Kumbhaghonam Edition in Bangla Script
4. বিরাটপর্ব
বিরাটপর্ব - অধ্যায় 001
॥ শ্রীঃ ॥
4.1. অধ্যায়ঃ 001
Mahabharata - Virata Parva - Chapter Topics
যুধিষ্ঠিরেণ ব্রাহ্মণায় মৃগাপহৃতারণিভাণ্ডপ্রত্যর্পণম্ ॥ 1 ॥ ধৌম্যেন ব্রাহ্মণমধ্যে দুর্যোধনাপনয়াদিকথনেন শোচতো যুধিষ্ঠিরস্য দুঃখানুভববিষয়ে দেবাদিনিদর্শনপ্রদর্শনেন পরিসান্ৎবনম্ ॥ 2 ॥ পাণ্ডবৈঃ স্বসহচরব্রাহ্মণাভ্যনুজ্ঞানসংপাদনেন তদ্বিতর্জনপূর্বকং ধৌম্যেনসহ মন্ত্রায় ক্বচিদুপবেশনম্ ॥ 3 ॥Mahabharata - Virata Parva - Chapter Text
4-1-0 (28115)
॥ শ্রীবেদব্যাসায় নমঃ ॥ 4-1-0x (2967)
নারায়ণং নমস্কৃত্য নরং চৈব নরোত্তমম্।
দেবীং সরস্বতীং ব্যাসং ততো জয়মুদীরয়েৎ ॥ 4-1-1 (28116)
॥ জনমেজয় উবাচ ।
কথং বিরাটনগরে মম পূর্বপিতামহাঃ ।
অজ্ঞাতবাসমুষিতা দুর্যোধনভয়ার্দিতাঃ ॥ 4-1-2x (2968)
পতিব্রতা মহাভাগা সততং সুখভাগিনী ।
দ্রৌপদী সা কথং ব্রহ্মন্নজ্ঞাতা দুঃখিতাঽবসৎ ॥ 4-1-2 (28117)
তে চ ব্রাহ্মণমুখ্যাশ্চ সূতপৌরোগবৈঃ সহ।
অজ্ঞাতবাসমুষিতাঃ কথং চ পরিচারকাঃ ॥ 4-1-3 (28118)
বৈশম্পায়ন উবাচ। 4-1-4x (2969)
যথা বিরাটনগরে তব পূর্বপিতামহাঃ ।
অজ্ঞাতবাসমুষিতাস্তাবদ্বক্ষ্যামি তচ্ছৃণু ॥ 4-1-4 (28119)
তথা স তান্বরাঁল্লব্ধ্বা ধর্মরাজো যুধিষ্ঠিরঃ।
গৎবাঽঽশ্রমং ব্রাহ্মণেভ্য আচখ্যৌ বৃত্তমাত্মনঃ ॥ 4-1-5 (28120)
কথয়িৎবা চ তৎসর্বং ব্রাহ্মণেভ্যো যুধিষ্ঠিরঃ।
অরণীসহিতং ভাণ্ডং ব্রাহ্মণায় ন্যবেদয়ৎ ॥ 4-1-6 (28121)
ততো যুধিষ্ঠিরো রাজা কুন্তীপুত্রো দৃঢব্রতঃ।
সমাহূয়ানুজান্সর্বানিতি হোবাচ ভারত ॥ 4-1-7 (28122)
দ্বাদশেমানি বর্ষাণি রাষ্ট্রাদ্বিপ্রোষিতা বয়ম্।
ছদ্মনা হৃতরাজ্যাশ্চ নিস্বাশ্চ বহুশঃ কৃতাঃ ॥ 4-1-8 (28123)
উষিতাশ্চ বনে বাসং যথা দ্বাদশ বৎসরান্।
অজ্ঞাতচর্যাং বৎস্যামশ্ছন্না বর্ষং ত্রয়োদশম্ ॥ 4-1-9 (28124)
বৈশম্পায়ন উবাচ। 4-1-10x (2970)
ধর্মেণ তেঽভ্যনুজ্ঞাতাঃ পাণ্ডবাঃ সত্যবিক্রমাঃ।
অজ্ঞাতবাসং বৎস্যন্তশ্ছন্না বর্ষং ত্রয়োদশম্ ॥ 4-1-10 (28125)
উপোপবিশ্য বিদ্বাংসঃ স্নাতকাঃ সংশিতব্রতাঃ ।
যে তত্র ব্রাহ্মণা আসন্বনবাসসহায়িনঃ ।
যে চ ভক্তা বসন্তি স্ম বনবাসে তপস্বিনঃ ॥ 4-1-11 (28126)
তানব্রুবন্মহাত্মানো হৃষ্টাঃ প্রাঞ্জলয়ঃ স্থিতাঃ ।
অভ্যনুজ্ঞাপয়িষ্যন্তস্তান্প্রবাসে ধৃতব্রতাঃ ॥ 4-1-12 (28127)
বিদিতং ভবতাং সর্বং ধার্তরাষ্ট্রৈর্যথা বয়ম্ ।
ছদ্মনা হৃতরাজ্যাশ্চ নিস্বাশ্চ বহুশঃ কৃতাঃ ॥ 4-1-13 (28128)
উষিতাশ্চ বনে বাসং যথা দ্বাদশবৎসরান্ ।
ভবদ্ভিরেব সহিতা বন্যাহারা দ্বিজোত্তমাঃ ॥ 4-1-14 (28129)
অজ্ঞাতবাসসময়ং শেষং বর্ষং ত্রয়োদশম্।
তদ্বৎস্যামো বয়ং ছন্নাস্তদনুজ্ঞাতুমর্হথ ॥ 4-1-15 (28130)
সুয়োধনশ্চ দুষ্টাত্মা কর্ণশ্চ সহসৌবলঃ ।
জানন্তো বিষমং কুর্যুরস্মাস্বত্যন্তবৈরিণঃ ॥ 4-1-16 (28131)
যুক্তচারাশ্চ যত্তাশ্চ দায়ে স্বস্য জনস্য চ ।
দুরাত্মনাং হি কস্তেষাং বিশ্বাসং গন্তুমর্হতি ॥ 4-1-17 (28132)
অপি নস্তদ্ভবেদ্ভূয়ো যদ্বয়ং ব্রাহ্মণৈঃ সহ।
সমস্তেষু চ রাষ্ট্রেষু স্বরাজ্যস্থা ভবেম হি ॥ 4-1-18 (28133)
ইত্যুক্ৎবা দুঃখশোকার্তঃ শুচির্ধর্মসুতস্তদা।
সংমূর্চ্ছিতোঽভবদ্রাজা সাস্রকণ্ঠো যুধিষ্ঠিরঃ ॥ 4-1-19 (28134)
তমথাশ্বাসয়ন্সর্বে ব্রাহ্মণা ভ্রাতৃভিঃ সহ ॥ 4-1-20 (28135)
প্রবুধ্য দুঃখমোহার্তো ধৌম্যং ধর্মভৃতাংবরম্ ।
প্রাবৈক্ষত তদা রাজা সাশ্রুকণ্ঠো যুধিষ্ঠিরঃ ॥ 4-1-21 (28136)
অথ ধৌম্যোঽব্রবীদ্বাক্যং মহার্থং নৃপতিং তদা।
আশ্বাসয়ংস্তং স নৃপং ভ্রাতৄংশ্চ ব্রাহ্মণৈঃ সহ ॥ 4-1-22 (28137)
রাজন্বিদ্বান্ভবান্দান্তঃ সত্যসন্ধো জিতেন্দ্রিয়ঃ।
নৈবংবিধাঃ প্রমুহ্যন্তি ধীরাঃ কস্যাংচিদাপদি ॥ 4-1-23 (28138)
দেবৈরপ্যাপদঃ প্রাপ্তাশ্ছন্নৈশ্চ বহুভিস্তদা।
তত্রতত্র সপত্নানাং নিগ্রহার্থং মহাত্মভিঃ ॥ 4-1-24 (28139)
দিতিপুত্রৈর্হৃতে রাজ্যে দেবরাজঃ সুদুঃখিতঃ।
ব্রহ্মাণং তোষয়িষ্যংশ্চ ব্রহ্মরূপং বিধায় চ ॥ 4-1-25 (28140)
ইন্দ্রেণ নিষধং প্রাপ্য গিরিপ্রস্থাহ্বয়ে পুরে।
ছন্নেনোষ্য কৃতং কর্ম দ্বিষতাং বলনিগ্রহে ॥ 4-1-26 (28141)
প্রসাদাদ্ব্রহ্মণো রাজন্দিতেঃ পুত্রান্মহাবলান্ ।
নির্জিত্য তরসা শত্রূন্পুনর্লোকাঞ্জুগোপ চ ॥ 4-1-27 (28142)
বিষ্ণুনাঽশ্মগিরিং প্রাপ্য তদা দিত্যাং নিবৎস্যতা।
গর্ভে বধার্থং দৈত্যানামজ্ঞাতেনোষিতং চিরম্ ॥ 4-1-28 (28143)
প্রোষ্য বামনরূপেণ চ্ছন্নেন ব্রহ্মচারিণা।
বলের্যথা হৃতং রাজ্যং বিক্রমৈস্তচ্চ তে শ্রুতম্ ॥ 4-1-29 (28144)
ঔর্বেণ বসতা ছন্নমূরৌ ব্রহ্মর্ষিণা তদা।
যৎকৃতং তাত লোকেষু তচ্চ সর্বং শ্রুতং ৎবয়া ॥ 4-1-30 (28145)
প্রচ্ছন্নেনাপি সর্বত্র হরিণা বৃত্রনিগ্রহে।
বজ্রং প্রবিশ্য শক্রস্য যৎকৃতং তচ্চ তে শ্রুতম্ ॥ 4-1-31 (28146)
হুতাশনেন যচ্চাপঃ প্রবিশ্য চ্ছন্নমূষিতম্।
বিবুধানাং হি যৎকর্ম কৃতং তচ্চাপি তে শ্রুতম্ ॥ 4-1-32 (28147)
যথা বিবস্বতা তাত ছন্নেনোত্তমতেজসা।
নির্দগ্ধাঃ শত্রবঃ সর্বে বসতা গবি বর্ষশঃ ॥ 4-1-33 (28148)
বিষ্ণুনা বসতা চাত্র গৃহে দশরথস্য বৈ।
দশগ্রীবো হতশ্ছন্নং সংয়ুগে ভীমকর্মণা ॥ 4-1-34 (28149)
এবমেতে মহাত্মানঃ প্রচ্ছন্নাস্তত্রতত্র হি।
অজয়ঞ্ছাত্রবান্মুখ্যাংস্তথা ৎবমপি জেষ্যসি ॥ 4-1-35 (28150)
বৈশম্পায়ন উবাচ। 4-1-36x (2971)
ইতি ধৌম্যেন ধর্মজ্ঞো বাক্যৈঃ স পরিহর্ষিতঃ।
শান্তবুদ্ধিঃ পুনর্ভূৎবা ব্যষ্টম্ভত যুধিষ্ঠিরঃ ॥ 4-1-36 (28151)
অথাব্রবীন্মহাবাহুর্ভীমসেনো মহাবলঃ।
রাজানং বলিনাং শ্রেষ্ঠো গিরা সংপরিহর্ষয়ন্ ॥ 4-1-37 (28152)
অবেক্ষয় মহারাজ তব গাণ্ডীবধন্বনা।
ধর্মার্থপরয়া বুদ্ধ্যা ন কিংচিৎসাহসং কৃতম্ ॥ 4-1-38 (28153)
সহদেবো ময়া নিত্যং নকুলশ্চ নিবারিতৌ ।
শক্তৌ বিধ্বংসনে তেষাং শত্রুঘ্নৌ ভীমবিক্রমৌ ॥ 4-1-39 (28154)
ন বয়ং বর্ত্ম হাস্যামো যস্মিন্যোক্ষ্যতি নো ভবান্ ।
তদ্বিধত্তাং ভবান্সর্বং ক্ষিপ্রং জেষ্যামহে পরান্ ॥ 4-1-40 (28155)
ইত্যুক্তো ভীমসেনেন ধর্মরাজো যুধিষ্ঠিরঃ ।
সুখোপবিষ্টো বিদ্বদ্ভিস্তাপসৈঃ সংশিতব্রতৈঃ ॥ 4-1-41 (28156)
যে তদ্ভক্ত্যাঽভবংস্তস্মিন্বনবাসে তপস্বিনঃ ।
তানব্রবীন্মহাপ্রাজ্ঞঃ শিষ্টান্রাজা কৃতাঞ্জলিঃ ।
অভ্যনুজ্ঞাপয়িষ্যন্বৈ তস্মিন্বাসে ধৃতব্রতঃ ॥ 4-1-42 (28157)
বিদিতং ভবতাং সর্বে র্ধার্তরাষ্ট্রৈর্যথা বয়ম্।
সংমন্ত্রাহৃতরাজ্যাশ্চ নিস্স্বাশ্চ বহুশঃ কৃতাঃ ।
উষিতাঃ স্মো বনে কৃচ্ছ্রং তথা বর্ষাণি দ্বাদশ ॥ 4-1-43 (28158)
অজ্ঞাতচর্যাসময়ং শেষং বর্ষং ত্রয়োদশম্।
তদ্বৎস্যামঃ ক্বচিচ্ছন্নাস্তদনুজ্ঞাতুমর্হথ ॥ 4-1-44 (28159)
ইত্যুক্তা ধর্মরাজেন ব্রাহ্মণাঃ পরমাশিষঃ ।
প্রয়ুজ্যাপৃচ্ছ্য ভরতান্যথাস্বং প্রয়যুর্গৃহান্ ॥ 4-1-45 (28160)
সর্বে বেদবিদো মুখ্যা যতয়ো মুনয়স্তদা।
আশীরুক্ৎবা যথান্যায়ং পুনর্দর্শনকাঙ্ক্ষিণঃ ॥ 4-1-46 (28161)
তে তু ভৃত্যাশ্চ দূতাশ্চ শিল্পিনঃ পরিচারকাঃ।
অনুজ্ঞাপ্য যথান্যায়ং পুনর্দর্শনকাঙ্ক্ষিণঃ ॥ 4-1-47 (28162)
সহ ধৌম্যেন বিদ্বাংসস্তথা তে পঞ্চ পাণ্ডবাঃ।
উত্থায় প্রয়যুর্বীরাঃ কৃষ্ণামাদায় ভারত ॥ 4-1-48 (28163)
ক্রোশমাত্রমতিক্রম্য তস্মাদ্বাসান্নিমিত্ততঃ ।
শ্বোভূতে মনুজব্যাঘ্রাশ্ছন্নবাসার্থমুদ্যতাঃ ॥ 4-1-49 (28164)
পৃথক্ শাস্ত্রবিদঃ সর্বে সর্বে মন্ত্রবিশারদাঃ ।
সন্ধিবিগ্রহতৎবজ্ঞা মন্ত্রায় সমুপাবিশন্ ॥ ॥ 4-1-50 (28165)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি প্রথমোঽধ্যায়ঃ ॥ 1 ॥
Mahabharata - Virata Parva - Chapter Footnotes
4-1-1অয়মধ্যায়ো ঝo পুস্তকে বনপর্বান্তিমাধ্যায়তয়া বর্ততে। বিরাটo।বিরাটপর্ব - অধ্যায় 002
॥ শ্রীঃ ॥
4.2. অধ্যায়ঃ 002
Mahabharata - Virata Parva - Chapter Topics
যুধিষ্ঠিরেণ ভ্রাতৃভিঃ সহ মন্ত্রণেন বিরাটনগরে নিবাসনির্ধারণম্ ॥ 1 ॥ তথা স্বস্য যতিবেপপরিগ্রহেণ বিরাটসভাস্তারীভবনকথনম্ ॥ 2 ॥Mahabharata - Virata Parva - Chapter Text
4-2-0 (28166)
বৈশম্পায়ন উবাচ । 4-2-0x (2972)
নিবৃত্তবনবাসাস্তে সত্যসন্ধা মনস্বিনঃ।
অকুর্বত পুনর্মন্ত্রং সহ ধৌম্যেন পাণ্ডবাঃ ॥ 1 ॥ 4-2-1 (28167)
অথাব্রবীদ্ধর্মরাজঃ কুন্তীপুত্রো যুধিষ্ঠিরঃ।
ভ্রাতৄন্কৃষ্ণাং চ সংগ্রেক্ষ্য ধৌম্যং চ কুরুনন্দনঃ ॥ 2 ॥ 4-2-2 (28168)
দ্বাদশেমানি বর্ষাণি রাজ্যাদ্বিপ্রোষিতা বয়ম্।
ত্রয়োদশোঽয়ং সংপ্রাপ্তঃ কৃচ্ছ্রাৎপরমদুর্বসঃ।
স সাধু কৌন্তেয় ইতো বাসমর্জুন রোচয় ॥ 3 ॥ 4-2-3 (28169)
ত্রয়োদশমিদং প্রাপ্তং ক্বনু বৎস্যামহেঽর্জুন।
অবুদ্ধা ধার্তরাষ্ট্রৈশ্চ সমগ্রাঃ সহ কৃষ্ণয়া ॥ 4 ॥ 4-2-4 (28170)
অর্জুন উবাচ। 4-2-5x (2973)
তস্যৈব বরদানেন ধর্মস্য মনুজাধিপ।
অজ্ঞাতা বিচরিষ্যামো নরাণাং ভরতর্ষভ ॥ 5 ॥ 4-2-5 (28171)
যানি রাষ্ট্রাণি বাসায় কীর্তয়িষ্যামি কানিচিৎ ।
রমণীয়ানি গুপ্তানি তেষাং কিংচিত্তু রোচয় ॥ 6 ॥ 4-2-6 (28172)
রম্যা জনপদাঃ সন্তি বহবস্ৎবভিতঃ কুরূন্ ।
পাঞ্চালাশ্চৈব মৎস্যাশ্চ সাল্ববৈদেহবাহ্লিকাঃ ।
দশার্ণাঃ শূরসেনাশ্চ কলিঙ্গা মাগধা অপি ॥ 7 ॥ 4-2-7 (28173)
বিরাটনগরং চাপি শ্রূয়তে শত্রুসূদন ।
রমণীয়ং জনাকীর্ণং সুভিক্ষং স্ফীতমেব চ ॥ 8 ॥ 4-2-8 (28174)
নানারাষ্ট্রাণি চান্যানি শ্রূয়ন্তে সুবহূনি চ ।
যত্র তে রোচতে রাজংস্তত্র গচ্ছামহে বয়ম্ ॥ 9 ॥ 4-2-9 (28175)
কতমস্মিঞ্জনপদে মহারাজ নিবৎস্যসি ।
মা বিষাদে মনঃ কার্যং রাজ্যভ্রংশ ইতি ক্বচিৎ ॥ 10 ॥ 4-2-10 (28176)
যুধিষ্ঠির উবাচ। 4-2-11x (2974)
এবমেতন্মহাবাহো যথা স ভগবান্প্রভুঃ।
অব্রবীৎসর্বভূতেশস্তথৈতন্ন তদন্যথা ॥ 11 ॥ 4-2-11 (28177)
অবশ্যং ৎবেব বাসার্থং রমণীয়ং শিবং সুখম্।
সংমন্ত্র্য সহিতৈঃ সর্বৈর্দ্রব্যমকুতোঽভয়ম্ ॥ 12 ॥ 4-2-12 (28178)
মাৎস্যো বিরাটো বলবানভিরক্তোথ পাণ্ডবান্।
ধর্মশীলো বদান্যশ্চ বৃদ্ধঃ সৎস্বপি সংমতঃ ॥ 13 ॥ 4-2-13 (28179)
গুণবাঁল্লোকবিখ্যাতো দৃঢভক্তির্জিতেন্দ্রিয়ঃ ।
তত্র মে রোচতে পার্থ মৎস্যরাজান্তিকেঽনঘ ॥ 14 ॥ 4-2-14 (28180)
বিরাটনগরে তাত মাসান্দ্বাদশসংমিতান্।
কুর্বন্তস্তস্য কর্মাণি বসামো যদি রোচতে ॥ 15 ॥ 4-2-15 (28181)
যানিয়ানি চ কর্মাণি তস্য শক্ষ্যামহে বয়ম্।
কর্তুং যো যৎস তৎকর্ম ব্রবীতু কুরুনন্দন ॥ 16 ॥ 4-2-16 (28182)
অর্জুন উবাচ ॥ 4-2-16x (2975)
নরদেব কথং কর্ম তস্য রাষ্ট্রে করিষ্যসি ।
মনুজেন্দ্র বিরাটস্য রংস্যসে কেন কর্মণা ॥ 17 ॥ 4-2-17 (28183)
অক্লিষ্টবেষধারী চ ধার্মিকো হ্যনসূয়কঃ ।
ন তবাভ্যুচিতং কর্ম নৃশংসং নাপি কৈতবম্ ॥ 18 ॥ 4-2-18 (28184)
সত্যবাগসি যাজ্ঞীকো লোভক্রোধবিবর্জিতঃ ।
মৃদুর্বদান্যো হ্রীমাংশ্চ ধার্মিকঃ সত্যবিক্রমঃ ॥ 19 ॥ 4-2-19 (28185)
স রাজংস্তপসা ক্লিষ্টঃ কথং তস্য করিষ্যসি।
ন দুঃখমুচিতং কিংচিদ্রাজন্পাপমতের্যথা।
স ইমামাপদং প্রাপ্য কথং ঘোরাং তরিষ্যসি ॥ 20 ॥ 4-2-20 (28186)
বৈশম্পায়ন উবাচ। 4-2-21x (2976)
অর্জুনেনৈবমুক্তস্তু প্রত্যুবাচ যুধিষ্ঠিরঃ ।
শৃণু ৎবং যৎকরিষ্যামি কর্ম বৈ কুরুনন্দন ॥ 21 ॥ 4-2-21 (28187)
বিরাটং সমনুপ্রাপ্য রাজানং মাৎস্যনন্দনম্ ।
সভাস্তারো ভবিষ্যামি বিরাটস্যেতি মে মতিঃ ॥ 22 ॥ 4-2-22 (28188)
কঙ্কো নাম ব্রুবাণোঽহং মতাক্ষঃ সাধুদেবিতা।
বৈডূর্যান্কাঞ্চনান্দানান্স্ফাটিকান্রাজতানপি ॥ 23 ॥ 4-2-23 (28189)
কৃষ্ণাক্ষাঁল্লোহিতাক্ষাংশ্চ নিবপ্স্যামি মনোরমান্।
অরিষ্টান্রাজগোলিঙ্গান্দর্শনীয়ান্সুবর্চসঃ ॥ 24 ॥ 4-2-24 (28190)
লোহিতাশ্চাশ্মগর্ভাশ্চ সন্তি তাত ধনানি মে।
দর্শনীয়াঃ সভানন্দাঃ কুশলৈঃ সাধুনিষ্ঠিতাঃ ॥ 25 ॥ 4-2-25 (28191)
অপ্যেতান্পাণিনা স্পৃষ্ট্বা সংপ্রহৃষ্যন্তি মানবাঃ ॥ 26 ॥ 4-2-26 (28192)
তান্বিকীর্য সমে দেশে রমণীয়ে বিপাংসুলে।
দেবিষ্যামি যথাকামং স বিহারো ভবিষ্যতি ॥ 27 ॥ 4-2-27 (28193)
কঙ্কো নাম্না পরিব্রাট্ চ বিরাটস্য সভাসদঃ।
জ্যোতিষে শকুনজ্ঞানে নিমিত্তে চাক্ষকৌশলে ।
ব্রাহ্মে বেদে ময়াঽধীতে বেদাঙ্গেষু চ সর্বশঃ ॥ 28 ॥ 4-2-28 (28194)
ধর্মকামার্থমোক্ষেষু নীতিশাস্ত্রেষু পারগঃ।
পৃষ্টোঽহং কথয়িষ্যামি রাজ্ঞঃ প্রিয়তমং বচঃ ॥ 29 ॥ 4-2-29 (28195)
আসং যুধিষ্ঠিরস্যাহং পুরা প্রাণসমঃ সখা।
ইতি বক্ষ্যামি রাজানং যদি মামনুয়োক্ষ্যতে ॥ 30 ॥ 4-2-30 (28196)
বিরাটনগরে ছন্ন এবং যুক্তঃ সদা বসে।
ইত্যেবং মে প্রতিজ্ঞাতং বিচরিষ্যাম্যহং যথা ॥ 31 ॥ 4-2-31 (28197)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি দ্বিতীয়োঽধ্যায়ঃ ॥ 2 ॥
------------
বিরাটপর্ব - অধ্যায় 003
॥ শ্রীঃ ॥
4.3. অধ্যায়ঃ 003
Mahabharata - Virata Parva - Chapter Topics
ভীমেন যুধিষ্ঠিরংপ্রতি স্বস্য সূদবেষপরিগ্রহেণ বিরাটভবনে নিবাসকথনম্ ॥ অর্জুনেন যুধিষ্ঠিরংপ্রতি স্বেন নপুংসকবেষপরিগ্রহেণ রাজকন্যানাটনাদিকথনম্ ॥Mahabharata - Virata Parva - Chapter Text
4-3-0 (28198)
বৈশম্পায়ন উবাচ। 4-3-0x (2977)
এবং নির্দিশ্য চাত্মানং নিশ্বসন্নুষ্ণমার্তিজম্ ।
বিমুঞ্চন্নশ্রু নেত্রাভ্যাং ভীমসেনমুবাচ হ ॥ 4-3-1 (28199)
ভীমসেন কথং কর্ম মাৎস্যরাষ্ট্রে করিষ্যসি।
হৎবা ক্রোধবশাংস্তত্র পর্বতে গন্ধমাদনে ॥ 4-3-2 (28200)
যক্ষান্ক্রোধাভিতাম্রাক্ষান্রাক্ষসাংশ্চাপি পৌরুষাৎ।
প্রাদাঃ পাঞ্চালকন্যায়ৈ পদ্মানি সুবহূন্যপি ॥ 4-3-3 (28201)
বকং রাক্ষসরাজানং ভীষণং পুরুষাদকম্ ।
জঘ্নিবানসি কৌন্তেয় ব্রাহ্মণার্থমরিন্দম।
ক্ষেমা চাভয়সংবীতা সৈকচক্রা ৎবয়া কৃতা ॥ 4-3-4 (28202)
হিডিম্বং চ মহাবীর্যং কির্মীরং চৈব রাক্ষসম্।
ৎবয়া হৎবা মহাবাহো বনং নিষ্কণ্টকং কৃতম্ ॥ 4-3-5 (28203)
আপদং চাপি সংপ্রাপ্তা দ্রৌপদী চারুহাসিনী ।
জটাসুরবধং কৃৎবা বয়ং চ পরিমোক্ষিতাঃ ॥ 4-3-6 (28204)
মৎস্যরাজাংন্তিকে তাত বীর্যপূর্ণোঽত্যমর্ষণঃ।
বৃকোদর বিরাটস্য বলীয়ান্দুর্বলীয়সঃ।
সমীপে নগরে তস্য বৎস্যসে কেন কর্মণা ॥ 4-3-7 (28205)
ভীম উবাচ। 4-3-8x (2978)
সূদোঽহং বললো নাম্না সূপকারো নরাধিপ।
উপস্থাস্যামি রাজানং বিরাটমিতি রোচয়ে ॥ 4-3-8 (28206)
রসান্নানাবিধাংশ্চাপি স্বাদূংশ্চ মধুরাংস্তথা ।
সূপাংশ্চাপি করিষ্যামি কুশলোস্মি মহানসে ॥ 4-3-9 (28207)
কৃতপূর্বাণি যান্যস্য ব্যঞ্জনানি সুশিক্ষিতৈঃ ।
তান্যপ্যভিভবিষ্যামি প্রীতিং সংজনয়ন্নহম্ ॥ 4-3-10 (28208)
পূর্বমপ্রাশিতাংস্তেন কর্তা রসগুণান্বিতান্ ।
স্বাদু ব্যঞ্জনমাস্বাদ্য মাৎস্যঃ প্রীতো ভবিষ্যতি ॥ 4-3-11 (28209)
আহরিষ্যামি দারূণাং পাটিতানাং শতংশতম্।
রাজা কর্মাণি মে দৃষ্ট্বা ন মাং পরিভবিষ্যতি ॥ 4-3-12 (28210)
যে চ তস্য মহামল্লাঃ সমরেষ্বপরাজিতাঃ ।
কৃতপ্রতাপা বহুশো রাজ্ঞঃ প্রত্যায়িতা বলে ॥ 4-3-13 (28211)
রঙ্গোপজীবিনঃ সর্বে পরেষাং চ ভয়াবহাঃ ।
তানহং নিহনিষ্যামি রতিং রাজ্ঞঃ প্রবর্তয়ন্ ॥ 4-3-14 (28212)
ন চ তান্যুধ্যমানোঽহং নয়িষ্যে যমসাদনম্।
তথা তান্নিহনিষ্যামি জীবিষ্যন্তি যথাঽঽতুরাঃ ॥ 4-3-15 (28213)
বৃষো বা মহিষো বাপি নাগো বা ষাষ্টিহায়নঃ ।
সিংহো ব্যাঘ্রো গ্রহীতব্যো ভবিষ্যতি ন সংশয়ঃ ॥ 4-3-16 (28214)
তান্সর্বান্দুর্গ্রহানন্যৈরাশীবিষবিষোপমান্।
বলাদহং গ্রহীষ্যামি মৎস্যরাজস্য পশ্যতঃ ॥ 4-3-17 (28215)
আরালিকা বা সূদা বা যেঽস্য যুক্তা মহানসে।
তানহং প্রীণয়িষ্যামিং মনুষ্যান্স্তেন কর্মণা ॥ 4-3-18 (28216)
আরালিকো গোবিকর্তা সূপকর্তা নিয়োধকঃ।
আসং যুধিষ্ঠিরস্যাহমিতি বক্ষ্যামি মানবান্ ॥ 4-3-19 (28217)
আত্মানমাত্মনা রক্ষংশ্চরিষ্যামি বিশাংপতে ।
ইত্যেবং চ প্রতিজ্ঞাতং বিচরিষ্যাম্যহং যথা।
বিরাটনগরে চ্ছন্নো বিরাটস্য সমীপতঃ ॥ 4-3-20 (28218)
যুধিষ্ঠির উবাচ। 4-3-21x (2979)
অগ্নির্ব্রাহ্মণরূপেণ প্রচ্ছন্নোঽন্নময়াচত।
মহাশনং ব্রাহ্মণং মাং প্রমুঞ্চার্জুন খাণ্ডবে ॥ 4-3-21 (28219)
সংশুশ্রুবে চ ধর্মাত্মা যস্তমর্থং চকার হ।
তস্মৈ ব্রাহ্মণরূপায় হুতাশায় মহায়শাঃ ।
বিজিত্যৈকরথেনেন্দ্রং হৎবা পন্নগরাক্ষসান্ ॥ 4-3-22 (28220)
যস্তু দেবান্মনুষ্যাংশ্চ সর্বানেকরথোঽজয়ৎ।
স ভীমধন্বা শ্বেতাশ্বঃ পাণ্ডবঃ কিং করিষ্যতি ॥ 4-3-23 (28221)
আশীবিষসমস্পর্শো নাগানামিব বাসুকিঃ ।
দৃষ্টীবিষ ইবাহীনামগ্নিস্তেজস্বিনামিব ॥ 4-3-24 (28222)
সমুদ্র ইব সিন্ধূনাং শৈলানাং হিমবানিব।
মহেন্দ্র ইব দেবানাং দানবানাং বলির্যথা ॥ 4-3-25 (28223)
সুপ্রতীকো গজেন্দ্রাণাং যুগ্যানাং তুরগো যথা।
কুবের ইব যক্ষাণাং মৃগাণাং কেসরী যথা ॥ 4-3-26 (28224)
রাক্ষসানাং দশগ্রীবো দৈত্যানামিব শম্বরঃ ।
রুদ্রাণামিব কাপালী বিষ্ণুর্বলবতামিব ॥ 4-3-27 (28225)
রোষামর্ষসমায়ুক্তো ভুজঙ্গানাং চ তক্ষকঃ ।
বায়ুবেগবলোদ্ধৃতো গরুডঃ পততামিব ॥ 4-3-28 (28226)
তপতামিব চাদিত্যঃ প্রজানাং ব্রাহ্মণো যথা।
হ্রদানামিব পাতালং পর্জন্যো নর্দতামিব ॥ 4-3-29 (28227)
আয়ুধানাং বরো বজ্রঃ ককুদ্মাংশ্চ গবাং বরঃ।
ধৃতরাষ্ট্রশ্চ নাগানাং হস্তিষ্বৈরাবতো যথা ॥ 4-3-30 (28228)
পুত্রঃ প্রিয়াণামধিকো ভার্যা চ সুহৃদাং বরা।
গিরীণাং প্রবরো মেরুর্দেবানাং মধুসূদনঃ।
গ্রহাণাং প্রবরশ্চন্দ্রঃ সরসাং মানসো যথা ॥ 4-3-31 (28229)
যথৈতানি বিশিষ্টানি স্বস্যাং জাত্যাং বৃকোদর ।
এবং যুবা গুডাকেশঃ শ্রেষ্ঠঃ সর্বধনুষ্মতাম্ ॥ 4-3-32 (28230)
সোয়মিন্দ্রাদনবমো বাসুদেবাচ্চ ভারত ।
উষিৎবা পঞ্চ বর্ষাণি সহস্রাক্ষস্য বেশ্মনি।
ব্রহ্মচারী ব্রতে যুক্তঃ সর্বশস্ত্রভৃতাংবরঃ ॥ 4-3-33 (28231)
অবাপ চাস্ত্রমস্ত্রজ্ঞঃ সর্বজ্ঞঃ সর্বসংমতঃ ।
ক্ষিপ্রং চাণু বিচিত্রং চ ধ্রুবং চ বদতাং বরঃ ॥ 4-3-34 (28232)
অনুজ্ঞাতঃ সুরেন্দ্রেণ পুনঃ প্রত্যাগতো মহীম্।
ধার্তরাষ্ট্রবিনাশায় পাণ্ডবানাং জয়ায় চ ॥ 4-3-35 (28233)
যং মন্যে দ্বাদশং রুদ্রমাদিত্যানাং ত্রয়োদশম্ ।
বসূনাং নবমং মন্যে গিরীণামষ্টমঃ স্মৃতঃ ॥ 4-3-36 (28234)
যস্য দীর্ঘৌ সমৌ বাহূ জ্যাঘাতেন কিণীকৃতৌ ।
দক্ষিণশ্চৈব সব্যশ্চ বাহূ অনডুহো যথা। 4-3-37 (28235)
তলাঙ্গুলিত্রাভ্যুচিতৌ নাগরাজকরোপমৌ ।
পীনৌ পরিঘসঙ্কাশৌ মৃদুতাম্রতলৌ শুভৌ ॥ 4-3-38 (28236)
শ্যামো যুবা গুডাকেশো দর্শনীয়শ্চ পাণ্ডবঃ ।
গাণ্ডীবধন্বা শ্বেতাশ্বঃ কিরীটী বানরধ্বজঃ ॥ 4-3-39 (28237)
কিংরূপধারী কিংকর্মা কিংচেষ্টঃ কিংপরায়ণঃ।
বীভৎসুর্ভীমধন্বা চ কিং করিষ্যতি চার্জুনঃ ।
কুন্তীপুত্রো বিরাটস্য রমতে কেন কর্মণা ॥ 4-3-40 (28238)
অর্জুন উবাচ। 4-3-41x (2980)
ইমৌ কিণীকৃতৌ বাহূ জ্যাঘাততলপীডনাৎ।
নিত্যং কঞ্চুকসংছন্নৌ নান্যথা গোপ্তুমুৎসহে ॥ 4-3-41 (28239)
কিং তু কার্যবশাদেতদাচরিষ্যামি কুৎসিতম্ ॥ 4-3-42 (28240)
বাহূ মে ভরতশ্রেষ্ঠ মহালাঞ্ছনলক্ষিতৌ ।
জ্যাঘাতেন মহান্তৌ মে গূহিতুং নান্যথোৎসহে ॥ 4-3-43 (28241)
উভৌ কম্বূ প্রতীমুচ্য কুণ্ডলে পরিপাতুকে ।
বেণীকৃতশিরা ভূৎবা ভবিষ্যামি বৃহন্নলা ॥ 4-3-44 (28242)
পঠন্নাখ্যায়িকাং নাম স্ত্রীভাবেন পুনঃ পুনঃ ।
প্রজানাং সমুদাচারং বহুনর্মকৃতং বদন্ ।
রময়িষ্যামি রাজানমন্যং চান্তঃপুরে জনম্ ॥ 4-3-45 (28243)
নৃত্তং গীতং চ বাদিত্রং দিব্যং চ বিবিধং তথা ।
শিক্ষয়িষ্যাম্যহং রাজন্বিরাটনগরে স্ত্রিয়ঃ ॥ 4-3-46 (28244)
স্ত্রীভাবসমুদাচারান্নৃত্তগীতকথাশ্রয়ৈঃ।
ছাদয়িষ্যামি রাজেন্দ্র মায়যাঽঽত্মানমাত্মনা ॥ 4-3-47 (28245)
যুধিষ্ঠিরস্য গেহেঽস্মিন্দ্রৌপদ্যাঃ পরিচারিকা।
উষিতাঽস্মীতি বক্ষ্যামি ধর্মরাজস্য সংমতা ॥ 4-3-48 (28246)
উর্বশ্যাশ্চাপি শাপেন প্রাপ্তোস্মি নৃপ ষণ্ডতাম্।
শক্রপ্রসাদান্মুক্তোঽহং বর্ষাদূর্ধ্বং ত্রয়োদশাৎ।
ইত্যেতন্মে প্রতিজ্ঞাতং বিচরিষ্যাম্যহং যথা ॥ 4-3-49 (28247)
এতেন বিধিনা ছন্নঃ কৃতকেন যথা নলঃ।
বিহরিষ্যামি রাজেন্দ্র বিরাটস্য পুরে সুখম্ ॥ 4-3-50 (28248)
যুধিষ্ঠির উবাচ। 4-3-51x (2981)
বাসুদেবসমো লোকে যশসা বিক্রমেণ চ।
সোয়ং রাজ্যে বিরাটস্য ভবনে ভরতর্ষভঃ ॥ 4-3-51 (28249)
মেরুঃ প্রচ্ছাদিত ইব বসন্বজ্রোণ মুষ্টিনা।
আখ্যাতা ষণ্ডকোস্মীতি প্রতিজ্ঞাতং হি পাতকং ॥ ॥ 4-3-52 (28250)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি তৃতীয়োঽধ্যায়ঃ ॥
বিরাটপর্ব - অধ্যায় 004
॥ শ্রীঃ ॥
4.4. অধ্যায়ঃ 004
Mahabharata - Virata Parva - Chapter Topics
যুধিষ্ঠিরংপ্রতি নকুলেন বিরাটনগরে অশ্বপালকতয়া স্বস্য নিবাসকথনম্ ॥1 ॥ সহদেবেন গোপালকতয়া স্বস্য নিবাসকথনম্ ॥ 2 ॥ দ্রৌপদ্যা সৈরন্ধ্রীভাবেন স্বস্য নিবাসকথনম্ ॥ 3 ॥Mahabharata - Virata Parva - Chapter Text
4-4-0 (28251)
বৈশম্পায়ন উবাচ । 4-4-0x (2982)
ইত্যেবমুক্ৎবা পুরুষপ্রবীরস্তথার্জুনো ধর্মামৃতাং বরিষ্ঠঃ।
বাক্যং তথাসৌ .... ভূয়ো নৃপোঽপরং ভ্রাতর...বভাষে 4-4-1 (28252)
কিংকর্মা কিংসমাচারো নকুলোয়ং ভবিষ্যতি।
সুকুমারশ্চ শূরশ্চ দর্শনীয়ঃ সুখোচিতঃ ॥ 4-4-2 (28253)
অদুঃখার্হশ্চ বালশ্চ লালিতশ্চাপি নিত্যশঃ ।
সোয়মার্তশ্চ শান্তশ্চ কিং নু রোচয়তাত্ৎবিহ ॥ 4-4-3 (28254)
কিং ৎবং নকুল কুর্বাণস্তস্য তাত চরিষ্যসি।
কর্ম তত্ৎবং সমাচক্ষ্ব রাজ্যে তস্য মহীপতেঃ ॥ 4-4-4 (28255)
নকুল উবাচ। 4-4-5x (2983)
অশ্বাধ্যক্ষো ভবিষ্যামি বিরাটস্যেতি মে মতিঃ।
দামগ্রন্থীতি নাম্নাঽহং কর্মৈতৎসুপ্রিয়ং মম ॥ 4-4-5 (28256)
দামগ্নন্থী পরিজ্ঞাতঃ কুশলো দামকর্মণি ।
ন মাং পরিভবিষ্যন্তি জনা জাৎবিহ কর্হিচিৎ ॥ 4-4-6 (28257)
কুশলোৎস্ম্যশ্বশিক্ষায়াং তথৈবাশ্বচিকিৎসনে।
প্রিয়াশ্চ সততং মেঽশ্বাঃ কুরুরাজা যথা তব॥ 4-4-7 (28258)
ন মাং পরিভবিষ্যন্তি কিশোরা বডবাস্তথা ।
ন দুষ্টাশ্চ ভবিষ্যন্তি পৃষ্ঠে ধুরি চ মদ্গতাঃ ॥ 4-4-8 (28259)
দ্রক্ষ্যন্তি যে চ মাং কেচিদ্বিরাটনগরে জনাঃ ।
তেভ্য এবং প্রবক্ষ্যামি বিহরিষ্যাম্যহং যথা ॥ 4-4-9 (28260)
পাণ্ডবেন হ্যহং তাত অশ্বেষ্বধিকৃতঃ পুরা।
ইতি তস্য পুরে ছন্নশ্চরিষ্যামি মহীপতে ।
ইত্যেতদ্বঃ প্রতিজ্ঞাতং বিহরিষ্যাম্যহং যথা ॥ 4-4-10 (28261)
বৈশম্পায়ন উবাচ। 4-4-11x (2984)
নকুলেনৈবমুক্তস্তু ধর্মরাজোঽব্রবীদ্বচঃ।
বৃহস্পতিসমো বুদ্ধ্যা নয়েনোশনসা সমঃ ॥ 4-4-11 (28262)
মন্ত্রৈর্নানাবিধৈর্নীতঃ পথ্যেষু পরিনিষ্ঠিতঃ ।
সুপ্রণীতঃ সুমার্গস্থো রাজতন্ত্রমবাপ যঃ ॥ 4-4-12 (28263)
ন চাস্য স্খলিতং কিংচিদ্দদৃশুস্তদ্বিদো জনাঃ।
সুনীতিজ্ঞশ্চ শূরশ্চ সর্বমন্ত্রবিশারদঃ ॥ 4-4-13 (28264)
অধিকো মাতুরস্মাকং কুন্ত্যাঃ প্রিয়তমঃ সদা।
সহদেব কথং কর্ম তস্য রাজ্ঞঃ করিষ্যসি।
কিং বা ৎবং তাত কুর্বাণঃ প্রচ্ছন্নো বিচরিষ্যসি ॥ 4-4-14 (28265)
সহদেব উবাচ। 4-4-15x (2985)
গোসঙ্খ্যাতা ভবিষ্যামি বিরাটস্যেতি রোচয়ে।
প্রতিভোক্তা চ দোগ্ধা চ সঙ্খ্যানকুশলো গবাম্।
তন্ত্রীপালেতি মে নাম স্বয়ং প্রোক্তং ভবিষ্যতি॥ 4-4-15 (28266)
অয়োগা বহুলাঃ পুষ্টাঃ ক্ষীরবত্যো বহুপ্রজাঃ ।
নিষ্পন্নসত্ৎবাঃ সুভৃতা হ্যপেতজ্বরকিল্বিষাঃ ॥ 4-4-16 (28267)
দৃষ্টচোরভয়া নিত্যং ব্যাধিব্যাঘ্রবিবর্জিতাঃ ।
গাবঃ সুসহিতা রাজন্নিরুদ্বিগ্না নিরাময়ঃ ॥ 4-4-17 (28268)
ভবিষ্যন্তি ময়া গুপ্তা বিরাটনগরে তদা।
নিপুণৎবং চরিষ্যামি প্রীতিরত্র পরা হি মে ॥ 4-4-18 (28269)
অহং হি ভবতা গোষু প্রহিতঃ সতত পুরা।
তত্র মে কৌশলং সর্বমনুবদ্ধং বিশাংপতে ॥ 4-4-19 (28270)
লক্ষণং চরিতং চৈব গবাং যচ্চাপি মঙ্গলম্ ।
সৎসর্বং মে সুবিদিতমন্যচ্চাপি বিশাংপতে ॥ 4-4-20 (28271)
বৃষভানপি জানামি রাজন্পূজিতলক্ষণান্।
যেষাং মূত্রমুপাঘ্রায় অপি বন্ধ্যা প্রসূয়তে ॥ 4-4-21 (28272)
সোঽহমেবং চরিষ্যামি প্রীতিরত্র পরা হি মে।
বিরাটনগরে গূঢো রংস্যেঽহং তেন কর্মণা ॥ 4-4-22 (28273)
তোষয়িষ্যে চ রাজানাং মা ভূচ্চিন্তা তবানঘ ।
ন চ মাং বেৎস্যতি পরস্তত্তে রোচতু পার্থিব।
ইত্যেতদ্বঃ প্রতিজ্ঞাতং বিচরিষ্যাম্যহং যথা ॥ 4-4-23 (28274)
যুধিষ্ঠির উবাচ। 4-4-24x (2986)
কেনাত্র কর্মণা কৃষ্ণা দ্রৌপদী বিচরিষ্যতি।
ন হি কিংচিদ্বিজানাতি কর্ম কর্তুং যথা স্ত্রিয়ঃ ॥ 4-4-24 (28275)
মাল্যাগন্ধানলঙ্কারান্বস্ত্রাণি বিবিধানি চ।
এতান্যেবাভিজানাতি যথাজাতা চ ভামিনী ॥ 4-4-25 (28276)
পতিব্রতা মহাভাগা কথং নু বিচরিষ্যতি।
ইয়ং তু নঃ প্রিয়া ভার্যা প্রাণেভ্যোপি গরীয়সী ॥ 4-4-26 (28277)
মাতেব পরিপাল্যা চ পূজ্যা জ্যেষ্ঠা স্বসেব চ ।
সুকুমারী সুশীলা চ রাজপুত্রী যশস্বিনী ।
কথং বৎস্যতি কল্যাণী বিরাটনগরে সতী ॥ 4-4-27 (28278)
দ্রৌপদ্যুবাচ। 4-4-28x (2987)
অহং বৎস্যামি রাজেন্দ্র নির্বৃতো ভব পার্থিব।
যথা তে মৎকৃতে শোকো ন ভবেন্নৃপতে শৃণু।
যথা তু মাং ন জানন্তি যৎকরিষ্যাম্যহং প্রভো ॥ 4-4-28 (28279)
ছন্না বৎস্যাম্যহং যন্মাং ন বিজানন্তি কেচন।
বৃত্তং তচ্চ সমাখ্যাস্যে শর্ম তেস্তু বিশাংপতে ॥ 4-4-29 (28280)
সৈরন্ধ্রীজাতিসংপন্না নাম্নাঽহং ব্রতচারিণী ।
ভবিষ্যামি মহারাজ বিরাটস্যেতি মে মতিঃ ॥ 4-4-30 (28281)
সৈরন্ধ্র্যো রক্ষিতাঃ স্ত্রীণাং ভুজিষ্যাঃ সন্তি ভারত ।
একপত্ন্যঃ স্ত্রিয়শ্চৈতা ইতি লোকস্য নিশ্চয়ঃ ॥ 4-4-31 (28282)
সাঽহং ব্রুবাণা সৈরন্ধ্রী কুশলা কেশকর্মণি।
প্রমদাহরিকা লোকে পুরুষাণাং প্রবাসিনাম্ ॥ 4-4-32 (28283)
যুধিষ্ঠিরস্য বৈ গেহে দ্রৌপদ্যাঃ পরিচারিকা।
উষিতাঽস্মীতি বক্ষ্যামি পৃষ্টা রাজ্ঞা চ ভারত।
আত্মগুপ্তা চরিষ্যামি যন্মাং ৎবং পরিপৃচ্ছসি ॥ 4-4-33 (28284)
নাহং তত্র ভবিষ্যামি দুর্ভরা রাজবেশ্মনি।
কৃৎবা চৈব সদা রক্ষাং ব্রতেনৈব নরাধিপ ॥ 4-4-34 (28285)
সুদেষ্ণাং প্রত্যুপস্থাস্যে রাজভার্যাং যশস্বিনীম্ ।
সা রক্ষিষ্যতি মাং প্রাপ্তাং মা তে ভূদ্দুঃখমীদৃশম্ ॥ 4-4-35 (28286)
অথ গুপ্তা চরিষ্যামি যুষ্মাভিস্তত্র তস্থুষী।
ইত্যেবং বঃ প্রতিজ্ঞাতং বিহরিষ্যাম্যহং যথা ॥ 4-4-36 (28287)
যুধিষ্ঠির উবাচ। 4-4-37x (2988)
যথা নো দুর্হৃদঃ পাপা ভবন্তি সুখিনঃ পুনঃ।
কুর্যাস্তথা ৎবং কল্যাণি লক্ষয়েয়ুর্ন তে জনাঃ ॥ 4-4-37 (28288)
4-4-38 (28289)
কল্যাণং ভাষসে কৃষ্ণে যথা কৌলেয়কী তথা।
ন পাপমভিজানাসি সাধ্বী সাধুব্রতে স্থিতা ॥
বিরাটপর্ব - অধ্যায় 005
॥ শ্রীঃ ॥
4.5. অধ্যায়ঃ 005
Mahabharata - Virata Parva - Chapter Topics
পাণ্ডবৈরিন্দ্রসেনাদীন্প্রতি দ্বারকাদিগমনচোদনা ॥ 1 ॥ পাণ্ডবান্প্রতি ধৌম্যেন রাজগৃহবাসপ্রকারানুশাসনম্ ॥ 2 ॥Mahabharata - Virata Parva - Chapter Text
4-5-0 (28290)
যুধিষ্ঠির উবাচ। 4-5-0x (2989)
কর্মাণ্যুক্তানি যুষ্মাভির্যানি তানি চরিষ্যথ।
মম চাপি যথা বুদ্ধিরুচিতা হি বিনিশ্চয়াৎ ॥ 4-5-1 (28291)
পুরোহিতোঽয়মস্মাকমগ্নিহোত্রাণি রক্ষতু।
সূতপৌরোগবৈঃ সার্ধং দ্রুপদস্য নিবেশনে ॥ 4-5-2 (28292)
ইন্দ্রসেনমুখাশ্চেমে রথানাদায় কেবলান্ ।
যান্তু দ্বারবতীং শীঘ্রমিতি মে বর্ততে মতিঃ ॥ 4-5-3 (28293)
ইমাশ্চ নার্যো দ্রৌপদ্যাঃ সর্বাশ্চ পরিচারিকা ।
পাঞ্চালানেব গচ্ছন্তু সূতপৌরোগবৈঃ সহ ॥ 4-5-4 (28294)
সর্বৈরপি চ বক্তব্যং ন প্রাজ্ঞায়ন্ত পাণ্ডবাঃ ।
অর্ধরাত্রে মহাত্মানো ভিক্ষাদান্ব্রাহ্মণানপি।
গতা হ্যস্মানপাহায় সর্বে দ্বৈতবনাদিতি ॥ 4-5-5 (28295)
বৈশম্পায়ন উবাচ। 4-5-6x (2990)
এবং তেঽন্যোন্যমামন্ত্র্য কর্মাণ্যুক্ৎবা পৃথক্পৃথক্।
ধৌম্যমামন্ত্রয়ামাসুঃ স চ তান্মন্ত্রমব্রবীৎ ॥ 4-5-6 (28296)
তানন্বশাৎস ধর্মাত্মা সর্বধর্মবিশেষবিৎ ।
ধৌম্যঃ পুরোহিতো রাজন্পাণ্ডবান্পুরুষর্ষভান্ ॥ 4-5-7 (28297)
ধৌম্য উবাচ। 4-5-8x (2991)
বিদিতং বৈ যথা সর্বং লোকে বৃত্তমিদং নৃপ।
বিদিতে চাপি বক্তব্যং সুহৃদ্ভিরনুরাগতঃ ॥ 4-5-8 (28298)
অতোঽহমভিবক্ষ্যামি হেতুমাত্রং নিবোধত।
হন্তেমাং রাজবসতিং রাজপুত্রা ব্রবীমি বঃ।
যথা রাজকুলং প্রাপ্য চরন্প্রোষ্য ন রিষ্যতি ॥ 4-5-9 (28299)
দুর্বাসমেব কৌরব্য জাতেন কুরুবেশ্মনি ।
অমানিতেন মানার্হ গূঢেন পরিবৎসরম্ ॥ 4-5-10 (28300)
দিষ্টদ্বারো লভেদ্দ্রষ্টুং রাজস্বেষু ন বিশ্বসেৎ।
ন চানুশিষ্যাদ্রাজানমপৃচ্ছন্তং কদাচন ॥ 4-5-11 (28301)
তূষ্ণীং ৎবেনমুপাসীত কালে সমভিপূজয়েৎ ॥ 4-5-12 (28302)
অসূয়ন্তি হি রাজানো জনাননৃতবাদিনঃ।
তথৈব চাবমন্যন্তে মন্ত্রিণং বাদিনং মৃষা ॥ 4-5-13 (28303)
বিদিতে চাস্য কুর্বীত কার্যাণি সুলঘূন্যপি।
এবং বিচরতো রাজ্ঞি ন ক্ষতির্জায়তে ক্বচিৎ ॥ 4-5-14 (28304)
পাণ্ডবাগ্নিরয়ং লোকে সর্বশস্ত্রময়ো মহান ।
ভর্তা গোপ্তা চ ভূতানাং রাজা পুরুষবিগ্রহঃ ॥ 4-5-15 (28305)
সর্বাত্মনা বর্তমানং যথা দোষো ন সংস্পৃশেৎ ।
রাজানমুপতিষ্ঠন্তং তস্য বৃত্তং নিবোধত ॥ 4-5-16 (28306)
ক্ষত্রিয়ং চৈব সর্পং চ ব্রাহ্মণং চ বহুশ্রুতম্ ।
নাবমন্যেত মেধাবী কৃশানপি কদাচন ॥ 4-5-17 (28307)
এতত্রয়ং চ পুরুষং নির্দহেদবমানিতম্।
রাজা তস্মাদ্বুধৈর্নিত্যং পূজনীয়ঃ প্রয়ত্নতঃ ॥ 4-5-18 (28308)
নাতিবর্তেত মর্যাদাং পুরুষো রাজসংমতঃ।
ব্যবহারং পুনর্লোকে মর্যাদাং পণ্ডিতা বিদুঃ ॥ 4-5-19 (28309)
ন হি পুত্রং ন নপ্তারং ন ভ্রাতরমরিন্দম।
সমতিক্রান্তমর্যাদং পূজয়ন্তি পরাধিপাঃ ॥ 4-5-20 (28310)
গচ্ছন্নপি পরাং ভূতিং ভূমিপালনিয়োজিতঃ।
জাত্যন্ধ ইব মন্যেত মর্যাদামনুচিন্তয়ন্ ॥ 4-5-21 (28311)
ধৃষ্টো দ্বারং সদা পশ্যন্ন চ রাজসু বিশ্বসেৎ ।
তদেবাসনমন্বিচ্ছেদ্যত্র নাভিলষেৎপরঃ ॥ 4-5-22 (28312)
যত্রোপবিষ্টঃ সংকল্পং নোপহন্যাদ্বলীয়সঃ ।
তদাসনং রাজকুলে ঈপ্সেত পুরুষো বসন্ ॥ 4-5-23 (28313)
যথৈনং যত্র চাসীনং শঙ্কয়েদ্দুষ্টচরিণম্ ।
ন তত্রোপবিশেজ্জাতু যো রাজবসতিং বসেৎ ॥ 4-5-24 (28314)
স্বভূমৌ কামমাসীত তিষ্ঠেদ্বা রাজসন্নিধৌ।
ন ৎবেবাসনমন্যস্য প্রার্থয়েত কদাচন ॥ 4-5-25 (28315)
পরাসনগতং হ্যেনং পরস্য পরিচারকাঃ ।
পরিষদ্যপকর্ষেয়ুঃ পরিহাস্যেত শত্রুভিঃ ॥ 4-5-26 (28316)
নিত্যং বিপ্রতিষিদ্ধং তৎপুরস্তাদাসনং মতম্ ।
অর্থার্থং হি যদা ভৃত্যো রাজানমুপতিষ্ঠতে ॥ 4-5-27 (28317)
দক্ষিণং বাঽথ বামং বা ভাগমাশ্রিত্য পণ্ডিতঃ।
তিষ্ঠেদ্বিনীতবদ্রাজন্ন পুরস্তান্ন পৃষ্ঠতঃ।
রাক্ষিণামাত্তশস্ত্রাণাং পশ্চাৎস্থানং বিধীয়তে ॥ 4-5-28 (28318)
মাতৃগোত্রে স্বগোত্রে বা নাম্না শীলেন বা পুনঃ ।
সংগ্রহার্থং মনুষ্যাণাং নিত্যমাভাষিতা ভবেৎ ॥ 4-5-29 (28319)
পূজ্যমানোপি যো রাজ্ঞা নরো ন প্রতিপূজয়েৎ।
নৈনমারাধয়েজ্জাতু শাস্তা শিষ্যানিবালসান্ ॥ 4-5-30 (28320)
নাস্য যুগ্যং ন পর্যঙ্কং নাসনং ন রথং তথা।
আরোহেৎসংমতোঽস্মীতি যো রাজবসতিং বসেৎ ॥ 4-5-31 (28321)
যো বৈ গৃহেভ্যঃ প্রবসন্ক্রিয়মাণমনুস্মরন্ ।
উত্থানে নিত্যসংকল্পো নিস্তন্দ্রীঃ সংঘতাত্মবান্ ॥ 4-5-32 (28322)
পরীতঃ ক্ষুৎপিপাসাভ্যাং বিহায় পরিদেবনম্ ।
দুঃখেন সুখমন্বিচ্ছেদ্যো রাজবসতিং বসেৎ ॥ 4-5-33 (28323)
অন্যেষু প্রেষ্যমাণেষু পুরস্তাদ্ধীর উৎপতেৎ ।
করিষ্যাম্যহমিত্যেব যঃ স রাজসু সিধ্যতি ॥ 4-5-34 (28324)
উষ্ণে বা যদি বা শীতে রাত্রৌ বা যদি বা দিবা ।
আদিষ্টো ন বিকল্পেত যঃ স রাজসু সিদ্ধ্যতি ॥ 4-5-35 (28325)
নৈব প্রাপ্তোঽবমন্যেত সদাঽমাত্যো বিশারদঃ ।
মানং প্রাপ্তো ন হৃষ্যেত ন ব্যথেচ্চ বিমানিতঃ ।
ঋদুর্মৃদুঃ সত্যবাদো যঃ স রাজসু সিদ্ধ্যতি ॥ 4-5-36 (28326)
নৈব লাভাদ্ধর্ষমিয়ান্ন ব্যথেচ্চ বিমানিতঃ।
সমঃ পূর্ণতুলেব স্যাদ্যো রাজবসতিং বসেৎ ॥ 4-5-37 (28327)
অল্পেচ্ছো ধৃতিমান্রাজঞ্ছায়েবানুগতঃ সদা।
দক্ষঃ প্রদক্ষিণো ধীরঃ স রাজবসতিং বসেৎ ॥ 4-5-38 (28328)
ইতিহাসপুরাণজ্ঞঃ কুশলঃ সৎকথাসু চ।
বদান্যঃ সত্যবাক্বাপি যো রাজবসতিং বসেৎ ॥ 4-5-39 (28329)
ন মিথো ভাষিতং রাজ্ঞো মনুষ্যেষু প্রকাশয়েৎ ।
যং চাসূয়ন্তি রাজানঃ পুরুষং নো বদেচ্চ তম্ ॥ 4-5-40 (28330)
নৈষাং কর্মসু সংয়ুক্তো ধনং কিংচিদুপস্পৃশেৎ।
প্রাপ্নুয়াদাদদানো বা বন্ধং বা বধমেব বা ॥ 4-5-41 (28331)
হুল্যোপস্থিতয়োঃ পশ্য মম চান্যস্য চোভয়োঃ ।
অন্যং পুষ্ণাতি মদ্ধীনমিতি ধীরো ন মুহ্যতি ॥ 4-5-42 (28332)
শ্রেয়াংসং হি পরিত্যজ্য বৈদ্যং কর্মণিকর্মণি ।
পাপীয়াংসং প্রকুর্বীরঞ্শীলমেষাং তথাবিধম্ ॥ 4-5-43 (28333)
নৈষাং দারেষু কুর্বীত প্রাজ্ঞো মৈত্রীং কথংচন ।
রক্ষণং তু ন সেবেত যো রাজবসতিং বসেৎ ॥ 4-5-44 (28334)
যদা হ্যভিসমীক্ষেত প্রেষ্যং স্ত্রীভিঃ সমাগতম্ ।
বুদ্ধিঃ পরিভবেত্তস্য রাজা শঙ্কেত বা পুনঃ ॥ 4-5-45 (28335)
শঙ্কিতস্য পুনঃ স্ত্রীষু কস্য ভৃত্যস্য ভূমিপঃ।
জীবিতং সাধু মন্যেত প্রকৃতিস্থো বলাৎকৃতঃ ॥ 4-5-46 (28336)
হর্ষবস্তুষু চাপ্যত্র বর্তমানেষু কেষু চিৎ।
নাতিগাঢং প্রহৃষ্যেত তান্যেবাস্যানুপূজয়েৎ ॥ 47 ॥ 4-5-47 (28337)
হর্ষাদ্ধি মন্দঃ পুরুষঃ স্বৈরং কুর্বীত বৈকৃতম্ ।
তদস্যান্তঃপুরে বৃত্তমীক্ষাং কুর্বীত ভূমিপঃ ॥ 4-5-48 (28338)
অন্তঃপুরগতং হ্যেনং স্ত্রিয়ঃ ক্লীবাশ্চ সর্বতঃ ।
বর্তমানং যথাবচ্চ কুৎসয়েয়ুরসংশয়ম্ ॥ 4-5-49 (28339)
তস্মাদ্গম্ভীরমাত্মানং কৃৎবা হর্ষং নিয়ম্য চ।
নিত্যমন্তঃপুরে রাজ্ঞো ন বৃত্তং কীর্তয়েদ্বহিঃ ॥ 4-5-50 (28340)
যথা হি সুমহামন্ত্রো ভিদ্যমানো হরেৎসুখম্।
এবমন্তঃপুরে বৃত্তং শ্রূয়মাণং বহির্ভবেৎ ॥ 4-5-51 (28341)
যা তু বৃত্তিরবাহ্যানাং বাহ্যানামপি কেবলম্।
উভয়েষাং সমস্তানাং শৃণু রাজোপজীবিনাম্ ॥ 4-5-52 (28342)
ন স্ত্রিয়ো জাতু মন্যেত বাহ্যে বাভ্যন্তরেঽপি বা ।
অনুজীবিনাং নরেন্দ্রস্তু সৃজেদ্ধি সুমহদ্ভয়ম্ ॥ 4-5-53 (28343)
মৎবাঽস্য প্রিয়মাত্মানং রাজরত্নানি রাজবৎ।
অরাজা রাজয়োগ্যানি নোপয়ুঞ্জীত পণ্ডিতঃ ॥ 4-5-54 (28344)
অরাজানং হি রত্নানি রাজকান্তানি রাজবৎ।
ভুঞ্জানং তং নরং রাজা ন তিতিক্ষেত জীবিতম্ ॥ 4-5-55 (28345)
তস্মাদব্যক্তভোগেন ভোক্তব্যং ভূতিমিচ্ছতা ।
তুল্যভোগং হি রাজা তু ভৃত্যং কোপেন যোজয়েৎ ॥ 4-5-56 (28346)
ন চাপত্যেন সংপ্রীতিং রাজ্ঞঃ কুর্বীত কেনচিৎ ।
অধিক্ষিপ্তমনর্থং চ দ্বেষ্যং চ পরিবর্জয়েৎ ॥ 4-5-57 (28347)
এতাং হি সেবমানস্য নরসীমাং চতুর্বিধাম্।
দ্বিধা বিচ্ছিদ্যতে মূলং রাজমূলোপসেবিনঃ ॥ 4-5-58 (28348)
এতৈস্তু বিপরীতা যা নরসীমা নরাধমৈঃ ।
তথা কুর্বীত সংসর্গং ন বিরোধং কথংচন ॥ 4-5-59 (28349)
বন্ধুভিশ্চ নরেন্দ্রস্য বলবদ্ভিশ্চ মানবৈঃ ।
সাধু মন্যেত সংসর্গং ন বিরোধং কথংচন ॥ 4-5-60 (28350)
তাভ্যাং তু নরসীমাভ্যাং বিরুদ্ধস্যাল্পতেজসঃ ।
প্রথমং ছিদ্যতে মূলং দ্বিতীয়ং জায়তে ভয়ম্ ॥ 4-5-61 (28351)
উদ্ধতানাং চ যো বেষঃ কুহকানাং চ যো ভবেৎ ।
রাজবেষং চ বিস্পষ্টং সেবমানো ন বর্ধতে।
ইতরাভ্যাং তু বেষাভ্যাং পরিহাস্যেত বান্ধবৈঃ ॥ 4-5-62 (28352)
অপুংভিশ্চৈব পুংভিশ্চ স্ত্রীভিঃ স্ত্রীদর্শিভির্নরৈঃ ।
শক্যে সতি ন সংভাষাং জাতু কুর্বীত কর্হিচিৎ ॥ 4-5-63 (28353)
প্রতিসংভাষমাণো হি ত্রিভিরেতৈরচেতনঃ।
শ্যেনঃ পেশীমিবাদত্তে পুরুষো ভূতিমাত্মনঃ ॥ 4-5-64 (28354)
যে চ রাজ্ঞাঽভিসৎকারং লভেরন্কারণাদিব।
তৈশ্চ সামন্তদূতৈশ্চ ন সংসজ্যেত কর্হিচিৎ ॥ 4-5-65 (28355)
ন চান্যাচরিতাং ভূমিমসংদিষ্টো মহীপতেঃ।
উপসেবেত মেধাবী যো রাজবসতিং বসেৎ ॥ 4-5-66 (28356)
ন চ সংদর্শনে রাজ্ঞাং প্রবন্ধমভিসংজপেৎ ।
অপি চৈতদ্দরিদ্রাণাং ব্যলীকস্থানমুত্তমম্ ॥ 4-5-67 (28357)
অর্থকামা চ যা নারী রাজানং স্যাদুপস্থিতা।
অনুজীবী তথায়ুক্তাং নিধ্যায়ন্দুষ্যতে চ সঃ ॥ 4-5-68 (28358)
তস্মান্নারীং ন নিধ্যায়েত্তথায়ুক্তাং বিচক্ষণঃ।
তথা ক্ষুতং চ বাতং চ নিষ্ঠীবং চাচরেচ্ছনৈঃ ॥ 4-5-69 (28359)
ন নর্মসু হসেজ্জাতু মূঢবৃত্তির্হি সা স্মৃতা ।
স্মিতং তু মৃদুপূর্বেণ দর্শয়ীত প্রসাদজম্ ॥ 4-5-70 (28360)
ন চাক্ষৌ ন ভুজৌ জাতু ন চ বাক্যং সমাক্ষিপেৎ।
ন চ তির্যগবেক্ষেত চক্ষুর্ভ্যাং সম্যগাচরেৎ ॥ 4-5-71 (28361)
ভ্রুকুটিং চ ন কুর্বীত ন চাঙ্গুষ্ঠৈর্লিখেন্মহীম্।
ন চ গাঢং বিজৃম্ভেত জাতু রাজ্ঞঃ সমীপতঃ ॥ 4-5-72 (28362)
ন প্রশংসেন্না চাসূয়েৎপ্রিয়েষু চ হিতেষু চ ।
স্তূয়মানেষু বা তত্র দূষ্যমানেষু বা পুনঃ ॥ 4-5-73 (28363)
অথ সংদৃশ্যমানেষু প্রিয়েষু চ হিতেষু চ।
শ্রূয়মাণেষু বাক্যেষু বর্ণয়েদমৃতং যথা ॥ 4-5-74 (28364)
ন রাজ্ঞঃ প্রতিকূলানি সেবমানঃ সুখী ভবেৎ।
পুত্রো বা যদি বা ভ্রাতা যদ্যপ্যাত্মসমো ভবেৎ ॥ 4-5-75 (28365)
অপ্রমত্তো হি রাজানং রঞ্জয়েচ্ছীলসংপদা।
উত্থানেন তু মেধাবী শৌচেন বিবিধেন চ ॥ 4-5-76 (28366)
স্নানং হি বস্ত্রশুদ্ধিশ্চ শারীরং শৌচমুচ্যতে।
অসক্তিঃ প্রাকৃতার্থেষু দ্বিতীয়ং শৌচমুচ্যতে ॥ 4-5-77 (28367)
রাজা ভোজো বিরাট্ সম্রাট্ ক্ষত্রিয়ো ভূপতির্নৃপঃ ।
য এতৈঃ স্তূয়তে শব্দৈঃ কস্তং নার্চিতুমর্হতি ॥ 4-5-78 (28368)
তস্মাদ্ভক্ত্যা চ যুক্তঃ সন্সত্যবাদী জিতেন্দ্রিয়ঃ ।
মেধাবী ধৃতিমান্প্রাজ্ঞঃ সংশ্রয়ীত মহীপতিম্ ॥ 4-5-79 (28369)
কৃতজ্ঞং প্রাজ্ঞমক্ষুদ্রং দৃঢভক্তিং জিতেন্দ্রিয়ম্ ।
বর্ধমানং স্থিতং স্থানে সংশ্রয়ীত মহীপতিম্ ॥ 4-5-80 (28370)
এষ বঃ সমুদাচারঃ সমুদ্দিষ্টো যথাবিধি ।
যথার্থান্সংপ্রপৎস্যন্তে পার্থ রাজোপজীবিনঃ ॥ 4-5-81 (28371)
সংবৎসরমিমং তাবদেবংশীলা বুভূষথঃ ।
ততঃ স্ববিষয়ং প্রাপ্য যথাকামং চরিষ্যথ ॥ 4-5-82 (28372)
বৈশম্পায়ন উবাচ। 4-5-83x (2992)
তং তথেত্যব্রুবন্পার্থাঃ পিতৃকল্পং যশস্বিনম্।
প্রহৃষ্টাশ্চাভিবাদ্যৈনমুপাতিষ্ঠন্পরংতপাঃ ॥ 4-5-83 (28373)
তেষাং প্রতিষ্ঠমানানাং মন্ত্রাংশ্চ ব্রাহ্মণোঽজপৎ।
ভবায় রাজ্যলাভায় বীর্যায় বিজয়ায় চ ॥ 4-5-84 (28374)
ততোঽব্রবীদসৌ বিপ্রো বাচমাশীঃ প্রয়ুজ্য চ।
স্বদ্রব্যপ্রতিলাভায় শত্রূণাং মর্দনায় চ ॥ 4-5-84 (28375)
স্বস্তি বোস্তু শিবঃ পন্থা দ্রক্ষ্যামি পুনরাগতান্।
ইত্যুক্তা হৃষ্টমনসো গুরুণা তেন ধীমতা। 4-5-85 (28376)
যুধিষ্ঠিরমুখাঃ সর্বে গন্তুং সমুপচক্রমুঃ ॥ ॥ 4-5-86 (28377)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি পঞ্চমোঽধ্যায়ঃ ॥ 5 ॥
Mahabharata - Virata Parva - Chapter Footnotes
4-5-15 পাণ্ডবাগ্নিরিতি পাণ্ডবেতি ছেদঃ। রাজা পুরুষবিগ্রহোঽগ্নিরিত্যন্বয়ঃ ॥ 15 ॥ 4-5-61 প্রথমং ছিদ্যতে নিদ্রা ইতি থo ধo পাঠঃ ॥ 61 ॥বিরাটপর্ব - অধ্যায় 006
॥ শ্রীঃ ॥
4.6. অধ্যায়ঃ 006
Mahabharata - Virata Parva - Chapter Topics
পাণ্ডবৈর্ধৌম্যবিসর্জনপূর্বকং বিরাটনগরসমীপগমনম্ ॥ 1 ॥Mahabharata - Virata Parva - Chapter Text
4-6-0 (28378)
বৈশম্পায়ন উবাচ। 4-6-0x (2993)
তেঽগ্নিং প্রদক্ষিণং কৃৎবা ব্রাহ্মণং চ পুরোহিতম্।
অভিবাদ্য ততঃ সর্বে প্রস্থাতুমুপচক্রমুঃ ॥ 1 ॥ 4-6-1 (28379)
যুধিষ্ঠির উবাচ। 4-6-2x (2994)
অনুশিষ্টোস্মি ভদ্রং তে নৈতদ্বক্তাঽস্তি কশ্চন।
কুন্তীমৃতে মাতরং নঃ পিতরং চ যশস্বিনম্ ॥ 2 ॥ 4-6-2 (28380)
যদেবানন্তরং কার্যং তদ্ভবান্বক্তুমর্হতি।
তারণায় তু দুঃখস্য প্রস্থানায় ভবায় চ ॥ 3 ॥ 4-6-3 (28381)
বৈশম্পায়ন উবাচ। 4-6-4x (2995)
তেষাং প্রতিষ্ঠমানানাং ধৌম্যো মন্ত্রানথাজপৎ।
সর্ববিঘ্নপ্রশমনানর্থসিদ্ধিকরাংস্তথা।
ততঃ পাবকমুঞ্জ্বাল্য মন্ত্রহব্যপুরুস্কৃতম্ ॥ 4 ॥ 4-6-4 (28382)
যাজ্ঞসেনীং পুরস্কৃত্য সর্ব এব মহারথাঃ।
প্রাদ্রবন্সহ ধৌম্যেন বদ্ধশস্ত্রা বনাদ্বনম্ ॥ 5 ॥ 4-6-5 (28383)
তে বীরা বদ্ধনিস্ত্রিংশা ধনুর্বাণকলাপিনঃ ।
অগচ্ছন্ভীমধন্বানঃ কাম্যকাদ্যমুনাং নদীম্ ॥ 6 ॥ 4-6-6 (28384)
উত্তরেণ দশার্ণানাং পাঞ্চালান্দক্ষিণেন তু।
অন্তরেণ যকৃল্লোম্নঃ শূরসেনাংশ্চ পাণ্ডবাঃ ॥ 7 ॥ 4-6-7 (28385)
তে তস্যা দক্ষিণং তীরমন্বগচ্ছন্পদাতয়ঃ ।
ততঃ প্রত্যক্প্রয়াতাস্তে সংক্রামন্তো বনাদ্বনম্ ॥ 8 ॥ 4-6-8 (28386)
বসানা বনদুর্গেষু রমণীয়েষু ধন্বিনঃ ।
পল্বলেষু চ রম্যেষু নদীনাং সংগমেষু চ॥ 9 ॥ 4-6-9 (28387)
দ্রুমান্নানাবিধাকারান্নানাবিধলতাকুলান্ ।
কুসুমাঢ্যান্মনঃকান্তাঞ্শুভগন্ধান্মনোরমান্ ॥ 10 ॥ 4-6-10 (28388)
পার্থা নিরীক্ষমাণাশ্চ তান্দ্রুমান্পুষ্পশালিনঃ।
জিঘ্রন্তঃ পুষ্পগন্ধাংশ্চ ফলগন্ধান্মনোরমান্ ॥ 11 ॥ 4-6-11 (28389)
বিধ্যন্তো মৃগজাতানি মহেপ্বাসা মহাবলাঃ ।
উপিৎবা দ্বাদশসমা বনে পরপুরংজয়াঃ ।
লুব্ধান্ব্রুবাণা মাৎস্যস্য বিপয়ং প্রাবিশংস্তদা ॥ 12 ॥ 4-6-12 (28390)
তত্র ধৌম্যং মহেপ্বাসাঃ পাণ্ডবেয়া ব্যসর্জয়ন্ ।
অগ্নিহোত্রং পরিচরন্সোঽবুদ্ধোঽবসদাশ্রমে ॥ 13 ॥ 4-6-13 (28391)
ততস্তেষু প্রয়াতেষু পাণ্ডবেষু মহাত্মসু।
ইন্দ্রসেনমুখাশ্চৈব যথোক্তং প্রাপ্য নির্বৃতাঃ।
রথানশ্বাংশ্চ রক্ষন্তঃ সুখমূষুঃ সুসংবৃতাঃ ॥ 14 ॥ 4-6-14 (28392)
ততো জনপদং প্রাপ্য কৃষ্ণা রাজানমব্রবীৎ ॥ 15 ॥ 4-6-15 (28393)
পশ্যৈকপদ্যো দৃশ্যন্তে ক্ষেত্রে গোষ্ঠং সমাশ্রিতাঃ ।
বৃক্ষাংশ্চোপবনোপেতান্গ্রামাণাং নগরস্য চ ॥ 16 ॥ 4-6-16 (28394)
ব্যক্তং দূরে বিরাটম...রাজধানী ভবিষ্যতি।
বসামেহাপরাং রাত্রিং বলবান্মে পরিশ্রমঃ ॥ 17 ॥ 4-6-17 (28395)
যুধিষ্ঠির উবাচ। 4-6-18x (2996)
ইমাং কমলপত্রাক্ষীং দ্রৌপদীং মাদ্রিনন্দন।
মুহূর্তং পরিগৃহ্যৈনাং ঘাহুভ্যাং নকুল ব্রজ ॥ 18 ॥ 4-6-18 (28396)
ততোঽদূরে বিরাটস্য নগরং ভরতর্ষভ ।
রাজধান্যাং নিবৎস্যামঃ প্রমুক্তমিব নো বনম্ ॥ 19 ॥ 4-6-19 (28397)
নকুল উবাচ। 4-6-20x (2997)
পূর্বাহ্ণে মৃগয়াং কৃৎবা ময়া বিদ্ধা মৃগা বনে।
অটবী চ ময়া দূরং ধৃতা মৃগবধেপ্সুনা ॥ 20 ॥ 4-6-20 (28398)
বিষমা হ্যতিদুর্গা চ বেগবৎপরিধাবতা।
সোহং ধর্মাভিতপ্তো বৈ নৈনামাদাতুমুৎসহে ॥ 21 ॥ 4-6-21 (28399)
যুধিষ্ঠির উবাচ। 4-6-22x (2998)
সহদেব ৎবমাদায় মুহূর্তং দ্রৌপদীং নয়।
রাজধান্যাং নিবৎস্যামঃ সুমুক্তমিব নো বনম্ ॥ 22 ॥ 4-6-22 (28400)
সহদেব উবাচ । 4-6-23x (2999)
অহমপ্যস্মি তৃষিতঃ ক্ষুধয়া পরিপীডিতঃ।
পরিশ্রান্তশ্চ ভদ্রং তে নৈনামাদাতুমুৎসহে ॥ 23 ॥ 4-6-23 (28401)
যুধিষ্ঠির উবাচ । 4-6-24x (3000)
এহি বীর বিশালাশ্চ বীরসিংহ ইবার্জুন ।
ইমাং কমলপত্রাক্ষীং দ্রৌপদীং দ্রুপদাত্মজাম্ ॥ 24 ॥ 4-6-24 (28402)
পরিগৃহ্য মুহূর্তং ৎবং বাহুভ্যাং কুশলং ব্রজ ।
রাজধান্যাং নিবৎস্যামঃ প্রমুক্তমিব নো বনম্ ॥ 25 ॥ 4-6-25 (28403)
বৈশম্পায়ন উবাচ। 4-6-26x (3001)
গুরোর্বচনমাজ্ঞায় সংপ্রহৃষ্টো জিতেন্দ্রিয়ঃ।
বাহুভ্যাং পরিগৃহ্যাথ রাজপুত্রীমনিন্দিতাম্ ।
প্রবব্রাজ মহাবাহুরর্জুনঃ প্রিয়দর্শনাম্ ॥ 26 ॥ 4-6-26 (28404)
জটিলো বল্কলধরঃ শততূণীধনুর্ধরঃ।
স্কন্ধে কৃৎবা বরারোহাং বালামায়তলোচনাম্ । 4-6-27 (28405)
আনীয় নগরাভ্যাশমবাতারয়দর্জুনঃ ॥ 27 ॥ ॥ 4-6-28 (28406)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি ষষ্ঠোঽধ্যায়ঃ ॥ 6 ॥
বিরাটপর্ব - অধ্যায় 007
॥ শ্রীঃ ॥
4.7. অধ্যায়ঃ 007
Mahabharata - Virata Parva - Chapter Topics
পাণ্ডবৈর্বনমধ্যে শ্মশানসংনিহিতে শমীবৃক্ষে স্বায়ুধনিক্ষেপঃ ॥ 1 ॥ তথা স্বেষাং সাঙ্কেতিকনামকল্পনেন বিরাটনগরপরিসরগমনম্ ॥ 2 ॥Mahabharata - Virata Parva - Chapter Text
4-7-0 (28407)
বৈশম্পায়ন উবাচ। 4-7-0x (3002)
স রাজধানীং সংপ্রাপ্য পার্থিবোঽর্জুনমব্রবীৎ।
ইমানি পুরুষব্যাঘ্র আয়ুধানি পরংতপ।
কস্মিন্ন্যাসয়িতব্যানি গুপ্তিশ্চৈষাং কথং ভবেৎ ॥ 1 ॥ 4-7-1 (28408)
সায়ুধা হি বয়ং তাত প্রবেক্ষ্যামঃ পুরং যদি।
সমুদ্বেগং জনস্যাস্য করিষ্যামো ন সংশয়ঃ ॥ 2 ॥ 4-7-2 (28409)
গাণ্ডীবং হি নরব্যাঘ্র ত্রিষু লোকেষু বিশ্রুতম্।
কথং নাবিষ্কৃতাঃ স্যামো ধার্তরাষ্ট্রস্য মারিষ ॥ 3 ॥ 4-7-3 (28410)
যদীদ.. ধনুরাদায় চরেম সজনে পুরে।
ক্ষিপ্র নঃ প্রতিজানীয়ুর্মনুষ্যা নাত্র সংশয়ঃ ॥ 4 ॥ 4-7-4 (28411)
একস্মিন্নপি বিজ্ঞাতে সময়ং নো ব্যতীত্য চ ।
ভূয়ো দ্বাদশবর্ষাণি প্রবিশেম বনং বয়ম্ ॥ 5 ॥ 4-7-5 (28412)
তস্মাৎসর্বাণি শস্ত্রাণি প্রচ্ছাদ্যান্যত্র যত্র বা ।
