যাদদতে যূপোলূখলিকাঃ ॥ 3-131-16 কৃষ্ণসারঙ্গং কৃষ্ণহরিণসদৃশং শ্যামকর্ণমিত্যর্থঃ ॥ 3-131-21 তীর্থান্তরমাহ সরস্বতীতি। পশ্যৈকশরণাবৃতামিতি ক. পাঠঃ ॥অরণ্যপর্ব - অধ্যায় 132
॥ শ্রীঃ ॥
3.132. অধ্যায়ঃ 132
Mahabharata - Vana Parva - Chapter Topics
লোমশেন যুধিষ্ঠিরংপ্রতি সরস্বত্যাদিমাহাত্ম্যকথনম্ ॥ 1 ॥ তথা শ্যেনকপোতোপাখ্যানকথনারম্ভঃ ॥ 2 ॥Mahabharata - Vana Parva - Chapter Text
3-132-0 (20947)
লোমশ উবাচ। 3-132-0x (2133)
ইহ মর্ত্যাস্তনূস্ত্যক্ৎবা স্বর্গং গচ্ছন্তি ভারত।
মর্তুকামা নরা রাজন্নিহায়ান্তি সহস্রশঃ ॥ 3-132-1 (20948)
এবমাশীঃ প্রয়ুক্তা হি দক্ষেণ যজতা পুরা।
ইহ যে বৈ মরিষ্যন্তি তে বৈ স্বর্গজিতো নরাঃ ॥ 3-132-2 (20949)
এষা সরস্বতী রম্যা দিব্যা চৌঘবতী নদী।
এতদ্বিনশনং নাম সরস্বত্যা বিশাংপতে ॥ 3-132-3 (20950)
দ্বারং নিষাদরাষ্ট্রস্য যেষাং দোষাৎসরস্বতী।
প্রবিষ্টা পৃথিবীং বীর মা নিষাদা হি মাং বিদুঃ ॥ 3-132-4 (20951)
এষ বৈ চমসোদ্ভেদো যত্র দৃশ্যা সরস্বতী।
যত্রৈনামভ্যবর্তন্ত দিব্যাঃ পুণ্যাঃ সমুদ্রগাঃ ॥ 3-132-5 (20952)
এতৎসিন্ধোর্মহত্তীর্থং যত্রাগস্ত্যমরিংদম।
লোপামুদ্রা সমাগম্য ভর্তারমবৃণীত বৈ ॥ 3-132-6 (20953)
এতৎপ্রকাশতে তীর্থং প্রভাসং ভাস্করদ্যুতে।
ইন্দ্রস্য দয়িতং পুণ্যং পবিত্রং পাপনাশনম্ ॥ 3-132-7 (20954)
এতদ্বিষ্ণুপদং নাম দৃশ্যতে তীর্থমুত্তমম্।
এষাং রম্যা বিপাশা চ নদী পরমপাবনী ॥ 3-132-8 (20955)
অত্র বৈ পুত্রশোকেন বসিষ্ঠো ভগবানৃষিঃ।
বদ্ধ্বাঽত্মানং নিপতিতো বিপাশঃ পুনরুত্থিতঃ ॥ 3-132-9 (20956)
কাশ্মীরমণ্ডলং চৈতৎসর্বপুণ্যমরিংদম।
মহর্ষিভিশ্চাধ্যুষিতং পশ্যেদং ভ্রাতৃভিঃ সহ ॥ 3-132-10 (20957)
যত্রৌত্তরাণাং সর্বেষামৃষীণাং নাহুষস্য চ।
অগ্নেশ্চৈবাত্র সংবাদঃ কাশ্যপশ্য চ ভারত ॥ 3-132-11 (20958)
এতদ্দ্বারং মহারাজ মানসস্য প্রকাশতে।
বর্ষমস্য গিরের্মধ্যে রামেণ শ্রীমতা কৃতম্ ॥ 3-132-12 (20959)
এষ বাতিকষণ্ডো বৈ প্রখ্যাতঃ সত্যবিক্রমঃ।
নাত্যবর্তত যদ্দ্বারং বিদেহাদুত্তরং চ যঃ ॥ 3-132-13 (20960)
ইদমাশ্চর্যমপরং দেশেঽস্মিন্পুরুষর্ষভ।
ক্ষীণে যুগে তু কৌন্তেয় শর্বস্য সহ পার্ষদৈঃ।
সহোময়া চ ভবতি দর্শনং কামরূপিণঃ ॥ 3-132-14 (20961)
অস্মিন্সরসি সত্রৈর্বৈ চৈত্রে মাসি পিনাকিনম্।
যজন্তে যাজকাঃ সম্যক্ পরিবারং শুভার্থিনঃ ॥ 3-132-15 (20962)
অত্রোপস্পৃশ্য সরসি শ্রদ্দধানো জিতেন্দ্রিয়ঃ।
ক্ষীণপাপঃ শুভাঁল্লোকান্প্রাপ্নুতে নাত্র সংশয়ঃ ॥ 3-132-16 (20963)
এষ উজ্জানকো নাম পাবকির্যত্র শান্তবান্।
অরুন্ধতীসহায়শ্চ বসিষ্ঠো ভগবানৃষিঃ ॥ 3-132-17 (20964)
হ্রদশ্চ কুশবানেষ যত্র পদ্মং কুশেশয়ম্।
আশ্রমশ্চৈব রুক্মিণ্যা যত্রাশাম্যদকোপনা ॥ 3-132-18 (20965)
সমাধীনাং সমাসস্তু পাণ্ডবেয় শ্রুতস্ৎবয়া।
তং দ্রক্ষ্যসি মহারাজ ভৃগুতুন্দং মহাগিরিম্ ॥ 3-132-19 (20966)
বিতস্তাং পশ্য রাজেন্দ্র সর্বপাপপ্রমোচনীম্।
মহর্ষিভিশ্চাধ্যুষিতাং শীততোয়াং সুনির্মলাম্ ॥ 3-132-20 (20967)
জলাং চোপজলাং চৈব যমুনামভিতো নদীম্।
উশীনরো বৈ যত্রেষ্ট্বা বাসবাদত্যরিচ্যত ॥ 3-132-21 (20968)
তাং দেবসমিতিং তস্য বাসবশ্চ বিশাংপতে।
অভ্যাগচ্ছন্নৃপবরং জ্ঞাতুমগ্নিশ্চ ভারত ॥ 3-132-22 (20969)
জিজ্ঞাসমানৌ বরদৌ মহাত্মানমুশীনরম্।
ইন্দ্রঃ শ্যেনঃ কপোতোঽগ্নির্ভূৎবা যজ্ঞেঽভিজগ্মতুঃ ॥ 3-132-23 (20970)
উরুং রাজ্ঞঃ সমাসাদ্য কপোতঃ শ্যেনজাদ্ভয়াৎ।
শরণার্থী তদা রাজন্নিলিল্যে ভয়পীডিতঃ ॥ 3-132-24 (20971)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি দ্বাত্রিংশদধিকশততমোঽধ্যায়ঃ ॥ 132 ॥
Mahabharata - Vana Parva - Chapter Footnotes
3-132-1 ইহ মর্ত্যাস্তপস্তপ্ৎবেতি ক. ধ. পাঠঃ ॥ 3-132-9 বদ্বা পাশৈরিতি শেষঃ। বিপাশঃ পাশহীনঃ। অতএব বিপাশানাম ॥ 3-132-12 বর্ষং বসতিস্থানম্ ॥ 3-132-13 যো রামঃ প্রখ্যাতঃ সত্যবিক্রমশ্চ বিদেহাদুত্তরং চ যদ্দ্বারং যদ্বর্ষস্য দ্বারং এষোঽনুভূয়মানো বাতিকষণ্ডো বাতানীতঃ পদ্মাদিসমূহো নাত্যবর্তত। তেন রামেণ কৃতমিতি পূর্বেণান্বয়ঃ। পদ্মাদের্বাতানীতস্যাত্রাপ্রবেশাদ্রামসামর্থ্যং প্রত্যক্ষমাশ্চর্যমিত্যর্থঃ। এষ বাতি মৃকণ্ডো বৈ ইতি ক. ধ. পাঠঃ ॥ 3-132-14 যুগং পঞ্চসংবৎসরাত্মকং তস্মিন্ক্ষীণে সমাপ্তে সতি যদা সৌরসাবনবার্হস্পত্যনাক্ষত্রচান্দ্রাঃ সংবৎসরা এককালং সমাপ্যন্তে স যুগক্ষয়কালস্তস্মিন্নিত্যর্থঃ ॥ 3-132-17 পাবকিঃ স্কন্দঃ। শান্তবান্ শমং প্রাপ। বসিষ্টোপি শান্তবান্ এষ উজ্জীতকো নাম যবক্রীর্যত্র শান্তবানিতি ক. ধ. পাঠঃ ॥ 3-132-18 কুশবান্ জলবান্. অকোপনা জিতক্রোধা ॥ 3-132-19 সমাসঃ সংক্ষেপঃ। যস্মিন্দৃষ্টে সমাধিফলং ভবতীত্যর্থঃ ॥ 3-132-22 দেবসমিতিং রাজসভাম্ ॥ 3-132-24 নিলিল্যে লীনঃ ॥অরণ্যপর্ব - অধ্যায় 133
॥ শ্রীঃ ॥
3.133. অধ্যায়ঃ 133
Mahabharata - Vana Parva - Chapter Topics
শিবিপরী7ণার্থং শ্যেনীভূতেনেন্দ্রেণানুদ্রুতস্য কপোতরূপধারিণোঽগ্নেঃ শিবিংপ্রতি শরণাগতিঃ ॥ 1 ॥ কপোতরিরক্ষিষয়া রাজ্ঞা শ্যেনানুমত্যা স্বশরীরোৎকৃত্তমাংসস্য কপোতেন সহ তুলারোপণম্ ॥ 2 ॥ মাংসাপেক্ষয়া কপোতস্য গৌরবাতিরেকে রাজ্ঞা স্বয়মেব তুলারোহণম্ ॥ 3 ॥ ততস্তুষ্টাভ্যামিন্দ্রাগ্নিভ্যাং তৎপ্রশংসনপূর্বকং স্বলোকগমনম্ ॥ 4 ॥Mahabharata - Vana Parva - Chapter Text
3-133-0 (20972)
শ্যেন উবাচ। 3-133-0x (2134)
ধর্মাত্মানং ৎবাহুরেকং সর্বে রাজন্মহীক্ষিতঃ।
স বৈ ধর্মবিরুদ্ধং ৎবং কস্মাৎকর্ম চিকীর্ষসি ॥ 3-133-1 (20973)
বিহিতং ভক্ষণং রাজন্পীড্যমানস্য মে ক্ষুধা।
মাহিংসীর্ধর্মলোভেন ধর্মমুৎসৃজ্য মা নশঃ ॥ 3-133-2 (20974)
রাজোবাচ। 3-133-3x (2135)
সংত্রস্তরূপস্ত্রাণার্থী ৎবত্তো ভীতো মহাদ্বিজ।
মৎসকাশমনুপ্রপ্তঃ প্রাণগৃধ্নুরয়ং দ্বিজঃ ॥ 3-133-3 (20975)
এবমভ্যাগতস্যেহ কপোতস্যাভয়ার্থিনঃ।
অপ্রদানে পরো ধর্মঃ কিং ৎবং শ্যেনেহ পশ্যসি ॥ 3-133-4 (20976)
প্রস্পন্দমানঃ সংভ্রান্তঃ কপোতঃ শ্যেন লক্ষ্যতে।
মৎসকাশং জীবিতার্থী তস্য ত্যাগো বিগর্হিতঃ ॥ 3-133-5 (20977)
[যো হি কশ্চিদ্দ্বিজান্হন্যাদ্গাং বা লোকস্য মাতরম্।
শরণাগতং চ ত্যজতে তুল্যং তেষাং হি পাতকম্] 3-133-6 (20978)
শ্যেন উবাচ। 3-133-7x (2136)
আহারৎসর্বভূতানি সংভবন্তি মহীপতে।
আহারেণ বিবর্ধন্তে তেন জীবন্তি জন্তবঃ ॥ 3-133-7 (20979)
শক্যতে দুস্ত্যজেঽপ্যর্থে চিররাত্রায় জীবিতুম্।
ন তু ভোজনমুৎসৃজ্য শক্যং বর্তয়িতুং চিরম্ ॥ 3-133-8 (20980)
ভক্ষ্যাদ্বিলোপিতস্যাদ্য মম প্রাণা বিশাংপতে।
বিসৃজ্যকায়মেষ্যন্তি পন্থানমপুনর্ভবম্ ॥ 3-133-9 (20981)
প্রমৃতে ময়ি ধর্মাত্মন্পুত্রদারাদি নঙ্ক্ষ্যতি।
রক্ষমাণঃ কপোতং ৎবং বহূন্প্রাণান্ন রক্ষসি ॥ 3-133-10 (20982)
বহূন্যো বাধতে ধর্মো ন স ধর্মঃ কুবর্ত্ম তৎ।
অবিরোধী তু যো ধর্মঃ স ধর্মঃ সত্যবিক্রম ॥ 3-133-11 (20983)
বিরোধিষু মহীপাল নিশ্চিত্য গুরুলাঘবম্।
ন বাধা বিদ্যতে যত্র তং ধর্মং সমুপাচরেৎ ॥ 3-133-12 (20984)
গুরুলাঘবমাজ্ঞায় ধর্মাধর্মবিনিশ্চয়ে।
যতো ভূয়াংস্ততো রাজন্কুরু ধর্মবিনিশ্চয়ম্ ॥ 3-133-13 (20985)
রাজোবাচ। 3-133-14x (2137)
বহুকল্যাণসংয়ুক্তং ভাষসে বিহগোত্তম।
সুপর্ণঃ পক্ষিরাট্ কিং ৎবং ধর্মং জ্ঞাৎবাঽভিভাষসে ॥ 3-133-14 (20986)
তথাহি ধর্মসংয়ুক্তং বহুচিত্রং চ ভাষসে।
ন তেঽস্ত্যবিদিতং কিংচিদিতি ৎবাং লক্ষয়াম্যহম্।
শরণৈষিপরিত্যাগং কথং সাধ্বিতি মন্যসে ॥ 3-133-15 (20987)
আহারার্থং সমারম্ভস্তব চায়ং বিহংগম।
শক্যশ্চাপ্যন্যথা কর্তুমাহারোঽপ্যধিকস্ৎবয়া ॥ 3-133-16 (20988)
গোবৃষো বা বরাহো বা মৃগো বা মহিষোপি বা।
ৎবদর্থমদ্য ক্রিয়তাং যচ্চান্যদিহ কাঙ্ক্ষসি ॥ 3-133-17 (20989)
শ্যেন উবাচ। 3-133-18x (2138)
ন বরাহং ন চোক্ষাণং ন মৃগান্বিবিধাংস্তথা।
ভক্ষয়ামি মহারাজ কিং মমান্যেন কেচচিৎ ॥ 3-133-18 (20990)
যস্তু মে দৈববিহিতো ভক্ষঃ ক্ষত্রিয়পুঙ্গব।
তমুৎসৃজ মহীপাল কপোতমিমমেব মে ॥ 3-133-19 (20991)
শ্যেনাঃ কপোতান্স্বাদন্তি শ্রুতিরেষা সনাতনী।
মা রাজন্সারমজ্ঞাৎবা কদলীস্কন্ধমাসজ ॥ 3-133-20 (20992)
রাজোবাচ। 3-133-21x (2139)
রাষ্ট্রং শিবীনামৃদ্ধং বৈ শাধি পক্ষিভিরর্চিতঃ।
কৃৎস্নমেতন্ময়া দত্তং রাজবদ্বিহগোত্তম ॥ 3-133-21 (20993)
যং বা কাময়সে কামং শ্যেন সর্বং দদানি তে।
বিনেমং পক্ষিণং শ্যন শরণার্থিনমাগতম্ ॥ 3-133-22 (20994)
যেনেমং স্থাপয়েথাস্ৎবং কর্মণা পক্ষিসত্তম।
তদাচক্ষ্ব করিষ্যামি ন হি দাস্যে কপোতকম্ ॥ 3-133-23 (20995)
শ্যেন উবাচ। 3-133-24x (2140)
উশীনর কপোতে তে যদি স্নেহো নরাধিপ।
আত্মনো মাংসমুৎকৃত্য কপোততুলয়া ধৃতম্ ॥ 3-133-24 (20996)
যদা সমং কপোতেন তব মাংসং নৃপোত্তম।
ৎবয়া প্রদেয়ং তন্মহ্যং সা মে তুষ্টির্ভবিষ্যতি ॥ 3-133-25 (20997)
রাজোবাচ। 3-133-26x (2141)
অনুগ্রহমিমং মন্যে শ্যেন যন্মাভিয়াচসে।
তস্মাত্তেঽদ্য প্রদাস্যামি স্বমাংসং তুলয়া ধৃতম্ ॥ 3-133-26 (20998)
লেমশ উবাচ। 3-133-27x (2142)
অথোৎকৃত্য স্বমাংসং তু রাজা পরমধর্মবিৎ।
তুলয়ামাস কৌন্তেয় কপোতেন সমং বিভো ॥ 3-133-27 (20999)
ধ্রিয়মাণঃ কপোতস্তু মাংসেনাত্যতিরিচ্যতে।
পুনশ্চোৎকৃত্যমাংসানি রাজা প্রাদাদুশীনরঃ ॥ 3-133-28 (21000)
ন বিদ্যতে যদা মাংসং কপোতেন সমং ধৃতম্।
তত উৎকৃত্তমাংসোঽসাবারুরোহ স্বয়ং তুলাম্ ॥ 3-133-29 (21001)
শ্যেন উবাচ। 3-133-30x (2143)
ইন্দ্রোঽহমস্মি ধর্মজ্ঞ কপোতো হব্যবাডয়ম্।
জিজ্ঞাসমানৌ ধর্ম ৎবাং যজ্ঞবাটমুপাগতৌ ॥ 3-133-30 (21002)
যত্তে মাংসানি গাত্রেভ্য উক্তৃত্তানি বিশাংপতে।
এষা তে শাশ্বতী কীর্তির্লোকানভিভবিষ্যতি ॥ 3-133-31 (21003)
যাবল্লোকে মনুষ্যাস্ৎবাং কথয়িষ্যন্তি পার্থিব।
তাবৎকীর্তিশ্চ লোকাশ্চ স্থাস্যন্তি তব শাশ্বতাঃ ॥ 3-133-32 (21004)
ইত্যুক্ৎবা ভূমিপতয়ে তস্মৈ দত্ৎবা যথেপ্সিতম্।
প্রশস্য জগ্মতূ রাজন্নিন্দ্রাগ্রী তুষ্টমানসৌ ॥ 3-133-33 (21005)
উশীনরোঽপিধর্মাত্মা ধর্মেণাবৃত্যরোদসী।
বিভ্রাজমানো বপুষাঽপ্যারুরোহ ত্রিবিষ্টপম্ ॥ 3-133-34 (21006)
তদেতৎসদনং রাজন্রাজ্ঞস্তস্য মহাত্মনঃ।
পশ্যস্বৈতন্ময়া সার্ধং পুণ্যং পাপপ্রমোচনম্ ॥ 3-133-35 (21007)
তত্র বৈ সততং দেবা মুনয়শ্চ সনাতনাঃ।
দৃশ্যন্তে ব্রাহ্মণৈ রাজন্পুণ্যবদ্ভির্মহাত্মভিঃ ॥ 3-133-36 (21008)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ত্রয়স্ত্রিংশদধিকশততমোঽধ্যায়ঃ ॥ 133 ॥
Mahabharata - Vana Parva - Chapter Footnotes
3-133-2 মা রক্ষীর্ধর্মলোভেন ধর্মমুৎসৃষ্টবানসি ইতি ঝ. পাঠঃ ॥ 3-133-20 কদলীস্কন্ধমাসজেতি কদলীস্কন্ধতুল্যে নিঃশারেঽস্মিন্ ধর্মে মা সজ্জো ভবেত্যর্থঃ ॥অরণ্যপর্ব - অধ্যায় 134
॥ শ্রীঃ ॥
3.134. অধ্যায়ঃ 134
Mahabharata - Vana Parva - Chapter Topics
লোমশেন শ্বেতকেতোরাশ্রমংগতং দ্যুধিষ্ঠিরংপ্রতি অষ্টাবক্রোপাখ্যানকথধনারম্ভঃ ॥ 1 ॥ ধনার্জনায় জনকপুরং গতস্য কহোল়স্য বন্দিনা বাদে বিজিত্য জলে বিনিমজ্জনম্ ॥ 2 ॥ তদ্বিদিতবতা তৎপুত্রেণাষ্টাবক্রেণ শ্বেতকেতুনাসহ জনকনগরংপ্রতি গমনম্ ॥ 3 ॥Mahabharata - Vana Parva - Chapter Text
3-134-0 (21009)
লোমশ উবাচ। 3-134-0x (2144)
যঃ কথ্যতে মন্ত্রবিদগ্র্যবুদ্ধি-
রৌদ্দালকিঃ শ্বেতকেতুঃ পৃথিব্যাম্।
তস্যাশ্রমং পশ্যত পাণ্ডবেয়া
সদাফলৈরুপপন্নং মহীজৈঃ ॥ 3-134-1 (21010)
সাক্ষাদত্র শ্বেতকেতুর্দদর্শ
সরস্বতীং মানুষদেহরূপাম্।
বেৎস্যামি বাণীমিতি সংপ্রবৃত্তাং
সরস্বতীং শ্বেতকেতুর্বভাষে ॥ 3-134-2 (21011)
অস্মিন্যুগে ব্রহ্মকৃতাং বরিষ্ঠা-
বাস্তাং মুনী মাতুলভাগিনেয়ৌ।
অষ্টাবক্রশ্চৈব কহোলসূনু-
রৌদ্দালকিঃ শ্বেতকেতুঃ পৃথিব্যাম্ ॥ 3-134-3 (21012)
বিদেহরাজস্ সমীপতস্তৌ
ঘীরাবুভৌ মাতুলভাগিনেয়ৌ।
প্রবিশ্য যজ্ঞায়তনং বিবাদে
বন্দিং নিজগ্রাহতুরপ্রমেয়ৌ ॥ 3-134-4 (21013)
উপাস্স্ব কৌন্তেয় সহানুজস্ৎবং
তস্যাশ্রমং পুণ্যতমং প্রবিশ্য।
অষ্টাবক্রং যস্য দৌহিত্রমাহু-
র্যোঽসৌ বন্দিং জনকস্যাথ যজ্ঞে।
বাদি বিপ্রাগ্ন্যো বাল এবাভিগম্য
বাদে ভঙ্ক্ৎবা মজ্জয়ামাস নদ্যাম্ ॥ 3-134-5 (21014)
যুধিষ্ঠির উবাচ। 3-134-6x (2145)
কথংপ্রভাবঃ স বভূব বিপ্র-
স্তথাভূতং যো নিজগ্রাহ বন্দিম্।
`কিংচাধিকৃত্যাথ তয়োর্বিবাদো
বিদেহরাজস্ সমীপ আসীৎ' ॥ 3-134-6 (21015)
অষ্টাবক্রঃ কেন চাসৌ বভূব
তৎসর্বং মে লোমশ শংস তত্ৎবম্ ॥ 3-134-7 (21016)
লোমশ উবাচ। 3-134-8x (2146)
উদ্দালকস্য নিয়তঃ শিষ্য একো
নাম্না কহোল়েতি বভূব রাজন্।
শুশ্রূষুরাচার্যবশানুবর্তী
দীর্ঘ কালং সোঽধ্যযনং চকার ॥ 3-134-8 (21017)
তং বৈ বিপ্রাঃ পর্যভবংস্তু শিখা-
স্তং চ জ্ঞাৎবা বিপ্রকারং গুরুঃ সঃ।
তস্মৈ প্রাদাৎসদ্য এব শ্রুতং চ
ভার্যাং চ বৈ দুহিতরং স্বাং সুজাতাম্ ॥ 3-134-9 (21018)
তস্যাং গর্ভঃ সমভবদগ্নিকল্পঃ
সোঽধীয়ানং পিতরমথাভ্যুবাচ।
সর্বাং রাত্রিমধ্যযনং করোষি
নেদং পিতঃ সম্যগিবোপবর্ততে ॥ 3-134-10 (21019)
উপালব্ধঃ শিষ্যমধ্যে মহর্ষিঃ
স তং কোপাদুদরস্থং শশাপ।
যস্মাদ্বক্রং বর্তমানো ব্রবীষি
তস্মাদ্বক্রো ভবিতাস্যষ্টধৈব ॥ 3-134-11 (21020)
স বৈ তথা বক্র এবাভ্যজায়-
দষ্টাবক্রঃ প্রথিতো মানবেষু।
অস্যাসীদ্বৈ মাতুলঃ শ্বেতকেতুঃ
স তেন তুল্যো বয়সা বভূব ॥ 3-134-12 (21021)
সংপীড্যমানা তু তদা সুজাতা
বিবর্ধমানেন সুতেন কুক্ষৌ।
উবাচ ভর্তারমিদং রহোগতা
প্রসাদ্য হীনা বসুনা ধনার্থিনী ॥ 3-134-13 (21022)
কথং করিষ্যাম্যধুনা মহর্ষে
মাসশ্চায়ং দশমো বর্ততে মে।
নৈবাস্তি মে বসু কিংচিৎপ্রদাতা
যেংনাহমেতামাপদং নিস্তরেয়ম্ ॥ 3-134-14 (21023)
উক্তস্ৎবেবং ভার্যযা বৈ কহোল়ো
বিত্তস্যার্থে জনকমথাভ্যগচ্ছৎ।
স বৈ তদা বাদবিদা নিগৃহ্য
নিমজ্জিতো বন্দিনেহাপ্সু বিপ্রঃ ॥ 3-134-15 (21024)
উদ্দালকস্তং তু তদা নিশম্য
সূতেন বাদেঽপ্সু নিমজ্জিতং তথা।
উবাচ তাং তত্রততঃ সুজাত-
মষ্টবক্রে গূহিতব্যোঽয়মর্থঃ ॥ 3-134-16 (21025)
ররক্ষ সা চাপি তমস্ মন্ত্রং
জাতোঽপ্যসৌ নৈব শুশ্রাব বিপ্রঃ।
উদ্দালকং পিতরং সোঽভিমেনে
তথাঽষ্টাবক্রো ভ্রাতরং শ্বেতকেতুম্ ॥ 3-134-17 (21026)
ততো বর্ষে দ্বাদশে শ্বেতকেতু-
রষ্টাবক্রং পিতুরঙ্কে নিষণ্ণম্।
অপাকর্ষদ্গৃহ্যপাণৌ রুদন্তং
নায়ং তবাঙ্কঃ পিতুরিত্যুক্তবাংশ্চ ॥ 3-134-18 (21027)
যত্তেনোকতং দুরুক্তং তত্তদানীং
হৃদি স্থিতং তস্য সুদুঃখমাসীৎ।
গৃহং গৎবা মাতরং সোঽথ বিগ্রঃ
পপ্রচ্ছেদং ক্ব নু তাতো মমেতি ॥ 3-134-19 (21028)
ততঃ সুজাতা পরমার্তরূপা
শাপাদ্ভীতা তত্ৎবমস্যাচচক্ষে।
তদ্বৈ তত্ৎবংসর্বমাজ্ঞায় রাত্রা-
বিত্যব্রবীচ্ছ্বেতকেতুং স বিপ্রঃ ॥ 3-134-20 (21029)
গচ্ছাব যজ্ঞং জনকস্য রাজ্ঞো
বহ্বাশ্চর্যঃ শ্রূয়তে তস্য যজ্ঞঃ।
শ্রোষ্যাবোঽত্র ব্রাহ্মণানাং বিবাদ-
মন্নং চাগ্র্যং তত্রভোক্ষ্যাবহে চ ॥ 3-134-21 (21030)
বিচক্ষণৎবং চ ভবিষ্যতে নৌ
শিবশ্চ সৌম্যশ্চ হি ব্রহ্মঘোষঃ ॥ 3-134-22 (21031)
তৌ জগ্মতুর্মাতুলভাগিনেয়ৌ
যজ্ঞং সমৃদ্ধং জমকস্য রাজ্ঞঃ।
অষ্টাবক্রঃ পথি রাজ্ঞা সমেত্য
প্রোৎসার্যমাণো বাক্যমিদং জগাদ ॥ 3-134-23 (21032)
ইতি শ্রীমন্মহাভারতে অরণ্যপর্বণি তীর্তয়াত্রাপর্বণি চতুস্ত্রিংশদধিকশততমোঽধ্যায়ঃ ॥ 134 ॥
Mahabharata - Vana Parva - Chapter Footnotes
3-134-4 বন্দিং বন্দিনম্। নিজগ্রাহতুঃ ॥ 3-134-9 তং বৈ বিপ্রঃ পর্যচরৎসশিষ্যস্তাং চ জ্ঞাৎবা পরিচর্যাং গুরুঃ সঃ। ইতি ঝ পাঠঃ ॥ 3-134-11 যস্মাৎকুক্ষৌ বর্তমান ইতি ঝ. পাঠঃ ॥ 3-134-14 বসুকিংচিৎপ্রজাতেতি ঝ. পাঠঃ। প্রজাতা প্রসূতা ॥অরণ্যপর্ব - অধ্যায় 135
॥ শ্রীঃ ॥
3.135. অধ্যায়ঃ 135
Mahabharata - Vana Parva - Chapter Topics
শ্বেতকেতুনা সহ জনকয়জ্ঞশালাং বিবিক্ষোরষ্টাবক্রস্য দ্বারপালেন নিরোধনম্ ॥ 1 ॥ অষ্ঠাবক্রদ্বারপালয়োঃ সংবাদঃ ॥ 2 ॥ স্বপ্রশ্নস্যোত্তরদানতুষ্টেন রাজ্ঞা সভাপ্রবেশাভুমতিঃ ॥ 3 ॥Mahabharata - Vana Parva - Chapter Text
3-135-0 (21033)
অষ্টাবক্র উবাচ। 3-135-0x (2147)
অন্ধস্য পন্থা বধিরস্য পন্থাঃ
স্ত্রিয়ঃ পন্থা ভারবাহস্য পন্থাঃ।
রাজ্ঞঃ পন্থা ব্রাহ্মণেনাসমেত্য
সমেত্য তু ব্রাহ্মণস্যৈব পন্থাঃ ॥ 3-135-1 (21034)
রাজোবাচ। 3-135-2x (2148)
পন্থা অয়ং তেঽদ্য ময়া নিসৃষ্টো
যেনেচ্ছসে তেন কামং ব্রজস্ব।
ন পাবকো বিদ্যতে বৈ লঘীয়া-
নিন্দ্রোপি নিত্যং নমতে ব্রাহ্মণানাম্ ॥ 3-135-2 (21035)
লোমশ উবাচ। 3-135-3x (2149)
`স এবমুক্তো মাতুলেনৈব সার্ধং
যথেষ্টমার্গো যজ্ঞনিবেশনং তৎ।
সংপ্রাপ্য ধর্মেণ নিবারিতঃ সন্
দ্বারি দ্বাঃস্থং বাক্যমিদং বভাষে ॥' 3-135-3 (21036)
যজ্ঞং দ্রষ্টুং প্রাপ্তবন্তৌ স্ম তাত
কৌতূহলং বলবদ্বৈ বিবৃদ্ধম্।
আবাং প্রাপ্তাবতিথী সংপ্রবেশং
কাঙ্ক্ষাবহে দ্বারপতে তবাজ্ঞাম্ ॥ 3-135-4 (21037)
ঐন্দ্রদ্যুম্নের্যজ্ঞদৃশাবিহাবাং
বিবক্ষূ বৈ জনকেন্দ্রং দিদৃক্ষূ।
ন বৈ ক্রুধ্যো বন্দিনা চোত্তমেন
সংয়োজয় দ্বারপাল ক্ষণেন ॥ 3-135-5 (21038)
দ্বারপাল উবাচ। 3-135-5x (2150)
বন্দেঃ সমাদেশকরা বয়ং স্ম
নিবোধ বাক্যং চ ময়ের্যমাণম্।
ন বৈ বালাঃ প্রবিশন্ত্যত্র বিপ্রা
বৃদ্ধা বিদগ্ধাঃ প্রবিশন্তি দ্বিজাগ্র্যাঃ ॥ 3-135-6 (21039)
অষ্টাবক্র উবাচ। 3-135-7x (2151)
যদ্যত্রবৃদ্ধেষু কৃতঃ প্রবেশো
যুক্তং ময়া দ্বারপাল প্রবেষ্টুম্।
বয়ং হি বৃদ্ধাশ্চরিতব্রতাশ্চ
বেদপ্রভাবেন সমন্বিতাশ্চ ॥ 3-135-7 (21040)
শুশ্রূষবশ্চাপি জিতেন্দ্রিয়াশ্চ
জ্ঞানাগমে চাপি গতাঃ স্ম নিষ্ঠাম্।
ন বাল ইত্যেব মন্তব্যমাহু-
র্বালোঽপ্যগ্নির্দহতি স্পৃশ্যমানঃ ॥ 3-135-8 (21041)
দ্বারপাল উবাচ। 3-135-9x (2152)
সরস্বতীমীরয় বেদ জুষ্টা-
মেকাক্ষরাং বহুরূপাং বিরাজম্।
অঙ্গাত্মানং সমবেক্ষস্ব বালং
কিং শ্লাঘসে দুর্লভা বাদসিদ্ধিঃ ॥ 3-135-9 (21042)
অষ্টাবক্র উবাচ। 3-135-10x (2153)
ন জ্ঞায়তে কায়বৃদ্ধ্যা বিবৃদ্ধি-
র্যথাঽষ্ঠীলা শাল্মলেঃ সংপ্রবৃদ্ধাঃ।
হ্রস্বোঽল্পকায়ঃ ফলিতো বিবৃদ্ধো
যশ্চাফলস্তস্য ন বৃদ্ধভাবঃ ॥ 3-135-10 (21043)
দ্বারপাল উবাচ। 3-135-11x (2154)
বৃদ্ধেভ্য এবেহ মতিং স্ম বালা
গৃহ্ণন্তি কালেন ভবন্তি বৃদ্ধাঃ।
ন হি জ্ঞাতুমল্পকালেন শক্যং
কস্মাদ্বালঃ স্থবির ইব প্রভাষসে ॥ 3-135-11 (21044)
অষ্টাবক্র উবাচ। 3-135-12x (2155)
ন তেন স্থবিরো ভবতি যেনাস্য পলিতং শিরঃ।
বালোপি যঃ প্রজানাতি তং দেবাঃ স্থবিরং বিদুঃ ॥ 3-135-12 (21045)
ন হায়নৈর্ন পলিতৈর্ন বিত্তৈর্ন চ বন্ধুভিঃ।
ঋষয়শ্চক্রিরে ধর্মং যোঽনূচানঃ স নো মহান্ ॥ 3-135-13 (21046)
দিদৃক্ষুরস্মি সংপ্রাপ্তো বন্দিনং রাজসংসদি।
নিবেদয়স্ব মাং দ্বাঃস্থ রাজ্ঞে পুষ্করমালিনে ॥ 3-135-14 (21047)
দ্রষ্টাস্যদ্য বদতোঽস্মান্দ্বারপাল মনীষিভিঃ।
সহ বাদে বিবৃদ্ধে তু বন্দিনং চাপি নির্জিতম্ ॥ 3-135-15 (21048)
পশ্যন্তু বিপ্রাঃ পরিপূর্ণবিদ্যাঃ
সহৈব রাজ্ঞা সপুরোধমুখ্যাঃ।
উতাহো বাঽপ্যুচ্চতাং নীচতাং বা
তূষ্ণীংভূতেষ্বেব সর্বেষ্বথাদ্য ॥ 3-135-16 (21049)
দ্বারপাল উবাচ। 3-135-17x (2156)
কথং যজ্ঞং দশবর্ষো বিশেস্ৎবং
বিনীতানাং বিদুষাং সংপ্রবেশম্।
উপায়তঃ প্রয়তিষ্যে তবাহং
প্রবেশনে কুরু যত্নং যথাবৎ ॥ 3-135-17 (21050)
`এষ রাজা সংশ্রবণে স্থিতস্তে
স্তুহ্যেনং ৎবং বচসা সংস্কৃতেন।
স চানুজ্ঞাং দাস্যতি প্রীতিয়ুক্তঃ
প্রবেশনে যচ্চ কিংচিত্তবেষ্টম্'॥ 3-135-18 (21051)
অষ্টাবক্র উবাচ। 3-135-19x (2157)
ভোভো রাজঞ্জনকানাং বরিষ্ঠ
ৎবং বৈ সম্রাট্ ৎবয়ি সর্বং সমৃদ্ধম্।
ৎবং বা কর্তা কর্মণাং যজ্ঞিয়ানাং
যয়াতিরেকো নৃপতির্বা পুরস্তাৎ ॥ 3-135-19 (21052)
বিদ্বান্বন্দী বাদবিদো নিগৃহ্য
বাদে ভগ্নানপ্রতিশঙ্কমানঃ।
ৎবয়াঽভিসৃষ্টৈঃ পুরুষৈরাপ্তকৃদ্ভি-
র্জলে সর্বান্মজ্জয়তীতি নঃ শ্রুতম্ ॥ 3-135-20 (21053)
সোঽহং শ্রুৎবা ব্রাহ্মণানাং সকাশে
ব্রহ্মাদ্য বৈ কথয়িতুমাগতোস্মি।
ক্বাসৌ বনদী যাবদেনং সমেত্য
নক্ষত্রাণীব সবিতা নাশয়ামি ॥ 3-135-21 (21054)
রাজোবাচ। 3-135-22x (2158)
আশংসসে বন্দিনং বৈ বিজেতু-
মবিজ্ঞায় ৎবং বাক্যবলং পরস্য।
বিজ্ঞাতবীর্যৈঃ শক্যমেবং প্রবক্তুং
দৃষ্টশ্চাসৌ ব্রাহ্মণৈর্বাদশীলৈঃ ॥ 3-135-22 (21055)
আশংসমানা বন্দিনং বৈ বিজেতু-
মবিজ্ঞাৎবা তু বলং বন্দিনোঽস্য।
সমাগতা ব্রাহ্মণাস্তেন পূর্বং
ন শোভন্তে ভাস্করেণেব তারাঃ ॥ 3-135-23 (21056)
আশানুবন্ধো হি তবাত্র যত্নঃ
স বন্দিমাসাদ্যতথা বিনশ্যতি।
বিজ্ঞানবন্তো নিকৃতাস্তু তাত
কথং সদস্তর্তুমিদং সমর্থঃ ॥ 3-135-24 (21057)
অষ্টাবক্র উবাচ। 3-135-25x (2159)
বিবাদিতোঽসৌ ন হি মাদৃশৈর্হি
সিংহীকৃতস্তেন বদন্যভীতঃ।
সমেত্য মাং নিহতঃ শেষ্যতেঽদ্য
মার্গে ভগ্নং শকটমিবাবলাক্ষম্ ॥ 3-135-25 (21058)
রাজোবাচ। 3-135-26x (2160)
ষণ্নাভের্দ্বাদশাক্ষস্য চতুর্বিংশতিপর্বণঃ।
যস্ত্রিষষ্টিশতারস্য বেদার্থং স পরঃ কবিঃ ॥ 3-135-26 (21059)
অষ্টাবক্র উবাচ। 3-135-27x (2161)
চতুর্বিংশতিপর্ব ৎবাং ষণঅনাভি দ্বাদশপ্রধি।
তত্রিষষ্টিশতারং বৈ চক্রং পাতু সদাগতি ॥ 3-135-27 (21060)
রাজোবাচ। 3-135-28x (2162)
বডবে ইব সংয়ুক্তে শ্যেনপাতে দিবৌকসাম্।
কস্তয়োর্গর্ভমাধত্তে গর্ভং সুষুবতুশ্চ কম্ ॥ 3-135-28 (21061)
অষ্টাবক্র উবাচ। 3-135-29x (2163)
মা স্ম ভূঃ স্বগৃহে রাজঞ্শাত্রবাণামপি ধ্রুবম্।
বাতসারথিরাধত্তে গর্ভং সুষুবতুশ্চ তম্ ॥ 3-135-29 (21062)
রাজোবাচ। 3-135-30x (2164)
কিংস্বিৎস্তুপ্তং ন নিমিষতি কিংস্বিজ্জাতং ন চোপতি।
কস্যখিদ্ধৃদয়ং নাস্তি কিংস্বিদ্বেগেন বর্ধতে ॥ 3-135-30 (21063)
অষ্টাবক্র উবাচ। 3-135-31x (2165)
মৎস্যঃ সুপ্তো ন নিমিষত্যণ্ডং জাতং ন চোপতি।
অশ্মনো হৃদয়ং নাস্তি নদী বেগেন বর্ধতে ॥ 3-135-31 (21064)
রাজোবাচ। 3-135-32x (2166)
ন ৎবাং মন্যে মানুষং দেবসৎব
ন ৎবং বালঃ স্থবিরঃ সংমতো মে।
ন তে তুল্যো বিদ্যতে বাক্প্রলাপে
তস্মাদ্দ্বারং বিতরাম্যেষ বিদ্বন্ ॥ 3-135-32 (21065)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি পঞ্চত্রিংশদধিকশততমোঽধ্যায়ঃ ॥ 135 ॥
Mahabharata - Vana Parva - Chapter Footnotes
3-135-1 স্ত্রিয়ঃ পন্থা বৈ পথিকস্য পন্থা ইতি ক. পাঠঃ. অন্ধাদীনামক্ষমৎবান্মার্গো দেয় ইত্যর্থঃ। অসমেত্য সমীপং অপ্রাপ্য ॥ 3-135-5 ঐন্দ্রদ্যুম্নের্জনকস্য ॥ 3-135-7 চরিতব্রতাশ্চ তপঃপ্রভাবেন নিবেশনার্হাঃ ইতি ক. ধ. পাঠঃ ॥ 3-135-8 জ্ঞানাগমে জ্ঞানশাস্ত্রে বেদান্তেষ্বিত্যর্থঃ। নিষ্ঠাং নিশ্চয়ম্ ॥ 3-135-9 বেদ জানীতে যদি তর্হি ঈরয়। জুষ্টাং মুনিসেবিতাম্। একমেব অক্ষরং ব্রহ্ম প্রতিপাদ্যং যস্যাং তাং একাক্ষরাম্। বহুরূপাং মন্ত্রার্থবাদাদিরূপাম্। বিরাজং বিশেষেণ কর্মকাণ্ডাদাধিবয়েন রাজমানাম্। অঙ্গেতি সংবোধনে ॥ 3-135-10 শাল্মলেরষ্ঠীলা শাল্মলিফলান্তর্গতগ্রন্থিঃ। সহি কেবলতূলময়ৎবান্নিঃসারঃ। অতো দেহবৃদ্ধির্ব্যর্থা। অল্পকায়ঃ কৃশঃ ॥ 3-135-13 অনূচানঃ সাঙ্গবেদাধ্যায়ী ॥ 3-135-14 পুষ্করমালিনে স্বর্ণমালাধারিণে ॥ 3-135-19 সম্রাট্ সার্বভৌমঃ ॥ 3-135-21 ব্রহ্মাদ্বৈত ইতি ঝ. পাঠঃ। ব্রহ্মাদ্যং বৈ ইতি ধ. পাঠঃ ॥ 3-135-27 প্রধয়ো মাসা রাশয়ো বা। তেষু হি ত্রিংশদহোরাত্রা অংশা বা প্রত্যেকং প্রত্যেকং প্রধীয়ন্তে। চক্রং পাৎবস্মিন্ কালে যথাকালং বিহিতো ধর্মস্ৎবাং পাৎবিত্যর্থঃ। কেবলকালজ্ঞানস্যাপুরুষার্থৎবাৎ। এবমন্যত্রাপি বিংধানং দ্রষ্টব্যম্ ॥ 3-135-28 রথসংয়ুক্তে অশ্বে ইব সহচারিণ্যৌ শ্যেনপাতে শ্যেনবদকস্মাৎ পতনশীলে যে উভে বর্তেতে। দিবৌকসাং দেবানাং মধ্যে তয়োঃ সংবন্ধিনং গর্ভং কো ধত্তে। কস্য গর্ভে তে উৎপদ্যেতে কংচ জনয়ত ইত্যর্থঃ ॥ 3-135-32 বাক্প্রলাপে বাচাং প্রকৃষ্টে সংলাপে। বিতরাম্যেষ বন্দীতি ঝ. পাঠঃ। এষ বন্দী দৃশ্যতামিতি শেষঃ ॥অরণ্যপর্ব - অধ্যায় 136
॥ শ্রীঃ ॥
3.136. অধ্যায়ঃ 136
Mahabharata - Vana Parva - Chapter Topics
অষ্টাবক্রেণ বাদে পরাজিতস্য বন্দিনো জনকেন জলে বিনিমজ্জনম্ ॥ 1 ॥ জলমজ্জিতেষু সর্ববিপ্রেষু সমুত্থিতেষু অষ্টাবক্রেণ স্বপিত্রা কহোল়েন মাতুলেন চ সহ স্বাশ্রমগমনম্ ॥ 2 ॥ অষ্টাবক্রস্য পিতৃচোদনয়া সমঙ্গাপ্রবেশাদ্দেহস্য সমীভবনম্ ॥ 3 ॥Mahabharata - Vana Parva - Chapter Text
3-136-0 (21066)
অষ্টাবক্র উবাচ। 3-136-0x (2167)
অত্রোগ্রসেনসমিতেষু রাজন্
সমাগতেষ্বপ্রতিমেষু রাজসু।
ন মে বিবিৎসান্তরমস্তি বাদিনাং
মহাজনে হংসবিবাদিনামিব ॥ 3-136-1 (21067)
ন মোক্ষ্যসে বৈ বদমানো নিমজ্জন্
জলং প্রপন্নঃ সরিতামিবাধনঃ।
হুতাশনস্যেব সমিদ্ধতেজসঃ
স্থিরো ভবস্বেহ মমাদ্য বন্দিন্ ॥ 3-136-2 (21068)
বন্দ্যুবাচ। 3-136-3x (2168)
ব্যাঘ্রং শয়ানং প্রতি মা প্রবোধ
আশীবিষং সৃক্বিণী সংলিহানম্।
পদা হতস্যেহ শিরোভিহত্য
নাদষ্টো বৈ মোক্ষ্যসে তন্নিবোধ ॥ 3-136-3 (21069)
যো বৈ দর্পাৎসংহননোপপন্নঃ
সুদুর্বলঃ পর্বতমাবিহন্তি।
তস্যৈব পাণিঃ সনখো বিদীর্যতে
ন চৈব শৈলস্য হি দৃশ্যতে ব্রণঃ ॥ 3-136-4 (21070)
অষ্টাবক্র উবাচ। 3-136-5x (2169)
সর্বে রাজ্ঞো মৈথিলস্য মৈনাকস্যেব পর্বতাঃ।
নিকৃষ্টভূতা রাজানো বৎসা হ্যনডুহো যথা ॥ 3-136-5 (21071)
যথা মহেন্দ্রঃ প্রবরঃ সুরাণাং
নদীষু গঙ্গা প্রবরা যথৈব।
তথা নৃপাণাং প্রবরস্ৎবমেকো
বন্দিং সমভ্যানয় মৎসকাশম্ ॥ 3-136-6 (21072)
লোমশ উবাচ। 3-136-7x (2170)
এবমষ্টাবক্রঃ সমিতৌ হি গর্জ-
ঞ্জাতক্রোধো বন্দিনমাহ রাজন্।
উক্তে বাক্যে চোত্তরং মে ব্রবীহি
বাক্যস্য চাপ্যুত্তরং তে ব্রবীমি ॥ 3-136-7 (21073)
বন্দ্যুবাচ। 3-136-8x (2171)
এক এবাগ্নির্বহুধা সমিধ্যতে
একঃ সূর্যঃ সর্বমিদং বিভাতি।
একোঽবীরো দেবরাজোঽরিহন্তা
যমঃ পিতৃণামীশ্বরশ্চৈক এব ॥ 3-136-8 (21074)
অষ্টাবক্র উবাচ। 3-136-9x (2172)
দ্বাবিন্দ্রাগ্নী চরতো বৈ সখায়ৌ
দ্বৌ দেবর্ষী নারদপর্বতৌ চ।
দ্বাবশ্বিনৌ দ্বে রথস্যাপি চক্রে
ভার্যাপতী দ্বৌ বিহিতৌ বিধাত্রা ॥ 3-136-9 (21075)
বন্দ্যুবাচ। 3-136-10x (2173)
ত্রিঃ সূয়তে কর্মণা বৈ প্রজেয়ং
ত্রয়ো যুক্তা বাজপেয়ং বহন্তি।
অধ্বর্যবস্ত্রিসবনানি তন্বতে
ত্রয়ো লোকাস্ত্রীণি জ্যোতীংষি চাহুঃ ॥ 3-136-10 (21076)
অষ্টাবক্র উবাচ। 3-136-11x (2174)
চতুষ্টয়ং ব্রাহ্মণানাং নিকেতং
চৎবারো বর্ণা যজ্ঞমিমং বহন্তি।
দিশশ্চতস্রো বর্ণচতুষ্টয়ং চ
চতুষ্পদা গৌরপি শশ্বদুক্তা ॥ 3-136-11 (21077)
বন্দ্যুবাচ। 3-136-12x (2175)
পঞ্চাগ্নয়ঃ পঞ্চপদা চ পঙ্ক্তি-
র্যজ্ঞাঃ পঞ্চৈবাপ্যথ পঞ্চেনদ্রিয়াণি।
দৃষ্ট্বা বেদে পঞ্চচূডাপ্সরাশ্চ
লোকে খ্যাতং পঞ্চনদং চ পুণ্যম্ ॥ 3-136-12 (21078)
অষ্টাবক্র উবাচ। 3-136-13x (2176)
ষডাধানে দক্ষিণামাহুরেকে
ষট্ চৈবেমে ঋতবঃ কালচক্রম্।
ষডিন্দ্রিয়াণ্যুত ষট্ কৃত্তিকাশ্চ
ষট্ সাদ্যস্কাঃ সর্ববেদেষু দৃষ্টাঃ ॥ 3-136-13 (21079)
বন্দ্যুবাচ। 3-136-14x (2177)
সপ্ত গ্রাম্যাঃ পশবঃ সপ্ত বন্যাঃ
সপ্ত চ্ছন্দাংসি ক্রতুমেকং বহন্তি।
সপ্তর্ষয়ঃ সপ্ত চাপ্যর্হণানি
সপ্তন্ত্রী প্রথিতা চৈব বীণা ॥ 3-136-14 (21080)
অষ্টাবক্র উবাচ। 3-136-15x (2178)
অষ্টৌ শাণাঃ শতমানং বহন্তি
তথাষ্টপাদঃ শরভঃ সিংহঘাতী।
অষ্টৌ বসূঞ্শুশ্রুম দেবতাসু
যূপশ্চাষ্টাস্রির্বিহিতঃ সর্বয়জ্ঞে ॥ 3-136-15 (21081)
বন্দ্যুবাচ। 3-136-16x (2179)
নবৈবোক্তাঃ সামিধেন্যঃ পিতৄণাং
তথা প্রাহুর্নবয়োগং বিসর্গম্।
নবাক্ষরা বৃহতী সংপ্রদিষ্টা
নবৈব যোগো গণনামেতি শশ্বৎ ॥ 3-136-16 (21082)
অষ্টাবক্র উবাচ। 3-136-17x (2180)
দিশো দশোক্তাঃ পুরুষস্য লোকে
সহস্রমাহুর্দশপূর্ণং শতানি।
দশৈব মাসান্বিভ্রতি ভর্গবত্যো
দশৈরকা দশদাশা দশার্হাঃ ॥ 3-136-17 (21083)
বন্দ্যুবাচ। 3-136-18x (2181)
একাদশৈকাদশিনঃ পশূনা-
মেকাদশৈবাত্র ভবন্তি যূপাঃ।
একাদশ প্রাণভৃতাং বিকারা
একাদশোক্তা দিবি দেবেষু রুদ্রাঃ ॥ 3-136-18 (21084)
অষ্টাবক্র উবাচ। 3-136-19x (2182)
সংবৎসরং দ্বাদশমাসমাহু-
র্জগত্যাঃ পাদো দ্বাদশৈবাক্ষরাণি।
দ্বাদশাহঃ প্রাকৃতো যজ্ঞ উক্তো
দ্বাদশাদিত্যান্কথয়ন্তীহ ঘীরাঃ ॥ 3-136-19 (21085)
বন্দ্যুবাচ। 3-136-20x (2183)
ত্রয়োদশী তিথিরুক্তা মহোগ্রা
ত্রয়োদশদ্বীপবতী মহী চ। 3-136-20 (21086)
লোমশ উবাচ।
এতাবদুক্ৎবা বিররাম বন্দী
শ্লোকস্যার্ধং ব্যাজহারাষ্টবক্রঃ। 3-136-20x (2184)
অষ্টাবক্র উবাচ। ত্রয়োদশাহানি সসার কেশী
ত্রয়োদশাদীন্যতিচ্ছন্দাংসি চাহুঃ ॥ 3-136-20x (2185)
লোমশ উবাচ। 3-136-21x (2186)
ততো মহানুদতিষ্ঠন্নিনাদ-
স্তূষ্ণীংভূতং সূতপুত্রং নিশম্য।
অধোমুখং ধ্যানপরং তদানী-
মষ্টাবক্রং চাপ্যুদীর্যন্তমেব ॥ 3-136-21 (21087)
তস্মিংস্তথা সংকুলে বর্তমানে
স্ফীতে যজ্ঞে জনকস্যোত রাজ্ঞঃ।
অষ্টাবক্রং পূজয়ন্তোঽভ্যুপেয়ু-
র্বিপ্রাঃ সর্বে প্রাঞ্জলয়ঃ প্রতীতাঃ ॥ 3-136-22 (21088)
অষ্টাবক্র উবাচ। 3-136-23x (2187)
অনেনৈব ব্রাহ্মণাঃ শুশ্রুবাংসো
বাদে জিৎবা সলিলে মজ্জিতাঃ প্রাক্।
তানেব ধর্মানয়মদ্য বন্দী
প্রাপ্নোতু গৃহ্যাশু নিমজ্জয়ৈনম্ ॥ 3-136-23 (21089)
বন্দ্যুবাচ। 3-136-24x (2188)
অহং পুত্রো বরুণস্যোত রাজ্ঞ-
স্তত্রাস সত্রং দ্বাদশবার্ষিকং বৈ।
সত্রেণ তে জনক তুল্যকালং
তদর্থং তে প্রহিতা মে দ্বিজাগ্র্যাঃ ॥ 3-136-24 (21090)
তে তু সর্বে বরুণস্যোত যজ্ঞং
দ্রষ্টুং গতা ইম আয়ান্তি ভূয়ঃ।
অষ্টাবক্রং পূজয়ে পূজনীয়ং
যস্য হেতোর্জনিতারং সমেষ্যে ॥ 3-136-25 (21091)
অষ্টাবক্র উবাচ। 3-136-26x (2189)
বিপ্রাঃ সমুদ্রাম্ভসি মজ্জিতা যে
বাচা জিতা মেধয়া বা বিদানাঃ।
তাং মেধয়া বাচমথোজ্জহার
যথা বাচমবচিন্বন্তি সন্তঃ ॥ 3-136-26 (21092)
অগ্নির্দহঞ্জাতবেদাঃ সতাং, গৃহান্
বিসর্জয়ংস্তেজসা ন স্ম ধাক্ষীৎ।
বালেষু পুত্রেষু কৃপণং বদৎসু
তথা বাচমবচিন্বন্তি সন্তঃ ॥ 3-136-27 (21093)
শ্লেষ্মাতকী ক্ষীণবর্চাঃ শৃণোষি
উতাহো ৎবাং স্তুতয়ো মাদয়ন্তি।
হস্তীব ৎবং স্তুতয়ো মাদয়ন্তি।
ন মামিকাং বাচমিমাং শৃণোষি ॥ 3-136-28 (21094)
জনক উবাচ। 3-136-29x (2190)
শৃণোমি বাচং তব দিব্যরূপা-
মমানুষীং দিব্যরূপোঽসি সাক্ষাৎ।
অজৈষীর্যদ্বন্দ্বিনং ৎবং বিবাদে
নিসৃষ্ট এষ তব কামোঽদ্য বন্দী ॥ 3-136-29 (21095)
অষ্টাবক্র উবাচ। 3-136-30x (2191)
নানন জীবতা কশ্চিদর্থো মে বন্দিনা নৃপ।
পিতা যদ্যস্য বরুণো মজ্জয়ৈনং জলাশয়ে ॥ 3-136-30 (21096)
বন্দ্যুবাচ। 3-136-31x (2192)
অহং পুত্রো বরুণস্যোত রাজ্ঞো
ন মে ভয়ং বিদ্যতে মজ্জিতস্য।
ইমং মুহূর্তং পিতরং দ্রক্ষ্যতেঽয়-
মষ্টাবক্রশ্চিরনষ্টং কহোল়ম্ ॥ 3-136-31 (21097)
লোমশ উবাচ। 3-136-32x (2193)
ততস্তে পূজিতা বিপ্রা বরুণেন মহাত্মনা।
উদতিষ্ঠংস্ততঃ সর্বে জনকস্য সমীপতঃ ॥ 3-136-32 (21098)
কহোল় উবাচ। 3-136-33x (2194)
ইত্যর্থমিচ্ছন্তি সুতাঞ্জনা জননকর্মণা।
যদহং নাশকং কর্তুং তৎপুত্রঃ কৃতবান্মম ॥ 3-136-33 (21099)
উতাবলস্য ক্লবানুত বালস্য পণ্ডিতঃ।
উত বাঽবিদুষো বিদ্বান্পুত্রো জনক জায়তে ॥ 3-136-34 (21100)
বন্দ্যুবাচ। 3-136-35x (2195)
শিতেন তে পরশুনা স্বয়মেবান্তকো নৃপ।
শিরাংস্যপাহরন্নাজৌ রিপূণাং ভদ্রমস্তু তে ॥ 3-136-35 (21101)
মহদৈক্থ্যং গীয়তে সাম চাগ্র্যং
সম্যক্সোমঃ পীয়তে চাত্র সত্রে।
শুচীন্ভাগান্প্রতিজগৃহুশ্চ হৃষ্টাঃ
সাক্ষাদ্দেবা জনকস্যেহ রাজ্ঞঃ ॥ 3-136-36 (21102)
লোমশ উবাচ। 3-136-37x (2196)
সমুত্থিতেষ্বথ সর্বেষু রাজন্
বিপ্রেষু তেষ্বধিকং সুপ্রভেষু।
অনুজ্ঞাতো জনকেনাথ রাজ্ঞা
বিবেশ তোয়ং সাগরস্যোত বন্দী ॥ 3-136-37 (21103)
অষ্টাবক্রঃ পিতরং পূজয়িৎবা
সংপূজিতো ব্রাহ্মণৈস্তৈর্যথাবৎ।
প্রত্যাজগামাশ্রমমেব চাগ্র্যং
জিৎবা বন্দিং সহিতো মাতুলেন ॥ 3-136-38 (21104)
ততোঽষ্টাবক্রং মাতুরথান্তিকে পিতা
নদীং সমঙ্গাং শীঘ্রমিমাং বিশস্ব।
প্রোবাচ চৈনং স তথা বিবেশ
সমৈরঙ্গৈশ্চাপি বভূব পুণ্যা 3-136-39 (21105)
নদী সমঙ্গা চ বভূব পুণ্যা
যস্যাং স্নাতো মুচ্যতে কিল্বিষাদ্ধি।
ৎবমপ্যেনাং স্নানপানাবগাহৈঃ
সভ্রাতৃকঃ সহভার্যো বিশশ্ব ॥ 3-136-40 (21106)
অত্র কৌন্তেয় সহিতো ভ্রাতৃভিস্ৎবং
সুখোষিতঃ সহ বিপ্রৈঃ প্রতীতঃ।
পুণ্যান্যন্যানি শুচিকর্মৈকভক্তি-
র্ময়া সার্ধং চরিতাস্যাজমীঢ ॥ 3-136-41 (21107)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ষট্ত্রিংশদধিকশততমোঽধ্যায়ঃ ॥ 136 ॥
Mahabharata - Vana Parva - Chapter Footnotes
3-136-1 নাবৈমি বন্দিং বরমত্র বাদিনাং মহাজলে হংসমিবাদদামি ইতি ঝ. পাঠঃ ॥ 3-136-2 ন মেঽদ্য বক্ষ্যস্যতিবাদিমানিন্ গ্লহং প্রপন্নঃ সরিতামিবাগমঃ। ইতি ঝ. পাঠঃ ॥ 3-136-3 প্রবোধ প্রবোধয় ॥ 3-136-4 সংহননেন দেহেন দৃঢকায়ৎবেন উপপন্নঃ ॥ 3-136-6 বন্দিং বন্দিনম্। বিভক্ত্যলোপে নকারলোপ আর্ষঃ ॥ 3-136-13 ষডেব যজ্ঞাঃ সর্ববেদেষ্বিতি ধ. পাঠঃ ॥ 3-136-15 অষ্টৌ দিগীশান্যতমানান্বদন্তি ইতি খ. পাঠঃ। অষ্টৌ যোগাঃ প্রথিমানং বহন্তি ইতি ধ. পাঠঃ ॥ 3-136-21 সূতপুত্রং বরুণপুত্রম্. উদীর্যন্তমুদীর্যমাণম্। স্তূয়মানমিত্যর্থঃ ॥ 3-136-23 শুশ্রুবাংসঃ পণ্ডিতাঃ ॥ 3-136-25 জনিতারং বরুণম্ ॥ 3-136-26 বাচা উচ্চৈঃ পাঠেনৈব। উত মেধয়া ঊহাপোহকৌশলেন। বিপ্রাঃ বিদানাঃ পণ্ডিতা অপি জিতাঃ মজ্জিতাশ্চ তাং প্রসিদ্ধাং বাচং বেদময়ীং মেধয়া সহিতাং বন্দিনা কুতর্কার্ণবে মজ্জিতাং অহং যথা উজ্জহার উদ্ধৃতবানস্মি তথা সন্তঃ সদসদ্বচনবিবেককুশলাঃ অবচিন্বন্তি পরীক্ষয়ন্তি। লোডর্থে লট্। পরীক্ষয়ন্ৎবিত্যর্থঃ ॥ 3-136-27 অগ্নিঃ দহন্ স্বভাবেন দাহকোঽপি জাতবেদাঃ জাতানি সতামসতাং চ বৃত্তানি বেদ জানাতীতি জাতবেদাঃ। সতাং সত্যাভিসংধীনাং গৃহান্ শরীরাণি বিসর্জয়ন্ বর্জয়ন্ তেজসা যথা অধাক্ষীৎস্ম অর্থাদনৃতাভিসংধিগৃহান্। নশব্দ উপমার্থে। যথা তপ্তপরশুগ্রহণে বহ্নিঃ সত্যাভিসংধি ন দহতি সত্যপক্ষপাতী নতু জাতিবয়োবিদ্যাদিপক্ষপাতী। এবং সন্তোপি বালাদিষু। অতো বালবচনমিতি মদ্বাক্যং নাবমন্তব্যমিতি ভাবঃ ॥ 3-136-28 শ্লোষ্মাতকীশব্দিততস্তরুবিশেষস্তস্য পত্রেষু ভোজনং তৎফলভক্ষণং চ বুদ্ধিঘ্রং দোষকরং চেতি প্রসিদ্ধম্ ॥ 3-136-29 অদ্য তব কামো নিসৃষ্টঃ এষ বন্দী দৃশ্যতামিতি শেষঃ ॥ 3-136-33 ইত্যর্থং এতদর্থম্ ॥ 3-136-35 শিতেন তীক্ষ্ণেন তে তব রিপূণামিত্যন্বয়ঃ। যমাদপি তব শথ্রুসংহরণশক্তিরধিকেতি ভাবঃ ॥ 3-136-36 ঔক্থ্যং উক্থ্যাখ্যক্রতুবিশেষে গেয়ম্ ॥ 3-136-38 সৌতিং সূতস্য বরুণস্য পুত্রম্ ॥ 3-136-39 সমানি অঙ্গানি করোতীতি সমগেতি যোগো দর্শিতঃ। শকন্ধ্বাদিৎবাৎ পররূপম্ ॥ 3-136-41 প্রতীতো বিশ্রব্ধঃ ॥অরণ্যপর্ব - অধ্যায় 137
॥ শ্রীঃ ॥
3.137. অধ্যায়ঃ 137
Mahabharata - Vana Parva - Chapter Topics
লোমশেন রৈভ্যাশ্রমংগতং যুধিষ্ঠিরংপ্রতি যবক্রীতোপাখ্যানকথনারম্ভঃ ॥ 1 ॥ ভরদ্বাজপুত্রেণ যবক্রীতেন স্বপিতৃমিত্রে রৈভ্যে তৎপুত্রয়োরর্বাবসুপরাবস্বোশ্চাসূয়যা নিবৈবোপদেশং বেদাধিগমায় ইন্দ্রংপ্রতি তপশ্চরণম্ ॥ 2 ॥ ইন্দ্রনিবারিতেনাপি যবক্রীতেন বলাৎকারেণ তস্মাদ্বরগ্রহণম্ ॥ 3 ॥ ভরদ্বাজেন লব্ধবরং যবক্রীতংপ্রতি গর্বেণ রৈভ্যপীডাপ্রতিষেধায় বালধ্যুপাখ্যানকথনম্ ॥ 4 ॥Mahabharata - Vana Parva - Chapter Text
3-137-0 (21108)
লোমশ উবাচ। 3-137-0x (2197)
এষা মধুবিলা নাম সমঙ্গা সংপ্রকাশতে।
এতৎকর্দমিলং নাম ভরতস্যাভিষেচনম্ ॥ 3-137-1 (21109)
অলক্ষ্ম্যা কিল সংয়ুক্তো বৃত্রং হৎবা শচীপতিঃ।
আপ্লুতঃ সর্বপাপেভ্যঃ সমঙ্গায়াং ব্যমুচ্যত ॥ 3-137-2 (21110)
এতদ্বিনশনং কুক্ষৌ মৈনাকস্য নরর্ষভ।
অদিতির্যত্রপুত্রার্থং তদন্নমপচৎপুরা ॥ 3-137-3 (21111)
এনং পর্বতরাজানমারুহ্য ভরতর্ষভাঃ।
অয়শস্যামসংশব্দ্যামলক্ষ্মীং ব্যপনোৎস্যথ ॥ 3-137-4 (21112)
এতে কনখলা রাজন্নৃষীণাং দয়িতা নগাঃ।
এষা প্রকাশতে গঙ্গা যুধিষ্ঠির যশস্বিনী ॥ 3-137-5 (21113)
সনৎকুমারো ভগবানত্র সিদ্ধিমগাৎপুরা।
আজমীঢাবগাহ্যৈনাং সর্বপাপৈঃ প্রমোক্ষ্যসে ॥ 3-137-6 (21114)
অপাং হ্রদং চ পুণ্যাখ্যং ভৃগুতুন্দং চ পর্বতম্।
তূষ্ণীং গঙ্গাং চ কৌন্তেয় সানুজঃ সমুপস্পৃশ ॥ 3-137-7 (21115)
আশ্রমঃ স্থূলশিরসো রমণীয়ঃ প্রকাশতে।
অত্র মানং চ কৌন্তেয় ক্রোধং চৈব বিবর্জয় ॥ 3-137-8 (21116)
এষ রৈভ্যাশ্রমঃ শ্রীমান্পাণ্ডবেয় প্রকাশতে।
ভারদ্বাজো যত্রকবির্যবক্রীতো ব্যনশ্যত ॥ 3-137-9 (21117)
যুধিষ্ঠির উবাচ। 3-137-10x (2198)
কথং যুক্তোঽভবদৃষির্ভরদ্বাজঃ প্রতাপবান্।
কিমর্থং চ যবক্রীতঃ পুত্রোঽনশ্যত বৈ মুনেঃ ॥ 3-137-10 (21118)
এতৎসর্বং যথাবৃত্তং শ্রোতুমিচ্ছামি তত্ৎবতঃ।
কর্মভির্দেবকল্পানাং কীর্ত্যমানৈর্ভৃশং রমে ॥ 3-137-11 (21119)
লোমশ উবাচ। 3-137-12x (2199)
ভরদ্বাজশ্চ রৈভ্যশ্চ সখায়ৌ সংবভূবতুঃ।
তাবূষতুরিহাত্যন্তং প্রীয়মাণৌ বনান্তরে ॥ 3-137-12 (21120)
রৈভ্যস্য তু সুতাবাস্তামর্বাবসুপরাবসূ।
আসীদ্যবক্রীঃ পুত্রস্তু ভরদ্বাজস্য ভারত ॥ 3-137-13 (21121)
রৈভ্যো বিদ্বান্সহাপত্যস্তপস্বী চেতরোঽভবৎ।
তয়োশ্চাপ্যতুলা প্রীতিরভবদ্ভরতর্ষভ ॥ 3-137-14 (21122)
যবক্রীঃ পিতরং দৃষ্ট্বা তপস্বিনমসৎকৃতম্।
দৃষ্ট্বা চ সৎকৃতং বিপ্রৈ রৈভ্যং পুত্রৈঃ সহানঘঃ ॥ 3-137-15 (21123)
পর্যতপ্যত তেজস্বী মন্যুনাঽভিপরিপ্লুতঃ।
তপস্তেপে ততো ঘোরং বেদজ্ঞানায় পাণ্ডব ॥ 3-137-16 (21124)
সুসমিদ্ধে মহত্যগ্নৌ শরীরমুপতাপয়ন্।
জনয়ামাস সংতাপমিন্দ্রস্য সুমহাতপাঃ ॥ 3-137-17 (21125)
তত ইন্দ্রো যবক্রীতমুপগম্য যুধিষ্ঠির।
অব্রবীৎকস্য হেতোস্ৎবমাস্থিতস্তপ উত্তমম্ ॥ 3-137-18 (21126)
যবক্রীত উবাচ। 3-137-19x (2200)
দ্বিজানামনধীতা বৈ বেদাঃ সুরগণার্চিত।
প্রতিভান্ৎবিতি তপ্যেহমিদং পরমকং তপঃ ॥ 3-137-19 (21127)
স্বাধ্যায়ার্থং সমারম্ভো মমায়ং পাকশাসন।
তপসা জ্ঞাতুমিচ্ছামি সর্বজ্ঞানানি কৌশিক ॥ 3-137-20 (21128)
কালেন মহতা বেদাঃ শক্যা গুরুমুখাদ্বিভো।
প্রাপ্তুং তস্মাদয়ং যত্নঃ পরমো মে সমাস্থিতঃ ॥ 3-137-21 (21129)
ইন্দ্র উবাচ। 3-137-22x (2201)
অমার্গ এষ বিপ্রর্ষে যেন ৎবং যাতুমিচ্ছসি।
কিং বিঘাতেন তে বিপ্র গচ্ছাধীহি গুরোর্মুখাৎ ॥ 3-137-22 (21130)
লোমশ উবাচ। 3-137-23x (2202)
এবমুক্ৎবা গতঃ শক্রো যবক্রীরপি ভারত।
ভূয় এবাকরোদ্যত্নং তপস্যমিতবিক্রমঃ ॥ 3-137-23 (21131)
ঘোরেণ তপসা রাজংস্তপ্যমানো মহত্তপঃ।
সংতাপয়ামাস ভৃশং দেবেন্দ্রমিতি নঃ শ্রুতম্ ॥ 3-137-24 (21132)
তং তথা তপ্যমানং তু তপস্তীব্রং মহামুনিম্।
উপেত্য বলভিদ্দেবো বারয়ামাস বৈ পুনঃ ॥ 3-137-25 (21133)
অশক্যোঽর্থঃ সমারব্ধো নৈতদ্বুদ্ধিকৃতং তব।
প্রতিভাস্যন্তি বৈ বেদাস্তব চৈব পিতুশ্চ তে ॥ 3-137-26 (21134)
যবক্রীত উবাচ। 3-137-27x (2203)
ন চৈতদেবং ক্রিয়তে দেবরাজসমীপ্সিতম্।
মহতা নিয়মেনাহং তপ্স্যে ঘোরতরং তপঃ ॥ 3-137-27 (21135)
সমিদ্ধেঽগ্নাবুপকৃত্যাঙ্গমঙ্গং
হোষ্যামি বা মঘবংস্তন্নিবোধ।
যদ্যেতদেবং ন করোষি কামং
মমেপ্সিতং দেবরাজেহ সর্বম্ ॥ 3-137-28 (21136)
লোমশ উবাচ। 3-137-29x (2204)
নিশ্চয়ং তমভিজ্ঞায় মুনেস্তস্য মহাত্মনঃ।
প্রতিবারণহেৎবর্থং বুদ্ধ্যা সংচিন্ত্য বুদ্ধিমান্ ॥ 3-137-29 (21137)
তত ইন্দ্রোঽকরোদ্রূপং ব্রাহ্মণস্য তপস্বিনঃ।
অনেকশতবর্ষস্য দুর্বলস্য সয়ক্ষ্মণঃ ॥ 3-137-30 (21138)
যবক্রীতস্য যত্তীর্থমুচিতং শৈচকর্মণি।
ভাগীরথ্যাং তত্র সেতুং বালুকাভিশ্চকার সঃ ॥ 3-137-31 (21139)
যদাঽস্য বদতো বাক্যং ন স চক্রে দ্বিজোত্তমঃ।
বালুকাভিস্ততঃ শক্রো গঙ্গাং সমভিপূরয়ন্ ॥ 3-137-32 (21140)
বালুকামুষ্টিমনিশং ভাগীরথ্যাং ব্যসর্জয়ৎ।
স্নাতুমভ্যাগতং শক্রো যবক্রীতমদর্শয়ৎ ॥ 3-137-33 (21141)
তং দদর্শ যবক্রীতো যত্নবন্তং নিবন্ধনে।
প্রহসংশ্চাব্রবীদ্বাক্যমিদং স মুনিপুঙ্গবঃ ॥ 3-137-34 (21142)
কিমিদং বর্ততে ব্রহ্মন্কিংচ তে হ চিকীর্ষিতম্।
অতীব হি মহান্যত্নঃ ক্রিয়তেঽয়ং নিরর্থকঃ ॥ 3-137-35 (21143)
ইন্দ্র উবাচ। 3-137-36x (2205)
বন্ধিষ্যে সেতুনা গঙ্গাং সুখঃ পন্থা ভবিষ্যতি।
ক্লিশ্যতে হি জনস্তাত তরমাণঃ পুনঃপুনঃ ॥ 3-137-36 (21144)
যবক্রীত উবাচ। 3-137-37x (2206)
নায়ং শক্যস্ৎবয়া বদ্ধুং মহানোঘস্তপোধন।
অশক্যাদ্বিনিবর্তস্ব শক্যমর্থং সমারভ ॥ 3-137-37 (21145)
ইন্দ্র উবাচ। 3-137-38x (2207)
যথৈব ভবতা চেদ তপো বেদার্থমুদ্যতম্।
অশক্যং তদ্বদস্মাভিরয়ং ভারঃ সমাহিতঃ ॥ 3-137-38 (21146)
যবক্রীত উবাচ। 3-137-39x (2208)
যথা তব নিরর্থোঽয়মারম্ভস্ত্রিদশেশ্বর।
তথা যদি মমাপীদং মন্যসে পাকশাসন ॥ 3-137-39 (21147)
ক্রিয়তাং যদ্ভবেচ্ছক্যং ৎবয়া সুরগণেশ্বর।
বরাংশ্চ মে প্রয়চ্ছান্যাসন্যৈর্বিদ্বান্ভবিতাস্ম্যহম্ ॥ 3-137-40 (21148)
লোমশ উবাচ। 3-137-41x (2209)
তস্মৈ প্রাদাদ্বরানিন্দ্র উক্তবান্যান্মহাতপাঃ।
প্রতিভাস্যন্তি তে বেদাঃ পিত্রা সহ যথেপ্সিতাঃ ॥ 3-137-41 (21149)
যচ্চান্যৎকাঙ্ক্ষসে কামং যবক্রীর্গম্যতামিতি।
স লব্ধকাম পিতরং সমেত্যাথেদমব্রবীৎ ॥ 3-137-42 (21150)
যবক্রীত উবাচ। 3-137-43x (2210)
প্রতিভাস্যন্তি বৈ বেদা মম তাতস্য চোভয়োঃ।
অপি চান্যান্ভবিষ্যাবো বরা লব্ধাস্তথা ময়া ॥ 3-137-43 (21151)
ভরদ্বাজ উবাচ। 3-137-44x (2211)
দর্পস্তে ভবিতা তাত বরাঁল্লব্ধ্বা যথেপ্সিতান্।
স দর্পপর্ণঃ কৃপণঃ ক্ষিপ্রমেব বিনঙ্ক্ষ্যসি ॥ 3-137-44 (21152)
অত্রাপ্যুদাহরন্তীমা গাথা দেবৈরুদাহৃতাঃ।
মুনিরাসীৎপুরা পুত্র বালধির্নাম বিশ্রুতঃ ॥ 3-137-45 (21153)
স পুত্রশোকাদুদ্বিগ্রস্তপস্তেপে সুদুষ্করম্।
ভবেন্মম সুতোঽমর্ত্য ইতিতং লব্ধবাংশ্চ সঃ ॥ 3-137-46 (21154)
তস্য প্রসাদো বৈ দেবৈঃ কৃতো ন ৎবমরৈঃ সমঃ।
নামর্ত্যো বিদ্যতে মর্ত্যো নিমিত্তায়ুর্ভবিষ্যতি ॥ 3-137-47 (21155)
বালধিরুবাচ। 3-137-48x (2212)
যথেমে পর্বতাঃ শশ্বত্তিষ্ঠন্তি সুরসত্তমাঃ।
তাবজ্জীবেন্মম্ সুতো নির্বাণমুত মে মতঃ ॥ 3-137-48 (21156)
ভরদ্বাজ উবাচ। 3-137-49x (2213)
তস্য পুত্রস্তদা জত্রে মেধাবী ক্রোধনস্তদা।
স তু লব্ধবরো দর্পাদৃষীংশ্চৈবাবমন্যত ॥ 3-137-49 (21157)
বিকুর্বাণো মুনীনাং চ ব্যচরৎস মহীমিমাম্।
আসসাদ মহাবীর্যং ধনুষাক্ষং মনীষিণম্ ॥ 3-137-50 (21158)
তস্যাপচক্রে মেধাবী তং শশাপ স বীর্যবান্।
ভব ভস্মেতি চোক্তঃ স ন ভস্ম সমপদ্যত ॥ 3-137-51 (21159)
ধনুষাক্ষস্তু তং দৃষ্ট্বা মেধাবিনমনাময়ম্।
`মুনিস্তৎকারণং জ্ঞাৎবা স্বয়ং মহিষরূপধৃৎ।
শৃঙ্গেণাদ্রীনচলয়ত্ততোঽয়ংভস্মসাদভূৎ' ॥ 3-137-52 (21160)
নিমিত্তমস্য মহর্ষির্ভেদয়ামাস পর্বতান্।
স নিমিত্তে বিনষ্টে তু মমার সহসা শিশুঃ ॥ 3-137-53 (21161)
তং মৃতং পুত্রমাদায় বিললাপ ততঃ পিতা ॥ 3-137-54 (21162)
লালপ্যমানং তং দৃষ্ট্বা মুনয়ঃ পরমার্তবৎ।
ঊচুর্বেদবিদঃ সর্বৈ গাথাং যাং তাং নিবোধ মে ॥ 3-137-55 (21163)
ন দিষ্টমর্থমত্যেতুমীশোঽমর্ত্যঃ কথংচন।
মহর্ষির্ভেদয়ামাস ধনুষাক্ষো মহীধরান্ ॥ 3-137-56 (21164)
এবং লব্ধ্বা বরান্বালা দর্পপূর্ণাস্তপস্বিনঃ।
ক্ষিপ্রমেব বিনশ্যন্তি যথা ন স্যাত্তথা ভবান্ ॥ 3-137-57 (21165)
এষ রৈভ্যো মহাবীর্যঃ পুত্রৌ চাস্য তথাবিধৌ।
তং যথা পুত্র নাভ্যেষি তথা কুর্যাস্ৎবতন্দ্রিতঃ ॥ 3-137-58 (21166)
স হি ক্রুদ্ধঃ সমর্থস্ৎবাং পুত্র পীডয়িতুং রুষা।
রৈভ্যশ্চাপি তপস্বী চ কোপনশ্চ মহানৃষিঃ ॥ 3-137-59 (21167)
যবক্রীত উবাচ। 3-137-60x (2214)
এব করিষ্যে মা তাপং তাত কার্ষীঃ কথংচন।
যথা হি মে ভবান্মান্যস্তথা রৈভ্যঃ পিতা মম ॥ 3-137-60 (21168)
লোমশ উবাচ। 3-137-61x (2215)
উক্ৎবা স পিতরং শ্লক্ষ্ণ যবক্রীরকুতোভয়ঃ।
বিপ্রকুর্বন্নৃষীনন্যানতুষ্যৎপরয়া মুদা ॥ 3-137-61 (21169)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি সপ্তত্রিংশদধিকশততমোঽধ্যায়ঃ ॥ 137 ॥
Mahabharata - Vana Parva - Chapter Footnotes
3-137-1 মধুবিলেতি অষ্টাবকাঙ্গসমীকরণাৎপূর্বং সমংগায়া এব নাম মধুবহানামেতি ক.ধ. পাঠঃ ॥ 3-137-3 অন্নং ব্রহ্মৌদনম্ অদিতিঃ পুত্রকামা। সাধ্যেভ্যো দেবেভ্যো ব্রহ্মৌদনমপচদিতি শ্রুতেঃ ॥ 3-137-4 অয়শস্যাং অয়শস্করীম্। অসংশব্দ্যাং অকীর্তনীয়াম্। অয়শস্যামসহ্যাং চ অলক্ষ্মীং ইতি ধ. পাঠঃ ॥ 3-137-14 ইতরো ভরদ্বাজস্তপস্ব্যেব নতু শিষ্যাদিসংপন্নঃ। কীর্তির্বাল্যাৎপ্রভৃতি ভারত ইতি ঝ. পাঠঃ ॥ 3-137-20 সর্বজ্ঞানানি সর্বশাস্ত্রাণি 3-137-22 বিঘাতেন আত্মনাশনেন ॥ 3-137-26 ন প্রতিভাস্যন্তীতি নকারাবৃত্ত্যা যোজ্যম্ ॥ 3-137-46 অমর্ত্যঃ অমর ইত্যর্থঃ ॥ 3-137-48 অক্ষয়াস্তন্নিমিত্তং মে সুতস্যায়ুর্ভবের্দ্ধ্রুবম্। ইতি ঝ. ধ. পাঠঃ ॥ 3-137-52 নিমিত্তং পর্বতান্ভেদয়ামাসখণ্ডয়ামাস ॥ 3-137-55 দিষ্টং দৈববিহিতম্ ॥অরণ্যপর্ব - অধ্যায় 138
॥ শ্রীঃ ॥
3.138. অধ্যায়ঃ 138
Mahabharata - Vana Parva - Chapter Topics
রৈভ্যাশ্রমে তৎস্নুষায়াঃ পরাবসুভার্যায়া দর্শনাজ্জাতকামেন যবক্রীতেন একান্তে বলাৎকারেণ তদুপভোগঃ ॥ 1 ॥ রুদত্যাতয়া নিবেদিতবৃত্তান্তেন রৌভ্যেণ যবক্রীতহননায় জ্জটাভ্যাং কৃত্যারক্ষসোঃ সর্জ্জনম্ ॥ 2 ॥ কৃত্যযা রূপসংপদা সংমোহ্য কমণ্ডলুহরণএ রাত্রসাভিদ্রাবিতেন যবক্রীতেন স্বপিতুরগ্নিহোত্রগৃহপ্রবেশঃ ॥ 3 ॥ তদাঽন্ধেন দ্বারকশূদ্রেণ নিবারিতস্য যবক্রীতস্য রাক্ষসেন হননম্ ॥ 4 ॥Mahabharata - Vana Parva - Chapter Text
3-138-0 (21170)
লোমশ উবাচ। 3-138-0x (2216)
চঙ্ক্রম্যমাণঃ স তদা যবক্রীরকুতোভয়ঃ।
জগাম মাধবে মাসি রৈভ্যাশ্রমপদং প্রতি ॥ 3-138-1 (21171)
স দদর্শাশ্রমে রম্যে পুষ্পতদ্রুমভূষিতে।
বিচরন্তীং স্নুষাং তস্য কিন্নরীমিব ভারত ॥ 3-138-2 (21172)
যবক্রীস্তামুবাচেদমুপতিষ্ঠস্ব মামিনি।
নির্লজ্জো লজ্জয়া যুক্তাং কামেন হৃতচেতনঃ ॥ 3-138-3 (21173)
সা তস্য শীলমাজ্ঞায় তস্মাচ্ছাপাচ্চ বিভ্যতী।
তেজস্বিতাং চ রৈভ্যস্ তথেত্যুক্ৎবা জগাম হ ॥ 3-138-4 (21174)
তত একান্তমানীয় লজ্জয়ামাস ভারত।
আজগাম তদা রৈভ্যঃ স্বমাশ্রমমরিংদম ॥ 3-138-5 (21175)
রুদতীং চ স্নুষাং দৃষ্ট্বা ভার্যামার্তা পরাবসোঃ।
সান্ৎবয়ঞ্শ্লক্ষ্ণয়া বাচা পর্যপৃচ্ছদ্যুধিষ্ঠির ॥ 3-138-6 (21176)
সা তস্মৈ সর্বমাচষ্ট যবক্রীভাষিতং শুভা।
প্রত্যুক্তং চ যবক্রীতং প্রেক্ষাপূর্বং তথাঽঽত্মনা ॥ 3-138-7 (21177)
শৃণ্বানস্যৈব রৈভ্যস্য যবক্রেস্তদ্বিচেষ্টনম্।
দহন্নিব তদা চেতঃ ক্রোধঃ সমভবন্মহান্ ॥ 3-138-8 (21178)
স তদা মন্যুনাঽঽবিষ্টস্তপস্বী কোপনো ভৃশম্।
অবলুপ্য জটামেকাং জুহাবাগ্নৌ সুসংস্কৃতে ॥ 3-138-9 (21179)
ততঃ সমভবন্নারী তস্যা রূপেণ সংমিতা।
অবলুপ্যাপরাং চাপি জুহাবাগ্নৌ জটাং পুনঃ ॥ 3-138-10 (21180)
ততঃ সমভবদ্রক্ষো দীপ্তাস্যং ঘোরদর্শনম্।
অব্রূতাং তৌ তদা রৈভ্যং কিং কার্যং করবামহে ॥ 3-138-11 (21181)
তাবব্রবীদৃষিঃ ক্রুদ্ধো যবক্রীর্বধ্যতামিতি।
জগ্মতৃস্তৌ তথেত্যুক্ৎবা যবক্রীতজিঘাংসয়া ॥ 3-138-12 (21182)
ততস্তং সমুপাস্থায় কৃত্যা সৃষ্টা মহাত্মনা।
কমণ্ডলুং জহারাস্য মোহয়িৎবা তু ভারত ॥ 3-138-13 (21183)
উচ্ছিষ্টং তু যবক্রীতমপকৃষ্টকমণ্ডলুম্।
তত উদ্যতশূলঃ স রাক্ষসঃ সমুপাদ্রবৎ ॥ 3-138-14 (21184)
তমাদ্রবন্তং সংপ্রেক্ষ্য শূলহস্তং জিঘাংসয়া।
যবক্রীঃ সহসোত্থায় প্রাদ্রবদ্যত্রবৈ সরঃ ॥ 3-138-15 (21185)
জলহীনং সরো দৃষ্ট্বা যবক্রীস্ৎবরিতঃ পুনঃ।
জগাম সরিতঃ সর্বাস্তাশ্চাপ্যাসন্বিশোষিতাঃ ॥ 3-138-16 (21186)
স কাল্যমানো ঘোরেণ শূলহস্তেন রক্ষসা।
অগ্নিহোত্রে পিতুর্ভীতঃ সহসা প্রবিবেশ হ ॥ 3-138-17 (21187)
স বৈ প্রবিশমানস্তু শুদ্রেণান্ধেন রক্ষিণা।
নিগৃহীতো বলাদ্দ্বারি সোঽবাতিষ্ঠত পার্থিব ॥ 3-138-18 (21188)
নিগৃহীতং তু শূদ্রেণ যবক্রীতং স রাক্ষসঃ।
তাডয়ামাস শূলেন স ভিন্নহৃদয়োঽপতৎ ॥ 3-138-19 (21189)
যবক্রীতং স হৎবা তু রাক্ষসো রৈভ্যমাগমৎ।
অনুজ্ঞাতস্তু রৈভ্যেণ তয়া নার্যা সহাবসৎ ॥ 3-138-20 (21190)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি অষ্টত্রিংশদধিকশততমোঽধ্যায়ঃ ॥ 138 ॥
Mahabharata - Vana Parva - Chapter Footnotes
3-138-5 একান্তমুন্নীয় মজ্জয়ামাসেতি ঝ. পাঠঃ। তত্র একান্তং উন্নীয় একান্তে কার্যং রতং সমাপ্য মজ্জয়ামাস সংমুদ্রে ইত্যর্থঃ ॥ 3-138-7 প্রত্যুক্তং প্রত্যাখ্যাতম্। মদুপরি বলাৎকারং কৃতবানিত্যুক্তবতীত্যর্থঃ ॥ 3-138-10 নারী কৃত্যা ॥ 3-138-17 কাল্যমানঃ সর্বতো নিষিধ্যমানঃ অগ্নিহোত্রে অগ্নিহোত্রশালায়াম্ ॥ 3-138-18 অবাতিষ্ঠত বহিরেব ॥অরণ্যপর্ব - অধ্যায় 139
॥ শ্রীঃ ॥
3.139. অধ্যায়ঃ 139
Mahabharata - Vana Parva - Chapter Topics
দ্বাররক্ষকশূদ্রেণ নিবেদিতপুত্রমরণেন ভরদ্বাজেন রৈভ্যস্যাপি জ্যেষ্ঠসুতেন হননরূপশাপদানম্ ॥ 1 ॥ পুত্রমরণদুঃখিতেন ভরদ্বাজেন তদ্দেহদহনপূর্বকমগ্নৌ প্রবেশঃ ॥ 2 ॥Mahabharata - Vana Parva - Chapter Text
3-139-0 (21191)
লোমশ উবাচ। 3-139-0x (2217)
ভরদ্বাজস্তু কৌন্তেয় কৃৎবা স্বাধ্যায়মাহ্নিকম্।
সমিৎকলাপমাদায় প্রবিবেশ স্বমাশ্রমম্ ॥ 3-139-1 (21192)
তং স্ম দৃষ্ট্বা পুরা সর্বে প্রত্যুত্তিষ্ঠিন্তি পাবকাঃ।
ন ৎবেনমুপতিষ্ঠন্তি হতপুত্রং তদাঽগ্নয়ঃ ॥ 3-139-2 (21193)
বৈকৃতংৎবগ্নিহোত্রে স লক্ষয়িৎবা মহাতপাঃ।
তমন্ধং শূদ্রমাসীনং গৃহপালমথাব্রবীৎ ॥ 3-139-3 (21194)
কিংনু মে নাগ্নয়ঃ শূদ্র প্রতিনন্দন্তি দর্শনম্।
ৎবং চাপি ন যথাপূর্বং কচ্চিৎক্ষেমমিহাশ্রমে ॥ 3-139-4 (21195)
কচ্চিন্ন রৈভ্যং পুত্রো মে গতবানল্পচেতনঃ।
এতদাচক্ষ্ব মে শীঘ্রং ন হি শুদ্ধ্যতি মে মনঃ ॥ 3-139-5 (21196)
শূদ্র উবাচ। 3-139-6x (2218)
রৈভ্যং যাতো নূনময়ং পুত্রস্তে মন্দচেতনঃ।
তথাহি নিহতঃ শেতে রাক্ষসেন মহাত্মনা ॥ 3-139-6 (21197)
প্রকাল্যমানস্তেনায়ং শূলহস্তেন রক্ষসা।
অগ্ন্যগারং প্রতিদ্বারি ময়া দোর্ভ্যাং নিবারিতঃ ॥ 3-139-7 (21198)
ততঃ স বিহতাশোঽত্রজলকামোশুচির্ধ্রুবম্।
নিহতঃ সোঽতিবেগেন শূলহস্তেন রক্ষসা ॥ 3-139-8 (21199)
লোমশ উবাচ। 3-139-8x (2219)
ভরদ্বাজস্তু তচ্ছ্রুৎবা শূদ্রস্য বিপ্রিয়ং মহৎ।
গতাসুং পুত্রমাদায় বিললাপ সুদুঃখিতঃ ॥ 3-139-9 (21200)
ভরদ্বাজ উবাচ। 3-139-10x (2220)
রব্রাহ্মণানাং কিলার্থায় ননু ৎবং তপ্তবাংস্তপঃ।
দ্বিজানামনধীতা বৈ বেদাঃ সংপ্রতিভান্ৎবিতি ॥ 3-139-10 (21201)
তথা কল্যাণশীলস্ৎবং ব্রাহ্মণেষুমহাত্মসু।
অনাগাঃ সর্বভূতেষু কর্কশৎবমুপেয়িবান্ ॥ 3-139-11 (21202)
প্রতিষিদ্ধো ময়া তাত রৈভ্যাবসথদর্শনাৎ।
গতবানেব তং ক্ষুদ্রং কালান্তকয়মোপমম্ ॥ 3-139-12 (21203)
যঃ স জানন্মহাতেজা বৃদ্ধস্যৈকং মমাত্মজম্।
গতবানেব কোপস্য বশং পরমদুর্মতিঃ ॥ 3-139-13 (21204)
পুত্রশোকমনুপ্রাপ্ত এষ রৈভ্যস্য কর্মণা।
ত্যক্ষ্যামি ৎবামৃতেপুত্র প্রাণানিষ্টতমান্ভুবি ॥ 3-139-14 (21205)
যথাঽহং পুত্রশোকেন দেহং ত্যক্ষ্যামি কিল্বিষী।
তথা জ্যেষ্ঠঃ সুতো রৈভ্যং হিংস্যাচ্ছীঘ্রমনাগসম্ ॥ 3-139-15 (21206)
সুখিনো বৈ নরা যেষাং জায়া পুত্রো ন বিদ্যতে।
যে পুত্রশোকমপ্রাপ্য বিচরন্তি যথাসুখম্ ॥ 3-139-16 (21207)
যে তু পুত্রকৃতাচ্ছোকাদ্ভৃশং ব্যাকুলচেতসঃ।
শপন্তীষ্টান্সখীনার্তাস্তেভ্যঃ পাপতরো নু কঃ ॥ 3-139-17 (21208)
পরাসুশ্চ সুতো দৃষ্টঃ শপ্তশ্চৈষ্টঃ সখা ময়া।
ঈদৃশীমাপদং কোত্র দ্বিতীয়োঽনুবিষ্যতি ॥ 3-139-18 (21209)
লোমশ উবাচ। 3-139-19x (2221)
বিলপ্যৈবং বহুবিধং ভরদ্বাজোঽদহৎসুতম্।
সুসমিদ্ধং ততঃ পশ্চাৎপ্রবিবেশ হুতাশনম্ ॥ 3-139-19 (21210)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একোনচৎবারিংশদধিকশততমোঽধ্যায়ঃ ॥ 139 ॥
Mahabharata - Vana Parva - Chapter Footnotes
3-139-1 আহ্নিকং স্বাধ্যায়ং প্রত্যহং কর্তব্যং ব্রহ্ময়জ্ঞম্ ॥ 3-139-2 হতপুত্রৎবেন আশৌচয়ুক্তৎবাৎ ॥ 3-139-5 শুদ্ধ্যতি নিঃসংদেহং ভবতি ॥ 3-139-7 অগ্ন্যগারং প্রবিষ্টস্ রক্ষোভয়ং ন ভবেদিতি ॥ 3-139-9 শূদ্রস্য শূদ্রকৃতং বিপ্রিয়ং পুত্রনিরোধেন কৃতম্ ॥ 3-139-15 কিল্বিষী শোকাকান্তঃ ॥অরণ্যপর্ব - অধ্যায় 140
॥ শ্রীঃ ॥
3.140. অধ্যায়ঃ 140
Mahabharata - Vana Parva - Chapter Topics
রৈভ্যযাজ্যেন বৃহদ্দ্যুম্নেন সত্রে সহায়ৎবেন বৃতয়োরর্বাবসুপরাবস্বোস্তদর্থং গমনম্ ॥ 1 ॥ ভার্যাদিদৃক্ষয়া পুনরাশ্রমং গতেন পরাবসুনা রাত্রৌ মৃগভ্রমেণ কৃষ্ণাজিনসংবীতস্য রৈভ্যস্য হননম্ ॥ 2 ॥ পরাবসুচোদনয়া বৃহদ্দ্যুম্নেন ব্রহ্মহত্যাগ্রস্ত ইতি প্রোৎসার্যমাণেনার্বাবসুনা তপঃপ্রসাদিতসূর্যাদিদেবেভ্যো রৈভ্যভরদ্বাজয়বক্রীতোত্থানাদিবরগ্রহণম্ ॥ 3 ॥ দেবৈর্যবক্রীতদুঃখস্য বনোপদেশং বেদাভ্যাসফলৎবকথনপূর্বকং রৈভ্যাদীনামুজ্জীবনম্ ॥ 4 ॥Mahabharata - Vana Parva - Chapter Text
3-140-0 (21211)
লোমশ উবাচ। 3-140-0x (2222)
এতস্মিন্নেব কালে তু বৃহদ্দ্যুম্নো মহীপতিঃ।
সত্রং তেনে মহাভাগো রৈভ্যযাজ্যঃ প্রতাপবান্ ॥ 3-140-1 (21212)
তেন রৈভ্যস্য বৈ পুত্রাবর্বাবসুপরাসূ।
বৃতৌ সহায়ৌ সত্রার্থং বৃহদ্দ্যুম্নেন ধীমতা ॥ 3-140-2 (21213)
তত্র তৌ সমনুজ্ঞাতৌ পিত্রা কৌন্তেয় জগ্মতুঃ।
আশ্রমে ৎবভবদ্রৈভ্যো ভার্যা চৈব পরাবসোঃ ॥ 3-140-3 (21214)
অথাবলোককোঽগচ্ছদ্গৃহানকঃ পরাবসুঃ।
কৃষ্ণাজিনেন সংবীতং দদর্শ পিতরং বনে ॥ 3-140-4 (21215)
জঘন্যরাত্রে নিদ্রান্ধঃ সাবশেষে তমস্যাপি।
চরন্তং গহনেঽরণ্যে মেনে স পিতরং মৃগম্ ॥ 3-140-5 (21216)
মৃগং তু মন্যমানেন পিতা বৈ তেন হিংসিতঃ।
অকাময়ানেন তদা শরীরত্রাণমিচ্ছতা ॥ 3-140-6 (21217)
তস্য স প্রেতকার্যাণি কৃৎবা সর্বাণি ভারত।
পুনরাগম্য তৎসত্রমব্রবীদ্ধাতরং বচঃ ॥ 3-140-7 (21218)
ইদং কর্ম ন শক্তস্ৎবং বোঢুমেকঃ কথংচন।
ময়া চ হিংসিতস্তাতো মন্যমানেন বৈ মৃগম্ ॥ 3-140-8 (21219)
সোঽস্মদর্থে ব্রতং তাত চর ৎবং ব্রহ্মঘাতিনাম্।
সমর্থো হ্যহমেকাকী কর্ম কর্তুমিদং মুনে ॥ 3-140-9 (21220)
অর্বাবসুরুবাচ। 3-140-10x (2223)
করোতু বৈ ভবান্সত্রং বৃহদ্দ্যুম্নস্য ধীমতঃ।
ব্রহ্মহত্যাং চরিষ্যেঽহং ৎবদর্থং নিয়তেন্দ্রিয়ঃ ॥ 3-140-10 (21221)
লোমশ উবাচ। 3-140-11x (2224)
স তস্যব্রহ্মহত্যায়াঃ পারং গৎবা যুধিষ্ঠির।
অর্বাবসুস্তদা সত্রমাজগাম পুনর্মুনিঃ ॥ 3-140-11 (21222)
ততঃ পরাবসুর্দৃষ্ট্বা ভ্রাতরং সমুপস্থিতম্।
বৃহদ্দ্যুম্নমুবাচেদং বচনং হর্ষগদ্গদম্ ॥ 3-140-12 (21223)
এষ তে ব্রহ্মহা যজ্ঞং মা দ্রষ্টুং প্রবিশেদিতি।
ব্রহ্মহা প্রেক্ষিতেনাপি পীডয়েত্ৎবামসংশয়ম্ ॥ 3-140-13 (21224)
লোমশ উবাচ। 3-140-14x (2225)
তচ্ছ্রুৎবৈব তদা রাজা প্রেষ্যানাহ স বিট্পতে।
প্রেষ্যৈরুৎসার্যমাণস্তু রাজন্নর্বাবসুস্তদা।
ন ময়া ব্রহ্মহত্যেয়ং কৃতেত্যাহ পুনঃপুনঃ ॥ 3-140-14 (21225)
উচ্যমানোঽসকৃৎপ্রেষ্যৈর্ব্রহ্মহা ইতি ভারত।
নৈবস্ম প্রতিজানামি ব্র্হমহত্যাং স্বয়ংকৃতাম্।
মম ভ্রাত্রা কৃতমিদং ময়া স পরিমোক্ষিতঃ ॥ 3-140-15 (21226)
স তথা প্রবদন্ক্রোধাত্তৈশ্চ প্রেষ্যৈঃ প্রভাষিতঃ।
তূষ্ণীং জগাম ব্রহ্মর্ষির্বনমেব মহাতপাঃ ॥ 3-140-16 (21227)
উগ্রং তপঃ সমাস্থায় দিবাকরমথাশ্রিতঃ।
রহস্যবেদং কৃতবান্সূর্যস্য দ্বিজসত্তমঃ ॥ 3-140-17 (21228)
মূর্তিমাংস্তং দদর্শাথ স্বয়মগ্রভুগব্যযঃ ॥ 3-140-19aপ্রীতাস্তস্যাভবন্দেবাঃ কর্মণাঽর্বাবসোর্নৃপ।
তং তে প্রবরয়ামাসুর্নিরাসুশ্চ পরাবসুম্ ॥ 3-140-18 (21229)
ততো দেবা বরং তস্মৈ দদুরগ্নিপুরোগমাঃ ॥ 3-140-20 (21230)
স চাপি বরয়ামাস পিতুরুত্থানমাত্মনঃ।
অনাগস্ৎবং ততো ভ্রাতুঃ পিতুশ্চাস্মরণং বধে ॥ 3-140-21 (21231)
ভরদ্বাজস্য চোত্থানং যবক্রীতস্য চোভয়োঃ।
প্রতিষ্ঠাং চাপি বেদস্য সৌরস্য দ্বিজসত্তমঃ ॥ 3-140-22 (21232)
এবমস্ৎবিতি তং দেবাঃ প্রোচুশ্চাপি বরান্দদুঃ।
ততঃ প্রাদুর্বভূবুস্তে সর্ব এব যুধিষ্ঠির ॥ 3-140-23 (21233)
অথাব্রবীদ্যবক্রীতো দেবানগ্নিপুরোগমান্।
সমধীতং ময়া ব্রহ্ম ব্রতানি চরিতানি চ ॥ 3-140-24 (21234)
কথং চ রৈভ্যঃ শক্তো মামদীয়ানং তপস্বিনম্।
তথায়ুক্তেন বিধিনা নিহন্তুমমরোত্তমাঃ ॥ 3-140-25 (21235)
দেবা ঊচুঃ। 3-140-26x (2226)
মৈবং কৃথা যবক্রীত যথা বদসি বৈ মুনে।
ঋতে গুরুমধীতা হি স্বয়ং বেদাস্ৎবয়া পুরা ॥ 3-140-26 (21236)
অনন তু গুরূনদুঃখাত্তোষয়িৎবাঽঽত্মক্রমণা।
কালেন মহতা ক্লেশাদ্ব্রহ্মাধিগতমুত্তমম্ ॥ 3-140-27 (21237)
লোমশ উবাচ। 3-140-28x (2227)
যবক্রীতমথোক্ৎবৈবং দেবাঃ সাগ্নিপুরোগমাঃ।
সংজীবয়িৎবা তান্সর্বান্পুনর্জগ্মুস্ত্রিবিষ্টপম্ ॥ 3-140-28 (21238)
`ততো বৈ স যবক্রীতো ব্রহ্মচর্যং চচার হ।
অষ্টাদশ চ বর্ষাণি ত্রিংশতং চ যুধিষ্ঠির' ॥ 3-140-29 (21239)
আস্রমস্তস্য পুণ্যোঽয়ং সদাপুষ্পফলদ্রুমঃ।
অত্রোষ্য রাজশার্দূল সর্বপাপৈঃ প্রভোক্ষ্যসে ॥ 3-140-30 (21240)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি চৎবারিংশদধিকশততমোঽধ্যায়ঃ ॥ 140 ॥
Mahabharata - Vana Parva - Chapter Footnotes
3-140-4 অবলোককঃ অবলোকনার্থী। গৃহান্ভার্যাম্ ॥ 3-140-5 জঘানরাত্রাবিতি ধ. পাঠঃ ॥ 3-140-9 চর ৎবং ব্রহ্মরক্ষণে ইতি ধ. পাঠঃ ॥ 3-140-14 বিট্পতে হে প্রজাধীশ ॥ 3-140-16 প্রভাষিতো মিথ্যাবাদ্যসীত্যধিক্ষিপ্তঃ ॥ 3-140-17 রহস্যবেদং সূর্যমন্ত্রপ্রকাশকং বেদম্ ॥ 3-140-18 মূর্তিমান্সূর্যস্তং দ্বিজং দদর্শং আত্মানং দর্শয়ামাস ॥ 3-140-19 তং দেবাঃ প্রকর্ষেণ বরয়ামাসুঃ। নিরাসুর্নিরাচক্রুর্যজ্ঞাদিতি শেষঃ ॥ 3-140-22 প্রতিষ্ঠাং সংপ্রদায়প্রবৃত্তিম্। সৌরস্য সূর্যপ্রকাশকস্য ॥ 3-140-24 সমধীতং সাম্যক্প্রাপ্তম্। ব্রহ্ম বেদঃ ॥অরণ্যপর্ব - অধ্যায় 141
॥ শ্রীঃ ॥
3.141. অধ্যায়ঃ 141
Mahabharata - Vana Parva - Chapter Topics
লোমশচোদনয়া যুধিষ্ঠিরেণ কৈলাসাদিগিরিপ্রবেশঃ ॥ 1 ॥Mahabharata - Vana Parva - Chapter Text
3-141-0 (21241)
লোমশ উবাচ। 3-141-0x (2228)
উশীরবীজং মৈনাকং গিরিং শ্বেতং চ ভারত।
সমতীতোঽসি কৌন্তেয় কালশৈলং চ পার্থিব ॥ 3-141-1 (21242)
এষা গঙ্গা সপ্তবিধা রাজতে ভরতর্ষভ।
স্থানং বিরজসং পুণ্যং যত্রাগ্নির্নিত্যমিধ্যতে ॥ 3-141-2 (21243)
এতদ্বৈ মানুষেণাদ্য ন শক্যং দ্রষ্টুমদ্ভুতম্।
সমাধিং কুরুতাব্যগ্রাস্তীর্থান্যেতানি দ্রক্ষ্যথ ॥ 3-141-3 (21244)
এতদ্দ্রক্ষ্যসি দেবানামাক্রীডং চ রণাঙ্কিতম্।
অতিক্রান্তোসি কৌন্তেয় কালশৈলং চ পর্বতম্ ॥ 3-141-4 (21245)
শ্বেতং গিরিং প্রবেক্ষ্যামো মন্দরং চৈব পর্বতম্।
যত্র মাণিবরো যক্ষঃ কুবেরশ্চৈব যক্ষরাট্ ॥ 3-141-5 (21246)
অষ্টাশীতিসহস্রাণি গন্ধর্বাঃ শীঘ্রগামিনঃ।
তথা কিংপুরুষা রাজন্যক্ষাশ্চৈব চতুর্গুণাঃ ॥ 3-141-6 (21247)
অনেকরূপসংস্থানা নানাপ্রহরণাশ্চ তে।
যক্ষেন্দ্রং মনুজশ্রেষ্ঠ মাণিভদ্রমুপাসতে ॥ 3-141-7 (21248)
তেষামৃদ্ধিরতীবাত্র গতৌ বায়ুসমাশ্চ তে।
যক্ষেন্দ্রং মনুজশ্রেষ্ঠ মাণিভদ্রমুপাসতে ॥ 3-141-8 (21249)
তৈস্তাত বলিভির্গুপ্তা যাতুধানৈশ্চ রক্ষিতাঃ।
দুর্গমাঃ পর্বতাঃ পার্থ সমাধিং পরমং কুরু ॥ 3-141-9 (21250)
কুবেরসচিবাশ্চান্যে রৌদ্রা মৈত্রাশ্চ রাক্ষসাঃ।
তৈঃ সমেষ্যাম কৌন্তেয় যত্তো বিক্রমণে ভব ॥ 3-141-10 (21251)
কৈলাসঃ পর্বতো রাজন্পড্যোজনশতোচ্ছ্রিতঃ।
যত্রদেবাঃ সমায়ান্তি বিশালা যত্র ভারত ॥ 3-141-11 (21252)
অসঙ্খ্যেয়াস্তু কৌন্তেয় যক্ষরাক্ষসকিন্নরাঃ।
নাগাঃ সুপর্ণা গন্ধর্বাঃ কুবেরসদনং প্রতি ॥ 3-141-12 (21253)
তান্বিগাহস্ব পার্থাদ্য তপসা চ দমেন চ।
রক্ষ্যমাণো ময়া রাজন্ভীমসেনবলেন চ ॥ 3-141-13 (21254)
স্বস্তি তে বরুণো রাজা যমশ্চ সমিতিংজয়ঃ।
গঙ্গা চ যমুনা চৈব পর্বতাশ্চ দিশন্তু তে ॥ 3-141-14 (21255)
মরুতশ্চ সহাশ্বিভ্যাং সরিতশ্চ সরাংসি চ।
স্বস্তি দেবাসুরেভ্যশ্চ বসুভ্যশ্ মহাদ্যুতে ॥ 3-141-15 (21256)
ইন্দ্রস্য জাম্বূনদপর্বতাদ্বৈ
শৃণোমি ঘোষং তব দেবি গঙ্গে।
গোপায়যেমং সুভগে গিরিভ্যঃ
সর্বাজমীঢাপচিতং নরেন্দ্রম্ ॥ 3-141-16 (21257)
দদস্ব শর্ম প্রবিবিক্ষতোঽস্য
শৈলানিমাঞ্ছৈলসুতে নৃপস্য।
`শিবপ্রদা সর্বসরিৎপ্রধানে
স ভ্রাতৃকস্যেহ যুধিষ্ঠিরস্য'। 3-141-17 (21258)
যুধিষ্ঠির উবাচ। 3-141-18x (2229)
অপূর্বোঽয়ং সংভ্রমো লোমশস্য
কৃষ্ণাং চ সর্বে রক্ষত মা প্রমাদঃ।
দেশো হ্যযং দুর্গতমো মতোঽস্য
তস্মাৎপরং শৌচমিহাচরধ্বম্ ॥ 3-141-18 (21259)
বৈশম্পায়ন উবাচ। 3-141-19x (2230)
ততোঽব্রবীদ্ভীমমুদারবীর্যং
কৃষ্ণাং যত্তঃ পালয় ভীমসেন।
শূন্যেঽর্জুনেঽসন্নিহিতে চ তাত
ৎবামেব কৃষ্ণা ভজতে ভয়েষু ॥ 3-141-19 (21260)
ততো মহাত্মাং স যমৌ সমেত্য
মূর্ধন্যুপাঘ্রায় বিমৃজ্যগাত্রে।
উবাচ তৌ বাষ্পকলং স রাজা
মা বৈষ্টমাগচ্ছতমপ্রমত্তৌ ॥ 3-141-20 (21261)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একচৎবারিংশদধিকশততমোঽধ্যায়ঃ ॥ 141 ॥
Mahabharata - Vana Parva - Chapter Footnotes
3-141-1 কৈলাসং চাপি পর্বতম্ ইতি ক. পাঠঃ ॥ 3-141-2 যত্রাগ্নির্নিত্যমিধ্যত ইতি ত্রিয়োগিনারায়ণাখ্যং হরিদ্বারাৎ পরতঃ স্থানমস্তি ॥ 3-141-11 বিশালা বদরী ॥ 3-141-16 ইন্দ্রস্য ইন্দ্রসংবন্ধিনঃ। জাম্বূনদং সুবর্ণং তন্ময়াৎপর্বতান্মেরোঃ। আজমীঢবংশে অপচিতং পূজিতং শ্রেষ্ঠমিত্যর্থঃ ॥ 3-141-17 দদশ্ব দেহি ॥ 3-141-18 শৌচং বাঙ্যনঃকায়শুদ্ধিম্ ॥ 3-141-20 ভৈষ্টমিতি চ্ছেদঃ ॥অরণ্যপর্ব - অধ্যায় 142
॥ শ্রীঃ ॥
3.142. অধ্যায়ঃ 142
Mahabharata - Vana Parva - Chapter Topics
ভীমেন দুর্গমে গমনাক্ষমতয়া যুধিষ্ঠিরনিবারিতানাং দ্রৌপদ্যাদীনাং বহনাঙ্গীকারঃ ॥ 1 ॥ পথি কুলিন্দাধিপতিনা সুবাহুনা পূজিতৈর্যুধিষ্ঠিরাদিভিস্তস্যিন্ভৃত্যবর্গস্থাপনপূর্বকমর্জুনদিদৃক্ষয়া গন্ধমাদনংপ্রতি প্রস্থানম্ ॥ 2 ॥Mahabharata - Vana Parva - Chapter Text
3-142-0 (21262)
যুধিষ্ঠির উবাচ। 3-142-0x (2231)
অন্তর্হিতানি ভূতানি রক্ষাংসি বলবন্তি চ।
অগ্নিনা তপসা চৈব শক্যং গন্তুং বৃকোদর ॥ 3-142-1 (21263)
সন্নিবর্তয় কৌন্তেয় ক্ষুৎপিপাসে বলাশ্রয়াৎ।
ততো বলং চ দাক্ষ্যং চ সংশ্রয়স্ব বৃকোদর ॥ 3-142-2 (21264)
ঋষেস্ৎবয়া শ্রুতং বাক্যং কৈলাসং পর্বতং প্রতি।
বুদ্ধ্যা প্রপশ্য কৌন্তেয় কথং কৃষ্ণা গমিষ্যতি ॥ 3-142-3 (21265)
অথবা সহদেবেন ধৌম্যেন চ সমং বিভো।
সূতৈঃ পৌরোগবৈশ্চৈব সর্বৈশ্চ পরিচারকৈঃ ॥ 3-142-4 (21266)
রথৈরশ্বৈশ্চ যে চান্যে বিপ্রাঃ ক্লেশাসহাঃ পথি।
সর্বৈস্ৎবং সহিতো ভীম নিবর্তস্বায়তেক্ষণ ॥ 3-142-5 (21267)
ত্রয়ো বয়ং গমিষ্যামো লধ্বাহারা যতব্রতাঃ।
অহং চ নকুলশ্চৈব লোমশশ্চ মহাতপাঃ ॥ 3-142-6 (21268)
মমাগমনমাকাঙ্ক্ষন্গ্গাদ্বারে সমাহিতঃ।
বসেহ দ্রৌপদীং রক্ষন্যাবদাগমনং মম ॥ 3-142-7 (21269)
ভীম উবাচ। 3-142-8x (2232)
রাজপুত্রী শ্রমেণার্তা দুঃখার্তা চৈব ভারত।
ব্রজত্যেব হি কল্যাণী শ্বেতবাহদিদৃক্ষয়া ॥ 3-142-8 (21270)
তবচাপ্যরতিস্তীব্রা বর্ততে তমপশ্যতঃ।
গুডাকেশং মহাত্মানং সংগ্রামেষ্বপলায়িনম্।
কিং পুনঃ সহদেবং চ মাং চ কৃষ্ণাং চ ভারত ॥ 3-142-9 (21271)
দ্বিজাঃ কামং নিবর্তন্তাং সর্বে চ পরিচারকাঃ।
সূতাঃ পৌরোগবাশ্চৈব যং চ মন্যেত নো ভবান্ ॥ 3-142-10 (21272)
ন হ্যহং হাতুমিচ্ছামি ভবন্তমিহ কর্হিচিৎ।
শৈলেঽস্মিন্রাক্ষসাকীর্ণে দুর্গেষু বিপমেষু চ ॥ 3-142-11 (21273)
ইয়ং চাপি মহাভাগা রাজপুত্রী পতিব্রতা।
ৎবামৃতে পুরুষব্যাঘ্র নোৎসহেদ্বিনিবর্তিতুম্ ॥ 3-142-12 (21274)
তথৈবসহদেবোঽয়ং সততং ৎবামনুব্রতঃ।
ন জাতু বিনিবর্তেত মতজ্ঞো হ্যহমস্য বৈ ॥ 3-142-13 (21275)
অপিচাত্র মহারাজ সব্যসাচিদিদৃক্ষয়া।
সর্বে লালসভূতাঃ স্ম তস্মাদ্যাস্যামহে সহ ॥ 3-142-14 (21276)
যদ্যশক্যো রথৈর্গন্তুং শৈলোঽয়ং বহুকন্দরঃ।
পদ্ভিরেব গমিষ্যামো মা রাজন্বিমনা ভব ॥ 3-142-15 (21277)
অহং বহিষ্যে পাঞ্চালীং যত্রয়ত্র ন শক্ষ্যতি।
ইতি মে বর্ততে বুদ্ধির্মা রাজন্বিমনা ভব ॥ 3-142-16 (21278)
সুকুমারৌ তথা বীরৌ মাদ্রীনন্দিকরাবুভৌ।
দুর্গে সংতারয়িষ্যামি যত্রাশক্তৌ ভবিষ্যতঃ ॥ 3-142-17 (21279)
যুধিষ্ঠির উবাচ। 3-142-18x (2233)
এবং তে ভাষমাণস্য বলং ভীমাভিবর্ধতাম্।
যত্ৎবমুৎসহসে বোঢুং পাঞ্চালীং বিপুলেঽধ্বনি ॥ 3-142-18 (21280)
যমজৌ চাপি ভদ্রং তে নৈতদন্যত্র বিদ্যতে।
বলং তব যশশ্চৈবধর্মঃ কীর্তিশ্চ বর্ধতাম্ ॥ 3-142-19 (21281)
যত্ৎবমুৎসহসে নেতুং ভ্রাতরৌ সহ কৃষ্ণয়া।
মা তে গ্লানির্মহাবাহো মা চ তেঽস্তু পরাভবঃ ॥ 3-142-20 (21282)
বৈশম্পায়ন উবাচ। 3-142-21x (2234)
ততঃ কৃষ্ণাঽব্রবীদ্বাক্যং প্রহসন্তী মনোরমা।
গমিষ্যামি ন সংতাপ কার্যো মাং প্রতি ভারত ॥ 3-142-21 (21283)
লোমশ উবাচ। 3-142-22x (2235)
তপসা শক্যতে গন্তুং পর্বতো গন্ধমাদনঃ।
তপসা চৈব কৌন্তেয় সর্বে যোক্ষ্যামহে বয়ম্ ॥ 3-142-22 (21284)
নকুলঃ সহদেবশ্চ ভীমসেনশ্ পার্থিব।
অহং চ ৎবং চ কৌন্তেয় দ্রক্ষ্যামঃ শ্বেতবাহনম্ ॥ 3-142-23 (21285)
বৈশম্পায়ন উবাচ। 3-142-24x (2236)
এবং সংভাষমাণাস্তে সুবাহুবিষয়ং মহৎ।
দদৃশুর্মুদিতা রাজন্প্রভূতগজবাজিমৎ ॥ 3-142-24 (21286)
কিরাততঙ্গণাকীর্ণং পুলিন্দশতসংকুলম্।
হিমবত্যমরৈর্জুষ্টং বহ্বাশ্চর্যসমাকুলম্।
সুবাহুশ্চাপি তান্দৃষ্ট্বা পূজয়াপ্রত্যগৃহ্ণত ॥ 3-142-25 (21287)
বিষয়ান্তে কুলিন্দানামীশ্বরঃ প্রীতিপূর্বকম্।
তত্র তে পূজিতাস্তেন সর্ব এব সুখোপিতাঃ ॥ 3-142-26 (21288)
প্রতস্থুর্বিমলে সূর্যে হিমবন্তং গিরিং প্রতি।
ইন্দ্রসেনমুখাংশ্চাপি ভৃত্যান্পৌরোগবাংস্তথা ॥ 3-142-27 (21289)
সূদাংশ্চ পারিবর্হাংশ্চ দ্রৌপদ্যাঃ সর্বশো নৃপ।
রাজ্ঞঃ কুলিন্দাধিপতেঃ পরিদায় মহারথাঃ ॥ 3-142-28 (21290)
পদ্ভিরেব মহাবীর্যা যয়ুঃ কৌরবনন্দনাঃ।
তে শনৈঃ প্রাদ্রবন্সর্বে কৃষ্ণয়া সহ পাণ্ডবাঃ।
তস্মাদ্দেশাৎসুসংহৃষ্টা দ্রষ্টুকামা ধনংজয়ম্ ॥ 3-142-29 (21291)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি দ্বিচৎবারিংশদধিকশততমোঽধ্যায়ঃ ॥ 142 ॥
Mahabharata - Vana Parva - Chapter Footnotes
3-142-28 পরিদায় রক্ষার্থং সমর্প্য ॥অরণ্যপর্ব - অধ্যায় 143
॥ শ্রীঃ ॥
3.143. অধ্যায়ঃ 143
Mahabharata - Vana Parva - Chapter Topics
ধনংজয়াদর্সনদুঃখিতেন যুধিষ্ঠিরেণ ভীমংপ্রতি ধনংজয়প্রশংসনপূর্বকং তদ্দর্শনায় গন্ধমাদনপ্রবেশনিশ্চয়ঃ ॥ 1 ॥Mahabharata - Vana Parva - Chapter Text
3-143-0 (21292)
যুধিষ্ঠির উবাচ। 3-143-0x (2237)
ভীমসেনয়মৌ চোভৌ পাঞ্চালি চ নিবোধত।
নাস্তি ভূতস্য নাশো বৈ পশ্যতাস্মান্বনেচরান্ ॥ 3-143-1 (21293)
দুর্বলাঃ ক্লেশিতাঃ স্মেতি যদ্ব্রুবামেতরেতরম্।
অশক্যেঽপি ব্রজামো যদ্নংজয়দিদৃক্ষয়া ॥ 3-143-2 (21294)
তন্মে দহতি গাত্রাণি তূলরাশিমিবানলঃ।
যচ্চ বীরং ন পশ্যামি ধনংজয়মুপান্তিকে ॥ 3-143-3 (21295)
তস্যাদর্শনতপ্তং মাং সানুজং বনমাস্থিতম্।
যাজ্ঞসেন্যাঃ পরামর্শঃ স চ বীর দহত্যুত ॥ 3-143-4 (21296)
নকুলাৎপূর্বজং পার্থং ন পশ্যাম্যমিতৌজসম্।
অজেয়মুগ্রধন্বানং তেন তপ্যে বৃকোদর ॥ 3-143-5 (21297)
তীর্থানি চৈব রম্যাণি বনানি চ সরাংসি চ।
চরামি সহ যুষ্মাভিস্তস্য দর্শনকাঙ্ক্ষয়া ॥ 3-143-6 (21298)
পঞ্চবর্ষাণ্যহং বীরং সত্যসন্ধং ধনংজয়ম্।
যন্ন পশ্যামি বীভৎসুং তেন তপ্যে বৃকোদর ॥ 3-143-7 (21299)
তং বৈ শ্যামং গুডাকেশং সিংহবিক্রান্তগামিনম্।
ন পশ্যামি মহাবাহুং তেন তপ্যে বৃকোদর ॥ 3-143-8 (21300)
কৃতাস্ত্রং নিপুণং যুদ্দেঽব্রতিমানং ধনুষ্মতাম্।
ন পশ্যামি কুরুশ্রেষ্ঠ তেন তপ্যে বৃকোদর ॥ 3-143-9 (21301)
চরন্তমরিসঙ্ঘেষু ক্রুদ্ধং কালমিবানঘ।
প্রভিন্নমিব মাতঙ্গং সিংহস্কন্ধং ধনংজয়ম্ ॥ 3-143-10 (21302)
যঃ স শক্রাদনবরো বীর্যেণ চ বলেন চ।
যময়োঃ পূর্বজঃ পার্থঃ শ্বেতাশ্বোঽমিতবিক্রমঃ ॥ 3-143-11 (21303)
`নারায়ণসমো যুদ্ধে সত্যসন্ধো দৃঢব্রতঃ।
তং মমাপশ্যতো ভীম ন শান্তির্হৃদয়স্য বৈ' ॥ 3-143-12 (21304)
দুঃখেন মহতাঽঽবিষ্টশ্চিন্তয়ামি দিবানিশম্।
অজেয়মুগ্রধন্বানং তেন তপ্যে বৃকোদর ॥ 3-143-13 (21305)
সততং যঃ ক্ষমাশীলঃ ক্ষিপ্যমাণোঽপ্যণীয়সা।
ঋজুমার্গপ্রপন্নস্য শর্মদাতা ভয়স্য চ ॥ 3-143-14 (21306)
স তু জিহ্মপ্রবৃত্তস্য মায়যাঽভিজিঘাংসতঃ।
অপি বজ্রধরস্যাপি ভবেৎকালবিষোপমঃ ॥ 3-143-15 (21307)
শত্রোরপি প্রপন্নস্য সোঽনৃশংসঃ প্রতাপবান্।
দাতাঽভয়স্ বীভৎসুরমিতাত্মা মহাহলঃ ॥ 3-143-16 (21308)
সর্বেষামাশ্রয়োঽস্মাকং রণেঽরীণাং প্রমর্দিতা।
আহর্তা সর্বরত্নানাং সর্বেষাং নঃ সুখাবহঃ ॥ 3-143-17 (21309)
রত্নানি যস্য বীর্যেণ দিব্যান্যাসৎপুরা মম।
বহূনি বহুজাতীনি যানি প্রাপ্তঃ সুয়োধনঃ ॥ 3-143-18 (21310)
যস্য বাহুবলাদ্বীর সভা চাসীৎপুরা মম।
সর্বরত্নময়ী খ্যাতা ত্রিষু লোকেষু পাণ্ডব ॥ 3-143-19 (21311)
বাসুদেবসমং বীর্যে কার্তবীর্যসমং যুধি।
অজেয়মমিতং যুদ্ধে তং ন পশ্যামি ফল্গুনম্ ॥ 3-143-20 (21312)
সংকর্ষণং মহাবীর্যং ৎবাং চ ভীমাপরাজিতম্।
অনুয়াতঃ স্ববীর্যেণ বাসুদেবং চ শত্রুহা ॥ 3-143-21 (21313)
যস্ বাহুবলে তুল্যঃ প্রভাবে চ পুরংদরঃ।
জবে বায়ুর্মুখে সোমঃ ক্রোধে মৃত্যুঃ সনাতনঃ ॥ 3-143-22 (21314)
তে বয়ং তং নরব্যাঘ্রং সর্বেবীর দিদৃক্ষবঃ।
প্রবেক্ষ্যামো মহাবাহো পর্বতং গন্ধমাদনম্ ॥ 3-143-23 (21315)
বিশালা বদরী যত্রনরনারায়ণাশ্রমঃ।
তং সদাঽধ্যুষিতং যক্ষৈর্দ্রক্ষ্যামো গিরিসুত্তমম্ ॥ 3-143-24 (21316)
কুবেরনলিনীং রম্যাং রাক্ষসৈরভিসেবিতাম্।
পদ্ভিরেব গমিষ্যামস্তপ্যভানা মহত্তপঃ ॥ 3-143-25 (21317)
নাতপ্ততপসা শক্যো গন্তুং দেশো বৃকোদর।
ন নৃশংসেন লুব্ধেন নাপ্রশান্তেন ভারত ॥ 3-143-26 (21318)
তত্র সর্বেগমিষ্যামো ভীমার্জুপদৈষিণঃ।
সায়ুধা বদ্ধনিস্ত্রিংশাঃ সার্ধং বিপ্রৈর্মহাব্রতৈঃ ॥ 3-143-27 (21319)
মক্ষিকাদংশমশকান্সিংহান্ব্যাঘ্রান্সরীসৃপান্।
প্রাপ্নোত্যনিয়তঃ পার্থ নিয়তস্তান্ন পশ্যতি ॥ 3-143-28 (21320)
তে বয়ং নিয়তাত্মানঃ পর্বতং গন্ধমাদনম্।
প্রবেক্ষ্যামো মিতাহারা ধনংজয়দিদৃক্ষবঃ ॥ 3-143-29 (21321)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ত্রিচৎবারিংশদধিকশততমোঽধ্যায়ঃ ॥ 143 ॥
Mahabharata - Vana Parva - Chapter Footnotes
3-143-1 ভূতস্য প্রাক্তনকর্মণঃ ॥ 3-143-4 পরামর্শঃ কেশেষু গ্রহণম্। তস্য দর্শনতৃষ্ণং মামিতি ঝ. পাঠঃ ॥ 3-143-9 অপ্রতিমানং নাস্তি প্রতিমানং সাদৃশ্যং যস্ সোঽপ্রতিমানস্তম্ ॥ 3-143-10 প্রভিন্নং স্রবন্মদম্ ॥ 3-143-11 অনবরোঽহীনঃ ॥ 3-143-16 অমিতাত্মা মহামনাঃ ॥ 3-143-20 অমিতমহিংসিতং অজিতমিতিয়াবৎ ॥ 3-143-21 হে ভীম ॥ 3-143-28 অনিয়তোঽশুচিঃ ॥অরণ্যপর্ব - অধ্যায় 144
॥ শ্রীঃ ॥
3.144. অধ্যায়ঃ 144
Mahabharata - Vana Parva - Chapter Topics
পাণ্ডবৈর্মন্দরগিরিগমনম্ ॥ 1 ॥ তথা আকাশগঙ্গাসেবনম্ ॥ 2 ॥ তথা নরকাসুরাস্থিরাশিদর্শনম্ ॥ 3 ॥ লোমশেন পাণ্ডবান্প্রতি বিষ্ণুনা নরকাসুরবধপ্রকারকথনম্ ॥ 4 ॥ তথা বরাহরূপিণা হরিণা ভারাবমগ্নভূম্যুদ্ধরণকথনম্ ॥ 5 ॥Mahabharata - Vana Parva - Chapter Text
3-144-0 (21322)
[লোমশ উবাচ। 3-144-0x (2238)
দ্রষ্টারঃ পর্বতাঃ সর্বে নদ্যঃ সপুরকাননাঃ।
তীর্থানি চৈব শ্রীমন্তি স্পৃষ্টং চ সলিলং করৈঃ ॥ 3-144-1 (21323)
পর্বতং মন্দরং দিব্যমেষ পন্থাঃ প্রয়াস্যতি।
সমাহীতা নিরুদ্বিগ্নাঃ সর্বে ভবত পাণ্ডবাঃ ॥ 3-144-2 (21324)
অয়ং দেবনিবাসো বৈ গন্তব্যো বো ভবিষ্যতি।
ঋষীণাং চৈব দিব্যানাং নিবাসঃ পুণ্যকর্মণাং ॥ 3-144-3 (21325)
এষা শিবজলা পুণ্যা যাতি সৌম্য মহানদী।
বদরীপ্রভবা রাজন্দেবর্ষিগণসেবিতা ॥ 3-144-4 (21326)
এষা বৈহায়সৈর্নিত্যং বালখিল্যৈর্মহাত্মভিঃ।
অর্চিতা চোপয়াতা চ গন্ধর্বৈশ্চ মহাত্মভিঃ ॥ 3-144-5 (21327)
অত্রসাম স্ম গায়ন্তি সামগাঃ পুণ্যনিঃস্বনাঃ।
মরীচিঃ পুলহশ্চৈব ভৃগুশ্চৈবাঙ্গিরাস্তথা ॥ 3-144-6 (21328)
অত্রাহ্নিকং সুরশ্রেষ্ঠো জপতে সমরুদ্গণঃ।
সাধ্যাশ্চৈবাশ্বিনৌ চৈব পরিধাবন্তি তং তদা ॥ 3-144-7 (21329)
চন্দ্রমাঃ সহ সূর্যেণ জ্যোতীষি চ গ্রহৈঃ সহ।
অহোরাত্রবিভাগেন নদীমেনামনুব্রজন্ ॥ 3-144-8 (21330)
এতস্যাঃ সলিলং মূর্ধ্নি বৃষাঙ্কঃ পর্যধারয়ৎ।
গঙ্গাদ্বারে মহাভাগ যেন লোকস্থিতির্ভবেৎ ॥ 3-144-9 (21331)
এতাং ভগবতীং দেবীং ভবন্তঃ সর্ব এব হি।
প্রয়তেনাত্মনা তাত প্রতিগম্যাভিবাদত ॥ 3-144-10 (21332)
তস্য তদ্বচনং শ্রুৎবা লোমশস্য মহাত্মনঃ।
আকাশগঙ্গাং প্রয়তাঃ পাণ্ডবাস্তেঽভ্যবাদয়ন্ ॥ 3-144-11 (21333)
অভিবাদ্য চ তে সর্বে পাণ্ডবা ধর্মচারিণঃ।
পুনঃ প্রয়াতাঃ সংহৃষ্টাঃ সর্বৈর্ঋষিগণৈঃ সহ ॥ 3-144-12 (21334)
ততো দূরাৎপ্রকাশন্তং পাণ্ডুরং মেরুসংনিভম্।
দদৃশুস্তে নরশ্রেষ্ঠা বিকীর্ণং সর্বতোদিশম্ ॥ 3-144-13 (21335)
তান্প্রষ্টুকামান্বিজ্ঞায় পাণ্ডবান্স তু লোমশঃ।
উবাচ বাক্যং বাক্যজ্ঞঃ শৃণুধ্বং পাণ্ডুনন্দনাঃ ॥ 3-144-14 (21336)
এতদ্বিকীর্ণং সুশ্রীমৎকৈলাসশিখরোপমম্।
যৎপশ্যসি নরশ্রেষ্ঠ পর্বতপ্রতিমং স্থিতম্ ॥ 3-144-15 (21337)
এতান্যস্থীনি দৈত্যস্য নরকস্য মহাত্মনঃ।
পর্বতপ্রতিমং ভাতি পর্বতপ্রস্তরাশ্রিতম্ ॥ 3-144-16 (21338)
পুরাতনেন দেবেন বিষ্ণুনা পরমাত্মনা।
রদৈত্যো বিনিহতস্তেন সুররাজহিতৈষিণা ॥ 3-144-17 (21339)
দশবর্ষসহস্রাণি তপস্তপ্যন্মহামনাঃ।
ঐনদ্রং প্রার্থয়তে স্থানং তপঃস্বাধ্যায়বিক্রমাৎ ॥ 3-144-18 (21340)
তপোবলেন মহতা বাহুবেগবলেন চ।
নিত্যমেব দুরাধর্ষো ধর্ষয়ন্স দিতেঃ সুতঃ ॥ 3-144-19 (21341)
স তু তস্য বলং জ্ঞাৎবা ধর্মে চ চরিতব্রতম্।
ভয়াভিভূতঃ সংবিগ্নঃ শক্র আসীত্তদাঽনঘ ॥ 3-144-20 (21342)
তেন সংচিন্তিতো দেবো মনসা বিষ্ণুরব্যযঃ।
সর্বত্রগঃ প্রভুঃ শ্রীমানাগতশ্চ স্থিতো বভৌ ॥ 3-144-21 (21343)
ঋষয়শ্চাপি তং সর্বে তুষ্টুবুশ্চ দিবৌকসঃ ॥ 3-144-22 (21344)
তং দৃষ্ট্বা জ্বলমানশ্রীর্ভগবান্হব্যবাহনঃ।
নষ্টতেজাঃ সমভবত্তস্য তেজোভিভর্ৎসিতঃ ॥ 3-144-23 (21345)
তং দৃষ্ট্বা বরদং দেবং বিষ্ণুং দেবগণেশ্বরম্।
প্রাঞ্জলিঃ প্রণতো ভূৎবা নমস্কৃত্য চ বজ্রভৃৎ।
প্রাহ বাক্যং ততস্তত্ৎবং যতস্তস্য ভয়ং ভবেৎ ॥ 3-144-24 (21346)
বিষ্ণুরুবাচ। 3-144-25x (2239)
জানামি তে ভয়ং শক্র দৈত্যেন্দ্রান্নরকাত্ততঃ।
ঐন্দ্রং রপ্রার্থয়তে স্থানং তপঃসিদ্ধেন কর্মণা ॥ 3-144-25 (21347)
সোহমেনং তব প্রীত্যা তপঃসিদ্ধমপি ধ্রুবম্।
বিয়ুনজ্মি দেহাদ্দেবেনদ্র মুহূর্তং প্রতিপালয় ॥ 3-144-26 (21348)
লোমশ উবাচ। 3-144-27x (2240)
তস্য বিষ্ণুর্মহাতেজাঃ পাণিনা চেতনাং হরৎ।
স পপাত ততো ভূমৌ গিরিরাজ ইবাহতঃ।
তস্যৈতদস্থিসংঘাতং মায়াবিনিহতস্য বৈ ॥ 3-144-27 (21349)
ইদং দ্বিতীয়মপরং বিষ্ণো কর্ম প্রকাশতে ॥ 3-144-28 (21350)
নষ্টা বসুমতী কৃৎস্না পাতালে চৈব মজ্জিতা।
পুনরুদ্ধরিতা তেন বারাহেণৈকশৃঙ্গিণা ॥ 3-144-29 (21351)
যুধিষ্ঠির উবাচ। 3-144-30x (2241)
মগবন্বিস্তরেণেমাং কথাং কথয় তত্ৎবতঃ ॥ 3-144-30 (21352)
কথং তেন সুরেশেন নষ্টা বসুমতী তদা।
যোজনানাং শতং ব্রহ্মন্পুনরুদ্ধরিতা তদা ॥ 3-144-31 (21353)
কেন চৈব প্রকারেণ জগতো ধরণী ধ্রুবা।
শিবা দেবী মহাভাগা সর্বসস্যপ্ররোহিণী।
কস্য চৈব প্রভাবাদ্ধি যোজনানাং শতং গতা ॥ 3-144-32 (21354)
শ্রোতুং বিস্তরশঃ সর্বং ৎবং হি তস্য প্রতিশ্রয়ঃ ॥ 3-144-33 (21355)
লোমশ উবাচ। 3-144-34x (2242)
যত্তেঽহং পরিপৃষ্টোঽস্মি কথামেতাং যুধিষ্ঠির।
তৎসর্বমখিলেনেহ শ্রূয়তাং মম ভাষতঃ ॥ 3-144-34 (21356)
পুরা কৃতয়ুগে তাত বর্তমানে ভয়ংকরে।
যমৎবং কারয়ামাস আদিদেবঃ পুরাতনঃ ॥ 3-144-35 (21357)
যমৎবং কুর্বতস্তস্য দেবদেবস্য ধীমতঃ।
ন তত্র ম্রিয়তে কশ্চিজ্জায়তে বা তথাঽচ্যুত ॥ 3-144-36 (21358)
বর্ধন্তে পক্ষিসঙ্ঘাশ্চ তথা পশুগবেডকম্।
গবাশ্বং চ মৃগাশ্চৈব সর্বে তে পিশিতাশনাঃ ॥ 3-144-37 (21359)
তথা পুরুষশার্দূল মানুপাশ্চ পরংতপ।
সহস্রশো হ্যযুতশো বর্ধন্তে সলিলং যথা ॥ 3-144-38 (21360)
এতস্মিন্সংকুলে তাত বর্তমানে ভয়ংকরে।
অতিভারাদ্বসুমতী যোজনানাং শতং গতা ॥ 3-144-39 (21361)
সা বৈ ব্যথিতসর্বাঙ্গী ভারেণাক্রান্তচেতনা।
নারায়ণং বরং দেবং প্রপন্না শরণং গতা ॥ 3-144-40 (21362)
পৃথিব্যুবাচ। 3-144-41x (2243)
ভগবংস্ৎবৎপ্রসাদাদ্ধি তিষ্ঠেয়ং সুচিরং ৎবিহ।
ভারেণাস্মি সমাক্রান্তা ন শক্নোস্মি স্ম বর্তিতুম্ ॥ 3-144-41 (21363)
মমেমং ভগবন্ভারং ব্যপনেতুং ৎবমর্হসি।
শরণাগতাঽস্মি তে দেব প্রসাদং কুরু মে বিভো ॥ 3-144-42 (21364)
তস্যাস্তদ্বচনং শ্রুৎবা ভগবানক্ষরঃ প্রভুঃ।
প্রোবাচ বচনং হৃষ্টঃ শ্রাব্যারসমীরিতম্ ॥ 3-144-43 (21365)
ন তে মহি ভয়ং কার্যং ভারার্তে বসুধারিণি।
অয়মেবং তথা কুর্মি যথা লধ্বী ভবিষ্যসি ॥ 3-144-44 (21366)
লোমশ উবাচ। 3-144-45x (2244)
স তাং বিসর্জয়িৎবা তু বসুধাং শৈলকুণ্ডলাম্।
ততো বরাহঃ সংবৃত্ত একশৃঙ্গো মহাদ্যুতিঃ ॥ 3-144-45 (21367)
রক্তাভ্যাং নয়নাভ্যাং তু ভয়মুৎপাদয়ন্নিব।
ধূমং চ জ্বলয়ঁল্লক্ষ্ম্যা তত্র দেশে ব্যবর্ধত ॥ 3-144-46 (21368)
স গৃহীৎবা বসুমতীং শৃঙ্গেণৈকেন ভাস্বতা।
যোজনানাং শতং বীর সমুদ্ধরতি সোঽক্ষরঃ ॥ 3-144-47 (21369)
তস্যাং চোদ্ধার্যমাণায়াং সংক্ষোভঃ সমজায়ত।
দেবাঃ সংক্ষুভিতাঃ সর্বে ঋষয়শ্চ তপোধনাঃ ॥ 3-144-48 (21370)
হাহাভূতমভূৎসর্বং ত্রিদিবং ব্যোম ভূস্তথা।
ন পর্যবস্থিতঃ কশ্চিদ্দেবো বা মানুষোপি বা ॥ 3-144-49 (21371)
ততো ব্রহ্মাণমাসীনং জ্বলমানমিব শ্রিয়া।
দেবাঃ সর্ষিগণাশ্চৈব উপতস্থুরনেকশঃ ॥ 3-144-50 (21372)
উপসর্প্য চ দেবেশং ব্রহ্মাণং লোকসাক্ষিকম্।
ভূৎবা প্রাঞ্জলয়ঃ সর্বে বাক্যমুচ্চারয়ংস্তদা ॥ 3-144-51 (21373)
লোকাঃ সংক্ষুভিতাঃ সর্বে ব্যাকুলং চ চরাচরম্।
সমুদ্রাণাং চ সংক্ষোভস্ত্রিদশেশ প্রকাশতে ॥ 3-144-52 (21374)
সৈষা বসুমতী কৃৎস্না যোজনানাং শতং গতা।
কিমেতৎকিংপ্রভাবেণ যেনেদং রব্যাকুলং জগৎ।
আখ্যাতু নো ভবাঞ্শীঘ্রং বিসংজ্ঞাঃ স্মেহ সর্বশঃ ॥ 3-144-53 (21375)
ব্রহ্মোবাচ। 3-144-54x (2245)
অসুরেভ্যো ভয়ং নাস্তি যুষ্মাকং কুত্রচিৎক্বচিৎ।
শ্রূয়তাং যৎকৃতে ৎবেষ সংক্ষোভো জায়তেঽমরাঃ ॥ 3-144-54 (21376)
যোসৌ সর্বত্রগঃ শ্রীমানক্ষরাত্মা ব্যবস্থিতঃ।
তস্য প্রভাবাৎসংক্ষোভস্ত্রিদিবস্য প্রকাশতে ॥ 3-144-55 (21377)
যৈষা বসুমতী কৃৎস্না যোজনানাং শতং গতা।
সমুদ্ধৃতা পুনস্তেন বিষ্ণুনা পরমাত্মনা ॥ 3-144-56 (21378)
তস্যামুদ্ধার্যমাণায়াং সংক্ষোভঃ সমজায়ত।
এবং ভবন্তো জানন্তু চ্ছিদ্যতাং সংশয়শ্চ বঃ ॥ 3-144-57 (21379)
দেবা ঊচুঃ। 3-144-58x (2246)
ক্ব তদ্ভূতং বসুমতীং সমুদ্ধরতি হৃষ্টবৎ।
তং দেশং ভগবন্ব্রূহি তত্র যাস্যামহে বয়ম্ ॥ 3-144-58 (21380)
ব্রহ্মোবাচ। 3-144-59x (2247)
হন্ত গচ্ছত ভদ্রং বো নন্দনে পশয়্ত স্থিতম্।
এষোত্র ভগবাঞ্শ্রীমান্মুপর্ণঃ সংপ্রকাশতে ॥ 3-144-59 (21381)
বারাদেণৈব রূপেণ ভগবাঁল্লোকভাবনঃ।
কালানল ইবাভাতি পৃথিবীতলমুদ্ধরন্ ॥ 3-144-60 (21382)
এতস্যোরসি সুব্যক্তং শ্রীবৎসমভিরাজতে।
পশ্যধ্বং বিবুধাঃ সর্বে ভূতমেতদনাময়ম্ ॥ 3-144-61 (21383)
লোমশ উবাচ। 3-144-62x (2248)
ততো দৃষ্ট্বা মহাত্মানং শ্রুৎবা চামন্ত্র্য চামরাঃ।
পিতামহং পুরস্কৃত্য জগ্মুর্দেবা যথাগতম্ ॥ 3-144-62 (21384)
বৈশম্পায়ন উবাচ। 3-144-63x (2249)
শ্রুৎবা তু তাং কথাং সর্বে পাণ্ডবা জনমেজয়।
লোমশাদেশিতেনাশু যথা জগ্মুঃ প্রহৃষ্টবৎ ॥ 3-144-63 (21385)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি চতুশ্চৎবারিংশদধিকশততমোঽধ্যায়ঃ ॥ 144 ॥
Mahabharata - Vana Parva - Chapter Footnotes
3-144-1 ভোদ্রষ্টারঃ সর্বে মন্দরাদন্যে পর্বতা দৃষ্টা ইতি শেষঃ ॥ 3-144-4 মহানদী গঙ্গা অলকনন্দা বা ॥ 3-144-5 উপয়াতা ইষ্টসিদ্ধ্যর্থং প্রার্থিতা ॥ 3-144-7 আহ্রিকং নৈয়মিকং জপম্। পরিধাবন্তি পরিচরন্তি। তমিন্দ্রম্ ॥ 3-144-10 বাদত বাদয়ত। অক্ষরলোপ আর্ষঃ ॥ 3-144-13 পাণ্ডুরং শ্বেতম্। অস্থাং রাশিমিতি শেষঃ ॥ 3-144-27 পাণিনা চপেটাঘাতেন চেতনাং হরৎপ্রাণান্জহার ॥ 3-144-32 গতা অধস্তাদিতি শেষঃ ॥ 3-144-37 পশবশ্চ গাবশ্চ এডকা মেষাশ্চ পশুগবেডকম্ ॥ 3-144-44 ন তে ৎবয়া। হে মহি। কুর্মি করোমি ॥ 3-144-46 ধূমং ধূপম্। জ্বলয়ন্নিতি হেতৌ শতৃপ্রত্যযঃ। যথায়থা ধূমো জ্বলতি তথাতথাঽবর্ধত ইত্যর্থঃ ॥ 3-144-51 বাক্যং উচ্চারয়ন্ উচ্চারিতবন্তঃ ॥ 3-144-59 নন্দনে ইন্দ্রবনে। অত্র এতৎসমীপে ॥অরণ্যপর্ব - অধ্যায় 145
॥ শ্রীঃ ॥
3.145. অধ্যায়ঃ 145
Mahabharata - Vana Parva - Chapter Topics
গন্ধমাদনং প্রস্থিতেষু পাণ্ডবেষু মধ্যেমার্গং মহাবৃষ্টেঃ প্রাদুর্ভাবঃ ॥ 1 ॥ তদা পাদপাদ্যন্তরিতৈস্তৈর্বৃষ্ট্যুপরমে পুনঃ প্রস্থানম্ ॥ 2 ॥Mahabharata - Vana Parva - Chapter Text
3-145-0 (21386)
বৈশম্পায়ন উবাচ। 3-145-0x (2250)
তে শূরা সজ্জধন্বানস্তূণবন্তঃ সমার্গণাঃ।
বদ্ধগোধাঙ্গুলিত্রাণাঃ খঙ্গবন্তোঽমিতৌজসঃ ॥ 3-145-1 (21387)
পরিগৃহ্য দ্বিজশ্রেষ্ঠাঞ্জ্যেষ্ঠাঃ সর্বধনুষ্মতাম্।
পঞ্চালীসহিতা রাজন্প্রয়যুর্গন্ধমাদনম্ ॥ 3-145-2 (21388)
সরাংসি সরিতশ্চৈব পর্বতাংশ্চ বনানি চ।
বৃক্ষাংশ্চ বহুলচ্ছায়ান্দদৃশুর্গিরিমূর্ধনি ॥ 3-145-3 (21389)
নিত্যপুষ্পফলান্দেশান্দেবর্ষিগণসেবিতান্।
আত্মন্যাত্মানমাধায় বীরা মূলফলাশিনঃ ॥ 3-145-4 (21390)
চেরুরুচ্চাবচাকারান্দেশান্বিষমসংকটান্।
পশ্যন্তো মৃগজাতানি বহূনি বিবিধানি চ ॥ 3-145-5 (21391)
ঋষিসিদ্ধামরয়ুতং গন্ধর্বাপ্সরসাং প্রিয়ম্।
বিবিশুস্তে মহাত্মানঃ কিন্নরাচরিতং গিরিম্ ॥ 3-145-6 (21392)
প্রবিশৎস্বথ বীরেষু পর্বতং গন্ধমাদনম্।
চণঅডবাতং মহদ্বর্ষং প্রাদুরাসীদ্বিশাংপতে ॥ 3-145-7 (21393)
ততো রেণুঃ সমুদ্ভূতঃ সপত্রবহুলো মহান্।
পৃথিবীং চান্তরিক্ষং চ দ্যাং চৈব সহসাঽবৃণোৎ ॥ 3-145-8 (21394)
ন স্ম প্রজ্ঞায়তে কিংচিদাবৃতে ব্যোম্নি রেণুনা।
ন চাপি শেকুস্তৎকর্তুমন্যোন্যস্যাভিভাষণম্ ॥ 3-145-9 (21395)
ন চাপশ্যংস্ততোঽন্যোন্যং তমসাঽঽবৃতচক্ষুষঃ।
আকৃষ্যমাণা বাতেন সাশ্মচূর্ণেন ভারত ॥ 3-145-10 (21396)
দ্রুমাণাং বাতরুগ্ণআনাং পততাং ভূতলেঽনিশম্।
অন্যেষাং চ মহীজানাং শব্দঃ সমভবন্মহান্ ॥ 3-145-11 (21397)
দ্যৌঃ স্বিৎপততি কিং ভূমির্দীর্যতে পর্বতোনু কিম্।
ইতি তে মেনিরে সর্বেপবনেন বিমোহিতাঃ ॥ 3-145-12 (21398)
তে পথাঽনন্তরাংন্বৃক্ষান্বল্মীকান্বিষমাণি চ।
পাণিভিঃ পরিমার্গন্তো ভীতা বায়োর্নিলিল্যিরে ॥ 3-145-13 (21399)
ততঃ কার্মুকমাদায় ভীমসেনো মহাবলঃ।
কৃষ্ণামাদায় সংগম্য তস্থাবাশ্রিত্য পাদপম্ ॥ 3-145-14 (21400)
ধর্মরাজশ্চ ধৌম্যশ্ নিলিল্যাতে মহাবনে।
অগ্নিহোত্রাণ্যুপাদায় সহদেবস্তু পর্বতে ॥ 3-145-15 (21401)
নকুলো ব্রাহ্মণাশ্চান্যে লোমশশ্চ মহাতপাঃ।
বৃক্ষানাসাদ্য সংত্রস্তাস্তত্রতত্র নিলিল্যিরে ॥ 3-145-16 (21402)
মন্দীভূতে তু পবনে তস্মিন্রজসি শাম্যতি।
মহদ্ভির্জলধারৌর্ঘর্বর্ষমভ্যাজগাম হ ॥ 3-145-17 (21403)
ভৃশং চটচটাশব্দো বজ্রাণাং ক্ষিপ্যতামিব।
ততস্তাশ্চঞ্চলাভাসশ্চেরুরভ্রেষু বিদ্যুতঃ ॥ 3-145-18 (21404)
ততোঽশ্মসহিতা ধারাঃ সংবৃণ্বন্ত্যঃ সমন্ততঃ।
প্রপেতুরনিশং তত্র শীঘ্রবাতসমীরিতাঃ ॥ 3-145-19 (21405)
তত্র সাগরগা হ্যাপঃ কীর্যমাণাঃ সমন্ততঃ।
প্রাদুরাসন্সকলুষাঃ ফেনবত্যো বিশাংপতে ॥ 3-145-20 (21406)
বহন্ত্যো বারি বহুলং ফেনোডুপপরিপ্লুতম্।
পরিসমস্রুর্মহাশব্দাঃ প্রকর্ষন্ত্যো মহীরুহান্ ॥ 3-145-21 (21407)
তস্মিন্নুপরতে শব্দেবাতে চ সমতাং গতে।
গতে হ্যম্ভসি নিম্নানি প্রাদুর্ভূতে দিবাকরে ॥ 3-145-22 (21408)
নির্জগ্মুস্তে শনৈঃ সর্বে সমাজগ্মুশ্চ ভারত।
প্রতস্থিরে পুনর্বীরাঃ পর্বতং গন্ধমাদনম্ ॥ 3-145-23 (21409)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি পঞ্চচৎবারিংশদধিকশততমোঽধ্যায়ঃ ॥ 145 ॥
Mahabharata - Vana Parva - Chapter Footnotes
3-145-13 পথা মার্গেণ। অনন্তরান্সন্নিহিতান্। নিলিল্যিরে নিলীনাঃ ॥ 3-145-14 সংগম্যাদায়েত্যন্বয়ঃ। গৎবা গৃহীৎবেত্যর্থঃ ॥ 3-145-19 অশ্মসহিতা_ করকাসহিতাঃ ॥ 3-145-21 বারি বহন্ত্যো নদ্যঃ ॥অরণ্যপর্ব - অধ্যায় 146
॥ শ্রীঃ ॥
3.146. অধ্যায়ঃ 146
Mahabharata - Vana Parva - Chapter Topics
গন্ধমাদনপ্রয়াণে গমনাক্ষমতয়াঽধঃ পতনেন মূর্চ্ছিতায়া দ্রৌপদ্যাঃ পাণ্ডবৈঃ সলিলসেচনাদিনা শ্রমাপনোদনম্ ॥ 1 ॥ পাঞ্চাল্যা দুশ্চরাধ্বসংচরণে চিন্তয়মানং যিধিষ্ঠিরংপ্রতি ভীমেন স্বেন ঘটোৎকচেন বা তস্যা বহনোক্তিঃ ॥ 2 ॥Mahabharata - Vana Parva - Chapter Text
3-146-0 (21410)
বৈশম্পায়ন উবাচ। 3-146-0x (2251)
ততঃ প্রয়াতমাত্রেষু পাণ্ডবেষু মহাত্মসু।
পদ্ভ্যামনুচিতা গন্তুং দ্রৌপদী সমুপাবিশৎ ॥ 3-146-1 (21411)
শ্রান্তা দুঃখপরীতা চ বাতবর্ষেণ তেন চ।
সৌকুমার্যাচ্চ পাঞ্চালী সংমুমোহ তপস্বিনী ॥ 3-146-2 (21412)
সা কম্পমানা মোহেন বাহুভ্যামসিতেক্ষণা।
রবৃত্তাভ্যামনুরূপাভ্যামূরূ সমবলম্বত ॥ 3-146-3 (21413)
আলম্বমানা সহিতাবূরূ গজকরোপমৌ।
রপপাত সহসা ভূমৌ বেপন্তী কদলী যথা ॥ 3-146-4 (21414)
তাং পতন্তীং বরারোহাং ভজ্যমানাং লতামিব।
নকুলঃ সমভিদ্রুত্য পরিজগ্রাহ বীর্যবান্ ॥ 3-146-5 (21415)
নকুল উবাচ। 3-146-6x (2252)
রাজন্পাঞ্চালরাজস্য সুতেয়মসিতক্ষণা।
শ্রান্তা নিপতিতা ভূমৌ তামবেক্ষস্ব ভারত ॥ 3-146-6 (21416)
অদুঃখার্হা পরং দুঃখং প্রাপ্তেয়ং মৃদুগামিনী।
আশ্বাসয় মহারাজ তামিমাং শ্রমকর্শিতাম্ ॥ 3-146-7 (21417)
বৈশম্পায়ন উবাচ। 3-146-8x (2253)
রাজা তু বচনাত্তস্য ভৃশং দুঃখসমন্বিতঃ।
ভীমশ্চ সহদেবশ্চ সহসা সমুপাদ্রবন্ ॥ 3-146-8 (21418)
তামবেক্ষ্যতু কৌন্তেয়ো বিবর্ণবদনাং কৃশাম্।
অঙ্কমানীয় ধর্মাত্মা পর্যদেবয়দাতুরঃ ॥ 3-146-9 (21419)
যুধিষ্ঠির উবাচ। 3-146-10x (2254)
কথং বেশ্মসু গুপ্তেষু স্বাস্তীর্ণশয়নোচিতা।
ভূমৌ নিষতিতা শেতে সুখার্হা বরবর্ণিনী ॥ 3-146-10 (21420)
সুকুমারৌ কথং পাদৌ মুখং চ কমলপ্রভম্।
মৎকৃতেঽদ্য বরার্হায়াঃ শ্যামতাং সমুপাগতম্ ॥ 3-146-11 (21421)
কিমিদং দ্যূতকামেন ময়া কৃতমবুদ্ধিনা।
আদায় কৃষ্ণাং চরতা বনে মৃগগণাকুলে ॥ 3-146-12 (21422)
সুখং প্রাপ্স্যসি কল্যাণি পাণ্ডবান্প্রাপ্য বৈ পতীন্।
ইতিদ্রুবদরাজেন পিত্রা দত্তাঽয়তেক্ষণা ॥ 3-146-13 (21423)
তৎসর্বমানবাপ্যেয়ং শ্রমশোকাদ্বিকর্শিতা।
শেতে নিপতিতা ভূমৌ পাপস্য মম কর্মভিঃ ॥ 3-146-14 (21424)
বৈশম্পায়ন উবাচ। 3-146-15x (2255)
তথা লালপ্যমানে তু ধর্মরাজে যুধিষ্ঠিরে।
ধৌম্যপ্রভৃতয়ঃ সর্বে তত্রাজগ্মুর্দ্বিজোত্তমাঃ ॥ 3-146-15 (21425)
তে সমাশ্বাসয়ামাসুরাশীর্ভিশ্চাপ্যপূজয়ন্।
রাক্ষোঘ্নাংশ্চ তথা মন্ত্রাঞ্জেপুশ্চক্রুশ্চ তে ক্রিয়াঃ ॥ 3-146-16 (21426)
পঠ্যমানেষু মন্ত্রেষু শান্ত্যর্থং পরমর্ষিভিঃ।
স্পৃশ্যমানা করৈঃ শীতৈঃ পাণ্ডবৈশ্চ মুহুর্মুহুঃ ॥ 3-146-17 (21427)
সেব্যমানা চ শীতেন জলমিশ্রেণ বায়ুনা।
পাঞ্চালী সুখমাসাদ্য লেভে চেতঃ শনৈঃ শনৈঃ ॥ 3-146-18 (21428)
পরিগৃহ্যচ তাং দীনাং কৃষ্ণামজিনসংস্তরে।
পার্থা বিশ্রাময়ামাসুর্লব্ধসংজ্ঞাং তপস্বিনম্ ॥ 3-146-19 (21429)
তস্যা যমৌ রক্ততলৌ পাদৌ পূজিতলক্ষণৌ।
করাভ্যাং কিণজাতাভ্যাং শনকৈঃ সংববাহতুঃ ॥ 3-146-20 (21430)
পর্যাশ্বাসয়দপ্যেনাং ধর্মরাজো যুধিষ্ঠিরঃ।
উবাচ চ কুরুশ্রেষ্ঠো ভীমসেনমিদং বচঃ ॥ 3-146-21 (21431)
বহবঃ পর্বতা মীম বিষমা হিমদুর্গমাঃ।
তেষু কৃষ্ণা মহাবাহো কথং নু বিচরিষ্যতি ॥ 3-146-22 (21432)
ভীমসেন উবাচ। 3-146-23x (2256)
ৎবাং রাজন্রাজপুত্রীং চ যমৌ চ পুরুষর্ষভ।
স্বয়ং নেষ্যামি রাজেনদ্র মা বিষাদে মনুঃ কৃথাঃ ॥ 3-146-23 (21433)
অথবা যো ময়া জাতো বিহগো মদ্বলোপমঃ।
বহেদনঘ সর্বান্নো বচনাত্তে ঘটোৎকচঃ ॥ 3-146-24 (21434)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ষট্চৎবারিংশদধিকশততমোঽধ্যায়ঃ ॥ 146 ॥
Mahabharata - Vana Parva - Chapter Footnotes
3-146-1 ক্রোশমাত্রং প্রয়াতেষু ইতি ঝ. পাঠঃ ॥ 1 .। 3-146-24 বিহগইব বিহগঃ খেচরঃ ॥অরণ্যপর্ব - অধ্যায় 147
॥ শ্রীঃ ॥
3.147. অধ্যায়ঃ 147
Mahabharata - Vana Parva - Chapter Topics
ভীমসেনস্মরণমাত্রসন্নিহিতেন ঘটোৎকচেন দুর্গমে পথি দ্রৌপদ্যা বহনম্ ॥ 1 ॥ তদনুচরৈ রাক্ষসৈঃ পাণ্ডবানাং বিপ্রাণং চ বহনম্ ॥ 2 ॥ সর্বৈর্নরনারায়ণাশ্রমমেত্য তত্র সুখেন নিবাসঃ ॥ 3 ॥Mahabharata - Vana Parva - Chapter Text
3-147-0 (21435)
যুধিষ্ঠির উবাচ। 3-147-0x (2257)
ধর্মজ্ঞো বলবাঞ্শূরঃ সদ্যো রাক্ষসপুঙ্গবঃ।
ভক্তোঽস্মানৌরসঃ পুত্রো নেতুমর্হতি মাতরম্ ॥ 3-147-1 (21436)
তব ভীম সুতেনাহং নীতো ভীমপরাক্রম।
অক্ষতঃ সহ পাঞ্চাল্যা গচ্ছেয়ং গন্ধমাদনম্ ॥ 3-147-2 (21437)
বৈশম্পায়ন উবাচ। 3-147-3x (2258)
ভ্রাতুর্বচনমাজ্ঞায় ভীমসেনো ঘটোৎকচম্।
`চিন্তয়ামাস বলবান্মহাবলপরাক্রমম্ ॥ 3-147-3 (21438)
ঘটোৎকচশ্চ ধর্মাত্মা স্মৃতমাত্রঃ পিতুস্তদা।
কৃতাঞ্জলিরুষাতিষ্ঠদভিবাদ্যাথ পাণ্ডবান্।
ব্রাহ্মণাংশ্চ মহাবাহুঃ স চ তৈরমিনন্দিতঃ ॥ 3-147-4 (21439)
উবাচ ভীমসেনং স পিতরং সত্যবিক্রমঃ ॥ 3-147-5 (21440)
স্মৃতোঽস্মি ভবতা শীঘ্রং শুশ্রূষুরহমাগতঃ।
আজ্ঞাপয় মহাবাহো সর্বং কর্তাঽস্ম্যসংশয়ম্ ॥ 3-147-6 (21441)
তচ্ছ্রুৎবা ভীমসেনস্তু রাক্ষসং পরিষস্বজে।
চিন্তায়া সমনপ্রাপ্তমিত্যুবাচ বৃকোদরঃ'॥ 3-147-7 (21442)
হৈডিম্বেয় পরিশ্রান্তা তব মাতাঽপরাজিতা।
ৎবং কচ কামগমস্তাত বলবান্বহ তাং খগ ॥ 3-147-8 (21443)
স্কন্ধমারোপ্য ভদ্রং তে মধ্যেঽস্মাকং বিহায়সা।
গচ্ছ নীচিকয়া গত্যা যথা চৈনাং ন পীডয়েঃ ॥ 3-147-9 (21444)
ঘটোৎকচ উবাচ। 3-147-10x (2259)
ধর্মরাজং চ ধৌম্যং চ কৃষ্ণাং চ যমজৌ তথা।
একোপ্যহমলং বোঢুং কিমুতাদ্য সহায়বান্ ॥ 3-147-10 (21445)
[অন্যে চ শতশঃ শূরা বিহঙ্গাঃ কামরূপিণঃ।
সর্বান্বো ব্রাহ্মণৈঃ সার্ধং বক্ষ্যন্তি সহিতাঽনঘ।
`মন্দংমন্দং গমিষ্যামি বহন্দ্রুপদনন্দিনীম্' ॥ 3-147-11 (21446)
বৈশ্পায়ন উবাচ। 3-147-12x (2260)
এবমুক্ৎবা ততঃ কৃষ্ণামুবাহ স ঘটোৎকচঃ।
পাণ্ডূনাং মধ্যগো বীরঃ পাণ্ডবানপি চাপরে ॥ 3-147-12 (21447)
লোমশঃ সিদ্ধমার্গেণ জগামানুপমদ্যুতিঃ।
স্বেনৈব স প্রভাবেণ দ্বীতীয় ইব ভাস্করঃ ॥ 3-147-13 (21448)
ব্রাহ্মণাংশ্চাপি তান্সর্বান্সমুপাদায় রাক্ষসাঃ।
নিয়োগাদ্রাক্ষসেনদ্রস্য জগ্মুর্ভীমপরাক্রমাঃ ॥ 3-147-14 (21449)
এবং সুরমণীয়ানি বনান্যুপবনানি চ।
আলোকয়ন্তস্তে জগ্মুর্বিশালাং বদরীমনু ॥ 3-147-15 (21450)
তে ৎবাশুগতিভির্বীরা রাক্ষসৈস্তৈর্মহাজবৈঃ।
উহ্যমানা যয়ুঃ শীঘ্রং মহদধ্বানমল্পবৎ ॥ 3-147-16 (21451)
দেশান্ম্লেচ্ছজনাকীর্ণান্নানারত্নাকরায়ুতান্।
দদৃশুর্গিরিপাদাংশ্চ নানাধাতুসমাচিতান্ ॥ 3-147-17 (21452)
বিদ্যাঘরমাকীর্ণআন্যুতান্বানরকিন্নরৈঃ।
তথা কিংপুরুষৈশ্চৈব গন্ধর্বৈশ্চসমন্ততঃ ॥ 3-147-18 (21453)
ময়ূরৈশ্চভরৈশ্চৈব হরিণৈ রুরুভিস্তথা।
বরাহৈর্গবয়ৈশ্চৈব মহিষৈশ্চ সমাবৃতান্ ॥ 3-147-19 (21454)
নদীজালসমাকীর্ণান্নানাপক্ষিয়ুতান্বহূন্।
নানাবিধমৃগৈর্জুষ্টাংশ্চারণৈশ্চোপশোভিতান্।
সমদৈশ্চ্যশি বিহগৈঃ উপৈরন্বিতাংস্তথা ॥ 3-147-20 (21455)
তেঽবতীর্য বহূন্দেশানুত্তরাংশ্চ কুরূনপি।
দদৃশুর্বিবিধাশ্চর্যং কৈলাসং পর্বতোত্তমম্ ॥ 3-147-21 (21456)
তস্যাভ্যাশে তু দদৃশুর্নরনারায়ণাশ্রমম্।
উপেতং পাদপৈর্দিব্যৈঃ সদাপুষ্পফলোপগৈঃ ॥ 3-147-22 (21457)
দদৃশুস্তাং চ বদরীং বৃত্তস্কন্ধাং মনোরমাম্।
স্নিগ্ধামবিরলচ্ছায়াং শ্রিয়া পরময়া যুতাম্ ॥ 3-147-23 (21458)
পত্রৈঃ স্নিগ্ধৈরবিরলৈরুপেতাং মৃদুভিঃ শুভাম্।
বিশালশাখাং বিস্তীর্ণামতিদ্যুতিসমন্বিতাম্ ॥ 3-147-24 (21459)
ফলৈরুপচিতৈর্দিব্যৈরাচিতাং স্বাদুভির্ভৃশম্।
মধুস্রবৈঃ সদা দিব্যাং মহর্ষিগণসেবিতাম্।
মদপ্রমুদিতৈর্নিত্যং নানাদ্বিজগণৈর্যুতাম্ ॥ 3-147-25 (21460)
অদংশমশকে দেশে বহুমূলফলোদকে।
নীলশাদ্বলসংছন্নে দেবগন্ধর্বসেবিতে ॥ 3-147-26 (21461)
সুভূমিভাগবিশদে স্বভাববিদিতে শুভে।
জাতাং হিমমৃদুস্পর্শে দেশেঽপহতকণ্টকে ॥ 3-147-27 (21462)
তামুপেত্য মহাত্মানঃ সহ তৈর্ব্রাহ্মণর্ষভৈঃ।
অবতেরুস্ততঃ সর্বে রাক্ষসস্কন্ধতঃ শনৈঃ ॥ 3-147-28 (21463)
ততস্তমাশ্রমং পুণ্যং নরনারায়ণাশ্রিতম্।
দদৃশুঃ পাণ্ডবা রাজন্সহিতা দ্বিজপুঙ্গবৈঃ ॥ 3-147-29 (21464)
তমসা রহিতং পুণ্যমনামৃষ্টং রবেঃ করৈঃ।
ক্ষুত্তৃট্শীতোষ্ণদোষৈশ্চ বর্জিতং শোকনাশনম্ ॥ 3-147-30 (21465)
মহর্ষিগণসংবাধং ব্রাহ্ম্যা লক্ষ্ম্যা সমন্বিতম্।
দুষ্প্রবেশং মহারাজ নরৈর্ধর্মবহিষ্কৃতৈঃ ॥ 3-147-31 (21466)
বলিহোমার্চিতং দিব্যং সুসংমৃষ্টানুলেপনম্।
দিব্যপুষ্পোপহারৈশ্চ সর্বতোঽভিবিরাজিতম্ ॥ 3-147-32 (21467)
বিশালৈরগ্নিশরণৈঃ স্রুগ্ভাণ্ডৈরাচিতং শুভৈঃ।
মহদ্ভিস্তোয়কলশৈঃ কঠিনৈশ্চোপশোভিতম্ ॥ 3-147-33 (21468)
শরণ্যং সর্বভূতানাং ব্রহ্মঘোপনিনাদিতম্।
দিব্যমাশ্রয়ণীয়ং তমাশ্রমং শ্রমনাশনম্।
শ্রিয়া যুতমনির্দেশ্যং দেববর্যোপশোভিতম্ ॥ 3-147-34 (21469)
ফলমূলাশনৈর্দান্তৈশ্চারুকৃষ্ণাজিনাম্বরৈঃ।
সূর্যবৈশ্বানরসমৈস্তপসা ভাবিতাত্মভিঃ ॥ 3-147-35 (21470)
মহর্ষিভির্মোক্ষপরৈর্যতিভির্নিয়তেন্দ্রিয়ৈঃ।
ব্রহ্মভূতৈর্মহাভাগৈরুপেতং ব্রহ্মবাদিভিঃ ॥ 3-147-36 (21471)
সোঽভ্যগচ্ছন্মহাতেজাস্তানৃষীন্নিয়তঃ শুচিঃ।
ভ্রাতৃভিঃ সহিতো ধীমান্ধর্মপুত্রো যুধিষ্ঠিরঃ ॥ 3-147-37 (21472)
দিব্যজ্ঞানোপপন্নাস্তে দৃষ্ট্বা প্রাপ্তং যুধিষ্ঠিরম্।
অভ্যগচ্ছন্ত সুপ্রীতা দিব্যা দেবমহর্ষয়ঃ। 3-147-38 (21473)
প্রীতাস্তে তস্য সৎকারং বিধিনা পাবকাপমাঃ।
উপাজহ্রুশ্চ সলিলং পুষ্পমূলফলং শুচি ॥ 3-147-39 (21474)
স তৈঃ প্রীত্যাঽথ সৎকারমুপনীতং মহর্ষিভিঃ।
প্রয়তঃ প্রতিগৃহ্যাথ ধর্মরাজো যুধিষ্ঠিরঃ ॥ 3-147-40 (21475)
তং শক্রসদনপ্রখ্যং দিব্যগন্ধং মনোরমম্।
প্রীতঃ স্বর্গোপমং পুণ্যং পাণ্ডবঃ সহ কৃষ্ণয়া ॥ 3-147-41 (21476)
রবিবেশ শোভয়া যুক্তং ভ্রাতৃভিশ্চ সহানঘ।
ব্রাহ্মণৈর্বেদবেদাঙ্গপারগৈশ্চ সহার্চিতঃ ॥ 3-147-42 (21477)
তত্রাপশ্যৎস ধর্মাত্মা দেবদেবর্পিপূজিতম্।
নরনারায়ণস্থানং ভাগীরথ্যোপশোভিতম্ ॥ 3-147-43 (21478)
তস্মিন্মধৃস্রবফলাং ব্রহ্মর্ষিগণভাবিনীম্।
বদরীং তামুপাশ্রিত্য পাণ্ডবো ভ্রাতৃভিঃ সহ ॥ 3-147-44 (21479)
মুদা যুক্তা মহাত্মানো রেমিরে তত্র তে তদা।
আলোকয়ন্তো মৈনাকং নানাদ্বিজগণায়ুতম্।
হিরণ্যশিখরং চৈব মধ্যে বিন্দুসরঃ শিবম্ ॥ 3-147-45 (21480)
ভাগীরথীং সুতীর্থাং চ শীতামলজলাং শিবাম্।
মণিপ্রবালপ্রস্তারাং পাদপৈরুষশোভিতাম্ ॥ 3-147-46 (21481)
দিব্যপুষ্পসমাকীর্ণাং মনঃপ্রীতিবিবর্ধনীম্।
বীক্ষমাণা মহাত্মানো বিজহ্রুস্তত্র পাণ্ডবাঃ ॥ 3-147-47 (21482)
তস্মিন্দেবর্ষিচরিতে দেশে পরমদুর্গমে।
ভাগীরথীপুণ্যজলেতর্পয়াংচক্রিরে পিতৄন্।
দেবানৃষীংশ্চ কৌন্তেয়াঃ পরমং শৌচমাস্থিতাঃ ॥ 3-147-48 (21483)
তত্র তে তর্পয়ন্তশ্চ জপন্তশ্চ কুরূদ্বহাঃ।
ব্রাহ্মণৈঃ সহিতা বীরা হ্যবসন্পুরুপর্ষভাঃ ॥ 3-147-49 (21484)
কৃষ্ণায়াস্তত্রপশয়্ন্তঃ ক্রীডিতান্যমরপ্রভাঃ।
বিচিত্রাণি নরব্যাঘ্রা রেমিরে তত্র পাণ্ডবাঃ ॥ 3-147-50 (21485)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি সপ্তচৎবারিংশদধিকশততমোঽধ্যায়ঃ ॥ 147 ॥
Mahabharata - Vana Parva - Chapter Footnotes
3-147-11 বক্ষ্যন্তি বহনং করিষ্যন্তি ॥ 3-147-17 রত্নাকরৈঃ আসমন্তাৎ যুতান্ ॥ 3-147-22 অভ্যাশে সমীপে ॥ 3-147-27 স্বভাবত এব বিশেষেণ রহিতে স্বভাববিহিতে। জাতাং বদরীম্ ॥ 3-147-33 অগ্নিশরণৈঃ অগ্ন্যগারৈঃ। আচিতং ব্যাপ্তম্। কঠিনৈঃ শিক্যৈঃ করণ্ডৈর্বা ॥ 3-147-39 সৎকারং চক্রুরিতি শেষঃ ॥ 3-147-46 সীতাং বিমলপঙ্কজাম্ ইতি ঝ. পাঠঃ। সীতাং নামতঃ। প্রস্তারঃ সোপানপাদগণাদিরূপঃ। ষট্ট ইত্যর্থঃ ॥অরণ্যপর্ব - অধ্যায় 148
॥ শ্রীঃ ॥
3.148. অধ্যায়ঃ 148
Mahabharata - Vana Parva - Chapter Topics
দাচন পাঞ্চাল্যা ভীমসংনিধানে বায়্বানীতাদ্ভুতসৌগন্ধিকপুষ্পদর্শনম্ ॥ 1 ॥ তয়া তাদৃশবহুপুষ্পানয়নং প্রার্থিতেন ভীমেন তদর্থং গমনম্ ॥ 2 ॥ ভীমস্য মধ্যেমার্গ স্বমার্গনিরোধকেন হনুমতা সহ সংবাদঃ ॥ 3 ॥Mahabharata - Vana Parva - Chapter Text
3-148-0 (21486)
বৈশম্পায়ন উবাচ। 3-148-0x (2261)
তত্র তে পুরুষব্যাঘ্রাঃ পরমং শৌচমাস্থিতাঃ।
ষড্রাত্রমবসন্বীরা ধনংজয়দিদৃক্ষয়া ॥ 3-148-1 (21487)
তস্মিন্বিহরমাণাশ্চ রমমাণাশ্চ পাণ্ডবাঃ।
মনোজ্ঞে কাননবরে সর্ব ভূতমনোরমে ॥ 3-148-2 (21488)
পাদপৈঃ পুষ্পবিকচৈঃ ফলভারাবনামিতৈঃ।
শোভিতঃ পর্বতো রম্যঃ পুংস্কোকিলকুলাকুলৈঃ।
স্নিগ্ধপত্রৈরবিরলৈঃ শীতচ্ছায়ৈর্মনোরমৈঃ ॥ 3-148-3 (21489)
সরাংসি চ বিচিত্রাণি প্রসন্নসলিলানি চ।
কমলৈঃ সোৎপলৈস্তত্রভ্রাজমানানি সর্বশঃ।
পশ্যন্তশ্চারুরূপাণই রেমিরে তত্র পাণ্ডবাঃ ॥ 3-148-4 (21490)
পুণ্যগন্ধঃ সুখস্পর্শো ববৌ তত্র সমীরণঃ।
হ্লাদয়ন্পাণ্ডবান্সর্বান্সকৃষ্ণান্সদ্বিজর্ষভান্ ॥ 3-148-5 (21491)
ততঃ পূর্বোত্তরে বায়ুঃ প্লবমানো যদৃচ্ছয়া।
সহস্রপত্রমর্কাভং দিব্যং পদ্মমুপাহরৎ ॥ 3-148-6 (21492)
তদবৈক্ষত পাঞ্চালী দিব্যগন্ধং মনোরমম্।
অনিলেনাহৃতংভূমৌ পতিতং জলজং শুচি ॥ 3-148-7 (21493)
তচ্ছুভা শুভমাসাদ্য সৌগন্ধিকমনুত্তমম্।
অতীব মুদিতা রাজন্ভীমসেনমথাব্রবীৎ ॥ 3-148-8 (21494)
পশ্য দিব্যং সুরুচিরং ভীম পুষ্পমনুত্তমম্।
গন্ধসংস্থানসংপন্নং মনসো মম নন্দনম্ ॥ 3-148-9 (21495)
ইদং চ ধর্মরাজায় প্রদাস্যামি পরংতপ।
`গৃহ্যাপরাণি পুষ্পাণি বহূনি পুরুষর্ষভ'।
হরেরিদং মে কামায় কাম্যকে পুনরাশ্রমে ॥ 3-148-10 (21496)
যদি তেঽহং প্রিয়া পার্থ বহূনীমান্যুপাহর।
তান্যহং নেতুমিচ্ছামি কাম্যকং পুনরাশ্রমম্ ॥ 3-148-11 (21497)
এবমুক্ৎবা তু পাঞ্চলী ভীমসেনমনিন্দিতা।
জগাম পুষ্পমাদায় ধর্মরাজায় তত্তদা ॥ 3-148-12 (21498)
অভিপ্রায়ং তু বিজ্ঞায় মহিষ্যাঃ পুরুষর্ষভঃ।
প্রিয়ায়াঃ প্রিয়কামঃ স প্রায়াদ্ভীমো মহাবলঃ ॥ 3-148-13 (21499)
বাতং তমেবাভিমুখো যতস্তৎপুষ্পমাগতম্।
আজিহীর্ষুর্জগামাশু সপুষ্পাণ্যপরাণ্যপি ॥ 3-148-14 (21500)
রুক্মপৃষ্ঠং ধনুর্গৃহ্য শরাংশ্চাশীবিষোপমান্।
মৃগরাডিব সংক্রুদ্ধঃ প্রভিন্ন ইব কুঞ্জরঃ।
[দদৃশুঃ সর্বভূতানি মহাবাণধনুর্ধরম্ ॥ 3-148-15 (21501)
ন গ্লানির্ন চ বৈক্লব্যং ন ভয়ং ন চ সংভ্রমঃ।
কদাচিজ্জুষতে পার্থমাত্মজং মাতরিশ্বনঃ ॥] 3-148-16 (21502)
দ্রৌপদ্যাঃ প্রিয়মন্বিচ্ছন্স বাহুবলমাশ্রিতঃ।
ব্যপেতভয়সমোহঃ শৈলমভ্যপতদ্বলী ॥ 3-148-17 (21503)
স তং দ্রুমলতাগুল্মচ্ছন্নং নীলশিলাতলম্।
গিরিং চচারারিহরঃ কিন্নরাচরিতং শুভম্ ॥ 3-148-18 (21504)
নানাবর্ণধরৈশ্চিত্রং ধাতুদ্রুমমৃগাণ্ডজৈঃ।
সর্বভূষণসংপূর্ণং ভূমের্ভুজমিবোচ্ছ্রিতম্ ॥ 3-148-19 (21505)
সর্বর্তুরমণীয়েষু গন্ধমাদনসানুষু।
সক্তচক্ষুরভিপ্রায়ান্হৃদয়েনানুচিন্তয়ন্ ॥ 3-148-20 (21506)
পুংস্কোকিলনিনাদেষু ষট্পদাচরিতেষু চ।
বদ্ধশ্রোত্রমনশ্চক্ষুর্জগামামিতবিক্রমঃ ॥ 3-148-21 (21507)
আজিঘ্রন্স মহাতেজাঃ সর্বর্তুকুসুমোদ্ভবম্।
গন্ধমুদ্ধতমুদ্দামো বনে মত্ত ইব দ্বিপঃ ॥ 3-148-22 (21508)
বীজ্যমানঃ সুপুণ্যেন নানাকুসুমগন্ধিনা।
পিতুঃ সংস্পর্শশীতেন গন্ধমাদনবায়ুনা ॥ 3-148-23 (21509)
হ্রিয়মাণশ্রমঃ পিত্রা সংপ্রহৃষ্টতনূরুহঃ ॥ 3-148-24 (21510)
স যক্ষগন্ধর্বসুরব্রহ্মর্ষিগণসেবিতম্।
বিলোকয়ামাস তদা পুষ্পহেতোররিংদমঃ ॥ 3-148-25 (21511)
বিষমচ্ছদৈরচিতৈরনুলিপ্ত ইবাঙ্গুলৈঃ।
বিমলৈর্ধাতুবিচ্ছেদৈঃ কাঞ্চনাঞ্জনরাজতৈঃ ॥ 3-148-26 (21512)
সপক্ষমিব নৃত্যন্তং পার্শ্বলগ্নৈঃ পয়োধরৈঃ।
মুক্তাহারৈরিব চিতং চ্যুতৈঃ প্রস্রবণোদকৈঃ ॥ 3-148-27 (21513)
অভিরামদরীকুঞ্জনির্ঝরোদককন্দরম্।
অপ্সরোনূপুররবৈঃ প্রনৃত্তবরবর্হিণম্ ॥ 3-148-28 (21514)
দিগ্বারণবিষাণাগ্রৈর্ঘৃষ্টোপলশিলাতলম্।
স্রস্তাংশুকমিবাশ্রোভ্যৈর্নিম্নগানিঃসৃতৈর্জলৈঃ ॥ 3-148-29 (21515)
সশষ্পকবলৈঃ স্বস্থৈরদূরপরিবর্তিভিঃ।
ভয়ানভিক্ষজ্ঞৈর্হরিণৈঃ কৌতূহলনিরীক্ষিতঃ ॥ 3-148-30 (21516)
চালয়ানঃ স্ববেগেন লতাজালান্যনেকশঃ।
আক্রীডমানঃ কৌন্তেয়ঃ শ্রীমান্বায়ুসুতো যয়ৌ ॥ 3-148-31 (21517)
প্রিয়ামনোরথং কর্তুমুদ্যতশ্চারুলোচনঃ।
প্রাংশুঃ কনকবর্ণাভঃ সিংহসংহননো যুবা ॥ 3-148-32 (21518)
মত্তবারণবিক্রন্তো মত্তবারণবেগবান্।
মত্তবারণতাম্রাক্ষো মত্তবারণবারণঃ ॥ 3-148-33 (21519)
প্রিয়পার্শ্বোপবিষ্টাভির্বায়বৃত্তাভির্বিচেষ্টিতৈঃ।
যক্ষগন্ধর্বয়োষাভিরদৃশ্যাভির্নিরীক্ষিতঃ ॥ 3-148-34 (21520)
নবাবতারং রূপস্ বিক্রীডন্নিব পাণ্ডবঃ।
চচার রমণীয়েষু গন্ধমাদনসানুষু ॥ 3-148-35 (21521)
সংস্মরন্বিবিধান্ক্লেশান্দুর্যোধনকৃতান্বহূন্।
দ্রৌপদ্যা বনবাসিন্যাঃ প্রিয়ং কর্তুং সমুদ্যতঃ ॥ 3-148-36 (21522)
সোঽচিন্তয়ত্তথা পার্থে ময়ি ৎবতিবিলম্বিতে।
পুষ্পহেতোঃ কথং ৎবার্যঃ করিষ্যতি যুধিষ্ঠিরঃ ॥ 3-148-37 (21523)
স্নেহান্নরবরো নূনমবিশ্বাসাদ্বলস্য চ।
নকুলং সহদেবং চ ন মোক্ষ্যতি যুধিষ্ঠিরঃ ॥ 3-148-38 (21524)
কথং নু কুসুমাবাপ্তিঃ স্যাচ্ছীঘ্রমিতি চিন্তয়ন্।
প্রতস্থে নরশার্দূলঃ পক্ষিরাডিব বেগিতঃ ॥ 3-148-39 (21525)
[সজ্জমানমনোদৃষ্টিঃ ফুল্লেষু গিরিসানুষু।
দ্রৌপদীবাক্যপাথেয়ো ভীমঃ শীঘ্রতরং যয়ৌ ॥] 3-148-40 (21526)
কম্পয়ন্মেদিনীং পদ্ভ্যাং নির্ঘাত ইব পর্বসু।
ত্রাসয়ন্গজয়ূথানি বাতরংহা বৃকোদরঃ ॥ 3-148-41 (21527)
সিংহব্যাঘ্রমৃগাংশ্চৈব মর্দয়ানো মহাবলঃ।
উন্মূলয়ন্মহাবৃক্ষান্পোথয়ংশ্চোরসা বলী ॥ 3-148-42 (21528)
লতাবল্লীশ্চ বেগেন বিকর্ষন্পাণ্ডুনন্দনঃ।
উপর্যুপরি শৈলাগ্রমারুরুক্ষুরিব দ্বিপঃ ॥ 3-148-43 (21529)
জলাবলম্বোঽতিভৃশং সবিদ্যুদিব তোয়দঃ।
`ব্যনদৎস মহানাদং ভীমসেনো মহাবলঃ ॥ 3-148-44 (21530)
তেন শব্দেন মহতা ভীমস্য প্রতিবোধিতাঃ।
গুহাং সংতত্যজুর্ব্যাঘ্রা নিলিল্যুর্বনবাসিনঃ ॥ 3-148-45 (21531)
সমুৎপেতুঃ খগাস্ত্রস্তা মৃগয়ূথানি দুদ্রুবুঃ।
ঋক্ষাশ্চোৎসসৃজর্বৃক্ষাংস্তত্যজুর্হরয়ো গুহাম্।
ব্যজৃম্ভন্ত মহাসিংহা মহিষাশ্চ বনেচরাঃ ॥ 3-148-46 (21532)
তেন বিত্রাসিতা নাগাঃ করেণুপরিবারিতাঃ।
তদ্বনং সংপরিত্যজ্য জগ্মুরন্যন্মহাবনম্ ॥ 3-148-47 (21533)
বরাহমৃগসঙ্ঘাশ্চ মহিষাশ্চ বনেচরাঃ।
ব্যাঘ্রগোমায়ুসঙ্ঘাশ্চ প্রণেদুর্গবয়ৈঃ সহ ॥ 3-148-48 (21534)
রথাঙ্গসাহ্বদাত্যূহা হংসকারণ্ডবপ্লবাঃ।
শুকাঃ পারাবতাঃ কৌঞ্চা বিসংজ্ঞা ভেজিরে দিশঃ ॥ 3-148-49 (21535)
তথাঽন্যে দর্পিতা নাগাঃ করেণুশরপীডিতাঃ।
সিংহব্যাঘ্রাশ্চ সংক্রুদ্ধা ভীমসেনমথাদ্রবন্ ॥ 3-148-50 (21536)
শকৃন্মূত্রং চ মুঞ্চানা ভয়বিভ্রান্তমানসাঃ।
ব্যাদিতাস্যা মহারৌদ্র ব্যনদন্ভীষণান্রবান্ ॥ 3-148-51 (21537)
ততো বায়ুসুতঃ ক্রোধাৎস্ববাহুবলমাশ্রিতঃ।
গজেনান্যান্গজান্শ্রীমান্সিংহং সিংহেন বা বিভুঃ।
তলপ্রহারৈরন্যাংশ্চ ব্যহনৎপাণ্ডবো বলী ॥ 3-148-52 (21538)
তে বধ্যমানা ভীমেন সিংহব্যাঘ্রতরক্ষবঃ।
ভয়াদ্বিসসৃজুর্ভীমং শকৃন্মূত্রং চ সুস্রুবুঃ ॥ 3-148-53 (21539)
প্রবিবেশ ততঃ ক্ষিপ্রং তানপাস্য মহাবলঃ।
বনং পাণ্ডুসুতঃ শ্রীমাঞ্শব্দেনাপূরয়ন্দিশঃ ॥ 3-148-54 (21540)
অথাপশ্যন্মহাবাহুর্গনধমাদনসানুষু।
সুরম্যং কদলীষণঅডং বহুয়োজনবিস্তৃতম্ ॥ 3-148-55 (21541)
তমভ্যগচ্ছদ্বেগেন ক্ষোভয়িষ্যন্মহাবলঃ।
মহাগজ ইবাস্রাবী প্রভঞ্জন্বিবিধান্দ্রুমান্ ॥ 3-148-56 (21542)
উৎপাট্য কদলীস্তম্ভান্বহুতালসমুচ্ছ্রয়ান্।
চিক্ষেপ তরসা ভীমঃ সমন্তাদ্বলিনাং বরঃ।
বিমর্দন্সুমহাতেজা নৃসিংহ ইব দর্পিতঃ ॥ 3-148-57 (21543)
ততঃ সংন্যপতংস্তত্রসুবহূনি মহান্তি চ।
রুরুবারণয়ূথানি মহিষাশ্চ জলাশ্রয়াঃ ॥ 3-148-58 (21544)
`প্রবিবেশ ততঃ ক্ষিপ্রং তানপাস্য মহাবলঃ।
বনং পাণ্ডুসুতঃ শ্রীমান্নাদেনাপূরয়ন্দিশঃ' ॥ 3-148-59 (21545)
তেন শব্দেন চৈবাথ ভীমসেনরবেণ চ।
বনান্তরগতাশ্চাপি বিত্রেসুর্মৃহপক্ষিঃ ॥ 3-148-60 (21546)
তস্মিননথ প্রবৃত্তে তু সংক্ষোভে মৃগপক্ষিণাম্।
জলার্দ্রপক্ষা বিহগাঃ সমুৎপেতুঃ সহস্রশঃ ॥ 3-148-61 (21547)
তানৌদকান্পক্ষিগণান্নিরীক্ষ্য ভরতর্ষভঃ।
তানেবানুসরন্রম্যং দদর্শ সুমহৎসরঃ ॥ 3-148-62 (21548)
কাঞ্চনৈঃ কদলীষণ্ডৈর্মন্দমারুতকম্পিতৈঃ।
বীজ্যমানমিবাক্ষোভ্যং তীরাত্তীরবিসর্পিভিঃ ॥ 3-148-63 (21549)
তৎসরোঽথাবতীর্যাশু প্রভূতনলিনোৎপলম্।
মহাগজ ইবোদ্দামশ্চিক্রীড বলবদ্বলী ॥ 3-148-64 (21550)
বিক্রীড্যতস্মিন্রুচিরমুত্ততারামিতদ্যুতিঃ।
`ক্ষোভয়ন্সলিলং ভীমঃ প্রভিন্ন ইববারণঃ' ॥ 3-148-65 (21551)
ততো জগাহে বেগেন তদ্বনং বহুপাদপম্।
দধ্মৌ চ শঙ্খং স্বনবৎসর্বপ্রাণেন পাণ্ডবঃ।
[আস্ফোটয়চ্চ বলবান্ভীমঃ সংনাদয়ন্দিশঃ ॥] 3-148-66 (21552)
তস্য শঙ্খস্য শব্দন ভীমসেনরবেণ চ।
বাহুশব্দন চোগ্রেণ নদন্তীব গিরের্গুহাঃ ॥ 3-148-67 (21553)
তং বজ্রনিষ্পেষসমমাস্ফোটিতমহারবম্।
শ্রুৎবা শৈলগুহাসুপ্তৈঃ সিংহৈর্মুক্তো মহাস্বনঃ ॥ 3-148-68 (21554)
সিংহনাদভয়ত্রস্তৈঃ কুঞ্জরৈরপি ভারত।
মুক্তো বিরাবঃ সুমহান্পর্বতো যেন পূরিতঃ ॥ 3-148-69 (21555)
তং তু নাদং ততঃ শ্রুৎবা সুপ্তো বানরপুঙ্গবঃ। 3-148-70 (21556)
[ভ্রাতরং ভীমসেনং তু বিজ্ঞায় হনুমান্কপিঃ ॥ 3-148-70 (21557)
দিবংগমং রুরোধাথ মার্গং ভীমস্য কারণাৎ।
অনেন হি পথা মা বৈ গচ্ছেদিতি বিচার্য সঃ ॥ 3-148-71 (21558)
আস্ত একায়নে মার্গে কদলীষণ্ডমণ্ডিতে।
ভ্রাতুর্ভীমস্য রক্ষার্থং তং মার্গমবরুধ্য বৈ ॥ 3-148-72 (21559)
মাঽত্র প্রাপ্স্যতি শাপং বা ধর্ষণাং বেতি পাণ্ডবঃ।
কদলীষণ্ডমধ্যস্থো হ্যেবং সংচিন্ত্য বানরঃ ॥ 3-148-73 (21560)
প্রাজৃম্ভত মহাকায়ো হনূমান্নাম বানরঃ।
কদলীষণ্ডমধ্যস্থো নিদ্রাবশগতস্তদা ॥ 3-148-74 (21561)
`তেন শব্দেন মহতা ব্যবুধ্যত মহাকপিঃ'।
জৃম্ভমাণঃ সুবিপুলং শক্রধ্বজমিবোচ্ছ্রিতম্।
আস্ফোটয়চ্চলাঙ্গূলমিন্দ্রাশনিসমস্বনম্ ॥ 3-148-75 (21562)
তস্য লাঙ্গূলনিনদং পর্বতঃ সুগুহামুখৈঃ।
উদ্গারমিব গৌর্নর্দন্নুৎসসর্জ সমন্ততঃ ॥ 3-148-76 (21563)
লাঙ্গূলাস্ফোটশব্দাচ্চ চলিতঃ স মহাগিরিঃ।
বিঘূর্ণমানশিখরঃ সমন্তাৎপর্যশীর্যত ॥ 3-148-77 (21564)
স লাঙ্গূলরবস্তস্য মত্তবারণনিস্বনম্।
অন্তর্ধায়বিচিত্রেষু চচার গিরিসানুষু ॥ 3-148-78 (21565)
স ভীমসেনস্তচ্ছ্রুৎবা সংপ্রহৃষ্টতনূরুহঃ।
শব্দপ্রভবমন্বিচ্ছংশ্চচার কদলীবনম্ ॥ 3-148-79 (21566)
কদলীবনমধ্যস্থমথ পীনে শিলাতলে।
দদর্শ সুমহাবাহুর্বানরাধিপতিং তদা ॥ 3-148-80 (21567)
বিদ্যুৎসংপাতদুষ্প্রেক্ষং বিদ্যুৎসংপাতপিঙ্গলম্।
বিদ্যুৎসংপাতনিনদং বিদ্যুৎসংপাতচঞ্চলম্ ॥ 3-148-81 (21568)
বাহুস্বস্তিকবিন্যস্তপীনবৃত্তশিরোধরম্।
স্কন্ধভূয়িষ্ঠকায়ৎবাত্তনুমধ্যকটীতটম্ ॥ 3-148-82 (21569)
কিংচিচ্চাভুগ্নশীর্ষেণ দীর্ঘরোমাঞ্চিতেন চ।
লাঙ্গূলেনোর্ধ্বগতিনা ধ্বজেনেব বিরাজিতম্ ॥ 3-148-83 (21570)
হ্রস্বৌষ্ঠং তাম্রজিহ্বাস্যং রক্তকর্ণং চলদ্ধুবম্।
অপশ্যদ্বদনং তস্য রশ্মিবন্তমিবোডুপম্ ॥ 3-148-84 (21571)
বদনাভ্যন্তরগতৈঃ শুক্লৈর্দন্তৈরলংকৃতম্।
কেসরোৎকরসংমিশ্রমশোকানামিবোৎকরম্ ॥ 3-148-85 (21572)
হিরণ্ময়ীনাং মধ্যস্থং কদলীনাং মহাদ্যুতিম্।
দীপ্যমানেন বপুষা স্বর্চিষ্মন্তমিবানলম্।
নিরীক্ষন্তমপত্রস্তং লোচনৈর্মধুপিঙ্গলৈঃ ॥ 3-148-86 (21573)
তং বানরবরং ধীমানতিকায়ং মহাবলম্।
স্বর্গপন্থানমাবৃত্য হিমবন্তমিব স্তিতম্ ॥ 3-148-87 (21574)
দৃষ্ট্বা চৈনং মহাবাহুরেকং তস্মিন্মহাবনে।
অথোপসৃত্যতরসা ভীমো ভীমপরাক্রমঃ ॥ 3-148-88 (21575)
সিংহনাদং চকারোগ্রং বজ্রাশনিসমং বলী।
তেন শব্দেন ভীমস্য বিত্রেসুর্মৃগপক্ষিণঃ ॥ 3-148-89 (21576)
হনূমাংশ্চ মহাসৎব ঈষদুন্মীল্য লোচনে।
দৃষ্ট্বা তমথ সাবজ্ঞং লোচনৈর্মধুপিঙ্গলৈঃ ॥ 3-148-90 (21577)
`ততঃ পবনজঃ শ্রীমানন্তিকস্থং মহৌজসম্'।
স্মিতেন চৈনমাসাদ্যহনূমানিদমব্রবীৎ ॥ 3-148-91 (21578)
কিমর্থং সরুজস্তেঽহং সুখসুপ্তঃ প্রবোধিতঃ।
ননু নাম ৎবয়া কার্যা দয়া ভূতেষু জানতা ॥ 3-148-92 (21579)
বয়ং ধর্মং ন জানীমস্তির্যগ্যোনিমুপাশ্রিতাঃ।
নরাস্তু বুদ্ধিসংপন্না দয়াং কুর্বন্তি জন্তুষু ॥ 3-148-93 (21580)
ক্রূরেষু কর্মসু কথং দেহবাক্চিত্তদূষিষু।
ধর্মঘাতিষু সজ্জন্তে বুদ্দিমন্তো ভবদ্বিধাঃ ॥ 3-148-94 (21581)
ন ৎবং ধর্মং বিজানাসি বৃদ্ধা নোপাসিতাস্ৎবয়া।
অল্পবুদ্ধিতয়া বাল্যাদুৎসাদয়সি যন্মৃগান্ ॥ 3-148-95 (21582)
ব্রূহি কস্ৎবং কিমর্থং বা কিমিদং বনমাগতঃ।
বর্জিতং মানুষৈর্ভাবৈস্তথৈব পুরুষৈরপি ॥ 3-148-96 (21583)
ক্ব চ ৎবয়াঽদ্যগন্তব্যং প্রব্রূহি পুরুষর্ষভ।
অতঃ পরমগম্যোঽয়ং পর্বতঃ সুদুরারুহঃ ॥ 3-148-97 (21584)
বিনা সিদ্ধগতিং বীর গতিরত্র ন বিদ্যতে।
[দেবলোকস্য মার্গোঽয়মগম্যো মানুষৈঃ সদা] ॥ 3-148-98 (21585)
কারুণ্যাত্ৎবামহং বীর বারয়ামি নিবোধ মে।
নাতঃ পরং ৎবয়া শক্যং গন্তুমাশ্বসিহি প্রভো ॥ 3-148-99 (21586)
স্বাগতং সর্বথৈবেহ তবাদ্য মনুজর্ষভ।
ইমান্যমৃতকল্পানি মূলানি চ ফলানি চ ॥ 3-148-100 (21587)
ভক্ষয়িৎবা নিবর্তস্ব মা বৃথা প্রাপ্স্যসে বধম্।
গ্রাহ্যং যদি বচো মহ্যং হিতং মনুজপুঙ্গব ॥ 3-148-101 (21588)
ইতি শ্রীমন্মহাভারেত অরণ্যপর্বণি তীর্থয়াত্রাপর্বণি অষ্টচৎবারিংশদধিকশততমোঽধ্যায়ঃ ॥ 248 ॥
Mahabharata - Vana Parva - Chapter Footnotes
3-148-3 পুষ্পবিকচৈর্বিকসিতকুসুমৈঃ ॥ 3-148-6 পূর্বোত্তরে ঐশানকোণে ॥ 3-148-8 সৌগন্ধিকং পদ্মজাতিভেদঃ ॥ 3-148-9 সংস্থানমাকারঃ ॥ 3-148-10 হরেঃ আহর। ইদমে তজ্জাতীয়ম্ ॥ 3-148-15 প্রভিন্নো মত্তঃ ॥ 3-148-16 মাতরিশ্বনো বায়োঃ ॥ 3-148-23 পিতুর্যথা পুত্রস্পর্শঃ শীতস্তাদৃক্ স্পর্শবতা বায়ুনেত্যর্থঃ ॥ 3-148-24 পিত্রা বায়ুনা ॥ 3-148-26 ধাতুবিচ্ছেদৈর্ধাতুভেদৈঃ। অঙ্গুলৈরিব বিষমচ্ছদৈঃ সপ্তপর্ণাদিভির্নানাধাতুরঞ্জিতপত্রৈঃ। আঞ্জনেতি কৃষ্ণধাতুগ্রহণম্। পীতকৃষ্ণশ্বেতধাতুভিরিত্যর্থঃ ॥ 3-148-27 পয়োধরৈর্মেঘৈঃ ॥ 3-148-28 দরী বিলগৃহম্। কদরং মহাপ্রপাতঃ ॥ 3-148-29 বিষাণাগ্রৈর্দন্তাগ্রৈঃ। শিলাঃ সমপাষাণাঃ শয়নাসনয়োগ্যাঃ। উপলাস্তদন্যে ॥ 3-148-30 শষ্পং বালতৃণম্। কবলো গ্রাসস্তদ্যুক্তৈঃ ॥ 3-148-33 বারণানামপি বারণঃ নিবারকঃ সংগ্রামাদৌ ॥ 3-148-34 বিচেষ্টিতৈর্ব্যাবৃত্তাভিঃ নিশ্চেষ্টাভিরেকাগ্রাভিরিত্যর্থঃ ॥ 3-148-35 রূপস্য সৌন্দর্যস্য ॥ 3-148-41 নির্ঘাত উৎপাতঃ। পর্বসু উৎসবেষু ॥ 3-148-42 পোথয়ন্ মর্দয়ন্ ॥ 3-148-43 লতা ভূচরা। বল্লী বৃক্ষচরেতি ভেদঃ ॥ 3-148-49 রথাঙ্গসাহ্বাঃ চক্রসমাননামানশ্চক্রবাকা ইতিয়াবৎ। দাত্যূহঃ ময়ূরশ্চাতকো বা ॥ 3-148-50 করেণুশরেণ হস্তিনীকৃতেবোত্তেজনেন পীজিতাঃ। শরস্তূতেজনে বাণে ইতিভেদিনী ॥ 3-148-56 আস্ত্রাবী মত্তঃ ॥ 3-148-64 নলিনোৎপলং পদ্মপুষ্পম্ ॥ 3-148-68 আস্ফোটিতং বাহুধাতঃ ॥ 3-148-71 দিবংরামং মার্গং স্বর্গমার্গম্ ॥ 3-148-72 একায়নে অতিসংকুচিতে ॥ 3-148-76 উদ্গারং রপ্রতিশব্দং গৌরিব উৎসসর্জ ॥ 3-148-82 বাহোঃ স্বস্তিকং চতুরশ্রং মূলং অংস ইতি যাবৎ তত্র ন্যস্তকধরমিত্যর্থঃ। তত্র হেতুঃ স্কন্ধেতি। বিপুলাংসৎবাদিত্যর্থঃ ॥ 3-148-84 উডুপং চন্দ্রম্ ॥ 3-148-85 অশোকানামশোকপুষ্পাণাম্ ॥ 3-148-92 সরুজঃ সপীডঃ। তে স্বয়া ॥ 3-148-99 আশ্বসিহি বিশ্বাসং কুরু ॥ 3-148-101 মহ্যং মম ॥অরণ্যপর্ব - অধ্যায় 149
॥ শ্রীঃ ॥
3.149. অধ্যায়ঃ 149
Mahabharata - Vana Parva - Chapter Topics
ভীমেন স্বমার্গাদপসরণং চোদিতেন হনুমতা তংপ্রতি অপসরণে স্বস্যাশক্তিকথনপূর্বকং স্ববালোদ্ধরণেন গমনচোদনা ॥ 1 ॥ প্রয়তনেঽপি পুচ্ছচালনেঽপ্যসমর্থেন ভীমেন তংপ্রতি তৎপ্রভবাদিপ্রশ্নঃ ॥ 2 ॥ হনুমতা স্বপ্রভবাদিকথনপূর্বকং রামকথকথনারম্ভঃ ॥ 3 ॥Mahabharata - Vana Parva - Chapter Text
3-149-0 (21589)
বৈশম্পায়ন উবাচ। 3-149-0x (2262)
এতচ্ছ্রুৎবা বচস্তস্য বানরেন্দ্রস্য ধীমতঃ।
ভীমসেনস্তদা বীরঃ প্রোবাচামিতবিক্রমঃ ॥ 3-149-1 (21590)
ভীম উবাচ। 3-149-2x (2263)
কো ভবান্কিংনিমিত্তং বা বানরং বপুরাশ্রিতঃ।
ব্রাহ্মণানন্তরো বর্ণঃ ক্ষত্রিয়স্ৎবাঽনুপৃচ্ছতি ॥ 3-149-2 (21591)
কৌরবঃ সোমবংশীয়ঃ কুন্ত্যা গর্ভেণ ধারিতঃ।
পাণ্ডবো বায়ুতনয়ো ভীমসেন ইতি শ্রুতঃ ॥ 3-149-3 (21592)
স বাক্যং ভীমসেনস্য স্মিতেন প্রতিগৃহ্য তৎ।
হনুমান্বায়ুতনয়ো বায়ুপুত্রমভাষত ॥ 3-149-4 (21593)
বানরোঽহং ন তে মার্গং প্রদাস্যামি যথোপ্সিতম্।
সাধু গচ্ছ নিবর্তস্ব মা ৎবং প্রাপ্স্যসি বৈশসম্ ॥ 3-149-5 (21594)
ভীমসেন উবাচ। 3-149-6x (2264)
বৈশসং বাঽস্তু যদ্বান্যন্ন ৎবাং রপৃচ্চামি বানর।
প্রয়চ্ছ মার্গমুত্তিষ্ঠ মা মত্তঃ প্রাপ্স্যসে ব্যথাম্ ॥ 3-149-6 (21595)
হনূমানুবাচ। 3-149-7x (2265)
নাস্তি শক্তির্মমোত্থাতুং জরয়া ক্লেশিতো হ্যহম্।
যদ্যবশ্যং প্রয়াতব্যং লঙ্ঘয়িৎবা প্রয়াহি মাম্ ॥ 3-149-7 (21596)
ভীম উবাচ। 3-149-8x (2266)
নির্গুণঃ পরমাত্মা তু দেহং তে ব্যাপ্য তিষ্ঠতে।
তমহং জ্ঞানবিজ্ঞেয়ং নাবমন্যে ন লঙ্ঘয়ে ॥ 3-149-8 (21597)
যদ্যাগমৈর্ন বিদ্যাং চ তমহং ভূতভাবনম্।
ক্রমেয়ং ৎবাং গিরিং চৈব হনীমানিব সাগরম্ ॥ 3-149-9 (21598)
হনূমানুবাচ। 3-149-10x (2267)
ক এষ হনুমান্নাম সাগরো যেন লঙ্ঘিতঃ।
পৃচ্চামি ৎবাং নরশ্রেষ্ঠ কথ্যতাং যদি শক্যতে ॥ 3-149-10 (21599)
ভীম উবাচ। 3-149-11x (2268)
ভ্রাতা মম গুণশ্লাঘ্যো বুদ্ধিসৎববলান্বিতঃ।
রামায়ণেঽতিবিখ্যাতঃ শ্রীমান্বানরপুঙ্গবঃ ॥ 3-149-11 (21600)
রামপত্নীকৃতে যেন শতয়োজনবিস্তৃতঃ।
সাগরঃ প্লবগেন্দ্রেণ ক্রমেণৈকেন লঙ্ঘিতঃ ॥ 3-149-12 (21601)
স মে ভ্রাতা মহাবীর্যস্তুল্যোঽহং তস্ তেজসা।
বলে পরাক্রমে যুদ্ধে শক্তোঽহং তব নিগ্রহে ॥ 3-149-13 (21602)
`ইমং দেশমনুপ্রাপ্তঃ কারণেনাস্মি কেনচিৎ।'
উত্তিষ্ঠ দেহি মে মার্গং পশ্য মে চাদ্য পৌরুষম্।
মচ্ছাসনমকুর্বাণং ৎবাং বা নেষ্যে যমক্ষয়ম্ ॥ 3-149-14 (21603)
বৈশম্পায়ন উবাচ 3-149-15x (2269)
বিজ্ঞায় তং বলোন্মত্তং বাহুবীর্যেণ দর্পিতম্।
হৃদয়েনাবহস্যৈনং হনূমান্বাক্যমব্রবীৎ ॥ 3-149-15 (21604)
প্রসীদ নাস্তি মে শক্তিরুত্থাতুং জরয়াঽনঘ।
মমানুকম্পয়া ৎবেতৎপুচ্ছমুৎসার্য গম্যতাম্ ॥ 3-149-16 (21605)
বৈশম্পায়ন উবাচ। 3-149-17x (2270)
[এবমুক্তে হনুমতা হীনবীর্যপরাক্রমম্।
মনসাঽচিনতয়দ্ভীমঃ স্ববাহুবলদর্পিতঃ ॥ 3-149-17 (21606)
পুচ্ছে প্রগৃহ্য তরসা হীনবীর্যপরাক্রমম্।
সালোক্যমন্তকস্যৈনং নয়াম্যদ্যেহ বানরম্ ॥] 3-149-18 (21607)
সাবজ্ঞমথ বামেন স্ময়ঞ্জগ্রাহ পাণিনা।
ন চাশকচ্চালয়িতুং ভীমঃ পুচ্ছং মহাকপেঃ ॥ 3-149-19 (21608)
উচ্চিক্ষেপ পুনর্দোর্ভ্যামিন্দ্রায়ুধমিবোচ্ছ্রিতম্।
নোদ্ধর্তুমশকদ্ভীমো দোর্ভ্যামপি মহাবলঃ ॥ 3-149-20 (21609)
উৎক্ষিপ্তভ্রূর্বিবৃত্তাক্ষঃ সংহতভ্রকুটীমুখঃ।
স্বিন্নগাত্রোঽভবদ্ভীমো ন চোদ্ধর্তুংশশাক তম্ ॥ 3-149-21 (21610)
যত্নবানপি তু শ্রীমাঁল্লাঙ্গূলোদ্ধরণে ততঃ।
কপেঃ পার্শ্বগতো ভীমস্তস্থৌ ব্রীডডানতাননঃ ॥ 3-149-22 (21611)
প্রণিপত্য চ কৌন্তেয়ঃ প্রাঞ্জলির্বাক্যমব্রবীৎ।
প্রসীদ কপিশার্দূল দুরুক্তং ক্ষম্যতাং মম ॥ 3-149-23 (21612)
সিদ্ধো বা যদি বা দেবো গন্ধর্বো বাঽথ গুহ্যকঃ।
পৃষ্টঃ সন্কো ময়া ব্রূহি কস্ৎবং বানররূপধৃৎ ॥ 3-149-24 (21613)
ন চেদ্গুহ্যং মহাবাহো শ্রোতব্যং চেদ্ভবেন্মম।
শিষ্যবত্ৎবাং তু পৃচ্ছামি উপপন্নোঽস্মি তেঽনঘ ॥ 3-149-25 (21614)
হনূমানুবাচ। 3-149-26x (2271)
যত্তে মম পরিজ্ঞানে কৌতূহলমরিংদম।
তৎসর্বমখিলেন ৎবং শৃণু পাণ্ডবনন্দন ॥ 3-149-26 (21615)
অহং কেসরিণঃ ক্ষেত্রে বায়ুনা জগদায়ুষা।
জাতঃ কমলপত্রাক্ষ হনূমান্নাম বানরঃ ॥ 3-149-27 (21616)
সূর্যপুত্রং চ সুগ্রীবং শক্রপুত্রং চ বালিনম্।
সর্ববানররাজানৌ সর্ববানরয়ূথপাঃ ॥ 3-149-28 (21617)
উপতস্থুর্মহাবীর্যা মম চামিত্রকর্শন।
সুগ্রীবেণাভবৎপ্রীতিরনিলস্যাগ্নিনা যথা ॥ 3-149-29 (21618)
নিকৃতঃ স ততো ভ্রাত্রা কস্মিংশ্চিৎকারণান্তরে।
ঋশ্যমূকে ময়া সার্ধং সুগ্রীবো ন্যবসচ্চিরম্ ॥ 3-149-30 (21619)
অথ দাশরথির্বীরো রামো নাম মহাবলঃ।
বিষ্ণুর্মানুষরূপেণ চচার বসুধাতলম্ ॥ 3-149-31 (21620)
স পিতুঃ প্রিয়মন্বিচ্ছন্সহভার্যঃ সহানুজঃ।
সধনুর্ধন্বিনাংশ্রেষ্ঠো দণ্ডকারণ্যমাশ্রিতঃ ॥ 3-149-32 (21621)
তস্য ভার্যা জনস্থানাচ্ছলেনাপহৃতা বলাৎ।
রাক্ষসেন্দ্রেণ বলিনা রাবণেন দুরাত্মনা ॥ 3-149-33 (21622)
সুবর্ণরত্নচিত্রেণ মৃগরূপেণ রক্ষসা।
বঞ্চয়িৎবা নরব্যাঘ্রং মারীচেন তদাঽনঘ ॥ 3-149-34 (21623)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি একোনপঞ্চাশদধিকশততমোঽধ্যায়ঃ ॥ 149 ॥
Mahabharata - Vana Parva - Chapter Footnotes
3-149-5 বৈশসং বিরোধম্ ॥ 3-149-9 ভূতভাবনং ভূতানাং বিয়দাদীনাং জরায়ুজাদীনাং চ ভাবনং রচনং যস্মাত্তম্ ॥ 3-149-12 ক্রমেণ পাদবিক্ষেপেন ॥ 3-149-17 এবমুক্তে সতি। তমিত্যধ্যাহারঃ। তং হীনবীর্যপরাক্রমং মনসাঽবিন্তয়ন্মেনে ॥ 3-149-29 মম চ সুগ্রীবেণ প্রীতিরভবৎ ॥ 3-149-30 নিকৃতঃ নিরস্তঃ ॥অরণ্যপর্ব - অধ্যায় 150
॥ শ্রীঃ ॥
3.150. অধ্যায়ঃ 150
Mahabharata - Vana Parva - Chapter Topics
হনুমতা ভীমংপ্রতি সমগ্ররামকথাকথনম্ ॥ 1 ॥Mahabharata - Vana Parva - Chapter Text
3-150-0 (21624)
হনূমানুবাচ। 3-150-0x (2272)
হৃতদারঃ সহ ভ্রাত্রা পত্নীং মার্গন্স রাঘবঃ।
দৃষ্টবাঞ্শৈলশিখরে সুগ্রীবং বানরর্ষভম্ ॥ 3-150-1 (21625)
তেন তস্যাভবৎসখ্যং রাঘবস্য মহাত্মনঃ।
স হৎবা বালিনং রাজ্যে সুগ্রীবং প্রত্যপাদয়ৎ ॥ 3-150-2 (21626)
স রাজ্যং প্রাপ্য সুগ্রীবঃ সীতায়াঃ পরিমার্গণে।
বানরান্প্রেষয়ামাস শতশোঽথ সহস্রশঃ ॥ 3-150-3 (21627)
ততো বানরকোটীভিঃ সহিতোঽহং নরর্ষভ।
সীতাং মার্গন্মহাবাহো প্রস্থিতো দক্ষিণাং দিশম্ ॥ 3-150-4 (21628)
ততঃ প্রবৃত্তিঃ সীতায়া গৃধ্রেণ সুমহাত্মনা।
সংপাতিনা সমাখ্যাতা রাবণস্য নিবেশনে ॥ 3-150-5 (21629)
ততোঽহং কার্যসিদ্ধ্যর্থং রামস্যাক্লিষ্টকর্মণঃ।
শতয়োজনবিস্তারমর্ণবং সহসা প্লুতঃ ॥ 3-150-6 (21630)
অহং স্ববীর্যাদুত্তীর্য সাগরং মকরালয়ম্।
সুতাং জনকরাজস্য সীতাং সুররসুতোপমাম্ ॥ 3-150-7 (21631)
দৃষ্টবান্ভরতশ্রেষ্ঠ রাবণস্য নিবেশনে।
সমেত্য তামহং দেবীং বৈদেহীং রাঘবপ্রিয়াম্ ॥ 3-150-8 (21632)
দগ্ধ্বা লঙ্কামশেষেণ সাদৃপ্রাকারতোরণাম্।
প্রত্যাগতশ্চাস্য পুনর্নাম তত্রপ্রকাশ্য বৈ ॥ 3-150-9 (21633)
মদ্বাক্যং চাবধার্যাশু রামো রাজীবলোচনঃ।
অবদ্ধপূর্বমন্যৈশ্চ বদ্ধ্বা সেতুং মহোদধৌ।
বৃতো বানরকোটীভিঃ সমুত্তীর্ণো মহার্ণবম্ ॥ 3-150-10 (21634)
ততো ররামেণ বীর্যেণ হৎবা তান্সর্বরাক্ষসান্।
রণে তু রাক্ষসগণং রাবণং লোকরাবণম্ ॥ 3-150-11 (21635)
নিশাচরেনদ্রং হৎবা তু সভ্রাতৃসুতবান্ধবম্।
রাজ্যেঽভিষিচ্য লঙ্কায়াং রাক্ষসেন্দ্রং বিভীষণম্ ॥ 3-150-12 (21636)
ধার্মিকং ভক্তিমন্তং চ ভক্তানুগতবৎসলঃ।
প্রত্যাহৃত্য ততঃ সীতাং নষ্টাং বেদশ্রুতিং যথা ॥ 3-150-13 (21637)
তয়ৈব সহিতঃ সাধ্ব্যা পত্ন্যা রামো মহায়শাঃ।
গৎবা ততোঽতিৎবরিতঃ স্বাং পুরীং রঘুনন্দনঃ।
অধ্যাবসত্ততোঽয়োধ্যাময়োধ্যাং দ্বিষতাং প্রভুঃ ॥ 3-150-14 (21638)
ততঃ প্রতিষ্ঠিতো রাজ্যে রামো নৃপতিসত্তমঃ।
বরং ময়া যাচিতোঽসৌ রামো রাজীবলোচনঃ ॥ 3-150-15 (21639)
যাবদ্রামকথেয়ং তে ভবেল্লোকেষু শত্রুহন্।
তাবজ্জীবেয়মিত্যেবং তথাঽস্ৎবিতি চ সোব্রবীৎ ॥ 3-150-16 (21640)
সীতাপ্রসাদাচ্চ সদা মামিহস্থমরিংদম।
উপতিষ্ঠন্তি দিব্যা হি ভোগা ভীম যথেপ্সিতাঃ ॥ 3-150-17 (21641)
দশবর্ষসহস্রাণি দশবর্ষশতানি চ।
রাজ্যং কারিতবান্রামস্ততঃ স্বভবনং গতঃ ॥ 3-150-18 (21642)
তদিহাপ্সরসস্তাত গন্ধর্বাশ্চ সদাঽনঘ।
তস্য বীরস্য চরিতং গায়ন্ত্যো রময়ন্তি মাম্ ॥ 3-150-19 (21643)
অয়ং চ মার্গো মর্ত্যানামগম্যঃ কুরুনন্দন।
ততোঽহং রুদ্ধবান্মার্গং তবেমং দেবসেবিতম্ ॥ 3-150-20 (21644)
`ৎবামনেন পথা যান্তং যক্ষো বা রাক্ষসোপি বা'।
ধর্ষয়েদ্বা শপেদ্বাঽপি মা কশ্চিদিতি ভারত ॥ 3-150-21 (21645)
দিব্যো দেবপথো হ্যেষ নাত্র গচ্ছন্তি মানুষাঃ।
যদর্থমাগতশ্চাসি অত এব সরশ্চ তৎ ॥ 3-150-22 (21646)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি পঞ্চাশদধিকশততমোঽধ্যায়ঃ ॥ 150 ॥
Mahabharata - Vana Parva - Chapter Footnotes
3-150-8 সমেত্য বিদিৎবা সংভাষণাদিনা নিশ্চিত্যেত্যর্থঃ ॥ 3-150-9 অস্য রামস্য। তত্র লঙ্কায়াম্ ॥ 3-150-10 অবধার্য নিশ্চিত্য ॥ 3-150-11 লোকরাবণং লোকপীডাকরম্ ॥ 3-150-14 অয়োধ্যাং যোদ্ধুমশক্যাম্ ॥ 3-150-18 কারিতবান্ কৃতবান্। স্বার্থে ণিচ্। স্বভবনং বৈকুণ্ঠম্ ॥অরণ্যপর্ব - অধ্যায় 151
॥ শ্রীঃ ॥
3.151. অধ্যায়ঃ 151
Mahabharata - Vana Parva - Chapter Topics
ভীমেন জলধিলঙ্ঘনকলিকপৃথুরূপপ্রদর্শনং প্রার্থিতেন হনুমতা তংপ্রতি এতৎকালিকৈস্তাৎকালিকরূপস্য দুর্নিরীক্ষতাকথনপূর্বকং কৃতাদিয়ুগধর়্মপ্রতিপাদনম্ ॥ 1 ॥Mahabharata - Vana Parva - Chapter Text
3-151-0 (21647)
বৈশম্পায়ন উবাচ। 3-151-0x (2273)
এবমুক্তো মহাবাহুর্ভীমসেনঃ প্রতাপবান্।
প্রণিপত্য ততঃ প্রীত্যা ভ্রাতরং হৃষ্টমানসঃ ॥ 3-151-1 (21648)
উবাচ শ্লক্ষ্ণয়া বাচা হনূমন্তং কপীশ্বরম্।
মত্তো ধন্যতরো নাস্তি যদার্যং দৃষ্টবানহম্ ॥ 3-151-2 (21649)
অনুগ্রহো মে সুমহাংস্তৃপ্তিশ্চ তব দর্শনাৎ।
এতত্তু কৃতমিচ্ছামি ৎবয়াঽঽর্যেণ প্রিয়ং মম ॥ 3-151-3 (21650)
যত্ৎবেতদাসীৎপ্লবতঃ সাগরং মকরালয়ম্।
রূপমপ্রতিমং বীর তদিচ্ছামি নীরীক্ষিতুম্ ॥ 3-151-4 (21651)
এবং তুষ্টো মভিষ্যামি শ্রদ্ধাস্যামি চ তে বচঃ।
এবমুক্তঃ স তেজস্বী প্রহস্য হরিরব্রবীৎ ॥ 3-151-5 (21652)
ন তচ্ছক্যং ৎবয়া দ্রষ্টুং রূপং নান্যেন কেনচিৎ।
কালাবস্থা তদা হ্যন্যা বর্ততে সা ন সাংপ্রতম্।
`ততোঽদ্য দুষ্করং দ্রষ্টুং মম রূপং নরোত্তম' ॥ 3-151-6 (21653)
অন্যঃ কৃতয়ুগে কালশ্রেতায়াং দ্বাপরে পরঃ।
অয়ং প্রধ্বংসনঃ কালো নাদ্য তদ্রূপমস্তি মে ॥ 3-151-7 (21654)
ভূমির্নদ্যো নগাঃ শৈলাঃ সিদ্ধা দেবা মহর্ষয়ঃ।
কালং সমনুবর্তন্তে যথা ভাবা যুগেয়ুগে ॥ 3-151-8 (21655)
`কালংকালং সমাসাদ্য নরাণাং নরপুঙ্গব'।
বলবর্ষ্মপ্রভাবা হি প্রহীয়ন্ত্যুদ্ভবন্তি চ ॥ 3-151-9 (21656)
তদলং বত তদ্রূপং দ্রষ্টুং কুরুকুলোদ্বহ।
যুগং সমনুবর্তামি কালো হি দুরতিক্রমঃ ॥ 3-151-10 (21657)
ভীম উবাচ। 3-151-11x (2274)
যুগসঙ্খ্যাং সমাচক্ষ্ব আচারং চ যুগেয়ুগে।
ধর্মকামার্থভাবাংশ্চ কর্মবীর্যে ভবাভবৌ ॥ 3-151-11 (21658)
হনূমানুবাচ। 3-151-2x (2275)
কৃতং নাম যুগং শ্রেষ্ঠং যত্রধর্মঃ সনাতনঃ।
কৃতমেব ন কর্তব্যং তস্মিন্কালে যুগোত্তমে ॥ 3-151-12 (21659)
ন তত্র ধর্মাঃ সীদন্তি ক্ষীয়ন্তে ন চ বৈ প্রজাঃ।
ততঃ কৃতয়ুগং নাম কালেন গুণতাং গতম্ ॥ 3-151-13 (21660)
দেবদানবগন্ধর্বয়ক্ষরাক্ষসপন্নগাঃ।
নাসন্কৃতয়ুগে তাত তদা ন ক্রয়বিক্রয়ঃ ॥ 3-151-14 (21661)
ন সামঋগ্যজুর্বর্ণাঃ ক্রিয়া নাসীচ্চ মানবী।
অভিধ্যায় ফলং তত্র ধর্মঃ সংন্যাস এব চ ॥ 3-151-15 (21662)
ন তস্মিন্যুগসংসর্গে ব্যাধয়ো নেন্দ্রিয়ক্ষয়ঃ।
নাসূয়া নাপি রুদিতং ন দর্পো নাপি বৈকৃতম্ ॥ 3-151-16 (21663)
ন বিগ্রহঃ কুতস্তন্দ্রী ন দ্বেষো ন চ পৈশুনম্।
ন ভয়ং নাপি সংতাপো ন চের্ষ্যা ন চ মৎসরঃ ॥ 3-151-17 (21664)
ততঃ পরমকং ব্রহ্ম সা গতির্যোগিনাং পরা।
আত্মা চ সর্বভূতানাং শুক্লো নারায়ণস্তদা ॥ 3-151-18 (21665)
ব্রাহ্মণআঃ ক্ষত্রিয়া বৈশ্যাঃ শূদ্রাশ্চ কৃতলক্ষণাঃ।
কৃতে যুগে সমভবন্স্বকর্মনিরতাঃ প্রজাঃ ॥ 3-151-19 (21666)
সমাশ্রয়ং সমাচারং সমজ্ঞানং চ কেবলম্।
তদা হি সমকর্মাণো বর্ণা ধর্মানবাপ্নুবন্ ॥ 3-151-20 (21667)
একদেবসদায়ুক্তা একমন্ত্রবিধিক্রিয়াঃ।
পৃথগ্ধর্মাস্ৎবেকবেদা ধর্মমেকমনুব্রতাঃ ॥ 3-151-21 (21668)
চাতুরাশ্রম্যযুক্তেন কর্মণা কালয়োগিনা।
অকামফলসংয়োগাৎপ্রাপ্নুবন্তি পরাং গতিম্ ॥ 3-151-22 (21669)
আত্ময়োগসমায়ুক্তো ধর্মোঽয়ং কৃতলক্ষণঃ।
কৃতে যুগে চতুষ্পাদশ্চাতুর্বর্ণ্যস্য শাশ্বতঃ ॥ 3-151-23 (21670)
`কামঃ কাময়মানেষু ব্রাহ্মণেষু তিরোহিতঃ'।
এতৎকৃতয়ুগং নাম ত্রৈগুণ্যপরিবর্জিতম্ ॥ 3-151-24 (21671)
ত্রেতামপি নিবোধ ৎবং যস্মন্সত্রং প্রবর্ততে।
পাদেন হ্রসতে ধর্মো রক্ততাং যাতি চাচ্যুতঃ ॥ 3-151-25 (21672)
সত্যপ্রবৃত্তাশ্চ নরাঃ ক্রিয়া ধর্মপরায়ণাঃ।
ততো যজ্ঞাঃ প্রবর্তন্তে ধর্মাশ্চবিবিধাঃ ক্রিয়াঃ ॥ 3-151-26 (21673)
ত্রেতায়াং ভাবসংকল্পাঃ ক্রিয়াদানফলোপগাঃ।
প্রচলন্তি ন বৈ ধর্মাত্তপোদানপরায়ণাঃ।
স্বধর্মস্থাঃ ক্রিয়াবন্তো নরাস্ত্রেতায়ুগেঽভবন্ ॥ 3-151-27 (21674)
দ্বাপরে চ যুগে ধর্মো দ্বিভাগো নঃ প্রবর্ততে।
বিষ্ণুর্বৈ পীততাং যাতি চতুর্ধা বেদ এব চ ॥ 3-151-28 (21675)
ততোঽন্যে চ চতুর্বেদাস্ত্রিবেদাশ্চ তথা পরে।
দ্বিবেদাশ্চৈকবেদাশ্চাপ্যনৃচশ্চ তথা পরে ॥ 3-151-29 (21676)
এবং শাস্ত্রেষু ভিননেষু বহুধা নীয়তে ক্রিয়া।
তপোদানপ্রবৃত্তা চ রাজসী ভবতি প্রজা ॥ 3-151-30 (21677)
একবেদস্য চাজ্ঞানাদ্বেদাস্তে বহবঃ কৃতাঃ।
সত্যস্য চেহ বিভ্রংশাৎসত্যে কশ্চিদবস্থিতঃ ॥ 3-151-31 (21678)
সত্যাৎপ্রচ্যবমানানাং ব্যাঘয়ো বহবোঽভবন্।
কামাশ্চোপদ্রবাশ্চৈব তদা বৈ দৈবকারিতাঃ ॥ 3-151-32 (21679)
যৈরর্দ্যভানাঃ সুভৃশং তপস্তপ্যন্তি মানবাঃ।
কামকামাঃ স্বর্গকামা যজ্ঞাংস্তন্বন্তি চাপরে ॥ 3-151-33 (21680)
এবং দ্বাপরমাসাদ্য প্রজাঃ ক্ষীয়ন্ত্যধর্মতঃ।
পাদেনৈকেন কৌন্তেয় ধর্মঃ কলিয়ুগে স্থিতঃ ॥ 3-151-34 (21681)
তামসং যুগমাসাদ্য কৃষ্ণো ভবতি কেশবঃ।
বেদাচারাঃ প্রশাম্যন্তি ধর্ময়জ্ঞক্রিয়াস্তথা ॥ 3-151-35 (21682)
ঈতয়ো ব্যাধয়স্তন্দ্রী দোষাঃ ক্রোধাদয়স্তথা।
উপদ্রবাঃ প্রবর্তন্তে আধয়ো ব্যাধয়স্তথা ॥ 3-151-36 (21683)
যুগেষ্বাবর্তমানেষু ধর্মো ব্যাবর্ততে পুনঃ।
ধর্মে ব্যাবর্তমানে তু লোকো ব্যাবর্ততে পুনঃ ॥ 3-151-37 (21684)
লোকে ক্ষীণে ক্ষয়ং যানতি ভাবা লোকপ্রবর্তকাঃ।
যুগক্ষয়কৃতা ধর্মাঃ প্রার্থনানি বিকুর্বতে ॥ 3-151-38 (21685)
এতৎকলিয়ুগং নাম অচিরাদ্যৎপ্রবর্ততে।
যুগানুবর্তনং ৎবেতৎকুর্বন্তি চিরজীবিনঃ ॥ 3-151-39 (21686)
যচ্চ তে মৎপরিজ্ঞানে কৌতূহলমরিংদম।
অনর্থকেষু কো ভাবঃ পুরুষস্য বিজানতঃ ॥ 3-151-40 (21687)
এতত্তে সর্বমাখ্যাতং যন্মাং ৎবং পরিপৃচ্ছসি।
যুগসঙ্খ্যাং মহাবাহো স্বস্তি প্রাপ্নুহি গম্যতাম্ ॥ 3-151-41 (21688)
ইতি শ্রীমন্মহাভারতে অরণ্যপর্বণি তীর্তয়াত্রাপর্বণি একপঞ্চাশদধিকশততমোঽধ্যায়ঃ ॥ 151 ॥
Mahabharata - Vana Parva - Chapter Footnotes
3-151-3 একং তু কৃতমিচ্ছামীতি ধ. পাঠঃ ॥ 3-151-5 হরির্বানরঃ ॥ 3-151-9 বর্ষ্ম শরীরম্ ॥ 3-151-11 ভাবান্ তত্ৎবানি। কর্ম শুভাশুভম্। বীর্যং ফলোদয়পর্যন্তং শক্তিঃ। ভবাভবাবুৎপত্তিবিনাশৌ ঐশ্বর্যানৈশ্বর্যে বা ॥ 3-151-12 কৃতমেব সর্বে কৃতকৃত্যা এবেত্যর্থঃ। ততএব হেতোঃ কৃতয়ুগং নাম ॥ 3-151-15 ত্রয়ীধর্মস্য চিত্তশুদ্ধ্যর্থৎবাত্তস্যাশ্চ তদানীং স্বভাবসিদ্ধৎবান্ন সামাদীন্যাসন্। মানবীক্রিয়া কৃষ্যাদ্যারম্ভরূপা। কিংতু অভিধ্যায় ফলং সংকল্পাদেব সর্বং সংপদ্যত ইত্যর্থঃ ॥ 3-151-16 বৈকৃতং কপটম্ ॥ 3-151-17 বিগ্রহো বৈরম্। তন্দ্রী আলস্যম্। ঈর্ষ্যা অক্ষমা। মৎসরঃ পরোৎকর্ষাসহিষ্ণুৎবম্ ॥ 3-151-18 ততোঽসূয়াদিত্যাগাৎ পরমকং পরমানন্দাত্মকং ব্রহ্ম প্রাপ্যত ইতি শেষঃ। গতিঃ প্রাপ্যম্। শ্বেতরক্তপীতকৃষ্ণরূপাণি ক্রমেণ কৃতাদিষু ভবন্তীতি কৃতে নারায়ণঃ শুক্ল ইত্যুক্তম্ ॥ 3-151-33 যৈঃ ব্যাধিভিঃ কামৈশ্চ ॥ 3-151-35 তামসং তমোগুণপ্রধানং কলিম্ ॥ 3-151-36 ঈতয়ঃ অতিবৃষ্ট্যাদয়ঃ ॥ 3-151-37 ব্যাবর্ততে নশ্যতি ॥ 3-151-38 ভাবাঃ ধর্মজ্ঞানাদয়ঃ। প্রার্থনানি বিকুর্বতে। অন্যৎপ্রার্থ্যতেঽন্যৎ জায়তে। পৌষ্টিকমপি কর্ম বিধিলোপান্নাশকং ভবতীতি ভাবঃ ॥ 3-151-39 চিরজীবিনো মাদৃশা অপি যুগানুবর্তিনঃ কালানুসারিণো ভবন্তি ॥ 3-151-40 অনর্থকেষু নিষ্প্রয়োজনেষু। ভাবোঽভিনিবেশঃ ॥ 3-151-41 স্বস্তি কল্যাণম্ ॥অরণ্যপর্ব - অধ্যায় 152
॥ শ্রীঃ ॥
3.152. অধ্যায়ঃ 152
Mahabharata - Vana Parva - Chapter Topics
হনুমতা ভীমায় সমুদ্রতরণকালিকপৃথুতরনিজরূপপ্রদর্শনপূর্বকং চতুর্বর্ণধর্মনিরূপণম্ ॥ 1 ॥Mahabharata - Vana Parva - Chapter Text
3-152-0 (21689)
ভীমসেন উবাচ। 3-152-0x (2276)
পূর্বরূপমদৃষ্ট্বা তে ন যাস্যামি কথংচন।
যদি তেঽহমনুগ্রাহ্যো দর্শয়াত্মানমাত্মনা ॥ 3-152-1 (21690)
বৈশম্পায়ন উবাচ। 3-152-2x (2277)
এবমুক্তস্তু ভীমেন স্মিতং কৃৎবা প্লবংগমঃ।
তদ্রূপং দর্শয়ামাস যদ্বৈ সাগরলঙ্ঘনে ॥ 3-152-2 (21691)
ভ্রাতুঃ প্রিয়মভীপ্সন্বৈ চকার সুমহদ্বপুঃ।
`তদ্রূপং যৎপুরা তস্য বভূবোদধিলঙ্ঘনে' ॥ 3-152-3 (21692)
দেহস্তস্য ততোঽতীব বর্ধত্যায়ামবিস্তরৈঃ।
সদ্রুমং কদলীষণ্ডং ছাদয়ন্নমিতদ্যুতিঃ ॥ 3-152-4 (21693)
গিরিশ্চোচ্ছ্রয়মাক্রম্য তস্থৌ তত্র চ বানরঃ।
সমুচ্ছ্রিতমহাকায়ো দ্বিতীয় ইব পর্বতঃ ॥ 3-152-5 (21694)
তাম্রেক্ষণস্তীক্ষ্ণদংষ্ট্রো ভৃকুটীকৃতলোচনঃ।
দীর্ঘং লাঙ্গূলমাবিধ্য দিশো ব্যাপ্য স্থিতঃ কপিঃ ॥ 3-152-6 (21695)
তদ্রূপং মহদালক্ষ্যভ্রাতুঃ কৌরবনন্দনঃ।
বিসিষ্মিয়ে তদা ভীমো জহৃষে চ পুনঃ পুনঃ ॥ 3-152-7 (21696)
তমর্কমিব তেজোভিঃ সৌবর্ণমিব পর্বতম্।
প্রদীপ্তমিব চাকাশং দৃষ্ট্বা ভীমো ন্যমীলয়ৎ ॥ 3-152-8 (21697)
আবভাষে চ হনুমান্ভীমসেনং স্ময়ন্নিব।
এতাবদিহ শক্তস্ৎবং দ্রুষ্টুং রূপং মমানঘ ॥ 3-152-9 (21698)
বর্ধেঽহং চাপ্যতো ভূয়ো যাবন্মে মনসেপ্সিতম্।
ভীম শত্রুষু চাত্যর্থং বর্ধতে মূর্তিরোজসা ॥ 3-152-10 (21699)
বৈশম্পায়ন উবাচ। 3-152-11x (2278)
তদদ্ভুতং মহারৌদ্রং বিন্ধ্যপর্বতসন্নিভম্।
দৃষ্ট্বা হনূমতো বর্ষ্ম সংভ্রান্তঃ পবনাত্মজঃ ॥ 3-152-11 (21700)
প্রত্যুবাচ ততো ভীমঃ সংপ্রহৃষ্টতনূরুহঃ।
কৃতাঞ্জলিরদীনাত্মা হনূমন্তমবস্থিতম্ ॥ 3-152-12 (21701)
দৃষ্টং প্রমাণং বিপুলং শরীরস্যাস্য তে বিভো।
সংহরস্ব মহাবীর্য স্বয়মাত্মানমাত্মনা ॥ 3-152-13 (21702)
ন হি শক্নোমি ৎবাং দ্রষ্টুং দিবাকরমিবোদিতম্।
অপ্রমেয়মনাধৃষ্যং মৈনাকমিব পর্বতম্ ॥ 3-152-14 (21703)
বিস্ময়শ্চৈব মে বীর সুমহান্মনসোঽদ্য বৈ।
যদ্রামস্ৎবয়ি পার্শ্বশ্থে স্বয়ং রাবণমভ্যগাৎ ॥ 3-152-15 (21704)
ৎবমেব শক্তস্তাং লঙ্কাং সয়োধাং সহরাবণাম্।
স্ববাহুবলমাশ্রিৎ বিনাশয়িতুমঞ্জসা ॥ 3-152-16 (21705)
ন হি তে কিংচিদপ্রাপ্যং মারুতাত্মজ বিদ্যতে।
ন চৈব তব পর্যাপ্তো রাবয়ণঃ সগণো যুধি ॥ 3-152-17 (21706)
এবমুক্তস্তু ভীমেন হনূমান্প্লবগোত্তমঃ।
প্রত্যুবাচ ততো বাক্যং স্নিগ্ধগম্ভীরয়া গিরা ॥ 3-152-18 (21707)
এবমেতন্মহাবাহো যথা বদসি ভারত।
ভীমসেন ন পর্যাপ্তো মমাসৌ রাক্ষসাধমঃ ॥ 3-152-19 (21708)
ময়া তু নিহতে তস্মিন্রাবণে লোককণ্টকে।
কীর্তির্নশ্যেদ্রাঘবস্য তত এতদুপেক্ষিতম্ ॥ 3-152-20 (21709)
তেন বীরেণ তং হৎবা সগণং রাক্ষসাধমম্।
আনীতা স্বপুরং সীতা কীর্তিশ্চ স্থাপিতা নৃষু ॥ 3-152-21 (21710)
তদ্গচ্ছ বিপুলপ্রজ্ঞ ভ্রাতুঃ প্রিয়হিতে রতঃ।
অরিষ্টং ক্ষেমমধ্বানং বায়ুনা পরিরক্ষিতঃ ॥ 3-152-22 (21711)
এষ পন্থাঃ কুরুশ্রেষ্ঠ সৌগন্ধিকবনায় তে।
দ্রক্ষ্যসে ধনদোদ্যানং রক্ষিতং যক্ষরাক্ষসৈঃ ॥ 3-152-23 (21712)
ন চ তে তরসা কার্যঃ কুসুমাপচয়ঃ স্বয়ম্।
দৈবতানি হি মান্যানি পুরুষেণ বিশেষতঃ ॥ 3-152-24 (21713)
বলিহোমনমস্কারৈর্মন্ত্রৈশ্চ ভরতর্ষভ।
দৈবতানি প্রসাদং হি ভক্ত্যা কুর্বন্তি ভারত ॥ 3-152-25 (21714)
মা তাত সাহসং কার্ষীঃ স্বধর্মং পরিপালয়।
স্বধর্মস্থাপনং ধর্মং বুধ্যস্বাগময়স্ব চ ॥ 3-152-26 (21715)
ন হি ধর্মমবিজ্ঞায় বৃদ্ধাননুপসেব্য চ।
ধর্মো বৈ বেদিতুং শক্যো বৃহস্পতিসমৈরপি ॥ 3-152-27 (21716)
অধর্মো যত্র ধর্মাখ্যো ধর্মশ্চাধর্মসংজ্ঞিতঃ।
স বিজ্ঞেয়ো বিভাগেন যত্রমুহ্যন্ত্যবুদ্ধয়ঃ ॥ 3-152-28 (21717)
আচারসংভবো ধর্মো ধর্মাদ্বেদাঃ সমুত্থিতাঃ।
বেদৈর্যজ্ঞাঃ সমুৎপন্না যজ্ঞৈর্দেবাঃ প্রতিষ্ঠিতাঃ ॥ 3-152-29 (21718)
বেদাচারবিধানোক্তৈর্যজ্ঞৈর্ধার্যন্তি দেবতাঃ।
বৃহস্পত্যুশনঃপ্রোক্তৈর্নয়ৈর্ধার্যন্তি মানবাঃ ॥ 3-152-20 (21719)
বল্যাকরবণিজ্যাভিঃ কৃষ্যর্থৈর্যোনিপোষণৈঃ।
বার্তয়া ধার্যতে সর্বং ধর্মৈরেতৈর্দ্বিজাতিভিঃ ॥ 3-152-31 (21720)
ত্রয়ী বার্তা দণ্ডনীতিস্তিস্রো বিদ্যা বিজানতাম্।
তাভিঃ সম্যক্প্রবৃত্তাভির্লোকয়াত্রা বিধীয়তে ॥ 3-152-32 (21721)
সা চেদ্ধর্মকৃতা ন স্যাত্রয়ীধর্মমৃতে ভুবি।
দণ্ডনীতিমৃতেচাপি নির্মর্যাদমিদং ভবেৎ ॥ 3-152-33 (21722)
বার্তাধর্মে হ্যবর্তিন্যো বিনশ্যেয়ুরিমাঃ প্রজাঃ।
সুপ্রবৃত্তৈস্ত্রিভির্হ্যেতৈর্ধর্মৈঃ সূয়ন্তি বৈ প্রজাঃ ॥ 3-152-34 (21723)
দ্বিজানামমৃতং ধর্মো হ্যেকশ্চৈবৈকবর্ণকঃ।
যজ্ঞাধ্যযনদানানি ত্রয়ঃ সাধারণাঃ স্মৃতাঃ ॥ 3-152-35 (21724)
যাজনাধ্যাপনে চোভে ব্রাহ্মণানাং পরিগ্রহঃ।
পালনং ক্ষত্রিয়াণাং বৈ বৈশ্যধর্মশ্চ পোষণম্ ॥ 3-152-36 (21725)
শুশ্রূষা চ দ্বিজাতীনাং শূদ্রাণআং ধর্ম উচ্যতে।
ভৈক্ষহোমব্রতৈর্হীনাস্তথৈব গুরুবাসিতাঃ ॥ 3-152-37 (21726)
ক্ষত্রধর্মোঽত্রকৌন্তেয় তব ধর্মোঽত্র রক্ষণম্।
স্বধর্মং প্রতিপদ্যস্ব বিনীতো নিয়তেন্দ্রিয়ঃ ॥ 3-152-38 (21727)
বৃদ্ধৈঃ সংমন্ত্র্য সদ্ভিশ্চ বুদ্ধিমদ্ভিঃ শ্রুতান্বিতৈঃ।
আস্থিতঃ শাস্তিদণ্ডেন ব্যসনী পরিভূয়তে ॥ 3-152-39 (21728)
নিগ্রহানুগ্রহৈঃ সম্যগ্যদা নেতা প্রবর্ততে।
তদা ভবন্তি লোকস্য মর্যাদাঃ সুব্যবস্থিতাঃ ॥ 3-152-40 (21729)
তস্মাদ্দেশে চ দুর্গে চ শত্রুমিত্রবলেষু চ।
নিত্যং চারেণ বোদ্ধব্যং স্থানং বৃদ্ধিঃ ক্ষয়স্তথা ॥ 3-152-41 (21730)
রাজ্ঞামুপায়শ্চারশ্চ বুদ্ধিমন্ত্রপরাক্রমাঃ।
নিগ্রহপ্রগ্রহৌ চৈব দাক্ষ্যং বৈ কার্যসাধকম্ ॥ 3-152-42 (21731)
সাম্না দানেন ভেদেন দণ্ডেনোপেক্ষণেন চ।
সাধনীয়ানি কার্যাণি সমাসব্যাসয়োগতঃ ॥ 3-152-43 (21732)
মন্ত্রমূলা নয়াঃ সর্বেচারাশ্চ ভরতর্ষভ।
সুমন্ত্রিতনয়ৈঃ সদ্ভিস্তদ্বিধৈঃ সহ মন্ত্রয়েৎ ॥ 3-152-44 (21733)
স্ত্রিয়া মূঢেন বালেন লুব্ধেন লঘুনাঽপি বা।
ন মন্ত্রয়ীত গুহ্যানি যেষু চাস্পনদলক্ষণম্ ॥ 3-152-45 (21734)
মন্ত্রয়েৎসহ বিদ্বদ্ভিঃ শক্তৈঃ কর্মাণি কারয়েৎ।
স্নিগ্ধৈশ্চ নীতিবিন্যাসৈর্মূর্খান্সর্বত্র বর্জয়েৎ ॥ 3-152-46 (21735)
ধার্মিকান্ধর্মকার্যেষু অর্থকার্যেষু পণ্ডিতান্।
স্ত্রীষু ক্লীবান্নিয়ুঞ্জীত ক্রূরান্ক্রূরেষু কর্মসু ॥ 3-152-47 (21736)
স্বেভ্যশ্চৈব পরেভ্যশ্চ কার্যাকার্যসমুদ্ভবা।
বুদ্ধিঃ কর্মসু বিজ্ঞেয়া রিপূণাং চ বলাবলম্ ॥ 3-152-48 (21737)
বুদ্ধ্যা স্বপ্রতিপন্নেষু কুর্যাৎসাধুষ্বনুগ্রহম্।
নিগ্রহং চাপ্যশিষ্টেষু নির্মর্যাদেষু কারয়েৎ ॥ 3-152-49 (21738)
নিগ্রহে প্রগ্রহে সম্যগ্যদা রাজা প্রবর্ততে।
তদা ভবতি লোকস্য মর্যাদা সুব্যবস্থিতা ॥ 3-152-50 (21739)
এষ তেঽভিহিতঃ পার্থ ঘোরো ধর্মো দুরন্বয়ঃ।
তং স্বধর্মবিভাগেন বিনয়স্থোঽনুপালয় ॥ 3-152-51 (21740)
তপোধর্মদমেজ্যাভির্বিপ্রা যান্তি যথা দিবম্।
দানাতিথ্যক্রিয়াধর্মৈর্যান্তি বৈশ্যাশ্চ সদ্গতিম্ ॥ 3-152-52 (21741)
`দ্বিজশুশ্রূষয়া শূদ্রা লভন্তে গতিমুত্তমাম্'।
ক্ষত্রং যাতি তথা স্বর্গং ভুবি নিগ্রহপালনৈঃ ॥ 3-152-53 (21742)
সম্যক্প্রণীতদণ্ডা হি কামদ্বেপবিবর্জিতাঃ।
অলুব্ধা বিগতক্রোধাঃ সতাং যান্তি সলোকতাং ॥ 3-152-54 (21743)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি দ্বিপঞ্চাশদধিকশততমোঽধ্যায়ঃ ॥
Mahabharata - Vana Parva - Chapter Footnotes
3-152-5 গিরিশ্চ বিন্ধ্যগিরিরিব। ইবার্থে চঃ ॥ 3-152-17 পর্যাপ্তঃ সমর্থঃ ॥ 3-152-22 অরিষ্টং নির্বিঘ্নম্ ॥ 3-152-24 পুরুষেণ মর্ত্যেন ॥ 3-152-26 আগময়স্ব মাৎবরিষ্ঠাঃ ॥ 3-152-28 দুর্জনবধোঽধর্মোপি ধর্মএব। পরোপঘাতকং সত্যং ধর্মোপি অধর্মএব ॥ 3-152-30 যজ্ঞৈর্দেবানাং নীত্যা মনুষ্যাণাং চ স্থিতিরিত্যর্থঃ ॥ 3-152-31 বার্তা জীবিকার্থাবৃত্তিঃ ॥ 3-152-32 সাচ ক্রমেণ ব্রাহ্মণস্য ত্রয়ীয়াজনাধ্যাপনাদিঃ। বৈশ্যস্ বার্তাপণ্যাদিঃ। ক্ষত্রিয়স্য দণ্ডাদিঃ ॥ 3-152-33 সা লোকয়াত্রা ॥ 3-152-37 গুরৌ ত্রিবর্ণে বাসিতং বাসো যেষাং তে ॥ 3-152-39 আস্থিতোঽনুগৃহীতঃ ॥ 3-152-41 স্থানং সিদ্ধসংরক্ষণম্ ॥ 3-152-48 স্বেভ্যশ্চারেভ্যঃ পরেভ্য উৎকোচাদিনা লোভিতেভ্যঃ ॥ 3-152-49 বুদ্ধ্যা জীবনাশয়া।প্রতিপন্নেষু শরণাগতেষু ॥ 3-152-51 ঘোরো ধর্মো রাজধর্মঃ ॥অরণ্যপর্ব - অধ্যায় 153
॥ শ্রীঃ ॥
3.153. অধ্যায়ঃ 153
Mahabharata - Vana Parva - Chapter Topics
উপসংহৃতপৃথুরূপেণ হনুমতা সপরিষ্বঙ্গবরদানং বিসৃষ্টেন ভীমেন গন্ধমাদনে সৌরান্ধিকসরোদর্শনম্ ॥ 1 ॥Mahabharata - Vana Parva - Chapter Text
3-153-0 (21744)
বৈশম্পায়ন উবাচ। 3-153-0x (2279)
ততঃ সংহৃত্য বিপুলং তদ্বপুঃ কামবর্ধিতম্।
ভীমসেনং পুনর্দোর্ভ্যাং পর্যষ্বজত বানরঃ ॥ 3-153-1 (21745)
পরিষ্বক্তস্য তস্যাশু ভ্রাত্রা ভীমস্য ভারত।
শ্রমো নাশমুপাগচ্ছৎসর্বং চাসীৎপ্রদক্ষিণম্ ॥ 3-153-2 (21746)
[বলং চাতিবলো মেনে ন মেঽস্তি সদৃশো মহান্।]
ততঃ পুনরথোবাচ পর্যশ্রুনয়নো হরিঃ ॥ 3-153-3 (21747)
ভীমমাভাষ্য সৌহার্দাদ্বাষ্পগদ্গদয়া গিরা।
গচ্ছ বীর স্বমাবাসং স্মর্তব্যোঽস্মি কথান্তরে ॥ 3-153-4 (21748)
ইহস্থশ্চ কুরুশ্রেষ্ঠ ন নিবেদ্যোস্মি কস্যচিৎ।
ধনদস্যালয়াচ্চাপি বিসৃষ্টানাং মহাবল ॥ 3-153-5 (21749)
এষ কাল ইহায়াতুং দেবগন্ধর্বয়োষিতাম্।
মমাপি সফলং চ ক্ষুঃ স্মারিতশ্চাস্মি রাঘবম্ ॥ 3-153-6 (21750)
[রামাভিধানং বিষ্ণুং হি জগদ্ধৃদয়নন্দনম্।
সীতাবক্রারবিন্দার্কং দশাস্যধ্বান্তভাস্করম্ ॥] 3-153-7 (21751)
মানুষং গাত্রসংস্পর্শং গৎবা ভীম ৎবয়া সহ।
তদস্মদ্দর্শনং বীর কৌন্তেয়ামাঘমস্তু তে ॥ 3-153-8 (21752)
ভ্রাতৃৎবং ৎবং পুরস্কৃত্য বরং বরয় ভারত।
যদি তাবন্ময়া ক্ষুদ্রা গৎবা বারণসাহ্বয়ম্ ॥ 3-153-9 (21753)
ধার্তরাষ্ট্রা নিহন্তব্যা যাবদেতৎকরোম্যহম্।
শিলয়া নগরং বা তন্মর্দিতব্যং ময়া যদি ॥ 3-153-10 (21754)
[বদ্ধ্বা দুর্যোধনং চাদ্য আনয়ামি তবান্তিকম্।]
যাবদেতৎকরোম্যদ্যকামং তব মহাবল ॥ 3-153-11 (21755)
ভীমসেনস্তু তদ্বাক্যং শ্রুৎবা তস্ মহাত্মনঃ।
প্রত্যুবাচ হনূন্তং প্রহৃষ্টেনান্তরাত্মনা ॥ 3-153-12 (21756)
কৃতমেব ৎবয়া সর্বং মম বানরপুঙ্গব।
স্বস্তি তেঽস্তু মহাবাহো কাময়ে ৎবাং প্রসীদমে ॥ 3-153-13 (21757)
সনাথাঃ পাণ্ডবাঃ সর্বে ৎবয়া নাথেন বীর্যবন্।
তবৈব তেজসা সর্বান্বিজেষ্যামো বয়ং পরান্ ॥ 3-153-14 (21758)
এবমুক্তস্তু হনুমান্ভীমসেনমভাষত।
ভ্রাতৃৎবাৎসৌহৃদাচ্চৈব করিষ্যামি প্রিয়ং তব ॥ 3-153-15 (21759)
চমূং বিগাহ্য শত্রূণাং পরশক্তিসমাকুলাম্।
যদা সিংহরবং বীর করিষ্যসি মহাবল ॥ 3-153-16 (21760)
তদাহং বৃংহয়িষ্যামি স্বরবেণ রবং তব।
`যং শ্রুৎবৈব ভবিষ্যন্তি ব্যসবস্তেঽরয়ো রণে' ॥ 3-153-17 (21761)
বিজয়স্য ধ্বজস্থশ্চ নাদান্মোক্ষ্পামি দারুণান্।
শত্রূণাং যে প্রাণহরাঃ সুখং যেন হনিষ্যথ ॥ 3-153-18 (21762)
এবমাভাষ্য হনুমাংস্তদা পাণ্ডবনন্দনম্।
মার্গমাখ্যায় ভীমায় তত্রৈবান্তরধীয়ত ॥ 3-153-19 (21763)
গতে তস্মিন্হরিবরে ভীমোপি বলিনাংবরঃ।
তেন মার্গেণ বিপুলং ব্যচরদ্গন্ধমাদনম্ ॥ 3-153-20 (21764)
অনুস্মরন্বপুস্তস্য শ্রিয়ং চাপ্রতিমাং ভুবি।
মাহাত্ম্যমনুভাবং চ স্মরন্দাশরথের্যযৌ ॥ 3-153-21 (21765)
স তানি রমণীয়ানি বনান্যুপবনানি চ।
বিলোলয়ামাস তদা সৌগন্ধিকবনেপ্সয়া ॥ 3-153-22 (21766)
ফুল্লপদ্মবিচিত্রাণি সরাংসি সরিতস্তথা।
নানাকুসুমচিত্রাণি পুষ্পিতানি বনানি চ ॥ 3-153-23 (21767)
মত্তবারণয়ুথানি পঙ্কক্লিন্নানি ভারত।
বর্ষতামিব মেঘানাং বৃন্দানি দদৃশে তদা ॥ 3-153-24 (21768)
হরিণৈশ্চপলাপাঙ্গৈর্হরিণীসহিতৈর্বনম্।
সশষ্পকবলৈঃ শ্রীমান্পথি দৃষ্ট্বা দ্রুতং যয়ৌ ॥ 3-153-25 (21769)
মহিষৈশ্চ বরাহৈশ্চ শার্দূলৈশ্চ নিষেবিতম্।
ব্যপেতভীর্গিরিং শৌর্যাদ্ভীমসেনো ব্যগাহত ॥ 3-153-26 (21770)
কুসুমানতশাখৈশ্চ তাম্রপল্লবকোমলৈঃ।
যাচ্যমান ইবারণ্যে দ্রুমৈর্মারুতকম্পিতৈঃ ॥ 3-153-27 (21771)
কৃতপদ্মাঞ্জলিপুটা মত্তষট্পদসেবিতাঃ।
প্রিয়তীর্থবনা মার্গে পদ্মিনীঃ সমতিক্রমন্ ॥ 3-153-28 (21772)
সজ্জমানমনোদৃষ্টিঃ ফুল্লেষু গিরিসানুষু।
দ্রৌপদীবাক্যপাথেয়ো ভীমো ভীমপরাক্রমঃ ॥ 3-153-29 (21773)
পরিবৃত্তেঽহনি ততঃ প্রকীর্ণহরিণে বনে।
কাঞ্চনৈর্বিলৈঃ পদ্মৈর্দদর্শ বিপুলাং নদীম্ ॥ 3-153-30 (21774)
হংসকারণ্ডবয়ুতাং চক্রবাকোপশোভিতাম্।
রচিতামিব তস্যাদ্রের্ভালাং বিমলপঙ্কজাম্ ॥ 3-153-31 (21775)
তস্যাং নদ্যাং মহাসৎবঃ সৌগন্ধিকবনং মহৎ।
অপশ্যৎপ্রীতিজননং বালার্কসদৃশদ্যুতি ॥ 3-153-32 (21776)
তদ্দৃষ্ট্বা লব্ধকামঃ স মনসা পাণ্ডুনন্দনঃ।
বনবাসপরিক্লিষ্টাং জগাম মনসা প্রিয়াম্ ॥ 3-153-33 (21777)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি ত্রিপঞ্চাশদধিকশততমোঽধ্যায়ঃ ॥ 153 ॥
অরণ্যপর্ব - অধ্যায় 154
॥ শ্রীঃ ॥
3.154. অধ্যায়ঃ 154
Mahabharata - Vana Parva - Chapter Topics
সৌগন্ধিকসরোবিবিক্ষুং ভীমংপ্রতি তদ্রক্ষিভিঃ ক্রোধবশনামকৈ রাক্ষসৈস্তচ্চিকীর্ষিপ্রশ্নঃ ॥ 1 ॥Mahabharata - Vana Parva - Chapter Text
3-154-0 (21778)
বৈশম্পায়ন উবাচ। 3-154-0x (2280)
স গৎবানলিনীং রম্যাং রাক্ষসৈরভিরক্ষিতাম্।
কৈলাসশিরে রম্যে দদর্শ শুভকাননে ॥ 3-154-1 (21779)
কুবেরভুবনাভ্যাশে জাতাং পর্বতনির্ঝরৈঃ।
সুরম্যাং বিপুলচ্ছায়াং নানাদ্রুমলতাকুলাম্ ॥ 3-154-2 (21780)
হরিতাম্বুজসংছন্নাং দিব্যাং কনকপুষ্করাম্।
নানাপক্ষিজনাকীর্ণাং সূপতীর্থামকর্দমাম্ ॥ 3-154-3 (21781)
অতীব রম্যাং সুজলাং জাতাং পর্বতসানুষু।
বিচিত্রভূতাং লোকস্য শুভামদ্ভুতদর্শনাম্ ॥ 3-154-4 (21782)
তত্রামৃতরসং শীতং লঘু কুন্তীসুতঃ শুভম্।
দদর্শবিমলং তোয়ং পিবংশ্চ বহু পাণ্ডবঃ ॥ 3-154-5 (21783)
তাং তু কপুষ্করিণীং রম্যাং দিব্যসৌগন্ধিকাবৃতাম্।
জাতরূপময়ৈঃ পদ্মৈশ্ছন্নাং পরমগন্ধিভিঃ ॥ 3-154-6 (21784)
বৈডূর্যবরনালৈশ্চ বহুচিত্রৈর্মনোরমৈঃ।
হংসকারণ্ডবোদ্ধূতৈঃ সৃজদ্ভিরমলং রজঃ ॥ 3-154-7 (21785)
আক্রীডং রাজরাজস্ কুবেরস্য মহাত্মনঃ।
গন্ধর্বৈরপ্সরোভিশ্চ দেবৈশ্চ পরমার্চিতাম্ ॥ 3-154-8 (21786)
সেবিতামৃষিভির্দিব্যৈর্যক্ষৈঃ কিংপুরুষৈস্তথা।
রাক্ষসৈঃ কিংনরৈশ্চাপি গুপ্তাং বৈশ্রবণেন চ ॥ 3-154-9 (21787)
তাং চ দৃষ্ট্বৈব কৌন্তেয়ো ভীমসেনো মহাহলঃ।
বভূব পরমপ্রীতো দিব্যংপ্রেক্ষ্য সরো মহৎ ॥ 3-154-10 (21788)
তচ্চ ক্রোবশা নাম রাক্ষসা রাজশাসনাৎ।
রক্ষন্তি শতসাহস্রাশ্চিত্রায়ুধপরিচ্ছদাঃ ॥ 3-154-11 (21789)
তে তু দৃষ্ট্বৈব কৌন্তেয়মজিনৈঃ পরিবারিতম্।
রুক্মাঙ্গদধরং বীরং ভীমং ভীমপরাক্রমম্ ॥ 3-154-12 (21790)
সায়ুধং বদ্ধনিস্ত্রিংশমশঙ্কিতমরিংদমম্।
পুষ্করপ্সুমুপায়ান্তমন্যোন্যমভিচুক্রুশুঃ ॥ 3-154-13 (21791)
অয়ং পুরুষশার্দূলঃ সায়ুধোঽজিনসংবৃতঃ।
যচ্চিকীর্ষুরিহ প্রাপ্তস্তৎসংপ্রষ্টুমিহার্হথ ॥ 3-154-14 (21792)
ততঃ সর্বে মহাবাহুং সমাসাদ্যবৃকোদরম্।
তেজোয়ুক্তমপৃচ্ছন্ত কস্ৎবমাখ্যাতুমর্হসি ॥ 3-154-15 (21793)
মুনিবেষধরশ্চৈব সায়ুধশ্চৈব লক্ষ্যসে।
যদর্থমাভিসংপ্রাপ্তস্তদাচক্ষ্যমহামতে ॥ 3-154-16 (21794)
ইতি শ্রীমন্মহাভারতে অরণ্যপর্বণি তীর্তয়াত্রাপর্বণি চতুঃপঞ্চাশদধিকশততমোঽধ্যায়ঃ ॥ 154 ॥
Mahabharata - Vana Parva - Chapter Footnotes
3-154-3 সূপতীর্থাং শোভনানি উপতীর্থানি তীরাণি যস্যাং সা ॥ 3-154-5 লঘু আরোগ্যকরম্ ॥ 3-154-6 জাতরূপং স্বর্ণম্ ॥ 3-154-8 আক্রীডং ক্রীডাস্থানম্ ॥অরণ্যপর্ব - অধ্যায় 155
॥ শ্রীঃ ॥
3.155. অধ্যায়ঃ 155
Mahabharata - Vana Parva - Chapter Topics
ভীমেন সৌগন্ধিকসরোরক্ষকান্প্রতি স্বচিকীর্ষিতকথনপূর্বকং সৌগন্ধিকাহরণএ প্রবর্তনম্ ॥ 1 ॥ তথা সপ্রতিষেধং স্বজিঘাংসূনাং তেষাং গদয়া তাডনম্ ॥ 2 ॥ ভীমগদাপ্রহারমশক্নুবদ্ভিস্তৈর্বীমবৃত্তং নিবেদিতেন কুবেরেণ তদনুমোদনম্ ॥ 3 ॥Mahabharata - Vana Parva - Chapter Text
3-155-0 (21795)
ভীম উবাচ। 3-155-0x (2281)
পাণ্ডবো ভীমসেনোঽহং ধর্মরাজাদনন্তরঃ।
বিশালাং বদরীং প্রাপ্তো ভ্রাতৃভিঃ সহ রাক্ষসাঃ ॥ 3-155-1 (21796)
অপশ্যত্তত্রপাঞ্চালী সৌগন্ধিকমনুত্তমম্।
অনিলোঢমিতো নূনং সা বহূনি পরীপ্সতি ॥ 3-155-2 (21797)
তস্যা মামনবদ্যাঙ্গ্যা ধর্মপত্ন্যাঃ প্রিয়ে স্থিতম্।
পুষ্পাহারমিহ প্রাপ্তং নিবোধত নিশাচরাঃ ॥ 3-155-3 (21798)
রাক্ষসা ঊচুঃ। 3-155-4x (2282)
আক্রীডোঽয়ং কুবেরস্য দয়িতঃ পুরুষর্ষভ।
নেহ শক্যং মনুষ্যেণ বিহর্তুং মর্ত্যধর্মণা ॥ 3-155-4 (21799)
দেবর্ষয়স্তথা যক্ষা দেবাশ্চাত্র বৃকোদর।
আমন্ত্র্য যক্ষপ্রবরং পিবন্তি চ হরন্তি চ ॥ 3-155-5 (21800)
গন্ধর্বাপ্সরসশ্চৈব বিহরন্ত্যত্র পাণ্ডব।
`যক্ষাধিপস্যানুমতে কুবেরস্ মহাত্মনঃ' ॥ 3-155-6 (21801)