প্রবিশেম পুরশ্রেষ্ঠং তথা সম্যক্কৃতং ভবেৎ ॥ 6 ॥ 4-7-6 (28413)
বৈশম্পায়ন উবাচ। 4-7-7x (3003)
অজাতশত্রোর্বচনং শ্রুৎবা চৈব মহায়শাঃ।
উবাচ ধর্মপুত্রং তমর্জুনঃ পরবীরহা ॥ 7 ॥ 4-7-7 (28414)
ইয়ং বনে মনুষ্যেন্দ্র মহতী দৃশ্যতে শমী।
ভীমশাখা দুরারোহা শ্মশানস্য সমীপতঃ ॥ 8 ॥ 4-7-8 (28415)
উৎপথে চাপি জাতেয়ং মনুষ্যৈর্ন নিষেব্যতে ।
বিপুলাঽঽকীর্ণশাখা চ বায়সৈরুপসেবিতা ॥ 9 ॥ 4-7-9 (28416)
স্নেহানুবদ্ধাং পশ্যামি দুরারোহামিমাং শমীম্ ॥ 10 ॥ 4-7-10 (28417)
সমীপে চ শ্মশানস্য গৃহং নাস্য বিশেষতঃ।
সমাসজ্যায়ুধান্যস্যাং গচ্ছামো নগরং নৃপ ॥ 11 ॥ 4-7-11 (28418)
ন চাস্যাং চারয়িষ্যন্তি মনুষ্যাঃ পার্থ কেচন ॥ 12 ॥ 4-7-12 (28419)
ধনুর্ভিঃ পুরুষং কৃৎবা চর্মকেশাস্থিসংবৃতম্।
উদ্বন্ধমিব কৃৎবা চ ধনুর্জ্যাপাশসংবৃতম্ ।
অস্যামায়ুধমাসজ্য গচ্ছাম নগরং বয়ম্ ॥ 13 ॥ 4-7-13 (28420)
এবং পরিহরিষ্যন্তি মনুষ্যা বনচারিণঃ ।
অত্রৈবং নাববুধ্যন্তে মনুষ্যাঃ কেচিদায়ুধম্ ॥ 14 ॥ 4-7-14 (28421)
বৈশম্পায়ন উবাচ । 4-7-15x (3004)
এবমুক্ৎবা স রাজানং ধর্মাত্মানং ধনঞ্জয়ঃ।
প্রচক্রমে নিধানায় শশ্ত্রাণাং ভরতর্ষভ ॥ 15 ॥ 4-7-15 (28422)
তানি সর্বাণি সংনহ্য পঞ্চ পঞ্চাচলোপমাঃ ।
আয়ুধানি কলাপাংশ্চ নিস্ত্রিংশানতুলপ্রভান্ ॥ 16 ॥ 4-7-16 (28423)
ততো যুধিষ্ঠিরো রাজা সহদেবমুবাচ হ।
আরুহ্যেমাং শমীং বীর নিধৎস্বেহায়ুধানি নঃ ॥ 17 ॥ 4-7-17 (28424)
ইতি সংদিশ্য তং পার্থঃ পুনরেব ধনঞ্জয়ম্ ।
অব্রবীদায়ুধানীহ নিধাতুং ভরতর্ষভঃ ॥ 18 ॥ 4-7-18 (28425)
বৈশম্পায়ন উবাচ। 4-7-19x (3005)
যেন দেবান্মনুষ্যাংশ্চ পিশাচোরগরাক্ষসান্ ।
নিবাতকবচাংশ্চাপি পৌলোমাংশ্চ পরংতপঃ ।
কালকেয়াংশ্চ দুর্ধাষান্সর্বাংশ্চৈকরথোঽজয়ৎ ॥ 19 ॥ 4-7-19 (28426)
স্ফীতাঞ্জনপদাংশ্চান্যানজয়ৎকুরুনন্দনঃ।
তদুদগ্রং মহাঘোরং সপত্নগণমূদনম্।
অপজ্যমকরোৎপার্থো গাণ্ডীবং চ ভয়ংকরম্ ॥ 20 ॥ 4-7-20 (28427)
যেন বীরঃ কুরুক্ষেত্রমভ্যরক্ষৎপরংতপঃ ।
জৃম্ভিতে চ ধনুঃশ্রেষ্ঠে ন্যাসার্থং নৃপসত্তমঃ ॥ 21 ॥ 4-7-21 (28428)
ধর্মপুত্রো মহাতেজাঃ সর্বলোকবশংকরম্।
ভুজঙ্গভোগসদৃশং মণিকাঞ্চনভূষিতম্ ॥ 22 ॥ 4-7-22 (28429)
বিত্রাসনং দানবানাং রাক্ষসানাং চ নিত্যশঃ ।
ধনূরত্নং মহাতেজা জৃম্ভয়ামাস পাণ্ডবঃ ॥ 23 ॥ 4-7-23 (28430)
পাঞ্চালান্যেন সংগ্রামে ভীমসেনোঽজয়ৎপুরা ।
প্রত্যষেধদ্বহূনেকঃ সপত্নাংশ্চাপি দিগ্জয়ে ॥ 24 ॥ 4-7-24 (28431)
নিশম্য যস্য বিষ্কারং বিদ্রবন্তি রণে পরে ।
পর্বতস্যেব দীর্ণস্য বিস্ফোটমশনেরিব ॥ 25 ॥ 4-7-25 (28432)
সৈন্ধবং যেন রাজানং জিৎবা ক্রুদ্ধঃ পরামৃশৎ ।
যেন ক্রোধবশাঞ্জঘ্নে পর্বতে গন্ধমাদনে ॥ 26 ॥ 4-7-26 (28433)
দিব্যং সৌগন্ধিকং পুষ্পং যেনাজৈষীৎস পাণ্ডবঃ।
ত্রিগর্তান্যেন সংগ্রামে জিৎবা ত্রৈগর্তমানয়ৎ ॥ 27 ॥ 4-7-27 (28434)
ইন্দ্রাশনিসমস্পর্শং বজ্রহাটকভূষিতম্ ।
জ্যাপাশং ধনুষস্তস্য ভীমসেনোঽবতারয়ৎ ॥ 28 ॥ 4-7-28 (28435)
নকুলং পুনরাহূয় ধর্মরাজো যুধিষ্ঠিরঃ।
উবাচ যেন সংগ্রামে সর্বশত্রূঞ্জিঘাংসসি ॥ 29 ॥ 4-7-29 (28436)
সুরাষ্ট্রাঞ্জিতবান্যেন শার্ঙ্গগাণ্ডীবসন্নিভম্ ।
সুবর্ণবিকৃতং সারমিন্দ্রায়ুধনিভং বরম্ ॥ 30 ॥ 4-7-30 (28437)
তবানুরূপং সুকৃতং চাপমেতদলঙ্কৃতম্।
তদ্ব্যংসয়িৎবা জ্যাপাশং নিধাতুং ধনুরাহর ॥ 31 ॥ 4-7-31 (28438)
বৈশম্পায়ন উবাচ। 4-7-32x (3006)
অজয়ৎপশ্চিমামাশাং ধনুষা যেন পাণ্ডবঃ।
মাদ্রীপুত্রো মহাবাহুস্তাম্রাস্যো মিতভাষিতা ॥ 32 ॥ 4-7-32 (28439)
তস্য মৌর্বীমপাকর্ষচ্ছূরঃ সংক্রন্দনো যুধি ।
কুলে নাস্তি সমো রূপে যস্যেতি নকুলঃ স্মৃতঃ ॥ 33 ॥ 4-7-33 (28440)
সহদেবং চ সংপ্রেক্ষ্য পুনর্ধর্মসুতোঽব্রবীৎ।
কলিঙ্গান্দ্রাক্ষিণাত্যাংশ্চ মাগধাংশ্চাজিশোভনঃ ॥ 34 ॥ 4-7-34 (28441)
যেনৈব শত্রূন্সমরে অধাক্ষীররিমর্দন।
তৎস্রংসয়িৎবা জ্যাপাশং নিধাতুং ধনুরাহর ॥ 35 ॥ 4-7-35 (28442)
বৈশম্পায়ন উবাচ। 4-7-36x (3007)
দক্ষিণাং দক্ষিণাচারো দিশং যেনাজয়ৎপ্রভুঃ ।
অপজ্যমকরোদ্বীরঃ সহদেবস্তদায়ুধম্ ॥ 36 ॥ 4-7-36 (28443)
দীপ্তান্খণ্ডাংশ্চ সুদৃঢান্সুতীক্ষ্ণান্কনকৎসরূন্ ।
বিবিধান্ক্ষুরনারাচান্নিস্ত্রিংশাংশ্চ শরানপি ।
আয়ুধানি কলাপাংশ্চ গদাশ্চ নিদধুঃ সহ ॥ 37 ॥ 4-7-37 (28444)
অথাব্রবীদ্ধর্মরাজঃ সহদেবং পরন্তপঃ।
আরুহ্যেমাং শমীং বীর নিধৎস্বেহায়ুধানি নঃ ॥ 38 ॥ 4-7-38 (28445)
ইদং গোমৃগমভ্যাশে গতসৎবমচেতনম্ ।
এতদুৎকৃত্য বৈ বীর ধনূংপি পরিবেষ্টয় ॥ 39 ॥ 4-7-39 (28446)
এবমুক্তো মহাবাহুঃ সহদেবো যথোক্তবৎ ।
শমীমারুহ্য ৎবরিতো ধনূংপি পরিবেষ্টয়ৎ ॥ 40 ॥ 4-7-40 (28447)
শীতবাতাতপভয়াদ্বর্পত্রাণায় দুর্জয়ঃ।
তানি বীরো যথা জানন্নিরাবাধানি সর্বশঃ ।
পুনঃ পুনঃ সুসংবেষ্ট্য কৃৎবা সুকৃতমাবরম্ ॥ 41 ॥ 4-7-41 (28448)
যত্র চাপশ্যত স বৈ তিরোবর্পাণি বর্পতি।
তত্র তানি দৃঢৈঃ পাশৈঃ সুগাঢং পর্যবন্ধত ॥ 42 ॥ 4-7-42 (28449)
ততঃ পরমদূরস্থমুঞ্ছবৃত্তিকলেবরম্।
প্রায়োপবেশনাচ্ছুষ্কং স্নায়ুচর্মাস্থিসংয়ুতম্ ॥ 43 ॥ 4-7-43 (28450)
তচ্চানীয় ধনুর্মধ্যে নিববন্ধু পাণ্ডবাঃ ।
উপায়কুশলাঃ সর্বে প্রণদন্তঃ সমব্রুবন্ ॥ 44 ॥ 4-7-44 (28451)
অস্য বদ্ধস্য দৌর্গন্ধ্যান্মনুষ্যা বনচারিণঃ।
দূরাৎপরিহরিষ্যন্তি সশবেয়ং শমী ইতি ॥ 45 ॥ 4-7-45 (28452)
অথাব্রবীন্মহারাজো ধর্মাত্মা স যুধিষ্ঠিরঃ।
রঞ্জুভিঃ সুকৃতং প্রাজ্ঞ বিনির্বধ্নীহি পাণ্ডব ॥ 46 ॥ 4-7-46 (28453)
যানি চাত্র বিশালানি রূঢমূলানি মন্যসে।
তেপামুপরি বধ্নীহি ইদং বিপ্রকলবরম্ ॥ 47 ॥ 4-7-47 (28454)
বৈশম্পায়ন উবাচ। 4-7-48x (3008)
তচ্ছ্রুৎবা সহদেবস্তু পর্যবধ্নত তচ্ছবম্ ॥ 48 ॥ 4-7-48 (28455)
যুধিষ্ঠিরঃ শুচির্ভূৎবা মনসাঽভিপ্রণম্য চ।
ব্রহ্মাণামিন্দ্রং বরদং কুবেরং বরুণানিলৌ ॥ 49 ॥ 4-7-49 (28456)
রুদ্রং যমং চ বিষ্ণুং চ সোমার্কৌ ধর্মমেব চ ।
পৃথিবীমন্তরিক্ষং চ দিশশ্চোপদিশস্তথা ।
বসূশ্চং মরুতশ্চৈব জ্বলনং চাতিতেজসম্ ॥ 50 ॥ 4-7-50 (28457)
দিবাচরা রাত্রিচরাণি বাঽপি যানীহ ভূতান্যনুকীর্তিতানি ।
তেভ্যো নমস্কৃত্য চ সুব্রতেভ্যঃ প্রণম্য তেপাং শরণং গতোঽহম্ ॥ 51 ॥ 4-7-51 (28458)
সর্বায়ুধানীহ মহাবলানি ন্যাসং মহাদেবসমীপতো বৈ।
ন্যস্যাম্যহং বায়ুসমীপতশ্চ বনস্পতীনাং চ সপর্বতানাম্ ॥ 52 ॥ 4-7-52 (28459)
এষ ন্যাসো ময়া দত্তঃ সোমমূর্যানিলান্তিকে।
মম পার্থস্য বা দেয়ং পূর্ণে বর্ষে ত্রয়োদশে ॥ 53 ॥ 4-7-53 (28460)
নেদং ভীমে প্রদাতব্যময়ং ক্রুদ্ধো বৃকোদরঃ।
আমর্ষান্নিত্যসংক্রুদ্ধো ধৃতরাষ্ট্রসুতান্প্রতি।
অপূর্ণকালে প্রহরেৎক্রোধসংজাতমৎসরঃ ॥ 54 ॥ 4-7-54 (28461)
পুনঃ প্রবেশো নঃ স্যাত্তু বনবাসায় সর্বদা ।
সময়ে পরিপূর্ণে তু ধার্তরাষ্ট্রান্নিহন্মহে ॥ 55 ॥ 4-7-55 (28462)
এষ চার্থশ্চ ধর্মশ্চ কামঃ কীর্তিরলং যশঃ।
মদায়ত্তমিদং সর্বং জীবিতং চ ন সংশয়ঃ ॥ 56 ॥ 4-7-56 (28463)
বৈশম্পায়ন উবাচ। 4-7-57 (28464)
দৈবতেভ্যো নমস্কৃত্য শমীং কৃৎবা প্রদক্ষিণম্।
নগরং গন্তুমায়াতাঃ সর্বে তে ভ্রাতরঃ সহ ॥ 57 ॥ 4-7-57 (28465)
আগোপালাবিপালেভ্যঃ কর্ষকেভ্যঃ পরংতপ।
আজগ্মুর্নগরাভ্যাশং দর্শয়ন্তঃ পুনঃ পুনঃ ॥ 58 ॥ 4-7-58 (28466)
অশীতিশতবর্পেয়ং মাতাঽস্মাকমিহান্তিকে ।
বহুকালপরীণামা মৃত্যোস্তু বশমেয়ুপী ।
ন চাগ্নিসংস্কারমিয়ং প্রাপিতা কুলধর্মতঃ ॥ 59 ॥ 4-7-59 (28467)
যঃ সমাসাদ্যতে কশ্চিত্তস্মিন্দেশে যদৃচ্ছয়া।
তমেবমৃচুর্ধর্মজ্ঞাঃ কুলধর্মো ন ঈদৃশঃ ॥ 60 ॥ 4-7-60 (28468)
বিশ্রাবয়ন্তস্তে হৃষ্টা দিশঃ সর্বা ব্যনাদয়ন্ ।
স্বর্গতেয়মিহাস্মাকং জননী শোকবিহ্বলা ॥ 61 ॥ 4-7-61 (28469)
বনে বিচরমাণানাং লুব্ধানাং বনচারিণাম্।
কুলধর্মোঽয়মস্মাকং পূর্বৈরাচরিতঃ পুরা ॥ 62 ॥ 4-7-62 (28470)
এবং তে সুকৃতং কৃৎবা সমন্তাদবঘুষ্য চ।
ভীমসেনোঽর্জুনশ্চৈব মাদ্রীপুত্রাবুভাবপি ॥ 63 ॥ 4-7-63 (28471)
যুধিষ্ঠিরশ্চ কৃষ্ণা চ রাজপত্নী সুমধ্যমা।
ততো যথাসমাজ্ঞপ্তং নগরং প্রাবিশংস্তদা ॥ 64 ॥ 4-7-64 (28472)
মৎস্যরাজ্ঞো বিরাটস্য সমীপং বস্তুমঞ্জসা।
অজ্ঞাতচর্যাং চরিতুং বর্ষং রাষ্ট্রে ত্রয়োদশম্ ॥ 65 ॥ 4-7-65 (28473)
অতশ্ছন্নানি নামানি চকারৈষাং যুধিষ্ঠিরঃ ।
জয়ো জয়েশো বিজয়ো জয়ৎসেনো জয়দ্বলঃ। 4-7-66 (28474)
আপৎসু নামভিস্ৎবেতৈঃ সমাহ্বামঃ পরস্পরম্ ॥ 66 ॥
ততো যথাপ্রতিজ্ঞাভিঃ প্রাবিশন্নগরং মহৎ। 4-7-67 (28475)
অজ্ঞাতচর্যাং বৎস্যন্তো রাষ্ট্রে বর্ষং ত্রয়োদশম্ ॥ 67 ॥ ॥ 4-7-68 (28476)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি সপ্তমোঽধ্যায়ঃ ॥ 7 ॥
বিরাটপর্ব - অধ্যায় 008
॥ শ্রীঃ ॥
4.8. অধ্যায়ঃ 008
Mahabharata - Virata Parva - Chapter Topics
বিরাটনগরং গচ্ছতা যুধিষ্ঠিরেণ দুর্গায়াঃ স্তবনম্ ॥ 1 ॥Mahabharata - Virata Parva - Chapter Text
4-8-0 (28477)
[বৈশম্পায়ন উবাচ। 4-8-0x (3009)
বিরাটনগরং রম্যং গচ্ছমানো যুধিষ্ঠিরঃ।
অস্তুবন্মনসা দেবীং দুর্গাং ত্রিভুবনেশ্বরীম্ ॥ 1 ॥ 4-8-1 (28478)
যশোদাগর্ভসংভূতাং নারায়ণবরপ্রিয়াম্ ।
নন্দগোপকুলে জাতাং মঙ্গল্যাং কুলবর্ধনীম্ ॥ 2 ॥ 4-8-2 (28479)
কংসবিদ্রাবণকরীমসুরাণাং ক্ষয়ংকরীম্।
শিলাতটবিনিক্ষিপ্তামাকাশং প্রতি গামিনীম্ ॥ 3 ॥ 4-8-3 (28480)
বাসুদেবস্য ভগিনীং দিব্যমাল্যবিভূষিতাম্।
দিব্যাম্বরধরাং দেবীং খঙ্গখেটকধারিণীম্ ॥ 4 ॥ 4-8-4 (28481)
ভারাবতরণে পুণ্যে যে স্মরন্তি সদা শিবাম্ ।
তান্বৈ তারয়তে পাপাৎপঙ্কে গামিব দুর্বলাম্ ॥ 5 ॥ 4-8-5 (28482)
স্তোতুং প্রচক্রমে ভূয়ো বিবিধৈঃ স্তোত্রসংভবৈঃ ।
আমন্ত্র্য দর্শনাকাঙ্ক্ষী রাজা দেবীং সহানুজঃ ॥ 6 ॥ 4-8-6 (28483)
নমোস্তু বরদে কৃষ্ণে কুমারি ব্রহ্মচারিণি ।
বালার্কসদৃশাকারে পূর্ণচন্দ্রনিভাননে ॥ 7 ॥ 4-8-7 (28484)
চতুর্ভুজে চতুর্বক্রে পীনশ্রোণিপয়োধরে।
ময়ূরপিচ্ছবলয়ে কেয়ূরাঙ্গদধারিণি ॥ 8 ॥ 4-8-8 (28485)
ভাসি দেবি যথা পদ্মা নারায়ণপরিগ্রহঃ ।
স্বরূপং ব্রহ্মচর্যং চ বিশদং তব খেচরি ॥ 9 ॥ 4-8-9 (28486)
কৃষ্ণচ্ছবিসমা কৃষ্ণা সংকর্ষণসমাননা ।
বিভ্রতী বিপুলৌ বাহু শক্রধ্বজসমুচ্ছ্রয়ৌ ॥ 10 ॥ 4-8-10 (28487)
পাত্রী চ পঙ্কজী ঘণ্টী স্ত্রী বিশুদ্ধা চ যা ভুবি ।
পাশং ধনুর্মহাচক্রং বিবিধান্যায়ুধানি চ ॥ 11 ॥ 4-8-11 (28488)
কুণ্ডলাভ্যাং সুপূর্ণাভ্যাং কর্ণাভ্যাং চ বিভূষিতা ।
চন্দ্রবিস্পর্ধিনা দেবি মুখেন ৎবং বিরাজসে ॥ 12 ॥ 4-8-12 (28489)
মুকুটেন বিচিত্রেণ কেশবন্ধেন শোভিনা।
ভুজঙ্গাভোগবাসেন শ্রোণিসূত্রেণ রাজতা ॥ 13 ॥ 4-8-13 (28490)
বিভ্রাজসে চাঽঽবদ্ধেন ভোগেনেবেহ মন্দরঃ।
ধ্বজেন শিখিপিচ্ছানামুচ্ছ্রিতেন বিরাজসে ॥ 14 ॥ 4-8-14 (28491)
কৌমারং ব্রতমাস্থায় ত্রিদিবং পাবিতং ৎবয়া।
তেন ৎবং স্তূয়সে দেবি ত্রিদশৈঃ পূজ্যসেঽপি চ ॥ 15 ॥ 4-8-15 (28492)
ত্রৈলোক্যরক্ষণার্থায় মহিষাসুরনাশিনি ।
প্রসন্না মে সুরশ্রেষ্ঠে দয়াং কুরু শিবা ভব ॥ 16 ॥ 4-8-16 (28493)
জয়া ৎবং বিজয়া চৈব সংগ্রামে চ জয়প্রদা।
মমাপি বিজয়ং দেহি বরদা ৎবং চ সাংপ্রতম্ ॥ 17 ॥ 4-8-17 (28494)
বিন্ধ্যে চৈব নগশ্রেষ্ঠে তব স্থানং হি শাশ্বতম্।
কালি কালি মহাকালি শীধুমাংসপশুপ্রিয়ে ॥ 18 ॥ 4-8-18 (28495)
কৃতানুয়াত্রা ভূতৈস্ৎবং বরদা কামচারিণী।
ভারাবতারে যে চ ৎবাং সংস্মরিষ্যন্তি মানবাঃ ॥ 19 ॥ 4-8-19 (28496)
প্রণমন্তি চ যে ৎবাং হি প্রভাতে তু নরা ভুবি ।
ন তেষাং দুর্লভং কিংচিৎপুত্রতো ধনতোপি বা ॥ 20 ॥ 4-8-20 (28497)
দুর্গাত্তারয়সে দুর্গে তত্ৎবং দুর্গা স্মৃতা জনৈঃ ।
কান্তারেষ্ববসন্নানাং মগ্রানাং চ মহার্ণবে।
দস্যুভির্বা নিরুদ্ধানাং ৎবং গতিঃ পরমা নৃণাম্ ॥ 21 ॥ 4-8-21 (28498)
জলপ্রতরণে চৈব কান্তারেষ্বটবীষু চ।
যে স্মরন্তি মহাদেবি ন চ সীদন্তি তে নরাঃ ॥ 22 ॥ 4-8-22 (28499)
ৎবং কীর্তিঃ শ্রীর্ধৃতিঃ সিদ্ধির্হ্রীর্বিদ্যা সংততির্মতিঃ।
সংধ্যা রাত্রিঃ প্রভা নিদ্রা জ্যোৎস্না কাংতিঃক্ষমাদয়া ॥ 23 ॥ 4-8-23 (28500)
নৃণাং চ বন্ধনং মোহং পুত্রনাশং ধনক্ষয়ম্।
ব্যাধিং মৃত্যুং ভয়ং চৈব পূজিতা নাশয়িষ্যসি ॥ 24 ॥ 4-8-24 (28501)
সোহং রাজ্যাৎপরিভ্রষ্টঃ শরণং ৎবাং প্রপন্নবান্ ।
প্রণতশ্চ যথা মূর্ধ্না তব দেবি সুরেশ্বরি ॥ 25 ॥ 4-8-25 (28502)
ত্রাহি মাং পদ্মপত্রাক্ষি সত্যে সত্যা ভবস্ব নঃ।
শরণং ভব মে দুর্গে শরণ্যে ভক্তবৎসলে ॥ 26 ॥ 4-8-26 (28503)
এবং স্তুতা হি সা দেবী দর্শয়ামাস পাণ্ডবম্ ।
উপগম্য তু রাজানমিদং বচনমব্রবীৎ ॥ 27 ॥ 4-8-27 (28504)
দেব্যুবাচ । 4-8-28x (3010)
শৃণু রাজন্মহাবাহো মদীয়ং বচনং প্রভো।
ভবিষ্যত্যচিরাদেব সংগ্রামে বিজয়স্তব ॥ 28 ॥ 4-8-28 (28505)
মম প্রসাদান্নির্জিত্য হৎবা কৌরববাহিনীম্ ।
রাজ্যং নিষ্কণ্টকং কৃৎবা ভোক্ষ্যসে মেদিনীং পুনঃ ॥ 29 ॥ 4-8-29 (28506)
ভ্রাতৃভিঃ সহিতো রাজন্প্রীতিং প্রাপ্স্যসি পুষ্কলাম্ ।
মৎপ্রসাদাচ্চ তে সৌখ্যমারোগ্যং চ ভবিষ্যতি ॥ 30 ॥ 4-8-30 (28507)
যে চ সংকীর্তয়িষ্যন্তি লোকে বিগতকল্মষাঃ।
তেষাং তুষ্টা প্রদাস্যামি রাজ্যমায়ুর্বপুঃ সুতম্ ॥ 31 ॥ 4-8-31 (28508)
প্রবাসে নগরে বাঽপি সংগ্রামে শত্রুসংকটে ।
অটব্যাং দুর্গকান্তারে সাগরে গহনে গিরৌ ॥ 32 ॥ 4-8-32 (28509)
যে স্মরিষ্যন্তি মাং রাজন্যথাঽহং ভবতা স্মৃতা ।
ন তেষাং দুর্লভং কিংচিতস্মিঁল্লোকে ভবিষ্যতি ॥ 33 ॥ 4-8-33 (28510)
ইদং স্তোত্রবরং ভক্ত্যা শৃণুয়াদ্বা পঠেত বা।
তস্য সর্বাণি কার্যাণি সিদ্ধিং যাস্যন্তি পাণ্ডবাঃ ॥ 34 ॥ 4-8-34 (28511)
মৎপ্রসাদাচ্চ বঃ সর্বান্বিরাটনগরে স্থিতান্ ।
ন প্রজ্ঞাস্যন্তি কুরকো নরা বা তন্নিবাসিনঃ ॥ 35 ॥ 4-8-35 (28512)
ইত্যুক্ৎবা বরদা দেবী যুধিষ্ঠিরমরিংদমম্।
রক্ষাং কৃৎবা চ পাণ্ডূনাং তত্রৈবান্তরধীয়ত ॥] 36 ॥ ॥ 4-8-36 (28513)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি অষ্টমোঽধ্যায়ঃ ॥ 8 ॥
Mahabharata - Virata Parva - Chapter Footnotes
4-8-3 শিলাতটে কংসেনৈব বিনিক্ষিপ্তা সতী আকাশং গতা তাম্ ॥ 3 ॥ 4-8-6 স্তোত্রার্থমেব সংভব উদ্ভবো যেষাং নাম্নাং বরদে ইত্যাদীনাংতৈঃ। আমন্ত্র্য সংবোধ্য ॥ 6 ॥ 4-8-9 পদ্মা লক্ষ্মীং অত এব নারায়ণপরিগ্রহো বিষ্ণুকান্তা ॥ 9 ॥ 4-8-10 কৃষ্ণচ্ছবির্নীলমেঘস্তেন সমা অত এব কৃষ্ণা । অষ্টভুজামাহ বিভ্রতীতি। বিপুলৌ বরাভয়প্রদৎবেন ঊর্জিতৌ দ্বৌ বাহূ ॥ 10 ॥ 4-8-11 তত একঃ পাত্রী পাত্রবান্পঙ্কজী পঙ্কজবান্ ঘণ্টী ঘণ্টাবান্ পঞ্চমঃ পাশং ধনুর্মহাচক্রং চ বিভ্রতীতি পূর্বেণান্বয়ঃ ॥ 11 ॥বিরাটপর্ব - অধ্যায় 009
॥ শ্রীঃ ॥
4.9. অধ্যায়ঃ 009
Mahabharata - Virata Parva - Chapter Topics
যুধিষ্ঠিরেণ যতিবেষপরিগ্রহেণ বিরাটসভাপ্রবেশঃ ॥ 1 ॥ প্রত্যুত্থানাদিনা সৎকৃতেন যুধিষ্ঠিরেণ বিরাটভবনে নিবাসঃ ॥ 2 ॥Mahabharata - Virata Parva - Chapter Text
4-9-0 (28514)
বৈশম্পায়ন উবাচ। 4-9-0x (3011)
ততস্তু তে পুণ্যজলাং শিবাং শুভাং মহর্ষিগন্ধর্বনিষেবিতোদকাম্।
ত্রিলোককান্তামবতীর্য জাহ্নবীমৃষীংশ্চ দেবাংশ্চ পিতৃনতপর্যন্ ॥ 1 ॥ 4-9-1 (28515)
বরপ্রদানং হ্যনুচিন্ত্য পার্থিবে হুৎবাঽগ্নিহোত্রং কৃতজপ্যমঙ্গলঃ ।
দিশং তথৈন্দ্রীমভিতঃ প্রপেদিবান্কৃতাঞ্জলির্ধর্মমুপাহ্বয়চ্ছনৈঃ ॥ 2 ॥ 4-9-2 (28516)
যুধিষ্ঠির উবাচ। 4-9-3x (3012)
বরপ্রদানং মম দত্তবান্পিতা প্রসন্নচেতা বরদঃ প্রজাপতিঃ ।
জলার্থিনো মে তৃষিতস্য সোদরা ময়া প্রয়ুক্তা বিবিশুর্জলাশয়ম্ ॥ 3 ॥ 4-9-3 (28517)
নিপাতিতা যক্ষবরেণ তে বনে মহাহবে বজ্রভৃতেব দানবাঃ ।
ময়া চ গৎবা বরদো হি তোষিতো বিবক্ষতা প্রশ্নসমুচ্চয়ং গুরুঃ ॥ 4 ॥ 4-9-4 (28518)
স মে প্রসন্নো ভগবান্বরং দদৌ পরিষ্বজংশ্চাহ তথৈব সৌহৃদাৎ।
বৃণীষ্ব যদ্বাঞ্ছসি পাণ্ডুনন্দন স্থিতোঽন্তরিক্ষে বরদোঽস্মি পশ্য মাম্ ॥ 5 ॥ 4-9-5 (28519)
স বৈ ময়োক্তো বরদঃ পিতা প্রভুঃ সদৈব মে ধর্মরতা মতির্ভবেৎ।
ইমে চ জীবন্তু মমানুজাঃ প্রভো বয়ং স্বরূপং চ জয়ং তথাঽঽপ্নুমঃ ॥ 6 ॥ 4-9-6 (28520)
ক্ষমা চ কীর্তিশ্চ যথেপ্সিতং ভবেদ্ব্রতং তু সত্যং চ সমাপ্তিরেব চ।
বরো মমৈষোস্তু যথাঽনুকীর্তিতো ন তন্মৃষা দেববৃষো যথাঽব্রবীৎ ॥ 7 ॥ 4-9-7 (28521)
বৈশম্পায়ন উবাচ। 4-9-8x (3013)
ইত্যেবমুক্ৎবা ধর্মাত্মা ধর্মমেবানুচিন্তয়ন্।
তদৈব তৎপ্রসাদেন রূপমেবাভবৎস্বয়ম্ ॥ 8 ॥ 4-9-8 (28522)
স বৈ দ্বিজাতিস্তরুণস্ত্রিদণ্ডভৃৎকমণ্ডলূষ্ণীষধরো ব্যজায়ত।
সুরক্তমাঞ্জিষ্ঠবরাম্বরঃ শিখী পবিত্রপাণির্দদৃশে তদাঽদ্ভুতম্ ॥ 9 ॥ 4-9-9 (28523)
তথৈব তেষামপি ধর্মচারিণাং যথোচিতার্হাভরণাম্বরস্রজঃ।
ক্ষণেন রাজন্নভবন্মহাত্মনাং প্রশস্তধর্মাগ্র্যফলাভিকাঙ্ক্ষিণাম্ ॥ 10 ॥ 4-9-10 (28524)
নবেন রূপেণ বিশাংপতির্যুতস্ৎবথর্বরূপেণ বভৌ প্রতাপবান্।
নিবদ্ধবৈডূর্যসিতান্সকাঞ্চনান্নৃপস্তথাঽক্ষান্পরিবেষ্ট্য বাসসঃ ॥ 11 ॥ 4-9-11 (28525)
ততো বিরাটং প্রথমং যুধিষ্ঠিরো দদর্শ দূরাৎসুসমৃদ্ধতেজসম্।
অনন্ততেজোজ্বলিতং হুতাশনং দুরাসদং তীক্ষ্ণবিষং যথোরগম্ ॥ 12 ॥ 4-9-12 (28526)
সভাসদং প্রাঞ্জলিভির্জনৈর্বৃতং বিচিত্রনানাবিধশস্ত্রপাণিভিঃ ।
উপায়নৌঘৈঃ প্রবিশদ্ভিরাচিতং দ্বিজৈশ্চ শিক্ষাক্ষরমন্ত্রধারিভিঃ ॥ 13 ॥ 4-9-13 (28527)
গজৈরুদীর্মং তুরগৈশ্চ সঙ্কুলং মৃগদ্বিপৈঃ কুব্জগণৈঃ সমাবৃতম্ ।
সিতোচ্ছ্রিতোষ্ণীষনিরুদ্ধমূর্ধজং বিচিত্রবৈডূর্যবিকারকুণ্ডলম্ ।
বিরাটমায়াচ্চ যুধিষ্ঠিরস্তদা বৃহস্পতিঃ শক্রমিব ত্রিবিষ্টপে ॥ 14 ॥ 4-9-14 (28528)
তমাব্রজন্তং প্রসমীক্ষ্য পাণ্ডবং বিরাটরাজো মুদিতেন চক্ষুষা ।
পপ্রচ্ছ চৈনং স নরাধিপো মুহুর্দ্বিজাশ্চ যে চাস্য সভাসদস্তদা ॥ 15 ॥ 4-9-15 (28529)
বিরাট উবাচ । 4-9-16x (3014)
কো বা বিজানাতি পুরাঽস্য দর্শনং যুবা সভাং যোঽয়মুপৈতি মামিকাম্।
রূপেণ সারেণ বিরাজয়ন্মহীং শ্রিয়া হ্যযং বৈশ্রবণো দ্বিজো যথা ॥ 16 ॥ 4-9-16 (28530)
মৃগেন্দ্ররাড্বারণয়ূথপোপমঃ প্রভাত্যযং কাঞ্চনপর্বতো যথা।
বিরাজতে পাবকসূর্যসন্নিভং সচন্দ্রনক্ষত্র ইবাংশুমান্গ্রহঃ ॥ 17 ॥ 4-9-17 (28531)
ন দৃশ্যতেঽস্যানুচরো ন কুঞ্জরো ন চোষ্ণরশ্ম্যাবরণং সমুচ্ছ্রিতম্ ।
ন কুণ্ডলং নাঙ্গদমস্য ন স্রজো বিচিত্রিতাঙ্গশ্চ রথশ্রতুর্যুজঃ ॥ 38 ॥ 4-9-18 (28532)
ক্ষাত্রং চ রূপং হি বিভর্ত্যযং ভৃশং গজেন্দ্রশার্দূলমহর্ষভোপমঃ ।
অভ্যাগতোঽস্মাননলংকৃতোপি সন্ বিরোচতে ভানুরিবাচিরোদিতঃ ॥ 19 ॥ 4-9-19 (28533)
বিভাত্যযং ক্ষত্রিয় এব সর্বথা বিরাট ইত্যেবমুবাচ তং প্রতি।
সসাগরান্তাময়মদ্য মেদিনীং প্রশাসিতুং চার্হতি বাসবোপমঃ ॥ 20 ॥ 4-9-20 (28534)
নাক্ষত্রিয়ো নূনময়ং ভবিষ্যতি মূর্ধাভিষিক্তঃ প্রতিভাতি মাং প্রতি ।
তুল্যং হি রূপং প্রতিদৃশ্যতেঽস্য গজস্য সিংহস্য তথর্ষভস্য ॥ 21 ॥ 4-9-21 (28535)
যমেষ কামং পরিমার্গতে দ্বিজঃ স চাস্য সর্বঃ ক্রিয়তামসংশয়ম্ ।
প্রিয়ং চ মে দর্শনমীদৃশে জনে দ্বিজেষু মুখ্যেষু তথাঽতিথিষ্বপি ॥ 22 ॥ 4-9-22 (28536)
ধনেষু রত্নেষ্বথ গোষু বেশ্মসু প্রকামতো মে বিচরৎববারিতঃ ॥ 23 ॥ 4-9-23 (28537)
বৈশম্পায়ন উবাচ । 4-9-24x (3015)
এবং ব্রুবাণস্তমনন্ততেজসং বিরাজমানং সহসোত্থিতো নৃপঃ।
অন্যেন রূপেণ সমীপমাগতং ত্রিদণ্ডকুণ্ড্যঙ্কুশশিক্যপাণিনম্ ॥ 24 ॥ 4-9-24 (28538)
সমুত্থিতা সা হি সভা সপার্থিবা সবিপ্ররাজন্যবিশা সশূদ্রকা ।
সভাগত প্রেক্ষ্য তপন্তমর্চিষাং বিনিঃসৃতং রাহুমুখাদ্যথা রবিম্ ॥ 25 ॥ 4-9-25 (28539)
স তেন পূর্বং জয়তাং ভবানিহ দ্বিজাতিনোক্তোঽভিমুখঃ কৃতাঞ্জলিঃ ।
জয়ং জয়ার্হেণ সমেত্য বর্ধিতো বিরাটরাজো হ্যভিবাদয়চ্চ তম্ ॥ 26 ॥ 4-9-26 (28540)
তমব্রবীৎপ্রাঞ্জলিরেষ পার্থিবো বিরাটরাজো মধুরাক্ষরং বচঃ।
প্রাপ্তঃ কুতস্ৎবং ভগবন্কিমিচ্ছসি ক্ব যাস্যসে কিং করবাণি তে দ্বিজ ॥ 27 ॥ 4-9-27 (28541)
শ্রুতং চ শীলং চ কুলং চ শংস মে গোত্রং তথা নাম চ দেশমেব তে।
সত্যপ্রতিজ্ঞা হি ভবন্তি সাধবো বিশেষতঃ প্রব্রজিতা দ্বিজাতয়ঃ ॥ 28 ॥ 4-9-28 (28542)
যথাঽনুরূপং প্রচরামি তে ৎবহং ন চাবমন্তা ন তবাভিভাষিতম্ ।
অপূজিতা হ্যগ্নিসমা দ্বিজাতয়ঃ কুলং দহেয়ুঃ সবিষা ইবোরগাঃ ॥ 29 ॥ 4-9-29 (28543)
সর্বাং চ ভূমিং তব দাতুমুৎসহে সদণ্ডকোশাং বিসৃজামি তে পুরম্ ।
কস্যাসি রাজ্ঞো বিষয়াদিহাগতঃ কিং কর্ম চাত্রাচরসি দ্বিজোত্তম ॥ 30 ॥ 4-9-30 (28544)
বৈশম্পায়ন উবাচ। 4-9-31x (3016)
এবং ব্রুবাণং তমুবাচ পার্থিবং যুধিষ্ঠিরো ধর্মমবেক্ষ্য চাসকৃৎ ।
সত্যং বচঃ কো ন্বিহ বক্তুমুৎসহেদ্যথাপ্রতিজ্ঞং তু শৃণুষ্ব পার্থিব ॥ 31 ॥ 4-9-31 (28545)
শ্রুতং চ শীলং চ কুলং চ কর্ম চ শৃণুষ্ব মে জন্ম চ দেশমেব চ ।
গুরূপদেশান্নিয়মাচ্চ মে ব্রতং কুলক্রমার্থং পিতৃভির্নিয়োজিতম্ ॥ 32 ॥ 4-9-32 (28546)
দ্বিজো ব্রতেনাস্মি ন চ স্বতঃ প্রভো সংমুণ্ডিতঃ প্রব্রজিতস্ত্রিদণ্ডভৃৎ ।
ইদং শরীরং মম পশ্য মানুষং সমাবৃতং পঞ্চভিরেব ধাতুভিঃ ॥ 33 ॥ 4-9-33 (28547)
মমেহ পঞ্চেন্দ্রিয়গাত্রদর্শিনো বদন্তি পঞ্চৈব পিতৄন্যথা শ্রুতিঃ ।
মনুষ্যজাতিৎবমচিন্তয়ন্নহং ন চাস্মি তুল্যঃ পিতৃভিঃ স্বভাবতঃ ॥ 34 ॥ 4-9-34 (28548)
কঙ্কো হি নাম্না বিষয়ং তবাগতো ব্রতী দ্বিজাতিঃ স্বকৃতেন কর্মণা।
দ্যূতপ্রসঙ্গাদধনোঽস্মি রাজন্সত্যপ্রতিজ্ঞা ব্রতিনশ্চরামঃ ॥ 35 ॥ 4-9-35 (28549)
যুধিষ্ঠিরস্যাপি সখাঽভবং পুরা গৃহপ্রবেশী চ শরীরমেব চ।
গৃহে চ তস্যোপিতবানহং সুখং রাজাঽস্মি তস্য স্বপুরেঽভবং পুরা ॥ 36 ॥ 4-9-36 (28550)
মমাজ্ঞয়া তত্র বিচেরুরঙ্গনা মম প্রিয়ার্থং দময়ন্তি বাজিনঃ ।
ময়া কৃতং তস্য পুরে তু যৎপুরা ন তৎকদাচিৎকৃতবাঞ্জনোঽন্যথা ॥ 37 ॥ 4-9-37 (28551)
সোহং পুরা তস্য বয়স্সমঃ সখা চরামি সর্বাং বসুধাং সুদুঃখিতঃ ।
ন তু প্রশান্তিং ক্বচিদাপ্তবানহং ব্রতোপদেশান্নিয়মেন ভারিকঃ ॥ 38 ॥ 4-9-38 (28552)
বৈয়াঘ্রপদ্যোস্মি নরেন্দ্র গোত্রতস্তদেব সৌখ্যং মৃগয়ামহে বয়ম্।
কৃতজ্ঞভাবেন ময়াঽনুকীর্তিতং যুধিষ্ঠিরস্যাত্মসমস্য চেষ্টিতম্ ॥ 39 ॥ 4-9-39 (28553)
ইমং হি মোক্ষাশ্রমমাস্থিতস্য মে যুধিষ্ঠিরস্তুল্যগুণো ভবানপি ।
ন মেঽস্তি মাতা ন পিতা ন বান্ধবা ন মেঽস্তি রূপং ন রতির্ন সন্ততিঃ ॥ 40 ॥ 4-9-40 (28554)
সুখং চ দুঃখং চ হি তুল্যমদ্য মে প্রিয়াপ্রিয়ে তুল্যগতে গতাগতে।
মুক্তোস্মি কামাচ্চ ধনাচ্চ সাংপ্রতং ৎবদাশ্রয়ে বস্তুমিহাভ্যুপাগতঃ ॥ 41 ॥ 4-9-41 (28555)
সংবৎসরেণেহ সমাপ্যতে ৎবিদং মম ব্রতং দুষ্করকর্মকারিণঃ।
ততো ভবন্তং পরিতোষ্য কর্মভিঃ পুনর্ব্রজিষ্যে চ কুতূহলং যতঃ ॥ 42 ॥ 4-9-42 (28556)
অক্ষান্নিবপ্তুং কুশলোস্ম্বহং সদা পরাজিতঃ শকুনিরুতানি চিন্তয়ন্ ।
মৃগদ্বিজানাং চ রুতানি চিন্তয়ন্নিরাশ্রয়ঃ প্রব্রজিতোস্মি ভিক্ষুকঃ ॥ 43 ॥ 4-9-43 (28557)
বৈশম্পায়ন উবাচ । 4-9-44x (3017)
তেনৈবমুক্তে বচনে নরাধিপঃ কৃতাঞ্জলিঃ প্রব্রজিতং বিলোক্য চ ।
অথাব্রবীদ্ধৃষ্টমনাঃ শুভাক্ষরং মনোনুগং সর্বসভাগতং বচঃ ॥ 44 ॥ 4-9-44 (28558)
দদামি তে হন্ত বরং যদীপ্সিতং প্রশাধি মৎস্যান্যদি মন্যতে ভবান্।
প্রিয়া হি ধূর্তা মম চাক্ষকোবিদাস্ৎবং চাপি দেবো মম রাজ্যমর্হসি ॥ 45 ॥ 4-9-45 (28559)
সমানয়ানাসনবস্ত্রভোজনং প্রভ্রূতমাল্যাভরণানুলেপনম্।
স সার্বভৌমোপম সর্বদাঽর্হসি প্রিয়ং হি মন্যে তব নিত্যদর্শনম্ ॥ 46 ॥ 4-9-46 (28560)
যে ৎবাঽভিধাবেয়ুরনর্থপীডিতা দ্বিজাতিমুখ্যা যদি বেতরে জনাঃ।
সর্বাণি কার্যাণ্যহমর্থিতস্ৎবয়া তেষাং করিষ্যামি ন মেঽত্র সংশয়ঃ ॥ 47 ॥ 4-9-47 (28561)
মমান্তিকে যশ্চ তবাপ্রিয়ং চরেৎপ্রবাসয়ে তং পরিচিন্ত্য মানবম্ ।
যচ্চাপি কিংচিদ্বসু বিদ্যতে মম প্রভুর্ভবাংস্তস্য বশী বসেহ চ ॥ 48 ॥ 4-9-48 (28562)
যুধিষ্ঠির উবাচ। 4-9-49x (3018)
অতোঽভিলাষঃ পরমো ন বিদ্যতে ন মে জিতং কিংচন ধারয়ে ধনম্।
ন ভোজনং কিংচন সংস্পৃশেয়ং হবিষ্যভোজী নিশি চ ক্ষিতীশয়ঃ ॥ 49 ॥ 4-9-49 (28563)
ব্রতোপদেশাৎসময়ো হি নৈষ্ঠিকো ন ক্রোধিতব্যং নরদেব কস্যচিৎ।
এবংপ্রতিজ্ঞস্য মমেহ ভূপতে নিবাসবুদ্ধির্ভবিতা তু নান্যথা ॥ 50 ॥ 4-9-50 (28564)
এবং বরং মাৎস্য বৃণে প্রদাপিতং কৃতি ভবিষ্যামি বরেণ তেঽনঘ ॥ 51 ॥ 4-9-51 (28565)
বৈশম্পায়ন উবাচ। 4-9-52x (3019)
এবং তু রাজ্ঞঃ প্রথমঃ সমাগমো বভূব মাৎস্যস্য যুধিষ্ঠিরস্য চ।
বিরাটরাজস্য হি তেন সঙ্গমো বভূব বিষ্ণোরিব বজ্রপাণিনা ॥ 52 ॥ 4-9-52 (28566)
তমাসনস্থং প্রিয়রূপদর্শনং নিরীক্ষমাণো ন ততর্প ভূমিপঃ।
সভাং চ তাং প্রজ্বলয়ন্যুধিষ্ঠিরঃ শ্রিয়া যথা শক্রইব ত্রিবিষ্টপম্ ॥ 53 ॥ 4-9-53 (28567)
এবং স লব্ধ্বা নৃপতিঃ সমাগমং বিরাটরাজেন নরর্ষভস্তদা।
উবাস বীরঃ পরমার্চিতঃ সুখী ন চাস্য কশ্চিচ্চরিতং বুবোধ তৎ ॥ 54 ॥ ॥ 4-9-54 (28568)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি নবমোঽধ্যায়ঃ ॥ 9 ॥
Mahabharata - Virata Parva - Chapter Footnotes
4-9-6 বয়শ্চ রূপং চ বলং তথাঽঽপ্নুয়ুরিতি থo ধo পাঠঃ ॥ 6 ॥ 4-9-24 অন্যেন রূপেণ যতিবেষেণ আগতং দৃষ্ট্বেতি শেষঃ ॥ 24 ॥বিরাটপর্ব - অধ্যায় 010
॥ শ্রীঃ ॥
4.10. অধ্যায়ঃ 010
Mahabharata - Virata Parva - Chapter Topics
ভীমেন সূদবেষপরিগ্রহেণ বিরাটসভাপ্রবেশঃ ॥ 1 ॥ বিরাটেন ভীমস্য পাকাধিকারে নিয়োজনম্ ॥ 2 ॥Mahabharata - Virata Parva - Chapter Text
4-10-0 (28569)
বৈশম্পায়ন উবাচ । 4-10-0x (3020)
অথাপরস্যাং দিশি ভীমদর্শনো বৃকোদরোঽদৃশ্যত সিংহবিক্রমঃ।
অসিপ্রবেকে প্রতিমুচ্য শাণিতে খজাং চ দর্বী চ করেণ ধারয়ন্ ॥ 1 ॥ 4-10-1 (28570)
ৎবচং চ গোচর্মময়ীং সুমর্দিতাং সমুক্ষিতাং পানকরাগষাডবৈঃ ।
কিলাসমালম্ব্য করেণ চায়সং সশৃঙ্গিবেরার্দ্রকভূস্তৃণাঙ্কুরম্ ॥ 2 ॥ 4-10-2 (28571)
গম্ভীররূপঃ পরমেণ তেজসা রবির্যথা লোকমিমং প্রকাশয়ন্।
স কৃষ্ণবাসা গিরিরাজসারবান্ স মৎস্যরাজং সমুপেত্য তস্থিবান্ ॥ 3 ॥ 4-10-3 (28572)
সভাগতো বারণয়ূথপোপমস্তমিস্রহা রাত্রিমিবাবভাসয়ন্।
সহস্রনেত্রাবরজান্তকোপমস্ত্রিলোকপালাধিপতির্যথা হরিঃ ॥ 4 ॥ 4-10-4 (28573)
তমাব্রজন্তং গজয়ূথপোপমং নিরীক্ষমাণো নবসূর্যবর্চসম্।
ভয়াৎসমুদ্বিগ্নবিপণ্ণচেতনো দিশশ্চ সর্বাঃ প্রসমীক্ষ্য চাসকৃৎ ॥ 5 ॥ 4-10-5 (28574)
তমেকবস্ত্রং পরসৈন্যবারণং সভাঽবিদূরান্নৃপতির্নৃপাত্মজম্।
সমীক্ষ্য বৈক্লব্যমুপেয়িবাঞ্শনৈর্জনাশ্চ ভীতাঃ পরিসর্পিরে ভৃশম্ ॥ 6 ॥ 4-10-6 (28575)
অথাব্রবীন্মাৎস্যপতিঃ সভাগতান্ ভৃশাতুরোষ্ণং পরিনিশ্বসন্নিব ।
কোঽয়ং যুবা বারণরাজসন্নিভঃ সভামভিপ্রৈতি হি মামিকামিমাম্ ॥ 7 ॥ 4-10-7 (28576)
কো বা বিজানাতি পুরাঽস্য দর্শনং মৃগেন্দ্রশার্দূলগতিং হি মামকঃ।
ব্যূঢান্তরাংসো মৃগরাডিবোৎকটো য এষ দিব্যঃ পুরুষঃ প্রকাশতে ॥ 8 ॥ 4-10-8 (28577)
রাজশ্রিয়া হ্যেষ বিভাতি রাজবদ্বিরোচতে রুক্মগিরিপ্রভোপমঃ।
নাক্ষত্রিয়ো নূনময়ং ভবিষ্যতি সহস্রনেত্রপ্রতিমস্তথা হ্যসৌ ॥ 9 ॥ 4-10-9 (28578)
রূপেণ যশ্চাপ্রতিমো হ্যযং মহান্মহীমিমাং শত্রঃ ইবাভিপালয়েৎ।
নাভূমিপোঽয়ং হি রতির্মমেতি চ চ্যুতঃ সমৃদ্ধ্যা নভসীব নাহুষঃ ॥ 10 ॥ 4-10-10 (28579)
বৈশম্পায়ন উবাচ। 4-10-11x (3021)
বিতর্কমাণস্য চ তস্য পাণ্ডবঃ সভামতিক্রম্য বৃকোদরোঽব্রবীৎ।
জয়েতি রাজানমভিপ্রমোদয়ন্সুখেন সভ্যং চ সভাগতং জনম্ ॥ 11 ॥ 4-10-11 (28580)
ততো নৃপং বাক্যমুবাচ পাণ্ডবো যথাঽনুপূর্ব্যাৎকৃপয়ান্বিতোত্তরম্।
ৎবাং জীবিতুং শত্রুহন্নাগতোঽহং ৎবমেব লোকে পরমো হি সংশ্রয়ঃ ॥ 12 ॥ 4-10-12 (28581)
নরেন্দ্র শূদ্রোস্মি চতুর্থবর্ণভাগ্গুরূপদেশাৎপরিচারকর্মকৃৎ।
জানামি সূপাংশ্চ রসাংশ্চ সংস্কৃতান্মাংসান্যপূপাংশ্চ পচামি শোভনান্ ।
রাগপ্রকারাশ্চ বহূন্ফলাশ্রয়ান্মহানসে মে ন সমোস্তি সূপকৃৎ ॥ 13 ॥ 4-10-13 (28582)
বৈশম্পায়ন উবাচ । 4-10-14x (3022)
তমব্রবীন্মৎস্যপতিঃ প্রহৃষ্টবৎপ্রিয়ং প্রগল্ভং মধুরং বিনীতবৎ।
ন শূদ্রতাং কাংচন লক্ষয়ামি তে কুবেরচন্দ্রেন্দ্রদিবাকরপ্রভ ॥ 14 ॥ 4-10-14 (28583)
হুতাশনাশীবিষতুল্যতেজসো ন কর্ম তে যোগ্যমিদং মহানসে ।
ন সূপকারো ভবিতুং ৎবমর্হসি সুপর্ণগন্ধর্বমহোরগোপম ॥ 15 ॥ 4-10-15 (28584)
অনীককর্ণাগ্রধরো ধ্বজী রথী ভবাদ্য মে বারণবাহিনীপতিঃ।
ন নীচকর্মা ভবিতুং ৎবমর্হসি প্রশাসিতুং ভূমিমিমাং ৎবমর্হসি ॥ 16 ॥ 4-10-16 (28585)
ভীম উবাচ । 4-10-17x (3023)
চতুর্থবর্ণোস্ম্যহমুগ্রশাসন ন বৈ বৃণে ৎবামহমীদৃশং পদম্।
জাত্যাঽস্মি শূদ্রো বললেতি নাম্না জিজীবিষুস্ৎবদ্বিষয়ং সমাগতঃ ॥ 17 ॥ 4-10-17 (28586)
যুধিষ্ঠিরস্যাস্মি মহানসে পুরা বভূব সর্বপ্রভুরন্নপানদঃ।
অথাপি মামুৎসৃজসে মহীপতে ব্রজাম্যহং যাবদিতো যথাগতম্ ॥ 18 ॥ 4-10-18 (28587)
ৎবমন্নসংস্কারবিধৌ প্রশাধি মাং ভবামি তেঽহং নরদেব সূপকৃৎ ।
বলেন তুল্যশ্চ ন বিদ্যতে ময়া নিয়ুদ্ধশীলোস্মি সদা হি পার্থিব ॥ 19 ॥ 4-10-19 (28588)
গজাংশ্চ সিংহাংশ্চ সমেয়িবানহং সদা করিষ্যামি তবানঘ প্রিয়ম্।
ন নীচকর্মা তব মাদৃশঃ প্রভো বলস্য নেতাঽপ্যবলো ভবেদিতি ॥ 20 ॥ 4-10-20 (28589)
স্বকর্মতুষ্টাশ্চ বয়ং নরাধিপ প্রশাধি মাং সূদপদে যদীচ্ছসি।
যে সন্তি মল্লা বলবীর্যসংমতাস্তানেব যোৎস্যামি তবাভিহর্পয়ন্ ॥ 21 ॥ 4-10-21 (28590)
বৈশম্পায়ন উবাচ। 4-10-22x (3024)
তমেবমুক্তে বচনে নরাধিপঃ প্রত্যব্রবীন্মৎস্যপতিঃ প্রহৃষ্টবৎ।
সোহং ন মন্যে তব কর্ম তৎসমং সমুদ্রনেমিং পৃথিবীং ৎবমর্হসি ॥ 22 ॥ 4-10-22 (28591)
ত্রিলোকপালো হি যথা বিরাজসে তথাঽদ্য মে বিষ্ণুরিবাতিরোচসে।
যথা তু কামস্তব তত্তথা কৃতং মহানসে মে ভব মে পুরস্কৃতঃ ।
নরাশ্চ মে তত্র ময়া সদাঽর্চিতা ভবাদ্য তেষামধিপো ময়া কৃতঃ ॥ 23 ॥ 4-10-23 (28592)
তথা স ভীমো বিহিতো মহানসে বিরাটরাজস্য বভূব বৈ প্রিয়ঃ।
উবাস রাজন্ন চ তং পৃথগ্জনো বুবোধ তস্যানুচরশ্চ কশ্চন ॥ 24 ॥ ॥ 4-10-24 (28593)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি দশমোঽধ্যায়ঃ ॥ 10 ॥
বিরাটপর্ব - অধ্যায় 011
॥ শ্রীঃ ॥
4.11. অধ্যায়ঃ 011
Mahabharata - Virata Parva - Chapter Topics
অর্জুনেন ষণ্ডবেষপরিগ্রহেণ বিরাটসভাপ্রবেশঃ ॥ 1 ॥ বিরাটেনার্জুনস্য কন্যানাটনে নিয়োজনম্ ॥ 2 ॥Mahabharata - Virata Parva - Chapter Text
4-11-0 (28594)
বৈশম্পায়ন উবাচ। 4-11-0x (3025)
অথাপরোঽদৃশ্যত বর্ণবান্যুবা স্ত্রীবেষধারী সমলংকৃতো ভৃশম্।
প্রবালচিত্রে প্রবিমুচ্য কুণ্ডলে উভে চ কম্বূ পরিপাতুকে তথা ॥ 1 ॥ 4-11-1 (28595)
কৃষ্ণে চ রক্তে চ নিবধ্য বাসসী শরীরবাঞ্শুক্রবৃহস্পতিপ্রভঃ।
বহূংশ্চ দীর্ঘাংশ্চ বিকীর্য মূর্ধজান্মহাভুজো মত্তগজেন্দ্রবিক্রমঃ ॥ 2 ॥ 4-11-2 (28596)
ক্লৈব্যেন বেষেণ ন ভতি ভাতি চ গ্রহাভিপন্নো নভসীব চন্দ্রমাঃ ।
গতেন চোর্বী পরিকম্পয়ংস্তদা বিরাটমাসাদ্য সভাসমীপতঃ ॥ 3 ॥ 4-11-3 (28597)
তং প্রেক্ষ্য রাজোপগতং সভাতলে ব্যাজাপ্রতিচ্ছন্নমমিত্রমর্দনম্ ।
বিরাজমানং সুররাজবর্চসং সুতং সুরেন্দ্রস্য গজেন্দ্রবিক্রমম্ ॥ 4 ॥ 4-11-4 (28598)
সর্বানপৃচ্ছচ্চ সমীপচারিণঃ কুতোঽয়মায়াতি ন মে পুরা শ্রুতঃ।
ন চৈনমূচুর্বিদিতং নরাস্তদা সবিস্ময়ং বাক্যমিদং নৃপোঽব্রবীৎ ॥ 5 ॥ 4-11-5 (28599)
বিরাট উবাচ। 4-11-6x (3026)
গজেন্দ্রলীলো মৃগরাজগামী বৃষেক্ষণো দেবসুতোগ্রতেজাঃ।
পীনাংসবাহুঃ কনকাবদাতঃ কোঽয়ং নরো মে নগরং প্রবিষ্টঃ ॥ 6 ॥ 4-11-6 (28600)
কিমেষ দেবেন্দ্রসুতঃ কিমেষ ব্রহ্মাত্মজো বা কিময়ং স্বয়ংভূঃ।
উমাসুতো বৈশ্রবণাত্মজো বা প্রেক্ষ্যৈনমাসীদিতি মে বিতর্কঃ ॥ 7 ॥ 4-11-7 (28601)
বৈশম্পায়ন উবাচ। 4-11-8x (3027)
সভামতিক্রম্য স বাসবোপমো নিরীক্ষমাণো বহুভিঃ সভাগতৈঃ।
স তত্র রাজনমমিত্রহাঽব্রবীদ্বৃহন্নলাহং নরদেব নর্তকী ॥ 8 ॥ 4-11-8 (28602)
বেণীং প্রকুর্যাং রুচিরে চ কুণ্ডলে গ্রথে স্রজঃ প্রাবরণানি সংহরে।
স্নানং চরেয়ং বিমৃজে চ দর্পণং বিশেষকেষ্বেব চ কৌশলং মম ॥ 9 । 4-11-9 (28603)
ক্লীবেষু বালেষু জনেষু নর্তনে শিক্ষাপ্রদানেষু চ যোগ্যতা মম।
করোমি বেণীষু চ পুষ্পপূরকং ন মে স্ত্রিয়ঃ কর্মণি কৌশলাধিকাঃ ॥ 10 ॥ 4-11-10 (28604)
ইত্যর্জুনস্তং নরদেবমোজসা বিজ্ঞাপ্য তস্থৌ বিধিনাঽঽত্মনঃ ক্রিয়াম্।
তমব্রবীৎপ্রাংশুমুদীক্ষ্য বিস্মিতো বিরাটরাজোপসৃতং মহায়শাঃ ॥ 11 ॥ 4-11-11 (28605)
নার্হস্তু বেষোঽয়মনূর্জিতস্তে নাপুংস্ৎবমর্হং নরদেবসিংহ ।
তবৈব বেষঃ শুভবেষভূষণৈর্বিভূষিতো ভূতপতেরিব প্রভো ॥ 12 ॥ 4-11-12 (28606)
বিভাতি ভানোরিব রশ্মিমালিনো ঘনাবরুদ্ধে গগনে ঘনৈরিব।
ধনুর্হি মন্যে তব শোভয়েদ্ভুজৌ তথাহি পীনাবতিমাত্রমায়তৌ ॥ 13 ॥ 4-11-13 (28607)
প্রগৃহ্য চাপং ৎবনুরূপমাত্মনো রক্ষস্ব দেশং পুরমদ্য সুস্থিরঃ।
পুত্রেণ তুল্যো ভব মে বৃহন্নলে বৃদ্ধোস্মি বিত্তং প্রতিপাদয়ামি তে ॥ 14 ॥ 4-11-14 (28608)
ৎবং রক্ষ মে সর্বমিদং পুরং প্রভো ন ষণ্ডতাং কাংচন লক্ষয়ামি তে।
প্রশাধি মৎস্যাংস্তরসা বিবর্ধয়ন্দদামি রাজ্যং তব সত্যবাগহম্ ॥ 15 ॥ 4-11-15 (28609)
বৈশম্পায়ন উবাচ। 4-11-16x (3028)
তস্যাগ্রতঃ স্বানি ধনূংষি পার্থিবো বহূনি দীর্ঘাণি চ বর্ণবন্তি চ।
দদৌ স সজ্যানি বলান্বিতানি জিজ্ঞাসমানঃ কিময়ং করিষ্যতি ॥ 16 ॥ 4-11-16 (28610)
ততোঽর্জুনঃ ক্লীবতরং বচোঽব্রবীন্ন মে ধনুর্ধারিতমীদৃশং বিভো।
ন চাপি দৃষ্টং ধনুরীদৃশং ক্বচিন্ন মাদৃশাঃ সন্তি ধনুর্ধরা ভুবি ॥ 17 ॥ 4-11-17 (28611)
নৃত্যাম গায়ামি চ বাদয়াম্যহং প্রানর্তনে কৌশলনৈপুণং মম।
তদুত্তরায়াঃ পরিধৎস্ব নর্তনে ভবামি দেব্যা নরদেব নর্তকী ॥ 18 ॥ 4-11-18 (28612)
বিরাট উবাচ। 4-11-19x (3029)
দদামি তে তং হি বরং বৃহন্নলে সুতাং হি মে নর্তয় যাশ্চ তাদৃশীঃ ।
ততো বিরাটঃ স্বয়মাহ্বয়ৎসুতাং নরাধিপস্তাং চ সুমধ্যসুন্দরীম্ ॥ 19 ॥ 4-11-19 (28613)
উবাচ চৈনাং মুদিতেন চেতসা বৃহন্নলা নাম সখী ভবৎবিয়ম্।
সুগাত্রি সংপ্রীতিসুবদ্ধসৌহৃদা তবাঙ্গনে প্রাণসমা চ নিত্যদা ॥ 20 ॥ 4-11-20 (28614)
প্রকামভক্ষ্যাভরণাম্বরা শুভা চরৎবিয়ং সর্বজনেষ্ববারিতা।
ন দুষ্কুলানামিয়মাকৃতির্ভবেন্ন বৃত্তভেদী ভবতীদৃশো জনঃ ॥ 21 ॥ 4-11-21 (28615)
বৈশম্পায়ন উবাচ। 4-11-22x (3030)
সংমন্ত্র্য রাজা বিবিধৈঃ স্বমন্ত্রিভিঃ পরীক্ষ্য চৈনং প্রমদাভিরাশু বৈ।
অপুংস্ৎবমপ্যস্য নিশম্য চ স্থিরং ততঃ কুমারীপুরমুৎসসর্জ তম্ ॥ 22 ॥ 4-11-22 (28616)
স শিক্ষয়ামাস চ গীতবদনং সুতাং বিরাটস্য ধনংজয়ঃ প্রভুঃ ।
সখীশ্চ তস্যাঃ পরিচারিকাস্তথা প্রিয়শ্চ তস্যাঃ স বভূব পাণ্ডবঃ ॥ 23 ॥ 4-11-23 (28617)
তথা স তত্রৈব ধনংজয়োঽবসৎপ্রিয়াণি কুর্বন্ৎসহ তাভিরাত্মবান্।
তথা গতং তত্র ন জঝিরে জনা বহিশ্চরা বাঽপ্যথবেতরে জনাঃ ॥ 24 ॥ ॥ 4-11-24 (28618)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি একাদশোঽধ্যায়ঃ ॥ 11 ॥
বিরাটপর্ব - অধ্যায় 012
॥ শ্রীঃ ॥
4.12. অধ্যায়ঃ 012
Mahabharata - Virata Parva - Chapter Topics
নকুলেন বিরাটমেত্য স্বস্যাশ্বশাস্ত্রে কৌশলাভিধানম্ ॥ 1 ॥ বিরাটেন নকুলস্যাশ্বপালনে নিয়োজনম্ ॥ 2 ॥Mahabharata - Virata Parva - Chapter Text
4-12-0 (28619)
বৈশম্পায়ন উবাচ। 4-12-0x (3031)
অথাপরোঽদৃশ্যত পাণ্ডবঃ প্রভুর্বিরাটরাজে তুরগান্সমীক্ষতি।
তমাপতন্তং দদৃশুঃ পৃথগ্জনাঃ প্রমুক্তমভ্রাদিব চন্দ্রমণ্ডলম্ ॥ 1 ॥ 4-12-1 (28620)
স বৈ হয়ানৈক্ষত তানিতস্ততঃ সমীক্ষমাণং চ দদর্শ মৎস্যরাট্।
দৃষ্ট্বা তথৈনং স কুরূত্তমং তমঃ পপ্রচ্ছ তান্সর্বসভাসদস্তদা ॥ 2 ॥ 4-12-2 (28621)
কো বা বিজানাতি পুরাঽস্য দর্শনং যোঽয়ং যুবাঽভ্যেতি হি মাসিকাং সভাম্ ।
প্রিয়ো হি মে দর্শনতোপি সংমতো ব্রবীতু কশ্চিদ্যদি দৃষ্টবানিমম্ ॥ 3 ॥ 4-12-3 (28622)
অয়ং হয়ান্পশ্যতি মামকান্মুহুর্ধ্রুবং হয়জ্ঞো ভবিতা বিচক্ষণঃ।
প্রবেশ্যতামেষ সমীপমাশু বৈ বিভাতি বীরো হি যথাঽমরস্তথা ॥ 4 ॥ 4-12-4 (28623)
বিতর্কয়ত্যেব হি মৎস্যরাজনি ৎবরন্কুরূণামৃষভঃ সভামগাৎ।
ততঃ প্রণম্যোপনতঃ কুরূত্তমো বিরাটরাজানমুবাচ পার্থিবম্ ॥ 5 ॥ 4-12-5 (28624)
তবাগতোঽহং পুরমদ্য ভূপতে জিজীবিষুর্বেতনভোজনার্থিকঃ।
তবাশ্ববন্ধঃ সুভৃতো ভবাম্যহং কুরুষ্ব মামশ্বপতিং যদীচ্ছসি ॥ 6 ॥ 4-12-6 (28625)
বিরাট উবাচ। 4-12-7x (3032)
দদানি যানানি ধনানি বেতনং ন চাশ্বসূতো ভবিতুং ৎবমর্হসি।
কুতোসি কস্যামি কথং ৎবমাগতো ব্রবীহি শিল্পং তব বিদ্যতে চ যৎ ॥ 7 ॥ 4-12-7 (28626)
নকুল উবাচ। 4-12-8x (3033)
পঞ্চানাং পাণ্ডুপুত্রাণাং জ্যেষ্ঠো রাজা যুধিষ্ঠিরঃ।
তেনাহমশ্বেষু পুরা প্রকৃতঃ শত্রুকর্শন ॥ 8 ॥ 4-12-8 (28627)
অশ্বানাং প্রকৃতিং বেদ্মি বিনয়ং চাপি সর্বশঃ ।
দুষ্টানাং প্রতিপত্তিং চ কৃৎস্নং চৈব চিকিৎসিতম্ ॥ 9 ॥ 4-12-9 (28628)
ন কাতরং স্যান্মম বাজিবাহনং ন মেঽস্তি দুষ্টা বডবা কুতো হয়ঃ।
জানংস্তু মামাহ স চাপি পাণ্ডবো যুধিষ্ঠিরো গ্রন্থিকমেব নামতঃ ॥ 10 ॥ 4-12-10 (28629)
মাতলিরিব দেবপতের্দশরথনৃপতেঃ সুমত্র ইব যন্তা।
সুমহ ইব জামদগ্রেস্তথৈব তব শিক্ষয়াম্যশ্বান্ ॥ 11 ॥ 4-12-11 (28630)
যুধিষ্ঠিরস্য রাজেন্দ্র নররাজস্য শাসনাৎ।
শতসাহস্রকোটীনামশ্বানামস্মি রক্ষিতা ॥ 12 ॥ 4-12-12 (28631)
বিরাট উবাচ। 4-12-13x (3034)
যদস্তি কিংচিন্মম বাজিবাহনং তদস্তু সর্বং ৎবদধীনমদ্য বৈ।
যে চাপি কেচিন্মম বাজিয়োধাস্ৎবদাশ্রয়াঃ সারথয়শ্চ সন্তু মে ॥ 13 ॥ 4-12-13 (28632)
ইদং তবেষ্টং বিহিতং সুরোপম ...হি যত্তে প্রসমীক্ষিতং বরম্।
...ঽনুরূপং হয়কর্ম দৃশ্যতে বিভাতি রাজেব ন কর্ম বাজিনাম্ ॥ 14 ॥ 4-12-14 (28633)
যুধিষ্ঠিরস্যৈব হি দর্শনেন মে সমং তবেদং প্রিয়দর্শ দর্শনম্ ।
কথং নু ভৃত্যৈঃ স বিনাকৃতো বনে চরত্যনিন্দ্যো রমতে চ পাণ্ডবঃ ॥ 15 ॥ 4-12-15 (28634)
বৈশম্পায়ন উবাচ । 4-12-16x (3035)
তথা স গন্ধর্ববরোপমো যুবা বিরাটরাজ্ঞা মুদিতেন পূজিতঃ।
ন চৈবমন্যেঽপি বিদুঃ কথংচন প্রিয়াভিরামং বিচরন্তমন্তরা ॥ 16 ॥ ॥ 4-12-16 (28635)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি দ্বাদশোঽধ্যায়ঃ ॥ 12 ॥
বিরাটপর্ব - অধ্যায় 013
॥ শ্রীঃ ॥
4.13. অধ্যায়ঃ 013
Mahabharata - Virata Parva - Chapter Topics
সহদেবেন গোপালবেষধারণেন বিরাটংপ্রতি গমনম্ ॥ 1 ॥ বিরাটেন সহদেবস্য গোপালনে নিয়োজনম্ ॥ 2 ॥Mahabharata - Virata Parva - Chapter Text
4-13-0 (28636)
বৈশম্পায়ন উবাচ। 4-13-0x (3036)
অথাপরোঽদৃশ্যত বৈ শশী যথা হুতো হবির্ভির্হি যথাঽধ্বরে শিখী।
তথা সমালক্ষ্যত চারুদর্শনঃ প্রকাশয়ন্সূর্য ইবাচিরোদিতঃ ॥ 1 ॥ 4-13-1 (28637)
তমাব্রজন্তং সহদেবমগ্রণীর্নৃপো বিরাটো নচিরাৎসমৈক্ষত।
প্রৈক্ষন্ত তং তত্র পৃথক্সমাগতাঃ সভাগতাঃ সর্বমনোহরপ্রভম্।
যুবানমায়ান্তমমিত্রকর্শনং প্রমুক্তমভ্রাদিব চন্দ্রমণ্ডলম্ ॥ 2 ॥ 4-13-2 (28638)
যষ্ট্যা প্রমাণান্বিতয়া সুদর্শনং দামানি পাশং চ নিবদ্ধ্য পৃষ্ঠতঃ।
মৌর্বী চ তন্ত্রীং মহতীং সুসংহিতাং বালৈশ্চ তারৈর্বহুভিঃ সমাবৃতাম্ ॥ 3 ॥ 4-13-3 (28639)
স চাপি রাজানমুবাচ বীর্যবান্কুরুষ্ব মাং পার্থিব গোষ্ববস্থিতম্।
ময়া হি গুপ্তাঃ পশবো ভবন্তু তে প্রসন্ননিদ্রাঃ প্রভবোস্মি বল্লবঃ ॥ 4 ॥ 4-13-4 (28640)
ন শ্বাপদেভ্যো ন চ রোগতো ভয়ং ন চাপি দাবান্ন চ তস্করাদ্ভয়ম্।
পয়ঃপ্রভূতা বহুলা নিরাময়া ভবন্তি গাবঃ সুভৃতা নরাধিপ ॥ 5 ॥ 4-13-5 (28641)
নিশম্য রাজা সহদেবভাষিতং নিরীক্ষ্য মাদ্রীসুতমভ্যনন্দৎ।
উবাচ হৃষ্টো মুদিতেন চেতসা ন বল্লবৎবং ৎবয়ি বীর লক্ষয়ে ॥ 6 । 4-13-6 (28642)
ধৈর্যাদ্বপুঃ ক্ষাত্রমিবেহ তে দৃঢং প্রকাশতে কৌরববংশজস্য বা।
নাপণ্ডিতেয়ং তব দৃশ্যতে তনুর্ভবেহ রাজ্যে মম মন্ত্রধর্মভৃৎ ॥ 7 ॥ 4-13-7 (28643)
প্রশাধি মৎস্যান্সহরাজকানিমান্বৃহস্পতিঃ শত্রুয়ুতানিবামরান্।
বলং চ মে রক্ষ সুবেষ সর্বশো গৃহাণ খঙ্গং প্রতিরূপমাত্মঃ ॥ 8 ॥ 4-13-8 (28644)
অনীককর্ণাগ্রধরো বলস্য মে প্রভুর্ভবানস্তু গৃহাণ কার্মুকম্ ॥ 9 । 4-13-9 (28645)
বৈশম্পায়ন উবাচ। 4-13-10x (3037)
বিরাটরাজ্ঞাঽভিহিতঃ কুরূত্তমঃ প্রশস্য রাজানমভিপ্রণম্য চ।
উবাচ মৎস্যপ্রবরং মহাপতিঃ শৃণুষ্ব রাজন্মম বাক্যমুত্তমম্ ॥ 10 ॥ 4-13-10 (28646)
বালো হ্যহং জাতিবিশেষদূষিতঃ কুতোঽদ্য মে নীতিষু যুক্তমন্ত্রতা ।
স্বকর্মতুষ্টাশ্চ বয়ং নরাধিপ প্রশাধি মাং গোপরিরক্ষণেঽনঘ ॥ 11 ॥ 4-13-11 (28647)
বৈশ্যোস্মি নাম্নাঽহমরিষ্টনেমির্গোসঙ্খ্য আসং কুরুপুঙ্গবানাম্ ।
বস্তুং ৎবয়ীচ্ছামি বিশাংবরিষ্ঠ তান্রাজসিংহান্ন হি বেদ্মি পার্থান্ ॥ 12 ॥ 4-13-12 (28648)
ন জীবিতুং শক্যমতোঽন্যকর্মণা ন চ ৎবদন্যো মম রোচতে বিভো ॥ 13 ॥ 4-13-13 (28649)
বিরাট উবাচ। 4-13-14x (3038)
ৎবং ব্রাহ্মণো বা যদি বাঽপি ভূমিপঃ সমুদ্রনেমীশ্বররূপবানসি।
আচক্ষ্ব তৎবং ৎবমমিত্রকর্শন ন বল্লবৎবং ৎবয়ি বিদ্যতে সমম্ ॥ 14 ॥ 4-13-14 (28650)
কস্যামি রাজ্ঞো বিষয়াদিহাগতঃ কিং চাপি শিল্পং তব বিদ্যতে কৃতম্।
কথং ৎবমস্মাসু নিবৎস্যসে সদা বদস্ব কিং চাপি তবেহ বেতনম্ ॥ 15 ॥ 4-13-15 (28651)
সহদেব উবাচ। 4-13-16x (3039)
পঞ্চানাং পাণ্ডুপুত্রাণাং জ্যেষ্ঠো রাজা যুধিষ্ঠিরঃ।
তস্যাষ্টৌ শতসাহস্রং গবাং বর্গাঃ শতংশতম্ ॥ 16 ॥ 4-13-16 (28652)
অপরে দশসাহস্রা দ্বিস্তাবন্তস্তথা পরে।
তেষাং গোসঙ্খ্য আসং বৈ তন্ত্রীপালেতি মাং বিদুঃ ॥ 17 ॥ 4-13-17 (28653)
ভূতং ভব্যং ভবিষ্যচ্চ যচ্চান্যদ্গোগতং ক্বচিৎ।
ন মেঽস্ত্যবিদিতং কিংচিৎসমন্তাদ্দশয়োজনম্ ॥ 18 ॥ 4-13-18 (28654)
গুণাঃ সুবিদিতা হ্যাসন্ময়া তস্য মহাত্মনঃ।
আসীচ্চ স ময়া তুষ্টঃ কুরুরাজো যুধিষ্ঠিরঃ ॥ 19 ॥ 4-13-19 (28655)
অনেন গণিতা গাবো দুর্বিজ্ঞেয়া মহত্তরাঃ।
বহুক্ষীরতরাস্তা বৈ বহ্ব্যঃ সত্যঃ সপুত্রিকাঃ ॥ 20 ॥ 4-13-20 (28656)
ক্ষিপ্রং চ গাবো বহুলা ভবন্তি ন তাসু রোগো ভবতীহ কশ্চিৎ।
তৈস্তৈরুপয়ৈর্বিদিতং ময়ৈতদেতানি শিল্পানি ময়ি স্থিতানি ॥ 21 ॥ 4-13-21 (28657)
ঋষভানপি জানামি রাজন্পূজিতলক্ষণান্।
যেষাং মূত্রমুপাঘ্রায় বন্ধ্যা অপি প্রসূয়তে ॥ 22 ॥ 4-13-22 (28658)
বৈশম্পায়ন উবাচ। 4-13-23x (3040)
মৎস্যাধিপো হর্ষকলেন চেতসা মাদ্রীসুতং পাণ্ডবমভ্যভাষত।
নৈবানুমন্যে তব কর্ম কুৎসিতং মহীং সমগ্রামভিপাতুমর্হসি ॥ 23 ॥ 4-13-23 (28659)
অথ ৎবিদানীং তব রোচতে বিভো যথেষ্টতো গব্যমবেক্ষ মামকম্।
ৎবদর্পণা মে পশবো ভবন্তু বৈ পশূন্সপালান্ভবতে দদাম্যহম্ ॥ 24 ॥ 4-13-24 (28660)
শতং সহস্রাণি গবাং হি সন্তি বর্ণস্যবর্ণস্য পৃথগ্গণানাম্।
দদামি তেঽহং বরমীপ্সিতং চ যত্ৎবদর্পণা মে পশবো ভবন্ৎবিতি ॥ 25 ॥ 4-13-25 (28661)
বৈশম্পায়ন উবাচ। 4-13-26x (3041)
এবং বিরাটেন সমেত্য পাণ্ডবো লব্ধ্বা চ গোবল্লবতাং যথেষ্টতঃ।
অজ্ঞাতচর্যামবসন্মহাত্মা যথা রবিশ্চাস্তগিরিং প্রবিষ্টঃ ॥ 26 ॥ 4-13-26 (28662)
এবং বিরাটে ন্যবসংশ্চ পাণ্ডবা যথা প্রতিজ্ঞাভিরমোঘবিক্রমাঃ ।
অবুদ্ধচর্যাং চরিতুং যথাতথং সমুদ্রনেমীমভিশাস্তুমুদ্যতাঃ ॥ 27 ॥ ॥ 4-13-27 (28663)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি ত্রয়োদশোঽধ্যায়ঃ ॥ 13 ॥
বিরাটপর্ব - অধ্যায় 014
॥ শ্রীঃ ॥
4.14. অধ্যায়ঃ 014
Mahabharata - Virata Parva - Chapter Topics
দ্রৌপদ্যা সৈরন্ধ্রীবেষধারণেন সুদেষ্ণাগৃহে নিবাসঃ ॥ 1 ॥Mahabharata - Virata Parva - Chapter Text
4-14-0 (28664)
বৈশম্পায়ন উবাচ । 4-14-0x (3042)
ততঃ কৃষ্ণা সুকেশী সা দর্শনীয়া শুচিস্মিতা।
বেণীকেশান্সমুৎক্ষিপ্য পীনবৃত্তকুচা শুভা ।
জুগূহে দক্ষিণে পার্শ্বে মৃদূনসিতলোচনা ॥ 1 ॥ 4-14-1 (28665)
বাসশ্চ পরিধায়ৈকং কৃষ্ণা সুমলিনং মহৎ।
কৃৎবা বেষং চ সৈরন্ধ্র্যাঃ কৃষ্ণা ব্যচরদার্তবৎ ॥ 2 ॥ 4-14-2 (28666)
প্রবিষ্টা নগরং ভীরূঃ সৈরন্ধ্রীবেষসংয়ুতা।
তাং নরাঃ পরিধাবন্তঃ স্ত্রিয়শ্চ সমুপাদ্রবন্ ॥ 3 ॥ 4-14-3 (28667)
অপৃচ্ছংস্তে চ তাং দৃষ্ট্বা কা ৎবং কিং চ চিকীর্ষসি।
সা তানুবাচ রাজেন্দ্র সৈরন্ধ্র্যহমুপাগতা।
কর্ম চেচ্ছামি বৈ কর্তুং তস্য যা মাং ভরিষ্যতি ॥ 4 ॥ 4-14-4 (28668)
বৈশম্পায়ন উবাচ। 4-14-5x (3043)
তস্যা রূপেণ বেষেণ শ্লক্ষ্ণয়া চ গিরা তথা।
ন শ্রদ্দধানাস্তাং দেবীমন্নহেতোরুপস্থিতাম্ ॥ 5 ॥ 4-14-5 (28669)
বিরাটস্য তু কৈকেয়ী ভার্যা পরমসংমতা।
আলোকয়ন্তী দদৃশে প্রাসাদাদ্দ্রুপদাত্মজাম্ ॥ 6 ॥ 4-14-6 (28670)
সা সমীক্ষ্য তথারূপামনাথামেকবাসসম্।
স্ত্রীভিশ্চ পুরুষৈশ্চাপি সর্বতঃ পরিবারিতাম্ ॥ 7 ॥ 4-14-7 (28671)
বিরাটভার্যা তাং দেবী কারুণ্যাজ্জাতসংভ্রমা।
অপ্রেষয়ৎসমীপস্থাঃ স্ত্রিয়ো বৃদ্ধাশ্চ তৎপরাঃ ॥ 8 ॥ 4-14-8 (28672)
অপনীয় ততঃ সর্বা আনয়ধ্বমিহৈব তাম্।
যদা দৃষ্টা ময়া সাধ্বী কম্পতে মে মনস্তদা।
তস্মাচ্ছীঘ্রমিহানায় দর্শয়ধ্বং যদীচ্ছথ ॥ 9 ॥ 4-14-9 (28673)
তাস্তথোক্তা উপাগম্য দ্রৌপদীং পরিসংগতাঃ।
আনীয় সর্বথা ৎবেনামব্রুবন্মধুরাক্ষরম্ ॥ 10 ॥ 4-14-10 (28674)
ভদ্রে ৎবাং দ্রষ্টুমিচ্ছন্তী সুদেষ্ণা হর্ম্যভূতলে।
ৎবদর্থং প্রৈষয়চ্চাস্মান্দ্রষ্টুং তাং ৎবং যদীচ্ছসি।
আয়াহ্যস্মাভিরেবাদ্য রক্ষ্যমাণা যথেষ্টতঃ ॥ 11 ॥ 4-14-11 (28675)
তচ্ছ্রুৎবা দ্রৌপদী তাসাং বচনং বাক্যকোবিদা।
ঈপ্সিতর্থাতিলাভেন হৃষ্টাঽঽয়াতা গৃহোত্তমম্ ॥ 12 ॥ 4-14-12 (28676)
রাজবেশ্ম হ্যুপাক্রম্য যত্রাগ্র্যমহিষী স্থিতা।
সুদেষ্ণামগমৎকৃষ্ণা রাজভার্যাং যশস্বিনীম্ ॥ 13 ॥ 4-14-13 (28677)
কৃষ্ণান্কেশান্মৃদূন্দীর্ঘান্সমুদ্গ্রথ্যাসিতেক্ষণা।
কুঞ্চিতাগ্রাংস্তু সূক্ষ্মাগ্রান্দর্শনীয়ান্নিবধ্য চ।
জুগূহে দক্ষিণে পার্শ্বে মৃদূনায়তলোচনা ॥ 14 ॥ 4-14-14 (28678)
সা প্রবিশ্য বিরাটস্য দ্রৌপদ্যন্তঃপুরং শুভা।
হ্রীনিষেবান্বিতা বালা কম্পমানা লতেব সা ॥ 15 ॥ 4-14-15 (28679)
অভিগম্য চ সুশ্রোণী সর্বলক্ষণসংয়ুতা।
দদর্শাবস্থিতাং হৈমে পীঠে রত্নপরিচ্ছদে ॥ 16 ॥ 4-14-16 (28680)
রক্তসূক্ষ্মাম্বরধরাং মেঘে সৌদামিনীমিব ।
নানাবর্ণবিচিত্রাং চ সর্বাভরণভূষিতাম্ ॥ 17 ॥ 4-14-17 (28681)
সুভ্রূং সুকেশীং সুশ্রোণীং কুব্জবামনমধ্যগাম্।
বহুপুষ্পোপকীর্ণায়াং ভূম্যাং বেদিমিবাধ্বরে ॥ 18 ॥ 4-14-18 (28682)
সুদেষ্ণাং রাজমহিষীং সর্বালংকারভূষিতাম্।
শ্রীমতীং রাজপুত্রীণাং শতেন পরিবারিতাম্ ॥ 19 ॥ 4-14-19 (28683)
তাঃ সর্বা দ্রৌপদীং দৃষ্ট্বা সন্তপ্তাঃ পরমাঙ্গনাঃ ।
পরিতশ্চোপতস্থুস্তাঃ সহসোত্থায় চাসনাৎ ॥ 20 ॥ 4-14-20 (28684)
নিরীক্ষমাণাঃ সর্বাস্তাঃ শচীং দেবীমিবাগতাম্।
গূঢগুল্ফাং বরারোহাং কৃষ্ণাং তাম্রায়তেক্ষণাম্।
অতিসর্বানবদ্যাঙ্গীং নতগাত্রীং সুমধ্যমাম্ ॥ 21 ॥ 4-14-21 (28685)
ন হ্রস্বাং নাতিমহতীং জাতাং বহুতৃণে বনে।
ঋশ্যরোহীমিবানিন্দ্যাং সুকেশীং মৃগলোচনাম্ ॥ 22 ॥ 4-14-22 (28686)
তাং মৃগীমিব বিত্রস্তাং যূথভ্রষ্টামিব দ্বিপাম্।
লক্ষ্মীমিব বিশালাক্ষীং বিদ্যামিব যশস্বিনীম্ ॥ 23 ॥ 4-14-23 (28687)
রোহিণীমিব তারাণাং দীপ্তামগ্নিশিখামিব।
পার্বতীমিব রুদ্রাণীং বেলামিব মহোদধেঃ ॥ 24 ॥ 4-14-24 (28688)
সুলভামিব নাগীনাং মৃগীণামিব কিন্নরীম্।
গঙ্গামিব বিশুদ্ধাঙ্গীং শারদীমিব শর্বরীম্ ॥ 25 ॥ 4-14-25 (28689)
তামচিন্ত্যতমাং লোকে ইলামিব যশস্বিনীম্ ।
সাবিত্রীমিব দুর্ধষাং ব্রাহ্ম্যা লক্ষ্ম্যা সমন্বিতাং ॥ 26 ॥ 4-14-26 (28690)
সীতামিব সতীং শুদ্ধামরুন্ধতীমিব প্রিয়াম্ ।
সুদেষ্ণা পর্যপৃচ্ছত্তাং বিস্ময়োৎফুল্ললোচনা ॥ 27 ॥ 4-14-27 (28691)
কা ৎবং সর্বানবদ্যাঙ্গি কুতোসি ৎবমিহাগতা।
কস্য বা ৎবং বিশালাক্ষি কিং বা তে করবাণ্যহম্ ॥ 28 ॥ 4-14-28 (28692)
গূঢগুল্ফা সমানোরূস্ত্রিগম্ভীরা ষডুন্নতা।
স্নিগ্ধা পঞ্চসু রক্তেষু হংসগদ্গদভাষিণী ॥ 29 ॥ 4-14-29 (28693)
শুকেশী সুস্বরা শ্যামা পীনশ্রোণীপয়োধরা।
অরালপক্ষ্মনয়না বিম্বোষ্ঠী তনুমধ্যমা ॥ 30 ॥ 4-14-30 (28694)
কম্বুগ্রীবা গূঢসিরা পূর্ণচন্দ্রনিভাননা ।
দানবী কিন্নরী বা ৎবং গন্ধর্বী বনদেবতা ॥ 31 ॥ 4-14-31 (28695)
অপ্সরা বাঽসি নাগী বা তারা বা ৎবং বিলাসিনী ।
অলম্বুসা মিশ্রকেশী পুণ্ডরীকাঽথ মালিনী ॥ 32 ॥ 4-14-32 (28696)
তেনতেনৈব সংপন্না কাশ্মীরীব তুরংগমা।
ইন্দ্রাণী ৎবথ রুদ্রাণী স্বধা বাঽপ্যথবা রতিঃ ॥ 33 ॥ 4-14-33 (28697)
দেবি দেবেষু বিখ্যাতা ব্রূহি কা ৎবমিহাগতা।
তব হ্যনুপমং রূপং ভূষণৈরপি বর্জিতম্ ॥ 34 ॥ 4-14-34 (28698)
ৎবাং সৃষ্ট্বোপরতং মন্যে লোককর্তারমীশ্বরম্।
ন তৃপ্যন্তি স্ত্রিয়ো দৃষ্ট্বা কা ন পুংসাং রতির্ভবেৎ ॥ 35 ॥ 4-14-35 (28699)
প্রবালপুষ্পস্তবকৈরাচিতা বনদেবতাঃ।
ৎবামেব হি নিরীক্ষন্তে বিস্মিতা রূপসংপদা ॥ 36 ॥ 4-14-36 (28700)
অন্তঃপুরগতা নার্যো মৃগাঃ পক্ষিগণা নরাঃ।
সর্বে ৎবামেব কল্যাণি নিরীক্ষন্তে সুবিস্মিতাঃ ॥ 37 ॥ 4-14-37 (28701)
ন ৎবাদৃশী কাচন মে ত্রিষু লোকেষু সুন্দরী।
দৃষ্টপূর্বা শ্রুতা বাঽপি চক্ষুপা বিদ্যতে শুভা ॥ 38 ॥ 4-14-38 (28702)
দ্রৌপদ্যুবাচ। 4-14-39x (3044)
নাস্তি দেবী ন গন্ধর্বী ন যক্ষী ন চ কিন্নরী।
সৈরন্ধ্রী নাম মে জাতির্বন্যমূলফলাশনা ॥ 39 ॥ 4-14-39 (28703)
পতীনাং প্রেক্ষমাণানাং কস্মিংশ্চিৎকারণান্তরে।
কেশপাশে পরামৃষ্টা সাঽহং ত্রস্তা বনং গতা ॥ 40 ॥ 4-14-40 (28704)
তত্র দ্বাদশবর্ষাণি বন্যমূলফলাশনা।
চরাম্যনিলয়া সুভ্রূঃ সা তবান্তিকমাগতা ॥ 41 ॥ 4-14-41 (28705)
জানামি কেশান্গ্রথিতুং বিচিত্রান্গ্রথিতুং মণীন্।
মল্লিকোৎপলপদ্মানাং জানামি গ্রথিতুং স্রজঃ ॥ 42 ॥ 4-14-42 (28706)
সিন্ধুবারকজাতীনাং রচয়াম্যবতংসকান্।
পত্রং মৃগাঙ্গমগরুং পিষে চ হরিচন্দনম্ ।
গ্রথয়িষ্যামি চিত্রাশ্চ স্রজঃ পরমশোভনাঃ ॥ 43 ॥ 4-14-43 (28707)
আরাধনং সত্যভামাং কৃষ্ণস্য মহিষীং প্রিয়াম্।
কৃষ্ণাং চ ভার্যাং পার্থানাং নারীণামুত্তমাং তথা ॥ 44 ॥ 4-14-44 (28708)
তথাঽস্মি সুভ্রুবা চাহমিষ্টলাভেন তোষিতা।
মালিনী চেতি মে নাম স্বয়ং দেবী চকার হ।
কৃষ্ণা কমলপত্রাক্ষী সা মে প্রাণসমা সখী ॥ 45 ॥ 4-14-45 (28709)
ন চাহং চিরমিচ্ছামি ক্বচিদ্বস্তুং শুভাননে।
ব্রতং কিলৈতদস্মাকং কুলধর্মোঽয়মীদৃশঃ ॥ 46 ॥ 4-14-46 (28710)
যোঽস্মাকং তু হরেদ্দ্রব্যং দেশং বসনমেব বা।
ন ক্রোদ্ধব্যং কিলাস্মাভিরস্মদ্গুরুরমর্ষণঃ ॥ 47 ॥ 4-14-47 (28711)
সাঽহং বনানি দুর্গাণি তীর্থানি চ সরাংসি চ।
শৈলাংশ্চ বিবিধান্রম্যান্সরিতশ্চ সমুদ্রগাঃ ॥ 48 ॥ 4-14-48 (28712)
ভর্তৃশোকপরীতাঙ্গী ভর্তৃসব্রহ্মচারিণী ।
বিচরামি মহীং দুর্গাং যত্র সায়ংনিবেশনা ॥ 49 ॥ 4-14-49 (28713)
বীরপত্নী যদা দেবী চরমাণেষু ভর্তৃষু।
সাঽহং বিবৎসা বিধিনা গন্ধমাদনপর্বতাৎ।
শৃণোমি তব সৌশীল্যং ভর্তুর্মধুরভাষিণি ॥ 50 ॥ 4-14-50 (28714)
মাহাত্ম্যং চ ততঃ শ্রুৎবা ব্রাহ্মণানাং সমীপতঃ।
ৎবামুপস্থাতুমিচ্ছামি ততশ্চাহমিহাগতা ॥ 51 ॥ 4-14-51 (28715)
গুরবো মম ধর্মশ্চ বায়ুঃ শক্রস্তথাঽশ্বিনৌ ।
তেষাং প্রসাদাচ্চ ন মাং কশ্চিদ্ধর্ষয়তে পুমান্ ॥ 52 ॥ 4-14-52 (28716)
বৈশম্পায়ন উবাচ। 4-14-53x (3045)
এবমুক্ৎবা সুদেষ্ণাং তাং কৃতাঞ্জলিপুটা স্থিতা।
সাঽব্রবীদ্বিস্ময়াবিষ্টা দ্রৌপদীং যোষিতাং বরাম্ ॥ 53 ॥ 4-14-53 (28717)
ন ভরেয়মহং ভদ্রে সংশয়ো মম বিদ্যতে।
রাজা ৎবয়ং হি ৎবাং দৃষ্ট্বা মতিং পাপাং করিষ্যতি ॥ 54 ॥ 4-14-54 (28718)
সাঽহং ৎবাং ন ক্ষমাং মন্যে বসন্তীমিহ বেশ্মনি।
এষ দোষোস্তি সুশ্রোণি কথং বাভীরু মন্যসে ॥ 55 ॥ 4-14-55 (28719)
স্থিতা রাজকুলে নার্যো যাশ্চেমা মম বেশ্মনি।
ৎবামেবৈকাং নিরীক্ষন্তে বিস্ময়াদ্বরবর্ণিনি ॥ 56 ॥ 4-14-56 (28720)
বৃক্ষাংশ্চোপস্থিতান্পশ্য য ইমে মম বেশ্মনি।
বিনমন্তে হি ৎবাং দৃষ্ট্বা পুমাংসং কং ন লোভয়েঃ ॥ 57 ॥ 4-14-57 (28721)
বিভর্ষি পরমং রূপমতিমানুষমদ্ভুতম্।
তির্যগ্যোনিগতাশ্চাপি নিরীক্ষন্তে সবিস্ময়াঃ ।
তব রূপমনিন্দ্যাঙ্গি কিং পুনর্মানবা ভুবি ॥ 58 ॥ 4-14-58 (28722)
রাজা বিরাটঃ সুশ্রোণি দৃষ্ট্বা তে পরমং বপুঃ।
মাং বিহায় বরারোহে ৎবাং গচ্ছেৎসর্বচেতসা ॥ 59 ॥ 4-14-59 (28723)
যং হি ৎবমনবদ্যাঙ্গী নরমায়তলোচনে।
সুপ্রসন্না হি বীক্ষেথাঃ স কামবরাগো ভবেৎ ॥ 60 ॥ 4-14-60 (28724)
সুস্নাতাঽলংকৃতা হি ৎবং যমীক্ষেথা হি মানুষম্।
গ্লানির্ন তস্য দুঃখং বা ন তন্দ্রির্ন পরাজয়ঃ ॥ 61 ॥ 4-14-61 (28725)
ন শোকো ন চ সন্তাপো ন ক্রোধো নানৃতং বদে।
যং ৎবং সর্বাতবদ্যাঙ্গি ভজেথাঃ সমলংকৃতা ॥ 62 ॥ 4-14-62 (28726)
ন ব্যাধির্ন জরা তস্য ন তৃষ্ণা ন ক্ষুধা ভবেৎ।
যস্য ৎবং বশগা সুভ্রু ভবেরঙ্কগতা সতী ॥ 63 । 4-14-63 (28727)
পঞ্চৎবমপি সংপ্রাপ্তং যং চ ৎবং পরিপস্বজেঃ।
বাহুভ্যামনুরূপাভ্যাং স জীবেদিতি মে মতিঃ ॥ 64 ॥ 4-14-64 (28728)
যস্য হি ৎবং ভবের্ভার্যা যং চ হৃষ্টা পরিষ্বজেঃ ।
অতিজীবেস্য সর্বেষু দেবেষ্বিব পুরন্দরঃ ॥ 65 ॥ 4-14-65 (28729)
অধ্যারোহেদ্যথা বৃক্ষং যথা বাঽঽরুহ্য তক্ষতি।
রাজবেশ্মনি বামোরু ননু স্যাস্ৎবং তথা মম ॥ 66 ॥ 4-14-66 (28730)
যথা কর্কটকী গর্ভমাধত্তে মৃত্যুমাত্মনঃ।
তথাবিধমহং মন্যে তব সুভ্রু সমাগমম্ ॥ 67 ॥ 4-14-67 (28731)
অনুমানয়ে ৎবাং সৈরন্ধ্রি নাবমন্যে কথংচন।
ভর্তৃশীলভয়াদ্ভদ্রে তব বাসং ন রোচয়ে ॥ 68 ॥ 4-14-68 (28732)
সৈরন্ধ্র্যুবাচ। 4-14-69x (3046)
নাহং শক্যা বিরাটেন যদ্বা চান্যেন কেনচিৎ।
দেবগন্ধর্বয়ক্ষৈর্বা দ্রষ্টুং দুষ্টেন চেতসা ॥ 69 ॥ 4-14-69 (28733)
গন্ধর্বাঃ পালয়ন্তে মাং সুকুলাঃ পঞ্চ সুব্রতাঃ ।
পুত্রা দেবাদিদেবানাং সূর্যপাবকবর্চসঃ ॥ 70 ॥ 4-14-70 (28734)
যশ্চ দুঃশীলবান্মর্ত্যো মাং স্পৃশেদ্দুষ্টচেতসা।
স তামেব নিশাং শীঘ্রং শয়ীত মুসলৈর্হতঃ ॥ 71 ॥ 4-14-71 (28735)
যস্যাপি হি শতং পূর্ণং বান্ধবানাং ভবেদপি।
সহস্রং বা বিশালাক্ষি কোটির্বাপি সহস্রিকা ।
দুষ্টচিত্তশ্চ মাং ব্রূয়ান্ন স জীবেত্তবাগ্রতঃ ॥ 72 ॥ 4-14-72 (28736)
ন তস্য ত্রিদশা দেবা নাসুরা ন চ পন্নগাঃ।
তেভ্যো গন্ধর্বরাজেভ্যস্ত্রাণং কুর্যুরসংশয়ম্ ॥ 73 ॥ 4-14-73 (28737)
সুদেষ্ণে বিশ্বস ৎবং মাং স্বজনে বান্ধবেঽপি বা ।
নাহং শক্যা নরৈর্দ্রষ্টুং ন চ মে বৃত্তমীদৃশম্ ॥ 74 ॥ 4-14-74 (28738)
যো মে ন দদ্যাদুচ্ছিষ্টং ন চ পাদৌ প্রধাবয়েৎ।
প্রীয়েরংস্তেন বাসেন গন্ধর্বাঃ পতয়ো মম ॥ 75 ॥ 4-14-75 (28739)
যো হি মাং পুরুষো গৃদ্ধ্যেদ্যথাঽন্যাঃ প্রাকৃতস্ত্রিয়ঃ।
তামেব স ইমাং রাত্রিং প্রবিশেদপরাং তনুম্ ॥ 76 ॥ 4-14-76 (28740)
ন চাপ্যহং চালয়িতুং শক্যা কেনচিদঙ্গনে।
দুঃখশীলাশ্চ গন্ধর্বাস্ত ইমে বলিনঃ প্রিয়াঃ ।
এবং নিবসমানায়াং ময়ি মা তে ভয়ং হি ভূৎ ॥ 77 ॥ 4-14-77 (28741)
বৈশম্পায়ন উবাচ। 4-14-78x (3047)
এবমুক্তা তু সৈরন্ধ্র্যা সুদেষ্ণা বাক্যমব্রবীৎ।
বসেহ ময়ি কল্যাণি যদি তে বৃত্তমীদৃশম্ ॥ 78 ॥ 4-14-78 (28742)
কশ্চ তে দাতুমুচ্ছিষ্টং পুমানর্হতি ভামিনি ।
প্রসারয়েচ্চ কঃ পাদৌ লক্ষ্মীং দৃষ্ট্বৈব বুদ্ধিমান্ ॥ 79 ॥ 4-14-79 (28743)
এবমাচারসংপন্না এবং দেবপরায়ণা।
রক্ষ্যা ৎবমসি ভূতানাং সাবিত্রীবদ্বিজন্মনাম্ ॥ 80 ॥ 4-14-80 (28744)
দেবতা ইব কল্যাণি পূজিতা বরবর্ণিনী।
বস ভদ্রে ময়ি প্রীতা প্রীতির্হি ময়ি বর্ততে।
সর্বকামৈঃ প্রমুদিতা নিরুদ্বিগ্নমনাঃ সুখম্ ॥ 81 ॥ 4-14-81 (28745)
বৈশম্পায়ন উবাচ। 4-14-82x (3048)
সুদেষ্ণয়ৈবমুক্তা সা সংপ্রীতা চারুহাসিনী।
নির্বিশঙ্কা বিরাটস্য বিবেশান্তঃপুরং সুখম্ ॥ 82 ॥ 4-14-82 (28746)
যাজ্ঞসেনী সুদেষ্ণাং তু শুশ্রূপন্তী বিশাংপতে।
অবসৎপরিচারার্হা সুদুঃখং জনমেজয় ॥ 83 ॥ 4-14-83 (28747)
এবং বিরাটে ন্যবসংস্তু পাণ্ডবাঃ কৃষ্ণা তথাঽন্তঃপুরমেত্য শোভনা।
অজ্ঞাতচর্যাং প্রতিরুদ্ধমানসা যথাঽগ্রথো ভস্মনি গূঢতেজসঃ ॥ 84 ॥ ॥ 4-14-84 (28748)
ইতি শ্রীমন্মহাভারতে বিরাটপর্বণি পাণ্ডবপ্রবেশপর্বণি চতুর্দশোঽধ্যায়ঃ ॥ 14 ॥
Mahabharata - Virata Parva - Chapter Footnotes
4-14-1 সমুৎক্ষিপ্য বল্গিতাগ্রাননিন্দিতানিতি খo থo ধo পাঠঃ ॥ 1 ॥ চতুর্দশোঽধ্যায়ঃ ॥ 14 ॥বিরাটপর্ব - অধ্যায় 015
॥ শ্রীঃ ॥
4.15. অধ্যায়ঃ 015
Mahabharata - Virata Parva - Chapter Topics
অথ সময়পলনপর্ব ॥ 2 ॥ পাণ্ডবৈঃ স্বস্বব্যাপারৈর্বিরাটপরিতোপণম্ ॥ 1 ॥ ভীমেন শঙ্করোৎসবে মহামল্লমারণম্ ॥ 2 ॥Mahabharata - Virata Parva - Chapter Text
4-15-0 (28749)
জনমেজয় উবাচ। 4-15-0x (3049)
এবং বিরাটনগরে বসন্তঃ সত্যবিক্রমাঃ।
অত ঊর্ধ্বং নরব্যাঘ্রাঃ কিমকুর্বত পাণ্ডবাঃ ॥ 1 ॥ 4-15-1 (28750)
বৈশম্পায়ন উবাচ। 4-15-2x (3050)
এবং তে ন্যবসংস্তত্র প্রচ্ছন্নাঃ কুরুনন্দনাঃ ।
আরাধয়ন্তো রাজানাং যদকুর্বত তচ্ছৃণু ॥ 2 ॥ 4-15-2 (28751)
যুধিষ্ঠিরঃ সভাস্তারঃ সভ্যানামভবৎপ্রিয়ঃ ।
তথৈব চ বিরাটস্য সপুত্রস্য বিশাংপতে ॥ 3 ॥ 4-15-3 (28752)
স হ্যক্ষহৃদয়জ্ঞস্তান্ক্রীডয়ামাস পাণ্ডবঃ।
অক্ষবদ্ধান্যথাকামং সূত্রবদ্ধানিব দ্বিজান্ ॥ 4 ॥ 4-15-4 (28753)
অজ্ঞাতং চ বিরাটস্য বিজিত্য বসু ধর্মরাট্।
ভ্রাতৃভ্যঃ পুরুষব্যাঘ্রো যথেষ্টং সংপ্রয়চ্ছতি ॥ 5 ॥ 4-15-5 (28754)
ভীমসেনোপি মাংসানি ভক্ষ্যাণি বিবিধানি চ ।
অতিসৃষ্টানি মৎস্যেন বিক্রীণন্নিব ভ্রাতৃষু ॥ 6 ॥ 4-15-6 (28755)
বাসাংসি পরিজীর্ণানি লব্ধান্যন্তঃপুরেঽর্জুনঃ ।
বিক্রীণন্নিব সর্বেভ্যঃ পাণ্ডবেভ্যঃ প্রয়চ্ছতি ॥ 7 ॥ 4-15-7 (28756)
নকুলোপি ধনং লব্ধ্বা কৃতে কর্মণি বাজিনাম্।
তুষ্টে তস্মিন্নরপতৌ পাণ্ডবেভ্যঃ প্রয়চ্ছতি ॥ 8 ॥ 4-15-8 (28757)
সহদেবোপি গোপানাং বেষমাস্থায় পাণ্ডবঃ।
দধি ক্ষীরং ঘৃতং চৈব পাণ্ডবেভ্যঃ প্রয়চ্ছতি ॥ 9 ॥ 4-15-9 (28758)
কৃষ্ণা তু সর্বান্ভ্রাতৄংস্তান্নিরীক্ষন্তী তপস্বিনী ।
যথা পুনরবিজ্ঞাতা তথা চরতি ভামিনী ॥ 10 ॥ 4-15-10 (28759)
এবং সংভাবয়ন্তস্তে তদাঽন্যোন্যং মহারথাঃ।
বিরাটনগরে চেরুঃ পুনর্গর্ভধৃতা ইব ॥ 11 ॥ 4-15-11 (28760)
সাশঙ্কা ধার্তরাষ্ট্রস্য ভয়াৎপাণ্ডুসুতাস্তদা ।
প্রেক্ষমাণাস্তদা কৃষ্ণামূপুশ্ছন্না নরাধিপ ॥ 12 ॥ 4-15-12 (28761)
অথ মাসে চতুর্থে তু শঙ্করস্য মহোৎসবঃ।
আসীৎসমৃদ্ধো মৎস্যেষু পুরুষাণাং সুসংমতঃ ॥ 13 ॥ 4-15-13 (28762)
তত্র মল্লাঃ সমাপেতুর্দিগ্ভ্যো রাজন্সহস্রশঃ ॥ 14 ॥ 4-15-14 (28763)
মহাকায়া মহাবীর্যাঃ কালকেয়া ইবাসুরাঃ।
বীর্যোন্মত্তা বলোদগ্রা রাজ্ঞা সমভিপূজিতাঃ ॥ 15 ॥ 4-15-15 (28764)
সিংহস্কন্ধকটিগ্রীবাঃ স্ববদাতা মনস্বিনঃ।
অসকৃল্লব্ধলক্ষাস্তে রঙ্গে পার্থিবসন্নিধৌ ॥ 16 ॥ 4-15-16 (28765)
তেষামেকো মহানাসীৎসর্বমল্লানথাহ্বয়ৎ।
ব্যাবল্গমানো দদৃশে গর্জিতোদ্গতিভিঃ স্থিতঃ ॥ 17 ॥ 4-15-17 (28766)
বিত্রস্তমনসঃ সর্বে মল্লাস্তে হতচেতসঃ ।
অবাঙ্ভুখাশ্চ ভীতাশ্চ মল্লাশ্চান্যে বিচেতসঃ ॥ 18 ॥ 4-15-18 (28767)
ব্যসুৎবমপরে চৈব বাঞ্ছন্তি প্রতিবিহ্বলাঃ।
গাং প্রবেষ্টুমথেচ্ছন্তি খং গন্তুমিব চোত্থিতাঃ ॥ 19 ॥ 4-15-19 (28768)
ত্রস্তাঃ শান্তা বিষণাঙ্গা নিঃশব্দং বিহ্বলেক্ষণাঃ ।
বিরাটরাজমল্লাস্তে ভগ্নদর্পা হতপ্রভাঃ ॥ 20 ॥ 4-15-20 (28769)
মল্লেন্দ্রনিহতাঃ সর্বে ন কিংচিৎপ্রবদন্তি তে।
মল্ল উদ্বীক্ষ্য তান্মল্লাংস্রস্তান্বাক্যমুবাচহ ॥ 21 ॥ 4-15-21 (28770)
আগতং মল্লরাজং মাং কৃৎস্নে পৃথিবিমণ্ডলে ।
সিংহব্যাঘ্রগণৈঃ সার্ধং ক্রীডন্তং বিদ্ধি ভূপতে ॥ 22 ॥ 4-15-22 (28771)
মল্লেন্দ্রস্য বচঃ শ্রুৎবা বলদর্পসমন্বিতম্ ।
বিরাটো বীক্ষ্য তান্মল্লাংস্ত্রস্তান্বাক্যমুবাচ হ ॥ 23 ॥ 4-15-23 (28772)
অনেন সহ মল্লেন কো যোদ্ধুং শক্তিমান্নরঃ ॥ 24 ॥ 4-15-24 (28773)
ইত্যুক্তাস্তে বিরাটেন সর্বে মল্লা বিশাংপতে ।
তূষ্ণীমাসংস্ততো রাজা ক্রোধাবিষ্ট উবাচ হ ॥ 25 ॥ 4-15-25 (28774)
গ্রামাংশ্চ বেতনান্যেপাং মল্লানাং হারয়াম্যহম্।
ততো যুধিষ্ঠিরোঽবাদীচ্ছ্রুৎবা মাৎস্যপতের্বচঃ ॥ 26 ॥ 4-15-26 (28775)
অস্তি মল্লো মহারাজ ময়া দৃষ্টো যুধিষ্ঠিরে।
অনেন সহ মল্লেন যোদ্ধুং শক্নোতি ভূপতে ॥ 27 ॥ 4-15-27 (28776)
যোসৌ মল্লো ময়া দৃষ্টঃ পূর্বং যৌধিষ্ঠিরে পুরে।
সোয়ং মল্লো বসত্যেপ রাজংস্তব মহানসে ॥ 28 ॥ 4-15-28 (28777)
বৈশম্পায়ন উবাচ। 4-15-29x (3051)
যুধিষ্ঠিরবচঃ শ্রুৎবা ব্যক্তমাহেতি পার্থিবঃ।
সোপ্যথাহূয়তাং ক্ষিপ্রং যোদ্ধুং মল্লেন সংপ্রতি ॥ 29 ॥ 4-15-29 (28778)
ভীমসেনো বিরাটেন আহূতশ্চোদিতস্তথা।
যোদ্ধুং ততোঽব্রবীদ্বাক্যং যোদ্ধুং শক্নোমি ভূপতে ॥ 30 ॥ 4-15-30 (28779)
নরেন্দ্র তে প্রভাবেন শ্রিয়া শক্ত্যা চ শাসনাৎ।
অনেন সহ মল্লেন যোদ্ধুং রাজেন্দ্র শক্নুয়াম্ ॥ 31 ॥ 4-15-31 (28780)
যুধিষ্ঠিরকৃতং জ্ঞাৎবা শ্রিয়া তব বিশাংপতে।
মহাদেবস্য ভক্ত্যা চ তং মল্লং পাতয়াম্যহম্ ॥ 32 ॥ 4-15-32 (28781)
বৈশম্পায়ন উবাচ। 4-15-33x (3052)
চোদিতো ভীমসেনস্তু মল্লমাহূয় মণ্ডলে।
যোদ্ধুং ব্যবস্থিতো বীরো রেণুং সংমৃজ্য হস্তয়োঃ।
মত্তো গজ ইবান্যং তু যোদ্ধুং সমুপচক্রমে ॥ 33 ॥ 4-15-33 (28782)
অথ সূদেন তং মল্লং যোধয়ামাস মৎস্যরাট্র ॥ 34 ॥ 4-15-34 (28783)
নোদ্যমানস্তদা ভীমো দুঃখেনেবাকরোন্মতিম্।
ন হি শক্নোম্যশক্তোপি প্রত্যাখ্যাতুং নরাধিপং ॥ 35 ॥ 4-15-35 (28784)
ততঃ স পুরুষব্যাঘ্রঃ শার্দূলশিথিলং চরন্।
প্রবিবেশ মহারঙ্গং বিরাটমভিহর্ষয়ন্ ॥ 36 ॥ 4-15-36 (28785)
ববন্ধ কক্ষাং কৌন্তেয়স্ততঃ সংহর্ষয়ঞ্জনম্ ।
ততস্তু বৃত্রসঙ্কাশং ভীমো মল্লং সমাহ্বয়ৎ ॥ 37 ॥ 4-15-37 (28786)
জীমূতং নাম তং তত্র মল্লপ্রখ্যাতবিক্রমম্ ।
কক্ষে মল্লং গৃহীৎবাঽথ ননাদ বহু সিংহবৎ ॥ 38 ॥ 4-15-38 (28787)
তাবুভৌ সুমহোৎসাহাবুভৌ ভীমপরাক্রমৌ ।
মত্তাবিব মহাকায়ৌ বারণৌ ষষ্ঠিহায়নৌ ॥ 39 ॥ 4-15-39 (28788)
ততস্তৌ নরশার্দূলৌ বাহুয়ুদ্ধং সমীয়তু।
বীরৌ পরমসংহৃষ্টাবন্যোন্যজয়কাঙ্ক্ষিণৌ ॥ 40 ॥ 4-15-40 (28789)
উভৌ পরমসংহৃষ্টৌ বলেনাতিবলাবুভৌ ।
অন্যোন্যস্যান্তরং প্রেপ্সূ পরস্পরজয়ৈষিণৌ ॥ 41 ॥ 4-15-41 (28790)
কৃতপ্রতিকৃতৈশ্চিত্রৈর্বাহুভিশ্চ সুসঙ্কটৈঃ।
সন্নিপাতাবধূতৈশ্চ প্রমাথোন্মথনৈস্তথা ॥ 42 ॥ 4-15-42 (28791)
ক্ষেপণৈর্মুষ্টিভিশ্চৈব বরাহোদ্ধূতনিস্স্বনৈঃ।
তলৈর্বজ্রনিপাতৈশ্চ প্রসৃষ্টাভিস্তথৈব চ ॥ 43 ॥ 4-15-43 (28792)
শলাকানখপাতৈশ্চ পাদোদ্ধূতৈশ্চ দারুণৈঃ ।
জানুভিশ্চাশ্মনির্ঘোষৈঃ শিরোভিশ্চাবঘট্টনৈঃ ॥ 44 ॥ 4-15-44 (28793)
তদ্যুদ্ধমভবদ্ধোরমশস্ত্রং বাহুতেজসা।
বলপ্রাণেন শূরাণাং সমাজোৎসবসন্নিধৌ ॥ 45 ॥ 4-15-45 (28794)
অরজ্যত জনঃ সর্বঃ সোৎক্রুষ্টনিনদোত্থিতঃ।
বলিনোঃ সংয়ুগে রাজন্বৃত্রবাসবয়োরিব ॥ 46 ॥ 4-15-46 (28795)
প্রকর্ষণাকর্ষণয়োরভ্যাকর্ষবিকর্ষণৈঃ।
আকর্ষতুরথান্যোন্যং জানুভিশ্চাপি জন্ঘতুঃ ॥ 47 ॥ 4-15-47 (28796)
ততঃ শব্দেন মহতা ভর্ৎসয়ন্তৌ পরস্পরম্।
ব্যূঢোরস্কৌ দীর্ঘভুজৌ নিয়ুদ্ধকুশলাবুভৌ।
বাহুভিঃ সমসজ্জেতামায়সৈঃ পরিঘৈরিব ॥ 48 ॥ 4-15-48 (28797)
উৎপপাতাথ বেগেন মল্লং কক্ষে গৃহীতবান্।
পার্শ্বং নিগৃহ্য হস্তেন পাতয়ামাস মল্লকম্ ॥ 49 ॥ 4-15-49 (28798)
চকর্ষ দোর্ভ্যামুৎপাত্য ভীমো মল্লমমিত্রহা।
নিনদং তমভিক্রোশঞ্শার্দূল ইব বারণম্ ॥ 50 ॥ 4-15-50 (28799)
সমুদ্যম্য মহাবাহুর্ভ্রাময়ামাস বীর্যবান্ ।
ততো মল্লাশ্চ মৎস্যাশ্চ বিস্ময়ং চক্রিরে পরম্ ॥ 51 ॥ 4-15-51 (28800)
ভ্রাময়িৎবা শতগুণং গতসৎবমচেতনম্ ।
প্রত্যপিংষন্মহাবাহুর্মল্লং ভুবি বৃকোদরঃ॥ 52 ॥ 4-15-52 (28801)
তস্মিন্বিনিহতে বীরে জীমূতে লোকবিশ্রুতে ।
বিরাটঃ পরমং হর্ষমগচ্ছদ্বান্ধবৈঃ সহ ॥ 53 ॥ 4-15-53 (28802)
প্রহর্ষাৎপ্রদদৌ বিত্তং বহু রাজ মহামনাঃ।
বললায় মহারঙ্গে যথা বৈশ্রবণস্তথা ॥ 54 ॥ 4-15-54 (28803)
এবং স সুবহূন্মল্লান্পুরুষাংশ্চ মহাবলান্ ।
বিনিঘ্নন্মৎস্যরাজস্য প্রীতিমাহরদুত্তমাম্ ॥ 55 ॥ 4-15-55 (28804)
যদাঽস্য তুল্যঃ পুরুষো ন কশ্চিতত্র বিদ্যতে ।
ততো ব্যাঘ্রৈশ্চ সিংহৈশ্চ দ্বিরদৈশ্চাপ্যযোধয়ৎ ॥ 56 ॥ 4-15-56 (28805)
বিরাটেন প্রদত্তানি চিত্রাণি বিবিধানি চ।
স্থিতেভ্যঃ পুরুষেভ্যশ্চ দত্ৎবা দ্রব্যাণি জগ্মিবান্ ॥ 57 ॥ 4-15-57 (28806)
পুনরন্তঃপুরগতঃ স্ত্রীণাং মধ্যে বৃকোদরঃ।
যোধ্যতে স বিরাটস্য গজৈঃ সিংহৈর্মহাবলৈঃ ॥ 58 ॥ 4-15-58 (28807)
বীভৎসুরপি গীতেন নৃত্তেনাপি চ পাণ্ডবঃ।
বিরাটং তোষয়ামাস সর্বাশ্চান্তঃপুরস্ত্রিয়ঃ ॥ 59 ॥ 4-15-59 (28808)
অশ্বৈর্বিনীতৈর্জবনৈস্তত্রতত্র সমাগতঃ।
তোপয়ামাস রাজানং নকুলো নৃপসত্তমম্।
তস্মৈ প্রদেয়ং প্রায়চ্ছৎপ্রীতো রাজা ধনং বহু ॥ 60 ॥ 4-15-60 (28809)
বিনীতান্বৃপভান্দৃষ্ট্বা সহদেবস্য চাভিতঃ।
ধনং দদৌ বহুবিধং বিরাটঃ পুরুষর্ষভঃ ॥ 61 ॥ 4-15-61 (28810)
দ্রৌপদী প্রেক্ষ্য তান্সর্বান্ক্লিশ্যমানান্মহারথান্ ।
নাতিপ্রীতমনা রাজন্নিশ্বাসপরমাঽভবৎ ॥ 62 ॥ 4-15-62 (28811)
এবং তে ন্যবসংস্তত্র প্রচ্ছন্নাঃ পুরুষর্ষভাঃ ।
কর্মাণি তস্য কুর্বাণা বিরাটনৃপতেস্তদা ॥ 63 ॥ ॥ 4-15-63 (28812)
ইতি শ্রীমন্মহাভারতে বিরাটপর্বণি সময়পালনপর্বণি পঞ্চদশোঽধ্যায়ঃ ॥ 15 ॥ ॥ সমাপ্তং চেদং সময়পালনপর্ব ॥ 2 ॥
------------
Mahabharata - Virata Parva - Chapter Footnotes
4-15-42 কৃতপ্রতিকৃতাদয়ো মল্লয়ুদ্ধবিশেষাঃ ॥ 42 ॥বিরাটপর্ব - অধ্যায় 016
॥ শ্রীঃ ॥
4.16. অধ্যায়ঃ 016
Mahabharata - Virata Parva - Chapter Topics
দ্রৌপদ্যা স্বাত্মানং কাময়মানস্য কীচকস্য পরুষভাষণৈঃ প্রত্যাখ্যানম্ ॥ 1 ॥Mahabharata - Virata Parva - Chapter Text
4-16-0 (28813)
বৈশম্পায়ন উবাচ। 4-16-0x (3053)
বসমানেষু পার্থেষু মৎস্যস্য নগরে তদা।
মহারথেষু চ্ছন্নেষু মাসা দশ সমায়যুঃ ॥ 1 ॥ 4-16-1 (28814)
যাজ্ঞসেনী সুদেষ্ণাং তু শুশ্রূষন্তী বিশাংপতে ।
আবসৎপরিচারার্হা সুদুঃখং জনমেজয় ॥ 2 ॥ 4-16-2 (28815)
তথা চরন্তী পাঞ্চালী সুদেষ্ণায়া নিবেশনে।
তা দেবীং তোপয়ামাস তথা চান্তঃপুরস্ত্রিয়ঃ ॥ 3 ॥ 4-16-3 (28816)
তস্মিন্বর্ষে গতপ্রায়ে কীচকস্তু মহাবলঃ।
সেনাপতির্বিরাটস্য দদর্শ দ্রুপদাত্মজাম্ ॥ 4 ॥ 4-16-4 (28817)
তাং দৃষ্ট্বা দেবগর্ভায়াং চরন্তীং দেবতামিব ।
কীচকঃ কাময়ামাস কামবাণপ্রপীডিতঃ ॥ 5 ॥ 4-16-5 (28818)
স তু কামাগ্নিসংতপ্তঃ সুদেষ্ণামভিগম্য বৈ।
প্রহসন্নিব সেনানীরিদং বচনমব্রবীৎ ॥ 6 ॥ 4-16-6 (28819)
নেয়ং ময়া জাতু পুরেহ দৃষ্টা রাজ্ঞী বিরাটস্য নিবেশনে শুভা।
রূপেণ চোন্মাদয়তীব মাং ভৃশং গন্ধেন জাতা মদিরেব ভামিনী ॥ 7 ॥ 4-16-7 (28820)
কা দেবরূপা হৃদয়ংগমা শুভে হ্যাচক্ষ্ব মে কস্য কুতোত্র শোভনে।
চিত্তং হি নির্মথ্য করোতি মাং বশে ন চান্যদত্রৌপধমস্তি মে মতম্ ॥ 8 ॥ 4-16-8 (28821)
অহো তবেয়ং পরিচারিকা শুভা প্রত্যগ্ররূপা প্রতিভাতি মামিয়ম্।
অয়ুক্তরূপং হি করোতি কর্ম তে প্রশাস্তু মাং যচ্চ মমাস্তি কিংচন ॥ 9 ॥ 4-16-9 (28822)
প্রভূতনাগাশ্বরথং মহাজনং সমৃদ্ধিয়ুক্তং বহুপানয়োজনম্।
মনোহরং কাঞ্চনচিত্রভূষণং গৃহং মহচ্ছোভয়তামিয়ং মম ॥ 10 ॥ 4-16-10 (28823)
ততঃ সুদেষ্ণামনুমন্ত্র্য কীচকস্ততঃ সমভ্যেত্য নরাধিপাত্মজাম্।
উবাচ কৃষ্ণামভিসান্ৎবয়ংস্তদা মৃগেন্দ্রকন্যামিব জম্বুকো বনে ॥ 11 ॥ 4-16-11 (28824)
কা ৎবং কস্যাসি কল্যাণি কুতো বা ৎবং বরাননে।
প্রাপ্তা বিরাটনগরং তত্ৎবমাচক্ষ্ব শোভনে ॥ 12 ॥ 4-16-12 (28825)
রূপমগ্র্যং তথা কান্তিঃ সৌকুমার্যমনুত্তমম্।
কান্ত্যা বিভাতি বক্রং তে শশাঙ্ক ইব নির্মলং ॥ 13 ॥ 4-16-13 (28826)
নেত্রে সুবিপুলে সুভ্রু পদ্মপত্রনিভেশুভে।
বাক্যং তে চারুসর্বাঙ্গি পরপুষ্টরুতোপমম্ ॥ 14 ॥ 4-16-14 (28827)
এবংরূপা ময়া নারী কাচিদন্যা মহীতলে।
ন দৃষ্টপূর্বা সুশ্রোণি যাদৃশী ৎবমনিন্দিতে ॥ 15 ॥ 4-16-15 (28828)
লক্ষ্মীঃ পদ্মালয়া কা ৎবমথ ভূতিঃ সুমধ্যমে।
হ্রীঃ শ্রীঃ কীর্তিরথো কান্তিরাসাং কা ৎবং বরাননে ॥ 16 ॥ 4-16-16 (28829)
অতীব রূপিণী কিং ৎবমনঙ্গবিহারিণী।
অতীব ভ্রাজসে সুভ্রু প্রভেবেন্দোরনুত্তমা ॥ 17 ॥ 4-16-17 (28830)
অপি চেক্ষণপক্ষ্মাণাং স্থিতজ্যোৎস্নোপমং শুভম্।
দিব্যাংশুরশ্মিভির্বৃত্তং দিব্যকান্তিমনোরমম্ ॥ 18 ॥ 4-16-18 (28831)
নিরীক্ষ্য বক্রচন্দ্রং তে লক্ষ্ম্যাঽনুপময়া যুতম্।
কৃৎস্নে জগতি কো নেহ কামস্য বশগো ভবেৎ ॥ 19 ॥ 4-16-19 (28832)
হারালংকারয়োগ্যৌ তু স্তনৌ চোভৌ শুভোভনৌ ।
সুজাতৌ সহিতৌ লক্ষ্ম্যা পীনৌ বৃত্তৌ নিরন্তরৌ ॥ 20 ॥ 4-16-20 (28833)
কুড্মলাম্বুরুহাকারৌ তব সুভ্রু পয়োধরৌ।
কামপ্রতোদাবিব মাং তুদতশ্চারুহাসিনি ॥ 21 ॥ 4-16-21 (28834)
বলীবিভঙ্গচতুরং স্তনভারবিনামিতম্।
করাগ্রসংমিতং মধ্যং তবেদং তনুমধ্যমে ॥ 22 ॥ 4-16-22 (28835)
দৃষ্ট্বৈব চারুজঘনং সরিৎপুলিনসংনিভম্।
কামব্যাধিরসাধ্যো মামপ্যাক্রামতি ভামিনি ॥ 23 ॥ 4-16-23 (28836)
জজ্বাল চাগ্নিমদনো দাবাগ্নিরিব নির্দয়ঃ ।
ৎবৎসঙ্গমাভিসংকল্পবিবৃদ্ধো মাং দহত্যযম্ ॥ 24 ॥ 4-16-24 (28837)
আত্মপ্রদানবর্ষেণ সংগমাম্ভোধরেণ চ।
শময়স্ব বরারোহে জ্বলন্তং মন্মথানলম্ ॥ 25 ॥ 4-16-25 (28838)
মচ্চিত্তোন্মাদনকরা মন্মথস্য শরোৎকরাঃ।
ৎবৎসঙ্গমাশানিশিতাস্তীব্রাঃ শশিনিভাননে ।
মহ্যং বিদার্য হৃদয়মিদং নির্দয়বেগিতাঃ ॥ 26 ॥ 4-16-26 (28839)
প্রবিষ্টা হ্যসিতাপাঙ্গি প্রচণ্ডাশ্চণ্ডদারুণাঃ।
অত্যুন্মাদসমারম্ভাঃ প্রীত্যুন্মাদকরা মম।
আত্মপ্রদানসংভোগৈর্মামুদ্ধর্তুমিহার্হসি ॥ 27 ॥ 4-16-27 (28840)
চিত্রমাল্যাম্বরধরা সর্বাভরণভূষিতা।
কামং প্রকামং সেব ৎবং ময়া সহ বিলাসিনি ॥ 28 ॥ 4-16-28 (28841)
নার্হসীহাসুখং বস্তুং সুখার্হা সুখবর্জিতা।
প্রাপ্নুহ্যনুত্তমং সৌখ্যং মত্তস্ৎবং মত্তগামিনি ॥ 29 ॥ 4-16-29 (28842)
স্বাদূন্যমৃতকল্পানি পেয়ানি বিবিধানি চ।
পিবমানা মনোজ্ঞানি রমমাণা যথাসুখম্ ॥ 30 ॥ 4-16-30 (28843)
ভোগোপচারান্বিবিধান্সৌভাগ্যং চাপ্যনুত্তমম্।
পানং পিব মহাভাগে ভোগৈশ্চানুত্তমৈঃ শুভৈঃ ॥ 31 ॥ 4-16-31 (28844)
ইদং হি রূপং প্রথমং তবানঘে নিরর্থকং কেবলমদ্য ভামিনি ।
অধার্যমাণা স্নগিবোত্তমা শুভা ন শোভসে সুন্দরি শোভনা সতী ॥ 32 ॥ 4-16-32 (28845)
ত্যজামি দারান্মম যে পুরাতনা ভবন্তু দাস্যস্তব চারুহাসিনি ।
অহং চ তে সুন্দরি দাসবৎস্থিতঃ সদা ভবিষ্যে বশগো বরাননে ॥ 33 ॥ ॥ 4-16-33 (28846)
ইতি শ্রীমন্মহাভারতে বিরাটপর্বণি কীচকবধপর্বণি ষোডশোঽধ্যায়ঃ ॥ 16 ॥
বিরাটপর্ব - অধ্যায় 017
॥ শ্রীঃ ॥
4.17. অধ্যায়ঃ 017
Mahabharata - Virata Parva - Chapter Topics
দ্রৌপদ্যা স্বাত্মানং কাময়মানস্য কীচকস্য পরুষভাষণৈঃ প্রত্যাখ্যানম্ ॥ 1 ॥Mahabharata - Virata Parva - Chapter Text
4-17-0 (28847)
বৈশম্পায়ন উবাচ। 4-17-0x (3054)
এবমুক্তাঽনবদ্যাঙ্গী কীচকেন দুরাত্মনা ।
দ্রৌপদী তমুবাচেদং সৈরন্ধ্রীবেষধারিণী ॥ 1 ॥ 4-17-1 (28848)
অপ্রার্থনীয়ামিহং মাং সূতপুত্রাভিমন্যসে।
নিহীনবর্ণাং সৈরেন্ধ্রীং বীভৎসাং কেশকারিণীম্ ॥ 2 ॥ 4-17-2 (28849)
পরদারাঽস্মি ভদ্রং তে ন যুক্তং তব সাংপ্রতম্।
দয়িতাঃ প্রাণিনাং দারা ধর্মং সমনুচিন্তয় ॥ 3 ॥ 4-17-3 (28850)
পরদারে ন তে বুদ্ধির্জাতু কার্যা কথংচন ।
বিবর্জনং হ্যকার্যাণামেতৎসুপুরুষব্রতম্ ॥ 4 ॥ 4-17-4 (28851)
মিথ্যাভিগৃধ্নো হি নরঃ পাপাত্মা মোহমাস্থিতঃ ।
অয়শঃ প্রাপ্নুয়াদ্ধোরং মহদ্বা প্রাপ্নুয়াদ্ভয়ম্ ॥ 5 ॥ 4-17-5 (28852)
বৈশম্পায়ন উবাচ। 4-17-6x (3055)
এবমুক্তস্তু সৈরন্ধ্র্যা কীচকঃ কামমোহিতঃ।
জানন্নপি সুদুর্বুদ্ধিঃ পরদারাভিমর্শনে ॥ 6 ॥ 4-17-6 (28853)
দোষান্বহূন্প্রাণহরান্সর্বলোকবিগর্হিতান্ ।
প্রোবাচেদং সুদুর্বুদ্ধির্দ্রৌপদীমজিতেন্দ্রিয়ঃ ॥ 7 ॥ 4-17-7 (28854)
নার্হস্যেবং বরারোহে প্রত্যাখ্যাতুং বরাননে ।
মাং মন্মথসমাবিষ্টং ৎবৎকৃতে চারুহাসিনি ॥ 8 ॥ 4-17-8 (28855)
প্রত্যাখ্যায় চ মাং ভীরু বশগং প্রিয়বাদিনম্ ।
নূনং ৎবমসিতাপাঙ্গি পশ্চাত্তাপং করিষ্যসি ॥ 9 ॥ 4-17-9 (28856)
অহং হি সুভ্রু রাজ্যস্য কৃৎস্নস্যাস্য সুমধ্যমে ।
প্রভুর্বাসয়িতা চৈব বীর্যে চাপ্রতিমঃ ক্ষিতৌ ॥ 10 ॥ 4-17-10 (28857)
পৃথিব্যাং মৎসমো নাস্তি কশ্চিদন্যঃ পুমানিহ ।
রূপয়ৌবনসৌভাগ্যৈর্ভোগৈশ্চানুত্তমৈঃ শুভৈঃ ॥ 11 ॥ 4-17-11 (28858)
সর্বকামসমৃদ্ধেষু ভোগেষ্বনুপমেষ্বিহ।
ভোক্তব্যেষু চ কল্যাণি কস্মাদ্দাস্যে রতা হ্যসি ॥ 12 ॥ 4-17-12 (28859)
ময়া দত্তমিদং রাজ্যং স্বামিন্যসি শুভাননে।
ভজস্ব মাং বরারোহে ভুঙ্ক্ষ্বং ভোগাননুত্তমান্ ॥ 13 ॥ 4-17-13 (28860)
এবমুক্তা তু সা সাধ্বী কীচকেনাশুভং বচঃ।
কীচকং প্রত্যুবাচেদং গর্হয়ন্ত্যস্য তদ্বচঃ ॥ 14 ॥ 4-17-14 (28861)
সৈরন্ধ্র্যুবাচ। 4-17-15x (3056)
মা সূতপুত্র মুহ্যস্ব মাঽদ্য ত্যক্ষ্যস্ব জীবিতম্।
জানীহি পঞ্চভির্ঘোরৈর্নিত্যং মামভিরক্ষিতাম্ ॥ 15 ॥ 4-17-15 (28862)
ন চাপ্যহং ৎবয়া লভ্যা গন্ধর্বাঃ পতয়ো মম।
তে ৎবাং নিহন্যুঃ কুপিতাঃ সাধ্বলং মা ব্যনীনশঃ ॥ 16 ॥ 4-17-16 (28863)
অশক্যরূপং পুরুষৈরধ্বানং গন্তুমিচ্ছসি ॥ 17 ॥ 4-17-17 (28864)
যথা নিশ্চেতনো বালঃ কূলস্থঃ কূলমুত্তরম্।
তর্তুমিচ্ছতি মন্দাত্মা তথা ৎবং কর্তুমিচ্ছসি ॥ 18 ॥ 4-17-18 (28865)
অন্তর্মহীং বা যদি বোর্ধ্বমুৎপতেঃ সমুদ্রপারং যদি বা প্রধাবসি।
তথাপি তেষাং ন বিমোক্ষমর্হসি প্রমাথিনো দেবসুতা হি খেচরাঃ ॥ 19 ॥ 4-17-19 (28866)
ৎবং কালরাত্রীমিব কশ্চিদাতুরঃ কিং মাং দৃঢং পার্থয়সেঽদ্য কীচক।
কিং মাতুরঙ্কে শয়িতো যথা শিশুশ্চন্দ্রং জিঘৃক্ষুরিব মন্যসে হি মাম্ ॥ 20 ॥ 4-17-20 (28867)
তেষাং প্রিয়াং প্রার্থয়তো ন তে ভুবি গৎবা দিবং বা শরণং ভবিষ্যতি।
ন বর্ততে কীচক তে দৃশা শুভং যা তেন সংজীবনমর্থয়েত সা ॥ 21 ॥ ॥ 4-17-21 (28868)
ইতি শ্রীমন্মহাভারতে বিরাটপর্বণি কীচকবধপর্বণি সপ্তদশোঽধ্যায়ঃ ॥ 17 ॥
Mahabharata - Virata Parva - Chapter Footnotes
4-17-16 ভূতিঃ ঈশ্বরী ঐশ্বর্যাভিমানিনী দেবতা ॥ 16 ॥ 4-17-17 অনঙ্গাঙ্গবিহারিণী রতিরিত্যর্থঃ ॥ 17 ॥ 4-17-18 ঈক্ষণপক্ষ্মাণাং নেত্রপক্ষ্মণাং স্মিতং ঈষদুন্মীলং তদেব জ্যোৎস্নোপম মনস আহ্লাদকরম্ ॥ 18 ॥ 4-17-20 সুজাতৌ উন্নতৌ। নিরন্তরৌ পৃথৎবাৎসাংশ্লিষ্টৌ ॥ 20 ॥ 4-17-21 কুড্ভলেতি মুকুলীভূতপদ্মাকারৌ ॥ 21 ॥ 4-17-24 অগ্নিমদনো মদনাগ্নিঃ ॥ 24 ॥ 4-17-28 কামং স্মরম্। প্রকামমতিশয়িতম্ ॥ 28 ॥বিরাটপর্ব - অধ্যায় 018
॥ শ্রীঃ ॥
4.18. অধ্যায়ঃ 018
Mahabharata - Virata Parva - Chapter Topics
কীচকেন সুদেষ্ণাংপ্রতি দ্রৌপদ্যাঃ স্ববশীকরণপ্রার্থনা ॥ 1 ॥ সুদেষ্ণয়া কীচকে সুরাহরণব্যাজেন তদ্গৃহংপ্রতি দ্রৌপদীপ্রেষণপ্রতিজ্ঞানম্ ॥ 2 ॥ তথা বলাৎকারেণ দ্রৌপদ্যাঃ সুরানয়নায় কীচকগৃহংপ্রতি গমনচোদনা ॥ 3 ॥Mahabharata - Virata Parva - Chapter Text
4-18-0 (28869)
বৈশম্পায়ন উবাচ। 4-18-0x (3057)
প্রত্যাখ্যাতশ্চ পাঞ্চাল্যা কীচকঃ কামমোহিতঃ।
প্রবিশ্য রাজভবনং ভগিন্যা অগ্রতঃ স্থিতঃ ॥ 1 ॥ 4-18-1 (28870)
সোভিবীক্ষ্য সুকেশান্তাং সুদেষ্ণাং ভগিনীং প্রিয়াম্ ।
অমর্যাদেন কামেন ঘোরেণাভিপরিপ্লুতঃ ॥ 2 ॥ 4-18-2 (28871)
স তু মূর্ধ্র্যঞ্জলিং কৃৎবা ভগিন্যাশ্চরণাবুভৌ ।
সংমোহাভিহতস্তূর্ণং বাতোদ্ধৃত ইবার্ণবঃ ॥ 3 ॥ 4-18-3 (28872)
স প্রোবাচ সুদুঃখার্তো ভগিনীং নিশ্বসন্মুহুঃ ।
অব্যক্তমৃদুনা সাম্না শুষ্যতা চ পুনঃপুনঃ ॥ 4 ॥ 4-18-4 (28873)
যথা সুদেষ্ণে সৈরন্ধ্র্যা সংগচ্ছেয়ং সকাময়া ।
তথা শীঘ্রং কুরুষ্বাদ্য মাঽহং প্রাণান্প্রহাসিষম্ ॥ 5 ॥ 4-18-5 (28874)
যদীয়মনবদ্যাঙ্গী ন মামদ্যাপি কাঙ্ক্ষতে ।
চেতসাঽভিপ্রসন্নেন গতোস্মি যমসাদনম্ ॥ 6 ॥ 4-18-6 (28875)
বৈশম্পায়ন উবাচ। 4-18-7x (3058)
তমুবাচ পরিষ্বজ্য সুদেষ্ণা ভ্রাতরং প্রিয়ম্।
ভ্রাতুর্জীবিতরক্ষার্থং সমাশ্বাস্যাসিতেক্ষণা ॥ 7 ॥ 4-18-7 (28876)
শরণাগতেয়ং সুশ্রোণী ময়া দত্তাভয়া চ সা।
শুভাচারা চ ভদ্রং তে নৈনাং বক্তুমিহোৎসহে ॥ 8 ॥ 4-18-8 (28877)
এষা হি শক্যা নান্যেন স্প্রষ্টুং পাপেন চেতসা।
গন্ধর্বাঃ কিল পঞ্চেমাং রক্ষন্তি রময়ন্তি চ ॥ 9 ॥ 4-18-9 (28878)
এবমেষা মমাচষ্টে তথা প্রথমসংগমে।
তথৈব গজনাসোরূঃ সত্যমাহ মমান্তিকে।
তে হি ক্রুদ্ধা মহাত্মানো নাশয়েয়ুর্হি জীবিতম্ ॥ 10 ॥ 4-18-10 (28879)
রাজা চৈব সমীক্ষ্যৈনাং সংমোহং গতবানিহ ।
ময়া চ সত্যবচনৈরনুনীতো মহীপতিঃ ॥ 11 ॥ 4-18-11 (28880)
সোপ্যেনামনিশং দৃষ্ট্বা মনসৈবাভ্যনন্দত।
ভয়াদ্গন্ধর্বমুখ্যানাং জীবিতস্যোপঘাতিনাম্।
মনসাঽপি ততস্ৎবেনাং ন চিন্তয়তি পার্থিবঃ ॥ 12 ॥ 4-18-12 (28881)
তে হি ক্রুদ্ধা মহাত্মানো গরুডানিলতেজসঃ।
দহেয়ুরপি লোকাংস্ত্রীন্যুগান্তেষ্বিব ভাস্করঃ ॥ 13 ॥ 4-18-13 (28882)
সৈনন্ধ্র্যা হ্যেতদাখ্যাতং মম তেষাং মহদ্বলম্।
তব চাহমিদং গুহ্যং স্নেহাদ্বক্ষ্যামি বন্ধুবৎ ॥ 14 ॥ 4-18-14 (28883)
মা গমিষ্যসি বৈ কৃচ্ছ্রাং গতিং পরমদুর্গমাম্।
বলিনস্তে রুজং কুর্যুঃ কুলস্য চ ধনস্য চ ॥ 15 ॥ 4-18-15 (28884)
তস্মান্নাস্যাং মনঃ কর্তুং যদি প্রাণা প্রিয়াস্তব।
ন চিন্তয়েথা মাগাস্ৎবং মৎপ্রিয়ং চ যদীচ্ছসি ॥ 16 ॥ 4-18-16 (28885)
বৈশম্পায়ন উবাচ। 4-18-17x (3059)
এবমুক্তস্তু দুষ্টাত্মা ভগিনীং কীচকোঽব্রবীৎ।
গন্ধর্বাণাং শতং বাঽপি সহস্রময়ুতানি বা ।
অহমেকো বধিষ্যামি গন্ধর্বান্পঞ্চ কিং পুনঃ ॥ 17 ॥ 4-18-17 (28886)
ন চ ৎবমভিজানীষে স্ত্রীণাং গুহ্যমনুত্তমম্ ।
পুত্রং বা কিল পৌত্রং বা ভ্রাতরং বা মনস্বিনম্ ॥ 18 ॥ 4-18-18 (28887)
রহসীহ নরং দৃষ্ট্বা নানাগন্ধবিভূষিতম্।
যোনিরুৎস্বিদ্যতে স্ত্রীণাং সতীনামপি চ শ্রুতম্ ॥ 19 ॥ 4-18-19 (28888)
মাং নিরীক্ষ্যানুলিপ্তাঙ্গং সর্বাভরণভূষিতম্।
বশমেষ্যতি সৈরন্ধ্রী মন্মথেনাভিপীডিতা।
সা ৎবং দৃষ্ট্বা ব্রূহি চৈনাং মম চেঞ্জীবিতং প্রিয়ং ॥ 20 ॥ 4-18-20 (28889)
বৈশম্পায়ন উবাচ। 4-18-21x (3060)
এবমুক্তা সুদেষ্ণা তু শোকেনাভিপ্রপীডিতা।
অহো দুঃখমহো কৃচ্ছ্রমহো পাপমিতি স্মহ ॥ 21 ॥ 4-18-21 (28890)
প্রারুদদ্ভৃশদুঃখার্তা বিপাকং তস্য বীক্ষ্য সা।
পাতালেষু পতত্যেষ বিলপন্বডবামুখে ॥ 22 ॥ 4-18-22 (28891)
ৎবৎকৃতে বিনশিষ্যন্তি ভ্রাতরঃ সুহৃদশ্চ মে।
কিংনু শক্যং ময়া কর্তুং যত্ৎবমেবমভিপ্লুতঃ ॥ 23 ॥ 4-18-23 (28892)
ন চ শ্রেয়োঽভিজানীষে কামমেবানুবর্তসে।
ধ্রুবং গতায়ুস্ৎবং পাপ যদেবং কামমোহিতঃ ।
অকর্তব্যে হি মাং পাপে নিয়ুনঙ্ক্ষি নরাধম ॥ 24 ॥ 4-18-24 (28893)
অপি চৈতৎপুরা প্রোক্তং নিপুণৈর্মনুজোত্তমৈঃ ।
একস্তু কুরুতে পাপং স্বজাতিস্তেন হন্যতে ॥ 25 ॥ 4-18-25 (28894)
গতস্ৎবং ধর্মরাজস্য বিষয়ং নাত্র সংশয়ঃ।
অদূষিতমিদং সর্বং স্বজনং ঘাতয়িষ্যসি ॥ 26 ॥ 4-18-26 (28895)
এতত্তু মে দুঃখতরং যেনাহং ভ্রাতৃসৌহৃদাৎ।
বিদিতার্থা করিষ্যামি তুষ্টো ভব কুলক্ষয়ে ॥ 27 ॥ 4-18-27 (28896)
গচ্ছ শীঘ্রমিতস্ৎবং হি স্বমেব ভবনং শুভম্।
কিংচিৎকার্যং সমুদ্দিশ্য সুরামন্নং চ কারয় ॥ 28 ॥ 4-18-28 (28897)
কৃতে চান্নে সুরায়াং চ প্রেষয়িষ্যসি মে পুনঃ ।
তামহং প্রেষয়িষ্যামি মধ্বন্নার্থং তবান্তিকম্ ॥ 29 ॥ 4-18-29 (28898)
ততঃ সংপ্রেষিতামেনাং বিজনে নিরবগ্রহাম্।
সান্ৎবয়েথা যথান্যায়ং যদি সাম সহিষ্যতি ॥ 30 ॥ 4-18-30 (28899)
সদ্যঃ কৃতমিদং সর্বং শেষমত্রানুচিন্তয় ॥ 31 ॥ 4-18-31 (28900)
বৈশম্পায়ন উবাচ। 4-18-32x (3061)
সুদেষ্ণয়ৈবমুক্তস্তু কীচকঃ কালচোদিতঃ।
ৎবরমাণঃ প্রচক্রাম স্বগৃহং রাজবেশ্মনঃ ॥ 32 ॥ 4-18-32 (28901)
আগম্য চ গৃহং রম্যং সুরামন্নং চকার হ।
অজৈডকং চ সুকৃতং বহু চোচ্চাবচান্মৃগান্ ॥ 33 ॥ 4-18-33 (28902)
ভক্ষাংশ্চ বিবিধাকারান্বহূংশ্চোচ্চাবচাংস্তদা।
কারয়ামাস কুশলৈরন্নপানৈঃ সুসংস্কৃতম্ ॥ 34 ॥ 4-18-34 (28903)
ৎবরাবান্কালপাশেন কণ্ঠে বদ্ধঃ পশুর্যথা ।
নাববুধ্যত মূঢাত্মা মরণং সমুপস্থিতম্ ॥ 35 ॥ 4-18-35 (28904)
আনীতায়াং সুরায়াং তু কৃতে চান্নে সুসংস্কৃতে।
কীচকঃ পুনরাগম্য সুদেষ্ণাং বাক্যমব্রবীৎ ॥ 36 ॥ 4-18-36 (28905)
মধু মাংসং চ বহুধা ভক্ষ্যাশ্চ বহুধা কৃতাঃ।
সুদেষ্ণে ব্রূহি সৈরন্ধ্রীং যথা সা মে গৃহং ব্রজেৎ ॥ 37 ॥ 4-18-37 (28906)
কেনচিত্ৎবদ্য কার্যেণ ৎবর শীঘ্রং মম প্রিয়ম্।
অহং হি শরণং দেবং প্রতিপদ্যে বৃষধ্বজম্।
সমাগমং মে সৈরন্ধ্র্যা মরণং বা দিশেতি বৈ ॥ 38 । 4-18-38 (28907)
বৈশম্পায়ন উবাচ। 4-18-39x (3062)
সা তমাহ বিনিঃশ্বস্য প্রতিগচ্ছ স্বকং গৃহম্।
এষাঽহমপি সৈরন্ধ্রীং সুরার্থে তূর্ণমাদিশে ॥ 39 ॥ 4-18-39 (28908)
এবমুক্তস্তু পাপাত্মা কীচকস্ৎবরিতঃ পুনঃ ।
স্বগৃহং প্রাবিশত্তূর্ণং সৈরন্ধ্রীগতমানসঃ ॥ 40 ॥ 4-18-40 (28909)
কীচকং তু গতং জ্ঞাৎবা ৎবরমাণং স্বকং গৃহম্।
সৈরন্ধ্রীং তত আহূয় সদেষ্ণা বাক্যমব্রবীৎ ॥ 41 ॥ 4-18-41 (28910)
গচ্ছ সৈরন্ধ্রি মৎপ্রীত্যৈ কীচকস্য নিবেশনম্ ।
সুরামানয় সুশ্রোণি তৃষিতাঽহং বিলাসিনি ॥ 42 ॥ 4-18-42 (28911)
বৈশম্পায়ন উবাচ। 4-18-43x (3063)
সুদেষ্ণয়ৈবমুক্তা সা নিঃশ্বসন্তী নৃপাত্মজা।
অব্রবীচ্ছোকসন্তপ্তা নাহং তত্র ব্রজামি বৈঃ ॥ 43 ॥ 4-18-43 (28912)
সূতপুত্রো হি মাং ভদ্রে কামাত্মা চাভিমন্যতে ।
ন গচ্ছেয়মহং তস্য রাজপুত্রি নিবেশনম্ ।
ৎবমেব ভদ্রে জানাসি যথা স নিরপত্রপঃ ॥ 44 ॥ 4-18-44 (28913)
সময়শ্চ কৃতো ভদ্রে যথা প্রথমসংগমে।
তথা নিবসমানায়াং যথাঽহং নান্যচারিণী ॥ 45 ॥ 4-18-45 (28914)
কীচকশ্চ সুকেশান্তে মূঢো মদনগর্বিতঃ ।
স মামিহ গতাং দৃষ্ট্বা ব্যবস্যতি নিরাকৃতিম্।
কথং নু বৈ তত্র গতাং মর্ষয়েন্মামবান্ধবাম্ ॥ 46 ॥ 4-18-46 (28915)
বহ্ব্যঃ সন্তি তব প্রেষ্যা রাজপুত্রি বশানুগাঃ।
অন্যাং প্রেষয় কৈকেয়ি সংরক্ষ্যাঽহমিহ ৎবয়া ॥ 47 ॥ 4-18-47 (28916)
কীচকস্যালয়ং দেবি ন যামি ভয়কম্পিতা।
যদ্যদন্যচ্চ মে কর্ম করোমি চ সুদুষ্করম্ ॥ 48 ॥ 4-18-48 (28917)
এবমুক্তা তু পাঞ্চাল্যা দৈবয়োগেন কৈকয়ী ।
তাং বিরাটস্য মাহিষী ক্রুদ্ধা ভূয়োঽন্বশাসত ॥ 49 ॥ 4-18-49 (28918)
কীচকং চৈব গচ্ছ ৎবং বলাৎকারে চোদিতা।
নাস্তি মেঽন্যা ৎবয়া তুল্যা সা ৎবং শীঘ্রতরং ব্রজ ॥ 50 ॥ 4-18-50 (28919)
অবশ্যং ৎবেব গন্তব্যং কিমর্থং মাং বিবক্ষসি।
শীঘ্রং গচ্ছ ৎবরস্বেতি মৎপ্রীতিবশমাচর ॥ 51 ॥ 4-18-51 (28920)
ন হীদৃশো মম ভ্রাতা কিং ৎবং সমভিশঙ্কসে।
উক্ৎবা চৈনাং বলাচ্চৈব বিনিয়ুজ্য প্রভুৎবতঃ ॥ 52 ॥ 4-18-52 (28921)
ভাজনং প্রদদৌ চাস্যৈ সপিধানং হিরণ্ময়ম্।
যা সুজাতা সুগন্ধা চ তামানয় সুরামিতি ॥ 53 ॥ 4-18-53 (28922)
সা শঙ্কমানা রুদতী বেপন্তী দ্রুপদাত্মজা।
দৈবতেভ্যো নমস্কৃৎবা শ্বশুরেভ্যস্তথাঽব্রবীৎ ॥ 54 ॥ 4-18-54 (28923)
যথাঽহমন্যং পার্থেভ্যো নাভিজানাপি মানবম্।
তেন সত্যেন মাং দৃষ্ট্বা কীচকো মা বশং নয়েৎ ॥ 55 ॥ 4-18-55 (28924)
যথাঽহং পাণ্ডুপুত্রেভ্যঃ পঞ্চভ্যো নান্যগামিনী।
তেন সত্যেন মাং দৃষ্ট্বা কীচকো মা বশং নয়েৎ ॥ 56 ॥ ॥ 4-18-56 (28925)
ইতি শ্রীমন্মহাভারতে বিরাটপর্বণি কীচকবধপর্বণি অষ্টাদশোঽধ্যায়ঃ ॥ 18 ॥ ---------
Mahabharata - Virata Parva - Chapter Footnotes
4-18-2 অভিমন্যসে কাময়সে ॥ 2 ॥ 4-18-5 মিথ্যাভিগৃধ্নঃ বিতথাভিনিবেশী । মহদ্ভয়ং মৃত্যুম্ ॥ 5 ॥ 4-18-20 মন্যসে লিপ্সসে শিশোশ্চন্দ্রবদহং তব দুর্লভাস্মীতি ভাবঃ ॥ 20 ॥ 4-18-21 যা স্বীয়ং অর্থয়েত কাময়েত শুভেচ্ছারূপা তব নাস্তীত্যর্থঃ। তেন চ শুভেন পরদারনিবৃত্তিরূপেণ কামিতেন সংজীবনং ভবতীতি শেষঃ। অন্যথা মরিষ্যসীত্যর্থঃ ॥ 21 ॥বিরাটপর্ব - অধ্যায় 019
॥ শ্রীঃ ॥
4.19. অধ্যায়ঃ 019
Mahabharata - Virata Parva - Chapter Topics
কীচকগৃহংপ্রতি প্রস্থিতয়া দ্রৌপদ্যা তেন স্বস্যাদূষণায় সূর্যাদিদেবতাপ্রার্থনা ॥ 1 ॥ সূর্যেণ তদ্রক্ষণায় নিগূঢস্য রক্ষসঃ প্রেষণম্ ॥ 2 ॥ কীচকেন দ্রৌপদীংপ্রতি স্ববশীভবনয়াচনম্ ॥ 3 ॥ তথা তদনঙ্গীকাররোষাত্তস্যাঃ পাদেন তাডনম্ ॥ 4 ॥ সূর্যদূতেন রক্ষসা কীচকস্য ভূমৌ নিপাতনম্ ॥ 5 ॥ যুধিষ্ঠিরেন কীচকজিঘাংসোর্ভীমস্য সংকেতেন প্রতিষেধনম্ ॥ 6 ॥Mahabharata - Virata Parva - Chapter Text
4-19-0 (28926)
বৈশম্পায়ন উবাচ। 4-19-0x (3064)
অকীর্তয়ত সুশ্রোণী ধর্মং শক্রং দিবাকরম্।
মারুতং চাশ্বিনৌ দেবৌ কুবেরং বরুণং যমম্ ॥ 1 ॥ 4-19-1 (28927)
রুদ্রমগ্নিং ভগং বিষ্ণুং স্কন্দং পূষণমেব চ।
সাবিত্রীসহিতং চাপি ব্রহ্মাণং পর্যকীর্তয়ৎ ॥ 2 ॥ 4-19-2 (28928)
ইত্যেবং মৃগশবাক্ষী সুশ্রোণী ধর্মচারিণী ।
উপাতিষ্ঠত সা সূর্যং মুহূর্তমবলা তদা ॥ 3 ॥ 4-19-3 (28929)
তদস্যাস্তনুমধ্যায়াঃ সর্বং সূর্যোঽববুদ্ধবান্।
অন্তর্হিতং ততস্তস্যা রক্ষো রক্ষার্থমাদিশৎ ॥ 4 ॥ 4-19-4 (28930)
তচ্চৈনাং নাজহাত্তত্র সর্বাবস্থাস্বনিন্দিতাম্ ॥ 5 ॥ 4-19-5 (28931)
প্রতস্থে সা সুকেশান্তা ৎবরমাণা পুনঃপুনঃ ।
বিলম্বমানা বিবশা কীচকস্য নিবেশনম্ ॥ 6 ॥ 4-19-6 (28932)
তাং মৃগীমিব বিত্রস্তাং দৃষ্ট্বা কৃষ্ণাং সমাগতাম্।
উৎপপাতাসনাত্তূর্ণং নাবং লব্ধ্বেব পারগঃ ॥ 7 ॥ 4-19-7 (28933)
শ্লক্ষ্ণং চোবাচ বাক্যং স কীচকঃ কামমূর্চ্ছিতঃ।
স্বাগতং তে সুকেশান্তে সুব্যুষ্টা রজনী মম ॥ 8 ॥ 4-19-8 (28934)
স্বামিনী ৎবমনুপ্রাপ্তা চিরস্য ভবনং শুভে।
কুরুষ্ব চ ময়ি প্রীতিং বশং চোপানয়স্ব মাম্ ॥ 9 ॥ 4-19-9 (28935)
প্রতিগৃহ্ণীষ্ব মে ভোগাংস্ৎবদর্থমুপকল্পিতান্।
সর্বরত্নময়ীং মালাং কুণ্ডলে চ হিরণ্ময়ে ॥ 10 । 4-19-10 (28936)
বাসাংসি চন্দনং মাল্যং ধূপশুদ্ধাং চ বারুণীম্।
প্রতিগৃহ্ণীষ্ব ভদ্রং তে বিহর ৎবং যথেচ্ছসি।
প্রীত্যা মে কুরু মদ্মাক্ষি প্রসাদং প্রিয়দর্শনে ॥ 11 ॥ 4-19-11 (28937)
স্বাস্তীর্ণমস্তি শয়নং সিতসূক্ষ্মোত্তরচ্ছদম্।
অত্রারুহ্য ময়া সার্ধং পিবেমাং বরবারুণীম্ ॥ 12 ॥ 4-19-12 (28938)
ভজস্ব মাং বিশালাক্ষি ভর্তা তে সদৃশোস্ম্যহম্।
উপসর্প বরারোহে মেরুমর্কপ্রভা যথা ॥ 13 ॥ 4-19-13 (28939)
বৈশম্পায়ন উবাচ। 4-19-14x (3065)
স মূঢঃ কীচকস্তত্র প্রাপ্তাং রাজীবলোচনাম্।
অব্রবীদ্দ্রৌপদীং দৃষ্ট্বা দুরাত্মা হ্যাত্মসংমতঃ ॥ 14 ॥ 4-19-14 (28940)
কীচকেনৈবমুক্তা সা দ্রৌপদী বরবর্ণিনী।
অব্রবীত্তমনাচারং নেদৃশং বক্তুমর্হসি ॥ 15 ॥ 4-19-15 (28941)
নাহং শক্যা ৎবয়া স্প্রষ্টুং শ্বপচেনেব ব্রাহ্মণী।
গন্তুমিচ্ছসি দুর্বুদ্ধে গতিং দুর্গতরান্তরাম্ ॥ 16 ॥ 4-19-16 (28942)
যত্র গচ্ছন্তি বহবঃ পরদারাভিমর্শকাঃ।
নরাঃ সংভিন্নমর্যাদাঃ কীটবচ্চাশুভাশ্রয়াঃ ॥ 17 ॥ 4-19-17 (28943)
অপ্রৈষীন্মাং সুরাহারীং সুদেষ্ণা ৎবন্নিবেশনম্ ।
তস্যৈ নয়িষ্যে মদিরাং ভগিনী তৃষিতা তব ॥ 18 ॥ 4-19-18 (28944)
পিপাসিতা চ কৈকেয়ী তূর্ণং মামাদিশত্ততঃ।
দীয়তাং মে সুরা শীঘ্রং সূতপুত্র ব্রজাম্যহম্ ॥ 19 ॥ 4-19-19 (28945)
কীচক উবাচ। 4-19-20x (3066)
অন্যা ভদ্রে হরিষ্যন্তি রাজপুত্র্যাঃ সুরামিমাম্।
কিং ৎবং যাস্যসি কল্যাণি মদর্থং ৎবমিহাগতা ॥ 20 ॥ 4-19-20 (28946)
বৈশম্পায়ন উবাচ। 4-19-21x (3067)
ইত্যুক্ৎবা দক্ষিণে পাণৌ সূতপুত্রঃ পরামৃশৎ।
সা গৃহীতা বিধূন্বন্তী ভূমৌ নিক্ষিপ্য ভাজনম্ ।
সভাং শরণমাধাবদ্যত্র রাজা যুধিষ্ঠিরঃ ॥ 21 ॥ 4-19-21 (28947)
তাং কীচকঃ প্রধাবন্তীং কেশপক্ষে পরামৃশৎ।
পাতয়িৎবা তু তাং ভূমৌ সূতপুত্রঃ পদাঽবধীৎ ॥ 22 ॥ 4-19-22 (28948)
সভায়াং পশ্যতো রাজ্ঞো বিরাটস্য মহাত্মনঃ।
ব্রাহ্মণানাং চ বৃদ্ধানাং ক্ষত্রিয়াণাং চ পশ্যতাং ॥ 23 ॥ 4-19-23 (28949)
তস্যাঃ পাদাভিতপ্তায়া মুখাদ্রুধিরমাস্রবৎ ॥ 24 ॥ 4-19-24 (28950)