অন্যায়েনেহ যঃ কশ্চিদবমন্য ধনেশ্বরম্।
বিহর্তুমিচ্ছেদ্দুর্বৃত্তঃ স বিনশ্যেন্ন সংশয়ঃ ॥ 3-155-7 (21802)
তমনাদৃত্য পদ্মানি জিহীর্ষসি বলাদিহ।
ধর্মরাজস্য চাত্মানং ব্রবীষি ভ্রাতরং কথম্ ॥ 3-155-8 (21803)
[আমন্ত্র্য যক্ষরাজং বৈ ততঃ পিব হরস্ব চ।
নাতোঽন্যথা ৎবয়া শক্যং কিংচিৎপুষ্করমীক্ষিতুং ॥ 3-155-9 (21804)
ভীমসেন উবাচ। 3-155-10x (2283)
রাক্ষসাস্তং ন পশ্যামি ধনেশ্বরমিহান্তিকে।
দৃষ্ট্বাঽপিচ মহারাজং নাহং যাচিতুমুৎসহে ॥ 3-155-10 (21805)
ন হি যাচন্তি রাজান এষ ধর্মঃ সনাতনঃ।
ন চাহং হাতুমিচ্ছামি ক্ষাত্রধর্মং কথংচন ॥ 3-155-11 (21806)
ইয়ং চ নলিনী রম্যা জাতা পর্বতনির্ঝরে।
নেয়ং ভবনমাসাদ্যকুবেরস্য মহাত্মনঃ ॥ 3-155-12 (21807)
তুল্যা হি সর্বভূতানামিয়ং বৈশ্রবণস্য চ।
এবং গতেষু দ্রব্যেষু কঃ কং যাচিতুমর্হতি ॥ 3-155-13 (21808)
ইত্যুক্ৎবা রাক্ষসান্সর্বান্ভীমসেনো ব্যগাহত।
তাং তু পুষ্করিণীং বীরঃ প্রভিন্ন ইব কুঞ্জরঃ ॥ 3-155-14 (21809)
ততঃ স রাক্ষসৈর্বাচা প্রতিষিদ্ধঃ প্রতাপবান্।
মা মৈবমিতি সক্রোধৈর্ভর্ৎসয়দ্ভিঃ সমন্ততঃ ॥ 3-155-15 (21810)
কদর্থীকৃত্যতু স তান্রাক্ষসান্ভীমবিক্রমঃ।
ব্যগাহত মহাতেজাস্তে তং সর্বে ন্যবারয়ন্ ॥ 3-155-16 (21811)
গৃহ্ণীত বধ্নীত বিকর্ততেমং
পচাম খাদাম চ ভীমসেনম্।
ক্রুদ্ধা ব্রুবন্তোঽভিয়যুর্দ্রতং তে
শস্ত্রাণি চোদ্যম্য বিবৃত্তনেত্রাঃ ॥ 3-155-17 (21812)
প্রগৃহ্যতানভ্যপতত্তরস্বী
ততোঽব্রবীত্তিষ্ঠত তিষ্ঠতেতি ॥
তে তং তদা তোমরপট্টসাদ্যৈ-
র্ব্যাবিদ্ধশস্ত্রৈঃ সহসা নিপেতুঃ। 3-155-18 (21813)
জিঘাংসবঃ ক্রোধবশাঃ সুভীমা
ভীমং সমন্তাৎপরিবব্রুরুগ্রাঃ।
জিঘাংসবঃ ক্রোধবশাঃ সুভীমা
ভীমং সমন্তাৎপরিবব্রুরুগ্রাঃ ॥ 3-155-19 (21814)
বাতেন কুন্ত্যাং বলবান্সুজাতঃ
শূরস্তরস্বী দ্বিষতাং নিহন্তা।
সত্যে চ ধর্মে চ রতঃ সদৈব
পরাক্রমে শত্রুভিরপ্রধৃষ্যঃ ॥ 3-155-20 (21815)
তেষাং স মার্গান্বিবিধান্মহাত্মা
নিহত্য শস্ত্রাণি চ শাস্ত্রবাণাম্।
যথা প্রবীরান্নিজঘান ভীমঃ
পরশ্শতান্পুষ্করিণীসমীপে ॥ 3-155-21 (21816)
তে তস্য বীর্যং চ বলং চ দৃষ্ট্বা
বিদ্যাবলংবাহুবলং তথৈব।
অশক্নুবন্তঃ সহিতং সমন্তা-
দ্দ্রুতং প্রবীরা সহসা নিবৃত্তাঃ ॥ 3-155-22 (21817)
বিদীর্যমাণাস্তত এব তূর্ণ-
মাকাশমাস্থায় বিমূঢসংজ্ঞাঃ।
কৈলাসশৃঙ্গাণ্যভিদুদ্রুবুস্তে
ভীমার্দিতাঃ ক্রোধবশাঃ প্রভগ্নাঃ ॥ 3-155-23 (21818)
স শক্রবদ্দানবদৈত্যসঙ্ঘান্
বিক্রম্য জিৎবা চ রণেঽরিসঙ্ঘান্।
বিগাহ্যতাং পুষ্করীণীং জিতারিঃ
কামং স জগ্রাহ ততোঽম্বুজানি ॥ 3-155-24 (21819)
ততঃ স পীৎবাঽমৃতকল্পমম্ভো
ভূয়ো বভূবোত্তমবীর্যতেজাঃ।
উৎপাট্য জগ্রাহ ততোঽম্বুজানি
সৌগন্ধিকান্যুত্তমগন্ধবন্তি ॥ 3-155-25 (21820)
ততস্তু তে ক্রোধবশাঃ সমেত্য
ধনেশ্বরং ভীমবলপ্রণুন্নাঃ।
ভীমস্য বীর্যং চ বলং চ সংখ্যে
যথাবদাচখ্যুরতীব দীনাঃ ॥ 3-155-26 (21821)
তেষাং বচস্তত্তু নিশাম্য দেবঃ
প্রহস্য রক্ষাংসি ততোঽভ্যুবাচ।
গৃহ্ণাতু ভীমো জলজানি কামং
কৃষ্ণানিমিত্তং বিদিতং মমৈতৎ ॥ 3-155-27 (21822)
ততোঽভ্যনুজ্ঞায় ধনেশ্বরং তে
জগ্মুঃ কুরূণাং প্রবরং বিরোষাঃ।
ভীমং চ তস্যাং দদৃশুর্নলিন্যাং
যথোপজোষং বিহরন্তমেকম্ ॥ 3-155-28 (21823)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি পঞ্চপঞ্চাশদধিকশততমোঽধ্যায়ঃ ॥ 155 ॥
Mahabharata - Vana Parva - Chapter Footnotes
3-155-1 প্রাপ্তং মাং নিবোধত রাক্ষসাঃ ইতি ধ. পাঠঃ ॥ 3-155-2 অনিলোঢং বায়ুনা আনীতম্ ॥ 3-155-22 সহিতমেকীভূয়াপ্যশক্নুবন্তঃ ॥অরণ্যপর্ব - অধ্যায় 156
॥ শ্রীঃ ॥
3.156. অধ্যায়ঃ 156
Mahabharata - Vana Parva - Chapter Topics
দুর্নিমিত্তপ্রদর্শিনা ভীমসেনানবলোকিনা চ যুধিষ্ঠিরেণ দ্রৌপদীংপ্রতিভীমাভিগতদেশপ্রশ্নঃ ॥ 1 ॥ দ্রৌপদ্যা ভীমচিকীর্ষিতং নিবেদিতেন যুধিষ্ঠিরেণ ঘটোৎকচসাহায়্যেন ভীমসমীপগমনম্ ॥ 2 ॥ কুবেরবহুমানিতৈস্তৈরর্জুনদিদৃক্ষয়া তত্রৈব সুখেন বিহরণম্ ॥ 3 ॥Mahabharata - Vana Parva - Chapter Text
3-156-0 (21824)
বৈশম্পায়ন উবাচ। 3-156-0x (2284)
ততস্তানি মহার্হাণি দিব্যানি ভরতর্ষভ।
বহূনি বহুরূপাণি বিরজাংসি সমাদদে ॥ 3-156-1 (21825)
ততো বায়ুর্মহাঞ্শীঘ্রো নীচৈঃ শর্করকর্ষণঃ।
প্রাদুরাসীদ্বরস্পর্শঃ সংগ্রামমভিচোদয়ন্ ॥ 3-156-2 (21826)
পপাত মহতী চোল্কা সনির্ঘাতা মহাভয়া।
নিষ্প্রভশ্চাভবৎসূর্যংশ্ছন্নরশ্মিস্তমোবৃতঃ ॥ 3-156-3 (21827)
নির্ঘাতশ্চাভবদ্ভীমো ভীমে বিক্রমমাস্থিতে।
চচাল পৃথিবী চাপি পাংসুবর্ষং পপাত চ ॥ 3-156-4 (21828)
সলোহিতা দিশশ্চাসন্খরবাচো মৃগদ্বিজাঃ।
তমোবৃতমভূৎসর্বং ন প্রাজ্ঞায়ত কিংচন। 3-156-5 (21829)
[অন্যে চ বহবো ভীমা উৎপাতাস্তত্র জজ্ঞিরে ॥]
তদদ্ভুতমভিপ্রেক্ষ্য ধর্মপুত্রো যুধিষ্ঠিরঃ।
উবাচ বদতাং শ্রেষ্ঠঃ কোঽস্মানভিভবিষ্যতি ॥ 3-156-6 (21830)
সজ্জীভবত ভদ্রং বঃ পাণ্ডবা যুদ্ধদুর্মদাঃ।
যথা রূপাণি পশ্যামি সুব্যক্তো নঃ পরাক্রমঃ ॥ 3-156-7 (21831)
এবমুক্ৎবা ততো রাজা বীক্ষাংচক্রে সমন্ততঃ।
অপশ্যমানো ভীমং তু ধর্মপুত্রো যুধিষ্ঠিরঃ ॥ 3-156-8 (21832)
ততঃ কৃষ্ণাং যমৌ চাপি সমীপস্থানরিংদমঃ।
পপ্রচ্ছ ভ্রাতরং ভীমং ভীমকর্মাণমাহবে ॥ 3-156-9 (21833)
কচ্চিন্ন ভীমঃ পাঞ্চালি কিংচ কৃত্যং চিকীর্ষতি।
কৃতবানপি বা বীর সাহসং সাহসপ্রিয়ঃ ॥ 3-156-10 (21834)
ইমে হ্যকস্মাদুৎপাতা মহাসমরশংসিনঃ।
দর্শয়ন্তো ভয়ং তীব্রং প্রাদুর্ভূতাঃ সমন্ততঃ ॥ 3-156-11 (21835)
তং তথাবাদিনং কৃষ্ণা প্রত্যুবাচ মনস্বিনী।
প্রিয়া প্রিয়ং চিকীর্ষন্তী মহিষী চারুহাসিনী ॥ 3-156-12 (21836)
যত্তৎসৌগন্ধিকং রাজন্নাহৃতং মাতরিশ্বনা।
তন্ময়া ভীমসেনস্য প্রীতয়াঽদ্যোপপাদিতম্ ॥ 3-156-13 (21837)
অপি চোক্তো ময়া বীরো যদিপশ্যের্বহূন্যপি।
তানি সর্বাণঅয়ুপাদায় শীঘ্রমাগম্যতামিতি ॥ 3-156-14 (21838)
স তু নূনং মহাবাহুঃ প্রিয়ার্থং মম পাণ্ডবঃ।
প্রাগুদীচীং দিশং রাজংস্তান্যাহর্তুমিতো গতঃ ॥ 3-156-15 (21839)
উক্তস্ৎবেবং তয়া রাজা যমাবিদমথাব্রবীৎ।
গচ্ছাম সহিতাস্তূর্ণং যেন যাতো বৃকোদরঃ ॥ 3-156-16 (21840)
বহন্তু রাক্ষসা বিপ্রান্যথাশ্রান্তান্যথাকৃশান্।
ৎবমপ্যমরসংকাশ বহ কৃষ্ণাং ঘটোৎকচ ॥ 3-156-17 (21841)
ব্যক্তং দূরমিতো ভীমঃ প্রবিষ্ট ইতিমে মতিঃ।
চিরং চতস্য কালোঽয়ং স চ বায়ুসমো জবে ॥ 3-156-18 (21842)
তরস্বী বৈনতেয়স্য সদৃশো ভুবি লঙ্ঘনে।
উৎপতেদপিচাকাশং নিপতেচ্চয়থেচ্ছকম্ ॥ 3-156-19 (21843)
তমন্বিয়াম ভবতাং প্রভাবাদ্রজনীচরাঃ।
পুরা স নাপরাধ্নোতি সিদ্ধানাং ব্রহ্মবাদিনাম্ ॥ 3-156-20 (21844)
তথেত্যুক্ৎবা তু তে সর্বেহৈডিম্বপ্রমুখাস্তদা।
উদ্দেশজ্ঞাঃ কুবেরস্য নলিন্যা ভরতর্ষভ ॥ 3-156-21 (21845)
আদায় পাণ্ডবাংশ্চৈব তাংশ্চ বিপ্রাননেকশঃ।
লোমশেনৈব সহিতাঃ প্রয়যুঃ প্রীতমানসাঃ ॥ 3-156-22 (21846)
তে সর্বে ৎবরিতা গৎবা দদৃশুস্তত্র কাননে।
পদ্মসৌগন্ধিকবতীংনলিনীং সুমনোরমাম্ ॥ 3-156-23 (21847)
তং চ ভীমং মহাত্মানং তস্যাস্তীরে ব্যবস্থিতম্।
দদৃশুর্নিহতাংশ্চৈব যক্ষাংশ্চ বিপুলেক্ষণান্ ॥ 3-156-24 (21848)
ভিন্নকায়াক্ষিবাহূরুন্সংচূর্ণিতশিরোধরান্।
তং চ ভীমং মহাত্মানং তস্যাস্তীরে ব্যবস্থিতম্ ॥ 3-156-25 (21849)
সক্রোধং স্তব্ধনয়নং সংদষ্টদশনচ্ছদম্।
উদ্যম্য চ গদাং দোর্ভ্যাং নদীতীরে ব্যবস্থিতম্ ॥ 3-156-26 (21850)
প্রজাসংক্ষেপসময়ে দণ্ডহস্তমিবান্তকম্।
তং দৃষ্ট্বা ধর্মরাজস্তু পরিষ্বজ্যাথ ভারত ॥ 3-156-27 (21851)
উবাচ শ্লক্ষ্ণয়া বাচা কৌন্তেয় কিমিদং কৃতম্।
সাহসং বত ভদ্রং তে দেবানামপি চাপ্রিয়ম্।
পুনরেবং ন কর্তব্যং মম চেদিচ্ছসি প্রিয়ম্ ॥ 3-156-28 (21852)
অনুশিষ্য তু কৌন্তেয়ং পদ্মানি পরিগৃহ্য চ।
তস্যামেব নলিন্যাং তু বিজহ্ররমরোপমাঃ ॥ 3-156-29 (21853)
এতস্মিন্নৈব কালে তু প্রগৃহীতশিলায়ুধাঃ।
প্রাদুরাসন্মহাকায়াস্তস্যোদ্যানস্য রক্ষিণঃ ॥ 3-156-30 (21854)
তে দৃষ্ট্বাধর্মরাজানং মহর্ষিং চাপি লোমশম্।
নকুলং সহদেবং চ তথাঽন্যান্ব্রাহ্মণর্ষভান্ ॥ 3-156-31 (21855)
বিনয়েন নতাঃ সর্বেপ্রণিপত্য চ ভারত।
সান্ৎবিতা ধর্মরাজেন প্রসেদুঃ ক্ষণদাচরাঃ ॥ 3-156-32 (21856)
বিদিতাশ্চকুবেরস্য তত্রতে কুরুপুঙ্গবাঃ।
ঊষুর্নাতিচিরং কালং রমমাণাঃ কুরূদ্বহাঃ।
প্রতীক্ষমাণআ বীভৎসুং গন্ধমাদনসানুষু ॥ 3-156-33 (21857)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি পঞ্চপঞ্চাশদধিকশততমোঽষ্যায়ঃ ॥ 156 ॥
Mahabharata - Vana Parva - Chapter Footnotes
3-156-7 পরাক্রমঃ পরাক্রমকালঃ ॥ 3-156-21 উদ্দেশজ্ঞাঃ স্থলজ্ঞাঃ ॥অরণ্যপর্ব - অধ্যায় 157
॥ শ্রীঃ ॥
3.157. অধ্যায়ঃ 157
Mahabharata - Vana Parva - Chapter Topics
গন্ধমাদনাদুত্তরং দেশং জিগমিষুণা যুধিষ্ঠিরেণ আকাশবাণীশ্রবণাত্ততঃ প্রতিনিবৃত্য অনুচরৈঃসহ নরনারায়ণাশ্রমং প্রতি পুনরাগমনম্ ॥ 1 ॥Mahabharata - Vana Parva - Chapter Text
3-157-0 (21858)
বৈশম্পায়ন উবাচ। 3-157-0x (2285)
তস্মিন্নিবসমানোঽথ ধর্মরাজো যুধিষ্ঠিরঃ।
আমন্ত্র্য সহিতান্ভ্রাতৃনিত্যুবাচ সহদ্বিজান্ ॥ 3-157-1 (21859)
দৃষ্টানি তীর্থান্যস্মাভিঃ পুণ্যানি চ শিবানি চ।
মনসো হ্লাদনীয়ানি বনানি চ পৃথক্পৃথক্ ॥ 3-157-2 (21860)
দেবৈঃ পূর্বং বিচীর্ণানি মুনিভিশ্চ মহাত্মভিঃ।
যথাক্রমমশেষেণ দ্বিজৈঃ সংপূজিতানি চ ॥ 3-157-3 (21861)
ঋষীণাং পূর্বচরিতং তপোধর্মবিচেষ্টিতম্।
রাজর্ষীণাং চ চরিতং কথাশ্চ বিবিধাঃ শুভাঃ ॥ 3-157-4 (21862)
শৃণ্বানাস্তত্রতত্র স্ম আশ্রমেষু শিবেষু চ।
অভিষেকং দ্বিজৈঃ সার্ধং কৃতবন্তো বিশেষতঃ ॥ 3-157-5 (21863)
অর্চিতাঃ সততং দেবাঃ পুষ্পৈরদ্ভিঃ সদা চ বঃ।
যথালব্ধৈর্মূলফলৈঃ পিতরশ্চাপি তর্পিতাঃ ॥ 3-157-6 (21864)
পর্বতেষু চ রম্যেষু সর্বেষু চ সরস্সু চ।
উদধৌ চ মহাপুণ্যে সূপস্পৃষ্টং মহাত্মভিঃ ॥ 3-157-7 (21865)
ইলা সরস্বতী সিন্ধুর্যমুনা নর্মদা তথা।
নানাতীর্থেষু রম্যেষু সূপস্পৃষ্টং সহ দ্বিজৈঃ ॥ 3-157-8 (21866)
গঙ্গাদ্বারমতিক্রম্য বহবঃ পর্বতাঃ শুভাঃ।
হিমবান্পর্বতশ্চৈব নানাদ্বিজগণায়ুতঃ ॥ 3-157-9 (21867)
বিশালা বদরী দৃষ্টা নরনারায়ণাশ্রমঃ।
দিব্যপুষ্করিণী দৃষ্টা সিদ্ধদেবর্ষিপূজিতা ॥ 3-157-10 (21868)
যথাক্রমবিশেষেণ সর্বাণ্যায়তনানি চ।
দর্শিতানি দ্বিজেনদ্রেণ লোমশেন মহাত্মনা ॥ 3-157-11 (21869)
ইমং বৈশ্রবণাবাসং দুর্গমং গন্ধমাদনম্।
কথং ভীম গমিষ্যামো মতিরত্র বিধীয়তাম্ ॥ 3-157-12 (21870)
বৈশম্পায়ন উবাচ। 3-157-13x (2286)
এবং ব্রুবতি রাজেন্দ্রে বাগুবাচাশরীরিণী।
ন শক্যো দুর্গমো গন্তুং পর্বতো গন্ধমাদনঃ ॥ 3-157-13 (21871)
অননৈব পথা রাজন্প্রতিগচ্ছ যথাগতম্।
নরনারায়ণস্থানং বদরীত্যভিবিশ্রুতম্ ॥ 3-157-14 (21872)
তস্মাদ্যাস্যসি কৌন্তেয় সিদ্ধচারণসেবিতম্।
বহুপুষ্পফলং রম্যমাশ্রমং বৃষপর্বণঃ ॥ 3-157-15 (21873)
অতিক্রম্য চ তং পার্থ ৎবার্ষ্টিষেণাশ্রমে বসেঃ।
ততো দ্রক্ষ্যসি কৌন্তেয় নিবেশং ধনদস্য চ ॥ 3-157-16 (21874)
এতস্মিন্নন্তরে বায়ুর্দিব্যগন্ধবহঃ শুভঃ।
ভনঃপ্রহ্লাদনঃ শীতঃ পুষ্পবর্ষং ববর্ষ বৈ ॥ 3-157-17 (21875)
তচ্ছ্রুৎবা দিব্যমাকাশাদ্বিস্ময়ঃ সমপদ্যত।
ঋষীণাং ব্রাহ্মণানাং চ পার্থিবানাং বিশেষতঃ ॥ 3-157-18 (21876)
শ্রুৎবা তন্মহদাশ্চর্যং দ্বিজো ধৌম্যস্ৎবভাষত।
ন শক্যমুত্তরং গন্তুং প্রতিগচ্ছাম পাণ্ডব ॥ 3-157-19 (21877)
ততো যুধিষ্ঠিরো রাজা বিস্ময়োৎফুল্ললোচনঃ।
[প্রত্যাগম্য পুনস্তং তু নরনারায়ণাশ্রমম্ ॥] 3-157-20 (21878)
ভীমসেনাদিভিঃ সর্বৈর্ভ্রাতৃভিঃ পরিবারিতঃ।
পাঞ্চাল্যা ব্রাহ্মণৈশ্চৈব ন্যবসৎসুসুখং তদা ॥ 3-157-21 (21879)
ইতি শ্রীমন্মহাভারতে অরণ্যপর্বণি তীর্থয়াত্রাপর্বণি সপ্তপঞ্চাশদধিকশততমোঽধ্যায়ঃ ॥ 157 ॥
অরণ্যপর্ব - অধ্যায় 158
॥ শ্রীঃ ॥
3.158. অধ্যায়ঃ 158
Mahabharata - Vana Parva - Chapter Topics
বিপ্রবেষেণ পাণ্ডবনিকটচিরবাসিনা জটাসুরেণ ভীমাসংনিধানে দ্রৌপদীসহিতান্যুধিষ্ঠিরাদীনপহৃত্য পলায়নম্ ॥ 1 ॥ মধ্যেমার্গং যদৃচ্ছাসমাগতেন ভীমন তস্য মারণম্ ॥ 2 ॥Mahabharata - Vana Parva - Chapter Text
3-158-0 (21880)
বৈশম্পায়ন উবাচ। 3-158-0x (2287)
ততস্তান্পরিবিশ্বস্তান্বসতস্তত্র পাণ্ডবান্।
[পর্বতেন্দ্রে দ্বিজৈঃ সার্ধং পার্তাগমনকাঙ্ক্ষয়া ॥] 3-158-1 (21881)
গতেষু তেষু রক্ষঃসু ভীমসেনাত্মজেঽপি চ।
রহিতান্মীমসেনেন কদাচিত্তান্যদৃচ্ছয়া।
জহার ধর্মরাজং বৈ যমৌ কৃষ্ণাং চ রাক্ষসঃ ॥ 3-158-2 (21882)
`জনমেজয় উবাচ। 3-158-3x (2288)
ব্রহ্মন্কথং ধর্মরাজং যমৌ কৃষ্ণাং চ রাক্ষসঃ।
জহার চিত্রং ভীমশ্চ গতো রাক্ষসকণ্টকঃ।
বক্তুমর্হসি বিপ্রাগ্র্য ব্যক্তমেতন্মমাঽনঘ ॥ 3-158-3 (21883)
বৈশম্পায়ন উবাচ।' 3-158-4x (2289)
ব্রাহ্মণো মন্ত্রকুশলঃ সর্বাস্ত্রেষ্বস্ত্রবিত্তমঃ।
ইতি ব্রুবন্পাণ্ডবেয়ান্পর্যুপাস্তে স্ম নিত্যদা ।
পরীপ্সমানঃ পার্থানাং কলাপাংশ্চ ধনূংষি চ ॥ 3-158-4 (21884)
অন্তরং সংপরিপ্রেপ্সুর্দ্রৌপদ্যা হরণং প্রতি।
দুষ্টাত্মা পাপবুদ্ধিঃ স নাম্না খ্যাতো জটাসুরঃ ॥ 3-158-5 (21885)
[পোষণং তস্ রাজেনদ্র চক্রে পাণ্ডবনন্দনঃ।
বুবুধে ন চ তং পাপং ভস্মচ্ছন্নমিবানলম্ ॥ 3-158-6 (21886)
স ভীমসেনে নিষ্ক্রান্তে মৃগয়ার্থমরিংদমে।
[ঘটোৎকচং সানুচরং দৃষ্ট্বা বিপ্রদ্রুতং দিশঃ ॥ 3-158-7 (21887)
লোমশপ্রভৃতীংস্তাংস্তু মহর্ষীশ্চ সমাহিতান্।
স্নাতুং বিনির্গতান্দৃষ্ট্বা পুষ্পার্থং চ তপোধনান্] ॥ 3-158-8 (21888)
রূপমন্যৎসমাস্থায় বিকৃতং ভৈরবং মহৎ।
গৃহীৎবা সর্বশস্ত্রাণি দ্রৌপদীং পরিগৃহ্য চ।
প্রাতিষ্ঠত সুদুষ্টাত্মা ত্রীন্গৃহীৎবা চ পাণ্ডবান্ ॥ 3-158-9 (21889)
[বিক্রম্য কৌশিকং খঙ্গং মোক্ষয়িৎবা গ্রহং রিপোঃ।]
আক্রন্দদ্ভীমসেন বৈ যেন যাতো মহাবলঃ ॥ 3-158-10 (21890)
তমব্রবীদ্ধর্মরাজো হ্রিয়মাণো যুধিষ্ঠিরঃ।
ধর্মস্তে হীয়তে মূঢ ন চৈনং সমবেক্ষসে ॥ 3-158-11 (21891)
যেঽন্যে ক্বচিন্মনুষ্যেষু তির্যগ্যোনিগতাশ্চ যে।
ধর্মং তে সমবেক্ষন্তে রক্ষাংসি চ বিশেষতঃ ॥ 3-158-12 (21892)
ধর্মস্যরাক্ষসা মূলং ধর্মং তে বিদুরুত্তমম্।
এতৎপরীক্ষ্যসর্বং ৎবং সমীপে স্থাতুমর্হসি ॥ 3-158-13 (21893)
দেবাশ্চ ঋষয়ঃ সিদ্ধাঃ পিতরশ্চাপি রাক্ষস।
গন্ধর্বোরগরক্ষাংসি বয়াংসি পশবস্তথা ॥ 3-158-14 (21894)
তির্যগ্যোনিগতাশ্চৈব অপি কীটপিপীলিকাঃ।
মনুষ্যানুপজীবন্তি ততস্ৎবমপি জীবসি ॥ 3-158-15 (21895)
সমৃদ্ধ্যা যস্য লোকস্য লোকো যুষ্মাকমৃধ্যতি।
ইমং চ লোকং শোচন্তমনুশোচন্তি দেবতাঃ।
পূজ্যমানাশ্চ বর্ধন্তে হব্যকব্যৈর্যথাবিধি ॥ 3-158-16 (21896)
বয়ং রাষ্ট্রস্য গোপ্তারো রক্ষিতারশ্চ রাক্ষস।
রাষ্ট্রস্যারক্ষ্যমাণস্য কুতো ভূতিঃ কুতঃ সুখম্ ॥ 3-158-17 (21897)
ন চ রাজাঽবমন্তব্যো রক্ষসা জাৎবনাগসি।
অনুরপ্যপচারশ্চ নাস্ত্যস্মাকং নরাশন ॥ 3-158-18 (21898)
বিঘসাশান্যথাশক্ত্যা কুর্মহে দেবতাদিষু।
গুরূংশ্চ ব্রাহ্মণাংশ্চৈব প্রমাণপ্রবণাঃ সদা ॥ 3-158-19 (21899)
দ্রোগ্ধব্যং ন চ মিত্রেষু ন বিশ্বস্তেষু কর্হিচিৎ।
যেষাং চান্নানি ভুঞ্জীত যত্রচ স্যাৎপ্রতিশ্রয়ঃ ॥ 3-158-20 (21900)
স ৎবং প্রতিশ্রয়েঽস্মাকং পূজ্যমানঃ সুখোষিতঃ।
ভুক্ৎবা চান্নানি দুষ্প্রজ্ঞ কথমস্মাঞ্জিহীর্ষসি ॥ 3-158-21 (21901)
এবমেব বৃথাচারো বৃথা বৃদ্ধো বৃথামতিঃ।
বৃথামরণমর্হস্ৎবং বৃথাঽদ্য নমবিষ্যসি ॥ 3-158-22 (21902)
অথ চেদ্দুষ্টবুদ্ধিস্ৎবং সর্বৈর্ধর্মৈর্বিবর্জিতঃ।
প্রদায় শস্ত্রাণ্যস্মাকং যুদ্ধেন দ্রৌপদীং হর ॥ 3-158-23 (21903)
অথ চেত্ৎবমবিজ্ঞায় ইদং কর্ম করিষ্যসি।
অধর্মং চাপ্যকীর্তিং চ লোকে প্রাপ্স্যসি কেবলং ॥ 3-158-24 (21904)
এতামদ্য পরামৃশ্য স্ত্রিয়ং রাক্ষস মানুষীম্।
বিষমেতৎসমালোড্য কুম্ভেন প্রাশিতং ৎবয়া ॥ 3-158-25 (21905)
ততো যুধিষ্ঠিরস্তস্য ভারিকঃ সমপদ্যত।
স তু ভারাভিভূতাত্মা ন তথা শীঘ্রগোঽভবৎ ॥ 3-158-26 (21906)
অথাব্রবীদ্দ্রৌপদীং চ নকুলং চ যুধিষ্ঠিরঃ।
মা ভৈষ্টং রাক্ষসান্মূঢাদ্গতিরস্য ময়া হৃতা ॥ 3-158-27 (21907)
নাতিদূরে মহবাহুর্ভবিতা পবনাত্মজঃ।
অস্মিন্মুহূর্তে সংপ্রাপ্তে নভবিষ্যতি রাক্ষসঃ ॥ 3-158-28 (21908)
সহদেবস্তু তং দৃষ্ট্বা রাক্ষসং মূঢচেতসম্।
উবাচ বচনং রাজন্কুন্তীপুত্রং যুধিষ্ঠিরম্ ॥ 3-158-29 (21909)
রাজন্কিং নাম সৎকৃত্যং ক্ষত্রিয়স্যাস্ত্যতোঽধিকম্।
যদ্যুদ্ধেঽভিমুখঃ প্রাণাংস্ত্যজেচ্ছত্রুং জয়েত বা ॥ 3-158-30 (21910)
এষ বাস্মান্বয়ং বৈনং যুধ্যমানাঃ পরংতপ।
সূদয়েম মহাবাহো দেশঃ কালো হ্যযং নৃপ ॥ 3-158-31 (21911)
ক্ষত্রধর্মস্য সংপ্রাপ্তঃ কালঃ সত্যপরাক্রম।
জয়ন্তো হন্যমানা বা প্রাপ্তুমর্হাম সদ্গতিম্ ॥ 3-158-32 (21912)
রাক্ষসে জীবমানেঽদ্য রবিরস্তমিয়াদ্যদি।
নাহং ব্রূয়াং পুনর্জাতু ক্ষত্রিয়োস্মীতি ভারত ॥ 3-158-33 (21913)
ভোভো রাক্ষস তিষ্ঠস্ব সহদেবোস্মি পাণ্ডবঃ।
হৎবা রবা মাং নয়স্বৈনাং হতো বা স্বপ্স্যসীহ বৈ ॥ 3-158-34 (21914)
তদা ব্রুবতি মাদ্রেয়ে ভীমসেনো যদৃচ্ছয়া।
প্রাদৃশ্যত মহাবাহুঃ সবজ্র ইব বাসবঃ ॥ 3-158-35 (21915)
সোঽপশ্যদ্ধাতরৌ তত্র দ্রৌপদীং চ যশস্বিনীম্।
ক্ষিতিস্থং সহদেবং চ ক্ষিপন্তং রাক্ষসং তদা ॥ 3-158-36 (21916)
মার্গাচ্চ রাক্ষসং মূঢং কালোপহতচেতসম্।
ভ্রমন্তং তত্রতত্রৈব দৈবেন পরিমোহিতম্ ॥ 3-158-37 (21917)
হৃতান্সংদৃশ্য তান্ভ্রাতৃন্দ্রৌপদীং চ মহাবলঃ।
ক্রোধমাহারয়দ্ভীমো রাক্ষসংচেদমব্রবীৎ ॥ 3-158-38 (21918)
বিজ্ঞাতোঽসি ময়া পূর্বং চেষ্টঞ্শস্ত্রপরীক্ষণে।
আস্থা তু ৎবয়ি মে নাস্তি যতোসি ন হতস্তদা ॥ 3-158-39 (21919)
ব্রহ্মরূপপ্রতিচ্ছন্নো ন নো বদসি চাপ্রিয়ম্।
প্রিয়েষু রমমাণং ৎবাং ন চৈবাপ্রিয়কারিণম্।
ব্রহ্মরূপেণ বিহিতং নৈব হন্যামনাগসম্ ॥ 3-158-40 (21920)
রাক্ষসং জানমানোঽপি যো হন্যান্নরকং ব্রজেৎ।
অপক্বস্য চ কালেন বধস্তব ন বিদ্যতে ॥ 3-158-41 (21921)
নূনমদ্যাসি সংপক্বো যথা তে মতিরীদৃশী।
দত্তা কৃষ্ণাপহরণে কালেনাদ্ভুতকর্মণা।
`সোপি কালং সমাসাদ্য তথাঽদ্য নভবিষ্যসি' ॥ 3-158-42 (21922)
বডিশোঽয়ংৎবয়া গ্রস্তঃ কালসূত্রেণ লম্বিতঃ।
মৎস্যোঽম্ভসীব স্যূতাস্যঃ কথমদ্য গমিষ্যসি ॥ 3-158-43 (21923)
যং চাসি প্রস্থিতো দেশং মনঃ পূর্বং গতং চ তে।
ন তং গন্তাসি গন্তাসি মার্গং বকহিডিম্বয়োঃ ॥ 3-158-44 (21924)
এবমুক্তস্তু ভীমেন রাক্ষসঃ কালচোদিতঃ।
ভীত উৎসৃজ্য তান্সর্বান্যুদ্ধায় সমুপস্থিতঃ ॥ 3-158-45 (21925)
অব্রবীচ্চ পুনর্ভীমং রোষাৎপ্রস্ফুরিতাধরঃ।
ন মে মূঢা দিশঃ পাপ ৎবদর্থং মে বিলম্বনম্ ॥ 3-158-46 (21926)
শ্রুতা মে রাক্ষসা যে যে ৎবয়া বিনিহতা রণে।
তেষামদ্যকরিষ্যামি তবাস্রেণোদকক্রিয়াম্ ॥ 3-158-47 (21927)
`এবমুক্ৎবাতদা ভীমং রাক্ষসো যোদ্ধুমায়যৌ।
করালবদনঃ ক্রোধাৎকালসর্প ইব শ্বসন্' ॥ 3-158-48 (21928)
এবমুক্তস্ততো ভীমঃ সৃক্বিণী পরিলেলিহন্।
স্ময়মান ইব ক্রোধাৎসাক্ষাৎকালান্তকোপমঃ ॥ 3-158-49 (21929)
`ব্রুবন্বৈ তিষ্ঠতিষ্ঠেতি ক্রোধসংরক্তলোচনঃ'।
বাহুসংরম্ভমেবেচ্ছন্নভিদুদ্রাব রাক্ষসম্ ॥ 3-158-50 (21930)
মুহুর্মুহুর্ব্যাদদানঃ সৃক্বিণী পরিসংলিহন্।]
অভিদুদ্রাব সংরব্ধো বলো বজ্রধরং যথা ॥ 3-158-51 (21931)
ভীমসেনোঽপ্যবষ্টব্ধো নিয়ুদ্ধায়াভবৎস্থিতঃ।
রাক্ষসোঽপি চ বিস্রব্ধো বাহুয়ুদ্ধমকাঙ্ক্ষত' ॥ 3-158-52 (21932)
বর্তমানে তয়ো রাজন্বাহুয়ুদ্ধে সুদারুণে।
মাদ্রীপুত্রাবতিক্রুদ্ধাবুভাবপ্যভ্যধাবতাম্ ॥ 3-158-53 (21933)
ন্যবারয়ত্তৌ প্রহসন্কুন্তীপুত্রো বৃকোদরঃ।
শক্তোঽহং রাক্ষসস্যেতি প্রেক্ষধ্বমিতি চাব্রবীৎ ॥ 3-158-54 (21934)
আত্মনা ভ্রাতৃভিশ্চৈব ধর্মেণ সুকৃতেন চ।
ইষ্টেন চ শপে রাজন্সূদয়িষ্যামি রাক্ষসম্ ॥ 3-158-55 (21935)
ইত্যেবমুক্ৎবা তৌ বীরৌ স্পর্ধমানৌ পরস্পরম্।
বাহুভিঃ সমসজ্জেতামুভৌ রক্ষোবৃকোদরৌ ॥ 3-158-56 (21936)
তয়োরাসীৎসংপ্রহারঃ ক্রুদ্ধয়োর্ভীমরক্ষসোঃ।
অমৃষ্যমাণয়োঃ সঙ্খ্যে শক্রশম্বরয়োরিব ॥ 3-158-57 (21937)
তৌ বীরৌ সমভিক্রুদ্ধাবন্যোন্যং পর্যধাবতাম্।
আরুজ্যারুজ্যতৌ বৃক্ষানন্যোন্যমভিজঘ্নতুঃ।
জীমূতাবিব ধর্মান্তে বিনদন্তৌ মহাবলৌ ॥ 3-158-58 (21938)
বভঞ্জতুর্মহাবৃক্ষানূরুভির্বলিনাং বরৌ।
অন্যোন্যেনাভিসংরব্ধৌ পরস্পরবধৈষিণৌ ॥ 3-158-59 (21939)
তদ্বৃক্ষয়ুদ্ধমভবনমহীরুহবিনাশনম্।
বালিসুগ্রীবয়োর্ভ্রাত্রোঃ পুরেব কপিসিংহয়োঃ ॥ 3-158-60 (21940)
আবিধ্যাবিধ্য তৌ বৃক্ষান্মুহূর্তমিতরেতরম্।
তাডয়ামাসতুরুভৌ বিনদন্তৌ মুহুর্মুহুঃ ॥ 3-158-61 (21941)
তস্মিন্দেশে যদা বৃক্ষাঃ সর্ব এব নিপাতিতাঃ।
পুগীকৃতাশ্চ শতশঃ পরস্পরবধেপ্সয়া ॥ 3-158-62 (21942)
ততঃ শিলাঃ সমাদায় মুহূর্তমিব ভারত।
মহাভ্রৈরিব শৈলেন্দ্রৌ যুয়ুধাতে মহাবলৌ ॥ 3-158-63 (21943)
শিলাভিরুগ্ররূপাভির্বৃহতীভিঃ পরস্পরম্।
বজ্রৈরিব মহাবেগৈরাজঘ্নতুরমর্ষণৌ ॥ 3-158-64 (21944)
অভিদ্রুত্য চ ভূয়স্তাবন্যোন্যবলদর্পিতৌ।
ভুজাভ্যাং পরিগৃহ্যাথ চকর্ষাতে গজাবিব ॥ 3-158-65 (21945)
মুষ্টিভিশ্ মহাঘোরৈরন্যোন্যমভিপেততুঃ।
ততঃ কটকটাশব্দো বভূব শুমহাত্মনোঃ ॥ 3-158-66 (21946)
ততঃ সংহৃত্যমুষ্টিং তু পঞ্চশীর্ষমিবোরগম্।
বেগেনাভ্যহনদ্ভীমো রাক্ষসস্য শিরোধরাম্ ॥ 3-158-67 (21947)
ততঃ শ্রান্তং তু তদ্রক্ষো ভীমসেনভুজাহতম্।
সুপরিভ্রান্তমালক্ষ্য ভীমসেনোঽভ্যবর্তত ॥ 3-158-68 (21948)
তত এনং মহাবাহুর্বাহুভ্যামমরোপমঃ।
সমুৎক্ষিপ্য বলাদ্ভীমো নিষ্পিপেষ মহীতলে ॥ 3-158-69 (21949)
`ততঃ সংপীড্য বলবদ্ভুজাভ্যাং ক্রোধমূর্চ্ছিতঃ।'
তস্য গাত্রাণি সর্বাণি চূর্ণয়ামাস পাণ্ডবঃ।
অরত্নিনা চাভিহত্য শিরঃ কায়াদপাহরৎ ॥ 3-158-70 (21950)
সংদষ্টৌষ্ঠং বিবৃত্তাক্ষং ফলং বৃক্ষাদিব চ্যুতম্।
জটাসুরস্য তু শিরো ভীমসেনবলাদ্ধৃতম্।
পপাত রুধিরাদিগ্ধং সংদষ্টদশনচ্ছদম্ ॥ 3-158-71 (21951)
তং নিহত্যমহেষ্বাসো যুধিষ্ঠিরমুপাগমৎ।
স্তূয়মানো দ্বিজাগ্র্যৈস্তু মরুদ্ভিরিব বাসবঃ ॥ 3-158-72 (21952)
ইতি শ্রীমন্মহাভারতে অরণ্যপর্বণি জটাসুরবধপর্বণি অষ্টপঞ্চাশদধিকশততমোঽধ্যায়ঃ ॥ 158 ॥
Mahabharata - Vana Parva - Chapter Footnotes
3-158-4 কলাপান্ নিষঙ্গান্ ॥ 3-158-10 কৌশিকং কোশাদাগতম্। গ্রহং গ্রহণম্ ॥ 3-158-16 যুষ্মাকং দেবাসুরাদীনাম্। ঋধ্যতি বৃদ্ধিং গচ্ছতি ॥ 3-158-19 বিঘসাশান্ দেবাদিশেষান্নং বিঘসং তস্য আশো ভোজনং যেষাং তান্ ॥ 3-158-20 প্রতিশ্রয়ো গৃহম্ ॥ 3-158-22 নভবিষ্যসি মরিষ্যতি ॥ 3-158-26 গুরুকঃ সমপদ্যতেতি ঝ. পাঠঃ ॥ 3-158-30 সৎকৃত্যং সাধুকার্যম্ ॥ 3-158-39 আস্থা ৎবন্মারণে আদরঃ ॥ 3-158-40 অতিথি ব্রহ্মরূপং চ কথং ইতি ঝ. পাঠঃ ॥ 3-158-42 কালপক্ব ইদানীং ৎবং যথেতি থ. পাঠঃ ॥ 3-158-43 বডিশো মৎস্যবেধনম্ ॥ 3-158-47 অস্রেণ লোহিতেন ॥ 3-158-60 পুরা স্ত্রীকাঙ্ক্ষিণোর্যথা ইতি ঝ. পাঠঃ ॥ 3-158-61 আবিধ্য ভ্রাময়িৎবা ॥ 3-158-62 মুঞ্জীকৃতাশ্চেতি ঝ. পাঠঃ। তত্র মুঞ্জীকৃতাঃ রজ্জ্বর্থং মুঞ্জবজ্জর্জরীকৃতা ইত্যর্থঃ ॥ 5-158-63 মহাভ্রৈরিবেত্যভূতোপমা ॥ 3-158-67 শিরোধরাং গ্রীবাম্ ॥ 3-158-68 অভ্যবর্তত অধিকোৎসাহ্বানভূৎ ॥অরণ্যপর্ব - অধ্যায় 159
॥ শ্রীঃ ॥
3.159. অধ্যায়ঃ 159
Mahabharata - Vana Parva - Chapter Topics
জটাসুরবধানন্তরং সপরিবারেণ যুধিষ্ঠিরেণ নরনারায়ণাশ্রমে নিবাসঃ ॥ 1 ॥ ততো বৃষপর্বাশ্রমাদিষু সুখেন সংচরণম্ ॥ 2 ॥ তত আর্ষ্টিষেণাশ্রমগমনম্ ॥ 3 ॥Mahabharata - Vana Parva - Chapter Text
3-159-0 (21953)
বৈশম্পায়ন উবাচ। 3-159-0x (2290)
নিহতে রাক্ষসে তস্মিন্পুনর্নারায়ণাশ্রমম্।
অভ্যেত্য রাজা কৌন্তেয়ো নিবাসমকরোৎপ্রভুঃ ॥ 3-159-1 (21954)
স সমানীয় তান্সর্বান্ভ্রাতৄনিত্যব্রবীদ্বচঃ।
দ্রৌপদ্যা সহিতঃ কালে সংস্মরন্ভ্রাতরং জয়ম্ ॥ 3-159-2 (21955)
সমাশ্চতস্রোঽভিগতাঃ শিবেন চরতাং বনে।
কৃতোদ্দেশঃ স বীভৎসুঋ পঞ্চমীমভিতঃ সমাম্ ॥ 3-159-3 (21956)
প্রাপ্য পর্বতরাজানং শ্বেতং শিখরিণাংবরম্।
[পুষ্পিতৈর্দ্রুমষণ্ডৈশ্চ মত্তকোকিলাষট্পদৈঃ ॥ 3-159-4 (21957)
ময়ূরৈশ্চাতকৈশ্চাপি নিত্যোৎসববিভূষিতম্।
ব্যাঘ্রৈর্বরহৈর্মহিষৈর্গবয়ৈর্হরিণৈস্তথা ॥ 3-159-5 (21958)
শ্বাপদৈর্ব্যালরূপৈশ্চ রুরুভিশ্চ নিষেবিতম্।
ফুল্লৈঃ সহস্রপত্রৈশ্চ শতপত্রৈস্তথোৎপলৈঃ ॥ 3-159-6 (21959)
প্রফুল্লৈঃ কমলৈশ্চৈব তথা নীলোৎপলৈরপি।
মহাপুণঅয়ং পবিত্রং চ সুরাসুরনিষেবিতম্।]
তত্রাপি চ কৃতোদ্দেশঃ সমাগমদিদৃক্ষুভিঃ ॥ 3-159-7 (21960)
কৃতশ্চ সময়স্তেন পার্থেনামিততেজসা।
পঞ্চবর্ষাণি বৎস্যাভি বিদ্যার্থীতি পুরা ময়ি ॥ 3-159-8 (21961)
অত্রগাণ্ডীবধন্বানমবাপ্তাস্ত্রমরিংদমম্।
দেবলোকাদিমং লোকং দ্রক্ষ্যামঃ পুনরাগতম্ ॥ 3-159-9 (21962)
ইত্যুক্ৎবা ব্রাহ্মণান্সর্বানামন্ত্রয়ত পাণ্ডবঃ।
কারণং চৈব তত্তেবামাচচক্ষে তপস্বিনাম্ ॥ 3-159-10 (21963)
তমুগ্রতপসঃ প্রীতাঃ কুৎবাপার্থং প্রদক্ষিণম্।
ব্রাহ্মণাস্তেঽন্বমোদন্ত শিবেন কুশলেন চ ॥ 3-159-11 (21964)
সুখোদর্কমিমং ক্লেশমচিরাদ্ভরতর্ষভ।
ক্ষত্রধর্মেণ ধর্মজ্ঞ তীর্ৎবা গাং পালয়িষ্যসি ॥ 3-159-12 (21965)
তত্তু রাজা বচস্তেষাং প্রতিগৃহ্য তপস্বিনাম্।
প্রতস্থে সহ বিপ্রৈস্তৈর্ভ্রাতৃভিশ্চ পরংতপঃ ॥ 3-159-13 (21966)
`দ্রৌপদ্যা সহিতঃ শ্রীমান্হৈডিম্বেয়াদিভিস্তদা'।
রাক্ষসৈরনুয়াতো বৈ লোমশেনাভিরক্ষিতঃ ॥ 3-159-14 (21967)
ক্বচিৎপদ্ভ্যাং ততোঽগচ্ছদ্রাক্ষসৈরুদহ্যতে ক্বচিৎ।
তত্রতত্র মহাতেজা ভ্রাতৃভিঃ সহ সুব্রতঃ ॥ 3-159-15 (21968)
ততো যুধিষ্ঠিরো রাজা বহুন্ক্লেশান্বিচিন্তয়ন্।
সিংহব্যাঘ্রগজাকীর্ণামুদীচীং প্রয়যৌ দিশম্ ॥ 3-159-16 (21969)
অবেমাণ কৈলাসং মৈনাকং চৈব পর্বতম্।
গন্ধমাদনপাদাংশ্চ মেরুং চাপি শিলোচ্চয়ম্ ॥ 3-159-17 (21970)
উপর্যুপরি শৈলস্য বহীশ্চ সরিতঃ শিবাঃ।
পৃষ্ঠং হিমবতঃ পুণ্যং যয়ৌ সপ্তদশেঽহনি ॥ 3-159-18 (21971)
দদৃশুঃ পাণ্ডবা রাজন্গন্ধমাদনমন্তিকম্।
পৃষ্ঠে হিমবতঃ পুণ্যে নানাদ্রুমলতাবৃতে ॥ 3-159-19 (21972)
সলিলাবর্তসংজাতৈঃ পুষ্পিতৈশ্চ মহীরুহৈঃ।
সমাবৃতং পুণ্যতমমাশ্রমং বৃষপর্বণঃ ॥ 3-159-20 (21973)
তমুপক্রম্য রাজর্ষিং ধর্মাত্মানমরিংদমাঃ।
পাণ্ডবা বৃষপর্বাণমবদন্ত গতক্লমাঃ ॥ 3-159-21 (21974)
অভ্যনন্দৎস রাজর্ষিঃ পুত্রবদ্ভরতর্ষভান্।
পূজিতাশ্চাবসংস্তত্রসপ্তরাত্রমরিংদমাঃ ॥ 3-159-22 (21975)
অষ্টমেঽহনি সংপ্রাপ্তে তমৃষিং লোকবিশ্রুতম্।
আমন্ত্র্য বৃষপর্বাণং প্রস্থানং প্রত্যরোচয়ন্ ॥ 3-159-23 (21976)
একৈকশশ্চ তান্বিপ্রান্নিবেদ্য বৃষপর্বণি।
ন্যাসভূতান্যথাকালং বন্ধূনিব সুসৎকৃতান্।
পারিবর্হং চতং শেষং পরিদায় মহাত্মনে ॥ 3-159-24 (21977)
ততস্তে যজ্ঞপাত্রাণি রত্নান্যাভরণানি চ।
ন্যদধুঃপাণ্ডবা রাজন্নাশ্রমে বৃষপর্বণঃ ॥ 3-159-25 (21978)
অতীতানাগতে বিদ্বান্কুশলঃ সর্বধর্মবিৎ।
অন্বশাসৎস ধর্মজ্ঞঃ পুত্রবদ্ভরতর্ষভান্ ॥ 3-159-26 (21979)
তেঽনুজ্ঞাতা মহাত্মানঃ প্রয়যুর্দিশমুত্তরাম্।
`কুষ্ণয়া সহিতা বীরা ব্রাহ্মণৈশ্চ মহাত্মভিঃ 3-159-27 (21980)
তান্প্রস্থিতানন্বগচ্ছদ্বৃষপর্বা মহীপতীন্।
উপন্যস্ মহাতেজা বিপ্রেভ্যঃ পাণ্ডবাংস্তদা ॥ 3-159-28 (21981)
অনুসংসার্য কৌন্তেয়ানাশীর্ভিরভিনন্দ্য চ।
বৃষপর্বা নিববৃতেপন্থানমুপদিশ্য চ ॥ 3-159-29 (21982)
নানামৃগগণৈর্জুষ্টং কৌন্তেয়ঃ সত্যবিক্রমঃ।
পদাতির্ভ্রাতৃভিঃ সার্ধং প্রাতিষ্ঠত যুধিষ্ঠিরঃ ॥ 3-159-30 (21983)
নানাদ্রুমনিরোধেষু বসন্তঃ শৈলসানুষু।
পর্বতং বিবিশুস্তে তং চতুর্থেঽহনি পাণ্ডবাঃ ॥ 3-159-31 (21984)
মহাভ্রঘনসংকাশং সলিলোপহিতং শুভম্।
মণিকাঞ্চনরম্যং চ শৈলং নানাসমুচ্ছ্রয়ম্ ॥ 3-159-32 (21985)
`রম্যং হিমবতঃ প্রস্থং বহুকন্দরনির্ঝরম্।
শিলাবিভঙ্গবিকটং লতাপাদপসঙ্কুলম্' ॥ 3-159-33 (21986)
তে সমাসাদ্যপন্থানং যতোক্তং বৃষপর্বণা।
অনুসস্রুর্যথোদ্দেশং পশ্যন্তো বিবিধান্নগান্ ॥ 3-159-34 (21987)
উপর্যুপরি শৈলস্য গুহাঃ পরমদুর্গমাঃ।
সুদুর্গমাংস্তে সুবহূন্সুখেনৈবাভিচক্রমুঃ ॥ 3-159-35 (21988)
ধৌম্যঃ কৃষ্ণা চ পার্তাশ্চ লোমশশ্চ মহানৃষিঃ।
আগচ্ছন্সহিতাস্তত্রন কশ্চিদপি হীয়তে ॥ 3-159-36 (21989)
তে মৃগদ্বিজসংঘুষ্টং নানাদ্রুমলতায়ুতম্।
শাখামৃগগণৈশ্চৈব সেবিতং সুমনোরমম্ ॥ 3-159-37 (21990)
পুণ্যং পদ্মসরোপেতং সপল্বলমহাবনম্।
উপতস্থুর্মহাভাগা মাল্যবতং মহাগিরিম্ ॥ 3-159-38 (21991)
ততঃ কিংপুরুষাবাসং সিদ্ধচারণসেবিতম্।
দদৃশুর্হৃষরোমাণাঃ পর্বতং গন্ধমাদনম্ ॥ 3-159-39 (21992)
বিদ্যাধরানুচরিতং কিন্নরীভিস্তথৈব চ।
গজসঙ্ঘসমাবাসং সিংহব্যাঘ্রগণায়ুতম্ ॥ 3-159-40 (21993)
শরভোন্নাদসংঘুষ্টং নানমৃগনিষেবিতম্ ॥ 3-159-41 (21994)
তে গন্ধমাদনবনং তন্নন্দনবনোপমম্।
মুদিতাঃ পাণ্ডুতনয়া মনোনয়ননন্দনম্ ॥ 3-159-42 (21995)
বিবিশুঃ ক্রমশো বীরা অরণ্যং শুভকাননম্।
দ্রৌপদীসহিতা বীরাস্তৈশ্চ বিপ্রৈর্মহাত্মভিঃ ॥ 3-159-43 (21996)
শৃণ্বন্তঃ প্রীতিজননান্বল্গূন্মন্দকলাঞ্শুভান্।
শ্রোত্ররম্যান্সুমধুরাঞ্শব্দান্খগমুখেরিতান্ ॥ 3-159-44 (21997)
সর্বর্তুফলভারাঞ্যান্সর্বর্তুকুসুমোজ্জ্বলাম্।
পশ্যন্তঃ পাদপাংস্চাপি ফলভারাবনামিতান্ ॥ 3-159-45 (21998)
আম্রানাম্রাতকান্ফুল্লান্নারিকেলান্সতিন্দুকান্।
মুঞ্জাতকাংস্তথাঞ্জীরান্দাডিমান্বীজপূরকান্ ॥ 3-159-46 (21999)
পনসাঁল্লিকুচান্মোচাঃ খর্জূরানম্লবেতসান্।
পরাবতাংস্তথা ক্ষৌদ্রানীপাংশ্চাপি মনোরমান্ ॥ 3-159-47 (22000)
বেল্বান্কপিত্থাঞ্জম্বূশ্চ কাশ্মরীর্ব্রদরীস্তথা।
পুক্ষানুদুম্বরবটানশ্বত্থান্ক্ষীরিকাস্তথা ॥ 3-159-48 (22001)
মল্লাতকানামলকীর্হরীতকবিভীতকান্।
ইঙ্গুদান্করমর্দাংশ্চ তিন্দুকাংশ্ মহাফলান্ ॥ 3-159-49 (22002)
এতানন্যাংশ্চ বিবিধান্গন্ধমাদনসানুষু।
ফলৈরমৃতকল্পৈস্তানাচিতান্স্বাদুভিস্তরূপন্ ॥ 3-159-50 (22003)
তথৈব চম্পকাশোকান্কেতকান্বকুলাংস্তথা।
পুন্নাগান্সপ্তপর্ণাংশ্চ কর্ণিকারান্সকেতকান্।
পাটলান্কুটজান্রম্যান্মন্দারেন্দীবরাংস্তথা ॥ 3-159-51 (22004)
পারিজাতান্কোবিদারান্দেবদারুদ্রুমাংস্তথা।
পারিজাতান্কোবিদারান্দেবদারুদ্রুমাংস্তথা।
শালাংস্তালাংস্তমালাংশ্চ পিপ্পলান্হিঙ্গুকাংস্তথা ॥ 3-159-52 (22005)
চকোরৈঃ শতপত্রৈশ্ ভৃঙ্গরাজৈস্তথা শুকৈঃ।
কোকিলৈঃ কলবিঙ্কৈশ্চ হারিতৈর্জীবজীবকৈঃ ॥ 3-159-53 (22006)
প্রিয়কৈশ্চাতকৈশ্চৈব তথাঽন্যৈর্বিবিধৈঃ খগৈঃ।
শ্রোত্ররম্যং সুমধুরং কূজদ্ভিশ্চাপ্যধিষ্ঠিতান্ ॥ 3-159-54 (22007)
সরাংসি চ মনোজ্ঞানি সমন্তাজ্জলচারিভিঃ।
কুমুদৈঃ পুণ্ডরীকৈশ্চ তৃথা কোকনদোৎপলৈঃ।
কহারৈঃ কমলৈশ্চৈব আচিতানি সমন্ততঃ ॥ 3-159-55 (22008)
কাদম্বৈশ্চক্রবাকৈশ্চ কুররৈর্জলকুক্কুটৈঃ।
কারণ্ডবৈঃ প্লবৈর্হংসৈর্বকৈর্মদ্গুভিরেব চ ॥ 3-159-56 (22009)
এতৈশ্চান্যৈশ্চ কীর্ণানি সমন্তাজ্জলচারিভিঃ।
হৃষ্টৈস্তথা তামরসরসাসবমদালসৈঃ ॥ 3-159-57 (22010)
পদ্মোদরচ্যুতরজঃকিঞ্জল্কারুণরঞ্জিতৈঃ।
মঞ্জুস্বরৈর্মধুকরৈর্বিরুতান্কমলাকরান্ ॥ 3-159-58 (22011)
অপশ্যংস্তে নরব্যাঘ্রা গন্ধমাদনসানুষু।
তথৈব পদ্মষণ্ডৈশ্চ মণ্ডিতাংশ্চ সমন্ততঃ ॥ 3-159-59 (22012)
শিখণ্ডিনীভিঃ সহিতাঁল্লতামণ্ডলকেষু চ।
মেঘতূর্যরবোদ্দামমদনাকুলিতান্ভৃশম্ ॥ 3-159-60 (22013)
কৃৎবৈব কেকামধুরং সংগীতং মধুরস্বরম্।
চিত্রান্কলাপান্বিস্তীর্য সবিলাসান্মদালসান্ ॥ 3-159-61 (22014)
ময়ূরান্দদৃশুর্হৃষ্টান্নৃত্যতো বনলালসান্।
কাংশ্চিৎপ্রিয়াভিঃ সহিতান্রমমাণান্কলাপিনঃ ॥ 3-159-62 (22015)
বল্লীলতাসংকটেষু কুটজেষু স্থিতাংস্তথা।
কাংশ্চিচ্চ কুটজানাং তু বিটপেষূৎকটানিব ॥ 3-159-63 (22016)
কলাপরুচিরাটোপনিচিতান্মুকুটানিব।
বিবরেষু তরূণাং চ রুচিরান্দদৃশুশ্চ তে ॥ 3-159-64 (22017)
সিন্ধুবারাংস্তথোদারান্মন্মথস্যেব তোমরান্।
সুবর্ণবর্ণকুসুমান্গিরীণাং সিখরেষু চ।
কর্ণিকারান্বিকসিতান্কর্ণপূরানিবোত্তমান্ ॥ 3-159-65 (22018)
তথাঽপশ্যন্কুরবকান্বনরাজিষু পুষ্পিতান্।
কামবশ্যৌৎসুক্যকরান্কামস্যেব শরোৎকরান্ ॥ 3-159-66 (22019)
তথৈব বনরাজীনামুদারান্রচিতানিব।
বিরাজমানাংস্তেঽপশ্যংস্তিলকাংস্তিলকানিব ॥ 3-159-67 (22020)
তথানঙ্গশরাকারান্সহকারান্মনোরমান্।
অপশ্যন্ভ্রামরান্রাজন্মঞ্জরীভির্বিরাজিতান্ ॥ 3-159-68 (22021)
হিরণ্যসদৃশৈঃ পুষ্যৈর্দাবাগ্নিসদৃশৈরপি।
লোহিতৈরঞ্জনাভৈশ্চ বৈদূর্যসদৃশৈরপি।
অতীব বৃক্ষা রাজন্তে পুষ্পিতাঃ শৈলসানুষু ॥ 3-159-69 (22022)
তথা সালাংস্তমালাংশ্চ পাটলাবকুলানপি।
মালা ইব সমাসক্তাঃ শৈলানাং শিখরেষু চ ॥ 3-159-70 (22023)
বিমলস্ফাটিকাভানি পাণ্ডুরচ্ছদনৈর্দ্বিজৈঃ।
কলহংসৈরুপেতানি সারসাভিরুতানি চ ॥ 3-159-71 (22024)
সরাংসি বহুশঃ পার্থা পশ্যন্তঃ শৈলসানুষু।
পদ্মোৎপলবিমিশ্রাণি সুখশীতজলানি চ ॥ 3-159-72 (22025)
এবং ক্রমেণ তে বীরা বীক্ষমাণাঃ সমন্ততঃ।
গন্বন্ত্যথ মাল্যানি রসবন্তি ফলানি চ ॥ 3-159-73 (22026)
সরাংসি চ মনোজ্ঞানি বৃক্ষাংশ্চাতিমনোরমান্।
বিবিশুঃ পাণ্ডবাঃ সর্বেবিস্ময়োৎফুল্ললোচনাঃ ॥ 3-159-74 (22027)
কমলোৎপলকহ্লারপুণ্ডরীকসুগন্ধিনা।
সেব্যমানা বনে তস্মন্সুখস্পর্শেন বায়ুনা ॥ 3-159-75 (22028)
ততো যুধিষ্ঠিরো ভীমমাহেদং প্রীতিমদ্বচঃ।
অহো শ্রীমদিদং ভীম গন্ধমাদনকাননম্ ॥ 3-159-76 (22029)
বনে হ্মস্মিন্মনোরম্যে দিব্যা কাননজা দ্রুমাঃ।
লতাশ্চ বিবিধাকারাঃ পত্রপুষ্পফলোপগাঃ।
ভান্ত্যেতে পুষ্পবিকচাঃ পুংস্কোকিলকুলাকুলাঃ ॥ 3-159-77 (22030)
নাত্র কণ্টকিনঃ কেচিন্ন চ বিদ্যন্ত্যপুষ্পিতাঃ।
স্নিগ্ধপত্রফলা বৃক্ষা গন্ধমাদনসানুষু ॥ 3-159-78 (22031)
ভ্রমরারাবমধুরা নলিনীঃ ফুল্লপঙ্কজাঃ।
বিলোড্যমানা পশ্যেমাঃ করিভিঃ সকরেণুভিঃ ॥ 3-159-79 (22032)
পশ্যেমাং নলিনীং চান্যাং কমলোৎপলমালিনীম্।
স্রগ্ধরাং বিগ্রহবতীং সাক্ষাচ্ছ্রিয়মিবাপরাম্ ॥ 3-159-80 (22033)
নানাকুসুমগন্ধাঢ্যাস্তস্যেমাঃ কাননোত্তমে।
উপগীয়মানা ভ্রমরৈ রাজন্তে বনরাজয়ঃ ॥ 3-159-81 (22034)
পশ্য ভীম শুভান্দেশান্দেবাক্রীডান্সমন্ততঃ।
অমানুষগতিং প্রাপ্তাঃ সংসিদ্ধাঃ স্ম বৃকোদর ॥ 3-159-82 (22035)
লতাভিঃ পুষ্পিতাগ্রাভিঃ পুষ্পিতাঃ পাদপোত্তমাঃ।
সংশ্লিষ্টাঃ পার্থ শোভন্তে গন্ধমাদনসানুষু ॥ 3-159-83 (22036)
শিখণ্ডিনীভিশ্চরতাং সহিতানাং শিখণ্ডিনাম্।
নদতাং শৃণু নির্ঘোষং ভীম পর্বতসানুষু ॥ 3-159-84 (22037)
চকোরাঃ শতপত্রাশ্চ মত্তকোকিলশারিকাঃ।
পত্রিণঃ পুষ্পিতানেতান্সংপতন্তি মহাদ্রুমান্ ॥ 3-159-85 (22038)
রক্তপীতারুণাঃ পার্থ পাদপাগ্রগতাঃ খগাঃ।
পরস্পরমুদীন্তে বহবো জীবজীবকাঃ ॥ 3-159-86 (22039)
হরিতারুণবর্ণানাং শাড্বলানাং সমীপতঃ।
সারসাঃ প্রতিদৃশ্যন্তে শৈলপ্রস্রবণেষ্বপি ॥ 3-159-87 (22040)
বদন্তি মধুরা বাচঃ সর্বভূতমনোরমাঃ।
ভৃঙ্গরাজোপচক্রাশ্চ লোহপৃষ্ঠাঃ পতত্রিণঃ ॥ 3-159-88 (22041)
চতুর্বিষাণাঃ পদ্মাভাঃ কুঞ্জরাঃ সকরেণবঃ।
এতে বৈডূর্যবর্ণাভং ক্ষোভয়ন্তি মহৎসরঃ ॥ 3-159-89 (22042)
বহুতালসমুৎসেঘাঃ শৈলশৃঙ্গপরিচ্যুতাঃ।
নানাপ্রস্রবণেভ্যশ্চ বারিধারাঃ পতন্তি চ ॥ 3-159-90 (22043)
ভাস্করাভপ্রভা ভীমাঃ শারদাভ্রঘনোপমাঃ।
শোভয়ন্তি মহাশৈলং নানারজতধাতবঃ ॥ 3-159-91 (22044)
ক্বচিদঞ্জনবর্ণাভাঃ ক্বচিৎকাঞ্চনসন্নিভাঃ।
ধাতবো হরিতালস্য ক্বচিদ্ধিঙ্গুলকস্য চ ॥ 3-159-92 (22045)
মনঃশিলাগুহাশ্চৈব সংধ্যাভ্রনিকরোপমাঃ।
শশলোহিতবর্ণাভাঃ ক্বচিদ্গৈরিকধাতবঃ ॥ 3-159-93 (22046)
সিতাসিতাভ্রপ্রতিমা বালসূর্যসমপ্রভাঃ।
এতে বহুবিধাঃ শৈলং শোভয়ন্তি মহাপ্রভাঃ ॥ 3-159-94 (22047)
গন্ধর্বাঃ সহ কান্তাভির্যথেষ্টং ভীমবিক্রমাঃ।
দৃশ্যন্তে শৈলশৃঙ্গেষু পার্থ কিংপুরুষৈঃ সহ ॥ 3-159-95 (22048)
গীতানাং সমতালানাং তথাসাম্নাং চ নিঃখনঃ।
শ্রূয়তে বহুধা ভীম সর্বভূতমনোহরঃ ॥ 3-159-96 (22049)
মহাগঙ্গামুদীক্ষখ পুণ্যাং দেবনদীং শুভাম্।
কলহংসগণৈর্জুষ্টামৃষিকিন্নরসেবিতাম্ ॥ 3-159-97 (22050)
ধাতুভিশ্চ সরিদ্ভিশ্চ কিন্নরৈর্মৃগপক্ষিভিঃ।
গন্ধর্বৈরপ্সরোভিশ্চ কাননৈশ্চ মনোরমৈঃ ॥ 3-159-98 (22051)
ব্যালৈশ্চ বিবিধাকারৈঃ শতশীর্ষৈঃ সমন্ততঃ।
উপেতং পশ্য কৌন্তেয় শৈলরাজমরিংদম ॥ 3-159-99 (22052)
বৈশম্পায়ন উবাচ। 3-159-100x (2291)
তে প্রীতমনসঃ শূরাঃ প্রাপ্তা গতিমনুত্তমাম্।
নাতৃপ্যন্পর্বতেন্দ্রস্য দর্শনেন পরংতপাঃ ॥ 3-159-100 (22053)
উপেতমথ মাল্যৈশ্চ ফলবদ্ভিশ্চ পাদপৈঃ।
আর্ষ্টিপেণস্ রাজর্ষেরাশ্রমং দদৃশুস্তদা ॥ 3-159-101 (22054)
ততস্তে তিগ্মতপসং কৃশং ধমনিসংততম্।
পারগং সর্ববিদ্যানামার্ষ্টিষেণমুপাগমন্ ॥ 3-159-102 (22055)
ইতি শ্রীমন্মহাভারতে অরণ্যপর্বণি যক্ষয়ুদ্ধপর্বণি একোনষষ্ট্যধিকশততমোঽধ্যায়ঃ ॥ 159 ॥
Mahabharata - Vana Parva - Chapter Footnotes
3-159-2 জয়ং অর্জুনম্ ॥ 3-159-3 কৃতোদ্দেশঃ পঞ্চমে বর্ষে ময়াঽবশ্যমাগন্তব্যমিতি কৃতসংকেতঃ ॥ 3-159-4 শ্বেতং কৈলাসম্ ॥ 3-159-7 তত্রাপি দেশে অস্মাভিরিতি শেষঃ। উদ্দেশঃ কৃতঃ। সংধিরার্ষঃ ॥ 3-159-12 সুখোদর্কং সুখোদয়ম্ ॥ 3-159-28 উপন্যস্য নিবেদ্য ॥ 3-159-29 অনুসংসার্য অনুগম্য ॥ 3-159-57 তামরসানাং রসএব আসবো মদ্যং তজ্জেন মদেন অলসাঃ ॥ 3-159-58 বিরুতান্বিশিষ্টশব্দয়ুতান্ ॥ 3-159-63 কুটজেষু বৃক্ষবিশেষেষু। বল্লীনাং রলতাপ্রতানানি তৈঃ সংকটেষু কুঞ্জীকৃতেষু॥ 3-159-65 সিংধুবারান্ পদ্মবিশেষান্ ॥ 3-159-66 কামবশ্যানাং নরাণামৌত্মুক্যকরান্ ॥ 3-159-76 হে ভীম ॥ 3-159-80 নলিনীং সরসীম্। কমলোৎপলয়োরবান্তরজাতিভেদঃ। বিগ্রহবতীং শরীরবতীম্ ॥ 3-159-81 তস্য শৈলস্য ॥ 3-159-88 ভৃঙ্গরাজাদয়ঃ পক্ষিবিশেষাঃ ॥ 3-159-89 চতুর্বিষাণাশ্চতুর্দন্তাঃ ॥অরণ্যপর্ব - অধ্যায় 160
॥ শ্রীঃ ॥
3.160. অধ্যায়ঃ 160
Mahabharata - Vana Parva - Chapter Topics
আর্ষ্টিপেণরাজর্ষিণা যুধিষ্ঠিরংপ্রতি কৈলাসবর্ণনপূর্বকমর্জুনাগমনপর্যন্তং স্বাশ্রমএব নিবাসচোদনা ॥ 1 ॥Mahabharata - Vana Parva - Chapter Text
3-160-0 (22056)
বৈশম্পায়ন উবাচ। 3-160-0x (2292)
যুধিষ্ঠিরস্তমাসাদ্য তপসা দগ্ধকিল্বিষম্।
অভ্যবাদয়ত প্রীতঃ শিরসা নাম কীর্তয়ন্ ॥ 3-160-1 (22057)
ততঃ কৃষ্ণা চ ভীমশ্চ যমৌ চ সুতপস্বিনৌ।
শিরোভিঃ প্রাপ্য রাজর্ষিং পরিবার্যোপতস্থিরে ॥ 3-160-2 (22058)
তথৈব ধৌম্যো ধর্মজ্ঞঃ পাণ্ডবানাং পুরোহিতঃ।
যথান্যায়মুপাক্রান্তস্তমৃষিং সংশিতব্রতম্ ॥ 3-160-3 (22059)
অন্বজানাৎস ধর্মজ্ঞো মুনির্দিব্যেন চক্ষুষা।
পাণ্ডোঃ পুত্রান্কুরুশ্রেষ্ঠানাস্যতামিতি চাব্রবীৎ ॥ 3-160-4 (22060)
কুরূণামৃপভং প্রাজ্ঞং পূজয়িৎবা মহাতপাঃ।
সহ ভ্রাতৃভিরসীনং পর্যপৃচ্ছদনাময়ম্ ॥ 3-160-5 (22061)
নানৃতে কুরুপে ভাবং কচ্চিদ্ধর্মে প্রবর্তসে।
মাতাপিত্রোশ্চ তে বৃত্তিঃ কচ্চিৎপার্থ ন সীদতি ॥ 3-160-6 (22062)
কচ্চিত্তে গুরবঃ সর্বে বৃদ্ধা বৈদ্যাশ্চ পূজিতাঃ।
কচ্চিন্ন কুরুপে ভাবং পার্থ পাপেষু কর্মসু ॥ 3-160-7 (22063)
সুকৃতংপ্রতিকর্তুং চ কচ্চিদ্ধাতুং চ দুষ্কৃতম্।
যথান্যায়ং কুরুশ্রষ্ঠ জানাসি ন বিকত্থসে ॥ 3-160-8 (22064)
যথার্হং মানিতাঃ কচ্চিত্ৎবয়া নন্দন্তি সাধবঃ।
বনেষ্বপি বসন্কচ্চিদ্ধর্মমেবানুবর্তসে ॥ 3-160-9 (22065)
কচ্চিদ্ধৌম্যস্ৎবদাচারৈর্ন পার্থ পরিতপ্যতে।
দানধর্মতপঃশৌচৈরার্জবেন তিতিক্ষয়া ॥ 3-160-10 (22066)
পিতৃপৈতামহং বৃত্তং কচ্চিৎপার্থানুবর্তসে।
কচ্চিদ্রাজর্ষিয়াতেন পথা গচ্ছসি পাণ্ডব ॥ 3-160-11 (22067)
স্বেস্বে কিল কুলে জাতে পুত্রে নপ্তরি বা পুনঃ।
পিতরঃ পিতৃলোকস্থাঃ শোচন্তি চ রমন্তি চ ॥ 3-160-12 (22068)
কিং তস্য দুষ্কৃতেঽস্মাভিঃ সংপ্রাপ্তব্যং ভবিষ্যতি।
কিং চাস্য সুকৃতেঽস্মাভিঃ প্রাপ্তব্যমিতি শোভনং ॥ 3-160-13 (22069)
পিতা মাতা তথৈবাগ্নির্গুরুরাত্মা চ পঞ্চমঃ।
যস্যৈতেপূজিতাঃ পার্থ তস্ লোকাবুভৌ জিতৌ ॥ 3-160-14 (22070)
[যুধিষ্ঠির উবাচ। 3-160-15x (2293)
ভগবন্নার্য মাঽঽহৈতদ্যথাবদ্ধর্মনিশ্চয়ম্।
যথাশক্তি যথান্যায়ং ক্রিয়তে বিধিবন্ময়া ॥ 3-160-15 (22071)
আর্ষ্টিষেণ উবাচ।] 3-160-16x (2294)
অব্ভক্ষা বায়ুভক্ষাশ্চ প্লবমানা বিহায়সা।
জুষন্তে পর্বতশ্রেষ্ঠমৃষয়ঃ পর্বসন্ধিষু ॥ 3-160-16 (22072)
কামিনঃ সহ কান্তাভিঃ পরস্পরমনুব্রতাঃ।
দৃশ্যন্তে শৈলশৃঙ্গস্থা যথা কিংপুরুষা নৃপ ॥ 3-160-17 (22073)
অরজাংসি চ বাসাংসি বসানাঃ কৌশিকানি চ।
দৃশ্যন্তে বহবঃ পার্থ গন্ধর্বাপ্সরসাং গণাঃ ॥ 3-160-18 (22074)
বিদ্যাধরগণাশ্চৈব স্রগ্বিণঃ প্রিয়দর্শনাঃ।
মহোরগগণাশ্চৈব সুপর্ণাশ্চারণাদয়ঃ ॥ 3-160-19 (22075)
অস্য চোপরি শৈলস্য শ্রূয়তে পর্বসন্ধিষু।
ভেরীপণবশঙ্খানাং মৃদঙ্গানাং চ নিঃখনঃ ॥ 3-160-20 (22076)
ইহস্থৈরেব তৎসর্বং শ্রোতব্যং ভরতর্ষভাঃ।
ন কার্যা বঃ কথংচিৎস্যাত্তত্রাভিগমনে মতিঃ ॥ 3-160-21 (22077)
ন চাপ্যতঃ পরং শক্যং গন্তুং ভরতসত্তমাঃ।
বিহারস্তত্র দেবানামমানুষগতিস্তু সা ॥ 3-160-22 (22078)
ঈষচ্চপলকর্মাণং মনুষ্যমিহ ভারত।
দ্বিষন্তি সর্বভূতানি তাডয়ন্তি চ রাক্ষসাঃ ॥ 3-160-23 (22079)
অস্যাতিক্রম্য শিখরং কৈলাসস্য যুধিষ্ঠির।
গতিঃ পরমসিদ্ধানাং দেবর্ষীণাং প্রকাশতে ॥ 3-160-24 (22080)
চাপলাদ্ধি ন গন্তব্যং পার্ত যানৈস্ততঃ পরম্।
অয়ঃশূলাদিভির্ঘ্নন্তি রাক্ষসাঃ শত্রুসূদন ॥ 3-160-25 (22081)
অপ্সরোভিঃ পরিবৃতঃ সমৃদ্ধ্যা নরবাহনঃ।
ইহ বৈশ্রবণস্তাত পর্বসন্ধিষু দৃশ্যতে ॥ 3-160-26 (22082)
শিখরে তং সমাসীনমধিপং যক্ষরক্ষসাম্।
প্রেক্ষন্তে সর্বভূতানি ভানুমন্তমিবোদিতম্ ॥ 3-160-27 (22083)
দেবদানবসিদ্ধানাং তথা বৈশ্রবণস্য চ।
গিরেঃ শিখরমুদ্যানমিদং ভরতসত্তম ॥ 3-160-28 (22084)
উপাসীনস্য ধনদং তুম্বুরোঃ পর্বসন্ধিষু।
গীতসামস্বনস্তাত শ্রূয়তে গন্ধমাদনে ॥ 3-160-29 (22085)
এতদেবংবিধং চিত্রমিহ তাত যুধিষ্ঠির।
প্রেক্ষন্তে সর্বভূতানি বহুশঃ পর্বসন্ধিষু ॥ 3-160-30 (22086)
ভুঞ্জানা মুনিভোজ্যানি রসবন্তি ফলানি চ।
বসধ্বং পাণ্ডবশ্রেষ্ঠা যাবদর্জুনদর্শনাৎ ॥ 3-160-31 (22087)
ন তাত চপলৈর্ভাব্যমিহ প্রাপ্তৈঃ কথংচন।
`চপলঃ সর্বভূতানাং দ্বেষ্যো ভবতি মানবঃ' ॥ 3-160-32 (22088)
উষিৎবেহ যথাকামং যথাশ্রদ্ধং বিহৃত্য চ।
ততঃ শস্ত্রজিতাং শ্রেষ্ঠ পৃথিবীং পালয়িষ্যসি ॥ 3-160-33 (22089)
ইতি শ্রীমন্মহাভারতে অরণ্যপর্বণিঃ যক্ষয়ুদ্ধপর্বণি ষষ্ট্যধিকততমোঽধ্যায়ঃ ॥ 160 ॥
Mahabharata - Vana Parva - Chapter Footnotes
3-160-4 মুনিঃ আর্ষ্ঠিষেণঃ ॥ 3-160-7 বৈদ্যাঃ বিদ্যযা বিদিতাঃ ॥ 3-160-8 সুষুক্রনমমাং উপকারিণম্। দুষ্কৃতং অপকারিণং হাতুং ত্যক্তুং ন বিকত্থসে জ্ঞাতাস্মীতি ন শ্লাঘসে ॥ 3-160-15 যথাবৎ মাঽঽহ যথামামাহ ॥ 3-160-16 পর্বসংধিষু প্রতিপৎপঞ্চদশ্যোরন্তরালে ॥ 3-160-28 উদ্যানং ক্রীডাবনয়ুতম্ ॥অরণ্যপর্ব - অধ্যায় 161
॥ শ্রীঃ ॥
3.161. অধ্যায়ঃ 161
Mahabharata - Vana Parva - Chapter Topics
কদাচন গরুডপক্ষবাতানীতাদ্ভুতাম্বুজদর্শিন্যা দ্রৌপদ্যা তাদৃশবহুপুষ্পানয়নং তথা দুষ্টয়ক্ষরাক্ষসক্ষপণং চ প্রার্থিতেন ভীমেন তদর্থং গন্ধমাদনশিখরারোহণম্ ॥ 1 ॥ তথা স্বীয়শঙ্খধ্বনিশ্রবণেনাভিদ্রুতবতাং মণিমদাদীনাং যুদ্ধে হননম্ ॥ 2 ॥Mahabharata - Vana Parva - Chapter Text
3-161-0 (22090)
জনমেজয় উবাচ। 3-161-0x (2295)
আর্ষ্টিষেণাশ্রমে তস্মিন্মম পূর্বপিতামহাঃ।
পাণ্ডোঃ পুত্রা মহাত্মান সর্বে দিব্যপরাক্রমাঃ ॥ 3-161-1 (22091)
কিয়ন্তং কালমবসন্পর্বতে গন্ধমাদনে।
কিংচ চক্রুর্মহাবীর্যাঃ সর্বেঽতিবলপৌরুষাঃ ॥ 3-161-2 (22092)
কানি চাভ্যবহার্যাণি তত্র তেষাং মহাত্মনাম্।
বসতাং লোকবীরাণামাসংস্তদ্ব্রূহি সত্তম ॥ 3-161-3 (22093)
বিস্তরেণ চ মে শংস ভীমসেনপরাক্রমম্।
যদ্যচ্চক্রে মহাবাহুস্তস্মিন্হৈমবতে গিরৌ ॥ 3-161-4 (22094)
ন খল্বাসীৎপুনর্যুদ্ধং তস্ যক্ষৈর্দ্বিজোত্তম।
`ধনদাধ্যুষিতে নিত্যং বসতস্তত্র পর্বতে' ॥ 3-161-5 (22095)
কচ্চিৎসমাগমস্তেষামাসীদ্বৈশ্রবণস্য চ।
তত্র হ্যায়াতি ধনদ আর্ষ্টিষেণো যথাঽব্রবীৎ ॥ 3-161-6 (22096)
এতদিচ্ছাম্যহং শ্রোতুং রবিস্তরেণ তপোধন।
ন হি মে শৃণ্বতস্তৃপ্তিরস্তি তেষাং বিচেষ্টিতম্ ॥ 3-161-7 (22097)
বৈশম্পায়ন উবাচ। 3-161-8x (2296)
এতদাত্মহিতং শ্রুৎবা তস্যাপ্রতিমতেজসঃ।
শাসনং সততং চক্রুস্তথৈব ভরতর্ষভাঃ ॥ 3-161-8 (22098)
ভুঞ্জানা মুনিভোজ্যানি রসবন্তি ফলানি চ।
শুদ্ধবাণহতানাং চ মৃগাণাং পিশিতান্যপি ॥ 3-161-9 (22099)
মেধ্যানি হিমবৎপৃষ্ঠে মধূনি বিবিধানি চ।
এবং তে ন্যবসংস্তত্র পাণ্ডবা ভরতর্ষভাঃ ॥ 3-161-10 (22100)
তথা নিবসতাং তেষাং পঞ্চমং বর্ষমভ্যগাৎ।
শৃণ্বতাং লোমশোক্তানি বাক্যানি বিবিধান্যুত ॥ 3-161-11 (22101)
কৃত্যকাল উপস্তাস্য ইতি চোক্ৎবা ঘটোৎকচঃ।
রাক্ষসৈঃ সহ সর্বৈশ্চ পূর্বমেব গতঃ প্রভো ॥ 3-161-12 (22102)
আর্ষ্টিষেণাশ্রমে তেষাং বসতাং বৈ মহাত্মনাম্।
অগচ্ছন্বহবো মাসাঃ পশ্যতাং মহদদ্ভুতম্ ॥ 3-161-13 (22103)
তৈস্তত্রবিহরদ্ভিশ্চ রমমাণৈশ্চ পাণ্ডবৈঃ।
প্রীতিমন্তো মহাভাগা মুনয়শ্চারণাস্তথা ॥ 3-161-14 (22104)
আজগ্মুঃ পাণ্ডবান্দ্রষ্টুং শুদ্ধাত্মানো যতব্রতাঃ।
তে তৈঃ সহ কথাং চক্রুর্দ্রিব্যাং ভরতসত্তমাঃ ॥ 3-161-15 (22105)
ততঃ কতিপয়াহস্সু মহাহ্রদনিবাসিনম্।
ঋদ্ধিমন্তং মহানাগং সুপর্ণঃ সহসাঽহরৎ ॥ 3-161-16 (22106)
প্রাকম্পত মহাশৈলঃ প্রামৃদ্যন্ত মহাদ্রুমাঃ।
দদৃশুঃ সর্বভূতানি পাণঅডবাশ্চ তদদ্ভুতম্ ॥ 3-161-17 (22107)
ততঃ শৈলোত্তমস্যাগ্রাৎপাণ্ডবান্প্রতি মারুতঃ।
অবহৎসর্বমাল্যানি গন্ধবন্তি শুভানি চ ॥ 3-161-18 (22108)
তত্রপুষ্পাণি দিব্যানি সুহৃদ্ভিঃ সহ পাণ্ডবাঃ।
দদৃশুঃ পঞ্চবর্ণানি দ্রৌপদী চ যশস্বিনী ॥ 3-161-19 (22109)
ভীমসেনং ততঃ কৃষ্ণা কালে বচনমব্রবীৎ।
বিবিক্তে পর্বতোদ্দেশে সুখাসীনং মহাভুজম্ ॥ 3-161-20 (22110)
সুপর্ণানিলবেগেন শ্বসনেন মহাবলাৎ।
পঞ্চবর্ণানি পাত্যন্তে পুষ্পাণি ভরতর্ষভ ॥ 3-161-21 (22111)
`দিব্যাবর্ণানি দিব্যানি দিব্যগন্ধবহানি চ।
মদয়ন্তীব গন্ধেন মনো মে ভরতর্ষভ ॥ 3-161-22 (22112)
যেষাং তু দর্শনাৎস্পর্শান্সৌরভ্যাচ্চ তথৈব চ।
নশ্যতীব মনোদুঃখং মমেদং শত্রুতাপন ॥ 3-161-23 (22113)
ঈদৃশৈঃ কুসুমৈর্দিব্যৈর্দিব্যগন্ধবহৈঃ শুভৈঃ।
দেবতান্যর্চয়িৎবাঽহমিচ্ছেয়ং সঙ্গমং ৎবয়া ॥ 3-161-24 (22114)
ইদং তু পুরুষব্যাঘ্র বিশেষেণাম্বুজং শুভম্।
গন্ধসংস্থানসংপন্নং মম মানসবর্ধনম্' ॥ 3-161-25 (22115)
প্রত্যক্ষং সর্বলোকস্ নহ্যদৃশ্যত মাং প্রতি ॥ 3-161-26 (22116)
`বাসুদেবসহায়েন বাসুদেবপ্রিয়েণ চ'।
খাণ্ডবে সত্যসন্ধেন ভ্রাত্রা তব মহাত্মনা ॥ 3-161-27 (22117)
গন্ধর্বোরগরক্ষাংসি বাসবশ্চ পরাজিতঃ।
হতা মায়াবিনশ্চোগ্রা ধনুঃ প্রাপ্তং চ গাণ্ডিবং ॥ 3-161-28 (22118)
তবাপি সুমহত্তেজো মহদ্বাহুবলং চ তে।
অবিষহ্যমনাধৃষ্যং শক্রতুল্যপরাক্রম ॥ 3-161-29 (22119)
ৎবদ্বাহুবলবেগেন ত্রাসিতাঃ সর্বরাক্ষসাঃ।
হিৎবা শৈলং প্রপদ্যন্তাং ভীমসেন দিশো দশ ॥ 3-161-30 (22120)
ততঃ শৈলোত্তমস্যাগ্রং চিত্রমাল্যধরং শিবম্।
ব্যপেতভয়সংমোহাঃ পশ্যন্তু সুহৃদস্তব ॥ 3-161-31 (22121)
এবং প্রণিহিতং ভীম চিরাৎপ্রভৃতিমে মনঃ।
দ্রষ্টুমিচ্ছামি শৈলাগ্রং ৎবদ্বাহুবলমাশ্রিতা ॥ 3-161-32 (22122)
`ইচ্ছামি চ নরব্যাঘ্র পুষ্পং প্রত্যক্ষমীদৃশম্।
আনীয়মানং ক্ষিপ্রং বৈ ৎবয়া ভরতসত্তম' ॥ 3-161-33 (22123)
ততঃ ক্ষিপ্তমিবাত্মানং দ্রৌপদ্যা স পরংতপঃ।
নামৃষ্যত মহাবাহুঃ প্রহারমিবসদ্গজঃ ॥ 3-161-34 (22124)
সিংহর্ষভগতিঃ শ্রীমানুদারঃ কনকপ্রভঃ।
মনস্বী বলবান্দৃষ্টো মানী ভূরশ্চ পাণ্ডবঃ ॥ 3-161-35 (22125)
লোহিতাক্ষঃ পৃথুব্যংসো মত্তবারণবিক্রমঃ।
সিংহদংষ্ট্রো বৃষস্কন্ধঃ সালপোত ইবোদ্গতঃ ॥ 3-161-36 (22126)
মহাত্মা চারুসর্বাঙ্গ কম্বুগ্রীবো মহাহনুঃ।
রুক্মপৃষ্ঠং ধনুঃ খঙ্গং তূণাংশ্চাপি পরামৃশন্ ॥ 3-161-37 (22127)
সকেসরীব চোৎসিক্তঃ প্রভিন্ন ইব বারণঃ।
ব্যপেতভয়সংমোহঃ শৈলমভ্যপতদ্বলী ॥ 3-161-38 (22128)
তং মৃগেন্দ্রমিবায়ান্তং প্রভিন্নমিব বারণম্।
দদৃশুঃ সর্বভূতানি পার্থং খঙ্গধনুর্ধরম্ ॥ 3-161-39 (22129)
দ্রৌপদ্যা বর্ধয়ন্হর্ষং গদামাদায় পাণ্ডবঃ।
ব্যপেতভয়সংমোহঃ শৈলরাজং সমাবিশৎ ॥ 3-161-40 (22130)
ন গ্লানির্ন চ কাতর্যং ন বৈক্লব্যং ন মৎসরঃ।
কদাচিজ্জুষতে পার্থমাত্মজং মাতরিশ্বনঃ ॥ 3-161-41 (22131)
তদেকায়নমাসাদ্য বিষমং ভীমদর্শনম্।
বহুতালোচ্ছ্রয়ং শৃঙ্গমারুরোহ মহাবলঃ ॥ 3-161-42 (22132)
স কিন্নরমহানাগমুনিগন্ধর্বরাক্ষসান্।
হর্ষয়ন্পর্বতস্যাগ্রমারুরোহ মহাবলঃ ॥ 3-161-43 (22133)
ততো বৈশ্রবণাবাসং দদর্শ ভরতর্ষভঃ।
কাঞ্চনৈঃ স্ফাটিকৈশ্চৈব বেশ্মভিঃ সমলংকৃতম্ ॥ 3-161-44 (22134)
[প্রাকারেণ পরিক্ষিপ্তং সৌবর্ণেন সমন্ততঃ।
সর্বরত্নদ্যুতিমতা সর্বোদ্যানবতা তথা ॥ 3-161-45 (22135)
শৈলাদভ্যুচ্ছ্রয়বতা চয়াট্টালকশোভিনা।
দ্বারতোরণনির্ব্যূহধ্বজসংবাহশোভিনা ॥ 3-161-46 (22136)
বিলাসিনীভিরত্যর্থং নৃত্যন্তীভিঃ সমন্ততঃ।
বায়ুনা ধূয়মানাভিঃ পতাকাভিরলংকৃতম্ ॥ 3-161-47 (22137)
ধনুষ্কোটিমবষ্টভ্য বক্রভাবেন বাহুনা।
পশ্যমানঃ সখেদেন দ্রবিণাধিপতেঃ পুরম্ ॥] 3-161-48 (22138)
মোদয়নসর্বভূতানি গন্ধমাদনসংভবঃ।
সর্বগন্ধবহস্তত্র মারুতঃ সুসুখো ববৌ ॥ 3-161-49 (22139)
চিত্রা বিবিধবর্ণাভাশ্চিত্রমঞ্জরিধারিণঃ।
অচিন্ত্যা বিবিধাস্তত্র দ্রুমাঃ পরমশোভিনঃ ॥ 3-161-50 (22140)
রত্নজালপরিক্ষিপ্তং চিত্রমাল্যবিভূষিতম্।
রাক্ষসাধিপতেঃ স্থানং দদৃশে ভরতর্ষভঃ ॥ 3-161-51 (22141)
গদাখঙ্গধনুষ্পাণিঃ সমভিত্যক্তজীবিতঃ।
ভীমসেনো মহাবাহুস্তস্থৌ গিরিবাচলঃ ॥ 3-161-52 (22142)
ততঃ শঙ্খমুপাধ্মায় দ্বিষতাং রোমহর্ষণম্।
জ্যাঘোষং তলশব্দং চ কৃৎবা ভূতান্যমোহয়ৎ ॥ 3-161-53 (22143)
ততঃ প্রহৃষ্টরোমাণস্তং শব্দমভিদুদ্রুবুঃ।
যক্ষরাক্ষসগন্ধর্বাঃ পাণ্ডবস্য সমীপতঃ ॥ 3-161-54 (22144)
গদাপরিঘনিস্ত্রিংশশূলশক্তিপরশ্বথাঃ।
প্রগৃহীতা ব্যরোচন্ত যক্ষরাক্ষসবাহুভিঃ ॥ 3-161-55 (22145)
ততঃ প্রববৃতে যুদ্ধং তেষাং তস্য চ ভারত ॥ 3-161-56 (22146)
তৈঃ প্রয়ুক্তান্মহামায়ৈঃ শূলশক্তিপরশ্বথান্।
ভল্লৈর্ভীমঃ প্রচিচ্ছেদ ভীমবেগতরৈস্ততঃ ॥ 3-161-57 (22147)
অন্তরিক্ষগতানাং চ ভূমিষ্ঠানাং চ গর্জতাম্।
শরৈর্বিব্যাধ গাত্রাণই রাক্ষসানাং মহাবলঃ ॥ 3-161-58 (22148)
`শোণিতস্য ততঃ পেতুর্ঘনানামিব ভারত।'
গাত্রেভ্যঃ প্রচ্যুতা ধারা রাক্ষসানাং সমন্ততঃ'।
স লোহিতমহাবষ্টিমভ্যবর্ষন্মহাবলঃ ॥ 3-161-59 (22149)
গদাপরিঘপাণীনাং রক্ষসাং কায়সংভবা।
কায়েভ্যঃ প্রচ্যুতা ধারা রাক্ষসানাং সমন্ততঃ ॥ 3-161-60 (22150)
ভীমবাহুবলোৎসৃষ্টৈরায়ুধৈর্যক্ষরক্ষসাম্।
বিনিকৃত্তানি দৃশ্যন্তে শরীরাণি শিরাংসি চ ॥ 3-161-61 (22151)
প্রচ্ছাদ্যমানং রক্ষোভিঃ পাণ্ডবং প্রিয়দর্শনম্।
দদৃশুঃ সর্বভূতানি সূর্যমভ্রগণৈরিব ॥ 3-161-62 (22152)
স রশ্মিভিরিবাদিত্যঃ শরৈররিনিপাতিভিঃ।
সর্বানার্চ্ছন্মহাবাহুর্বলবান্সত্যবিক্রমঃ ॥ 3-161-63 (22153)
অভিতর্জয়মানাশ্চ রুবন্তশ্ মহারবান্।
সন্নাহং ভীমসেনস্য দদৃশুঃ সর্বরাক্ষসাঃ ॥ 3-161-64 (22154)
তে হি বিক্ষতসর্বাঙ্গা ভীমসেনভয়ার্দিতাঃ।
ভীমমার্তস্বরং চক্রুর্বিপ্রকীর্ণমহায়ুধাঃ ॥ 3-161-65 (22155)
উৎসৃজ্য তে গদাশূলানসিশক্তিপরশ্বথান্।
দক্ষিণাং দিশমাজগ্মুস্ত্রাসিতা দৃঢধন্বনা ॥ 3-161-66 (22156)
তত্র শূলগদাপাণির্ব্যূঢোরস্কো মহাভুজঃ।
সখা বৈশ্রবণস্যাসীন্মণিমান্নাম রাক্ষসঃ ॥ 3-161-67 (22157)
দর্শয়ন্স প্রতীকারং পৌরুষং চ মহাবলঃ।
স তান্দৃষ্ট্বা পরাবৃত্তান্স্ময়মান ইবাব্রবীৎ ॥ 3-161-68 (22158)
একেন বহবঃ সঙ্খ্যে মানুষেণ পরাজিতাঃ।
প্রাপ্য বৈশ্রবণাবাসং কিং বক্ষ্যথ ধনেশ্বরম্ ॥ 3-161-69 (22159)
এবমাভাষ্ তান্সর্বানভ্যবর্তত রাক্ষসঃ।
শক্তিশূলগদাপাণিরভ্যধাবৎস পাণ্ডবম্ ॥ 3-161-70 (22160)
তমাপতন্তং বেগেন প্রভিন্নমিব বারণম্।
বৎসদন্তৈস্ত্রিভিঃ পার্শ্বে ভীমসেনঃ সমার্দয়ৎ ॥ 3-161-71 (22161)
মণিমানপি সংক্রুদ্ধঃ প্রগৃহ্য মহতীং গদাম্।
প্রাহিণোদ্ভীমসেনায় পরিগৃহ্য মহাবলঃ ॥ 3-161-72 (22162)
বিদ্যুদ্রূপাং মহাঘোরামাকাশে মহতীং গদাম্।
শরৈর্বহুভিরানর্ছদ্ভীমসেনঃ শিলাশিতৈঃ ॥ 3-161-73 (22163)
প্রত্যহন্যন্ত তে সর্বেগদামাসাদ্য সায়কাঃ।
ন বেগং ধারয়ামাসুর্গদাবেগস্য বেগিতাঃ ॥ 3-161-74 (22164)
গদায়ুদ্ধসমাচারং বুধ্যমানঃ স বীর্যবান্।
ব্যংসয়ামাস তং তস্য প্রহারং ভীমবিক্রমঃ ॥ 3-161-75 (22165)
ততঃ শক্তিং মহাঘোরাং রুক্মদণ্ডাময়স্ময়ীম্।
তস্মিন্নেবান্তরে ধীমান্প্রচিক্ষেপ স রাক্ষসঃ ॥ 3-161-76 (22166)
সা ভুজং ভীমনির্হ্রাদা ভিত্ৎবাভীমস্ দক্ষিণম্।
সাগ্নিজ্বালা মহারৌদ্রা পপাত সহসা ভুবি ॥ 3-161-77 (22167)
সোঽতিবিদ্ধো মহেষ্বাসঃ শক্ত্যাঽমিতপরাক্রমঃ।
গদাং জগ্রাহ কৌন্তেয়ো গদায়ুদ্ধবিশারদঃ ॥ 3-161-78 (22168)
রুক্মপট্টপিনদ্ধাং তাং শত্রূণাং ভয়বর্ধিনীম্।
প্রগৃহ্যাথ নদন্ভীমঃ শৈক্যাং সর্বায়সীং গদাম্।
তরসা চাভিদুদ্রাব মণিমন্তং মহাবলম্ ॥ 3-161-79 (22169)
দীপ্যমানং মহাশূলং প্রগৃহ্য মণিমানপি।
প্রাহিণোদ্ভীমসেনায় বেগেন মহতা নদন্ ॥ 3-161-180 (22170)
ভঙ্ক্ৎবা শূলং গদাগ্রেণ গদায়ুদ্ধবিভাগবিৎ।
অভিদুদ্রাব তং তূর্ণং গরুত্মানিব পন্নগম্ ॥ 3-161-81 (22171)
সোঽন্তরিক্ষমবপ্লুত্য বিধূয় সহসা গদাম্।
প্রচিক্ষেপ মহাবাহুর্বিনদ্য রণমূর্ধনি ॥ 3-161-82 (22172)
সেন্দ্রাশনিরিবেন্দ্রেণ বিসৃষ্টা বাতরহসা।
হৎবা রক্ষঃ ক্ষিতিং প্রাপ্য কৃত্যেব নিপপাত হ ॥ 3-161-83 (22173)
তং রাক্ষসং বীমবলং ভীমসেনবলাহতম্।
দদৃশুঃ সর্বভূতানি সিংহেনেব গবাংপতিম্ ॥ 3-161-84 (22174)
তং প্রেক্ষ্য নিহতং ভূমৌ হতশেষা নিশাচরাঃ।
ভীমমার্তস্বরং কৃৎবা জগ্মুঃ প্রাচজীং দিশং প্রতি ॥ 3-161-85 (22175)
ইতি শ্রীমন্মহাভারতে অরণ্যপর্বণি যক্ষয়ুদ্ধপর্বণি একষষ্ট্যধিকশততমোঽধ্যায়ঃ ॥
Mahabharata - Vana Parva - Chapter Footnotes
3-161-34 সদ্গব ইতি ঝ. পাঠঃ ॥ 3-161-36 পৃথূ বিশিষ্টৌ অংসৌ যস্যস পৃথুব্যংসঃ ॥ 3-161-41 গ্লানিঃ শ্রমঃ. কাতর্যং ভয়ম্। বৈক্লব্যমনুৎসাহঃ। মৎসরঃ পরোৎকর্ষাসহিষ্ণুৎবম্ ॥ 3-161-42 একায়নং বামদক্ষিণসংচারশূন্যম্ ॥ 3-161-45 পরিক্ষিপ্তং পরিত আবৃতম্ ॥ 3-161-46 চয়াট্টালকশোভিনা। চয়ঃ প্রকারস্য মূলবন্ধঃ। অট্টালকঃ উপরিগৃহম্। তোরণং বহির্দ্বারম্। নির্ব্যূহঃ নাগদন্তাখ্যং গৃহান্নির্গতং দারু ॥ 3-161-48 বক্রভাবেন বক্রেণ বাহুনা উপলক্ষিতঃ। খেদেন তদ্দর্শনাৎখসংপাৎস্মরণং তেন. দ্রবিণাধিপতেঃ ধনাধিপতেঃ ॥ 3-161-51 দদৃশে দদর্শ ॥ 3-161-64 ন মোহং ভীমসেনস্যেতি ঝ. পাঠঃ ॥ 3-161-68 অদর্শয়দাধীকারমিতি ঝ. পাঠঃ ॥ 3-161-69 সঙ্খ্যে সংগ্রামে ॥ 3-161-74 প্রত্যহন্যন্ত প্রতিহতাঃ। বেগিতাঃ বেগবন্তোপি। গদাবেগস্য গদায়াং বেগোঽত্যভ্যাসো যস্য তস্য ॥ 3-161-75 সঃ ভীমঃ। ব্যংসয়ামাস ব্যর্থীচকার ॥ 3-161-76 অয়স্ময়ী অয়োময়ীম্ ॥ 3-161-79 শৈক্যাং শীকয়তি শত্রুন্পরাভবতীতি শৈক্যা। শীকয়তের্ঋহলোর্ণ্যদিতি ণ্যৎ। ততঃ স্বার্থিকোণ্ ॥অরণ্যপর্ব - অধ্যায় 162
॥ শ্রীঃ ॥
3.162. অধ্যায়ঃ 162
Mahabharata - Vana Parva - Chapter Topics
ভীমাদর্শনেন দুর্মনায়মানৈর্যুধিষ্ঠিরাদিভিঃ পর্বতাগ্রারোহণেন ভীমসমীপগমনম্ ॥ 1 ॥ ভীমহতাবশিষ্টৈর্নিবেদিতমণিমদাদিবধেন কুবেরেণ যুয়ুৎসয়া ভীমংপ্রত্যাগমনম্ ॥ 2 ॥ তত্রয়ুধিষ্ঠিরাদিদর্শনেন শান্তমন্যুনা তেন তান্প্রতি স্বস্যাগ স্ত্যশাপাবাসিকথনপূর্বকং ভীমসেনকার্যানুমোদনম্ ॥ 3 ॥Mahabharata - Vana Parva - Chapter Text
3-162-0 (22176)
বৈশম্পায়ন উবাচ। 3-162-0x (2297)
শ্রুৎবা বহুবিধৈঃ শব্দৈর্নাদ্যমানাং গিরের্গুহাম্।
অজাতশত্রুঃ কৌন্তেয়ো মাদ্রীপুত্রাবুভাবপি ॥ 3-162-1 (22177)
ধৌম্যঃ কৃষ্ণা চ বিপ্রাশ্চ সর্বে চ সুহৃদস্তথা।
ভীমসেনমপশ্যন্তঃ সর্বে বিমনসোঽভবন্ ॥ 3-162-2 (22178)
দ্রৌপদীমার্ষ্টিষেণায় সংপ্রধার্য মহারথাঃ।
সহিতাঃ সায়ুধাঃ শূরাঃ শৈলমারুরুহুস্তদা ॥ 3-162-3 (22179)
ততঃ সংপ্রাপ্য শৈলাগ্রং বীক্ষমাণা মহারথাঃ।
দদৃশুস্তে মহেষ্বাসা ভীমসেনমরিংদমম্ ॥ 3-162-4 (22180)
স্ফুরতশ্চ মহাকায়ান্গতসৎবাংশ্চ রাক্ষসান্।
মহাবলান্মহাসৎবান্ভীমসেনেব পাতিতান্ ॥ 3-162-5 (22181)
শুশুরতশ্চ মহাকায়ান্গতসৎবাংশ্চ রাক্ষসান্।
মহাবলান্মহাসৎবান্ভীমসেনেন পাতিতান্ ॥ 3-162-6 (22182)
ততস্তে সমতিক্রম্য পরিষ্বজ্য বৃকোদরম্।
তত্রোপবিবিশুঃ পার্থাঃ প্রাপ্তা গতিমনুত্তমাম্ ॥ 3-162-7 (22183)
তৈশ্চতুর্ভির্মহেষ্বাসৈর্গিরিশৃঙ্গমশোভত।
লোকপালৈর্মহাভাগৈর্দিবং দেববরৈরিব ॥ 3-162-8 (22184)
কুবেরসদনং দৃষ্ট্বা রাক্ষসাংশ্চ নিপাতিতান্।
ভ্রাতা ভ্রাতরমাসীনমথোবাচ যুধিষ্ঠিরঃ ॥ 3-162-9 (22185)
সাহসাদ্যদিবা মোহাদ্বীম পাপমিদং কৃতম্।
নৈতত্তে সদৃশং বীর মুনেরিব মৃষা বধাঃ ॥ 3-162-10 (22186)
রাজদ্বিষ্টং ন কর্তব্যমিতি ধর্মবিদো বিদুঃ।
ত্রিদশানামিদং দ্বিষ্টং ভীমসেন ৎবয়া কৃতম্ ॥ 3-162-11 (22187)
অর্থধর্মাবনাদৃত্য যঃ পাপে কুরুতে মনঃ।
কর্মণাং পার্থ পাপানাং স ফলং বিন্দতে ধ্রুবম্ ॥ 3-162-12 (22188)
`সাহসংবত ভদ্রং তে দেবানামপি চাপ্রিয়ম্'।
পুনরেবং ন কর্তব্যং মম চেদিচ্ছসি প্রিয়ম্ ॥ 3-162-13 (22189)
বৈশম্পায়ন উবাচ। 3-162-14x (2298)
এবমুক্ৎবা স ধর্মাত্মা ভ্রাতা ভ্রাতরমচ্যুতম্।
`ভীমসেনং মহাবাহুমপ্রধৃষ্যপরাক্রমম্' ॥ 3-162-14 (22190)
অর্থতত্ৎববিভাগজ্ঞঃ কুন্তীপুত্রো যুধিষ্ঠিরঃ।
বিরাম মহাতেজাস্তমেবার্থং বিচিন্তয়ন্ ॥ 3-162-15 (22191)
ততস্তে হতশিষ্টা যে ভীমসেনেন রাক্ষসাঃ।
সহিতাঃ প্রত্যপদ্যন্ত কুবেরসদনং প্রতি ॥ 3-162-16 (22192)
তে জবেন মহাবেগাঃ প্রাপ্য বৈশ্রবণালয়ম্।
ভীমমার্তস্বরং চক্রুর্ভীমসেনভয়ার্দিতাঃ ॥ 3-162-17 (22193)
ন্যস্তশস্ত্রায়ুধাঃ ক্লান্তাঃ শোণিতাক্তপরিচ্ছদাঃ।
প্রকীর্ণমূর্ধজা রাজন্যক্ষাধিপতিমব্রুবন্ ॥ 3-162-18 (22194)
গদাপরিঘনিস্ত্রিংসতোমরপ্রাসয়োধিনঃ।
রাক্ষসা নিহতাঃ সর্বে তব দেবপুরঃসরাঃ ॥ 3-162-19 (22195)
প্রমৃদ্যতরসা শৈলং মানুষেণ ধনেশ্বর।
একেন নিহতাঃ সঙ্খ্যে গতাঃ ক্রোধবশা গণাঃ ॥ 3-162-20 (22196)
প্রবরা রাক্ষসেন্দ্রাণাং যক্ষাণাং চ নরাধিপ।
শেরতে নিহতা দেব গতসৎবাঃ পরাসবঃ ॥ 3-162-21 (22197)
ভগ্নঃ শৈলো বয়ং ভগ্না মণিমাংস্তে সখা হতঃ।
মানুষেণং কৃতং কর্ম বিধৎস্ব যদনন্তরম্ ॥ 3-162-22 (22198)
স তচ্ছ্রুৎবা তু সংক্রুদ্ধঃ সর্বয়ক্ষগণাধিপঃ।
কোপসংরক্তনয়নঃ কথমিত্যব্রবীদ্বচঃ ॥ 3-162-23 (22199)
দ্বিতীয়মপরাধ্যন্তং ভীমং শ্রুৎবা ধনেশ্বরঃ।
চুক্রোধ যক্ষাধিপতির্যুজ্যতামিতি চাব্রবীৎ ॥ 3-162-24 (22200)
অথাভ্রঘনসংকাশং গিরিকূটমিবোচ্ছ্রিতম্।
রথং সংয়োজয়ামাসুর্গর্ন্ধৈবর্হেমমালিভিঃ ॥ 3-162-25 (22201)
তস্য সর্বগুণোপেতা বিমলাক্ষা হয়োত্তমাঃ।
তেজোবলগুণোপেতা নানারত্নবিভূষিতাঃ।
শোভমানা রথে যুক্তাস্তরিষ্যন্ত ইবাশুগাঃ ॥ 3-162-26 (22202)
`ততস্তে তু মহায়ক্ষাঃ ক্রুদ্ধং দৃষ্ট্বা ধনেশ্বরম্'।
হর্ষয়ামাসুরন্যোন্যমিঙ্গিতৈর্বিজয়াবহৈঃ ॥ 3-162-27 (22203)
স তমাস্থায় ভগবান্রাজরাজো মহারথম্।
প্রয়যৌ দেবগনধর্বৈঃ স্তূয়মানো মহাদ্যুতিঃ ॥ 3-162-28 (22204)
তং প্রয়ান্তং মহাত্মানং সর্বে যক্ষা ধনাধিপম্।
`অনুজগ্মুর্মহাত্মানং ধনদং ঘোরদর্শনাঃ' ॥ 3-162-29 (22205)
রক্তাক্ষা হেমসংকাশা মহাকায়া মহাবলাঃ।
সায়ুধা বদ্ধনিস্ত্রিংশা যক্ষা বহুশতায়ুধাঃ ॥ 3-162-30 (22206)
তে জবেন মহাবেগাঃ প্লবমানা বিহায়সা।
গন্ধমাদনমাজগ্মুঃ প্রকর্ষন্ত ইবাম্বরম্ ॥ 3-162-31 (22207)
তৎকেসরিমহাজালং ধনাধিপতিপালিতম্।
`রম্যং চৈব গিরেঃ শৃঙ্গমাসেদুর্যত্রপাণ্ডবাঃ' ॥ 3-162-32 (22208)
কুবেরং চ মহাত্মানং যক্ষরক্ষোগণাবৃতম্।
দদৃশুর্হৃষ্টরোমাণঃ পাণ্ডবাঃ প্রিয়দর্শনম্ ॥ 3-162-33 (22209)
কুবেরস্তু মহাসৎবান্পাণ্ডোঃ পুত্রান্মহারথান্।
আত্তকার্মুকনিস্ত্রিংশান্দৃষ্ট্বা প্রীতোঽভবত্তদা ॥ 3-162-34 (22210)
`সর্বে চেমে নরব্যাঘ্রাঃ পুরন্দরসমৌজসঃ।'
দেবকার্যং করিষ্যন্তি হৃদয়েন তুতোষ হ ॥ 3-162-35 (22211)
তে পক্ষিণ ইবাপেতুর্গিরিশৃঙ্গং মহাজবাঃ।
তস্থুস্তেষাং সকাশে বৈ ধনেশ্বরপুরঃসরাঃ ॥ 3-162-36 (22212)
ততস্তং হৃষ্টমনসং পাণ্ডবান্প্রতি ভারত।
সমীক্ষ্যযক্ষগন্ধর্বা নির্বিকারমবস্থিতাঃ ॥ 3-162-37 (22213)
পাণ্ডবাশ্চ মহাত্মানঃ প্রণম্য ধনদং প্রভুম্।
নকুলঃ সহদেবশ্ ধর্মপুত্রশ্চ ধর্মবিৎ ॥ 3-162-38 (22214)
অপরাদ্ধমিবাত্মানং মন্যমানা মহারথাঃ।
তস্থুঃ প্রাঞ্জলয়ঃ সর্বে পরিবার্য ধনেশ্বরম্ ॥ 3-162-39 (22215)
শয়্যাসনয়ুতং শ্রীমৎপুষ্পকং বিশ্বকর্মণা।
বিহিতং চিত্রপর্যন্তমাতিষ্ঠত ধনাধিপঃ ॥ 3-162-40 (22216)
তমাসীনং মহাকায়াঃ শঙ্কুকর্ণা মহাজবাঃ।
উপোপবিবিশুর্যক্ষা রাক্ষসাশ্ সহস্রশঃ ॥ 3-162-41 (22217)
শতশশ্চাপি গন্ধর্বাস্তথৈবাপ্সরসাং গণাঃ।
পরিবার্যোপতিষ্ঠন্তি যথা দেবাঃ শতক্রতুম্ ॥ 3-162-42 (22218)
কাঞ্জনীং শিরসা বিভ্রদ্ভীমসেনঃ স্রজং শুভাম্।
বাণখঙ্গধনুষ্পাণিরুদৈক্ষত ধনাধিপম্ ॥ 3-162-43 (22219)
ন ভীর্ভীমস্য ন গ্লানির্বিক্ষতস্যাপি রাক্ষসৈঃ।
আসীত্তস্যামবস্তায়াং কুবেরমপি পশ্যতঃ ॥ 3-162-44 (22220)
আদদানং শিতান্বাণান্যোদ্ধুকামমবস্থিতম্।
দৃষ্ট্বা ভীমং ধর্মসুতমব্রবীন্নরবাহনঃ ॥ 3-162-45 (22221)
বিদুস্ৎবাং সর্বভূতানি পার্থ ভূতহিতে রতম্।
নির্ভয়শ্চাপিশৈলাগ্রে বস ৎবং সহ বন্ধুভিঃ ॥ 3-162-46 (22222)
ন চ মন্যুস্ৎবয়া কার্যো ভীমসেনস্য পাণ্ডব।
কালেনৈতে হতাঃ পূর্বং নিমিত্তমনুজস্তব ॥ 3-162-47 (22223)
ব্রীডা চাত্রন কর্তব্যা সাহসং যদিদং কৃতম্।
দৃষ্টশ্চাপি সুরৈঃ পূর্বংবিনাশো যক্ষরক্ষসাম্ ॥ 3-162-48 (22224)
ন ভীমসেনে কোপো মে প্রীতোস্মি ভরতর্ষভ।
কর্মণা ভীমসেনস্য মম তুষ্টিরভূৎপুরা ॥ 3-162-49 (22225)
বৈশম্পায়ন উবাচ। 3-162-50x (2299)
স এবমুক্ৎবা রাজানং ভীমসেনমভাষত।
নৈতন্মনসি মে তাত বর্ততে কুরুসত্তম ॥ 3-162-50 (22226)
যদিদং সাহসং ভীম কৃষ্ণার্থে কৃতবানসি।
মামনাদৃত্য দেবাংশ্চ বিনাশং যক্ষরক্ষসাম্ ॥ 3-162-51 (22227)
স্ববাহুবলমাশ্রিত্য তেনাহং প্রীতিমাংস্ৎবয়ি।
শাপাদদ্য বিনির্মুক্তো ঘোরাদস্মাদ্বৃকোদর ॥ 3-162-52 (22228)
অহং পূর্বমগস্ত্যেন ক্রুদ্ধেন পরমর্ষিণা।
শপ্তোঽপরাধে কস্মিংশ্চিত্তস্যৈষা নিষ্কৃতির্ধ্রুবম্ ॥ 3-162-53 (22229)
দৃষ্টো হি মম সংক্লেশঃ পুরা পাণ্ডবনন্দন।
ন তবাত্রাপরাধোস্তি কথংচিদপি পাণ্ডব ॥ 3-162-54 (22230)
যুধিষ্ঠির উবাচ। 3-162-55x (2300)
কথং শপ্তোসি ভগবন্নগস্ত্যেন মহাত্মনা।
শ্রোতুমিচ্ছাম্যহং দেব যথৈতচ্ছাপকারণম্ ॥ 3-162-55 (22231)
ইদং চাশ্চর্যভূতং মে যৎক্রোধাত্তস্ ধীমতঃ।
তদৈব ৎবং ন নির্দগ্ধঃ সবলঃ সপদানুগঃ ॥ 3-162-56 (22232)
ধনেশ্বর উবাচ। 3-162-57x (2301)
দেবতানামভূন্মন্ত্রঃ কুশাবত্যাং নরেশ্বর ॥ 3-162-57 (22233)
বৃতস্তত্রাহমগমং মহাপদ্মশতৈস্ত্রিভিঃ।
যক্ষাণআং ঘোররূপাণাং বিবিধায়ুধধারিণাম্ ॥ 3-162-58 (22234)
অধ্বন্যহমথাপশ্যমগস্ত্যমৃপিসত্তমম্।
উগ্রং তপস্তপ্যভানং যমুনাতীরমাশ্রিতম্।
নানাপক্ষিগণাকীর্ণং পুষ্পিতদ্রুমশোভিতম্ ॥ 3-162-59 (22235)
তমূর্দ্ববাহুং দৃষ্ট্বৈব সূর্যস্যাভিমুখে স্থিতম্।
তেজোরাশিং দীপ্যমানং হুতাশনমিবৈধিতম্ ॥ 3-162-60 (22236)
রাক্ষসাধিপতিঃ শ্রীমান্মণিমান্নাম মে সখা।
মৌর্ক্যাদজ্ঞানভাবাচ্চ দর্পান্মোহাচ্চ পার্থিব ॥ 3-162-61 (22237)
ন্যষ্ঠীবদাকাশগতো মহর্ষেস্তস্য মূর্ধনি।
ততঃ ক্রুদ্ধঃ স ভগবানুবাচেদং তপোধনঃ ॥ 3-162-62 (22238)
মামবজ্ঞায় দুষ্টাত্মা যস্মাদেষ সখা তব।
ধর্ষণাং কৃতবানেতাং পশ্যতস্তে ধনেশ্বর ॥ 3-162-63 (22239)
ৎবং চাপ্যেভির্হতৈঃ সৈন্যৈঃ ক্লেশং প্রাপ্নুহি দুর্ভতে।
তমেব মানুষং দৃষ্ট্বাকিল্বিষাদ্বিপ্রমোক্ষ্যসে ॥ 3-162-64 (22240)
সৈন্যানাং তু তবৈতেষাং পুত্রপৌত্রবলান্বিতম্।
ন শাপং প্রাপ্যতে ঘোরং গচ্ছ তেঽঽজ্ঞাং করিষ্যতি ॥ 3-162-65 (22241)
এষ শাপো ময়া প্রাপ্তঃ প্রাক্তস্মাদৃষিসত্তমাৎ।
স ভীমেন মহারাজ ভ্রাত্রা তব বিমোক্ষিতঃ ॥ 3-162-66 (22242)
ইতি শ্রীমন্মহাভারতে অরণ্যপর্বণি যক্ষয়ুদ্ধপর্বণি দ্বিষষ্ট্যধিকশততমোঽধ্যায়ঃ ॥ 162 ॥
Mahabharata - Vana Parva - Chapter Footnotes
3-162-3 সংপ্রধার্য রক্ষার্থং সমর্প্য ॥ 3-162-10 মুনেরিব বনবাসিনস্তে তবৈতৎ সদৃশং নোচিতম্। যৎ মৃষা নির্নিমিত্তম্. বধো রক্ষসাং হিংসা ॥ 3-162-16 সহিতা মিলিতাঃ ॥ 3-162-24 যুজ্যতাং রথ ইবি শেষঃ ॥ 3-162-25 অভ্রঘনঃ সজলমেঘঃ। গন্ধর্বৈর্হয়ৈর্যোজয়ামাসুঃ যক্ষা ইতি শেষঃ ॥ 3-162-26 বিমলাক্ষাঃ দশাবর্তশুদ্ধাঃ ॥ 3-162-48 দৃষ্টো জ্ঞাতঃ ॥ 3-162-54 মম ময়া। সংক্লেশো ভাবিদুঃখম্ ॥ 3-162-57 কুশাবত্যাং কুশস্থলীসংজ্ঞে দেশবিশেষে ॥ 3-162-60 এধিতং সমিদ্ধম্ ॥ 3-162-61 মৌর্খ্যাৎ বিচারাক্ষমৎবাৎ। অতএব অগস্ত্যোয়মিত্যজ্ঞানভাবাৎ। মৌর্খ্যমপি দর্পাৎসংপত্তিগর্বাৎ। সোপি মোহাৎ সংপত্তের্নশ্বরৎবাজ্ঞানাৎ ॥ 3-162-62 ন্যষ্ঠীবৎ থূৎকৃতবান্ ॥অরণ্যপর্ব - অধ্যায় 163
॥ শ্রীঃ ॥
3.163. অধ্যায়ঃ 163
Mahabharata - Vana Parva - Chapter Topics
কুবেরেণ যুধিষ্ঠিরানুশাসনপূর্বকং স্বভবনগমনম্ ॥ 1 ॥ কুবেরাজ্ঞয়া রাক্ষসপূজিতৈর্যুধিষ্ঠিরাদিভিস্তদ্রাত্রৌ তদ্গৃহে সুখবাসঃ ॥ 2 ॥Mahabharata - Vana Parva - Chapter Text
3-163-0 (22243)
ধনদ উবাচ। 3-163-0x (2302)
যুধিষ্ঠির ধৃতির্দাক্ষ্যং দেশকালপরাক্রমাঃ।
লোকতন্ত্রবিধানানামেষ পঞ্চবিধো বিধিঃ ॥ 3-163-1 (22244)
ধৃতিমন্তশ্চ দক্ষাশ্চ স্বে স্বে কর্মণি ভারত।
পরাক্রমবিধানজ্ঞা নরাঃ কৃতয়ুগেঽভবন্ ॥ 3-163-2 (22245)
ধৃতিমান্দেশকালজ্ঞঃ সর্বধর্মবিধানবিৎ।
ক্ষত্রিয়ঃ ক্ষত্রিয়শ্রেষ্ঠ শাস্তি বৈ পৃথিবীমনু ॥ 3-163-3 (22246)
য এবং বর্ততে পার্থ পুরুষঃ সর্বকর্মসু।
স লোকে লভতে বীর যশঃ প্রেত্য চ সদ্গতিম্ ॥ 3-163-4 (22247)
দেশকালান্তরপ্রেপ্সুঃ কৃৎবা শক্রঃ পরাক্রমম্।
সংপ্রাপ্তস্ত্রিদিবে রাজ্যং বৃত্রহা বসুভিঃ সহ ॥ 3-163-5 (22248)
[যস্তু কেবলসংরম্ভাৎপ্রপাতং ন নিরীক্ষতে।]
পাপাত্মা পাপবুদ্ধির্যঃ পাপমেবানুবর্ততে।
কর্মণামবিভাগজ্ঞঃ প্রেত্য চেহ বিনশ্যতি ॥ 3-163-6 (22249)
অকালজ্ঞঃ সুদুর্মেধাঃ কার্যাণামবিশেষবিৎ।
বৃথাচারসমারম্ভঃ প্রেত্য চেহ বিনশ্যতি ॥ 3-163-7 (22250)
সাহসে বর্তমানানাং নিকৃতীনাং দুরাত্মনাম্।
সর্বেষামর্থলিপ্সূনাং পাপো ভবতি নিশ্চয়ঃ ॥ 3-163-8 (22251)
অধর্মজ্ঞোঽবলিপ্তশ্চ বালবুদ্ধিরমর্ষণঃ।
নির্ভয়ো ভীমসেনোঽয়ং তং শাধি পুরুষর্ষভ ॥ 3-163-9 (22252)
আর্ষ্টিষেণস্ রাজর্ষেঃ প্রাপ্য ভূয়স্ৎবমাশ্রমম্।
তমিস্রাং প্রথমাং তত্র বীতশোকভয়ো বস ॥ 3-163-10 (22253)
অলকাং সহ গন্ধর্বৈর্যক্ষৈশ্চ সহ কিন্নরৈঃ।
`গমিষ্যামি মহাবাহো ৎবং চাপি বদরীং ব্রজ' ॥ 3-163-11 (22254)
মন্নিয়ুক্তা মনুষ্যেন্দ্র সর্বে চ গিরিবাসিনঃ।
রক্ষন্তু ৎবাং মহাবাহো সহিতং দ্বিজসত্তমৈঃ ॥ 3-163-12 (22255)
সাহসেষু চ সংতিষ্ঠংস্ৎবয়া শৈলে বৃকোদরঃ।
বার্যতাং সাধ্বয়ং রাজংস্ৎবয়া ধর্মভৃতাংবর ॥ 3-163-13 (22256)
ইতঃ পরং চ বো রাজন্দ্রক্ষ্যন্তি বনগোচরাঃ।
উপশ্থাস্যন্তি বো রাজন্রক্ষিষ্যন্তে চ বঃ সদা ॥ 3-163-14 (22257)
তথৈব চান্নপানানি স্বাদূনি চ ববূনি চ।
আহরিষ্যন্তি মৎপ্রেষ্যাঃ সদা বঃ পুরুষর্ষভাঃ ॥ 3-163-15 (22258)
যথা জিষ্ণুর্মহেন্দ্রস্য যথা বায়োর্বৃকোদরঃ।
ধর্মস্য ৎবং যথা তাত যোগোৎপন্নো নিজঃ সুতঃ ॥ 3-163-16 (22259)
আত্মজাবাত্মসংপন্নৌ যমৌ চোভৌ যথাশ্বিনোঃ।
রক্ষ্যাস্তদ্বন্মমাপীহ যূয়ং সর্বে যুধিষ্ঠির ॥ 3-163-17 (22260)
অর্থতত্ৎববিধানজ্ঞঃ সর্বধর্মবিধানবিৎ।
ভীমসেনাদবরজঃ পল্গুনঃ কুশলী দিবি ॥ 3-163-18 (22261)
যাঃ কাশ্চন মতা লোকে স্বর্গ্যাঃ পরমসংপদঃ।
জনমপ্রভৃতি তাঃ সর্বাঃ স্থিতাস্তাত ধনংজয়ে ॥ 3-163-19 (22262)
দ্রমো দানং বলং বুদ্ধির্হ্রীর্ধৃতিস্তেজ উত্তমম্।
এতান্যপি মহাসৎবে স্থিতান্যমিততেজসি ॥ 3-163-20 (22263)
ন মোহাৎকুরুতে জিষ্ণুঃ কর্ম পাণ্ডব গর্হিতম্।
ন পার্থস্ মৃষোক্তানি কথয়ন্তি নরা নৃষু ॥ 3-163-21 (22264)
স দেবপিতৃগন্ধর্বৈঃ কুরূণআং কীর্তিবর্ধনঃ।
আনীতঃ কুরুতেঽস্ত্রাণি শক্রসদ্মনি ভারত ॥ 3-163-22 (22265)
যোঽসৌ সর্বান্মহীপালান্ধর্মেণ বশমানয়ৎ।
স শন্তনুর্মহাতেজাঃ পিতুস্তব পিতামহঃ ॥ 3-163-23 (22266)
প্রীয়তে পার্থ পার্থেন দিবি গাণ্ডীবধন্বনা।
সম্যক্বাসৌ মহাবীর্যঃ কুলধুর্য ইব স্থিতঃ ॥ 3-163-24 (22267)
পিতৄন্দেবানৃষীন্বিপ্রান্পূজয়িৎবা মহায়শাঃ।
সপ্ত মুখ্যান্মহামেধানাহরদ্যমুনাং প্রতি ॥ 3-163-25 (22268)
অধিরাজঃ স রাজংস্ৎবাং শন্তনুঃ প্রপিতামহঃ।
স্বর্গজিচ্ছক্রলোকস্থঃ কুশলং পরিপৃচ্ছতি ॥ 3-163-26 (22269)
বৈশম্পায়ন উবাচ। 3-163-27x (2303)
এতচ্ছ্রুৎবা তু বচনং ধনদেন প্রভাষিতম্।
পাণ্ডবাশ্চ ততস্তেন বভূবঃ সংপ্রহর্ষিতাঃ ॥ 3-163-27 (22270)
ততঃ শক্তিং গদাং খঙ্গং ধনুশ্চ ভরতর্ষভঃ।
প্রাধ্বংকৃৎবা নমশ্চক্রে কুবেরায় বৃকোদরঃ ॥ 3-163-28 (22271)
ততোঽব্রবীদ্ধনাধ্যক্ষঃ শরণ্যঃ শরণাগতম্।
মানহা ভব শত্রূণাং সুহৃদাং নন্দিবর্ধনঃ ॥ 3-163-29 (22272)
`বিভয়স্তাপ শৈলাগ্রে বসানঃ সহ বন্ধুভিঃ।
সুপর্ণপিতৃদেবানাং সততং মানকৃদ্ভব ॥ 3-163-30 (22273)
ঋজুং পশ্যত মা বক্রং সত্যং বদত মাঽনৃতম্।
দীর্ঘং পশ্যত মা হ্রস্বং পরং পশ্যত মাঽপরম্' ॥ 3-163-31 (22274)
স্বেষু বেশ্মসু রম্যেষু বসতামিত্রতাপনাঃ।
কামান্ন পরিহাস্যন্তি যক্ষা বোভরতর্ষভাঃ ॥ 3-163-32 (22275)
শীঘ্রমেব গুডাকেশঃ কৃতাস্ত্রঃ পুরুষর্ষভঃ।
সাক্ষান্মঘবতোৎসৃষ্টঃ সংপ্রাপ্স্যতি ধনংজয়ঃ ॥ 3-163-33 (22276)
এবমুত্তমকর্মাণমনুশিষ্য যুধিষ্ঠিরম্।
অস্তং গিরিমিবাদিত্যঃ প্রয়যৌ গুহ্যকাধিপঃ ॥ 3-163-34 (22277)
তং পরিস্তোমসংকীর্ণৈর্নানারত্নবিভূষিতৈঃ।
যানৈরনুয়যুর্যক্ষা রাক্ষসাশ্চ সহস্রশঃ ॥ 3-163-35 (22278)
পক্ষিণামিব কনির্ঘোষঃ কুবেরসদনং প্রতি।
বভূব পরমাশ্বানামৈরাবতপথে যথা ॥ 3-163-36 (22279)
তে জগ্মুস্তূর্ণমাকাশং ধনাধিপতিবাজিনঃ।
প্রকর্ষন্ত ইবাভ্রাণি পিবন্ত ইবমারুতম্ ॥ 3-163-37 (22280)
ততস্তানি শরীরাণি গতসৎবানি রক্ষসাম্।
অপাকৃষ্যন্ত শৈলাগ্রাদ্ধনাধিপতিশাসনাৎ ॥ 3-163-38 (22281)
তেষাং হি শাপকালঃ স কৃতোঽগস্ত্যেন ধীমতা।
সমরে নিহতাস্তস্মাচ্ছাপস্যান্তোঽভবত্তদা ॥ 3-163-39 (22282)
পাণ্ডবাশ্মহাত্মানস্তেষু বেশ্মসু তাং ক্ষপাম্।
সুখমূষুর্গতোদ্বেগাঃ পূজিতাঃ সহ রাক্ষসৈঃ ॥ 3-163-40 (22283)
ইতি শ্রীমন্মহাভারতে অরণ্যপর্বণি যক্ষয়ুদ্ধপর্বণি ত্রিষষ্ট্যধিকশততমোঽধ্যায়ঃ ॥ 163 ॥
Mahabharata - Vana Parva - Chapter Footnotes
3-163-1 দাক্ষ্যং যত্নশীলতা। পরাক্রমঃ শত্রূণামভিভাবনহেতুঃ ক্রিয়া। বিধানানাং কার্যাণাং বিধিরভ্যুদয়হেতুঃ। অদেশে অকালে চ কৃতং ধৃত্যাদিকমভিভবহেতুরিত্যর্থঃ ॥ 3-163-6 সংরম্ভাৎ কোপাৎ ॥ 3-163-8 নিকৃতীনাং বঞ্জনাপরাণাম্ ॥ 3-163-9 অবলিপ্তো গর্বিতঃ ॥ 3-163-18 তত্ৎবং যাথাত্ম্যম্। বিধানং প্রাপ্ত্যুপায়ম্ ॥ 3-163-19 স্বর্গ্যাঃ স্বর্গায় হিতাঃ সংপদঃ ॥ 3-163-22 কুরুতে অভ্যস্যতি ॥ 3-163-25 মহামেধানশ্বমেধান্ ॥ 3-163-28 প্রাধ্বংকৃৎবা বহ্বা। উপসংহৃত্যেত্যর্থঃ ॥ 3-163-29 নন্দিঃ সমৃদ্ধিঃ ॥ 3-163-32 স্বেষু বেশ্মসু অস্মদীয়েষু। কামান্ কাম্যমানানর্থান্ ন পরিহাস্যন্তি কিংতু সাধয়িষ্যন্ত্যেবেত্যর্থঃ ॥ 3-163-35 পরিস্তোমাশ্রিত্রকম্বলা হস্ত্যাদীনাং পল্যাণভূতাঃ ॥ 3-163-36 ঐরাবতপথে ইনদ্রপুরীপ্রদেশে ॥ 3-163-38 অপাকৃষ্যন্ত অপাকৃতানি ॥অরণ্যপর্ব - অধ্যায় 164
॥ শ্রীঃ ॥
3.164. অধ্যায়ঃ 164
Mahabharata - Vana Parva - Chapter Topics
ধৌম্যেন যুধিষ্ঠিরংপ্রতি মেরুমন্দববর্ণনপূর্বকং চন্দ্রসূর্যাদিগতিপ্রকারনিরূপণম্ ॥ 1 ॥Mahabharata - Vana Parva - Chapter Text
3-164-0 (22284)
বৈশম্পায়ন উবাচ। 3-164-0x (2304)
ততঃ সূর্যোদয়ে ধৌম্যঃ পাঞ্চালীসহিতাংস্চ তান্।
আর্ষ্টিণেন সহিতঃ পাণ্ডবানভ্যবর্তত ॥ 3-164-1 (22285)
তেঽভিবাদ্যার্ষ্টিষেণস্য পাদৌ ধৌম্যস্য চৈব হ।
ততঃ প্রাঞ্জলয়ঃ সর্বে ব্রাহ্মণাংস্তানপূজয়ন্ ॥ 3-164-2 (22286)
`আর্ষ্টিষেণং পরিষ্বজ্য পুত্রবদ্ভরতর্ষভ'।
ধর্মরাজং স্পৃশন্পাণৌ পাণিনা স মহাতপাঃ।
প্রাচীং দিশমভিপ্রেক্ষ্য মহর্ষিরিদমব্রবীৎ ॥ 3-164-3 (22287)
অসৌ সাগরপর্যন্তাং ভূমিমাবৃত্য তিষ্ঠতি।
শৈলরাজো মহারাজ মন্দরোঽভিবিরাজয়ন্।
ইন্দ্রবৈশ্রবণোপেতাং দিশং পাণ্ডব রক্ষতি ॥ 3-164-4 (22288)
পর্বতৈশ্চ বনান্তৈশ্চ কাননৈশ্চৈব শোভিতম্।
এতমাহুর্মহেন্দ্রস্য রাজ্ঞো বৈশ্রবণস্য চ।
ঋষয়ঃ সর্বধর্মজ্ঞাঃ সর্বে তাত মনীষিণঃ ॥ 3-164-5 (22289)
অতশ্চোদ্যন্তমাদিত্যমুপতিষ্ঠন্তি বৈ প্রজাঃ।
ঋষয়শ্চাপি ধর্মজ্ঞাঃ সিদ্ধাঃ সাধ্যাশ্চ দেবতাঃ ॥ 3-164-6 (22290)
যমস্তু রাজা ধর্মজ্ঞঃ সর্বপ্রাণভৃতাং প্রভুঃ।
প্রেতসৎবগতীমেতাং দক্ষিণামাশ্রিতো দিশম্ ॥ 3-164-7 (22291)
এতৎসংয়মনং পুণ্যমতীবাদ্ভুতদর্শনম্।
প্রেতরাজস্য ভবনমৃদ্ধ্যা পরময়া যুতম্ ॥ 3-164-8 (22292)
যং প্রাপ্য সবিতা রাজন্সত্যেন প্রতিতিষ্ঠতি।
অস্তং পর্বতরাজানমেতমাহুর্মনীষিণঃ ॥ 3-164-9 (22293)
এবং পর্বতরাজানং সমুদ্রং চ মহোদধিম্।
অবসন্বরুণো রাজা ভূতানি পরিরক্ষতি ॥ 3-164-10 (22294)
উদীচীং দীপয়ন্নেষ দিশং তিষ্ঠতি কীর্তিমান্।
মহামেরুর্মহাভাগ শিবো ব্রহ্মবিদাংগতিঃ ॥ 3-164-11 (22295)
যস্মিন্ব্রহ্মসদশ্চৈব ভূতাত্মা চাবতিষ্ঠতে।
প্রজাপতিঃ সৃজন্সর্বং যৎকিংচিজ্জঙ্গমাগমম্ ॥ 3-164-12 (22296)
যানাহুর্ব্রহ্মণঃ পুত্রান্মানসান্দক্ষসপ্তমান্।
তেষামপি মহামেরুঃ শিবং স্থানমনাময়ম্ ॥ 3-164-13 (22297)
অত্রৈব প্রতিতিষ্ঠন্তি পুনরেষোদয়ন্তি চ।
সপ্ত দেবর্ষয়স্তাত বসিষ্ঠপ্রমুখাস্তদা ॥ 3-164-14 (22298)
দেশং বিরজসং পশ্য মেরোঃ শিখরমুত্তমম্।
যত্রাত্মতৃপ্তৈরধ্যাস্তে দেবৈঃ সহ পিতামহঃ ॥ 3-164-15 (22299)
যমাহুঃ সর্বভূতানাং প্রকৃতেঃ প্রকৃতিং ধ্রুবম্।
অনাদিনিধনং দেবং প্রভুং নারায়ণং পরম্ ॥ 3-164-16 (22300)
ব্রহ্মণঃ সদনাত্তস্য পরং স্থানং প্রকাশতে।
দেবাশ্চ যত্নাৎপশ্যন্তি সর্বতেজোময়ং শুভম্ ॥ 3-164-17 (22301)
অত্যর্কানলদীপ্তং তৎস্থানং বিষ্ণোর্মহাত্মনঃ।
স্বয়ৈব প্রভয়া রাজন্দুষ্প্রেক্ষ্যং দেবদানবৈঃ ॥ 3-164-18 (22302)
প্রাচ্যাং নারায়ণস্থানং মেরাবতিবিরাজতে ॥ 3-164-19 (22303)
যত্র ভূতেশ্বরস্তাত সর্বপ্রকৃতিরাত্মভূঃ।
ভাসয়ন্সর্বভূতানি সুশ্রিয়াঽভিবিরাজতে ॥ 3-164-20 (22304)
নাত্র ব্রহ্মর্ষয়স্তাত কুত এব মহর্ষয়ঃ।
প্রাপ্নুবন্তি গতিং হ্যেতাং যতীনাং ভাবিতাত্মনাম্ ॥ 3-164-21 (22305)
ন তং জ্যোতীংপি সর্বাণি প্রাপ্য ভাসন্তি পাণ্ডব।
স্বয়ংপ্রভুরচিন্ত্যাত্মা তত্র হ্যতিবিরাজতে ॥ 3-164-22 (22306)
যতয়স্তত্র গচ্ছন্তি ভক্ত্যা নারায়ণং হরিম্।
পরেণ তপসা যুক্তা ভাবিতাঃ কর্মভিঃ শুভৈঃ।
যোগসিদ্ধা মহাত্মানস্তমোমোহবিবর্জিতাঃ ॥ 3-164-23 (22307)
তত্র গৎবা পুনর্নেমং লোকমায়ান্তি ভারত।
স্বয়ংভুবং মহাত্মানং দেবদেবং সনাতনম্ ॥ 3-164-24 (22308)
স্থানমেতন্মহাভাব ধ্রুবমক্ষয়মব্যযম্।
ঈশ্বরস্য সদা হ্যেতৎপ্রণমাত্র যুধিষ্ঠির ॥ 3-164-25 (22309)
[এনং ৎবহরহর্মেরুং সূর্যাচন্দ্রমসৌ ধ্রুবম্।
প্রদক্ষিণমুপাবৃত্যকুরুতঃ কুরুনন্দন ॥ 3-164-26 (22310)
জ্যোতীংষি চাপ্যশেষেণ সর্বাণ্যনঘ সর্বতঃ।
পরিয়ান্তি মহারাজ গিরিরাজং প্রদক্ষিণম্ ॥] 3-164-27 (22311)
এতং জ্যোতীংষি সর্বাণি প্রকর্ষন্ভগবানপি।
কুরুতে বিতমস্কর্মা আদিত্যোঽভিপ্রদক্ষিণম্ ॥ 3-164-28 (22312)
অস্তং প্রাপ্য ততঃ সন্ধ্যামতিক্রম্য দিবাকরঃ।
উদীচীং ভজতে কাষ্ঠাং বহুধা পর্বসন্ধিষু ॥ 3-164-29 (22313)
সুমেরুমনুবৃত্তঃ স পুনর্গচ্ছতি পাণ্ডব।
প্রাঙ্যুখঃ সবিতা দেবঃ সর্বভূতহিতে রতঃ ॥ 3-164-30 (22314)
স সম্যগ্বিভজন্কালান্বহুধা পর্বসন্ধিষু।
তথৈব ভগবান্সোমো নক্ষত্রৈঃ সহ গচ্ছতি ॥ 3-164-31 (22315)
এবমেতং ৎবতিক্রম্য মহামেরুমতন্দ্রিতঃ।
সোমশ্চ বিভজন্কালং বহুধা পর্বসন্ধিষু।
ভাসয়ন্সর্বভূতানি পুনর্গচ্ছতি সাগরম্ ॥ 3-164-32 (22316)
তথা তমিস্রহা দেবো ময়ূখৈর্ভাসয়ঞ্জগৎ।
মার্গমেতমসংবাধমাদিত্যঃ পরিবর্ততে ॥ 3-164-33 (22317)
সিসৃক্ষুঃ শিশিরাণ্যেব দক্ষিণাং ভজতে দিশম্।
ততঃ সর্বাণি ভূতানি কালং শিশিরমৃচ্ছতি ॥ 3-164-34 (22318)
স্থাবরাণাং চ ভূতানাং জঙ্গমানাং চ তেজসা।
তেজাংসি সমুপাদত্তে নিবৃত্তঃ স বিভাবসুঃ ॥ 3-164-35 (22319)
ততঃ স্বেদঃ ক্লমস্তন্দ্রী গ্লানিশ্চ ভজতে নরান্।
প্রাণিভিঃ সততং স্বপ্নোহ্যভীক্ষ্ণং চ নিপেব্যতে ॥ 3-164-36 (22320)
এবমেতমনির্দেশ্যং মার্গমাবৃত্য ভানুমান্।
পুনঃ সৃজতি বর্ষাণি ভগবান্ভাসয়ন্প্রজাঃ ॥ 3-164-37 (22321)
বৃষ্টিমারুতসংতাপৈঃ সুখৈঃ স্থাবরজঙ্গমান্।
বর্ধয়নসুমহাতেজাঃ পুনঃ প্রতিনিবর্ততে ॥ 3-164-38 (22322)
এবমেষ চরন্পার্থ কালচক্রমতন্দ্রিতঃ।
প্রকর্ষন্সর্বভূতানি সবিতা পরিবর্ততে ॥ 3-164-39 (22323)
সংততা গতিরেতস্য নৈষ তিষ্ঠতি পাণ্ডব।
আদায়ৈব তু ভূতানাং তেজো বিসৃজতে পুনঃ ॥ 3-164-40 (22324)
বিভজন্সর্বভূতানামায়ুঃ কর্ম চ ভারত।
অহোরাত্রং কলাঃ কাষ্ঠাঃ সৃজত্যেষ সদা বিভুঃ ॥ 3-164-41 (22325)
ইতি শ্রীমন্মহাভারতে অরণ্যপর্বণি যক্ষয়ুদ্ধপর্বণি চতুঃষষ্ট্যধিকশততমোঽধ্যায়ঃ ॥ 164 ॥
Mahabharata - Vana Parva - Chapter Footnotes
3-164-4 ইন্দ্রবৈশ্রবণাংবেতাং দিশং পাণ্ডব রক্ষতঃ ইতি ঝ. পাঠঃ ॥ 3-164-7 প্রেতসৎবগতীং মৃতানাং প্রাণিনাং গম্যাম্ ॥ 3-164-7 সংয়মনং নামতঃ ॥ 3-164-10 আবসন্নধিতিষ্ঠন্ ॥ 3-164-12 ভূতাত্মা সর্বে ষাং ভূতানামাত্মা। সংপূর্ণব্রহ্মাণ্ডপিণ্ডভিমানিৎবাৎ ॥ 3-164-17 ব্রহ্মণঃ চতুর্মুখস্য ॥ 3-164-25 প্রণম নমস্কুরু ॥ 3-164-26 উপাবৃত্য অপ্রদক্ষিণং গৎবৈব। ভচক্রবেগাৎ কুলালচক্রে প্রতীপং ক্রমন্তী পিপীলিকেব প্রদক্ষিণং কুরুত ইত্যর্থঃ ॥ 3-164-32 পুনর্গচ্ছতি মন্দরমিতি ঝ. পাঠঃ ॥ 3-164-34 শিশিরাণি শীতানি ॥ 3-164-35 তেজাংসি সমুপাদত্তে গ্রীষ্মে ॥ 3-164-37 অনির্দেশ্যং মার্গং অন্তরিক্ষম্ ॥অরণ্যপর্ব - অধ্যায় 165
॥ শ্রীঃ ॥
3.165. অধ্যায়ঃ 165
Mahabharata - Vana Parva - Chapter Topics
ইন্দ্রাদধিগতাস্ত্রেণার্জুনেন স্বর্গাদ্গন্ধমাদননিবাসিনো যুধিষ্ঠিরাদীন্প্রত্যাগমনম্ ॥ 1 ॥Mahabharata - Vana Parva - Chapter Text
3-165-0 (22326)
বৈশম্পায়ন উবাচ। 3-165-0x (2305)
তস্মিন্নগেন্দ্রে বসতাং তু তেষাং
মহাত্মনাং সদ্ব্রতমাস্থিতানাম্।
রতিঃ প্রমোদশ্চ বভূব তেষা-
মাকাঙ্ক্ষতাং দর্শনমর্জুনস্য ॥ 3-165-1 (22327)
তান্বীর্যযুক্তান্সুবিশুদ্ধসৎবাং-
স্তেজস্বিনঃ সত্যধৃতিপ্রধানান্।
সংপ্রীয়মাণা বহবোঽবিজগ্মু-
র্গন্ধর্বসঙ্ঘাশ্চ মহর্ষয়শ্চ ॥ 3-165-2 (22328)
তং পাদপৈঃ পুষ্পফলৈরুপেতং
নগোত্তমং প্রাপ্য মহারথানাম্।
মনঃপ্রসাদঃ পরমো বভূব
যথা দিবং প্রাপ্য মরুদ্গণানাম্ ॥ 3-165-3 (22329)
ময়ূরহংসস্বননাদিতানি
পুষ্পোপকীর্ণানি মহাচলস্য।
শৃঙ্গাণি সানূনি চ পশ্যমানা
গিরেঃ পরং হর্ষমবাপ্য তস্থুঃ ॥ 3-165-4 (22330)
সাক্ষাৎকুবেরেণ কৃতাশ্চ তস্মি-
ন্নগোত্তমে সংবৃতকূটগুল্মাঃ।
কাদম্বকারণ্ডবহংসজুষ্টাঃ
পদ্মাকুলাঃ পুষ্করিণীরপশ্যন্ ॥ 3-165-5 (22331)
ক্রীডাপ্রদেশাংস্চ সমৃদ্ধরূপা-
ন্সবেদিকাংস্তে ন্যবসন্সুবেশান্।
মণিপ্রকীর্ণাংশ্চ মনোরমাংশ্চ
যথা ভবেয়ুর্নদস্য রাজ্ঞঃ ॥ 3-165-6 (22332)
অনেকবর্ণৈশ্ সুগন্ধিভিশ্চ
মহাদ্রুমৈঃ সংততমভ্রজালৈঃ।
তপঃপ্রধানাঃ সততং চরন্তঃ
শৃঙ্গং গিরেশ্চিন্তয়িতুং ন শেকুঃ ॥ 3-165-7 (22333)
স্বতেজসা তস্য নগোত্তমস্য
মহৌষধীনাং চ তথা প্রভাবাৎ।
বিভক্তরূপঃ সবিতা বভূব
নিশামুখং প্রাপ্য নরর্ষভাণাম্ ॥ 3-165-8 (22334)
যমাস্থিতঃ স্থাবরজঙ্গমানাং
বিভাবসুর্ভাবিতা হরীশঃ।
তস্যোদয়ং চাস্তমনং চ বীর-
স্তত্রস্থিতাস্তে দদৃশুর্নৃসিংহাঃ ॥ 3-165-9 (22335)
রবেস্তমিস্রাগমনির্গমাংস্তে
তথোদয়ং চাস্তমনং চ বীরাঃ।
সমাবৃতাঃ প্রেক্ষ্য তমোনুদস্য
গভস্তিজালৈঃ প্রদিশো দিশশ্চ ॥ 3-165-10 (22336)
স্বাধ্যায়বন্তঃ সততক্রিয়াশ্চ
ধর্মপ্রধানাশ্চ শুচিব্রতাশ্চ।
সত্যে স্থিতাস্তস্য মহারথস্য
সত্যব্রতস্যাগমনপ্রতীক্ষাঃ ॥ 3-165-11 (22337)
ইহৈব হর্ষোঽস্তু সমাগতানাং
ক্ষিপ্রং কৃতাস্ত্রেণ ধনংজয়েন।
ইতি ব্রুবন্তঃ পরমাশিপস্তে
পার্থাস্তপোয়োগপরা বভূবুঃ ॥ 3-165-12 (22338)
দৃষ্ট্বা বিচিত্রাণি গিরৌ বনানি
কিরীটিনং চিন্তয়তামভীক্ষ্ণম্।
বভূব রাবির্দিবসশ্চ তেষাং
সংবৎসরেণৈব সমানরূপঃ ॥ 3-165-13 (22339)
যদৈব ধৌম্যানুমতে মহাত্মা
কৃৎবা জটাং প্রব্রজিতঃ স জিষ্ণুঃ।
তদৈব তেষাং নবভূব হর্ষঃ
কুতো রতিস্তদ্গতমানসানাম্ ॥ 3-165-14 (22340)
ভ্রাতুর্নিয়োগাত্তু যুধিষ্ঠিরস্য
বনাদসৌ বারণমত্তগামী।
যৎকাম্যকাৎপ্রব্রজিতঃ স জিষ্ণু-
স্তদৈব তে শোকহতা বভূবুঃ ॥ 3-165-15 (22341)
তথৈব তং চিন্তয়তাং সিতাশ্ব-
মস্ত্রার্থিনং বাসবমভ্যুপেতম্।
কালঃ স কৃচ্ছ্রেণ মহানতীত-
স্তস্মিন্নগে ভারত ভারতানাম্ ॥ 3-165-16 (22342)
[উষিৎবা পঞ্চবর্ষাণি সহস্রাক্ষনিবেশনে।
অবাপ্য দিব্যান্যস্ত্রাণি সর্বাণি বিবুধেশ্বরাৎ ॥ 3-165-17 (22343)
আগ্নেয়ং বারুণং সৌম্যং বায়ব্যমথ বৈষ্ণবম্।
ঐন্দ্রং পাশুপতং ব্রাহ্মং পারমেষ্ঠ্যং প্রজাপতেঃ ॥ 3-165-18 (22344)
যমস্য ধাতুঃ সবিতুস্ৎবষ্টুর্বৈশ্রবণস্য চং।
তানি প্রাপ্য সহস্রাক্ষাদভিবাদ্য শতক্রতুম্ ॥ 3-165-19 (22345)
অনুজ্ঞাতস্তদা তেন কৃৎবা চাপি প্রদক্ষিণম্।
আগচ্ছদর্জুনঃ প্রীতঃ প্রহৃষ্টো গন্ধপাদনম্ ॥ 3-165-20 (22346)
ইতি শ্রীমন্মহাভারতে অরণ্যপর্বণি যক্ষয়ুদ্ধপর্বণি পঞ্চষষ্ট্যধিকশততমোঽধ্যায়ঃ ॥ 165 ॥
Mahabharata - Vana Parva - Chapter Footnotes
3-165-4 মহতী চলা লক্ষ্মীঃ শোভা যস্ মহাচলস্য। চলা লম্যাং পুমান্ কম্পে ইতি মেদিনী। সানূন্যেব তীক্ষ্ণাগ্রাণি পুংসংয়োগ্যানি শৃঙ্গাণীত্যুচ্যন্তে ॥ 3-165-9 যং সূর্যম্। বিভাবসুবৈহ্নিরাস্থিতঃ। যস্য সূর্যস্যাশ্রয়েণৈব রাত্রৌ বহ্নির্জগদ্দীপয়তি তস্যোদয়মিত্যন্বয়ঃ ॥অরণ্যপর্ব - অধ্যায় 166
॥ শ্রীঃ ॥
3.166. অধ্যায়ঃ 166
Mahabharata - Vana Parva - Chapter Topics
অর্জুনেন যুধিষ্ঠিরাদীন্প্রতি সংক্ষেপেণ স্বকীয়স্বর্গনিবাসপ্রকারকথনম্ ॥ 1 ॥Mahabharata - Vana Parva - Chapter Text
3-166-0 (22347)
বৈশম্পায়ন উবাচ। 3-166-0x (2306)
ততঃ কদাচিদ্ধরিসংপ্রয়ুক্তং
মহেন্দ্রবাহং সহসোপয়াতম্।
বিদ্যুৎপ্রভং প্রেক্ষ্য মহারথানাং
হর্ষোঽর্জুনং চিন্তয়তাং বভূব ॥ 3-166-1 (22348)
স দীপ্যমানঃ সহসাঽন্তরিক্ষং
প্রকাশয়ন্মাতলিসংগৃহীতঃ।
বভৌ মহোল্কেব ঘনান্তরস্থা
শিখেব চাগ্নের্জ্বলিতা বিধূমা ॥ 3-166-2 (22349)
তমাস্থিতঃ সংদদৃশে কিরীটী
স্রগ্বী নবান্যাভরণানি বিভ্রৎ।
ধনংজয়ো বজ্রধরপ্রভাবঃ
শ্রিয়া জ্বলন্পর্বতমাজগাম্ ॥ 3-166-3 (22350)
স শৈলমাসাদ্য কিরীটমালী
মহেন্দ্রবাহাদবরুহ্য তস্মাৎ।
ধৌম্যস্য পাদাবভিবাদ্য পূর্ব-
মজাতশত্রোস্তদনন্তরং চ ॥ 3-166-4 (22351)
বৃকোদরস্যাপি চ বন্দ্য পাদৌ
মাদ্রীসুতাভ্যামভিবাদিতশ্চ।
সমেত্য কৃষ্ণাং পরিসান্ৎব্য চৈনাং
প্রহ্বোঽভবদ্ভ্রাতুরুপহ্বরে সঃ ॥ 3-166-5 (22352)
বভূব তেষাং পরমঃ প্রহর্ষ-
স্তেনাপ্রমেয়েণ সমেত্য তত্র।
স চাপি তান্প্রেক্ষ্য কিরীটমালী
ননন্দ রাজানমভিপ্রশংসন্ ॥ 3-166-6 (22353)
যমাস্থিতঃ সপ্ত জঘান পূগান্
দিতেঃ সুতানাং নমুচের্নিহন্তা।
তমিন্দ্রবাহং সমুপেত্য পার্থাঃ
প্রদক্ষিণং চক্রুরদীনসৎবাঃ ॥ 3-166-7 (22354)
তে মাতলেশ্চক্রুরতীব হৃষ্টাঃ
সৎকারমগ্র্যং সুররাজতুল্যম্।
সর্বং যথাবচ্চ দিবৌকসঙ্ঘং
পপ্রচ্যুরেনং কুরুরাজপুত্রাঃ ॥ 3-166-8 (22355)
তানপ্যসৌ মাতলিরভ্যনন্দ-
ৎপিতেব পুত্রাননুশিষ্য পার্থান্।
যয়ৌ রথেনাপ্রতিমপ্রভেণ
পুনঃ সকাশং ত্রিদিবেশ্বরস্য ॥ 3-166-9 (22356)
গতে তু তস্মিন্বরদেববাহে
শক্রাত্মজঃ সর্বরিপুপ্রমাথী।
`সাক্ষাৎসহস্রাক্ষ ইব প্রতীতঃ
শ্রীমান্স্বদেহাদবমুচ্য জিষ্ণুঃ' ॥ 3-166-10 (22357)
শক্রেণ দত্তানিদদৌ মহাত্মা
মহাধনান্যুত্তমরূপবন্তি।
দিবাকরাভাণি বিভূষণানি
প্রীতঃ প্রিয়ায়ৈ সুতসোমমাত্রে ॥ 3-166-11 (22358)
ততঋঃ স তেষাং কুরুপুঙ্গবানাং
তেষাং চ সূর্যাগ্নিসমপ্রভাণাম্।
বিপ্রর্ষভাণামুপবিশ্য মধ্যে
সর্বং যথাবৎকথয়াংবভূব ॥ 3-166-12 (22359)
এবং ময়াঽস্ত্রাণ্যুপশিক্ষিতানি
শক্রাচ্চ বায়োশ্চ শিবাচ্চ সাক্ষাৎ।
তথৈব শীলেন সমাধিনা চ
প্রীতাঃ সুরা মে সহিতাঃ সহেন্দ্রাঃ ॥ 3-166-13 (22360)
সংক্ষেপতো বৈ স বিশুদ্ধকর্মা
তেভ্যঃ সমাখ্যায় দিবঃপ্রবেশম্।
মাদ্রীসুতাভ্যাং সহিতঃ কিরীটী
সুষ্বাপ তামাবসতিং প্রতীতঃ ॥ 3-166-14 (22361)
ইতি শ্রীমন্মহাভারতে অরণ্যপর্বণি নিবাতকবচয়ুদ্ধপর্বণি ষট্ষষ্ট্যধিকশততমোঽধ্যায়ঃ ॥ 166 ॥
Mahabharata - Vana Parva - Chapter Footnotes
3-166-1 হরিভিরশ্বৈঃ সংপ্রয়ুক্তম্। মহেন্দ্রস্য বাহং রথম্ ॥ 3-166-5 প্রহ্বো নম্রঃ। উপহ্ণরে সমীপে ॥ 3-166-7 পূগান্যূথানি ॥ 3-166-8 এনং মাতলিম্ ॥ 3-166-11 সুতসোমো ভীমাদ্দ্রৌপদ্যাং জাতঃ ॥ 3-166-14 আবসতিং রাত্রিম্। প্রতীতো হৃষ্ঠঃ ॥অরণ্যপর্ব - অধ্যায় 167
॥ শ্রীঃ ॥
3.167. অধ্যায়ঃ 167
Mahabharata - Vana Parva - Chapter Topics
ইন্দ্রেণ সভ্রাতৃকং যুধিষ্ঠিরমেত্য জয়াশীঃ সংসনপূর্বকং পুনঃ স্বর্গংপ্রতি গমনম্ ॥ 1 ॥Mahabharata - Vana Parva - Chapter Text
3-167-0 (22362)
বৈশম্পায়ন উবাচ। 3-167-0x (2307)
[ততো রজন্যাং ব্যুষ্টায়াং ধর্মরাজং যুধিষ্ঠিরম্।
ভ্রাতৃভিঃ সহিতঃ সর্বৈরবন্দত ধনংজয়ঃ ॥] 3-167-1 (22363)
এতস্মিন্নেব কালে তু সর্ববাদিত্রনিঃখনঃ।
বভূব তুমুলঃ শব্দস্ৎবন্তরিক্ষে দিবৌকসাম্ ॥ 3-167-2 (22364)
রথনেমিখনশ্চৈব ঘণ্টাশব্দশ্চ ভারত।
পৃথগ্ব্যালমৃগাণাং চ পক্ষিণাং চৈব সর্বশঃ ॥ 3-167-3 (22365)
`রবোন্মুখাস্তে দদৃশুঃ প্রীয়মাণাঃ কুরূদ্বহ।
মরুদ্ভিরন্বিতং শক্রমাপতন্তং বিহায়সা' ॥ 3-167-4 (22366)
তে সমন্তাদনুয়যুর্গন্ধর্বাপ্সরসস্তথা।
বিমানৈঃ সূর্যসংকাশৈর্দেবরাজমরিংদমম্ ॥ 3-167-5 (22367)
ততঃ স হরিভির্যুক্তং জাম্বূনদপরিষ্কৃতম্।
মেঘনাদিনমারুহ্য শ্রিয়া পরময়া জ্বলন্ ॥ 3-167-6 (22368)
পার্থানভ্যাজপামাশু দেবরাজঃ পুরংদরঃ।
আগত্য চ সহস্রাক্ষো রথাদবরুরোহ বৈ ॥ 3-167-7 (22369)
তং দৃষ্ট্বৈব মহাত্মানং ধর্মরাজো যুধিষ্ঠিরঃ।
ভ্রাতৃভিঃ সহিতঃ শ্রীমান্দেবরাজমুপাগমৎ ॥ 3-167-8 (22370)
পূজয়ামাস চৈবাথ বিধিবদ্ভূরিদক্ষিণঃ।
যথার্হমমিতাত্মানং বিধিদৃষ্টেন কর্মণা ॥ 3-167-9 (22371)
ধনংজয়শ্চ তেজস্বী প্রণিপত্য পুরংদরম্।
ভৃত্যবৎপ্রণতস্তস্থৌ দেবরাজসমীপতঃ ॥ 3-167-10 (22372)
আঘ্রায় তং মহাতেজাঃ কুন্তীপুত্রো যুধিষ্ঠিরঃ।
ধনংজয়ভিপ্রেক্ষ্যবিনীতং স্থিতমন্তিকে ॥ 3-167-11 (22373)
জটিলং দেবরাজস্য তপোয়ুক্তমকল্মষম্।
হর্ষেণ মহতাঽঽবিষ্টঃ ফল্গুনস্যাথ দর্শনাৎ।
বভূব পরমপ্রীতো দেবরাজং চ পূজয়ন্ ॥ 3-167-12 (22374)
তং তথাঽদীনমনসং রাজানং হর্,সংপ্লুতম্।
উবাচ বচনং ধীমান্ধর্মরাজং পুরংদরঃ ॥ 3-167-13 (22375)
ৎবমিমাং পৃথিবীং রাজন্প্রশাসিষ্যসি পাণ্ডব।
স্বস্তি প্রাপ্নুহি কৌন্তেয় কাম্যকং পুনরাশ্রমম্ ॥ 3-167-14 (22376)
অস্ত্রাণি লব্ধানি চ পাণ্ডবেন
সর্বাণি মত্তঃ প্রয়তেন রাজন্।
কৃতপ্রিয়শ্চাস্মি ধনংজয়েন
জেতুং ন শক্যস্ত্রিভিরেষ লোকৈঃ ॥ 3-167-15 (22377)
এবমুক্ৎবা সহস্রাক্ষঃ কুন্তীপুত্রং যুধিষ্ঠিরম্।
জগাম ত্রিদিবং হৃষ্টঃ স্তূয়মানো মহর্ষিভিঃ ॥ 3-167-16 (22378)
ধনেশ্বরগৃহস্থানাং পাণ্ডবানাং সমাগমম্।
শক্রেণ য ইদং বিদ্বানধীয়ীত সমাহিতঃ ॥ 3-167-17 (22379)
সংবৎসরং ব্রহ্মচারী নিয়তঃ সংশিতব্রতঃ।
স জীবেদ্ধি নিরাবাধঃ সুসুখী শরদাং শতম্ ॥ 3-167-18 (22380)
ইতি শ্রীমন্মহাভারতে অরণ্যপর্বণি নিবাতকবচয়ুদ্ধপর্বণি সপ্তষষ্ট্যধিকশততমোঽধ্যায়ঃ ॥ 167 ॥
Mahabharata - Vana Parva - Chapter Footnotes
3-167-3 ভুজঙ্গব্যাঘ্রসিংহানাং ইতি থ. পাঠঃ ॥ 3-167-6 হরিভির্যুক্তং রথম্ ॥ 3-167-9 অমিতাত্মা অমিতবুদ্ধিঃ ॥ 3-167-15 কৃতপ্রিয়ঃ শত্রুবধেন। সর্বাণি ভত্তো গিরিশাচ্চ দেবাৎ ইতি থ. পাঠঃ ॥অরণ্যপর্ব - অধ্যায় 168
॥ শ্রীঃ ॥
3.168. অধ্যায়ঃ 168
Mahabharata - Vana Parva - Chapter Topics
অর্জুনেন স্বস্য কিরাতরূপিণা সহ যুদ্ধপ্রকারস্য পাশুপতাশ্রলাভপ্রকারস্য চ কথনম্ ॥ 1 ॥Mahabharata - Vana Parva - Chapter Text
3-168-0 (22381)
বৈশপায়ন উবাচ। 3-168-0x (2308)
যথাগতং গতে শক্রে ভ্রাতৃভিঃ সহ সংগতঃ।
কৃষ্ণয়া চৈব বীভৎসুর্ধর্মরাজমপূজয়ৎ ॥ 3-168-1 (22382)
অভিবাদয়মানং তং মূর্ধ্ন্যুপাঘ্রায় পাণ্ডবম্।
হর্ষগদ্গদয়া বাচা প্রহৃষ্টোঽর্জুনমব্রবীৎ ॥ 3-168-2 (22383)
কথমর্জুন কালোঽয়ং স্বর্গে রব্যতিগতস্তব।
কথং চাস্ত্রাণ্যবাপ্তানি দেবরাজশ্চ তোষিতঃ ॥ 3-168-3 (22384)
সম্যগ্বা তে গৃহীতানি কচ্চিদস্ত্রাণি পাণ্ডব।
কচ্চিৎসুরাধিপঃ প্রীতো রুদ্রশ্চাস্ত্রাণ্যদাত্তব ॥ 3-168-4 (22385)
যথা দৃষ্টশ্চ তে শক্রো ভগবান্বা পিনাকধৃৎ।
যথৈবাস্ত্রাণ্যবাপ্তানি যথৈবারাধিতাশ্চ তে ॥ 3-168-5 (22386)
যথোক্তবাংস্ৎবাং ভগবাঞ্শতক্রতুররিংদম।
কৃতপ্রিয়স্ৎবয়াঽস্মীতি তস্য তে কিং প্রিয়ং কৃতম্ ॥ 3-168-6 (22387)
এতদিচ্ছাম্যহং শ্রোতুং বিস্তরেণ মহাদ্যুতে।
যথা তুষ্টো মহাদেবো দেবরাজস্তথাঽনঘ ॥ 3-168-7 (22388)
যচ্চাপি বজ্রপাণেস্তু প্রিয়ং কৃতমরিংদম।
এতদাখ্যাহি মে সর্বমখিলেন ধনংজয় ॥ 3-168-8 (22389)
অর্জুন উবাচ। 3-168-9x (2309)
শৃণু হন্ত মহারাজ বিধিনা যেন দৃষ্টবান্।
শতক্রতুমহং দেবং ভগবন্তং চ শংকরম্ ॥ 3-168-9 (22390)
বিদ্যামধীত্য তাং রাজংস্ৎবয়োক্তামরিমর্দন।
ভবতা চ সমাদিষ্টস্তপসে প্রস্থিতো বনম্ ॥ 3-168-10 (22391)
ভৃগুতুন্দমথো গৎবা কাম্যকাদাস্থিতস্তপঃ।
একরাত্রোষিতঃ কংচিদপশ্যং ব্রাহ্মণং পথি ॥ 3-168-11 (22392)
স মামপৃচ্ছৎকৌন্তেয় ক্বাসি গন্তা ব্রবীহি মে।
তস্মা অবিতথং সর্বমব্রবং কুরুনন্দন ॥ 3-168-12 (22393)
স তথ্যং মম তচ্ছ্রুৎবা ব্রাহ্মণো রাজসত্তম।
অপূজয়ত মাং রাজন্প্রীতিমাংশ্চাভবন্ময়ি ॥ 3-168-13 (22394)
ততো মামব্রবীৎপ্রীতস্তপ আতিষ্ঠ ভারত।
তপস্বী নচিরেণ ৎবং দ্রক্ষ্যসে বিবুধাধিষম্ ॥ 3-168-14 (22395)
ততোঽহং বচনাত্তস্য গিরিমারুহ্য শৈশিরম্।
তপোঽতপ্যং মহারাজ মাসং মূলফলাশনঃ ॥ 3-168-15 (22396)
দ্বিতীয়শ্চাপি মে মাসো জলং ভক্ষয়তো গতঃ।
নিরাহারস্তৃতীয়েঽথ মাসে পাণ্ডবনন্দন ॥ 3-168-16 (22397)
ঊর্ধ্ববাহুশ্চতুর্থং তু মাসমস্মি স্থিতস্তদা।
ন চ মে হীয়তে প্রাণস্তদদ্ভুতমিবাভবৎ ॥ 3-168-17 (22398)
পঞ্চমে ৎবথ সংপ্রাপ্তে প্রথমে দিবসে গতে।
বরাহসংস্থিতং ভূতং মৎসমীপং সমাগমৎ ॥ 3-168-18 (22399)
নিঘ্নন্প্রোথেন পৃথিবীং বিলিখংশ্চরণৈরপি।
সংমার্জঞ্জঠরেণোর্বীং বিবর্তংশ্চ মুহুর্মুহুঃ ॥ 3-168-19 (22400)
অনু তস্যাপরং ভূতং মহৎকৈরাতসংস্থিতম্।
ধনুর্বাণাসিমৎপ্রাপ্তং স্ত্রীগণানুগতং তদা ॥ 3-168-20 (22401)
ততোঽহং ধনুরাদায় তথাঽক্ষয়্যে মহেষুধী।
অতাডয়ং শরেণাথ তদ্ভূতং রোমহর্ষণম্ ॥ 3-168-21 (22402)
যুপত্তং কিরাতস্তু বিকৃষ্য বলবদ্ধনুঃ।
অভ্যাজঘ্নে দৃঢতরং কম্পয়ন্নিব মেদিনীম্ ॥ 3-168-22 (22403)
সতু মামব্রবীদ্রাজন্মম পূর্বপরিগ্রহঃ।
মৃগয়াধর্মমুৎসৃজ্য কিমর্থং তাডিতস্ৎবয়া ॥ 3-168-23 (22404)
এষ তে নিশিতৈর্বাণৈর্দর্পং হন্মি স্থিরো ভব।
সংঘর্ষবান্মহাকায়স্ততো মামভ্যধাবত ॥ 3-168-24 (22405)
ততো গিরিমিবাত্যর্থমাবৃণোন্মাং মহাশরৈঃ।
তং চাহং শরবর্ষেণ মহতা সমবাকিরম্ ॥ 3-168-25 (22406)
ততঃ শরৈর্দীপ্তমুখৈর্যন্ত্রিতৈরনু যন্ত্রিতৈঃ।
প্রত্যবিধ্যমহং তং তু বজ্রৈরিব শিলোচ্চয়ম্ ॥ 3-168-26 (22407)
তস্য তচ্ছতধা রূপমভবচ্চ সহস্রধা।
তানি চাস্য শরীরাণি শরৈরহমতাডয়ম্ ॥ 3-168-27 (22408)
পুনস্তানি শরীরাণি একীভূতানি ভারত।
অদৃশ্যন্ত মহারাজ তান্যহং ব্যধমং পুনঃ ॥ 3-168-28 (22409)
অণুর্বৃহচ্ছিরা ভূৎবা বৃহচ্চাণুশিরাঃ পুনঃ।
একীভূতস্তদা রাজন্সোঽভ্যবর্তত মাং যুধি ॥ 3-168-29 (22410)
যদাঽভিভবিতুং বাণৈর্ন চ শক্নোমি তং রণে।
ততো মহাস্ত্রমাতিষ্ঠং বায়ব্যং ভরতর্ষভ ॥ 3-168-30 (22411)
ন চৈনমশকং হন্তুং তদদ্ভুতমিবাভবৎ।
তস্মিন্প্রতিহতে চাস্ত্রে বিস্ময়ো মে মহানভূৎ ॥ 3-168-31 (22412)
তত্রাপি চ মহারাজ সবিশেষমহং ততঃ।
অস্ত্রপূগেন মহতা রণে ভূতমবাকিরম্ ॥ 3-168-32 (22413)
স্থূণাকর্ণমথো জালং শরবর্ষং শরোল্বণম্।
শলভাস্ত্রমশ্মবর্ষং সমাস্থায়াহমভ্যযাম্ ॥ 3-168-33 (22414)
জগ্রাস প্রসভং তানি সর্বাণ্যস্ত্রাণি মে নৃপ।
তেষু সর্বেষু জগ্ধেষু ব্রহ্মাস্ত্রং মহদাদিশম্ ॥ 3-168-34 (22415)
ততঃ প্রজ্বলিতৈর্বাণৈঃ সর্বতশ্চোপচীয়ত।
উপচীয়মানশ্চ তদা মহাস্ত্রেণ ব্যবর্ধত ॥ 3-168-35 (22416)
ততঃ সংতাপিতা লোকা মৎপ্রসূতেন তেজসা।
ক্ষণএন হি দিশঃ স্বং চ সর্বতো হি বিদীপিতং ॥ 3-168-36 (22417)
তদপ্যস্ত্রং মহাতেজাঃ ক্ষণেনৈব ব্যশাময়ৎ।
ব্র্হমাস্ত্রে তু হতে রাজন্ভয়ং মাং মহদাবিশৎ ॥ 3-168-37 (22418)
ততোঽহং ধনুরাদায় তথাঽক্ষয়্যে মহেষুধী।
সহসাঽভ্যহনং ভূতং তান্যপ্যস্ত্রাণ্যভক্ষয়ৎ ॥ 3-168-38 (22419)
এতেষ্বস্ত্রেষু ভূতেন ভক্ষিতেষ্বায়ুধেষু চ।
মম তস্ চ ভূতস্য বাহুয়ুদ্ধমবর্তত ॥ 3-168-39 (22420)
ব্যায়ামং মুষ্টিভিঃ কৃৎবা তলৈরভিসমাহতৌ।
অপায়চ্চ তদ্ভূতমহং চাপাতয়ং মহীম্ ॥ 3-168-40 (22421)
ততঃ প্রহস্য তদ্ভূতং তত্রৈবান্তরধীয়ত।
সহ স্ত্রীভির্মহারাজ পশ্যতো মেঽদ্ভুতোপমম্ ॥ 3-168-41 (22422)
মুখ্যং কৃৎবা স ভগবাংস্ততোঽন্যদ্রূপমাত্মনঃ।
দিব্যমেব মহারাজ বরানোঽদ্ভুতমম্বরম্ ॥ 3-168-42 (22423)
হিৎবা কিরাতরূপং চ ভগবাংস্ত্রিদশেশ্বরঃ।
স্বরূপং দিব্যমাস্থায় তস্যৌ মহেশ্বরঃ ॥ 3-168-43 (22424)
সোঽদৃশ্যত ততঃ সাক্ষাদ্ভগবান্গোবৃষধ্বজঃ।
ধনুর্গৃহ্যতদা পাণৌ বহুরূপঃ পিনাকধৃৎ ॥ 3-168-44 (22425)
স মামভ্যেত্য সমরে তথৈবাভিমুখং স্থিতম্।
শূলপাণিরথোবাচ তুষ্টোস্মীতি পরংতপ ॥ 3-168-45 (22426)
ততস্তদ্ধনুরাদায় তূণৌ চাক্ষয়্যসায়কৌ।
প্রাদান্মমৈব ভগবান্বরয়স্বেতি চাব্রবীৎ ॥ 3-168-46 (22427)
তুষ্টোস্মি তব কৌন্তেয় ব্রূহি কিং করবাণি তে।
মনোগতং বীর যত্তে তদ্ব্রূহি বিতরাম্যহম্।
অমরৎবমপাহায় ব্রূহি যত্তে মনোগতম্ ॥ 3-168-47 (22428)
ততঃ প্রাঞ্ডলিরেবাহমস্ত্রেষু কৃতমানসঃ।
প্রণম্য শিরসা শর্বং ততো বচনমাদদে ॥ 3-168-48 (22429)
ভগবানমে প্রসন্নশ্চেদীপ্সিতোঽয়ং বরো মম।
অস্ত্রাণীচ্ছাম্যহং জ্ঞাতুং যানি দেবেষু কানিচিৎ ॥ 3-168-49 (22430)
দদানীত্যেব ভগবানব্রবীত্র্যম্বকশ্চ মাম্।
রৌদ্রমস্ত্রং মদীয়ং ৎবামুপস্থাস্যতি পাণ্ডব ॥ 3-168-50 (22431)
প্রদদৌ চ মম প্রীতঃ সোঽস্ত্রং পাশুপতং প্রভুঃ।
উবাচ চ মহাদেবো দত্ৎবা মেঽস্ত্রং সনাতনম্ ॥ 3-168-51 (22432)
ন প্রয়োজ্যংভবেদেতন্মানুষেষু কথংচন।
[জগদ্বিনির্দহেদেবমল্পতেজসি পাতিতম্ ॥ 3-168-52 (22433)
পীড্যমানন বলবৎপ্রয়োজ্যংস্যাদ্ধনংজয়।
অস্ত্রাণাং প্রতিঘাতে চ সর্বথৈব প্রয়োজয়েঃ ॥ 3-168-53 (22434)
ততোঽপ্রতিহতং দিব্যং সর্বাস্ত্রপ্রতিষেধনম্।
মূর্তিমন্মে স্থিতং পার্শ্বে প্রসন্নে গোবৃষধ্বজে ॥ 3-168-54 (22435)
উৎসাদনমমিত্রাণাং পরসেনানিকর্তনম্।
দুরাসদং দুষ্প্রসহং সুরদানবরাক্ষসৈঃ ॥ 3-168-55 (22436)
অনুজ্ঞাতস্ৎবহং তেন তত্রৈব সমুপাবিশম্।
প্রেক্ষতশ্চৈবমে দেবস্তত্রৈবান্তরধীয়ত ॥ 3-168-56 (22437)
ইতি শ্রীমন্মহাভারতে অরণ্যপর্বণি নিবাতকবচয়ুদ্ধপর্বণি অষ্টষষ্ট্যধিকশততমোঽধ্যায়ঃ ॥ 168 ॥
Mahabharata - Vana Parva - Chapter Footnotes
3-168-2 প্রহৃষ্টো ধর্মপুত্রঃ ॥ 3-168-9 হন্তেত্যব্যযং বাক্যারম্ভে হর্ষে বা ॥ 3-168-15 শৈশিরং হিমময়ম্ ॥ 3-168-17 প্রাণো বলম্ ॥ 3-168-18 চতুর্থে মাস্যতিক্রান্তে ইতি ধ. পাঠঃ। বরাহবৎ সংস্থিতং আকারো যস্য ॥ 3-168-19 প্রোথেন মুখাগ্রেণ পোত্রাখ্যেন। বিবর্তন্ বিষমেণ ভাবেন বর্তমানঃ ইতস্ততঃ পর্যটন্বা ॥ 3-168-26 অনুপশ্চাৎ যন্ত্রিতৈঃ দৃঢাকৃষ্টৈঃ ॥ 3-168-33 স্থূণাকর্ণ ইতি শঙ্কুকর্ণাখ্যো রুদ্রাবতারভেদস্তদ্দৈবত্যমস্রম্। জালং জলময়ং বারুণম্। শৈলাস্ত্রমশ্মবর্ষং চ ইতি ধ. পাঠঃ ॥ 3-168-40 ব্যায়ামং সংঘটনম্ ॥ 3-168-44 গোবৃষো বলীবর্দশ্রেষ্ঠঃ ॥অরণ্যপর্ব - অধ্যায় 169
॥ শ্রীঃ ॥
3.169. অধ্যায়ঃ 169
Mahabharata - Vana Parva - Chapter Topics
অর্জুনেন স্বস্যেন্দ্রলোকগমনপ্রকারস্য তত্রনিবাসপ্রকারকথনপূর্বকমিন্দ্রাদস্ত্রপ্রাপ্তিপ্রকারস্যচ কথনম্ ॥ 1 ॥Mahabharata - Vana Parva - Chapter Text
3-169-0 (22438)
অর্জুন উবাচ। 3-169-0x (2310)
ততস্তামবসং প্রীতো রজনীং তত্র ভারত।
প্রসাদাদ্দেবদেবস্যত্র্যম্বকস্য মহাত্মনঃ ॥ 3-169-1 (22439)
ব্যুষিতো রজনীং চাহংকৃৎবাপৌর্বাহ্ণিকীঃ ক্রিয়াঃ।
অপশ্যং তং দ্বিজশ্রেষ্ঠং দৃষ্টবানস্মি যং পুরা ॥ 3-169-2 (22440)
তস্মৈ চাহং যথাবৃত্তং সর্বমেব ন্যবেদয়ম্।
ভগবন্তং মহাদেবং সমেতোস্মীতি ভারত ॥ 3-169-3 (22441)
স মামুবাচ রাজেন্দ্র প্রীয়মাণো দ্বিজোত্তমঃ।
দৃষ্টস্ৎবয়া মহাদেবো যথা নান্যেন কেনচিৎ ॥ 3-169-4 (22442)
সমেতং লোকপালৈস্তু সর্বৈর্বৈবস্বতাদিভিঃ।
দ্রষ্টাস্যনঘ দেবেন্দ্রং স চ তেঽস্ত্রাণি দাস্যতি ॥ 3-169-5 (22443)
এবমুক্ৎবা স মাং রাজন্নাশ্লিষ্য চ পুনঃ পুনঃ।
অগচ্ছৎস যথাকামং ব্রাহ্মণঃ সূর্যসন্নিভঃ ॥ 3-169-6 (22444)
অথাপরাহ্ণে তস্যাহ্নঃ প্রাবাৎপুণ্যঃ সমীরণঃ।
পুনর্নবমিমং লোকং কুর্বন্নিব সপত্নহন্ ॥ 3-169-7 (22445)
দিব্যানি চৈব মাল্যানি সুগন্ধীনি নবানি চ।
শৈশিরস্য গিরে পাদে প্রাদুরাসন্সমীপতঃ ॥ 3-169-8 (22446)
বাদিত্রাণিচ দিব্যানি সুঘোষাণি সমন্ততঃ।
স্তুতয়শ্চেন্দ্রসংয়ুক্তা অশ্রূয়ন্ত মনোহরাঃ ॥ 3-169-9 (22447)
গণাশ্চাপ্সরসাং তত্রগন্ধর্বাণাং তথৈব চ।
পুরস্তাদ্দেবদেবস্য জগুর্গীতানি সর্বশঃ ॥ 3-169-10 (22448)
মরুতাং চ গণাস্তত্র দেবয়ানৈরুপাগমন্।
মহেন্দ্রানুচরা যে চ দেবসদ্মনিবাসিনঃ ॥ 3-169-11 (22449)
ততো মরুৎবানহরিভির্যুক্তৈর্বাহৈঃ স্বলংকৃতৈঃ।
শচীসহায়স্তত্রায়াৎসহ সর্বৈস্তদাঽমরৈঃ ॥ 3-169-12 (22450)
এতস্মিন্নৈব কালে তু কুবেরো নরবাহনঃ।
দর্শয়ামাস মাং রাজঁল্লক্ষ্ম্যা পরময়া যুতঃ ॥ 3-169-13 (22451)
দক্ষিণস্যাং দিশি যমং প্রত্যপশ্যং ব্যস্থিতম্।
বরুণং দেবরাজং চ যথাস্থানমবস্থিতম্ ॥ 3-169-14 (22452)
তে মামূচুর্মহারাজ সান্ৎবয়িৎবা সুরর্ষভাঃ।
সব্যসাচিন্নিরীক্ষাস্মাঁল্লোকপালানবস্থিতান্ ॥ 3-169-15 (22453)
সুরকার্যার্থসিদ্ধ্যর্থং দৃষ্টবানসি শংকরম্।
অস্মত্তোঽপি গৃহাণ ৎবমস্ত্রাণীতি সমন্ততঃ ॥ 3-169-16 (22454)
ততোঽহং প্রয়তো ভূৎবা প্রণিপত্য সুরর্ষভান্।
প্রত্যগৃহ্ণাং তদাঽস্ত্রাণি মহান্তি বিবিধানি চ ॥ 3-169-17 (22455)
গৃহীতাস্ত্রস্ততো দেবৈরনুজ্ঞাতোস্মি ভারত।
অথ দেবা যয়ুঃ সর্বেয়থাগতমরিংদম ॥ 3-169-18 (22456)
মঘবানপি মাং দেবো রথমারোপ্য সুপ্রভম্।
উবাচ ভগবান্বাক্যং স্ময়ন্নিব মহায়শাঃ ॥ 3-169-19 (22457)
পুরৈবাগমনাদস্মাদ্বেদাহং ৎবাং ধনংজয়।
অতঃ পরং ৎবহং বৈ ৎবাং দর্শয়ে ভরত্রষভ ॥ 3-169-20 (22458)
ৎবয়া হি তীর্থেষু পুরা সমাপ্লাবঃ কৃতোঽসকৃৎ।
তপশ্চেদং মহত্ৎপ্তং স্বর্গং গন্তাসি পাণ্ডব ॥ 3-169-21 (22459)
ভূয়শ্চৈব চ তপ্তব্যং তপশ্চরণমুত্তমম্।
`দুশ্চরং ঘোরমস্ত্রাণাং তপোবলকরং তব' ॥ 3-169-22 (22460)
স্বর্গস্ৎববশ্যং গন্তব্যস্ৎবয়া শত্রুনিষূদন।
মাতলির্মন্নিয়োগাত্ৎবাং ত্রিদিবং প্রাপয়িষ্যতি ॥ 3-169-23 (22461)
বিদিতস্ৎবংহি দেবানাং মুনীনাং চ মহাত্মনাম্।
`ইহস্থঃ পাণ্ডবশ্রেষ্ঠ তপঃ কুর্বন্সুদুষ্করম্' ॥ 3-169-24 (22462)
ততোঽহমব্রুবং শক্রং প্রসীদ ভগবন্মম।
আচার্যং বরয়েঽহং ৎবামস্ত্রার্থং ত্রিদশেশ্বর ॥ 3-169-25 (22463)
ইন্দ্র উবাচ। 3-169-26x (2311)
ক্রূরকর্মাঽস্ত্রবিত্তাত ভবিষ্যসি পরংতপ।
যদর্থমস্ত্রাণীপ্সুস্ৎবং তং কামং পাণ্ডবাপ্নুহি ॥ 3-169-26 (22464)
ততোঽহমব্রুবং নাহং দিব্যান্যস্ত্রাণি শত্রুহন্।
মানুষেষু প্রয়োক্ষ্যামি বিনাঽস্ত্রপ্রতিঘাতনাৎ ॥ 3-169-27 (22465)
তানি দিব্যানি মেঽস্ত্রাণি প্রয়চ্ছ বিবুধাধিপ।
লেকাংশ্চাস্ত্রজিতান্পশ্চাল্লভেয়ং সুরপুঙ্গব ॥ 3-169-28 (22466)
ইন্দ্র উবাচ। 3-169-29x (2312)
পরীক্ষার্থং ময়ৈতত্তে বাক্যমুক্তং ধনংজয়।
মমাত্মজস্য বচনং সূপপন্নমিদং তব ॥ 3-169-29 (22467)
শিক্ষ মে ভবনং গৎবাসর্বাণ্যস্ত্রাণি ভারত।
বায়োরগ্নের্বসুভ্যোঽপি বরুণাৎসমরুদ্গণাৎ ॥ 3-169-30 (22468)
সাধ্যং পৈতামহং চৈব গন্ধর্বোরগরক্ষসাম্।
বৈষ্ণবানি চ সর্বাণি নৈর্ঋতানি তথৈব চ ॥ 3-169-31 (22469)
মদ্গতানি চ জানীহি সর্বাস্ত্রাণি কুরূদ্বহ।
এবমুক্ৎবা তু মাং শক্রস্তত্রৈবান্তরধীয়ত ॥ 3-169-32 (22470)
অথাপশ্যং হরিয়ুজং রথমৈন্দ্রমুপস্থিতম্।
দিব্যং মায়াময়ং পুণ্যং যত্তং মাতলিনা নৃপ ॥ 3-169-33 (22471)
লোকপালেষু যাতেষু মামুবাচাথ মাতলিঃ।
দ্রষ্টুমিচ্ছতি শক্রস্ৎবাং দেবরাজো মহাদ্যুতে ॥ 3-169-34 (22472)
সংসিদ্ধস্ৎবং মহাবাহো কুরু কার্যমনুত্তমম্।
পশ্য পুণ্যকৃতাং লোকান্সশরীরো দিবং ব্রজ ॥ 3-169-35 (22473)
দেবরাজঃ সহস্রাক্ষস্ৎবাং দিদৃক্ষতি ভারত।
ইত্যুক্তোঽহং মাতলিনা গিরিমামন্ত্র্য শৈশিরম্ ॥ 3-169-36 (22474)
প্রদক্ষিণমুপাবৃত্য সমারোহং রথোত্তমম্।
চোদয়ামাস স হয়ান্মনোমারুতরংহসঃ ॥ 3-169-37 (22475)
[মাতলির্হয়তত্ৎবজ্ঞো যথাবদ্ভূরিদক্ষিণঃ।
অবৈক্ষত চ মে বক্রৃংস্তিতস্যাথ সসারথিঃ।
তথা ভ্রান্তে রথে রাজন্বিস্মিতশ্চেদমব্রবীৎ ॥ 3-169-38 (22476)
অত্যদ্ভুতমিদং ৎবদ্যবিচিত্রং প্রতিভাতি মে।
যদাস্থিতো রথং দিব্যং পদান্ন চলিতঃ পদম্ ॥] 3-169-39 (22477)
দেবরাজোঽপিহি ময়া নিত্যমত্রোপলক্ষিতঃ।
বিচলন্প্রথমোৎপাতে হয়ানাং ভরতর্ষভ ॥ 3-169-40 (22478)
ৎবং পুনঃ স্থিত এবাত্ররথে ভ্রান্তে কুরূদ্বহ।
অতিশক্রমিদং সর্বং তবেতি প্রতিভাতি মে ॥ 3-169-41 (22479)
ইত্যুক্ৎবাঽঽকাশমাবিশ্য মাতলির্বিবুধালয়ান্।
দর্শয়ামাস মে রাজন্বিমানানি চ ভারত ॥ 3-169-42 (22480)
[স রথো হরিভির্যুক্তো হ্যূর্ধ্বমাচক্রমে ততঃ।
ঋষয়ো দেবতাশ্চৈব পূজয়ন্তি নরোত্তম ॥ 3-169-43 (22481)
ততঃ কামগমাঁল্লোকানপশ্যং বৈ সুরর্ষিণাম্।
গন্ধর্বাপ্সরসাং চৈব প্রভাবমমিতৌজসাম্ ॥] 3-169-44 (22482)
নন্দনাদীনি দেবানাং বনান্যুপবনানি চ।
দর্শয়ামাস মে শীঘ্রং মাতলিঃ শক্রসারথিঃ ॥ 3-169-45 (22483)
ততঃ শক্রস্য ভবনমপশ্যভমরাবতীম্।
দিব্যৈঃ কামফলৈর্বৃক্ষৈ রত্নৈশ্চ সমলংকৃতাম্ ॥ 3-169-46 (22484)
ন তাং ভাসয়তে সূর্যো ন শীতোষ্ণে ন চ ক্লমঃ।
ন বাধতে তত্ররজস্তত্রাস্তি ন জরা নৃপ ॥ 3-169-47 (22485)
ন তত্রশোকো দৈন্যং বা বৈবর্ণ্যং চোপলক্ষ্যতে।
দিবৌকসাং মহারাজ ন গ্লানিররিমর্দন।
ন ক্রোধলোভৌ তত্রাস্তামশুবং বা বিশাংপতে ॥ 3-169-48 (22486)
নিত্যং তুষ্টাশ্ তে রাজন্প্রাণিনঃ সুরবেশ্মনি।
নিত্যপুষ্পফলাস্তত্র পাদপা হরিতচ্ছদাঃ ॥ 3-169-49 (22487)
পুষ্করিণ্যশ্চ বিবিধাঃ পদ্মসৌগন্ধিকায়ুতাঃ।
শীতস্তত্রববৌ বায়ুঃ সুগন্ধো বীজতে শুভঃ ॥ 3-169-50 (22488)
সর্বরত্নবিচিত্রা চ ভূমিঃ পুষ্পবিভূষিতা।
মৃগদ্বিজাশ্চ বহবো রুচিরা মধুরস্বরাঃ।
বিমানগামিনশ্চাত্রদৃশ্যন্তে বহবোঽমরাঃ ॥ 3-169-51 (22489)
ততোঽপশ্যং বসূন্রুদ্রান্সাধ্যাংশ্চ সমরুদ্গণান্।
আদিত্যানশ্বিনৌ চৈব তান্সর্বান্প্রত্যপূজয়ম্ ॥ 3-169-52 (22490)
তে মাং বীর্যেণ যশসা তেজসা চ বলেন চ।
অস্ত্রৈশ্চাপ্যন্বজানন্ত সংগ্রামে বিজয়েন চ ॥ 3-169-53 (22491)
প্রবিশ্য তাং পুরীং দিব্যাং দেবগন্ধর্বপূজিতাম্।
দেবরাজং সহস্রাক্ষমুপাতিষ্ঠং কৃতাঞ্জলিঃ ॥ 3-169-54 (22492)
দদাবর্ধাসনং প্রীতঃ শক্রো মে দদতাংবরঃ।
বহুমানাচ্চ গাত্রাণি পস্পর্শ মম বাসবঃ ॥ 3-169-55 (22493)
তত্রাহং দেবগন্ধর্বৈঃ সহিতো ভূরিদক্ষিণৈঃ।
অস্ত্রার্তমবসং স্বর্গে শিক্ষাণোঽস্ত্রাণি ভারত ॥ 3-169-56 (22494)
বিশ্বাবসোশ্চ বৈ পুত্রশ্চিত্রসেনোঽভবৎসখা।
স চ গান্ধর্বমখিলং গ্রাহয়ামাস মাং নৃপ ॥ 3-169-57 (22495)
তত্রাহমবসং রাজন্গৃহীতাস্ত্রঃ সুপূজিতঃ।
সুখং শক্রস্ ভবনে সর্বকামসমন্বিতঃ ॥ 3-169-58 (22496)
শৃণ্বন্বৈ গীতশব্দং চ তূর্যশব্দং চ পুষ্কলম্।
পশ্যংশ্চাপ্সরসঃ শ্রেষ্ঠা নৃত্যন্তীর্ভরতর্ষভ ॥ 3-169-59 (22497)
তৎসর্বমনবজ্ঞায় তথ্যং বিজ্ঞায় ভারত।
অত্যর্থং প্রতিগৃহ্যাহমস্ত্রেষ্বেব ব্যবস্থিতঃ ॥ 3-169-60 (22498)
ততোঽতুষ্যৎসহস্রাক্ষস্তেন কামেন মে বিভুঃ।
এবং মে বসতো রাজন্নেষ কালোঽত্যগাদ্দিবি ॥ 3-169-61 (22499)
ইতি শ্রীমন্মহাভারতে অরণ্যপর্বণি নিবাতকবচয়ুদ্ধপর্বণি একোনসপ্তত্যধিকশততমোঽধ্যায়ঃ ॥ 169 ॥
Mahabharata - Vana Parva - Chapter Footnotes
3-169-11 দেবয়ানৈর্বিমানৈঃ। দেবসদ্মনিবাসিনঃ স্ত্রীবালাদয়ঃ শচীজয়ন্তাদয় ইত্যর্থঃ ॥ 3-169-14 যথাস্থানং প্রাচ্যামিন্দ্রং প্রতীচ্যাং বরুণমিত্যাদি ॥ 3-169-27 অস্ত্রস্যৈব প্রতিঘাতার্থমস্ত্রং মোক্ষ্যে নৎবন্যত্র মানুষে ॥ 3-169-33 মায়াময়মিবাত্যদ্ভুতম্ ॥ 3-169-39 পদাৎ রস্থানাৎ ন চলিতঃ। রথস্য ভ্রমণেপি দৃঢাসন ইত্যর্থঃ ॥ 3-169-44 সুরর্ষিণমিতি দৈর্ধ্যাভাব আর্ষঃ ॥ 3-169-53 অন্বজানন্ত বীর্যাদিমান্ভবেত্যাশীর্বাদান্দদুরিত্যর্থঃ ॥ 3-169-60 অনবজ্ঞায় আদৃত্য। তথ্যং যথাবৎ। অত্যথৈ পুরুষার্থ ইতি বিজ্ঞায় ॥ 3-169-61 তেন কামেন অস্ত্রেচ্ছয়া নতু ভোগেচ্ছয়া ॥অরণ্যপর্ব - অধ্যায় 170
॥ শ্রীঃ ॥
3.170. অধ্যায়ঃ 170
Mahabharata - Vana Parva - Chapter Topics
অস্ত্রবিদ্যাসমাপ্তৌ সহস্রাক্ষেণ গুরুদক্ষিণাৎবেন নিবাতকবচানাং ক্ষপণং ভিক্ষিতেনার্জুনেন তদর্থং প্রস্থানম্ ॥ 1 ॥Mahabharata - Vana Parva - Chapter Text
3-170-0 (22500)
অর্জুন উবাচ। 3-170-0x (2313)
কৃতাস্ত্রমতিবিশ্বস্তমথ মাং হরিবাহনঃ।
রসংস্পৃশ্য মূর্ধ্নি পাণিব্যামিদং বচনমব্রবীৎ ॥ 3-170-1 (22501)
ন ৎবমদ্য যুধা জেতুং শক্যঃ সুরগণৈরপি।
কিং পুনর্মানুষে লোকে মানুষৈরকৃতাত্মভিঃ ॥ 3-170-2 (22502)
অপ্রমেয়োঽপ্রধৃষ্যশ্চ যুদ্ধেষ্বপ্রতিমস্তথা।
`অজেয়স্ৎবং হি সঙ্গ্রামে সর্বৈরপিসুরাসুরৈঃ' ॥ 3-170-3 (22503)
অথাব্রবীৎপুনর্দেবঃ সংপ্রহৃষ্টতনূরুহঃ।
অস্ত্রয়ুদ্ধে সমো বীর ন তে কশ্চিদ্ভবিষ্যতি ॥ 3-170-4 (22504)
অপ্রমত্তঃ সদা দক্ষঃ সত্যবাদী জিতেন্দ্রিয়ঃ।
ব্রহ্মণ্যশ্চাস্ত্রবিচ্চাসি শূরশ্চাসি কুরূদ্বহ ॥ 3-170-5 (22505)
অস্ত্রাণি সমবাপ্তানি ৎবয়া দশ চ পঞ্চ চ।
পঞ্চভির্বিধিভিঃ পার্থ বিদ্যতে ন ৎবয়া সমঃ ॥ 3-170-6 (22506)
প্রয়োগমুপসংহারমাবৃত্তিং চ ধনঞ্জয়।
প্রায়শ্চিত্তং চ বেত্থ ৎবং প্রতীঘাতং চ সর্বশঃ ॥ 3-170-7 (22507)
তব গুর্বর্থকালোঽয়ং সমুৎপন্নঃ পরংতপ।
প্রতিজানীষ্ব তং কর্তুং ততো বেৎস্যাম্যহং পরম্ ॥ 3-170-8 (22508)
ততোঽহমব্রবং রাজন্দেবরাজমিদং বচঃ।
বিষহ্যং যন্ময়া কর্তুং কৃতমেব নিবোধ তৎ ॥ 3-170-9 (22509)
ততো মামব্রবীদ্রাজন্প্রহসন্বলবৃত্রহা।
নাবিপহ্যং তবাদ্যাস্তি ত্রিষু লোকেষু কিংচন ॥ 3-170-10 (22510)
নিবাতকবচা নাম দানবা মম শত্রবঃ।
সমুদ্রকুক্ষিমাশ্রিত্য দুর্গে প্রতিবসন্ত্যুত ॥ 3-170-11 (22511)
তিস্রঃ কোট্যঃ সমাখ্যাতাস্তুল্যরূপবলপ্রভাঃ।
তাংস্তত্রজহি কৌন্তেয় গুর্বর্থস্তে ভবিষ্যতি ॥ 3-170-12 (22512)
ততো মাতলিসংয়ুক্তং ময়ূরসমরোমভিঃ।
হয়ৈরুপেতং প্রাদান্মে রথং দিব্যং মহাপ্রভম্ ॥ 3-170-13 (22513)
ববন্ধ চৈব মে মূর্ধ্নি কিরীটমিদমুত্তমম্।
স্বরূপসদৃশং চৈব প্রাদাদঙ্গবিভূষণম্ ॥ 3-170-14 (22514)
অভেদ্যং কবচং চেদং স্পর্সরূপবদুত্তমম্।
অজরাং জ্যামিমাং চাপি গাণ্ডীবে সময়োজয়ৎ ॥ 3-170-15 (22515)
ততঃ প্রায়ামহং তেন স্যন্দনেন বিরাজতা।
যেনাজয়দ্দেবপতির্বলিং বৈরোচনিং পুরা ॥ 3-170-16 (22516)
ততো দেবাঃ সর্ব এব তেন ঘোষেণ বোধিতাঃ।
মন্বানা দেবরাজং মাং সমাজগ্মুর্বিশাংপতে ॥ 3-170-17 (22517)
দৃষ্ট্বা চ মামপৃচ্ছন্ত কিং করিষ্যসি ফল্গুন।
তানব্রুবং যথাভূতমিদং কর্তাঽস্মি সংয়ুগে ॥ 3-170-18 (22518)
নিবাতকবচানাং তু প্রস্থিতং মাং তধৈপিণম্।
নিবোধত মহাভাগা শিবং চাশাস্ত মেঽনঘাঃ ॥ 3-170-19 (22519)
`ততো বাগ্ভিঃ প্রশস্তাভিস্ত্রিদশাঃ পৃথিবীপতে'।
তুষ্টুবুর্মাং প্রসন্নাস্তে যথা দেবং পুরংদরম্ ॥ 3-170-20 (22520)
রথেনানেন মঘবা জিতবাঞ্শম্বরং যুধি।
নমুচিং বলবৃত্রৌ চ প্রহ্লাদনরকাবপি ॥ 3-170-21 (22521)
বহূনি চ সহস্রাণি প্রয়ুতান্যর্বুদান্যপি।
রথেনানেন দৈত্যানাং জিতবান্মঘবা যুধি ॥ 3-170-22 (22522)
ন্বমপ্যনেন কৌন্তেয় নিবাতকবচান্রণে।
বিজেতা যুধি বিক্রম্য পুরেব মঘবা বশী ॥ 3-170-23 (22523)
অয়ংচ শঙ্খপ্রবরো যেন জেতাসি দানবান্।
অনেন বিজিতা লোকা শক্রেণাপি মহাত্মনা ॥ 3-170-24 (22524)
প্রদীয়মানং দেবৈস্তং দেবদত্তং জলোদ্ভবম্।
প্রত্যগৃহ্ণাং জয়ায়ৈনং স্তূয়মানস্তদাঽমরৈঃ ॥ 3-170-25 (22525)
স শঙ্খী কবচী বাণী প্রগৃহীতশরাসনঃ।
দানবালয়মত্যুগ্রং প্রয়াতোস্মি যুয়ুৎসয়া ॥ 3-170-26 (22526)
ইতি শ্রীমন্মহাভারতে অরণ্যপর্বণি নিবাতকবচয়ুদ্ধপর্বণি সপ্তত্যধিকশততমোঽধ্যায়ঃ ॥ 170 ॥
Mahabharata - Vana Parva - Chapter Footnotes
3-170-6 পঞ্চভিঃ প্রয়োগাদিভিঃ ॥ 3-170-7 আবৃত্তিঃ পুনঃপুনঃ প্রয়োগোপসংহারৌ। প্রায়শ্চিত্তং অস্ত্রাগ্নিনা দগ্ধানামনাগসাং পুনরুজ্জীবনম্। প্রতীঘাতং পরাস্ত্রেণাভিভূতস্য স্বাস্ত্রস্যোদ্দীপনম্ ॥ 3-170-8 গুর্বর্যো দক্ষিণা। বেৎস্যামি বেদয়িষ্যামি। পরং কার্যমিতি শেষঃ ॥ 3-170-9 বিষহ্যং শক্যম্ ॥ 3-170-16 প্রায়াং প্রয়াণং কৃতবান্ ॥ 3-170-19 আশাস্ত আশাধ্বম্ ॥অরণ্যপর্ব - অধ্যায় 171
॥ শ্রীঃ ॥
3.171. অধ্যায়ঃ 171
Mahabharata - Vana Parva - Chapter Topics
পার্থেন নিবাতকবচৈঃ সহ যুয়ুৎসয়া মাতলিসনাথেনেন্দ্ররথেন তৎপুরংপ্রতি গমনম্ ॥ 1 ॥ অর্জুনশঙ্খধ্বনিশ্রবণেন সন্নদ্ধৈর্নিবাতকবচৈস্তেন সহ যুদ্ধারম্ভঃ ॥ 2 ॥Mahabharata - Vana Parva - Chapter Text
3-171-0 (22527)
অর্জুন উবাচ। 3-171-0x (2314)
ততোঽহং স্তূয়মানস্তু তত্রতত্র সুরপিভিঃ।
অপশ্যমুদধিং ভীমমপাংপতিমথাব্যযম্ ॥ 3-171-1 (22528)
ফেনবত্যঃ প্রকীর্ণাশ্চ সংহতাশ্চ সমুচ্ছিতাঃ।
ঊর্ময়শ্চাত্র দৃশ্যন্তে চলন্তইব পর্বতাঃ ॥ 3-171-2 (22529)
নাবঃ সহস্রশস্তত্র রত্নপূর্ণাঃ সমন্ততঃ।
`নভসীব বিমানানি বিচরন্ত্যো বিরেজিরে' ॥ 3-171-3 (22530)
তিমিঙ্গিলাঃ কচ্ছপাশ্ তথা তিমিতিভিঙ্গিলাঃ।
মকরাশ্চাত্র দৃশ্যন্তে জলে মপ্রা ইবাদ্রয়ঃ ॥ 3-171-4 (22531)
শঙ্খানাং চ মহবাণি মগ্রান্যপ্সু মমন্ততঃ।
দৃশ্যন্তে স্ম যথা রাত্রৌ তারাস্তন্বভ্রমংবৃতাঃ ॥ 3-171-5 (22532)
তথা সহস্রশস্তত্ররত্নসঙ্ঘাঃ প্লবন্ত্যুত।
বায়ুশ্ ঘৃর্ণতে ভীমস্তদদ্ভুতমিবাভবৎ ॥ 3-171-6 (22533)
তমতীত্য মহাবেগং সর্বাম্ভোনিধিমুত্তমম্।
অপশ্যং দানবাকীর্ণং তদ্দৈত্যপুরমন্তিকাৎ ॥ 3-171-7 (22534)
তত্রৈব মাতলিস্তৃণং নিপাত্য পৃথিবীতলে।
দানবান্রথঘোপেণ তন্পুরং সমুপাদ্রবৎ ॥ 3-171-8 (22535)
রথঘোষং তু তং শ্রুৎবা স্তনয়িত্নোগ্বিম্বরে।
মন্বানা দেবরাজং মামাবিগ্না দানবাঽভবন্ ॥ 3-171-9 (22536)
সর্বে সংভ্রান্তমনসঃ শগ্চাপধরাঃ স্থিতাঃ।
তথাঽসিশূলপরশুগদামুসলপাণয়ঃ ॥ 3-171-10 (22537)
ততো দ্বারাণি পিদধুর্দানবাস্ত্রস্তচেতসঃ।
সংবিধায় পুরে রক্ষাং ন স্ম কশ্চন দৃশ্যতে ॥ 3-171-11 (22538)
ততঃ শঙ্খমুপাদায় দেবদত্তং মহাস্বনম্।
পরমাং মুদমাশ্রিত্য প্রাধমং তং শনৈরহম্ ॥ 3-171-12 (22539)
স তু শব্দো দিবং স্তব্ধ্বা প্রতিশব্দমজীজনৎ।
বিত্রেসুশ্চ নিলিল্যুশ্চ ভূতানি সুমহান্ত্যপি ॥ 3-171-13 (22540)
ততো নিবাতকবচাঃ সর্ব এব সমন্ততঃ।
দংশিতা বিবিধৈস্ত্রাণৈর্বিচিত্রায়ুপাণয়ঃ ॥ 3-171-14 (22541)
আয়সৈশ্র মহাশূলৈর্গদাভির্মুসলৈরপি।
পট্টসৈঃ করবালৈশ্চ রথচক্রৈশ্চ ভারত ॥ 3-171-15 (22542)
শতঘ্নীভির্ভুশুণ্ডীভিঃ খঙ্গৈশ্চিত্রৈঃ স্বলংকৃতৈঃ।
প্রগৃহীতৈর্দিতেঃ পুত্রাঃ প্রাদুরাসন্সহস্রশঃ ॥ 3-171-16 (22543)
ততো বিচার্য বহুশো রথমার্গেষু তান্হয়ান্।
প্রাচোদয়ৎসমে দেশে মাতলির্ভরতর্ষভ ॥ 3-171-17 (22544)
তেন তেষাং প্রণুন্নানাসাশুৎবাচ্ছীঘ্রগামিনাম্।
নান্বপশ্যত্তদা কশ্রিত্তন্মেঽদ্ভুতমিবাভবৎ ॥ 3-171-18 (22545)
ততস্তে দানবাস্তত্রয়োধবাতান্যনেকশঃ।
বিকৃতস্বররূপাণি ভৃশং সর্বাণ্যচোদয়ন্ ॥ 3-171-19 (22546)
3-171-20 (22547)
তেন শব্দেন সহসা সমুদ্রে পর্বতোপমাঃ।
আপ্লবন্ত গতৈঃ সৎবৈর্মৎস্যাঃ শতসহস্রশঃ ॥
Mahabharata - Vana Parva - Chapter Footnotes
3-171-4 তিমির্মৎস্যস্ত গিলতি মহামতস্যস্তিমিগিলঃ তমপি গিলতীতি তিমিতিমিগিলঃ। তিমিরিব গিলনীয়স্তিমিগিলো যস্যেতি বিগ্রহঃ ॥ 3-171-6 ঘূর্মতে ভ্রমতি ॥ 3-171-13 দিবং স্তব্ধ্বা আকাশ ব্যাপ্য ॥ 3-171-14 দশিতাঃ সন্নদ্ধাঃ। ত্রাণৈঃ কবচৈঃ ॥ 3-171-19 ততস্তেদানবাস্তত্র বাদিত্রাণি সহস্রশঃ। বিকৃতস্বররূপাণি ভৃশং সর্বাণ্যনাদয়ন্ ইতি ঝ. পাঠঃ ॥ 3-171-20 আপ্লবন্ত পলায়নে কৃতবন্তঃ। গতৈঃ সৎবৈর্বিগতাভির্বুদ্ধিভিরুপলক্ষিতা ভ্রান্তা ইত্যর্থঃ ॥ 3-171-24 তারকাময়ে ইতি ঝ. পাঠঃ। তত্র তারকাময়ে তারার্থে সংগ্রামে ইত্যর্থঃ ॥অরণ্যপর্ব - অধ্যায় 172
॥ শ্রীঃ ॥
3.172. অধ্যায়ঃ 172
Mahabharata - Vana Parva - Chapter Topics
অর্জুনস্য নিবাতকবচৈঃ সহ যুদ্ধম্ ॥ 1 ॥Mahabharata - Vana Parva - Chapter Text
3-172-0 (22548)
অর্জুন উবাচ। 3-172-0x (2315)
ততো নিবাতকবচাঃ সর্বেবেগেন ভারত।
অভ্যদ্রবন্মাং সহিতাঃ প্রগৃহীতায়ুধা রণে ॥ 3-172-1 (22549)
আচ্ছাদ্য রথপন্থানমুৎক্রোশন্তো মহারথাঃ।
অবৃত্য সর্বতস্তে মাং শরবর্ষৈরবাকিরন্ ॥ 3-172-2 (22550)
ততোঽপরে মহাবীর্যাঃ শূলপট্টসপাণয়ঃ।
শূলানি চ ভুশুণ্ডীশ্চ মুমুচুর্দানবা ময়ি ॥ 3-172-3 (22551)
সুমহত্তুমুলং বর্ষং গদাশক্তিসমাকুলম্।
অনিশং সৃজ্যমানং তৈরপতন্মদ্রথোপরি ॥ 3-172-4 (22552)
অন্যে মামভ্যধাবন্ত নিবাতকবচা সুধি।
শিতশস্ত্রায়ুধা রৌদ্রাঃ কালরূপাঃ প্রহারিণঃ ॥ 3-172-5 (22553)
তানহং বিবিধৈর্বাণৈর্বেগবদ্ভিরজিহ্মগৈঃ।
গাণ্ডীবমুক্তৈরভ্যঘ্নমেকৈকং দশভির্মৃধে ॥ 3-172-6 (22554)
তে কৃতা বিমুখাঃ সর্বে মৎপ্রয়ুক্তৈঃ শিলাশিতৈঃ।
ততো মাতলিনা তূর্ণং হয়াস্তে সংপ্রয়োদিতাঃ ॥ 3-172-7 (22555)
অথ মার্গান্বহূস্তত্র বিচেরুর্বাতরংহসঃ।
সুসংয়তা মাতলিনা প্রামথ্নন্ত দিতেঃসুতান্ ॥ 3-172-8 (22556)
শতং শতাস্তে হরয়স্তস্মিন্যুক্তা মহারথে।
তদা মাতলিনা যথ্তা ব্যচরন্নল্পকা ইব ॥ 3-172-9 (22557)
তেষাং চরণপাতেন রথনেমিস্বনেন চ।
মম বাণনিপাতৈশ্চ হতাস্তে শতশোঽসুরাঃ ॥ 3-172-10 (22558)
গতাসবস্তথৈবান্যে দানবাঃ পাণ্ডবর্ষভ।
হতসারথয়স্তত্র ব্যকৃষ্যন্ত তুরংগমৈঃ ॥ 3-172-11 (22559)
তে দিশো বিদিশঃ সর্বে প্রতিরুধ্য প্রহারিণঃ।
অভ্যঘ্নন্বিবিধৈঃ শস্ত্রৈস্ততো মে ব্যথিতং মনঃ ॥ 3-172-12 (22560)
ততোঽহং মাতলের্বীর্যমদ্ভুতং সমদর্শয়ম্।
অশ্বাংস্তথা বেগবতো যদয়ত্নাদধারয়ৎ ॥ 3-172-13 (22561)
ততোঽহং লঘুভিশ্চিত্রৈরস্ত্রৈস্তানসুরান্রণে।
চিচ্ছেদ সায়ুধান্রাজঞ্ছতশোঽথ সহস্রশঃ ॥ 3-172-14 (22562)
এবং মে চরতস্তত্র সর্বয়ত্নেন শত্রুহন্।
প্রীতিমানভবদ্বীরো মাতলিঃ শক্রসারথিঃ ॥ 3-172-15 (22563)
বধ্যমানাস্ততস্তৈস্তু হয়ৈস্তেন রথেন চ।
অগমন্প্রক্ষয়ং কেচিন্ন্যবর্তন্ত তথাঽপরে ॥ 3-172-16 (22564)
স্পর্ধমানা ইবাস্মাভির্নিবাতকবচা রণে।
শরবর্ষৈঃ শরার্তং মাং মহদ্ভিঃ প্রত্যবারয়ন্ ॥ 3-172-17 (22565)
শরবেগৈর্নিহত্যাহমস্ত্রৈঃ শরবিঘাতিভিঃ।
জ্বলদ্ভিঃ পরমৈঃ শীঘ্রৈস্তানবিধ্যং সহস্রশঃ ॥ 3-172-18 (22566)
ততঃ সংপীড্যমানাস্তে ক্রোধাবিষ্টা মহাসুরাঃ।
অপীডয়ন্মাং সহিতাঃ শক্তিশূলাসিবৃষ্টিভিঃ ॥ 3-172-19 (22567)
ততোঽহমস্ত্রং প্রায়ুঞ্জং গান্ধর্বং নাম ভারত।
দয়িতং দেবরাজস্ মাধবং নাম ভারত ॥ 3-172-20 (22568)
ততঃ খঙ্গাংস্ত্রিশূলাংশ্চ তোমরাংশচ্ সহস্রশঃ।
অস্ত্রবীর্যেণ শতধা তৈর্মুক্তানহমচ্ছিদম্ ॥ 3-172-21 (22569)
ছিত্ৎবা প্রহরণান্যেষাং ততস্তানপি সর্বশঃ।
প্রত্যবিধ্যমহং রোষাদ্দশভির্দশভিঃ শরৈঃ ॥ 3-172-22 (22570)
গাণ্ডীবাদ্ধি তদা সঙ্খ্যে যথা ভ্রমরপঙ্ক্তয়ঃ।
নিষ্পতন্তি মহাবাণাস্তন্মাতলিরপূজয়ৎ ॥ 3-172-23 (22571)
তেষামপি তু বাণাস্তে বহুৎবাচ্ছলভা ইব।
অবাকিরন্মাং বলবত্তানহং ব্যধমং শরৈঃ ॥ 3-172-24 (22572)
বধ্যমানাস্ততস্তে তু নিবাতকবচাঃ পুনঃ।
শরবর্ষৈর্মহদ্ভির্মাং সমন্তাৎপর্যবারয়ন্ ॥ 3-172-25 (22573)
শরবেগান্নিহত্যাহমস্ত্রৈরস্ত্রবিঘাতিভিঃ।
জ্বলদ্ভিঃ পরমৈঃ শীঘ্রৈস্তানবিধ্যং সহস্রশঃ ॥ 3-172-26 (22574)
তেষাং ছিন্নানি গাত্রাণি বিসৃজন্তিস্ম শোণিতম্।
প্রাবৃষীবাভিবৃষ্টানি শৃঙ্গাণ্যথ ধরাভৃতাম্ ॥ 3-172-27 (22575)
ইন্দ্রাশনিসমস্পর্শৈর্বেগবদ্ভিরজিহ্মগৈঃ।
মদ্বাণৈর্বধ্যমানাস্তে সমুদ্বিগ্রাঃ স্ম দানবাঃ ॥ 3-172-28 (22576)
শতধা ভিন্নদেহাস্তে ক্ষীণপ্রহরণৌজসঃ।
ততো নিবাতকবচা মাময়ুধ্যন্ত মায়যা ॥ 3-172-29 (22577)
ইতি শ্রীমন্মহাভারতে অরণ্যপর্বণি নিবাতকবচয়ুদ্ধপর্বণি দ্বিসপ্তত্যধিকশততমোঽধ্যায়ঃ ॥ 172 ॥
Mahabharata - Vana Parva - Chapter Footnotes
3-172-9 শতাঃ শতানি অয়ুতমিত্যর্থঃ। হরয়োঽশ্বাঃ ॥ 3-172-14 চিচ্ছেদ অহমিতি শেষঃ ॥ 3-172-20 মাধবং নাম মধোর্দৈত্যস্ বধার্ধং নির্মিতৎবাৎ। দেবরাজস্য ব্রহ্মদণ্ডসমংরণে ইতি ধ. পাঠঃ ॥অরণ্যপর্ব - অধ্যায় 173
॥ শ্রীঃ ॥
3.173. অধ্যায়ঃ 173
Mahabharata - Vana Parva - Chapter Topics
অর্জুনেন দিব্যাস্ত্রৈর্মায়ানিরসনপূর্বক্ দৈত্যহননম্ ॥ 1 ॥Mahabharata - Vana Parva - Chapter Text
3-173-0 (22578)
অর্জুন উবাচ। 3-173-0x (2316)
ততোঽশ্মবর্ষং সুমহৎপ্রাদুরাসীৎসমন্ততঃ।
নগমাত্রৈঃ শিলাখণ্ডৈস্তন্মাং দৃঢমপীডয়ৎ ॥ 3-173-1 (22579)
তদহং বজ্রসংকাশৈঃ শরৈরিনদ্রাস্ত্রচোদিতৈঃ।
অচূর্ণয়ং বেগবদ্ভিঃ শতধৈকৈকমাহবে ॥ 3-173-2 (22580)
চূর্ণ্যমানেঽশ্মবর্ষে তু যাবকঃ সমজায়ত।
তত্রাশ্মচূর্ণা ন্যপতন্পাবকপ্রকরা ইব ॥ 3-173-3 (22581)
ততোঽশ্মবর্ষে বিহতে জলবর্ষং মহত্তরম্।
ধারাভিরক্ষমাত্রাভিঃ প্রাদুরাসীনমমান্তিকে ॥ 3-173-4 (22582)
নভস প্রচ্যুতা ধারাস্তিগ্মবীর্যাঃ সহস্রশঃ।
আবৃণ্বন্সর্বতো ব্যোম দিশশ্চোপদিশস্তথা ॥ 3-173-5 (22583)
ধারাণাং চ নিপাতেন বায়োর্বিষ্ফূর্জিতেন চ।
গর্জিতেন চ মেঘানাং ন প্রাজ্ঞায়ত কিংচন ॥ 3-173-6 (22584)
ধারা দিবি চ সংবদ্ধা বসুধায়াং চ সর্বশঃ।
ব্যামোহয়ন্ত মাং তত্রনিপতন্ত্যোঽনিশং ভুবি ॥ 3-173-7 (22585)
তত্রোপদিষ্টমিন্দ্রেণ দিব্যমস্ত্রং বিশোষণম্।
দীপ্তং প্রাহিণবং ঘোরমশুপ্যত্তেন তজ্জলম্ ॥ 3-173-8 (22586)
হতেঽশ্মবর্ষে চ ময়া জলবর্ষে চ শোষিতে।
মুমুচুর্দানবা মায়ামগ্নিং বায়ুং চ ভারত ॥ 3-173-9 (22587)
ততোঽহমগ্নিং ব্যধমং সলিলাস্ত্রেণ সর্বশঃ।
শৈলেন চ মহাস্ত্রেণ বায়োরবেগমধারয়ম্ ॥ 3-173-10 (22588)
তস্যাং প্রতিহতায়াং তে দানবা যুদ্ধদুর্মদাঃ।
প্রাকুর্বন্বিবিধাং মায়াং যৌগপদ্যেন ভারত ॥ 3-173-11 (22589)
ততো বর্ষং প্রাদুরভূৎসুমহদ্রোমহর্ষণম্।
অস্ত্রাণাং ঘোররূপাণামগ্নের্বায়োস্তথাঽশ্মনাম্ ॥ 3-173-12 (22590)
সা তু মায়াময়ী বৃষ্টিঃ পীডয়ামাস মাং যুধি।
অথ ঘোরং তমস্তীব্রং প্রাদুরাসীৎসমন্ততঃ ॥ 3-173-13 (22591)
তমসা সংবৃতেলোকে ঘোরেণ পরুষেণ চ।
হরয়ো বিমুখাশ্চাসন্প্রাস্খলচ্চাপি মাতলিঃ ॥ 3-173-14 (22592)
হস্তাদ্ধিরণ্ময়শ্চাস্য প্রতোদঃ প্রাপতদ্ভুবি।
অসকৃচ্চাহ মাং ভীতঃ কিং করিষ্যাব ইত্যপি ॥ 3-173-15 (22593)
মাং চ ভীরাবিশত্তীব্রা তস্মিন্বিগতচেতসি।
স চ মাং বিগতজ্ঞানঃ সংত্রস্তমিদমব্রবীৎ ॥ 3-173-16 (22594)
সুরাণামসুরাণাং চ সংগ্রামঃ সুমহানভূৎ।
অমৃতার্থং পুরা পার্ত স চ দৃষ্টো ময়াঽনঘ ॥ 3-173-17 (22595)
শম্বরস্য বধে ঘোরঃ সংগ্রামঃ সুমহানভূৎ।
সারথ্যং দেবরাজস্য তত্রাপি কৃতবানহম্ ॥ 3-173-18 (22596)
তথৈব বৃত্রস্য বধে সংগৃহীতা হয়া ময়া।
বৈরোচনের্ময়া যুদ্ধং দৃষ্টং চাপি সুদারুণম্ ॥ 3-173-19 (22597)
এতে ময়া মহাঘোরঃ সংগ্রামাঃ পর্যুপাসিতাঃ।
ন চাপি বিগতজ্ঞানো ভূতপূর্বোস্মি পাণ্ডব ॥ 3-173-20 (22598)
পিতামহেন সংহারঃ প্রজানাং বিহিতো ধ্রুবম্।
ন হি যুদ্ধমিদং যুক্তমন্যত্র জগতঃ ক্ষয়াৎ ॥ 3-173-21 (22599)
তস্য তদ্বচনং শ্রুৎবা সংস্তভ্যাত্মানমাত্মনা।
মোহয়িষ্যন্দানবানামহং মায়াবলং মহৎ ॥ 3-173-22 (22600)
অব্রুবং মাতলিং ভীতং পশ্য মে বুজয়োর্বলম্।
অস্ত্রাণাং চ প্রভাবং বৈ ধনুষো গাণ্ডিবস্য চ ॥ 3-173-23 (22601)
অদ্যাস্ত্রমায়যৈতৈষাং মায়ামেতাং সুদারুণাম্।
বিনিহন্মি তমশ্চোগ্রং মা ভৈঃ সূত স্তিরো ভব ॥ 3-173-24 (22602)
এবমুক্ৎবাহমসৃজমস্ত্রমায়াং নরাধিপ।
মোহনীং সর্বভূতানাং হিতায় ত্রিদিবৌকসাম্ ॥ 3-173-25 (22603)
পীড্যমানাসু মায়াসু তাসু তাস্বসুরোত্তমাঃ।
পুনর্বহুবিধা মায়াঃ প্রাকুর্বন্নমিতৌজসঃ ॥ 3-173-26 (22604)
পুনঃ প্রকাশমভবত্তমসা গ্রস্যতে পুনঃ।
ভবত্যদর্শনো লোকঃ পুনরপ্সু নিমজ্জতি ॥ 3-173-27 (22605)
সুসংগৃহীতৈর্হরিভিঃ প্রকাশে সতি মাতলিঃ।
ব্যচরৎস্যন্দনাগ্র্যেণ সংগ্রামে রোমহর্ষণে ॥ 3-173-28 (22606)
ততঃ পর্যপতন্নুগ্রা নিবাতকবচা ময়ি।
তানহং বিবরং দৃষ্ট্বা প্রাহণ্বং যমসাদনম্ ॥ 3-173-29 (22607)
3-173-30 (22608)
বর্তমানে তথা যুদ্ধে নিবাতকবচান্তকে।
নাপশ্যং সহসা সর্বান্দানবান্মায়যা বৃতান্ ॥
Mahabharata - Vana Parva - Chapter Footnotes
3-173-1 নগমাত্রৈঃ বৃক্ষপ্রমাণৈঃ ॥ 3-173-3 পাবকপ্রকরাঃ বহ্নিরাশয়ঃ ॥ 3-173-19 বৈরোচনেঃ বলেঃ ॥ 3-173-26 পীড্যমানাসু নশ্যমানাসু ॥অরণ্যপর্ব - অধ্যায় 174
॥ শ্রীঃ ॥
3.174. অধ্যায়ঃ 174
Mahabharata - Vana Parva - Chapter Topics
অর্জুনেন নিবাতকবচবধানন্তরং পুনঃ স্বগৈপ্রতি প্রস্তানম্ ॥ 1 ॥Mahabharata - Vana Parva - Chapter Text
3-174-0 (22609)
অর্জুন উবাচ। 3-174-0x (2317)
অদৃশ্যমানাস্তে দৈত্যা যোধয়ন্তি স্ম মায়যা।
অদৃশ্যনাস্ত্রবীর্যেণ তানপ্যহময়োধয়ম্ ॥ 3-174-1 (22610)
গাণ্ডীবমুক্তা বিশিখাঃ সম্যগস্ত্রপ্রচোদিতাঃ।
অচ্ছিন্দন্নুত্তমাঙ্গানি যত্রয়ত্র স্ম তেঽভবন্ ॥ 3-174-2 (22611)
ততো নিবাতকবচা বধ্যমানা ময়া যুধি।
সংহৃত্য রমায়াং সহসা প্রাবিশন্পুরমাত্মনঃ ॥ 3-174-3 (22612)
ব্যপয়াতেষু দৈত্যেষু প্রাদুর্ভূতে চ দর্শনে।
অপশ্যং দানবাংস্তত্র হতাঞ্শতসহস্রশঃ ॥ 3-174-4 (22613)
বিনিষ্পিষ্টানি তত্রৈষাং শস্ত্রাণ্যাভরণানি চ।
শতশঃ স্ম প্রদৃশ্যন্তে গাত্রাণি কবচানি চ ॥ 3-174-5 (22614)
হয়ানাং নান্তরং হ্যাসীৎপদাদ্বিচলিতুং পদম্।
উৎপত্য সহসা তস্থুরন্তরিক্ষগমাস্ততঃ ॥ 3-174-6 (22615)
ততো নিবাতকবচা ব্যোম সংছাদ্য কেবলম্।
অদৃশ্যা হ্যভ্যবর্তন্ত বিসৃজন্তঃ শিলোচ্চয়ান্ ॥ 3-174-7 (22616)
অন্তর্ভূমিগতাশ্চান্যে হয়ানাং চরণানথ।
ব্যগৃহ্ণন্দানবা ঘোরা রথচক্রে চ ভারত ॥ 3-174-8 (22617)
বিনিগৃহ্য হয়াংশ্চান্যে রথং চ মম যুধ্যতঃ।
সর্বতো মামবিধ্যন্ত সরথং ধরণীধরৈঃ ॥ 3-174-9 (22618)
পর্বতৈরুপচীয়দ্ভিঃ পতদ্ভিশ্চ তথাঽপরৈঃ।
স দেশো যত্রবর্তামি গুহেব সমপদ্যত ॥ 3-174-10 (22619)
পর্বতৈশ্চাদ্যমানোঽহং নিগৃহীতৈশ্চ বাজিভিঃ।
অগচ্ছং পরমামার্তিং মাতলিস্তদলক্ষয়ৎ ॥ 3-174-11 (22620)
লক্ষয়িৎবা চ মাং ভীতমিদং বচনমব্রবীৎ।
আর্জুনার্জুন মা ভৈস্ৎবং বজ্রমস্ত্রমুদীরয় ॥ 3-174-12 (22621)
ততোঽহং তস্য তদ্বাক্যং শ্রুৎবা বজ্রমুদীরয়ম্।
দেবরাজস্ দয়িতং বজ্রমস্ত্রং নরাধিপ ॥ 3-174-13 (22622)
অচলং স্থানমাসাদ্য গাণ্ডীবমনুমন্ত্র্য চ।
অমুঞ্চং বজ্রসংস্পর্শানায়তান্নিশিতাঞ্সরান্ ॥ 3-174-14 (22623)
ততো মায়াশ্ তাঃ সর্বা নিবাতকবচাংশ্চ তান্।
তে বজ্রচোদিতা বাণা বজ্রভূতাঃ রসমাবিশন্ ॥ 3-174-15 (22624)
তে বজ্রবেগবিহতা দানবাঃ পর্বতোপমাঃ।
ইতরেতরমাশ্লিষ্য ন্যপতন্পৃথিবীতলে ॥ 3-174-16 (22625)
অন্তর্ভূমৌ চ যেঽগৃহ্ণন্দানবা রথবাজিনঃ।
অনুপ্রবিশ্য তান্বাণাঃ প্রাহিণ্বন্যমসাদনম্ ॥ 3-174-17 (22626)
হতৈর্নিবাতকবচৈর্নিরস্তৈঃ পর্বতোপমৈঃ।
সমাচ্ছাদ্যত দেশঃ স বিকীর্ণৈরিব পর্বতৈঃ ॥ 3-174-18 (22627)
ন হয়ানাং ক্ষতিঃ কাচিন্ন রথস্ ন মাতলেঃ।
মম চাদৃশ্যত তদা তদদ্ভুতমিবাভবৎ ॥ 3-174-19 (22628)
ততো মাং প্রহসন্রাজন্মাতলিঃ প্রত্যভাষত।
নৈতদর্জুন দেবেষু ৎবয়ি বীর্যং যদীক্ষ্যতে ॥ 3-174-20 (22629)
হতেষ্বসুরসঙ্ঘেষু দারাস্তেষাং তু সর্বশঃ।
প্রাক্রোশন্নগরে তস্মিন্যথা শরদি লক্ষ্মণাঃ ॥ 3-174-21 (22630)
ততো মাতলিনা সার্ধমহং তৎপুরমভ্যযাম্।
ত্রাসয়ন্রথঘোষেণ নিবাতকবচস্ত্রিয়ঃ ॥ 3-174-22 (22631)
তান্দৃষ্ট্বা দশসাহস্রান্ময়ূরসদৃশান্হয়ান্।
রথং চ রবিসংকাশং প্রাদ্রবন্গণশঃ স্ত্রিয়ঃ ॥ 3-174-23 (22632)
তাভিরাভরণৈঃ শব্দস্ত্রাসিতাভিঃ সমীরিতঃ।
শিলানামিব শৈলেষু পতন্তীনামভূত্তদা ॥ 3-174-24 (22633)
বিত্রস্তা দৈত্যনার্যস্তাঃ স্বানি বেশ্মান্যথাবিশন্।
বহুরত্নবিচিত্রাণি শাতকুম্ভময়ানি চ ॥ 3-174-25 (22634)
তদদ্ভুতাকারমহং দৃষ্ট্বা নগরমুত্তমম্।
বিশিষ্টং দেবনগরাদপৃচ্ছং মাতলিং ততঃ ॥ 3-174-26 (22635)
ইদমেবংবিধং কস্মাদ্দেবতা ন বিশন্ত্যুত।
পুরংদরপুরাদ্ধীদং বিশিষ্টমিতি লক্ষয়ে ॥ 3-174-27 (22636)
মাতলিরুবাচ। 3-174-28x (2318)
আসীদিদং পুরা পার্থ দেবরাজস্য নঃ পুরম্।
ততো নিবাতকবচৈরিতঃ প্রচ্যাবিতাঃ সুরাঃ ॥ 3-174-28 (22637)
তপস্তপ্ৎবা মহত্তীব্রং প্রসাদ্য চ পিতামহম্।
ইদং বৃতং নিবাসায় দেবেভ্যশ্চাভয়ং যুধি ॥ 3-174-29 (22638)
ততঃ শক্রেণ ভগবান্স্বয়ংভূরভিচোদিতঃ।
বিধত্তাং ভগবানত্রেত্যাত্মনো হিতকাম্যযা ॥ 3-174-30 (22639)
তত উক্তো ভগবতা দিষ্টমত্রেতি ভারত।
ভবিতান্তস্ৎবমপ্যেষাং দেহেনান্যেন বৃত্রহন্ ॥ 3-174-31 (22640)
তত এষাং বধার্থায় শক্রোঽস্ত্রাণি দদৌ তব।
ন হি শক্যাঃ সুরৈর্হন্তুং য এতে নিহতাস্ৎবয়া ॥ 3-174-32 (22641)
কালস্য পরিণামেন ততস্ৎবমিহ ভারত।
এষামন্তকরঃ প্রাপ্তস্তত্ৎবয়া চ কৃতং তথা ॥ 3-174-33 (22642)
দানবানাং বিনাশার্থং মহাস্ত্রাণাং মহদ্বলম্।
গ্রাহিতস্ৎবং মহেন্দ্রেণ পুরুষেন্দ্র তদুত্তমম্ ॥ 3-174-34 (22643)
উর্জুন উবাচ। 3-174-35x (2319)
ততঃ প্রশাম্য নগরং দানবাংশ্চ নিহত্য তান্।
পুনর্মাতলিনা সার্ধমগমং দেবসদ্ম তৎ ॥ 3-174-35 (22644)
ইতি শ্রীমন্মহাভারতে অরণ্যপর্বণি নিবাতকবচয়ুদ্ধপর্বণি চতুঃসপ্তত্যধিকশততমোঽধ্যায়ঃ ॥ 174 ॥
Mahabharata - Vana Parva - Chapter Footnotes
3-174-21 লক্ষ্মণাঃ সারস্যঃ ॥ 3-174-35 প্রশাম্য প্রকর্ষেণ আলোচ্য ॥অরণ্যপর্ব - অধ্যায় 175
॥ শ্রীঃ ॥
3.175. অধ্যায়ঃ 175
Mahabharata - Vana Parva - Chapter Topics
নিবাতকবচবধানন্তরং স্বর্গংপ্রত্যাগচ্ছতাঽর্জুনেন মধ্যেমার্গং হিরণ্যপুরাবলোকনম্ ॥ 1 ॥ ততস্তদ্বাসিনাং পৌলোমানাং কালকেয়ানাং চ বধানন্তরং পুনঃ স্বর্গং প্রত্যাগমনম্ ॥ 2 ॥Mahabharata - Vana Parva - Chapter Text
3-175-0 (22645)
অর্জুন উবাচ। 3-175-0x (2320)
নিবর্তমানেন ময়া মহদ্দৃষ্টং ততোঽপরম্।
পুরং কামগমং দিব্যং পাবকার্কসমপ্রভম্ ॥ 3-175-1 (22646)
রত্নদ্রুমময়ৈশ্চিত্রৈর্ভাস্বরৈশ্চ পতত্রিভিঃ।
পৌলোমৈঃ কালকেয়ৈশ্চ রনিত্যহৃষ্টৈরধিষ্ঠিরতম্ ॥ 3-175-2 (22647)
গোপুরাট্টালকোপেতং চতুর্দ্বারং দুরাসদম্।
সর্বরত্নময়ং দিব্যমদ্ভুতোপমদর্শনম্ ॥ 3-175-3 (22648)
দ্রুমৈঃ পুষ্পলোপেতৈঃ সর্বরত্নময়ৈর্বৃতম্।
তথা পতত্রিভির্দিব্যৈরুপেতং সুমনোহরৈঃ ॥ 3-175-4 (22649)
অসুরৈর্নিত্যমুদিতৈঃ শূলর্ষ্টিমুসলায়ুধৈঃ।
চাপমুদ্গরহস্তৈশ্চ স্রগ্বিভিঃ সর্বতো বৃতম্ ॥ 3-175-5 (22650)
তদহং প্রেক্ষ্যদৈত্যানাং পুরমদ্ভুতদর্শনম্।
অপৃচ্ছং মাতলিং রাজন্কিমিদং দৃশ্যতেতি বৈ ॥ 3-175-6 (22651)
মাতলিরুবাচ। 3-175-7x (2321)
পুলোমা নাম দৈতেয়ী কালকা চ মহাসুরী।
দিব্যংবর্ষসহস্রং তে চেরতুঃ পরমং তপঃ ॥ 3-175-7 (22652)
তপসোন্তে ততস্তাভ্যাং স্বয়ংভূরদদাদ্বরম্।
অগৃহ্ণীতাং বরং তে তু সুতানামল্পদুঃখতাম্ ॥ 3-175-8 (22653)
অবধ্যতাং চ রাজেন্দ্র সুররাক্ষসপন্নগৈঃ।
পুরং সুরমণীয়ং চ স্বচরং সুকৃতপ্রভম্ ॥ 3-175-9 (22654)
সর্বরত্নৈঃ সমুদিতং দুর্ধর্ষমমরৈরপি।
মহর্ষিয়ক্ষগন্ধর্বপন্নগাসুররাক্ষসৈঃ ॥ 3-175-10 (22655)
সর্বকামগুণোপেতং বীতশোকমনাময়ম্।
ব্র্হমণো ভবনাচ্ছ্রেষ্ঠং কালকেয়কৃতং বিভো ॥ 3-175-11 (22656)
তদেতৎখপুরং দিব্যং চরত্যমরবর্জিতম্।
পৌলোমাধ্যুষিতং বীর কালকেয়ৈশ্চ দানবৈঃ ॥ 3-175-12 (22657)
হিরণ্যপুরমিত্যেবং খ্যায়তে নগরং মহৎ।
রক্ষিতংকালকেয়ৈশ্চ পৌলোমৈশ্চ মহাসুরৈঃ ॥ 3-175-13 (22658)
ত এতেমুদিতা রাজন্নবধ্যাঃ সর্বদৈবতৈঃ।
নিবসন্ত্যত্ররাজেন্দ্র গতোদ্বেগা নিরুৎসুকাঃ ॥ 3-175-14 (22659)
`সুরাসুরৈরবধ্যানাং দানবানাং ধনঞ্জয়'।
মানুষান্মৃত্যুরেতেষাং নির্দিষ্টো ব্রহ্মণা পুরা ॥ 3-175-15 (22660)
[এতানপি রণে পার্ত কালকেয়ান্দুরাসদান্।
বজ্রাস্ত্রেণ নয়স্বাশু বিনাশং সুমহাবলান্] ॥ 3-175-16 (22661)
অর্জুন উবাচ। 3-175-17x (2322)
সুরাসুরৈরবধ্যং তদহং জ্ঞাৎবা বিশাংপতে।
অব্রুবং মাতলিং হৃষ্টো যাহ্যেতৎপুরমঞ্জসা ॥ 3-175-17 (22662)
ত্রিদশেশদ্বিষো যাবৎক্ষয়মস্ত্রৈর্নয়াম্যহম্।
ন কথংচিদ্ধি মে পাপা ন বধ্যা যে সুরদ্বিষঃ ॥ 3-175-18 (22663)
উবাহ মাং ততঃ শীঘ্রং হিরণ্যপুরমন্তিকাৎ।
রথেন তেন দিব্যেন হরিয়ুক্তেন মাতলিঃ ॥ 3-175-19 (22664)
তে মামালক্ষ্য দৈতেয়া বিচিত্রাভরণাম্বরাঃ।
সমুৎপেতুর্মহাবেগা রথানাস্থায় দংশিতাঃ ॥ 3-175-20 (22665)
ততো নালীকনারাচৈর্ভল্লৈঃ শক্ত্যৃষ্টিতোমরৈঃ।
প্রত্যঘ্নন্দানবেন্দ্রা মাং ক্রুদ্ধাস্তীব্রপরাক্রমাঃ ॥ 3-175-21 (22666)
তদহং শস্ত্রবর্ষেণ মহতা প্রত্যবারয়ম্।
শস্ত্রবর্ষং মহদ্রাজন্বিদ্যাবলমুপাশ্রিতঃ ॥ 3-175-22 (22667)
ব্যামোহয়ং চ তান্সর্বান্রথমার্গৈশ্চরন্রণে।
তেঽন্যোন্যমভিসংমূঢাঃ পাতয়ন্তি স্ম দানবাঃ ॥ 3-175-23 (22668)
তেষামেবং বিমূঢানামন্যোন্যমভিধাবতাম্।
শিরাংসি বিশিখৈর্দীপ্তৈরচ্ছিন্দং শতসঙ্ঘশঃ ॥ 3-175-24 (22669)
তে বধ্যমানা দৈতেয়াঃ পুরমাস্থায় তৎপুনঃ।
খমুৎপেতুঃ সনগরা মায়ামাস্থায় দানবীম্ ॥ 3-175-25 (22670)
ততোঽহং শরবর্ষেণ মহতা কুরুনন্দন।
মার্গমাবৃত্য দৈত্যানাং গতিং চৈষামবারয়ম্ ॥ 3-175-26 (22671)
তৎপুরং খচরং দিব্যং কামগং দিব্যবর্চসম্।
দৈতেয়ৈর্বরদানেন ধার্যতে স্ম যথাসুখম্ ॥ 3-175-27 (22672)
অন্তর্ভূমৌ নিপততি পুনরূর্ধ্বং প্রতিষ্ঠতে।
পুনস্তির্যক্ প্রয়াত্যাশু পুনরপ্সু নিমজ্জতি ॥ 3-175-28 (22673)
অমরাবতিসংকাশং তৎপুরং কামগং মহৎ।
অহমস্ত্রৈর্বহুবিধৈঃ প্রত্যগৃহ্ণাং পরংতপ ॥ 3-175-29 (22674)
ততোঽহং শরজালেন দিব্যাস্ত্রনুদিতেন চ।
ব্যগৃহ্ণাং সহ দৈতেয়ৈস্তৎপুরং পুরুষর্ষভ ॥ 3-175-30 (22675)
বিক্ষত চায়সৈর্বাণৈর্মৎপ্রয়ুক্তৈরজিহ্মগৈঃ।
মহীমভ্যপতদ্রাজন্প্রভগ্নং পুরমাসুরম্ ॥ 3-175-31 (22676)
তে বধ্যমানা মদ্বাণৈর্বজ্রবেগৈরয়স্ময়ৈঃ।
পর্যভ্রমন্ত বৈ রাজন্নসুরাঃ কালচোদিতাঃ ॥ 3-175-32 (22677)
ততো মাতলিরারুহ্যপুরস্তান্নিপতন্নিব।
মহীমবাতরৎক্ষিপ্রং রথেনাদিত্যবর্চসা ॥ 3-175-33 (22678)
ততো রথসহস্রাণি ষষ্টিস্তেষামমর্ষিণাম্।
যুয়ুৎসূনাং ময়া সার্ধং পর্যবর্তন্ত ভারত।
তান্যহং নিশিতৈর্বাণৈর্ব্যধমং গার্ধ্ররাজিতৈঃ ॥ 3-175-34 (22679)
তে যুদ্ধে সংন্যবর্তন্ত সমুদ্রস্য যথোর্ময়ঃ।
নেমে শক্যা মানুষেণ যুদ্ধেনেতি প্রচিন্ত্য তৎ ॥ 3-175-35 (22680)
ততোঽহমানুপূর্ব্যেণ দিব্যান্যস্ত্রাণ্যযোজয়ম্ ॥ 3-175-36 (22681)
ততস্তানি সহস্রাণই রথিনাং চিত্রয়োধিনাম্।
অস্ত্রাণি মম দিব্যানি প্রত্যঘ্নঞ্ছনকৈরিব ॥ 3-175-37 (22682)
রথমার্গান্বিচিত্রাংস্তে বিচরন্তো মহাবলাঃ।
প্রত্যদৃশ্যন্ত সংগ্রামে শতশোঽথ সহস্রশঃ ॥ 3-175-38 (22683)
বিচিত্রমুকুটাপীডা বিচিত্রকবচধ্বজাঃ।
বিচিত্রাভরণাশ্চৈব মম প্রীতিকরাঽভবন্ ॥ 3-175-39 (22684)
অহং তুশরবর্ষৈস্তানস্ত্রপ্রচুদিতৈ রণে।
নাশক্রুবং পীডয়িতুং তে তু মাং প্রত্যপীডয়ন্ ॥ 3-175-40 (22685)
তৈঃ পীড্যমানো বহুভিঃ কৃতাস্ত্রৈঃ কুশলৈর্যুধি।
ব্যথিতোস্মি মহায়ুদ্ধে ভয়ং চাগান্মহন্মম ॥ 3-175-41 (22686)
`ততোহং পরমায়ত্তো মাতলিং পরিপৃষ্টবান্ ॥ 3-175-42 (22687)
কিমেতে মম বাণৌঘৈর্দিব্যাস্ত্রপ্রতিমন্ত্রিতৈঃ।
ন বধ্যন্তে মহাঘোরৈস্তত্ৎবমাখ্যাহি পৃচ্ছতঃ ॥ 3-175-43 (22688)
স মামুবাচ পর্যাপ্তস্ৎবমেষাং ভরতর্ষভ।
তানুদ্দিশ্যাথ মর্মাণি প্রতিঘাতং তদাচর ॥ 3-175-44 (22689)
এতচ্ছ্রুৎবা তু রাজেনদ্রসংপ্রহৃষ্টস্তমূচিবান্।
নিবর্তয় রথং শীঘ্রং পশ্য চৈতান্নিপাতিতান্ ॥ 3-175-45 (22690)
এবমুক্তো রথং তত্র মাতলিঃ পর্যবর্তয়ৎ ॥ 3-175-46 (22691)
ততো মৎবা রণে ভগ্নং দানবাঃ প্রতিহর্ষিতাঃ।
বিচুক্রুশুর্মহারাজ স্বরেণ মহতা মুহুঃ ॥ 3-175-47 (22692)
অভগ্নঃ কৈশ্চিদপ্যেষ পাণ্ডবো রণমূর্ধনি।
অস্মাভিঃ সমরে ভগ্ন ইত্যেবং সংঘশস্তদা ॥ 3-175-48 (22693)
ততোহং দেবদেবায় রুদ্রায়াব্যক্তমূর্তয়ে।
প্রয়তঃ প্রণতো ভূৎবা নমস্কৃত্য মহাত্মনে'।
যত্তদ্রৌদ্রমিতি খ্যাতং সর্বামিত্রবিনাশনম্ ॥ 3-175-49 (22694)
যত্তদ্রৌদ্রমিতি খ্যাতং সর্বামিত্রবিনাশনম্।
`মহৎপাশুপতং দিব্যং সর্বলোকনমস্কৃতম্' ॥ 3-175-50 (22695)
`ততোঽপশ্যং ত্রিশিরসং পুরুষং নবলোচনম্।
ত্রিমুখং ষঙ্ভুজং দীপ্তমর্কজ্বলনমূর্ধজম্।
লেলিহানৈর্মহানাগৈঃ কৃতচিহ্নমমিত্রহন্ ॥ 3-175-51 (22696)
বিভীস্ততস্তদস্ত্রং তু ঘোরং রৌদ্রং সনাতনম্।
দৃষ্ট্বা গাণ্ডীবসংয়োগমানীয় ভরতর্ষভ ॥ 3-175-52 (22697)
নমস্কৃৎবা ত্রিনেত্রায় শর্বায়ামিততেজসে।
মুক্তবান্দানবেন্দ্রাণাং পরাভাবায় ভারত ॥ 3-175-53 (22698)
মুক্তমাত্রে ততস্তস্মিন্রূপাণ্যাসন্সহস্রশঃ।
মৃগাণামথ সিংহানাং ব্যাগ্রাণাং চ বিশাংপতে ॥ 3-175-54 (22699)
ঋক্ষাণাং মহিষাণাং চ পন্নগানাং তথা গবাম্।
শরভাণাং গজানাং চ বানরাণাং চ সঙ্ঘশঃ।
ঋষভাণাং বরাহাণাং মার্জারাণাং তথৈব চ ॥ 3-175-55 (22700)
সালাবৃকাণাং প্রেতানাং ভুরুণ্ডানাং চ সর্বশঃ।
গৃধ্রাণাং গরুডানাং চ চমরাণাং তথৈব চ ॥ 3-175-56 (22701)
দেবানাং চ ঋষীণাং রচ গন্ধর্বাণাং চ সর্বশঃ।
পিশাচানাং সয়ক্ষাণাং তথৈব চ সুরদ্বিষাম্ ॥ 3-175-57 (22702)
গুহ্যকানাং চ সংগ্রামে নৈর্ঋতানাং তথৈব চ।
ঝষাণাং গজবক্রাণামুলূকানাং তথৈব চ ॥ 3-175-58 (22703)
মীনবাজিসরূপাণাং নানাশস্ত্রাসিপাণিনাম্।
তথৈব যাতুধানানাং গদামুদ্গরধারিণাম্ ॥ 3-175-59 (22704)
এতৈস্চান্যৈশ্চ বহুভির্নানারূপধরৈস্তদা।
সর্বমাসীজ্জগদ্ব্যাপ্তং তস্মিন্নস্ত্রে বিসর্জিতে ॥ 3-175-60 (22705)
ত্রিশিরোভিশ্চতুর্দংষ্ট্রৈশ্চতুরাস্যৈশ্চতুর্ভুজৈঃ।
অনেকরূপসংয়ুক্তৈর্মাংসমেদোবসাস্তিভিঃ ॥ 3-175-61 (22706)
অভীক্ষ্ণং বধ্যমানাস্তে দানবা যে সমাগতাঃ।
অর্কজ্বলনতেজোভির্বজ্রাশনিসমপ্রভৈঃ ॥ 3-175-62 (22707)
অদ্রিসারময়ৈশ্চান্যৈর্বাণৈরপি নিবর্হণৈঃ।
ন্যহনং দানবান্সর্বান্মুহূর্তেনৈব ভারত ॥ 3-175-63 (22708)
গাণ্ডীবাস্ত্রপ্রণুন্নাংস্তান্গতাসূন্নভসশ্চ্যুতান্।
দৃষ্ট্বাঽহং প্রাণমং ভূয়স্ত্রিপুরঘ্নায় বেধসে ॥ 3-175-64 (22709)
তথা রৌদ্রাস্ত্রনিষ্পিষ্টান্দিব্যাভরণভূষিতান্।
নিশাম্য পরমং হর্ষমগমদ্দেবসারথিঃ ॥ 3-175-65 (22710)
তদসহ্যং কৃতং কর্ম দেবৈরপি দুরাসদম্।
দৃষ্ট্বা মাং পূজয়ামাস মাতলিঃ শক্রসারথিঃ ॥ 3-175-66 (22711)
উচাচ বচনং চেদংপ্রীয়মাণঃ কৃতাঞ্জলিঃ।
`হতাংস্তান্দানবান্দৃষ্ট্বা ময়া সঙ্খ্যে সহস্রশঃ ॥ 3-175-67 (22712)
সুরাসুরৈরসহ্যং হি কর্ম যৎসাধিতং ৎবয়া।
ন হ্যেতৎসংয়ুগে কর্তুমপি শক্তঃ সুরেশ্বরঃ।
`ধ্রুবং ধনঞ্জয় প্রীতস্ৎবয়ি শক্রঃ পুরার্দন' ॥ 3-175-68 (22713)
সুরাসুরৈরবধ্যং হি পুরমেতৎখগং মহৎ।
ৎবয়া বিমথিতং বীর স্ববীর্যতপসো বলাৎ ॥ 3-175-69 (22714)
অর্জুন উবাচ। 3-175-69x (2323)
বিদ্বস্তে খপুরে তস্মিন্দানবেষু হতেষু চ।
বিনদন্ত্যঃ স্ত্রিয়ঃ সর্বা নিষ্পেতুর্নগরাদ্বহিঃ ॥ 3-175-70 (22715)
প্রকীর্ণকেশ্যো ব্যথিতাঃ কুরর্য ইব দুঃখিতাঃ।
পেতুঃ পুত্রান্পিতৃন্ভ্রাতৄঞ্শোচমানা মহীতলে ॥ 3-175-71 (22716)
রুদত্যো দীনকণ্ঠ্যস্তু নিনদন্ত্যো হতেশ্বরাঃ।
উরাংসি পাণিভির্ঘ্নন্ত্যো বিস্রস্তস্রগ্বিভূষণাঃ ॥ 3-175-72 (22717)
তচ্ছোকয়ুক্তমশ্রীকং দুঃখদৈন্যসমাহতম্।
ন বভৌ দানবপুরং হতৎবিট্কং হতেশ্বরম্ ॥ 3-175-73 (22718)
গন্ধর্বনগরাকারং হৃতনাগমিব হ্রদম্।
শুষ্কবৃক্ষমিবারণ্যমদৃশ্যমভবৎপুরম্ ॥ 3-175-74 (22719)
মাং তু সংহৃষ্টমনসং ক্ষিপ্রং মাতলিরানয়ৎ।
দেবরাজস্য ভবনং কৃতকর্মাণমাহবাৎ ॥ 3-175-75 (22720)
হিরণ্যপুরমুৎসৃজ্য নিহত্য চ মহাসুরান্।
নিবাতকবচাংশ্চৈব ততোঽহংশক্রমাগমম্ ॥ 3-175-76 (22721)
মম কর্ম চ দেবেন্দ্রং মাতলির্বিস্তরেণ তৎ।
সর্বং বিশ্রাবয়ামাস যথাভূতং মহাদ্যুতে ॥ 3-175-77 (22722)
হিরণ্যপুরঘাতং চ মায়ানাং চ নিবারণম্।
নিবাতকবচানাং চ বধং সঙ্খ্যে মহৌজসাম্।
`কালকেয়বধং চৈব অদ্ভুতং রোমহর্ষণম্' ॥ 3-175-78 (22723)
তচ্ছ্রুৎবা ভগবান্প্রীতঃ সহস্রাক্ষঃ পুরংদরঃ।
মরুদ্ভিঃ সহিতঃ শ্রীমান্সাধুসাধ্বিত্যথাব্রবীৎ।
`পরিষ্বজ্য চ মাং প্রেম্ণা মূর্ধ্নি চাঘ্রায় সস্মিতম্' ॥ 3-175-79 (22724)
ততো মাং দেবরাজো বৈ সমাশ্বাস্য পুনঃ পুনঃ।
অব্রবীদ্বিবুধৈঃ সার্ধমিদং সমধুরং বচঃ ॥ 3-175-80 (22725)
অতিদেবাসুরং কর্ম কৃতমেব ৎবয়া রণে।
গুর্বর্থশ্চ কৃতঃ পার্থ মহাশত্রূন্ঘ্নতা মম ॥ 3-175-81 (22726)
এবমেব সদা ভাব্যং স্থিরেণাজৌ ধনংজয়।
অসংমূঢেন চাস্ত্রাণাং কর্তব্যং প্রতিপাদনম্ ॥ 3-175-82 (22727)
অবিষহ্যো রণে হি ৎবং দেবদানবরাক্ষসৈঃ।
সয়ক্ষাসুরগন্ধর্বৈঃ সপক্ষিগণপন্নগৈঃ ॥ 3-175-83 (22728)
বসুধাং চাপি কৌন্তেয় ৎবদ্বাহুবলনির্জিতাম্।
পালয়িষ্যতি ধর্মাত্মা কুন্তীপুত্রো যুধিষ্ঠিরঃ ॥ 3-175-84 (22729)
ইতি শ্রীমন্মহাভারতে অরণ্যপর্বণি নিবাতকবচয়ুদ্ধপর্বণি পঞ্চসপ্তত্যধিকশততমোঽধ্যায়ঃ ॥ 175 ॥
Mahabharata - Vana Parva - Chapter Footnotes
3-175-12 খপুরং খচরৎবাৎ ॥ 3-175-18 ন বধ্যা ইতি ন অপিতু বধ্যা এব ॥ 3-175-33 আরুহ্য গগনমুৎপত্য। অবাতরৎ অবতীর্ণঃ ॥ 3-175-34 পর্যবর্তন্ত পরিবার্য অবর্তন্ত। গার্দ্ররাজিতৈঃ গৃধ্রপত্রশোভিতৈঃ ॥ 3-175-35 যুদ্ধে নিমিত্তে সতি সংন্যবর্তন্ত। ইমে বয়মিতি শেষঃ। রয়ুদ্ধেন জেতুমিতি শেষঃ ॥ 3-175-61 মাংসমেদোবসাস্থিভিঃ সংয়ুক্তৈরিতি শেষঃ ॥ 3-175-63 নিবর্হণৈর্নাশকরৈঃ ॥ 3-175-65 নিশাম্য দৃষ্ট্বা ॥অরণ্যপর্ব - অধ্যায় 176
॥ শ্রীঃ ॥
3.176. অধ্যায়ঃ 176
Mahabharata - Vana Parva - Chapter Topics
অর্জুনেন যুধিষ্ঠিরংপ্রতি ইন্দ্রেণ স্বস্মৈ সানুগ্রহং কবচকিরীটাদিদানকথনম্ ॥ 1 ॥ তথা যুধিষ্ঠিরেণ দিব্যাস্ত্রপ্রদর্শনচোদনায়াং শ্বঃপ্রদর্শনপ্রতিজ্ঞানম্ ॥ 2 ॥Mahabharata - Vana Parva - Chapter Text
3-176-0 (22730)
অর্জুন উবাচ। 3-176-0x (2324)
ততো মামিবিশ্বস্তং সংরূঢশরবিক্ষতম্।
দেবরাজোঽনুগৃহ্যেদং কালে বচনমব্রবীৎ ॥ 3-176-1 (22731)
দিব্যান্যস্ত্রাণি সর্বাণি ৎবয়ি তিষ্ঠন্তি ভারত।
ন ৎবাঽভিভবিতুং শক্তো মানুষো ভুবি কশ্চন ॥ 3-176-2 (22732)
ভীষ্মো দ্রোণঃ কৃপঃ কর্ণঃ শকুনিঃ সহ রাজভিঃ।
সংগ্রামস্থস্য তে পুত্র কলাং নার্হন্তি ষোডশীম্ ॥ 3-176-3 (22733)
ইদং চ মে তনুত্রাণং প্রায়চ্ছন্মঘবান্প্রভুঃ।
অভেদ্যং কবচং দিব্যং স্রজং চৈব হিরণ্ময়ীম্ ॥ 3-176-4 (22734)
দেবদত্তং চ মে শঙ্খং দেবঃ প্রাদান্মহারবম্।
দিব্যং চেদং কিরীটং মে স্বয়মিন্দ্রো যুয়োজ হ ॥ 3-176-5 (22735)
ততো দিব্যানি বস্ত্রাণি দিব্যান্যাভরণানি চ।
প্রাদাচ্ছক্রো মমৈতানি রুচিরাণি বৃহন্তি চ ॥ 3-176-6 (22736)
এবং সংপূজিতস্তত্রসুখমস্ম্যুষিতো নৃপ।
ইন্দ্রস্ ভবনে পুণ্যে গন্ধর্বশিশুভিঃ সহ ॥ 3-176-7 (22737)
ততো মামব্রবীচ্ছক্রঃ প্রীতিমানমরৈঃ সহ।
সময়োঽর্জুন গন্তুং তে ভ্রাতরো হি স্মরন্তি তে ॥ 3-176-8 (22738)
এবমিন্দ্রস্য ভবনে পঞ্চবর্ষাণি ভারত।
উষিতানি ময়া রাজন্স্মরতা দ্যূতজং কলিম্ ॥ 3-176-9 (22739)
ততো ভবন্তমদ্রাক্ষং ভ্রাতৃভিঃ পরিবারিতম্।
গন্ধমাদনমাসাদ্য পর্বতস্যাস্য মূর্ধনি ॥ 3-176-10 (22740)
যুধিষ্ঠির উবাচ। 3-176-11x (2325)
দিষ্ট্যা ধনংজয়াস্ত্রাণি ৎবয়া প্রাপ্তানি ভারত।
দিষ্ট্যা চারাধিতো রাজা দেবানামীশ্বরঃ প্রভুঃ ॥ 3-176-11 (22741)
দিষ্ট্যা চ ভগবন্স্থাণুর্দেব্যা সহ পরংতপঃ।
সাক্ষাদ্দৃষ্টঃ স্বয়ুদ্ধেন তোষিতশ্ ৎবয়াঽনঘ ॥ 3-176-12 (22742)
দিষ্ট্যা চ লোকপালৈস্ৎবং সমেতো ভরতর্ষভ।
দিষ্ট্যা বর্ধামহে পার্থ দিষ্ট্যাঽসি পুনরাগতঃ ॥ 3-176-13 (22743)
অদ্য কৃৎস্নামিমাং দেবীং বিজিতাং পুরমালিনীম্।
`পশ্যামি ভূমিং কৌন্তেয় ৎবয়া মে প্রতিপাদিতাম্'।
মন্যে চ ধৃতরাষ্ট্রস্য পুত্রানপি বশীকৃতান্ ॥ 3-176-14 (22744)
ইচ্ছামি তানি চাস্ত্রাণি দ্রষ্টুং দিব্যানি ভারত।
যৈস্তথা বীর্যবন্তস্তে নিবাতকবচা হতাঃ ॥ 3-176-15 (22745)
অর্জুন উবাচ। 3-176-16x (2326)
সঃ প্রভাতে ভবান্দ্রষ্টা দিব্যান্যস্ত্রাণি সর্বশঃ।
নিবাতকবচা ঘোরা যৈর্ময়া বিনিপাতিতাঃ ॥ 3-176-16 (22746)
বৈশম্পায়ন উবাচ। 3-176-17x (2327)
এবমাগমনং তত্র কথয়িৎবা ধনংজয়ঃ।
ভ্রাতৃভিঃ সহিতঃ সর্বৈ রজনীং তামুবাস হ ॥ 3-176-17 (22747)
ইতি শ্রীমন্মহাভারতে অরণ্যপর্বণি নিবাতকবচয়ুদ্ধপর্বণি ষট্সপ্তত্যধিকশততমোঽধ্যায়ঃ ॥ 176 ॥
Mahabharata - Vana Parva - Chapter Footnotes
3-176-1 অতিবিশ্বস্তং অতি অত্যন্তং বিশ্বস্তং শত্রূন্ জেষ্যতীতি বিশ্বাসো যস্মিংস্তম্। সংরূঢা দেহে নিমগ্নাঃ শরাস্তৈর্বিক্ষতম্ ॥ 3-176-2 ৎবা ৎবাম্ ॥অরণ্যপর্ব - অধ্যায় 177
॥ শ্রীঃ ॥
3.177. অধ্যায়ঃ 177
Mahabharata - Vana Parva - Chapter Topics
অর্জুনেন যুধিষ্ঠিরায় দিব্যাস্ত্রপ্রদর্শনন্ ॥ 1 ॥ অস্রতেজসা জগৎক্ষোভে সতি ইন্দ্রচোদনয়া নরাদেনার্জুনপ্রত্যস্ত্রপ্রদর্শন প্রতিষেধনম্ ॥ 2 ॥Mahabharata - Vana Parva - Chapter Text
3-177-0 (22748)
বৈশম্পায়ন উবাচ। 3-177-0x (2328)
তস্যাং রাত্র্যাং ব্যতীতায়াং ধর্মরাজো যুধিষ্ঠিরঃ।
উত্থায়াবশ্যকার্যাণি কৃতবান্ভ্রাতৃভিঃ সহ ॥ 3-177-1 (22749)
ততঃ সংচোদয়ামাস সোঽর্জুনং মাতৃনন্দনম্।
দর্শয়াস্ত্রাণি কৌন্তেয় যৈর্জিতা দানবাস্ৎবয়া ॥ 3-177-2 (22750)
ততো ধনংজয়ো রাজন্দেবৈর্দত্তানি পাণ্ডবঃ।
অস্ত্রাণি তানি দিব্যানি দর্শয়ামাস ভারত ॥ 3-177-3 (22751)
যথান্যায়ং মহাতেজাঃ শৌচং পরমমাস্থিতঃ।
`নমস্কৃত্য ত্রিনেত্রায় বাসবায় চ পাণ্ডবঃ' ॥ 3-177-4 (22752)
গিরিকূবরপাদাক্ষং শুভবেণু ত্রিবেণুমৎ।
পার্থিবং রথমাস্থায় শোভমানো ধনংজয়ঃ ॥ 3-177-5 (22753)
দিব্যেন সংবৃতস্তেন কবচেন সুবর্চসা।
ধনুরাদায় গাণ্ডীবং দেবদত্তং স বারিজম্ ॥ 3-177-6 (22754)
শোশুভ্যমানঃ কৌন্তেয় আনুপূর্ব্যান্মহাভুজঃ।
অস্ত্রাণি তানি দিব্যানি দর্শনায়োপচক্রমে ॥ 3-177-7 (22755)
অথ প্রয়োক্ষ্যমাণেষু দিব্যেষ্বস্ত্রেষু তেষু বৈ।
সমাক্রান্তা মহী পদ্ভ্যাং সমকম্পত সদ্রুমা ॥ 3-177-8 (22756)
ক্ষুভিতাঃ সরিতশ্চৈব তথৈব চ মহোদধিঃ।
শৈলাশ্চাপি ব্যদীর্যন্ত ন ববৌ চ সমীরণঃ ॥ 3-177-9 (22757)
ন বভাসে সহস্রাংশুর্ন জজ্বাল চ পাবকঃ।
ন বেদাঃ প্রতিভান্তি স্ম দ্বিজাতীনাং কথংচন ॥ 3-177-10 (22758)
অন্তর্ভূমিগতা যে চ প্রাণিনো জনমেজয়।
পীড্যমানাঃ সমুত্থায় পাণ্ডবং পর্যবারয়ন্ ॥ 3-177-11 (22759)
বেপমানাঃ প্রাঞ্জলয়স্তে সর্বে বিকৃতাননাঃ।
দহ্যমানাস্তদাঽস্ত্রৈস্তে যাচন্তি স্ম ধনংজয়ম্ ॥ 3-177-12 (22760)
ততো ব্রহ্মর্ষয়শ্চৈব সিদ্ধা যে চ মহর্ষয়ঃ।
জঙ্গমানি চ ভূতানি সর্বাণ্যেবাবতস্থিরে ॥ 3-177-13 (22761)
দেবর্ষয়শ্চ প্রবরাস্তথৈব চ দিবৌকসঃ।
যক্ষরাক্ষসগন্ধর্বাস্তথৈব চ পতত্রিণঃ।
খেচরাণি চ ভূতানি সর্বাণ্যেবাবতস্থিরে ॥ 3-177-14 (22762)
ততঃ পিতামহশ্চৈব লোকপালাশ্চ সর্বশঃ।
ভগবাংশ্চ মহাদেবঃ সগণোঽভ্যায়যৌ তদা ॥ 3-177-15 (22763)
ততো বায়ুর্মহারাজ দিব্যৈর্মাল্যৈঃ সমন্বিতঃ।
অভিতঃ পাণ্ডবংচিত্রৈরবচক্রে সমন্ততঃ ॥ 3-177-16 (22764)
জগুশ্চ গাথা বিবিধা গন্ধর্বাঃ সুরচোদিতাঃ।
ননৃতুঃ সঙ্ঘশশ্চৈব রাজন্নপ্সরসাং গণাঃ ॥ 3-177-17 (22765)
তস্মিংশ্চ তাদৃশে কালে নারদশ্চোদিতঃ সুরৈঃ।
আগম্যাহ বচঃ পার্থং শ্রবণীয়মিদং নৃপ ॥ 3-177-18 (22766)
অর্জুনার্জুন মা যুঙ্ক্ষ দিব্যান্যস্ত্রাণি ভারত।
নৈতানি নিরধিষ্ঠানে প্রয়ুজ্যন্তে কথংচন ॥ 3-177-19 (22767)
অধিষ্ঠানে ন বাঽনার্তঃ প্রয়ুঞ্জীত কদাচন।
প্রয়োগেষু মহান্দোষো হ্যস্ত্রাণাং কুরুনন্দন ॥ 3-177-20 (22768)
এতানি রক্ষ্যমাণানি ধনংজয় যথাগমম্।
বলবন্তি সুখার্হাণি ভবিষ্যন্তি ন সংশয়ঃ ॥ 3-177-21 (22769)
অরক্ষ্যমাণান্যেতানি ত্রৈলোক্যস্যাপি পাণ্ডব।