ততো দিবাকরেণাশু রাক্ষসঃ সংনিয়োজিতঃ।
স কীচকমপোবাহ বাতবেগেন ভারত ॥ 25 ॥ 4-19-25 (28951)
স পপাত তদা ভূমৌ রক্ষোবলসমীরিতঃ ।
বিঘূর্ণমানো নিশ্চেষ্টশ্ছিন্নমূল ইব দ্রুমঃ ॥ 26 ॥ 4-19-26 (28952)
তাং দৃষ্ট্বা তত্র তে সভ্যা হাহাভূতাঃ সমন্ততঃ।
ন যুক্তং সূতপুত্রেতি কীচকেতি চ তেঽবদন্।
কিমিয়ং বধ্যতে বালা কৃপণা চাপ্যবান্ধবা ॥ 27 ॥ 4-19-27 (28953)
তস্যামাসন্হি তে পার্থাঃ সভায়াং ভ্রাতরস্তথা ।
অমৃষ্যমাণাঃ কৃষ্ণায়াঃ কীচকেন পদা বধং ॥ 28 ॥ 4-19-28 (28954)
তাং দৃষ্ট্বা ভীমসেনস্য ক্রোধাদাস্রমবর্তত।
ধূমোচ্ছ্বাসঃ সমভবন্নেত্রে চোচ্ছ্রিতপক্ষ্মণী ।
সস্বেদা ভ্রুকুটী চোগ্রা ললাটে সমবর্তত ॥ 29 ॥ 4-19-29 (28955)
তস্য ভীমো বধপ্রেপ্সুঃ কীচকস্য দুরাত্মনঃ।
দন্তৈর্দন্তাংস্তদা রোপান্নিষ্পিপেষ মহামনাঃ ॥ 30 ॥ 4-19-30 (28956)
ভূয়ঃ সংচরিতঃ ক্রুদ্ধঃ সহসোত্থায় চাসনাৎ।
নিরৈক্ষত দ্রুমং দীর্ঘং রাজানং চাপ্যবৈক্ষত॥ 31 ॥ 4-19-31 (28957)
বধমাকাঙ্ক্ষমাণং তং কীচকস্য দুরাত্মনঃ।
আকারেণৈব ভীমং স প্রত্যপেধদ্যুধিষ্ঠিরঃ ॥ 32 ॥ 4-19-32 (28958)
তস্য রাজা শনৈঃ সংজ্ঞাং কুন্তীপুত্রো যুধিষ্ঠিরঃ।
চকার ভীমসেনস্য রোষাবিষ্টস্য ধীমতঃ ॥ 33 ॥ 4-19-33 (28959)
প্রত্যাখ্যানং তদা চাহ কঙ্কো নাম যুধিষ্ঠিরঃ ॥ 34 ॥ 4-19-34 (28960)
সূদ মা সাহসং কার্ষীঃ ফলিতোঽয়ং বনস্পতিঃ।
নাত্র শুষ্কাণি কাষ্ঠানি সন্তি যানি চ কানি চ॥ 35 ॥ 4-19-35 (28961)
যদি তে দারুকৃত্যং স্যান্নিষ্ক্রম্য নগরাদ্বহিঃ।
সমূলং শাতয়ের্বৃক্ষং শ্রমস্তে ন ভবিষ্যতি॥ 36 ॥ 4-19-36 (28962)
যস্য চার্দ্রস্য বৃক্ষস্য শীতচ্ছায়াং সমাশ্রয়েৎ।
ন তস্য পর্ণে দ্রুহ্যেত পূর্ববৃত্তমনুস্মরন্ ॥ 37 ॥ 4-19-37 (28963)
ন ক্রোধকালসময়ঃ সূদ মা চাপলং কৃথাঃ।
অপূর্ণোঽয়ং দ্বিপক্ষোনো নেদং বলবতাং বহু ॥ 38 ॥ 4-19-38 (28964)
অথাঙ্গুষ্ঠেনাবমৃদ্গাদঙ্গুষ্ঠং তত্র ধর্মরাট্।
প্রবোধনভয়াদ্রাজ্ঞো ভীমং তং প্রত্যষেধয়ৎ ॥ 39 ॥ 4-19-39 (28965)
ভীমসেনস্তু তদ্বাক্যং শ্রুৎবা পরপুরঞ্জয়ঃ।
সহসোৎপতিতং ক্রোধং ন্যযচ্ছদ্ধৃতিমান্বলাৎ ।
ইঙ্গিতজ্ঞঃ স তু ভ্রাতুস্তূষ্ণীমাসীদ্বৃকোদরঃ ॥ 40 ॥ 4-19-40 (28966)
ভীমস্য চ সমারম্ভং দৃষ্ট্বা রাজ্ঞোঽস্য চেষ্টিতম্।
দ্রৌপদী চাধিকং ক্রোধাৎপ্রারুদৎসা পুনঃপুনঃ ॥ 41 ॥ 4-19-41 (28967)
কীচকেনানুগমনাৎকৃষ্ণা তাম্রায়তেক্ষণা ।
সভাদ্বারমুপগম্য রুদন্তী বাক্যমব্রবীৎ ॥ 42 ॥ 4-19-42 (28968)
অবেক্ষমাণা সুশ্রোণী পতীংস্তান্দীনচেতসঃ।
আকারং পরিরক্ষন্তী প্রতিজ্ঞাং ধর্মসংয়ুতাম্।
দহ্যমানেব রৌদ্রেণ চক্ষুষা দ্রুপদাত্মজা ॥ 43 ॥ 4-19-43 (28969)
প্রজারক্ষণশীলানাং রাজ্ঞাং হ্যমিততেজসাম্।
কার্যাঽনুপালনং নিত্যং ধর্মে সত্যে চ তিষ্ঠতাম্ ॥ 44 ॥ 4-19-44 (28970)
স্বপ্রজায়াং প্রজায়াং চ বিশেষং নাধিগচ্ছতাম্।
প্রিয়েষ্বপি চ বধ্যেষু সমৎবং যে সমাশ্রিতাঃ ॥ 45 ॥ 4-19-45 (28971)
বিবাদেষু প্রবৃত্তেষু সমং কার্যানুদর্শিনা।
রাজ্ঞা ধর্মাসনস্থেন জিতৌ লোকাবুভাবপি ॥ 46 ॥ 4-19-46 (28972)
রাজন্ধর্মাসনস্থো হি রক্ষ মাং ৎবমনাগসম্ ॥ 47 ॥ 4-19-47 (28973)
অহং ৎবনপরাধ্যন্তী কীচকেন দুরাত্মনা ।
পশ্যতস্তে মহারাজ হতা পাদেন দাসিবাৎ ॥ 48 ॥ 4-19-48 (28974)
ৎবৎসমক্ষং নৃপশ্রেষ্ঠ নিষ্পিষ্টা বসুধাতলে ।
অনাগসং কৃপার্হাং মাং স্ত্রিয়ং ৎবং পরিপালয় ॥ 49 ॥ 4-19-49 (28975)
রক্ষ মাং কীচকাদ্ভীতাং ধর্মং রক্ষ নরেশ্বর ।
মৎস্যাধিপ প্রজা রক্ষ পিতা পুত্রানিবৌরসান্ ॥ 50 ॥ 4-19-50 (28976)
যস্ৎবধর্মেণ কার্যাণি মোহাত্মা কুরুতে নৃপঃ।
অচিরাত্তং দুরাত্মানং বশে কুর্বন্তি শত্রবঃ ॥ 51 ॥ 4-19-51 (28977)
মৎস্যানাং কুলজস্ৎবং হি তেষাং সত্যং পরায়ণম্।
ৎবং কিলৈবংবিধো জাতঃ কুলে ধর্মপরায়ণে ॥ 52 ॥ 4-19-52 (28978)
অতস্ৎবাহমভিক্রন্দে শরণার্থং নরাধিপ।
ত্রাহি মামদ্য রাজেন্দ্র কীচকাৎপাপপূরুষাৎ ॥ 53 ॥ 4-19-53 (28979)
অনাথামিহ মাং জ্ঞাৎবা কীচকঃ পুরুষাধমঃ।
প্রহরত্যেব নীচাত্মা ন তু ধর্মমবেক্ষতে ॥ 54 ॥ 4-19-54 (28980)
অকার্যাণামনারম্ভাৎকার্যাণামনুপালনাৎ।
প্রজাসু যে সুবৃত্তাস্তে স্বর্গমায়ান্তি ভূমিপাঃ ॥ 55 ॥ 4-19-55 (28981)
কার্যাকার্যবিশেষজ্ঞাঃ কামকারেণ পার্থিবাঃ।
প্রজাসু কিল্বিষং কৃৎবা নরকং যান্ত্যধোমুখাঃ ॥ 56 ॥ 4-19-56 (28982)
নৈব যজ্ঞৈর্ন বা দানৈর্ন গুরোরুপসেবনাৎ।
প্রাপ্নুবন্তি তথা ধর্মং যথা কার্যানুপালনাৎ ॥ 57 ॥ 4-19-57 (28983)
অপি চেদং পুরা ব্রহ্মা প্রোবাচেন্দ্রায় পৃচ্ছতে।
দ্বন্দ্বং কার্যমকার্যং চ লোকে চাসীৎপরং যথা ॥ 58 ॥ 4-19-58 (28984)
ধর্মাধর্মৌ পুনর্দ্বন্দ্বং বিনিয়ুক্তমথাপি বা।
ক্রিয়াণামক্রিয়াণাং চ প্রাপণে পুণ্যপাপয়োঃ ॥ 59 ॥ 4-19-59 (28985)
প্রজায়াং সৃজ্যমানায়াং পুরা হ্যেতদুদাহৃতম্।
এতদ্বো মানুষাঃ সম্যক্কার্যং দ্বন্দ্বত্রয়ং ভুবি ॥ 60 ॥ 4-19-60 (28986)
অস্মিন্সুনীতে দুর্নীতে লভতে কর্মজং ফলম্।
কল্যাণকারী কল্যাণং পাপকারী চ পাপকম্ ॥ 61 ॥ 4-19-61 (28987)
তেন গচ্ছতি সংসর্গং স্বর্গায় নরকায় বা।
সুকৃতং দুষ্কৃতং বাঽপি কৃৎবা মোহেন মানবঃ ।
পশ্চাত্তাপেন তপ্যেত স্ববুদ্ধ্যা মরণং গতঃ ॥ 62 ॥ 4-19-62 (28988)
এবমুক্ৎবা পরং বাক্যং বিসসর্জ শতক্রতুম্।
শক্রোপ্যাপৃচ্ছ্য ব্রহ্মাণং দেবরাজ্যমপালয়ৎ ॥ 63 ॥ 4-19-63 (28989)
যথোক্তং দেবরাজেন ব্রহ্মণা পরমেষ্ঠিনা।
তথা ৎবমপি রাজেন্দ্র কার্যাকার্যে স্থিরো ভব ॥ 64 ॥ ॥ 4-19-64 (28990)
ইতি শ্রীমন্মহাভারতে বিরাটপর্বণি কীচকবধপর্বণি একোনবিংশোঽধ্যায়ঃ ॥ 19 ॥
Mahabharata - Virata Parva - Chapter Footnotes
4-19-17 কীটবচ্চ গুহাশ্রয়া ইতি কo থo পাঠঃ ॥ 17 ॥বিরাটপর্ব - অধ্যায় 020
॥ শ্রীঃ ॥
4.20. অধ্যায়ঃ 020
Mahabharata - Virata Parva - Chapter Topics
বিরাটেন কীচকস্য দণ্ডাপ্রয়োগাদ্রুষ্ট্যা দ্রৌপদ্যা তংপ্রত্যুপালম্ভনম্ ॥ 1 ॥ যুধিষ্ঠিরেণ দ্রৌপদ্যাঃ সান্ৎবনম্ ॥ 2 ॥ দ্রৌপদ্যাঽজ্ঞানাদিব স্বশোকহেতুং পৃচ্ছন্তীং সুদেষ্ণাংপ্রতি গন্ধর্বৈঃ কীচকবধস্য ভাবিৎবকথনম্ ॥ 3 ॥Mahabharata - Virata Parva - Chapter Text
4-20-0 (28991)
বৈশম্পায়ন উবাচ। 4-20-0x (3068)
এবং বিলপমানায়াং পাঞ্চাল্যাং মৎস্যপুঙ্গবঃ।
অশক্তঃ কীচকং তত্র শাসিতুং বলদর্পিতম্ ।
বিরাটরাজঃ মূতং তু সান্ৎবেনৈব ন্যবারয়ৎ ॥ 1 ॥ 4-20-1 (28992)
কীচকং মৎস্যরাজেন কৃতাগসমনিন্দিতা।
নাপরাধানুরূপেণ দণ্ডেন প্রতিপাদিতম্ ॥ 2 ॥ 4-20-2 (28993)
পাঞ্চালরাজস্য সুতা দৃষ্ট্বা সুরসুতোপমা।
ধর্মজ্ঞা ব্যবহারাণাং কীচকে কৃতকিল্বিষে ।
পুনঃ প্রোবাচ রাজানং স্মরন্তী ধর্মমুত্তমম্ ॥ 3 ॥ 4-20-3 (28994)
সংপ্রেক্ষ্য চ বরারোহা সর্বাংস্তত্র সভাসদঃ।
রাজানুবর্তনপরান্কীচকং চ কৃতাগসম্।
বিরাটং চাহ পাঞ্চালী দুঃখেনাবিষ্টচেতনা ॥ 4 ॥ 4-20-4 (28995)
ন রাজন্রাজবৎকিংচিৎসমাচরসি কীচকে।
দস্যূনামিব তে ধর্মো ন সৎসু পরিবর্ততে॥ 5 ॥ 4-20-5 (28996)
ন কীচকঃ স্বধর্মস্থো ন চ মৎস্যঃ কথংচন।
সভাসদোঽপ্যধর্মজ্ঞা য ইমং পর্যুপাসতে॥ 6 ॥ 4-20-6 (28997)
ন ধর্মং কীচকো বেত্তি রাজভৃত্যাস্তথৈব চ।
ন রাজা বিনয়ং ব্রূতে অমাত্যাশ্চ ন জানতে ॥ 7 ॥ 4-20-7 (28998)
নোপালভে ৎবাং নৃপতে বিরাটং নৃপসংসদি।
নাহমেতেন যুক্তা বৈ হন্তুং মাৎস্য তবান্তিকে ॥ 8 ॥ 4-20-8 (28999)
সভাসদস্তু পশ্যন্তু কীচকং ধর্মলঙ্ঘিনম্।
বিরাটনৃপতে পশ্য মামনাথামনাগসম্ ॥ 9 ॥ 4-20-9 (29000)
ন সাম ফলতে দুষ্টে দুষ্টে দণ্ডঃ প্রয়ুজ্যতে ॥ 10 ॥ 4-20-10 (29001)
অদণ্ড্যান্দণ্ডয়ন্রাজা দণ্ড্যাংশ্চৈবাপ্যদণ্ডয়ন্।
স রাজা ন ভবেল্লোকে রাজশব্দস্য ভাজনম্ ॥ 11 ॥ 4-20-11 (29002)
দীনান্ধকৃপণাশক্তপঙ্গুকুব্জজডাদিকান্।
অনাথবালবৃদ্ধাংশ্চ পুরুষান্বা স্ত্রিয়োঽপি বা ।
দুষ্টচোরাভিভূতাংশ্চ পালয়েদবনীপতিঃ ॥ 12 ॥ 4-20-12 (29003)
অনাথানাং চ নাথঃ স্যাদপিতৄণাং পিতা নৃপঃ ।
মাতা ভবেদমাতৄণামগুরূণাং গুরুর্ভবেৎ।
অগতীনাং গতী রাজা নৃণাং রাজা পরায়ণম্ ॥ 13 ॥ 4-20-13 (29004)
বিশেষতঃ পরৈর্দুষ্টৈঃ পরামৃষ্টং নরোত্তমঃ।
স্ত্রিয়ং সাধ্বীমনাথাং চ পালয়েৎস্বসুতামিব ॥ 14 ॥ 4-20-14 (29005)
ৎবদ্গৃহাবসতিং রাজন্নেতাবৎকালপর্যযম্।
অধিকাং ৎবৎসুতায়াশ্চ পশ্য মাং কীচকাহতাং ॥ 15 ॥ 4-20-15 (29006)
বিরাট উবাচ। 4-20-16x (3069)
পরোক্ষং নাভিজানামি বিগ্রহং যুবয়োরহম্।
অর্থতত্ৎবমবিজ্ঞায় কিং স্যাদকুশলং মম ॥ 16 ॥ 4-20-16 (29007)
দ্রৌপদ্যুবাচ। 4-20-17x (3070)
যেষাং ন বৈরী স্বপিতি পদা ভূমিমুপস্পৃশন্।
তেষাং মাং মানিনীং ভার্যাং সূতপুত্রঃ পদাঽবধীৎ ॥ 17 ॥ 4-20-17 (29008)
যে চ দদ্যুর্ন যাচেয়ুর্ব্রহ্মণ্যাঃ সত্যবাদিনঃ।
যেষাং দুন্দুভিনির্ঘোষো জ্যাঘোষঃ শ্রূয়তে ভৃশম্।
তেষাং মাং দয়িতাং ভার্যাং সূতপুত্রঃ পদাঽবধীৎ ॥ 18 ॥ 4-20-18 (29009)
তেজস্বিনস্তথা ক্ষান্তা বলবন্তশ্চ মানিনঃ।
মহেষ্বাসা রণে শূরা গর্বিতা মানতৎপরাঃ।
তেষাং মাং মানিনীং ভার্যাং সূতপুত্রঃ পদাঽবধীৎ ॥ 19 ॥ 4-20-19 (29010)
সর্বলোকমিমং হন্যুর্যদি ক্রুদ্ধা মহাবলাঃ।
তেষাং মাং দয়িতাং ভার্যাং সূতপুত্রঃ পদাঽবধীৎ ॥ 20 ॥ 4-20-20 (29011)
যেষাং নাস্তি সমঃ কশ্চিদ্বীর্যে সত্যে বলে দমে।
তেষাং মাং দয়িতাং ভার্যাং সূতপুত্রঃ পদাঽবধীৎ ॥ 21 ॥ 4-20-21 (29012)
যেষাং ন সদৃশঃ কশ্চিদ্ধনাদ্যৈর্ভুবি মানবঃ।
তেষাং মাং দয়িতাং ভার্যাং সূতপুত্রঃ পদাঽবধীৎ ॥ 22 ॥ 4-20-22 (29013)
তবাগ্রতো বিশেষেণ প্রজানাং চ হিতৈষিণঃ।
পশ্যতো নিহতা রাজংস্তেনেহ জগতীপতে ॥ 23 ॥ 4-20-23 (29014)
শরণং যে প্রপন্নানাং ভবন্তি শরণার্থিনাম্।
চরন্তি লোকে প্রচ্ছন্নাঃ ক্বনু তেঽদ্য মহাবলাঃ ॥ 24 ॥ 4-20-24 (29015)
কথং তে সূতপুত্রেণ বধ্যমানাং প্রিয়াং সতীম্।
মর্ষয়ন্তি যথা ক্লীবা বলবন্তোঽতিতেজসঃ ॥ 25 ॥ 4-20-25 (29016)
ক্বনু তেষামমর্ষশ্চ বীর্যং তেষাং চ তদ্বলম্।
ন পরীপ্সন্তি যে ভার্যাং বধ্যমানাং দুরাত্মানা ॥ 26 ॥ 4-20-26 (29017)
ময়াঽপি শক্যং কিং কর্তুং বিরাটে ধর্মদূষণে।
মাং মর্ষংয়তি যঃ পশ্যন্বধ্যমানামনাগসম্ ॥ 27 ॥ 4-20-27 (29018)
ধর্মো বিদ্ধো হ্যধর্মেণ সভাং যত্রোপতিষ্ঠতি।
ন চেদ্বিশল্যঃ ক্রিয়তে সর্বে বিদ্ধাঃ সভাসদঃ ॥ 28 ॥ 4-20-28 (29019)
যত্র ধর্মো হ্যধর্মেম সত্যং যত্রানৃতেন চ।
হন্যতে প্রেক্ষমাণানাং হতাস্তত্র সভাসদঃ ॥ 29 ॥ 4-20-29 (29020)
বৈশম্পায়ন উবাচ। 4-20-30x (3071)
তস্যাস্তৎকৃপণং শ্রুৎবা সৈরন্ধ্র্যাঃ পরিদেবিতম্।
ততঃ সভ্যাস্তু তে সর্বে ভূয়ঃ কৃষ্ণামপূজয়ন্।
সাধুসাধ্বিতি চাপ্যাহুঃ কীচকং চাপ্যগর্হয়ন্ ॥ 30 ॥ 4-20-30 (29021)
কেচিৎকৃষ্ণাং প্রশংসন্তি কেচিন্নিন্দন্তি কীচকম্।
কেচিন্নিন্দন্তি রাজানং কেচিদ্দেবীং চ তাং নরাঃ ॥ 31 ॥ 4-20-31 (29022)
সভ্যা ঊচুঃ । 4-20-32x (3072)
যস্যেয়ং চারুসর্বাঙ্গী ভার্যা স্যাদায়তেক্ষণা।
পরো লাভশ্চ তস্য স্যান্ন স শোচেৎকদাচন ॥ 32 ॥ 4-20-32 (29023)
যস্যা গাত্রং শুভং পীনং মুখং জয়তি পঙ্কজম্।
গতির্হংসং স্মিতং কুন্দং সৌষা নার্হতি পদ্বধম্ ॥ 33 ॥ 4-20-33 (29024)
দ্বাত্রিংশদ্দশনা যস্যাঃ শ্বেতা মাংসনিবন্ধনাঃ।
স্নিগ্ধাশ্চ মৃদবঃ কেশাঃ সৈষা নার্হতি পদ্বধম্ ॥ 34 ॥ 4-20-34 (29025)
পদ্মং চক্রং ধ্বজং শঙ্খং প্রাসাদো মকরস্তথা।
যস্যাঃ পাণিতলে সন্তি সৈষা নার্হতি পদ্বধম্ ॥ 35 ॥ 4-20-35 (29026)
আবর্তাঃ খলু চৎবারঃ সর্বে চৈব প্রদক্ষিণাঃ ।
সমং গাত্রং শুভং স্নিগ্ধং যস্যা নার্হতি পদ্বধম্ ॥ 36 ॥ 4-20-36 (29027)
অচ্ছিদ্রহস্তপাদা চ অচ্ছিদ্রদশনা চ যা।
কন্যা কমলপত্রাক্ষী কথমর্হতি পদ্বধম্ ॥ 37 ॥ 4-20-37 (29028)
সেয়ং লক্ষণসংপন্না পূর্ণচন্দ্রনিভাননা।
সুরূপিণী সুবদনা নেয়ং যোগ্যা পদা বধম্ ॥ 38 ॥ 4-20-38 (29029)
দেবদেবীব সুভগা শক্রদেবীব শোভনা।
অপ্সরা ইব সারূপ্যান্নেয়ং যোগ্যা পদা বধম্ ॥ 39 ॥ 4-20-39 (29030)
ইতি স্মাপূজসংস্তত্র কৃষ্ণাং প্রেক্ষ্য সভাসদঃ ॥ 40 ॥ 4-20-40 (29031)
সা বিনিঃশ্বস্য সুশ্রোণী ভূমাবন্তর্মুখী স্থিতা।
তূষ্ণীমাসীত্তদা দৃষ্ট্বা বিবক্ষন্তং যুধিষ্ঠিরম্ ॥ 41 ॥ 4-20-41 (29032)
যুধিষ্ঠিরস্য কোপাত্তু ললাটে স্বেদ আস্রবৎ।
অব্রবীদ্ধর্মপুত্রোঽথ সৈরন্ধ্রীং মহিষীং প্রিয়াম্ ।
কৃষ্ণাং তত্র নৃপাভ্যাশে পরিব্রাজকরূপধৃৎ ॥ 42 ॥ 4-20-42 (29033)
গচ্ছ সৈরন্ধ্রি মা ভৈস্ৎবং সুদেষ্ণায়া নিবেশনম্ ।
রাজা হ্যযং ধর্মশীলো বিরাটঃ পরলোকভীঃ ।
যতস্ৎবাং ন পরিত্রাতি সত্যে ধর্মপথে স্থিতঃ ॥ 43 ॥ 4-20-43 (29034)
ভর্তারমনুরুন্ধন্ত্যঃ ক্লিশ্যন্তে বীরপত্নয়ঃ।
শুশ্রূষয়া ক্লিশ্যমানাঃ পতিলোকং জয়ন্ত্যুত ॥ 44 ॥ 4-20-44 (29035)
মন্যে ন কালঃ ক্রোধস্য পশ্যন্তি পতয়স্তব।
তেন ৎবাং নাভিধাবন্তি গন্ধর্বাঃ সূর্যবর্চসঃ ॥ 45 ॥ 4-20-45 (29036)
শ্রূয়ন্তাং তে সুকেশান্তে মোক্ষধর্মাশ্রয়াঃ কথাঃ।
যথা ধর্মঃ কুলস্ত্রীণাং দৃষ্টো ধর্মানুরোধনাৎ ॥ 46 ॥ 4-20-46 (29037)
নাস্তি যজ্ঞঃ স্ত্রিয়াঃ কশ্চিন্ন শ্রাদ্ধং নাপ্যুপোষণম্।
যা তু ভর্তারি শুশ্রূষা সা স্বর্গায়াভিজায়তে ॥ 47 ॥ 4-20-47 (29038)
পিতা রক্ষতি কৌমারে ভর্তা রক্ষতি যৌবনে।
পুত্রস্তু স্থাবিরে ভাবে ন স্ত্রী স্বাতন্ত্র্যমর্হতি ॥ 48 ॥ 4-20-48 (29039)
ভীরু ভর্তৃভয়াৎপত্ন্যো ন ক্রুধ্যন্তি কদাচন।
বহুভিশ্চ পরিক্লেশৈরবজ্ঞাতাশ্চ শত্রুভিঃ ।
অনন্যভাবাঃ শুদ্ধাশ্চ পুণ্যলোকং জয়ন্ত্যুত ॥ 49 ॥ 4-20-49 (29040)
ন ক্রোধকালং নিয়তং পশ্যন্তি পতয়স্তব।
ন ক্রুদ্ধান্প্রতিয়ায়াদ্বৈ পতীংস্তে বৃত্রহা অপি।
তেন ৎবাং নাভিধাবন্তি গন্ধর্বাঃ কামরূপিণঃ ॥ 50 ॥ 4-20-50 (29041)
যদি তে সময়ঃ কশ্চিৎকৃতো হ্যায়তলোচনে।
তং স্মরস্ব ক্ষমাশীলে ক্ষমা ধর্মো হ্যনুত্তমঃ ॥ 51 ॥ 4-20-51 (29042)
ক্ষমা ধর্মঃ ক্ষমা সত্যং ক্ষমা দানং ক্ষমা তপঃ।
ক্ষমাবতাময়ং লোকঃ পরলোকঃ ক্ষমাবতাংম্ ॥ 52 ॥ 4-20-52 (29043)
দ্ব্যংশিনো দ্বাদশাঙ্গস্য চতুর্বিংশতিপর্বণঃ।
কস্ত্রিষষ্ঠিশতারস্য মাসোনস্যাক্ষমী ভবেৎ॥ 53 ॥ 4-20-53 (29044)
গচ্ছ সৈরন্ধ্রি গন্ধর্বাঃ করিষ্যন্তি তব প্রিয়ম্।
ব্যপনেষ্যন্তি তে দুঃখং যেন তে বিপ্রিয়ং কৃতম্ ॥ 54 ॥ 4-20-54 (29045)
ইত্যেবমুক্তে তিষ্ঠন্তীং পুনরেবাহ ধর্মরাট্।
বিঘ্নং করোষি বৈ ভদ্রে দীব্যতাং রাজসংসদি ॥ 55 ॥ 4-20-55 (29046)
তস্মাত্ৎবমপি সুশ্রোণি শৈলূষীব বিভাসি নঃ।
এবমুক্তা তু সা ভর্ত্রা সমুদ্বীক্ষ্যাব্রবীদিদম্ ॥ 56 ॥ 4-20-56 (29047)
সত্যমুক্তং ৎবয়া বিদ্বঞ্শৈলূষীং বিদ্ধি মাং পুনঃ।
শৈলূষকস্য তস্যাহং যেষাং জ্যেষ্ঠোঽক্ষকোবিদঃ ॥ 57 ॥ 4-20-57 (29048)
এবমুক্ৎবা বরারোহা পরিমৃজ্যাননং শুভম্।
কেশান্বিমুক্তান্সংয়ম্য রুধিরেণ সমুক্ষিতান্ ॥ 58 । 4-20-58 (29049)
পাংসুকুণ্ঠিতসর্বাঙ্গী গজরাজবধূরিব।
প্রতস্থে নাগনাসোরূর্ভর্তুরাজ্ঞায় শাসনম্ ॥ 59 ॥ 4-20-59 (29050)
বিমুক্তা মৃগশাবাক্ষী নিরন্তরপয়োধরা।
প্রভা নক্ষত্ররাজস্য কালমেঘৈরিবাবৃতা ॥ 60 ॥ 4-20-60 (29051)
যস্যার্থে পাণ্ডবেয়াস্তু ত্যজেয়ুরপি জীবিতম্।
তাং তে দৃষ্ট্বা তথা কৃষ্ণাং ক্ষমিণো ধর্মচারিণঃ।
সময়ং নাতিবর্তন্তে বেলামিব মহোদধিঃ ॥ 61 ॥ 4-20-61 (29052)
সা প্রবিশ্য প্রবেপন্তী সুদেষ্ণায়া নিবেশনম্।
রুদন্তী চারুসর্বাঙ্গী তস্যাস্তস্থাবথাগ্রতঃ ॥ 62 ॥ 4-20-62 (29053)
তামুবাচ বিরাটস্য মহিষী শাঠ্যমাস্থিতা।
কিমিদং পদ্মসংকাশং সুদন্তোষ্ঠাক্ষিনাসিকম্ ॥ 63 ॥ 4-20-63 (29054)
রুদন্ত্যা অবমৃষ্টাস্রং পূর্ণেন্দুসমবর্চসম্।
বিম্বোষ্ঠং কৃষ্ণতারাভ্যামত্যন্তরুচিরপ্রভম্।
নয়নাভ্যামজিহ্যাভ্যাং মুখং তে মুঞ্চতে জলম্ ॥ 64 ॥ 4-20-64 (29055)
কস্ৎবাঽবধীদ্বরারোহে কস্মাদ্রোদিষি শোভনে।
কো বিপ্রয়ুজ্যতে দারৈঃ সপুত্রৈঃ সহবান্ধবৈঃ ॥ 65 ॥ 4-20-65 (29056)
কস্যাদ্য রাজা কুপিতো বধমাজ্ঞাপয়িষ্যতি।
ব্রূহি কিং তে প্রিয়ং কর্ম কং ত্যজে ঘাতয়ামি বা ॥ 66 ॥ 4-20-66 (29057)
বৈশম্পায়ন উবাচ। 4-20-67x (3073)
তাং নিঃশ্বস্যাব্রবীৎকৃষ্ণা জানন্তী নাম পৃচ্ছসি।
ভ্রাতুস্ৎবং মামনুপ্রেষ্য কিমেবং হি বিকত্থসে ॥ 67 ॥ 4-20-67 (29058)
কীচকো মাঽবধীত্তত্র সুরাহারীমিতোগতাম্।
সভায়াং পশ্যতো রাজ্ঞো যথা বৈ নির্জনে বনে ॥ 68 ॥ 4-20-68 (29059)
সুদেষ্ণোবাচ। 4-20-69x (3074)
ঘাতয়ামি সুদন্তোষ্ঠি কীচকং যদি মন্যসে।
ভ্রাতা যদ্যেষ মে ব্যক্তং যোঽতীতো ধর্মচারিণীম্।
যস্ৎবাং কামাভিভূতাত্মা দুর্লভামবমন্যতে ॥ 69 ॥ 4-20-69 (29060)
দ্রৌপদ্যুবাচ। 4-20-70x (3075)
অদ্যৈব তং হনিষ্যন্তি যেষামাগস্করো হি সঃ।
মন্যেঽহমদ্য বা শ্বো বা পরলোকং গমিষ্যতি ॥ 70 ॥ 4-20-70 (29061)
ভ্রাতুঃ প্রয়চ্ছ ৎবরিতা জীবচ্ছ্রাদ্ধং ৎবমদ্য বৈ।
সুহৃষ্টং কুরু বৈ চৈনং নাসূন্মন্যে ধরিষ্যতি ॥ 71 ॥ 4-20-71 (29062)
তেষাং হি মম ভর্তৄণাং পঞ্চানাং ধর্মচারিণাম্।
একো দুর্ধষণোঽত্যর্থং বলে চাপ্রতিমো ভুবি ॥ 72 ॥ 4-20-72 (29063)
নির্মনুষ্যমিমং লোকং কুর্যাৎক্রুদ্ধো নিশামিমাম্।
ন স সংক্রুধ্যতে তাবদ্গন্ধর্বঃ কামরূপধৃৎ ॥ 73 ॥ 4-20-73 (29064)
নূনং জ্ঞাস্যতি যাবদ্বৈ মমৈতৎপাদঘাতনম্।
তৎক্ষণাৎকীচকঃ পাপঃ সপুত্রভ্রাতৃবান্ধবঃ।
বিনশিষ্যতি দুষ্টাত্মা যথা দুষ্কৃতকর্মকৃৎ ॥ 74 ॥ 4-20-74 (29065)
অপি চৈতৎপুরা প্রোক্তং নিপুণৈর্মনুজোত্তমৈঃ।
একস্তু কুরুতে পাপং কালপাশবশং গতঃ।
নীচেনাত্মাপরাধেন কুলং তেন বিনশ্যতি ॥ 75 ॥ 4-20-75 (29066)
বৈশম্পায়ন উবাচ। 4-20-76x (3076)
সুদেষ্ণামেবমুক্ৎবা তু সৈরন্ধ্রী দুঃখমোহিতা।
কীচকস্য বধার্থায় ব্রতদীক্ষামুপাগমৎ ॥ 76 ॥ 4-20-76 (29067)
অভ্যর্থিতা চ নারীভির্মানিতা চ সুদেষ্ণয়া।
ন চ স্নাতি ন চাশ্নাতি ন পাংসূন্পরিমার্জতি।
রুধিরক্লিন্নবদনা বভূব মৃদিতেক্ষণা ॥ 77 ॥ 4-20-77 (29068)
তাং তথা শোকসন্তপ্তাং দৃষ্ট্বা প্ররুদিতাং স্ত্রিয়ঃ।
কীচকস্য বধং সর্বা মনোভিশ্চ শশংসিরে ॥ 78 ॥ ॥ 4-20-78 (29069)
ইতি শ্রীমন্মহাভারতে বিরাটপর্বণি কীচকবধপর্বণি বিংশোঽধ্যায়ঃ ॥ 20 ॥
বিরাটপর্ব - অধ্যায় 021
॥ শ্রীঃ ॥
4.21. অধ্যায়ঃ 021
Mahabharata - Virata Parva - Chapter Topics
বৈশম্পায়নেন জনমেজয়ংপ্রতি কীচকোৎপত্তিপ্রকারাদিকথনম্ ॥ 1 ॥Mahabharata - Virata Parva - Chapter Text
4-21-0 (29070)
জনমেজয় উবাচ। 4-21-0x (3077)
অহো দুঃখতরং প্রাপ্তা কীচকেন পদা হতা।
পতিব্রতা মহাভাগা দ্রৌপদী যোষিতাংবরা ॥ 1 ॥ 4-21-1 (29071)
দুঃশলাং স্মারয়ন্তী সা ভর্তৄণাং ভগিনীং শুভাম্।
নাশপৎসিন্ধুরাজং সা বলাৎকারেণ বাহিতা ॥ 2 ॥ 4-21-2 (29072)
কিমর্থমিহ সংপ্রাপ্তা কীচকেন দুরাত্মনা ।
নাশপত্তং মহাভাগা কৃষ্ণা পাদেন তাডিতা ॥ 3 ॥ 4-21-3 (29073)
তেজোরাশিরিয়ং দেবী ধর্মজ্ঞা সত্যবাদিনী ।
কেশপাংশে পরামৃষ্টা মর্ষয়ন্তী হ্যশক্তবৎ ॥ 4 ॥ 4-21-4 (29074)
নৈতৎকারণমল্পং হি শ্রোতুকামোঽস্মি সত্তম।
কৃষ্ণায়াস্তু পরিক্লেশান্মনো মে দূয়তে ভৃশম্ ॥ 5 ॥ 4-21-5 (29075)
কস্য বংশে সমুদ্ভূতঃ স চ দুর্ললিতো মুনে ।
বলোন্মত্তঃ কথং চাসীৎস্যালো মাৎস্যস্য কীচকঃ ॥ 6 ॥ 4-21-6 (29076)
দৃষ্ট্বাপি তাং প্রিয়াং ভার্যাং সূতপুত্রেণ তাডিতাম্ ।
নৈব চুক্ষুভিরে বীরাঃ কিমকুর্বন্ত তং প্রতি ॥ 7 ॥ 4-21-7 (29077)
বৈশম্পায়ন উবাচ। 4-21-8x (3078)
ৎবদুক্তোঽয়মনুপ্রশ্নঃ কুরূণাং কীর্তিবর্ধনঃ।
এতৎসর্বং যথা বক্ষ্যে বিস্তরেণেহ পার্থিব ॥ 8 ॥ 4-21-8 (29078)
ব্রাহ্মণ্যাং ক্ষত্রিয়াঞ্জাতঃ সূতো ভবতি পার্থিব ।
প্রাতিলোম্যেন জাতানাং স হ্যেকো দ্বিজ এব তু ॥ 9 ॥ 4-21-9 (29079)
রথকারমিতীমং হি ক্রিয়ায়ুক্তং দ্বিজন্মনাম্।
ক্ষত্রিয়াদবরো বৈশ্যাদ্বিশিষ্ট ইতি চক্ষতে ॥ 10 ॥ 4-21-10 (29080)
সহ সূতেন সংবন্ধঃ কৃতঃ পূর্বং নরাধিপৈঃ।
তেন তু প্রাতিলোম্যেন রাজশব্দো ন লভ্যতে ॥ 11 ॥ 4-21-11 (29081)
তেষাং তু সূতবিষয়ঃ সূতানাং নামতঃ কৃতঃ।
উপজীব্যং চ যৎক্ষেত্রং রাজন্সূতেন বৈ পুরা ॥ 12 ॥ 4-21-12 (29082)
সূতানামধিপো রাজা কেকয়ো নাম বিশ্রুতঃ।
রাজকন্যাসমুদ্ভূতঃ সারথ্যেঽনুপমোঽভবৎ ॥ 13 ॥ 4-21-13 (29083)
পুত্রাস্তস্য কুরুশ্রেষ্ঠ মালব্যাং জঝিরে তদা।
কীচকা ইতি বিখ্যাতাঃ শতং ষট্ চৈব ভারত ॥ 14 ॥ 4-21-14 (29084)
তেষামাসীদ্বলশ্রেষ্ঠঃ কীচকঃ সর্বজিৎপ্রভো।
অগ্রজো বলসংমত্তস্তেনাসীৎসূতষট্শতম্ ॥ 15 ॥ 4-21-15 (29085)
মালব্যা এব কৌরব্য তত্র হ্যবরজাঽভবৎ।
তস্যাং কেকয়রাজ্ঞস্তু সুদেষ্ণা দুহিতাঽভবৎ ॥ 16 ॥ 4-21-16 (29086)
তাং বিরাটস্য মাৎস্যস্য কেকয়ঃ প্রদদৌ মুদা।
সুরথায়াং মৃতায়াং তু কৌসল্যাং শ্বেতমাতরি ॥ 17 ॥ 4-21-17 (29087)
শ্বেতে বিনষ্টে শঙ্খে চ গতে মাতুলবেশ্মনি ।
সুদেষ্ণাং মহিষীং লব্ধ্বা রাজ দুঃখমপানুদৎ ॥ 18 ॥ 4-21-18 (29088)
উত্তরং চোত্তরাং চৈব বিরাটাৎপৃথিবীপতে।
সুদেষ্ণা সুষুবে দেবী কৈকেয়ী কুলবৃদ্ধয়ে ॥ 19 ॥ 4-21-19 (29089)
মাতৃষ্বসৃসুতাং রাজন্কীচকস্তামনিন্দিতাম্।
সদা পরিচরন্প্রীত্যা বিরাটে ন্যবসৎসুখী ॥ 20 ॥ 4-21-20 (29090)
ভ্রাতরশ্চাস্য বিক্রান্তাঃ সর্বে চ তমনুব্রতাঃ ।
বিরাটস্যৈব সংহৃষ্টা বলং কোশং ৎববর্ধয়ন্ ॥ 21 ॥ 4-21-21 (29091)
কালেয়া নাম তে দৈত্যাঃ প্রায়শো ভুবি বিশ্রুতাঃ।
জঝিরে কীচকা রাজন্বাণো জ্যেষ্ঠস্তথাঽভবৎ ॥ 22 ॥ 4-21-22 (29092)
স হি সর্বাস্রসংপন্নো বলবান্ভীমবিক্রমঃ ।
কীচকো নষ্টমর্যাদো বভূব ভয়দো নৃণাম্ ॥ 23 ॥ 4-21-23 (29093)
তং প্রাপ্য বলসংমত্তং বিরাটঃ পৃথিবীপতিঃ ।
জিগায় সর্বাংশ্চ রিপূন্যথেন্দ্রো দানবান্পুরা ॥ 24 ॥ 4-21-24 (29094)
মেখলাংশ্চ ত্রিগর্তাংশ্চ দশার্ণাংশ্চ কশেরুকান্।
মালবাংশ্চৈব যবনান্সিলিন্দান্কাশিকোসলান্ ॥ 25 ॥ 4-21-25 (29095)
করদাংশ্চ নিষিদ্ধাংশ্চ শিবান্মচুলকাংস্তথা।
পুলিন্দাংশ্চ কলিঙ্গাংশ্চ তঙ্কণান্পরতঙ্কণান্ ॥ 26 ॥ 4-21-26 (29096)
অন্যে চ বহবঃ শূরা নানাজনপদেশ্বরাঃ।
কীচকেন রণে ভগ্না বিদ্রবন্তি দিশো দশ ॥ 27 ॥ 4-21-27 (29097)
তমেবংবীর্যসংপন্নং নাগায়ুতসমং বলে।
বিরাটস্তত্র সেনায়াশ্চকার পতিমাত্মনঃ ॥ 28 ॥ 4-21-28 (29098)
বিরাটভ্রাতরশ্চৈব দশ দাশরথেঃ সমাঃ।
তে চৈনানন্ববর্তন্ত কীচকান্বলবত্তরান্ ॥ 29 ॥ 4-21-29 (29099)
এবংবিধবলো ভীমঃ কীচকস্তে চ তদ্বিধাঃ।
রাজ্ঞঃ স্যালা মহাত্মানো বিরাটস্য হিতৈষিণঃ ॥ 30 ॥ 4-21-30 (29100)
এতত্তে কথিতং সর্বং কীচকস্য পরাক্রমম্।
দ্রৌপদী ন শশাপৈনং যস্মাত্তদ্গদতঃ শৃণু ॥ 31 ॥ 4-21-31 (29101)
রক্ষন্তি হি তপঃ ক্রোধাদৃষয়ো ন শপন্তি চ।
জানন্তী তদ্যথাতত্ৎবং দ্রৌপদী ন শশাপ তম্ ॥ 32 ॥ 4-21-32 (29102)
ক্ষমা ধর্মঃ ক্ষমা দানং ক্ষমা যজ্ঞঃ ক্ষমা তপঃ।
ক্ষমা সত্যং ক্ষমা শীলং ক্ষমা সর্বমিতি শ্রুতিঃ ॥ 33 ॥ 4-21-33 (29103)
ক্ষমাবতাময়ং লোকঃ পরশ্চৈব ক্ষমাবতাম্।
এতৎসর্বং বিজানন্তী সা ক্ষমামন্বপদ্যত ॥ 34 ॥ 4-21-34 (29104)
ভর্তৄণাং মতমাজ্ঞায় ক্ষমিণাং ধর্মচারিণাম্।
নাশপত্তং বিশালাক্ষী সতী শক্তাঽপি ভারত ॥ 35 ॥ 4-21-35 (29105)
পাণ্ডবাশ্চাপি তে সর্বে দ্রৌপদীং প্রেক্ষ্য দুঃখিতাম্।
ক্রোধাগ্নিনাঽপ্যদহ্যন্ত তদা লঞ্জাব্যপেক্ষয়া ॥ 36 ॥ 4-21-36 (29106)
অথ ভীমো মহাবাহুঃ মূদয়িষ্যংস্তু কীচকম্।
বারিতো ধর্মপুত্রেণ বেলয়েব মহোদধিঃ ॥ 37 ॥ 4-21-37 (29107)
সংধার্য মনসা রোষং দিবারাত্রং বিনিশ্বসন্।
মহানসে তদা কৃচ্ছ্রাৎসুষ্বাপ রজনীং চ তাম্ ॥ 38 ॥ ॥ 4-21-38 (29108)
ইতি শ্রীমন্মহাভারতে বিরাটপর্বণি কীচকবধপর্বণি একবিংশোঽধ্যায়ঃ ॥ 21 ॥
বিরাটপর্ব - অধ্যায় 022
॥ শ্রীঃ ॥
4.22. অধ্যায়ঃ 022
Mahabharata - Virata Parva - Chapter Topics
কীচকং জিঘাংসন্ত্যা দ্রৌপদ্যা রাত্রৌ মহানসমেত্য স্বপতো ভীমস্য প্রবোধনম্ ॥ 1 ॥ তথা কীচকমারণাভাবে স্বপ্রাণবিমোক্ষণপ্রতিজ্ঞানম্ ॥ 2 ॥ তথা যুধিষ্ঠিরাদীন্প্রতি প্রত্যেকং নামনির্দেশপূর্বকমনুশোচনম্ ॥ 3 ॥Mahabharata - Virata Parva - Chapter Text
4-22-0 (29109)
বৈশম্পায়ন উবাচ। 4-22-0x (3079)
সা সূতপুত্রাভিহতা রাজপুত্রী সুদুঃখিতা।
বধং কৃষ্ণা পরীপ্সন্তী সূতপুত্রস্য ভামিনী ॥ 1 ॥ 4-22-1 (29110)
জগামাবাসমেবাথ তদা সা দ্রুপদাত্মজা।
কৃৎবা শৌচং যথান্যায়ং কৃষ্ণা সা তনুমধ্যমা ॥ 2 ॥ 4-22-2 (29111)
গাত্রাণি বাসসী চৈব প্রক্ষাল্য সলিলেন সা।
চিন্তয়ামাস রুদতী তস্য দুঃখস্য নির্ণয়ম্ ॥ 3 ॥ 4-22-3 (29112)
কিং করোমি ক্ব গচ্ছামি কথং কার্যং ভবেন্মম।
ইত্যেবং চিন্তয়িৎবা সা ভীমং তং মনসাঽগমৎ।
অন্যঃ কর্তা বিনা ভীমান্ন মেঽদ্য মনসেপ্সিতম্ ॥ 4 ॥ 4-22-4 (29113)
প্রাদুর্ভূতে ক্ষণে রাত্রৌ বিহায় শয়নং স্বকম্।
দুঃখেন মহতা যুক্তা মানসেন মনস্বিনী ।
প্রাদ্রবন্নাথমিচ্ছন্তী তথা নাথবতী সতী ॥ 5 ॥ 4-22-5 (29114)
সা বৈ মহানসং প্রাপ্য ভীমসেনং সুচিস্মিতা।
উপাসর্পত পাঞ্চালী বাসিতেব মহাগজম্ ॥ 6 ॥ 4-22-6 (29115)
সর্বশ্বেতেব মাহেয়ী বনে বৃদ্ধা ত্রিহায়ণী।
মহর্পভং যথা সুপ্তমর্থিনী বননির্ঝরে ।
সংপ্রসুপ্তং তথা সিংহিং মৃগরাজবধূরিব ॥ 7 ॥ 4-22-7 (29116)
অভিপ্রসার্য বাহুভ্যাং পতিং সুপ্তং সমাশ্লিষৎ ।
সুজাতং গোমতীতীরে সালং বল্লীব পুষ্পিতা ॥ 8 ॥ 4-22-8 (29117)
পরিস্পৃস্য চ পাণিভ্যাং পতিং সুপ্তমবোধয়ৎ।
শ্রীরিবান্যা মহোৎসাহং সুপ্তং বিষ্ণুমিবার্ণবে ।
ক্ষৌমাবদাতে শয়নে শয়ানং বৃষভেক্ষণম্ ॥ 9 ॥ 4-22-9 (29118)
যথা শচী দেবরাজং রুদ্রাণী শংকরং যথা।
ব্রহ্মাণমিব সাবিত্রী দেবসেনা গুহং যথা ॥ 10 ॥ 4-22-10 (29119)
দিশাগজসমাকারং গজং গজবধূরিব ।
ভীমং প্রাবোধয়ৎকান্তা লক্ষ্মীর্দামোদরং যথা ॥ 11 ॥ 4-22-11 (29120)
বীণেব মধুরালাপা স্বরং গান্ধারমাশ্রিতা।
অভ্যভাষত পাঞ্চালী কৌরবং পাণ্ডুনন্দনম্ ॥ 12 ॥ 4-22-12 (29121)
উত্তিষ্ঠোত্তিষ্ঠ কিং শেষে ভীমসেন মৃতো যথা।
ন মৃতঃ স হি পাপীয়ান্ভার্যামালম্ব্য জীবতি ॥ 13 ॥ 4-22-13 (29122)
তস্মিঞ্জীবতি পাপিষ্ঠে সেনাবাহে মম দ্বিষি ।
তৎকর্মং কৃতবত্যদ্য কথং নিদ্রাং নিষেবসে ॥ 14 ॥ 4-22-14 (29123)
বৈশম্পায়ন উবাচ। 4-22-15x (3080)
সুখসুপ্তশ্চ তং শব্দং নিশম্য স বৃকোদরঃ।
সংবেদিতঃ কুরুশ্রেষ্ঠঃ তোত্রৈরিব মহাগজঃ ॥ 15 ॥ 4-22-15 (29124)
স বৈ বিহায় শয়নং যস্মিন্সুপ্তঃ প্রবোধিতঃ।
উদতিষ্ঠদমেয়াত্মা পর্যঙ্কে সোত্তরচ্ছদে ॥ 16 ॥ 4-22-16 (29125)
উপবেশ্য চ দুর্ধর্পঃ পাঞ্চালকুলবর্ধনীম্।
অথাব্রবীদ্রাজপুত্রীং কৌরব্যো মহিষীং প্রিয়াম্ ॥ 17 ॥ 4-22-17 (29126)
কেনার্থেন চ সংপ্রাপ্তা ৎবরিতেব মমান্তিকম্।
ন তে প্রকৃতিমান্বর্ণঃ কৃশা ৎবমভিলক্ষ্যসে ॥ 18 ॥ 4-22-18 (29127)
প্রকাশং যদি বা গুহ্যং সর্বমাখ্যাতুমর্হসি।
আচক্ষ্ব ৎবমশেষেণ সর্বং বিদ্যামহং যথা ॥ 19 ॥ 4-22-19 (29128)
সুখং বা যদি বা দুঃখং শুভং বা যদি বাঽশুভম্।
যদ্যপ্যসুকরং কর্ম কৃতমিত্যবধারয় ॥ 20 ॥ 4-22-20 (29129)
অহমেব হি তে কৃষ্ণে বিশ্বাস্যঃ সর্বকর্মসু।
অহমাপৎসু চাপি ৎবাং মোক্ষয়ামি পুনঃ পুনঃ ॥ 21 ॥ 4-22-21 (29130)
শীঘ্রমুক্ৎবা যথাকামং যত্তে কার্যং বিবক্ষিতম্।
গচ্ছ বৈ শয়নায়ৈব যাবদন্যো ন বুধ্যতে ॥ 22 ॥ 4-22-22 (29131)
বৈশম্পায়ন উবাচ। 4-22-23x (3081)
সা লঞ্জমানা ভীতা চ অধোমুখমুখী ততঃ।
নোবাচ কিংচিদ্বচনং বাষ্পদূষিতলোচনা ॥ 23 ॥ 4-22-23 (29132)
অথাব্রবীদ্ভীমপরাক্রমো বলী বৃকোদরঃ পাণ্ডবমুখ্যসংমতঃ।
প্রব্রূহি কিং তে করবাণি সুন্দরি প্রিয়ং প্রিয়ে বারণমত্তগামিনি ॥ 24 ॥ 4-22-24 (29133)
দ্রৌপদ্যুবাচ। 4-22-25x (3082)
অশোচ্যতা কুতস্তস্যা যস্যা ভর্তা যুধিষ্ঠিরঃ।
জানন্সর্বাণি দুঃখানি কিং মাং ভীমানুপৃচ্ছসি ॥ 25 ॥ 4-22-25 (29134)
যন্মাং দাসীপ্রবাদেন প্রাতিকামী তদাঽনয়ৎ।
সভায়াং পরিষন্মধ্যে তন্মে মর্মাণি কৃন্ততি ॥ 26 ॥ 4-22-26 (29135)
বিকৃষ্টা হাস্তিনপুরে সভায়াং রাজসংসদি।
দুঃশাসনেন কেশান্তে পরামৃষ্টা রজস্বলা ॥ 27 ॥ 4-22-27 (29136)
ক্ষত্রিয়ৈস্তত্র কর্ণাদ্যৈর্দৃষ্টা দুর্যোধনেন চ।
শ্বশুরাভ্যাং চ ভীষ্মেণ বিদুরেণ চ ধীমতা।
দ্রোণেন চ মহাবাহো কৃপেণ চ পরংতপ ॥ 28 ॥ 4-22-28 (29137)
সাঽহং শ্বশুরয়োর্মধ্যে ভ্রাতৃমধ্যে চ পাণ্ডব।
কেশে গৃহীৎবা চ সভাং নীতা জীবতি বৈ ৎবয়ি ॥ 29 ॥ 4-22-29 (29138)
বিপ্রয়ুক্তা ততশ্চাহং বনে রাজ্যাদ্বনং গতা।
সাঽহং বনে দুর্বসতিং বসতী ৎবধ্বকর্শিতা ।
জটাসুরপরিক্লেশাৎপ্রাপ্তাপি সুমহদ্ভয়ম্ ॥ 30 ॥ 4-22-30 (29139)
পার্থিবস্য সুতা নাম কানু জীবেন মাদৃশী ।
অনুভূয় ভৃশং দুঃখমন্যত্র দ্রৌপদীং প্রভো॥ 31 ॥ 4-22-31 (29140)
বনবাসগতা চাহং সৈন্ধবেন দুরাত্মনা।
পরামৃষ্টা দ্বিতীয়ং চ সোদ্রুমুৎসহতে তু কা ॥ 32 ॥ 4-22-32 (29141)
পদ্ভ্যাং পর্যচরং চাহং দেশান্বিষমসংস্থিতান্ ।
দুর্গাঞ্শ্বাপদসংকীর্ণাংস্ৎবয়ি জীবতি পাণ্ডবে ॥ 33 ॥ 4-22-33 (29142)
ততোঽহং দ্বাদশে বর্ষে বন্যমূলফলাশনা।
ইদং পুরমনুপ্রাপ্তা সুদেষ্ণাপরিচারিকা।
পরস্ত্রিয়মুপাতিষ্ঠে সত্যধর্মপরায়ণা ॥ 34 ॥ 4-22-34 (29143)
গোশীর্ষকং পদ্মকং চ হরিশ্যামং চ চন্দনম্।
নিত্যং পিষে বিরাটস্য ৎবয়ি জীবতি পাণ্ডব ॥ 35 ॥ 4-22-35 (29144)
সাঽহং বহূনিঃ দুঃখানি গণয়ামি ন তে কৃতে ॥ 36 ॥ 4-22-36 (29145)
মৎস্যরাজসমক্ষং তু তস্য ধূর্তস্য পশ্যতঃ।
কীচকেন পদা স্পৃষ্টা কা নু জীবেত মাদৃশী ॥ 37 ॥ 4-22-37 (29146)
এবং বহুবিধৈর্দুঃখৈঃ ক্লিশ্যমানা চ পাণ্ডব ।
ন মাং জানাসি কৌন্তেয় কিং ফলং জীবিতেন মে ॥ 38 ॥ 4-22-38 (29147)
দ্রুপদস্য সুতা চাহং ধৃষ্টদ্যুম্নস্য চানুজা।
অগ্নিকুণ্ডাৎসমুদ্ভূতা নোর্ব্যাং জাতু চরাম্যহম্ ॥ 39 ॥ 4-22-39 (29148)
কীচকং চেন্ন হন্যাস্ৎবং গ্রীবাং বদ্ধ্বা জলে ম্রিয়ে।
বিষমালেড্য পাস্যামি প্রবেক্ষ্যাম্যথবাঽনলং ॥ 40 ॥ 4-22-40 (29149)
আত্মানং নাশয়িষ্যামি বৃক্ষমারুহ্য বা পতে ।
শস্ত্রেণাঙ্গং চ ভেৎস্যামি কিং ফলং জীবিতেন মে ॥ 41 ॥ 4-22-41 (29150)
যোঽয়ং রাজ্ঞো বিরাটস্য কীচকো নাম ভারত।
সেনানীঃ পুরুষব্যাঘ্র স্যালঃ পরমদুর্মতিঃ ॥ 42 ॥ 4-22-42 (29151)
স মাং সৈরন্ধ্রিবেষেণ বসন্তীং রাজবেশ্মনি।
নিত্যমেবাহ দুষ্টাত্মা ভার্যা মম ভবেতি বৈ ॥ 43 ॥ 4-22-43 (29152)
তেনৈবমুচ্যমানায়া বধার্হেণারিসূদন।
কালেনেব ফলং পক্বং হৃদয়ং মে বিদীর্যতে ॥ 44 ॥ 4-22-44 (29153)
শরণং ভব কৌন্তেয় মা স্ম গচ্ছে যুধিষ্ঠিরম্।
নিরুদ্যোগং নিরামর্ষং নির্বীর্যমরিমর্দন ॥ 45 ॥ 4-22-45 (29154)
মা স্ম সীমন্তিনী কাচিঞ্জনয়েৎপুত্রমীদৃশম্ ॥ 46 ॥ 4-22-46 (29155)
বিজানামি তবামর্ষং বলং বীর্যং চ পাণ্ডব।
ততোঽহং পরিদেবামি চাগ্রতস্তে মহাবল ॥ 47 ॥ 4-22-47 (29156)
যথা যূথপতির্মত্তঃ কুঞ্জরঃ ষাষ্টিহায়নঃ।
ভূমৌ নিপতিতং বিল্বং পদ্ভ্যমাক্রম্য পীডয়েৎ ॥ 48 ॥ 4-22-48 (29157)
তথৈব চ শিরস্তস্য নিপাত্য ধরণীতলে।
বামেন পুরুষব্যাঘ্র মর্দ মাদেন পাণ্ডব ॥ 49 ॥ 4-22-49 (29158)
স চেদুদ্যন্তমাদিত্যং প্রাতরুত্থায় পশ্যতি।
কীচকঃ শর্বরীং ব্যুষ্টাং নাহং জীবিতুমুৎসহে ॥ 50 ॥ 4-22-50 (29159)
শাপিতোসি মম প্রাণৈঃ সুকৃতেনার্জুনস্য চ।
যুধিষ্ঠিরস্য পাদাভ্যাং যময়োর্জীবিতেন চ।
কীচকস্য বধং নাদ্য প্রতিজানাসি ভারত ॥ 51 ॥ 4-22-51 (29160)
ভ্রাত চ বিগর্হস্ব জ্যেষ্ঠং দুর্দ্যূতদেবিনম্।
যস্মাস্মি কর্মণা প্রাপ্তা দুঃখমেতদনন্তকম্ ॥ 52 ॥ 4-22-52 (29161)
যেষাং মুখ্যতমো জ্যেষ্ঠো ভবেত্তু কুলপাংসনঃ।
ভ্রাতরং পরমন্বীয়ুস্তেঽপি শালীনবুদ্ধয়ঃ ॥ 53 ॥ 4-22-53 (29162)
কো হি রাজ্যং পরিত্যজ্য সপুত্রপশুবান্ধবম্ ।
প্রব্রজেত মহারণ্যমজিনৈঃ পরিবারিতঃ ॥ 54 ॥ 4-22-54 (29163)
যদি নিষ্কসহস্রাণি যদ্বাঽন্যৎসারবদ্ধনম্ ।
সায়ং প্রাতরদেবিষ্যদপি সংবৎসরায়ুতম্ ॥ 55 ॥ 4-22-55 (29164)
রুক্মং হিরণ্যং বাসাংসি যানং যুগ্যমজাবিকম্ ।
অশ্বাশ্বতরসঙ্ঘাশ্চ ন জাতু ক্ষয়মাব্রজেৎ॥ 56 ॥ 4-22-56 (29165)
সোয়ং দ্যূতপ্রবাদেন শ্রিয়শ্চৈবাবরোপিতঃ।
তূষ্ণীমাস্তে যথা মূঢঃ স্বানি কর্মাণি চিন্তয়ন্ ॥ 57 ॥ 4-22-57 (29166)
পুরা দশসহস্রাণি দন্তিনাং বাজিনামপি।
যং যান্তমনুয়ান্তি স্ম সোয়ং দ্যূতেন জীবতি ॥ 58 ॥ 4-22-58 (29167)
তথা শতসহস্রাণি স্ত্রীণামমিততেজসাম্।
উপাসতে স্ম রাজানমিন্দ্রপ্রস্থে যুধিষ্ঠিরম্ ॥ 59 ॥ 4-22-59 (29168)
শতং দাসীসহস্রাণাং যস্য নিত্যং মহানসে।
পাত্রহস্তা দিবারাত্রমতিথীন্ভোজয়ন্ত্যুত ॥ 60 ॥ 4-22-60 (29169)
এষ নিষ্কসহস্রাণি দত্ৎবা প্রাতর্দিনেদিনে ।
দ্যূতজেন হ্যনর্থেন মহতা সমুপাবৃতঃ ॥ 61 ॥ 4-22-61 (29170)
এনং সুস্বরসংপন্না বহবঃ সূতমাগধাঃ।
সুপ্তং প্রাতরুপাতিষ্ঠন্সুমৃষ্টমণিকুণ্ডলাঃ ॥ 62 ॥ 4-22-62 (29171)
[সহস্রং বালখিল্যানাং সহস্রমুদবাসিনাম্।
সহস্রমশ্মকুট্টানাং সহস্রং বায়ুভোজিনাম্ ॥ 63 ॥ 4-22-63 (29172)
সহস্রং মুনিপত্নীনাং সহস্রং ব্রহ্মচারিণাম্।
সহস্রং মৌনশীলানাং সহস্রং গৃহমেধিনাম্ ॥ 64 ॥ 4-22-64 (29173)
হংসাঃ পরমহংসাশ্চ যোগিনশ্চ দ্বিজাতয়ঃ।
কুটীরকাঃ পরিব্রাজো যে চান্যে বনচারিণঃ ॥ 65 ॥ 4-22-65 (29174)
সংবিভক্তাত্মকাশ্চৈব বহবশ্চোর্ধ্বরেতসঃ ।
চতুর্বেদবিদো বিপ্রাঃ শিক্ষামীমাংসপারগাঃ ।
ক্রমপাঠাশ্চ যে বিপ্রাঃ সামাধ্যায়নিকাশ্চ যে ॥ 66 ॥] 4-22-66 (29175)
সহস্রমৃষয়ো যস্য নিত্যমাসন্সভাসদঃ।
তপঃশ্রুতোপসংপন্নাঃ সর্বকামৈরুপাস্থিতাঃ ॥ 67 ॥ 4-22-67 (29176)
অন্ধান্বৃদ্ধাননাথাংস্তু সর্বরাষ্ট্রেষু দুঃখিতান্।
বিভর্ত্যন্নার্থিনো নিত্যমানৃশংস্যাদ্যুধিষ্ঠিরঃ ॥ 68 ॥ 4-22-68 (29177)
স এষ নিলয়ং প্রাপ্তো মৎস্যস্য পরিচারকঃ।
সভায়াং বিনতো রাজ্ঞঃ কঙ্কো নাম যুধিষ্ঠিরঃ ॥ 69 ॥ 4-22-69 (29178)
ইন্দ্রপ্রস্থে নিবসতঃ সময়ে যস্য পার্থিবাঃ।
আসন্বলিকরাঃ সর্বে সোন্যেভ্যো ভৃতিমিচ্ছতি ॥ 70 ॥ 4-22-70 (29179)
পার্থিবাঃ পৃথিবীপালা যস্যাসন্বশবর্তিনঃ।
স বশে বিবশো রাজ্ঞাং পরেষামদ্য বর্ততে ॥ 71 ॥ 4-22-71 (29180)
সংপ্রাপ্য পৃথিবীং কৃৎস্নাং রশ্মিবানিব তেজসা।
সোদ্য রাজ্ঞো বিরাটস্য সভাস্তারো যুধিষ্ঠিরঃ ॥ 72 ॥ 4-22-72 (29181)
যমুপাসত রাজানং সভায়ামৃষিসত্তমাঃ।
তমুপাসীনমদ্যান্যং পশ্য পাণ্ডব পাণ্ডবম্ ॥ 73 ॥ 4-22-73 (29182)
অনবদ্যং মহাপ্রাজ্ঞং জীবিতার্থেন সংবৃতম্ ।
দৃষ্ট্বা কস্য ন দুঃখং স্যাদ্ধর্মরাজং যুধিষ্ঠিরম্ ॥ 74 ॥ 4-22-74 (29183)
উপাস্তে স্ম সভায়াং যং কৃৎস্নাঽপি চ বসুন্ধরা।
তমুপাসীনমদ্যান্যং পশ্য ভারত ভারতম্ ॥ 75 ॥ 4-22-75 (29184)
এবং বহুবিদৈর্দুঃখৈঃ পীড্যমানামনাথবৎ।
শোকসাগরমধ্যস্থাং কিং মাং ভীম ন পশ্যসি ॥ 76 ॥ 4-22-76 (29185)
ইদং তু মে দুঃখতরং যত্ৎবাং বক্ষ্যামি ভারত।
ন মেঽভ্যসূয়া কর্তব্যা দুঃখাদেতদ্ব্রবীম্যহম্ ॥ 77 ॥ 4-22-77 (29186)
শার্দূলৈর্মহিষৈর্নাগৌরগারে যোৎস্যসে সদা।
কৈকেয়্যাঃ প্রেক্ষমাণায়াস্তদা মে কশ্মলোঽভবৎ ॥ 78 ॥ 4-22-78 (29187)
হসন্ত্যন্তঃপুরে নার্যো মম চেষ্টাং নিরীক্ষ্য চ ॥ 79 ॥ 4-22-79 (29188)
তত উত্থায় কৈকেয়ী সর্বাস্তাঃ প্রত্যভাষত।
প্রেক্ষ্য মামনবদ্যাঙ্গীং কশ্মলাভিহতামিব ॥ 80 ॥ 4-22-80 (29189)
স্নেহাৎসংবাসজাদেব তদা বৈ চারুহাসিনী ।
যুধ্যমানং মহাবীর্যমিমং সমনুশোচতি ॥ 81 ॥ 4-22-81 (29190)
কল্যাণরূপা সৈরন্ধ্রী বললশ্চাপি সুন্দরঃ।
স্ত্রীণাং চিত্তং হি দুর্জ্ঞেয়ং যুক্তরূপৌ হি মে মতৌ ॥ 82 ॥ 4-22-82 (29191)
সৈরন্ধ্রী প্রিয়সংবাসান্নিত্যং করুণবাদিনী।
অস্মিন্রাজকুলে চৈতৌ তুল্যকালনিবাসিনৌ ॥ 83 ॥ 4-22-83 (29192)
ইতি ব্রুবাণা বাক্যানি সা মাং নিত্যমজীজপৎ ।
ক্রুধ্যন্তীং মাং চ সংপ্রেক্ষ্য পর্যশঙ্কত মাং ৎবয়ি ॥ 84 ॥ 4-22-84 (29193)
তস্যাং তথা ব্রুবন্ত্যাং তু ভীমো ভীমপরাক্রমঃ।
নোবাচ কিংচিদ্বচনং সংরম্ভাদ্রক্তলোচনঃ ॥ 85 ॥ 4-22-85 (29194)
জ্ঞাৎবা-তু রুষিতং ভীমং দ্রৌপদী পুনরব্রবীৎ।
শোকে যৌধিষ্ঠিরে মগ্না নাহং জীবিতুমুৎসহে ॥ 86 ॥ 4-22-86 (29195)
যংস্তু দেবান্মনুষ্যাংশ্চ সর্বানেকরথোঽজয়ৎ।
সোয়ং রাজ্ঞো বিরাটস্য কন্যানাং নর্তকো যুবা।
আস্তে বেষপ্রতিচ্ছন্নঃ কন্যানাং পরিচারকঃ ॥ 87 ॥ 4-22-87 (29196)
যোঽতর্পয়দমেয়াত্মা খাণ্ডবে জাতবেদসম্।
সোঽন্তঃপুরগতঃ পার্থঃ কূপেঽগ্নিরিব সংবৃতঃ ॥ 88 ॥ 4-22-88 (29197)
যস্মাদ্ভয়মমিত্রাণাং সদৈব পুরুষর্ষভাৎ।
স লোকপরিভূতেন বেষেণাস্তে ধনংজয়ঃ ॥ 89 ॥ 4-22-89 (29198)
যস্যং জ্যাতলনির্ঘোষাৎসমকম্পন্ত শত্রবঃ।
ষণ্ডরূপং বহন্তং তং গীতং নৃত্তাবলম্বনম্ ।
কুর্বন্তমর্জুনং দৃষ্ট্বা ন মে স্বাস্থ্যং মনো ব্রজেৎ ॥ 90 ॥ 4-22-90 (29199)
স্ত্রিয়ো গীতস্বরাত্তস্য মুদিতাঃ পর্যুপাসতে ॥ 91 ॥ 4-22-91 (29200)
কিরীটং সূর্যসংকাশং যস্য মূর্ধন্যশোভত।
বেণীবিকৃতকেশান্তঃ সোঽয়মদ্য ধনংজয়ঃ ॥ 92 ॥ 4-22-92 (29201)
যস্মিন্নস্ত্রাণি দিব্যানি সমস্তানি মহাত্মনি ।
আধারঃ সর্ববিদ্যানাং যো ধারয়তি কুণ্ডলে ॥ 93 ॥ 4-22-93 (29202)
যং বৈ রাজসহস্রাণি তেজসাঽপ্রতিমং ভুবি ।
সমরে নাতিবর্তন্তে বেলামিব মহোর্ময়ঃ ॥ 94 ॥ 4-22-94 (29203)
সোয়ং রাজ্ঞো বিরাটস্য কন্যানাং নর্তকো যুবা।
আস্তে বেষপ্রতিচ্ছন্নঃ কন্যানাং পরিচারকঃ ॥ 95 ॥ 4-22-95 (29204)
যস্য স্ম রথনির্ঘোষাৎসমকম্পত মেদিনী।
সপর্বতবনাকাশা সহস্থাবরজঙ্গমা ॥ 96 ॥ 4-22-96 (29205)
যস্মিঞ্জাতে মহেষ্বাসে কুন্ত্যাঃ প্রীতিরবর্ধত।
ন স শোচতি মামদ্য ভীমসেন তবানুজঃ ॥ 97 ॥ 4-22-97 (29206)
বিভূষিতমলংকারৈঃ কুণ্ডলৈঃ পরিপাতুকৈঃ।
কম্বুপাণিমথায়ান্তং দৃষ্ট্বা সীদতি মে মনঃ ॥ 98 ॥ 4-22-98 (29207)
বেণীবিকৃতকেশান্তং ভীমধন্বানমর্জুনম্।
কন্যাপরিবৃতং দৃষ্ট্বা শোকং গচ্ছতি মে মনঃ ॥ 99 ॥ 4-22-99 (29208)
যদা হ্যেনং পরিবৃতং কন্যাভির্দেবরূপিণম্।
প্রচ্ছন্নমিব মাতঙ্গং পরিপূর্ণং করেণুভিঃ ॥ 100 ॥ 4-22-100 (29209)
মাৎস্যং পার্থং চ গায়ন্তং বিরাটং সমুপস্থিতম্।
পশ্যামি তূর্যমধ্যস্থং দৃষ্ট্বা মুহ্যতি মে মনঃ ॥ 101 ॥ 4-22-101 (29210)
নূনমার্যা ন জানাতি কৃচ্ছ্রং প্রাপ্তং ধনংজয়ম্।
অজাতশত্রুং কৌরব্যং মগ্নং দ্যুর্দ্যূতদেবিনম্ ॥ 102 ॥ 4-22-102 (29211)
ঐন্দ্রবারুণবায়ব্যব্রহ্মাগ্নেয়ৈঃ সবৈষ্ণবৈঃ ।
অগ্নীন্সংতর্পয়ন্পার্থঃ সর্বশত্রুনিবর্হণঃ।
দিব্যৈরস্ত্রৈরমেয়াত্মা সর্বাংশ্চৈকরথোঽজয়ৎ ॥ 103 ॥ 4-22-103 (29212)
কৌবেরং বৈষ্ণবং শৈবমস্ত্রাণ্যন্যানি ভারত।
দর্শয়ন্নস্ত্রবীর্যং চ বাসুদেবসহায়বান্ ॥ 104 ॥ 4-22-104 (29213)
দিব্যং গান্ধর্বমস্ত্রং চ বায়ব্যমথ বৈষ্ণবম্।
ব্রাহ্মং পাশুপতং চৈব স্থূণাকর্ণং চ দর্শয়ন্ ॥ 105 ॥ 4-22-105 (29214)
পৌলোমান্কালকেয়াংশ্চ ইন্দ্রশত্রূন্মহাবলান্।
নিবাতকবচৈঃ সার্ধং ঘোরানেকরথোঽজয়ৎ।
সোন্তঃপুরগতঃ পার্থঃ কূপেঽগ্নিরিব সংবৃতঃ ॥ 106 ॥ 4-22-106 (29215)
যো বৈ মহাতপঃ কুর্বন্মহাবলপরাক্রমঃ ।
যুদ্ধেন তোষয়ামাস শংকরং শূলপাণিনম্ ॥ 107 ॥ 4-22-107 (29216)
কন্যাপুরগতং দৃষ্ট্বা গোষ্ঠেষ্বিব মহাবৃষম্।
স্ত্রীবেষবিকৃতং পার্থং কুন্তীং গচ্ছতি মে মনঃ ॥ 108 ॥ 4-22-108 (29217)
যঃ স্ত্রীভির্নিত্যসংপন্নো রূপেণাস্ত্রেণ মেধয়া ।
সোঽশ্ববন্ধো বিরাটস্য পশ্য কালস্য পর্যযম্ ॥ 109 ॥ 4-22-109 (29218)
রাজকন্যাশ্চ বেশ্যাশ্চ বিশাং দুহিতরশ্চ যাঃ।
সর্বাঃ সারয়ুতা নার্যো দামগ্রন্থিবশং গতাঃ ।
প্রেষ্যকর্মণি তং দৃষ্ট্বা শোচামি বিলপামি চ ॥ 120 ॥ 4-22-110 (29219)
বিরাটমুপতিষ্ঠন্তং দর্শয়ন্তং চ বাজিনম্।
অভ্যকীর্যন্ত বৃন্দানি দামগ্রন্থিমুদীক্ষিতুম্ ।
বিনয়ন্তং জবেনাশ্বান্ধর্মরাজস্য পশ্যতঃ ॥ 111 ॥ 4-22-111 (29220)
কিংনু মাং মন্যসে পার্থ সুখিতেতি পরন্তপ।
তথা দৃষ্ট্বা যবীয়াংসং সহদেবং যুধাংপতিম্ ॥ 112 ॥ 4-22-112 (29221)
তং দৃষ্ট্বা গোষু গোসঙ্খ্যং বৎসচর্মক্ষিতীশয়ম্।
দুঃখশোকপরীতাঙ্গী পাণ্ডুভূতাঽস্মি পাণ্ডব ॥ 113 ॥ 4-22-113 (29222)
সহদেবস্য বৃত্তানি চিন্তয়ন্তী পুনঃপুনঃ ।
ন পশ্যামি মহাভাগ সহদেবস্য দুঃষ্কৃতম্।
যস্মাদেবংবিধং ক্লেশং প্রাপ্নুয়াৎসত্যবিক্রমঃ ॥ 114 ॥ 4-22-114 (29223)
দূয়ামি ভরতশ্রেষ্ঠ দৃষ্ট্বা তে ভ্রাতরং প্রিয়ম্।
গোষু গোবৃষসংকাশং মাৎস্যেনাপি নিবেশিতম্ ॥ 115 ॥ 4-22-115 (29224)
সংরব্ধতররক্তাক্ষং গোপালানাং পুরোগমম্।
বিরাটমভিনন্দন্তং বিত্তে মে ভবতি জ্বরঃ ॥ 116 ॥ 4-22-116 (29225)
সহদেবং হি মে নিত্যং বীরমার্যা প্রশংসতি।
মহাভিজনসংপন্নো নীতিমান্কুলবানপি ॥ 117 ॥ 4-22-117 (29226)
হীনিষেবো হ্যনবমো ধার্মিকশ্চ প্রিয়শ্চ মে।
স তেঽরণ্যেষু বোঢব্যঃ পাঞ্চালি রজনীষ্বপি ॥ 118 ॥ 4-22-118 (29227)
সুকুমারশ্চ শূরশ্চ রাজানং চাপ্যনুব্রতঃ।
জ্যেষ্ঠাপচায়িনং বীরং স্বয়ং পাঞ্চালি ভোজয়েঃ ॥ 119 ॥ 4-22-119 (29228)
ইত্যুবাচ হি মাং কুন্তী রুদতী পুত্রগৃদ্ধিনী।
প্রব্রজন্তং মহারণ্যং তং পরিষ্বজ্য তিষ্ঠতী ॥ 120 ॥ 4-22-120 (29229)
তং দৃষ্ট্বা গোষু গোপালবেষমাস্থায় ধিষ্ঠিতম্।
সহদেবং যুধাংশ্রেষ্ঠং কিংনু জীবামি পাণ্ডবঃ ॥ 121 ॥ 4-22-121 (29230)
এবং দুঃখশতাবিষ্টা যুধিষ্ঠিরনিমিত্ততঃ ॥ 122 ॥ 4-22-122 (29231)
পুনঃ প্রতিবিশিষ্টানি দুঃখানি শৃণু ভারত।
বর্ধন্তে ময়ি কৌন্তেয় বক্ষ্যাম্যন্যানি তানি বৈ ॥ 123 ॥ 4-22-123 (29232)
যুষ্মাসু ধ্রিয়মাণেষু দুঃখানি বিবিধান্যুত।
শোষয়ন্তি শরীরং মে কিংনু দুঃখতরং ততঃ ॥ 124 ॥ 4-22-124 (29233)
4-22-125 (29234)
একভর্তা তু যা নারী সা সুখেনৈব বর্ততে।
পঞ্চ মে পতয়ঃ সন্তি মম দুঃখমনন্তকম্ ॥ 125 ॥
Mahabharata - Virata Parva - Chapter Footnotes
4-22-7 সর্বশ্বেতা বকী ইতি নীলকণ্ঠঃ ॥ 7 ॥ 4-22-10 তথা ইতি খo পাঠঃ ॥ 10 ॥ 4-22-13 নাভৃতস্য হি পাপীয়ান্ভার্যামালভ্য জীবতীতি ঝo পাঠঃ ॥ 13 ॥ 4-22-54 মহারণ্যমনুজৈঃ পরিবারিতঃ ইতি খo পাঠঃ ॥ 54 ॥( ইমে চৎবারঃ শ্লোকাঃ ধo পুস্তক এব বর্তন্তে ॥)বিরাটপর্ব - অধ্যায় 023
॥ শ্রীঃ ॥
4.23. অধ্যায়ঃ 023
Mahabharata - Virata Parva - Chapter Topics
দ্রৌপদ্যা ভীমংপ্রতি স্ববৈভবানুস্মারণেন পরিশোচনপূর্বকং কীচকহননচোদনা ॥ 1 ॥Mahabharata - Virata Parva - Chapter Text
4-23-0 (29235)
দ্রৌপদ্যুবাচ। 4-23-0x (3083)
অহং সৈরন্ধ্রিবেষেণ বসন্তী রাজবেশ্মনি।
বশগাঽস্মি সুদেষ্ণায়া অক্ষধূর্তস্য কারণাৎ ॥ 1 ॥ 4-23-1 (29236)
বিক্রিয়াং পশ্য মে তীব্রাং রাজপুত্র্যাঃ পরন্তপ।
আসে কালমুপাসীনা সর্বদুঃখসহা পুনঃ ॥ 2 ॥ 4-23-2 (29237)
অনিত্যাঃ খলু মর্ত্যানামর্থাশ্চ ব্যসনানি চ।
ইতি মৎবা প্রতীক্ষামি ভর্তৄণামুদয়ং পুনঃ ॥ 3 ॥ 4-23-3 (29238)
চক্রবৎপরিবর্তন্তে হ্যর্থাশ্চ ব্যসনানি চ ।
ইতি কৃৎবা প্রতীক্ষামি ভর্তৄণামুদয়ং পুনঃ ॥ 4 ॥ 4-23-4 (29239)
য এব হেতুর্ভবতি পুরুষস্য জয়াবহঃ।
পরাজয়ে চ হেতুঃ স ইতি চ প্রতিপালয়ে ॥ 5 ॥ 4-23-5 (29240)
দত্ৎবা যাচন্তি পুরুষা হৎবা হন্যন্ত এব তে।
পাতয়িৎবা চ পাত্যন্তে পরৈরিতি চ মে শ্রুতম্ ॥ 6 ॥ 4-23-6 (29241)
ন দৈবস্যাতিভারোস্তি ন চৈবাস্যাতিবর্তনম্।
ইতি চাপ্যাগমং ভূয়ো দৈবস্য প্রতিপালয়ে ॥ 7 ॥ 4-23-7 (29242)
স্থিতং পূর্বং জলং যত্র ন পুনস্তত্র তিষ্ঠতি ।
ইতি পর্যায়মিচ্ছন্তি প্রতীক্ষাম্যুদয়ং পুনঃ ॥ 8 ॥ 4-23-8 (29243)
দৈবেন কিল যস্যার্থঃ সুনীতোপি বিপদ্যতে।
সদা দৈবাগমে যত্নস্তেন কার্যো বিজানতা ॥ 9 ॥ 4-23-9 (29244)
কিংনু মে বচনস্যাদ্য কথিতস্য প্রয়োজনম্ ।
পৃচ্ছ মাং দুঃখিতামেনামপৃষ্টাঽপি ব্রবীমি তে ॥ 10 ॥ 4-23-10 (29245)
মহিষী পাণ্ডুপুত্রাণাং দুহিতা দ্রুপদস্য চ ।
ইমামবস্থাং সংপ্রাপ্তা মদন্যা কা জিজীবিষেৎ ॥ 11 ॥ 4-23-11 (29246)
কুরূন্পরিহরন্সর্বান্পাঞ্চালানপি ভারত।
পাণ্ডবেয়াংশ্চ সংপ্রাপ্তো মম শোকো হ্যরিন্দম ॥ 12 ॥ 4-23-12 (29247)
ভ্রাতৃভিঃ শ্বশুরৈঃ পুত্রৈর্বহুভিঃ পরিবারিতা।