ভবন্তি স্ম বিনাশায় মৈবং ভূয়ঃ কৃথাঃ ক্বচিৎ ॥ 3-177-22 (22770)
অজাতশত্রো ৎবং চৈব দ্রক্ষ্যসে তানি সংয়ুগে।
যোজ্যমানানি পার্থে নদ্বিষতামবমর্দনে ॥ 3-177-23 (22771)
বৈশম্পায়ন উবাচ। 3-177-24x (2329)
নিবার্যাথ ততঃ পার্থং সর্বে দেবা যথাগতম্।
জগ্মুরন্যে চ যে তত্র রসমাজগ্মুর্নরর্ষভ ॥ 3-177-24 (22772)
তেষু সর্বেষু কৌরব্য প্রতিয়াতেষু পাণ্ডবাঃ।
তস্মিননেব বনে হৃষ্টাস্ত ঊষুঃ সহ কৃষ্ণয়া ॥ 3-177-25 (22773)
ইতি শ্রীমন্মহাভারতে অরণ্যপর্বণি নিবাতকবচয়ুদ্ধপর্বণি সপ্তমপ্তত্যধিকশততমোঽধ্যায়ঃ ॥ 177 ॥
Mahabharata - Vana Parva - Chapter Footnotes
3-177-2 মাতৃনন্দনং মাতুঃ সুখকরম্ ॥ 3-177-5 গিরয়এব কূবরাদয়স্তদ্বন্তম্। কূবরো যস্মিন্ যুগং ধ্রিয়তে তদ্দারু। পাদৌ চক্রে। অক্ষঃ তয়োঃ সংধানং দারু। শুভাঃ বেণবইব বেণবো যস্মিন্ তৎ শুভবেমু ত্রিবেণু অক্ষকূবরয়োঃ সংধানার্থং ত্রিশিখ দারু তদ্বন্তম্। সুপাং সুলুগিতি দ্বিতীয়ায়া আর্ষো লুক্। রথপদে বা ক্লীবৎবং ধ্যেয়ম্। পৃথিবীমেব পার্থিবং মানসং ভূমিরূপং রথম্ ॥ 3-177-6 বারিজং শঙ্খম্। দেবদত্তং নামতঃ ॥ 3-177-7 দর্শনায় দর্শয়িতুম্ ॥ 3-177-19 নিরধিষ্ঠানে লক্ষ্যাভাবে সতি ॥ 3-177-20 অধিষ্ঠানেপি বা অনার্তঃ ন প্রয়ুঞ্জীত ॥অরণ্যপর্ব - অধ্যায় 178
॥ শ্রীঃ ॥
3.178. অধ্যায়ঃ 178
Mahabharata - Vana Parva - Chapter Topics
অর্জুনসমাগমানন্তরং যুধিষ্ঠিরেণ গন্ধমাদনাদবতরণাধ্যবসায়ঃ ॥ 1 ॥ লোমশেন পাণ্ডবান্প্রতি জয়াশীর্বচনপূর্বকং স্বর্গংপ্রতি গমনম্ ॥ 2 ॥Mahabharata - Vana Parva - Chapter Text
3-178-0 (22774)
জনমেজয় উবাচ। 3-178-0x (2330)
তস্মিন্কৃতাস্ত্রে রথিনাং প্রবীরে।
প্রত্যাগতে ভবনাদ্বৃত্রহন্তুঃ।
অতঃ পরং কিমকুর্বন্ত পার্থাঃ
সমেত্য শূরেণ ধনংজয়েন ॥ 3-178-1 (22775)
বৈশম্পায়ন উবাচ। 3-178-2x (2331)
বনেষু তেষ্বেব তু তে নরেন্দ্রাঃ
সহার্জুনেনেন্দ্রসমেন বীরাঃ।
তস্মিংশ্চ শৈলপ্রবরে সুরম্যে
ধনেশ্বরাক্রীডগতা বিজহ্রুঃ ॥ 3-178-2 (22776)
বেশ্মানি তান্যপ্রতিমানি পশ্যন্
ক্রীডাশ্চ নানাদ্রুমসন্নিবদ্ধাঃ।
চচার ধন্বী বহুধা নরেন্দ্রঃ
সোঽস্ত্রেষু যত্তঃ সততং কিরীটী ॥ 3-178-3 (22777)
অবাপ্য বাসং নরদেবপুত্রাঃ
প্রসাদজং বৈশ্রবণস্য রাজ্ঞঃ।
ন প্রাণিনাং তে স্পৃহয়ন্তি রাজ-
ঞ্শিবশ্ কালঃ স বভূব তেষাম্ ॥ 3-178-4 (22778)
সমেত্য পার্থেন যথৈকরাত্র-
মূষুঃ সমাস্তত্রতথা চতস্রঃ।
পূর্বাশ্চ ষট্ তা দশ পাণ্ডবানাং
শিবা বভূবুর্বসতাং বনেষু ॥ 3-178-5 (22779)
ততোঽব্রবীদ্বায়ুসুতস্তরস্বী
জিষ্ণুশ্চ রাজানমুপোপবিশ্য।
যমৌ চ বীরৌ সুররাজকল্পা-
বেকান্তমাস্থায় হিতং প্রিয়ং চ ॥ 3-178-6 (22780)
তব প্রতিজ্ঞাং কুরুরাজ সত্যাং
চিকীর্ষমাণাস্ৎবদনুপ্রিয়ং চ।
ততো ন গচ্ছাম বনান্যপাস্য
সুয়োধনং সানুচরং নিহন্তুম্ ॥ 3-178-7 (22781)
একাদশং বর্ষমিদং বসামঃ
সুয়োধনেনাত্তসুখাঃ সুখার্হাঃ।
তং বঞ্চয়িৎবাঽধমবুদ্ধিশীল-
মজ্ঞাতবাসং সুখমাপ্নুয়াম ॥ 3-178-8 (22782)
তবাজ্ঞয়া পার্থিব নির্বিশঙ্কা
বিহায় মানং বিচরামো বনানি।
সমীপবাসেন বিলোভিতাস্তে
জ্ঞাস্যন্তি নাস্মানপকৃষ্টদেশান্ ॥ 3-178-9 (22783)
সংবৎসরং তত্র বিহৃত্য গূঢং
নরাধমং তং সুখমুদ্ধরেম।
নির্যাত্য বৈরং সফলং সপুষ্পং
তস্মৈ নরেন্দ্রাধমপূরুষায় ॥ 3-178-10 (22784)
সুয়োধনায়ানুচরৈর্বৃতায়
ততো মহীং প্রাপ্নুহি ধর্মরাজ।
স্বর্গোপমং দেশমিমং চরদ্ভিঃ
শক্যো বিহন্তুং নরদেব শোকঃ ॥ 3-178-11 (22785)
কীর্তিস্তু তে ভারত পুণ্যগন্ধা
নশ্যেদ্ধি লোকেষু চরাচরেষু।
তৎপ্রাপ্য রাজ্যংকুরুপুঙ্গবানাং
শক্যং মহৎপ্রাপ্তুমথ ক্রিয়াশ্চ ॥ 3-178-12 (22786)
ইদং তু শক্যং সততং নরেন্দ্র
প্রাপ্তুং ৎবয়া যল্লভসে কুবেরাৎ।
কুরুষ্ব বুদ্ধিং দ্বিষতাং বধায়
কৃতাগসাং ভারত নিগ্রহে চ ॥ 3-178-13 (22787)
তেজস্তবোগ্রং ন সহেত রাজন্
সমেত্য সাক্ষাদপি বজ্রপাণিঃ।
ন হি ব্যথাং জাতু করিষ্যতস্তৌ
সমেত্য দেবৈরপি ধর্মরাজ ॥ 3-178-14 (22788)
তবার্থসিদ্ধ্যর্থমপি প্রবৃত্তৌ
সুপর্ণকেতুশ্চ শিনেশ্চ নপ্তা।
যথৈব কৃষ্ণোঽপ্রতিমো বলেন
তথৈব রাজন্স শিনিপ্রবীরঃ ॥ 3-178-15 (22789)
তবার্থসিদ্ধ্যর্থমভিপ্রপন্নো
যথৈব কৃষ্ণঃ সহ যাদবৈস্তৈঃ।
তথৈব চেমৌ নরদেববর্য
যমৌ চ বীরৌ কৃতিনৌ প্রয়োগে ॥ 3-178-16 (22790)
ৎবদর্থয়োগপ্রভবপ্রধানাঃ
শমং করিষ্যাম পরান্সমেত্য ॥ 3-178-17 (22791)
বৈশম্পায়ন উবাচ 3-178-18x (2332)
ততস্তদাজ্ঞায় মতং মহাত্মা
তেষাং চ ধর্মস্য সুতো বরিষ্ঠঃ।
প্রদক্ষিণং স্থানমুপেত্য রাজা
পর্যাক্রমদ্বৈশ্রবণস্য রাজ্ঞঃ ॥ 3-178-18 (22792)
আমন্ত্র্য বেশ্মানি নদীঃ সরাংসি
সর্বাণি রক্ষাংসি চ ধর্মরাজঃ।
যথাগতং মার্গমবেক্ষমাণঃ
পুনর্গিরিং চৈব নিরীক্ষমাণঃ।
[ততো মহাত্মা স বিশুদ্ধবুদ্ধিঃ
সংপ্রার্থয়ামাস নগেন্দ্রবর্যম্ ॥] 3-178-19 (22793)
সমাপ্তকর্মা সহিতঃ সুহৃদ্ভি-
র্জিৎবা সপত্নান্প্রতিলভ্য রাজ্যম্।
শৈলেন্দ্র ভূয়স্তপসে জিতাত্মা
দ্রষ্টা তবাস্মীতি মতিং চকার ॥ 3-178-20 (22794)
বৃতশ্চ সর্বৈরনুজৈর্দ্বিজৈশ্চ
তেনৈব মার্গেণ পুনর্নিবৃত্তঃ।
উবাহ চৈনান্গণশস্তথৈব
ঘটোৎকচঃ পর্বতনির্ঝরেষু ॥ 3-178-21 (22795)
তান্প্রস্থিতান্প্রীতমনা মহর্ষিঃ
পিতেব পুত্রাননুশিষ্য সর্বান্।
স লোমশো দিবমেবোর্জিতশ্রী-
র্জগাম তেষাং বিজয়ং তদোক্ৎবা ॥ 3-178-22 (22796)
তেনার্ষ্টিষেণেন তথানুশিষ্টা-
স্তীর্তানি রম্যাণি তপোবনানি।
মহান্তি চান্যানি সরাংসি পার্থাঃ
কসংপশ্যমানাঃ প্রয়যুর্নরাগ্র্যাঃ ॥ 3-178-23 (22797)
ইতি শ্রীমন্মহাভারতে অরণ্যপর্বণি আজগরপর্বণি অষ্টসপ্তত্যধিকশততমোঽধ্যায়ঃ ॥ 178 ॥
Mahabharata - Vana Parva - Chapter Footnotes
3-178-1 বৃত্রহন্তুরিন্দ্রস্য ॥ 3-178-2 আক্রীডং উদ্যানম্ ॥ 3-178-4 বাসং স্থানম্। প্রাণিনাং ভূমিস্তানামৈশ্বর্যমিতি শেষঃ ॥ 3-178-5 পূর্বাশ্ ষট্ সমাঃ ॥ 3-178-9 অপকৃষ্টদেশান্ দূরস্থান্ ন জ্ঞাস্যন্তি অপিতু সমীপস্থানেব ॥ 3-178-10 নির্যাত্য প্রত্যর্প্য। অপকারিণেঽপকারং কৃৎবেত্যর্থঃ। ফলং রাজ্যপ্রাপ্তিঃ। পুষ্পং শত্রুবধঃ ॥ 3-178-13 নিগ্রহে চ বন্ধনে বা। ভ্রাতৃৎবাদ্বধেঽপ্রবৃত্তিশ্চেদিতি ভাবঃ ॥ 3-178-14 সমেত্য যুদ্ধং প্রাপ্য ॥ 3-178-15 সুপর্ণকেতুঃ কৃষ্ণঃ। শিনের্নপ্তা সাত্যকিঃ। এতয়োর্বীর্যং হিতকারিৎবং চাহ। তথৈবেতি। তথৈব কৃষ্ণোঽপ্রতিমো বলেন তথৈব চাহং নরদেব বর্য। ইতি ঝ. পাঠঃ। তত্র কৃষ্ণোঽর্জুনঃ। অহং ভীমসেন ইত্যর্থঃ ॥ 3-178-16 প্রয়োগেঽস্ত্রপ্রয়োগে কৃতিনৌ কুশলৌ ॥ 3-178-17 ৎবদর্থয়োগপ্রভবপ্রধানাঃ তব অর্থয়োগো ধনলাভঃ প্রভব ঐশ্বর্যোৎকর্ষস্তদ্দ্বয়ং প্রধানং তেষাং তে তথা ॥ 3-178-20 ইতি প্রার্থয়ামাসেতি পূর্বেণ সংবন্ধঃ। মতিং চকার। গমনে ইতি শেষঃ ॥অরণ্যপর্ব - অধ্যায় 179
॥ শ্রীঃ ॥
3.179. অধ্যায়ঃ 179
Mahabharata - Vana Parva - Chapter Topics
গন্ধমাদনাদবতীর্ণৈঃ পাণ্ডবৈঃ ক্রমেণ কৈলাসবৃষপর্বসুবাহ্বাদিনিবাসগমনপূর্বকং পুনর্দ্বৈতদনমেত্য সরস্বতীতীরে সুখবিহরণম্ ॥ 1 ॥Mahabharata - Vana Parva - Chapter Text
3-179-0 (22798)
বৈশম্পায়ন উবাচ। 3-179-0x (2333)
নগোত্তমং প্রস্রবণৈরুপেতং
দিশাং গজৈঃ কিন্নরপক্ষিভিশ্চ।
সুখং নিবাসং জহতাং হি তেষাং
ন প্রীতিরাসীদ্ভরতর্ষভাণাম্ ॥ 3-179-1 (22799)
ততস্তু তেষাং পুনরেব হর্ষঃ
কৈলাসমালোক্য মহান্বভূব।
কুবেরকান্তং ভরতর্ষভাণাং
মহীধরং বারিধরপ্রকাশম্ ॥ 3-179-2 (22800)
সমুচ্ছ্রয়ান্পর্বতসংনিরোধান্
গোষ্ঠান্হরীণাং গিরিগহ্বরাণি।
বহুপ্রকারাণি সমীক্ষ্যবীরাঃ
স্থলানি নিম্নানি চ তত্র তত্র ॥ 3-179-3 (22801)
তথৈব চান্যানি মহাবনানি
মৃগদ্বিজানেকপসেবিতানি।
আলোকয়ন্তোঽভিয়যুঃ প্রতীতা-
স্তে ধন্বিনাঃ খঙ্গধরা নরাগ্র্যাঃ ॥ 3-179-4 (22802)
বনানি রম্যাণি নদীঃ সরাংসি
গুহা গিরীণাং গিরিগহ্বরাণি
এতে নিবাসাঃ সততং বভূবু-
র্নিশামুখং প্রাপ্য নরর্ষভাণাম্ ॥ 3-179-5 (22803)
তে দুর্গবাসং বহুধা নিরুষ্য
ব্যতীত্য কৈলাসমচিন্ত্যরূপম্।
আসেদুরত্যর্থমনোরমং তে
তমাশ্রমাগ্র্যং বৃষপর্বণস্তু ॥ 3-179-6 (22804)
সমেত্য রাজ্ঞা বৃষপর্বণা তে
প্রত্যর্চিতাস্তেন চ বীতমোহাঃ।
শশংসিরে বিস্তরশঃ প্রবাসং
শিবং যথাবদ্বৃষপর্বণস্তে ॥ 3-179-7 (22805)
সুখোষিতাস্তস্য ত একরাত্রং
পুণ্যাশ্রমে দেবমহর্ষিজুষ্টে।
অভ্যায়যুস্তে বদরীং বিশালাং
সুখেন বীরাঃ পুনরেব বাসম্ ॥ 3-179-8 (22806)
ঊষুস্ততস্তত্র মহানুভাবা
নারায়ণস্থানগতাঃ সমগ্রাঃ।
কুবেরকান্তাং নলিনীং বিশোকাঃ
সংপশ্যমানাঃ সুরসিদ্ধজুষ্টাম্ ॥ 3-179-9 (22807)
তাং চাথ দৃষ্ট্বা নলিনীং বিশোকাঃ
পাণ্ডোঃ সুতাঃ সর্বনরপ্রধানাঃ।
তে রেমিরে নন্দনবাসমেত্য
দ্বিজর্ষয়ো বীতমলা যথৈব ॥ 3-179-10 (22808)
ততঃ ক্রমেণোপয়যুর্নৃবীরা
যথাগতেনৈব পথা সমগ্রাঃ।
বিহৃত্য মাসং সুখিনো বদর্যাং
কিরাতরাজ্ঞো বিষয়ং সুবাহোঃ ॥ 3-179-11 (22809)
চীনাংস্তুষারান্দরদাংশ্চ সর্বান্
দেশান্কুলিন্দস্য চ ভূরিরম্যান্।
অতীত্য দুর্গং হিমবৎপ্রদেশং
পুরং সুবাহোর্দদৃশুর্নৃবীরাঃ ॥ 3-179-12 (22810)
শ্রুৎবা চ তান্পার্থিব পুত্রপৌত্রা-
ন্প্রাপ্তান্সুবাহুর্বিষয়ে সমগ্রান্।
প্রত্যুদ্যযৌ প্রীতিয়ুতঃ স রাজা
তং চাভ্যনন্দন্বৃষভাঃ কুরূণাম্ ॥ 3-179-13 (22811)
সমেত্য রাজ্ঞা তু সুবাহুনা তে
সুতৈর্বিশোকপ্রমুখৈশ্চ সর্বে।
সহেনদ্রসেনৈঃ পরিচারকৈশ্চ
পৌরোগবৈর্যে চ রমহানসস্থাঃ ॥ 3-179-14 (22812)
সুখোপিতাস্তত্রত একরাত্রং
সূতান্সমাদায় রথাংশ্চ সর্বান্।
ঘটোৎকচং সানুচরং বিসৃজ্য
ততোঽভ্যযুর্যামুনমদ্রিরাজম্ ॥ 3-179-15 (22813)
তস্মিন্গিরৌ প্রস্রবণোপপন্ন-
হিমোত্তরীয়ারুণপাণ্ডুসানৌ।
বিশাখয়ূপং সমুপেত্য চক্রু-
স্তদা নিবাসং পুরুষপ্রবীরাঃ ॥ 3-179-16 (22814)
বরাহনানামৃগপক্ষিজুষ্টং
মহাবনং চৈত্ররথপ্রকাশম্।
শিবেন যাৎবা মৃগয়াপ্রধানাঃ
সংবৎসরং তত্রবনে বিজহ্রুঃ ॥ 3-179-17 (22815)
তত্রাসসাদাতিবলং ভুজঙ্গং
ক্ষুধার্দিতং মৃত্যুমিবোগ্ররূপম্।
বৃকোদরঃ পর্বতকন্দরায়াং
বিষাদমোহব্যথিতান্তরাত্মা ॥ 3-179-18 (22816)
দ্বীপোঽভবদ্যত্র বৃকোদরস্য
যুধিষ্ঠিরো ধর্মভৃতাং বরিষ্ঠঃ।
অমোক্ষয়দ্যস্তমনন্ততেজা
গ্রাহেণ সংবেষ্টিতসর্বগাত্রম্ ॥ 3-179-19 (22817)
তে দ্বাদশং বর্ষমথোপয়ান্তং
বনে বিহুর্তুং কুরবঃ প্রতীতাঃ।
তস্মাদ্বনাচ্চৈত্ররথপ্রকাশা-
চ্ছ্রিয়া জ্বলন্তস্তপসা চ যুক্তাঃ ॥ 3-179-20 (22818)
ততশ্চ যাৎবা মরুধন্বপার্শ্বং
সদা ধনুর্বেদরতিপ্রধানাঃ।
সরস্বতীমেত্য নিবাসকামাঃ
সরস্ততো দ্বৈতবনং প্রতীয়ুঃ ॥ 3-179-21 (22819)
সমীক্ষ্ তান্দ্বৈতবনে নিবিষ্টা-
ন্নিবাসিনস্তত্রততোঽভিজগ্মুঃ।
তপোদমাচারসমাধিয়ুক্তা-
স্তৃণোদপাত্রাবরণাশ্মকুট্টাঃ ॥ 3-179-22 (22820)
প্লক্ষাক্ষরৌহীতকবেতসাশ্চ
তথা বদর্যঃ খদিরাঃ শিরীষাঃ।
বিল্বেঙ্গুদাঃ পীলুশমীকরীরাঃ
সরস্বতীতীররুহা বভূবুঃ ॥ 3-179-23 (22821)
তাং যক্ষগন্ধর্বমহর্ষিকান্তা-
মাবাসভূতামিব দেবতানাম্।
সরস্বতীং প্রীতিয়ুতাশ্চরন্তঃ
সুখং বিজহ্রুর্নরদেবপুত্রাঃ ॥ 3-179-24 (22822)
ইতি শ্রীমন্মহাভারতে অরণ্যপর্বণি আজগরপর্বণি একোনাশীত্যধিকশততমোঽধ্যায়ঃ ॥ 179 ॥
Mahabharata - Vana Parva - Chapter Footnotes
3-179-1 নগোত্তমং গন্ধমাদনং জহতাং ত্যজতাম্ ॥ 3-179-2 কুবেরস্য কান্তং প্রিয়ম্ ॥ 3-179-3 সমুচ্ছ্রয়ান্ উচ্চৈস্ৎবানি। সংনিরোধান্ সংকীর্ণৎবানি। গোষ্ঠান্ স্থানানি। হরীণাং সিংহানাম্ ॥ 3-179-4 অনেকপাঃ দ্বিপাঃ ॥ 3-179-5 গুহা অল্পপ্রমাণাদরী। গহ্বরং মহতী দরী ॥ 3-179-9 নলিনীং সরসীম্ ॥ 3-179-10 নন্দনমিন্দ্রবনম্ ॥ 3-179-14 পৌরোগবৈঃ পুরোগামিভিঃ পটগৃহাদিসামগ্রীবাহঃ ॥ 3-179-15 যামুনং যমুনোদ্গমম্ ॥ 3-179-16 পুংসি যথা শ্বেতমুত্তরীয়ং শ্বেতারুণমুষ্ণীষং চ তদ্বৎ গিরৌ প্রস্রবণানি অরুণপাণ্ডসানূনি চ ভান্তীত্যুৎপ্রেক্ষা। বিশাখয়ূপং স্থানবিশেষঃ ॥ 3-179-17 শিবেন পার্থাঃ ইতি ঝ. পাঠঃ ॥ 3-179-19 দ্বীপো দ্বীপবদাশ্রয়ঃ। গ্রাহেণ সর্বেণ ॥ 3-179-22 তৃণোদপাত্রাবরণাঃ আসনার্থং তৃণেন পাদ্যার্থং উদকপাত্রেণ চ আবৃণ্বনতি তে তথাভূতাঃ। অশ্মকুট্টাঃ বানপ্রস্থা দন্তোলূখলিকা এব সন্তো জরয়া নষ্টদন্তা অশ্মকুট্টা ভবন্তি ॥ 3-179-23 বভূবুঃ শোভাবন্ত ইতি শেষঃ ॥অরণ্যপর্ব - অধ্যায় 180
॥ শ্রীঃ ॥
3.180. অধ্যায়ঃ 180
Mahabharata - Vana Parva - Chapter Topics
বনে মৃগয়ার্থমটতো ভীমস্য মহতাঽজগরেণ গ্রহণম্ ॥ 1 ॥Mahabharata - Vana Parva - Chapter Text
3-180-0 (22823)
জনমেজয় উবাচ। 3-180-0x (2334)
কথং নাগায়ুতপ্রাণো ভীমো ভীমপরাক্রমঃ।
ভয়মাহারয়ত্তীব্রং তস্মাদজগরান্মুনে ॥ 3-180-1 (22824)
পৌলস্ত্যং ধনদং যুদ্দে য আহ্বয়তি দর্পিতঃ।
নলিন্যাং কদনং কৃৎবা নিহন্তা যক্ষরক্ষসাম্ ॥ 3-180-2 (22825)
তং সংসসি ভয়াবিষ্টমাপন্নমরিসূদনম্।
এতদিচ্ছাম্যহং শ্রোতুং পরং কৌতূহলং হি মে ॥ 3-180-3 (22826)
বৈশম্পায়ন উবাচ। 3-180-4x (2335)
বহ্বাশ্চর্যে বনে তেষাং বসতামুগ্রধন্বিনাম্।
প্রাপ্তানামাশ্রমং রাজন্রাজর্ষের্বৃষপর্বণঃ ॥ 3-180-4 (22827)
যদৃচ্ছয়া ধনুষ্পাণির্বদ্ধখঙ্গো বৃকোদরঃ।
দদর্শ তদ্বনং রম্যং দেবগন্ধর্বসেবিতম্ ॥ 3-180-5 (22828)
স দদর্শ শুভান্দেশান্গিরের্হিমবতস্তদা।
দেবর্ষিসিদ্ধচরিতানপ্সরোগণসেবিতান্ ॥ 3-180-6 (22829)
চকোরৈরুপচক্রৈশচ্ পক্ষিভির্জীবজীবকৈঃ।
কোকিলৈর্ভৃঙ্গরাজৈশ্চ তত্র তত্র নিনাদিতান্ ॥ 3-180-7 (22830)
নিত্যপুষ্পফলৈর্বৃক্ষৈর্হিমসংস্পর্শকোমলৈঃ।
উপেতান্বহুলচ্ছায়ৈর্মনোনয়ননন্দনৈঃ ॥ 3-180-8 (22831)
স সংপশ্যন্গিরিনদীর্বৈডূর্যমণিসংনিভৈঃ।
সলিলৈর্হিমসংকাশৈর্হংসকারণ্ডবায়ুতৈঃ ॥ 3-180-9 (22832)
বনানি দেবদারূণাং মেঘানামিব বাগুরাঃ।
হরিচন্দনমিশ্রাণি তুঙ্গকালীয়কান্যপি ॥ 3-180-10 (22833)
মৃগয়াং পরিধাবন্স সমেষু মরুধন্বসু।
বিধ্যন্মৃগাঞ্শরৈঃ শুদ্ধৈশ্চচার স মহাবলঃ ॥ 3-180-11 (22834)
ভীমসেনস্তু বিখ্যাতো মহান্তং দংষ্ট্রিণং বলাৎ।
নিঘ্নন্নাগশতপ্রাণো বনে তস্মিন্মহাবলঃ ॥ 3-180-12 (22835)
মৃগাণাং সবরাহাণাং মহিষাণাং মহাভুজঃ।
বিনিঘ্নংস্তত্রতত্রৈব ভীমো ভীমপরাক্রমঃ ॥ 3-180-13 (22836)
স মাতঙ্গশতপ্রাণো মনুষ্যশতবারণঃ।
সিংহশার্দূলবিক্রান্তো বনে তস্মিন্মহাবলঃ ॥ 3-180-14 (22837)
বৃক্ষানুৎপাটয়ামাস তরসা বৈ বভঞ্জ চ।
পৃথিব্যাশ্চ প্রদেশান্বৈ নাদয়ংস্তু বনানি চ ॥ 3-180-15 (22838)
পর্বতাগ্রাণি বৈ মৃদ্গন্নাদয়ানশ্চ বিজ্বরঃ।
প্রক্ষিপন্পাদপাংশ্চাপি নাদেনাপূরয়ন্মহীম্ ॥ 3-180-16 (22839)
বেগেন ন্যপতদ্ভীমো নির্ভয়শ্চ পুনঃ পুনঃ।
আস্ফোটয়ন্ক্ষ্বেডয়ংশ্চ তলতালাংশ্চ বাদয়ন্।
চিরসংবদ্ধদর্পস্তু ভীমসেনো বনে তদা ॥ 3-180-17 (22840)
গজেনদ্রাশ্চ মহাসৎবা মৃগেন্দ্রাশ্চ মহাবলাঃ।
ভীমসেনস্য নাদেন ব্যমুঞ্চন্ত গুহা ভয়াৎ ॥ 3-180-18 (22841)
ক্বচিৎপ্রধাবংস্তিষ্ঠংশ্চ ক্বচিচ্চোপবিশংস্তথা।
মৃগপ্রেপ্সুর্মহারৌদ্রে বনে চরতি নির্ভয়ঃ ॥ 3-180-19 (22842)
স তত্রমনুজব্যাঘ্রো বনে বনচরোপমঃ।
পদ্ভ্যামভিসমাপেদে ভীমসেনো মহাবলঃ ॥ 3-180-20 (22843)
স প্রবিষ্টো মহারণ্যে নাদান্নদতি চাদ্ভুতান্।
ত্রাসয়ন্সর্বভূতানি মহাসৎবপরাক্রমঃ ॥ 3-180-21 (22844)
ততো ভীমস্য শব্দেন ভীতাঃ সর্পা গুহাশয়াঃ।
অতিক্রান্তাস্তু বেগেন জগামানুসৃতঃ শনৈঃ।
ততোঽমরবরপ্রখ্যো ভীমসেনো মহাবলঃ ॥ 3-180-22 (22845)
স দদর্শ মহাকায়ং ভুজঙ্গং রোমহর্ষণম্।
গিরিদুর্গে সমাপন্নং কায়েনাবৃত্য কন্দরম্ ॥ 3-180-23 (22846)
পর্বতাভোগবর্ষ্মাণং ভোগৈশ্চন্দ্রার্কমণ্ডলৈঃ।
চিত্রাঙ্গমঙ্গজৈশ্চিত্রৈর্হরিদ্রাসদৃশচ্ছবিম্ ॥ 3-180-24 (22847)
গুহাকারেণ বক্রেণ চতুর্দংষ্ট্রেণ রাজতা।
দীপ্তাক্ষেণাতিতাম্রেণ লিহানং সৃক্বিণী মুহুঃ ॥ 3-180-25 (22848)
ত্রাসনং সর্বভূতানাং কালান্তকয়মোপমম্।
নিঃশ্বাসক্ষ্বেডনাদেন ভর্ৎসয়ন্তমিব স্থিতম্ ॥ 3-180-26 (22849)
স ভীমং সহসাঽভ্যেত্য পৃদাকুঃ ক্ষুধিতো ভৃশম্।
জগ্রাহাজগরো গ্রাহো ভুজয়োরুভয়োর্বলাৎ ॥ 3-180-27 (22850)
তেন সংস্পৃষ্টগাত্রস্য ভীমসেনস্য বৈ তদা।
সংজ্ঞা মুমোহ সহসা বরদানেন তস্য হি ॥ 3-180-28 (22851)
দশনাগসহস্রাণি ধারয়ন্তি হি যদ্বলম্।
ইদ্রলং ভীমসেনস্য ভুজয়োরসমং পরৈঃ ॥ 3-180-29 (22852)
স তেজস্বী তথা তেন ভুজগেন বশীকৃতঃ।
বিম্ফুরঞ্শনকৈর্ভীমো ন শশাক বিচেষ্টিতুম্ ॥ 3-180-30 (22853)
নাগায়ুতসমপ্রাণঃ সিংহস্কন্ধো মহাভুজঃ।
গৃহীতো ব্যজহাৎসৎবং বরদানবিমোহিতঃ ॥ 3-180-31 (22854)
স হি প্রয়ত্নমকরোত্তীব্রমাত্মবিমোক্ষণে।
ন চৈনমশকদ্বীরঃ কথংচিৎপ্রতিবাধিতুম্ ॥ 3-180-32 (22855)
ইতি শ্রীমন্মহাভারতে অরণ্যপর্বণি আজগরপর্বণি অশীত্যধিকশততমোঽধ্যায়ঃ ॥ 180 ॥
Mahabharata - Vana Parva - Chapter Footnotes
3-180-10 তুঙ্গং কালীয়কং চ কাষ্ঠবিশেষৌ ॥ 3-180-11 মরুধন্বসু গিরের্নির্জলপ্রদেশেষু। মরুর্না গিরিধন্বনোরিতি মেদিনী ॥ 3-180-24 পর্বতস্যাভোগঃ বিস্তীর্ণতা তৎপরিমাণং বর্ষ্ম শরীরং যস্য তম্ ॥ 3-180-27 পৃদাকুঃ সর্পঃ ॥ 3-180-31 সৎবং বুদ্ধিম্ ॥অরণ্যপর্ব - অধ্যায় 181
॥ শ্রীঃ ॥
3.181. অধ্যায়ঃ 181
Mahabharata - Vana Parva - Chapter Topics
অজগরেণ ভীমংপ্রতি স্বস্যাজগরৎবপ্রাপককারণাভিধানম্ ॥ 1 ॥ দুর্নিমিত্তদর্শনাদ্দুর্মনায়মানেন যুধিষ্ঠিরেণ ভীমমার্গানুসরণএনাজ্জগরগৃহীতভীমস্য দর্শনম্ ॥ 2 ॥Mahabharata - Vana Parva - Chapter Text
3-181-0 (22856)
বৈশম্পায়ন উবাচ। 3-181-0x (2336)
স ভীমসেনস্তেজস্বী তদা সর্পবশং গতঃ।
চিন্তয়ামাস সর্পস্য বীর্যমত্যদ্ভুতং মহৎ ॥ 3-181-1 (22857)
উবাচ চ মহাসর্পং কাময়াব্রূহি পন্নগ।
কস্ৎবং ভো ভুজগশ্রেষ্ঠ কিং ময়া চ করিষ্যসি ॥ 3-181-2 (22858)
পাণ্ডবো ভীমসেনোঽহং ধর্মরাজাদনন্তরঃ।
নাগায়ুতসমপ্রাণস্ৎবয়া নীতঃ কথং বশম্ ॥ 3-181-3 (22859)
সিংহাঃ কেসরিণো ব্যাঘ্রা মহিষা বারণাস্তথা।
সমাগতাশ্চ বহুশো নিহতাশ্চ ময়া যুধি ॥ 3-181-4 (22860)
রাক্ষসাশ্চ পিশাচাশ্চ পন্নগাশ্চ মহাবলাঃ।
ভুজবেগমশক্তা মে সোঢুং পন্নগসত্তম ॥ 3-181-5 (22861)
কিংনু বিদ্যাবলং কিংনু বরদানমথো তব।
উদ্যোগমপি কুর্বাণো বশগোস্মি কৃতস্ৎবয়া ॥ 3-181-6 (22862)
অনুত্যো বিক্রমো নৄণামিতি মে ধীয়তে মতিঃ।
যথেদং মে ৎবয়া নাগ বলং প্রতিহতং মহৎ ॥ 3-181-7 (22863)
ইত্যেবংবাদিনং বীরং ভীমমক্লিষ্টকারিণম্।
ভোগেন মহতা গৃহ্য সমন্তাৎপর্যবেষ্টয়ৎ ॥ 3-181-8 (22864)
নিগৃহ্যৈনং মহাবাহুং ততঃ স ভুজগস্তদা।
বিমুচ্যাস্য ভুজৌ পীনাবিদং বচনমব্রবীৎ ॥ 3-181-9 (22865)
দিষ্টস্ৎবং ক্ষুধিতস্যাদ্য দেবৈর্ভক্ষো মহাভুজ।
দিষ্ট্যা কালস্য মহতঃ প্রিয়াঃ প্রাণা হি দেহিনাং ॥ 3-181-10 (22866)
যথা ৎবিদং ময়া প্রাপ্তং ভুজঙ্গৎবমরিংদম।
তদবশ্যং ৎবয়া মত্তঃ শ্রোতব্যং শৃণু যন্মম ॥ 3-181-11 (22867)
ইমামবস্থাং সংপ্রাপ্তো হ্যহং কোপান্মহর্ষিণা।
শাপস্যান্তং পরিপ্রেপ্সুঃ সর্বস্ কথয়ামি তৎ ॥ 3-181-12 (22868)
নহুষো নাম রাজর্ষির্ব্যক্তং তে শ্রোত্রমাগতঃ।
তবৈব পূর্বঃ পূর্বেষামায়োর্বংশধরঃ সুতঃ ॥ 3-181-13 (22869)
সোহং শাপাদগস্ত্যস্য ব্রাহ্মণানবমত্য চ।
ইমামবস্থামাপন্নঃ পশ্য দৈবমিদং মম ॥ 3-181-14 (22870)
ৎবাং চেদবধ্যমায়ান্তমতীব প্রিয়দর্শনম্।
অহমদ্যোপয়োক্ষ্যামি বিধানং পশ্য যাদৃশম্ ॥ 3-181-15 (22871)
ন হি মে মুচ্যতে কশ্চিৎকথংচিৎপ্রগ্রহং গতঃ।
গচজোবা মহিষো বাঽপি ষষ্ঠে কালে নরোত্তম ॥ 3-181-16 (22872)
নাসি কেবলসর্পেণ তির্যগ্যোনিষু বর্ততা।
গৃহীতঃ কৌরবশ্রেষ্ঠ বরদানমিদং মম ॥ 3-181-17 (22873)
পততা হি বিমানাগ্রান্ময়া শক্রাসনাদ্দ্রুতম্।
কুরু শাপান্তমিত্যুক্তো ভগবান্মুনিসত্তমঃ ॥ 3-181-18 (22874)
`যস্ৎবয়া বেষ্টিতো রাজন্মোহমেতি মহাবলঃ'।
মোক্ষস্তে ভবিতা রাজন্কস্মাচ্চিৎকালপর্যযাৎ ॥ 3-181-19 (22875)
ততোস্মি পতিতো ভূমৌ ন চ মামজহাৎস্মৃতিঃ।
স্মার্তমস্তি পুরাণং মে যথৈবাধিগতং তথা ॥ 3-181-20 (22876)
যস্তু তে ব্যাহৃতান্প্রশ্নান্প্রতিব্রূয়াদ্বিভাগবিৎ।
স ৎবাং মোক্ষয়িতা শাপাদিতি মামব্রবীদৃষিঃ ॥ 3-181-21 (22877)
গৃহীতস্য ৎবয়া রাজন্প্রাণিনোপি বলীয়সঃ।
সৎবভ্রংশোঽধিকস্যাপি সর্বস্যাশু ভবিষ্যতি ॥ 3-181-22 (22878)
ইতিচাপ্যহমশ্রৌষং বচস্তেষাং দয়াবতাম্।
ময়ি সংজাতহার্দানামথ তেঽন্তর্হিতা দ্বিজাঃ ॥ 3-181-23 (22879)
সোহং পরমদুষ্কর্মা বসামি নিরয়েঽশুচৌ।
সর্পয়োনিমিমাং প্রাপ্যকালাকাঙ্ক্ষী মহাদ্যুতে ॥ 3-181-24 (22880)
তমুবাচ মহাবাহুর্ভীমসেনো ভুজঙ্গমম্।
ন তে কুপ্যে মহাসর্প নাত্মনে দ্বিজসত্তম ॥ 3-181-25 (22881)
যস্মাদভাবী ভাবী বা মনুষ্যঃ সুখদুঃখয়োঃ।
আগমে যদি বাঽপায়ে ন তত্র গ্লপয়েন্মনঃ ॥ 3-181-26 (22882)
দৈবং পুরুষকারেণ কো বঞ্চয়িতুমর্হতি।
দৈবমেব পরং মন্যে পৌরুষং তু নিরর্থকম্ ॥ 3-181-27 (22883)
পশ্য দৈবোপঘাতাদ্ধি ভুজবীর্যব্যপাশ্রয়ম্।
ইমামবস্থাং সংপ্রাপ্তমনিমিত্তমিহাদ্য মাম্ ॥ 3-181-28 (22884)
কিংতু নাদ্যানুশোচামি তথাঽঽত্মানং বিনাশিতম্।
তথা তু বিপিনে ন্যস্তান্ভ্রাতৄন্রাজ্যপরিচ্যুতান্ ॥ 3-181-29 (22885)
হিমবাংশ্চ সুদুর্গোঽয়ং যক্ষরাক্ষসসংকুলঃ।
মাং সমুদ্বীক্ষমাণাস্তে প্রয়তিষ্যন্তি বিহ্বলাঃ ॥ 3-181-30 (22886)
বিনষ্টমথ মাং শ্রুৎবা ভবিষ্যন্তি নিরুদ্যমাঃ।
ধর্মশীলা ময়া তে হি বাধ্যন্তে রাজ্যগৃদ্ধিনা ॥ 3-181-31 (22887)
অথবা নার্জুনো ধীমান্বিষাদমুপয়াস্যতি।
সর্বাস্ত্রবিদনাধৃষ্যো দেবগন্ধর্বরাক্ষসৈঃ ॥ 3-181-32 (22888)
সমর্থঃ স মহাবাহুরেকাঙ্না সুমহাবলঃ।
দেবরাজমপি স্থানাৎপ্রচ্যাবয়িতুমঞ্জসা ॥ 3-181-33 (22889)
কিং পুনর্ধৃতরাষ্ট্রস্ পুত্রং দুর্দ্যূতদেবিনম্।
বিদ্বিষ্টং সর্বলোকস্য দম্ভমোহপরায়ণম্ ॥ 3-181-34 (22890)
মাতরং চৈব শোচামি কৃপণাং পুত্রগৃদ্ধিনীম্।
যাঽস্মাকং নিত্যমাশাস্তে মহত্ৎবমধিকং পরৈঃ ॥ 3-181-35 (22891)
তস্যাঃ কথং ৎবনাথায়া মদ্বিনাশাদ্ভুজঙ্গম্।
সফলাস্তে ভবিষ্যন্তি ময়ি সর্বে মনোরথাঃ ॥ 3-181-36 (22892)
নকুলঃ সহদেবশ্চ যমৌ চ গুরুবর্তিনৌ।
মদ্বাহুবলসংগুপ্তৌ নিত্যং পুরুষমানিনৌ ॥ 3-181-37 (22893)
ভবিষ্যতো নিরুৎসাহৌ ভ্রষ্টবীর্যপরাক্রমৌ।
মদ্বিনাশাৎপরিদ্যূনাবিতি মে বর্ততে মতিঃ ॥ 3-181-38 (22894)
এবংবিধং বহু তদা বিললাপ বৃকোদরঃ।
ভুজঙ্গভোগসংরুদ্ধো নাশকচ্চ বিচেষ্টিতুম্ ॥ 3-181-39 (22895)
যুধিষ্ঠিরস্তু কৌন্তেয়ো বভূবাস্বস্তচেতনঃ।
অনিষ্টদর্শনান্ঘোরানুৎপাতান্পরিচিন্তয়ন্ ॥ 3-181-40 (22896)
দারুণং হ্যশিবং নাদং শিবা দক্ষিণতঃ স্থিতা।
দীপ্তায়াং দিশি বিত্রস্তা রৌতি তস্যাশ্রমস্য হ ॥ 3-181-41 (22897)
একপক্ষাক্ষিচরণা বর্তিকা ঘোরদর্শনা।
রক্তং বমন্তী দদৃশে প্রত্যাদিত্যমভাসুরা ॥ 3-181-42 (22898)
প্রববৌ চানিলো রূক্ষশ্চণ্ডঃ সর্করকর্ষণঃ।
অপসব্যানি সর্বাণি মৃগপক্ষিরুতানি চ ॥ 3-181-43 (22899)
পৃষ্ঠতো বায়সঃ কৃষ্ণো যাহিয়াহীতি বাশতি।
মুহুর্মুহুঃ স্ফুরতি চ দক্ষিণোঽস্য ভুজস্তথা ॥ 3-181-44 (22900)
হৃদয়ং চরণশ্চাপি বামোঽস্য পরিতপ্যতি।
সব্যস্যাক্ষ্ণও বিকারশ্চাপ্যনিষ্টঃ সমপদ্যত ॥ 3-181-45 (22901)
ধর্মরাজোপি মেধাবী শঙ্কমানো মহদ্ভয়ম্।
দ্রৌপদীং পরিপপ্রচ্ছ ক্ব ভীম ইতি ভারত ॥ 3-181-46 (22902)
শংস তস্মৈ পাঞ্চালী চিরয়াতং বৃকোদরম্।
স প্রতস্থে মহাবাহুর্ধৌম্যেন সহিতো নৃপঃ ॥ 3-181-47 (22903)
দ্রৌপদ্যা রক্ষণং কার্যমিত্যুবাচ ধনংজয়ম্।
নকুলং সহদেবং চ ব্যাদিদেশ দ্বিজান্প্রতি ॥ 3-181-48 (22904)
স তস্য পদমুন্নীয় তস্মাদেবাশ্রমাৎপ্রভুঃ।
মৃগয়ামাস কৌন্তেয়ো ভীমসেনং মহাবনে ॥ 3-181-49 (22905)
স প্রাচীং দিশমাস্থায় মহতো গজয়ূথপান্।
দদর্শ পৃথিবীং চিহ্নৈর্ভীমস্য পরিচিহ্নিতাম্ ॥ 3-181-50 (22906)
ততো মৃগসহস্রাণি মৃগেনদ্রাণাং শতানি চ।
পতিতানি বনে দৃষ্ট্বা মার্গং তস্যাবিশন্নৃপঃ ॥ 3-181-51 (22907)
ধাবতস্তস্য বীরস্ মৃগার্থং বাতরংহসঃ।
ঊরুবাতবিনির্ভগ্নান্দ্রুমান্ব্যাবর্জিতান্পথিঃ ॥ 3-181-52 (22908)
স গৎবা তৈস্তদা চিহ্নৈর্দদর্শ গিরিগহ্বরে।
[রূক্ষমারুতভূয়িষ্ঠে নিষ্পত্রদ্রুমসংকুলে ॥ 3-181-53 (22909)
ঈরিণে নির্জলে দেশে কণ্টকিদ্রুমসংকুলে।
অশ্মস্থাণুক্ষুপাকীর্ণে সুদুর্গে বিষমোৎকটে।]
গৃহীতং ভুজগেন্দ্রেণ নিশ্চেষ্টমনুজং তদা ॥ 3-181-54 (22910)
ইতি শ্রীমন্মহাভারতে অরণ্যপর্বণি আজাগরপর্বণি একাশীত্যধিকশততমোঽধ্যায়ঃ ॥ 181 ॥
Mahabharata - Vana Parva - Chapter Footnotes
3-181-2 কাময়া ইচ্ছাতঃ ॥ 3-181-8 ভোগেন দেহেন ॥ 3-181-15 উপয়োক্ষ্যামি ভক্ষিতুগিচ্ছামি। বিধানং দৈবম্ ॥ 3-181-16 ষষ্ঠে কালেঽষ্টধাবিভক্তস্যাহ্নো ভাগে ॥ 3-181-20 স্মার্তং স্মৃতিবিষয়ম্। পুরাণং চিরকালীনমপি স্মরামীত্যর্থঃ ॥ 3-181-21 বিভাগবিদাত্মানাত্মবিবেকবিৎ ॥ 3-181-26 কদাচিদভাবী সামর্থ্যহীনঃ কদাচিৎ ভাবী সামর্থ্যবান্ অবশ্যং ভবতি ॥ 3-181-31 পরুষোক্তিভিরিতি সেষঃ ॥ 3-181-42 বর্তিকা পক্ষিবিশেষঃ ॥ 3-181-44 দক্ষিণো ভুজ স্ফুরতীতি ভবিষ্যতোঽনিষ্টপ্রশমনস্য লিঙ্গম্ ॥ 3-181-45 বিকারঃ স্ফুরণম্ ॥ 3-181-50 যূথপান্পতিতান্দদর্শেত্যন্বয়ঃ ॥ 3-181-54 ঈরিণে ঊষরে। ক্ষুপাঃ হ্রস্ববৃক্ষাঃ ॥অরণ্যপর্ব - অধ্যায় 182
॥ শ্রীঃ ॥
3.182. অধ্যায়ঃ 182
Mahabharata - Vana Parva - Chapter Topics
যুধিষ্ঠিরাজগরয়োঃ সংবাদঃ ॥ 1 ॥Mahabharata - Vana Parva - Chapter Text
3-182-0 (22911)
বৈশম্পায়ন উবাচ। 3-182-0x (2337)
যুধিষ্ঠিরস্তমাসাদ্য সর্পভোগেন বেষ্টিতম্।
দয়িতং ভ্রাতরং ধীমানিদং বচনমব্রবীৎ ॥ 3-182-1 (22912)
কুন্তীমাতঃ কথমিমামাপদং ৎবমবাপ্তবান্।
কশ্চায়ং পর্বতাভোগপ্রতিমঃ পন্নগোত্তমঃ ॥ 3-182-2 (22913)
স ধর্মরাজমালক্ষ্য ভ্রাতা ভ্রতরমগ্রজম্।
কথয়ামাস তৎসর্বং গ্রহণাদিবিচেষ্টিতম্ ॥ 3-182-3 (22914)
[অয়মার্য মহাসৎবো ভক্ষার্থং মাং গৃহীতবান্।
নহুষো নাম রাজর্ষিঃ প্রাণবানিব সংস্থিতঃ ॥ 3-182-4 (22915)
যুধিষ্ঠির উবাচ। 3-182-5x (2338)
মুচ্যতাময়মায়ুষ্মন্ভ্রাতা মেঽমিতবিক্রমঃ।
বয়মাহারমন্যং তে দাস্যামঃ ক্ষুন্নিবারণম্ ॥ 3-182-5 (22916)
সর্প উবাচ। 3-182-6x (2339)
মুচ্যতাময়মায়ুষ্মন্ভ্রাতা মেঽমিতবিক্রমঃ।
গম্যতাং নেহ স্থাতব্যং শ্বো ভবানপি মে ভবেৎ ॥ 3-182-6 (22917)
ব্রতমেতন্মহাবাহো বিষয়ং মম যো ব্রজেৎ।
স ম ভক্ষো ভবেত্তাত ৎবং চাপি বিষয়ে মম ॥ 3-182-7 (22918)
চিরেণাদ্য ময়াঽঽহারঃ প্রাপ্তোঽয়মনুজস্তব।
নাহমেনং বিমোক্ষ্যামি ন চান্যমভিকাঙ্ক্ষয়ে ॥] 3-182-8 (22919)
যুধিষ্ঠির উবাচ। 3-182-9x (2340)
দেবো বা যদি বা দৈত্য উরগো বা ভবান্যদি।
সত্যং সর্প বচো ব্রূহি পৃচ্ছতি ৎবাং যুধিষ্ঠিরঃ ॥ 3-182-9 (22920)
কিমর্থং চ ৎবয়া গ্রস্তো ভীমসেনো ভুজংগম।
কিমাহৃত্যবিদিৎবা বা প্রীতিস্তে স্যাদ্ভুজংগম।
কিমাহারং প্রয়চ্ছামি কথং মুঞ্চেদ্ভবানিমম্ ॥ 3-182-10 (22921)
সর্প উবাচ। 3-182-11x (2341)
নহুষো নাম রাজাঽহমাসং পূর্বস্তবানঘ।
প্রথিতঃ পঞ্চমঃ সোমাদায়োঃ পুত্রো নরাধিপ ॥ 3-182-11 (22922)
ক্রতুভিস্তপসা চৈবস্বাধ্যায়েন দমেন চ।
ত্রৈলোক্যৈশ্বর্যমব্যগ্রং প্রাপ্তোঽহংবিকর্মেণ চ ॥ 3-182-12 (22923)
তদৈশ্বর্যং সমাসাদ্য দর্পো মামগমত্তদা।
সহস্রং হি দ্বিজাতীনামুবাহ শিবিকাং মম ॥ 3-182-13 (22924)
ঐশ্বর্যমদমত্তোঽহমবমত্য ততো দ্বিজান্।
ইমামগস্ত্যেন দশামানীত ইতিমে স্মৃতিঃ ॥ 3-182-14 (22925)
ন তু মামজহাৎপ্রজ্ঞা যাবদন্বেতি পাণ্ডবঃ।
তস্যৈবানুগ্রহাদ্রাজন্নগস্ত্যস্য মহাত্মনঃ ॥ 3-182-15 (22926)
ষষ্ঠে কালে ময়াঽঽহারঃ প্রাপ্তোঽয়মনুজস্তব।
নাহমেনং বিমোক্ষ্যামি ন চান্যদপি কাময়ে ॥ 3-182-16 (22927)
প্রশ্নানুচ্চারিতানদ্য বায়হরিষ্যসি চেন্মম।
তথাপশ্চাদ্বিমোক্ষ্যামি ভ্রাতরং তে বৃকোদরম্ ॥ 3-182-17 (22928)
যুধিষ্ঠির উবাচ। 3-182-18x (2342)
ব্রূহি সর্প যথাকামং প্রতিবক্ষ্যামি তে বচঃ।
অপি চচ্ছক্নুয়াং প্রীতিমাহর্তুং তে ভুজঙ্গম্ ॥ 3-182-18 (22929)
বেদ্যংচ ব্রাহ্মণেনেহ তদ্ভবান্বেত্তি কেবলম্।
সর্পরাজ ততঃ শ্রুৎবা প্রতিবক্ষ্যামি তে বচঃ ॥ 3-182-19 (22930)
সর্প উবাচ। 3-182-20x (2343)
ব্রাহ্মণঃ কো ভবেদ্রাজন্বেদ্যং কিংচ যুধিষ্ঠির।
ব্রবীহ্যতিমতিং ৎবাং হি বাক্যৈরনিমিনোমি তে ॥ 3-182-20 (22931)
যুধিষ্ঠির উবাচ। 3-182-21x (2344)
সত্যং দানং ক্ষমা শীলমানৃশংস্যং তপো ঘৃণা।
দৃশ্যন্তে যত্রনাগেন্দ্রস ব্রাহ্মণ ইতি স্মৃতঃ ॥ 3-182-21 (22932)
বেদ্যং সর্প পরং ব্র্হম নির্দুঃখমসুখং চ যৎ।
যত্রগৎবা ন শোচন্তি ভবতঃ কিং বিবক্ষিতং ॥ 3-182-22 (22933)
সর্প উবাচ। 3-182-23x (2345)
চাতুর্বর্ণ্যং প্রমাণং চ সত্যং চ ব্রহ্ম চৈব হি।
আনৃশংস্যমহিংসা চ ঘৃণা চৈব যুধিষ্ঠির ॥ 3-182-23 (22934)
বেদ্যং যচ্চাত্র নির্দুঃখমসুখং চ নরাধিপ।
তাভ্যাং হীনং পদং চান্যন্ন তদস্তীতি লক্ষয়ে ॥ 3-182-24 (22935)
যুধিষ্ঠির উবাচ। 3-182-25x (2346)
শূদ্রে তু যদ্ভবেল্লক্ষ্ম দ্বিজে তচ্চ ন বিদ্যতে।
ন বৈ শূদ্রো ভবেচ্ছূদ্রো ব্রাহ্মণো ন চ ব্রাহ্মণঃ ॥ 3-182-25 (22936)
যত্রৈতল্লক্ষ্যতে সর্প বৃত্তং স ব্রাহ্মণঃ স্মৃতঃ।
তত্রৈতন্ন বেৎসর্প তং শূদ্রমিতি নির্দিশেৎ ॥ 3-182-26 (22937)
যৎপুনর্ভবতা প্রোক্তং ন বেদ্যং বিদ্যতেতি চ।
তাভ্যাং হীনমতোঽন্যত্র পদং নাস্তীতি চেদপি ॥ 3-182-27 (22938)
এবমেতন্মতং সর্প তাভ্যাং হীনং তু বিদ্যতে।
যথা শীতোষ্ণয়োর্মধ্যে ভবেন্নোষ্ণং ন শীততা ॥ 3-182-28 (22939)
এবং বৈ সুখদুঃখাভ্যাং হীনমস্তি পদং ক্বচিৎ।
এষা মম মতিঃ সর্প যথা বা মন্যতে ভবান্ ॥ 3-182-29 (22940)
সর্প উবাচ। 3-182-30x (2347)
যদি তে বৃত্ততো রাজন্ব্রাহ্মণঃ প্রসমীক্ষিতঃ।
বৃথা জাতিস্তদায়ুষ্মন্কৃতির্যাবন্ন বিদ্যতে ॥ 3-182-30 (22941)
যুধিষ্ঠির উবাচ। 3-182-31x (2348)
জাতিরত্রমহাসর্প মনুষ্যৎবে মহামতে।
সংকরাৎসর্ববর্ণানাং দুষ্পরীক্ষ্যেতি মে মতিঃ ॥ 3-182-31 (22942)
সর্বে সর্বাস্বপত্যানি জনয়ন্তি যদা নরাঃ।
বাঙ্মৈথুনমথো জন্ম মরণং চ সমং নৃণাম্ ॥ 3-182-32 (22943)
ইদমার্ষং প্রমাণং চ যে যজামহ ইত্যপি।
তস্মাচ্ছীলং প্রধানেষ্টং বিদুর্যে তত্ৎবদর্শিনঃ ॥ 3-182-33 (22944)
প্রাঙ্গাভিবর্ধনাৎপুংসো জাতকর্ম বিধীয়তে।
`তথোপনয়নং প্রোক্তং দ্বিজাতীনাং যথাক্রমম্'।
তত্রাস্য মাতা সাবিত্রী পিতা ৎবাচার্য উচ্যতে ॥ 3-182-34 (22945)
বৃত্ত্যা শূদ্রসমো হ্যেষ যাবদ্বেদেন জায়তে।
তস্মিন্নেবং মতিদ্বৈধে মনুঃ স্বায়ংভুবোঽব্রবীৎ ॥ 3-182-35 (22946)
কৃতকৃত্যাঃ সর্ববর্ণা যদি বৃত্তং ন পশ্যতি।
সংকরস্ৎবত্র নাগেন্দ্র বলবান্প্রসমীক্ষিতঃ ॥ 3-182-36 (22947)
যত্রেদানীং মহাসর্প সংস্কৃতং বৃত্তমিষ্যতে।
তং ব্রাহ্মণমহং পূর্বমুক্তবান্ভুজগোত্তম ॥ 3-182-37 (22948)
সর্প উবাচ। 3-182-38x (2349)
শ্রুতং বিদিতবেদ্যস্য তব বাক্যং যুধিষ্ঠির।
ভক্ষয়েয়মহং কস্মাদ্ভ্রাতরং তে বৃকোদরম্ ॥ 3-182-38 (22949)
ইতি শ্রীমন্মহাভারতে অরণ্যপর্বণি আজগরপর্বণি দ্ব্যশীত্যধিকশততমোঽধ্যায়ঃ ॥ 182 ॥
Mahabharata - Vana Parva - Chapter Footnotes
3-182-4 প্রাণবান্বায়ুভক্ষঃ সর্পইব নতু সর্পঃ ॥ 3-182-28 তাভ্যাং হীনং ন বিদ্যতে ইতি ঝ. পাঠঃ ॥ 3-182-29 হীনং নাস্তি পদং ক্বচিৎ ইতি ঝ. পাঠঃ ॥ 3-182-33 প্রধানং তদিষ্টং চেতি কর্মধারয়ঃ ॥ 3-182-34 নাভিবর্ধনান্নালচ্ছেদনাৎ ॥ 3-182-36 যদি বৃত্তং ন বিদ্যতে ইতি ঝ. পাঠঃ। যদি বৃত্তং ন নশ্তি ইতি খ. পাঠঃ। যদি বৃত্তং ন দূষ্যতে ইতি ধ. পাঠঃ ॥অরণ্যপর্ব - অধ্যায় 183
॥ শ্রীঃ ॥
3.183. অধ্যায়ঃ 183
Mahabharata - Vana Parva - Chapter Topics
স্বপ্রশ্নস্যোত্তরদানতুষ্টেনাজগররূপিণা নহুষেণ যুধিষ্ঠিরংপ্রতি স্বস্যাজগরভাবসংভবহেতুকথনপূর্বকং ভীমং বিমুচ্য পুনঃ স্বর্গং প্রতি গমনম্ ॥ 1 ॥Mahabharata - Vana Parva - Chapter Text
3-183-0 (22950)
যুধিষ্ঠির উবাচ। 3-183-0x (2350)
ভবানেতাদৃশো লোকে বেদবেদাঙ্গপারগঃ।
ব্রূহি কিং কুর্বতঃ কর্ম ভবেদ্গতিরনুত্তমা ॥ 1 ॥ 3-183-1 (22951)
সর্প উবাচ। 3-183-2x (2351)
পাত্রে দত্ৎবা প্রিয়াণ্যুক্ৎবা সত্যমুক্ৎবা চ ভারত।
অহিংসানিরতঃ স্বর্গং গচ্ছেদিতি মতির্মম ॥ 3-183-2 (22952)
যুধিষ্ঠির উবাচ। 3-183-3x (2352)
দানাদ্বা সর্প সত্যাদ্বা কিমতো গুরু দৃশ্যতে।
অহিংসাপ্রিয়যোশ্চৈব গুরুলাঘবমুচ্যতাম্ ॥ 3-183-3 (22953)
সর্প উবাচ। 3-183-4x (2353)
দানং চ সত্যং তত্ৎবং বা অহিংসা প্রিয়মেব চ।
এষাং কার্যগরীয়স্ৎবাদ্দৃশ্যতে গুরুলাঘবম্ ॥ 3-183-4 (22954)
ক্বচিদ্দানপ্রয়োগাদ্ধি সত্যমেব বিশিষ্যতে।
সত্যবাক্যাচ্চ রাজেনদ্র ক্বচিদ্দানং বিশিষ্যতে ॥ 3-183-5 (22955)
এবমেব মহেষ্বাস প্রিয়বাক্যান্মহীপতে।
অহিংসা দৃশ্যতে গুর্বী ততশ্চ প্রিয়মিষ্যতে ॥ 3-183-6 (22956)
এবমেতদ্ভবেদ্রাজন্কার্যাপেক্ষমনন্তরম্।
যদভিপ্রেতমন্যত্তে ব্রূহি যাবদ্ব্রবীম্যহম্ ॥ 3-183-7 (22957)
যুধিষ্ঠির উবাচ। 3-183-8x (2354)
কথং স্বর্গে গতিঃ সর্প কর্মণাং চ ফলং ধ্রুবম্।
অশরীরস্য দৃশ্যেত প্রব্রূহি বিষয়াংশ্চ মে ॥ 3-183-8 (22958)
সর্প উবাচ। 3-183-9x (2355)
তিস্রো বৈ গতয়ো রাজন্পরিদৃষ্টাঃ স্বকর্মভিঃ।
মানুষং স্বর্গবাসশ্চ তির্যগ্যোনিশ্চ তত্রিধা ॥ 3-183-9 (22959)
তত্র বৈ মানুষাল্লোকাদ্দানাদিভিরনাদিভিঃ।
অহিংসার্থসমায়ুক্তৈঃ কারণৈঃ স্বর্গমশ্নুতে ॥ 3-183-10 (22960)
বিপরীতৈশ্চ রাজেন্দ্র কারণৈর্মানুষো ভবেৎ।
তির্যগ্যোনিস্তথা তাত বিশেষশ্চাত্র বক্ষ্যতে ॥ 3-183-11 (22961)
ক্রামক্রোধসমায়ুক্তো হিংসালোভসমনবিতঃ।
মনুষ্যৎবাৎপরিব্রষ্টস্তির্যগ্যোনৌ প্রসূয়তে ॥ 3-183-12 (22962)
তির্যগ্যোন্যাঃ পৃথগ্ভাবো মনুষ্যার্থে বিধীয়তে।
গবাদিভ্যস্তথাঽশ্বেভ্যো দেবৎবমপি দৃশ্যতে ॥ 3-183-13 (22963)
সোয়মেতা গতীস্তাত জন্তুশ্চরতি কার্যবান্।
নিম্নে মহতি চাত্মানমবস্থাপ্য চ বৈ নৃপ ॥ 3-183-14 (22964)
জাতো জাতশ্চ বলবান্ভুঙ্ক্তে নাম্নাঽথ দেহবান্।
ফলার্থস্তাত নিষ্পৃক্তঃ প্রজালক্ষণভাবনঃ ॥ 3-183-15 (22965)
যুধিষ্ঠির উবাচ। 3-183-16x (2356)
শব্দে স্পর্শে চ রূপে চ তথৈব রসগন্ধয়োঃ।
তস্যাধিষ্ঠানমব্যগ্রো ব্রূহি সর্প যথাতথম্ ॥ 3-183-16 (22966)
কিং ন গৃহ্ণাসি বিষয়ান্যুগপত্ৎবং মহামতে।
এতাবদুচ্যতাং চোক্তং সর্বং পন্নগসত্তম ॥ 3-183-17 (22967)
সর্প উবাচ। 3-183-18x (2357)
তদাত্মদ্রব্যমায়ুষ্মন্দেহসংশ্রয়ণান্বিতম্।
করণাধিষ্ঠিতং ভোগানুপভুঙ্ক্তে যথাবিথি ॥ 3-183-18 (22968)
জ্ঞানং চৈবাত্র বুদ্ধিশ্চ কমশ্চ ভরতর্ষভ।
তস্য ভোগাধিকরণে করণানি নিবোধ মে ॥ 3-183-19 (22969)
মনসা তাত পর্যেতি ক্রমশো বিষয়ানিমান্।
বিষয়ায়তনৎবেন ভূতাত্মা ক্ষেত্রবিষ্ঠিতঃ ॥ 3-183-20 (22970)
তত্রচাপি নরব্যাঘ্র মনো জন্তোর্বিধীয়তে।
তস্মাদ্যুগপদত্রাস্য গ্রহণং নোপপদ্যতে ॥ 3-183-21 (22971)
স আত্মা পুরুষব্যাঘ্র ভ্রুবোরন্তরমাশ্রিতঃ।
বুদ্ধিং দ্রব্যেষু সৃজতি বিবিধেষু পরাবরাম্ ॥ 3-183-22 (22972)
বুদ্ধেরুত্তরকালং চ বেদনা দৃশ্যতে বুধৈঃ।
এষ বৈ রাজশার্দূল বিধিঃ ক্ষেত্রজ্ঞভাবনঃ ॥ 3-183-23 (22973)
যুধিষ্ঠির উবাচ। 3-183-24x (2358)
মনসশ্চাপি বুদ্ধেশ্চ ব্রূহি মে লক্ষণং পরম্।
এতদধ্যাত্মবিদুষাং পরং কার্যং বিধীয়তে ॥ 3-183-24 (22974)
সর্প উবাচ। 3-183-25x (2359)
বুদ্ধিরাত্মানুগাঽতীব উৎপাতেন বিধীয়তে।
তদাশ্রিতা হি সা জ্ঞেয়া বুদ্ধিস্তস্যৈষিণী ভবেৎ ॥ 3-183-25 (22975)
বুদ্ধিরুৎপদ্যতে কার্যান্মনস্তূৎপন্নমেব হি।
বুদ্ধের্গুণবিধানেন মনস্তদ্গুণবদ্ভবেৎ ॥ 3-183-26 (22976)
এতদ্বিশেষণং তাত মনোবুদ্ধ্যোর্ময়েরিতম্।
ৎবমপ্যত্রাভিসংবুদ্ধঃ কথং বা মনয়্সে স্বয়ম্ ॥ 3-183-27 (22977)
যুধিষ্ঠির উবাচ। 3-183-28x (2360)
অহো বুদ্ধিমতাংশ্রেষ্ঠ শুভা বুদ্ধিরিয়ং তব।
বিদিতং বেদিতব্যং তে কস্মান্নহুষ পৃচ্ছসি ॥ 3-183-28 (22978)
সর্বজ্ঞং ৎবাং কথং মোহ আবিশৎস্বর্গবাসিনম্।
এবমদ্ভুতকর্মাণমিতি মে সংশয়ো মহান্ ॥ 3-183-29 (22979)
সর্প উবাচ। 3-183-30x (2361)
সুপ্রজ্ঞমপি চেচ্ছূরমৃদ্ধির্মোহয়তে নরম্।
বর্তমানঃ সুখে সর্বো নাবৈতীতি মতির্মম ॥ 3-183-30 (22980)
সোহমৈশ্বর্যমোহেন মদাবিষ্টো যুধিষ্ঠির।
পতিতঃ প্রতিসংবুদ্ধস্ৎবাং তু সংবোধয়াম্যহম্ ॥ 3-183-31 (22981)
কৃতংকার্যং মহারাজ ৎবয়া মম পরংতপ।
ক্ষীণঃ শাপ সুকৃচ্ছ্রো মে ৎবয়া সংভাষ্য সাধুনা ॥ 3-183-32 (22982)
অহং হি দিবি দিব্যেন বিমানন চরন্পুরা।
অভিমানেন মত্তঃ সন্কংচিন্নান্যমচিন্তয়ম্ ॥ 3-183-33 (22983)
ব্রহ্মর্ষিদেঘগন্ধর্বয়ক্ষরাক্ষসপন্নগাঃ।
বরং মম প্রয়চ্ছন্তি সর্বে ত্রৈলোক্যবাসিনঃ ॥ 3-183-34 (22984)
চক্ষুষা যং প্রপশ্যামি প্রাণিনং পৃথিবীপতে।
তস্য তেজো হরাম্যাশু তদ্ধি দৃষ্টের্বলং মম ॥ 3-183-35 (22985)
ব্রহ্মর্ষীণাং সরস্রং হি উবাহ শিবিকাং মম।
কস মামপনয়ো রাজন্ভ্রংশয়ামাস বৈ শ্রিয়ঃ ॥ 3-183-36 (22986)
তত্র হ্যগস্ত্যঃ পাদেন বহন্স্পৃষ্টো মহামুনিঃ।
অগস্ত্যেন ততোস্ম্যুক্তো ধ্বংস সর্পেতি বৈরুষা ॥ 3-183-37 (22987)
ততস্তস্মাদ্বিমানাগ্র্যাৎপ্রচ্যুতশ্চ্যুতলক্ষণঃ।
প্রপতন্বুবুধেঽঽত্মানং ব্যালীভূতমধোমুখম্ ॥ 3-183-38 (22988)
অয়াচং তমহং বিপ্রং শাপস্যান্তো ভবেদিতি।
প্রমাদাৎসংপ্রমূঢস্য ভগবন্ক্ষন্তুমর্হসি ॥ 3-183-39 (22989)
ততঃ স মামুবাচেদং প্রপতন্তং কৃপানবিতঃ।
যুধিষ্ঠিরো ধর্মরাজঃ শাপাত্ৎবাং মোক্ষয়িষ্যতি ॥ 3-183-40 (22990)
অভিমানস্য বৈ তস্য বলস্য চ নরাধিপ।
ফলে ক্ষীণে মহারাজ ফলং পুণ্যমবাপ্স্যসি ॥ 3-183-41 (22991)
ততো মে বিস্ময়ো জাতস্তদ্দৃষ্ট্বা তপসো বলম্।
ব্রহ্ম চ ব্রাহ্মণৎবং চ যেন ৎবাঽহমচূচুদম্ ॥ 3-183-42 (22992)
সত্যং দমস্তপো যোগমহিংসা জ্ঞাননিত্যতা।
সাধকানি সতাং পুংসাং ন জাতির্নকুলং নৃপ ॥ 3-183-43 (22993)
অরিষ্ট কএষ তে ভ্রাতা মুক্তো বীমো মহাভুজ।
স্বস্তি তেঽস্তু মহারাজ গমিষ্যামি দিবং পুনঃ ॥ 3-183-44 (22994)
`স চায়ং পুরুষব্যাঘ্র কালঃ পুণ্য উপাগতঃ।
তদস্মাৎকারণাৎপার্থ কার্যং তন্মে মহৎকৃতম্' ॥ 3-183-45 (22995)
বৈশম্পায়ন উবাচ। 3-183-46x (2362)
`ততস্তস্মিন্মুহূর্তে তু বিমানং কামগামি বৈ।
অবপাতেন মহতা তত্রাবাপ তদুত্তমম্' ॥ 3-183-46 (22996)
ইত্যুক্ৎবাঽঽজগরং দেহং মুক্ৎবা স নহুষো নৃপঃ।
দিব্যং বপুঃ সমাস্থায় গতস্ত্রিদিবমেব হ ॥ 3-183-47 (22997)
যুধিষ্ঠিরোপি ধর্মাত্মা ভ্রাত্রা ভীমেন সংগতঃ।
ধৌম্যেন সহিতঃ শ্রীমানাশ্রমং পুনরাগমৎ ॥ 3-183-48 (22998)
ততো দ্বিজেভ্যঃ সর্বেভ্যঃ সমেতেভ্যো যথাতথম্।
কথয়ামাস তৎসর্বং ধর্মরাজো যুধিষ্ঠিরঃ ॥ 3-183-49 (22999)
তচ্ছ্রুৎবা তে দ্বিজাঃ সর্বে ভ্রাতরশ্চাস্য তে ত্রয়ঃ।
আসন্সুব্রীডিতা রাজন্দ্রৌপদী চ যশস্বিনী ॥ 3-183-50 (23000)
তে তু সর্বেদ্বিজশ্রেষ্ঠাঃ পাণ্ডবানাং হিতেপ্সয়া।
মৈবমিত্যব্রুবন্ভীমং গর্হয়ন্তোঽস্ সাহসম্ ॥ 3-183-51 (23001)
3-183-52 (23002)
পাণ্ডবাস্তু ভয়ান্পুক্তং প্রেক্ষ্য ভীমং মহাবলম্।
হর্ষমাহারয়াংচক্রুর্বিজহ্রুশ্চ মুদা যুতাঃ ॥
Mahabharata - Vana Parva - Chapter Footnotes
3-183-4 গুরুলাঘবং গৌরবং লাঘবং চেত্যর্থঃ ॥অরণ্যপর্ব - অধ্যায় 184
॥ শ্রীঃ ॥
3.184. অধ্যায়ঃ 184
Mahabharata - Vana Parva - Chapter Topics
বর্ষাশরদ্বর্ণনম্ ॥ 1 ॥ যুধিষ্ঠিরাদিভির্দ্বৈতবনাৎপুনঃ কাম্যকবনপ্রবেশঃ ॥ 2 ॥Mahabharata - Vana Parva - Chapter Text
3-184-0 (23003)
বৈশম্পায়ন উবাচ। 3-184-0x (2363)
নিদাঘান্তকরঃ কালঃ সর্বভূতসুখাবহঃ।
তত্রৈব বসতাং তেষাং প্রাবৃট্ সমভিপদ্যত ॥ 3-184-1 (23004)
ছাদয়ন্তো মহাঘোষাঃ স্বং দিশশ্চ বলাহকাঃ।
প্রববর্ষুর্দিবারাত্রমসিতাঃ সততং তদা ॥ 3-184-2 (23005)
তপাত্যযনিকেতাশ্চ শতশোঽথ সহস্রশঃ।
অপেতার্কপ্রভাজালাঃ সবিদ্যুন্মণ্ডপ্রভাঃ ॥ 3-184-3 (23006)
বিরূঢশষ্পা ধরণী মত্তদংশসরীসৃপা।
বভূব পয়সা সিক্তা শান্তধূমরজোগণা ॥ 3-184-4 (23007)
ন স্ম প্রজ্ঞায়তে কিংচিদম্ভসা সমবস্তৃতে।
সমং বা বিষমং বাঽপি নদ্যো বা স্তাবরাণি বা ॥ 3-184-5 (23008)
ক্ষুব্ধতোয়া মহাবেগাঃ শ্বসমানা ইবাশুগাঃ।
সিন্ধবঃ শোভয়াংচক্রুঃ কাননানি তপাত্যযে ॥ 3-184-6 (23009)
নদতাং কাননান্তেষু শ্রূয়ন্তে বিবিধাঃ স্বনাঃ।
বৃষ্টিভিস্তাড্যমানানাং বরাহমৃগপক্ষিণাম্ ॥ 3-184-7 (23010)
স্তোককাঃ শিখিনশ্চৈব পুংস্কোকিলগণৈঃ সহ।
মত্তাঃ পরিপতন্তি স্ম দর্দুরশ্চৈব দর্পিতাঃ ॥ 3-184-8 (23011)
তদা বহুবিধাকারা প্রাবৃণ্মেঘানুনাদিতা।
অভ্যতীতা শিবা তেষাং চরতাং মরুধন্বসু ॥ 3-184-9 (23012)
ক্রৌঞ্চহংসসমাকীর্ণা শরৎপ্রমুদীতাঽভবৎ।
রূঢকক্ষবনপ্রস্থা প্রসন্নজলনিম্নগা ॥ 3-184-10 (23013)
বিমলাকাশনক্ষত্রা শরত্তেষাং শিবাঽভষৎ।
মৃগদ্বিজসমাকীর্ণা পাণ্ডবানাং মহাত্মনাম্ ॥ 3-184-11 (23014)
দৃশ্যন্তে শান্তরজসঃ ক্ষপাজলদশীতলাঃ।
গ্রহনক্ষত্রসঙ্ঘৈশ্চ সোমেন চ বিরাজিতাঃ ॥ 3-184-12 (23015)
কুমুদৈঃ পুণ্ডরীকৈশ্চ শীতবারিধরাঃ শিবাঃ।
নদীঃ পুষ্করিণীশ্চৈব দদৃশুঃ সমলংকৃতাঃ ॥ 3-184-13 (23016)
তে বৈ মুমুদিরে বীরাঃ প্রসন্নসলিলাং শিবাম্।
পশ্যন্তো দৃঢধন্বানঃ পরিপূর্ণাং সরস্বতীম্ ॥ 3-184-15 (23017)
তেষাং পুণ্যতমা রাত্রিঃ পর্বসন্ধৌ স্ম শারদী।
তত্রৈব বসতামাসীৎকার্তিকী জনমেজয় ॥ 3-184-16 (23018)
পুণ্যকৃদ্ভির্মহাসৎবৈস্তাপসৈঃ সহ পাণ্ডবাঃ।
তৎসর্বং ভরতশ্রেষ্ঠ সমূহুর্যোগমুত্তমম্ ॥ 3-184-17 (23019)
তমিস্রাভ্যুদয়ে তস্মিন্ধৌম্যেন সহ পাণ্ডবাঃ।
সূতৈঃ পৌরোগবৈঃ সাকং কাম্যকং প্রয়যুর্বনম্ ॥ 3-184-18 (23020)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি চতুরশীত্যধিকশততমোঽধ্যায়ঃ ॥ 184 ॥
Mahabharata - Vana Parva - Chapter Footnotes
3-184-2 অসিতাঃ কৃষ্ণবর্ণাঃ ॥ 3-184-3 তপাত্যযে বর্ষাসু নিকেতা ইব মণ্ডপীভূতা ইত্যর্থঃ ॥ 3-184-5 সমবস্তৃতে আচ্ছাদিতে। স্থাবরাণি ভূতলাদীনি ॥ 3-184-6 আশুগাঃ তীব্রবেগাঃ। সিংধবঃ নদ্যঃ ॥ 3-184-8 স্তোককাশ্চাকাঃ। দুর্দরাঃ মণ্ডূকাঃ ॥ 3-184-9 মরুধন্বসু গিরেঃ শুষ্কস্থানেষু ॥ 3-184-10 রূঢকক্ষাণি বহুতৃণানি বনানি প্রস্থশব্দেদিতানি সানূনি চ যস্যাং সা তথা ॥ 3-184-16 কার্তিকী কৃত্তিকায়ুক্তা পৌর্ণমাসী ॥ 3-184-17 যোগং যুজ্যতে রথাদাবিতি ব্যুৎপত্ত্যা বাহনাদিক সমূহুঃ আরোপিতভারং কৃতবন্তঃ ॥অরণ্যপর্ব - অধ্যায় 185
॥ শ্রীঃ ॥
3.185. অধ্যায়ঃ 185
Mahabharata - Vana Parva - Chapter Topics
পাণ্ডবানাং পুনঃ কাময়্কাগমনং শ্রুতবতা কৃষ্ণেন সত্যভাময়া সহ তত্রাগমনম্ ॥ 1 ॥ তথা নারদমার্কণ্ডেয়যোরাগমনং চ ॥ 2 ॥ মার্কণ্ডেয়েন শ্রীকৃষ্ণচোদনয়া পুরাণকথাকথনারম্ভঃ ॥ 3 ॥Mahabharata - Vana Parva - Chapter Text
3-185-0 (23021)
বৈশম্পায়ন উবাচ। 3-185-0x (2364)
কাম্যকং প্রাপ্য কৌরব্য যুধিষ্ঠিরপুরোগমাঃ।
কৃতাতিথ্যা মুনিগণৈর্নিষেদুঃ সহ কৃষ্ণয়া ॥ 3-185-1 (23022)
ততস্তান্পরিবিশ্বস্তান্বসতঃ পাণ্ডুনন্দনান্।
ব্রাহ্মণা বহবস্তত্র সমন্তাৎপর্যবারয়ন্ ॥ 3-185-2 (23023)
অথাব্রবীদ্দ্বিজঃ কশ্চিদর্জুনস্য প্রিয়ঃ সখা।
স এষ্যতি মহাবাহুর্বশী শৌরিরুদারধীঃ ॥ 3-185-3 (23024)
বিদিতা হি হরের্যূয়মিহায়াতাঃ কুরূদ্বহাঃ।
সদা হি দর্শনাকাঙ্ক্ষী শ্রেয়োন্বেষী চ বো হরিঃ ॥ 3-185-4 (23025)
বহুবৎসরজীবী চ মার্কণ্ডেয়ো মহাতপাঃ।
স্বাধ্যায়তপসা যুক্তঃ ক্ষিপ্রং যুষ্মান্সমেষ্যতি ॥ 3-185-5 (23026)
তথৈব ব্রুবতস্তস্য প্রত্যদৃশ্যত কেশবঃ।
শৈব্যসুগ্রীবয়ুক্তেন রথেন রথিনারঃ ॥ 3-185-6 (23027)
মঘবানিব পৌলোম্যা সহিতঃ সত্যভাময়া।
উপায়াদ্দেবকীপুত্রো দিদৃক্ষুঃ কুরুসত্তমান্ ॥ 3-185-7 (23028)
অবতীর্য রথাৎকৃষ্ণো ধর্মরাজং যথাবিধি।
ববন্দে মুদিতো ধীমান্ভীমং চ বলিনাং বরম্ ॥ 3-185-8 (23029)
পূজয়ামাস ধৌম্যং চ যমাভ্যামভিবাদিতঃ।
পরিষ্বজ্যমহাভাগাং দ্রৌপদীং পর্যসান্ৎবয়ৎ ॥ 3-185-9 (23030)
স দৃষ্ট্বা ফল্গুনং বীরং চিরস্য প্রিয়মাগতম্।
পর্যষ্বজত দাশার্হঃ পুনঃ পুনররিংদমঃ ॥ 3-185-10 (23031)
তথৈব সত্যভামাঽপি দ্রৌপদীং পরিষস্বজে।
পাণ্ডবানাং প্রিয়ং ভার্যাং কৃষ্ণস্য মহিষী প্রিয়া ॥ 3-185-11 (23032)
ততস্তে পাণ্ডবাঃ সর্বেসভার্যাঃ সপুরোহিতাঃ।
আনর্চুঃ পুণ্ডরীকাক্ষং পরিবব্রুশ্চ সর্বশঃ ॥ 3-185-12 (23033)
কৃষ্ণস্তু পার্থেন সমেত্য বিদ্বান্
ধনংজয়েনাসুরমর্দনেন।
বভৌ যথা ভূতপতির্মহাত্মা
সমেত্য সাক্ষাদ্ভগবান্গুহেন ॥ 3-185-13 (23034)
ততঃ সমস্তানি কিরীটমালী
বনেষু বৃত্তানি গদাগ্রজায়।
উক্ৎবা যথাবৎপুনরন্বপৃচ্ছ-
ত্তস্মিন্সুভদ্রাং চ তথাঽভিমন্যুম্ ॥ 3-185-14 (23035)
ধৌম্যং চ কৃষ্ণাং চ যুধিষ্ঠিরং চ
যমৌ চ ভীমং চ দশার্হসিংহঃ।
উবাচ দিষ্ট্যা ভবতাং শিবেন
প্রাপ্তঃ কিরীটী মুদিতঃ কৃতাস্ত্রঃ ॥ 3-185-15 (23036)
স পূজয়িৎবা মধুহা যথাব-
ৎপার্থাংশ্চ কৃষ্ণাং চ পুরোহিতং চ।
উবাচ রাজানমভিপ্রশংসন্
যুধিষ্ঠিরং তেন সহোপবিশ্য ॥ 3-185-16 (23037)
ধর্মঃ পরঃ পাণ্ডব রাজ্যলাভা-
ত্তস্যাদিমাহুস্তপ এব রাজন্।
সত্যার্জবাভ্যাং চরতা স্বধর্মং
জিতস্ৎবয়াঽচং পরশ্চ লোকঃ ॥ 3-185-17 (23038)
অধীতমগ্রে চরতা ব্রতানি
সম্যগ্ধনুর্বেদমবাপ্য কৃৎস্নম্।
ক্ষাত্রেণ ধর্মেণ বসূনি লব্ধ্বা
সর্বে হ্যবাপ্তাঃ ক্রতবঃ পুরাণাঃ ॥ 3-185-18 (23039)
ন গ্রাম্যধর্মেষু রতিস্তবাস্তি
কামান্ন কিংচিৎকুরুষে নরেন্দ্র।
ন চার্তলোভাৎপ্রজহাসি ধর্মং
তস্মাৎপ্রভাবাদসি ধর্মরাজঃ ॥ 3-185-19 (23040)
দানং চ সত্যং চ তপশ্চ রাজন্
ক্ষমা চ শান্তিশ্চ দমো ধৃতিশ্চ।
অবাপ্য রাষ্ট্রাণি বসূনি ভোগা-
নেষা পরা পার্থ সদা রতিস্তে ॥ 3-185-20 (23041)
হৃতং চ দেশং কুরুজাঙ্গলানাং
কৃষ্ণাং সভায়ামশাং চ পশ্যন্।
অপেতধর্মব্যবহারবৃত্তং
সহেত তৎপাণ্ডব কস্ৎবদন্যঃ ॥ 3-185-21 (23042)
অসংশয়ং সর্বসমৃদ্ধকামঃ
ক্ষিপ্রং প্রজাঃ পালয়িতাসি সম্যক্।
অদ্যৈব তন্নিগ্রহণং কুরূণাং
যদি প্রতিজ্ঞা ভবতঃ সমাপ্তা ॥ 3-185-22 (23043)
প্রোবাচ কৃষ্ণামপি যাজ্ঞসেনীং
দশার্হভর্তা সহিতঃ সুহৃদ্ভিঃ।
কদিষ্ট্যা সমগ্রাঽসি ধনংজয়েন
সমাগতেত্যেবমুবাচ কৃষ্ণঃ ॥ 3-185-23 (23044)
কৃষ্ণে ধনুর্বেদরতিপ্রদানা-
স্তবাত্মজাস্তে শিশবঃ শুশীলাঃ।
সদ্ভিঃ সদৈবাচরিতং সমাধিং
চরন্তি পুত্রাস্তব যাজ্ঞসেনি ॥ 3-185-24 (23045)
রাজ্যে নিয়ুক্তৈশ্চ নিমন্ত্র্যমাণাঃ
পিত্রা চ কৃষ্ণে তব সোদরৈশ্চ।
ন যজ্ঞসেনস্য ন মাতুলানাং
গৃহেষু বালা রতিমাপ্নুবন্তি ॥ 3-185-25 (23046)
আনর্তমেবাভিমুখাঃ শিবেন
গৎবাধনুর্বেদরতিপ্রধানাঃ।
তবাত্মজা বৃষ্ণিপুরং প্রবিশ্য
ন দৈবতেভ্যঃ স্পৃহয়ন্তি কৃষ্ণে ॥ 3-185-26 (23047)
যথা ৎবমেবার্হসি তেষু বৃত্তং
প্রয়োক্তুমার্যা চ যথৈব কুন্তী।
তেষ্বপ্রমাদেন তথা করোতি
তথৈব ভূয়শ্চ তথা সুভদ্রা ॥ 3-185-27 (23048)
যথাঽনিরুদ্ধস্য যথাঽভিমন্যো-
র্যথা সুনীথস্য যথৈব ভানোঃ।
তথা বিনেতা চ গতিশ্চ কৃষ্ণে
তবাত্মজানামপি রৌক্মিণেয়ঃ ॥ 3-185-28 (23049)
গদাসিচর্মগ্রহণেষু শূরা-
নস্ত্রেষু শিক্ষাসু রথাশ্বয়ানে।
সম্যগ্বিনেতা বিনয়েদতন্দ্রী-
স্তাংশ্চাভিমন্যুং চ সদা কুমারান্ ॥ 3-185-29 (23050)
স চাপি সম্যক্প্রণিধায় শিক্ষাং
শস্ত্রাণই চৈষাং বিধিবৎপ্রদায়।
তবাত্মজানাং চ তথাঽভিমন্যোঃ
পরাক্রমৈস্তুষ্যতি রৌক্মিণেয়ঃ ॥ 3-185-30 (23051)
যথা বিহারং প্রসমীক্ষমাণাঃ
প্রয়ান্তি পুত্রাস্তব যাজ্ঞসেনি।
একৈকমেষামনুয়ান্তি যত্র
রথাশ্চ যানানি চ দন্তিনশ্চ ॥ 3-185-31 (23052)
অথাব্রবীদ্ধর্মরাজং তু কৃষ্ণো
দশার্হয়োধাঃ কুকুরান্ধকাশ্চ।
এতে নিদেশং তব পালয়ন্ত-
স্তিষ্ঠন্তু যত্রেচ্ছসি তত্র রাজন্ ॥ 3-185-32 (23053)
আবর্ততাং কার্মুকবেগবাতা
হলায়ুধপ্রগ্রণা মধূনাম্।
সেনা তবার্থেষু নরেন্দ্র যত্তা
সসাদিপত্ত্যশ্বরথা সনাগা ॥ 3-185-33 (23054)
প্রস্থাপ্যতাং পাণ্ডব ধার্তরাষ্ট্রঃ
সুয়োধনঃ পাপকৃতাং বরিষ্ঠঃ।
স সানুবন্ধঃ সসুহদ্গণশ্চ
ভৌমস্য সৌবাধিপতেশ্চ মার্গম্ ॥ 3-185-34 (23055)
কামং তথা তিষ্ঠ নরেন্দ্র তস্মি-
ন্যথা কৃতস্তে সময়ঃ সভায়াম্।
দাশার্হয়োধৈস্তু হতারিয়োধং
প্রতীক্ষতাং নাগপুরং প্রভগ্নম্ ॥ 3-185-35 (23056)
ব্যপেতমন্যুর্ব্যপনীতপাপ্মা
বিহৃৎ যত্রেচ্ছসি তত্র কামম্।
ততঃ সমৃদ্ধিপ্রভবং বিশোকঃ
প্রপৎস্যসে নাগপুরং সরাষ্ট্রম্ ॥ 3-185-36 (23057)
ততস্তদাজ্ঞায় মতং মহাত্মা
যথাবদুক্তং পুরুষোত্তমেন।
প্রশস্য বিপ্রেক্ষ্য চ ধর্মরাজঃ
কৃতাঞ্জলিঃ কেশবমিত্যুবাচ ॥ 3-185-37 (23058)
অসংশয়ং কেশব পাণ্ডবানাং
ভবান্গতিস্ৎবচ্ছরণা হি পার্থাঃ।
কালোদয়ে তচ্চ ততশ্চ ভূয়ঃ
কর্তা ভবান্কর্ম ন সংশয়োস্তি ॥ 3-185-38 (23059)
যথাপ্রতিজ্ঞং বিহৃতশ্চ কালঃ
সর্বাঃ সমা দ্বাদশ নির্জনেষু।
অজ্ঞাতচর্যাং বিধিবৎসমাপ্য
ভবদ্গতাঃ কেশব পাণ্ডবেয়াঃ ॥ 3-185-39 (23060)
এষৈব বুদ্ধির্জুষতাং সদা ৎবাং
সত্যে স্থিতাঃ কেশব পাণ্ডবেয়াঃ।
সদানধর্মাঃ সজলাঃ সদারাঃ
সবান্ধবাস্ৎবচ্ছরণা হি পার্থাঃ ॥ 3-185-40 (23061)
বৈশম্পায়ন উবাচ। 3-185-41x (2365)
তথা বদতিবার্ষ্ণেয়ে ধর্মরাজে চ ভারত।
অথ পশ্চাত্তপোবৃদ্ধো বহুবর্ষসহস্রধৃক্।
প্রত্যদৃশ্যত ধর্মাত্মা মার্কণ্ডেয়ো মহাতপাঃ ॥ 3-185-41 (23062)
অজরশ্চামরংশ্চৈব রূপৌদার্যগুণান্বিতঃ।
ব্যদৃশ্যত তথা যুক্তো যথা স্যাৎপঞ্চবিংশকঃ ॥ 3-185-42 (23063)
তমাগতমৃষিং বৃদ্ধং বহুবর্ষসহস্রিণম্।
উপাতিষ্ঠন্ত তে সর্বেপাণ্ডবাঃ সহয়াদবাঃ ॥ 3-185-43 (23064)
তমর্চিতং সুবিশ্বস্তমাসীনমৃষিসত্তমম্।
ব্রাহ্মণানাং মতেনাহ পাণ্ডবানাং চ কেশবঃ ॥ 3-185-44 (23065)
শুশ্রূপবঃ পাণ্ডবাস্তে ব্রাহ্মণাশ্চ সমাগতাঃ।
দ্রৌপদী সত্যভামা চ তথাঽহংপরমং বচঃ ॥ 3-185-45 (23066)
পুরাবৃত্তাঃ কথাঃ পুণ্যাঃ সদাচারান্সনাতনান্।
রাজ্ঞাংস্ত্রীণামৃষীণাং চ মার্কণঅডেয় প্রচক্ষ্ব নঃ ॥ 3-185-46 (23067)
বৈশম্পায়ন উবাচ। 3-185-47x (2366)
তেষু তত্রোপবিষ্টেষু দেবর্ষিরপি নারদঃ।
আজগাম বিশুদ্ধাত্মা পাণ্ডবানবলোককঃ ॥ 3-185-47 (23068)
তমপ্যথ মহাত্মানং সর্বে তে পুরুষর্ষভাঃ।
পাদ্যার্ধ্যাভ্যাং যথান্যায়মুপতস্থুর্মনীষিণঃ ॥ 3-185-48 (23069)
নারদস্ৎবথ দেবর্ষির্জ্ঞাৎবা তাংস্তু কৃতক্ষণান্।
মার্কণ্ডেয়স্য বদতস্তাং কথামন্বমোদত ॥ 3-185-49 (23070)
উবাচ চৈনং কালজ্ঞং স্ময়ন্নিব সনারদঃ।
ব্রহ্মর্ষে কথ্যতাং যত্তে পাণ্ডবেষু বিবক্ষিতম্ ॥ 3-185-50 (23071)
এবমুক্তঃ প্রত্যুবাচ মার্কণ্ডেয়ো মহাতপাঃ।
ক্ষণং কুরুধ্বংবিপুলমাখ্যাতব্যং ভবিষ্যতি ॥ 3-185-51 (23072)
এবমুক্তাঃ ক্ষণং চক্রুঃ পাণ্ডবাঃ সহ তৈর্দ্বিজৈঃ।
মধ্যংদিনে যথাদিত্যং প্রেক্ষন্তস্তে মহামুনিম্ ॥ 3-185-52 (23073)
ইতি শ্রীমন্মহাভারতে অরণ্যপর্বণি মার্কণ়্ডেয়সমাস্যাপর্বণি পঞ্চাশীত্যধিকশততমোঽধ্যায়ঃ ॥ 185 ॥
Mahabharata - Vana Parva - Chapter Footnotes
3-185-13 ভূতমতিঃ রুদ্রঃ। গুহেন কার্তিকেয়েন ॥ 3-185-19 কোপো ন কশ্চিৎপরুষো নরেন্দ্রেতি ধ. পাঠঃ ॥ 3-185-20 এষা দানাদিরূপা সদারতিঃ নিত্যংপ্রীতিবিষয়ঃ ॥ 3-185-21 রাজ্যে নিবিষ্টঃ কুরুজাংগলানাং কৃষ্ণাং সভায়াং সভবানপশ্যদিতি ধ. পাঠঃ ॥ 3-185-26 আনর্তং দ্বারকাদেশম্ ॥ 3-185-28 বিনেতা শিক্ষয়িতা রৌবিমণেয়ঃ প্রদ্যুম্নঃ ॥ 3-185-33 মধূনাং মাথুরাণাম্। হলায়ুধঃ প্রগ্রহণো নিয়ন্তা যস্যা সা সেনা। যত্তা সন্নদ্ধা ॥ 3-185-34 ভৌমস্য নরকাসুরস্য সৌভাধিপতেঃ সাৎবস্য। সাৎবস্য সৌভাধিপতেশ্চ মার্গমিতি খ. পাঠঃ ॥ 3-185-42 পঞ্চবিংশকঃ বর্ষৈরিতি শেষঃ ॥ 3-185-47 অবলোককঃ অবলোকনার্থী ॥অরণ্যপর্ব - অধ্যায় 186
॥ শ্রীঃ ॥
3.186. অধ্যায়ঃ 186
Mahabharata - Vana Parva - Chapter Topics
মার্কণ্ডেয়েন যুধিষ্ঠিরাদীন্প্রতি প্রাণিনাং সুকৃতদুষ্কৃতফলভোগাদিপ্রকারনিরূপণম্ ॥ 1 ॥Mahabharata - Vana Parva - Chapter Text
3-186-0 (23074)
বৈশম্পায়ন উবাচ। 3-186-0x (2367)
তং বিবক্ষন্তমালক্ষ্যকুরুরাজো মহামুনিম্।
কথাসংজননার্থায় চোদয়ামাস পাণ্ডবঃ ॥ 3-186-1 (23075)
ভবান্দৈবতদৈত্যানামৃষীণাং চ মহাত্মনাম্।
রাজর্ষীণাং চ সর্বেষাং চরিতজ্ঞঃ পুরাতনঃ ॥ 3-186-2 (23076)
সেব্যশ্চোপাসিতব্যশ্ মতো নঃ কাঙ্ক্ষিতশ্চিরম্।
অয়ং চ দেবকীপুত্রঃ প্রাপ্তোঽস্মানবলোককঃ ॥ 3-186-3 (23077)
ভ্রমত্যেব হি মে বুদ্ধির্দৃষ্ট্বাঽঽত্মানং সুখাচ্চ্যুতম্।
ধার্তরাষ্ট্রাংশ্চ রদুর্ত্তানৃদ্ধ্যতঃ প্রেক্ষ্য সর্বশঃ ॥ 3-186-4 (23078)
কর্মণঃ পুরুষঃ কর্তা শুভস্যাপ্যশুভস্য বা।
স্বফলং তদুপাশ্নাপি কথং কর্তা স্বিদীশ্বরঃ ॥ 3-186-5 (23079)
অথবা সুখদুঃখেষু নৃণাং ব্রহ্মবিদাংবর।
ইহ বা কৃতমন্বেতি পরদেহেঽথবা পুনঃ ॥ 3-186-6 (23080)
দেহী চ দেহং সংত্যজ্য মৃগ্যমাণঃ শুভাশুভৈঃ।
কথং সংয়ুজ্যতেপ্রেত্য ইহ বা দ্বিজসত্তম ॥ 3-186-7 (23081)
ঐহলৌকিকমেবৈতদুতাহো পারলৌকিকম্।
ক্ব বা কর্মাণি তিষ্ঠন্তি জন্তোঃ প্রেতস্য ভার্গব ॥ 3-186-8 (23082)
মার্কণ্ডেয় উবাচ। 3-186-9x (2368)
ৎবদ্যুক্তোঽয়মনুপ্রশ্নো যথাবদ্বদতাংবর।
বিদিতং বেদিতব্যং তে স্থিত্যর্থং ৎবং তু পৃচ্ছসি ॥ 3-186-9 (23083)
অত্র তে কথয়িষ্যামি তদিহৈকমনাঃ শৃণু।
যথেহামুত্র চ নর সুখদুঃখমুপাশ্নুতে ॥ 3-186-10 (23084)
নির্মলানি শরীরাণি বিশুদ্ধানি শরীরিণাম্।
সসর্জ ধর়্মতন্ত্রাণি পূর্বোৎপন্নঃ প্রজাপতিঃ ॥ 3-186-11 (23085)
অমোঘফলসংকল্পাঃ সুব্রতাঃ সত্যবাদিনঃ।
ব্রহ্মভূতা নরাঃ পুণ্যাঃ পুরাণাঃ কুরুসত্তম ॥ 3-186-12 (23086)
সর্বে দেবৈঃ সমায়ান্তি স্বচ্ছন্দেন নভস্তলম্।
ততশ্চ পুনরায়ান্তি সর্বে স্বচ্ছন্দচারিণঃ ॥ 3-186-13 (23087)
স্বচ্চন্দমরণাশ্চাসন্নরাঃ স্বচ্ছন্দজীবিনঃ।
অল্পবাধা নিরাতঙ্কাঃ সিদ্ধার্থা নিরুপদ্রবাঃ ॥ 3-186-14 (23088)
দ্রষ্টারোদেবসঙ্ঘানামৃষীণাং চ মহাত্মনাম্।
প্রত্যক্ষাঃ সর্বধর্মাণাং দান্তা বিগতমৎসরাঃ ॥ 3-186-15 (23089)
আসন্বর্ষসহস্রাণি তথা পুত্রসহস্রিণঃ।
ততঃ কালান্তরে তস্মিন্পৃথিবীতলচারিণঃ ॥ 3-186-16 (23090)
কামক্রোধাভিভূতাস্তে মায়াব্যাজোপজীবিনঃ।
লোভমোহাভিভূতাশ্চ ত্যক্তা দেবৈস্ততো নরাঃ ॥ 3-186-17 (23091)
অশুভৈঃ কর্মভিঃ পাপাস্তির্যঙ্গিরয়গামিনঃ।
সংসারেষু বিচিত্রেষু পচ্যমানাঃ পুনঃ পুনঃ ॥ 3-186-18 (23092)
মোঘেষ্টা মোঘসংকল্পা মোঘজ্ঞানা বিচেতসঃ।
`কাঙ্ক্ষিণঃ সর্বকামানাং নাস্তিকা ভিন্নসেতবঃ' ॥ 3-186-19 (23093)
সর্বাভিশঙ্খিনশ্চৈব সংবৃত্তাঃ ক্লেদায়িনঃ।
অশুভৈঃ কর্মভিশ্চাপি প্রায়শঃ পরিচিহ্নিতাঃ ॥ 3-186-20 (23094)
দৌষ্কুল্যা ব্যাধিবহুলা দুরাত্মানোঽভিতাপিনঃ।
ভবন্ত্যল্পায়ুষঃ পাপা রৌদ্রকর্মফলোদয়াঃ।
নাথন্তঃ সর্বকামানাং নাস্তিকা ভিন্নচেতসঃ ॥ 3-186-21 (23095)
জন্তোঃ প্রেতস্য কৌন্তেয় গতিঃ স্বৈরিহ কর্মভিঃ।
প্রাজ্ঞস্য হীনবুদ্ধেশ্চ কর্মকোশঃ ক্ব তিষ্ঠতি ॥ 3-186-22 (23096)
ক্বস্থস্তৎসমুপাশ্নাতি সুকৃতং যদি বেতরৎ।
ইতি তে দর্শনং যচ্চ তত্রাপ্যনুনয়ং শৃণু ॥ 3-186-23 (23097)
অয়মাদিশরীরেণ দেবসৃষ্টেন মানবঃ।
শুভানামশুভানাং চ কুরুতে সংচয়ং মহৎ ॥ 3-186-24 (23098)
আয়ুষোঽন্তে প্রহায়েদং ক্ষীণপ্রায়ং কলেবরম্।
সংভবত্যেব যুগপদ্যোনৌ নাস্ত্যন্তরাঽভবঃ ॥ 3-186-25 (23099)
তত্রাস্য স্বকৃতং কর্ম চ্ছায়েবানুগতং সদা।
ফলত্যথ সুখার্হো বা দুঃখার্হোবাঽথ জায়তে ॥ 3-186-26 (23100)
কৃতান্তবিধিসংয়ুক্তঃ স জন্তুর্লক্ষণৈঃ শুভৈঃ।
অশুভৈর্বা নিরাদানো লক্ষ্যতে জ্ঞানদৃষ্টিভিঃ ॥ 3-186-27 (23101)
এষা তাবদবুদ্ধীনাং গতিরুক্তা যুধিষ্ঠির।
অতঃ পরং জ্ঞানবতাং নিবোধ গতিমুত্তমাম্ ॥ 3-186-28 (23102)
মনুষ্যাস্তপ্ততপসঃ সর্বাগমপরায়ণাঃ।
স্থিরব্রতাঃ সত্যপরা গুরুশুশ্রূষণে রতাঃ ॥ 3-186-29 (23103)
সুশীলাঃ শুক্লজাতীয়াঃ ক্ষান্তা দান্তাঃ সুতেজসঃ।
শুচিয়োন্যন্তরগতাঃ প্রায়শঃ শুভলক্ষণাঃ ॥ 3-186-30 (23104)
জিতেনদ্রিয়ৎবাদ্বশিনঃ সৎকৃত্যান্মন্দরাগিণঃ।
অল্পাবাধপরিত্রাসা ভবন্তি নিরুপদ্রবাঃ ॥ 3-186-31 (23105)
চ্যবন্তং জায়মানং চ গর্ভস্যং চৈব সর্বশঃ।
স্বমাত্মানং পরং চৈব বুধ্যন্তে জ্ঞানচক্ষুষঃ ॥ 3-186-32 (23106)
ঋষয়স্তে মহাত্মানঃ প্রত্যক্ষাগমবুদ্ধয়ঃ।
কর্মভূমিমিমাং প্রাপ্য পুনর্যান্তি সুরালয়ম্।
`কৃৎবা শুভানি কর্মাণি জ্ঞানেন ভরতর্ষভ' ॥ 3-186-33 (23107)
কিংচিদ্দৈবাদ্ধঠাৎকিংচিৎকিংচিদেব স্বকর্মভিঃ।
প্রাপ্নুবন্তি নরা রাজন্মা তেঽস্ৎবন্যাবিচারণা ॥ 3-186-34 (23108)
ইমামত্রোপমাং চাপি নিবোধ বদতাংবর।
মনুষ্যলোকে যচ্ছ্রেয়ঃ পরংমন্যে যুধিষ্ঠির ॥ 3-186-35 (23109)
ইহৈবৈকস্য নামুত্র অমুত্রৈকস্য নো ইহ।
ইহ চামুত্র চৈকস্ নামুত্রৈকস্য নো ইহ ॥ 3-186-36 (23110)
ধনানি যেষাং বিপুলানি সন্তি
নিত্যংরমন্তে সুবিভূষিতাঙ্গাঃ।
তেষাময়ং শত্রুবরঘ্নলোকো
নাসৌ সদা গ্রাম্যসুখে রতানাম্ ॥ 3-186-37 (23111)
যে যোগয়ুক্তাস্তপসি প্রসক্তাঃ
স্বাধ্যায়শীলা জরয়ন্তি দেহান্।
জিতেন্দ্রিয়া ভূতহিতে নিবিষ্টা
স্তেষামসৌ নায়মরিঘ্নলোকঃ ॥ 3-186-38 (23112)
যে ধর্মমেব প্রথমং চরন্তি
ধর্মেণ লব্ধ্বা চ ধনানি কালে।
দারানবাপ্য ক্রতুভির্যজন্তে
তেষাময়ং চৈব পরশ্চ লোকঃ ॥ 3-186-39 (23113)
যে নৈব বিদ্যাং ন তপো ন দানং
ন চাপি মূঢাঃ প্রজনে যতন্তে।
ন চাপিগচ্ছন্তি শুভান্যভাগ্যা-
স্তেষাময়ং চৈব পরশ্চ নাস্তি ॥ 3-186-40 (23114)
সর্বে ভবন্তস্ৎবতিবীর্যসৎবা
দিব্যৌজসঃ সংহননোপপন্নাঃ।
লোকাদমুষ্মাদবনিং প্রপন্নাঃ
স্বধীতবিদ্যাঃ সুরকার্যহেতোঃ ॥ 3-186-41 (23115)
কৃৎবৈব কর্মাণই মহান্তি শূরা-
স্তপোদমাচারবিহারশীলাঃ।
দেবানৃষীন্প্রেতগতাংসচ্ সর্বা-
ন্সংতর্পয়িৎবা বিধিনা পরেণ ॥ 3-186-42 (23116)
স্বর্গং পরং পুণ্যকৃতাং নিবাসং
ক্রমেণ সংপ্রাপ্স্যথ কর্মভিঃ স্বৈঃ।
মাভূদ্বিশঙ্কা তব কৌরবেন্দ্র
দৃষ্ট্বাঽঽত্মনঃ ক্লেশমিমং সুখার্থম্ ॥ 3-186-43 (23117)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি ষডশীত্যধিকশততমোঽধ্যায়ঃ ॥ 186 ॥
Mahabharata - Vana Parva - Chapter Footnotes
3-186-4 ঋষ্যতঃ সমৃদ্ধিয়ুতান্ ॥ 3-186-9 স্থিত্যর্থং লোকরক্ষার্থম্। বেদিতব্যং তে স্মৃত্যর্থমনুপচ্ছসীতি ধ. পাঠঃ ॥ 3-186-17 মায়া কূটকার্ষাপণাদিঃ ব্যাজং দম্ভঃ তদেবোপজীবন্তি নতু ধর্মম্। তে মায়াব্যাজোপজীবিনঃ ॥ 3-186-21 নাথন্তঃ প্রার্থয়মানাঃ। কামানাং কামান্ ॥ 3-186-23 অনুনয়ং সিদ্ধান্তম্ ॥ 3-186-24 শরীরেণ মানবো বিধিসংয়ুতঃ ইতি ক. পাঠঃ ॥ 3-186-38 জিতেন্দ্রিয়াঃ প্রাণিবধে নিবৃত্তাঃ ইতি ঝ. পাঠঃ ॥ 3-186-40 প্রজনে পুত্রোৎপাদনে ॥অরণ্যপর্ব - অধ্যায় 187
॥ শ্রীঃ ॥
3.187. অধ্যায়ঃ 187
Mahabharata - Vana Parva - Chapter Topics
মার্কণ্ডেয়েন যুধিষ্ঠিরাদীন্প্রতি মৃতস্য পুনরুজ্জীবনশক্ত্যাদিরূপব্রাহ্মণমাহাত্ম্যকথনম্ ॥ 1 ॥Mahabharata - Vana Parva - Chapter Text
3-187-0 (23118)
বৈশম্পায়ন উবাচ। 3-187-0x (2369)
মার্কণ্ডেয়ং মহাত্মানমূচুঃ পাণ্ডুসুতাস্তদা।
মাহাত্ম্যং দ্বিজমুখ্যানাং শ্রোতুমিচ্ছাম কথ্যতাম্ ॥ 3-187-1 (23119)
এবমুক্তঃ স ভগবান্মার্কণ্ডেয়ো মহাতপাঃ।
উবাচ সুমহাতেজাঃ সর্বশাস্ত্রবিশারদঃ ॥ 3-187-2 (23120)
হেহয়ানাং কুলকরো রাজা পরপুরংজয়ঃ।
কুমারো রূপসংপননো মৃগয়াং ব্যচরদ্বলী ॥ 3-187-3 (23121)
চরমাণস্তু সোঽরণ্যে তৃণবীরুৎসমাবৃতে।
কৃষ্ণাজিনোত্তরাসঙ্গং দদর্শ মুনিমন্তিকে ॥ 3-187-4 (23122)
স তেন হিংসিতোঽরণ্যে মন্যমানেন বৈ মৃগম্।
ব্যথিতঃ কর্ম তৎকৃৎবা শোকোপহতচেতনঃ ॥ 3-187-5 (23123)
জগাম হেহয়ানাং বৈ সকাশং প্রথিতাত্মনাম্।
রাজ্ঞাং রাজীবনেত্রোসৌ কুমারঃ পৃথিবীপতে ॥ 3-187-6 (23124)
তেষাং চ তদ্যথাবৃত্তং কথয়ামাস বৈ তদা।
`স কুমারো মহীপালো হেহয়ানাং মহীভৃতাম্' ॥ 3-187-7 (23125)
তং চাপি হিংসিতং তাত মুনিং মূলফলাশিনম্।
শ্রুৎবা দৃষ্ট্বা চ তে তত্র বভূবুর্দীনমানসাঃ ॥ 3-187-8 (23126)
কস্যায়মিতি তে সর্বে মার্গমাণাস্ততস্ততঃ।
জগ্মুশ্চারিষ্টনাম্নোঽথ তার্ক্ষ্যস্যাশ্রমমঞ্জসা ॥ 3-187-9 (23127)
তেঽভিবাদ্য মহাত্মানং তং মুনিং সংশিতব্রতম্।
তস্থুঃ সর্বে স তু মুনিস্তেষাং পূজামথাহরৎ ॥ 3-187-10 (23128)
তে তমূচুর্মহাত্মানং ন বয়ং সক্রিয়াং মুনে।
ৎবত্তোঽর্হাঃ কর্মদোষেণ ব্রাহ্মণো হিংসিতো হি নঃ ॥ 3-187-11 (23129)
তানব্রবীৎস বিপ্রর্ষিঃ কথং বো ব্রাহ্মণো হতঃ।
ক্ব চাসৌ ব্রূত সহিতাঃ পশ্যধ্বং মে রতপোবলম্ ॥ 3-187-12 (23130)
তে তু তৎসর্বমখিলমাখ্যায়াস্মৈ যথাতথম্।
নাপশ্যংস্তমৃষিং তত্র গতাসুং তে সমাগতাঃ ॥ 3-187-13 (23131)
অন্বেষমাণাঃ সব্রীডাঃ সুপ্তবদ্গতমানসাঃ।
তানব্রবীত্তত্রমুনিস্তার্ক্ষ্যঃ পরপুরংজয়ঃ ॥ 3-187-14 (23132)
স্যাদয়ং ব্রাহ্মণঃ সোঽথয়ুষ্মাভির্যো বিনাশিতঃ।
পুত্রো হ্যযং মম নৃপাস্তপোবলসমন্বিতঃ ॥ 3-187-15 (23133)
তে চ দৃষ্ট্বৈব তমৃষিং বিস্ময়ং পরমং গতাঃ।
মহদাশ্চর্যমিতি বৈ তে ব্রুবাণা মহীপতে ॥ 3-187-16 (23134)
মৃতো হ্যযমিতো দৃষ্টঃ কথং জীবিতমাপ্তবান্।
কিমেতত্তপসো বীর্যং যেনায়ং জীবিতঃ পুনঃ।
শ্রোতুমিচ্ছামহে বিপ্র যদি শ্রোতব্যমিত্যুত ॥ 3-187-17 (23135)
স তানুবাচ নাস্মাকং মৃত্যুঃ প্রভবতে নৃপাঃ।
কারণং চ প্রবক্ষ্যামি হেতুয়োগং সমাসতঃ।
`মৃত্যুঃ প্রভবতে যেন নাস্মাকং নৃপসত্তমাঃ ॥ 3-187-18 (23136)
শুদ্ধাচারাদনলসাঃ সাধ্যোপাসনতৎপরাঃ।
শুদ্ধান্নাঃ শুদ্ধসদনা ব্রহ্মচর্যব্রতান্বিতাঃ' ॥ 3-187-19 (23137)
সত্যমেবাভিজানীমো নানৃতে কুর্মহে মনঃ।
স্বধর্মমনুতিষ্ঠামস্তস্মান্মৃত্যুভয়ং ন নঃ ॥ 3-187-20 (23138)
যদ্ব্রাহ্মণানাং কুশলং তদেষাং কথয়ামহে।
তেষাং হি চরিতং ব্রূমস্তস্মান্মৃত্যুভয়ং ন নঃ ॥ 3-187-21 (23139)
অতিথীনন্নপানেন ভৃত্যানত্যশনেন চ।
সংভোজ্য শেষমশ্নীমস্তস্মান্মৃত্যুভয়ং ন নঃ ॥ 3-187-22 (23140)
ক্ষান্তা দান্তাঃ ক্ষমাশীলাস্তীর্থদানপরায়ণাঃ।
পুণ্যদেশনিবাসাচ্চ তস্মান্মৃত্যুভয়ং ন নঃ।
তেজস্বিদেশবাসাচ্চ তস্মান্মৃত্যুভয়ং ন নঃ ॥ 3-187-23 (23141)
এতদ্বৈ লেশমাত্রং বঃ সমাখ্যাতং বিমৎসরাঃ।
গচ্ছধ্বং সহিতাঃ সর্বে ন পাপাদ্ভয়মস্তি বঃ ॥ 3-187-24 (23142)
এবমস্ৎবিতি তে সর্বে প্রতিপূজ্য মহামুনিম্।
স্বদেশমগমন্হৃষ্টা রাজানো ভরতর্ষভ ॥ 3-187-25 (23143)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি সপ্তাশীত্যধিকশততমোঽধ্যায়ঃ ॥ 187 ॥
Mahabharata - Vana Parva - Chapter Footnotes
3-187-4 উত্তরাসঙ্গঃ প্রাবরণম্ ॥ 3-187-9 জগ্মুশ্চারিষ্টনেম্নোঽথ ইতি ঝ. পাঠঃ। অরিষ্টনেমিশব্দ ইকারান্তোঽপ্যত্র মন্নন্তোঽপি জ্ঞেয়ঃ ॥ 3-187-14 তার্ক্ষ্যঃ তৃক্ষস্য কশ্যপস্যাপত্যম্ ॥ 3-187-21 নৈষাং দুশ্চরিতং ব্রূমঃ ইতি ঝ. পাঠঃ ॥ 3-187-23 তেজস্বিনাং যোগসিদ্ধানাং দেশঃ সামীপ্যম্। তৎসঙ্গাদিত্যর্থঃ ॥অরণ্যপর্ব - অধ্যায় 188
॥ শ্রীঃ ॥
3.188. অধ্যায়ঃ 188
Mahabharata - Vana Parva - Chapter Topics
মার্কণ্ডেয়েন যুধিষ্ঠিরাদীন্প্রতি বৈন্যস্যাশ্বমেধে অত্রিগৌতমবিবাদানুবাদেন ব্রাহ্মণমাহাত্ম্যকথনম্ ॥ 1 ॥Mahabharata - Vana Parva - Chapter Text
3-188-0 (23144)
মার্কণ্ডেয় উবাচ। 3-188-0x (2370)
ভূয় এব তু মাহাত্ম্যং ব্রাহ্মণআনাং নিবোধ মে।
বৈন্যো নামেহ রাজর্ষিরশ্বমেধায় দীক্ষিতঃ ॥ 3-188-1 (23145)
তমত্রির্গন্তুমারেবে বিত্তার্থমিতি নঃ শ্রুতম্।
ভূয়োঽর্থং নানুরুধ্যৎস ধর্মব্যক্তিনিদর্শনাৎ ॥ 3-188-2 (23146)
স বিচিন্ত্য মহাতেজা বনমেবান্বরোচয়ৎ।
ধর্মপত্নীং সমাহূয় পুত্রাংশ্চেদমুবাচ হ ॥ 3-188-3 (23147)
প্রাপ্স্যামঃ ফলমত্যন্তং বহুলং নিরুপদ্রবম্।
অরণ্যগমনং ক্ষিপ্রং রোচতাং বো গুণাধিকম্ ॥ 3-188-4 (23148)
তং ভার্যা প্রত্যুবাচাথ ধনমেবানুরুন্ধতী।
বৈন্যং গৎবা মহাত্মানমর্থয়স্ব ধনং বহুঃ ॥ 3-188-5 (23149)
স তে দাস্যতি রাজর্ষির্যজমানোঽর্থিনে ধনম্।
তত আদায় বিপ্রর্ষে প্রতিগৃহ্য ধনং বহু ॥ 3-188-6 (23150)
ভৃত্যান্সুতান্সংবিভজ্য ততো ব্রজ যথেপ্সিতম্।
এষ বৈ পরমো ধর্মো ধর্মবিদ্ভিরুদাহৃতঃ ॥ 3-188-7 (23151)
অত্রিরুবাচ। 3-188-8x (2371)
কথিতো মে মহাভাগে গৌতমেন মহাত্মনা।
বৈন্যো ধর্মার্থসংয়ুক্তঃ সত্যব্রতসমন্বিতঃ ॥ 3-188-8 (23152)
কিংৎবস্তি তত্র দ্বেষ্টারো নিবসন্তি হি মে দ্বিজাঃ।
যথা মে গৌতমঃ প্রাহ ততো ন ব্যবসাম্যহম্ ॥ 3-188-9 (23153)
তত্র স্ম বাচং কল্যাণীং ধর্মকামার্থসংহিতাম্।
ময়োক্তামন্যথা ব্রূয়ুস্ততস্তে বৈ নিরর্থিকাম্ ॥ 3-188-10 (23154)
গমিষ্যামি মহাপ্রাজ্ঞে রোচতে মে বচস্তব।
গাশ্চ মে দাস্যতে বৈন্যঃ প্রভূতং চার্থসংচয়ম্ ॥ 3-188-11 (23155)
এবমুক্ৎবা জগামাশু বৈন্যযজ্ঞং মহাতপাঃ।
গৎবা চ যজ্ঞায়তনমত্রিস্তুষ্টাব তং নৃপম্ ॥ 3-188-12 (23156)
বাক্যৈর্মঙ্গলসংয়ুক্তৈঃ পূজয়ানোঽব্রবীদ্বচঃ।
রাজন্ধন্যস্ৎবমীশশ্চ ভুবি ৎবং প্রথমো নৃপঃ।
স্তুবন্তি ৎবাং মুনিগণাস্ৎবদন্যো নাস্তি ধর্মবিৎ ॥ 3-188-13 (23157)
তমব্রবীদৃষিঃ ক্রুদ্ধো বচনং বৈ মহাতপাঃ ॥ 3-188-14 (23158)
গৌতম উবাচ। 3-188-15x (2372)
মৈবমত্রে পুনর্ব্রূয়া ন তে প্রজ্ঞা সমাহিতা।
অত্র নঃ প্রথমো ধাতা মহেন্দ্রো বৈ প্রজাপতিঃ ॥ 3-188-15 (23159)
বৈশম্পায়ন উবাচ। 3-188-16x (2373)
অথাত্রিরপি রাজেন্দ্র গৌতমং প্রত্যভাষত।
অয়মেব বিধাতা চ তথৈবেন্দ্রঃ প্রজাপতিঃ।
ৎবমেব মুহ্যসে মোহান্ন প্রজ্ঞানং তবাস্তি হ ॥ 3-188-16 (23160)
গৌতম উবাচ। 3-188-17x (2374)
জানামি নাহং মুহ্যামি ৎবংবিবক্ষুর্বিমুহ্যসে।
স্তৌষি ৎবং দর্শনপ্রেপ্সূ রাজানং জনসংসদি ॥ 3-188-17 (23161)
ন বেত্থ পরমং ধর্মং ন চাস্ত্যত্র প্রয়োজনম্।
বালস্ৎবমসি মূঢশ্চ বৃদ্ধঃ কেনাপি হেতুনা ॥ 3-188-18 (23162)
বৈশম্পায়ন উবাচ। 3-188-19x (2375)
বিবদন্তৌ তথা তৌ তু মুনীনাং দ্রশনে স্থিতৌ।
যে তস্য যজ্ঞে সংবৃত্তাস্তেঽপৃচ্ছন্ত কথং ৎবিমৌ ॥ 3-188-19 (23163)
প্রবেশঃ কেন দত্তোঽয়মনয়োর্বৈন্যসংসদি।
উচ্চৈঃ সমভিভাষন্তৌ কেন কার্যেণ ধিষ্ঠিতৌ ॥ 3-188-20 (23164)
ততঃ পরমধর্মাত্মা কাশ্যপঃ সর্বধর়্মবিৎ।
বিবাদিনাবনুপ্রাপ্তৌ তাবুভৌ প্রত্যবেদয়ৎ ॥ 3-188-21 (23165)
অথাব্রবীৎসদস্যাংস্তু গৌতমো মুনিসত্তমান্।
আবয়োর্ব্যাহৃতং প্রশ্নং শৃণুত দ্বিজসত্তমাঃ।
বৈন্যং বিধাতেত্যাহাত্রিরত্র নৌ সংশয়ো মহান্ ॥ 3-188-22 (23166)
`ততস্তু গৌতমেনোক্তং বাক্যং বৈন্যস্য সংসদি'।
শ্রুৎবৈব তু মহাত্মানো মুনয়োঽভ্যদ্রবন্দুতম্ ॥ 3-188-23 (23167)
সনৎকুমারং ধর্মজ্ঞং সংশয়চ্ছেদনায় বৈ।
`পপ্রচ্ছুঃ প্রণতাঃ সর্বে ব্রহ্মাণমিব সোমপাঃ' ॥ 3-188-24 (23168)
স চ তেষাং বচঃ শ্রুৎবা যথাতত্ৎবং মহাতপাঃ।
প্রত্যুবাচাথ তানেবং ধর্মার্থসহিতং বচঃ ॥ 3-188-25 (23169)
ব্রহ্ম ক্ষত্রেণ সহিতং ক্ষত্রং চ ব্রহ্মণা সহ।
সংয়ুক্তৌ দহতঃ শত্রূন্বনানীবাগ্নিমারুতৌ ॥ 3-188-26 (23170)
রাজা বৈ প্রথিতো ধর্মঃ প্রজানাং পতিরেব চ।
স এব শক্রঃ শুক্রশ্চ স ধাতা চ বৃহস্পতিঃ ॥ 3-188-27 (23171)
প্রজাপতির্বিরাট্ সম্রাট্ ক্ষত্রিয়ো ভূপতির্নৃপঃ।
য এভিঃ স্তূয়তে শব্দৈঃ কস্তং নার্চিতুমর্হতি ॥ 3-188-28 (23172)
পুরায়োনির্যুধাজিচ্চ অভীষ্টানচিতো ভবঃ।
স্বর্ণেতা সহজিদ্বভ্রুরিতি রাজাঽভিধীয়তে।
সত্যযোনিঃ পুরাবিচ্চ সত্যধর্মপ্রবর্তকঃ ॥ 3-188-29 (23173)
অধর্মাদৃষয়ো ভীতা বলং ক্ষত্রে সমাদধন্।
`তস্মাদ্ধি ব্রহ্মণা ক্ষত্রং ক্ষত্রেণ ব্রহ্ম চাব্যযম্' ॥ 3-188-30 (23174)
আদিত্যো দিবি দেবেষু তমো নুদতি তেজসা।
তথৈব নৃপতির্ভূমাবধর্মান্নুদতে ভৃশম্ ॥ 3-188-31 (23175)
ততো রাজ্ঞঃ প্রধানৎবং শাস্ত্রপ্রামাণ্যদর্শনাৎ।
উত্তরঃ সিদ্ধ্যতে পক্ষো যেন রাজেতি ভাষিতম্ ॥ 3-188-32 (23176)
মার্কণ্ডে উবাচ। 3-188-33x (2376)
ততঃ স রাজা সংহৃষ্টঃ সিদ্ধে পক্ষে মহামনাঃ।
তমত্রিমব্রবীৎপ্রীতঃ পূর্বং যেনাভিসংস্তুতঃ ॥ 3-188-33 (23177)
যস্মাৎপূর্বং মনুষ্যেষু জ্যায়াংসং মামিহাব্রবীঃ।
সর্বদেবৈশ্চ বিপ্রর্ষে সংমিতং শ্রেষ্ঠমেব চ ॥ 3-188-34 (23178)
তস্মাত্তেঽহংপ্রদাস্যামি বিবিধং বসু ভূরি চ।
দাসীসহস্রং শ্যামানাং সুবস্ত্রাণামলকৃতম্ ॥ 3-188-35 (23179)
দশকোটীর্হিরণ্যস্য রুক্মভারাংস্তথা দশ।
এতদ্দদামি বিপ্রর্ষে সর্বজ্ঞস্ৎবং মতো হি মে ॥ 3-188-36 (23180)
তদত্রিনর্ন্যায়তঃ সর্বং প্রতিগৃহ্যাভিসৎকৃতঃ।
প্রত্যুজ্জগাম তেজস্বী গৃহানেব মহাতপাঃ ॥ 3-188-37 (23181)
প্রদায় চ ধনং প্রীতঃ পুত্রেভ্যঃ প্রয়তাত্মবান্।
ততঃ সমভিসংধায় বনমেবান্বপদ্যত ॥ 3-188-38 (23182)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি অষ্টাশীত্যধিকশততমোঽধ্যায়ঃ ॥ 188 ॥
Mahabharata - Vana Parva - Chapter Footnotes
3-188-2 সোঽত্রিরর্থং ভূয়ো নানুরুধ্যৎ অত্যন্তমর্থার্থাং ন বভূব। কুতঃ। কর্মব্যক্তির্ধর্মস্য ফলদ্বারাঽভিব্যক্তিঃ। ফলব্যক্ত্যা হি ধর্মো নশ্যত্যতস্তদ্রক্ষণার্থং নৈচ্ছদিত্যর্থঃ ॥ 3-188-3 বনং গন্তুমিতি শেষঃ ॥ 3-188-4 নিরুপদ্রবমক্ষয়ং মোক্ষাখ্যম্ ॥ 3-188-5 ধর্মমেবানুতন্বতীতি ঝ. পাঠঃ। ধর্মং যজ্ঞাদিকং অনুতন্বতী বিস্তারয়ন্তী। হেতৌ শতৃপ্রত্যযঃ। ধর্মার্থে ধনমেবার্জয়স্বেত্যুবাচেত্যর্থঃ ॥ 3-188-8 রাজপ্রতিগ্রহে দোষং জানন্নত্রিস্তত্র বিঘ্নমুপন্যস্যতি কথিত ইত্যাদিনা ॥ 3-188-9 ব্যবসামি উদ্যমং করোমি ॥ 3-188-11 এবং জানন্নপি স্নেহদোষাত্তৎকর্তুং প্রতিজানীতে গমিষ্যামীতি ॥ 3-188-13 ধন্যো ধনার্হঃ ঈশ ঈশিতা নিয়ন্তা। প্রথমঃ হিরণ্যগর্ভইব অগ্রজঃ। নৃপঃ মনুষ্যাণাং রক্ষকঃ ॥ 3-188-15 অত্র পরলোকমেব বহুমন্বানো গৌতম আহ মৈবমিতি ॥ 3-188-16 তত্রেন্দ্রইবাত্র রাজৈব মহেন্দ্র ইতিবিত্তার্থী অত্রিঃ পরপক্ষং দূষয়তি অথেতি ॥ 3-188-19 দর্শনে দৃষ্টিপথে ॥ 3-188-21 প্রত্যষেধয়ৎ ইতি ধ. পাঠঃ ॥ 3-188-22 নৌ আবয়োঃ । সংশয়ঃ বিবাদঃ ॥ 3-188-27 প্রথিতঃ প্রথাংগতঃ। ধর্মঃ ধর্মস্থাপকঃ। শক্রঃ রক্ষিতা। শুক্রঃ নীতিবিৎ। ধাতা অতএব জনকঃ। বৃহস্পতিঃ হিতোপদেষ্টা ॥ 3-188-29 অভিয়া মুদিত ইতি ঝ. পাঠঃ। পুরায়োনিঃ ধর্মপ্রবর্তকৎবেন প্রথমং কারণম্। যুঘাজিৎ সংগ্রামে জয়কর্তৃৎবেনোপদ্রবনাশকঃ। অভিয়াঃ অভিতো যাতিয়ামিকবদ্রক্ষণার্থমিত্যভিয়াঃ। মুদিতঃ ভবঃ ঈশ্বরঃ। স্বর্ণেতা স্বর্গং প্রতি গময়িতা। সহজিৎ সদ্যোজয়শীলঃ। বভ্রুর্বিষ্ণুঃ ॥অরণ্যপর্ব - অধ্যায় 189
॥ শ্রীঃ ॥
3.189. অধ্যায়ঃ 189
Mahabharata - Vana Parva - Chapter Topics
মার্কণ্ডেয়েন যুধিষ্ঠিরাদীন্প্রতি দানাগ্নিহোত্রমোক্ষাদিনিরূপকতার্ক্ষ্যসরস্বতীসংবাদানুবাদঃ ॥ 1 ॥Mahabharata - Vana Parva - Chapter Text
3-189-0 (23183)
মার্কণ্ডেয় উবাচ। 3-189-0x (2377)
অত্রৈব চ সরস্বত্যা গীতং পরপুরংজয়।
পৃষ্টয়া মুনিনা বীর শৃণু তার্ক্ষ্যেণ ধীমতা ॥ 3-189-1 (23184)
তার্ক্ষ্য উবাচ। 3-189-2x (2378)
কিংন শ্রেয়ঃ পুরুষস্যেহ ভদ্রে
কথং কুর্বন্ন চ্যবতে স্বধর্মাৎ।
আচক্ষ্ব মে চারুসর্বাঙ্গি সর্বং
ৎবয়া শিষ্টো ন চ্যবেয়ং স্বধর্মাৎ ॥ 3-189-2 (23185)
কথং চাগ্নিং জুহুয়াং পূজয়ে বা
কস্মিন্কালে কেন ধর্মো ন নশ্যেৎ।
এতৎসর্বং সুভগে প্রব্রবীহি
যথা লোকান্বিরজাঃ সংচরেয়ম্ ॥ 3-189-3 (23186)
মার্কণ্ডেয় উবাচ। 3-189-4x (2379)
এবং পৃষ্টা প্রীতিয়ুক্তেন তেন
শুশ্রূষুণা চোত্তমবুদ্দিয়ুক্তম্।
তার্ক্ষ্যং বিপ্রং ধর্ময়ুক্তং হিতং চ
সরস্বতী বাক্যমিদং বভাষে ॥ 3-189-4 (23187)
যো ব্রহ্ম জানাতি যথোপদেশং
স্বাধ্যায়নিত্যঃ শুচিরপ্রমত্তঃ।
স বৈ পুরো দেবলোকস্য গন্তা
সহামরৈঃ প্রাপ্নুয়াৎপ্রীতিয়োগম্ ॥ 3-189-5 (23188)
তত্র স্ম রম্যা বিপুলা বিশোকাঃ
সুপুষ্পিতাঃ পুষ্করিণ্যঃ সুপুণ্যাঃ।
অকর্দমা মীনবত্যঃ সুতীর্থা
হিরণ্ময়ৈরাবৃতাঃ পুণ্ডরীকৈঃ ॥ 3-189-6 (23189)
তাসাং তীরেষ্বাসতে পুণ্যভাজো
মহীয়মানাঃ পৃথগপ্সরোভিঃ।
সুপুণ্যগন্ধাভিরলংকৃতাভি-
র্হিরণ্যবর্ণাভিরতীব হৃষ্টাঃ ॥ 3-189-7 (23190)
পরং লোকং গোপ্রদাস্ৎবাপ্নুবন্তি
দত্ৎবাঽনড্বাহং সূর্যলোকং ব্রজন্তি।
বাসো দত্ৎবা চান্দ্রমসং তু লোকং
দত্ৎবা হিরণ্যমমরৎবমেতি ॥ 3-189-8 (23191)
ধেনুং দত্ৎবা সুপ্রমাং সাধুদোহাং
কল্যাণবৎসামপলায়িনীং চ।
যাবন্তি রোমাণি ভবন্তি তস্যা-
স্তাবদ্বর্ষাণ্যাসতে দেবলোকে ॥ 3-189-9 (23192)
অনড্বাহং সুব্রতং যো দদাতি
হলস্য বোঢারমনন্তবীর্যম্।
ধুরংধরং বলবন্তং যুবানং
প্রাপ্নোতি লোকান্দশধেনুদস্য ॥ 3-189-10 (23193)
দদাতি যো বৈ কপিলাং সচৈলাং
কাংস্যোপদোহাং দ্রবিণৈরুত্তরীয়ৈঃ।
তৈস্তৈর্গুণৈঃ কামদুহাঽথ ভূৎবা
নরং প্রদাতারমুপৈতি নাকৈঃ ॥ 3-189-11 (23194)
যাবন্তি রোমাণি ভবন্তি ধেন্বা-
স্তাবৎফলং লভতে গোপ্রদানে।
পুত্রাংসচ্ পৌত্রাংশ্চ কুলং চ সর্ব-
মাসপ্তমং তারয়তে পরত্র ॥ 3-189-12 (23195)
সদক্ষিণাং কাঞ্চনচারুশৃঙ্গীং
কাংস্যোপদোহাং দ্রবিণৈরুত্তরীয়ৈঃ।
ধেনুং তিলানাং দদতো দ্বিজায়
লোকা বসূনাং সুলভা ভবন্তি ॥ 3-189-13 (23196)
স্বকর্মভির্দানবসংনিরুদ্ধে
তীব্রান্ধকারে নরকে পতন্তম্।
মহার্ণবে নৌরিব বাতয়ুক্তা
দানং গবাং তারয়তে পরত্র ॥ 3-189-14 (23197)
যো ব্রাহ্মদেয়াং তু দদাতি কন্যাং
ভূমিপ্রদানং চ করোতি বিপ্রে।
দদাতি দানং বিধিনা চ যশ্চ
স লোকমাপ্নোতি পুরংদরস্য ॥ 3-189-15 (23198)
যঃ সপ্তবর্ষাণি জুহোতি তার্ক্ষ্য
হব্যং ৎবগ্নৌ নিয়তঃ সাধুশীলঃ।
সপ্তাবরান্সপ্তপূর্বান্পুনাতি
পিতামহানাত্মনা কর্মভিঃ স্বৈঃ ॥ 3-189-16 (23199)
তার্ক্ষ্য উবাচ। 3-189-16x (2380)
কিমগ্নিহোত্রস্য ব্রতং পুরাণ-
মাচক্ষ্ব মে পৃচ্তশ্চারুরূপে।
ৎবয়াঽনুশিষ্টোঽহমিহাদ্য বিদ্যাং
যদগ্নিহোত্রস্য ব্রতং পুরাণম্ ॥ 3-189-17 (23200)
সরস্বত্যুবাচ। 3-189-18x (2381)
ন চাশুচির্নাপ্যনির্ণিক্তপাণি-
র্নাব্রহ্মবিজ্জুহুয়ান্নাবিপশ্চিৎ।
বুভুৎসবঃ শুচিকামা হি দেবা
নাশ্রদ্দধানাদ্ধি হবির্জুষন্তি ॥ 3-189-18 (23201)
নাশ্রোত্রিয়ং দেবহব্যে নিয়ুঞ্জ্যা-
ন্মোঘং পুরা সিঞ্চতি তাদৃশো হি।
অপূর্ণমশ্রোত্রিয়মাহ তার্ক্ষ্য
ন বৈ তাদৃগ্জুহুয়াদগ্নিহোত্রম্ ॥ 3-189-19 (23202)
রয়ে বৈ কৃশানুং জুহ্বতি শ্রদ্দধানাঃ
সত্যব্রতা হুতশিষ্টাশিনশ্চ।
গবাং লোকং প্রাপ্যতে পুণ্যগন্ধং
পশ্যন্তি দেবং পরমং চাপি সত্যম্ ॥ 3-189-20 (23203)
তার্ক্ষ্য উবাচ। 3-189-21x (2382)
ক্ষেত্রজ্ঞভূতাং পরলোকভাবে
কর্মোদয়ে বুদ্দিমভিপ্রবিষ্টাম্।
প্রজ্ঞাং চ দেবীং সুভগে বিমৃশ্য
পৃচ্ছামি ৎবাং কা হ্যসি চারুরূপে ॥ 3-189-21 (23204)
সরস্বত্যুবাচ। 3-189-22x (2383)
অগ্নিহোত্রাদহমভ্যাগতাঽস্মি
বিপ্রর্ষভাণাং সংশয়চ্ছেদনায়।
ৎবৎসংয়োগাদহমেতদব্রুবং
ভাবে স্থিতা তথ্যমর্থং যথাবৎ ॥ 3-189-22 (23205)
তার্ক্ষ্য উবাচ। 3-189-23x (2384)
ন হি ৎবয়া সদৃশী কাচিদস্তি
বিভ্রাজসে হ্যতিমাত্রং যথা শ্রীঃ।
রূপং চ তে দিব্যমনন্তকান্তি
প্রজ্ঞাং চ দেবীং সুভগে বিভর্ষি ॥ 3-189-23 (23206)
সরস্বত্যুবাচ। 3-189-24x (2385)
শ্রেষ্ঠানি যানি দ্বিপদাংবরিষ্ঠ
যজ্ঞেষু বিদ্বন্নুপপাদয়ন্তি।
তৈরেব চাহং সংপ্রবৃদ্ধা ভবামি
চাপ্যায়িতা রূপবতী চ বিপ্র ॥ 3-189-24 (23207)
যচ্চাপি পাত্রমুপয়ুজ্যতে হ
বানস্পত্যমায়সং পার্থিবং বা।
দিব্যেন রূপেণ প্রজ্ঞয়া চ
তেনৈব সিদ্ধিরিতি বিদ্ধি বিদ্বন্ ॥ 3-189-25 (23208)
তার্ক্ষ্য উবাচ। 3-189-26x (2386)
ইদং শ্রেয়ঃ পরমং মন্যমানা
ব্যায়চ্ছন্তে মুনয়ঃ সংপ্রতীতাঃ।
আচক্ষ্ব মে তং পরমং বিশোকং
মোক্ষং পরং যং প্রবিশন্তি ধীরাঃ।
সাঙ্খ্যা যোগাঃ পরমং যং বিদন্তি
পরং পুরাণং তমহং ন বেদ্মি ॥ 3-189-26 (23209)
সরস্বত্যুবাচ। 3-189-27x (2387)
তং বৈ পরং বেদবিদঃ প্রপন্নাঃ
পরং পরেভ্যঃ প্রথিতং পুরাণম্।
স্বাধ্যায়দানব্রতপুণ্যযোগৈ-
স্তপোধনা বীতশোকা বিমুক্তাঃ ॥ 3-189-27 (23210)
তস্যাথ মধ্যে বেতসঃ পুণ্যগন্ধঃ
সহস্রশাখো বিপুলো বিভাতি।
তস্য মূলাৎসরিতঃ প্রস্রবন্তি
মধূদকপ্রস্রবণাঃ সুপুণ্যাঃ ॥ 3-189-28 (23211)
শাখাংশাখাং মহানদ্যঃ সংয়ান্তি সিকতাশয়াঃ।
ধানাপূপা মাংসশাকাঃ সদাপায়সকর্দমাঃ ॥ 3-189-29 (23212)
যস্মিন্নগ্নিমুখা দেবাঃ সেন্দ্রাঃ সহমরুদ্গণাঃ।
ঈজিরে ক্রতুভিঃ শ্রেষ্ঠৈস্তৎপদং পরমং মুনে ॥ 3-189-30 (23213)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি একোননবত্যধিকশততমোঽধ্যায়ঃ ॥ 189 ॥
Mahabharata - Vana Parva - Chapter Footnotes
3-189-8 অনড্বাহং বৃষভম্ ॥ 3-189-11 উত্তরীয়ৈঃ পশ্চাদ্ভবৈর্দক্ষিণাদিভির্দ্রব্যৈঃ সহিতাম্ ॥ 3-189-15 ব্রাহ্মদেয়াং গৃহ্যোক্তেন বিধিনা দেয়াম্ ॥ 3-189-19 আহ বেদ ইতি শেষঃ ॥অরণ্যপর্ব - অধ্যায় 190
॥ শ্রীঃ ॥
3.190. অধ্যায়ঃ 190
Mahabharata - Vana Parva - Chapter Topics
মার্কণ্ডেয়েন যুধিষ্ঠিরাদীন্প্রতি মৎস্যরূপিণো হরের্বৈবস্বতমনোশ্চ চরিতপ্রতিপাদকমস্যোপাখ্যানকথনম্ ॥ 1 ॥Mahabharata - Vana Parva - Chapter Text
3-190-0 (23214)
বৈশম্পায়ন উবাচ। 3-190-0x (2388)
ততঃ স পাণ্ডবো ভূয়ো মার্কণ্ডেয়মুবাচ হ।
কথয়স্বতি চরিতং মনোর্বৈবস্বতস্য চ ॥ 3-190-1 (23215)
মার্কণ্ডেয় উবাচ। 3-190-2x (2389)
বিবস্বতঃ সুতো রাজন্মহর্ষিঃ সুপ্রতাপবান্।
বভূব নরশার্দূল প্রজাপতিসমদ্যুতিঃ ॥ 3-190-2 (23216)
ওজসাতেজসা লক্ষ্ম্যা তপসা চ বিশেষতঃ।
অতিচক্রাম পিতরং মনুঃ স্বংচ পিতামহম্ ॥ 3-190-3 (23217)
ঊর্ধ্ববাহুর্বিশালায়াং বদর্যাং স নরাধিপঃ।
একপাদস্থিতস্তীব্রং চকার সুমহত্তপঃ ॥ 3-190-4 (23218)
অবাকূশিরাস্তথা চাপি নেত্রৈরনিমিষৈর্দৃঢম্।
সোঽতপ্যত তপো ঘোরং বর্ষাণাময়ুতং তদা ॥ 3-190-5 (23219)
তং কদাচিত্তপস্যন্তমার্দ্রচীরজটাধরম্।
চীরিণীতীরমাগম্য মৎস্যো বচনমব্রবীৎ ॥ 3-190-6 (23220)
ভগবন্ক্ষুদ্রমৎস্যেস্মি বলবদ্ভ্যো ভয়ংমম।
মৎস্যেভ্যো হি ততো মাং ৎবং ত্রাতুমর্হসি সুব্রত ॥ 3-190-7 (23221)
দুর্বলং বলবন্তো হি মৎস্যা মৎস্যং বিশেষতঃ।
ভক্ষয়ন্তি সদা বৃত্তির্বিহিতা নঃ সনাতনী ॥ 3-190-8 (23222)
তস্মাদ্ভয়ৌঘান্মহতো মজ্জন্তং মাং বিশেষতঃ।
ত্রাতুমর্হসি কর্তাস্মি কৃতেপ্রতিকৃতং তব ॥ 3-190-9 (23223)
স মৎস্যবচনং শ্রুৎবা কৃপয়াঽভিপরিপ্লুতঃ।
মনুর্বৈবস্বতোঽগৃহ্ণাত্তং মৎস্যং পাণিনা স্বয়ম্ ॥ 3-190-10 (23224)
উদকান্তমুপানীয় মৎস্যং বৈবস্বতো মনুঃ।
অলিঞ্জরে প্রাক্ষিপত্তং চন্দ্রাংশুসদৃশপ্রভম্ ॥ 3-190-11 (23225)
স তত্র ববৃধে রাজন্মৎস্যঃ পরমসৎকৃতঃ।
পুত্রবৎস্বীকরোত্তস্মৈ মনুর্ভাবং বিশেষতঃ ॥ 3-190-12 (23226)
অথ কালেন মহতা স মৎস্যঃ সুমহানভূৎ।
অলিঞ্জরজলে চৈব নাসৌ সমভবৎকিল ॥ 3-190-13 (23227)
অথ মৎস্যো মনুং দৃষ্ট্বা পুনরেবাভ্যভাষত।
ভগবন্সাধু মেঽদ্যান্যৎস্থানং সংপ্রতিপাদয় ॥ 3-190-14 (23228)
উদ্ধৃত্যালিঞ্জরাত্তস্মাত্ততঃ স ভগবান্মনুঃ।
তং মৎস্যমনয়দ্বাপীং মহতীং স মনুস্তদা ॥ 3-190-15 (23229)
তত্রতং প্রাক্ষিপচ্চাপি মনুঃ পরপুরংজয়।
অথাবর্ধত মৎস্যঃ স পুনর্বর্ষগণান্বহূন্ ॥ 3-190-16 (23230)
দ্বিয়োজনায়তা বাপী বিস্তৃতাচাপি যোজনম্।
তস্যাং নাসৌ সমভবন্মৎস্যো রাজীবলোচন ॥ 3-190-17 (23231)
বিচেষ্টিতুং চ কৌন্তেয় মৎস্যো বাপ্যাং বিশাংপতে।
মনুং মৎস্যস্ততো দৃষ্ট্বা পুনরেবাভ্যভাষত ॥ 3-190-18 (23232)
নয় মাং ভগবন্সাধো সমুদ্রমহিষীং প্রিয়াম্।
গঙ্গাং নাংত্রাপি শক্তোস্মি বস্তুং মতিমতাংবর ॥ 3-190-19 (23233)
নিদেশে হি ময়া তুভ্যং স্থাতব্যমনসূয়তা।
বৃদ্ধির্হি পরমা প্রাপ্তা ৎবৎকৃতে হি ময়াঽনঘ ॥ 3-190-20 (23234)
এবমুক্তো মনুর্মৎস্যমনয়দ্ভগবান্বশী।
নদীং গঙ্গাং তত্রচৈনং স্বয়ং প্রাক্ষিপদেব চ ॥ 3-190-21 (23235)
স তত্র ববৃধে মৎস্যঃ কংচিত্রালমরিংদম।
গতঃ পুনর্মনুং দৃষ্ট্বা মৎস্যো বচনমব্রবীৎ ॥ 3-190-22 (23236)
গঙ্গায়াং হি ন শক্নোমি বৃহত্ৎবাচ্চেষ্টিতুং প্রভো।
সমুদ্রং নয় মামাশু প্রসীদ ভগবন্নিতি ॥ 3-190-23 (23237)
উদ্ধৃত্য গঙ্গাসলিলাত্ততো মৎস্যং মনুঃ স্বয়ম্।
সমুদ্রমনয়ৎপার্ত তত্রচৈনমবাসৃজৎ ॥ 3-190-24 (23238)
সুমহানপি মৎস্যস্তু স মনোর্নয়তস্তদা।
আসীদ্যথেষ্টহার্যশ্চ স্পর্শগন্ধসুখশ্চ বৈ ॥ 3-190-25 (23239)
যদা সমুদ্রে প্রক্ষিপ্তঃ স মৎস্যো ননুনা তদা।
তত এনমিদং বাক্যং স্ময়মান ইবাব্রবীৎ ॥ 3-190-26 (23240)
ভগবন্হি কৃতা রক্ষা ৎবয়া সর্বা বিশেষতঃ।
প্রাপ্তকালং তু যৎকার্যং ৎবয়া তচ্ছ্রূয়তাং মম ॥ 3-190-27 (23241)
অচিরাদ্ভগবন্বৌমমিদং স্থাবরজঙ্গমম্।
সর্বমেব মহাভাগ প্রলয়ং বৈ গমিষ্যতি ॥ 3-190-28 (23242)
সংপ্রক্ষালনকালোঽয়ংলোকানাং সমুপস্থিতঃ।
তস্মাত্ৎবাং বোধয়াম্যদ্যযত্তে হিতমনুত্তমম্ ॥ 3-190-29 (23243)
ত্রসানাং স্তাবরাণাং চ যচ্চেঙ্গং যচ্চ নেঙ্গতি।
তস্য সর্বস্ সংপ্রাপ্তঃ কালঃ পরমদারুণঃ ॥ 3-190-30 (23244)
নৌশ্চ কারয়িতব্যা তে দৃঢা যুক্তবটারকা।
তত্র সপ্তর্ষিভিঃ সার্ধমারুহেথা মহামুনে ॥ 3-190-31 (23245)
বীজানি চৈব সর্বাণি যথোক্তানি ময়া পুরা।
তস্যামারোহয়ের্নাবি সুসংগুপ্তানি ভাগশঃ ॥ 3-190-32 (23246)
নৌস্থশ্চ মাং প্রতীক্ষেথাস্ততো মুনিজনপ্রিয়।
আগমিষ্যাম্যহং শৃঙ্গী বিজ্ঞেয়স্তেন তাপস ॥ 3-190-33 (23247)
এবমেতত্ৎবয়া কার্যমাপৃষ্টোসি ব্রজাম্যহম্।
তা ন শক্যা মহত্যো বৈ আপস্তর্তুং ময়া বিনা।
নাতিশঙ্ক্যমিদং চাপি বচনং মে ৎবয়া বিভো ॥ 3-190-34 (23248)
এবং করিষ্য ইতি তং স মৎস্যং প্রত্যভাষত।
জগ্মতুশ্চ যথাকামমনুজ্ঞাপ্য পরস্পরম্ ॥ 3-190-35 (23249)
ততো মনুর্মহারাজ যথোক্তং মৎস্যকেন হ।
বীজান্যাদায় সর্বাণি সাগরং পুপ্লুবে তদা।
নৌকয়া শুভয়াবীর মহোর্মিণমরিংদম ॥ 3-190-36 (23250)
চিন্তয়ামাস চ মনুস্তং মৎস্যং পৃথিবীপতে।
সচ তচ্চিন্তিতং জ্ঞাৎবা মৎস্যঃ পরপুরংজয়।
শৃঙ্গী তত্রাজগাগাশু তদা ভরতসত্তম ॥ 3-190-37 (23251)
তং দৃষ্ট্বা মনুজব্যাঘ্র মনুর্মৎস্যং জলার্ণবে।
শৃঙ্গিণং তং যথোক্তেন রূপেণাদ্রিমিবোচ্ছ্রিতম্ ॥ 3-190-38 (23252)
বটারকময়ং পাশমথ মৎস্যস্য মূর্ধনি।
মনুর্মনুজশার্দূল তস্ শৃঙ্গে ন্যবেশয়ৎ ॥ 3-190-39 (23253)
সংয়তস্তেন পাশেন মৎস্যঃ পরপুরংজয়।
বেগেন মহতা নাবং প্রাকর্ষল্লবণাম্ভসি ॥ 3-190-40 (23254)
স ততার তয়া নাবা সমুদ্রং মনুজেশ্বর।
নৃত্যমানমিবোর্মীভির্গর্জমানমিবাম্ভসা ॥ 3-190-41 (23255)
ক্ষোভ্যমাণা মহাবাতৈঃ সা নৌস্তস্মিন্মহোদধৌ।
ঘূর্ণতে চপলেব স্রী মত্তা পরপুরংজয় ॥ 3-190-42 (23256)
নৈব ভূমির্ন চ দিশঃ প্রদিশো বা চকাশিরে।
সর্বং সলিলমেবাসীৎখং দ্যৌশ্চ নরপুঙ্গব ॥ 3-190-43 (23257)
এবংভূতে তদা লোকে সংকুলে ভরতর্ষভ।
অদৃশ্যন্ত সপ্তর্ষয়ো মনুর্মৎস্যস্তথৈব চ ॥ 3-190-44 (23258)
এবং বহূন্বর্ষগণাংস্তাং নাবং সোঽথ মৎস্যকঃ।
চকর্ষাতন্দ্রিতো রাজংস্তস্মিন্সলিলসংচয়ে ॥ 3-190-45 (23259)
ততো হিমবতঃ শৃঙ্গং যৎপরং ভরতর্ষভ।
তত্রাকর্ষত্ততো নাবং স মৎস্যঃ কুরুনন্দন ॥ 3-190-46 (23260)
অথাব্রবীত্তদা মৎস্যস্তানৃষীন্প্রহসঞ্শনৈঃ।
অস্মিন্হিমবতঃ শৃঙ্গে নাবং বধ্নীত মাচিরম্ ॥ 3-190-47 (23261)
সা বদ্ধা তত্র তৈস্তূর্ণমৃষিভির্ভরতর্ষভ।
নৌর্মৎস্যস্য বচঃ শ্রুৎবা শৃঙ্গে হিমবতস্তদা ॥ 3-190-48 (23262)
তচ্চ নৌবন্ধনং নাম শৃঙ্গং হিমবতঃ পরম্।
খ্যাতমদ্যাপি কৌন্তেয় তদ্বিদ্ধি ভরতর্ষভ ॥ 3-190-49 (23263)
অথাব্রবীদনিমিষস্তানৃষীন্সহিতস্তদা।
অহং প্রজাপতির্ব্রহ্মা মৎপরং নাধিগম্যতে।
মৎস্যরূপেণ যূয়ং চ ময়াঽস্মান্মোক্ষিতা ভয়াৎ ॥ 3-190-50 (23264)
মনুনা চ প্রজাঃ সর্বাঃ সদেবাসুরমানুপাঃ।
স্রষ্টব্যাঃ সর্বলোকাশ্চয়চ্চেঙ্গং যচ্চা নেঙ্গতি ॥ 3-190-51 (23265)
তপসা চাপি তীব্রেণ প্রতিভাঽস্য ভবিষ্যতি।
মৎপ্রসাদাৎপ্রজাসর্গে ন চ মোহং গমিষ্যতি।
ইত্যুক্ৎবা বচনং মৎস্যঃ ক্ষণেনাদর্শনং গতঃ ॥ 3-190-52 (23266)
স্রষ্টুকামঃ প্রজাশ্চাপি মনুর্বৈবস্বতঃ স্বয়ম্।
প্রমূঢোঽভূৎপ্রজাসর্গে তপস্তেপে মহত্ততঃ ॥ 3-190-53 (23267)
তপসা মহতা যুক্তঃ সোঽথ স্রষ্টুং প্রচক্রমে।
সর্বাঃ প্রজা মনুঃ সাক্ষাদ্যথাবদ্ভরতর্ষভ ॥ 3-190-54 (23268)
ইত্যেতন্মাৎস্যকং নাম পুরাণং পরিকীর্তিতম্।
আখ্যানমিদমাখ্যাতং সর্বপাপহরং ময়া ॥ 3-190-55 (23269)
য ইদং শৃণুয়ান্নিত্যং মনোশ্চরিতমাদিতঃ।
স সুখী সর্বপূর্ণার্থঃ সর্বলোকমিয়ান্নরঃ ॥ 3-190-56 (23270)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি নবত্যধিকশততমোঽধ্যায়ঃ ॥ 190 ॥
Mahabharata - Vana Parva - Chapter Footnotes
3-190-6 চীরিণীনদীবিশেষঃ ॥ 3-190-11 অলিঞ্জরে মণিকাখ্যপাত্রে ॥ 3-190-13 ন সমভবৎস্থূলৎবেন ন মমাবিত্যর্থঃ ॥ 3-190-30 ত্রসানাং জঙ্গমানাম্। ইঙ্গং চলনশীলং বৃক্ষাদি। নেঙ্গতি পাষাণাদি। কালোঽন্তঃ ॥ 3-190-31 বটারকা রজ্জুঃ ॥ 3-190-32 যথোক্তানি দ্বিজৈঃ পুরা ইতি ঝ. পাঠঃ ॥ 3-190-41 সচ তাংস্তারয়ন্নাবা ইতি ঝ. পাঠঃ ॥অরণ্যপর্ব - অধ্যায় 191
॥ শ্রীঃ ॥
3.191. অধ্যায়ঃ 191
Mahabharata - Vana Parva - Chapter Topics
মার্কণ্ডেয়েন যুধিষ্ঠিরাদীন্প্রতি কৃতাদিয়ুগচতুষ্টয়ধর্মকথনপূর্বকং প্রলয়বর্ণনম্ ॥ 1 ॥ তথা প্রলয়জলে পরিপ্লবতা মার্কণ্ডেয়েন বটশাখাশায়িনঃ শিশুরূপস্য হরেরুদরান্তঃপ্রবিশ্য ব্রহ্মাণ্ডদর্শনপূর্বকং পুনর্বহির্নির্গমনম্ ॥ 2 ॥Mahabharata - Vana Parva - Chapter Text
3-191-0 (23271)
বৈশম্পায়ন উবাচ। 3-191-0x (2390)
ততঃ স পুনরেবাথ মার্কণ্ডেয়ং তপস্বিনম্।
পপ্রচ্ছ বিনয়োপেতো ধর্মরাজো যুধিষ্ঠিরঃ ॥ 3-191-1 (23272)
নৈকে যুগসহস্রান্তাস্ৎবয়া দৃষ্টা মহামুনে।
ন চাপীহ সমঃ কশ্চিদায়ুষ্মান্দৃশ্যতে তব ॥ 3-191-2 (23273)
বর্জয়িৎবা মহাত্মানং ব্রহ্মাণং পরমেষ্ঠিনম্।
ন তেঽস্তি সদৃশঃ কশ্চিদায়ুষা ব্রহ্মসত্তম ॥ 3-191-3 (23274)
অথাঽন্তরিক্ষে লোকেঽস্মিন্দেবদানববর্জিতে।
ৎবমেব প্রলয়ে বিপ্র ব্রহ্মাণমুপতিষ্ঠসে ॥ 3-191-4 (23275)
প্রলয়ে চাপি নির্বৃত্তে প্রবুদ্ধে চ পিতামহে।
ৎবমেকঃ সৃজ্যমানানি ভূতানীহ প্রপশ্যসি ॥ 3-191-5 (23276)
চতুর্বিধানি বিপ্রর্ষে যথাবৎপরমেষ্ঠিনা।
বায়ুভূতা দিশঃ কৃৎবা বিক্ষিপ্যাপস্ততস্ততঃ ॥ 3-191-6 (23277)
ৎবয়া লোকগুরুঃ সাক্ষাৎসর্বলোকপিতামহঃ।
আরাধিতো দ্বিজশ্রেষ্ঠ তৎপরেণ সমাধিনা ॥ 3-191-7 (23278)
স্বপ্রমাণমথো বিপ্র ৎবয়া কৃতমনেকশঃ।
ঘোরেণাবিশ্য তপসা বেধসো নির্জিতাস্ৎবয়া ॥ 3-191-8 (23279)
নারায়ণাঙ্কপ্রখ্যস্ৎবং সাংপরায়েঽতিপঠ্যসে ॥ 3-191-9 (23280)
ভগবাননেকশঃ কৃৎবা ৎবয়া বিষ্ণোশ্চ বিশ্বকৃৎ।
কর্ণিকোদ্ধরণং দিব্যং ব্রহ্মণঃ কামরূপিণঃ।
রত্নালংকারয়োগাভ্যাং দৃগ্ভ্যাং দৃষ্টস্ৎবয়া পুরা ॥ 3-191-10 (23281)
তস্মাত্তবান্তকো মৃত্যুর্জরা বা দেহনাশিনী।
ন ৎবাং বিশতি বিপ্রর্ষে প্রসাদাৎপরমেষ্ঠিনঃ ॥ 3-191-11 (23282)
যদা নৈব রবির্নাগ্নির্ন বায়ুর্ন চ চন্দ্রমাঃ।
নৈবান্তরিক্ষং নৈবোর্বী শেষং ভবতি কিংচন ॥ 3-191-12 (23283)
তস্মিন্নেকার্ণবে লোকে নষ্টে স্থাবরজঙ্গমে।
নষ্টে দেবাসুরগণে সমুৎসন্নমহোরগে ॥ 3-191-13 (23284)
শয়ানমমিতাত্মানং পদ্মে পদ্মনিকেতনম্।
ৎবমেকঃ সর্বভূতেশং ব্রহ্মাণমুপতিষ্ঠসি ॥ 3-191-14 (23285)
এতৎপ্রত্যক্ষতঃ সর্বং পূর্বং বৃত্তং দ্বিজোত্তম।
তস্মাদিচ্ছাম্যহং শ্রোতুং সর্বাংহেৎবাত্মিকাং কথাং ॥ 3-191-15 (23286)
অনুভূতং হি বহুশস্ৎবয়ৈকেন দ্বিজোত্তম।
ন তেঽস্ত্যবিদিতং কিংচিৎসর্বলোকেষু নিত্যদা ॥ 3-191-16 (23287)
মার্কণ্ডেয় উবাচ। 3-191-17x (2391)
হন্ত তে কথয়িষ্যামি নমস্কৃৎবা স্বয়ংভুবে।
পুরুষায় পুরাণায় শাশ্বতায়াব্যযায় চ।
অব্যক্তায় সুসূক্ষ্মায় নির্গুণায় গুণাত্মনে ॥ 3-191-17 (23288)
য এষ পৃথুদীর্ঘাক্ষঃ পীতবাসা জনার্দনঃ।
এষ কর্তা বিকর্তা চ ভূতাত্মা ভূতকৃৎপ্রভুঃ ॥ 3-191-18 (23289)
অচিন্ত্যং মহদাশ্চর্যং পবিত্রমিতি চোচ্যতে।
অনাদিনিধনং ভূতং বিশ্বমব্যযমক্ষয়ম্ ॥ 3-191-19 (23290)
এষ কর্তা ন ক্রিয়তে কারণং চাপি পৌরুষে।
কো হ্যেনং পরুষং বেত্তি দেবা অপি ন তং পৌরষে ॥ 3-191-20 (23291)
সর্বমাশ্চর্যমেবৈতন্নির্বৃত্তং রাজসত্তম।
আদিতো মনুজব্যাঘ্র কৃৎস্নস্য জগতঃ ক্ষয়ে ॥ 3-191-21 (23292)
চৎবার্যাহুঃ সহস্রাণি বর্ষাণাং তৎকৃতং যুগম্।
তস্য তাবচ্ছতী সন্ধ্যা সন্ধ্যাংশশ্চ তথাবিধঃ ॥ 3-191-22 (23293)
বীণি বর্ষসহস্রাণি ত্রেতায়ুগমিহোচ্যতে।
তস্য তাবচ্ছতী সন্ধ্যা সন্ধ্যাংশশ্চ ততঃ পরং ॥ 3-191-23 (23294)
তথা বর্ষসহস্রে দ্বে দ্বাপরং পরিমাণতঃ।
তস্যাপি দ্বিশতী সন্ধ্যা সন্ধ্যাংশশ্চ তথাবিধঃ ॥ 3-191-24 (23295)
সহস্রমেকং বর্ষাণাং ততঃ কলিয়ুগং স্মৃতম্।
তস্য বর্ষশতং সন্ধ্যা সন্ধ্যাংশশ্চ ততঃ পরম্ ॥ 3-191-25 (23296)
সন্ধ্যাসংধ্যাংশয়োস্তুল্যং প্রমাণমুপধারয়।
ক্ষীণে কলিয়ুগে চৈব প্রবর্ততি কৃতং যুগম্ ॥ 3-191-26 (23297)
এষা দ্বাদশসাহস্রী যুগাখ্যা পরিকীর্তিতা।
এতৎসহস্রপর্যন্তমহো ব্রাহ্মমুদাহৃতম্ ॥ 3-191-27 (23298)
বিশ্বং হি ব্রহ্মভবনে সর্বতঃ পরিবর্ততে।
লোকানাং মনুজবন্যাঘ্র প্রলয়ং তং বিদুর্বুধাঃ ॥ 3-191-28 (23299)
অল্পাবশিষ্টে তু তদা যুগান্তে ভরতর্ষভ।
সহস্রান্তে নরাঃ সর্বে প্রায়শোঽনৃতবাদিনঃ ॥ 3-191-29 (23300)
যজ্ঞপ্রতিনিধিঃ পার্থ দানপ্রতিনিধিস্তথা।
ব্রতপ্রতিনিধিশ্চৈব তস্মিন্কালে প্রবর্ততে ॥ 3-191-30 (23301)
ব্রাহ্মণাঃ শূদ্রকর্মাণস্তথা শূদ্রা ধনার্জকাঃ।
ক্ষত্রধর্মেণ বাঽপ্যত্র বর্তয়ন্তি যুগক্ষয়ে ॥ 3-191-31 (23302)
নিবৃত্তয়জ্ঞস্বাধ্যায়া দণ্ডাজিনবিবর্জিতাঃ।
ব্রাহ্মণা সর্বভক্ষাশ্চ ভবিষ্যন্তি কলৌ যুগে ॥ 3-191-32 (23303)
অজপা ব্রাহ্মণাস্তাত শূদ্রা জপপরায়ণাঃ।
বিপরীতে তদা লোকে পূর্বরূপং ক্ষয়স্য তৎ ॥ 3-191-33 (23304)
বহবো ম্লেচ্ছরাজানঃ পৃথিব্যাং মনুজাধিপ।
মৃষানুশাসিনঃ পাপা মৃষাবাদপরায়ণাঃ ॥ 3-191-34 (23305)
আন্ধ্রাঃ শকাঃ পুলিন্দাশ্চ যবনাশ্চ নরাধিপাঃ।
কাম্ভোজা বাহ্লিকাঃ শূরাস্তথাঽঽভীরা নরোত্তমা ॥ 3-191-35 (23306)
ন তদা ব্রাহ্মণঃ কশ্চিৎস্বধর্মমুপজীবতি।
ক্ষত্রিয়াশ্চাপি বৈশ্যাশ্চ বিকর্মস্থা নরাধিপ ॥ 3-191-36 (23307)
অল্পায়ুষঃ স্বল্পবলাঃ স্বল্পবীর্যপরাক্রমাঃ।
অল্পসারাল্পদেহাশ্চ তথা সত্যাল্পভাষিণঃ ॥ 3-191-37 (23308)
বহুশূন্যা জনপদা মৃগব্যালাবৃতা দিশঃ।
যুগান্তে সমনুপ্রাপ্তে বৃথা চ ব্রহ্মবাদিনঃ ॥ 3-191-38 (23309)
ভোবাদিনস্তথা শূদ্রা ব্রাহ্মণাশ্চার্যবাদিনঃ।
যুগান্তে মনুজব্যাঘ্র ভবন্তি বহুজন্তবঃ ॥ 3-191-39 (23310)
ন তথা ঘ্রাণয়ুক্তাশ্চ সর্বগন্ধা বিশাংপতে।
রসাশ্চ মনুজব্যাঘ্র ন তথা স্বাদুয়োগিনঃ ॥ 3-191-40 (23311)
বহুপ্রজা হ্রস্বদেহা শীলাচারবিবর্জিতাঃ।
মুখেভগাঃ স্ত্রিয়ো রাজন্ভবিষ্যন্তি যুগক্ষয়ে ॥ 3-191-41 (23312)
অট্টশূলা জনপদাঃ শিবশূলাশ্চতুষ্পথাঃ।
কেশশূলাঃ স্ত্রিয়ো রাজন্ভবিষ্যন্তি যুগক্ষয়ে ॥ 3-191-42 (23313)
অল্পক্ষীরাস্তথা গাবো ভবিষ্যন্তি জনাধিপ।
অল্পপুষ্পফলাশ্চাপি পাদপা বহুবায়সাঃ ॥ 3-191-43 (23314)
ব্রহ্মবধ্যানুলিপ্তানাং তথা মিথ্যাভিশংসিনাম্।
নৃপাণাং পৃথিবীপাল প্রতিগৃহ্ণন্তি বৈ দ্বিজাঃ ॥ 3-191-44 (23315)
লোভমোহপরীতাশ্চ মিথ্যাধর্মধ্বজাবৃতাঃ।
ভিক্ষার্থং পৃথিবীপাল চঞ্চূর্যন্তে দ্বিজৈর্দিশঃ ॥ 3-191-45 (23316)
করাভারভয়াদ্ভীতা গৃহস্থাঃ পরিমোষকাঃ।
মুনিচ্ছদ্মাকৃতিচ্ছন্না বাণিজ্যমুপভুঞ্জতে ॥ 3-191-46 (23317)
মিত্যা চ নখরোমাণি ধারয়ন্তি তদা দ্বিজাঃ।
অর্থলোভান্নরব্যাঘ্র বৃথা চ ব্রহ্মচারিণঃ ॥ 3-191-47 (23318)
আশ্রমেষু বৃথাচার পারপা গুরুতল্পগাঃ।
ঐহলৌকিকমীহন্তে মাংসশোণিতবর্ধনম্ ॥ 3-191-48 (23319)
`পারলৌকিককার্যেষু প্রমত্তা ভৃশনাস্তিকাঃ'।
বহুপাষণ্ডসংকীর্ণাঃ পরান্নগুণবাদিনঃ।
আশ্রমা মনুজব্যাঘ্র ন ভবন্তি যুগক্ষয়ে ॥ 3-191-49 (23320)
যথর্তুবর্ষী ভগবান্ন তথা পাকশাসনঃ।
ন চাপি সর্বভীজানি সম্যগ্রোহন্তি ভারত ॥ 3-191-50 (23321)
ফলং ধর্মস্য রাজেন্দ্র সর্বত্র পরিহীয়তে।
হিংসাভিরামশ্চ জনস্তথা সংপদ্যতেঽশুচিঃ।
অধর্মফলমত্যর্থং তদা ভবতি চানঘ ॥ 3-191-51 (23322)
তদা চ পৃথিবীপাল যো ভবেদ্ধর্মসংয়ুতঃ।
অল্পায়ুঃ স হি মন্তব্যো ন হি ধর্মোস্তি কশ্চন ॥ 3-191-52 (23323)
ভূয়িষ্ঠং কূটমানৈশ্চ পণ্যং বিক্রীণতে জনাঃ।
বণিজশ্চ নরব্যাঘ্র বহুমায়া ভবন্ত্যুত ॥ 3-191-53 (23324)
ধর্মিষ্ঠাঃ পরিহীয়ন্তে পাপীয়ান্বর্ধতে জনঃ।
ধর্মস্য বলহানিঃ স্যাদধর্মশ্চ বলায়তে ॥ 3-191-54 (23325)
অল্পায়ুষো দরিদ্রাশ্চ ধর্মিষ্ঠা মানবাস্তথা।
দীর্ঘায়ুষঃ সমৃদ্ধাশ্চ বিধর্মাণো যুগক্ষয়ে ॥ 3-191-55 (23326)
নগরাণআং বিহারেষু বিধর্মাণো যুগক্ষয়ে।
অধর্মিষ্ঠৈরুপায়ৈশ্ প্রজা ব্যবহরন্ত্যুত ॥ 3-191-56 (23327)
সংচয়েন তথাঽল্পেন ভবন্ত্যাঢ্যমদান্বিতাঃ।
ধনং বিশ্বাসতো ন্যস্তং মিথো ভূয়িষ্ঠশো নরাঃ ॥ 3-191-57 (23328)
হর্তুং ব্যবসিতা রাজন্পাপাচারসমনবিতাঃ।
নৈতদস্তীতি মনুজা বর্তন্তে নিরপত্রপাঃ ॥ 3-191-58 (23329)
পুরুষাদানি সৎবানি পক্ষিণোঽথ মৃগাস্তথা।
নগরাণাং বিহারেষু চৈত্যেষ্বপি চ শেরতে ॥ 3-191-59 (23330)
সপ্তবর্ষাষ্টবর্ষাশ্চ স্ত্রিয়ো গর্ভধরা নৃপ।
দশদ্বাদশবর্ষাণাং পুংসাং পুত্রঃ প্রজায়তে ॥ 3-191-60 (23331)
ভবন্তি ষোডশে বর্ষে নরাঃ পলিতিনস্তথা।
আয়ুঃক্ষয়ো মনুষ্যাণাং ক্ষিপ্রমেব প্রপদ্যতে ॥ 3-191-61 (23332)
ক্ষীণায়ুষো মহারাজ তরুণা বৃদ্ধশীলিনঃ।
তরুণানাং চ যচ্ছীলং তদ্বৃদ্ধেষু প্রজায়তে ॥ 3-191-62 (23333)
বিপরীতাস্তদা নার্যো বঞ্চয়িৎবাঽর্হতঃ পতীন্।
ব্যুচ্চরন্ত্যপি দুঃশীলা দাসৈঃ পশুভিরেব চ ॥ 3-191-63 (23334)
বীরপত্ন্যস্তথা নার্যঃ সংশ্রয়ন্তি নরান্নৃপ।
ভর্তারমপি জীবন্তমন্যান্ব্যভিচরন্ত্যুত ॥ 3-191-64 (23335)
তস্মিন্যুগসহস্রান্তে সংপ্রাপ্তে চায়ুষঃ ক্ষয়ে।
অনাবৃষ্টির্মহারাজ জায়তে বহুবার্ষিকী ॥ 3-191-65 (23336)
ততস্তান্যল্পসারাণি সৎবানি ক্ষুধিতানি বৈ।
প্রলয়ং যান্তি ভূয়িষ্ঠং পৃথিব্যাং পৃথিবীপতে ॥ 3-191-66 (23337)
ততো দিনকরৈর্দীপ্তৈঃ সপ্তভির্মনুজাধিপ।
পীয়তে সলিলং সর্বং সমুদ্রেষু সরিৎসু চ ॥ 3-191-67 (23338)
যচ্চ রকাষ্ঠং তৃণং চাপি শুষ্কং চার্দ্রং চ ভারত।
সর্বং তদ্ভস্মসাদ্ভূতং দৃশ্যতে ভরতর্ষভ ॥ 3-191-68 (23339)
ততঃ সংবর্তকো বহ্নির্বায়ুনা সহ ভারত।
লোকমাবিশতে পূর্বমাদিত্যৈরুপশোষিতম্ ॥ 3-191-69 (23340)
ততঃ স পৃথিবীং ভিত্ৎবা প্রবিশ্য চ রসাতলম্।
রদেবদানবয়ক্ষাণাং ভয়ং জনয়তে মহৎ ॥ 3-191-70 (23341)
নিরদহন্নাগলোকং চ যচ্চ কিংচিৎক্ষিতাবিহ।
অধস্তাৎপৃথিবীপাল সর্বং নাশয়তে ক্ষণাৎ ॥ 3-191-71 (23342)
ততো যোজনবিংশানাং সহস্রাণি শতানি চ।
নির্দহত্যশিবো বায়ুঃ স চ সংবর্তকোঽনলঃ ॥ 3-191-72 (23343)
সদেবাসুরগন্ধর্বং সয়ক্ষোরগরাক্ষসম্।
ততো দহতি দীপ্তঃ স সর্বমেব জগদ্বিভুঃ ॥ 3-191-73 (23344)
ততো গজকুলপ্রখ্যাস্তজিন্মালাবিভূষিতাঃ।
উত্তিষ্ঠন্তি মহামেঘা নভস্যদ্ভুতদর্শনাঃ ॥ 3-191-74 (23345)
কেচিন্নীলোৎপলশ্যামাঃ কেচিৎকুমুদসন্নিভাঃ।
কেচিৎকিঞ্জল্কসংকাশাঃ কেচিৎপীতাঃ পয়োধরাঃ ॥ 3-191-75 (23346)
কেচিদ্ধারিদ্রসংকাশাঃ কারণ্ডবনিভাস্তথা।
কেচিৎকমলপত্রাভাঃ কেচিদ্ধিঙ্গুলসপ্রভাঃ ॥ 3-191-76 (23347)
কেচিৎপুরবরাকারাঃ কেচিদ্গজকুলোপমাঃ।
কেচিদঞ্জনসংকাশাঃ কেচিন্মকরসন্নিভাঃ ॥ 3-191-77 (23348)
বিদ্যুন্মালাপিনদ্ধাঙ্গাঃ সমুত্তিষ্ঠন্তি বৈ ঘনাঃ।
ঘোররূপা মহারাজ ঘোরস্বননিনাদিতাঃ ॥ 3-191-78 (23349)
ততো জলঘরাঃ সর্বং ব্যাপ্নুবনতি নভস্তলম্।
`গর্জন্তঃ পৃথিবীপাল পৃথিবীধরসন্নিভাঃ' ॥ 3-191-79 (23350)
তৈরিয়ং পৃথিবী সর্বা সপর্বতবনাকরা।
আপূর্যতে মহারাজ সলিলৌঘপরিপ্লুতা ॥ 3-191-80 (23351)
ততস্তে জলদা ঘোরা রাবিণঃ পুরুষর্ষভ।
পর্বতান্প্লাবয়ন্ত্যাশু চোদিতাঃ পরমেষ্ঠিনা ॥ 3-191-81 (23352)
বর্ষমাণা মহত্তোয়ং পূরয়ন্তো বসুংধরাম্।
সুঘোরমশিবং রৌদ্রং নাশয়নতি চ পাবকম্ ॥ 3-191-82 (23353)
ততো দ্বাদশবর্ষাণি পয়োদাস্ত উপপ্লবে।
ধারাভিঃ পূরয়ন্তো বৈ চোদ্যমানা মহাত্মনা ॥ 3-191-83 (23354)
ততঃ সমুদ্রঃ স্বাং বেলামতিক্রামতি ভারত।
পর্বতাশ্চ বিদীর্যন্তে মহী চাপি বিদীর্যতে ॥ 3-191-84 (23355)
সর্বতঃ সহসা ভ্রান্তাস্তে পয়োদা নভস্তলম্।
সংবেষ্টয়িৎবা নশ্যন্তি বায়ুবেগপরাহতাঃ ॥ 3-191-85 (23356)
কততস্তং মারুতং ঘোরং স্বয়ংভূর্মনুজাধিপ।
আদিঃ পদ্মালয়ো দেবঃ পীৎবা স্বপিতি ভারত ॥ 3-191-86 (23357)
তস্মিন্নেকার্ণবে ঘোরে নষ্টে স্থাবরজঙ্গমে।
নষ্টে দেবাসুরগণএ যক্ষরাক্ষসবর্জিতে ॥ 3-191-87 (23358)
নির্মনুষ্যে মহীপাল নিঃশ্বাপদমহীরুহে।
অনন্তরিক্ষে লোকেঽস্মিন্ভ্রমাম্যেকোঽহমাতুরঃ ॥ 3-191-88 (23359)
একার্ণবে জলে ঘোরে বিচরন্পার্থিবোত্তম।
অপশ্যন্সর্বভূতানি বৈক্লব্যমগমং ততঃ ॥ 3-191-89 (23360)
ততঃ সুদীর্ঘং গৎবাঽহং প্লবমানো ধরাধিপ।
শ্রান্তঃ ক্বচিন্ন শরণং লব্ধবানস্ম্যতন্দ্রিতঃ ॥ 3-191-90 (23361)
ততঃ কদাচিৎপশ্যামি তস্মিন্সলিলসংনিঘৌ।
ন্যগ্রোধং সুমহান্তং বৈ বিশালং পৃথিবীপতে ॥ 3-191-91 (23362)
শাখায়াং তস্য বৃক্ষস্য বিস্তীর্ণায়াং নরাধিপ।
পর্যঙ্কে পৃথিবীপাল দিব্যাস্তরণসংস্তৃতে ॥ 3-191-92 (23363)
উপবিষ্টং মহারাজ পদ্মেন্দুসদৃশাননম্।
ফুল্লপদ্মবিশালাক্ষং বালং পশ্যামি ভারত ॥ 3-191-93 (23364)
ততো মে পৃতিবীপাল বিস্ময়ঃ সুমহাভূৎ।
কথং ৎবয়ং শিশুঃ শেতে লোকে নাশমুপাগতে ॥ 3-191-94 (23365)
তপসা চিন্তয়ংশ্চাপি তং শিশুং নোপলক্ষয়ে।
ভূতং ভব্যং ভবিষ্যং চ জানন্নপি নরাধিপ ॥ 3-191-95 (23366)
অতসীপুষ্পবর্ণাভঃ শ্রীবৎসকৃতভূষণঃ।
সাক্ষাল্লক্ষ্ম্যা ইবাবাস স তদা প্রতিভাতি মে ॥ 3-191-96 (23367)
ততো মামব্রবীদ্বালঃ স পদ্মনিভলোচনঃ।
শ্রীবৎসধারী দ্যুতিমান্বাক্যং শ্রুতিসুখাবহম্ ॥ 3-191-97 (23368)
জানামি ৎবাং পরিশ্রান্তং তাত বিশ্রামকাঙ্ক্ষিণম্।
মার্কণ্ডেয় মহাসৎবং যাবদিচ্ছসি ভার্গব ॥ 3-191-98 (23369)
অভ্যন্তরং শরীরং মে প্রবিশ্য মুনিসত্তম।
আস্খেহ বিহিতো বাসঃ প্রসাদস্তে কৃতো ময়া ॥ 3-191-99 (23370)
ততো বালেন তেনৈব মুক্তস্যাসীত্তদা মম।
নির্বেদো জীবিতে দীর্ঘে মনুষ্যৎবে চ ভারত ॥ 3-191-100 (23371)
ততো বালেন তেনাস্যং সহসা বিবৃতং কৃতম্।
তস্যাহমবশো বক্রে দৈবয়োগাৎপ্রবেশিতঃ ॥ 3-191-101 (23372)
ততঃ প্রবিষ্টস্তৎকুক্ষিং সহসা মনুজাধিপ।
সরাষ্ট্রনগরাকীর্ণাং কৃৎস্নাং পশ্যামি মেদিনীম্ ॥ 3-191-102 (23373)
গঙ্গাং শতদ্রুং সীতাং চ যমুনামথ কৌশিকীম্।
চর্মণ্বতীংবেত্রবতীং চন্দ্রভাগাং সরস্বতীম্ ॥ 3-191-103 (23374)
সিন্ধুং চৈব বিপাশাং চ নদীং গোদাবরীমপি।
বস্বোকসারাং নলিনীং নর্মদাং চৈব ভারত ॥ 3-191-104 (23375)
নদীং তাম্রাং চ বেণাং চ পুণ্যতোয়াং শুভাবহাম্।
সুবেণাং কৃষ্ণবেণাং চ ইরামাং চ মহানদীম্ ॥ 3-191-105 (23376)
বিতস্তাং চ মহারাজ কাবেরীং চ মহানদীম্।
`তুঙ্গভদ্রাং কৃষ্ণবেণীং কমলাং চ মহানদীম্'।
শোণং চ পুরুষব্যাঘ্র বিশল্যাং কিংপুনামপি ॥ 3-191-106 (23377)
এতাশ্চান্যাশ্চ নদ্যোঽহং পৃথিব্যাং যা নরোত্তম।
পরিক্রামন্প্রপশ্যামি তস্য কুক্ষৌ মহাত্মনঃ ॥ 3-191-107 (23378)
ততঃ সমুদ্রং পশ্মামি যাদোগণনিষেবিতম্।
রত্নাকরমমিত্রঘ্ন পয়সোনিধিমুত্তমম্ ॥ 3-191-108 (23379)
ততঃ পশ্যামি গগনং চন্দ্রসূর্যবিরাজিতম্।
জাজ্বল্যমানং তেজোভিঃ পাবকার্কসমপ্রভম্ ॥ 3-191-109 (23380)
পশ্যামি চ মহীং রাজন্কাননৈরুপশোভিতাম্।
`সপর্বতবনদ্বীপাং নিম্নগাশতসংকুলাম্ ॥ 3-191-110 (23381)
যজন্তে হি ততো রাজন্ব্রাহ্মণা বহুভির্মখৈঃ।
ক্ষত্রিয়াশ্ প্রবর্তন্তে সর্ববর্ণানুরঞ্জনৈঃ ॥ 3-191-111 (23382)
বৈশ্যাঃ কৃষিং যথান্যায়ং কারয়ন্তি নরাধিপ।
শুশ্রূষায়াং চ নিরতা দ্বিজানাং বৃষলাস্তথা ॥ 3-191-112 (23383)
ততঃ পরিপতন্রাজংস্তস্য কুক্ষৌ মহাত্মনঃ।
হিমবন্তং চ পশ্যামি হেমকূটং চ পর্বতম্ ॥ 3-191-113 (23384)
নিষধং চাপি পশ্যামি শ্বেতং চ রজতান্বিতম্।
পশ্যামি চ মহীপাল পর্বতং গন্ধমাদনম্ ॥ 3-191-114 (23385)
মন্দরং মনুজব্যাঘ্র নীলং চাপি মহাগিরিম্।
পশ্যামি চ মহারাজ মেরু কনকপর্বতম্ ॥ 3-191-115 (23386)
মহেন্দ্রং চৈব পশ্যামি বিন্ধ্যং চ গিরিমুত্তমম্।
মলয়ং চাপি পশ্যামি পারিয়াত্রং চ পর্বতম্ ॥ 3-191-116 (23387)
এতে চান্যে চ বহবো যাবন্তঃ পৃথিবীধরাঃ।
তস্যোদরে ময়া দৃষ্টাঃ সর্বে রত্নবিভূষিতাঃ ॥ 3-191-117 (23388)
সিংহান্ব্যাঘ্রান্বরাহাংশ্চ পশ্যামি মনুজাধিপ।
পৃথিব্যাং যানি চান্যানি সত্ৎবানি জগতীপতে।
তানি সর্বাণ্যহং তত্র পশ্যন্পর্যচরং তদা ॥ 3-191-118 (23389)
কুক্ষৌ তস্ নরব্যাঘ্র প্রবিষ্টঃ সংচরন্দিশঃ।
শক্রাদীংশ্চাপি পশ্যামি কৃৎস্নান্দেবগণানহম্ ॥ 3-191-119 (23390)
সাধ্যান্রুদ্রাংস্তথাঽঽদিত্যান্গুহ্যকান্পিতরস্তথা।
সর্পান্নাগান্সুপর্ণাংশ্চ বসূনপ্যশ্বিনাবপি ॥ 3-191-120 (23391)
গন্ধর্বাপ্সরসো যক্ষানৃষীংশ্চৈব মহীপতে।
দৈত্যদানবসঙ্ঘাংশ্চ নাগাংশ্চ মনুজাধিপ ॥ 3-191-121 (23392)
সিংহিকাতনয়াংশ্চাপি যে চান্যে সুরশত্রবঃ।
যচ্চ কিংচিন্ময়া লোকে দৃষ্টং স্থাবরজঙ্গমম্ ॥ 3-191-122 (23393)
সর্বং পশ্যাম্যহং রাজংস্তস্য কুক্ষৌ মহাত্মনঃ।
ৎবরমাণঃ ফলাহারঃ কৃৎস্নং জগদিদং বিভো ॥ 3-191-123 (23394)
অন্তঃশরীরে তস্যাহং বর্ষাণামধিকং শতম্। 3-191-b124 ন চ পশ্যামি যস্যাহং দেহস্যান্তং কদাচন ॥ 3-191-124 (23395)
সততং ধাবমানশ্চ চিন্তয়ানো বিশাংপতে।
`ভ্রমংস্তত্র মহীপাল যদা বর্ষগণান্বহূন্'।
আসাদয়ামি নৈবান্তং তস্য রাজন্মহাত্মনঃ ॥ 3-191-125 (23396)
ততস্তমেব শরণং গতোস্মি বিধিবত্তদা।
বরেণ্যং বরদং দেবং মনসা কর্মণৈব চ ॥ 3-191-126 (23397)
ততোঽহং সহসা রাজন্বায়ুবেগেন নিঃসৃতঃ।
মহাত্মনো মুখাত্তস্য বিবৃতাৎপুরুষোত্তম ॥ 3-191-127 (23398)
ততস্তস্যৈব শাখায়াং ন্যগ্রোধস্য বিশাংপতে।
আস্তে মনুজশার্দূল কৃৎস্নমাদায় বৈ জগৎ ॥ 3-191-128 (23399)
তে নৈব বালবেষেণ শ্রীবৎসকৃতলক্ষণম্।
আসীনং তং নরব্যাঘ্র পশ্যাম্যমিততেজসম্ ॥ 3-191-129 (23400)
ততো মামব্রবীদ্বালঃ স প্রীতঃ প্রহসন্নিব।
শ্রীবৎসধারী দ্যুতিমান্পীতবাসা মহাদ্যুতিঃ ॥ 3-191-130 (23401)
অপীদানীং শরীরেঽস্মিন্মামকে মুনিসত্তম।
উষিতস্ৎবং পরিশ্রান্তো মার্কণ্ডেয় ব্রবীহি মে ॥ 3-191-131 (23402)
মুহূর্তাদথ মে দৃষ্টিঃ প্রাদুর্ভূতা পুনর্নবা।
মায়ানির্মুক্তমাত্মনমপশ্যং লব্ধচেতসম্ ॥ 3-191-132 (23403)
তস্য তাম্রতলৌ তাত চরণৌ সুপ্রতিষ্ঠিতৌ।
সুজাতৌ মৃদুরক্তাভিরঙ্গুলীভির্বিরাজিতৌ ॥ 3-191-133 (23404)
প্রয়ত্নেন ময়া মূর্ধ্না গৃহীৎবা হ্যভিবনদিতৌ।
দৃষ্ট্বাঽপরিমিতং তস্ প্রভাবমমিতৌজসঃ ॥ 3-191-134 (23405)
বিনয়েনাঞ্জলিং কৃৎবাপ্রয়ত্নেনোপগম্য হ।
দৃষ্টো ময়া স ভূতাত্মা দেবঃ কমললোচনঃ ॥ 3-191-135 (23406)
তমহং প্রাঞ্জলির্ভূৎবা নমস্কৃত্যেদমব্রবম্।
জ্ঞাতুমিচ্ছামি দেব ৎবাং মায়াং চৈতাং তবোত্তমাম্ ॥ 3-191-136 (23407)
আস্যেনানুপ্রবিষ্টোঽহং শরীরে ভগবংস্তব।
দৃষ্টবানখিলাঁল্লোকান্সমস্তান্জঠরে হি তে ॥ 3-191-137 (23408)
তব দেব শরীরস্থা দেবদানবরাক্ষসাঃ।
যক্ষগন্ধর্বনাগাশ্চ জগৎস্থাবরজঙ্গমম্ ॥ 3-191-138 (23409)
ৎবৎপ্রসাদাচ্চ মে দেব স্মৃতির্ন পরিহীয়তে।
দ্রুতমন্তঃশরীরে তে সততং পরিবর্তিনঃ ॥ 3-191-139 (23410)
নির্গতোঽহমকামস্তু ইচ্ছয়া তে মহাপ্রভো।
যতিষ্যে পুণ্ডরীকাক্ষ জ্ঞাতুং ৎবাঽহমনিন্দিতং ॥ 3-191-140 (23411)
ইহ ভূৎবা শিশুঃ সাক্ষাৎকিং ভবানবতিষ্ঠতে।
পীৎবা জগদিদং সর্বমেতদাখ্যাতুমর্হসি ॥ 3-191-141 (23412)
কিমর্থং চ জগৎসর্বং শরীরস্থং তবানঘ।
কিয়ন্তং চ ৎবয়া কালমিহ স্থেয়মরিংদম ॥ 3-191-142 (23413)
এতদিচ্ছামি দেবেশ শ্রোতুং ব্রাহ্মণকাম্যযা।
ৎবত্তঃ কমলপত্রাক্ষং বিস্তরেণ যথাতথম্।
মহদ্ধ্যেতদচিন্ত্যং চ যদহং দৃষ্টবান্প্রভো ॥ 3-191-143 (23414)
ইত্যুক্তঃ স ময়া শ্রীমান্দেবদেবো মহাদ্যুতিঃ।
সান্ৎবয়ন্মামিদং বাক্যমুবাচ বদতাংবরঃ ॥ 3-191-144 (23415)
ইতি শ্রীমন্মহাভারতে অরণ্যপর্বণি মর্কণ্ডেয়সমাস্যাপর্বণি একনবত্যধিকশততমোঽধ্যায়ঃ ॥ 191 ॥
Mahabharata - Vana Parva - Chapter Footnotes
3-191-4 অনন্তরিক্ষে লোকে ইতি ঝ. পাঠঃ ॥ 3-191-6 চতুর্বিধানি জরায়ুজাণ্ডজস্বেদজোদ্ভিজ্জানি ॥ 3-191-9 নারায়ণাস্য অঙ্কঃ স্থানং সমীপং বা। তত্র প্রখ্যঃ প্রখ্যাতঃ ভগবদ্ভক্তেষূত্তমঃ। সাংপরায়ে পরলোকে অতিপঠ্যসে অত্যন্তং স্তূয়সে। লোকৈরিতি শেষঃ ॥ 3-191-10 বিষ্ণোর্ব্রহ্মণঃ উপলব্ধিস্থানৎবেন সংবন্ধিকর্ণিকোদ্ধরণং কৃৎবা যোগকলয়া হৃদয়পুণ্ডরীকমুদ্ঘাট্যেত্যর্থঃ। রৎবয়া দৃগ্ভ্যাং ভগবাননেকশোঽনেকবরি দৃষ্ট ইত্যন্বয়ঃ। রত্নানি তত্তজ্জাত্যুৎকৃষ্টবস্তূনি তেষাং অলকারো নিবারণক্রিয়া। পরং বৈরাগ্যমিতি যাবৎ। যোগঃ অভিয়োগোঽভ্যাসঃ। বৈরাগ্যাভ্যাসাভ্যামিত্যর্থঃ ॥ 3-191-11 তব ৎবাং ন বিশতীত্যপকৃষ্যতে ॥ 3-191-12 শেষং অবশিষ্টম্। পঞ্চমহাভূতপ্রলয়ে সতীত্যর্থঃ ॥ 3-191-15 এতৎসর্বং ৎবয়া দৃষ্টমিতি শেষঃ ॥ 3-191-17 স্বয়ংভুবে অজন্মনে। পুরুষায় পূর্ণায়। পুরাণায় নিত্যৈকরূপায়। শাশ্বতায় অনাদয়ে। অব্যযায় নিত্যায় ॥ 3-191-20 যদ্যেষ পুরুষো বেদ চেদা অপি ইতি ঝ. পাঠঃ ॥ 3-191-22 তাবচ্ছতী চতুঃশতী। সন্ধ্যা পূর্বস্মিন্ যুগে উত্তরয়ুগধর্মাণামুপসর্জনতয়া সংক্রমঃ। সন্ধ্যাংশস্তূত্তরস্মিন্ পূর্বয়ুগধর্মাণাম্। তথাবিধ উত্তরপ্রকারস্ত্রিশতীমিতোয়মেব পূর্বয়ুগাপেক্ষয়া সন্ধ্যাংশ উত্তরয়ুগাপেক্ষয়া সন্ধ্যেতি চোচ্যতে। তথাচ কৃতত্রেতয়োঃ সন্ধ্যাসন্ধ্যাংশৌ সপ্তশতী। ত্রেতাদ্বাপরয়োঃ পঞ্চশতী। দ্বাপারকল্যোস্ত্রিশতী। কলিকৃতয়োস্তু পঞ্চশতীতি বিজ্ঞেয়ম্। এবং চ কৃতস্যাদৌ চতুঃশতী কল্যপেক্ষয়া সন্ধ্যাংশোপি কৃতাপেক্ষয়া সন্ধ্যা। এবং সর্বত্র। তেন সন্ধ্যাসন্ধ্যাংশয়োস্তুল্যং প্রমাণং ভবতি ॥ 3-191-31 তথা শূদ্রধনার্জকাঃ ইতিথ. পাঠঃ ॥ 3-191-37 সত্যেঽল্পং সত্যাল্পম্। সত্যবাদোঽত্যন্তমল্প ইত্যর্তঃ ॥ 3-191-38 বৃথা অনুভবাভাবাৎ ॥ 3-191-41 মুখেভগাঃ প্রথমং মুখেনৈব ভগকার্যং কৃৎবা পুরুষস্ কামমুদ্দীপয়ন্ত্যঃ। অত্যন্তং রতার্তৎবাৎ ॥ 3-191-42 অট্টমন্নং শিবো বেদো ব্রাহ্মণাশ্চ চতুষ্পথাঃ। কেশো ভগং সমাখ্যাতং শূলং তদ্বিক্রয়ং বিদুরিতি পূর্বেষাং ব্যাখ্যাসংক্ষেপঃ ॥ 3-191-45 মিথ্যাধর্মঃ কপটধর্মঃ সএব ধ্বজইব খ্যাত্যর্থং জ্ঞাপ্যো যেষাং তে তথা চঞ্চূর্যন্তে পীড্যন্তে। দিশঃ দিক্স্থাঃ জনাঃ ॥ 3-191-48 পানপাঃ মদ্যপাঃ ॥ 3-191-56 নগরাণাং নগরস্থানাম্ ॥ 3-191-57 আঢ্যোহমিতি মদঃ আঢ্যমদঃ ॥ 3-191-59 পুরুষাদানি বৃকব্যাঘ্রাদীনি চৈত্যেষ দেবতাস্থানেষু ॥ 3-191-63 অর্হতঃ যোগ্যান্ ॥ 3-191-86 ততস্তং সলিলং ঘোরং ইতি ক. ধ. পাঠঃ ॥অরণ্যপর্ব - অধ্যায় 192
॥ শ্রীঃ ॥
3.192. অধ্যায়ঃ 192
Mahabharata - Vana Parva - Chapter Topics
হরিণা মার্কণ্ডেয়ংপ্রিত স্বমাহাত্ম্যকথনপূর্বকমন্তর্ধানম্ ॥ 1 ॥ মার্কণ্ডেয়েন যুধিষ্ঠিরাদীন্প্রতি কৃষ্ণস্য সর্বোত্তমৎবপ্রতিপাদনেন তংপ্রতি শরণাগমনচোদনা ॥ 2 ॥ কৃষ্ণেন তেষাং সমাশ্বাসনম্ ॥ 3 ॥Mahabharata - Vana Parva - Chapter Text
3-192-0 (23416)
দেব উবাচ। 3-192-0x (2392)
কামং দেবাঽপি মাং বিপ্র ন হি জানন্তি তত্ৎবতঃ।
ৎবৎপ্রীত্যা তু প্রবক্ষ্যামি যথেদং বিমৃজাম্যহম্ ॥ 3-192-1 (23417)
পিতৃভক্তোসি বিপ্রর্ষে মাং চৈব শরণং গতঃ।
ততো দৃষ্টোস্মি তে সাক্ষাদ্ব্রহ্যচর্যং চ তে মহৎ ॥ 3-192-2 (23418)
আপো নারা ইতি প্রোক্তাস্তাসাং নাম কৃতং ময়া।
তেন নারায়ণপ্যুক্তো মম তত্ৎবয়নং সদা ॥ 3-192-3 (23419)
অহংনারায়ণো নাম প্রভবঃ শাশ্বতোঽব্যযঃ।
বিধাতা সর্বভূতানাং সংহর্তা চ দ্বিজোত্তম্ ॥ 3-192-4 (23420)
অহং বিষ্ণুরহং ব্রহ্মা শক্রশ্চাহং সুরাধিপঃ।
অহং বৈশ্রবণো রাজা যমঃ প্রেতাধিপস্তথা ॥ 3-192-5 (23421)
অহং শিবশ্চ সোমশ্চ কশ্যপোঽথ প্রজাপতিঃ।
অহং ধাতা বিধাতা চ যজ্ঞশ্চাহং দ্বিজোত্তম ॥ 3-192-6 (23422)
অগ্নিরাস্যং ক্ষিতি পাদৌ চন্দ্রাদিত্যৌ চ লোচনে।
দ্যৌর্মূর্ধা মে দিশঃ শ্রোত্রে তথাঽঽপঃ স্বেদসংভবাঃ।
সকলং চ নভঃ কায়ো বায়ুর্মনসি মে স্থিতঃ ॥ 3-192-7 (23423)
ময়া ক্রতুশতৈরিষ্টং বহুভিস্ৎবাপ্তদক্ষিণৈঃ।
যজন্তে বেদবিদুষো মাং দেবসদনে স্থিতম্ ॥ 3-192-8 (23424)
পৃথিব্যাং ক্ষত্রিয়েন্দ্রাশ্ পার্তিবাঃ স্বর্গকাঙ্ক্ষিণঃ।
যজন্তে মাং তথা বৈশ্যাঃ স্বর্গলোকজিগীষয়া ॥ 3-192-9 (23425)
চতুঃসমুদ্রপর্যন্তাং মেরুমন্দরভূষণাম্।
শেষো ভূৎবাঽহমেবৈতাং ধারয়ামি বসুংধরাম্ ॥ 3-192-10 (23426)
বারাহং রূপমাস্থায় ময়েয়ং জগতী পুরা।
মজ্জমানা জলে বিপ্র বীর্যেণাসীৎসমুদ্ধৃতা ॥ 3-192-11 (23427)
অগ্নিশ্চ বডবাবক্রে ভূৎবাঽহং দ্বিজসত্তম।
পিবাম্যাপঃ সদা বিদ্বংস্তাশ্চৈব বিসৃজাম্যহম্ ॥ 3-192-12 (23428)
ব্রহ্ম বক্রং ভুজৌ ক্ষত্রমূরূ মে সংস্থিতা বিশঃ।
পাদৌ শূদ্রা ভবন্তীমে বিক্রমেণ ক্রমেণ চ ॥ 3-192-13 (23429)
ঋগ্বেদঃ সামবেদশ্চ যজুর্বেদোঽপ্যথর্বণঃ।
মত্তঃ প্রাদুর্ভবন্ত্যেতে মামেব প্রবিশন্তি চ ॥ 3-192-14 (23430)
যতয়ঃ শান্তিপরমা যতাত্মানো মুমুক্ষবঃ।
কামক্রোধদ্বেষমুক্তা নিঃসংজ্ঞা বীতকল্মষাঃ ॥ 3-192-15 (23431)
সৎবস্থা নিরহংকারা নিত্যমধ্যাত্মকোবিদাঃ।
মামেব সততং বিপ্রাশ্চিন্তয়ন্ত উপাসতে ॥ 3-192-16 (23432)
অহং সংবর্তকো বহ্নিরহং সংবর্তকো যমঃ।
অহং সংবর্তকঃ সূর্যস্ৎবহং সংবর্তকোঽনিলঃ ॥ 3-192-17 (23433)
তারারূপাণি দৃশ্যন্তে যান্যেতানি নভস্তলে।
মম রূপাণ্যথৈতানি বিদ্ধি ৎবং দ্বিজসত্তম ॥ 3-192-18 (23434)
রত্নাকরাঃ সমুদ্রাশ্চ সর্ব এব চতুর্দিশঃ।
বসনং শয়নং চৈব বিলয়ং চৈব বিদ্ধি মে ॥ 3-192-19 (23435)
ময়ৈব সুবিভক্তাস্তে দেবকার্যার্থসিদ্ধয়ে।
কামং ক্রোধং চ হর্ষং চ ভয়ং মোহং তথৈব চ।
মমৈব বিদ্ধি রোমাণি সর্বাণ্যেতানি সত্তম ॥ 3-192-20 (23436)
প্রাপ্নুবন্তি নরা বিপ্র যৎকৃৎবা কর্ম শোভনম্।
সত্যং দানং তপশ্চোগ্রমহিংসা চৈব জন্তুষু ॥ 3-192-21 (23437)
মদ্বিধানেন বিহিতা মম দেহবিহারিণঃ।
ময়াঽভিভূতবিজ্ঞানা বিচেষ্টন্তে ন কামতঃ ॥ 3-192-22 (23438)
সম্যগ্বেদমধীয়ানা যজন্তে বিবিধৈর্মখৈঃ।
শান্তাত্মানো জিতক্রোধাঃ প্রাপ্নুবন্তি দ্বিজাতয়ঃ ॥ 3-192-23 (23439)
---ন শক্যো যো বিদ্বন্নরৈর্দুষ্কৃতকর্মভিঃ।
---ভাভিভূতৈঃ কৃপণৈরনার্যৈরকৃতাত্মভিঃ ॥ 3-192-24 (23440)
তস্মান্মহাফলংবিদ্ধি পদং সুকৃতকর্মণঃ।
সুদুষ্প্রাপং বিমূঢানাং মার্গং যোগৈর্নিষেবিতম্ ॥ 3-192-25 (23441)
যদা যদা চ ধর্মস্য গ্লানির্ভবতি সত্তম।
অভ্যুত্থানমধর্মস্য তদাঽঽত্মানং সৃজাম্যহম্ ॥ 3-192-26 (23442)
দৈত্যা হিংসানুরক্তাশ্চ অবধ্যাঃ সুরসত্তমৈঃ।
রাক্ষসাশ্চাপি লোকেঽস্মিন্যদোৎপৎস্যন্তি দারুণাঃ ॥ 3-192-27 (23443)
তদাঽহংসংপ্রসূয়ামি গৃহেষু শুভকর্মণাম্।
প্রবিষ্টো মানুষং দেহং সর্বং প্রশময়াম্যহম্ ॥ 3-192-28 (23444)
সৃষ্ট্বা দেবমনুষ্যাংস্তু গন্ধর্বোরগরাক্ষসান্।
স্থাবরাণি চ ভূতানি সংহরাম্যাত্মমায়যা ॥ 3-192-29 (23445)
কর্মকালে পুনর্দেহমনুচিন্ত্য সৃজাম্যহম্।
আবিশ্য মানষং দেহং মর্যাদাবন্ধকারণাৎ ॥ 3-192-30 (23446)
শ্বেতঃ কৃতয়ুগে বর্ণঃ পীতস্ত্রেতায়ুগে মম।
শ্যামো দ্বাপরমাসাদ্য কৃষ্ণঃ কলিয়ুগে তথা ॥ 3-192-31 (23447)
ত্রয়ো ভাগা হ্যধর্মস্ তস্মিন্কালে ভবনতি চ।
`যদা ভবতি মে বর্ণঃ কৃষ্ণো বৈ দ্বিজসত্তম্' ॥ 3-192-32 (23448)
অন্তকালে চ সংপ্রাপ্তে কালো ভূৎবাঽতিদারুণঃ।
ত্রৈলোক্যং নাশয়াম্যেকঃ কৃৎস্নং স্থাবরজঙ্গমম্ ॥ 3-192-33 (23449)
অহং ত্রিবর্ত্মা বিশ্বাত্মা সর্বলোকসুখাবহঃ।
অজিতঃ সর্বগোঽনন্তো হৃষীকেশ উরুক্রমঃ।
কালচক্রং নয়াম্যেকো ব্রহ্মন্নহমরূপকম্ ॥ 3-192-34 (23450)
শমনং সর্বভূতানাং সর্বকালকৃতোদ্যমম্।
এবং প্রণিহিতঃ সম্যঙ্মায়যা মুনিসত্তম।
সর্বভূতেষু বিপ্রেন্দ্র ন চ মাং বেত্তি কশ্চন ॥ 3-192-35 (23451)
সর্বলোকে চ মাং ভক্তাঃ পূজয়ন্তি চ সর্বশঃ ॥ 3-192-36 (23452)
যচ্চ কিংচিত্ৎবয়া প্রাপ্তং ময়ি ক্লেশাত্মকং দ্বিজ।
সুখোদয়ায় তৎসর্বং শ্রেয়সে চ তবানঘ ॥ 3-192-37 (23453)
যচ্চ কিংচিত্ৎবয়া লোকে দৃষ্টং স্থাবরজঙ্গমম্।
বিহিত সর্বথৈবাসৌ মমাত্মা ভূতভাবনঃ ॥ 3-192-38 (23454)
অর্ধং মম শরীরস্য সর্বলোকপিতামহঃ।
অহং নারায়ণো নাম শঙ্খচক্রগদাধরঃ ॥ 3-192-39 (23455)
যাবদ্যুগানাং বিপ্রর্ষে সহস্রপরিবর্তনম্।
তাবৎস্বপিমি বিশ্বাত্মা সর্বলোকপিতামহঃ ॥ 3-192-40 (23456)
এবং সর্বমহং কালমিহাসে মুনিসত্তম।
অশিশুঃ শিশুরূপেণ যাবদ্ব্রহ্মা ন বুধ্যতে ॥ 3-192-41 (23457)
ময়া চ দত্তো বিপ্রাগ্র্য বরস্তে ব্রহ্মরূপিণা।
অসকৃৎপরিতষ্টেন বিপ্রর্ষিগণপূজিত ॥ 3-192-42 (23458)
সর্বমেকার্ণবং দৃষ্ট্বা নষ্টং স্থাবরজঙ্গমম্।
বিক্লবোসি ময়া জ্ঞাতস্ততস্তে দর্শিতং জগৎ ॥ 3-192-43 (23459)
অভ্যন্তরং শরীরস্য প্রবিষ্টোসি যদা মম।
দৃষ্ট্বা লোকং সমস্তং চ বিস্মিতো নাববুধ্যসে ॥ 3-192-44 (23460)
ততোসি বক্রাদ্বিপ্রর্ষে দ্রুতং নিঃসারিতো ময়া।
আখ্যাতস্তে ময়া চাত্মা দুর্জ্ঞে যোপি সুরাসুরৈঃ ॥ 3-192-45 (23461)
যাবৎস ভগবান্ব্রহ্মা ন বুধ্যেত মহাতপাঃ।
তাবত্ৎবমিহ বিপ্রর্ষে বিস্রব্ধশ্চর বৈ সুখম্ ॥ 3-192-46 (23462)
ততো বিবুদ্ধে তস্মিংস্তু সর্বলোকপিতামহে।
একীভূতঃ প্রবেক্ষ্যামি শরীরাণি দ্বিজোত্তম ॥ 3-192-47 (23463)
আকাশং পৃথিবীং জ্যোতির্বায়ুং সলিলমেব চ।
লোকে যচ্চ ভবেচ্ছেষমিহ স্থাবরজঙ্গমম্ ॥ 3-192-48 (23464)
মার্কণ্ডেয় উবাচ। 3-192-49x (2393)
ইত্যুক্ৎবান্তর্হিতস্তাত স দেবঃ পরমাদ্ভুতঃ।
প্রজাশ্চেমাঃ প্রপশ্যামি বিচিত্রা বিবিধাঃ কৃতাঃ ॥ 3-192-49 (23465)
এবং দৃষ্টং ময়া রাজংস্তস্মিন্প্রাপ্তে যুগক্ষয়ে।
আশ্চর্যং ভরতশ্রেষ্ঠ সর্বধর্মভৃতাংবরঃ ॥ 3-192-50 (23466)
যঃ স দেবো ময়া দৃষ্টঃ পুরা পদ্মায়তেক্ষণঃ।
স এষ পুরুষব্যাঘ্র সংবন্ধী তে জনার্দনঃ ॥ 3-192-51 (23467)
অস্যৈব বরদানাদ্ধি স্মৃতির্ন প্রজহাতি মাম্।
দীর্গমায়ুশ্চ কৌন্তেয় স্বচ্ছন্দমরণং মম ॥ 3-192-52 (23468)
স এষ কৃষ্ণো বার্ষ্ণেয় পুরাণপুরুষো বিভুঃ।
আস্তে হরিরচিন্ত্যাত্মা ক্রীডন্নিব মহাভুজঃ ॥ 3-192-53 (23469)
এষ ধাতা বিধাতা চ সংহর্তা চৈব শাশ্বতঃ।
শ্রীবৎসবক্ষা গোবিন্দঃ প্রজাপতিপতিঃ প্রভুঃ ॥ 3-192-54 (23470)
দৃষ্ট্বেমং বৃষ্ণিপ্রবরং স্মৃতির্মামিয়মাগতা।
আদিদেবময়ং জিষ্ণুং পুরুষং পীতবাসসম্ ॥ 3-192-55 (23471)
সর্বেষামেব ভূতানাং পিতা মাতা চ মাধবঃ।
গচ্ছধ্বমেনং শরণং শরণ্যং কৌরবর্ষভাঃ ॥ 3-192-56 (23472)
বৈশম্পায়ন উবাচ। 3-192-57x (2394)
এবমুক্তাস্চ তে পার্তা যমৌ চ পুরুষর্ষভৌ।
দ্রৌপদ্যা সহিতাঃ সর্বে নমশ্চক্রুর্জনার্দনম্ ॥ 3-192-57 (23473)
স চৈতান্পুরুষব্যাঘ্র সাম্না পরমবল্গুনা।
সান্ৎবয়ামাস মানার্হো মন্যমানো যথাবিধি ॥ 3-192-58 (23474)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি দ্বিনবত্যধিকশততমোঽধ্যায়ঃ ॥ 192 ॥
Mahabharata - Vana Parva - Chapter Footnotes
3-192-2 তে ৎবয়া ॥ 3-192-31 রক্তো দ্বাপরমাসাদ্য ইতি. ঝ. পাঠঃ ॥ 3-192-47 একীভূতো হি স্রক্ষ্যামি ইতি ঝ. পাঠঃ ॥অরণ্যপর্ব - অধ্যায় 193
॥ শ্রীঃ ॥
3.193. অধ্যায়ঃ 193
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রতিকলৌ ভবিষ্যল্লোকবৃত্তান্তকথনম্ ॥ 1 ॥ কলিয়গান্তে কল্কিৎবেনাবতরিষ্যতা হরিণা দুষ্টজনসংহারঃ ॥ 2 ॥Mahabharata - Vana Parva - Chapter Text
3-193-0 (23475)
বৈশম্পায়ন উবাচ। 3-193-0x (2395)
যুধিষ্ঠিরস্তু কৌন্তেয়ো মার্কণ্ডেয়ং মহামুনিম্।
পুন- পপ্রচ্ছ সামাত্যো ভবিষ্যাং জগতো গতিম্ ॥ 3-193-1 (23476)
যুধিষ্ঠির উবাচ। 3-193-2x (2396)
আশ্চর্যভূতং ভবতঃ শ্রুতং নো বদতাংবর।
মুনে ভার্গব যদ্বৃত্তং যুগাদৌ প্রভবাপ্যযৌ ॥ 3-193-2 (23477)
অস্মিন্কলিয়ুগে ৎবস্তি পুনঃ কৌতূহলং মম।
সমাকুলেষু ধর্মেষু কিংনু শেষং ভবিষ্যতি ॥ 3-193-3 (23478)
কিংবীর্যা মানবাস্তত্রকিমাহারবিহারিণঃ।
কিমায়ুষঃ কিংবসনা ভবিষ্যন্তি যুগক্ষয়ে ॥ 3-193-4 (23479)
কাং চ কাষ্ঠাং সমাসাদ্য পুনঃ সংপৎস্যতে কৃতম্।
বিস্তরেণ মুনে ব্রূহি বিচিত্রাণীহ ভাষসে ॥ 3-193-5 (23480)
ইত্যুক্তঃ স মুনিশ্রেষ্ঠঃ পুনরেবাভ্যভাষত।
রময়ন্বৃষ্ণিশার্দূলং পাণ্ডবাংস্চ মহানৃষিঃ ॥ 3-193-6 (23481)
শৃণু রাজন্ময়া দৃষ্টং যৎপুরা শ্রুতমেব চ।
অনুভূতং চ রাজেনদ্রদেবদেবপ্রসাদজম্ ॥ 3-193-7 (23482)
ভবিষ্যং সর্বলোকস্য বৃত্তান্তং ভরতর্ষভ।
কলুষং কালমাসাদ্য কথ্যমানং নিবোধ মে ॥ 3-193-8 (23483)
কৃতে চতুষ্পাৎসকলো নির্ব্যাজোপ্রাধিবর্জিতঃ।
বৃষঃ প্রতিষ্ঠিতো ধর্মো মনুষ্যে ভরতর্ষভ ॥ 3-193-9 (23484)
অধর্মপাদবিদ্ধস্তু ত্রিভিরংশৈঃ প্রতিষ্ঠিতঃ।
ত্রেতায়াং দ্বাপরেঽর্ধেন ব্যামিশ্রো ধর্ম উচ্যতে ॥ 3-193-10 (23485)
ত্রিভিরংশৈরধর্মস্তু লোকানাক্রম্য তিষ্ঠতি।
তামসং যুগমাসাদ্য তদা ভরতসত্তম ॥ 3-193-11 (23486)
চতুর্থাংশেন ধর্মস্তু মনুষ্যানুপতিষ্ঠতি।
আয়ুর্বীর্যং মনো বুদ্ধির্বলং তেজশ্চ পাণ্ডব ॥ 3-193-12 (23487)
মনুষ্যাণআমনুয়ুগং হ্রপ্তন্তীতি নিবোধ মে।
ব্রাহ্মণাঃ ক্ষত্রিয়া বৈশ্যাঃ শূদ্রাশ্চৈব যুধিষ্ঠির ॥ 3-193-13 (23488)
ব্যাজৈর্ধর্মং চরিষ্যন্তি ধর্মবৈতংসিকা নরাঃ।
সত্যং সংক্ষেপ্স্যতে লোকে নরৈঃ পণ্ডিতমানিভিঃ ॥ 3-193-14 (23489)
সত্যহান্যা ততস্তেষামায়ুরল্পং ভবিষ্যতি।
আয়ুষঃ প্রক্ষয়াদ্বিদ্যাং ন শক্ষ্যন্ত্যুপশিক্ষিতুম্ ॥ 3-193-15 (23490)
বিদ্যাহীনানবিজ্ঞানাল্লোভোপ্যভিভবিষ্যতি।
লোভমোহপরা মূঢাঃ কামাসক্তাশ্ মানবাঃ ॥ 3-193-16 (23491)
বৈরবদ্ধা ভবিষ্যন্তি পরস্পরবধৈষিণঃ।
ব্রাহ্মণাঃ ক্ষত্রিয়া বৈশ্যাঃ সংকীর্যন্তে পরস্পরম্ ॥ 3-193-17 (23492)
শূদ্রতুল্যা ভবিষ্যন্তি তপঃসত্যবিবর্জিতাঃ।
অন্ত্যা মধ্যা ভবিষ্যন্তি মধ্যাশ্চান্ত্যা ন সংশয়ঃ ॥ 3-193-18 (23493)
ঈদৃশো ভবিতা লোকো যুগান্তে পর্যুপস্থিতে।
বস্ত্রাণাং প্রবরা শাণী ধান্যানাং কোরদূপকঃ ॥ 3-193-19 (23494)
ভার্যামিত্রাশ্চ পুরুষা ভবিষ্যন্তি যুগক্ষয়ে।
মৎস্যামিষেণ জীবন্তো দুহন্তশ্চাপ্যজৈডকম্ ॥ 3-193-20 (23495)
গোষু নষ্টাসু পুরুষা যেঽপি নিত্যং ধৃতব্রতাঃ।
তেঽপিলোভসমায়ুক্তা ভবিষ্যন্তি যুগক্ষয়ে ॥ 3-193-21 (23496)
অন্যোন্যং পরিমুষ্ণন্তো হিংসয়ন্তশ্চ মানবাঃ।
অজপা নাস্তিকাঃ স্তেনা ভবিষ্যন্তি যুগক্ষয়ে ॥ 3-193-22 (23497)
সরিত্তীরেষু কুদ্দালৈর্বাপয়িষ্যনতি চৌপধীঃ।
তাশ্চাপ্যল্পফলাস্তেষাং ভবিষ্যন্তি যুগক্ষয়ে ॥ 3-193-23 (23498)
শ্রাদ্ধে দৈবে চ পুরুষা যেঽপি নিত্যং ধৃব্রতাঃ।
তেঽপিলোভসমায়ুক্তা ভোক্ষ্যন্তীহ পরস্পরম্ ॥ 3-193-24 (23499)
পিতা পুত্রস্ ভোক্তা চ পিতুঃ পুত্রস্তথৈব চ।
অতিক্রান্তানি ভোজ্যানি ভবিষ্যন্তি যুগক্ষয়ে ॥ 3-193-25 (23500)
ন ব্রতানি চরিষ্যন্তি ব্রাহ্মণা বেদনিন্দকাঃ।
ন যক্ষ্যন্তি ন হোষ্যন্তি হেতুবাদবিমোহিতাঃ।
নিম্নেষ্বীহাং করিষ্যনতি হেতুবাদবিমোহিতাঃ ॥ 3-193-26 (23501)
নিম্নে কৃষিং করিষ্যন্তি যোক্ষ্যন্তি ধুরি ধেনুক্রাঃ।
একহায়নবৎসাংশ্চ বাহয়িষ্যন্তি মানবাঃ ॥ 3-193-27 (23502)
পুত্রঃ পিতৃবধং কৃৎবা পিতা পুত্রবধং তথা।
`স্ত্রিয়োঽপি পতিপুত্রাদীন্বধিষ্যনতি যুগক্ষয়ে'।
নিরুদ্বেগো বৃহদ্বাদী ন নিন্দামুপলপ্স্যতে ॥ 3-193-28 (23503)
ম্লেচ্ছভূতং জগৎসর্বং নিষ্ক্রিয়ং দানবর্জিতম্।
ভবিষ্যতি নিরানন্দমনুৎসবমথো তথা ॥ 3-193-29 (23504)
প্রায়শঃ কৃপণানাং হি তথা বন্ধুমতামপি।
বিধবানাং চ বিত্তানি হরিষ্যন্তীহ মানবাঃ ॥ 3-193-30 (23505)
স্বল্পবীর্যবলাঃ স্বাধা লোভমোহপরায়ণাঃ।
তৎকথাদানসংতুষ্ট শিষ্টানামপি বান্ধবাঃ ॥ 3-193-31 (23506)
পরিগ্রহংকরিষ্যতি মায়াচারপরিগ্রহাঃ।
সংঘাতয়ন্তঃ তয় রাজানঃ পাপবুদ্ধয়ঃ ॥ 3-193-32 (23507)
পরস্পরবধোয়ুক্তা মূর্খাঃ পণ্ডিতমানিনঃ।
ভবিষ্যন্তি যুগস্যান্তে ক্ষত্রিয়া লোককণ্টকাঃ ॥ 3-193-33 (23508)
অরক্ষিতারো লুব্ধাশ্ মানাহংকারদর্পিতাঃ।
কেবলং দণ্ডরুচয়ো ভবিষ্যন্তি যুগক্ষয়ে ॥ 3-193-34 (23509)
আক্রম্যাক্রম্য সাধূনাং দারাংশ্চাপি ধনানি চ।
ভোক্ষ্যন্তে নিরনুক্রোসা রুদতামপি ভারত ॥ 3-193-35 (23510)
ন কন্যাং যাচে কশ্চিন্নাপি কন্যা প্রদীয়তে।
স্বয়ংগ্রহা ভবিষ্যন্তি যুগান্তে সমুপস্থিতে ॥ 3-193-36 (23511)
রাজানশ্চাপ্যসংতুষ্টাঃ পরার্তান্মূঢচেতসঃ।
সর্বোপায়ৈর্হরিষ্যন্তি যুগান্তে পর্যুপস্থিতে ॥ 3-193-37 (23512)
ম্লেচ্ছীভূতং জগৎসর্বং ভবিষ্যতি ন সংশয়ঃ।
হস্তো হস্তং পরিমুষেদ্যুগান্তে সমুপস্থিতে ॥ 3-193-38 (23513)
সত্যং সংক্ষিপ্যতে লোকে নরৈঃ পণ্ডিতমানিভিঃ।
স্থবিরা বালমতয়ো বালাঃ স্থবিরবুদ্ধয়ঃ ॥ 3-193-39 (23514)
ভীরুস্থা শূরমানী শূরা ভীরুবিষাদিনঃ।
ন বিশ্বসন্তি চান্যোন্যং যুগান্তে পর্যুপস্থিতে ॥ 3-193-40 (23515)
নৈকভার্যং জগৎসর্বং লোভমোহব্যবস্থিতম্।
অধর্মো বর্ধতে তত্র ন তু ধর্মঃ প্রবর্ততে ॥ 3-193-41 (23516)
ব্রাহ্মণাঃ ক্ষত্রিয়া বৈশ্যা নশিষ্যন্তি জনাধিপ।
একবর্ণস্তদা লোকো ভবিষ্যতি যুগক্ষয়ে ॥ 3-193-42 (23517)
ন ক্ষংস্যতি পিতা পুত্রং পুত্রশ্চ পিতরং তথা।
বার্যাশ্চ পতিশুশ্রূষাং ন করিষ্যন্তি সংক্ষয়ে ॥ 3-193-43 (23518)
যে যবান্না জনপদা গোধূমান্নাস্তথৈব চ।
তান্দেশান্সংশ্রয়িষ্যন্তি যুগান্তে পর্যুপস্থিতে ॥ 3-193-44 (23519)
স্বৈরাহারাশ্চ পুরুষা যোপিতশ্চ বিশাংপতে।
অন্যোন্যং ন সহিষ্যন্তি যুগান্তে পর্যুপস্থিতে ॥ 3-193-45 (23520)
ম্লেচ্ছভূতং জগৎসর্বং ভবিষ্যতি যুধিষ্ঠির।
শ্রাদ্ধে ন দেবান্ন পিতৄস্তর্পয়িষ্যন্তি মানবাঃ ॥ 3-193-46 (23521)
ন কশ্চিৎকস্যচিচ্ছ্রোতা ন কশ্চিৎকস্যচিদ্গুরুঃ।
তমোগ্রস্তস্তদা লোকো ভবিষ্যতি জনাধিপ ॥ 3-193-47 (23522)
পরমায়ুশ্চ ভবিতা তদা বর্ষাণি ষোডশ।
ততঃ প্রাণান্বিমোক্ষ্যন্তি যুগান্তে সমুপস্থিতে ॥ 3-193-48 (23523)
পঞ্চমে বাঽথ ষষ্ঠে বা বর্ষে কন্যা প্রসূয়তে।
সপ্তবর্ষাষ্টবর্ষাশ্চ প্রজাস্যন্তি নরাস্তদা ॥ 3-193-49 (23524)
পত্যৌ স্ত্রী তু তদা রাজন্পুরুষো বা স্ত্রিয়ং প্রতি।
যুগান্তে রাজশার্দূল ন তোষমুপয়াস্যতি ॥ 3-193-50 (23525)
অল্পদ্রব্যা বৃথালিঙ্গা হিংসা চ প্রভবিষ্যতি।
ন কশ্চিৎকস্যচিদ্দাতা ভবিষ্যতি যুগক্ষয়ে ॥ 3-193-51 (23526)
অট্টশূলা জনপদাঃ শিবশূলাশ্চতুষ্পথাঃ।
কেশশূলাঃ স্ত্রিয়শ্চাপি ভবিষ্যনতি যুগক্ষয়ে ॥ 3-193-52 (23527)
ম্লেচ্ছাচারাঃ সর্বমভক্ষা দারুণা সর্বকর্মসু।
ভাবিন পশ্চিমে কালে মনুষ্যা নাত্র সংশয়ঃ ॥ 3-193-53 (23528)
ক্রয়বিক্রয়কালে চ সর্বঃ সর্বস্য বঞ্চনম্।
যুগান্তে ভরতশ্রেষ্ঠ বিত্তলোভাৎকরিষ্যতি ॥ 3-193-54 (23529)
জ্ঞানানি চাপ্যবিজ্ঞায় করিষ্যন্তি ক্রিয়াস্তথা।
আত্মচ্ছন্দেন বর্তন্তে যুগান্তে সমুপস্থিতে ॥ 3-193-55 (23530)
স্বভাবাৎক্রূরকর্মাণশ্চান্যোন্যমভিশংসিনঃ।
ভবিতারো জনাঃ সর্বে সংপ্রাপ্তে তু যুগক্ষয়ে ॥ 3-193-56 (23531)
আরামাংশ্চৈব বৃক্ষাংশ্চ নাশয়িষ্যন্তি নির্ব্যথাঃ।
ভবিতা সংশয়ো লোকে জীবিতস্য হি দেহিনাম্ ॥ 3-193-57 (23532)
তথা লোভাভিভূতাশ্চ ভবিষ্যন্তি নরা নৃপ।
ব্রাহ্মণাংশ্চ হনিষ্যন্তি ব্রাহ্মণস্বোপভোগিনঃ ॥ 3-193-58 (23533)
হাহাকৃতা দ্বিজাশ্চৈব ভয়ার্তা বৃষলার্দিতাঃ।
ত্রাতারমলাভন্তো বৈ ভ্রমিষ্যনতি মহীমিমাম্ ॥ 3-193-59 (23534)
জীবিতান্তকরাঃ ক্রূরা রৌদ্রাঃ প্রাণিবিহিংসকাঃ।
যদা ভবিষ্যন্তি নরাস্তদা সংক্ষেপ্স্যতে যুগম্ ॥ 3-193-60 (23535)
আশ্রয়িষ্যন্তি চ নদী পর্বতান্বিষমাণি চ।
প্রধাবমানা বিত্রস্তা দ্বিজাঃ কুরুকুলোদ্বহ ॥ 3-193-61 (23536)
দস্যুভিঃ পীডিতা রাজন্কাকা ইব দ্বিজোত্তমাঃ।
কুরাজভিশ্চ সততং করভারপ্রপীডিতাঃ ॥ 3-193-62 (23537)
ধৈর্যং ত্যক্ৎবা মহীপাল দারুণে যুগসংক্ষয়ে।
বিকর্মাণি করিষ্যন্তি শূদ্রাণাং পরিচারকাঃ ॥ 3-193-63 (23538)
শূদ্রা ধর্মং প্রবক্ষ্যন্তি ব্রাহ্মণাঃ পর্যুপাসকাঃ।
শ্রোতারশ্চ ভবিষ্যন্তি প্রামাণ্যেন ব্যবস্থিতাঃ ॥ 3-193-64 (23539)
বিপরীতশ্চ লোকোঽয়ং ভবিষ্যত্যধরোত্তরঃ।
এডূকান্পূজয়িষ্যন্তি বর্জয়িষ্যন্তি দেবতাঃ।
শূদ্রাশ্চ প্রভবিষ্যন্তি ন দ্বিজা যুগসংক্ষয়ে ॥ 3-193-65 (23540)
আশ্রমেষুমহর্ষীণাং ব্রাহ্মণাবসথেষু চ।
দেবস্থানেষু চৈত্যেষু নাগানামালয়েষু চ ॥ 3-193-66 (23541)
এডূকচিহ্না পৃথিবী ন দেবগৃহভূষিতা।
ভবিষ্যতি যুগে ক্ষীণে তদ্যুগান্তস্য লক্ষণম্ ॥ 3-193-67 (23542)
দা রৌদ্রা ধর্মহীনা মাংসাদাঃ পানপাস্তথা।
ভবিষ্যন্তি নরা নিত্যং তদা সংক্ষেপ্স্যতে যুগম্ ॥ 3-193-68 (23543)
পুষ্পং পুষ্পে যদা রাজন্ফলে বা ফলমাশ্রিতম্।
প্রজাস্যতি মহারাজ তদা সংক্ষেপ্স্যতে যুগম্ ॥ 3-193-69 (23544)
অকালবর্ষী পর্জন্যো ভবিষ্যতি গতে যুগে।
অক্রমেণ মনুষ্যাণাং ভবিষ্যনতি তদা ক্রিয়াঃ ॥ 3-193-70 (23545)
বিরোধমথ যাস্যনতি বৃষলা ব্রাহ্মণৈঃ সহ।
মহী ম্লেচ্ছজনাকীর্ণা ভবিষ্যতি ততোঽচিরাৎ ॥ 3-193-71 (23546)
করভারভয়াদ্বিপ্রা ভজিষ্যন্তি দিশো দশ।
`অন্যায়বর্তিনশ্চাপি ভবিষ্যনতি নরাধিপাঃ' ॥ 3-193-72 (23547)
নির্বিশেষা জনপদাস্তথা বিষ্টিকরার্দিতাঃ।
আশ্রমানুপলপ্স্যন্তি ফলমূলোপজীবিনঃ ॥ 3-193-73 (23548)
এবং পর্যাকুলে লোকে মর্যাদা ন ভবিষ্যতি।
`ব্রাহ্মণঃক্ষত্রিয়াবৈশ্যাঃ পরিত্যক্ষ্যন্তি সৎক্রিয়াম্'
ন স্থাস্যন্ত্যুপদেশে চ শিষ্যা বিপ্রিয়কারিণঃ ॥ 3-193-74 (23549)
আচার্যোপনিধিশ্চৈব ভর্ৎস্যতে তদনন্তরম্।
অর্থয়ুক্ত্যা প্রবাৎস্যন্তি মিত্রসংবন্ধিবান্ধবাঃ ॥ 3-193-75 (23550)
অভাবঃ সর্বভূতানাং যুগান্তে সংভবিষ্যতি।
দিশঃ প্রজ্বলিতা সর্বা নক্ষত্রাণ্যপ্রভাণি চ ॥ 3-193-76 (23551)
প্রধূপিতানি জ্যোতীংষি বাতাঃ পর্যাকুলাস্তথা।
উল্কাপাতাশ্চ বহবো মহাভয়নিদর্শকাঃ ॥ 3-193-77 (23552)
ষঙ্ভিরন্যৈশ্চ সহিতো ভাস্করঃ প্রতপিষ্যতি।
তুমুলাশ্চাপি নির্হ্রাদা দিগ্দাহাশ্চাপি সর্বশঃ।
কবন্ধান্তর্হিতো ভানুরুদয়াস্তমনে তদা ॥ 3-193-78 (23553)
অকালবর্ষী ভগবান্ভবিষ্যতি সহস্রদৃক্।
সস্যানি চ ন রোক্ষ্যন্তি যুগান্তে পর্যুপস্থিতে ॥ 3-193-79 (23554)
অভীক্ষ্ণং ক্রূরবাদিন্যঃ পরুষা রদিতপ্রিয়াঃ।
ভর্তৄণাং বচনে চৈব ন স্থাস্যন্তি ততঃ স্ত্রিয়ঃ ॥ 3-193-80 (23555)
পুত্রাশ্চ মাতাপিতরৌ হনিষ্যন্তি যুগক্ষয়ে।
সূদয়িষ্যন্তি চ পতীন্স্ত্রিয়ঃ পুত্রানপাশ্রিতাঃ ॥ 3-193-81 (23556)
অপর্বণি মহারাজ সূর্যং রাহুরুপৈষ্যতি।
যুগান্তে হুতভুক্বাপি সর্বতঃ প্রজ্বলিষ্যতি ॥ 3-193-82 (23557)
পানীয়ং ভোজনং চাপি যাচমানাস্তদাঽধ্বগাঃ।
ন লপ্স্যন্তে নিবাসং চ নিরস্তাঃ পথি শেরতে ॥ 3-193-83 (23558)
নির্ঘাতবায়সা নাগাঃ শকুনাঃ সমৃগদ্বিজাঃ।
রূক্ষা বাচো বিমোক্ষ্যন্তি যুগান্তে পর্যুপস্থিতে ॥ 3-193-84 (23559)
মিত্রসংবন্ধিনশ্চাপি সংত্যক্ষ্যনতি নরাস্তদা।
জনং পরিজনং চাপি যাগান্তে পর্যুপস্থিতে ॥ 3-193-85 (23560)
অথ দেশান্দিশশ্চাপি পত্তনান্যাপণানি চ।
ক্রমশঃ সংলয়িষ্যন্তি যুগান্তে পর্যুপস্থিতে ॥ 3-193-86 (23561)
হা তাত হা সুতেত্যেবং তদা বাচ সুদারুণাঃ।
বিক্রোশমানশ্চান্যোন্যং জনো গাং পর্যটিষ্যতি ॥ 3-193-87 (23562)
`মোবাদিনস্তথা শূদ্রা ব্রাহ্মণাঃ প্রাকৃতপ্রিয়াঃ।
পাষণ্ডজনসংকীর্ণা ভবিষ্যন্তি যুগক্ষয়ে' ॥ 3-193-88 (23563)
ততস্তুমুলসংঘাতে বর্তমানে যুগক্ষয়ে।
দ্বিজাতিপূর্বকো লোকঃ ক্রমেণ প্রভবিষ্যতি ॥ 3-193-89 (23564)
ততঃ কালান্তরেঽন্যস্মিন্পুনর্লোকবিবৃদ্ধয়ে।
ভবিষ্যতি পুনর্দৈবমনুকূলং যদৃচ্ছয়া ॥ 3-193-90 (23565)
যদা সূর্যশ্চ চন্দ্রশ্চ তথা তিষ্যবৃহস্পতী।
একরাশৌ সমেষ্যন্তি প্রপৎস্যতি তদা কৃতম্ ॥ 3-193-91 (23566)
কালবর্ষী চ পর্জন্যো নক্ষত্রাণি শুভানি চ।
প্রদক্ষিণা গ্রহাশ্চাপি ভবিষ্যন্ত্যনুলোমগাঃ।
ক্ষেমং সুভিক্ষমারোগ্যং ভবিষ্যতি নিরাময়ম্ ॥ 3-193-92 (23567)
কল্কী বিষ্ণুয়শা নাম দ্বিজঃ কালপ্রচোদিতঃ।
উৎপৎস্যতে মহাবীর্যো মহাবুদ্ধিপরাক্রমঃ ॥ 3-193-93 (23568)
সংভূতঃ সংভলগ্রামে ব্রাহ্মণাবসথে শুভে।
`মহাত্মা বৃত্তসংপন্নঃ প্রজানাং হিতকৃন্নৃপ' ॥ 3-193-94 (23569)
মনসা তস্য সর্বাণি বাহনান্যায়ুধানি চ।
উপস্তাস্যন্তি যোধাশ্চ শস্ত্রাণি কবচানি চ ॥ 3-193-95 (23570)
স ধর্মবিজয়ী রাজা চক্রবর্তী ভবিষ্যতি।
সচেমং সংকুলং লোকং প্রসাদমুপনেষ্যতি ॥ 3-193-96 (23571)
উত্থিতো ব্রাহ্মণো দীপ্তঃ ক্ষয়ান্তকৃদুদারধীঃ।
সংক্ষেপকো হি সর্বস্য যুগস্য পরিবর্তকঃ ॥ 3-193-97 (23572)
স সর্বত্র গতান্ক্ষুদ্রান্ব্রাহ্মণৈঃ পরিবারিতঃ।
উৎসাদয়িষ্যতি তদা সর্বম্লেচ্ছগণান্দ্বিজঃ ॥ 3-193-98 (23573)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি ত্রিনবত্যধিকশততমোঽধ্যায়ঃ ॥
Mahabharata - Vana Parva - Chapter Footnotes
3-193-3 শেষং জগদ্ভবিষ্যতি উৎকর্ষং প্রাপ্স্যতি ॥ 3-193-5 কাষ্ঠাং অবধিম্। কৃতংকৃতয়ুগম্ ॥ 3-193-8 কলুষং কলিম্ ॥ 3-193-9 নির্ব্যাজশ্ছদ্মহীনঃ। উপাধিবর্জিতঃ লোভাদিহীনঃ। বৃষইব চতুষ্পাৎ ॥ 3-193-10 অর্ধেনাধর্মেণ ॥ 3-193-14 ধর্মবৈতংসিকাঃ ধর্মজালিকাঃ ধর্মজালং বিস্তার্য লোকান্বঞ্চয়ন্তীত্যর্থঃ ॥ 3-193-18 অন্ত্যা ইতি। চাণ্ডালাঃ ক্ষত্রিয়াদিকর্ম ক্ষত্রিয়াদয়শ্চাণ্ডালকর্ম করিষ্যন্তীত্য্রথঃ ॥ 3-193-19 শাণী শণসূতর্জা প্রবরাশাটীতি খ. পাঠঃ ॥ 3-193-26 নিম্নেষু হীনেষু কর্মসু ॥ 3-193-32 পাপাচারপরিগ্রহা ইতি ধ. পাঠঃ ॥ 3-193-37 পরার্থান্পরধনানি ॥ 3-193-38 হস্তো হস্তং পরিমুষেদ্ধস্তবদেকোদরজোপি ভ্রাতা ভ্রাতরং বঞ্চয়েদেব ॥ 3-193-41 একাহার্যং যুগং সর্বমিতি ঝ. পাঠঃ। একহার্যং একবিধমেব মাংসশাকাদিকমাহারমর্হতীতি তথা। ভক্ষ্যাভক্ষ্যবিভাগো নাস্তীত্যর্থঃ ॥ 3-193-42 একবর্ণঃ বর্ণবিভাগনাশনাৎ ॥ 3-193-43 ন রক্ষতি পিতা পুত্রমিতি ধ. পাঠঃ ॥ 3-193-45 খৈরাচারশ্চেতি ঝ. পাঠঃ ॥ 3-193-49 প্রজাস্যন্তি প্রজাঃ জনয়িষ্যন্তি ॥ 3-193-55 জ্ঞানানি জ্ঞেয়স্বরূপাণি ॥ 3-193-56 শ্চান্যোন্যমভিশঙ্কিতা ইতি ধ. পাঠঃ ॥ 3-193-57 সংক্ষয়ো লোক ইজি ধ. পাঠঃ ॥ 3-193-59 বৃষলার্দিতাঃ শূদ্রপীডিতাঃ ॥ 3-193-60 সংক্ষেপ্স্যতে নাশং গমিষ্যতি ॥ 3-193-62 কাকা ইব সর্বতঃ শঙ্কিনঃ নীচবৃত্ত্যুপজীবিনো বা ॥ 3-193-65 এডূকান্ অস্থ্যঙ্কিতনানি কুড্যানি। জালূকান্পূজয়িষ্যন্তীতি ক. ধ. পাঠঃ ॥ 3-193-73 নির্বিশেষাঃ তুল্যাচারবেষাঃ। বিষ্টিকরাঃ মৃতিমদত্ৎবাকারয়ন্তি তে ॥ 3-193-75 আচার্যোপি অপনিধিঃ নির্ধনঃ ভর্ৎস্যতে ধিকূক্রিতে। অর্থয়ুক্ত্যা ধনয়োগেন নতু স্নেহেন ধর্মেণ বা ॥ 3-193-78 কবন্ধান্তর্হিতঃ রাহ্বন্তর্হিতঃ ॥ 3-193-91 যদেতি। গুরুসূর্যচন্দ্রাঃ যদা যুগপৎপুষ্যক্ষত্রমেষ্যন্তি তদা কৃতয়ুগপ্রবৃত্তিরিতিত্যর্তঃ ॥ 3-193-94 সভূতঃ শংবলগ্নামে ইতি ধ. পাঠঃ ॥অরণ্যপর্ব - অধ্যায় 194
॥ শ্রীঃ ॥
3.194. অধ্যায়ঃ 194
Mahabharata - Vana Parva - Chapter Topics
মার্কণ্ডেয়েন যুধিষ্ঠিরপ্রতি কৃতয়ুগবৃত্তান্তকথনপূর্বকং ধর্মাচরণচোদনা ॥ 1 ॥Mahabharata - Vana Parva - Chapter Text
3-194-0 (23574)
মার্কণ্ডেয় উবাচ। 3-194-0x (2397)
ততশ্চোরক্ষয়ংকৃৎবাদ্বিজেভ্যঃ পৃথিবীমিমাম্।
বাজিমেধে মহায়জ্ঞে বিধিবৎকল্পয়িষ্যতি ॥ 3-194-1 (23575)
স্থাপয়িৎবা চ মর্যাদাঃ স্বয়ংভুবিহিতাঃ শুভাঃ।
পুনঃ পুণ্যযশঃকর্ম জরয়া সংশ্রয়িষ্যতি ॥ 3-194-2 (23576)
তচ্ছীলমনুবর্স্যন্তি মনুষ্যা লোকবাসিনঃ।
বিপ্রৈশ্চোরক্ষয়ে চৈব কৃতেক্ষেমং ভবিষ্যতি ॥ 3-194-3 (23577)
কৃষ্ণাজিনানি শক্তীশ্চ ত্রিশূলান্যায়ুধানি চ।
স্থাপয়ন্দ্বিজশার্দূলো দেশেষু বিজিতেষু চ ॥ 3-194-4 (23578)
সংস্তূয়মানো বিপ্রেন্দ্রৈর্মানয়ানো দ্বিজোত্তমান্।
কল্কীচরিষ্যতি মহীং সদা দস্যুবধে রতঃ ॥ 3-194-5 (23579)
হা মাতস্তাত পুত্রেতি তাস্তা বাচঃ সুদারুণাঃ।
বিক্রোশমানান্সুভৃশং দস্যূননেষ্যতি সংক্ষয়ম্ ॥ 3-194-6 (23580)
ততোঽধর়্মবিনাশো বৈ ধর্মবৃদ্ধিশ্চ ভারত।
ভবিষ্যতি কৃতেপ্রাপ্তে ক্রিয়াবাংশ্চ জনস্তথা ॥ 3-194-7 (23581)
আরামাশ্চৈব চৈত্যাশ্চ তটাকাবসথাস্তথা।
পুষ্করিণ্যশ্চ বিবিধা দেবতায়তনানি চ ॥ 3-194-8 (23582)
যজ্ঞক্রিয়াশ্চ বিবিধা ভবিষ্যন্তি কৃতে যুগে।
ব্রাহ্মণাঃ সাধবশ্চৈব মুনয়শ্চ তপস্বিনঃ ॥ 3-194-9 (23583)
আশ্রমা হতপাষণ্ডাঃ স্থিতাঃ সত্যে জনাস্তদা।
জায়ন্তি সর্বভূতানি শুধ্যমানানি চৈব হি ॥ 3-194-10 (23584)
সর্বেষ্বৃতুষু রাজেন্দ্র সর্বং সস্যং ভবিষ্যতি।
নরা দানেষু নিরতা ব্রতেষু নিয়মেষু চ ॥ 3-194-11 (23585)
জপয়জ্ঞপরা বিপ্রা ধর্মকামা মুদা যুতাঃ।
পালয়িষ্যন্তি রাজানো ধর্মেণেমাং বসুংধরাম্ ॥ 3-194-12 (23586)
ব্যবহাররতা বৈশ্যা ভবিষ্যন্তি কৃতে যুগে।
ষট্কর্মনিরতা বিপ্রাঃ ক্ষত্রিয়া রক্ষণে রতাঃ ॥ 3-194-13 (23587)
শুশ্রূষায়াং রতাঃ শূদ্রাস্তথা বর্ণত্রয়স্য চ।
এষ ধর্মঃ কৃতয়ুগে ত্রেতায়াং দ্বাপরে তথা ॥ 3-194-14 (23588)
পশ্চিমে যুগকালে চ যঃ স তে সংপ্রকীর্তিতঃ।
সর্বলোকস্ বিদিতা যুগসহ্খ্যা চ পাণ্ডব ॥ 3-194-15 (23589)
এতত্তে সর্বমাখ্যাতমতীতানাগতং ময়া।
বায়ুপ্রোক্তমনুস্মৃত্যপুরাণমৃষিসংস্তুতম্ ॥ 3-194-16 (23590)
এবং সংসারমার্গা মে বহুশশ্চিরজীবিনঃ।
দৃষ্টাশ্চৈবানুভূতাশ্চ কিং ভূয়ঃ শ্রোতুমিচ্ছসি ॥ 3-194-17 (23591)
ইদং চৈবাপরং ভূয়ঃ সহ ভ্রাতৃভিরচ্যুত।
ধর্মসংশয়মোক্ষার্থং নিবোধ বচনং মম ॥ 3-194-18 (23592)
ন তেঽন্যথাঽত্র বিজ্ঞেয়ো ধর্মো ধর্মভৃতাংবর।
ধর্মাত্মা হি সুখং রাজন্প্রেত্য চেহ চ নন্দতি ॥ 3-194-19 (23593)
ন ব্রাহ্মণে পরিভবঃ কর্তব্যস্তে কদাচন।
ব্রাহ্মণঃ কুপিতোঽহন্যাদপি লোকান্প্রতিজ্ঞয়া ॥ 3-194-20 (23594)
বৈশম্পায়ন উবাচ। 3-194-21x (2398)
মার্কণ্ডেয়বচঃ শ্রুৎবা কুরূণাং প্রবরো নৃপঃ।
উবাচ বচনং ধীমান্পরমং পরমদ্যুতিঃ ॥ 3-194-21 (23595)
`এতচ্ছ্রুৎবা ময়া কিং স্যাৎকর্তব্যং মুনিসত্তম।
কথং চায়ং জিতোলোকো রক্ষিতব্যো ভবিষ্যতি' ॥ 3-194-22 (23596)
কস্মিন্ধর্মে ময়া স্থেয়ং প্রজাঃ সংরক্ষতা মুনে।
কথংচ বর্তমানো বৈ ন চ্যবেয়ং স্বধর্মতঃ ॥ 3-194-23 (23597)
মার্কণ্ডেয় উবাচ। 3-194-24x (2399)
দয়াবান্সর্ববূতেষু হিতো রক্তোঽনসূয়কঃ।
উপত্যানামিব স্নেহাৎপ্রজানাং রক্ষণে রতঃ ॥ 3-194-24 (23598)
চর ধর্মং ত্যজাধর্মং পিতৄন্পূর্বাননুস্মর।
প্রমাদাদ্যৎকৃতং তেঽভূৎসম্যগ্জ্ঞানেন তজ্জয় ॥ 3-194-25 (23599)
অলং তে মানমাশ্রিত্য সততং প্রিয়বাগ্ভব।
বিজিত্য পৃথিবীং সর্বাং মোদমানঃ সুখী ভব ॥ 3-194-26 (23600)
এষ ভূতো ভবিষ্যশ্চ ধর্মস্তে সমুদীরিতঃ।
ন তেঽস্ত্যবিদিতং কিংচিদতীতানাগতং ভুবি ॥ 3-194-27 (23601)
তস্মাদিমং পরিক্লেশং ৎবং তাত হৃদি মা কৃথাঃ।
প্রাজ্ঞাস্তাত ন মুহ্যন্তি কালেনাপি প্রপীডিতাঃ ॥ 3-194-28 (23602)
এষ কালো মহাবাহো অপি সর্বদিবৌকসাম্।
মুহ্যন্তি হি প্রজাস্তাত কালেনাপি প্রচোদিতাঃ ॥ 3-194-29 (23603)
মা চ তেঽত্র বিশঙ্কা ভূদ্যন্ময়োক্তং তবানঘ।
অতিশঙ্ক্য বচো হ্যেতদ্ধর্মলোপো ভবেত্তব ॥ 3-194-30 (23604)
জাতোসি প্রথিতে বংশে কুরূণাং ভরতর্ষভ।
কর্মণা মনসা বাচা সর্বমেতৎসমাচর ॥ 3-194-31 (23605)
যুধিষ্ঠির উবাচ। 3-194-32x (2400)
যত্ৎবয়োক্তং দ্বিজশ্রেষ্ঠ বাক্যং শ্রুতিমনোহরম্।
তথা করিষ্যে যত্নেন ভবতঃ শাসনং বিভো ॥ 3-194-32 (23606)
ন মে লোভোস্তি বিপ্রেন্দ্রন ভয়ং ন চ মৎসরঃ।
করিষ্যামি হি তৎসর্বমুক্তং যত্তে ময়ি প্রভো ॥ 3-194-33 (23607)
বৈশম্পায়ন উবাচ। 3-194-34x (2401)
শ্রুৎবা তু বচনং তস্য পাণ্ডবস্য যশস্বিনঃ।
সংহৃষ্টঃ পাণ্ডবা রাজন্সহিতা শার্ঙ্গধন্বনা ॥ 3-194-34 (23608)
বিপ্র্রষভাশ্চ তে সর্বে যে তত্রাসন্সমাগতাঃ।
তথা কথাং শুভাং শ্রুৎবা রমার্কণ্ডেয়স্য ধমতঃ।
বিস্মিতা সমপদ্যন্ত পুরাণস্ নিবেদনাৎ ॥ 3-194-35 (23609)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি চতুর্নবত্যধিকশততমোঽধ্যায়ঃ ॥ 194 ॥
Mahabharata - Vana Parva - Chapter Footnotes
3-194-1 কল্পয়িষ্তি দাস্যতি ॥ 3-194-2 বনং পুণ্যযশঃ কর্মারমণীয়ং প্রবেক্ষ্যতি. ইতি ঝ. পাঠঃ ॥ 3-194-3 বিপ্রৈর্হেতুভিঃ কৃতেয়ুগে ॥ 3-194-4 কৃষ্ণাজিনানি ব্রহ্মচারিপরিধেয়ানি। তেন সর্বাণি ব্রাহ্মণকর্মাণি লক্ষ্যন্তি. শক্তীরিত্যাদিনা রাজধর্মাঃ। স্থাপয়ান্ ব্রহ্মক্ষত্রয়োর্ধর্মব্যবস্থাংচক্রে ইতিভাবঃ ॥ 3-194-10 প্রয়ন্তি সর্ববীজানি রোপ্যমাণানি চৈব হেতি ঝ. পাঠঃ। তত্র প্রয়ন্তি নশ্যন্তি বীজানি সংস্কারাঃ রোপ্যমাণানি ক্রিয়মাণৈঃ কর্মভির্দৃঢং সংপাদ্যমানান্যপি জ্ঞানবলান্নশ্যন্তীত্যর্থ ॥ 3-194-25 সম্যগ্দানেন ইতি ঝ. পাঠঃ ॥ 3-194-34 তস্য মার্কণ্ডেয়স্ ধীমত ইতি ঝ. পাঠঃ ॥অরণ্যপর্ব - অধ্যায় 195
॥ শ্রীঃ ॥
3.195. অধ্যায়ঃ 195
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রতি ব্রাহ্মণমাহাত্ম্যপ্রতিপাদকমণ্ডূকোপাখ্যানকথনারম্ভঃ ॥ 1 ॥ ইক্ষ্বাকুবংশজেন পরীক্ষিন্নামকেন রাজ্ঞা মৃগয়ার্থং বনং প্রবিষ্টেন উদকাদর্শনরূপসময়করণেন মণ্ডূককন্যায়াঃ পরিণয়ঃ ॥ 2 ॥ রাজ্ঞা সময়াতিলঙ্ঘনে তথা জলে নিমজ্জনম্ ॥ 3 ॥ তদন্বেষণায় রাজ্ঞা মণ্ডূকহননে তাপসরূপিণা মণ্ডূকরাজেন তননিবারণএন তস্যাঃ স্বপুত্রীৎবকথনাদিপূর্বকং পুনস্তস্মৈ তস্যাঃ প্রদানম্ ॥ 4 ॥ মার্কণ্ডেয়েন মণ্ডূকপুন্যাঃ পুত্রয়োঃ শলদলয়োর্বৃত্তকথনপূর্বকং বামদেবমুনিমাহাত্ম্যকথনম্ ॥ 5 ॥Mahabharata - Vana Parva - Chapter Text
3-195-0 (23610)
বৈশম্পায়ন উবাচ। 3-195-0x (2402)
ভূয় এব ব্রাহ্মণমাহাত্ম্যং বক্তুমর্হসীত্যব্রবীৎপাণ্ডবেয়ো মার্কণ্ডেয়ম্ ॥ 3-195-1 (23611)
অথাচষ্ট মার্কণ্ডেয়োঽপূর্বমিদং শ্রূয়তাং ব্রাহ্মণানাং চরিতম্ ॥ 3-195-2 (23612)
অয়োধ্যায়ামিক্ষ্বাকুকুলোদ্বহঃ পার্থিবঃ পরীক্ষিন্নাম মৃগয়ামগমৎ ॥ 3-195-3 (23613)
স একোঽশ্বেন মৃগমন্বসরৎ মৃগো দূরমপাহরৎ ॥ 3-195-4 (23614)
অধ্বনি জাতশ্রমঃ ক্ষুত্তৃষ্ণাভিভূতশ্চৈকস্মিন্দেশে নীলং গহনং বনষণ্ডমপশ্যৎ ॥ 3-195-5 (23615)
তস্যাবিশেষতো বনষণ্ডস্য মধ্যেঽতীব রমণীয়ং সরো দৃষ্ট্বা সাশ্ব এব ব্যগাহত ॥ 3-195-6 (23616)
অথাশ্বস্তঃ স বিসমৃণালমশ্বায়াগ্রতো নিক্ষিপ্য পুষ্করিণীতীরে সংবিবেশ ততঃ শয়ানো মধুরংগীতমশৃণোৎ ॥ 3-195-7 (23617)
স শ্রুৎবাঽচিন্তয়ন্নেহ মনুষ্যগতিং পশ্যামি কস্য স্বল্বয়ং গীতংশব্দ ইতি ॥ 3-195-8 (23618)
অথাপশ্যৎকন্যাং পরমরূপদর্শনীয়াং পুষ্পাণ্যবচিন্বতীং গায়ন্তীং চ অথ সা রাজ্ঞঃ সমীপে পর্যক্রামৎ ॥ 3-195-9 (23619)
তামব্রবীদ্রাজা কস্যাসি ভদ্রে কা বা ৎবমিতি সা প্রত্যুবাচ কন্যাঽস্মীতি তাং রাজোবাচার্থী ৎবয়াঽহমিতি ॥ 3-195-10 (23620)
অথোবাচ কন্যা সময়েনাহং শক্যা ৎবয়া লব্ধুং নান্যথেতি রাজা তাং সময়মপৃচ্ছৎ মণ্ডূকরাজস্য কঃ সময় ইতি ততঃ কন্যেদমুবাচ নোদকং মে দর্শয়িতব্যমিতি ॥ 3-195-11 (23621)
স রাজা তাং বাঢমিত্যুক্ৎবা তাং সমাগম্য তয়াসহ তত্র তস্থৌ ॥ 3-195-12 (23622)
ততস্তত্রৈবাসীনে রাজনি সা সেনাঽন্বগচ্ছৎ ॥ 3-195-13 (23623)
পদেনানুপদং দৃষ্ট্বা রাজানং পরিবার্যাতিষ্ঠত অথ পর্যাশ্বস্তশ্চ রাজা তয়ৈব সহ শিবিকয়া প্রায়াদবিষাদঃ স্বনগরমনুপ্রাপ্য রহসি তয়া রমমাণো ন কাংশ্চিদপশ্যৎ ॥ 3-195-14 (23624)
অথ প্রধানামাত্যোঽভ্যাশচরাস্তস্য স্ত্রিয়োঽপৃচ্ছৎ ॥ 3-195-15 (23625)
কিমত্র প্রয়োজনং বর্ততে ইত্যথাব্রুবংস্তাঃ স্ত্রিয়ঃ ॥ 3-195-16 (23626)
অপূর্বমিব পশ্যাম উদকং নাত্র নীয়ত ইত্যথামাত্যোঽনুদকং বনং কারয়িৎবোদারবৃক্ষং বহুপুষ্পফলমূলং তস্য মধ্যে মুক্তাজালময়ীং পার্শ্বে বাপীং গূঢাং সুধোপলিপ্তাং স রহস্যুপগম্য রাজানমব্রবীৎ ॥ 3-195-17 (23627)
বনমিদমুদারমনুদকং সাধ্বত্র সহৈতয়া গম্যতামিতি ॥ 3-195-18 (23628)
স তস্য বচনাত্তয়ৈব সহ দেব্যা তদ্বনং প্রাবিশৎস কদাচিত্তস্মিন্কাননে রম্যে তয়ৈব স ব্যবাহরদথক্ষুত্তৃষ্ণার্দিতঃ শ্রান্তোঽতিমুক্তাগারমপশ্যৎ ॥ 3-195-19 (23629)
তৎপ্রবিশ্যরাজা সহ প্রিয়যা সুসংস্কৃতাং বিমলাং সলিলপূর্ণাং বাপীমপশ্ৎ ॥ 3-195-20 (23630)
দৃষ্ট্বৈব চ তাং তস্যাশ্চ তীরে সহৈব তয়া দেব্যাঽবাতিষ্ঠৎ ॥ 3-195-21 (23631)
অথ তা দেবীং স রাজাঽব্রবীৎসাধ্ববতর বাপীসলিলমিতি সা তদ্বচ শ্রুৎবাঽবতীর্য বাপীং ন্যমজ্জন্ন পুনরুদকাদুদমজ্জৎ ॥ 3-195-22 (23632)
তাং স মৃগয়মাণো রাজা নাপশ্যদ্বাপীমথ নিঃস্রাব্য মণ্ডূকং শ্বভ্রমুখে দৃষ্ট্বা ক্রুদ্ধ আজ্ঞাপয়ামাস স রাজা ॥ 3-195-23 (23633)
সর্বমণ্ডূকবধঃ ক্রিয়তামিতি যোময়াঽর্থী স মাং মৃতমণ্ডূকোপায়নমাদায়োপতিষ্ঠেদিতি ॥ 3-195-24 (23634)
অথ মণ্ডূকবধে ঘোরে ক্রিয়মাণে দিক্ষু সর্বাসু রমণ্ডূকান্ভয়মাবিবেশ তে ভীতা মণ্ডূকরাজ্ঞে যথাবৃত্তং ন্যবেদয়ন্ ॥ 3-195-25 (23635)
ততো মণ্ডূকরাট্ তাপসবেষধারী রাজানমভ্যগচ্ছদুপেত্য চৈনমুবাচ ॥ 3-195-26 (23636)
মা রাজন্ক্রোধবশং গমঃ প্রসাদং কুরু নার্হসি মণ্ডূকানামনপরাধিনাং বধং কর্তুমিতি শ্লোকৌ চাত্র ভবতঃ ॥ 3-195-27 (23637)
মা মণ্ডূকাঞ্জিঘাংসীস্ৎবং কোপং সংধারয়াচ্যুত। প্রক্ষিপন্তি বধাদ্ভেকা জনানাং পরিজানতাম্ ॥ 3-195-28 (23638)
প্রতিজানীহি নৈতাংস্ৎবং প্রাপ্য ক্রোধং বিমোক্ষ্যসে। অলং কৃৎবা তবাধর্মং মণ্ডূকৈঃ কিং হতৈর্হি তে ॥ 3-195-29 (23639)
তমেবংবাদিনমিষ্টজনবিয়োগশোকপরীতাত্মা রাজাঽথোবাচ ॥ 3-195-30 (23640)
ন হি ক্ষম্যতে তন্ময়া হনিষ্যাম্যেতানেতৈর্দুরাত্মভিঃ প্রিয়া মে ভক্ষিতা সর্বথৈব মে বধ্যা মণ্ডূকা নার্হসি বিদ্বন্মামুপরোদ্ধুমিতি ॥ 3-195-31 (23641)
স তদ্বাক্যমুপলভ্যব্যথিতেন্দ্রিয়মনাঃ প্রোবাচ প্রসীদ রাজন্নহমায়ুর্নাম মণ্ডূকরাজো মম সা দুহিতা সুশোভনা নাম তস্যা হি দৌঃশীল্যমেতদ্বহবস্তয়া রাজানো বিপ্রলব্ধপূর্বা ইতি ॥ 3-195-32 (23642)
তমব্রবীদ্রাজা যা সা তব রদুহিতা তয়া সমর্থী সা মে দীয়তামিতি ॥ 3-195-33 (23643)
অথৈনাং রাজ্ঞে পিতাঽদাদব্রবীচ্চৈনামেনং রাজানং শুশ্রূষস্বেতি ॥ 3-195-34 (23644)
স এবমুক্ৎবা দুহিতরং ক্রুদ্ধঃ শশাপ যস্মাত্ৎবয়া রাজানো বিপ্রলব্ধা বহবস্তস্মাদব্রহ্মণ্যানি তবাপত্যানি ভবিষ্যন্ত্যানৃতিকৎবাত্তবেতি ॥ 3-195-35 (23645)
স চ রাজা তামুপলভ্য তস্যাং সুরতগুণনিবদ্ধহৃদয়ো লোকত্রয়ৈশ্বর্যমিবোপলভ্য হর্ষবাষ্পসন্দিগ্ধয়া বাচা প্রণিপত্যাভিপূজ্য মণ্ডূকরাজমব্রবীদনুগৃহীতোস্মীতি ॥ 3-195-36 (23646)
স চ মণ্ডূকরাজো দুহিতরমনুজ্ঞাপ্য যথাগতমগচ্ছৎ ॥ 3-195-37 (23647)
অথ কস্যচিৎকালস্য তস্যাং কুমারাস্ত্রয়স্তস্য রাজ্ঞঃ সংবভূবুঃ শলো দলো বলশ্চেতি ততস্তেষাং জ্যেষ্ঠং শলং সময়ে পিতা রাজ্যেঽভিষিচ্য তপসি ধৃতাত্মা বনং জগাম ॥ 3-195-38 (23648)
অথ কদাচিচ্ছলো মৃগয়ামনুচরন্মৃগমাসাদ্য রথেনান্বধাবৎ ॥ 3-195-39 (23649)
সূতং চোবাচ শীঘ্রং মাং বাহয়স্বেতি স তথোক্ত সূতো রাজানমব্রবীৎ ॥ 3-195-40 (23650)
ন ক্রিয়তামনুবন্ধো নৈষ শক্যস্ৎবয়া মৃগোঽয়ং গ্রহীতুং যদ্যপি তে রথে যুক্তৌ বাম্যৌ স্যাতামিতি ততোঽব্রবীদ্রাজা সূতমাচক্ষ্ব মে বাভ্যৌ বাজিনৌ ৎবা পৃচ্ছামীতি ॥ স এবমুক্তো রাজভয়ভীতঃ সূতো বামদেবশাপভয়ভীতশ্চাস্যোপাচখ্যৌ ॥ বামদেবস্যাশ্বৌ বাম্যৌ মনোজবাবিতি ॥ 3-195-41 (23651)
অথৈনমেবং ব্রুবাণমব্রবীদ্রাজা বামদেবাশ্রমং প্রয়াদহীতি স গৎবা বামদেবাশ্রমং তমৃষিমব্রবীৎ ॥ 3-195-42 (23652)
ভগবন্মৃগো মে বিদ্ধঃ পলায়তে সংভাবয়িতুমর্হসি বাম্যৌ দাতুমিতি তমব্রবীদৃষির্দদানি তে বাম্যৌ কৃতকার্যেণ ভবতা মমৈব বাম্যৌ নির্যাতয়িতব্যৌ ক্ষিপ্রমিতি স চ তাবশ্বৌ প্রতিগৃহ্যানুজ্ঞাপ্য ঋষিং প্রায়াদ্বাজিয়ুক্তেন রথেন মৃগং প্রতি গচ্ছংশ্চাব্রবীৎসূতমশ্বরত্নদ্বয়মাবয়োর্যোগ্যং নৈতৌ প্রতিদেয়ৌ বামদেবায়েত্যুক্ৎবা মৃগমবাপ্য স্বনগরমেত্যাশ্বাবন্তঃপুরেঽস্থাপয়ৎ ॥ 3-195-43 (23653)
অথর্ষিশ্চিন্তয়ামাস তরুণো রাজপুত্রঃ কল্যাণং পত্রমাসাদ্য রমতে ন মে বাম্যৌ প্রতিনির্যাতয়ত্যহো কষ্টমিতি ॥ 3-195-44 (23654)
স মনসা বিচিন্ত্য মাসি পূর্ণে শিষ্যমব্রবীৎ ॥ 3-195-45 (23655)
গচ্ছাত্রেয় রাজানং ব্রূহি যদি পর্যাপ্তং নির্যাতয়োগাধ্যায়বাম্যাবিতি স গৎবৈবং তং রাজানমব্রবীত্তরাজা প্রত্যুবাচ রাজ্ঞামেতদ্বাহনমনর্হা ব্রাহ্মণা রত্নানামেবংবিধানাং ন কিংচিৎ ব্রাহ্মণানামশ্বৈঃ কার্যং সাধু গম্যতামিতি ॥ 3-195-46 (23656)
স গৎবৈতদুপাধ্যায়ায়াচষ্ট তচ্ছ্রুৎবা বচনমপ্রিয়ং বামদেবঃ ক্রোধপরীতাত্মা স্বয়মেব রাজানমভিগম্যাশ্বার্থমচোদয়ন্ন চাদদদ্রাজা ॥ 3-195-47 (23657)
বামদেব উবাচ। 3-195-48x (2403)
প্রপচ্ছ বাম্যৌ মম পার্থিব ৎবং
কৃতং হি তে কার্যমাভ্যামশক্যম্।
মা ৎবা বধীদ্বরুণো ঘোরপাশৈ-
র্ব্রহ্মক্ষত্রস্যান্তরে বর্তমানঃ ॥ 3-195-48 (23658)
রাজোবাচ। 3-195-49x (2404)
অনড্বাহৌ সুব্রতৌ সাধু দান্তা-
বেতদ্বিপ্রাণাং বাহনং বামদেব।
তাভ্যাং যাহি ৎবং যত্র কামো মহর্ষে-
চ্ছন্দাংসি বৈ ৎবাদৃশং সংবহন্তি ॥ 3-195-49 (23659)
বামদবে উবাচ। 3-195-50x (2405)
ছন্দাংসি বৈ মাদৃশং সংবহন্তি
লোকেঽমুষ্মিন্পার্থিব যানি সন্তি।
অস্মিস্তু লোকে মম যানমেত-
দস্মদ্বিধানামপরেষাং চ রাজন্ ॥ 3-195-50 (23660)
রাজোবাচ। 3-195-51x (2406)
চৎবারস্ৎবাং বা গর্দভাঃ সংবহন্তু
শ্রেষ্ঠাশ্বতর্যো হরয়ো বাতরংহাঃ।
তৈস্ৎবং যাহি রক্ষত্রিয়স্যৈষ বাহো
মমৈব বাম্যৌ ন তবৈতৌ হি বিদ্ধি ॥ 3-195-51 (23661)
বামদেব উবাচ। 3-195-52x (2407)
ঘোরং ব্রতং ব্রাহ্মণস্যৈতদাহু-
রেতদ্রাজন্যদিহাজীবমানঃ।
অয়স্ময়া ঘোররূপা মহান্ত-
শ্চৎবারো বা যাতুধানাঃ সুরৌদ্রাঃ।