এবং সমুদিতা নারী কান্বেয়ং দুঃখভাগিনী ॥ 13 ॥ 4-23-13 (29248)
নূনং বালতয়া ধাতুর্ময়া বৈ বিপ্রিয়ং কৃতম্।
তস্য প্রভাবাদ্দুর্নীতং প্রাপ্তাঽস্মি ভরতর্ষভ ॥ 14 ॥ 4-23-14 (29249)
বর্ণং বিকারমপি মে পশ্য পাণ্ডব যাদৃশম্ ।
ঈদৃশো মে ন তত্রাসীদ্দুঃখে পরমকে পুরা ॥ 15 ॥ 4-23-15 (29250)
ৎবমেব ভীম জানীষে যন্মে পার্থ সুখং পুরা।
সাঽহং দাসীৎবমাপন্না ন শান্তিং মনসা লভে॥ 16 ॥ 4-23-16 (29251)
তদ্দৈবিকমিদং মন্যে যত্র পার্থো ধনঞ্জয়ঃ।
ভীমধন্বা মহারঙ্গে চাস্তে শান্ত ইবানলঃ ॥ 17 ॥ 4-23-17 (29252)
অশক্যা বেদিতুং পার্থ প্রাণিনাং বৈ গতির্নরৈঃ ।
বিনিপাতমিমং পশ্য যুষ্মাকমবিচিন্তিতম্ ॥ 18 ॥ 4-23-18 (29253)
যস্যা মম মুখপ্রেক্ষা যূয়মিন্দ্রসমাঃ সদা।
সা প্রেক্ষ্য মুখমন্যাসামবরাণাং বরা সতী ॥ 19 ॥ 4-23-19 (29254)
পশ্য পাণ্ডব মেঽবস্থাং যথা নার্হামি বৈ তথা ।
যুষ্মাসু ধ্রিয়মাণেষু পাঞ্চালেষু চ মানদ ॥ 20 ॥ 4-23-20 (29255)
যস্যাঃ সাগরপর্যন্তা পৃথিবী বশবর্তিনী।
আসীৎসাঽদ্য সুদেষ্ণায়াঃ পাঞ্চালী বশবর্তিনী ॥ 21 ॥ 4-23-21 (29256)
যস্যাঃ পুরশ্চরা হ্যাসন্পৃষ্ঠতশ্চানুগামিনঃ।
সাহমদ্য সুদেষ্ণায়াঃ পুরঃ পশ্চাচ্চ গামিনী ॥ 22 ॥ 4-23-22 (29257)
ইদং তু দুঃখং কৌন্তেয় মমাসহ্যং নিবোধ তৎ।
যা ন জাতু স্বয়ং পিংষে গাত্রোদ্বর্তনমাত্মনঃ ।
অন্যত্র কুন্ত্যা ভদ্রং তে সা পিনষ্ম্যদ্য চন্দনং ॥ 23 ॥ 4-23-23 (29258)
পশ্য কৌন্তেয় পাণী মে নৈবং বৈ ভবতঃ পুরা।
ইত্যস্মৈ দর্শয়ামাস কিণবন্তৌ করাবুভৌ ॥ 24 ॥ 4-23-24 (29259)
বিভেমি কুন্ত্যা যা নাঽহং যুষ্মাকং বা কদাচন।
সাঽদ্যাগ্রতো বিরাটস্য ভীতা তিষ্ঠামি কিংকরী ॥ 25 ॥ 4-23-25 (29260)
কিংনু বক্ষ্যতি সম্রাণ্মাং বর্ণকঃ সুকৃতো ন বা।
নান্যপিষ্টং বিরাটস্য চন্দনং কিল রোচতে ॥ 26 ॥ 4-23-26 (29261)
বৈশম্পায়ন উবাচ। 4-23-27x (3084)
সা কীর্তয়ন্তী দুঃখানি ভীমসেনস্য ভামিনী।
রুরোদ শনকৈঃ কৃষ্ণা ভীমস্যোরস্সমাশ্রিতা ॥ 27 ॥ 4-23-27 (29262)
সা বাষ্পকলয়া বাচা নিশ্বসন্তী পুনঃপুনঃ ।
হৃদয়ং ভীমসেনস্য ঘটয়ন্তীদমব্রবীৎ ॥ 28 ॥ 4-23-28 (29263)
নাল্পং কৃতং ময়া ভীম দেবানাং কিল্বিষং পুরা।
অভাগ্যা যা তু জীবামি মর্তব্যে সতি পাণ্ডব ॥ 29 ॥ 4-23-29 (29264)
কীচকং চেন্ন হন্যাস্ৎবং স্বাত্মানং নাশয়াম্যহম্।
বিষমালোড্য পাস্যামি প্রবেক্ষ্যাম্যথবাঽনলম্।
অভাগ্যাঽহমপুণ্যাঽহং নিত্যদুঃখা চ বিক্লবা ॥ 30 ॥ 4-23-30 (29265)
পাপে নিপতিতায়াশ্চ কিং ফলং জীবিতেন মে।
ইত্যস্মৈ দর্শয়ামাস কিণবদ্ধৌ করাবুভৌ ॥ 31 ॥ 4-23-31 (29266)
ততস্তস্যাঃ করৌ পীনৌ কিণবদ্ধৌ বৃকোদরঃ।
মুখমানীয় বেপন্ত্যা রুরোদ পরবীরহা ॥ 32 ॥ 4-23-32 (29267)
তৌ গৃহীৎবা চ কৌন্তেয়ো বাষ্পমুৎসৃজ্য বীর্যবান্ ।
ততঃ পরমদুঃখার্ত ইদং বচনমব্রবীৎ ॥ 32 ॥ ॥ 4-23-33 (29268)
ইতি শ্রীমন্মহাভারতে বিরাটপর্বণি কীচকবধপর্বণি ত্রয়োবিংশোঽধ্যায়ঃ ॥ 23 ॥
Mahabharata - Virata Parva - Chapter Footnotes
4-23-6 মানয়িৎবা চ মান্যন্তে নরা দৈববিপর্যযে ইতি থo পাঠঃ ॥ 6 ॥বিরাটপর্ব - অধ্যায় 024
॥ শ্রীঃ ॥
4.24. অধ্যায়ঃ 024
Mahabharata - Virata Parva - Chapter Topics
দ্রৌপদীভীমসংবাদঃ ॥ 1 ॥ দ্রৌপদ্যা ভীমংপ্রতি হটাৎকীচকসংহারচোদনা ॥ 2 ॥Mahabharata - Virata Parva - Chapter Text
4-24-0 (29269)
বৈশম্পায়ন উবাচ। 4-24-0x (3085)
আশ্বাসয়ংস্তাং পাঞ্চালীং ভীমসেন উবাচ হ।
শৃণু ভদ্রে বরারোহে ক্রোধাত্তত্র তু চিন্তিতম্ ॥ 1 ॥ 4-24-1 (29270)
ৎবং বৈ সভাগতাং দৃষ্ট্বা মাৎস্যানাং কদনং মহৎ ।
কর্তুকামেন ভদ্রং তে বৃক্ষশ্চাবেক্ষিতো ময়া ॥ 2 ॥ 4-24-2 (29271)
তত্র মাং ধর্মরাজস্তু কটাক্ষেণ ন্যবারয়ৎ।
তজ্জ্ঞাৎবাঽবাঙ্ভুখস্তূষ্ণীমাস্থিতোস্মি মহানসং ॥ 3 ॥ 4-24-3 (29272)
শৃণুষ্বান্যৎপ্রতিজ্ঞাতং যদ্বদামীহ ভামিনি ।
ধিগস্তু মে বাহুবলং গাণ্ডীবং ফল্গুনস্য চ।
যত্তে রক্তৌ পুরা ভূৎবা পাণী কৃতকিণাবিমৌ ॥ 4 ॥ 4-24-4 (29273)
তদদ্য মাং তু তপতি যৎকৃতং ন ময়া পুরা।
সভায়াং স্ম বিরাটস্য করোমি কদনং মহৎ ॥ 5 ॥ 4-24-5 (29274)
তত্র মে কারণং ভাতি কৌন্তেয়ো যৎপ্রতীক্ষতে।
তদহং তস্য বিজ্ঞায় স্থিতো ধর্মস্য শাসনে ॥ 6 ॥ 4-24-6 (29275)
যচ্চ রাজ্যাৎপ্রচ্যবনং কুরূণামবধশ্চ যঃ।
সুয়োধনস্য কর্ণস্য শকুনেঃ সৌবলস্য চ ॥ 7 ॥ 4-24-7 (29276)
দুঃশাসনস্য পাপস্য যন্ময়া ন হৃতং শিরঃ ।
তন্মাং দহতি কল্যাণি হৃদি শল্যমিবার্পিতম্ ॥ 8 ॥ 4-24-8 (29277)
অপি চান্যদ্বরারোহে স্মরিষ্যসি বচো মম।
পুণ্যে তীরে সরস্বত্যা যৎপ্রতিষ্ঠাম সংগতাঃ ।
তত্রাহমব্রবং কৃষ্ণে সর্বক্লেশাননুস্মরন্ ॥ 9 ॥ 4-24-9 (29278)
ন চাহমনুগচ্ছেয়ং ধর্মরাজং যুধিষ্ঠিরম্।
ধনঞ্জয়ং চ পাঞ্চালি মাদ্রিপুত্রৌ চ ভ্রাতরৌ।
কৃৎবৈতাং চ মতিং কৃষ্ণে যুধিষ্ঠিরমগর্হয়ম্ ॥ 10 ॥ 4-24-10 (29279)
পরুষং বচনং শ্রুৎবা মম ধর্মাত্মজস্তদা।
হীমান্বাক্যমহীনার্থং ব্রুবন্রাজা যুধিষ্ঠিরঃ ।
সর্বানন্বনয়দ্ভ্রাতৄন্মুনের্ধৌম্যস্য পশ্যতঃ ॥ 11 ॥ 4-24-11 (29280)
মা রোদী রাজ্ঞি লোকানাং সর্বাগমগুণান্বিতা।
রক্ষিতব্যং সহাস্মাভিঃ সত্যমপ্রতিমং ভুবি ॥ 12 ॥ 4-24-12 (29281)
অনুনীতেষু চাস্মাসু অনুনীতা ৎবমপ্যসি।
মা ধর্মং জহি সুশ্রোণি ক্রোধং জহি মহামতে ॥ 13 ॥ 4-24-13 (29282)
ইমং তু সমুপালম্ভং ৎবত্তো রাজা যুধিষ্ঠিরঃ ।
শৃণুয়াদ্যদি কল্যাণি কৃৎস্নং জহ্যাৎস জীবিতং ॥ 14 ॥ 4-24-14 (29283)
ধনঞ্জয়ো বা সুশ্রোণি যমৌ চাপি সুমধ্যমে।
লোকান্তরগতেষ্বেষু নাহং শক্ষ্যামি জীবিতুম্ ॥ 15 ॥ 4-24-15 (29284)
ধর্মং শৃণুষ্ব পাঞ্চালি যত্তে বক্ষ্যামি মানিনি ॥ 16 ॥ 4-24-16 (29285)
দুহিতা জনকস্যাসীদ্বৈদেহী যদি তে শ্রুতা।
পতিমন্বচরৎসীতা মহারণ্যনিবাসিনম্ ॥ 17 ॥ 4-24-17 (29286)
বসন্তী চ মহারণ্যে রামস্য মহিষী প্রিয়া।
রাবণেন হৃতা সীতা রাক্ষসীভিশ্চ তর্জিতা।
সা ক্লিশ্যমানা সুশ্রোণী রামমেবান্বপদ্যত ॥ 18 ॥ 4-24-18 (29287)
লোপামুদ্রা তথা ভীরু ভর্তারমৃষিসত্তমম্।
ভগবন্তমগস্ত্যং সা বনায়ৈবান্বপদ্যত ॥ 19 ॥ 4-24-19 (29288)
সুকন্যা নাম শর্যাতের্ভার্গবচ্যবনং বনে।
বল্মীকভূতং সাধ্বী তমন্বপদ্যত ভামিনী ॥ 20 ॥ 4-24-20 (29289)
নালায়নী চেন্দ্রসেনা রূপেণাপ্রতিমা ভুবি।
পতিমন্বচরদ্বৃদ্ধং পুরা বর্ষসহস্রিণম্ ॥ 21 ॥ 4-24-21 (29290)
নলং রাজানমেবাথ দময়ন্তী বনান্তরে।
অন্বগচ্ছৎপুরা কৃষ্ণে তথা ভর্তৄংস্ৎবমন্বগাঃ ॥ 22 ॥ 4-24-22 (29291)
যথৈতাঃ কীর্তিতা নার্যো রূপবত্যঃ পতিব্রতাঃ।
তথা ৎবমপি কল্যাণি সর্বৈঃ সমুদিতা গুণৈঃ ॥ 23 ॥ 4-24-23 (29292)
মা দীর্ঘং ক্ষম কালং ৎবং ত্রিংশদ্রাত্রমনিন্দিতে।
পূর্ণে ত্রয়োদশে বর্ষে রাজ্ঞাং রাজ্ঞী ভবিষ্যসি ॥ 24 ॥ 4-24-24 (29293)
সত্যেন তে শপে চাহং ভবিতা নান্যথেতি চ ॥ 25 ॥ 4-24-25 (29294)
সর্বাসাং পরমস্ত্রীণাং প্রামাণ্যং কর্তুমর্হসি।
সর্বেষাং চ নরেন্দ্রাণাং মূর্ধ্নি স্থাস্যসি ভামিনি ॥ 26 ॥ 4-24-26 (29295)
ভর্তৃভক্ত্যা চ বৃত্তেন ভোগানাপ্স্যসি দুর্লভান্ ।
যাতায়াং তু প্রতিজ্ঞায়াং মহান্তং ভোগমাপ্নুয়াঃ ॥ 27 ॥ 4-24-27 (29296)
গুরুভক্তিকৃতং জ্ঞাৎবা রাজ্ঞাং মূর্ধ্নি স্থিতা ভবেঃ ॥ 28 ॥ 4-24-28 (29297)
দ্রৌপদ্যুবাচ। 4-24-29x (3086)
আর্তপ্রলাপা কৌন্তেয় ন রাজানমুপালভে।
অপারয়ন্ত্যা দুঃখানি কৃতং বাষ্পপ্রমোচনম্ ॥ 29 ॥ 4-24-29 (29298)
ইদং তু দুঃখং কৌন্তেয় মমাসদ্যং নিবোধ তৎ ॥ 30 ॥ 4-24-30 (29299)
যোঽয়ং রাজ্ঞো বিরাটস্য সূতপুত্রস্তু কীচকঃ।
স্যালো নাম প্রবাদেন ভোজস্ত্রৈগর্তদেশজঃ ॥ 31 ॥ 4-24-31 (29300)
ত্যক্তধর্মো নৃশংসশ্চ সর্বার্থেষু চ বল্লভঃ ।
নিত্যমেবাহ দুষ্টাত্মা ভার্যা মে ভব শোভনে ।
অবিনীতঃ সুদুষ্টাত্মা মামনাথেতি চিন্তয়ন্ ॥ 32 ॥ 4-24-32 (29301)
কিমুক্তেন ব্যতীতেন ভীমসেন মহাবল।
প্রত্যুপস্থিতকালস্য কার্যস্যানন্তরো ভব ॥ 33 ॥ 4-24-33 (29302)
মমেহ ভীম কৈকেয়ী রূপাদ্ধি ভয়শঙ্কিতা।
নিত্যমুদ্বিজতে রাজা কথং নেয়াদিমামিতি ॥ 34 ॥ 4-24-34 (29303)
তস্যা বিদিৎবা তং ভাবং স্বয়ং চানৃতদর্শনঃ ।
কীচকোপি চ দুষ্টাত্মা পুনঃ প্রার্থয়তে চ মাং ॥ 35 ॥ 4-24-35 (29304)
তমহং কুপিতা ভীম পুনঃ কোপং নিয়ম্য চ।
অব্রবং কামসংমূঢমাত্মানং রক্ষ কীচক ॥ 36 ॥ 4-24-36 (29305)
গন্ধর্বাণামহং ভার্যা পঞ্চানাং মহিষী প্রিয়া ।
তে ৎবাং নিহন্যুর্দুর্ধর্ষাঃ শূরাঃ সাহসকারিণঃ ॥ 37 ॥ 4-24-37 (29306)
এবমুক্তস্তু দুষ্টাত্মা কীচকঃ প্রত্যুবাচ হ।
নাহং বিভেমি ভৈরন্ধ্রি গন্ধর্বাণাং শুচিস্মিতে ॥ 38 ॥ 4-24-38 (29307)
শতং সহস্রমপি বা গন্ধর্বাণামহং রণে।
সমাগতং হনিষ্যামি ৎবং ভীরু কুরু মে ক্ষণম্ ॥ 39 ॥ 4-24-39 (29308)
ইত্যুক্তা চাব্রবং সূতং কামাতুরমহং পুনঃ।
ন ৎবং প্রতিবলস্তেষাং গন্ধর্বাণাং যশস্বিনাম্ ॥ 40 ॥ 4-24-40 (29309)
ধর্মে স্থিতাঽস্মি সততং কুলশীলসমন্বিতা।
নেচ্ছামি কিংচিদ্বধ্যং ৎবাং তস্মাজ্জীবসি কীচক ॥ 41 ॥ 4-24-41 (29310)
এবমুক্তস্তু দুষ্টাত্মা প্রহস্য স্বনবত্ততঃ।
ন তিষ্ঠিতি স সন্মার্গে ন চ ধর্মং বুভূষতি ॥ 42 ॥ 4-24-42 (29311)
পাপাত্মা পাপকারী চ কামরাজবশানুগঃ ।
অবিনীতশ্চ দুষ্টাত্মা প্রত্যাখ্যাতঃ পুনঃ পুনঃ ॥ 43 ॥ 4-24-43 (29312)
দর্শনেদর্শনে হন্যাদ্যদি জহ্যাং চ জীবিতম্।
ধর্মে প্রয়তমানানাং মহান্ধর্মো নশিষ্যতি ॥ 44 ॥ 4-24-44 (29313)
সময়ং রক্ষমাণানাং দারা বো ন ভবন্তি চ ।
ভার্যাজাং রক্ষ্যমাণায়াং প্রজা ভবতি রক্ষিতা।
প্রজায়াং রক্ষ্যমাণায়ামাত্মা ভবতি রক্ষিতঃ ॥ 45 ॥ 4-24-45 (29314)
বংদতাং বর্ণধর্মাংশ্চ ব্রাহ্মণানাং চ মে শ্রুতম্ ।
ক্ষত্রিয়স্য সদা ধর্মো নান্যো দস্যুনিবর্হণাৎ ॥ 46 ॥ 4-24-46 (29315)
পশ্যতো ধর্মরাজস্য কীচকো মাঽন্বধাবত ।
তবেব চ সমক্ষং বৈ ভীমসেন মহাবল ॥ 47 ॥ 4-24-47 (29316)
ৎবয়া চাহং পরিত্রাতা ভীম তস্মাঞ্জটাসুরাৎ ॥ 48 ॥ 4-24-48 (29317)
জয়দ্রথং তথৈব ৎবমজৈষীর্ভ্রাতৃভিঃ সহ।
জহীমমপি পাপিষ্ঠং যোয়ং মামবমন্যতে ।
কীচকো রাজবাল্লভ্যাচ্ছোককৃন্মম ভারত ॥ 49 ॥ 4-24-49 (29318)
কীচকং কামসন্তপ্তং ভিন্ধি কুম্ভমিবাশ্মনি ।
যো নিমিত্তমনর্থানাং বহূনাং মম ভারত ॥ 50 ॥ 4-24-50 (29319)
তং চেঞ্জীবন্তমাদিত্যঃ প্রাতরভ্যুদয়িষ্যতি ।
বিষমালোড্য পাস্যামি মা কীচকবশংগমম্ ॥ 51 ॥ 4-24-51 (29320)
শ্রেয়ো হি মরণং মহ্যং ভীমসেন তবাগ্রতঃ ।
ইত্যুক্ৎবা প্রারুদৎকৃষ্ণা ভীমস্যোরসি সংশ্রিতা ॥ 52 ॥ 4-24-52 (29321)
ভীমশ্চ তাং পরিষ্বজ্য মহৎসান্ৎবং প্রয়ুজ্য চ।
কীচকং মনসাঽগচ্ছৎসৃক্কিণী পরিলেলিহন্ ॥ 53 ॥ 4-24-53 (29322)
আশ্বাসয়িৎবা বহুশো ভৃশমার্তাং সুমধ্যমাম্।
হেতুতৎবার্থসংয়ুক্তৈর্বচোভির্দ্রুপদাত্মজাম্ ॥ 54 ॥ 4-24-54 (29323)
প্রমৃজ্য বদনং তস্যাঃ পাণিনাঽশ্রুসমাকুলম্।
উবাচ চৈনাং দুঃখার্তাং ভীমঃ ক্রোধসমন্বিতঃ ॥ 55 ॥ ॥ 4-24-55 (29324)
ইতি শ্রীমন্মহাভারতে বিরাটপর্বণি কীচকবধপর্বণি চতুর্বিশোঽধ্যায়ঃ ॥ 24 ॥
Mahabharata - Virata Parva - Chapter Footnotes
4-24-24 মা দীর্ঘং ক্ষম কালং ৎবং মাসমর্ধং চ সংমিতমিতি ঝo পাঠঃ ॥ 24 ॥ 4-24-26 প্রাধান্যং কর্তুমর্হসি ইতি খo পাঠঃ ॥ 26 ॥ 4-24-33 দুঃখস্যান্তকরো ভবেতি ধo পাঠঃ ॥ 33 ॥বিরাটপর্ব - অধ্যায় 025
॥ শ্রীঃ ॥
4.25. অধ্যায়ঃ 025
Mahabharata - Virata Parva - Chapter Topics
দ্রৌপদ্যা ভীমবচনাৎকীচকংপ্রতি নর্তনশালায়া উভয়োঃ সমাগমে সংকেতস্থানৎবনির্ধারণেন রাত্রৌ তত্রাগমনচাদনা ॥ 1 ॥Mahabharata - Virata Parva - Chapter Text
4-25-0 (29325)
ভীম উবাচ। 4-25-0x (3087)
তথা ভদ্রে করিষ্যামি যথা ৎবং ভীরু ভাষসে।
অদ্যৈনং সূদয়িষ্যামি কীচকং সহ বান্ধবৈঃ ॥ 1 ॥ 4-25-1 (29326)
অস্যাঃ প্রদোষে শর্বর্যাঃ কুরুষ্বানেন সংবিদম্ ।
দুঃখং শোকং চ নির্ধূয় যাজ্ঞসেনি শুচিস্মিতে ॥ 2 ॥ 4-25-2 (29327)
যৈষা নর্তনশালেহ মৎস্যরাজেন কারিতা।
দিবাত্র কন্যা নৃত্যন্তি রাত্রৌ যান্তি তথা গৃহং ॥ 3 ॥ 4-25-3 (29328)
তত্রাস্তি শয়নং ভীরু দৃঢাঙ্গং সুপ্রতিষ্ঠিতম্।
তত্রৈনং দর্শয়িষ্যামি পূর্বপ্রেতান্পিতামহান্ ।
ৎবদ্দর্শনসমুত্থেন কামেনাকুলিতেন্দ্রিয়ম্ ॥ 4 ॥ 4-25-4 (29329)
সংকেতং সূতপুত্রস্য কারয়স্ব শুভাননে।
যথা পরে ন পশ্যেয়ুঃ কুর্বন্তীং তেন সংবিদম্ ॥ 5 ॥ 4-25-5 (29330)
তথা কুরুষ্ব কল্যাণি যথা সন্নিহিতো ভবেৎ।
তথা কুর্যাশ্চ সংকেতং সূতপুত্রস্য সংবৃতম্ ॥ 6 ॥ 4-25-6 (29331)
আবয়োঃ সংগমং ভীরু যথা মার্ত্যো ন বুধ্যতি ।
কীচকস্য বিনাশায় তথা কুরু নৃপাত্মজে ॥ 7 ॥ 4-25-7 (29332)
বৈশম্পায়ন উবাচ । 4-25-8x (3088)
তত্র তৌ কথয়িৎবা তু বাষ্পমুৎসৃজ্য দুঃখিতৌ।
রাত্রিশেষং তমত্যুগ্রং ধারয়ামাসতুর্হৃদি ॥ 8 ॥ 4-25-8 (29333)
ভীমেন চ প্রতিজ্ঞাতে কীচকস্য বধে তদা।
দ্রৌপদী চ সুদেষ্ণায়াঃ প্রবিবেশ পুনর্গৃহম্ ॥ 9 ॥ 4-25-9 (29334)
তস্যাং রজন্যাং ব্যুষ্টায়াং প্রাতরুত্থায় কীচকঃ।
গৎবা রাজকুলায়ৈব দ্রৌপদীমিদমব্রবীৎ ॥ 10 ॥ 4-25-10 (29335)
যত্ৎবাঽহং পশ্যতো রাজ্ঞঃ পাতয়িৎবা পদাঽহনম্ ।
ন কংচিল্লভসে নাথমভিপন্না বলীয়সা ॥ 11 ॥ 4-25-11 (29336)
প্রবাদেন তু মাৎস্যানাময়ং রাজেতি চোচ্যতে।
অহমেব হি রাজা বৈ মাৎস্যানাং বাহিনীপতিঃ ॥ 12 ॥ 4-25-12 (29337)
সা সুখং প্রতিপদ্যস্ব দাসো ভীরু ভবামি তে।
ন হ্যহং ৎবামৃতে ভীরু চিরং জীবিতুমুৎসহে ॥ 13 ॥ 4-25-13 (29338)
অহন্যহনি সুশ্রোণি শতনিষ্কং দদামি তে।
দাসীশতং চ তে দদ্যাং দাসানামপি চাপরম্ ॥ 14 ॥ 4-25-14 (29339)
রথাংশ্চাশ্বতরীয়ুক্তানস্তু নৌ ভীরু সংগমঃ ।
সুদাসানাং সহস্রং চ মহিষাণাং সহস্রকম্ ॥ 15 ॥ 4-25-15 (29340)
অন্তঃপুরসহস্রং চ হেমকূটসহস্রকম্।
তুভ্যং দাস্যামি সর্বাণি রাজার্হাণ্যম্বরাণি চ ॥ 16 ॥ 4-25-16 (29341)
দ্রৌপদ্যুবাচ। 4-25-17x (3089)
এতন্মে বচনং সত্যং প্রতিপদ্যস্ব কীচক।
ন তে সখা বা ভ্রাতা বা জানীয়াৎসংগমং ময়া ॥ 17 ॥ 4-25-17 (29342)
অনুপ্রবাদাদ্ভীতাঽস্মি গন্ধর্বাণাং যশস্বিনাম্ ।
অনুবোধাদ্গনর্থঃ স্যাদয়শশ্চ মহদ্ভবেত।
এতন্মে প্রতিজানীহি ততোঽহং বশগা তব ॥ 18 ॥ 4-25-18 (29343)
কীচক উবাচ। 4-25-19x (3090)
এবমেতৎকরিষ্যামি যথা সুশ্রোণি ভাষসে।
একোঽহমাগমিষ্যামি শূন্যমাবসথং তব ॥ 19 ॥ 4-25-19 (29344)
সমাগমার্থং রম্ভোরু ৎবয়া মদনদর্পিতঃ।
যথা ৎবাং নৈব পশ্যেয়ুর্গন্ধর্বাঃ সূর্যবর্চসঃ ॥ 20 ॥ 4-25-20 (29345)
দ্রৌপদ্যুবাচ। 4-25-21x (3091)
যদেতন্নর্তনাগারং মাৎস্যরাজেন কারিতম্।
দিবাত্র কন্যা নৃত্যন্তি রাত্রৌ যান্তি স্বকং গৃহং ॥ 21 ॥ 4-25-21 (29346)
নিশায়াং তত্র গচ্ছেথা গন্ধর্বাস্তন্ন জানতে।
তত্র দোষঃ পরিহৃতো ভবিষ্যতি ন সংশয়ঃ ॥ 22 ॥ 4-25-22 (29347)
একস্ৎবং নর্তনাগারং রাত্রৌ সংকেতমাব্রজ ।
তত্রাহং ভবিতা তুভ্যং বশগা নাত্র সংশয়ঃ ॥ 23 ॥ 4-25-23 (29348)
কীচক উবাচ। 4-25-24x (3092)
তথা ভদ্রে করিষ্যামি যথা ৎবং ভীরু বক্ষ্যসি।
একঃ সন্নর্তনাগারমাগমিষ্যামি ভামিনি।
সমাগমার্থং সুশ্রোণি শপে চ সুকৃতেন মে ॥ 24 ॥ 4-25-24 (29349)
যথা ৎবাং নাববুধ্যন্তি গন্ধর্বা বরবর্ণিনি।
সত্যং তে প্রতিজানামি গন্ধর্বেভ্যো ন তে ভয়ম্।
অলংকরিষ্যাম্যদ্যাহং ৎবৎসমাগমনায় বৈ ॥ 25 ॥ 4-25-25 (29350)
বাসাংসি চ বিচিত্রাণি মনোজ্ঞানি তবাপি চ।
যথা মাং ন ত্যজেথাস্ৎবং তথ রংস্যে ৎবয়া সহ ॥ 26 ॥ 4-25-26 (29351)
দ্রৌপদ্যুবাচ। 4-25-27x (3093)
তথা চেদপ্যহং সূত দর্শয়িষ্যামি তে সুখম্।
যন্নানুভূতং ভবতা জন্মপ্রভৃতি কীচক ॥ 27 ॥ 4-25-27 (29352)
বৈশম্পায়ন উবাচ। 4-25-28x (3094)
তমর্থমপি জল্পন্ত্যা দ্রৌপদ্যাঃ কীচকস্য হ।
ক্ষণমাত্রং তদভবন্মাসেনৈব সমং নৃপ ॥ 28 ॥ 4-25-28 (29353)
কীচকোঽথ গৃহং গৎবা ভৃশং হর্ষপরিপ্লুতঃ।
সৈরন্ধ্রীরূপিণীং মূঢো মৃত্যুং তাং নাববুদ্ধবান্ ॥ 29 ॥ 4-25-29 (29354)
গন্ধাভরণমাল্যেষু ব্যাসক্তঃ স বিশেষতঃ।
অলংচক্রে তদাঽঽত্মানং সৎবরঃ কামমোহিতঃ ॥ 30 ॥ 4-25-30 (29355)
তস্য তৎকুর্বতঃ কর্ম কালো দীর্ঘ ইবাভবৎ।
অনুচিন্তয়তশ্চাপি তামেবায়তলোচনাম্ ॥ 31 ॥ 4-25-31 (29356)
আসীদভ্যধিকা চাপি শ্রীঃ শ্রিয়ং প্রমুমুক্ষতঃ ।
নির্বাণকালে দীপস্য বর্তীমিব দিধক্ষতঃ ॥ 32 ॥ 4-25-32 (29357)
কৃতসংপ্রত্যযস্তস্যাঃ কীচকঃ কামমোহিতঃ।
নাজানাৎপতনং স্বস্য চিন্তয়ংস্তাং শুভাননাম্ ॥ 33 ॥ 4-25-33 (29358)
ততস্তু দ্রৌপদী গৎবা ভীমসেনং মহানসে।
উপাতিষ্ঠত কল্যাণী কৌরব্যং পতিমন্তিকাৎ ॥ 34 ॥ 4-25-34 (29359)
তমুবাচ সুকেশান্তা কীচকস্য কৃতো ময়া।
সঙ্গমো নর্তনাগারে যথাঽবোচঃ পরন্তপ ॥ 35 ॥ 4-25-35 (29360)
কালেন নিয়তং বদ্ধঃ কামেন চ বলাৎকৃতঃ।
শূন্যং স নর্তনাগারমাগমিষ্যতি কীচকঃ।
একো নিশি মহাবাহো কীচকং তং নিষূদয় ॥ 36 ॥ 4-25-36 (29361)
তং মূতপুত্রং কৌন্তেয় কীচকং মদদর্পিতম্।
গৎবা ৎবং নর্তনাগারং নির্জীবং কুরু পাণ্ডব ॥ 37 ॥ 4-25-37 (29362)
গর্বিতঃ মূতপুত্রোঽসৌ গন্ধর্বানবমন্যতে।
স ৎবং প্রহরতাংশ্রেষ্ঠ নালং নাগ ইবোদ্ধর ॥ 38 ॥ 4-25-38 (29363)
অস্রং দুঃখাভিভূতায়া মম মার্জস্ব ভারত।
বাহুবীর্যানুরূপং চ দর্শয়াদ্য পরাক্রমম্।
আত্মনশ্চৈব ভদ্রং তে কুরু মানং কুলস্য চ ॥ 39 ॥ 4-25-39 (29364)
ভীম উবাচ। 4-25-40x (3095)
স্বাগতং তে বরারোহে যন্মাং বেদয়সে প্রিয়ম্।
নহ্যস্য কংচিদিচ্ছামি সহায়ং বরবর্ণিনি ॥ 40 ॥ 4-25-40 (29365)
সা মে প্রীতিস্ৎবয়াঽঽখ্যাতা কীচকস্য সমাগমে।
হৎবা হিডিম্বং যা প্রীতির্মমাসীৎসা শুচিস্মিতে ॥ 41 ॥ 4-25-41 (29366)
সত্যং ভ্রাতৄংশ্চ পুত্রাংশ্চ পুরস্কৃত্য শপামি তে।
কীচকং নিহনিষ্যামি বৃত্রং দেবপতির্যথা ॥ 42 ॥ 4-25-42 (29367)
প্রসহ্য নিহনিষ্যামি কেশবঃ কেশিনং যথা।
রহস্যং বা প্রকাশং বা সূদয়িষ্যামি কীচকম্ ॥ 43 ॥ 4-25-43 (29368)
অহং ভদ্রে হনিষ্যামি কীচকং মদনান্বিতম্।
যস্ৎবাং কামাভিভূতাত্মা দুর্লভামভিমন্যতে ॥ 44 ॥ 4-25-44 (29369)
অথ চেদববুধ্যন্তি সূতপুত্রং ময়া হতম্।
নির্মনুষ্যং করিষ্যামি মৎস্যানামিদমালয়ম্ ॥ 45 ॥ 4-25-45 (29370)
ময়া হতাংশ্চেন্মাৎস্যাংস্তু ধার্তরাষ্ট্রো বিবুধ্যতি।
দুর্যোধনং ততো হৎবা সানুবন্ধং সবান্ধবম্।
কুরুণামখিলং রাজ্যং প্রতিপৎস্যামি ভামিনি ॥ 46 ॥ 4-25-46 (29371)
নাহং শক্তোঽনুনয়িতুং কুন্তীপুত্রং যুধিষ্ঠিরম্।
কামং সত্যমুপাসীত কুন্তীপুত্রো যুধিষ্ঠিরঃ ।
কামমন্যে হ্যুপাসন্তু বিনীতা ধর্মচারিণঃ ॥ 47 ॥ 4-25-47 (29372)
ৎবাং তু দুঃখমিদং প্রাপ্তাং নাহং শক্নোম্যুপেক্ষিতুম্।
নির্বৃতা ভব পাঞ্চালি কীচকস্য বধাৎপুনঃ ॥ 48 ॥ 4-25-48 (29373)
দ্রৌপদ্যুবাচ। 4-25-49x (3096)
কীচকস্য বধং ভীম যদি জানন্তি নাগরাঃ।
ৎবয়া কৃতং মহাবাহো নাহং জীবিতুমুৎসহে ॥ 49 ॥ 4-25-49 (29374)
কথং সত্যাচ্চ নাপেয়াদ্রাজাঽয়ং মৎকৃতে প্রভো।
নিশি গূঢং তথা ভীম কীচকং তং নিপাতয় ॥ 50 ॥ 4-25-50 (29375)
অনুবুদ্ধে হি কৌন্তেয়ো ধর্মরাজো যুধিষ্ঠিরঃ।
পুনর্বনং ব্রজেদ্ধীমাননুজৈঃ পরিবারিতঃ ॥ 51 ॥ 4-25-51 (29376)
কশ্চ ধর্মপরং জ্যেষ্ঠমতিবর্তেত ভারত।
ভীম ভীতাঽস্মি সংবোধাৎসাধু মা চাপলং কৃথাঃ ॥ 52 ॥ 4-25-52 (29377)
যথা ন কশ্চিঞ্জানীতে সূতপুত্রং ৎবয়া হতম্।
তথা কুরুষ্ব কৌরব্য বলবন্নরিমর্দন ।
অদৃশ্যমানস্ৎবংতস্য ভিন্ধি প্রাণানরিন্দম ॥ 53 ॥ ॥ 4-25-53 (29378)
ইতি শ্রীমন্মহাভারতে বিরাটপর্বণি কীচকবধপর্বণি পঞ্চবিংশোঽধ্যায়ঃ ॥ 25 ॥
বিরাটপর্ব - অধ্যায় 026
॥ শ্রীঃ ॥
4.26. অধ্যায়ঃ 026
Mahabharata - Virata Parva - Chapter Topics
ভীমেন কীচকাগমনাৎপূর্বমেব নর্তনাগারমেত্য শয়্যায়াং শয়নম্ ॥ 1 ॥ পশ্চাৎসমাগতেন কীচকেন ভীমংপ্রতি দ্রৌপদী বুদ্ধ্যা সংস্পর্শনপূর্বকং সংভাষণম্ ॥ 2 ॥ ভীমেন নিয়ুদ্ধেন কীচকমারণম্ ॥ 3 ॥ পশ্চাদ্দ্রৌপদ্যা সমাহ্বানাদুপকীচকানাং তত্র সমাগমনম্ ॥ 4 ॥Mahabharata - Virata Parva - Chapter Text
4-26-0 (29379)
ভীম উবাচ। 4-26-0x (3097)
তথা ভদ্রে করিষ্যামি যথা ৎবং ভীরু ভাষসে।
অদৃশ্যমানস্তস্যাহং তমিস্রায়াং সকুণ্ডলম্ ॥ 1 ॥ 4-26-1 (29380)
নাগো বিল্বমিবাক্রম্য পোথয়িষ্যামি তচ্ছিরঃ।
অলভ্যামিচ্ছতস্তস্য কীচকস্য দুরাত্মনঃ ॥ 2 ॥ 4-26-2 (29381)
ময়া যদুক্তং পাঞ্চালি ধর্মরাজসুতং প্রতি।
কোপাদৃতে কিমন্যত্তু নানুবর্তেত কো নৃপম্ ॥ 3 ॥ 4-26-3 (29382)
বৈশম্পায়ন উবাচ। 4-26-4x (3098)
এবমুক্তবা মহাবাহুস্তত্র পাণ্ডবনন্দনঃ।
অর্ধরাত্রে তদোত্থায় সৎববান্ভীমবিক্রমঃ ॥ 4 ॥ 4-26-4 (29383)
অবদাতেন মৃদুনা পটেনাচ্ছাদিতস্তথা ।
দ্রৌপদীং পৃষ্ঠতঃ কৃৎবা যত্রাসীন্নর্তনালয়ঃ ॥ 5 ॥ 4-26-5 (29384)
স ভীমঃ প্রথমং গৎবা তমিস্রায়ামুপাবিশৎ ।
মৃগং সিংহ ইবাদৃশ্যঃ প্রত্যাকাঙ্ক্ষৎস কীচকম্ ॥ 6 ॥ 4-26-6 (29385)
কীচকস্তু শিরঃস্নাতো নিশায়াং সমলংকৃতঃ।
সঙ্কেতমগমত্তূর্ণং শূন্যাগারমপাবৃতম্ ॥ 7 ॥ 4-26-7 (29386)
তদেব নর্তনাগারং পাঞ্চালী যদভাষত।
তাং মন্যমানঃ সংকেতে সৈরন্ধ্রীং কামমোহিতঃ ॥ 8 ॥ 4-26-8 (29387)
প্রবিশ্য নর্তনাগারং ততস্তং পুরুষর্ষভম্।
পূর্বাগতং ভীমসেনং দৃপ্তমপ্রতিমজসম্ ॥ 9 ॥ 4-26-9 (29388)
শয়ানং শয়নে তত্র মৃত্যুং মূঢঃ পরামৃশৎ।
জাজ্বল্যমানং কোপেন কৃষ্ণাধর্ষণজেন চ ॥ 10 ॥ 4-26-10 (29389)
একান্তে ভীমমাসাদ্য কীচকঃ কালচোদিতঃ।
হর্ষোন্মথিতচিত্তাত্মা স্ময়মানোঽভ্যভাষত ॥ 11 ॥ 4-26-11 (29390)
প্রহিতং তে ময়া ভদ্রে বহুবিত্তং শুচিস্মিতে।
ৎবয়ি তিষ্ঠতু তৎসর্বং যথাঽসি স্বয়মাগতা ॥ 12 ॥ 4-26-12 (29391)
অকস্মান্মাং প্রশংসন্তি সদা গৃহগতাঃ স্ত্রিয়ঃ।
বলবান্দর্শনীয়শ্চ নান্যস্তে সদৃশঃ পুমান্ ॥ 13 ॥ 4-26-13 (29392)
অহং রূপেণ সংপন্নঃ স্নাতো গুরুবিভূষিতঃ।
নিত্যমেব প্রিয়ঃ স্ত্রীণাং সৌভাগ্যাৎপ্রিয়দর্শনঃ ।
রূপস্য তন্ময়া প্রাপ্তং ফলং কমললোচনে ॥ 14 ॥ 4-26-14 (29393)
ভীম উবাচ। 4-26-15x (3099)
দিষ্ট্যা ৎবং দর্শনীয়োসি দিষ্ট্যাঽঽত্মানং প্রশংসসি॥ 15 ॥ 4-26-15 (29394)
ৎবয়াঽপীদৃগ্গুণা নারী রূপশীলসমন্বিতা।
অদৃষ্টপূর্বা পশ্য ৎবং যতো জানাসি সূতজ।
দ্রক্ষ্যসি ৎবং মুহূর্তেন যথেয়ং স্ত্রী গুণান্বিতা ॥ 16 ॥ 4-26-16 (29395)
উপরংস্যসি কামাচ্চ শীঘ্রং ৎবং স্প্রষ্টুমর্হসি ।
ঈদৃশস্তু ৎবয়া স্পর্শঃ স্পৃষ্টপূর্বো ন কর্হিচিৎ ॥ 17 ॥ 4-26-17 (29396)
স্পর্শং বেৎসি বিদগ্ধস্ৎবং কামধর্মবিচক্ষণঃ।
স্ত্রীণাং প্রীতিকরো নান্যস্ৎবৎসমঃ পুরুষস্ৎবিহ ॥ 18 ॥ 4-26-18 (29397)
বৈশম্পায়ন উবাচ। 4-26-19x (3100)
ইত্যুক্ৎবা তং মহাবাহুর্ভীমো ভীমপরাক্রমঃ।
সহসোৎপত্য কৌন্তেয়ঃ প্রহস্যেদমুবাচ হ ॥ 19 ॥ 4-26-19 (29398)
অদ্য ৎবাং ভগিনী পাপং কৃষ্যমাণং ময়া ভুবি ।
দ্রক্ষ্যতেঽদ্রিপ্রতীকাশং সিংহেনেব মহাগজম্ ॥ 20 ॥ 4-26-20 (29399)
নিরাবাধা ৎবয়ি হতে সৈরন্ধ্রী বিচরিষ্যতি।
সুখমেব চরিষ্যন্তি সৈরন্ধ্র্যাঃ পতয়ঃ সদা ॥ 21 ॥ 4-26-21 (29400)
ততো জগ্রাহ কেশেষু মাল্যবৎসু সুগন্ধিষু ॥ 22 ॥ 4-26-22 (29401)
গৃহীৎবা কীচকং ভীমো বিররাজ মহাবলঃ।
গৃহীৎবা গ্রাসকামস্তু সিংহঃ ক্ষুদ্রমৃগং যথা ॥ 23 ॥ 4-26-23 (29402)
স কেশেষু পরামৃষ্টো বলেন বলিনাং বরঃ।
আক্ষিপ্য কেশান্বেগেন বাহ্বোর্জগ্রাহ পাণ্ডবম্ ॥ 24 ॥ 4-26-24 (29403)
বাহুয়ুদ্ধং তয়োরাসীৎক্রুদ্ধয়োর্নরসিংহয়োঃ।
বসন্তে বাসিতাহেতোর্বলিনোর্নাগয়োরিব ॥ 25 ॥ 4-26-25 (29404)
কীচকানাং তু মুখ্যস্য নরাণামুত্তমস্য চ।
বালিসুগ্রীবয়োর্ভ্রাত্রোঃ পুরেব কপিসিংহয়োঃ ॥ 26 ॥ 4-26-26 (29405)
শার্দূলাবিব গর্জন্তৌ তার্ক্ষ্যনাগাবিবোদ্যতৌ।
সময়ত্নৌ সমক্রোধৌ পতিতৌ ভীমকীচকৌ ॥ 27 ॥ 4-26-27 (29406)
গজাবিব মদোন্মত্তৌ নদন্তৌ পতিতৌ ক্ষিতৌ।
বৃষভাবিব বল্মীকং মৃদ্গন্তৌ সমবিক্রমৌ ॥28 ॥ 4-26-28 (29407)
ঈষদাগলিতং চাপি ক্রোধাচ্চাবাঙ্মুখং স্থিতম্ ।
কীচকো বলবান্ভীমং জানুভ্যাং পাতয়দ্ভুবি ॥ 29 ॥ 4-26-29 (29408)
পাতিতো ভীমসেনস্তু কীচকেন বলীয়সা।
উৎপপাতাথ বেগেন দণ্ডাহত ইবোরগঃ ॥ 30 ॥ 4-26-30 (29409)
স্পর্ধয়া চ বলোন্মত্তৌ তাবুভৌ ভীমকীচকৌ।
নিশ্শব্দং পর্যকর্ষেতামন্যোন্যস্য বিনির্জয়ে ॥ 31 ॥ 4-26-31 (29410)
ততস্তদ্ভবনশ্রেষ্ঠং প্রাকম্পত তদা ভৃশম্।
তৌ ক্রোধবশমাপন্নাবন্যোন্যমভিজঘ্নতুঃ ॥ 32 ॥ 4-26-32 (29411)
তলাভ্যাং ভীমসেনেন বক্ষস্যভিহতো বলী।
কীচকো রোষরক্তাক্ষো ন চচাল পদাৎপদম্ ॥ 33 ॥ 4-26-33 (29412)
মুহূর্তমশকৎসোঢুং বেগং তস্য মহাত্মনঃ।
কীচকো ভীমসেনেন পশ্চাৎপশ্চাদহীয়ত ॥ 34 ॥ 4-26-34 (29413)
তং হীয়মানং বিজ্ঞায় ভীমসেনো মহাবলঃ ।
বক্ষস্যানীয় বেগেন প্রমমাথ বিচেতসম্ ॥ 35 ॥ 4-26-35 (29414)
ক্রোধাবিষ্টো বিনিশ্চস্য পুনশ্চৈনং বৃকোদরঃ ।
জগ্রাহ জয়তাংশ্রেষ্ঠঃ কেশেষ্বেব ভৃশং তদা ॥ 36 ॥ 4-26-36 (29415)
গৃহীৎবা কীচকং ভীমো বিররাজ মহাবলঃ ।
আমিষার্থে গৃহীৎবৈব শার্দূলো মৃগয়ূথপম্ ॥ 37 ॥ 4-26-37 (29416)
পুনশ্চাতিবলস্তত্র কীচকো বলদর্পিতঃ ।
ব্যায়চ্ছন্নেব দুর্ধর্ষঃ পাণ্ডবেন তরস্বিনা ॥ 38 ॥ 4-26-38 (29417)
মুষ্টিনা ভীমসেনেন শিরস্যভিহতো ভৃশম্।
কীচকো বৃত্তরক্তাক্ষো গতাসুরপতদ্ভুবি ॥ 39 ॥ 4-26-39 (29418)
আস্যে পাণী চ পাদৌ চ শিরোগ্রীবাং সকুণ্ডলাম্ ।
কায়ে প্রবেশয়ামাস মৃদিৎবাঽঙ্গানি সর্বশঃ ॥ 40 ॥ 4-26-40 (29419)
স তং মথিতসর্বাঙ্গং মাংসপিণ্ডমথাকরোৎ ॥ 41 ॥ 4-26-41 (29420)
তত্রাগ্নিং স্বয়মুজ্জ্বাল্য পাণিসংঘর্ষজং বলী।
কষ্ণায়ৈ দর্শয়ামাস ভীমসেনো মহাবলঃ ॥ 42 ॥ 4-26-42 (29421)
উবাচ চ মহাতেজা দ্রৌপদীং যোষিতাং বরাম্।
ৎবয়ি কামুকমত্যন্তং পাপিনং পারদারিকম্।
পশ্যৈনমেহি পাঞ্চালি কামুকোঽয়ং ময়া হতঃ ॥ 43 ॥ 4-26-43 (29422)
প্রার্থয়ন্তে সুকেশান্তে যে ৎবাং শীলসমন্বিতাম্ ।
এবং স্বপন্তি তে ভীরু শেতেঽয়ং কীচকো যথা।
যস্ৎবামভ্যহনদ্ভদ্রে পদা ভূমৌ নিপাত্য চ ॥ 44 ॥ 4-26-44 (29423)
এবমুক্ৎবা মহাবাহুর্গন্ধর্বেণ হতং তদা।
বিজ্ঞাপনার্থমন্যেষাং বিররাম মহাহবম্ ॥ 45 ॥ 4-26-45 (29424)
তথা স কীচকং হৎবা গৎবা রোষস্য নিষ্কৃতিম্।
আমন্ত্র্য দ্রৌপদীং পশ্চাৎক্ষিপ্রমায়ান্মহানসম্ ॥ 46 ॥ 4-26-46 (29425)
স্নাৎবাঽনুলেপনং কৃৎবা ব্যাপূর্য চ মনোরথম্।
সুখোপবিষ্টঃ শয়নে ভীমো ভীমপরাক্রমঃ ॥ 47 ॥ 4-26-47 (29426)
ততঃ কৃষ্ণা যদা মেনে গতং ভীমং মহানসম্ ।
কীচকং ঘাতয়িৎবা চ দ্রৌপদী যোষিতাং বরা।
প্রহৃষ্টা গতসংত্রাসা সভাপালানুবাচ হ ॥ 48 ॥ 4-26-48 (29427)
কীচকো নিহতঃ শেতে গন্ধর্বৈঃ পতিভির্মম।
পরস্ত্রীকামসংতপ্তং সমাগচ্ছন্ত পশ্যত ॥ 49 ॥ 4-26-49 (29428)
তচ্ছ্রুৎবা ভাষিতং তস্যা নর্তনাগাররক্ষিণঃ ।
সহসৈব সমুত্তস্থুরুল্কামাদায় সর্বশঃ ॥ 50 ॥ 4-26-50 (29429)
তস্যাস্তং নিহতং শ্রুৎবা কীচকস্য সহোদরাঃ।
ততো গৎবা তু তদ্বেশ্ম কীচকং বিনিপাতিতম্।
গতাসুং দদৃশুর্ভূমৌ রুধিরেণ সমুক্ষিতম্ ॥ 51 ॥ 4-26-51 (29430)
পার্ষ্ণিপামিশিরোহীনং দৃষ্ট্বা তে বিস্মিতাঽভবন্ ॥ 52 ॥ 4-26-52 (29431)
ক্বাস্য গ্রীবা ক্ব চরমৌ ক্ব পামী ক্ব শিরঃ ক্ব দৃক্ ।
ইতি স্ম তে পরীক্ষন্তে গন্ধর্বেণ হতং তদা ॥ 53 ॥ 4-26-53 (29432)
অমানুষং কৃতং কর্ম তং দৃষ্ট্বা বিনিপাতিতম্ ।
নিরীক্ষন্তে ততঃ সর্বে পরং বিস্ময়মাগতাঃ ॥ 54 ॥ ॥ 4-26-54 (29433)
ইতি শ্রীমন্মহাভারতে বিরাটপর্বণি কীচকবধপর্বণি ষড্বিংশোঽধ্যায়ঃ ॥ 26 ॥
বিরাটপর্ব - অধ্যায় 027
॥ শ্রীঃ ॥
4.27. অধ্যায়ঃ 027
Mahabharata - Virata Parva - Chapter Topics
ভ্রাতৃবধামর্পিতৈরুপকীচকৈঃ পাঞ্চাল্যাঃ কীচকেন সহ চরমবিমানসমারোপণেন শ্মশানপ্রাপণম্ ॥ 1 ॥ দ্রৌপদীসমাক্রন্দনিনদশ্রবণাৎপিতৃবনমুপাগতবতা ভীমেনোপকীচকানাং পঞ্চাধিকশতস্য পঞ্চতাপ্রাপণম্ ॥ 2 ॥ ভীমেন দ্রৌপদ্যাঃ পতিব্রতোপাখ্যানকথনাৎসমাশ্বাসনেন স্বাবাসপ্রেপণপূর্বকং মহানসপ্রবেশঃ ॥ 3 ॥Mahabharata - Virata Parva - Chapter Text
4-27-0 (29434)
বৈশম্পায়ন উবাচ। 4-27-0x (3101)
তৎকালে তু সমাগম্য সর্বে তত্রাস্য বান্ধবাঃ ।
রুরুদুঃ কীচকং দৃষ্ট্বা পরিবার্যোপতস্থিরে ॥ 1 । 4-27-1 (29435)
সর্বে সংহৃষ্টরোমাণঃ সংত্রস্তাঃ প্রেক্ষ্য কীচকম্।
তথা সংভুগ্নসর্বাঙ্গং কূর্মং স্থল ইবোদ্ধৃতম্ ॥ 2 ॥ 4-27-2 (29436)
পোথিতং ভীমসেনেন মহেন্দ্রেণেব দানবম্।
কীচকং বলসংমত্তং দুর্ধর্ষং যেন কেন চিৎ ॥ 3 ॥ 4-27-3 (29437)
গন্ধর্বেণ হতং শ্রুৎবা কীচকং পুরুষর্ষভম্।
সংস্কারয়িতুমিচ্ছন্তো বহির্নেতুং প্রচক্রমুঃ ॥ 4 ॥ 4-27-4 (29438)
অপশ্যন্নথ তে কৃষ্ণাং মূতপুত্রাঃ সমাগতাঃ।
অদূরাদনবদ্যাঙ্গীং স্তম্ভমালিঙ্গ্য তিষ্ঠতীম্ ॥ 5 ॥ 4-27-5 (29439)
সমাগতেষু সূতেষু তানুবাচোপকীচকঃ।
হসন্নিব পদাঽমর্ষান্নির্দহন্নিব চক্ষুষা ॥ 6 ॥ 4-27-6 (29440)
হন্যতাং শীঘ্রমসতী যৎকৃতে কীচকো হতঃ।
অথবা নৈব হন্তব্যা দহ্যতাং কামিনা সহ ॥ 7 ॥ 4-27-7 (29441)
মৃতস্যাপি প্রিয়ং কার্যং সূতপুত্রস্য সর্বথা ।
ইয়ং হি দুষ্টচরিতা মম ভ্রাতুরমিত্রিণী ॥ 8 ॥ 4-27-8 (29442)
যৎকৃতে মরণং প্রাপ্তো নেয়ং জীবিতুমর্হতি।
সহেয়ং দহ্যতাং সূতা আমন্ত্র্য চ জনাধিপম্ ।
হতস্যাপি হি গন্ধর্বৈঃ কীচকস্য প্রিয়ং ভবেৎ ॥ 9 ॥ 4-27-9 (29443)
বৈশম্পায়ন উবাচ ॥ 4-27-10x (3102)
ততো বিরাটমাসাদ্য সূতাঃ প্রাঞ্জলয়োঽব্রুবন্।
কীচকোঽয়ং হতঃ শেতে গন্ধর্বৈঃ কামরূপিভিঃ ॥ 10 ॥ 4-27-10 (29444)
সৈরন্ধ্র্যা ঘাতিতো রাত্রৌ তং দহেম সহানয়া ।
মানিতাঃ স্মস্ৎবয়া বীর তদনুজ্ঞাতুমর্হসি ॥ 11 ॥ 4-27-11 (29445)
পরাক্রমং তু সূতানাং জ্ঞাৎবা রাজাঽন্বমন্যত ।
সৈরন্ধ্র্যাঃ সূতপুত্রেণ সহ দাহং নরাধিপঃ ॥ 12 ॥ 4-27-12 (29446)
ততস্তে সমনুজ্ঞাতাঃ সর্বে তত্রাস্য বান্ধবাঃ।
রুরুদুঃ কীচকং দৃষ্ট্বা পরিবার্যাভিতঃ স্থিতাঃ ॥ 13 ॥ 4-27-13 (29447)
আরোপ্য কৃষ্ণাং সহ কীচকেন নিবধ্য কেশেষু চ পাদয়োশ্চ।
তে চাপি সূতা বচনৈরবোচন্নুদ্দিশ্য চৈনামভিবীক্ষ্য কৃষ্ণাম্ ॥ 14 ॥ 4-27-14 (29448)
যস্যাঃ কৃতেঽয়ং নিহতো মহাত্মা তস্মাদ্ধি সা কীচকমার্গমেতু ।
অবার্যসৎবেন চ কীচকেন গতাসুনা সুন্দরী স্বর্গলোকম্ ॥ 15 ॥ 4-27-15 (29449)
সা তেন কৃষ্ণা শয়নে নিবদ্ধা যশস্বিনী চৈব মনস্বিনী চ।
অনার্যসত্ৎবেন মহার্যসত্ৎবা গতাসুনা সা প্ররুরোদ কৃষ্ণা ।
বিলম্বমানা বিবশা হি দুষ্টৈস্তত্রৈব পর্যঙ্কবরে শুভাঙ্গী ॥ 16 ॥ 4-27-16 (29450)
হ্রিয়মাণাঽথ সুশ্রোণী সূতপুত্রৈরনিন্দিতা।
প্রাক্রোশন্নাথমিচ্ছন্তী কৃষ্ণা নাথবতী সতী ॥ 17 ॥ 4-27-17 (29451)
মৃতেন সহ বদ্ধাঙ্গী নিরাশা জীবিতে তদা।
শ্মশানাভিমুখং নীতা করেণুরিব রৌতি সা ॥ 18 ॥ 4-27-18 (29452)
দ্রৌপদ্যুবাচ। 4-27-19x (3103)
জয়ো জয়েশো বিজয়ো জয়ৎসেনো জয়দ্বলঃ।
ত মে বাচং বিজানন্তু সূতপুত্রা নয়ন্তি মাম্ ॥ 19 ॥ 4-27-19 (29453)
যেষাং দুন্দুভিনির্ঘোষো জ্যাঘোষঃ শ্রূয়তে মহান্।
তে মে বাচং বিজানন্তু সূতপুত্রা নয়ন্তি মাম্ ॥ 20 ॥ 4-27-20 (29454)
যেষাং জ্যাতলনির্ঘোষো বিস্ফূর্জিতমিবাশনেঃ।
অশ্রূয়ত মহান্যুদ্ধে ভীমঘোপস্তরস্বিনাম্ ॥ 21 ॥ 4-27-21 (29455)
রথঘোপশ্চ বলবান্গন্ধর্বাণাং তরস্বিনাম্ ।
তে মে বাচং বিজানন্তু সূতপুত্রা নয়ন্তি মাম্ ॥ 22 ॥ 4-27-22 (29456)
যেষাং বীর্যমতুল্যং তু শক্রস্যেব বলং যশঃ।
রাজসিংহা ইবাগ্র্যাস্তে মাং জানন্তু সুদুঃখিতাং ॥ 23 ॥ 4-27-23 (29457)
ইত্যস্যাঃ কৃপণা বাচঃ কৃষ্ণায়াঃ পরিদেবিতাঃ।
শ্রুৎবৈবাভ্যুত্থিতো ভীমঃ শয়নাদবিচারয়ন্ ॥ 24 ॥ 4-27-24 (29458)
ভীম উবাচ। 4-27-25x (3104)
অহং সৈরন্ধ্রি তে বাচঃ শৃণোমি তব ভাষিতাঃ।
তস্মাত্তে সূতপুত্রেভ্যো ন ভয়ং জাতু বিদ্যতে ॥ 25 ॥ 4-27-25 (29459)
বৈশম্পায়ন উবাচ। 4-27-26x (3105)
ইত্যুক্ৎবা স মহাবাহুর্বিজজৃম্ভে জিঘাংসয়া ॥ 26 ॥ 4-27-26 (29460)
ততঃ স ব্যায়তং বদ্ধ্বা বস্ত্রং বিপরিবেষ্ট্য চ।
অদ্বারেণাভ্যবস্কন্দ্য নির্জগাম বহিস্তদা ॥ 27 ॥ 4-27-27 (29461)
স লঙ্ঘয়িৎবা প্রাকারমারুহ্য তরসা দ্রুমম্ ।
শ্মশানাভিমুখঃ প্রায়াদ্যত্র তে কীচকা গতাঃ ॥ 28 ॥ 4-27-28 (29462)
স লঙ্ঘয়িৎবা প্রাকারং নিঃসৃত্য চ পুরোত্তমাৎ ।
জবেনোৎপতিতো ভীমঃ সূতানামগ্রতস্তদা ॥ 29 ॥ 4-27-29 (29463)
চিতাসমীপং গৎবা স তত্রাপশ্যন্মহাবলঃ ।
তালমাত্রং মহাস্কন্ধমূর্ধ্বশুষ্কং বনস্পতিম্ ॥ 30 ॥ 4-27-30 (29464)
তং নাগবদুপক্রম্য বাহুভ্যাং পরিরভ্য চ।
বৃক্ষমুৎপাটয়ামাস ভীমো ভীমপরাক্রমঃ ॥ 31 ॥ 4-27-31 (29465)
ততো বৃক্ষং দশব্যামং নিষ্পত্রমকরোত্তদা ॥ 32 ॥ 4-27-32 (29466)
তং মহাকায়মুদ্যম্য ভ্রাময়িৎবা চ বেগিতঃ।
প্রগৃহ্যাভ্যপতৎসূতান্দণ্ডপাণিরিবান্তকঃ॥ 33 ॥ 4-27-33 (29467)
ঊরুবেগেন তস্যাথ ন্যগ্রোধাশ্বত্থকিংশুকাঃ।
ভূমৌ নিপতিতা বৃক্ষাঃ সংভগ্নাস্তত্র শেরতে ॥ 34 ॥ 4-27-34 (29468)
তং সিংহমিব সংক্রুদ্ধং দৃষ্ট্বা গন্ধর্বমাগতম্।
বিত্রেসুশ্চ তদা সূতা বিপাদভয়পীডিতাঃ ॥ 35 ॥ 4-27-35 (29469)
তমন্তকমিব ক্রুদ্ধং গন্ধর্বভয়শঙ্কিতাঃ।
দিধক্ষন্তস্তথা জ্যেষ্ঠং ভ্রাতরং চোপকীচকাঃ।
পরস্পরমথোচুস্তে বিষাদভয়মোহিতাঃ ॥ 36 ॥ 4-27-36 (29470)
গন্ধর্বো বলবানেতি ক্রুদ্ধ উদ্যম্য পাদপম্।
প্রবুদ্ধাঃ সুমহাভাগা গন্ধর্বাঃ সূর্যবর্চসঃ।
সৈরন্ধ্রী মুচ্যতাং শীঘ্রং ভয়ং নো মহদাগতম্ ॥ 37 ॥ 4-27-37 (29471)
বৈশম্পায়ন উবাচ। 4-27-38x (3106)
তে দৃষ্ট্বাঽথ সমাবিদ্ধং ভীমসেনেন পাদপম্ ।
বিমুচ্য দ্রৌপদীং ত্রস্তাঃ প্রাদ্রবন্নগরং প্রতি ॥ 38 ॥ 4-27-38 (29472)
দ্রবতস্তাংশ্চ সংপ্রেক্ষ্য স বজ্রী দানবানিব ।
অথ ভীমঃ সমুৎপত্য দ্রবতাং পুরতোঽভবৎ ॥ 39 ॥ 4-27-39 (29473)
তে তং দৃষ্ট্বা ভয়োদ্বিগ্না নিশ্চেষ্টাঃ সমবস্থিতাঃ ॥ 40 ॥ 4-27-40 (29474)
দৃষ্ট্বা তাঞ্শতসঙ্খ্যকান্স বজ্রী দানবানিব।
একেনৈব প্রহারেণ দশ সপ্ত চ বিংশতিম্।
অষ্টাদশ চ পঞ্চাশঞ্জঘান স বৃকোদরঃ ॥ 41 ॥ 4-27-41 (29475)
শতং পঞ্চাধিকং ভীমঃ প্রাহিণোদ্যমসাদনম্।
বৃক্ষেণৈকেন রাজেন্দ্র প্রভঞ্জনসুতো বলী।
বায়ুবেগসমঃ শ্রীমান্সর্বান্সূতানশেষতঃ ॥ 42 ॥ 4-27-42 (29476)
তান্নিহত্য মহাবাহুর্ভীমসেনো মহাবলঃ।
আশ্বাসয়ত্তদা কৃষ্ণাং প্রতিমুচ্য চ বন্ধনাৎ ॥ 43 ॥ 4-27-43 (29477)
উবাচ শ্লক্ষ্ণয়া বাচা পাঞ্চালীং ভরতর্ষভঃ ।
অশ্রুপূর্ণমুখীং ভীতামুদ্ধরন্স বৃকোদরঃ ॥ 44 ॥ 4-27-45a[ মা খিদস্ৎবং(*) যাজ্ঞসেনি পাতিব্রত্যব্রতে স্থিতা।
পাতিব্রত্যে স্থিতা নারী ব্রতং রক্ষেৎসদাঽত্মনঃ॥ 45 ॥ 4-27-44 (29478)
পুরা স্ত্রী দেবরাতস্য পতিপ্রীতা শিরোমণিঃ।
কদাচিদ্ভর্তৃরূপেণ রক্ষসাঽপহৃতা সতী ॥ 46 ॥ 4-27-46 (29479)
কস্যচিৎসরসস্তীরে তাং নিবেশ্য স রাক্ষসঃ।
তদ্ভর্তৃরূপং সংত্যজ্য রক্ষো ভূৎবা সুদারুণম্ ॥ 47 ॥ 4-27-47 (29480)
সাম্না দানেন ভেদেন সা যদা নান্বমন্যত।
তদা তাং পাতয়িৎবা স মৈথুনায়োপচক্রমে ॥ 48 ॥ 4-27-48 (29481)
ততঃ সা ধৈর্যমাস্থায় বিবরং ত দদৌ তদা।
ততঃ স খঙ্গমুৎকৃষ্য ভীষয়ামাস তাং সতীম্ ॥ 49 ॥ 4-27-49 (29482)
সাঽপি ত্যক্তভয়া সাধ্বী প্রাণত্যাগে সুনিশ্চিতা।
প্রতিজ্ঞামকরোৎকৃষ্ণে পাতিব্রত্যপরায়ণা ॥ 50 ॥ 4-27-50 (29483)
আরাধিতো যদি ময়া ভর্তা মে দৈবতং মহৎ।
কর্মণা মনসা বাচা গুরবস্তোষিতা ময়া।
তেন সত্যেন যোনির্মে ভবৎবদ্য শিলা দৃঢা ॥ 51 ॥ 4-27-51 (29484)
এবং তয়া প্রতিজ্ঞাতে তদ্যোনিঃ সা শিলাঽভবৎ।
অন্তরা নাভিজান্বোর্যত্তৎসর্বং চ শিলাঽভবৎ ॥ 52 ॥ 4-27-52 (29485)
ততঃ স খঙ্গমুদ্ধৃত্য বেগেনাস্যাঃ শিরোঽহরৎ ॥ 53 ॥ 4-27-53 (29486)
জয়া নাম সখী সাঽভূৎপার্বত্যা নখমাংসবৎ।
তস্মাৎপতিব্রতায়াশ্চ দুঃখমল্পং সুখং বহু ॥ ] ॥ 54 ॥ 4-27-54 (29487)
এবং তে ভীরু বধ্যন্তে যে ৎবাং হিংসন্তি মানবাঃ।
গচ্ছ ৎবং নগরং কৃষ্ণে ন ভয়ং বিদ্যতে তব ॥ 55 ॥ 4-27-55 (29488)
অন্যেন ৎবং পথা শীঘ্রং সুদেষ্ণায়া নিবেশনম্।
অন্যেনাহং গমিষ্যামি বিরাটস্য মহানসম্ ।
যথা নৌ নাববুধ্যেরন্রাত্রাবেবং ব্যবস্থিতৌ ॥ 56 ॥ 4-27-56 (29489)
বৈশম্পায়ন উবাচ। 4-27-57x (3107)
সাঽগচ্ছন্নগরং কৃষ্ণা ভীমেনাশ্বাসিতা সতী ॥ 57 ॥
কৃতকৃত্যা সুদেষ্ণায়া ভবনং শুভলক্ষণা । 4-27-57 (29490)
শচীব নহুষে শপ্তে প্রবিবেশ ত্রিবিষ্টপম্ ॥ 58 ॥
ভীমোঽপ্যমিতবীর্যস্তু বলবানরিমর্দনঃ। 4-27-58 (29491)
সর্বাংস্তান্কীচকাংস্তত্র হৎবা ধর্মাত্মজানুজঃ ॥ 59 ॥
নিঃশেষং কীচকান্হৎবা রামো রাত্রিচরানিব। 4-27-59 (29492)
জিতশত্রুরদীনাত্মা প্রবিবেশ পুরং ততঃ ॥ 60 ॥
পঞ্চাধিকং শতং তত্র নিহতং তেন ভারত। 4-27-60 (29493)
মহাবনমিব ছিন্নং শিশ্যে বিগলিতদ্রুমম্ ॥ 61 ॥
এবং তে নিহতা রাজঞ্শতং পঞ্চোপকীচকাঃ। 4-27-61 (29494)
স চ সেনাপতিঃ সূত ইত্যেতৎসূতষট্শতম্ ॥ 62 ॥
ন গন্ধর্বভয়াকিংচিদ্বক্তুং কীচকবান্ধবাঃ । 4-27-62 (29495)
অশক্নুবন্তস্তাং তত্র ভয়াদপ্যভিবীক্ষিতুম্ ॥ 63 ॥
বিরাটনগরে চাপি সর্বে মাৎস্যাঃ সমাগতাঃ । 4-27-63 (29496)
কাল্যং পঞ্চশতং চৈতানপশ্যন্সারথীন্হতান্ ॥ 64 ॥
তদ্দৃষ্ট্বা মহদাশ্চর্যং নরা নার্যশ্চ নাগরাঃ। 4-27-64 (29497)
বিস্ময়ং পরমং গৎবা নোচুঃ কিংচন ভারত ॥ 65 ॥ ॥ 4-27-65 (29498)
ইতি শ্রীমন্মহাভারতে বিরাটপর্বণি কীচকবধপর্বণি সপ্তবিংশোঽধ্যায়াঃ ॥ 27 ॥
Mahabharata - Virata Parva - Chapter Footnotes
4-27-45 *ইমে 10 শ্লোকাঃ ঘo পুস্তক এব দৃশ্যন্তে ॥ 4-27-63 তাং দ্রৌপদীমভিবীক্ষিতুমপি অশক্নুবন্তঃ কীচকবান্ধবাঃ তাংপ্রতি কিংচিদ্বক্তুং নাশক্নুবন্নিত্যধ্যাহারেণ যোজনা ॥ 63 ॥বিরাটপর্ব - অধ্যায় 028
॥ শ্রীঃ ॥
4.28. অধ্যায়ঃ 028
Mahabharata - Virata Parva - Chapter Topics
পৌরৌর্বিরাটংপ্রতি সানুজকীচকনিধননিবেদনপূর্বকং নগরাদ্দ্রৌপদীনিষ্কাসনপ্রার্থনা ॥ 1 ॥ সুদেষ্ণয়া বিরাটনিয়োগাদ্দ্রৌপদীং প্রতি স্বপুরান্নির্গমনচোদনা ॥ 2 ॥ তথা দ্রৌপদ্যা মাসাবধিস্ববাসাভ্যনুজ্ঞানপ্রার্থনায়াং তদঙ্গীকরণম্ ॥ 3 ॥Mahabharata - Virata Parva - Chapter Text
4-28-0 (29499)
বৈশম্পায়ন উবাচ। 4-28-0x (3108)
তে দৃষ্ট্বা নিহতান্সূতান্ভীমসেনেন ভারত।
পৌরাশ্চ সহিতাঃ সর্বে রাজ্ঞে গৎবা ন্যবেদয়ন্ ।
গন্ধর্বেণ হতা রাজন্সূতপুত্রাঃ পরশ্শতম্ ॥ 1 ॥ 4-28-1 (29500)
যথা বজ্রেণ দীর্ণং বৈ পর্বতস্য মহচ্ছিরঃ।
বিনিকার্ণাঃ প্রদৃশ্যন্তে তথা সূতা মহীতলে ॥ 2 ॥ 4-28-2 (29501)
সৈরন্ধ্রী চাপি মুক্তা সা পুনরায়াতি তে গৃহম্ ।
সর্বং সংশয়িতং রাজন্নগরং তে ভবিষ্যতি ॥ 3 ॥ 4-28-3 (29502)
তথারূপা হি সৈরন্ধ্রী গন্ধর্বাশ্চ মহাবলাঃ ।
পুংসামিষ্টশ্চ বিষয়ো মৈথুনায় ন সংশয়ঃ ॥ 4 ॥ 4-28-4 (29503)
যথা সৈরন্ধ্রিদোষেণ নেদং রাজন্পুরং তব।
বিনাশমেতি বৈ ক্ষিপ্রং তথা সাধু বিধীয়তাম্ ॥ 5 ॥ 4-28-5 (29504)
সর্বাঙ্গসৌষ্ঠবয়ুতাং রূপলাবণ্যশালিনীম্ ।
পশ্যতামনিমেষেণ চক্ষুষা বনিতাং শুভাম্।
মনসশ্চক্ষুষশ্চৈব প্রতিবন্ধো ন বিদ্যতে ॥ 6 ॥ 4-28-6 (29505)
তস্মাত্তাং যঃ পুমান্দৃষ্ট্বা রূপেণাপ্রতিমাং ভুবি।
গচ্ছেৎকামবশং মূঢো গন্ধর্বৈঃ স নিহন্যতে ॥ 7 ॥ 4-28-7 (29506)
নিষ্কাসয়ৈনাং ভবনাৎপুরাচ্চৈব বিশেষতঃ।
কালঃ প্রবিশ্য সৈরন্ধ্রীং পুরং নাশয়তে ধ্রুবম্ ॥ 8 ॥ 4-28-8 (29507)
বৈশম্পায়ন উবাচ। 4-28-9x (3109)
তেষাং তদ্বচনং শ্রুৎবা বিরাটো বাহিনীপতিঃ।
অব্রবীৎক্রিয়তামেষাং সূতানামপরক্রিয়া ॥ 9 ॥ 4-28-9 (29508)
একস্মিন্নেব তে সর্বে সুসমিদ্ধে হুতাশনে।
দহ্যন্তাং কীচকাঃ সর্বে সর্বগন্ধৈশ্চ সর্বশঃ ॥ 10 ॥ 4-28-10 (29509)
ইত্যুক্ৎবা পরমোদ্বগ্নিঃ প্রবিশ্যান্তঃপুরং শুভম্।
সুদেষ্ণাং চাব্রবীদ্রাজা মহিষীং জাতসাধ্বসঃ ॥ 11 ॥ 4-28-11 (29510)
সৈরন্ধ্রীমাগতাং ব্রূয়া মমৈব বচনাদিহ ।
গচ্ছ সৈরন্ধ্রি ভদ্রং তে যথাকামং চরাধুনা ।
বিভেতি রাজা সৈরন্ধি গন্ধর্বেভ্যঃ পরাভবাৎ ॥ 12 ॥ 4-28-12 (29511)
ন হি তামুৎসহে বক্তুং স্বয়ং গন্ধর্বরক্ষিতাম্ ।
স্ত্রিয়াস্ৎবদোষস্তাং বক্তুমতস্ৎবাং প্রব্রবীম্যহম্ ॥ 13 ॥ 4-28-13 (29512)
বৈশম্পায়ন উবাচ। 4-28-14x (3110)
একস্মিন্নেব তে সর্বে সুসমিদ্ধে হুতাশনে।
অদহন্কীচকান্সর্বান্সংস্কারৈশ্চৈব সর্বশঃ ॥ 14 ॥ 4-28-14 (29513)
অথ মুক্তা ভয়াৎকৃষ্ণা সূতপুত্রান্নিরস্য চ।
মোক্ষিতা ভীমসেনেন জগাম নগরং প্রতি ॥ 15 ॥ 4-28-15 (29514)
ত্রাসিতেব মৃগী বালা শার্দূলেন মনস্বিনী।
সা তু গাত্রাণি বাসশ্চ প্রক্ষাল্য প্রবিবেশ হ ॥ 16 ॥ 4-28-16 (29515)
তাং দৃষ্ট্বা পুরুষা রাজন্প্রাদ্রবন্ত দিশো দশ।
গন্ধর্বাণাং ভয়ত্রস্তাঃ কেচিদ্দৃষ্টিং ন্যমীলয়ন্ ॥ 17 ॥ 4-28-17 (29516)
প্রদুদ্রুবুশ্চাপ্যপরে তথা জনা হস্তৈশ্চ চক্ষূংষি পিধায় মোহিতাঃ।
মা পশ্যত স্মেতি চ তাং ব্রুবন্তস্তথা জনাশ্চুক্রুশুরার্তরূপাঃ ॥ 18 ॥ 4-28-18 (29517)
তামদ্য যঃ পশ্যতি রূপশালিনীং শয়ীত ভগ্নোঽত্র যথৈব কীচকাঃ।
ইতি ব্রুবন্তো ভয়বিগ্নচেতসো ভয়েন গন্ধর্বগতেন মোহিতাঃ ॥ 19 ॥ 4-28-19 (29518)
ততো মহানসদ্বারে ভীমসেনমবস্থিতম্।
দদর্শ রাজন্পাঞ্চালী যথা মত্তং মহাদ্বিপম্ ॥ 20 ॥ 4-28-20 (29519)
সোপহাসং তু শনকৈঃ সংজ্ঞাভিরিদমব্রবীৎ।
নমো গন্ধর্বরাজায় যেনাস্মি পরিমোক্ষিতা ॥ 21 ॥ 4-28-21 (29520)
কীচকেভ্যো বিনির্দোষামনাথাং বসতীং গৃহে।
যো মাং রক্ষতি সন্ত্রস্তাং গন্ধর্বায় নমোস্তু তে ॥ 22 ॥ 4-28-22 (29521)
ভীম উবাচ। 4-28-23x (3111)
যে যস্যা বিচরন্তীহ পুরুষা বশবর্তিনঃ।
তেষাং চ বশগা নিত্যং বিচর ৎবং যথেষ্টতঃ ॥ 23 ॥ 4-28-23 (29522)
যে পুরা বিচরন্তীহ পুরুষা বশবর্তিনঃ।
তস্যাস্তে বচনং শ্রুৎবা হ্যনৃণা বিহরন্ৎবিতঃ ॥ 24 ॥ 4-28-24 (29523)
বৈশম্পায়ন উবাচ। 4-28-25x (3112)
তয়োস্তদ্বচনং শ্রুৎবা জঝিরে নেতরে জনাঃ।
ততঃ পাঞ্চালরাজস্য সুতা চাপি জগাম হ ॥ 25 ॥ 4-28-25 (29524)
ততঃ সা নর্তনাগারে ধনংজয়মপশ্যত।
রাজ্ঞঃ কন্যা বিরাটস্য নর্তয়ন্তং মহাভুজম্ ॥ 26 ॥ 4-28-26 (29525)
ততস্তা নর্তনাগারাদ্বিনিষ্ক্রম্য সহার্জুনাঃ।
কন্যা দদৃশুরায়ান্তীং কৃষ্ণাং ক্লিষ্টামনাগসম্ ॥ 27 ॥ 4-28-27 (29526)
কান্যা ঊচুঃ। 4-28-28x (3113)
দিষ্ট্যা সৈরন্ধ্রি মুক্তাঽসি দিষ্ট্যাঽসি পুনরাগতা।
দিষ্ট্যা চ নিহতাঃ সূতা যে ৎবাং ক্লিশ্যন্ত্যনাগসম্ ॥ 28 ॥ 4-28-28 (29527)
বৃহন্নলোবাচ। 4-28-29x (3114)
কথং সৈরন্ধ্রি মুক্তাঽসি কথং পাপাশ্চ তে হতাঃ।
ইচ্ছামি তে কথাং শ্রোতুং কথয়স্ব যথাতথম্ ॥ 29 ॥ 4-28-29 (29528)
সৈরন্ধ্যুবাচ। 4-28-30x (3115)
বৃহন্নলে কিংনু তব সৈরন্ধ্র্যা কার্যমদ্য বৈ।
যা ৎবং রংস্যসি কল্যাণি সদা কন্যাপুরে সুখং ॥ 30 ॥ 4-28-30 (29529)
ন হি দুঃখ সমাপ্নোষি সৈরন্ধ্রী যদুপাশ্রুতে।
সুখেন বর্তসে যেহ ন তদ্দুঃখমবাপ্যতে।
তেন মাং দুঃখিতামেবং পৃচ্ছসি প্রহসন্ত্যপি ॥ 31 ॥ 4-28-31 (29530)
বৃহন্নলোবাচ। 4-28-32x (3116)
বৃহন্নলাঽপি কল্যাণি দুঃখমাপ্নোত্যনন্তকম্।
তির্যগ্যোনিগতেবেয়ং ন চৈনামববুধ্যসে ॥ 32 ॥ 4-28-32 (29531)
ৎবয়া সহোষিতা চাস্মি ৎবং চ সর্বৈঃ সহোষিতা।
ৎবত্তঃ কৃচ্ছ্রতরং বাসং বসেয়মহমঙ্গনে ।
ক্লিশ্যন্ত্যাং ৎবয়ি সুশ্রোণি কোনু দুঃখং ন চিন্তয়েৎ। ॥ 33 ॥ 4-28-33 (29532)
ন তু কেনচিদন্যন্তং কস্যচিদ্ধৃদয়ং ক্বচিৎ।
বেদিতুং শক্যতে নূনং তেন মাং নাববুধ্যসে ॥ 34 ॥ 4-28-34 (29533)
বৈশম্পায়ন উবাচ। 4-28-35x (3117)
ততঃ সহৈব কন্যাভির্দ্রৌপদী রাজবেশ্ম তৎ।
প্রবিবেশ সুদেষ্ণায়াঃ সমীপমনসূয়িনী ॥ 35 ॥ 4-28-35 (29534)
তামব্রবীদ্রাজপত্নী বিরাটবচনাদিদম্ ।
সৈরন্ধ্রি গম্যতাং শীঘ্রং যত্র কাময়সে গতিম্ ।
রাজা বিভেতি সৈরন্ধ্রি গন্ধর্বেভ্যঃ পরাভবাৎ ॥ 36 ॥ 4-28-36 (29535)
ৎবং চাপি তরুণী সুভ্রূ রূপেণাপ্রতিমা ভুবি ।
চিত্তানি চ নৃণাং ভদ্রে রক্তানি স্পর্শজে সুখে ॥ 37 ॥ 4-28-37 (29536)