ময়া প্রয়ুক্তাস্ৎবদ্বধমীপ্সমানা
বহন্তু ৎবাং শিতশূলাশ্চতুর্ধা ॥ 3-195-52 (23662)
রাজোবাচ। 3-195-53x (2408)
যে ৎবাং বিদুর্ব্রাহ্মণং বামদেব
বাচা হন্তুং মনসা কর্মণা বা।
তে ৎবাং সশিষ্যমিহ পাতয়ন্তু
মদ্বাক্যনুন্নাঃ শিতশূলাসিহস্তাঃ ॥ 3-195-53 (23663)
[বামদেব উবাচ। 3-195-54x (2409)
মমৈতৌ বাম্যৌ প্রতিগৃহ্য রাজন্
পুনর্দদানীতি প্রপদ্য মে ৎবম্।
প্রয়চ্ছ শীঘ্রং মম বাম্যৌ ৎবমশ্বৌ
যদ্যাত্মানং জীবিতুং তে ক্ষমং স্যাৎ ॥ 3-195-54 (23664)
রাজোবাচ। 3-195-55x (2410)
ন ব্রাহ্মণেভ্যো মৃগয়া প্রসূতা
ন ৎবাঽনুশাস্ম্যদ্যপ্রভৃতি হ্যসত্যম্।
তবৈবাজ্ঞাং সংপ্রণিধায় সর্বাং
তথা ব্রহ্মন্পুণ্যলোকং লভেয়ম্ ॥] 3-195-55 (23665)
বামদেব উবাচ। 3-195-56x (2411)
নানুয়োগা ব্রাহ্মণানাং ভবন্তি
বাচা রাজন্মনসা কর্মণা বা।
যস্ৎবেবং ব্রহ্ম তপসাঽন্বেতি বিদ্বাং-
স্তেন শ্রেষ্ঠো ভবতি হি জীবমানঃ ॥ 3-195-56 (23666)
মার্কণ্ডেয় উবাচ। 3-195-57x (2412)
এবমুক্তে বামদেবেন রাজন্
সমুত্তস্থূ রাক্ষসা ঘোররূপাঃ।
তৈঃ শূলহস্তৈর্বধ্যমানঃ স রাজা
প্রোবাচেদং বাক্যমুচ্চৈস্তদানীম্ ॥ 3-195-57 (23667)
ইক্ষ্বাকবো বা যদি মাং ত্যজেয়ু-
র্যে তে বিধেয়া ভুবি চান্যে মহীপাঃ।
নোৎস্রক্ষ্যেঽহং বামদেবস্ বাম্যৌ
নৈবংবিধা ধর্মশীলা ভবন্তি ॥ 3-195-58 (23668)
এবং ব্রুবন্নেব স যাতুধানৈ-
র্হতো জগামাশু মহীং ক্ষিতীশঃ।
ততো বিদিৎবা নৃপতিং নিপাতিত-
মিক্ষ্বাকবো বৈ দলমভ্যষিঞ্চন্ ॥ 3-195-59 (23669)
রাজ্যে তদা তত্র গৎবা স বিপ্রঃ
প্রোবাচেদং বচনং বামদেবঃ।
দলং রাজানং ব্রাহ্মণানাং হি দেয়-
মেবং রাজন্সর্বধর্মেষু দৃষ্টম্ ॥ 3-195-60 (23670)
বিভেষি চেত্ৎবমধর্মান্নরেন্দ্র
প্রয়চ্ছ মে শীঘ্রমেবাদ্য বাম্যৌ।
এতচ্ছ্রুৎবা বামদেবস্ বাক্যং
স পার্থিবঃ সূতমুবাচ রোষাৎ ॥ 3-195-61 (23671)
একং হি মে সায়কং চিত্ররূপং
দুগ্ধং বিষেণাহরসংগৃহীতম্।
যেন বিদ্ধো বামদেবঃ শয়ীত
সংদশ্যমানঃ শ্বভিরার্তরূপঃ ॥ 3-195-62 (23672)
বামদেব উবাচ। 3-195-63x (2413)
জানামি পুত্রং দশবর্ষং তবাহং
জাতং মহিষ্যাং শ্যেনজিতং নরেন্দ্র।
এতং জহি ৎবং মদ্বচনাৎপ্রণুন্ন-
স্তূর্ণং প্রিয়ং সায়কৈর্ঘোররূপৈঃ ॥ 3-195-63 (23673)
মার্কণ্ডেয় উবাচ। 3-195-64x (2414)
এবমুক্তো বামদেবেন রাজন্ন-
ন্তঃপুরে রাজপুত্রং জঘান।
স সায়কস্তিগ্মতেজা বিসৃষ্টঃ
শ্রুৎবা দলস্তত্র বাক্যং বভাষে ॥ 3-195-64 (23674)
ইক্ষ্বাকবো হন্ত চরামি বঃ প্রিয়ং
নিহন্মীমং বিপ্রমদ্য প্রমথ্য।
আনীয়তামপরস্তিগ্মতেজাঃ
পশ্যধ্বং মে বীর্যমদ্য ক্ষিতীশাঃ ॥ 3-195-65 (23675)
বামদেব উবাচ। 3-195-66x (2415)
যত্ৎবমেনং সায়কং ঘোররূপং
বিষেণ দিগ্ধং মম সংদধাসি।
ন ৎবেতং ৎবং শরবর্ষং বিমোক্তুং
সংধাতুং বা শক্ষ্যসে মানবেন্দ্র ॥ 3-195-66 (23676)
রাজোবাচ। 3-195-67x (2416)
ইক্ষ্বাকবঃ পশ্ত মাং গৃহীতং
ন বৈ শক্নোম্যেষ শরং বিমোক্তুম্
ন চাস্য কর্তুং নাশমভ্যুৎসহামি
আয়ুষ্মান্বৈ জীবতু বামদেবঃ ॥ 3-195-67 (23677)
বৈমদেব উবাচ। 3-195-68x (2417)
সংস্পৃশ্যৈনাং মহীষীং সায়কেন
ততস্তস্মাদেনসো মোক্ষ্যসে ৎবম্।
ততস্তথা কৃতবান্পার্থিবস্তু
ততো মুনিং রাজপুত্রী বভাষে ॥ 3-195-68 (23678)
যথা যুক্তা বামদেবাহমেনং
দিনেদিনে সংদিশন্তী নৃশংসম্।
ব্রাহ্মণেভ্যো মৃগয়তী সূনৃতানি
তথা ব্রহ্মন্পুণ্যলোকং লভেয়ম্ ॥ 3-195-69 (23679)
বামদেব উবাচ। 3-195-70x (2418)
ৎবয়া ত্রাতং রাজকুলং শুভেক্ষণে
বরং বৃণীষ্বাপ্রতিমং দদানি তে।
প্রশাধীমং স্বজনং রাজপুত্রি
ইক্ষ্বাকুরাজ্যং সুমহচ্চাপ্যনিন্দ্যে ॥ 3-195-70 (23680)
রাজপুত্র্যুবাচ। 3-195-71x (2419)
বরং বৃণে ভগবংস্ৎবেবমেষ
বিমুচ্যতাং কিল্বিষাদদ্য ভর্তা।
শিবেন জীবামি সপুত্রবান্ধবং
বরো বৃতো হ্যেষ ময়া দ্বিজাগ্র্য ॥ 3-195-71 (23681)
মার্কণ্ডেয় উবাচ। 3-195-72x (2420)
শ্রুৎবা বচ স মুনী রাজপুত্র্যা-
স্তথাঽস্ৎবিতি প্রাহ কুরুপ্রবীর।
ততঃ স রাজা মুদিতো বভূব
বাম্যৌ চাস্মৈ প্রদদৌ সংপ্রণম্য ॥ 3-195-72 (23682)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি পঞ্চনবত্যধিকশততমোঽধ্যায়ঃ ॥ 195 ॥
Mahabharata - Vana Parva - Chapter Footnotes
3-195-7 আশ্বস্ত ইতি ছেদঃ ॥ 3-195-16 প্রয়োজনং কর্তব্যম্ ॥ 3-195-19 অতিমুক্তাগারং বাসন্তীগৃহম্ ॥ 3-195-28 প্রক্ষীয়তে ধনোদ্রেকো জনানামবিজানতাম্ ইতি ঝ. পাঠঃ। ধনোদ্রেকঃ শ্রীতপসোরুৎকর্ষঃ ॥ 3-195-29 প্তিজানীহি নিশ্চয়ং কুরু। প্রাপ্য প্রাপয়্য মৃত্যুম্। ক্রোধং স্ত্রীশোকজম্। অলং কৃৎবা মা করু ॥ 3-195-35 ব্রহ্মণ্যং ব্রাহ্মণহিতং তেন রহিতানি অব্রহ্মণ্যানি ॥ 3-195-41 বাম্যৌ বামদেবীয়ৌ রথে যুক্তৌ অশ্বৌ অশ্বতরৌ ॥ 3-195-44 পত্রং বাহনম্ ॥ 3-195-48 অন্তরে ভেদে ॥ 3-195-51 বাহো বাহনম্ ॥ 3-195-52 যদেতৎ ব্রাহ্মণস্য স্বং আজীবমান উপজীবমানোসি এতদিহ ঘোরমনিষ্টপাকং ব্রতং কর্ম আহুরিত্যন্বয়ঃ। বহংতু চতুর্দিক্ষু প্রাপয়ন্তু চতুর্ধাকৃৎবেতি শেষঃ ॥ 3-195-53 ৎবাং মাং হন্তুমুদ্যুক্তং তে মদীয়াস্ৎবামেব পাতয়ন্ৎবিত্যর্থঃ ॥ 3-195-55 অসত্যং মিথ্যাবাদিনমপি ৎবা ৎবাং নানুশাস্মি ন দণ্ডয়ামি। অদ্যপ্রভৃতি তবাজ্ঞামিতি সংবন্ধঃ। তবাপরাধান্ ক্ষমিষ্যে আজ্ঞয়া চ বর্তিষ্যে ইতি বরদ্বয়ং জ্ঞেয়ম্ ॥ 3-195-56 অনুয়োগঃ শাসনম্। অদণ্ড্যা ব্রাহ্মণা ইত্যর্থঃ। ব্রহ্ম ব্রাহ্মণজাতিম্। যো ব্রাহ্মণসেবী স জীবত্যন্যো নশ্যতীত্যর্থঃ। বরদ্বয়মপি নিরর্থকমিতি ভাবঃ ॥ 3-195-58 ব্রহ্মন্দলো বা বিধেয়া মে যদি চেমে বিশোপি ইতি ঝ. পাঠঃ। দলঃ কনিষ্ঠো ভ্রাতা। রবিধেয়া আজ্ঞাকারিণঃ ॥ 3-195-59 নিপাতিতং মৃতম্ ॥ 3-195-63 এতং জহি তব সায়কস্ৎবৎপুত্রমেব হিংসিষ্যতি নতু মামিত্যর্থঃ ॥ 3-195-67 এবমুক্ৎবা বামদেবেন স্তম্ভিতহস্তপাদো রাজোবাচ ইক্ষ্বাকব ইতি ॥ 3-195-68 সংস্পৃশ্য হৎবা। এনসো ব্রহ্মহত্যাধ্যবসায়জাৎপাপাৎ ॥ 3-195-69 এনং নৃশংসং ভর্তারং দিনেদিনে সূনৃতানি কল্যাণকরাণি বাক্যানি সংদিশন্তীতি সংবন্ধঃ। ব্রহ্মণেভ্যো মৃগয়তী ব্রাহ্মণান্ সেবিতুমিচ্ছন্তী ॥অরণ্যপর্ব - অধ্যায় 196
॥ শ্রীঃ ॥
3.196. অধ্যায়ঃ 196
Mahabharata - Vana Parva - Chapter Topics
মার্কণ্ডেয়েন সুখদুঃখনিরূপকবকশক্রসংবাদানুবাঃ ॥ 1 ॥Mahabharata - Vana Parva - Chapter Text
3-196-0 (23683)
বৈশম্পায়ন উবাচ। 3-196-0x (2421)
মার্কণ্ডেয়মৃষয়ো ব্রাহ্মণা যুধিষ্ঠিরশ্চ।
পর্যপৃচ্ছন্নৃষিঃ কেন দীর্ঘায়ুরাসীদ্বকঃ ॥ 3-196-1 (23684)
মার্কণ্ডেয়স্তু তান্সর্বান্প্রত্যুবাচ মহাতপাঃ।
দীর্ঘায়ুশ্চ বকোরাজন্নৃষির্নাত্র বিচারণা ॥ 3-196-2 (23685)
এতচ্ছ্রুৎবা তু কৌন্তেয়ো ভ্রাতৃভিঃ সহ ভারত।
মার্কণ্ডেয়ং পর্যপৃচ্ছদ্ধর্মরাজো যুধিষ্ঠিরঃ ॥ 3-196-3 (23686)
বকদাল্ভ্যৌ মহাত্মানৌ শ্রূয়েতে চিরজীবিনৌ।
সখায়ৌ দেবরাজস্ যতাবৃষী লোকসংমতৌ ॥ 3-196-4 (23687)
এতদিচ্ছামি ভগবন্বকশক্রসমাগমম্।
সুখদুঃখসমায়ুক্তং তত্ৎবেন কথিতং ৎবয়া ॥ 3-196-5 (23688)
মার্কণ্ডেয় উবাচ। 3-196-6x (2422)
বৃত্তে দেবাসুরে রাজন্সংগ্রামে রোমহর্ষণে।
ত্রয়াণামপি লোকানামিন্দ্রো লোকাধিপোঽভবৎ ॥ 3-196-6 (23689)
সম্যগ্বর্ষতি পর্জন্যে সস্যসংপদ উত্তমাঃ।
নিরাময়াঃ সুধর্মিষ্ঠাঃ প্রজা ধর্মপরায়ণাঃ।
মুদিতশ্চ জনঃ সর্বঃ স্বধর্মেষু ব্যবস্থিতঃ ॥ 3-196-7 (23690)
তাঃ প্রজা মুদিতাঃ সর্বা দৃষ্ট্রা বলনিষূদনঃ।
ততস্তু মুদিতোরাজন্দেবরাজঃ শতক্রতুঃ ॥ 3-196-8 (23691)
ঐরাবতং সমাস্থায় অপশ্যন্মুদিতাঃ প্রজাঃ।
আশ্রমাংশ্চ বিচিত্রাংশ্ নদীশ্চ বিবিধাঃ শুভাঃ ॥ 3-196-9 (23692)
নগরাণি সমৃদ্ধানি ঘেটাঞ্জনপদাংস্তথা।
প্রজাপালনদক্ষাংশ্চ নরেন্দ্রান্ধর্মচারিণঃ ॥ 3-196-10 (23693)
উদপানং প্রপা বাপী তটাকানি সরাংসি চ।
নানাব্রহ্রহ্মসমাচারৈঃ সেবিতানি দ্বিজোততমৈঃ ॥ 3-196-11 (23694)
ততোঽবতীর্য রম্যায়াং পৃথ্ব্যাং রাজঞ্ছতক্রতুঃ।
তত্র রম্যে শিবে দেশে বহুবৃক্ষসমাকুলে ॥ 3-196-12 (23695)
পূর্বস্যাং দিশি রম্যায়াং সমুদ্রাভ্যাশতো নৃপ।
তত্রাশ্রমপদং রম্যং মৃগদ্বিজনিষেবিতম্।
তত্রাশ্রমপদে রম্যে বকং পশ্যতি দেবরাট্ ॥ 3-196-13 (23696)
বকস্তু দৃষ্ট্বা দেবেন্দ্রং দৃঢং প্রীতমনাঽভবৎ।
পাদ্যাসনার্থদানেন ফলমূলৈরথার্চয়ৎ ॥ 3-196-14 (23697)
সুখোপবিষ্টো বরদস্ততস্তু বলসূদনঃ।
ততঃ প্রশ্নং বকং দেবং উবাচ ত্রিদশেশ্বরঃ ॥ 3-196-15 (23698)
শতং বর্ষসহস্রাণি মুনে জাতস্য তেঽনঘ।
সমাখ্যাহি মম ব্রহ্মন্কিং দুঃখং চিরজীবিনাম্ ॥ 3-196-16 (23699)
বক উবাচ। 3-196-17x (2423)
অপ্রিয়ৈঃ সহ সংবাসঃ প্রিয়ৈশ্চাপি বিনাভবঃ।
অসদ্ভিঃ সংপ্রয়োগশ্চ তদ্দুঃখং চিরজীবিনাম্ ॥ 3-196-17 (23700)
পুত্রদারবিনাশোঽত্র জ্ঞাতীনাং সুহৃদামপি।
পরেষ্বায়ত্ততা কৃচ্ছ্রং কিংনু দুঃখতরং ততঃ ॥ 3-196-18 (23701)
নান্যদ্দুঃখতরং কিংচিল্লোকেষু প্রতিভাতি মে।
অর্থৈর্বিহীনঃ পুরুষঃ এরৈঃ সংপরিভূয়তে ॥ 3-196-19 (23702)
অকুলানাং কুলে ভাবং কুলীনানাং কুলক্ষয়ম্।
সংয়োগং বিপ্রয়োগং চ পশ্যন্তি চিরজীবিনঃ ॥ 3-196-20 (23703)
অপিপ্রত্যক্ষমেবৈতত্তব দেঘ শতক্রতো।
অকুলানাং সমৃদ্ধানাং কথং কুলবিপর্যযঃ ॥ 3-196-21 (23704)
দেবদানবগন্ধর্বমনুষ্যোরগরাক্ষসাঃ।
প্রাপ্নুবন্তি বিপর্যাসং কিংনু দুঃখতরং ততঃ ॥ 3-196-22 (23705)
কুলে জাতাশ্ ক্লিশ্যন্তে দৌষ্কুলেয়বশানুগাঃ।
আঢ্যৈর্দরিদ্রাঽবমতাঃ কিংনু দুঃখতরং ততঃ ॥ 3-196-23 (23706)
লোকে বৈধর্ম্যমেতত্তু দৃশ্তে বহুবিস্তরম্।
হীনজ্ঞানাশ্চ হৃষ্যন্তে ক্লিশ্যন্তে প্রাজ্ঞকোবিদাঃ।
বহুদুঃখপরিক্লেশং মানুষ্যমিহ দৃশ্যতে ॥ 3-196-24 (23707)
ইন্দ্র উবাচ। 3-196-25x (2424)
পুনরেব মহাভাগ দেবর্ষিগণসেবিত।
সমাখ্যাহি মম ব্রহ্মন্কিং সুখং চিরজীবিনাম্ ॥ 3-196-25 (23708)
বক উবাচ। 3-196-26x (2425)
অষ্টমে দ্বাদশে বাঽপি শাকং যঃ পচতে গৃহে।
কুমিত্রাণ্যনপাশ্রিৎ কিং বৈ সুখতরং ততঃ ॥ 3-196-26 (23709)
যত্রাহানি ন গণ্যন্তে নৈনমাহুর্মহাশনম্।
অপি শাকং পচানস্য সুখং বৈ মঘবন্গৃহে ॥ 3-196-27 (23710)
আর্জিতং স্বেন বীর্যেণ নাপ্যপাশ্রিত্য কংচন।
ফলশাকমপি শ্রেয়ো ভোক্তুং হ্যকৃপণং গৃহে ॥ 3-196-28 (23711)
পরস্য তু গৃহে ভোক্তুঃ পরিভূতস্ নিত্যশঃ।
সুমৃষ্টমপি ন শ্রেয়ো বিকল্পোঽয়মতঃ সতাম্ ॥ 3-196-29 (23712)
শ্ববদ্ধি লোলুপো যস্তু পরান্নং ভোক্তুমিচ্ছতি।
ধিগস্তু তস্য তদ্ভুক্তং কৃপণস্ দুরাত্মনঃ ॥ 3-196-30 (23713)
যো দত্ৎবাঽতিথিভৃত্যেভ্যঃ পিতৃভ্যশ্চ দ্বিজোত্তমঃ।
শিষ্টান্যন্নানি যো ভুঙ্ক্তে কিং বৈ সুখতরং ততঃ ॥ 3-196-31 (23714)
অতো মৃষ্টতরং নান্যৎপূতং কিংচিতচ্ছতক্রতো।
দত্ৎবা যস্ৎবতিথিভ্যোঽন্নং ভুঙ্ক্তে তেনৈব নিত্যশঃ ॥ 3-196-32 (23715)
তাবতাং গোসহস্রাণাং ফলং প্রাপ্নোতি দায়কঃ।
যদেনো যৌবনকৃতংতৎসর্বং নশ্যতে ধ্রুবম্ ॥ 3-196-33 (23716)
রসদক্ষিণস্ ভুক্তস্ দ্বিজস্য তু করে গতম্।
যদ্বারি বারিণা সিঞ্চেত্তদ্ধ্যেনস্তরতে ক্ষণাৎ ॥ 3-196-34 (23717)
এতাশ্চান্যাশ্চ বৈ বহ্বীঃ কথয়িৎবা কথাঃ শুভাঃ।
বকেন সহ দেবেন্দ্র আপৃচ্ছ্য ত্রিদিবং গতঃ ॥ 3-196-35 (23718)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি ষণঅণবত্যধিকশততমোঽধ্যায়ঃ ॥ 196 ॥
Mahabharata - Vana Parva - Chapter Footnotes
3-196-1 ঋষির্বকঃ কিল ভবতো দীর্ঘায়ুরাসীচ্চেতি ধ. পাঠঃ ॥ 3-196-12 যহ্নোৎসববতীং রম্যাং পৃধ্বীং রাজঞ্শতক্রতুরিতি ধ. পাঠঃ ॥ 3-196-21 আকুলানাং সমৃদ্ধানাং কথং কালবিপর্যযঃ ইতি ধ. পাঠঃ ॥ 3-196-34 দ্বিজস্য তু করে হুতমিতি ধ. পাঠঃ ॥অরণ্যপর্ব - অধ্যায় 197
॥ শ্রীঃ ॥
3.197. অধ্যায়ঃ 197
Mahabharata - Vana Parva - Chapter Topics
মার্কণ্ডেয়েন পাণ্ডবান্প্রতি ক্ষত্রিয়মহিমখ্যাপকশিবিচরিত্রকীর্তনম্ ॥ 1 ॥Mahabharata - Vana Parva - Chapter Text
3-197-0 (23719)
বৈশম্পায়ন উবাচ। 3-197-0x (2426)
ততঃ পাণ্ডবাঃ পুনর্মার্কণ্ডেয়মূচুঃ ॥ 3-197-1 (23720)
কথিতং ব্রাহ্মণমাহাত্ম্যং রাজন্যমাহাত্ম্যমিদানীং শুশ্রূষামহ ইতি তানুবাচ মার্কণ্ডেয়ো মহর্ষিঃ শ্রূয়তামিদানীং রাজন্যানাং মাহাত্ম্যমিতি ॥ কুরূণামন্যতমঃ সুহোত্রো নাম রাজা মহর্ষীনভিগম্য নিবৃত্যরথস্থমেব রাজানমৌশীনরং শিবিং দদর্শাভিমুখং তৌ সমেত্য পরস্পরেণ যথাবয়ঃ পূজাং প্রয়ুজ্য গুণসাম্যেন পরস্পরেণ তুল্যাত্মানৌ বিদিৎবাঽন্যোন্যস্য পন্থানং ন দদতুস্তত্র নারদঃ প্রাদুরাসীৎকিমিদং ভবন্তৌ পরস্পরস্য পন্থানমাবৃত্য তিষ্ঠত ইতি ॥ 3-197-2 (23721)
তাবূচতুর্নারদং নৈতদ্ভগবন্পূর্বকর্মকর্ত্রাদিভির্বিশিষ্টস্ পন্থা উপদিশ্যতে সমর্থায় বা আবাং চ সখ্যং পরস্পরেণোপগতৌ তচ্চাবধানতোঽত্যুৎকৃষ্টমধরোত্তরং পরিভ্রষ্টম্ ॥
নারদস্ৎবেবমুক্তঃ শ্লোকত্রয়মপঠৎ ॥ 3-197-3 (23722)
ক্রূরঃ কৌরব্য মৃদবে মৃদুঃ ক্রূরে চ কৌরব।
সাধুশ্চাসাধবে সাধুঃ সাধবে নাপ্নুয়াৎকথম্ ॥ 3-197-4 (23723)
কৃতং শতগুণং কুর্যান্নাস্তি দেবেষু নির্ণয়ঃ।
ঔশীনরঃ সাধুশীলো ভবতো বৈ মহীপতিঃ ॥ 3-197-5 (23724)
জলেৎকদর্যং দানেন সত্যেনানৃতবাদিনম্।
ক্ষময়া ক্রূরকর্মাণমসাধুং সাধুনা জয়েৎ ॥ 3-197-6 (23725)
তদুভাবেব ভবন্তাবুদারৌ য ইদানীং ভবদ্ভ্যামন্যতমঃ সোপসর্পতু এতদ্বৈ নিদর্শনমিত্যুক্তাব তূষ্ণীং নারদো বভূব ॥ এতচ্ছ্রুৎবা তু কৌরব্যঃ শিবিং প্রদক্ষিণং কৃৎবা পন্থানং দত্ৎবা বহুকর্মভিঃ প্রশস্য প্রয়যৌ ॥ 3-197-7 (23726)
তদেতদ্রাজ্ঞো মহাভাগ্যমপ্যুক্তবান্নারদঃ ॥ 3-197-8 (23727)
॥ ইতিশ্রীমন্মহাভারতে অরণ্যপর্বণি মার্কণ্ডেয়সমাখ্যাপর্বণি সপ্তনবত্যধিকশততমোঽধ্যায়ঃ ॥ 197 ॥
Mahabharata - Vana Parva - Chapter Footnotes
3-197-3 নৈতৎ যৎপন্থাস্ত্যাজ্য ইত্যেতন্নেত্যর্থঃ। তত্র হেতুঃ পূর্বেতি। পূর্বে চ তে কর্মকর্ত্রাদয়শ্চেতি বিগ্রহঃ। অনুমন্তৃবক্তৃপ্রভৃতয় আদিশব্দার্থঃ। অবধানতো বিচারতঃ। অধরেতি। আবয়োস্তারতম্যং নাস্তীত্যর্থঃ ॥ 3-197-4 পূর্বার্ধে খলবৃত্তং নাপ্নুয়াৎসাধুৎবং বৈ কথং ন কুর্যাদিত্যর্থঃ ॥ 3-197-8 রাজ্ঞঃ শিবেঃ ॥অরণ্যপর্ব - অধ্যায় 198
॥ শ্রীঃ ॥
3.198. অধ্যায়ঃ 198
Mahabharata - Vana Parva - Chapter Topics
মার্কণ্ডেয়েন পাণ্ডবান্প্রতি বিপ্রায় গোপ্রদানরূপয়বাতিচরিতকথনম্ ॥ 1 ॥Mahabharata - Vana Parva - Chapter Text
3-198-0 (23728)
[*মার্কণ্ডেয় উবাচ। 3-198-0x (2427)
ইদমন্যচ্ছ্রূতাং যয়াতির্নাহুষো রাজা রাজ্যস্থঃ পৌরজনাবৃত আসাংচক্রে ॥ গুর্বর্থী ব্রাহ্মণ উপেত্যাব্রবীৎ ভো রাজন্গুর্বর্থং ভিক্ষেয়ং সময়াদিতি রাজোবাচ ॥ 3-198-1 (23729)
ব্রবীতু ভগবান্সময়মিতি ॥ 3-198-2 (23730)
ব্রাহ্মণ উবাচ। 3-198-3x (2428)
বিদ্বেষণং পরমং জীবলোকে
কুর্যান্নরঃ পার্থিব যাচ্যমানঃ।
তং ৎবাং পৃচ্ছামি কথং তু রাজ-
ন্দদ্যাদ্বান্দয়িতং চ মেঽদ্য ॥ 3-198-3 (23731)
রাজোবাচ। 3-198-4x (2429)
নচানুকীর্তয়ে দদ্য দত্ৎবা
অয়াচ্যমর্থং ন চ সংশৃণোমি।
প্রাপ্যমর্থং চ সংশ্রুত্য
তং চাপি দত্ৎবা সুসুখী ভবামি ॥ 3-198-4 (23732)
দদামি তে রোহিণীনাং সহস্রং
প্রিয়ো হি মে ব্রাহ্মণো যাচমানঃ।
ন মে মনঃ কুপ্যতি যাচমানে
দত্তং ন শোচামি কদাচিদর্থম্ ॥ 3-198-5 (23733)
ইত্যুক্ৎবা ব্রাহ্মণা রাজা গোসহস্রং দদৌ।
প্রাপ্তবাংশ্চ গবাং সহস্রং ব্রাহ্মণ ইতি ॥ 3-198-6 (23734)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি অষ্টনবত্যধিকশততমোঽধ্যায়ঃ ॥ 198 ॥
Mahabharata - Vana Parva - Chapter Footnotes
3-198-3 বিদ্বেষণং যাচকস্য দ্বেষম্। প্রীত্যৈব দদাসি চেৎ গ্রহীষ্যামীত্যর্থঃ ॥ 3-198-4 হে দদ্য দদো হানং তদর্হ ॥ 3-198-5 রোহিণীনাং গবাম্ ॥ * - এতদাদ্যধ্যায়ত্রয়ং ষোঢশগদ্যাধিকং ঝ. পুস্তকএব দৃশ্যতে নেতরকোশেষু।অরণ্যপর্ব - অধ্যায় 199
॥ শ্রীঃ ॥
3.199. অধ্যায়ঃ 199
Mahabharata - Vana Parva - Chapter Topics
মার্কণ্ডেয়েন সেদুকবৃষদর্ভচরিতকথনম্ ॥ 1 ॥Mahabharata - Vana Parva - Chapter Text
3-199-0 (23735)
বৈশম্পায়ন উবাচ। 3-199-0x (2430)
ভূয় এব মহাভাগ্যং কথ্যতামিত্যব্রবীৎপাণ্ডবঃ ॥ 3-199-1 (23736)
অথাচষ্ট মার্কণ্ডেয়ো মহারাজ বৃষদর্ভসেদুকনামানৌ রাজানৌ নতিমার্গরতাবস্ত্রোপাস্ত্রকৃতিনৌ ॥ 3-199-2 (23737)
সেদুকো বৃষদর্ভস্ বালস্যৈব উপাংশুব্রতমভ্যজানাৎ কুপ্যমদেয়ং ব্রাহ্মণস্য ॥ 3-199-3 (23738)
অথ তং সেদুকং ব্রাহ্মণঃ কশ্চিদ্বেদাধ্যযনসংপন্ন আশিষং দত্ৎবা গুর্বর্থী ভিক্ষিতবান্ ॥ 3-199-4 (23739)
অশ্বসহস্রং মে ভবান্দদাৎবিতি ॥ তং সেদুকো ব্রাহ্মণমব্রবীৎ ॥ 3-199-5 (23740)
নাস্তি সংভবো গুর্বর্থং দাতুমিতি ॥ 3-199-6 (23741)
স ৎবং গচ্ছ বৃষদর্ভসকাশম্ ॥ রাজা পরমধর্মজ্ঞো ব্রাহ্মণ তং ভিক্ষস্ব ॥ স তে দাস্যতি তস্যৈতদুপাংশুব্রতমিতি ॥ 3-199-7 (23742)
অথ ব্রাহ্মণো বৃষদর্ভসকাশং গৎবা অশ্বসহস্রময়াচত ॥ স রাজা তং কশেনাতাডয়ৎ ॥ 3-199-8 (23743)
তং ব্রাহ্মণোঽব্রবীৎ ॥ কিং হিংস্যনাগসং মামিতি ॥ 3-199-9 (23744)
এবমুক্ত্যা তং শপন্তং রাজাঽঽহ ॥ বিপ্র কিং যো ন দদাতি তুভ্যমুতাহোস্বিদ্ব্রাহ্মণ্যমেতৎ ॥ 3-199-10 (23745)
কব্রাহ্মণ উবাচ। 3-199-11x (2431)
রাজাধিরাজ তব সমীপং সেদুকেন প্রেষিতো ভিক্ষিতুমাগতঃ তেনানুশিষ্টেন ময়া ৎবং ভিক্ষিতোসি ॥ 3-199-11 (23746)
পূর্বাহ্ণে তে দাস্যামি যো মেঽদ্য বলিরাগমিষ্যতি ॥ যো হন্যতে কশয়া কথং মোঘং ক্ষেপণং তস্য স্যাৎ ॥ 3-199-12 (23747)
3-199-13 (23748)
ইত্যুক্ৎবা ব্রাহ্মণায় দৈবসিকামুৎপত্তিং প্রদাৎ ॥ অধিকস্যাশ্বসহস্রস্য মূল্যমেবাদাদিতি ॥
Mahabharata - Vana Parva - Chapter Footnotes
3-199-3 উপাংশু বহিরনুদ্ধাটিতম্। কুপ্যং স্বর্ণরূপ্যাদন্যৎ ॥ 3-199-8 কশেন পুংস্ৎবমার্ষম্ ॥ 3-199-9 হিংসি হিনস্সি তাডয়সি ॥ 3-199-10 শপন্তং শাপং দিৎসন্তম্। হে বিপ্ যো ন দদাতি স্বীয়ং ধনং তুভ্যং তস্মৈ বা এতৎ শাপদানং উচিতম্। উতাহোস্বিৎ এতদ্ব্রাহ্মণ্যং ব্রাহ্মণয়োগ্যং স্বোয়মপি দিৎসন্ন শাপয়োগ্যঃ নাপি শানতিধর্মা ব্রাহ্মণঃ শাপং দাতুমর্হতীত্যর্থঃ ॥ 3-199-12 ক্ষেপণং দূরীকরণম্। অবশ্যং স প্রসাদনীয় ইত্যর্থঃ ॥ 3-199-13 দৈবসিকাং একদিবসজাতামুৎপততিং ধনস্য। স্বনিয়মভঙ্গায় প্রবৃত্তং ব্রাহ্মণং দণ্ডয়িতুমপি প্রার্থিতাদধিকং দত্ৎবা প্রসাদয়িতুমপি সমর্থা রাজান ইতি তাৎপর্যম্ ॥অরণ্যপর্ব - অধ্যায় 200
॥ শ্রীঃ ॥
3.200. অধ্যায়ঃ 200
Mahabharata - Vana Parva - Chapter Topics
মার্কণ্ডেয়েন পাণ্ডবানপ্রতি শ্যেনাৎকপোতরক্ষণরূপশিবিচরিতকথনম্ ॥ 1 ॥Mahabharata - Vana Parva - Chapter Text
3-200-0 (23749)
মার্কণ্ডেয় উবাচ। 3-200-0x (2432)
দেবানাং কথা সংজাতা মহীতলং গৎবা মহীপতিং শিবিমৌশীনরং সাধ্বেনং শিবিং জিজ্ঞাস্যাম ইতি ॥ এবং ভো ইত্যুক্ৎবা অগ্নীন্দ্রাবুপতিষ্ঠেতাম্ ॥ 3-200-1 (23750)
অগ্নিঃ কপোতরূপেণ তমভ্যধাবদামিষার্থমিন্দ্রঃ শ্যেনরূপেণ ॥ 3-200-2 (23751)
অথ কপোতো রাজ্ঞো দিব্যাসনাসীনস্যোৎসঙ্গং ন্যপতৎ ॥ 3-200-3 (23752)
অথ পুরোহিতো রাজানমব্রবীৎ ॥ প্রাণরক্ষার্থং শ্যেনাদ্ভীতো ভবন্তং প্রাণার্থী প্রপদ্যতে ॥ 3-200-4 (23753)
বসু দদাতু অন্তবান্পার্থিবোঽস্য নিষ্কৃতিং কুর্যাৎ ঘোরং কপোতস্য নিপাতমাহুঃ ॥ 3-200-5 (23754)
অথ কপোতো রাজানমব্রবীৎ ॥ প্রাণরক্ষণার্থং শ্যেনাদ্ভীতো ভবন্তং প্রাণার্থী প্রপদ্যে অঙ্গৈরঙ্গানি প্রাপ্যার্থী মুনির্ভূৎবা প্রাণাংস্ৎবাং প্রপদ্যে ॥ 3-200-6 (23755)
স্বাধ্যায়েন কর্শিতং ব্রহ্মচারিণং মাং বিদ্ধি ॥ তপসা দমেন যুক্তমাচার্যস্যাপ্রতিকূলভাষিণম্ ॥ এবংয়ুক্তমপাপং মাং বিদ্ধি ॥ 3-200-7 (23756)
গদামি বেদানবিচিনোমি ছন্দঃ
সর্বেবেদা অক্ষরশো মে অধীতাঃ।
ন সাধু দানং শ্রোত্রিয়স্য প্রদানং
মা প্রাদাঃ শ্যেনায় ন কপোতোঽস্মি ॥ 3-200-8 (23757)
অথ শ্যেনো রাজানমব্রবীৎ ॥ 3-200-9 (23758)
পর্যায়েণ বসতির্বা ভবেষু
সর্গে জাতঃ পূর্বমস্মাৎকপোতাৎ।
ৎবমাদদানোঽথ কপোতমেনং
মা ৎবং রাজন্বিঘ্নকর্তা ভবেথাঃ ॥ 3-200-10 (23759)
রাজোবাচ। 3-200-11x (2433)
কেনেদৃশী জাতু পরা হি দৃষ্টা
বাগুচ্যমানা শকনেন সংস্কৃতা।
যাং বৈ কপোতো বদতে যাং চ শ্যেন
উভৌ বিদিৎবা কথমস্তু সাধু ॥ 3-200-11 (23760)
নাস্য বর্ষং বর্ষতি বর্ষকালে
নাস্য বীজং রোহতি কাল উপ্তম্।
ভীতং প্রপন্নং যো হি দদাতি শত্রবে
ন ত্রাণং লভেত্রাণমিচ্ছন্স কালে ॥ 3-200-12 (23761)
জাতা হ্রস্বা প্রজা প্রমীয়তে
সদা ন বাসং পিতরোঽস্য কুর্বতে।
ভীতং প্রপন্নং যো হি দদাতি শত্রবে
নাস্য দেবাঃ প্রতিগৃহ্ণন্তি হব্যম্ ॥ 3-200-13 (23762)
মোঘমন্নং বিন্দতি চাপ্রচেতাঃ
স্বর্গাল্লোকাদ্ধশ্যতি শীঘ্রমেব।
ভীতং প্রপন্নং যো হি দদাতি শত্রবে
সেন্দ্রা দেবাঃ প্রহরন্ত্যস্য বজ্রম্ ॥ 3-200-14 (23763)
উক্ষাণং পক্ৎবা সহ ওদনেন
অস্মাৎকপোতাৎপ্রতি তে নয়ন্তু।
যস্মিন্দেশে রমসেঽতীব শ্যেন
তত্রমাংসং শিবয়স্তে বহন্তু ॥ 3-200-15 (23764)
শ্যেন উবাচ। 3-200-16x (2434)
নোক্ষাণো রাজন্প্রার্থয়েয়ং ন চান্য
দস্মান্মাংসমধিকং বা কপোতাৎ।
দেবৈর্দত্তঃ সোঽদ্য মমৈষ ভক্ষ-
স্তন্মে দদস্ব শকুনানামভাবাৎ ॥ 3-200-16 (23765)
রাজোবাচ। 3-200-17x (2435)
উক্ষাণং বেহতমনূনং নয়ন্তু
তে পশ্যন্তু পুরুষা মমৈব।
ভয়াহিতস্ দায়ং মমান্তিকাত্ৎবাং
প্রত্যাম্নায়ং তু ৎবং হ্যেনং মা হিংসীঃ ॥ 3-200-17 (23766)
ত্যজে প্রাণাননৈব দদ্যাং কপোতং
সৌম্যো হ্যযং কিং ন জানাসি শ্যেন।
যথা ক্লেশং মা কুরুষ্বেহ সৌম্য
নাহং কপোতমর্পয়িষ্যে কথংচিৎ ॥ 3-200-18 (23767)
যথা মাং বৈ সাধুবাদৈঃ প্রসন্নাঃ
প্রশংসেয়ুঃ শিবয়ঃ কর্মণা তু।
যথা শ্যেন প্রিয়মেব কুর্যাং
প্রশাধি মাং যদ্বদেস্তৎকরোমি ॥ 3-200-19 (23768)
শ্যেন উবাচ। 3-200-20x (2436)
ঊরোর্দক্ষিণাদুৎকৃত্য স্বপিশিতং তাবদ্রাজন্যাবন্মাংসং কপোতেন সমম্ ॥ তথা তস্মাৎসাধু ত্রাতঃ কপোতঃ প্রশংসেয়ুশ্চ শিবয় কৃতং চ প্রিয়ং স্যান্মমেতি ॥ 3-200-20 (23769)
অথ স দক্ষিণাদূরোরুৎকৃত্য স্বমাংসপেশীং তুলয়াধারয়ৎ ॥ গুরুতর এব কপোত আসীৎ ॥ 3-200-21 (23770)
পুনরন্যমুচ্চকর্ত গুরুতর এব কপোতঃ ॥ এবং সর্বং সমধিকৃত্য শরীরং তুলায়ামারোপয়ামাস রতত্তথাপি গুরুতর এব কপোত আসীৎ ॥ 3-200-22 (23771)
অথ রাজা স্বয়মেব তুলামারুরোহ ॥ ন চ ব্যলীকমাসীদ্রাজ্ঞ এতদ্বৃত্তান্তং দৃষ্টাব ত্রাত ইত্যুক্ৎবা প্রালীয়ত শ্যেনঃ অথ রাজা অব্রবীৎ ॥ 3-200-23 (23772)
কপোতং বিদ্যুঃ শিবয়স্ৎবাং কপোত
পৃচ্ছামি তে শকুনে কো নু শ্যেনঃ।
নানীশ্বর ঈদৃশং জাতু কুর্যা-
দেতং প্রশ্নং ভগবন্মে বিচক্ষ্ব ॥ 3-200-24 (23773)
কপোত উবাচ। 3-200-25x (2437)
বৈশ্বানরোঽহং জ্বলনো ধূমকেতু-
রথৈব শ্যেনো বজ্রহস্তঃ শচীপতিঃ।
সাধু জ্ঞাতুং ৎবামৃষভং সৌরথেয়
নৌ জিজ্ঞাসয়া ৎবৎসকাশংপ্রপন্নৌ ॥ 3-200-25 (23774)
যামেতাং পেশীং মম নিষ্ক্রয়ায়
প্রাদাদ্ভবানসিনোৎকৃত্য রাজন্।
এতদ্বো লক্ষ্ম শিবং করোমি
হিরণ্যবর্ণং রুচিরং পুণ্যগন্ধম্ ॥ 3-200-26 (23775)
এতাসাং প্রজানাং পালয়িতা যশস্বী
সুরর্ষীণামথ সংমতো ভৃশম্।
এতস্মাৎপার্শ্বাৎপুরুষো জনিষ্যতি
কপোতরোমেতি চ তস্য নাম ॥ 3-200-27 (23776)
কপোতরোমাণং শিবিনৌদ্ভিদং পুত্রং প্রাপ্স্যসি নৃপবৃষসংহননং যশোদীপ্যমানং দ্রষ্টাসি শূরমৃষভং সৌরথানাম্ ॥ 3-200-28 (23777)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি দ্বিশততমোঽধ্যায়ঃ ॥ 200 ॥
Mahabharata - Vana Parva - Chapter Footnotes
3-200-5 ঘোরং নিন্দিতং অনিষ্টসূচকমিত্যর্থঃ। অন্তবান্ দিগন্তানামীশ্বরঃ ॥ 3-200-6 অঙ্গৈরিতি। মুনিরহং স্বশরীরেণ কপোতশরীরং প্রবিষ্টোঽস্মীত্যর্থঃ। প্রাণান্প্রাণরক্ষকৎবেন ৎবমেব মম প্রাণা ইত্যর্থঃ ॥ 3-200-8 শ্রোত্রিয়স্য মে শ্যেনায় ৎবৎকর্তৃকং প্রদানং ন সাধুদানম্ ॥ 3-200-10 ভবেষু জন্মসু পর্যায়েণ বসতিঃ স্থিতির্ভবতি অতস্ৎবং সর্গে সৃষ্টৌ অস্মাৎকপোতাৎ জাতোসি। অতস্ৎবং তব জন্মান্তরীয়ং পিতরং কপোতং আদদানো রক্ষন্ মম আহারে বিঘ্নং মাকুর্বিত্যর্থঃ ॥ 3-200-11 এতয়োঃ স্বরূপং জ্ঞাৎবা সাধুকর্ম কথং কুর্যামিতি বিমৃশতীত্যর্থঃ ॥ 3-200-13 হ্রস্বা শৈশবে এব প্রজা প্রমীয়তে ম্রিয়তে ॥ 3-200-14 মোঘং নিষ্ফলং সোঽন্নং বিন্দংতি লভতে। অপ্রচেতাঃ অনুদারঃ ॥ 3-200-15 অস্মাৎকপোতাৎ। এনং কপোতং মোচয়িৎবা তে তুভ্যং প্রতিনয়ন্তু প্রতিনিধিৎবেন সমর্পয়ন্তু ॥ 3-200-16 শকুনানাং একস্মিন্নেব বহুৎবম্। অভাবাৎ নাশেন ॥ 3-200-17 উক্ষাণং বলীবর্দনম্। বেহতং বন্ধ্যাং গাং বা অনূনং সর্বাঙ্গসংপূর্ণং যথা স্যাত্তথা। ভয়াহিতস্য ভীপ্রস্তস্য কপোতস্য। দায়ং প্রতিধনং প্রত্যাম্নায়ং নয়ন্তু প্রাপয়ন্তু। পশ্যন্তু আলোচয়ন্তু চ সন্তঃ। এনং কপোতং মা হিংসীরিতি ॥ 3-200-18 সৌম্যো হ্যযং সোমসংয়ুক্তক্রতুবন্নিত্যং পরিপাল্যো হ্যযম্। হে সৌম্য সোমবৎপ্রিয়দর্শন ॥ 3-200-22 অধিকৃত্য ছিত্ৎবা ॥ 3-200-23 অপর্যাপ্তৌ স্বয়মেব তুলামাবিবেশ। ব্যলীকং অপ্রিয়ম্। ত্রাতস্ৎবয়া কপোত ইত্যুক্ৎবা ॥ 3-200-25 হে সৌরথেয় সুরথায়াঃ পুত্র। নৌ আবাম্। বিদ্ধীতি শেষঃ ॥ 3-200-26 অসিনা স্বঙ্গেন। এতন্মাংসম্। বঃ গৃপাণাং লক্ষ্ম চিহ্নিং করোমি ॥ 3-200-28 শিবিনা শিথিলশরীরেণ জাতং ঔদ্ভিদং উদ্ভেদেন জাতম্। যশসা দীপ্যমানম্ ॥অরণ্যপর্ব - অধ্যায় 201
॥ শ্রীঃ ॥
3.201. অধ্যায়ঃ 201
Mahabharata - Vana Parva - Chapter Topics
মার্কণ্ডেয়েন পাণ্ডবান্প্রতি নারদেরিতাষ্টকাদিরাজতারতম্কথনপূর্বকদানমহিমানুবাদ ॥ 1 ॥Mahabharata - Vana Parva - Chapter Text
3-201-0 (23778)
বৈশম্পায়ন উবাচ। 3-201-0x (2438)
ভূয় এব মহাভাগ্যং কথ্যতামিত্যব্রবীৎপাণ্ডবো মার্কণ্ডেয়ম্ ॥ অথাচষ্ট মার্কণ্ডেয়ঃ ॥ অষ্টকস্য বৈশ্বামিত্রেরশ্বমেধে সর্বে রাজানঃ প্রাগচ্ছন্ ॥ 3-201-1 (23779)
ভ্রাতরশ্চাস্য প্রতর্দনো বমুমনাঃ শিবিরৌশীনর রইতি স চ সমাপ্তয়জ্ঞো ভ্রাতৃভিঃ সহ রথেন প্রায়াত্তে চ নারদমাগচ্ছন্তমভিবাদ্যারোহতু ভবান্রথমিত্যব্রুবন্ ॥ 3-201-2 (23780)
তাংস্তথেত্যুক্ৎবা রথমারুরোহ ॥ অথ তেষামেকঃ সুরর্ষিং নারদমব্রবীৎ ॥ প্রসাদ্য ভগবন্তং কিংচিদিচ্ছেয়ং প্রষ্টুমিতি ॥ 3-201-3 (23781)
পৃচ্ছেত্যব্রবীদৃষিঃ ॥ রসোঽব্রবীদায়ুষ্মন্তঃ সর্বগুণপ্রমুদিতাঃ ॥ অথায়ুষ্মন্তং স্বর্গস্থানং চতুর্ভির্যাতব্যং স্যাৎকোঽবতরেৎ ॥ অয়মষ্টকোঽবতরেদিত্যব্রবীদৃষিঃ ॥ 3-201-4 (23782)
কিংকারণমিত্যপৃচ্ছৎ ॥ অথাচষ্টাষ্টকস্য গৃহে ময়া উপিতং স মাং রথেনানুপ্রাবহদথাপশ্যমনেকানি গোসহস্রাণি বর্ণশো বিবিক্তানি তমহমপৃচ্ছং কস্যেমা গাব ইতি সোব্রবীৎ ॥ ময়ানিসৃষ্টাইত্যেতাস্তেনৈবস্বয়ং শ্লাঘতি কথিতেন ॥ এপোবতরেদথ ত্রিভির্যাতব্যং সাংপ্রতং কোঽবতরেৎ ॥ 3-201-5 (23783)
প্রতর্দন ইত্যত্রবীদৃষিঃ ॥ তত্র কিং কারণং প্রতর্দনস্যাপি গৃহে ময়োপিতং স মাং রথেনানুপ্রাবহৎ ॥ 3-201-6 (23784)
অথৈনং ব্রাহ্মণোঽভিক্ষেতাশ্বং মে দদাতু ভবান্নিবৃত্তো দাস্যামীত্যব্রবীদ্ব্রাহ্মণং ৎবরিতমেব দীয়তামিত্যব্রবীদ্ব্রাহ্মণস্ৎবরিতমেব স ব্রাহ্মণস্যৈব মুক্ৎবা দক্ষিণং পার্শ্বমদদৎ ॥ 3-201-7 (23785)
অথান্যোষ্যশ্বার্থী ব্রাহ্মণ আগচ্ছৎ ॥ তথৈব চৈনমুক্ৎবা বামপার্ষ্ণিমভ্যদাদথ প্রায়াৎপুনরপি চান্যোপ্যশ্বার্থী ব্রাহ্মণ আগচ্ছৎ ৎবরিতোথ তস্মৈ অপনহ্য বামং ধুর্যমদদৎ ॥ 3-201-8 (23786)
অথ প্রায়াৎপুনরন্য আগচ্ছদশ্বার্থী ব্রাহ্মণস্তমব্রবীদতিয়াতো দাস্যামি ৎবরিতমেব মে দীয়তামিত্যব্রবীদ্ব্রাহ্মণস্তস্মৈ দত্ৎবাঽশ্বং রথধুরং গৃহ্ণতা ব্যাহৃতং ব্রাহ্মণানাং সাংপ্রতং নাস্তি কিংচিদিতি ॥ 3-201-9 (23787)
য এষ দদাতি চাসূয়তি চ তেন ব্যাহৃতেন তথাঽবতরেৎ ॥ অথ দ্বাভ্যাং যাতব্যমিতি কোঽবতরেৎ ॥ 3-201-10 (23788)
বসুমনা অবতরেদিত্যব্রবীদৃষিঃ ॥ 3-201-11 (23789)
কিংকারণমিত্যপৃচ্ছদথাচষ্ট নারদঃ ॥ অহং পরিভ্রমন্বসুমনসো গৃহমুপস্থিতঃ ॥ 3-201-12 (23790)
স্বস্তিবচনমাসীৎপুষ্পরথস্য প্রয়োজনেন তমহমন্বগচ্ছং স্বস্তিবাচিতেষু ব্রাহ্মণেষু রথো ব্রাহ্মণানাং দর্শিতঃ ॥ 3-201-13 (23791)
তমহং রথং প্রাশংসমথ রাজাঽব্রবীদ্ভগবতারথঃ প্রশস্তঃ ॥ এষ ভগবতো ভগবতোরথ ইতি ॥ 3-201-14 (23792)
অথ কদাচিৎপুনরপ্যহমুপস্থিতঃ পুনরেব চ রথপ্রয়োজনমাসীৎ ॥ সম্যগয়মেষ ভগবত ইত্যেবং রাজাঽব্রবীদিতি পুনরেব চ তৃতীয়ং স্বস্তিবাচনং সমভাবয়মথ রাজা ব্রাহ্মণানাং দর্শয়ন্মামভিপ্রেক্ষ্যাব্রবীৎ ॥ অথো ভগবতা পুষ্পরথস্য স্বস্তিবাচনানি সুষ্ঠু সংভাবিতানি এতেন দ্রোহবচনেনাবতরেৎ ॥ 3-201-15 (23793)
অথৈকেন যাতব্যং স্যাৎকোঽবতরেৎপুনর্নারদ আহ ॥ শিবির্যায়াদহমবতরেয়ং অত্র কিং কারণমিত্যব্রবীৎ ॥ অসাবহং শিবিনা সমো নাস্মি যতো] ব্রাহ্মণঃ কশ্চিদেনমব্রবীৎ ॥ 3-201-16 (23794)
শিবে অন্নার্থ্যস্মীতি তমব্রবীচ্ছিবিঃ কিং ক্রিয়তামাজ্ঞাপয়তু ভবানিতি ॥ 3-201-17 (23795)
অথৈনং ব্রাহ্মণোঽব্রবীৎ য এষ তে পুত্রো বৃহদ্গর্ভো নাম এষ প্রমাতব্য ইতি তমেনং সংস্কুরু অন্নং চোপপাদয় ততোঽহং প্রতীক্ষ্য ইতি ॥ ততঃ পুত্রং প্রমাথ্য সংস্কৃত্য বিধিনা সাধয়িৎবা পাত্র্যামর্পয়িৎবা শিরসা প্রতিগৃহ্য ব্রাহ্মণমমৃগয়ৎ ॥ 3-201-18 (23796)
অথাস্য মৃগয়মাণস্য কশ্চিদাচষ্ট এষ তে ব্রাহ্মণো নগরং প্রবিশ্য দহতি তে গৃহং কোশাগারমায়ুধাগারং স্ত্র্যগারমশ্বশালাং হস্তিশালাং চ ক্রুদ্ধ ইতি ॥ 3-201-19 (23797)
অথ শিবিস্তথৈবাবিকৃতমুখবর্ণো নগরং প্রবিশ্য ব্রাহ্মণং তমব্রবীৎসিদ্ধং ভগবন্নন্নমিতি ব্রাহ্মণো ন কিংচিদ্ব্যাজহার বিস্ময়াদধোমুখশ্চাসীৎ ॥ 3-201-20 (23798)
ততঃ প্রাসাদয়দ্ব্রাহ্মণং ভগবন্ভুজ্যতামিতি ॥ মুহূর্তাদুদ্বীক্ষ্য শিবিমব্রবীৎ ॥ 3-201-21 (23799)
ৎবমেবৈতদশানেতি তত্রাহ তথেতি শিবিস্তথৈবাবিমনা মহিৎবা কপালমভ্যুদ্ধার্য ভোক্তুমৈচ্ছৎ ॥ 3-201-22 (23800)
অথাস্য ব্রাহ্মণো হস্তমগৃহ্ণাৎ ॥ অব্রবীচ্চৈনং জিতক্রোধোসি ন তে কিংচিদপরিত্যাজ্যং ব্রাহ্মণার্থে ব্রাহ্মণোঽপি তং মহাভাগং সভাজয়ৎ ॥ 3-201-23 (23801)
স হ্যুদ্বীক্ষমাণঃ পুত্রমপশ্যদগ্রে তিষ্ঠন্তং দেবকুমারমিব পুণ্যগন্ধান্বিতমলংকৃতং সর্বং চ তমর্থং বিধায় ব্রাহ্মণোঽন্তরধীয়ত ॥
স হ্যুদ্বীক্ষমাণঃ পুত্রমপশ্যদগ্রে তিষ্ঠন্তং দেবকুমারমিব পুণ্যগন্ধান্বিতমলংকৃতং সর্বংচ তমর্থং বিধায় ব্রাহ্মণোঽন্তরধীয়ত ॥ 3-201-24 (23802)
তস্য রাজর্ষের্বিধাতা তেনৈব বেষেণ পরীক্ষার্থমাগত ইতিতস্মিন্নন্তর্হিতে অমাত্যা রাজানমূচুঃ ॥ কিং প্রেপ্সুনা ভবতা ইদমেবং জানতা কৃতমিতি ॥ 3-201-25 (23803)
শিবিরুবাচ। 3-201-26x (2439)
নৈবাহমেতদ্যশসে দদানি
ন চার্যহেতোর্ন চ ভোগতৃষ্ণয়া।
পাপৈরনাসেবিত এষ মার্গ
ইত্যেবমেতৎসকলং করোমি ॥ 3-201-26 (23804)
সদ্ভিঃ সদাঽধ্যাসিতং তু প্রশস্তং
তস্মাৎপ্রশস্তং শ্রয়তে মতির্মে।
এতন্মহাভাগ্যবরং শিবেস্তু
তস্মাদহং বেদ যথাবদেতৎ ॥ 3-201-27 (23805)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি একাধিকদ্বিশততমোঽধ্যায়ঃ ॥ 201 ॥
Mahabharata - Vana Parva - Chapter Footnotes
3-201-4 আয়ুষ্মন্তং চিরকালভোগ্যম্। স্বর্গস্থানম্। পুংস্ৎবমার্ষম্। অবতরেৎস্বর্গাৎ ভূমৌ প্রথমমিতি শেষঃ ॥ 3-201-7 পার্শ্বং রথচক্রপ্রদেশস্থমশ্চম্ ॥ 3-201-9 অতিয়াতোঽতিবেগবান্। অশ্বচতুষ্টয়স্যাপি দানাৎ ধুরং স্বহস্তেনৈব গৃহ্ণতা। সাংপ্রতং যুক্তায়ুক্তবিচারঃ ॥ 3-201-13 পুষ্পরথস্ গিরিগগনসাগরেষ্বপ্রতিষিদ্ধমার্গস্য প্রয়োজনেন তদর্থমিত্যর্থঃ ॥ 3-201-14 রথঃ স্তুত এব নতু যাচিতঃ। রাজাপি মমাশয়ং বুদ্ধাপি রথং ন দত্তবান্ রথস্তুতিং চানুমোদিতবানিতি প্রঘট্টকার্থঃ ॥ 3-201-15 দ্রোহবচনেন অদত্ৎবা বৃথাস্তবেন ॥ 3-201-22 মহিৎবা পূজয়িৎবা। কপালং শীর্ষাস্থিপাত্রম্ ॥ 3-201-27 যো দত্ৎবা শ্লাঘতে যশ্চাসূয়েৎ যশ্চার্থিনো লিপ্সিতমিঙ্গিতৈর্জ্ঞাৎবাপি তং স্তুতিমাত্রেণৈব সংভাবয়তি নৎবর্থেন যশ্চ ব্রাহ্মণেনার্থিতঃ শ্রদ্ধাক্ষমাপূর্বকমদেয়মপি দদাতি অকর্তব্যমপি করোতি তে উত্তরোত্তরং শ্রেষ্ঠাঃ। তত্রাপ্যন্ত্যো নারদাদপি শ্রেষ্ঠ ইতি দাতুর্গুণদাম বিধানপরোঽয়মধ্যায়ঃ ॥অরণ্যপর্ব - অধ্যায় 202
॥ শ্রীঃ ॥
3.202. অধ্যায়ঃ 202
Mahabharata - Vana Parva - Chapter Topics
মার্কণ্ডেয়েন পাণ্ডবান্প্রতি কীর্ত্যকীর্ত্যোঃ স্বর্গনরকনিবাসহেতুতাপ্রতিপাদকেন্দ্রদ্যুম্নোপাখ্যানকথনম্ ॥ 1 ॥Mahabharata - Vana Parva - Chapter Text
3-202-0 (23806)
বৈশম্পায়ন উবাচ। 3-202-0x (2440)
মার্কণ্ডেয়মৃষিং পাণ্ডবাঃ পর্যপৃচ্ছন্নস্তি কশ্চিদ্ভবতশ্চিরজাততর ইতি ॥ 3-202-1 (23807)
স তানুবাচাস্তি খলু রাজর্ষিরিন্দ্রদ্যুম্নো নাম ক্ষীণপুণ্যস্ত্রিদিবাৎপ্রচ্যুতঃ কীর্তির্মে ব্যুচ্ছিন্নেতি স মামুপাতিষ্ঠদথ প্রত্যভিজানাতি মাং ভবানিতি ॥ 3-202-2 (23808)
তমহমব্রবং নাভিজানীমো ভবন্তমিতি রকার্যচেষ্টাকুলৎবানন বয়ং রাসায়নিকা গ্রামৈকরাত্রবাসিনো ন প্রত্যভিজানীমোঽপ্যাত্মনোঽর্থানামনুষ্টানং ন শরীরোপতাপেনাত্মনঃ সমারভামোঽর্থানামনুষ্ঠানম্ ॥ 3-202-3 (23809)
`এবমুক্তো রাজর্ষিরিন্দ্রদ্যুম্নঃ পুনর্মামব্রবীৎ ॥ অথাস্তি কশ্চিত্ৎবত্তশ্চিরজাততর ইতি। তং পুনঃ প্রত্যব্রবম্ ॥' অস্তি খলু হিমবতি প্রাবারকর্ণো নামোলূকঃ প্রতিবাসতি ॥ স মত্তশ্চিরজাতো ভবন্তং যদি জানীয়াদ্বিপ্রকৃষ্টে চাধ্বনি হিমবাংস্ত ত্রাসৌ প্রতিবসতীতি ॥ 3-202-4 (23810)
তত স মামশ্বো ভূৎবা তত্রাবহদ্যত্র বভূবো লূকঃ ॥ অথৈনং স রাজর্ষিঃ পর্যপৃচ্ছৎপ্রতিজানাতি মাং ভবানিতি ॥ 3-202-5 (23811)
স মুহূর্তমিব ধ্যাৎবাঽব্রবীদেনং নাভিজানামি ভবন্তমিতি স এবমুক্ত ইন্দ্রদ্যুম্নঃ পুনস্তমুলঙ মব্রবীদ্রাজর্ষিঃ ॥ 3-202-6 (23812)
অথাস্তি কশ্চিদ্ভবতঃ সকাশাচ্চিরজাত ইতি স এবমুক্তোঽব্রবীদস্তিখল্বিন্দ্রদ্যুম্নং নাম সরস্ত স্মিন্নালিজঙ্ঘো নাম বকঃ প্তিবসতি সোস্মত্তশ্চিরজাততরস্তং পৃচ্ছেতি তত ইন্দ্রদ্যুম্নো মাং চোলূকমাদায় তৎসরোঽগচ্ছদ্যত্রাসৌ নালিজঙ্ঘো নাম বকো বভূব ॥ 3-202-7 (23813)
সোস্মাভিঃ পৃষ্টো ভবানিমমিনদ্রদ্যুম্নং রাজানমভিজানাতীতি স এবং মুহূর্তং ধ্যাৎবাঽব্রবীন্নাভিজানাম্যহমিন্দ্রদ্যুম্নং রাজানমিতি ॥ ততঃ সোস্মাভিঃ পৃষ্টঃ কশ্চিদ্ভবতোঽন্যশ্চিরজাততরোস্তীতি স নোঽব্রবীদস্তি খল্বস্মিন্নেব সরস্যকূপারো নাম রকচ্ছপঃ প্রতিবসতি ॥ স মত্তশ্চিরজাততরঃ স যদি কথংচিদভিজানীয়াদিমং রাজানং তমকূপারং পৃচ্ছধ্বমিতি ॥ 3-202-8 (23814)
ততঃ স বকস্তমকূপারং কচ্ছপং বিজ্ঞাপয়ামাস অস্মাকমভিপ্রেতং ভবন্তং কংচিদর্থমভিপ্রষ্টং সাধ্বাগম্যতাং তাবদিতি তচ্ছ্রুৎবা কচ্ছপস্তস্মাৎসরস উত্থায়াভ্যাগচ্ছদ্যত্র তিষ্ঠামো বয়ং তস্য সরসস্তীরে আগতং চৈনং বয়মপৃচ্ছাম ভবানিন্দ্রদ্যুম্নং রাজানমভিজানাতীতি ॥ 3-202-9 (23815)
স মূহূর্তং ধ্যাৎবা বাষ্পসংপূর্ণনয়ন উদ্বিগ্নহৃদয়ো বেপমানো বিসংজ্ঞকল্পঃ প্রাঞ্জলিরব্রবীৎ কিমহমেনং ন প্রত্যভিজ্ঞাস্যামীহ হ্যনেন সহস্রকৃৎবঃ পূর্বমগ্নিচিতিষূপহিতাঃ ॥ 3-202-10 (23816)
সরশ্চেদমস্য দক্ষিণোদকদত্তাভির্গোভিরতিক্রমমাণাভিঃ কৃতম্ ॥ অত্রচাহং প্রতিবসামীতি ॥ 3-202-11 (23817)
অথৈতৎসকলং কচ্ছপেনোদাহৃতং শ্রুৎবা তদনন্তরং দেবলোকাদ্দেবরথঃ প্রাদুরাসীদ্বাচশ্চাশ্রূয়ন্তেন্দ্রদ্যুম্নং প্রতি প্রস্তুতস্তে স্বর্গো যথোচিতং স্থানং প্রতিপদ্যস্ব কীর্তিমানস্যব্যগ্রো যাহীতি ॥ 3-20213x ভবন্তি চাত্র শ্লোকাঃ। 3-202-12 (23818)
দিবং স্পৃশতি ভূমিং চ শব্দঃ পুণ্যস্য কর্মণঃ। যাবৎস শব্দো ভবতি তাবৎস্বর্গে মহীয়তে ॥ 3-202-13 (23819)
অকীর্তিঃ কীর্ত্যতে লোকে যস্য ভূতস্য কস্যচিৎ। স পতত্যধমাঁল্লোকান্যাবচ্ছব্দঃ প্রকীর্ত্যতে ॥ 3-202-14 (23820)
তস্মাৎকল্যাণবৃত্তঃ স্যাদ্দাতা তাবন্নরো ভুবি। বিহায় বৃত্তংপাপিষ্ঠং ধর্মমেব সমাশ্রয়েৎ ॥ 3-202-15 (23821)
ইত্যেতচ্ছ্রুৎবা স রাজাঽব্রবীত্তিষ্ঠ তাবদ্যাবদিমৌ বৃদ্ধৌ যথাস্থানং প্রতিপাদয়ামীতি ॥ 3-202-16 (23822)
স মাং প্রাবারকর্ণং চোলূকং যথোচিতে স্থানে প্রতিপাদ্য তেন দেবয়ানেন সংসিদ্ধং যথোচিতং স্থানং প্রতিপেদে তন্ময়াঽনুভূতং চিরজীবিনেদৃশমিতি পাণ্ডবানুবাচ মার্কণ্ডেয়ঃ ॥ 3-202-17 (23823)
তমৃষিং পাণ্ডবাশ্চোচুঃ সাধু শোভনং ভবতা কৃতংরাজানমিন্দ্রদ্যুম্নং স্বর্গলোকাচ্চ্যুতং স্বে স্থানে প্রতিপাদয়তেত্যথৈতানব্রবীদসৌ ননু দেবকীপুত্রেণাপি কৃষ্ণেন নরকে মজ্জমানো রাজর্ষির্নৃগস্তস্মাৎকৃচ্ছ্রাৎপুনঃ সমুদ্ধৃত্যস্বর্গং প্রাপিত ইতি ॥ 3-202-18 (23824)
ইতি শ্রীমনমহাভারতে অরণ্যপর্বণি মার্কণ্ডেয়সমাস্যাপর্বণি দ্ব্যধিকদ্বিশততমোঽধ্যায়ঃ ॥ 202 ॥
Mahabharata - Vana Parva - Chapter Footnotes
3-202-3 রসায়নিকাঃ ইতি ঝ. পাঠঃ ॥ 3-202-10 অগ্নিচিতিষু অগ্নিচয়নেষু কর্তব্যেষু সত্মু ॥ 3-202-13 তাবৎপুরুষউচ্যতে ইতি ঝ. পাঠঃ। পুরুষঃ স্বর্গস্থ ইতি শেষঃ ॥ 3-202-18 অসৌ মার্কণ্ডেয়ঃ ॥অরণ্যপর্ব - অধ্যায় 203
॥ শ্রীঃ ॥
3.203. অধ্যায়ঃ 203
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রতি স্বার্গকারণীভূতসাধারণধর্মকথনম্ ॥ 1 ॥Mahabharata - Vana Parva - Chapter Text
3-203-0 (23825)
বৈশম্পায়ন উবাচ। 3-203-0x (2441)
শ্রুৎবা স রাজা রাজর্ষিরিন্দ্রদ্যুম্নস্য তত্তদা।
মার্কণ্ডেয়ান্মহাভাগাৎস্বর্গস্য প্রতিপাদনম্ ॥ 3-203-1 (23826)
যুধিষ্ঠিরো মহারাজ পুনঃ পপ্রচ্ছ তং মুনিম্।
কীদৃশীষু হ্যবস্থাসু দত্ৎবা দানং মহামুনে।
ইন্দ্রলোকং ৎবনুভবেৎপুরুষস্তদ্ব্রবীহি মে ॥ 3-203-2 (23827)
গার্হস্থ্যেঽপ্যথবা বাল্যে যৌবনে স্থাবিরেঽপি বা।
যথা ফলং সমশ্নাতি তথা ৎবং কথয়স্ব মে ॥ 3-203-3 (23828)
মার্কণ্ডেয় উবাচ। 3-203-4x (2442)
বৃথা জন্মানি চৎবারি বৃথা দানানি ষোডশ।
বৃথা জন্ম হ্যপুত্রস্ যে চ ধর্মবহিষ্কৃতাঃ ॥ 3-203-4 (23829)
পরপাকং চ যেঽশ্নন্তি আত্মার্থং চ পচেত্তু যঃ।
পর্যশ্নন্তি বৃথা যত্র তদসত্যং প্রকীর্ত্যতে ॥ 3-203-5 (23830)
আরূঢপতিতে দত্তমন্যায়োপহৃতং চ যৎ।
ব্যর্থং তু পতিতে দানং ব্রাহ্মণে তস্করে তথা ॥ 3-203-6 (23831)
গুরৌ চানৃতিকে পাপে কৃতঘ্নে গ্রাময়াজকে।
বেদবিক্রয়িণে দত্তং তথা বৃষলয়াজকে ॥ 3-203-7 (23832)
ব্রহ্মবন্ধুষু যদ্দত্তং যদ্দত্তং বৃষলীপতৌ।
স্ত্রীজিতেষু চ যদ্দত্তং ব্যালগ্রাহে তথৈব চ ॥ 3-203-8 (23833)
পরিচারকেষু যদ্দত্তং বৃথা দানানি ষোডশ।
তমোবৃতস্তু যো দদ্যাদ্ভয়াৎক্রোধাত্তথৈব চ ॥ 3-203-9 (23834)
ভুঙ্ক্তে চ দানং তৎসর্বং গর্ভস্থস্তু নরঃ সদা।
দদদ্দানং দ্বিজাতিভ্যো বৃদ্ধভাবেন মানবঃ ॥ 3-203-10 (23835)
তস্মাৎসর্বাস্ববস্থাসু সর্বদানানি পার্থিব।
দাতব্যানি দ্বিজাতিভ্যঃ স্বর্গমার্গজিগীষয়া ॥ 3-203-11 (23836)
যুধিষ্ঠির উবাচ। 3-203-12x (2443)
চাতুর্বর্ণ্যস্য সর্বস্য বর্তমানাঃ প্রতিগ্রহে।
কেন বিপ্রা বিশেষেণ তারয়ন্তি তরন্তি চ ॥ 3-203-12 (23837)
মার্কণ্ডেয় উবাচ। 3-203-13x (2444)
জপৈর্মন্ত্রৈশ্চ হোমৈশ্চ স্বাধ্যায়াধ্যায়নেন চ।
নাবং বেদময়ীং কৃৎবাতারয়ন্তি তরন্তি চ ॥ 3-203-13 (23838)
ব্রাহ্মণাংস্তোষয়েদ্যস্তু তুষ্যন্তে তস্য দেবতাঃ।
বচনাচ্চাপি বিপ্রাণাং স্বর্গলোকমবাপ্নুয়াৎ ॥ 3-203-14 (23839)
অনন্তং পুণ্যলোকং তু গন্তাঽসৌ তু ন সংশয়ঃ।
শ্লেষ্মাদিভির্ব্যাপ্ততনুর্ম্রিয়মাণোঽবিচেতনঃ ॥ 3-203-15 (23840)
ব্রাহ্ণা এব সংপূজ্যাঃ পুণ্যং স্বর্গমভীপ্সতা।
শ্রাদ্ধকালে তু যত্নেন ভোক্তব্যা হ্যজুগুপ্সিতাঃ ॥ 3-203-16 (23841)
দুর্বলঃ কুনস্বী কুষ্ঠী মায়াবী কুণ্ডগোলকৌ।
বর্জনীয়াঃ প্রয়ত্নেন কাণ্ডপৃষ্ঠাশ্চ দেহিনঃ ॥ 3-203-17 (23842)
জুগুপ্সিতং হি যচ্ছ্রাদ্ধং দহত্যগ্নিরিবেন্ধনম্ ॥ 3-203-18 (23843)
যে যে শ্রাদ্ধে ন পূজ্যন্তে মূকান্ধবধিরাদয়ঃ।
তেঽপিসর্বে নিয়োক্তব্যা মিশ্রিতা বেদপারগৈঃ ॥ 3-203-19 (23844)
প্রতিগ্রহশ্চ বৈ দেয়ঃ শৃণু যস্ যুধিষ্ঠির।
প্রদাতারং তথাঽঽত্মানং যস্তারয়তি শক্তিমান্ ॥ 3-203-20 (23845)
তস্মিন্দেয়ং দ্বিজে দানং সর্বাগমবিজানতা।
প্রদাতারং তথাঽঽত্মানং তারয়েদ্যঃ স শক্তিমান্ ॥ 3-203-21 (23846)
ন তথা হবিষো হোমৈর্ন পুষ্পৈর্নানুলেপনৈঃ।
অগ্নয়ঃ পার্থ তুষ্যন্তি যথা হ্যতিথিভোজনে ॥ 3-203-22 (23847)
তস্মাত্ৎবংসর্বয়ত্নেন যতস্বাতিথিভোজনে ॥ 3-203-23 (23848)
পাদোদকংপাদঘৃতংদীপমন্নং প্রতিশ্রয়ম্।
প্রয়চ্ছন্তি তু যে রাজন্নোপসর্পন্তি তে যমম্ ॥ 3-203-24 (23849)
দেবমাল্যাপনয়নং দ্বিজোচ্ছিষ্টাবমার্জনম্।
আকল্পপরিচর্যা চ গাত্রসংবাহনানি চ।
অত্রৈকৈকং নৃপশ্রেষ্ঠ গোদানাদ্ব্যতিরিচ্যতে ॥ 3-203-25 (23850)
কপিলায়াঃ প্রদানাত্তু মুচ্যতে নাত্র সংশয়ঃ।
তস্মাদলংকৃতাং দদ্যাৎকপিলাং তু দ্বিজাতয়ে ॥ 3-203-26 (23851)
শ্রোত্রিয়ায় দরিদ্রায় গৃহস্থায়াগ্নিহোত্রিণে।
পুত্রদারাভিভূতায় তথা হ্যনুপকারিণে ॥ 3-203-27 (23852)
এবংবিধেষু দাতব্যা ন সমৃদ্ধেষু ভারত।
কো গুণো ভরতশ্রেষ্ঠ সমৃদ্ধেষ্বভিবর্জিতম্ ॥ 3-203-28 (23853)
একস্যৈকা প্রদাতব্যা ন বহূনাং কদাচন।
সা গৌর্বিক্রয়মাপন্না হন্যাত্রিপুরুষং কুলম্।
ন তারয়তি দাতারং ব্রাহ্মণং নৈব নৈব তু ॥ 3-203-29 (23854)
ব্রাহ্মণস্য বিশুদ্ধস্য সুবর্ণং যঃ প্রয়চ্ছতি।
সুবর্ণানাং শতং তেন দত্তং ভবতি শাশ্বতম্ ॥ 3-203-30 (23855)
অনড্বাহং তু যো দদ্যাদ্বলবন্তং ধুরংধরম্।
স নিস্তরতি দুর্গাণি স্বর্গলোকং চ গচ্ছতি ॥ 3-203-31 (23856)
বসুংধরাং তু যো দদ্যাদ্দ্বিজায় বিদুষাত্মনে।
দাতারং হ্যনুগচ্ছন্তি সর্বে কামাভিবাঞ্ছিতাঃ ॥ 3-203-32 (23857)
পৃচ্ছন্তি চান্নদাতারং বদন্তি পুরুষা ভুবি।
অধ্বনি ক্ষীণগাত্রাশ্চ পাংসুনা চাবকুণ্ঠিতাঃ ॥ 3-203-33 (23858)
তেষামেব শ্রমার্তানাং যো হ্যন্নং কথয়েদ্বুধঃ।
অন্নদাতৃসমঃ সোপি কীর্ত্যতে নাত্র সংশয়ঃ ॥ 3-203-34 (23859)
তস্মাত্ৎবং সর্বদানানি হিৎবাঽন্নং সংপ্রয়চ্ছ হ।
ন হীদৃশং পুণ্যফলং বিচিত্রামিহ বিদ্যতে ॥ 3-203-35 (23860)
যথাশক্তি চ যো দদ্যাদন্নং বিপ্রেষু সংস্কৃতম্।
স তেন কর্মণাঽঽপ্নোতি প্রজাপতিসলোকতাম্ ॥ 3-203-36 (23861)
অন্নমেব বিশিষ্টং হি তস্মাৎপরতরং ন চ।
অন্নং প্রজাপতিশ্চোক্তঃ স চ সংবৎসরো মতঃ ॥ 3-203-37 (23862)
সংবৎসরস্তু যজ্ঞোঽসৌ সর্বং যজ্ঞে প্রতিষ্ঠিতম্।
তস্মাৎসর্বাণি ভূতানি স্থাবরাণি চরাণি চ ॥ 3-203-38 (23863)
তস্মাদন্নং বিশিষ্টং হি সর্বেভ্যইতি বিশ্রুতম্ ॥ 3-203-39 (23864)
যেষাং তটাকানি মহোদকানি
বাপ্যশ্চকূপাশ্চপ্রতিশ্রয়াশ্চ।
অন্নস্য দানং মধুরা চ বাণী
যমস্য তে নির্বচনা ভবন্তি ॥ 3-203-40 (23865)
ধান্যং শ্রমেণার্জিতবিত্তসংচিতং
বিপ্রে সুশীলে প্রতিয়চ্ছতে যঃ।
বসুংধরা তস্য ভবেৎসুতুষ্টা
ধারাং বসূনাং প্রতিমুঞ্চতীব ॥ 3-203-41 (23866)
অন্নদাঃ প্রথমং যান্তি সত্যবাক্যদনন্তরম্।
অয়াচিতপ্রদাতা চ সমং যান্তি ত্রয়ো জনাঃ ॥ 3-203-42 (23867)
বৈশম্পায়ন উবাচ। 3-203-43x (2445)
কৌতূহলসমুৎপন্নঃ পর্যপৃচ্ছদ্যুধিষ্ঠিরঃ।
মার্কণ্ডেয়ং মহাত্মানং পুনরেব সহানুজঃ ॥ 3-203-43 (23868)
যমলোকস্য চাধ্বানমন্তরং মানুষস্য চ।
কীদৃশং কিংপ্রমাণং বা কথং বা তন্মহামুনে।
তরন্তি পুরুষাশ্চৈব কেনোপায়েন শংস মে ॥ 3-203-44 (23869)
মার্কণ্ডেয় উবাচ। 3-203-45x (2446)
সর্বগুহ্যতনং প্রশ্নং পবিত্রমৃষিসংস্তুতম্।
কথয়িষ্যামি তে রাজন্ধর্মং ধর্মভৃতাংবর ॥ 3-203-45 (23870)
ষডশীতিসহস্রাণি যোজনানাং নরাধিপ।
যমলোকস্য চাধ্বানমন্তরং মানুষস্য চ ॥ 3-203-46 (23871)
আকাশং তদপানীয়ং ঘোরং কান্তারদর্শনম্।
ন তত্র বৃক্ষচ্ছায়া বা পানীনং কেতনানি চ ॥ 3-203-47 (23872)
বিশ্রমেদ্যত্র বৈ শ্রান্তঃ পুরুষোঽধ্বনি কর্শিতঃ।
নীয়তে যমদূতৈস্তু যমস্বাজ্ঞাকরৈর্বলাৎ ॥ 3-203-48 (23873)
নরাঃ স্ত্রিয়স্তথৈবান্যে পৃথিব্যাং জীবসংজ্ঞিতাঃ।
ব্রহ্মণেভ্যঃ প্রদানানি নানারূপাণি পার্থিব ॥ 3-203-49 (23874)
হয়াদীনাং প্রকৃষ্টানি তেঽধ্বানং যান্তি বৈ নরাঃ।
সন্নিবার্যাতপং যানতি চ্ছত্রেণৈব হি চ্ছত্রদাঃ ॥ 3-203-50 (23875)
তৃপ্তাশ্চৈবান্নদাতারো হ্যতৃপ্তাশ্চাপ্যনন্নদাঃ।
বস্ত্রিণো বস্ত্রদা যান্তি অবস্ত্রা যান্ত্যবস্ত্রদাঃ ॥ 3-203-51 (23876)
হিরণ্যদাঃ সুখং যান্তি পুরুষাস্ৎবভ্যলংকৃতাঃ।
ভূমিদাস্তুসুখং যান্তি সর্বৈঃ কামৈঃ সুতর্পিতাঃ ॥ 3-203-52 (23877)
যান্তি চৈবাপরিক্লিষ্টা নরা সস্যপ্রদাবকাঃ।
নরাঃ সুখতরং যান্তি বিমানেষু গৃহপ্রদাঃ ॥ 3-203-53 (23878)
পানীয়দা হ্যতৃষিতাঃ প্রহৃষ্টমনসো নরাঃ।
পন্থানং দ্যোতয়ন্তশ্চ যান্তি দীপপ্রদাঃ সুখম্ ॥ 3-203-54 (23879)
গোপ্রদাস্তু সুখং যান্তি নির্মুক্তাঃ সর্বপাতকৈঃ।
বিমানৈর্হংসসংয়ুক্তৈর্যান্তি মাসোপবাসিনঃ ॥ 3-203-55 (23880)
তথা বর্হিপ্রয়ুক্তৈশ্চ ষষ্ঠরাত্রোপবাসিনঃ।
ত্রিরাত্রং ক্ষপতে যস্তু একভক্তেন পাণ্ডব ॥ 3-203-56 (23881)
অন্তরা চৈব নাশ্নাতি তস্য লোকা হ্যনাময়াঃ।
পানীয়স্য গুণা দিব্যাঃ প্রেতলোকসুখাবহাঃ ॥ 3-203-57 (23882)
তত্র পুষ্পোদকা নাম নদী তেষাং বিধীয়তে।
শীতলং সলিলং তত্রপিবন্তি হ্যমৃতোপমম্ ॥ 3-203-58 (23883)
যে চদৃষ্কৃতকর্মাণঃ পূয়ং তেষাং বিধীয়তে।
এবং নদী মহারাজ সর্বকামপ্রদা হি সা ॥ 3-203-59 (23884)
তস্মাত্ৎবমপি রাজেন্দ্র পূজয়ৈনান্যথাবিধি।
অধ্বনিং ক্ষীণগাত্রশ্চ পথি পাংশুসমন্বিতঃ ॥ 3-203-60 (23885)
পৃচ্ছতে হ্যন্নদাতারং গৃহমায়াতি চাশয়া।
তং পূজয়াথ যত্নেন সোঽতিথির্ব্রাহ্যণশ্চ সঃ ॥ 3-203-61 (23886)
তং যান্তমনুগচ্ছন্তি দেবাঃ সর্বে সবাসবাঃ।
তস্মিন্সংপূজিতে প্রীতা নিরাশা যান্ত্যপূজিতে ॥ 3-203-62 (23887)
তস্মাত্ৎবমপি রাজেন্দ্র পূজয়ৈনং যথাবিধি।
এতত্তে শতশঃ প্রোক্তং কিং ভূয়ঃ শ্রোতুমিচ্ছসি ॥ 3-203-63 (23888)
যুধিষ্ঠির উবাচ। 3-203-64x (2447)
পুনঃ পুনরহং শ্রোতুং কথাং ধর্মসমাশ্রয়াম্।
পুণ্যামিচ্ছামি ধর্মজ্ঞ কথ্যমানাং ৎবয়া বিভো ॥ 3-203-64 (23889)
মার্কণ্ডেয় উবাচ। 3-203-65x (2448)
ধর্মান্তরং প্রতি কথাং কথ্যমানাং ময়া নৃপ।
সর্বপাপহরাং নিত্যং শৃণুষ্বাবহিতো মম ॥ 3-203-65 (23890)
কপিলায়াং তু দত্তায়াং যৎফলংজ্যেষ্ঠপুষ্করে।
তৎফলংভরতশ্রেষ্ঠ বিপ্রাণাং পাদধাবনে ॥ 3-203-66 (23891)
দ্বিজপাদোদকক্লিন্না যাবত্তিষ্ঠতি মেদিনী।
তাবৎপুষ্করপর্ণেন পিবন্তি পিতরো জলম্ ॥ 3-203-67 (23892)
স্বাগতেনাগ্নয়স্তৃপ্তা আসনেন শতক্রতুঃ।
পিতরঃ পাদশৌচেন অন্নাদ্যেন প্রজাপতিঃ ॥ 3-203-68 (23893)
যাবদ্বৎসস্য পাদৌ দ্বৌ শিরশ্চৈব প্রদৃশ্যতে।
তস্মিন্কালে প্রদাতব্যা প্রয়তেনান্তরাত্মনা ॥ 3-203-69 (23894)
অন্তরিক্ষগতো বৎসো যাবদ্যোন্যাং প্রদৃশ্যতে।
তাবদ্গৌঃ পৃথিবী জ্ঞেয়া যাবদ্গর্ভং ন মুঞ্চতি ॥ 3-203-70 (23895)
যাবন্তি তস্যাং রোমাণি বৎসস্য চ যুধিষ্ঠির।
তাবদ্যুগসহস্রাণি স্বর্লোকে মহীয়তে ॥ 3-203-71 (23896)
সুবর্ণনাসাং যঃ কৃৎবা সখুরাং কৃষ্ণধেনুকাম্।
তিলৈঃ প্রচ্ছাদিতাং দদ্যাৎসর্বরত্নৈরলংকৃতাম্ ॥ 3-203-72 (23897)
প্রতিগ্রহং গৃহীৎবা যঃ পুনর্দদতি সাধবে।
ফলানাং ফলমশ্নাতি তদা দত্ৎবা চ ভারত ॥ 3-203-73 (23898)
সসমুদ্রগুহা তেন সশৈলবনকাননা।
চতুরন্তা ভবেদ্দত্তা পৃথিবী নাত্র সংশয়ঃ ॥ 3-203-74 (23899)
অন্তর্জানুশয়ো যস্তু ভুঞ্জতে সক্তভাজনঃ।
যো দ্বিজঃ শব্দরহিতং সংয়ন্তুস্তারণায় বৈ ॥ 3-203-75 (23900)
যে পানীয়ানি দদতি তথাঽন্যে যে দ্বিজাতয়ঃ।
জপন্তি সংহিতাং সম্যক্তে নিত্যং তারণক্ষমাঃ ॥ 3-203-76 (23901)
হব্যংকব্যং চ যৎকিংচিৎসর্বং তচ্ছ্রোত্রিয়োঽর্হতি।
দত্তং হি শ্রোত্রিয়ে সাধৌজ্যলিতেঽগ্নৌ যথা হুতম্ ॥ 3-203-77 (23902)
মন্যুপ্রহরণা বিপ্রা ন বিপ্রাঃ শস্ত্রয়োধিনঃ।
নিহন্যুর্মন্যুনা বিপ্রা বজ্রপাণিরিবাসুরান্ ॥ 3-203-78 (23903)
ধর্মাশ্রিতেয়ং তু কথা কথিতা হি তবানঘ।
যাং শ্রুৎবা মুনয়ঃ প্রীতা নৈমিষারণ্যবাসিনঃ ॥ 3-203-79 (23904)
বীতশোকভয়ক্রোধা বিপাপ্মানস্তথৈব চ।
শ্রুৎবেমাং তু কথাং রাজন্ভবন্তীহ তু মানবাঃ ॥ 3-203-80 (23905)
যুধিষ্ঠির উবাচ। 3-203-81x (2449)
কিং তচ্ছৌচং ভবেদ্যেন বিপ্রঃ শুদ্ধঃ সদা ভবেৎ।
তদিচ্ছামি মহাপ্রাজ্ঞ শ্রোতুং ধর্মভৃতাংবর ॥ 3-203-81 (23906)
মার্কণ্ডেয় উবাচ। 3-203-82x (2450)
বাক্শৌচং ক্রমশৌচং চ যচ্চ শৌচং জলাত্মকম্।
ত্রিভিঃ শৌচৈরুপেতো যঃ স স্বর্গী নাত্র সংশয়ঃ ॥ 3-203-82 (23907)
সায়ং প্রাতশ্চ সংধ্যাং যো ব্রাহ্মণোঽভ্যুপসেবতে।
প্রজপন্পাবনীং দেবীং গায়ত্রীং বেদমাতরম্ ॥ 3-203-83 (23908)
স তয়া পাবিতো দেব্যা ব্রাহ্মণো নষ্টকিল্বিষঃ।
ন সীদেৎপ্রতিগৃহ্ণানো মহীমপি সসাগরাম্ ॥ 3-203-84 (23909)
যে চাস্ দারুণা কেচিদ্গ্রহাঃ সূর্যাদয়ো দিবি।
তে চাস্য সৌম্যা জায়ন্তে শিবাঃ শিবতরাঃ সদা ॥ 3-203-85 (23910)
সর্বেনানুগতং চৈনং দারুণাঃ পিশিতাশনাঃ।
ঘোররূপা মহাকায়া ধর্ষয়ন্তি দ্বিজোত্তমম্ ॥ 3-203-86 (23911)
নাধ্যাপনাদ্যাজনাদ্বা অন্যায়াদ্বা প্রতিগ্রহাৎ।
দোষো ভবতি বিপ্রাণাং জ্বলিতাগ্নিসসা দ্বিজাঃ ॥ 3-203-87 (23912)
দুর্বেদা বা সুবেদা বা প্রাকৃতাঃ সংস্কৃতাস্তথা।
ব্রাহ্মণা নাবমন্তব্যা ভস্মচ্ছন্না ইবাগ্নয়ঃ ॥ 3-203-88 (23913)
যথা শ্মশানে দীপ্তৌজাঃ পাবকো নৈব দুষ্যতি।
এবং বিদ্বানবিদ্বান্বা ব্রাহ্মণো দৈবতং মহৎ ॥ 3-203-89 (23914)
প্রাকরৈশ্চ পুরদ্বারৈঃ প্রাসাদৈশ্চ পৃথগ্বিধৈঃ।
নগরাণি ন শোভন্তে হীনানি ব্রাহ্মণোত্তমৈঃ ॥ 3-203-90 (23915)
বেদাঢ্ঞা বৃৎসংপন্না জ্ঞানবন্তস্তপস্বিনঃ।
যত্রতিষ্ন্তি বৈ বিপ্রাস্তন্নাম নগরং নৃপ ॥ 3-203-91 (23916)
ব্রজে বাঽপ্যথবাঽরণ্যে যত্রসন্তি বহুশ্রুতাঃ।
তত্তন্নগরমিত্যাহুঃ পার্থ তীর্থং চ তদ্ভবেৎ ॥ 3-203-92 (23917)
রক্ষিতারং চ রাজানং ব্রাহ্মণং চ তপস্বিনম্।
অভিগম্যাভিপূজ্যাথ সদ্যঃ পাপাৎপ্রমুচ্যতে ॥ 3-203-93 (23918)
পুণ্যতীর্থাভিষেকং চ পবিত্রাণাং চ কীর্তনম্।
সদ্ভিঃ সংভাষণং চৈব প্রশস্তং কীর্ত্যতে বুধৈঃ ॥ 3-203-94 (23919)
সাধুসঙ্গমপূতেন বাক্সুভাষিতবারিণা।
পবিত্রীকৃতমাত্মানং সন্তো মন্ন্তি নিত্যশঃ ॥ 3-203-95 (23920)
ত্রিদণ্ডধারণং মৌনং জটাভারোঽথ মুণ্ডনম্।
বল্কলাজিনসংবেষ্টং ব্রতচর্যাঽভিষেচনম্ ॥ 3-203-96 (23921)
অগ্নিহোত্রং বনে বাসঃ শরীরপরিশোষণম্।
সর্বাণ্যেতানি মিথ্যা স্যুর্যদি ভাবো ন নির্মলঃ ॥ 3-203-97 (23922)
বিশুদ্ধিং চক্ষুরাদীনাং ষণ্ণামিন্দ্রিয়গামিনাম্।
বিকারি তেষাং রাজেন্দ্র সুদুষ্করতরং মনঃ ॥ 3-203-98 (23923)
যে পাপানি ন কুর্বন্তি মনোবাক্কর্মবুদ্ধিভিঃ।
তে তপন্তি মহাত্মানো ন শরীরস্য শোষণম্ ॥ 3-203-99 (23924)
ন জ্ঞাতিভ্যো দয়া যস্য শুক্লদেহোঽবিকল্মষঃ।
হিংসা সা তপসস্তস্য নানাশিৎবং তপঃ স্মৃতম্ ॥ 3-203-100 (23925)
তিষ্ঠন্গৃহে চৈব মুনির্নিত্যং শুচিরলংকৃতঃ।
যাবজ্জীবং দয়াবাংশ্ সর্বপাপৈঃ প্রমুচ্যতে ॥ 3-203-101 (23926)
ন হি পাপানি কর্মাণি শুদ্ধ্যন্ত্যনশনাদিভিঃ।
সীদত্যনশনাদেব মাংসশোণিতলেপনঃ ॥ 3-203-102 (23927)
অজ্ঞাতং কর্ম কৃৎবা চ ক্লেশো নান্যৎপ্রহীয়তে।
নাগ্নির্দহতি কর্মাণি ভাবশূন্যস্য দেহিনঃ ॥ 3-203-103 (23928)
পুণ্যাদেব প্রব্রজন্তি শুধ্যন্ত্যনশনানি চ।
ন মূলফলভক্ষিৎবান্ন মৌনান্নানিলাশনাৎ ॥ 3-203-104 (23929)
শিরসো মুণ্ডনাদ্বাঽপি ন স্থানকুটিকাসনাৎ।
ন জটাধারণাদ্বাঽপিন তু স্থানকুটিকাসনাৎ। 3-203-105 (23930)
নিত্যং হ্যনশনাদ্বাঽপি নাগ্নিশুশ্রূষণাদপি।
ন চোদকপ্রবেশেন ন চ ক্ষ্মাশয়নাদপি ॥ 3-203-106 (23931)
জ্ঞানেন কর্মণা বাপি জরামরণমেব চ।
ব্যাধয়শ্চ প্রহীয়ন্তে প্রাপ্যতে চোত্তমং পদম্ ॥ 3-203-107 (23932)
বীজানি হ্যগ্নিদগ্ধানি ন রোহন্তি পুনর্যথা।
জ্ঞানদগ্ধৈস্তধা ক্লেশৈর্নাত্মা সংডুজ্যতে পুনঃ ॥ 3-203-108 (23933)
আত্মনা বিপ্রহীণানি কাষ্ঠকুণ্ঠোপমানি চ।
বিনশ্যন্তি ন সংদেহঃ ফেনানীব মহার্ণবে ॥ 3-203-109 (23934)
আত্মানং বিন্দতে যেন সর্বভূতগুহাশয়ম্।
শ্লোকেন যদি বাঽর্ধেন ক্ষীণং তস্য প্রয়োজনম্ ॥ 3-203-110 (23935)
দ্ব্যক্ষরাদভিসংধায় কেচিচ্ছ্লোকপদাঙ্কিতৈঃ।
শতৈরন্যৈঃ সহস্রৈশ্চ প্রত্যযো মোক্ষলক্ষণম্ ॥ 3-203-111 (23936)
নায়ং লোকোস্তি ন পরো ন সুখং সংশয়াত্মনঃ।
ঊটুর্জ্ঞানবিদো বৃদ্ধাঃ প্রত্যযো মোক্ষলক্ষণম্ ॥ 3-203-112 (23937)
বিদিতার্থস্তু বেদানাং পরিবেদ প্রয়োজনম্।
উদ্বিজেৎস তু দেবেভ্যো দাবাগ্নেরিব মানবঃ ॥ 3-203-113 (23938)
শুষ্কং তর্কং পরিত্যজ্যআশ্রয়স্ব শ্রুতিং স্মৃতিম্।
একারাভিসংবদ্ধং তত্ৎবং হেতুভিরিচ্ছসি।
বুদ্ধির্ন তস্য সিদ্ধ্যেত সাধনস্য বিপর্যযাৎ ॥ 3-203-114 (23939)
বেদ্যং পূর্বং বেদিতব্যং প্রয়ত্না-
ত্তদ্ধীর্বেদস্তস্য বেদঃ শরীরম্।
বেদস্তত্ৎবং তৎসমাসোপলব্ধিঃ
ক্লীবস্ৎবাত্মা ন স বেদ্যং ন বেদঃ ॥ 3-203-115 (23940)
বেদোক্তমায়ুর্দেবানামাশিষশ্চৈব কর্মণাম্।
ফলত্যনুয়ুগং লোকে প্রভাবশ্চ শরীরিণাম্ ॥ 3-203-116 (23941)
ইন্দ্রিয়াণাং প্রসাদেন তদেতৎপরিবর্জয়েৎ।
তস্মাদনশনং দিব্যং নিরুদ্ধেন্দ্রিয়গোচরম্ ॥ 3-203-117 (23942)
তপসা স্বর্গগমনং ভোগো দানেন জায়তে।
জ্ঞানেন মোক্ষো বিজ্ঞেয়স্তীর্থস্নানাদঘক্ষয়ঃ ॥ 3-203-118 (23943)
বৈশম্পায়ন উবাচ। 3-203-119x (2451)
এবমুক্তস্তু রাজেন্দ্র প্রত্যুবাচ মহায়শাঃ।
ভগবঞ্শ্রোতুমিচ্ছামি প্রদানবিধিমুত্তমম্ ॥ 3-203-119 (23944)
মার্কণ্ডেয় উবাচ। 3-203-120x (2452)
যত্তৎপৃচ্ছসি রাজেন্দ্রদানধর্মং যুধিষ্ঠির।
ইষ্টং চেদং সদা মহ্যং রাজন্গৌরবতস্তথা ॥ 3-203-120 (23945)
শৃণু দানরহস্যানি শ্রুতিস্মৃত্যুদিতানি চ।
ছায়ায়াং করিণঃ শ্রাদ্ধং তৎকর্ম পরিবীজিতম্।
দশকল্পায়ুতানীহ ন ক্ষীয়েত যুধিষ্ঠির ॥ 3-203-121 (23946)
জীবনায় সমাক্লিন্নং বসু দত্ৎবা মহীপতে।
বিপ্রং তু বাসয়েদ্যস্তু সর্বয়জ্ঞৈঃ স ইষ্টবান্ ॥ 3-203-122 (23947)
প্রতিস্রোতশ্চিত্রবাহাঃ পর্জন্যোঽন্নানুসংচরন্।
মহাধুরি যথা নাবা মহাপাপৈঃ প্রমুচ্যতে।
বিষুবে বিপ্রদত্তানি দধিমধ্বক্ষয়াণি চ ॥ 3-203-123 (23948)
পর্বসু দ্বিগুণং দানমৃতৌ দশগুণং ভবেৎ। 3-203-b124 `অব্দে দশগুণং প্রোক্তমনন্তং বিষুবে ভবেৎ' ॥ 3-203-124 (23949)
অয়নে বিষুবে চৈবষডশীতিমুখেষু চ।
চন্দ্রসূর্যোপরাগে চ দত্তমক্ষয়মুচ্যতে ॥ 3-203-125 (23950)
ঋতুষু দশগুণং বদন্তি দত্তং
শতগুণমৃৎবয়নাদিষু ধ্রুবম্।
ভবতি সহস্রগুণং দিনস্য রাহো-
র্বিষুবতি চাক্ষয়মশ্নুতে ফলম্ ॥ 3-203-126 (23951)
নাভূমিদো ভূমিমশ্নাতি রাজ-
ন্নায়ানদো যানমারুহ্য যাতি।
যান্যান্কামান্ব্রাহ্মণেভ্যো দদাতি
তাংস্তান্কামাঞ্জায়মানঃ স ভুঙ্ক্তে ॥ 3-203-127 (23952)
অগ্নেরপত্যং প্রথমং সুবর্ণং
ভূর্বৈষ্ণবী সূর্যসুতাশ্চ গাবঃ।
লোকাশ্ত্রয়স্তেন ভবন্তি দত্তা
যঃ কাঞ্চনং গাশ্চ মহীং চ দদ্যাৎ ॥ 3-203-128 (23953)
পরংহি দানান্ন বভূব শাশ্বতং
ভব্যং ত্রিলোকে ভবতে কুতঃ পুনঃ।
তস্মাৎপ্রধানং পরমং হি দানং
বদন্তি লোকেষু বিশিষ্টবুদ্ধয়ঃ ॥ 3-203-129 (23954)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি ত্র্যধিকদ্বিশততমোঽধ্যায়ঃ ॥ 203 ॥
Mahabharata - Vana Parva - Chapter Footnotes
3-203-5 যত্র জন্মনি অসত্যং বৃথা গোব্রাহ্মণাদিত্রাণং বিনা কীর্ত্যতে তদপি বৃথেত্যর্থঃ ॥ 3-203-6 আরূঢশ্চাসৌ পতিতঃ ॥ 3-203-7 গুরাবপ্যানৃতিকেঽনৃতপ্রিয়ে। বৃষলঃ শূদ্রঃ ॥ 3-203-8 ব্রাহ্মবন্ধবো জাতিমাত্রব্রাহ্মণআ বৃত্তাধ্যযনশূন্যাঃ ॥ 3-203-10 দানং দানফলং অন্যত্তু দানং বৃদ্ধভাবেন জরয়া ভুঙ্ক্তে ॥ 3-203-17 কাণ্ডপৃষ্ঠাঃ বাণনিষঙ্গধরাঃ ক্ষাত্রবৃত্তয় ইত্যর্থঃ। দুর্বর্ণঃ কুনখীতি ঝ. পাঃ ॥ 3-203-25 মাল্যং নির্মাল্যম্। আকল্পঃ গন্ধাদিনালংকরণম্। অরোগিপ্রতিচর্যাচেতি নৃপশ্রেষ্ঠগোশতাদিতি চ ধ. পাঠঃ ॥ 3-203-27 অভিভূতায় দারিদ্র্যাদেব ॥ 3-203-28 অভিবর্জিতং দত্তম্ ॥ 3-203-29 সা বহুভ্যো দত্তা ॥ 3-203-40 প্রতিশ্রয়া গৃহাঃ যেষাং যৈঃ উৎসৃষ্টা ইতি শেষঃ। নির্বচনাঃ যমবার্তামপি ন শৃণ্বন্তীত্য্রতঃ ॥ 3-203-41 বসূনাং ধনানাম্ ॥ 3-203-42 সত্যোক্তাস্তদনন্তরমিতি ধ. পাঠঃ ॥ 3-203-45 সর্বং পূজ্যতমং প্রশ্নমিতি ধ. পাঠঃ ॥ 3-203-51 প্রাবৃতা বস্ত্রদাতার ইতি ধ. পাঠঃ ॥ 3-203-76 অপানপা নগদিতাস্তথা ইতি ঝ. পাঠঃ। অপানপা অমদ্যপাঃ নগদিতাঃ ন কেনচিদ্দোষবত্তয়া কীর্তিতাঃ ॥ 3-203-80 রাজন্ন ভবন্তীহ ইতি ঝ. পাঠঃ। ন ভবন্তীহ মানবাঃ স্বর্গং প্রাপ্যোপর্যুপরি গচ্ছন্তো মুক্তিমেব প্রাপ্নুবন্তীত্যর্থঃ ॥ 3-203-87 অন্যস্মাদ্বা ইতি ঝ. পাঠঃ ॥ 3-203-94 পবিত্রাণাং ত্রিসুপর্ণাদিমন্ত্রাণাম্ ॥ 3-203-96 অভিষেচনং তীর্থেষু ॥ 3-203-97 ভাবশ্চিত্তম্ ॥ 3-203-98 ন দুষ্করমিতি ইন্দ্রিয়গামিনাং বিষয়াণাং বিশুদ্ধিং বিনা অশনং ভোগঃ সুকরম্। ভোগো বিষয়শুদ্ধিং নাপেক্ষতে। পণ্যাঙ্গনাসঙ্গাদিনাপি তৎসিদ্ধেঃ। কিংতু অনাশিৎবং অমৃতৎবং ভোগবর্জনং বা তাং বিনা ন সুকরম্। যতো দুষ্করং খভাবতো দুঃসংপাদমিতি যোজনা। দুষ্করৎবে হেতুমাহার্ধেন বিকারীতি। সুদুষ্করতরং দুর্জয়ম্ ॥ 3-203-100 জ্ঞাতিভ্যঃ পুত্রাদ্যর্থে। শুক্লদেহঃ শুক্লবত্ত্যুপজীবী। অবিকল্মষঃ শুক্লবৃত্ত্যা যঃ কুটুম্বং পীডয়তি স নিষ্কল্মষো ন ভবতীত্যর্থঃ। তস্যোপপাদনমুত্তরার্ধেন হিংসেতি। অনাশিৎবং অশনত্যাগঃ ॥ 3-203-101 মাংসশোণিতলেপনঃ দেহঃ ॥ 3-203-103 অজ্ঞাতং শাস্ত্রৎকিংতু স্বয়মেব কল্পিতং তপ্তশিলারেহণাদি। তেন ক্লেশ এব নতু অন্যৎপাপং প্রহীয়তে ॥ 3-203-105 স্থানকুটিকাসনাৎস্থাবরগৃহত্যাগাৎ ॥ 3-203-109 আত্মনেতি শরীরাণীতি শেষঃ ॥ 3-203-113 স তু বেদেভ্যঃ ইতি ঝ. পাঠঃ ॥ 3-203-115 বেদপূর্বং বেদিতব্যং প্রয়ত্নাত্তদ্বৈ বেদস্তস্য বেদঃ শরীরম্। বেদস্তৎবং তৎসমাসোপলব্ধৌ ক্লীবস্ৎবাত্মা তৎসবেদ্যস্য বেদ্যম্। ইতি ঝ.পাঠঃ ॥ 3-203-117 প্রসাদেন নৈর্মল্যেন। অনশনং নাম চিত্তেন্দ্রিয়নিরোধো নৎবাহারত্যাগ ইত্যাহ তস্মাদিতি ॥ 3-203-121 ছায়ায়াং করিণঃ। গুর্বমায়োগেঽশ্বত্থচ্ছায়া গজচ্ছায়াখ্যং পর্ব দেশকালয়োগজম্। তৎকর্ণপরিবীজিতে ইতি ঝ. পাঠঃ। কর্ণাইব কর্ণা অশ্বত্থপল্লবাস্তৈর্বীজিতে দেশে জলোপান্তে ॥ 3-203-122 সমাক্লিন্নং আর্দ্রং বসু অন্নাদিদ্রব্যং দত্ৎবা মহীয়তে। বৈশ্যং তু ইতি ঝ. পাঠঃ ॥ 3-203-123 প্রতি প্রতীপং পূর্ববাহিন্যাঃ নদ্যাঃ পশ্চিমাভিমুখং স্নোতঃ প্রবাহো যত্রতৎ তীর্থং প্রতিস্নোতঃ। তত্র পাত্রেঽর্পিতাশ্চিত্রবাহা উত্তমাশ্বাঃ। বিপরিণম্য অক্ষয়া ইত্যপকৃষ্যতে। অক্ষয়ফলা ইত্যর্থঃ। পর্জন্যোঽন্নানুসংচরন্ অন্নার্থং অনুসংচরন্পর্জন্য ইন্দ্রোঽপ্যক্ষয়ঃ। অতিথিরূপেণ তৃপ্ত ইন্দ্রোপ্যক্ষয়স্বর্গপ্রদ ইত্যর্থঃ। মহাধুরি মহতি ধূসদৃশে প্রবাহে না পুরুষোবা যথা মহাধুরি যোগভারে। যথা সর্বপাপৈঃ প্রমুচ্যতে তথৈব গজচ্ছায়াশ্রাদ্ধদিকর্তারোপি মুচ্যন্ত ইত্যর্তঃ ॥ 3-203-124 বিপ্লবে বিপ্রদত্তানি দধিমস্ৎবক্ষয়াণি চ ইতি ঝ. পাঠঃ ॥ 3-203-125 বিষুবে তুলামেষসংক্রান্ত্যোঃ। ষডশীতিমুখে মিথুনকনয়ামীনসংক্রান্তিষু ॥ 3-203-127 কামান্ কাম্যমানান্বিষয়ান্ ॥অরণ্যপর্ব - অধ্যায় 204
॥ শ্রীঃ ॥
3.204. অধ্যায়ঃ 204
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রতি ধুন্ধুমারোপাখ্যানকথনারম্ভঃ ॥ 1 ॥ উদঙ্কনামকমুনেস্তপসা তুষ্টেন বিষ্ণুনা তস্মৈ বরদানম্ ॥ 2 ॥ তথা বিষ্ণুনা উদঙ্কংপ্রতি কুবলাশ্বেন ধুন্ধুনামকাসুরঘাতনবিধানপূর্বকমন্তর্ধানম্ ॥ 3 ॥Mahabharata - Vana Parva - Chapter Text
3-204-0 (23955)
বৈশম্পায়ন উবাচ। 3-204-0x (2453)
[শ্রুৎবা তু রাজা রাজর্ষেরিন্দ্রদ্যুম্নস্য তত্তথা।
মার্কণ্ডেয়ান্মহাভাগাৎস্বর্গস্য প্রতিপাদনম্ ॥] 3-204-1 (23956)
যুধিষ্ঠিরো মহারাজ পপ্রচ্ছ ভরতর্ষভ।
মার্কণ্ডেয়ং তপোবৃদ্ধং দীর্ঘায়ুষমকল্মষম্ ॥ 3-204-2 (23957)
বিদিতাস্তব ধর্মজ্ঞ দেবদানবরক্ষসাম্।
রাজবংশাশ্চ বিবিধা ঋষিবংশাশ্চ শাশ্বতাঃ ॥ 3-204-3 (23958)
ন তেঽস্ত্যবিদিতং কিংচিদস্মিঁল্লোকে দ্বিজোত্তম।
অথ বেৎসি মুনে বংশান্মনুষ্যোরগরক্ষসাম্ ॥ 3-204-4 (23959)
দেবগন্ধর্বয়ক্ষাণাং কিন্নরাপ্সরসাং তথা।
ইদমিচ্ছাম্যহং শ্রোতুং তত্ৎবে দ্বিজসত্তম ॥ 3-204-5 (23960)
কুবলাশ্ব ইতি খ্যাত ইক্ষ্বাকুকুলসংভবঃ।
কথং নাম বিপর্যাসাদ্ধুন্ধুমারৎবমাগতঃ ॥ 3-204-6 (23961)
এতদিচ্ছামি তত্ৎবেন জ্ঞাতুং ভার্গবসত্তম।
বিপর্যস্তং যথা নাম কুবলাশ্বস্ ধীমতঃ ॥ 3-204-7 (23962)
[বৈশম্পায়ন উবাচ। 3-204-8x (2454)
যুধিষ্ঠিরেণৈবমুক্তো মার্কণ্ডেয়ো মহামুনিঃ।
ধৌন্ধুমারমুপাখ্যানং কথয়ামাস ভারত ॥] 3-204-8 (23963)
মার্কণ্ডেয় উবাচ। 3-204-9x (2455)
হন্ত তে কথয়িষ্যামি শৃণু রাজন্যুধিষ্ঠির।
ধর্মিষ্ঠমিদমাখ্যানং ধুন্ধুমারস্য তচ্ছৃণু ॥ 3-204-9 (23964)
যথা স রাজা ঐক্ষ্বাকঃ কুবলাশ্বো মহীপতিঃ।
ধুন্ধুমারৎবমগমত্তচ্ছৃণুষ্ব মহীপতে ॥ 3-204-10 (23965)
মহর্ষির্বিশ্রুতস্তাত উদঙ্ক ইতি ভারত।
মরুধন্বসু রম্যেষু আশ্রমস্তস্য কৌরব ॥ 3-204-11 (23966)
উদঙ্কস্তু মহারাজ তপোতপ্যৎসুদুশ্চরম্।
আরিরাধয়িষুর্বিষ্ণুং বহূন্বর্ষগণান্বিভুঃ ॥ 3-204-12 (23967)
তস্য প্রীতঃ স ভগবান্সাক্ষাদ্দর্শনমেয়িবান্।
দৃষ্ট্বা মহর্ষিস্তদ্ব্রহ্ম তুষ্টাব বিবিধৈঃ স্তবৈঃ ॥ 3-204-13 (23968)
উদঙ্ক উবাচ। 3-204-14x (2456)
ৎবয়া দেব প্রজাঃ সর্বাঃ সসুরাসুরমানবাঃ।
স্থাবরাণি চ ভূতানি জঙ্গমানি তথৈব চ ॥ 3-204-14 (23969)
ব্রহ্ম বেদাশ্চ বেদ্যং চ ৎবয়া সৃষ্টং মহাদ্যুতে।
শিরস্তে গগনং দেব নেত্রে শশিদিবাকরৌ ॥ 3-204-15 (23970)
নিঃশ্বাসঃ পবনশ্চাপি তেজোঽগ্নিশ্চ তবাচ্যুত।
বাহবস্তে দিশঃ সর্বাঃ কুক্ষিশ্চাপি মহার্ণবঃ ॥ 3-204-16 (23971)
ঊরূ তে পর্বতা দেব স্বং নাভির্মধুসূদন।
পাদৌ তে পৃথিবী চৈব রোমাণ্যোষধয়স্তথা ॥ 3-204-17 (23972)
ইন্দ্রসোমাগ্নিবরুণা দেবাসুরমহোরগাঃ।
প্রহ্বাস্ৎবামুপতিষ্ঠন্তি স্তুবন্তো বিবিধৈঃ স্তবৈঃ ॥ 3-204-18 (23973)
ৎবয়া ব্যাপ্তানি সর্বাণি ভূতানি ভুবনেশ্বর।
যোগিনঃ সুমহাবীর্যাঃ স্তুবন্তি ৎবাং মহর্ষয়ঃ ॥ 3-204-19 (23974)
ৎবয়ি তুষ্টে জগচ্ছান্তং ৎবয়ি ক্রুদ্ধে মহদ্ভয়ম্।
ভয়ানামপনেতাসি ৎবমেকঃ পুরুষোত্তম ॥ 3-204-20 (23975)
দেবানাং মানুষাণাং চ সর্বভূতসুখাবহঃ।
ত্রিভির্বিক্রমণৈর্দেব ত্রয়ো লোকাস্ৎবয়া বৃতাঃ ॥ 3-204-21 (23976)
অসুরাণাং সমৃদ্ধানাং বিনাশশ্চ ৎবয়া কৃতঃ।
তব বিক্রমণৈর্দেবা নির্বাণমগমন্পরম্ ॥ 3-204-22 (23977)
পরাভবং চ দৈত্যেন্দ্রাস্ৎবয়ি ক্রুদ্ধে মহাদ্যুতে।
ৎবং হি কর্তা বিকর্তা চ ভূতানামিহ সর্বশঃ।
আরাধয়িৎবা ৎবাং দেবাঃ সুখমেধন্তি নিত্যশঃ ॥ 3-204-23 (23978)
এবং স্তুতো হৃষীকেশ উদঙ্কেন মহাত্মনা।
উদঙ্কমব্রবীদ্বিষ্ণুঃ প্রীতস্তেঽহং বরং বৃণু ॥ 3-204-24 (23979)
উদঙ্ক উবাচ। 3-204-25x (2457)
পর্যাপ্তো মে বরো হ্যেষ যদহং দৃষ্টবান্হরিম্।
পুরুষং শাশ্বতং দিব্যং স্রষ্টারং জগতঃ প্রভুম্ ॥ 3-204-25 (23980)
বিষ্ণুরুবাচ। 3-204-26x (2458)
প্রীতস্তেঽহমলৌল্যেন ভক্ত্যা তব চ সত্তম।
অবশ্যং হি ৎবয়া ব্রহ্মন্মত্তো গ্রাহ্যো বরো দ্বিজ ॥ 3-204-26 (23981)
এবং স চ্ছন্দ্যমানস্তু বরেণ হরিণা তদা।
উদঙ্কঃ প্রাঞ্জলির্বব্রে বরং ভরতসত্তম ॥ 3-204-27 (23982)
যদি মে ভগবন্প্রীতঃ পুণ্ডরীকনিভেক্ষণ।
ধর্মে সত্যে দমে চৈব বুদ্ধির্ভবতু মে সদা।
অভ্যাসশ্চ ভবেদ্ভক্ত্যা ৎবয়ি নিত্যং মমেশ্বর ॥ 3-204-28 (23983)
ভগবানুবাচ। 3-204-29x (2459)
সর্বমেতদ্ধি ভবিতা মৎপ্রসাদাত্তব দ্বিজ ॥ 3-204-29 (23984)
প্রতিভাস্যতি যোগশ্চ যেন যুক্তো দিবৌকসাম্।
ত্রয়াণামপি লোকানাং মহৎকার্যং করিষ্যসি ॥ 3-204-30 (23985)
উৎসাদনার্থং লোকানাং ধুন্ধুর্নাম মহাসুরঃ।
তপস্যতি তপো ঘোরং শৃণু যস্তং হনিষ্যতি ॥ 3-204-31 (23986)
[রাজা হি বীর্যবাংস্তাত ইক্ষ্বাকুরপরাজিতঃ]
বৃহদশ্ব ইতি খ্যাতো ভবিষ্যতি মহীপতিঃ ॥ 3-204-32 (23987)
তস্য পুত্রঃ শুচির্দান্তঃ কুবলাশ্ব ইতি শ্রতঃ।
স যোগবলামাস্থায় মামকং পার্তিবোত্তমঃ।
শাসনাত্তব বিপ্রর্ষে ধুন্ধুমারো ভবিষ্যতি ॥ 3-204-33 (23988)
উদঙ্কমেবমুক্ৎবা তু বিষ্ণুরন্তরধীয়ত ॥ 3-204-34 (23989)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি চতুরধিকদ্বিশততমোঽধ্যায়ঃ ॥ 204 ॥
Mahabharata - Vana Parva - Chapter Footnotes
3-204-3 দেবদানবরাক্ষসা ইতি ধ. পাঠঃ ॥অরণ্যপর্ব - অধ্যায় 205
॥ শ্রীঃ ॥
3.205. অধ্যায়ঃ 205
Mahabharata - Vana Parva - Chapter Topics
উদঙ্কেন রাজ্যেস্বপুত্রাভিষেচনপূর্বকং বনংপ্রস্থিতং বৃহদশ্বং প্রতি তন্নিবারণপূর্বকং ধুন্ধুনামকাসুরহননচোদনা ॥ 1 ॥Mahabharata - Vana Parva - Chapter Text
3-205-0 (23990)
মার্কণ্ডেয় উবাচ। 3-205-0x (2460)
ইক্ষ্বাকৌ সংস্তিতে রাজঞ্শশাদঃ পৃথিবীমিমাম্।
প্রাপ্তঃ পরমধর্মাত্মা সোঽয়োধ্যায়াং নৃপোঽভবৎ ॥ 3-205-1 (23991)
শশাদস্য তু দায়াদ ককুৎস্থো নাম বীর্যবান্।
অনেনাশ্চাপি কাকুৎস্থঃ পৃথুশ্চানেনসঃ সুতঃ ॥ 3-205-2 (23992)
বিষ্বগশ্বঃ পৃথোঃ পুত্রস্তস্মাদার্দ্রশ্চ জজ্ঞিবান্।
আর্দ্রস্য যুবনাশ্বস্তু শ্রাবস্তস্তস্য চাত্মজঃ ॥ 3-205-3 (23993)
জজ্ঞে শ্রাবস্তকো রাজা শ্রাবস্তী যেন নির্মিতা।
শ্রাবস্তস্য তু দায়াদো বৃহদশ্বো মহাবলঃ ॥ 3-205-4 (23994)
বৃহদশ্বস্ দায়াদঃ কুবলাশ্ব ইতি স্মৃতঃ।
কুবলাশ্বস্য পুত্রাণাং সহস্রাণ্যেকবিংসতিঃ ॥ 3-205-5 (23995)
সর্বে বিদ্যাসু নিষ্ণাতা বলবন্তো দুরাসদাঃ।
কুবলাশ্বশ্চ পিতৃতোগুণৈরভ্যধিকোঽভবৎ ॥ 3-205-6 (23996)
সময়ে তং তদা রাজ্যে বৃহদশ্বোঽভ্যষেচয়ৎ।
কুবলাশ্বং মহারাজ শূরমুত্তমধার্মিকম্ ॥ 3-205-7 (23997)
পুত্রসংক্রামিতশ্রীস্তু বৃহদশ্বো মহীপতিঃ।
জগাম তপসে ধীমাংস্তপোবনমমিত্রহা ॥ 3-205-8 (23998)
অথ শশ্বাব রাজর্ষিং তমুদঙ্কো নরাধিপ।
বনং সংপ্রস্থিতং রাজন্বৃহদশ্বং দ্বিজোত্তমঃ ॥ 3-205-9 (23999)
তমুদঙ্কো মহাতেজাঃ সর্বাস্ত্রবিদুষাংবরম্।
ন্যবারয়দমেয়াত্মা সমাসাদ্য পুরোত্তমে ॥ 3-205-10 (24000)
উদঙ্ক উবাচ। 3-205-11x (2461)
ভবতা রক্ষণং কার্যং তত্তাবৎকর্তুমর্হসি।
নিরুদ্বিগ্রা বয়ং রাজংস্ৎবৎপ্রদাদ্বসেমহি ॥ 3-205-11 (24001)
ৎবয়া হি পৃথিবী রাজন্রক্ষ্যমাণা মহাত্মনা।
ভবিষ্যতি নিরুদ্বিগ্না নারণ্যং গন্তুমর্হসি ॥ 3-205-12 (24002)
পালন হি মহান্ধর্মঃ প্রজানামিহ দৃশ্যতে।
ন তথা দৃশ্যতেঽরণ্যে মাভূত্তে বুদ্ধিরীদৃশী ॥ 3-205-13 (24003)
ঈদৃশো ন হি রাজেন্দ্র ধর্মঃ ক্বচন দৃশ্যতে।
প্রজানাং পালনে যত্নঃ পুরা রাজর্ষিভিঃ কৃতঃ ॥ 3-205-14 (24004)
রক্ষিতব্যাঃ প্রজা রাজ্ঞা তাস্ৎবং রক্ষিতুমর্হসি।
নিরুদ্বিগ্নস্তপস্তপ্তুং ন হি শক্নোমি পার্থিব ॥ 3-205-15 (24005)
মমাশ্রমসমীপে বৈ সমেষু মরুধন্বসু।
সমুদ্রবালুকাপূর্ণ উজ্জালক ইতি স্মৃতঃ।
বহুয়োজনবিস্তীর্ণো বহুয়োজনমায়তঃ ॥ 3-205-16 (24006)
তত্র রৌদ্রো দানবেন্দ্রো মহাবীর্যপরাক্রমঃ।
মধুকৈটভয়োঃ পুত্রো ধুন্ধুর্নাম সুদারুণঃ।
অন্তর্ভূমিগতো রাজন্বসত্যমিতবিক্রমঃ ॥ 3-205-17 (24007)
তং নিহত্য মহারাজ বনং ৎবং গন্তুমর্হসি ॥ 3-205-18 (24008)
শেতে লোকবিনাশায় তপ আস্থায় দারুণম্।
ত্রিদশানাং বিনাশায় লোকানাং চাপি পার্থিব ॥ 3-205-19 (24009)
অবধ্যো দৈবতানাং হি দৈত্যানামথ রক্ষসাম্।
নাগানামথ যক্ষাণাং গন্ধর্বাণাং চ সর্বশঃ।
অবাপ্যস বরং রাজন্সর্বলোকপিতামহাৎ ॥ 3-205-20 (24010)
তং বিনাশয় ভদ্রং তে মা তে বুদ্ধিরতোঽন্যথা।
প্রাপ্স্যসে মহতীং কীর্তিং শাশ্বতীমব্যযাং ধ্রুবাম্ ॥ 3-205-21 (24011)
ক্রূরস্য তস্য স্বপতো বালুকান্তর্হিতস্য চ।
সংবৎসরস্য পর্যন্তে নিঃশ্বাসঃ সংপ্রবর্ততে ॥ 3-205-22 (24012)
যদা তদা ভূশ্চলতি সশৈলবনকাননা।
তস্য নিঃশ্বাসবাতেন রজ উদ্ধূয়তে মহৎ ॥ 3-205-23 (24013)
আদিত্যরথমাশ্রিত্য সপ্তাহং ভূমিকম্পনম্।
সবিস্ফুলিঙ্গং সজ্বালং ধূমমিশ্রং সুদারুণম্ ॥ 3-205-24 (24014)
তেন রাজন্ন শক্নোমি তস্মিন্স্তাতুং স্বআংশ্রমে ॥ 3-205-25 (24015)
তং বিনাশয় রাজেন্দ্র লোকানাং হিতকাম্যযা।
লকাঃ স্বস্থা ভবিষ্যন্তি তস্মিন্বিনিহতেঽসুরে ॥ 3-205-26 (24016)
`ধুন্ধুনামানমত্যুগ্রং দানবং ধোরবিগ্রহম্।
সমরে ধোরতুমুলে বিনাশয় মহেষুণা' ॥ 3-205-27 (24017)
ৎবং হি তস্য বিনাশায় পর্যাপ্ত ইতি মে মতিঃ।
তেজসা তব তেজশ্চ বিষ্ণুরাপ্যায়বিষ্যতি ॥ 3-205-28 (24018)
বিষ্ণুনা চ বরো দত্তঃ পূর্বং মম মহীপতে ॥ 3-205-29 (24019)
যস্তং মহাসুরং রৌদ্রং বধিষ্যতি মহীপতিঃ।
তেজস্তদ্বৈষ্ণবমিতি প্রবেক্ষ্যতি দুরাসদম্ ॥ 3-205-30 (24020)
তত্তেজস্ৎবংসমাধায় রাজেন্দ্র ভুবি দুঃসহম্।
তং নিষূদয় সংদিষ্টো দৈত্যং রৌদ্রপরাক্রমম্ ॥ 3-205-31 (24021)
ন হি ধুন্ধুর্মহাতেজাস্তেজসাঽল্পেন শক্যতে।
নির্দগ্ধুং পৃথিবীপাল স হি বর্ষশতৈরপি ॥ 3-205-32 (24022)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি পঞ্চাধিকদ্বিশততমোঽধ্যায়ঃ ॥ 205 ॥
Mahabharata - Vana Parva - Chapter Footnotes
3-205-3 বাডিশশ্চ পৃথো পুত্র ইতি ক. থ. পাঠঃ ॥অরণ্যপর্ব - অধ্যায় 206
॥ শ্রীঃ ॥
3.206. অধ্যায়ঃ 206
Mahabharata - Vana Parva - Chapter Topics
বৃহদশ্বেনোদঙ্কংপ্রতি স্বপুত্রেণ কুবলাশ্বেন ধুন্ধুবধস্য ভাবিৎবকথনপূর্বকং বনংপ্রতি গমনম্ ॥ 1 ॥ ধুন্ধূৎপত্তিং পৃষ্টেন মার্কণ্ডেয়েন যুধিষ্ঠিরংপ্রতি তদুপোদ্ধাততয়া মধুকৈটভবৃত্তান্তকথনম্ ॥ 2 ॥Mahabharata - Vana Parva - Chapter Text
3-206-0 (24023)
মার্কণ্ডেয় উবাচ। 3-206-0x (2462)
স এবমুক্তো রাজর্ষিরুদঙ্কেনাপরাজিতঃ।
উদঙ্কং কৌরবশ্রেষ্ঠ কৃতাঞ্জলিথাব্রবীৎ ॥ 3-206-1 (24024)
ন হি মে গমনং ব্রহ্মন্মোঘমেতদ্ভবিষ্যতি।
পুত্রো মমায়ং ভগবন্কুবলাশ্ব ইতি স্মৃতঃ ॥ 3-206-2 (24025)
ধৃতিমান্ক্ষিপ্রকারী চ বীর্যেণাপ্রতিমো ভুবি।
প্রিয়ং চ তে সর্বমেতৎকরিষ্যতি ন সংশয়ঃ ॥ 3-206-3 (24026)
পুত্রৈঃ পরিবৃতঃ সর্বৈঃ শূরৈঃ পরিঘবাহুভিঃ।
`হনিষ্যতি মহাবাহুস্তং বৈ ধুন্ধুং মহাঽসুরম্'।
বিসর্জয়স্ব মাং ব্রহ্মন্ন্যস্তশস্ত্রোস্মি সাংপ্রতম্ ॥ 3-206-4 (24027)
তথাঽস্ৎবিতি চ তেনোক্তো মুনিনাঽমিততেজসা।
স তমাদিশ্য তনয়মুদঙ্কায় মহাত্মনে।
ক্রিয়তামিতি রাজর্ষির্জগাম বনমুত্তমম্ ॥ 3-206-5 (24028)
যুধিষ্ঠির উবাচ। 3-206-6x (2463)
ক এষ ভগবন্দৈত্যো মহাবীর্যস্তপোধন।
কস্য পুত্রোঽথ নপ্তা বা এতদিচ্ছামি বেদিতুম্ ॥ 3-206-6 (24029)
এবং মহাবলো দৈত্যো ন শ্রুতো মে তপোধন।
`যস্য নিশ্বাসবাতেন কম্পতে ভূঃ সপর্বতা' ॥ 3-206-7 (24030)
এতদিচ্ছামি ভগবন্যাথাতথ্যেন বেদিতুম্।
সর্বমেব মহাপ্রাজ্ঞ বিস্তরেণ তপোধন ॥ 3-206-8 (24031)
মার্কণ্ডেয় উবাচ। 3-206-9x (2464)
শৃণু রাজননিদং সর্বং যথাবৃত্তং নরাধিপ।
কথ্যমানং মহাপ্রাজ্ঞ বিস্তরেণ যথাতথম্ ॥ 3-206-9 (24032)
একার্ণবে নিরালোকে নষ্টে স্থাবরজঙ্গমে।
প্রনষ্টেষু চ ভূতেষু সর্বেষু ভরতর্ষভ ॥ 3-206-10 (24033)
প্রভবং লোককর্তারং বিষ্ণুং শাশ্বতমব্যযম্।
যমাহুর্মুনয়ঃ সিদ্ধাঃ সর্বলোকমহেশ্বরম্।
`চতুর্ভুজমুদারাঙ্গং দৃষ্টবানস্মি ভারত' ॥ 3-206-11 (24034)
সুষ্বাপ ভগবান্বিষ্ণুরপ্শয়্যামেক এব হি।
নাগস্ ভোগে মহতি শেপস্যামিততেজসঃ ॥ 3-206-12 (24035)
লোককর্তা মহাভাগ ভগবানচ্যুতো হরিঃ।
নাগভগেন মহতা পরিরভ্য মহীমিমাম্ ॥ 3-206-13 (24036)
স্বপতস্তস্য দেবস্য পদ্মং সূর্যসমপ্রভম্।
নাভ্যা বিনিঃসৃতং দিব্যং তত্রোৎপন্নঃ পিতামহঃ ॥ 3-206-14 (24037)
সাক্ষাল্লোকগুরুর্ব্রহ্মা পদ্মে সূর্যসমপ্রভঃ।
চতুর্বেদশ্চতুর্মূর্তিশ্চতুর্বর্গশ্চতুর্মুখঃ ॥ 3-206-15 (24038)
স্বপ্রভাবাদ্দুরাধর্ষো মহাবলপরাক্রমঃ।
কস্যচিত্ৎবথ কালস্য দানবৌ বীর্যবত্তমৌ ॥ 3-206-16 (24039)
মধুশ্চ কৈটভশ্চৈব দৃষ্টবন্তৌ হরিং প্রভুম্।
শয়ানং শয়নে দিব্যে নাগভোগে মহাদ্যুতিম্ ॥ 3-206-17 (24040)
বহুয়োজনবিস্তীর্ণে বহুয়োজনমায়তে।
কিরীটকৌস্তুভধরং পীতকৌশেয়বাসসম্ ॥ 3-206-18 (24041)
দীপ্যমানং শ্রিয়া রাজংস্তেজসা বপুপা তথা।
সহস্রসূর্যপ্রতিমমদ্ভুতোপমদর্শনম্ ॥ 3-206-19 (24042)
বিস্ময় সুমহানাসীন্মধুকৈটভয়োস্তদা ॥ 3-206-20 (24043)
দৃষ্ট্বা পিতামহং চাপি পদ্মে পদ্মনিভেক্ষণম্।
বিত্রাসয়েতামথ তৌ ব্রহ্মাণমমিতৌজসম্ ॥ 3-206-21 (24044)
বিত্রাস্যমানো বহুধা ব্রহ্মা তাভ্যাং মহায়শাঃ।
অকম্পয়ৎপদ্মনালং ততোঽবুধ্যত কেশবঃ ॥ 3-206-22 (24045)
অথাপশ্ত গোবিন্দো দানবৌ বীর্যবত্তরৌ ॥ 3-206-23 (24046)
দৃষ্ট্বা তাবব্রবীদ্দেবঃ স্বাগতং বাং মহাবলৌ।
দদামি বাং বরং শ্রেষ্ঠং রপ্রীতির্হি মম জায়তে ॥ 3-206-24 (24047)
তৌ প্রহস্য হৃষীকেশং মহাদর্পৌ মহাবলৌ।
প্রত্যব্রূতাং মহারাজ সহিতৌ মধুসূদনম্ ॥ 3-206-25 (24048)
আবাং বরয় দেব ৎবং বরদৌ স্বঃ সুরোত্তম।
দাতারৌ স্বো বরং তুভ্যং তদ্ব্রবীহ্যবিচারয়ন্ ॥ 3-206-26 (24049)
ভগবানুবাচ। 3-206-27x (2465)
প্রতিগৃহ্ণে বরং বীরাবীপ্সিতশ্চ বরো মম।
যুবাং হি বীর্যসংপন্নৌ ন বামস্তি সমঃ পুমান্ ॥ 3-206-27 (24050)
বধ্যৎবমুপগচ্ছেতাং মম সত্যপরাক্রমৌ।
এতদিচ্ছাম্যহং কামং প্রাপ্তুং লোকহিতায় বৈ ॥ 3-206-28 (24051)
মধুকৈটভাবূচতুঃ। 3-206-29x (2466)
অনৃতংনোক্তপূর্বং নৌ স্বৈরেষ্বপি কুতোঽন্যথা।
সত্যে ধর্মে চ নিরতৌ বিদ্ধ্যাবাং পুরুষোত্তম ॥ 3-206-29 (24052)
বলে রূপে চ শৌর্যে চ শমে ন চ সমোস্তি নৌ।
ধর্মে তপসি দানে চ শীলসৎবদমেষু চ ॥ 3-206-30 (24053)
উপপ্লবো মহানস্মানুপাবর্তত কেশব।
উক্তং প্রতিকুরুষ্ব ৎবং কালো হি দুরতিক্রমঃ ॥ 3-206-31 (24054)
আবামিচ্ছাবহে দেব কৃতমেকং ৎবয়া বিভো।
আনাবৃতেঽবকাশে ৎবং জহ্যাবাং সুরসত্তম ॥ 3-206-32 (24055)
পুত্রৎবমধিগচ্ছাব তব চাপি সুলোচন।
বর এষ বৃতোদেব তদ্বিদ্ধি সুরসত্তম ॥ 3-206-33 (24056)
অনৃতং মা ভবেদ্দেব যদ্ধি নৌ সংশ্রুতং তদা ॥ 3-206-34 (24057)
ভগবানুবাচ। 3-206-35x (2467)
বাঢমেবং করিষ্যামি সর্বমেতদ্ভবিষ্যতি ॥ 3-206-35 (24058)
সবিচিন্ত্যাথ গোবিন্দো নাপশ্যদ্যদনাবৃতম্।
অবকাশংপৃথিব্যাং বা দিবি বা মধুসূদনঃ ॥ 3-206-36 (24059)
স্বকাবনাবৃতাবূরূ দৃষ্ট্বা দেববরস্তদা।
মধুকৈটভয়ো রাজঞ্শিরসী মধুসূদনঃ।
চক্রেণ শিতধারেণ ন্যকৃন্তত মহায়শাঃ ॥ 3-206-37 (24060)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি ষডধিকদ্বিশততমোঽধ্যায়ঃ ॥ 206 ॥
Mahabharata - Vana Parva - Chapter Footnotes
3-206-9 ন তেঽভিগমনং ইতি ঝ. পাঠঃ ॥অরণ্যপর্ব - অধ্যায় 207
॥ শ্রীঃ ॥
3.207. অধ্যায়ঃ 207
Mahabharata - Vana Parva - Chapter Topics
মধুকৈটভপুত্রেণ ধুন্ধুনা তপস্তোষিতাদ্বিরিঞ্চাদবধ্যৎবাদিবরগ্রহণেন দেবানাং পীডনম্ ॥ 1 ॥ উদঙ্কচোদিতেন কুবলাশ্বেন সমুদ্রমধ্যমধিবসতস্তস্য ব্রহ্মাস্ত্রেণ দহনম্ ॥ 2 ॥ তদা দেবাদিভিঃ কুবলাশ্বস্য ধুন্ধুমার ইতি নামকরণেন তস্মৈ বরদানপূর্বকং স্বস্বস্থানংপ্রতি গমনম্ ॥ 3 ॥ মার্কণ্ডেয়েন যুধিষ্ঠিরংপ্রতি তৎপুত্রাণাং নামকথনপূর্বকং ধুন্ধুমারোপাখ্যানস্তবনম্ ॥ 4 ॥Mahabharata - Vana Parva - Chapter Text
3-207-0 (24061)
মর্কণ্ডেয় উবাচ। 3-207-0x (2468)
ধুন্ধুর্নাম মহারাজ তয়োঃ পুত্রো মহাদ্যুতিঃ।
স তপোঽতপ্যত মহন্মহাবীর্যপরাক্রমঃ ॥ 3-207-1 (24062)
অতিষ্ঠদেকপাদেন কৃশো ধমনিসংততঃ।
তস্মৈ ব্রহ্মা দদৌ প্রীতো বরং বব্রে স চ প্রভুম্ ॥ 3-207-2 (24063)
দেবদানবয়ক্ষাণাং সর্পগন্ধর্বরক্ষসাম্।
অবধ্যোঽহং ভবেয়ং বৈ বর এষ বৃতো ময়া ॥ 3-207-3 (24064)
এবং ভবতু গচ্ছেতি তমুবাচ পিতামহঃ।
স এবমুক্তস্তৎপাদৌ মূর্ধ্না স্পৃষ্ট্বা জগাম হ ॥ 3-207-4 (24065)
সতু ধুন্ধুর্বরং লব্ধ্বা মহবীর্যপরাক্রমঃ।
অনুস্মরন্পিতৃবধং দ্রুতং বিষ্ণুমুপাগমৎ ॥ 3-207-5 (24066)
সতু দেবান্সগন্ধর্বাঞ্জিৎবা ধুন্ধুরমর্ষণঃ।
ববাধ সর্বানসকৃদ্বিষ্ণুং দেবাংশ্চ বৈ ভৃশম্ ॥ 3-207-6 (24067)
সমুদ্রবালুকাপূর্ণে উজ্জানক ইতি স্মৃতে।
আগম্য চ স দুষ্টাত্মা তং দেশং ভরতর্ষভ।
বাধতেস্ম পরং শক্ত্যা তমুদঙ্কাশ্রমং বিভো ॥ 3-207-7 (24068)
অন্তর্ভূমিগতস্তত্র বালুকান্তর্হিতস্তথা।
মধুকৈটভয়োঃ পুত্রো ধুন্ধুর্ভীমপরাক্রমঃ ॥ 3-207-8 (24069)
শেতে লোকবিনাশায় তপোবলমুপাশ্রিতঃ।
উদঙ্কস্যাশ্রমাভ্যাশে নিঃশ্বসন্পাবকার্চিষঃ ॥ 3-207-9 (24070)
এতস্মিন্নেব কালে তু রাজা সবলবাহনঃ।
কুবলাশ্বো নরপতিরন্বিতো বলশালিনাম্ ॥ 3-207-10 (24071)
সহস্রৈরেকবিংশত্যা পুত্রাণামরিমর্দনঃ।
প্রায়াদুদঙ্কসহিতো ধুন্ধোস্তস্য বধায় বৈ ॥ 3-207-11 (24072)
তমাবিশত্ততো বিষ্ণুর্ভগবাংস্তেজসা প্রভুঃ।
উদঙ্কস্ নিয়োগেন লোকানাং হিতকাম্যযা ॥ 3-207-12 (24073)
তস্মিন্প্রয়াতে দুর্ধর্ষে দিবি শব্দো মহানভূৎ।
এষ শ্রীমান্নৃপসুতো ধুন্ধুমারো ভবিষ্যতি ॥ 3-207-13 (24074)
দিব্যৈশ্চ পুষ্পৈস্তং দেবাঃ সমন্তাৎপর্যবাকিরন্।
দেবদুন্দুভয়শ্চাপি নেদুঃ স্বয়মনীরিতাঃ ॥ 3-207-14 (24075)
শীতশ্চ বায়ুঃ প্রববৌ প্রয়াণে তস্য ধীমতঃ।
বিপাংসুলাং মহীং কুর্বন্ববর্ষ চ সুরেশ্বরঃ।
`প্রদক্ষিণাশ্চাপ্যভবন্বন্যাস্তং সমৃগদ্বিজাঃ' ॥ 3-207-15 (24076)
অন্তরিক্ষে বিমানানি দেবতানাং যুধিষ্ঠির।
তত্রৈব সমদৃশ্যন্ত ধুন্ধুর্যত্র মহাসুরঃ ॥ 3-207-16 (24077)
কুবলাশ্বস্য ধুন্যোশ্চ যুদ্ধকৌতূহলান্বিতাঃ।
দেবগন্ধর্বসহিতাঃ সমবৈক্ষন্মহর্ষয়ঃ ॥ 3-207-17 (24078)
নারায়ণেন কৌরব্য তেজসাঽঽপ্যায়িতস্তদা।
স গতো নৃপতিঃ ক্ষিপ্রং পুত্রৈস্তৈঃ সর্বতো দিশম্ ॥ 3-207-18 (24079)
অর্ণবং স্বানয়ামাস কুবলাশ্বো মহীপতিঃ।
`হিতার্তং সর্বলোকানামুদঙ্কস্য বশে স্থিতঃ' ॥ 3-207-19 (24080)
কুবলাশ্বস্ পুত্রৈশ্চ তস্মিন্বৈ বালুকার্ণবে।
সপ্তভির্দিবসৈঃ স্বাৎবা দৃষ্টো ধুন্ধুর্মহাবলঃ ॥ 3-207-20 (24081)
আসীদ্ধোরং বপুস্তস্য বালুকান্তর্হিতং মহৎ।
দীপ্যমানং যথা সূর্যস্তেজসা ভরতর্ষভ ॥ 3-207-21 (24082)
ততো ধুন্ধুর্মহারাজ দিশমাবৃত্য পশ্চিমাম্।
সুপ্তোঽভূদ্রাজশার্দূল কালানলসমদ্যুতিঃ ॥ 3-207-22 (24083)
কুবলাশ্বস্য পুত্রৈস্তু সর্বতঃ পরিবারিতঃ।
অভিদ্রুতঃ শরৈস্তীক্ষ্ণৈর্গদাভির্মুসলৈরপি ॥ 3-207-23 (24084)
প্টসৈঃ পরিধৈঃ প্রাসৈঃ খঙ্গৈশ্ বিমলৈঃ শিতৈঃ।
সবধ্যমানঃ সংক্রুদ্ধঃ সমুত্তস্থৌ মহাবলঃ ॥ 3-207-24 (24085)
ক্রুদ্ধশ্চাভক্ষয়ত্তেষাং শস্ত্রাণি বিবিধানি চ।
আস্যাদ্বমন্পাবকং স সংবর্তকসমং তদা ॥ 3-207-25 (24086)
তান্সর্বান্নৃপতেঃ পুত্রানদহৎস্বেন তেজসা।
মুখজেনাগ্নিনা ক্রুদ্ধো লোকানুদ্বর্তয়ন্নিব ॥ 3-207-26 (24087)
ক্ষণেন রাজশার্দূল পুরেব কপিলঃ প্রভুঃ।
সগরস্যাত্মজান্ক্রুদ্ধস্তদদ্ভুতমিবাভবৎ ॥ 3-207-27 (24088)
তেষু ক্রোধাগ্নিদগ্ধেষু তদা ভরতসত্তম।
তং প্রবুদ্ধং মহাত্মানং কুম্ভকর্ণমিবাপরম্।
আসসাদ মহাতেজাঃ কুবলাশ্বো মহীপতিঃ ॥ 3-207-28 (24089)
তস্য বারিমহারাজ সুস্রাব বহু দেহতঃ।
তত্তদাপীয়তেতেজো রাজ্ঞা বারিময়ং নৃপ ॥ 3-207-29 (24090)
যোগী যোগেন সৃষ্টং স সময়িৎবা চ বারিণা।
ব্রহ্মাস্ত্রেণ ততো রাজা দৈত্যংক্রূরপরাক্রমম্।
দদাহ ভরতশ্রেষ্ঠ সর্বলোকভবায় বৈ ॥ 3-207-30 (24091)
সোঽস্ত্রেণ দগ্ধ্বা রাজর্ষিঃ কুবলাশ্বো মহাসুরম্।
সুরশত্রুমমিত্রঘ্নস্ত্রৈলোক্যেশ ইবাপরঃ ॥ 3-207-31 (24092)
ধুন্ধোর্বধাত্তদা রাজা কুবলাশ্বো মহামনাঃ।
ধুন্ধুমার ইতিখ্যাতো নাম্না সমভবত্ততঃ ॥ 3-207-32 (24093)
প্রীতৈশ্চ ত্রেদশৈঃ সর্বৈর্মহর্ষিমসিতৈস্তদা।
পরং বৃণীষ্বত্যুক্তঃ স প্রাঞ্জলিঃ প্রণতস্তদা।
অতীব মুদিতো রাজন্নিদংবচনমব্রবীৎ ॥ 3-207-33 (24094)
দদ্যাং বিত্তং দ্বিজাগ্র্যেভ্যঃ শত্রূণাং চাপি দুর্জয়ঃ।
সখ্যং চ বিষ্ণুনা মে স্যাদ্ভূতেষ্বদ্রোহ এব চ।
ধর্মে রতিশ্ সততং স্বর্গে বাসস্তথাঽক্ষয়ঃ ॥ 3-207-34 (24095)
তথাঽস্ৎবিতি ততো দেবৈঃ প্রীতৈরুক্তঃ স পার্থিবঃ।
ঋষিভিশ্চ সগন্ধর্বৈরুদঙ্কেন চ ধীমতা ॥ 3-207-35 (24096)
সংভাষ্য চৈনং বিবিধৈরাশীর্বাদৈস্ততো নৃষম্।
দেবা মহর্ষয়শ্চাপি স্বানি স্তানানি ভেজিরে ॥ 3-207-36 (24097)
তস্য পুত্রাস্ত্রয়ঃ শিষ্টা যুধিষ্ঠির তদাঽভবন্।
দৃঢাশ্বঃ কপিলাশ্বশ্চ ভদ্রাশ্বশ্চৈব ভারত ॥ 3-207-37 (24098)
তেভ্যঃ পরম্পরা রাজন্নিক্ষ্বাকূণাং মহাত্মনাম্।
[বংশস্য সুমহাভাগ রাজ্ঞামমিততেজসাম্] ॥ 3-207-38 (24099)
এবংসং নিহতস্তেন কুবলাশ্বেন সত্তম।
ধুন্ধুর্নাম মহাদৈত্যো মধুকৈটভয়োঃ সুতঃ ॥ 3-207-39 (24100)
কুবলাশ্বশ্চ নৃপতির্ধুন্ধুমার ইতি স্মৃতঃ।
নাম্না চ গুণয়ুক্তেন তদাপ্রভৃতি সোঽভবৎ ॥ 3-207-40 (24101)
এতত্তে সর্বমাখ্যাতং যন্মাং ৎবং পরিপৃচ্ছসি।
ধৌন্ধুমারমুপাখ্যানং প্রথিতং যস্য কর্মণা ॥ 3-207-41 (24102)
ইদং তু পুণ্যমাখ্যানং বিষ্ণোঃ সমনুকীর্তনম্।
শৃণুয়াদ্যঃ স ধর্মাত্মা পুত্রবাংশ্চ ভবেন্নরঃ ॥ 3-207-42 (24103)
আয়ুষ্মান্ভূতিমাংশ্চৈব শ্রুৎবা ভবতি পর্বসু।
ন চ ব্যাধিভংয়কিংচিৎপ্রাপ্নোতি বিগতজ্বরঃ ॥ 3-207-43 (24104)
ইতি শ্রীমন্মহাভারতে অরণ্যপর্বণি গার্কণ্ডেয়সমাস্যাপর্বণি সপ্তাধিকদ্বিশততমোঽধ্যায়ঃ ॥ 207 ॥
Mahabharata - Vana Parva - Chapter Footnotes
3-207-30 বৃষ্টিং সগময়িৎবাবিচারিণা ইতি ক. থ. পাঠঃ। বহ্নিং চ শময়ামাস বারিণা ইতি ঝ. পাঠঃ ॥অরণ্যপর্ব - অধ্যায় 208
॥ শ্রীঃ ॥
3.208. অধ্যায়ঃ 208
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রতি পতিব্রতামাহাত্ম্যকথনারম্ভঃ ॥ 1 ॥Mahabharata - Vana Parva - Chapter Text
3-208-0 (24105)
বৈশম্পায়ন উবাচ। 3-208-0x (2469)
ততো যুধিষ্ঠিরো রাজা মার্কণ্ডেয়ং মহাদ্যুতিম্।
প্রপচ্ছ ভরতশ্রেষ্ঠ ধর্মপ্রশ্নং স দুর্বচম্ ॥ 3-208-1 (24106)
শ্রোতুমিচ্ছামি ভগবন্স্ত্রীণাং মাহাতম্যমুত্তমম্।
কথ্যমানং ৎবয়া বিপ্র সূক্ষ্মং ধর্ম্যং চ তত্ৎবতঃ ॥ 3-208-2 (24107)
প্রত্যক্ষমিহ বিপ্রর্ষে দেবা দৃশ্যন্তি সত্তম।
সূর্যাচন্দ্রমসৌ বায়ুঃ পৃথিবী বহ্নিরেব চ ॥ 3-208-3 (24108)
পিতা মাতা চ ভগবান্গাব এব চ সত্তম।
যচ্চান্যদেব বিহিতং তচ্চাপি ভৃগুনন্দন ॥ 3-208-4 (24109)
মন্যেঽহং গুরুবৎসর্বমেকপত্ন্যস্তথা স্ত্রিয়ঃ।
পতিব্রতানাং শুশ্রূষা দুষ্করা প্রতিভাতি মে।
পতিব্রতানাং মহাত্ম্যং বক্তুমর্হসি নঃ প্রভো ॥ 3-208-5 (24110)
নিরুধ্য চেন্দ্রিয়গ্রামং মনঃ সংরুধ্য চানঘ।
পতিং দৈবতবচ্চাপি চিন্তয়ন্ত্য স্থিতা হি যা ॥ 3-208-6 (24111)
ভগবন্দুষ্করং ৎবেতৎপ্রতিভাতি মম প্রভো।
মাতাপিত্রোশ্চ শুশ্রূষা স্ত্রীণাং ভর্তরি চ দ্বিজ ॥ 3-208-7 (24112)
স্ত্রীণাং ধর্মাৎসুঘোরাদ্ধি নান্যং পশ্যামি দুষ্করম্।
সাধ্বাচারাঃ স্ত্রিয়ো ব্র্হমন্কুর্বন্তীহ সদাদৃতাঃ ॥ 3-208-8 (24113)
দুষ্করং খলু কুর্বন্তি পিতরো মাতরশ্চ বৈ।
একপত্ন্যশ্চ যা নার্যো যাশ্ সত্যং বদন্ত্যুত ॥ 3-208-9 (24114)
কুক্ষিণা দশমাসাংশ্চ গর্ভং সংধারয়ন্তি যাঃ।
নার্যঃ কালেন সংবূয় কিমদ্ভুততরং ততঃ ॥ 3-208-10 (24115)
সংশয়ং পরমং প্রাপ্য বেদনামতুলামপি।
প্রজায়ন্তে সুতান্নার্যো দুঃখেন মহতা বিভো ॥ 3-208-11 (24116)
পুষ্ণন্তি চাপি মহতা স্নেহেন দ্বিজপুঙ্গব।
`চিন্তয়ন্তি ততশ্চাপি কিংশীলোঽয়ংভবিষ্যতি' ॥ 3-208-12 (24117)
যাশ্চ ক্রূরেষু সর্বেষু বর্তমানা জুগুপ্সিতাঃ।
স্বকর্ম কুর্বন্তি সদা দুষ্করং তচ্চ মে মতম্ ॥ 3-208-13 (24118)
ক্ষত্রধর্মসমাচারতত্ৎবং ব্যাখ্যাহি মে দ্বিজ।
ধর্মঃ সুদুর্লভো বিপ্র নৃশংসেন মহাত্মনা ॥ 3-208-14 (24119)
এতদিচ্ছামি ভগবন্প্রশ্নং প্রশ্নবিদাংবর।
শ্রোতুং ভৃগুকুলশ্রেষ্ঠ শুশ্রূষে তব সুব্রত ॥ 3-208-15 (24120)
মার্কণ্ডেয় উবাচ। 3-208-16x (2470)
হন্ত তেঽহং সমাখ্যাস্যে প্রশ্নমেতং সুদুর্বচম্।
তত্ৎবেন ভরতশ্রেষ্ঠ গদতস্তন্নিবোধ মে ॥ 3-208-16 (24121)
মাতরংশ্রেয়সীং তাত পিতৃনন্যে তু মেনিরে।
দুষ্করং কুরুতে মাতা বিবর্ধয়তি যা প্রজাঃ ॥ 3-208-17 (24122)
তপসা দেবতেজ্যাভির্বন্দনেন তিতিক্ষয়া।
সুপ্রশস্তৈরুপায়ৈশ্চাপীহন্তে পিতরঃ সুতান্ ॥ 3-208-18 (24123)
এবং কৃচ্ছ্রেণ মহতা পুত্রং প্রাপ্য সুদুর্লভম্।
চিন্তয়ন্তি সদা বীর কীদৃশোঽয়ং ভবিষ্যতি ॥ 3-208-19 (24124)
আশংসতে হি পুত্রেষু পিতা মাতা চ ভারত।
যশঃ কীর্তিমথৈশ্বর্যং তেজো ধর্মং তথৈব চ ॥ 3-208-20 (24125)
`মাতুঃ পিতুশ্চ রাজেন্দ্র সততং হিতকারিংণোঃ'।
তয়োরাশাং তু সফলাং যঃ করোতি স ধর্মবিৎ ॥ 3-208-21 (24126)
পিতা মাতা চ রাজেন্দ্র তুষ্যতো যস্ নিত্যশঃ।
ইহ প্রেত্য চ তস্যাথ কীর্তির্ধর্মশ্র শাশ্বতঃ ॥ 3-208-22 (24127)
নৈব যজ্ঞক্রিয়াঃ কাশ্চিন্ন শ্রাদ্ধং নোপবাসকম্।
যা তু ভর্তরি শুশ্রূষা তয়া স্বর্গং জয়ত্যুত ॥ 3-208-23 (24128)
এতৎপ্রকরণং রাজন্নধিকৃত্য যুধিষ্ঠির।
পতিব্রতানাং নিয়তং ধর্মং চাবাহিতঃ শৃণু ॥ 3-208-24 (24129)
ইতি শ্রীমন্মহাবারতে অরণ্যপর্বণি মার্কণ্ডেয়সমাস্যাপর্বয়ণি অষ্টাধিকদ্বিশততমোঽধ্যায়ঃ ॥ 208 ॥
Mahabharata - Vana Parva - Chapter Footnotes
3-208-13 যে চক্রূরেষু ইতি ঝ. পাঠঃ ॥ 3-208-20 প্রজাধর্মং ইতি ঝ. পাঠঃ ॥অরণ্যপর্ব - অধ্যায় 209
॥ শ্রীঃ ॥
3.209. অধ্যায়ঃ 209
Mahabharata - Vana Parva - Chapter Topics
তরুতলে তপস্যতা কৌশিকেনাত্মোপরি পুরীষোৎসৃষ্ট্যা বলাকায়াঃ সক্রোধনিরীক্ষণেন দহনম্ ॥ 1 ॥ তথা ভিক্ষার্থং পতিব্রতায়াঃ কস্যাশ্চিদ্গৃহং প্রবিষ্টং ভিক্ষাদানে চিরীকরণেন রুষ্টং চ কৌশিকংপ্রতি তয়া স্বত্য বলাকাবৃত্তান্তাবগতিসূচনেন স্বশক্তিপ্রকাশনপূর্বকং ধর্মাবগতয়ে ধর্মব্যাধসমীপগমনচোদনা ॥ 2 ॥Mahabharata - Vana Parva - Chapter Text
3-209-0 (24130)
মার্কণ্ডেয় উবাচ। 3-209-0x (2471)
কশ্চিদ্দ্বিজাতিপ্রবরো বেদাধ্যায়ী তপোধনঃ।
তপস্বী ধর্মশীলশ্চ কৌশিকো নাম ভারত ॥ 3-209-1 (24131)
সাঙ্গোপনিষদান্বেদানধীতে দ্বিজসত্তমঃ।
সবৃক্ষমূলে কস্মিংশ্চিদ্বেদানুচ্চারয়ন্স্থিতঃ ॥ 3-209-2 (24132)
উপরিষ্টাচ্চ বৃক্ষস্য বলাকা সংন্যলীয়ত।
তয়া পুরীষমুৎসৃষ্টং ব্রাহ্মণস্য তদোপরি ॥ 3-209-3 (24133)
সমবেক্ষ্যততঃ ক্রুদ্ধঃ সমমধ্যায়ত দ্বিজঃ।
`তাং বলকাং মহারাজ নিলীনাং নগমূর্ধনি ॥ 3-209-4 (24134)
ভৃশং ক্রোধাভিভূতেন বলাকা সা নিরীক্ষিতা।
অপধ্যাতা চ বিপ্রেণ ন্যপতদ্ধরণীতলে ॥ 3-209-5 (24135)
বলাকাং পতিতাং দৃষ্ট্বা গতসৎবামচেতনাম্।
কারুণ্যাদভিসংতপ্তঃ পর্যশোচত তাং দ্বিজঃ।
অকার্যং কৃতবানস্মি দ্বেষরাগবলাৎকৃতঃ ॥ 3-209-6 (24136)
ইত্যুক্তাব বহুশো বিদ্বান্গ্রামং ভৈক্ষায় সংশ্রিতঃ।
গ্রামে শুচীনি প্রচরন্কুলানি ভরতর্ষভ ॥ 3-209-7 (24137)
দেহীতি যাচমানোঽসৌ তিষ্ঠেত্যুক্তঃ স্ত্রিয়া ততঃ।
শৌচং তু যাবৎকুরুতে ভাজনস্য কুটুম্বিবী ॥ 3-209-8 (24138)
এতস্মিন্নন্তরে রাজন্ক্ষুধাসংপীডিতো ভৃশম্।
ভর্তা প্রবিষ্টঃ সহসা তস্যা ভরতসত্তম ॥ 3-209-9 (24139)
সা তু দৃষ্ট্বা পতিং সাধ্বী ব্রাহ্মণং ব্যপহায় তম্।
পাদ্যমাচমনীয়ং বৈ দদৌ ভর্তুস্তথাঽঽসনম্ ॥ 3-209-10 (24140)
প্রহ্বা পর্যচরচ্চাপি ভর্তারমসিতেক্ষণা।
আহারেণাথ ভক্ষ্যৈশ্চ বাক্যৈঃ সুমধুরৈস্তথা ॥ 3-209-11 (24141)
উচ্ছিষ্টং ভাবিতা ভর্তুর্ভুঙ্ক্তে নিত্যং যুধিষ্ঠির।
দৈবতং চ পতিং মেনে ভর্তুশ্চিত্তানুসারিণী ॥ 3-209-12 (24142)
কর্মণা মনসা বাচা নাত্যশ্নান্নাপি চাপিবৎ।
তং সর্বভাবোপগতা পতিশুশ্রূষণে রতা ॥ 3-209-13 (24143)
সাধ্বাচারা শুচির্দক্ষা কুটুম্বস্য হিতৈষিণী।
ভর্তুশ্চাপি হিতং যত্তৎসততং সাঽনুবর্ততে ॥ 3-209-14 (24144)
দেবতাতিথিভৃত্যানাং শ্বশ্রূশ্বশুরয়োস্তথা।
শুশ্রূষণপরা নিত্যং সততং সংয়তেন্দ্রিয়া ॥ 3-209-15 (24145)
সা ব্রাহ্মণং তদা দৃষ্ট্বা সংস্থিতং ভৈক্ষকাঙ্ক্ষিণম্।
কুর্বতী পতিশুশ্রূষাং সস্মারাথ শুভেক্ষণা ॥ 3-209-16 (24146)
ব্রীডিতা সাঽভবৎসাধ্বী তদা ভরতসত্তম।
ভিক্ষামাদায় বিপ্রায় নির্জগাম যশস্বিনী ॥ 3-209-17 (24147)
ব্রাহ্মণ উবাচ। 3-209-18x (2472)
কিমিদং ভবতি ৎবং মাং তিষ্ঠেত্যুক্ৎবা বরাঙ্গনে।
উপরোধং কৃতবতী ন বিসর্জিতবত্যসি ॥ 3-209-18 (24148)
মার্কণ্ডেয় উবাচ। 3-209-19x (2473)
ব্রাহ্মণং ক্রোধসংতপ্তং জ্বলন্তমিব তেজসা।
দৃষ্ট্বা সাধ্বী মনুষ্যেন্দ্রসান্ৎবপূর্বং বচোঽব্রবীৎ ॥ 3-209-19 (24149)
`ক্ষমস্ববিপ্রপ্রবর ক্ষমস্ব স্ত্রীজডাত্মতাম্।
প্রসীদ ভগবন্মহ্যং কৃপাং কুরু ময়ি দ্বিজ' ॥ 3-209-20 (24150)
ক্ষন্তুমর্হসি মে বিদ্বন্ভর্তা মে দৈবতং মহৎ।
স চাপি ক্ষুধিতঃ শ্রান্তঃ প্রাপ্তঃ শুশ্রূষিতোময়া ॥ 3-209-21 (24151)
ব্রাহ্মণ উবাচ। 3-209-22x (2474)
ব্রাহ্মণআ ন গরীয়াংসো গরীয়াংস্তে পতিঃ কৃতঃ।
গৃহস্থধর্মে বর্তন্তী ব্রাহ্মণানবমন্যসে ॥ 3-209-22 (24152)
ইন্দ্রোঽপ্যেষাং প্রণমতে কিং পুনর্মানবো ভুবি।
অবলিপ্তে ন জানীষে বৃদ্ধানাং ন শ্রুতং ৎবয়া ॥ 3-209-23 (24153)
ব্রাহ্মণা হ্যগ্নিসদৃশা দহেয়ুঃ পৃথিবীমপি।
`সপর্বতবনদ্বীপাং ক্ষিপ্রমেবাবমানিতাঃ' ॥ 3-209-24 (24154)
স্ত্র্যুবাচ। 3-209-25x (2475)
[নাহং বলাকা বিপ্রর্ষে ত্যজ ক্রোধং তপোধন।
অনয়া ক্রুদ্ধয়া দৃষ্ট্যা ক্রুদ্ধঃ কিং মাং করিষ্যসি] 3-209-25 (24155)
নাবজানাম্যহং বিপ্রান্দেবৈস্তুল্যান্মনস্বিনঃ।
অপরাধমিমং বিপ্র ক্ষন্তুমর্হসি মেঽনঘ ॥ 3-209-26 (24156)
জানামি তেজো বিপ্রাণআং মহাভাগ্যং চ ধীমতাম্।
অপেয়ঃ সাগরঃ ক্রোধাৎকৃতো হি লবণোদকঃ ॥ 3-209-27 (24157)
তথৈব দীপ্ততপসাং মুনীনাং ভাবিতাত্মনাম্।
যেষাং ক্রোধাগ্নিরদ্যাপি সমুদ্রে নোপশাম্যতি।
`কস্তান্পরিভবেন্মূঢো ব্রাহ্মণানমিতৌজসঃ' ॥ 3-209-28 (24158)
ব্রাহ্মণানাং পরিভবাদ্বাতাপিঃ সুদুরাত্মবান্।
অগস্ত্যমৃষিমাসাদ্য জীর্ণঃ ক্রূরো মহাসুরঃ ॥ 3-209-29 (24159)
বহুপ্রভাবাঃ শ্রূয়ন্তে ব্রাহ্মণানাং মহাত্মনাম্।
ক্রোধঃ সুবিপুলো ব্রহ্মন্প্রসাদশ্চ মহাত্মনাম্।
অস্মিংস্ৎবতিক্রমে ব্রহ্মন্ক্ষন্তুমর্হসি মেঽনঘ ॥ 3-209-30 (24160)
পতিশুশ্রূষয়া ধর্মো য স মে রোচতে দ্বিজ।
দৈবতেষ্বপি সর্বেষু ভর্তা মে দৈবতং পরম্ ॥ 3-209-31 (24161)
অবিশেষেণ তস্যাহং কুর্যাং ধর্মং দ্বিজোত্তম।
শুশ্রূষায়াঃ ফলং পশ্য পত্যুর্ব্রাহ্মণ যাদৃশম্ ॥ 3-209-32 (24162)
বলাকা হি ৎবয়া দগ্ধা রোষাত্তদ্বিদিতং ময়া।
ক্রোধঃ শত্রুঃ শরীরস্থো মনুষ্যাণাং দ্বিজোত্তম ॥ 3-209-33 (24163)
`মাস্ম ক্রুধ্যো বলাকেব ন বধ্যাঽস্মি পতিব্রতা'।
যঃ ক্রোধমোহৌ ত্যজতি তং দেবা ব্রাহ্মণং বিদুঃ ॥ 3-209-34 (24164)
যো বদেদিহ সত্যানি গুরুং সংতোষয়েত চ।
হিংসিতশ্চ ত হিংসেত তং দেবা ব্রাহ্মণং বিদুঃ ॥ 3-209-35 (24165)
জিতেন্দ্রিয়ো ধর্মপরঃ স্বাধ্যায়নিরতঃ শুচিঃ।
কামক্রোধৌ বশৌ যস্য তং দেবা ব্রাহ্মণং বিদুঃ ॥ 3-209-36 (24166)
যস্য চাত্মসমো লোকো ধর্মজ্ঞস্য মনস্বিনঃ।
সর্বধর্মেষু চরতস্তং দেবা ব্রাহ্মণং বিদুঃ ॥ 3-209-37 (24167)
যোঽধ্যাপয়েদধীয়ীত যজেদ্বা যাজয়ীত বা।
দদ্যাদ্বাঽপি যথাশক্তি তং দেবা ব্রাহ্মণং বিদুঃ ॥ 3-209-38 (24168)
ব্রাহ্মচারী বদান্যো যোপ্যধীয়াদ্দ্বিজপুঙ্গবঃ।
স্বাধ্যায়বানমত্তো বৈ তং দেবা ব্রাহ্মণং বিদুঃ ॥ 3-209-39 (24169)
যদ্ব্রাহ্মণানাং কুশলং তদেষাং পরিকীর্তয়েৎ।
সত্যং তথা ব্যাহরতাং নানৃতে রমতে মনঃ ॥ 3-209-40 (24170)
ধনং তু ব্রাহ্মণস্যাহুঃ স্বাধ্যায়ং দমমার্জবম্।
ইন্দ্রিয়াণাং নিগ্রহং চ শাশ্বতং দ্বিজসত্তম ॥ 3-209-41 (24171)
সত্যার্জবে ধর্মমাহুঃ পরং ধর্মবিদো জনাঃ।
দুর্জ্ঞেয়ঃ শাশ্বতো ধর্মঃ স চ সত্যে প্রতিষ্ঠিতঃ ॥ 3-209-42 (24172)
শ্রুতিপ্রমাণো ধর্মঃ স্যাদিতি বৃদ্ধানুশাসনম্।
বহুধা দৃশ্যতে ধর্মঃ সূক্ষ্ম এব দ্বিজোত্তম ॥ 3-209-43 (24173)
ভগবানপি ধর্মজ্ঞঃ স্বাদ্যায়নিরতঃ শুচিঃ।
ন তু তত্ৎবেন ভগবন্দর্মং বেৎসীতি মে মতিঃ ॥ 3-209-44 (24174)
যদি বিপ্র ন জানীষে ধর্মং পরমকং দ্বিজ।
ধর্মব্যাধং তত পৃচ্ছ গৎবা তু মিথিলাং পুরীম্ ॥ 3-209-45 (24175)
মাতাপিতৃভ্যাং শুশ্রূপুঃ সত্যবাদী জিতেন্দ্রিয়ঃ।
মিথিলায়াং বসেদ্ব্যাধঃ স তে ধর্মান্প্রবক্ষ্যতি ॥ 3-209-46 (24176)
তত্র গচ্ছস্ব ভদ্রং তে যথাকামং দ্বিজোত্তম।
`ব্যাধঃ পরমধর্মাত্মা স তে ছেৎস্যতি সংশয়ম্' ॥ 3-209-47 (24177)
অত্যুক্তমপি মে সর্বং ক্ষন্তুমর্হস্যনিন্দিত।
স্ত্রিয়ো হ্যবধ্যাঃ সর্বেষাং যে ধর্মমভিবিন্দতে ॥ 3-209-48 (24178)
ব্রাহ্মণ উবাচ। 3-209-49x (2476)
প্রীতোস্মি তব ভদ্রং তে গতঃ ক্রোধশ্চ শোভনে।
উপালম্ভস্ৎবয়া প্রোক্তো মম নিশ্রেয়সং পরম্ ॥ 3-209-49 (24179)
স্বস্তি তেঽস্তু গমিষ্যামি সাধয়িষ্যামি শোভনে।
`ধন্যা ৎবমসি কল্যাণি যস্যাঃ স্যাদ্বৃত্তমীদৃশম্। 3-209-50 (24180)
মারক্ণ্ডেয় উবাচ। 3-209-51x (2477)
3-209-51 (24181)
তয়া বিসৃষ্টো নির্গত্য স্বমেব ভবনং যয়ৌ।
বিনিন্দন্স স্বমাত্মানং কৌশিকো দ্বিজসত্তমঃ ॥
Mahabharata - Vana Parva - Chapter Footnotes
3-209-28 দণ্ডকেনোপশাম্যতি ইতি ঝ. পাঠঃ ॥ 3-209-48 অভিবিন্দতে জানন্তীত্যর্থঃ ॥ 3-209-50 সাধয়িষ্যামি স্বকার্যমিতি শেষঃ ॥অরণ্যপর্ব - অধ্যায় 210
॥ শ্রীঃ ॥
3.210. অধ্যায়ঃ 210
Mahabharata - Vana Parva - Chapter Topics
কৌশিকনামকেন দ্বিজবরেণ পতিব্রতাবচনাদ্ধর্মাবগতয়ে ধর্মব্যাধংপ্রতি গমনম্ ॥ 1 ॥ ব্যাধেন তস্মৈ নানাধর্মোপদেশঃ ॥ 2 ॥Mahabharata - Vana Parva - Chapter Text
3-210-0 (24182)
মার্কণ্ডেয় উবাচ। 3-210-0x (2478)
চিন্তয়িৎবা তদাশ্চর্যং স্ত্রিয়া প্রোক্তমশেপতঃ।
বিনিন্দন্স দ্বিজোঽঽত্মানমাগস্কৃত ইবাবভৌ ॥ 3-210-1 (24183)
চিন্তয়ানঃ স ধর্মস্য সূক্ষ্মাং গতিমথাব্রবীৎ।
শ্রদ্দধানেন বৈ ভাব্যে গচ্ছামি মিথিলামহম্ ॥ 3-210-2 (24184)
কৃতাত্মা ধর্মবিত্তস্যাং ব্যাধো নিবসতে কিল।
তং গচ্চাম্যহমদ্যৈব ধর্মং প্রষ্টুং তপোধনম্ ॥ 3-210-3 (24185)
ইতিসংচিন্ত্য মনসা শ্রদ্দধানঃ স্ত্রিয়া বচঃ।
বলাকাপ্রত্যযেনাসৌ ধর্ম্যৈশ্চ বচনৈঃ শুভৈঃ ॥ 3-210-4 (24186)
সংপ্রতস্থে স মিথিলাং কৌতূহলসমন্বিতঃ।
অতিক্রামন্নরণ্যানি গ্রামাংশ্চ নগরাণি চ ॥ 3-210-5 (24187)
ততো জগাম মিথিলাং জনকেন সুরক্ষিতাম্।
ধর্মসেতুসমাকীর্ণাং যজ্ঞোৎসববতীং শুভাম্ ॥ 3-210-6 (24188)
গোপুরাট্টালকবতীং হর্ম্যপ্রাকারশোভনাম্।
প্রবিশ্য নগরীং রম্যাং বিমানৈর্বহুভির্যুতাম্ ॥ 3-210-7 (24189)
পণ্যৈশ্চ বহুভির্যুক্তাং সুবিভক্তমহাপথাম্।
অশ্বৈ রথৈস্তথা নাগৈর্যোধৈশ্চ বহুভির্যুতাম্ ॥ 3-210-8 (24190)
হৃষ্টপুষ্টজনাকীর্ণাং নিত্যোৎসবসমাকুলাম্।
সোঽপস্যদ্বহুবৃত্তান্তাং ব্রাহ্মণঃ সমতিক্রমন্ ॥ 3-210-9 (24191)
ধর্মব্যাধমপৃচ্ছচ্চ স চাস্য কথিতো দ্বিজৈঃ।
অপশ্যত্তত্রগৎবা তং সূনামধ্যে ব্যবস্থিতম্ ॥ 3-210-10 (24192)
মার্গমাহিপমাংসানি বিক্রীণন্তং তপস্বিনম্।
আকুলৎবাচ্চ ক্রেতৃণামেকান্তে সংস্থিতো দ্বিজঃ ॥ 3-210-11 (24193)
স তু জ্ঞাতা দ্বিজং প্রাপ্তং সহসা সংভ্রমোত্থিতঃ।
আজগাম যতো বিপ্রঃ স্থিত একান্তআসনে ॥ 3-210-12 (24194)
ব্যাধ উবাচ। 3-210-13x (2479)
অভিবাদয়ে ৎবাং ভগবন্স্বাগতং তে দ্বিজোত্তম।
অহং ব্যাধো হি ভদ্রং তে কিং করোমি প্রশাধি মাম্ ॥ 3-210-13 (24195)
একপত্ন্যা যদুক্তোসি গচ্ছ ৎবং মিথিলামিতি।
জানাম্যেতদহং সর্বং যদর্থং ৎবমিহাগতঃ ॥ 3-210-14 (24196)
শ্রুৎবা চ তস্য তদ্বাক্যং স বিপ্রো ভৃশবিস্মিতঃ।
দ্বিতীয়মিদমাশ্চর্যমিত্যচিন্তয়ত দ্বিজঃ ॥ 3-210-15 (24197)
অদেশস্থং হি তে স্তানমিতি ব্যাঘোঽব্রবীদ্দ্বিজম্।
গৃহং গচ্ছাব ভগবন্যদি তে রোচতেঽনঘ ॥ 3-210-16 (24198)
মার্কণ্ডেয় উবাচ। 3-210-17x (2480)
বাঢমিত্যেব তং বিপ্রো হৃষ্টো বচনমব্রবীৎ।
অগ্রতস্তু দ্বিজং কৃৎবা স জগাম গৃহং প্রতি ॥ 3-210-17 (24199)
প্রবিশ্য চ গৃহংরম্যমাসনেনাভিপূজিতঃ।
`অর্ধ্যেণ চ স বৈ তেন ব্যাধেন দ্বিজসত্তমঃ' ॥ 3-210-18 (24200)
পাদ্যমাচমনীয়ং চ প্রতিগৃহ্য দ্বিজোত্তমঃ।
ততঃ সুখোপবিষ্স্তং ব্যাধং বচনমব্রবীৎ ॥ 3-210-19 (24201)
কর্মৈতদ্বৈ ন সদৃশং ভবতঃ প্রতিভাতি মে।
অনুতপ্যে ভৃশং তাত তব ঘোরেণ কর্মণা ॥ 3-210-20 (24202)
ব্যাধ উবাচ। 3-210-21x (2481)
কুলোচিতমিদং কর্ম পিতৃপৈতামহং পরম্।
বর্তমানস্য মে ধর্মে স্বে মন্যুং মা কৃথা দ্বিজ ॥ 3-210-21 (24203)
বিধাত্রা বিহিতং পূর্বং কর্ম স্বমনুপালয়ন্।
প্রয়ত্নাচ্চ গুরূ বৃদ্ধৌ শুশ্রূষেঽহং দ্বিজোত্তম ॥ 3-210-22 (24204)
সত্যং বদে নাভ্যসূয়ে যথাশক্তি দদামি চ।
দেবতাতিথিভৃত্যানামবশিষ্টেন বর্তয়ে ॥ 3-210-23 (24205)
ন কুৎসয়াম্যহং কিংচিন্ন গর্হে বলবত্তরম্।
কৃতমন্বেতি কর্তারং পুরা কর্ম দ্বিজেত্তম ॥ 3-210-24 (24206)
কৃষিগোরক্ষ্যবাণিজ্যমিহ লোকস্য জীবনম্।
দণ্ডনীতিস্ত্রয়ো বিদ্যা তেন লোকো ভবত্যুত ॥ 3-210-25 (24207)
কর্ম শূদ্রে কৃষির্বৈশ্যে সংগ্রামঃ ক্ষত্রিয়ে স্মৃতঃ।
ব্রহ্মচর্যতপোমন্ত্রাঃ সত্যং চ ব্রাহ্মণে সদা ॥ 3-210-26 (24208)
রাজা প্রশাস্তি ধর্মেণ স্বকর্মনিরতাঃ প্রজাঃ।
বিকর্মাণশ্চ যে কেচিত্তান্যুনক্তি স্বকর্মসু ॥ 3-210-27 (24209)
ভেতব্যং হি সদা রাজ্ঞাং প্রজানামধিপা হিতে।
মারয়ন্তি বিকর্মস্থং লুব্ধা মৃগমিবেষুভিঃ ॥ 3-210-28 (24210)
জনকস্যেহ বিপ্রর্ষে বিকর্মস্থো ন বিদ্যতে।
স্বকর্মনিরতা বর্ণাশ্চৎবারোপি দ্বিজোত্তম ॥ 3-210-29 (24211)
স এষ জনকো রাজা দুর্বৃত্তমপি চেৎসুতম্।
দণ্ড্যং দণ্ডে নিক্ষিপতি যথা ন গ্লাতি ধার্মিকম্ ॥ 3-210-30 (24212)
সুয়ুক্তচারো নৃপতিঃ সর্বং ধর্মেণ পশ্যতি।
শ্রীশ্চ রাজ্যং চ দণ্ডশ্চ ক্ষত্রিয়াণাং দ্বিজোত্তম ॥ 3-210-31 (24213)
রাজানো হি স্বধর্মেণ শ্রিয়মিচ্ছন্তি ভূয়সীম্।
সর্বেষামেব বর্ণানাং ত্রাতা রাজা ভবত্যুত ॥ 3-210-32 (24214)
পরেণ হি হতান্ব্রহ্মন্বরাহমহিষানহম্।
ন স্বয়ং হন্মি বিপ্রর্ষে বিক্রীণামি সদা ৎবহম্ ॥ 3-210-33 (24215)
ন ভক্ষয়ামি মাংসানি ঋতুগামী তথাহ্যহম্।
সদোপবাসী চ তথা নক্তভোজী সদা দ্বিজ ॥ 3-210-34 (24216)
অশীলশ্চাপি পুরুষো ভূৎবা ভবতি শীলবান্।
প্রাণিহিংসারতিশ্চাপি ভবতে ধার্মিকঃ পুনঃ ॥ 3-210-35 (24217)
ব্যভিচারাননরেন্দ্রাণাং ধর্মঃ সংকীর্যতে মহান্।
অধর্মো বর্ততে চাপি সংকীর্যন্তে ততঃ প্রজাঃ ॥ 3-210-36 (24218)
ভেরুণ্ডা বামনাঃ কুব্জাঃ স্থূলশীর্ষাস্তথৈব চ।
ক্লীবাশ্চান্ধাশ্চ বধিরা জায়ন্তেঽত্যুচ্চলোচনাঃ ॥ 3-210-37 (24219)
পার্থিবানামধর্মৎবাৎপ্রজানামভবঃ সদা।
স এষ রাজা জনকঃ প্রজা ধর্মেণ পশ্যতি ॥ 3-210-38 (24220)
অনুগৃহ্ণন্প্রজাঃ সর্বাঃ স্বধর্মনিরতাঃ সদা।
`পাত্যেষ রাজা জনকঃ পিতৃবদ্দ্বিজসত্তম' ॥ 3-210-39 (24221)
যেচৈব মাং প্রশংসন্তি যেচ নিন্দন্তি মানবাঃ।
সর্বান্সুপরিণীতেন কর্মাণা তোষয়াম্যহম্ ॥ 3-210-40 (24222)
যে জীবন্তি স্বধর্মেণ সংয়ুঞ্জন্তি চ পার্থিবাঃ।
ন কিংচিদুপজীবনতি দান্তা উত্থানসীলিনঃ ॥ 3-210-41 (24223)
শক্ত্যাঽন্নদানং সততং তিতিক্ষা ধর্মনিত্যতা।
যথার্হং প্রতিপূজা চ সর্বভূতেষু বৈ দয়া ॥ 3-210-42 (24224)
ত্যাগান্নান্যত্র মর্ত্যানাং গুণাস্তিষ্ঠান্তি পূরুষে।
মৃষাবাদং পরিহরেৎকুর্যাৎপ্রিয়ময়াচিতঃ ॥ 3-210-43 (24225)
ন চ কামান্ন সংরম্ভান্ন দ্বেষাদ্ধর্মমুৎসৃজেৎ।
প্রিয়ে নাতিভৃশং হৃষ্যেদপ্রিয়ে ন চ সংজ্বরেৎ ॥ 3-210-44 (24226)
ন মুহ্যেদর্থকৃচ্ছ্রেষু ন চ ধর়্মং পরিত্যজেৎ।
কর্ম চেৎকিংচিদন্যৎস্যাদিতরন্ন তদাচরেৎ ॥ 3-210-45 (24227)
যৎকল্যাণমভিধ্যায়েত্তত্রাত্মানং নিয়োজয়েৎ।
ন পাপং প্রতি পাপঃ স্যাৎসাধুরেব সদা ভবেৎ ॥ 3-210-46 (24228)
আত্মনৈব হতঃ পাপো যঃ পাপং কর্তুমিচ্ছতি।
কর্ম চৈতদসাধূনাং বৃজিনানামসাধুকম্ ॥ 3-210-47 (24229)
ন ধর্মোস্তীতি মন্বানাঃ শুচীনবহসন্তি যে।
অশ্রদ্দধানা ধর্মস্ তে নশ্যন্তি ন সংশয়ঃ ॥ 3-210-48 (24230)
মহাদৃতিরিবাধ্মাতঃ পাপো ভবতি নিত্যদা।
`সাধুঃ সন্নতিমানেব সর্বত্রদ্বিজসত্তম' ॥ 3-210-49 (24231)
মূঢানামবলিপ্তানামসারং ভাষিতং ভবেৎ।
দর্শয়ন্ত্যন্তরাত্মানং দিবা রূপমিবাংশুমান্ ॥ 3-210-50 (24232)
ন লোকে রাজতে মূর্খঃ কেবলাত্মপ্রশংসয়া।
অপিচেহ মৃজাহীনঃ কৃতবিদ্যঃ প্রকাশতে ॥ 3-210-51 (24233)
অব্রুবন্কস্যচিন্নিন্দামাত্মপূজামবর্ণয়ন্।
ন কশ্চিদ্গুণসংপন্নঃ প্রকাশো ভুবি দৃশ্যতে ॥ 3-210-52 (24234)
বিকর্মণা তপ্যমানঃ পাপাদ্বিপরিমুচ্যতে।
ন তৎকুর্যাং পুনরিতি দ্বিতীয়াৎপরিমুচ্যতে ॥ 3-210-53 (24235)
কর্মণা যেন কেনাপি পাপাত্মা দ্বিজসত্তম।
এবং শ্রুতিরিয়ং ব্রহ্মন্ধর্মেষু প্রতিদৃশ্যতে ॥ 3-210-54 (24236)
পাপনি বুদ্ধ্বেহ পুরা কৃতানি
স্বধর্মশীলো বিনিহন্তি পশ্চাৎ।
ধর্মো ব্রহ্মন্নুদতে ব্রাহ্মণানাং
যৎকুর্বতে পাপমিহ প্রমাদাৎ ॥ 3-210-55 (24237)
পাপং কৃৎবা হি মন্যেত নাহমস্মীতি পূরুষঃ।
[তং তু দেবাঃ প্রপশ্যন্তি স্বস্যৈবান্তরপূরুষঃ] ॥ 3-210-56 (24238)
চিকীর্ষেদেব কল্যায়ণং শ্রদ্দধানোঽনসূয়কঃ ॥ 3-210-57 (24239)
বসনস্যেব চ্ছিদ্রাণই সাধূনাং বিবৃণোতি যঃ।
`অপশ্যন্নাত্মনো দোষান্স পাপঃ প্রেত্য নশ্যতি' ॥ 3-210-58 (24240)
পাপং চেৎপুরুষঃ কৃৎবা কল্যাণমভিপদ্যতে।
মুচ্যতে সর্বপাপেভ্যো মহাভ্রেণেব চন্দ্রমাঃ ॥ 3-210-59 (24241)
যথাঽঽদিত্যঃ সমুদ্যন্বৈ তমঃ সর্বং ব্যপোহতি।
এবং কল্যাণমাতিষ্ঠন্সর্বপাপৈঃ প্রমুচ্যতে ॥ 3-210-60 (24242)
পাপানাং বিদ্ধ্যধিষ্ঠানং লোভমোহৌ দ্বিজোত্তম।
`তস্মাত্তৌ বিদুষা বিপ্র বর্জনীয়ৌ বিশেষতঃ' ॥ 3-210-61 (24243)
লুবধাঃ পাপং ব্যবস্যন্তি নরা নাতিবহুশ্রুতাঃ।
অধর্ম্যা ধর্মরূপেণ তৃণৈঃ কূপা ইবাবৃতাঃ ॥ 3-210-62 (24244)
যেষাং পঞ্ পবিত্রাণি প্রলাপা ধর্মসংশ্রিতঃ।
সর্বং হি বিদ্যতে তেষু শিষ্টাচারঃ সুদুর্লভঃ ॥ 3-210-63 (24245)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি দশাধিকদ্বিশততমোঽধ্যায়ঃ ॥ 210 ॥
Mahabharata - Vana Parva - Chapter Footnotes
3-210-1 আগোঽপরাধঃ কৃতমননেত্যাগস্কৃতঃ ॥ 3-210-7 বিমানৈঃ সাপ্তভৌমিকগৃহৈঃ ॥ 3-210-10 সূনা বধস্থানং তন্মধ্যে ॥ 3-210-16 অদেশস্থং অয়োগ্যদেশস্থম্ ॥ 3-210-22 গুরূ মাতাপিতরৌ ॥ 3-210-23 বর্তয়ে জীবামি ॥ 3-210-24 কুৎসা বিদ্যমানদোষসংকীর্তনম্। গর্হা অবিদ্যমানদোষারোপঃ। পুরাকৃতং কর্মেতি সংবন্ধঃ ॥ 3-210-25 লোকঃ পরলোকঃ ॥ 3-210-30 ন গ্লাতি ন গ্লানি নয়তি ॥ 3-210-36 ব্যভিচারাৎস্বৈরগতেঃ ॥ 3-210-37 ভেরুণ্ডাঃ ভয়ানকাঃ। উরুণ্ডাঃ ইতি খ. থ.ধ. পাঠঃ ॥ 3-210-40 সুপরিণীতেন সাধুনা ॥ 3-210-41 যে সংয়ুঞ্জন্তি সম্যগ্যোগং সেনাবিনেশং কুর্বন্তি তএব পার্তিবা অন্যে চোরো ইত্যর্থঃ ॥ 3-210-44 সংরম্ভাদ্ভয়াৎ ॥ 3-210-45 অন্ৎ বিপরীতং স্যাৎ ইতরত্তাদৃশং দ্বিতীয়ং কল্যাণমেবাচরেৎ ॥ 3-210-46 পাপঃ পাপী ॥ 3-210-47 বৃজিনানাং ব্যসনবতাম্ ॥ 3-210-49 দৃতির্ভস্ত্রা। আধ্যাতঃ সন্নসারোপি পুষ্টো ভবেৎ ॥ 3-210-51 মৃজাহীনঃ মলিনদেহঃ ॥ 3-210-52 মূঢস্বরূপমাহ অব্রুবন্নিতি ॥ 3-210-53 পাপাৎ প্রাক্কৃতাৎ। দ্বিতীয়াৎকরিষ্যমাণাৎ ॥ 3-210-54 জপতপস্তীর্থাদ্যন্যতমেন যেনকেনচিদপি কর্মণা পাপাৎ পরিমুচ্যৎ ইত্যনুষজ্জ্যতে ॥অরণ্যপর্ব - অধ্যায় 211
॥ শ্রীঃ ॥
3.211. অধ্যায়ঃ 211
Mahabharata - Vana Parva - Chapter Topics
কৌশিকংপ্রতি ধর্মব্যাধেন শিষ্টলক্ষণাদিকথনম্ ॥ 1 ॥Mahabharata - Vana Parva - Chapter Text
3-211-0 (24246)
মার্কণ্ডেয় উবাচ। 3-211-0x (2482)
স তু বিপ্রো মহাপ্রাজ্ঞ ধর্মব্যাধমপৃচ্ছত।
শিষ্টাচারং কথমহং বিদ্যামিতি নরোত্তম ॥ 3-211-1 (24247)
`পঞ্চ কানি পবিত্রাণি শিষ্টাচারেষু নিত্যদা'।
এতদিচ্ছামি ভদ্রং তে শ্রোতুং ধর্মভৃতাংবর।
ৎবত্তো মহামতে ব্যাধ তদ্ব্রবীহি যথাতথম্ ॥ 3-211-2 (24248)
ব্যাধ উবাচ। 3-211-3x (2483)
যজ্ঞো দানং তপো বেদাঃ সত্যং চ দ্বিজসত্তম।
পঞ্চৈতানি পবিত্রাণি শিষ্টাচারেষু নিত্যদা ॥ 3-211-3 (24249)
কামক্রোধৌ বশে কৃৎবা দম্ভং লোভমনার্জবম্।
ধর্মমিত্যেবং সংতুষ্টাস্তে শিষ্টাঃ শিষ্টসংমতাঃ ॥ 3-211-4 (24250)
ন তেষাং ভিদ্যতে বৃত্তং যজ্ঞস্বাধ্যায়শীলিনাম্।
আচারপালনং চৈব দ্বিতীয়ং শিষ্টলক্ষণম্ ॥ 3-211-5 (24251)
গুরুশুশ্রূষণং সত্যমক্রোধো দানমেব চ।
এতচ্চতুষ্টয়ং ব্রহ্মঞ্শিষ্টাচারেষু নিত্যদা ॥ 3-211-6 (24252)
শিষ্টাচারে মনঃ কৃৎবা প্রতিষ্ঠাপ্য চ সর্বশঃ।
যাময়ং লভতে তুষ্টিং সা ন শক্যা হ্যতোঽন্যথা ॥ 3-211-7 (24253)
বেদস্যোপনিষৎসত্যং সত্যস্যোপনিষদ্দমঃ।
দমস্যোপনিষত্ত্যাগঃ শিষ্টাচারেষু নিত্যদা ॥ 3-211-8 (24254)
যে তু ধর্মানসূয়ন্তে বুদ্ধিমোহান্বিতা নরাঃ।
অপথা গচ্ছতাং তেষামনুয়াতা চ পীড্যতে ॥ 3-211-9 (24255)
যে তু শিষ্টাঃ সুনিয়তাঃ শ্রুতিত্যাগপরায়ণাঃ।
ধর্মপন্থানমারূঢাঃ সত্যধর্মপরায়ণাঃ ॥ 3-211-10 (24256)
নিয়চ্ছন্তি পরাং বুদ্ধিং শিষ্টাচারান্বিতা জনাঃ।
উপাধ্যায়মতে যুক্তাঃ স্থিত্যা ধর্মার্থদর্শিনঃ ॥ 3-211-11 (24257)
নাস্তিকান্ভিন্নমর্যাদান্ক্রূরান্পাপমতৌ স্থিতান্।
ত্যজ তাঞ্জ্ঞানমাশ্রিত্য ধার্মিকানুপসেব্য চ ॥ 3-211-12 (24258)
কামলোভগ্রহাকীর্ণং পঞ্চেন্দ্রিয়জলাং নদীম্।
নাবং ধৃতিময়ীং কৃৎবা জন্মদুর্গাণি সংতর ॥ 3-211-13 (24259)
ক্রমেণ সংচিতো ধর্মো বুদ্ধিয়োগময়ো মহান্।
শিষ্টাচারে ভবেৎসাধূ রাগঃ শুক্লে ব বাসসি ॥ 3-211-14 (24260)
অহিংসা সত্যবচনং সর্বভূতহিতং পরম্।
অহিংসা পরমো ধর্মঃ স চ সত্যে প্রতিষ্ঠিতঃ।
সত্যং কৃৎবা প্রতিষ্ঠাং তু প্রবর্তন্তে প্রবৃত্তয়ঃ ॥ 3-211-15 (24261)
সত্যমেব গরীয়স্তু শিষ্টাচারনিষেবিতম্।
আচারশ্চ সতাং ধর্মঃ সন্তো হ্যাচারলক্ষণাঃ ॥ 3-211-16 (24262)
যো যথা প্রকৃতির্জন্তুঃ স স্বাং প্রকৃতিমশ্নুতে।
পাপাত্মা ক্রোধকামাদীন্দোষানাপ্নোত্যনাত্মবান্ ॥ 3-211-17 (24263)
আরম্ভো ন্যায়যুক্তো যঃ স হি ধর়্ম ইতি স্মৃতঃ।
অনাচারস্ৎবধ্রমেতি এতচ্ছিষ্টানুশাসনম্ ॥ 3-211-18 (24264)
অক্রুধ্যন্তোঽনসূয়ন্তো নিরহংকারমৎসরাঃ।
ঋজবঃ শমসংপন্নাঃ শিষ্টাচারা ভবন্তি তে ॥ 3-211-19 (24265)
ত্রৈবিদ্যবৃদ্ধাঃ শুচয়ো বৃত্তবন্তো মনস্বিনঃ।
গুরুশুশ্রূষবো দান্তাঃ শিষ্টাচারা ভবন্ত্যুত ॥ 3-211-20 (24266)
তেষামহীনসৎবানাং দুষ্করাচারকর্মণাম্।
স্বৈঃ কর্মভিঃ সৎকৃতানাং ঘোরৎবং সংপ্রণশ্যতি ॥ 3-211-21 (24267)
তং তদাচারমাশ্চর্যং পুরাণং শাশ্বতং ধ্রুবম্।
ধর্ম্যং ধর্মেণ পশ্যন্তঃ স্বর্গং যান্তি মনীষিণঃ ॥ 3-211-22 (24268)
আস্তিকা মানহীনাশ্চ দ্বিজাতিজনপূজকাঃ।
শ্রুতবৃত্তোপসংপন্নাস্তে সন্তঃ স্বর্গগামিনঃ ॥ 3-211-23 (24269)
বেদোক্তঃ প্রথমো ধর্মো ধর্মশাস্ত্রেষু চাপরঃ।
শিষ্টাচীর্ণশ্ শিষ্টানাং ত্রিবিধং ধর্মলক্ষণম্ ॥ 3-211-24 (24270)
ধারণং চাপি বেদানাং তীর্থানামবগাহনম্।
ক্ষমা সত্যার্জবং শৌচং শিষ্টাচারনিদর্শনম্ ॥ 3-211-25 (24271)
সর্বভূতদয়াবন্তো হ্যহিংসানিরতাঃ সদা।
পরুষং চ ন ভাষন্তে সদা সন্তো দ্বিজপ্রিয়াঃ ॥ 3-211-26 (24272)
শুভানামশুভানাং চ কর্মণাং সবলাশ্রয়ম্।
বিপাকমভিজানন্তি তে শিষ্টাঃ শিষ্টসংমতাঃ ॥ 3-211-27 (24273)
ন্যায়োপেতা গুণোপেতাঃ সর্বলোকহিতৈষিণঃ।
সন্তঃ স্বর্গজিতঃ শক্ত্যা সন্নিবিষ্টাশ্চ সৎপথে।
দাতারঃ সংবিভক্তারো দীনানুগ্রহকারিণঃ ॥ 3-211-28 (24274)
সর্বপূজ্যাঃ শ্রুতধনাস্তথৈব চ তপস্বিনঃ।
সর্বভূতদয়াবন্তস্তে শিষ্টাঃ শিষ্টসংমতাঃ ॥ 3-211-29 (24275)
দাননিত্যাঃ সুখান্যাশু প্রাপ্নুবন্ত্যপি চ শ্রিয়ম্।
পীডয়া চ কলত্রস্য ভৃত্যানাং চ সমাহিতাঃ ॥ 3-211-30 (24276)
অতিশক্ত্যা প্রয়চ্ছন্তি সন্তঃ সদ্ভিঃ সমাগতাঃ।
লোকয়াত্রাং চ পশয়্ন্তো ধর্মমাত্মহিতানি চ।
এবং সন্তোবর্তমানাস্ৎবেধন্তে শাশ্বতীঃ সমাঃ ॥ 3-211-31 (24277)
অহিংসা সত্যবচনমানৃশংস্যবথার্জবম্।
অদ্রোহো নাতিমানশ্চ হ্রীস্তিতিক্ষা দমঃ শমঃ ॥ 3-211-32 (24278)
ধীমন্তো ধৃতিমন্তশ্চ ভূতানামনুকম্পকাঃ।
অকামদ্বেষসংয়ুক্তাস্তে সন্তো লোকসৎকৃতাঃ ॥ 3-211-33 (24279)
ত্রীণ্যেব তু পদান্যাহুঃ সতাং বৃত্তমনুস্মরন্।
ন চৈব দ্রুহ্যেদ্দদ্যাচ্চ সত্যং চৈব সদা বদেৎ ॥ 3-211-34 (24280)
সর্বত্র চ দয়াবন্তঃ সন্তঃ করুণবেদিনঃ।
গচ্ছন্তীহ সুসংতুষ্টা ধর্ম্যং পন্থানমুত্তমম্ ॥ 3-211-35 (24281)
শিষ্টাচারা মহাত্মানো যেষাং ধর্মঃ সুনিশ্চিতঃ।
অনসূয়া ক্ষমা শান্তিঃ সংতোষঃ প্রিয়বাদিতা ॥ 3-211-36 (24282)
কামক্রোধপরিত্যাগঃ শিষ্টাচারনিষেবণম্।
কর্ম চ শ্রুতসংপন্নং সতাং মার্গমনুত্তমম্ ॥ 3-211-37 (24283)
শিষ্টাচারং নিষেবন্তে নিত্যং ধ্রমমনুব্রতাঃ।
প্রজ্ঞাপ্রাসাদমারূহ্য মুহ্যতো মহতো জনান্ ॥ 3-211-38 (24284)
প্রেক্ষন্তে লোকবৃত্তানি বিবিধানি দ্বিজোত্তমাঃ।
অতিষুণ্যানি দানানি তানি দ্বিজবরোত্তম ॥ 3-211-39 (24285)
এতত্তে সর্বমাখ্যাতং যথাপ্রজ্ঞং যথাশ্রুতম্।
শিষ্টাচারগুণান্ব্রহ্মন্পুরস্কৃত্য দ্বিজর্ষভ ॥ 3-211-40 (24286)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি একাদশাধিকদ্বিশততমোঽধ্যায়ঃ ॥
Mahabharata - Vana Parva - Chapter Footnotes
3-211-6 বৃত্তং বৃতং স্বেচ্ছোপাত্তমিতি যাবৎ ॥ 3-211-7 অতোঽন্যথা গুরুশুশ্রূষণাদ্যভাবে ॥ 3-211-8 উপনিষদ্রহস্যম্ ॥ 3-211-9 অনুয়াতা অনুগন্তা ॥ 3-211-10 শ্রুতিশ্চ ত্যাগাশ্চ তে দ্বে পরং অয়নং স্থানং যেষাং তে শ্রুতিত্যাগপরায়ণাঃ ॥ 3-211-14 শিষ্টাচারবতি শুক্লপোপমে যোগধর্মঃ রাগইব সাধুর্ভবেৎ। শুক্লেব বেতি ইবার্থে ॥ 3-211-17 অনাত্মবান্ অজিতচিত্তঃ ॥ 3-211-19 অহংকারো দর্পঃ মৎসরঃ পরদোষাসহিষ্ণুৎবং তদ্বির্জিতাঃ। শিষ্টং গুরুশাস্ত্রোক্তং আচরন্তঃ শিষ্টাচারাঃ ॥ 3-211-20 ত্রৈবিদ্যবৃদ্ধাঃ তিস্রো বিদ্যা ঋগ্যজুঃসামাত্মিকা যত্রস ত্রিবিদ্যো যজ্ঞস্তত্র সাধবস্ত্রৈবিদ্যা যাজ্ঞিকাঃ। বৃত্তং শীলং তদ্বন্তঃ। মনস্বিন জিতচিত্তাঃ ॥ 3-211-21 দুষ্করাচারকর্মণাং অন্যৈর্দুষ্করঃ আচারঃ শীলং কর্ম যজ্ঞাদি যেষাং তেষাম্। ঘোরৎবং হিংসাদিদোষবত্ৎবম্ ॥ 3-211-22 পুরাণমনাদিম্। শাশ্বতং অনবচ্ছিন্নম্। ধ্রুবং নিত্যম্। অত্যাজ্যমিত্যর্থঃ ॥ 3-211-24 বেদোক্তোঽগ্নিহোত্রাদিঃ। ধর্মশাস্ত্রোক্তঃ অষ্টকাশ্রাদ্ধাদিঃ। শিষ্ঠাচীর্ণঃ হোলকাদিঃ। শিষ্টনাং তুষ্টিরিতি শেষঃ ॥ 3-211-28 ন্যায়ো যুক্তিঃ। গুণাঃ শমাদয়স্তদুপেতাঃ। সংবিভক্তারঃ কুটুম্বেষু ॥ 3-211-29 শ্রুতধনাঃ বিদ্যাধনাঃ ॥ 3-211-35 করুণাঃ করুণাবন্তশ্চ তে বেদনশীলাশ্চ। মৎবর্থীয়োঽচ্ ॥ 3-211-39 অতিপুণ্যানি পাপানি ইতি ঝ. পাঠঃ ॥অরণ্যপর্ব - অধ্যায় 212
॥ শ্রীঃ ॥
3.212. অধ্যায়ঃ 212
Mahabharata - Vana Parva - Chapter Topics
কৌশিকংপ্রতিধর্মব্যাধেন সর্বৈহিংসায়া দুস্ত্যজৎবোপপাদনপূর্বকং সর্ববর্ণানাং স্বস্বধর্মানুহানস্য শ্রেয়ঃসাধাৎবাদিকথনম্ ॥ 1 ॥Mahabharata - Vana Parva - Chapter Text
3-212-0 (24287)
মার্কণ্ডেয় উবাচ। 3-212-0x (2484)
স তু বিপ্রমথোবাচ ধর্মব্যাধো যুধিষ্ঠির।
যদহং হ্যাচরে কর্ম ঘোরমেতদসংশয়ম্ ॥ 3-212-1 (24288)
বিধিস্তু বলবান্ব্রহ্মন্দুস্তরং হি পুরা কৃতম্।
পুরা কৃতস্ পাপস্য কর্মদোষো ভবত্যযম্ ॥ 3-212-2 (24289)
দোপস্যৈতস্য বৈ ব্রহ্মন্বিঘাতে যত্নবানহম্।
বিধিনা হি হতে পূর্বং নিমিত্তং ঘাতকো ভবেৎ ॥ 3-212-3 (24290)
নিমিত্তভূতা হি বয়ং কর্মণোঽস্য দ্বিজোত্তম ॥ 3-212-4 (24291)
যেষাং হতানাং মাংসানি বিক্রীণীমো বয়ং দ্বিজ।
তেষামপি ভবেদ্ধর্ম উপয়োগেন ভক্ষণাৎ।
দেবতাতিথিভৃত্যানাং পিতৃণাং চাপি পূজনাৎ ॥ 3-212-5 (24292)
ওষধ্যো বীরুধশ্চৈব পশবো মৃগপক্ষিণঃ।
অন্নাদ্যভূতা লোকস্য ইত্যপি শ্রূয়তে শ্রুতিঃ ॥ 3-212-6 (24293)
আত্মমাংসপ্রসাদেন শিবিরৌশীনরো নৃপঃ।
স্বর্গং সুদুর্লভং প্রাপ্তঃ ক্ষমাবান্দ্বিজসত্তম ॥ 3-212-7 (24294)
রাজ্ঞো মহানসে পূর্বং রন্তিদেবস্য বৈ দ্বিজ।
[দ্বে সহস্রে তু পচ্ছেতে পশূনামন্বহং তদা।]
অহন্যহনি পচ্যেতে দ্বে সহস্রে গবাং তথা ॥ 3-212-8 (24295)
স মাসং দদতো হ্যন্নং রন্তিদেবস্য নিত্যশঃ।
অতুলা কীর্তিরভবন্নৃপস্য দ্বিজসত্তম ॥ 3-212-9 (24296)
চাতুর্মাস্যে চ পশবো বধ্যন্ত ইতি নিত্যশঃ।
অগ্নয়ো মাংসকামাশ্চইত্যপি শ্রূয়তে শ্রুতিঃ ॥ 3-212-10 (24297)
যজ্ঞেষু পশবো ব্রহ্মন্বধ্যন্তে সততং দ্বিজৈঃ।
সংস্কৃতাঃ কিল মন্ত্রৈশ্চ তেঽপি স্বর্গমবাপ্নুবন্ ॥ 3-212-11 (24298)
যদি নৈবাগ্নয়ো ব্রহ্মন্মাংসকামাঽভবন্পুরা।
ভক্ষ্যং নৈবাভবন্মাংসং কস্যচিদ্দ্বিজসত্তম ॥ 3-212-12 (24299)
অত্রাপি বিধিরুক্তশ্ মুনিভির্মাংসভক্ষণে ॥ 3-212-13 (24300)
দেবতানাং পিতৃণাং চ শুঙ্ক্তে দত্ৎবাঽপিয়ঃ সদা।
যথাবিধি যথাশ্রদ্ধং ন স দুষ্যেত ভক্ষণাৎ ॥ 3-212-14 (24301)
অমাংসাশী ভবত্যেবমিত্যপি শ্রূয়তে শ্রুতিঃ।
ভার্যাং গচ্ছন্ব্রহ্মচারী ঋতৌ ভবতি ব্রাহ্মণঃ ॥ 3-212-15 (24302)
সত্যানৃতে বিনিশ্চিত্য অত্রাপি বিধিরুচ্যতে।
সৌদাসেন তদা রাজ্ঞা মানুষা ভক্ষিতা দ্বিজ।
শাপাভিভূতেন ভৃশমত্র কিং প্রতিভাতি তে ॥ 3-212-16 (24303)
স্বধর্ম ইতিকৃৎবা তু ন ত্যজামি দ্বিজোত্তম।
পুরা কৃতমিতি জ্ঞাৎবা রজীবাম্যেতেন কর্মণা ॥ 3-212-17 (24304)
স্বধর্মং ত্যজতো ব্রহ্মন্নধর্ম ইহ দৃশ্যতে।
স্বকর্মনিরতো যস্তু ধর্মঃ স ইতি নিশ্চয়ঃ ॥ 3-212-18 (24305)
কুলে হি বিহিতং কর্ম দেহী তং ন বিমুঞ্চতি।
ধাত্রা বিধিরয়ং দৃষ্টো বহুধা কর্মনির্ময়ে ॥ 3-212-19 (24306)
দ্রষ্টব্যস্তু ভবেদ্ব্রহ্মন্ধর্মো ধর্মবিনিশ্চয়ে।
কথং কর্ম শুভং কুর্যাং কথং মুচ্যে পরাভবাৎ ॥ 3-212-20 (24307)
কর্মণস্তস্য ঘোরস্ বসুধা নির্ণয়ো ভবেৎ।
দানে চ সত্যবাক্যে চ গুরুশুশ্রূণে তথা।
দ্বিজাতিপূজনে চাহং ধর্মে চ নিরতঃ সদা ॥ 3-212-21 (24308)
অতিমানাতিবাদাভ্যাং নিবৃত্তোস্মি দ্বিজোত্তম।
কৃষিং সাধ্বীতি মন্যন্তে তত্র হিংসা পরা স্মৃতা ॥ 3-212-22 (24309)
কর্ষন্তো লাঙ্গলৈরুর্বীং ঘ্নন্তি ভূমিশয়ান্বহূন্।
জীবানন্যাংশ্চ বহুশস্তত্রকিং প্রতিভাতি তে ॥ 3-212-23 (24310)
ধান্যবীজানি যান্যাহুর্ব্রীহ্যাদীনি দ্বিজোত্তম।
সর্বাণ্যেতানি জীবা হি তত্র কিং প্রতিভাতি তে ॥ 3-212-24 (24311)
অধ্যাক্রম্ পশূংশ্চাপি ঘ্নন্তি বৈ ভক্ষয়ন্তি চ।
বৃক্ষাংস্তথৌষধীশ্চাপি ছিন্দন্তি পুরুষা দ্বিজ ॥ 3-212-25 (24312)
জীবা হি বহবো ব্রহ্মন্বৃক্ষেষু চ ফলেষু চ।
উদকে বহবশ্চাপি তত্রকিং প্রতিভাতি তে ॥ 3-212-26 (24313)
সর্বং ব্যাপ্তমিদং ব্রহ্মন্প্রাণিভিঃ প্রাণিজীবনৈঃ।
মৎস্যান্গ্রসন্তে মৎস্যাশ্চ তত্রকিং প্রতিভাতি তে ॥ 3-212-27 (24314)
সৎবৈঃ সৎবানি জীবন্তি বহুধা দ্বিজসত্তম।
প্রাণিনোঽন্যোন্যভক্ষাশ্চ তত্রকিং প্রতিভাতি তে ॥ 3-212-28 (24315)
চঙ্ক্রম্যমাণা জীবাংশ্চ ধরণীসংশ্রিতান্বহূন্।
পদ্ভ্যাং ঘ্নন্তি নরা বিপ্র তত্র কিং প্রতিভাতি তে ॥ 3-212-29 (24316)
উপবিষ্টাঃ শয়ানাশ্চ ঘ্নন্তি জীবাননেকশঃ।
অজ্ঞানাদথবা জ্ঞানাত্তত্রকিং প্রতিভাতি তে ॥ 3-212-30 (24317)
জীবৈর্গ্রস্তমিদং সর্বমাকাশং পৃথিবী তথা।
অবিজ্ঞানাচ্চ হিংসন্তি তত্র কিং প্রতিভাতি তে ॥ 3-212-31 (24318)
অহিংসেতি যদুক্তং হি পুরুষৈর্বিস্মিতৈঃ পুরা।
কে ন হিংসন্তি জীবান্বৈ লোকেঽস্মিন্দ্বিজসত্তম্ ॥ 3-212-32 (24319)
বহু সংচিন্ত্য ইহ বৈ নাস্তি কশ্চিদহিংসকঃ ॥ 3-212-33 (24320)
অহিংয়াসাং তু নিরতা যতয়ো দ্বিজসত্তম।
কুর্বন্ত্যেব হি হিংসাং তে যত্নাদল্পতরা ভবেৎ ॥ 3-212-34 (24321)
আলক্ষ্যাশ্চৈব পুরুষাঃ কুলে জাতা মহাগুণাঃ।
মহাঘোরাণি কর্মাণি কৃৎবা লজ্জন্তি বৈ ন চ ॥ 3-212-35 (24322)
সুহৃদঃ সুহৃদোঽন্যাংস্চ দুর্হৃদশ্চাপি দুর্হৃদঃ।
সম্যক্প্রবৃত্তান্পুরুষানন সম্যগনুপশ্যতি ॥ 3-212-36 (24323)
সমৃদ্ধৈশ্চন নন্দন্তি বান্ধবা বান্ধবৈরপি।
গুরূংশ্চৈব বিনিদন্তি মূঢা নিশ্চিতমানিনঃ ॥ 3-212-37 (24324)
বহু লোকে বিপর্যস্তং দৃশ্যতে দ্বিজসত্তম।
ধর্ময়ুক্তমধর্মং চ তত্র কিং প্রতিভাতি তে ॥ 3-212-38 (24325)
বক্তুং বহুবিধং শক্যং ধর্মাধর্মেষু কর্মসু।
স্বকর্মনিরতো যো হি স যশঃ প্রাপ্নুয়ান্মহৎ ॥ 3-212-39 (24326)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি দ্বাদশাধিকদ্বিশততমোঽধ্যায়ঃ ॥ 212 ॥
Mahabharata - Vana Parva - Chapter Footnotes
3-212-1 এতন্মাংসবিক্রয়াত্মকম্ ॥ 3-212-3 যত্নবানপি ন পরিহর্তুং শক্নোমি। বিধেঃ প্রাবল্যাদিত্যর্থঃ ॥ 3-212-4 শরবন্নিমিত্তভূতা বয়ং সংধাতৃকৎকর্তা তু বিধিরেবেত্যর্থঃ ॥ 3-212-6 অন্নাদ্যভূতাঃ অন্নং চ তদদ্যং চ ভোগ্যং ভক্ষ্যং চেত্যর্থঃ ॥ 3-212-15 যজ্ঞিয়মাংসভুজোঽপি ঋতুগামিনো ব্রহ্মচর্যমিব ঔপচারিকমমাংসাশিৎবমিতি ভাবঃ ॥ 3-212-20 দ্রষ্টব্যা তু ভবেৎপ্রজ্ঞা ক্রূরে কর্মণি বর্ততা ইতি ঝ. পাঠঃ ।অরণ্যপর্ব - অধ্যায় 213
॥ শ্রীঃ ॥
3.213. অধ্যায়ঃ 213
Mahabharata - Vana Parva - Chapter Topics
ধর্মব্যাধেন কৌশিকংপ্রতি পৌরুষনিন্দনন দৈবপ্রশংসনপূর্বকং সুকৃতদুষ্কৃতয়োঃ সুখদুঃখহেতুতাপ্রতিপাদনম্ ॥ 1 ॥Mahabharata - Vana Parva - Chapter Text
3-213-0 (24327)
মার্কণ্ডেয় উবাচ। 3-213-0x (2485)
ধর্মব্যাধস্তু নিপুণং পুনরেব যুধিষ্ঠির।
বিপ্রর্ষভমুবাচেদং সর্বধর্মভৃতাংবর ॥ 3-213-1 (24328)
শ্রুতিপ্রমাণো ধর্মোঽয়মিতি বৃদ্ধানুশাসনম্।
সূক্ষ্মা গতির্হি ধর্মস্ বহুশাখা হ্যনন্তিকা ॥ 3-213-2 (24329)
প্রাণান্তিকে বিবাহে চ বক্তব্যমনৃতং ভবেৎ।
অনৃতেন ভবেৎসত্যং সত্যেনৈবানৃতং ভবেৎ ॥ 3-213-3 (24330)
যদ্ভূতহিতমত্যন্তং তৎসত্যমিতি ধারণা।
বিপর্যযকৃতোঽধর্মঃ পশ্য ধর্মস্য সূক্ষ্মতাম্ ॥ 3-213-4 (24331)
যৎকরোত্যশুভং কর্ম শুভং বা যদি সত্তম।
অবশ্যং তৎসমাপ্নোতি পুরুষো নাত্র সংশয়ঃ ॥ 3-213-5 (24332)
বিষমাং চ দশাং প্রাপ্তো দেবান্গর্হতি বৈ ভৃশম্।
আত্মৃনঃ কর্মদোষেণ ন বিজানাত্যপণ্ডিতঃ ॥ 3-213-6 (24333)
মূঢো নৈকৃতিকশ্চাপি চপলশ্চ দ্বিজোত্তম।
`ন শুভং কর্ম বধ্নাতি পুরুষং পাষনিশ্চয়ম্' ॥ 3-213-7 (24334)
সুখদুঃখবিপর্যাসো যদা সমুপপদ্যতে।
নৈনং প্রজ্ঞা সুনীতং বা ত্রায়তে নৈব পৌরুষম্ ॥ 3-213-8 (24335)
যো যমিচ্ছেদ্যথা কামং তং তং কামং স আপ্নুয়াৎ।
যদি স্যাদপরাধীনং পৌরুষস্ ক্রিয়াফলম্ ॥ 3-213-9 (24336)
সংয়তাশ্চাপি দক্ষাশ্চ মতিমন্তশ্চ মানবাঃ।
দৃশ্যন্তে নিষ্ফলাঃ সন্তঃ প্রহীণাঃ সর্বকর্মভিঃ ॥ 3-213-10 (24337)
ভূতানামপরঃ কশ্চিদ্ধিংসায়াং সততোত্থিতঃ।
বঞ্চনায়াং চ লোকস্য স সুখেনৈব যুজ্যতে ॥ 3-213-11 (24338)
অচেষ্টমপি চাসীনং শ্রীঃ কংচিদুপতিষ্ঠতি।
কশ্চিৎকর্মাণি কুর্বন্হি ন প্রাপ্যমধিগচ্ছতি ॥ 3-213-12 (24339)
দেবানিষ্ট্বা তপস্তপ্ৎবা কৃপণৈঃ পুত্রগৃধ্নুভিঃ।
দশমাসধৃতা গর্ভা জায়ন্তে কুলপাংসনাঃ ॥ 3-213-13 (24340)
অপরে ধনধান্যৈশ্চ ভোগৈশ্চ পিতৃসংচিতৈঃ।
বিপুলৈরভিজায়ন্তে লব্ধাস্তৈরেব মঙ্গলৈঃ ॥ 3-213-14 (24341)
`ন দেহজা মনুষ্যাণাং ব্যাধয়ো দ্বিজসত্তম'।
কর্মজা হি মনুষ্যাণাং রোগা নাস্ত্যত্র সংশয়ঃ ॥ 3-213-15 (24342)
আধিভিশ্চৈব বাধ্যন্তে ব্যালৈঃ ক্ষুদ্রমৃগা ইব।
ব্যাধয়ো বিনিবার্যন্তে মৃগা ব্যাধৈরিব দ্বিজ ॥ 3-213-16 (24343)
যেষামস্তি চ ভোক্তব্যং গ্রহণীরোগপীডিতাঃ।
ন শক্নুবন্তি তে ভোক্তুং চেষ্টিতং পূর্বকর্ময়া ॥ 3-213-17 (24344)
অপরে বাহুবলিনঃ ক্লিশ্যন্তি বহবো জনাঃ।
দুঃখেন চাধিগচ্ছনতি ভোজনং দ্বিজসত্তম ॥ 3-213-18 (24345)
ইতি লোকমনাক্রন্দং দেহশঙ্কাপরিপ্লুতম্।
স্রোতসাঽসকৃদাক্ষিপ্তং হ্রিয়মাণং বলীয়সা ॥ 3-213-19 (24346)
ন ম্রিয়েয়ুর্ন জীর্যৈয়ুঃ সর্বে স্যুঃ সর্বকামিকাঃ।
নাপ্রিয়ং প্রতিপশ্যেয়ুর্বিধিশ্চ যদি নো ভবেৎ ॥ 3-213-20 (24347)
উপর্যুপরি লোকস্য সর্বো গন্তুং সমীহতে।
যততে চ যথাথক্তি ন চ তদ্বর্ততে তথা ॥ 3-213-21 (24348)
বহবঃ সংপ্রদৃশ্যন্তে তুল্যনক্ষত্রমঙ্গলাঃ।
মহত্তু ফলবৈষম্যং দৃশ্যতে কর্মসিদ্ধিষু ॥ 3-213-22 (24349)
ন কেচিদীশতে ব্রহ্মন্স্বয়ংগ্রাহ্যস্য সত্তম।
কর্মণাং প্রাকৃতানাং বৈ ইহ সিদ্ধিঃ প্রদৃশ্যতে ॥ 3-213-23 (24350)
তথা শ্রুতিরিয়ংব্রহ্মঞ্জীবঃ কিল সনাতনঃ।
শরীরমধ্রুবং লোকে সর্বেষাং প্রাণিনামিহ ॥ 3-213-24 (24351)
বধ্যমানে শরীরে তু দেহনাশো ভবত্যুত।
জীবঃ সংক্রমতেঽন্যত্রকর্মবনধনিবন্ধনঃ ॥ 3-213-25 (24352)
ব্রাহ্মণ উবাচ। 3-213-26x (2486)
কথং ধর্মবিদাংশ্রেষ্ঠ জীবো ভবতি শাশ্বতঃ।
এতদিচ্ছাম্যহং জ্ঞাতুং তত্ৎবেন বদতাংবর ॥ 3-213-26 (24353)
ব্যাধ উবাচ। 3-213-27x (2487)
ন জীবনাশোস্তি হি দেহভেদে
মিথ্যৈতদাহুর্ম্রিয়তীতি মূঢাঃ।
জীবস্তু দেহান্তরিতঃ প্রয়াতি
দশার্ধতৈবাস্ শরীরভেদঃ ॥ 3-213-27 (24354)
অন্যো হি নাশ্নাতি কৃতং হি কর্ম
মনুষ্যলোকে মনুজস্ কশ্চিৎ।
যত্তেন কিংচিদ্ধি কৃতংহি কর্ম
তদশ্নুতে নাস্তি কৃতস্য নাশঃ ॥ 3-213-28 (24355)
সুপুণ্যশীলা হি ভবন্তি পুণ্যা
নরাধমাঃ পাপকৃতো ভবন্তি।
নরোঽনুয়াতস্ৎবিহ কর্মভিঃ স্বৈ-
স্ততঃ সমুৎপদ্যতি ভাবিতস্তৈঃ ॥ 3-213-29 (24356)
ব্রাহ্মণ উবাচ। 3-213-30x (2488)
কথং সংভবতে যোনৌ কথং বা পুণ্যপাপয়োঃ।
জাতীঃ পুণ্যা হ্যপুণ্যাশ্ কথং গচ্ছতি সত্তম ॥ 3-213-30 (24357)
ব্যাধ উবাচ। 3-213-31x (2489)
গর্ভাধানসমায়ুক্তং কর্মেদং সংপ্রদৃশ্যতে।
সমাসেন তু তে ক্ষিপ্রং প্রবক্ষ্যামি দ্বিজোত্তম ॥ 3-213-31 (24358)
যথা সংভৃতসংভারঃ পুনরেব প্রজায়তে।
শুভকৃচ্ছুভয়োনীষু পাপকৃৎপাপয়োনিষু ॥ 3-213-32 (24359)
শুভৈঃ প্রয়োগৈর্দেবৎবংব্যামিশ্রৈর্মানুষো ভবেৎ।
মোহনীয়ৈর্বিয়োনীষু ৎবধোগামী চ কিল্বিষৈঃ ॥ 3-213-33 (24360)
জাতিমৃত্যুজরাদুঃখৈঃ সততং সমভিদ্রুতঃ।
সংসারে পচ্যমানশ্চ দোষৈরাত্মকৃতৈর্নরঃ ॥ 3-213-34 (24361)
তির্যগ্যোনিসহস্রাণি গৎবা নরকমেব চ।
জীবাঃ সংপরিবর্তন্তে কর্মবন্ধনিবন্ধনাঃ ॥ 3-213-35 (24362)
জন্তুস্তু কর্মভিস্তৈস্তৈঃ স্বকৃতৈঃ প্রেত্য দুঃখিতঃ।
তদ্দুঃখপ্রতিঘাতার্থমপুণ্যাং যোনিমাপ্নুতে ॥ 3-213-36 (24363)
ততঃ কর্ম সমাদত্তে পুনরন্যন্নবং বহু।
পচ্যতে তু পুনস্তেন ভুক্ৎবাঽপথ্যমিবাতুরঃ ॥ 3-213-37 (24364)
অজস্রমেব দুঃখার্তোঽদুঃখিতঃ সুখিসংজ্ঞিতঃ।
ততো নিবৃত্তবন্ধৎবাৎকর্মণামুদয়াদপি ॥ 3-213-38 (24365)
পরিক্রামতি সংসারে চক্রবদ্বহুবেদনঃ।
স চেন্নিবৃত্তবন্ধস্তু বিশুদ্ধশ্চাপি কর্মভিঃ ॥ 3-213-39 (24366)
তপোয়োগসমারম্ভং কুরুতে দ্বিজসত্তম।
কর্মভির্বহুভিশ্চাপি লোকানশ্নাতি কর্মভিঃ ॥ 3-213-40 (24367)
[স চেন্নিবৃত্তবন্ধস্তু বিশুদ্ধশ্চাপি কর্মভিঃ।]
প্রাপ্নোতি সুকৃতাঁল্লোকান্যত্রগৎবা ন শোচতি ॥ 3-213-41 (24368)
পাপং কুর্বনপুণ্যবৃত্তঃ পুণ্যস্যান্তং ন গচ্ছতি।
`পুণ্যং কুর্বন্পুণ্যবৃত্তঃ পুণ্যস্যান্তং ন গচ্ছতি'।
তস্মাৎপুণ্যং যতেৎকর্তুং বর্জয়ীত চ পাপকম্ ॥ 3-213-42 (24369)
অনসূয়ুঃ কৃতজ্ঞশ্চ কল্যাণান্যেব সেবতে।
সুখানি ধর্মমর্থং চ স্বর্গং চ লভতে নরঃ ॥ 3-213-43 (24370)
সংস্কৃতস্য চ দান্তস্ নিয়তস্য যতাত্মনঃ।
প্রাজ্ঞাস্যানন্তরা বৃত্তিরিহি লোকে পরত্র চ ॥ 3-213-44 (24371)
সতাং ধর়্মেণ বর্তেত ক্রিয়াং শিষ্টবদাচরেৎ।
অসংক্লেশেন লোকস্য বৃত্তিং লিপ্সেত বৈ দ্বিজঃ ॥ 3-213-45 (24372)
সন্তি হ্যাগমবিজ্ঞানাঃ শিষ্টাঃ শাস্ত্রে বিচক্ষণাঃ।
স্বধর্মেণ ক্রিয়া লোকে কুর্বাণাস্তে হ্যসংকরাঃ ॥ 3-213-46 (24373)
প্রাজ্ঞো ধর্মেণ রমতে ধর্মং চৈবোপজীবতি।
তস্মাদ্ধর্মাদবাপ্তেন ধনন দ্বিজসত্তম ॥ 3-213-47 (24374)
তস্যৈব সিংচতে মূলং গুণান্পশ্যতি যত্র বৈ।
ধর্মাত্মা ভবতি হ্যেবং চিত্তং চাস্য প্রসীদতি।
স মিত্রজনসংতুষ্ট ইহ প্রেত্য চ নন্দতি ॥ 3-213-48 (24375)
শব্দং স্পর্শং তথা রূপং গন্ধানিষ্টাংস্চ সত্তম।
প্রভুৎবং লভতে চাপি ধর্মস্যৈতৎফলং বিদুঃ ॥ 3-213-49 (24376)
ধরমস্য চ পলং লব্ধ্বা ন তুষ্যতি মহাদ্বিজ।
অতুষ্যমাণো নির্বেদমাদত্তে জ্ঞানচক্ষুষা ॥ 3-213-50 (24377)
প্রজ্ঞাচক্ষুর্নর ইহ দোষং নৈবানুরুধ্যতে।
বিরজ্যে যথাকামং ন চ ধর্মং বিমুঞ্চতি ॥ 3-213-51 (24378)
ফলত্যাগে চ যততে দৃষ্ট্বা লোকং ক্রিয়াত্মকম্।
ততো মোক্ষে প্রয়ততে নানুপায়াদুপায়তঃ ॥ 3-213-52 (24379)
এবং নির্বেদমাদত্তে পাপং কর্ম জহাতি চ।
ধার্মিকশ্চাপি ভবতি মোক্ষং চ লভতে পরম্ ॥ 3-213-53 (24380)
তপো নিঃশ্রেয়সং জন্তোস্তস্য মূলং শমো দমঃ।
তেন সর্বানবাপ্নোতি কামান্যান্মনসেচ্ছতি ॥ 3-213-54 (24381)
ইন্দ্রিয়াণাং নিরোধেন সত্যেন চ দমেন চ।
ব্রহ্মণঃ পদমাপ্নোতি যৎপরং দ্বিজসত্তম ॥ 3-213-55 (24382)
ব্রাহ্মণ উবাচ। 3-213-56x (2490)
ইন্দ্রিয়াণীতি যান্যাহুঃ কানি তানি যতব্রত।
নিগ্রহশ্চ কথং কার্যো নিগ্রহস্য চ কিং ফলম্ ॥ 3-213-56 (24383)
কথং চ ফলমাপ্নোতি তেষাং ধর্মভৃতাংবর।
এতদিচ্ছামি তত্ৎবেন ধর্মং জ্ঞাতুং সুধার্মিক ॥ 3-213-57 (24384)
ইতি শ্রীমন্মহাভারতে অরণ্যপর্বণি মার্কণ্ডেয়সমস্যাপর্বণি ত্রয়োদশাধিকদ্বিশততমোঽধ্যাঃ ॥ 213 ॥
Mahabharata - Vana Parva - Chapter Footnotes
3-213-4 ধারণা অবধারণং। নিশ্চয় ইত্যর্থঃ ॥ 3-213-8 সনীতং গুরুশিক্ষা ॥ 3-213-10 প্রহীণাঃ শ্রান্তা অপীত্যর্থঃ ॥ 3-213-13 পুত্রগৃধ্রুভিঃ পুতর্কামৈঃ ॥ 3-213-19 অনাক্রন্দং অসহায়ম্। আক্রন্দঃ ক্রন্দনে হ্বানে মিত্রদারুণয়ুদ্ধয়োরিতি মেদিনী। স্রোতসা কর্মপ্রবাহেণ ॥ 3-213-23 স্বীয়মপি বস্তু স্বস্যানধীনং প্রাক্কর্মবশাদ্ভবতীত্যর্থঃ ॥ 3-213-27 দশার্ধতা পঞ্চৎবম্ ॥ 3-213-27 মোহনীয়ৈস্তামসৈ। অধঃ নরকতির্যক্ষু ॥ 3-213-33 প্রেত্য মৃৎবা। 3-213-36 দুঃখাত্মকঃ প্রতীঘাতঃ। দুখং ভোক্তুমিত্যর্থঃ ॥ 3-213-39 নিবৃত্তবন্ধো বীতরাগঃ। তত্র হেতুঃ বিশুদ্ধশ্চেতি ॥ 3-213-40 তপোয়োগয়োঃ আলোচনধ্যানয়ো সমারম্ভম্ ॥ 3-213-42 যতেৎ যতেত ॥ 3-213-49 প্রভুৎবং অপ্রতিহতেচ্ছৎবম্ ॥ 3-213-51 অতুষ্যমাণঃ প্রীতিমলভমানঃ নির্বেদং বৈরাগ্যং দোষং রাগদ্বেষাদিকং নানুরুধ্যতে তদ্বশো ন ভবতীত্যর্থঃ ॥ 3-213-52 উপায়ত এব মোক্ষে প্রয়ততে নন্বনুপায়াদ্দৈবমাত্রাশ্রয়াদিতি যোজনা ॥ 3-213-54 তপঃ জ্ঞানম্। নিঃশ্রেয়সং মোক্ষসাধনম্ ॥ 3-213-57 তেষাং ইন্দ্রিয়াণাং নিগ্রহাদিতি শেষঃ ॥অরণ্যপর্ব - অধ্যায় 214
॥ শ্রীঃ ॥
3.214. অধ্যায়ঃ 214
Mahabharata - Vana Parva - Chapter Topics
ধর্মব্যাধেন কৌশিকংপ্রতি প্রাণিভির্দুষ্কৃতসুকৃতকরণপ্রকারাদিকধনপূর্বকং ব্রাহ্মণমাহাত্ম্যাদিকথনম্ ॥ 1 ॥Mahabharata - Vana Parva - Chapter Text
3-214-0 (24385)
মার্কণ্যেয় উবাচ। 3-214-0x (2491)
এবমুক্তস্তু বিপ্রেণ ধর্মব্যাধো যুধিষ্ঠির।
প্রত্যুবাচ যথা বিপ্রং তচ্ছৃণুষ্ব নরাধিপ ॥ 3-214-1 (24386)
ব্যাধ উবাচ। 3-214-2x (2492)
বিজ্ঞানার্থং মনুষ্যাণাং মনঃ পূর্বং প্রবর্ততে।
তৎপ্রাপ্য কামং ভজতেক্রোধং চ দ্বিজসত্তম ॥ 3-214-2 (24387)
ততস্তদর্থং যততে কর্ম চারভতে মহৎ।
ইষ্টানাং রূপগন্ধানামভ্যাসং চ নিষেবতে ॥ 3-214-3 (24388)
ততো রাগঃ প্রভবতি দ্বেষশ্চ তদনন্তরম্।
ততো লোভঃ প্রভবতি মোহশ্চ তদনন্তরম্ ॥ 3-214-4 (24389)
তস্ লোভাভিভূতস্য রাগদ্বেষহতস্য চ।
ন ধর্মে জায়তে বুদ্ধির্ব্যাজাদ্ধর্মং করোতি চ ॥ 3-214-5 (24390)
ব্যাজেন চরতে ধর্মমর্থং ব্যাজেন রোচতে।
ব্যাজেন সিধ্যমানেষু ধনেষু দ্বিজসত্তম ॥ 3-214-6 (24391)
তত্রৈব রমতে বুদ্ধিস্ততঃ পাপং চিকীর্ষতি।
সুহৃদ্ভির্বার্যমাণশ্চ পণ্ডিতৈশ্চ দ্বিজোত্তম ॥ 3-214-7 (24392)
উত্তরং শ্রুতিসংবদ্ধং ব্রবীত্যশ্রুতিয়োজিতম্।
অধর্মস্ত্রিবিধস্তস্য বর্ততে রাগদোষজঃ ॥ 3-214-8 (24393)
পাপং চিন্তয়তে চৈব ব্রবীতি চ করোতি চ।
তস্যাধর্মপ্রবৃত্তস্য গুণা নশ্যন্তি সাধবঃ ॥ 3-214-9 (24394)
একশীলাশ্চ মিত্রৎবং ভজন্তে পাপকর্মিণঃ।
স তেন দুঃখমাপ্নোতি পরত্র চ বিপদ্যতে ॥ 3-214-10 (24395)
পাপাত্মা ভবতি হ্যেবং ধর্মলাভং তু মে শৃণু।
যস্ৎবেতান্প্রজ্ঞায়া দোষান্পূর্বমেবানুপশ্যতি ॥ 3-214-11 (24396)
কুশলঃ সুখদুঃখেষু সাংধূংশ্চাপ্যুপসেবতে।
তস্য সাধুসমারম্ভাদ্বুদ্ধ্রিধর্মেষু রাজতে ॥ 3-214-12 (24397)
ব্রাহ্মণ উবাচ। 3-214-13x (2493)
ব্রবীষি সূনৃতংধর্মং যস্য বক্তা ন বিদ্যতে।
দিব্যপ্রভাবঃ সুমহানৃষিরেব মতোসি মে ॥ 3-214-13 (24398)
ব্যাধ উবাচ। 3-214-14x (2494)
ব্রাহ্মণা বৈ মহাভাগাঃ পিতরোঽগ্রভুজঃ সদা।
তেষাং সর্বাত্মনা কার্যং প্রিয়ং লোকে মনীষিণা ॥ 3-214-14 (24399)
যত্তেষাং চ প্রিয়ং তত্তে বক্ষ্যামি দ্বিজসত্তম।
নমস্কৃৎবা ব্রাহ্মণেভ্যো ব্রাহ্মীং বিদ্যাং নিবোধ মে ॥ 3-214-15 (24400)
ইদং বিশ্বং জগৎসর্বমজগচ্চাপি সর্বশঃ।
মহাভূতাত্মকং ব্রহ্মন্নাতঃ পরতরং ভবেৎ ॥ 3-214-16 (24401)
মহাভূতানি খং বায়ুরগ্নিরাপস্তথা চ ভূঃ।
শব্দঃ স্পর্শশ্চ রূপং চ রসো গন্ধশ্ তদ্গুণাঃ ॥ 3-214-17 (24402)
তেষামপি গুণাঃ সর্বে গুণবৃত্তিঃ পরস্পরম্।
পূর্বপূর্বগুণাঃ সর্বে ক্রমশো গুণিষু ত্রিষু ॥ 3-214-18 (24403)
ষষ্ঠী তু চেতনা নাম মন ইত্যভিধীয়তে।
সপ্তমী তু ভবেদ্বুদ্ধিরহংকারস্ততঃ পরম্ ॥ 3-214-19 (24404)
ইন্দ্রিয়াণি চ পঞ্চাত্মা রজঃ সৎবং তমস্তথা।
ইত্যেষ সপ্তদশকো রাশিরব্যক্তসংজ্ঞকঃ ॥ 3-214-20 (24405)
সর্বৈরিহেন্দ্রিয়ার্থৈস্তু ব্যক্তাব্যক্তৈঃ সুসংবৃতৈঃ।
চতুর্বিংসক ইত্যেষ ব্যকৎবাব্যক্তময়ো গুণঃ।
এতত্তে সর্বমাখ্যাতং কিং ভূয়ঃ শ্রোতুমিচ্ছসি ॥ 3-214-21 (24406)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি চতুর্দশাধিকদ্বিশততমোঽধ্যায়ঃ ॥ 214 ॥
অরণ্যপর্ব - অধ্যায় 215
॥ শ্রীঃ ॥
3.215. অধ্যায়ঃ 215
Mahabharata - Vana Parva - Chapter Topics
কৌশিকংপ্রতি ধর্মব্যাধে নভূতপঞ্চকগুণনিরূপণপূর্বকমিন্দ্রিয়জয়াজয়যোঃ সুখদুঃখাসাধারণকারণতাকথনম্ ॥ 1 ॥Mahabharata - Vana Parva - Chapter Text
3-215-0 (24407)
মার্কণ্ডেয় উবাচ। 3-215-0x (2495)
এবমুক্তঃ স বিপ্রস্তু ধর্মব্যাধেন ভারত।
কথামকথয়দ্ভূয়ো মনসঃ প্রীতিবর্ধনীম্ ॥ 3-215-1 (24408)
ব্রাহ্মণ উবাচ। 3-215-2x (2496)
মহাভূতানি যান্যাহুঃ পঞ্চ ধর্মবিদাংবর।
একৈকস্য গুণান্সম্যক্পঞ্চানামপি মে বদ ॥ 3-215-2 (24409)
ব্যাধ উবাচ। 3-215-3x (2497)
ভূমিরাপস্তথা জ্যোতির্বায়ুরাকাশমেব চ।
গুণোত্তরাণই সর্বাণি তেষাং বক্ষ্যামি তে গুণান্ ॥ 3-215-3 (24410)
ভূমিঃ পঞ্চগুণা ব্রহ্মননুদকং চ চতুর্গুণম্।
গুণাস্ত্রয়স্তেজসি চ ত্রয়শ্চাকাশবাতয়োঃ ॥ 3-215-4 (24411)
শব্দঃ স্পর্শশ্চ রূপং চ রসো গন্ধশ্চ পঞ্চমঃ।
এতেগুণাঃ পঞ্চ ভূমেঃ সর্বেভ্যো গুণবত্তরাঃ ॥ 3-215-5 (24412)
শব্দঃ স্পর্শশ্চ রূপং চ সরশ্চাপি দ্বিজোত্তম।
অপামেতে গুণা ব্রহ্মন্কীর্তিতাস্তব সুব্রত ॥ 3-215-6 (24413)
শব্দঃ স্পর্শশ্চ রূপং চ তেজসোঽথ গুণাস্ত্রয়ঃ।
শব্দঃ স্পর্শশ্চ বায়ৌ তু শব্দশ্চাকাশ এব তু ॥ 3-215-7 (24414)
এতে পঞ্চদশ ব্রহ্মন্গুণা ভূতেষু পঞ্চসু।
বর্তন্তে সর্বভূতেষু যেষু লোকাঃ প্রতিষ্ঠিতাঃ ॥ 3-215-8 (24415)
অন্যোন্যং নাতিবর্তন্তে সম্যক্ব ভবতি দ্বিজ।
যদা তু বিষমং ভাবমাচরন্তি চরাচরাঃ ॥ 3-215-9 (24416)
তদা দেহী দেহমন্যং ব্যতিরোহতি কালতঃ।
প্রাতিলোম্যাদ্বিনশ্যন্তি জায়ন্তে চানুপূর্বশঃ ॥ 3-215-10 (24417)
তত্র তত্রহি দৃশ্যন্তে ধাতবঃ পাঞ্চভৌতিকাঃ।
যৈরাবৃতমিদং সর্বং জগৎস্থাবরজঙ্গমম্ ॥ 3-215-11 (24418)
ইন্দ্রিয়ৈর্গৃহ্যতে যদ্যত্তত্তদ্ব্যক্তমিতি স্মৃতম্।
তদব্যক্তমিতি জ্ঞেয়ং লিঙ্গগ্রাহ্যমতীন্দ্রিয়ম্ ॥ 3-215-12 (24419)
যথাস্বং গ্রাহকান্যেষাং শব্দাদীনামিমানি তু।
ইন্দ্রিয়াণি তথা দেহী ধারয়ন্নিহ তপ্যতে ॥ 3-215-13 (24420)
লোকে বিততমাত্মানং লোকং চাত্মনি পশ্যতি।
পরাপরজ্ঞঃ সক্তঃ সন্স তু ভূতানি পশ্যতি ॥ 3-215-14 (24421)
পশ্যতঃ সর্বভূতানি সর্বাবস্থাসু সর্বদা।
ব্রহ্মভূতস্ সংয়োগো নাশুভেনোপপদ্যতে ॥ 3-215-15 (24422)
জ্ঞানমূলাত্মকং ক্লেশমতিবৃত্তস্য মোহজম্।
লোকবুদ্ধিপ্রকাশেন জ্ঞেয়মার্গেণ গম্যতে ॥ 3-215-16 (24423)
অনাদিনিধনং জন্তুমাত্ময়োনিং সদাব্যযম্।
অনৌপম্যমমূর্তং চ ভগবানাহ বুদ্ধিমান্ ॥ 3-215-17 (24424)
তপোমূলমিদং সর্বং যন্মাং বিপ্রানুপৃচ্ছসি।
`তপসা হি সমাপ্নোতি যদ্যদেবাভিবাঞ্ছতি'।
ইন্দ্রিয়াণ্যেব সংয়ম্য তপো ভবতি নান্যথা ॥ 3-215-18 (24425)
ইন্দ্রিয়াণ্যেব তৎসর্বংয়ৎস্বর্গনরকাবুভৌ।
নিগৃহীতবিসৃষ্টানি স্বর্গায় নরকায় চ ॥ 3-215-19 (24426)
এষ যোগবিধিঃ কৃৎস্নো যাবদিন্দ্রিয়ধারণম্।
এতন্মূলং হি তপসঃ স্বর্গস্য নরকস্য চ ॥ 3-215-20 (24427)
ইন্দ্রিয়াণাং প্রসঙ্গেন দোমার্চ্ছত্যসংশয়ম্।
সন্নিয়ম্য তু তান্যেব ততঃ সিদ্ধিং সমাপ্নুয়াৎ ॥ 3-215-21 (24428)
ষণ্ণামাৎপ্রনি যোজ্যানামৈশ্বর্যং যোঽধিতিষ্ঠতি।
ন স পাপৈঃ কুতোঽনর্থৈর্যুজ্যতে বিজিতেন্দ্রিয়ঃ ॥ 3-215-22 (24429)
রথঃ শরীরং পুরুষস্য দৃষ্ট-
মাত্মা নিয়ন্তেন্দ্রিয়াণ্যাহুরশ্বান্।
তৈরপ্রমত্তঃ কুশলী সদশ্বৈ-
র্দান্ত সুখং যাতি রথীব ধীরঃ ॥ 3-215-23 (24430)
ষণ্ণামাত্মনিয়ুক্তানামিন্দ্রিয়াণাং প্রমাথিনাম্।
যো ধীরো ধারয়েদ্রশ্মীন্স স্যাৎপরমসারথিঃ ॥ 3-215-24 (24431)
ইন্দ্রিয়াণাং প্রসৃষ্টানাং হয়ানামিব বর্ত্মসু।
ধৃতিং কুর্বীত সারথ্যে ধৃত্যা তানি জয়েদ্ধ্রুবম্ ॥ 3-215-25 (24432)
ইন্দ্রিয়াণাং বিচরতাং যন্মনোঽনুবিধীয়তে।
তদস্ হরতে বুদ্ধিং নাবং বায়ুরিবাম্ভসি ॥ 3-215-26 (24433)
যেষু বিপ্রতিপদ্যন্তে ষট্স্বমোহাৎফলাগমম্।
তেষ্বধ্যবসিতাধ্যায়ী বিন্দতে ধ্যানজং ফলম্ ॥ 3-215-27 (24434)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি পঞ্চদশাধিকদ্বিশততমোঽধ্যায়ঃ ॥ 215 ॥
Mahabharata - Vana Parva - Chapter Footnotes
3-215-3 গুণোত্তরাণি উত্তরোত্তরগুণাঃ পূর্বপূর্বস্মিন্বর্তন্ত ইত্যর্থঃ ॥ 3-215-10 আনুপূর্ব্যা বিনশ্যন্তি ইতি ঝ. থ. পাঠঃ ॥ 3-215-20 কৃৎস্নস্য নরকস্য চেতি ঝ. ধ. পাঠঃ ॥ 3-215-27 ষট্সু মোহাৎ ইতি ঝ. পাঠঃ ॥অরণ্যপর্ব - অধ্যায় 216
॥ শ্রীঃ ॥
3.216. অধ্যায়ঃ 216
Mahabharata - Vana Parva - Chapter Topics
ধর্মব্যাধেন কৌশিকংপ্রতিসৎবাদিগুণত্রয়গুণনিরূপণপূর্বকমধ্যাত্মকথনম্ ॥ 1 ॥Mahabharata - Vana Parva - Chapter Text
3-216-0 (24435)
মার্কণ্ডেয় উবাচ। 3-216-0x (2498)
এবং তু সূক্ষ্মে কথিতে ধর্মব্যাধেন ভারত।
ব্রাহ্মণঃ স পুন সূক্ষ্মং পপ্রচ্ছ সুসমাহিতঃ ॥ 3-216-1 (24436)
বৃত্ৎবস্য রজসশ্চৈব তমসশ্চ যথাতথম্।
বৃণাংস্তত্ৎবেন মে ব্রূহি যথাবদিহ পৃচ্ছতঃ ॥ 3-216-2 (24437)
ব্যাধ উবাচ। 3-216-2x (2499)
দৃন্ত তে কথয়িষ্যামি যন্মাং ৎবং পরিপৃচ্ছসি।
এতান্গুণান্পৃথক্ৎবেন নিবোধ গদতো মম ॥ 3-216-3 (24438)
মোহাত্মকং তমস্তেষাং রজ এষাং প্রবর্তকম্।
প্রকাশবহুলৎবাচ্চ সৎবং জ্যায় ইহোচ্যতে ॥ 3-216-4 (24439)
অবিদ্যাবহুলো মূঢঃ স্বপ্নশীলো বিচেতনঃ।
দৃর্হৃপীকস্তমোধ্যস্তঃ সক্রোধস্তামসোঽলসঃ ॥ 3-216-5 (24440)
সুবৃত্তবাক্যো মন্ত্রী চ যো নরাগ্র্যোঽনমূয়কঃ।
বিবিৎসমানো বিপ্রর্ষে স্তব্ধো মানী স রাজসঃ ॥ 3-216-6 (24441)
প্রকাশবহুলো ধীরো নির্বিবিৎসোঽনসূয়কঃ।
অক্রোধনো নরো ধীমান্দান্তশ্চৈবস সাৎবিকঃ ॥ 3-216-7 (24442)
সাৎবিকস্ৎবথ সংবুদ্ধো লোকবৃত্তৈর্ন লিপ্যতে।
যদা বুধ্যতি বোধ্ধব্যং লোকবৃত্তং জুগুপ্সতে ॥ 3-216-8 (24443)
বৈরাগ্যস্ চ রূপং তু পূর্বমেব প্রবর্ততে।
মৃদুর্ভবত্যহংকারঃ প্রসীদত্যার্জবং চ যৎ ॥ 3-216-9 (24444)
ততোঽস্ সর্বদ্বন্দ্বানি প্রশাম্যন্তি পরস্পরম্।
ন চাস্যাসংয়মো নাম ক্বচিদ্ভবতি কশ্চন ॥ 3-216-10 (24445)
শূদ্রয়োনৌ হি জাতস্য সদ্গুণানুপতিষ্ঠতঃ।
বৈশ্যৎবং ভবতি ব্রহ্মন্ক্ষত্রিয়ৎবং তথৈব চ ॥ 3-216-11 (24446)
আর্জবে বর্তমানস্য ব্রাহ্মণ্যমভিজায়তে।
গুণাস্তে কীর্তিতাঃ সর্বে কিং ভূয়ঃ শ্রোতুমিচ্ছসি ॥ 3-216-12 (24447)
ব্রাহ্মণ উবাচ। 3-216-13x (2500)
পার্থিবং ধাতুমাসাদ্য শারীরোঽগ্নিঃ কথং ভবেৎ।
অবকাশবিশেষেণ কথং বর্তয়তেঽনিলঃ ॥ 3-216-13 (24448)
মার্কণ্ডেয় উবাচ। 3-216-14x (2501)
প্রশ্নমেতং সমুদ্দিষ্টং ব্রাহ্মণেন যুধিষ্ঠির।
ব্যাধস্তু কথয়ামাস ব্রাহ্মণায় মহাত্মনে ॥ 3-216-14 (24449)
মূর্ধানমাশ্রিতো বহ্নিঃ শরীরং পরিপালয়ন্।
প্রাণো মূর্ধনি চাগ্নৌ চ বর্তমানো বিচেষ্টতে ॥ 3-216-15 (24450)
ভূং ভব্যং ভবিষ্যং চ সর্বং প্রাণে প্রতিষ্ঠিতম্।
শ্রেষ্ঠং তদেব ভূতানাং ব্রহ্মজ্যোতিরুপাস্মহে ॥ 3-216-16 (24451)
স জন্তুঃ সর্বভূতাত্মা পুরুষঃ স সনাতনঃ।
মনোবুদ্ধিরহংকারো ভূতানাং বিষয়শ্চ সঃ ॥ 3-216-17 (24452)
`অব্যক্তং সস্বসংজ্ঞং চ জীবঃ কালঃ স চৈব হি।
প্রকৃতিঃ পুরুষশ্চৈব প্রাণ এব দ্বিজোত্তম ॥ 3-216-18 (24453)
জাগর্তি স্বপ্নকালে চ স্বপ্নে স্বপ্নায়তে চ সঃ।
জাগ্রৎসু বলমাধত্তে চেষ্টৎসু চেষ্টয়ত্যপি ॥ 3-216-19 (24454)
তস্মিন্নিরুদ্দে বিপ্রেন্দ্র মৃত ইত্যভিধীয়তে।
ত্যক্ৎবা শরীরং ভূতাত্মা পুনরন্যৎপ্রপদ্যতে ॥ 3-216-20 (24455)
এষ ৎবগ্নিরপানন প্রাণেন পরিপাল্যতে।
পৃষ্ঠতস্তু সমানন স্বাংস্বাং গতিমুপাশ্রিতঃ ॥ 3-216-21 (24456)
বস্তুমূলে গুদে চৈব পাবকং সমুপাশ্রিতঃ।
বহন্মূত্রং পুরীষংবাঽপ্যপানঃ পরিবর্ততে ॥ 3-216-22 (24457)
প্রয়ত্নে কর্মণি বলে য একস্ত্রিষু বর্ততে।
উদান ইতি তং প্রাহুরধ্যাত্মবিদুষো জনাঃ ॥ 3-216-23 (24458)
সন্ধৌসন্ধৌ সংনিবিষ্টঃ সর্বেষ্বপি তথাঽনিলঃ।
শরীরেষু মনুষ্যাণাং ব্যান ইত্যুপদিশ্তে ॥ 3-216-24 (24459)
ধাতুষ্বগ্নিস্তু বিততঃ স তু বায়ুসমীরিতঃ।
রসান্ধাতূংশ্চ দোষাংশ্চ বর্তয়ন্পরিধাবতি ॥ 3-216-25 (24460)
প্রাণানাং সংনিপাতাত্তু সন্নিপাতঃ প্রজায়তে।
সোষ্মা সোগ্নিরিতিজ্ঞেয়ো যোঽন্নং পচতিদেহিনাং ॥ 3-216-26 (24461)
অপানোদানয়োর্মধ্যে প্রাণন্যানৌ সমাহিতৌ।
সমন্বিতস্ৎবধিষ্ঠানং সম্যক্পচতি পাবকঃ ॥ 3-216-27 (24462)
অস্যাপি পায়ুপর্যন্তস্তথা স্যাদ্গুদসংজ্ঞিতঃ।
স্রোতাংশি তস্মাজ্জায়ন্তে সর্বপ্রাণেষু দেহিনাম্ ॥ 3-216-28 (24463)
অগ্নিবেগবহঃ প্রাণো গুদান্তে প্রতিহন্যতে।
স ঊর্ধ্বমাগম্য পুনঃ সমুৎক্ষিপতি পাবকম্ ॥ 3-216-29 (24464)
পক্বাশয়স্ৎবধোনাভ্যা ঊর্ধ্বমামাশয়ঃ স্থিতঃ।
নাভিমধ্যে শরীরস্য প্রাণাঃ সর্বে প্রতিষ্ঠিতাঃ ॥ 3-216-30 (24465)
প্রবৃত্তা হৃদয়াৎসর্বে তির্যগূর্ধ্বমধস্তথা।
বহন্ত্যন্নরসান্নাড্যো দশপ্রাণপ্রচোদিতাঃ ॥ 3-216-31 (24466)
যোগিনামেষ মার্গস্তু যেন গচ্ছন্তি তৎপরম্।
জিতক্লমাসনো ধীরো মূর্ধন্যাত্মানমাদৎ ॥ 3-216-32 (24467)
এবং সর্বেষু বিততৌ প্রাণাপানৌ হি দেহিষু।
`তৌ তাবদগ্নিসহিতৌ বিদ্ধি বৈ প্রাণমাত্মনি' ॥ 3-216-33 (24468)
একাদশবিকারাত্মা কলাসংভারসংভৃতঃ।
মূর্তিমন্তং হি তং বিদ্ধি নিত্যং কর্মাজেতাত্মকম্।
তস্মিন্যঃ সংস্থিতো হ্যগ্নির্নিত্যং স্থাল্যামিবাহিতঃ ॥ 3-216-34 (24469)
আত্মানং তং বিজানীহি নিত্যং ত্যাগজিতাত্মকং ॥ 3-216-35 (24470)
দেবো যঃ সংস্থিতস্তস্মিন্নব্বিন্দুরিব পুষ্করে।
ক্ষেত্রজ্ঞং তং বিজানীহি নিত্যং ত্যাগজিতাত্মকং ॥ 3-216-36 (24471)
জীবাত্মকং বিজানীহি রজঃ সৎবং তমস্তথা।
জীবমাত্মগুণং বিদ্ধি তথাঽঽত্মানং পরাত্মকং ॥ 3-216-37 (24472)
অচেতনং জীবগুণং বদন্তি
সচেষ্টতে চেষ্টয়তে চ সর্বম্।
ততঃ পরং ক্ষেত্রবিদো বদন্তি
প্রাকল্পয়দ্যো ভুবনানি সপ্ত ॥ 3-216-38 (24473)
এষ সর্বেষু ভূতেষু ভূতাত্মা ন প্রকাশতে।
দৃশ্যতে ৎবগ্র্যযা বুদ্ধ্যা সূক্ষ্ময়া জ্ঞানবেদিভিঃ ॥ 3-216-39 (24474)
চিত্তস্য হি প্রসাদেন হনতি কর্ম শুভাশুভম্।
প্রসন্নাত্মাত্মনি স্থিৎবা সুখমনন্ত্যমশ্নুতে ॥ 3-216-40 (24475)
লক্ষণং তু প্রসাদস্য যথা তৃপ্তঃ সুখং স্বপেৎ।
`সুখদুঃখে হি সংত্যজ্য নির্দ্বন্দ্বো নিষ্পরিগ্রহঃ'।
নিবাতে বা যথা দীপো দীপ্যেৎকুশলদীপিতঃ ॥ 3-216-41 (24476)
পূর্বরাত্রেঽপরে চৈব যুঞ্জানঃ সততং মনঃ।
লধ্বাহারো বিশুদ্ধাত্মা পশ্যত্যাত্মানমাত্মনি ॥ 3-216-42 (24477)
প্রদীপ্তেনেব দীপেন মনোদীপেন পশ্যতি।
দৃষ্ট্বাঽঽত্মানং নিরাত্মানং স তদা বিপ্রমুচ্যতে ॥ 3-216-43 (24478)
সর্বোপায়ৈস্তু লোভস্ ক্রোধস্য চ বিনিগ্রহঃ।
এতৎপবিত্রং যঞ্জ্ঞানং তপো বৈ সংক্রমো মতঃ ॥ 3-216-44 (24479)
নিত্যং ক্রোধাত্তপো রক্ষেন্ছ্রিয়ং রক্ষেচ্চ মৎসরাৎ।
বিদ্যাং মানাপমানাভ্যামাত্মানং তু প্রমাদতঃ ॥ 3-216-45 (24480)
আনৃশংস্যং পরো ধর্মঃ ক্ষমা চ পরমং বলম্।
আত্মজ্ঞানং পরং জ্ঞানং পরং সত্যব্রতব্রতম্ ॥ 3-216-46 (24481)
সত্যস্ বচনং শ্রেয়ঃ সত্যং জ্ঞানং হিতং ভবেৎ।
যদ্বূতহিতমত্যন্তং তদ্বৈ সত্যং পরং মতম্ ॥ 3-216-47 (24482)
যস্ সর্বে সমারম্ভা নিরাশীর্বন্ধনাঃ সদা।
ত্যাগে যস্ হুতং সর্বং স ত্যাগী স চ বুদ্ধিমান্ ॥ 3-216-48 (24483)
যদা ন গুরুতাং চৈনং চ্যাবয়েদুপপাদয়ন্।
তং বিদ্যাদ্ব্রাহ্মণো যোগময়োগং যোগসংজ্ঞিতম্ ॥ 3-216-49 (24484)
ন হিংস্যাৎসর্বভূতানি মৈত্রায়ণগতশ্চরেৎ।
নেদং জীবিতমাসাদ্যবৈরং কুর্বীত কেনচিৎ ॥ 3-216-50 (24485)
আকিংচন্যং সুসংতোষো নিরাশিৎবমচাপলম্।
এতদেব পরং জ্ঞানং সদাত্মজ্ঞানমুত্তমম্ ॥ 3-216-51 (24486)
পরিগ্রহং পরিত্যজ্য ভবেদ্বুদ্ধ্যা যতব্রতঃ।
অশোকং স্থানমাশ্রিৎ নিশ্চলং প্রেত্য চেহ চ ॥ 3-216-52 (24487)
তপোনিত্যেন দান্তেন মুনিনা সংয়তাত্মনা।
অজিতং জেতুকামেন ভাব্যং সঙ্গেষ্বসঙ্গিনা ॥ 3-216-53 (24488)
গুণাগুণমনাসঙ্গমেককার্যমনন্তরম্।
এতত্তদ্ব্রহ্মণো বৃত্তমাহুরেকপদং সুখম্ ॥ 3-216-54 (24489)
পরিত্যজতি যো দুঃখং সুখং চাপ্যুভয়ং নরঃ।
ব্রহ্ম প্রাপ্নোতি সোত্যন্তমাসঙ্গং চ ন গচ্ছতি ॥ 3-216-55 (24490)
যথাশ্রুতমিদং সর্বং সমাসেন দ্বিজোত্তম।
এতত্তে সর্বমাখ্যাতং কিং ভূয়ঃ শ্রোতুমিচ্ছসি ॥ 3-216-56 (24491)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি ষোডশাধিকদ্বিশততমোঽধ্যায়ঃ ॥
Mahabharata - Vana Parva - Chapter Footnotes
3-216-10 নচাস্য সংশয়ো নাম ইতি ঝ. পাঠঃ ॥ 3-216-27 সমানোদানয়োর্মধ্যেপ্রাণপানৌ সমাহিতৌ ইতি ঝ. পাঠঃ ॥ 3-216-45 ধর্মে রক্ষেচ্চ মৎসরাৎ ইতি ঝ. পাঠঃ ॥ 3-216-50 মৈত্রং মিত্রভাবস্তদেবায়নং মার্গস্তদ্গতশ্চরেৎ ॥অরণ্যপর্ব - অধ্যায় 217
॥ শ্রীঃ ॥
3.217. অধ্যায়ঃ 217
Mahabharata - Vana Parva - Chapter Topics
ধর্মব্যাধেন কৌশিকায় স্বগৃহপ্রবেশনপূর্বকং বৃদ্ধয়োঃ স্বপিত্রোঃ প্রদর্শনম্ ॥ 1 ॥ তথা মাতাপিতৃবিষয়ে স্বানুসংধানপ্রকারনিবেদনম্ ॥ 2 ॥Mahabharata - Vana Parva - Chapter Text
3-217-0 (24492)
মার্কণ্ডেয় উবাচ। 3-217-0x (2502)
এবং সংকথিতে কৃৎস্নে মোক্ষধর্মে যুধিষ্ঠির।
দৃঢপ্রীতমনা বিপ্রো ধর্মব্যাধমুবাচ হ ॥ 3-217-1 (24493)
ন্যায়যুক্তমিদং সর্বং ভবতা পরিকীর্তিতম্।
ন তেঽস্ত্যবিদিতং কিংচিদ্ধর্মেষ্বভিসমীক্ষ্যতে ॥ 3-217-2 (24494)
ব্যাধ উবাচ। 3-217-3x (2503)
প্রত্যক্ষং মম যো ধর্মস্তং চ পশ্য দ্বিজোত্তম।
যেন সিদ্ধিরিয়ং প্রাপ্তা ময়া ব্রাহ্মণপুঙ্গব ॥ 3-217-3 (24495)
উত্তিষ্ঠ ভগবন্ক্ষিপ্রং প্রবিশ্যাভ্যন্তরং গৃহম্।
দ্রষ্টুমর্হসি ধর্মজ্ঞ মাতরং পিতরং চ মে ॥ 3-217-4 (24496)
ইত্যুক্তঃ স প্রবিশ্যাথ দদর্শ পরমার্চিতম্।
সৌধং হৃদ্যং চতুঃশালমতীব চ মনোরমম্ ॥ 3-217-5 (24497)
দেবতাগৃহসংকাশ দৈবতৈশ্চ সুপূজিতম্।
শয়নাসনসংবাধং গন্ধৈশ্চ পরমৈর্যুতম্ ॥ 3-217-6 (24498)
তত্রশুক্লাম্বরধরৌ পিতরাবস্য পূজিতৌ।
কৃতাহারৌ তু সংতুষ্টাবুপবিষ্টৌ বরাসনে ॥ 3-217-7 (24499)
`তস্য ব্যাধস্য পিতরৌ ব্রাহ্মণঃ সংদদর্শ হ'।
ধর্মব্যাধস্তু তৌ দৃষ্ট্বা পাদেষু শিরসাঽপতৎ ॥ 3-217-8 (24500)
বৃদ্ধাবূচতুঃ। 3-217-9x (2504)
উত্তিষ্ঠোত্তিষ্ঠ ধর্মজ্ঞ ধর্মস্ৎবামভিরক্ষতু।
প্রীতৌ স্বস্তব শৌচেন দীর্ঘমায়ুরবাপ্নুহি।
[গতিমিষ্টাং তপো জ্ঞানং মেধাং চ পরমাং গতঃ] ॥ 3-217-9 (24501)
সৎপুত্রেণ ৎবয়া পুত্র নিত্যং কালে সুপূজিতৌ।
`সুখমেব বসাবোঽত্র দেবলোকগতাবিব' ॥ 3-217-10 (24502)
ন তেঽন্যদ্দৈবতং কিংচিদ্দৈবতেষ্বপি বর্ততে।
প্রয়তসৎবাদ্দ্বিজাতীনাংদমেনাসি সমনবিতঃ ॥ 3-217-11 (24503)
পিতুঃ পিতামহা যে চ তথৈব প্রপিতামহাঃ।
প্রীতাস্তে সততং পুত্র দমেনাবাং চ পূজয়া ॥ 3-217-12 (24504)
মনসা কর্মণা বাচা শুশ্রূষা নৈব হীয়তে।
ন চান্যা হি তথা বুদ্ধির্দৃশ্যতে সাংপ্রতং তব ॥ 3-217-13 (24505)
জামদগ্ন্যেন রামেণ যথা বৃদ্ধৌ সুপূজিতৌ।
তথা ৎবয়া কৃতংসর্বংতদ্বিশিষ্টং চ পুত্রক ॥ 3-217-14 (24506)
মার্কণ্ডেয় উবাচ। 3-217-15x (2505)
ততস্তং ব্রাহ্মণং তাভ্যাং ধর্মব্যাধো ন্যবেদয়ৎ।
তৌ স্বাগতেন তং বিপ্রমর্চয়ামাসতুস্তদা ॥ 3-217-15 (24507)
প্রতিগৃহ্যচ তাং পূজাং দ্বিজঃ পপ্রচ্ছ তাবুভৌ।
সপুত্রাভ্যাং সভৃত্যাভ্যাং কচ্চিদ্বাং কুশলং গৃহে।
অনাময় চ বাং কচ্চিৎসুখং বেহ শরীরয়োঃ ॥ 3-217-16 (24508)
বৃদ্ধাবূচতুঃ। 3-217-17x (2506)
কুশলং নৌ গৃহে বিপ্র ভৃত্যবর্গে চ সর্বশঃ।
কচ্চিত্ৎবমপ্যবিঘ্নেন সংপ্রাপ্তো ভগবন্নিতি ॥ 3-217-17 (24509)
মার্কণ্ডেয় উবাচ। 3-217-18x (2507)
হাঢমিত্যেব তৌ বিপ্রঃ প্রত্যুবাচ মুদান্বিতঃ।
ধর্মব্যাধস্তু তং বিপ্রমর্থবদ্বাক্যমব্রবীৎ ॥ 3-217-18 (24510)
পিতা মাতা চ ভগবন্নেতৌ মে দৈবতং পরম্।
যদ্দৈবতেভ্যঃ কর্তব্যং তদেতাভ্যাং করোম্যহম্ ॥ 3-217-19 (24511)
ত্রয়স্ত্রিংশদ্যথা দেবাঃ সর্বে শক্রপুরোগমাঃ।
সংপূজ্যাঃ সর্বলোকস্য তথা বৃদ্ধাবিমৌ মম ॥ 3-217-20 (24512)
উপাহারানাহরন্তো দেবতানাং যথা দ্বিজঃ।
কুর্বন্তি তদ্বদেতাভ্যাং করোম্যহমতন্দ্রিতঃ ॥ 3-217-21 (24513)
এতৌ মে পরমং ব্রহ্মন্পিতা মাতা চ দৈবতম্।
এতৌ পুষ্পৈঃ ফলৈরন্নৈস্তোষয়ামি সদা দ্বিজ ॥ 3-217-22 (24514)
এতাবেবাগ্নয়ো মহ্যং যান্বদন্তি মনীষিণঃ।
যজ্ঞা বেদাশ্চ চৎবারঃ সর্বমেতৌ মম দ্বিজ ॥ 3-217-23 (24515)
এতদর্থং মম প্রাণা ভার্যা পুত্রঃ সুহৃজ্জনঃ।