তস্মাত্ৎবত্তো ভয়ং মহ্যং রাষ্ট্রস্য নগরস্য চ।
গচ্ছাদ্যৈব যথেষ্টং ৎবং নগরাদ্যত্র রংস্যসে ॥ 38 ॥ 4-28-38 (29537)
ৎবন্নিমিত্তং শুভে মহ্যং সর্বো বন্ধুজনো হতঃ।
নৃশংসা খলু তে বুদ্ধির্ভ্রাতৄণাং মে কৃতো বধঃ ॥ 39 ॥ 4-28-39 (29538)
তস্মাদ্গন্ধর্বরাজেভ্যো ভয়মদ্য প্রবর্ততে।
যথেষ্টং গচ্ছ সৈরন্ধ্রি স্বস্তি চেহ যথা ভবেৎ ॥ 40 ॥ 4-28-40 (29539)
বৈশম্পায়ন উবাচ। 4-28-41x (3118)
সুদেষ্ণায়া বচঃ শ্রুৎবা সৈরন্ধ্রী চেদমব্রবীৎ ।
ত্রয়োদশাহমাত্রং তু রাজা ক্ষাম্যতু ভামিনি ॥ 41 ॥ 4-28-41 (29540)
কৃতকৃত্যা অবিষ্যন্তি গন্ধর্বাস্তে ন সংশয়ঃ ।
ততো মামুপনেষ্যন্তি করিষ্যন্তি চ তে প্রিয়ম্ ॥ 42 ॥ 4-28-42 (29541)
ধ্রুবং চ শ্রেয়সা রাজা যোক্ষ্যতে সহ বান্ধবৈঃ ।
রাজ্ঞঃ কৃতোপকারাশ্চ কৃতজ্ঞাশ্চ সদা শুভে।
সাধবশ্চ বলোৎসিক্তাঃ কৃতপ্রতিকৃতেপ্সবঃ ॥ 43 ॥ 4-28-43 (29542)
অর্থিনী মা ব্রবীত্যেষা যদ্বাতদ্বেতি চিন্তয়।
ভরস্ব তদহর্মাত্রং তত্তে শ্রেয়ো ভবিষ্যতি ॥ 44 ॥ 4-28-44 (29543)
বৈশম্পায়ন উবাচ। 4-28-45x (3119)
তস্যাস্তদ্বচনং শ্রুৎবা কৈকেয়ী দুঃখমোহিতা।
উবাচ দ্রৌপদীমার্তা ভ্রাতৃব্যসনকর্শিতা ॥ 45 ॥ 4-28-45 (29544)
বস ভদ্রে যথেষ্টং ৎবং ৎবামহং শরণং গতা।
ত্রায়স্ব মম ভর্তারং পুত্রাংশ্চৈব বিশেষতঃ ॥ 46 ॥ 4-28-46 (29545)
ইত্যুক্তবা রাজশার্দূল রাজ্ঞে সর্বং ন্যবেদয়ৎ ।
ত্রিংশদ্রাত্রিমিমাং ভীরুঃ কৃতকৃত্যা নিবাসয়ে ॥ 47 ॥ 4-28-47 (29546)
ইতি শ্রীমন্মহাভারতে বিরাটপর্বণি কীচকবধপর্বণি অষ্টাবিংশোঽধ্যায়ঃ ॥ 28 ॥
Mahabharata - Virata Parva - Chapter Footnotes
4-28-1 গন্ধর্বৈর্নিহতা রাজন্নিতি খo থo ধo পাঠo ॥ 1 ॥ 4-28-5 তথা নীতির্বিধীয়তামিতি ধo পাঠঃ ॥ 5 ॥বিরাটপর্ব - অধ্যায় 029
॥ শ্রীঃ ॥
4.29. অধ্যায়ঃ 029
Mahabharata - Virata Parva - Chapter Topics
পাণ্ডবান্বেষণায় ক্রমেণ বিরাটপুরমাগতৈশ্চারৈর্হাস্তিনপুরমেত্য দুর্যোধনংপ্রতি স্বেষাং পাণ্ডবানবগতিনিবেদনপূর্বকং কীচকবধনিবেদনম্ ॥ 1 ॥Mahabharata - Virata Parva - Chapter Text
4-29-0 (29547)
বৈশম্পায়ন উবাচ। 4-29-0x (3120)
কীচকে তু হতে রাজা বিরাটঃ পরবীরহা।
শোকমাহারয়ত্তীব্রং সামাত্যঃ সপুরোহিতঃ ॥ 1 ॥ 4-29-1 (29548)
কীচকস্য বধং ঘোরং সানুজস্য বিশাংপতে ।
অত্যাহিতং চিন্তয়িৎবা ব্যস্ময়ন্ত পৃথগ্জনাঃ ॥ 2 ॥ 4-29-2 (29549)
তস্মিন্পুরে জনপদে জজল্পুশ্চাপি সর্বশঃ ।
বীর্যবান্দয়িতো রাজ্ঞো দর্পোৎসিক্তশ্চ কীচকঃ ॥ 3 ॥ 4-29-3 (29550)
সাংপরায়ে পরিক্রুষ্টো বলবান্দুর্জয়ো রণে।
আসীৎপ্রহর্তা শত্রূণাং দারদর্শী চ দুর্মতিঃ ।
স হতঃ কিল গন্ধর্বৈঃ সৈরন্ধ্রীকারণান্নিশি ॥ 4 ॥ 4-29-4 (29551)
ইত্যজল্পন্মহারাজ কীচকস্য বিনাশনম্ ।
দেশেদেশে মনুষ্যাশ্চ বিস্মিতঃ কীচকে হতে ॥ 5 ॥ 4-29-5 (29552)
অথ বৈঃ ধার্তরাষ্ট্রেণ প্রয়ুক্তা যে বহিশ্চরাঃ ।
মৃগয়িৎবা বহূন্দেশান্গ্রামাংশ্চ নগরাণি চ ॥ 6 ॥ 4-29-6 (29553)
সংবিধায় যথাঽঽদিষ্টং যথাদেশং প্রদর্শকাঃ ।
কৃতসংকেতনাঃ সর্বে ন্যবর্তন্ত পুরং ততঃ ॥ 7 ॥ 4-29-7 (29554)
আগম্য হাস্তিনপুরং ধার্তরাষ্ট্রমরিন্দমম্।
তত্র দৃষ্ট্বা তু রাজানং কৌরব্যং ধৃতরাষ্ট্রজম্ ॥ 8 ॥ 4-29-8 (29555)
দ্রোণকর্ণকৃপৈঃ সার্ধং ভীষ্মেণ চ মহাত্মনা।
সংগতং ভ্রাতৃভিঃ সার্ধং ত্রিগর্তৈশ্চ মহারথৈঃ ॥ 9 ॥ 4-29-9 (29556)
প্রণম্য শিরসা ভূমৌ বর্ধয়িৎবা জয়াশিষা।
আসীনং সূর্যসংকাশে কাঞ্চনে পরমাসনে ॥ 10 ॥ 4-29-10 (29557)
উপাস্যমানং সচিবৈর্মরুদ্ভিরিব বাসবম্ ।
বিদ্বদ্ভির্গায়কৈঃ সার্ধং কবিভিঃ স্তুতিপাঠকৈঃ ॥ 11 ॥ 4-29-11 (29558)
অনেকৈরপি রাজন্যৈঃ সেবিতং সপরিচ্ছদৈঃ।
দুর্যোধনং সভামধ্যে আসীনমিদমব্রুবন্ ॥ 12 ॥ 4-29-12 (29559)
কৃতোঽস্মাভিঃ পরো যত্নস্তেষামন্বেষণে সদা ।
পাণ্ডবানাং মনুষ্যেন্দ্র তস্মিন্মহতি কাননে ॥ 13 ॥ 4-29-13 (29560)
নির্জনে ব্যালসংকীর্ণে নানাভ্রমরসংকুলে ।
লতাপ্রতানগহনে নানাগুল্মসমাবৃতে ॥ 14 ॥ 4-29-14 (29561)
ন চ বিদ্মো গতা যেন পার্থাঃ সুদৃঢবিক্রমাঃ ।
মার্গমাণাঃ পদন্যাসমাশ্রমেষু বনেষু চ ॥ 15 ॥ 4-29-15 (29562)
গিরিকূটেষু তুঙ্গেষু নানাজনপদেষু চ।
জনাকীর্ণেষু দেশেষু চৎবরেষু পুরেষু চ ॥ 16 ॥ 4-29-16 (29563)
নরেন্দ্র সহসা নষ্টান্নৈব বিদ্ম চ পাণ্ডবান্।
অত্যন্তাদর্শনান্নষ্টা ভদ্রং তুভ্যং নরর্ষভ ॥ 17 ॥ 4-29-17 (29564)
গিরীণাং কূটকুঞ্জেষু কন্দরোদরসানুষু।
নদীপ্রস্রবণেষ্বেব হ্রদেষু চ সরস্সু চ॥ 18 ॥ 4-29-18 (29565)
গহ্বরেষু চ দুর্গেষু গ্রামেষূ পবনেষু চ।
দুর্বিজ্ঞেয়া গতিস্তেষাং মৃগ্যতেঽস্মাভিরেব চ ॥
গজব্যাঘ্রসমীপেষু সিংহান্তে শরভান্তরে ॥ 19 ॥ 4-29-19 (29566)
বত্মন্যন্বিচ্ছমানাস্তু রথানাং রথিসত্তম।
কংচিৎকালং মনুষ্যেন্দ্র সূতাননুগতা বয়ম্ ॥ 20 ॥ 4-29-20 (29567)
মৃগয়িৎবা যথান্যায়ং বিদিতার্থাশ্চ তৎবতঃ।
প্রাপ্তা দ্বারবতীং সূতা বিনা পার্থৈঃ পরংতপ ॥ 21 ॥ 4-29-21 (29568)
ন তত্র কৃষ্ণা রাজেন্দ্র পাণ্ডবাশ্চ মহাব্রতাঃ।
নরদেব যথোদ্দিষ্টং ন চ বিদ্মাত্র পাণ্ডবান্ ॥ 22 ॥ 4-29-22 (29569)
নির্বৃতো ভব নষ্টাস্তে স্বস্থো ভব পরংতপ ।
সর্বথৈব প্রনষ্টাস্তে নমস্তে ভরতর্ষভ ॥ 23 ॥ 4-29-23 (29570)
সর্বা চ পৃথিবী কৃৎস্না সশৈলবনকাননা ।
সরাষ্ট্রনগরগ্রামা পত্তনৈশ্চ সমন্বিতা ।
অন্বেষিতা চ সর্বত্র ন চ পশ্যামা পাণ্ডবান্ ॥ 24 ॥ 4-29-24 (29571)
পুনঃ শাধি মনুষ্যেন্দ্র অত ঊর্ধ্বং বিশাংপতে।
অন্বেষণে পাণ্ডবানাং ভূয়ঃ কিং করবামহে ॥ 25 ॥ 4-29-25 (29572)
ইমাং চ নঃ প্রিয়াং বীর বাচং ভদ্রবতীং শৃণু ॥ 26 ॥ 4-29-26 (29573)
যেন ত্রিগর্তা নিহতা বলেন বহুশো নৃপ।
সূতেন রাজ্ঞো মৎস্যস্য কীচকেন বলীয়সা।
স হতঃ পতিতঃ শেতে গন্ধর্বৈর্নিশি ভারত ॥ 27 ॥ 4-29-27 (29574)
স্যালো রাজ্ঞো বিরাটস্য সেনাপতিরুদারধীঃ।
সুদেষ্ণায়ানুজঃ ক্রূরঃ শূরো বীরো গতব্যথঃ ॥ 28 ॥ 4-29-28 (29575)
উৎসাহবান্মহাবীর্যো নীতিমান্বলবানপি ।
যুদ্ধজ্ঞো রিপুবীর্যঘ্নঃক সিংহতুল্যপরাক্রমঃ ॥ 29 ॥ 4-29-29 (29576)
প্রজারক্ষণদক্ষশ্চ শত্রুগ্রহণশক্তিমান্।
বিজিতারির্মহায়ুদ্ধে প্রচণ্ডো মানতৎপরঃ ॥ 30 ॥ 4-29-30 (29577)
নরনারীমনোহ্লাদী ধীরো বাগ্মী রণপ্রিয়ঃ।
পুণ্যকর্মাঽর্থকামানাং ভাজনং মনুজোত্তমঃ ॥ 31 ॥ 4-29-31 (29578)
স হতো নিশি গন্ধৈর্বঃ স্ত্রীনিমিত্তং নরাধিপ।
অমৃষ্যমাণো দুষ্টাত্মা নিশীথে সহ সোদরৈঃ ।
সুহৃদশ্চাস্য নিহতা যোধাশ্চ প্রহরৈর্হতাঃ ॥ 32 ॥ 4-29-32 (29579)
গন্ধর্বাণাং চ মহিষী কাচিদস্তি নিতম্বিনী।
সৈরন্ধ্রী নাম তাং দৃপ্তো দুষ্টাত্মাঽকাময়দ্বলী ॥ 33 ॥ 4-29-33 (29580)
ইত্যেবং শ্রুতমস্মাভির্গন্ধর্বৈর্নিহতো নিশি ॥ 34 ॥ 4-29-34 (29581)
বান্ধবৈর্বহুভিঃ সার্ধং কীচকো নিহতো যতঃ।
অদ্যপ্রভৃতি রাজেন্দ্র পাণ্ডবান্বেষণং প্রতি।
চারাংশ্চ সর্বতশ্চর্তুং প্রেষয়েতি মতির্হি নঃ ॥ 35 ॥ 4-29-35 (29582)
নিহতো নিশি গন্ধর্বৈর্দুষ্টাত্মা ভ্রাতৃভিঃ সহ ।
এতাবচ্ছ্রুতমস্মাভির্ভদ্রং তেঽস্তু নরাধিপ ॥ 36 ॥ 4-29-36 (29583)
প্রিয়মেতদুপশ্রুত্য শত্রূণাং চ পরাভবম্ ।
কৃতকৃত্যশ্চ কৌরব্য বিধৎস্ব যদনন্তরম্ ॥ 37 ॥ ॥ 4-29-37 (29584)
ইতি শ্রীমন্মহাভারতে বিরাটপর্বণি গ্রোগ্রহণপর্বণি একোঽনত্রিংশোঽধ্যায়ঃ ॥ 29 ॥
বিরাটপর্ব - অধ্যায় 030
॥ শ্রীঃ ॥
4.30. অধ্যায়ঃ 030
Mahabharata - Virata Parva - Chapter Topics
দুর্যোধনাদিভিঃ পাণ্ডবান্বেষণায় সমালোচনম্ ॥ 1 ॥Mahabharata - Virata Parva - Chapter Text
4-30-0 (29585)
বৈশম্পায়ন উবাচ। 4-30-0x (3121)
ততো দুর্যোধনো রাজা শ্রুৎবা তেষাং বচস্তদা।
চিরমন্তর্মনা ভূৎবা ইদমাহ সভাসদঃ ॥ 1 ॥ 4-30-1 (29586)
অশক্যং খলু কার্যস্য গতিং জ্ঞাতুং হি তৎবতঃ ।
তস্মাৎসর্বে পরীক্ষধ্বং ক্বনু স্যুঃ পাণ্ডবা গতাঃ ॥ 2 ॥ 4-30-2 (29587)
অল্পাবশিষ্টঃ কালস্তু গতো ভূয়িষ্ঠ এব চ।
তেষামজ্ঞাতচর্যায়ামস্মিন্বর্ষে ত্রয়োদশে ॥ 3 ॥ 4-30-3 (29588)
অপি বর্ষস্য শেষং তে হ্যতীয়ুরিহ পাণ্ডবাঃ।
নিবৃত্তসময়াস্তে হি সত্যব্রতপরায়ণাঃ ॥ 4 ॥ 4-30-4 (29589)
ক্ষরন্ত ইব নাগেন্দ্রাঃ সর্বে হ্যাশীবিষোপমাঃ ।
দুঃখাদ্ভবেয়ুঃ সংরব্ধাঃ কৌরবান্প্রতি তে ধ্রুবম্ ॥ 5 ॥ 4-30-5 (29590)
বিজ্ঞাতব্যা মনুষ্যেন্দ্রাস্তর্কয়া সুপ্রণীতয়া।
নিপুণৈশ্চারপুরুষৈঃ প্রাজ্ঞৈর্দক্ষৈঃ সুসংবৃতৈঃ ॥ 6 ॥ 4-30-6 (29591)
অজ্ঞাতসময়ে জ্ঞাতাঃ কৃচ্ছ্ররূপসমাশ্রিতাঃ।
প্রবিশেয়ুর্জিতক্রোধাস্তাবদেব পুনর্বনম্ ॥ 7 ॥ 4-30-7 (29592)
তস্মাৎক্ষিপ্রং বিচিন্বধ্বং যথা চাত্যন্তমব্যযম্।
রাজ্যং নির্দ্বন্দ্বমব্যগ্রং নিঃসপত্নং চিরং ভবেৎ ॥ 8 ॥ 4-30-8 (29593)
দুর্যোধনেনৈবমুক্তে বচনেঽতীব দুঃখিনা।
ততঃ কর্ণোঽব্রবীদ্বাক্যং সত্যধর্মার্থসংয়ুতম্ ॥ 9 ॥ 4-30-9 (29594)
এতে পুনর্ন গচ্ছন্তু অন্যে গচ্ছন্তু ভারত ।
শীঘ্রবৃত্তা নরা যোগ্যা নিপুণাশ্ছন্নচারিণঃ ॥ 10 ॥ 4-30-10 (29595)
চরন্তু দেশান্বিবিধান্স্ফীতাঞ্জনপদাকুলান্ ।
তত্র গোষ্ঠীষু রম্যাসু সিদ্ধা ব্রাহ্মণরূপিণঃ ॥ 11 ॥ 4-30-11 (29596)
পরিবাহেষু তীর্থেষু বিবিধেষ্বাকরেষু চ।
অন্বেষ্টব্যা মনুষ্যেন্দ্র পাণ্ডবাশ্ছন্নচারিণঃ ॥ 12 ॥ 4-30-12 (29597)
নদীকুঞ্জেষু তীর্থেষু গ্রামেষু নগরেষু চ।
আশ্রমেষু চ রম্যেষু পর্বতেষু গুহাসু চ ॥ 13 ॥ 4-30-13 (29598)
বিজ্ঞাতব্যা মনুষ্যেন্দ্র তর্কয়া সুবিনূতয়া ।
বিবিধৈস্তৎপরৈঃ সম্যঙ্বিপুণৈস্তজ্জ্ঞসংমতৈঃ ॥ 14 ॥ 4-30-14 (29599)
অথাগ্রজানন্তরজো ভ্রাতুঃ প্রিয়হিতে রতঃ।
জ্যেষ্ঠং দুঃশাসনস্তত্র ভ্রাতা ভ্রাতরমব্রবীৎ ॥ 15 ॥ 4-30-15 (29600)
যেষু নঃ প্রত্যযো রাজংশ্চারেষু মনুজাধিপ।
তে যান্তু দত্তদেয়া বৈ ভূয়স্তান্পরিমার্গিতুম্ ॥ 16 ॥ 4-30-16 (29601)
যদাহ কর্ণো রাজেন্দ্র সর্বমেতদবেক্ষ্যতাম্ ।
যথোদ্দিষ্টং চরাঃ সর্বে মৃগয়ন্তু যতস্ততঃ ॥ 17 ॥ 4-30-17 (29602)
ঘ্রাণৈঃ পশ্যন্তি পশবো বেদৈরেব দ্বিজোত্তমাঃ।
চারৈঃ পশ্যন্তি রাজানশ্চক্ষুর্ভ্যামিতরে জনাঃ ॥ 18 ॥ 4-30-18 (29603)
যথোক্তাশ্চারপুরুষা মৃগয়ন্তু পুনঃপুনঃ ।
এতে চান্যে চ বহবো দেশাংশ্চ নগরাণি চ ॥ 19 ॥ 4-30-19 (29604)
ন হি তেষাং গতির্বাসঃ প্রবৃত্তির্বোপলভ্যতে।
অত্যন্তং বা নিগূঢাস্তে পারং বোর্মিমতো গতাঃ ॥ 20 ॥ 4-30-20 (29605)
ব্যালৈর্বাঽপি মহারণ্যে ভক্ষিতাঃ শূরমানিনঃ।
দ্বীপং বা পরমং প্রাপ্তা গিরিদুর্গবনেষ্বপি ॥ 21 ॥ 4-30-21 (29606)
হীনদর্পা নিরাশাস্তে ভক্ষিতা বাঽপি রাক্ষসৈঃ ।
অথবা বিষমং প্রাপ্য বিনষ্টাঃ শাশ্বতীঃ সমাঃ ॥ 22 ॥ 4-30-22 (29607)
তস্মান্মানসমব্যগ্রং কৃৎবাঽঽত্মানং নিয়ম্য চ।
কুরু কার্যং মহোৎসাহং মন্যসে যন্নরাধিপ ॥ 23 ॥ ॥ 4-30-23 (29608)
ইতি শ্রীমন্মহাভারতে বিরাটপর্বণি গোগ্রহণপর্বণি ত্রিংশোঽধ্যায়ঃ ॥ 30 ॥
বিরাটপর্ব - অধ্যায় 031
॥ শ্রীঃ ॥
4.31. অধ্যায়ঃ 031
Mahabharata - Virata Parva - Chapter Topics
দ্রোণেন দুর্যোধনংপ্রতি পাণ্ডবানাং ধার্মিকৎবাদিগুণশালিতয়া বিনাশাভাবনির্ধারণেন তদন্বেষণবিধানম্ ॥ 1 ॥ ভীষ্মেণ পাণ্ডবাবাসদেশস্য লক্ষণাভিধানপূর্বকং তেষাং দুর্জ্ঞেয়ৎবস্যাপি কথনেন তৈঃ সহ সন্ধিবিধানম্ ॥ 2 ॥Mahabharata - Virata Parva - Chapter Text
4-31-0 (29609)
বৈশম্পায়ন উবাচ। 4-31-0x (3122)
অথাঽব্রবীৎসভামধ্যে দ্রোণঃ সূক্ষ্মার্থদর্শিবান্।
ন তাদৃশা বিনশ্যন্তি নাপি যান্তি পরাভবম্ ॥ 1 ॥ 4-31-1 (29610)
শূরাশ্চ কৃতবিদ্যাশ্চ বুদ্ধিমন্তো জিতেন্দ্রিয়াঃ।
ধর্মজ্ঞাঃ সত্যসন্ধাশ্চ যুধিষ্ঠিরমনুব্রতাঃ ॥ 2 ॥ 4-31-2 (29611)
নীতিধর্মার্থতৎবজ্ঞং পিতৃবচ্চ সমাহিতম্।
ধর্মে স্থিতং সত্যধৃতিং জ্যেষ্ঠং শ্রেষ্ঠাপচায়িনম্ ॥ 3 ॥ 4-31-3 (29612)
অনুব্রতা মহাত্মানো ভ্রাতরো ভ্রাতরং প্রিয়ম্ ।
অজাতশত্রুং শ্রীমন্তং সর্বভ্রাতৄননুব্রতম্ ॥ 4 ॥ 4-31-4 (29613)
তেষাং তথাবিধেয়ানাং নিভৃতানাং মহাত্মনাম্ ।
কিমর্থং নীতিমান্প্রাজ্ঞঃ শ্রেয়ো নৈষাং করিষ্যতি ॥ 5 ॥ 4-31-5 (29614)
তস্মাদ্যত্নাৎপরীক্ষধ্বং ন তাবৎসময়ো গতঃ।
ন তে বিনাশমৃচ্ছেয়ুরিতি মে নৈষ্ঠিকী মতিঃ ॥ 6 ॥ 4-31-6 (29615)
চিন্ত্যতাং চৈব যৎকার্যং তচ্চ ক্ষিপ্রমকালিকম্ ।
ক্রিয়তাং সাধু সংচিন্ত্য বাসশ্চৈষাং প্রচিন্ত্যতাং ॥ 7 ॥ 4-31-7 (29616)
যথা চ পাণ্ডুপুত্রাণাং সর্বার্থেষু ধৃতাত্মনাম্ ।
প্রবৃত্তিরুপলভ্যেত তথা নীতির্বিধীয়তাম্ ॥ 8 ॥ 4-31-8 (29617)
সর্বোপায়ৈর্যতস্ব ৎবং যথা পশ্যসি পাণ্ডবান্ ।
দুর্জ্ঞেয়াঃ খলু শূরাস্তে রক্ষ্যা নিত্যং চ দৈবতৈঃ ॥ 9 ॥ 4-31-9 (29618)
শুদ্ধাত্মা মানবান্পার্থঃ সত্যবান্নীতিমাঞ্শুচিঃ ।
তেজোরাশিভিরাপূর্ণো দহেদপি চ চক্ষুষা ॥ 10 ॥ 4-31-10 (29619)
তস্মাদ্যত্নশ্চ ক্রিয়তাং ভূয়শ্চ মৃগয়ামহে।
ব্রাহ্মণৈশ্চারকৈঃ সিদ্ধৈস্তাপসৈর্নিপুণৈরপি ॥ 11 ॥ 4-31-11 (29620)
বিবিধৈস্তৎপরৈঃ সম্যঙ্বির্ভীকৈস্তজ্জ্ঞসংমতৈঃ ।
অন্বেষ্টব্যা মনুষ্যেন্দ্র পাণ্ডবাশ্ছন্নচারিণঃ ॥ 12 ॥ 4-31-12 (29621)
ততঃ শান্তনবো ধীমান্ভারতানাং পিতামহঃ ।
শ্রুতবান্দেশকালজ্ঞো নীতিমাংশ্চ মহামতিঃ ॥ 13 ॥ 4-31-13 (29622)
তস্মিন্নুপরতে বাক্যে আচার্যস্য মহাত্মনঃ ।
অনন্তরমুবাচেদং বাক্যং হেৎবর্থসংমিতম্ ॥ 14 ॥ 4-31-14 (29623)
যুধিষ্ঠিরে সমায়ুক্তাং ধর্মজ্ঞে ধর্মসংহিতাম্।
পাণ্ডবে নিত্যমব্যগ্রাং গিরং ভীষ্মঃ সমাদদে ॥ 15 ॥ 4-31-15 (29624)
অসৎসু দুর্লভাং নিত্যং সতাং চাভিমতাং সদ।
ভীষ্মস্ৎবভ্যবদত্তত্র গিরং সাধুভিরর্চিতাম্ ॥ 16 ॥ 4-31-16 (29625)
যথা নো ব্রাহ্মণোঽবাদীদাচার্যঃ সর্বধর্মবিৎ।
শ্রুতবৃত্তোপসংপন্না নাশং নায়ান্তি পাণ্ডবাঃ ॥ 17 ॥ 4-31-17 (29626)
সর্বলক্ষণসংপন্নাঃ সাধুবৃত্তসমন্বিতাঃ।
বৃদ্ধানুশাসনে যত্তাঃ সত্যধর্মপরায়ণাঃ ॥ 18 ॥ 4-31-18 (29627)
সময়ং সময়জ্ঞাস্তে পালয়ন্তঃ শুভব্রতাঃ।
ন বিষীদন্তি তে পার্থা উদ্বহন্তঃ সতাং ধুরম্ ॥ 19 ॥ 4-31-19 (29628)
তপসা চৈব গুপ্তাস্তে স্ববীর্যেণ চ পাণ্ডবাঃ।
ন নাশমভিগচ্ছেয়ুরিতি মে নৈষ্ঠিকী মতিঃ ॥ 20 ॥ 4-31-20 (29629)
ক্ষত্রধর্মরতা নিত্যং কেশবানুগতাঃ সদা।
প্রবীরপুরুষাস্তে বৈ মহাত্মানো মহাবলাঃ ॥ 21 ॥ 4-31-21 (29630)
তত্র বুদ্ধিং প্রবক্ষ্যামি পাণ্ডবান্বেষণে শৃণু।
ন তু নীতিঃ সুনীতস্য শক্যতে বেদিতুং পরৈঃ ॥ 22 ॥ 4-31-22 (29631)
যত্তু শক্যমিহাস্মাভিস্তান্বৈ সংচিন্ত্য পাণ্ডবান্।
বুদ্ধ্যা প্রণেতুং তত্তেঽহং প্রবক্ষ্যামি নিবোধ তৎ ॥ 23 ॥ 4-31-23 (29632)
ন ৎবিয়ং সাধু বক্তব্যা তস্য নীতিঃ কথংচন ।
বৃদ্ধানুশাসনে তাত তিষ্ঠতঃ সত্যশীলিনঃ ॥ 24 ॥ 4-31-24 (29633)
অয়ুক্তং তু ময়া বক্তুং তুল্যা মে কুরুপাণ্ডবাঃ।
নিবাসং পাণ্ডুপুত্রাণাং সংচিন্ত্য চ বদাম্যহম্।
বহুনা কিং প্রলাপেন যতো ধর্মস্ততো জয়ঃ ॥ 25 ॥ 4-31-25 (29634)
অবশ্যং তু নিয়ুক্তেন সভামধ্যে বিবক্ষতা।
যথার্হমিহ বক্তব্যং সর্বথা ধর্মলিপ্সয়া ॥ 26 ॥ 4-31-26 (29635)
যত্র নাহং তথা মন্যে যথাঽন্যে মেনিরে জনাঃ।
নিবাসং পাণ্ডুপুত্রাণাং শৃণুষ্বং মনুজাধিপ ॥ 27 ॥ 4-31-27 (29636)
[ভ্রাতৃভিঃ সহিতো বীরৈঃ কৃষ্ণয়া চ মহায়শাঃ।
কিমর্থং স মহারাজো নাত্মশ্রেয়ো ভবিষ্যতি ॥ 28 ॥ 4-31-28 (29637)
পাণ্ডবো নিকৃতঃ পূর্বং যথাবদ্বিদিতং তব।
ক্লেশিতশ্চ পুরে নিত্যং রাজ্যকামৈশ্চ সাংপ্রতম্।
ছন্নশ্চরতি তস্মাৎস প্রকৃত্যা নীতিমান্নৃপঃ ॥ 29 ॥ 4-31-29 (29638)
বর্ষমেকং সুসংচ্ছন্নমুষ্য বাসমনুত্তমম্।
আয়াতি চোদয়ে কালে ক্ষিপ্রং দক্ষ্যসি পাণ্ডবং ॥ 30 ॥ 4-31-30 (29639)
সোদরৈঃ সহিতং বীরং দ্রৌপদ্যা চ পরংতপ।
সংবিধৎস্ব মহাবাহো যথা নঃ স্যাৎসুখোদয়ঃ ॥ 31 ॥ 4-31-31 (29640)
যস্মিন্স রাজা বসতি চ্ছন্নঃ সত্ৎবভৃতাংবরঃ।
ভবিষ্যন্তি নরাস্তত্র রাগমোহবিবর্জিতাঃ ॥ 32 ॥ 4-31-32 (29641)
নাধয়ো হি মহারাজ ন ব্যাধিঃ ক্ষত্রিয়র্ষভ]।
পুরে জনপদে বাঽপি যত্র রাজা যুধিষ্ঠিরঃ ॥ 33 ॥ 4-31-33 (29642)
দানশীলো বদান্যশ্চ নিভৃতো হ্রীনিষেবকঃ।
প্রিয়বাক্সত্যবাক্শূরো ধর্মশীলো জিতেন্দ্রিয়ঃ।
হৃষ্টঃ পুষ্টঃ শুচির্দক্ষো যত্র রাজা যুধিষ্ঠিরঃ ॥ 34 ॥ 4-31-34 (29643)
নাসূয়কো ন চাপীর্ষ্যুর্নাভিমানী ন মৎসরী।
ভবিষ্যতি জনস্তত্র স্বয়ং ধর্মমনুব্রতঃ ॥ 35 ॥ 4-31-35 (29644)
ব্রহ্মঘোষাশ্চ ভূয়াংসঃ পুণ্যশব্দাস্তথৈব চ।
ক্রতবশ্চ ভবিষ্যন্তি ভূয়াংসো ভূরিদক্ষিণাঃ ॥ 36 ॥ 4-31-36 (29645)
সদা চ তত্র পর্জন্যঃ সম্যগ্বর্ষী ন সংশয়ঃ ।
সংপন্নসস্যা চ মহী ভবিষ্যতি নিরাময়া ॥ 37 ॥ 4-31-37 (29646)
রসবন্তি চ ধান্যানি গুণবন্তি ফলানি চ।
গন্ধবন্তি চ মাল্যানি শুভশব্দা চ ভারতী ॥ 38 ॥ 4-31-38 (29647)
বায়ুশ্চ সুখসংস্পর্শো যত্র রাজা যুধিষ্ঠিরঃ ।
নীরোগাস্তত্র বিদ্যন্তে বধবন্ধা ন সন্তি চ ॥ 39 ॥ 4-31-39 (29648)
ন চোরা ন চ দণ্ডাশ্চ ন চ বাধা ভবন্ত্যুত।
নাশক্তা ন চ দুষ্টাশ্চ যত্র রাজা যুধিষ্ঠিরঃ ॥ 40 ॥ 4-31-40 (29649)
ভয়ং চ নাবিশেত্তত্র নিষ্প্রতীপং চ দর্শনম্।
বহুক্ষীরাস্তথা গাবঃ সুপুষ্টাশ্চ সুদোহনাঃ ॥ 41 ॥ 4-31-41 (29650)
পয়াংসি দধিসর্পীষি রসবন্তি হিতানি চ ।
সলিলানি প্রসন্নানি সর্বে ভাবাশ্চ শোভনাঃ ॥ 42 ॥ 4-31-42 (29651)
গুণবন্তি চ পানানি ভোজ্যানি বিবিধানি চ।
তত্র দেশে ভবিষ্যন্তি যত্র রাজা যুধিষ্ঠিরঃ ॥ 43 ॥ 4-31-43 (29652)
রসাঃ স্পর্শাশ্চ গন্ধাশ্চ শব্দাশ্চাপি গুণান্বিতাঃ।
দৃশ্যানি চ প্রসন্নানি যত্র রাজা যুধিষ্ঠিরঃ ॥ 44 ॥ 4-31-44 (29653)
ধর্মাশ্চ তত্র সর্বৈস্তু সেবিতাশ্চ দ্বিজাতিভিঃ।
স্বৈঃস্বৈর্গুণৈশ্চ সংয়ুক্তা কস্মিন্বর্ষে ত্রয়োদশে ।
দেশে তস্মিন্ভবিষ্যন্তি তত পাণ্ডবসংশ্রিতে ॥ 45 ॥ 4-31-45 (29654)
সংপ্রীতিমাঞ্জনস্তত্র সংতুষ্টঃ শুচিরব্যযঃ।
দেবতাতিথিভূয়াংস্তু সর্বভূতানুরাগবান্ ॥ 46 ॥ 4-31-46 (29655)
ইষ্টদানমহোৎসাহা নিত্যং ধর্মপরায়ণাঃ ।
ব্যক্তবাক্যাস্ততস্তাত শুভকল্যাণমঙ্গলাঃ ॥ 47 ॥ 4-31-47 (29656)
শুভৎবিষঃ শুভেচ্ছাশ্চ নিত্যতুষ্টাঃ শ্রিয়াঽন্বিতাঃ ।
ভবিষ্যন্তি জনাস্তত্র যত্র রাজা যুধিষ্ঠিরঃ ॥ 48 ॥ 4-31-48 (29657)
নিত্যোৎসবপ্রমুদিতো নিত্যহৃষ্টঃ শ্রিয়া বৃতঃ।
ভবিষ্যতি নিবাসোঽয়ং যত্র রাজা যুধিষ্ঠিরঃ ॥ 49 ॥ 4-31-49 (29658)
ধর্মজ্ঞঃ স তু দুর্জ্ঞেয়ঃ সর্বজ্ঞৈশ্চ দ্বিজাতিভিঃ।
কিংপুনঃ প্রাকৃতৈস্তাত পার্থো বিজ্ঞায়তে ক্বচিৎ ॥ 50 ॥ 4-31-50 (29659)
যস্মিন্সত্যং ধৃতির্দানং পরা শান্তির্ধ্রুবা ক্ষমা।
হ্রীঃ শ্রীঃ কীর্তিঃ পরং তেজ আনৃশংস্যমথার্জবম্ ॥ 51 ॥ 4-31-51 (29660)
তস্মান্নিবাসঃ পার্থানাং চিন্ত্যতাং যদ্ব্রবীমি বঃ ।
গতির্বা পরমা তত্র নোৎসহে বক্তুমন্যথা ॥ 52 ॥ 4-31-52 (29661)
এবমেতত্তু সংচিন্ত্য যৎকৃত্যং সাধু মন্যসে।
তৎক্ষিপ্রং কুরু কৌরব্য যদ্যেতচ্ছ্রদ্দধাসি মে।
কুলস্য হি ক্ষমং তাত যদহং প্রব্রবীমি তে ॥ 53 ॥ ॥ 4-31-53 (29662)
ইতি শ্রীমন্মহাভারতে বিরাটপর্বণি গোগ্রহণপর্বণি একত্রিংশোঽধ্যায়ঃ ॥ 31 ॥
বিরাটপর্ব - অধ্যায় 032
॥ শ্রীঃ ॥
4.32. অধ্যায়ঃ 032
Mahabharata - Virata Parva - Chapter Topics
দুর্যোধনেন কীচকবধস্য ভীমসেনকৃতৎবসংভাবনয়া পাণ্ডবানাং তত্র স্থিতিসংভাবনা ॥ 1 ॥ তথা ভীষ্মাদ্যনুমত্যা সুশর্মণো বিরাটনগরংপ্রতি প্রেষণম্ ॥ 2 ॥ সুশর্মণা বিরাটনগরমেত্য দক্ষিণভাগে গোগ্রহম্ ॥ 3 ॥Mahabharata - Virata Parva - Chapter Text
4-32-0 (29663)
বৈশম্পায়ন উবাচ। 4-32-0x (3123)
ততঃ শারদ্বতো বাক্যমিত্যুবাচ কৃতস্তদা।
যুক্তং প্রাপ্তং চ বৃদ্ধেন পাণ্ডবান্প্রতি ভাপিতম্ ॥ 1 ॥ 4-32-1 (29664)
ধর্মার্থসহিতং শ্লক্ষ্ণং সর্বং সত্যং সহেতুকম্।
তত্রানুরূপং ভীষ্মস্য মমাপি বচনং শৃণু ॥ 2 ॥ 4-32-2 (29665)
তেষাং চৈব গতিস্তত্র র্নিবাসশ্চানুচিন্ত্যতাম্ ।
নীতির্বিধীয়তাং তত্র সাংপ্রতং যা হিতা ভবেৎ ॥ 3 ॥ 4-32-3 (29666)
নাবজ্ঞেয়ো রিপুস্তাত প্রাকৃতোঽপি বুভূষতা।
কিং পুনঃ পাণ্ডবাঃ শূরা বিদ্বাংসো বলিনস্তথা ॥ 4 ॥ 4-32-4 (29667)
তস্মাৎসত্রং প্রবিষ্টেষু পাণ্ডবেষু মহাত্মসু ।
গূঢভাবেষু ছন্নেষু কালে চোদয়মাগতে ॥ 5 ॥ 4-32-5 (29668)
স্বরাষ্ট্রে পররাষ্ট্রে চ জ্ঞাতব্যং বলমাত্মনঃ ।
উদয়ঃ পাণ্ডবানাং চ প্রাপ্তকালো ন সংশয়ঃ ॥ 6 ॥ 4-32-6 (29669)
নিবৃত্তসময়াঃ পার্থা মহাত্মানো মহাবলাঃ ।
মহোৎসাহা ভবিষ্যন্তি পাণ্ডবা হ্যমিতৌজসঃ ॥ 7 ॥ 4-32-7 (29670)
তস্মাদ্বলং চ কোশং চ নাতিশ্চাপি বিধীয়তাম্।
যথা কালোদয়ে প্রাপ্তে সম্যক্ তৈঃ সংদধামহে ॥ 8 ॥ 4-32-8 (29671)
যত্র যন্মন্যসে শ্রেয়ো বুধ্যস্ব বলমাত্মনঃ ।
নিয়তং সর্বমিত্রেষু বলবৎস্ববলেষু চ ॥ 9 ॥ 4-32-9 (29672)
সারং ফল্গু বলং জ্ঞাৎবা মধ্যস্থং চাপি ভারত ।
স্বরাষ্ট্রপররাষ্ট্রেষু জ্ঞাতব্যং বলমাত্মনঃ ॥ 10 ॥ 4-32-10 (29673)
অপ্রহৃশষ্টং প্রাহৃষ্টং বা সংদধাম তথা পরৈঃ ।
সাম্না দানেন ভেদেন দণ্ডেন বলিকর্মণা ॥ 11 ॥ 4-32-11 (29674)
ন্যায়েনাক্রম্য চ পরান্বলাচ্চানম্য দুর্বলান্ ।
সান্ৎবয়িৎবা চ মিত্রাণি বলং চাভাষ্যতাং সুখম্ ॥ 12 ॥ 4-32-12 (29675)
স্বকোশবলসংবৃদ্ধঃ সম্যক্সিদ্ধিমবাপ্স্যসি ।
যোৎস্যসে চাপি বলিভিররিভিঃ প্রত্যুপস্থিতৈঃ।
অন্যৈস্ৎবং পাণ্ডবৈর্বাঽপি হীনৈঃ স্ববলবাহনৈঃ ॥ 13 ॥ 4-32-13 (29676)
এবং সর্বং বিনিশ্চিত্য ব্যবহর্তাসি ন্যায়তঃ।
যথাকালং মনুষ্যেন্দ্র চিরং সুখমবাপ্স্যসি ॥ 14 ॥ 4-32-14 (29677)
ভীষ্মাদ্রোণকৃপৈরুক্তে কর্ণদুঃশাসনাদিভিঃ।
ততো দুর্যোধনো বাক্যং শ্রুৎবা তেষাং মহাত্মনাম্ ।
মুহূর্তমনুসংচিন্ত্য সচিবানিদমব্রবীৎ ॥ 15 ॥ 4-32-15 (29678)
শ্রুতমেতন্ময়া পূর্বং কথাসু জনসংসদি।
ধীরাণাং শাস্ত্রবিদুষাং প্রাজ্ঞানাং মতিনিশ্চয়ে ।
কৃতিনাং সারফল্গুৎবে জানামি নয়চক্ষুষা ॥ 16 ॥ 4-32-16 (29679)
সৎবে বাহুবলে ধৈর্যে প্রাণে শারীরসংভবে।
সাংপ্রতং মানুষে লোকে সদৈত্যনররাক্ষসে ॥ 17 ॥ 4-32-17 (29680)
চৎবারস্তু নরব্যাঘ্রা বলে শক্রোপমা ভুবি।
উত্তমাঃ প্রাণিনাং তেষাং নাস্তি কশ্চিদ্বলে মমঃ ॥ 18 ॥ 4-32-18 (29681)
বলদেবশ্চ ভীমশ্চ মদ্ররাজশ্চ বীর্যবান্ ।
চতুর্থঃ কীচকস্তেষাং পঞ্চমং নানুশুশ্রুমঃ ॥ 19 ॥ 4-32-19 (29682)
অন্যোন্যানন্তরবলাঃ পরস্পরজয়ৈপিণঃ।
বাহূয়ুদ্ধমভীপ্সন্তো নিত্যং সংরব্ধমানসাঃ ॥ 20 ॥ 4-32-20 (29683)
তেনাহমবগচ্ছামি প্রত্যযেন বৃকোদরম্।
মনস্যভিনিবিষ্টং মে ব্যক্তং জীবন্তি পাণ্ডবাঃ ॥ 21 ॥ 4-32-21 (29684)
তত্রাহং কীচকং মন্যে ভীমসেনেন মারিতম্।
সৈরন্ধ্রীং দ্রৌপদীং মন্যে নাত্র কার্যা বিচারণা ॥ 22 ॥ 4-32-22 (29685)
শঙ্কে কৃষ্ণানিমিত্তং তু ভীমসেনেন কীচকঃ।
গন্ধর্বব্যপদেশেন হতো নিশি মহাবলঃ ॥ 23 ॥ 4-32-23 (29686)
কো হি শক্তঃ পরো ভীমাৎকীচকং হন্তুমোজসা ।
শস্ত্রং বিনা বাহুবলাত্তথা সর্বাঙ্গচূর্ণনে ॥ 24 ॥ 4-32-24 (29687)
মর্দিতুং বা তথা তীব্রং চর্মমাংসাস্থিচূর্ণনম্ ।
রূপমন্যৎসমাস্থায় ভীমস্যৈতদ্বিচেষ্টিতম্ ॥ 25 ॥ 4-32-25 (29688)
ধ্রুবং কৃষ্ণানিমিত্তং তু ভীমসেনেন সূতজাঃ ।
গন্ধর্বব্যপদেশেন হতা নিশি ন সংশয়ঃ ॥ 26 ॥ 4-32-26 (29689)
পিতামহেন যে চোক্তা দেশস্য চ জনস্য চ।
গুণাস্তে মৎস্যরাষ্ট্রেষু বহুশোঽপি ময়া শ্রুতাঃ ॥ 27 ॥ 4-32-27 (29690)
বিরাটনগরে মন্যে পাণ্ডবাশ্ছন্নচারিণঃ।
নিবসন্তি পুরে রম্যে তত্র যাত্রা বিধীয়তাম্ ॥ 28 ॥ 4-32-28 (29691)
মৎস্যরাষ্ট্রং গমিষ্যামো গ্রহীষ্যামশ্চ গোধনম্।
গৃহীতে গোধনে নূনং তেঽপি যোৎস্যন্তি পাণ্ডবাঃ॥ 29 ॥ 4-32-29 (29692)
অপূর্ণে সময়ে চাপি যদি পশ্যেম পাণ্ডবান্।
দ্বাদশান্যানি বর্ষাণি প্রবেক্ষ্যন্তি পুনর্বনম্ ॥ 30 ॥ 4-32-30 (29693)
তস্মাদন্যতরেণাপি লাভোঽস্মাকং ভবিষ্যতি।
কোশবৃদ্ধিরিহাস্মাকং শত্রূণাং নিধনং ভবেৎ ॥ 31 ॥ 4-32-31 (29694)
কথং সুয়োধনং গচ্ছেদ্যুধিষ্ঠিরভৃতঃ পুরা।
এতচ্চাপি বদত্যেষ মাৎস্যঃ পরিভবান্ময়ি ॥ 32 ॥ 4-32-32 (29695)
তস্মাৎকর্তব্যমেতদ্বৈ তত্র যাত্রা বিধীয়তাম্।
এতৎসুনীতং মন্যেঽহং সর্বেষাং যদি রোচতে ॥ 33 ॥ 4-32-33 (29696)
বৈশম্পায়ন উবাচ। 4-32-34x (3124)
ততো রাজা ত্রিগর্তানাং সুশর্মা রথয়ূথপঃ।
পূর্বমাভাষ্য কর্ণেন তথা দুঃশাসনেন চ।
প্রাপ্তকালমিদং বাক্যমুবাচ ৎবরিতো বলী ॥ 34 ॥ 4-32-34 (29697)
অসকৃন্নিকৃতঃ পূর্বং মাৎস্যসাল্বেয়কেকয়ৈঃ ।
সূতেনৈব চ মাৎস্যস্য কীচকেন পুনঃ পুনঃ ॥ 35 ॥ 4-32-35 (29698)
বাধিতো বন্ধুভিঃ সার্ধং বলাদ্বলবতা বিভো।
স কর্ণমভিবীক্ষ্যাথ দুর্যোধনমভাষত ॥ 36 ॥ 4-32-36 (29699)
রাষ্ট্রং মমাসকৃদ্রাজন্রাজ্ঞা মাৎস্যেন বাধিতম্ ॥ 37 ॥ 4-32-37 (29700)
প্রণেতা কীচকস্তস্য বলোৎসিক্তোঽভবন্পুরা।
অমর্ষী দুর্জয়ো জেতা প্রখ্যাতবলপৌরুষঃ ।
স হতস্তত্র গন্ধর্বৈঃ পাপকর্মা নৃশংসকৃৎ ॥ 38 ॥ 4-32-38 (29701)
তস্মিন্বিনিহতে রাজন্হীনদর্পো নিরাশ্রয়ঃ।
ভবিষ্যতি নিরুৎসাহো বিরাট ইতি মে মতিঃ ॥ 39 ॥ 4-32-39 (29702)
তত্র যাত্রা মম মতা যদি তে রোচতেঽনঘ।
কৌরবাণাং চ সর্বেষাং কর্ণস্য চ মহাত্মনঃ ॥ 40 ॥ 4-32-40 (29703)
এতৎকার্যমহং মন্যে পরমাত্যযিকং মহৎ।
রাষ্ট্রং তস্যাভিয়াস্যামো ধনধান্যসমাকুলম্ ॥ 41 ॥ 4-32-41 (29704)
আদদামোঽস্য রত্নানি বিবিধানি বসূনি চ।
গ্রামান্রাষ্ট্রাণি বা তস্য হরিষ্যামো বিভাগশঃ ॥ 42 ॥ 4-32-42 (29705)
অথবা গোসহস্রাণি বহূনি শুভদর্শন।
বিবিধানি হরিষ্যামঃ প্রতীপীড্য পুরং বলাৎ ॥ 43 ॥ 4-32-43 (29706)
কৌরবৈঃ সহ সংগময় ত্রিগর্তৈশ্চ বিশাংপতে।
গাস্তস্যাপহরিষ্যামঃ সহ সর্বৈর্মহারথৈঃ ॥ 44 ॥ 4-32-44 (29707)
সন্ধিং বা তেন কৃৎবা তু নিবধ্নীমোঽস্য পৌরুষম্।
হৎবা চাস্য চমূং কৃৎস্নাং বশমেবানয়ামহে ॥ 45 ॥ 4-32-45 (29708)
তং বশে ন্যায়তঃ কৃৎবা সুখং বৎস্যামহে বয়ম্।
ভবতাং বলবৃদ্ধিশ্চ ভবিষ্যতি ন সংশয়ঃ ॥ 46 ॥ 4-32-46 (29709)
বৈশম্পায়ন উবাচ। 4-32-47x (3125)
তচ্ছ্রুৎবা বচনং তস্য কর্ণো রাজানমব্রবীৎ ॥ 47 ॥ 4-32-47 (29710)
সূক্তং সুশর্মণা বাক্যং প্রাপ্তকালমিদং বচঃ।
তস্মাৎক্ষিপ্রং বিনির্যামো যোজয়িৎবা বরূথিনীং ॥ 48 ॥ 4-32-48 (29711)
যদেতত্তেঽভিরুচিতং মম চৈতদ্ধি রোচতে।
প্রবিভজ্য চ সৈন্যানি যথা বা মন্যতে ভবান্ ॥ 49 । 4-32-49 (29712)
প্রজ্ঞাবান্কুলবৃদ্ধশ্চ সর্বেষাং নঃ পিতামহঃ।
আচার্যশ্চ কৃপো বিদ্বাঞ্শকুনিশ্চাপি সৌবলঃ ॥ 50 ॥ 4-32-50 (29713)
মন্যন্তে তে যথা সর্বে তথা যাত্রা বিধীয়তাম্।
সংমন্ত্র্য চাশু গচ্ছামঃ সাধনার্থং মহীপতে ॥ 51 ॥ 4-32-51 (29714)
কিংনু নঃ পাণ্ডবৈঃ কার্যং হীনার্থবলপৌরুষৈঃ।
অত্যন্তং হি প্রনষ্টাস্তে প্রাপ্তা বাঽপি যমক্ষয়ম্ ॥ 52 ॥ 4-32-52 (29715)
তদ্ভবাংশ্চতুরঙ্গেণ বলেন মহতা বৃতঃ।
বিরাটনগরং যাতু সর্বসৈন্যেন ভারত।
আদাস্যামোঽথ গাস্তস্য বিবিধানি বসূনি চ ॥ 53 ॥ 4-32-53 (29716)
বৈশম্পায়ন উবাচ। 4-32-54x (3126)
ততো দুর্যোধনো রাজা বচঃ শ্রুৎবা তু তস্য তৎ।
বৈকর্তনস্য কর্ণস্য ক্ষিপ্রমাজ্ঞাপয়ৎস্বয়ম্।
শাসনে নিত্যযুক্তং তু দুঃশাসনমনন্তরম্ ॥ 54 ॥ 4-32-54 (29717)
দুর্যোধন উবাচ। 4-32-55x (3127)
সহ বৃদ্ধৈস্তু সংমন্ত্র্য ক্ষিপ্রং যোজয় বাহিনীম্।
যথোদ্দেশং তু গচ্ছামঃ সহিতাঃ সর্বকৌরবৈঃ ॥ 55 ॥ 4-32-55 (29718)
সুশর্মা তু যথোদ্দিষ্টং দেশং যাতু মহারথঃ।
ত্রিগর্তৈঃ সহিতঃ সর্বৈঃ প্রখ্যাতবলপৌরুষৈঃ।
প্রাগেব হি সুসংয়ত্তো বিরাটনগরং প্রতি ॥ 56 ॥ 4-32-56 (29719)
জঘন্যতো বয়ং তত্র যাস্যামো দিবসান্তরে।
বিষয়ং মৎস্যরাজস্য সুসমৃদ্ধং সুসংহিতম্ ॥ 57 ॥ 4-32-57 (29720)
সুশর্মণা গৃহীতে তু মৎস্যরাজস্য গোধনে।
বিরাটঃ সৈন্যমাদায় ত্রিগর্তৈঃ সহ যোৎস্যতি ॥ 58 ॥ 4-32-58 (29721)
অপরং দিবসং গাস্তু তত্র গৃহ্ণন্তু কৌরবাঃ।
গবার্থে পাণ্ডবাস্তত্র যোৎস্যন্তি কুরুভিঃ সহ ॥ 59 ॥ 4-32-59 (29722)
তথা গৎবা যথোদ্দেশং বিরাটনগরান্তিকে।
ক্ষিপ্রং গোষ্ঠং সমাসাদ্য গৃহ্ণন্তু বিপুলং ধনম্ ॥ 60 ॥ 4-32-60 (29723)
গবাং শতসহস্রাণি শ্রীমন্তি গুণবন্তি চ।
বয়মস্য নিগৃহ্ণীমো দ্বিধা কৃৎবা চ বাহিনীম্ ॥ 61 ॥ 4-32-61 (29724)
বৈশম্পায়ন উবাচ। 4-32-62x (3128)
তে স্ম গৎবা যথোদ্দিষ্টং দেশং মৎস্যমহীপতেঃ।
সংনদ্ধা রথিনঃ সর্বে সপতাকা বলোৎকটাঃ।
প্রতিবৈরং চিকীর্ষন্তো গোষু গৃদ্ধা মহাবলাঃ ॥ 62 ॥ 4-32-62 (29725)
আদত্ত গাঃ সুশর্মাঽথ কৃষ্ণপক্ষস্য চাষ্টমীম্ ॥ 63 ॥ 4-32-63 (29726)
অপরে দিবসে সর্বে রাজন্সংভূয় কৌরবাঃ।
নবম্যাং তে ন্যগৃহ্ণন্ত গোকুলানি সহস্রশঃ।
কৌরবাস্তু মহাবীর্যা মৎস্যানাং বিষয়ান্তরে ॥ 64 ॥ ॥ 4-32-64 (29727)
ইতি শ্রীমন্মহাভারতে বিরাটপর্বণি গোগ্রহণপর্বণি দ্বাত্রিংশোঽধ্যায়ঃ ॥ 32 ॥
Mahabharata - Virata Parva - Chapter Footnotes
4-32-31 তস্মাদনন্তরেণাপি লাভোঽস্মাকমিতি ধo পাঠঃ। তস্মাৎ গোগ্রহণাত অনন্তরেণ যুদ্ধায়াগতপাণ্ডবদর্শনেন ॥ 31 ॥ 4-32-32 যুধিষ্ঠিরভৃতঃ যুধিষ্ঠিরো ভৃতো যেন বিরাটেনেতি বহুব্রীহিঃ ॥ 32 ॥ 4-32-63 কৃষ্ণপক্ষস্য সপ্তমীমিতি অষ্টভ্যাং তেঽন্যগৃহ্ণন্তেতি চo থo পাঠঃ ॥ 63 ॥ 4-32- 64 বিষয়ান্তরে উত্তরভাগে ॥ 64 ॥বিরাটপর্ব - অধ্যায় 033
॥ শ্রীঃ ॥
4.33. অধ্যায়ঃ 033
Mahabharata - Virata Parva - Chapter Topics
গোপৈর্দুতৄতরমাদ্রুত্য বিরাটংপ্রতি সুশর্মণা গোগহণনিবেদনম্ ॥ 1 ॥ বিরাটাদিভির্যুদ্ধায় নির্গমোদ্যমঃ ॥ 2 ॥ যুধিষ্ঠিরেণ বিরাটংপ্রতি স্বেষাং যুদ্ধকৌশলনিবেদনেন ভ্রাতৃভিঃ সহ সমরাভিয়ানম্ ॥ 3 ॥Mahabharata - Virata Parva - Chapter Text
4-33-0 (29728)
বৈশম্পায়ন উবাচ। 4-33-0x (3129)
ততস্তেষাং মহারাজ তত্রৈবামিততেজসাম্।
ছদ্মলিঙ্গপ্রবিষ্টানাং পাণ্ডবানাং মহাত্মনাম্ ॥ 1 ॥ 4-33-1 (29729)
ব্যতীতঃ সময়ঃ সম্যগ্বিরাটনগরে সতাম্।
কুর্বতাং তস্য কর্মাণি বীরাটস্য মহীপতেঃ ॥ 2 ॥ 4-33-2 (29730)
কীচকে তু হতে রাজা বিরাটঃ পরবীরহা।
পরাং সংভাবনাং চক্রে কুন্তীপুত্রে যুধিষ্ঠিরে ॥ 3 ॥ 4-33-3 (29731)
ততস্ত্রয়োদশস্বান্তে তস্য বর্ষস্য ভারত।
শুশর্মণা গৃহীতং তু গোধনং তরসা বহু ॥ 4 ॥ 4-33-4 (29732)
ততঃ শব্দো মহানাসীদ্রেণুশ্চ দিবমস্পৃশৎ।
শঙ্খদুন্দুভিঘোষশ্চ ভেরীণাং চ মহাস্বনঃ।
গবাশ্বরথনাগানাং নিশ্বনশ্চ পদাতিনাম্ ॥ 5 ॥ 4-33-5 (29733)
এবং তৈস্ৎবভিনির্যায় মৎস্যরাজস্য গোধনে।
ত্রিগর্তৈর্গৃহ্যমাণে তু গোপালাঃ প্রত্যষেধয়ন্ ॥ 6 ॥ 4-33-6 (29734)
অথ ত্রিগর্তা বহবঃ পরিগৃহ্য ধনং বহু ।
পরিক্ষিপ্য হয়ৈঃ শীঘ্রৈ রথব্রাতৈশ্চ ভারত।
গোপালান্প্রত্যযুধ্যন্ত রণে কৃৎবা জয়ে ধৃতিম্ ॥ 7 ॥ 4-33-7 (29735)
তে হন্যমানা বহুভিঃ প্রাসতোমরপাণিভিঃ ।
গোপালা গোকুলে ভক্তা বারয়ামাসুরোজসা ॥ 8 ॥ 4-33-8 (29736)
পরশ্বথৈশ্চ মুসলৈর্ভিণ্ডিপালৈশ্চ মুদ্গরৈঃ।
গোপালাঃ কর্ষণৈশ্চিত্রৈর্জঘ্নুরশ্বান্সমন্ততঃ ॥ 9 ॥ 4-33-9 (29737)
তে হন্যমানাঃ সংক্রুদ্ধাস্ত্রিগর্তা রথয়োধিনঃ ।
বিসৃজ্য শরবর্ষণি গোপানদ্রাবয়ন্বলাৎ ॥ 10 ॥ 4-33-10 (29738)
হন্যমানেষু গোপেষু বিমুখেষু বিশাংপতে।
ততো যুবানঃ সংভীতাঃ শ্বসন্তো রেণুগুণ্ঠিতাঃ ॥ 11 ॥ 4-33-11 (29739)
জবেন মহতা চৈব গোপালাঃ পুরমাব্রজন্।
বিরাটনগরং প্রাপ্য নরা রাজানমব্রুবন্ ॥ 12 ॥ 4-33-12 (29740)
সভায়াং রাজশার্দূলমাসীনং পাণ্ডবৈঃ সহ।
শূরৈঃ পরিবৃতং যোধৈঃ কুণ্ডলাঙ্গদধারিভিঃ ॥ 13 ॥ 4-33-13 (29741)
সদ্ভিশ্চ পণ্ডিতৈঃ সার্ধং মন্ত্রিভিশ্চাপি সংবৃতম্ ।
দৃষ্ট্বা শীঘ্রং তু গোপালা বিরাটমিদমব্রবন্ ॥ 14 ॥ 4-33-14 (29742)
অস্মান্যুধি বিনির্জিত্য পরিভূয় সবান্ধবান্।
ষষ্টিং গবাং সহস্রাণি ত্রিগর্তাঃ কালয়ন্তি ।
তা নিবর্তয় রাজেন্দ্র মা নেশুঃ পশবস্তব ॥ 15 ॥ 4-33-15 (29743)
বৈশম্পায়ন উবাচ। 4-33-16x (3130)
শ্রুৎবা তু বচনং তেষাং গোপালানামরিংদমঃ।
স রাজা মহতীং সেনাং মাৎস্যানাং সমবাহয়ৎ।
রথনাগাশ্বকলিলাং পত্তিধ্বজসমাকুলাম্ ॥ 16 ॥ 4-33-16 (29744)
রাজানো রাজপুত্রাশ্চ তনুত্রাণ্যথ ভেজিরে।
ভানুমন্তি বিবাতানি সূপসেব্যানি ভাগশঃ ॥ 17 ॥ 4-33-17 (29745)
পৃথক্কাঞ্চনসন্নাহান্রথেষ্বশ্বানয়োজয়ন্ ।
উৎকৃষ্য পাশান্মৌর্বীণাং শূরাশ্চাপেষ্বয়োজয়ন্ ॥ 18 ॥ 4-33-18 (29746)
দৃঢমায়সগর্ভং তু কবচং তপ্তকাঞ্চনম্ ।
বিরাটস্য প্রিয়ো ভ্রাতা শতানীকোঽভ্যহারয়ৎ ॥ 19 ॥ 4-33-19 (29747)
সর্বভারসহং বর্ম কল্যাণপটলং দৃঢম্।
শতানীকাদবরজো মদিরাক্ষোঽভ্যহারয়ৎ ॥ 20 ॥ 4-33-20 (29748)
উৎসেধে যস্য পদ্মানি শতং সৌগন্ধিকানি চ।
মৃষ্টহাটকপর্যন্তং সূর্যদত্তোঽভ্যহারয়ৎ ॥ 21 ॥ 4-33-21 (29749)
দৃঢমায়সগর্ভং চ শ্বেতং রুক্মপরিষ্কৃতম্।
বিরাটস্য সুতো জ্যেষ্ঠো বীরঃ শঙ্খোঽভ্যহারয়ৎ ॥ 22 ॥ 4-33-22 (29750)
শতসূর্যং শতাবর্তং শতবিন্দু শতাক্ষিমৎ।
অভেদ্যকল্পং মৎস্যানাং রাজা কবচমাহরৎ ॥ 23 ॥ 4-33-23 (29751)
ততো নানাতনুত্রাণি স্বানিস্বানি মহাবলাঃ।
যুয়ুৎসবোঽভ্যনহ্যন্ত দেবকল্পাঃ প্রহারিণঃ ॥ 24 ॥ 4-33-24 (29752)
সোপস্করেষু শুভ্রেষু মহৎসু চ মহারথাঃ ।
পৃথক্কাঞ্চনসন্নাহান্রথেষ্বশ্বানয়োজয়ন্ ॥ 25 ॥ 4-33-25 (29753)
সূর্যচন্দ্রপ্রতীকাশে মণিহেমবিভূষিতে।
মহাপ্রমাণং মৎস্যস্য ধ্বজমুচ্ছ্রিয়তে রথে ॥ 26 ॥ 4-33-26 (29754)
ধ্বজান্বহুবিধাকারান্সৌবর্ণান্হেমমালিনঃ।
যথাস্বং ক্ষত্রিয়াঃ শূরা রথেষু সময়োজয়ন্ ॥ 27 ॥ 4-33-27 (29755)
রথেষু যুজ্যমানেষু কঙ্কো রাজানমব্রবীৎ ।
ময়া হ্যস্রং চতুর্বর্গমবাপ্তমৃষিসত্তমাৎ ॥ 28 ॥ 4-33-28 (29756)
দংশিতো রথমাস্থায় পদং নির্যাম্যহং গবাম্।
অয়ং চ বলবাঞ্ছরো বললো দৃশ্যতেঽনঘ ॥ 29 ॥ 4-33-29 (29757)
গোসঙ্খ্যমশ্ববন্ধং চ সংয়োজয় রথেষু বৈঃ।
নৈতেন জাতু যুধ্দ্যেয়ুর্গবার্থমিতি মে মতিঃ ॥ 30 ॥ 4-33-30 (29758)
বৈশম্পায়ন উবাচ। 4-33-31x (3131)
অথ মাৎস্যোঽব্রবীদ্রাজা শতানীকং জঘন্যজম্।
কঙ্কশ্চ বললঃ সূদো দামগ্রন্থিশ্চ বীর্যবান্ ॥ 31 ॥ 4-33-31 (29759)
তন্ত্রিপালশ্চ গোসঙ্খ্যো যথা তে পুরুষর্ষভাঃ ।
শূরাঃ সুবীরাঃ পুরুষা নাগরাজবরোপমাঃ ।
যুদ্ধ্যেয়ুরিতি মে বুদ্ধির্বর্ততে নাত্র সংশয়ঃ ॥ 32 ॥ 4-33-32 (29760)
এতেপামপি দীয়ন্তাং রথা ধ্বজপতাকিনঃ।
কবচানি বিচিত্রাণি দৃঢানি চ লঘূনি চ ॥ 33 ॥ 4-33-33 (29761)
প্রতিমুঞ্চন্তু গাত্রেষু দীয়ন্তামায়ুধানি চ ।
নেমে জাতু ন যুদ্ধ্য্রেয়ুরিতি মে ধীয়তে মতিঃ ॥ 34 ॥ 4-33-34 (29762)
বৈশম্পায়ন উবাচ। 4-33-35x (3132)
তচ্ছ্রুৎবা নৃপতের্বাক্যং শীঘ্রং ৎবরিতমানসঃ।
শতানীকঃ স পার্থভ্যো রথান্রাজন্সমাদিশৎ ॥ 35 ॥ 4-33-35 (29763)
সহদেবায় রাজ্ঞে চ ভীমায় নকুলায় চ।
তান্দৃষ্ট্বা সহসা সূতা রাজভক্তিপুরস্কৃতাঃ ॥ 36 ॥ 4-33-36 (29764)
নির্দিষ্টা নরদেবেন রথাঞ্ছীঘ্রময়োজয়ন্।
কবচানি বিচিত্রাণি নবানি চ দৃঢানি চ॥ 37 ॥ 4-33-37 (29765)
বিরাটঃ প্রদদৌ যানি তেষামক্লিষ্টকর্মণাম্।
তান্যামুচ্য শরীরেষু দংশিতাস্তে মহারথাঃ ॥ 38 ॥ 4-33-38 (29766)
তরস্বিনশ্ছন্নরূপাঃ সর্বশস্ত্রবিশারদাঃ ।
রথান্হেমপরিষ্কারান্সমাস্থায় মহারথাঃ।
পাণ্ডবা নির্যযুর্হৃষ্টা দংশিতা রাজসত্তম ॥ 39 ॥ 4-33-39 (29767)
বিরাটমন্বয়ুঃ পশ্চাৎসহিতাঃ কুরুপুঙ্গবাঃ।
চৎবারো ভ্রাতরঃ শূরাঃ পাণ্ডবাঃ সত্যবিক্রমাঃ ॥ 40 ॥ 4-33-40 (29768)
দীর্ঘানাং চ দৃঢানাং চ ধনুষাং তে যথাবলম্।
উৎকৃষ্য পাশান্মৌর্বীণাং বীরাশ্চাপেষ্বয়োজয়ন্ ॥ 41 ॥ 4-33-41 (29769)
ততঃ সুবাসসঃ সর্বে বীরাশ্চন্দনরূষিতাঃ ।
চোদিতা নরদেবেন ক্ষিপ্রমশ্বানচোদয়ন্ ॥ 42 ॥ 4-33-42 (29770)
তে হয়া হেমসংচ্ছন্না বৃহন্তঃ সাধুবাহিনঃ ।
চোদিতাঃ প্রত্যদৃশ্যন্ত পত্রিণামিব পঙ্ক্তয়ঃ ॥ 43 ॥ 4-33-43 (29771)
ভীমরূপাশ্চ মাতঙ্গাঃ প্রভিন্নকরটামুখাঃ।
স্বারূঢা যুদ্ধকুশলৈর্মহামাত্রাধিরোহিতাঃ ॥ 44 ॥ 4-33-44 (29772)
ক্ষরন্ত ইব জীমূতাঃ সুদন্তাঃ ষাষ্টিহায়নাঃ ।
রাজানমন্বয়ুঃ পশ্চাৎক্রামন্ত ইব পর্বতাঃ ॥ 45 ॥ 4-33-45 (29773)
দৃঢায়ুধজনাকীর্ণং রথাশ্বগজসংকুলম্ ।
তদ্বলাগ্রং বিরাটস্য শক্রস্যেব তদা বভৌ ॥ 46 ॥ 4-33-46 (29774)
তং প্রয়ান্তং মহারাজ নিনীষন্তং গবাং পদম্।
বিশারদানাং বৈশ্যানাং প্রকৃষ্টানাং তদা নৃপ ॥ 47 ॥ 4-33-47 (29775)
বিংশতিস্তু সহস্রাণি নরাণামনুয়ায়িনাম্।
অষ্টৌ রথসহস্রাণি দশ নাগশতানি চ ।
বিংশচ্চাশ্বসহস্রাণি মাৎস্যানাং ৎবরিতং যয়ুঃ ॥ 48 ॥ 4-33-48 (29776)
তদনীকং বিরাটস্য শুশুভেঽতীব ভারত।
বসন্তে বহুপুষ্পাঢ্যং কাননং চিত্রিতং যথা ॥ 49 ॥ ॥ 4-33-49 (29777)
ইতি শ্রীমন্মহাভারতে বিরাটপর্বণি গোগ্রহাণপর্বণি ত্রয়স্ত্রিংশোঽধ্যায়ঃ ॥ 33 ॥
বিরাটপর্ব - অধ্যায় 034
॥ শ্রীঃ ॥
4.34. অধ্যায়ঃ 034
Mahabharata - Virata Parva - Chapter Topics
বিরাটসুশর্মসৈন্যযৌর্যুদ্ধম্ ॥ 1 ॥ যুধিষ্ঠিরাদিনিহতানাং পরিসহ্খ্যানম্ ॥ 2 ॥ বিরাটসুশর্মণোর্যুদ্ধম্ ॥ 3 ॥Mahabharata - Virata Parva - Chapter Text
4-34-0 (29778)
বৈশম্পায়ন উবাচ। 4-34-0x (3133)
নির্যায় নগরাচ্ছূরা ব্যূঢানীকাঃ প্রহারিণঃ।
ত্রিগর্তানস্পৃশন্মাৎস্যাঃ মূর্যেঽস্তংগমিতে সতি ॥ 1 ॥ 4-34-1 (29779)
তে ত্রিগর্তাশ্চ মাৎস্যাশ্চ ব্যূঢানীকাঃ প্রহারিণঃ।
অন্যোন্যমভিবর্তন্তে গোষু গৃদ্ধা মহাবলাঃ ॥ 2 ॥ 4-34-2 (29780)
ভীমাশ্চ মত্তমাতঙ্গাস্তোমরাঙ্কুশচোদিতাঃ।
গ্রামণীয়ৈঃ সমারূঢাঃ কুশলৈর্হস্তিসাদিভিঃ ॥ 3 ॥ 4-34-3 (29781)
তেষাং সমাগমো ঘোরস্তুমুলো রোমহর্ষণঃ।
ঘ্নতাং পরস্পরং রাজন্যমরাষ্ট্রবিবর্ধনঃ ॥ 4 ॥ 4-34-4 (29782)
দেবাসুরসমো রাজন্নাসীৎসূর্যেঽবলম্বতি ।
পদাতিরথনাগেন্দ্রহয়ারোহবলৌঘবান্ ॥ 5 ॥ 4-34-5 (29783)
অন্যোন্যমভ্যাপততাং নিঘ্নতাং চেতরেতরম্ ।
উদতিষ্ঠদ্রজো ভৌমং ন প্রাজ্ঞায়ত কিংচন ॥ 6 ॥ 4-34-6 (29784)
পক্ষিণশ্চাপতন্ভূমৌ সৈন্যেন রজসা বৃতাঃ ।
ইষুভির্ব্যতিসর্পদ্ভিরাদিত্যোঽন্তরধীয়ত ॥ 7 ॥ 4-34-7 (29785)
খদ্যোতৈরিব সংয়ুক্তমন্তরিক্ষমজায়ত॥ 8 ॥ 4-34-8 (29786)
রুক্মপৃষ্ঠানি চাপানি বিচেরুর্বিদ্যুতো যথা ।
নর্দতাং লোকবীরাণাং সব্যং দক্ষিণমস্যতাম্ ॥ 9 ॥ 4-34-9 (29787)
রথা রথৈঃ সমাজগ্মুঃ পত্তয়শ্চ পদাতিভিঃ ।
সাদিনঃ সাদিভির্জগ্মুর্গজৈশ্চাপি মহাগজাঃ ॥ 10 ॥ 4-34-10 (29788)
অসিভিঃ পট্টসৈশ্চাপি শক্তিভিস্তোমরৈরপি ।
সংরব্ধাঃ সমরে যোধা নিজঘ্নুরিতরেতরম্ ॥ 11 ॥ 4-34-11 (29789)
নিঘ্নন্তঃ সমরেঽন্যোন্যং হৃষ্টাঃ পরিঘপাণয়ঃ ।
ন শেকুরতিসংক্রুদ্ধাঃ শূরাঃ কর্তুং পরাঙ্ভুখম্ ॥ 12 ॥ 4-34-12 (29790)
রক্তাধরোষ্ঠং সুনসং ক্লৃপ্তশ্মশ্রু স্বলংকৃতম্।
অদৃশ্যত শিরশ্ছিন্নং রজোবিধ্বস্তকুণ্ডলম্ ॥ 13 ॥ 4-34-13 (29791)
দৃশ্যন্তে তত্র গাত্রাণি বীরৈশ্ছিন্নানি সর্বশঃ ।
সালস্কন্ধনিকাশানি ক্ষত্রিয়াণা মহামৃধে ॥ 14 ॥ 4-34-14 (29792)
নাগভোগনিকাশৈশ্চ বাহুভিশ্চন্দনোক্ষিতৈঃ।
আকীর্ণা বসুধা তত্র শিরোভিশ্চ সকুণ্ডলৈঃ ॥ 15 ॥ 4-34-15 (29793)
যথা বা বাসসী শ্লক্ষ্ণে মহারজতরঞ্জিতে।
বিভ্রতী যুবতী শ্যামা তদ্বদ্ভাতি বসুন্ধরা ॥ 16 ॥ 4-34-16 (29794)
উপাশাম্যদ্রজো ভৌমং রুধিরেণ প্রবর্ষতা।
কশ্মলং প্রাবিশদ্ধোরং নির্মর্যাদমবর্তত ॥ 17 ॥ 4-34-17 (29795)
যুধিষ্ঠিরোঽপি ধর্মাত্মা ভ্রাতৃভিঃ সহিতস্তদা।
ব্যূহং কৃৎবা বিরাটস্য অন্বয়ুধ্যত পাণ্ডবঃ ॥ 18 ॥ 4-34-18 (29796)
আত্মানং শ্যেনবৎকৃৎবা তুণ্ডমাসীদ্যুধিষ্ঠিরঃ।
পক্ষৌং যমৌ চ ভবতঃ পুচ্ছমাসীদ্বৃকোদরঃ ॥ 19 ॥ 4-34-19 (29797)
সহস্রং ন্যহনত্তত্র কুন্তীপুত্রো যুধিষ্ঠিরঃ।
ভীমসেনস্তু সংক্রুদ্ধঃ সর্বশস্ত্রভৃতাংবরঃ ।
দ্বিসহস্রং রথান্বীরঃ পরলোকং প্রবেশয়ৎ ॥ 20 ॥ 4-34-20 (29798)
নকুলস্ত্রিশতং জঘ্নে সহদেবশ্চতুঃশতম্ ।
শতানীকঃ শতং জঘ্নে মদিরাশ্বশ্চতুঃশতম্ ॥ 21 ॥ 4-34-21 (29799)
প্রহৃষ্টাং মহতীং সেনাং ত্রিগর্তানাং মহাবলৌ ।
আর্চ্ছতাং বহুসংরব্ধৌ কেশাকেশি রথারথি ॥ 22 ॥ 4-34-22 (29800)
লক্ষয়িৎবা ত্রিগর্তানাং তৌ প্রবিষ্টৌ মহাচমূম্।
জগ্মতুঃ সূর্যদত্তশ্চ বললশ্চাপি পৃষ্ঠতঃ ॥ 23 ॥ 4-34-23 (29801)
শঙ্খো বিরাটপুত্রশ্চ মহেষ্বাসো মহাবলঃ।
বিনিঘ্নন্সমরে শূরান্প্রবিবেশ মহাচমূম্ ॥ 24 ॥ 4-34-24 (29802)
বিরাটস্তত্র সংগ্রামে হৎবা পঞ্চশতং রথান্।
কুঞ্জরাণাং শতং চৈব সহস্রং বাজিনাং তথা ॥ 25 ॥ 4-34-25 (29803)
চরন্স বিবিধান্মার্গান্রথেন রথিনাংবরঃ।
ত্রিগর্তানাং সুশর্মাণমার্চ্ছদ্রুক্মরথং রণে ॥ 26 ॥ 4-34-26 (29804)
তৌ তু প্রাহরতাং তত্র মহেষ্বাসৌ মহাবলৌ ।
অন্যোন্যমভিনিঘ্নন্তৌ গোষু গোবৃষভাবিব ॥ 27 ॥ 4-34-27 (29805)
রাজসিংহৌ সুসংরব্ধৌ বিরেজতুরমর্ষণৌ।
কৃতাস্রৌ নিশিতৈর্বাণৈরসিশক্তিপরশ্বথৈঃ ॥ 28 ॥ 4-34-28 (29806)
ততো রথাভ্যাং রথিনৌ ব্যতীয়াতাং সমন্ততঃ ।
শরান্সসৃজতুঃ শীঘ্রং তোয়ধারা ঘনাবিব ॥ 29 ॥ 4-34-29 (29807)
অন্যোন্যমভিসংরব্ধৌ দন্তাভ্যামিব কুঞ্জরৌ।
কৃতাস্ত্রৌ নিশিতৈর্বাণৈর্দারয়ামাসতূ রণে ॥ 30 ॥ 4-34-30 (29808)
মাৎস্যো রাজা সুশর্মাণং বিব্যাধ নিশিতৈঃ শরৈঃ ।
পঞ্চভিঃ পঞ্চভির্বাণৈর্বিব্যাধ চতুরো হয়ান্ ॥ 31 ॥ 4-34-31 (29809)
দ্বাভ্যাং সূতং চ বিব্যাধ কেতুং চ ত্রিভিরাশুগৈঃ ।
তথৈব মাৎস্যরাজং তু সুশর্মা যুদ্ধদুর্মদঃ ।
পঞ্চাশদ্ভিঃ শিতৈর্বাণৈবিব্যাধ পরমাস্ত্রবিৎ ॥ 32 ॥ 4-34-32 (29810)
তয়োর্বলানি রাজেন্দ্র সমস্তানি মহারণে।
নাজানন্ত তদাঽন্যোন্যং প্রদোষে রজসা বৃতে ॥ 33 ॥ ॥ 4-34-33 (29811)
ইতি শ্রীমন্মহাভারতে বিরাটপর্বণি গোগ্রহণপর্বণি চতুস্ত্রিংশোঽধ্যায়ঃ ॥ 34 ॥
বিরাটপর্ব - অধ্যায় 035
॥ শ্রীঃ ॥
4.35. অধ্যায়ঃ 035
Mahabharata - Virata Parva - Chapter Topics
সুশর্মণা যুদ্ধে বিরাটস্য গ্রহণম্ ॥ 1 ॥ ভীমেন যুধিষ্ঠিরচোদনয়া বিরাটস্য মোচনপূর্বকং সুশর্মণো বন্ধনম্ ॥ 2 ॥ যুধিষ্ঠিরেণ করুণয়া সুশর্মণো বিমোক্ষণম্ ॥ 3 ॥Mahabharata - Virata Parva - Chapter Text
4-35-0 (29812)
বৈশম্পায়ন উবাচ। 4-35-0x (3134)
তমসাঽভিপ্লুতে লোকে রজসা চৈব ভারত।
ব্যতিষ্ঠন্ত মুহূর্তং তে ব্যূঢানীকাঃ প্রহারিণম্ ॥ 1 ॥ 4-35-1 (29813)
ততোঽন্ধকারং প্রণুদন্নুদতিষ্ঠন্নিশাকরঃ।
কুর্বাণো বিমলাং রাত্রিং দর্শয়ন্ক্ষত্রিয়ান্রণে ॥ 2 ॥ 4-35-2 (29814)
ততঃ প্রকাশমাসাদ্য পুনর্যুদ্ধমবর্তত।
ঘোররূপং তদা তেষামবেক্ষ্য তু পরস্পরম্ ॥ 3 ॥ 4-35-3 (29815)
তথৈব তেষাং তুমুলানি তানি ক্রুদ্ধানি চান্যোন্যমভিদ্রবন্তি।
গদাসিপট্টৈশ্চ পরশ্বথৈশ্চ প্রাসৈশ্চ তীক্ষ্ণাগ্রসুধৌতধারৈঃ ॥ 4 ॥ 4-35-4 (29816)
বলং তু মাৎস্যস্য বলেন রাজা সর্বং ত্রিগর্তাধিপতিঃ সুশর্মা।
প্রমথ্য জিৎবা চ নিপীড্য মৎস্যান্বিরাটমোজস্বিনমভ্যধাবৎ ॥ 5 ॥ 4-35-5 (29817)
মত্তাবিব বৃষৌ তৌ তু গজাবিব মদোদ্ধতৌ ।
সিংহাবিব গজগ্রাহৌ শক্রবৃত্রাবিবোদ্ধতৌ ॥ 6 ॥ 4-35-6 (29818)
উভৌ তুল্যবলোৎসাহাবুভৌ তুল্যপরাক্রমৌ।
উভৌ তুল্যাস্রবিক্ষেপাবুভৌ যুদ্ধবিশারদৌ ॥ 7 ॥ 4-35-7 (29819)
তৌ নিহত্য পৃথগ্ধুর্যানুভয়োঃ পার্ষ্ণিসারথী ।
আস্তাং তুল্যধনুর্গ্রাহৌ কৃষ্ণকংসাবিবোদ্ধতৌ ॥ 8 ॥ 4-35-8 (29820)
ততঃ সুশর্মা ত্রৈগর্তঃ সহ ভ্রাত্রা সুবর্মণা।
অভ্যদ্রবন্মৎস্যরাজং রথব্রাতেন সর্বশঃ ॥ 9 ॥ 4-35-9 (29821)
ততো রথাভ্যাং প্রস্কন্দ্য ভ্রাতরৌ ক্ষত্রিয়র্ষভৌ।
গদাপাণী সুসংরব্ধৌ সমভ্যদ্রবতাং জবাৎ ॥ 10 ॥ 4-35-10 (29822)
সুশর্মা পরবীরঘ্নো বলবান্বীর্যবান্গদী।
বিরথং মৎস্যরাজানং জীবগ্রাহমথাগ্রহীৎ ॥ 11 ॥ 4-35-11 (29823)
তমুন্মথ্য সুশর্মা তু যুবতীমিব কামুকঃ।
স্যন্দনং স্বং সমারোপ্য প্রয়যৌ ভীমবিক্রমঃ ॥ 12 ॥ 4-35-12 (29824)
তস্মিন্গৃহীতে বিরথে বিরাটে বলবত্তরে।
বলং সর্বং বিভগ্নং তন্নিরুৎসাহং নিরাশকম্ ॥ 13 ॥ 4-35-13 (29825)
প্রাদ্রবন্ত ভয়ান্মাৎস্যাস্ত্রিগর্তৈরর্দিতা রণে ।
বিদিক্ষুঃ দিক্ষু সর্বাসু পলায়ন্তি চ যান্তি চ ॥ 14 ॥ 4-35-14 (29826)
তেষু বিদ্রাংব্যমাণেষু কুন্তীপুত্রো যুধিষ্ঠিরঃ।
অভ্যভাষত ধর্মাত্মা ভিমসেনমরিন্দমম্ ॥ 15 ॥ 4-35-15 (29827)
মাৎস্যরাজস্ত্রিগর্তেন পরামৃষ্টঃ সুশর্মণা।
তং মোক্ষয় মহাবাহী মা গমদ্দ্বিষতাং বশম্ ॥ 16 ॥ 4-35-16 (29828)
ভীমসেনঃ মহাবাহো গৃহীতং তু সুশর্মণা।
ত্রায়স্ব মোচয় ক্ষিপ্রমস্মৎপ্রীতিকরং নৃপম্ ॥ 17 ॥ 4-35-17 (29829)
উষিতাঃ স্ম সুখং সর্বে সর্বকামৈঃ সুপূজিতাঃ।
ভীমসেন ৎবয়া কার্যা তস্য বাতস্য নিষ্কৃতিঃ ॥ 18 ॥ 4-35-18 (29830)
বৈশম্পায়ন উবাচ। 4-35-19x (3135)
তং তথাবাদিনং তত্র ভীমসেনো মহাবলঃ।
অভ্যভাষত দুর্ধর্ষো রণমধ্যে যুধিষ্ঠিরম্ ॥ 19 ॥ 4-35-19 (29831)
অহমেনং পরিত্রাস্যে শাসনাত্তব পার্থিব।
পশ্যেদং সুমহৎকর্ম যুধ্যতো মম শত্রুভিঃ ॥ 20 ॥ 4-35-20 (29832)
স্ববাহুবলমাশ্রিত্য পরেষামসমং রণে।
একান্তমাশ্রিতো রাজংস্তিষ্ঠ ৎবং ভ্রাতৃভিঃ সহ ॥ 21 ॥ 4-35-21 (29833)
অয়ং বৃক্ষো মহাশাখো গিরিমাত্রো বনস্পতিঃ।
অহমেনং সমারুজ্য পোথয়িষ্যামি শাত্রবান্ ॥ 22 ॥ 4-35-22 (29834)
বৈশম্পায়ন উবাচ। 4-35-23x (3136)
তং মত্তমিব মাতঙ্গং বীক্ষমাণং বনস্পতিম্।
অব্রবীদ্ভ্রাতরং বীরং ধর্মরাজো যুধিষ্ঠিরঃ ॥ 23 ॥ 4-35-23 (29835)
ভীম মা সাহসং কার্ষীস্তিষ্ঠৎবেষ বনস্পতিঃ ॥ 24 ॥ 4-35-24 (29836)
মা ৎবাং বৃক্ষেণ কর্মাণি কুর্বন্তমতিমানুষম্ ।
জনাঃ সমববুধ্যেরন্ভীমোঽয়মিতি ভারত ॥ 25 ॥ 4-35-25 (29837)
মা গ্রহীস্ৎবমিমং বৃক্ষং সিংহনাদং চ মা নদ।
কর্মণা সিংহনাদেন বিজ্ঞাস্যন্তি জনা ধ্রুবম্ ॥ 26 ॥ 4-35-26 (29838)
ইমং বৃক্ষং গৃহীৎবা ৎবং নেমাং সেনামভিদ্রব ।
বৃক্ষং চ ৎবাং রুজন্তং বৈ বিজ্ঞাস্যতি জনো ধ্রুবং ॥ 27 ॥ 4-35-27 (29839)
অন্যদেবায়ুধং গৃহ্য প্রতিপদ্যস্ব মানুষম্।
চাপং বা যদি বা শক্তিং নিস্ত্রিংশং বা পরশ্বথম্ ॥ 28 ॥ 4-35-28 (29840)
যদেব মানুষং ভীম ভবেদন্যৈরলক্ষিতম্ ।
তদেবায়ুধমাদায় মোচয়াশু মহীতিম্ ॥ 29 ॥ 4-35-29 (29841)
যমৌ চ চক্ররক্ষৌ তে ভবিতারৌ মহাবলৌ।
ব্যায়চ্ছতস্তে সমরে মৎস্যরাজং পরীপ্স্রতঃ ॥ 30 ॥ 4-35-30 (29842)
বৈশম্পায়ন উবাচ। 4-35-31x (3137)
ভ্রাতুর্বচনমাদায় ভীমো বৃক্ষং বিসৃজ্য চ।
চাপমাদায় সংপ্রাপ্তো রথমাস্থায় পাণ্ডবঃ ॥ 31 ॥ 4-35-31 (29843)
ব্যমুঞ্চচ্ছরবর্ষাণি সতোয় ইব তোয়দঃ ।
তং ভীমো ভীমকর্মাণং শুশর্মাণমথাঽঽদ্রবৎ ॥ 32 ॥ 4-35-32 (29844)
বিরাটমভিবীক্ষ্যৈনং তিষ্ঠিতিষ্ঠেতি চাবদৎ ॥ 33 ॥ 4-35-33 (29845)
সুশর্মা চিন্তয়ামাস কালান্তকয়মোপমম্ ।
তিষ্ঠতিষ্ঠেতি ভাষন্তং পৃষ্ঠতো রথপুঙ্গবঃ ॥ 34 ॥ 4-35-34 (29846)
পশ্যতাং সুমহৎকর্ম মহদ্যুদ্ধমুপস্থিতম্ ।
পরাবৃত্তো ধনুর্গৃহ্য সুশর্মা ভ্রাতৃভিঃ সহ ॥ 35 ॥ 4-35-35 (29847)
নিমেষান্তরমাত্রেণ ভীমসেনেন তে রথাঃ ।
রথানাং চ গজানাং চ বাজিনাং চ সসাদিনাং ॥ 36 ॥ 4-35-36 (29848)
সহস্রশতসংঘাতাঃ শূরাণামুগ্রধন্বিনাম্ ।
পাতিতা ভীমসেনেন বিরাটস্য সমীপতঃ ॥ 37 ॥ 4-35-37 (29849)
পত্তয়ো নিহতাস্তেষাং গদাং গৃহ্য মহাত্মনা ॥ 38 ॥ 4-35-38 (29850)
তদ্দৃষ্ট্বা তাদৃশং যুদ্ধং সুশর্মা যুদ্ধদুর্মদঃ।
চিন্তয়ামাস মনসা কিং শেষং হি বলস্য মে ॥ 39 ॥ 4-35-39 (29851)
অপরো দৃশ্যতে সৈন্যে পুরা মগ্নো মহাবলে।
আকর্ণপূর্ণেন তদা ধনুষা প্রত্যদৃশ্যত ॥ 40 ॥ 4-35-40 (29852)
সুশর্মা সায়কাংস্তীক্ষ্ণান্ক্ষিপতে চ পুনঃপুনঃ ॥ 41 ॥ 4-35-41 (29853)
ততঃ সমস্তাস্তে সর্বে তুরগানভ্যচোদয়ন্।
দিব্যমস্ত্রং বিকুর্বাণাস্ত্রিগর্তান্প্রত্যমর্ষণাঃ ॥ 42 ॥ 4-35-42 (29854)
তান্নিবৃত্তরথান্দৃষ্ট্বা পাণ্ডবাস্তাং মহাচমূম্ ।
বৈরাটিঃ পরমক্রুদ্ধো যুয়ুধে পরমাদ্ভুতম্ ॥ 43 ॥ 4-35-43 (29855)
ত্রিগর্তাঃ সমভিক্রম্য অয়ুধ্যন্ত জয়ৈষিণঃ।
তান্ভীমসেনঃ সংক্রুদ্ধঃ সর্বশস্ত্রভৃতাংবরঃ ।
বৈরাটিঃ পরমক্রুদ্ধো যুয়ুধে পরমাদ্ভুতম্ ॥ 44 ॥ 4-35-44 (29856)
সহস্রং প্রাহিণীদ্রাজা কুন্তীপুত্রো যুধিষ্ঠিরঃ।
নকুলশ্চাপি সপ্তৈব শতানি প্রাহিণোচ্ছরৈঃ ॥ 45 ॥ 4-35-45 (29857)
শতানি ত্রীণি শূরাণাং সহদেবঃ প্রতাপবান্ ।
যুধিষ্ঠিরসমাদিষ্টো নিজঘ্নে পুরুষর্ষভঃ ॥ 46 ॥ 4-35-46 (29858)
প্রবিশ্য মহতীং সেনাং ত্রিগর্তানাং মহাবলঃ ।
ক্ষোভয়ন্সর্বভূতানি সিংহঃ ক্ষুদ্রমৃগানিব ॥ 47 ॥ 4-35-47 (29859)
ততো যুধিষ্ঠিরো রাজা ৎবরমাণো মহাবলঃ।
অভিদ্রুত্য সুশর্মাণং শরৈরভ্যহনদ্ধৃশম্ ॥ 48 ॥ 4-35-48 (29860)
সুশর্মাঽপি সুসংক্রুদ্ধস্ৎবরাণো যুধিষ্ঠিরম্ ।
অবিধ্যদ্দশভির্বাণৈশ্চতুর্ভিশ্চতুরো হয়ান্ ॥ 49 ॥ 4-35-49 (29861)
ততো রাজন্ক্ষিপ্রকারী কুন্তীঽপুত্রো বৃকোদরঃ।
সমাসাদ্য সুশর্মাণমশ্বাংস্তস্য ন্যপাতয়ৎ ॥ 50 ॥ 4-35-50 (29862)
পৃষ্ঠগোষৌ চ তস্যাথ হৎবা পরমসায়কৈঃ।
অথাস্য সারথিং ক্রুদ্ধো রথোপস্থাদপতয়ৎ ॥ 51 ॥ 4-35-51 (29863)
চক্ররক্ষস্তু শূরশ্চ শোণাশ্বো নাম নামতঃ।
স ভয়াদ্বিরথং দৃষ্ট্বা ত্রৈগর্তং ব্যাজহাত্তদা ॥ 52 ॥ 4-35-52 (29864)
ততো বিরাটঃ প্রস্কন্দ্য রথাদথ সুশর্মণঃ।
গদামস্য পরামৃশ্য তমেবাভ্যহনদ্বলী ॥ 53 ॥ 4-35-53 (29865)
স চচার গদাপাণির্বৃদ্ধোঽপি তরুণো যথা ॥ 54 ॥ 4-35-54 (29866)
ভীমস্তু ভীমসংকাশো রথাৎপ্রস্কন্দ্য বীর্যবান্ ।
উৎপ্লুত্য গৎবা বেগেন তদ্রথে বিনিপত্য চ।
সুশর্মণঃ শিরোঽগুহ্ণাৎপুনরাশ্বাস্য যুধ্যতঃ ॥ 55 ॥ 4-35-55 (29867)
অগ্রাদ্গিরের্বিনিক্ষিপ্য সিংহঃ ক্ষুদ্রমৃগং যথা।
ঊর্ধ্বমুৎপ্লৃত্য মার্জার আখোর্যদ্বচ্ছিরো রুষা ॥ 56 ॥ 4-35-56 (29868)
সমুদ্যম্য তু রোষাত্তং নিষ্পিপেষ মহীতলে।
যদা মূর্ধ্নি মহাবাহুঃ প্রাহরদ্বিলপিষ্যতঃ ॥ 57 ॥ 4-35-57 (29869)
তস্য জানু দদৌ ভীমো জঘ্নে চৈনমরত্নিনা ।
স মোহমগমদ্রাজা প্রহারবরপীডিতঃ॥ 58 ॥ 4-35-58 (29870)
তস্মিন্বীরে গৃহীতে তু ত্রিগর্তানাং মহারথে।
অভজ্যত বলং সর্বং ত্রিগর্তানাং ভয়াতুরম্ ॥ 59 ॥ 4-35-59 (29871)
নিবৃত্য গাস্ততঃ সর্বাঃ পাণ্ডুপুত্রা মহারথাঃ।
অবজিত্য সুশর্মাণং ধনং চাদায় সর্বশঃ ॥ 60 ॥ 4-35-60 (29872)
স্ববাহুবলসংপন্না হ্রীনিষেবা যতব্রতাঃ।
বিরাটস্য মহাত্মানঃ পরিক্লেশবিনাশনাঃ।
স্থিতাঃ সমক্ষং তে সর্বে ৎবথ ভীমোঽভ্যভাষত ॥ 61 ॥ 4-35-61 (29873)
নায়ং পাপসমাচারো মত্তো জীবিতুমর্হতি।
কিংনু শক্যং ময়া কর্তুং যদ্রাজা সততং ঘৃণী ।
গলে গৃহীৎবা রাজানমানীয় বিবশং বশম্ ॥ 62 ॥ 4-35-62 (29874)
তত এনং বিচেষ্টন্তং বদ্ধ্বা পার্থো বৃকোদরঃ।
রথমারোপয়ামাস বিসংজ্ঞং পাংসুগুণ্ঠিতম্ ॥ 63 ॥ 4-35-63 (29875)
অভ্যেত্য রণমধ্যস্থমভ্যগচ্ছদ্যুধিষ্ঠিরম্ ।
দর্শয়ামাস ভীমস্তু সুশর্মাণং নরাধিপম্ ॥ 64 ॥ 4-35-64 (29876)
প্রোবাচ পুরুষব্যাঘ্রো ভীমমাহবশোভিনম্ ।
তং রাজা প্রাহসদ্দৃষ্ট্বা মুচ্যতাং বৈ নরাধমঃ ॥ 65 ॥ 4-35-65 (29877)
এবমুক্তোঽব্রবীদ্ভীমঃ সুশর্মাণং মহাবলম্ ।
জীবিতুং চেচ্ছসে মূঢ হেতুং মে গদতঃ শৃণু ॥ 66 ॥ 4-35-66 (29878)
দাসোস্মীতি ৎবয়া বাচ্যং সংসৎসু চ সভাসু চ ।
এবং তে জীবিতং দদ্যামেষ যুদ্ধজিতো বিধিঃ ॥ 67 ॥ 4-35-67 (29879)
তমুবাচ ততো জ্যেষ্ঠো ভ্রাতা সপ্রণয়ং বচঃ।
মুঞ্চমুঞ্চাধমাচারং প্রমাণং যদি তে বয়ম্ ॥ 68 ॥ 4-35-68 (29880)
দাসভাবং গতো হ্যেষ বিরাটস্য মহীপতেঃ।
অদাসো গচ্ছ মুক্তোসি মৈবং কার্ষীঃ কদাচন ॥ 69 ॥ 4-35-69 (29881)
এবমুক্তে তু সব্রীডঃ সুশর্মাঽসীদধোমুখঃ ।
স মুক্তোঽভ্যেত্য রাজানমভিবাদ্য প্রতস্থিবান্ ॥ 70 ॥ 4-35-70 (29882)
বিসৃজ্য তু সুশর্মাণং পাণ্ডবাস্তে হতদ্বিষঃ ।
স্ববাহুবলসংপন্না হীনিষেবা যতব্রতাঃ ।
সংগ্রামশিরসো মধ্যে তাং রাত্রিং সুখিনোঽবসন্ ॥ 71 ॥ 4-35-71 (29883)
॥ শ্রীমন্মহাভারতে বিরাটপর্বণি গোগ্রহণপর্বণি পঞ্চত্রিংশোঽধ্যায়ঃ ॥ 35 ॥
Mahabharata - Virata Parva - Chapter Footnotes
4-35-2 নন্দয়ন্ক্ষত্রিয়ানিতি থo পাঠঃ ॥ 2 ॥বিরাটপর্ব - অধ্যায় 036
॥ শ্রীঃ ॥
4.36. অধ্যায়ঃ 036
Mahabharata - Virata Parva - Chapter Topics
যুধিষ্ঠিরচোদনয়া বিরাটপ্রেষিতৈর্দূতৈর্নগরমেত্য জয়োদ্ধোষণম্ ॥ 1 ॥Mahabharata - Virata Parva - Chapter Text
4-36-0 (29884)
বৈশম্পায়ন উবাচ। 4-36-0x (3138)
ততো বিরাটঃ কৌন্তেয়ানতিমানুষবিক্রমান্।
অর্চয়ামাস বিত্তেন মানেন চ মহারথান্।
বচসা চৈব সান্ৎবেন স্নেহেন চ মুদাঽন্বিতঃ ॥ 1 ॥ 4-36-1 (29885)
বিরাট উবাচ। 4-36-2x (3139)
যথৈব মম রত্নানি যুষ্মাকং তানি বৈ তথা।
কার্যং কুরুত তৈঃ সর্বৈর্যথাকামং যথাসুখম্ ॥ 2 ॥ 4-36-2 (29886)
দদাম্যলংকৃতাঃ কন্যা বসূনি বিবিধানি চ।
মনসা চাপ্যভিপ্রেতং যদ্বঃ শত্রুনিবর্হণাঃ ॥ 3 ॥ 4-36-3 (29887)
যুষ্মাকং বিক্রমাদদ্য মুক্তোঽহং স্বস্তিমানিহ ।
তস্মাদ্ভবন্তো মৎস্যানামীশ্বরাঃ সর্ব এব হি ॥ 4 ॥ 4-36-4 (29888)
বৈশম্পায়ন উবাচ। 4-36-5x (3140)
তং তথাবাদিনং তত্র কৌরবেয়াঃ পৃথক্পৃথক্।
ঊচুঃ প্রহৃষ্টমনসো যুধিষ্ঠিরপুরোগমাঃ ॥ 5 ॥ 4-36-5 (29889)
প্রতিনন্দামহে বাচং সর্বথৈব বিশাংপতে।
এতাবতাঽদ্য প্রীতাঃস্মো যত্ৎবং মুক্তোসি শত্রুভিঃ ॥ 6 ॥ 4-36-6 (29890)
যত্ৎবং মুক্তোসি শত্রুভ্যো হ্যেতৎকার্যং হিতং হি নঃ ।
ন কিংচিৎকার্যমস্মাকং ন ধনং মৃগয়ামহে ॥ 7 ॥ 4-36-7 (29891)
অথাব্রবীৎপ্রীতমনা মাৎস্যরাজো যুধিষ্ঠিরম্।
নির্ভরঃ প্রীতিপূরেণ হর্ষগদ্গদয়া গিরা ॥ 8 ॥ 4-36-8 (29892)
পুনরেব মহাবাহুর্বিরাটো রাজসত্তমঃ ।
এহি ৎবামভিষেক্ষ্যামি মৎস্যরাজস্তু নো ভবান্ ॥ 9 ॥ 4-36-9 (29893)
মনসা চাপ্যভিপ্রেতং যত্তে শত্রুনিবর্হণ।
তত্তেঽহং সংপ্রদাস্যামি সর্বমর্হতি নো ভবান্ ॥ 10 ॥ 4-36-10 (29894)
রত্নানি গাঃ সুবর্ণং চ মণিমুক্তমথাপি বা।
বৈয়াঘ্রপদ্য বিপ্রেন্দ্র সর্বথৈব নমোস্তু তে ॥ 11 ॥ 4-36-11 (29895)
ৎবৎকৃতে হ্যদ্য পশ্যামি রাজ্যমাত্মানমেব চ।
যতশ্চ জাতঃ সংরম্ভঃ স চ শত্রুর্বশং গতঃ ॥ 12 ॥ 4-36-12 (29896)
ততো যুধিষ্ঠিরো মাৎস্যং পুনরেবাব্রবীদ্বচঃ।
প্রতিনন্দামি তে বাচং মনোজ্ঞাং মাৎস্য ভাষিতাং ॥ 13 ॥ 4-36-13 (29897)
আনৃশংস্যপরো নিত্যং সুমুখঃ সততং ভবান্ ।
পুনরেব বিরাটশ্চ রাজা কঙ্কমভাষত ॥ 14 ॥ 4-36-14 (29898)
অহো শূদ্রস্য কর্মাণি বললস্য দ্বিজোত্তম ।
সোহং শূদ্রেণ সংগ্রামে বললেনাভিরক্ষিতঃ ॥ 15 ॥ 4-36-15 (29899)
ৎবৎকৃতে সর্বমেবৈতদুপপন্নং মমানঘ।
বরং বৃষ্ণীষ্ব ভদ্রং তে ব্রূহি কিং করবাণি তে ॥ 16 ॥ 4-36-16 (29900)
দদামি তে মহাপ্রীত্যা রত্নান্যুচ্চাবচান্যহম্।
শয়নাসনয়ানানি কন্যাশ্চ সমলংকুতাঃ ॥ 17 ॥ 4-36-17 (29901)
হস্ত্যশ্বরথসঙ্ঘাশ্চ রাষ্ট্রাণি বিবিধানি চ।
এতানি চ মম প্রীত্যা প্রতিগৃহ্ণ মমান্তিকে ॥ 18 ॥ 4-36-18 (29902)
বৈশম্পায়ন উবাচ। 4-36-19x (3141)
তং তথাবাদিনং তত্র কৌরব্যঃ প্রত্যভাষত।
এষৈব তু মম প্রীতির্যত্ৎবং মুক্তোসি শত্রুভিঃ ॥ 19 ॥ 4-36-19 (29903)
প্রতীতশ্চেৎপুরং তুষ্টঃ প্রবিশাদ্য পরংতপ।
দারৈঃ পুত্রৈশ্চ সংশ্লিষ্য সা হি প্রীতির্মমাতুলা ॥ 20 ॥ 4-36-20 (29904)
সুশর্মাণং তু রাজেন্দ্র সভৃত্যবলবাহনম্ ।
বিসর্জয় নরশ্রেষ্ঠং বরমেতদহং বৃণে ॥ 21 ॥ 4-36-21 (29905)
বৈশম্পায়ন উবাচ। 4-36-22x (3142)
এবমুক্তে তু কঙ্কেন বিরাটো রাজসত্তমঃ ।
প্রত্যুবাচ ততঃ কঙ্কং সুশর্মা যাতু চেষ্টতঃ ॥ 22 ॥ 4-36-22 (29906)
কঙ্খ উবাচ। 4-36-23x (3143)
গচ্ছন্তু দূতাস্ৎবরিতা নগরং তব পার্থিব।
সুহৃদাং প্রিয়মাখ্যাতুং ঘোষয়ন্তু চ তে জয়ম্ ॥ 23 ॥ 4-36-23 (29907)
ততস্তদ্বচনান্মাৎস্যো দূতান্রাজা সমাদিশৎ।
আচক্ষধ্বং পুরং সৎবা সংগ্রামে বিজয়ং মম ॥ 24 ॥ 4-36-24 (29908)
কুমার্যঃ সমলংকৃত্য প্রয়াগচ্ছন্তু মে পুরাৎ ।
বাদিত্রাণি চ সর্বাণি গণিকাশ্চ স্বলংকৃতাঃ ।
প্রত্যায়ান্তু চ মে শীঘ্রং নাগরাঃ সর্ব এব তে ॥ 25 ॥ 4-36-25 (29909)
এবমুক্তাস্তথা দূতা রাত্রৌ যাৎবা তু কেবলম্ ।
ততোঽন্তরে চানুষিতা দূতাঃ শীঘ্রানুয়ায়িনঃ ॥ 26 ॥ 4-36-26 (29910)
নগরং প্রাবিশংস্তে বৈ সূর্যে সম্যগথোদিতে।
বিরাটনগরং প্রাপ্য শীঘ্রং নান্দীমঘোষয়ন্ ।
পতাকোচ্ছ্রয়মাল্যাঢ্যং পুরমপ্রতিমং যথা ॥ 27 ॥ ॥ 4-36-27 (29911)
ইতি শ্রীমন্মহাভারতে বিরাটপর্বণি গোগ্রহণপর্বণি ষট্ত্রিংশোঽধ্যায়ঃ ॥ 36 ॥
বিরাটপর্ব - অধ্যায় 037
॥ শ্রীঃ ॥
4.37. অধ্যায়ঃ 037
Mahabharata - Virata Parva - Chapter Topics
দুর্যোধনেন ভীষ্মদ্রোণাদিভিঃ সহ বিরাটনগরমেত্য উত্তরভাগে গবাং গ্রহণম্ ॥ 1 ॥ গোপালেন কেনচিৎপুরমেত্যোত্তরংপ্রতি কুরুভির্গোগ্রহণস্য নিবেদনম্ ॥ 2 ॥Mahabharata - Virata Parva - Chapter Text
4-37-0 (29912)
বৈশম্পায়ন উবাচ। 4-37-0x (3144)
যাতে ত্রিগর্তান্মাৎস্যে তু পশূংস্তান্বৈ পরীপ্সতি।
দুর্যোধনঃ সহামাত্যৈর্বিরাট পুরমভ্যগাৎ ॥ 1॥ 4-37-1 (29913)
ভীষ্মদ্রোণৌ চ কর্ণশ্চ কৃপশ্চ পরমাস্ত্রবিৎ ।
দ্রৌণিশ্চ সৌবলশ্চৈব তথা দুঃশাসনঃ শলঃ ॥ 2 ॥ 4-37-2 (29914)
বিবিংশতির্বিকর্ণশ্চ চিত্রসেনশ্চ বীর্যবান্ ।
দুঃসহো দুর্মুখশ্চৈব এতে চান্যে মহারথাঃ ॥ 3 ॥ 4-37-3 (29915)
সর্বে মৎস্যানুপাগম্য বিরাটস্য মহীপতেঃ ।
গোপান্বিদ্রাব্য তরসা গোধনং জহ্রুরোজসা ॥ 4 ॥ 4-37-4 (29916)
গবাং শতসহস্রাণি কুরবঃ কালয়ন্তি চ ।
মহতা রথবংশেন পরিগৃহ্য সমন্ততঃ ॥ 5 ॥ 4-37-5 (29917)
গোপালানাং তু ঘোষেষু হন্যতাং তৈর্মহারথৈঃ ।
আরাবঃ সুমহানাসীৎসংপ্রহারে ভয়ংকরে ॥ 6 ॥ 4-37-6 (29918)
গবাধ্যক্ষস্তু সংত্রস্তো রথমাস্থায় সৎবরঃ।
জগাম নগরায়ৈব পরিক্রোশংস্তদাঽঽর্তবৎ ॥ 7 ॥ 4-37-7 (29919)
স প্রবিশ্য পুরং রাজ্ঞো নৃপবেশ্মাভ্যযাত্ততঃ।
অবতীর্য রথাত্তূর্ণমাখ্যাতুং প্রবিবেশ হ ॥ 8 ॥ 4-37-8 (29920)
দৃষ্ট্বা ভূমিংজয়ং নাম পুত্রং মাৎস্যস্য মানিনম্ ।
তস্মৈ চ সর্বমাচষ্ট রাষ্ট্রস্য পশুকর্ষণম্ ॥ 9 ॥ 4-37-9 (29921)
গবাং শতসহস্রাণি কুরবঃ কালয়ন্তি তে।
প্রতিজেতুং সমুত্তিষ্ঠ গোধনং রাষ্ট্রবর্ধন ॥ 10 ॥ 4-37-10 (29922)
রাজপুত্র হিতপ্রেপ্সুঃ ক্ষিপ্রং নির্যাহি বৈ স্বয়ম্ ।
ৎবাং হি মৎস্যো মহীপালঃ শূন্যপালমিহাকরোৎ ॥ 11 ॥ 4-37-11 (29923)
ৎবাং বৈ পরিষদো মধ্যে শ্লাঘতে স নরাধিপঃ ।
পুত্রো মমানুরূপশ্চ শূরশ্চেতি কুলোদ্বহঃ ॥ 12 ॥ 4-37-12 (29924)
ইষ্বস্ত্রনিপুণো যোধঃ সদা বীরশ্চ মে সুতঃ।
সমর্থঃ সমরে যোদ্ধুং কৌরবৈঃ সহ তাদৃশৈ ॥ 13 ॥ 4-37-13 (29925)
তস্য তৎসত্যমেবাস্তু মনুষ্যেন্দ্রস্য ভাষিতম্ ।
জয়শ্চ নিয়তো যুদ্ধে কৌরবাশ্চ ধ্রুবং হতাঃ ॥ 14 ॥ 4-37-14 (29926)
আবর্তয় কুরূঞ্জিৎবা পশূন্পশুপতির্যথা।
নির্দর্হষামনীকানি ভীমেন শরতেজসা ॥ 15 ॥ 4-37-15 (29927)
ধনুশ্চ্যুতৈ রুক্মপুঙ্খৈশ্চিত্রৈঃ সংনতপর্বভিঃ ।
দ্বিষতাং ভিন্ধ্যনীকানি গজানামিব যূথপঃ ॥ 16 ॥ 4-37-16 (29928)
পাশোপধানাং জ্যাতন্ত্রীং চাপদণ্ডাং মহাস্বনাম্ ।
শরবর্ণাং ধনুর্বীণাং শত্রুমধ্যে প্রবাদয় ॥ 17 ॥ 4-37-17 (29929)
নির্যাহি নগরাচ্ছীঘ্রং রাজপুত্র কিমাস্যতে ।
শ্বেতাঃ কাঞ্চনসংনাহা রথে যুজ্যন্তু তে হয়াঃ ।
ধ্বজং চ সিহং সৌবর্ণমুচ্ছ্রয়স্ব তথা বিভো ॥ 18 ॥ 4-37-18 (29930)
রুক্মপুঙ্খাঃ প্রসন্নাগ্রা মুক্তা হস্তবতা ৎবয়া।
ছাদয়ন্তু শরাঃ সূর্যং রাজ্ঞমায়ুর্নিরোধকাঃ ॥ 19 ॥ 4-37-19 (29931)
রণে জিৎবা কুরূন্সর্বান্বজ্রপাণিরিবাসুরান্ ।
যশো মহদবাপ্য ৎবং প্রবিরোদং পুরং পুনঃ ॥ 20 ॥ 4-37-20 (29932)
ৎবং হি রাষ্ট্রস্য পরমা গতির্মাৎস্যপতেঃ সুতঃ।
গতিমন্তো ভবন্ৎবদ্য সর্বে বিষয়বাসিনঃ ॥ 21 ॥ 4-37-21 (29933)
যথা হি পাণ্ডুপুত্রাণামর্জুনো জয়তাংবরঃ ।
এবমেব গতির্নূনং ভবান্বিপয়বাসিনাম্ ॥ 22 ॥ ॥ 4-37-22 (29934)
ইতি শ্রীমন্মহাভারতে বিরাটপর্বণি গোগ্রহণপর্বণি সপ্তত্রিংশোঽধ্যায়ঃ ॥ 37 ॥
Mahabharata - Virata Parva - Chapter Footnotes
4-37-17 পাশোপধানাং পাশৌ মৌর্বীপ্রান্তদ্বয়গতৌ তাবেব উপাধানে বীণায়াং তন্ত্রীসংধানার্থং কীলবিশেষৌ যস্যাং সা তাম্। শরবর্ণাং শরাস্ততো নিঃসরন্তস্ত এব বর্ণাঃ শব্দবত্ৎবসামান্যাৎস্বরস্পর্শাদয়ো যস্যাম্ ॥ 17 ॥বিরাটপর্ব - অধ্যায় 038
॥ শ্রীঃ ॥
4.38. অধ্যায়ঃ 038
Mahabharata - Virata Parva - Chapter Topics
উত্তরে সমুচিতসারথেরভাবেন খিদ্যমানে অর্জুনেন দ্রৌপদীংপ্রতি উত্তরায় বৃহন্নলায়াঃ সারথ্যকৌশলনিবেদনচোদনা ॥ 1 ॥ ভ্রাতৄচোদিতয়া উত্তরয়া বৃহন্নলাংপ্রতি উত্তররথসারধ্যকরণপ্রার্থনা ॥ 2 ॥ উত্তরেণ সারথীভূতেনার্জুনেন সহ কুরূন্প্রতি রণায়াভিয়ানম্ ॥ 3 ॥Mahabharata - Virata Parva - Chapter Text
4-38-0 (29935)
বৈশম্পায়ন উবাচ। 4-38-0x (3145)
মহাজনসমক্ষং তু স্ত্রীণাং মধ্যে বিশেষতঃ ।
গবাধ্যক্ষেণ সংপ্রোক্তো বিরাটতনয়স্তদা ॥ 1 ॥ 4-38-1 (29936)
স্ত্রীমধ্য উক্তস্তেনাসৌ বাক্যং তেজঃপ্রবর্ধনম্।
অন্তঃপুরে শ্লাঘমান ইদং বচনমব্রবীৎ ॥ 2 ॥ 4-38-2 (29937)
উত্তর উবাচ। 4-38-3x (3146)
অদ্যাহমনুগচ্ছেয়ং দৃঢধন্বা গবাং পদম্।
যদি মে সারথিঃ কশ্চিদ্ভবেদশ্বেষু কোবিদঃ ॥ 3 ॥ 4-38-3 (29938)
তমেব নাধিগচ্ছামি যো মে যন্তা সমো ভবেৎ ।
পশ্যধ্বং সারথিং শীঘ্রং মম যুক্তং প্রয়াস্যতঃ ॥ 4 ॥ 4-38-4 (29939)
অষ্টাবিংশতিরাত্রং বা মাসং বা নূনমন্ততঃ ।
যত্তদাসীন্মহায়ুদ্ধং তত্র মে সারথির্হতঃ ॥ 5 ॥ 4-38-5 (29940)
যদ্যহং ৎবধিগচ্ছেয়ং যো মে যন্তা ভবেদ্যুধি ।
ৎবরাবানদ্য যাস্যামি সমুচ্ছ্রিতমহাধ্বজঃ ॥ 6 ॥ 4-38-6 (29941)
বিগাহ্য তৎপরানীকং গজবাজিরথাকুলম্ ।
শস্ত্রপ্রতাপান্নির্বীর্যান্কুরূঞ্জিৎবাঽঽনয়ে পশূন্ ॥ 7 ॥ 4-38-7 (29942)
দুর্যোধনং বিকর্ণং চ কর্ণং বৈকর্তনং কৃপম্।
দ্রোণং চ সহ পুত্রেণ মহেষ্বাসান্সমাগতান্ ॥ 8 ॥ 4-38-8 (29943)
বিদ্রাবয়িৎবা সংগ্রামে দানবান্মঘবানিব ।
অনেনৈব মুহূর্তেন পুনঃ প্রত্যানয়ে পশূন্ ॥ 9 ॥ 4-38-9 (29944)
শূন্যমাজ্ঞায় কুরবঃ প্রয়ান্ত্যাদায় গোধনম্ ।
কিং ন শক্যং চ তৈঃ কর্তুং যদহং তত্র নাভবম্ ॥ 10 ॥ 4-38-10 (29945)
পশ্যযুরদ্য মে বীর্যং কুরবস্তে সমাগতাঃ ।
কিংনু পার্থোঽর্জুনঃ সাক্ষাদিতি মংস্যন্তি মাং পরে ॥ 11 ॥ 4-38-11 (29946)
বৈশংপয়ান উবাচ। 4-38-12x (3147)
তস্য তদ্বচনং শ্রুৎবা স্ত্রীষু চাত্মপ্রশংসনম্ ।
নামর্ষয়ত পাঞ্চালী বীভৎসোঃ পরিকীর্তনম্ ॥ 12 ॥ 4-38-12 (29947)
শ্রুৎবা তদর্জুনো বাক্যমুত্তরেণ প্রভাষিতম্।
অতীতসময়ে কালে প্রিয়াং ভার্যামভাষত ॥ 13 ॥ 4-38-13 (29948)
দ্রুপদস্য সুতাং রাজ্ঞঃ পাঞ্চালীং রূপসংমতাম্ ।
সত্যার্জবগুণোপেতাং ভর্তুঃ প্রিয়হিতৈষিণীম্ ।
উবাচ রহসি প্রীতঃ কৃষ্ণাং সর্বার্থকোবিদঃ ॥ 14 ॥ 4-38-14 (29949)
উত্তরাং ব্রূহি পাঞ্চালি গৎবা ক্ষিপ্রং শুচিস্মিতে ॥ 15 ॥ 4-38-15 (29950)
ইয়ং কিল পুরা যুদ্ধে খাণ্ডবে সব্যসাচিনঃ ।
সারথিঃ পাণ্ডুপুত্রস্য পার্থস্য তু বৃহন্নলা।
মহাঞ্জয়ো ভবেদ্যুদ্ধে সা চেদ্যন্তা বৃহন্নলা ॥ 16 ॥ 4-38-16 (29951)
বৈশম্পায়ন উবাচ। 4-38-17x (3148)
সা চোদিতা তদা হ্যেন হ্যর্জুনেন শুচিস্মিতা।
পাঞ্চালী চ তদাঽঽগম্য উত্তরায়া নিবেশনম্ ॥ 17 ॥ 4-38-17 (29952)
জ্ঞাৎবা তু সময়ান্মুক্তং চন্দ্রং রাহুমুখাদিব ।
যুধিষ্ঠিরং ধর্মপরং সত্যার্জবপথে স্থিতম্ ॥ 18 ॥ 4-38-18 (29953)
অমর্ষয়ন্তী তদ্দুঃখং কৃষ্ণা কমললোচনা।
উত্তরামাহ বচনং সখীমধ্যে বিলাসিনীম্ ॥ 19 ॥ 4-38-19 (29954)
যোঽয়ং যুবা বারণয়ূথপোপমো বৃহন্নলাঽস্মীতি জনোঽভ্যভাষত।
পুরাঽপি পার্থস্য স সারথিস্তদা ধনুর্ধরাণাং প্রবরস্য মন্যে ॥ 20 ॥ 4-38-20 (29955)
এতেন বা সারথিনা তদাঽর্জুনঃ সদেবগন্ধর্বমহাসুরোরগান্ ।
সর্বাণি ভূতান্যজয়স্তস বীর্যবানতর্পয়চ্চাপি হিরণ্যরেতসম্ ॥ 21 ॥ 4-38-21 (29956)
যদস্য সংস্থামপি তস্য সংয়ুগে জানামি বীর্যং পরবীরমধ্যগম্ ।
সংগৃহ্য রশ্মীনপি চাস্য বীর্যবানাদায় চাপং প্রয়যৌ রথে স্থিতঃ ॥ 22 ॥ 4-38-22 (29957)
ন সর্বভূতানি ন দেবদানবা ন চাপি সর্বে কুরবঃ সমাগতাঃ।
ধনং হরেয়ুস্তব জাতু ধন্বিনো বৃহন্নলা তূত্তরসারথির্যদি ॥ 23 ॥ 4-38-23 (29958)
ধনুষ্যনবমশ্চাসীত্তস্য শিষ্যো মহাত্মনঃ ।
সুদৃষ্টপূর্বো হি ময়া চরন্ত্যা পাণ্ডবালয়ে ॥ 24 ॥ 4-38-24 (29959)
স চানেন সহায়েন খাণ্ডবং চাদহৎপুরা ।
অর্জুনস্য তদাঽনেন সংগৃহীতা হয়োত্তমাঃ ॥ 25 ॥ 4-38-25 (29960)
তেন সারথিনা পার্থঃ সর্বভূতানি সর্বশঃ।
অজয়ৎখাণ্ডবপ্রস্থে ন হি যন্তাঽস্তি তাদৃশঃ ॥ 26 ॥ 4-38-26 (29961)
বৈশম্পায়ন উবাচ। 4-28-27x (3149)
ততঃ সৈরন্ধ্রিসহিতা উত্তরা ভ্রাতুরব্রবীৎ।
অভ্যর্থয়ৈনাং সারথ্যে বীর শীঘ্রং বৃহন্নলাম্ ॥ 27 ॥ 4-38-27 (29962)
শিক্ষিতৈষা হি সারথ্যে নর্তনে গীতবাদিতে ।
সৈরন্ধ্য্রাহ মহাপ্রাজ্ঞা স্তুবন্তী বৈ বৃহন্নলাম্ ॥ 28 ॥ 4-38-28 (29963)
উত্তর উবাচ। 4-38-29x (3150)
সৈরন্ধ্রি জানাসি মম ব্রতং হি ক্লীবেন পুংসা ন হি সংবদাম্যহম্।
সোহং ন শক্ষ্যামি বৃহন্নলাং শুভে বক্তুং স্বয়ং যচ্ছ হয়ান্মমেতি ॥ 29 ॥ 4-38-29 (29964)
সৈরন্ধ্র্যুবাচ। 4-38-30x (3151)
ভয়কালে তু সংপ্রাপ্তে ন ব্রতং নাব্রতং পুনঃ।
যথা দুঃখং প্রতরতি কর্তুং যুক্তং চরেদ্বুধঃ ।
ইতি ধর্মবিদঃ প্রাহুস্তস্মাদ্বাচ্যা বৃহন্নলা ॥ 30 ॥ 4-38-30 (29965)
যেয়ং কুমারী সুশ্রোণী ভগিনী তে যবীয়সী।
অস্যাস্তু বচনং বীর করিষ্যতি ন সংশয়ঃ ॥ 31 ॥ 4-38-31 (29966)
যদি তে সারথিঃ সা স্যাৎকুরূন্সর্বান্ন সংশয়ঃ।
জিৎবা গাশ্চ সমাদায় ধ্রুবমাগমনং ভবেৎ ॥ 32 ॥ 4-38-32 (29967)
বৈশম্পায়ন উবাচ। 4-38-33x (3152)
এবমুক্তঃ স সৈরন্ধ্র্যা ভগিনীং প্রত্যভাষত।
গচ্ছ ৎবমনবদ্যাঙ্গি তামানয় বৃহন্নলাম্ ॥ 33 ॥ 4-38-33 (29968)
সা প্রাদ্রবৎকাঞ্চনমাল্যধারিণী জ্যেষ্ঠেন ভ্রাত্রা প্রহিতা যশস্বিনী ।
ভ্রাতুর্নিয়োগং তু নিশম্য সুভ্রুঃ শুভাননা হাটকবজ্রভূষিতা ॥ 34 ॥ 4-38-34 (29969)
সা বজ্রমুক্তামণিহেমকুণ্ডলা মৃদুক্রমা ভ্রাতৃনিয়োগচোদিতা।
প্রদক্ষিণাবর্ততনুঃ শিখণ্ডিনী পদ্মাননা পদ্মদলায়তাক্ষী ॥ 35 ॥ 4-38-35 (29970)
তন্বী সমাঙ্গী মৃদুমন্দ্রলোচনা মাৎস্যস্য রাজ্ঞো দুহিতা বিলাসিনী ।
সা নর্তনাগারমরালপক্ষ্মা শতহ্রদা মেঘমিবান্বপদ্যত ॥ 36 ॥ 4-38-36 (29971)
সা নাগনাসোপমসংহিতোরূরনিন্দিতা বেদিবিলগ্নমধ্যা।
আসাদ্য তস্থৌ বরমাল্যধারিণী পার্থং শুভা নাগবধূরিব দ্বিপম্ ॥ 37 ॥ 4-38-37 (29972)
তামাগতামায়ততাম্রলোচনামবেক্ষ্য পার্থঃ সময়েঽভ্যভাষত ॥ 38 ॥ 4-38-38 (29973)
কিমাগতা কাঞ্চনমাল্যধারিণী সুগাত্রি কিংচিত্ৎবরিতাঽসি সুভ্রু ।
কিং তে মুখং সুন্দরি ন প্রসন্নমাচক্ষ্ব শীঘ্রং মম চারুহাসিনি ॥ 39 ॥ 4-38-39 (29974)
বৈশম্পায়ন উবাচ। 4-38-40x (3153)
সা বজ্রবৈডূর্যবিকারকুণ্ডলা বিনিদ্রপদ্মোৎপলপন্নগন্ধিনী ।
প্রসন্নতারাধিপসংনিভাননা পার্থে কুমারী বচনং বভাষে ॥ 40 ॥ 4-38-40 (29975)
উত্তরোবাচ। 4-38-41x (3154)
হরন্তি বিত্তং কুরবাঃ পিতুর্মে শতং সহস্রাণি গবাং বৃহন্নলে।
সা ভ্রাতুরশ্বান্মম সংয়মস্ব পুরা পরে দূরতরং হরন্তি গাঃ ॥ 41 ॥ 4-38-41 (29976)
সৈরন্ধ্রিরাখ্যাতি বৃহন্নলে ৎবাং সুশিক্ষিতা সংগ্রহণে রথাশ্বয়োঃ ।
অহং মরিষ্যামি ন মেঽত্র সংশয়ো ময়া বৃতা তত্র ন চেদ্গমিষ্যসি ॥ 42 ॥ 4-38-42 (29977)
বৈশম্পায়ন উবাচ। 4-38-43x (3155)
তথা নিয়ুক্তো নরদেবকন্যযা নরোত্তমঃ প্রীতমনা ধনঞ্জয়ঃ।
উবাচ পার্থঃ শুভমন্দ্রয়া গিরা শুভাননাং শুক্লদতীং শুচিস্মিতাম্ ॥ 43 ॥ 4-38-43 (29978)
গচ্ছামি যত্রেচ্ছসি চারুহাসিনি হুতাশনং প্রজ্বলিতং বিশামি বা।
ইচ্ছামি তেঽহং বরগাত্রি জীবিতং করোমি কিং তে প্রিয়মদ্য সুন্দরি।
ন মৎকৃতে দ্রক্ষ্যসি তৎপুরং প্রিয়ে বৈবস্বতং প্রেতপতের্মহাভয়ম্ ॥ 44 ॥ 4-38-44 (29979)
বৈশম্পায়ন উবাচ । 4-38-45x (3156)
এতাবদুক্ৎবা কুরুবীরপুঙ্গবো বিলাসিনীং শুক্লদতীং শুচিস্মিতাম্।
বৃহন্নলারূপবিভূষিতাননো বিরাটপুত্রস্য সমীপমাব্রজৎ ॥ 45 ॥ 4-38-45 (29980)
তথা ব্রজন্তং বরভূষণৈর্বৃতং মহাপ্রভং বারণয়ূথপোপমম্।
গজেন্দ্রবাহুং কমলায়তেক্ষণং কবাটবক্ষস্থলমুন্নতাংসম্ ॥ 46 ॥ 4-38-46 (29981)
তমাগতং পার্থমমিত্রকর্শনং মহাবলং নাগমিব প্রমাথিনম্।
বৈরাটিরামন্ত্র্য ততো বৃহন্নলাং গবাং নিনীষন্পদমুত্তরোঽব্রবীৎ ॥ 47 ॥ 4-38-47 (29982)
তমাব্রজন্তং ৎবরিতং প্রভিন্নমিব কুঞ্জরম্।
অন্বগচ্ছদ্বিশালাক্ষী গজং গজবধূরিব ॥ 48 ॥ 4-38-48 (29983)
দূরাদেব তু সংপ্রেক্ষ্য রাজপুত্রোঽভ্যভাষত ।
ৎবয়া সারথিনা পার্থঃ খাণ্ডবেঽগ্নিমতর্পয়ৎ ॥ 49 ॥ 4-38-49 (29984)
পৃথিবীং চাজয়ৎকৃৎস্নাং কুন্তীপুত্রো ধনঞ্জয়ঃ।
সৈরন্ধ্রী ৎবাং মমাচষ্ট সা হি জানাতি পাণ্ডবান্ ॥ 50 ॥ 4-38-50 (29985)
দেবেন্দ্রসারথির্বীরো মাতলিঃ খ্যাতবিক্রমঃ ।
সুমহো জামদগ্নেশ্চ বিষ্ণোর্যন্তা চ দারুকঃ ॥ 51 ॥ 4-38-51 (29986)
সুমন্ত্রো বা দাশরথেঃ সূর্যযন্তা তথাঽরুণঃ।
সর্বে সারথয়ঃ খ্যাতা ন বৃহন্নলয়া সমাঃ ॥ 52 ॥ 4-38-52 (29987)
ইত্যুক্তোঽহং চ সৈরন্ধ্র্যা তেন ৎবামাহ্বয়ামি বৈ ।
আহুতা ৎবং ময়া সার্ধং যোদ্ধুং যাহি বৃহন্নলে ॥ 53 ॥ 4-38-53 (29988)
দূরাদ্দূরতরং গাবো ভবন্তি কুরুভির্হৃতাঃ।
তথোক্তা প্রত্যুবাচেদং রাজপুত্রং বৃহন্নলা ॥ 54 ॥ 4-38-54 (29989)
কা শক্তির্মম সারথ্যং কর্তুং সংগ্রামমূর্ধনি ।
নৃত্তং বা যদি বা গীতং বাদিত্রং বা পৃথগ্বিধম্ ।
তৎকরিষ্যামি ভদ্রং তে সারথ্যং তু কুতো মম ॥ 55 ॥ 4-38-55 (29990)
উত্তর উবাচ। 4-38-56x (3157)
ৎবং নর্তকো বা যদি বাঽপি গায়কঃ ক্ষিপ্রং তনুত্রং পরিধৎস্ব ভানুমৎ।
অভীক্ষ্ণমাহুস্তব কর্ম পৌরুষং স্ত্রিয়ঃ প্রশংসন্তি মমাদ্য চান্তিকে ॥ 56 ॥ 4-38-56 (29991)
বৈশম্পায়ন উবাচ। 4-38-57x (3158)
ইত্যেবমুক্ৎবা নৃপসূনুসত্তমস্তদা স্ময়িৎবাঽর্জুনমভ্যনন্দয়ৎ।
অথোত্তরঃ পারশবং শতাক্ষিমৎসুবর্ণচিত্রং পরিগৃহ্য ভানুমৎ ॥ 57 ॥ 4-38-57 (29992)
বৃহন্নলায়ৈ প্রদদৌ স্বয়ং তদা বিরাটপুত্রঃ পরবীরঘাতিনে।
তদাজ্ঞয়া মাৎস্যসুতস্য বীর্যবানকর্তুকামেব সমাদদে তদা ॥ 58 ॥ 4-38-58 (29993)
বৃহন্নলোবাচ। 4-38-59x (3159)
যদ্যস্তি চ রণে শৌর্যং শক্যঃ স্যাদ্দ্বিষতাং বধঃ।
অহং ৎবামভিগচ্ছামি যত্র ৎবং যাসি তত্র ভো ॥ 59 ॥ 4-38-59 (29994)
বৈশম্পায়ন উবাচ। 4-38-60x (3160)
ততঃ স নর্মসংয়ুক্তমকরোৎপাণ্ডবো বহু।
উত্তরায়াঃ প্রমুখতঃ সর্বং জানন্নরিন্দমঃ ॥ 60 ॥ 4-38-60 (29995)
তমাদদানং প্রমদা জহাসিরে হ্যধোমুখং বীরবরোঽভ্যধারয়ৎ।
ততস্তিরশ্চীনকৃতং সপত্নহা হ্যধোমুখং কবচমথাভ্যকর্ষত ॥ 61 ॥ 4-38-61 (29996)
সম্যক্প্রজানন্নপি সত্যবিক্রমো হ্যজ্ঞাতবৎসর্বকুরুপ্রবীরঃ।
ঊর্ধ্বং ক্ষিপন্বীরতরোঽভ্যধারয়ৎপুনশ্চ যন্তা কবচং ধনঞ্জয়ঃ ॥ 62 ॥ 4-38-62 (29997)
এবংপ্রকারাণি বহূনি কুর্বতি তস্মিন্কুমার্যঃ প্রমদা জহাসিরে ।
তথাপি কুর্বন্তমমিত্রকর্শনং নৈবোত্তরঃ পর্যভবদ্ধনঞ্জয়ম্ ॥ 63 ॥ 4-38-63 (29998)
তং রাজপুত্রঃ সমনাহয়ৎস্বয়ং জাম্বূনদান্তেন শুভেন বর্মণা।
কৃশানুতপ্তপ্রতিমেন ভাস্বতা জাজ্বল্যমানেন সহস্ররশ্মিনা ॥ 64 ॥ 4-38-64 (29999)
অথাস্য শীঘ্রং প্রসমীক্ষ্য ভোজয়দ্রথে হয়ান্কাঞ্চনজালসংবৃতান্।
সুবর্ণজালান্তরয়োক্তভূষণং সিংহং চ সৌবর্ণমুপাশ্রয়দ্রথে ॥ 65 ॥ 4-38-65 (30000)
ধনূংষি চ বিচিত্রাণি বাণাংশ্চ রুচিরান্বহূন্।
আয়ুধানি চ বৈ তত্র রথোপস্থে চ স ন্যসৎ ॥ 66 ॥ 4-38-66 (30001)
আরুহ্য প্রয়যৌ বীরঃ সবৃহন্নলসারথিঃ।
অথোত্তরা চ কন্যাশ্চ স খ্যশ্চৈবাব্রুবংস্তদা ॥ 67 ॥ 4-38-67 (30002)
বৃহন্নলে আনয়েথা বাসাংসি রুচিরাণি নঃ।
পাঞ্চালিকার্থং সূক্ষ্মাণি রত্নানি বিবিধানি চ ।
বিজিত্য সংগ্রামগতান্ভীষ্মদ্রোণমুখান্কুরূন্ ॥ 68 ॥ 4-38-68 (30003)
অথ তা ব্রুবতীঃ কন্যাঃ সহিতাঃ কুরুনন্দনঃ।
প্রত্যুবাচ হসন্পার্থো মেঘদুন্দুভিনিস্বনঃ ॥ 69 ॥ 4-38-69 (30004)
যদ্যুত্তরোঽয়ং সংগ্রামে বিজেষ্যতি মহারথান্ ।
অথাহরিষ্যে বাসাংসি সূক্ষ্মাণ্যাভরণানি চ ॥ 70 ॥ 4-38-70 (30005)
বৈশম্পায়ন উবাচ। 4-38-71x (3161)
অথোত্তরো বর্ম মহাপ্রভাবং সুবর্ণবৈডূর্যপরিষ্কৃতং শুভম্।
আমুচ্য বীরঃ প্রয়যৌ রথোত্তমং ধনঞ্জয়ং সারথিনং প্রগৃহ্য ॥ 71 ॥ 4-38-71 (30006)
তমুত্তরং প্রেক্ষ্য রথোত্তমে স্থিতং বৃহন্নলাং চৈব মহাজনস্তদা।
স্ত্রিয়শ্চ কন্যাশ্চ দ্বিজাশ্চ সুব্রতাঃ প্রদক্ষিণং মঙ্গলিনোঽভ্যপূজয়ন্ ॥ 72 ॥ 4-38-72 (30007)
যদর্জুনস্যর্ষভতুল্যগামিনঃ পুরাঽভবৎখাণ্ডবদাহমঙ্গলম্ ।
কুরূন্সমাসাদ্য রণে বৃহন্নলে সহোত্তরেণাস্তু তবাদ্য মঙ্গলম্ ॥ 73 ॥ ॥ 4-38-73 (30008)
ইতি শ্রীমন্মহাভারতে বিরাটপর্বণি গ্রোগ্রহণপর্বণি অষ্টত্রিংশোঽধ্যায়ঃ ॥ 38 ॥
Mahabharata - Virata Parva - Chapter Footnotes
4-38-35 শিখণ্ডিনী ময়ূরপিচ্ছালংকারবতী ॥ 35 ॥বিরাটপর্ব - অধ্যায় 039
॥ শ্রীঃ ॥
4.39. অধ্যায়ঃ 039
Mahabharata - Virata Parva - Chapter Topics
উত্তরেণ কুরুসেনাবলোকনমাত্রেণ রথাদবস্কন্দ্য ভয়াৎপলায়নম্ ॥ 1 ॥ তমনুধাবিনাঽর্জুনেন তস্য কেশপাশে গ্রহণেন পরিসান্ৎবনপূর্বকং পুনা রথারোপণম্ ॥ 2 ॥ তথা তেন সহ গাণ্ডীবাদ্যানয়নায় শমীংপ্রতি গমনম্ ॥ 3 ॥Mahabharata - Virata Parva - Chapter Text
4-39-0 (30009)
বৈশম্পায়ন উবাচ। 4-39-0x (3162)
স রাজধান্য নির্যায় বৈরাটিরকুতোভয়ঃ।
প্রয়াহীত্যব্রবীৎসূতং যত্র তে কুরবো গতাঃ ॥ 1 ॥ 4-39-1 (30010)
সমবেতান্কুরূন্সর্বাঞ্জিগীষূনবজিত্য বৈ।
গাশ্চৈতাঃ ক্ষিপ্রমাদায় পুনরেষ্যাম্যহং পুরম্ ॥ 2 ॥ 4-39-2 (30011)
ততস্তাংশ্চোদয়ামাস সদশ্বান্পাণ্ডুনন্দনঃ ॥ 3 ॥ 4-39-3 (30012)
তে হয়া নরসিংহেন চোদিতা বাতরংহসঃ।
আলিখন্ত ইবাকাশমূহুঃ কাঞ্চনমালিনঃ ॥ 4 ॥ 4-39-4 (30013)
নাতিদূরমথো গৎবা মাৎস্যপুত্রধনঞ্জয়ৌ ।
অবৈক্ষেতামবিত্রস্তৌ কুরূণাং বলিনাং বলম্ ॥ 5 ॥ 4-39-5 (30014)
শ্মশানমভিতো গৎবা শূরৌ দদৃশতুঃকুরূন্ ॥ 6 ॥
তদনীকং মহত্তেষাং বিস্তৃতং সাগরোপমম্ । 4-39-6 (30015)
সর্পমাণমিবাকাশে বনং বহুলপাদপম্ ॥ 7 ॥
দদৃশে পার্থিবো রেণুর্জনিতস্তেন সর্পতা। 4-39-7 (30016)
দৃষ্টিপ্রণাশো ভূতানাং দিবস্পৃক্কুরুসত্তম ॥ 8 ॥
তদনীকমথো বীক্ষ্য গজাশ্বরথসংকুলম্ । 4-39-8 (30017)
কর্ণদুর্যোধনকৃপৈর্গুপ্তং শান্তনবেন চ ।
দ্রোণেন সহ পুত্রেণ মহেষ্বাসেন ধীমতা ॥ 9 ॥ 4-39-9 (30018)
হৃষ্টরোমা ভয়োদ্বিগ্নো নিমীল্য স্বদৃশৌ তদা।
কম্পমানশরীরশ্চ পার্থং বৈরাটিরব্রবীৎ ॥ 10 ॥ 4-39-10 (30019)
নোৎসহে কুরুভির্যোদ্ধুং রোমহর্ষং হি পশ্য মে।
বহুপ্রবীরমত্যুগ্রং দেবৈরপি দুরাসদম্।
প্রতিয়োদ্ধুং ন শক্নোমি কুরুসৈন্যং ভয়ানকম্ ॥ 11 ॥ 4-39-11 (30020)
নাশংসে ভারতীং সেনাং প্রবেষ্টুং ভীমকার্মুকাম্।
দেবৈরপি সহেন্দ্রেণ ন শক্যং কিংপুনর্নরৈঃ ॥ 12 ॥ 4-39-12 (30021)
রথনাগাশ্বকলিলং পত্তিধ্বজসমাকুলম্ ।
দৃষ্ট্বৈব হি পরানীকং মনঃ প্রব্যথতীব মে ॥ 13 ॥ 4-39-13 (30022)
যত্র দ্রোণশ্চ ভীষ্মশ্চ কৃপঃ কর্ণো বিবিংশতিঃ ।
অশ্বত্থামা বিকর্ণশ্চ সোমদত্তশ্চ বাহ্লিকঃ ।
দুর্যোধনস্তথা রাজা বীরো দুর্মর্ষণঃ পরঃ ॥ 14 ॥ 4-39-14 (30023)
নীতিমন্তো মহেষ্বাসাঃ সর্বে যুদ্ধবিশারদাঃ ।
মত্তা ইব মহানাগা যুক্তধ্বজপতাকিনঃ ॥ 15 ॥ 4-39-15 (30024)
নীতিমন্তো মহেষ্বাসাঃ সর্বার্থকৃতনিশ্চয়াঃ ।
তাঞ্জেতুং সমরে শূরান্দুর্বুদ্ধিরহমাগতঃ ॥ 16 ॥ 4-39-16 (30025)
দৃষ্ট্বৈব হি কুরূন্সর্বান্ব্যূঢানীকান্প্রহারিণঃ ।
হৃষিতানি চ রোমাণি কশ্মলেনাহতং মনঃ ॥ 17 ॥ 4-39-17 (30026)
বৈশম্পায়ন উবাচ। 4-39-17x (3163)
দৃষ্ট্বা তু মহতীং সেনাং কুরূণাং দৃঢধন্বিনাম্।
পরিদেবয়তে মন্দঃ সকাশে সব্যসাচিনঃ ॥ 18 ॥ 4-39-18 (30027)
ত্রিগর্তান্মে পিতা যাতঃ শূন্যে বৈ প্রণিধায় মাম্।
সর্বাং সেনামুপাদায় ন মে সন্তীহ সৈনিকাঃ ॥ 19 ॥ 4-39-19 (30028)
অহমেকো বহূন্বালঃ কৃতাস্ত্রানকৃতশ্রমঃ।
প্রতিয়োদ্ধুং ন শক্নোতি নিবর্তয় বৃহন্নলে ॥ 20 ॥ 4-39-20 (30029)
বৈশম্পায়ন উবাচ। 4-39-21x (3164)
তং তথা বাদিনং তত্র বীভৎসুঃ প্রত্যভাষত।
সংপ্রহস্য পুনস্তং বৈ সর্বলোকমহারথঃ ॥ 21 ॥ 4-39-21 (30030)
ভয়েন দীনরূপোঽসি দ্বিষতাং হর্ষবর্ধনঃ ।
ন চ তাবৎকৃতং কিংচিৎপরৈঃ কর্ম রণাজিরে ॥ 22 ॥ 4-39-22 (30031)
স্বয়মেব চ মামাত্থ নয় মাং কৌরবান্প্রতি ।
সোহং ৎবাং তত্র নেষ্যামি যত্রৈতে বহুলা ধ্বজাঃ ॥ 23 ॥ 4-39-23 (30032)
মধ্যমামিষগৃধ্রূনাং কুরূণামাততায়িনাম্ ।
নেষ্যামি ৎবাং মহাবাহো মা ৎবং হি বিমনা ভব।
সমুদ্রমিব গম্ভীরং কুরুসৈন্যমরিন্দম ॥ 24 ॥ 4-39-24 (30033)
স্ত্রীসকাশে প্রতিজ্ঞায় পুরুষাণাং হি শৃণ্বতাম্।
বিকত্থমানো নির্যাৎবা ব্রূষি কিং নাত্র যুদ্ধ্যসে ॥ 25 ॥ 4-39-25 (30034)
তথা স্ত্রীষু প্রতিশ্রুত্য পৌরুষং পুরুষেষু চ।
রথমারুহ্য নির্যাৎবা কিমর্থং নাববুধ্যসে ॥ 26 ॥ 4-39-26 (30035)
ন চেদ্বিজিত্য গাস্ৎবং হি নগরং প্রতিয়াস্যসি।
প্রহসিষ্যন্তি বীরাস্ৎবাং নরা নার্যশ্চ সংগতাঃ ॥ 27 ॥ 4-39-27 (30036)
অহমপ্যস্মি সৈরন্ধ্র্যা স্তুতঃ সারথ্যকর্মণি ।
নাহং শক্নোম্যনির্জিত্য গাঃ প্রয়াতুং পুরং প্রতি ॥ 28 ॥ 4-39-28 (30037)
স্তোত্রেণ চৈব সৈরন্ধ্র্যাস্তব বাক্যেন চোদিতঃ ।
কথং ন যুদ্ধ্যেয়মহং কুরূনেতান্স্থিরো ভব ॥ 29 ॥ 4-39-29 (30038)
উত্তর উবাচ। 4-39-30x (3165)
কামং হরন্তু মাৎস্যানাং ভূয়াংসঃ কুরবো ধনম্।
প্রহসন্তু চ মাং নার্যো নরা বাঽপি বৃহন্নলে ॥ 30 ॥ 4-39-30 (30039)
সংগ্রামেণ ন মে কার্যং গাবো গচ্ছন্তু চাপি মে ।
নগরং চ প্রবেক্ষ্যামি পশ্যতস্তে বৃহন্নলে ॥ 31 ॥ 4-39-31 (30040)
বৈশম্পায়ন উবাচ। 4-39-32x (3166)
ইত্যুক্ৎবা প্রাদ্রবদ্ভীতো রথাৎপ্রস্কন্দ্য কুণ্ডলী।
ত্যক্ৎবা মানং সুসংত্রস্তো বিসৃজ্য সশরং ধনুঃ ॥ 32 ॥ 4-39-32 (30041)
অর্জুন উবাচ। 4-39-33x (3167)
নৈষ শূরৈঃ স্মৃতো ধর্মঃ ক্ষত্রিয়স্য পলায়নম্।
শ্রেয়ো হি মরণং যুদ্ধে ন ভীতস্য পলায়নম্ ॥ 33 ॥ 4-39-33 (30042)
বৈশম্পায়ন উবাচ। 4-39-34x (3168)
এবমুক্ৎবা তু কৌরব্যঃ সোঽবপ্লুত্য রথোত্তমাৎ।
তমন্বধাবদ্ধাবন্তং রাজপুত্রং ধনঞ্জয়ঃ ।
দীর্ঘাং বেণীং বিধূন্বানঃ সাধু রক্তে চ বাসসী ॥ 34 ॥ 4-39-34 (30043)
বিক্রমন্তং পদন্যাসৈর্নময়ন্তং চ ভূতলম্ ।
বিধূয় বেণীং ধাবন্তমজানন্তোঽর্জুনং তদা।
সৈনিকাঃ প্রাহসন্কেচিদ্যোষিদ্রূপমবেক্ষ্য তম্ ॥ 35 ॥ 4-39-35 (30044)
তং চ শীঘ্রং প্রধাবন্তং সংপ্রেক্ষ্য কুরবোঽব্রুবন্ ।
কোঽয়ং ধাবত্যসঙ্গেন পূর্বং মুক্ৎবা রথোত্তমম্ ॥ 36 ॥ 4-39-36 (30045)
ক এষ বেষসংচ্ছন্নো ভস্মনেব হুতাশনঃ।
কিংচিদস্য যথা পুংসঃ কিংচিদস্য যথা স্ত্রিয়ঃ ॥ 37 ॥ 4-39-37 (30046)
ইত্যেবং সৈনিকাঃ প্রাহুর্দ্রোণস্তানিদমব্রবীৎ ।
আচার্যঃ কুরুপাণ্ডূনাং মতৌ শুক্রাঙ্গিরোপমঃ ॥ 38 ॥ 4-39-38 (30047)
কিং বিচারেণ বঃ কার্যমেতেনানুসৃতেন বা।
ধাবন্তমনুধাবংশ্চ নির্ভয়ো ভয়বিপ্লুতম্ ।
বেণীকলাপং নির্ধূয় প্রবিভাতি নরর্ষভঃ ॥ 39 ॥ 4-39-39 (30048)
আকারমর্জুনস্যেব ক্লীবরূপং বিভর্তি চ।
রূপেণ পার্থসদৃশঃ স্ত্রীবেষসমলংকৃতঃ ॥ 40 ॥ 4-39-40 (30049)
তদেবৈতচ্ছিরোগ্রীবং তৌ বাহূ পরিঘোপমৌ ।
তত্তদেবাস্য বিক্রান্তং নায়মন্যো ধনঞ্জয়াৎ ॥ 41 ॥ 4-39-41 (30050)
অমরেষ্বিব দেবেন্দ্রো মনুষ্যেষু ধনঞ্জয়ঃ।
একঃ কোস্মানুপায়ায়াদন্যো লোকে ধনঞ্জয়াৎ ॥ 42 ॥ 4-39-42 (30051)
দ্রোণেন চৈবমুক্তস্তু কর্ণঃ প্রোবাচ বুদ্ধিমান্।
একঃ পুত্রো বিরাটস্য শূন্যে সংনিহিতঃ পুরে ॥ 43 ॥ 4-39-43 (30052)
স এষ কিল নির্যাতো বালভাবান্ন পৌরুষাৎ।
ক্লীবং বৈ সারথিং কৃৎবা নির্যাতো নগরাদ্বহিঃ ॥ 44 ॥ 4-39-44 (30053)
ছন্নং সত্রেণ বৈ নূনং জানীধ্বং যান্তমর্জুনম্ ।
তে হি নঃ প্রতিসংয়াতুং সংগ্রামে ন হি শক্নুয়ুঃ ।
কথমেকতরস্তেষাং সমস্তান্যোধয়েৎকুরূন্ ॥ 45 ॥ 4-39-45 (30054)
উত্তরঃ সারথিং কৃৎবা নির্যাতো নগরাদ্বহিঃ।
স নো মন্যে ধ্বজং দৃষ্ট্বা ভীত এষ পলায়তি ॥ 46 ॥ 4-39-46 (30055)
কৃপ উবাচ। 4-39-47x (3169)
নূনং তমেব ধাবন্তং জিঘৃক্ষতি ধনঞ্জয়ঃ।
সারথিং হ্যুত্তরং কৃৎবা স্বয়ং যোদ্ধুমিহেচ্ছতি ॥ 47 ॥ 4-39-47 (30056)
বৈশম্পায়ন উবাচ। 4-39-48x (3170)
ইতি স্ম কুরবঃ সর্বে বিমৃশন্তঃ পৃথক্পৃথক্।
ন চ ব্যবসিতুং বীরা অর্জুনং শক্নুবন্তি তে ॥ 48 ॥ 4-39-48 (30057)
দুর্যোধন উবাচেদং সৈনিকান্রথসত্তমান্ ।
অর্জুনো বাসুদেবো বা রামঃ প্রদ্যুম্ন এব বা।
তে হি নঃ প্রতিসংয়াতুং সংগ্রামে ন হি শক্নুয়ুঃ ॥ 49 ॥ 4-39-49 (30058)
অন্যো বৈ ক্লীবরূপেণ যদ্যাগচ্ছেদ্গবাং পদম্।
শস্ত্রৈস্তীক্ষ্ণৈরর্পয়িৎবা পাতয়িষ্যামি ভূতলে ।
কথমেকতরস্তেষাং সমস্তান্যোধয়েৎকুরূন্ ॥ 50 ॥ 4-39-50 (30059)
বৈশম্পায়ন উবাচ। 4-39-51x (3171)
ছন্নং তথা তং বেষেণ পাণ্ডবং প্রেক্ষ্য সৈনিকাঃ।
অর্জুনেতি চ নেত্যেব ন ব্যবস্যন্তি তে পুনঃ।
ইতি স্ম কুরবঃ সর্বে বিমৃশন্তঃ পুনঃ পুনঃ ॥ 51 ॥ 4-39-51 (30060)
দৃঢেবধী মহাসত্ৎবঃ শক্রতুল্যপরাক্রমঃ ।
অদ্যাগচ্ছতি চেদ্যোদ্ধুং সর্বং সংশয়িতং বলম্ ॥ 52 ॥ 4-39-52 (30061)
ন চাপ্যন্যতরং তত্র ব্যবস্যন্তি ধনঞ্জয়াৎ ॥ 53 ॥ 4-39-53 (30062)
উত্তরং তু প্রধাবন্তমনুদ্রুত্য ধনঞ্জয়ঃ।
গৎবা শতপদং তূর্ণং কেশপক্ষে পরামৃশৎ ॥ 54 ॥ 4-39-54 (30063)
মা মা গৃহাণ ভদ্রং তে দাসোঽহং তে বৃহন্নলে।
ইতি বাদিনমেবাশু ধাবন্তং তরসাঽগ্রহীৎ।
বিরাটপুত্রং বীভৎসুর্বলবানরিমর্দনঃ ॥ 55 ॥ 4-39-55 (30064)
সোঽর্জুনেন পরামৃষ্টঃ পর্যদেবয়দার্তবৎ ।
বহুলং কৃপণং চৈব বিত্তং প্রাবেদয়দ্বহু ॥ 56 ॥ 4-39-56 (30065)
সুবর্ণমণিমুক্তানাং যদ্যদিচ্ছসি দদ্মি তে।
হস্তিনোশ্বান্রথান্গাবঃ স্ত্রিয়শ্চ সমলঙ্কৃতাঃ ॥ 57 ॥ 4-39-57 (30066)
শাতকুম্ভস্য শুদ্ধস্য শ্রেষ্ঠস্য রজতস্য চ।
দদামি শতনিষ্কং তে মুঞ্চ মাং ৎবং বৃহন্নলে ॥ 58 ॥ 4-39-58 (30067)
ষষ্টিং স্বলংকৃতাঃ কন্যা গ্রামমেকং দদামি তে।
মুঞ্চ মাং ৎবং ভৃশং দীনং বিহ্বলং ভয়কম্পিতম্ ॥ 59 ॥ 4-39-59 (30068)
মণীনষ্টৌ চ বৈডূর্যান্হেমবদ্ধান্মহাপ্রভান্।
হেমদণ্ডপ্রতিচ্ছন্নং রথং যুক্তং তু বাজিভিঃ ॥ 60 ॥ 4-39-60 (30069)
মত্তাংশ্চ দশ মাতঙ্গান্মুঞ্চ মাং ৎবং বৃহন্নলে ।
গমিষ্যামি পুরং ষণ্ড দ্রষ্টুং মাতরমদ্য তাম্ ॥ 61 ॥ 4-39-61 (30070)
একোঽহমেব মে মাতুঃ কুমারঃ কিং ব্রুবে ততঃ।
বিধিরেবংবিধে কালে ৎবদ্বশং কুরুতে হি মাম্ ॥ 62 ॥ 4-39-62 (30071)
মাৎস্যস্য পুত্রো বালোঽহং তেন চাস্মি সুপোষিতঃ।
মাতৃপার্শ্বশয়ানোঽহমস্পৃষ্টাতপবায়ুমান্ ॥ 63 ॥ 4-39-63 (30072)
অদৃষ্টবালয়ুদ্ধোঽহং কুতস্তে কুরবঃ কুতঃ।
মাতৃপার্শ্বং গমিষ্যামি মুঞ্চ মাং ৎবং বৃহন্নলে ॥ 64 ॥ 4-39-64 (30073)
প্রলয়ার্ণবসংকাশং দৃশ্যতে কৌরবং বলম্ ॥ 65 ॥ 4-39-65 (30074)
স্ত্রীণাং মধ্যেঽহমজ্ঞানাদ্বীর্যশৌর্যাঙ্কিতাং গিরম্।
উক্তো যৌবনগর্বেণ কো জেতুং শক্নুয়াৎকুরূন্ ।
অমুক্ৎবা মাং যদি নয়ের্মরিষ্যামি তবাগ্রতঃ ॥ 66 ॥ 4-39-66 (30075)
বৈশম্পায়ন উবাচ। 4-39-67x (3172)
এবমাদীনি বাক্যানি বিলপন্তমচেতসম্।
প্রসভং পুরুষব্যাঘ্রো রথস্যান্তিকমানয়ৎ ॥ 67 ॥ 4-39-67 (30076)
অথৈনমব্রবীৎপার্থো ভয়ার্তং নষ্টচেতসম্ ॥ 68 ॥ 4-39-68 (30077)
অহং যোৎস্যামি কৌরব্যৈর্হয়ান্সংয়চ্ছ মেতি মাম্ ।
আদদানঃ কিমর্থং ৎবং পলায়নপরোঽভবঃ ॥ 69 ॥ 4-39-69 (30078)
যুধ্যস্ব কৌরবৈঃ সার্ধং বিজয়স্তে ভবিষ্যতি।
যস্য যন্তাস্ম্যহং যুদ্ধে সংয়চ্ছামি হয়োত্তমান্।
রাজ্ঞো বা রাজপুত্রস্য তস্য যুদ্ধে জয়ো ধ্রুবম্ ॥ 70 ॥ 4-39-70 (30079)
সর্বথোত্তর যুধ্যস্ব যন্ত্রা সহ ময়া কুরূন্ ।
জিৎবা মহীং যশঃ প্রাপ্য ভোক্ষ্যসে সকলামিমাম্ ॥ 71 ॥ 4-39-71 (30080)
হতো বা প্রাপ্সসে স্বর্গং ন শ্রেয়স্তে পলায়নম্ ॥ 72 ॥ 4-39-72 (30081)
অদ্য সর্বান্কুরূঞ্জিৎবা যথা জয়মবাপ্স্যসি।
তথাঽহং প্রয়তিষ্যেঽত্র সহায়োঽত্র মতো হ্যহম্ ॥ 73 ॥ 4-39-73 (30082)
যদি নোৎসহসে যোদ্ধুং শত্রুভিঃ শত্রুকর্শন।
এহি মে ৎবং হয়ান্যচ্ছ যুধ্যমানস্য শত্রুভিঃ ॥ 74 ॥ 4-39-74 (30083)
প্রয়াহ্যেতদ্রথানীকং মদ্বাহুপরিরক্ষিতঃ ।
অপ্রধৃষ্যতমং ঘোরং গুপ্তং ঘোরৈর্মহারথৈঃ ।
মা ভৈস্ৎবং রাজপুত্রাগ্র্য ক্ষত্রিয়োসি পরংতপ ॥ 75 ॥ 4-39-75 (30084)
অহং তৈঃ কুরুভির্যোৎস্যে প্রত্যানেষ্যামি তে পশূন্ ।
প্রবিশৈতদ্রথানীকমপ্রধৃষ্যং দুরাসদম্ ॥ 76 ॥ 4-39-76 (30085)
যন্তা ভব নরশ্রেষ্ঠ যোৎস্যেঽহং কুরুভিঃ সহ।
শূরান্সমরচণ্ডাংশ্চ নয়িষ্যে যমসাদনম্ ॥ 77 ॥ 4-39-77 (30086)
বৈশম্পায়ন উবাচ। 4-39-78x (3173)
এবং ব্রুবাণো বৈরাটিং বীভৎসুরপরাজিতঃ।
সমাশ্বাস্য ভয়ার্তং তমুত্তরং ভরতর্ষভঃ ॥ 78 ॥ 4-39-78 (30087)
ইতস্ততো বিবেষ্টন্তমকামং ভয়পীডিতম্ ।
রথমারোপমায়াস পার্থঃ পরপুরংজয়ঃ ॥ 79 ॥ 4-39-79 (30088)
তমারোপ্য রথোপস্থে বিলপন্তং ধনঞ্জয়ঃ।
গাণ্ডীবং ধনুরাদাতুমুপায়াত্তাং শমীং প্রতি। 4-39-80 (30089)
উত্তরং তং সমাশ্বাস্য কৃৎবা যন্তারমর্জুনঃ ॥ 80 ॥ ॥ 4-39-81 (30090)
ইতি শ্রীমন্মহাভারতে বিরাটপর্বণি গোগ্রহণপর্বণি একোনচৎবারিংশোঽধ্যায়ঃ ॥ 39 ॥
বিরাটপর্ব - অধ্যায় 040
॥ শ্রীঃ ॥
4.40. অধ্যায়ঃ 040
Mahabharata - Virata Parva - Chapter Topics
উত্তরেণার্জনচোদনয়া শমীমারুহ্য ধনুরাদানম্ ॥ 1 ॥Mahabharata - Virata Parva - Chapter Text
4-40-0 (30091)
বৈশম্পায়ন উবাচ। 4-40-0x (3174)
তং দৃষ্ট্বা ক্লীবরূপেণ রথস্থং রথিপুঙ্গবম্।
শমীমভিমুখং যান্তং রথমারোপ্য চোত্তরম্ ॥ 4-40-1 (30092)
দ্রোণভীষ্মাদয়ঃ শূরাঃ কুরূণাং রথিসত্তমাঃ ।
বিত্রস্তমনসশ্চাসন্ধনঞ্জয়কৃতাদ্ভয়াৎ ॥ 4-40-2 (30093)
তানবেক্ষ্য হতোৎসাহানুৎপাতানপি চাদ্ভুতান্।
গুরুঃ শস্ত্রভৃতাংশ্রেষ্ঠো ভারদ্বাজোঽভ্যভাষত ॥ 4-40-3 (30094)
স্বরাশ্চ বাতাঃ সংয়ান্তি রূক্ষাঃ পরুষনিস্বনাঃ ।
ভস্মবর্ষপ্রকাশেন তমসা সংবৃতং নভঃ ॥ 4-40-4 (30095)
রূক্ষবর্ণাশ্চ জলদা দৃশ্যন্তেঽদ্ভুতদর্শনাঃ ।
নিঃসরন্তি চ কোশেভ্যঃ শস্ত্রাণি বিবিধানি চ ॥ 4-40-5 (30096)
শিবাশ্চ বিনদন্ত্যেতা দীপ্তায়াং দিশি দারুণাঃ ।
হয়াশ্চাশ্রূণি মুঞ্চন্তি ধ্বজাঃ কম্পন্ত্যকম্পিতাঃ ॥ 4-40-6 (30097)
যাদৃশান্যত্র দৃশ্যন্তে রূপাণি বিবিধানি চ।
যত্তা ভবন্তস্তিষ্ঠন্তু যুদ্ধং স্যাৎসমুপস্থিতম্ ॥ 4-40-7 (30098)
রক্ষধ্বমপি রাজানং ব্যূহধ্বং বাহিনীমপি ।
বৈশসং চ প্রতীক্ষধ্বং রক্ষধ্বং চাপি গোধনম্ ॥ 4-40-8 (30099)
এষ বীরো মহেষ্বাসঃ সর্বশস্ত্রভৃতাংবরঃ।
আগতঃ ক্লীববেষেণ পার্থো নাস্ত্যত্র সংশয়ঃ ॥ 4-40-9 (30100)
এতাবদুক্ৎবা বচনং ভীষ্মমালোক্য চাব্রবীৎ ॥ 4-40-10 (30101)
নদীজ লঙ্কেশবনারিকেতুর্নগাহ্বয়ো নাম নগারিসূনুঃ ।
গত্যা সুরেশঃ ক্বচিদঙ্গনেব গুরুর্বভাষে বচনং তদানীম্ ॥ 4-40-11 (30102)
বৈশম্পায়ন উবাচ। 4-40-12x (3175)
ইত্যুক্ৎবা সংজ্ঞয়া দ্রোণস্তূষ্ণীমাসীদ্বিশাংপতে।
ভারদ্বাজবচঃ শ্রুৎবা গাঙ্গেয়ঃ সংজ্ঞয়াঽব্রবীৎ ॥ 4-40-12 (30103)
অতীতং চক্রমস্মাকং বিষয়ান্তরমাগতাঃ ।
অতীতঃ সময়শ্চোক্ত অস্মাভির্যঃ সভাতলে।
ন ভয়ং শত্রুতঃ কার্যং শঙ্কাং ত্যজ নরর্ষভ ॥ 4-40-13 (30104)
দেবব্রতেনৈবমুক্তে বচনে হিতকারিণা ।
দুর্যোধনমথালোক্য সংজ্ঞয়া দ্রোণ অব্রবীৎ ॥ 4-40-14 (30105)
এষ বীরো মহেষ্বাসঃ সর্বশস্ত্রভৃতাংবরঃ ।
আগতঃ ক্লীবরূপেণ পার্থো নাস্ত্যত্র সংশয়ঃ ॥ 4-40-15 (30106)
এষ পার্থো হি বিক্রান্তঃ সব্যসাচী পরন্তপঃ।
যে জেতারো মহীপানামমুনা কুরবো হতাঃ ॥ 4-40-16 (30107)
যস্মিঞ্জাতে মহী কৃৎস্না নির্ভরোচ্ছ্বাসিতাঽভবৎ।
যেন মে দক্ষিণা দত্তা বদ্ধ্বা দ্রুপদমোজসা ॥ 4-40-17 (30108)
বিদ্ধ্বা বিয়দ্গতং লক্ষ্যং বিনির্জিত্য চ পার্থিবান্ ।
নির্জিতা যেন পাঞ্চালী পুরা যেন স্বয়ংবরে ॥ 4-40-18 (30109)
খাণ্ডবে যেন সংতৃপ্তো বহ্নির্জিৎবা সুরাসুরান্ ।