সপুত্রদারঃ শুশ্রূষাং নিত্যমেব করোম্যহম্ ॥ 3-217-24 (24516)
স্বয়ং চ স্নাপয়াম্যেতৌ তথা পাদৌ প্রধাবয়ে।
আহারং চ প্রয়চ্ছামি স্বয়ংচ দ্বিজসত্তম ॥ 3-217-25 (24517)
অনুকূলাঃ কথা বচ্মি বিপ্রিয়ং পরিবর্জয়ে।
অধর্মেণাপি সংয়ুক্তং প্রিয়মাভ্যাং করোম্যহম্ ॥ 3-217-26 (24518)
ধর্মমেব গুরুং মৎবা সাক্ষাদেতৌ দ্বিজোত্তম।
অতন্দ্রিতঃ সদা বিপ্র শুশ্রূষাং বৈ করোম্যহম্ ॥ 3-217-27 (24519)
পঞ্চৈব গুরবো ব্রহ্মনপুরুষস্য বুভূষতঃ।
পিতা মাতাঽগ্নিরাত্মা চ গুরুশ্চ দ্বিজসত্তম ॥ 3-217-28 (24520)
এতেষু যস্তু বর্তেত সম্যগেব দ্বিজোত্তম।
ভবেয়ুরপ্রয়স্তেন পরিচীর্ণাস্তু নিত্যশঃ।
গার্হস্থ্যে বর্তমানস্য এষ ধর্মঃ সনাতনঃ ॥ 3-217-29 (24521)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি সপ্তদশাধিকদ্বিশততমোঽধ্যায়ঃ ॥ 217 ॥
Mahabharata - Vana Parva - Chapter Footnotes
3-217-6 শয়নাসনসবাধং শয়নাদিসংকীর্ণম্ ॥ 3-217-16 বাং যুবয়োঃ ॥ 3-217-17 নৌ আবয়োঃ ॥অরণ্যপর্ব - অধ্যায় 218
॥ শ্রীঃ ॥
3.218. অধ্যায়ঃ 218
Mahabharata - Vana Parva - Chapter Topics
ধর্মব্যাধেন কৌশিকংপ্রতি মাতাপিতৃশুশ্রূষণচোদনপূর্বকং স্বস্য শূদ্রয়োনৌ জনননিদানকথনম্ ॥ 1 ॥Mahabharata - Vana Parva - Chapter Text
3-218-0 (24522)
মার্কণ্ডেয় উবাচ। 3-218-0x (2508)
গুরূ নিবেদ্য বিপ্রায় তৌ মাতাপিতরাবুভৌ।
পুনরেব স ধর্মাত্মা ব্যাধো ব্রাহ্মণমব্রবীৎ ॥ 3-218-1 (24523)
প্রবৃত্তচক্ষুর্জাতোস্মি সংপশ্য তপসো বলম্।
যদর্থমুক্তোসি তয়া গচ্ছ ৎবং মিথিলামিতি ॥ 3-218-2 (24524)
পতিশুশ্রূষপরয়া দান্তয়া সত্যশীলয়া।
মিথিলায়াং বসন্ব্যাধঃ স তে ধর্মান্প্রবক্ষ্যতি ॥ 3-218-3 (24525)
ব্রাহ্মণ উবাচ। 3-218-4x (2509)
পতিব্রতায়াঃ সত্যায়াঃ শীলাঢ্যায়া যতব্রত।
সংস্মৃত্য বাক্যং ধর্মজ্ঞ গুণবানসি মে মতঃ ॥ 3-218-4 (24526)
ব্যাধ উবাচ। 3-218-5x (2510)
যত্তয়া ৎবং দ্বিজশ্রেষ্ঠ নিয়ুক্তো মাং প্রতি প্রভো।
দৃষ্টমেব তয়া সম্যগেকপত্ন্যা ন সংশয়ঃ ॥ 3-218-5 (24527)
ৎবদনুগ্রহবুদ্ধ্যা তু বিপ্রৈতদ্দর্শিতং ময়া।
বাক্যং চ শৃণু মে তাত যত্তে বক্ষ্যে হিতং দ্বিজ ॥ 3-218-6 (24528)
ৎবয়া ন পূজিতা মাতা পিতা চ দ্বিজসত্তম।
অনিসৃষ্টোসি নিষ্ক্রান্তো গৃহাত্তাভ্যামনিনদিত ॥ 3-218-7 (24529)
বেদোচ্চারণকার্যার্থময়ুক্তং তত্ৎবয়া কৃতম্।
তব শোকেন বৃদ্ধৌ তাবন্ধীভূতৌ তপস্বিনৌ ॥ 3-218-8 (24530)
তৌ প্রসাদয়িতুং গচ্ছ মা ৎবাং ধর্মোঽত্যগাদয়ম্।
তপস্বী ৎবং মহাত্মা চ ধর্মে চ নিরতঃ সদা ॥ 3-218-9 (24531)
সর্বমেতদপার্থং তে ক্ষিপ্রং তৌ সংপ্রসাদয়।
`তৌ প্রসাদ্য দ্বিজশ্রেষ্ঠ যচ্ছ্রেয়স্তদবাপ্স্যসি' ॥ 3-218-10 (24532)
শ্রদ্দধস্ব মম ব্রহ্মন্নান্যথা কর্তুমর্হসি।
যম্যতামদ্যবিপ্রর্ষে শ্রেয়স্তে কথয়াম্যহম্ ॥ 3-218-11 (24533)
ব্রাহ্মণ উবাচ। 3-218-12x (2511)
যদেতদুক্তং ভবতা সর্বং সত্যমসংশয়ম্।
প্রীতোস্মি তব ভদ্রং তে ধর্মাচারগুণান্বিত ॥ 3-218-12 (24534)
ব্যাধ উবাচ। 3-218-13x (2512)
দৈবতপ্রতিমো হি ৎবং যস্ৎবং ধর্মমনুব্রতঃ।
পুরাণং শাশ্বতং দিব্যং দুষ্প্রাপমকৃতাত্মভিঃ ॥ 3-218-13 (24535)
মাতাপিত্রোঃ সকাশং হি গৎবাৎবং দ্বিজসত্তম।
অতন্দ্রিতঃ কুরু ক্ষিপ্রংমাতাপিত্রোর্হি পূজনম্।
অতঃ পরমহং ধর্মং নান্যং পশ্যামি কংচন ॥ 3-218-14 (24536)
ব্রাহ্মণ উবাচ। 3-218-15x (2513)
ইহাহমাগতো দিষ্ট্যা দিষ্ট্যা মে সংগতং ৎবয়া।
ঈদৃশা দুর্লভা লোকে নরা ধর্মপ্রদর্শকাঃ ॥ 3-218-15 (24537)
একোনরসহস্রেষু ধর্মবানবিদ্যতে ন বা।
প্রীতোস্মি তবসত্যেন ভদ্রং তে পুরুষর্ষভ ॥ 3-218-16 (24538)
পতমানোঽদ্যনরকে ভবতাঽস্মি সমুদ্ধৃতঃ।
ভবিতব্যমথৈবং চ যদ্দৃষ্টোসি ময়াঽনঘ ॥ 3-218-17 (24539)
রাজা যয়াতির্দৌহিত্রৈঃ পতিতস্তারিতো যথা।
সদ্ভিঃ পুরুষশার্দূল তথাঽহং ভবতা ৎবিহ ॥ 3-218-18 (24540)
মাতাপিতৃভ্যাং শুশ্রূষাং করিষ্যে বচনাত্তব।
নাকৃতাত্মা বেদয়তি ধর্মাধর্মবিনিশ্চয়ম্ ॥ 3-218-19 (24541)
দুর্জ্ঞেয়ঃ শাশ্বতো ধর্মঃ শূদ্রয়োনৌ হি বর্ততা।
ন ৎবাং শূদ্রমহং মন্যে ভবিতব্যং হি কারণম্ ॥ 3-218-20 (24542)
যেন কর্মবিশেষেণ প্রাপ্তেয়ং শূদ্রতা ৎবয়া।
এতামিচ্ছামি বিজ্ঞাতুং তত্ৎবেন তব শূদ্রতাম্।
কাময়ানস্ মে শংস সর্বং ৎবং প্রয়তাত্মবান্ ॥ 3-218-21 (24543)
ব্যাঘ উবাচ। 3-218-22x (2514)
অনতিক্রমণীয়া বৈ ব্রাহ্মণা মে দ্বিজোত্তম।
শৃণু সর্বমিদং বৃত্তং পূর্বদেহে মমানঘ ॥ 3-218-22 (24544)
অহং হি ব্রাহ্মণঃ পূর্বমাসং দ্বিজবরাত্মজঃ।
বেদাধ্যায়ী সুকুশলো বেদাঙ্গানাং চ পারগঃ।
আত্মদোষকৃতৈর্ব্রহ্মন্নবস্থামাপ্তবানিমাম্ ॥ 3-218-23 (24545)
কশ্চিদ্রাজা মম সখা ধনুর্বেদপরায়ণঃ।
সংসর্গাদ্ধনুষি শ্রেষ্ঠস্ততোঽহমভবং দ্বিজ ॥ 3-218-24 (24546)
এতস্মিন্নেব কালে তু মৃগয়াং নির্গতো নৃপঃ।
সহিতো যোধমুখ্যৈশ্ মন্ত্রিভিশ্চ সুসংবৃতঃ।
ততোঽভ্যহন্মৃগাংস্তত্র সুবহূনাশ্রমং প্রতি ॥ 3-218-25 (24547)
অথ ক্ষিপ্তঃ শরো ঘোরো ময়াপি দ্বিজসত্তম।
তাডিতশ্চ ঋষিস্তন শরেণানতপর্বণা ॥ 3-218-26 (24548)
ভূমৌ নিপতিতো ব্রহ্মন্নুবাচ প্রতিনাদয়ন্।
নাপরাধ্যাম্যহং কিংচিৎকেন পাপমিদং কৃতম্ ॥ 3-218-27 (24549)
মন্বানস্তং মৃগং চাহং সংপ্রাপ্তঃ সহসা মুনিম্।
অপশ্যং তমৃষিং বিদ্ধং শরেণানতপর্বণা।
তমুগ্রতপসং বিপ্রং নিষ্টনন্তং মহীতলে ॥ 3-218-28 (24550)
অকার্যকরণাচ্চাপি ভৃশং মে ব্যথিতং মনঃ।
অজানতা কৃতমিদং ময়েত্যহমথাব্রুবম্ ॥ 3-218-29 (24551)
ক্ষন্তুমর্হসি মে সর্বমিতি চোক্তো ময়া মুনিঃ ॥ 3-218-30 (24552)
ততঃ প্রত্যব্রবীদ্বাক্যমৃষির্মাং ক্রোধমূর্চ্ছিতঃ।
ব্যাধস্ৎবং ভবিতা ক্রূর শূদ্রয়োনাবিতি দ্বিজ ॥ 3-218-31 (24553)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি অষ্টাদশাধিকদ্বিশততমোঽধ্যায়ঃ ॥ 218 ॥
Mahabharata - Vana Parva - Chapter Footnotes
3-218-2 প্রবৃত্তচক্ষুর্দিব্যদৃষ্টিঃ। তপসঃ পিত্রোঃ শুশ্রূষাত্মকস্য ॥ 3-218-28 নিষ্টনন্তং শব্দং কুর্বন্তম্ ॥অরণ্যপর্ব - অধ্যায় 219
॥ শ্রীঃ ॥
3.219. অধ্যায়ঃ 219
Mahabharata - Vana Parva - Chapter Topics
ধর্মব্যাধেন নানাধর্মান্বোধিতেন কৌশিকেন গৃহমেত্য স্বপিত্রোঃ শুশ্রূষণম্ ॥ 1 ॥ মার্কণ্ডেয়েন যুধিষ্ঠিরম্প্রতি পতিব্রতামাহাত্ম্যাদিকথনোপসংহারঃ ॥ 2 ॥Mahabharata - Vana Parva - Chapter Text
3-219-0 (24554)
ব্যাধ উবাচ। 3-219-0x (2515)
এবং শপ্তোঽহমৃষিণা তদা দ্বিজবরোত্তম।
অহং প্রাসাদয়মৃষিং গিরা বাক্যবিশারদম্ ॥ 3-219-1 (24555)
অজানতা ময়াঽকার্যমিদমদ্য কৃতং মুনে।
ক্ষন্তুমর্হসি তৎসর্বং প্রসীদ ভগবন্নিতি ॥ 3-219-2 (24556)
ঋষিরুবাচ। 3-219-3x (2516)
নান্যথা ভবিতা শাপ এবমেতদসংশয়ম্।
আনৃশংস্যাত্ৎবংহকিংচিৎকর্তাঽনুগ্রহমদ্য তে ॥ 3-219-3 (24557)
শূদ্রয়োন্যাং বর্তমানো ধর্মজ্ঞো হি ভবিষ্যসি।
মাতাপিত্রোশ্ শুশ্রূষাং করিষ্যসি ন সংশয়ঃ ॥ 3-219-4 (24558)
তয়োঃ শুশ্রূষয়া সিদ্ধিং মহতীং সমবাপ্স্যসি।
জাতিস্মরশ্ ভবিতা স্বর্গং চৈব গমিষ্যসি ॥ 3-219-5 (24559)
`ভূৎবাচ ধার্মিকো ব্যাধঃ পিত্রোঃ শুশ্রূষণে রতঃ।
শাপক্ষয়ে তু নির্বৃত্তে ভবিতাঽসি পুনর্দ্বিজঃ ॥ 3-219-6 (24560)
এবং শপ্তঃ পুরা তেন ঋষিণাঽস্ম্যুগ্রতেজসা।
প্রসাদশ্চ কৃতস্তেন মমৈব দ্বিপদাংবর ॥ 3-219-7 (24561)
শরং চোদ্ধৃতবানস্মি তস্য বৈ দ্বিজসত্তম।
আশ্রমং চ ময়া নীতো ন চ প্রাণৈর্ব্যযুজ্যত ॥ 3-219-8 (24562)
এতত্তে সর্বমাখ্যাতং যথা মম পুরাঽভবৎ।
অভিতশ্চাপি গন্তব্যো ময়া স্বর্গো দ্বিজোত্তম ॥ 3-219-9 (24563)
ব্রাহ্মণ উবাচ। 3-219-10x (2517)
এবমেতানি পুরুষা দুঃখানি চ সুখানি চ।
আপ্নুবন্তি মহাবুদ্ধে নোৎকণ্ঠাং কর্তুমর্হসি ॥ 3-219-10 (24564)
দুষ্করং হি কৃতংকর্ম জানতা জাতিমাত্মনঃ।
[লোকবৃত্তান্ততত্ৎবজ্ঞ নিত্যং ধর্মপরায়ণ ॥] 3-219-11 (24565)
কর্মদোষাচ্চ বৈ বিদ্বন্নাত্মজাতিকৃতেন বৈ।
কংচিৎকালং মৃষ্যতাং বৈ ততোসি ভবিতা দ্বিজঃ ॥ 3-219-12 (24566)
সাংপ্রতং চ মতো মেঽসি ব্রাহ্মণো নাত্র সংশয়ঃ ॥ 3-219-13 (24567)
ব্রাহ্মণঃ পতনীয়েষু বর্তমানো বিকর্মসু।
দাম্ভিক্বো দুষ্কৃতপ্রায়ঃ শূদ্রেণ সদৃশো ভবেৎ ॥ 3-219-14 (24568)
যস্তু শূদ্রো দমে সত্যে ধর্মে চ সততোত্থিতঃ।
তং ব্রাহ্মণমহং মন্যে বৃত্তেন হি ভবেদ্দ্বিজঃ ॥ 3-219-15 (24569)
কর্মদোষেণ বিষমাং গতিমাপ্তোসি দারুণাম্।
ক্ষীণদোষমহং মন্যে চাভিতস্ৎবাং নরোত্তম ॥ 3-219-16 (24570)
কর্তুমর্হসি নোৎকণ্ঠাং ৎবদ্বিধা হ্যবিষাদিনঃ।
লোকবৃত্তান্ততৎবজ্ঞা নিত্যং ধর্মপরায়ণাঃ ॥ 3-219-17 (24571)
ব্যাধ উবাচ। 3-219-18x (2518)
প্রজ্ঞয়া মানসং দুঃখং হন্যাচ্ছারীরমৌষধৈঃ।
এতদ্বিজ্ঞানসামর্থ্যং ন বালৈ সমতামিয়াৎ ॥ 3-219-18 (24572)
অনিষ্টসংপ্রয়োগাচ্চ বিপ্রয়োগাৎপ্রয়িস্য চ।
মনুষ্যা মানসৈর্দুঃখৈর্যুজ্যন্তে চাল্পবুদ্ধয়ঃ ॥ 3-219-19 (24573)
গুণৈর্ভূতানি যুজ্যন্তে বিয়ুজ্যন্তে তথৈব চ।
সর্বাণি নৈতদেকস্য শোকস্থানং হি বিদ্যতে ॥ 3-219-20 (24574)
অনিষ্টনান্বিতং পশ্যংস্তথা ক্ষিপ্রং বিরজ্যতে।
ততশ্চ প্রতিকুর্বন্তি যদি পশ্যন্ত্যুপক্রমম্ ॥ 3-219-21 (24575)
শোচতো ন ভবেৎকিংচিৎকেবলং পরিতপ্যতে।
পরিত্যজন্তি যে দুঃখং সুখং বাঽপ্যুভয়ং নরাঃ ॥ 3-219-22 (24576)
ত এব সুখমেধন্তে জ্ঞানতৃপ্তা মনীষিণঃ।
অসংতোষপরা মূঢাঃ সংতোষং যানতি পণ্ডিতাঃ ॥ 3-219-23 (24577)
অসংতোষস্য নাস্ত্যন্তস্তুষ্টিস্তু পরমং সুখম্।
ন শোচন্তি গতাধ্বানঃ পশ্যন্তঃ পরমাং গতিং ॥ 3-219-24 (24578)
ন বিষাদে মনঃ কার্যং বিষাদো বিষমুত্তমম্।
মারয়ত্যকৃতপ্রজ্ঞং বালং ক্রুদ্ধ ইবোরগঃ ॥ 3-219-25 (24579)
যংবিষাদোঽভিভবতি বিষমে সমুপস্থিতে।
তেজসা তস্ হীনস্য পুরুষার্থো ন বিদ্যতে ॥ 3-219-26 (24580)
অবশ্যং ক্রিয়মাণস্ কর্মণো দৃশ্যতে ফলম্।
ন হি নির্বেদমাগম্য কিংচিৎপ্রাপ্নোতি শোভনম্ ॥ 3-219-27 (24581)
অথাপ্যুপায়ং পশ্যেত দুঃখস্ পরিমোক্ষণে।
অশোচন্নারভেতৈব যুক্তশ্চাব্যসনী ভবেৎ ॥ 3-219-28 (24582)
ভূতেষ্বভাবং সংচিন্ত্য যে তু বুদ্ধেঃ পরং গতাঃ।
ন শোচন্তি কৃতপ্রজ্ঞাঃ পশ্যন্তঃ পরমাং গতিম্ ॥ 3-219-29 (24583)
ন শোচামি রমে বিদ্বন্কালাকাঙ্ক্ষী স্থিতোস্ম্যহম্।
এতৈর্নিদর্শনৈর্ব্রহ্মন্নাবসীদামি সত্তম ॥ 3-219-30 (24584)
ব্রাহ্মণ উবাচ। 3-219-31x (2519)
কৃতপ্রজ্ঞোসি মেধাবী বুদ্ধিশ্চ বিপুলা তব।
পাপান্নিবৃত্তোসি সদা জ্ঞানবৃদ্ধোসি ধর্মবিৎ ॥ 3-219-31 (24585)
আপৃচ্ছে ৎবাং স্বস্তি তেঽস্তু ধর্মস্ৎবাং পরিরক্ষতু।
অপ্রমাদস্তু কর্তব্যো ধর্মে ধর্মভৃতাংবর ॥ 3-219-32 (24586)
মার্কণ্ডেয় উবাচ। 3-219-33x (2520)
বাঢমিত্যেব তং ব্যাধঃ কৃতাঞ্জলিরুবাচ হ।
প্রদক্ষিণমথো কৃৎবা প্রস্থিতো দ্বিজসত্তমঃ ॥ 3-219-33 (24587)
স তু গৎবাদ্বিজঃ সর্বাং শুশ্রূষাং কৃতবাংস্তদা।
মাতাপিতৃভ্যামন্ধাভ্যাং যথান্যায়ং সুসংশিতঃ ॥ 3-219-34 (24588)
এতত্তে সর্বমাখ্যাতং নিখিলেন যুধিষ্ঠির।
পৃষ্টবানসি যং তাত ধর্মং ধর্মভৃতাংবর ॥ 3-219-35 (24589)
পতিব্রতায়া মাহাত্ম্যং ব্রাহ্মণস্য চ সত্তম।
মাতাপিত্রোশ্চ শুশ্রূষা ধর্মব্যাধেন কীর্তিতা ॥ 3-219-36 (24590)
যুধিষ্ঠির উবাচ। 3-219-37x (2521)
অত্যদ্ভুতমিদং ব্রহ্মন্ধর্মাখ্যানমনুত্তমম্।
সর্বধর্মবিদাংশ্রেষ্ঠ কথিতং মুনিসত্তম ॥ 3-219-37 (24591)
সুখশ্রাব্যতয়া বিদ্বন্মুহূর্ত ইব মে গতঃ।
ন হি তৃপ্তোস্মি ভগবঞ্শৃণ্বানো ধর্মমুত্তমম্ ॥ 3-219-38 (24592)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি একোনিবিংশত্যধিকদ্বিশততমোঽধ্যায়ঃ ॥ 219 ॥
Mahabharata - Vana Parva - Chapter Footnotes
3-219-20 গুণৈঃ গুণকার্যৈঃ সুখদুঃখমোহৈঃ ॥ 3-219-24 গতাধ্বানঃ প্রাপ্তজ্ঞানমার্গাঃ ॥ 3-219-29 বুদ্ধেস্তত্ৎবজ্ঞানাৎ। পরং ব্রহ্ম গতাঃ প্রাপ্তাঃ ॥অরণ্যপর্ব - অধ্যায় 220
॥ শ্রীঃ ॥
3.220. অধ্যায়ঃ 220
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রত্যাঙ্গিরসোপাখ্যানকথনারম্ভঃ ॥ 1 ॥ অগ্ঙিরসঃপুত্রস্য বৃহস্পতের্দেবৈরঙ্গিরসো বচনাদ্গুরুৎবেন স্বীকরণম্ ॥ 2 ॥Mahabharata - Vana Parva - Chapter Text
3-220-0 (24593)
বৈশম্পায়ন উবাচ। 3-220-0x (2522)
শ্রুৎবেমাং ধর্মসংয়ুক্তাং ধর্মরাজঃ কথাং শুভাম্।
পুনঃ পপ্রচ্ছ তমৃষিং মার্কণ্ডেয়মিদং তদা ॥ 3-220-1 (24594)
কথমগ্নির্বনং যাতঃ কথং চাপ্যঙ্গিরাঃ পুরা।
নষ্টেঽগ্নৌ হব্যমহবদগ্নির্ভূৎবা মহাদ্যুতিঃ ॥ 3-220-2 (24595)
অগ্নির্যদা চৈক এব বহুৎবং চাস্য কর্মসু।
দৃশ্যতে ভগবন্সর্বমেতদিচ্ছামি বেদিতুম্ ॥ 3-220-3 (24596)
কুমারশ্চ যথোৎপন্নো যথা চাগ্নেঃ সুতোঽভবৎ।
যথা রুদ্রাচ্চ সংভূতো গঙ্গায়াং কৃত্তিকাসু চ ॥ 3-220-4 (24597)
এতদিচ্ছাম্যহং ৎবত্তঃ শ্রোতুং ভার্গবসত্তম।
কৌতূহলসমাবিষ্টো যাথাতথ্যং মহামুনে ॥ 3-220-5 (24598)
মার্কণ্ডেয় উবাচ। 3-220-6x (2523)
অত্রাপ্যুদাহরন্তীমমিতিহাসং পুরাতনম্।
যথা ক্রুদ্ধো হুতবহস্তপস্তপ্তুং বনং গতঃ ॥ 3-220-6 (24599)
যথা চ ভগবানগ্নিঃ স্বয়মেবাঙ্গেরাঽভবৎ।
সংতাপয়ংশ্চ প্রভয়া নাশয়ংস্তিমিরাবলিম্ ॥ 3-220-7 (24600)
পুরাঙ্গিরা মহাবাহো চচার তপ উত্তমম্।
আশ্রমস্থো মহাভাগো হব্যবাহং বিশেষয়ন্।
যথাগ্নির্ভূৎবা তু তদা জগৎসর্বং ব্যকাশয়ৎ ॥ 3-220-8 (24601)
তপশ্চরংস্তু হুতভুক্সংতপ্তস্তস্য তেজসা।
ভৃশং গ্লানশ্চতেজস্বী ন চ কিংচিৎপ্রজজ্ঞিবান্ ॥ 3-220-9 (24602)
অথ সংচিন্তয়ামাস ভগবান্হব্যবাহনঃ।
অন্যোঽগ্নিরিব লোকানাং ব্রহ্মণা সংপ্রকল্পিতঃ ॥ 3-220-10 (24603)
অগ্নিৎবং বিপ্রনষ্টং হি তপ্যমানস্ মে তপঃ।
কথমগ্নিঃ পুনরহং ভবেয়মিতি চিন্ত্য সঃ ॥ 3-220-11 (24604)
অপশ্যদগ্নিবল্লোকাংস্তাপয়ন্তং মহামুনিম্।
সোপাসর্পচ্ছনৈর্ভীতস্তমুবাচ তদাঙ্গিরাঃ ॥ 3-220-12 (24605)
শীঘ্রমেব ভবস্বাগ্নিস্ৎবং পুনর্লোকভাবনঃ।
বিজ্ঞাতশ্চাসি লোকেষু ত্রিষু সংস্থানচারিষু ॥ 3-220-13 (24606)
ৎবমগ্নে প্রথমঃ সৃষ্টো ব্র্হমণা তিমিরাপর্হঃ।
স্বস্থানং প্রতিপদ্যস্ব শীঘ্রমেব তমো নুদ ॥ 3-220-14 (24607)
অগ্নিরুবাচ। 3-220-15x (2524)
নষ্টকীর্তিরহং লোকে ভবাঞ্জাতো হুতাশনঃ।
ভবন্তমেব জ্ঞাস্যন্তি পাবকং ন তু মাং জনাঃ ॥ 3-220-15 (24608)
নিক্ষিপম্যহমগ্নিৎবং ৎবমগ্নিঃ প্রথমো ভব।
ভবিষ্যামি দ্বিতীয়োঽহং প্রাজাপত্যক এব চ ॥ 3-220-16 (24609)
অঙ্গিরা উবাচ। 3-220-17x (2525)
কুরু পুণ্যং প্রজাস্বর্গ্যং ভবাগ্নিস্তিমিরাপহঃ।
মাং চ দেব কুরুষ্বাগ্নে প্রথমং পুত্রমঞ্জসা ॥ 3-220-17 (24610)
মার্কণ্ডেয় উবাচ। 3-220-18x (2526)
তচ্ছ্রুৎবাঙ্গিরসো বাক্যং জাতবেদাস্তথাঽকরোৎ।
রাজন্বৃহস্পতির্নাম তস্যাপ্যঙ্গিরসঃ সুতঃ ॥ 3-220-18 (24611)
জ্ঞাৎবা প্রথমজং তং তু বহ্নেরঙ্গিরসং সুতম্।
উপেত্য দেবাঃ পপ্রচ্ছুঃ কারণং তত্র ভারত ॥ 3-220-19 (24612)
স তু পৃষ্টস্তদা দেবৈস্তত কারণমব্রবীৎ।
প্রত্যগৃহ্ণন্ত দেবাশ্চ তদ্বচোঽঙ্গিরসস্তদা ॥ 3-220-20 (24613)
তত্রনানাবিধানগ্নীন্প্রবক্ষ্যামি মহাপ্রভান্।
কর্মভির্বহুভিঃ খ্যাতাননানার্থান্ব্রাহ্মণেষ্বিহ ॥ 3-220-21 (24614)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি বিংশত্যধিকদ্বিশততমোঽধ্যায়ঃ ॥ 220॥
Mahabharata - Vana Parva - Chapter Footnotes
3-220-13 সংস্থানচারিষু স্থাবরজংগমেষু। সম্যক্ স্থানং গতিনিবৃত্তির্যেষু চরণশীলেষু চেতি যোগাৎ ॥ 3-220-16 প্রাজাপত্যস্তথৈকত ইতি ক. থ. ধ. পাঠঃ ॥ 3-220-20 প্রত্যগৃহ্ণন্ অঙ্গিরসো বচঃ অয়ং ভবতাং গুরুরিতি অঙ্গীকৃতবন্তঃ ॥ 3-220-21 যাতান্নানাৎবং ব্রাহ্মণেষ্বপি ইতি থ. পাঠঃ ॥অরণ্যপর্ব - অধ্যায় 221
॥ শ্রীঃ ॥
3.221. অধ্যায়ঃ 221
Mahabharata - Vana Parva - Chapter Topics
মার্কণ্ডেয়েনাগ্নীনামুৎপত্ত্যাদিকথনম্ ॥ 1 ॥Mahabharata - Vana Parva - Chapter Text
3-221-0 (24615)
মার্কণ্ডেয় উবাচ। 3-221-0x (2527)
ব্রহ্মণো যস্তৃতীয়স্তু পুত্রঃ কুরুকুলোদ্বহ।
তস্যাপি বসুদাভার্যা প্রজাস্তস্যাং চ মে শৃণু ॥ 3-221-1 (24616)
বৃহৎকীর্তির্বৃহজ্জ্যোতির্বৃহদ্ব্রহ্মা বৃহন্মনাঃ।
বৃহন্মন্ত্রো বৃহদ্ভাসস্তথা রাজন্বৃহস্পতিঃ ॥ 3-221-2 (24617)
প্রজাসু তাসু সর্বাসু রূপেণাপ্রতিমাঽভবৎ।
দেবী ভানুমতী নাম প্রথমাঽঙ্গিরসঃ সুতা ॥ 3-221-3 (24618)
ভূতানামেব সর্বেষাং যস্যাং রাগস্তদাঽভবৎ।
রাগাদ্রাগেতি যামাহুর্দ্বিতীয়াঽঙ্গিরসঃ সুতা ॥ 3-221-4 (24619)
যাং কপর্দিসুতামাহুর্দৃশ্যাদৃশ্যেতি দেহিনঃ।
তনুৎবাৎসা সিনীবালী তুতীয়াঽঙ্গিরসঃ সুতা ॥ 3-221-5 (24620)
যাং তু দৃষ্ট্বা ভগবতীং জনঃ কুহকুহায়তে।
একানকেতি যামাহুশ্চতুর্থ্যঙ্গিরসঃ সুতা ॥ 3-221-6 (24621)
পঞ্চম্যর্চিষ্মতী নাম্না হবির্ভিশ্চ হবিষ্মতী।
ষষ্ঠীম্গিরসঃ কন্যাং পুণ্যামাহুর্মহিষ্মতীম্ ॥ 3-221-7 (24622)
মহামখেষ্বাঙ্গিরসী দীপ্তিমৎসু মহীয়তী।
মহামতীতি বিখ্যাতা সপ্তমী কথ্যতে সুতা ॥ 3-221-8 (24623)
বৃহস্পতেশ্চান্দ্রমসী ভার্যাঽঽসীদ্যা যশস্বিনী।
অগ্নীন্সাঽজনয়ৎপুণ্যান্ষডেকাং চাপি পুত্রিকাম্ ॥ 3-221-9 (24624)
আহুতিষ্বেব যস্যাগ্নের্হবিরাজ্যং বিধীয়তে।
সোগ্নির্বৃহস্পতেঃ পুত্র শংয়ুর্নাম মহাপ্রভঃ ॥ 3-221-10 (24625)
চাতুর্মাস্যেষু যস্যেষ্টমশ্বমেধাগ্রভাগভূৎ।
দীপ্তিজ্বালৈরনেকাগ্রৈরগ্নিষ্টোমোঽথ বীর্যবান্ ॥ 3-221-11 (24626)
শংয়োরপ্রতিমা ভার্যা সত্যা সত্যাঽথ ধর্মজা।
অগ্নিতস্য সুতো দীপ্তস্তিস্রঃ কন্যাশ্চ সুব্রতাঃ ॥ 3-221-12 (24627)
প্রথমেনাজ্যভাগেন পূজ্যতে যোঽগ্নিরধ্বরে।
অগ্নিস্তস্য ভরদ্বাজঃ প্রথমঃ পুত্র উচ্যতে ॥ 3-221-13 (24628)
পৌর্ণমাসেষু সর্বেষু হবিরাজ্যং ধ্রুবোদ্যতম্।
ভরতো নামতঃ সোগ্নির্দ্বিতীয়ঃ শংয়ুতঃ সুতঃ ॥ 3-221-14 (24629)
তিস্রঃ কন্যা ভবন্ত্যন্যা যাসাং স ভরত পতিঃ।
ভারতস্তু সুতস্তস্য ভারত্যেকা চ পুত্রিকা ॥ 3-221-15 (24630)
ভারতো ভরতস্যাগ্নেঃ পাবকস্তু প্রজায়তে।
মহানত্যর্থমহিতস্তথা ভরতসত্তম ॥ 3-221-16 (24631)
ভরদ্বাজস্য ভার্যা তু বীরা বীরশ্চ পিণ্ডদঃ।
প্রাহুরাজ্যেন তস্যেজ্যাং সোমস্যেব দ্বিজাঃ শনৈঃ ॥ 3-221-17 (24632)
হবিষা যো দ্বিতীয়েন সোমেন সহ যুজ্যতে।
রথপ্রভূ রথধ্বানঃ কুম্ভরেতাঃ স উচ্যতে ॥ 3-221-18 (24633)
সরয়্বাং জনয়ৎসিদ্ধিং ভানুং ভাভিঃ সমাবৃণোৎ।
আগ্নেয়মনয়ন্মিথ্যং মিথ্যো নামৈব কথ্যতে ॥ 3-221-19 (24634)
যস্তু ন চ্যবতে নিত্যং শয়সা বর্চসা শ্রিয়া।
অগ্নির্নিশ্চ্যবনো নাম পৃথিবীং স্তৌতি কেবলম্ ॥ 3-221-20 (24635)
বিপাপ্মা কলুষৈর্মুক্তো বিশুদ্ধশ্চার্চিষা জ্বলন্।
বিপাপোঽগ্নিঃ সুতস্তস্য যোজ্যঃ সময়কর্মসু ॥ 3-221-21 (24636)
অক্রোশতাং হি ভূতানাং যঃ করোতি হি নিষ্কৃতিম্।
অগ্নিঃ স নিষ্কৃতির্নাম শোভয়ত্যভিসেবিতঃ ॥ 3-221-22 (24637)
অনুকূজন্তি যেনেহ বেদনার্তাঃ স্বয়ং জনাঃ।
তস্য পুত্রঃ স্বনো নাম পাবকঃ সরুজস্করঃ ॥ 3-221-23 (24638)
যস্তু বিশ্বস্ জগতো বুদ্ধিমাক্রম্য তিষ্ঠতি।
তং প্রাহুরধ্যাত্মবিদো বিশ্বজিন্নাম পাবকম্ ॥ 3-221-24 (24639)
অন্তরাগ্নিঃ স্মৃতো যস্তু ভুক্তং পচতি দেহিনাম্।
স যজ্ঞে বিশ্বভুঙ্বাম সর্বলোকেষু ভারত ॥ 3-221-25 (24640)
ব্রহ্মচারী যতাত্মা চ সততং বিপুলপ্রভঃ।
ব্রাহ্মণাঃ পূজয়ন্ত্যেনং পাকয়জ্ঞেষু পাবকম্ ॥ 3-221-26 (24641)
প্রথিতো গোপতির্নাম নদী যস্যাভবৎপ্রিয়া।
তস্মিন্কর্মাণি সর্বাণি ক্রিয়ন্তে ধর্মকর্তৃভিঃ ॥ 3-221-27 (24642)
বডবাগ্নিঃ পিবত্যম্ভো যোসৌ পরমদারুণঃ।
ঊর্দ্বভাগূর্ধ্বভাঙ্নাম কবিঃ প্রাণাশ্রিতস্তু যঃ ॥ 3-221-28 (24643)
উদগ্দ্বারং হবির্যস্য গৃহে নিত্যং প্রদীয়তে।
ততস্তুষ্টো ভবেদ্ব্রহ্মা স্বিষ্টকৃৎপরমঃ স্মৃতঃ ॥ 3-221-29 (24644)
যঃ প্রশান্তেষু ভূতেষু আবির্ভবতি পাবকঃ।
ক্রোধস্য তু রসো জজ্ঞে মন্যতী চাথ পুত্রিকা ॥ 3-221-30 (24645)
স্বাহেতি দারুণা ক্রূরা সর্বভূতেষু তিষ্ঠতি।
ত্রিদিবে যস্য সদৃশো নাস্তি রূপেণ কশ্চন।
অতুলৎবাৎকৃতো দেবৈর্নাম্না কামস্তু পাবকঃ ॥ 3-221-31 (24646)
সংহর্ষাদ্ধারয়ন্ক্রোধং ধন্বী স্রগ্বী রথে স্থিতঃ।
সমরে নাশয়েচ্ছত্রূনমোঘো নাম পাবকঃ ॥ 3-221-32 (24647)
উক্থ্যো নাম মহাভাগ ত্রিভিরুক্থৈরভিষ্টুতঃ।
মহাবর্ষং ৎবজনয়ৎসকামাশ্বং হি যং বিদুঃ ॥ 3-221-33 (24648)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি একবিংসত্যধিকদ্বিশততমোঽধ্যায়ঃ ॥ 221 ॥
Mahabharata - Vana Parva - Chapter Footnotes
3-221-1 তস্যাপি বসুধা ভার্যা ইতি ট. ধ. পাঠঃ ॥ 3-221-2 বৃহত্তেজা বৃহন্মনা ইতি ক. ধ. পাঠঃ ॥ 3-221-10 হবিষাদ্যং বিধীয়তে ইতি ঝ. পাঠঃ ॥ 3-221-17 বীরস্য পিণ্ডদা ইতিঝ. পাঠঃ ॥অরণ্যপর্ব - অধ্যায় 222
॥ শ্রীঃ ॥
3.222. অধ্যায়ঃ 222
Mahabharata - Vana Parva - Chapter Topics
মারক্ণ্ডেয়েন যুধিষ্ঠিরংপ্রত্যগ্ন্যুৎপত্তিকথনম্ ॥ 1 ॥Mahabharata - Vana Parva - Chapter Text
3-222-0 (24649)
মার্কণ্ডেয় উবাচ। 3-222-0x (2528)
কাশ্যপো হ্যথ বাসিষ্ঠঃ প্রাণশ্চ প্রাণপুত্রকঃ।
অগ্নিরাঙ্গিরসশ্চৈব চ্যবনস্তীব্রবর্চকঃ ॥ 3-222-1 (24650)
অচরৎস তপস্তীব্রং পুত্রার্থে বহুবার্ষিকম্।
পুত্রং লভেয়ং ধর্মিষ্ঠং যশসা ব্রহ্মণা সমম্ ॥ 3-222-2 (24651)
মহাব্যাহৃতিভির্ধ্যাতঃ পঞ্চভিস্তৈস্তদা ৎবথ।
জজ্ঞে তেজোময়ার্চিষ্মান্পঞ্চবর্ণঃ প্রাকরঃ ॥ 3-222-3 (24652)
সমিদ্ধোঽগ্নিঃ শিরস্তস্য বাহূ সূর্যনিভৌ তথা।
ৎবঙ্নেত্রে চ সুবর্ণাভে কৃষ্ণে জঙ্ঘে চ ভারত ॥ 3-222-4 (24653)
পঞ্চবর্ষঃ স তপসা কৃতস্তৈঃ পঞ্চভির্জনৈঃ।
পাঞ্চজন্যঃ শ্রুতো দেবঃ পঞ্চবংশকরস্তু সঃ ॥ 3-222-5 (24654)
দশবর্ষসহস্রাণি তপস্তপ্ৎবা মহাতপাঃ।
জনয়ৎপাবকং ঘোরং পিতৄণাং স প্রজাঃ সৃজন্ ॥ 3-222-6 (24655)
বৃহদ্রথংতরৌ মূর্ধ্না বক্রাচ্চ তপসা হরিম্।
শিবং নাভ্যাং বলাদিন্দ্রং প্রাণাদ্বায়ুং চ ভারত ॥ 3-222-7 (24656)
বাহুভ্যামনুদাত্তৌ চ বিশ্বে ভূতানি চৈব হ।
এতান্সৃষ্ট্বা ততঃ পঞ্চ পিতৄণামসৃজৎসুতান্ ॥ 3-222-8 (24657)
বৃহদ্রথস্য প্রণিধিঃ কাশ্যপশ্য মহত্তরঃ।
ভানুরঙ্গিরসো ধীরঃ পুত্রো বর্চস্য সৌরভঃ ॥ 3-222-9 (24658)
প্রাণস্য চানুদাত্তস্তু ব্যাখ্যাতাঃ পঞ্চ বংশজাঃ।
দেবান্যজ্ঞমুষশ্চান্যান্সৃজন্পঞ্চদশোত্তরান্ ॥ 3-222-10 (24659)
সুভীমমতিভীমং চ ভীমং ভীমবলাবলম্।
এতান্যজ্ঞমুষঃ পঞ্চ দেবানপ্যসৃজত্ততঃ ॥ 3-222-11 (24660)
সুমিত্রং মিত্রবন্তং চ মিত্রজ্ঞং মিত্রবর্ধনম্।
মিত্রধর্মাণমিত্যেতান্দেবানভ্যসৃজত্ততঃ ॥ 3-222-12 (24661)
সুরপ্রবীরং বীরং চ সুরেশং চ সুবর্চসম্।
সুরাণামপি ভর্তারং পঞ্চৈতানসৃজত্ততঃ ॥ 3-222-13 (24662)
ত্রিবিধং সংস্থিতা হ্যেতে পঞ্চপঞ্চ পৃথক্পৃথক্।
মুষ্ণন্ত্যত্র স্থিতা হ্যেতে স্বর্গতান্যজ্ঞয়াজিনঃ ॥ 3-222-14 (24663)
তেষামিষ্টং হরন্ত্যেতে নিঘ্নন্তি চ মহদ্ধবিঃ।
স্পর্ধয়াহব্যবাহানাং নিঘ্নন্ত্যেতে হরন্তি চ ॥ 3-222-15 (24664)
বহির্বেদ্যাং তদাদানং কুশলৈঃ সংপ্রবর্তিতম্।
তত্রৈতে নোপসর্পন্তি যত্র চাগ্নিঃ স্থিতো ভবেৎ ॥ 3-222-16 (24665)
চিতোঽগ্নিরুদ্বহন্যজ্ঞং পক্ষাভ্যাং তান্প্রবাধতে।
মন্ত্রৈ প্রশমিতাহ্যেতে নেষ্টং মুষ্ণন্তি যজ্ঞিয়ম্ ॥ 3-222-17 (24666)
তপস্যে বৃদুক্থস্য পুত্রো ভূমিমুপাশ্রিতঃ।
অগ্নিহোত্রে হূয়মানে পৃথিব্যাং সদ্ভিরীড্যতে ॥ 3-222-18 (24667)
রথন্তরশ্চতপসঃ পুত্রোঽগ্নিঃ পরিপঠ্যতে।
মিত্রবিন্দা তথা ভার্যা হবিরধ্বর্যবো বিদুঃ ॥ 3-222-19 (24668)
`এতৈঃ সহ মহাভাগ তপস্তেজস্বিভির্নৃপ'।
মুমুদে পরমপ্রীতঃ সহ পুত্রৈর্ভহায়শাঃ ॥ 3-222-20 (24669)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি দ্বাবিংশত্যধিরকদ্বিরতিতমোঽধ্যায়ঃ ॥ 222 ॥
Mahabharata - Vana Parva - Chapter Footnotes
3-222-2 কাশ্যপ ইতি ত্রয়াণাং সংবন্ধঃ। অত্রপাঠকমাদর্থক্রমস্য বলীয়স্ৎবাৎ আদ্যযোঃ শ্লোকয়োর্ব্যত্যাসেনার্থো গ্রাহ্যঃ। অচরদিতি ॥অরণ্যপর্ব - অধ্যায় 223
॥ শ্রীঃ ॥
3.223. অধ্যায়ঃ 223
Mahabharata - Vana Parva - Chapter Topics
মার্কণ্ডেয়েন যুধিষ্ঠিরপ্রতি বিস্তরেণাগ্নীনাং বংশকথনম্ ॥ 1 ॥Mahabharata - Vana Parva - Chapter Text
3-223-0 (24670)
মার্কণ্ডেয় উবাচ। 3-223-0x (2529)
গুরুভির্নিয়মৈর্যুক্তো ভরতো নাম পার্থিব।
অগ্নিঃ পুষ্টিমগ্নিমি তুষ্টঃ পুষ্টিং প্রয়চ্ছতি ॥ 3-223-1 (24671)
`সততং ভরতশ্রেষ্ঠ পাবকোয়ং মহাপ্রভঃ'।
অগ্নির্যশ্চ শিবো নাম শক্তিপূজায়নিশ্চ সঃ।
দুঃখার্তানাং স সর্বেষাং শিবকৃৎসততং শিবঃ ॥ 3-223-2 (24672)
তপসস্তু ফলং দৃষ্ট্বাসংপ্রবৃত্তং তপোময়ম্।
উদ্ধর্তুকামো মতিমান্পুত্রো জজ্ঞে পুরংদরঃ ॥ 3-223-3 (24673)
উষ্মা চৈবোষ্মণো জজ্ঞে সোঽগ্নির্ভূতেষু লক্ষ্যতে।
অগ্নিশ্চাপি মনুর্নাম প্রাজাপত্যং সকারণম্ ॥ 3-223-4 (24674)
শংভুমগ্নিমথ প্রাহুর্ব্রাহ্মণা বেদপারগাঃ।
আবসথ্যং দেবিজাঃ প্রাহুর্দীপ্তমগ্নিং মহাপ্রভম্ ॥ 3-223-5 (24675)
ঊর্জস্করান্হব্যবাহান্সুবর্ণসদৃশপ্রভান্।
অগ্নিস্তপো হ্যজনয়ৎপঞ্চ যজ্ঞসুতানিহ ॥ 3-223-6 (24676)
প্রততোঽগ্নির্মহাভাগ পরিশ্রান্তো গবাংপতিঃ।
অসুরাঞ্জনয়ন্ধোরান্মত্যাংশ্চৈব পৃথিগ্বিধান্ ॥ 3-223-7 (24677)
তপসশ্চ মনুং ভানুং চাপ্যঙ্গিরাঃ সৃজৎ।
বৃহদ্ভানুং তু তং প্রাহুর্ব্রাহ্মণা বেদপারঘাঃ ॥ 3-223-8 (24678)
ভানোর্ভার্যা মহারাজ বৃহদ্ভাসা তু সোমজা।
ষট্পুত্রাঞ্জনয়ামাস তদা সা কন্যযা সহ।
ভানোরাঙ্গিরসস্যাথ শৃণু তস্য প্রজাবিধিম্ ॥ 3-223-9 (24679)
দুর্বলানাং তু ভূতানামসূন্যঃ সংপ্রয়চ্ছতি।
তমগ্নিং বলদং প্রাহুঃ প্রথমং ভানুজং সুতম্ ॥ 3-223-10 (24680)
যঃ প্রশান্তেষু ভূতেষু মন্যুর্ভবতি দারুণঃ।
অগ্নিঃ স মন্যুমান্নাম দ্বিতীয়ো ভানুজঃ সুতঃ ॥ 3-223-11 (24681)
দর্শে চ পৌর্ণমাসে চ যস্যেহ হবিরুচ্যতে।
বিষ্ণুর্নামেহ যোঽগ্নিস্তু ধৃতিমান্নাম সোঙ্গিরাঃ ॥ 3-223-12 (24682)
ইন্দ্রেণ সহিতং যস্য হবিরাগ্রয়ণং স্মৃতম্।
অগ্নিরাগ্রয়ণো নাম ভানোরেবান্বয়স্তু সঃ ॥ 3-223-13 (24683)
চাতুর্মাস্যেষু নিত্যানাং হবিষাং যো নিরগ্রহঃ।
চতুর্ভিঃ সহিতঃ পুত্রৈর্ভানোরেবান্বয়স্তু সঃ ॥ 3-223-14 (24684)
নিশাং ৎবজনয়ৎকন্যামগ্নীষোমাবুভৌ তথা।
মনোরেবাভবদ্ভার্যা সুষুবে পঞ্চ পাবকান্ ॥ 3-223-15 (24685)
পূজ্যতে হবিষা যোঽগ্রে চাতুর্মাস্যেষু পাবকঃ।
পর্জন্যসহিতঃ শ্রীমানগ্নির্বৈশ্বানরস্তু সঃ ॥ 3-223-16 (24686)
অস্য লোকস্য সর্বস্য যঃ প্রভুঃ পরিষঠ্যতে।
সোঽগ্নির্বিশ্বপতির্নাম দ্বিতীয়স্তাপসঃ সুতঃ ॥ 3-223-17 (24687)
কন্যা যা হরিণী নাম হিরণ্যকশিপোঃ সুতাঃ। 3-223-18 (24688)
কর্মণাঽসৌ বভৌ ভার্যা স বহ্নিঃ স প্রজাপতিঃ।
প্রাণানাশ্রিত্য যো দেহং প্রবর্তয়তি দেহিনাম্।
তস্য সন্নিহিতো নাম শব্দরূপস্ সাধনঃ ॥ 3-223-19 (24689)
শুক্লং কৃষ্ণং বপুর্দেবো যো বিভর্তি হুতাশনঃ।
অকল্মষঃ কল্মষাণাং কর্তা ক্রোধাশ্রিতস্তুসঃ ॥ 3-223-20 (24690)
কপিলং পরমর্ষিং চ যং প্রাহুর্যতয়ঃ সদা।
অগ্নিঃ স কপিলো নাম সাঙ্খ্যযোগপ্রবর্তকঃ ॥ 3-223-21 (24691)
যোঽন্তর্যচ্ছতি ভূতানি যেন চেষ্টন্তি নিত্যদা।
কর্মস্বিহ বিচিত্রেষু সোঽগ্রণীর্বহ্নিরুচ্যতে ॥ 3-223-22 (24692)
ইমামন্যান্সমসৃজৎপাবকান্প্রথিতৌজসঃ।
অগ্নিহোত্রস্য দুষ্টস্য প্রায়শ্চিত্তার্থমুল্বণান্ ॥ 3-223-23 (24693)
সংস্পৃশেয়ুর্যদাঽন্যোন্যং কথংচিদ্বায়ুনাঽগ্নয়ঃ।
ইষ্টিরষ্টাকপালেন কার্যা বৈ শুচয়েঽগ্নয়ে ॥ 3-223-24 (24694)
দক্ষিণাগ্নির্যদা দ্বাভ্যাং সংসৃজেত তদা কিল।
ইষ্টিরষ্টাকপালেন কার্যা বৈ বীতয়েঽগ্নয়ে ॥ 3-223-25 (24695)
যদ্যগ্নয়ো হি স্পৃশ্যেয়ুর্নিবেশস্থা দবাগ্নিনা।
ইষ্টরষ্টাকপালেন কার্যা তু শুচয়েঽগ্নয়ে ॥ 3-223-26 (24696)
অগ্নিং রজস্বলা বৈ স্ত্রী সংস্পৃশেদাগ্নিহৌত্রিকম্।
ইষ্টিরষ্টাকপালেন কার্যা বসুমতেঽগ্নয়ে ॥ 3-223-27 (24697)
মৃতঃ শ্রূয়েত যো জীবন্পরাসুরশুচির্যথা।
ইষ্টিরষ্টাকপালেন কার্যা সুরভিমতেঽগ্নয়ে ॥ 3-223-28 (24698)
আর্তো ন জুহুয়াদগ্নিং ত্রিরাত্রং যস্তু ব্রাহ্মণঃ।
ইষ্টিরষ্টাকপালেন কার্যা তন্তুমতেঽগ্নয়ে ॥ 3-223-29 (24699)
দর্শশ্চ পৌর্ণমাসশ্চ যস্ তিষ্ঠেৎপ্রতিষ্ঠিতম্।
ইষ্টিরষ্টাকপালেন কার্যা পথিকৃতেঽগ্নয়ে ॥ 3-223-30 (24700)
সূতিকাগ্নির্যদা চাগ্নিং সংস্পৃশেদাগ্নিহৌত্রিকম্।
ইষ্টিরষ্টাকপালেন কার্যাং চাগ্নিমতেঽগ্নয়ে ॥ 3-223-31 (24701)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি ত্রয়োবিংশত্যধিকদ্বিশততমোঽধ্যায়ঃ ॥ 223 ॥
Mahabharata - Vana Parva - Chapter Footnotes
3-223-9 ভানোর্ভার্যা সুপ্রজা তু বৃহদ্ভাসা তু মূর্যজা ইতি ঝ. পাঠঃ ॥ 3-223-14 ভানোরেবান্বয়স্তুভঃ ইতি ঝ. পাঠঃ ॥ 3-223-18 কন্যা সা রোহিণী ইতি ঝ. পাঠঃ ॥ 3-223-20 শুক্ককৃষ্ণগতির্দেবো যো বিভর্তি হুতাশনং ইতি ঝ. পাঠঃ ॥অরণ্যপর্ব - অধ্যায় 224
॥ শ্রীঃ ॥
3.224. অধ্যায়ঃ 224
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রত্যগ্নিবংশাদিকীর্তনম্ ॥ 1 ॥Mahabharata - Vana Parva - Chapter Text
3-224-0 (24702)
মার্কণ্ডেয় উবাচ। 3-224-0x (2530)
আপস্য মুদিতা ভার্যা সা চাস্য পরমাপ্রিয়া।
ভূপতিং ভূতকর্তারং জনয়ামাস পাবকম্ ॥ 3-224-1 (24703)
ভূতানাং সাঽপি সর্বেষাং যং প্রাহুঃ পাবকং পতিম্।
আত্মা ভুবনকর্তা চ সোঽধ্বরেষু দ্বিজাতিভিঃ ॥ 3-224-2 (24704)
মহতাং চৈব ভূতানাং সর্বেষামিহ যঃ পতিঃ।
ভগবান্স মহাতেজা নিত্যং চরতি পাবকঃ ॥ 3-224-3 (24705)
অগ্নির্গৃহপতির্নাম নিত্যং যজ্ঞেষু পূজ্যতে।
আজ্যং বহতিয়ো হব্যং সর্বলোকস্ পাবকঃ ॥ 3-224-4 (24706)
অপাংগর্ভো মহাভাগঃ সৎবভুগ্যো মহাদ্ভুতঃ।
ভূপতির্ভূতকর্তা চ মহতঃ পতিরুচ্যতে ॥ 3-224-5 (24707)
মতা বহন্তো হব্যানি তস্যাগ্নেরপ্রজাঽভবন্।
অগ্নিষ্টোমস্তু নিয়তঃ ক্রতুশ্রেষ্ঠো ভবত্যুত ॥ 3-224-6 (24708)
[স বহ্নিঃ প্রথমো নিত্যং দেবৈরন্বিষ্যতে প্রভুঃ]।
আয়ান্তং নিয়তং দৃষ্ট্বাপ্রবিবেশার্ণবং ভয়াৎ ॥ 3-224-7 (24709)
দেবাস্তং নাধিগচ্ছন্তি মার্গমাণা যথাতথম্।
দৃষ্ট্বা ৎবগ্নিরথর্বাণং ততো বচনমব্রবীৎ ॥ 3-224-8 (24710)
দেবানাং বহ হব্যং ৎবমহং বীর সুদুর্বলঃ।
অথ ৎবং গচ্ছ মধ্বক্ষং প্রিয়মেতৎকুরুষ্ব মে ॥ 3-224-9 (24711)
প্রেষ্য চাগ্নিরথর্বাণমন্যং দেশং ততোঽগমৎ।
মৎস্যাস্তস্য সমাচখ্যুঃ ক্রুদ্ধস্তানগ্নিরব্রবীৎ।
ভক্ষ্যা বৈ বিবিধৈর্ভাবৈর্ভবিষ্যথ শরীরিণাম্ ॥ 3-224-10 (24712)
অথর্বাণং তথা চাপি হব্যবাহোঽব্রবীদ্বচঃ ॥ 3-224-11 (24713)
অনুনীয়মানো হি ভৃশং দেববাক্যান্বিতেন সঃ।
নৈচ্ছদ্বোঢুং হবি সর্বং শরীরং চাপি সোঽত্যজৎ ॥ 3-224-12 (24714)
স তচ্ছরীরং সংত্যজ্য প্রবিবেশ ধরাং তদা।
ভূমিং স্পৃষ্ট্বাঽসৃজদ্ভ্রাতূন্পৃথক্পৃথগতীব হি ॥ 3-224-13 (24715)
আস্যাৎসুগন্ধং তেজশ্চ অস্থিভ্যো দেবদারু চ।
শ্লেষ্মণঃ স্ফাটিকং তস্ পিত্তান্মারকতং তথা ॥ 3-224-14 (24716)
বাতাৎকৃষ্ণায়সং তস্য ত্রিভিরেতৈর্বহু প্রজাঃ।
ৎবচস্তস্যাভ্রপটলং স্নায়ুজং চাপি বিদ্রুমম্ ॥ 3-224-15 (24717)
শরীরাস্থিবিধাশ্চান্যে ধাতবোঽস্যাভবন্নৃপ।
এবং কৃৎবা শরীরং চ পরমে তপসি স্থিতঃ ॥ 3-224-16 (24718)
ভৃগ্বঙ্গিরাদিভির্ভূয়স্তপসোত্থাপিতস্তদা।
ভৃশং জজ্বাল তেজস্বী তপসাঽঽপ্যাধিতঃ শিখী ॥ 3-224-17 (24719)
দৃষ্ট্বা ঋষীনভয়াচ্চাপি প্রবিবেশ মহার্ণবম্।
তস্মিন্নষ্টে জগদ্ভীতমথর্বাণমথাশ্রিতম্।
অর্চয়ামাসুরেবৈনমথর্বাণং সুরাদয়ঃ ॥ 3-224-18 (24720)
অথর্বাণং শ্রিতাঁল্লোকানাত্মন্যালোচ্য পাবকঃ।
মিষতাং সর্বভূতানামুন্মমজ্জ মহার্ণবাৎ ॥ 3-224-19 (24721)
এবমগ্নির্ভগবতা নষ্টঃ পূর্বমথর্বণা।
আহূতঃ সর্বূতানাং হব্যং বহতি সর্বদা ॥ 3-224-20 (24722)
এবং ৎবজনয়দ্ধিষ্ণ্যান্বেদোক্তান্বিবুধান্বহূন্।
বিচরন্বিবিধান্দেশান্ভ্রমমাণস্তু তত্র বৈ ॥ 3-224-21 (24723)
সিন্ধুবর্জ্যাঃ পঞ্চ নদ্যো দেবিকাঽথ সরস্বতী।
গঙ্গা চ শতকুম্ভা চ সরয়ূ গণ্ডসাহ্বয়া ॥ 3-224-22 (24724)
চর্মণ্বতী মহী চৈব মেধ্যা মেধাসৃতিস্তদা।
ইরাবতী বেত্রবতী নদ্যতিস্রোঽথ কৌশিকী ॥ 3-224-23 (24725)
তমসা নর্মদা চৈব নদী গোদাবরী তথা।
বেণ্ণা প্রবেণী ভীমা চ মরুদা চৈব ভারত ॥ 3-224-24 (24726)
ভারতী সুপ্রয়োগা চ কাবেরী মজ্জুরা তথা।
তুঙ্গবেণা কৃষ্ণবেণা কপিলা শোণ এব চ ॥ 3-224-25 (24727)
এতা নদ্যস্তু ধিষ্ণ্যানাং মাতরো যাঃ প্রকীর্তিতাঃ ॥ 3-224-26 (24728)
অদ্ভুতস্য প্রিয়া ভার্যা তস্যাঃ পুত্রো বিডূরথঃ।
যাবন্তঃ পাবকাঃ প্রোক্তাঃ সোমাস্তাবন্ত এব তু ॥ 3-224-27 (24729)
অত্রেশ্চাপ্যন্বয়ে জাতা ব্রহ্মণো মানসাঃ প্রজাঃ।
অগ্নিঃ পুত্রান্স্রষ্টুকামস্তানেবাত্মন্যধারয়ৎ ॥ 3-224-28 (24730)
তস্য তদ্ব্রহ্মণঃ কায়ান্নির্হরন্তি হুতাশনাঃ।
এবমেতে মহাত্মানঃ কীর্তিতাস্তেঽগ্নয়ো যথা ॥ 3-224-29 (24731)
অপ্রমেয়া যথোৎপন্নাঃ শ্রীমন্তস্তিমিরাপহাঃ।
অদ্ভুতস্ত তু মাহাত্ম্যং যথা বেদেষু কীর্তিতম্ ॥ 3-224-30 (24732)
তাদৃশং বিদ্ধি সর্বেষামেকো হ্যেষু হুতাশনঃ।
এক এবৈষ ভগবান্বিজ্ঞেয়ঃ প্রথমোঽঙ্গিরাঃ ॥ 3-224-31 (24733)
বহুধা নিঃসৃতঃ কায়াজ্জ্যোতিষ্টোমঃ ক্রতুর্বথা।
ইত্যেষ বংশঃ সুমহানগ্নীনাং কীর্তিতো ময়া।
পাবকো বিবিধৈর্মন্ত্রৈর্হব্যং বহতি দেহিনাম্ ॥ 3-224-32 (24734)
ইতি শ্রীন্মমহাভারতে অরণ্যপর্বণি মার্কণ্ডেয়সমাস্যাপর্বণি চতুর্বিংসত্যধিকদ্বিশততমোঽধ্যায়ঃ ॥ 224 ॥
Mahabharata - Vana Parva - Chapter Footnotes
3-224-8 অথর্বাণমঙ্গিরসং তীব্রতপসং দৃষ্ট্বা ॥ 3-224-9 গচ্ছ মা দ্বেষমিতি ধ. পাঠঃ. মধ্বক্ষং পিঙ্গাক্ষমগ্নিম্। ভাবপ্রধানো নির্দেশঃ. তথাচ নিক্ষিপাম্যহমগ্নিৎবং ৎবমগ্নিঃ প্রথমো ভবেত্যুপক্রমস্যোপসংহারেণ সহৈকবাক্যতা ভবতি ॥ 3-224-10 প্রেষ্য আদিশ্য ॥ 3-224-11 তথাচাপি তথৈব মৎস্যৈরাখ্যাতোপি। বচস্ৎবং মধ্বক্ষো ভবেতি পূর্বোক্তমেব ॥ 3-224-13 ধাতূন্ মনঃশিলাদীন্ ॥ 3-224-15 যকৃৎকৃষ্ণায়সং = ত্রিভিরেব বভুঃ প্রজাঃ। নখাস্তস্যাভ্রপটলং শিরাজালানি বিদ্রুমম্। ইতি ঝ. পাঠঃ ॥ 3-224-16 রীরদ্বিবিধাশ্চান্যে=এবং ত্যক্ৎবা শরীরং ইতি ঝ. পাঠঃ। অন্যে স্বর্ণপারদাদয়ঃ ॥ 3-224-17 তপসা সামর্থ্যেন। উৎধাপিতঃ সমাধেশ্চ্যাবিতঃ ॥ 3-224-19 অথর্বা ৎবসৃজল্লোকানাত্মনা লোক্যপাবকম্। =অন্মমাথ মহার্ণবমিতি ঝ. পাঠঃ ॥ 3-224-21 এবংৎবিতি। অগ্নেরঙ্গিরাস্ততো বৃহস্পতিস্তঃ শংয়্বাদিক্রমেণ বেদোক্তান্ বিষ্ণ্যান্ নানাস্থানানি অজনয়ৎ ॥ 3-224-27 যাবন্তঃ পাবকা ধিষ্ণ্যাঃ সন্তি তাবন্তঃ সোমাঃ সোময়াগাঃ ॥ 3-224-32 যোর্চিতো বিবিধৈঃ ইতি ঝ. পাঠঃ ॥অরণ্যপর্ব - অধ্যায় 225
॥ শ্রীঃ ॥
3.225. অধ্যায়ঃ 225
Mahabharata - Vana Parva - Chapter Topics
মার্কণ্ডেয়েন যুদিষ্ঠিরংপ্রতি কুমারোৎপত্তিপ্রকারকথনারম্ভঃ ॥ 1 ॥ দেবসেনানাং নায়কসংপাদনায় চিন্তয়তা ইন্দ্রেণ মানসশৈলে কস্যাশ্চিৎকন্যায়া অবলোকনম্ তস্যাঃ কুলচিকীর্ষিতাদিপ্রশ্নশ্চ ॥ 2 ॥Mahabharata - Vana Parva - Chapter Text
3-225-0 (24735)
মার্কণ্ডেয় উবাচ। 3-225-0x (2531)
অগ্নীনাং বিবিধা বংশাঃ কীর্তিতাস্তে ময়াঽনঘ।
শুণু জন্ম তু কৌরব্য কার্তিকেয়স্ ধীমতঃ ॥ 3-225-1 (24736)
অদ্ভুতস্যাদ্ভুতং পুত্রং প্রবক্ষ্যাম্যমিতৌজসম্।
জাতং সপ্তর্ষিভার্যাভির্ব্রহ্মণ্যং কীর্তিবর্ধনম্ ॥ 3-225-2 (24737)
দেবাসুরাঃ পুরা যত্তা বিনিঘ্নন্তঃ পরস্পরম্।
তত্রাজয়ন্সদা দেবান্দানবা ঘোররূপিণঃ ॥ 3-225-3 (24738)
বধ্যমানং বলং দৃষ্ট্বা বহুশস্তৈঃ পুরংদরঃ।
স সৈন্যনায়কার্থায় চিন্তয়ামাস বাসবঃ ॥ 3-225-4 (24739)
দেবসেনাং দানবৈর্হি ভগ্নাং দৃষ্ট্বা মহাবলঃ।
পালয়েদ্বীর্যমাশ্রিত্য স জ্ঞেয়ঃ পুরুষো ময়া ॥ 3-225-5 (24740)
স শৈলং মানসং গৎবা ধ্যায়ন্নর্থমিমং ভৃশম্।
শুশ্রাবার্তস্বরং ঘোরমথ মুক্তং স্ত্রিয়া তদা ॥ 3-225-6 (24741)
অভিধাবতু মাং কশ্চিৎপুরুষস্ত্রাতু চৈব হ।
পতিং চ মে প্রদিশতু স্বয়ং বা পতিরস্তু মে ॥ 3-225-7 (24742)
পুরংদরস্তু তামাহ মা ভৈর্নাস্তি ভয়ং তব।
এবমুক্ৎবা ততোঽপশ্যৎকেশিনং স্থিতমগ্রতঃ ॥ 3-225-8 (24743)
কিরীটিনং গদাপাণিং ধাতুমন্তমিবাচলম্।
হস্তে গৃহীৎবা কন্যাং তামথৈনং বাসবোঽব্রবীৎ ॥ 3-225-9 (24744)
অনার্যকর্মন্কস্মাত্ৎবমিমাং কন্যাং জিহীর্ষসি।
বজ্রিণং মাংবিজানীহি বিরমাস্যাঃ প্রবাধনাৎ ॥ 3-225-10 (24745)
কেশ্যুবাচ। 3-225-11x (2532)
বিসৃজস্ব ৎবমেবৈনাং শক্রৈষা প্রার্থিতা ময়া।
ক্ষমং তেজীবতো গনতুং স্বপুরং পাকশাসন ॥ 3-225-11 (24746)
এবমুক্ৎবা গদাং কেশী চিক্ষেপেন্দ্রবধায় বৈ।
তামাপতন্তীং চিচ্ছেদ মধ্যে বজ্রেণ বাসবঃ ॥ 3-225-12 (24747)
অথাস্য শৈলশিখরং কেশী ক্রুদ্ধো ব্যবাসৃজৎ।
`মহামেঘপ্রতীকাশং চলৎপাবকসংকুলম্ ॥ 3-225-13 (24748)
তদাপন্ততং সংপ্রেক্ষ্য শৈলশৃঙ্গং শতক্রতুঃ।
বিভেদ রাজন্বজ্রেণ ভুবি তন্নিপপাত হ ॥ 3-225-14 (24749)
পততা তু তদা কেশী তেন শৃঙ্গেণ তাডিতঃ।
হিৎবা কন্যাং মহাভাগাং প্রাদ্রবদ্ভৃশপীডিতঃ ॥ 3-225-15 (24750)
অপয়াতেঽসুরে তস্মিংস্তাং কন্যাং বাসবোঽব্রবীৎ।
কাসি কস্যসি কিংচেহ কুরুষে ৎবং শুভাননে ॥ 3-225-16 (24751)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি পঞ্চবিংসত্যধিকশততমোঽধ্যায়ঃ ॥ 225 ॥
Mahabharata - Vana Parva - Chapter Footnotes
3-225-2 অদ্ভুতস্যাগ্নেঃ। অদ্ভুতং অভিবনম্ ॥ 3-225-6 স্ত্রিয়া দেবসেনাভিমানিদেবতয়া ॥অরণ্যপর্ব - অধ্যায় 226
॥ শ্রীঃ ॥
3.226. অধ্যায়ঃ 226
Mahabharata - Vana Parva - Chapter Topics
কন্যযা ইন্দ্রংপ্রতিস্বস্য দক্ষপুত্রীৎবকথনপূর্বকং ভর্তৃকামনানিবেদনম্ ॥ 1 ॥ ইন্দ্রেণ কন্যায়া উচিতপতিং প্রার্থিতেন ব্রহ্মণা কন্যাভর্তুরনতিচিরভাবিৎবকথনপূর্বকং তস্যৈব তৎসেনাপতীভবনকথনম্ ॥ 2 ॥ সপ্তর্ষিমস্বে তৎপত্নীনামবলোকনেন ক্ষুভিতমনসাঽগ্নিনা তাসামলাভেন নির্বেদাদ্বনংপ্রতি গমনম্ ॥ 3 ॥ চিরেণাগ্নিকাময়া স্বাহয়াঽত্রাবসরে সপ্তর্ষিপত্নীসমানরূপস্বীকারেণাগ্নিবশীকরণনির্ধারণম্ ॥ 4 ॥Mahabharata - Vana Parva - Chapter Text
3-226-0 (24752)
কন্যোবাচ। 3-226-0x (2533)
অহং প্রজাপতেঃ কন্যা দেবসেনেতি বুশ্রুতা।
ভগিনী মে দৈত্যসেনা সা পূর্বং কোশিনা হৃতা ॥ 3-226-1 (24753)
সহৈবাবাং ভগিন্যৌ তু সখীভিঃ সহ মানসম্।
আগচ্ছাবো বিহারার্থমনুজ্ঞাপ্য প্রজাপতিম্ ॥ 3-226-2 (24754)
নিত্যং চাবাং প্রার্থয়তে হর্তুং কেশী মহাসুরঃ।
ইচ্ছত্যেনং দৈত্যসেনা ন চাহং পাকশাসন ॥ 3-226-3 (24755)
সা হৃতাঽনেন ভগবান্মুক্তাঽহং ৎবদ্বলেন তু।
ৎবয়া দেবেন্দ্র নির্দিষ্টং পতিমিচ্ছামি দুর্জয়ম্ ॥ 3-226-4 (24756)
ইন্দ্র উবাচ। 3-226-5x (2534)
মম মাতৃষ্বসেয়ী ৎবং মাতা দাক্ষায়ণী মম।
আখ্যাতুং ৎবহমিচ্ছামি স্বয়মাত্মবলং ৎবয়া ॥ 3-226-5 (24757)
কন্যোবাচ। 3-226-6x (2535)
অবলাঽহং মহাবাহো পতিস্তু বলবান্মম।
বরদানাৎপিতুর্ভাবী সুরাসুরনমস্কৃতঃ ॥ 3-226-6 (24758)
ইন্দ্র উবাচ। 3-226-7x (2536)
কীদৃশং তু বলংদেবি পত্যুস্তব ভবিষ্যতি।
এতদিচ্ছাম্যহং শ্রোতুং তব বাক্যমনিন্দিতে ॥ 3-226-7 (24759)
কন্যোবাচ। 3-226-8x (2537)
দেবদানবয়ক্ষাণাং কিন্নরোরগরক্ষসাম্।
জেতা যো দুষ্টদৈত্যানাং মহাবীর্যো মহাবলঃ ॥ 3-226-8 (24760)
যস্তু সর্বাণি ভূতানি ৎবয়া সহ বিজেষ্যতি।
স হি মে ভবিতা ভর্তা ব্রহ্মণ্যঃ কীর্তিবর্ধনঃ ॥ 3-226-9 (24761)
মার্কণ্ডেয় উবাচ। 3-226-10x (2538)
ইন্দ্রস্তস্যা বচঃ শ্রুৎবা দুঃখিতোঽচিন্তয়দ্ভৃশম্।
অস্যা দেব্যাঃ পতির্নাস্তি যাদৃশং সংপ্রভাষতে ॥ 3-226-10 (24762)
অথাপশ্যৎস উদয়ে ভাস্করং ভাস্করদ্যুতিঃ।
সোমং চৈব মহাভাগং প্রবিশন্তং দিবাকরম্ ॥ 3-226-11 (24763)
অমাবাস্যাং প্রবৃত্তায়াং মুহূর্তে রৌদ্র এব তু।
দেবাসুরং চ সংগ্রামং সোঽপশ্যদুদয়ে গিরৌ ॥ 3-226-12 (24764)
লোহিতৈশ্চ ঘনৈর্যুক্তাং পূর্বাং সংধ্যাং শতক্রতুঃ।
অপশ্যল্লোহিতোদং চ মঘবান্বরুণালয়ম্ ॥ 3-226-13 (24765)
ভৃগুভিশ্চাঙ্গিরোভ্যশ্চ হুতং মন্ত্রৈঃ পৃথগ্বিধৈঃ।
হব্যং গৃহীৎবা বহ্নিং চ প্রবিশন্তং দিবাকরম্ ॥ 3-226-14 (24766)
পর্ব চৈব চতুর্বিংশং তদা সূর্যমুপস্থিতম্।
তথা সূর্যং বহ্নিগতং সোমং সূর্যগতং চ তম্ ॥ 3-226-15 (24767)
সমালোক্যৈকতামেব শশিনো ভাস্করস্য চ।
সমবায়ং তু তং রৌদ্রং দৃষ্ট্বা শক্রোঽন্বচিন্তয়ৎ ॥ 3-226-16 (24768)
সূর্যাচন্দ্রমসোর্ঘোরং দৃশ্যতে পরিবেষণম্।
এতস্মিন্নেব রাত্র্যন্তে মহদ্যুদ্ধং তু শংসতি ॥ 3-226-17 (24769)
সরিৎসিন্ধুরপীয়ং তু প্রত্যসৃগ্বাহিনী ভৃশম্।
শৃগালিনয়গ্নিবক্রা চ প্রত্যাদিত্যং বিরাবিণী ॥ 3-226-18 (24770)
এষ রৌদ্রশ্চসংঘাতো মহান্যুক্তশ্চ তেজসা।
সোমস্য বহ্নিসূর্যাভ্যামদ্ভুতোঽয়ং সমাগমঃ ॥ 3-226-19 (24771)
জনয়েদ্যং সুতং সোমঃ সোঽস্যা দেব্যাঃ পতির্ভবেৎ।
অথানেকৈর্গুণৈশ্চাগ্নিরগ্নিঃ সর্বাশ্চ দেবতাঃ ॥ 3-226-20 (24772)
এষ চেঞ্জনয়েদ্গর্ভং সোঽস্যা দেব্যাঃ পতির্ভবেৎ।
এবং সংচিন্ত্য ভগবান্ব্রহ্মলোকং তদা গতঃ ॥ 3-226-21 (24773)
গৃহীৎবা দেবসেনাং তাং ববন্দে স পিতামহম্।
উবাচ চাস্যা দেব্যাস্ৎবং সাধু শূরং পতিং দিশা ॥ 3-226-22 (24774)
ব্রহ্মোবাচ। 3-226-23x (2539)
যথৈতচ্চিন্তিতংকার্যং ৎবয়া দানবসূদন।
তথা স ভবিতা গর্ভো বলবানুরুবিক্রমঃ ॥ 3-226-23 (24775)
স বিষ্যতি সেনানীস্ৎবয়া সহ শতক্রতো।
অস্যা দেব্যাঃ পতিশ্চৈব স ভবিষ্যতি বীর্যবান্ ॥ 3-226-24 (24776)
এতচ্ছ্রুৎবা নমস্তস্মৈ কৃৎবাঽসৌ মহ কন্যযা।
তত্রাভ্যগচ্ছদ্দেবেন্দ্রো যত্র সপ্তর্ষয়োঽভবন্ ॥ 3-226-25 (24777)
বসিষ্ঠপ্রমুখা মুখ্যা বিপ্রেন্দ্রাঃ সুমহাপ্রভাঃ।
ভাগার্থং তপসোপাত্তং তেষাং সোমং তথাঽধ্বরে ॥ 3-226-26 (24778)
পিপাসবো যয়ুর্দেবাঃ শতক্রতুপুরোগমাঃ।
ইষ্টিং কৃৎবয়তান্যায়ং সুসমিদ্ধে হুতাশনে ॥ 3-226-27 (24779)
জুহুবুস্তে মহাত্মানো হব্যং সর্বদিবৌকসাম্।
সমাহূতো হুতবহঃসোঽদ্ভুতঃ সূর্যমণ্ডলাৎ ॥ 3-226-28 (24780)
বিনিঃসৃত্য যয়ৌ বহ্নিঃ পার্শ্বতো বিধিবৎপ্রভুঃ।
আগম্যাহবনীয়ং বৈ তৈর্দ্বিজৈর্মন্ত্রতো হুতম্ ॥ 3-226-29 (24781)
সতত্র বিবিধং হব্যং প্রতিগৃহ্যহুতাশনঃ।
ঋষিভ্যো ভরতশ্রেষ্ঠ প্রায়চ্ছত দিবৌকসাম্ ॥ 3-226-30 (24782)
নিষ্ক্রামংশ্চাপ্যপশ্যৎস পত্নীস্তেষাং মহাত্মনাম্।
স্বেষ্বাসতেষূপবিষ্টাঃ স্নায়ন্তীশ্চ যথাসুস্বম্ ॥ 3-226-31 (24783)
রুক্মবেদিনিভাস্তাস্তু চন্দ্রলেখা ইবামলাঃ।
হুতাশনার্চিঃপ্রতিমাঃ সর্বাস্তারা ইবাদ্ভুতাঃ ॥ 3-226-32 (24784)
স তত্রতেন মনসা বভূব ক্ষুভিতেন্দ্রিয়ঃ।
পত্নীর্দৃষ্ট্বা দ্বিজেন্দ্রাণাং বহ্নিঃ কামবশং যয়ৌ ॥ 3-226-33 (24785)
ভূয়ঃ সংচিন্তয়ামাস ন ন্যায়্যং ক্ষুভিতো হ্যহম্।
সাধ্ব্যঃ পত্ন্যো দ্বিজেন্দ্রাণামকামা কাময়াম্যহম্ ॥ 3-226-34 (24786)
নৈতাঃ শক্যা ময়া দ্রষ্টুং স্প্রষ্টুং বাঽপ্যনিমিত্ততঃ।
গার্হপত্যং সমাবিশ্য তস্মাৎপশ্যাম্যভীক্ষ্ণশঃ ॥ 3-226-35 (24787)
মার্কণ্ডেয় উবাচ। 3-226-36x (2540)
সংস্পৃশন্নিব সর্বাস্তাঃ শিখাভিঃ কাঞ্চনপ্রভাঃ।
পশ্যমানশ্চ মুমুদে গার্হপত্যং সমাশ্রিতঃ ॥ 3-226-36 (24788)
নিরুধ্য তত্রসুচিরমেবং বহ্নির্বনং গতঃ।
মনস্তাসু বিনিক্ষিপ্য কাময়ানো বরাঙ্গনাঃ ॥ 3-226-37 (24789)
কামসংতপ্তহৃদয়ো দেহত্যাগে বিনিশ্চিতঃ।
অলাভে ব্রাহ্মণস্ত্রীণামগ্নির্বনমুপাগমৎ ॥ 3-226-38 (24790)
স্বাহা তং দক্ষদুহিতা প্রথমাঽকাময়ত্তদা।
সা তস্য চ্ছিদ্রমন্বৈচ্ছচ্চিরাৎপ্রভৃতিভামিনী। 3-226-39 (24791)
সা তং জ্ঞাৎবা যথাবত্তু বর্হিং বনমুপাগতম্।
তত্ৎবতঃ কামসংতপ্তং চিন্তয়ামাস ভামিনী ॥ 3-226-40 (24792)
অহং সপ্তর্ষিপত্নীনাং কৃৎবা রূপাণি পাবকম্।
কাময়িষ্যামি কামার্তং তাসাং রূপেণ মোহিতম্।
এবং কৃতে প্রীতিরস্ কামাবাপ্তিশ্চ মে ভবেৎ ॥ 3-226-41 (24793)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি ষঙ্ঘিংশত্যধিকদ্বিশততমোঽধ্যায়ঃ ॥ 226 ॥
Mahabharata - Vana Parva - Chapter Footnotes
3-226-12 অপ্যমাবস্যমাবাসী চামামাস্যপ্যমামসাতি শব্দার্ণবঃ ॥ 3-226-20 অগ্নিস্চ তৈর্গুণৈর্যুক্তঃ সর্বৈরগ্নিশ্চ দেবতেতি ঝ. পাঠঃ ॥অরণ্যপর্ব - অধ্যায় 227
॥ শ্রীঃ ॥
3.227. অধ্যায়ঃ 227
Mahabharata - Vana Parva - Chapter Topics
স্বাহয়াঽরুন্ধতীবর্জং সপ্তর্ষিপত্নীসারূপ্যেণাগ্নিনা সহ রমণম্ ॥ 1 ॥ ততো গারুডরূপস্বীকারেণাগ্নিরেতসাং শ্বেতপর্বতস্থকাঞ্চনকুণ্ডে প্রক্ষেপণম্ ॥ 2 ॥ স্বকন্নাত্তদ্রেতসঃ ষণ্মুখস্য সংভবঃ ॥ ততস্তেন বাণৈঃ ক্রৌঞ্চগিরিবিদারণপূর্বকং শক্ত্যা শ্বেতগিরিশিখরবিভেদনম্ ॥ 4 ॥Mahabharata - Vana Parva - Chapter Text
3-227-0 (24794)
মার্কণ্ডেয় উবাচ। 3-227-0x (2541)
শিবা ভার্যা ৎবঙ্গিরসঃ শীলরূপগুণান্বিতা।
তস্যাঃ সা প্রথমং রূপং কৃৎবাদেবী জনাধিপ ॥ 3-227-1 (24795)
জগাম পাবকাভ্যাশং তং চোবাচ বরাঙ্গনা।
মামগ্নে কামসংতপ্তাং ৎবং কাময়িতুমর্হসি ॥ 3-227-2 (24796)
করিষ্যসি ন চেদেবং মৃতাং মামুপধারয়।
`তবাপ্যধর্মঃ সুমহান্ভবিতা বৈ হুতাশন' ॥ 3-227-3 (24797)
অহমঙ্গিরসো ভার্যা শিবা নাম হুতাশন।
সখীভিঃ সহিতা প্রাপ্তা মন্ত্রয়িৎবা বিনিশ্চয়ম্ ॥ 3-227-4 (24798)
অগ্নিরুবাচ। 3-227-5x (2542)
কথং মাং ৎবং বিজানীষে কামার্তমিতরাঃ কথম্।
যাস্ৎবয়া কীর্তিতাঃ সর্বাঃ সপ্তর্ষীণাং প্রিয়াঃ স্ত্রিয়ঃ ॥ 3-227-5 (24799)
শিবোবাচ। 3-227-6x (2543)
অস্মাকং ৎবং প্রিয়ো নিত্যং বিভীমস্তু বয়ং তব।
ৎবচ্চিত্তমিঙ্গিতৈর্জ্ঞাৎবা প্রেষিতাঽস্মি তবান্তিকম্ ॥ 3-227-6 (24800)
মৈথুনায়েহ সংপ্রাপ্তা কামাচ্চৈব দ্রুতং চ মাম্।
`উপয়ন্তুং মহাবীর্য পূর্বমেব ৎবমর্হসি'।
[জাময়ো মাং প্রতীক্ষন্তে গমিষ্যামি হুতাশন] ॥ 3-227-7 (24801)
মার্কণ্ডেয় উবাচ। 3-227-8x (2544)
ততোঽগ্নিরুপয়েমে তাং শিবাং প্রীতিমুদায়ুতঃ।
প্রীত্যা দেবী সমায়ুক্তা শুক্রং জগ্রাহ পাণিনা ॥ 3-227-8 (24802)
সাঽচন্তয়ন্মমেদং যে রূপং দ্রক্ষ্যন্তি কাননে।
তে ব্রাহ্মণীনামনৃতং দোষং বক্ষ্যন্তি পাবকে ॥ 3-227-9 (24803)
তস্মাদেতদ্রক্ষমাণআ গরুডী সংভবাম্যহম্।
বনান্নির্গমনং চৈব সুখং মম ভবিষ্যতি ॥ 3-227-10 (24804)
মার্কণ্ডেয় উবাচ। 3-227-11x (2545)
সুপর্ণী সা তদা ভূৎবা নির্জগাম মহাবনাৎ।
উপশ্যৎপর্বতং শ্বেতং শরস্তম্বৈঃ সুসংবৃতম্ ॥ 3-227-11 (24805)
দৃষ্টীবিষৈঃ সপ্তশীর্ষৈর্গুপ্তং ভোগিভিরদ্ভুতৈঃ।
রক্ষোভিশ্চ পিশাচৈশ্চ রৌদ্রৈর্ভূতগণৈস্তথা ॥ 3-227-12 (24806)
রাক্ষসীভিশ্চ সংপূর্ণমনেকৈশ্চ মৃগদ্বিজৈঃ।
`নদীপ্রস্রবণোপেতং নানাতরুলতাচিতম্' ॥ 3-227-13 (24807)
সা তত্র সহসা গৎবা শৈলপৃষ্ঠং সুদুর্গমম্।
প্রাক্ষিপৎকাঞ্চনে কুণ্ডে শুক্রং সা ৎবরিতা শুভা ॥ 3-227-14 (24808)
শিষ্টানামপি সা দেবী সপ্তর্ষীণাং মহাত্মনাম্।
পত্নীসরূপতাং কৃৎবা রময়ামাস পাবকম্ ॥ 3-227-15 (24809)
দিব্যরূপমরুন্ধত্যাঃ কর্তুং ন শকিতং তয়া।
তস্যাস্তপঃপ্রভাবেণ ভর্তৃশুশ্রূষণেন চ ॥ 3-227-16 (24810)
ষট্কৃৎবস্তত্তু নিক্ষিপ্তমগ্নে রেতঃ কুরুত্তম।
তস্মন্কুণ্ডে প্রতিপদি কামিন্যা স্বাহয়া তদা ॥ 3-227-17 (24811)
তৎস্কন্নং তেজসা তত্রসংবৃতংজনয়ৎসুতম্।
ঋষিভিঃ পূজিতং স্কন্নমনয়ন্স্কন্দতাং ততঃ ॥ 3-227-18 (24812)
ষট্শিরা দ্বিগুণশ্রোত্রো দ্বাদশাক্ষিভূজক্রমঃ।
একগ্রীবস্ৎবেককায়ঃ কুমারঃ সমপদ্যত ॥ 3-227-19 (24813)
দ্বিতীয়ায়ামভিব্যক্তস্তৃতীয়ায়াং শিশুর্বভৌ।
অঙ্গপ্রত্যঙ্গসংভূতশ্চতুর্থ্যামভবদ্গুহঃ ॥ 3-227-20 (24814)
লোহিতাভ্রেণ মহতা সংবৃতঃ সহ বিদ্যুতা।
লোহিতাভ্রে সুমহতি ভাতি সূর্য ইবোদিতঃ ॥ 3-227-21 (24815)
গৃহীতং তু ধনুস্তেন বিপুলং রোমহর্ষণম্।
ন্যস্তং যত্রিপুরঘ্নেন সুরারিবিনিকৃন্তনম্ ॥ 3-227-22 (24816)
তদ্গৃহীৎবা ধনুঃশ্রেষ্ঠং ননাদ বলবাংস্তদা।
সংমোহয়ন্নিমাঁল্লোকান্গুহস্ত্রীন্সচরাচরান্ ॥ 3-227-23 (24817)
তস্ তং নিনদং শ্রুৎবা মহামেঘৌঘনিঃস্বনম্।
উৎপেততুর্মহানাগৌ চিত্রশ্চৈরাবতশ্চ হ ॥ 3-227-24 (24818)
তাবাপতন্তৌ সংপ্রেক্ষ্যস বালোঽর্কসমদ্যুতিঃ।
দ্বাভ্যাং গৃহীৎবা পাণিভ্যাং শক্তিং চান্যেন পাণিনা ॥ 3-227-25 (24819)
অপরেণাগ্নিদায়াদস্তাম্রচূডং ভুজেন সঃ।
মহাকায়মুপশ্লিষ্টং কুক্কুটং বলিনাং বরম্।
গৃহীৎবা ব্যনদদ্ভীমং চিক্রীড চ মহাভুজঃ ॥ 3-227-26 (24820)
দ্বাভ্যাং ভুজাভ্যাং বলবান্গৃহীৎবা শঙ্খমুত্তমম্।
প্রাধ্মাপয়ৎ ভূতানাং ত্রাসনং বলিনামপি।
দ্বাভ্যাং ভুজাভ্যামাকাশং বহুশো নিজঘান ॥ 3-227-28aক্রীডন্ভাতি মহাসেনস্ত্রীংল্লোকান্বদনৈঃ পিবন্।
পর্বতাগ্রেঽপ্রমেয়াত্মা রশ্মিমানুদয়ে যথা ॥ 3-227-27 (24821)
স তস্ পর্বতস্যাগ্রে নিষণ্ণোঽদ্ভুতবিক্রমঃ।
ব্যলোকয়দমেয়াত্মা মুখৈর্নানাবিধৈর্দিশঃ ॥ 3-227-29 (24822)
স পশ্যন্বিবিধান্ভাবাংশ্চকার নিনদং পুনঃ।
তস্য তং নিনদং শ্রুৎবা ন্যপতন্বহুধা জনাঃ।
ভীতাশ্চোদ্বিগ্রমনসস্তমেব শরণং যয়ুঃ ॥ 3-227-30 (24823)
যে তুং সংশ্রিতা দেবং নানাবর্ণাস্তদা জনাঃ।
তানপ্যাহুঃ পারিষদান্ব্রাহ্মণাঃ সুমহাবলান্ ॥ 3-227-31 (24824)
স তূত্থায় মহাবাহুরুপসান্ৎব্য চ তাঞ্জনান্।
ধনুর্বিকৃষ্য ব্যসৃজদ্বাণাঞ্শ্বেতে মহাগিরৌ ॥ 3-227-32 (24825)
বিভেদ স শরৈঃ শৈলং ক্রৌঞ্চং হিমবতঃ সুতম্।
তেন হংসাশ্চ গৃধ্রাশ্চ মেরুং গচ্ছন্তি পর্বতম্ ॥ 3-227-33 (24826)
স বিশীর্ণোঽপতচ্ছৈলো ভৃশমার্তস্বরাব্রুবন্ ॥ 3-227-34 (24827)
তস্মিন্নিপতিতে ৎবন্যে নেদুঃ শৈলা ভৃশং ভয়াৎ।
`ঘোরমার্তস্বরং চক্রুর্দৃষ্ট্বা ক্রৌঞ্চং বিদারিতম্' ॥ 3-227-35 (24828)
সতং নাদং ভৃশার্তানাং শ্রুৎবাঽপি বলিনাংবরঃ।
ন প্রাব্যধদমেয়াত্মা শক্তিমুদ্যম্য চানদৎ ॥ 3-227-36 (24829)
সা তদা বিমলা শক্তিঃ ক্ষিপ্তা তেন মহাত্মনা।
বিভেদ শিখরং ঘোরং শ্বেতস্ তরসা গিরেঃ ॥ 3-227-37 (24830)
স তেনাভিহতো দীর্ণো গিরিঃ শ্বেতোঽচলৈঃ সহ।
পলায়ত মহীং ত্যক্ৎবা ভীতস্তস্মান্মহাত্মনঃ ॥ 3-227-38 (24831)
ততঃ প্রব্যথিতা ভূমির্ব্যশীর্যত সমন্ততঃ।
আর্তা স্কন্দং সমাসাদ্য পুনর্বলবতী বভৌ ॥ 3-227-39 (24832)
পর্বতাশ্চ নমস্কৃত্যতমেব পৃথিবীং গতাঃ।
অথৈনমভজল্লোকঃ স্কন্দং শুক্লস্য পঞ্চমীম্ ॥ 3-227-40 (24833)
ইতি শ্রীমন্মহাভারতে অরণ্যপর্বণি রমার্কণ্ডেয়সমাস্যাপর্বণি সপ্তবিংশত্যধিকদ্বিশততমোঽধ্যায়ঃ ॥ 227 ॥
Mahabharata - Vana Parva - Chapter Footnotes
3-227-4 শিষ্টাভিঃ প্রহিতা প্রাপ্তেতি ঝ. পাঠঃ ॥ 3-227-9 তে ব্রাহ্মণীনামহিতমিতি ঝ. থ. পাঠঃ ॥অরণ্যপর্ব - অধ্যায় 228
॥ শ্রীঃ ॥
3.228. অধ্যায়ঃ 228
Mahabharata - Vana Parva - Chapter Topics
ষডৃষিভির্লোকাপবাদভয়াৎস্বপত্নীনাং পরিত্যাগঃ ॥ 1 ॥ বিশ্বামিত্রেণ কুমারস্য জাতকর্মাদিনা সংস্করণম্ ॥ 2 ॥ স্কন্দপরাক্রমাসহিষ্ণুনা শক্রেণ স্কন্দেন সহাঽঽয়োধনম্ ॥ 3 ॥ ইন্দ্রবজ্রাভিহতাৎস্কন্দস্য দক্ষিণপার্শ্বাদ্বিশাস্বস্য তথা কুমারাণাং কন্যানাং চ সমুদ্ভবঃ ॥ 4 ॥ স্কন্দাদ্ভীতেনেন্দ্রেণ তেন সহ সংধানম্ ॥ 5 ॥Mahabharata - Vana Parva - Chapter Text
3-228-0 (24834)
মার্কণ্ডেয় উবাচ। 3-228-0x (2546)
তস্মিঞ্জাতে মহাসত্ৎবে মহাসেনে মহাবলে।
সমুত্তস্থুর্মহোৎপাতা ঘোররূপাঃ পৃথগ্বিধাঃ ॥ 1 ॥ 3-228-1 (24835)
স্ত্রীপুংসোর্বিপরীতং চ তথা দ্বন্দ্বানি যানি চ।
গ্রহা দীপ্তা দিশঃ খং চ ররাস চ মহী ভৃশম্ ॥ 3-228-2 (24836)
ঋষয়শ্চ মহাঘোরান্দৃষ্ট্বোৎপাতান্সমন্ততঃ।
অকুর্বঞ্শান্তিমুদ্বিগ্না লোকানাং লোকভাবনাঃ ॥ 3-228-3 (24837)
নিবসন্তি বনে যে তু তস্মিংশ্চৈত্ররথে জনাঃ।
তেঽব্রুবন্নেষ নোঽনর্থঃ পাবকেনাহৃতো মহান্।
সংগম্য ষড্ভিঃ পত্নীভিঃ সপ্তর্ষীণামিতি স্ম হ ॥ 3-228-4 (24838)
অপরে গরুডীমাহুস্তয়াঽনর্থোঽয়মাহৃতঃ।
যৈর্দৃষ্টা সা তদা দেবী তস্যা রূপেণ গচ্ছতী ॥ 3-228-5 (24839)
ন তু তৎস্বাহয়া কর্ম কৃতংজানাতি বৈ জনঃ ॥ 3-228-6 (24840)
সুপর্ণী তু বচঃ শ্রুৎবা মমায়ং তনয়স্ৎবিতি।
উপগম্য শনৈঃ স্কন্দমাহাহং জননী তব ॥ 3-228-7 (24841)
অথ সপ্তর্ষয়ঃ শ্রুৎবা জাতং পুত্রং মহৌজসম্।
তত্যজুঃ ষট্ তদা পত্নীর্বিনা দেবীমরুন্ধতীম্।
ষড্ভিরেব তদা জাতমাহুস্তদ্বনবাসিনঃ ॥ 3-228-8 (24842)
সপ্তর্ষীনাহ চ স্বাহা মম পুত্রোঽয়মিত্যুত।
অহং হেতুর্নৈতদেবমিতি রাজন্পুনঃ পুনঃ ॥ 3-228-9 (24843)
বিশ্বামিত্রস্তু কৃৎবেষ্টিং সপ্তর্ষীণাং মহামুনিঃ।
পাবকং কামসংতপ্তমদৃষ্টঃ পৃষ্ঠতোঽন্বগাৎ।
তত্তেন নিখিলং সর্বমববুধ্য যথাতথম্ ॥ 3-228-10 (24844)
বিশ্বামিত্রস্তু প্রথমং কুমারং শরণং গতঃ।
স্তবং দিব্যং সংপ্রচক্রে মহাসেনস্ চাপি সঃ ॥ 3-228-11 (24845)
মঙ্গলানি চ সর্বাণি কৌমারাণি ত্রয়োদশ।
জাতকর্মাদিকাস্তস্ ক্রিয়াশ্চক্রে মহামুনিঃ ॥ 3-228-12 (24846)
পড্বক্রস্য তু মাংহাত্ম্যং কুক্কুটস্য তু সাধনম্।
শক্ত্যা দেব্যাঃ সাধনং চ তথা পারিষদামষি ॥ 3-228-13 (24847)
বিশ্বামিত্রশ্চকারৈতৎকর্ম লোকহিতায় বৈ।
তস্মাদৃষিঃ কুমারস্ বিশ্বামিত্রোঽভবৎপ্রিয়ঃ ॥ 3-228-14 (24848)
অন্বজানাচ্চ স্বাহায়া রূপান্যৎবং মহামুনিঃ।
অব্রবীচ্চ মুনীন্সর্বাননাপরাধ্যন্তি বৈ স্ত্রিয়ঃ।
শ্রুৎবা তু তৎবতস্তস্মাত্তে পত্নীঃ সর্বতোত্যজন্ ॥ 3-228-15 (24849)
মার্কণ্ডেয় উবাচ। 3-228-16x (2547)
স্কন্দং শ্রুৎবা তদা দেবা বাসবং সহিতাঽব্রুবন্।
অবিষহ্যং বলং স্কন্দং জহি শক্রাশু মাচির্ ॥ 3-228-16 (24850)
যদি বা ন নিহংস্যেনমদ্যেন্দ্রোঽয়ং ভবিষ্যতি।
ত্রৈলোক্যং সন্নিগৃহ্যাস্মাংস্ৎবাং চ শক্র মহাবলা ॥ 3-228-17 (24851)
স তানুবাচ ব্যথিতো বালোঽয়ং সুমহাবলঃ।
স্রষ্টারমপি লোকানাং যুধি বিক্রম্য নাশয়েৎ।
[ন বালমুৎসহে হন্তুমিতি শক্রঃ প্রভাষতে ॥ 3-228-18 (24852)
তেঽব্রুবন্নাস্তি তে বীর্যং যত এবং প্রভাসে।]
সর্বাস্ৎবদ্যাভিগচ্ছন্তু স্কন্দং লোকস্য মাতরঃ ॥ 3-228-19 (24853)
কামবীর্যা ঘ্নন্তু চৈনং তথেত্যুক্ৎবা চ তা যয়ুঃ।
তমপ্রতিবলং দৃষ্ট্বা বিষণ্ণবদনাস্তু তাঃ ॥ 3-228-20 (24854)
অশক্যোঽয়ংবিচিন্ত্যৈবং তমেব শরণং যয়ুঃ।
ঊচুশ্চৈনং ৎবমস্মাকং পুত্রোঽস্মাভির্ধৃতংজগৎ ॥ 3-228-21 (24855)
অভিনন্দ্য ততঃ সর্বাঃ প্রস্নুতাঃ স্নেহবিক্লবাঃ।
[তাসাং তদ্বচনং শ্রুৎবা পাতুকামঃ স্তনান্প্রভুঃ] ॥ 3-228-22 (24856)
তাঃ সংপূজ্য মহাসেনঃকামাংশ্চাসাং প্রদায় সঃ।
অপশ্যদগ্নিমায়ান্তং পিতরং বলিনাং বলী ॥ 3-228-23 (24857)
স তু সংপূজিতস্তেন সহ মাতৃগণেন হ।
পরিবার্য মহাসেনং রক্ষমাণঃ স্থিতঃ শিবঃ ॥ 3-228-24 (24858)
সর্বাসাং যা তু মাতৄণাং নারী ক্রোধসমুদ্ভবা।
ধাত্রী স্বপুত্রবৎস্কন্দং শূলহস্তাঽভ্যরক্ষত ॥ 3-228-25 (24859)
লোহিতস্যোদধেঃ কন্যা ক্রূরা লোহিতভোজনা।
পরিষ্বজ্য মহাসেনং পুত্রবৎপর্যরক্ষত ॥ 3-228-26 (24860)
অগ্নির্ভূৎবা নৈগমেয়শ্ছাগবক্রো বহুপ্রজঃ।
রময়ামাস শৈলস্তং বালং ক্রীডনকৈরিব ॥ 3-228-27 (24861)
ব্রহাঃ সোপগ্রহাশ্চৈব ঋষয়ো মাতরস্তথা।
হুতাশনমুখাশ্চৈব দৃপ্তাঃ পারিষদাং গণাঃ ॥ 3-228-28 (24862)
এতে চান্যে চ বহবো ঘোরাস্ত্রিদিববাসিনঃ।
পরিবার্য মহাসেনং স্থিতা মাতৃগণৈঃ সহ ॥ 3-228-29 (24863)
সংদিগ্ধং বিজয়ং দৃষ্ট্বা বিজয়েপ্সুঃ সুরেশ্বরঃ।
আরুহ্যৈরাবতস্কন্ধং প্রয়যৌ দৈবতৈঃ সহ ॥ 3-228-30 (24864)
আদায় বজ্রং ববান্সর্বৈর্দেবগণৈর্বৃতঃ।
বিজিঘাংসুর্মহাসেনমিন্দ্রস্তূর্ণতরং যয়ৌ ॥ 3-228-31 (24865)
`ইন্দ্রস্তস্য মহাবেগং দৃষ্ট্বাঽদ্ভুতপরাক্রমম্।
বিস্মিতশ্চাভবদ্রাজন্দেবানীকমচোদয়ৎ ॥ 3-228-32 (24866)
উগ্রং তং চ মহানাদং দেবানীকং মহাপ্রভম্।
বিচিত্রধ্বজসন্নাহং নানাবাহনকার্মুকম্' ॥ 3-228-33 (24867)
প্রবরাম্বরসংবীতং শ্রিয়া জুষ্টমলংকৃতম্।
বিজিঘাংসুং তমায়ান্তং কুমারঃ শক্রমন্বয়াৎ ॥ 3-228-34 (24868)
বিয়ৎপতিঃ স শক্রস্তু দ্রুতমায়ান্মহাবলঃ।
সংহর্পয়ন্দেবসেনাং জিঘাংসুঃ পাবকাত্মজম্ ॥ 3-228-35 (24869)
সংপূজ্যমানস্ত্রিদশৈস্তথৈব পরমর্ষিভিঃ।
সমীপমথ সংপ্রাপ্তো বহ্নিপুত্রস্য বাসবঃ ॥ 3-228-36 (24870)
সিংহনাদং ততশ্চক্রে দেবেশঃ সহিতৈঃ সুরৈঃ।
গুহোঽপিশব্দং তং শ্রুৎবা ব্যনদাৎসাগরো যথা ॥ 3-228-37 (24871)
তস্য শব্দেন মহতা সমুদ্ধূতোদধিপ্রভম্।
বভ্রাম তত্রতত্রৈব দৈবসৈন্যমচেতনম্ ॥ 3-228-38 (24872)
জিধাংসূনুপসংপ্রাপ্তান্দেবান্দৃষ্ট্বা সপাবকিঃ।
বিসসর্জ মুখাৎক্রুদ্ধঃ প্রবৃদ্ধাঃ পাবকার্চিষঃ ॥ 3-228-39 (24873)
অদহদ্দেবসৈন্যানি বেপমানানি ভূতলে ॥ 3-228-40 (24874)
তে প্রদীপ্তশিরোদেহাঃ প্রদীপ্তায়ুধবাহনাঃ।
প্রচ্যুতাঃ সহসা ভান্তি চিত্রাস্তারাগণা ইব ॥ 3-228-41 (24875)
দহ্যমানাঃ প্রপন্নাস্তে শরণং পাবকাত্মজম্।
দেবা বজ্রধরং ত্যক্ৎবাততঃ শানতিমুপাগতাঃ ॥ 3-228-42 (24876)
ত্যক্তো দেবৈস্ততঃ স্কন্দে বজ্রং শক্রো ন্যপাতয়ৎ ॥ 3-228-43 (24877)
তদ্বিসৃষ্টং জঘানাশু পর্শ্বং স্কন্দস্য দক্ষিণম্।
বিভেদ চ মহারাজ পার্শ্বং তস্য মহাত্মনঃ ॥ 3-228-44 (24878)
বজ্রপ্রহারাৎস্কন্দস্য সংজাতঃ পুরুষোঽপরঃ।
যুবা কাঞ্চনসন্নাহঃ শক্তিধৃগ্দিব্যকুণ্ডলঃ ॥ 3-228-45 (24879)
যদ্বজ্রবিশনাজ্জাতো বিশাখস্তেন সোঽভবৎ ॥ 3-228-46 (24880)
তং জাতমপরং দৃষ্ট্বা কালানলসমদ্যুতিম্।
ভয়াদিনদ্রস্তুত তং স্কন্দং প্রাঞ্জলিঃ শরণং গতঃ ॥ 3-228-47 (24881)
তস্যাভয়ংদদৌ স্কন্দঃ সহসৈন্যস্ সত্তম।
ততঃ প্রহৃষ্টাস্ত্রিদশা বাদিত্রাণ্যভ্যবাদয়ন্ ॥ 3-228-48 (24882)
স্কন্দপারিষদান্ধোরাঞ্ছৃণুষ্বাদ্ভুতদর্শনান্।
বজ্রপ্হহারাৎস্কন্দস্য জজ্ঞুস্তত্র কুমারকাঃ।
যে হরন্তি শিশূঞ্জাতান্গর্ভস্থাশ্চৈব দারুণাঃ ॥ 3-228-49 (24883)
বজ্রপ্রহারাৎকন্যাশ্চ জজ্ঞিরেঽস্ মহাবলাঃ ॥ 3-228-50 (24884)
কুমারান্স বিশখং চ পুত্রৎবে সমকল্পয়ৎ।
স ভূৎবা ভগবান্সঙ্খ্যে রক্ষংশ্ছাগমুখস্তদা ॥ 3-228-51 (24885)
বৃতঃ কন্যাগণৈঃ সর্বৈরাত্মীয়ৈঃ সহ পুত্রকৈঃ।
মাতৃণাং প্রেষিতানাং চ ভদ্রশাখশ্চকোমলৈঃ ॥ 3-228-52 (24886)
ততঃ কুমারং সংজাতং স্কন্দমাহুর্জনা ভুবি।
রুদ্রমগ্নিমুখাং স্বাহাং প্রদেশেষু মহাবলাঃ ॥ 3-228-53 (24887)
যজন্তি পুত্রকামাশ্চ পুত্রিণশ্চ সদা জনাঃ।
যাস্তাস্ৎবজনয়ৎকন্যাস্তপো নাম হুতাশনঃ ॥ 3-228-54 (24888)
কিং করোমীতি তাঃ স্কন্দং সংপ্রাপ্তাঃ সমভাষয়ন্ ॥ 3-228-55 (24889)
ভবেম সর্বলোকস্য মাতরো বয়মুত্তমাঃ।
প্রসাদাত্তব পূজ্যাশ্চ প্রিয়মেতৎকুরুষ্ব নঃ ॥ 3-228-56 (24890)
সোঽব্রবীদ্বাঢমিত্যেবং ভবিষ্যধ্বং পৃথিগ্বিধাঃ।
শিবাশ্চৈবাশিবাশ্চৈব পুনঃপুনঃরুদারধীঃ ॥ 3-228-57 (24891)
`অগ্নির্ভূৎবা ততশ্চৈনং ছাগবক্রো বহুপ্রজঃ।
রময়ামাস শৈলস্থং বলং ক্রীডনকৈরিব' ॥ 3-228-58 (24892)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি অষ্টাবিংশত্যধিকদ্বিশততমোঽধ্যায়ঃ ॥ 228 ॥
Mahabharata - Vana Parva - Chapter Footnotes
3-228-2 বিপরীতং বৈরম্। দ্বন্দ্বানি অতিশীতাত্যুষ্ণাদীনি ॥ 3-228-15 শ্রুৎবা তু ধ্রুৎবাপি। সর্বতঃ লোকাপবাদভয়াদ্রামবৎপত্নীস্ত্যক্তবন্ত ইত্যর্থঃ। অথাব্রবীত্তান্সপ্তর্ষীন্যুষ্মৎপত্নীষ্বয়ং শিশুঃ। ষট্রসু জাতোহুবহাত্তে চাগ্রেস্ৎবগ্রতোল্যজন্। ইতি ধ. পাঠঃ ॥ 3-228-46 বজ্রস্য বিশনাৎ বাহোরাখননাচ্চবিশাখ ইত্যর্থঃ ॥ 3-228-51 কুমারাস্তে=পিতৃৎবে ইতি ঝ. পাঠঃ ॥ 3-228-53 ততঃ কুমারপিতরমিতি ঝ. পাঠঃ ॥অরণ্যপর্ব - অধ্যায় 229
॥ শ্রীঃ ॥
3.229. অধ্যায়ঃ 229
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রতি স্কন্দচরিত্রপ্রতিপাদনম্ ॥ 1 ॥ ইন্দ্রেণ স্কন্দস্য দেবসৈনাপত্যেঽভিষেচনম্ ॥ 2 ॥ স্কন্দেনেন্দ্রপ্রার্থনয়া দেবসেনায়া উদ্বহনম্ ॥ 3 ॥Mahabharata - Vana Parva - Chapter Text
3-229-0 (24893)
মার্কণ্ডেয় উবাচ। 3-229-0x (2548)
ততঃ প্রকল্প্য পুত্রৎবে স্কন্দং মাতৃগণোঽগমৎ।
কাকী চ হলিমা চৈব মাতা চাথ হলী তথা।
আর্যা বালা চ ধাত্রী চ সপ্তৈতা শিশুমাতরঃ ॥ 3-229-1 (24894)
এতাসাং বীর্যসংপন্নঃ শিশুর্নামাতিদারুণঃ।
স্কন্দপ্রসাদজঃ পুত্রো লোহিতাক্ষো ভয়ংকরঃ ॥ 3-229-2 (24895)
এষ বীরোঽষ্টমঃ প্রোক্তঃ স্কন্দো মাতৃগণোদ্ভবঃ।
ছাগবক্রেণ সহিতো নবমঃ পরিকীর্ত্যতে ॥ 3-229-3 (24896)
ষষ্ঠং ছাগময়ং বক্রং স্কন্দস্যৈবেতি বিদ্ধি তম্।
ষট্শিরোভ্যন্তরং রাজন্নিত্যং মাতৃগণার্চিতম্ ॥ 3-229-4 (24897)
ষণ্ণাং তু প্রবরং তস্য শীর্ষাণামিহ শব্দ্যতে।
শক্তিং যেনাসৃজদ্দিব্যাং ভদ্রশাখ ইতি স্ম হ ॥ 3-229-5 (24898)
ইত্যেতদ্দ্বিবিধাকারং বৃত্তং শুক্লস্য পঞ্চমীম্।
তত্র যুদ্ধং মহাঘোরং বৃত্তং ষষ্ঠ্যাং জনাধিপ ॥ 3-229-6 (24899)
উপবিষ্টং তু তং স্কন্দমামুক্তকবচস্রজম্।
হিরণ্যচূডমুকুটং হিরণ্যাংক্ষং মহাপ্রভম্ ॥ 3-229-7 (24900)
লোহিতাম্বরসংবীতং তীক্ষ্ণদংষ্ট্রং মনোরমম্।
সর্বলক্ষণসংপন্নং ত্রৈলোক্যস্যাপি সুপ্রিয়ম্ ॥ 3-229-8 (24901)
ততস্তং বরদং শূরং যুবানং মৃষ্টকুণ্ডলম্।
অভজৎপদ্মরূপা শ্রীঃ স্বয়মেব শরীরিণী ॥ 3-229-9 (24902)
শ্রিয়া জুষ্টঃ পৃথুয়শাঃ স কুমারো বরস্তদা।
নিষণ্ণো দৃশ্যতে ভূতৈঃ পৌর্ণমাস্যাং যথা শশী ॥ 3-229-10 (24903)
অপূজয়ন্মহাত্মানো ব্রাহ্মণাস্তং মহাবলম্ ॥ 3-229-11 (24904)
ইদমাহুস্তদা চৈব স্কন্দং তত্র মহর্ষয়ঃ ॥ 3-229-12 (24905)
হিরণ্যবর্ণ ভদ্রং তে লোকানাং শংকরো ভব।
ৎবয়া ষড্রাত্রজাতেন সর্বে লোকা বশীকৃতাঃ ॥ 3-229-13 (24906)
অভয়ংচ পুনর্দত্তং ৎবয়ৈবৈষাং সুরোত্তম।
তস্মাদিন্দ্রো ভবানস্তু ত্রৈলোক্যস্যাভয়ংকরঃ ॥ 3-229-14 (24907)
স্কন্দ উবাচ। 3-229-15x (2549)
কিমিন্দ্রঃ সর্বলোকানাং করোতীহ তপোধনাঃ।
কথং দেবগণাংশ্চৈব পাতি নিত্যং সুরেশ্বরঃ ॥ 3-229-15 (24908)
ঋষয় ঊচুঃ। 3-229-16x (2550)
ইন্দ্রো দধাতি ভূতানাং বলং তেজঃ প্রজাঃ সুখম্।
তুষ্টঃ প্রয়চ্ছতি তথা সর্বান্কামান্সুরেশ্বরঃ ॥ 3-229-16 (24909)
দুর্বৃত্তানাং সংহরতি ব্রতস্থানাং প্রয়চ্ছতি।
অনুশাস্তি চ ভূতানি কার্যেষু বলসূদনঃ ॥ 3-229-17 (24910)
অসূর্যে চ ভবেৎসূর্যস্তথাঽচনদ্রে চ চন্দ্রমাঃ।
ভবত্যগ্নিশ্চ বায়ুশ্চ পৃথিব্যাপশ্চ স্বং তথা ॥ 3-229-18 (24911)
এতদিন্দ্রেণ কর্তব্যমিন্দ্রে হি বিপুলং বলম্।
ৎবং চ বীর বলী শ্রেষ্ঠস্তস্মাদিন্দ্রো ভবস্ব ন ॥ 3-229-19 (24912)
শক্র উবাচ। 3-229-20x (2551)
ভবস্বেন্দ্রো মহাবাহো সর্বেষাং নঃ সুখাবহঃ।
অভিষিচ্যস্ব চৈবাদ্য প্রাপ্তরূপোঽসি সত্তম ॥ 3-229-20 (24913)
স্কন্দ উবাচ। 3-229-21x (2552)
শাধি ৎবমেব ত্রৈলোক্যমব্যাগ্রে নিজয়ে রতঃ।
অহং তে কিংকরঃ শক্র ন মমেন্দ্রৎবমীপ্সিতম্ ॥ 3-229-21 (24914)
শক্র উবাচ। 3-229-22x (2553)
বলংতবাদ্ভুতং বীর ৎবং দেবানামরীঞ্জহি।
অবজ্ঞাস্যন্তি মাং লোকা বীর্যণ তব বিস্মিতাঃ ॥ 3-229-22 (24915)
ইন্দ্রৎবে তু স্থিতং বীর বলহীনং পরাজিতম্।
`ৎবত্তেজসাঽবমংস্যন্তি লোকা মাং সুরসত্তম' ॥ 3-229-23 (24916)
আবয়োশ্চ মিথো ভেদে প্রয়তিষ্যন্ত্যতন্দ্রিতাঃ।
ভেদিতে চ ৎবয়ি বিভো লোকো দ্বৈধমুপেষ্যতি ॥ 3-229-24 (24917)
দ্বিধাভূতেষু লোকেষু নিশ্চিতেষ্বাবয়োস্তথা।
বিগ্রহঃ সংপ্রবর্তেত ভূতভেদান্মহাবল ॥ 3-229-25 (24918)
তত্র ৎবং মাং রণে তাত যথাশ্রদ্ধং বিজেষ্যসি।
তস্মাদিন্দ্রো ভবানেব ভবিতা মা বিচারয় ॥ 3-229-26 (24919)
স্কন্দ উবাচ। 3-229-27x (2554)
ৎবমেব রাজা ভদ্রং তে ত্রৈলোক্যস্য মমৈব চ।
করোমি কিং চ তেশক্র শাসনাত্তদ্ব্রবীহি মে ॥ 3-229-27 (24920)
ইন্দ্র উবাচ। 3-229-28x (2555)
অহমিন্দ্রো ভবিষ্যামি তব বাক্যান্মহাবল।
যদি সত্যমিদং বাক্যং নিশ্চয়াদ্ভাষিতং ৎবয়া ॥ 3-229-28 (24921)
যদি বা শাসনং স্কন্দ কর্তুমিচ্ছসি মে শৃণু।
অভিষিচ্যস্ব দেবানাং সৈনাপত্যে মহাবল ॥ 3-229-29 (24922)
স্কন্দ উবাচ। 3-229-30x (2556)
দানবানাং বিনাশায় দেবানামর্থসিদ্ধয়ে।
গোব্রাহ্মণহিতার্থায় সৈনাপত্যেঽভিষিঞ্চ মাম্ ॥ 3-229-30 (24923)
মার্কণ্ডেয় উবাচ। 3-229-31x (2557)
সোঽভিষিক্তো মঘবতা সর্বৈর্দেবগণৈঃ সহ।
অতীব শুশুভে তত্র পূজ্যমানো মহর্ষিভিঃ ॥ 3-229-31 (24924)
তত্র তৎকাঞ্চনং ছত্রং ধ্রিয়মাণং ব্যরোচত।
তথৈব সুসমিদ্ধস্য পাবকস্যাত্মমণ্ডলম্ ॥ 3-229-32 (24925)
বিশ্বকর্মকৃতা চাস্য দিব্যা মালা হিরণ্ময়ী।
আবদ্ধা ত্রিপুরঘ্নেন স্বয়মেব যশস্বিনা ॥ 3-229-33 (24926)
আগম্য মনুজব্যাঘ্র সহ দেব্যা পরংতপ।
অর্চয়ামাস সুপ্রীতো ভগবান্গোবৃষধ্বজঃ ॥ 3-229-34 (24927)
রুদ্রমগ্নিং দ্বিজাঃ প্রাহূ রুদ্রসূনুস্ততস্তু সঃ।
`কীর্ত্যতে সুমহাতেজাঃ কুমারোঽদ্ভুতদর্শনঃ' ॥ 3-229-35 (24928)
রুদ্রেণ শুক্রমুৎসৃষ্টং তচ্ছ্বেতঃ পর্বতোঽভবৎ।
পাবকস্যেনদ্রিয়ং শ্বেতে কৃত্তিকাভিঃ কৃতং নগে ॥ 3-229-36 (24929)
পূজ্যমানং তু রুদ্রেণ দৃষ্ট্বা সর্বেদিবৌকসঃ।
রুদ্রসূনুং ততঃ প্রাহুর্গুহং গুণবতাংবরম্ ॥ 3-229-37 (24930)
অনুপ্রবিশ্য রুদ্রেণ বহ্নিং জাতো হ্যযং শিশুঃ।
তত্র জাতস্ততঃ স্কন্দো রুদ্রসূনুস্ততোঽভবৎ ॥ 3-229-38 (24931)
রুদ্রস্য বহ্নেঃ স্বাহায়াঃ ষণ্ণাং স্ত্রীণাং চ তেজসা।
জাতঃ স্কন্দঃ সুরশ্রেষ্ঠো রুদ্রসূনুস্ততোঽভবৎ ॥ 3-229-39 (24932)
অরজে বাসসী রক্তে বসানঃ পাবকাত্মজঃ।
ভাতি দীপ্তবপুঃ শ্রমান্রক্তাভ্রাভ্যামিবাংশুমান্ ॥ 3-229-40 (24933)
কুক্কুটশ্চাগ্নিনা দত্তস্তস্ কেতুরলংকৃতঃ।
রথে সমুচ্ছিতো ভাতি কালাগ্নিরব লোহিতঃ ॥ 3-229-41 (24934)
যা চেষ্টা সর্বভূতানাং প্রভা শক্তির্বলং তথা।
অগ্রতস্তস্য সা শক্তির্দেবানাং জয়বর্ধনী ॥ 3-229-42 (24935)
বিবেশ কবচং চাস্য শরীরং সহজং তথা।
যুধ্যমানস্য দেবস্য প্রাদুর্ভবতি তৎসদা ॥ 3-229-43 (24936)
শক্তির্ধর্মো বলং তেজঃ কান্তৎবং সত্যমুন্নতিঃ।
ব্রহ্মণ্যৎবমসংমোহো ভক্তানাং পরিরক্ষণম্ ॥ 3-229-44 (24937)
নিকৃন্তনং চ শত্রূণাং লোকানাং চাভিরক্ষণম্।
স্কন্দেন সহ জাতানি সর্বাণ্যেব জনাধিপ ॥ 3-229-45 (24938)
এবং দেবগণৈঃ সর্বৈঃ সোঽভিষিক্তঃ স্বলংকৃতঃ।
বভৌ প্রতীতঃ সুমনাঃ পরিপূর্ণেন্দুদর্শনঃ ॥ 3-229-46 (24939)
ইষ্টৈঃ স্বাধ্যায়ঘোষৈশ্চ দেবতূর্যবরৈরপি।
দেবগন্ধর্বগীতৈশ্চ সর্বৈরপ্সরসাং গণৈঃ ॥ 3-229-47 (24940)
এতৈশ্চান্যৈশ্চ বহুভিস্তুষ্টৈর্হৃষ্টৈঃ স্বলংকৃতঃ।
[সুসংবৃতঃ পিশাচানাং গণৈর্দেবগণৈস্তথা।]
ক্রীডন্ভাতি তদা দেবৈরভিষিক্তশ্চ পাবকিঃ ॥ 3-229-48 (24941)
অভিষিক্তং মহাসেনমপশ্যন্ত দিবৌকসঃ।
বিনিহত্য তমঃ সূর্যং যথৈবাভ্যুদিতং তথা ॥ 3-229-49 (24942)
অথৈনমভ্যযুঃ সর্বা দেবসেনাঃ সহস্রশঃ।
অস্মাকং ৎবং পতিরিতি ব্রুবাণাঃ সর্বতো দিশঃ ॥ 3-229-50 (24943)
তাঃ সমাসাদ্য ভগবান্সর্বভূতগণৈর্বৃতঃ।
অর্চিতস্তু স্তুতশ্চৈব সান্ৎবয়ামাস তা অপি ॥ 3-229-51 (24944)
শতক্রতুশ্চাভিষিচ্য স্কন্দং সেনাপতিং তদা।
সস্মার তাং দেবসেনাং যা সা তেন বিমোক্ষিতা ॥ 3-229-52 (24945)
অয়ং তস্যাঃ পতির্নূনং বিহিতো ব্রহ্মণা স্বয়ম্।
সংচিন্ত্য ৎবানয়ামাস দেবসেনাং হ্যলংকৃতাম্ ॥ 3-229-53 (24946)
স্কন্দং প্রোবাচ বলভিদিয়ং কন্যা সুরোত্তম।
অজাতে ৎবয়ি নির্দিষ্টা তব পত্নী স্বয়ংভুবা ॥ 3-229-54 (24947)
তস্মাত্ৎবমস্যা বিধিবৎপাণিং মন্ত্রপুরস্কৃতম্।
গৃহাণ দক্ষিণং দেব্যাঃ পাণিনা পদ্মবর্চসা ॥ 3-229-55 (24948)
এবমুক্তঃ স জগ্রাহ তস্যাঃ পাণিং যথাবিধি।
বৃহস্পতির্মন্ত্রবিদ্ধি জজাপ চ জুহাব চ ॥ 3-229-56 (24949)
এবং স্কন্দস্য মহিষীং দেবসেনাং বিদুর্জনাঃ।
ষষ্ঠীং যাং ব্রাহ্মণাঃ প্রাহুর্লক্ষ্মীমাসাং সুখপ্রদাম্ ॥ 3-229-57 (24950)
সিনীবালীং কুহূং চৈব সদ্বৃত্তিমপরাজিতাম্।
`ইত্যেবমাদিভির্দেবী নামভিঃ পরিকীর্ত্যতে' ॥ 3-229-58 (24951)
যদা স্কন্দঃ পতির্লব্ধঃ শাশ্বতো দেবসেনয়া।
তদা তমাশ্রয়ল্লক্ষ্মীঃ স্বয়ং দেবী শরীরিণী ॥ 3-229-59 (24952)
শ্রীজুষ্টঃ পঞ্চমীস্কন্দস্তস্মাচ্ছ্রীঃ পঞ্চমী স্মৃতা।
ষষ্ঠ্যাং কৃতার্থোঽভূদ্যস্থাত্তস্মাৎষষ্ঠী মহাতিধিঃ ॥ 3-229-60 (24953)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি একোনত্রিংশদধিদ্বিশততমোঽধ্যায়ঃ ॥ 229 ॥
Mahabharata - Vana Parva - Chapter Footnotes
3-229-27 শসনং তদ্দ্রবীহি ইতি ঝ. পাঠঃ ॥ 3-229-35 রুদ্রমগ্নিমিতি। রুদ্রো বা এষ যদগ্নিরিত শ্রুতিবিদো দ্বিজাঃ প্রাহুঃ ॥ 3-229-38 অনুপ্রবিশ্য স্থিতেনেতি শেষঃ ॥অরণ্যপর্ব - অধ্যায় 230
॥ শ্রীঃ ॥
3.230. অধ্যায়ঃ 230
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রতিস্কন্দচরিত্রকীর্তনম্ ॥ 1 ॥Mahabharata - Vana Parva - Chapter Text
3-230-0 (24954)
মার্কণ্ডেয় উবাচ। 3-230-0x (2558)
শ্রিয়া জুষ্টং মহাসেনং দেবসেনাপতীকৃতম্।
সপ্তর্ষিপত্নয়ঃ ষড্ দেব্যস্তৎসকাশমথাগমন্ ॥ 3-230-1 (24955)
ঋষিভিঃ সংপরিত্যক্তা ধর্ময়ুক্তা মহাব্রতাঃ।
দ্রুতমাগম্য চোচুস্তা দেবসেনাপতিং প্রভুম্ ॥ 3-230-2 (24956)
বয়ং পুত্র পরিত্যক্তাং ভর্তৃভির্দেবসংমিতৈঃ।
অকারণাদ্রুষা তৈস্তু পুণ্যস্থানাৎপরিচ্যুতাঃ ॥ 3-230-3 (24957)
অস্মাভিঃ কিল জাতস্ৎবমিতি কেনাপ্যুদাহৃতম্।
তৎসত্যমেতৎসংশ্রুত্য তস্মান্নস্ত্রাতুমর্হসি ॥ 3-230-4 (24958)
অক্ষয়শ্চ ভবেৎস্বর্গস্ৎবৎপ্রসাদাদ্ধি নঃ প্রভো।
ৎবাং পুত্রং চাপ্যভীপ্সামঃ কৃৎবৈতদনৃণো ভব ॥ 3-230-5 (24959)
স্কন্দ উবাচ। 3-230-6x (2559)
মাতরো হি ভবত্যো মে সুতো বোঽহমনিন্দিতাঃ।
যদ্বাপীচ্ছত তৎসর্বং সংভবিষ্যতি বস্তথা ॥ 3-230-6 (24960)
মার্কণ্ডেয় উবাচ। 3-230-7x (2560)
বিবক্ষন্তং ততঃ শক্রং কিং কার্যমিতি সোঽব্রবীৎ।
উক্তঃ স্কন্দেন ব্রূহিতি সোঽব্রবীদ্বাসবস্ততঃ ॥ 3-230-7 (24961)
অভিজিৎস্পর্ধমানা তু রোহিণ্যা কন্যসী স্বসা।
ইচ্ছন্তী জ্যেষ্ঠতাং দেবী তপস্তপ্তুং বনং গতা ॥ 3-230-8 (24962)
তত্র মূঢোস্মি ভদ্রং তে নক্ষত্রং গগনাচ্চ্যুতম্।
কালং ৎবিমং পরং স্কন্দ ব্রহ্মণা সহ চিন্তয় ॥ 3-230-9 (24963)
ধনিষ্ঠাদিস্তদা কালো ব্রহ্মণা পরিকল্পিতঃ।
রোহিণো হ্যভবৎপূর্বমেবং সঙ্খ্যা সমাভবৎ ॥ 3-230-10 (24964)
এবমুক্তে তু শক্রেণ ত্রিবিদং কৃত্তিকা গতাঃ।
নক্ষত্রং শকটাকারং ভাতি তদ্বহ্নিদৈবতম্ ॥ 3-230-11 (24965)
বিনতা চাব্রবীৎস্কন্দং মম ৎবং পিণ্ডদঃ সুতঃ।
ইচ্ছামি নিত্যমেবাহং ৎবয়া পুত্র সহাসিতুম্ ॥ 3-230-12 (24966)
স্কন্দ উবাচ। 3-230-13x (2561)
এবমস্তু নমস্তেঽস্তু পুত্রস্নেহাৎপ্রশাধি মাম্।
স্নুষয়া পূজ্যমানা বৈ দেবি বৎস্যসি নিত্যদা ॥ 3-230-13 (24967)
মার্কণ্ডেয় উবাচ। 3-230-14x (2562)
অথ মাতৃগণঃ সর্বঃ স্কন্দং বচনমব্রবীৎ।
বয়ং সর্বস্য লোকস্য মাতরঃ কবিভিঃ স্তুতাঃ।
ইচ্ছামো মাতরস্তুভ্যং ভবিতুং পূজয়স্ব নঃ ॥ 3-230-14 (24968)
`তাসাং তু বচনং শ্রুৎবাস্কন্দো বচনমব্রবীৎ'।
মাতরো হি ভবত্যো মে ভবতীনামহং সুতঃ।
উচ্যতাং যন্ময়া কার্যং ভবতীনামথেপ্সিতম্ ॥ 3-230-15 (24969)
মাতর ঊচুঃ। 3-230-16x (2563)
যাস্তু তা মাতরঃ পূর্বং লোকস্যাস্য প্রকল্পিতাঃ।
অস্মাকং তু ভবেৎস্থানং তাসাং চৈব ন তদ্ভবেৎ ॥ 3-230-16 (24970)
ভবেম পূজ্যা লোকস্য ন তাঃ পূজ্যাঃ সুরর্ষভ।
প্রজাঽস্মাকং হৃতাস্তাভিস্ৎবৎকৃতে তাঃ প্রয়চ্ছ নঃ ॥ 3-230-17 (24971)
স্কন্দ উবাচ। 3-230-18x (2564)
বৃত্তাঃ প্রজা ন তাঃ প্রক্যা ভবতীভির্নিষেবিতুম্।
অন্প্রাং বঃ কাং প্রয়চ্ছামি প্রজাং যাং মনসেচ্ছথা ॥ 3-230-18 (24972)
মাতর ঊচুঃ। 3-230-19x (2565)
ইচ্চাম তাসাং মাতৄণাং প্রজা ভোক্তুং প্রয়চ্ছ নঃ।
ৎবয়া সহ পৃথগ্ভূতা যে চ তাসামথেশ্বরাঃ ॥ 3-230-19 (24973)
স্কন্দ উবাচ। 3-230-20x (2566)
প্রজা বো দদ্মি কষ্টং তু ভবতীভিরুদাহৃতম্।
পরিরক্ষত ভদ্রং বঃ প্রজা সাধুনমস্কৃতাঃ ॥ 3-230-20 (24974)
মাতর ঊচুঃ। 3-230-21x (2567)
পরিরক্ষাম ভদ্রং তে প্রজাঃ স্কন্দ যথেচ্ছসি।
ৎবয়া নো রোচতে স্কন্দ সহবাসশ্চিরংপ্রভো ॥ 3-230-21 (24975)
স্কন্দ উবাচ। 3-230-22x (2568)
যাবৎষোডশ বর্ষাণি ভবন্তি তরুণাঃ প্রজাঃ।
প্রবাধত মনুষ্যাণাং তাবদ্রূপৈঃ পৃথগ্বিধৈঃ ॥ 3-230-22 (24976)
অহং চ বঃ প্রদাস্যামি রৌদ্রমাত্মানমব্যযম্।
পরমং তেন সহিতাঃ সুখং বৎস্যথ পূজিতাঃ ॥ 3-230-23 (24977)
মার্কণ্ডেয় উবাচ। 3-230-23x (2569)
ততঃ শরীরাৎস্কন্দস্য পরুষঃ পাবকপ্রভঃ।
ভোক্তুং প্রজাঃ স মর্ত্যানাং নিষ্পপাত মহাবলঃ ॥ 3-230-24 (24978)
অপতৎসহসা ভূমৌ বিসংজ্ঞোঽথ ক্ষুধার্দিতঃ।
স্কন্দেন সোঽভ্যনুজ্ঞাতো রৌদ্ররূপোঽভবদ্গ্রহঃ ॥ 3-230-25 (24979)
স্কন্দাপস্মার ইত্যাহুর্গৃহং তং দ্বিজসত্তমাঃ।
বিনতা তু মহারৌদ্রা কথ্যতে শকুনিগ্রহঃ ॥ 3-230-26 (24980)
মাতৄণাং রাক্ষসংপ্রাহুস্তং বিদ্যাৎপূতনাগ্রহম্।
কষ্টা দারুণরূপেণ ঘোররূপা নিশাচরী ॥ 3-230-27 (24981)
পশাচী রদারুণাকারা কথ্যতে শীতপূতনা।
গর্ভান্সা মানুষীণাং তু হরতে ঘোরদর্শনা ॥ 3-230-28 (24982)
অদিতিং রেবতীং প্রাহুর্গ্রহস্তস্যাস্তু রৈবতঃ।
সোঽপি বালান্মহাগোরো বাধতে বৈ মহাগ্রহঃ ॥ 3-230-29 (24983)
দৈত্যানাং যা দিতির্মাতা তামাহুর্মুখমণ্ডিকাম্।
অত্যর্থং শিশুমাংসেন সংপ্রহৃষ্টা দুরাসদা ॥ 3-230-30 (24984)
কুমারাশ্চ কুমার্যশ্ যে প্রোক্তাঃ স্কন্দসংভবাঃ।
তেঽপি গর্ভভুজঃ সর্বে কৌরব্যসুমহাগ্রহাঃ ॥ 3-230-31 (24985)
তাসামেব তু পত্নীনাং পতয়স্তে প্রকীর্তিতাঃ।
আজায়মানান্গৃহ্ণন্তি বালকান্রৌদ্রকর্মণঃ ॥ 3-230-32 (24986)
গবাং মাতা তু যা প্রাজ্ঞৈঃ কথ্যতে সুরভির্নৃপ।
শকুনিস্তামথারুহ্যসহ ভুঙ্ক্তে শিশূন্ভুবি ॥ 3-230-33 (24987)
সরমা নাম যা মাতা শুনাং দেবী জনাধিপ।
সাঽপিগর্ভান্সমাদত্তে মানুষীণাং সদৈব হি ॥ 3-230-34 (24988)
পাদপানাং চ যা মাতা করঞ্জনিলয়া হি সা।
বরদা সা হি সৌম্যা চ নিত্যং ভূতানুকম্পিনী ॥ 3-230-35 (24989)
করঞ্জে তাং নমস্যন্তি তস্মাৎপুত্রার্থিনো নরাঃ।
ইমে ৎবষ্টাদশান্যে বৈ গ্রহা মাংসমধুপ্রিয়াঃ ॥ 3-230-36 (24990)
দ্বিপঞ্চরাত্রং তিষ্ঠন্তি সততং সূতিকাগৃহে।
কদ্রূঃ সূক্ষ্মবপুর্ভূৎবা গর্ভিণীং প্রবিশত্যথ ॥ 3-230-37 (24991)
ভুঙ্ক্তে সা তত্র তং গর্ভং সা তু নাগং প্রসূয়তে।
গন্ধর্বাণাং তু যা মাতা সা গর্ভং গৃহ্য গচ্ছতি ॥ 3-230-38 (24992)
ততো বিলীনগর্ভা সা মানুষী ভুবি দৃশ্যতে।
যা জনিত্রী ৎবপ্সরসাং গর্ভমাস্তে প্রগৃহ্য সা ॥ 3-230-39 (24993)
উপবিষ্টং ততো গর্ভং কথয়নতি মনীষিণঃ।
লোহিতস্যোদধেঃ কন্যা ধাত্রী স্কন্দস্য সা স্মৃতা ॥ 3-230-40 (24994)
লোহিতায়নিরিত্যেবং কদম্বে সা হি পূজ্যতে।
পুরুষে তু যথা রুদ্রস্তথাঽঽর্যা প্রমদাস্বপি ॥ 3-230-41 (24995)
আর্যা মাতা কুমারস্য পৃথক্কামার্থমিজ্যতে।
এবমেতে কুমারাণাং ময়া প্রোক্তা মহাগ্রহাঃ ॥ 3-230-42 (24996)
যাবৎষোডশ বর্ষাণি শিশূনাং হ্যশিবাস্ততঃ।
যে চ মাতৃগণাঃ প্রোক্তাঃ পুরুষাশ্চৈবয়ে গ্রহাঃ ॥ 3-230-43 (24997)
সর্বে স্কন্দগ্রহা নাম জ্ঞেয়া নিত্যং শরীরিভিঃ।
তেষাং প্রশমনং কার্যং স্নানং ধূপমথাঞ্জনম্।
বলিকার্গেপহারাশ্ স্কন্দস্যেজ্যা বিশেষতঃ ॥ 3-230-44 (24998)
এবমভ্যর্চিতাঃ সর্বে প্রয়চ্ছন্তি শুভং নৃণাম্।
আয়ুর্দীর্ঘং চ রাজেনদ্রসম্যক্পূজানমস্কৃতাঃ ॥ 3-230-45 (24999)
ঊর্ধ্বং তু ষোডশাদ্বর্ষাদ্যে ভবন্তি গ্রহা নৃণাম্।
তানহং সংপ্রবক্ষ্যামি নমস্কৃত্য মহেশ্বরম্ ॥ 3-230-46 (25000)
যঃ পশ্যতি নরো দেবাঞ্জাগ্রদ্বা শয়িতোপি বা।
উন্মাদ্যতি স তু ক্ষিপ্রং তং তু দেবগ্রহং বিদুঃ ॥ 3-230-47 (25001)
আসীনশ্চ শয়ানশ্চ যঃ পশ্যতি নরঃ পিতৄন্।
উন্মাদ্যতিস তু ক্ষিপ্রং স জ্ঞেয়স্তু পিতৃগ্রহঃ ॥ 3-230-48 (25002)
অবমন্যতি যঃ সিদ্ধান্ক্রুদ্ধাশ্চাপি শপন্তি যম্।
উন্মাদ্যতি স তু ক্ষিপ্রং জ্ঞেয়ঃ সিদ্ধগ্রহস্তু সঃ ॥ 3-230-49 (25003)
উপাঘ্রাতি চ যো গন্ধান্রসাংশ্চাপি পৃথগ্বিধান্।
উন্মাদ্যতি স তু ক্ষিপ্রং স জ্ঞেয়ো রাক্ষসো গ্রহঃ ॥ 3-230-50 (25004)
গন্ধর্বাশ্চাপি যং দিব্যাঃ সংবিশন্তি নরং ভুবি।
উন্মাদ্যতি স তু ক্ষিপ্রং গ্রহো গান্ধর্ব এব সঃ ॥ 3-230-51 (25005)
অধিরোহন্তি যং নিত্যং পিশাচাঃ পুরুষং প্রতি।
উন্মাদ্যতি স তু ক্ষিপ্রং গ্রহঃ পৈশাচ এব সঃ ॥ 3-230-52 (25006)
আবিশন্তি চ যং যক্ষাঃ পুরুষং কালপর্যযে।
উনমাদ্যতি স তু ক্ষিপ্রং জ্ঞেয়ো যক্ষগ্রহস্তু সঃ ॥ 3-230-53 (25007)
যস্ দোষৈঃ প্রকুপিতং চিত্তং মুহ্যতি দেহিনঃ।
উনমাদ্যতি স তু ক্ষিপ্রং সাধনং তস্য শাস্ত্রতঃ ॥ 3-230-54 (25008)
বৈক্লব্যাচ্চ ভয়াচ্চৈব ঘোরাণাং চাপি দর্শনাৎ।
উন্মাদ্যতি স তু ক্ষিপ্রং সান্ৎবং তস্য তু সাধনম্ ॥ 3-230-55 (25009)
কশ্চিৎক্রীডিতুকামো বৈ ভোক্তুকামস্তথাঽপরঃ।
অভিকামস্তথৈবান্য ইত্যেষ ত্রিবিধো গ্রহঃ ॥ 3-230-56 (25010)
যাবৎসপ্ততিবর্ষাণি ভবন্ত্যেতে গ্রহা নৃণাম্।
অতঃ পরং দেহিনাং তু গ্রহতুল্যা ভবেঞ্জরা ॥ 3-230-57 (25011)
অপ্রকীর্ণেন্দ্রিয়ং দান্তং শুচিং নিত্যমতন্দ্রিতম্।
আস্তিকং শ্রদ্দধানং চ বর্জয়ন্তি তদা গ্রহাঃ ॥ 3-230-58 (25012)
ইত্যেষ তে গ্রহোদ্দেশো মানুষাণাং প্রকীর্তিতঃ।
ন স্পৃশন্তি গ্রহা ভক্তান্নরান্দেবং মহেশ্বরম্ ॥ 3-230-59 (25013)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি ত্রিংসদধিকদ্বিশততমোঽধ্যায়ঃ ॥ 230 ॥
Mahabharata - Vana Parva - Chapter Footnotes
3-230-4 অসত্যমেতৎসংস্কৃত্য ইতি ধ. পাঠঃ। অপত্যমেতৎসংস্মৃত্য ইতি ট. থ. পাঠঃ ॥ 3-230-7 বিবক্ষন্তমভিজিন্নক্ষত্রস্ পতনান্নক্ষত্রসংখ্যা কথং সমা ভবেদিতি প্রষ্টুমিচ্ছন্তম্ ॥ 3-230-8 কন্যসী কনিষ্ঠা। বনং গতা অধিকারং ত্যক্তেতি শেষঃ ॥ 3-230-10 যস্য নক্ষত্রস্যাদ্যক্ষণে চন্দ্রসূর্যগুরূণাং যোগস্তদ্যুগাদিনক্ষত্রম্। তচ্চপূর্বং রোহিণ্যভূৎ। তদাভিজিৎপতনকালে ৎবেকন্যূনৈরহোরাত্রৈর্ভগণস্য ভোগাৎ কৃতয়ুগাদিনক্ষত্রং ধনিষ্ঠৈবাভবদিত্যর্থঃ। সংখ্যা কলাকাষ্ঠাদীনাম্ ॥ 3-230-11 তথা চ কৃত্তিকাভিরেব নক্ষত্রসংখ্যাপূর্তি কুর্বিতি শক্রাশয়ং জ্ঞাৎবা তাস্ত্রিদিবং গতাঃ। নক্ষত্রং সপ্তশীর্ষাভং ইতি ঝ. পাঠঃ ॥ 3-230-12 ঋষিপত্নীনামিব গরুত্মত্যা অপিরূপং স্বাহয়া ধৃতমিতি ৎসুতৎবং বোধ্যম্ ॥ 3-230-13 স্নুষয়া দেবসেনয়া ॥ 3-230-14 মাতৃগণো বিনতাদিসমূহঃ ॥ 3-230-16 তাঃ প্রসিদ্ধাঃ মাতরো ব্রাহ্মীমাহেশ্বরীপ্রভৃতয়ঃ ॥ 3-230-17 ৎবৎকৃতে ৎবদর্থং তাভির্ব্রাহ্ময়াদিভিরস্মদ্ভর্তৄন্ মিথ্যাভিশাপদোষেণ কোপয়ন্তীভিঃ প্রজা হৃতাঃ সঙ্গাভাবাদিত্যর্থঃ। সংধিরার্ষঃ। নোঽস্মভ্যং প্রয়চ্ছ ভর্তৄণামনুকূলনেনেত্যর্থঃ ॥ 3-230-18 বৃত্তাময়া দত্তা অপি। ময়া প্রার্থিতা অপি মুনয়ো যুষ্মান্ নাঙ্গীকরিষ্যন্তীতি ভাবঃ ॥ 3-230-19 মাতৄণাং ব্রাহ্ময়াদীনাম্। তাসাং প্রজানামীশ্বরাঃ পিত্রাদয়ঃ ॥ 3-230-20 প্রজাঃ অস্মদাদ্যাঃ। নমস্কৃতা যূয়ং ময়েতি শেষঃ ॥ 3-230-32 অজ্ঞায়মানা গৃহন্তি ইতি ধ. পাঠঃ ॥ 3-230-38 মুজাতা হরিণী যা তু সা গর্ভং পিবতি প্রভো ইতি ট. থ. ধ.পাঠঃ ॥অরণ্যপর্ব - অধ্যায় 231
॥ শ্রীঃ ॥
3.231. অধ্যায়ঃ 231
Mahabharata - Vana Parva - Chapter Topics
স্কন্দেন স্বাহাদেব্যা অভীষ্টদানম্ ॥ 1 ॥ ব্রাহ্মণা স্কন্দংপ্রতি সোপপত্তিকং তস্য রুদ্রপুত্রৎবাদিকথনম্ ॥ 2 ॥Mahabharata - Vana Parva - Chapter Text
3-231-0 (25014)
মার্কণ্ডেয় উবাচ। 3-231-0x (2570)
যদা স্কন্দেন মাতৃণামেবমেতৎপ্রিয়ং কৃতম্।
অথনৈমব্রবীৎস্বাহা মম পুত্রস্ৎবমৌরসঃ ॥ 3-231-1 (25015)
ইচ্ছাম্যহং ৎবয়া দত্তাং প্রীতিং পরমদুর্লভাম্।
তামব্রবীত্ততঃ স্কন্দঃ প্রীতিমিচ্ছসি কীদৃশীম্ ॥ 3-231-2 (25016)
স্বাহোবাচ। 3-231-3x (2571)
দক্ষস্যাহং প্রিয়া কন্যা স্বাহা নাম মহাভুজ।
বাল্যাৎপ্রভৃতি নিত্যং চ জাতকামা হুতাশনে ॥ 3-231-3 (25017)
ন স মাং কামিনীং পুত্র সম্যগ্জনাতি পাবকঃ।
ইচ্ছামি শাশ্বতং বাসং বস্তু পুত্র সহাগ্নিনা ॥ 3-231-4 (25018)
স্কন্দ উবাচ। 3-231-5x (2572)
হব্যং কব্যংচ যৎকিংচিদ্দ্বিজা মন্ত্রসুসংস্তুতম্।
হোষ্যন্ত্যগ্নৌ সদা দেবি স্বাহেত্যুক্ৎবাসমুদ্ধৃতম্ ॥ 3-231-5 (25019)
অদ্যপ্রভৃতি দাস্যন্তি সুবৃত্তাঃ সৎপথে স্থিতাঃ।
এবমগ্নিসৎবয়া সার্ধং সদা বৎস্যতি শোভনে ॥ 3-231-6 (25020)
মার্কণ্ডেয় উবাচ। 3-231-7x (2573)
এবমুক্তা ততঃ স্বাহা তুষ্টাস্কন্দেন পূজিতা।
পাবকেন সমায়ুক্তা ভর্ত্রা স্কন্দমপূজয়ৎ॥ 3-231-7 (25021)
ততো ব্রহ্মা মহাসেনং প্রজাপতিরথাব্রবীৎ।
অভিগচ্ছ মহাদেবং পিতরং ত্রিপুরার্দনম্ ॥ 3-231-8 (25022)
রুদ্রেণাগ্নিং সমাবিশ্য স্বাহামাবিশ্য চোময়া।
হিতর্থং সর্বলোকানাং জাতস্ৎবমপরাজিতঃ ॥ 3-231-9 (25023)
উমায়োন্যাং চ রুদ্রেণ শুক্রং সিক্তং মহাত্মনা।
অস্মিন্গিরৌ নিপতিতং মিঞ্জিকমিঞ্জিকং যতঃ ॥ 3-231-10 (25024)
`মিথুনং বৈ মহাভাগ তত্র তদ্রুদ্রসংভবম্'।
সংভূতং লোহিতোদে তু শুক্রশেষমবাপতৎ ॥ 3-231-11 (25025)
সূর্যরশ্মিষু চাপ্যনয়দন্যচ্চৈবাপতদ্ভুবি।
আসক্তমন্যদ্বৃক্ষেষু তদেবং প্চধাঽপতৎ ॥ 3-231-12 (25026)
তত্র তে বিবিধাকারা গণা জ্ঞেয়া মনীষিভিঃ।
তব পারিষদা ঘোরা য এতে পিশিতাশিনঃ ॥ 3-231-13 (25027)
এবমস্ৎবিতি চাপ্যুক্ৎবা মহাসেনো মহেশ্বরম্।
অপূজয়দমেয়াত্মা পিতরং পিতৃবৎসলঃ ॥ 3-231-14 (25028)
মার্কণ্ডেয় উবাচ। 3-231-15x (2574)
অর্কপুষ্পৈস্তু তে পঞ্ গণাঃ পূজ্যা ধনার্থিভিঃ।
ব্যাদিপ্রশমনার্থং চতেষাং পূজাং সমাচরেৎ ॥ 3-231-15 (25029)
মিঞ্জিকামিঞ্জিকং চৈব মিথুনং রুদ্রসংভবম্।
নমস্কার্যং সদৈবেহ বালানাং হিতমিচ্ছতা ॥ 3-231-16 (25030)
স্ত্রিয়ো মানুষমাংসাদা বৃক্ষকা নাম নামতঃ।
বৃক্ষেষু জাতাস্তা দেব্যো নমস্কার্যাঃ প্রজার্থিভিঃ ॥ 3-231-17 (25031)
এষামেব পিশাচানামসঙ্খ্যেয়গণাঃ স্মৃতাঃ।
ঘণ্টায়াঃ সপতাকায়াঃ শৃণু মে সংভবং নৃপ ॥ 3-231-18 (25032)
ঐরাবতস্য ঘণ্টে দ্বে বৈজয়ন্ত্যাবিতি শ্রুতে।
গুহস্য তে স্বয়ং দত্তে ক্রমেণানায়্য ধীমতা ॥ 3-231-19 (25033)
একা তত্রবিশাখস্য ঘণ্টা স্কন্দস্য চাপরা।
পতাকা কার্তিকেয়স্ বিশাখস্য চ লোহিতা ॥ 3-231-20 (25034)
যানি ক্রীডনকান্যস্য দেবৈর্দত্তানি বৈ তদা।
তৈরেব রমতে দেবো মহাসেনো মহাবলঃ ॥ 3-231-21 (25035)
স সংবৃতঃ পিশাচানাং গণৈর্দেবগণৈস্তথা।
শুশুভে কাঞ্চনে শৈলে দীপ্যমানঃ শ্রিয়া বৃত্তঃ ॥ 3-231-22 (25036)
তেন বীরেণ শুশুভে স শৈলঃ শুভকাননঃ।
আদিত্যেনেবাংশুমতা মন্দরশ্চারুকন্দরঃ ॥ 3-231-23 (25037)
সংতানকবনৈঃ ফুল্লৈঃ করবীরবনৈরপি।
পারিজাতবনৈশ্চৈব জপাশোকবনৈস্তথা ॥ 3-231-24 (25038)
কদম্বতরুষণ্ডৈশ্চ দিব্যৈর্মৃগগণৈরপি।
দিব্যৈঃ পক্ষিগণৈশ্চৈব শুশুভে শ্বেতপর্বতঃ ॥ 3-231-25 (25039)
তত্রদেবগণাঃ সর্বেসর্বে দেবর্ষয়স্তথা।
মেঘতূর্যরবাশ্চৈব ক্ষুব্ধোদধিসমস্বনাঃ ॥ 3-231-26 (25040)
তত্রদেবাশ্চ গন্ধর্বা নৃত্যন্তেঽপ্সরসস্তথা।
হৃষ্টানাং তত্রভূতানাং শ্রূয়তে নিনদো মহান্ ॥ 3-231-27 (25041)
এবং সেন্দ্রং জগৎসর্বং শ্বেতপর্বতসংস্থিতম্।
প্রহৃষ্টং প্রেক্ষতে স্কন্দং ন চ গ্লায়তি দর্শনাৎ ॥ 3-231-28 (25042)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি একত্রিংশদধিকদ্বিশততমোঽধ্যায়ঃ ॥ 231 ॥
Mahabharata - Vana Parva - Chapter Footnotes
3-231-10 মুঞ্জিকো মুষ্টিকা ততঃ ইতি ট. থ.পাঠঃ ॥অরণ্যপর্ব - অধ্যায় 232
॥ শ্রীঃ ॥
3.232. অধ্যায়ঃ 232
Mahabharata - Vana Parva - Chapter Topics
স্কন্দস্য দেবসৈনাপত্যেঽভিষেকানন্তরং মহাদেবস্য পার্বত্যা সহ ভদ্রবটংপ্রতি প্রস্থানম্ ॥ 1 ॥ তদেন্দ্রাদিভির্দিক্পালৈঃ সসৈন্যৈস্তমনু প্রস্থানম্ ॥ 2 ॥ তদা রুদ্রেণ স্কন্দস্য দেবসৈনাপত্যে নিয়োজনম্ ॥ 3 ॥ ততো দেবাসুরাণাং মহায়ুদ্ধম্। তত্রস্কন্দেন মহিষাসুরসংহারঃ ॥ 4 ॥Mahabharata - Vana Parva - Chapter Text
3-232-0 (25043)
মার্কণ্ডেয় উবাচ। 3-232-0x (2575)
যদাঽভিষিক্তো ভগবান্সৈনাপত্যে তু পাবকিঃ।
তদা সংপ্রস্থিতঃ শ্রীমান্হৃষ্টো ভদ্রবটং হরঃ ॥ 3-232-1 (25044)
রথেনাদিত্যবর্ণেন পার্বত্যা সহিতঃ প্রভুঃ।
`অনুয়াতঃ সুরৈঃ সর্বৈঃ সহস্রাক্ষপুরোগমৈঃ' ॥ 3-232-2 (25045)
সহস্রং তস্য সিংহানাং তস্মিন্যুক্তং রথোত্তমে।
উৎপপাত দিবং শুভ্রং কালেনাভিপ্রচোদিতম্ ॥ 3-232-3 (25046)
তেপিবন্ত ইবাকাশং ত্রাসয়ন্তক্ষরাচরান্।
সিংহা নভস্যগচ্ছন্ত নদন্তশ্চারুকেসরাঃ ॥ 3-232-4 (25047)
তস্মিন্রথে পশুপতিঃ স্থিতো ভাত্যুময়া সহ।
বিদ্যুতা সহিতঃ সূর্যঃ সেন্দ্রচাপে ঘনে যথা ॥ 3-232-5 (25048)
অগ্রতস্তস্য ভগবান্ধনেশো গুহ্যকৈঃ সহ।
আস্থায় রুচিরং যাতি পুষ্পকং নরবাহনঃ ॥ 3-232-6 (25049)
ঐরাবতং সমাস্থায় শক্রশ্চাপি সুরৈঃ সহ।
পৃষ্ঠতোঽনুয়যৌ যান্তং বরদং বৃষভধ্বজম্ ॥ 3-232-7 (25050)
জৃম্ভকৈর্যক্ষরক্ষোভিঃ স্রগ্বিভিঃ সমলংকৃতঃ।
যাত্যমোঘো মহায়ক্ষো দক্ষিণং পক্ষমাস্থিতঃ ॥ 3-232-8 (25051)
তস্য দক্ষিণতো দেবা বহবশ্চিত্রয়োধিনঃ।
গচ্ছন্তি বসুভিঃ সার্ধং রুদ্রৈশ্চ সহ সংগতাঃ ॥ 3-232-9 (25052)
যমশ্চ মৃত্যুনা সার্ধং সর্বতঃ পরিবারিতঃ।
ঘোরৈর্ব্যাধিশতৈর্যাতি ঘোররূপবপুস্তথা ॥ 3-232-10 (25053)
যমস্য পৃষ্ঠতশ্চৈব রঘোরস্ত্রিশিখরঃ শিতঃ।
বিজয়ো নাম রুদ্রস্য যাতি শূলঃ স্বলংকৃতঃ ॥ 3-232-11 (25054)
তমুগ্রপাশো বরুণো ভগবান্সলিলেশ্বরঃ।
পরিবার্য শনৈর্যাতি যাদোভির্বিবিধৈর্বৃতঃ ॥ 3-232-12 (25055)
পৃষ্ঠতোবিজয়স্যাপি যাতি রুদ্রস্য পট্টসঃ।
গদামুসলশক্ত্যাদ্যৈর্বৃতঃ প্রহরণোত্তমৈঃ ॥ 3-232-13 (25056)
পট্টসং ৎবন্বগাদ্রাজংশ্ছত্রং রৌদ্রং মহাপ্রভম্।
কমণ্ডলুশ্চাপ্যনু তং মহর্ষিগণসেবিতঃ ॥ 3-232-14 (25057)
তস্য দক্ষিণতো ভাতি দণ্ডো গচ্ছঞ্শ্রিয়া বৃতঃ।
ভৃগ্বঙ্গিরোভিঃ সহিতো দৈধতৈশ্চানুপূজিতঃ ॥ 3-232-15 (25058)
এষাং তু পৃষ্ঠতো রুদ্রো বিমলে স্যন্দনে স্থিতঃ।
যাতি সংহর্ষয়ন্সর্বাংস্তেজসা ত্রিদিবৌকসঃ ॥ 3-232-16 (25059)
ঋষয়শ্চাপি দেবাশ্চ গন্ধর্বা ভুজগাস্তথা।
নদ্যো হ্রদাঃসমুদ্রাশ্চতথৈবাপ্সরসাং গণাঃ ॥ 3-232-17 (25060)
নক্ষত্রাণি গ্রহাশ্চৈবদেবানাং শিশবশ্চ যে।
স্ত্রিয়শ্চ বিবিধাকারা যান্তি রুদ্রস্য পৃষ্ঠতঃ ॥ 3-232-18 (25061)
সৃজন্ত্যঃ পুষ্পবর্ষাণি চারুরূপা বরাঙ্গনাঃ।
পর্জন্যশ্চাপ্যনুয়যৌ নমস্কৃত্য পিনাকিনম্ ॥ 3-232-19 (25062)
ছত্রং চ পাণ্ডুরং সোমস্তস্য মূর্ধন্যধারয়ৎ।
চামরে চাপি বায়ুশ্চ গৃহীৎবাঽগ্নিশ্চ ধিষ্ঠিতৌ ॥ 3-232-20 (25063)
শক্রশ্চ পৃষ্ঠতস্তস্য যাতি রাজঞ্ছ্রিয়া বৃতঃ।
সহরাজর্ষিভিঃ সর্বৈঃ স্তুবানো বৃষকেতনম্ ॥ 3-232-21 (25064)
গৌরী বিদ্যাঽথ গান্ধারী কেশিনী মিত্রসাহ্বয়া।
সাবিত্র্যা সহ সর্বাস্তাঃ পার্বত্যা যান্তি পৃষ্ঠতঃ ॥ 3-232-22 (25065)
তত্র বিদ্যাগণাঃ সর্বেয়ে কেচিৎকবিভিঃ স্মৃতাঃ।
তস্য কুর্বন্তি বচনং সেন্দ্রা দেবাশ্চমূমুখে ॥ 3-232-23 (25066)
গৃহীৎবা তু পতাকাং বৈ যাত্যগ্রে রাক্ষসো গ্রহঃ।
ব্যাপৃতস্তু শ্মশানে যো নিত্যং রুদ্রস্ বৈ সখা।
পিঙ্গলো নাম যক্ষেন্দ্রো লোকস্যানন্দদায়কঃ ॥ 3-232-24 (25067)
এবিশ্চ সহিতো দেবস্তত্রয়াতি যথাসুখম্।
অগ্রতঃ পৃষ্ঠতস্চৈবং ন হি তস্য গতির্ধ্রুবা ॥ 3-232-25 (25068)
রুদ্রং সৎকর্মভির্মর্ত্যাঃ পূজয়ন্তীহ দৈবতম্।
শিবমিত্যেব যং প্রাহুরীশং রুদ্রং পিনাকিনম্ ॥ 3-232-26 (25069)
`এবং সর্বে সুরগণাস্তদা বৈ প্রীতমানসাঃ'।
ভাবৈস্তু বিবিধাকারৈঃ পূজয়ন্তি মহেশ্বরম্ ॥ 3-232-27 (25070)
কদেবসেনাপতিস্ৎবং দেবসেনাভিরাবৃতঃ।
অনুদচ্ছতি দেবেশং ব্রহ্মণ্যঃ কৃত্তিকাসুতঃ ॥ 3-232-28 (25071)
অথাব্রবীন্মহাসেনং মহাদেবো বৃহদ্বচঃ।
সপ্তমং মারুতস্কন্ধং রক্ষ নিত্যমতন্দ্রিতঃ ॥ 3-232-29 (25072)
স্কন্দ উবাচ। 3-232-30x (2576)
সপ্তমং মারুতস্কন্ধং পালয়িষ্যাম্যহং প্রভো।
যদন্যদপি মে কার্যং দেব তদ্বদ মাচিরম্ ॥ 3-232-30 (25073)
রুদ্র উবাচ। 3-232-31x (2577)
কার্যেষ্বহং ৎবয়া পুত্র সংদ্রষ্টব্যঃ সদৈব হি।
দর্শনান্মম ভক্ত্যা চ শ্রেয়ঃ পরমবাপ্স্যসি ॥ 3-232-31 (25074)
মার্কণ্ডেয় উবাচ। 3-232-25x (2578)
ইত্যুক্ৎবা বিসসর্জৈনং পরিষ্যজ্য মহেশ্বরঃ।
`স্কন্দং সহোময়া প্রীতো জ্বলন্তমিব তেজসা' ॥ 3-232-32 (25075)
বিসর্জিতে ততঃ স্কন্দে বভূবৌৎপাতিকং মহৎ।
সহসৈব মহারাজদেবান্সর্বান্প্রমোহয়ৎ ॥ 3-232-33 (25076)
জজ্বাল স্বং সনক্ষত্রং প্রমূঢং ভুবনং ভৃশম্।
চচাল ব্যনদচ্চোর্বী তমোভূতং জগৎপ্রভো ॥ 3-232-34 (25077)
ততস্তদ্দারুণং দৃষ্ট্বা ক্ষুভিতঃ শংকরস্তদা।
উমা চৈবমহাভাগ দেবাশ্চ সমহর্ষয়ঃ ॥ 3-232-35 (25078)
ততস্তেষু প্রমূঢেষু পর্বতাম্বুদসন্নিভম্।
নানাপ্রহরণং ঘোরমদৃশ্যত মহদ্বলম্ ॥ 3-232-36 (25079)
তদ্বৈ ঘোরমসঙ্খ্যেয়ং গর্জচ্চ বিবিধা গিরঃ।
অভ্যদ্রবদ্রণএ দেবান্ভগবন্তং চ শংকরম্ ॥ 3-232-37 (25080)
তৈর্বিসৃষ্টান্যনীকেষু বাণজালান্যনেকশঃ।
পর্বতাশ্চ শতঘ্ন্যশ্চ প্রাসাসিপরিঘা গদাঃ ॥ 3-232-38 (25081)
নিপতদ্ভিশ্চ তৈর্ঘোরৈর্দেবানীকং মহায়ুধৈঃ।
ক্ষণেন ব্যদ্রবৎসর্বং বিমুখং চাপ্যদৃশ্যত ॥ 3-232-39 (25082)
নিকৃত্তয়োধনাগাশ্বং কৃত্তায়ুধমহারথম্।
দানবৈরর্দিতং সৈন্যং দেবানাং বিমুখং বভৌ ॥ 3-232-40 (25083)
অসুরৈর্বধ্যমানং তৎপাবকৈরিব কাননম্।
অপতদ্দগ্ধভূয়িষ্ঠং মহাদ্রুমবনং তথা ॥ 3-232-41 (25084)
তে বিভিন্নশিরোদেহাঃ প্রাদ্রবন্তো দিবৌকসঃ।
ন নাথমধিগচ্ছন্তি বধ্যমানা মহারণে ॥ 3-232-42 (25085)
অথ তদ্বিদ্রুতং সৈন্যং দৃষ্ট্বা দেবঃ পুরংদরঃ।
আশ্বাসয়ন্নুবাচেদং বলভিদ্দানবার্দিতম্ ॥ 3-232-43 (25086)
ভয়ং ত্যজত ভদ্রং ব শূরাঃ শস্ত্রাণি গৃহ্ণত।
কুরুধ্বংবিক্রমে বুদ্ধিং মা বঃ কাচিদ্ব্যথা ভবেৎ ॥ 3-232-44 (25087)
জয়তৈনাম্সুদুর্বৃত্তান্দানবান্ঘোরদর্শনান্।
অভিদ্রবত ভদ্রং বো ময়া সহ মহাসুরান্ ॥ 3-232-45 (25088)
শক্রস্ বচনং শ্রুৎবা সমাশ্বস্তা দিবৌকসঃ।
দানবান্প্রত্যযুধ্যন্ত শক্রং কৃৎবা ব্যপাশ্রয়ম্ ॥ 3-232-46 (25089)
ততস্তে ত্রিদশাঃ সর্বেমরুতশ্চ মহাবলাঃ।
প্রত্যুদ্যযুর্মহাভাগাঃ সাধ্যাশ্চ বসুভিঃ সহ ॥ 3-232-47 (25090)
তৈর্বিসৃষ্টান্যনীকেষু ক্রুদ্ধৈঃ শস্ত্রাণি সংয়ুগে।
শরাশ্চ দৈত্যকায়েষু পিবন্তি রুধিরং বহু ॥ 3-232-48 (25091)
তেষাং দেহান্বিনির্ভিদ্য শরাস্তে নিশিতাস্তদা।
নিপতন্তোঽভ্যদৃশ্যন্ত নগেভ্য ইব পন্নগাঃ ॥ 3-232-49 (25092)
তানি দৈত্যশরীরাণি নির্ভিন্নানিস্ম সায়কৈঃ।
অপতন্ভূতলেরাজংশ্ছিন্নাভ্রাণীব সর্বশঃ ॥ 3-232-50 (25093)
ততস্তদ্দানবং সৈন্যং সর্বৈর্দেবগণৈর্যুধি।
ত্রাসিতং বিবিধৈর্বাণৈঃ কৃতংচৈব পরাঙ্যুখম্ ॥ 3-232-51 (25094)
অথোৎক্রুষ্টং তদা হৃষ্টৈঃ সর্বৈর্দেবৈরুদায়ুধৈঃ।
সংহতানি চ তূর্যাণি প্রাবাদ্যন্ত হ্যনেকশঃ ॥ 3-232-52 (25095)
এবমন্যোন্রসংয়ুক্তং যুদ্ধমাসীৎসুদারুণম্।
দেবানাং দানবানাং চ মাংসশোণিতকর্দমম্ ॥ 3-232-53 (25096)
অনয়ো দেবলোকস্য সহসৈবাভ্যদৃশ্যত।
তথহি দানবা ঘোরা বিনিঘ্নন্তি দিবৌকসঃ ॥ 3-232-54 (25097)
ততস্তূর্যপ্রণাদাশ্চ ভেরীণাং চ মহাস্বনাঃ।
বভূবুর্দানবেন্দ্রাণাং সিংহনাদাশ্চ দারুণাঃ ॥ 3-232-55 (25098)
অথ দৈত্যবলাদ্ঘোরান্নিষ্পপাত মহাবলঃ।
দানবো মহিষো নাম প্রগৃহ্য বিপুলং গিরিম্ ॥ 3-232-56 (25099)
তে তং ধনৈরিবাদিত্যং দৃষ্ট্বাসংপরিবারিতম্।
তমুদ্যতগিরিং রাজন্ব্যদ্রবন্ত দিবৌকসঃ ॥ 3-232-57 (25100)
অথাভিদ্রুত্য মহিষো দেবাংশ্চিক্ষেপ তং গিরিম্।
`মহাকায়ং মহারাজ সতোয়মিব তোয়দম্' ॥ 3-232-58 (25101)
পততা তেন গিরিণা দেবসৈন্যস্ পার্থিব।
ভীমরূপেণ নিহতময়ুতং প্রাপতদ্ভুবি ॥ 3-232-59 (25102)
অথ তৈর্দানবৈঃ সার্ধং মহিষস্ত্রাসয়ন্সুরান্।
অভ্যদ্রবদ্রণে তূর্ণং সিংহঃ ক্ষুদ্রমৃগানিব ॥ 3-232-60 (25103)
তমাপতন্তং মহিষং দৃষ্ট্বা সেন্দ্রা দিবৌকসঃ।
ব্যদ্রবন্তরণে বীতা বিকীর্ণায়ুধকেতনাঃ ॥ 3-232-61 (25104)
ততঃস মহিষঃ ক্রুদ্ধস্তূর্ণং রুদ্ররথং যয়ৌ।
অভিদ্রুত্য চ জগ্রাহ রুদ্রস্ রথকূবরম্ ॥ 3-232-62 (25105)
যদা রুদ্ররথং ক্রুদ্ধো মহিষঃ সহসা গতঃ।
রেসতূ রোদসী গাঢং মুমুহুশ্ মহর্ষয়ঃ ॥ 3-232-63 (25106)
অনদংশ্চমহাকায়া দৈত্যা জলধরোপমাঃ।
আসীচ্চনিশ্চিতং তেষাং জিতমস্মাভিরিত্যুত ॥ 3-232-64 (25107)
তথাভূতে তু ভগবানাহূয় গুহমাত্মজম্।
`দৌরাত্ম্যং পশ্য পুতর্ ৎবং দানবস্য দুরাত্মনঃ।
জহি শীঘ্রং দুরাচারং দ্রষ্টুমিচ্ছামি তে বলম্ ॥ 3-232-65 (25108)
ইত্যুক্তাব ভগবান্স্কন্দং পরিপূজ্য মহেশ্বরঃ।
অয়োজয়ন্নিগ্রহার্থং মহিষস্ গতায়ুষঃ'।
সস্মার চ তদা স্কন্দং মৃত্যুং তস্য দুরাত্মনঃ ॥ 3-232-66 (25109)
মহিষোঽপি রথং দৃষ্ট্বা রৌদ্রং রুদ্রস্ চানদৎ।
দেবান্সংত্রাসয়ংশ্চাপি দৈত্যাংস্চাপিপ্রহর্ষয়ৎ ॥ 3-232-67 (25110)
ততস্তস্মিনভয়ে ঘোরে দেবানাং সমুপস্থিতে।
আজগাম মহাসেনঃ ক্রোধাৎসূর্য ইব জ্বলন্ ॥ 3-232-68 (25111)
লোহিতাম্বরসংবীতো লোহিতস্রগ্বিভূষণঃ।
লোহিতাশ্বো মহাবাহুর্হিরণ্যকবচঃ প্রভুঃ ॥ 3-232-69 (25112)
রথমাদিত্যসংকাশমাস্থিতঃ কনকপ্রভম্।
তং দৃষ্ট্বা দৈত্যসেনা সা ব্যদ্রবৎসহসা রণে ॥ 3-232-70 (25113)
স চাপি তাং প্রজ্বলিতাং মহিষস্ বিদারিণীম্।
মুমোচ শক্তিং রাজেনদ্র মহাসেনো মহাবলঃ ॥ 3-232-71 (25114)
সা মুক্তাঽভ্যহরত্তস্য মহিষস্য শিরো মহৎ।
পপাত ভিন্নে শিরসি মহিষস্ত্যক্তজীবিতঃ ॥ 3-232-72 (25115)
পততা শিরসা তেন দ্বারং ষোডশয়োজনম্।
পর্বতাভেন পিহিতং তদাঽগম্যং ততোঽভবৎ।
উত্তরাঃ কুরবস্তেন গচ্ছন্ত্যদ্য যথাসুম্ ॥ 3-232-73 (25116)
ক্ষিপ্তাক্ষিপ্তা তু সা শক্তির্হৎবা শত্রূন্সহস্রশঃ।
স্কন্দহস্তমনুপ্রাপ্তা দৃশ্যতে দেবদানবৈঃ ॥ 3-232-74 (25117)
প্রায়ঃ শরৈর্বিনিহতা মহাসেনেন ধীমতা।
শেষা দৈত্যগণা ঘোরা ভীতাস্ত্রস্তা দুরাসদৈঃ।
স্কন্দপারিষদৈর্হৎবা ভক্ষিতাশ্চ সহস্রশঃ ॥ 3-232-75 (25118)
দনবান্ভক্ষয়ন্তস্তে প্রপিবন্তশ্চ শোণিতম্।
ক্ষণান্নির্দানবং সর্বমকার্ষুর্ভৃশহর্ষিতাঃ ॥ 3-232-76 (25119)
তমাংসীবয়থা সূর্যো বৃক্ষানগ্নির্ঘনান্খগঃ।
তথাস্কন্দোঽজয়চ্ছত্রূন্স্বেন বীর্যেণ কীর্তিমান্ ॥ 3-232-77 (25120)
সংপূজ্যমানস্ত্রিদশৈরভিবাদ্য মহেশ্বরম্।
শুশুভে কৃতিকাপুত্রঃ প্রকীরণাংশুরিবাংশুমান্ ॥ 3-232-78 (25121)
নষ্টশত্রুর্যদা স্কন্দঃ প্রয়াতস্তু মহেশ্বরম্।
তদাঽব্রবীন্মহাসেনং পরিষ্বজ্য পুরংদরঃ ॥ 3-232-79 (25122)
ব্রহ্মদত্তবরঃ স্কন্দ ৎবয়াঽয়ং মহিষো হতঃ।
`হজয়্যো যুধি দেবানাং দানবঃ স মহাবলঃ' ॥ 3-232-80 (25123)
দেবাস্তৃণসমা যস্য ববূবুর্জয়তাংবর।
সোঽয়ং ৎবয়া মহাবাহো শমিতো দেবকণ্টকঃ ॥ 3-232-81 (25124)
শতং মহিষতুল্যানাং দানবানাং ৎবয় রণে।
নিহতংদেবশত্রূণাং যৈর্বয়ং পূর্বতাপিতাঃ ॥ 3-232-82 (25125)
তাবকৈর্ভক্ষিতাশ্চান্যে দানবাঃ শতসঙ্ঘশঃ।
অজেয়স্ৎবং রণেঽরীণামুমাপতিরিব প্রভুঃ ॥ 3-232-83 (25126)
এতত্তে প্রথমং দেব খ্যাতং কর্ম ভবিষ্যতি।
ত্রিষু লোকেষু কীর্তিশ্চ তবাক্ষয়্যা ভবিষ্যতি।
বশগাশ্চ ভবিষ্যনতি সুরাস্তব মহাভুজ ॥ 3-232-84 (25127)
মহাসেনমেবমুক্ৎবা নিবৃত্তঃ সহ দৈবতৈঃ।
অনুজ্ঞাতো ভগবতা ত্র্যম্বকেণ শচীপতিঃ ॥ 3-232-85 (25128)
গতো ভদ্রবটংরুদ্রো নিবৃত্তাশ্চ দিবৌকসঃ।
উক্তাশ্চ দেবা রুদ্রেণ স্কন্দং পশ্যত মামিব ॥ 3-232-86 (25129)
স হৎবা দানবগণান্পূজ্যমানো মহর্ষিভিঃ।
একাহ্নৈবাজয়ৎসর্বং ত্রৈলোক্যং বহ্নিনন্দনঃ ॥ 3-232-87 (25130)
স্কন্দস্ য ইদং বিপ্রঃ পঠেজ্জন্ম সমাহিতঃ।
`শৃণুয়াদ্ব্রাহ্মণেভ্যো যঃ শ্রাবয়েদ্বাবিচেতনম্ ॥ 3-232-88 (25131)
ধনমায়ুর্যশো দীপ্তিং পুত্রাঞ্শত্রুজয়ংতথা'।
সপুষ্টিমিহসংপ্রাপ্য স্কন্দসালোক্যমাপ্নুয়াৎ ॥ 3-232-89 (25132)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি দ্বাত্রিংশদধিকদ্বিশততমোঽধ্যায়ঃ ॥ 232 ॥
Mahabharata - Vana Parva - Chapter Footnotes
3-232-8 জৃম্ভকৈর্গ্রহবিশেষৈঃ ভাস্করৈর্যক্ষরক্ষোভিঃ ইতি ধ.পাঠঃ ॥ 3-232-23 বিদ্যাগণাঃ স্তুতিপদ্যসমূহ্যঃ ॥ 3-232-62 কূবরং ধূঃপ্রদেশম্ ॥ 3-232-63 রেসতুঃ শব্দং চক্রতুঃ। রোদসী দ্যাবাভূমী ॥অরণ্যপর্ব - অধ্যায় 233
॥ শ্রীঃ ॥
3.233. অধ্যায়ঃ 233
Mahabharata - Vana Parva - Chapter Topics
মার্কণ্ডেয়েন যুধিষ্ঠিরায় স্কন্দনাম্নাং কীর্তনম্ ॥Mahabharata - Vana Parva - Chapter Text
3-233-0 (25133)
যুধিষ্ঠির উবাচ। 3-233-0x (2579)
ভগবঞ্শ্রোতুমিচ্ছামি নামানি চ মহাত্মনঃ।
তরিষু লোকেষু যান্যস্য বিখ্যাতানি দ্বিজোত্তম ॥ 3-233-1 (25134)
বৈশম্পায়ন উবাচ। 3-233-2x (2580)
ইত্যুক্তঃ পাণ্ডবেয়েন মহাত্মা ঋষিসন্নিধৌ।
উবাচ ভগবাংস্তত্র মার্কণ্ডেয়ো মহাতপাঃ ॥ 3-233-2 (25135)
আগেয়শ্চৈব স্কনদশ্চ দীপ্তকীর্তিরনাময়ঃ।
ময়ূরকেতুর্ধর্মাত্মা ভূতেশো মহিষার্দনঃ ॥ 3-233-3 (25136)
কামজিৎকামদঃ কান্তঃ সত্যবাগ্ভুবনেশ্বরঃ।
শিশুঃ শীঘ্রঃ শুচিশ্চণ্ডো দীপ্তবর্ণঃ শুভাননঃ ॥ 3-233-4 (25137)
অমোঘস্ৎবনঘো রৌদ্রঃ প্রিয়শ্চন্দ্রাননস্তথা।
দীপ্তশক্তিঃ প্রশান্তাত্মা নদ্রকুক্কুটমোহনঃ ॥ 3-233-5 (25138)
ষষ্ঠীপ্রিয়শ্চ ধর্মাত্মা পবিত্রো মাতৃবৎসলঃ।
কন্যাভর্তা বিভক্তশ্চ স্বাহেয়ো রেবতীসুতঃ ॥ 3-233-6 (25139)
প্রভুর্নেতা বিশাখশ্চ নৈগমেয়ঃ সুদুশ্চরঃ।
সুব্রতো ললিতশ্চৈববালক্রীডনকপ্রিয়ঃ ॥ 3-233-7 (25140)
খচারী ব্রহ্মচারী চ শূরঃ শরবণোদ্ভবঃ।
বিশ্বামিত্রপ্রিয়শ্চৈব দেবসেনাপ্রিয়স্তথা।
বাসুদেবপ্রিয়শ্চৈব প্রিয়ঃ প্রিয়কৃদেব তু ॥ 3-233-8 (25141)
নামান্যেতানি দিব্যানি কার্তিকেয়স্য যঃ পঠেৎ।
স্বর্গং কীর্তিং ধনং চৈব স লভেন্নাত্র সংশয়ঃ ॥ 3-233-9 (25142)
মার্কণ্ডেয় উবাচ। 3-233-10x (2581)
স্তোষ্যামি দেবৈর্ঋষিভিশ্চ জুষ্টং
শক্ত্যা গুহংনামভিরপ্রমেয়ম্।
ষডাননং শক্তিধরং সুবীরং
নিবোধ চৈতানি কুরুপ্রবীর ॥ 3-233-10 (25143)
ব্রহ্মণ্যো বৈ ব্রহমজো ব্রহ্মবিচ্চ
ব্রহ্মেশয়ো ব্রহ্মবতাংবরিষ্ঠঃ।
ব্রহ্মপ্রিয়ো ব্রাহ্মণসর্বমন্ত্রী
ৎবং ব্রহ্মণাং ব্রাহ্মণানাংচ নেতা ॥ 3-233-11 (25144)
স্বাহা স্বধা ৎবংপরমং পবিত্রং
মন্ত্রস্তুতস্ৎবংপ্রথিতঃ ষডর্চিঃ।
সংবৎসরস্ৎবমৃতবশ্চ ষড্বৈ
মাসার্ধমাসাশ্চদিনং দিশশ্চ ॥ 3-233-12 (25145)
ৎবংপুষ্করাক্ষস্ৎবরবিন্দবক্রঃ
সহস্রচক্ষোসি সহস্রবাহুঃ।
ৎবং লোকপালঃ পরমং হবিশ্চ
ৎবং ভাবনঃ সর্বসুরাসুরাণাম্ ॥ 3-233-13 (25146)
ৎবমেব সেনাধিপতিঃ প্রচণ্ডঃ
প্রভুর্বিভুশ্চাপ্যথ শক্রজেতা।
সহস্রপাত্ৎবং ধরণী ৎবমেব
সহস্রতুষ্টিশ্চ সহস্রভুক্ব ॥ 3-233-14 (25147)
সহস্রশীর্ষস্ৎবমনন্তরূপঃ।
সহস্রপাত্ৎবংদশশক্তিধারী।
গঙ্গাসুতস্ৎবং স্বমতেন দেব
স্বাহামহীকৃত্তিকানাং তথৈব ॥ 3-233-15 (25148)
ৎবং ক্রীডসে ষণ্মুখ কুক্কুটেন
যথেষ্টনানাবিধকামরূপী।
দীক্ষাঽসি সোমো মরুতঃ সদৈব
ধর্মোঽসি বায়ুরচলেন্দ্র ইন্দ্রঃ ॥ 3-233-16 (25149)
সনাতনানামপি শাশ্বতস্ৎবং
প্রভুঃ প্রভূণামপি চোগ্রধন্বা।
ঋতস্য কর্তা দিতিজান্তকস্ৎবং
জতা রিপূণাং প্রবরঃ সুরাণাম্ ॥ 3-233-17 (25150)
সূক্ষ্মং তপস্তৎপরমং ৎবমেব
পরাবরজ্ঞোসি পরাবরস্ৎবম্।
ধর্মস্য কামস্য পরস্য চৈব
ৎবত্তেজসা কৎস্নমিদং মহাত্মন্ ॥ 3-233-18 (25151)
ব্যাপ্তং জগৎসর্বসুরপ্রবীর
শক্ত্যা ময়া সংস্তুত লোকনাথ।
নমোস্তু তে দ্বাদশনেত্রবাহো
অতঃ পরং বেদ্মি গতিং ন তেঽহম্ ॥ 3-233-19 (25152)
স্কন্দস্য য ইদং বিপ্রঃ পঠেজ্জন্ম সমাহিতঃ।
শ্রাবয়েদ্ব্রাহ্মণেভ্যো যঃ শৃণুয়াদ্বা দ্বিজেরিতম্ ॥ 3-233-20 (25153)
ধনমায়ুর্যশো দীপ্তং পুত্রাঞ্শত্রুজয়ং তথা।
স পুষ্টিতুষ্টী সংপ্রাপ্য স্কন্দসালোক্যমাপ্নুয়াৎ ॥ 3-233-21 (25154)
ইতি শ্রীমন্মহাভারতে অরণ্যপর্বণি মার্কণ্ডেয়সমাস্যাপর্বণি ত্রয়স্ত্রিংশদধিকদ্বিশততমোঽধ্যায়ঃ ॥ 233 ॥
Mahabharata - Vana Parva - Chapter Footnotes
3-233-4 কামজিৎপূণমনোরথঃ ॥ 3-233-10 জুষ্টং সেবিতম্ ॥ 3-233-11 ব্রহ্মণ্যো ব্রাহ্মণেষু সাধুঃ। ব্রহ্মজোবেদোক্তেন গর্ভাধানাদিকর্মণাজাতঃ। ব্রহ্মবিদ্বেদার্থজ্ঞাতা। ব্রহ্মে ব্রহ্মণি কর্মব্রহ্মরূপে শেতে ইতি ব্রহ্মেশয়ঃ। অদন্তৎবমার্ষম্। কর্মব্রহ্মনিষ্ঠাবানিত্যর্থঃ। ব্রাহ্মণসব্রতীতি পাঠে ব্রাহ্মণো ব্রহ্মবিত্তেন সহ সমানং ব্রতমদ্বেষ্টৃৎবাদিরূপং যস্য স ব্রাহ্মণসব্রতী ॥ 3-233-12 বষডর্চিঃষণ্মুখৎবাৎবড্জিহ্বঃ ॥অরণ্যপর্ব - অধ্যায় 234
॥ শ্রীঃ ॥
3.234. অধ্যায়ঃ 234
Mahabharata - Vana Parva - Chapter Topics
সত্যভাময়া পতিবশীকরণোপায়ং পৃষ্টয়া দ্রৌপদ্যাতদুত্তারদানব্যাজেন পতিব্রতাধর্মকথনম্ ॥ 1 ॥Mahabharata - Vana Parva - Chapter Text
3-234-0 (25155)
বৈশম্পায়ন উবাচ। 3-234-0x (2582)
উপাসীনেষু বিপ্রেষু পাণ্ডবেষু চ ভারত।
দ্রৌপদী সত্যভামা চ বিবিশাতে তদা সমম্ ॥ 3-234-1 (25156)
`প্রবিশ্য চাশ্রমং পুণ্যমুভে তে পরমস্ত্রিয়ৌ'।
জাহস্যমানে সুপ্রীতে সুখং তত্র নিষীদতুঃ ॥ 3-234-2 (25157)
চিরস্ দৃষ্ট্বা রাজেন্দ্র তেঽন্যোন্যস্য প্রিয়ংবদে।
কথয়ামাসতুশ্চিত্রাঃ কথাঃ কুরুয়দূচিতাঃ ॥ 3-234-3 (25158)
অথাব্রবীৎসত্যভামা কৃষ্ণস্ মহিষী প্রিয়া।
সাত্রাজিতী যাজ্ঞসেনীং রহসীদং সুমধ্যমা ॥ 3-234-4 (25159)
কেন দ্রৌপদি বৃত্তেন পাণ্ডবানধিতিষ্ঠসি।
লোকপালোপমান্বীরান্নূনং পরমসংমতান্ ॥ 3-234-5 (25160)
কথং চ বশগস্তুভ্যং ন কুপ্যন্তি চ তে শুভে।
তব বশ্যা হি সতত পাণ্ডবাঃ প্রিয়দর্শনে ॥ 3-234-6 (25161)
`ন চান্যোন্যমসূয়ন্তে কথং বা তে সুমধ্যমে'।
মুখপ্রেক্ষাশ্চ তে সর্বে তত্ৎবমেতদ্ব্রবীহি মে ॥ 3-234-7 (25162)
ব্রতচর্যা তপো বাঽপি স্নানমন্ত্রৌষধানি বা।
বিদ্যাবীর্যং মূলবীর্যংজপহোমাগদাস্তথা ॥ 3-234-8 (25163)
মমাদ্যাচক্ষ্বপাঞ্চালি যশস্যং ভগবেতনম্।
যেন কৃষ্ণে ভবেন্নিত্যং মম কৃষ্ণো বশানুগঃ ॥ 3-234-9 (25164)
এবমুক্ৎবাসত্যভামা বিররাম যশস্বিনী।
পতিব্রতা মহাভাগা দ্রৌপদী প্রত্যুবাচ তাম্ ॥ 3-234-10 (25165)
অসৎস্ত্রীণাং সমাচরং সত্যে মামনুপৃচ্ছসি।
অসদাচরিতে মার্গে কথং স্যাদনুকীর্তনম্ ॥ 3-234-11 (25166)
অনুপ্রশ্নঃ সংশয়ো বা নৈষ ৎবয়্যুপপদ্যতে।
কথং হ্যুপেতা বুদ্ধ্যা ৎবংকৃষ্ণস্ মহিষী প্রিয়া ॥ 3-234-12 (25167)
যদৈব ভর্তা জানীয়ানমন্ত্রমূলপরাং স্ত্রিয়ম্।
উদ্বিজেত তদৈবাস্যাঃ সর্পাদ্বেশ্মগতাদিব ॥ 3-234-13 (25168)
উদ্বিগ্নস্য কুতঃ শান্তিরশান্তস্য কুতঃ সুখম্।
ন জাতু বশগো ভর্তা স্ত্রিয়াঃ স্যান্মন্ত্রকারণাৎ ॥ 3-234-14 (25169)
কিমত্রপ্রহিতাশ্চাপি গদাঃ পরমদারুণাঃ।
মূলপ্রবাদৈর্হি বিষং প্রয়চ্ছন্তি জিঘাংসবঃ বব 3-234-15 (25170)
জিহ্বয়া যানি পুরুষস্ৎবচা বাপ্যুপসেবতে।
তত্র চূর্ণানি দত্তানি হন্যুঃ ক্ষিপ্রমসংশয়ম্ ॥ 3-234-16 (25171)
জলোদরসমায়ুক্তাঃ শ্বিত্রিণঃ পলিতাস্তথা।
অপুমাংসঃ কৃতাঃ স্ত্রীভির্জডান্ধবধিরাস্তথা ॥ 3-234-17 (25172)
পাপানুগাস্তু পাপাস্তাঃ পতীনুপসৃজন্ত্যুত।
ন জাতু বিপ্রিয়ং ভর্তুঃ স্ত্রিয়া কার্যং কথংচন ॥ 3-234-18 (25173)
বর্তাম্যহং তু যাং বৃত্তিং পাণ্ডবেষু মহাত্মসু।
তাং সর্বাং শৃণু মে সত্যাং সত্যভামে যশস্বিনি ॥ 3-234-19 (25174)
অহংকারং বিহায়াহং কামক্রোধৌ চ সর্বদা।
সদারান্পাণ্ডবান্নিত্যং প্রয়তোপচরাম্যহম্ ॥ 3-234-20 (25175)
প্রণয়ং প্রতিসংহৃত্য নিধায়াত্মানমাত্মনি।
শুশ্রূষুর্নিরভীমানা পতীনাং চিত্তরক্ষিণী ॥ 3-234-21 (25176)
দুর্ব্যাহৃতাচ্ছঙ্কমানা দুস্থিতাদ্দুরবেক্ষিতাৎ।
দুরাসিতাদ্দুর্ব্রজিতাদিঙ্গিতাধ্যাসিতাদপি ॥ 3-234-22 (25177)
সূর্যবৈশ্বানরসমান্সোমকল্পান্মহারথান্।
সেবে চক্ষুর্হণঃ পার্থানুগ্রবীর্যপ্রতাপিনঃ ॥ 3-234-23 (25178)
দেবো মনুষ্যো গন্ধর্বো যুবা চাপি স্বলংকৃতঃ।
দ্রব্যবানভিরূপো বা ন মেঽন্যঃ পুরুষো মতঃ ॥ 3-234-24 (25179)
ন ভুক্তবতি ন স্নাতে নাসংবিষ্টে চ ভর্তরি।
ন সংবিশামি নাশ্নামি ন স্নায়ে কর্ম কুর্বতী ॥ 3-234-25 (25180)
ক্ষেত্রাদ্বনাদ্বা গ্রামাদ্বা ভর্তারং গুহমাগতম্।
অভ্যুত্থায়াভিনন্দামি আসনেনোদকেন চ ॥ 3-234-26 (25181)
প্রসন্নভাণ্ডা মৃষ্টান্না কালে ভোজনদায়িনী।
সংয়তা গুপ্তধান্যা চ সুসংমৃষ্টনিবেশনা ॥ 3-234-27 (25182)
অতিরস্কৃতসংভাষা দুঃস্ত্রিয়ো নানুসেবতী।
অনুকূলবতী নিত্যং ভবাম্যনলসা সদা ॥ 3-234-28 (25183)
অনর্ম চাপি হসিতং দ্বারি স্থানমভীক্ষ্ণশঃ।
অবস্করে চিরস্থানং নিষ্কুটেষু চ বর্জয়ে ॥ 3-234-29 (25184)
`অত্যালাপমসন্তোষং পরব্যাপারসংকথাঃ'।
অতিহাসাতিরোষৌ চ ক্রোধস্থানং চ বর্জয়ে ॥ 3-234-30 (25185)
নিরতাঽহং সদা সত্যে পাপানাং চ বিবর্জনে।
সর্বথা ভর্তুরহিতং ন মমেষ্টং কথংচন ॥ 3-234-31 (25186)
যদা প্রবসতে ভর্তা কুটুম্বার্থেন কেনচিৎ।
সুমনোবর্ণকাপেতা ভবামি ব্রতচারিণী ॥ 3-234-32 (25187)
যচ্চ ভর্তা ন পিবতি যচ্চ ভর্তা ন সেবতে।
যচ্চ নাশ্নাতি মে ভর্তা সর্বং তদ্বর্জয়াম্যহম্ ॥ 3-234-33 (25188)
যথোপদেশং নিয়তা বর্তমানা বরাঙ্গনে।
স্বলংকৃতা সুপ্রয়তা ভর্তুঃ প্রিয়হিতে রতা ॥ 3-234-34 (25189)
যে চ ধর্মাঃ কুটুম্বেষু শ্বশ্র্বামে কথিতাঃ পুরা।
`অনুতিষ্ঠামি তান্সত্যে নিত্যকালমতন্দ্রিতা' ॥ 3-234-35 (25190)
ভিক্ষাবলিশ্রাদ্ধবিধিস্থালীপাকাশ্চ পর্বসু।
মান্যানাং মানসৎকারা যে চান্যে বিদিতা মম ॥ 3-234-36 (25191)
তান্সর্বাননুবর্তামি দিবারাত্রমতন্দ্রিতা।
বিনয়াননিয়মাংশ্চৈব সদা সর্বাত্মনা শ্রিতা ॥ 3-234-37 (25192)
মৃদূন্সতঃ সত্যশীলান্সত্যধর্মানুপালিনঃ।
স দেবঃ সা গতির্নার্যাস্তস্য কা বিপ্রিয়ং চরেৎ ॥ 3-234-38 (25193)
পত্যাশ্রয়ো হি মে ধর্মো মতঃ স্ত্রীণাং সনাতনঃ।
স দেবঃ সা গতির্নার্যাস্তস্য কাবিপ্রিয়ং চরেৎ ॥ 3-234-39 (25194)
অহং পতীন্নাতিশয়ে নাত্যশ্নে নাতিভূষয়ে।
নাপি শ্বশ্রূং পরিবদে সর্বদা পরিয়ন্ত্রিতা ॥ 3-234-40 (25195)
অবধানেন সুভগে নিত্যোত্থিততয়ৈব চ।
ভর্তারো বশগা মহ্যং গুরুশুশ্রূষয়ৈব চ ॥ 3-234-41 (25196)
নিত্যমার্যামহং কুন্তীং বীরসূং সত্যবাদিনীম্।
স্বয়ং পরিচরাম্যতাং পানাচ্ছাদনভোজনৈঃ ॥ 3-234-42 (25197)
নৈতামতিশয়ে জাতু বস্ত্রভূষণভোজনৈঃ।
ন বদে চাপ্যতিবাচা তাং পৃথাং পৃথিবীসমাম্ ॥ 3-234-43 (25198)
অষ্টাবগ্রে ব্রাহ্মণানাং সহস্রাণি স্ম নিত্যদা।
ভুঞ্জতে রুক্মপাত্রীষু যুধিষ্ঠিরনিবেশনে ॥ 3-234-44 (25199)
অষ্টাশীতিসহস্রাণি স্নাতকা গৃহমেধিনঃ।
ত্রিংশদ্দাসীক একৈকো যান্বিভর্তি যুধিষ্ঠিরঃ ॥ 3-234-45 (25200)
দশান্যানি সহস্রাণি যেষামন্নং সুসংস্কৃতম্।
হ্রিয়তে রুক্মপাত্রীভির্যতীনামূর্ধ্বরেতসাম্ ॥ 3-234-46 (25201)
তান্সর্বানগ্রহারেণ ব্রাহ্মণান্বেদবাদিনঃ।
যথার্হং পূজয়ামি স্ম পানাচ্ছাদনভোজনৈঃ ॥ 3-234-47 (25202)
শতং দাসীসহস্রাণি কৌন্তেয়স্য মহাত্মনঃ।
কম্বুকেয়ূরধারিণ্যো নিষ্ককণ্ঠ্যঃ স্বলংকৃতাঃ ॥ 3-234-48 (25203)
মহার্হমাল্যাভরণাঃ সুবর্ণাশ্চন্দনোক্ষিতাঃ।
মণীন্হেম চ বিভ্রত্যো নৃত্তগীতবিশারদাঃ ॥ 3-234-49 (25204)
তাসাং নাম চ রূপংচ ভোজনাচ্ছাদনানি চ।
সর্বাসামেব বেদাহং কর্ম চৈব কৃতাকৃতম্ ॥ 3-234-50 (25205)
শতং দাসীসহস্রাণি কুন্তীপুত্রস্য ধীমতঃ।
পাত্রীপস্তা দিবারাত্রমতিথীন্ভোজয়ন্ত্যুত ॥ 3-234-51 (25206)
শতমশ্বসহস্রাণি দশনাগায়ুতানি চ।
যুধিষ্ঠিরস্যানুয়াত্রমিন্দ্রপ্রস্থনিবাসিনঃ ॥ 3-234-52 (25207)
এতদাসীত্তদা রাজ্ঞো যন্মহীং পর্যপালয়ৎ।
যেষাং সঙ্খ্যাবিধিং চৈব প্রদিশামি শৃণোমি চ ॥ 3-234-53 (25208)
অন্তঃপূরাণাং সর্বেষাং ভৃত্যানাং চৈব সর্বশঃ।
আগোপালাবিপালেভ্যঃ সর্বং বেদ কৃতাকৃতম্ ॥ 3-234-54 (25209)
সর্বং রাজ্ঞঃ সমুদয়মায়ং চ ব্যযমেব চ।
একাঽহংবেদ্মি কল্যাণি পাণ্ডবানাং যশস্বিনি ॥ 3-234-55 (25210)
ময়ি সর্বং সমাসজ্যকুটুম্বং ভরতর্ষভাঃ।
উপাসনরতাঃ সর্বে ঘটয়ন্তি বরাননে ॥ 3-234-56 (25211)
তমহং ভারমাসক্তমনাধৃষ্যং দুরাত্মভিঃ।
সুখং সর্বংপরিত্যজ্যরাত্র্যহানি ঘটামি বৈ ॥ 3-234-57 (25212)
অধৃষ্যং বরুণস্যেব নিধিপূর্ণমিবোদধিম্।
একাহং বেদ্মি কোশং বৈ পতীনাং ধর্মচারিণাম্ ॥ 3-234-58 (25213)
অনিশায়াং নিশায়াং চ বিহায় ক্ষুৎপিপাসয়োঃ।
আরাধয়ন্ত্যাঃ কৌরব্যাংস্তুল্যা রাত্রিরহশ্চ মে ॥ 3-234-59 (25214)
প্রথমং প্রতিবুধ্যামি চরমং সংবিশামি চ।
নিত্যকালমহং সত্যে এতৎসংবননং মম ॥ 3-234-60 (25215)
এতজ্জানাম্যহং কর্তুং ভর্তৃসংবননং মহৎ।
অসৎস্ত্রীণাং সমাচারং নাহং কুর্যাং ন কাময়ে ॥ 3-234-61 (25216)
বৈশম্পায়ন উবাচ। 3-234-62x (2583)
তচ্ছ্রুৎবা ধর্মসহিতং ব্যাহৃতং কৃষ্ণয়া তদা।
উবাচ সত্যা সৎকৃত্য পাঞ্চালীং ধর্মচারিণীং ॥ 3-234-62 (25217)
অভিপন্নাঽস্মি পাঞ্চালি যাজ্ঞসেনি ক্ষমস্ব মে।
কামকারঃ সখীনং হি সোপহাসং প্রভাষিতম্ ॥ 3-234-63 (25218)
ইতি শ্রীমন্মহাভারতে অরণ্যপর্বণি দ্রৌপদীসত্যভামাসংবাদপর্বণি চতুস্ত্রিংশদধিকদ্বিশততমোঽধ্যায়ঃ ॥ 234 ॥
Mahabharata - Vana Parva - Chapter Footnotes
3-234-1 সমমেকত্র। বিবিশাতে তদাশ্রমমিতি ধ.পাঠঃ ॥ 3-234-2 জাহস্যমানে পরস্পরমতিশয়েন হসন্ত্যৌ ॥ 3-234-8 মূলবীর্যং মূলং অপ্রচ্যুতং তারুণ্যাদি তদ্বীর্যম্। অগদোঽঞ্জনাদিরৌষধম্ ॥ 3-234-9 ভগদৈবতমিতি ঝ. পাঠঃ। ভগদৈবত সৌভাগ্যবর্ধকং সৌরব্রতাদিকম্। বশানুগ ইচ্ছানুসারী ॥ 3-234-11 হে সত্যে অনুকীর্তনমুত্তরম্ ॥ 3-234-17 জলোদরঃ উদররোগঃ। শ্বিত্রিণঃ কুষ্ঠবন্তঃ ॥ 3-234-18 উপসৃজন্তি দোষৈর্যোজয়ন্তি ॥ 3-234-21 প্রণয়ং ঈর্ষ্যাম্। আত্মানং চিত্তম্। আত্মনি স্বস্মিন্। নিরভিমানা দর্পহীনা ॥ 3-234-22 ইঙ্গিতং অভিপ্রায়ঃ অধ্যাসিতঃ ক্ষিপ্তো যস্মিন্ কটাক্ষো তস্মাৎ ইঙ্গিতাধ্যাসিতাৎ ॥ 3-234-23 চক্ষুর্হণঃ দৃষ্ট্বৈব রিপূন্ ঘ্নন্তি তাদৃশান্। সেবে শত্রুহণান্পার্থানিতি ক. ট. ধ. পাঠঃ ॥ 3-234-24 অভিরূপঃ সুন্দরঃ ॥ 3-234-28 অতিরস্কৃতসংভাষা তিরস্কারশূন্যবচনা ॥ 3-234-29 অনর্ম পরিহাসহীনম্। হসিতং হাসঃ। স্থানং স্থিতিম্। অবস্করে তিরস্করোমি। কিরতেরিদং রূপম্। নিষ্কুটেষু গৃহারামেষু ॥ 3-234-32 সুমনোবর্ণকাপেতা পুষ্পৈরনুলেপনৈশ্চ বর্জিতা ॥ 3-234-36 মানঃ পূজা। সৎকার আদরঃ ॥ 3-234-40 নাতিশয়ে নাতিক্রমামি। ন পরিবদে ন নিন্দামি ॥ 3-234-41 অবধানেন অপ্রমাদেন। মহ্যং মম ॥ 3-234-47 অগ্রহারেণ বৈশ্বদেবান্তে প্রথমদেয়েনান্নেব ॥ 3-234-52 অনুয়াত্রং স্বৈরয়াত্রায়ামপি পরিবারভূতম্ ॥ 3-234-54 বেদবেদ্মি ॥ 3-234-60 সংবননং বশীকরণম্ ॥ 3-234-63 অভিপন্না প্রার্থয়ানা ॥অরণ্যপর্ব - অধ্যায় 235
॥ শ্রীঃ ॥
3.235. অধ্যায়ঃ 235
Mahabharata - Vana Parva - Chapter Topics
দ্রৌপদ্যা সত্যভামাংপ্রতি পতিবশীকরণোপায়োপদেশব্যাজেন পতিব্রতাধর্মকথনম্ ॥ 1 ॥Mahabharata - Vana Parva - Chapter Text
3-235-0 (25219)
দ্রৌপদ্যুবাচ। 3-235-0x (2584)
ইমং তু তে মার্গমপেতদোষং
বক্ষ্যামি চিত্তগ্রহণায় ভর্তুঃ।
অস্মিন্যথাবৎসখি বর্তমানা
ভর্তারমাচ্ছেৎস্যসি কামিনীভ্যঃ ॥ 3-235-1 (25220)
নৈতাদৃশং দৈবতমস্তি কিংচি-
ৎসর্বেষুলোকেষু সদেবকেষু।
যথা পতিস্তস্য তু সর্বকামা
লভ্যাঃ প্রসাদে কুপিতশ্ হন্যাৎ ॥ 3-235-2 (25221)
তস্মাদপত্যং বিবিধাশ্ ভোগাঃ
শয়্যাসনান্যদ্ভুতদর্শনানি।
বস্ত্রাণি মাল্যানি তথৈব গন্ধাঃ
স্বর্গশ্চলোকো বিপুলা চ কীর্তিঃ ॥ 3-235-3 (25222)
সুখং সুখনেহ ন জাতু লভ্যং
দুঃখেন সাধ্বী লভতে সুখানি।
সা কৃষ্ণমারাধয় সৌহৃদেন
প্রেম্ণা চ নিত্যং প্রতিকর্মণা চ ॥ 3-235-4 (25223)
স্নানাসনৈশ্চারুভিরগ্রমাল্যৈ-
র্দাক্ষিণ্যযোগৈর্বিবিধৈশ্চ গন্ধৈঃ।
অস্যাঃ প্রিয়োস্মীতি যথা বিদিৎবা
ৎবামেব সংশ্লিষ্যতি সর্বভাবৈঃ ॥ 3-235-5 (25224)
শ্রুৎবা স্বরং দ্বারগতস্ ভর্তুঃ
প্রত্যুত্থিতা তিষ্ঠ গৃহস্য মধ্যে।
দৃষ্ট্বা প্রবিষ্টং ৎবরিতাঽসনেন
পাদ্যেন চৈনং প্রতিপূজয়স্ব ॥ 3-235-6 (25225)
সংপ্রেষিতায়ামথ চৈব দাস্যা-
মুত্থায় সর্বং স্বয়মেব কার্যম্।
জানাতু কৃষ্ণস্তব ভাবমেতং
সর্বাত্মনা মাং ভজতীতি সত্যে ॥ 3-235-7 (25226)
ৎবৎসংনিধৌ যৎকথয়েৎপতিস্তে
যদ্যপ্যগুহ্যং পরিরক্ষিতব্যম্।
কাচিৎসপত্নী তব বাসুদেবং
প্রত্যাদিশেত্তেন ভবেদ্বিরাগঃ ॥ 3-235-8 (25227)
প্রিয়াংশ্চ রম্যাংশ্চ হিতাংশ্ ভর্তু-
স্তান্ভোজয়েথা রবিবিধৈরুপায়ৈঃ।
দ্বেষ্যৈরুপেক্ষ্যৈরহিতৈশ্ তস্য
ভিদ্স্বনিত্যং কুহকোদ্ধতৈশ্চ ॥ 3-235-9 (25228)
মদং প্রমাদং পুরুষেষু হিৎবা
সংয়চ্ছ মানং প্রতিগৃহ্ বাচম্।
প্রদ্যুম্নসাম্বাবপি তে কুমারৌ
নোপাসিতব্যৌ রহিতে কদাচিৎ ॥ 3-235-10 (25229)
মহাকুলীনাভিরপাপিকাভিঃ
স্ত্রীভিঃ সতীভিস্তব সখ্যমস্তু।
চণ্ডাশ্ শৌণ্ডাশ্চ মহাশনাশ্চ
চোরাশ্চ দুষ্টাশ্চপলাশ্চ বর্জ্যাঃ ॥ 3-235-11 (25230)
এতদ্যশস্যং ভগবেতনং চ
স্বার্থং তদা শত্রুনিবর্হণং চ।
মহার্হমাল্যাভরণাঙ্গরাগা
ভর্তারমারাধয় পুণ্যগন্ধৈঃ ॥ 3-235-12 (25231)
ইতি শ্রীমনমহাভারতে অরণ্যপর্বণি দ্রৌপদীসত্যভামাসংবাদপর্বণি পঞ্চত্রিংশততমোঽধ্যায়ঃ ॥ 235 ॥
Mahabharata - Vana Parva - Chapter Footnotes
3-235-1 আচ্ছেৎস্যসি বলাদ্ধরিষ্যসি। কামিনীভ্যঃ সপত্নীভ্যঃ। ভর্তারমাকর্ষসীতি থ. পাঠঃ ॥ 3-235-4 প্রতিকর্মণা কায়ক্লেশেন ॥ 3-235-5 সংশ্লিষ্যতি তদ্বিধৎস্বেতি ঝ. পাঠঃ ॥ 3-235-8 ন ভবেদ্বিকার ইতিট. পাঠঃ ॥ 3-235-10 তপ্রমাদং পুরুষেষু কৃৎবেতি ধ.পাঠঃ। নৈবং প্রমাণং কুহকেষু কুর্যা ইতি থ.পাঠঃ। রহিতে বিজনে ॥ 3-235-11 চণ্ডাঃ ক্রূরাঃ। শৌণ্ডাঃ পরাভিভবসমর্থাঃ। মহাশনাঃ বহুভুজঃ। দুষ্টাঃ দ্বেষাদ্যাক্রান্তাঃ। স্ত্রিয়ো বর্জ্যা ইতি শেষঃ ॥ 3-235-12 ভগদৈবতমিতি ঝ. পাঠঃ। ভগদৈবতং ভাগ্যকরম্ ॥অরণ্যপর্ব - অধ্যায় 236
॥ শ্রীঃ ॥
3.236. অধ্যায়ঃ 236
Mahabharata - Vana Parva - Chapter Topics
প্রিয়োক্তিভির্দ্রৌপদীং পরিসান্ৎবিতবত্যা সত্যভাময়া সহ শ্রীকৃষ্ণেন স্বপুরংপ্রতি গমনম্ ॥ 1 ॥Mahabharata - Vana Parva - Chapter Text
3-236-0 (25232)
বৈশম্পায়ন উবাচ। 3-236-0x (2585)
মার্কণ্ডেয়াদিভির্বিপ্রৈঃ পাণ্ডবৈশ্চ মহাত্মভিঃ।
কথাভিরনুকূলাভিঃ সহ স্তিৎবা জনার্দনঃ ॥ 3-236-1 (25233)
ততস্তৈঃ সংবিদং কৃৎবা যথাবন্মধুসূদনঃ।
আরুরুক্ষূ রথং সত্যামাহ্বয়ামাস ভারত ॥ 3-236-2 (25234)
সত্যভামা ততস্তত্র স্বজিৎবা দ্রুপদাত্মজাম্।
উবাচ বচনং হৃদ্যং যথাভাবং সমাহিতম্ ॥ 3-236-3 (25235)
কৃষ্ণে মাভূত্তবোৎকণ্ঠা মা ব্যথা মা প্রজাগরঃ।
ভর্তৃভির্দেবসংকাশৈর্জিতাং প্রাপ্স্যসি মেদিনীম্ ॥ 3-236-4 (25236)
ন হ্যেবং শীলসংপন্না নৈবং পূজিতলক্ষণাঃ।
প্রাপ্নুবন্তি চিরং ক্লেশং যথা ৎবমসিতেক্ষণে ॥ 3-236-5 (25237)
অবশ্যং চ ৎবয়া ভূমিরিয়ং নিহতকণ্টকা।
ভর্তৃভিঃ সহভোক্তব্যা নির্দ্বন্দ্বেতি শ্রুতং ময়া ॥ 3-236-6 (25238)
ধার্তরাষ্ট্রবধং কৃৎবাবৈরাণি প্তিয়াত্য চ।
যুধিষ্ঠিরস্থাং পৃথিবীং দ্রষ্টাসি দ্রুপদাত্মজে ॥ 3-236-7 (25239)
যাস্তাঃ প্রব্রাজপানাং ৎবাং প্রাহসন্দর্পমোহিতাঃ।
তাঃ ক্ষিপ্রং হতসংকল্পা দ্রক্ষ্যসি ৎবং কুরুস্ত্রিয়ঃ ॥ 3-236-8 (25240)
তব দুঃখোপপন্নায়া যৈরাচরিতমপ্রিয়ম্।
বিদ্ধি সংপ্রস্থিতান্সর্বাংস্তান্কৃষ্ণে যমসাদনম্ ॥ 3-236-9 (25241)
পুত্রস্তে প্রতিবিন্ধ্যশ্চ সুতসোমস্তথাবিধঃ।
শ্রুতকর্মাঽর্জুনিশ্চৈব শতানীকশ্চ নাকুলিঃ ॥ 3-236-10 (25242)
সহদেবাচ্চ যো জাতঃ শ্রুতসেনস্তবাত্মজঃ।
সর্বেকুশলিনো বীরাঃ কৃতাস্ত্রাশ্চ সুতাস্তব ॥ 3-236-11 (25243)
অভিমন্যুরিব প্রীতা দ্বারবত্যাং রতা ভৃশম্।
ৎবমিবৈষাং সুভদ্রা চ প্রীত্যা সর্বাত্মনা স্থিতা ॥ 3-236-12 (25244)
প্রীয়তে তব নির্দ্বন্দ্বা তেভ্যশ্চ বিগতজ্বরা।
দুঃখিতা তেন দুঃখেন সুখেন সুখিতা তথা ॥ 3-236-13 (25245)
ভজেৎসর্বাত্মনা চৈব প্রদ্যুম্নজননী তথা।
ভানুপ্রভৃতিভিশ্চৈনান্বিশিনষ্টি চ কেশবঃ ॥ 3-236-14 (25246)
ভোজনাচ্ছাদনে চৈষাং নিত্যং মে শ্বশুরঃ স্থিতঃ।
রামপ্রভৃতয়ঃ সর্বে ভজন্ত্যন্ধকবৃষ্ণয়ঃ ॥ 3-236-15 (25247)
তুল্যো হিপ্রণয়স্তেষাং প্রদ্যুম্নস্য চ ভামিনি।
এবমাদি প্রিয়ং সত্যংহৃদ্যমুক্ৎবা মনোনুগম্ ॥ 3-236-16 (25248)
গমনায় মনশ্চক্রেবাসুদেবরথং প্রতি।
তাং কৃষ্ণাং কৃষ্ণমহিষী চকারাভিপ্রদক্ষিণম্ ॥ 3-236-17 (25249)
আরুরোহ রথং শৌরেঃ সত্যভামাঽথ ভামিনী।
স্ময়িৎবাতু যদুশ্রেষ্ঠো দ্রৌপদীং পরিসান্ৎব্য চ।
উপাবর্ত্য ততঃ শীঘ্রৈর্হয়ৈঃ প্রায়াৎপরংতপঃ ॥ 3-236-18 (25250)
ইতি শ্রীমন্মহাভারতে অরণ্যপর্বণি দ্রৌপদীসত্যভামাসংবাদপর্বণি ষট্ত্রিংশদধিকদ্বিশততমোঽধ্যায়ঃ ॥ 236 ॥
Mahabharata - Vana Parva - Chapter Footnotes
3-236-2 সংবিদং সংভাষাম্ ॥ 3-236-3 স্বজিৎবা আশ্লিষ্য ॥ 3-236-4 কৃষ্ণে হেদ্রৌপদি ॥ 3-236-6 নির্দ্বন্দ্বা নিষ্প্রতিপক্ষা ॥ 3-236-16 প্রণয়ঃ স্নেহঃ ॥ 3-236-18 উপাবর্ত্য পাণ্ডবনিতি শেষঃ ॥অরণ্যপর্ব - অধ্যায় 237
॥ শ্রীঃ ॥
3.237. অধ্যায়ঃ 237
Mahabharata - Vana Parva - Chapter Topics
কস্মাচ্চিদ্ব্রাহ্মণাৎপাণ্ডববৃত্তান্তং শ্রুতবতা ধৃতরাষ্ট্রেণ পাণ্ডবান্প্রতি পরিশোচনম্ ॥ 1 ॥ তথা পাণ্ডবপরাক্রমানুস্মরণেন স্বপুত্রাণাং ভাবিবধনির্ধারণপূর্বকং তান্প্রতি পরিশোচনম্ ॥ 2 ॥Mahabharata - Vana Parva - Chapter Text
3-237-0 (25251)
জনসেজয় উবাচ। 3-237-0x (2586)
এবং বনে বর্তমানা নরাগ্র্যাঃ
শীতোষ্ণবাতাতপকর্শিতাঙ্গাঃ।
সরস্তদাসাদ্যবনং চ পুণ্যং
ততঃ পরংকিমকুর্বন্ত পার্থাঃ ॥ 3-237-1 (25252)
বৈশম্পায়ন উবাচ। 3-237-2x (2587)
সরস্তদাসাদ্য তু পাণ্ডুপুত্রা
জনং সমুৎসৃজ্য বিধায় চেষ্টম্।
বনানি রম্যাণ্যথ পর্বতাংশ্চ
নদীপ্রদেশাংশ্চ তদা বিচেরুঃ ॥ 3-237-2 (25253)
তথা বনে তান্বসতঃ প্রবীরান্
স্বাধ্যায়বন্তশ্চ তপোধনাশ্চ।
অভ্যায়যুর্বেদবিদঃ পুরাণা-
স্তান্পূজয়ামাসুরথো নরাগ্র্যাঃ ॥ 3-237-3 (25254)
ততঃ কদাচিৎকুশলঃ কথাসু
বিপ্রোঽভ্যগচ্ছদ্ভুবি কৌরবেয়ান্।
স তৈঃ সমেত্যাথ যদৃচ্ছয়ৈব
বৈচিত্রবীর্যং নৃপমভ্যগচ্ছৎ ॥ 3-237-4 (25255)
অথোপবিষ্টঃ প্রতিসৎকৃতশ্চ
বৃদ্ধেন রাজ্ঞা কুরুসত্তমেন।
প্রচোদিতঃ সংকথয়াংবভূব
ধর্মানিলেন্দ্রপ্রভবান্যমৌ চ ॥ 3-237-5 (25256)
কৃশাংশ্চ বাতাতপকর্শিতাঙ্গান্
দুঃখস্য চোগ্রস্ মুখে প্রপন্নান্।
তাং চাপ্যনাথামিব বীরনাথাং
কৃষ্ণাং পরিক্লেশগুণেন যুক্তাম্ ॥ 3-237-6 (25257)
ততঃ কথাস্তস্য নিশম্য রাজা
বৈচিত্রবীর্যঃ কৃপয়াঽভিতপ্তঃ।
বনে তথা পার্থিবপুত্রপৌত্রা-
ঞ্শ্রুৎবা তথা দুঃখনদীংপ্রপন্নান্ ॥ 3-237-7 (25258)
প্রোবাচ দৈন্যাভিহতান্তরাত্মা
নিশ্বাসবাতোপহতস্তদানীম্।
বাচং কথংচিৎস্থিরতামুপেত্য
তৎসর্বমাত্মপ্রভবং বিচিন্ত্য ॥ 3-237-8 (25259)
কথংনু সত্যঃ শুচিরার্যবৃত্তঃ
শ্রেষ্ঠঃ সুতানাং মম ধর্মরাজঃ।
অজাতশত্রুঃ পৃথিবীতলে স্ম
শেতে পুরা রাঙ্কবকূটশায়ী ॥ 3-237-9 (25260)
প্রবোধ্যতে মাগধসূতপুত্রৈ-
র্নিত্যং স্তুবদ্ভিঃ স্বয়মিন্দ্রকল্পঃ।
পতত্রিসঙ্ঘৈঃ স জঘন্যরাত্রে
প্রবোধ্যতে নূনমিলাতলস্থঃ ॥ 3-237-10 (25261)
কথংনু বাতাতপকর্শিতাঙ্গো
বৃকোদরঃ কোপপরিপ্লুতাঙ্গঃ।
শেতে পৃথিব্যামতথোচিতাঙ্গঃ
কৃষ্ণাসমক্ষং বসুধাতলস্থঃ ॥ 3-237-11 (25262)
তথাঽর্জুনঃ সুকুমারো মনস্বী
বশে স্থিতো ধর্মসুতস্য রাজ্ঞঃ।
বিদূয়মানৈরিব সর্বগাত্রৈ-
র্ধ্রুবং ন শেতে বসতীরমর্ষাৎ ॥ 3-237-12 (25263)
যমৌ চ কৃষ্ণাং চ যুধিষ্ঠিরং চ
ভীমং চ দৃষ্ট্বা সুখবিপ্রয়ুক্তান্।
বিনিঃশ্বসন্সর্প ইবোগ্রতেজা
ধ্রুবং ন শেতে বসতীরমর্ষাৎ ॥ 3-237-13 (25264)
তথা যমৌ চাপ্যসুখৌ সুখার্হৌ
সমৃদ্ধরীপাবমরৌ দিবীব।
প্রজাগরস্থৌ ধ্রুবমপ্রশান্তৌ
ক্রোধেন সত্যেন চ বার্যমাণৌ ॥ 3-237-14 (25265)
সমীরণেনাথ সমো বলেন
সমীরণস্যৈবসুতো বলীয়ান্।
স ধর্মপাসেন সিতোঽগ্রজেন
ধ্রুবং বিনিঃশ্বস্য সহত্যমর্ষম্ ॥ 3-237-15 (25266)
স চাপিভূমৌ পরিবর্তমানো
বধং সুতানাং মম কাঙ্ক্ষমাণঃ।
সত্যেন ধর্মেণ চ বার্যমাণঃ
কালংপ্রতীক্ষত্যধিকো রণেঽন্যৈঃ ॥ 3-237-16 (25267)
অজাতশত্রৌ তু জিতে নিকৃত্যা
দুঃশাসনো যৎপরুষাণ্যবোচৎ।
তানি প্রবিষ্টানি বৃকোদরাঙ্গং
দহন্তি কক্ষাগ্নিরিবেন্ধনানি ॥ 3-237-17 (25268)
ন পাপকং ধ্যাস্যতি ধর্মপুত্রো
ধনংজয়শ্চাপ্যনুবর্ৎস্যতে তম্।
অরণ্যবাসেন বিবর্ধতে তু
ভীমস্য কোপোঽগ্নিরিবানিলেন ॥ 3-237-18 (25269)
স তেন কোপেন বিদীর্যমাণঃ
করং করেণাভিনিপীড্যবীরঃ।
বিনিঃশ্বসত্যুষ্ণমতীব ঘোরং
দহন্নিবেমাং মম পুত্রসেনাম্ ॥ 3-237-19 (25270)
গাণ্ডীবধন্বা চ বৃকোদরশ্চ
সংরম্ভিণাবন্তককালকল্পৌ।
ন শেষয়েতাং যুধি শত্রুসেনাং
শরান্কিরন্তাবনিপ্রকাশান্ ॥ 3-237-20 (25271)
দুর্যোধনঃ শকুনিঃ সূতপুত্রো
দুঃশাসনশ্চাপি সুমন্দচেতাঃ।
মধু প্রপশ্যন্তি ন তু প্রপাতং
বৃকোদরং চৈব ধনংজয়ং চ ॥ 3-237-21 (25272)
শুভাশুভং কর্ম নরোহি কৃৎবা
প্রতীক্ষতেচেৎস ফলংবিপাকে।
সতেন যুজ্যত্যবশঃ ফলেন
মোক্ষঃ কথং স্যাৎপুরুষস্য তস্মাৎ ॥ 3-237-22 (25273)
ক্ষেত্রে সুকৃষ্টে হ্যুপিতে চ বীজে
দেবেচ বর্ষত্যৃতুকালয়ুক্তম্।
ন স্যাৎফলংতস্য কুতঃ প্রসিদ্ধি-
রন্যত্রদৈবাদিতি নাস্তি হেতুঃ ॥ 3-237-23 (25274)
কৃতং মতাক্ষেণ যথা ন সাধু
সাধুপ্রবৃত্তেন চ পাণ্ডবেন।
ময়া চ দুষ্পুত্রবশানুগেন
কৃতঃ কুরূণাময়মন্তকালঃ ॥ 3-237-24 (25275)
ধ্রুবং প্রশাম্যত্যসমীরিতোঽগ্নি-
র্ধ্রুবং প্রজাস্যত্যুত গর্ভিণী যা।
ধ্রুবং দিনাদৌ রজনীপ্রণাশ-
স্তথা ক্ষপাদৌ চ দিনপ্রণাশঃ ॥ 3-237-25 (25276)
কৃতেচ কস্মান্ন পরেচ কুর্যু-
র্দত্তে চ দদ্যুঃ পুরুষাঃ কথংস্বিৎ।
প্রাপ্যার্থকালং চ ভবেদনর্থঃ
কথংচন স্যাদিতিতৎকুতঃ স্যাৎ ॥ 3-237-26 (25277)
কথং ন ভিদ্যেত ন চ স্রবেত
ন চ প্রসিচ্যেদিতিরক্ষিতব্যম্।
অরক্ষ্যমাণং শতধা প্রকীর্যে-
দ্ভ্রুবং ন নাশোঽস্তি কৃতস্য লোকে ॥ 3-237-27 (25278)
গতো হ্যরণ্যাদপিশক্রলোকং
ধনংজয়ঃ পশয়্ত বীর্যমস্য।
অস্ত্রাণি দিব্যানি চতুর্বিধানি
জ্ঞাৎবা পুনর্লোকমিমং প্রপন্নঃ ॥ 3-237-28 (25279)
স্বর্গং হি গৎবা সশরীর এব
কো মানুষঃ পুনরাগন্তুমিচ্ছেৎ।
অন্যত্রকালোপহতাননেকা-
ন্সমীক্ষমাণস্তুকুরূন্মুমূর্ষূন্ ॥ 3-237-29 (25280)
ধনুর্গ্রাহশ্চার্জুনঃ সব্যসাচী
ধনুশ্চ তদ্গাণ্ডিবং ভীমবেগম্।
অস্ত্রাণি দিব্যানি চ তানি তস্য
ত্রয়স্য তেজঃ প্রসহেত কোঽত্র ॥ 3-237-30 (25281)
নিশম্য তদ্বচনং পার্থিবস্য
দুর্যোধনং রহিতে সৌবলোঽথ।
অবোধয়ৎকর্ণমুপেত্য সর্বং
স চাপ্যহৃষ্টোঽভবদল্পচেতাঃ ॥ 3-237-31 (25282)
ইতি শ্রীমন্মহাভারতে অরণ্যপর্বণি ধোষয়াত্রাপর্বণি সপ্তত্রিংশদধিকদ্বিশততমোঽধ্যায়ঃ ॥ 237 ॥
Mahabharata - Vana Parva - Chapter Footnotes
3-237-1 সরো দ্বৈতবনস্থম্ ॥ 3-237-2 জনং সমুদায়ম্ ॥ 3-237-3 বনে দ্বৈতবনে ॥ 3-237-4 নৃপ ধৃতরাষ্ট্রম্ ॥ 3-237-9 রঙ্কোর্মৃগবিশেষস্য লোমরাশিময়ীতূলিকা রাঙ্কবকূটম্ ॥ 3-237-13 উগ্রতেজা অর্জুনঃ ॥ 3-237-14 প্রজাগরস্থৌ ভুবি শয়াতে ইতি শেষঃ ॥ 3-237-16 অন্যৈঃ অন্যেভ্যঃ অধিকঃ ॥ 3-237-23 উপিতে ন্যুপ্তে। এবং মচ্চিত্তে দুর্যোধনাদীনাং চ চিত্তে বৃদ্ধহিতোপদেশো বৃথা ভবতীতি ভাবঃ ॥ 3-237-24 মতাক্ষেণ শকুনিনা পাণ্ডবেন চ তদানীমেব তান্ অবিঘ্নতা ॥ 3-237-25 প্রজাস্যতি অপত্যং অনয়িষ্যতি। ক্ষপাদৌ রাত্র্যাদৌ। এতস্ পাপস্য ফলং অপরিহার্যমিতি ভাবঃ ॥অরণ্যপর্ব - অধ্যায় 238
॥ শ্রীঃ ॥
3.238. অধ্যায়ঃ 238
Mahabharata - Vana Parva - Chapter Topics
কর্ণশকুনিভ্যাং দুর্যোধনংপ্রতিস্ববৈভবপ্রদর্সনেন পাণ্ডবানাং দুঃখজননায় দ্বৈতবনগমনচোদনা ॥ 1 ॥Mahabharata - Vana Parva - Chapter Text
3-238-0 (25283)
বৈশম্পায়ন উবাচ। 3-238-0x (2588)
ধৃতরাষ্ট্রস্য তদ্বাক্যং নিশম্য শকুনিস্তদা।
দুর্যোধনমিদং কালে কর্ণেন সহিতোঽব্রবীৎ ॥ 3-238-1 (25284)
প্রব্রাজ্য পাণ্ডবান্বীরান্স্বেন বীর্যেণ ভারত।
ভুঙ্ক্ষ্বেমাং পৃথিবীমেকো দিবি শম্বরহায়থা ॥ 3-238-2 (25285)
`তবাদ্যপৃথিবী রাজন্নখিলা সাগরাম্বরা।
সপর্বতবনাকারা সহস্থাবরজঙ্গমা' ॥ 3-238-3 (25286)
প্রাচ্যাশ্চ দাক্ষিণাত্যাশ্চ পতীচ্যোদীচ্যবাসিনঃ।
কৃতাঃ করপ্রদাঃ সর্বে রাজানস্তে নারাধিপ ॥ 3-238-4 (25287)
যা হি সা দীপ্যমানেব পাণ্ডবান্ভজডতে পুরা।
সাঽদ্যলক্ষ্মীস্ৎবয়া রাজন্নবাপ্তা ভ্রাতৃভিঃ সহ ॥ 3-238-5 (25288)
ইন্দ্রপ্রস্থগতে যাং তাং দীপ্যমানাং যুধিষ্ঠিরে।
অপশ্যাম শ্রিয়ং রাজন্সুচিরং শোককর্শিতাঃ ॥ 3-238-6 (25289)
সা তু বুদ্ধিবলেনেয়ং রাজ্ঞস্তস্মাত্তথাবিধাৎ।
ৎবয়াক্ষিপ্তা মহাবাহো দীপ্যমানেব দৃশ্যতে ॥ 3-238-7 (25290)
তথৈব তব রাজেন্দ্ররাজানঃ পরবীরহন্।
শাসনেঽধিষ্ঠিতাঃ সর্বেকিং কুর্ম ইতি বাদিনঃ ॥ 3-238-8 (25291)
তে বয়ং পৃথিবী রাজন্নিখিলা সাগরাম্বরা।
সপর্বতবনা দেবী সগ্রামনগরাকরা ॥ 3-238-9 (25292)
নানাবনোদ্দেশবতী পত্তনৈরুপশোভিতা।
`নানাজনপদাকীর্ণা স্ফীতরাষ্ট্রা মহাহলা' ॥ 3-238-10 (25293)
নন্দ্যমানো দ্বিজৈ রাজন্ভাসি নক্ষত্ররাডিব।
পৌরুষাদ্দিবি দেবেষু ভ্রাজসে রশ্মিবানিব ॥ 3-238-11 (25294)
রুদ্রৈরিব যমো রাজা মরুদ্ভিরিব বাসবঃ।
কুরুভিস্ৎবং বৃতো রাজন্ভাসি নক্ষত্ররাডিব ॥ 3-238-12 (25295)
যৈঃ স্ম তে নাদ্রিয়েতাজ্ঞা ন চ যে শাসনে স্থিতাঃ।
পশ্যামস্তাঞ্শ্রিয়া হীনান্পাণ্ডবান্বনবাসিনঃ ॥ 3-238-13 (25296)
শ্রূয়তে হি মহারাজসরো দ্বৈতবনং প্রতি।
বসন্তঃ পাণ্ডবাঃ সার্ধং ব্রাহ্মণৈর্বনবাসিভিঃ ॥ 3-238-14 (25297)
সপ্রয়াহি মহারাজ শ্রিয়া পরময়া যুতঃ।
তাপয়ন্পাণ্ডুপুত্রাংস্ৎবং রশ্মিবানিব তেজসা ॥ 3-238-15 (25298)
স্তিতোরাজ্যেঽচ্যুতান্রাজ্যাচ্ছিয়াহীনাঞ্ছ্রিয়াবৃতঃ
অসমৃদ্ধান্সমৃদ্ধার্থঃ পশ্য পাণ্ডুসুতান্নৃপ ॥ 3-238-16 (25299)
মহাভিজনসংপন্নং ভদ্রে মহতি সংস্থিতম্।
পাণ্ডবাস্ৎবাঽভিবীক্ষন্তু যয়াতিমিব নাহুষাং ॥ 3-238-17 (25300)
যাং শ্রিয়ং সুহৃদশ্চৈব দুর্হৃদশ্চ বিশাংপতে।
পশ্যন্তি পৌরুষৈর্দীপ্তাং সা সমর্থা ভবত্যুত ॥ 3-238-18 (25301)
সমস্থো বিষমস্থান্হি দুর্হৃদো যোঽভিবীক্ষতে।
জগতীস্থনিবাদ্রিস্থঃ কিমতঃ পরমং সুখম্ ॥ 3-238-19 (25302)
ন পুত্রধনলাভেন ন রাজ্যেনাপি বিন্দতি।
প্রীতিং নৃপতিশার্দূল যামমিত্রাধদর্শনাৎ ॥ 3-238-20 (25303)
কিংনু তস্য সুখং ন স্যাদাশ্রমে যো ধনংজয়ম্।
অভিবীক্ষেত সিদ্ধার্থো বল্কলাজিনবাসসম্ ॥ 3-238-21 (25304)
সুবাসসো হি তে ভার্যা বল্কলাজিনসংবৃতাম্।
পশ্যন্তু দুঃখিতাং কৃষ্ণাং সা চ নির্বিদ্যতাং পুনঃ ॥ 3-238-22 (25305)
বিনিন্দতাং তথাঽত্মানং জীবিতং চ ধনচ্যুতম্।
`দারাণাং তে শ্রিয়ং দৃষ্ট্বা দীপ্তামদ্য জনাধিপা' ॥ 3-238-23 (25306)
ন তথা হিসভামধ্যে তস্যা ভবিতুমর্হতি।
বৈমনস্যং যথা দৃষ্ট্বা তব ভার্যাঃ স্বলংকৃতাঃ ॥ 3-238-24 (25307)
বৈশম্পায়ন উবাচ। 3-238-25x (2589)
এবমুক্ৎবা তু রাজানং কর্ণঃ শকুনিনা সহ।
তূষ্ণীং বভূবতুরুভৌ দাক্যান্তে জনমেজয় ॥ 3-238-25 (25308)
ইতি শ্রীমন্মহাবারতে অরণ্যপর্বণি ধোয়াত্রাপর্বণি অষ্টত্রিংশদধিকদ্বিশততমোঽধ্যায়ঃ ॥ 238 ॥
Mahabharata - Vana Parva - Chapter Footnotes
3-238-4 প্রতীচ্যা উদীচ্যাশ্চ দেশাস্তদ্বাসিনঃ। তে ৎবয়া ॥ 3-238-13 নাদ্রিয়েত নাদৃতা ॥ 3-238-17 ৎবা ৎবাম্ ॥ 3-238-18 সমর্থা সুহৃদাং হর্ষং শত্রূণাং চ শোকং দাতুমিতি শেষঃ ॥ 3-238-20 অঘং দুঃখম্ ॥ 3-238-22 নির্বিদ্যতাং জীবিতাদপি বিরক্তা ভবতু ॥অরণ্যপর্ব - অধ্যায় 239
॥ শ্রীঃ ॥
3.239. অধ্যায়ঃ 239
Mahabharata - Vana Parva - Chapter Topics
কর্ণশকুন্যাদিভির্দ্বৈতবনগমনে ঘোষয়াত্রায়া উপায়ৎবনির্ধারণম্ ॥ 1 ॥Mahabharata - Vana Parva - Chapter Text
3-239-0 (25309)
বৈশম্পায়ন উবাচ। 3-239-0x (2590)
কর্ণস্য বচনং শ্রুৎবা রাজা দুর্যোধনস্ততঃ।
হৃষ্টো ভূৎবাপুনর্দীনো রাধেয়মিদমব্রবীৎ ॥ 3-239-1 (25310)
ব্রবীষি যদিদং কর্ণ সর্বং মনসি মে স্থিতম্।
ন ৎবভ্যনুজ্ঞাং লপ্স্যামি গমনে যত্রপাণ্ডবাঃ ॥ 3-239-2 (25311)
পরিদেবতি তান্বীরান্ধৃতরাষ্ট্রো মহীপতিঃ।
মন্যতেঽভ্যধিকাংশ্চাপি তপোয়োগেন পাণ্ডবান্ ॥ 3-239-3 (25312)
অথবাঽপ্যনুবুধ্যেত নৃপোঽস্মাকং চিকীর্ষিতম্।
এতামপ্যায়তিং রক্ষন্নাভ্যনুজ্ঞাতুমর্হতি ॥ 3-239-4 (25313)
ন হি দ্বৈতবনে কিংচিদ্বিদ্যতেঽন্যৎপ্রয়োজনম্।
উন্মাথনমৃতে তেষাং বনস্থানামপি দ্বিষাম্ ॥ 3-239-5 (25314)
জানাসিহি যথা ক্ষত্তা দ্যূতকাল উপস্থিতে।
অব্রবীদ্যচ্চ মাং ৎবাং চ সৌবলং বচনং তদা ॥ 3-239-6 (25315)
তানিসর্বাণি বাক্যানি যচ্চান্যৎপরিদেবিতম্।
বিচিন্ত্য নিশ্চয় গচ্ছে গমনায়েতরায় বা ॥ 3-239-7 (25316)
মমাপি হিমহান্হর্ষো যদহং ভীমফল্গুনৌ।
ক্লিষ্টাবরণ্যে পশ্যেয়ং কৃষ্ণয়া সহিতাবিতি ॥ 3-239-8 (25317)
ন তথা হ্যাপ্নুয়াং প্রীতিমবাপ্য বসুধামিমাম্।
দৃষ্ট্বা যথা পাণ্ডুসুতান্বল্কলাজিনবাসসঃ ॥ 3-239-9 (25318)
কিংনু স্যাদধিকং তস্মাদ্যদহং দ্রুপদাত্মজাম্।
দ্রৌপদীং কর্ণ পশ্যেয়ং কাষায়বসনাং বনে ॥ 3-239-10 (25319)
যদি মাং দর্মরাজশ্চ ভীমসেনশ্চ পাণ্ডবঃ।
যুক্তং রপরময়া লক্ষ্ম্যা পশ্যেতাং জীবিতং ভবেৎ ॥ 3-239-11 (25320)
উপায়ং ন তু পশ্যামি যেন গচ্ছেম তদ্বনম্।
যথাচাভ্যনুজানীয়াদ্গচ্ছন্তং মাং মহীপতিঃ ॥ 3-239-12 (25321)
স সৌবলেন সহিতস্তথা দুঃশাসনেন চ।
উপায়ং পশ্য রনিপুণং যেন গচ্ছেম তদ্বনম্ ॥ 3-239-13 (25322)
অহমপ্যনুগচ্ছামি গমনায়েতরায় চ।
কল্যমেব গমিষ্যামি সমীপং পার্থিবস্য হ ॥ 3-239-14 (25323)
ময়ি তত্রোপবিষ্টে তু ভীষ্মে চ কুরুসত্তমে।
উপায়ো যো ভবেদ্দৃষ্টস্তং ব্রূয়াঃ সহসৌবলঃ ॥ 3-239-15 (25324)
ততো ভীষ্মস্য রাজ্ঞশ্চ নিশম্য রগমনং প্রতি।
ব্যবসায়ং করিষ্যেঽহমনুনীয় পিতামহম্ ॥ 3-239-16 (25325)
তথেত্যুক্ৎবা তু তে সর্বেগ্মুরাবসথান্প্রতি।
ব্যুষিতায়াং রজন্যাং তু কর্ণো রাজানমভ্যযাৎ ॥ 3-239-17 (25326)
ততো দুর্যোধনং কর্ণঃ প্রহসন্নিদমব্রবীৎ।
উপায়ঃ পরিদৃষ্টোঽয়ং তং নিবোধজনেশ্বর ॥ 3-239-18 (25327)
ঘোষা দ্বৈতবনে সর্বেৎবৎপ্রতীক্ষা নরাধিপ।
ঘোষয়াত্রাপদেশেন গমিষ্যামো ন সংশয়ঃ ॥ 3-239-19 (25328)
উচিতং হি সদা গন্তুং ঘোষয়াত্রাং বিশাংপতে।
এবং চেত্ৎবাং পিতা রাজন্সমনুজ্ঞাতুমর্হতি ॥ 3-239-20 (25329)
তথা কথয়মানৌ তু ঘোষয়াত্রাবিনিশ্চয়ম্।
গান্ধাররাজঃ শকুনিরিত্যুবাচ হসন্নিব ॥ 3-239-21 (25330)
উপায়োঽয়ংময়া দৃষ্টো গমনায় নিরাময়ঃ।
অনুজ্ঞাস্যতিনো রাজা চোদয়িষ্যতি চাপ্যুত ॥ 3-239-22 (25331)
ঘোষা দ্বৈতব্রনে সর্বেৎবৎপ্রতীক্ষা নরাধিপ।
ঘোষয়াত্রাপদেশেন গমিষ্যামঃ সরঃ প্রতি ॥ 3-239-23 (25332)
ততঃ প্রহসিতাঃ সর্বে তেঽন্যোন্যস্য তলান্দদুঃ।
তদেব চ বিনিশ্চেত্য দদৃশুঃ কুরুসত্তমম্ ॥ 3-239-24 (25333)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি একোনচৎবারিংশদধিকদ্বিশততমোঽধ্যায়ঃ ॥
Mahabharata - Vana Parva - Chapter Footnotes
3-239-4 আয়তিমুত্তরকালম্ ॥ 3-239-7 ইতরায়াবস্থানায় ॥ 3-239-11 লক্ষ্ম্যা উপেতং পশ্যেতাং চেজ্জীবিতং যুক্তমিতি সংবন্ধঃ ॥ 3-239-14 অহ্মপ্যদ্যনিশ্চিত্য ইতি ঝ. পাঠঃ। কল্যং প্রাতঃ ॥ 3-239-15 বচো ভীষ্মস্য ইতি ঝ. পাঠঃ ॥ 3-239-19 ঘোষা গোব্রজাঃ ॥ 3-239-22 অয়মুপায়ো ঘোষয়াত্রৈব ॥ 3-239-24 তলান্ হস্ততলানি ॥অরণ্যপর্ব - অধ্যায় 240
॥ শ্রীঃ ॥
3.240. অধ্যায়ঃ 240
Mahabharata - Vana Parva - Chapter Topics
দুর্যোধনেন ঘোষয়াত্রাব্যাজেনানুজাদিভিঃ সহদ্বৈতবনংপ্রতিরামনম্ ॥ 1 ॥Mahabharata - Vana Parva - Chapter Text
3-240-0 (25334)
বৈসংপায়ন উবাচ। 3-240-0x (2591)
ধৃতরাষ্ট্রং ততঃ সর্বেদদৃশুর্জনমেজয়।
দৃষ্ট্বা সুখমথো রাজ্ঞঃ পৃষ্টা রাজ্ঞা চ ভারত ॥ 3-240-1 (25335)
ততস্তৈর্বিহিতঃ পূর্বং সংগবো নাম বল্লবঃ।
সমীপস্থাস্তদা গাবো ধৃতরাষ্ট্রে ন্যবেদয়ৎ ॥ 3-240-2 (25336)
অনন্তরং চ রাধেয়ঃ শকুনিশ্চ বিশাংপতে।
আহতুঃ পার্থিবশ্রেষ্ঠং ধৃতরাষ্ট্রং জনাধিপম্ ॥ 3-240-3 (25337)
রমণীয়েষু দেশেষু ঘোষাঃ সংপ্রতি কৌরব।
স্মারণে সময়ঃ প্রাপ্তো বৎসানামপি চাঙ্কনম্ ॥ 3-240-4 (25338)
মৃগয়া চোচিতা রাজন্নস্মিন্কালে সুতস্যতে।
দুর্যোধনস্য গমনং ৎবমনুজ্ঞাতুমর্হসি ॥ 3-240-5 (25339)
ধৃতরাষ্ট্র উবাচ। 3-240-6x (2592)
মৃগয়া শোভনা তাত গবাং হি সমবেক্ষণম্।
বিস্রম্ভস্তু ন গন্তব্যো বল্লবানামিতি স্মরে ॥ 3-240-6 (25340)
তে তু তত্রনরব্যাঘ্রাঃ সমীপ ইতি নঃ শ্রুতম্।
অতো নাভ্যনুজানামি গমনং তত্র বঃ স্বয়ম্ ॥ 3-240-7 (25341)
ছদ্মনা নির্জিতাস্তে তু কর্শিতাশ্চ মহাবনে।
তপোনিত্যাশ্চ রাধেয় সমর্থাশ্চ মহারথাঃ ॥ 3-240-8 (25342)
ধর্মরাজো ন সংক্রুদ্ধ্যেদ্ভীমসেনস্ৎবমর্ষণঃ।
যজ্ঞসেনস্ দুহিতা তেজ এবতু কেবলম্ ॥ 3-240-9 (25343)
যূয়ংচাপ্যপরাধ্যেয়ুর্দর্পমোহসমন্বিতাঃ।
ততো বিনির্দহেয়ুস্তে তপসা হি সমন্বিতাঃ ॥ 3-240-10 (25344)
অথবা সায়ুধাবীরা মন্যুনাঽভিপরিপ্লুতাঃ।
সহিতা বদ্ধনিস্ত্রিশা দহেয়ুঃ শস্ত্রতেজসা ॥ 3-240-11 (25345)
অথ যূয়ং বহুৎবাত্তান্নারভধ্বং কথংচন।
অনার্যং পরমং তৎস্যাদশক্যং তচ্চ বৈ মতম্ ॥ 3-240-12 (25346)
উষিতো হি মহাবাহুরিন্দ্রলোকে ধনংজয়ঃ।
দিব্যান্যস্ত্রাণ্যবাপ্যাথ ততঃ প্রত্যাগতো বনং ॥ 3-240-13 (25347)
অকৃতাস্ত্রেণ পৃথিবী জিতা বীভৎসুনা পুরা।
কিং পুনঃ সকৃতাস্ত্রোঽদ্য ন হন্যাদ্বো মহারথঃ ॥ 3-240-14 (25348)
অথবা মদ্বচঃ শ্রুৎবা তত্র যত্তা ভবিষ্যথ।
উদ্বিগ্রবাসা বিস্রব্ধা দুঃখং তত্রগমিষ্যথ ॥ 3-240-15 (25349)
অথবা সৈনিকাঃ কেচিদপকুর্যুর্যুধিষ্ঠিরে।
তদবুদ্ধিকৃতংকর্ম দোষমুৎপাদয়েচ্চ বঃ ॥ 3-240-16 (25350)
তস্মাদন্যে নরা যান্তু স্মারণায়াপ্তকারিণঃ।
ন স্বয়ং তত্রগমনং রোচয়ে তব ভারত ॥ 3-240-17 (25351)
শকুনিরুবাচ। 3-240-18x (2593)
ধর্মজ্ঞঃ পাণ্ডবো জ্যেষ্ঠঃ প্রতিজ্ঞাতং চ সংসদি।
তেন দ্বাদশবর্ষাণি বস্তব্যানীতি ভারত ॥ 3-240-18 (25352)
অনুবৃত্তাশ্চ রতং সর্বে পাণ্ডবা ধর্মচারিণঃ।
যুধিষ্ঠিরস্তু কৌন্তেয়ো ন নঃ কোপং করিষ্যতি ॥ 3-240-19 (25353)
মৃগয়াং চৈব নো গন্তুমিচ্ছা সংবর্ধতে ভৃশম্।
স্মারণং তু চিকীর্ষামো ন তু পাণ্ডবদর্সনম্ ॥ 3-240-20 (25354)
ন চানার্যসমাচারঃ কশ্চিত্তত্র ভবিষ্যতি।
ন চ তত্র গমিষ্যামো যত্র তেষাং প্রতিশ্রয়ঃ ॥ 3-240-21 (25355)
বৈশম্পায়ন উবাচ। 3-240-22x (2594)
এবমুক্তঃ শকুনিনা ধৃতরাষ্ট্রো জনেশ্বরঃ।
দুর্যোধনং সহামাত্যমনুজজ্ঞে ন কামতঃ ॥ 3-240-22 (25356)
অনুজ্ঞাতস্তু গান্ধারিঃ কর্ণেন সহিতস্তদা।
নির্যযৌ ভরতশ্রেষ্ঠো বলেন মহতা বৃতঃ ॥ 3-240-23 (25357)
দুঃশাসনেন চ তথা সৌবলেন চ ধীমতা।
সংবৃতো ভ্রাতৃভিশ্চান্যৈঃ স্ত্রীভিশ্চাপি সহস্রশঃ ॥ 3-240-24 (25358)
তং নির্যান্তং মহাবাহুং দ্রষ্টুং দ্বৈতবনং সরঃ।
পৌরাশ্চানুয়যুঃ সর্বেসহদারা বনং চ তৎ ॥ 3-240-25 (25359)
অষ্টৌ রথসহস্রাণি ত্রীণি নাগায়ুতানি চ।
পত্তয়ো বহুসাহস্রা হয়াশ্চ নবতিঃ শতাঃ ॥ 3-240-26 (25360)
শকটাপণবেশাশ্চ বণিজো বন্দিনস্তথা।
নরাশ্চ মৃগয়াশীলাঃ শতশোঽথ সহস্রশঃ ॥ 3-240-27 (25361)
ততঃ প্রয়াণে নৃপতেঃ সুমহানভবৎস্বনঃ।
প্রাবৃষীব মহাবায়োরুত্থিতস্য বিশাংপতে ॥ 3-240-28 (25362)
গব্যূতিমাত্রেন্যবসদ্রাজা দুর্যোধনস্তদা।
প্রয়াতো বাহনৈঃ সর্বৈস্ততো দ্বৈতবনং সরঃ ॥ 3-240-29 (25363)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি চৎবারিংশদধিকদ্বিশততমোঽধ্যায়ঃ ॥ 240 ॥
Mahabharata - Vana Parva - Chapter Footnotes
3-240-2 সমঙ্গো নাম ইতি ঝ. পাঠঃ ॥ 3-240-4 স্মারণে স্মরণহেতৌ কর্মণি গবাং সংখ্যাপূর্বকং বয়োবর্ণজাতিনাম্নাং লেখনে ॥ 3-240-7 তে পাণ্ডবাঃ ॥ 3-240-9 তেজোঽগ্নিরেব ॥ 3-240-27 বেশো বেশ্যাজনাশ্রয়ঃ ॥ 3-240-29 গব্যূতিঃ ক্রোশদ্বয়ম্ ॥অরণ্যপর্ব - অধ্যায় 241
॥ শ্রীঃ ॥
3.241. অধ্যায়ঃ 241
Mahabharata - Vana Parva - Chapter Topics
দ্বৈতবনে সরোঽভিতঃ ক্রীডাস্থাননির্মাণায়াজ্ঞসানাং দুর্যোধনভৃত্যানাং পূর্বমেব তত্রাগতৈর্গন্ধর্বৈঃ প্রতিবারণম্ ॥ 1 ॥ ভৃত্যৈর্গন্ধর্বকৃতনিবারণং নিবেদিতেন দুর্যোধনেন তেষামুৎসারণায় সেনাপ্রেষণম্ ॥ 2 ॥ গন্ধর্বৈঃ পরুষভাষণৈর্ভোপিতৈর্ভটৈর্দুর্যোধনং প্রতি তন্নিবেদনম্ ॥ 3 ॥Mahabharata - Vana Parva - Chapter Text
3-241-0 (25364)
বৈশম্পায়ন উবাচ। 3-241-0x (2595)
অথ দুর্যোধনো রাজা তত্রতত্র বনে বসন্।
জগাম ঘোষানভিতস্তত্র চক্রে নিবেশনম্ ॥ 3-241-1 (25365)
রমণীয়ে সমাজ্ঞাতে সোদকে সমহীরুহে।
দেশে সর্বগুণোপেতে চক্রুরাবসথান্নরাঃ ॥ 3-241-2 (25366)
তথৈব তৎসমীপস্থান্পৃথগাবসথান্বহূন্।
কর্ণস্য শকুনেশ্চৈব ভ্রাতৄণাং চৈব সর্বশঃ ॥ 3-241-3 (25367)
পশ্যন্তস্তে তদা গাবঃ শতশোঽথ সহস্রশঃ।
অঙ্কর্লক্ষৈশ্চ তাঃ সর্বা লক্ষয়ামাস পার্থিবঃ ॥ 3-241-4 (25368)
অঙ্কয়ামাস বৎসাংশ্চ জজ্ঞে চোপসৃতাংস্ৎবপি।
বালবৎসাশ্চ যাং গাবঃ কালয়ামাস তা অপি ॥ 3-241-5 (25369)
অথ স স্মারণং কৃৎবা লক্ষয়িৎবা ত্রিহায়নান্।
বৃতো গোপালকৈঃ প্রীতো ব্যাহরৎকুরুনন্দনঃ ॥ 3-241-6 (25370)
স চ পৌরজনঃ সর্বঃ সর্বঃ সৈনিকাশ্চ সহস্রশঃ।
যথোপজোষং চিক্রীডুর্বনে তস্মিন্যথাঽমরাঃ ॥ 3-241-7 (25371)
ততোঽধ্বগমনাচ্ছ্রান্তং কুশলা নৃত্যবাদিতৈঃ।
ধার্তরাষ্ট্রমুপাতিষ্ঠন্কন্যাশ্চৈব স্বলংকৃতাঃ ॥ 3-241-8 (25372)
স স্ত্রীগণবৃতো রাজা প্রহৃষ্টঃ প্রদদৌ বসু।
তেভ্যো যথার্হমন্নানি পানানি বিবিধানি চ ॥ 3-241-9 (25373)
ততস্তে সহিতাঃ সর্বে তরক্ষূন্মহিষান্মৃগান্।
গবয়র্ক্ষবরাহাংশ্চ সমন্তাৎপর্যবারয়ন্ ॥ 3-241-10 (25374)
স তাঞ্ছরৈর্বিনির্ভিদ্য গজাংশ্চ সুবহূন্বনে।
রমণীয়েষু দেশেষু গ্রাহয়ামাস বৈ মৃগান্ ॥ 3-241-11 (25375)
গোরসানুপয়ুঞ্জান উপভোগাংশচ্ ভারত।
পশ্যন্স রমণীয়ানি বনান্যুপবনানি চ ॥ 3-241-12 (25376)
মত্তভ্রমরজুষ্টানি বর্হিণাভিরুতানি চ।
অগচ্ছদানুপূর্ব্যেণ পুণ্যং দ্বৈতবনং সরঃ ॥ 3-241-13 (25377)
মত্তভ্রমরসংজুষ্টং নীলকণ্ঠরবাকুলম্।
সপ্তচ্ছদসমাকীর্ণং পুন্নাগবকুলৈর্যুতম্ ॥ 3-241-14 (25378)
ঋদ্ধ্যা পরময়া যুক্তো মহেন্দ্র ইব বজ্রভৃৎ।
যদৃচ্ছয়া চ তত্রস্থো ধর্মপুত্রো যুধিষ্ঠিরঃ ॥ 3-241-15 (25379)
ঈজে রাজর্ষিয়জ্ঞেন সাদ্যস্কেন বিশাংপতে।
দিব্যেন বিধিনা চৈব বন্যেন কুরুসত্তম ॥ 3-241-16 (25380)
`বিদ্বদ্ভিঃ সহিতো ধীমান্ব্রাহ্মণৈর্বনবাসিভিঃ'।
কৃৎবা নিবেশমভিতঃ সরসস্তস্য কৌরব।
দ্রৌপদ্যা সহিতো ধীমান্ধর্মপত্ন্যা নরাধিপঃ ॥ 3-241-17 (25381)
ততো দুর্যোধনঃ প্রেষ্যানাদিদেশ সহানুজঃ।
আক্রীডাবসথাঞ্শীঘ্রং কুরুধ্বং সরসোঽভিতঃ ॥ 3-241-18 (25382)
তে তথেত্যেব কৌরব্যমুক্ৎবা বচনকারিণঃ।
চিকীর্ষন্তস্তদাক্রীডাঞ্জগ্মুর্দ্বৈতবনং সরঃ ॥ 3-241-19 (25383)
সেনাগ্র্যং ধার্তরাষ্ট্রস্ প্রাপ্তং দ্বৈতবনং সরঃ ॥ 3-241-20 (25384)
প্রবিশন্তং বনদ্বারি গন্ধর্বাঃ সমবারয়ন্।
তত্র গন্ধর়্বরাজো বৈ পূর্বমেব বিশাংপতে।
কুবেরভবনাদ্রাজন্নাজগাম গণাবৃতঃ ॥ 3-241-21 (25385)
গণৈরপ্সরসাং চৈব ত্রিদশানাং তথাঽঽত্মজৈঃ।
বিহারশীলৈঃ ক্রীডার্থং তেন তৎসংবৃতং সরঃ ॥ 3-241-22 (25386)
তেন তৎসংবৃতং দৃষ্ট্বা তে রাজপরিচারকাঃ।
প্রতিজগ্মুস্ততো রাজন্যত্র দুর্যোধনো নৃপঃ ॥ 3-241-23 (25387)
স তু তেষাং বচঃ শ্রুৎবা সৈনিকান্যুদ্ধদুর্মদান্।
প্রেষয়ামাস কৌরব্য উৎসারয়ত তানিতি ॥ 3-241-24 (25388)
তস্য তদ্বচনং শ্রুৎবা রাজ্ঞঃ সেনাগ্রয়ায়িনঃ।
সরো দ্বৈনবনং গৎবা গন্ধর্বানিদমব্রুবন্ ॥ 3-241-25 (25389)
রাজা দুর্যোধনো নাম ধৃতরাষ্ট্রসুতো বলী।
চিক্রীডিষুরিহায়াতি তদর্থমপসর্পত ॥ 3-241-26 (25390)
এবমুক্তাস্তু গন্ধর্বাঃ রপ্রহসন্তো বিশাংমপতে।
প্রত্যব্রুবংস্তান্পুরুষানিদং হি পরুষং বচঃ ॥ 3-241-27 (25391)
ন চেতয়তি বো রাজা মন্দবুদ্ধিঃ সুয়োধনঃ।
যোঽস্মানাজ্ঞাপয়ত্যেবং বশ্যানিব দিবৌকসঃ ॥ 3-241-28 (25392)
যূয়ং মুমূর্ষবশ্চাপি মন্দপ্রজ্ঞা ন সংশয়ঃ।
যে তস্ বচনাদেবমস্মান্ব্রূথ বিচেতসঃ ॥ 3-241-29 (25393)
গচ্ছধ্বং ৎবরিতাঃ সর্বে যত্র রাজা স কৌরবঃ।
ন চেদদ্যৈব গচ্ছধ্বং ধর্মরাজনিবেশনম্ ॥ 3-241-30 (25394)
এবমুক্তাস্তু গন্ধর্বৈ রাজ্ঞঃ সেনাগ্রয়ায়িনঃ।
সংপ্রাদ্রবন্যতো রাজা ধৃতরাষ্ট্রসুতোঽভবৎ ॥ 3-241-31 (25395)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি একচৎবারিংশদধিকদ্বিশততমোঽধ্যায়ঃ ॥ 241 ॥
Mahabharata - Vana Parva - Chapter Footnotes
3-241-4 স দদর্শ তদা গাবঃ ইতি ঝ. পাঠঃ। অঙ্কৈশ্চিহ্নৈঃ। লক্ষৈঃ সংখ্যানৈঃ। লক্ষা নপুংসি সংখ্যায়ামিতি মেদিনী ॥ 3-241-5 জজ্ঞে জ্ঞাতবান্। উপসৃতান্ দমনার্হান্ বৎসতরান্সমীপাগতান্বা কালয়ামাস সংখ্যাতবান্ ॥ 3-241-6 ত্রিহায়নাংস্ত্রিবর্ষান্বৃষান্। ব্যাহরৎ বিজহার ॥ 3-241-7 যথোপজোষং যথারুচি ॥ 3-241-16 সাদ্যস্কেন একাহসাধ্যেনে ॥ 3-241-22 আত্মজৈর্জয়ন্তাদিভিঃ সহেতি শেষঃ ॥অরণ্যপর্ব - অধ্যায় 242
॥ শ্রীঃ ॥
3.242. অধ্যায়ঃ 242
Mahabharata - Vana Parva - Chapter Topics
গন্ধর্বৈঃসহ কৌরবাণামায়োধনম্ ॥ 1 ॥ চিত্রসেনাদিভির্বিরথীকৃতেন কর্ণেন রণাঙ্কণাৎপলায়নম্ ॥ 2 ॥Mahabharata - Vana Parva - Chapter Text
3-242-0 (25396)
বৈশম্পায়ন উবাচ। 3-242-0x (2596)
ততস্তে সহিতাঃ সর্বে দুর্যাধনমুপাগমন্।
অব্রুবংশ্চ মহারাজ যদূচুঃ কৌরবং প্রতি ॥ 3-242-1 (25397)
গন্ধর্বৈর্বারিতে সৈন্যে ধার্তরাষ্ট্রঃ প্রতাপবান্।
অমর্ষপূর্ণঃ সৈন্যানি প্রত্যভাষত ভারত ॥ 3-242-2 (25398)
শাসতৈনানধর্মজ্ঞান্মম বিপ্রিয়কারিণঃ।
যদি প্রক্রীডতে সর্বৈর্দেবৈঃ সহ শচীপতিঃ।
`বয়মত্র যথা প্রীতা ক্রীডিষ্যামো নিরঙ্কুশং' ॥ 3-242-3 (25399)
দুর্যোধনবচঃ শ্রুৎবা ধার্তরাষ্ট্রা মহাবলাঃ।
সর্ব এবাভিসন্নদ্ধা যোধাশ্চাপি সহস্রশঃ ॥ 3-242-4 (25400)
ততঃ প্রমথ্য সর্বাংস্তাংস্তদ্বনং বিবিশুর্বলাৎ।
সিংহনাদেন মহতা পূরয়ন্তো দিশো দশ ॥ 3-242-5 (25401)
ততোঽপরৈরবার্যন্ত গন্ধর্বৈঃ কুরুসৈনিকাঃ।
`সাম্নৈব রতত্র বিক্রান্তা মা সাহসমিতি প্রভো' ॥ 3-242-6 (25402)
তে বার্যমাণা গন্ধর্বৈঃ সাম্নৈব বসুধায়িপ।
তাননাদৃত্য গন্ধর্বাংস্তদ্বনং বিবিশুর্মহৎ ॥ 3-242-7 (25403)
যদি বাতা ন তিষ্ঠন্তি ধার্তরাষ্ট্রাঃ সরাজকাঃ।
ততস্তে খেচরাঃ সর্বে চিত্রসেনে ন্যবেদয়ন্ ॥ 3-242-8 (25404)
গন্ধর্বরাজস্তান্সর্বানব্রবীৎকৌরবান্প্রতি।
অনার্যাঞ্শাসতেত্যেতাংশ্চিত্রসেনোঽত্যমর্ষণঃ ॥ 3-242-9 (25405)
অনুজ্ঞাতাশ্চ গন্ধর্বাশ্চিত্রসেনেন ভারত।
প্রগৃহীতায়ুধাঃ সর্বে ধার্তরাষ্ট্রানভিদ্রবন্ ॥ 3-242-10 (25406)
তান্দৃষ্ট্বাঽঽপততঃ শীঘ্রান্গন্ধর্বানুদ্যতায়ুধান্।
প্রাদ্রবংস্তে দিশঃ সর্বে ধার্তরাষ্ট্রস্য পশ্যতঃ ॥ 3-242-11 (25407)
তান্দৃষ্ট্বা দ্রবতঃ সর্বান্ধার্তরাষ্ট্রান্পরাঙ্মুখান্।
রাধেয়স্তু তদা বীরো নাসীত্তত্রপরাঙ্মুখঃ ॥ 3-242-12 (25408)
আপতন্তীং তু সংপ্রেক্ষ্য গন্ধর্বাণাং মহাচমূম্।
মহতা শরবর্ষেণ রাধেয়ঃ প্রত্যবারয়ৎ ॥ 3-242-13 (25409)
ক্ষুরপ্রৈর্বিশিখৈর্ভল্লৈর্বৎসদন্তৈস্তথাঽঽয়সৈঃ।
গন্ধর্বাঞ্শতশোঽভিঘ্নঁল্লঘুৎবাৎসূতনন্দনঃ ॥ 3-242-14 (25410)
পাতয়ন্নুত্তমাঙ্গানি গন্ধর্বাণাং মহারথঃ।
ক্ষণএন ব্যধমৎসর্বাং চিত্রসেনস্য বাহিনীম্ ॥ 3-242-15 (25411)
তে বধ্যমানা গন্ধর্বাঃ সূতপুত্রেণ ধীমতা।
ভূয় এবাভ্যবর্তন্ত শততশোঽথ সহস্রশঃ ॥ 3-242-16 (25412)
গন্ধর্বভূতা পৃথিবী ক্ষণেন সমপদ্যত।
আপতদ্ভির্মহাবেগৈশ্চিত্রসেনস্য সৈনিকৈঃ ॥ 3-242-17 (25413)
অথ দুর্যোধনো রাজা শকুনিশ্চাপি সৌবলঃ।
দুঃশাসনো বিকর্ণশ্চ যে চান্যে ধৃতরাষ্ট্রজাঃ।
ন্যহনংস্তত্তদা সৈন্যং রথৈর্গরুডনিঃখনৈঃ ॥ 3-242-18 (25414)
সৈন্যমায়োধিতং দৃষ্ট্বাকর্ণো রাজন্ন মৃষ্যত ॥ 3-242-19 (25415)
মহতা রথসঙ্ঘেন রথচারেণ চাপ্যুত।
বৈকর্তনং পরীপ্সন্তো গন্ধর্বাঃ প্রত্যবারয়ন্।
ততঃ সংন্যপতন্সর্বে গন্ধর্বাঃ কৌরবং প্রতি ॥ 3-242-20 (25416)
তদা সুতুমুলং যুদ্ধমভবদ্রোমহর্ষণম্।
ততস্তে মৃদবোঽভূবনগন্ধর্বাঃ শরপীডিতাঃ ॥ 3-242-21 (25417)
উচ্চুক্রুশুশ্চ কৌরব্যাগন্ধর্বান্প্রেক্ষ্য পীডিতান্ ॥ 3-242-22 (25418)
গন্ধর্বাংস্ত্রাসিতান্দৃষ্ট্বা চিত্রসেনো হ্যমর্ষণঃ।
উৎপপাতাসনাৎক্রুদ্ধো বধে তেষাং সমাহিতঃ ॥ 3-242-23 (25419)
ততো মায়াস্ত্রমাস্থায় যুয়ুধে চিত্রমার্গবিৎ।
`বিয়ৎসংছাদয়ামাস ন ববৌ তত্র মারুতঃ' ॥ 3-242-24 (25420)
হস্ত্যারোহা হতাঃ পেতুর্হস্তিভিঃ সহ ভারত।
হয়ারোহাঃ সহ হয়ৈ রথৈশ্চ রথিনস্তদা ॥ 3-242-25 (25421)
পত্তয়শ্চ তথাপেতুর্বিশস্তাঃ শরবৃষ্টিভিঃ'।
তয়াঽমুহ্যন্ত কৌরব্যাশ্চিত্রসেনস্য মায়যা ॥ 3-242-26 (25422)
একৈকো হি তদা যোধো ধার্তারষ্ট্রস্য ভারত।
পর্যবার্যত গন্ধর্বৈর্দশভির্দশভির্যুধি ॥ 3-242-27 (25423)
ততঃ সংপীড্যমানাস্তে বলেন মহতা তদা।
প্রাদ্রবন্ত রণে ভীতা যত্ররাজা যুধিষ্ঠিরঃ ॥ 3-242-28 (25424)
ভজ্যমানেষ্বনীকেষু ধার্তরাষ্ট্রেষু সর্বশঃ।
কর্ণো বৈকর্তনো রাজংস্তস্থৌ গিরিরিবাচলঃ ॥ 3-242-29 (25425)
দুর্যোধনশ্চ তেজস্বী শকুনিশ্চাপি সৌবলঃ।
গন্ধর্বান্যোধয়ামাসুঃ সমরে ভৃশবিক্ষতাঃ ॥ 3-242-30 (25426)
সর্ব এব তু গন্ধর্বাঃ শতশোঽথ সহস্রশঃ।
জিঘাংসমানাঃ সংরব্ধাঃ কর্ণমভ্যদ্রবত্রণে ॥ 3-242-31 (25427)
অসিভিঃ পট্টসৈঃ শূলৈর্গদাভিশ্চ মহাবলাঃ।
সূতপুত্রং জিঘাংসন্তঃ সমন্তাৎপর্যবারয়ন্ ॥ 3-242-32 (25428)
অন্যেঽস্য যুগমচ্ছিন্দন্ধ্বজমন্যে ন্যপাতয়ন্।
ঈষামন্যে হয়ানন্যে সূতমন্যে ন্যপাতয়ন্ ॥ 3-242-33 (25429)
অন্যে চ্ছত্রং বরূথং চ বন্ধুরং চ তথা পরে।
`অন্যে সংচূর্ণয়ামাসুশ্ছত্রে চাক্ষৌ তথা পরে ॥' 3-242-34 (25430)
গন্ধর্বা বহুসাহস্রাস্তিলশো ব্যধমন্রথম্ ॥
ততো রথাদবপ্লুত্য সূতপুত্রোঽসিচর্মভৃৎ। 3-242-35 (25431)
`অংসাবলম্বিতধনুর্ধাবমানো মহাবলঃ'।
বিকর্ণরথমাস্থায় মোক্ষায়াশ্বানচোদয়ৎ ॥ 3-242-36 (25432)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি দ্বিচৎবারিংশদধিকদ্বিশততমোঽধ্যায়ঃ ॥ 242 ॥
Mahabharata - Vana Parva - Chapter Footnotes
3-242-19 ভূয়শ্চ যোধয়ামাসুঃ কৃৎবা কর্ণমথাগ্রতঃ। মহতা ইতি ঝ. পাঠঃ। ন মৃষ্যত নামৃষ্যত। অডভাব আর্ষঃ ॥ 3-242-34 বরূথং রথগুপ্তিম্। বন্ধুরং রথবন্ধনানি ॥অরণ্যপর্ব - অধ্যায় 243
॥ শ্রীঃ ॥
3.243. অধ্যায়ঃ 243
Mahabharata - Vana Parva - Chapter Topics
চিত্ররথেন রণে পরাজিতস্য দুর্যোধনস্য বন্ধনপূর্বকং স্বরথারোপণম্ ॥ 1 ॥ ইতরৈর্গন্ধর্বৈর্দুর্যোধনভ্রতৄণাং তদ্দারাণাং বন্ধনম্ ॥ 2 ॥ দুর্যোধনামাত্যাদিভির্যুধিষ্ঠিরায় তন্নিবেদনে ভীমেন তদনুমোদনম্ ॥ 3 ॥Mahabharata - Vana Parva - Chapter Text
3-243-0 (25433)
বৈশম্পায়ন উবাচ। 3-243-0x (2597)
গন্ধর্বৈস্তু মহারাজ ভগ্নে কর্ণে মহারথে।
সংপ্রাদ্রবচ্চমূঃ সর্বা ধার্তরাষ্ট্রস্য পশ্যতঃ ॥ 3-243-1 (25434)
তান্দৃষ্ট্বা দ্রবতঃ সর্বান্ধার্তরাষ্ট্রান্পরাঙ্মুখান্।
দুর্যোধনো মহারাজো নাসীত্তত্র পরাঙ্মুখঃ ॥ 3-243-2 (25435)
তামাপতন্তীং সংপ্রেক্ষ্য গন্ধর্বাণাং মহাচমূম্।
মহতা শরবর্ষেণ সোঽভ্যবর্ষদরিংদমঃ ॥ 3-243-3 (25436)
অচিন্ত্য শরবর্ষং তু গন্ধর্বাস্তস্য তং রথম্।
দুর্যোধনং জিঘাংসন্তঃ সমন্তাৎপর্যবারয়ন্ ॥ 3-243-4 (25437)
যুগমীষাং বরূথং চ তথৈব ধ্বজসারথী।
অশ্বাংস্ত্রিবেণুমক্ষং চ তিলশো ব্যধমঞ্ছরৈঃ ॥ 3-243-5 (25438)
দুর্যোধনং চিত্রসনো বিরথং পতিতং ভুবি।
অভিদ্রুস্য মহাবাহুর্জীবগ্রাহমথাগ্রহীৎ ॥ 3-243-6 (25439)
`তস্য বাহূ মহারাজ বদ্ধ্বা রজ্জ্বা মহারথম্।
আরোপ্যস মহাবাহুশ্চিত্রসেনো ননাদ হ' ॥ 3-243-7 (25440)
তস্মিন্গৃহীতে রাজেন্দ্র স্থিতং দুঃশাসনং রথে।
পর্যগৃহ্ণন্ত গন্ধর্বাঃ পরিবার্য সমন্ততঃ ॥ 3-243-8 (25441)
বিধিশতিং চিত্রসেনমাদায়ান্যে বিদুদ্রুবুঃ।
বিন্দানুবিন্দাবপরে রাজদারাংশ্চ সর্বশঃ ॥ 3-243-9 (25442)
সেনাস্তু ধার্তরাষ্ট্রস্য গন্ধর্বৈঃ সমভিদ্রুতাঃ।
পূর্বং প্রভগ্নৈঃ সহিতাঃ পাণ্ডবানভ্যযুস্তদা ॥ 3-243-10 (25443)
শকটাপণবেশাশ্চ যানয়ুগ্যং চ সর্বশঃ।
শরণং পাণ্ডবাঞ্জগ্মুর্হিয়মাণে মহীপতৌ ॥ 3-243-11 (25444)
সৈনিকা ঊচুঃ। 3-243-12x (2598)
প্রিয়দর্শী মহাবাহো ধার্তরাষ্ট্রো মহাবলঃ।
গন্ধর্বৈর্হ্রিয়তে রাজা পার্থাস্তমনুধাবত ॥ 3-243-12 (25445)
দুঃশাসনো দুর্বিষহো দুর্মুখো দুর্মুখো দুর্জয়স্তথা।
বদ্ধ্বা হ্রিয়ন্তে গন্ধর্বৈ রাজদারাশ্চ সর্বশঃ ॥ 3-243-13 (25446)
ইতিদুর্যোধনামাত্যাঃ ক্রোশন্তো রাজগৃদ্ধিনঃ।
আর্তা দীনাস্ততঃ সর্বে যুধিষ্ঠিরমুপাগমন্ ॥ 3-243-14 (25447)
তাংস্তথা ব্যথিতান্দীনান্ভিক্ষমাণান্যুধিষ্ঠিরম্।
বৃদ্ধান্দুর্যোধনামাত্যান্ভীমসেনোঽভ্যভাষত ॥ 3-243-15 (25448)
মহতা হি প্রয়ত্নেন সংনহ্য গজবাজিভিঃ।
অন্যথা বর্তমানানামর্থো জাতোঽয়মন্যথা ॥ 3-243-16 (25449)
অস্মাভির্যদনুষ্ঠেয়ং গন্ধর্বৈস্তদনুষ্ঠিতম্ ॥ 3-243-17 (25450)
দুর্মন্ত্রিতমিদং তাবদ্রাজ্ঞো দুর্দ্যূতদেবিনঃ।
`দীনান্দুর্যোধনস্যাস্মান্দ্রষ্টুকামস্য দুর্মতেঃ' ॥ 3-243-18 (25451)
দ্বেষ্টারমন্যে ক্লীবস্য ঘাতয়ন্তীতি নঃ শ্রুতম্।
ইদং কৃতং নঃ প্রত্যক্ষং গন্ধর্বৈরতিমানুষম্ ॥ 3-243-19 (25452)
দিষ্ট্যা লোকে পুমানস্তি কশ্চিদস্মন্প্রিয়ে স্থিতঃ।
যেনাস্মাকং হৃতো ভার আসীনানাং সুখাবহঃ ॥ 3-243-20 (25453)
শীতবাতাতপসহাংস্তপসা চৈব কর্শিতান্।
সমস্থো বিষমস্থান্হি দ্রষ্টুমিচ্ছতি দুর্মতিঃ ॥ 3-243-21 (25454)
অধর্মচারিণস্তস্য কৌরব্যস্য দুরাত্মনঃ।
যে শীলমনুবর্তন্তি তে পশ্যন্তি পরাভবম্ ॥ 3-243-22 (25455)
অধর্মো হি কৃতস্তেন যেনৈতদুপলক্ষিতম্।
অনৃশংসাস্তু কৌন্তেয়াস্তৎপ্রত্যক্ষং ব্রবীমি বঃ ॥ 3-243-23 (25456)
এবং ব্রুবাণং কৌন্তেয়ং ভীমসেনমপস্বরম্।
ন কালঃ পরুষস্যায়মিতি রাজাঽভ্যভাষত ॥ 3-243-24 (25457)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি ত্রিচৎবারিংশদধিকদ্বিশততমোঽধ্যায়ঃ ॥ 243॥
Mahabharata - Vana Parva - Chapter Footnotes
3-243-6 জীবগ্রাহং জীবন্তমেব গৃহীৎবেতি ণমুলন্তম্। কষাদিৎবাদগ্রহীদিত্যনুপ্রয়োগঃ ॥ 3-243-18 রাজ্ঞো যুধিষ্ঠিরস্য ॥ 3-243-19 ক্লীবস্য অশক্তৎবাৎ ॥ 3-243-23 যেনৈতদুপশিক্ষিতম্ ইতি ঝ. পাঠঃ ॥ 3-243-24 অপস্বরং ক্রোধেন বিকলবর্ণং যথা স্যাত্তথা ব্রুবাণম্ ॥অরণ্যপর্ব - অধ্যায় 244
॥ শ্রীঃ ॥
3.244. অধ্যায়ঃ 244
Mahabharata - Vana Parva - Chapter Topics
ভীমেন যুধিষ্ঠিরংপ্রতি দুর্যোধনকৃতাপনয়ানুস্মনারণপূর্বকং তদ্বিমোচনস্যানৌচিত্যপ্রতিপাদনে যুধিষ্ঠিরেণ পুনস্তংপ্রতি তচ্চোদনায়ামর্জুনেন তৎপ্রতিজ্ঞানম্ ॥ 1 ॥Mahabharata - Vana Parva - Chapter Text
3-244-0 (25458)
যধিষ্ঠির উবাচ। 3-244-0x (2599)
অস্মানভিগতাংস্তাত ভয়ার্তাঞ্ছরণৈষিণঃ।
কৌরবান্বিষমপ্রাপ্তান্কথং ব্রূয়াস্ৎবমীদৃশম্ ॥ 3-244-1 (25459)
ভবন্তি ভেদা জ্ঞাতীনাং কলহাশ্চ বৃকোদর।
প্রসক্তানি চ বৈরাণি জ্ঞাতিধর্মো ন নশ্যতি ॥ 3-244-2 (25460)
যদা তু কশ্চিজ্জ্ঞাতীনাং বাহ্যঃ প্রার্থয়তে কুলম্।
ন মর্ষয়ন্তি তৎসন্তো বাহ্যেনাভিপ্রধর্ষণম্ ॥ 3-244-3 (25461)
জানাত্যেষ হি দুর্বুদ্ধিরস্মানিহ চিরোষিতান্।
স এবং পরিভূয়াস্মানকার্ষীদিদমপ্রিয়ম্ ॥ 3-244-4 (25462)
দুর্যোধনস্য গ্রহণাদ্গন্ধর্বেণ বলাদ্রণে।
স্ত্রীণাং বাহ্যাভিমর্শাচ্চ হতং ভবতি নঃ কুলম্ ॥ 3-244-5 (25463)
শ্চরণং চ প্রপন্নানাং ত্রাণার্থং চ কুলস্য চ।
উত্তিষ্ঠধ্বং নরব্যাঘ্রাঃ সজ্জীভবত মা চিরম্ ॥ 3-244-6 (25464)
অর্জুনশ্চ যমৌ চৈব ৎবং চ ভীমাপরাজিতঃ।
মোক্ষয়ধ্বং নরব্যাঘ্রা হ্রিয়মাণং সুয়োধনম্ ॥ 3-244-7 (25465)
এতে রথা নরব্যাঘ্রাঃ সর্বশস্ত্রসমন্বিতাঃ।
ধৃতরাষ্ট্রস্য পুত্রাণাং বিমলা কাঞ্চনধ্বজাঃ ॥ 3-244-8 (25466)
সস্বনানধিরোহধ্বং নিত্যসজ্জানিমান্রথান্।
ইন্দ্রসেনাদিভিঃ সূতৈঃ কৃতশস্ত্রৈরধিষ্ঠিতান্ ॥ 3-244-9 (25467)
এতানাস্থায় বৈ যত্তা গন্ধর্বান্যোদ্ধুমাহবে।
সুয়োধনস্য মোক্ষায় প্রয়তধ্বমতনদ্রিতাঃ ॥ 3-244-10 (25468)
`পরৈঃ পরিভবে প্রাপ্তে বয়ং পঞ্চোত্তরং শতম্।
পরস্পরবিরোধে তু বয়ং পঞ্চৈব তে শতম্ ॥' 3-244-11 (25469)
য এব কশ্চিদ্রাজন্যঃ শরণার্থমিহাগতম্।
পরং শক্ত্যাভিরক্ষেত কিং পুনস্ৎবং বৃকোদর ॥ 3-244-12 (25470)
`এবমুক্তস্তু কৌন্তেয়ঃ পুনর্বাক্যমভাষত।
কোপসংরক্তনয়নঃ পূর্ববৈরমনুস্মরন্ ॥ 3-244-13 (25471)
পুরা জতুগৃহেঽনেন দগ্ধুমস্মান্যুধিষ্ঠির।
দুর্বুদ্ধির্হি কৃতা বীর তদা দৈবেন রক্ষিতাঃ ॥ 3-244-14 (25472)
কালকূটবিষং তীক্ষ্ণং ভোজনে মম ভারত।
উপ্ৎবা গঙ্গাং লতাপাশৈর্বৈদ্ধ্বা চ প্রাক্ষিপৎপ্রভো ॥ 3-244-15 (25473)
রসাতলং চ সংপ্রাপ্য তদা বাসুকিমঞ্জসা।
তত্র দৃষ্ট্বা তু রাজেন্দ্রপুনঃ প্রাপ্তো মহীতলম্ ॥ 3-244-16 (25474)
দ্যূতকালেঽপিকৌন্তেয় বৃজিনানি কৃতনি বৈ।
দ্রৌপদ্যাশ্চ পরাভর্শঃ কেশগ্রহণমেব চ।
বস্ত্রাপহরণং চৈব সভামধ্যে কৃতানি বৈ ॥ 3-244-17 (25475)
রাজ্যং চাচ্ছিদ্য রাজেন্দ্র উক্তবান্পরুষাণি নঃ।
পুরা কৃতানাং পাপানাং ফলং ভুঙ্ক্তে সুয়োধনঃ ॥ 3-244-18 (25476)
অস্মাবিরেবকর্তব্যং ধার্তরাষ্ট্রস্য নিগ্রহম্।
অন্যেন তু কৃতং তদ্বৈ মৈত্র্যমস্মাকমিচ্ছতা।
উপকারী তু গন্ধর্বো মা রাজন্বিমনা ভব ॥ 3-244-19 (25477)
বৈশম্পায়ন উবাচ। 3-244-20x (2600)
এতস্মিন্নন্তরে রাজংশ্চিত্রসেনেন বৈ হৃতঃ।
বিললাপ সুদুঃখার্তো নীয়মানঃ সুয়োধনঃ ॥ 3-244-20 (25478)
যুধিষ্ঠির মহাবাহো সর্বধর্মভৃতাংবর।
সপুত্রান্সহদারাংশ্চ গন্ধর্বেণ হৃতান্বলাৎ ॥ 3-244-21 (25479)
পাণ্ডুপুত্র মহাবাহো কৌরবাণাং যশস্কর'
সর্বধর্মভৃতাং শ্রেষ্ঠ গন্ধর্বেণ হৃতং বলাৎ।
রক্ষস্ব পুরুষব্যাঘ্র যুধিষ্ঠির মহায়শঃ ॥ 3-244-22 (25480)
ভ্রাতরং তে মহাবাহো বদ্ধ্বা নয়তি মাময়ম্।
দুশ্শাসনং দুর্বিষহং দুর্মুখং দুর্জয়ং তথা ॥ 3-244-23 (25481)
বদ্ধ্বা হরন্তি গন্ধর্বা অস্মান্দারাংশ্চ সর্বশঃ।
অনুধাবত মাং ক্ষিপ্রং রক্ষধ্বং পুরুষোত্তমাঃ ॥ 3-244-24 (25482)
যমৌ মামনুধাবেতাং রক্ষার্থং মম সায়ুধৌ।
কুরুবংশস্য সুমহদয়শঃ প্রাপ্তমীদৃশম্।
ব্যপোহয়ধ্বং গন্ধর্বাঞ্জিৎবা বীর্যেণ পাণ্ডবাঃ ॥ 3-244-25 (25483)
এবং বিলপমানস্য কৌরবস্যার্তয়া গিরা।
শ্রুৎবা বিলাপং সংভ্রান্তো ঘৃণয়াঽভিপরিপ্লুতঃ ॥ 3-244-26 (25484)
যুধিষ্ঠিরঃ পুনর্বাক্যং ভীমসেনমথাব্রবীৎ।
সুয়োধনস্য মোক্ষায় প্রয়তধ্বমতন্দ্রিতাঃ' ॥ 3-244-27 (25485)
ক ইবার্যো দয়েৎপ্রাণানভিধাবেতি চোদিতঃ।
প্রাঞ্জলং শরণাপন্নং দৃষ্ট্বা শত্রুমপি ধ্রুবম্ ॥ 3-244-28 (25486)
বরপ্রদানং রাজ্যং চ পুত্রজন্ম চ পাণ্ডবাঃ।
শত্রোশ্চ মোক্ষণং ক্লেশাস্ত্রীণি চৈকং চ তৎসমম্ ॥ 3-244-29 (25487)
ন হ্যস্ত্যধিকমেতস্মাদ্যদাপন্নঃ সুয়োধনঃ।
ৎবদ্বাহুবলমাশ্রিত্য জীবিতং পরিমার্গতে ॥ 3-244-30 (25488)
স্বয়মেব প্রধাবেয়ং যদি ন স্যাদ্বৃকোদর।
বিততো মে ক্রতুর্বীর ন হি মেঽত্র বিচারণা ॥ 3-244-31 (25489)
সাম্নৈব তু যথা ভীম মোক্ষয়েথাঃ সুয়োধনম্।
তথা সর্বৈরুপায়ৈস্ৎবং যতেথাঃ কুরুনন্দন ॥ 3-244-32 (25490)
ন সাম্না প্রতিপদ্যেত যদি গন্ধর্বরাডসৌ।
পরাক্রমেণ মৃদুনা মোক্ষয়েথাঃ সুয়োধনম্ ॥ 3-244-33 (25491)
অথাসৌ মৃদুয়ুদ্ধেন ন মুঞ্চেদ্ভীম কৌরবান্।
সর্বোপায়ৈর্পিমোচ্যাস্তে নিগৃহ্য পরিপন্থিনঃ ॥ 3-244-34 (25492)
এতাবদ্ধি ময়া শক্যং সংদেষ্টুং বৈ বৃকোদর।
বৈতানে কর্মণি ততে বর্তমানে চ ভারত।
`বরপ্রদানং সুমহদ্যাচকস্য প্রকীর্তিতম্' ॥ 3-244-35 (25493)
বৈশম্পায়ন উবাচ। 3-244-36x (2601)
অজাতসত্রোর্বচনং তচ্ছ্রুৎবা তু ধনংজয়ঃ।
প্রতিজজ্ঞে গুরোর্বাক্যং কৌরবাণাং বিমোক্ষণম্ ॥ 3-244-36 (25494)
অর্জুন উবাচ। 3-244-37x (2602)
যদি ককসাম্না ন মোক্ষ্যন্তি গন্ধর্বা ধৃতরাষ্ট্রজান্।
অদ্য গন্ধর্বরাজস্য ভূমিঃ পাস্যতি শোণিতম্ ॥ 3-244-37 (25495)
অর্জুনস্য তু তাং শ্রুৎবা প্রতিজ্ঞাং সত্যবাদিনঃ।
কৌরবাণাং তদা রাজন্পুনঃ প্রত্যাগতং মনঃ ॥ 3-244-38 (25496)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি চতুশ্চৎবারিংশদধিকদ্বিশততমোঽধ্যায়ঃ ॥ 244 ॥
Mahabharata - Vana Parva - Chapter Footnotes
3-244-28 ক ইবার্যো নয়েৎপ্রাণান্ ইতি থ. পাঠঃ। ক ইহার্যো ভবেত্রাণং ইতি ঝ. পাঠঃ। অভিধাব যাহীতি চোদিত আর্যঃ প্রাণান্ দয়েৎ। স্বপ্রাণেষু দয়াং কুর্যাদিত্যর্থঃ ॥অরণ্যপর্ব - অধ্যায় 245
॥ শ্রীঃ ॥
3.245. অধ্যায়ঃ 245
Mahabharata - Vana Parva - Chapter Topics
ভীমাদীনাং চতুর্ণাং চিত্রসেনাদিভির্গন্ধর্বৈর্যুদ্ধম্ ॥ 1 ॥Mahabharata - Vana Parva - Chapter Text
3-245-0 (25497)
বৈশম্পায়ন উবাচ। 3-245-0x (2603)
যুধিষ্ঠিরবচঃ শ্রুৎবা ভীমসেনপুরোগমাঃ।
প্রহৃষ্টবদনাঃ সর্বে সমুত্তস্থুর্নরর্ষভাঃ ॥ 3-245-1 (25498)
অভেদ্যানি ততঃ সর্বে সমনহ্যন্ত ভারত।
জাম্বূনদবিচিত্রাণি কবচানি মহারথাঃ।
আয়ুধানি চ দিব্যানি বিবিধানি সমাদধুঃ ॥ 3-245-2 (25499)
তে দংশিতা রথৈঃ সর্বে ধ্বজিনঃ সশরাসনাঃ।
পাণ্ডবাঃ প্রত্যদৃশ্যন্ত জ্বলিতা ইবপাবকাঃ ॥ 3-245-3 (25500)
তান্রথান্সাধুসংপন্নান্সংয়ুক্তাঞ্জবনৈর্হয়ৈঃ।
আস্থায় রথশার্দূলাঃ শীঘ্রমেব যয়ুস্ততঃ ॥ 3-245-4 (25501)
ততঃ কৌরবসৈন্যানাং প্রাদুরাসীন্মহাস্বনঃ।
প্রয়াতান্সহিতান্দৃষ্ট্বা পাণ্ডুপুত্রান্মহারথান্ ॥ 3-245-5 (25502)
জিতকাশিনশ্চ স্বচরাস্ৎবরিতাশ্চ মহারথাঃ।
ক্ষণেনৈব বনে তস্মিন্সমাজগ্মুরভীতবৎ ॥ 3-245-6 (25503)
ন্যবর্তন্ত ততঃ সর্বে গন্ধর্বা জিতকাশিনঃ।
দৃষ্ট্বা রথগতান্বীরান্পাণ্ডবাংশ্চতুরো রণে ॥ 3-245-7 (25504)
তাংস্তু বিভ্রাজিতান্দৃষ্ট্বা লোকপালানিবোদ্যতান্।
ব্যূঢানীকা ব্যতিষ্ঠন্ত গন্ধমাদনবাসিনঃ ॥ 3-245-8 (25505)
রাজ্ঞস্তু বচনং শ্রুৎবা ধর্মপুত্রস্য ধীমতঃ।
ক্রমেণ মৃদুনা যুদ্ধমুপক্রান্তং চ ভারত ॥ 3-245-9 (25506)
ন তু গন্ধর্বরাজস্য সৈনিকা মন্দচেতসঃ।
শক্যন্তে মৃদুনা শ্রেয়ঃ প্রতিপাদয়িতুং তদা ॥ 3-245-10 (25507)
ততস্তান্যুধি দুর্ধর্ষান্সব্যসাচী পরংতপঃ।
সান্ৎবপূর্বমিদং বাক্যমুবাচ খচরান্রণে ॥ 3-245-11 (25508)
নৈতদ্গন্ধর্বরাজস্য যুক্তং কর্ম জুগুপ্সিতম্।
পরদারাভিমর্শশ্চ মানুষৈশ্চ সমাগমঃ ॥ 3-245-12 (25509)
উৎসৃজধ্বং মহাবীর্যান্ধৃতরাষ্ট্রসুতানিমান্।
দারাংশ্চৈষাং প্রমুঞ্চধ্বং ধর্মরাজস্য শাসনাৎ ॥ 3-245-13 (25510)
ত এবমুক্তা গন্ধর্বাঃ পাণ্ডবেন যশস্বিনা।
উৎস্ময়ন্তস্তদা পার্থমিদং বচনমব্রুবন্ ॥ 3-245-14 (25511)
একস্যৈব বয়ং তাত কুর্যাম বচনং ভুবি।
যস্য শাসনমাজ্ঞায় চরামো বিগতজ্বরাঃ ॥ 3-245-15 (25512)
তেনৈকেন রকয়থাদিষ্টং তথা বর্তাম ভারত।
ন শাস্তা বিদ্যতেঽস্মাকমন্যস্তস্মাৎসুরেশ্বরাৎ ॥ 3-245-16 (25513)
এবমুক্তঃ স গন্ধর্বৈঃ কুন্তীপুত্রো ধনংজয়ঃ।
গন্ধর্বান্পুনরেবৈতান্বচনং প্রত্যভাষত ॥ 3-245-17 (25514)
যদি সাম্না ন মুঞ্চধ্বং গন্ধর্বা ধৃতরাষ্ট্রজান্।
মোক্ষয়িষ্যামি বিক্রম্য স্বয়মেব সুয়োধনম্ ॥ 3-245-18 (25515)
এবমুক্ৎবা ততঃ পার্থঃ সব্যসাচী ধনংজয়ঃ।
সসর্জ নিশিতান্বাণান্খচরান্খচরান্প্রতি ॥ 3-245-19 (25516)
তথৈব শরবর্ষেণ গন্ধর্বাস্তে বলোৎকাটাঃ।
পাণ্ডবানভ্যবর্তন্ত পাণ্ডবাশ্চ দিবৌকসঃ ॥ 3-245-20 (25517)
ততঃ সুতুমুলং যুদ্ধং গন্ধর্বাণাং তরস্বিনাম্।
বভূব ভীমবেগানাং চ ভাত ॥ 3-245-21 (25518)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি পঞ্চচৎবারিংশদধিকদ্বিশততমোঽধ্যায়ঃ ॥ 245 ॥
Mahabharata - Vana Parva - Chapter Footnotes
3-245-3 দংশিতাঃ সন্নদ্ধাঃ ॥ 3-245-10 শ্রেয়ঃ কল্যাণম্। প্রতিপাদয়িতুং প্রাপয়িতুম্ ॥ 3-245-19 স্বচরান্ গগনগমনান্। খচরান্ গন্ধর্বান্ ॥অরণ্যপর্ব - অধ্যায় 246
॥ শ্রীঃ ॥
3.246. অধ্যায়ঃ 246
Mahabharata - Vana Parva - Chapter Topics
অর্জুনেন মায়াশক্ত্যাঽন্তর্ধানেন যুধ্যতে চিত্রসেনায়াস্রপ্রয়োগে সতি তেনার্জুনপ্রতি স্বস্য সখিৎবকথনম্ ॥ 1 ॥ ততোঽর্জুনেনাস্রোপসংহারে ভীমাদীনাং যুদ্ধোপরমপূর্বকং তেন সহ সংলাপঃ ॥ 2 ॥Mahabharata - Vana Parva - Chapter Text
3-246-0 (25519)
বৈশম্পায়ন উবাচ। 3-246-0x (2604)
ততো দিব্যাস্ত্রসংপন্না গন্ধর্বা হেমমালিনঃ।
বিসৃজন্তঃ শরান্দীপ্তান্সমন্তাৎপর্যবারয়ন্ ॥ 3-246-1 (25520)
চতুরঃ পাণ্ডবান্বীরান্গন্ধর্বাশ্চ সহস্রশঃ।
রণে সংন্যপতন্রাজংস্তদদ্ভুতমিবাভবৎ ॥ 3-246-2 (25521)
যথা কর্ণস্য চ রথো ধার্তরাষ্ট্রস্ চোভয়োঃ।
গন্ধর্বৈঃ শতশশ্ছিন্নৌ তথা তেষাং প্রচক্রিতরে ॥ 3-246-3 (25522)
তান্সমাপততো রাজন্গধর্বাঞ্ছতশো রণে।
প্রত্যগৃহ্ণন্নরব্যাঘ্রাঃ শরবর্ষৈরনেকশঃ ॥ 3-246-4 (25523)
তে কীর্যমাণাঃ খগমাঃ শরবর্ষৈঃ সমন্ততঃ।
ন শেকুঃ পাণ্ডুপুত্রাণাং সমীপে পরিবর্তিতুম্ ॥ 3-246-5 (25524)
অভিক্রুদ্ধানভিক্রুদ্ধো গন্ধর্বানর্জুনস্তদা।
লক্ষয়িৎবাঽথ দিব্যানি মহাস্ত্রাণ্যুপচক্রমে ॥ 3-246-6 (25525)
সহস্রাণাং সহস্রাণি প্রাহিণোদ্যমসাদনম্।
অজেয়ানর্জুনঃ সঙ্খ্যে গন্ধর্বাণাং বলোৎকটঃ ॥ 3-246-7 (25526)
তথা ভীমো মহেষ্বাসঃ সংয়ুগে বলিনাংবরঃ।
গন্ধর্বাঞ্শতশো রাজঞ্চঘান নিশিতৈঃ শরৈঃ ॥ 3-246-8 (25527)
মাদ্রীপুত্রাবপি তথা যুধ্মানৌ বলোৎকটৌ।
পরিগৃহ্যাগ্রতো রাজঞ্জঘ্নতুঃ শতশঃ পরান্ ॥ 3-246-9 (25528)
তেবধ্যমানা গন্ধর্বা দিব্যৈরস্ত্রৈর্মহারথৈঃ।
উৎপেতুঃ খমুপাদায় ধৃতরাষ্ট্রসুতাংস্ততঃ ॥ 3-246-10 (25529)
সতানুৎপতিতানদৃষ্ট্বা কুন্তীপুত্রো ধনংজয়ঃ।
মহতা শরজালেন সমন্তাৎপর্যবারয়ৎ ॥ 3-246-11 (25530)
তে ব্রদ্ধাঃ শরজালেন শকুন্তা ইব পঞ্জরে
ববর্পুরর্জুনং ক্রোধাদ্গদাশক্ত্যৃষ্টিবৃষ্টিভিঃ ॥ 3-246-12 (25531)
গদাশক্ত্যৃষ্টিবৃষ্টীস্তা নিহত্য পরমাস্ত্রবিৎ।
গাত্রাণি চাহনদ্ভল্লৈর্গন্ধর্বাণাং ধনংজয়ঃ ॥ 3-246-13 (25532)
শিরোভিঃ প্রপতদ্ভিশ্চ চরণৈর্বাহুভিস্তথা।
অশ্মবৃষ্টিরিবাভাতি পরেষামভবদ্ভয়ম্ ॥ 3-246-14 (25533)
তে বধ্যমানা গন্ধর্বাঃ পাণ্ডবেন মহাত্মনা।
ভূমিষ্ঠমন্তরিক্ষস্থাঃ শরবর্ষৈরবাকিরন্ ॥ 3-246-15 (25534)
তেষাং তু শরবর্ষাণি সব্যসাচী পরংতপঃ।
অস্ত্রৈঃ সংবার্য তেজস্বী গন্ধর্বান্প্রত্যবিধ্যত ॥ 3-246-16 (25535)
স্থূণাকর্ণেন্দ্রজালং চ সৌরং চাপি তথাঽর্জুনঃ।
আগ্নেয়ং চাপি সৌম্যং চ সসর্জ কুরুননদনঃ ॥ 3-246-17 (25536)
তে দহ্যমানা গন্ধর্বাঃ কুন্তীপুত্রস্য সায়কৈঃ।
দৈতেয়া ইব শক্রেণ বিষাদমগমন্পরম্ ॥ 3-246-18 (25537)
ঊর্ধ্বমাক্রমমাণাশ্চ শরজালেন বারিতাঃ।
বিসর্পমাণা ভল্লৈশ্চ বার্যন্তে সব্যসাচিনা ॥ 3-246-19 (25538)
গন্ধর্বাংস্ত্রাসিতান্দৃষ্ট্বা কুন্তীপুত্রেণ ভারত।
চিত্রসেনো গদাং গৃহ্য সব্যসাচিনমনাদ্রবৎ ॥ 3-246-20 (25539)
তস্যাভিপততস্তূর্ণং গদাহস্তস্য সংয়ুগে।
গদাং সর্বায়সীং পার্থঃ শরৈশ্চিচ্ছেদ সপ্তধা ॥ 3-246-21 (25540)
স গদাং বহুধা দৃষ্ট্বা কৃত্তাং বাণৈস্তরস্বিনা।
সংবৃত্য বিদ্যযাঽঽত্মানং যোধয়ামাস পাণ্ডবং ॥ 3-246-22 (25541)
অস্ত্রাণই তস্য দিব্যানি সংপ্রয়ুক্তানি সর্বশঃ।
দিব্যৈরস্ত্রৈস্তদা বীরঃ পর্যবারয়দর্জুনঃ ॥ 3-246-23 (25542)
স বার্যমাণস্তৈরস্ত্রৈরর্জুনেন মহাত্মনা।
গন্ধর্বরাজো বলবান্মায়যাঽন্তর্হিতস্তদা ॥ 3-246-24 (25543)
অন্তর্হিতং তমালক্ষ্য প্রহরন্তমথার্জুনঃ।
তাডয়ামাস খচরৈর্দিব্যাস্ত্রপ্রতিমন্ত্রিতৈঃ ॥ 3-246-25 (25544)
অন্তর্ধানবধং চাস্য চক্রে ক্রুদ্ধোঽর্জুনস্তদা।
শব্দবেষং সমাশ্রিত্য বহুরূপো ধনংজয়ঃ ॥ 3-246-26 (25545)
রস বধ্যমানস্তৈরস্ত্রৈরর্জুনেন মহাত্মনা।
ততোঽস্য দর্শয়ামাস তদাঽঽত্মানং প্রিয়ঃ সখা ॥ 3-246-27 (25546)
চিত্রসেনস্তথোবাচ সখায়ং যুধি বিদ্ধি মাম্।
চিত্রসেনমথালক্ষ্য সখায়মিতি বিস্মিতঃ ॥ 3-246-28 (25547)
সংজহারাস্ত্রমথং তৎপ্রসৃষ্টং পাণ্ডবর্ষভঃ ॥ 3-246-29 (25548)
দৃষ্ট্বা তু পাণ্ডবাঃ সর্বে সংহৃতাস্ত্রং ধনংজয়ম্।
সংজহ্রুঃ প্রদ্রুতানশ্বাঞ্শরবেগান্ধনূংষি চ ॥ 3-246-30 (25549)
চিত্রসেনশ্চ ভীমশ্চ সব্যসাচী যমাবপি।
পৃষ্ট্বা কৌশলমন্যোন্যং রথেষ্বেবাবতস্থিরে ॥ 3-246-31 (25550)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি ষট্চৎবারিংশদধিকদ্বিশততমোঽধ্যায়ঃ ॥ 246 ॥
Mahabharata - Vana Parva - Chapter Footnotes
3-246-3 তথা তেষাং চতুর্ণামপি রথান্ ছন্নান্ প্রচক্রিরে গন্ধর্বাঃ ॥ 3-246-20 গৃহ্য গৃহীৎবা ॥ 3-246-22 সংবৃত্য আচ্যাদ্য। বিদ্যযা অদর্শনশক্ত্যা ॥অরণ্যপর্ব - অধ্যায় 247
॥ শ্রীঃ ॥
3.247. অধ্যায়ঃ 247
Mahabharata - Vana Parva - Chapter Topics
চিত্রসেনেনার্জুনংপ্রতি দুর্যোধনবন্ধনে কারণাভিধানপূর্বকং যুধিষ্ঠিরসমীপগমনম্ ॥ 1 ॥ যুধিষ্ঠিরেণ গন্ধর্বৈর্দুর্যোধনাদীনাং বন্ধাদ্বিমোচনম্ ॥ 2 ॥ ততো দুর্যোধনেন স্বপুরংপ্রতি প্রস্থানম্ ॥ 3 ॥Mahabharata - Vana Parva - Chapter Text
3-247-0 (25551)
বৈশম্পায়ন উবাচ। 3-247-0x (2605)
ততোঽর্জুনশ্চিত্রসেনং প্রহসন্নিদমব্রবীৎ।
মধ্যে গন্ধর্বসৈন্যানাং মহেষ্বাসো মহাদ্যুতিঃ ॥ 3-247-1 (25552)
কিং তে ব্যবসিতং বীর কৌরবাণাং বিনিগ্রহে।
কিমর্থং চ সদারোঽয়ং নিগৃহীতঃ সুয়োধনঃ ॥ 3-247-2 (25553)
চিত্রসেন উবাচ। 3-247-3x (2606)
বিদিতোঽয়মভিপ্রায়স্তত্রস্থেন দুরাত্মনঃ।
ইন্দ্রেণ ধার্তরাষ্ট্রস্য সকর্ণস্য ধনংজয় ॥ 3-247-3 (25554)
বনস্থান্ভবতো জ্ঞাৎবা ক্লিশ্যমানাননর্হবৎ।
সমস্থো বিষমস্থাংস্তান্দ্রক্ষ্যামীত্যনবস্থিতান্ ॥ 3-247-4 (25555)
ইমেঽবহসিতুং প্রাপ্তা দ্রৌপদীং চ যশস্বিনীম্।
জ্ঞাৎবা চিকীর্ষিতং চৈষাং মামুবাচ সুরেশ্বরঃ ॥ 3-247-5 (25556)
গচ্ছ দুর্যোধনং বদ্ধ্বা সহামাত্যমিহানয়।
ধনংজয়শ্চ তে রক্ষ্যঃ রসহ ভ্রাতৃভিরাহবে ॥ 3-247-6 (25557)
স চ প্রিয়ঃ সখা তুভ্যং শিষ্যশ্ তব পাণ্ডবঃ।
বচনাদ্দেবরাজস্ ততোঽস্মীহাগতো দ্রুতম্ ॥ 3-247-7 (25558)
অয়ং দুরাত্মা বদ্ধশ্চ গমিষ্যামি সুরালয়ম্।
নেষ্যাম্যেনং কদুরাত্মানং পাকশাসনশাসনাৎ ॥ 3-247-8 (25559)
অর্জুন উবাচ। 3-247-9x (2607)
উৎসৃজ্যতাং চিত্রসেন ভ্রাতাঽস্মাকং সুয়োধনঃ।
ধর্মরাজস্য সংদেশান্মম চেদিচ্ছসি প্রিয়ম্ ॥ 3-247-9 (25560)
চিত্রসেন উবাচ। 3-247-10x (2608)
পাপোঽয়ং নিত্যসংদুষ্টো ন বিমোক্ষণমর্হতি।
প্রলব্ধা ধর্মরাজস্য কৃষ্ণায়াশ্চ ধনংজয় ॥ 3-247-10 (25561)
নেদং চিকীর্ষিতং তস্ কুন্তীপুত্রো যুধিষ্ঠিরঃ।
জানাতি ধর্মরাজো হি শ্রুৎবা কুরু যথেচ্ছসি ॥ 3-247-11 (25562)
বৈশম্পায়ন উবাচ। 3-247-12x (2609)
তে সর্ব এব রাজনমভিজগ্মুর্যুধিষ্ঠিরম্।
অভিগম্য চ তৎসর্বং শশংসুস্তস্য চেষ্টিতম্ ॥ 3-247-12 (25563)
অজাতশত্রুস্তচ্ছ্রুৎবা গন্ধর্বস্য বচস্তদা।
মোক্ষয়ামাস তান্সর্বান্গন্ধর্বান্প্রশশংস চ ॥ 3-247-13 (25564)
`চিত্রসেনস্তদা বাক্যমুবাচ প্রৌঢয়া গিরা।
মুঞ্চধ্বংসানুজামাত্যং সদারং চ সুয়োধনম্ ॥ 3-247-14 (25565)
গন্ধর্বাস্তু বচঃ শ্রুৎবা চিত্রসেনস্য বৈ দ্রুতম্।
রাজানং মোচয়ামাসুর্বদ্ধং নিগডবন্ধনৈঃ ॥ 3-247-15 (25566)
সদারং সানুগামাত্যং বালজালময়েন যে।
লুছন্তশ্চাপি তে সর্বে যুধিষ্ঠিরসমীপতঃ ॥ 3-247-16 (25567)
পতিতা লজ্জিতাশ্চৈব তস্থুশ্চাধোমুখাস্তদা।
যুধিষ্ঠিরোপি দয়যা তান্সমীক্ষ্য তথাগতান্ ॥ 3-247-17 (25568)
দিষ্ট্যা ভবদ্ভির্বলিভিঃ শক্তৈঃ সর্বৈর্ন হিংসিতঃ।
দুর্বৃত্তো ধার্তরাষ্ট্রোঽয়ং সামাত্যজ্ঞাতিবান্ধবঃ ॥ 3-247-18 (25569)
উপকারো মসাংস্তাত কৃতোঽয়ং মম খেচর।
কুলং ন পরিভূতং মে মোক্ষেণাস্য দুরাত্মনঃ ॥ 3-247-19 (25570)
আজ্ঞাপয়ধ্বমিষ্টানি প্রীতং মাং দর্শনেন বঃ।
প্রাপ্য সর্বানভিপ্রায়াংস্ততো ব্রজত মা চিরম্ ॥ 3-247-20 (25571)
অনুজ্ঞাতাস্তু গন্ধর্বাঃ পাণ্ডুপুত্রেণ ধীমতা।
সহাপ্সরোভিঃ সংহৃষ্টাশ্চিত্রসেনমুখা যয়ুঃ ॥ 3-247-21 (25572)
`দেবলোকং ততো গৎবা গন্ধর্বৈঃ সহিতস্তদা।
ন্যবেদয়চ্চ তৎসর্বং চিত্রসেনঃ শতক্রতোঃ' ॥ 3-247-22 (25573)
দেবরাডপি গন্ধর্বান্মৃতাংস্তান্সমজীবয়ৎ।
দিব্যেনামৃতবর্ষেণ যে হতাঃ কৌরবৈর্যুধি ॥ 3-247-23 (25574)
জ্ঞাতীংস্তানবমুচ্যাথ রাজদারাংশ্চ সর্বশঃ।
কৃৎবা চ রদুষ্করং কর্ম প্রীতিয়ুক্তাশ্চ পাণ্ডবাঃ ॥ 3-247-24 (25575)
সস্ত্রীকুমারৈঃ কুরুভিঃ পূজ্যমানা মহারথাঃ।
বভ্রাজিরে মহাত্মানঃ ক্রতুমধ্যে যথাঽগ্নয়ঃ ॥ 3-247-25 (25576)
ততো দুর্যোধনং মুক্তং ভ্রাতৃভিঃ সহিতস্তদা।
যুধিষ্ঠিরস্তু প্রণয়াদিদং বচনমব্রবীৎ ॥ 3-247-26 (25577)
রমা স্ম তাত পুনঃ কার্ষীরীদৃশং সাহসং ক্বচিৎ।
ন হি সাহসকর্তারঃ সুখমেঘন্তি ভারত ॥ 3-247-27 (25578)
স্বস্তিমান্সহিতঃ সর্বৈর্ব্রাতৃভিঃ কুরুনন্দন।
গৃহান্ব্রজ যথাকামং বৈমনস্যং চ মা কৃথাঃ ॥ 3-247-28 (25579)
বৈশম্পায়ন উবাচ। 3-247-29x (2610)
পাণ্ডবেনাভ্যনুজ্ঞানো রাজা দুর্যোধনস্তদা।
অভিবাদ্য ধর্মপুত্রং গতেন্দ্রিয় ইবাতুরঃ।
বিদীর্যমাণো ব্রীডাবাঞ্জগাম নগরং প্রতি ॥ 3-247-29 (25580)
তস্মিন্গতে কৌরবেয়ে কুন্তীপুত্রো যুধিষ্ঠিরঃ।
ভ্রাতৃভিঃ সহিতো বীরঃ পূজ্যমানো দ্বিজাতিভিঃ ॥ 3-247-30 (25581)
তপোধনৈশ্চ তৈঃ সর্বৈর্বৃতঃ শক্র ইবামরৈঃ।
তথা দ্বৈতবনে তস্মিন্বিজহার মুদা যুতঃ ॥ 3-247-31 (25582)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি সপ্তচৎবারিংশদধিকদ্বিশততমোঽধ্যায়ঃ ॥ 247 ॥
Mahabharata - Vana Parva - Chapter Footnotes
3-247-10 প্রলব্ধা বঞ্চকঃ ॥ 3-247-11 ইদং মদুক্তং সমস্থো বিষমস্থাংস্তান্ দ্রক্ষ্যামীতি ॥ 3-247-17 যুধিষ্ঠিরোপীতি। গন্ধর্বান্প্রত্যুবাচেতি শেষঃ ॥ 3-247-28 বৈমনস্যং বৈরং কেনচিৎসহ মা কৃথাঃ মা কুরু ॥অরণ্যপর্ব - অধ্যায় 248
॥ শ্রীঃ ॥
3.248. অধ্যায়ঃ 248
Mahabharata - Vana Parva - Chapter Topics
দুর্যোধনেন মধ্যেমার্গং ক্বচন রমণীয়ে দেশে সেনাদিসংনিবেশনপূর্বকমবস্থানম্ ॥ 1 ॥ তত্রসমাগতেন গন্ধর্বকৃতে বন্ধনমোচনে অপরিজানতা কর্ণেন ভ্রমাত্তস্য গন্ধর্বজেতৃৎবেন রূপেণ প্রশসনম্ ॥ 2 ॥Mahabharata - Vana Parva - Chapter Text
3-248-0 (25583)
জনমেজয় উবাচ। 3-248-0x (2611)
শত্রুভির্জিতবদ্ধস্ পাণ্ডবৈশ্চ মহাত্মভিঃ।
মোক্ষিতস্য যুধা পশ্চান্মানিনঃ সুদুরাত্মনঃ ॥ 3-248-1 (25584)
কত্থনস্যাবলিপ্তস্য গর্বিতস্ চ নিত্যশঃ।
সদা চ পৌরুষৌদার্যৈঃ পাণ্ডবানবমন্যতঃ ॥ 3-248-2 (25585)
দুর্যোধনস্ পাপস্য নিত্যাহংকারবাদিনঃ।
প্রবেশো হাস্তিনপুরে দুষ্করঃ প্রতিভাতি মে ॥ 3-248-3 (25586)
তস্য লজ্জানবিতস্যৈব শোকব্যাকুলচেতসঃ।
প্রবেশং বিস্তরেণ রৎবং বৈশম্পায়ন কীর্তয় ॥ 3-248-4 (25587)
বৈশম্পায়ন উবাচ। 3-248-5x (2612)
ধর্মরাজনিসৃষ্স্তু ধার্তরাষ্ট্রঃ সুয়োধনঃ।
লজ্জয়াঽধোমুখঃ সীদন্নুপাসর্পৎসুদুঃখিতঃ ॥ 3-248-5 (25588)
স্বপুরং প্রয়যৌ রাজা চতুরঙ্গবলানুগঃ।
শোকোদহতয়া বুদ্ধ্যা চিন্তয়ানঃ পরাভবম্ ॥ 3-248-6 (25589)
বিমুচ্য পথি যানানি দেশে সুয়বসোদকে।
সন্নিবিষ্টঃ শুভে রম্যে ভূমিভাগে যথেপ্সিতম্।
হস্ত্যশ্বরথপাদাতং যথাস্থানং ন্যবেশয়ৎ ॥ 3-248-7 (25590)
অথোপবিষ্টং রাজানং পর্যঙ্কে জ্বলনপ্রভে।
উপপ্লুতং যথা সোমং রাহুণা রাত্রিসংক্ষয়ে।
উপাগম্যাব্রবীৎকর্ণো দুর্যোধনমিদং তদা ॥ 3-248-8 (25591)
দিষ্ট্যা জীবসি গান্ধারে দিষ্ঠ্যা নঃ সংগমঃ পুনঃ।
দিষ্ট্যা ৎবয়া জিতাশ্চৈব গন্ধর্বাঃ কামরূপিণঃ ॥ 3-248-9 (25592)
দিষ্ট্যা সমগ্রান্পশ্যামি ভ্রাতৄস্তে কুরুনন্দন।
বিজিগীষূন্রণে যুক্তান্নির্জিতারীন্মহারথান্ ॥ 3-248-10 (25593)
অহং ৎবভিদ্রুতঃ সর্বৈর্গন্ধর্বৈঃ পশ্যতস্ব।
নাশক্নুবং স্থাপয়িতুং দীর্যমাণাং চ বাহিনীম্।
শরক্ষতাঙ্গশ্চ ভৃশং ব্যপয়াতোঽভিপীডিতঃ ॥ 3-248-11 (25594)
ইদং ৎবত্যদ্ভুতং মন্যে যদ্যুষ্মানিহ ভারত।
অরিষ্টানক্ষসাংশ্চাপি সদারবলবাহনান্।
বিমুক্তান্সংপ্রপশ্যামি যুদ্ধাত্তস্মাদমানুষাৎ ॥ 3-248-12 (25595)
নৈতস্য কর্তা লোকেঽস্মিন্পুমান্বিদ্যতি ভারত।
যৎকৃতং তে মহারাজ সহ ভ্রাতৃভিরাহবে ॥ 3-248-13 (25596)
3-248-14 (25597)
এবমুক্তস্তু কর্ণেন রাজা দুর্যোধনস্তদা।
উবাচাবাক্শিরা রাজন্বাষ্পগদ্গদয়া গিরা ॥
Mahabharata - Vana Parva - Chapter Footnotes
3-248-2 কত্থনস্যাত্মস্তুতিপরস্য ॥অরণ্যপর্ব - অধ্যায় 249
॥ শ্রীঃ ॥
3.249. অধ্যায়ঃ 249
Mahabharata - Vana Parva - Chapter Topics
দুর্যোধনেন কর্ণংপ্রতি যুদ্ধে সানুজস্য স্বস্য গন্ধর্বৈর্বন্ধনস্য যুধিষ্ঠিরচোদনয়া মীমাদিমির্গন্ধর্বাণাং রণে পরাজয়স্য চ কথনম্ ॥ 1 ॥Mahabharata - Vana Parva - Chapter Text
3-249-0 (25598)
দুর্যোধন উবাচ। 3-249-0x (2613)
অজানতস্তে রাধেয় নাভ্যসূয়াম্যহং বচঃ।
জানাসি ৎবং জিতাঞ্শত্রূন্গন্ধর্বাং স্তেজসা ময়া ॥ 3-249-1 (25599)
আয়োধিতাস্তু গন্ধর্বাঃ সুচিরং সোদরৈর্মম।
ময়া সহ মহাবাহো কৃতশ্চোভয়তঃ ক্ষয়ঃ ॥ 3-249-2 (25600)
মায়াধিকাস্ৎবয়ুধ্যন্ত যদা শূরা বিয়দ্গতাঃ।
তদা নো ন সমং যুদ্ধমভবৎখেচরৈঃ সহ ॥ 3-249-3 (25601)
পরাজয়ং চ প্রাপ্তাঃ স্মো রণে বন্ধনমেব চ।
সভৃত্যামাত্যপুত্রাশ্চ সদারবলবাহনাঃ।
উচ্চৈরাকাশমার্গেণ হ্রিয়মাণাঃ সুদুঃখিতাঃ ॥ 3-249-4 (25602)
অথ নঃ সৈনিকাঃ কেচিদমাত্যাশ্চ মহারথাঃ।
উপগম্যাব্রুবন্দীনাঃ পাণ্ডবাঞ্শরণপ্রদান্ ॥ 3-249-5 (25603)
এষ দুর্যোধনো রাজা ধার্তরাষ্ট্রঃ সহানুজঃ।
সামাত্যদারো হ্রিয়তে গন্ধর্বৈর্দিবমাশ্রিতৈঃ ॥ 3-249-6 (25604)
তং মোক্ষয়ত ভদ্রং বঃ সহদারং নরাধিপম্।
পরামর্শো মা ভবিষ্যৎকুরুদারেষু সর্বশঃ।
`ইত্যব্রুবন্রণআন্মুক্তা ধর্মরাজমুপাগতাঃ' ॥ 3-249-7 (25605)
এবমুক্তে তু ধর্মাত্মা জ্যেষ্ঠঃ পাণ্ডুসুতস্তদা।
প্রসাদ্য সোদরান্সর্বানাজ্ঞাপয়ত মোক্ষণে ॥ 3-249-8 (25606)
অথাগম্য তমুদ্দেশং পাণ্ডবাঃ পুরুষর্ষভাঃ।
সান্ৎবপূর্বময়াচন্ত শক্তাঃ সন্তো মহারথাঃ ॥ 3-249-9 (25607)
যদা চাস্মান্ন মুমুচুর্গন্ধর্বাঃ সান্ৎবিতা অপি।
`আকাশচারিণো বীরা নদন্তো জলদা ইব' ॥ 3-249-10 (25608)
ততোঽর্জুনশ্চ ভীমশ্চ যমজৌ চ বলোৎকটৌ।
মুমুচুঃ শরবর্ষাণি গন্ধর্বান্প্রত্যনেকশঃ ॥ 3-249-11 (25609)
অথ সর্বে রণং মুক্ৎবা প্রয়াতাঃ খেচরা দিবম্।
অস্মানেবাভিকর্ষন্তো দীনান্মুদিতমানসাঃ ॥ 3-249-12 (25610)
ততঃ সমন্তাৎপশ্যামঃ শরজালেন বেষ্টিতম্।
অমানুষাণি চাস্ত্রাণি প্রয়ুঞ্জানং ঘনংজয়ম্ ॥ 3-249-13 (25611)
সমাবৃতা দিশো দৃষ্ট্বা পাণ্ডবেন শিতৈঃ শরৈঃ।
ধনংজয়সখাঽঽত্মানং দর্শয়ামাস বৈ তদা ॥ 3-249-14 (25612)
চিত্রসেনঃ পাণ্ডবেন সমাশ্লিষ্য পরস্পরম্।
কুশলং পরিপপ্রচ্ছ তৈঃ পৃষ্টশ্চাপ্যনাময়ম্ ॥ 3-249-15 (25613)
তে সমেত্য তথাঽন্যোন্যং সন্নাহান্বিপ্রমুচ্য চ।
একীভূতাস্ততো বীরা গন্ধর্বাঃ সহ পাণ্ডবৈঃ ॥ 3-249-16 (25614)
`পরস্পরং সমাগম্য প্রীত্যা পরময়া যুতৌ'।
অপূজয়েতামন্যোন্যং চিত্রসেনধনংজয়ৌ ॥ 3-249-17 (25615)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি একোনপঞ্চাশদধিকদ্বিশততমোঽধ্যায়ঃ ॥ 249 ॥
Mahabharata - Vana Parva - Chapter Footnotes
3-249-1 নাভ্যসূয়ামি দোষবদিতি ন মন্যে ॥অরণ্যপর্ব - অধ্যায় 250
॥ শ্রীঃ ॥
3.250. অধ্যায়ঃ 250
Mahabharata - Vana Parva - Chapter Topics
দুর্যোধনেন কর্ণংপ্রতিস্ববন্ধনবিষয়ে চিত্রসেনার্জুনসংবাদপ্রকারকথনপূর্বকং যুধিষ্ঠিরাৎস্বস্য যন্ধমোচনকথনম্ ॥ 1 ॥ তথা প্রায়োপবেশনে নিজাধ্বসায়কথনপূর্বকং দুঃশাসনংপ্রতি রাজ্যপালনবিধানম্ ॥ 2 ॥ কর্ণেন দুর্যোধনংপ্রতি প্রায়োপবেশনান্নিবর্তনায় সান্ৎবোক্তিঃ ॥ 3 ॥Mahabharata - Vana Parva - Chapter Text
3-250-0 (25616)
দুর্যোধন উবাচ। 3-250-0x (2614)
চিত্রসেনং সমাগম্য প্রহসন্নর্জুনস্তদা।
ইদং বচনমক্লীবমব্রবীৎপরবীরহা ॥ 3-250-1 (25617)
ভ্রাতৃনর্হসি মে বীর মোক্তুং গন্ধর্বসত্তম।
অনর্হধর্ষণা হীমে জীবমানেষু পাণ্ডুষু ॥ 3-250-2 (25618)
এবমুক্তস্তু গন্ধর্বঃ পাণ্ডবেন মহাত্মনা।
উবাচ যৎকর্ণ বয়ং মন্ত্রয়ন্তো বিনির্গতাঃ ॥ 3-250-3 (25619)
`স্থিতোরাজ্যেচ্যুতান্স্থানাচ্ছ্রিয়াহীনাংশ্রিয়াবৃতঃ'
দ্রষ্টাস্মি নিঃসুখান্বীরান্সদারান্পাণ্ডবানিতি ॥ 3-250-4 (25620)
তস্মিন্নুচ্চার্যমাণে তু গন্ধর্বেণ বচস্তথা।
ভূমের্বিবরমন্বৈচ্ছং প্রবেষ্টুং ব্রীডয়াঽন্বিতঃ ॥ 3-250-5 (25621)
যুধিষ্ঠিরমথাগম্ গন্ধর্বাঃ সহ পাণ্ডবৈঃ।
অস্মদ্দুর্মন্ত্রিতং তস্মৈ বদ্ধাংশ্চাস্মান্ন্যবেদয়ন্ ॥ 3-250-6 (25622)
স্ত্রীসমক্ষমহং দীনো বদ্ধঃ শত্রুবশং গতঃ।
যুধিষ্ঠিরস্যোপহৃতঃ কিংনু দুঃখমতঃ পরম্ ॥ 3-250-7 (25623)
যে মে নিরাকৃতা নিত্যং রিপুর্যেষামহং সদা।
তৈর্মোক্ষিতোঽহং দুর্বুদ্ধির্দত্তং তৈরেব জীবিতম্ ॥ 3-250-8 (25624)
প্রাপ্তঃ স্যাং যদ্যহং বীর বধং তস্মিন্মহারণে।
শ্রেয়স্তদ্ভবিতা মহ্যং নৈবংভূতস্য জীবিতম্ ॥ 3-250-9 (25625)
ভবেদ্যশঃ পৃথিব্যাং মে খ্যাতং গন্ধর্বতো বধাৎ।
প্রাপ্তাশ্চ পুণ্যলোকাঃ স্যুর্মহেন্দ্রসদনেঽক্ষয়াঃ ॥ 3-250-10 (25626)
যত্ৎবদ্য মে ব্যবসিতং তচ্ছৃণুধ্বং নরর্ষভাঃ।
ইহ প্রায়মুপাসিষ্যে যূয়ং ব্রজত বৈ গৃহান্।
ভ্রাতরশ্চৈব মে সর্বে যান্ৎবদ্য স্বপুরং প্রতি ॥ 3-250-11 (25627)
কর্ণপ্রভৃতয়শ্চৈব সুহৃদো বান্ধবাশ্চ যে।
দুঃশাসনং পুরস্কৃত্য প্রয়ান্ৎবদ্য পুরং প্রতি ॥ 3-250-12 (25628)
ন হ্যহং সংপ্রয়াস্যামি পুরং শত্রুনিরাকৃতঃ।
শত্রুমানাপহো ভূৎবা সুহৃদাং মানকৃত্তথা ॥ 3-250-13 (25629)
`কামং রণশিরস্যদ্য শত্রুভির্বৈ বিমানিতঃ'।
স সুহৃচ্ছোকদো জাতঃ শত্রূণাং হর্বর্ধনঃ।
বারণাহ্বয়মাসাদ্য কিং বক্ষ্যামি জনাধিপম্ ॥ 3-250-14 (25630)
ভীষ্মদ্রোণৌ কৃপদ্রৌণী বিদুরঃ সংজয়স্তথা।
বাহ্লীকঃ সৌমদত্তিশ্চ যে চান্যে বৃদ্ধসংমতাঃ ॥ 3-250-15 (25631)
ব্রাহ্মণাঃ শ্রেণিমুখ্যাশ্চ তথোদাসীনবৃত্তয়ঃ।
কিং মাং বক্ষ্যংতি কিং চাপি প্রতিবক্ষ্যামি তানহং ॥ 3-250-16 (25632)
রিপূণাং শিরসি স্থিৎবা তথা বিক্রম্য চোরসি।
আত্মদোষাৎপরিভ্রষ্টঃ কথং বক্ষ্যামি তানহম্ ॥ 3-250-17 (25633)
দুর্বিনীতাঃ শ্রিয়ং প্রাপ্য বিদ্যামৈশ্বর্যমেব চ।
তিষ্ঠন্তি ন চিরং ভদ্রে যথাঽহং মদগর্বিতঃ ॥ 3-250-18 (25634)
অহো বত যথেদং মে কষ্টং দুশ্চরিতং কৃতম্।
স্বয়ং দুর্বুদ্ধিনা মোহাদ্যেন প্রাপ্তোস্মি সংশয়ম্ ॥ 3-250-19 (25635)
তস্মাৎপ্রায়মুপাসিষ্যে ন হিশক্ষ্যামি জীবিতুম্।
চেতয়ানো হি কো জীবেৎকৃচ্ছ্রাচ্ছত্রুভিরুদ্ধৃতঃ ॥ 3-250-20 (25636)
শত্রুভিশ্চাবহসিতো মানী পৌরুষবর্জিতঃ।
পাণ্ডবৈর্বিক্রমাঢ্যৈশচ্ সাবমানমবেক্ষিতঃ ॥ 3-250-21 (25637)
বৈশম্পায়ন উবাচ। 3-250-22x (2615)
এবং চিন্তাপরিগতো দুঃশাসনমথাব্রবীৎ।
দুঃশাসন নিবোধেদং বচনং মম ভারত ॥ 3-250-22 (25638)
প্রতীচ্ছ ৎবং ময়া দত্তমভিষেকং নৃপো ভব।
প্রশাধি পৃথিবীং স্ফীতাংকর্ণসৌবলপালিতাম্ ॥ 3-250-23 (25639)
ভ্রাতৄন্পালয় বিস্রব্ধং মরুতো বৃত্রহা যথা।
বান্ধবাশ্চোপজীবন্তু দেবা ইব শতক্রতুম্ ॥ 3-250-24 (25640)
ব্রাহ্মণেষু সদা বৃত্তিং কুর্বীথাশ্চাপ্রমাদতঃ।
বন্ধূনাং সুহৃদাং চৈব ভবেথাস্ৎবং গতিঃ সদা ॥ 3-250-25 (25641)
জ্ঞাতীংশ্চাপ্যনুপশ্যেথা বিষ্ণুর্দেবগণান্যথা।
গুরবঃ পালনীয়াস্তে গচ্ছ পালয় মেদিনীম্ ॥ 3-250-26 (25642)
নন্দয়ন্সুহৃদঃ সর্বাঞ্শাত্রবাংশ্চাবভর্ৎসয়ন্।
কণ্ঠে চৈনং পরিষ্বজ্যগম্যতামিত্যুবাচ হ ॥ 3-250-27 (25643)
তস্য তদ্বচনং শ্রুৎবা দীনো দুশাসনোঽব্রবীৎ।
অশ্রুকণ্ঠঃ সুদুঃখার্তঃ প্রাঞ্জলিঃ প্রণিপত্য চ ॥ 3-250-28 (25644)
সগদ্গদমিদং বাক্যং ভ্রাতরং জ্যেষ্ঠমাত্মনঃ।
কপ্রসীদেত্যপতদ্ভূমৌ দূয়মানেন চেতসা ॥ 3-250-29 (25645)
দুঃখিতঃ পাদয়োস্তস্য নেত্রজং জলমুৎসৃজন্।
উক্তবাংশ্চ নরব্যাঘ্রো নৈতদেবং ভবিষ্যতি ॥ 3-250-30 (25646)
বিদীর্যৎসকলা ভূমির্দ্যৌশ্চাপি শকলীভবেৎ।
রবিরাত্মপ্রভাং জহ্যাৎসোমঃ শীতাংশুতাং ত্যজেৎ ॥ 3-250-31 (25647)
বায়ুঃ শৈঘ্র্যমথো জহ্যাদ্ধিমবাংশ্চ হিমং ত্যজেৎ।
শুষ্যেত্তোয়ং সমুদ্রেষু বহ্নিরপ্যুষ্ণতাং ত্যজেৎ ॥ 3-250-32 (25648)
ন চাহং ৎবদৃতে রাজন্প্রশাসেয়ং বসুংধরাম্।
পুনঃপুনঃ প্রসীদেতি বাক্যং চেদমুবাচ হ ॥ 3-250-33 (25649)
`শত্রূণাং শোককৃদ্রাজন্সুহৃদাং শোকনাশনঃ'
ৎবমেব নঃকুলেরাজা ভবিষ্যসি শতং সমাঃ ॥ 3-250-34 (25650)
এবমুক্ৎবা স রাজানং সুশ্বরং প্ররুরোদ হ।
পাদৌ সংস্পৃশ্য মানার্হৌ ভ্রাতুর্জ্যেষ্ঠস্য ভারত ॥ 3-250-35 (25651)
তথা তৌ দুঃখিতৌ দৃষ্ট্বা দুঃশাসনসুয়োধনৌ।
অভিগম্য ব্যথাবিষ্টঃ কর্ণস্তৌ প্রত্যভাষত ॥ 3-250-36 (25652)
বিষীদথঃ কিং কৌরব্যৌ বালিশ্যাৎপ্রাকৃতাবিব।
ন শোকঃ শোচমানস্য বিনিবর্তেত কর্হিচিৎ ॥ 3-250-37 (25653)
যদা চ শোচতঃ শোকোব্যসনং নাপকর্ষতি।
সামর্থ্যং কিং ততঃ শোকে শোচমানৌ প্রপশ্যথঃ ॥ 3-250-38 (25654)
ধৃতিং গৃহ্ণীতং মা শত্রূঞ্শোচন্তৌ নন্দয়িষ্যথঃ।
কর্তব্যং হি কৃতং রাজন্পাণ্ডবৈস্তব মোক্ষণম্ ॥ 3-250-39 (25655)
নিত্যমেব প্রিয়ং কার্যং রাজ্ঞো বিপয়বাসিভিঃ।
পাল্যমানাস্ৎবয়া তে হি নিবসন্তি গতজ্বরাঃ ॥ 3-250-40 (25656)
নার্হস্যেবংগতে মন্যুং কর্তুং প্রাকৃতবৎস্বয়ম্।
বিষণ্ণাস্তব সোদর্যাস্ৎবয়ি প্রায়ং সমাস্থিতে ॥ 3-250-41 (25657)
`তদলং দুঃখিতানেতান্কর্তুং সর্বান্নরাধিপ'।
উত্তিষ্ঠ ব্রজ ভদ্রং তে সমাশ্বাসয় সোদরান্ ॥ 3-250-42 (25658)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি পঞ্চাশদধিকদ্বিশততমোঽধ্যায়ঃ ॥ 250 ॥
Mahabharata - Vana Parva - Chapter Footnotes
3-250-9 এবংভূতস্য জীবিতং ন শ্রেয় ইতি সংবন্ধঃ ॥ 3-250-16 শ্রেণিমুখ্যাঃ শিল্পিসংঘাতমুখ্যাঃ প্রকৃতয় ইত্যর্থঃ ॥ 3-250-24 বিস্রব্বং সবিশ্বাসং যথা স্যাত্তথা ॥ 3-250-27 কর্ণং চৈনং পরিষ্বজ্যেতি ধ. পাঠঃ ॥ 3-250-32 হিমবাংশ্চ পরিপ্লবেৎ ইতি থ. পাঠঃ। পরিব্রজেৎ ইতি ঝ. পাঠঃ ॥ 3-250-38 যদি শোকেন ব্যসনং নশ্যেত্তর্হি স কর্তব্যঃ নতু তত্তথাস্তি অতঃ শোকো ন কর্তব্য ইত্যর্থঃ ॥অরণ্যপর্ব - অধ্যায় 251
॥ শ্রীঃ ॥
3.251. অধ্যায়ঃ 251
Mahabharata - Vana Parva - Chapter Topics
কর্ণেন বহুধা প্রার্থনেপি দুর্যোধনেন প্রায়োপবেশাধ্যবসায়াদপরাবর্তনম্ ॥ 1 ॥Mahabharata - Vana Parva - Chapter Text
3-251-0 (25659)
কর্ণ উবাচ। 3-251-0x (2616)
রাজন্নদ্যাবগচ্ছামি তবৈব লঘুসৎবতাম্।
`অল্পৎবং চ তথা বুদ্ধেঃ কার্যাণামবিবেকিতাম্' ॥ 3-251-1 (25660)
কিমত্র চিত্রং ধর্মজ্ঞ মোক্ষিতঃ পাণ্ডবৈরসি।
সদ্যো বশং সমাপন্নঃ শত্রূণাং শত্রুকর্শন ॥ 3-251-2 (25661)
সেনাজীবৈশ্চ কৌরব্য তথা বিষয়বাসিভিঃ।
অজ্ঞাতৈর্যদি বা জ্ঞাতৈঃ কর্তব্যং নৃপতেঃ প্রিয়ম্ ॥ 3-251-3 (25662)
প্রায়ঃ প্রধানাঃ পুরুষাঃ ক্ষোভয়িৎবাঽরিবাহিনীম্।
নিগৃহ্যন্তে চয়ুদ্ধেষু মোক্ষ্যন্তে চ স্বসৈনিকৈঃ ॥ 3-251-4 (25663)
সেনাজীবাশ্চ যে রাজ্ঞাং বিষয়ে সন্তি মানবাঃ।
তৈঃ সংগম্য নৃপার্থায় যতিতব্যং যথাতথম্ ॥ 3-251-5 (25664)
যদ্যেবং পাণ্ডবৈ রাজন্ভবদ্বিষয়বাসিভিঃ।
যদৃচ্ছয়া মোক্ষিতোঽসি কতত্রকা পরিদেবনা ॥ 3-251-6 (25665)
ন চৈতৎসাধু যদ্রাজন্পাণ্ডবাস্ৎবাং নৃপোত্তমম্।
স্বসেনয়া সংপ্রয়ান্তং নানুয়ান্তি স্ম পৃষ্ঠতঃ ॥ 3-251-7 (25666)
শূরাশ্চ বলবন্তশ্চ সংয়ুগেষ্বপলায়িনঃ।
ভবতস্তে সভায়াং বৈ প্রেষ্যতাং পূর্বমাগতাঃ ॥ 3-251-8 (25667)
পাণ্ডবেয়ানি রত্নানি ৎবমদ্যাপ্যুপভুঞ্জসে।
সৎবস্থান্পাণ্ডবান্পশ্য ন তে প্রায়মুপাবিশন্ ॥ 3-251-9 (25668)
`তদলং তে মহাবাহো বিষাদং কর্তুমীদৃশম্'।
উত্তিষ্ঠ ররাজন্ভদ্রং তে ন চিন্তাং কর্তুমর্হসি ॥ 3-251-10 (25669)
অবশ্যমেব নৃপতে রাজ্ঞো বিষয়বাসিভিঃ।
প্রিয়াণ্যাচরিতব্যানি তত্র কা পরিদেবনা ॥ 3-251-11 (25670)
মদ্বাক্যমেতদ্রাজেন্দ্র যদ্যেবং ন করিষ্যসি।
স্থাস্যামীহ ভবৎপাদৌ শুশ্রূষন্নরিমর্দন ॥ 3-251-12 (25671)
নোৎসহে জীবিতুমহং ৎবদ্বিহীনো নরর্ষভঃ।
প্রায়োপবিষ্টস্তু তথা রাজ্ঞাং হাস্যো ভবিষ্যসি ॥ 3-251-13 (25672)
বৈশংবায়ন উবাচ। 3-251-14x (2617)
এবমুক্তস্তু কর্ণেন রাজা দুর্যোধনস্তদা।
নৈবোত্থাতুং মনশ্চক্রে স্বর্গায় কৃতনিশ্চয়ঃ ॥ 3-251-14 (25673)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি একপঞ্চাশদধিকদ্বিশততমোঽধ্যায়ঃ ॥
Mahabharata - Vana Parva - Chapter Footnotes
3-251-8 ভবতস্তে সহায়া বৈ ইতি ঝ. পাঠঃ ॥অরণ্যপর্ব - অধ্যায় 252
॥ শ্রীঃ ॥
3.252. অধ্যায়ঃ 252
Mahabharata - Vana Parva - Chapter Topics
শকুন্যাদিভির্বহুধা পরিসান্ৎবনেপি দুর্যোধনেন প্রায়োপবেশানিশ্চয়াদনিবর্তনে পাতালবাসিনির্দৈত্যদানবৈস্তদানয়নায় জপহোমাদিনা কৃত্যাসর্জনম্ ॥ 1 ॥ তথা কৃত্যযা প্রায়োপবিষ্টস্ দুর্যোধনস্য পাতালংপ্রত্যানয়নম্ ॥ 2 ॥Mahabharata - Vana Parva - Chapter Text
3-252-0 (25674)
বৈশম্পায়ন উবাচ। 3-252-0x (2618)
প্রায়োপবিষ্টং রাজানং দুর্যোধনমমর্ষণম্।
উবাচ সান্ৎবয়ন্রাজঞ্শকুনিঃ সৌবলস্তদা ॥ 3-252-1 (25675)
সম্যগুক্তং হি কর্ণেন তচ্ছ্রুতং কৌরব ৎবয়া।
ময়া হৃতাং শ্রিয়ং স্ফীতাং তাং মোহাদপহাসি কিম্ ॥ 3-252-2 (25676)
ৎবমবুদ্ধ্যা নৃপবর প্রাণানুৎস্রষ্টুমিচ্ছসি।
অদ্য বাঽপ্যবগন্ছামি ন বৃদ্ধাঃ সেবিতাস্ৎবয়া ॥ 3-252-3 (25677)
যঃ সমুৎপতিতং হর্ষং দৈন্যং বা ন নিয়চ্ছতি।
স নশ্যতি শ্রিয়ং প্রাপ্য পাত্রমামমিবাম্ভসি ॥ 3-252-4 (25678)
অতিভীরুং মৃদুং ক্লীবং দীর্ঘসূত্রং প্রমাদিনম্।
ব্যসনাদ্বিষয়াক্রান্তং ন ভজন্তি নৃপং শ্রিতাঃ ॥ 3-252-5 (25679)
সৎকৃতস্য হি তে শোকো বিপরীতে কথং ভবেৎ।
মা কৃতং শোভনং পার্থৈঃ শোকমালম্ব্য নাশয় ॥ 3-252-6 (25680)
যত্র হর্ষস্ৎবয়া কার্যঃ সৎকর্তব্যাশ্চ পাণ্ডবাঃ।
তত্র শোচসি রাজেন্দ্রবিপরীতমিদং তব ॥ 3-252-7 (25681)
প্রসীদমা ত্যজাত্মানং তুষ্টশ্চ সুকৃতং স্মর।
কপ্রয়চ্ছ রাজ্যং পার্থানাং যশো ধর্মমবাপ্নুহি।
ক্রিয়ামেতাং সমাজ্ঞায় কৃতঘ্নো ন ভবিষ্যসি ॥ 3-252-8 (25682)
সৌভ্রাত্রং পাণ্ডবৈঃ কৃৎবা সমবস্তাপ্য চৈব তান্।
পিত্র্যং রাজ্যং প্রয়চ্ছৈষাং ততঃ সুখমবাপ্স্যসি ॥ 3-252-9 (25683)
বৈশম্পায়ন উবাচ। 3-252-10x (2619)
শকুনেস্তু বচঃ শ্রুৎবা দুঃশাসনমবেক্ষ্য চ।
পাদয়োঃ পতিতং বীরং বিকৃতং ভ্রাতৃসৌহৃদাৎ ॥ 3-252-10 (25684)
বাহুভ্যাং সাধুজাতাভ্যাং দুঃশাসনমরিংদমম্।
উত্থাপ্য সংপরিষ্বজ্য প্রীত্যাঽজিঘ্রত মূর্ধনি ॥ 3-252-11 (25685)
কর্ণসৌবলয়োশ্চাপি সংশ্রুত্য বচনান্যসৌ।
নির্বেদং পরমং গৎবা রাজা দুর্যোধনস্তদা।
ব্রীডয়াঽভিপরীতাত্মা নৈরাশ্যমগমৎপরম্ ॥ 3-252-12 (25686)
সুহৃদাং চৈব তচ্ছ্রুৎবা সমন্যুরিদমব্রবীৎ।
ন ধর্মধনসৌখ্যেন নৈশ্বর্যেণ ন চাজ্ঞয়া ॥ 3-252-13 (25687)
নৈব ভোগৈশ্চ মে কার্যং মা বিহন্যত গচ্ছত।
নিশ্চিতেয়ং মম মতিঃ স্থিতা প্রায়োপবেশনে ॥ 3-252-14 (25688)
গচ্ছধ্বং নগরং সর্বে পূজ্যাশ্চ গুরবো মম।
ত এবমুক্তাঃ প্রত্যূচ্ রাজানমরিমর্দনম্ ॥ 3-252-15 (25689)
যা গতিস্তব রাজেন্দ্র সাঽস্মাকমপি ভারত।
কথং বা সংপ্রবেক্ষ্যামস্ৎবদ্বিহীনাঃ পুরং বয়ম্ ॥ 3-252-16 (25690)
বৈশম্পায়ন উবাচ। 3-252-17x (2620)
স সুহৃদ্ভিরমাত্যৈশ্চ ভাতৃভিঃ স্বজনেন চ।
বহুপ্রকারমপ্যুক্তো নিশ্চয়ান্ন ব্যচাল্যত ॥ 3-252-17 (25691)
দর্ভাস্তরণমাস্তীর্য নিশ্চয়াদ্ধৃতরাষ্ট্রজঃ।
সংস্পৃশ্যাপঃ শুচির্ভূৎবা ভূতলে সমুপস্থিতঃ ॥ 3-252-18 (25692)
কুশচীরাম্বরধরঃ পরং নিয়মমাস্থিতঃ।
বাগ্যতো রাজশার্দূলঃ স স্বর্গগতিকাম্যযা ॥ 3-252-19 (25693)
মনসোপচিতিং কৃৎবা নিরস্ চ বহিঃক্রিয়াঃ।
`তস্থৌপ্রায়োপবেশেঽথমতিং কৃৎবা সুনিশ্চয়াম্' ॥ 3-252-20 (25694)
অথ তং নিশ্চয়ং তস্য বুদ্ধ্বা দৈতেয়দানবাঃ।
পাতালবাসিনো রৌদ্রাঃ পূর্বং দেবৈর্বিনির্জিতাঃ ॥ 3-252-21 (25695)
তে স্বপক্ষক্ষয়ং তং তু জ্ঞাৎবা দুর্যোধনস্য বৈ।
আহ্বানায় তদা চক্রুঃ কর্ম বৈতানসংভবম্ ॥ 3-252-22 (25696)
বৃহস্পত্যুশনোক্তৈশ্চ মন্ত্রৈর্মন্ত্রবিশারদাঃ।
অথর্ববেদপ্রোক্তৈশ্চ যাশ্চৌপনিষদাঃ ক্রিয়াঃ।
মন্ত্রজপ্যসমায়ুক্তাস্তাস্তদা সমবর্তয়ন্ ॥ 3-252-23 (25697)
জুহ্বত্যগ্নৌ হবিঃ ক্ষীরং মন্ত্রবৎসুসমাহিতাঃ।
ব্রাহ্মণা বেদবেদাঙ্গপারগাঃ সুদৃঢব্রতাঃ ॥ 3-252-24 (25698)
`অধ্বর্যবো দানবানাং কর্ম প্রাবর্তয়ংস্ততঃ' ॥ 3-252-25 (25699)
কর্মসিদ্ধৌ তদা তত্র জৃম্ভমাণা মহাদ্ভুতা।
কৃত্যা সমুত্থিতা রাজন্কিং করোমীতি চাব্রবীৎ ॥ 3-252-26 (25700)
আহুর্দৈত্যাশ্চ তাং তত্র সুপ্রীতেনান্তরাত্মনা।
প্রায়োপবিষ্টং রাজানং ধার্তরাষ্ট্রমিহানয় ॥ 3-252-27 (25701)
তথেতি চ প্রতিশ্রুত্য সা কৃত্যা প্রয়যৌ তদা।
নিমেষাদগমচ্চাপি যত্র রাজা সুয়োধনঃ ॥ 3-252-28 (25702)
সমাদায় চ রাজানং প্রবিবেশ রসাতলম্।
দানবানাং মুহূর্তাচ্চ পুরতস্তং ন্যবেদয়ৎ ॥ 3-252-29 (25703)
তমানীতং নৃপং দৃষ্ট্বা রাত্রৌ সংগত্য দানবাঃ।
প্রহৃষ্টমনসঃ সর্বে কিংচিদুৎফুল্ললোচনাঃ ॥ 3-252-30 (25704)
`দৃঢমেনং পরিষ্যজ্য দৃষ্ট্বা চ কুশলং তদা'।
সাভিমানমিদং বাক্যং দুর্যোধনমথাব্রুবন্ ॥ 3-252-31 (25705)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি দ্বিপঞ্চাশদধিকদ্বিশততমোঽধ্যায়ঃ ॥
Mahabharata - Vana Parva - Chapter Footnotes
3-252-4 পাত্রং মৃৎপাত্রম্। আমমপক্বম্ ॥ 3-252-5 ক্লীবং সামর্থ্যহীনম্। দীর্ঘসূত্রং চিরকারিণম্। প্রমাদিনমনবহিতম্। ব্যসনাৎ দ্যূতপানমৃগয়াদিরূপাৎ। বিষয়ৈঃ স্ত্র্যাদিভিরাক্রান্তম্। ৎবং তু তেষাং মধ্যে প্রমাদী বিষয়াক্রান্তশ্চেতি ভাবঃ ॥ 3-252-6 পার্থৈঃ কৃতং মা নাশয়েতি সংবন্ধঃ ॥ 3-252-8 আত্মানং শরীরং মা ত্যজ ॥ 3-252-10 বিকৃতং ম্লানম্ ॥ 3-252-12 নির্বেদং জীবিতে বৈরাগ্যম্। নৈরাশ্যং রাজ্যলাভে ইতি শেষঃ ॥ 3-252-13 সমন্যুঃ দৈন্যবান্। ধর্মেণ ধনেন সৌখ্যেন বা ন মম কার্যমিতি সংবন্ধঃ। ধর্মধনাভ্যাং যৎসৌখ্যং তেন বা ॥ 3-252-14 মা বিহন্যত মম সংকল্পং মা নাশয়ত ॥ 3-252-19 বাগ্যতো মৌনী ॥ 3-252-20 মনসা উপ সমীপে চিতিং দাহার্থং কাষ্ঠসংচয়ং কৃৎবাসংকল্প্য অবশ্যং মর্তব্যমিতি নিশ্চিত্যেত্যর্থঃ। বহিঃক্রিয়াঃ স্নানপানাদ্যাঃ ॥ 3-252-22 বৈতানসংভবমগ্নিবিস্তারসাধ্যং নবকুণ্ড্যাদিবিধানম্ ॥ 3-252-23 উপনিষদি আরণ্যকে প্রোক্তাঃ ঔপনিষদাঃ। সমবর্তয়ন্ সংপ্রাবর্তয়ন্ দৈতেয়দানবা ইতিপূর্বেণ সংবন্ধঃ ॥ 3-252-26 কৃত্যা আজ্ঞাকরী দেবতা ॥অরণ্যপর্ব - অধ্যায় 253
॥ শ্রীঃ ॥
3.253. অধ্যায়ঃ 253
Mahabharata - Vana Parva - Chapter Topics
পাতালবাসিভির্দৈত্যদানবৈর্দুর্যোধনংপ্রতি হেতূপন্যাসপূর্বকং প্রায়োপবেশনিশ্চয়ান্নিবর্তনম্ ॥ 1 ॥ পুনঃ কৃত্যযা দুর্যোধনস্য পূর্বস্থানংপ্রত্যানয়নম্ ॥ 2 ॥ পরেদ্যুঃ কর্ণাদিপ্রার্থনয়া দুর্যোধনেন সর্বৈঃ সহ স্বপুরংপরত্যাগমনম্ ॥ 3 ॥Mahabharata - Vana Parva - Chapter Text
3-253-0 (25706)
দানবা ঊচুঃ। 3-253-0x (2621)
ভোঃ সুয়োধন রাজেন্দ্র ভরতানাং কুলোদ্বহ।
শূরৈঃ পরিবৃতো নিত্যং তথৈব চ মহাত্মভিঃ ॥ 3-253-1 (25707)
অকার্ষীঃ সাহসমিদং কস্মাৎপ্রায়োপবেশনম্।
আত্মত্যাগী হ্যধো যাতি বাচ্যতাং চায়শস্করীম্ ॥ 3-253-2 (25708)
ন হি কার্যবিরুদ্ধেষু বহুপাপেষু কর্মসু।
মূলঘাতিষু সজ্জন্তে বুদ্ধিমন্তো ভবদ্বিধাঃ ॥ 3-253-3 (25709)
নিয়চ্ছৈনাং মতিং রাজন্ধর্মার্থসুখনাশিনীম্।
যশঃপ্রতাপবীর্যঘ্নীং শত্রূণাং হর্ষবর্ধনীম্ ॥ 3-253-4 (25710)
শ্রূয়তাং তু প্রভো তত্ৎবং দিব্যতাং চাত্মনো নৃপ।
নির্মাণং চ রশরীরস্য ততো ধৈর্যমবাপ্নুহি ॥ 3-253-5 (25711)
পুরা ৎব তপসাঽস্মাভির্লব্ধো রাজন্মহেশ্বরাৎ।
পূর্বকায়শ্চ তে সর্বো নির্মিতো বজ্রসংচয়ৈঃ ॥ 3-253-6 (25712)
অস্ত্রৈরভেদ্যঃ শস্ত্রৈশ্চাপ্যধঃকায়শ্চ তেঽনঘ।
কৃতঃ পুষ্পময়ো দেব্যা রূপতস্ত্রীমনোহরঃ ॥ 3-253-7 (25713)
এবমীশ্বরসংয়ুক্তস্তব দেহো নৃপোত্তম।
দেব্যা চ রাজশার্দূল দিব্যস্ৎবং হি ন মানুষঃ ॥ 3-253-8 (25714)
ক্ষত্রিয়াশ্চ মহাবীর্যা ভগদত্তপুরোগমাঃ।
দিব্যাস্ত্রবিদুষঃ শূরাঃ ক্ষপয়িষ্যন্তি তে রিপূন্ ॥ 3-253-9 (25715)
তদলং তে বিষাদেন ভয়ং তব ন বিদ্যতে।
সহায়ার্থং চ তে বীরাঃ সংভূতা বুবি দানবাঃ ॥ 3-253-10 (25716)
ভীষ্মদ্রোণকৃপাদীংশ্চ প্রবেক্ষ্যন্ত্যপরেঽসুরাঃ।
যৈরাবিষ্টা ঘৃণাং ত্যক্ৎবা যোৎস্যন্তে তব বৈরিভিঃ ॥ 3-253-11 (25717)
নৈব পুত্রান্ন চ ভ্রাতৄন্ন পিতৄন্ন চ বান্ধবান্।
নৈব শিষ্যান্ন চ জ্ঞাতীন্ন বালান্ত্যবিরান্ন চ।
যুধি সংপ্রহরিষ্যন্তো মোক্ষ্যন্তি কুরুসত্তম ॥ 3-253-12 (25718)
নিঃস্নেহা দানবাবিষ্টাঃ সমাক্রান্তেঽন্তরাত্মনি।
প্রহরিষ্যন্তি বন্ধুভ্যঃ স্নেহমুৎসৃজ্য দূরতঃ ॥ 3-253-13 (25719)
হৃষ্টাঃ পুরুষশার্দূলাঃ কলুষীকৃতমানসাঃ।
অনভিজ্ঞাতমূলাশ্চ দৈবাচ্চ বিধিনির্মিতাৎ।
ব্যাভাষমাণাশ্চান্যোন্যং ন মে জীবন্বিমোক্ষ্যসে ॥ 3-253-14 (25720)
সর্বে শস্ত্রাস্ত্রমোক্ষেণ পৌরুষে সমবস্থিতাঃ।
শ্লাঘমানাঃ কুরুশ্রেষ্ঠ করিষ্যন্তি জনক্ষয়ম্ ॥ 3-253-15 (25721)
তেপি পঞ্চ মহাত্মানঃ প্রতিয়োৎসন্তি পাণ্ডবাঃ।
বধং চৈষাং করিষ্যন্তি দৈবয়ুক্তা মহাবলাঃ ॥ 3-253-16 (25722)
দৈত্যরক্ষোগণাশ্চৈব সংভূতাঃ ক্ষত্রয়োনিষু।
যোৎস্যন্তি যুধি বিক্রম্য শত্রুভিস্তব পার্থিব ॥ 3-253-17 (25723)
গদাভির্মুসলৈঃ শূলৈঃ শস্ত্রৈরুচ্চাবচৈস্তথা।
`প্রহরিষ্যনতি তে বীরাস্তবারিষু মহাবলাঃ' ॥ 3-253-18 (25724)
যচ্চ তেঽন্তর্গতং বীর ভয়মর্জুনসংভবম্।
তত্রাপি বিহিতোঽস্মাভির্বধোপায়োঽর্জুনস্য বৈ ॥ 3-253-19 (25725)
হতস্য নরকস্যাত্মা কর্ণমূর্তিমুপাশ্রিতঃ।
তদ্বৈরং সংস্মরন্বীর যোৎস্যতে কেশবার্জুনৌ ॥ 3-253-20 (25726)
স তে বিক্রমশৌণ্ডীরো রণে পার্থং বিজেষ্যতি।
কর্ণঃ প্রহরতাংশ্রেষ্ঠঃ সর্বাংশ্চারীন্মহারথঃ ॥ 3-253-21 (25727)
জ্ঞাৎবৈতচ্ছদ্মনা বজ্রী রক্ষার্থং সব্যসাচিনঃ।
কুণ্ডলে কবচং চৈব কর্ণস্যাপহরিষ্যতি ॥ 3-253-22 (25728)
তস্মাদস্মাভিরপ্যত্র দৈত্যাঃ শতসহস্রশঃ।
নিয়ুক্তা রাক্ষসাশ্চৈব যে তে সংশপ্তকা ইতি।
প্রখ্যাতাস্তেঽর্জুনং বীরং যুধি হিংস্যন্তি মা শুচঃ ॥ 3-253-23 (25729)
অসপত্না ৎবয়া হীয়ং ভোক্তব্যা বসুধা নৃপ।
মা বিষাদং গমস্তস্মান্নৈতত্ৎবয়্যুপপদ্যতে ॥ 3-253-24 (25730)
বিনষ্টে ৎবয়ি চাস্মাকং পক্ষো হীয়েত কৌরব।
গচ্ছ বীর ন তে বুদ্ধিরন্যা কার্যা কথংচন।
ৎবমস্মাকং গতির্নিত্যং দেবতানাং চ পাণ্ডবাঃ ॥ 3-253-25 (25731)
বৈশম্পায়ন উবাচ। 3-253-26x (2622)
এবমুক্ৎবা পরিষ্বজ্য দৈত্যাস্তং রাজকুঞ্জরম্।
সমাশ্বাস্য চ দুর্ধর্ষং পুত্রবদ্দানবর্ষভাঃ ॥ 3-253-26 (25732)
স্থিরাং কৃৎবা বুদ্ধিমস্য প্রিয়াণ্যুক্ৎবা চ ভারত।
গম্যতামিত্যনুজ্ঞায় জয়মাপ্নুহি চেত্যথ ॥ 3-253-27 (25733)
তৈর্বিসৃষ্টং মহাবাহুং কৃত্যা সৈবানয়ৎপুরঃ।
তমেব দেশং যত্রাসৌ তদা প্রায়মুপাবিশৎ ॥ 3-253-28 (25734)
প্রতিনিক্ষিপ্যতং বীরং কৃত্যা সমভিপূজ্য চ।
অনুজ্ঞাতা চ রাজ্ঞা সা তত্রৈবান্তরধীয়ত ॥ 3-253-29 (25735)
গতায়ামথ তস্যাং তু রাজা দুর্যোধনস্তদা।
স্বপ্নভূতমিদং সর্বমচিন্তয়ত ভারত ॥ 3-253-30 (25736)
`সংমৃশ্য তানি বাক্যানি দানবোক্তানি দুর্মতেঃ'।
বিজেষ্যামি রণে পাণ্ডূনিতি চাস্যাভবনমতিঃ ॥ 3-253-31 (25737)
কর্ণং সংশপ্তকাংশ্চৈব পার্থস্যামিত্রঘাতিনঃ।
অমন্যত বধে যুক্তান্সমর্থাংশ্চ সুয়োধনঃ ॥ 3-253-32 (25738)
এবমাশা দৃঢা তস্ ধার্তরাষ্ট্রস্ দুর্মতেঃ।
বিনির্জয়ে পাণ্ডবানামভবদ্ভরতর্ষভ ॥ 3-253-33 (25739)
কর্ণোঽপ্যাবিষ্টচিত্তাত্মা নরকস্যান্তরাত্মনা।
অর্জুনস্য বধে ক্রূরাং করোতি স্ম তদা মতিম্ ॥ 3-253-34 (25740)
সংশপ্তকাশ্চ তে বীরা রাক্ষসাবিষ্টচেতসঃ।
রজস্তমোভ্যামাক্রান্তাঃ ফাল্গুনস্য বধৈষিণঃ ॥ 3-253-35 (25741)
ভীষ্মদ্রোণকৃপাদ্যাশ্চ দানবাক্রান্তচেতসঃ।
ন তথা পাণ্ডুপুত্রাণাং স্নেহবন্তোঽভবংস্তদা ॥ 3-253-36 (25742)
ন চাচচক্ষে কস্মৈচিদেতদ্রাজা সুয়োধনঃ।
`কৃত্যযাঽঽনায়্যকথিতং যদস্য নিশি দানবৈঃ' ॥ 3-253-37 (25743)
দুর্যোধনং নিশন্তে চ কর্ণো বৈকর্তনোঽব্রবীৎ।
স্ময়ন্নিবাঞ্জলিং কৃৎবা পার্থিবং হেতুমদ্বচঃ ॥ 3-253-38 (25744)
ন মৃতো জয়তে শত্রূঞ্জীবন্ভদ্রাণি পশ্যতি।
মৃতস্য ভদ্রাণি কুতঃ কৌরবেয় কুতো জয়ঃ ॥ 3-253-39 (25745)
ন কালাঽদ্য বিষাদস্য ভয়স্য মরণস্য বা।
পরিষ্বজ্যাব্রবীচ্চৈবনং ভুজাভ্যাং স মহাভুজঃ ॥ 3-253-40 (25746)
উত্তিষ্ঠ রাজন্কিং শেষে কস্মাচ্ছোচসি শত্রুহন্।
শত্রূন্প্রতাপ্য বীর্যেণ স কথং মর্তুমর্হসি ॥ 3-253-41 (25747)
অথবা তে ভয়ং জাতং দৃষ্ট্বাঽর্জুনপরাক্রমম্।
সত্যংতে প্রতিজানামি বধিষ্যামি রণেঽর্জুনম্ ॥ 3-253-42 (25748)
গতে ত্রয়োদশে বর্ষে সত্যেনায়ুধমালভে।
আনয়িষ্যাম্যহং পার্তান্বশং তব জনাধিপ ॥ 3-253-43 (25749)
এবমুক্তস্তু কর্ণেন দৈত্যানাং বচনাত্তথা।
প্রণিপাতেন চাপ্যেষামুদতিষ্ঠৎসুয়োধনঃ ॥ 3-253-44 (25750)
দৈত্যানাং তদ্বচঃ শ্রুৎবা হৃদি কৃৎবা স্থিরাং মতিম্।
ততো মনুজশার্দূলো যোজয়ামাস বাহিনীম্।
রথনাগাশ্বফলিলাং পদাতিজনসংকুলাম্ ॥ 3-253-45 (25751)
গঙ্গৌঘপ্রতিমা চাস্য প্রয়াণে শুশুভে চমূঃ ॥ 3-253-46 (25752)
শ্বেতচ্ছত্রৈঃ পতাকাভিশ্চামরৈশ্চ সুপাণ্ডুরৈঃ।
রথৈর্নাগৈঃ পদাতৈশ্চ শুশুভেঽতীব সংকুলা ॥ 3-253-47 (25753)
ব্যপেতাভ্রঘনে কালে দ্যৌরিবাসীত্তু শারদী।
`হংসপঙ্ক্তিসমাকীর্ণা ভ্রমৎসারসশোভিতা' ॥ 3-253-48 (25754)
জয়াশীর্ভির্দ্বিজেন্দ্রৈঃ স স্তূয়মানোঽধিরাজবৎ।
গৃহ্ণন্নঞ্জলিমালাশ্চ ধার্তরাষ্ট্রো জনাধিপঃ ॥ 3-253-49 (25755)
সুয়োধনো যয়াবগ্রে শ্রিয়া পরময়া জ্বলম্।
কর্ণেন সার্ধং রাজেন্দ্র সৌবলেন চ দেবিনা ॥ 3-253-50 (25756)
দুঃশাসনাদয়শ্চাস্য ভ্রাতরঃ সর্ব এব তে।
ভূরিশ্রবাঃ সোমদত্তো মারাজশ্চ বাহ্লিকঃ ॥ 3-253-51 (25757)
রথৈর্নানাবিধাকারৈর্হয়ৈর্গজবরৈস্তথা।
প্রয়ান্তং নৃপসিংহং তমনুজগ্মুঃ কুরূদ্বহাঃ ॥ 3-253-52 (25758)
`প্রহৃষ্টমনসঃ সর্বে দুর্যোধনপুরোগমাঃ' ॥
কালেনাল্পেন রাজেন্দ্র স্বপুরং বিবিশুস্তদা ॥ 3-253-53 (25759)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি ত্রিপঞ্চাশদধিকদ্বিশততমোঽধ্যায়ঃ ॥ 253 ॥
Mahabharata - Vana Parva - Chapter Footnotes
3-253-21 বিক্রমে শত্রুজয়ে। শৌণ্ডীরঃ সমর্থঃ ॥ 3-253-27 জয়মাপ্রুহি চেত্যুক্ৎবেতি শেষঃ। অথ তৈর্বিসৃষ্টমিতি সংবন্ধঃ ॥ 3-253-34 অন্তরাত্মনা মনসা ॥ 3-253-36 পাণ্ডুপুত্রাণামুপরীতি শেষঃ ॥ 3-253-44 এষাং দুঃশাসনাদীনাম্ ॥ 3-253-48 ব্যপেতঃ অভ্রঘনঃ মেঘ্নবিস্তারো যস্মিন্ শরদীত্যর্থঃ ॥ 3-253-49 অধিরাজা সার্বভৌমো যুধিষ্ঠিরস্তদ্বৎ ॥ 3-253-50 দেবিনা দ্যূতরতেন ॥অরণ্যপর্ব - অধ্যায় 254
॥ শ্রীঃ ॥
3.254. অধ্যায়ঃ 254
Mahabharata - Vana Parva - Chapter Topics
ভীষ্মেণ দুর্যোধনংপ্রতি পাণ্ডবপ্রশংসনপূর্বকং তৈঃসহ সন্ধিবিধানম্ ॥ 1 ॥ তথা কর্ণস্য গর্হণম্ ॥ 2 ॥ দুর্যোধনানুমত্যা কর্ণেন দিগ্বিজয়ায়া নির্গমনম্ ॥ 3 ॥Mahabharata - Vana Parva - Chapter Text
3-254-0 (25760)
জনমেজয় উবাচ। 3-254-0x (2623)
এবং গতেষু পার্থেষু বনে তস্মিন্মহাত্মসু।
ধার্তরাষ্ট্রা মহেষ্বাসাঃ কিমকুর্বত সত্তমাঃ ॥ 3-254-1 (25761)
কর্ণো বৈকর্তনশ্চৈব শকুনিশ্চ মহাবলঃ।
ভীষ্মদ্রোণকৃপাশ্চৈব তন্মে শংসিতুমর্হসি ॥ 3-254-2 (25762)
বৈশম্পায়ন উবাচ। 3-254-3x (2624)
এবং গতেষু পার্থেষু বিসৃষ্টে চ সুয়োধনে।
আগতে হাস্তিনপুরং মোক্ষিতে পাণ্ডুনন্দনৈঃ।
ভীষ্মোঽব্রবীন্মহারাজ ধার্তরাষ্ট্রমিদং বচ ॥ 3-254-3 (25763)
উক্তং তাত ময়া পূর্বং গচ্ছতস্তে তপোবনম্।
বচনং তে ন রুচিতং মম তন্ন কৃতং চ তে ॥ 3-254-4 (25764)
ততঃ প্রাপ্তং ৎবয়া বীর গ্রহণং শত্রুভির্বলাৎ।
মোক্ষিতশ্চাসি ধর্মজ্ঞৈঃ পাণ্ডবৈর্ন চ লজ্জসে ॥ 3-254-5 (25765)
প্রত্যক্ষং তব গান্ধারে সসৈন্যস্ বিশাংপতে।
সূতপুত্রোঽপয়াদ্ভীতো গন্ধর্বাণাং তদা রণাৎ ॥ 3-254-6 (25766)
ক্রোশতস্তব রাজেন্দ্র সসৈন্যস্য নৃপাত্মজ।
`ব্যপায়াৎপৃষ্ঠতস্তস্মাৎপ্রেক্ষমাণঃ পুনঃপুনঃ ॥' 3-254-7 (25767)
দৃষ্টস্তে বিক্রমশ্চৈব পাণ্ডবানাং মহাত্মনাম্।
কর্ণস্য চ মহাবাহো সূতপুত্রস্য দুর্মতে ॥ 3-254-8 (25768)
ন চাপি পাদভাক্কর্ণঃ পাণ্ডবানাং মহাত্মনাম্।
ধনুর্বেদে চ শৌর্যে চ ধর্মে বা ধর্মবৎসল ॥ 3-254-9 (25769)
তস্মাদহং ক্ষমং মন্যে পাণ্ডবৈস্তৈর্মহাত্মভিঃ।
রসন্ধিং সন্ধিবিদাংশ্রেষ্ঠ কুলস্যাস্য বিবৃদ্ধয়ে ॥ 3-254-10 (25770)
এবমুক্তশ্চ ভীষ্মেণ ধার্তরাষ্ট্রো জনেশ্বরঃ।
প্রহস্য সহসা রাজন্বিপ্রতস্থে সসৌবলঃ ॥ 3-254-11 (25771)
তং তু প্রস্থিতমাজ্ঞায় কর্ণদুঃশাসনাদয়ঃ।
অনুজগ্মুর্মহেষ্বাসা ধার্তরাষ্ট্রং মহাবলম্ ॥ 3-254-12 (25772)
তাংস্তু সংপ্রস্থিতান্দৃষ্ট্বা ভীষ্মঃ কুরুপিতামহঃ।
লজ্জয়া ব্রীডিতো রাজঞ্জগাম স্বং নিবেশনম্ ॥ 3-254-13 (25773)
গতে ভীষ্মে মহারাজ ধার্তরাষ্ট্রো জনেশ্বরঃ।
পুনরাগম্য তং দেশমমন্ত্রয়ত মন্ত্রিভিঃ ॥ 3-254-14 (25774)
কিমস্মাকং ভবেচ্ছ্রেয়ঃ কিং কার্যমবশিষ্যতে।
কথং চ সুকৃতং তৎস্যান্মন্ত্রয়ামাস ভারত ॥ 3-254-15 (25775)
[*কর্ণ উবাচ। 3-254-16x (2625)
দুর্যোধন নিবোধেদং যত্ৎবাং বক্ষ্যামি কৌরব।
ভীষ্মোস্মান্নিন্দতি সদা পাণ্ডবাংশ্চ প্রশংসতি ॥ 3-254-16 (25776)
ৎবদ্বেষাচ্চ মহাবাহো মামপি দ্বেষ্টুমর্হতি।
বিগর্হতে চ মাং নিত্যং ৎবৎসমীপে নরেশ্বর ॥ 3-254-17 (25777)
সোঽহং ভীষ্মবচস্তদ্বৈ ন মৃষ্যামীহ ভারত।
ৎবৎসমং যদুক্তং চ ভীষ্মেণামিত্রকর্শন ॥ 3-254-18 (25778)
পাণ্ডবানাং যশো রাজংস্তব নিন্দাং চ ভারত।
অনুজানীহি মাং রাজন্সভৃত্যবলবাহনম্ ॥ 3-254-19 (25779)
জেষ্যামি পৃথিবীং রাজন্সশৈলবনকাননাম্।
জিতা চ পাণ্ডবৈর্ভূমিশ্চতুর্ভির্বলশালিভিঃ ॥ 3-254-20 (25780)
তামহং তে বিজেষ্যামি এক এব ন সংশয়ঃ।
সংপশ্যতু সুদুর্বুদ্ধির্ভীষ্মঃ কুরুকুলাধমঃ ॥ 3-254-21 (25781)
অনিন্দ্যং নিন্দতে যো হি অপ্রশংস্যং প্রশংসতি।
স পশ্যতু বলং মেঽদ্য আত্মানং তু বিগর্হতু ॥ 3-254-22 (25782)
অনুজানীহি মাং রাজন্ধ্রুবো হি বিজয়স্তব।
প্রতিজানামি তে সত্যং রাজন্নায়ুধমালভে ॥ 3-254-23 (25783)
তচ্ছ্রুৎবা তু বচো রাজন্কর্ণস্য ভরতর্ষভ।
প্রীত্যা পরময়া যুক্তঃ কর্ণমাহ নরাধিপঃ ॥ 3-254-24 (25784)
ধন্যোস্ম্যনুগৃহীতোস্মি যস্য মে ৎবং মহাবলঃ।
হিতেষু বর্তসে নিত্যং সফলংজন্ম চাদ্য মে ॥ 3-254-25 (25785)
যদা চ মন্যসে বীর সর্বশত্রুনিবর্হণম্।
তদা নির্গচ্ছ ভদ্রং তে হ্যনুশাধি চ মামিতি ॥ 3-254-26 (25786)
এবমুক্তস্তদা কর্ণো ধার্তরাষ্ট্রেণ ধীমতা।
সর্বমজ্ঞাপয়ামাস প্রায়াত্রিকমরিংদম ॥ 3-254-27 (25787)
প্রয়যৌ চ মহেষ্বাসো নক্ষত্রে শুভদৈবতে।
শুভেতিথৌ মুহূর্তে চ পুজ্যমানো দ্বিজাতিভিঃ ॥ 3-254-28 (25788)
মঙ্গলৈশ্চ শুভৈঃ স্নাতো বাগ্ভিশ্চাপি প্রপূজিতঃ।
নাদয়ন্রথঘোষেণ ত্রৈলোক্যং সচরাচরম্ ॥ 3-254-29 (25789)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি চতুঃপঞ্চাসদধিকদ্বিশততমোঽধ্যায়ঃ ॥ 254 ॥
Mahabharata - Vana Parva - Chapter Footnotes
3-254-6 অপয়াৎ অপায়াৎ পলায়িতঃ ॥ 3-254-10 সংধিং ক্ষমং যুক্তং মন্যে ॥ 3-254-15 মন্ত্রয়ামোঽদ্য যদ্ধিতমিতি ঝ. ধ.পাঠঃ ॥ 3-254-27 প্রায়াত্রিকং প্রয়াতুং রাজ্ঞোঽপেক্ষিতং শকটাপণবীথ্যাদি ॥ 3-254-29 মঙ্গলৈঃ মঙ্গলদ্রব্যৈঃ সুগন্ধতৈলাদিভিঃ স্নাতঃ। শুভৈর্নীরাজনাদিভিঃ প্রয়যৌ ইতি সংবন্ধঃ ॥ * এতদাদিঃ সার্ধোঽধ্যায়ো ঝ. পুস্তকএব দৃশ্যতে ॥অরণ্যপর্ব - অধ্যায় 255
॥ শ্রীঃ ॥
3.255. অধ্যায়ঃ 255
Mahabharata - Vana Parva - Chapter Topics
দিগ্বিজয়ার্থং গতেন কর্ণেন সকলরাজবশীকরণপূর্বকং পুনর্হাস্তিনপুরংপ্রত্যাগমনম্ ॥ 1 ॥Mahabharata - Vana Parva - Chapter Text
3-255-0 (25790)
বৈশম্পায়ন উবাচ। 3-255-0x (2626)
ততঃ কর্ণো মহেষ্বাসো বলেন মহতা বৃতঃ।
দ্রুপদস্য পুরং রম্যং রুরোধ ভরতর্ষভ ॥ 3-255-1 (25791)
যুদ্ধেন মহতা চৈনং চক্রে বীরং বশানুগম্।
সুবর্ণং রজতং চাপি রত্নানি বিবিধানি চ।
করং চ দাপয়াংমাস দ্রুপদং নৃপসত্তম ॥ 3-255-2 (25792)
তং বিনির্জিত্য রাজেন্দ্র রাজানস্তস্য যেঽনুগাঃ।
তান্সর্বান্বশগাংশ্চক্রে করং চৈনানদাপয়ৎ ॥ 3-255-3 (25793)
অথোত্তরাং দিশং গৎবা বশে চক্রে নরাধিপান্।
ভগদত্তং চ নির্জিত্য রাধেয়ো গিরিমারুহৎ ॥ 3-255-4 (25794)
হিমবন্তং মহাশৈলং যুধ্যমানশ্চ শত্রুভিঃ।
প্রয়যৌ চ দিশঃ সর্বান্নৃপতীন্বশমানয়ৎ ॥ 3-255-5 (25795)
স হৈমবতিকাঞ্জিৎবা করং সর্বানদাপয়ৎ।
নেপালবিষয়ে যে চ রাজানস্তানবাজয়ৎ ॥ 3-255-6 (25796)
অবতীর্য ততঃ শৈলাৎপূর্বাং দিশমভিদ্রুতঃ।
অঙ্গান্বঙ্গান্কলিঙ্গাংশ্চ শুণ্ডিকান্মিথিলানথ ॥ 3-255-7 (25797)
মাগধান্কর্কখণ্ডাংশ্চ নিবেশ্য বিষয়েঽঽত্মনঃ।
আবশীরাংশ্চ যোধ্যাংশ্চ অহিক্ষত্রাংশ্চ সোঽজয়ৎ ॥ 3-255-8 (25798)
পূর্বাং দিশং বিনির্জিত্য বৎসভূমিং তথাঽগমৎ ॥ 3-255-9 (25799)
বৎসভূমিং বিনির্জিত্য কেবলাং মৃত্তিকাবতীম্।
মোহনং পত্তনং চৈব ত্রিপুরীং কোসলাং তথা ॥ 3-255-10 (25800)
এতান্সর্বান্বিনির্জিত্য করমাদায় সর্বশঃ।
দক্ষিণাং দিশমাস্থায় কর্ণো জিৎবা মহারথান্।
রুক্মিণং দাক্ষিণাত্যেষু যোধয়ামাস সূতজঃ ॥ 3-255-11 (25801)
স যুদ্ধং তুমুলং কৃৎবা রুক্মী প্রোবাচ সূতজম্।
প্রীতোস্মি তব রাজেন্দ্র বিক্রমেণ বলেন চ ॥ 3-255-12 (25802)
ন তে বিঘ্নং করিষ্যামি প্রতিজ্ঞাং সমপালয়ম্।
প্রীত্যা চাহং প্রয়চ্ছামি হিরণ্যং যাবদিচ্ছসি ॥ 3-255-13 (25803)
সমেত্য রুক্মিণা কর্ণঃ পাণ্ড্যং শৈলং চ সোগমৎ ॥ 3-255-14 (25804)
স কেবলং রণএ চৈব নীলং চাপি মহীপতিম্।
বেণুদারিসুতং চৈব যে চান্যে নৃপসত্তমাঃ।
দক্ষিণস্যাং দিশি নৃপান্করান্সর্বানদাপয়ৎ ॥ 3-255-15 (25805)
শৈশুপালিং ততো গৎবা বিজিগ্যে সূতনন্দনঃ।
পার্শ্বস্থাংশ্চাপি নৃপতীন্বশে চক্রে মহাবলঃ ॥ 3-255-16 (25806)
আবন্ত্যাংশ্চ বশে কৃৎবা সাম্না চ ভরতর্ষভ।
বৃষ্ণিভিঃ সহ সংম্য পশ্চিমামপি নির্জয়ৎ ॥ 3-255-17 (25807)
বারুণীং দিশমাগম্য যাবনান্বর্বরাংস্তথা।
নৃপান্পশ্চিমভূমিস্থান্দাপয়ামাস বৈ করান্ ॥ 3-255-18 (25808)
বিজিত্য পৃথিবীং সর্বাং সপূর্বাপরদক্ষিণাম্।
সম্লেচ্ছাটবিকান্বীরঃ সপর্বতনিবাসিনঃ ॥ 3-255-19 (25809)
ভদ্রান্রোহিতকাংশ্চৈব আগ্রেয়ান্মালবানপি।
গণান্সর্বান্বিনির্জিত্য নীতিকৃৎপ্রহসন্নিব ॥ 3-255-20 (25810)
শশকান্যবনাংশ্চৈব বিজিগ্যে সূতনন্দনঃ।
নগ্নজিৎপ্রমুখাংশ্চৈব গণাঞ্জিৎবা মহারথান্ ॥ 3-255-21 (25811)
এবং স পৃথিবীং সর্বাং বশে কৃৎবা মহারথঃ।
বিজিত্য পুরুষব্যাঘ্রো নাগসাহ্বয়মাগমৎ ॥ 3-255-22 (25812)
তমাগতং মহেষ্বাসং ধার্তরাষ্ট্রো জনাধিপঃ।
প্রত্যুদ্গত্য মহারাজ সভ্রাতৃপিতৃবান্ধবঃ ॥ 3-255-23 (25813)
অর্চয়ামাস বিধিনা কর্ণমাহবশোভিনম্।
আশ্রাবয়চ্চ তৎকর্ম প্রীয়মাণো জনেশ্বরঃ ॥ 3-255-24 (25814)
যন্ন ভীষ্মান্ন চ দ্রোণান্ন কৃপান্ন চ বাহ্লিকাৎ।
প্রাপ্তবানস্মি ভদ্রং তে ৎবত্তঃপ্রাপ্তং ময়া হি তৎ ॥ 3-255-25 (25815)
বহুনা চ কিমুক্তেন শৃণু কর্ণ বচো মম।
সনাথোস্মি মহাবাহো ৎবয়া নাথেন সত্তম ॥ 3-255-26 (25816)
ন হি তে পাণ্ডবাঃ সর্বে কলামর্হন্তি ষোডশীম্।
অন্যেবা পুরুষব্যাঘ্র রাজানোঽভ্যুদিতোদিতাঃ ॥ 3-255-27 (25817)
স ভবান্ধৃতরাষ্ট্রং তং গান্ধারীং চ যশস্বিনীম্।
পশ্য কর্ণ মহেষ্বাস অদিতিং বজ্রভৃদ্যথা ॥ 3-255-28 (25818)
ততো হলহলাশব্দঃ প্রাদুরাসীদ্বিশাংপতে।
হাহাকারাশ্চ বহবো নগরে নাগসাহ্বয়ে ॥ 3-255-29 (25819)
রকেচিদেনং প্রশংসন্তি নিন্দন্তি স্ম তথা পরে।
তূষ্ণীমাসংস্তথা চান্যে নৃপাস্তত্র জনাধিপ ॥ 3-255-30 (25820)
এবং বিজিত্য রাজেন্দ্র কর্ণঃ শস্ত্রভৃতাংবরঃ।
সপর্বতবনাকাশাং সসমুদ্রাং সনুষ্কুটাম্ ॥ 3-255-31 (25821)
দেশৈরুচ্চাবচৈঃ পূর্ণাং পত্তনৈর্নগরৈরপি।
দ্বীপৈশ্চানূপসংপূর্ণৈঃ পৃথিবীং পৃথিবীপতে ॥ 3-255-32 (25822)
কালেন নাতিদীর্ঘেণ বশে কৃৎবা তু পার্থিবান্।
অক্ষয়ং ধনমাদায় সূতজো নৃপমভ্যযাৎ ॥ 3-255-33 (25823)
প্রবিশ্য চ গৃহং রাজন্নভ্যন্তরমরিংদম।
গান্ধারীসহিতং বীরো ধৃতরাষ্ট্রং দদর্শ সঃ ॥ 3-255-34 (25824)
পুত্রবচ্চ নরব্যাঘ্র পাদৌ জগ্রাহ ধর্মবিৎ।
ধৃতরাষ্ট্রেণ চাশ্লিষ্য প্রেম্ণা চাপি বিসর্জিতঃ ॥ 3-255-35 (25825)
তদাপ্রভৃতি রাজা চ শকুনিশ্চাপি সৌবলঃ।
জানাতে নির্জিতান্পার্থান্কর্ণেন যুধি ভারত ॥ 3-255-36 (25826)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি পঞ্চপঞ্চাশদধিকদ্বিশততমোঽধ্যায়ঃ ॥ 255 ॥
Mahabharata - Vana Parva - Chapter Footnotes
3-255-7 মুণ্ডিকান্মিথিলানিতি খ.পাঠঃ ॥ 3-255-13 প্রতিজ্ঞাং ক্ষত্রধর্মং সমপালয়ং পালিতবানস্মি। রক্ষত্রধর্মাবেক্ষয়ৈব ৎবয়া সহ যুদ্ধং কৃতং ন ৎবজ্জিগীষয়েতি ভাবঃ ॥ 3-255-14 শৈলং শ্রীশৈলম্ ॥ 3-255-20 আগ্নেয়ান্মালবানিতি খ. পাঠঃ ॥ 3-255-24 তৎকর্ম কর্ণবিজয়ং পুরে উদ্ধোষয়ামাস ॥ 3-255-27 অভ্যুদিত্নেভ্যোপি উদিতাঃ শ্রেষ্ঠতমাঃ ॥ 3-255-31 আকাশঃ পর্বতবনয়োরন্তরালম্। সস্যাদ্যুৎপত্তিভূমিমিত্যর্থঃ ॥ 3-255-32 অনূপং সর্বতোজলং তেন সংপূর্ণৈঃ ॥অরণ্যপর্ব - অধ্যায় 256
॥ শ্রীঃ ॥
3.256. অধ্যায়ঃ 256
Mahabharata - Vana Parva - Chapter Topics
দুর্যোধনেন রাজসূয়যাজনং প্রার্থিতৈর্ব্রাহ্মণৈর্হেতূক্ত্যা তন্নিপেধনপূর্বকং তপ্রতি যজ্ঞান্তরকরণনিয়োজনম্ ॥ 1 ॥Mahabharata - Vana Parva - Chapter Text
3-256-0 (25827)
বৈশম্পায়ন উবাচ। 3-256-0x (2627)
জিৎবা তু পৃথিবীং রাজন্সূতপুত্রো জনাধিপ।
অব্রবীৎপরবীরঘ্নো দুর্যোধনমিদং বচঃ ॥ 3-256-1 (25828)
দুর্যোধন নিবোধেদং যত্ৎবাং বক্ষ্যামি কৌরব।
শ্রুৎবা বাচং তথা সর্বং কর্তুমর্হস্যরিংদম ॥ 3-256-2 (25829)
তবাদ্য পৃথিবী বীর নিঃসপত্না নৃপোত্তম।
তাং পালয় যথা শক্রো হতশত্রুর্মহামনাঃ ॥ 3-256-3 (25830)
বৈশম্পায়ন উবাচ। 3-256-4x (2628)
এবমুক্তস্তু কর্ণেন কর্ণং রাজাঽব্রবীৎপুনঃ।
ন কিংচিদ্দুর্লভং তস্য যস্ ৎবং পুরুষর্ষভ ॥ 3-256-4 (25831)
সহায়শ্চানুরক্তশ্চ মদর্থং চ সমুদ্যতঃ।
অভিপ্রায়স্তু মে কশ্চিত্তং বৈ শৃণু যথাতথম্ ॥ 3-256-5 (25832)
রাজসূয়ং পাণ্ডবস্য দৃষ্ট্বা ক্রতুবরং তদা।
কমম স্পৃহা সমুৎপন্না তাং সংপাদয় সূতজ ॥ 3-256-6 (25833)
এবমুক্তস্ততঃ কর্ণো রাজানমিদমব্রবীৎ।
তবাদ্য পৃথিবীপালা বশ্যাঃ সর্বে নৃপোত্তম ॥ 3-256-7 (25834)
আহূয়ন্তাং দ্বিজবরাঃ সংভারাশ্চ যথাবিধি।
সংভ্রিয়ন্তাং কুরুশ্রেষ্ঠ যজ্ঞোপকরণানি চ ॥ 3-256-8 (25835)
ঋৎবিজশ্চ সমাহূতা যথোক্তং বেদপারগাঃ।
ক্রিয়াং কুর্বন্তু তে রাজন্যথাশাস্ত্রমরিংদম ॥ 3-256-9 (25836)
বহ্বন্নপানসংয়ুক্তঃ সুসমৃদ্ধগুণান্বিতঃ।
প্রবর্ততাং মহায়জ্ঞস্তবাপি ভরতর্ষভ ॥ 3-256-10 (25837)
এবমুক্তস্তু কর্ণেন ধার্তরাষ্ট্রো বিশাংপতে।
পুরোহিতং সমানায়্য বচনং চেদমব্রবীৎ ॥ 3-256-11 (25838)
রাজসূয়ং ক্রতুশ্রেষ্ঠং সমাপ্তবরদক্ষিণম্।
আহরস্ব যথাশাস্ত্রং যথান্যায়ং যথাক্রমম্ ॥ 3-256-12 (25839)
স এবমুক্তো নৃপতিমুবাচ দ্বিজসত্তমঃ ॥ 3-256-13 (25840)
`ব্রাহ্মণৈঃ সহিতো রাজন্যে তত্রাসন্সমাগতাঃ'।
ন স শক্যঃ ক্রতুশ্রেষ্ঠো জীবমানে যুধিষ্ঠিরে।
আহর্তুং কৌরবশ্রেষ্ঠ কুলে তব নৃপোত্তম ॥ 3-256-14 (25841)
দীর্ঘায়ুর্জীবতি চ তে ধৃতরাষ্ট্রঃ পিতা নৃপ।
অতশ্চাপি বিরুদ্ধস্তে ক্রতুরেণষ নৃপোত্তমঃ ॥ 3-256-15 (25842)
অস্তি ৎবন্যন্মহৎসত্রং রাজসূয়সমং প্রভো।
তেন ৎবং যজ রাজেন্দ্র শৃণু চেদং বচো মম ॥ 3-256-16 (25843)
য ইমে পৃথিবীপালাঃ করদাস্তব পার্থিব।
তে করান্সংপ্রয়চ্ছন্তু সুবর্ণং চ কৃতাকৃতম্ ॥ 3-256-17 (25844)
তেন তে ক্রিয়তামদ্যলাঙ্গলং নৃপসত্তম।
যজ্ঞবাটস্ তে ভূমিঃ কৃষ্যতাং তেন ভারত ॥ 3-256-18 (25845)
তত্র যজ্ঞো নৃপশ্রেষ্টঃ প্রভূতান্নঃ সুসংস্কৃতঃ।
প্রবর্ততাং যথান্যায়ং সর্বতো হ্যনিবারিতঃ ॥ 3-256-19 (25846)
এষ তে বৈষ্ণবো নাম যজ্ঞঃ সৎপুরুষোচিতঃ।
এতেন নেষ্টবান্কশ্চিদৃতেবিষ্ণুং পুরাতনম্ ॥ 3-256-20 (25847)
রাজসূয়ং ক্রতুশ্রেষ্ঠং স্পর্ধত্যেষ মহাক্রতুঃ।
অস্মাকং রোচতে চৈব শ্রেয়শ্চ তব ভারত ॥ 3-256-21 (25848)
নির্বিঘ্নশ্চ ভবত্যেষ সফলা স্যাৎস্পৃহা তব।
`তস্মাদেষ মহাবাহো তব যজ্ঞঃ প্রবর্ততাম্' ॥ 3-256-22 (25849)
এবমুকৎস্তু তৈর্বিপ্রৈর্ধার্তরাষ্ট্রো মহীপতিঃ।
কর্ণং চ সৌবলং চৈব ভ্রাতৄশ্চৈবেদমব্রবীৎ ॥ 3-256-23 (25850)
রোচতে মে বচঃ কৃৎস্নং ব্রাহ্মণানাং ন সংশয়ঃ।
রোচতে যদি যুষ্মাকং তস্মাৎপ্রব্রূত মাচিরম্ ॥ 3-256-24 (25851)
এবমুক্তাস্তু তে সর্বে তথেত্যূচুর্নরাধিপম্।
সংদিদেশ ততোরাজাব্যাপারস্থান্যথাক্রমম্ ॥ 3-256-25 (25852)
হলস্য করণে চাপি ব্যাদিষ্টাঃ সর্বশিল্পিনঃ।
যথোক্তং চ নৃপশ্রেষ্ঠ কৃতং সর্বং যথাক্রমম্ ॥ 3-256-26 (25853)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি ষট্পঞ্চাশদধিকদ্বিশততমোঽধ্যায়ঃ ॥ 256 ॥
Mahabharata - Vana Parva - Chapter Footnotes
3-256-17 কৃতং ঘটিতমলংকারাদিরূপম্। অকৃতমন্যৎ ॥ 3-256-25 ব্যাপারস্থান্ শিল্পিনঃ ॥অরণ্যপর্ব - অধ্যায় 257
॥ শ্রীঃ ॥
3.257. অধ্যায়ঃ 257
Mahabharata - Vana Parva - Chapter Topics
দুর্যোধনেন যজ্ঞসমাপনানন্তরং সতহুমানং প্রাহুণিকবিপ্রনৃপেপ্রষণপূর্বকং নিজনগরপ্রবেশনম্ ॥ 1 ॥Mahabharata - Vana Parva - Chapter Text
3-257-0 (25854)
বৈশম্পায়ন উবাচ। 3-257-0x (2629)
ততস্তু শিল্পিনঃ সর্বং কৃতমূর্চুর্নরাধিপম্।
বিদুরশ্চ মহাপ্রাজ্ঞো ধৃতরাষ্ট্রে ন্যবেদয়ৎ ॥ 3-257-1 (25855)
সজ্জং ক্রতুবরং রাজন্কালপ্রাপ্তং চ ভারত।
সৌবর্ণং চ কৃতং সর্বং লাঙ্গলং চ মহাধনম্ ॥ 3-257-2 (25856)
এবচ্ছ্রুৎবা নৃপশ্রেষ্ঠো ধৃতরাষ্ট্রো বিশংপতে।
আজ্ঞাপয়ামাস নৃপঃ ক্রতুরাজপ্রবর্তনম্ ॥ 3-257-3 (25857)
ততঃ প্রববৃতে যজ্ঞঃ প্রভূতার্থঃ সুসংস্কৃতঃ।
দীক্ষিতশ্চাপি গান্ধারির্যথাশাস্ত্রং যথাক্রমম্ ॥ 3-257-4 (25858)
প্রহৃষ্টো ধৃতরাষ্ট্রশ্চ বিদুরশ্চ মহায়শাঃ।
ভীষ্মো দ্রোণঃ কৃপঃ কর্ণো গান্ধারী চ যশস্বিনী ॥ 3-257-5 (25859)
নিমন্ত্রণার্থং দূর্তাংশ্চ প্রেষয়ামাস শীঘ্রগান্।
পার্থিবানাং চ রাজেন্দ্র ব্রাহ্মণানাং তথৈব চ ॥ 3-257-6 (25860)
তে প্রয়াতা যথোদ্দিষ্টা দূতাস্ৎবরিতবাহনাঃ।
তত্র কচিৎপ্রয়ান্তং তু দূতং দুঃশাসনোঽব্রবীৎ ॥ 3-257-7 (25861)
গচ্ছ দ্বৈতবনং শীঘ্রং পাণ্ডবান্পাপপূরুষান্।
নিমন্ত্রয় যথান্যায়ং বিপ্রাংস্ত স্মিন্বনে তদা ॥ 3-257-8 (25862)
স গৎবা পাণ্ডবান্সর্বানুবাচাভিপ্রণম্য চ।
দুর্যোধনো মহারাজ যজতে নৃপসত্তমঃ ॥ 3-257-9 (25863)
স্ববীর্যার্জিতমর্থৌঘমবাপ্য কুরুসত্তমঃ।
তত্র গচ্ছন্তি রাজানো ব্রাহ্মণাশ্চ ততস্ততঃ ॥ 3-257-10 (25864)
অহং তু প্রেষিতো রাজন্কৌরবেণ মহাত্মনা।
আমন্ত্রয়তি বো রাজা ধার্তরাষ্ট্রো জনেশ্বরঃ।
মনোভিলষিতং রাজ্ঞস্তং ক্রতুং দ্রষ্টুমর্হথ ॥ 3-257-11 (25865)
ততো যুধিষ্ঠিরো রাজা তচ্ছ্রুৎবা দূতভাষিতম্।
অব্রবীন্নৃপশার্দূলো দিষ্ট্যা রাজা সুয়োধনঃ।
যজতে ক্রতুমুখ্যেন পূর্বেষাং কীর্তিবর্ধনঃ ॥ 3-257-12 (25866)
বয়মপ্যুপয়াস্যামো ন ৎবিদানীং কথংচন।
সময়ঃ পরিপাল্যো নো যাবদ্বর্ষং ত্রয়োদশম্ ॥ 3-257-13 (25867)
শ্রুৎবৈতদ্ধর্মরাজস্য ভীমো বচনমব্রবীৎ।
তদা তু নৃপতির্গন্তা ধর্মরাজো যুধিষ্ঠিরঃ ॥ 3-257-14 (25868)
অস্ত্রশস্ত্রপ্রদীপ্তেঽগ্নৌ যদা তং পাতয়িষ্যতি।
বর্ষাত্রয়োদশাদূর্ধ্বং রণসত্রে নরাধিপঃ ॥ 3-257-15 (25869)
যদা ক্রোধহবির্মোক্তা ধার্তরাষ্ট্রেষু পাণ্ডবঃ।
আগন্তারস্তদা স্মেতি বাচ্যস্তে স সুয়োধনঃ ॥ 3-257-16 (25870)
শেষাস্তু পাণ্ডবা রাজন্নৈবোচুঃ কিংচিদপ্রিয়ম্।
দূতশ্চাপি যথাবৃত্তং ধার্তরাষ্ট্রে ন্যবেদয়ৎ ॥ 3-257-17 (25871)
অথাজগ্মুর্নরশ্রেষ্ঠা নানাজনপদেশ্বরাঃ।
ব্রাহ্মণাশ্চ মহাভাগ ধার্তরাষ্ট্রপুরং প্রতি ॥ 3-257-18 (25872)
তে ৎবর্চিতা যথাশাস্ত্রং যথাবিধি যথাক্রমম্।
মুদা পরময়া যুক্তাঃ প্রীতাশ্চাপি নরেশ্বরাঃ ॥ 3-257-19 (25873)
ধৃতরাষ্ট্রোঽপি রাজেন্দ্র সংবৃতঃ সর্বকৌরবৈঃ।
হর্ষেণ মহতা যুক্তো বিদুরং প্রত্যভাষত ॥ 3-257-20 (25874)
যথা সুখী জনঃ সর্বঃ ক্ষত্তঃ স্যাদন্নসংয়ুতঃ।
তুষ্যেত্তু যজ্ঞসদনে তথা নীতির্বিধীয়তাম্ ॥ 3-257-21 (25875)
বিদুরস্তু তদাজ্ঞায় সর্ববর্ণানরিংদম।
যথা প্রমাণতো বিদ্বান্পূজয়ামাস ধর্মবিৎ ॥ 3-257-22 (25876)
ভক্ষ্যপেয়ান্নপানেন মাল্যৈশ্চাপি সুগন্ধিভিঃ।
বাসোভির্বিবিধৈশ্চৈব যোজয়ামাস হৃষ্টবৎ ॥ 3-257-23 (25877)
কৃৎবা হ্যবভৃথং বীরো যথাশাস্ত্রং যথাক্রমম্।
সান্ৎবয়িৎবা চ রাজেন্দ্রো দত্ৎবা চ বিবিধং বসু।
বিসর্জয়ামাস নপান্ব্রাহ্মণাংশ্চ সহস্রশঃ ॥ 3-257-24 (25878)
বিসৃজ্যচ নৃপান্সর্বান্ভ্রাতৃভিঃ পরিবারিতঃ।
বিবেশ হাস্তিনপুরং সহিতঃ কর্ণসৌবলৈঃ ॥ 3-257-25 (25879)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি সপ্তপঞ্চাশদধিকদ্বিশততমোঽধ্যায়ঃ ॥ 257 ॥
Mahabharata - Vana Parva - Chapter Footnotes
3-257-25 কর্ণসৌবলৈঃ সৌবলাদ্যৈঃ ॥অরণ্যপর্ব - অধ্যায় 258
॥ শ্রীঃ ॥
3.258. অধ্যায়ঃ 258
Mahabharata - Vana Parva - Chapter Topics
দুর্যোধনসভায়াং কর্ণেনার্জুবধপ্রতিজ্ঞানম্ ॥ 1 ॥ চারমুখাৎপাণ্ডবৈস্তচ্ছ্রবণম্ ॥ 2 ॥Mahabharata - Vana Parva - Chapter Text
3-258-0 (25880)
বৈশম্পায়ন উবাচ। 3-258-0x (2630)
প্রবিশন্তং মহারাজ সূতাস্তুষ্টুবুরচ্যুতম্।
জনাশ্চাপি মহেষ্বাসং তুষ্টুবূ রাজসত্তমম্ ॥ 3-258-1 (25881)
লাজৈশ্চন্দনচূর্ণৈশ্চ বিকীর্য চ জনাস্ততঃ।
ঊটুর্দিষ্ট্যা নৃপাবিঘ্নঃ সমাপ্তোয়ং ক্রতুস্তব ॥ 3-258-2 (25882)
অপরে ৎবব্রুবংস্তত্রবাদিকাস্তং মহীপতিম্।
যৌধিষ্ঠিরস্য যজ্ঞস্য ন সমো হ্যেষ তে ক্রতুঃ ॥ 3-258-3 (25883)
নৈব তস্য ক্রতোরেষ কলামর্হতি ষোডশীম্।
এবং তত্রাব্রুবন্কেচিদ্বাতিকাস্তং জনেশ্বরম্ ॥ 3-258-4 (25884)
সুহৃদস্ৎবব্রুবংস্তত্র অতি সর্বানয়ং ক্রতুঃ।
`প্রবর্তিতো হ্যযং রাজ্ঞা ধার্তরাষ্ট্রেণ ধীমতা' ॥ 3-258-5 (25885)
যয়াতির্নহুষশ্চাপি মান্ধাতা ভরতস্তথা।
ক্রতুমেনং সমাহৃত্য পূতাঃ সর্বে দিবং গতাঃ ॥ 3-258-6 (25886)
এতা বাচঃ শুভাঃ শৃণ্বন্সুহৃদাং ভরতর্ষভ।
প্রবিবেশ পুরং হৃষ্টঃ স্ববেশ্ম চ নরাধিপঃ ॥ 3-258-7 (25887)
অভিবাদ্য ততঃ পাদান্মতাপিত্রোর্বিশাংপতে।
ভীষ্মদ্রোণকৃপাদীনাং বিদুরস্য চ ধীমতঃ ॥ 3-258-8 (25888)
অভিবাদিতঃ কনীয়োভির্ভ্রাতৃভির্ভ্রাতৃনন্দনঃ।
নিষসাদাসনে মুখ্যে ভ্রাতৃভিঃ পরিবারিতঃ ॥ 3-258-9 (25889)
তমুত্থায় মহারাজং সূতপুত্রোঽব্রবীদ্বচঃ।
দিষ্ট্যা তে ভরতশ্রেষ্ঠ সমাপ্তোঽয়ং মহাক্রতুঃ ॥ 3-258-10 (25890)
হতেষু যুধি পার্থেষু রাজসূয়ে তথা ৎবয়া।
আহৃতেঽহং নরশ্রেষ্ঠ ৎবাং সভাজয়িতা পুনঃ ॥ 3-258-11 (25891)
তমব্রবীন্মহারাজো ধার্তরাষ্ট্রো মহায়শাঃ। 3-258-12 (25892)
সত্যমেতত্ৎবয়োক্তং হি পাণ্ডবেষু দুরাত্মসু।
নিহতেষু নরশ্রেষ্ঠ প্রাপ্তে চাপি মহাক্রতৌ।
রাজসূয়ে পুনর্বীর ৎবমেবং বর্ধয়িষ্যসি ॥ 3-258-13 (25893)
এবমুক্ৎবা মহারাজ কর্ণমাশ্লিষ্য ভারত।
রাজসূয়ং ক্রতুশ্রেষ্ঠং চিন্তয়ামাস কৌরবঃ ॥ 3-258-14 (25894)
সোঽব্রবীৎকৌরবাংশ্চাপি পার্শ্বস্থান্নৃপসত্তমঃ।
`রাধেয়সৌবলাদীন্বৈ ধার্তরাষ্ট্রো মহীপতিঃ' ॥ 3-258-15 (25895)
কদা তু তং ক্রতুবরং রাজসূয়ং মহাধনম্।
নিহত্য পাণ্ডবান্সর্বানাহরিষ্যামি কৌরবাঃ ॥ 3-258-16 (25896)
তমব্রবীত্তদা কর্ণঃ শৃণু মে রাজকুঞ্জর।
পাদৌ ন ধাবয়ে তাবদ্যাবন্ন নিহতোঽর্জুনঃ ॥ 3-258-17 (25897)
কীলালজং ন খাদেয়ং করিষ্যে চাসুরব্রতম্।
নাস্তীতি নৈব বক্ষ্যামি যাচিতো যেন কেচনিৎ ॥ 3-258-18 (25898)
অথোৎক্রুষ্টং মহেষ্বাসৈর্ধার্তরাষ্ট্রৈর্মহারথৈঃ।
প্রতিজ্ঞাতে ফল্গুনস্য বধে কর্ণেন সংয়ুগে ॥ 3-258-19 (25899)
বিজিতাংশ্চাপ্যমন্যন্ত পাণ্ডবান্ধৃতরাষ্ট্রজাঃ।
`তদা প্রতিজ্ঞামারুহ্য সূতপুত্রেণ ভাষিতে' ॥ 3-258-20 (25900)
দূর্যোধনোঽপি রাজেন্দ্র বিসৃজ্যনরপুঙ্গবান্।
প্রবিবেশ গৃহংশ্রীমান্যথা চৈত্ররথং প্রভুঃ ॥ 3-258-21 (25901)
তেঽপিসর্বে মহেষ্বাসা জগ্মুর্বেশ্মানি ভারত।
`স্বানিস্বনি মহারাজ ভীষ্মদ্রোণাদয়ো নৃপা' ॥ 3-258-22 (25902)
পাণ্ডবাশ্চ মহেষ্বাসা দূতবাক্যপ্রচোদিতাঃ।
চিন্তয়ন্তস্তমেবার্থং নালভন্ত সুখং ক্বচিৎ ॥ 3-258-23 (25903)
ভূয়শ্চ চারৈ রাজেন্দ্র প্রবৃত্তিরুপপাদিতা।
প্রতিজ্ঞা সূতপুতর্স্য বিজয়স্য বধং প্রতি ॥ 3-258-24 (25904)
এতচ্ছ্রুৎবা ধর্মসুতঃ সমুদ্বিগ্নো নরাধিপ।
`অধোমুখশ্চিরং তস্থৌ কিং কার্যমিতি চিন্তয়ন্' ॥ 3-258-25 (25905)
অভেদ্যকবচং মৎবা কর্ণমদ্ভুতবিক্রমম্।
অনুস্মরংশ্ সংক্লেশান্ন শান্তিমুপজগ্মিবান্ ॥ 3-258-26 (25906)
তস্য চিন্তাপরীতস্য বুদ্ধির্জজ্ঞে মহাত্মনঃ।
বহুব্যালমৃগাকীর্ণং ত্যক্তুং দ্বৈতবনং বনম্ ॥ 3-258-27 (25907)
ধার্তরাষ্ট্রোঽপি নৃপতিঃ প্রশশাস বসুংধরাম্।
ভ্রাতৃভিঃ সহিতো বীরৈর্ভীষ্মদ্রোণকৃপৈস্তথা ॥ 3-258-28 (25908)
সংগম্য সূতপুত্রেণ কর্ণেনাহবশোভিনা।
`সততং প্রীয়মাণো বৈ দেবিনা সৌবলেন চ' ॥ 3-258-29 (25909)
দুর্যোধনঃ প্রিয়ে নিত্যং বর্তমানো মহীভৃতাম্।
পূজয়ামাস বিপ্রেন্দ্রান্ক্রতুভির্ভূরিদক্ষিণৈঃ ॥ 3-258-30 (25910)
ভ্রাতৄণাং চ প্রিয়ং রাজন্স চকার পরংতপঃ।
নিশ্চিত্য মনসা বীরো দত্তভুক্তফলং ধনম্ ॥ 3-258-31 (25911)
ইতি শ্রীমন্মহাভারতে অরণ্যপর্বণি ঘোষয়াত্রাপর্বণি অষ্টপঞ্চাশদধিকদ্বিশততমোঽধ্যায়ঃ ॥ 258 ॥
Mahabharata - Vana Parva - Chapter Footnotes
3-258-1 মাগধাশ্চ মহেষ্বাসং নাগরাশ্চ সহস্রশঃ। ইতি ক. থ. পাঠঃ ॥ 3-258-3 বাদিকাঃ কৃতানুবাদিনো ভূতবিশেষাঃ। বাতিকাস্তমিতি ঝ. পাঠঃ। বাতিকাঃ বাতরোগোপহতচেতস উচিতভাষণানভিজ্ঞঃ ॥ 3-258-11 সভাজয়িতা পূজয়িষ্যামি ॥ 3-258-17 ধাবয়ে পরেণতি শেষঃ ॥ 3-258-18 কীলালজং মাংসম্। অসুরং সুরারহিতং চ ব্রতং স্বনিয়মং করিষ্যে। মদ্যং মাংসং চ ত্যক্ষ্যে ইত্যর্থঃ ॥ 3-258-19 উৎকুষ্টং উচ্চৈঃ শব্দঃ কৃতঃ ॥অরণ্যপর্ব - অধ্যায় 259
॥ শ্রীঃ ॥
3.259. অধ্যায়ঃ 259
Mahabharata - Vana Parva - Chapter Topics
পাণ্ডবনিহতভূয়িষ্ঠৈর্মৃগৈর্যুধিষ্ঠিরংপ্রতি স্বপ্নে স্থানান্তরগমনন স্বকুশলশেষীকরণপ্রার্থনা ॥ 1 ॥ যুধিষ্ঠিরেণ ভ্রাতৃষু স্বীয়স্বপ্নদর্শনকথনপূর্বকং পুনঃ কাম্যকবনংপ্রতি গমনম্ ॥ 2 ॥Mahabharata - Vana Parva - Chapter Text
3-259-0 (25912)
জনমেজয় উবাচ। 3-259-0x (2631)
দুর্যোধনং মোক্ষয়িৎবা পাণ্ডুপুত্রা মহাবলাঃ।
কিমকার্ষুর্বনে তস্মিংস্তন্মমাখ্যাতুমর্হসি ॥ 3-259-1 (25913)
বৈশম্পায়ন উবাচ। 3-259-2x (2632)
ততঃ শয়ানং কৌন্তেয়ং রাত্রৌ দ্বৈতবন মৃগাঃ।
স্বপ্নান্তে দর্শয়ামাসুর্বাষ্পকণ্ঠা যুধিষ্ঠিরম্ ॥ 3-259-2 (25914)
তানব্রবীৎস রাজেন্দ্রো বেপমানান্কৃতাঞ্জলীন্।
ব্রূত যদ্বক্তুকামাঃ স্থ কে ভবন্তঃ কিমিষ্যতে ॥ 3-259-3 (25915)
এবমুক্তাঃ পাণ্ডবেন কৌন্তেয়েন যশস্বিনা।
প্রত্যব্রুবন্মৃগাস্তত্রহতশেষা যুধিষ্ঠিরম্ ॥ 3-259-4 (25916)
বয়ং মৃগা দ্বৈতবনে হতশিষ্টাস্তু ভারত।
নোৎসীদেম মহারাজ ক্রিয়তাং বাসপর্যযঃ ॥ 3-259-5 (25917)
ভবন্তো ভ্রাতরঃ শূরাঃ সর্ব এবাস্ত্রকোবিদাঃ।
কুলান্যল্পাবশিষ্টানি কৃতবন্তো বনৌকসাম্ ॥ 3-259-6 (25918)
বীজভূতা বয়ং কেচিদবশিষ্টা মহামতে।
বিবর্ধেমহি রাজেন্দ্র প্রসাদাত্তে যুধিষ্ঠির ॥ 3-259-7 (25919)
তান্বেপমানান্বিত্রস্তান্বীজমাত্রাবশেষিতান্।
মৃগান্দৃষ্ট্বা সুদুঃখার্তো ধর্মরাজো যুধিষ্ঠিরঃ ॥ 3-259-8 (25920)
তাংস্তথেত্যব্রবীদ্রাজা সর্বভূতহিতে রতঃ।
যথা ভবন্তো ব্রুবতে করিষ্যামি চ তত্তথা ॥ 3-259-9 (25921)
ইত্যেবং প্রতিবুদ্ধঃ স রাত্র্যন্তে রাজসত্তমঃ।
অব্রবীৎসহিতান্ভ্রাতৄন্দয়াপন্নো মৃগান্প্রতি ॥ 3-259-10 (25922)
উক্তো রাত্রৌ মৃগৈরস্মি স্বপ্নান্তে হতশেষিতৈঃ।
তনুভূতাঃ স্ম ভদ্রং তে দয়া নঃ ক্রিয়তামিতি ॥ 3-259-11 (25923)
তে সত্যমাহুঃ কর্তব্যা দয়াঽস্মাভির্বনৌকসাম্।
সাষ্টমাসং হি নো বর্ষং যদেনানুপয়ুংক্ষ্মহে ॥ 3-259-12 (25924)
পুনর্বহুমৃগং রম্যং কাম্যকং কাননোত্তমম্।
তত্রেমাং বসতিং শিষ্টাং বিহরন্তো রমেমহি ॥ 3-259-13 (25925)
বৈশম্পায়ন উবাচ। 3-259-14x (2633)
ততস্তে পাণ্ডবাঃ শীঘ্রং প্রয়যুর্ধর্মকোবিদাঃ ॥ 3-259-14 (25926)
ব্রাহ্মণৈঃ সহিতা রাজন্যে চ তত্রসহোষিতাঃ।
ইন্দ্রসেনাদিভিশ্চৈব প্রেষ্যৈরনুগতাস্তদা ॥ 3-259-15 (25927)
তে যাৎবা সুসুখৈর্মার্গৈঃ স্বন্নৈঃ শুচিজলান্বিতৈঃ।
দদৃশুঃ কাম্যকং পুণ্যমাশ্রমং তাপসান্বিতম্ ॥ 3-259-16 (25928)
বিবিশুস্তে স্ম কৌরব্যা বৃতা বিপ্রর্ষভৈস্তদা।
তদ্বনং ভরতশ্রেষ্ঠাঃ স্বর্গং সুকৃতিনো যথা ॥ 3-259-17 (25929)
ইতি শ্রীমন্মহাভারতে অরণ্যপর্বণি মৃগস্বপ্নোদ্ভবপর্বণি একোনষষ্ট্যধিকদ্বিশততমোঽধ্যায়ঃ ॥ 259 ॥
Mahabharata - Vana Parva - Chapter Footnotes
3-259-5 বাসস্য পর্যযঃ বৈপরীত্য নাত্রবস্তব্যমিত্যর্থঃ ॥অরণ্যপর্ব - অধ্যায় 260
॥ শ্রীঃ ॥
3.260. অধ্যায়ঃ 260
Mahabharata - Vana Parva - Chapter Topics
কদাচন কাম্যকবচবাসিনঃ পাণ্ডবানুপাগতেন ব্যাসেন যুধিষ্ঠিরংপ্রতি দানপ্রশংসনম্ ॥ 1 ॥Mahabharata - Vana Parva - Chapter Text
3-260-0 (25930)
বৈশম্পায়ন উবাচ। 3-260-0x (2634)
বনে নিবসতাং তেষাং পাণ্ডবানাং মহাত্মনাম্।
বর্ষাণ্যেকাদশাতীয়ুঃ কৃচ্ছ্রেণ ভরতর্ষভ ॥ 3-260-1 (25931)
ফলমূলাশনাস্তে হি সুখার্হা দুঃখমুত্তমম্।
প্রাপ্তকালমনুধ্যান্তঃ সেহিরে বরপূরুষাঃ ॥ 3-260-2 (25932)
যুধিষ্ঠিরস্তু রাজর্ষিরাত্মকর্মাপরাধজম্।
চিন্তয়ন্স মহাবাহুর্ভ্রাতৄণাং দুঃখমুত্তমম্ ॥ 3-260-3 (25933)
ন সুষ্বাপ সুখং রাজা হৃদি শল্যৈরিবার্পিতৈঃ।
দৌরাত্ম্যমনুপশ্যংস্তৎকালে দ্যূতোদ্ভবস্য হি ॥ 3-260-4 (25934)
সংস্মরন্পরুষা বাচঃ সূতপুত্রস্য পাণ্ডবঃ।
নিঃশ্বাসপরমো দীনো দধ্রে কোপবিষং মহৎ ॥ 3-260-5 (25935)
অর্জুনোয়মজৌ চোভৌ দ্রৌপদী চ যশস্বিনী।
স চ ভীমো মহাতেজাঃ সর্বেষামুত্তমো বলে ॥ 3-260-6 (25936)
`চিরস্য জাতং ধর্মজ্ঞং সাসূয়মিব তে তদা'।
যুধিষ্ঠিরমুদীক্ষন্তঃ সেহুর্দুখমনুত্তমম্ ॥ 3-260-7 (25937)
অবশিষ্টং ৎবল্পকালং মন্বানাঃ পুরুষর্ষভাঃ।
বপুরন্যদিবাকার্পুরুৎসাহামর্ষচেষ্টিতৈঃ ॥ 3-260-8 (25938)
কস্যচিত্ৎবথ কালস্য ব্যাসঃ সত্যবতীসুতঃ।
আজগাম মহায়োগী পাণ্ডবানবলোককঃ ॥ 3-260-9 (25939)
তমাগতমভিপ্রেক্ষ্যকুন্তীপুত্রো যুধিষ্ঠিরঃ।
প্রত্যুদ্গম্য মহাত্মানং প্রত্যগৃহ্ণাদ্যথাবিধি ॥ 3-260-10 (25940)
তমাসীনমুপাসীনঃ শুশ্রূষুর্নিয়তেন্দ্রিয়ঃ।
তোষয়ামাস শৌচেন ব্যাসং পাণ্ডবনন্দনঃ ॥ 3-260-11 (25941)
তানবেক্ষ্যকৃশান্পৌত্রান্বনে বন্যেন জীবতঃ।
মহর্ষিরনুকম্পার্থমব্রবীদ্বাষ্পগদ্গদম্ ॥ 3-260-12 (25942)
যুধিষ্ঠির মহাবাহো শৃণু ধর্মভৃতাংবর।
নাতপ্ততপসো লোকে প্রাপ্নুবন্তি মহৎসুখম্।
সুখদুঃখে হি পুরুষঃ পর্যায়েণোপসেবতে ॥ 3-260-13 (25943)
নাত্যন্তমসুখং কশ্চিৎপ্রাপ্নোতি পুরুষর্ষভ।
প্রজ্ঞাবাংস্ৎবেব পুরুষঃ সংয়ুক্তঃ পরয়া ধিয়া ॥ 3-260-14 (25944)
উদয়াস্তময়জ্ঞো হি ন হৃষ্যতি ন শোচতি।
সুখমাপতিতং বিন্দন্দুঃখমাপতিতং সহন্ ॥ 3-260-15 (25945)
কালপ্রাপ্তমুপাসীত সস্যানামিব কর্ষকঃ।
তপসো হি পরং নাস্তি তপসা বিন্দতে মহৎ ॥ 3-260-16 (25946)
নাসাধ্যং তপসঃ কিংচিদিতি বুধ্যস্ ভারত।
সত্যমার্জবমক্রোধঃ সংবিভাগো দমঃ শমঃ ॥ 3-260-17 (25947)
অনসূয়াঽবিহিংসা চ শৌচমিন্দ্রিয়সংয়মঃ।
সাধনানি মহারাজ নরাণাং পুণ্যকর্মণাম্ ॥ 3-260-18 (25948)
অধর্মরুচয়ো মূঢাস্তির্যগ্গতিপরায়ণাঃ।
কৃচ্ছ্রাং যোনিমনুপ্রাপ্তা ন সুখং বিন্দতে অনাঃ ॥ 3-260-19 (25949)
ইহ যৎক্রিয়তে কর্ম তৎপরত্রোপভুজ্যতে।
`মূলসিক্তস্য বৃক্ষস্য ফলং শাখাসু দৃশ্যতে'।
তস্মাচ্ছরীরং যুঞ্জীত তপসা নিয়মেন চ ॥ 3-260-20 (25950)
যথাশক্তি প্রয়চ্ছেত সংপূজ্যাভিপ্রণম্য চ।
কালে প্রাপ্তে চ হৃষ্টাত্মা রাজন্বিগতমৎসরঃ ॥ 3-260-21 (25951)
সত্যবাদী লভেতায়ুরনায়াসমথার্জবম্।
অক্রোধনোঽনসূয়শ্চ নির্বৃতিং লভতে পরাম্ ॥ 3-260-22 (25952)
দান্তঃ শমপরঃ শশ্বৎপরিক্লেশং ন বিন্দতি।
ন চ তপ্যতি দান্তাত্মা দৃষ্ট্বা পরগতাং শ্রিয়ম্ ॥ 3-260-23 (25953)
সংবিভক্তা চ দাতা চ ভোগবান্সুখবান্নরঃ।
ভবত্যহিংসকশ্চৈব পরমারোগ্যমশ্নুতে ॥ 3-260-24 (25954)
মান্যং মানয়িতা জন্ম কুলে মহতি বিন্দতি।
`বিন্দতে সুখমত্যর্থমিহ লোকে পরত্র চ'।
ব্যসনৈর্ন তুসংয়োগং প্রাপ্নোতি বিজিতেন্দ্রিয়ঃ ॥ 3-260-25 (25955)
শুভানুশয়বুদ্ধির্হি সংয়ুক্তঃ কালধর্মণা।
প্রাদুর্ভবতি তদ্যোগাৎকল্যাণমতিরেব সঃ ॥ 3-260-26 (25956)
যুধিষ্ঠির উবাচ। 3-260-27x (2635)
ভগবন্দানধর্মাণআং তপসো বা মহামুনে।
কিংস্বিদ্বহুগুণং প্রেত্য কিং বা দুষ্করমুচ্যতে ॥ 3-260-27 (25957)
ব্যাস উবাচ। 3-260-28x (2636)
দানান্ন দুষ্করং তাত পৃথিব্যামস্তি কিংচন।
অর্থে চ মহতী তৃষ্ণা স চ দুঃখেন লভ্যতে ॥ 3-260-28 (25958)
`রাজন্প্রত্যক্ষমেবৈতদ্দৃশ্যতে লোকসাক্ষিকম্'।
পরিত্যজ্য প্রিয়ান্প্রাণান্প্রবিশন্তি রণাজিরম্।
তথৈব প্রতিপদ্যন্তে সমুদ্রমটবীং তথা ॥ 3-260-29 (25959)
কৃষিগোরক্ষ্যমিত্যেকে প্রতিপদ্যন্তি মানবাঃ।
পুরুষাঃ প্রেষ্যতামেকে নির্গচ্ছন্তি ধনার্থিনঃ ॥ 3-260-30 (25960)
তস্মাদ্দুঃখার্জিতস্যৈব পরিত্যাগঃ সুদুষ্করঃ।
সুদুষ্করতরং দানং তস্মাদ্দানং মতং মম ॥ 3-260-31 (25961)
বিসেষস্ৎবত্র বিজ্ঞেয়ো ন্যায়েনোপার্জিতং ধনম্।
পাত্রে কালে চ দেশে চ প্রয়তঃ প্রতিপাদয়েৎ ॥ 3-260-32 (25962)
অন্যায়াৎসমুপাত্তেন দানধর্মৌ ধনন যঃ।
কুরুতে ন স কর্তারং ত্রায়তে মহতো ভয়াৎ ॥ 3-260-33 (25963)
পাত্রে দানং স্বল্পমপি কালে দত্তং যুধিষ্ঠির।
মনসা হি বিশুদ্ধেন প্রেত্যানন্তফলং স্মৃতম্ ॥ 3-260-34 (25964)
`শ্রদ্ধা ধর্মানুগা দেবী পাবনী বিশ্বধারিণী।'
সবিত্রী প্রসবিত্রী চ সংসারার্ণবতারিণী ॥ 3-260-35 (25965)
শ্রদ্ধয়া ধার্যতে ধর্মো মহদ্ভির্নার্থদর্শিভিঃ।
সধনা অপিরাজানো নিঃশ্রদ্ধা নরকং গতাঃ ॥ 3-260-36 (25966)
নিষ্কিংচনাশ্চ মুনয়ঃ শ্রদ্ধাবন্তো দিবং গতাঃ।
দেশে কালে চ পাত্রে চ মুদ্গলঃ শ্রদ্ধয়াঽন্বিতঃ।
ব্রীহিদ্রোণং প্রদায়াথ পরং পদমবাপ্তবান্' ॥ 3-260-37 (25967)
অত্রাপ্যুদাহরন্তীমতিহাসং পুরাতনম্।
ব্রীহিদ্রোণপরিত্যাগাদ্যৎফলং প্রাপ মুদ্গলঃ ॥ 3-260-38 (25968)
ইতি শ্রীমন্মহাভারতে অরণ্যপর্বণি ব্রীহিদ্রৌণিকপর্বণি ষষ্ট্যধিকদ্বিশততমোঽধ্যায়ঃ ॥ 260 ॥
Mahabharata - Vana Parva - Chapter Footnotes
3-260-2 ধ্যান্তঃ ধ্যায়ন্তঃ ॥ 3-260-4 দ্যূতোদ্ভবস্ দ্যূতহেতোঃ শকুন্যাদেঃ ॥ 3-260-9 অবলোককোঽবলোকিতুকামঃ ॥ 3-260-14 নহ্যনন্তং সুখং কশ্চিৎ ইতি ঝ. পাঠঃ ॥ 3-260-16 তপসা জ্ঞানেন। মহদ্ব্রহ্ম ॥ 3-260-21 কালে দানকালে ॥ 3-260-22 অনায়াসং ক্লেশপরিহারম্। নির্বৃত্তিং সুখম্। পরাং মোক্ষাখ্যাম্ ॥ 3-260-24 সংবিভক্তা অন্নাদের্বিভাগকর্তা। দাতা ধনাদেঃ ॥ 3-260-26 শুভমেবানুশেতে শুভপক্ষপাতিনী বুদ্ধির্যস্য। কালধর্মেণ মরণেন ॥ 3-260-27 দানজানাং ধর্মাণাম্। তপসঃ কায়ক্লেশকৃতস্য কৃচ্ছাদেঃ। এত রয়োর্মধ্যে প্রেত্য মৃৎবা কিং বহুগুণং কিং পরলোকে শ্রেষ্ঠমিত্যর্থঃ ॥ 3-260-31 দুঃখার্জিতস্য ধনস্যেতি শেষঃ। মতং শ্রেষ্ঠৎবেন ॥ 3-260-38 দ্রোণো মানবিশেষস্তন্মিতা ব্রীহয়স্তেষাং দানাৎ ॥অরণ্যপর্ব - অধ্যায় 261
॥ শ্রীঃ ॥
3.261. অধ্যায়ঃ 261
Mahabharata - Vana Parva - Chapter Topics
মুদ্গলচিত্তপরীক্ষণায় দুর্বাসসা ষট্কৃৎবোয়াচনেষ্যবিকৃতমনসা তেন তদাতদাঽন্নদানেন তত্তোষণম্ ॥ 1 ॥ তন্মহিম্না সবিমানেন দেবদূতেন সশরীরস্যৈব মুদ্গলস্য স্বর্গংপ্রত্যাহ্নানম্ ॥ 2 ॥ মুদ্গলেন তংপ্রতি স্বর্গস্বরূপনিরূপণপ্রার্থনা ॥ 3 ॥Mahabharata - Vana Parva - Chapter Text
3-261-0 (25969)
যুদিষ্ঠির উবাচ। 3-261-0x (2637)
ব্রীহিদ্রোণঃ পরিত্যক্তঃ কথং তেন মহাত্মনা।
কস্মৈ দত্তশ্চ ভগবন্বিধিনা কেন চাত্থ মে ॥ 3-261-1 (25970)
প্রত্যক্ষধর্মা ভগবান্যস্ তুষ্টো হি কর্মভিঃ।
সফলং তস্য জন্মাহং মন্যে সদ্ধর্মচারিণঃ ॥ 3-261-2 (25971)
ব্যাস উবাচ। 3-261-3x (2638)
শিলোঞ্ছবৃত্তির্ধর্মাত্মা মুদ্গলঃ সংয়তেন্দ্রিয়ঃ।
আসীদ্রাজন্কুরুক্ষেত্রে সত্যবাগনসূয়কঃ ॥ 3-261-3 (25972)
অতিথিব্রতী ক্রিয়াবাংশ্চ কাপোতীং বৃত্তিমাস্থিতঃ।
সত্রমিষ্টীকৃতংনাম সমুপাস্তে মহাতপাঃ ॥ 3-261-4 (25973)
সপুত্রদারো হি মুনিঃ পক্ষাহারো বভূব হ।
কপোতবৃত্ত্যা পক্ষেণ ব্রীহিদ্রোয়ণমুপার্জয়ৎ ॥ 3-261-5 (25974)
দর্শং চ পৌর্ণমাসং চ কুর্বন্বিগতমন্সরঃ।
দেবতাতিথিশেষেণ কুরুতে দেহয়াপনম্ ॥ 3-261-6 (25975)
তত্রেন্দ্রঃ সহিতো দেবৈঃ সাক্ষাত্রিভুবনেশ্বরঃ।
প্রত্যৃহ্ণান্মহারাজ ভাগং পর্বণিপর্বণি ॥ 3-261-7 (25976)
স পর্বকাল্যং কৃৎবা তু মুনিবৃত্ত্যা সমন্বিতঃ।
অতিথিভ্যো দদাবন্নং প্রহৃষ্টেনান্তরাত্মনা ॥ 3-261-8 (25977)
ব্রীহিদ্রোণস্য তৎপ্রীত্যা দদতোঽন্নং মহাত্মনঃ।
ঋষের্মাৎসর্যহীনস্ বর্ধত্যতিথিদর্শনাৎ ॥ 3-261-9 (25978)
তচ্ছতান্যপি ভুঞ্জন্তি ব্রাহ্মণানাং মনীষিণাম্।
মুনেস্ত্যাগবিশুদ্ধ্যা তু তদন্নং বৃদ্ধিমৃচ্ছতি ॥ 3-261-10 (25979)
তং তু রশুশ্রাব ধর্মিষ্ঠং মুদ্গলং সংশিতব্রতম্।
দুর্বাসা নৃপ দিগ্বাসাস্তমথাভ্যাজগাম হ ॥ 3-261-11 (25980)
বিভ্রচ্চানিয়তং বেষমুন্মত্ত ইব পাণ্ডব।
বিকচঃ পরুষা বাচো ব্যাহরন্বিবিধা মুনিঃ ॥ 3-261-12 (25981)
অভিগম্যাথ তং বিপ্রমুবাচ মুনিসত্তমঃ।
অন্নার্থিনমনুপ্রাপ্তং বিদ্ধি মাং মুনিসত্তম ॥ 3-261-13 (25982)
স্বাগতং তেঽস্ৎবিতি মুনিং মুদ্গলঃ প্রত্যভাষত।
পাদ্যমাচমনীয়ং চ প্রতিবেদ্যান্নমুত্তমম্ ॥ 3-261-14 (25983)
প্রাদাৎস তপসোপাত্তং ক্ষুধিতায়াতিথিপ্রিয়ঃ।
উন্মত্তায় পরাং শ্রদ্ধামাস্থায় স ধৃতব্রতঃ ॥ 3-261-15 (25984)
ততস্তদন্নং রসবৎস এব ক্ষুধয়াঽন্বিতঃ।
বুভুজে কৃৎস্নমুন্মত্তঃ প্রাদাত্তস্মৈ চ মুদ্গলঃ ॥ 3-261-16 (25985)
ভুক্ৎবা চান্নং ততঃ সর্বমুচ্ছিষ্টেনাত্মনস্ততঃ।
অথাঙ্গং লিলিপেঽন্নেন যথাগতমগাচ্চ সঃ ॥ 3-261-17 (25986)
`তেনৈবাত্মানমালিপ্য হসন্গায়ন্প্রধাবতি।
নৃত্যতে ধাবতে চৈব বুদ্ধ্যা তৎক্রোশতে তথা' ॥ 3-261-18 (25987)
এবং দ্বিতীয়ে সংপ্রাপ্তে পর্বকালে মনীষিণঃ।
আগম্য বুভুজে সর্বমন্নপুঞ্ছোপজীবিনঃ ॥ 3-261-19 (25988)
নিরাহারস্তু স মুনিরুঞ্ছমার্জয়ে পুনঃ।
ন চৈনং বিক্রিয়াং নেতুমশকন্মুদ্গলং ক্ষুধা ॥ 3-261-20 (25989)
ন ক্রোধো ন চ মাৎসর্যং নাবমানো ন সংভ্রমঃ।
সপুত্রদারমুঞ্ছন্তমাবিবেশ দ্বিজোত্তমম্ ॥ 3-261-21 (25990)
তথা তমুঞ্ছধর্মাণং দুর্বাসা মুনিসত্তমম্।
উপতস্থে যথাকালং ষট্কৃৎবঃ কৃতনিশ্চয়ঃ ॥ 3-261-22 (25991)
ন চাস্ মনসঃ কশ্চিদ্বিকারো দৃশ্যতে মুনেঃ।
শুদ্ধসৎবস্য শুদ্ধং স দদৃশে নির্মলং মনঃ ॥ 3-261-23 (25992)
তমুবাচ ততঃ প্রীতঃ স মুনির্মুদ্গলং তদা।
ৎবৎসমো নাস্তি লোকেঽস্মিন্দাতা মাৎসর্যবর্জিতঃ ॥ 3-261-24 (25993)
ক্ষুদ্ধর্মসংজ্ঞাং প্রণুদত্যাদত্তে ধৈর্যমেব চ।
বিষয়ানুসারিণী জিহ্বা কর্ষত্যেব রসান্প্রতি ॥ 3-261-25 (25994)
আহারপ্রভবাঃ প্রাণা মনো দুর্নিগ্রহং চলম্।
মনসশ্চেন্দ্রিয়াণাং চাপ্যৈকাগ্র্যং নিশ্চিতং তপঃ ॥ 3-261-26 (25995)
শ্রমেণোপার্জিতং ত্যক্তং ন চ দুঃখেন চেতসা।
তৎসর্বং ভবতা সাধো যথাবদুপপাদিতম্ ॥ 3-261-27 (25996)
প্রীতাঃ স্মোঽনুগৃহীতাশ্চ সমেত্য ভবতা সহ।
ইন্দ্রিয়াভিজয়ো ধৈর্যং সংবিভাগো দমঃ শমঃ।
দয়া সত্যং চ ধর্মশ্চ ৎবয়ি সর্বং প্রতিষ্ঠিতম্ ॥ 3-261-28 (25997)
`লোকাঃ সমস্তা ধর্মেণ ধার্যন্তে সচরাচরাঃ।
ধর্মোপি ধার্যতে যেন ধৃতিয়ুক্ত ৎবয়াঽঽত্মনা ॥ 3-261-29 (25998)
বিশুদ্ধসৎবসংপন্নো ন ৎবদন্যোস্তি কশ্চন'।
জিতাস্তে কর্মভির্লোকাঃ প্রাপ্তোসি পরমাং গতিম্ ॥ 3-261-30 (25999)
অহো দানং বিঘুষ্টং তে সুমহৎস্বর্গবাসিভিঃ।
সশরীরো ভবান্গন্তা স্বর্গং সুচরিতব্রত ॥ 3-261-31 (26000)
ইত্যেবং বদতস্তস্য তদা দুর্বাসসো মুনেঃ।
দেবদূতো বিমানেন মুদ্গলং প্রত্যুপস্থিতঃ ॥ 3-261-32 (26001)
হংসসারসয়ুক্তেন কিঙ্কিণীজালমালিনা।
কামগেন বিচিত্রেণ দিব্যগন্ধবতা তথা ॥ 3-261-33 (26002)
উবাচ চৈনং বিপ্রর্ষিং বিমানং কর্মভির্জিতম্।
সমুপারোহ সংসিদ্ধিং প্রাপ্তোসি পরমাং মুনে ॥ 3-261-34 (26003)
তমেবংবাদিনমৃষির্দেবদূতমুবাচ হ।
ইচ্ছামি ভবতা প্রোক্তান্গুণান্স্বর্গনিবাসিনাং ॥ 3-261-35 (26004)
কে গুণাস্তত্রবসতাং কিং তপঃ কশ্চ নিশ্চয়ঃ।
স্বর্গে তত্রসুখং কিং চ দোষো বা দেবদূতক ॥ 3-261-36 (26005)
সতাং সাপ্তপদং মিত্রমাহুঃ সন্তঃ কুলোচিতাঃ।
মিত্রতাং চ পুরস্কৃত্য পৃচ্ছামি ৎবামহং বিভো ॥ 3-261-37 (26006)
যদত্র তথ্যং পথ্যং চ তদ্ব্রবীহ্যবিচারয়ন্।
শ্রুৎবা তথা করিষ্যামি ব্যবসায়ং গিরা তব ॥ 3-261-38 (26007)
ইতি শ্রীমন্মহাভারতে অরণ্যপর্বণি ব্রীহিদ্রৌণিকপর্বণি একষষ্ট্যধিকদ্বিশততমোঽধ্যায়ঃ ॥ 261 ॥
Mahabharata - Vana Parva - Chapter Footnotes
3-261-2 প্রত্যক্ষধর্মা নৃণাং ধর্মস্য বেত্তা। ভগবান্ ঈশ্বরঃ ॥ 3-261-3 উঞ্ছঃ কণশ আদানং কণিশাদ্যর্জনং শিলমিতি যাদবঃ। তে উভে বৃত্তির্জীবনং যস্ স শিলোঞ্ছবৃত্তিঃ ॥ 3-261-4 কাপোতীংবৃত্তিং অল্পসংগ্রহরূপাম্। ইষ্টীকৃতংইষ্টিভিরেব নির্বর্ত্যং নতু পশ্বাদিনা সত্রং যজ্ঞম্ ॥ 3-261-9 ব্রীহিদ্রোণমাত্রং যদা সিধ্যতি তদা দদাতি তদা চ দীয়মানং তদ্বর্ধতি বর্ধতে ॥ 3-261-10 ঋচ্ছতি প্রাপ্নোতি ॥ 3-261-12 বিকচঃ হসন্মুণ্ডো বা ॥ 3-261-19 দ্বিতীয়ে পক্ষে ॥ 3-261-25 ক্ষুৎ ক্ষুধা ॥ 3-261-27 ত্যক্তুং দুঃখং শুদ্ধেন চেতসা ইতি খ. ঝ. ধ. পাঠঃ ॥ 3-261-38 ব্যবসায়ং নিশ্চয়ম্ ॥অরণ্যপর্ব - অধ্যায় 262
॥ শ্রীঃ ॥
3.262. অধ্যায়ঃ 262
Mahabharata - Vana Parva - Chapter Topics
দেবদূতাৎস্বর্গসুখস্যাস্থিরতাং পরিজানতা মুদ্গলেন স্বর্গানভিরোচনপূর্বকং দেবদূতস্য স্বর্গংপ্রতি প্রস্থাপনম্ ॥ 1 ॥ ব্যাসেন যুধিষ্ঠিরংপ্রতি মুদ্গলোপাখ্যানকথনপূর্বকং স্বাশ্রমংপ্রতি গমনম্ ॥ 2 ॥Mahabharata - Vana Parva - Chapter Text
3-262-0 (26008)
দেবদূত উবাচ। 3-262-0x (2639)
মহর্ষেঽকার্যবুদ্ধিস্ৎবং যঃ স্বর্গসুখমুত্তমম্।
সংপ্রাপ্তং প্রতিপত্তব্যং বিমৃশস্যবুধো যথা ॥ 3-262-1 (26009)
উপরিষ্টাদয়ং লোকো যোঽয়ং স্বরিতি সংজ্ঞিতঃ।
ঊর্ধ্বগঃ সৎপথঃ শশ্বদ্দেবয়ানচরো মুনে ॥ 3-262-2 (26010)
নাতপ্ততপসঃ পুংসো নামহায়জ্ঞয়াজিনঃ।
নানৃতা নাস্তিকাশ্চৈব তত্রগচ্ছন্তি মুদ্গল ॥ 3-262-3 (26011)
ধর্মাত্মানো জিতাত্মানঃ শান্তা দান্তা বিমৎসরাঃ।
দানধর্মরতাঃ পুংসঃ শূরাশ্চাহিতলক্ষণাঃ ॥ 3-262-4 (26012)
তত্রগচ্ছন্তি ধর্মাগ্র্যং কৃৎবা শমদমাত্মকম্।
লোকান্পুণ্যকৃতাং ব্রহ্মন্সদ্ভিরাচরিতান্নৃভিঃ ॥ 3-262-5 (26013)
দেবাঃ সাধ্যাস্তথা বিশ্বে তথৈব চ মহর্ষয়ঃ।
যামা ধামাশ্চ মৌদ্গল্য গন্ধর্বাপ্সরসস্তথা ॥ 3-262-6 (26014)
এষাং দেবনিকায়ানাং পৃথক্পৃথগনেকশঃ।
ভাস্বন্তঃ কামসংপন্না লোকাস্তেজোময়াঃ শুভাঃ ॥ 3-262-7 (26015)
ত্রয়স্ত্রিংশৎসহস্রাণি যোজনানি হিরণ্ময়ঃ।
মেরুঃ পর্বতরাড্যত্রদেবোদ্যানানি মুদ্গল ॥ 3-262-8 (26016)
`নন্দনান্যতিরম্যাণি তত্রোদ্যানানি মুদ্গল।
সর্বকামফলৈর্বৃক্ষৈঃ শোভিতানি সমন্ততঃ' ॥ 3-262-9 (26017)
নন্দনাদীনি পুণ্যানি বিহারাঃ পুণ্যকর্মণাম্।
ন ক্ষুৎপিপাসে ন গ্লানির্ন শীতোষ্ণে ভয়ং তথা ॥ 3-262-10 (26018)
বীভৎসমশুভং বাঽপি রোগো বা তত্র কশ্চন।
মনোজ্ঞাঃ সর্বতো গন্ধাঃ সুখস্পর্শাশ্চ সর্বশঃ ॥ 3-262-11 (26019)
শব্দাঃ শ্রুতিমনোগ্রাহ্যাঃ সর্বতস্তত্রবৈ মুনে।
ন শোকো ন জরা তত্র নায়াসপরিদেবনে ॥ 3-262-12 (26020)
ঈদৃশঃ স মুনে লোকঃ স্বকর্মফলহেতুকঃ।
সুকৃতৈস্তত্রপুরুষাঃ সংভবন্ত্যাত্মকর্মভিঃ ॥ 3-262-13 (26021)
তৈজসানি শরীরাণি ভবন্ত্য্রোপপদ্যতাম্।
কর্মজান্যেব মৌদ্গল্য ন মাতৃপিতৃজান্যুত ॥ 3-262-14 (26022)
রন সংস্বেদো ন দৌর্গন্ধ্যং পুরীষং মূত্রমেব চ।
তেষাং ন চ রজোবস্ত্রং বাধতে তত্রবৈ মুনে ॥ 3-262-15 (26023)
ন ম্লায়ন্তি স্রজস্তেষাং দিব্যগন্ধা মনোরমাঃ।
সমূহ্যন্তে বিমানৈশ্চ ব্রহ্মন্নেবংবিধা হি তে ॥ 3-262-16 (26024)
ঈর্ষ্যাশোকক্লমাপেতা মোহমাৎসর্যবর্জিতাঃ।
সুখং সংর্গজিতস্তত্রবর্তয়ন্তে মহামুনে ॥ 3-262-17 (26025)
তেষাং তথাবিধানাং তু লোকানাং মুনিপুঙ্গব।
উপর্যুপরি শক্রস্ লোকা দিব্যা গুণান্বিতাঃ ॥ 3-262-18 (26026)
পরতো ব্রহ্মণস্তস্য লোকস্তেজোময়ঃ শুভঃ।
যত্র যান্ত্যৃষয়ো ব্রহ্মন্পূতাঃ স্বৈঃ কর্মভিঃ শুভৈঃ ॥ 3-262-19 (26027)
ঋভবো নাম তত্রান্যে দেবানামপি দেবতাঃ।
তেষাং লোকাঃ পরতরে যান্যজন্তীহ দেবতাঃ ॥ 3-262-20 (26028)
স্বয়ংপ্রভাস্তে ভাস্বন্তো লোকাঃ কামদুঘাঃ পরে।
ন তেষাং স্ত্রীকৃতস্তাপো ন ভোগৈশ্বর্যমৎসরঃ ॥ 3-262-21 (26029)
ন বর্তয়ন্ত্যাহুতিভিস্তে নাপ্যমৃতভোজনাঃ।
তথা দিব্যশরীরাস্তে ন চ বিগ্রহমূর্তয়ঃ ॥ 3-262-22 (26030)
নাসুখাঃ সুখকামাস্তে দেবদেবাঃ সনাতনাঃ।
ন কল্পপরিবর্তেষু পরিবর্তন্তি তে তথা ॥ 3-262-23 (26031)
রজরা মৃত্যুঃ কুতস্তেষাং হর্ষঃ প্রীতিঃ সুখং ন চ।
ন দুঃখং ন সুখং চাপি রাগদ্বেষৌ কুতো মুনে ॥ 3-262-24 (26032)
দেবানামপি মৌদ্গল্যকাঙ্ক্ষিতা সা গতিঃ পরা।
দুষ্প্রাপা পরমা সিদ্ধিরগম্যা কামগোচরৈঃ ॥ 3-262-25 (26033)
ত্রয়স্ত্রিংশদিমে লোকাঃ শেষা লোকা মনীষিভিঃ।
গম্যন্তে নিয়মৈঃ শ্রেষ্ঠৈর্দানৈর্বা বিধিপূর্বকৈঃ ॥ 3-262-26 (26034)
সেয়ং দানকৃতা ব্যুষ্টিরনুপ্রাপ্তা সুখং ৎবয়া।
তাং রভুঙ্ক্ষ্ব সুকৃতৈর্লব্ধাং তপসা দ্যোতিতপ্রভঃ ॥ 3-262-27 (26035)
এতৎস্বর্গসুখং বিপ্র লোকা নানাবিধাস্তথা।
গুণাঃ স্বর্গস্য প্রোক্তাস্তে দোষানপি নিবোধ মে ॥ 3-262-28 (26036)
কৃস্য কর্মণস্তত্রভুজ্যতে যৎফলং দিবি।
ন চান্ৎক্রিয়তে কর্ম মূলচ্ছেদেন ভুজ্যতে ॥ 3-262-29 (26037)
সোঽত্রদোষো মম মতস্তস্যান্তে পতনং চ যৎ।
সুখব্যাপ্তমনস্কানাং পতনং যচ্চ মুদ্গল ॥ 3-262-30 (26038)
অসংতোষঃ পরীতাপো দৃষ্ট্বা দীপ্ততরাঃ শ্রিয়ঃ।
যদ্ভবত্যবরে স্থানে স্থিতানাং তৎসুদুষ্করম্ ॥ 3-262-31 (26039)
সংজ্ঞামোহশ্চপততাং রজসা চ প্রধর্ষণম্।
প্রম্লানেষু চ মাল্যেষু ততঃ পিপতিষোর্ভয়ম্ ॥ 3-262-32 (26040)
আব্রহ্মভবনাদেতে দোষা মৌদ্গল্য দারুণাঃ।
নাকলোকেসুকৃতিনাং গুণাস্ৎবয়ুতশো নৃণাম্ ॥ 3-262-33 (26041)
অয়ং ৎবন্যো গুণঃ শ্রেষ্ঠশ্চ্যুতানাং স্বর্গতো মুনে।
শুভানুশয়যোগেন মনুষ্যেষূপজায়তে ॥ 3-262-34 (26042)
তত্রাপি স মহাভাগঃ কুলে মহতি জায়তে।
ন চেৎসংবুধ্যতে তত্রগচ্ছত্যধমতাং ততঃ ॥ 3-262-35 (26043)
ইহ যৎক্রিয়তে কর্ম তৎপরত্রোপভুজ্যতে।
কর্মভূমিরিয়ং ব্রহ্মন্ফলভূমিরসৌ মতা ॥ 3-262-36 (26044)
[মুদ্গল উবাচ। 3-262-37x (2640)
মহান্তস্তু অমী দোপাস্ৎবয়া স্বর্গস্য কীর্তিতাঃ।
নির্দোষ এব যস্ত্যন্যো লোকং তং প্রবদস্ব মে ॥ 3-262-37 (26045)
দেবদূত উবাচ। 3-262-38x (2641)
ব্রহ্মণঃ সদনাদূর্ধ্বং তদ্বিষ্ণোঃ পরমং পদম্।
শুদ্ধং সনাতনং জ্যোতিঃ পরং ব্রহ্মেতি যদ্বিদুঃ ॥ 3-262-38 (26046)
ন তত্রবিপ্র গচ্ছন্তি পুরুষা বিষয়াত্মকাঃ।
দম্ভলোভমহাক্রোধমোহদ্রোহৈরভিদ্রুতাঃ ॥ 3-262-39 (26047)
নির্মমা নিরহংকারা নির্দ্বিন্দ্বাঃ সংয়তেন্দ্রিয়াঃ।
ধ্যানয়োগপরাশ্চৈব তত্রগচ্ছন্তি মানবাঃ ॥] 3-262-40 (26048)
এতত্তে সর্বমাখ্যতং যন্মাং পৃচ্ছসি মুদ্গল।
তবানুকম্পয়া সাধো সাধু গচ্ছাম মাচিরম্ ॥ 3-262-41 (26049)
ব্যাস উবাচ। 3-262-42x (2642)
এতচ্ছ্রুৎবা তু মৌদ্গল্যো বাক্যং বিমমৃশে ধিয়া।
বিমৃশ্য চ মুনিশ্রেষ্ঠো দেবদূতমুবাচহ ॥ 3-262-42 (26050)
দেবদূত নমস্তেঽম্তু গচ্ছ তাত যথাসুখম্।
মহাদোষেণ মে কার্যং ন স্বর্গেণ সুখেন চা ॥ 3-262-43 (26051)
পতনান্তে মহাদুঃখং পরিতাপঃ সুদারুণঃ।
স্বর্গভাজঃ পতন্তীহ তস্মাৎস্বর্গং ন কাময়ে ॥ 3-262-44 (26052)
যত্রগৎবান শোচন্তি ন ব্যথন্তিচলন্তি বা।
তদহং স্থানমত্যন্তং মার্গয়িষ্যামি কেবলম্ ॥ 3-262-45 (26053)
ইত্যুক্ৎবা স মুনির্বাক্যং দেবদূতংবিসৃজ্য তম্।
শিলোঞ্ছবৃত্তিমুৎসৃজ্য শমমাতিষ্ঠদুত্তমম্ ॥ 3-262-46 (26054)
তুল্যনিন্দাস্তুতির্ভূৎবাসমলোষ্টাশ্মকাঞ্চনঃ।
জ্ঞানয়োগেন শুদ্ধেন ধ্যাননিত্যো বভূব হ ॥ 3-262-47 (26055)
`নিগৃহীতেন্দ্রিয়গ্রামঃ সময়োজয়দাত্মনি।
যুক্তচিত্তং যথাঽঽত্মানং যুয়োজ পরমেশ্বরে' ॥ 3-262-48 (26056)
ধ্যানয়োগাদ্বলং লব্ধ্বা প্রাপ্য বুদ্ধিমনুত্তমাম্।
জগাম শাশ্বতীং সিদ্ধিং পরাং নির্বাণলক্ষণাম্ ॥ 3-262-49 (26057)
তস্মাত্ৎবমপিকৌন্তেয় ন শোকং কর্তুমর্হসি।
রাজ্যাৎস্ফীতাৎপরিভ্রষ্টস্তপসা তদবাপ্স্যসি ॥ 3-262-50 (26058)
সুখস্যানন্তরং দুঃখং দুঃখস্যানন্তরং সুখম্।
পর্যায়েণোপসর্পন্তে নরং নেমিমরা ইব ॥ 3-262-51 (26059)
পিতৃপৈতামহং রাজ্যংপ্রাপ্স্যস্যমিতবিক্রম।
বর্ষাত্রয়োদশাদূর্ধ্বংব্যেতু তে মানসো জ্বরঃ ॥ 3-262-52 (26060)
বৈশম্পায়ন উবাচ। 3-262-53x (2643)
স এবমুক্ৎবাভগবান্ব্যাসঃ পাণ্ডবনন্দনম্।
জগাম তপসে ধীমান্পুনরেবাশ্রমং প্রতি ॥ 3-262-53 (26061)
ইতি শ্রীমন্মহাভারতে অরণ্যপর্বণি ব্রীহিদ্রৌণিকপর্বণি দ্বিষষ্ট্যধিকদ্বিশততমোঽধ্যায়ঃ ॥ 262 ॥
Mahabharata - Vana Parva - Chapter Footnotes
3-262-2 উপরিষ্টাচ্চ স্বর্লোকঃ ইতি খ. ঝ. পাঠঃ ॥ 3-262-3 পুসঃ পুমাংসঃ ॥ 3-262-4 শূরাশ্চাহবলক্ষণাঃ ইতি খ. ঝ. পাঠঃ ॥ 3-262-6 যামা ধামাশ্চ গণবিশেষাঃ ॥ 3-262-7 দেবানাং নিকায়া আলয়া যেষু তেষাং দেবনিকায়ানাম্ ॥ 3-262-14 উপপদ্যতামুপগচ্ছতাম্ ॥ 3-262-26 ত্রয়স্ত্রিশদিমে দেবা যেষাং লোকা ইতি খ. ঝ. পাঠঃ ॥ 3-262-27 ব্যুষ্টিঃ সংপত্তিঃ .। 3-262-51 নেমি চক্রধারাম্। অরাঃ নামিনেমিসংধানদারূণি ॥অরণ্যপর্ব - অধ্যায় 263
॥ শ্রীঃ ॥
3.263. অধ্যায়ঃ 263
Mahabharata - Vana Parva - Chapter Topics
কাদাচন শিষ্যায়ুতসহিতেন দুর্বাসসা দুর্যোধনগৃহংপ্রতি গমনম্ ॥ 1 ॥ দুর্যোধনন স্বপরিচর্যাসংতুষ্টং তপ্রতি ব্রাহ্মণাদীনাং দ্রৌপদ্যাশ্চ ভোজনাবসানে ভোজনায় পাণ্ডবান্প্রতি গমনপ্রার্থনা ॥ 2 ॥ দুর্বাসসা তস্মৈ তদ্বরদানপূর্বকং পাণ্ডবান্প্রতি প্রস্থানম্ ॥ 3 ॥Mahabharata - Vana Parva - Chapter Text
3-263-0 (26062)
জনমেজয় উবাচ। 3-263-0x (2644)
বসৎস্বেবং বনে তেষু পাণ্ডবেষু মহাত্মসু।
রমমাণএষু চিত্রাবিঃ কথাভির্মুনিভিঃ সহ ॥ 3-263-1 (26063)
সূর্যদত্তাক্ষয়ান্নেন কৃষ্ণায়া ভোজনাবধি।
ব্রাহ্মণাংস্তর্পমাণেষু যে চান্নার্থমুপাগতাঃ।
আরণ্যানাং মৃগাণাং চ মাংসৈর্নানাবিধৈরপি ॥ 3-263-2 (26064)
ধার্তরাষ্ট্রা দুরাত্মানঃ সর্বে দুর্যোধনাদয়ঃ।
কথং তেষ্বন্ববর্তন্ত পাপাচারা মহামুনে ॥ 3-263-3 (26065)
দঃশাসনস্য কর্ণস্য শকুনেশ্চ মতে স্থিতাঃ।
এতদাচক্ষ্ব ভগবন্বৈশম্পায়ন পৃচ্ছতঃ ॥ 3-263-4 (26066)
বৈশম্পায়ন উবাচ। 3-263-5x (2645)
শ্রুৎবা তেষাং তথা বৃত্তিং নগরে বসতামিব।
দুর্যোধনো মহারাজ তেষু পাপমরোচয়ৎ ॥ 3-263-5 (26067)
তথা তৈর্নিকৃতিপ্রজ্ঞৈঃ কর্ণদুঃশাসনাদিভিঃ।
নানোপায়ৈরধং তেষু চিন্তয়ৎসু দুরাত্মসু ॥ 3-263-6 (26068)
অভ্যাগচ্ছৎস ধর্মাত্মা তপস্বী কসুমহায়শাঃ।
শিষ্যায়ুতসমোপেতো দুর্বাসা নাম কামতঃ ॥ 3-263-7 (26069)
তমাগতমভিপ্রেক্ষ্য মুনিং পরমকোপনম্।
সহিতো ভ্রাতৃভিঃ শ্রীমানাতিথ্যেন ন্যমন্ত্রয়ৎ ॥ 3-263-8 (26070)
বিধিবৎপূজয়ামাস স্বয়ং কিংকরবৎস্থিতঃ।
অহানি কতিচিত্তত্র তস্থৌ স মুনিসত্তমঃ ॥ 3-263-9 (26071)
তং চ পর্যচরদ্রাজা দিবারাত্রমতন্দ্রিতঃ।
দুর্যোধনো মহারাজ শাপাত্তস্য বিশঙ্কিতঃ ॥ 3-263-10 (26072)
ক্ষুধিতোঽস্মি দদস্বান্নং শীঘ্রং মম নরাধিপ।
ইত্যুক্ৎবা গচ্ছতি স্নাতুং প্র্যাগচ্চতি বৈ চিরাৎ ॥ 3-263-11 (26073)
ন ভোক্ষ্যাম্যদ্যমে নাস্তি ক্ষুধেত্যুক্ৎবৈত্যদর্শনম্।
অকস্মাদেত্য চ ব্রূতে ভোজনয়াস্মাংস্ৎবরান্বিতঃ ॥ 3-263-12 (26074)
কদাচিচ্চ নিশীথে স উত্থায় নিকৃতৌ স্থিতঃ।
পূর্ববৎকারয়িৎবাঽন্নং ন ভুঙ্ক্তে গর্হয়ন্স্ম সঃ ॥ 3-263-13 (26075)
বর্তমানে তথা তস্মিন্যদা দুর্যোধনো নৃপঃ।
বিকৃতিং নৈতি ন ক্রোধং তদা তুষ্টোঽভবন্মুনিঃ ॥ 3-263-14 (26076)
আহচৈনং দুরাধর্ষো বরদোঽস্মীতি ভারত ॥ 3-263-15 (26077)
বরং বরয় ভদ্রং তে যত্তে মনসি বর্ততে।
ময়ি প্রীতে তু যদ্ধর্ম্যং নালভ্যং বিদ্যতে তব ॥ 3-263-16 (26078)
বৈশম্পায়ন উবাচ। 3-263-17x (2646)
এতচ্ছ্রুৎবা বচস্তস্য মহর্ষের্ভাবিতাত্মনঃ।
অমন্যত পুনর্জাতমাত্মানং স সুয়োধনঃ ॥ 3-263-17 (26079)
প্রাগেব মন্ত্রিতং চাসীৎকর্ণদুঃশাসনাদিভিঃ।
যাচনীয়ং মুনেস্তুষ্টাদিতি নিশ্চিত্য দুর্মতিঃ ॥ 3-263-18 (26080)
অতিহর্ষান্বিতো রাজন্বরমেনময়াচত।
শিষ্যৈঃ সহ মম ব্রহ্মন্যথা জাতোঽতিথির্ভবান্ ॥ 3-263-19 (26081)
অস্মৎকুলে মহারাজো জ্যেষ্ঠঃ শ্রেষ্ঠো যুধিষ্ঠিরঃ।
বনে বসতি ধর্মাত্মা ভ্রাতৃভিঃ পরিবারিতঃ।
গুণবাঞ্শীলসংপন্নস্তস্য ৎবমতিথির্ভব ॥ 3-263-20 (26082)
যদা চ রাজপুত্রী সা সুকুমারী যশস্বিনী।
ভোজয়িৎবা দ্বিজান্সর্বান্পতীংশ্চ বরবর্ণিনী ॥ 3-263-21 (26083)
বিশ্রান্তা চ স্বয়ং ভুক্ৎবা সুখাসীনা ভবেদ্যদা।
তদা ৎবং তত্রগচ্ছেথা যদ্যনুগ্রাহ্যতা ময়ি ॥ 3-263-22 (26084)
তথা করিষ্যে ৎবৎপ্রীত্যেত্যেবমুক্ৎবা সুয়োধনম্।
দুর্বাসা অপিবিপ্রেন্দ্রো যথাগতমগাত্ততঃ ॥ 3-263-23 (26085)
কৃতার্থমপি চাত্মানং তদা মেনে সুয়োধনঃ।
করেণ চ করং গৃহ্য কর্ণস্য মুদিতো ভৃশম্ ॥ 3-263-24 (26086)
কর্ণোপি ভ্রাতৃসহিতমিত্যুবাচ নৃপং মুদা।
দুষ্ট্যা কামঃ সুসংবৃত্তোদিষ্ট্যা কৌরব বর্ধসে।
দিষ্ট্যা তে শত্রবো মগ্না দুস্তরে ব্যসনার্ণবে ॥ 3-263-25 (26087)
দুর্বাসঃক্রোধজে বহ্নৌ পতিতাঃ পাণ্ডুনন্দনাঃ।
স্বৈরেব তে মহাপাপৈর্গতা বৈ দুস্তরং তমঃ ॥ 3-263-26 (26088)
বৈশংপায়ু উবাচ। 3-263-27x (2647)
ইত্থং তে নিকৃতিপ্রজ্ঞা রাজন্দুর্যোধনাদয়ঃ।
হসন্তঃ প্রীতমনসো জগ্মুঃ স্বংস্বং নিকেতনম্ ॥ 3-263-27 (26089)
ইতি শ্রীমন্মহাভারতে অরণ্যপর্বণি দ্রৌপদীহরণপর্বণি ত্রিষষ্ট্যধিকদ্বিশততমোঽধ্যায়ঃ ॥ 263 ॥
Mahabharata - Vana Parva - Chapter Footnotes
* ইতঃ পরং দুর্বাসউপাখ্যানাত্মকমধ্যায়দ্বয়ং ঝ. পুস্তকএব দৃশ্যতে। 3-263-6 অধ দুঃখম্ ॥ 3-263-16 ধর্ম্যে ধর্মাদনপেতম্ ॥অরণ্যপর্ব - অধ্যায় 264
॥ শ্রীঃ ॥
3.264. অধ্যায়ঃ 264
Mahabharata - Vana Parva - Chapter Topics
দুর্বাসসা দুর্যোধনপ্রার্থনাসফলীকরণায়াকালে পাণ্ডবান্প্রত্যন্নয়াচনম্ ॥ 1 ॥ তথা যুধিষ্ঠিরানুমত্যা শিষ্যায়ুতেন সহ স্নানায় নদীংপ্রতি গমনম্ ॥ 2 ॥ অত্রান্তরে দ্রৌপদীপ্রার্থনয়া শ্রীকৃষ্ণেন তৎসমীপাগমনম্ ॥ 3 ॥ তথা নিবেদিতদুর্বাসোবৃত্তান্তেন তেন স্বীয়ক্ষুন্নিবৃত্তয়ে দ্রৌপদীপ্রত্যন্নয়াচনম্ ॥ 4 ॥ তয়াঽন্নস্য শেষাভাবে নিবেদিতেঽন্নস্যালীমানায়্য তৎকণ্ঠলগ্নশাকপুলাকভক্ষণএন সশিপ্যস্য দুর্বাসসস্তৃপ্তিজননম্ ॥ 5 ॥ ততো ভোজনায় ভীমেনাহ্বানে লজিতস্য দুর্বাসসো ভর্যাচ্ছিষ্যৈঃ সহ পলায়নম্ ॥ 6 ॥Mahabharata - Vana Parva - Chapter Text
3-264-0 (26090)
বৈশম্পায়ন উবাচ। 3-264-0x (2648)
ততঃ কদাচিদ্দুর্বাসাঃ সুখাসীনাংস্তু পাণ্ডবান্।
ভুক্ৎবা চাবস্থিতাং কৃষ্ণাং জ্ঞাৎবা তস্মিন্বনে মুনিঃ।
অভ্যাগচ্ছৎপরিবৃতঃ শিষ্যৈরয়ুতসংমিতৈঃ ॥ 3-264-1 (26091)
দৃষ্ট্বা যান্তং তমতিথিং স চ রাজা যুধিষ্ঠিরঃ।
জগামাভিমুখঃ শ্রীমান্সহ ভ্রাতৃভিরচ্যুতঃ ॥ 3-264-2 (26092)
তস্মৈ বদ্ধ্বাঞ্জলিং সম্যগুপবেশ্য বরাসনে।
বিধিবৎপূজয়িৎবা তমাতিথ্যন ন্যমন্ত্রয়ৎ।
আহ্নিকং ভগবন্কৃৎবা শীঘ্রমেহীতি চাব্রবীৎ ॥ 3-264-3 (26093)
জগাম চ মুনিঃ সোপি স্নাতুং শিষ্যৈঃ সহানঘঃ।
ভোজয়েৎসহশিষ্যং মাং কথমিত্যবিচিন্তয়ন্ ॥ 3-264-4 (26094)
ন্যমজ্জৎসলিলে চাপি মুনিসঙ্ঘঃ সমাহিতঃ ॥ 3-264-5 (26095)
এতস্মিন্নন্তরে রাজন্দ্রৌপদী যোপিতাং বরা।
চিন্তামবাপ পরমামন্নহেতোঃ পতিব্রতা ॥ 3-264-6 (26096)
সা চিন্তয়ন্তী চ যদা নান্নহেতুমবিন্দত।
মনসা চিন্তয়ামাস কৃষ্ণং কংসনিষূদনম্ ॥ 3-264-7 (26097)
কৃষ্ণকৃষ্ণ মহাবাহো দেবকীনন্দনাব্যয।
বাসুদেব জগন্নাথ প্রণতার্তিবিনাশন ॥ 3-264-8 (26098)
বিশ্বাত্মন্বিশ্বজনক বিশ্বহর্তঃ প্রভোঽব্যয।
প্রপন্নপাল গোপাল প্রজাপাল পরাৎপর।
আকূতীনাং চ চিত্তীনাং প্রবর্তক নতাঽস্মি তে ॥ 3-264-9 (26099)
বরেণ্য বরদানন্ত অগতীনাং গতিপ্রদ।
পুরাণপুরুষ প্রাণমনোবৃত্ত্যাদ্যগোচর ॥ 3-264-10 (26100)
সর্বাধ্যক্ষ পরাধ্যক্ষ ৎবামহং শরণং গতা।
পাহি মাং কৃপয়া দেব শরণাগতবৎসল ॥ 3-264-11 (26101)
নীলোৎপলদলশ্যাম পদ্মগর্ভারুণেক্ষণ।
পীতাম্বরপরীধান লসৎকৌস্তুভভূষণ ॥ 3-264-12 (26102)
ৎবমাদিরন্তো ভূতানাং ৎবমেব চ পরায়ণম্।
পরাৎপরতরং জ্যোতির্বিশ্বাত্মা সর্বতোমুখঃ ॥ 3-264-13 (26103)
ৎবামেবাহুঃ পরং বীজং নিধানং সর্বসংপদাম্।
ৎবয়া নাথেন দেবেশ সর্বাপদ্ম্যো ভয়ং ন হি ॥ 3-264-14 (26104)
দুঃশাসনাদহং পূর্বং সভায়াং মোচিতা যথা।
তথৈব সংকটাদস্মান্মামুদ্ধর্তুমিহার্হসি ॥ 3-264-15 (26105)
বৈশম্পায়ন উবাচ। 3-264-16x (2649)
এবং স্তুতস্তদা দেবঃ কৃষ্ণয়া ভক্তবৎসলঃ।
দ্রৌপদ্যাঃ সংকটং জ্ঞাৎবা দেবদেবো জগৎপতিঃ ॥ 3-264-16 (26106)
পার্স্বস্থাং শয়নে ত্যক্ৎবা রুক্মিণীং কেশবঃ প্রভুঃ।
তত্রাজগাম ৎবরিতো হ্যচিন্ত্যগতিরীশ্বরঃ ॥ 3-264-17 (26107)
ততস্তং দ্রৌপদী দৃষ্ট্বাপ্রণম্য পরয়া মুদা।
অব্রবীদ্বাসুদেবায় মুনেরাগমনাদিকম্ ॥ 3-264-18 (26108)
ততস্তামব্রবীৎকৃষ্ণঃ ক্ষুধিতোস্মি ভৃশাতুরঃ।
শীঘ্রং ভোজয় মাং কৃষ্ণে পশ্চাৎসর্বং করিষ্যসি ॥ 3-264-19 (26109)
নিশম্য তদ্বচঃ কৃষ্ণা লজ্জিতা বাক্যমব্রবীৎ।
স্থাল্যাং ভাস্করদত্তায়ামন্নং মদ্ভোজনাবধি ॥ 3-264-20 (26110)
ভুক্তবত্যস্ম্যহং দেব তস্মাদন্নং ন বিদ্যতে।
ততঃ প্রোবাচ ভগবান্কৃষ্ণাং কমললোচনঃ ॥ 3-264-21 (26111)
কৃষ্ণে ন নর্মকালোঽয়ং ক্ষুচ্ছ্রমেণাতুরে ময়ি।
শীঘ্রং গচ্ছ মম স্থালীমানয়িৎবা প্রদর্শয় ॥ 3-264-22 (26112)
ইতি নির্বন্ধতঃ স্থালীমানায়্য স যদূদ্বহঃ।
স্থাল্যাঃ কণ্ঠেঽথ সংলগ্নং শাকান্নং বীক্ষ্যকেশবঃ ॥ 3-264-23 (26113)
উপয়ুজ্যাব্রবীদেনামনেন হরিরীশ্বরঃ।
বিশ্বাত্মা প্রীয়তাং দেবস্তুষ্টশ্চাস্ৎবিতি যজ্ঞভূক্ ॥ 3-264-24 (26114)
আকারয় মুনীঞ্শীঘ্রং ভোজনায়েতি চাব্রবীৎ।
ভীমসেনং মহাবাহুঃ কৃষ্ণঃ ক্লেশবিনাশনঃ ॥ 3-264-25 (26115)
ততো জগাম ৎবরিতো ভীমসেনো মহায়শাঃ।
আকারিতুং তু তান্সর্বান্ভোজনার্থং নৃপোত্তম।
স্নাতুং গতান্দেবনদ্যাং দুর্বাসঃপ্রভৃতীন্মুনীন্ ॥ 3-264-26 (26116)
তে চাবতীর্ণাঃ সলিলে কৃতবন্তোঽঘমর্ষণম্।
দৃষ্ট্বোদ্গারান্সান্নরসাংস্তৃপ্ত্যা পরময়া যুতাঃ।
উত্তীর্য সলিলাত্তস্মাদ্দৃষ্টবন্তঃ পরস্পরম্ ॥ 3-264-27 (26117)
দুর্বাসসমভিপ্রেক্ষ্যতে সর্বে মুনয়োঽব্রুবন্।
রাজ্ঞা হিকারয়িৎবাঽন্নং বয়ং স্নাতুং সমাগতাঃ ॥ 3-264-28 (26118)
আকণ্ঠতৃপ্তা বিপ্রর্ষে কিংস্বিদ্ভুঞ্জামহে বয়ম্।
বৃথা পাকঃ কৃতোস্মাভিস্তত্র কিং করবামহে ॥ 3-264-29 (26119)
দুর্বাসা উবাচ। 3-264-30x (2650)
বৃথা পাকেন রাজর্ষেরপরাধঃ কৃতো মহান্।
মাঽস্মানধাক্ষুর্দৃষ্ট্বৈব পাণ্ডবাঃ ক্রূরচক্ষুষা ॥ 3-264-30 (26120)
স্মৃৎবাঽনুভাবং রাজর্ষেরম্বরীষস্য ধীমতঃ।
বিভেমি সুতরাং বিপ্রা হরিপাদাশ্রয়াজ্জনাৎ ॥ 3-264-31 (26121)
পাণ্ডবাশ্চ মহাত্মানঃ সর্বে ধর্মপরায়ণাঃ।
শূরাশ্চকৃতবিদ্যাশ্চ ব্রতিনস্তপসি স্থিতাঃ ॥ 3-264-32 (26122)
সদাচাররতা নিত্যং বাসুদেবপরায়ণাঃ।
ক্রুদ্ধাস্তে নির্দহেয়ুর্বৈ তূলরাশিমিবানলঃ।
তত এতানপৃষ্ট্বৈব শিষ্যাঃ শীঘ্রং পলায়ত ॥ 3-264-33 (26123)
বৈশম্পায়ন উবাচ। 3-264-34x (2651)
ইত্যুক্তাস্তে দ্বিজাঃ সর্বে মুনিনা গুরুণা তদা।
পাণ্ডবেভ্যো ভৃশং ভীতা দুদ্রুবুস্তে দিশো দশ ॥ 3-264-34 (26124)
ভীমসেনো দেবনদ্যামপশ্যন্মুনিসত্তমান্।
তীর্থে ষ্বিতস্ততস্তস্যা বিচচার গবেষয়ন্ ॥ 3-264-35 (26125)
তত্রস্থেভ্যস্তাপসেভ্যঃ শ্রুৎবা তাশ্চৈব বিদ্রুতান্।
যুধিষ্ঠিরমথাভ্যেত্য তং বৃত্তান্তং ন্যবেদয়ৎ ॥ 3-264-36 (26126)
ততস্তে পাণ্ডবাঃ সর্বে প্র্যাগমনকাঙ্ক্ষিণঃ।
প্রতীক্ষনতঃ কিয়ৎকালং জিতাত্মানোঽবতস্থিরে ॥ 3-264-37 (26127)
নিশীথেঽভ্যেত্য চাকস্মাদস্মান্স চ্ছলয়িষ্যতি।
কথং চ নিস্তরেমাস্মাৎকৃচ্ছ্রাদ্দৈবোপসাদিতাৎ ॥ 3-264-38 (26128)
ইতি চিন্তাপরান্দৃষ্ট্বা নিঃশ্বসন্তো মুহুর্মুহুঃ।
উবাচ বচনং শ্রীমান্কৃষ্ণঃ প্রত্যক্ষতাং গতঃ ॥ 3-264-39 (26129)
ভবতামাপদং জ্ঞাৎবা ঋষেঃ পরমকোপনাৎ।
দ্রৌপদ্যা চিন্তিতঃ পার্থা অহং সৎবরমাগতঃ ॥ 3-264-40 (26130)
ন ভয়ং বিদ্যতেতস্মাদৃষের্দুর্বাসসোঽল্পকম্।
তেজসা ভবতাং ভীতঃ পূর্বমেব পলায়িতঃ ॥ 3-264-41 (26131)
ধর্মনিত্যাস্তু যে কেচিন্ন তে সীদন্তি কর্হিচিৎ।
আপৃচ্ছে বো গমিষ্যামি নিয়তং ভদ্রমস্তু বঃ ॥ 3-264-42 (26132)
বৈশম্পায়ন উবাচ। 3-264-43x (2652)
শ্রুৎবেরিতং কেশবস্য বভূবুঃ স্বস্থামানসাঃ।
দ্রৌপদ্যা সহিতাঃ পার্থাস্তমূচুর্বিগতজ্বরাঃ ॥ 3-264-43 (26133)
ৎবয়া নাথেন গোবিন্দ দুস্তরামাপদং বিভো।
তীর্ণাঃ প্লবমিবাসাদ্য মজ্জমানা মহার্ণবে ॥ 3-264-44 (26134)
স্বস্তি সাধয় ভদ্রং তে ইত্যাজ্ঞাতো যয়ৌ পুরীম্ ॥ 3-264-45 (26135)
পাণ্ডবাশ্চ মহাভাগ দ্রৌপদ্যা সহিতাঃ প্রভো।
ঊষুঃ প্রহৃষ্টমনসো বিহরন্তো বনাদ্বনম্।
ইতি তেঽভিহিতং রাজন্যৎপৃষ্টোঽহমিহ ৎবয়া ॥ 3-264-46 (26136)
এবংবিধান্যলীকানি ধার্তরাষ্ট্রৈর্দুরাত্মভিঃ।
পাণ্ডবেষু বনস্থেষু প্রয়ুক্তানি বৃথাঽভবন্ ॥ 3-264-47 (26137)
ইতি শ্রীমন্মহাভারতে অরণ্যপর্বণি দ্রৌপদীহরণপর্বণি চতুঃষষ্ট্যধিকদ্বিশততমোঽধ্যায়ঃ ॥ 264 ॥
Mahabharata - Vana Parva - Chapter Footnotes
3-264-6 এতস্মিন্নন্তরে কালে ॥ 3-264-9 আকূতীনাং চিত্তীনাং চেতি চেতোবৃত্তিবিশেষাণাম্ ॥ 3-264-25 সহদেব মহাবাহুরিতি ঝ. পাঠঃ ॥ 3-264-26 সহদেবো মহায়শা ইতি ঝ. পাঠঃ ॥ 3-264-35 সহদেবো দেবনদ্যামিতি ঝ. পাঠঃ ॥ 3-264-47 অলীকান্যহিতানি ॥অরণ্যপর্ব - অধ্যায় 265
॥ শ্রীঃ ॥
3.265. অধ্যায়ঃ 265
Mahabharata - Vana Parva - Chapter Topics
পঞ্চস্বপি পাণ্ডবেষু মৃগয়ার্থে গতেষু সপরিজনেন সৈন্ধবেন মার্গবশাত্তদাশ্রমাভিগমনম্ ॥ 1 ॥ তত্রদ্রৌপদীদর্শনক্ষুভিতহৃদা জয়দ্রথেন তত্তৎবজিজ্ঞাসয়া তন্নিকটং প্রতিকোটিকাশ্যস্ প্রেষণম্ ॥ 2 ॥Mahabharata - Vana Parva - Chapter Text
3-265-0 (26138)
বৈশম্পায়ন উবাচ। 3-265-0x (2653)
তস্মিন্বহুমৃগেঽরণ্যে অটমানা মহারথাঃ।
কাম্যকে ভরতশ্রেষ্ঠা বিজহ্বুস্তে যথামরাঃ ॥ 3-265-1 (26139)
প্রেক্ষমাণা বহুবিধান্বনোদ্দেশান্সমন্ততঃ।
যথর্তুকালরম্যাশ্চবনরাজীঃ সুষুষ্পিতাঃ ॥ 3-265-2 (26140)
পাণ্ডবা মৃগয়াশীলাশ্চরন্তস্তন্মহদ্বনম্।
বিজহ্নরিন্দ্রপ্রিমাঃ কংচিৎকালমরিংদমাঃ ॥ 3-265-3 (26141)
ততস্তে যৌগপদ্যেন যয়ুঃ সর্বে চতুর্দিশম্।
মৃগয়াং পুরুষব্যাঘ্রা ব্রাহ্মণার্থে পরতপাঃ ॥ 3-265-4 (26142)
দ্রৌপদীমাশ্রমে ন্যস্ তৃণবিন্দোরনুজ্ঞয়া।
মহর্ষের্দীপ্ততপসো ঘৌম্যস্য চ পুরোধসঃ ॥ 3-265-5 (26143)
তস্তু রাজা সিংধূনাং বার্ধক্ষত্রির্মহায়শাঃ।
বিবাহকামঃ সাল্বেয়ান্প্রয়াতঃ সোঽভবত্তদা ॥ 3-265-6 (26144)
মহতা পরিবর্হেণ রাজয়োগ্যেন সংবৃতঃ।
রাজভির্বহুভিঃ সার্ধমুপায়াৎকাম্যকং চ সঃ ॥ 3-265-7 (26145)
তত্রাপশ্যৎপ্রিয়াং ভার্যাং পাণ্ডবানাং যশস্বিনীম্।
তিষ্ঠন্তীমাশ্রমদ্বারি দ্রৌপদীং নির্জনে বনে ॥ 3-265-8 (26146)
বিভ্রাজমানাং বপুষা বিভ্রতীং রূপমুত্তমম্।
ভ্রাজয়ন্তীং বনোদ্দেশং নীলাভ্রমিব বিদ্যুতম্ ॥ 3-265-9 (26147)
অপ্সরা দেবকন্যা বা মায়া বা দেবনির্মিতা।
ইতিকৃৎবাঞ্জলিং সর্বে দদৃশৃস্তামনিন্দিতাম্ ॥ 3-265-10 (26148)
তঃ স রাজা সিন্ধূনাং বার্ধক্ষত্রির্জয়দ্রথঃ।
বিস্মিতস্ৎবনবদ্যাঙ্গীং দৃষ্ট্বা তাং দুষ্টমানসঃ ॥ 3-265-11 (26149)
স কোটিকাশ্যং রাজানমব্রবীৎকামমোহিতঃ।
কস্য ৎবেষাঽনবদ্যাঙ্গী যদিবাঽপিন মানুষী ॥ 3-265-12 (26150)
বিবাহার্থো ন মে কশ্চিদিমাং দৃষ্ট্বাঽতিমুন্দরীম্।
এতামেবাহমাদায় গমিষ্যামি স্বমালয়ম্ ॥ 3-265-13 (26151)
গচ্ছ জানীহি সৌম্যেমাং কস্য বাঽত্র কুতোপি বা।
কিমর্থমাগতা সুভ্রূরিদং কষ্টকিতং বনম্ ॥ 3-265-14 (26152)
অপি নাম বরারোহা মামেষা লোকসুন্দরী।
ভজেদদ্যায়তাপাঙ্গী সুদতী তনুমধ্যমা ॥ 3-265-15 (26153)
অপ্যহং কৃতকামঃ স্যামিমাং প্রাপ্য বরস্রিয়ম্।
গচ্ছজানীহি কোন্বস্যা নাথ ইত্যেব কোটিক ॥ 3-265-16 (26154)
স কোটিকাশ্যস্তচ্ছ্রুৎবা রথাৎপ্রস্কন্দ্য কুণ্ডলী।
উপেত্যপপ্রচ্ছ তদা ক্রোষ্টা ব্যাঘ্রবধূমিব ॥ 3-265-17 (26155)
ইতি শ্রীমন্মহাভারতে অরণ্যপর্বণি দ্রৌপদীহরণপর্বণি পঞ্চষষ্ট্যধিকদ্বিশততমোঽধ্যায়ঃ ॥ 265 ॥
Mahabharata - Vana Parva - Chapter Footnotes
3-265-7 পরিবর্হেণ পরিচ্ছদেন ॥ 3-265-9 নীলাভ্রং নীলমেঘম্ ॥অরণ্যপর্ব - অধ্যায় 266
॥ শ্রীঃ ॥
3.266. অধ্যায়ঃ 266
Mahabharata - Vana Parva - Chapter Topics
জয়দ্রথচোদনয়া কোটিকাশ্যেন দ্রৌপদীংপ্রতি তৎপিতৃভর্তৃকুলাদিপ্রশ্নঃ ॥ 1 ॥Mahabharata - Vana Parva - Chapter Text
3-267-0 (26156)
কোটিক উবাচ। 3-267-0x (2654)
কা ৎবং কদম্বস্য বিনম্য শাখাং
কিমাশ্রমে তিষ্ঠসি শোভমানা।
দেদীপ্যমানাঽগ্নিশিখেব নক্তং
ব্যাধূয়মানা পবনেন সূভ্রূঃ ॥ 3-267-1 (26157)
অতীব রূপেণ সমন্বিতা ৎবং
ন চাপ্যরণ্যেষু বিভেষি কিংনু।
দেবী নু যক্ষী যদিদানবী বা
বরাপ্সরা দৈত্যবরাঙ্গনা বা ॥ 3-267-2 (26158)
বপুষ্মতী বোরগরাজকন্যা
বনেচরী বা ক্ষণদাচরস্ত্রী।
ৎবং দেবরাজ্ঞো বরুণস্য পত্নী
যমস্য সোমস্য ধনেশ্বরস্য ॥ 3-267-3 (26159)
ধাতুর্বিধাতুঃ সবিতুর্বিভোর্বা
শক্রস্য বা ৎবং সদনাৎপ্রপন্না।
ন হ্যেব নঃ পৃচ্ছসি যে বয়ং স্ম
ন চাপি জানীম তবেহ নাথম্ ॥ 3-267-4 (26160)
বয়ং হি মানং তব বর্ধয়ন্তঃ
পৃচ্ছাম ভদ্রেপ্রভবং প্রভুং চ।
আচক্ষ্ব বন্ধূংশ্চ পতিং কুলং চ
জাতিং চ যচ্চেগহ করোষি কার্যম্ ॥ 3-267-5 (26161)
অহং তু রাজ্ঞঃ সুরথস্য পুত্রো
যং কোটিকাশ্যেতি বিদুর্মনুষ্যাঃ।
`বশ্যেন্দ্রিয়ঃ সত্যরতির্বরোরু
বৃদ্ধোপসেবী গুরুপূজকশ্চ' ॥ 3-267-6 (26162)
অসৌ তু যস্তিষ্ঠতিকাঞ্চনাঙ্গে
তথে হুতোঽগ্নিশ্চয়নে যথৈব।
তরিগর্তরাজঃ কমলায়তাক্ষঃ
ক্ষেমংকরো নাম স এষ বীরঃ ॥ 3-267-7 (26163)
অস্মাৎপরস্ৎবেষ মহাধনুষ্মা-
ন্পুত্রঃ কুলিন্দাধিপতের্বরিষ্ঠঃ।
নিরীক্ষতে ৎবাং বিপুলায়তাক্ষঃ
সুপুষ্পিতঃ পর্বতবাসনিত্যঃ ॥ 3-267-8 (26164)
অসৌ তু যঃ পুষ্করিণীসমীপে
শ্যামো যুবা তিষ্ঠতি দর্শনীয়ঃ।
ইক্ষ্বাকুরাজঃ সুবলস্য পুত্রঃ
স এব হন্তা দ্বিষতাং সুগাত্রি ॥ 3-267-9 (26165)
যস্যানুয়াত্রং ধ্বজিনঃ প্রয়ান্তি
সৌবীরকা দ্বাদশরাজপুত্রাঃ।
শোণাশ্বয়ুক্তেষু রথেষু সর্বে
মস্বেষু দীপ্তা ইব ইব্যবাহাঃ ॥ 3-267-10 (26166)
অঙ্গারকঃ কুঞ্জরো গুপ্তকশ্চ
শ্রুংজয়ঃ সংজয়সুপ্রবৃদ্ধৌ।
প্রভংকরোঽথ ভ্রমরো রবিশ্চ
শূরঃ প্রতাপঃকুহনশ্চ নাম ॥ 3-267-11 (26167)
যং ষট্সহস্রা রথিনোঽনুয়ান্তি
নাগা হয়াশ্চৈব পদাতিনশ্চ।
জয়দ্রথো নাম যদি শ্রুতস্তে
সৌবীররাজঃ সুভগে স এষঃ ॥ 3-267-12 (26168)
তস্যাপরে ভ্রাতরোঽদীনসৎবা
বলাহকানীকবিদারণাদ্যাঃ।
সৌবীরবীরাঃ প্রবরা যুবানো
রাজানমেতে বলিনোঽনুয়ান্তি ॥ 3-267-13 (26169)
এতৈঃ সহায়ৈরুপয়াতি রাজা
মরুদ্গণৈরিন্দ্র ইবাভিগুপ্তঃ।
অজানতাং খ্যাপয় নঃ সুকেশি
কস্যাসি ভার্যা দুহিতা চ কস্য ॥ 3-267-14 (26170)
ইতি শ্রীমন্মহাভারতে অরণ্যপর্বণি দ্রৌপদীহরণপর্বণি ষট্ষষ্ট্যধিকদ্বিশতমোঽধ্যায়ঃ ॥ 266 ॥
Mahabharata - Vana Parva - Chapter Footnotes
3-267-4 ধাতুঃ প্রজাপতেঃ সরস্বতী বা। বিধাতুঃ কশ্যপস্য রুদ্বস্য বা। অদিতিঃ পার্বতী বা। বিভোর্বিষ্ণোর্লক্ষ্মীর্বা ॥ 3-267-5 প্রভবপিতরম্। প্রভুং মহান্তম্। প্রভবং ভুবং চেতি ধ.পাঠঃ ॥ 3-267-7 চয়নে ইষ্টকোচ্চয়ে ॥ 3-267-12 পদাতিনঃ পদ্ভ্যাং অতিতুং সততং গন্তুং শীলং যেষাং তে পদাতয়ঃ ॥অরণ্যপর্ব - অধ্যায় 267
॥ শ্রীঃ ॥
3.267. অধ্যায়ঃ 267
Mahabharata - Vana Parva - Chapter Topics
কোটিকাশ্যপ্রতি দ্রৌপদ্যা জননাদিস্বীয়বৃত্তান্তকথনম্ ॥ 1 ॥Mahabharata - Vana Parva - Chapter Text
3-267-0 (26171)
বৈশম্পায়ন উবাচ। 3-267-0x (2655)
অথাব্রবীদ্দ্রৌপদী রাজপুত্রী
পৃষ্টা শিবীনাং কপ্রবরেণ তেন।
অবেক্ষ্য মন্দং প্রবিমুচ্য শাখাং
সংগৃহ্ণতী কৌশিকমুত্তরীয়ম্ ॥ 3-267-1 (26172)
বুদ্ধ্যাঽভিজানামি নরেনদ্রপুত্র
ন মাদৃশী ৎবামভিভাষ্টুমর্হতি।
ন ৎবেহ বক্তাঽস্তি তবেহ বাক্য-
মন্যো নরো বাঽপ্যথবাঽপি নারী ॥ 3-267-2 (26173)
একা হ্যহং সংপ্রতি তেন বাচং
দদানি বৈ ভদ্র নিবোধ চেদম্।
অহং হ্যরণ্যেকথমেকমেকা
ৎবামালপেয়ং নিরতা স্বধর্মে ॥ 3-267-3 (26174)
জানামি চ ৎবাং সুরথস্য পুত্রং
যং কোটিকাশ্যেতি বিদুর্মনুষ্যাঃ।
তস্মাদহং শৈব্য তথৈব তুভ্য-
মাখ্যামি বন্ধূন্প্রথিতং কুলং চ ॥ 3-267-4 (26175)
অপত্যমস্মি দ্রুপদস্য রাজ্ঞঃ
কৃষ্ণেতি মাং শৈব্য বিদুর্মনুষ্যাঃ।
সাঽহং বৃণে পঞ্চ জনান্পতিৎবে
যে খাণ্ডবপ্রস্থগতাঃ শ্রুতাস্তে ॥ 3-267-5 (26176)
যুধিষ্ঠিরো ভীমসেনার্জুনৌ চ
মাদ্র্যাশ্চ পুত্রৌ পুরুষপ্রবীরৌ।
তে মাং নিবেশ্যহ দিশশ্চতস্রো
বিবজ্য পার্থা মৃগয়াং প্রয়াতাঃ ॥ 3-267-6 (26177)
প্রাচীং রাজা দক্ষিণাং ভীমসেনো
জয়ঃ প্রতীচীং যমজাবুদীচীম্।
মন্যে তু তেষাং রথসত্তমানাং
কালো বহুঃ প্রাপ্তা ইহোপয়াতুম্ ॥ 3-267-7 (26178)
সংমানিতা যাস্যথ তৈর্যথেষ্টং
বিমুচ্য বাহানবরোহয়ধ্বম্।
প্রিয়াতিথির্ধর্মসুতো মহাত্মা
প্রীতো ভবিষ্যত্যভিবীক্ষ্য যুপ্মান্ ॥ 3-267-8 (26179)
এতাবদুক্ৎবা দ্রুপদাত্মজা সা
শৈব্যাত্মজং চন্দ্রসুখী প্রতীতা।
বিবেশ তাং পর্ণশালাং প্রশস্তাং
সংচিন্ত্য তেষামতিথিস্বধর্মম্ ॥ 3-267-9 (26180)
ইতি শ্রীমন্মহাভারতে অরণ্যপর্বণি দ্রৌপদীহরণপর্বণি সপ্তষষ্ট্যধিকদ্বিশততমোঽধ্যায়ঃ ॥ 267 ॥
Mahabharata - Vana Parva - Chapter Footnotes
3-267-2 অভিভাষ্টুং অভিভাষিতুম্। ৎবামপি দ্রষ্টুমর্হেতি ধ. পাঠঃ ॥ 3-267-3 তেন কারণেন ॥ 3-267-7 জয়োঽর্জুনঃ ॥অরণ্যপর্ব - অধ্যায় 268
॥ শ্রীঃ ॥
3.268. অধ্যায়ঃ 268
Mahabharata - Vana Parva - Chapter Topics
কোটিকাশ্যাদ্দ্রৌপদীতৎবংবিদিতবতা জয়দ্রথেন দ্রৌপদীমেত্য স্বভার্যাৎবয়াচনাঃ ॥ 1 ॥Mahabharata - Vana Parva - Chapter Text
3-268-0 (26181)
বৈশম্পায়ন উবাচ। 3-268-0x (2656)
তথাঽঽসীনেষু সর্বেষু তেষু রাজসু ভারত।
`কোটিকাশ্যো জগামাশু সিন্ধুরাজনিবেশনম্ ॥ 3-268-1 (26182)
যদুক্তং কৃষ্ণয়া সার্ধং তৎসর্বং প্রত্যবেদয়ৎ।
কোটিকাশ্যবচঃ শ্রুৎবা শৈব্যং সৌবীরকোঽব্রবীৎ ॥ 3-268-2 (26183)
যদা বাচং ব্যাহরন্ত্যামস্যাং মে রমতে মনঃ।
সীমন্তিনীনাং সুখ্যায়াং বিনিবৃত্তঃ কথং ভবান্ ॥ 3-268-3 (26184)
এতাং দৃষ্ট্বা স্ত্রিয়ো মেঽন্যা যথা শাখামৃগস্ত্রিয়ঃ।
প্রতিভান্তি মহাবাহো সত্যমেতদ্ব্রবীমি তে ॥ 3-268-4 (26185)
দর্শনাদেব হি মনস্তয়া মেঽপহৃতং ভৃশম্।
তাং সমাচক্ষ্ব কল্যাণীং যদি স্যাচ্ছৈব্য মানুষী ॥ 3-268-5 (26186)
কোটিক উবাচ। 3-268-6x (2657)
এষা বৈ দ্রৌপদী কৃষ্ণা রাজপুত্রী যশস্বিনী।
পঞ্চানাং পাণ্ডুপুত্রাণাং মহিষী সংমতা ভৃশম্ ॥ 3-268-6 (26187)
সর্বেষাং চৈব পার্থানাং প্রিয়া বহুমতা সতী।
তয়া সমেত্য সৌবীর সৌবীরাভিমুখো ব্রজ ॥ 3-268-7 (26188)
বৈশম্পায়ন উবাচ। 3-268-8x (2658)
এবমুক্তঃ প্রত্যুবাচ পশ্যামি দ্রৌপদীমিতি।
পতিঃ সৌবীরসিন্ধূনাং দুষ্টভাবো জয়দ্রথঃ ॥ 3-268-8 (26189)
স প্রবিশ্যাশ্রমং পুণ্যং সিংহগোষ্ঠং বৃকো যথা।
আত্মনা সপ্তমঃ কৃষ্ণামিদং বচনমব্রবীৎ ॥ 3-268-9 (26190)
কুশলং তে বরারোহে ভর্তারস্তেঽপ্যনাময়াঃ।
যেষাং কুশলকামাসি তেঽপিকচ্চিদনাময়াঃ ॥ 3-268-10 (26191)
দ্রৌপদ্যুবাচ। 3-268-11x (2659)
অপি তে কুশলং রাজন্রাষ্ট্রে কোশে বলে তথা।
কচ্চিদেকঃ শিবীনাঢ্যান্সৌবীরান্সহ সিন্ধুভিঃ।
অনুতিষ্ঠসি ধর্মেণ যে চান্যে বিদিতাস্ৎবয়া ॥ 3-268-11 (26192)
কৌরব্যঃ কুশলী রাজা কুন্তীপুত্রো যুধিষ্ঠিরঃ।
অহং চ ভ্রাতরশ্চাস্য যাংশ্চান্যান্পরিপৃচ্ছসি ॥ 3-268-12 (26193)
পাদ্যং প্রতিগৃহাণেদমাসনং চ নৃপাত্মজ।
মৃগান্বিতা মৃগীশ্চৈব প্রাতরাশং দদানি তে ॥ 3-268-13 (26194)
ঐণেয়ান্পৃষতান্ন্যঙ্কূন্হরিণাঞ্শরভাঞ্শশান্।
ঋক্ষাব্রুরূঞ্শম্বরাংশ্চ গবয়াংশ্চ মৃগান্বহূন্ ॥ 3-268-14 (26195)
বরাহামহিষাংশ্চৈব যাশ্চান্যা মৃগজাতয়ঃ।
প্রদাস্যতি স্বয়ং তুভ্যং কুন্তীপুত্রো যুধিষ্ঠিরঃ ॥ 3-268-15 (26196)
জয়দ্রথ উবাচ। 3-268-16x (2660)
কুশলং প্রাতরাশস্য সর্বং মে দিৎসিতং ৎবয়া।
এহি মে রথমারোহ সুখমাপ্নুহি কেবলম্ ॥ 3-268-16 (26197)
গতশ্রীকান্হৃতরাজ্যান্কৃপণান্গতচেতসঃ।
অরণ্যবাসিনঃ পার্থান্নানুরোদ্ধুং ৎবমর্হসি ॥ 3-268-17 (26198)
নৈব প্রাজ্ঞা গতশ্রীকং ভর্তারমুপয়ুঞ্জতে।
যুঞ্জানমনুয়ুঞ্জীত ন শরিয়ঃ সংক্ষয়ে বসেৎ ॥ 3-268-18 (26199)
শ্রিয়া বিহীনা রাষ্ট্রাচ্চ বিনষ্টাঃ শাশ্বতীঃ সমাঃ।
অলং তে পাণ্ডুপুত্রাণাং ভক্ত্যা ক্লেশমুপাসিতুম্ ॥ 3-268-19 (26200)
ভার্যা মে ভব সুশ্রোণি ত্যজৈনান্মুখমাপ্নুহি।
অখিলান্সিন্ধুসৌবীরানাপ্নুহি ৎবং ময়া সহ ॥ 3-268-20 (26201)
বৈশম্পায়ন উবাচ। 3-268-21x (2661)
ইত্যুক্তা সিন্ধুরাজেন বাক্যং হৃদয়কম্পনম্।
কৃষ্ণা তস্মাদপাক্রামদ্দেশাৎসভ্রুকুটীমুখী ॥ 3-268-21 (26202)
অবমত্যাস্য তদ্বাংক্যমাক্ষিপ্য চ সুমধ্যমা।
মৈবমিত্যব্রবীৎকৃষ্ণা লজ্জস্বেতি চ সৈন্ধবম্ ॥ 3-268-22 (26203)
সা কাঙ্ক্ষমাণা ভর্তৃণামুপয়াতমনিন্দিতা।
বিলম্বয়ামাস পরং বাক্যৈর্বাক্যানি যুঞ্জতী ॥ 3-268-23 (26204)
দ্রৈপদ্যুবাচ। 3-268-23x (2662)
নৈবং বদ মহাবাহো ন্যায়্যং ৎবং ন চ মন্যসে।
পাণ্ডূনাং ধার্তরাষ্ট্রাণাং স্বসা চৈব কনীয়সী ॥ 3-268-24 (26205)
দুশ্শলা নাম তস্যাস্ৎবং ভর্তা রাজকুলোদ্বহ।
মম ভ্রাতা চ ন্যায়্যেন ৎবয়া রক্ষ্যা মহারথ ॥ 3-268-25 (26206)
ধর্মিষ্ঠানাং কুলে জাতো ন ধর্মং ৎবমবেক্ষসে।
ইত্যুক্তঃ সিন্ধুরাজোথ বাক্যমুত্তরমব্রবীৎ ॥ 3-268-26 (26207)
রাজ্ঞাং ধর্মং ন জানীষে স্ত্রিয়ো রত্নানি চৈব হি।
সাধারণানি লোকেঽস্মিন্প্রবদন্তি মনীষিণঃ ॥ 3-268-27 (26208)
স্বসা চ স্বস্রিয়া চৈব ভ্রাতৃভার্যা তথৈব চ।
সুখং গৃহ্ণন্তি রাজানস্তাশ্চ তত্র নৃপোদ্ভবাঃ' ॥ 3-268-28 (26209)
ইতি শ্রীমন্মহাভারতে অরণ্যপর্বণি দ্রৌপদীহরণপর্বণি অষ্টষষ্ট্যধিকদ্বিশততমোঽধ্যায়ঃ ॥ 268 ॥
Mahabharata - Vana Parva - Chapter Footnotes
3-268-3 সৌবীরকো জয়দ্রথঃ ॥ 3-268-7 যদাস্যাং মে মনোরমতে তদা ভবান্কথং বিনিবৃত্ত ইতি যোজ্যম্ ॥ 3-268-9 সিংহগোষ্ঠং গোষ্ঠমিব গোষ্ঠং স্থানম্ ॥ 3-268-11 অনুতিষ্ঠতি পালয়সি। বিদিতা লব্ধাঃ ॥ 3-268-18 শ্রিয়ঃ সংক্ষয়ে সতীতি শেষঃ। হীনলক্ষ্মীকে ইত্যর্থঃ ॥ 3-268-19 সমাঃ সংবৎসরান্ ॥ 3-268-23 বিলোভয়ামাস পরমিতি ঝ. পাঠঃ ॥অরণ্যপর্ব - অধ্যায় 269
॥ শ্রীঃ ॥
3.269. অধ্যায়ঃ 269
Mahabharata - Vana Parva - Chapter Topics
দ্রৌপদ্যা স্বাভিলাষিণো জয়দ্রথস্য গর্হণম্ ॥ 1 ॥ তথা বলাৎস্ববস্ত্রান্তকর্ষিণস্তস্যাক্ষেপাদধঃপাতনপূর্বকং স্বয়মেব তদ্রথারোহণম্ ॥ 2 ॥Mahabharata - Vana Parva - Chapter Text
3-269-0 (26210)
বৈশম্পায়ন উবাচ। 3-269-0x (2663)
সরোষরাগোপহতেন বল্গুনা
সরাগনেত্রেণ নতোন্নতভ্রুবা।
মুখেন বিস্ফূর্য সুবীররাষ্ট্রপং
ততোঽব্রবীত্তং দ্রুপদাত্মজা পুনঃ ॥ 3-269-1 (26211)
যশস্বিনস্তীক্ষ্ণবিষান্মহারথা-
নভিব্রুবন্মূঢ ন লজ্জসে কথম্।
মহেন্দ্রকল্পান্নিরতান্স্বকর্মসু
স্তিতান্সমূহেষ্বপি যক্ষরক্ষসাম্ ॥ 3-269-2 (26212)
ন কিংচিদার্যাঃ প্রবদন্তি পাপং
বনেচরংবা গৃহমেধিনং বা।
তপস্বিনং সংপরিপূর্ণবিদ্যং
ভজন্তি চৈবং সুনরাঃ সুবীর ॥ 3-269-3 (26213)
অহং তু মন্যে তব নাস্তি কশ্চি-
দেতাদৃশে ক্ষত্রিয়সংনিবেশে।
যস্ৎবদ্য পাতালমুখে পতন্তং
পাণৌ গৃহীৎবা প্রতিসংহরেত ॥ 3-269-4 (26214)
নাগং প্রমিন্নং গিরিকূটকল্প-
মুপত্যকাং হৈমবতীং চরন্তম্।
দণ্ডীব যূথাদপসেধসি ৎবং
যো জেতুমাশংসসি ধর্মরাজম্ ॥ 3-269-5 (26215)
বাল্যাৎপ্রসুপ্তস্য মহাবলস্য
সিংহস্ পক্ষ্মাণি মুখাল্লুনাসি।
পদা সমাহত্য পলায়মানঃ
ক্রুদ্ধং যদা দ্রক্ষ্যসি ভীমসেনম্ ॥ 3-269-6 (26216)
মহাবলং ঘোরতরং প্রবৃদ্ধং
জাতং হরিং পর্বতকন্দরেষু।
প্রসুপ্তমুগ্রং প্রপদেন হংসি
যঃ ক্রুদ্ধমায়োৎস্যসি জিষ্ণুমুগ্রম্ ॥ 3-269-7 (26217)
কৃষ্ণোরগৌ তীক্ষ্ণমুখৌ দ্বিজিহ্বৌ
মত্তঃ পদা ক্রামসি পুচ্ছদেশে।
যঃ পাণ্ডবাভ্যাং পুরুষোত্তমাভ্যাং
জঘন্যজাভ্যাং প্রয়ুয়ুৎসসে ৎবম্ ॥ 3-269-8 (26218)
যথা চ বেণুঃ কদলী নলো বা
ফলন্ত্যভাবায় ন ভূতয়েঽঽত্মনঃ।
তথৈব মাং তৈঃ পরিরক্ষ্যমাণা-
মাদাস্যসে কর্কটকীব গর্ভম্ ॥ 3-269-9 (26219)
জয়দ্রথ উবাচ। 3-269-10x (2664)
জানামি কৃষ্ণে বিদিতং মমৈত-
দ্যথাবিধাস্তে নরদেবপুত্রাঃ।
ন ৎবেবমেতেন বিভীষণেন
শক্যা বয়ং ত্রাসয়িতুং ৎবয়াঽদ্য ॥ 3-269-10 (26220)
বয়ং পুনঃ সপ্তদশেষু কৃষ্ণে
কুলেষু সর্বেঽনবমেষু জাতাঃ।
ষড্ভ্যো গুণেভ্যোঽভ্যধিকা বিহীনা
ন্মন্যামহে দ্রৌপদী পাণ্ডুপুত্রান্ ॥ 3-269-11 (26221)
সা ক্ষিপ্রমাতিষ্ঠ গজং রথং বা
ন বাক্যমাত্রেণ বয়ং হি শক্যাঃ।
আশংস বা ৎবং কৃপণং বদন্তী
সৌবীররাজস্য পুনঃ প্রসাদম্ ॥ 3-269-12 (26222)
দ্রৌপদ্যুবাচ। 3-269-13x (2665)
মহাবলা কিংৎবিহ দুর্বলেব
সৌবীররাজস্য মতাঽহমস্মি।
নাহং প্রমাথাদিহ সংপ্রতীতা
সৌবীররাজং কৃপণং বদেয়ম্ ॥ 3-269-13 (26223)
যস্যা হি কৃষ্ণৌ পদবীং চরেতাং
সমাস্থিতাবেকরথে সমেতৌ।
ইন্দ্রোঽপিতাং নাপহরেৎকথংচি-
ন্মনুষ্যমাত্রঃ কৃপণঃ কুতোঽন্যঃ ॥ 3-269-14 (26224)
যথা বিকীটী পরবীরঘাতী
নিঘ্নন্রথস্থো দ্বিষতাং মনাংসি।
মদন্তরে ৎবদ্ধ্বজিনীং প্রবেষ্টা
বক্ষং দহন্নগ্নিরিবোষ্ণগেষু ॥ 3-269-15 (26225)
জনার্দনঃ সান্ধকবৃষ্ণিবীরো
মহেষ্বাসাঃ কেকয়াশ্চাপি সর্বে।
এতে হি সর্বে মম রাজপুত্রাঃ
প্রহৃষ্টরূপাঃ পদবীং চরেয়ুঃ ॥ 3-269-16 (26226)
মৌর্বীবিসৃষ্টাঃ স্তনয়িত্নুঘোষা
গাণ্ডীবমুক্তাস্ৎবতিবেগবন্তঃ।
হস্তং সমাহত্য ধনংজয়স্য
ভীমাঃ শব্দং ঘোরতরং নদনতি ॥ 3-269-17 (26227)
গাণ্ডীবমুক্তাংশ্চ মহাশরৌঘান্
পতঙ্গসঙ্ঘানিব শীঘ্রবেগান্।
যদা দ্রষ্টাস্যর্জুনং বীর্যশালিনং
তদা স্ববুদ্ধিং প্রতিনিন্দিতাসি ॥ 3-269-18 (26228)
সশঙ্খঘোষঃ সতলত্রঘোষো
গাণ্ডীবধন্বা মুহুরুদ্বহংশ্চ।
যদা শরানর্পয়িতা তবোরসি
তদা মনস্তে কিমিবাভবিষ্যৎ ॥ 3-269-19 (26229)
গদাহস্তং ভীমমভিদ্রবন্তং
মাদ্রীপুত্রৌ সংপতন্তৌ দিশশ্চ।
অমর্ষজং ক্রোধবিষং বমন্তৌ
দৃষ্ট্বা চিরং তাপমুপৈষ্যসেঽধম ॥ 3-269-20 (26230)
যথা বাঽহং নাতিচরে কথংচি-
ৎপতীন্মহার্হান্মনসাঽপিজাতু।
তেনাদ্য সত্যেন বশীকৃতংৎবাং
দ্রষ্টাস্মি পার্থৈঃ পরিকৃষ্যমাণম্ ॥ 3-269-21 (26231)
ন সংভ্রমং গন্তুমহং হি শক্ষ্যে
ৎবয়া নৃশংসেন বিকৃষ্যমাণা।
সমাগতাঽহং হি কুরুপ্রবীরৈঃ
পুনর্বনং কাম্যকমাগতাঽস্মি ॥ 3-269-22 (26232)
বৈশম্পায়ন উবাচ। 3-269-23x (2666)
`ইত্যেবমুক্তস্তু স সিন্ধুনাথ-
স্তাং দ্রৌপদীমাহবিশালনেত্রাম্।
আরুহ্যতামাশু রথং মদীয়ং
মা ৎবাং বলাদ্দৌপদিকর্ষয়েহম্' ॥ 3-269-23 (26233)
সা তাননুপ্রেক্ষ্য বিশালনেত্রা
জিঘৃক্ষমাণানবভর্ৎসয়ন্তী।
প্রোবাচ মা মা স্পৃশতেতি ভীতা
ধৌম্যং প্রচুক্রোশ পুরোহিতং সা ॥ 3-269-24 (26234)
জগ্রাহ তামুত্তরবস্ত্রদেশে
জয়দ্রথস্তং সমবাক্ষিপৎসা।
তয়া সমাক্ষিপ্ততনুঃ স পাপঃ
পপাত শাখীব নিকৃত্তমূলঃ ॥ 3-269-25 (26235)
প্রগৃহ্যমাণা তু মহাজবেন
মুহুর্বিনিঃশ্বস্য চ রাজপুত্রী।
সা মৃষ্যমাণা রথমারুরোহ
ধৌম্যস্য পাদাবভিবাদ্য কৃষ্ণা ॥ 3-269-26 (26236)
ধৌম্য উবাচ। 3-269-27x (2667)
নেয়ং শক্যা ৎবয়া নেতুমবিজিত্য মহারথান্।
ধর্মং ক্ষত্রস্ পৌরাণমবেক্ষস্ব জয়দ্রথ ॥ 3-269-27 (26237)
ক্ষুদ্রং কৃৎবাফলংপাপং ৎবং প্রাপ্স্যসি ন সংশয়ঃ।
আসাদ্য পাণ্ডবান্বীরান্ধর্মরাজপুরোগমান্ ॥ 3-269-28 (26238)
বৈশম্পায়ন উবাচ। 3-269-29x (2668)
ইত্যুক্তবাহ্রিয়মাণাং তাং রাজপুত্রীং যশস্বিনীম্।
অন্বগচ্ছত্তদা ধৌম্যঃ পদাতিগণমধ্যগঃ ॥ 3-269-29 (26239)
ইতি শ্রীমন্মহাভারতে অরণ্যপর্বণি দ্রৌপদীহরণপর্বণি একোনসপ্তত্যধিকদ্বিশততমোঽধ্যায়ঃ ॥ 269 ॥
Mahabharata - Vana Parva - Chapter Footnotes
3-269-1 রোষেণ রাগো রক্তিমা তেন সহিতং সরোষরাগং তদুপহতং চ ম্লানং চ তেন। বল্গুনা সুন্দরেণ। নতে স্বভাবত উন্নতে ক্রোধেন ভ্রুবৌ যস্যাস্তথা। বিস্ফূর্য ফূৎকারং কৃৎবা। সরোষবাচোপহিতেনেতি ধ. পাঠঃ ॥ 3-269-2 অভি অভিক্রম্য ব্রুবন্। স্থিতানচলান্। যক্ষাদিভিরপ্যজেয়ানিত্যর্থঃ ॥ 3-269-3 ভষন্তি হৈবং সুনরাঃ সুবীরেতি ঝ. পাঠঃ ॥ 3-269-4 ক্ষত্রিয়সংনিবেশে নৃপসমাজে। পাতালমুখে মহাগৃর্তে। প্রতিসংহরেৎ প্রতিষেধেত ॥ 3-269-5 উপত্যকামদ্রিসমীপভূমিম্। দণ্ডী দণঅডমাত্রায়ুধো যূথাৎসমূহাদপসেধসি অপকর্ষসি ॥ 3-269-6 বাল্যাৎ মৌঢ্যাৎ পক্ষ্মাণি মুখোপরিস্থকেশান্। পদা সমাহত্য লুনাসি ছিনস্তি ॥ 3-269-9 বেণ্বাদয়ঃ ফলিতা এব নশ্যন্তি। কর্কটী চ পরিণতগর্ভা নশ্যতীতি লোকপ্রসিদ্ধম্ ॥ 3-269-10 বিভীষণেন ভয়প্রদর্শনেন ॥ 3-269-11 সপ্তদশ অষ্টৌ কর্মাণি নবশক্ত্যাদয়শ্চ নিত্যং সন্তি যেষু তানি সপ্তদশানি. নিত্যযোগে মৎবর্থীয়োর্শআদ্যচ্। অনবমেষু অনীচেষু। ষঙ্গুণাঃ শৌর্যতেজোধৃতিদাক্ষিণ্যদানৈশ্বর্যাণি ॥ 3-269-12 শক্যাঃ নিবারিতুমিতি শেষঃ। পুনরিতি পাণ্ডবাপরাজয়ানন্তরম্। ৎবং মৎপ্রসাদং আশংস প্রার্থয় ॥ 3-269-13 প্রমাথাত নিগ্রহাৎ। প্রতীতা প্রখ্যাতা। সভায়াং বস্ত্ররাশিপ্রদানেন ভগবদনুগ্রহীতৎবাৎ। মহাবলাঃ কিংৎবিহ দুর্বলা বা সৌবীররাজস্য সুতাহমস্মি। সাহং প্রমাদাদিহ সংপ্রভীতেতি ধ. পাঠঃ ॥ 3-269-14 কৃষ্ণৌ বাসুদেবারজুনৌ ॥ 3-269-15 মদন্তরে মন্নিমিত্তম্। প্রবেষ্টা প্রকর্ষেণ বেষ্টয়িষ্যতি। উষ্ণগেষু নিদাধেষু ॥ 3-269-17 গাণ্ডীবমুক্তাঃ শরাইতি শেষঃ ॥ 3-269-19 অভবিষ্যৎ ভবিষ্যতীত্যর্থে ব্যত্যযেন লৃঙ্ ॥অরণ্যপর্ব - অধ্যায় 270
॥ শ্রীঃ ॥
3.270. অধ্যায়ঃ 270
Mahabharata - Vana Parva - Chapter Topics
মৃগয়াগতৈঃ পাণ্ডবৈর্দুর্নিমিত্তদর্শনাদ্বিপদাশঙ্কয়া সৎবরং স্বাশ্রমাভিগমনম্ ॥ 1 ॥ তদা দাস্যা দ্রৌপদীবৃত্তান্তাবগমেন জয়দ্রথপথানুগতৈস্তদবলোকনেন কোপাৎসমুৎক্রোশনম্ ॥ 2 ॥Mahabharata - Vana Parva - Chapter Text
3-270-0 (26240)
বৈশম্পায়ন উবাচ। 3-270-0x (2669)
ততো দিশঃ সংপরিবৃত্য পার্থা
মৃগান্বরাহান্মহিপাংস্চ হন্বা।
ধনুর্ধরাঃ শ্রেষ্ঠতমাঃ পৃথিব্যাং
পৃথক্চরন্তঃ সহিতা বভূবুঃ ॥ 3-270-1 (26241)
ততো মৃগব্যালজনানুকীর্ণং
মহাবনং তদ্বিহগোপঘুষ্টম্।
ভ্রাতৄংশ্চ তানভ্যবদদ্যুধিষ্ঠিরঃ
শ্রুৎবা গিরো ব্যাহরতাং মৃগাণাম্ ॥ 3-270-2 (26242)
আদিত্যদীপ্তাং দিশমভ্যুপেত্য
মৃগা দ্বিজাঃ ক্রূরমিমে বদন্তি।
আয়াসমুগ্রং প্রতিবেদয়ন্তো
মহাভয়ং শত্রুভির্বাঽবমানম্ ॥ 3-270-3 (26243)
ক্ষিপ্রং নিবর্তধ্বমলং মৃগৈর্নো
মনো হি মে দূয়তি দহ্যতে চ।
বুদ্ধিং সমাচ্ছাদ্য চ মে সমন্যু-
রুদ্ধূয়তে প্রাণপতিঃ শরীরে ॥ 3-270-4 (26244)
সরঃ সুপর্ণন হৃতোরগেন্দ্র-
মরাজকং রাষ্ট্রমিবেহ শান্তম্।
এবংবিধং মে প্রতিভাতি কাম্যকং
শৌণ্ডৈর্যথা পীতসুরশ্চ কুম্ভঃ ॥ 3-270-5 (26245)
তে সৈন্ধবৈরগ্ন্যনিলোগ্রবেগৈ-
র্মহাজবৈর্বাজিভিরুহ্যমানাঃ।
যুক্তৈর্বৃহদ্ভিঃ সুরথৈর্নৃবীরা-
স্তদাশ্রমায়াভিমুখা বভূবুঃ ॥ 3-270-6 (26246)
তেষাং তু গোমায়ুরনল্পঘোষো
নিবর্ততাং বামমুপেত্য পার্শ্বম্।
প্রব্যাহরত্তৎপ্রবিমৃশ্য রাজা
প্রোবাচ ভীমং চ ধনংজয়ং চ ॥ 3-270-7 (26247)
যথা বদত্যেপ বিহীনয়োনিঃ
সালাবৃকোবামমুপেত্য পার্স্বম্।
সুব্যক্তমস্মানবমত্য পাপৈঃ
কৃতোঽভিমর্দঃ কুরুভিঃ প্রসহ্য ॥ 3-270-8 (26248)
এত্যাথ তে তদ্বনমাবিশন্তো
মহত্যরণ্যে মৃগয়াং চরিৎবা।
বালামপশ্যন্ত তদা রুদন্তীং
ধাত্রেয়িকাং প্রেষ্যবধূং প্রিয়ায়াঃ ॥ 3-270-9 (26249)
তামিন্দ্রসেনস্ৎবরিতোঽভিসৃত্য
রথাদবপ্লুত্য ততোঽভ্যধাবৎ।
প্রোবাচ চৈনাং বচনং নরেন্দ্র
ধাত্রেয়িকামার্ততরস্তদানীম্ ॥ 3-270-10 (26250)
কিং রোদিষি ৎবং পতিতা ধরণ্যাং
কিং ত মুখং শুষ্যতি দীনবর্ণম্।
কচ্চিন্ন পাপৈঃ সুনৃশংসকৃদ্ভিঃ
প্রমাথিতা দ্রৌপদী রাজপুত্রী।
`গতেষ্বরণ্যং হি সুতেষু পাণ্ডোঃ
কচ্চিৎপরৈর্নাপকৃতং বনেঽস্মিন্ ॥ 3-270-11 (26251)
পর্যাকুলা সাধু সমীক্ষ্যসূত-
মভ্যাপতন্তং দ্রুতমিন্দ্রসেনম্।
উরো ঘ্নতী কষ্টতরং তদানী-
মুচ্চৈঃ প্রচুক্রোশ হৃতেতি দেবী ॥ 3-270-12 (26252)
ইন্দ্রসেন উবাচ। 3-270-13x (2670)
অনিন্দ্যরূপা তু বিশালনেত্রা
শরীরতুল্যা কুরুপুঙ্গবানাম্।
`কেনাত্মনাশায় যদাপনীতা
ছিদ্রং সমাসাদ্য নরেন্দ্রপত্নী' ॥ 3-270-13 (26253)
যদ্যেব দেবীং পৃথিবীং প্রবিষ্টা
দিবং প্রপন্নাঽপ্যথবা সমুদ্রম্।
তস্যা গমিষ্যন্তি পদে হি পার্থা-
স্তথা হি সংতপ্যতি ধর্মরাজঃ ॥ 3-270-14 (26254)
কো হীদৃশানামরিমর্দনানাং
ক্লেশক্ষমাণামপরাজিতানাম্।
প্রাণৈঃ সমামিষ্টতমাং জিহীর্ষে-
দনুত্তমং রত্নমিব প্রমূঢঃ ॥ 3-270-15 (26255)
ন বুধ্যতে নাথবতীমিহাদ্য
বহিশ্চরং হৃদয়ং পাণ্ডবানাম্।
কস্যাদ্য কায়ং প্রতিভিদ্য ঘোরা
মহীং প্রবেক্ষ্যন্তি শিতাঃ শরাগ্র্যাঃ ॥ 3-270-16 (26256)
মা ৎবং শুচস্তাং প্রতি ভীরু বিদ্ধি
যথাঽদ্য কৃষ্ণা পুনরেষ্যতীতি।
নিহত্য সর্বান্দ্বিষতঃ সমগ্রা-
ন্পার্থাঃ সমেষ্যনত্যথ যাজ্ঞসেন্যা ॥ 3-270-17 (26257)
অথাব্রবীচ্চারুমুখং প্রসৃজ্য
ধাত্রেয়িকা সারথিমিন্দ্রসেনম্।
জয়দ্রথেনাপহৃতাপ্রমথ্য
পঞ্চেন্দ্রকল্পান্পরিভূয় কৃষ্ণা ॥ 3-270-18 (26258)
তিষ্ঠন্তি বর্ত্মানি নবান্যমূনি
বৃক্ষাশ্চ ন ম্লান্তি তথৈব ভগ্নাঃ।
আবর্তয়ধ্বং হ্যনুয়াত শীঘ্রং
ন দূরয়াতৈব হি রাজপুত্রী ॥ 3-270-19 (26259)
সন্নহ্যধ্বং সর্ব এবেন্দ্রকল্পা
মহান্তি চারূণি চ দংশনানি।
গৃহ্ণীত চাপানি মহাধনানি
শরাংশ্চ শীঘ্রং পদবীং ব্রজধ্বম্ ॥ 3-270-20 (26260)
পুরা হি নির্ভর্ৎসনদণ্ডমোহিতা
প্রমূঢচিত্তা বদনেন শুষ্যতা।
দদাতি কস্মৈচিদনর্হতে তনুং
বরাজ্যপূর্ণামিব ভস্মনি স্রুচম্ ॥ 3-270-21 (26261)
পুরা তুষাগ্নাবিব হূয়তে হবিঃ
পুরা শ্মশানে স্রগিবাপবিদ্ধ্যতে।
পুরা চ সোমোঽধ্বরগোঽবলিহ্যতে
শুনা যথা বিপ্রজনে প্রমোহিতে ॥ 3-270-22 (26262)
`পুরা হি পার্থাশ্চ দৃতৌ চ কাপিলী
প্রসিচ্ছতে ক্ষীরধারা যতধ্বম্'।
মহত্যরণ্যে মৃগয়াং চরিৎবা
পুরা সৃগালো নলিনীং বিগাহতে ॥ 3-270-23 (26263)
`পুরা হি মন্ত্রাহুতিপূজিতায়াং
হুতাগ্নিবেদ্যাং বলিভুঙ্গিলীয়তে।
শ্রুতিং চ সম্যক্প্রসৃতাং মহাধ্বরে
গ্রাম্যো জনো যদ্বদসৌ ন নাশয়েৎ' ॥ 3-270-24 (26264)
মা বঃ প্রিয়ায়াঃ সুনসং সুলোচনং
চন্দ্রপ্রভাচ্ছং বদনং প্রসন্নম্।
স্পৃশ্যাচ্ছুভং কশ্চিদকৃত্যকারী
শ্বা বৈ পুরোডাশমিবাধ্বরস্থম্ ॥ 3-270-25 (26265)
এতানি বর্ত্মান্যনুয়াত শীঘ্রং
মা বঃ কালঃ ক্ষিপ্রমিহাত্যগাদ্বৈ ॥ 3-270-26 (26266)
`শীঘ্রং প্রধাবধ্বমিতো নরেন্দ্রা
যাবন্ন দূরং ব্রজতীতি পাপঃ।
প্রত্যাহরধ্বং দ্বিষতাং সকাশা-
ল্লক্ষ্মীমিব স্বাং দয়িতাং নৃসিংহাঃ' ॥ 3-270-27 (26267)
যুধিষ্ঠির উবাচ। 3-270-28x (2671)
ভদ্রে প্রতিক্রাম নিয়চ্ছ বাচং
মাঽস্মৎসকাশে পরুষাণ্যবোচঃ।
রাজানো বা যদি বা রাজপুত্রা
বলেন মত্তাঃ পঞ্চতাং প্রাপ্নুবন্তি ॥ 3-270-28 (26268)
বৈশম্পায়ন উবাচ। 3-270-29x (2672)
এতাবদুক্ৎবা প্রয়যুর্হি শীঘ্রং
তান্যেব বর্ত্মান্যনুবর্তমানাঃ।
মুহুর্মুহুর্ব্যালবদুচ্ছ্বসন্তো
জ্যাং বিক্ষিপন্তশ্চ মহাধনুর্ভ্যঃ ॥ 3-270-29 (26269)
ততোঽপশ্যংস্তস্য সৈন্যস্য রেণু-
মুদ্ধূতং বৈ বাজিস্বুরপ্রণুন্নম্।
পদাতীনাং মধ্যগতং চ ধৌম্যং
বিক্রোশন্তং ভীম পার্থেত্যভীক্ষ্ণম্ ॥ 3-270-30 (26270)
তে সান্ৎব্য ধৌম্যং পরিদীনসৎবাঃ
সুখং ভবানেৎবিতি রাজপুত্রাঃ।
শ্যেনা যথৈবামিষসংপ্রয়ুক্তা
জবেন তৎসৈন্যমথাভ্যধাবন্ ॥ 3-270-31 (26271)
তেষাং মহেন্দ্রোপমবিক্রমাণাং
সংরব্ধানাং ধর্ষণাদ্যাজ্ঞসেন্যাঃ।
ক্রোধঃ প্রজজ্বাল জয়দ্রথং চ
দৃষ্ট্বা প্রিয়াং তস্য রথে স্থিতাং চ ॥ 3-270-32 (26272)
প্রচুক্রুশুশ্চাপ্যথ সিন্ধুরাজং
বৃকোদরশ্চৈব ধনংজয়শ্চ।
যমৌ চ রাজা চ মহাধনুর্ধরা-
স্ততো দিশঃ সংমুমুহুঃ পরেষাম্ ॥ 3-270-33 (26273)
ইতি শ্রীমন্মহাভারতে অরণ্যপর্বণি দ্রৌপদীহরণপর্বণি সপ্তত্যধিকদ্বিশততমোঽধ্যায়ঃ ॥ 270 ॥
Mahabharata - Vana Parva - Chapter Footnotes
3-270-2 গৃগব্যালগণানুকীর্ণং ইতি ঝ. পাঠঃ ॥ 3-270-3 মহাবনং শত্রুভির্বাধ্যমানং ইতি ঝ. পাঠঃ ॥ 3-270-4 সমাচ্ছাদ্য নোহয়িৎবা। সমন্যুঃ দৈন্যসহিতঃ। প্রাণানাং আধ্যাত্মিকানামিন্দ্রিয়াণাং পতির্মুখ্যঃ প্রাণঃ ॥ 3-270-6 সিন্ধুদেশজৈর্বাজিভিরশ্বৈঃ। সুরথৈঃ শোভনরথৈঃ ॥ 3-270-9 প্রেষ্যবধূং দাসীম্ ॥ 3-270-21 পুরা যাবদনর্হতে তনুং ন দদাতি তাবচ্ছাঘ্রমনুয়াতেত্যুত্তরেণ সংবন্ধঃ ॥ 3-270-28 প্রতিক্রাম দূরে ভব। বরুষাণি অনর্হতে তনুং দদাতীত্যাদীনি ॥ 3-270-32 ধর্ষণাৎ পরাভবাৎ ॥অরণ্যপর্ব - অধ্যায় 271
॥ শ্রীঃ ॥
3.271. অধ্যায়ঃ 271
Mahabharata - Vana Parva - Chapter Topics
দ্রৌপদ্যা জয়দ্রথংপ্রতি তত্তল্লক্ষণপ্রদর্শনপূর্বকং যুধিষ্ঠিরাদিনির্দেশঃ ॥ 1 ॥Mahabharata - Vana Parva - Chapter Text
3-271-0 (26274)
বৈশম্পায়ন উবাচ। 3-271-0x (2673)
ততো ঘোরতরঃ শব্দো বনে সমভবত্তদা।
ভীমসেনার্জুনৌ দৃষ্ট্বাক্ষত্রিয়ণামমর্ষিণাম্ ॥ 3-271-1 (26275)
তেষাং ধ্বজাগ্রাণ্যভিবীক্ষ্য রাজা
স্বয়ংদুরাত্মা কুরুপুঙ্গবানাম্।
জয়দ্রথো যাজ্ঞসেনীমুবাচ
রথে স্থিতাং ভানুমতীং হতৌজাঃ ॥ 3-271-2 (26276)
আয়ান্তীমে পঞ্চরথা মহান্তো
মন্যে চ কৃষ্ণে পতয়স্তবৈতে।
সা জানতী খ্যাপয় নঃ সুকেশি
পরংপরং পাণ্ডবানাং রথস্থম্ ॥ 3-271-3 (26277)
দ্রৌপদ্যুবাচ্। 3-271-4x (2674)
কিং তে জ্ঞাতৈর্মূঢ মহাধনুর্ধরৈ-
রনায়ুষ্যং কর্ম কুৎবাঽতিঘোরম্।
এতে বীরাঃ পতয়ো মে সমেতা
ন বঃ শেষঃ কশ্চিদিহাস্তি যুদ্ধে ॥ 3-271-4 (26278)
আখ্যাতব্যং ৎবেব সর্বং মুমূর্ষো-
র্ময়া তুভ্যং পৃষ্টয়া ধর্ম এষঃ।
ন মে ব্যথা বিদ্যতে ৎবদ্ভয়ং বা
সংপশ্যন্ত্যাঃ সানুজং ধর্মরাজম্ ॥ 3-271-5 (26279)
যস্ ধ্বজাগ্রে নদতো মৃদঙ্গৌ
নন্দোপনন্দৌ মধুরৌ সুয়ুক্তৌ।
এনং স্বধর্মার্থবিনিশ্চয়জ্ঞং
সদা জনাঃ কৃত্যবন্তোঽনুয়ান্তি ॥ 3-271-6 (26280)
য এষ জাম্বূনদশুদ্ধগৌরঃ।
প্রচণ্ডঘোণস্তনুরায়তাক্ষঃ।
এতং কুরুশ্রেষ্ঠতমং বদন্তি
যুধিষ্ঠিরং ধর্মসুতং পতিং মে ॥ 3-271-7 (26281)
অপ্যেষ শত্রোঃ শরণাগতস্য
দদ্যাৎপ্রাণান্ধর্মচারী নৃবীরঃ।
পরৈহ্যেনং মূঢ জবেন ভূতয়ে
ৎবমাত্মনঃ প্রাঞ্জলির্ন্যস্শস্ত্রঃ ॥ 3-271-8 (26282)
অথাপ্যেনং পশ্যসি যং রথস্যং
মহাভুজং সালমিব প্রবৃদ্ধম্।
সংদষ্টৌষ্ঠং ভ্রুকুটীসংহতভ্রুবং
বৃকোদরো নাম পতির্মমৈষঃ ॥ 3-271-9 (26283)
আজানেয়া বলিনঃ সাধুদান্তা
মহাবলাঃ শূরমুদাবহন্তি।
এতস্য কর্মাণ্যতিমানুষাণি
ভীমেতি শব্দোঽস্য ততঃ পৃথিব্যাম্ ॥ 3-271-10 (26284)
নাস্যাপরাদ্ধাঃ শেষমবাপ্নুবন্তি
নায়ং বৈরং বিস্মরতে কদাচিৎ।
বৈরস্যান্তং সংবিধায়োপয়াতি
পশ্চাচ্ছান্তিং ন চ তত্তপ্যতীব ॥ 3-271-11 (26285)
ধনুর্ধরাগ্র্যো ধৃতিমান্যশস্বী
জিতেন্দ্রিয়ো বৃদ্ধসেবী নৃবীরঃ।
ভ্রাতা চ শিষ্যশ্চ যুধিষ্ঠিরস্য
ধনংজয়ো নাম পতির্মমৈষঃ ॥ 3-271-12 (26286)
যো বৈ ন কামান্ন ভয়ান্ন লোভা-
ত্ত্যজেদ্ধর্মং ন নৃশংসং চ কুর্যাৎ।
স এষ বৈশ্বানরতুল্যতেজাঃ
কুন্তীসুতঃ শত্রুসহঃ প্রমাথী ॥ 3-271-13 (26287)
যঃ সর্বধর্মার্তবিনিশ্চয়জ্ঞো
ভয়ার্তানাং ভয়হর্তা মনীষী।
`বন্ধুপ্রিয়ঃ শস্ত্রভৃতাং বরিষ্ঠো
মহাহবেষ্বপ্রতিবার্যবীর্যঃ' ॥ 3-271-14 (26288)
যস্যোত্তমং রূপমাহুঃ পৃথিব্যাং
যং পাণ্ডবাঃ পরিরক্ষন্তি সর্বে।
প্রাণৈর্গরীয়াংসমনুব্রতং বৈ
স এষ বীরো নকুলঃ পতির্মে ॥ 3-271-15 (26289)
যঃ খঙ্গয়োধী লঘুচিত্রহস্তো
মহাংশ্চ ধীমান্সহদেবোঽদ্বিতীয়ঃ।
যস্যাদ্যকর্ম দ্রক্ষ্যসে মূঢসৎব
শতক্রতোর্বা দৈত্যসেনাসু সঙ্খ্যে ॥ 3-271-16 (26290)
শূরঃ কৃতাস্ত্রো মতিমান্মনস্বী
প্রিয়ংকরো ধর্মসুতস্য রাজ্ঞঃ।
হুতাশচন্দ্রার্কসমানতেজা
জঘন্যজঃ পাণ্ডবানাং প্রিয়শ্চ ॥ 3-271-17 (26291)
বুদ্ধ্যা সমো যস্ নরো ন বিদ্যতে
বক্তা তথা সৎসু বিনিশ্চয়জ্ঞঃ।
সএষ শূরো নিত্যমমর্ষণশ্চ
ধীমান্প্রাজ্ঞঃ সহদেবঃ পতির্মে ॥ 3-271-18 (26292)
ত্যজেৎপ্রাণান্প্রবিশেদ্ধব্যবাহং
ন ৎবেবৈষ ব্যাহরেদ্ধর্মবাহ্যম্।
সদা মনস্বী ক্ষত্রধর্মে রতশ্চ
কুন্ত্যাঃ প্রাণৈরিষ্টতমো নৃবীরঃ ॥ 3-271-19 (26293)
বিশীর্যনতীং নাবমিবার্ণবান্তে
রত্নাভিপূর্ণাং মকরস্য পৃষ্ঠে।
সেনাং তবেমাং হতসর্বয়োধাং
বিক্ষোভিতাং দ্রক্ষ্যসি পাণ্ডুপুত্রৈঃ ॥ 3-271-20 (26294)
ইত্যেতে বৈ কথিতাঃ পাণ্ডুপুত্রা
যাংস্ৎবং মোহাদবমত্য প্রবৃত্তঃ।
যদ্যেতেভ্যো মুচ্যসে রিষ্টদেহঃ
পুনর্জন্ম প্রাপ্স্যসে জীবিতং চ ॥ 3-271-21 (26295)
বৈশম্পায়ন উবাচ। 3-271-22x (2675)
3-271-22 (26296)
ততঃ পার্থাঃ পঞ্চপঞ্চেন্দ্রকল্পা-
স্ত্যক্ৎবা ত্রস্তান্প্রাঞ্জলীংস্তান্পদাতীন্।
যথাঽনীকং শরবর্ষান্ধকারং
চক্রুঃ ক্রুদ্ধাঃ সর্বতস্তে নিগৃহ্য ॥
Mahabharata - Vana Parva - Chapter Footnotes
3-271-4 অনায়ুধ্যমায়ুর্নাশকম্ ॥ 3-271-8 পরৈহি শরণং গচ্ছ। এনং ধর্মরাজম্ ॥ 3-271-10 আজানেয়া অশ্ববিশেষাঃ ॥ 3-271-11 অপরাদ্ধাঃ অপরাধবন্তঃ ॥ 3-271-16 মূঢসৎব মূঢবুদ্ধে। শতক্রতোর্বা শতক্রতোরিব ॥অরণ্যপর্ব - অধ্যায় 272
॥ শ্রীঃ ॥
3.272. অধ্যায়ঃ 272
Mahabharata - Vana Parva - Chapter Topics
যুধিষ্ঠিরাদীনাং জয়দ্রথাদিভিরায়োধনম্ ॥ 1 ॥ জয়দ্রথেন মীমাদিভিঃ স্বসহায়ানাং নিধনে দ্রৌপদীবিমোচনপূর্বকং পলায়নম্ ॥ 2 ॥ ভীমার্জুনাভ্যাং পরুষোক্তিপূর্বকং তদনুধাবনম্ ॥ 3 ॥Mahabharata - Vana Parva - Chapter Text
3-272-0 (26297)
বৈশম্পায়ন উবাচ। 3-272-0x (2676)
সংতিষ্ঠধ্বং প্রহরত তূর্ণং বিপরিধাবত।
ইতি স্ম সৈন্ধবো রাজা চোদয়ামাস তান্নৃপন্ ॥ 3-272-1 (26298)
ততো ঘোরতমঃ শব্দোরণে সমভবত্তদা।
ভীমার্জুনয়মান্দৃষ্ট্বা সৈন্যানাং সয়ুধিষ্ঠিরান্ ॥ 3-272-2 (26299)
শিবিসিংধুত্রিগর্তানাং বিষাদশ্চাপ্যজায়ত।
তান্দৃষ্ট্বাপুরুষব্যাঘ্রান্ব্যাঘ্রানিব বলোৎকটান্ ॥ 3-272-3 (26300)
হেমবিন্দুং মহোৎসেধাং সর্বশৈক্যায়সীং গদাম্।
প্রগৃহ্যাভ্যদ্রবদ্ভীমঃ সৈন্ধবং কালচোদিতম্ ॥ 3-272-4 (26301)
তদন্তরমথাবৃত্য কোটিকাশ্যোঽভ্যহারয়ৎ।
মহতা রথবংশেন পরিবার্য বৃকোধরম্ ॥ 3-272-5 (26302)
শক্তিতোমরনারাচৈর্বীরবাহুপ্রচোদিতৈঃ।
কীর্যমাণোপি বহুভির্ন স্ম ভীমোঽভ্যকম্পত ॥ 3-272-6 (26303)
গজং তু সগজারোহং পদাতীংশ্চ চতুর্দশ।
জঘান গদয়া ভীমঃ সৈন্ধবধ্বজংনীমুখে ॥ 3-272-7 (26304)
পার্থঃ পঞ্চশতাঞ্শূরান্পার্বতীয়ান্মহারথান্।
পরীপ্সমানঃ সৌবীরং জঘান ধ্বজিনীমুখে ॥ 3-272-8 (26305)
রাজা স্বয়ং সুবীরাণাং প্রবরাণাং প্রহারিণাম্।
নিমেষমাত্রেণ শতং জঘান সমরে তদা ॥ 3-272-9 (26306)
দদৃশে নকুলস্তত্ররথাৎপ্রস্কন্দ্য খঙ্গধৃৎ।
শিরাংসি পাদরক্ষাণাং বীজবৎপ্রবপন্মুহুঃ ॥ 3-272-10 (26307)
সহদেবস্তু সংয়ায় রথেন গজয়োধিনঃ।
পাতয়ামাস নারাচৈর্দ্রুমেভ্য ইব বর্হিণঃ ॥ 3-272-11 (26308)
ততস্ত্রিগর্তঃ সধনুরবতীর্য মহারথাৎ।
গদয়া চতুরো বাহান্রাজ্ঞস্তস্ তদাঽবধীৎ ॥ 3-272-12 (26309)
তমথাভ্যাগতং রাজা পদাতিং কুন্তিনন্দনঃ।
অর্ধচন্দ্রেণ বাণএন বিব্যাধোরসি ধর্মরাট্ ॥ 3-272-13 (26310)
স ভিন্নহৃদয়ো বীরো বক্রাচ্ছোণিতমুদ্বমন্।
পপাতাভিমুখং প্রাপ্তশ্চিন্নমূল ইব দ্রুমঃ ॥ 3-272-14 (26311)
ইন্দ্রসেনদ্বিতীয়স্তু রথাৎপ্রস্কন্দ্য ধর্মরাট্।
হতাশ্বঃ সহদেবস্য প্রতিপেদে মহারথম্ ॥ 3-272-15 (26312)
নকুলং ৎবভিসংবার্য ক্ষেমংকরমহামুখৌ।
উভাবুভতস্তীক্ষ্ণৈঃ শরবর্ষৈরবর্ষতাম্ ॥ 3-272-16 (26313)
তৌ শরৈরভিবর্ষন্তৌ জীমূতাবিব বার্ষিকৌ।
একৈকেন বিপাঠেন জঘ্নে মাদ্রবতীসুতঃ ॥ 3-272-17 (26314)
ত্রিগর্তরাজঃ সুরথস্তস্যাথ গজূর্গতঃ।
রথমাক্ষেপয়ামাস গজেন গজয়ানবিৎ ॥ 3-272-18 (26315)
নকুলস্ৎবপভীস্তস্মাদ্রথাচ্চর্মাসিপাণিমান্।
উদ্ধাম্য স্তানমাস্থায় তস্থৌ গিরিবাচলঃ ॥ 3-272-19 (26316)
সুরথস্তং গজবরং বধায় নকুলস্য তু।
প্রেষয়ামাস সক্রোধমত্যুচ্ছ্রিতকরং ততঃ ॥ 3-272-20 (26317)
নকুলস্তস্য নাগস্য সমীপপরিবর্তিনঃ।
সবিষাণং ভুজং মূলে খঙ্গেন নিরকৃন্তত ॥ 3-272-21 (26318)
স বিনদ্যমহানাদং গজঃ কিঙ্কিণিভূষণঃ।
পতন্নবাক্শিরা ভূমৌ হস্ত্যারোহমপোথয়ৎ ॥ 3-272-22 (26319)
স তৎকর্ম মহৎকৃৎবা শূরো মাদ্রবতীসুতঃ।
ভীমসেনরথং প্রাপ্য শর্ম লেভে মহারথঃ ॥ 3-272-23 (26320)
ভীমস্ৎবাপততো রাজ্ঞঃ কোটিকাশ্যস্ সংগরে।
সূতস্য নুদতো বাহান্ক্ষুরেণাপাহরচ্ছিরঃ ॥ 3-272-24 (26321)
ন বুবোধ হতং সূতং স রাজা বাহুশালিনা।
তস্যাশ্বা ব্যদ্রবন্সঙ্খ্যে হতমসূতাস্ততস্ততঃ ॥ 3-272-25 (26322)
বিরথং হতসূতং তং ভীমঃ প্রহরতাংবরঃ।
জঘান তলয়ুক্তেন প্রাসেনাভ্যেত্য পাণ্ডবঃ ॥ 3-272-26 (26323)
দ্বাদশানাং তু সর্বেষাং সৌবীরাণাং ধনংজয়ঃ।
চকর্ত নিশিতৈর্ভল্লৈর্ধনূংষি চ শিরাংসি চ ॥ 3-272-27 (26324)
শিবীনিক্ষ্বাকুমুখ্যাংশ্চ ত্রিগর্তান্সৈন্ধবানপি।
জঘানাতিরথঃ সঙ্খ্যে বাণগোচরমাগতান্ ॥ 3-272-28 (26325)
সূদিতাঃ প্রত্যদৃশ্যন্ত বহবঃ সব্যসাচিনা।
সপতাকাশ্চ মাতঙ্গাঃ সধ্বজাশ্চ মহারথাঃ ॥ 3-272-29 (26326)
প্রচ্ছাদ্য পৃথিবীং তস্থুঃ সর্বমায়োধনং প্রতি।
শরীরাণ্যশিরস্কানি বিদেহানি শিরাংসি চ ॥ 3-272-30 (26327)
শ্বগৃধ্রকঙ্ককাকোলভাসগোমায়ুবায়সাঃ।
অতৃপ্যংস্তত্রবীরাণাং হতানাং মাসশোণিতৈঃ ॥ 3-272-31 (26328)
`এবং তীক্ষ্ণশরজ্বালৈর্গাণ্ডীবানিলচোদিতৈঃ।
সেনেন্ধনং দদাহাশু সরোষঃ পার্থপাবকঃ ॥ 3-272-32 (26329)
চক্রাণাং পতিতানাং চ যুগানাং চ মহীপতে।
তূণীরাণআং পতাকানাং ধ্বজানাং চ রথৈঃ সহ ॥ 3-272-33 (26330)
ঈষাণামনুকর্ষাণাং ত্রিবেণূনাং তথৈব চ।
অক্ষাণামথ যোক্রাণাং প্রতোদানাং চ রাশয়ঃ ॥ 3-272-34 (26331)
শিরসাং পতিতানাং চ কুণ্ডলোষ্ণীষধারিণাম্।
ভুজানাং মকুটানাং চ হারাণামঙ্গদৈঃ সহ ॥ 3-272-35 (26332)
ছত্রাণাং ব্যজনানাং চ চর্মণআং বর্মণাং তথা।
ছিন্নানাং কার্মুকাণাং চ পট্টসানাং তথৈব চ ॥ 3-272-36 (26333)
শক্তীনামথ খঙ্গানাং দণ্ডানাং সহ তেমরৈঃ।
রাশয়শ্চাত্রদৃশ্যন্তে তত্রতত্র বিশাংপতে ॥ 3-272-37 (26334)
পতিতৈশ্চৈব মাতঙ্গৈঃ সয়োধৈঃ পর্বতোপমৈঃ।
হয়ৈর্দ্বিধাকৃতৈঃ সার্ধং সাদিভিঃ সায়ুধৈস্তথা ॥ 3-272-38 (26335)
বিপ্রবিদ্ধৈ রথৈশ্চৈব নিহতৈশ্চপদাতিভিঃ।
অগম্যরূপা পৃথিবী মাংসশোণিতকর্দমা' ॥ 3-272-39 (26336)
হতেষু তেষু বীরেষু সিন্ধুরাজো জয়দ্রথঃ।
বিমুচ্য কৃষ্ণাং সংত্রস্তঃ পলায়নপরোঽভবৎ ॥ 3-272-40 (26337)
স তস্মিন্সংকুলে সৈন্যে দ্রৌপদীমবতার্য তাম্।
প্রাণপ্রেপ্সুরুপাধাবদ্বনং তত্র নরাধমঃ ॥ 3-272-41 (26338)
দ্রৌপদীং ধর্মরাজস্তু দৃষ্ট্বা ধৌম্যপুরস্কৃতাম্।
মাদ্রীপুত্রেণ বীরেণ রথমারোপয়ত্তদা ॥ 3-272-42 (26339)
ততস্তদ্বিদ্রুতং সৈন্যমপয়াতে জয়দ্রথে।
আদিশ্যাদিশ্য নারাচৈরাজঘান বৃকোদরঃ ॥ 3-272-43 (26340)
সব্যসাচী তু তং দৃষ্ট্বা পলায়ন্তং জয়দ্রথম্।
বারয়ামাস নিঘ্নন্তং ভীমং সৈন্ধবসৈনিকান্ ॥ 3-272-44 (26341)
অর্জুন উবাচ। 3-272-45x (2677)
যস্যাপচারাৎপ্রাপ্তোঽয়মস্মান্ক্লেশো দুরাসদঃ।
তমস্মিন্সমরোদ্দেশে ন পশ্যামি জয়দ্রথম্ ॥ 3-272-45 (26342)
`মূঢং নৈকৃতিকং দুষ্টং দ্রৌপদ্যাঃ ক্লেশকারিণম্'।
তমেবান্বিষ ভদ্রং তে কিং তে যোধৈর্নিপাতিতৈঃ।
অনামিষমিদং কর্ম কথং বা মন্যতে ভবান্ ॥ 3-272-46 (26343)
বৈশম্পায়ন উবাচ। 3-272-47x (2678)
ইত্যুক্তো ভীমসেনস্তু গুডাকেশেন ধীমতা।
যুধিষ্ঠিরমভিপ্রেত্য বাগ্মী বচনমব্রবীৎ ॥ 3-272-47 (26344)
হতপ্রবীরা রিপবো ভূয়িষ্ঠং বিদ্রুতা দিশঃ।
গৃহীৎবা দ্রৌপদীং রাজন্নিবর্ততু ভবানিতঃ ॥ 3-272-48 (26345)
যমাভ্যাং সহ রাজেন্দ্র ধৌম্যেন চ মহাত্মনা।
প্রাপ্যাশ্রমপদং রাজন্দ্রৌপদীং পরিসান্ৎবয় ॥ 3-272-49 (26346)
ন হি মে মোক্ষ্যতেজীবন্মূঢঃ সৈন্ধবকো নৃপঃ।
পাতালতলসংস্থোপি যদি শক্রোস্য সারথিঃ ॥ 3-272-50 (26347)
যুধিষ্ঠির উবাচ। 3-272-51x (2679)
ন হন্তব্যো মহাবাহো দুরাত্মাঽপিস সৈন্ধবঃ।
দুঃশলামভিসংস্মৃত্য গান্ধারীং চ যশস্বিনীম্ ॥ 3-272-51 (26348)
বৈশম্পায়ন উবাচ। 3-272-52x (2680)
তচ্ছ্রুৎবা দ্রৌপদী ভীমমুবাচ ব্যাকুলেন্দ্রিয়া।
কুপিতা হ্রীমতী প্রাজ্ঞা পতী ভীমার্জুনাবুভৌ ॥ 3-272-52 (26349)
কর্তব্যং চেৎপ্রিয়ং মহ্যং বধ্যঃ স পুরুষাধমঃ।
সৈন্ধবাপশদঃ পাপো দুর্মতিঃ কুলপাংসনঃ ॥ 3-272-53 (26350)
ভার্যাভিহর্তা বৈরী যো যশ্চ রাজ্যহরো রিপুঃ।
যাচমানোঽপিসংগ্রামে ন মোক্তব্যঃ কথংচন ॥ 3-272-54 (26351)
ইত্যুক্তৌ তৌ নরব্যাঘ্রৌ যয়তুর্যত্র সৈন্ধবঃ।
রাজা নিববৃতেকৃষ্ণামাদায় সপুরোহিতঃ ॥ 3-272-55 (26352)
স প্রবিশ্যাশ্রমপদমপবিদ্ধবৃসীকটম্।
মার্কণ্ডেয়াদিভির্বিপ্রৈরনুকীর্ণং দদর্শ হ ॥ 3-272-56 (26353)
দ্রৌপদীমনুশোচদ্ভির্ব্রাহ্মণৈস্তৈঃ সমাহিতৈঃ।
সমেয়ায় মহাপ্রাজ্ঞঃ সভার্য ভ্রাতৃমধ্যগঃ ॥ 3-272-57 (26354)
তে স্ম তং মুদিতা দৃষ্ট্বা পুনরপ্যাগতং নৃপম্।
জিৎবা তান্সিনধুসৌবীরান্দ্রৌপদীং চাহৃতাং পুনঃ ॥ 3-272-58 (26355)
স তৈঃ পরিবৃতো রাজাতত্রৈবোপবিবেশ হ।
প্রবিবেশাশ্রমং কৃষ্ণা যমাভ্যাং সহ ভামিনী ॥ 3-272-59 (26356)
ভীমসেনার্জুনৌ চাপি শ্রুৎবা ক্রোশগতং রিপুম্।
স্বয়মশ্বাংস্তুদন্তৌ তৌ জবেনৈবাভ্যধাবতাম্ ॥ 3-272-60 (26357)
ইদমত্যদ্ভুতং চাত্র চকারাতিরথোঽর্জুনঃ।
ক্রোশমাত্রগতানশ্বান্সৈন্ধবস্য জঘান যৎ ॥ 3-272-61 (26358)
স হি দিব্যাস্ত্রসংপন্নঃ কৃচ্ছ্রকালেঽপ্যসংভ্রমঃ।
অকরোদ্দুষ্করং কর্ম শরৈরস্ত্রানুমন্ত্রিতৈঃ ॥ 3-272-62 (26359)
ততোঽভ্যধাবতাং বীরাবুভৌ ভীমধনংজয়ৌ।
হতাশ্বং সৈন্ধবং ভীতমেকং ব্যাকুলচেতসম্ ॥ 3-272-63 (26360)
সৈন্ধবস্তু হতান্দৃষ্ট্বা তথাঽশ্বান্স্বান্সুদুঃখিতঃ।
`রথাৎপ্রস্কন্দ্য পদ্ভ্যাং বৈ পলায়নপরোঽভবৎ' ॥ 3-272-64 (26361)
দৃষ্ট্বা রবিক্রমকর্মাণি কুর্বাণং চ ধনংজয়ম্।
পলায়নকৃতোৎসাহঃ প্রাদ্রবদ্যেন বৈ বনম্ ॥ 3-272-65 (26362)
সৈন্ধবং ৎবমিসংপ্রেক্ষ্যপরাক্রান্তং পলায়নে।
অনুয়ায় মহাবাহুঃ ফল্গুনো বাক্যমব্রবীৎ ॥ 3-272-66 (26363)
অনন বীর্যেণ কথং স্ত্রিয়ং প্রার্থয়সে বলাৎ।
রাজপুত্র নিবর্তস্ব ন তে যুক্তং পলায়নম্ ॥ 3-272-67 (26364)
কথং হ্যনুচরান্হিৎবা শত্রুমধ্যে পলায়সে।
ইত্যুচ্যমানঃ পার্থেন সৈন্ধবো ন ন্যবর্তত ॥ 3-272-68 (26365)
তিষ্ঠতিষ্ঠেতি তং ভীমঃ সহসাঽভ্যদ্রবদ্বলী।
মা বধীরিতি পার্থস্তং দয়াবান্প্রত্যভাষত ॥ 3-272-69 (26366)
ইতি শ্রীমন্মহাভারতে অরণ্যপর্বণি দ্রৌপদীহরণপর্বণি দ্বিসপ্তত্যধিকদ্বিশততমোঽধ্যায়ঃ ॥ 272 ॥
Mahabharata - Vana Parva - Chapter Footnotes
3-272-5 অন্তরং অভ্যহারয়ৎ ভীমজয়দ্রথয়োর্মধ্যে প্রবেশেন ব্যবধানং কৃতবান্। রথবংশেন রথবর্গ্রেণ ॥ 3-272-16 ক্ষেমংকরসুমালবৌ ইতি ক. পাঠঃ। ক্ষেমংকরমহামলৌ ইতি থ. ধ. পাঠঃ ॥ 3-272-21 সবিষাণং ভুজং সদন্তং শুণ্ডাদণ্ডম্। মূলে গণ্ডপ্রদেশে ॥ 3-272-26 তলয়ুক্তেন মুষ্টিয়ুক্তেন ॥ 3-272-46 অন্বিষ অন্বিচ্ছ ॥ 3-272-51 দুঃশলাং দুর্যোধনভগিনীম্ ॥ 3-272-56 অপবিদ্ধা ইতস্ততো বিশীর্ণা বস্যঃ ঋষীণামাসনানি ॥ 3-272-65 বিক্রময়ুক্তানি কর্মাণি ॥অরণ্যপর্ব - অধ্যায় 273
॥ শ্রীঃ ॥
3.273. অধ্যায়ঃ 273
Mahabharata - Vana Parva - Chapter Topics
ভীমেন কেশগ্রহণেন নিপাতিতস্য জয়দ্রথস্য মূর্ধ্নি পাদপ্রহারপূর্বকং ক্ষুরপ্রেণ পঞ্চচূদীনির্মাণম্ ॥ 1 ॥ ভীমেন বন্ধনপূর্বকমানীতস্য তস্য যুধিষ্ঠিরেণ মোচনম্ ॥ 2 ॥ জয়দ্রয়েন তপঃপ্রসাদিতান্মহাদেবাদর্জুনবর্জমেকস্মিন্দিনে পাণ্ডবজয়রূপবরাঽঽদানম্ ॥ 3 ॥Mahabharata - Vana Parva - Chapter Text
3-273-0 (26367)
বৈশম্পায়ন উবাচ। 3-273-0x (2681)
জয়দ্রথস্তু সংপ্রেক্ষ্যভ্রাতরাবুদ্যতায়ুধৌ।
প্রাদাবত্তূর্ণমব্যগ্রো জীবিতেপ্সুঃ সুদুঃখিতঃ ॥ 3-273-1 (26368)
`লতাভিঃ সংবৃতে কক্ষে কিরীটং রত্নভাস্বরম্।
অপবিধ্যপ্রধাবন্তং নিলীয়ন্তং বনান্তরে ॥ 3-273-2 (26369)
ভীমসেনস্তু তং কক্ষে লীয়মানং ভয়াকুলম্।
মার্গমাণোঽবতীর্যাশু রথাদ্রত্নবিভূপিতাৎ'।
অভিদ্রুত্য নিজগ্রাহকেশপক্ষে হ্যমর্ষণঃ ॥ 3-273-3 (26370)
সমুদ্যম্য চ তং ভীমো নিষ্পিপেপ মহীতলে।
গলে গৃহীৎবারাজানং পাতয়ামাস চৈব হ ॥ 3-273-4 (26371)
পুনঃ স জীবমানস্য তস্যোৎপতিতুমিচ্ছতঃ।
পদা মূর্ধ্নি মহাবাহুঃ প্রাহরদ্বিলপিষ্যতঃ ॥ 3-273-5 (26372)
তস্য জানূ দদৌ ভমো জঘ্নে চৈনমরত্নিনা।
স মোহমগমদ্রাজা প্রহারবরপীডিতঃ ॥ 3-273-6 (26373)
সরোষং ভীমসেনং তু বারয়ামাস ফল্গুনঃ।
দুঃশলায়াঃ কৃতেরাজা যত্ৎবামাহেতি কৌরব ॥ 3-273-7 (26374)
ভীম উবাচ। 3-273-8x (2682)
নায়ং পাপসমাচারো মত্তো জীবিতুমর্হতি।
কৃষ্ণায়াস্তদনর্হায়াঃ পরিক্লেষ্টা নরাধমঃ ॥ 3-273-8 (26375)
কিংনু শক্যং ময়া কর্তুং যদ্রাজা সততং ঘৃণী।
ৎবং চ বালিশয়া বুদ্ধ্যা সদৈবাস্মান্প্রবাধসে ॥ 3-273-9 (26376)
এবমুক্ৎবা সটাস্তস্য পঞ্চচক্রে বৃকোদরঃ।
অর্ধচন্দ্রেণ বাণেন কিংচিদব্রুবতস্তদা ॥ 3-273-10 (26377)
বিকল্পয়িৎবা রাজানং ততঃ প্রাহ বৃকোদরঃ।
জীবিতুং চেচ্ছসে মূঢ হেতুং মে গদতঃ শৃণু ॥ 3-273-11 (26378)
দাসোস্মীতি ৎবয়া বাচ্যং সংসৎসু চ সভাসু চ।
এবং চেজ্জীবিতং দদ্যামেষ যুদ্ধজিতো বিধিঃ ॥ 3-273-12 (26379)
এবমস্ৎবিতি তং রাজা কৃচ্ছ্রমাণো জয়দ্রথঃ।
প্রোবাচ পুরুষব্যাঘ্রং ভীমমাহবশোভিনম্ ॥ 3-273-13 (26380)
তত এনং বিচেষ্টন্তং বদ্ধ্বা পার্থো বৃকোদরঃ।
রথমারোপয়ামাস বিসংজ্ঞং পাংসুকুণ্ঠিতম্ ॥ 3-273-14 (26381)
ততস্তং রথমাস্থায় ভীমঃ পার্তানুগস্তদা।
অগ্র্যমাশ্রমমধ্যস্থামভ্যগচ্ছদ্যুধিষ্ঠিরম্ ॥ 3-273-15 (26382)
দর্শয়ামাস ভীমস্তু তদবস্থং জয়দ্রথম্।
তং রাজা প্রাহসদ্দৃষ্ট্বা মুচ্যতামিতি চাব্রবীৎ ॥ 3-273-16 (26383)
রাজানং চাব্রবীদ্ভীমো দ্রৌপদ্যৈ কথয়েতি বৈ।
দাসভাবং গতো হ্যেষ পাণ্ডূনাং পাপচেতনঃ ॥ 3-273-17 (26384)
তমুবাচ চ ততো জ্যেষ্ঠো ভ্রাতা সপ্রণয়ং বচঃ।
মুঞ্চেমমধমাচারং প্রমাণা যদি তে বয়ম্ ॥ 3-273-18 (26385)
দ্রৌপদী চাব্রবীদ্ভীমমভিপ্রেক্ষ্য যুধিষ্ঠিরম্।
দাসোঽয়ংমুচ্যতাং রাত্রস্ৎবয়াপঞ্চশিখঃ কৃতঃ ॥ 3-273-19 (26386)
`এবমুক্তঃ স ভীমস্তু ভ্রাত্রা চৈব চ কৃষ্ণয়া।
মুমোচ তং মহাপাপং জয়দ্রথমচেতনম্' ॥ 3-273-20 (26387)
স মুক্তোঽভ্যেত্যরাজানমভিবাদ্য যুধিষ্ঠিরম্।
ববন্দে বিহ্বলোরাজাতাংশ্চ বৃদ্ধান্মুনীংস্তদা ॥ 3-273-21 (26388)
তমুবাচ ধৃণী রাজা ধর্মপুত্রো যুধিষ্ঠিরঃ।
তথাজয়দ্রথং দৃষ্ট্বা গৃহীতং সব্যসাচিনা ॥ 3-273-22 (26389)
অদাসো গচ্ছ মুক্তোসি মৈবং কার্ষীঃ পুনঃ ক্বচিৎ।
স্ত্রীকামুক ধিগস্তু ৎবাং ক্ষুদ্রঃ ক্ষত্রসহায়বান্ ॥ 3-273-23 (26390)
এবংবিধং হি ক কুর্যাত্ৎবদনয়ঃ পুরুষাধমঃ।
`কর্ম ধর্মবিরুদ্ধং বৈ লোকদুষ্টং চ দুর্মতে' ॥ 3-273-24 (26391)
গতসত্ৎবমিব জ্ঞাৎবা কর্তারমশুভস্য তম্।
সংপ্রেক্ষ্যভরতশ্রেষ্ঠঃ কৃপাং চক্রে নরাধিপঃ ॥ 3-273-25 (26392)
ধর্মে তে বর্ধতাং বুদ্ধির্মা চাধর্মে মনঃ কৃথাঃ।
সাশ্চ সাথপাদাতঃ স্বস্তি গচ্ছ জয়দ্রথ ॥ 3-273-26 (26393)
এবমুক্তস্তু সব্রীজং তূষ্ণীং কিংচিদবাঙ্যুখঃ।
জগাম রাজা দুঃখার্তো গঙ্গাদ্বারায় ভারত ॥ 3-273-27 (26394)
স দেবং শরণং গৎবা বিরূপাক্ষমুমাপতিম্।
তপশ্চচার বিপুলং তস্য প্রীতো বৃষধ্বজঃ ॥ 3-273-28 (26395)
বলিং স্বয়ং প্রত্যগৃহ্ণাৎপ্রীয়মাণস্ত্রিলোচনঃ।
বরং চাস্মৈ দদৌ দেবঃ স জগ্রাহ চ তচ্ছৃণু ॥ 3-273-29 (26396)
সমস্তান্সরথান্পঞ্চজয়েয়ং যুধি পাণ্ডবান্।
ইতি রাজাঽব্রবীদ্দেবং নেতি দেবস্তমব্রবীৎ ॥ 3-273-30 (26397)
অজয়্যাংশ্চাপ্যবধ্যাংশ্চ বারয়িষ্যসি তান্যুধি।
ঋতেঽর্জুনং মহাবাহুং নরং নাম সুরেশ্বরম্ ॥ 3-273-31 (26398)
বদর্যাং তপ্ততপসং নারায়ণসহায়কম্।
অজিতং সর্বলোকানাং দেবৈরপি দুরাসদম্ ॥ 3-273-32 (26399)
ময়া দত্তং পাশুপতং দিব্যমপ্রতিমং শরম্।
অবাপ লোকপালেভ্যো বজ্রাদীন্স মহাশরান্ ॥ 3-273-33 (26400)
দেবদেবো হ্যনন্তাত্মা বিষ্ণুঃ সুরগুরুঃ প্রভুঃ।
প্রধানপুরুষোঽব্যক্তোবিশ্বাত্মাবিশ্বমূর্তিমান্ ॥ 3-273-34 (26401)
যুগান্তকালে সংপ্রাপ্তে কালাগ্নির্দহতে জগৎ।
সপর্বতার্ণবদ্বীপং সশৈলবনকাননম্।
নির্দহন্নাগলোকাংশ্চপাতালতলচারিণঃ ॥ 3-273-35 (26402)
অথান্তরিক্ষে সুমহন্নানাবর্ণাঃ পয়োধরাঃ।
ঘোরস্বরা বিনদিনস্তটিন্মালাবলম্বিনঃ।
সমুত্তিষ্ঠন্দিশঃ সর্বাবিবর্ষন্তঃ সমন্ততঃ ॥ 3-273-36 (26403)
ততোঽগ্নীং শময়ামাসুঃ সংবর্তাগ্নিনিয়ামকাঃ।
অক্ষমাত্রৈশ্চ ধারাভিস্তিষ্ঠন্ত্যাপূর্য সর্বশঃ ॥ 3-273-37 (26404)
একার্ণবে তদাতস্মিন্নুপশান্তচরাচরে।
নষ্টচন্দ্রার্কপবনে গ্রহনক্ষত্রবর্জিতে।
চতুর্যুগসহস্রান্তে সলিলেনাপ্লুতা মহী ॥ 3-273-38 (26405)
ততো নারায়ণাখ্যস্তু সহস্রাক্ষঃ সহস্রপাৎ।
সহস্রশীর্পা পুরুষঃ স্বপ্নুকামস্ৎবতীন্দ্রিয়ঃ ॥ 3-273-39 (26406)
ফণাসহস্রবিকটং শেষং পর্যঙ্কভোগিনম্।
সহস্রমিব তিগ্মাংশুসংঘাতমমিতদ্যুতিম্।
কুন্দেন্দুহারগোক্ষীরমৃণালকুমুদপ্রভম্ ॥ 3-273-40 (26407)
তত্রাসৌ ভগবান্দেবঃ স্বপঞ্জলনিধৌ তদা।
নৈশেন তমসা ব্যাপ্তাং স্বাং রাত্রিংকুরুতে বিভুঃ ॥ 3-273-41 (26408)
সৎবোদ্রেকাৎপ্রবুদ্ধস্তু শূন্যং লোকমপশ্যত।
ইমং চোদাহরন্ত্যত্রশ্লোকং নারায়ণং প্রতি ॥ 3-273-42 (26409)
আপো নারাস্তত্তনব ইত্যপাং নাম শুশ্রুমঃ।
অয়নং তেন চৈবাস্তে তেন নারায়ণঃ স্মৃতঃ ॥ 3-273-43 (26410)
প্রধ্যানসমকালং তুপ্রজাহেতোঃ সনাতনঃ।
ধ্যাতমাত্রে তু ভগবন্নাভ্যাং পদ্মঃ সমুত্থিতঃ ॥ 3-273-44 (26411)
ততশ্চতুর্মুখো ব্রহ্মা নাভিপদ্মাদ্বিনিঃসৃতঃ।
তত্রোপবিষ্টঃ সহসা ব্রহ্মা লোকপিতামহঃ ॥ 3-273-45 (26412)
শূন্যং দৃষ্ট্বা জগৎকৃৎস্নং মানসানাত্মনঃ সমান্।
ততো মরীচিপ্রমুখান্মহর্ষীনসৃজন্নব ॥ 3-273-46 (26413)
তেঽসৃজন্সর্বভূতানি ত্রসানি স্থাবরাণি চ।
যক্ষরাক্ষসভূতানি পিশাচোরগমানুষান্ ॥ 3-273-47 (26414)
সৃজতে ব্রহ্মমূর্তিস্তু রক্ষতে পৌরুষী তনুঃ।
রৌদ্রী ভাবেন শময়েত্তিস্রোঽবস্থাঃ প্রজাপতেঃ ॥ 3-273-48 (26415)
ন শ্রুতং তে সিন্ধুপতে বিষ্ণোরদ্ভুতকর্মণঃ।
কথ্যমানানি মুনিভির্ব্রাহ্মণৈর্বেদপারগৈঃ ॥ 3-273-49 (26416)
জলেন সমনুপ্রাপ্তে সর্বতঃ পৃথিবীতলে।
তদা চৈকার্ণবে তস্মিননেকাকাশে প্রভুশ্চরন্ ॥ 3-273-50 (26417)
নিশায়ামিব খদ্যোতঃ প্রাবৃট্কালে সমন্ততঃ।
প্রতিষ্ঠানায় পৃথিবীং মার্গমাণস্তদাঽভবৎ ॥ 3-273-51 (26418)
জলে নিমগ্নাং গাং দৃষ্ট্বাচোদ্ধর্তুং মনসেচ্ছতি।
কিংনু রূপমহং কৃৎবাসলিলাদুদ্ধরে মহীম্ ॥ 3-273-52 (26419)
এবং সংচিন্ত্য মনসা দৃষ্ট্বা দিব্যেন চক্ষুষা।
জলক্রীডাভিরুচিতং বারাহং রূপমস্মরৎ ॥ 3-273-53 (26420)
কৃৎবা বরাহবপুপং বাঙ্ময়ং বেদসংমিতম্।
দশয়োজনবিস্তীর্ণমায়তং শতয়োজনম্ ॥ 3-273-54 (26421)
মহাপর্বতবর্ষ্মাভং তীক্ষ্ণদংষ্ট্রংপ্রদীপ্তিমৎ।
মহামেঘৌঘনির্ঘোপং নীলজীমূতসন্নিভম্ ॥ 3-273-55 (26422)
ভূৎবা যজ্ঞবরাহো বৈ অপঃ সংপ্রাবিশৎপ্রভুঃ।
দংষ্ট্রেণৈকেন চোদ্ধৃত্যস্বে স্থানে ন্যবিশন্মহীম্ ॥ 3-273-56 (26423)
পুনরেব মহাবাহুরপূর্বাং তনুমাশ্রিতঃ।
নরস্য কৃৎবাঽর্ধতনুং সিংহস্যার্ধতনুং প্রভুঃ ॥ 3-273-57 (26424)
দৈত্যেন্দ্রস্য সভাং গৎবাপাণিং সংস্পৃশ্যপাণিনা।
দৈত্যানামাদিপুরুষঃ সুরারির্দিতিনন্দনঃ ॥ 3-273-58 (26425)
দৃষ্ট্বা চাপূর্ববপুষং ক্রোধাৎসংরক্তলোচনঃ।
শূলোদ্যতকরঃ স্রগ্বী হিরণ্যকশিপুস্তদা ॥ 3-273-59 (26426)
মেঘস্তনিতনির্ঘোষো নীলাভ্রচয়সন্নিভঃ।
দেবারির্দিতিজো বীরো নৃসিংহং সমুপাদ্রবৎ ॥ 3-273-60 (26427)
সমুৎপত্য ততস্তীক্ষ্ণৈর্মৃগেন্দ্রেণ বলীয়সা।
নারসিংহেন বপুষাদারিতঃ করজৈর্ভৃশম্ ॥ 3-273-61 (26428)
এবং নিহত্য ভগবান্দৈত্যেনদ্রং রিপুঘাতিনম্।
ভূয়োঽন্যঃ পুণ্ডরীকাক্ষঃ প্রভুর্লোকহিতায় চ।
কশ্যপস্যাত্মজঃ শ্রীমানদিত্যা গর্ভধারিতঃ ॥ 3-273-62 (26429)
পূর্ণে বর্ষসহস্রে তু প্রসূত ভর্গমুত্তমম্ ॥ 3-273-63 (26430)
দুর্দিনাম্ভোদসদৃশো দীপ্তাক্ষো বামনাকৃতিঃ।
দণ্ডী কমণ্ডলুধরঃ শ্রীবৎসোরসি ভূষিতঃ।
জটী যজ্ঞোপবীতী চ ভগবান্বালরূপধৃক্ ॥ 3-273-64 (26431)
যজ্ঞবাটং গতঃ শ্রীমান্দানবেন্দ্রস্য বৈ তদা।
বৃহস্পতিসহায়োঽসৌ প্রবিষ্টো বলিনো মখে ॥ 3-273-65 (26432)
তং দৃষ্ট্বাবামনতনুং প্রহৃষ্টো বলিরব্রবীৎ।
প্রীতোস্মি দর্শনে বিপ্র ব্রূহি ৎবং কিং দদানিতে ॥ 3-273-66 (26433)
এবমুক্তস্তু বলিনা বামনঃ প্রত্যুবাচ হ ॥ 3-273-67 (26434)
স্বস্তীত্যুক্ৎবা বলিং দেবঃ স্ময়মানোঽভ্যভাষত।
মেদিনীং দানবপতে দেহি মে বিক্রমত্রয়ম্ ॥ 3-273-68 (26435)
বলির্দদৌ প্রসন্নাত্মা বিপ্রায়ামিততেজসে।
ততো দিব্যাদ্ভুততমং রূপং বিক্রমতোহরেঃ ॥ 3-273-69 (26436)
বিক্রমৈস্ত্রিভিরক্ষোভ্যো জহারাশু স মেদিনীম্।
দদৌ শক্রায় চ মহীং বিষ্ণুর্দেবঃ সনাতনঃ ॥ 3-273-70 (26437)
এষ তে বামনো নাম প্রাদুর্ভাবঃ প্রকীর্তিতঃ।
তেন দেবাঃ প্রাদুরাসন্বৈষ্ণবং চোচ্যতে জগৎ ॥ 3-273-71 (26438)
অসতাং নিগ্রহার্থায় ধর্মসংরক্ষণায় চ।
অবতীর্ণো মনুষ্যাণামজায়ত যদুক্ষয়ে।
যং দেবংবিদুষোগান্তি তস্য কর্মাণি সৈন্দব ॥ 3-273-72 (26439)
অনাদ্যন্তমজং দেবং প্রভুংলোকনমস্কৃতম্।
যং দেবং বিদুষোগান্তিতস্ কর্মাণি সৈন্ধব ॥ 3-273-73 (26440)
যমাহুরজিতংকৃষ্ণং শঙ্খচক্রগদাধরম্।
শ্রীবৎসধারিণং দেবং পীতকৌশেয়বাসসম্ ॥ 3-273-74 (26441)
প্রধানং সোঽস্ত্রবিদুষাং তেন কৃষ্ণন রক্ষ্যতে ॥ 3-273-75 (26442)
সহায়ঃ পুণ্ডরীকাক্ষঃ শ্রীমানতুলবিক্রমঃ।
সমানস্যন্দনে পার্থমাস্থায় পরবীরহা ॥ 3-273-76 (26443)
ন শক্যতে তেন জেতুং ত্রিদশৈরপি দুঃসহঃ।
কঃ পুনর্মানুষো ভাবো রণে পার্থং বিজেষ্যতি ॥ 3-273-77 (26444)
তমেকং বর্জয়িৎবাতু সর্বংয়ৌধিষ্ঠিরং বলম্।
চতুরঃ পাণ্ডবাত্রাজন্দিনৈকং জেপ্যসে রিপূন্ ॥ 3-273-78 (26445)
`তস্মাত্ৎবংপার্থরহিতান্পাণ্ডবান্বারয়িষ্যসি।
এতদ্ধি পুরুষব্যাঘ্র ময়া দত্তো বরস্তব' ॥ 3-273-79 (26446)
বৈশম্পায়ন উবাচ। 3-273-80x (2683)
ইত্যেবমুক্ৎবা নৃপতিং সর্বপাপহরো হরঃ।
উমাপতিঃ পশুপতির্যজ্ঞহা ত্রিপুরার্দনঃ ॥ 3-273-80 (26447)
বামনৈর্বিকটৈঃ কুব্জৈরুগ্রশ্রবণদর্শনৈঃ।
বৃতঃ পারিষদৈর্ঘোরৈর্নানাপ্রহরণোদ্যতৈঃ ॥ 3-273-81 (26448)
ত্র্যম্বকো রাজশার্দূল ভগনেত্রনিপাতনঃ।
উমাসহায়ো ভগবাংস্তত্রৈবান্তরধীয়ত ॥ 3-273-82 (26449)
এবমুক্তস্তু নৃপতিঃ স্বমেব ভবনং যয়ৌ।
পাণ্ডবাশ্চ বনে তস্মিন্ন্যবসন্কাম্যকে তথা ॥ 3-273-83 (26450)
ইতি শ্রীমন্মহাভারতে অরণ্যপর্বণি যজদ্রথবিমোক্ষণপর্বণি ত্রিসপ্তত্যধিকদ্বিশততমোঽধ্যায়ঃ ॥ 273 ॥
Mahabharata - Vana Parva - Chapter Footnotes
3-273-9 ঘৃণী দয়াবান্। বালিশয়া স্বল্পয়া। বাধসেশত্রুং হন্তুং ন দদাসি ॥ 3-273-10 সটাঃ জটাঃ কেশসংনিবেশে মধ্যে মধ্যেপঞ্চসু স্থানেষু অর্ধচন্দ্রেণ বাণেন ক্ষীরবদ্বাষয়ামাসেত্যর্থঃ ॥ 3-273-11 বিকত্থয়িৎবারাজানমিতি ঝ. পাঠঃ ॥ 3-273-29 বলিং উপহারম্ ॥ 3-273-31 মহাবাহুং দেবৈরপি দুরাসদম্ ইতি ধ. পাঠঃ ॥ 3-273-33 শৃণাতি হিনস্তীতি শরমস্ত্রম্ ॥ 3-273-34 নারায়ণসহায়স্যাজেয়ৎবং বক্তুং নারায়ণমাহাত্ম্যমেবাহ দেবদেব ইত্যাদিনা ॥ 3-273-35 কালাগ্নিরূপো নারায়ণো নিদেহতে ॥ 3-273-36 বিনদিনঃ গর্জন্তঃ। সমুত্তিষ্ঠন্ সমুদতিষ্ঠন্। উত্তিষ্ঠন্তীত্যর্থঃ ॥ 3-273-37 শময়ামাসুঃ পয়োধরা ইতিপ্রপূর্বেণান্বয়ঃ। অক্ষমাত্রৈঃ রথাক্ষমাত্রাভিঃ স্থূলাভিঃ। সামান্যে নপুংসকম্ ॥ 3-273-40 অধ্যতিষ্ঠদিতি শেষঃ ॥ 3-273-43 নারায়ণপদংনির্বক্তি আপ ইতি। নরাজ্জাতা নারাঃ তত্তনয়ঃ নারায়ণস্যৈব তনবঃ নারাঃ আপঃ অয়নং নিবাসস্থানং যস্য ॥ 3-273-45 তস্মিংশ্চ পদ্মে পিতামহ উপবিষ্ট ইতিক্রমভঙ্গেন যোজ্যম্ ॥ 3-273-47 ত্রসানি জংগমানি ॥ 3-273-49 হে সিন্ধুপতে। তে তব শ্রুতং শ্রবণং নাস্তি। যথো বিষ্ণোরদ্ভুতকর্মণঃ কথ্যমানানি কর্মাণি ন বেৎসীতি শেষঃ ॥ 3-273-53 জলক্রীডায়ামভিরুচিতং প্রীতির্যস্য ॥ 3-273-54 বরাহবপুষমাত্মানমিতি শেষঃ। বাঙ্যযং চতুর্বেদময়ম্। বেদসংমিতং বেদপ্রমিতয়জ্ঞরূপম্ ॥ 3-273-55 বর্ষ্ম শরীরম্ ॥ 3-273-56 দংষ্ট্রেণ দংষ্ট্রয়া ন্যবিশৎ ন্যবেশয়ৎ ॥ 3-273-62 গর্ভে ধরিতঃ গর্ভধারিতঃ ॥ 3-273-64 দুর্দিনং প্রাবৃট্দিনং তত্র ভবোঽম্ভোদঃ কৃষ্ণমেঘস্তৎসদৃশঃ। শ্রীবৎসেনোরসি ভূষিত ইত্যর্থঃ ॥ 3-273-65 বাটং স্থানম্। বলিনো বলেঃ। অয়মিকারান্ত ইন্নন্তশ্র শব্দো দৃশ্যতে ॥ 3-273-69 দিব্যং চ তদদ্ধুততমং চ রূপং বভূবেতি শেষঃ ॥ 3-273-72 অবতীর্ণোঽবতরণং কুর্বন্নজায়ত আবির্ভূতঃ। যদুক্ষয়ে যদূনাং গৃহে ॥ 3-273-73 তস্য কর্মাণি বিদুষো বিদ্বাংসঃ গান্তি গায়ন্তি ॥ 3-273-75 সোঽর্জুনঃ অস্ত্রবিদুষাং প্রধানং শ্রেষ্ঠঃ য অজিতমাহুস্তেন কৃষ্ণেন রক্ষ্যতে ॥ 3-273-77 তেন কৃষ্ণসহায়ৎবেন হেতুনা। ভাবঃ পূজ্যতমঃ। ভাবঃ পূজ্যতমে লোকে ইত্যনেকার্থঃ ॥ 3-273-78 দিনৈকমেকদিনমেব ন সর্বদা ॥ 3-273-83 জয়দ্রথোঽপি মন্দাত্মা স্বমেবেতি ঝ. পাঠঃ ॥অরণ্যপর্ব - অধ্যায় 274
॥ শ্রীঃ ॥
3.274. অধ্যায়ঃ 274
Mahabharata - Vana Parva - Chapter Topics
যুধিষ্ঠিরেণ মার্কণ্ডেয়ংপ্রতি স্বসমানদুঃখিসত্তাপ্রশ্নঃ ॥ 1 ॥Mahabharata - Vana Parva - Chapter Text
3-274-0 (26451)
জনমেজয় উবাচ। 3-274-0x (2684)
এবং হৃতায়াং কৃষ্ণায়াং প্রাপ্য ক্লেশমনুত্তমম্।
অত ঊর্দ্বং নরব্যাঘ্রাঃ কিমকুর্বত পাণ্ডবাঃ ॥ 3-274-1 (26452)
বৈশম্পায়ন উবাচ। 3-274-2x (2685)
এবং কৃষ্ণাং মোক্ষয়িৎবাবিনির্জিত্য জয়দ্রথম্।
আসাংচক্রে মুনিগণৈর্ধর্মরাজো যুধিষ্ঠিরঃ ॥ 3-274-2 (26453)
তেষাং মধ্যেমহর্ষীণাং শৃণ্বতামনুশোচতাম্।
মার্কণ্ডেয়মিদং বাক্যমব্রবীৎপাণ্ডুনন্দনঃ ॥ 3-274-3 (26454)
ভগবন্দেবর্ষীণাং ৎবং খ্যাতো ভূতভবিষ্যবিৎ।
সংশয়ং পরিপৃচ্ছমি চ্ছিন্ধি মে হৃদি সংস্থিতম্ ॥ 3-274-4 (26455)
দ্রুপদস্য সুতা হ্যেষা বেদিমধ্যাৎসমুত্থিতা।
অয়োনিজা মহাভাগাস্নুষা পাণ্ডোর্মহাত্মনঃ ॥ 3-274-5 (26456)
মন্যে কালশ্চ ভগবান্দৈবং চ দুরতিক্রমম্।
ভবিতব্যং চ ভূতানাং যস্ নাস্তি ব্যতিক্রমঃ ॥ 3-274-6 (26457)
কথং হি পত্নীমস্মাকং ধর্মজ্ঞাং ধর্মচারিণীম্।
সংস্পৃশেদীদৃশো ভাবঃ শুচিং স্তৈন্যমিবানৃতম্ ॥ 3-274-7 (26458)
ন হি পাপং কৃতংকিংচিৎকর্ম বা নিন্দিতং ক্বচিৎ।
দ্রৌপদ্যা ব্রাহ্মণেষ্বেব ধর্মঃ সুচরিতো মহান্ ॥ 3-274-8 (26459)
তাং জহার বলাদ্রাজা মূঢবুদ্ধির্জয়দ্রথঃ।
তস্যাঃ সংহরণাৎপাপঃ শিরসঃ কেশবাপনম্ ॥ 3-274-9 (26460)
পরাজয়ং চ সংগ্রামে সসহাঃ সমাপ্তবান্।
প্রত্যাহৃতা তথাঽস্মাভির্হৎবা তৎসৈন্ধবং বলম্ ॥ 3-274-10 (26461)
তদ্দারহরণং প্রাপ্তমস্মাভিরবিতর্কিতম্।
দুঃখশ্চায়ং বনে বাসো মৃগয়ায়াং চ জীবিকা ॥ 3-274-11 (26462)
হিংসা চ মৃগজাতীনাং বনৌকোভির্বনৌকসাম্।
জ্ঞাতিভির্বিপ্রবাসশ্চ মিথ্যাব্যবসিতৈরিয়ম্ ॥ 3-274-12 (26463)
অস্তি নূনং ময়া কশ্চিদল্পভাগ্যতরো নরঃ।
ভবতা দৃষ্টপূর্বো বা শ্রুতপূর্বোঽপি বা ক্বচিৎ ॥ 3-274-13 (26464)
ইতি শ্রীমন্মহাভারতে অরণ্যপর্বণি রামোপাখ্যানপর্বণি চতুঃসপ্তত্যধিকদ্বিশততমোঽধ্যায়ঃ ॥ 274 ॥
Mahabharata - Vana Parva - Chapter Footnotes
3-274-6 দৈবং চ বিধিনির্মিতমিতি ঝ. ধ. পাঠঃ। তত্রদৈবং ধর্মাধর্মৌ বিধিঃ সদসৎকর্মণী তাভ্যাং নির্মিতম্ ॥ 3-274-7 ঈদৃশো ভাবঃ পরেণ হরণম্ ॥ 3-274-12 মিথ্যাব্যবসিতৈঃ বৃথাতাপসবেষধরৈঃ। ইয়ং হিংসা ক্রিয়ত ইতি শেষঃ ॥ 3-274-13 ময়া সম ইতিশেষঃ ॥অরণ্যপর্ব - অধ্যায় 275
॥ শ্রীঃ ॥
3.275. অধ্যায়ঃ 275
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রতি রামোপাখ্যানকথনারম্ভঃ ॥ 1 ॥ তত্ররামাদ্যুৎপত্তিকথনপূর্বকং রাবণোৎপত্ত্যুপোদ্ধাততয়া কুবেরোৎপত্তিকথনম্ ॥ 2 ॥Mahabharata - Vana Parva - Chapter Text
3-275-0 (26465)
মার্কণ্ডেয় উবাচ। 3-275-0x (2686)
প্রাপ্তমপ্রতিমং দুঃখং রামেণ ভরতর্ষভ।
রক্ষসা জানকী তস্য হৃতা ভার্যা বলীয়সা ॥ 3-275-1 (26466)
আশ্রমাদ্রাক্ষসেন্দ্রেণ রাবণেন দুরাত্মনা।
মায়ামাস্থায় তরসা হৎবা গৃধ্রং জটায়ুষম্ ॥ 3-275-2 (26467)
প্রত্যাজহার তাং রামঃ সুগ্রীববলমাশ্রিতঃ।
বদ্ধ্বা সেতুং সমুদ্রস্য দগ্ধ্বা লঙ্কাং শিতৈঃ শরৈঃ ॥ 3-275-3 (26468)
যুধিষ্ঠির উবাচ। 3-275-4x (2687)
কস্মিন্নামঃ কুলে জাতঃ কিংবীর্যঃ কিংপরাক্রমঃ।
রাবণঃ কস্য পুত্রো বা কিং বৈরং তস্ তেন হ ॥ 3-275-4 (26469)
এতন্মে ভগবন্সর্বং সম্যগাখ্যাতুমর্হসি।
`ৎবয়া প্রত্যক্ষোদৃষ্টং যথাসর্বমশেষতঃ।'
শ্রোতুমিচ্ছামি চরিতং রামস্যাক্লিষ্টকর্মণঃ ॥ 3-275-5 (26470)
মার্কণ্ডেয় উবাচ। 3-275-6x (2688)
অজোনামাভবদ্রাজা মহানিক্ষ্বাকুবংশজঃ।
তস্ পুত্রো দশরথঃশশ্বৎস্বাধ্যায়বাঞ্ছুচিঃ ॥ 3-275-6 (26471)
অভবংস্তস্য চৎবারঃ পুত্রা ধর্মার্থকোবিদাঃ।
রামলক্ষ্মণশত্রুঘ্না ভরতশ্চ মহাবলঃ ॥ 3-275-7 (26472)
রামস্য মাতা কৌসল্যা কৈকেয়ী ভরতস্য তু।
সুতৌ লক্ষ্মণশত্রুঘ্নৌ সুমিত্রায়াঃ পরংতপৌ ॥ 3-275-8 (26473)
বিদেহরাজো জনকঃ সীতা তস্যাত্মজা বিমো।
যাং চকার স্বয়ং ৎবষ্টা রামস্য মহিষীং প্রিয়াম্ ॥ 3-275-9 (26474)
এতদ্রামস্য তে জন্ম সীতায়াশ্চ প্রকীর্তিতম্।
রাবণস্যাপি তে জন্ম ব্যাখ্যাস্যামি রজনেশ্বর ॥ 3-275-10 (26475)
পিতামহো রাবণস্য সাক্ষাদ্দেবঃ প্রজাপতিঃ।
স্বয়ংভূঃ সর্বলোকানাং প্রভুঃ স্রষ্টা মহাতপাঃ ॥ 3-275-11 (26476)
পুলস্ত্যো নাম তস্যাসীন্মানসো দয়িতঃ সুতঃ।
তস্য বৈশ্রবণো নাম গবি পুত্রোঽভবৎপ্রভুঃ ॥ 3-275-12 (26477)
পিতরং স সমুৎসৃজ্য পিতামহমুপস্থিতঃ।
তস্য কোপাৎপিতা রাজন্সসর্জাত্মানমাত্মনা ॥ 3-275-13 (26478)
স জজ্ঞে বিশ্রবা নাম তস্যাত্মার্ধেন বৈ দ্বিজঃ।
প্রতীকারায় সক্রোধস্ততো বৈশ্রবণস্য বৈ ॥ 3-275-14 (26479)
পিতামহস্তুপ্রীতাত্মা দদৌ বৈশ্রবণস্ হ।
অমরৎবং ধনেশৎবং লোকপালৎবমেব চ ॥ 3-275-15 (26480)
ঈশানন তথা সখ্যং পুত্রং চ নলকূবরম্।
রাজধানীনিবেসং চ লঙ্কাংরক্ষোগণান্বিতাম্ ॥ 3-275-16 (26481)
বিমানং পুষ্পকং নাম কামগং চ দদৌ প্রভুঃ।
যক্ষাণামাধিপত্যংচ রাজরাজৎবমেব চ ॥ 3-275-17 (26482)
ইতি শ্রীমন্মহাভারতে অরণ্যপর্বণি রামোপাখ্যানপর্বণি পঞ্চসপ্তত্যধিকদ্বিশততমোঽধ্যায়ঃ ॥ 275 ॥
Mahabharata - Vana Parva - Chapter Footnotes
3-275-2 রাবণেন বিহায়সা ইতি থ. ধ.পাঠঃ ॥ 3-275-9 ৎবষ্টা যোরামমহিষীং ইতি থ. ধ. পাঠঃ। ৎবষ্টা প্রজাপতিঃ স্বয়মেব সংকল্পেন চকার নতু মৈথুনদ্বারা। অয়োনিজামিত্যর্থঃ ॥ 3-275-12 গবি গোসংজ্ঞায়াং ভার্যায়াম্ ॥ 3-275-13 তস্য বৈশ্রবণস্য কোপাৎ মাং ত্যক্ৎবা মৎপিতরং সেবত ইত্যতিজ্বলনাৎ। বৈশ্রবণং বাধিতুং পুলস্ত্যএব যোগবলেন বিশ্রবঃসংজ্ঞং দেহান্তরং চকে ইত্যর্থঃ ॥অরণ্যপর্ব - অধ্যায় 276
॥ শ্রীঃ ॥
3.276. অধ্যায়ঃ 276
Mahabharata - Vana Parva - Chapter Topics
মুনিবরেণ বিশ্রবসা ভার্যাত্রয়ে রাবণাদীনামুৎপাদনম্ ॥ 1 ॥ সানুজেন রাবণেন তপস্তোষিতস্য ব্রহ্মণো বরাৎপুষ্পকা পহরণপূর্বকং কুবেরস্য নিষ্কাসনেন লঙ্কায়াং নিবাসঃ ॥ 2 ॥Mahabharata - Vana Parva - Chapter Text
3-276-0 (26483)
মার্কণ্ডেয় উবাচ। 3-276-0x (2689)
পুলস্ত্যস্ তু যঃ ক্রোধাদর্ধদেহোঽভবন্মুনিঃ।
বিশ্রবানাম সক্রোধং পিতরং রাক্ষসেশ্বরঃ। 3-276-1 (26484)
বুবুধে তং তু সক্রোধং পিতরং রাক্ষসেশ্বরঃ।
কুবেরস্তৎপ্রসাদার্থং যততে স্ম সদা নৃপ ॥ 3-276-2 (26485)
স রাজরাজো লঙ্কায়াং ন্যবসন্নরবাহনঃ।
রাক্ষসীঃ প্রদদৌ তিস্রঃ পিতুর্বৈ পরিচারিকাঃ ॥ 3-276-3 (26486)
তাঃ সদা তং মহাত্মানং সংতোষয়িতুমুদ্যতাঃ।
ঋষিং ভরতশার্দূল নৃত্যগীতবিশারদাঃ ॥ 3-276-4 (26487)
পুষ্পোৎকটা চ রাকা চ মালিনী চ বিশাংপতে।
অন্যোন্যস্পর্ধয়ারাজঞ্শ্রেয়স্কামাঃ সুমধ্যমাঃ ॥ 3-276-5 (26488)
স তাসাং ভগবাংস্তুষ্টো মহাত্মা প্রদদৌ বরান্।
লোকপালোপমান্পুত্রানকৈকস্যা যথেপ্সিতান্ ॥ 3-276-6 (26489)
পুষ্পোৎকটায়াং জজ্ঞাতে দ্বৌ পুত্রৌ রাক্ষসেশ্বরৌ।
কুম্ভকর্ণদশগ্রীবৌ বলেনাপ্রতিমৌ ভুবি ॥ 3-276-7 (26490)
মালিন জনয়ামাস পুত্রমেকং বিভীষণম্।
রাকার্যা মিথুনং জজ্ঞে খরঃ শূর্পণখা তথা ॥ 3-276-8 (26491)
বিভীষণস্তু রূপেণ সর্বেভ্যোঽভ্যধিকোঽভবৎ।
স বভূব মহাভাগো ধর্মগোপ্তা ক্রিয়ারতিঃ ॥ 3-276-9 (26492)
দশগ্রীবস্তু সর্বেষাং শ্রেষ্ঠো রাক্ষসপুঙ্গবঃ।
মহোৎসাহো মহাবীর্যো মহাসৎবপরাক্রমঃ ॥ 3-276-10 (26493)
কুম্ভকর্ণও বলেনাসীৎসর্বেভ্যোঽভ্যধিকো যুধি।
মায়াবী রণশৌণ্ডশ্চরৌদ্রশ্চ রজনীচরঃ ॥ 3-276-11 (26494)
খরো ধনুষি বিক্রান্তো ব্রহ্মদ্বিট্ পিশিতাশনঃ।
সিদ্ধবিঘ্নকরী চাপি রৌদ্রী শূর্পণখা তদা ॥ 3-276-12 (26495)
সর্বে বেদবিদঃ শূরাঃ সর্বেসুচরিতব্রতাঃ।
ঊষুঃ পিত্রা সহ রতা গন্ধমাদনপর্বতে ॥ 3-276-13 (26496)
ততো বৈশ্রবণং তত্র দদৃশুর্নরবাহনম্।
পিত্রা সার্ধং সমাসীনমৃদ্ধ্যা পরময়া যুতম্ ॥ 3-276-14 (26497)
জাতামর্ষাস্ততস্তে তু তপসে ধৃতনিশ্চয়াঃ।
ব্রহ্মাণং তোষয়ামাসুর্ঘোরেণ তপসা তদা ॥ 3-276-15 (26498)
অতিষ্ঠদেকপাদেন সহস্রং পরিবৎসরান্।
বায়ুভক্ষো দশগ্রীবঃ পঞ্চাগ্নিঃ সুসমাহিতঃ ॥ 3-276-16 (26499)
অধঃশায়ী কুম্ভকর্ণো যতাহারো যতব্রতঃ।
বিভীষণঃ শীর্ণপর্ণমেকমভ্যবহারয়ন্ ॥ 3-276-17 (26500)
উপবাসরতির্ধীমান্সদা জপ্যপরায়ণঃ।
তমেব কালমাতিষ্ঠত্তীব্রং তপ উদারধীঃ ॥ 3-276-18 (26501)
স্বরঃ শূর্পণখা চৈব তেষাং বৈ তপ্যতাং তপঃ।
পরিচর্যাং চ রক্ষাং চ চক্রতুর্হষ্টমানসৌ ॥ 3-276-19 (26502)
পূর্ণে বর্ষসহস্রেতু শিরশ্ছিত্ৎবা দশাননঃ।
জুহোত্যগ্নৌ দুরাধর্ষস্তেনাতুষ্যজ্জগৎপ্রভুঃ ॥ 3-276-20 (26503)
ততো ব্রহ্মা স্বয়ং গৎবা তপসস্তান্ন্যবারয়ৎ।
প্রলোভ্যবরদানেন সর্বানেবপৃথক্পৃথক্ ॥ 3-276-21 (26504)
ব্রাহ্মোবাচ। 3-276-22x (2690)
প্রীতোঽস্মি বো নিবর্তধ্বং বরান্বৃণুত পুত্রকাঃ।
যদ্যদিষ্টমৃতে ৎবেকমমরৎবং তথাঽস্তু তৎ ॥ 3-276-22 (26505)
যদ্যদগ্নৌ হুতং সর্বং শিরস্তে মহদীপ্সয়া।
তথৈব তানি তে দেহে ভবিষ্যন্তি যথেপ্সয়া ॥ 3-276-23 (26506)
বৈরূপ্যং চ ন তে দেহে কামরূপধরস্তথা।
ভবিষ্যসি রণেঽরীণাং বিজেতা ন চ সংশয়ঃ ॥ 3-276-24 (26507)
রাবণ উবাচ। 3-276-25x (2691)
গন্ধর্বদেবাসুরতো যক্ষরাক্ষসতস্তথা।
সর্পকিংনরভূতেভ্যো ন মে ভূয়াৎপরাভবঃ ॥ 3-276-25 (26508)
ব্রহ্মোবাচ। 3-276-26x (2692)
য এতে কীর্তিতাঃ সর্বে ন তেভ্যোস্তি ভয়ং রতব।
ঋতে মনুষ্যাদ্ভদ্রং তে তথা তদ্বিহিতং ময়া ॥ 3-276-26 (26509)
মার্কণ্ডেয় উবাচ। 3-276-27x (2693)
এবমুক্তো দশগ্রীবস্তুষ্টঃ সমভবত্তদা।
অবমেনে হি দুর্বুদ্ধির্মনুষ্যান্পুরুষাদকঃ ॥ 3-276-27 (26510)
কুম্ভকর্ণমথোবাচ তথৈব প্রপিতামহঃ।
`বরং বৃণীষ্ব ভদ্রং তে প্রীতোস্মীতি পুনঃপুনঃ'।
স বব্রে মহতীং নিদ্রাং তমসা গ্রস্তচেতনঃ ॥ 3-276-28 (26511)
তথাভবিষ্যতীত্যুক্ৎবা বিভীষণমুবাচ হ।
বরং বৃণীষ্ব পুত্র ৎবং প্রীতোঽস্মীতি পুনঃপুনঃ ॥ 3-276-29 (26512)
বিভীষণ উবাচ। 3-276-29x (2694)
পরমাপদ্গতস্যাপি নাধর্মে মে মতির্ভবেৎ।
অশিক্ষিতং চ ভগবন্ব্রহ্মাস্ত্রং প্রতিভাতু মে ॥ 3-276-30 (26513)
ব্রহ্মোবাচ। 3-276-31x (2695)
যস্মাদ্রাক্ষসয়োনৌ তে জাতস্যামিত্রকর্শন।
নাধর্মে ধীয়তে বুদ্ধিরমরৎবং দদানি তে ॥ 3-276-31 (26514)
মার্কণ্ডেয় উবাচ। 3-276-32x (2696)
রাক্ষসস্তু বরংলব্ধ্বা দশগ্রীবো বিশাংপতে।
লঙ্কায়াশ্চ্যাবয়ামাস যুধি জিৎবা ধনেশ্বরম্ ॥ 3-276-32 (26515)
হিৎবাস ভগবাঁল্লঙ্কামাবিশদ্গন্ধমাদনম্।
গন্ধর্বয়ক্ষানুগতো রক্ষঃকিংপুরুষৈঃ সহ ॥ 3-276-33 (26516)
বিমানং পুষ্পকং তস্য জহারাক্রম্য রাবণঃ।
শশাপ তং বৈশ্রবণো ন ৎবামেতদ্বহিষ্যতি ॥ 3-276-34 (26517)
যস্তু ৎবাং সমরে হন্তা তমেবৈতদ্বহিষ্যতি।
অবমত্য গুরুং মাং চ ক্ষিপ্রং ৎবংনভবিষ্যসি ॥ 3-276-35 (26518)
বিভীষণস্তু ধর্মাত্মা সতাং মার্গমনুস্মরন্।
অন্বগচ্ছন্মহারাজ শ্রিয়া পরময়া যুতঃ ॥ 3-276-36 (26519)
তস্মৈ স ভগবাংস্তুষ্টো ভ্রাতা ভ্রাত্রে ধনেশ্বরঃ।
সৈনাপত্যং দদৌ ধীমান্যক্ষরাক্ষসসেনয়োঃ ॥ 3-276-37 (26520)
রাক্ষসাঃ পুরুষাদাশ্চ পিশাচাশ্চ মহাবলাঃ।
সর্বে সমেত্য রাজানমভ্যষিঞ্চন্দশাননম্ ॥ 3-276-38 (26521)
দশগ্রীবশ্চদৈত্যানাং দানবানাং বলোৎকটঃ।
আক্রম্য রত্নান্যহরৎকামরূপী বিহংগম ॥ 3-276-39 (26522)
রাবয়ামাস লোকান্যত্তস্মাদ্রাবণ উচ্যতে।
দশগ্রীবঃ কামবলো দেবানাং ভয়মাদধৎ ॥ 3-276-40 (26523)
ইতি শ্রীমন্মহাভারতে অরণ্যপর্বণি রামোপাখ্যানপর্বণি ,ট্সপ্তত্যধিকদ্বিশততমোঽধ্যায়ঃ ॥ 276 ॥
Mahabharata - Vana Parva - Chapter Footnotes
3-276-2 পিতরং বিশ্রবসম্। রাক্ষসেক্শ্বরঃ কুবেরো রক্ষঃপুরীনায়কৎবাৎ ॥ 3-276-5 পুষ্পোৎকটা বলাকা চ ইতি ধ. পাঠঃ ॥ 3-276-13 পিত্রা বিশ্রবসা ॥ 3-276-16 পঞ্চদিক্ষু চৎবার একঃ সূর্য ইতিপঞ্চানামগ্নীনাং ম্যগঃ পঞ্চাগ্নিঃ ॥ 3-276-17 বিভীষণস্তপোঽতিষ্ঠদিত্যুত্তরেণান্বয়ঃ ॥ 3-276-23 মহদীপ্সয়া শ্রেষ্ঠপদাপেক্ষয়া ॥ 3-276-35 রনভবিষ্যসি মরিষ্যসি ॥ 3-276-36 অন্বগচ্ছৎ কুবেরমিতি শেষঃ ॥ 3-276-39 রত্নানি জাতৌ জাতৌ যদুৎকৃষ্টং তদ্রত্নমভিধীয়তে। বিহংগমঃ খেচরঃ ॥ 3-276-40 রাবয়ামাস হিংসার্থস্য রুহো রূপমিদম্ ॥অরণ্যপর্ব - অধ্যায় 277
॥ শ্রীঃ ॥
3.277. অধ্যায়ঃ 277
Mahabharata - Vana Parva - Chapter Topics
রাবণোপদ্রিতদেবগণপ্রার্থিতেন ব্রহ্মণা শ্রীহরে রামৎবেন প্রাদুর্ভাবনিবেদনপূর্বকং তান্প্রতি তৎসাহায়্যার্থং বানরাদিভাবেন জননচোদনা ॥ 1 ॥Mahabharata - Vana Parva - Chapter Text
3-277-0 (26524)
মার্কণ্ডেয় উবাচ। 3-277-0x (2697)
ততো ব্রহ্মর্ষয়ঃ সর্বে সিদ্ধা দেবর্ষয়স্তথা।
হব্যবাহং পুরস্কৃত্য ব্রহ্মাণং শরণং গতাঃ ॥ 3-277-1 (26525)
অগ্নিরুবাচ। 3-277-2x (2698)
যোসৌ বিশ্রবসঃ পুত্রো দশগ্রীবো মহাবলঃ।
অবধ্যো বরদানেন কৃতো ভগবতা পুরা ॥ 3-277-2 (26526)
স বাধতে প্রজাঃ সর্বা বিপ্রকারৈর্মহাবলঃ।
ততো নস্ত্রাতু ভগবান্নান্যস্ত্রাতা হি বিদ্যতে ॥ 3-277-3 (26527)
ব্রহ্মোবাচ। 3-277-4x (2699)
ন স দেবাসুরৈঃ শক্যো যুদ্ধে জেতুং বিভাবসো।
বিহিতং তত্রয়ৎকার্যমভিতস্তস্য নিগ্রহঃ ॥ 3-277-4 (26528)
তদর্থমবতীর্ণোঽসৌ মন্নিয়োগাচ্চতুর্ভুজঃ।
বিষ্ণুঃ প্রহরতাং শ্রেষ্ঠঃ স তৎকর্ম করিষ্যতি ॥ 3-277-5 (26529)
মার্কণ্ডেয় উবাচ। 3-277-6x (2700)
পিতামহস্ততস্তেষাং সংনিধৌ শক্রমব্রবীৎ।
সর্বৈর্দেবগণৈঃ সার্ধং সংভব ৎবং মহীতলে ॥ 3-277-6 (26530)
বিষ্ণোঃ সহায়ানৃক্ষীষু বানরীষু চ সর্বশঃ।
জনয়ধ্বং সুতান্বীরান্কামরূপবলান্বিতান্ ॥ 3-277-7 (26531)
`তে যথোক্তা ভগবতা তৎপ্রতিশ্রুত্য শাসনম্।
সসৃজুর্দেবগন্ধর্বাঃ পুত্রান্বানররূপিণঃ' ॥ 3-277-8 (26532)
ততো ভাগানুভাগেন দেবগন্ধর্বদানবাঃ।
অবতর্তুং মহীং সর্বে মন্ত্রয়ামাসুরঞ্জসা ॥ 3-277-9 (26533)
`অবতেরুর্মহীং স্বর্গাদংশৈশ্চ সহিতাঃ সুরাঃ।
ঋষয়শ্চ মহাত্মানঃ সিদ্ধাশ্চ সহ কিন্নরৈঃ।
চারণাশ্চাসৃজন্ঘোরান্বানরান্বনচারিণঃ ॥ 3-277-10 (26534)
যস্য দেবস্য যদ্রূপং বেষস্তেজশ্চ যদ্বিধম্।
অজায়ন্ত সমাস্তেন তস্য তস্য সুতাস্তদা' ॥ 3-277-11 (26535)
তেষাং সমক্ষং গন্ধর্বী দুন্দুভীং নাম নামতঃ।
শশাস বরদো দেবো গচ্ছ কার্যার্থসিদ্ধয়ে ॥ 3-277-12 (26536)
পিতামহবচঃ শ্রুৎবা গন্ধর্বী দুন্দুভী ততঃ।
মন্থরা মানুষে লোকে কুব্জা সমভবত্তদা ॥ 3-277-13 (26537)
শক্রপ্রভৃতয়শ্চৈব সর্বে তে সুরসত্তমাঃ।
বানরর্ক্ষবরস্ত্রীষু জনয়ামাসুরাত্মজান্ ॥ 3-277-14 (26538)
তেঽন্ববর্তন্পিতৄন্সর্বে যশসা চ বলেন চ।
ভেত্তারো গিরিশৃঙ্গাণাং সালতালশিলায়ুধাঃ ॥ 3-277-15 (26539)
বজ্চসংহননাঃ সর্বেসর্বেঽমোঘবলাস্তথা।
কামবীর্যবলাশ্চৈবসর্বে বুদ্ধিবিশারদাঃ ॥ 3-277-16 (26540)
নাগায়ুতসমপ্রাণা বায়ুবেগসমা জবে।
যথেচ্ছবিনিপাতাশ্চ কেচিদত্র বনৌকসঃ ॥ 3-277-17 (26541)
এবং বিধায় তৎসর্বং ভগবাঁল্লোকভাবনঃ।
মন্থরাং বোধয়ামাস যদ্যৎকার্যং ৎবয়া তথা ॥ 3-277-18 (26542)
সা তদ্বচ সমাজ্ঞায় তথা চক্রে মনোজবা।
ইতশ্চেতশ্চ গচ্ছন্তী বৈরসংধুক্ষণে রতা ॥ 3-277-19 (26543)
ইতি শ্রীমন্মহাভারতে অরণ্যপর্বণি রামোপাখ্যানপর্বাণি সপ্তসপ্তত্যধিকদ্বিশততমোঽধ্যায়ঃ ॥ 277 ॥
Mahabharata - Vana Parva - Chapter Footnotes
3-277-3 বিপ্রকারৈর্বিবিধৈঃ প্রকারৈঃ ॥ 3-277-15 ওজসা তেজসা যুক্তান্যশসা ইতি থ. ধ. পাঠঃ ॥ 3-277-16 বজ্রসংহননাঃ বজ্রবদ্দৃঢাঙ্গাঃ ॥ 3-277-17 যত্রেচ্ছকনিবসাশ্চ ইতি খ. ঝ. পাঠঃ। যত্রেচ্ছা তত্রৈব নিবাসো যেষাং তে যত্রেচ্ছকনিবাসাঃ ॥ 3-277-18 যদ্যৎকার্যং কৈকেয়ীপ্রলোভনং রামপ্রব্রাজনাদি চ ॥ 3-277-19 সংধুক্ষণে দীপনে ॥অরণ্যপর্ব - অধ্যায় 278
॥ শ্রীঃ ॥
3.278. অধ্যায়ঃ 278
Mahabharata - Vana Parva - Chapter Topics
রামেণ স্বস্য যৌবরাজ্যাভিষেচনোদ্যুক্তে দশরথে মন্থরাবোধিতায়াঃ কৈকয়্যা বচনাৎসীতালক্ষ্মণাভ্যাং সহ বনগমনম্ ॥ 1 ॥ তথা লক্ষ্মণকরেণ শূর্পণখাবৈরূপ্যকরণপূর্বকং খরাদিহননম্ ॥ 2 ॥ ততঃ ক্রুদ্ধেন রাবণেন রামবিপ্রচিকীর্ষয়া মারীচসমীপংপ্রতি গমনম্ ॥ 3 ॥Mahabharata - Vana Parva - Chapter Text
3-278-0 (26544)
যুধিষ্ঠির উবাচ। 3-278-0x (2701)
উক্তং ভগবতা জন্ম রামাদীনাং পৃথক্পৃথক্।
প্রস্থানকারণং ব্রহ্মঞ্শ্রোতুমিচ্ছামি কথ্যতাম্ ॥ 3-278-1 (26545)
কথং দাশরথী বীরৌ ভ্রাতরৌ রামলক্ষ্মণৌ।
প্রস্তাপিতৌ বনে ব্রহ্মন্মৈথিলী চ যশস্বিনী ॥ 3-278-2 (26546)
মার্কণ্ডেয় উবাচ। 3-278-3x (2702)
জাতপুত্রো দশরথঃ প্রীতিমানভবন্নৃপ।
ক্রিয়ারতির্ধর্মরতঃ সততং বৃদ্ধসেবিতা ॥ 3-278-3 (26547)
ক্রমেণ চাস্য তে পুত্রা ব্যবর্ধন্ত মহৌজসঃ।
বেদেষু সরহস্যেষু ধনুর্বেদেষু পারগাঃ ॥ 3-278-4 (26548)
চরিতব্রহ্মচর্যাস্তে কৃতদারাশ্চ পার্তিব।
দৃষ্ট্বা রামং দশরথঃ প্রীতিমানভবৎসুখী ॥ 3-278-5 (26549)
জ্যেষ্ঠো রামোঽভবত্তেষাং রময়ামাস হি প্রজাঃ।
মনোহরতয়া ধীমান্পিতুর্হৃদয়নন্দনঃ ॥ 3-278-6 (26550)
ততঃ স রাজা মতিমান্মৎবাঽঽত্মানং বয়োধিকম্।
মন্ত্রয়ামাস সচিবৈর্মন্ত্রজ্ঞৈশ্চ পুরোহিতৈঃ ॥ 3-278-7 (26551)
অভিষেকায় রামস্য যাবৈরাজ্যেন ভারত।
প্রাপ্তকালং চ তে সর্বে মেনিরে মন্ত্রিসত্তমাঃ ॥ 3-278-8 (26552)
লোহিতাক্ষং মহাবাহুং মত্তমাতঙ্গগামিনম্।
কম্বুগ্রীবং মহোরস্কং নীলকুঞ্চিতমূর্ধজম্ ॥ 3-278-9 (26553)
দীপ্যমানং শ্রিয়া বীরং শক্রাদনবরং বলে।
পারগং সর্বধর্মাণাং বৃহস্পতিসমং মতৌ ॥ 3-278-10 (26554)
সর্বানুরক্তপ্রকৃতিং সর্ববিদ্যাবিশারদম্।
জিতেন্দ্রিয়মমিত্রাণামপি দৃষ্টিমনোহরম্ ॥ 3-278-11 (26555)
নিয়ন্তারমসাধূনাং গোপ্তারং ধর্মচারিণাম্।
ধৃতিমন্তমনাধৃষ্যং জেতারমপরাজিতম্ ॥ 3-278-12 (26556)
পুত্রং রাজা দশরথঃ কৌসল্যানন্দবর্ধনম্।
সংদৃশ্যপরমাং প্রীতিমগচ্ছৎকুলনন্দনম্ ॥ 3-278-13 (26557)
চিন্তয়ংশ্চ মহাতেজা গুণান্রামস্য বীর্যবান্।
অভ্যভাষত ভদ্রং তে প্রীয়মাণঃ পুরোহিতম্ ॥ 3-278-14 (26558)
অদ্ পুষ্যো নিশি ব্রহ্মন্পুণ্যং যোগমুপৈষ্যতি।
সংভারাঃ সংভ্রিয়ন্তাং মে রামশ্চোপনিমন্ত্র্যতাম্ ॥ 3-278-15 (26559)
`শ্ব এবপুষ্যো ভবিতা যত্ররামঃ সুতো ময়া।
যৌবরাজ্যেঽভিষেক্তব্যঃ পৌরেষু সহমন্ত্রিভিঃ' ॥ 3-278-16 (26560)
ইতি তদ্রাজবচনং প্রতিশ্রুত্যাথ মন্থরা।
কৈকেয়ীমভিগম্যেদং কালে বচনমব্রবীৎ ॥ 3-278-17 (26561)
অদ্য কৈকেয়ি দৌর্ভাগ্যং রাজ্ঞা তে খ্যাপিতং মহৎ।
আশীবিষস্ৎবাং সংক্রুদ্ধশ্ছন্নো দশতি দুর্ভগে ॥ 3-278-18 (26562)
সুভগা খলু কৌসল্যা যস্যাঃ পুত্রোঽভিষেক্ষ্যতে।
কুতো হি তব সৌভাগ্যং যস্যাঃ পুত্রো ন রাজ্যভাক্ ॥ 3-278-19 (26563)
সা তদ্বচনমাজ্ঞায় সর্বাভরণভূষিতা।
বেদী বিলগ্নমধ্যেন বিভ্রতী রূপমুত্তমম্ ॥ 3-278-20 (26564)
ববিক্তে পতিমাসাদ্য হসন্তীব শুচিস্মিতা।
রাজানং তর্জয়ন্তীব মধুরং বাক্যমব্রবীৎ ॥ 3-278-21 (26565)
সত্যপ্রতিজ্ঞ যন্মে ৎবং কামমেকং বিসৃষ্টবান্।
উপাকুরুষ্ব তদ্রাজংস্তস্মান্মুঞ্চস্ব সংকটাৎ।
`তদদ্য কুরু সত্যং মে বরং বরদ ভূপতে' ॥ 3-278-22 (26566)
রাজোবাচ। 3-278-25x (2703)
বরং দদানি তে হন্ত তদ্গৃহাণ যদিচ্ছসি।
অবধ্যো বধ্যতাং কোদ্য বধ্যঃ কোঽদ্য বিমুচ্যতাং ॥ 3-278-23 (26567)
ধনং দদানি কস্যাদ্ হ্রিয়তাং কস্যরবাপুনঃ।
ব্রাহ্মণস্বাদিহান্যত্রয়ৎকিংচিদ্বিত্তমস্তি মে ॥ 3-278-24 (26568)
পৃথিব্যাং রাজরাজোস্মি চাতুর্বর্ণ্যস্ রিতা।
যস্তেঽভিলপিতঃ কামো ব্রূহি কল্যাণি মাচিরং ॥ 3-278-25 (26569)
সাতদ্বচনমাজ্ঞায় পরিগৃহ্য নরাধিপম্।
আত্মনো বলমাজ্ঞায় তত এনমুবাচ হ ॥ 3-278-26 (26570)
আভিষেচনিকং যত্তে রামার্থমুপকল্পিতম্।
ভরতস্তদবাপ্নোতু বনং গচ্ছতু রাঘবঃ ॥ 3-278-27 (26571)
`নব পঞ্চ চ বর্ষাণি দণ্ডকারণ্যমাশ্রিতঃ।
চীরাজিনজটাধারী রামো ভবতু তাপসঃ' ॥ 3-278-28 (26572)
স তং রাজা বরং শ্রুৎবা বিপ্রিয়ং দারুণোদয়ম্।
দুঃখার্তো ভরতশ্রেষ্ঠ ন কিংচিদ্ব্যাজহার হ ॥ 3-278-29 (26573)
ততস্তথোক্তং পিতরং রামো বিজ্ঞায় বীর্যবান্।
বনং প্রতস্থে ধর্মাত্মা রাজা সত্যো ভবৎবিতি ॥ 3-278-30 (26574)
তমন্বগচ্ছল্লক্ষ্মীবান্ধনুষ্মাঁল্লক্ষ্মণস্তদা।
সীতা চ ভার্যা ভদ্রং তে বৈদেহী জনকাত্মজা ॥ 3-278-31 (26575)
ততো বনং গতেরামে রাজা দশরথস্তদা।
সময়ুজ্যত দেহস্য কালপর্যায়ধর্মণা ॥ 3-278-32 (26576)
রামং তু গতমাজ্ঞায় রাজানং চ তথাগতম্।
অনার্যা ভরতং দেবী কৈকেয়ী বাক্যমব্রবীৎ ॥ 3-278-33 (26577)
গতোদশরথঃ স্বর্গং বনস্থৌ রামলক্ষ্মণৌ।
গৃহাণ রাজ্যংবিপুলং ক্ষেমং নিহতকণ্টকম্ ॥ 3-278-34 (26578)
তামুবাচ স ধর্মাত্মা নৃশংসং বত তে কৃতম্।
পতিং হৎবাকুলং চেদমুৎসাদ্য ধনলুব্ধয়া ॥ 3-278-35 (26579)
অয়শঃ পাতয়িৎবা মে মূর্ধ্নি ৎবং কুলপাংসনে।
সকামা ভব মে মাতরিত্যুক্ৎবা প্ররুরোদ হ ॥ 3-278-36 (26580)
স চারিত্রং বিশোধ্যাথ সর্বপ্রকৃতিসন্নিধৌ।
অন্বয়াদ্ধাতরং রামং বিনিবর্তনলালসঃ ॥ 3-278-37 (26581)
কৌসল্যাং চ সুমিত্রাং চ কৈকেয়ীং চ সুদুঃখিতঃ।
অগ্রে প্রস্থাপ্য যানৈঃ স শত্রুঘ্নসহিতো যয়ৌ ॥ 3-278-38 (26582)
বসিষ্ঠবামদেবাভ্যাং বিপ্রৈশ্চান্যৈঃ সহস্রশঃ।
পৌরজানপদৈঃ সার্ধং রামানয়নকাঙ্ক্ষয়া ॥ 3-278-39 (26583)
দদর্শ চিত্রকূটস্থং স রামং সহলক্ষ্মণম্।
তাপসানামলংকারং ধারয়ন্তং ধনুর্ধরম্ ॥ 3-278-40 (26584)
`উবাচ প্রাঞ্জলির্ভূৎবাপ্রণিপত্য রঘূত্তমম্।
শশংস মরণং রাজ্ঞঃ সোঽনাথাংশ্চাপি কোসলান্ ॥ 3-278-41 (26585)
নাথ ৎবং প্রতিপদ্যস্ব স্বরাজ্যমিতি চোক্তবান্ ॥ 3-278-42 (26586)
স তস্য বচনং শ্রুৎবা রামঃ পরমদুঃখিতঃ।
চকার দেবকল্পস্য পিতুঃ স্নাৎবোদকক্রিয়াম্ ॥ 3-278-43 (26587)
অব্রবীৎস তদারামো ভ্রাতরং ভ্রাতৃবৎসলম্।
পাদুকে মে ভবিষ্যেতে রাজ্যগোপ্ত্র্যৌ পরংতপ।
এবমস্ৎবিতি তং প্রাহ ভরতঃ প্রণতস্তদা' ॥ 3-278-44 (26588)
বিসর্জিতঃ স রামেণ পিতুর্বচনকারিণা।
নন্দিগ্রামেঽকরোদ্রাজ্যং পুরস্কৃত্যাস্য পাদুকে ॥ 3-278-45 (26589)
রামস্তু পুনরাশঙ্ক্য পৌরজানপদাগমম্।
প্রবিবেশ মহারণ্যং শরভঙ্গাশ্রমং প্রতি ॥ 3-278-46 (26590)
সৎকৃত্য শরভঙ্গং স দণ্ডকারণ্যমাশ্রিতঃ।
নদীং গোদাবরীং রম্যামাশ্রিত্য ন্যবসত্তদা ॥ 3-278-47 (26591)
বসতস্তস্য রামস্য ততঃ শূর্পণখাকৃতম্।
খরেণাসীন্মহদ্বৈরং জনস্থাননিবাসিনা ॥ 3-278-48 (26592)
রক্ষার্থং তাপসানাং তু রাঘবো ধর্মবৎসলঃ।
চতুর্দশসহস্রাণি জঘান ভুবি রাক্ষসান্ ॥ 3-278-49 (26593)
দূষণং চ স্বরং চৈবনিহত্য সুমহাবলৌ।
চক্রে ক্ষেমং পুনর্ধীমান্ধর্মারণ্যং স রাঘবঃ ॥ 3-278-50 (26594)
হতেষু তেষু রক্ষঃসু ততঃ শূর্পণখা পুনঃ।
যয়ৌ নিকৃত্তনাসোষ্ঠী লঙ্কাং ভ্রাতুর্নিবেশনম্ ॥ 3-278-51 (26595)
ততো রাবণমভ্যেত্য রাক্ষসী দুঃখমূর্চ্ছিতা।
পপাত পাদয়োর্ভ্রাতুঃ সংশুষ্করুধিরাননা ॥ 3-278-52 (26596)
তাং তথা বিকৃতাং দৃষ্ট্বা রাবণঃ ক্রোধমূর্চ্ছিতঃ।
উৎপপাতাসনাৎক্রুদ্ধো দন্তৈর্দন্তানুপস্পৃশন্ ॥ 3-278-53 (26597)
স্বানমাত্যান্বিসৃজ্যাথ বিবিক্তে তামুবাচ সঃ।
কেনাস্যেবং কৃতা ভদ্রে মামচিন্ত্যাবমত্য চ ॥ 3-278-54 (26598)
কঃ শূলং তীক্ষ্ণমাসাদ্য সর্বগাত্রেষু সেবতে।
কঃ শিরস্যগ্নিমাধায় বিশ্বস্তঃ স্বপতে সুখম্ ॥ 3-278-55 (26599)
আশীবিষং ঘোরতরং পাদেন স্পৃশতীহ কঃ।
সিংহং কেসরিণং মত্তঃ স্পৃষ্ট্বা দংষ্ট্রাসু তিষ্ঠতি ॥ 3-278-56 (26600)
ইত্যেবং ব্রুবতস্তস্য নেত্রেভ্যস্তেজসোঽর্চিষঃ।
নিশ্চেরুর্দহ্যতো রাত্রৌ বৃক্ষস্যেব স্বরন্ধ্রতঃ ॥ 3-278-57 (26601)
তস্য তৎসর্বমাচখ্যৌ ভগিনী রামবিক্রমম্।
খরদূষণসংয়ুক্তং রাক্ষসানাং পরাভবম্ ॥ 3-278-58 (26602)
`ততো জ্ঞাতিবধং শ্রুৎবা রাবণঃ কালচোদিতঃ।
রামস্য বধমাকাঙ্ক্ষন্মারীচং মনসাগমৎ' ॥ 3-278-59 (26603)
স নিশ্চিত্যততঃ কৃত্যং সাগরং লবণাকরম্।
ঊর্ধ্বমাচক্রমে রাজা বিধায় নগরে বিধিম্ ॥ 3-278-60 (26604)
ত্রিকূটং সমতিক্রম্য কালপর্বতমেব চ।
দদর্শ মকরাবাসং গম্ভীরোদং মহোদধিম্ ॥ 3-278-61 (26605)
তমতীত্যাথ গোকর্ণমভ্যগচ্ছদ্দশাননঃ।
দয়িতং স্তানমব্যগ্রং শূলপাণের্মহাত্মনঃ ॥ 3-278-62 (26606)
তত্রাভ্যগচ্ছন্মারীচং পূর্বামাত্যং দশাননঃ।
পুরা রামভয়াদেব তাপসং প্রিয়জীবিতম্ ॥ 3-278-63 (26607)
ইতি শ্রীমন্মহাভারতে অরণ্যপর্বণি রামোপাখ্যানপর্বণি অষ্টসপ্তত্যধিকদ্বিশততমোঽধ্যায়ঃ ॥ 278 ॥
Mahabharata - Vana Parva - Chapter Footnotes
3-278-6 রামপদংনির্বক্তি জ্যেষ্ঠ ইতি ॥ 3-278-11 সর্বশঃ অনুরক্তাঃ প্রকৃতয়ঃ প্রজা যস্মিংস্তং সর্বানুরক্তপ্রকৃতিম্ ॥ 3-278-14 ভদ্রং তে ইতি যুধিষ্ঠিরং প্রতি আশীর্বচনম্। পুরোহিতং বসিষ্ঠম্ ॥ 3-278-15 অদ্য পুণ্যা তিথির্ব্রহ্মন্পুষ্যযোগমুপৈষ্যতীতি ধ. পাঠঃ ॥ 3-278-21 প্রণয়ং ব্যঞ্জয়ন্তীব ইতি ঝ. পাঠঃ ॥ 3-278-22 কামং বরং উপাকুরুষ্ব দেহি। সংকটাৎ কষ্ঠাৎ ॥ 3-278-32 কালপর্যায়ধর্মণা মৃত্যুনা ॥ 3-278-33 আনায়্য ভরতং দেবী ইতি ঝ.পাঠঃ ॥ 3-278-37 চারিত্র্যং বিশোষ্য ইদং কৈকেয়্যৈব কৃতং নতু ময়েতি প্রদর্শ্য ॥ 3-278-56 সিংহং হিংস্রম্. কেসরিণং সটাবন্তং মৃগরাজম্ ॥ 3-278-57 তস্য স্রোতোভ্যইতি ঝ. পাঠঃ। স্রোতোভ্যশ্চুরাদিরন্ধ্রেভ্যঃ। তেজসোর্চিষোঽগ্নের্জ্বালাঃ ॥ 3-278-58 খরদূষণসংয়ুক্তং তৎপরাভবসহিতম্ ॥ 3-278-60 বিধিং রক্ষাম্ ॥অরণ্যপর্ব - অধ্যায় 279
॥ শ্রীঃ ॥
3.279. অধ্যায়ঃ 279
Mahabharata - Vana Parva - Chapter Topics
রাবণেন ভিক্ষবেষধারণপূর্বকং মারীচেন মৃগরূপধারিণা সহ রামাশ্রমাভিগমনম্ ॥ 1 ॥ মৃগগ্রহণায় সীতাচোদনয়া তদনুধাবিনা রামেণ রাক্ষসবুদ্ধ্যা মৃগহননম্ ॥ 2 ॥ ম্রিয়মাণস্য মারীচস্যহাসীতে লক্ষ্মণেতি রামস্বরসমানস্বরশ্রদণএন বিষণ্ণায়া- সীতায়া- পরুষভাষণশ্রবণাল্লক্ষ্মণেন রামমার্গানুসরণম্ ॥ 3 ॥ অত্রান্তরে রাবণেন নিজরূপধারণপূর্বকং সীতাপহরণম্ ॥ 4 ॥Mahabharata - Vana Parva - Chapter Text
3-279-0 (26608)
মার্কণ্ডেয় উবাচ। 3-279-0x (2704)
মারীচস্ৎবথ সংভ্রান্তো দৃষ্ট্বা রাবণমাগতম্।
পূজয়ামাস সৎকারৈঃ ফলমূলাদিভিস্ততঃ ॥ 3-279-1 (26609)
বিশ্রান্তং চৈনমাসীনমন্বাসীনঃ স রাক্ষসঃ।
উবাচ প্রশ্রিতং বাক্যং বাক্যজ্ঞো বাক্যকোবিদম্ ॥ 3-279-2 (26610)
ন তে প্রকৃতিমান্বর্ণঃ কচ্চিৎক্ষেমং পুরে তব।
কচ্চিৎপ্রকৃতয়ঃ সর্বা ভজন্তে ৎবাং যথা পুরা ॥ 3-279-3 (26611)
কিমিহাগমনে চাপি কার্যং তে রাক্ষসেশ্বর।
কৃতমিত্যেব তদ্বিদ্ধি যদ্যপি স্যাৎসুদুষ্করম্ ॥ 3-279-4 (26612)
শশংস রাবণস্তস্মৈ তৎসর্বং রামচেষ্টিতম্।
সমাসেনৈব কার্যাণি ক্রোধামর্ষসমন্বিতঃ ॥ 3-279-5 (26613)
মারীচস্ৎবব্রবীচ্ছ্রৎবা সমাসেনৈব রাবণম্।
অলং তে রামমাসাদ্য বীর্যজ্ঞো হ্যস্মি তস্য বৈ ॥ 3-279-6 (26614)
বাণবেগং হি কস্তস্য শক্তঃ সোঢুং মহাত্মনঃ।
প্রব্রজ্যায়াং হি মে হেতুঃ স এব পুরুষর্ষভঃ।
বিনাশমুখমেতত্তে কেনাখ্যাতং দুরাত্মনা ॥ 3-279-7 (26615)
তমুবাচাথ সক্রোধো রাবণঃ পরিভর্ৎসয়ন্।
অকুর্বতোঽস্মদ্বচনং স্যান্মৃত্যুরপি তে ধ্রুবম্ ॥ 3-279-8 (26616)
মরীচশ্চিন্তয়ামাস বিশিষ্টান্মরণং বরম্।
অবশ্যং মরণে প্রাপ্তে করিষ্যাম্যস্য যন্মতম্ ॥ 3-279-9 (26617)
ততস্তং প্রত্যুবাচাথ মারীচো রক্ষসাংবরম্।
কিং তে সাহ্যাং ময়া কার্যং করিষ্যাম্যবশোপি তৎ ॥ 3-279-10 (26618)
তমব্রবীদ্দশগ্রীবো গচ্ছ সীতাং প্রলোভয়।
রত্নশৃঙ্গো মৃগো ভূৎবা রত্নচিত্রতনূরুহঃ ॥ 3-279-11 (26619)
ধ্রুবং সীতা সমালক্ষ্যৎবাং রামং চোদয়িষ্যতি।
অপক্রান্তে চ কাকুৎস্থে সীতা বশ্যা ভবিষ্যতি ॥ 3-279-12 (26620)
তামাদায়াপনেষ্যামি ততঃ স নভবিষ্যতি।
ভার্যাবিয়োগাদ্দুর্বুদ্ধিরেতৎসাহ্যং কুরুষ্ব মে ॥ 3-279-13 (26621)
ইত্যেবমুক্তোমারীচঃ কৃৎবোদকমথাত্মনঃ।
রাবণং পুরতো যান্তমন্বগচ্ছৎসুদুঃখিতঃ ॥ 3-279-14 (26622)
ততস্তস্যাশ্রমং গৎবারামস্যাক্লিষ্টকর্মণঃ।
চক্রতুস্তদ্যথা সর্বমুভৌ যৎপূর্বমন্ত্রিতম্ ॥ 3-279-15 (26623)
রাবণস্তু যতির্ভূৎবা মুণ্ডঃ কুণ্ডীত্রিদণ্ডধৃৎ।
মৃগশ্চভূৎবামারীচস্তং দেশমুপজগ্মতুঃ ॥ 3-279-16 (26624)
দর্শয়ামাস মারীচো বৈদেহীং মৃগরূপধৃৎ।
চোদয়ামাস তস্যার্থে সা রামং বিধিচোদিতা ॥ 3-279-17 (26625)
রামস্তস্যাঃ প্রিয়ং কুর্বন্ধনুরাদায় সৎবরঃ।
রক্ষার্থে লক্ষ্মণং ন্যস্য প্রয়যৌ মৃগলিপ্সয়া ॥ 3-279-18 (26626)
স ধন্বী বদ্ধতূণীরঃ খঙ্গগোধাঙ্গুলিত্রবান্।
অন্বধাবন্মৃগং রামো রুদ্রস্তারামৃগং যথা ॥ 3-279-19 (26627)
সোঽন্তর্হিতঃ পুনস্তস্য দর্শনং রাক্ষসো ব্রজন্।
চকর্ষ মহদধ্বানং রামস্তং বুবুধে ততঃ ॥ 3-279-20 (26628)
নিশাচরং বিদিৎবা তং রাঘবঃ প্রতিভানবান্।
অমোঘং শরমাদায় জঘান মৃগরূপিণম্ ॥ 3-279-21 (26629)
স রামবাণাভিহতঃ কৃৎবা রামস্বরং তদা।
হা সীতে লক্ষ্মণেত্যেবং চুক্রোশার্তস্বরেণ হ ॥ 3-279-22 (26630)
শুশ্রাব তস্য বৈদেহী ততস্তাং করুণাং গিরম্।
সাপ্রাপতত্ততঃ সীতা তামুবাচাথ লক্ষ্মণঃ ॥ 3-279-23 (26631)
অলং তে শঙ্কয়া ভীরু কো রামং প্রহরিষ্যতি।
মুহূর্তাদ্দ্রক্ষ্যসে রামং ভর্তারং ৎবং শুচিস্মিতম্ ॥ 3-279-24 (26632)
ইত্যুক্তা সা প্ররুদতী পর্যশঙ্কত লক্ষ্মণম্।
হতা বৈ স্ত্রীস্বভাবেন শুদ্ধচারিত্রভূষণা ॥ 3-279-25 (26633)
সা তং পরুষমারব্ধা বক্তুং সাধ্বী পতিব্রতা।
নৈষ কামো ভবেন্মূঢ যং ৎবং প্রার্থয়সে হৃদা ॥ 3-279-26 (26634)
অপ্যহংশস্ত্রমাদায় হন্যামাত্মানমাত্মনা।
পতেয়ং গিরিশৃঙ্গাদ্বা বিশেয়ং বা হুতাশনম্ ॥ 3-279-27 (26635)
রামং ভর্তারমুৎসুজ্যন ৎবহং ৎবাং কথঞ্চন।
নিহীনমুপতিষ্ঠেয়ং শার্দূলী ক্রোষ্টুকং যথা ॥ 3-279-28 (26636)
এতাদৃশং বচঃ শ্রুৎবা লক্ষ্মণঃ প্রিয়রাঘ্নব।
পিধায়কর্ণৌ সদ্বৃত্তঃ প্রস্থিতো যেন রাঘবঃ ॥ 3-279-29 (26637)
স রামস্য পদংগৃহ্য প্রসসার ধনুর্ধরঃ।
অবীক্ষমাণো বিম্বোষ্ঠীং প্রয়যৌ লক্ষ্মণস্তদা ॥ 3-279-30 (26638)
এতস্মিন্নন্তরে রক্ষো রাবণঃ প্রত্যদৃশ্যত।
অভব্যো ভব্যরূপেণ ভস্মচ্ছন্ন ইবানলঃ ॥ 3-279-31 (26639)
যতিবেপপ্রতিচ্ছন্নো জিহীর্ষুস্তামনিন্দিতাম্।
`উপাগচ্ছৎস বৈদেহীং রাবণঃ পাপনিশ্চয়ঃ' ॥ 3-279-32 (26640)
সা তমালক্ষ্যসংপ্রাপ্তং ধর্মজ্ঞা জনকাত্মজা।
নিমন্ত্রয়ামাস তদা ফলমূলাশনাদিভিঃ ॥ 3-279-33 (26641)
অবমত্যততঃ সর্বং স্বং রূপং প্রত্যপদ্যত।
সান্ৎবয়ামাস বৈদেহীং কামী রাক্ষসপুঙ্গবঃ ॥ 3-279-34 (26642)
সীতে রাক্ষসরাজোঽহংরাবণো নাম বিশ্রুতঃ।
মম লঙ্কাপুরী নাম্না রম্যা পারে মহোদধেঃ ॥ 3-279-35 (26643)
তত্র ৎবং নরনারীষু শোভিষ্যসি ময়া সহ।
ভার্যা মে ভব সুশ্রোণি তাপসং ত্যজ রাঘবম্ ॥ 3-279-36 (26644)
এবমাদীনি বাক্যানি শ্রুৎবা তস্যাথ জানকী।
পিধায় কর্ণৌ সুশ্রোণী মৈবমিত্যব্রবীদ্বচঃ ॥ 3-279-37 (26645)
প্রপতেদ্দ্যৌঃ সনক্ষত্রা পৃথিবী শকলীভবেৎ।
`শুষ্যেত্তোয়নিধৌ তোয়ং চন্দ্রঃ শীতাংশুতাং ত্যজেৎ ॥ 3-279-38 (26646)
উষ্ণাংশুৎবমথো জহ্যাদাদিত্যো বহ্নিরুষ্ণতাম্'।
ত্যক্ৎবাশৈত্যং ভজেন্নাহং ত্যজেয়ংরঘুনন্দনম্ ॥ 3-279-39 (26647)
কথং হি ভিন্নকরটং পদ্মিনং বনগোচরম্।
উপস্থায় মহানাগং করেণুঃ সূকরং স্পৃশেৎ ॥ 3-279-40 (26648)
কথং হি পীৎবা মাধ্বীকং পীৎবা চ মধুমাধবীম্।
লোভং সৌবীরকে কুর্যান্নারী কাচিদিতি স্মরেঃ ॥ 3-279-41 (26649)
ইতি সা তং সমাভাষ্য প্রবিবেশাশ্রমং ততঃ।
ক্রোধাৎপ্রস্ফুরমাণৌষ্ঠী বিধুন্বানা করৌ মুহুঃ ॥ 3-279-42 (26650)
তামধিদ্রুত্য সুশ্রোণীং রাবণঃ প্রত্যষেধয়ৎ ॥ 3-279-43 (26651)
ভর্ৎসয়িৎবাতু রূক্ষেণ স্বরেণ গতচেতনাম্।
মূর্ধজেষু নিজগ্রাহ ঊর্ধ্বমাচক্রমে ততঃ ॥ 3-279-44 (26652)
তাং দদর্শ ততো গৃধ্রো জটায়ুর্গিরিগোচরঃ।
রুদতীং রামরামেতি হিয়মাণাং তপস্বিনীম্ ॥ 3-279-45 (26653)
ইতি শ্রীমন্মহাভারতে অরণ্যপর্বণি রামোপাখ্যানপর্বণি একোনাশীত্যধিকদ্বিশততমোঽধ্যায়ঃ ॥ 279 ॥
Mahabharata - Vana Parva - Chapter Footnotes
3-279-6 রামমাসাদ্যালং রামং নৈবাসাদয়েরিত্যর্থঃ ॥ 3-279-14 উদকমৌর্ধ্বদেহিকম্ ॥ 3-279-19 গোধা জ্যাধাতবারণং অঙ্গুলিত্রং চ তদ্বান্। তারামৃগং তারারূপং মৃগম্। প্রজাপতিঃ স্বাং দুহিতরং মৃগো ভূৎবা জগাম তস্য রুদ্রঃ শিরোঽচ্ছিনত্তদেতন্গৃগশীর্ষং নাম নক্ষত্রম্ ॥ 3-279-25 পর্যশতৃত লক্ষ্মণো ময়্যভিলাষবানিতি শজ্ঞামকরোৎ ॥ 3-279-26 নৈব কালো হয়ং মূডতি ক.থ. ধ.পাঠঃ ॥ 3-279-40 ভিন্নকরটং ভিন্নগণ্ডস্থলংমত্তম্। করেণুর্হস্তিনী ॥ 3-279-41 মাধ্বীকং মধুপুষ্পজং মদ্যম্।মুমাধবীং ক্ষৌদ্রজাং সুরাম্। সীবীরং কাজ্জিকম্ ॥অরণ্যপর্ব - অধ্যায় 280
॥ শ্রীঃ ॥
3.280. অধ্যায়ঃ 280
Mahabharata - Vana Parva - Chapter Topics
সীতামাদায় গচ্ছতা রাবণেন নিরোধকত্যজটায়ুষো যুদ্ধে হননপূর্বকং লঙ্কাপ্রবেশঃ ॥ 1 ॥ মৃগহননপূর্বকং প্রতিনিবৃত্তেন রামেণ মধ্যেমার্গং সংগতস্য লক্ষ্মণস্য বিজনে সীতাত্যজনেন হেতুনা গর্হণপূর্বকং স্বাবাসগমনম্ ॥ 2 ॥ সীতান্বেষিণা সলক্ষ্মণেন রামেণ মার্গে স্বগ্রাহিণঃ কবন্ধস্য বধঃ ॥ 3 ॥ কবন্ধদেহান্নির্গতেন গন্ধর্বেণ রামংপ্রতি পম্পাতটে সুগ্রীবংপ্রতি গমনচোদনা ॥ 4 ॥Mahabharata - Vana Parva - Chapter Text
3-280-0 (26654)
গার্কণ্ডেয় উবাচ। 3-280-0x (2705)
সখা দশরথস্যাসীজ্জটায়ুররুণাত্মজঃ।
গৃধ্ররাজো মহাবীরঃ সংপাতির্যস্ সোদরঃ ॥ 3-280-1 (26655)
স দদর্শ তদা সীতাং রাবণাঙ্কগতাং স্নুষাম্।
সক্রোধোঽভ্যদ্রবৎপক্ষী রাবণং রাক্ষসেশ্বরম্ ॥ 3-280-2 (26656)
অথৈনমব্রবীদ্গৃধ্রো মুঞ্চমুঞ্চেতি মৈথিলীম্।
ধ্রিয়মাণে ময়ি কথং হরিষ্যসি নিশাচর ॥ 3-280-3 (26657)
ন হিমে মোক্ষ্যসে জীবন্যদি নোৎসৃজসে বধূম্।
উক্ৎবৈবং রাক্ষসেন্দ্রং তং চকর্ত নখরৈর্ভৃশম্ ॥ 3-280-4 (26658)
পক্ষতুণ্ডপ্রহারৈশ্চ শতশো জর্জরীকৃতম্।
চক্ষার রুধিরং ভূরি গিরিঃ প্রস্রবণৈরিব ॥ 3-280-5 (26659)
স বধ্যমানো গৃধ্রেণ রামপ্রিয়হিতৈষিণা।
খঙ্গমাদায় চিচ্ছেদ ভুজৌ তস্ পতত্রিণঃ ॥ 3-280-6 (26660)
নিহত্য গৃধ্ররাজং সভিন্নাভ্রশিখরোপমম্।
ঊর্ধ্বমাচক্রমে সীতাং গৃহীৎবাঽঙ্কেন রাক্ষসঃ ॥ 3-280-7 (26661)
যত্রয়ত্রতু বৈদেহী পশ্যত্যাশ্রমমণ্ডলম্।
সরোবা সরিতো বাঽপি তত্র মুঞ্চতি ভূষণম্ ॥ 3-280-8 (26662)
সা দদর্শ গিরিপ্রস্থে পঞ্চ বানরপুঙ্গবান্।
তত্র বাসো মহদ্দিব্যমুৎসসর্জ মনস্বিনী ॥ 3-280-9 (26663)
তত্তেষাং বানরেন্দ্রাণাং পপাত পবনোদ্ধতম্।
মধ্যে সুপীতং পঞ্চানাং বিদ্যুন্মেঘান্তরে যথা ॥ 3-280-10 (26664)
অচিরেণাতিচক্রাম খেচরঃ খে চরন্নিব।
দদর্শাথ পুরীং রম্যাং বহুদ্বারাং মনোরমাম্ ॥ 3-280-11 (26665)
প্রাকারবপ্রসংবাধাং নির্মিতাং বিশ্বকর্মণা।
প্রবিবেশপুরীং লঙ্কাং সসীতো রাক্ষসেশ্বরঃ ॥ 3-280-12 (26666)
এবং হৃতায়াং বৈদেহ্যাং রামো হৎবা মহামৃগম্।
নিবৃত্তো দদৃশে দূরাদ্ভ্রাতরং লক্ষ্মণং তদা ॥ 3-280-13 (26667)
কথমুৎসৃজ্য বৈদেহীং বনে রাক্ষসসেবিতে।
ইতি তং ভ্রাতরং দৃষ্ট্বা প্রাপ্তোঽসীতি ব্যগর্হয়ৎ ॥ 3-280-14 (26668)
মৃগরূপধরেণাথ রক্ষসাসোপকর্ষণম্।
ভ্রাতুরাগমনং চৈবচিন্তয়ন্পর্যতপ্যত ॥ 3-280-15 (26669)
গর্হয়ন্নেব রামস্তু ৎবরিতস্তং সমাসদৎ।
অপি জীবতি বৈদেহীমিতি পশ্যামি লক্ষ্মণ ॥ 3-280-16 (26670)
তস্ তৎসর্বমাচখ্যৌ সীতায়া লক্ষ্মণো বচঃ।
যদুক্তবত্যসদৃশং বৈদেহী পশ্চিমং বচঃ ॥ 3-280-17 (26671)
দহ্যমানেন তু হৃদা রামোঽভ্যপতদাশ্রমম্।
স দদর্শ রতদা গৃধ্রং নিহতং পর্বতোপমম্ ॥ 3-280-18 (26672)
রাক্ষসং শঙ্কমানস্তং বিকৃষ্য বলবদ্ধনুঃ।
অভ্যধাবত কাকুৎস্থস্ততস্তং সহলক্ষ্মণঃ ॥ 3-280-19 (26673)
স তাবুবাচ তেজস্বী সহিতৌ রামলক্ষ্মণৌ।
গৃধ্ররাজেস্মি ভদ্রংবাং সখা দশরথস্ বৈ ॥ 3-280-20 (26674)
তস্য তদ্বচনং শ্রুৎবা সংগৃহ্য ধনুষী শুভে।
কোয়ং পিতরমস্মাকং নাম্নাঽঽহেত্যূচতুশ্চ তৌ ॥ 3-280-21 (26675)
ততো দদৃশতুস্তৌ তং ছিননপক্ষদ্বয়ং খগম্।
তয়োঃ শশংস গৃধ্রস্তু সীতার্থে রাবণাদ্বধম্ ॥ 3-280-22 (26676)
অপৃচ্ছদ্রাঘবো গৃধ্রং রাবণঃ কাং দিশং গতঃ।
তস্ গৃধ্রঃ শিরঃকম্পৈরাচচক্ষে মমার চ ॥ 3-280-23 (26677)
দক্ষিণামিতি কাকুৎস্থো বিদিৎবাঽস্য তদিঙ্গিতম্।
সংস্কারং লম্ভয়ামাস সখায়ং পূজয়ন্পিতুঃ ॥ 3-280-24 (26678)
ততো দৃষ্ট্বাঽঽশ্রমপদং ব্যপবিদ্ধবৃসীকটম্।
বিধ্বস্তকলশং শূন্যং গোমায়ুশতসংকুলম্ ॥ 3-280-25 (26679)
দুঃখশোকসমাবিষ্টৌ বৈদেহীহরণার্দিতৌ।
জগ্মতুর্দণ্ডকারণ্যং দক্ষিণেন পরংতপৌ ॥ 3-280-26 (26680)
বনে মহতি তস্মিংস্তু রামঃ সৌমিত্রিণা সহ।
দদর্শ মৃগয়ূথনি দ্রবমাণানি সর্বশঃ ॥ 3-280-27 (26681)
শব্দং চ ঘোরং সৎবানাং দাবাগ্নরিববর্ধতঃ।
অপশ্যেতাং মুহূর্তাচ্চ কবন্ধং ঘোরদর্শনম্ ॥ 3-280-28 (26682)
মেঘপর্বতসংকাশং সালস্কন্ধং মহাভূজম্।
উরোগতবিশালাক্ষং মহোদরমহামুখম্ ॥ 3-280-29 (26683)
যদৃচ্ছয়াথ তদ্রক্ষঃ করে জগ্রাহ লক্ষ্মণম্।
বিষাদমগমৎসদ্যঃ সৌমিত্রিরথ ভারত ॥ 3-280-30 (26684)
স রামমভিসংপ্রেক্ষ্য কৃষ্যতে যেন তন্মুখম্।
বিষণ্ণশ্চাব্রবীদ্রামং পশ্যাবস্থামিমাং মম ॥ 3-280-31 (26685)
হরণং চৈববৈদেহ্যা মম চায়মুপপ্লবঃ।
রাজ্যভ্রংশশ্চ ভবতস্তাতস্য মরণং তথা ॥ 3-280-32 (26686)
নাহং ৎবাং মহ বৈদেহ্যা সমেতং কোসলাগতম্।
দ্রক্ষ্যামি প্রথিতে রাজ্যেপিতৃপৈতামহে স্থিতম্ ॥ 3-280-33 (26687)
দ্রক্ষ্যন্ত্যার্যস্য ধন্যা যে কুশলাজশমীদলৈঃ।
অভিষিক্তস্ বদনং সোমং শান্তঘনং যথা ॥ 3-280-34 (26688)
এবং বহুবিধং ধীমান্বিললাপ স লক্ষ্মণঃ।
তমুবাচাথকাকুৎস্থঃ সংভ্রমেষ্বপ্যসংভ্রমঃ ॥ 3-280-35 (26689)
মা বিষীদ নরব্যাঘ্র নৈষ কশ্চিন্ময়ি স্থিতে।
`শক্তো ধর্ষয়িতুং বীর সুমিত্রানন্দবর্ধন'।
ছিন্ধ্যস্য দক্ষিণং বাহুং ছিন্নঃ সব্যো ময়া ভুজঃ ॥ 3-280-36 (26690)
ইত্যেবং বদতা তস্ ভুজো রামেণ পাতিতঃ।
খঙ্গেন ভৃশতীক্ষ্ণেন নিকৃত্তস্তিলকাণ্ডবৎ ॥ 3-280-37 (26691)
ততোঽস্য দক্ষিণং বাহুং স্বঙ্গেনাজঘ্নিবান্বলী।
সৌমিত্রিরপি সংপ্রেক্ষ্যভ্রাতরং রাঘবং স্থিতম্ ॥ 3-280-38 (26692)
পুনর্জঘান পার্শ্বে বৈ তদ্রক্ষো লক্ষ্মণো ভৃশম্।
গতাসুরপতদ্ভূমৌ কবন্ধঃ সুমহাংস্ততঃ ॥ 3-280-39 (26693)
তস্য দেহাদ্বিনিঃসৃত্য পুরুষো দিব্যদর্শনঃ।
দদৃশে দিবমাস্থায় দিবি সূর্য ইব জ্বলন্ ॥ 3-280-40 (26694)
পপ্রচ্ছ রামস্তং বাগ্মী কস্ৎবং প্রব্রূহি পৃচ্ছতঃ।
কাময়া কিমিদং চিত্রমাশ্চর্যং প্রতিভাতি মে ॥ 3-280-41 (26695)
তস্যাচচক্ষেগন্ধর্বোবিশ্বাবসুরহং নৃপ।
প্রাপ্তো ব্রাহ্মণশপেন যোনিং রাক্ষসসেবিতাম্ ॥ 3-280-42 (26696)
রাবণেন হৃতাসীতা লঙ্কায়াং সংনিবেশিতা।
সুগ্রীবমভিগচ্ছস্বস তে সাহ্যং করিষ্যতি ॥ 3-280-43 (26697)
এষা পম্পা শিবজলা হংসকারণ্ডবায়ুতা।
ঋশ্যমূকস্য শৈলস্য সংনিকর্ষে তটাকিনী ॥ 3-280-44 (26698)
বসতে তত্রসুগ্রীবশ্চতুর্ভিঃ সচিবৈঃ সহ।
ভ্রাতা বানররাজস্ বালিনো হেমমালিনঃ ॥ 3-280-45 (26699)
তেন ৎবং সহসংগম্য দুঃখমূলং নিবেদয়।
সমানশীলো ভবতঃ সাহায়্যং স করিষ্যতি ॥ 3-280-46 (26700)
এতাবচ্ছক্যমস্মাভির্বক্তুং দ্রষ্টাসি জানকীম্।
ধ্রুবং বানররাজস্ বিদিতো রাবণালয়ঃ ॥ 3-280-47 (26701)
ইত্যুক্ৎবাঽন্তর্হিতো দিব্যঃ পুরুষঃ স মহাপ্রভঃ।
বিস্ময়ং জগ্মতুশ্চোভৌ প্রবীরৌ রামলক্ষ্মণৌ ॥ 3-280-48 (26702)
ইতি শ্রীমন্মহাভারতে অরণ্যপর্বণি রামোপাখ্যানপর্বণি অশীত্যধিকদ্বিশততমোঽধ্যায়ঃ ॥
Mahabharata - Vana Parva - Chapter Footnotes
3-280-3 ধ্রিয়মাণে জীবতি ॥ 3-280-4 নখরৈঃ নখৈঃ ॥ 3-280-5 চক্ষার সুস্রাব ॥ 3-280-7 অঙ্কেন উৎসঙ্গেন ॥ 3-280-9 গিরিপ্রস্থে পর্বতশিখরে ॥ 3-280-12 প্রাকারঃ পরিধিভিত্তিঃ বপ্রস্তদ্বাহ্যং বেণুময়ং দুর্গং তাভ্যাং সংবাধা দুর্গমা ॥ 3-280-14 কথং প্রাপ্তোসীতি সংবন্ধঃ ॥ 3-280-20 বাং যুবয়োঃ ॥ 3-280-21 আহব্রৃতে ॥ 3-280-29 উরসি নেত্রে উদরে মুখং চ যস্য। কবন্ধঃ শোর্ষহীনঃ পুমান্ ॥ 3-280-31 যেন যতস্তন্মুখং ততঃ কৃষ্যতে ॥ 3-280-41 কাময়া ইচ্ছয়া ॥ 3-280-44 পম্পা নামতঃ। তটাকিনী সরসী ॥অরণ্যপর্ব - অধ্যায় 281
॥ শ্রীঃ ॥
3.281. অধ্যায়ঃ 281
Mahabharata - Vana Parva - Chapter Topics
রামণ সুগ্রীবেণ সখ্যকরণপূর্বকং বালিহননম্ ॥ 1 ॥ রাবণেনাশোকবনে সীতানিবেশনপূর্বকং তদ্বশীকরণায় রাক্ষসীনাং নিয়োজনম্ ॥ 2 ॥ তত্র ত্রিজটয়া রামরাবণয়োরিষ্টানিষ্টসূচকস্বদৃষ্টস্বাপ্নপ্রকারকথনেন সীতায়াঃ পরিসান্ৎবনম্ ॥ 3 ॥Mahabharata - Vana Parva - Chapter Text
3-281-0 (26703)
মার্কণ্ডেয় উবাচ। 3-281-0x (2706)
ততোঽবিদূরে নলিনীং রপ্রভূতকমলোৎপলাম্।
সীতাহরণদুঃখার্তঃ পম্পাং রামঃ সমাসদৎ ॥ 3-281-1 (26704)
মারুতেন সুশীতেন সুখেনামৃতগন্ধিনা।
সেব্যমানো বনে তস্মিঞ্জগাম মনসা প্রিয়াম্ ॥ 3-281-2 (26705)
বিললাপ সরাজেন্দ্রস্তত্রকান্তানুস্মরন্।
কামবাণাভিসংতপ্তং সৌমিত্রিস্তমথাব্রবীৎ ॥ 3-281-3 (26706)
ন ৎবামেবংবিধো ভাবঃ স্প্রষ্টুমর্হতি মানদ।
আত্মবন্তমিব ব্যাধিঃ পুরুষংবৃদ্ধসেবিনম্ ॥ 3-281-4 (26707)
প্রবৃত্তিরুপলব্ধা তে বৈদেহ্যা রাবণস্য চ।
তাং ৎবং পুরুষকারেণ বুদ্ধ্যা চৈবোপপাদয় ॥ 3-281-5 (26708)
অভিগচ্ছাব সুগ্রীবং শৈলস্থং হরিপুঙ্গবম্।
ময়ি শিষ্যে চ ভৃত্যে চ সহায়ে চ সমাশ্বস ॥ 3-281-6 (26709)
এবং বহুবিধৈর্বাক্যৈর্লক্ষ্মণেন স রাঘবঃ।
উক্তঃ প্রকৃতিমাপেদে কার্যে চানন্তরোঽভবৎ ॥ 3-281-7 (26710)
নিষেব্য বারি পম্পায়াস্তর্পয়িৎবা পিতৃনপি।
প্রতস্থতুরভৌ বীরৌ ভ্রাতরৌ রামলক্ষ্মণৌ ॥ 3-281-8 (26711)
তাবৃশ্যমূকমভ্যেত্য বহুমূলফলদ্রুমম্।
গির্যগ্রে বানরান্পঞ্বীরৌ দদৃশতুস্তদা ॥ 3-281-9 (26712)
সুগ্রীবঃ প্রেষয়ামাস সচিবং বানরং তয়োঃ।
বুদ্ধিমন্তং হনূমন্তং হিমবন্তমিব স্থিতম্ ॥ 3-281-10 (26713)
তেন সংভাষ্য পূর্বং তৌ সুগ্রীবমভিজগ্মতুঃ।
রসখ্যং বানররাজেন চক্রে রামস্তদা নৃপ ॥ 3-281-11 (26714)
`ততঃ সীতাং হৃতাং শ্রুৎবা সুগ্রীবো বালিনা কৃতম্।
দুঃখমাখ্যাতবান্সর্বং রামায়ামিততেজসে' ॥ 3-281-12 (26715)
তদ্বাসো দর্শয়ামাস তস্ কার্যে নিবেদিতে।
বানরাণাং তু যৎসীতা হ্রিয়মাণা ব্যপাসৃজৎ ॥ 3-281-13 (26716)
তৎপ্রত্যযকরং লব্ধ্বা সুগ্রীবং প্লবগাধিপম্।
পৃথিব্যাং বানরৈশ্বর্যে স্বয়ংরামোঽভ্যষেচয়ৎ ॥ 3-281-14 (26717)
প্রতিজজ্ঞে চকাকুৎস্থঃ সমরে বালিনো বধম্।
সুগ্রীবশ্চাপি বৈদেহ্যাঃ পুনরানয়নং নৃপ ॥ 3-281-15 (26718)
ইত্যেবং সময়ং কৃৎবাবিশ্বাস্য চ পরস্পরম্।
অভ্যেত্য সর্বকিষ্কিন্ধাং তস্থুর্যুদ্ধাভিকাঙ্ক্ষিণঃ ॥ 3-281-16 (26719)
সুগ্রীবঃ প্রাপ্যকিষ্কিন্ধাং ননাদৌঘনিভস্বনঃ।
নসায়্ তন্মমৃষে বালী তারা তং প্রত্যষেধয়ৎ ॥ 3-281-17 (26720)
যথানদতিসুগ্রীবো বলবানেষ বানরঃ।
মন্যে চাশ্রয়বান্প্রাপ্তো ন ৎবং নিষ্ক্রান্তুমর্হসি ॥ 3-281-18 (26721)
হেমমালী ততো বালী তারাং তারাধিপাননাম্।
প্রোবাচ বচনং বাগ্মী তাং বানরপতিঃ পতিঃ ॥ 3-281-19 (26722)
সর্বভূতরুতজ্ঞা শৃণু সর্বং কপীশ্বর ॥
কেন চাশ্রয়বান্প্রাপ্তো মমৈপ ভ্রাতৃগন্ধিকঃ ॥ 3-281-20 (26723)
চিন্তয়িৎবা মুহূর্তং তু তারা তারাধিপপ্রভা।
পতিমিত্যব্রবীৎপ্রাজ্ঞা শৃণু সর্বং কপীশ্বর ॥ 3-281-21 (26724)
হৃতদারো মহাসৎবোরামো দশরথাত্মজঃ।
রতুল্যারিমিত্রতাং প্রাপ্তঃ সুগ্রীবেণ ধনুর্ধরঃ ॥ 3-281-22 (26725)
ভ্রাতা চাস্য মহাবাহুঃ সৌমিত্রিরপরাজিতঃ।
লক্ষ্মণো নাম মেধাবী স্থিতঃ কার্যার্থসিদ্ধয়ে ॥ 3-281-23 (26726)
মৈন্দশ্চ দ্বিবিদশ্চাপি হনূমাংশ্চানিলাত্মজঃ।
জাম্ববানৃক্ষরাজশ্চ সুগ্রীবসচিবাঃ স্থিতাঃ ॥ 3-281-24 (26727)
সর্ব এতে মহাত্মানো বুদ্ধিমন্তো মহাবলাঃ।
অলং তব বিনাশায় রামবীর্যব্যপাশ্রয়াঃ ॥ 3-281-25 (26728)
তস্যাস্তদাক্ষিপ্য বচো হিতমুক্তং কপীশ্বরঃ।
পর্যশঙ্কত তামীর্ষুঃ সুগ্রীবগতমানসাম্ ॥ 3-281-26 (26729)
তারাং পরুষমুক্ৎবা তু নির্জগাম গুহামুখাৎ।
স্থিতং মাল্যবতোঽভ্যাশে সুগ্রীবং সোভ্যভাষত ॥ 3-281-27 (26730)
অসকৃত্ৎবং ময়া ক্লীব নির্জিতো জীবিতপ্রিয়ঃ।
মুক্তো গচ্ছসি দুর্বুদ্ধে কথংকারং রণে পুনঃ ॥ 3-281-28 (26731)
ইত্যুক্তঃ প্রাহসুগ্রীবো ভ্রাতরং হেতুমদ্বচঃ।
প্রাপ্তকালমমিত্রঘ্নং রামং সম্বোধয়ন্নিব ॥ 3-281-29 (26732)
হৃতরাজ্যস্য মে রাজন্হৃতদারস্য চ ৎবয়া।
কিং মে জীবিতসামর্থ্যমিতি বিদ্ধি সমাগতম্ ॥ 3-281-30 (26733)
এবমুক্ৎবাবহুবিধং ততস্তৌ সন্নিপেততুঃ।
সমরে বালিসুগ্রীবৌ সালতালশিলায়ুধৌ ॥ 3-281-31 (26734)
উভৌ জঘ্নতুরন্যোন্যমুভৌ ভূমৌ নিপেততুঃ।
উভৌ ববল্গতুশ্চিত্রং মুষ্টিভিশ্চ নিজঘ্নতুঃ ॥ 3-281-32 (26735)
উভৌ রুধিরসংসিক্তৌ নখদন্তপরিক্ষতৌ।
শুশুভাতে তদা বীরৌ পুষ্পিতাবিব কিংশুকৌ ॥ 3-281-33 (26736)
ন বিশেষস্তয়োর্যুদ্ধে যদা কশ্চন দৃশ্যতে।
সুগ্রীবস্ তদা মালাং হনুমান্কণ্ঠ আসজৎ ॥ 3-281-34 (26737)
স মালয়া তদা বীরঃ শুশুভে কণ্ঠসক্তয়া।
শ্রীমানিব মহাশৈলো মলয়ো মেঘমালয়া ॥ 3-281-35 (26738)
কৃতচিহ্নং তু সুগ্রীবং রামো দৃষ্ট্বা মহাধনুঃ।
বিচকর্ষ ধনুঃশ্রেষ্ঠং বালিমুদ্দিশ্য লক্ষয়ন্ ॥ 3-281-36 (26739)
বিষ্ফারস্তস্ ধনুষো যন্ত্রস্যেব তদা বভৌ।
বিতত্রাস তদা বালী শরেণাভিহতো হৃদি ॥ 3-281-37 (26740)
স ভিন্নহৃদয়ো বালী বক্রাচ্ছোণিতমুদ্বমন্।
দদর্শাবস্থিতং রামং ততঃ সৌমিত্রিণা সহ ॥ 3-281-38 (26741)
গর্হয়িৎবাস কাকুৎস্থং পপাত ভুবি মূর্চ্ছিতঃ।
তারা দদর্শ তং ভূমৌ তারাপতিমিব চ্যুতম্ ॥ 3-281-39 (26742)
হতে বালিনি সুগ্রীবঃ কিষ্কিন্ধাং প্রত্যপদ্যত।
তাং তারাপতিমুখীং তারাং নিপতিতেশ্বরাম্ ॥ 3-281-40 (26743)
রামস্তু চতুরো মাসান্পৃষ্ঠে মাল্যবতঃ শুভে।
নিবাসমকরোদ্ধীমান্সুগ্রীবেণাভ্যুপস্থিতঃ ॥ 3-281-41 (26744)
রাবণোঽপিপুরীং গৎবালঙ্কাং কামবলাৎকৃতঃ।
সীতাং নিবেশয়ামাস ভবনে নন্দনোপমে ॥ 3-281-42 (26745)
অশোকবনিকাভ্যাসে তাপসাস্রমসন্নিভে।
ভর্তৃস্মরণতন্বঙ্গী তাপসীবেষধারিণী ॥ 3-281-43 (26746)
উপবাসতপঃশীলা ততঃ সা পৃথুলেক্ষণা।
উবাস দুঃখবসতিং ফলমূলকৃতাশনা ॥ 3-281-44 (26747)
দিদেশ রাক্ষসীস্তত্ররক্ষণে রাক্ষসাধিপঃ।
প্রাসাসিশূলপরশুমুদ্গরালাতধারিণীঃ ॥ 3-281-45 (26748)
দ্ব্যক্ষীং ত্র্যক্ষীং ললাটক্ষীং দীর্ঘজিহ্বামজিহ্বিকাম্।
ত্রিস্তনীমেকপাদাং চ ত্রিজটামেকলোচনাম্ ॥ 3-281-46 (26749)
এতাশ্চান্যাশ্চ দীপ্তাক্ষ্যঃ করভোৎকটমূর্ধজাঃ।
পরিবার্যাসতে সীতাং দিবারাত্রমতন্দ্রিতাঃ ॥ 3-281-47 (26750)
তাস্তু তামায়তাপাঙ্গীং পিশাচ্যো দারুণস্বরাঃ।
তর্জয়ন্তি সদা রৌদ্রাঃ পরুষব্যঞ্জনস্বরাঃ ॥ 3-281-48 (26751)
খাদাম পাটয়ামৈনাং তিলশঃ প্রবিভজ্যতাম্।
যেয়ং ভর্তারমস্মাকমবমত্যেহ জীবতি ॥ 3-281-49 (26752)
ইত্যেবং পরিভর্ৎসন্তীস্ত্রাসয়ানাঃ পুনঃ পুনঃ।
ভর্তৃশোকসমাবিষ্টা নিঃশ্বস্যেদমুবাচ তাঃ ॥ 3-281-50 (26753)
আর্যাঃ খাদত মাং শীঘ্রং ন মে লোভোস্তি জীবিতে।
বিনা তং পুণ্ডরীকাক্ষং নীলকুঞ্চিতমূর্ধজম্ ॥ 3-281-51 (26754)
অদ্যৈবাহং নিরাহারা জীবিতপ্রিয়বর্জিতা।
শোষয়িষ্যামি গাত্রাণি বল্লী তলগতা যথা ॥ 3-281-52 (26755)
ন ৎবন্যমভিগচ্ছেয়ং পুমাংসং রাঘবাদৃতে।
ইতি জানীত সত্যং মেক্রিয়তাং যদনন্তরম্ ॥ 3-281-53 (26756)
তস্যাস্তদ্বচনং শ্রুৎবা রাক্ষস্যস্তাঃ খরস্বনাঃ।
আখ্যাতুং রাক্ষসেন্দ্রায় জন্মুস্তৎসর্বমাদিতঃ ॥ 3-281-54 (26757)
গতাসু তাসু সর্বাসু ত্রিজটা নাম রাক্ষসী।
সান্ৎবয়ামাস বৈদেহীং ধর্মজ্ঞা প্রিয়বাদিনী ॥ 3-281-55 (26758)
সীতে বক্ষ্যামি তে কিংচিদ্বিশ্বাসং করু মে সখি।
ভয়ং ৎবং ত্যজ বামোরু শৃণু চেদং বচো মম ॥ 3-281-56 (26759)
অবিন্ধ্যো নাম মেধাবী বৃদ্ধো রাক্ষসপুঙ্গবঃ।
স রামস্য হিতান্বেষী ৎবদর্থে মামচূচুদৎ ॥ 3-281-57 (26760)
সীতা মদ্বচনাদ্বাচ্যা সমাশ্বাস্য প্রসাদ্য চ।
ভর্তা তেকুশলী রামোলক্ষ্মণানুগতো বলী ॥ 3-281-58 (26761)
সখ্যং বানররাজেন শক্রপ্রতিমতেজসা।
কৃতবান্রাঘবঃ শ্রীমাংস্ৎবদর্থে চ সমুদ্যতঃ ॥ 3-281-59 (26762)
মা চ তে ভূদ্ভয়ং ভীরু রাবণাল্লোকগর্হিতাৎ।
নলকূবরশাপেন রক্ষিতা হ্যসি নন্দিনি ॥ 3-281-60 (26763)
শপ্তো হ্যেষ পুরা পাপো বধূং রম্ভাং পরামৃশন্।
ন শক্রোত্যবশাং নারীমুপৈতুমজিতেন্দ্রিয়ঃ ॥ 3-281-61 (26764)
ক্ষিপ্রমেষ্যতি তে ভর্তা সুগ্রীবেণাভিরক্ষিতঃ।
সৌমিত্রিসহিতো ধীমাংস্ৎবাং চেতো মোক্ষয়িষ্যতি ॥ 3-281-62 (26765)
স্বপ্না হি সুমহাঘোরা দৃষ্টা মেঽনিষ্টদর্শনাঃ।
বিনাশায়াস্য দুর্বুদ্ধেঃ পৌলস্ত্যস্য কুলস্য চ ॥ 3-281-63 (26766)
দারুণো হ্যেষ দুষ্টাত্মা ক্ষুদ্রকর্মা নিশাচরঃ।
স্বভাবাচ্ছীলদোষেণ সর্বেষাং ভয়বর্ধনঃ ॥ 3-281-64 (26767)
স্পর্ধতে সর্বদেবৈর্যঃ কালোপহতচেতনঃ।
ময়া বিনাসলিঙ্গানি স্বপ্নে দৃষ্টানি তস্য বৈ ॥ 3-281-65 (26768)
তৈলাভিষিক্তো বিকচো মজ্জনপ্কে দশাননঃ।
অসকৃৎস্বরয়ুক্তে তু রথে নৃত্যন্নিব স্থিতঃ ॥ 3-281-66 (26769)
কুম্ভকর্ণাদয়শ্চেমে নগ্নাঃ পতিতমূর্ধজাঃ।
গচ্ছন্তি দক্ষিণামাশাং রক্তমাল্যানুলেপনাঃ ॥ 3-281-67 (26770)
শ্বেতাতপত্রঃ সোষ্ণীষঃ শুক্লমাল্যানুলেপনঃ।
শ্বেতপর্বতমারূঢ এক এব বিভীষণঃ ॥ 3-281-68 (26771)
সচিবাশ্চাস্য চৎবারঃ শুক্লমাল্যানুলেপনাঃ।
শ্বেতপর্বতমারূঢা মোক্ষ্যন্তেঽস্মান্মহাভয়াৎ ॥ 3-281-69 (26772)
রামস্যাস্ত্রেণ পৃথিবী পরিক্ষিপ্তা সসাগরা।
যশসা পৃথিবীং কৃৎস্নাং পূরয়িষ্যতি তে পতিঃ ॥ 3-281-70 (26773)
হস্তিসক্থিসমারূঢো ভুঞ্জানো মধুপায়সম্।
লক্ষ্মণশ্চ ময়া দৃষ্টো দিধক্ষুঃ সর্বতো দিশম্ ॥ 3-281-71 (26774)
রুদতী রুধিরার্দ্রাঙ্গী ব্যাঘ্রেণ পরিরক্ষিতা।
অসকৃত্ৎবং ময়া দৃষ্টা গচ্ছন্তী দিশমুত্তরাম্ ॥ 3-281-72 (26775)
হর্ষমেষ্যসি বৈদেহি ক্ষিপ্রং ভর্ত্রা সমন্বিতা।
রাঘবেণ সহভ্রাত্রা সীতে ৎবমচিরাদিব ॥ 3-281-73 (26776)
ইত্যেতন্মৃগশাবাক্ষী তচ্ছ্রুৎবা ত্রিজটাবচঃ।
বভূবাশাবতী বালা পুনর্ভর্তৃসমাগমে ॥ 3-281-74 (26777)
তাবদভ্যাগতা রৌদ্র্যঃ পিশাচ্যস্তাঃসুদারুণাঃ।
দদৃশুস্তাং ত্রিজটয়া সহাসীনাং যথাপুরম্ ॥ 3-281-75 (26778)
ইতি শ্রীমন্মহাভারতে অরণ্যপর্বণি রামোপাখ্যানপর্বণি একাশীত্যধিকদ্বিশততমোঽধ্যায়ঃ ॥ 281 ॥
Mahabharata - Vana Parva - Chapter Footnotes
3-281- অবিদূরে সমীপে। নলিনীং পুষ্করিণীম্ ॥ 3-281-2 অমৃতগন্ধিনাঽমৃতসদৃশেন ॥ 3-281-5 উপপাদয় সফলীকুরু ॥ 3-281-7 অনন্তরঃ সংলগ্নুঃ ॥ 3-281-9 ঋশ্যমূকং পর্বতম্ ॥ 3-281-17 ওঘো জনবৃন্দস্তন্নিভঃ স্বনো যস্য ॥ 3-281-18 আশ্রয়বান্ পরবলাশ্রিতঃ ॥ 3-281-26 ঈর্ষুরীর্ষ্যালুঃ ॥ 3-281-28 মুক্তো গচ্ছসি দুর্বুদ্ধে কথং ঘোরে পুনরিতি ক. পাঠঃ। মুক্তো জ্ঞাতিরিতি জ্ঞাৎবা কা ৎবরা মরণে পুনঃ ইতি ঝ. পাঠঃ ॥ 3-281-30 জীবিতসামর্থ্যং জীবনস্য শ্লাপ্যৎবম্ ॥ 3-281-47 করভোৎকটমূর্ধজাঃ উষ্ট্রসদৃশকেশ্যঃ ॥ 3-281-48 পরুষব্যঞ্জনখরাত্মকাঃ শব্দা যাসাং তাঃ ॥ 3-281-52 ব্যালী তালগতা যয়েতি খ.ঝ.পাঠঃ ॥ 3-281-61 বধূং স্রুষাম্ ॥ 3-281-70 পরিক্ষিপ্তা ব্যাপ্তা ॥অরণ্যপর্ব - অধ্যায় 282
॥ শ্রীঃ ॥
3.282. অধ্যায়ঃ 282
Mahabharata - Vana Parva - Chapter Topics
রাবণেন সীতাসমীপমেত্য বহুধাপ্রলোভনেঽপ্যবিকৃতমানসয়া তয়া প্রত্যাখ্যানে স্বাবাসংপ্রতিগমনম্ ॥ 1 ॥Mahabharata - Vana Parva - Chapter Text
3-282-0 (26779)
মার্কণ্ডেয় উবাচ। 3-282-0x (2707)
ততস্তাং ভর্তৃশোকার্তাং দীনাং মলিনবাসসম্।
মণিশেষাভ্যলংকারাং রুদতীং চ পতিব্রতাম্ ॥ 3-282-1 (26780)
রাক্ষসীভিরুপাস্যন্তীং সমাসীনাং শিলাতলে।
রাবণঃকামবাণার্তো দদর্শোপসসর্প চ ॥ 3-282-2 (26781)
দেবদানবগন্ধর্বয়ক্ষকিংপুরুষৈর্যুধি।
অজিতোশোকবনিকাং যয়ৌ কন্দর্পপীডিতঃ ॥ 3-282-3 (26782)
দিব্যাম্বরধরঃ শ্রীমন্সুমৃষ্টমণিকুণ্ডলঃ।
বিচিত্রমাল্যমুকুটো বসন্ত ইব মূর্তিমান্ ॥ 3-282-4 (26783)
ন কল্পবৃক্ষসদৃশোয়ত্নাদপি বিভূষিতঃ।
শ্মশানচৈত্যদ্রুমবদ্ভূষিতোঽপি ভয়ংকরঃ ॥ 3-282-5 (26784)
স তস্যাস্তনুমধ্যায়াঃ সমীপে রজনীচরঃ।
দদৃশে রোহিণীমেত্য শনৈশ্চর ইব গ্রৈহঃ ॥ 3-282-6 (26785)
স তামামন্ত্র্য সুশ্রোণীং পুষ্পকেতুশরাহতঃ।
ইদমিত্যব্রবীদ্বাক্যং ত্রস্তাং রৌহীমিবাবলাম্ ॥ 3-282-7 (26786)
সীতে পর্যাপ্তমেতাবৎকৃতোভর্তুরনুগ্রহঃ।
প্রসাদং কুরু তন্বঙ্গি ক্রিয়তাং পরিকর্ম তে ॥ 3-282-8 (26787)
ভজস্বমাং বরারোহে মহার্হাভরণাম্বরা।
ভবমে সর্বনারীণামুত্তমা বরবর্ণিনী ॥ 3-282-9 (26788)
সন্তি মে দেবক্ন্যাশ্চ গন্ধর্বাণআং চ যোষিতঃ।
সন্তি দানবন্যাশ্ দৈত্যানাং চাপি যোষিতঃ।
`তাসামদ্যবিশালাক্ষি সর্বাসাং মে ভবোত্তমা ॥ 3-282-10 (26789)
চতুর্দশ পিশাচীনাং কোট্যো মে বচনে স্থিতাঃ।
দ্বিস্তাবৎপুরুষাদানাং রক্ষসাং ভীমকর্মণাম্ ॥ 3-282-11 (26790)
ততো মে ত্রিগুণা যক্ষা যে মদ্বচনকারিণঃ।
কেচিদেব ধনাধ্যক্ষং ভ্রাতরং মে সমাশ্রিতাঃ ॥ 3-282-12 (26791)
গন্দর্বাপ্সরসো ভদ্রে মামাপানগতং সদা।
উপতিষ্ঠন্তি বামোরু যথৈব ভ্রাতরং মম ॥ 3-282-13 (26792)
পুত্রোঽহমপি বিপ্রর্ষেঃ সাক্ষাদ্বিশ্রবসো মুনেঃ।
পঞ্চমো লোকপালানামিতি মে প্রথিতং যশঃ ॥ 3-282-14 (26793)
দিব্যানি ভক্ষ্যভোজ্যানি পানানি বিবিধানি চ।
যথৈব ত্রিদশেশস্যতথৈব মম ভামিনি ॥ 3-282-15 (26794)
ক্ষীয়তাং দুষ্কৃতং কর্ম বনবাসকৃতং তব।
ভার্যা মে ভবসুশ্রোণি যথা মণ্ডোদরীতথা ॥ 3-282-16 (26795)
ইত্যুক্তা তেন বৈদেহী পরিবৃত্য সুভাননা।
তৃণমনতরতঃ কৃৎবাতমুবাচ নিশাচরম্ ॥ 3-282-17 (26796)
অশিবেনাতিবামোরূরজস্রং নেত্রবারিণা।
স্তনাবপতিতৌ বালা সংহতাবভিবর্ষতী ॥ 3-282-18 (26797)
`ব্যবস্থাপ্যকথংচিৎসা বিষাদাদতিমোহিতা'।
উবাচ বাক্যং তং ক্ষুদ্রং বৈদেহী পতিদেবতা ॥ 3-282-19 (26798)
অসকৃদ্বদতো বাক্যমীদৃশং রাক্ষসেশ্বর।
বিষাদয়ুক্তমেতত্তে ময়া শ্রুতমভাগ্যযা।
তদ্ভদ্রমুখ ভদ্রং তে মানসং বিনিবর্ত্যতাম্ ॥ 3-282-20 (26799)
পরদারাঽস্ম্যলভ্যা চ সততং চ পতিব্রতা।
ন চৈবৌপয়িকী ভার্য মানুষী তব রাক্ষস ॥ 3-282-21 (26800)
বিবশাং ধর্ষয়িৎবচ কাং ৎবং প্রীতিমবাপ্স্যসি।
ন চ পালয়সে ধর্মং লোকপালসমঃ কথম্ ॥ 3-282-22 (26801)
ভ্রাতরং রাজরাজং তং মহেশ্বরসস্বং প্রভুম্।
ধনেশ্বরং ব্যপদিশন্কথং ৎবিহ ন লজ্জসে ॥ 3-282-23 (26802)
ইত্যুক্ৎবা প্রারুদৎসীতা কম্পয়ন্তী পয়োধরৌ।
শিরোধরাং চ তন্বঙ্গী মুস্বং প্রচ্ছাদ্যবাসসা ॥ 3-282-24 (26803)
তস্য রুদত্যা ভামিত্যা দীর্ঘা বেণী সুসয়তা।
দদৃশে স্বসিতা স্নিগ্ধা কালী ব্যালীব মূর্ধনি ॥ 3-282-25 (26804)
শ্রুৎবা তদ্রাবণো বাক্যং সীতয়োক্তং সুনিষুরম্।
প্রত্যাখ্যাতোঽপিদুর্মেধাঃ পুনরেবাব্রবীদ্বচঃ ॥ 3-282-26 (26805)
কামমঙ্গনি মে সীতে দুনোতু মকরধ্বজঃ।
নৎবামকামাং সুশ্রোণীং সমেপ্যে চারুহাসিনীং ॥ 3-282-27 (26806)
কিংনু শক্যং ময়া কর্তুং যত্ৎবমদ্যাপিমানুষম্।
আহারভূতমস্মাকং রামমেবানুরুধ্যসে ॥ 3-282-28 (26807)
ইত্যুক্ৎবা তামনিন্দ্যাঙ্গীং স রাক্ষসমহেশ্বরঃ।
তত্রৈবান্তর্হিতো ভূৎবা জগামাভিমতাং দিশম্ ॥ 3-282-29 (26808)
রাক্ষসীভিঃ পরিবৃতাবৈদেহী শোককশিংতা।
সেব্যমানা ত্রিজটয়া তত্রৈব ন্যবসত্তদা ॥ 3-282-30 (26809)
ইতি শ্রীমন্মহাভারতে অরণ্যপর্বণি রামোপাখ্যানপর্বণি দ্ব্যশীত্যধিকদ্বিশততমোঽধ্যায়ঃ ॥ 282 ॥
Mahabharata - Vana Parva - Chapter Footnotes
3-282-2 উপাস্যন্তীমুপাস্যমানাম্ ॥ 3-282-7 রৌহীং হরিণীম্ ॥ 3-282-8 পরিকর্ম বস্ত্রাভরণাদিনা প্রসাধনম্ ॥ 3-282-20 বিনিবর্ত্যতাং মত্ত ইতি শেষঃ ॥ 3-282-21 ঔপয়িকী উপয়োগাহী ॥অরণ্যপর্ব - অধ্যায় 283
॥ শ্রীঃ ॥
3.283. অধ্যায়ঃ 283
Mahabharata - Vana Parva - Chapter Topics
রামেণ শরদাগমেঽপিবিপয়াসক্ত্যাস্বানুপসর্পিণং সুগ্রীবপ্রতি লক্ষ্মণপ্রেষণম্ ॥ 1 ॥ সুগ্রীবেণ সহরামাস্তিকমাগতেন লক্ষমণেন তংপ্রতি সীতান্বেষণায় সুগ্রীবকৃতবানরপ্রেপণনিবেদনম্ ॥ 2 ॥ ততো লঙ্কাপুরাৎপ্রতিনিবৃত্তেন হনুমতাঽঙ্গদাদিভিঃ সহ মধুবনভঙ্গপূর্বকংরামায় সীতাবৃত্তান্তাদিনিবেদনপূর্বকং তদ্দত্তচূডামণিদানম্ ॥ 3 ॥Mahabharata - Vana Parva - Chapter Text
3-283-0 (26810)
মার্কণ্ডেয় উবাচ। 3-283-0x (2708)
রাঘবঃ সহসৌমিত্রিঃ সুগ্রীবেণাভিপালিতঃ।
বসনমাল্যবতঃ পৃষ্ঠে দদর্শ বিমলং নভঃ ॥ 3-283-1 (26811)
সদৃষ্ট্বাবিমলে ব্যোম্নি নির্মলং শসলক্ষণম্।
গ্রহনক্ষত্রতারাভিরনুয়ান্তমমিত্রহা ॥ 3-283-2 (26812)
কুমুদোৎপলপদ্মানাং গন্ধমাদায় বায়ুনা।
মহীধরস্থঃ শীতেন সহসাপ্রতিবোধিতঃ ॥ 3-283-3 (26813)
প্রভাতে লক্ষ্মণং বীরমভ্যভাষত দুর্মনাঃ।
সীতাং সংস্মৃৎ যধর্মাত্মা রুদ্ধাং রাক্ষসবেশ্মনি ॥ 3-283-4 (26814)
গচ্ছ লক্ষ্মণ জানীহি কিষ্কিংদায়াং কপীশ্বরম্।
প্রমত্তং গ্রাম্যধর্মেষু কৃতঘ্নং স্বার্থপণ্ডিতম্ ॥ 3-283-5 (26815)
যোসৌ কুলাধমো মূঢো ময়া রাজ্যেঽভিষেচিতঃ।
সর্ববানরগোপুচ্ছা যমৃক্ষাশ্চ ভজন্তি বৈ ॥ 3-283-6 (26816)
যদর্থং নিহতো বালী ময়া রঘুকুলোদ্বহ।
ৎবয়া সহমহাবাহো কিষ্কিন্ধোপবনে তদা ॥ 3-283-7 (26817)
কৃতঘ্নং তমহং মন্যে বানরাপশদং ভুবি।
যো মামেবংগতো মূঢো ন জানীতেঽদ্য লক্ষ্মণ ॥ 3-283-8 (26818)
অসৌ মন্যে ন জানীতে সময়প্রতিপালনম্।
কৃতোপকারং মাং নূনমবমত্যাল্পয়া ধিয়া ॥ 3-283-9 (26819)
যদিতাবদনুদ্যুক্তঃ শেতে কামসুখাত্মকঃ।
নেতব্যো বালিমার্গেণ সর্বভূতগতিং ৎবয়া ॥ 3-283-10 (26820)
অথাপি ঘটতেঽস্মাকমর্তে বানরপুঙ্গবঃ।
তমাদায়ৈব কাকুৎস্থ ৎবরাবান্ভব মাচিরম্ ॥ 3-283-11 (26821)
ইত্যুক্তো লক্ষ্মণো ভ্রাত্রা গুরুবাক্যহিতে রতঃ।
প্রতস্থে রুচিরং গৃহ্য সমার্গণগুণং ধনুঃ ॥ 3-283-12 (26822)
কিষ্কিন্ধাদ্বারমাসাদ্যপ্রবিবেশানিবারিতঃ।
সক্রোধ ইতিতং মৎবারাজা প্রত্যুদ্যযৌ হরিঃ ॥ 3-283-13 (26823)
তং সদারোবিনীতাত্মা সুগ্রীবঃ প্লবগাধিপঃ।
পূজয়া প্রতিজগ্রাহ প্রীয়মাণস্তদর্হয়া ॥ 3-283-14 (26824)
তমব্রবীদ্রামবচঃ সৌমিত্রিরকুতোভয়ঃ।
স তৎসর্বমশেষেণ শ্রুৎবা প্রহ্বঃ কৃতাঞ্জলিঃ ॥ 3-283-15 (26825)
সভৃত্যদারো রাজেন্দ্রসুগ্রীবো বানরাধিপঃ।
ইদমাহ বচঃ প্রীতো লক্ষ্মণং নরকুঞ্জরম্ ॥ 3-283-16 (26826)
নাস্মি লক্ষ্মণ দুর্মেধা নাকৃতজ্ঞো ন নির্ঘৃণঃ।
শ্রূয়তাং যঃ প্রয়ত্নো মে সীতাপর্যেষণে কৃতঃ ॥ 3-283-17 (26827)
দিশঃ প্রস্থাপিতাঃ সর্বেবিনীতা হরয়ো ময়া।
সর্বেষাং চ কৃতঃ কালো মাসেঽভ্যাগমনে পুনঃ ॥ 3-283-18 (26828)
যৈরিয়ং সবনা সাদ্রিঃ সপুরা সাগরাম্বরা।
বিচেতব্যা মহী বীর সগ্রামনগরাকরা ॥ 3-283-19 (26829)
স মাসঃ পঞ্চরাত্রেণ পূর্ণো ভবিতুমর্হতি।
ততঃ শ্রোষ্যসি রামেণ সহিতঃ সুমহৎপ্রিয়ম্ ॥ 3-283-20 (26830)
ইত্যুক্তো লক্ষ্মণত্তেন কবানরেনদ্রেণ ধীমতা।
ত্যক্ৎবারোষমদীনাত্মা সুগ্রীবং প্রত্যপূজয়ৎ ॥ 3-283-21 (26831)
সরামং সহসুগ্রীবো মাল্যবৎপুষ্ঠমাস্থিতম্।
ভিগম্যোদয়ং তস্য কার্যস্য প্রত্যবেদয়ৎ ॥ 3-283-22 (26832)
ইত্যেবংবানরেনদ্রাস্তে সমাজন্মুঃ সহস্রশঃ।
দিশস্তিস্রো বিচিত্যাথ ন তু যে দক্ষিণাং গতাঃ ॥ 3-283-23 (26833)
আচখ্যুস্তত্র রামায় মহীং সাগরমেখলাম্।
বিচিতাং ন তু বৈদেহ্যা দর্শনং রাবণস্ বা ॥ 3-283-24 (26834)
গতাস্তু দক্ষিণামাশাং যে বৈ বানরপুঙ্গবাঃ।
আশাবাংস্তেষু কাকুৎস্থঃ প্রাণানার্তোঽভ্যধারয়ৎ ॥ 3-283-25 (26835)
দ্বিমাসোপরমে কালে ব্যতীতে প্লবগাস্ততঃ।
সুগ্রীবমভিগম্যেদং ৎবরিতা বাক্যমব্রুবন্ ॥ 3-283-26 (26836)
রক্ষিতংবালিনা যত্তৎস্ফীতং মধুবনং মহৎ।
ৎবয়া চ প্লবগশ্রেষ্ঠ তদ্ভুঙ্ক্তে পবনাত্মজঃ ॥ 3-283-27 (26837)
বালিপুত্রোঽঙ্গদশ্চৈব যে চান্যে প্লবগর্ষভাঃ।
বিচেতুং দক্ষিণামাশাং রাজন্প্রস্থাপিতাস্ৎবয়া ॥ 3-283-28 (26838)
তেষামপনয়ং শ্রুৎবা মেনে সকৃতকৃত্যতাম্।
কৃতার্থানাং হি ভৃত্যানামেতদ্ভবতি চেষ্টিতম্ ॥ 3-283-29 (26839)
স তদ্রামায় মেধাবী শশংস প্লবগর্ষভঃ।
রামশ্চাপ্যনুমানেন মেনে দৃষ্টাং তু মৈথিলীম্ ॥ 3-283-30 (26840)
হনুমৎপ্রমুখাশ্চাপি বিশ্রান্তাস্তে প্লবঙ্গমাঃ।
অভিজগ্মুর্হরীন্দ্রং তং রামলক্ষ্মণসন্নিধৌ ॥ 3-283-31 (26841)
গতিং চ মুখবর্ণং চ দৃষ্ট্বারামো হনূমতঃ।
অগমৎপ্রত্যযং ভূয়ো দৃষ্টা সীতেতি ভারত ॥ 3-283-32 (26842)
হনূমৎপ্রমুখাস্তে তু বানরাঃ পূর্ণমানসাঃ।
প্রণেমুর্বিধিবদ্রামং সুগ্রীবং লক্ষ্মণং তথা ॥ 3-283-33 (26843)
তানুবাচানতান্রামঃ প্রগৃহ্য সশরং ধনুঃ।
অপি মাং জীবয়িষ্যধ্বমপি বঃ কৃতকৃত্যতা ॥ 3-283-34 (26844)
অপি রাজ্যময়োধ্যায়াং কারয়িষ্যাম্যহং পুনঃ।
নিহত্যসমরে শত্রূনাহৃত্যজনকাত্মজাম্ ॥ 3-283-35 (26845)
অমোক্ষয়িৎবাবৈদেহীমহৎবা চ রণে রিপূন্।
হৃতদারোঽবধূতশ্চনাহং জীবিতুমুৎসহে ॥ 3-283-36 (26846)
ইত্যুক্তবচনং রামং প্রত্যুবাচানিলাত্মজঃ।
প্রিয়মাখ্যামি তে রাম দৃষ্টা সা জানকী ময়া ॥ 3-283-37 (26847)
বিচিত্য দক্ষিণামাশাং সপর্বতবনাকরাম্।
শ্রান্তাঃ কালে ব্যতীতে স্ম দৃষ্টবন্তো মহাগুহাং ॥ 3-283-38 (26848)
প্রবিশামো বয়ং তাং তু বহুয়োজনমায়তাম্।
অন্ধকারাং সুবিপিনাং গহনাং কীটসেবিতাম্ ॥ 3-283-39 (26849)
গৎবা সুমহদধ্বানমাদিত্যস্ প্রভাং ততঃ।
দৃষ্টবন্তঃ স্ম তত্রৈবভবনং দিব্যমন্তরা ॥ 3-283-40 (26850)
গয়স্ কিল দৈত্যস্ তদা সদ্বেশ্ম রাঘব।
তত্রপ্রভাবতী নাম তপোঽতপ্যত তাপসী ॥ 3-283-41 (26851)
তয়া দত্তানি ভোজ্যানিপানানিবিবিধানি চ।
ভুকৎবা লব্ধবলাঃ সন্তস্তয়োক্তেন পথা ততঃ ॥ 3-283-42 (26852)
নির্যায় তস্মাদুদ্দেশাৎপশ্যামো লবণাম্ভসঃ।
সমীপে সহ্যমলয়ৌ দর্দুরং চ মহাগিরিম্ ॥ 3-283-43 (26853)
ততো মলয়মারুহ্য পশ্যন্তো বরুণালয়ম্।
কবিষণ্ণা ব্যথিতাঃ খিন্না নিরাশা জীবিতে ভৃশম্ ॥ 3-283-44 (26854)
অনেকশতবিস্তীর্ণং যোজনানাং মহোদধিম্।
তিমিনক্রঝষাবাসং চিন্তয়ন্তঃ সুদুঃখিতাঃ ॥ 3-283-45 (26855)
তত্রানশনসংকল্পং কৃৎবাঽঽসীনা বয়ং তদা।
ততঃ কথান্তে গৃধ্রস্য জটায়োরভবৎকথা ॥ 3-283-46 (26856)
ততঃ পর্বতশৃঙ্গাভং ঘোররূপং ভয়াবহম্।
পক্ষিণং দৃষ্টবন্তঃ স্ম বৈনতিয়েমিবাপরম্ ॥ 3-283-47 (26857)
সোঽস্মানতর্কয়দ্ভোক্তুমথাভ্যেত্য বচোঽব্রবীৎ।
ভোঃ ক এষ মম ভ্রাতুর্জটায়োঃ কুরুতে কথাম্ ॥ 3-283-48 (26858)
সংপাতির্নাম তস্যাহং জ্যেষ্ঠো ভ্রাতা খগাধিপঃ।
অন্যোন্যস্পর্ধয়া রূঢাবাবামদিত্যসৎপদম্ ॥ 3-283-49 (26859)
ততো দগ্ধাবিমৌ পক্ষৌ ন দগ্ধৌ তু জটায়ুষঃ।
তস্মান্মে চিরদৃষ্টঃ স ভ্রাতা গৃধ্রপতঃ প্রিয়ঃ ॥ 3-283-50 (26860)
নির্দগ্ধপক্ষঃ পতিতো হ্যহমস্মিন্মহাগিরৌ।
`দ্রষ্টুং বীরং ন শক্নোমি ভ্রাতরং বৈ জটায়ুষম্' ॥ 3-283-51 (26861)
তস্যৈবং বদতোঽস্মাভির্হতো ভ্রাতা নিবেদিতঃ।
ব্যসনং ভবতশ্চেদং সংক্ষেপাদ্বৈ নিবেদিতম্ ॥ 3-283-52 (26862)
স সম্পাতিস্তদা রাজঞ্শ্রুৎবাসুমহদপ্রিয়ম্।
বিষণ্ণচেতাঃ পপ্রচ্ছ পুনরস্মানরিংদম ॥ 3-283-53 (26863)
কঃ সরামঃ কথং সীতা জটায়ুশ্চ কথং হতঃ।
ইচ্ছামি সর্বমেবৈতচ্ছ্রোতুং প্লবগসত্তমাঃ ॥ 3-283-54 (26864)
তস্যাহং সর্বমেবৈতদ্ভবতো ব্যসনাগমম্।
প্রায়োপবেশনে চৈবহেতুং বিস্তরশোঽব্রুবম্ ॥ 3-283-55 (26865)
সোঽস্মানাশ্বাসয়ামাস বাক্যেনানেন পক্ষিরাট্।
রাবণো বিদিতো মহ্যং লঙ্কা চাস্য মহাপুরী ॥ 3-283-56 (26866)
দৃষ্টাপারে সমুদ্রস্য ত্রিকূটগিরিকন্দরে।
ভবিত্রী তত্র বৈদেহী ন রমেঽস্ত্যত্রবিচারণা ॥ 3-283-57 (26867)
ইতিতস্য বচঃ শ্রুৎবা বয়মুত্থায় সৎবরাঃ।
সাগরক্রমণে মন্ত্রং মন্ত্রয়ামঃ পরংতপ ॥ 3-283-58 (26868)
নাধ্যবাস্যদ্যদা কশ্চিৎসাগরস্য বিলঙ্ঘনম্।
ততঃ পিতরমাবিশ্য পুপ্লুবেঽহংমহার্ণবম্।
শতয়োজনবিস্তীর্ণং নিহত্য জলরাক্ষসীম্ ॥ 3-283-59 (26869)
উপবাসতপঃশীলা ভর্তৃদর্শনলালসা।
জটিলা মলদিগ্ধাঙ্গীকৃশ দীনা তপস্বিন ॥ 3-283-60 (26870)
নিমিত্তৈস্তামহং সীতামুপলভ্য পৃথগ্বিধৈঃ।
উপসৃত্যাব্রবং চার্যামভিগম্য রহোগতাম্ ॥ 3-283-61 (26871)
সীতে রামস্য দূতোঽহংবানরোমারুতাত্মজঃ।
ৎবদ্দর্শনমভিপ্রপ্সুরিহ প্রাপ্তো বিহায়সা ॥ 3-283-62 (26872)
রাজপুত্রৌ কুশলিনৌ ভ্রাতরৌ রামলক্ষ্মণৌ।
সর্বশাখামৃগেন্দ্রেণ সুগ্রীবেণাভিপালিতৌ ॥ 3-283-63 (26873)
কুশলংৎবাব্রবীদ্রামঃসীতে সৌমিত্রিণা সহ।
সখিভাবাচ্ সুগ্রীবঃ কুশলং ৎবাঽনুপৃচ্ছতি ॥ 3-283-64 (26874)
ক্ষিপ্রমেষ্যতি তে ভর্তা সর্বশাখামৃগৈঃ সহ।
প্রত্যযং কুরু মে দেবি বানরোঽস্মি ন রাক্ষসঃ ॥ 3-283-65 (26875)
মুহূর্তমিবচ ধ্যাৎবা সীতা মাং প্রত্যুবাচ হ।
অবৈমি ৎবাংহনূমন্তমবিন্ধ্যবচনাদহম্ ॥ 3-283-66 (26876)
অবিন্ধ্যো হি মহাবাহো রাক্ষসো বৃদ্ধসংমতঃ।
কথিতস্তেন সুগ্রীবস্ৎবদ্বিধৈঃ সচিবৈর্বৃতঃ ॥ 3-283-67 (26877)
গম্যতামিতি চোক্ৎবা মাং সীতা পাদাদিমং মণিম্।
ঘারিতা যেন বৈদেহী কালমেতমনিন্দিতা ॥ 3-283-68 (26878)
প্রত্যযার্থং কথাং চেমাং কথয়ামাস জানকী।
ক্ষিপ্তামিষীকাং কাকায় চিত্রকূটে মহাগিরৌ ॥ 3-283-69 (26879)
ভবতা পুরুষব্যাঘ্র প্রত্যভিজ্ঞানকারণাৎ।
`একাক্ষিবিকলঃ কাকঃ সুদুষ্টাত্মা কৃতশ্চবৈ' ॥ 3-283-70 (26880)
গ্রাহয়িৎবাঽহমাত্মানং ততো দগ্ধ্বাচ তাং পুরীম্।
সংপ্রাপ্ত ইতিতং রামঃ প্রিয়বাদিনমার্চয়ৎ ॥ 3-283-71 (26881)
ইতি শ্রীমন্মহাভারতে অরণ্যপর্বণি রামোপাখ্যানপর্বণি ত্র্যশীত্যধিকদ্বিশততমোঽধ্যায়ঃ ॥ 283 ॥
Mahabharata - Vana Parva - Chapter Footnotes
3-283-5 গ্রাম্যধর্মেষু মৈথুনাদিষু নিমিত্তভূতেষু। প্রমত্তমসাবধানম্ ॥ 3-283-12 গুরোর্বাক্যে হিতে চ রতস্তৎপরঃ ॥ 3-283-26 সয়োরুপরমঃ সমাপ্তির্যস্মিস্তস্মিন্কালে ॥ 3-283-35 কারয়িষ্যামি স্বার্থে ণিচ্ ॥ 3-283-49 সৎপদং গতবন্তাবিতি শেষঃ ॥ 3-283-68 ধরিতা জীবনং প্রাপ্তা ॥অরণ্যপর্ব - অধ্যায় 284
॥ শ্রীঃ ॥
3.284. অধ্যায়ঃ 284
Mahabharata - Vana Parva - Chapter Topics
বানরসনাপতিভিঃ স্বস্বসৈন্যৈঃ সহরামসুগ্রীবোপাসনম্ ॥ 1 ॥ বানরসেনাভিঃ সহ সাগরতীরমুপাগতেন রামেণ সেনানাং সাগরতরণায় সমুদ্রারাধনার্থং নিয়মেন দর্ভসংস্তরে শয়নম্ ॥ 2 ॥ সাগরেণ রামংপ্রতি স্বপ্নে স্বাত্মপ্রদর্শনপূর্বকং নলেন সেতুনির্মাপণচোদনা ॥ 3 ॥ রামেণ শরণার্থিনো বিভীষণস্য লঙ্কারাজ্যেঽভিষেচনপূর্বকং সেতুমার্গেণ সৈন্যৈঃ সহ লঙ্কাগমনম্ ॥ 4 ॥Mahabharata - Vana Parva - Chapter Text
3-284-0 (26882)
মার্কণ্ডেয় উবাচ। 3-284-0x (2709)
ততস্তত্রৈবরামস্য সমাসীনস্য তৈঃ সহ।
সমাজগ্মুঃ কপিশ্রেষ্ঠাঃ সুগ্রীববচনাত্তদা ॥ 3-284-1 (26883)
বৃতঃ কোটিসহস্রেণ বানরাণাং তরস্বিনাম্।
শ্বশুরো বালিনঃ শ্রীমান্সুষেণো রামমভ্যযাৎ ॥ 3-284-2 (26884)
কোটীশতবৃতোবাঽপিগজো গবয় এব চ।
বানরেন্রৌ মহাবীর্যৌ পৃথক্পৃথগদৃশ্যতাম্ ॥ 3-284-3 (26885)
ষষ্টিকোটিসহস্রাণি প্রকর্ষন্প্রত্যদৃশ্যত।
গোলাঙ্গূলো মহারাজ গবাক্ষো ভীমদর্শনঃ ॥ 3-284-4 (26886)
গন্ধমাদনবাসী তু প্রথিতো গন্ধমাদনঃ।
কোটীশতসহস্রাণি হরীণাং সমকর্ষত ॥ 3-284-5 (26887)
পনসো নাম মেধাবী বানরঃসুমহাবলঃ।
কোটীর্দশ দ্বাদশ চ ত্রিংশৎপঞ্চ প্রকর্ষতি ॥ 3-284-6 (26888)
শ্রীমান্দধিমুখো নাম হরিবৃদ্ধোঽতিবীর্যবান্।
প্রচকর্ষ মহাসৈনয়ং হরীণাং ভীমতেজসাম্ ॥ 3-284-7 (26889)
কৃষণানাং মুখপুণ্ড্রাণামৃক্ষাণাং ভীমকর্মণাম্।
কোটীর্দশ দ্বাদশ চ ত্রিংশৎপঞ্চ প্রকর্ষতি ॥ 3-284-8 (26890)
এতে চান্যে চ বহবো হরিয়ূথপয়ূথপাঃ।
অসঙ্খ্যেয়া মহারাজ সমীয়ূ রামকারণাৎ ॥ 3-284-9 (26891)
গিরিকূটনিভাঙ্গানাং সিংহানামিব গর্জতাম্।
শ্রূয়তে তুমুলঃ শব্দস্তত্রতত্রপ্রধাবতাম্ ॥ 3-284-10 (26892)
গিরিকূটনিভাঃ ক্নচিৎকেচিন্মহিষসন্নিভাঃ।
শরদভ্রপ্রতীকাশাঃ কেচিদ্ধিঙ্গুলকাননাঃ ॥ 3-284-11 (26893)
উৎপতন্তঃ পতন্তশ্চ প্লবমানাশ্চ বানরাঃ।
উদ্ধুন্বন্তোঽপরে রেণূন্সমাজগ্মুঃ সমন্ততঃ ॥ 3-284-12 (26894)
সবানরমহাসৈন্যঃ পূর্ণসাগরসন্নিভঃ।
নিবেশমকরোত্তত্রসুগ্রীবানুমতে তদা ॥ 3-284-13 (26895)
ততস্তেষু হরীন্দ্রেষু সমাবৃত্তেষু সর্বশঃ।
তিথৌ প্রশস্তে নক্ষত্রে মুহূর্তে চাভিপূজিতে ॥ 3-284-14 (26896)
তেন ব্যূঢেন সৈন্যেন লোকানুদ্বর্তয়ন্নিব।
প্রয়যৌ রাঘবঃ শ্রীমান্সুগ্রীবসহিতস্তদা ॥ 3-284-15 (26897)
মুখমাসীত্তু সৈন্যস্য হনূমান্মারুতাত্মজঃ।
জঘনং পালয়ামাস সৌমিত্রিরকুতোভয়ঃ ॥ 3-284-16 (26898)
বদ্ধগোধাঙ্গুলিত্রণৌ রাঘবৌ তত্রজগ্মতুঃ।
বৃতৌ হরিমহামাত্রৈশ্চন্দ্রসূর্যৌ গ্রহৈরিব ॥ 3-284-17 (26899)
প্রবভৌ হরিসৈন্যং তৎসালতালশিলায়ুধম্।
সুমহচ্ছালিভবনং যথা সূর্যোদয়ং প্রতি ॥ 3-284-18 (26900)
নলনীলাঙ্গদক্রাথমৈন্দদ্বিবিদপালিতা।
যয়ৌ সুমহতী সেনা রাঘবস্যার্থসিদ্ধয়ে ॥ 3-284-19 (26901)
বিবিধেষু প্রশস্তেষু বহুমূলফলেষু চ।
প্রভূতমধুমাংসেষু বারিমৎসু বিবেষু চ ॥ 3-284-20 (26902)
নিবসন্তী নিরাবাধা তথৈবগিরিসানুষু।
উপায়াদ্ধিরিসেনা সা ক্ষারোদমথ মাগরম্ ॥ 3-284-21 (26903)
দ্বিতীয়সাগরনিমং তদ্বলংবহুলধ্বজম্।
বেলাবনং সমাসাদ্ নিবাসমকরোত্তদা ॥ 3-284-22 (26904)
ততো দাশরথিঃ শ্রীমান্সুগ্রীবং প্রত্যভাষত।
মধ্যে বানরমুখ্যানাং প্রাপ্তকালমিদং বচঃ ॥ 3-284-23 (26905)
উপায়ঃ কোনু ভবতাং মতঃ সাগরলঙ্ঘনে।
ইয়ং হি মহতী সেনা সাগরশ্চাতিদুস্তরঃ ॥ 3-284-24 (26906)
তত্রান্যে ব্যাহরন্তি স্ম বানরাঃ পটুমানিনঃ।
সমর্থা লঙ্ঘনে সিন্দোর্ন তৎকৃৎস্নস্য বানরাঃ ॥ 3-284-25 (26907)
কেচিন্নৌভির্ব্যবস্যন্তি কেচিচ্চ বিবিধৈঃ প্লবৈঃ।
নেতি রামস্তু তানসর্বান্সান্ৎবয়ন্প্রত্যভাষত ॥ 3-284-26 (26908)
শতয়োজনবিস্তারং ন শক্তাঃ সর্ববানরাঃ।
ক্রান্তুং তোয়নিধিং বীরানৈষা বো নৈষ্ঠিকী মতিঃ ॥ 3-284-27 (26909)
নাবো ন সন্তি সেনায়া বহ্ব্যস্তারয়িতুং তথা।
বণিজামুপঘাতং চ কথমস্মদ্বিধশ্চরেৎ ॥ 3-284-28 (26910)
বিস্তীর্ণং চৈব নঃ সৈন্যং হন্যাচ্ছিদ্রেণ বৈ পরঃ।
প্লবোডুপপ্রতারশ্চনৈবাত্রমম রোচতে ॥ 3-284-29 (26911)
অহং ৎবিমং জলনিধিং সমারপ্স্যাম্যুপায়তঃ।
প্রতিশেষ্যাম্যুপবসন্দর্শয়িষ্তি মাং ততঃ ॥ 3-284-30 (26912)
ন চেদ্দর্শয়িতা মার্গং ধক্ষ্যাম্যনমহং ততঃ।
মহাস্ত্রৈরপ্রতিহতৈরত্যগ্নিপবনোজ্জ্বলৈঃ ॥ 3-284-31 (26913)
ইত্যুক্ৎবা সহসৌমিত্রিরুপস্পৃশ্যাথ রাঘবঃ।
প্রতিশিস্যে জলনিধং বিধিবৎকুশসংস্তরে ॥ 3-284-32 (26914)
সাগরস্তু ততঃ স্বপ্নে দর্শয়ামাস রাঘবম্।
দেবো নদনদীমর্তা শ্রীমান্যাদোগণৈর্বৃতঃ ॥ 3-284-33 (26915)
কৌসল্যামাতরিত্যেবমাভাষ্য মধুরং বচঃ।
ইদমিত্যাহ রত্নানামাকরৈঃ শতশো বৃতঃ ॥ 3-284-34 (26916)
ব্রূহি কিং তেকরোম্যত্রসাহায়্যং পুরুষর্ষভ।
ঐক্ষ্বাকো হ্যস্মি তে জ্ঞাতী রাম সত্যপরাক্রমঃ।
এবমুক্তঃ সমুদ্রেণ রামো বাক্যমথাব্রবীৎ ॥ 3-284-35 (26917)
মার্গমিচ্ছামি সৈন্যস্য দত্তং নদনদীপতে।
যেন গৎবাদশগ্রীবং হন্যাম কুলপাংসনম্।
`রাক্ষসংসানুবন্ধং তং মম ভার্যাপহারিণম্' ॥ 3-284-36 (26918)
যদ্যেবং যাচতো মার্গং ন প্রদাস্যতি মে ভবান্।
শরৈস্ৎবাং শোষয়িষ্যামি দিব্যাস্ত্রয়তিমন্ত্রিতৈঃ ॥ 3-284-37 (26919)
ইত্যেবংব্রুবতঃ শ্রুৎবারামস্য বরুণালয়ঃ।
উবাচব্যথিতোবাক্যমিতিবদ্ধাঞ্জলিঃস্থিতঃ ॥ 3-284-38 (26920)
নেচ্ছামি প্রতিঘাতং তে নাস্মি বিঘ্নকরস্তব।
শৃণু চেদং বচোরাম শ্রুৎবা কর্তব্যমাচর ॥ 3-284-39 (26921)
যদি দাস্যামি তে মার্গং সৈন্যস্ ব্রজতোঽঽজ্ঞয়া।
অন্যেঽপ্যাজ্ঞাপয়িষ্যন্তি মামেবং ধনুষোবলাৎ ॥ 3-284-40 (26922)
অস্তিৎবত্রনলো নাম বানরঃ শিল্পিসংমতঃ।
ৎবষ্টুঃ কাকুৎস্থ তনয়ো বলবান্বিশ্বকর্মণঃ ॥ 3-284-41 (26923)
স যৎকাষ্ঠং তৃণং বাঽপিশিলাং বা ক্ষেপ্স্যতে ময়ি।
সর্বং তদ্ধারয়িষ্যামি স তে সেতুর্ভবিষ্যতি ॥ 3-284-42 (26924)
ইত্যুক্ৎবাঽন্তর্হিতে তস্মিন্রামো নলমুবাচ হ।
কুরু সেতুং সমুদ্রে ৎবংশক্তো হ্যসি মতো মম ॥ 3-284-43 (26925)
তেনোপায়েন কাকুৎস্থঃ সতুবন্ধমকারয়ৎ।
দশয়োজনবিস্তারমায়তং শতয়োজনম্ ॥ 3-284-44 (26926)
নলসেতুরিতি খ্যাতো যোঽদ্যাপি প্রথিতো ভুবি।
রামস্যাজ্ঞাং পুরস্কৃত্য ধার্যতে গিরিসংনিভঃ ॥ 3-284-45 (26927)
তত্রস্থং স তু ধর্মাত্মা সমাগচ্চদ্বিভীষণঃ।
ভ্রাতা বৈ রাক্ষসেন্দ্রস্য চতুর্ভিঃ সচিবৈঃ সহ ॥ 3-284-46 (26928)
প্রতিজগ্রাহ রামস্তং স্বাগতেন মহামনাঃ।
সুগ্রীবস্য তু শঙ্কাঽভূৎপ্রণিধিঃ স্যাদিতি স্মহ ॥ 3-284-47 (26929)
রাঘবঃ সত্যচেষ্টাভিঃ সম্যক্ব চরিতেঙ্গিতৈঃ।
যদা তত্ৎবেন তুষ্টোঽভূত্তত এনমপূজয়ৎ ॥ 3-284-48 (26930)
সর্বরাক্ষসরাজ্যেচাপ্যভ্যপিঞ্চদ্বিভীষণম্।
চক্রে চ মন্ত্রসচিবং সহৃদংলক্ষ্মণস্ চ ॥ 3-284-49 (26931)
বিভীষণমতে চৈব সোঽত্যক্রামন্মহার্ণবম্।
সসৈন্যঃ সেতুনা তেন মার্গেণৈব নরাধিপঃ ॥ 3-284-50 (26932)
ততো গৎবাসমাসাদ্য লঙ্কোদ্যানান্যনেকশঃ।
ভেদয়ামাস কপিভির্মহান্তি চ বহূনি চ ॥ 3-284-51 (26933)
তত্রাস্তাং রাবণামাত্যৌ রাক্ষসৌ শুকসারণৌ।
চরৌ বানররূপেণ তৌ জগ্রাহ বিভীষণঃ ॥ 3-284-52 (26934)
প্রতিপন্নৌ যদা রূপং রাক্ষসং তৌ নিশাচরৌ।
দর্শয়িৎবা ততঃ সৈন্যং রামঃ পশ্চাদবাসৃজৎ ॥ 3-284-53 (26935)
নিবেশ্যোপবনে সৈন্যং স শূরঃ প্রাজ্যবানরম্।
প্রেষয়ামাস দুত্যেন রাবণস্য ততোঽঙ্গদম্ ॥ 3-284-54 (26936)
ইতি শ্রীমন্মহাভারতে অরণ্যপর্বণি রামোপাখ্যানপর্বণি চতুরশীত্যধিকদ্বিশততমোঽধ্যায়ঃ ॥ 284 ॥
Mahabharata - Vana Parva - Chapter Footnotes
3-284-8 মুখে পুণ্ড্রস্তিলকং যেষাং তে. ললাটে ঊর্ধ্বপুণ্ড্রাকারেণ চিহ্নেন চিহ্নিতানাম্ ॥ 3-284-10 শিরীষকুসুমাভানাং সিংহানামিতি ধ. পাঠঃ ॥ 3-284-18 শালিভির্ভাতীতি শালিভং তচ্চতদ্বনং পক্বজলিভবনং তদ্বৎপীতবর্ণমিত্যর্থঃ ॥ 3-284-29 প্লবঃ অলাবুঘটাদিময়ং তরণসাধনম্। উডুপং রক্ষুদ্রনৌকা তাভ্যাং প্রতারস্তরণম্ ॥ 3-284-30 সমারপ্স্যামি আরাধয়িষ্যামি ॥ 3-284-34 মধুরং বচ ইদংশৃণ্বিত্যাহেতি শেষেণ যোজ্যম্ ॥ 3-284-40 আজ্ঞায়েতি চ্ছেদঃ। পূর্বরূপমার্ষম্ ॥ 3-284-47 প্রণিধিশ্ছলকৃত গুপ্তচারো বা ॥ 3-284-50 মাসেনৈব নরাধিপ ইতি ঝ. পাঠ ॥অরণ্যপর্ব - অধ্যায় 285
॥ শ্রীঃ ॥
3.285. অধ্যায়ঃ 285
Mahabharata - Vana Parva - Chapter Topics
অঙ্গদেন রাবণায় রামসংদংশনিবেদনপূর্বকংপুনা রামসমীপাগমনম্ ॥ 1 ॥ বানরৈ রামাজ্ঞয়া লঙ্কাপ্রাকারাদিবিভেদনপূর্বকং রাক্ষসৈঃ সহ যোধনম্ ॥ 2 ॥ ততো রামেণ স্বসেনানামবহারঃ ॥ 3 ॥Mahabharata - Vana Parva - Chapter Text
3-285-0 (26937)
মার্কণ্ডেয় উবাচ। 3-285-0x (2710)
প্রভূতান্নোদকেতস্মিন্বহুমূলফলে বনে।
সেনাং নিবেশ্য কাকুৎস্থো বিধিবৎপর্যরক্ষত ॥ 3-285-1 (26938)
রাবণঃ সংবিধং চক্রে লঙ্কায়াং শাস্ত্রনির্মিতাম্।
প্রকৃত্যৈবদুরাধর্ষা দৃঢপ্রাকারতোরণা ॥ 3-285-2 (26939)
অগাধতোয়াঃ পরিখা মীননক্রসমাকুলাঃ।
বভূবুঃ সপ্ত দুর্ধর্ষাঃ স্বাদিরৈঃ শঙ্কুভিশ্চিতাঃ ॥ 3-285-3 (26940)
কর্ণাটয়ন্ত্রা দুর্ধর্ষা বভূবুঃ সহুডোপলাঃ।
সাশীবিষঘটায়োধাঃ সসর্জরসপাংসবঃ ॥ 3-285-4 (26941)
মুসলালাতনারাচতোমরাসিপরশ্বথৈঃ।
অন্বিতাশ্চশতঘ্নীভিঃ সমধূচ্ছিষ্টমুদ্গরাঃ ॥ 3-285-5 (26942)
পুরদ্বারেষু সর্বেষু গুল্মাঃ স্থাবরজঙ্গমাঃ।
বভূবুঃ পত্তিবহুলাঃ প্রভূতগজবাজিনঃ ॥ 3-285-6 (26943)
অঙ্গদস্ৎবথ লঙ্কায়াং দ্বারদেশমুপাগতঃ।
বিদিতো ররাক্ষসেন্দ্রস্য প্রবিবেশগতব্যথঃ ॥ 3-285-7 (26944)
মধ্যে রাক্ষসকোটীনাং বহ্বীনাং সুমহাবলঃ।
শুশুভে মেঘমালাভিরাদিত্য ইব সংবৃতঃ ॥ 3-285-8 (26945)
সসমাসাদ্য পৌলস্ত্যমমাত্যৈরভিসংবৃতম্।
রামসংদেশমামন্ত্র্য বাগ্মী বক্তুং প্রচক্রমে ॥ 3-285-9 (26946)
আহ ৎবাং রাঘবো রাজন্কোসলেন্দ্রো মহায়শাঃ।
প্রাপ্তকালমিদং বাক্যং তদাদৎস্ব সুদুর্মতে। 3-285-10 (26947)
অকৃতাত্মানমাসাদ্য রাজানমনয়ে রতম্।
বিনশ্যন্ত্যনয়াবিষ্টা দেশাশ্চ নগরাণি চ ॥ 3-285-11 (26948)
ৎবয়ৈকেনাপরাদ্ধং মে সীতামাহরতা বলাৎ।
বধায়ানপরাদ্ধানামন্যেষাং তদ্ভবিষ্যতি ॥ 3-285-12 (26949)
যে ৎবয়া বলদর্পাভ্যামাবিষ্টেন বনেচরাঃ।
ঋষয়োহিংসিতাঃ পূর্বংদেবাশ্চাপ্যবমানিতাঃ ॥ 3-285-13 (26950)
রাজর্ষয়শ্চ নিহতা রুদত্যশ্চাহৃতাঃ স্ত্রিয়ঃ।
তদিদং সমনুপ্রাপ্তং ফলংতস্যানয়স্য তে ॥ 3-285-14 (26951)
হন্তাস্মি ৎবাং সহামাত্যৈর্যুধ্যস্ব পুরুষো ভব।
পশ্য মে ধনুষো বীর্যং মানুষস্ নিশাচর ॥ 3-285-15 (26952)
মুচ্যতাং জানকী সীতা ন মে মোক্ষ্যমসি কর্হিচিৎ।
অরাক্ষসমিমং লোকংকর্তাঽস্মি নিশিতৈঃ শরৈঃ ॥ 3-285-16 (26953)
ইতিতস্ ব্রুবাণস্ দূতস্ পরুষং বচঃ।
শ্রুৎবা ন মমৃষে রাজা রাবণঃ ক্রোধমূর্চ্ছিতঃ ॥ 3-285-17 (26954)
হঙ্গিতজ্ঞাস্ততো ভর্তুশ্চৎবারো রজনীচরাঃ।
চতুর্ষ্বঙ্গেষু জগৃহুঃ শার্দূলমিব পক্ষিণঃ ॥ 3-285-18 (26955)
তাংস্তথাঙ্গেষু সংসক্তানঙ্গদো রজনীচরান্।
আদায়ৈব খমুৎপত্য প্রাসাদতলমাবিশৎ ॥ 3-285-19 (26956)
বেগেনোৎপততস্তস্য পেতুস্তে রজনীচরাঃ।
ভুবি সংভিন্নহৃদয়াঃ প্রহারবরপীডিতাঃ ॥ 3-285-20 (26957)
সংসক্তোহর্ম্যশিখরাত্তস্মাৎপুনরবাপতৎ।
লঙ্ঘয়িৎবা পুরং লঙ্কাং সুবেলস্য সমীপতঃ ॥ 3-285-21 (26958)
কোসলেন্দ্রমথাগম্য সর্বমাবেদ্য বানরঃ।
বিশশ্রাম স তেজস্বী রাঘবেণাভিনন্দিতঃ ॥ 3-285-22 (26959)
ততঃ সর্বাভিসারেণ হরীণাং বাতরংহসাম্।
ভেদয়ামাস লঙ্কায়াঃ গ্রাকারং রঘুনন্দনঃ ॥ 3-285-23 (26960)
বিভীষণর্ক্ষাধিপতী পুরস্কৃত্যাথ লক্ষ্মণঃ।
দক্ষিণং নগরদ্বারমবামৃদ্গাদ্দুরাসদম্ ॥ 3-285-24 (26961)
করভারুণগাত্রাণাং হরীণাং যুদ্ধশালিনাম্।
কোটীশতসহস্রেণ লঙ্কামভ্যপতত্তদা ॥ 3-285-25 (26962)
প্রলম্ববাহূরুকরজঙ্ঘান্তরবিলম্বিনাম্।
ঋক্ষাণআং ধূম্রবর্ণানাং তিস্রঃ কোঠ্যো ব্যবস্থিতাঃ ॥ 3-285-26 (26963)
উৎপতদ্ভিঃ পতদ্ভিশ্চ নিপতদ্ভিশ্চ বানরৈঃ।
নাদৃশ্যত তদা সূর্যো রজসা নাশিতপ্রভঃ ॥ 3-285-27 (26964)
শালিপ্রসূনসদৃশৈঃ শিরীপকুসুমপ্রভৈঃ।
তরুণাদিত্যসদৃশৈঃ শণগৌরৈশ্চ বৈনরৈঃ ॥ 3-285-28 (26965)
প্রাকারং দদৃশুস্তে তু সমন্তাৎকপিলীকৃতম্।
রাক্ষসা বিস্মিতা রাজন্সস্ত্রীবৃদ্ধাঃ সমন্ততঃ ॥ 3-285-29 (26966)
বিভিদুস্তে মণিস্তম্ভান্কর্ণাট্টশিখরাণি চ।
ভগ্নোন্মথিতশৃঙ্গাণি যন্ত্রাণি চ বিচিক্ষিপুঃ ॥ 3-285-30 (26967)
পরিগৃহ্য শতঘ্নীশ্চ সচক্রাঃ সগুডোপলাঃ।
চিক্ষিপুর্ভুজবেগেন লঙ্কামধ্যেমহাস্বনাঃ ॥ 3-285-31 (26968)
প্রাকারস্থাশ্চয়ে কেচিন্নিশাচরগণাস্তথা।
প্রদুদ্রুবুস্তে শতশঃ কপিভিঃ সমভিদ্রুতাঃ ॥ 3-285-32 (26969)
ততস্তু রাজবচনাদ্রাক্ষসাঃ কামরূপিণঃ।
নির্যযুর্বিকৃতাকারাঃ সহস্রশতসঙ্ঘশঃ ॥ 3-285-33 (26970)
শখবর্ষাণি বর্ষন্তো দ্রাবয়িৎবা বনৌকসঃ।
প্রাকারং শোভয়ন্তস্তে পরং বিস্ময়মাস্থিতাঃ ॥ 3-285-34 (26971)
স মাপরাশিসদৃশৈর্বভূব ক্ষণাদাচরৈঃ।
কৃতো নির্বানরো ভূয়ঃ প্রাকারো ভীমদর্শনৈঃ ॥ 3-285-35 (26972)
পেতুঃ শলবিভিন্নাঙ্গা বহবো বানরর্পভাঃ।
স্তম্ভতোরণভগ্নাশ্চপেতুস্তত্রনিশাচরাঃ ॥ 3-285-36 (26973)
কেশাকেশ্যভবদ্যুদ্ধং রক্ষসাং বানরৈঃ সহ।
নখৈর্দন্তৈশ্চ বীরাণাং খাদতাং বৈ পরস্পরম্ ॥ 3-285-37 (26974)
নিষ্টনন্তো হ্যুভয়তস্তত্র বানররাক্ষসাঃ।
হতানিপতিতা ভূমৌ ন মুঞ্চন্তি পরস্পরম্ ॥ 3-285-38 (26975)
রামস্তু শরজালানিববর্ষ জলদো যথা।
তানিলঙ্কাং সমাসাদ্য জঘ্রুস্তান্রজনীচরান্ ॥ 3-285-39 (26976)
সৌমিত্রিরপি নারাচৈর্দৃঢধন্বা জিতক্লমঃ।
আদিশ্যাদিশ্য দুর্গস্থান্পাতয়ামাস রাক্ষসান্ ॥ 3-285-40 (26977)
ততঃ প্রত্যবহারোঽভূৎসৈন্যানাং রাধবাজ্ঞয়া।
কৃতে বিমর্দে লঙ্কায়াং লব্ধলক্ষ্যোজয়োত্তরঃ ॥ 3-285-41 (26978)
ইতি শ্রীমন্মহাভারতে অরণ্যপর্বণি রামোপাখ্যানপর্বণি পঞ্চাশীত্যধিকাদ্বিশততমোঽধ্যায়ঃ ॥ 285 ॥
Mahabharata - Vana Parva - Chapter Footnotes
3-285-2 সংবিধং সম্যগ্বিদ্ধ্যান্ত্যনয়া তাং যাত্রাদিসংপত্তিম্ ॥ 3-285-4 সহুডাঃ সোপলাশ্চ। হুঢং মূত্রাদ্যুৎসর্জনার্থং শৃঙ্গম্। উপলাঃ প্রক্ষেপ্যা গোলকাঃ. কপাটয়ন্ত্রদুর্ধর্ষা ইতি ঝ. পাঠঃ ॥ 3-285-5 সমধূচ্ছিষ্টমুদ্গরাঃ। মধূচ্ছিষ্টং ক্ষৌদ্রং মধু ॥ 3-285-6 গুল্মাঃ গুপ্তোপবেশনস্থানানি ॥ 3-285-7 গতব্যথো নির্ভয়ঃ ॥ 3-285-9 আমন্ত্র্য হেরাবণ ইতি সংবোধ্য ॥ 3-285-10 তদাদৎস্ব কুরুষ্ব চেতি ঝ.পাঠঃ ॥ 3-285-23 সর্বাভিসারঃ যুপগৎসর্বেষামভিসারো যত্নস্তেন ॥ 3-285-24 ঋক্ষাধিপতির্জাম্ববান্ ॥ 3-285-25 করভো মণিবন্ধাদিকনিষ্ঠান্তং হস্তপ্রদেশস্তদ্বদরুণাঃ ॥ 3-285-28 শণো গোণীসূত্রোপাদানবীরুৎ ॥ 3-285-30 কর্ণস্তির্যগ্যানং তেন প্রকারেণ যৎপাষাণাদিবিস্তরেণ ক্রিয়তে তত্তদ্গৃহবিশেষং কর্ণাট্টমিতি বদন্তি ॥ 3-285-36 স্তম্ভতঃ স্তম্ভৈর্বানরোপাত্তৈঃ। রণে ভগ্না রণভগ্নাঃ ॥ 3-285-37 কেশাকেশি অন্যোন্যং কেশেষু গৃহীৎবা প্রবৃত্তম্ ॥ 3-285-38 নিষ্টনন্তঃশব্দং কুর্বন্তঃ ॥ 3-285-40 আদিশ্য সংমুখীকৃত্যেত্যর্থঃ ॥ 3-285-41 প্রত্যবহারঃ শিবিরংপ্রতি গমনম্। লব্ধা আয়ুধৈঃ প্রাপ্তা লক্ষ্যা বেধ্যায়স্মিন্নবন্ধ্যপ্রহার ইতিয়াবৎ। জয়োত্তরো জয়োৎকর্ষবান্ ॥অরণ্যপর্ব - অধ্যায় 286
॥ শ্রীঃ ॥
3.286. অধ্যায়ঃ 286
Mahabharata - Vana Parva - Chapter Topics
রামলক্ষ্মণাদীনাং রাবণেন্দ্রজিদাদিভিঃ সহ দ্বন্দ্বয়ুদ্ধম্ ॥ 1 ॥Mahabharata - Vana Parva - Chapter Text
3-286-0 (26979)
মার্কণ্ডেয় উবাচ। 3-286-0x (2711)
ততো নিবিশমানাংস্তান্সৈনিকান্রাবণানুগাঃ।
অভিজগ্মুর্গণাঽনকে পিশাচক্ষুদ্ররক্ষসাম্ ॥ 3-286-1 (26980)
পর্বণঃ পতনো জম্ভঃ খরঃ ক্রোধবশো হরিঃ।
প্ররুজশ্চারুজশ্চৈব প্রঘসশ্চৈবমাদয়ঃ ॥ 3-286-2 (26981)
ততোঽভিপততাং তেষামদৃশ্যানাং দুরাত্মনাম্।
অন্তর্ধানবধং তজ্জ্ঞশ্চকার স বিভীষণঃ ॥ 3-286-3 (26982)
তে দৃশ্যমানা হরিভির্বলিভির্দূরপাতিভিঃ।
নিহতাঃ সর্বশো রাজন্মহীং জগ্মুর্গতাসবঃ ॥ 3-286-4 (26983)
অমৃষ্যমাণঃ সবলো রাবণো নির্যযাবথ।
রাক্ষসানাং বলৈর্ঘোরৈঃ পিশাচানাংচ সংবৃতঃ ॥ 3-286-5 (26984)
যুদ্ধশাস্ত্রবিধানজ্ঞ উশনা ইব চাপরঃ।
ব্যূহ্যচৌশনসং ব্যূহং হরীনভ্যবহারয়ৎ ॥ 3-286-6 (26985)
রাঘবস্তু বিনির্যান্তং ব্যূঢানীকং দশাননম্।
বার্হস্পত্যং বিধং কৃৎবা প্রতিব্যূহ্য হ্যদৃশ্যত ॥ 3-286-7 (26986)
সমেত্য যুয়ুধে তত্র ততো রামেণ রাবণঃ।
যুয়ুধে লক্ষ্মণশ্চাপি তথৈবেন্দ্রজিতা সহ ॥ 3-286-8 (26987)
বিরূপাক্ষেণ সুগ্রীবস্তারেণ চ নিস্বর্বটঃ।
পৌণ্ড্রেণ চ নলস্তত্র পদুশঃ পনসেন চ ॥ 3-286-9 (26988)
বিষহ্যং যং হি যো মেনে স স তেন সমেয়িবান্।
যুয়ুধে যুদ্ধবেলায়াং স্ববাহুবলমাশ্রিতঃ ॥ 3-286-10 (26989)
স সংপ্রহারো ববৃধে ভীরূণাং ভয়বর্ধনঃ।
রোমসংহর্ষণো ঘোরঃ পুরা দেবাসুরে যথা ॥ 3-286-11 (26990)
রাবণো রামমানর্চ্ছচ্ছক্তিশূলাসিবৃষ্টিভিঃ।
নিশিতৈরায়সৈস্তীক্ষ্ণৈ রাবণং চাপি রাঘবঃ ॥ 3-286-12 (26991)
তথৈবেন্দ্রজিতং যত্তং লক্ষ্মণো মর্মভেদিভিঃ।
ইন্দ্রজিচ্চাপি সৌমিত্রিং বিভেদ বহুভিঃ শরৈঃ ॥ 3-286-13 (26992)
বিভীষণঃ প্রহস্তং চ প্রহস্তশ্চ বিভীষণম্।
খগপত্রৈঃ শরৈস্তীক্ষ্ণৈরভ্যবর্ষদ্গতব্যথঃ ॥ 3-286-14 (26993)
তেষাং বলবতামাসীন্মহাস্ত্রাণাং সমাগমঃ।
বিব্যথুঃ সকলা যেন ত্রয়ো লোকাশ্চরাচরাঃ ॥ 3-286-15 (26994)
ইতি শ্রীমন্মহাভারতে অরণ্যপর্বণি রামোপাখ্যানপর্বণি ষডশীত্যধিকদ্বিশততমোঽধ্যায়ঃ ॥ 286 ॥
Mahabharata - Vana Parva - Chapter Footnotes
3-286-1 গণা অনেকে ইতি চ্ছেদঃ ॥ 3-286-3 অন্তর্ধানবধমন্তর্ধানশক্তের্নাশম্ ॥ 3-286-6 হরীন্ বানরান্। অভ্যবহারয়দাবেষ্টিতবান্ ॥ 3-286-12 আনর্চ্ছদপীডয়ৎ ॥অরণ্যপর্ব - অধ্যায় 287
॥ শ্রীঃ ॥
3.287. অধ্যায়ঃ 287
Mahabharata - Vana Parva - Chapter Topics
বিভীষণহনুমদ্ভ্যাং প্রহস্তধূম্রাক্ষবধশ্রবণনির্বিণ্ণেন রাবণেন যুদ্ধায় কুম্ভকর্ণপ্রেষণম্ ॥ 1 ॥Mahabharata - Vana Parva - Chapter Text
3-287-0 (26995)
মার্কণ্ডেয় উবাচ। 3-287-0x (2712)
ততঃ প্রহস্তঃ সহসা সমভ্যেত্য বিভীষণম্।
গদয়া তাডয়ামাস বিনদ্য রণকর্কশম্ ॥ 3-287-1 (26996)
স তয়াঽভিহতো ধীমান্গদয়া ভীমবেগয়া।
নাকম্পত মহাবাহুর্হিমবানিব সুস্থিরঃ ॥ 3-287-2 (26997)
ততঃ প্রগৃহ্যবিপুলাং শতঘণ্টাং বিভীষণঃ।
অনুমন্ত্র্য মহাশক্তিং চিক্ষেপাস্ শিরঃ প্রতি ॥ 3-287-3 (26998)
পতন্ত্যা স তয়া বেগাদ্রাক্ষসোঽশনিবেগয়া।
হৃতোত্তামঙ্গো দদৃশে বাতরুগ্ণ ইব দ্রুমঃ ॥ 3-287-4 (26999)
তং দৃষ্ট্বা নিহতং সঙ্খ্যে প্রহস্তং ক্ষণদাচরম্।
অভিদুদ্রাব ধূম্রাক্ষো বেগেন মহতা কপীন্ ॥ 3-287-5 (27000)
তস্ মেঘোপমং সৈন্যমাপতদ্ভীমদর্শনম্।
দৃষ্ট্বৈব সহসা দীর্ণা রণে বানরপুঙ্গবাঃ ॥ 3-287-6 (27001)
ততস্তান্সহসা দীর্ণান্দৃষ্ট্বা বানরপুঙ্গবান্।
নির্যযৌ কপিশার্দূলো হনূমান্মারুতাত্মজঃ ॥ 3-287-7 (27002)
তং দৃষ্ট্বাঽবস্থিতং সঙ্খ্যে হরয়ঃ পবনাত্মজম্।
মহত্যা ৎবরয়া রাজৎসংন্যবর্তন্ত সর্বশঃ ॥ 3-287-8 (27003)
ততঃ শব্দো মহানাসীত্তুমুলো রোমহর্ষণঃ।
রামরাবণসৈন্যানামন্যোন্যমভিধাবতাম্ ॥ 3-287-9 (27004)
তস্মিন্প্রবৃত্তে সংগ্রামে ঘোরে রুধিরকর্দমে।
ক্ষূম্রাক্ষঃ কপিসৈন্যং তদ্দ্রাবয়ামাস পত্রিভিঃ ॥ 3-287-10 (27005)
তং স রক্ষোমহামাত্রমাপতন্তং সপত্নজিৎ।
প্রতিজগ্রাহ হনুমাংস্তরসা পবনাত্মজঃ ॥ 3-287-11 (27006)
তয়োর্যুদ্ধমভূদধোরং হরিরাক্ষসবীরয়োঃ।
জীগীষতোর্যুধাঽন্যোন্যমিন্দ্রপ্রহ্লাদয়োরিবং ॥ 3-287-12 (27007)
কগদাভিঃ পরিঘৈশ্চৈব রাক্ষসো জঘ্নিবান্কপিম্।
কপিশ্চ জঘ্নিবান্রঃ সস্কন্ধবিটপৈর্দ্রুমৈঃ ॥ 3-287-13 (27008)
ততস্তমতিকোপেন সাশ্বং সরথসারথিম্।
ধূম্রাক্ষমবধীৎক্রুদ্ধো হনূমান্মারুতাত্মজঃ ॥ 3-287-14 (27009)
ততস্তং নিহতং দৃষ্ট্বা ধূম্রাক্ষং রাক্ষসোত্তমম্।
হরয়ো জাতবিশ্রম্ভা জঘ্নুরন্যে চ সৈনিকান্ ॥ 3-287-15 (27010)
তে বধ্যমানা হরিভির্বলিভির্জিতকাশিভিঃ।
রাক্ষসা ভগ্নসংকল্পা লঙ্কামভ্যপতন্ভয়াৎ ॥ 3-287-16 (27011)
তেঽভিপত্য পুরং ভগ্না হতশেষা নিশাচরাঃ।
সর্বং রাজ্ঞে যথাবৃত্তং রাবণায় ন্যবেদয়ন্ ॥ 3-287-17 (27012)
শ্রুৎবা তু রাবণস্তেভ্যঃ প্রহস্তং নিহতং যুধি।
ধূম্রাক্ষং চ মহেষ্বাসং সসৈন্যং সহরাক্ষসৈঃ ॥ 3-287-18 (27013)
সুদীর্ঘমিব নিঃশ্বস্য সমুৎপত্য বরাসনাৎ।
উবাচ কুম্ভকর্ণস্য কর্মকালোঽয়মাগতঃ ॥ 3-287-19 (27014)
ইত্যেবমুক্ৎবা বিবিধৈর্বাদিত্রৈঃ সুমহাস্বনৈঃ।
শয়ানমতিনিদ্রালুং কুম্ভকর্ণমবোধয়ৎ ॥ 3-287-20 (27015)
প্রবোধ্য মহতা চৈনং যত্নেনাঽঽগতসাধ্বসঃ।
স্বস্থমাসীনমব্যগ্রং বিনিদ্রং রাক্ষসাধিপঃ।
ততোঽব্রবীদ্দশগ্রীবঃ কুম্ভকর্ণং মহাবলম্ ॥ 3-287-21 (27016)
ধন্যোসি যস্য তে নিদ্রা কুম্ভকর্ণেয়মীদৃশী।
য ইদং দারুণং কালং ন জানীষে মহাভয়ম্ ॥ 3-287-22 (27017)
এষ তীর্ৎবাঽর্ণবং রামঃ সেতুনা হরিভিঃ সহ।
অবমত্যেহ নঃ সর্বান্করোতি কদনং মহৎ ॥ 3-287-23 (27018)
ময়া ৎবপহৃতা ভার্যা সীতা নামাস্য জানকী।
তাং নেতুং স ইহায়াতো বদ্ধ্বা সেতুং মহার্ণবে ॥ 3-287-24 (27019)
তেন চৈব প্রহস্তাদির্মহান্নঃ স্বজনো হতঃ।
তস্য নান্যো নিহন্তাঽস্তি ৎবামৃতেশত্রুকর্শন ॥ 3-287-25 (27020)
সদংশিতোঽভিনির্যাহি ৎবমদ্য বলিনাংবর।
রামাদীন্সমরে সর্বাঞ্জহি শত্রূনরিংদম ॥ 3-287-26 (27021)
দূষণাবরজৌ চৈব বজ্রবেগপ্রমাথিনৌ।
তৌ ৎবাং বলেন মহতা সহিতাবনুয়াস্যতঃ ॥ 3-287-27 (27022)
ইত্যুক্ৎবা রাক্ষুসপতিঃ কুম্ভকর্ণং তরস্বিনম্।
সংদিদেশেতিকর্তব্যে বজ্রবেগপ্রমাথিনৌ ॥ 3-287-28 (27023)
তথ্ত্যুক্ৎবা যুতৌ বীরৌ রাবণং দূষাণানুজৌ।
কুম্ভকর্ণং পুরস্কৃত্য তূর্ণং নির্যযতুঃ পুরাৎ ॥ 3-287-29 (27024)
ইতি শ্রীমন্মহাভারতে অরণ্যপর্বণি রামোপাখ্যানপর্বণি সপ্তাশীত্যধিকদ্বিশততমোঽধ্যায়ঃ ॥ 287 ॥
Mahabharata - Vana Parva - Chapter Footnotes
3-287-11 রক্ষোমহামাত্রং রক্ষঃশ্রেষ্ঠম্ ॥ 3-287-21 আগতসাধ্বসঃ জাতভয়ঃ ॥অরণ্যপর্ব - অধ্যায় 288
॥ শ্রীঃ ॥
3.288. অধ্যায়ঃ 288
Mahabharata - Vana Parva - Chapter Topics
লক্ষ্মণেন কুম্ভকর্ণবধঃ ॥ 1 ॥ হনুমন্নীলাক্ষ্যাং বজ্রবেগপ্রমাথিনোর্বধঃ ॥ 2 ॥Mahabharata - Vana Parva - Chapter Text
3-288-0 (27025)
মার্কণ্ডেয় উবাচ। 3-288-0x (2713)
ততো নির্যায় স্বপুরাৎকুম্ভকর্ণঃ সহানুগঃ।
অপশ্যৎকপিসৈন্যং রতজ্জিতকাশ্যগ্রতঃ স্থিতম্ ॥ 3-288-1 (27026)
স বীক্ষমাণস্তৎসৈন্যং রামদর্শনকাঙ্ক্ষয়া।
অপশ্যচ্চাপি সৌমিত্রিং ধনুষ্পাণিং ব্যবস্থিতম্ ॥ 3-288-2 (27027)
তমভ্যেত্যাশু হরয়ঃ পরিবব্রুঃ সমন্ততঃ।
`শৈলবৃক্ষায়ুধা নাদানমুঞ্চন্ভীষণাস্ততঃ' ॥ 3-288-3 (27028)
অভ্যঘ্নংশ্চ মহাকায়ৈর্বহুভির্জগতীরুহৈঃ।
করজৈরতুদংশ্চান্যে বিহায় ভয়মুত্তমম্ ॥ 3-288-4 (27029)
বহুধা যুধ্যমানাস্তে যুদ্ধমার্গৈঃ প্লবংগমাঃ।
নানাপ্রহরণৈর্ভীমৈ রাক্ষসেন্দ্রমতাডয়ন্ ॥ 3-288-5 (27030)
স তাড্যমানঃ প্রহসন্ভক্ষয়ামাস বানরান্।
বলং চণ্ডবলাখ্যং চ বজ্রবাহুং চ বানরম্ ॥ 3-288-6 (27031)
তদ্দৃষ্ট্বা ব্যথনং কর্ম কুম্ভকর্ণস্য রক্ষসঃ।
উদক্রোশন্পরিত্রস্তাস্তারপ্রভৃতয়স্তদা ॥ 3-288-7 (27032)
তানুচ্চৈঃ ক্রোশতঃ সৈন্যাঞ্শ্রুৎবা স হরিয়ূথপান্।
অভিদুদ্রাব সুগ্রীবঃ কুম্ভকর্ণমপেতভীঃ ॥ 3-288-8 (27033)
ততো নিপত্য বেগেন কুম্ভকর্ণং মহামনা।
সালেন জঘ্নিবান্মূর্ধ্নিং বলেন কপিকুঞ্জরঃ ॥ 3-288-9 (27034)
স মহাত্মা মহাবেগঃ কুম্ভকর্ণস্ মূর্ধনি।
বিভেদ সালং সুগ্রীবো ন চৈবাব্যথয়ৎকপিঃ ॥ 3-288-10 (27035)
ততো বিনদ্যসহসা সালস্পর্শবিবোধিতঃ।
দোর্ভ্যামাদায় সুগ্রীবং কুম্ভকর্ণোঽহরদ্বলাৎ ॥ 3-288-11 (27036)
হ্রিয়মাণং তু সুগ্রীবং কুম্ভকর্ণেন রক্ষসা।
অবেক্ষ্যাভ্যদ্রবদ্বীরঃ সৌমিত্রির্মিত্রনন্দনঃ ॥ 3-288-12 (27037)
সোঽভিপত্য মহর্বেগং রুক্মপুঙ্খং মহাশরম্।
প্রাহিণোৎকুম্ভকর্ণায় লক্ষ্মণঃ পরবীরহা ॥ 3-288-13 (27038)
স তস্য দেহাবরণং ভিত্ৎবা দেহং চ সায়কঃ।
জগাম দারয়ন্ভূমিং রুধিরেণ সমুক্ষিতঃ ॥ 3-288-14 (27039)
তথা স ভিন্নহৃদয়ঃ সমুৎসৃজ্য কপীশ্বরম্।
`বেগেন মহতাঽঽবিষ্টস্তিষ্ঠতিষ্ঠেতি চাব্রবীৎ ॥ 3-288-15 (27040)
কুম্ভকর্ণো মহেষ্বাসঃ প্রগৃহীতশিলায়ুধঃ।
অভিদুদ্রাব সৌমিত্রিমুদ্যম্য মহতীং শিলাম্ ॥ 3-288-16 (27041)
তস্যাভিপততস্তূর্ণং ক্ষুরাভ্যামুচ্ছিতৌ করৌ।
চিচ্ছেদ নিশিতাগ্রাভ্যাং স বভূব চতুর্ভুজঃ ॥ 3-288-17 (27042)
তানপ্যস্ ভুজান্সর্বান্প্রগৃহীতশিলায়ুধান্।
ক্ষুরৈশ্চিচ্ছেদলঘ্বস্ত্রং সৌমিত্রিঃ প্রতিদর্শয়ন্ ॥ 3-288-18 (27043)
স বভূবাতিকায়শ্চ বহুপাদশিরোভুজঃ।
তং ব্রহ্মাস্ত্রেণ সৌমিত্রির্দদারাদ্রিচয়োপমম্ ॥ 3-288-19 (27044)
স পপাত মহাবীর্যো দিব্যাস্ত্রাভিহতো রণে।
মহাশনিবিনির্দগ্ধঃ পাদপোঽঙ্কুরবানিব ॥ 3-288-20 (27045)
তং দৃষ্ট্বা বৃত্রসংকাশং কুম্ভকর্ণং তরস্বিনম্।
গতাসুং পতিতং ভূমৌ রাক্ষসাঃ প্রাদ্রবন্ভয়াৎ ॥ 3-288-21 (27046)
তথাতান্দ্রবতো যোধান্দৃষ্ট্বা তৌ দূষণানুজৌ।
অবস্থাপ্যাথ সৌমিত্রিং সংক্রুদ্ধাবভ্যধাবতাম্ ॥ 3-288-22 (27047)
তাবাদ্রবন্তৌ সংক্রুদ্ধৌ বজ্রবেগপ্রমাথিনৌ।
অভিজগ্রাহ সৌমিত্রির্বিনদ্যোভৌ পতত্রিভিঃ ॥ 3-288-23 (27048)
ততঃ সুতুমুলং যুদ্ধমভবদ্রোমহর্ষণম্।
দূষণানুজয়োঃ পার্থ লক্ষ্মণস্ চ ধীমতঃ ॥ 3-288-24 (27049)
মহতা শরবর্ষেণ রাক্ষসৌ সোঽভ্যবর্পত।
তং চাপিবীরৌ সংক্রুদ্ধাবুভৌ তৌ সমবর্ষতাম্ ॥ 3-288-25 (27050)
মুহূর্তমেবমভবদ্বজ্রবেগপ্রমাথিনোঃ।
সৌমিত্রেশ্চ মহাবাহোঃ সংপ্রহারঃ সুদারুণঃ ॥ 3-288-26 (27051)
অথাদ্রিশৃঙ্গমাদায় হনুমান্মারুতাত্মজঃ।
অভিদ্রুত্যাদদে প্রাণান্বজ্রবেগস্য রক্ষসঃ ॥ 3-288-27 (27052)
নীলশ্চ মহতা গ্রাব্ণা দূপণাবরজং হরিঃ।
প্রমাথিনমভিদ্রুত্য প্রমমাথ মহাবলঃ ॥ 3-288-28 (27053)
ততঃ প্রাবর্তত পুনঃ সংগ্রামঃ কটুকোদয়ঃ।
রামরাবণসৈন্যানামন্যোন্যমভিধাবতাম্ ॥ 3-288-29 (27054)
শতসো নৈর্ঋতান্বন্যা জঘ্নুর্বন্যাংশ্চ নৈর্ঋতাঃ।
নৈর্ঋতাস্তত্রবধ্যন্তে প্রায়েণ ন তু বানরাঃ ॥ 3-288-30 (27055)
ইতি শ্রীমন্মহাভারতে অরণ্যপর্বণি রামোপাখ্যানপর্বণি অষ্টাশীত্যধিকদ্বিশততমোঽধ্যায়ঃ ॥ 288 ॥
Mahabharata - Vana Parva - Chapter Footnotes
3-288-1 জিতকাশি দৃঢমুষ্টি। কাশির্মুষ্টিঃ প্রকাশনাদিতি যাস্ক ॥ 3-288-30 বন্যা বনেচরা বানরাঃ ॥অরণ্যপর্ব - অধ্যায় 289
॥ শ্রীঃ ॥
3.289. অধ্যায়ঃ 289
Mahabharata - Vana Parva - Chapter Topics
লক্ষ্মণএন্দ্রজিতোর্যুদ্ধম্ ॥ 1 ॥ অঙ্গদেনেন্দ্রজিদ্রথভঙ্গে মায়যা তস্যান্তর্ধানে চ রামেণাপি তত্রাগমনম্ ॥ 2 ॥Mahabharata - Vana Parva - Chapter Text
3-289-0 (27056)
মার্কণ্ডেয় উবাচ। 3-289-0x (2714)
ততঃ শ্রুৎবাহতং সঙ্খ্যে কুম্ভকর্ণং সহানুগম্।
প্রহস্তং চ মহেষ্বাসং ধূম্রাক্ষং চাতিতেজসম্ ॥ 3-289-1 (27057)
পুত্রমিনদ্রজিতং বীরং রাবণঃ প্রত্যভাষত।
জহিরামমমিত্রঘ্ন সুগ্রীবং চ সলক্ষ্মণম্ ॥ 3-289-2 (27058)
ৎবয়া হি মম সৎপুত্র যশো দীপ্তমুপার্জিতম্।
জিৎবাবজ্রধরং সঙ্খ্যে সহস্রাক্ষং শচীপতিম্ ॥ 3-289-3 (27059)
অন্তর্হিতঃ প্রকাশো বা দিব্যৈর্দত্তবরৈঃ শরৈঃ।
জহি শত্রূনমিত্রঘ্ন মম শস্ত্রভৃতাংবর ॥ 3-289-4 (27060)
রামলক্ষ্মণসুগ্রীবাঃ শরস্পর্শং ন তেঽনঘ।
সমর্থাঃ প্রতিসোঢুং চ কুতস্তদনুয়ায়িনঃ ॥ 3-289-5 (27061)
অগতা যা প্রহস্তেন কুম্ভকর্ণেন চানঘ।
খরস্যাপচিতিঃ সঙ্খ্যে তাং গচ্ছ ৎবে মহাভুজ ॥ 3-289-6 (27062)
ৎবমদ্য নিশিতৈর্বাণৈর্হৎবা শত্রূন্সসৈনিকান্।
প্রতিনন্দয় মাং পুত্র পুরা জিৎবেব বাসবম্ ॥ 3-289-7 (27063)
ইত্যুক্তঃ স তথেত্যুক্ৎবা রথমাস্থায় দংশিথঃ।
প্রয়যাবিন্দ্রজিদ্রাজংস্তূর্ণমায়োধনং প্রতি ॥ 3-289-8 (27064)
ততো বিশ্রাব্য বিস্পষ্টং নাম রাক্ষসপুঙ্গবঃ।
আহ্বয়ামাস সমরে লক্ষ্মণং শুভলক্ষণম্ ॥ 3-289-9 (27065)
তং লক্ষ্মণোঽভ্যধাবচ্চ প্রগৃহ্য সশরং ধনুঃ।
ত্রাসয়ংস্তলঘোষেণ সিংহঃ ক্ষুদ্রমৃগং যথা ॥ 3-289-10 (27066)
তয়োঃ সমভবদ্যুদ্ধং সুমহজ্জয়গৃদ্ধিনোঃ।
দিব্যাস্ত্রবিদুপোস্তীব্রমন্যোন্যস্পর্ধিনোস্তদা ॥ 3-289-11 (27067)
রাবণিস্তু যদা নৈনং বিশেষয়তি সায়কৈঃ।
ততো গুরুতরং যত্নমাতিষ্ঠদ্বলিনাং বরঃ ॥ 3-289-12 (27068)
তত এবং মহাবেগৈরর্দয়ামাস তোমরৈঃ।
তানাগতান্স চিচ্ছেদ সৌমিত্রির্নিশিতৈঃ শরৈঃ ॥ 3-289-13 (27069)
তে নিকৃত্তাঃ শরৈস্তীক্ষ্ণৈর্ন্যপতন্ধরণীতলে।
`সাধকা রাবণেরাজৌ শতশঃ শকলীকৃতাঃ ॥ 3-289-14 (27070)
তমঙ্গদো বালিসুতঃ শ্রীমানুদ্যম্য পাদপম্।
অভিদ্রুত্য মহাবেগস্তাডয়ামাস মূর্ধনি ॥ 3-289-15 (27071)
তস্যেন্দ্রজিদসংভ্রান্তঃ প্রাসেনোরসি বীর্যবান্।
প্রহর্তুমৈচ্ছত্তং চাস্য প্রাসং চিচ্ছেদ লক্ষ্মণঃ ॥ 3-289-16 (27072)
তমভ্যাশগতং বীরমঙ্গদং রাবণাত্মজঃ।
গদয়াঽতাডয়ৎসব্যে পার্শ্বেবানরপুঙ্গবম্ ॥ 3-289-17 (27073)
তমচিন্ত্য প্রহারং স বলবান্বালিনঃ সুতঃ।
সসর্জেন্দ্রজিতঃ ক্রোধাৎসালস্কন্ধং তথাঙ্গদঃ ॥ 3-289-18 (27074)
সোঽঙ্গদেন রুপোৎসৃষ্টো বধায়েন্দ্রজিতস্তরুঃ।
জঘানেন্দ্রজিতঃ পার্থ রথং সাশ্বং সসারথিম্ ॥ 3-289-19 (27075)
ততো হতাশ্বাৎপ্রস্কন্দ্য রথাৎস হতসারথিঃ।
তত্রৈবান্তর্দধে রাজন্মায়যা রাবণাত্মজঃ ॥ 3-289-20 (27076)
অন্তর্হিতং বিদিৎবা তং বহুমায়ং চ রাক্ষসম্।
রামস্তং দেশমাগম্য তৎসৈন্যং পর্যরক্ষত ॥ 3-289-21 (27077)
স রামমুদ্দিশ্য শরৈস্ততো দত্তবরৈস্তদা।
বিব্যাধ সর্বগাত্রেষু লক্ষ্মণং চ মহাবলম্ ॥ 3-289-22 (27078)
তমদৃশ্যংশরৈঃ শূরৌ মায়যাঽন্তর্হিতং তদা।
যোধয়ামাসতুরুভৌ রাবণিং রামলক্ষ্মণৌ ॥ 3-289-23 (27079)
স রুষা সর্বগাত্রেষু তয়োঃ পুরুষসিংহয়োঃ।
ব্যসৃজৎসায়কান্ভূয়ঃ শতশোঽথ সহস্রশঃ ॥ 3-289-24 (27080)
তমদৃশ্যং বিচিন্বন্তঃ সৃজন্তমনিশং শরান্।
হরয়ো বিবিশুর্ব্যোম প্রগৃহ্য মহতীঃ শিলাঃ ॥ 3-289-25 (27081)
তাংশ্চ তৌ চাপ্যদৃশ্যঃ সশরৈর্বিব্যাধ রাক্ষসঃ।
স ভৃশং তাডয়ামাস রাবণির্মায়যা বৃতঃ ॥ 3-289-26 (27082)
তৌ শরৈরর্দিতৌ বীরৌ ভ্রারৌ রামলক্ষ্মণৌ।
পেততুর্গগনাদ্ভূমিং সূর্যাচন্দ্রমসাবিব ॥ 3-289-27 (27083)
ইতি শ্রীমন্মহাভারতে অরণ্যপর্বণি রামোপাখ্যানপর্বণি একোননবত্যধিকদ্বিশততমোঽধ্যায়ঃ ॥ 289 ॥
Mahabharata - Vana Parva - Chapter Footnotes
3-289-18 রাসর্জ উৎসৃষ্টবান্। সালস্কন্ধং মহাস্কন্ধং তরুম্ ॥ 3-289-26 তান্ হরীন্। তৌ চ রামলক্ষ্মণৌ ॥অরণ্যপর্ব - অধ্যায় 290
॥ শ্রীঃ ॥
3.290. অধ্যায়ঃ 290
Mahabharata - Vana Parva - Chapter Topics
ইন্দ্রজিচ্ছরজালবন্ধেন মোহাধিগমপূর্বকং ভূমৌ পতিতয়ো রামলক্ষ্মণয়োর্বিভীষণেন প্রজ্ঞানাস্ত্রেণ মোহাপনোদনম্ ॥ 1 ॥ তথা সুগ্রীবেণ মহৌষধ্যা তয়োর্বিশল্যীকরণম্ ॥ 2 ॥ ততো রামাদীনাং নেত্রেষু কুবেরদূতানীতজলমার্জনেনাতীন্দ্রিয়বনস্তুদর্শনশক্ত্যুদয়ঃ ॥ 3 ॥ ততঃ পুনরুপাগতস্যেন্প্রজিতো লক্ষ্মণেন বধঃ ॥ 4 ॥ ততঃ পুত্রবধামর্ষেণ সীতাবধোদ্যতস্য রাবণস্যাবিন্ধ্যাখ্যেন বৃদ্ধামাত্যেন সাম্না ততো বিনিবর্তনম্ ॥ 5 ॥Mahabharata - Vana Parva - Chapter Text
3-290-0 (27084)
মার্কণ্ডেয় উবাচ। 3-290-0x (2715)
তাবুভৌ পতিতৌ দৃষ্ট্বা ভ্রাতরৌ রামলক্ষ্মণৌ।
ববন্ধ রাবণির্ভূয়ঃ শরৈর্দত্তবরৈস্তদা ॥ 3-290-1 (27085)
তৌ বীরৌ শরজালেন বদ্ধাবিন্দ্রজিতা রণে।
রেজতুঃ পুরুষব্যাঘ্রৌ শকুন্তাবিব পঞ্জরে ॥ 3-290-2 (27086)
দৃষ্ট্বা নিপতিতৌ ভূমৌ সর্বাঙ্গেষু শরাচিতৌ।
সুগ্রীবঃ কপিভিঃ সার্ধং পরিবার্যোপতস্তিবান্ ॥ 3-290-3 (27087)
সুষেণমৈন্দদ্বিবিদৈঃ কুমুদেনাঙ্গদেন চ।
হনুমননীলতারৈশ্চ নলেন চ কপীশ্বরঃ ॥ 3-290-4 (27088)
ততস্তং দেশমাগম্য কৃতকর্মা বিভীষণঃ।
বোধয়ামাস তৌ বীরৌ প্রজ্ঞাস্ত্রেণ প্রমোহিতৌ ॥ 3-290-5 (27089)
বিশল্যৌ চাপি সুগ্রীবঃ ক্ষণেনৈতৌ চকার হ।
বিশল্যযা মহৌষধ্যা দিব্যমন্ত্রপ্রয়ুক্তয়া ॥ 3-290-6 (27090)
তৌ লব্ধসংজ্ঞৌ নৃবরৌ বিশল্যাবুদতিষ্ঠতাম্।
উভৌ গতক্লমৌ চাস্তাং ণেনৈতৌ মহারথৌ ॥ 3-290-7 (27091)
ততো বিভীষণঃ পার্থ রামমিক্ষ্বাকুনন্দনম্।
উবাচ বিজ্বরং দৃষ্ট্বা কৃতাঞ্জলিরিদং বচঃ ॥ 3-290-8 (27092)
অয়মম্ভো গৃহীৎবাতু রাজরাজস্ শাসনাৎ।
গুহ্কোঽভ্যাগতঃ শ্লেতাত্ৎবৎসকাশমরিংদম ॥ 3-290-9 (27093)
ইদমম্ভঃ কুবেরস্তে মহারাজ প্রয়চ্ছতি।
অন্তর্হিতানাং ভূতানাং দর্শনার্থং পরংতপ ॥ 3-290-10 (27094)
অনেন মৃষ্টনয়নো ভূতান্যন্তর্হিতান্যুত।
ভবান্দ্রক্ষ্যতি যস্মৈ চ ভবানেতৎপ্রদাস্যতি ॥ 3-290-11 (27095)
তথেতি রামস্তদ্বারি প্রতিগৃহ্যাভিসংস্কৃতম্।
চকার নেত্রয়োঃ শৌচং লক্ষ্মণশ্চ মহামনাঃ ॥ 3-290-12 (27096)
সুগ্রীবজাম্ববন্তৌ চহনুমানঙ্গদস্তথা।
মৈন্দদ্বিবিদনীলাশ্চ প্রায়ঃ প্লবগসত্তমাঃ ॥ 3-290-13 (27097)
তথাসমভবচ্চাপি যদুবাচ বিভীষণঃ।
ক্ষণেনাতীন্দ্রিয়াণ্যেষাং চক্ষুংষ্যাসন্যুধিষ্ঠির ॥ 3-290-14 (27098)
ইন্দ্রজিৎকৃতকর্মা তু পিত্রে কর্ম তদাঽঽত্মনঃ।
নিবেদ্য পুনরাগচ্ছত্ৎবরয়াঽঽজিশিরঃপ্রতি ॥ 3-290-15 (27099)
তমাগতং তু সংক্রুদ্ধং পুনরেব যুয়ুৎসয়া।
অভিদুদ্রাব সৌমিত্রির্বিভীষণমতে স্থিতঃ ॥ 3-290-16 (27100)
অকৃতাহ্নিকমেবৈনং জিঘাংসুর্জিতকাশিনম্।
শরৈর্জঘান সংক্রুদ্ধঃ কৃতসংজ্ঞোঽথ লক্ষ্মণঃ ॥ 3-290-17 (27101)
তয়োঃ সমভবদ্যুদ্ধং তদাঽন্যোন্যং জীগীষতোঃ।
অতীব চিত্রমাশ্চর্যং শক্রপ্রহ্লাদয়োরিব ॥ 3-290-18 (27102)
অবিধ্যদিন্দ্রজিত্তীক্ষ্ণৈঃ সৌমিত্রিং মর্মভেদিভিঃ।
সৌমিত্রিশ্চানলস্পর্শৈরবিধ্যদ্রাবণিং শরৈঃ ॥ 3-290-19 (27103)
সৌমিত্রিশরসংস্পর্শাদ্রাবণিঃ ক্রোধমূর্চ্ছিতঃ।
অসৃজল্লক্ষ্মণায়াষ্টৌ শরানাশীবিষোপমান্ ॥ 3-290-20 (27104)
তস্যেষূন্পাবকস্পর্শৈঃ সৌমিত্রিঃ পত্রিভিস্ত্রিভিঃ।
`বারয়ামাস নারাচৈঃ সৌমিত্রির্মিত্রনন্দনঃ ॥ 3-290-21 (27105)
অসৃজল্লক্ষ্মণশ্চাষ্টৌ রাক্ষসায় শরান্পুনঃ'।
তথা তং ন্যহনদ্বীরস্তন্মে নিগদতঃ শৃণু ॥ 3-290-22 (27106)
একেনাস্য ধনুষ্মন্তং বাহুং দেহাদপাতয়ৎ।
দ্বিতীয়েন তু বাণেন ভুজমন্যমপাতয়ৎ ॥ 3-290-23 (27107)
তৃতীয়েন তু বাণেন শিতধারেণ ভাস্বতা।
জহার সুনসং চাপি শিরো জ্বলিতকুণ্ডলম্ ॥ 3-290-24 (27108)
বিনিকৃত্তভুজস্কন্ধঃ কবন্ধাকৃতিদর্শনঃ।
`পপাত বসুধায়াং তু ছিন্নমূল ইবদ্রুমঃ' ॥ 3-290-25 (27109)
তং হৎবাসূতমপ্যস্ত্রৈর্জঘান বলিনংবরঃ।
লঙ্কাং প্রবেশয়ামাসুস্তং রথং বাজিনস্তদা ॥ 3-290-26 (27110)
দদর্শ রাবণস্তং চ রথং পুত্রবিনাকৃতম্।
স পুত্রং নিহতং শ্রুৎবা ত্রাসাৎসংভ্রান্তমানসঃ। 3-290-27 (27111)
রাবণঃ শোকমোহার্তো বৈদেহীং হন্তুমুদ্যতঃ ॥
ঙ্গমাদায় দুষ্টাত্মা জবেনাভিপপাত হ ॥ 3-290-28 (27112)
তং দৃষ্ট্বাতস্য দুর্বুদ্দেরবিন্ধ্যঃ পাপনিশ্চয়ম্।
শময়ামাস সংক্রুদ্ধং শ্রূয়তাং যেন হেতুনা ॥ 3-290-29 (27113)
মহারাজ্যেস্থিতো দীপ্তে ন স্ত্রিয়ং হন্তুমর্হসি।
হতৈবৈষা যদা স্ত্রী চ কবন্ধনস্থা চ তে বশে ॥ 3-290-30 (27114)
ন চৈষা দহভেদেন হতাস্যাদিতি মে মতিঃ।
জহি ভর্তারমেবাস্যা হতে তস্মিন্হতা ভবেৎ ॥ 3-290-31 (27115)
ন হি তে বিক্রমে তুল্যঃ সাক্ষাদপি শতক্রতুঃ।
অসকৃদ্ধি ৎবয়া সন্দ্রাস্ত্রাসিতাস্ত্রিদসা যুধি ॥ 3-290-32 (27116)
এবং বহুবিধৈর্বাক্যৈরবিন্ধ্যো রাবণং তদা।
ক্রুদ্ধং সংশময়ামাস জগৃহে চ স তদ্বচঃ ॥ 3-290-33 (27117)
নির্যাণে স মতিং কৃৎবা নিয়ন্তারং ক্ষপাচরঃ।
আজ্ঞাপয়ামাস তদারথো মে কল্প্যতামিতি ॥ 3-290-34 (27118)
ইতি শ্রীমন্মহাভারতে অরণ্যপর্বণি রামোপাখ্যানপর্বণি নবত্যধিকদ্বিশততমোঽধ্যায়ঃ ॥ 290 ॥
Mahabharata - Vana Parva - Chapter Footnotes
3-290-14 অতীন্দ্রিয়াণ্যতীন্দ্রিয়ার্থগ্রাহকাণি ॥ 3-290-17 কৃতসংজ্ঞ বিভীষণেন সংকেতিতঃ ॥ 3-290-34 নিধায়াসিং ক্ষপাচর ইতি ঝ. পাঠঃ। নিধায় বদ্ধ্বা। অসিং খঙ্গম্ ॥অরণ্যপর্ব - অধ্যায় 291
॥ শ্রীঃ ॥
3.291. অধ্যায়ঃ 291
Mahabharata - Vana Parva - Chapter Topics
ইন্দ্রজিদ্বধক্রোধাদ্রাবণেন ৎবয়মেব যুদ্ধায় রামংপ্রত্যভিয়ানম্ ॥ 1 ॥ তদা ইন্দ্রেণ রামায় মাতলিসনায়স্য নিজরথস্য প্রেষণম্ ॥ 2 ॥ শ্রীরামেণ মায়ায়োধিনো রাবণস্য ব্রহ্মাস্ত্রেণ হননম্ ॥ 3 ॥Mahabharata - Vana Parva - Chapter Text
3-291-0 (27119)
মার্কণ্ডেয় উবাচ। 3-291-0x (2716)
ততঃ ক্রুদ্ধো দশগ্রীবঃ প্রিয়ে পুত্রে নিপাতিতে।
নির্যযৌ রথমাস্থায় হেমরত্নবিভূষিতম্ ॥ 3-291-1 (27120)
সংবৃতোরাক্ষসৈর্ঘেরৈর্বিবিধায়ুধপাণিভিঃ।
অভিদুদ্রাব রামং স পোথয়ন্হরিয়ূথপান্ ॥ 3-291-2 (27121)
তমাদ্রবন্তং সংক্রুদ্ধ মৈন্দনীলনলাঙ্গদাঃ।
হনুমাঞ্জাম্ববাংশ্চৈব সসৈন্যাঃ পর্যবারয়ন্ ॥ 3-291-3 (27122)
তে দশগ্রীবসৈন্যং তদৃক্ষবানরপুঙ্গবাঃ।
দ্রুমৈর্বিধ্বংসয়াংচক্রুর্দশগ্রীবস্য পশ্যতঃ ॥ 3-291-4 (27123)
ততঃ স্বসৈন্যমালোক্য বধ্যমানমরাতিভিঃ।
মায়াবী চাসৃজন্মায়াং রাবণো রাক্ষসাধিপঃ ॥ 3-291-5 (27124)
তস্য দেহবিনিষ্ক্রান্তাঃ শতশোঽথ সহস্রশঃ।
রাক্ষসাঃ প্রত্যদৃশ্যন্ত শরশক্ত্যৃষ্টিপাণয়ঃ ॥ 3-291-6 (27125)
তান্রামো জঘ্নিবান্সর্বান্দিব্যেনাস্ত্রেণ রাক্ষসান্।
অথ ভূয়োপি মায়াং স ব্যদধাদ্রাক্ষসাধিপঃ ॥ 3-291-7 (27126)
কৃৎবা রামস্ রূপাণি লক্ষ্মণস্য চ ভারত।
অভিদুদ্রাব রামং চ লক্ষ্মণং চ দশাননঃ ॥ 3-291-8 (27127)
ততস্তে রামমর্চ্ছন্তো লক্ষ্মণং চ ক্ষপাচরাঃ।
অভিপেতুস্তদা রামং প্রগৃহীতশরাসনাঃ ॥ 3-291-9 (27128)
তাং দৃষ্ট্বারাক্ষসেন্দ্রস্ মায়ামিক্ষ্বাকুনন্দনঃ।
উবাচ রামঃ সৌমিত্রিমসংভ্রান্তো বৃহদ্বচঃ ॥ 3-291-10 (27129)
জহীমান্রাক্ষসান্পাপানাত্মনঃ প্রতিরূপকান্।
ইত্যুক্ৎবাঽভ্যহনদ্রামো লক্ষ্মণশ্চাত্মরূপকান্ ॥ 3-291-11 (27130)
ততো হর্যশ্বয়ুক্তেন রথেনাদিত্যবর্চসা।
উপতস্থে রণে রামং মাতলিঃ শক্রসারথিঃ ॥ 3-291-12 (27131)
মাতলিরুবাচ। 3-291-13x (2717)
অয়ং হর্যশ্বয়ুগ্জৈত্রো মঘোনঃ স্যন্দনোত্তমঃ।
`ৎবদর্থমিহ সংপ্রাপ্তঃ সংদেশাদ্বৈ শতক্রতোঃ' ॥ 3-291-13 (27132)
অনেন শক্রঃ কাকুৎস্থ সমরে দৈত্যদানবান্।
শতশঃ পুরুষব্যাঘ্র রথোদারেণ জঘ্নিবান্ ॥ 3-291-14 (27133)
তদনন নরব্যাঘ্র ময়া যত্তেন সংয়ুগে।
স্যন্দনেন জহিক্ষিপ্রং রাবণং মা চিরং কৃথাঃ ॥ 3-291-15 (27134)
ইত্যুক্তো রাঘবস্তথ্যং বচোঽশঙ্কত মাতলেঃ।
মায়ৈষারাক্ষসস্যেতি তমুবাচ বিবীষণঃ ॥ 3-291-16 (27135)
নেয়ং মায়া নরব্যাঘ্ররাবণস্ দুরাত্মনঃ।
তদাতিষ্ঠ রথংশীঘ্রমিমসৈন্দ্রং মহাদ্যুতে ॥ 3-291-17 (27136)
ততঃ প্রহৃষ্টঃ কাকুৎস্থস্তথেত্যুক্ৎবা বিভীষণম্।
রথেনাভিপপাতাথ দশগ্রীবং রুষাঽন্বিতঃ ॥ 3-291-18 (27137)
হাহাকুতানি ভূতানি রাবণে সমভিদ্রুতে।
সিংহনাদাঃ সপটহাদিতি দিব্যাস্তথাঽনদন্ ॥ 3-291-19 (27138)
[দশকন্ধররাজসূন্বোস্তথা যুদ্ধমভূন্মহৎ।
অলব্ধোপমমন্যত্রতয়োরেব তথাঽভবৎ ॥] 3-291-20 (27139)
সরামায় মহাঘোরং বিসসর্জ নিশাচরঃ।
শূলমিন্দ্রাশনিপ্রখ্যং ব্রহ্মদণ্ডভিবোদ্যতম্ ॥ 3-291-21 (27140)
তচ্ছূলং সৎবরং রামশ্চচ্ছেদ নিশিতৈঃ শরৈঃ।
তদ্দৃষ্ট্বা দুষ্করং কর্ম রাবণং ভয়মাবিশৎ ॥ 3-291-22 (27141)
ততঃ ক্রুদ্ধঃ সসর্জাশু দশগ্রীবঃ শিতাঞ্ছরান্।
সহস্রায়ুতশো রামে শস্ত্রাণি বিবিধানি চ ॥ 3-291-23 (27142)
ততো ভুশুণ্ডীঃ শূলানি মুসলানি পরশ্বথান্।
শক্তীশ্চ বিবিধাকারাঃ শতঘ্নীশ্চ শিতান্ক্ষুরান্ ॥ 3-291-24 (27143)
তাং মায়াংবিবিধাং দৃষ্ট্বা দশগ্রীবস্য রক্ষসঃ।
ভয়াৎপ্রদুদ্রুবুঃ সর্বে বানরাঃ সর্বতোদিশম্ ॥ 3-291-25 (27144)
ততঃ সুপত্রং সুমুখংহেমপুঙ্গং শরোত্তমম্।
তূণাদাদায় কাকুৎস্থো ব্রহ্মাস্ত্রেণ যুয়োজ হ ॥ 3-291-26 (27145)
তং প্রেক্ষ্যবাণং রামেণ ব্রহ্মাস্ত্রেণানুমন্ত্রিতম্।
জহৃষুর্দেবগন্ধর্বা দৃষ্ট্বা শক্রপুরোগমাঃ ॥ 3-291-27 (27146)
অল্পাবশেষমায়ুশ্চ ততোঽমন্যন্ত রক্ষসঃ।
ব্রহ্মাস্ত্রোদীরণাচ্ছত্রোর্দেবদানবকিংনরাঃ ॥ 3-291-28 (27147)
ততঃ সসর্জ তং রামঃ শরমপ্রতিমৌজসম্।
রাবণান্তকরং ঘোরং ব্রহ্মদণ্ডমিবোদ্যতম্ ॥ 3-291-29 (27148)
মুক্তমাত্রেণ রামেণ দূরাকৃষ্টেন ভারত।
স তেন রাক্ষসশ্রেষ্ঠঃ সরথঃ সাশ্বসারথিঃ।
প্রজজ্বাল মহাজ্বালেনাগ্নিনাভিপরিপ্লুতঃ ॥ 3-291-30 (27149)
ততঃ প্রহৃষ্টাস্ত্রিদশাঃ সহগন্ধর্বচারণাঃ।
নিহতং রাবণং দৃষ্ট্বা রামেণাক্লিষ্টকর্মণা ॥ 3-291-31 (27150)
তত্যজুস্তং মহাভাগং পঞ্চভূতানি রাবণম্।
ভ্রংশিতঃ সর্বলোকেষু স হি ব্রহ্মাস্ত্রতেজসা ॥ 3-291-32 (27151)
শরীরধাতবো হ্যস্ মাসং রুধিরমেব চ।
নেশুর্ব্রহ্মাস্ত্রনির্দগ্দা ন চ ভস্মাপ্যদৃশ্যত ॥ 3-291-33 (27152)
ইতি শ্রীমন্মহাভারতে অরণ্যপর্বণি রামোপাখ্যানপর্বণি একনবত্যধিকদ্বিশততমোঽধ্যায়ঃ ॥ 291 ॥
Mahabharata - Vana Parva - Chapter Footnotes
3-291-8 রামস্য রূপং কৃৎবালক্ষ্মণমভিদুদ্রাব লক্ষ্মণস্য রূপং কৃৎবা রামমিতি যেজনা ॥ 3-291-32 পঞ্চভূতানি তত্যজুর্মৃত ইত্যর্থঃ ॥অরণ্যপর্ব - অধ্যায় 292
॥ শ্রীঃ ॥
3.292. অধ্যায়ঃ 292
Mahabharata - Vana Parva - Chapter Topics
রাবণবধানন্তরমবিন্ধ্যনাম্না রাক্ষসবৃদ্ধেন রামসমীপংপ্রতি সীতায়া আনয়নম্ ॥ 1 ॥ সূতয়া স্বশীলশঙ্কিনো রামস্যানঙ্গীকারবচনশ্রবণেন বূমৌ পতনম্ ॥ 2 ॥ অন্তরিক্ষগতৈর্ব্রহ্মাদিভিঃ সীতায়াঃ সৌশীল্যখ্যাপনপূর্বকং রামংপ্রতি তদ্গ্রহণচোদনা ॥ 3 ॥ রামেণ সীতালক্ষ্মণাদিভিঃ সহায়োধ্যাংপ্রতি প্রস্থানম্ ॥ 4 ॥ দূত্যেন ভরতংপ্রতি হনুমৎপ্রেষণপূর্বকং নন্দিগ্রামমাগতেন রামেণ ভরতাধিভিঃ সহায়োধ্যাংপ্রত্যাগমনম্ ॥ 5 ॥ বসিষ্ঠাদিভিঃ সীতয়া সহ রাজ্যেঽভিপিক্তেন রামেণ সুগ্রীববিভীষণাদীনাং সবহুমানং স্বস্বপুরপ্রেষণপূর্বকং প্রজাপালনম্ ॥ 6 ॥Mahabharata - Vana Parva - Chapter Text
3-292-0 (27153)
মার্কণ্ডেয় উবাচ। 3-292-0x (2718)
স হৎবা রাবয়ণং ক্ষুদ্রং রাক্ষসেনদ্রং সুরদ্বিষম্।
বভূব হৃষ্টঃ সসুহৃদ্রামঃ সৌমিত্রিণা সহ ॥ 3-292-1 (27154)
ততো হতে দশগ্রীবে দেবাঃ সর্ষিপুরোগমাঃ।
আশীর্ভির্জয়যুক্তাভিরানর্চুস্তং মহাভুজম্ ॥ 3-292-2 (27155)
রামং কমলপত্রাক্ষং তুষ্টুবুঃ সর্বদেবতাঃ।
গন্ধর্বাঃ পুষ্পবর্ষৈশ্চ বাগ্ভিশ্চ ত্রিদশালয়াঃ ॥ 3-292-3 (27156)
পূজয়িৎবা রণে রামং প্রতিজগ্মুর্যথাগতম্।
তন্মহোৎসবসংকাশমাসীদাকাশমচ্যুত ॥ 3-292-4 (27157)
ততো হৎবা দশগ্রীবং লঙ্কাং রামো মহায়শাঃ।
বিভীষণায় প্রদদৌ প্রভুঃ পরপুরংজয়ঃ ॥ 3-292-5 (27158)
ততঃ সীতাং পুরস্কৃত্য বিভীষণপুরস্কৃতাম্।
অবিন্ধ্যো নাম সুপ্রজ্ঞো বৃদ্ধামাত্যো বিনির্যযৌ ॥ 3-292-6 (27159)
উবাচ চ মহাত্মানং কাকুৎস্থং দৈন্যমাস্থিতম্।
প্রতীচ্ছ দেবীং সদ্বৃত্তাং মহাত্মঞ্জানকীমিতি ॥ 3-292-7 (27160)
এতচ্ছ্রুৎবা বচস্তস্মাদবতীর্য রথোত্তমাৎ।
বাষ্পেণাপিহিতাং সীতাং দদর্শেক্ষ্বাকুনন্দনঃ ॥ 3-292-8 (27161)
তাং দৃষ্ট্বা চারুসর্বাঙ্গীং যানস্থাং শোককর্শিতাম্।
মলোপচিতসর্বাঙ্গীং জটিলাং কৃষ্ণবাসসম্ ॥ 3-292-9 (27162)
উবাচ রামো বৈদেহীং পরামর্শবিশঙ্কিতঃ।
`লক্ষয়িৎবেঙ্গিতং সর্বং প্রিয়ং তস্যৈ নিবেদ্য সঃ' ॥ 3-292-10 (27163)
গচ্ছ বৈদেহি মুক্তা ৎবং যৎকার্যং তনময়া কৃতম্।
মামাসাদ্যপতিং ভদ্রে ন ৎবং রাক্ষসবেশ্মনি।
জরাং ব্রজেথা ইতিমে নিহতোসৌ নিশাচরঃ ॥ 3-292-11 (27164)
কথং হ্যস্মদ্বিধো জাতু জানন্ধর্মবিনিশ্চয়ম্।
পরহস্তগতাং নারীং মুহূর্তমপি ধারয়েৎ ॥ 3-292-12 (27165)
সুবৃত্তামসুবৃত্তাং বাঽপ্যহং ৎবামদ্য মৈথিলি।
নোৎসহে পরিভোগায় শ্বাবলীঢং হবির্যথা ॥ 3-292-13 (27166)
ততঃ সা সহসা বালা তচ্ছ্রুৎবা দারুণং বচঃ।
পপাত দেবী ব্যথিতা নিকৃত্তা কদলী যথা ॥ 3-292-14 (27167)
যোপ্যস্যা হর্ষসংভূতো মুখরাগঃ পুরাঽভবৎ।
ক্ষণেন সপুনর্নষ্টো নিঃশ্বাসাদিব দর্পণে ॥ 3-292-15 (27168)
ততস্তে হরয়ঃ সর্বে তচ্ছ্রুৎবা রামভাষিতম্।
গতাসুকল্পা নিশ্চেষ্টা বভূবুঃ সহলক্ষ্মণাঃ ॥ 3-292-16 (27169)
ততো দেবো বিশুদ্ধাত্মা বিমানেন চতুর্মুখঃ।
পদ্ময়োনির্জগৎস্রষ্টা দর্শয়ামাস রাঘবম্ ॥ 3-292-17 (27170)
শক্রশ্চাগ্নিশ্চ বায়ুশ্চয়মো বরুণ এব চ।
যক্ষাধিপশ্চ ভগবাংস্তথা সপ্তর্ষয়োঽমলাঃ ॥ 3-292-18 (27171)
রাজা দশরথশ্চৈব দিব্যভাস্বরমূর্তিমান্।
বিমানেন মহার্হেণ হংসয়ুক্তেন ভাস্বতা ॥ 3-292-19 (27172)
ততোঽন্তরিক্ষং তৎসর্বংদেবগন্ধর্বসংকুলম্।
শুশুভে তারকাচিত্রং শরদীব নভস্তলম্ ॥ 3-292-20 (27173)
তত উত্থায় বৈদেহী তেষাং মধ্যযশস্বিনী।
উবাচ বাক্যং কল্যাণী রামং পৃথুলবক্ষসম্ ॥ 3-292-21 (27174)
রাজপুত্র ন তে কোপং করোমি বিদিতাহি মে।
গতিঃ স্ত্রীণাং নরাণাং চ শৃণু চদং বচো মম ॥ 3-292-22 (27175)
অন্তশ্চরতিভূতানাং মাতরিশ্বা সদাগতিঃ।
স মে বিমুঞ্চতু প্রাণান্যদি পাপং চরাম্যহম্ ॥ 3-292-23 (27176)
অগ্নিরাপস্তথাঽঽকাশং পৃথিবী বায়ুরেব চ।
বিমুঞ্চন্তু মম প্রাণান্যদি পাপং চরাম্যহম্ ॥ 3-292-24 (27177)
যথাঽহং ৎবদৃতেবীর নান্যংস্বপ্নেঽপ্যচিন্তয়ম্।
তথা মে দেব নির্দিষ্টস্ৎবমেব হি পতির্ভব ॥ 3-292-25 (27178)
ততোঽন্তরিক্ষে বাগারীৎসুভগা লোকসাক্ষিণী।
পুণ্যাসংহর্ষণী তেষাং বানরাণাং মহাত্মনাম্ ॥ 3-292-26 (27179)
বায়ুরুবাচ। 3-292-27x (2719)
বোভো রাঘব সত্যং বৈ বায়ুরস্মি সদাগতিঃ।
অপাপা মৈথিলী রাজন্সংগচ্ছসহভার্যযা ॥ 3-292-27 (27180)
অগ্নিরুবাচ। 3-292-28x (2720)
অহমন্তঃশরীরস্থো ভূতানাং রঘুনন্দন।
সুসূক্ষ্মমপি কাকুৎস্থ মৈথিলীনাপরাধ্যতি ॥ 3-292-28 (27181)
বরুণ উবাচ। 3-292-29x (2721)
রসাবৈ মৎপ্রসূতা হি ভূতদেহেষু রাঘব।
অহংবৈ ৎবাং প্রব্রবীমি মৈথিলী প্রতিগৃহ্যতাম্ ॥ 3-292-29 (27182)
যম উবাচ। 3-292-30x (2722)
`ধর্মোঽহমস্মি কাকুৎস্থ সাক্ষী লোকস্য কর্মণাম্।
শুভাশুভানাং সীতেয়মপাপা প্রতিগৃহ্যতাম্' ॥ 3-292-30 (27183)
ব্র্হমোবাচ। 3-292-31x (2723)
পুত্র নৈতদিহাশ্চর্যং ৎবয়ি রাজর্ষিধর্মণি।
সাধো সদ্বৃত্ত কাকুৎস্থ শৃণু চেদং বচো মম ॥ 3-292-31 (27184)
শত্রুরেষ ৎবয়া বীর দেবগনধর্বভোগিনাম্।
যক্ষাণাং দানবানাং চ মহর্ষীণাং চ পাতিতঃ ॥ 3-292-32 (27185)
অবধ্যঃ সর্বভূতানাং মৎপ্রসাদাৎপুরাঽভবৎ।
কস্মাচ্চিৎকারণাৎপাপঃ কংচিৎকালমুপেক্ষিতঃ ॥ 3-292-33 (27186)
বধার্থমাত্মনস্তেন হৃতা সীতা দুরাত্মনা।
নলকূবরশাপেন রক্ষা চাস্যাঃ কৃতা ময়া ॥ 3-292-34 (27187)
যদি হ্যকামামাসেবেৎস্তরিয়মন্যামপি ধ্রুবম্।
শতধাঽস্য ফলেন্মূর্ধা ইত্যুক্তঃ সোভবৎপুরা ॥ 3-292-35 (27188)
নাত্রশঙ্কা ৎবয়া কার্যা প্রতীচ্ছেমাং মহামতে।
কৃতং ৎবয়া মহৎকার্যং দেবানামমিতপ্রভ ॥ 3-292-36 (27189)
দশরথ উবাচ। 3-292-37x (2724)
প্রীতোস্মি বৎস ভদ্রং তে পিতা দশরথোস্মি তে।
অনুজানামি রাজ্যং চ প্রশাধি পুরুষোত্তম ॥ 3-292-37 (27190)
রাম উবাচ। 3-292-38x (2725)
অভিবাদয়েৎবাং রাজেন্দ্র যদি ৎবং জনকো মম।
গমিষ্যামি পুরীং রম্যাময়োধ্যাং শাসনাত্তব ॥ 3-292-38 (27191)
মার্কণ্ডেয় উবাচ। 3-292-39x (2726)
তমুবাচ পিতা ভূয়ঃ প্রহৃষ্টো ভরতর্ষভ।
গচ্ছায়োধ্যাং প্রশাধি ৎবংরাম রক্তান্তলোচন।
সংপূর্ণানীহবর্ষাণি চতুর্দশ মহাদ্যুতে ॥ 3-292-39 (27192)
ততো দেবান্নমস্কৃত্য মুহৃদ্ভিরভিনন্দিতঃ।
মহেন্দ্রইব পৌলোম্যা ভার্যযা স সমেয়িবান্ ॥ 3-292-40 (27193)
ততো বরং দদৌ তস্মৈ হ্যবিন্ধ্যায় পরংতপঃ।
ত্রিজটাং চার্থমানাভ্যাং যোজয়ামাস রাক্ষসীম্ ॥ 3-292-41 (27194)
তমুবাচ ততো ব্রহ্মা দেবৈঃ শক্রষুরোগমৈঃ।
কৌসল্যামাতরিষ্টাংস্তে বরানদ্য দদানি কান্ ॥ 3-292-42 (27195)
বব্রেরামঃ স্থিতিং ধর্মে শত্রুভিশ্চাপরাজয়ম্।
রাক্ষসৈর্নিহতানাং চ বানরাণাং সমুদ্ভবম্ ॥ 3-292-43 (27196)
ততস্তে ব্রহ্মণা প্রোক্তে তথেতিবচনে তদা।
সমুত্তস্থুর্মহারাজ বানরা লব্ধচেতসঃ ॥ 3-292-44 (27197)
সীতা চাপি মহাভাগা বরং হনুমতে দদৌ।
রামকীর্ত্যা সমং পুত্র জীবিতং তে ভবিষ্যতি ॥ 3-292-45 (27198)
দিব্যাস্ৎবামুপভোগাশ্চ মৎপ্রসাদকৃতাঃ সদা।
উপস্থাস্যন্তি হনুমন্নিতি স্ম হরিলোচন ॥ 3-292-46 (27199)
ততস্তে প্রেক্ষমাণানাং তেপামক্লিষ্টকর্মণাম্।
অন্তর্ধানং যয়ুর্দেবাঃ সর্বে শক্রপুরোগমাঃ ॥ 3-292-47 (27200)
দৃষ্ট্বা রামং তু জানক্যা সংগতং শক্রসারথিঃ।
উবাচ পরমপ্রীতসুহৃন্মধ্য ইদং বচঃ ॥ 3-292-48 (27201)
দেবগন্ধর্বয়ক্ষাণাং মানুষাসুরভোগিনাম্।
অপনীতং ৎবয়া দুঃখমিদং সত্যপরাক্রম ॥ 3-292-49 (27202)
সদেবাসুরগনধর্বা যক্ষরাক্ষসপন্নগাঃ।
কথয়িষ্যন্তি লোকাস্ৎবাং যাবদ্ভূমির্ধরিষ্যতি ॥ 3-292-50 (27203)
ইত্যেবমুক্ৎবাঽনুজ্ঞাপ্যরামং শস্ত্রভৃতাংবরম্।
সংপূজ্যাপাক্রমত্তেন রথেনাদিত্যবর্চসা ॥ 3-292-51 (27204)
ততঃসীতাং পুরস্কৃত্য রামঃ সৌমিত্রিণা সহ।
সুগ্রীবপ্রমুখৈশ্চৈব সহিতঃ সর্ববানরৈঃ ॥ 3-292-52 (27205)
বিধায় রক্ষাং লঙ্কায়াং বিভীষণপুরস্কৃতঃ।
সংততার পুনস্তেন সেতুনা মকরালয়ম্ ॥ 3-292-53 (27206)
পুষ্পকেণ বিসানন খেচরেণ বিরাজতা।
কামগেন যথামুখ্যৈরমাত্যৈঃ সংবৃতো বসী ॥ 3-292-54 (27207)
ততস্তীরে সমুদ্রস্যং যত্রশিশ্য স পার্থিবঃ।
তত্রৈবোবাস ধর্মাত্মা সহিতঃ সর্ববানরৈঃ ॥ 3-292-55 (27208)
অথৈনান্রাঘবঃ কালে সমানীয়াভিপূজ্য চ।
বিসর্জয়ামাস তদা রত্নৈঃ সংতোষ্য সর্বশঃ ॥ 3-292-56 (27209)
গতেষু বানরেন্দ্রেষু গোপুচ্ছর্ক্ষেষু তেষু চ।
সুগ্রীবসহিতো রামঃ কিষ্কিন্দাং পুনরাগমৎ ॥ 3-292-57 (27210)
বিভীষণেনানুগতঃ সুগ্রীবসহিতস্তদা।
পুষ্পকেণ বিমানেন বৈদেহ্যা দর্শয়ন্বনম্ ॥ 3-292-58 (27211)
কিষ্কিন্ধাং তু সমাসাদ্যরামঃ প্রহরতাংবরঃ।
অঙ্গদং কৃতকর্মাণং যৌবরাজ্যেঽভ্যষেচয়ৎ ॥ 3-292-59 (27212)
ততস্তৈরেব সহিতো রামঃ সৌমিত্রিণা সহ।
যথাগতেন মার্গেণ প্রয়যৌ স্বপুরং প্রতি ॥ 3-292-60 (27213)
অয়োধ্যাং স সমাসাদ্যপুরীং রাষ্ট্রপতিস্ততঃ।
ভরতায় হনূমন্তং দূতং প্রাস্থাপয়দ্দ্রুতম্ ॥ 3-292-61 (27214)
লক্ষয়িৎবেঙ্গিতং সর্বংপ্রিয়ং তস্মৈ নিবেদ্য বৈ।
বায়ুপুত্রে পুনঃ প্রাপ্তে নন্দিগ্রামমুপাবিশৎ ॥ 3-292-62 (27215)
সতত্রমলদিগ্ধাঙ্গং ভরতং চীরবাসসম্।
`নন্দিগ্রামগতংরামঃ সশত্রুঘ্নং সরাঘবঃ'।
অগ্রতঃপাদুকে কৃৎবা দদর্শাসীনমাসনে ॥ 3-292-63 (27216)
সমেত্যভরতেনাথ শত্রুঘ্নেন চ বীর্যবান্।
রাঘবঃ সহসৌমিত্রির্মুমুদে ভরতর্ষভ ॥ 3-292-64 (27217)
ততো ভরতশত্রুঘ্নৌ সমেতৌ গুরুণা তদা।
বৈদেহ্যা দর্শনেনোভৌ প্রহর্ষং সমবাপতুঃ ॥ 3-292-65 (27218)
তস্মৈ তদ্ভরতো রাজ্যমাগতায়াতিসৎকৃতম্।
ন্যাসং নির্যাতয়ামাস যুক্তঃ পরময়া মুদা ॥ 3-292-66 (27219)
ততস্তং বৈষ্ণবে শূরং নক্ষত্রেঽভিজিতেঽহনি।
বসিষ্ঠো বামদেবশ্চ সহিতাবভ্যষিঞ্চতাম্ ॥ 3-292-67 (27220)
সোভিষিক্তঃ কপিশ্রেষ্ঠং সুগ্রীবং সসুহৃজ্জনম্।
বিভীষণং চ পৌলস্ত্যমন্বজানাদ্গৃহান্প্রতি ॥ 3-292-68 (27221)
অভ্যর্চ্য বিবিধৈ রত্নৈঃ প্রীতিয়ুক্তৌ মুদা যুতৌ।
সমাধায়েতিকর্তব্যং দুঃখেন বিসসর্জ হ ॥ 3-292-69 (27222)
পুষ্পকং চ বিমানং তৎপূজয়িৎবা স রাঘবঃ।
প্রাদাদ্বৈশ্রবণায়ৈব প্রীত্যা স রঘুনন্দনঃ ॥ 3-292-70 (27223)
ততো দেবর্ষিসহিতঃ সরিতং গোমতীমনু।
শতাশ্বমেধানাজহ্রে জারূথ্যান্স নিরর্গলান্ ॥ 3-292-71 (27224)
ইতি শ্রীমন্মহাভারতে অরণ্যপর্বণি রামোপাখ্যানপর্বণি দ্বিনবত্যধিকদ্বিশততমোঽধ্যায়ঃ ॥ 292 ॥
Mahabharata - Vana Parva - Chapter Footnotes
3-292-3 ব্রিদশালয়ঃ স্বর্গস্তৎস্থাঃ ॥ 3-292-55 যত্র শিশ্যে পূর্বং সমুদ্রপ্রার্থনার্থং শয়নং কৃতবান্ ॥ 3-292-62 লক্ষয়িৎবেঙ্গিতৈঃ সর্বৈরিতি ধ.পাটঃ ॥ 3-292-65 গুরুণা রামেণ ॥ 3-292-67 বৈষ্ণবে নক্ষত্রেশ্রবণে ॥ 3-292-71 জারূথ্যান্ ত্রিগুণদক্ষিণানিত্যর্জুনমিশ্রঃ ॥অরণ্যপর্ব - অধ্যায় 293
॥ শ্রীঃ ॥
3.293. অধ্যায়ঃ 293
Mahabharata - Vana Parva - Chapter Topics
মার্কণ্ডেয়েন স্বস্যানুপমদুঃখানুভবিতৃৎববুদ্ধ্যা শোচতোয়ুধিষ্ঠিরস্য রামোপাখ্যানকথনপূর্বকং হেতূপন্যাসেন শোকাপনোদনম্ ॥ 1 ॥Mahabharata - Vana Parva - Chapter Text
3-293-0 (27225)
মার্কণ্ডেয় উবাচ। 3-293-0x (2727)
এবমেতন্মহাবাহো রামেণামিততেজসা।
প্রাপ্তং ব্যসনমত্যুগ্রং বনবাসকৃতং পুরা ॥ 3-293-1 (27226)
মা শুচঃ পরুষব্যাঘ্র ক্ষত্রিয়োসি পরংতপ।
বাহুবীর্যাশ্রয়েমার্গে বর্তসে দীপ্তনির্ণয়ে ॥ 3-293-2 (27227)
ন হি তে বৃজিনং কিংচিদ্দৃশ্যতে পরমণ্বপি।
অস্মিন্মার্গে নিপীদেয়ুঃ সেন্দ্রা অপি সুরাসুরাঃ ॥ 3-293-3 (27228)
সংহত্য নিহতোবৃত্রো মরুদ্ভির্বজ্রপাণিনা।
নমুচিশ্চৈবদুর্ধর্ষো দীর্গজিহ্বা চরাক্ষসী ॥ 3-293-4 (27229)
সহায়বতি সর্বার্থাঃ সতিষ্ঠন্তীহ সর্বশঃ।
কিংনু তস্যাজিতং সঙ্খ্যে যস্ ভ্রাতা ধনংজয়ঃ ॥ 3-293-5 (27230)
অয়ং চ বলিনাংশ্রেষ্ঠো ভীমো ভীমপরাক্রমাঃ।
যুবানৌ চ মহেষ্বাসৌ বীরৌ মাদ্রবতীসুতৌ ॥ 3-293-6 (27231)
এভিঃ সহায়ৈঃ কস্মাত্ৎবং বিষীদসি পরংতপ।
য ইমে বজ্রিণঃ সেনাং জয়েয়ুঃ সমরুদ্গণাম্ ॥ 3-293-7 (27232)
ৎবমপ্যেভির্মহেষ্বাসৈঃ সহায়ৈর্দেবরূপিভিঃ।
বিজেষ্যসি রণে সর্বানমিত্রান্ভরতর্ষভ ॥ 3-293-8 (27233)
ইতশ্চ ৎবমিমাং পশ্যসৈন্ধবেন দুরাত্মনা।
বলিনা বীর্যমত্তেন হৃতামেভির্মহাত্মভিঃ ॥ 3-293-9 (27234)
আনীতাং দ্রৌপদীং কৃষ্ণাং কৃৎবা কর্ম সুদুষ্করম্।
জয়দ্রথং চ রাজানং বিজিতং বশমাগতম্ ॥ 3-293-10 (27235)
অসহায়েন রামেণ বৈদেহী পুনরাহৃতা।
হৎবাসঙ্খ্যে দশগ্রীবং রাক্ষসং ভীমবিক্রমম্ ॥ 3-293-11 (27236)
যস্ শাখামৃগামিত্রাণ্যৃক্ষাঃ কালমুখাস্তথা।
জাত্যন্তরগতা রাজন্নেতদ্বুদ্ধ্যাঽনুচিন্তয় ॥ 3-293-12 (27237)
তস্মাৎসর্বং কুরুশ্রেষ্ঠ মা শুচো ভরতর্ষভ।
ৎবদ্বিধা হি মহাত্মানো ন শোচন্তি পরংতপ ॥ 3-293-13 (27238)
বৈশম্পায়ন উবাচ। 3-293-14x (2728)
এবমাশ্বাসিতো রাজামার্কণ্ডেয়েন ধীমতা।
ত্যক্ৎবা দুঃখমদীনাত্মা পুনরপ্যেনমব্রবীৎ ॥ 3-293-14 (27239)
ইতি শ্রীমন্মহাভারতে অরণ্যপর্বণি রামোপাখ্যানপপর্বণি ত্রিনবত্যধিকদ্বিশততমোঽধ্যায়ঃ ॥ 294 ॥
Mahabharata - Vana Parva - Chapter Footnotes
3-293-2 দীপ্তনির্ণয়ে অসংদিগ্ধে প্রত্যক্ষফলে ॥অরণ্যপর্ব - অধ্যায় 294
॥ শ্রীঃ ॥
3.294. অধ্যায়ঃ 294
Mahabharata - Vana Parva - Chapter Topics
মার্কণ্ডেয়েন যুধিষ্ঠিরংপ্রতি সাবিত্র্যুপাখ্যানকথনারম্ভঃ ॥ 1 ॥ অস্বপতিনাম্নো মদ্ররাজস্য স্বীয়ব্রতচর্যাসংতুষ্টসাবিত্রীদেবীপ্রসাদাৎসাবিত্রীনামককন্যাজননম্ ॥ 2 ॥ যৌবনস্যযাতয়া পিত্রাজ্ঞয়া বৃদ্দামাত্যৈঃ সহ রাজর্ষীণামাশ্রমেষু স্বোধিতবরান্বেষণম্ ॥ 3 ॥Mahabharata - Vana Parva - Chapter Text
3-294-0 (27240)
যুধিষ্ঠির উবাচ। 3-294-0x (2729)
নাত্মানমনুশোচামি নেমান্ভ্রাতৄন্মহামুনে।
হরণং চাপি রাজ্যস্ যথেমাং দ্রুপদাত্মজাম্ ॥ 3-294-1 (27241)
দ্যূতে দুরাত্মভিঃ ক্লিষ্টাঃ কৃষ্ণয়া তারিতা বয়ম্।
জয়দ্রথেন চপুনর্বনাচ্চাপি হৃতা বলাৎ ॥ 3-294-2 (27242)
অস্তি সীমন্তিনী কাচিদ্দৃষ্টপূর্বাঽপিবা শ্রুতা।
পতিব্রতা মহাভাগা যথেয়ং দ্রুপদাত্মজা ॥ 3-294-3 (27243)
মার্কণ্ডেয় উবাচ। 3-294-4x (2730)
শৃণু রাজন্কুলস্ত্রীণাং মহাভাগ্যং যুধিষ্ঠির।
সর্বমেতদ্যথাপ্রাপ্তং সাবিত্র্যা রাজকন্যযা ॥ 3-294-4 (27244)
আসীন্মদ্রেষু ধর্মাত্মা রাজা পরমধার্মিকঃ।
ব্রহ্মণ্যশ্চমহাত্মা চ সত্যসন্ধো জিতেন্দ্রিয়ঃ ॥ 3-294-5 (27245)
যজ্বা দানপতির্দক্ষঃ পৌরজানপদপ্রিয়ঃ।
পার্থিবোঽশ্বপতির্নাম সর্বভূতহিতে রতঃ ॥ 3-294-6 (27246)
ক্ষমাবাননপত্যশ্চ সত্যবাগ্বিজিতেন্দ্রিয়ঃ।
অতিক্রান্তেন বয়সা সংতাপমুপজগ্মিবান্ ॥ 3-294-7 (27247)
অপত্যোৎপাদনার্থং চ তীব্রং নিয়মমাস্থিতঃ।
কালে পরিমিতাহারো ব্রহমচারী জিতেন্দ্রিয়ঃ ॥ 3-294-8 (27248)
হুৎবা শতসহস্রং স সাবিত্র্যা রাজসত্তম।
ষষ্ঠেষষ্ঠে তদাকালে বভূব মিতমোজনঃ ॥ 3-294-9 (27249)
এতেন নিয়মেনাসীদ্বর্ষাণ্যষ্টাদশৈব তু।
পূর্ণে ৎবষ্টাদশে বর্ষে সাবিত্রী তুষ্টিমভ্যগাৎ ॥ 3-294-10 (27250)
রূপিণী তু তদা রাজন্দর্শয়ামাস তং নৃপম্।
অগ্নিহোত্রাৎসমুত্থায় হর্ষেণ মহতাঽন্বিতা ॥ 3-294-11 (27251)
উবাচ চৈনং বরদা বচনং পার্থিবং তদা।
সা তমশ্বপতিং রাজন্সাবিত্রী নিয়মে স্থিতম্ ॥ 3-294-12 (27252)
ব্রহ্মচর্যেণ শুদ্ধেন দমেন নিয়মেন রচ।
সর্বাত্মনা চ ভক্ত্যা চ তুষ্টাঽস্মি তব পার্থিবাঃ ॥ 3-294-13 (27253)
বরং বৃণীষ্বাশ্বপতে মদ্ররাজ যদীপ্সিতম্।
ন প্রামাদশ্চ ধর্মেষু কর্তব্যস্তে কথংচন ॥ 3-294-14 (27254)
অশ্বপতিরুবাচ। 3-294-15x (2731)
অপত্যার্থঃ সমারম্ভঃ কৃতো ধর্মেপ্সয়া ময়া।
পুত্রা মে বহবো দেবি ভবেয়ুঃ কুলভাবনাঃ ॥ 3-294-15 (27255)
তুষ্টাঽসি যদি মে দেবি বরমেতং বৃণোম্যহম্।
সংতাং পরমো ধর্ম ইত্যাহুর্মাং দ্বিজাতয়ঃ ॥ 3-294-16 (27256)
সাবিত্র্যুবাচ। 3-294-17x (2732)
পূর্বমেব ময়া রাজন্নভিপ্রায়মিমং তব।
জ্ঞাৎবা পুত্রার্থমুক্তো বৈ ভগবাংস্তে পিতামহঃ ॥ 3-294-17 (27257)
প্রসাদাচ্চৈব তস্মাত্তে স্বয়ং বিহিতবত্যহম্।
কন্যা তেজস্বিনী সৌম্য ক্ষিপ্রমেব ভবিষ্যতি ॥ 3-294-18 (27258)
উত্তরং চ ন তে কিংচিদ্ব্যাহর্তব্যং কথংচন।
পিতামহনিয়োগেন তুষ্টা হ্যেতদ্ব্রবীমি তে ॥ 3-294-19 (27259)
স তথেতি প্রতিজ্ঞায় সাবিত্র্যা বচনং নৃপঃ।
প্রসাদয়ামাস পুনঃ ক্ষিপ্রমেতদ্ভবিষ্যতি ॥ 3-294-20 (27260)
অন্তর্হিতায়াং সাবিত্র্যাং জগাম স্বপুরং নৃপঃ।
স্বরাজ্যে চাবসদ্বীরঃ প্রজা ধর্মেণ পালয়ন্ ॥ 3-294-21 (27261)
কস্মিংশ্চিত্তু গতে কালে স রাজা নিয়তব্রতঃ।
জ্যেষ্ঠায়াং ধর্মচারিণ্যাং মহিষ্যাং কগর্ভমাদধে ॥ 3-294-22 (27262)
রাজপুত্র্যাস্তু গর্ভঃ স মানব্যা ভরতর্ষভ।
ব্যর্ধতং তদা শুক্লে তারাপতিরিবাম্বরে ॥ 3-294-23 (27263)
প্রাপ্তে কালে তু সুষুবে কন্যাং রাজীবলোচনাম্।
ক্রিয়াশ্চ তস্যা মুদিতশ্চক্রে চ নৃপসত্তমঃ ॥ 3-294-25aসাবিত্র্যা প্রীতয়া দত্তা সাব্ত্র্যা দ্দুতয়া হ্যপি।
সাবিত্রীত্যেব নামাস্যাশ্চক্রুর্বিপ্রাস্তথা পিতা ॥ 3-294-24 (27264)
সা বিগ্রহবতীব শ্রীব্যবর্ধত নৃপাত্মজা।
কালেন চাপি সা কন্যা যৌবনস্তা বভূব হ ॥ 3-294-26 (27265)
তাং সুমধ্যাং পৃথুশ্রোণীং প্রতিমাং কাঞ্চনীমিব।
প্রাপ্তেয়ং রদেবকন্যেতি দৃষ্ট্বা সংমেনিরে জনাঃ ॥ 3-294-27 (27266)
তাং তু পদ্মপলাশাক্ষীং জ্বলন্তীমিব তেজসা।
ন কশ্চিদ্বরয়ামাস তেজসা প্রতিবারিতঃ ॥ 3-294-28 (27267)
অথোপোষ্য শিরঃস্নাতা দেবতামভিগম্য সা।
হুৎবাগ্নিং বিধিবদ্বিপ্রান্বাচয়ামাস পর্বণি ॥ 3-294-29 (27268)
ততঃ সুমনসঃ শেষাঃ প্রতিগৃহ্য মহাত্মনঃ।
পিতুঃ সমীপমগমদ্দেবী শ্রীরিব রূপিণী ॥ 3-294-20 (27269)
সাঽভিবাদ্য পিতুঃ পাদৌ শেষাঃ পূর্বং নিবেদ্য চ।
কৃতাঞ্জলির্বরারোহা নৃপতেঃ পার্শ্বমাস্থিতা ॥ 3-294-31 (27270)
যৌবনস্থাং তু তাং দৃষ্ট্বা স্বাং সুতাং দেবরূপিণীম্।
অয়াচ্যমানাং চ বরৈর্নৃপতির্দুঃখিতোঽভবৎ ॥ 3-294-32 (27271)
রাজোবাচ। 3-294-33x (2733)
পুত্রি প্রদানকালস্তে ন চ কশ্চিদ্বৃণোতি মাম্।
স্বয়মন্বিচ্ছ ভর্তারং গুণৈঃ সদৃশমাত্মনঃ ॥ 3-294-33 (27272)
প্রার্থিতঃ পুরুষো যশ্চ স নিবেদ্যস্ৎবয়া মম।
বিমৃশ্যাহং প্রদাস্যামি বরয় ৎবং যথেপ্সিতম্ ॥ 3-294-34 (27273)
শ্রুতং হি ধর্মশাস্ত্রেষু পঠ্যমানং দ্বিজাতিভিঃ।
তথা ৎবমপিকল্যাণি গদতো মে বচঃ শৃণু ॥ 3-294-35 (27274)
অপ্রদাতা পিতা বাচ্যো বাচ্যশ্চানুপয়ন্পতিঃ।
মৃতে পিতরি পুত্রশ্চ বাচ্যো মাতুররক্ষিতা ॥ 3-294-36 (27275)
ইদং মে বচনং ক্ষুৎবা ভর্তুরন্বেষণে ন্বর।
দেবতানাং যথা যাচ্যো ন ভবেয়ং তথা কুরু ॥ 3-294-37 (27276)
এবমুক্ৎবা দুহিতরং তথা বৃদ্ধাংশ্চ মন্ত্রিণঃ।
ব্যাদিদেশানুয়াত্রং চ গম্যতাং চেত্যচোদয়ৎ ॥ 3-294-38 (27277)
সাঽভিবাদ্য পিতুঃ পাদৌ ব্রীডিতেব মনস্বিনী।
পিতুর্বচনমাজ্ঞায় নির্জগামাবিচারিতম্ ॥ 3-294-39 (27278)
সা হৈমং রথমাস্থায় স্থবিরৈঃ সচিবৈর্বৃতা।
তপোবনানিরম্যাণি রাজর্ষীণাং জগাম হ ॥ 3-294-40 (27279)
মান্যানাং তত্র বৃদ্ধানাং কৃৎবা পাদাভিবাদনম্।
বনানি ক্রমশস্তাত সর্বাণ্যেবাভ্যগচ্ছত ॥ 3-294-41 (27280)
এবং তীর্থেষু সর্বেষু ধনোৎসর্গং নৃপাত্মজা।
কুর্বী দ্বিজমুখ্যানাং তংতং দেশং জগাম হ ॥ 3-294-42 (27281)
ইতি শ্রীমন্মহাভারতে অরণ্যপর্বণি পতিব্রতামাহাত্ম্যপর্বণি চতুর্নবত্যধিকদ্বিশততমোঽধ্যায়ঃ ॥ 294 ॥
Mahabharata - Vana Parva - Chapter Footnotes
3-294-9 সাবিত্র্যা সাবিত্রী সবিতৃকন্যা তদ্দৈবত্যবা ঋচা রসা চ। সোর্মা বধূয়ুরভবদিত্যাদিঃ। ষষ্ঠেকালে অষ্টধাবিভক্তস্যাহ্নঃ ষষ্ঠেশে ॥ 3-294-19 উত্তরং পুত্রার্থং প্রার্থনাবচনম্ ॥ 3-294-20 প্রতিজ্ঞায়াজ্ঞোকৃত্য ॥ 3-294-23 মানব্যা মনুপুত্র্যাঃ ॥ 3-294-28 প্রতিবারিতোঽভিভূতঃ ॥ 3-294-30 সুমনস ইষ্টদেবতায়াঃ। শোষাঃ প্রসাদপূর্বকং দত্তানি মাল্যানি ॥ 3-294-32 অয়াচ্যমানাং তু নরৈরিতি ধ. পাঠঃ ॥ 3-294-34 প্রার্থিত ইচ্ছিতঃ ॥ 3-294-36 বাচ্যো নিন্দ্যঃ। অনুপয়ন্ ঋতাবগচ্ছন ॥ 3-294-38 অনুয়াত্রাং যাত্রোপকরণং বাহনাদি ॥অরণ্যপর্ব - অধ্যায় 295
॥ শ্রীঃ ॥
3.295. অধ্যায়ঃ 295
Mahabharata - Vana Parva - Chapter Topics
মনসা স্বানুগুণনির্ধারণপূর্বকং বনাদাগতয়া সাবিত্র্যা নারদেন সহ সংভাষমাণস্য পিতুরন্তিকমেত্য তয়োঃ পাদাভিবাদনম্ ॥ 1 ॥ নারদসংনিধৌ পিত্রা পৃষ্টয়া তথা দ্যুমস্সেনসূনোঃ সত্যবতঃ পঠিৎবেন মনসা বরণকথনম্ ॥ 2 ॥ পিত্রা নারদবচনাত্তস্যাল্পায়ুষ্ট্বনিবেদনপূর্বকং বরান্তরবরণং চোদিতয়াপি তয়া স্বাধ্যবসায়াদনিবর্তনম্ ॥ 3 ॥ রাজ্ঞাপি তস্যা নির্বন্ধান্নারদবচনাচ্চ তস্মা এব তস্যা দানাধ্যবসানম্ ॥ 4 ॥Mahabharata - Vana Parva - Chapter Text
3-295-0 (27282)
মার্কণ্ডেয় উবাচ। 3-295-0x (2734)
অথ মদ্রাধিপো রাজা নারদেন সমাগতঃ।
উপবিষ্টঃ সভামধ্যে কথায়োগেন ভারত ॥ 3-295-1 (27283)
ততোঽভিগম্য তীর্থানি সর্বাণ্যেবাশ্রমাংস্তথা।
আজগাম পিতুর্বেশ্ম সাবিত্রী সহ মন্ত্রিভিঃ ॥ 3-295-2 (27284)
নারদেন সহাসীনং সা দৃষ্ট্বা পিতরং শুভা।
উভয়োরেব শিরসা চক্রে পাদাভিবাদনম্ ॥ 3-295-3 (27285)
নারদ উবাচ। 3-295-4x (2735)
ক্ব গতাঽভূৎসুতেয়ং তে কুতশ্চৈবাগতা নৃপ।
কিমর্থং যুবতীং ভদ্র ন চৈনাং সংপ্রয়চ্ছসি ॥ 3-295-4 (27286)
অশ্বপতিরুবাচ। 3-295-5x (2736)
কার্যেণ খল্বনেনৈব প্রেষিতাদ্যৈব চাগতা।
এতস্যাঃ শৃণু দেবর্ষে ভর্তারং যোঽনয়া বৃতঃ ॥ 3-295-5 (27287)
মার্কণ্ডেয় উবাচ। 3-295-6x (2737)
সা ব্রূহি বিস্তরেণেতি পিত্রা সংয়োদিতা শুভা।
তদৈব তস্য বচনং প্রতিগৃহ্যেদমব্রবীৎ ॥ 3-295-6 (27288)
আসীৎসাল্বেষু ধর্মাত্মা ক্ষত্রিয়ঃ পৃথিবীপতিঃ।
দ্যুমৎসেন ইতি খ্যাতঃ পশ্চাচ্চান্ধো বভূব হ ॥ 3-295-7 (27289)
বিনষ্টচক্ষুষস্তস্য বালপুত্রস্য ধীমতঃ।
সামীপ্যেন হৃতং রাজ্যং ছিদ্রেঽস্মিন্পূর্ববৈরিণা ॥ 3-295-8 (27290)
স বালবৎসয়া সার্ধং ভার্যযা প্রস্থিতো বনম্।
মহারণ্যং গতশ্চাপি পস্তেষে মহাব্রতঃ ॥ 3-295-9 (27291)
তস্য পুত্রঃ পুরে জাতঃ সংবৃদ্ধশ্চ তপোবনে।
সত্যবাননুরূপো মে ভর্তেতি মনসা বৃতঃ ॥ 3-295-10 (27292)
নারদ উবাচ। 3-295-11x (2738)
অহো বত মহৎপাপং সাবিত্র্যা নৃপতে কৃতম্।
অজানন্ত্যা যদনয়া গুণবান্সত্যবান্বৃতঃ ॥ 3-295-11 (27293)
সত্যং বদত্যস্য পিতা সত্যং মাতা প্রভাষতে।
তথাঽস্ ব্রাহ্মণাশ্চক্রুর্নামৈতৎসত্যবানিতি ॥ 3-295-12 (27294)
বালস্যাশ্বাঃ প্রিয়াশ্চাস্য করোত্যশ্বাংশ্চ মৃন্ময়ান্।
চিত্রেঽপি বিলিখত্যশ্বাংশ্চিত্রাশ্ব ইতি চোচ্যতে ॥ 3-295-13 (27295)
রাজোবাচ। 3-295-14x (2739)
অপীদানীং স তেজস্বী বুদ্ধিমান্বা নৃপাত্মজঃ।
ক্ষমাবানপি বা শৃরঃ সত্যবান্পিতৃবৎসলঃ ॥ 3-295-14 (27296)
নারদ উবাচ। 3-295-15x (2740)
বিবস্বানিব তেজস্বী বৃহস্পতিসমো মতৌ।
মহেন্দ্র ইবন বীরশ্চ বসুধেব ক্ষমান্বিতঃ ॥ 3-295-15 (27297)
অশ্বপতিরুবাচ। 3-295-16x (2741)
অপি রাজাত্মজো দাতা ব্রহ্মণ্যশ্চাপি সত্যবান্।
রূপবানপ্যুদারো বাঽপ্যথবা প্রিয়দর্শনঃ ॥ 3-295-16 (27298)
নারদ উবাচ। 3-295-17x (2742)
সাংকৃতে রন্তিদেবস্ স্বশক্ত্যা দানতঃ সমঃ।
ব্রহ্মণ্যঃ সত্যবাদী চ শিবিরৌশীনরো যথা ॥ 3-295-17 (27299)
যয়াতিরিব চোদারঃ সোমবৎপ্রিয়দর্শনঃ।
রূপেণান্যতমোঽশ্বিভ্যাং দ্যুমৎসেনসুতো বলী ॥ 3-295-18 (27300)
`স বদান্যঃ স তেজস্বীধীমাংশ্চৈব ক্ষমান্বিতঃ'।
স দান্তঃ স মৃদুঃ শূরঃ স সত্যঃ সংয়তেন্দ্রিয়ঃ।
সন্মৈত্রঃ সোনসূয়শ্চ স হ্রীমান্দ্যুতিমাংশ্চ সঃ ॥ 3-295-19 (27301)
নিত্যশশ্চার্জবং তস্মিন্ধৃতিস্তত্রৈব চ ধ্রুবা।
সংক্ষেপতস্তপোবৃদ্ধৈঃ শীলবৃদ্ধৈশ্চ কথ্যতে ॥ 3-295-20 (27302)
অশ্বপতিরুবাচ। 3-295-21x (2743)
গুণৈরুপেতং সর্বৈস্তং ভগবন্প্রব্রবীষি মে।
দোষানপ্যস্য মে ব্রূহি যদি সন্তীহ কেচন ॥ 3-295-21 (27303)
নারদ উবাচ। 3-295-22x (2744)
এক এবাস্য দোষো হি গুণানাক্রম্য তিষ্ঠতি।
স চ দোষঃ প্রয়ত্নেন ন শক্যমতিবর্তিতুম্ ॥ 3-295-22 (27304)
একো দোষোঽস্তি নান্যোঽস্য সোদ্যপ্রভৃতি সত্যবান্।
সংবৎসরেণ ক্ষীণায়ুর্দেহন্যাসং করিষ্যতি ॥ 3-295-23 (27305)
রাজোবাচ। 3-295-24x (2745)
এহি সাবিত্রি গচ্ছস্ব অন্যং বরয় শোভনে।
তস্য দোষো মহানেকো গুণানাক্রম্য চ স্থিতঃ ॥ 3-295-24 (27306)
যথা মে ভগবানাহ নারদো দেবসৎকৃতঃ।
সংবৎসরেণ সোঽল্পায়ুর্দেহন্যাসং করিষ্যতি ॥ 3-295-25 (27307)
সাবিত্র্যুবাচ। 3-295-26x (2746)
সকৃদংশো নিপততি সকৃৎকন্যা প্রদীয়তে।
স কৃদাহ দদানীতি ত্রীণ্যেতানি সকৃৎসকৃতে ॥ 3-295-26 (27308)
দীর্ঘায়ুরথবাঽল্পায়ুঃ সগুণো নির্গুণোঽপি বা।
সকৃদ্বৃতো ময়া ভর্তা ন দ্বিতীয়ং বৃণোম্যহম্ ॥ 3-295-27 (27309)
মনসা নিশ্চয়ং কৃৎবাততো বাচাঽভিধীয়তে।
ক্রিয়তে কর্মণা পশ্চাৎপ্রমাণং মে মনস্ততঃ ॥ 3-295-28 (27310)
নারদ উবাচ। 3-295-29x (2747)
স্থিরা বুদ্ধির্নরশ্রেষ্ঠ সাবিত্র্যা দুহিতুস্তব।
নৈষা বারয়িতুং শক্যা ধর্মাদস্মাৎকথংচন ॥ 3-295-29 (27311)
নান্যস্মিন্পুরুষে সন্তি যে সত্যবতি বৈ গুণাঃ।
প্রদানমেব তস্মান্মে রোচতে দুহিতুস্তব ॥ 3-295-30 (27312)
রাজোবাচ। 3-295-31x (2748)
অবিচাল্যমেতদুক্তং তথ্যং চ ভবতা বচঃ।
করিষ্যাম্যেতদেবং চ গুরুর্হি ভগবান্মম ॥ 3-295-31 (27313)
নারদ উবাচ। 3-295-32x (2749)
অবিঘ্নমস্তু সাবিত্র্যাঃ প্রদানে দুহিতুস্তব।
সাধয়িষ্যাম্যহং তাবৎসর্বেষাং ভদ্রমস্তু বঃ ॥ 3-295-32 (27314)
মার্কণ্ডেয় উবাচ। 3-295-33x (2750)
এবমুক্ৎবা স্বমুৎপত্য নারদস্ত্রিদিবং গতঃ।
রাজাঽপি দুহিতুঃ সজ্জং বৈবাহিকমকারয়ৎ ॥ 3-295-33 (27315)
ইতি শ্রীমন্মহাভারতে অরণ্যপর্বণি পতিব্রতামাহাত্ম্যপর্বণি পঞ্চনবত্যধিকদ্বিশততমোঽধ্যায়ঃ ॥ 295 ॥
Mahabharata - Vana Parva - Chapter Footnotes
3-295-1 কথায়োগেন কথাপ্রসঙ্গেন ॥ 3-295-8 সামীপ্যেন সমীপবাসিনা। ছিদ্রে অন্ধৎবে সতি ॥ 3-295-10 স্যবান্নামতঃ ॥ 3-295-14 তেজস্বী প্রভাববান্ ॥ 3-295-17 সাংকৃতেঃ সংকৃতিপুত্রস্য ॥ 3-295-22 আক্রম্য অভিভূয় ॥ 3-295-26 অংশঃ কাষ্ঠপাষাণাদেঃ শকলঃ সকৃন্নিপততি। কৃতস্য করণং নাস্তীত্যর্থঃ ॥ 3-295-31 এতৎ সাবিত্র্যা বচনং অবিচাল্যং ভবতা চ তথ্যং উক্তম্ ॥ 3-295-32 সাধয়িষ্যামি গমিষ্যামি ॥অরণ্যপর্ব - অধ্যায় 296
॥ শ্রীঃ ॥
3.296. অধ্যায়ঃ 296
Mahabharata - Vana Parva - Chapter Topics
অশ্বপতিনা রাজ্ঞা দ্যুমৎসেনাশ্রমমেত্য সত্যবতে স্বপুত্র্যাঃ সাবিত্র্যা রদানেন বৈবাহিকোৎসবনির্বর্তনপূর্বকং স্বনগরাগমনম্ ॥ 1 ॥Mahabharata - Vana Parva - Chapter Text
3-296-0 (27316)
মার্কণ্ডেয় উবাচ। 3-296-0x (2751)
অথ কন্যাপ্রদানে স তমেবার্থং বিচিন্তয়ন্।
সমানিত্যে চ তৎসর্বংভাণ্ডং বৈবাহিকং নৃপঃ ॥ 3-296-1 (27317)
ততো বৃদ্ধান্দ্বিজান্সর্বানৃৎবিক্সভ্যপুরোহিতান্।
সমাহূয় দিনে পুণ্যে প্রয়যৌ সহ কন্যযা ॥ 3-296-2 (27318)
মেধ্যারণ্যং স গৎবা চ দ্যুমৎসেনাশ্রমং নৃপঃ।
পদ্ভ্যামেব দ্বিজৈঃ সার্ধং রাজর্ষিং তমুপাগমৎ ॥ 3-296-3 (27319)
তত্রাপশ্যন্মহাভাগং সালবৃক্ষমুপাশ্রিতম্।
কৌশ্যাং বৃস্যাং সমাসীনং চক্ষুর্হীনং নৃপং তদা ॥ 3-296-4 (27320)
স রাজা তস্য রাজর্ষেঃ কৃৎবাপূজাং যথাঽর্হতঃ।
বাচা সুনিয়তো ভূৎবা চকারাত্মনিবেদনম্ ॥ 3-296-5 (27321)
তস্যার্ধ্যমাসং চৈব গাং চাবেদ্যস ধর্মবিৎ।
কিমাগমনমিত্যেবং রাজা রাজানমব্রবীৎ ॥ 3-296-6 (27322)
তস্য সর্বমভিপ্রায়মিতিকর্তব্যতাং চ তাম্।
সত্যবন্তং সমুদ্দিশ্য সর্বমেব ন্যবেদয়ৎ ॥ 3-296-7 (27323)
সাবিত্রী নাম রাজর্ষে কন্যেয়ং মম শোভনা।
তাং স্বধর্মেণ ধর্মজ্ঞ স্নুষার্থে ৎবং গৃহাণ মে ॥ 3-296-8 (27324)
দ্যুমৎসেন উবাচ। 3-296-8x (2752)
চ্যুতাঃ স্ম রাজ্যাদ্বনবাসমাশ্রিতা-
শ্চরাম ধর্মং নিয়তাস্তপস্বিনঃ।
কথং ৎবনর্হা বনবাসমাশ্রমে
সহিষ্যতি ক্লেশমিমং সুতা তব ॥ 3-296-9 (27325)
অশ্বমতিরুবাচ। 3-296-10x (2753)
সুখং চ দুঃখং চ ভবাভবাত্মকং
যদা বিজানাতি সুতাঽহমেব চ।
ন মদ্বিধে যুজ্যতেবাক্যমীদৃশং
বিনিশ্চয়েনাভিগতোস্মি তে নৃপ ॥ 3-296-10 (27326)
আশাং নার্হসি মে হন্তুং সৌহৃদাৎপ্রণতস্য চ।
অভিতশ্চাগতং প্রেম্ণা প্রত্যাখ্যাতুং ন মাঽর্হসি ॥ 3-296-11 (27327)
অনুরূপো হি যুক্তশ্চ ৎবং মমাহং তবাপি চ।
স্নুষাং প্রতীচ্ছ মে কন্যাং ভার্যাং সত্যবতস্ততঃ ॥ 3-296-12 (27328)
দ্যুমৎসেন উবাচ। 3-296-13x (2754)
পূর্বমেবাভিলবিতঃ সংবন্ধো মে ৎবয়া সহ।
ভ্রষ্টরাজ্যস্ৎবহমিতি তত এতদ্বিচারিতম্ ॥ 3-296-13 (27329)
অভিপ্রায়স্ৎবয়ং যো মে পূর্বমেবাভিকাঙ্ক্ষিতঃ।
স নির্বর্ততু মেঽদ্যৈব কাঙ্ক্ষিতো হ্যসি মেঽতিথিঃ ॥ 3-296-14 (27330)
ততঃ সর্বান্সমানায়্য দ্বিজানাশ্রমবাসিনঃ।
যথাবিধি সমুদ্বাহং কারয়ামাসতুর্নৃপৌ ॥ 3-296-15 (27331)
দত্ৎবা সোঽশ্বপতিঃ কন্যাং যথার্হং সপরিচ্ছদম্।
যয়ৌ স্বমেব ভবনং যুক্তঃ পরময়া মুদা ॥ 3-296-16 (27332)
সত্যবানপি তাং ভার্যাং লব্ধ্বা সর্বগুণান্বিতাম্।
মুমুদে সা রচ রতং লব্ধ্বা ভর্তারং মনসেপ্সিতম্ ॥ 3-296-17 (27333)
গতে পিতরি সর্বাণি সংন্যস্যাভরণানি সা।
জগৃহেবল্কলান্যেব বস্ত্রং কাষায়মেব চ ॥ 3-296-18 (27334)
পরিচারৈর্গুণৈশ্চৈব প্রশ্রয়েণ দমেন চ।
সর্বকামক্রিয়াভিশ্চ সর্বেষাং তুষ্টিমাদধে ॥ 3-296-19 (27335)
শ্বশ্রূং শরীরসৎকারৈঃ সর্বৈরাচ্ছাদনাদিভিঃ।
শ্বশুরং দেবসৎকারৈর্বাচঃ সংয়মনেন চ ॥ 3-296-20 (27336)
তথৈব প্রিয়বাদেন নৈষুণেন শমেন চ।
রহশ্চৈবোপচারেণ ভর্তারং পর্যতোষয়ৎ ॥ 3-296-21 (27337)
এবং তত্রাশ্রমে তেষাং তদা নিবসতাং সতাম্।
কালস্তপস্যতাং কশ্চিদপাক্রামত ভারত ॥ 3-296-22 (27338)
সাবিত্র্যাগ্লায়মানায়াস্তিষ্ঠন্ত্যাস্তু দিবানিশম।
নারদেন যদুক্তং তদ্বাক্যং মনসি বর্ততে ॥ 3-296-23 (27339)
ইতি শ্রীমন্মহাভারতে অরণ্যপর্বণি পতিব্রতামাহাত্ম্যপর্বণি ষণ্ণবত্যধিকদ্বিশততমোঽধ্যায়ঃ ॥ 296 ॥
Mahabharata - Vana Parva - Chapter Footnotes
3-296-1 বৈবাহিকং ভাণ্ডং বিবাহোচিতমুপকরণম্ ॥ 3-296-4 কৌশ্যাং রকুশময়্যাং বৃস্যামাসনে ॥ 3-296-5 আত্মনিবেদনমশ্বপতিরহমিতি জ্ঞাপনম্ ॥ 3-296-10 ভবাভবাত্মকমুৎপত্তিবিনাশাত্মকম্। তে ৎবাং প্রতি ॥ 3-296-11 মা মাম্ ॥ 3-296-14 নির্বর্ততু নিষ্পদ্যতাম্ ॥ 3-296-16 সপরিচ্ছদং পারিবর্হসহিতম্ ॥ 3-296-19 পরিচারৈঃ সেবনৈঃ। গুণৈঃ শীলসত্যাদিভিঃ। প্রশ্রয়েণ স্নেহেন। দমেন জিতেন্দ্রিয়তয়া। সর্বকামক্রিয়াভিঃ সর্বেষামিষ্টসংপাদনেন ॥অরণ্যপর্ব - অধ্যায় 297
॥ শ্রীঃ ॥
3.297. অধ্যায়ঃ 297
Mahabharata - Vana Parva - Chapter Topics
কদাচন নারদনির্দিষ্টেসত্যবতো মৃতিদিবসে সাবিত্র্যা পরশুহস্তস্য বনংগচ্ছতো ভর্তুরনুগমনম্ ॥ 1 ॥Mahabharata - Vana Parva - Chapter Text
3-297-0 (27340)
মার্কণ্ডেয় উবাচ। 3-297-0x (2755)
ততঃ কালে বহুতিথে ব্যতিক্রান্তে কদাচন।
প্রাপ্তঃ স কালো মর্ব্যং যত্রসত্যবতা নৃপ ॥ 3-297-1 (27341)
গণয়ন্ত্যাশ্চ সাবিত্র্যা দিবসদিবসে গতে।
যদ্বাক্যং নারদেনোক্তং বর্ততে হৃদি নিত্যশঃ ॥ 3-297-2 (27342)
চতুর্থেঽহনি মর্তব্যমিতি সংচিন্ত্য ভামিনী।
ব্রতং ত্রিরাত্রমুদ্দিশ্য দিবারাত্রং স্থিতাঽভবৎ ॥ 3-297-3 (27343)
`ত্রয়োদশ্যাং চোপবাসং প্রতিপৎসু চ পারণম্।
আয়ুষ্যং বর্ধতে ভর্তুর্ব্রতেনানি ভারত' ॥ 3-297-4 (27344)
তং শ্রুৎবা রকনিয়মং তস্যা ভৃশং দুঃখান্বিতো নৃপঃ।
উত্থায় বাক্যং সাবিত্রীমব্রবীৎপরিসান্ৎবয়ন্ ॥ 3-297-5 (27345)
অতিতীব্রোঽয়মারম্ভস্ৎবয়াঽঽরব্ধো নৃপাত্মজে।
তিসৃণাং বসতীনাং হি স্তানং পরমদুশ্চরম্ ॥ 3-297-6 (27346)
সাবিত্র্যুবাচ। 3-297-7x (2756)
ন কার্যস্তাত সংতাপঃ পারয়িষ্যাম্যহং ব্রতম্।
ব্যসংসায়কৃতং হীদং ব্যবসায়শ্চ কারণম্ ॥ 3-297-7 (27347)
দ্যুমৎসেন উবাচ। 3-297-8x (2757)
ব্রতং ভিন্ধীতি বক্তুং ৎবাং নাস্মি শক্তঃ কথংচন।
পারয়স্বেতি বচনং যুক্তমস্মদ্বিধো বদেৎ ॥ 3-297-8 (27348)
মার্কণ্ডেয় উবাচ। 3-297-9x (2758)
এবমুক্ৎবা দ্যুমৎসেনো বিররাম মহামনাঃ।
তিষ্ঠন্তী চৈব সাবিত্রী কাণ্ঠভূতেব লক্ষ্যতে ॥ 3-297-9 (27349)
শ্বোভূতে ভর্তৃমরণে সাবিত্র্যা ভরতর্ষভ।
দুঃখান্বিতায়াস্তিষ্ঠন্ত্যাঃ সা রাত্রির্ব্যত্যবর্তত ॥ 3-297-10 (27350)
অদ্য তদ্দিবসং চেতি হুৎবা দীপ্তং হুতাশনম্।
যুগমাত্রোদিতে সূর্যেকৃৎবা পৌর্বাঙ্ণিকীঃ ক্রিয়াঃ ॥ 3-297-11 (27351)
`ব্রতং সমাপ্যসাবিত্রী স্নাৎবা শুদ্ধা যশস্বিনী'।
ততঃ সর্বান্দ্বিজান্বৃদ্ধাঞ্শ্বশ্রূং শ্বশুরমেব চ।
অভিবাদ্যানুপূর্ব্যেণ প্রাঞ্জলির্নিয়তা স্থিতা ॥ 3-297-12 (27352)
অবৈধব্যাশিষস্তে তু সাবিত্র্যর্থং হিতাঃ শুভাঃ।
ঊচুস্তপস্বিনঃ সর্বে তপোবননিবাসিনঃ ॥ 3-297-13 (27353)
এবমস্ৎবিতি সাবিত্রী ধ্যানয়োগপরায়ণা।
মনসা তা গিরঃ সর্বাঃ প্রত্যগৃহ্ণাত্তপস্বিনী ॥ 3-297-14 (27354)
তং কালং তং মুহূর্তং চ প্রতীক্ষন্তী নৃপাত্মজা।
যথোক্তং নারদবচশ্চিন্তয়ন্তী সুদুঃখিতা ॥ 3-297-15 (27355)
ততস্তু শ্বশ্রূশ্বশুরাবূচতুস্তাং নৃপাত্মজাম্।
একান্তমাস্থিতাং বাক্যং প্রীত্যা ভরতসত্তম ॥ 3-297-16 (27356)
ব্রতং যথোপদিষ্টং তু তথা তৎপারিতং ৎবয়া।
আহারকালঃ সংপ্রাপ্তঃ ক্রিয়তাং যদনন্তরম্ ॥ 3-297-17 (27357)
সাবিত্র্যুবাচ। 3-297-18x (2759)
অস্তং গতে ময়াঽঽদিত্যে ভোক্তব্যং কৃতকাময়া।
এষ মে হৃদি সংকল্পঃ সময়শ্চ কৃতো ময়া ॥ 3-297-18 (27358)
মার্কণ্ডেয় উবাচ। 3-297-19x (2760)
এবং সংভাষমাণায়াঃ সাবিত্র্যা ভোজনং প্রতি।
স্কন্ধে পরশুমাদায় সত্যবান্প্রস্থিতো বনম্ ॥ 3-297-19 (27359)
সাবিত্রী ৎবাহ ভর্তারং নৈকস্ৎবং গন্তুমর্হসি।
সহ ৎবয়া গমিষ্যামি ন হিৎবাং হাতুমুৎসহে ॥ 3-297-20 (27360)
সত্যবানুবাচ। 3-297-21x (2761)
বনং ন গতপূর্বং তে দুঃখ পন্থাশ্চ ভামিনি।
ব্রতোপবাসক্ষামা চ কথং পদ্ভ্যাং গমিষ্যসি ॥ 3-297-21 (27361)
সাবিত্র্যুবাচ। 3-297-22x (2762)
উপবাসান্ন মে গ্লানির্নাস্তি চাপি পরিশ্রমঃ।
গমনে চ কৃতোৎসাহাং প্রতিষেদ্ধুং ন মাঽর্হসি ॥ 3-297-22 (27362)
সত্যবানুবাচ। 3-297-23x (2763)
যদি তে গমনোৎসাহঃ করিষ্যামি তব প্রয়ম্।
মম ৎবামন্ত্রয় গুরূন্ন মাং দোষঃ স্পৃশেদয়ম্ ॥ 3-297-23 (27363)
মার্কণ্ডেয় উবাচ। 3-297-24x (2764)
সাঽভিবাদ্যাব্রবীচ্ছ্বশ্রূং শ্বশুরং চ মহাব্রতা।
অয়ং গচ্ছতি মে ভর্তা ফলাহারো মহাবনম্ ॥ 3-297-24 (27364)
ইচ্ছেয়মভ্যনুজ্ঞাতা আর্যযা শ্বশুরেণ হ।
অনেন সহ নির্গন্তুং ন মেঽদ্য বিরহঃ ক্ষমঃ ॥ 3-297-25 (27365)
গুর্বগ্নিহোত্রার্তকৃতেপ্রস্থিতশ্চ সুতস্তব।
ন নিবার্যো নিবার্যঃ স্যাদন্যথা প্রস্থিতো বনম্ ॥ 3-297-26 (27366)
সংবৎসরঃ কিংচিদূনো ন নিষ্ক্রান্তাঽহমাশ্রমাৎ।
বনং কুসুমিতং দ্রষ্টুং পরং কৌতূহলং হি মে ॥ 3-297-27 (27367)
দ্যুমৎসেন উবাচ। 3-297-28x (2765)
যদা প্রভৃতি সাবিত্রী পিত্রা দত্তা স্নাষু মম।
নানয়াঽভ্যর্থনায়ুক্তমুক্তপূর্বং স্মরাম্যহম্ ॥ 3-297-28 (27368)
তদেষা লভতাং কামং যথাভিলষিতং বধূঃ।
অপ্রমাদশ্চ কর্তব্যঃ পুত্রি সত্যবতঃ পথি ॥ 3-297-29 (27369)
মার্কণ্ডেয় উবাচ। 3-297-30x (2766)
উভাভ্যামভ্যনুজ্ঞাতা সা জগাম যশস্বিনী।
সহভর্ত্রা হসন্তীব হৃদয়েন বিদূয়তা ॥ 3-297-30 (27370)
সা বনানি বিচিত্রাণি রমণীয়ানি সর্বশঃ।
ময়ূরগণজুষ্টানি দদর্শ বিপুলেক্ষণা ॥ 3-297-31 (27371)
নদীঃ পুণ্যবহাশ্চৈব পুষ্পিতাংশ্চ নগোত্তমান্।
সত্যবানাহ পশ্যেতি সাবিত্রীং মধূরং বচঃ ॥ 3-297-32 (27372)
নীরীক্ষমাণা ভর্তারং সর্বাবস্থমনিন্দিতা।
মৃতমেব হিং মেনে কালে মুনিবচঃ স্মরন্ ॥ 3-297-33 (27373)
অনুব্রজন্তী ভর্তারং জগাম মৃদুগামিনী।
দ্বিধেব হৃদয়ং কৃৎবা তং চ কালমবেক্ষতী ॥ 3-297-34 (27374)
ইতি শ্রীমন্মহাভারতে অরণ্যপর্বণি পতিব্রতামাহাত্ম্যপর্বণি সপ্তনবত্যধিকদ্বিশততমোঽধ্যায়ঃ ॥ 297 ॥
Mahabharata - Vana Parva - Chapter Footnotes
3-297-6 বসতীনাং স্থানং ভোজনত্রয়নিরোধঃ। উপবসতীত্যাদৌ বসতেস্তাদর্থ্যদর্শনাৎ ॥ 3-297-7 পারয়িষ্যামি সমাপয়িষ্যামি। ব্যবসায়কৃতমুদ্যোগকৃতম্ ॥ 3-297-11 রকয়ুগং হস্তচতুষ্কং তাবদুদিতে উপরি যাতে ॥ 3-297-33 সর্বাবস্থমতন্দ্রিতা ইতি ক. থ. পাঠঃ। স্মরন্নিতি ব্যত্যযেন পুংস্ৎবম্ ॥অরণ্যপর্ব - অধ্যায় 298
॥ শ্রীঃ ॥
3.298. অধ্যায়ঃ 298
Mahabharata - Vana Parva - Chapter Topics
সাবিত্র্যা সহ বনং প্রবিষ্টেন সত্যবতা ফলাহরণপূর্বকং কাষ্ঠবিপাটনম্ ॥ 1 ॥ তথা শিরোবেদনাদূনতয়া কাষ্ঠপাটনাদুপরমপূর্বকং ভার্যোৎসঙ্গে শিরোনিধানেন ভূতলে শয়নম্ ॥ 2 ॥ ততঃ সত্যবতোঽসুহরণায় সমাগতং যমং দৃষ্টবত্যা সাবিত্র্যা সাঞ্জলিবন্ধং তদাগমনপ্রয়োজনপ্রশ্নঃ ॥ 3 ॥ যমেন তাংপ্রতিতৎক্রধনপূর্বকং পাশবন্ধনেন সত্যবতস্তদীয়শরীরাদপকর্ষণপূর্বকং স্বলোকংপ্রতি প্রস্থানম্ ॥ 4 ॥ তমনুগচ্ছন্ত্যাঃ সাবিত্র্যাঃ স্তুতিবচনসংতুষ্টেন যমেন তস্যৈ বরদানপূর্বকং বন্ধবিমোচনেন সত্যবতো বিসর্জনম্ ॥ 5 ॥ ততঃ পুনরুজ্জীবিতেন সত্যবতা সাবিত্র্যাসহ পুতাশ্রমংপ্রতি প্রস্থানম্ ॥ 6 ॥Mahabharata - Vana Parva - Chapter Text
3-298-0 (27375)
মার্কণ্ডেয় উবাচ। 3-298-0x (2767)
অথ ভার্যাসহায়ঃ স ফলান্যাদায় বীর্যবান্।
কঠিনং পূরয়ামাস ততঃ কাণ্ঠান্যপাটয়ৎ ॥ 3-298-1 (27376)
তস্য পাটয়তঃ কাষ্ঠং স্বেদো বৈ সমজায়ত।
ব্যায়ামেন চ তেনাস্য জজ্ঞে শিরসি বেদনা ॥ 3-298-2 (27377)
সোঽভিগম্য প্রিয়াং ভার্যামুবাচ শ্রমপীডিতঃ।
ব্যায়ামেন মমানেন জাতা শিরসি বেদনা ॥ 3-298-3 (27378)
অঙ্গানি চৈব সাবিত্রি হৃদয়ং দূয়তীব চ।
অস্বস্থমিব চাত্মানং লক্ষয়ে মিতভাষিণি ॥ 3-298-4 (27379)
শূলৈরিব শিরো বিদ্ধমিদং সংলক্ষয়াম্যহম্।
`ভ্রমন্তীব দিশঃ সর্বাশ্চক্রারূঢং মনো মম'।
তৎস্বপ্তুমিচ্ছে কল্যাণি ন স্তাতুং শক্তিরস্তি মে ॥ 3-298-5 (27380)
সা সমাসাদ্য সাবিত্রী ভর্তারমুপগম্য চ।
উৎসঙ্গেঽস্য শির কৃৎবা নিষসাদ মহীতলে ॥ 3-298-6 (27381)
ততঃ সা নারদবচো বিমৃশন্তী তপস্বিনী।
তং মুহূর্তং ক্ষণং বেলাং দিবসং চ যুয়োজ হ ॥ 3-298-7 (27382)
`হন্ত প্রাপ্তঃ স কালোঽয়মিতি চিন্তাপরা সতী'।
মুহূর্তাদেব চাপশ্য্পুরুষং রক্তবাসসম্।
বদ্ধমৌলিং বপুষ্মন্তমাদিত্যসমতেজসম্ ॥ 3-298-8 (27383)
শ্যামাবদাতং রক্তাক্ষং পাশহস্তং ভয়াবহম্।
স্থিতং সত্যবতঃ পার্শ্বে নিরীক্ষন্তং তমেব চ ॥ 3-298-9 (27384)
তং দৃষ্ট্বাসহসোত্থায় ভর্তুন্যস্য শনৈঃ শিরঃ।
কৃতাঞ্জলিরুবাচার্তা হৃদয়েন প্রবেপতী ॥ 3-298-10 (27385)
দৈবতংৎবাভিজানামি বপুরেতদ্ধ্যমানুষম্।
কাময়া ব্রূহি দেবেশ কস্ৎবং কিংচ চিকীর্ষসি ॥ 3-298-11 (27386)
যম উবাচ। 3-298-12x (2768)
পতিব্রতাঽসি সাবিত্রি তথৈব চ তপোন্বিতা।
অস্ৎবামভিভাষামি বিদ্ধি মাং ৎবং শুভে যমম্ ॥ 3-298-12 (27387)
অয়ং তে রসত্যবান্ভর্তা ক্ষীণায়ুঃ পার্থিবাত্মজঃ।
নেষ্যামি তমহং বদ্ধ্বা বিদ্ধ্যেতন্মে চীকির্ষিতং ॥ 3-298-13 (27388)
সাবিত্র্যুবাচ। 3-298-13x (2769)
শ্রূয়তে ভগবন্দূতাস্তবাগচ্ছন্তি মানবান্।
নেতুং কিল ভবান্কস্মাদাগতোসি স্বয়ং প্রভো ॥ 3-298-14 (27389)
মার্কণ্ডেয় উবাচ। 3-298-15x (2770)
ইত্যুক্তঃ পিতৃরাজস্তাং ভগবান্স্বচিকীর্ষিতম্।
যথাবৎসর্বমাখ্যাতুং তৎপ্রিয়ার্থং প্রচক্রমে ॥ 3-298-15 (27390)
অয়ং চ ধর্মসংয়ুক্তো রূপবান্গুণসাগরঃ।
নার্হো মৎপুরুষৈর্নেতুমতোস্মি স্বয়মাগতঃ ॥ 3-298-16 (27391)
ততঃ সত্যবতঃ কায়াৎপাশবদ্ধং বশংগতম্।
অঙ্গুষ্ঠমাত্রং পুরুষং নিশ্চকর্ষ যমো বলাৎ ॥ 3-298-17 (27392)
ততঃ সমুদ্ধৃতপ্রাণং গতশ্বাসং হতপ্রভম্।
নিরবিচেষ্টংশরীরং তদ্বভূবাপ্রিয়দর্সনম্ ॥ 3-298-18 (27393)
যমস্তু তং ততো বদ্ধ্বা প্রয়াতো দক্ষিণামুখঃ।
সাবিত্রী চৈব দুঃখার্তা যমমেবান্বগচ্ছত ॥ 3-298-19 (27394)
`ভর্তুঃ শরীররাং চ বিধায় হি তপস্বিনী।
ভর্তারমনুগচ্ছন্তী তথাবস্থং সুমধ্যমা'।
নিয়মব্রতসংসিদ্ধা মহাভাগা পতিব্রতা ॥ 3-298-20 (27395)
যম উবাচ। 3-298-21x (2771)
নিবর্ত গচ্ছ সাবিত্রি কুরুষ্বাস্যৌর্ধ্বদৈহিকম্।
কৃতংভর্তুস্ৎবয়াঽঽনৃণ্যং যাবদ্গম্যং গতং ৎবয়া ॥ 3-298-21 (27396)
সাবিত্র্যুবাচ। 3-298-22x (2772)
যত্র মে নীয়তে ভর্তা স্বয়ং বা যত্র গচ্ছতি।
ময়া চ তত্র গন্তব্যমেষ ধর্মঃ সনাতনঃ ॥ 3-298-22 (27397)
তপসা গুরুভক্ত্যা চ ভর্তুঃ স্নেহাদ্ব্রতেন চ।
তব চৈব প্রসাদেন ন মে প্রতিহতা গতিঃ ॥ 3-298-23 (27398)
প্রাহুঃ সাপ্তপদং মৈত্রং বুধাস্তত্ৎবার্থদর্শিনঃ।
মিত্রতাং চ পুরস্কৃত্য কিংচিদ্বক্ষ্যামি তচ্ছৃণু ॥ 3-298-24 (27399)
নানাত্মবন্তস্তু বনে চরন্তি
ধর্মং চ বাসং চ পরিশ্রমং চ।
বিজ্ঞানতো ধর্মমুদাহরন্তি
তস্মাৎসন্তো ধর্মমাহুঃ প্রধানম্ ॥ 3-298-25 (27400)
একস্য ধর্মেণ সতাং মতেন
সর্বেস্ম তং মার্গমনুপ্রপন্নাঃ।
মা বৈ দ্বিতীয়ং মা তৃতীয়ং চ বাঞ্ছে
তস্মাৎসন্তো ধর্মমাহুঃ প্রধানম্ ॥ 3-298-26 (27401)
যম উবাচ। 3-298-37x (2773)
নিবর্ত তুষ্টোস্মি তবানয়া গিরা
স্বরাক্ষরব্যঞ্জনহেতুয়ুক্তয়া।
বরং বৃণীষ্বেহবিনাঽস্য জীবিতং
দদানি তে সর্বমনিন্দিতে বরম্ ॥ 3-298-27 (27402)
সাবিত্র্যুবাচ। 3-298-28x (2774)
চ্যুতঃ স্বরাজ্যাদ্বনবাসমাশ্রিতো
বিনষ্টচক্ষুঃ শ্বশুরো মমাশ্রমে।
স লব্ধচক্ষুর্বলবান্ভবেন্নৃপ-
স্তব প্রসাদাজ্জ্বলনার্কসংনিভঃ ॥ 3-298-28 (27403)
যম উবাচ। 3-298-29x (2775)
দদানি তেঽহং তমনিন্দিতে বরং
যথা ৎবয়োক্তং ভবিতা চ তত্তথা।
তবাধ্বনা গ্লানিমিবোপলক্ষয়ে
নিবর্ত গচ্ছস্ব ন তে শ্রমো ভবেৎ ॥ 3-298-29 (27404)
সাবিত্র্যুবাচ। 3-298-30x (2776)
শ্রমঃ কুতো ভর্তৃসমীপতো হিমে
যতো হি ভর্তা মম সা গতির্ধ্রুবা।
যতঃ পতিং নমেষ্যসি তত্র মে গতিঃ
সুরেশ ভূয়শ্চ বচো নিবোধ মে ॥ 3-298-30 (27405)
সতাং সকৃৎসংগতমীপ্সিতং পরং
ততঃ পরং মিত্রমিতি প্রচক্ষতে।
ন চাফলং সৎপুরুষেণ সংগতং
ততঃ সতাং সংনিবসেৎসমাগমে ॥ 3-298-31 (27406)
যম উবাচ। 3-298-32x (2777)
মনোনুকূলং বুধবুদ্ধিবর্ধনং
ৎবয়া যদুক্তং বচনং হিতাশ্রয়ম্।
বিনা পুনঃ সত্যবতোস্য জীবিতং
বরং দ্বিতীয়ং বরয়স্ব ভামিনি ॥ 3-298-32 (27407)
সাবিত্র্যুবাচ। 3-298-33x (2778)
হৃতংপুরা মে শ্বশুরস্য ধীমতঃ
স্বমেব রাজ্যংলভতাং স পার্থিবঃ।
কজহ্যাৎস্বধর্মান্ন চ মে গুরুর্যথা
দ্বিতীয়মেতদ্বরয়ামি তে বরম্ ॥ 3-298-33 (27408)
যম উবাচ। 3-298-34x (2779)
স্বমেবং রাজ্যং প্রতিপৎস্যতেঽচিরা-
ন্ন চ স্বধর্মাৎপরিহীয়তে নৃপঃ।
কৃতেন কামেন ময়া নৃপাত্মজে
নিবর্ত গচ্ছস্ব ন তে শ্রমো ভবেৎ ॥ 3-298-34 (27409)
সাবিত্র্যুবাচ। 3-298-35x (2780)
প্রজাস্ৎবয়ৈতা নিয়মেন সংয়তা
নিয়ম্য চৈতা নয়সে নিকাময়া।
ততো যমৎবং তব দেব বিশ্রুতং
নিবোধ চেমাং গিরমীরিতাং ময়া ॥ 3-298-35 (27410)
অদ্রোহঃ সর্বভূতেষু কর্মণা মনসা গিরা।
অনুগ্রহশ্চ দানং চ সতাং ধর্মঃ সনাতনঃ ॥ 3-298-36 (27411)
এবংপ্রায়শ্চ লোকোঽয়ং মনুষ্যাঃ শক্তিপেশলাঃ।
সন্তস্ৎবেবাপ্যমিত্রেষু দয়াং প্রাপ্তেষু কুর্বতে ॥ 3-298-37 (27412)
যম উবাচ। 3-298-38x (2781)
পিপাসিতস্যেব ভবেদ্যথা পয়-
স্তথা ৎবয়া বাক্যমিদং সমীরিতম্।
বিনা পুনঃ সত্যবতোঽস্য জীবিতং
বরং বৃণীষ্বেহ শুভে যদিচ্ছসি ॥ 3-298-38 (27413)
সাবিত্র্যুবাচ। 3-298-39x (2782)
মমানপত্যঃ পৃথিবীপতিঃ পিতা
ভবৎপিতুঃ পুত্রশতং তথৌরসম্।
কুলস্য সংতানকরং চ যদ্ভবে-
ত্তৃতীয়মেতদ্বরয়ামি তে বরম্ ॥ 3-298-39 (27414)
যম উবাচ। 3-298-40x (2783)
কুলস্য সংতানকরং সুবর্চসং
শতং সুতানাং পিতুরস্তু তে শুভে।
কৃতেন কামেন নরাধিপাত্মজে
নিবর্ত দূরং হি পথস্ৎবমাগতা ॥ 3-298-40 (27415)
সাবিত্র্যুবাচ। 3-298-41x (2784)
ন দূরমেতন্মম ভর্তৃসন্নিধৌ
মনো হি মে দূরতরং প্রধাবতি।
অথ ব্রজন্নেব গিরং সমুদ্যতাং
ময়োচ্যমানাং শৃণু ভূয় এব চ ॥ 3-298-41 (27416)
বিবস্বতস্ৎবং তনয়ঋ প্রতাপবাং-
স্ততো হি বৈবস্বত উচ্যসে বুধৈঃ।
সমেন ধর্মেণ চরন্তি তাঃ প্রজা-
স্ততস্তবেহেবর ধর্মরাজতা ॥ 3-298-42 (27417)
আত্মন্যপি ন বিশ্বাসস্তথা ভবতি সৎসু যঃ।
তস্মাৎসৎসু বিশেপেণ সর্বঃ প্রণয়মিচ্ছতি ॥ 3-298-43 (27418)
সৌহদাৎসর্বভূতানাং বিশ্বাসো নাম জায়তে।
তস্মাৎসৎসু বিশেপেণ বিশ্বাসং কুরুতে জনঃ ॥ 3-298-44 (27419)
যব উবাচ। 3-298-45x (2785)
উদাহৃতংতে বচনং যদঙ্গনে
শুভে ন তাদৃক্ ৎবদৃতে শ্রুতং ময়া।
অনেন তুষ্টোস্মি বিনাঽস্য জীবিতং
বরং চতুর্থং বরয়স্ব গচ্ছ চ ॥ 3-298-45 (27420)
সাবিত্র্যুবাচ। 3-298-46x (2786)
মমাত্মজং সত্যবতস্তথৌরসং
ভবেদুভাভ্যামিহ যৎকুলোদ্বহম্।
শতং সুতানাং বলবীর্যশালিনা-
মিদংচতুর্থং বরয়ামি তে বরম্ ॥ 3-298-46 (27421)
যম উবাচ। 3-298-47x (2787)
শতং সুতানাং বলবীরয়্শালিনাং
ভবিষ্যতি প্রীতিকরং তবাবলে।
পরিশ্রমস্তে ন ভবেন্নৃপাত্মজে
নিবর্ত দূরং হি পথস্ৎবমাগতা ॥ 3-298-47 (27422)
সাবিত্র্যুবাচ। 3-298-48x (2788)
সতাং সদা শাশ্বতধর্মবৃত্তিঃ
সন্তো ন সীদন্তি ন চ ব্যথন্তি।
সতাং সদ্ভির্নাফলঃ সংগমোস্তি
সদ্ভ্যো ভয়ংনানুবর্তন্তি সন্তঃ ॥ 3-298-48 (27423)
সন্তো হি সত্যেন নয়ন্তি সূর্যং
সন্তো ভূমিং তপসা ধারয়ন্তি।
সন্তো গতির্ভূতভব্যস্ রাজ-
ন্সতাং মধ্যে নাবসীদন্তি সন্তঃ ॥ 3-298-49 (27424)
আর্যজুষ্টমিদং বৃত্তমিতি বিজ্ঞায় শাশ্বতম্।
সন্তঃ পরার্থং কুর্বাণা নাবেক্ষন্তি প্রতিক্রিয়াঃ ॥ 3-298-50 (27425)
ন চ প্রসাদঃ সৎপুরুষেষু মোঘো
ন চাপ্যর্থো নশ্যতি নাপি মানঃ।
যস্মাদেতন্নিয়তং সৎসু নিত্যং
তস্মাৎসন্তো রক্ষিতারো ভবন্তি ॥ 3-298-51 (27426)
যম উবাচ। 3-298-52x (2789)
যথায়থা ভাষসি ধর্মসংহিতং
মনোনুকূলং সুপদং মহার্থবৎ।
তথাতথা মে ৎবয়ি ভক্তিরুত্তমা
বরং বৃণীষ্বাপ্রতিমং পতিব্রতে ॥ 3-298-52 (27427)
সাবিত্র্যুবাচ। 3-298-53x (2790)
ন তেঽপবর্গঃ সুকৃতাদ্বিনা কৃত-
স্তথা যথাঽন্যেষু বরেষু মানদ।
বরং বৃণে জীবতু সত্যবানয়ং
যথা মৃতা হ্যেবমহং পতিং বিনা ॥ 3-298-53 (27428)
ন কাময়ে ভর্তবিনাকৃতা সুখং
ন কাময়ে ভর্তৃবিনাকৃতা দিবম্।
নকাময়ে ভর্তবিনাকৃতা শ্রিয়ং
ন ভর্তৃহীনা ব্যবসামি জীবিতুম্ ॥ 3-298-54 (27429)
বরাতিসর্গঃ শতপুত্রতা মম
ৎবয়ৈব দত্তো হ্রিয়তে চ মে পতিঃ।
বরং বৃণে জীবতু সত্যবানয়ং
তবৈব সত্যং বচনং ভবিষ্যতি ॥ 3-298-55 (27430)
মার্কণ্ডেয় উবাচ। 3-298-56x (2791)
তথেত্যুক্ৎবা তু তং পাশং মুক্ৎবা বৈবস্বতো যমঃ।
ধর্মরাজঃ প্রহৃষ্টাত্মা সাবিত্রীমিদমব্রবীৎ ॥ 3-298-56 (27431)
এষ ভদ্রে ময়া মুক্তো ভর্তা তে কুলনন্দিনি।
`তোষিতোঽহং ৎবয়া সাধ্বি বাক্যৈর্ধর্মার্তসংহিতৈঃ' ॥ 3-298-57 (27432)
অরোগস্ব নেয়শ্চ সিদ্ধার্থঃ স ভবিষ্যি।
চতুর্বর্ষশতায়ুশ্চ ৎবয়া সার্ধমবাপ্স্যতি ॥ 3-298-58 (27433)
ইষ্ট্বা যজ্ঞৈশ্চ ধর্মেণ খ্যাতিং লোকে গমিষ্যতি।
ৎবয়ি পুত্রশতং চৈব সত্যবাঞ্জনয়িষ্যতি ॥ 3-298-59 (27434)
তে চাপি সর্বে রাজানঃ ক্ষত্রিয়াঃ পুত্রপৌত্রিণঃ।
খ্যাতাস্ৎবন্নামধেয়াশ্চভবিষ্যন্তীহ শাশ্বতাঃ ॥ 3-298-60 (27435)
পিতুশ্চ তে পুত্রশতং ভবিতা তব মাতরি।
মালব্যাং মালবা নাম শাশ্বতাঃ পুত্রপৌত্রিণঃ।
ভ্রাতরস্তে ভবিষ্যন্তি ক্ষত্রিয়াস্ত্রিদশোপমাঃ ॥ 3-298-61 (27436)
এবং তস্যৈ বরং দত্ৎবা ধর্মরাজঃ প্রতাপবান্।
নিবর্তয়িৎবা সাবিত্রীং স্বমেব ভবনং যয়ৌ ॥ 3-298-62 (27437)
সাবিত্র্যপি যমে যাতে ভর্তারং প্রতিলভ্য চ।
জগাম তত্র যত্রাস্যা ভর্তুঃ শাবং কলেবরম্ ॥ 3-298-63 (27438)
সা ভূমৌ প্রেক্ষ্যভর্তারমুপসৃত্যোপগৃহ্য চ।
উৎসঙ্গে শির আরোপ্য ভূমাবুপবিবেশ হ ॥ 3-298-64 (27439)
সংজ্ঞাং চস পুনর্লব্ধ্বা সাবিত্রীমভ্যভাষত।
প্রোষ্যাগত ইব প্রেম্ণা পুনঃপুনরুদীক্ষ্যবৈ ॥ 3-298-65 (27440)
সুচিরং বত সুপ্তোস্মি কিমর্থং নাববোধিতঃ।
ক্ব চাসৌ পুরুষঃ শ্যামো যোসৌ মাং সংচকর্ষহ ॥ 3-298-66 (27441)
সাবিত্র্যুবাচ। 3-298-67x (2792)
সুচিরং ৎবংপ্রসুপ্তোসি মমাহ্কে পুরুষর্ষভ।
গতঃ স ভগবান্দেবঃ প্রজাসংয়মনো যমঃ ॥ 3-298-67 (27442)
বিশ্রান্তোসি মহাভাগ বিনিদ্রশ্চ নৃপাত্মজ।
যদি শক্যং সমুত্তিষ্ঠ বিগাঢাং পশ্য শর্বরীম্ ॥ 3-298-68 (27443)
মার্কণ্ডেয় উবাচ। 3-298-69x (2793)
উপলভ্যততঃ সংজ্ঞাং সুখসুপ্ত ইবোত্থিতঃ।
দিশঃ সর্বা বনান্তাংশ্চ নিরীক্ষ্যোবাচ সত্যবান্ ॥ 3-298-69 (27444)
ফলাহারোস্মি নিষ্ক্রান্তস্বয়া সহ সুমধ্যমে।
ততঃ পাটয়তঃ কাষ্ঠং শরিসো মে রুজাঽভবৎ ॥ 3-298-70 (27445)
শিরোভিতাপসংতপ্তঃ স্থাতুং চিরমশক্নুবন্।
তবোৎসঙ্গে প্রসুপ্তোস্মি ইতি সর্বং স্মরে শুভে ॥ 3-298-71 (27446)
ৎবয়োপগূঢস্য চ মে নিদ্রয়াঽপহৃতং মনঃ।
ততোঽপশ্যং তমো ঘোরং পুরুষং চ মহৌজসম্ ॥ 3-298-72 (27447)
তদ্যদি ৎবং বিজানাসি কিং তদ্ব্রূহি সুমধ্যমে।
স্বপ্নো মে যদিবা দৃষ্টো যদি বা সত্যমেব তৎ ॥ 3-298-73 (27448)
তমুবাচাথ সাবিত্রী রজনী ব্যবগাহতে।
শ্বস্তে সর্বংয়থাবৃত্তমাখ্যাস্যামি নৃপাত্মজ ॥ 3-298-74 (27449)
উত্তিষ্ঠোত্তিষ্ঠ ভদ্রং তে পিতরৌ পশ্য সুব্রত।
বিগাঢা রজনী চেয়ং নিবৃত্তশ্চ দিবাকরঃ ॥ 3-298-75 (27450)
নক্তংচরাশ্চরন্ত্যেতে হৃষ্টাঃ ক্রূরাভিভাষিণঃ।
শ্রূয়ন্তে পর্ণশব্দাশ্চ মৃগাণাং চরতাং বনে ॥ 3-298-76 (27451)
এতা ঘোরং শিবা নাদান্দিশং দক্ষিণপশ্চিমাম্।
আস্থায় বিরুবন্ত্যুগ্রাঃ কম্পয়ন্ত্যো মনো মম ॥ 3-298-77 (27452)
সত্যবানুবাচ। 3-298-78x (2794)
বনং প্রতিভয়াকারং ঘনেন তমসা বৃতম্।
ন বিজ্ঞাস্যসি পন্থানং গন্তুং চৈব ন শক্ষ্যসি ॥ 3-298-78 (27453)
সাবিত্র্যুবাচ। 3-298-79x (2795)
অস্মিন্ন বনে দগ্ধে শুষ্কবৃক্ষঃ স্থিতো জ্বলন্।
বায়ুনা ধম্যমানোত্র দৃশ্যতেঽগ্নিঃ ক্বচিৎক্বচিৎ ॥ 3-298-79 (27454)
ততোঽগ্নিমানয়িৎবেহ জ্বালয়িপ্যামি সর্বতঃ।
কাষ্ঠানীমানি সন্তীহ জহি সংতাপমাত্মনঃ ॥ 3-298-80 (27455)
যদি নোৎসহসে গন্তুং সরুজং ৎবাং হি লক্ষয়ে।
ন চ জ্ঞাস্যসি পন্থানং তমসা সংবৃতে বনে ॥ 3-298-81 (27456)
শ্বঃ প্রভাতে বনে দৃশ্যে যাস্যাবোঽনুমতে তব।
বসাবেহ ক্ষপামেকাং রুচিতং যদি তেঽনঘ ॥ 3-298-82 (27457)
সত্যবানুবাচ। 3-298-83x (2796)
শিরোরুজা নিবৃত্তা মে স্বস্থান্যঙ্গানি লক্ষয়ে।
মাতাপিতৃভ্যামিচ্ছামি সংয়োগং ৎবৎপ্রসাদজম্ ॥ 3-298-83 (27458)
ন কদাচিদ্বিকালে হি গতপূর্বোহমাশ্রমাৎ।
অনাগতায়াং সন্ধ্যায়াং মাতা মে প্ররুণদ্ধি মাম্ ॥ 3-298-84 (27459)
দিবাঽপিময়ি নিষ্ক্রান্তে সন্তপ্যেতে গুরূ মম।
বিচিনোতি হি মাং তাতঃ সহৈবাশ্রমবাসিভিঃ ॥ 3-298-85 (27460)
মাত্রা পিত্রা চ সুভৃশং দুঃখিতাভ্যামহং পুরা।
উপালব্ধশ্চ বহুশশ্চিরেণাগচ্ছসীতি হি ॥ 3-298-86 (27461)
কাৎববস্থা তয়োরদ্য মদর্থমিতি চিন্তয়ে।
তয়োরদৃশ্যে ময়ি চ মহদ্দুঃখং ভবিষ্যতি ॥ 3-298-87 (27462)
পুরা মামূচতুশ্চৈব রাত্রাবস্রায়মাণকৌ।
ভৃশং সুদুঃখিতৌ বৃদ্ধৌ বহুশঃ প্রীতিসংয়ুতৌ ॥ 3-298-88 (27463)
ৎবয়া হীনৌ ন জীবাব মুহূর্তমপি পুত্রক।
যাবদ্ধরিষ্যসে পুত্র তাবন্নৌ জীবিতং ধ্রুবম্ ॥ 3-298-89 (27464)
বৃদ্ধয়োরন্ধয়োর্দৃষ্টিস্ৎবয়ি বংশঃ প্রতিষ্ঠিঃ।
ৎবয়ি পিণ্ডশ্চ কীর্তিশ্চ সন্তানশ্চাবয়োরিতি ॥ 3-298-90 (27465)
মাতা বৃদ্ধা পিতা বৃদ্ধস্তয়োর্যষ্টিরহং কিল।
তৌ রাত্রৌ মামপশ্যন্তৌ কামবস্থাং গমিষ্যতঃ ॥ 3-298-91 (27466)
নিদ্রায়াশ্চাভ্যসূয়ামি যস্যা হেতোঃ পিতা মম।
মাতা চ সংশয়ং প্রাপ্তা মৎকৃতেঽনপকারিণী ॥ 3-298-92 (27467)
অহং চ সংশয়ং প্রাপ্তঃ কৃচ্ছ্রামাপদমাস্থিতঃ।
মাতাপিতৃভ্যাং হি বিনা নাহং জীবিতুমুৎসহে ॥ 3-298-93 (27468)
ব্যক্তমাকুলয়া বুদ্ধ্যা প্রজ্ঞাচক্ষুঃ পিতা মম।
একৈকমস্যাং বেলায়াং পৃচ্ছত্যাশ্রমবাসিনম্ ॥ 3-298-94 (27469)
নাত্মানমনুশোচামি যথাঽহংপিতরং শুভে।
ভর্তারং চাপ্যনুগতাং মাতরং ভৃশদুঃখিতাম্ ॥ 3-298-95 (27470)
মৎকৃতে ন হি তাবদ্য সন্তাপং পরমেষ্যতঃ।
জীবন্তাবনুজীবামি ভর্তব্যৌ তৌ ময়েতি হ ॥ 3-298-96 (27471)
তয়োঃ প্রিয়ং মে কর্ব্যমিতি জীবামি চাপ্যহম্।
`পরমং দৈবতং তৌ মে পূজনীয়ৌ সদা ময়া।
তয়োস্তু মে সদাঽস্ত্যেবং ব্রতমেতৎপুরাতনম্' ॥ 3-298-97 (27472)
মার্কণ্ডেয় উবাচ। 3-298-98x (2797)
এবমুক্ৎবা স ধর্মাত্মা গুরুভক্তো গুরুপ্রিয়ঃ।
উচ্ছ্রিত্য বাহূ দুঃখার্তঃ সুস্বরং প্ররুরোদ হ ॥ 3-298-98 (27473)
ততোঽব্রবীত্তথা দৃষ্ট্বাভর্তারং শোককর্শিতম্।
প্রমৃজ্যাশ্রূণি পাণিভ্যাং সাবিত্রী ধর্মচারিণী ॥ 3-298-99 (27474)
যদি মেঽস্তি তপস্তপ্তং যদি দত্তং হুতং যদি।
শ্বশ্রূশ্বশুরভর্তৄণাং মম পুণ্যাঽস্তু শর্বরী ॥ 3-298-100 (27475)
ন স্মরাম্যুক্তপূর্বং বৈ স্বৈরেষ্বপ্যনৃতাং গিরম্।
তেন সত্যেন তাবদ্য ধ্রিয়েতাং শ্বশুরৌ মম ॥ 3-298-101 (27476)
সত্যবানুবাচ। 3-298-102x (2798)
কাময়ে দর্শনং পিত্রোর্যাহি সাবিত্রি মাচিরম্।
`অপিনাম গুরূ তৌ হি পশ্যেয়ং ধ্রিয়মাণকৌ' ॥ 3-298-102 (27477)
পুরা মাতুঃ পিতুর্বাঽপিয়দি পশ্যামি বিপ্রিয়ম্।
ন জীবিষ্যে বরারোহে সত্যেনাত্মানমালভে ॥ 3-298-103 (27478)
যদি ধর্মে চ তে বুদ্ধির্মাং চেজ্জীবন্তমিচ্ছসি।
মম প্রিয়ং বা কর্তব্যং গচ্ছাবাশ্রমমন্তিকাৎ ॥ 3-298-104 (27479)
মার্কণ্ডেয় উবাচ। 3-298-105x (2799)
সাবিত্রী তত উত্থায় কেশান্সংম্য ভামিনী।
পতিমুত্থাপয়ামাস বাহুভ্যাং পরিগৃহ্য বৈ ॥ 3-298-105 (27480)
উত্তায় সত্যবাংশ্চাপি প্রমৃজ্যাঙ্গানি পাণিনা।
সর্বা দিশঃ সমালোক্য কঠিনে দৃষ্টিমাদধে ॥ 3-298-106 (27481)
তমুবাচাথসাবিত্রী শ্বঃ ফলানি হরিষ্যসি।
যোগক্ষেমার্থমেতং তে নেষ্যামি পরশুং ৎবহম্ ॥ 3-298-107 (27482)
কৃত্ৎবা কঠিনভারং সা বৃক্ষশাখাবলম্বিনম্।
গৃহীৎবা পরশুং ভর্তুঃ সকাশে পুনরাগমৎ ॥ 3-298-108 (27483)
বামে স্কন্ধে তু বামোরূর্ভর্তুর্বাহুং নিবেশ্য চ।
দক্ষিণএন পরিষ্বজ্য জগাম গজগামিনী ॥ সত্যবানুবাচ। 3-298-109 (27484)
অভ্যাসগমনাদ্ভীরু পন্থানো বিদিতা মম।
বৃক্ষান্তরালোকিতয়া জ্যোৎস্নয়া চাপি লক্ষয়ে ॥ 3-298-110 (27485)
আগতৌ স্বঃ পথা যেন ফলান্যবচিতানি চ।
যথাগতং শুভে গচ্ছ পন্থানং মা বিচারয় ॥ 3-298-111 (27486)
পলাশখণ্ডে চৈতস্মিন্পন্থা ব্যাবর্ততে দ্বিধা।
তস্যোত্তরেণ যঃ পন্থাস্তেন গচ্ছ ৎবরস্ব চ ॥ 3-298-112 (27487)
স্বস্থোস্মি বলবানস্মি দিদৃক্ষুঃ পিতরাবুভৌ।
ব্রুবন্নেব ৎবরায়ুক্তঃ সম্প্রায়াদাশ্রমং প্রতি ॥ 3-298-113 (27488)
ইতি শ্রীমন্মহাভারতে অরণ্যপর্বণি পতিব্রতামাহাত্ম্যপর্বণি অষ্টনবত্যধিকদ্বিশততমোঽধ্যায়ঃ ॥ 298 ॥
Mahabharata - Vana Parva - Chapter Footnotes
3-298-1 কঠিনং স্তালীম্ ॥ 3-298-7 যুয়োজ অনুচিন্তিতবতী ॥ 3-298-8 পুরুষং পীতবাসসমিতি ক. থ. পাঠঃ ॥ 3-298-11 কাময়া ইচ্ছয়া ॥ 3-298-25 অনাত্মবন্তঃ অজিতেন্দ্রিয়াঃ। বনে ধর্মং যজ্ঞাদিরূপং ন চরন্তি। জিতেনদ্রিয়া এব বনে গ্রামে বা যজ্ঞাদীন্স্ত্রীসংবদ্ধান্ ধর্মান্কুর্বন্তি। তেন গৃহস্থবানপ্রস্থয়োঃ সংগ্রহঃ। বাসং গুরুকুলবাসং ব্রহ্মচর্যম্। পরিশ্রমং পরিত্যাগরূপমাশ্রমং সংন্যাসম্। বিজ্ঞানতঃ চতুর্থ্যর্থে সার্ববিভক্তিকস্তসিঃ। ধর্মস্য ফলং আত্মবিজ্ঞানমিত্যর্থঃ ॥ 3-298-26 এতেষামাশ্রমধর্মাণাং সমুচ্চয়ং বারয়তি একস্যেতি। চতুর্ণামন্যতমস্যৈকস্যাশ্রমস্য ধর্মেণ সতাং মতেন দম্ভাদিরহিতশ্রদ্ধয়া সম্যগনুষ্ঠিতেনেত্যর্থঃ। সর্বে তং মার্গং জ্ঞানমার্গং প্রপন্নাঃ প্রাপ্তাঃ অতো ধর্মং চ বাসং চ প্রতিশ্রয়ং চেতি পাঠক্রমাপেক্ষয়া দ্বিতীয়ং নৈষ্ঠিকং গুরুকুলবাসং দারাঽকরণরূপং তৃতীয়ং পারিব্রাজ্যং দারাদিত্যাগরূপং বা ন বাঞ্ছে। জ্ঞানহেতোঃ প্রধানভূতস্য ধর্মস্যাদ্যেপি সিদ্ধেরিত্যর্থঃ. মদ্ধর্তুর্হরণেনাবয়োর্ধর্মং মা নাশয়েতি ভাবঃ ॥ 3-298-27 নিবর্ত নিবর্তস্ব। স্বর উদাত্তাদিঃ। অক্ষরমকারাদি। ব্যঞ্জনং ককারাদি। এতদ্যুক্তৎবেন বাক্যস্য শব্দতো নির্দোষৎবমুক্তম্। হেতুয়ুক্তৎবেন যুক্তিয়ুক্তৎবমপ্যুক্তম্ ॥ 3-298-33 গুরুঃ শ্বশুরঃ ॥ 3-298-42 সমেন শত্রুমিত্রাদিতারতম্যহীনেন তব ধর্মেণ প্রশাসনেন তাঃ প্রজাশ্চরন্তি। ৎবদাজ্ঞাবশগা ইত্যর্থঃ। অতএব তব নাম ধর্মরাজ ইতি। ধর্মেণৈব রাজতে ধর্মোঽস্য রাজত ইতিবা ॥ 3-298-43 লৌকিকেষ্বপি বিশ্রামং কুর্যন্নিষ্টসিদ্ধিং প্রাপ্নোতি কিমুত ৎবয়ি ধর্মরাজে ইত্যাশয়েনাহ আত্মন্যপীতি। সর্বঃ প্রণমতে নর ইতি ক. ধ. পাঠঃ ॥ 3-298-45 তে ৎবয়া ॥ 3-298-48 শাশ্বতো ধর্মঃ পত্যুঃ সকাশাদেবাপত্যোৎপাদনং সতাং মাদৃশানাং দারাণাং তত্রৈব বৃত্তিঃ। ননু গতায়ুষি পত্যৌ কথং তৎ স্যাদিত্যত আহ সংত ইতি। বরং দত্ৎবা সন্তো নব্যথন্তি নাপি সীদন্তি কিংতু উক্তং নির্বহন্ত্যেবেত্যর্থঃ। অত্যন্তাশক্যেঽর্থে কথং স্যাদিত্যত আহ সতামিতি। সতামশক্যমপি নাস্তি। ভংয়চান্যস্য তেভ্যো নাস্তীতি তত্ৎবতোহং নির্ভয়াস্মীতি ভাবঃ ॥ 3-298-49 ৎবয়াপি সত্যং স্বীয়ং রক্ষণীয়মিত্যাহ সন্তো হীতি। ভূতভব্যস্য ভূতস্য ভবিষ্যস্য চ ॥ 3-298-51 এতৎ ত্রয়ং প্রসাদোঽর্থো মানশ্চ। দরিদ্রস্য প্রসাদো নার্থায়। শ্রীমতাং প্রসাদোঽর্থকৃদপি ন মানদঃ। সতাং তু মানদ ইতি। খলে তু প্রসাদ এব নাস্তি। অতস্ত্রয়ং ৎবয়্যেব স্তিতমিতি ৎবং রক্ষিতাস্মাকং ভবেতি ভাবঃ ॥ 3-298-53 তে ৎবত্তঃ। অপবর্গঃ পুত্রফলপ্রাপ্তিঃ সুকৃতাদ্বিনা সমীচীনাদ্দাম্পত্যযোগাদৃতেক্ষেত্রজাদিপুত্রার্পণেন ন কৃতোনিষ্পাদিতো ভবতি। যথান্যেষু বরেষু ভর্তৃষু মদয়ন্ত্যাং বশিষ্ঠস্যেব ন তদ্বৎ। যস্মাদেবং তস্মাদ্বরং বৃণে ॥ 3-298-54 ব্যবসামি শক্নোমি ॥ 3-298-60 ৎবন্নামধেয়াঃ সাবিত্রা ইতি ॥ 3-298-88 অস্রায়মাণকৌ রুদন্তৌ ॥ 3-298-89 নৌ আবয়োঃ ॥ 3-298-94 প্রজ্ঞাচক্ষুরন্ধঃ ॥ 3-298-101 ধ্রিয়েতাং জীবেতাম্। শ্বশুরৌ শ্বশ্রূশ্বশুরৌ ॥ 3-298-106 কঠিনে ফলপূর্ণে পাত্রে ॥ 3-298-108 কৃত্ৎবা আচ্ছিদ্য আদায়েত্যর্থঃ ॥ 3-298-109 জগাত্যমৃদুভামিনী ইতি থ. পাঠঃ ॥অরণ্যপর্ব - অধ্যায় 299
॥ শ্রীঃ ॥
3.299. অধ্যায়ঃ 299
Mahabharata - Vana Parva - Chapter Topics
অকস্মাচ্চক্ষুর্লাভতুষ্টনাপি পুত্রানাগমবিষণ্ণেন দ্যুমৎসেনন তত্রতত্রতদন্বেষণম্ ॥ 1 ॥ ঋষিগণেন শুভনিমিত্তজ্ঞাপনেন সমাশ্বাসিতে তস্মিন্সাবিত্র্যাসহ সত্যবতা পিতুরাশ্রমাভিগমনম্ ॥ 2 ॥ মুনিগণায় সাবিত্র্যা বনে বৃত্তবৃত্তান্তনিবেদনম্ ॥ 3 ॥Mahabharata - Vana Parva - Chapter Text
3-299-0 (27489)
মার্কণ্ডেয় উবাচ। 3-299-0x (2800)
এতস্মিন্নেব কালে তু দ্যুমৎসেনো মহাবলঃ।
লব্ধচক্ষুঃ প্রসন্নায়াং দৃষ্ট্যাং সর্বং দদর্শ হ ॥ 3-299-1 (27490)
স সর্বানাশ্রমান্গৎবা শৈব্যযা সহ ভার্যযা।
পুত্রহেতোঃ পরামার্তিং জগাম ভরতর্ষভ ॥ 3-299-2 (27491)
তাবাশ্রমান্নদীশ্চৈববনানি চ সরাংসি চ।
তস্যাং নিশি বিচিন্বন্তৌ দম্পতী পরিজগ্মতুঃ ॥ 3-299-3 (27492)
শ্রুৎবা শব্দং তু যং কংচিদুন্মুখৌ সুতশঙ্কয়া।
সাবিত্রীসহিতোঽভ্যেতি সত্যবানিত্যভাষতাম্ ॥ 3-299-4 (27493)
ভিন্নৈশ্চ পরুষৈঃ পাদৈঃ সব্রণৈঃ শোণিতোক্ষিতৈঃ।
কুশকণঅটকবিদ্ধাঙ্গাবুনমত্তাবিব ধাবতঃ ॥ 3-299-5 (27494)
ততোঽভিসৃত্য তৈর্বিপ্রৈঃ সর্বৈরাশ্রমবাসিভিঃ।
পরিবার্য সমাশ্বাস্য তাবানীতৌ স্বমাশ্রমম্ ॥ 3-299-6 (27495)
তত্রভার্যাসহায়ঃ স বৃতো বৃদ্ধৈস্তপোধনৈঃ।
আশ্বাসিতোপি চিত্রার্থৈঃ পূর্বরাজকথাশ্রয়ৈঃ ॥ 3-299-7 (27496)
ততস্তৌ পুনরাশ্বস্তৌ বৃদ্ধৌ পুত্রদিদৃক্ষয়া।
বাল্যবৃত্তানি পুত্রস্য সাবিত্র্যা দর্শনানি চ।
শোকং জগ্মতুরন্যোন্যং স্মরন্তৌ ভৃশদুঃখিতৌ ॥ 3-299-8 (27497)
হাপুত্র হাসাধ্বি বধু ক্বাসিক্বাসীত্যরোদতাম্।
ব্রাহ্মণঃ সত্যবাক্যেষামুবাচেদং তয়োর্বচঃ ॥ 3-299-9 (27498)
সুবর্চা উবাচ। 3-299-10x (2801)
যথাস্য ভার্যা সাবিত্রী তপসা চ দমেন চ।
আচারেণ চ সংয়ুক্তা তথা জীবতি সত্যবান্ ॥ 3-299-10 (27499)
গৌতম উবাচ। 3-83-299x (2802)
বেদাঃ সাঙ্গা ময়াঽধীতাস্তপো মে সংচিতং মহৎ।
কৌমারব্রহ্মচর্যং চ গুরবোঽগ্নিশ্চ তোষিতাঃ ॥ 3-299-11 (27500)
সমাহিতেন চীর্ণানি সর্বাণ্যেব ব্রতানি মে।
বায়ুভক্ষোপবাসশ্চ কৃতোমে বিধিবৎসদা ॥ 3-299-12 (27501)
অনেন তপসা বেদ্মি সর্বং পরচীকীর্ষিতম্।
সত্যমেতন্নিবোধধ্বং ধ্রিয়তে সত্যবানিতি ॥ 3-299-13 (27502)
শিষ্য উবাচ। 3-299-14x (2803)
উপাধ্যায়স্য মে বক্রাদ্যথা বাক্যং বিনিঃসৃতম্।
নৈব জাতু ভবেন্মিথ্যা তথা জীবতি সত্যবান্ ॥ 3-299-14 (27503)
ঋষয় ঊচুঃ। 3-299-15x (2804)
যথাঽস্য ভার্যা সাবিত্রী সর্বৈরেব সুলক্ষণৈঃ।
অবৈধব্যকরৈর্যুক্তা তথা জীবতি সত্যবান্ ॥ 3-299-15 (27504)
ভারদ্বাজ উবাচ। 3-299-16x (2805)
যথাঽস্য ভার্যা সাবিত্রী তপসা চ দমেন চ।
আচারেণ চ সংয়ুক্তা তথা জীবতি সত্যবান্ ॥ 3-299-16 (27505)
দাল্ভ্যা রউবাচ। 3-299-17x (2806)
যথা দৃষ্টিঃ প্রবৃত্তা তে সাবিত্র্যাশ্চ যথা ব্রতম্।
গতাঽঽহারমকৃৎবৈব তথা জীবতি সত্যবান্ ॥ 3-299-17 (27506)
আপস্তম্ব উবাচ। 3-299-18x (2807)
যথা বদন্তি শান্তায়াং দিশি বৈ মৃগপক্ষিণঃ।
পার্থিবীং চৈববৃদ্ধিং তে তথা জীবতি সত্যবান্ ॥ 3-299-18 (27507)
ধৌম্য উবাচ। 3-299-19x (2808)
সর্বৈর্গুণৈরুপেতস্তে যথা পুত্রো জনপ্রিয়ঃ।
দীর্ঘায়ুর্লক্ষণোপেতস্তথা জীবতি স্যবান্ ॥ 3-299-19 (27508)
মার্কণ্ডেয় উবাচ। 3-299-20x (2809)
এবমাশ্বাসিতস্তৈস্তু সত্যবাগ্ভিস্তপস্বিভিঃ।
তাংস্তান্বিগণয়ন্সর্বাংস্ততঃ স্থির ইবাভবৎ ॥ 3-299-20 (27509)
ততো মুহূর্তাৎসাবিত্রী ভর্ত্রা সৎবতা সহ।
আজগামাশ্রমং রাত্রৌ প্রহৃষ্টা প্রবিবেশ হ ॥ 3-299-21 (27510)
`দৃষ্ট্বা চোৎপতিতাঃ সর্বেহর্ষং জগ্মুশ্চ তে দ্বিজাঃ।
কণ্ঠং মাতা পিতা চাস্য সমালিঙ্গ্যাভ্যরোদতাং' ॥ 3-299-22 (27511)
ব্রাহ্মণা ঊচুঃ। 3-299-23x (2810)
পুত্রেণ সংগতং ৎবাং তু চক্ষুষ্মন্তং নিরীক্ষ্য চ।
সর্বে বয়ং বৈ পৃচ্ছামো বৃদ্ধিং বৈ পৃথিবীপতে ॥ 3-299-23 (27512)
সমাগমেন পুত্রস্য সাবিত্র্যা দর্শনেন চ।
চক্ষুষশ্চাত্মনো লাভাত্রিভির্দিষ্ঠ্যা বিবর্ধসে ॥ 3-299-24 (27513)
সর্বৈরস্মাভিরুক্তং যত্তথা তন্নাত্রসংশয়ঃ।
ভূয়োভূয়ঃ সমৃদ্ধিস্তে ক্ষিপ্রমেব ভবিষ্যতি ॥ 3-299-25 (27514)
মার্কণ্ডেয় উবাচ। 3-299-26x (2811)
ততোঽগ্নিং তত্র সংজ্বাল্য দ্বিজাস্তে সর্ব এব হি।
উপাসাংচক্রিরে পার্থ দ্যুমৎসেনং মহীপতিম্ ॥ 3-299-26 (27515)
শৈব্যা চ সত্যবাংশ্চৈব সাবিত্রী চৈকতঃ স্থিতাঃ।
সর্বৈস্তৈরভ্যনুজ্ঞাতা বিশোকা সমুপাবিশন্ ॥ 3-299-27 (27516)
ততো রাজ্ঞা সহাসীনাঃ সর্বে তে বনবাসিনঃ।
জাতকৌতূহলাঃ পার্থ পপ্রচ্ছুর্নৃপতেঃ সুতম্ ॥ 3-299-28 (27517)
প্রাগেব নাগতং কস্মাৎসভার্যেণ ৎবয়া বিভো।
বিরাত্রে চাগতং কস্মাৎকোনু বন্ধস্তবাভবৎ ॥ 3-299-29 (27518)
সংতাপিতঃ পিতা মাতা বয়ং চৈব নৃপাত্মজ।
কস্মাদিতি ন জানীমস্তৎসর্বং বক্তুমর্হিসি ॥ 3-299-30 (27519)
সত্যবানুবাচ। 3-299-31x (2812)
পিত্রাঽহমভ্যনুজ্ঞাতঃ সাবিত্রীসহিতো গতঃ।
অথ মেঽভূচ্ছিরোদুঃখং বনে কাষ্ঠানি ভিন্দতঃ ॥ 3-299-31 (27520)
সুপ্তশ্চাহং বেদনয়া চিরমিত্যুপলক্ষয়ে।
তাবৎকালং ন চ ময়া সুপ্তপূর্বং কদাচন ॥ 3-299-32 (27521)
সর্বেষামেব ভবতাং সংতাপো মা ভবেদিতি।
অতো বিরাত্রাগমনং নান্যদস্তীহ কারণম্ ॥ 3-299-33 (27522)
গৌতম উবাচ। 3-299-34x (2813)
অকস্মাচ্চক্ষুঃ প্রাপ্তির্দ্যুমৎসেনস্য তে পিতুঃ।
নাস্য ৎবং কারণং বেৎসি সাবিত্রী বক্তুমর্হতি ॥ 3-299-34 (27523)
শ্রোতুমিচ্ছামি সাবিত্রি ৎবং হি বেত্থ পরাবরম্।
ৎবাং হি জানামি সাবিত্রি সাবিত্রীমিব তেজসা ॥ 3-299-35 (27524)
ৎবমত্র হেতুং জানীষে তস্মাৎসত্যং নিরুচ্যতাম্।
রহস্যং যদি তে নাস্তি কিংচিদত্র বদস্ব নঃ ॥ 3-299-36 (27525)
সাবিত্র্যুবাচ। 3-299-37x (2814)
এবমেতদ্যথা বেত্থ সংকল্পো নান্যথা হি বঃ।
ন হি কিংচিদ্রহস্যং মে শ্রূয়তাং তথ্যমেব যৎ ॥ 3-299-37 (27526)
মৃত্যুর্মে পত্যুরাখ্যাতো নারদেন মহাত্মনা।
স চাদ্য দিবসঃ প্রাপ্তস্ততো নৈনং জহাম্যহম্ ॥ 3-299-38 (27527)
সুপ্তং চৈনং সাক্ষাদুপাগচ্ছৎসকিংকরঃ।
স এনমনয়দ্বদ্ধ্বা দিশং পিতৃনিষেবিতাম্ ॥ 3-299-39 (27528)
অস্তৌষং তমহং দেবং সত্যেন বচসা বিভুম্।
পঞ্চ বৈ তেন মে দত্তা বরাঃ শৃণুত তান্মম ॥ 3-299-40 (27529)
চক্ষুষী চ স্বরাজ্যংচ দ্বৌ বরৌ শ্বশুরস্য মে।
লব্ধং পিতুঃ পুত্রশতং পুত্রাণাং চাত্মনঃ শতম্ ॥ 3-299-41 (27530)
চতুর্বর্ষশতায়ুর্মে ভর্তা লব্ধশ্চ সত্যবান্।
ভর্তুর্হি জীবিতার্থং তু ময়া চীর্ণং ৎবিদং ব্রতম্। 3-299-42 (27531)
এতৎসর্বং ময়াঽঽখ্যাতং কারণং বিস্তরণ বঃ।
যথাবৃত্তং সুখোদর্কমিদং দুঃখং মহন্মম ॥ 3-299-43 (27532)
ঋষয় ঊচুঃ। 3-299-44x (2815)
নিমজ্জ্মানং ব্যসনৈরভিদ্রুতং
কুলং নরন্দ্রস্য তমোময়ে হ্রদে।
ৎবয়া সুশীলব্রতপুণ্যযা কুলং
রসমুদ্ধৃতং সাধ্বি পুনঃ কুলীনয়া ॥ 3-299-44 (27533)
মার্কণ্ডেয় উবাচ। 3-299-45x (2816)
তথা প্রশস্য হ্যভিপূজ্য চৈব
বরস্ত্রিয়ং তামৃষয়ঃ সমাগতাঃ।
নরেন্দ্রমামন্ত্র্য সপুত্রভঞ্জসা
শিবেন রজগ্মুর্মুদিতাঃ স্বমালয়ম্ ॥ 3-299-45 (27534)
ইতি শ্রীমন্মহাভারতে অরণ্যপর্বণি পতিব্রতামাহাত্ম্যপর্বণি একোনত্রিশততমোঽধ্যায়ঃ ॥ 299 ॥
Mahabharata - Vana Parva - Chapter Footnotes
3-299-5 ভিন্নৌর্বিদীর্ণৈঃ। পরুষৈঃ কর্কশৈঃ ॥ 3-299-12 কুশলানি চ যানি মে ইতি ধ.পাঠঃ ॥ 3-299-18 শান্তায়াং প্রসন্নায়াম্ ॥ 3-299-29 বিরাত্রে বহুরাত্রে কালে আগতং আগমনম্ ॥অরণ্যপর্ব - অধ্যায় 300
॥ শ্রীঃ ॥
3.300. অধ্যায়ঃ 300
Mahabharata - Vana Parva - Chapter Topics
সাল্বদেশীয়ৈর্দ্যুমৎসেনংপ্রতি ন্মন্ত্রিণা তচ্ছত্রুনিষর্হণনিবেদনপূর্বকং নিজনগরংপ্রত্যাগমনপ্রার্থনা ॥ 1 ॥ সভার্যেণ দ্যুমৎসেনেন সাবিত্রীসত্যবদ্ভ্যাং সহ মুনিগণাভিবাদনাদিপূর্বকং স্বপুরপ্রত্যাগমনম্ ॥ 2 ॥Mahabharata - Vana Parva - Chapter Text
3-300-0 (27535)
মার্কণ্ডেয় উবাচ। 3-300-0x (2817)
তস্যাং রাত্র্যাং ব্যতীতায়ামুদিতে সূর্যমণ্ডলে।
কৃতপৌর্বাহ্ণিকাঃ সর্বে সমেয়ুস্তে তপোধনাঃ ॥ 3-300-1 (27536)
তদেব সর্বং সাবিত্র্যা মহাভাগ্যং মহর্ষয়ঃ।
দ্যুম্সেনায় নাতৃপ্যন্কথয়ন্তঃ পুনঃ পুনঃ ॥ 3-300-2 (27537)
ততঃ প্রকৃতয়ঃ সর্বাঃ সাল্বেভ্যোঽভ্যাগা নৃপম্।
আচখ্যুর্নিহতং চৈব স্বেনামাত্যেন তং দ্বিষম্ ॥ 3-300-3 (27538)
তং মন্ত্রিণা হতং প্রোচ্য সসহায়ং সবান্ধবম্।
ন্যবেদয়ন্যথাবৃত্তং বিদ্রুতং চ দ্বিষদ্বলম্ ॥ 3-300-4 (27539)
ঐকমত্যং চ সর্বস্য জনস্য স্বং নৃপং প্রতি।
সচক্ষুর্বাঽপ্যচক্ষুর্বা স নো রাজা ভবৎবিতি ॥ 3-300-5 (27540)
অনেন নিশ্চয়েনেহ বয়ং প্রস্থাপিতা নৃপ।
প্রাপ্তানীমানি যানানি চতুরঙ্গং চ তে বলম্ ॥ 3-300-6 (27541)
প্রয়াহি রাজন্ভদ্রং তে ঘুষ্টস্তে নগরে জয়ঃ।
অধ্যাস্স্ব চিররাত্রায় পিতৃপৈতামহং পদম্ ॥ 3-300-7 (27542)
মার্কণ্ডেয় উবাচ। 3-300-8x (2818)
চক্ষুষ্মন্তং চ তং দৃষ্ট্বা রাজানং বপুষাঽন্বিতম্।
মূর্ধ্না নিপতিতাঃ সর্বেবিস্ময়োৎফুল্ললোচনাঃ ॥ 3-300-8 (27543)
তোঽভিবাদ্য তান্বৃদ্ধান্দ্বিজানাশ্রমবাসিনঃ।
তৈশ্চাভিপূজিতঃ সর্বৈঃ প্রয়যৌ নগরং প্রতি ॥ 3-300-9 (27544)
শৈব্যা চ সহ সাবিত্র্যা স্বাস্তীর্ণেন সুবর্চসা।
নরয়ুক্তেন যানেন প্রয়যৌ সেনয়া বৃতা ॥ 3-300-10 (27545)
ততোঽভিষিষিচুঃ প্রীত্যা দ্যুমৎসেনং পুরোহিতাঃ।
পুত্রং চাস্য মহাত্মানং যৌবরাজ্যেঽভ্যষেচয়ন্ ॥ 3-300-11 (27546)
ততঃ কালেন মহতা সাবিত্র্যাঃ কীর্তিবর্ধনম্।
তদ্বৈ পুত্রশতং জজ্ঞে শূরাণামনিবর্তিনাম্ ॥ 3-300-12 (27547)
ভ্রাতৃণাং সোদরাণাং চ তথৈবাস্যাভবচ্ছতম্।
মদ্রাধিপস্যাশ্বপতের্মালব্যাং সুমহাবলম্ ॥ 3-300-13 (27548)
এবমাত্মা পিতা মাতা শ্বশ্রূঃ শ্বশুর এব চ।
ভর্তুঃ কুলং চ সাবিত্র্যা সর্বং কৃচ্ছ্রাৎসমুদ্ধৃতং ॥ 3-300-14 (27549)
তথৈবৈষা হি কল্যাণী দ্রৌপদী শীলসংমতা।
তারয়িষ্যতি বঃ সর্বান্সাবিত্রীব কুলাঙ্গনা ॥ 3-300-15 (27550)
বৈশম্পায়ন উবাচ। 3-300-16x (2819)
এবং স পাণ্ডবস্তেন অনুনীতো মহাত্মনা।
বিশোকো বিজ্বরো রাজন্কাম্যকে ন্যবসত্তদা ॥ 3-300-16 (27551)
যশ্চেদং শৃণুয়াদ্ভক্ত্যা সাবিত্র্যাখ্যানমুত্তমম্।
স সুখী সর্বসিদ্ধার্থো ন দুঃখং প্রাপ্নুয়ান্নরঃ ॥ 3-300-17 (27552)
ইতি শ্রীমন্মহাভারতে অরণ্যপর্বণি পতিব্রতামাহাত্ম্যপর্বণি ত্রিশততমোঽধ্যায়ঃ ॥ 300 ॥
Mahabharata - Vana Parva - Chapter Footnotes
3-300-7 চিররাত্রায় বহুকালম্ ॥ 3-300-17 সর্পসিদ্ধার্থো রদীর্ঘমায়ুরবাপ্নুয়াৎ ইতি ক. পাঠঃ ॥অরণ্যপর্ব - অধ্যায় 301
॥ শ্রীঃ ॥
3.301. অধ্যায়ঃ 301
Mahabharata - Vana Parva - Chapter Topics
সূর্যেণ স্বপ্নে কর্ণংপ্রতি ইন্দ্রেণ রপাণ্ডবপ্রিয়চিকীর্ষয়া ভাবিকবচকুণঅডলয়াচনানিবেদনপূর্বকং তদানপ্রতিপেধবচনম্ ॥ 1 ॥ কর্ণেন সূর্যংপ্রতি হেতূক্তিপূর্বকমিন্দ্রায় তদ্দানপ্রতিজ্ঞানম্ ॥ 2 ॥Mahabharata - Vana Parva - Chapter Text
3-301-0 (27553)
জনমেজয় উবাচ। 3-301-0x (2820)
যত্তত্তদা মহদ্ব্রহ্মঁল্লোমশো বাক্যমব্রবীৎ।
ইন্দ্রস্য বচনাদেব পাণ্ডুপুত্রং যুধিষ্ঠিরম্ ॥ 3-301-1 (27554)
যচ্চাপি তে ভয়ং তীব্রং ন চ কীর্তয়সে ক্বচিৎ।
তচ্চাপ্যপহরিষ্যামি ধনংজয় ইতো গতে ॥ 3-301-2 (27555)
কিংনু রতজ্জপতাংশ্রেষ্ঠ কর্ণং প্রতি মহদ্ভয়ম্।
আসীন্ন চ স ধর্মাত্মা কথয়ামাস কস্যচিৎ ॥ 3-301-3 (27556)
বৈশম্পায়ন উবাচ। 3-301-4x (2821)
অহং তে রাজশার্দূল কথয়ামি কথামিমাম্।
পৃচ্ছতো ভরতশ্রেষ্ঠ শুশ্রূষস্ব গিরং মম ॥ 3-301-4 (27557)
দ্বাদশে সমতিক্রান্তে বর্ষে প্রাপ্তে ত্রয়োদশে।
পাণ্ডূনাং হিতকৃচ্ছক্রঃ কর্ণং ভিক্ষিতুমুদ্যতঃ ॥ 3-301-5 (27558)
অভিপ্রায়মথো জ্ঞাৎবা মহেন্দ্রস্য বিভাবসুঃ।
কুণ্ডলার্থে মহারাজ সূর্যঃ কর্ণমুপাগতঃ ॥ 3-301-6 (27559)
মহার্হে শয়নে বীরং স্পর্দ্ধ্যাস্তরণসংবৃতে।
শয়ানমতিবিশ্বস্তং ব্রহ্মণ্যং সত্যবাদিনম্ ॥ 3-301-7 (27560)
স্বপ্নান্তে নিশি রাজেন্দ্র দর্শয়ামাস রশ্মিবান্।
কৃপয়া পরয়াঽঽবিষ্টঃ পুত্রস্নেহাচ্চ ভারত ॥ 3-301-8 (27561)
ব্রাহ্মণো বেদবিদ্ভূৎবা সূর্যো যোগর্দ্ধিরূপবান্।
হিতার্থমব্রবীৎকর্ণং সান্ৎবপূর্বমিদং বচঃ ॥ 3-301-9 (27562)
কর্ণ মদ্বচনং তাত শৃণু সত্যভৃতাংবর।
ব্রুবতোঽদ্য মহাবাহো সৌহৃদাৎপরমং হিতম্ ॥ 3-301-10 (27563)
উপায়াস্যতি শক্রস্ৎবাং পাণ্ডবানাং হিতেপ্সয়া।
ব্রাহ্মণচ্ছদ্মনা কর্ণ কুণ্ডলোপজিহীর্ষয়া ॥ 3-301-11 (27564)
বিদিতং তেন শীলং তে সর্বস্য জগতস্তথা।
যথা ৎবং ভিক্ষিতঃ সদ্ভির্দদাস্যেব ন যাচসে ॥ 3-301-12 (27565)
ৎবং হি তাত দদাস্যেব ব্রাহ্মণেভ্যঃ প্রয়াচিতম্।
বিত্তং যচ্চান্যদপ্যাহুর্ন প্রত্যাখ্যাসি কস্যচিৎ ॥ 3-301-13 (27566)
ৎবাং তু চৈবংবিধং জ্ঞাৎবা স্বয়ং বৈ পাকশাসনঃ।
আগন্তা রকুণ্ডলার্থায় কবচং চৈব ভিক্ষিতুম্ ॥ 3-301-14 (27567)
তস্মৈ প্রয়াচমানায় ন দেয়ে কুণ্ডলে ৎবয়া।
অনুনেয়ঃ পরং শক্ত্যা শ্রেয় এতদ্ধি তে পরম্ ॥ 3-301-15 (27568)
কুণ্ডলার্থেঽব্রুবংস্তাত কারণৈর্বহুভিস্ৎবয়া।
অন্যৈর্বহুবিধৈর্বিত্তৈঃ সন্নিবার্যঃ পুনঃপুনঃ ॥ 3-301-16 (27569)
রত্নৈঃ স্ত্রীভিস্তথা গোভির্ধনৈর্বহুবিধৈরপি।
নিদর্শনৈশ্চ বহুভিঃ কুণ্ডলেপ্সুঃ পুরংদরঃ ॥ 3-301-17 (27570)
যদি দাস্যসি কর্ণ ৎবং সহজে কুণ্ডলে শুভে।
আয়ুষঃ প্রক্ষয়ং গৎবা মৃত্যোর্বশমুপৈষ্যসি ॥ 3-301-18 (27571)
কবচেন সমায়ুক্তঃ কুণ্ডলাভ্যাং চ মানদ।
অবধ্যস্ৎবং রণেঽরীণামিতি বিদ্ধি বচো মম ॥ 3-301-19 (27572)
অমৃতাদুত্থিতং হ্যেতদুভয়ং রত্নসংমিতম্।
তস্মাদ্রক্ষ্যং ৎবয়া কর্ণ জীবিতং চেৎপ্রিয়ং তব ॥ 3-301-20 (27573)
কর্ণ উবাচ। 3-301-20x (2822)
কো মামেবং ভবান্প্রাহ দর্শয়ন্সৌহৃদং পরম্।
কাময়া ভগবন্ব্রূহি কো ভবান্দ্বিজবেষধৃক্ ॥ 3-301-21 (27574)
ব্রহ্মণ উবাচ। 3-301-22x (2823)
অহং তাত সহস্রাংশুঃ সৌহৃদাত্ৎবাং নিদর্শয়ে।
কুরুষ্বৈতদ্বয়ো মে ৎবমেতচ্ছ্রেয়ঃ পরং হি তে ॥ 3-301-22 (27575)
কর্ণ উবাচ। 3-301-23x (2824)
শ্রেয় এব মমাত্যন্তং যস্য মে গোপতিঃ প্রভুঃ।
প্রবক্তাঽদ্য হিতান্বেষী শৃণু চেদং বচো মম ॥ 3-301-23 (27576)
প্রসাদয়ে ৎবাং বরদং প্রণয়াচ্চ ব্রবীম্যহম্।
ন নিবার্যো ব্রতাদস্মাদহং যদ্যস্মি তে প্রিয়ঃ ॥ 3-301-24 (27577)
ব্রতং বৈ মম লোকোঽয়ং বেত্তি কৃৎস্নং বিভাবসো।
যথাঽহং দ্বিজমুখ্যেভ্যো দদ্যাং প্রাণানপিধ্রুবম্ ॥ 3-301-25 (27578)
যদ্যাগচ্ছতি মাং শক্রো ব্রাহ্মণচ্ছদ্মনা বৃতঃ।
হিতার্থং পাণ্ডুপুত্রাণাং খেচরোত্তম ভিক্ষিতুম্ ॥ 3-301-26 (27579)
দাস্যামি বিবুধশ্রেষ্ঠ কুণ্ডলে বর্ম চোত্তমম্।
ন মে কীর্তিঃ প্রণশ্যেত ত্রিষু লোকেষু বিশ্রুতা ॥ 3-301-27 (27580)
মদ্বিধস্যায়শস্যং হি ন যুক্তং প্রাণরক্ষণম্।
যুক্তং হি যশসা যুক্তং মরণং লোকসংমতম্ ॥ 3-301-28 (27581)
সোহমিন্দ্রায় দাস্যামি কুণ্ডলে সহ বর্মণা।
যদি মাং বলবৃত্রঘ্নো ভিক্ষার্থমুপয়াস্যতি ॥ 3-301-29 (27582)
হিতার্থং পাণ্ডুপুত্রাণাং কুণ্ডলে মে প্রয়াচিতুম্।
তন্মে কীর্তিকরং লোকে তস্যাকীর্তির্ভবিষ্যতি ॥ 3-301-30 (27583)
বৃণোমি কীর্তিং লোকে হি জীবিতেনাপি ভানুমন্।
কীর্তিমানশ্নুতে স্বর্গং হীনকীর্তিস্তু নশ্যতি ॥ 3-301-31 (27584)
কীর্তির্হি পুরুষং লোকে সংজীবয়তি মাতৃবৎ।
অকীর্তির্জীবিতং হন্তি জীবতোপি শরীরিণঃ ॥ 3-301-32 (27585)
অয়ংপুরাণঃ শ্লোকো হি স্বয়ং গীতো বিভাবসো।
ধাত্রা লোকেশ্বর যথা কীর্তিরায়ুর্নরস্য হ ॥ 3-301-33 (27586)
পুরুষস্য পরে লোকে কীর্তিরেব পরায়ণম্।
ইহ লোকে বিশুদ্ধা চ কীর্তিরায়ুর্বিবর্ধনী ॥ 3-301-34 (27587)
সোহং শরীরজে দত্ৎবা কীর্তিং প্রাপ্স্যামি শাশ্বতীম্।
দত্ৎবা চ বিধিবদ্দানং ব্রাহ্মণেভ্যো যথাবিধি ॥ 3-301-35 (27588)
হুৎবা শরীরং রসংগ্রামে কৃৎবা কর্ম সুদুষ্করম্।
বিজিত্য চ পরানাজৌ যশঃ প্রাপ্স্যামি কেবলম্ ॥ 3-301-36 (27589)
ভীতানামভয়ং দত্ৎবা সংগ্রামে জীবিতার্থিনাম্।
বৃদ্ধান্বালান্দ্বিজাতীংশ্চ মোক্ষয়িৎবা মহাভয়াৎ ॥ 3-301-37 (27590)
প্রাপ্স্যামি পরমং লোকে যশঃ স্বর্গ্যমনুত্তমম্।
জীবিতেনাপি মে রক্ষ্যা কীর্তিস্তদ্বিদ্বি মে ব্রতম্ ॥ 3-301-38 (27591)
সো হং দত্ৎবা মঘবতে ভিক্ষামেতামনুত্তমাম্।
ব্রাহ্মণচ্ছদ্মিনে দেব লোকে গন্তা পরাং গতিম্ ॥ 3-301-39 (27592)
ইতি শ্রীমন্মহাভারতে অরণ্যপর্বণি কুণ্ডলাহরণপর্বণি একাধিকত্রিশততমোঽধ্যায়ঃ ॥ 301 ॥
Mahabharata - Vana Parva - Chapter Footnotes
3-301-6 বিভাবসুঃ বিশিষ্টা ভাঃ দীপ্তিঃ সৈব বসু ধনং যস্ তাদৃশঃ সূর্যঃ ॥ 3-301-7 স্পর্ধ্যং বিমর্দসহং স্পৃহণীয়ং বা ॥ 3-301-8 স্বপ্রান্তে স্বাপ্নমধ্যে ॥অরণ্যপর্ব - অধ্যায় 302
॥ শ্রীঃ ॥
3.302. অধ্যায়ঃ 302
Mahabharata - Vana Parva - Chapter Topics
সূর্যেণ হেতুকথনপূর্বকং পুনরিন্দ্রায় কবচকুণ্ডলদানপ্রতিধোক্তিঃ ॥ 1 ॥Mahabharata - Vana Parva - Chapter Text
3-302-0 (27593)
সূর্য উবাচ। 3-302-0x (2825)
মাঽহিতং কর্ণ কার্ষীস্ৎবমাত্মনঃ সুহৃদাং তথা।
পুত্রাণামথ ভার্যাণামথো মাতুরথো পিতুঃ ॥ 3-302-1 (27594)
শরীরস্যাবিরোধেন প্রাণিনাং প্রাণভৃদ্বর।
ইষ্যতে যশসঃ প্রাপ্তিঃ কীর্তিশ্চ ত্রিদিবে স্থিরা ॥ 3-302-2 (27595)
যস্ৎবং প্রাণবিরোধেন কীর্তিমিচ্ছসি শাশ্বতীম্।
সা তে প্রাণান্সমাদায় গমিষ্যতি ন সংশয়ঃ ॥ 3-302-3 (27596)
জীবতাং কুরুতে কার্যং পিতা মাতা সুতাস্তথা।
যে চান্যে বান্ধবাঃ কেচিল্লোকেঽস্মিন্পুরুষর্ষভ ॥ 3-302-4 (27597)
রাজানশ্চ নরব্যাঘ্র পৌরুষেণ নিবোধ তৎ।
কীর্তিশ্চ জীবতঃ সাধ্বী পুরুষস্য মহাদ্যুতে ॥ 3-302-5 (27598)
মৃতস্য কীর্ত্যা কিং কার্যং ভস্মীভূতস্য দেহিনঃ।
মৃতঃ কীর্তিং ন জানীতে জীবন্কীর্তি সমশ্নুতে ॥ 3-302-6 (27599)
মৃতস্য কীর্তির্মর্ত্যস্য যথা মালা গতায়ুষঃ।
অহং তু ৎবাং ব্রবীম্যেতদ্ভক্তোসীতি হিতেপ্সয়া ॥ 3-302-7 (27600)
ভক্তিমন্তো হি মে রক্ষ্যা ইত্যেতেনাপি হেতুনা।
ভক্তোয়ং পরয়া ভক্ত্যা মামিত্যেব মহাভুজ ॥ 3-302-8 (27601)
মমাপি ভক্তিরুৎপন্না স ৎবং কুরু বচো মম।
অস্তি চাত্র পরং কিংচিদধ্যাত্মং দেবনির্মিতম্।
অতশ্চ ৎবাং ব্রবীম্যেতৎক্রিয়তামবিশঙ্কয়া ॥ 3-302-9 (27602)
দেবগুহ্যং ৎবয়া জ্ঞাতুং ন শক্যং পুরুষর্ষভ।
নস্মান্নাখ্যামি তে গুহ্যং কালে বেৎস্যতি তদ্ভবান্ ॥ 3-302-10 (27603)
পুনরুক্তং চ বক্ষ্যামি ৎবং রাধেয় নিবোধ তৎ।
মাঽস্মৈ তে কুণ্ডলে দদ্যা ভিক্ষিতে বজ্রাপাণিনা ॥ 3-302-11 (27604)
শোভসে কুণ্ডলাভ্যাং চ রুচিরাভ্যাং মহাদ্যুতে।
বিশাখয়োর্মধ্যগতঃ শশীব বিমলে দিবি ॥ 3-302-12 (27605)
কীর্তিশ্চ জীবতঃ সাধ্বী পুরুষস্যেতি বিদ্ধি তৎ।
প্রত্যাখ্যেয়স্ৎবয়া তাত কুণ্ডলার্থে সুরেশ্বরঃ ॥ 3-302-13 (27606)
`পাণ্ডবানাং হিতে যুক্তো ভিক্ষন্ব্রাহ্মণবেষধৃৎ'।
শক্ত্যা বহুবিধৈর্বাক্যৈঃ কুণ্ডলেপ্সা ৎবয়াঽনঘ।
বিহন্তুং দেবরাজস্ হেতুয়ুক্তৈঃ পুনঃপুনঃ ॥ 3-302-14 (27607)
উপপত্ত্যুপপন্নার্থৈর্মাধুর্যকৃতভূষণৈঃ।
পুরংদরস্য কর্ণ ৎবং বুদ্ধিমেতামপানুদ ॥ 3-302-15 (27608)
ৎবং হি নিত্যং নরব্যাঘ্র স্পর্ধসে সব্যসাচিনা।
সব্যসাচী ৎবয়া চেহ যুধি শূরঃ সমেষ্যতি ॥ 3-302-16 (27609)
ন তু ৎবামর্জুনঃ শক্তঃ কুণ্ডলাভ্যাং সমন্বিতম্।
বিজেতুং যুধি যদ্যস্য স্বয়মিন্দ্রঃ শরো ভবেৎ ॥ 3-302-17 (27610)
তস্মান্ন দেয়ে শখ্রায় ৎবয়ৈতে কুণ্ডলে শুভে।
সংগ্রামে যদি নির্জেতুং কর্ণ কাময়সেঽর্জুনম্ ॥ 3-302-18 (27611)
ইতি শ্রীমন্মহাভারতে অরণ্যপর্বণি কুণ্ডলাহরণপর্বণি দ্ব্যধিকত্রিশততমোঽধ্যায়ঃ ॥ 302 ॥
Mahabharata - Vana Parva - Chapter Footnotes
3-302-4 জীবতাং পত্রাদীনাং কার্যং প্রয়োজনং পরিষ্বঙ্গাদিজং সুখং পিত্রাদিঃ কুরুতে লভতে ॥ 3-302-8 মাং মম ॥ 3-302-12 বিশাখয়োঃ বিশাখানক্ষত্রস্য দ্বে ভাস্বরে তারে তয়োর্মধ্যে গতঃ পূর্ণচন্দ্রঃ ॥ 3-302-14 বিদ্বন্তুং শক্যেতি সংবন্ধঃ ॥অরণ্যপর্ব - অধ্যায় 303
॥ শ্রীঃ ॥
3.303. অধ্যায়ঃ 303
Mahabharata - Vana Parva - Chapter Topics
কর্ণএন সূর্যংপ্রতি সানুনয়ং শক্রায় কবচকুণ্ডলদানেঽভ্যনুজ্ঞাপ্রার্থনা ॥ 1 ॥ সূর্যেণ কর্ণংপ্রতি শক্রাচ্ছক্তিগ্রহণচোদনাপূর্বকং কুণ্ডলাদিদানাভ্যনুজ্ঞানম্ ॥ 2 ॥Mahabharata - Vana Parva - Chapter Text
3-303-0 (27612)
কর্ণ উবাচ। 3-303-0x (2826)
ভগবন্তমহং ভক্তো যথা মাং বেত্থ গোপতে।
তথা পরমতিগ্মাংশো নাস্ত্যদেয়ং কথংচন ॥ 3-303-1 (27613)
ন মে দারা ন মেপুত্রা ন চাত্মা সুহৃদো ন চ।
তথেষ্টা বৈ সদা ভক্ত্যা যথা ৎবং গোপতে মম ॥ 3-303-2 (27614)
ইষ্টানাং চ মহাত্মানো ভক্তানাং চ ন সংশয়ঃ।
কুর্বন্তি ভক্তিমিষ্টাং চ জানীষে ৎবং চ ভাস্কর ॥ 3-303-3 (27615)
ইষ্টো ভক্তশ্চ মে কর্ণো ন চান্যদ্দৈবতং দিবি।
জানীত ইতিবৈ কৃৎবা ভগবানাহ মদ্ধিতম্ ॥ 3-303-4 (27616)
ভূয়শ্চ শিরসা যাচে প্রসাদ্য চ পুনঃপুনঃ।
ইতি ব্রবীমি তিগ্মাংশো ৎবং তু মে ক্ষন্তুমর্হসি ॥ 3-303-5 (27617)
বিভেমি ন তথা মৃত্যোর্যথা বিভ্যেঽনৃতাদহম্।
বিশেষেণ দ্বিজাতীনাং সর্বেষাং সর্বদা সতাম্ ॥ 3-303-6 (27618)
প্রদানে জীবিতস্যাপি ন মেঽত্রাস্তি বিচারণা।
যচ্চ মামাত্থ দেব ৎবং পাণ্ডবং ফল্গুনং প্রতি ॥ 3-303-7 (27619)
ব্যেতু সংতাপজং দুঃখং তব ভাস্কর মানসম্।
অর্জুনপ্রতিমং চৈব বিজেষ্যামি রণেঽর্জুনম্ ॥ 3-303-8 (27620)
তবাপি বিদিতং দেব মমাপ্যস্ত্রবলং মহৎ।
জামদগ্ন্যাদুপাত্তং যত্তথা দ্রোণান্মহাত্মনঃ ॥ 3-303-9 (27621)
ইদং ৎবমনুজানীহি সুরশ্রেষ্ঠ ব্রতং মম।
ভিক্ষতে বজ্রিণে দদ্যামপি জীবিতমাত্মনঃ ॥ 3-303-10 (27622)
সূর্য উবাচ। 3-303-11x (2827)
যদি তাত দদাস্যেতে বজ্রিণে কুণ্ডলে শুভে।
ৎবমপ্যেনমথো ব্রূয়া বিজয়ার্থং মহাবল ॥ 3-303-11 (27623)
নিয়মেন প্রদদ্যাস্ৎবং কুণ্ডলেবৈ শতক্রতোঃ।
অবধ্যো হ্যসি ভূতানাং কুণ্ডলাভ্যাং সমন্বিতঃ ॥ 3-303-12 (27624)
অর্জুনন বিনাশং হি তব দানবসূদনঃ।
প্রার্তয়ানো রণে বৎস কুণ্ডলে তে জিহীর্ষতি ॥ 3-303-13 (27625)
স ৎবমপ্যেনমারাধ্য সূনৃতাভিঃ পুনঃ পুনঃ।
অভ্যর্থয়েথা দেবেশমমোঘার্থং পুরংদরম্ ॥ 3-303-14 (27626)
অমোঘাং দেহি মে শক্তিমমিত্রবিনিবর্হিণীম্।
দাস্যামি তে সহস্রাক্ষ কুণ্ডলে বর্ম চোত্তমম্ ॥ 3-303-15 (27627)
ইত্যেব নিয়মেন ৎবং দদ্যাঃ শক্রায় কুণ্ডলে।
তয়া ৎবং কর্ণ সংগ্রামে হনিষ্যসি রণে রিপূন্ ॥ 3-303-16 (27628)
নাহৎবা হি মহাবাহো শত্রূনেতি করং পুনঃ।
সা শক্তির্দেবরাজস্য শতশোঽথ সহস্রশঃ ॥ 3-303-17 (27629)
বৈশম্পায়ন উবাচ। 3-300-18x (2828)
এবমুক্ৎবা সহস্রাংশুঃ সহসাঽন্তরধীয়ত।
`কর্ণস্তু বুবুধে রাজন্স্বপ্নান্তে প্রব্যথন্নিব ॥ 3-303-18 (27630)
প্রতিবুদ্ধস্তু রাধেয়ঃ স্বপ্নং সংচিন্ত্য ভারত।
চকার নিশ্চয়ং রাজঞ্শক্ত্যর্থং বদতাংবর ॥ 3-303-19 (27631)
যদি মামিন্দ্র আয়াতি কুণ্ডলার্থং পরন্তপ।
শক্ত্যা তস্মৈ প্রদাস্যামি কুণ্ডলে বর্ম চৈব হ ॥ 3-303-20 (27632)
স কৃৎবা প্রাতরুত্থায় কার্যাণি ভরতর্ষভ।
ব্রাহ্মণান্বাচয়িৎবা চ যথাকার্যমুপাক্রমৎ ॥ 3-303-21 (27633)
বিধিনা রাজশার্দূল মুহূর্তমজপত্তদা'।
ততঃ সূর্যায় জপ্যান্তে কর্ণঃ স্বপ্নং ন্যবেদয়ৎ ॥ 3-303-22 (27634)
যথা দৃষ্টং যথাতত্ৎবং যথোক্তমুভয়োর্নিসি।
তৎসর্বমানুপূর্ব্যেণ শশংসাস্মৈ বৃষস্তদা ॥ 3-303-23 (27635)
তচ্ছ্রুৎবা ভগবান্দেবো ভানুঃ স্বর্ভানুসূদনঃ।
উবাচ তং তথেত্যেব কর্ণং সূর্যঃ স্ময়ন্নিব ॥ 3-303-24 (27636)
ততস্তত্ৎবমিতি জ্ঞাৎবা রাধেয়ঃ পরবীরহা।
শক্তিমেবাভিকাঙ্ক্ষন্বৈ বাসবং প্রত্যপালয়ৎ ॥ 3-303-25 (27637)
ইতি শ্রীমন্মহাভারতে অরণ্যপর্বণি কুণ্ডলাহরণপর্বণি ত্র্যধিকত্রিশততমোঽধ্যায়ঃ ॥ 303 ॥
Mahabharata - Vana Parva - Chapter Footnotes
3-303-23 অস্মৈ সূর্যায়। বৃষঃ ক্রণঃ ॥ 3-303-24 স্বর্ভানুসূদনঃ রাহুদমনঃ ॥অরণ্যপর্ব - অধ্যায় 304
॥ শ্রীঃ ॥
3.304. অধ্যায়ঃ 304
Mahabharata - Vana Parva - Chapter Topics
স্বাবাসে দুর্বাসসমাবাসয়তা কুন্তিভোজেন তৎপরিচর্যায়ৈ কুন্ত্যা নিয়োজনম্ ॥ 1 ॥Mahabharata - Vana Parva - Chapter Text
3-304-0 (27638)
জনমেজয় উবাচ। 3-304-0x (2829)
কিং তদ্গুহ্যং ন চাখ্যাতং কর্ণায়েহোষ্ণরশ্মিনা।
কীদৃশেকুণ্ডলে তে চ কবচং রচৈব কীদৃশম্ ॥ 3-304-1 (27639)
কুতশ্চ কবচং তস্যং কুণ্ডলেচৈব সত্তম।
এতদিচ্ছাম্যহং শ্রোতুং তন্মে ব্রূহি তপোধন ॥ 3-304-2 (27640)
বৈশম্পায়ন উবাচ। 3-304-3x (2830)
অহং রাজন্ব্রবীম্যেতত্তস্য গুহ্যং বিভাবসোঃ।
যাদৃশে কুণ্ডলে তে চ কবচং বৈব যাদৃশম্ ॥ 3-304-3 (27641)
কুন্তিভোজং পুরা রাজন্ব্রাহ্মণঃ পর্যুপস্থিতঃ।
তিগ্মতেজা মহান্প্রাংশুঃ শ্মশ্রুদণ্ডজটাধরঃ ॥ 3-304-4 (27642)
দর্সনীয়োঽনবদ্যাঙ্গস্তেজসা প্রজ্বলন্নিব।
মধুপিঙ্গো মধুরবাক্তপঃস্বাধ্যায়ভূষণঃ ॥ 3-304-5 (27643)
স রাজানং কুন্তিভোজমব্রবীৎসুমহাতপাঃ।
ভিক্ষামিচ্ছামি বৈ ভোক্তুং তব গেহে বিমৎসর ॥ 3-304-6 (27644)
ন মে ব্যলীকং কর্তব্যং ৎবয়া বা তব চানুগৈঃ।
এবং বৎস্যামি তে গেহে যদি তে রোচতেঽনঘ ॥ 3-304-7 (27645)
যথাকামং চ গচ্ছেয়মাগচ্ছেয়ং তথৈব চ।
শয়্যাসনে চ মে রাজন্নাপরাধ্যেত কশ্চন ॥ 3-304-8 (27646)
তমব্রবীৎকুন্তিভোজঃ প্রীতিয়ুক্তমিদং বচঃ।
এবমস্তু পরংচেতি পুনশ্চৈবমথাব্রবীৎ ॥ 3-304-9 (27647)
মম কন্যা মহাপ্রাজ্ঞ পৃথা নাম যশস্বিনী।
শীলবৃত্তান্বিতা সাধ্বী নিয়তাঽনবমানিনী ॥ 3-304-10 (27648)
উপস্থাস্যতি সা ৎবাং বৈ পূজয়াঽনবমত্য চ।
তস্যাশ্চ শীলবৃত্তেন তুষ্টিং সমুপয়াস্যসি ॥ 3-304-11 (27649)
এবমুক্ৎবা তু তং বিপ্রমভিপূজ্য যথাবিধি।
উবাচ কন্যামভ্যেত্য পৃথাং পৃথুললোচনাম্ ॥ 3-304-12 (27650)
অয়ং বৎসে মহাভাগো ব্রাহ্মণো বস্তুমিচ্ছতি।
মম গেহে ময়া চাস্য তথেত্যেবং প্রতিশ্রুতম্ ॥ 3-304-13 (27651)
ৎবয়ি বৎসে পরায়ত্তং ব্রাহ্মণস্যাভিরাধনম্।
তন্মে বাক্যমমিথ্যা ৎবং কর্তুমর্হসি কর্হিচিৎ ॥ 3-304-14 (27652)
অয়ং তপস্বী ভগবান্স্বাধ্যায়নিয়তো দ্বিজঃ।
যদ্যদ্ব্রূয়ান্মহাতেজাস্তত্তদ্দেয়মাৎসরাৎ ॥ 3-304-15 (27653)
ব্রাহ্মণা হি পরং তেজো ব্রাহ্মণা হি পরং তপঃ।
ব্রাহ্মণানাং নমস্কারৈঃ সূর্যো দিবি বিরাজতে ॥ 3-304-16 (27654)
অমানয়ন্হি দাণ্ডক্যো বাতাপিশ্চ মহাসুরঃ।
নিহতো ব্রহ্মদণ্ডেন তালজঙ্ঘস্তথৈব চ।
`বৈন্ধ্যাদ্রিশ্চ সমুদ্রশ্চ নদ্দুষশ্চ বিহিংসিতঃ' ॥ 3-304-17 (27655)
সোয়ং বৎসে মহাভার আহিতস্ৎবয়ি সাংপ্রতম্।
ৎবং সদা নিয়তা কুর্যা ব্রাহ্মণস্যাভিরাধনম্ ॥ 3-304-18 (27656)
জানামি প্রণিধানং তে বাল্যাৎপ্রভৃতি নন্দিনি।
ব্রাহ্মণেষ্বিহ সর্বেষু গুরুবন্ধুষু চৈব হ ॥ 3-304-19 (27657)
তথা প্রেষ্যেষু সর্বেষু মিত্রসংবন্ধিমাতৃষু।
ময়ি চৈব যথাবত্ৎবংসর্বমাবৃত্য বর্তসে ॥ 3-304-20 (27658)
ন হ্যতুষ্টো জনোঽস্তীহ পুরে চান্তঃপুরে চ তে।
সম্যগ্বৃত্ত্যাঽনবদ্যাঙ্গি তব ভৃত্যজনেষ্বপি ॥ 3-304-21 (27659)
সংদেষ্টব্যাং তু মন্যে ৎবাং দ্বিজাতিং কোপনং প্রতি।
পৃথে বালেতি কৃৎবা বৈ সুতা চাসিমমেতি চ ॥ 3-304-22 (27660)
বৃষ্ণীনাং চ কুলে জাতা শূরস্ দয়িতা সুতা।
দত্তা প্রীতিমতা মহ্যং পিত্রা বালা পুরাস্বয়ম্ ॥ 3-304-23 (27661)
বসুদেবস্ ভগিনী সুতানাং প্রবরা মম।
অগ্র্যমগ্রে প্রতিজ্ঞায় তেনাসি দুহিতা মম ॥ 3-304-24 (27662)
তাদৃশে হি কুলে জাতা কুলে মম বিবর্ধিতা।
সুখাৎসুখমনুপ্রাপ্তা হ্রদাদ্ধ্রদমিবাপগা ॥ 3-304-25 (27663)
দৌষ্কুলেয়া বিশেষেণ কথংচিৎপ্রগ্রহং গতাঃ।
বালভাবাদ্বিকুর্বন্তি প্রায়শঃ প্রমদাঃ শুভে ॥ 3-304-26 (27664)
পৃথে রাজকুলে জন্ম রূপং চাপি তবাদ্ভুতম্।
তেন তেনাসি সংপন্না সমুপেতা চ ভামিনি ॥ 3-304-27 (27665)
সা ৎবং দর্পং পরিত্যজ্য দম্ভং মানং চ ভামিনি।
আরাধ্যবরদং বিপ্রং শ্রেয়সা যোক্ষ্যসে পৃথে ॥ 3-304-28 (27666)
এবং প্রাপ্স্যসি কল্যাণি কল্যাণমনঘে ধ্রুবম্।
কোপিতে চ দ্বিজশ্রেষ্ঠে কুৎস্নং দহ্যেত মে কুলম্ ॥ 3-304-29 (27667)
ইতি শ্রীমন্মহাভারতে অরণ্যপর্বণি কুণ্ডলাহরণপর্বণি চতুরধিকত্রিশততমোঽধ্যায়ঃ ॥ 304 ॥
Mahabharata - Vana Parva - Chapter Footnotes
3-304-11 অনবমত্য অবমানমকৃৎবা ॥ 3-304-13 বস্তুং বাসং কর্তুম্ ॥ 3-304-19 প্রণিধানং চিত্তৈকাগ্র্যম্ ॥ 3-304-20 আবৃত্যব্যাপ্য ॥ 3-304-24 অগ্র্যং অগ্রে দেয়ং ময়া প্রথমমপত্যং তুভ্যং দেয়মিতি প্রতিজ্ঞাতমিত্যর্থঃ ॥ 3-304-25 হ্রদমিবাগতেতি ঝ. পাঠঃ ॥ 3-304-26 দৌষ্কুলেয়াঃ দুষ্কুলে জাতাঃ। প্রগ্রহং নির্বন্যং গতাঃ প্রাপ্তাঃ বিকুর্বন্তি দৌষ্ঠ্যং কুর্বন্তি ॥অরণ্যপর্ব - অধ্যায় 305
॥ শ্রীঃ ॥
3.305. অধ্যায়ঃ 305
Mahabharata - Vana Parva - Chapter Topics
কুন্ত্যা সাবধানং পরিচর্যযা দুর্বাসসঃ পরিতোপণম্ ॥ 1 ॥Mahabharata - Vana Parva - Chapter Text
3-305-0 (27668)
কুন্ত্যুবাচ। 3-305-0x (2831)
ব্রাহ্মণং যন্ত্রিতা রাজন্নুপস্থাস্যামি পূজয়া।
যথাপ্রতিজ্ঞং রাজেন্দ্রন চ মিথ্যা ব্রবীম্যহম্ ॥ 3-305-1 (27669)
এষ চৈব স্বভাবো মে পূজয়েয়ং দ্বিজানিতি।
তব চৈব প্রিয়ং কার্যং শ্রেয়শ্চ পরমং মম ॥ 3-305-2 (27670)
যদ্যেবৈষ্যতি সায়াহ্নে যদি প্রাতরথো নিশি।
যদ্যর্ধরাত্রে ভগবান্ন মে কোপং করিষ্যতি ॥ 3-305-3 (27671)
লাভো মমৈষ রাজেন্দ্র যদ্বৈপূজয়িতুং দ্বিজান্।
আদেশে তব তিষ্ঠন্তী হিতং কুর্যাং নরোত্তম ॥ 3-305-4 (27672)
বিস্রব্ধো ভবরাজেন্দ্র ন ব্যলীকং দ্বিজোত্তমঃ।
বসন্প্রাপ্স্যতি তে গেহে সত্যমেতদ্ব্রবীমি তে ॥ 3-305-5 (27673)
যৎপ্রিয়ং চ দ্বিজস্যাস্য হিতং চৈব তবানঘ।
যতিষ্যামি তথা রাজন্ব্যেতু তে মানসো জ্বরঃ ॥ 3-305-6 (27674)
ব্রাহ্মণা হি মহাভাগাঃ পূজিতাঃ পৃথিবীপতে।
তারণায় সমর্থাঃ স্যুর্বিপরীতে বধায় চ ॥ 3-305-7 (27675)
রসাঽহমেতদ্বিজানন্তী তোষয়িষ্যে দ্বিজোত্তমম্।
ন মৎকৃতেব্যথাং রাজন্প্রাপ্স্যসি দ্বিজসত্তমাৎ ॥ 3-305-8 (27676)
অপরাধেঽপি রাজেন্দ্র রাজ্ঞামশ্রেয়সে দ্বিজাঃ।
ভবন্তি চ্যবনো যদ্বৎসুকন্যায়াঃ কৃতে পুরা ॥ 3-305-9 (27677)
নিয়মেন পরেণাহমুপস্থাস্যে দ্বিজোত্তমম্।
যথা ৎবয়া নরেন্দ্রেদং ভাপিতং ব্রাহ্মণং প্রতি ॥ 3-305-10 (27678)
এবং ব্রুবন্তীং বহুশঃ পরিষ্বজ্য সমর্থ্য চ।
ইতিচেতি চ ক্রতব্যং রাজা সর্বমথাদিশৎ ॥ 3-305-11 (27679)
এবমেতত্ৎবয়া ভদ্রে কর্তব্যমবিশঙ্কয়া।
মদ্ধিতার্থং তথাঽঽত্মার্থংকুলার্থং চাপ্যনিন্দিতে ॥ 3-305-12 (27680)
এবমুক্ৎবা তু তাং কন্যাং কুন্তিভোজো মহায়শাঃ।
পৃথাং পরিদদৌ তস্মৈ দ্বিজায় দ্বিজবৎসলঃ ॥ 3-305-13 (27681)
ইয়ং ব্রহ্মন্মম সুতা বালা সুখবিবর্ধিতা।
অপরাধ্যেত যৎকিংচিন্ন কার্যং হৃদি তত্ৎবয়া ॥ 3-305-14 (27682)
দ্বিজাতয়ো মহাভাগা বৃদ্ধবালতপস্বিষু।
ভবন্ত্যক্রোধনাঃ প্রায়ো হ্যপরাদ্ধেষু নিত্যদা ॥ 3-305-15 (27683)
সুমহত্যপরাধেঽপি ক্ষান্তিঃ কার্যা দ্বিজাতিভিঃ।
যথাশক্তি যথোৎসাহং পূজা গ্রাহ্যা দ্বিজোত্তম ॥ 3-305-16 (27684)
তথেতি ব্রাহ্মণেনোক্তে স রাজা প্রীতমানসঃ।
হংসচন্দ্রাংশুসংকাশং গৃহমস্মৈ ন্যবেদয়ৎ ॥ 3-305-17 (27685)
তত্রাগ্নিশরণে ক্লৃপ্তমাসনং তস্য ভানুমৎ।
আহারাদি চ সর্বং তত্তথৈব প্রত্যবেদয়ৎ ॥ 3-305-18 (27686)
নিক্ষিপ্য রাজপুত্রী তু তন্দ্রীং মানং তথৈব চ।
আতস্থে পরমং যত্নং ব্রাহ্মণস্যাভিরাধনে ॥ 3-305-19 (27687)
তত্রসা ব্রাহ্মণং গৎবা পৃথা শৌচপরা সতী।
বিধিবৎপরিচারার্হং দেববৎপর্যতোষয়ৎ ॥ 3-305-20 (27688)
ইতি শ্রীমন্মহাভারতে অরণ্যপর্বণি কুণ্ডলাহরণপর্বণি পঞ্চাধিকত্রিশততমোঽধ্যায়ঃ ॥ 305 ॥
Mahabharata - Vana Parva - Chapter Footnotes
3-305-1 যন্ত্রিতা নিয়ময়ুক্তা ॥ 3-305-5 বিস্রব্ধো বিশ্বস্তঃ। রব্যলীকমপ্রিয়ম্ ॥ 3-305-18 অগ্নিশরণে অগ্নিগৃহে ॥ 3-305-19 তন্দ্রীং আলস্যম্ ॥ 3-305-20 পরিচারার্হং পূজার্হম্ ॥অরণ্যপর্ব - অধ্যায় 306
॥ শ্রীঃ ॥
3.306. অধ্যায়ঃ 306
Mahabharata - Vana Parva - Chapter Topics
কুন্তীপরিচর্যাসংতুষ্টেন দুর্বাসসা তাংপ্রতি অভীপ্সিতার্থবরণচোদনা ॥ 1 ॥ তথা কিংচিদপ্যবৃণ্বন্ত্যৈ তস্যৈ স্বয়মেব সকলদেববশীকরণদক্ষস্য মন্ত্রস্যোপদেশঃ ॥ 2 ॥ ততস্তেন কুন্তিভোজামন্ত্রণপূর্বকমন্তর্ধানম্ ॥ 3 ॥Mahabharata - Vana Parva - Chapter Text
3-306-0 (27689)
বৈশম্পায়ন উবাচ। 3-306-0x (2832)
সা তু কন্যা মহারাজ ব্রাহ্মণং সংশিতব্রতম্।
তোষয়ামাস শুদ্ধেন মনসা সংশিতব্রতা ॥ 3-306-1 (27690)
প্রাতরেষ্যাম্যথেত্যুক্ৎবা কদাচিদ্দ্বিজসত্তমঃ।
তত আয়াতি রাজেন্দ্র সায়ং রাত্রাবথো পুনঃ ॥ 3-306-2 (27691)
তং চ সর্বাসু বেলাসু ভক্ষ্যভোজ্যপ্রতিশ্রয়ৈঃ।
পূজয়ামাস সা কন্যা বর্ধমানৈস্তু সর্বদা ॥ 3-306-3 (27692)
অন্নাদিসমুদাচারঃ শয়্যাসনকৃতস্তথা।
দিবসেদিবসে তস্য বর্ধতে ন তু হীয়তে ॥ 3-306-4 (27693)
নির্ভর্ৎসনাপবাদৈশ্চ তথৈবাপ্রিয়যা গিরা।
ব্রাহ্মণস্য পৃথা রাজন্ন চকারাপ্রিয়ং তদা ॥ 3-306-5 (27694)
স্বপ্নকালে পুনশ্চৈতি ন চৈতি বহুশো দ্বিজঃ।
সুদুর্লভমপি হ্যন্নং দীয়তামিতি সোঽব্রবীৎ ॥ 3-306-6 (27695)
কৃতমেব চ তৎসর্বং যথা তস্মৈ ন্যবেদয়ৎ।
শিষ্যবৎপুত্রবচ্চৈব স্বসৃবচ্চ সুসংয়তা ॥ 3-306-7 (27696)
যথোপজোষং রাজেন্দ্র দ্বিজাতিপ্রবরস্য সা।
প্রীতিমুৎপাদয়ামাস কন্যারত্নমনিন্দিতা ॥ 3-306-8 (27697)
তস্যাস্তু শীলবৃত্তেন তুতোপ দ্বিজসত্তমঃ।
অবধানেন ভূয়োঽস্যাঃ পরং যত্নমথাকরোৎ ॥ 3-306-9 (27698)
তাং প্রভাতে চ সায়ং চ পিতা পপ্রচ্ছ ভারত।
অপিতুষ্যতিতে পুত্রি ব্রাহ্মণঃ পরিচর্যযা ॥ 3-306-10 (27699)
তং সা পরমমিত্যেবপ্রত্যুবাচ যশস্বিনী।
ততঃ প্রীতিমবাপাগ্র্যাং কুন্তিভোজো মহামনাঃ ॥ 3-306-11 (27700)
ততঃ সংবৎসরে পূর্ণে যদাঽসৌ জপতাংবরঃ।
নাপশ্যদ্দুষ্কৃতংকিংচিৎপৃথায়াঃ সৌহৃদে রতঃ ॥ 3-306-12 (27701)
ততঃ প্রীতমনা ভূৎবা স এনাং ব্রাহ্মণোঽব্রবীৎ।
প্রীতোস্মি পরমং ভদ্রে পরিচারেণ তে শুভে ॥ 3-306-13 (27702)
বরান্বৃণীষ্ব ক্রল্যাণি দূরাপান্মানুপৈরিহ।
যৈস্ৎবং সীমন্তিনীঃ সর্বায়শসাঽভিমবিষ্যসি ॥ 3-306-14 (27703)
কুন্ত্যুবাচ। 3-306-15x (2833)
কৃতানি মম সর্বাণি সস্যা মে বেদবিত্তম।
ৎবং প্রসন্নঃ পিতা চৈব কৃতং বিপ্র বরৈর্মম ॥ 3-306-15 (27704)
ব্রাহ্মণ উবাচ। 3-306-16x (2834)
যদি নেচ্ছসি মত্তস্ৎবং বরং ভদ্রে শুচিস্মিতে।
ইমং মন্ত্রং গৃহাণ ৎবমাহ্রানায় দিবৌকসাম্ ॥ 3-306-16 (27705)
যংয়ং দেবং ৎবমেতেন মন্ত্রেণাবাহয়িষ্যসি।
তেনতেন বশে ভদ্রে স্থাতব্যং তে ভবিষ্যতি ॥ 3-306-17 (27706)
অকামো বা সকামো বা স সমেষ্যতি তে বশে।
বিবুধো মন্ত্রসংভ্রান্তো বাক্যৈর্ভৃত্য ইবানতঃ ॥ 3-306-18 (27707)
বৈশম্পায়ন উবাচ। 3-306-19x (2835)
ন শশক দ্বিতীয়ং সা প্রত্যাখ্যাতুমনিন্দিতা।
তং বৈ দ্বিজাতিপ্রবরং তদা শাপভয়ান্নৃপ ॥ 3-306-19 (27708)
ততস্তামনবদ্যাঙ্গীং গ্রাহয়ামাস স দ্বিজঃ।
মন্ত্রগ্রামং তদা রাজন্নথর্বশিরসি শ্রুতম্ ॥ 3-306-20 (27709)
তং প্রদায় তু রাজেন্দ্র কুন্তিভোজমুবাচ হ।
উপিতোস্মি সুখং রাজন্কন্যযা পরিতোপিতঃ ॥ 3-306-21 (27710)
তবগেহে সুবিহিতঃ সদা সুপ্রতিপূজিতঃ।
সাধয়িষ্যামহে তাবদিত্যুক্ৎবাঽন্তরধীয়ত ॥ 3-306-22 (27711)
স তু রাজা দ্বিজং দৃষ্ট্বা তত্রৈবান্তর্হিতং তদা।
বভূব বিস্ময়াবিষ্টঃ পৃথাং চ সমপূজয়ৎ ॥ 3-306-23 (27712)
ইতি শ্রীমন্মহাভারতে অরণ্যপর্বণি কুণ্ডলাহরণপর্বণি ষডধিকবিশততমোঽদ্যায়ঃ ॥ 306 ॥
Mahabharata - Vana Parva - Chapter Footnotes
3-306-3 প্রতিশ্রয়ৈঃ আশ্রয়ৈঃ শয়নাসনাদ্যৈঃ ॥ 3-306-4 অন্নাদিনা সমুদাচারঃ সমুপসর্পণম্ ॥ 3-306-8 যথোপজোপং প্রিয়মনতিক্রম্য ॥ 3-306-9 শীলং শমাদি। বৃত্তং পরিচর্যা। অস্যাঃ পৃথায়াঃ শ্রোয়োর্থং অবধানেন সমাধিকালে যত্নমকরোৎ। যত্নেন তস্যাঃ কল্যাণং চিন্তিতবানিত্যর্থঃ ॥ 3-306-19 দ্বিতীয়ং দ্বিতীয়বারম্। ন শশাক দ্বিজাতিং সা ইতি থ. ধ. পাটঃ ॥ 3-306-22 বিহিতঃ বিশেষেণ হিতস্তৃপ্তঃ ॥অরণ্যপর্ব - অধ্যায় 307
॥ শ্রীঃ ॥
3.307. অধ্যায়ঃ 307
Mahabharata - Vana Parva - Chapter Topics
কদাচন ঋতুস্নাতয়া সূর্যমনলোকয়ন্ত্যা কুন্ত্যা দুর্বাসসা দত্তমত্রপরীক্ষণায় তদাহ্বানম্ ॥ 1 ॥ মন্ত্রবলাদুপাগতেন রবিণা স্বেন সঙ্গমনঙ্গীকুর্বন্ত্যাঃ কুন্ত্যা বিভীষিকাপূর্বকং সঙ্গায়ানুনয়নম্ ॥ 2 ॥Mahabharata - Vana Parva - Chapter Text
3-307-0 (27713)
বৈশম্পায়ন উবাচ। 3-307-0x (2836)
গতে তস্মিন্দ্বিজশ্রেষ্ঠে কস্মিংশ্চিৎকালপর্যযে।
চিন্তয়ামাস সা কন্যা মন্ত্রগ্রামবলাবলম্ ॥ 3-307-1 (27714)
অয়ং বৈ কীদৃশস্তেন মম দত্তো হমাত্মনা।
মন্ত্রগ্রামো বলং তস্য জ্ঞাস্যে নাতিচিরাদিতি ॥ 3-307-2 (27715)
এবং সংচিন্তয়ন্তী সা দদর্শর্তুং যদৃচ্ছয়া।
ব্রীডিতা সাঽভবদ্বালা কন্যাভাবে রজস্বলা ॥ 3-307-3 (27716)
ততো হর্ম্যতলস্থা সা মহার্হশয়নোচিতা।
প্রাচ্যাং দিশি সমুদ্যন্তং দদর্শাদিত্যমণ্ডলম্ ॥ 3-307-4 (27717)
তত্র বদ্ধমনোদৃষ্টিরভবৎসা সুমধ্যমা।
ন চাতপ্যত রূপেণ ভানোঃ সন্ধ্যাগতস্য সা ॥ 3-307-5 (27718)
তস্যা দৃষ্টিরভূদ্দিব্যা সাঽপশ্যদ্দিব্যদর্শনম্।
আমুক্তকবচং দেবং কুণ্ডলাভ্যাং বিভূষিতম্ ॥ 3-307-6 (27719)
তস্যাঃ কৌতূহরলং ৎবাসীন্মন্ত্রং প্রতি নরাধিপ।
আহ্বানমকরোৎসাঽথ তস্য দেবস্য ভামিনী ॥ 3-307-7 (27720)
প্রাণানুপস্পৃশ্য তদা হ্যাজুহাব দিবাকরম্।
আজগাম ততো রাজংস্ৎবরমাণো দিবাকরঃ ॥ 3-307-8 (27721)
মধুপিঙ্গো মহাবাহুঃ কম্বুগ্রীবো হসন্নিব।
অঙ্গদী বদ্ধমুকুটো দিশঃ প্রজ্বালয়ন্নিব ॥ 3-307-9 (27722)
যোগাৎকৃৎবা দ্বিধাঽঽত্মানমাজগাম ততাপ চ।
আবভাষে ততঃ কুন্তীং সাম্না পরমবল্গুনা ॥ 3-307-10 (27723)
আগতোস্মি বশং ভদ্রে তব মন্ত্রবলাৎকৃতঃ।
কিং করোমি বশো রাজ্ঞি ব্রূহি কর্তা তদস্মি তে ॥ 3-307-11 (27724)
কুন্ত্যুবাচ। 3-307-12x (2837)
গম্যতাং ভগবংস্তত্র যত এবাগতো হ্যসি।
কৌতূহলাৎসমাহূতঃ প্রসীদ ভগবন্নিতি ॥ 3-307-12 (27725)
সূর্য উবাচ। 3-307-13x (2838)
গমিষ্যেঽহং যথা মা ৎবং ব্রবীষি তনুমধ্যমে।
ন তু দেবং সমাহূয় ন্যায়্যং প্রেষয়িতুং বৃথা ॥ 3-307-13 (27726)
তবাভিসন্ধি সুভগে রসূর্যাৎপুত্রো ভবেদিতি।
বীর্যেণাপ্রতিমো লোকে কবচী কুণ্ডলীতি চ ॥ 3-307-14 (27727)
সা ৎবমাত্মপ্রদানং বৈ কুরুষ্ব গজগামিনি।
উৎপৎস্যতি হি পুত্রস্তে যথাসংকল্পমঙ্গনে।
অথ গচ্ছাম্যহং ভদ্রে ৎবয়া সংগম্য সুস্মিতে ॥ 3-307-15 (27728)
যদি ৎবংবচনং নাদ্য করিষ্যসি মম প্রিয়ম্।
শপ্স্যে কন্যেঽন্যথা ক্রুদ্ধো ব্রাহ্মণং পিতরং চ তে ॥ 3-307-16 (27729)
ৎবৎকৃতে তান্প্রধক্ষ্যামি সর্বানপি ন সংশয়ঃ।
পিতরং চৈব তে মূঢং যো ন বেত্তি তবানয়ম্ ॥ 3-307-17 (27730)
তস্ চ ব্রাহ্মণস্যাদ্য যোসৌ মন্ত্রমদাত্তব।
শীলবৃত্তমবিজ্ঞায় ধাস্যামি বিনয়ং পরম্ ॥ 3-307-18 (27731)
এতে হি বিবুধাঃ সর্বেপুরংদরমুখা দিবি।
ৎবয়া প্রলব্ধং পশ্যন্তি স্ময়ন্ত ইব মাং শুভে ॥ 3-307-19 (27732)
পশ্য চৈনান্সুরগণান্দিব্যং চক্ষুরিদং হি তে।
পূর্বমেব ময়া দত্তং দৃষ্টবত্যসি যেন মাম্ ॥ 3-307-20 (27733)
বৈশম্পায়ন উবাচ। 3-307-21x (2839)
ততোঽপশ্যত্রিদশান্রাজপুত্রী
সর্বানব স্বেষু ধিষ্ণ্যেষু খস্থান্।
প্রভাবন্তং ভানুমন্তং মহান্তং
যথাঽঽদিত্যং রোচমানাংস্তথৈব ॥ 3-307-21 (27734)
সা তান্দৃষ্ট্বা ত্রিদশানেব বালা
সূর্যং দেবী বচনং প্রাহ ভীতা।
গচ্ছ ৎবং বৈ গোপতে স্বং বিমানং
কন্যাভাবাদ্দুঃখ এবাপচারঃ ॥ 3-307-22 (27735)
পিতা মাতা গুরবশ্চৈবয়েঽন্যে
দেহস্যাস্য প্রভবন্তি প্রদানে।
নাহং ধর্মং লোপয়িষ্যামি লোকে
স্ত্রীণাং বৃত্তং পূজ্যতে দেহরক্ষা ॥ 3-307-23 (27736)
ময়া মন্ত্রবলং জ্ঞাতুমাহূতস্ৎবং বিভাবসো।
বাল্যাদ্বালেতি তৎকৃৎবা ক্ষন্তুমর্হসি মে বিভো ॥ 3-307-24 (27737)
সূর্য উবাচ। 3-307-25x (2840)
বালেতি কৃৎবাঽনুনয়ং তবাহং
দদানি নান্যানুনয়ং লভেত।
আত্মপ্রদানং কুরু কুন্তিকন্যে
শান্তিস্তবৈবং হি ভবেচ্চ ভীরু ॥ 3-307-25 (27738)
ন চাপি গন্তুং যুক্তং হি ময়া মিথ্যাকৃতেন বৈ।
অসমেত্য ৎবয়া ভীরু মন্ত্রাহূতেন ভামিনি ॥ 3-307-26 (27739)
গমিষ্যাম্যনবদ্যাঙ্গি লোকে সমবহাস্যতাম্।
`গচ্ছেয়মেব সুশ্রোণি গতোঽহং বৈ নিরাকৃতঃ'।
সর্বেষাং বিবুধানাং চ বক্তব্যঃ স্যাং তথা শুভে ॥ 3-307-27 (27740)
3-307-28 (27741)
সা ৎবং ময়া সমাগচ্ছ পুত্রং লপ্স্যসি মাধ্শম্।
বিশিষ্টা সর্বলোকেষু ভবিষ্যসি ন সংশয় ॥
Mahabharata - Vana Parva - Chapter Footnotes
3-307-3 ঋতুং রজঃ ॥ 3-307-8 প্রাণান্ ইন্দ্রিয়াণি চক্ষুঃশ্রোত্রাদীনি উপস্পৃশ্য। জলেন সম্যগাচম্যেত্যর্থঃ ॥ 3-307-11 কিং করোম্যবশো রাজ্ঞি ইতি থ. ধ. পাঠঃ ॥ 3-307-13 যথাহং গমিষ্যে তথা মা মাং ব্রবীষি নতু তদ্যোগ্যমিত্যাহ নৎবিতি । বৃথা প্রসাদমপ্রাপ্য ॥ 3-307-14 তবাভিসন্ধিং সুভগে কুর্যাং পুত্রঃ ইতি থ. ধ. পাঠঃ ॥ 3-307-16 ব্রাহ্মণং দুর্বাসসম্ ॥ 3-307-18 বিনয়ং দণ্ডং ধাস্যামি ধারয়িষ্যামি ॥ 3-307-22 অপচারোঽপরাধঃ কৃতঃ। ব্রীডমানেব বালেতি ঝ. পাঠঃ ॥অরণ্যপর্ব - অধ্যায় 308
॥ শ্রীঃ ॥
3.308. অধ্যায়ঃ 308
Mahabharata - Vana Parva - Chapter Topics
কুন্ত্যা সঙ্গমন্তরা দুশ্শকানুনয়ে ভাস্করে কৃচ্ছ্রাত্তদঙ্গীকরণম্ ॥ 1 ॥ সূর্যেণ পুনঃ কন্যাৎবলাভরূপবরদানপূর্বকং তস্যাং গর্ভাধানম্ ॥ 2 ॥Mahabharata - Vana Parva - Chapter Text
3-308-0 (27742)
বৈশম্পায়ন উবাচ। 3-308-0x (2841)
সা তু কন্যা বহুবিধং ব্রুবন্তী মধুরং বচঃ।
অনুনেতুং সহস্রাংশুং ন শশাক মনস্বিনী ॥ 3-308-1 (27743)
ন শশাক যদা বালা প্রত্যাখ্যাতুং তমোনুদম্।
ভীতা শাপাত্ততো রাজন্দধ্যৌ দীর্ঘমথান্তরম্ ॥ 3-308-2 (27744)
অনাগসঃ পিতুঃ শাপো ব্রাহ্মণস্য তথৈব চ।
মন্নিমিত্তঃ কথং ন স্যাৎক্রুদ্ধাদস্মাদ্বিভাবসোঃ ॥ 3-308-3 (27745)
বালেনাপি সতা মোহাদ্ভৃশং সাপহ্নবান্যপি।
নাঽভ্যাসাদয়িতব্যানি তেজাংসি চ তপাংসি চ॥ 3-308-4 (27746)
সাহমদ্য ভৃশং ভীতা গৃহীৎবা চ করে ভৃশম্।
কথং ৎবকার্যং কুর্যাং বৈ প্রদানং হ্যাত্মনঃ স্বয়ম্ ॥ 3-308-5 (27747)
সা বৈ শাপপরিত্রস্তা বহু চিন্তয়তী হৃদা।
মোহেনাভিপরীতাঙ্গী স্ময়মানা পুনঃপুনঃ ॥ 3-308-6 (27748)
তং দেবমব্রবীদ্ভীতা বন্ধূনাং রাজসত্তম।
ব্রীডাবিহ্বলয়া বাচা শাপত্রস্তা বিশাংপতে ॥ 3-308-7 (27749)
পিতা মে ধ্রিয়তে দেব মাতা চান্যে চ বান্ধবাঃ।
ন তেষু ধ্রিয়মাণএষু বিদিলোপো ভবেদয়ম্ ॥ 3-308-8 (27750)
ৎবয়া তু সংগমো দেব যদি স্যাদ্বিধিবর্জিতঃ।
মন্নিমিত্তং কুলস্যাস্য লোকেঽকীর্তির্ন সংশয়ঃ ॥ 3-308-9 (27751)
অথবা ধর্মমেতং ৎবং মন্যসে তপতাংবর।
ঋতে প্রদানাদ্বন্ধুভ্যস্তব কামং করোম্যহম্ ॥ 3-308-10 (27752)
আত্মপ্রদানং দুর্ধর্ষ তব কৃৎবাসতী ৎবহম্।
ৎবয়ি ধর্মো যশশ্চৈব কীর্তিরায়ুশ্চ দেহিনাম্ ॥ 3-308-11 (27753)
সূর্য উবাচ। 3-308-12x (2842)
ন তে পিতা ন তে মাতা গুরবো বা শুচিস্মিতে।
প্রভবন্তি প্রদানে তে ভদ্রং তে শৃণু মে বচঃ ॥ 3-308-12 (27754)
সর্বান্কাময়তে যস্মাৎকনের্ধাতোশ্চ ভামিনি।
তস্মাৎকন্যেহ সুশ্রোণী স্বতন্ত্রা বরবর্ণিনি ॥ 3-308-13 (27755)
নাধর্মশ্চরিতঃ কশ্চিত্ৎবয়া ভবতি ভামিনি।
অধর্মংকুত এবাহং বরেয়ং লোককাম্যযা ॥ 3-308-14 (27756)
অনাবৃতাঃ স্ত্রিয়ঃ সর্বা নরাশ্চ বরবর্ণিনি।
স্বভাব এষ লোকানাং বিকারোঽন্য ইতি স্মৃতঃ ॥ 3-308-15 (27757)
সা ময়া সহসংগম্য পুনঃ কন্যা ভবিষ্যসি।
পুত্রশ্চ তে মহাবাদ্দুর্ভবিষ্যতি ন সংশয়ঃ ॥ 3-308-16 (27758)
কুন্ত্যুবাচ। 3-308-17x (2843)
যদি পুত্রো মম ভবেত্ৎবত্তঃ সর্বতমোনুদ।
কুণ্ডলী কবচী শূরো মহাবাহুর্মহাবলঃ।
`অস্তু মে সঙ্গমো দেব অনেন সময়েন তে' ॥ 3-308-17 (27759)
সূর্য উবাচ। 3-308-18x (2844)
ভবিষ্যতি মহাবাহুঃ কুণ্ডলী দিব্যবর্মভৃৎ।
উভয়ং চামৃতময়ং তস্ ভদ্রে ভবিষ্যতি ॥ 3-308-18 (27760)
কুন্ত্যুবাচ। 3-308-19x (2845)
যদ্যতদমৃতাদস্তি কুণ্ডলে বর্ম চোত্তমম্।
মম পুত্রস্য যং বৈ ৎবং মত্ত উৎপাদয়িষ্যসি ॥ 3-308-19 (27761)
অস্তু মে সঙ্গমো দেব যথোক্তং ভগবংস্ৎবয়া।
ৎবদ্বীর্যরূপসৎবৌজা ধর়্ময়ুক্তো ভবেৎস চ ॥ 3-308-20 (27762)
সূর্য উবাচ। 3-308-21x (2846)
অদিত্যা কুণ্ডলে রাজ্ঞি দত্তে মে মত্তকাশিনি।
তস্মৈ দাস্যামি বামোরু বর্ম চৈবেদমুত্তমম্ ॥ 3-308-21 (27763)
বৈশম্পায়ন উবাচ। 3-308-22x (2847)
পরমং ভগবন্নেবং সঙ্গমিষ্যে ৎবয়া সহ।
যদি পুত্রো ভবেদেবং যথা বদসি গোপতে ॥ 3-308-22 (27764)
বৈশম্পায়ন উবাচ। 3-308-23x (2848)
তথেত্যুক্ৎবা তু তাং কুন্তীমাবিবেশ বিহংগমঃ।
স্বর্ভানুশত্রুর্যোগাত্মা নাভ্যাং পস্পর্শ চৈব তাম্ ॥ 3-308-23 (27765)
তত সা বিহ্বলেবাসীৎকন্যা সূরয়্স্ তেজসা।
পপাত চাথ সা দেবী শয়নে মূঢচেতনা ॥ 3-308-24 (27766)
সূর্য উবাচ। 3-308-25x (2849)
সাধয়িষ্যামি সুশ্রোণি পুত্রং বৈ জনয়িষ্যসি।
সর্বশস্ত্রভৃতাংশ্রেষ্ঠং কন্যা চৈব ভবিষ্যসি ॥ 3-308-25 (27767)
বৈশম্পায়ন উবাচ। 3-308-26x (2850)
ততঃ সা ব্রীডিতা বালা তদা সূর্যমথাব্রবীৎ।
এবমস্ৎবিতি রাজেন্দ্রপ্রস্থিতং ভূরিবর্চসম্ ॥ 3-308-26 (27768)
ইতিস্মোক্তা কুন্তিরাজাত্মজা সা
বিবস্বন্তং যাচমানা সলজ্জা।
তস্মিন্পুণ্যে শয়নীয়ে পপাত
মোহাবিষ্টা বেপমানা লতেব ॥ 3-308-27 (27769)
তিগ্মাংশুস্তাং তেজসা মোহয়িৎবা
যোগেনাবিশ্যাত্মসংস্থাং চকার।
ন চৈবৈনাং দূষয়ামাস ভানুঃ
সংজ্ঞাং লেভে ভূয় এবাত বালা ॥ 3-308-28 (27770)
ইতি শ্রীমন্মহাভারতে অরণ্যপর্বণি কুণ্ডলাহরণপর্বণি রঅষ্টাধিকত্রিশততমোঽধ্যায়ঃ ॥ 308 ॥
Mahabharata - Vana Parva - Chapter Footnotes
3-308-2 দধ্যৌ চিন্তিতবতী। অন্তরং কালম্ ॥ 3-308-4 বালেনাল্পবয়সাপি সতা সাধুনা মোহাচ্চিত্তপারবশ্যাৎ তেজাসি সূর্যাদীনি তপাংসি দুর্বাসআদীনি নাভ্যাসাদয়িতব্যান্যত্যন্তং প্রত্যাসত্তিবিষয়াণি ন কর্তব্যানি ॥ 3-308-7 বন্ধূনাং বন্ধুভ্য ইত্যর্থঃ ॥ 3-308-8 ধ্রিয়তে জীবতি ॥ 3-308-12 প্রভবন্তি স্বাম্যমর্হন্তি ॥ 3-308-13 কাময়তে সর্বানিতি কন্যেতি কন্যাশব্দনির্বচনম্ ॥ 3-308-14 তত্রহেতুঃ লোককাম্যযা লোকপ্রিয়যা কামবত্তয়া ॥ 3-308-15 অন্যো বিবাহনিয়মাদির্বিকারঃ ॥ 3-308-18 অমৃতময়ং সহজং বর্ম ॥ 3-308-26 প্রস্থিতং সংগমায়োপক্রন্তম্ 3-308-28 আত্মসংস্থাংবচনবশাম্। এনাং ন দূষয়ামাস। কন্যাৎবস্থাপনেনেতি শেষঃ ॥অরণ্যপর্ব - অধ্যায় 309
॥ শ্রীঃ ॥
3.309. অধ্যায়ঃ 309
Mahabharata - Vana Parva - Chapter Topics
কতিপয়কালাতিপাতে কর্ণস্য সহজকবচকুণ্ডলধারণএন কুন্ত্যাং জননম্ ॥ 1 ॥ কুন্ত্যা ধাত্র্যাসহ মন্ত্রপূর্বকং জাতমাত্রস্ গর্ভস্য মঞ্জূষায়াং নিক্ষেপপূর্বকমশ্বনদ্যাং বিসর্জনম্ ॥ 2 ॥ সগর্ভায়া মঞ্জূষায়াঃ ক্রমেণ চর্মণ্বতীয়মুনাদ্বারা গঙ্গায়াং প্লবনেন চম্পাপুরীপ্রবেশঃ ॥ 3 ॥Mahabharata - Vana Parva - Chapter Text
3-309-0 (27771)
বৈশম্পায়ন উবাচ। 3-309-0x (2851)
ততো গর্ভঃ সমভবৎপৃথায়াঃ পৃথিবীপতে।
শুক্লে দশোত্তরে পক্ষে তারাপতিরিবাম্বরে ॥ 3-309-1 (27772)
সা বান্ধবভয়াদ্বালা গর্ভং তং বিনিগূহতী।
ধারয়ামাস সুশ্রোণী ন চৈনাং বুবুধে জনঃ ॥ 3-309-2 (27773)
ন হি তাং বেদ নার্যন্যা কাচিদ্ধাত্রেয়িকামৃতে।
কন্যাপুরগতাং বালাং নিপুণাং পরিরক্ষণে ॥ 3-309-3 (27774)
ততঃ কালেন সা গর্ভং সুষুবে বরবর্ণিনী।
কন্যৈব তস্য দেবস্য প্রসাদাদমরপ্রভম্ ॥ 3-309-4 (27775)
তথৈবাবদ্ধকবচং কনকোজ্জ্বলকুণ্ডলম্।
হর্যক্ষং বৃষভস্কন্ধং যথাস্য পিতরং তথা ॥ 3-309-5 (27776)
জাতমাত্রং চ তং গর্ভং ধাত্র্যা সংমন্ত্র্য ভামিনী।
`উৎস্রষ্টুকামা তং গর্ভং কারয়ামাস ভারত। 3-309-6 (27777)
মঞ্জূষাং শিল্পিভিস্তূর্ণং সুনদ্ধাং সুপ্রতিষ্ঠিতাম্ ॥
প্লবৈর্বহুবিধৈর্বদ্ধাং প্লবনার্থং জলে নৃপ।
অজিনৈর্মৃদুভিশ্চৈবং সংস্তীর্ণশয়নাং তথা'॥ 3-309-7 (27778)
মঞ্জূষায়াং সমাধায় স্বাস্তীর্ণায়াং সমন্ততঃ।
মধূচ্চিষ্টস্থিতায়াং তং সুখায়াং রুদতী তথা।
শ্লক্ষ্ণায়াং সুপিধানায়ামশ্বনদ্যামবাসৃজৎ ॥ 3-309-8 (27779)
জানতী চাপ্যকর্তব্যং কন্যায়া গর্ভধারণম্।
পুত্রস্নেহেন সা রাজন্করুণং পর্যদেবয়ৎ ॥ 3-309-9 (27780)
সমুৎসৃজন্তী মঞ্জূপামশ্বনদ্যাং তদা জলে।
উবাচ রুদতীকুন্তী যানি বাক্যানি তচ্ছৃণু ॥ 3-309-10 (27781)
স্বস্তি তেঽস্ৎবান্তরিক্ষেভ্যঃ পার্থিবেভ্যশ্চ পুত্রক।
দিব্যেভ্যশ্চৈব ভূতেভ্যস্তথা তোয়চরাশ্চ যে ॥ 3-309-11 (27782)
শিবাস্তে সন্তু পন্থানো মা চ তে পরিপন্থিনঃ।
আগতাশ্চ তথা পুত্র ভবন্ত্যদ্রোহচেতসঃ ॥ 3-309-12 (27783)
পাতু ৎবাং বরুণো রাজা সলিলে সলিলেশ্বরঃ।
অন্তরিক্ষেঽন্তরিক্ষস্থঃ পবনঃ সর্বগস্তথা ॥ 3-309-13 (27784)
পিতা ৎবাং পাতু সর্বত্র তপনস্তপতাংবরঃ।
যেন দত্তোসি মে পুত্র দিব্যেন বিধিনা কিল ॥ 3-309-14 (27785)
আদিত্যা বসবো রুদ্রাঃ সাধ্যা বিশ্বে চ দেবতাঃ।
মরুতশ্চ সহেন্দ্রেণ দিশশ্চ সদিদীশ্বরাঃ ॥ 3-309-15 (27786)
রক্ষন্তু ৎবাং সুরাঃ সর্বে সমেষু বিষমেষু চ।
বেৎস্যামি ৎবাংবিদেশেপি কবচেনাভিসূচিতম্ ॥ 3-309-16 (27787)
ধন্যস্তে পুত্র জনরকো দেবো ভানুর্বিভাবসুঃ।
স্ৎবাং দ্রক্ষ্যতি দিব্যেন চক্ষুষা বাহিনীগতম্ ॥ 3-309-17 (27788)
ধন্যা সা প্রমদা যা ৎবাং পুত্রৎবে কল্পয়িষ্যতি।
যস্যাস্ৎবং তৃষিতঃ পুত্র স্তনং পাস্যসি দেবজ ॥ 3-309-18 (27789)
কোনু স্বপ্নস্তয়া দৃষ্টো যা ৎবামাদিত্যবর্চসম্।
দিব্যবর্মসমায়ুক্তং দিব্যকৃণ্ডলভূষিতম্ ॥ 3-309-19 (27790)
পদ্মায়তবিশালাক্ষং পদ্মতাম্রদলোজ্জ্বলম্।
সুললাটং সুকেশান্তং পুত্রৎবে কল্পয়িষ্যতি ॥ 3-309-20 (27791)
ধন্যা দ্রক্ষ্যন্তি পুত্র ৎবাং ভূমৌ সংসর্পমাণকম্।
অব্যক্তকলবাক্যানি বদন্তং রেণুগুণ্ঠিতম্ ॥ 3-309-21 (27792)
ধন্যা দ্রক্ষ্যন্তি পুত্র ৎবাং পুনর্যৌবনগোচরম্।
হিমবদ্বনসংভূতং সিংহং কেসরিণং যথা ॥ 3-309-22 (27793)
এবং বহুবিধং রাজন্বিলপ্য করুণং পৃথা।
অবামৃজতমজ্জূষামশ্বনদ্যাং তদা জলে ॥ 3-309-23 (27794)
রুদতী পুত্রশোকার্তা নিশীথে কমলেক্ষণা।
ধাত্র্যা সহ পৃথা রাজন্পুত্রদর্শনলালসা ॥ 3-309-24 (27795)
বিসর্জয়িৎবা মঞ্জূষাং সংবোধনভয়াৎপিতুঃ।
বিবেশ রাজভবনং পুনঃ শোকাতুরা ততঃ ॥ 3-309-25 (27796)
মঞ্জূষা ৎবশ্বনদ্যাঃ সা যয়ৌ চর্ময়ণ্বতীং নদীম্।
চর্মণ্বত্যাশ্চয়মুনাং ততো গঙ্গাং জগাম হ ॥ 3-309-26 (27797)
গঙ্গায়াঃ সূতবিষয়ং চম্পামনুয়যৌ পুরীম্।
স মঞ্জূষাগতো গর্ভস্তরঙ্গৈরুহ্যমানকঃ ॥ 3-309-27 (27798)
অমৃতাদুত্থিতং দিব্যং তনুবর্ম সকুণ্ডলম্।
ধারয়ামাস তং গর্ভং দৈবং চ বিধিনির্মিতম্ ॥ 3-309-28 (27799)
এতদ্গুহ্যং মহারাজ সূর্যস্যাসীন্মহাত্মনঃ।
স সূর্যসংভবো গর্ভঃ কুন্ত্যা গর্ভেণ ধারিতঃ' ॥ 3-309-29 (27800)
ইতি শ্রীমন্মহাভারতে অরণ্যপর্বণি কুণ্ডলাহরণপর্বণি নবাধিকত্রিশততমোঽধ্যায়ঃ ॥ 309 ॥
Mahabharata - Vana Parva - Chapter Footnotes
3-309-1 দশোত্তরে একাদশে শুক্লে পক্ষে প্রতিপদি চন্দ্রইব বাল উদ্ভূতঃ। মাঘশুক্লপ্রতিপদি কর্ণনিষেকজন্মেত্যর্থঃ ॥ 3-309-5 হর্যক্ষং সিংহনেত্রম্ ॥ 3-309-6 গর্ভং প্রতি সংমন্ত্র্যেত্যধ্যাহারেণান্বয়ঃ ॥ 3-309-8 মধূচ্ছিষ্টং সিক্থকম্। ময়নমিতি ভাষায়াম্। তেন স্থিতায়াং সর্বতোলিপ্তায়াং মঞ্জূষায়াম্। জলপ্রবেশো ন ভবেদিত্যর্থঃ ॥ 3-309-12 আগমাশ্চ তথা সন্তু দিব্যেন বিধিনা তব ইতি থ. ধ. পাঠঃ। আগমাশ্চ তথা পান্তু ইতি ক. পাঠঃ ॥ 3-309-28 দৈবং কর্তৃ। গর্ভং সকুণ্ডলং বর্ম ধারয়ামাসেত্যন্বয়ঃ। গর্ভং কবচকুণ্ডলধারকংচকারেত্যর্থঃ। বিধিনা ঈশ্বরেণ নির্মিতম্ ॥অরণ্যপর্ব - অধ্যায় 310
॥ শ্রীঃ ॥
3.310. অধ্যায়ঃ 310
Mahabharata - Vana Parva - Chapter Topics
স্নানায় ভার্যযা সহ গঙ্গাং গতেনাধিরথনাম্না সূতেন তত্রোৎপ্লবমানায়াঃ সগর্ভমঞ্জূষায়া গ্রহণম্ ॥ 1 ॥ তথা মঞ্জূষোদ্ঘাটনে দৃষ্টস্য গর্ভস্য স্বপুত্রতয়া পরিকল্পনেন নামকরণাদিপূর্বকংপ্রীত্যা পোষণম্ ॥ 2 ॥ কর্ণেন পরশুরামাদিভ্যোঽস্ত্রগ্রহণপূর্বকং দুর্যোধনেন সখ্যকরণম্ ॥ 3 ॥Mahabharata - Vana Parva - Chapter Text
3-310-0 (27801)
বৈশম্পায়ন উবাচ। 3-310-0x (2852)
এতস্মিন্নেব কালে তু ধৃতরাষ্ট্রস্য বৈ সখা।
সূতোঽধিরথ ইত্যেব সদারো জাহ্নবীং যয়ৌ ॥ 3-310-1 (27802)
তস্য ভার্যাঽভবদ্রাজন্রূপেণাসদৃশী ভুবি।
রাধা নাম মহাভাগা ন সা পুত্রমবিন্দত।
অপত্যার্থে পরং যত্নমকরোচ্চ বিশেষতঃ ॥ 3-310-2 (27803)
সা দদর্শাথ মঞ্জূষামুহ্যমানাং যদৃচ্ছয়া।
দত্তরক্ষাপ্রতিসরামন্বালম্ভনশোভনাম্ ॥ 3-310-3 (27804)
ঊর্মীতরঙ্গৈর্জাহ্নব্যাঃ সমানীতামুপহ্বরম্।
`বিবর্তমানাং বহুশঃ পুনঃপুনরিতস্ততঃ ॥ 3-310-4 (27805)
ততঃ সা বায়ুনা রাজন্স্রোতসা চ বলীয়সা।
উপানীতো যতঃ সূতঃ সভার্যো জলমাশ্রিতঃ' ॥ 3-310-5 (27806)
সা তু কৌতূহলাৎপ্রাপ্তাং গ্রাহয়ামাস ভামিনী।
ততো নিবেদয়ামাস সূতস্যাধিরথস্য বৈ ॥ 3-310-6 (27807)
স তামুদ্ধৃত্য মঞ্জূষামুৎসার্য জলমন্তিকাৎ।
যন্ত্রৈরুদ্ঘাটয়ামাস সোঽপশ্যত্তত্রবালকম্ ॥ 3-310-7 (27808)
মৃষ্টকুণ্ডলয়ুক্তেন বদনেন বিরাজিতম্।
`পরিম্লানমুখং বালং রুদন্তং ক্ষুধিতং ভৃশম্ ॥ 3-310-8 (27809)
স তু তং পরয়া লক্ষ্ম্যা দৃষ্ট্বা যুক্তং বরাত্মজম্'।
স সূতো ভার্যযা সার্ধং বিস্ময়োৎফুল্ললোচনঃ।
অঙ্কমারোপ্য তং বালং ভার্যাং বচনমব্রবীৎ ॥ 3-310-9 (27810)
ইদমত্যদ্ভুতং ভীরু যতো জাতোস্মি ভামিনি।
দৃষ্টবান্দেবগর্ভোঽয়ং মন্যেঽস্মাকমুপাগতঃ ॥ 3-310-10 (27811)
অনপত্যস্য পুত্রোঽয়ং দেবৈর্দত্তো ধ্রুবং মম।
ইত্যুক্ৎবা তং দদৌ পুত্রং রাধায়ৈ স মহীপতে ॥ 3-310-11 (27812)
রপ্রতিজগ্রাহ তং রাধা বিধিবদ্দিব্যরূপিণম্।
পুত্রং কমলগর্ভাভং দেবগর্ভং শ্রিয়া বৃতম্ ॥ 3-310-12 (27813)
`স্তন্যং সমস্রবচ্চাস্য দৈবাদিত্থ নিশ্চয়ঃ'।
পুপোষ চৈনং বিধিবদ্ববৃধে স চ বীর্যবান্।
ততঃ প্রভৃতি চাপ্যন্যে প্রাভবন্নৌরসাঃ সুতাঃ ॥ 3-310-13 (27814)
`নামকর্ম চ চক্রুস্তে কুণ্ডলে তস্ দৃশ্যতে।
কর্ণ ইত্যেব তং বালং দৃষ্ট্বা কর্ণং সকুণ্ডলম্' ॥ 3-310-14 (27815)
বসুবর্মধরং দৃষ্ট্বা তং বালং হেমকুণ্ডলম্।
নামাস্য বসুষেণেতি ততশ্চক্রুর্দ্বিজাতয়ঃ ॥ 3-310-15 (27816)
এবং স সূতপুত্রৎবং জগামামিতবিক্রমঃ।
বসুষেণ ইতিখ্যাতো বৃষ ইত্যেব চ প্রভুঃ ॥ 3-310-16 (27817)
সূতস্য ববৃধেঽঙ্গেষু জ্যেষ্ঠঃ পুত্রঃ স বীর্যবান্।
চারেণ বিদিতশ্চাসীৎপৃথয়া দিব্যবর্মভৃৎ ॥ 3-310-17 (27818)
সূতস্ৎবধিরথঃ পুত্রং বিবৃদ্ধং সময়েন তম্।
দৃষ্ট্বা প্রস্থাপয়ামাস পুরং বারণসাহ্বয়ম্ ॥ 3-310-18 (27819)
তত্রোপসদনং চক্রে দ্রোণস্যেষ্বস্ত্রকর্মণি।
সখ্যং দুর্যোধনেনৈবমগমৎস চ বীর্যবান্ ॥ 3-310-19 (27820)
দ্রোণাৎকৃপাচ্চ রামাচ্চ সোঽস্ত্রগ্রামং চতুর্বিধম্।
লব্ধ্বা লোকেঽভবৎখ্যাতঃ পরমেষ্বাসতাং গতঃ ॥ 3-310-20 (27821)
সংধায় ধার্তরাষ্ট্রেণ পার্থানাং বিপ্রিয়ে রতঃ।
যোদ্ধুমাশংসতে নিত্যং ফল্গুনেন মহাত্মনা ॥ 3-310-21 (27822)
সদা হি তস্ স্পর্ধাঽঽসীদর্জুনন বিশাংপতে।
অর্জুনস্য চ কর্ণেন যতো দ্বন্দ্বং বভূব হ ॥ 3-310-22 (27823)
এতদ্গুহ্যং মহারাজ সূর্যস্যাসীন্ন সংশয়ঃ।
যঃ সূর্যসংভবঃ কর্ণঃ কুর্যাৎপ্রতিকুলে রতঃ ॥ 3-310-23 (27824)
তং তু কুণ্ডলিনং দৃষ্ট্বা বর্মণা চ সমন্বিতম্।
অবধ্যং সমরে মৎবা পর্যতপ্যদ্যুধিষ্ঠিরঃ ॥ 3-310-24 (27825)
যদা চ কর্ণো রাজেন্দ্র ভানুমন্তং দিবাকরম্।
স্তৌতি মধ্যংদিনে প্রাপ্তে প্রাঞ্জলিঃ সলিলোত্থিতঃ ॥ 3-310-25 (27826)
তত্রৈনমুপতিষ্ঠন্তি ব্রাহ্মণা ধনহেতুনা।
নাদেয়ং তস্য তৎকালে কিংচিদস্তি দ্বিজাতিষু ॥ 3-310-26 (27827)
তমিন্দ্রো ব্রাহ্মণো ভূৎবা ভিক্ষাং দেহীত্যুপস্থিতঃ।
স্বাগতং চেতি রাধেয়স্তমথ প্রত্যভাষত ॥ 3-310-27 (27828)
ইতি শ্রীমন্মহাভারতে অরণ্যপর্বণি কুণ্ডলাহরণপর্বণি দশাধিকত্রিশততমোঽধ্যায়ঃ ॥ 310 ॥
Mahabharata - Vana Parva - Chapter Footnotes
3-310-3 দত্তো রক্ষার্থং প্রতিসরো দূর্বাকঙ্কণাদিরূপো যস্যাং তামঅ। অন্বালম্ভনং কুঙ্কুমহস্তদানম্ ॥ 3-310-5 উপহ্বরং সমীপম্ ॥ 3-310-7 উৎসার্য পরতো নীৎবা ॥ 3-310-15 বসুবর্ম স্বর্ণকবচনম্ ॥ 3-310-17 অঙ্গেষু জনপদবিশেষেষু ॥ 3-310-19 উপসদনং গুরূপসদনম্ ॥ 3-310-20 পরমেষ্বাসতাং মহাধনুর্ধরতাম্ ॥অরণ্যপর্ব - অধ্যায় 311
॥ শ্রীঃ ॥
3.311. অধ্যায়ঃ 311
Mahabharata - Vana Parva - Chapter Topics
ইন্দ্রেণ ব্রাহ্মণবেপধারণেন কর্ণপ্রতি কবচকুণ্ডলয়াচনম্ ॥ তস্যেন্দ্রৎবং জানতা কর্ণেন তস্মাচ্ছক্তিগ্রহণপূর্বকং তস্মৈ কবচকুণ্ডলদানম্ ॥Mahabharata - Vana Parva - Chapter Text
3-311-0 (27829)
বৈশম্পায়ন উবাচ। 3-311-0x (2853)
দেবরাজমনুপ্রাপ্তং ব্রাহ্মণচ্ছদ্মনাঽঽবৃতম্।
দৃষ্ট্বাস্বাগতমিত্যাহ ন বুবোধাস্য মানসম্ ॥ 3-311-1 (27830)
হিরণ্যকণ্ঠীঃ প্রমদা গ্রামান্বা বহুগোকুলান্।
কিং দদানীতি তং বিপ্রমুবাচাধিরথিস্ততঃ ॥ 3-311-2 (27831)
ব্রাহ্মণ উবাচ। 3-311-3x (2854)
হিরণ্যকণ্ঠ্যঃ প্রমদা যচ্চান্যৎপ্রীতিবর্ধনম্।
নাহ দত্তমিহেচ্ছামি তদর্থিভ্যঃ প্রদীয়তাম্ ॥ 3-311-3 (27832)
যদেতৎসহজং বর্ম কুণ্ডলে চ তবানঘ।
এতদুৎকৃত্য মে দেহি যদি সত্যব্রতো ভবান্ ॥ 3-311-4 (27833)
এতদিচ্ছাম্যহং ভিক্ষাং ৎবয়া দত্তাং পরংতপ।
এষ মে সর্বলাভানাং লাভঃ পরমকো মতঃ ॥ 3-311-5 (27834)
কর্ণ উবাচ। 3-311-6x (2855)
অবনিং প্রমদা গাশ্চ নির্বাপং বহুবার্ষিকম্।
তত্তে বিপ্র প্রদাস্যামি ন তু বর্ম সকুণ্ডলম্ ॥ 3-311-6 (27835)
বৈশম্পায়ন উবাচ। 3-311-7x (2856)
এবং বহুবিধৈর্বাক্যৈর্বার্যমাণঃ স তু দ্বিজঃ।
রকর্ণেন ভরতশ্রেষ্ঠ নান্যং বরময়াচত ॥ 3-311-7 (27836)
সান্ৎবিতশ্চ যথাশক্তি পূজিতশ্চ যথাবিধি।
ন চান্যং স দ্বিজশ্রেষ্ঠঃ কাময়ামাস বৈ বরম্ ॥ 3-311-8 (27837)
যদা নান্য প্রবৃণুতে বরং বৈ দ্বিজসত্তমঃ।
`বিনাঽস্ সহজং বর্ম কুণ্ডলে চ বিশাংপতে'।
তদৈনমব্রবীদ্ভূয়ো রাধেয়ঃ প্রহসন্নিব ॥ 3-311-9 (27838)
সহজং বর্ম মে বিপ্র কুণ্ডলে চামৃতোদ্ভবে।
তেনাবধ্যোস্মি লোকেষু ততো নৈতজ্জহাম্যহম্ ॥ 3-311-10 (27839)
বিশালং পৃথিবীরাজ্যং ক্ষেমং নিহতকণ্টকম্।
প্রতিগৃহ্ণীষ্ব মত্তস্ৎবং সাধু ব্রাহ্মণপুঙ্গব ॥ 3-311-11 (27840)
কুণ্ডলাভ্যাং বিমুক্তোঽহংবর্মণা সহজেন চ।
দমনীয়ো ভবিষ্যামি শত্রূণাং দ্বিজসত্তম ॥ 3-311-12 (27841)
বৈশম্পায়ন উবাচ। 3-311-12x (2857)
যদন্যং ন বরং বব্রে ভগবান্পাকশাসনঃ।
ততঃ প্রহস্ কর্ণস্তং পুনরিত্যব্রবীদ্বচঃ ॥ 3-311-13 (27842)
বিদিতো দেবদেবেশ প্রাগেবাসি মম প্রভো।
ন তু ন্যায়্যং ময়া দাতুং তব শক্র বৃথা বরম্ ॥ 3-311-14 (27843)
ৎবং হি দেবেশ্বরঃ সাক্ষাত্ৎবয়া দেয়ো বরো মম।
অন্যেষাং চৈব ভূতানামীশ্বরো হ্যসি ভূতকৃৎ ॥ 3-311-15 (27844)
যদি দাস্যামি তে দেব কুণ্ডলে কবচং তথা।
বধ্যতামুপয়াস্যামি ৎবং চ শক্রাবহাস্যতাম্ ॥ 3-311-16 (27845)
তস্মাদ্বিনিময়ং কৃৎবা কুণ্ডলেবর্ম চোত্তমম্।
হরস্ব শক্রকামং মে ন দদ্যামহমন্যথা ॥ 3-311-17 (27846)
শক্র উবাচ। 3-311-18x (2858)
বিদিতোঽহং রবেঃ পূর্বমায়ানেব তবান্তিকম্।
তেন তে সর্বমাখ্যাতমেবমেতন্ন সংশয়ঃ ॥ 3-311-18 (27847)
কামমস্তু তথা তাত তব কর্ণ যথেচ্ছসি।
বর্জয়িৎবা তু মে বজ্রং প্রবৃণীষ্ব যথেচ্ছসি ॥ 3-311-19 (27848)
বৈশম্পায়ন উবাচ। 3-311-20x (2859)
ততঃ কর্ণঃ প্রহৃষ্টস্তু উপসংগম্য বাসবম্।
অমোঘাং শক্তিমভ্যেত্য বব্রে সম্পূর্ণমানসঃ ॥ 3-311-20 (27849)
ক্রণ উবাচ। 3-311-21x (2860)
বর্মণা কুণ্ডলাভ্যাং চ শক্তিং মে দেহি বাসব।
অমোঘাং শত্রুসঙ্ঘানাং ঘাতিনীং পৃথনামুখে ॥ 3-311-21 (27850)
ততঃ সঞ্চিন্ত্য মনসা মুহূর্তমিব বাসবঃ।
শক্ত্যর্থং পৃথিবীপাল কর্ণং বাক্যমথাব্রবীৎ ॥ 3-311-22 (27851)
কুণ্ডলে মে প্রয়চ্ছস্ব বর্ম চৈব শরীরজম্।
গৃহাণ কর্ণ শক্তিং ৎবমনেন সময়েন চ ॥ 3-311-23 (27852)
অমোঘা হন্তি শতশঃ শত্রূন্মম করচ্যুতা।
পুনশ্চ পাণিমভ্যেতি মম দৈত্যান্বিনিঘ্নতঃ ॥ 3-311-24 (27853)
সেয়ং তব করপ্রাপ্তা হৎবৈরকং রিপুমূর্জিতম্।
গর্জন্তং প্রতপন্তং চ মামেবৈষ্যতি সূতজ ॥ 3-311-25 (27854)
কর্ণ উবাচ। 3-311-25x (2861)
একমেবাহমিচ্ছামি রিপুং হন্তুং মহাহবে।
গর্জন্তংপ্রতপন্তং চ যতো মম ভয়ং ভবেৎ ॥ 3-311-26 (27855)
ইন্দ্র উবাচ। 3-311-27x (2862)
একং হনিষ্যসি রিপুং গর্জন্তং বলিনং রণে।
ৎবং তু যং প্রার্থয়স্যেকং রক্ষ্যতে স মহাত্মনা ॥ 3-311-27 (27856)
যমাহুর্বেদবিদ্বাংসো বরাহমপরাজিতম্।
নারায়ণমচিন্ত্যং চ তেন কৃষ্ণেন রক্ষ্যতে ॥ 3-311-28 (27857)
কর্ণ উবাচ। 3-311-29x (2863)
`এবমেতদ্যথাঽঽত্থ ৎবং দানবানাং নিষূদন।
বধিষ্যামি রণে শত্রুং যো মে স্থাতা পুরস্সরঃ' ॥ 3-311-29 (27858)
এবমপ্যস্তু ভগবন্নেকবীরবধে মম।
অমোঘাং দেহি মে শক্তিং যথা হন্যাং প্রতাপিনম্ ॥ 3-311-30 (27859)
উৎকৃত্য তু প্রদাস্যামি কুণ্ডলে কবচং চ তে।
নিকৃত্তেষু তু গাত্রেষু ন মে বীভৎসতা ভবেৎ ॥ 3-311-31 (27860)
ইন্দ্র উবাচ। 3-311-32x (2864)
ন তে বীভৎসতা কর্ণ ভবিষ্যতি কথঞ্চন।
ব্রণশ্চৈব ন গাত্রেষু যস্ৎবং নানৃতমিচ্ছসি ॥ 3-311-32 (27861)
যাদৃশস্তে পিতুর্বর্ণস্তেজশ্চ বদতাংবর।
তাদৃশেনৈব বর্ণেন ৎবং কর্ণ ভবিতা পুনঃ ॥ 3-311-33 (27862)
বিদ্যমানেষু শস্ত্রেষু যদ্যমোঘামসংশয়ে।
প্রমত্তো মোক্ষ্যসে চাপি ৎবয়্যেবৈষা পতিষ্যতি ॥ 3-311-34 (27863)
কর্ণ উবাচ। 3-311-35x (2865)
সংশয়ং পরমং প্রাপ্য বিমোক্ষ্যে বাসবীমিমাম্।
যথা মামৌত্থ শক্র ৎবং সত্যমেতদ্ব্রবীমি তে ॥ 3-311-35 (27864)
বৈশম্পায়ন উবাচ। 3-311-36x (2866)
ততঃ শক্তিং প্রজ্বলিতাং প্রতিগৃহ্ বিশাংপতে।
শস্ত্রং গৃহীৎবা নিশিতং সর্বগাত্রাণ্যকৃন্তত ॥ 3-311-36 (27865)
ততো দেবা মানবা দানবাশ্চ
নিকৃন্তন্তং কর্ণমাত্মানমেব।
দৃষ্ট্বা সর্বে সিংহনাদান্প্রণেদু-
র্ন হ্যস্যাসীন্মুখজো বৈ বিকারঃ ॥ 3-311-37 (27866)
ততো দিব্যা দুন্দুভয়ঃ প্রণেদুঃ
পপাতোচ্চৈঃ পুষ্পবর্ষং চ দিব্যম্।
দৃষ্ট্বা কর্ণং শস্ত্রসংকৃত্তগাত্রং
মহুশ্চাপি স্ময়মানং নৃবীরম্ ॥ 3-311-38 (27867)
ততশ্ছিত্ৎবা কবচং দিব্যমঙ্গা-
ত্তথৈবার্দ্রং প্রদদৌ বাসবায়।
তথোৎকৃত্য প্রদদৌ কুণ্ডলে তে
কর্ণাত্তস্মাৎকর্মণা তেন কর্ণঃ ॥ 3-311-39 (27868)
`ততো দেবো মুদিতো বজ্রপাণি-
র্দৃষ্ট্বা কর্ণং শস্ত্রনিকৃত্তগাত্রম্'।
ততঃ শক্রঃ প্রহসন্বঞ্চয়িৎবা
কর্ণং লোকে যশসা যোজয়িৎবা।
কৃতংকার্যং পাণ্ডবনাং হি ভেনে
ততঃ পশ্চাদ্দিবমেবোৎপপাত ॥ 3-311-40 (27869)
শ্রুৎবা কর্ণং মুষিতং ধার্তরাষ্ট্রা
দীনাঃ সর্বে ভগ্নদর্পা ইবাসন্।
তাং রচাবস্থাং গমিতং সূতপুত্রং
শ্রুৎবা পার্থা জহৃপুঃ কাননস্থাঃ ॥ 3-311-41 (27870)
জনমেজয় উবাচ। 3-311-42x (2867)
ক্বস্তা বীরাঃ পাণ্ডবাস্তে বভূবুঃ
কুতশ্চৈতে শ্রুতবন্তঃ প্রিয়ং তৎ।
কিং বাঽকার্ষুর্দ্বাদশেঽব্দে ব্যতীতে
তন্মে সর্বং ভগবান্ব্যাকরোতু ॥ 3-311-42 (27871)
বৈশম্পায়ন উবাচ। 3-311-43x (2868)
লব্ধ্বা কৃষ্ণাং সৈন্ধবং দ্রাবয়িৎবা
বিপ্রৈঃ সার্ধং কাম্যকাদাশ্রমাত্তে।
মার্কণ্ডেয়াচ্ছ্রুতবন্তঃ পুরাণং
কদেবর্ষীণআং চরিতং বিস্তরেণ ॥ 3-311-43 (27872)
`প্রত্যাজগ্মুঃ সরথাঃ সানুয়াত্রাঃ
সর্বৈঃ সার্ধং সূতপৌরোগবৈস্তে।
ততো যয়ুর্দ্বৈতবনং নৃবীরা
নিস্তীর্যৈবং বনবাসং সমগ্রম্' ॥ 3-311-44 (27873)
ইতি শ্রীমন্মহাভারতে অরণ্যপর্বণি কুণ্ডলাহরণপর্বণি একাদশাধিকত্রিশততমোঽধ্যায়ঃ ॥ 311 ॥
Mahabharata - Vana Parva - Chapter Footnotes
3-311-3 যচ্চান্যৎপাদবন্ধনম্ ইতি ধ. পাঠঃ ॥ 3-311-6 অবনি গৃহার্থম্। নিবাপং ন্যুপ্যতে বীজমম্মিন্নিতি ক্ষেত্রম্। বহুবর্পিকং যাবজ্জীবিকবৃত্তিরূপম্ .। 3-311-18 আয়ানেব আগচ্ছন্নেব ॥ 3-311-39 কৃণাতি হিনস্তি কৃন্ততি ছিনত্তি বা অঙ্গানীতি কর্ণ ইত্যর্থঃ ॥অরণ্যপর্ব - অধ্যায় 312
॥ শ্রীঃ ॥
3.312. অধ্যায়ঃ 312
Mahabharata - Vana Parva - Chapter Topics
যুধিষ্ঠিরাদিভিঃ কাম্যকবনাৎপুনর্দ্বৈতবনংপ্রত্যাগমনম্ ॥ 1 ॥ তত্রকেনচিন্মৃগেণ তরুসঙ্ঘর্পবশাৎস্ববিপাণলগ্নেন ব্রাহ্মণস্যারণিনা সহ পলায়নম্ ॥ ব্রাহ্মণপ্রার্থনয়া তদানয়নায় পাণ্ডবৈস্তদনুধাবনম্ ॥ ততস্তৌঃ সুদূরং স্বাপকর্পণপূর্বকমন্তর্হিতে তস্মিন্শ্রান্ত্যা বটমূলে সমুপবেশনম্ ॥Mahabharata - Vana Parva - Chapter Text
3-312-0 (27874)
জনমেজয় উবাচ। 3-312-0x (2869)
এবং হৃতায়াং ভার্যায়াং প্রাপ্য ক্লেশমনুত্তমম্।
প্রতিপদ্য ততঃ কৃষ্ণাং কিমকুর্বত পাণ্ডবাঃ ॥ 3-312-1 (27875)
বৈশম্পায়ন উবাচ। 3-312-2x (2870)
এবং হৃতায়াং কৃষ্ণায়াং প্রাপ্য ক্লেশমনুত্তমম্।
বিহায় কাম্যকং রাজা সহ ভ্রাতৃভিরচ্যুতঃ ॥ 3-312-2 (27876)
পুনর্দ্বৈতবনং রম্যমাজগাম যুধিষ্ঠিরঃ।
স্বাদুমূলফলং রম্যং বিচিত্রবহুপাদপম্ ॥ 3-312-3 (27877)
অনুভুক্তফলাহারাঃ সর্ব এব মিতাশনাঃ।
ন্যবসন্পাণ্ডবাস্তত্রকৃষ্ণয়া সহ ভার্যযা ॥ 3-312-4 (27878)
বসন্দ্বৈতবনে রাজা কুন্তীপুত্রো যুধিষ্ঠিরঃ।
ভীমসেনোঽর্জুনশ্চৈব মাদ্রীপুত্রৌ চ পাণ্ডবৌ ॥ 3-312-5 (27879)
ব্রাহ্মণার্থে পরাক্রান্তা ধর্মাত্মানো যতব্রতাঃ।
ক্লেশমার্চ্ছন্ত বিপুলং সুখোদর্কং পরংতপাঃ ॥ 3-312-6 (27880)
তস্মিন্প্রতিবসন্তস্তে যৎপ্রাপুঃ কুরুসত্তমাঃ।
বনে ক্লেশং সুখোদর্কং তৎপ্রবক্ষ্যামি তে শৃণু ॥ 3-312-7 (27881)
অরণীসহিতং ভাণ্ডং ব্রাহ্মণস্য তপস্বিনঃ।
মৃগস্ ঘর্ষণস্য বিপাণে সমসজ্জত ॥ 3-312-8 (27882)
তদাদায় গতো রাজংস্ৎবরমাণো মহামৃগঃ।
আশ্রমান্তরিতঃ শীঘ্রং প্লবমানো মহাজবঃ ॥ 3-312-9 (27883)
হ্রিয়মাণং তু তং দৃষ্ট্বা স বিপ্রঃ কুরুসত্তম।
ৎবরিতোঽভ্যাগমত্তত্রঅগ্নিহোত্রপরীপ্সয়া।
`তেষাং তু বসতাং তত্র পাণ্ডবানাং মহারথম্' ॥ 3-312-10 (27884)
অজাতশত্রুমাসীনং ভ্রাতৃভিঃ সহিতং বনে।
আগম্য ব্রাহ্মণস্তূর্ণং সংতপ্তশ্চেদমব্রবীৎ ॥ 3-312-11 (27885)
অরণীসহিতং ভাণ্ডং সমাসক্তং বনস্পতৌ।
মৃগস্য ঘর়্ষমাণস্য বিষাণে সমসজ্জত ॥ 3-312-12 (27886)
তমাদায় গতো রাজংস্ৎবরমাণো মহামৃগঃ।
আশ্রমাত্ৎবরিতঃ শীঘ্রং প্লবমানো মহাজবঃ ॥ 3-312-13 (27887)
তস্য গৎবা পদং রাজন্নাসাদ্য চ মহামৃগম্।
অগ্নিহোত্রং ন লুপ্যেত তদানয়ত পাণ্ডবাঃ ॥ 3-312-14 (27888)
ব্রাহ্মণস্য বচঃ শ্রুৎবা সন্তপ্তোঽথ যুধিষ্ঠিরঃ।
ধনুরাদায় কৌন্তেয়ঃ প্রাদ্রবদ্ভ্রাতৃভিঃ সহ ॥ 3-312-15 (27889)
সন্নদ্ধা ধন্বিনঃ সর্বে প্রাদ্রবন্নরপুঙ্গবাঃ।
ব্রাহ্মণার্থে যতন্তস্তে শীঘ্রমন্বগমন্মৃগম্ ॥ 3-312-16 (27890)
কর্ণিনালীকনারাচানুৎসৃজন্তো মহারথাঃ।
নাবিধ্যন্পাণ্ডবাস্তত্র পশ্যন্তো মৃগমন্তিকাৎ ॥ 3-312-17 (27891)
তেষাং প্রয়তমানানাং নাদৃশ্যত মহামৃগঃ।
অপশ্যন্তোমৃগং শ্রান্তা দুঃখং প্রাপ্তা মনস্বিনঃ ॥ 3-312-18 (27892)
শীতলচ্ছায়মাগময়্ ন্যগ্রোধং গহনে বনে।
ক্ষুৎপিপাসাপরীতাঙ্গাঃ পাণ্ডবাঃ সমুপাবিশন্ ॥ 3-312-19 (27893)
তেষাং সমুপবিষ্টানাং নকুলো দুঃখিতস্তদা।
অব্রবীদ্ভ্রাতরং শ্রেষ্ঠমমর্ষাৎকুরুনন্দনম্ ॥ 3-312-20 (27894)
নাস্মিন্কুলে জাতু মমজ্জ ধর্মো
ন চালস্যাদর্থলোপো বভূব।
অনুত্তরাঃ সর্বভূতেষু ভূপ
সংপ্রাপ্তাঃ স্মঃ সংশয়ং কিংনু রাজন্ ॥ 3-312-21 (27895)
ইতি শ্রীমন্মহাভারতে অরণ্যপর্বণি আরণ্যেয়পর্বণি দ্বাদশাধিকত্রিশততমোঽধ্যায়ঃ ॥ 312 ॥
Mahabharata - Vana Parva - Chapter Footnotes
3-312-8 অরণীসহিতং মন্থং ইতি ঝয় পাঠঃ। অরণী উত্তরাধরেঽগ্নিমথনকাষ্ঠে রতাভ্যাং রসহিতং মন্থং নির্মথনদণ্ডম্ ॥ 3-312-9 আশ্রমান্তরিতঃ আশ্রমদূরগতঃ ॥ 3-312-14 পদং মার্গে চিহ্নং গত্যা প্রাপ্থ। তেনৈব পথা তদানয়ত ॥ 3-312-21 ধর্মো ন মমজ্জ ধর্মলোপোঽর্থলোপশ্চ নাভূৎ। আলস্যাদিত্যুপচর্যতে। ৎবয়ি অনুত্তরাঃ প্রতিবাক্যরহিতাঃ সর্বভূতেষু কার্যার্থে উপস্থিতে ওমিত্যেব বদামো নতু বাক্যান্তরমিত্যর্থঃ। সংশয়ং ব্রাহ্মণস্য কর্মলোপনিমিত্তং দোষম্ ॥অরণ্যপর্ব - অধ্যায় 313
॥ শ্রীঃ ॥
3.313. অধ্যায়ঃ 313
Mahabharata - Vana Parva - Chapter Topics
পিপাসিতেষু পাণ্ডবেষু যুধিষ্ঠিরনিয়োগাদ্বৃক্ষাগ্রমধিরূঢেন নকুলেন নাতিদূরে কিংচিৎসরোবিলোকনম্ ॥ পানীয়ানয়মায় সরোগতেষু নকুলাদিষু যক্ষবচনাবমত্যা পানীয়পানেন দীর্ঘনিদ্রাশ্রবণাদনাগতেষু যুধিষ্ঠিরেণাপি তৎসরোগমনম্ ॥Mahabharata - Vana Parva - Chapter Text
3-313-0 (27896)
যুধিষ্ঠির উবাচ। 3-313-0x (2871)
নাপদামস্তি মর্যাদা ন নিমিত্তং ন কারণম্।
ধর্মস্তু বিভজত্যর্থমুভয়োঃ পুণ্যপাপয়োঃ ॥ 3-313-1 (27897)
ভীম উবাচ। 3-313-2x (2872)
প্রাতিকাম্যনয়ৎকৃষ্ণাং সভায়াং প্রেষ্যবত্তদা।
ন ময়া নিহতস্তত্রতেন প্রাপ্তাঃ স্ম সংশয়ম্ ॥ 3-313-2 (27898)
অর্জুন উবাচ। 3-313-3x (2873)
বাচস্তীক্ষ্ণাস্থিভেদিন্যঃ সূতপুত্রেণ ভাষিতাঃ।
অতিতীব্রা ময়া ক্ষান্তাস্তেন প্রাপ্তাঃ স্ম সংশয়ং ॥ 3-313-3 (27899)
সহদেব উবাচ। 3-313-4x (2874)
শকুনিস্ৎবাং যদাঽজৈষীদক্ষদ্যূতেন ভারত।
স ময়া ন হতস্তত্রতেন প্রাপ্তাঃ স্ম সংশয়ম্ ॥ 3-313-4 (27900)
বৈশম্পায়ন উবাচ। 3-313-5x (2875)
ততো যুধিষ্ঠিরো রাজা নকুলং বাক্যমব্রবীৎ।
আরুহ্য বৃক্ষং মাদ্রেয় নিরীক্ষস্ব দিশো দশ ॥ 3-313-5 (27901)
পানীয়মন্তিকে পশ্য বৃক্ষান্বাপ্যুদকাশ্রয়ান্।
এতে হি ভ্রাতরঃ শ্রান্তাস্তব তাত পিপাসিতাঃ ॥ 3-313-6 (27902)
নকুলস্তু তথেত্যুক্ৎবা ভ্রাতুর্জ্যেঽষ্ঠস্য শাসনাৎ।
তত উত্থায় মতিমাঞ্শীঘ্রমারুহ্য পাদপম্।
অব্রবীদ্ধাংতরং জ্যেষ্মভিবীক্ষ্য সমন্ততঃ ॥ 3-313-7 (27903)
পশ্যামি বহুলান্রাজন্বৃক্ষানুদকসংশ্রয়ান্।
সারসানাং চ নির্হ্রাদস্তত্রোদকমসংশয়ম্ ॥ 3-313-8 (27904)
ততোঽব্রবীৎসত্যধৃতিঃ কুন্তীপুত্রো যুধিষ্ঠিরঃ।
গচ্ছ সৌম্য ততঃ শীঘ্রং তূণৈঃ রপানীয়মানয় ॥ 3-313-9 (27905)
নকুলস্তু তথেত্যুক্ৎবা ভ্রাতুর্জ্যেষ্ঠস্য শাসনাৎ।
প্রাদ্রবদ্যত্র পানীয়ং শীঘ্রং চৈবান্বপদ্যত ॥ 3-313-10 (27906)
স দৃষ্ট্বা বিমলং তোয়ং সারসৈঃ পরিবারিতম্।
পাতুকামস্ততো বাচমন্তরিক্ষাৎস শুশ্রুবে ॥ 3-313-11 (27907)
যক্ষ উবাচ। 3-313-12x (2876)
মা তাত সাহসং কার্ষীর্মম পূর্বপরিগ্রহঃ।
প্রশ্নানুক্ৎবা তু মাদ্রেয় ততঃ পিব হরস্ব চ ॥ 3-313-12 (27908)
অনাদৃত্য তু তদ্বাক্যং নকুলঃ সুপিপাসিতঃ।
অপিবচ্ছীতলং তোয়ং পীৎবা চ নিপপাত হ ॥ 3-313-13 (27909)
চিরায়মাণে নকুলে কুন্তীপুত্রো যুধিষ্ঠিরঃ।
অব্রবীদ্ধ্রাতরং বীরং সহদেবমরিংদমম্ ॥ 3-313-14 (27910)
ভ্রাতা চিরায়তে তাত সহদেব তবাগ্রজঃ।
তং চৈবানয় সোদর্যং পানীয়ং চ ৎবমানয় ॥ 3-313-15 (27911)
সহদেবস্তথেত্যুক্ৎবা তাং দিশং প্রত্যপদ্যত।
দদর্শ চ হতং ভূমৌ ভ্রাতরং নকুলং তদা ॥ 3-313-16 (27912)
ভ্রাতৃশোকাভিসংতপ্তস্তৃষয়া চ প্রপীডিতঃ।
অভিদুদ্রাব রপানীয়ং ততো বাগভ্যভাষত ॥ 3-313-17 (27913)
মা তাত সাহসং কার্ষীর্মম পূর্বপরিগ্রহঃ।
প্রশ্নানুক্ৎবা যথাকামং পিবস্ব চ হরস্ব চ ॥ 3-313-18 (27914)
অনাদৃত্য তু তদ্বাক্যং সহদেবঃ পিপাসিতঃ।
অপিবচ্ছীতলং তোয়ং পীৎবা চ নিপপাত হ ॥ 3-313-19 (27915)
অথাব্রবীৎস বিজয়ং কুন্তীপুত্রো যুধিষ্ঠিরঃ।
ভ্রাতরৌ তে চিরগতৌ বীভৎসো শত্রুকর্শন ॥ 3-313-20 (27916)
তৌ চৈবানয় ভদ্রং তে পানীয়ং চ ৎবমানয়।
ৎবং হি নস্তাত সর্বেষাং দুঃখিতানামপাশ্রয়ঃ ॥ 3-313-21 (27917)
এবমুক্তো গুডাকেশঃ প্রগৃহ্য সশরং ধনুঃ।
আমুক্তখঙ্গো মেধাবী তৎসরঃ প্রত্যপদ্যত ॥ 3-313-22 (27918)
যতঃ পুরুষশার্দূলৌ পানীয়হরণে গতৌ।
তৌ দদর্শ হতৌ তত্রভ্রাতরৌ শ্বেতবাহনঃ ॥ 3-313-23 (27919)
`বিগতাসূ নরব্যাঘ্রৌ শয়ানৌ বসুধাতলে'।
প্রসুপ্তাবিব তৌ দৃষ্ট্বা নরসিংহঃ সুদুঃখিতঃ।
ধনুরুদ্যম্য কৌন্তেয়ো ব্যলোকয়ত তদ্বনম্ ॥ 3-313-24 (27920)
নাপশ্যত্তত্রকিংচিৎস ভূতমস্মিন্মহাবনে।
সব্যসাচী পিপাসার্তঃ পানীয়ং সোভ্যধাবত ॥ 3-313-25 (27921)
অভিধাবংস্ততো বাচমন্তরিক্ষাৎস শুশ্রুবে।
যত্ৎবমিচ্ছসি পানীয়ং নৈতচ্ছক্যং বলাত্ৎবয়া ॥ 3-313-26 (27922)
কৌন্তেয় যদি বৈ প্রশ্নান্ময়োক্তান্প্রতিবক্ষ্যসি।
ততঃ পাস্যসি পানীয়ং হরিষ্যসি চ ভারত ॥ 3-313-27 (27923)
বারিতস্ৎবব্রবীৎপার্থো দৃশ্যমানো নিবারয়।
যাবদ্বাণৈর্বিনির্ভিন্নঃ পুনর্নৈবং বদিষ্যসি ॥ 3-313-28 (27924)
এবমুক্ৎবা ততঃ পার্থঃ শরৈরস্ত্রানুমন্ত্রিতৈঃ।
প্রববর্ষ রদিশঃ কৃৎস্নাঃ শব্দবেধং চ দর্শয়ন্।
কর্ণিনালীকনারাচানুৎসৃজন্ভরতর্ষভঃ। 3-313-29 (27925)
স ৎবমোঘানিষূন্মুক্ৎবা তৃষ্ণয়াঽভিপ্রপীডিতঃ।
অনেকৈরিষুসংঘাতৈরন্তরিক্ষে ববর্ষ হ ॥ 3-313-30 (27926)
যক্ষ উবাচ। 3-313-31x (2877)
কিং বিধানেন তে পার্থ প্রশ্নানুক্ৎবা পয়ঃ পিব।
অনুক্ৎবা চ পিবন্প্রশ্নান্পীৎবৈব নভবিষ্যসি ॥ 3-313-31 (27927)
স চ মোঘানিষূন্দৃষ্ট্বাতৃষ্ণয়া চ প্রপীডিতঃ।
অবজ্ঞায়ৈব তাং বাচং পীৎবৈব নিপপাৎ হ ॥ 3-313-32 (27928)
অথাব্রবীদ্ভীমসেনং কুনতীপুত্রো যুধিষ্ঠিরঃ।
নকুলঃ সহদেবশ্চ বীভৎসুশ্চ পরংতপ ॥ 3-313-33 (27929)
চিরংগতাস্তোয়হেতোর্ন চাগচ্ছন্তি ভারত।
তাংশ্চৈবানয় ভদ্রং তে পানীয়ং চ ৎবমানয় ॥ 3-313-34 (27930)
ভীমসেনস্তথেত্যুক্ৎবা তং দেশং প্রত্যপদ্যত।
রয়ত্রতে পুরুষব্যাঘ্রা ভ্রাতরোস্য নিপাতিতাঃ ॥ 3-313-35 (27931)
তান্দৃষ্ট্বা দুঃখিতো ভীমস্তৃষয়া চ প্রপীডিতঃ।
অমন্যত মহাবাহুঃ কর্ম তদ্যক্ষরক্ষসাম্ ॥ 3-313-36 (27932)
সচিন্তয়ামাস তদা যোদ্ধব্যং ধ্রুবমদ্য মে।
পাস্যামি তাবৎপানীয়মিতি পার্থো বৃকোদরঃ ॥ 3-313-37 (27933)
ততোঽভ্যধাবৎপানীয়ং পিপাসুঃ পুরুষর্ষভঃ ॥ 3-313-38 (27934)
যক্ষ উবাচ। 3-313-39x (2878)
মা তাত সাহসংকার্ষীর্মম পূর্বপরিগ্রহঃ।
প্রশ্নানুক্ৎবা তু কৌন্তেয় ততঃ পিব হরস্ব চ ॥ 3-313-39 (27935)
এবমুক্তস্তদা ভীমো যক্ষেণামিততেজসা।
অনুক্ৎবৈব তু তান্প্রশ্নান্পীৎবৈব নিপপাত হ ॥ 3-313-40 (27936)
ততঃ কুন্তীসুতো রাজা প্রচিন্ত্য পুরুষর্ষভঃ।
`আত্মনাঽঽত্মানমন্বিষ্য বিচারমকরোৎপ্রভুঃ ॥ 3-313-41 (27937)
ততশ্চিরগতান্ভ্রাতৃনথাঽঽজ্ঞায় যুধিষ্ঠিরঃ।
চিরায়মাণান্বহুশঃ পুনঃ পুনরুবাচহ ॥ 3-313-42 (27938)
কিংস্বিদ্বনমিদং দগ্ধং কিংখিদ্দৃষ্টো মৃতো ভবেৎ।
প্রহরন্তো মহাভূতং শপ্তাস্তেনাথ তেঽপতন্ ॥ 3-313-43 (27939)
ন পশ্যন্ত্যথবা বীরাঃ পানীয়ং যত্রতে গতাঃ।
অন্বিচ্ছদ্ভির্বনে তোয়ং কালোঽয়মতিপাতিতঃ ॥ 3-313-44 (27940)
কিংনু তৎকারণং যেন নায়ান্তি পুরুষর্ষভাঃ।
গচ্ছাম্যেষাং পদং দ্রষ্টুমিতি কৃৎবা যুধিষ্ঠিরঃ' ॥ 3-313-45 (27941)
সমুত্থায় মহাবুদ্ধির্দহ্যমানেন চেতসা।
ব্যপেতজননির্ঘোষং প্রবিবেশ মহাবনম্ ॥ 3-313-46 (27942)
রুরুভিশ্চ বরাহৈশ্চ পক্ষিভিশ্চ নিষেবিতম্।
নীলভাস্বরবর্ণৈশ্চ পাদপৈরুশোভিতম্ ॥ 3-313-47 (27943)
ভ্রমরৈরুপগীতং চ পক্ষিভিশ্ সমন্ততঃ।
`মৃদুশাড্বলসংকীর্ণভূমিভাগং মনোহরম্' ॥ 3-313-48 (27944)
স গচ্ছন্কাননে তস্মিন্হেমজালপরিষ্কৃতম্।
দদর্শ তৎসরঃ শ্রীমান্বিশ্বকর্মকৃতং যথা ॥ 3-313-49 (27945)
উপেতং নলিনীজালৈঃ সিন্ধুবারৈঃ সচেতসৈঃ।
কেতকৈঃ করবীরৈশ্চ পিপ্পলৈশ্চৈব সংবৃতম্ ॥ 3-313-50 (27946)
`ততো ধর্মসুতঃ শ্রীমান্ভ্রাতৃদর্শনলালসঃ'।
শ্রমার্তস্তদুপাগম্য সরো দৃষ্ট্বাঽথ বিস্মিতঃ ॥ 3-313-51 (27947)
ইতি শ্রীমন্মহাভারতে অরণ্যপর্বণি আরণেয়পর্বণি ত্রয়োদশাধিকত্রিশততমোঽধ্যায়ঃ ॥ 313 ॥
Mahabharata - Vana Parva - Chapter Footnotes
3-313-1 রূপং বিভজতি ॥ 3-313-2 প্রেষ্যবৎ প্রেষ্যামিব ॥ 3-313-12 সাহসং জলপানরূপম্। পরিগ্রহো নিয়মঃ। যো মৎপ্রশ্নান্বদেৎস এবেতঃ পয়ঃ পিবেদ্ধরেদ্ধেতি ॥ 3-313-28 দৃশ্যমানো ভূৎবেতি শেষঃ ॥ 3-313-31 বিধানন যত্নেন। রনভবিষ্যসি মরিষ্যসি ॥ 3-313-49 হমজালানি হেমবর্ণানি কেসরাণি তৈঃ পরিষ্কৃতং মণ্ডিতম্ ॥ 3-313-50 সিন্ধুবারৈর্জলজবিশেষৈঃ ॥অরণ্যপর্ব - অধ্যায় 314
॥ শ্রীঃ ॥
3.314. অধ্যায়ঃ 314
Mahabharata - Vana Parva - Chapter Topics
যুধিষ্ঠিরেণ সরস্তীরশায়িনাং ভ্রাতৃণামবলোকনেন সকরুণং পরিদেবনপূর্বকং পানীয়পানায় প্রয়তনম্ ॥ 1 ॥ তথা যক্ষেণ স্বীয়প্রশ্নানামুত্তরদানমন্তরা জলপানস্য দুশ্শকৎবকথনেন তৎপ্রতিপেধনে তেষাং সমুচিতোত্তরদানম্ ॥ 2 ॥ ততস্তুষ্টেন যক্ষেণ ভীমাদীনাং চতুর্ণামুজ্জীবনম্ ॥ 3 ॥Mahabharata - Vana Parva - Chapter Text
3-314-0 (27948)
বৈশম্পায়ন উবাচ। 3-314-0x (2879)
স দদর্শ হতান্ভ্রাতৃঁল্লোকপালানিব চ্যুতান্।
যুগান্তে সমনুপ্রাপ্তে শক্রবৈশ্রবণোপমান্ ॥ 3-314-1 (27949)
বিনিকীর্ণধনুর্বাণং দৃষ্ট্বা নিহতমর্জুনম্।
ভীমসেনং যমৌ চৈব নির্বিচেষ্টান্গতায়ুষঃ ॥ 3-314-2 (27950)
সদীর্ঘমুষ্ণং নিঃশ্বস্য শোকবাষ্পপরিপ্লুতঃ।
তান্দৃষ্ট্বা পতিতান্ভ্রাতৄন্সর্বাংশ্চিন্তাসমন্বিতঃ। 3-314-3 (27951)
ননু ৎবয়া মহাবাহো প্রতিজ্ঞাতং বৃকোদর।
সুয়োধনস্য ভেৎস্যামি গদয়া সক্থিনী রণে ॥ 3-314-4 (27952)
ব্যর্থং তদদ্য মে সর্বং ৎবয়ি বীরে নিপাতিতে।
মহাত্মনি মহাবাহো কুরূণাং কীর্তিবর্ধনে ॥ 3-314-5 (27953)
মনুষ্যসংভবা বাচো বিধর্মিণ্যঃ প্রতিশ্রুতাঃ।
ভবতাংদিব্যবাচস্তু তা ভবন্তু কথং মৃপা ॥ 3-314-6 (27954)
দেবাশ্চাপি যদাঽবোচন্মূতকে ৎবাং ধনংজয়।
সহস্রাক্ষাদনবরঃ কুন্তি পুত্রস্তবেতি বৈ ॥ 3-314-7 (27955)
উত্তরে পারিয়াত্রে চ জগুর্ভূতানি সর্বশঃ।
বিপ্রনষ্টাং শ্রিয়ং চৈষামাহর্তা পুনরোজসা ॥ 3-314-8 (27956)
নাস্য জেতা রণে কশ্চিদজেতা নৈষ কস্যচিৎ।
সোয়ং মৃত্যুবশং যাতঃ কথং জিষ্ণুর্মহাবলঃ ॥ 3-314-9 (27957)
অয়ংমমাশাং সংহত্য শেতে ভূমৌ ধনংজয়ঃ।
আশ্রিত্যযং বয়ং নাথং দুঃখান্যেতানিসেহিম ॥ 3-314-10 (27958)
রণে প্রগল্ভৌ বীরৌ চসদা শত্রুনিবর্হণৌ।
কথং রিপুবশং যাতৌ কুন্তীপুত্রৌ মহাবলৌ।
যৌ সর্বাস্ত্রাপ্রতিহতৌ ভীমসেনধনংজয়ৌ ॥ 3-314-11 (27959)
অশ্মসারময়ং নূনং হৃদয়ং মম দুর্হৃদঃ।
যমৌ যদেতৌ দৃষ্ট্বাঽদ্য পতিতৌ নাবদীর্যতে ॥ 3-314-12 (27960)
শাস্ত্রজ্ঞা দেশকালজ্ঞাস্তপোয়ুক্তাঃ ক্রিয়ান্বিতাঃ।
অকৃৎবা সদৃশং কর্ম কিং শেধ্বং পুরুষর্ষভাঃ ॥ 3-314-13 (27961)
অবিক্ষতশরীরাশ্চাপ্যপ্রমৃষ্টশরাসনাঃ।
অসংজ্ঞা ভুবি সংগম্য কিং শেষ্বমপরাজিতাঃ ॥ 3-314-14 (27962)
সানূনিবাদ্রেঃ সংসুপ্তান্দৃষ্ট্বা ভ্রাতৃন্মহামতিঃ।
সুখং প্রসুপ্তান্প্রস্বিন্নঃ খিন্নঃ কষ্টাং দশাং গতঃ ॥ 3-314-15 (27963)
এবমেবেদমিত্যুক্ৎবা ধর্মাত্মা স নরেশ্বরঃ।
শোকসাগরমধ্যস্থো দধ্যৌ কারণমাকুলঃ ॥ 3-314-16 (27964)
ইতিকর্তব্যতাং চেতি দেশকালবিভাগবিৎ।
নাভিপেদে মহাবাহুশ্চিন্তয়ানো মহামতিঃ ॥ 3-314-17 (27965)
অথসংস্তভ্য ধর্মাত্মা তদাঽঽত্মানং তপঃসুতঃ।
এবংবিলপ্য বহুধা ধর্মপুত্রো যুধিষ্ঠিরঃ।
বুদ্ধ্যা বিচিন্তয়ামাসবীরাঃ কেন নিপাতিতাঃ ॥ 3-314-18 (27966)
নৈষাং শস্ত্রপ্রহারোস্তি পদং নেহাস্তি কস্যচিৎ।
ভূতং মহদেদং মন্যে ভ্রাতরো যেন মে হতাঃ ॥ 3-314-19 (27967)
একাগ্রং চিন্তয়িষ্যামি পীৎবা বেৎস্যামি বা জলম্।
`ভ্রাতৄণাং ন্ন্যসনং ঘোরং সমমেব মহাত্মনাম্' ॥ 3-314-20 (27968)
স্যাত্তু দুর্যোধনেনেদমুপাংশু পরিকল্পিতম্।
গান্ধাররাজরচিতং সততং জিহ্মবুদ্ধিনা ॥ 3-314-21 (27969)
যস্ কার্যমকার্যং বা সমমেব ভবত্যুত।
কস্তস্য বিশ্বসেদ্বীরো দুষ্কৃতেরকৃতাত্মনঃ ॥ 3-314-22 (27970)
অথবা পুরুষৈর্গূঢৈঃ প্রয়োগোঽয়ংদুরাত্মনঃ।
ভবেদিতি মহাবুদ্ধির্বহুধা সমচিন্তয়ৎ ॥ 3-314-23 (27971)
`আচার্যং কিংনু বক্ষ্যামি কৃপং ভীষ্মমহং নু কিম্।
বিদুরং কিংনু বক্ষ্যামি বৃহস্পতিসমং নয়ে ॥ 3-314-24 (27972)
অম্বাং চ কিংনু বক্ষ্যামি সর্বদা দুঃখভাগিনীম্।
দৃষ্ট্বা মাং ভ্রাতৃভির্হীনং পৃচ্ছন্তীং পুত্রগৃদ্ধিনীম্ ॥ 3-314-25 (27973)
যদা ৎবং ভ্রাতৃভিঃ সর্বৈঃ শক্রতুল্যপরাক্রমৈঃ।
সার্ধং বনং গতো বীরৈঃ কথমেকস্ৎবমাগতঃ' ॥ 3-314-26 (27974)
কস্য কিংনু বিষেণেদমুদকং দূপিতং যথা।
মৃতানামপি চৈতেষাং বিকৃতং নৈব জায়তে।
মুখবর্ণাঃ প্রসন্না মে ভ্রাতৄণামিত্যচিন্তয়ৎ ॥ 3-314-27 (27975)
একৈকশশ্চৌঘবলানিমান্পুরুপসত্তমান্।
কোঽন্যঃ প্রতিসমাসেত কালান্তকয়মাদৃতে ॥ 3-314-28 (27976)
এতেন ব্যবসায়েন তত্তোয়ং ব্যবগাঢবান্।
পাতুকামশ্চ তত্তোয়মন্তরিক্ষাৎস শুশ্রুবে ॥ 3-314-29 (27977)
যক্ষ উবাচ। 3-314-30x (2880)
অহং বকঃ শৈবলমৎস্যভক্ষো
নীতা ময়া প্রেতবশং তবানুজাঃ।
ৎবং পঞ্চমো ভবিতা রাজপুত্র
ন চেৎপ্রশ্নান্পৃচ্ছতো ব্যাকরোপি ॥ 3-314-30 (27978)
মা তাত সাহসংকার্পীর্মম পূর্বপরিগ্রহঃ।
প্রশ্নানুক্ৎবা তু কৌন্তেয় ততঃ পিব হরস্ব চ ॥ 3-314-31 (27979)
যুধিষ্ঠির উবাচ। 3-314-32x (2881)
রুদ্রাণাং বা বসূনাং বামরুতাং বা প্রধানভাক্।
পৃচ্ছামি কো ভবান্দেবো নৈতচ্ছকুনিনা কৃতম্ ॥ 3-314-32 (27980)
হিমবান্পারিয়াত্রশ্চ বিন্ধ্যো ভলয় এব চ।
চৎবারঃ পর্বতাঃ কেন পাতিতা ভুবি তেজসা ॥ 3-314-33 (27981)
ৎবয়াঽতীব মহৎকর্ম কৃতং চ বলিনাংবর।
`বিনিঘ্নতা মহেষ্বাসাংশ্চতুরোপি মমাত্মজান্' ॥ 3-314-34 (27982)
যান্ন দেবান গন্ধর্বানাসুরাশ্চ ন রাক্ষসাঃ।
বিপহেরন্মহায়ুদ্ধে কৃতং তে তন্মহাদ্ভুতম্ ॥ 3-314-35 (27983)
ন তে জানামি যৎকার্যং নাভিজানামি কাঙ্ক্ষিত্তম্।
কৌতূহলং মহজ্জাতং সাধ্বসং চাগতং মম ॥ 3-314-36 (27984)
যেনাস্স্যুদ্বিগ্নহৃদয়ঃ সমুৎপন্নশিরোজ্বরঃ।
পৃচ্ছামি ভগবংস্তস্মাৎকো ভবানিহ তিষ্ঠতি ॥ 3-314-37 (27985)
যক্ষ উবাচ। 3-314-38x (2882)
যক্ষোঽহমস্মি ভদ্রং তে নাস্মি পক্ষী জলেচরঃ।
ময়ৈতে নিহতা সর্বে ভ্রাতরস্তে নিবারিতাঃ ॥ 3-314-38 (27986)
বৈশম্পায়ন উবাচ। 3-314-39x (2883)
ততস্তামশিবাং শ্রুৎবাবাচং স পরুপাক্ষরাম্।
যক্ষস্ ব্রুবতো রাজন্নাকম্পত তদাঽঽস্থিতঃ ॥ 3-314-39 (27987)
বিরূপাক্ষং মহাকায়ং যক্ষং তালসমুচ্ছ্রয়ম্।
জ্বলনার্কপ্রতীকাশমধৃষ্যং পর্বতোপমম্ ॥ 3-314-40 (27988)
সেতুমাশ্রিত্য তিষ্ঠন্তং দদ্রশ ভরতর্ষভঃ।
মেঘগম্ভীরনাদেন তর্জয়ন্তং মহাস্বনম্ ॥ 3-314-41 (27989)
`উবাচ যক্ষঃ কৌন্তেয়ং ভ্রাতৃশোকপ্রপীডিতম্' ॥ 3-314-42 (27990)
ইমে তেভ্রাতরো রাজন্বার্যমাণআ ময়াঽসকৃৎ।
বলাত্তোয়ং জিহীর্ষন্তস্ততো বৈ মৃদিতা ময়া।
ন পেয়মুদকং রাজন্প্রাণানিহ পরীপ্সতা ॥ 3-314-43 (27991)
পার্থ মা সাহসং কার্পীর্মম পূর্বপরিগ্রহঃ।
প্রশ্নানুক্ৎবা তু কৌন্তেয় ততঃপিব হরস্ব চ ॥ 3-314-44 (27992)
যূধিষ্ঠির উবাচ। 3-314-45x (2884)
ন চাহং কাময়ে যক্ষ তব পূর্বপরিগ্রহম্ ॥ 3-314-45 (27993)
কামং নৈতৎপ্রসংসন্তি সন্তো হি পুরুষাঃ সদা।
যদাত্মনা স্বমাত্মানং প্রশংসেৎপুরুষর্ষভ।
যথাপ্রজ্ঞং তু তে প্রশ্নান্প্রতিবক্ষ্যামি পৃচ্ছ মাম্ ॥ 3-314-46 (27994)
যক্ষ উবাচ। 3-314-47x (2885)
কিংস্বিদাদিত্যমুন্নয়তি কে চ তস্যাভিতশ্চরাঃ।
কশ্চৈনমস্তং নয়তিকস্মিংশ্চ প্রতিতিষ্ঠতি ॥ 3-314-47 (27995)
যুধিষ্ঠির উবাচ। 3-314-48x (2886)
ব্রহ্মাদিত্যমুন্নয়তি দেবাস্তস্যাভিতশ্চরাঃ।
ধর্মশ্চাস্তং নয়তি চ সত্যে চ প্রতিতিষ্ঠতি ॥ 3-314-48 (27996)
যক্ষ উবাচ। 3-314-29x (2887)
কেন স্বিচ্ছ্রোত্রিয়ো ভবতি কেন স্বিদ্বিন্দতে মহৎ।
কেন স্বিদ্দ্বিতীয়বান্ভবতিরাজন্কেন চ বুদ্দিমান্ ॥ 3-314-49 (27997)
যুধিষ্ঠির উবাচ। 3-314-50x (2888)
শ্রুতেন শ্রোত্রিয়ো ভতি রতপসা বিন্দতে মহৎ।
ধৃত্যা দ্বিতীয়বান্ভবতি বুদ্ধিমান্বৃদ্ধসেবয়া ॥ 3-314-50 (27998)
যক্ষ উবাচ। 3-314-51x (2889)
কিং ব্রাহ্মণানাং দেবৎবং কশ্চ ধর্মঃ সতামিব।
কশ্চৈষাং মানুষো ভাবঃ কিমেষামসতামিব ॥ 3-314-51 (27999)
যুধিষ্ঠির উবাচ। 3-314-52x (2890)
স্বাধ্যায় এষাং দেবৎবং তপ এষাং সতামিব।
মরণং মানুষো ভাবঃ পরিবাদোঽসতামিব ॥ 3-314-52 (28000)
যক্ষ উবাচ। 3-314-53x (2891)
কিং ক্ষত্রিয়াণাং দেবৎবং কশ্চ ধর্মঃ সতামিব।
কশ্চৈষাং মানুষো ভাবঃ কিমেষামসতামিব ॥ 3-314-53 (28001)
যুধিষ্ঠির উবাচ। 3-314-54x (2892)
ইষ্বস্ত্রমেষাং দেবৎবং যজ্ঞ এষাং সতামিব।
ভয়ং বৈ মানুষো ভাবঃ পরিত্যাগোঽসতামিব ॥ 3-314-54 (28002)
যক্ষ উবাচ। 3-314-55x (2893)
কিমেকং যজ্ঞিয়ং সাম কিমেকং যজ্ঞিয়ং যজুঃ।
কা চৈষাং বৃণুতে যজ্ঞং কাং যজ্ঞো নাতিবর্ততে ॥ 3-314-55 (28003)
যুধিষ্ঠির উবাচ। 3-314-56x (2894)
প্রাণো বৈ যজ্ঞিয়ংসাম মনো বৈ যজ্ঞিয়ং যজুঃ।
ঋগেকা বৃণুতে যজ্ঞং তাং যজ্ঞো নাতিবর্ততে ॥ 3-314-56 (28004)
যক্ষ উবাচ। 3-314-57x (2895)
কিংস্বিদাবপতাং শ্রেষ্ঠং রকিংস্বিন্নিবপতাং বরম্।
কিংস্বিৎপ্রতিষ্ঠমানানাং কিস্বিৎপ্রসবতাংবরম্ ॥ 3-314-57 (28005)
যুধিষ্ঠির উবাচ। 3-314-58x (2896)
বর্ষমাবপতাং শ্রেষ্ঠং বীজং নিবপতাং বরম্।
গাবঃ প্রতিষ্ঠমানানাং পুত্রঃ প্রসবতাং বরঃ ॥ 3-314-58 (28006)
যক্ষ উবাচ। 3-314-59x (2897)
ইন্দ্রিয়ার্থাননুভবন্বুদ্ধিমাঁল্লোকপূজিতঃ।
সংমতঃ সর্বভূতানামুচ্ছ্বসন্কো ন জীবতি ॥ 3-314-59 (28007)
যুধিষ্ঠির উবাচ। 3-314-60x (2898)
দেবতাতিথিভৃত্যানাং পিতৄণামাত্মনশ্চ যঃ।
ন নির্বপতি পঞ্চানামুচ্ছ্বসন্ন স জীবতি ॥ 3-314-60 (28008)
যক্ষ উবাচ। 3-314-61x (2899)
কিংস্বিদ্গুরুতরং ভূমেঃ কিংস্বিদুচ্চতরং চ স্বাৎ।
কিংস্বিচ্ছীঘ্রতরং বায়োঃ কিংস্বিদ্বহুতরং তৃণাৎ ॥ 3-314-61 (28009)
যুধিষ্ঠির উবাচ। 3-314-62x (2900)
মাতা গুরুতরা ভূমেঃ খাৎপিতোচ্চতরস্তথা।
মনঃ শীঘ্রতরং বাতাচ্চিন্তা বহুতরী তৃণাৎ ॥ 3-314-62 (28010)
যক্ষ উবাচ। 3-314-63x (2901)
কিংস্বিৎসুপ্তং ন নিমিষতি কিংস্বিজ্জাতং ন চেঙ্গতে।
কস্যস্বিদ্ধৃদয়ং নাস্তিকাস্বিদ্বেগেন বর্ধতে ॥ 3-314-63 (28011)
যুধিষ্ঠির উবাচ। 3-314-64x (2902)
মৎস্যঃ সুপ্তো ন নিমিষত্যণ্ডং জাতং ন চেঙ্গতে।
অশ্মনো হৃদয়ংনাস্তি নদী বেগেন বর্ধতে ॥ 3-314-64 (28012)
অক্ষ উবাচ। 3-314-65x (2903)
কিংস্বিৎপ্রবসতো মিত্রং কিংস্বিন্মিত্রং গৃহে সতঃ।
আতুরস্ চ কিং মিত্রং কিংস্বিন্মিত্রং মরিষ্যতঃ ॥ 3-314-65 (28013)
যুধিষ্ঠির উবাচ। 3-314-66x (2904)
বিদ্যা প্রবসতো মিত্রং ভার্যা মিত্রং গৃহে সতঃ।
আতুরস্য ভিষঙ্ভিত্রং দানং মিত্রং মরিষ্যতঃ ॥ 3-314-66 (28014)
যক্ষ উবাচ। 3-314-67x (2905)
কোঽতিথিঃ সর্বভূতানাং কিং স্বিদ্ধর্মং সনাতনম্।
অমৃতং কিংস্বিদ্রাজেন্দ্রকিংস্বিৎসর্বমিদং জগৎ ॥ 3-314-67 (28015)
যুধিষ্ঠির উবাচ। 3-314-68x (2906)
অতিথিঃ সর্বভূতানামগ্নিঃ সোমো গবামৃতম্।
সনাতনোঽমৃতো ধর্মো বায়ুঃ সর্বমিদং জগৎ ॥ 3-314-68 (28016)
যক্ষ উবাচ। 3-314-69x (2907)
কিংস্বিদেকো বিচরতে জাতঃ কো জায়তে পুনঃ।
কিংস্বিদ্ধিমস্য ভৈষজ্যং কিংস্বিদাবপনং মহৎ ॥ 3-314-69 (28017)
যুধিষ্ঠির উবাচ। 3-314-70x (2908)
সূর্য একো বিচরতে যন্দ্রমা জায়তে পুনঃ।
অগ্নির্হমস্য ভৈষজ্যং ভূমিরাবপনং মহৎ ॥ 3-314-70 (28018)
যক্ষ উবাচ। 3-314-71x (2909)
কিংস্বিদেকপদং ধর্ম্যং কিংস্বিদেকপদং যশঃ।
কিংস্বিদেকপদং স্বর্গ্যং কিংস্বিদেকপদং সুখম্ ॥ 3-314-71 (28019)
যুধিষ্ঠির উবাচ। 3-314-72x (2910)
দাক্ষ্যমেকপদং ধর্ম্যং দানমেকপদং যশঃ।
সত্যমেকপদং স্বর্গ্যং শীলমেকপদংসুখম্ ॥ 3-314-72 (28020)
যক্ষ উবাচ। 3-314-73x (2911)
কিংস্বিদাত্মা মনুষ্যস্ কিংস্বিদ্দৈবকৃতঃ সখা।
উপজীবনং কিস্বিদস্ কিংস্বিদস্য পরায়ণম্ ॥ 3-314-73 (28021)
যুধিষ্ঠির উবাচ। 3-314-74x (2912)
পুত্র আত্মা মনুষ্যস্য ভার্যা দৈবকৃতঃ সখা।
উপজীবনং চ পর্জন্যো দানমস্ পরায়ণম্ ॥ 3-314-74 (28022)
যক্ষ উবাচ। 3-314-75x (2913)
ধন্যানামুত্তমং কিংস্বিদ্ধনানাং স্যাৎকিমুত্তমম্।
লাভানামুত্তমং কিংস্যাৎসুখানাং স্যাৎকিমুত্তমং ॥ 3-314-75 (28023)
ধন্যানামুত্তমং দাক্ষ্যংধনানামুত্তমং শ্রুতম্।
লাভানাং শ্রেয় আরোগ্যং সুখানাং তুষ্টিরুত্তমা ॥ 3-314-76 (28024)
যক্ষ উবাচ। 3-314-77x (2914)
কিংস্বিদ্ধর্মপরংলকে কশ্চ ধর্মঃ সদাফলঃ।
কিং নিয়ম্য ন শোচন্তি কৈশ্ সন্ধির্ন জীর্যতে ॥ 3-314-77 (28025)
যুধিষ্ঠির উবাচ। 3-314-78x (2915)
আনৃশংস্যং পরং ধর্মাত্রেতাধর্মঃ সদাফলঃ।
মনো যম্য ন শোচন্তি সন্ধিঃ সদ্ভির্ন জীর্যতে ॥ 3-314-78 (28026)
যক্ষ উবাচ। 3-314-79x (2916)
কিংনু হিৎবাপ্রিয়ো ভবতি কিংনু হিৎবা ন শোচতি।
কিংনু হিৎবাঽর্থবান্ভবতি কিংনু হিৎবা সুখী ভবেৎ ॥ 3-314-79 (28027)
যুধিষ্ঠির উবাচ। 3-314-80x (2917)
মানং হিৎবাপ্রিয়ো ভবতি ক্রোধং হিৎবা ন শোচতি।
কামং হিৎবাঽর্থবান্ভবতি লোমং হিৎবা সুখী ভবেৎ ॥ 3-314-80 (28028)
যক্ষ উবাচ। 3-314-81x (2918)
কিমর্থং ব্রাহ্মণে দানং কিমর্থং নটনর্তকে।
কিমর্থং চৈব ভৃত্যেষু কিমর্থং চৈব রাজসু ॥ 3-314-81 (28029)
যুধিষ্ঠির উবাচ। 3-314-82x (2919)
ধর্মার্থং ব্রাহ্মণে দানং যশোর্থং নটনর্তকে।
ভৃত্যেষু সঙ্গ্রহার্থং চ ভয়ার্থং চৈব রাজসু ॥ 3-314-82 (28030)
যক্ষ উবাচ। 3-314-83x (2920)
অজ্ঞানেনাবৃতোলোকস্তমসা ন প্রকাশতে।
লোভাত্ত্যজতিমিত্রাণি সঙ্গাৎস্বর্গং ন গচ্ছতি ॥ 3-314-83 (28031)
যুধিষ্ঠির উবাচ। 3-314-84x (2921)
অজ্ঞানেনাবৃতোলোকস্তমসা ন প্রকাশতে।
লোভাত্ত্যজতিমিত্রাণি সঙ্গাৎস্বর্গং ন গচ্ছতি ॥ 3-314-84 (28032)
যক্ষ উবাচ। 3-314-85x (2922)
মৃত কথং স্যাৎপুরুষঃ কথং রাষ্ট্রং মৃতং ভবৎ।
শ্রাদ্ধং মৃতংকথং বা স্যাৎকথং যজ্ঞা মৃতো ভবেৎ ॥ 3-314-85 (28033)
যুধিষ্ঠির উবাচ। 3-314-86x (2923)
মৃতো দরিদ্রঃ পুরুষোমৃতংরাষ্ট্রমরাজকম্।
মৃতমশ্রোত্রিয়ং শ্রাদ্ধং মৃতো যজ্ঞস্ৎবদক্ষিণঃ ॥ 3-314-86 (28034)
যক্ষ উবাচ। 3-314-87x (2924)
কা দিক্কিমুদকংপার্থ কিমন্নং কিংচ বৈ বিষম্।
শ্রাদ্ধস্ কালমাখ্যাহি ততঃ পিব হরস্ব চ ॥ 3-314-87 (28035)
যুধিষ্ঠির উবাচ। 3-314-88x (2925)
সন্তো দিগ্জলমাকাশং গৌরন্নং ব্রাহ্মণং বিষম্।
শ্রাদ্ধস্য ব্রাহ্মণঃ কালঃ কথং বা যক্ষ মন্যসে ॥ 3-314-88 (28036)
যক্ষ উবাচ। 3-314-89x (2926)
তপঃ কিংলক্ষণং প্রোক্তং কো দমশ্চ প্রকীর্তিতঃ।
ক্ষমা চ কা পরা প্রোক্তা কা চ হ্রীঃ পরিকীর্তিতা ॥ 3-314-89 (28037)
যুধিষ্ঠির উবাচ। 3-314-90x (2927)
তপঃ স্বধর্মবর্তিৎবং মনসো দমনং দমঃ।
ক্ষমা দ্বন্দ্বসহিষ্ণুৎবংহীরকার্যনিবর্তনম্ ॥ 3-314-90 (28038)
যক্ষ উবাচ। 3-314-91x (2928)
কিং জ্ঞানং প্রোচ্যতে রাজন্কঃ শমশ্চ প্রকীর্তিতঃ।
দয়া চ কা পরা প্রোক্তা কিং চার্জবমুদাহৃতম্ ॥ 3-314-91 (28039)
যুধিষ্ঠির উবাচ। 3-314-92x (2929)
জ্ঞানং তত্ৎবার্থসম্বোধঃ শমশ্চিত্তপ্রশান্ততা।
দয়াসর্বসুখৈপিৎবমার্জবং সমচিত্ততা ॥ 3-314-92 (28040)
যক্ষ উবাচ। 3-314-93x (2930)
কঃ শত্রুর্দুর্জয়ঃ পুংসাং কশ্চব্যাধিরনন্তকঃ।
কীদৃশশ্চ স্মৃতঃ সাধুরসাধুঃ কীদৃশঃ স্মৃতঃ ॥ 3-314-93 (28041)
যুধিষ্ঠির উবাচ। 3-314-94x (2931)
ক্রোধঃ সুদুর্জয়ঃ শত্রুর্লোভোব্যাধিরনন্তকঃ।
সর্বভূতহিতঃ সাধুরসাধুর্নির্দয়ঃ স্মৃতঃ ॥ 3-314-94 (28042)
যক্ষ উবাচ। 3-314-95x (2932)
কো মোহঃ প্রোচ্যতে রাজন্কশ্ মানঃ প্রকীর্তিতঃ।
কিমালস্যং চ বিজ্ঞেয়ং কশ্চশোকঃ প্রকীর্তিতঃ ॥ 3-314-95 (28043)
যুধিষ্ঠির উবাচ। 3-314-96x (2933)
মোহো হিধর্মমূঢ্তবংমানস্ৎবাত্মাভিমানিতা।
ধর্মনিষ্ক্রিয়তাঽঽলস্যং শোকস্ৎবজ্ঞানমুচ্যতে ॥ 3-314-96 (28044)
যক্ষ উবাচ। 3-314-97x (2934)
কিং স্থৈর্যমৃষিভিঃ প্রোক্তং কিং চ ধৈর্যমুদাহৃতম্।
স্নানং চ কিং পরং প্রোক্তং দানং চ কিমিহোচ্যতে ॥ 3-314-97 (28045)
যুধিষ্ঠি উবাচ। 3-314-98x (2935)
স্বধর্মে স্থিরতা স্থৈর্যং ধৈর্যমিন্দ্রিয়নিগ্রহঃ।
স্নানং মনোমলত্যাগো দানং বৈ ভূতরক্ষণম্ ॥ 3-314-98 (28046)
যক্ষ উবাচ। 3-314-99x (2936)
কঃ পণ্ডিঃ পুমান্জ্ঞেয়ো নাস্তিকঃ কশ্চ উচ্যতে।
কো মূর্খঃ কশ্চকামঃ স্যাৎকো মৎসর ইতি স্মৃতঃ ॥ 3-314-99 (28047)
যুধিষ্ঠির উবাচ। 3-314-100x (2937)
ধর্মজ্ঞঃ পণ্ডিতো জ্ঞেয়ো নাস্তিকো মূর্খ উচ্যতে।
কামঃ সংসারহেতুশ্চ হৃত্তাপো মৎসরঃ স্মৃতঃ ॥ 3-314-100 (28048)
যক্ষ উবাচ। 3-314-101x (2938)
কোঽহংকার যইতিপ্রোক্তঃ কশ্চ দম্ভঃ প্রকীর্তিতঃ।
কিং তদ্দৈবং পরং প্রোক্তং কিং তৎপৈশুন্যমুচ্যতে ॥ 3-314-101 (28049)
যুধিষ্ঠির উবাচ। 3-314-102x (2939)
মহাঽজ্ঞানমহংকারো দম্ভো ধর্মো ধ্বজোচ্ছ্রয়ঃ।
দৈবং রদানফলং প্রোক্তং পৈশুন্যং পরদূষণম্ ॥ 3-314-102 (28050)
যক্ষ উবাচ। 3-314-103x (2940)
ধর্মশ্চার্থশ্চ কামশ্চ পরস্পরবিরোধিনঃ।
এষাং নিত্যবিরুদ্ধানাং কথমেকত্র সংগমঃ ॥ 3-314-103 (28051)
যুধিষ্ঠির উবাচ। 3-314-104x (2941)
যদা ধর্মশ্ভার্যা চ পরস্পরবশানুগৌ।
তদা ধর্মার্থকামানাং ত্রয়াণামপি সংগমঃ ॥ 3-314-104 (28052)
যক্ষ উবাচ। 3-314-105x (2942)
অক্ষয়োনরকঃ কেন প্রাপ্যতে ভরতর্ষভ।
এতন্মে পৃচ্ছতঃ প্রশ্নং তচ্ছীঘ্রং বক্তুমর্হসি ॥ 3-314-105 (28053)
যুধিষ্ঠির উবাচ। 3-314-106x (2943)
রব্রাহ্মণং স্বয়মাহূয় যাচমানমকিংচনম্।
পশ্চান্নাস্তীতি যোব্রূয়াৎসোক্ষয়ংনরকং ব্রজেৎ ॥ 3-314-106 (28054)
বেদেষু ধর্মশাস্ত্রেষু মিথ্যা যো বৈ দ্বিজাতিষু।
দেবেষু পিতৃধ্রমেষু সোঽক্ষয়ংনরকং ব্রজেৎ ॥ 3-314-107 (28055)
বিদ্যমানে ধনে লোভাদ্দানভোগবিবর্জিতঃ।
পশ্চান্নাস্তীতি যো ব্রূয়াৎসোক্ষয়ং নরকং ব্রজেৎ ॥ 3-314-108 (28056)
যক্ষ উবাচ। 3-314-109x (2944)
রাজন্কুলেন বৃত্তেন স্বাধ্যায়েন শ্রুতেন বা।
ব্রাহ্মণ্যং কেন ভবতি প্রব্রূহ্যেতৎসুনিশ্চিতম্ ॥ 3-314-109 (28057)
যুধিষ্ঠির উবাচ। 3-314-110x (2945)
শৃণু যক্ষ কুলং তাত ন স্বাধ্যায়ো ন চ শ্রুতম্।
কারণং হি দ্বিজৎবেচ বৃত্তমেব ন সংশয়ঃ ॥ 3-314-110 (28058)
বৃত্তং যত্নেন সংরক্ষ্যং ব্রাহ্মণেন বিশেষতঃ।
অক্ষীণবৃত্তো ন ক্ষীণো বৃত্ততস্তু হতো হতঃ ॥ 3-314-111 (28059)
পঠকাঃ পাঠকাশ্চৈব যে চান্যে শাস্ত্রচিন্তকাঃ।
সর্বে ব্যসনিনো মূর্খা যঃ ক্রিয়াবান্স পণ্ডিতঃ ॥ 3-314-112 (28060)
চতুর্বেদোঽপি দুর্বৃত্তঃ স শূদ্রাদতিরিচ্যতে।
যোঽগ্নিহোত্রপোর দান্তঃ স ব্রাহ্মণ ইতি স্মৃতঃ ॥ 3-314-113 (28061)
যক্ষ উবাচ। 3-314-114x (2946)
প্রিয়বচনবাদী কিং লভতে
বিমৃশিতকার্যকরঃ কিং লভতে।
বহুমিত্রকরঃ কিং লভতে
ধর্মে রতঃ কিং লভতে কথয় ॥ 3-314-114 (28062)
যুধিষ্ঠির উবাচ। 3-314-115x (2947)
প্রিয়বচনবাদী প্রীয়ো ভবতি
বিমৃশিতকার্যকরোঽধিকং জয়তি।
বহুমিত্রকরঃ সুখং বসত
যশ্চ ধর্মরতঃ স গতিং লভতে ॥ 3-314-115 (28063)
যক্ষ উবাচ। 3-314-116x (2948)
কোমোদতেকিমাশ্চর্যং কঃ পন্থাঃ কা চ বার্তিকা।
বদ মে চতুরঃ প্রশ্নান্মৃতা জীবন্তু বান্ধবাঃ ॥ 3-314-116 (28064)
যুধিষ্ঠির উবাচ 3-314-117x (2949)
পঞ্চমেঽহনি ষষ্ঠে বা শাকং পচতি স্বে গৃহে।
অনৃণী রচাপ্রবাসী চস বারিচর মোদতে ॥ 3-314-117 (28065)
অহন্যহনি ভূতানি গচ্ছন্তীহ যমালয়ম্।
শেষাঃ স্থাবরমিচ্ছন্তি কিমাশ্চর্যমতঃ পরম্ ॥ 3-314-118 (28066)
তর্কোঽপ্রতিষ্ঠঃ শ্রুতয়ো বিভিন্না
নৈকো মুনির্যস্য মতং প্রমাণম্।
ধর্মস্য তত্ৎবং নিহিতং গুহায়াং
মহাজনো যেন গতঃস পন্থা ॥ 3-314-119 (28067)
পৃথ্বী বিভাণ্ডং গগনং পিঘানং
সূর্যাগ্নিনা রাত্রিদিবেন্ধনেন।
মাসর্তুদর্বীপরিঘট্টনেন
ভূতানি কালঃ পচতীতি বার্তা ॥ 3-314-120 (28068)
যক্ষ উবাচ। 3-314-121x (2950)
ব্যাখ্যাতা মে ৎবয়া প্রশ্না যথাতৎবং পরংতপ।
পুরুষং ৎবিদানীংব্যাখ্যাহি যশ্চ সর্বধনী নরঃ ॥ 3-314-121 (28069)
যুধিষ্ঠির উবাচ। 3-314-122x (2951)
দিবং স্পৃশতি ভূমিং চ শব্দঃ পুণ্যেন কর্মণা।
যাবৎস শব্দো ভবতি তাবৎপুরুষ উচ্যতে ॥ 3-314-122 (28070)
তুল্যে প্রিয়াপ্রিয়ে যস্ সুখদুঃখে তথৈব চ।
অতীতানাগতে চোভে সবৈ পুরুষ উচ্যেত ॥ 3-314-123 (28071)
`সমৎবং যস্য সর্বেষু নিস্পৃহঃ শান্তমানসঃ।
সুপ্রসন্নঃ সদা যোগী স বৈ সর্বধনী নরঃ' ॥ 3-314-124 (28072)
যক্ষ উবাচ। 3-314-125x (2952)
ব্যাখ্যাতঃ পুরুষো রাজন্যশ্চ সর্বধনী নরঃ।
তস্মাত্ৎবমেকং ভ্রাতৃণাং যমিচ্ছসি স জীবতু ॥ 3-314-125 (28073)
যুধিষ্ঠির উবাচ। 3-314-126x (2953)
শ্যামো য এষ রক্তাক্ষো বৃহৎসাল ইবোত্থিতঃ।
ব্যূঢোরস্কো মহাবাহুর্নকুলো যক্ষ জীবতু ॥ 3-314-126 (28074)
যক্ষ উবাচ। 3-314-127x (2954)
প্রিয়স্তে ভীমসেনোঽয়মর্জুনো বঃ পরায়ণম্।
ৎবং কস্মান্নকুলং রাজন্সাপত্নং জীবমিচ্ছসি ॥ 3-314-127 (28075)
যস্ নাগসহস্রেণ দশসঙ্খ্যেন বৈ বলম্।
তুল্যংতং ভীমমুৎসৃজ্য নকুলং জীবমিচ্ছসি ॥ 3-314-128 (28076)
তথৈনং মনুজাঃ প্রাহুর্ভীমসেনং প্রিয়ং তব।
অথ কনানুভাবেন সাপত্নং জীবমিচ্ছসি ॥ 3-314-129 (28077)
যস্য বাহুবলংসর্বেপাণ্ডবাঃ সমুপাসতে।
অর্জুনং তমপাহায় নকুলং জীবমিচ্ছসি ॥ 3-314-130 (28078)
যুধিষ্ঠির উবাচ। 3-314-131x (2955)
ধর্ম এব হতো হন্তি ধ্রমো রক্ষতি রক্ষিতঃ।
তস্মাদ্ধর়্মং ন ত্যজামি মা নো ধর্মো হতোঽবধীৎ ॥ 3-314-131 (28079)
আনৃশংস্যং পরো ধর্মঃ পরমার্থাচ্চমে মতম্।
আনৃশংস্যং চিকীর্ষামি নকুলো যক্ষ জীবতু ॥ 3-314-132 (28080)
ধর্মশীলঃ সদা রাজাইতিমাং মানবা বিদুঃ।
স্বধর্মান্ন চলিষ্যামি নকুলো যক্ষ জীবতু ॥ 3-314-133 (28081)
কুন্তী চৈব তু মাদ্রী চ দ্বে ভার্যে তু পিতুর্মম।
উভে সপুত্রে স্যাতাং বৈ ইতিমে ধীয়তে মতিঃ ॥ 3-314-134 (28082)
যথা কুন্তী তথা মাদ্রী বিশেষো নাস্তি মে তয়োঃ।
মাতৃভ্যাং সমমিচ্ছামি নকুলো যক্ষ জীবতু ॥ 3-314-135 (28083)
যক্ষ উবাচ। 3-314-136x (2956)
3-314-136 (28084)
যস্ তেঽর্থাচ্চ কামচ্চ আনৃশংস্যং পরং মতম্।
তস্মাত্তে ভ্রাতরঃ সর্বে জীবন্তু ভরতর্ষভ ॥
Mahabharata - Vana Parva - Chapter Footnotes
3-314-6 বিধর্ভিণ্যোঽনৃতাঃ ॥ 3-314-9 ন কস্যচিদজেতাঽপিতু সর্বস্যৈব জেতা ॥ 3-314-10 আশাং রাজ্যাশাম্। সংহত্য বিনাশ্য ॥ 3-314-16 দধ্যৌ কারণং মরণহেতুং বিচারিতবান্ ॥ 3-314-18 তপঃসুতঃ ধর্মপুত্রঃ ॥ 3-314-22 দুষ্কৃতেঃপাপাকর্মণঃ ॥ 3-314-28 ওঘবলান্ মহাপ্রবাহয়েগান্। প্রতিসমাসেত প্রতিয়ুদ্ধ্যেৎ করোতি যস্তাদৃশো যনঋ কালান্তকয়মস্তস্মাৎ ॥ 3-314-32 প্রয়ানভাক্ প্রাধান্যভাক্ ।. 3-314-34 অতীব তে মহদিতিপাঠে তে তথ ॥ 3-314-48 বেদাস্তস্যাভিতশ্চরা ইতি অধর্মস্তমস্তং নয়তীতি ক. চ. ধ.পাঠঃ ॥ 3-314-49 কেন দ্বিতয়ো ভবতীতি ধ. পাঠঃ ॥ 3-314-54 পরিত্যাগ আর্তানামিতি শেষঃ। দানমেষাং সতামিবতি ক. পাঠঃ ॥ 3-314-55 কা চৈকা বৃশ্চত ইতি ক. ধ.পাটঃ ॥ 3-314-56 বাগেকা বৃশ্চতেঽয়জ্ঞমিতি ক. পাঠঃ ॥ 3-314-60 ন নির্বপতি ন প্রয়চ্ছতি দেবতাদিভ্যঃ ॥ 3-314-62 উক্তসাধনাশক্তেন মাতাপিত্রোঃ শুশ্রূষা মনোনিরোধস্তৃণবত্তুচ্ছায়াশ্চিন্তায়স্ত্যাগশ্চ কর্তব্য ইত্যাহ কিংস্বিদ্গুর্বিতি। বহুতরং নৃণামিতি ধ.পাঠঃ। বহুতরী তৃণাদিতি ধ. পাঠঃ ॥ 3-314-64 কিংস্বিজ্জাতং নচোপতি ইতি ঝ. পাঠঃ ॥ 3-314-66 সার্তঃ প্রবসতো মিত্রমিতি ঝ. পাঠঃ ॥ 3-314-70 একপদং একমেব পর্যবসানস্থানম্। দাক্ষ্যে কৃৎস্নে ধর্মঃ পর্যবসিত ইত্যর্তঃ। এবমুত্তরত্র ॥ 3-314-87 প্রার্থনাবিষং ইতি ঝ. পাঠঃ ॥ 3-314-126 জীবং জীবন্তম্ ॥ 3-314-128 অনুভাবেন নকুলগতসামর্থ্যেন ॥ 3-314-130 নঃ অস্মান্মাবধীৎ ॥ 3-314-131 আনৃশংস্যং অবৈষম্যম্। পরমার্থাৎ সত্যাৎ ॥ 3-314-133 ধীয়তে নিশ্চিনুতে ॥ 3-314-135 যস্মাত্তে পার্থ ধর্মাচ্চ ইতি থ. ধ. পাঠঃ ॥অরণ্যপর্ব - অধ্যায় 315
॥ শ্রীঃ ॥
3.315. অধ্যায়ঃ 315
Mahabharata - Vana Parva - Chapter Topics
Mahabharata - Vana Parva - Chapter Text
3-315-0 (28085)
বৈশম্পায়ন উবাচ। 3-315-0x (2957)
ততস্তে যক্ষবচনাদুদতিষ্ঠন্ত পাণ্ডবঃ।
ক্ষুৎপিপাসে চ সর্বেষাং ক্ষণেন ব্যপগচ্ছতাম্ ॥ 3-315-1 (28086)
যুধিষ্ঠি উবাচ। 3-315-2x (2958)
সরস্যেকেন পাদেন তিষ্ঠন্তমপরাজিতম্।
পৃচ্ছামি কো ভবান্দেবো ন মে যক্ষো মতো ভবান্ ॥ 3-315-2 (28087)
বসূনাং বা ভবানেকো রুদ্রাণামথবা ভবান্।
অথবা মরুতাং শ্রেষ্ঠো বজ্রী বা ত্রিদশেশ্বরঃ ॥ 3-315-3 (28088)
মম হি ভ্রাতর ইমে সহস্রশতয়োধিনঃ।
তং যোধং ন প্রপশ্যামি যেন সর্বে নিপাতিতাঃ ॥ 3-315-4 (28089)
সুখং প্রতি প্রবুদ্দানামিন্দ্রিয়াণ্যুপলক্ষয়ে।
স ভবান্সুহৃদোস্মাকমথবা নঃ পিতা ভবান্ ॥ 3-315-5 (28090)
যক্ষ উবাচ। 3-315-6x (2959)
অহংতে জনকস্তাত ধর্মো মৃদুপরাক্রম।
ৎবাং রদিদৃক্ষুরনুপ্রাপ্তো বিদ্ধি মাং ভরতর্ষভ ॥ 3-315-6 (28091)
যশঃ সত্যংদমঃ শৌচমার্জবং হ্রীরচাপলম্।
দানং তপো ব্রহ্মচর্যমিত্যেতাস্তনবো মম ॥ 3-315-7 (28092)
অহিংসা সমতা শান্তিস্তপঃ শৌচমমৎসরঃ।
দ্বারাণ্যেতানি মে বিদ্ধি প্রিয়ো হ্যসি সুতো মম ॥ 3-315-8 (28093)
দিষ্ট্যা পঞ্চসু রক্তোসি দিষ্ট্যা তে ষট্রপদী জিতা।
দ্বে পূর্বে মধ্যমে দ্বে চ দ্বে শান্তে সাংপরায়িকে ॥ 3-315-9 (28094)
ধ্রমোঽহমিতি ভদ্রং তে জিজ্ঞাসুস্ৎবামিহাগতঃ।
আনৃশংস্যেন তুষ্টোস্মি বরং দাস্যামি তেঽনঘ ॥ 3-315-10 (28095)
বরং বৃণীষ্ব রাজেন্দ্রদাতা হ্যস্মি তবানঘ।
যে হি মে পুরুষা ভক্তা ন তেষামস্তি দুর্গতিঃ ॥ 3-315-11 (28096)
যুধিষ্ঠির উবাচ। 3-315-12x (2960)
অরণী তু হৃতায়স্য মৃগেণ বদতাংবর।
তস্যাগ্নয়ো ন লুপ্যেরন্প্রথমোঽস্তু বরো মম ॥ 3-315-12 (28097)
ধর্ম উবাচ। 3-315-13x (2961)
আরণেয়মিদং তস্য ব্রাহ্মণস্য হৃতং ময়া।
মৃগবেষেণ কৌন্তেয় জিজ্ঞালার্থং তবানঘ ॥ 3-315-13 (28098)
বৈশম্পায়ন উবাচ। 3-315-14x (2962)
দদানীত্যেব ভগবানুত্তরং প্রত্যপদ্যত।
অন্যং বরয় ভদ্রং তে বরং ৎবমমরোপম ॥ 3-315-14 (28099)
যুধিষ্ঠির উবাচ। 3-315-15x (2963)
বর্ষাণি দ্বাদশারণ্যে ত্রয়োদশমুপস্থিতম্।
তত্রনো নাভিজানীয়ুর্বসতো মনুজাঃ ক্বচিৎ ॥ 3-315-15 (28100)
দদানীত্যেব ভগবানুত্তরং প্রত্যপদ্যত।
ভূয়শ্চাশ্বাসয়ামাস কৌন্তেয়ং সত্যবিক্রমম্ ॥ 3-315-16 (28101)
যদ্যপি স্বেন রূপেণ চরিষ্যথ মহীমিমাম্।
ন বো বিজ্ঞাস্যতে কশ্চিত্রিষু লোকেষু ভারত ॥ 3-315-17 (28102)
বর্ষংত্রয়োদশমিদং মৎপ্রসাদাৎকুরূদ্বহাঃ।
বিরাটনগরে গূঢা অবিজ্ঞাতাশ্চরিষ্যথ ॥ 3-315-18 (28103)
যদ্বঃ সংকল্পিতং রূপং মনসা যস্ যাদৃশম্।
তাদৃশং তাদৃশং সর্বে ছন্দতো ধারয়িষ্যথ ॥ 3-315-19 (28104)
অরণীসহিতং ভাণ্ডং ব্রাহ্মণায় প্রয়চ্ছত।
জিজ্ঞাসার্থং ময়া হ্যেতদাহৃতংমৃগরূপিণা ॥ 3-315-20 (28105)
প্রবৃণীষ্বাপরং সৌম্য বরমিষ্টং দদানি তে।
ন তৃপ্যামি নরশ্রেষ্ঠ প্রয়চ্ছন্বৈ বরাংস্তথা ॥ 3-315-21 (28106)
তৃতীয়ং গৃহ্যতাং পুত্র বরমপ্রতিমং মহৎ।
ৎবং হি মৎপ্রভবো রাজন্বিদুরশ্চমমাংশজঃ ॥ 3-315-22 (28107)
জুধিষ্ঠির উবাচ। 3-315-23x (2964)
দেবদেবো ময়া দৃষ্টো ভবান্সাক্ষাৎসনাতনঃ।
যং দদাসি বরং তুষ্টস্তং গ্রহীষ্যাম্যহং পিতঃ ॥ 3-315-23 (28108)
জয়েয়ং লোভমোহৌ চ ক্রোধং চাহং সদা বিভো।
দানে তপসি সত্যে চ মনো মে সততং বেৎ ॥ 3-315-24 (28109)
ধর্ম উবাচ। 3-315-25x (2965)
রউপপন্নো গুণৈরেতৈঃ স্বভাবেনাসি পাণ্ডব।
ভবান্ধর্মঃ পুনশ্চৈব যথোক্তং তে ভবিষ্যতি ॥ 3-315-25 (28110)
বৈশংবায়ন উবাচ। 3-315-26x (2966)
ইত্যুক্ৎবান্তঽর্দধে ধর্মো ভগবাঁল্লোকভাবনঃ।
সমেতাঃ পাণ্ডবাশ্চৈব সুখসুপ্তা মনস্বিনঃ ॥ 3-315-26 (28111)
উপেত্যচাশ্রমং বীরাঃ সর্ব এব গতক্লমাঃ।
আরণেয়ং দদুস্তস্মৈ ব্রাহ্মণায় তপস্বিনে ॥ 3-315-27 (28112)
ইদং সমুত্থানসমাগতং মহ-
ৎপিতুশ্চপুত্রস্য চ কীর্তিবর্ধনম্।
পঠন্নরঃ রস্যাদ্বিজিতেন্দ্রিয়ো বশী
সপুত্রপৌত্রঃ শতপর্ষভাগ্ভবেৎ ॥ 3-315-28 (28113)
ন চাপ্যধর্মে ন সুহৃদ্বিভেদনে
পরস্বহারে পরদারমর্শনে।
কদর্যভাবে ন রমেনেমনঃ সদা
নৃণাং সদাখ্যানমিদং বিজানতাম্ ॥ 3-315-29 (28114)
ইতি শ্রীমন্মহাভারতে শতসাহস্রিকায়াং সংহিতায়াং বৈয়াসিক্যাং অরণ্যপর্বণি আরণেয়পর্বণি পঞ্চদশাধিকত্রিশততমোঽধ্যায়ঃ ॥ 315 ॥
আরণেয়পর্ব সমাপ্তম্ ॥ 21 ॥ সমাপ্তমিদমরণ্যপর্ব চ ॥ 3 ॥ অতঃ পরং বিরাটপর্ব ভবিষ্যতি। তস্যায়মাদ্যঃ শ্লোকঃ। জনমেয়জ উবাচ। কথং বিরাটনগরে মম পূর্বপিতামহাঃ। অজ্ঞাতবাসমুষিতা দুর্যোধনভয়ার্দিতাঃ ॥