পরিণীতা সুভদ্রা চ যেন নির্জিত্য যাদবান্ ॥ 4-40-19 (30110)
নির্জিতো যেন যুদ্ধেন ত্রিপুরারিঃ স্মরার্দনঃ ॥ 4-40-20 (30111)
গৎবা ত্রিবিষ্টপং যেন জিতেন্দ্রা দানবা যুধি ।
নিবাতকবচা রাজন্দানবানাং ত্রিকোটয়ঃ।
নির্জিতাঃ কালকেয়াশ্চ হিরণ্যপুরবাসিনঃ ॥ 4-40-21 (30112)
যেন ৎবং মোচিতো বদ্ধশ্চিত্রসেনেন তদ্বনে ॥ 4-40-22 (30113)
যেন গৎবোত্তরং মেরোরানিনায় মহদ্ধনম্ ।
যাজিতো ধর্মসূনুশ্চ নৃপান্সর্বান্বিজিত্য চ ॥ 4-40-23 (30114)
যস্মিঞ্শৌর্যং চ বীর্যং চ তেজো ধৈর্যং পরাক্রমঃ ।
ঔদার্যং চৈব গাম্ভীর্যং শ্রীর্হ্রীর্ধর্মো দয়াঽঽর্জবম্ ।
এবমাদিগুণোপেতঃ সোয়ং পার্থো ন সংশয়ঃ ॥ 4-40-24 (30115)
নাজিৎবা বিনিবর্তেত সর্বানপি মরুদ্গণান্ ॥ 4-40-25 (30116)
ক্লেশিতশ্চ বনে শূরো বাসবেন চ শিক্ষিতঃ।
অমর্ষবশমাপন্নো যোৎস্যতে নাত্র সংশয়ঃ ।
ন হ্যস্য প্রতিয়োদ্ধারমন্যং পশ্যামি কৌরব ॥ 4-40-26 (30117)
মহাদেবোপি পার্থেন শ্রূয়তে যুদ্ধতোষিতঃ ।
কিরাতবেষপ্রচ্ছন্নো গিরৌ হিমবতি প্রভুঃ ॥ 4-40-27 (30118)
ইত্যেবংবাদিনং দ্রোণং কর্ণঃ ক্রুদ্ধোঽভ্যভাষত ॥ 4-40-28 (30119)
সদা ভবান্ফল্গুনস্য গুণানস্মাসু কত্থসে।
ন চার্জুনঃ কলাপূর্ণো মম দুর্যোধনস্য বা ॥ 4-40-29 (30120)
দুর্যোধন উবাচ। 4-40-30x (3176)
যদ্যেষ পার্থো রাধেয় কৃতং কার্যং ভবেন্মম ।
জ্ঞাতাঃ পুনশ্চরিষ্যন্তি দ্বাদশান্যাংশ্চ বৎসরান্ ॥ 4-40-30 (30121)
অথবা কশ্চিদেবান্যঃ ক্লীবরূপেণ দেবরাট্ ।
শরৈরেনং সুনিশিতৈঃ পাতয়িষ্যামি ভূতলে ॥ 4-40-31 (30122)
বৈশম্পায়ন উবাচ। 4-40-32x (3177)
তস্মিন্বদতি তাং বাচং ধার্তরাষ্ট্রে পরন্তপে।
ভীষ্মো দ্রোণঃ কৃপো দ্রৌণিঃ পৌরুষং তদপূজয়ন্ ॥ 4-40-32 (30123)
তাং শমীমভিসংগম্য পার্থো বৈরাটিমব্রবীৎ।
সুখসংবর্ধিতং পিত্রা সমরাণামকোবিদম্ ॥ 4-40-33 (30124)
এহি ভূমিংজয়ারুহ্য বৈরাটে মহতীং শমীম্।
সমাদিষ্টো ময়া ক্ষিপ্রং ধনুর্গাণ্ডীবমানয় ॥ 4-40-34 (30125)
নেমানীষ্বাসনানীহ সোঢুং শক্ষ্যন্তি মে বলম্ ।
নালং ভারং গুরুং ভেত্তুং কুঞ্জরং বা প্রমর্দিতুম্ ॥ 4-40-35 (30126)
মম বা বাহুবিক্ষেপং শত্রূনিহ বিজেষ্যতঃ।
নেচ্ছামি তৈরহং কর্তুং কর্ম বৈজয়িকং ৎবিহ ॥ 4-40-36 (30127)
অতিসূক্ষ্মাণি হ্রস্বানি সর্বাণি চ মৃদূনি চ।
আয়ুধানি মহাবাহো তবৈতানি মহাবল ॥ 4-40-37 (30128)
তস্মাদ্ভূমিংজয়ারুহ্য শমীমেতাং পলাশিনীম্ ।
অস্যাং হি পাণ্ডুপুত্রাণাং ধনূংষি নিহিতাত্যুত ॥ 4-40-38 (30129)
যুধিষ্ঠিরস্য ভীমস্য বীভৎসোর্যময়োস্তথা ।
ধ্বজা শরাশ্চ শূরাণাং দিব্যানি কবচানি চ ॥ 4-40-39 (30130)
অত্রৈব তু মহাবীর্যং ধনুঃ পার্থস্য গাণ্ডিবম্ ।
একং শতসহস্রেণ সংমিতং রাষ্ট্রবর্ধনম্ ॥ 4-40-40 (30131)
ব্যায়ামসহমত্যর্থং তৃণরাজসমং মহৎ ।
সর্বায়ুধমহামাত্রং সর্বারিক্ষয়কারকম্ ॥ 4-40-41 (30132)
সুবর্ণবিকৃতং দিব্যং শ্লক্ষ্ণমায়তমব্রণম্।
অলং ভারং গুরুং সোঢুং বারুণং চ সুদর্শনম্ ॥ 4-40-42 (30133)
তাদৃশান্যেব সর্বাণি বলবন্তি দৃঢানি চ।
যুধিষ্ঠিরস্য ভীমস্য বীভৎসোর্যময়োস্তথা ।
প্রথিতানি বিশিষ্টানি দুর্দশানি ভবন্ত্যুত ॥ 4-40-43 (30134)
উত্তর উবাচ। 4-40-44x (3178)
শরীরমিহ চাসক্তং শম্যাং শুষ্কং পুরা কিল।
তদহং রাজপুত্রঃ সন্স্পৃশেয়ং পাণিনা কথম্ ॥ 4-40-44 (30135)
ন মামেবংবিধং কর্ম কারয়স্ব বৃহন্নলে ।
কথং বা শক্যতে কর্তুং বুদ্ধ্যা ৎবং মন্যসে কথং ॥ 4-40-45 (30136)
নৈবংবিধং ময়া যুক্তমালব্ধুং ক্ষত্রয়োনিনা ।
মহতা রাজপুত্রেণ মন্ত্রয়জ্ঞবিদা সতা ॥ 4-40-46 (30137)
স্পৃষ্টবন্তং শরীরং মাং শববাহমিবাশুচিম্।
কথং বা ব্যবহার্যং বৈ কুর্বীথাস্ৎবং বৃহন্নলে ॥ 4-40-47 (30138)
বৈশম্পায়ন উবাচ। 4-40-48x (3179)
তমুবাচ ততঃ শূরঃ পার্থং পরপুংরজয়ঃ।
দায়াদং সর্বমৎস্যানাং কুলে জাতং বিশারদম্ ॥ 4-40-48 (30139)
জানামি ৎবাং মহাপ্রাজ্ঞ শুভং জাত্যা কুলেন চ ।
কথং নু পাপকং কর্ম ব্রূয়াং ৎবাঽহং পরন্তপ ॥ 4-40-49 (30140)
ব্যবহার্যশ্চ রাজেন্দ্র শুদ্ধশ্চৈব ভবিষ্যসি ।
ধনূংষ্যেতানি মা ভৈস্ৎবং শরীরং নাত্র বিদ্যতে ॥ 4-40-50 (30141)
দায়াদং মৎস্যরাজস্য কুলে জাতং মনস্বিনম্ ।
কথং বা নন্দিতং কর্ম কারয়ে ৎবাং নৃপাত্মজ ॥ 4-40-51 (30142)
বৈশম্পায়ন উবাচ। 4-40-52x (3180)
এবমুক্তঃ স পার্থেন রথাৎপ্রস্কন্দ্য কুণ্ডলী।
আরুরোহ শমীবৃক্ষং বৈরাটিরবশস্তদা ॥ 4-40-52 (30143)
তমন্বশাসচ্ছত্রুঘ্নো রথে তিষ্ঠন্ধনঞ্জয়ঃ ।
অবরোপয় বৃক্ষাগ্রাদ্ধনূংষ্যেতানি মাচিরম্ ॥ 4-40-53 (30144)
সোপহৃত্য মহার্হাণি ধনূংষি পৃথুবক্ষসাম্ ।
পরিবেষ্টনপত্রাণি বিমুচ্য সমুপানয়ৎ ॥ 4-40-54 (30145)
পরিবেষ্টনমেতেষাং সর্বং মুঞ্চস্ব মাচিরম্ ।
তেষাং সংনহনীয়ানি পরিমুচ্য পরন্তপঃ।
অপশ্যত্তত্র গাণ্ডীবং চতুর্ভিরপরৈঃ সহ ॥ 4-40-55 (30146)
তেষাং বিমুচ্যমানানাং ধনুষামর্কবর্চসাম্।
বিনিশ্চেরুঃ প্রভা দিব্যা গ্রহাণামুদয়েষ্বিব ॥ 4-40-56 (30147)
স তেষাং রূপমালেক্য ভোগিনামিব দৃম্ভতাম্ ।
হৃষ্টরোমা ভয়োদ্বিগ্রঃ প্রবেপিততনুস্তদা ॥ 4-40-57 (30148)
অর্জুনেন সমাশ্বস্তঃ কিংচিদ্ধৃষ্টো নৃপাত্মজঃ।
তেষাং সংদর্শনাভ্যাসং স্পর্শাভ্যাসং পুনঃ পুনঃ ॥ 58 ॥ 4-40-58 (30149)
আমীল্য পুনরুন্মীল্য স্পৃষ্ট্বাস্পৃষ্ট্বা চকার সঃ।
সম্যগ্ঘুণ্টস্তদাঽঽশ্বস্তঃ ক্ষণেন সমপদ্যত ॥ 59 ॥ 4-40-59 (30150)
সংস্পৃশ্য তানি চাপানি ভানুমন্তি বৃহন্তি চ।
বৈরাটিরর্জুনং রাজন্নিদং বচনমব্রবীৎ ॥ 60 ॥ ॥ 4-40-60 (30151)
ইতি শ্রীমন্মহাভারতে বিরাটপর্বণি গোগ্রহণপর্বণি চৎবারিংশোঽধ্যায়ঃ ॥ 40 ॥
Mahabharata - Virata Parva - Chapter Footnotes
4-40-11 নগারিসূনুঃ। এষোঽঙ্গনাবেষধরঃ কিরীটী জিৎবাঽব যং নেষ্যতি চাদ্য গা ব ইতি ঝo পাঠঃ। হে নদীজ গাঙ্গেয় ভীষ্ম, লঙ্কেশস্য রাবণস্য বনং তস্যারির্নাশকো হনূমান্ স কেতুর্ধ্বজো যস্য সঃ লঙ্কেশবনারিকেতুঃ । নগো `বৃক্ষস্তদাহ্লয়ঃ বৃক্ষনামা। অর্জুন ইত্যর্থঃ। শৈলবৃক্ষৌ নগাবগাবিত্যমরঃ। নগারিরিন্দ্রস্তস্য সূনুঃ । কিরীটী তন্নামা যং জিৎবা বঃ যুষ্মাকং গাঃ ধেনূঃ নেষ্যতি তং দুর্যোধনং অব পালয় ॥ 11 ॥ 4-40-46 আলব্ধুং স্প্রষ্টুম্ ॥ 46 ॥ ॥ চৎবারিংশোঽধ্যায়ঃ ॥বিরাটপর্ব - অধ্যায় 041
॥ শ্রীঃ ॥
4.41. অধ্যায়ঃ 041
Mahabharata - Virata Parva - Chapter Topics
পাণ্ডবকার্মুকাদ্যবলোকনবিস্মিতেনোত্তরকুমারেণার্জুনংপ্রতি তত্তদায়ুধবর্ণনপূর্বকং তত্তৎস্বামিনাং প্রশ্নঃ ॥ 1 ॥Mahabharata - Virata Parva - Chapter Text
4-41-0 (30152)
উত্তর উবাচ। 4-41-0x (3181)
সারথে কিমিদং দিব্যং নাগো বা যদি বা ধনুঃ।
সৌবর্ণান্যত্র পদ্মানি শতপত্রাণি ভাগশঃ ।
কুশাগ্নিপ্রতিতপ্তানি ভানুমন্তি বৃহন্তি চ ॥ 4-41-1 (30153)
বিন্দবশ্চাত্র সৌবর্ণা মণিপ্রোতাঃ সমন্ততঃ।
শশিসূর্যপ্রভাঃ পৃষ্ঠে ভান্তি রুক্মপরিষ্কৃতাঃ ॥ 4-41-2 (30154)
পুষ্পাণ্যত্র সুবর্ণানি শতপত্রাণি ভাগশঃ ।
বিস্মাপনীয়রূপং চ ভীমং ভীমপ্রদর্শনম্ ॥ 4-41-3 (30155)
নীলোৎপলনিভং কস্য শাতকুম্ভপরিষ্কৃতম্।
ঋষভা যস্য সৌবর্ণাঃ পৃষ্ঠে তিষ্ঠন্তি শৃঙ্গিণঃ ॥ 4-41-4 (30156)
তালপ্রমাণং কস্যেদং মণিরুক্মবিভূষিতম্
হাটকস্য সুবর্ণস্য যস্মিঞ্শাখামৃগা দশ ॥ 4-41-5 (30157)
দুরানমং মহাদীর্ঘং সুরূপং দুষ্প্রধর্ষণম্ ।
কস্যেদমীদৃশং চিত্রং ধনুঃ সর্বে চ দংশিতাঃ ॥ 4-41-6 (30158)
চন্দ্রার্কবিমলাভাসঃ সুরূপাঃ সুপ্রদর্শনাঃ ।
হংসাঃ পৃষ্ঠং শ্রিতা যস্য কুশাগ্নিপ্রতিমার্চিষঃ ।
শার্ঙ্গগাণ্ডীবসদৃশং কস্যেদং সারথে ধনুঃ ॥ 4-41-7 (30159)
চতুর্তং কাঞ্চনবপুর্ভাতি বিদ্যুদ্গণোপমম্।
নীলোপলিপ্তমচ্ছিদং জাতরূপময়ং ধনুঃ ।
মৎস্যশ্চাস্য হিরণ্যস্য পৃষ্ঠে তিষ্ঠন্তি দংশিতাঃ ॥ 4-41-8 (30160)
শক্রচাপোপমং দিব্যং কস্যেদং সারথে ধনুঃ।
উচ্ছ্রিতং ফণিবদ্দিব্যং সারবত্ৎবাদ্দুরানমম্ ॥ 4-41-9 (30161)
সহস্রগোধাঃ সৌবর্ণা দ্বীপিনশ্চ চতুর্দশ ।
বর্হিণশ্চাত্র সৌবর্ণাঃ শতচন্দ্রার্কভূষিতাঃ।
জাম্বূনদবিচিত্রাঙ্গং কস্যেদং পঞ্চমং ধনুঃ ॥ 4-41-10 (30162)
কস্যেমে ক্ষুরনারাচাঃ সহস্রং লোমবাপিনঃ।
প্রক্ষিপ্তাস্তীক্ষ্ণতুণ্ডাগ্রা উপাসঙ্গে হিরণ্ময়ে ॥ 4-41-11 (30163)
হারিদ্রবর্ণাঃ কস্যেমে শিতা পঞ্চশতং শরাঃ।
আশীবিষসমস্পর্শাঃ শিতাশ্চাজিংহগা দৃঢাঃ ॥ 4-41-12 (30164)
বিপাঠাঃ পৃথবঃ কস্য গৃধ্রপত্রার্ধবাজিতাঃ।
বরাহকর্ণাস্তীক্ষ্ণাগ্রাঃ কস্যেমে রুচিরাঃ শরাঃ ॥ 4-41-13 (30165)
বজ্রাশনিসমস্পর্শা বৈশ্বানরশিখার্চিষঃ।
সুবর্ণপুঙ্খাস্তীক্ষ্ণাগ্রাঃ কস্য সপ্তশতং শরাঃ ॥ 4-41-14 (30166)
কস্যায়ং সায়কো দীর্ঘো গব্যে কোশে চ দংশিতঃ।
কস্য দণ্ডো দৃঢঃ শ্লক্ষ্ণো রুচিরোঽয়ং প্রকাশতে ॥ 4-41-15 (30167)
বৈয়াঘ্রকোশঃ কস্যায়ং দিব্যঃ শঙ্খো মহাপ্রভঃ ।
কস্যার্থমসয়শ্চৈতে পঞ্চ শার্দূললক্ষণাঃ ॥ 4-41-16 (30168)
কস্যায়ং নির্মলঃ খঙ্গো দ্বীপিচর্মনিবাসিতঃ।
নীলোৎপলসবর্ণোঽয়ং কস্য খঙ্গঃ পৃথুর্মহান্ ॥ 4-41-17 (30169)
মৃগেন্দ্রচর্মাবসিতস্তীক্ষ্ণধারঃ সুনির্মলঃ।
ঋষভাজিনকোশস্তু কস্য খঙ্গো মহানয়ম্ ॥ 4-41-18 (30170)
যস্যাপিধানে দৃশ্যন্তে সূর্যাঃ পঞ্চ পরিষ্কৃতাঃ।
কস্যায়ং বিপুলঃ খঙ্গঃ শৃঙ্গৎসরুমনোহরঃ ॥ 4-41-19 (30171)
নিহিতঃ পার্ষতে কোশে তৈলধৌতঃ সমাহিতঃ।
প্রমাণবর্ণয়ুক্তশ্চ কস্য খঙ্গো মহানয়ম্।
এতেন প্রতিবিদ্ধঃ সঞ্জীবেৎকশ্চিন্ন কুঞ্জরঃ ॥ 4-41-20 (30172)
নির্দিশস্ব যথামার্গং ময়া পৃষ্টা বৃহন্নলে।
বিস্ময়ো মে পরো জাতো দৃষ্ট্বা সর্বমিদং মহৎ ॥ ॥ 4-41-21 (30173)
ইতি শ্রীমন্মহাভারতে বিরাটপর্বণি গোগ্রহণপর্বণি একচৎবারিংশোঽধ্যায়ঃ ॥ 41 ॥
বিরাটপর্ব - অধ্যায় 042
॥ শ্রীঃ ॥
4.42. অধ্যায়ঃ 042
Mahabharata - Virata Parva - Chapter Topics
অর্জুনেনোত্তরংপ্রতি যুধিষ্ঠিরাদ্যায়ুধানাং পৃথক্পৃথঙ্নির্দেশেন তত্তৎস্বামিকৎবকথনম্ ॥ 1 ॥Mahabharata - Virata Parva - Chapter Text
4-42-0 (30174)
বৈশম্পায়ন উবাচ। 4-42-0x (3182)
অত্তরেণৈবমুক্তস্তু পার্থো বৈরাটিমব্রবীৎ।
মৃদ্ব্যা প্রত্যায়যন্বাচা ভীতং শঙ্কাবশং গতম্ ॥ 4-42-1 (30175)
অর্জুন উবাচ। 4-42-2x (3183)
অত্ৎবয়া প্রথমং পৃষ্টং শত্রুসেনাঙ্গমর্দনম্।
পার্থস্যেদং ধনুর্দিব্যং গাণ্ডীবমিতি বিশ্রুতম্ ॥ 4-42-2 (30176)
অভেদ্যমভয়ং শ্রীমদ্দিব্যমচ্ছেদ্যমব্রণম্।
সর্বায়ুধমহামাত্রং শাতকুম্ভময়ং ধনুঃ ॥ 4-42-3 (30177)
এতচ্ছতসহস্রেণ সংমিতং রাষ্ট্রবর্ধনম্ ।
দেবদানবগন্ধর্বৈঃ পূজিতং শাশ্বতীঃ সমাঃ ॥ 4-42-4 (30178)
যেন দেবাসুরান্পার্থঃ সর্বান্বিষহতে রণে।
এতদ্বর্ষসহস্রং তু ব্রহ্মা পূর্বমধারয়ৎ ॥ 4-42-5 (30179)
উমাপতিশ্চতুঃষষ্টিং শক্রোঽশীতিং চ পঞ্চ চ ।
সোমঃ পঞ্চসহস্রাণি তথা চ বরুণঃ শতম্ ॥ 4-42-6 (30180)
তস্মাচ্চ বরুণাদগ্নিঃ প্রেম্ণা প্রাহৃত্য তচ্ছুভম্।
অগ্নিনা প্রাতিভাব্যেন দত্তং পার্থায় গাণ্ডিবম্ ।
পঞ্চষষ্টিং চ বর্ষাণি কৌন্তেয়ো ধারয়িষ্যতি ॥ 4-42-7 (30181)
এবংবীর্যং মহাবেতেতচ্চ ধনুরুত্তমম্ ।
নীলোৎপলসমং রাজ্ঞঃ কৌরব্যস্য মহাত্মনঃ ॥ 4-42-8 (30182)
বিন্দবশ্চাত্র সৌবর্ণাঃ পৃষ্ঠে সাধুনিয়োজিতাঃ ।
বিশ্রুতং ভীমসেনস্য জাতরূপগ্রহং দৃঢম্ ॥ 4-42-9 (30183)
সহস্রগোধাঃ সৌবর্ণা দ্বীপিনশ্চ চতুর্দশ ।
ঋষভা যত্র সৌবর্ণাঃ পৃষ্ঠে তিষ্ঠন্তি শৃঙ্গিণঃ ॥ 4-42-10 (30184)
যেন ভীমোঽজয়ৎকৃৎস্নাং দিশং প্রাচীং পরংতপঃ।
পৃষ্ঠে বিভক্তাঃ শোভন্তে কুশাগ্নিপ্রতিদীপিতাঃ ॥ 4-42-11 (30185)
পূজিতং সুরমর্ত্যেষু প্রথিতং ধনুরুত্তমম্।
তালপ্রমাণং ভীমস্য রত্নরুক্মবিভূষিতম্ ॥ 4-42-12 (30186)
দুরানমং মহদ্দীর্ঘং সুরূপং দুষ্প্রধর্ষণম্ ।
বর্হিণশ্চাত্র সৌবর্ণাঃ শতচন্দ্রকভূষণাঃ ॥ 4-42-13 (30187)
নকুলস্য ধনুস্ৎবেতন্মাদ্রীপুত্রস্য ধীমতঃ।
এতেন সদৃশং চিত্রং ধনুরেতদ্যবীয়সঃ।
হারিদ্রবর্ণং রাজ্ঞস্তু কৌরব্যস্য মহাত্মনঃ ॥ 4-42-14 (30188)
বিপাঠা ভীমসেনস্য গিরীণামপি দারণাঃ ।
সুপ্রভাঃ সুমহাকায়াস্তীক্ষ্ণাগ্রাঃ সুতরাং দৃঢাঃ ।
ভীমেন প্রহিতা হ্যেতে বারণানাং নিবারণাঃ ॥ 4-42-15 (30189)
সুবর্ণদণ্ডরুচিরাঃ কালদণ্ডোপমাঃ শুভাঃ ।
নকুলস্য শরা হ্যেতে বজ্রাশনিসমপ্রভাঃ ॥ 4-42-16 (30190)
যাংশ্চ ৎবং পৃচ্ছসে দীপ্তান্সমধারান্সমাহিতান্।
বরাহকর্ণাস্তীক্ষ্ণাগ্রাঃ সহদেবস্য তে শরাঃ ॥ 4-42-17 (30191)
যস্ৎবয়ং সায়কো দীর্ঘো গব্যে কোশে চ দংশিতঃ।
পার্থস্যায়ং মহাঘোরঃ সর্বভারসহো মহান্ ॥ 4-42-18 (30192)
যস্ৎবয়ং নির্মলঃ খঙ্গো দ্বীপিচর্মণি দংশিতঃ।
রাজ্ঞো যুধিষ্ঠিরস্যায়ং কুন্তীপুত্রস্য ধীমতঃ । 4-42-19 (30193)
বৈয়াঘকোশো ভীমস্য পঞ্চশার্দূললক্ষণঃ ।
বারণানাং সুদৃপ্তানাং শিক্ষিতঃ স্কন্ধশাতনে ॥ 4-42-20 (30194)
নীলোৎপলসবর্ণাভঃ খঙ্গঃ পার্থস্য ধীমতঃ।
মৃগেন্দ্রচর্মপিহিতস্তীক্ষ্ণধারঃ সুনির্মলঃ ॥ 4-42-21 (30195)
দর্শনীয়ঃ সুতীক্ষ্ণাগ্রঃ কুন্তীপুত্রস্য ধীমতঃ ।
অর্জুনস্যৈষ নিস্ত্রিংশঃ পরসৈন্যাগ্রদূষণঃ ॥ 4-42-22 (30196)
যস্ৎবয়ং পার্ষতে কোশে নিক্ষিপ্তো রুচিরৎসরুঃ ॥
নকুলস্যৈষ নিস্ত্রিংশো বৈশ্বানরসমপ্রভঃ ॥ 4-42-23 (30197)
যস্ৎবয়ং পিঙ্গলঃ খঙ্গশ্চিত্রো মণিময়ৎসরুঃ।
সহদেবস্য খঙ্গোঽয়ং ভারসাহোঽতিদংশিতঃক ।
ভীমস্যায়ং মহাদণ্ডঃ সর্বামিত্রবিনাশনঃ ॥ 4-42-24 (30198)
বৈশম্পায়ন উবাচ। 4-42-24x (3184)
ভেদতো হ্যর্জুনস্তূর্ণং কথয়ামাস তত্ৎবতঃ ।
আয়ুধানি কলাপাংশ্চ নিস্ত্রিংশাংশ্চাতুলপ্রভান্ ॥ ॥ 4-42-25 (30199)
ইতি শ্রীমন্মহাভারতে বিরাটপর্বণি গোগ্রহণপর্বণি দ্বিচৎবারিংশোঽধ্যায়ঃ ॥ 42 ॥
বিরাটপর্ব - অধ্যায় 043
॥ শ্রীঃ ॥
4.43. অধ্যায়ঃ 043
Mahabharata - Virata Parva - Chapter Topics
অর্জুনেনোত্তরংপ্রতি স্বস্যার্জুনৎবকথনপূর্বকং কঙ্কাদীনাং যুধিষ্ঠিরাদিৎবকথনম্ ॥ 1 ॥ তৎপ্রত্যযার্থং স্বনামদশককথনপূর্বকং তন্নির্বচনম্ ॥ 2 ॥Mahabharata - Virata Parva - Chapter Text
4-43-0 (30200)
বৈশম্পায়ন উবাচ। 4-43-0x (3185)
এতস্মিন্নন্তরে পার্থং ন মূঢাত্মা ব্যজানত।
বিরাটপুত্রঃ প্রভুখে পপ্রচ্ছ পুনরেব তম্ ॥ 4-43-1 (30201)
সুবর্ণরুচিরাণ্যেষামায়ুধানি মহাত্মনাম্ ।
রুচিরাণি প্রকাশন্তে পার্থানামাশুকারিণাম্ ॥ 4-43-2 (30202)
ক্বনু তে পাণ্ডবাঃ শূরাঃ সংগ্রামেষ্বপরাজিতাঃ।
যেষামিমানি দীপ্তানি শ্রিয়া দীপ্যন্তি ভান্তি চ। 4-43-3 (30203)
কস্মিন্বসন্তি দেশে চ ধর্মজ্ঞা বন্ধুবৎসলাঃ।
ক্ব ধর্মরাজঃ কৌন্তেয়ো ধর্মপুত্রো যুধিষ্ঠিরঃ॥ 4-43-4 (30204)
ধর্মশীলশ্চ ধর্মাত্মা ধর্মবান্ধর্মবিৎসুধীঃ ।
ধর্মাধ্যক্ষো ধর্মপুত্রো ধর্মজ্ঞো ধর্মমূর্তিমান্ ॥ 4-43-5 (30205)
ধর্মনিষ্ঠো ধর্মকর্তা ধর্মগোপ্তা সুধর্মকৃৎ।
সত্যার্জবক্ষমাধারো ঘৃণী ধর্মপরায়ণঃ॥ 4-43-6 (30206)
ভীমসেনার্জুনৌ চাপি সর্বে তে মাতুলা মম।
নকুলঃ সহদেবো বা সর্বাস্ত্রকুশলৌ রণে॥ 4-43-7 (30207)
সর্ব এব মহাত্মানঃ সর্বামিত্রবিনাশনাঃ।
রাজ্যমক্ষৈঃ পরাজিত্য নঃ শ্রূয়ন্তে বনং গতাঃ ॥ 4-43-8 (30208)
দ্রৌপদী চাপি পাঞ্চালী স্ত্রীরত্নমিতি মে শ্রুতা।
জিতা চাক্ষৈস্তদা কৃষ্ণা তানেবান্বগমদ্বনে ॥ 4-43-9 (30209)
উৎসৃজ্য রাজ্যং ধর্ম্যং তে নঃ শ্রূয়ন্তে বনং গতাঃ ॥ 4-43-10 (30210)
পাণ্ডবান্যদি জানীষে ক্বনু তে ধর্মচারিণঃ ।
ক্বনু বা নিবসন্তীতি সত্যং ব্রূহি বৃহন্নলে ॥ 4-43-11 (30211)
কিমর্থমাগতান্যত্র শস্ত্রাস্ত্রাণি মহাত্মনাম্।
কথং জ্ঞাতানি ভবতা তথা মে ব্রূহি শোভনে ॥ 4-43-12 (30212)
বৈশম্পায়ন উবাচ। 4-43-13x (3186)
ততঃ প্রহস্য বীভৎসুঃ কৌন্তেয়ঃ শ্বেতবাহনঃ।
উবাচ রাজপুত্রং তমুত্তরং শৃণু মে বচঃ ॥ 4-43-13 (30213)
মা ভৈস্ৎবং রাজশার্দূল সর্বং তে বর্ণয়াম্যহম্ ।
নাত্র ভেতব্যমদ্যাপি রাজপুত্র যথাতথা ॥ 4-43-14 (30214)
বয়ং তে পাণ্ডবা নাম বনবাসস্য পারগাঃ।
অতীতে দ্বাদশে বর্ষে চ্ছন্নবাসমিহোষিতাঃ।
তস্মাদশঙ্কিতমনাঃ শৃণুষ্বাবহিতোত্তর ॥ 4-43-15 (30215)
অহমস্ম্যর্জুনো নাম কঙ্কো নাম যুধিষ্ঠিরঃ।
ভীমসেনস্তু বললঃ পিতুস্তে রসপাচকঃ।
অশ্ববন্ধস্তু নকুলঃ সহদেবস্তু গোপতিঃ ॥ 4-43-16 (30216)
সৈরন্ধ্রীং দ্রৌপদীং বিদ্ধি যদর্থে কীচকো হতঃ।
ভীমসেনেন দুর্বৃত্তঃ সহভ্রাতৃভিরাহবে ॥ 4-43-17 (30217)
শ্রুৎবৈতদ্বচনং জিষ্ণোর্বিস্ময়স্ফারিতেক্ষণঃ ।
পশ্যন্ননিমিষঃ পার্থং শনৈর্বাচমুবাচ হ ॥ 4-43-18 (30218)
উত্তর উবাচ। 4-43-19x (3187)
দশ পার্থস্য নামানি শ্রূয়ন্তে মে কথাসু চ।
প্রব্রূয়াস্তানি যদি মে শ্রদ্দধ্যাং সর্বমেব তে ॥ 4-43-19 (30219)
অর্জুন উবাচ। 4-43-20x (3188)
অহং তর্হি তবাচক্ষে দশ নামানি তানি মে।
বৈরাটে শৃণু তানি ৎবং যানি পূর্বং শ্রুতানি তে।
ঈশানো বিদধে দেবস্ত্রিদিবস্যেশ্বরো দিবি ॥ 4-43-20 (30220)
অর্জুনঃ ফল্গুনো জিষ্ণুঃ কিরীটী শ্বেতবাহনঃ।
বীভৎসুর্বিজয়ঃ পার্থঃ সব্যসাচী ধনঞ্জয়ঃ।
এতানি মম নামানি স্থাপিতানি সুরোত্তমৈঃ ॥ 4-43-21 (30221)
উত্তর উবাচ। 4-43-22x (3189)
গুণতো দশ নামানি সমবেতানি পাণ্ডবে।
চরন্তি লোকে খ্যাতানি বিদিতানি মমাবঘ ॥ 4-43-22 (30222)
কেনাসি বিজয়ো নাম কেনাসি শ্বেতবাহনঃ।
সব্যসাচী চ কেনাসি জিষ্ণুর্বীভৎসুরেব চ ॥ 4-43-23 (30223)
অর্জুনঃ ফল্গুনঃ পার্থঃ কিরীটী কেন সারথে।
ধনঞ্জয়শ্চ কেনাসি শীঘ্রং বদ বৃহন্নলে ॥ 4-43-24 (30224)
শ্রুতা মে তস্য বীরস্য কেবলা নামহেতবঃ।
ইতস্ততশ্চলত্যেতন্মনো মে চঞ্চলং ৎবয়ি।
অর্জুনো বা ভবান্নেতি বদ শীঘ্রং বৃহন্নলে ॥ 4-43-25 (30225)
অর্জুন উবাচ। 4-43-26x (3190)
সর্বাঞ্জিৎবা জনপদান্ধনং চাচ্ছিদ্য সর্বশঃ।
মধ্যে ধনস্য তিষ্ঠন্তং তন্মামাহুর্ধনঞ্জয়ম্ ॥ 4-43-26 (30226)
অভিপ্রয়ামি সংগ্রামে যদাঽহং যুদ্ধদুর্মদান্।
অজিৎবা ন নিবির্তেয়ং তেন বৈ বিজয়ং বিদুঃ ॥ 4-43-27 (30227)
শ্বেতাঃ কাঞ্চনসন্নাহা রথে যুজ্যন্তি মে হয়াঃ।
শত্রুভির্যুধ্যমানস্য তেনাহং শ্বেতবাহনঃ ॥ 4-43-28 (30228)
কিরীটং সূর্যসংকাশং ভ্রাজতে মে শিরোগতম্।
রণমধ্যে রথস্থস্য সূর্যপাবকসন্নিভম্ ॥ 4-43-29 (30229)
অচ্ছেদ্যং রুচিরং চিত্রং জাম্বূনদপরিষ্কৃতম্।
ইন্দ্রদত্তমনাহার্যং তেনাহুর্মাং কিরীটিনম্ ॥ 4-43-30 (30230)
ন কুর্যাং কর্ম বীভৎসং যুধ্যমানঃ কদাচন।
তেন দেবমনুষ্যেষু বীভৎসুরিতি মাং বিদুঃ ॥ 4-43-31 (30231)
উভৌ মে তুল্যকর্মাণৌ গাণ্ডীবস্য বিকর্ষণে।
ভুজৌ মে ভবতঃ সঙ্খ্যে পরসৈন্যবিনাশিনৌ।
তয়োঃ সব্যোঽধিকস্তস্মাৎসব্যসাচীতি মাং বিদুঃ ॥ 4-43-32 (30232)
পৃথিব্যাং সাগরান্তায়াং বর্ণো মে দুর্লভঃ সমঃ।
শুদ্ধৎবাদ্রুপবত্ৎবাচ্চ তেন মামার্জুনং বিদুঃ ॥ 4-43-33 (30233)
উত্তরাভ্যাং তু পূর্বাভ্যাং ফল্গুনীভ্যামহং দিবা ।
জাতো হিমবতঃ পৃষ্ঠে তেন মাং ফল্গুনং বিদুঃ ॥ 4-43-34 (30234)
যো মমাঙ্গে ব্রণং কুর্যাদ্ধাতুর্জ্যেষ্ঠস্য পশ্যতঃ।
যুধিষ্ঠিরস্য রুধিরং দর্শয়েদ্বা কদাচন ।
পরাভবমহং তস্য কুলে কুর্যাং ন সংশয়ঃ ॥ 4-43-35 (30235)
যোৎস্যামি তৈরহং সর্বৈর্ন মে তেভ্যঃ পরাভবঃ।
তেন দেবমনুষ্যেষু জিষ্ণুর্নামাস্মি বিশ্রুতঃ ॥ 4-43-36 (30236)
মাতা মম পৃথা নাম তেন মাং পার্থমব্রুবন্ ॥ 4-43-37 (30237)
দেবদানবগন্ধর্বপিশাচোরগরাক্ষসান্ ।
অহং পুরা রণে জিৎবা খাণ্ডবেঽগ্নিমতর্পয়ম্ ॥ 4-43-38 (30238)
হুতাশনং তর্পয়িৎবা সহিতঃ শার্ঙ্গধন্বনা ।
[ ত্রিবিষ্টপগতৌ* দৃষ্ট্বা পিতামহমহেশ্বরৌ॥ 4-43-39 (30239)
মূর্চ্ছয়া পতিতং ভূমাবাগতৌ দেবসত্তমৌ ।
দৃষ্ট্বা তৌ বরদৌ দেবৌ সংজ্ঞাং লব্ধ্বোত্থিতঃ পুনঃ ॥ 4-43-40 (30240)
মূর্ধ্না হি প্রণতং ভূমৌ তৌ দেবৌ বরদৌ বরৌ।
কৃষ্ণেত্যেকাদশং নাম প্রীত্যা মে চক্রতুস্তদা।
তুষ্টৌ চ মম বীর্যেণ কর্মণা চাভিরাধিতৌ ॥ 4-43-41 (30241)
সর্বদেবৈঃ পরিবৃতৌ ভূয়ো মাং স্বয়মূচতুঃ।
বরং তাত বৃণীষ্বেতি যং প্রার্থয়সি পাণ্ডব ॥ 4-43-42 (30242)
ততোঽহমস্ত্রাণ্যলভং দিব্যানি চ দৃঢানি চ।
ব্রাহ্মং পাশুপতং চৈব স্থূণাকর্ণং চ দুর্জয়ম্ ।
ঐন্দ্রং বারুণমাগ্নেয়ং বায়ব্যমথ বৈষ্ণবম্ ॥ 4-43-43 (30243)
ততোঽহমজয়ং ভূয়ো রথেনৈন্দ্রেণ দুর্জয়ান্।
মাতলিং সারথিং কৃৎবা নিবাতকবচান্রণে ।
অবধ্যকবচাংন্দেবৈর্বরদৃপ্তান্মহাসুরান্ ॥ 4-43-44 (30244)
তিস্রঃ কোটীর্দানবানাং সংয়ুগেষ্বনিবর্তিনাম্।
একো নির্জিত্য সংগ্রামে ভূয়ো দেবানতোষয়ম্ ॥ 4-43-45 (30245)
ততো মে ভগবানিন্দ্রঃ কিরীটমদদাৎস্বয়ম্।
দেবাশ্চ শঙ্খমদদুঃ শত্রুসৈন্যনিবারণম্ ॥ 4-43-46 (30246)
অহং পারে সমুদ্রস্য হিরণ্যপুরবাসিনাম্।
হৎবা ষষ্টিং সহস্রাণি জয়ং সংপ্রাপ্তবান্রণে ॥ 4-43-47 (30247)
অসংভ্রান্তো রথে তিষ্ঠন্সহস্রেষু শতেষু চ।
শত্রুমধ্যে দুরাধর্ষো ন মুহ্যন্তি চ মে দিশঃ ॥ 4-43-48 (30248)
অহং গন্ধর্বরাজেন হ্রিয়মাণং সুয়োধনম্।
ভ্রাতৃভিঃ সহিতং তাত গন্ধর্বৈঃ সমরে জিতম্।
চতুর্দশ সহস্রাণি হৎবা চৈনমমোচয়ম্ ॥ 4-43-49 (30249)
এতানি মম নামানি যোঽহন্যহনি কীর্তয়েৎ।
তং ন পশ্যন্তি সত্ৎবানি ন তং নিঘ্নন্তি শত্রবঃ ॥ 4-43-50 (30250)
অদ্য পশ্য মহাবাহো মম বীর্যং সুদুঃসহম্।
মা ভৈর্বিগতসংত্রাসঃ কুরূনেতান্সমাগতান্ ॥ 4-43-51 (30251)
সুয়োধনস্য মিষতঃ কর্ণস্য চ কৃপস্য চ।
পিতামহস্য ভীষ্মস্য দ্রৌণের্দ্রোণস্য চ স্বয়ম্।
সর্বানেব কুরূঞ্জিৎবা প্রত্যানেষ্যামি তে পশূন়্] ॥ ॥ 4-43-52 (30252)
ইতি শ্রীমন্মহাভারতে বিরাটপর্বণি গোগ্রহণপর্বণি ত্রিচৎবারিংশোঽধ্যায়ঃ ॥ 43 ॥
Mahabharata - Virata Parva - Chapter Footnotes
4-43-31 বীভৎসুরিতি ভদি কল্যাণে সুখে চেত্যস্য সনি রূপম্ ॥ 4-43-32 সব্যেন বামেনাপি হস্তেন সচিতুং জ্যাকর্ষণাদিক্রিয়ায়াং সংবদ্ধুং শীলমস্যেতি সব্যসাচী ॥ 4-43-33 অর্জুন ইতি ঋজ গতিস্থানার্জনোপার্জনেষ্বিত্যত উনন্প্রত্যযে ভবতি। দীপ্তিমত্ৎবাৎসমৎবাৎ শুদ্ধকর্মকরৎবাচ্চার্জুন ইত্যর্থঃ ॥ 4-43-34 উত্তরাভ্যাং ফল্গুনীভ্যাং নক্ষত্রাভ্যামিতি ঝo পাঠঃ । নক্ষত্রান্যাং তারাভ্যাং তত্র স্থিতে চন্দ্র ইত্যর্থঃ ॥ ॥ ত্রিচৎবারিংশোঽধ্যায়ঃ ॥ 43 ॥বিরাটপর্ব - অধ্যায় 044
॥ শ্রীঃ ॥
4.44. অধ্যায়ঃ 044
Mahabharata - Virata Parva - Chapter Topics
উত্তরেণ বৃহন্নলায়া অর্জুনৎববিজ্ঞানেন তংপ্রত্যজ্ঞানমূলকভূতপূর্বস্বাপরাধক্ষমাপনম্ ॥ 1 ॥ অর্জুনেনোত্তরংপ্রতি স্বস্য ক্লৈব্যপ্রাপ্তিহেতুকথনম্ ॥ 2 ॥ তথোত্তরস্য সারথীকরণাপূর্বকং রথারোহণেন রণায়াভিয়ানম্ ॥ 3 ॥Mahabharata - Virata Parva - Chapter Text
4-44-0 (30253)
বৈশম্পায়ন উবাচ। 4-44-0x (3191)
ততঃ পার্থং স বৈরাটিঃ প্রাঞ্জলিস্ৎবভ্যবাদয়ৎ।
অহং ভূমিংজয়ো নাম প্রণতোস্মি ধনংজয় ॥ 4-44-1 (30254)
দিষ্ট্যা ৎবাং পার্থ পশ্যামি স্বাগতং তে ধনংজয় ।
লোহিতাক্ষ মহাবাহো নাগরাজবরোপম ॥ 4-44-2 (30255)
যদজ্ঞানাদবোচং ৎবাং প্রমাদেন নরোত্তম।
অকৃৎবা হৃদয়ে সর্বং ক্ষন্তুমর্হসি তন্মম ॥ 4-44-3 (30256)
যতস্ৎবয়া কৃতং পূর্বং চিত্রং কর্ম সুদুষ্করম্।
অতো ভয়ং ব্যপেতং মে প্রীতিশ্চ পরমা ৎবয়ি ॥ 4-44-4 (30257)
দাসোঽহং তে ভবিষ্যামি পশ্য মামনুকম্পয়া ॥ 4-44-5 (30258)
যা প্রতিজ্ঞা কৃতা পূর্বং তব সারথ্যকারণাৎ।
সেয়ং প্রতিজ্ঞা পূর্ণা মে হর্ষশ্চার্জুন জায়তে ॥ 4-44-6 (30259)
দেবেন্দ্রতনয়স্যেহ সারথিঃ স্যাং মহামৃধে ।
ইতি পূর্বং কৃতাঽস্মাভিঃ প্রতিজ্ঞা যুদ্ধদুর্মদ ॥ 4-44-7 (30260)
প্রতিজ্ঞা মম সংপূর্ণা তব সারথ্যকারণাৎ ।
মনস্স্বাস্থ্যং চ মে জাতং জাতং ভাগ্যং চ মে মহৎ ॥ 4-44-8 (30261)
আস্থায় বিপুলং বীর রথং সারথিনা ময়া।
দুর্যোধনং চ জিৎবাঽঽজৌ নিবর্তয় পশূন্মম ॥ 4-44-9 (30262)
অর্জুন উবাচ। 4-44-10x (3192)
প্রীতোস্মি রাজপুত্রাদ্য ন ভয়ং বিদ্যতে তব।
সর্বান্নুদামি তে শত্রূন্রণে রণবিশারদ ॥ 4-44-10 (30263)
স্বস্থো ভব মহান্যুদ্ধে পশ্য মাং শত্রুভিঃ সহ ।
যুধ্যমানং বিমর্দেঽস্মিন্কুর্বাণং ভৈরবং রবম্ ॥ 4-44-11 (30264)
গাণ্ডীবং দেবদত্তং চ শরান্কনকভূষণান্।
এতান্সর্বানুপাসঙ্গান্ক্ষিপ্রং বধ্নীহি মে রথে ।
একং চাহর নিস্ত্রিংশং জাতরূপপরিষ্কৃতম্ ॥ 4-44-12 (30265)
অহং বৈ কুরুভির্যোৎস্যে মোক্ষয়িষ্যামি তে পশূন্ ।
তোষয়িষ্যামি রাজানং প্রবেক্ষ্যামি পুরং পুনঃ ॥ 4-44-13 (30266)
সংকল্পাগাধপরিধং বাহুপ্রাকারতোরণম্।
ত্রিদণ্ডতূণসংবাধং নৈকধ্বজসমাকুলম্ ॥ 4-44-14 (30267)
জ্যাক্ষেপনিনদারাবং নেমীনিনদদুন্দুভিঃ ।
শরজালবিতানাঢ্যমাক্ষ্বেডিতমহাস্বনম্ ।
নগরং তে ময়া গুপ্তং রথোপস্থং ভবিষ্যতি ॥ 4-44-15 (30268)
অধিষ্ঠিতো ময়া সঙ্খ্যে রথো গাণ্ডীবধন্বিনা ।
অজয়্যঃ শত্রুসৈন্যানাং বৈরাটে ব্যেতু তে ভয়ম্ ॥ 4-44-16 (30269)
উত্তর উবাচ। 4-44-17x (3193)
বহুনা কিং প্রলাপেন শৃণু মে পরমং বচঃ।
নাহং বিভেমি কৌন্তেয় সাক্ষাদপি শতক্রতোঃ ॥ 4-44-17 (30270)
যমবায়ুকুবেরেভ্যো দ্রোণভীষ্মশতাদপি ।
বিভেমি নাহমেতেভ্যো জানামি ৎবাং স্থিরং যুধি ।
কেশবেনাপি সংগ্রামে সাক্ষাদিন্দ্রেণ বা সমম্ ॥ 4-44-18 (30271)
ইদং তু চিন্তয়ন্নেব পরিমুহ্যামি কেবলম্।
নিশ্চয়ং নাধিগচ্ছামি নাবগচ্ছামি কিংচন ॥ 4-44-19 (30272)
এবং বরাঙ্গরূপস্য লক্ষণৈঃ সূচিতস্য চ।
কেন কর্মবিপাকেন ক্লীবৎবং ৎবামুপাগতম্ ॥ 4-44-20 (30273)
মন্যে ৎবাং ক্লীবরূপেণ চরন্তং শূলপাণিনম্।
গন্ধর্বরাজপ্রতিমং দেবং বাঽপি শতক্রতুম্ ॥ 4-44-21 (30274)
অর্জুন উবাচ। 4-44-22x (3194)
ভ্রাতুর্নিয়োগাঞ্জ্যেষ্ঠস্য সংবৎসরমিদং ব্রতম্।
চরামি ব্রহ্মচর্যং বৈ সত্যমেতদ্ব্রবীমি তে ॥ 4-44-22 (30275)
নাস্মি ক্লীবো মহাবাহো পরবান্ধর্মসংয়ুতঃ ।
উর্বশীশাপসংভূতং ক্লৈব্যং সমুপসংস্থিতম্ ॥ 4-44-23 (30276)
পুরাঽহমাজ্ঞয়া ভ্রাতুর্জ্যেষ্ঠস্যাস্মি সুরালয়ম্।
প্রাপ্তবানুর্বশী দৃষ্টা সুধর্মায়াং ময়া তদা ॥ 4-44-24 (30277)
নৃত্যন্তীং পরমং রূপং বিভ্রতীং বজ্রিসন্নিধৌ ।
অপশ্যং তামনিমিষং কূটস্থামন্বয়স্য মে॥ 4-44-25 (30278)
রাত্রৌ সমাগতা মহ্যং শয়নং রন্তুমিচ্ছয়া।
অহং তামভিবাদ্যৈব মাতৃসৎকারমাচরম্ ॥ 4-44-26 (30279)
সা চ মামশপৎক্রুদ্ধা শিখণ্ডী ৎবং ভবেতি বৈ।
শ্রুৎবা তমিন্দ্রো মামাহ মা ভৈস্ৎবং পার্থ ষণ্ডতা ॥ 4-44-27 (30280)
উপকারো ভবেত্তুভ্যমজ্ঞাতবসতৌ পুরা।
ইতীন্দ্রো মামনুগ্রাহ্য ততঃ প্রেষিতবান্বৃষা ॥ 4-44-28 (30281)
তদিদং সমনুপ্রাপ্তং ব্রতং চীর্ণং ময়াঽনঘ ।
সমাপ্তব্রতমুত্তীর্ণং বিদ্ধি মাং ৎবং নৃপাত্মজ ॥ 4-44-29 (30282)
উত্তর উবাচ। 4-44-30x (3195)
পরমোঽনুগ্রহো মেঽদ্য যৎপ্রতর্কো ন মে বৃথা।
ন হীদৃশাঃ ক্লীবরূপা ভবন্তি তু নরোত্তমাঃ ॥ 4-44-30 (30283)
সহায়বানস্মি রণে যুদ্ধ্যেয়মমরৈরপি ।
সাধ্বসং তৎপ্রনষ্টং মে কিং করোমি ব্রবীহি মে ॥ 4-44-31 (30284)
অহং তে সংগ্রহীষ্যামি হয়াঞ্শত্রুনির্বহণ।
শিক্ষিতো হ্যস্মি সারথ্যে নিষ্ঠিতঃ পুরুষর্ষভ ॥ 4-44-32 (30285)
দারুকো বাসুদেবস্য যথা শক্রস্য মাতলিঃ।
তথা মাং বিদ্ধি সারথ্যে শিক্ষিতং নরপুঙ্গব ॥ 4-44-33 (30286)
অশ্বা হ্যেতে মহাবাহো তবৈবাহবদুর্জয়াঃ।
যোগ্যা রথবরে যুক্তাঃ প্রাণবন্তো জিতশ্রমাঃ ॥ 4-44-34 (30287)
যস্য যাতেন পশ্যন্তি ভূমৌ ক্ষিপ্তং পদংপদম্।
দক্ষিণাং যো ধুরং বোঢা সুগ্রীবোণ সমো হয়ঃ ॥ 4-44-35 (30288)
যোঽয়ং হয়ো ধুর্যবরো বামাং বহতি শোভনঃ।
তং মন্যে মেঘপুষ্পস্য জবেন সদৃশং হয়ম্ ॥ 4-44-36 (30289)
যোঽয়ং বহতি বৈ পার্ষ্ণিং দক্ষিণামঞ্চিতোদ্যতঃ ।
বলাহকাদভিমতস্তেজসা বীর্যবত্তরঃ ॥ 4-44-37 (30290)
যোঽয়ং কাঞ্চনসন্নাহো বামং বহতি শোভনঃ ।
ধুর্যং শৈব্যস্য তং মন্যে জবেন বলবত্তরম্ ॥ 4-44-38 (30291)
ৎবামেবায়ং রথো বোঢুং সংগ্রামেঽর্হতি ধন্বিনম্ ।
ৎবং চে.. রথমাস্থায় যোদ্ধুমর্হো মতো মম।
শর্বশত্রুভিরায়াতো দেবরাজ ইবাসুরৈঃ ॥ 4-44-39 (30292)
বৈশম্পায়ন উবাচ। 4-44-40x (3196)
ততো রথাদবস্কন্দ্য বীর্যবানরিমর্দনঃ।
প্রণম্য দেবান্গাণ্ডীবমাদায় রুরুচে শ্রিয়া ॥ 4-44-40 (30293)
ততো বিমুচ্য বাহুভ্যাং সঙ্খচূডানি পাণ্ডবঃ ।
তৌ চ দুন্দুভিসন্নাদৌ প্রতিবদ্ধ্য তলাবুভৌ ॥ 4-44-41 (30294)
ইন্দ্রদত্তে চ তে দিব্যে উদ্ধৃত্যামুচ্য কুণ্ডলে ।
শ্লক্ষ্ণান্কেশান্মৃদূন্স্নিগ্ধাঞ্শ্বেতেনোদ্গ্রথ্য বাসসা ॥ 4-44-42 (30295)
অথাসৌ প্রাঙ্মুখো ভূৎবা শুচিঃ প্রয়তমানসঃ।
অভিদধ্যৌ মহাবাহুঃ সর্বাস্ত্রাণি রথোত্তমে ॥ 4-44-43 (30296)
ঊচুশ্চ পার্থং সর্বাণি প্রাঞ্জলীনি নৃপাত্মজম্।
ইমানি স্মো মহোদার কিঙ্করাণীন্দ্রনন্দন ॥ 4-44-44 (30297)
প্রণিপত্য ততঃ পার্থঃ সমালভ্য চ পাণিনা।
সর্বাণি মানসানীহ ভবতেত্যভ্যভাষত॥ 4-44-45 (30298)
প্রতিগৃহ্য ততোঽস্ত্রাণি প্রহ্লষ্টবদনোঽভবৎ ।
অধিজ্যং তরসা কৃৎবা গাণ্ডীবং ব্যাক্ষিপদ্ধনুঃ ॥ 4-44-46 (30299)
তস্য বিক্ষিপ্যমাণস্য ধনুষোঽভূন্মহাস্বনঃ ।
যথা শৈলস্য মহতঃ শৈলানাক্ষিপ্য জঘ্রুষঃ ॥ 4-44-47 (30300)
সনির্ঘাতাঽভবদ্ভূমির্দিক্ষু বায়ুর্ববৌ ভৃশম্।
ভ্রান্তদ্বিজং খমভবৎপ্রাকম্পন্ত মহাদ্রুমাঃ ॥ 4-44-48 (30301)
তং শব্দং কুরবো রাজন্বিস্ফোটমশনেরিব।
তার্ক্ষ্যং শব্দমিব শ্রুৎবা বিত্রেসুর্দীনমানসাঃ ॥ 4-44-49 (30302)
যথেন্দ্রো ব্যাক্ষিপদ্ভীমং বিস্ফোটমশনের্ভুবি ।
তথাঽর্জুনো ধনুঃশ্রেষ্ঠং বাহুভ্যামাক্ষিপদ্বলী ॥ 4-44-50 (30303)
মহাশনিমহাশব্দসদৃশো জ্যাস্বনো মহান্ ।
শত্রূন্বীরাংশ্চ সংতর্জ্য নিগ্রহস্থো রথে স্থিতঃ ॥ 4-44-51 (30304)
উত্তর উবাচ। 4-44-52x (3197)
একস্ৎবং পাণ্ডবশ্রেষ্ঠ বহূনোতান্মহারথান্।
কথং জেষ্যসি সংগ্রামে সর্বশস্ত্রাস্ত্রপারগান্ ॥ 4-44-52 (30305)
অসহায়ো।সি কোন্তেয় সসহায়াশ্চ কৌরবাঃ ।
অত এব মহাবাহো ভীতস্তিষ্ঠামি তেঽগ্রতঃ ॥ 4-44-53 (30306)
বৈশম্পায়ন উবাচ। 4-44-54x (3198)
উবাচ পার্থো মা ভৈষীঃ প্রহস্য স্বনবত্তদা ॥ 4-44-54 (30307)
যুধ্যমানস্য মে বীর গন্ধর্বৈঃ সুমহাবলৈঃ ।
সহায়ো ঘোষয়াত্রায়াং কস্তদাসীৎসখা মম ॥ 4-44-55 (30308)
তথা প্রতিভয়ে তস্মিন্দেবদানবসংকুলে।
খাণ্ডবে যুধ্যমানস্য কস্তদাসীৎসখা মম ॥ 4-44-56 (30309)
নিবাতকবচৈঃ সার্ধং পৌলোমৈশ্চ মহাবলৈঃ ।
যুধ্যতো দেবরাজার্থে কঃ সহায়স্তদাঽভবৎ ॥ 4-44-57 (30310)
স্বয়ংবরে তু পাঞ্চাল্যা রাজভিঃ সহ সংয়ুগে।
যুধ্যতো বহুভিস্তাত কঃ সহায়স্তদাঽভবৎ ॥ 4-44-58 (30311)
উপজীব্য গুরুং দ্রোণং শুক্রং বৈশ্রবণং যমম্।
বরুণং পাবকং চৈব কৃপং কৃষ্ণং চ মাধবম্ ।
পিনাকপাণিনং চৈব কথমেতান্ন যোধয়ে ॥ 4-44-59 (30312)
রথং বাহয় মে শীঘ্রং ব্যেতু তে মানসো জ্বরঃ ॥ ॥ 4-44-60 (30313)
ইতি শ্রীমন্মহাভারতে বিরাটপর্বণি গোগ্রহণপর্বণি চতুশ্চৎবারিংশোঽধ্যযঃ ॥ 44 ॥
বিরাটপর্ব - অধ্যায় 045
॥ শ্রীঃ ॥
4.45. অধ্যায়ঃ 045
Mahabharata - Virata Parva - Chapter Topics
অর্জুনেন যুদ্ধপ্রস্থানসময়ে উত্তররথাৎসিংহধ্বজস্যাবরোপণপূর্বকং স্বধ্যানসংনিহিতস্য হনুমদ্ধ্বজস্য রথে স্থাপনম্ ॥ 1 ॥ তথা স্বশঙ্খাদিশব্দশ্রবণবিত্রস্তস্যোত্তরস্য সমাশ্বাসনপূর্বকং রণায়াভিয়ানম্ ॥ 2 ॥Mahabharata - Virata Parva - Chapter Text
4-45-0 (30314)
বৈশম্পায়ন উবাচ। 4-45-0x (3199)
উত্তরং সাংরথিং কৃৎবা শমীং কৃৎবা প্রদক্ষিণম্।
আয়ুধং সর্বমাদায় ততঃ প্রায়াদ্ধনঞ্জয়ঃ ॥ 4-45-1 (30315)
ধ্বজং চ সিংহং মাৎস্যস্য ভ্রাতৄণামায়ুধানি চ।
প্রণিধায় শমীমধ্যে প্রয়াতুমুপচক্রমে ॥ 4-45-2 (30316)
ততঃ কাঞ্চনলাঙ্গূলং ধ্বজং বানরলক্ষণম্ ।
দিব্যং মায়াময়ং যুক্তং বিহিতং বিশ্বকর্মণা ।
মনসা চিন্তয়ামাস প্রসাদং পাবকস্য চ ॥ 4-45-3 (30317)
স চ তচ্চিন্তিতং জ্ঞাৎবা ধ্বজে ভূতান্যযোজয়ৎ।
রথে বানরমুচ্ছ্রিত্য গাণ্ডীবং ব্যাক্ষিপদ্ধনুঃ ॥ 4-45-4 (30318)
সপতাকং বিচিত্রাঙ্গং সোপাসঙ্গং মহাবলম্।
খাৎপপাত রথে তূর্ণং দিব্যরূপং মনোরমম্ ॥ 4-45-5 (30319)
রথমাস্থায় বীভৎসুঃ কৌন্তেয়ঃ শ্বেতবাহনঃ।
বদ্ধাসিঃ সতলত্রাণঃ প্রগৃহীতশরাসনঃ ।
ততঃ প্রায়াদুদীচীং স কপিপ্রবরকেতনঃ ॥ 4-45-6 (30320)
সৈন্যাভ্যাশং স সংপ্রাপ্য গৃহীৎবা শঙ্খমুত্তমম্ ।
স্বনবন্তং মহাশব্দং দেবদত্তং ধনঞ্জয়ঃ ।
শশাঙ্করূপং বীভৎসুঃ প্রাধ্মাপয়দরিংদমঃ ॥ 4-45-7 (30321)
[ শশাঙ্ককুন্দধবলং মুখে নিক্ষিপ্য বাসবিঃ ।
উচ্ছ্বসদ্গণ্ডয়ুগলং সিরাল্যাচিতফালকম্ ॥ 4-45-8 (30322)
আরক্তনিম্ননয়নং হ্রস্বস্থূলশিরোধরম্।
অতিশ্লিষ্টোদরোরস্কং তির্যগাননশোভিতম্ ॥ 4-45-9 (30323)
যাবৎস্বশক্তিসামগ্র্যং ত্রৈলোক্যং ক্ষোভয়ন্নিব ।
মরুদ্ভির্দশভিশ্চৈব প্রাধ্মাপয়দরিংদমঃ ]॥ 4-45-10 (30324)
শঙ্খশব্দোস্য সোত্যর্থং শ্রূয়তে কালমেঘবৎ ॥ 4-45-11 (30325)
তস্য শঙ্খস্য শব্দেন ধনুপো নিস্বনেন চ।
বানরস্য নিনাদেন রথনেমিস্বনেন চ।
জঙ্গমস্য ভয়ং ঘোরমকরোৎপাকশাসনিঃ ॥ 4-45-12 (30326)
শঙ্খশব্দেন পার্থস্য মুখেনাশ্বাঃ পতন্ক্ষিতৌ ।
উত্তরশ্চাপি সংত্রস্থো রথোপস্থ উপাবিশৎ ॥ 4-45-13 (30327)
অথাশ্বান্রশ্মিভিঃ পার্থঃ সমুদ্যম্য পরংতপঃ ।
অভ্রাজত রথোপস্থে ভানুর্মেরাবিবোত্তরে ॥ 4-45-14 (30328)
শঙ্খঘোষেণ বিত্রস্তং জ্যাঘাতেন চ মূর্ছিতম্ ।
উত্তরং সংপরিষ্বজ্য সমাশ্বাসয়দর্জুনঃ ॥ 4-45-15 (30329)
মা ভৈস্ৎবং রাজপুত্রাগ্র্য ক্ষত্রিয়োসি পরন্তপ ।
কথং পুরুষশার্দূল শত্রুমধ্যে বিষীদসি ॥ 4-45-16 (30330)
শ্রুতাস্তে শঙ্খশব্দাশ্চ ভেরীশব্দাশ্চ সর্বশঃ ।
কুঞ্জরাণাং চ নিনদা ব্যূঢানীকেষু নিত্যশঃ ॥ 4-45-17 (30331)
স ৎবং কথমিবানেন শঙ্খশব্দেন ভীষিতঃ ।
বিপণ্ণরূপো বিত্রস্তঃ পুরুষঃ প্রাকৃতো যথা ॥ 4-45-18 (30332)
উত্তর উবাচ। 4-45-19x (3200)
শ্রুতা মে শঙ্খশব্দাশ্চ ভেরীশব্দাশ্চ নিত্যশঃ।
কুঞ্জরাণাং চ নিনদা ব্যূঢানীকেষু তিষ্ঠতঃ ॥ 4-45-19 (30333)
নৈবংবিধাঃ শঙ্খশব্দাঃ পুরা জাতু ময়া শ্রুতাঃ।
ধ্বজস্য চাপি রূপং মে দৃষ্টপূর্বং নহীদৃশম্ ।
ধনুষশ্চাপি ঘোষশ্চ শ্রুতপূর্বো ন মে ক্বচিৎ ॥ 4-45-20 (30334)
অস্য শঙ্খস্য শব্দেন ধনুষো নিস্বনেন চ।
অমানুষাণাং শব্দেন ভূতানাং নিস্বসেন চ।
রথনেমিপ্রণাদেন মনো কমে মুহ্যতে ভৃশম্ ॥ 4-45-21 (30335)
ব্যাকুলাশ্চ দিশঃ সর্বা হৃদয়ং ব্যথতীব চ।
ধ্বজেন পিহিতাঃ সর্বা দিশো ন প্রতিভান্তি মে।
গাণ্ডীবস্য চ শব্দেন কর্ণৌ মে বধিরীকৃতৌ ॥ 4-45-22 (30336)
বৈশম্পায়ন উবাচ। 4-45-23x (3201)
পুনর্ধ্বজং পুনঃ শঙ্খং ধনুশ্চৈব পুনঃ পুনঃ ।
স মূঢচেতা বৈরাটিরর্জুনং সমুদৈক্ষত ॥ 4-45-23 (30337)
স মুহূর্তং প্রয়াতং তু পার্থো বৈরাটিমব্রবীৎ ॥ 4-45-24 (30338)
স্থিরো ভব মহাবাহো সংজ্ঞাং চাত্মানমানয়।
একান্তে রথমাস্থায় পদ্ভ্যাং ৎবমবপীড্য চ।
দৃঢং চ রশ্মীন্সংয়চ্ছ শঙ্খং ধ্মাস্যাম্যহং পুনঃ ॥ 4-45-25 (30339)
এবমুক্ৎবা মহাবাহুঃ সব্যসাচী পরন্তপঃ।
ততঃ শঙ্খমুপাধ্মাসীদ্দারয়ন্নিব পর্বতান্।
গুহা গিরীণাং চ তদা দিশঃ শৈলাংস্তথৈব চ ॥ 4-45-26 (30340)
জ্যাঘোষং তলঘোষং চ কৃৎবা ভূতান্যমোহয়ৎ।
উত্তরশ্চাপি সংলীনো রথোপস্থ উপাবিশৎ।
তং সমাশ্বাসয়ামাস পুনরেব ধনঞ্জয়ঃ । 4-45-27 (30341)
তস্য শঙ্খস্য শব্দেন রথনেমিস্বনেন চ।
গাণ্ডীবস্য চ শব্দেন পৃথিবী সমকম্পত ॥ ॥ 4-45-28 (30342)
ইতি শ্রীমন্মহাভারতে বিরাটপর্বণি গোগ্রহণপর্বণি পঞ্চচৎবারিংশোঽধ্যায়ঃ ॥ 45 ॥
বিরাটপর্ব - অধ্যায় 046
॥ শ্রীঃ ॥
4.46. অধ্যায়ঃ 046
Mahabharata - Virata Parva - Chapter Topics
দ্রোণেনার্জুনশঙ্খনাদাদিনা তস্যার্জুনৎবনির্ধারণেন দুর্যোধনংপ্রতি তন্নিবেদনপূর্বকং দুর্নিমিত্তপ্রদর্শনম্ ॥ 1 ॥Mahabharata - Virata Parva - Chapter Text
4-46-0 (30343)
বৈশম্পায়ন উবাচ। 4-46-0x (3202)
ভারদ্বাজস্ততো দ্রোণঃ সর্বশস্ত্রভৃতাংবরঃ।
রাজানং চাহ সংপ্রেক্ষ্য দুর্যোধনমরিংদমঃ ॥ 4-46-1 (30344)
যথা রথস্য নির্ঘোষো যথা শঙ্খ উদীর্যতে।
কম্পতে চ যথা ভূমির্নৈষোন্যঃ সব্যসাচিনঃ ॥ 4-46-2 (30345)
ঔৎপাতিকমিদং রাজন্নিমিত্তং ভবতীহ নঃ।
ন হি পশ্যামি বিজয়ং সৈন্যেঽস্মাকং পরন্তপ ॥ 4-46-3 (30346)
শস্ত্রাণি ন প্রকাশন্তে ন প্রহৃষ্যন্তি বাহনাঃ ।
অগ্নয়শ্চ ন ভাসন্তে সুসমিদ্ধা ন শোভনাঃ ॥ 4-46-4 (30347)
প্রত্যাদিত্যং চ নঃ সর্বে মৃগা ঘোরা নদন্তি চ।
শকুনাশ্চাপসব্যাশ্চ বেদয়ন্তি মহাভয়ম্ ॥ 4-46-5 (30348)
গোমায়ুরেষ সৈন্যানাং রুদন্মধ্যেন ধাবতি।
চাষা নদন্তি চাকাশে বেদয়ন্তো মহদ্ভয়ম্ ॥ 4-46-6 (30349)
ভবতাং চৈব রোমাণি প্রহৃষ্টানীব লক্ষয়ে ॥ 4-46-7 (30350)
অনুষ্ণাঙ্গাশ্চ সংস্বিন্না জৃম্ভন্তে চাপ্যভীক্ষ্ণশঃ ।
বিষ্কম্ভন্তি চ মাতঙ্গা মুঞ্চন্ত্যশ্রূণি বাজিনঃ ।
সদা মূত্রং পুরীষং চ উৎসৃজন্তি পুনঃ পুনঃ ॥ 4-46-8 (30351)
লোহিতার্দ্রা চ পৃথিবী দিশঃ সর্বাঃ প্রধূমিতাঃ ।
ন চ সূর্যঃ প্রতপতি মহদ্বেদয়তে ভয়ম্ ॥ 4-46-9 (30352)
হস্তিনশ্চাপি বিত্রস্তা যোধাশ্চাপি বিতত্রসুঃ ।
পরাভূতা চ বঃ সেনা ন কশ্চিদ্যোদ্ভুমিচ্ছতি ॥ 4-46-10 (30353)
বিষণ্ণমুখভূয়িষ্ঠাঃ সর্বে যোধা বিচেতসঃ ।
দিশং তে দক্ষিণাং সর্বে বিপ্রেক্ষন্তে পুনঃ পুনঃ ॥ 4-46-11 (30354)
মৃগাশ্চ পক্ষিণশ্চৈব সব্যমেব পতন্তি নঃ।
বাদিত্রোদ্ধৃষ্টঘোষাশ্চ ন চ গাঢং স্বনন্তি চ।
ধ্বজাগ্রেষু নিলীয়ন্তে বায়সাস্তন্ন শোভনম্ ॥ 4-46-12 (30355)
যথা মেঘস্য নিনদো গম্ভীরস্তূর্ণমায়তঃ।
শ্রূয়তে রথনির্ঘোষো নায়মন্যো ধনঞ্জয়াৎ ॥ 4-46-13 (30356)
অশ্বানাং স্বনতাং শব্দো বহতাং পাকশাসনিম্ ।
বানরস্য রথে দিব্যো নিস্বনঃ শ্রূয়তে মহান্ ॥ 4-46-14 (30357)
শঙ্খশব্দেন পার্থস্য কর্ণৌ মে বধিরীকৃতৌ ।
সর্বসৈন্যং চ বিত্রস্তং নায়মন্যো ধনঞ্জয়াৎ ॥ 4-46-15 (30358)
রাজানমগ্রতঃ কৃৎবা দুর্যোধনমরিন্দমম্।
গাঃ প্রস্থাপ্য চ তিষ্ঠামো ব্যূঢানীকাঃ প্রহারিণঃ ।
প্রবিভজ্য ত্রিধা সেনাং সমুচ্ছ্রিত্য ধ্বজানপি ॥ 4-46-16 (30359)
শিতৈর্বাণৈঃ প্রতাপ্যেমাং চমূমেষ ধনঞ্জয়ঃ।
মূর্ধ্নি সর্বনরেন্দ্রাণাং বামপাদং করিষ্যতি ॥ 4-46-17 (30360)
ন হ্যেষ শক্যো বীভৎসুর্জেতুং দেবাসুরৈরপি ।
দিক্ষু গুল্মা নিবেশ্যন্তাং যত্তা যোৎস্যামহেঽর্জুন ॥ ॥ 4-46-18 (30361)
ইতি শ্রীমন্মহাভারতে বিরাটপর্বণি গোগ্রহণপর্বণি ষট্চৎবারিংশোঽধ্যায়ঃ ॥ 46 ॥
বিরাটপর্ব - অধ্যায় 047
॥ শ্রীঃ ॥
4.47. অধ্যায়ঃ 047
Mahabharata - Virata Parva - Chapter Topics
দ্রোণবচনাদর্জুনস্যার্জুনৎবাবধারণেন বিষাদাত্তূষ্ণীংভূতেষু স্বীয়েষু দুর্যোধনেন দ্রোণানাদরপূর্বকং তান্প্রতি সমরপ্রোৎসাহনম্ ॥ 1॥Mahabharata - Virata Parva - Chapter Text
4-47-0 (30362)
বৈশম্পায়ন উবাচ। 4-47-0x (3203)
ততো দুর্যোধনো রাজা সমরে ভীষ্মমব্রবীৎ।
দ্রোণং চ রথিশার্দূলং কৃপং চ সুমহাবলম্ ॥ 4-47-1 (30363)
উক্তোঽয়মর্থ আচার্য ময়া কর্ণেন চাসকৃৎ।
পুনরেব চ বক্ষ্যামি ন হি তৃপ্যামি তদ্ব্রুবন্ ॥ 4-47-2 (30364)
পরাজিতৈর্বিবস্তব্যং তৈশ্চ দ্বাদশবৎসরান্ ।
বনে জনপদেঽজ্ঞাতৈরেষ এব পণো হি নঃ ॥ 4-47-3 (30365)
তেষাং ন তাবন্নির্বৃত্তো বৎসরঃ স ত্রয়োদশঃ ।
অজ্ঞাতবাসে বীভৎসুরথাস্মাভিঃ পরিশ্রুতঃ॥ 4-47-4 (30366)
অনির্বৃত্তে তু নির্বাসে যদি বীভৎসুরাগতঃ ।
পুনর্দ্বাদশবর্ষাণি বনে বৎস্যন্তি পাণ্ডবাঃ ॥ 4-47-5 (30367)
লোভাদ্বা তে ন জানীয়ুরস্মান্বা মোহ আবিশৎ।
হীনাতিরিক্তমেতেষাং ভীষ্মো বেদিতুমর্হতি॥ 4-47-6 (30368)
অর্থানাং হি পুনর্দ্বৈধে নিত্যং ভবতি সংশয়ঃ ।
অন্যথা চিন্তিতো হ্যর্থঃ পুনর্ভবতি চান্যথা ॥ 4-47-7 (30369)
উত্তরং মার্গমাণানাং মাৎস্যসেনাং যুয়ুৎসতাম্ ।
যদি বীভৎসুরায়াতঃ কিংতু কৃত্যমতঃ পরম্ ॥ 4-47-8 (30370)
ত্রিগর্তানাং কৃতং কার্যং পাণ্ডবানাং চ মার্গণম্ ।
বিপ্রকারৈর্হি মাৎস্যেন সুশর্মা বাধিত পুরা ॥ 4-47-9 (30371)
তেষাং ভয়াভিপন্নানাং বস্তানাং ত্রাণভিচ্ছতাম্ ।
অভয়ং যাচমানানাং তদাঽস্মাভিঃ পরিশ্রুতম্ ॥ 4-47-10 (30372)
প্রথমং বৈর্গ্রহীতব্যং মাৎস্যানাং গোধনং মহৎ।
অষ্টম্যাশ্চাপরাহ্ণে তু ইতি নস্তৈঃ সমাহিতম্ ॥ 4-47-11 (30373)
নবম্যাং পুনরস্মাভিঃ সূর্যস্যোদয়নং প্রতি।
ইমা গাবো গ্রহীতব্যা যাতে মৎস্যে গবাংপদম্ ॥ 4-47-12 (30374)
ইত্যেবং নিশ্চয়োঽস্মাকং মন্ত্রোঽভূন্নাগসাহ্বয়ে ।
পাণ্ডবানাং পরিজ্ঞানে সর্বেষাং নঃ পরস্পরম্ ॥ 4-47-13 (30375)
তে বা গাশ্চ নয়িষ্যন্তি যদি বা স্যুঃ পরাজিতাঃ।
অস্মান্বাঽপ্যতিসন্ধায় কুর্যুর্মাৎস্যেন সংগতিম্ ॥ 4-47-14 (30376)
অথবা তানুপাদায় মাৎস্যো জানপদৈঃ সহ ।
সর্বথা সেনয়া সার্ধমস্মানেষ যুয়ুৎসতি ॥ 4-47-15 (30377)
তেষামেকো মহাবীর্যঃ কশ্চিদেব পুনঃসরঃ।
অস্মাঞ্জেতুমিহায়াতো মাৎস্যো বাঽপি স্বয়ং ভবেৎ ॥ 4-47-16 (30378)
যদ্যেষ রাজা মাৎস্যানাং যদি বীভৎসুরাগতঃ ।
সর্বৈর্যোদ্ধব্যমস্মাভিরিতি নঃ সময়ঃ কৃতঃ ॥ 4-47-17 (30379)
অথ কস্মাত্থিতা হ্যেতে রথেষু রথিসত্তমাঃ ।
ভীষ্মদ্রোণকৃপাঃ কর্ণো বিকর্ণো দ্রৌণিরেব চ।
সংভ্রান্তমনসঃ সর্বে প্রাপ্তে হ্যস্মিন্ধনঞ্জয়ে ॥ 4-47-18 (30380)
নান্যত্র যুদ্ধাচ্ছ্রেয়োস্তি তথাঽঽত্মা প্রণিধীয়তাম্ ।
সর্বলোকেন বা যুদ্ধং দেবৈর্বাঽস্তু সবাসবৈঃ ॥ 4-47-19 (30381)
অনাচ্ছিন্নে ধনেঽস্মাকমথ শক্রেণ বজ্রিণা।
যমেন বাঽপি সংগ্রামে কো হাস্তিনপুরং ব্রজেৎ ॥ 4-47-20 (30382)
শরৈরভিপ্রণুন্নানাং ভগ্নানাং গহনে বনে ।
কো হি জীবেৎপদাতীনাং ভবেদশ্বেষু সংশয়ঃ ॥ 4-47-21 (30383)
আচার্যং পৃষ্ঠতঃ কৃৎবা তথা নীতির্বিধীয়তাম্ ।
জানামি চ মতং তেষামতস্ত্রাসয়তীব নঃ॥ 4-47-22 (30384)
অর্জুনে চাপি সংপ্রীতিমধিকামুপলক্ষয়ে ।
তথা দৃষ্ট্বা হি বীভৎসুমুপায়ান্তং প্রশংসতি ।
যথা সেনা ন ভজ্যেত তথা নীতির্বিধীয়তাম্ ॥ 4-47-23 (30385)
অদেশিকা হ্যরণ্যেঽস্মিন্কৃচ্ছ্রে শত্রুবশং গতা।
যথা ন বিভ্রমেৎসেনা তথা নীতির্বিধীয়তাম্ ॥ 4-47-24 (30386)
অশ্বানাং হেষিতং শ্রুৎবা কা প্রশংসা ভবেৎপরে ।
স্থানে বাঽপি ব্রজন্তো বা সদা হেষন্তি বাজিনঃ ॥ 4-47-25 (30387)
সদা চ বায়বো বান্তি নিত্যং বর্ষতি বাসবঃ ।
স্তনয়িত্নোশ্চ নির্ঘোষঃ শ্রূয়তে বহুশস্তথা ॥ 4-47-26 (30388)
ভীষয়ন্পাণ্ডবেয়েভ্যো ভবান্সর্বানিমাঞ্জনান্।
প্রমুখে সর্বসৈন্যানামবদ্ধং বহু ভাষতে ॥ 4-47-27 (30389)
যথৈবাশ্বান্মার্গমাণাস্তানেবাভিপরীপ্সবঃ ।
হেষিতানীব শৃণ্বন্তি তদিদং ভবতস্তথা ॥ 4-47-28 (30390)
কিমত্র কার্যং পার্থস্য কথং বা স প্রশস্যতে।
অন্যত্র কামাদ্দ্বেষাদ্বা রোষাদ্বাঽস্মাসু কেবলম্ ॥ 4-47-29 (30391)
আচার্যা বৈ কারুণিকাঃ প্রাজ্ঞাশ্চাপায়দর্শিনঃ ।
নৈতে মহাহবে ঘোরে সংপ্রষ্টব্যাঃ কথংচন ॥ 4-47-30 (30392)
প্রাসাদেষু বিচিত্রেষু গোষ্ঠীপানাশনেষু চ।
কথা বিচিত্রাঃ কুর্বাণাঃ পণ্ডিতাস্তত্র সোভনঃ ॥ 4-47-31 (30393)
বহূন্যাশ্চর্যরূপাণি কুর্বতে জনসংসদি ।
ইষ্বস্ত্রে চাপসংধানে পণ্ডিতাস্তত্র শোভনাঃ ॥ 4-47-32 (30394)
পরেষাং বিবরজ্ঞানে মনুষ্যাচরিতেষু চ।
অন্নসংস্কারদোষেষু পণ্ডিতাস্তত্র শোভনাঃ ॥ 4-47-33 (30395)
পণ্ডিতান্পৃষ্ঠতঃ কৃৎবা পরেষাং গুণবাদিনঃ ।
বিধীয়তাং তথা নীতির্যথা বধ্যেত বৈ পরঃ ॥ 4-47-34 (30396)
গাবশ্চৈতাঃ প্রতিষ্ঠন্তাং সেনাং ব্যূহন্তু মাচিরম্।
আরক্ষাশ্চ বিধীয়ন্তাং যত্র যোৎস্যামহে পরৈঃ ॥ ॥ 4-47-35 (30397)
ইতি শ্রীমন্মহাভারতে বিরাটপর্বণি গোগ্রহণপর্বণি সপ্তচৎবারিংশোঽধ্যায়ঃ ॥ 47 ॥
Mahabharata - Virata Parva - Chapter Footnotes
4-47-11 সপ্তম্যাশ্চাপরাহ্ণে ৎবিতি নবম্যাং পুনরস্মাভিরিতি চ থo পাঠঃ ॥ ॥ সপ্তচৎবারিংশোঽধ্যায়ঃ ॥ 47 ॥বিরাটপর্ব - অধ্যায় 048
॥ শ্রীঃ ॥
4.48. অধ্যায়ঃ 048
Mahabharata - Virata Parva - Chapter Topics
কর্ণেনাত্মশ্লাঘনপূর্বকমর্জুনপরাভবনমিথ্যাপ্রতিজ্ঞানম্ ॥ 1 ॥Mahabharata - Virata Parva - Chapter Text
4-48-0 (30398)
কর্ণ উবাচ। 4-48-0x (3204)
সর্বানায়ুষ্মতো ভীতান্সংত্রস্তানিব লক্ষয়ে।
অয়ুদ্ধমনসশ্চৈব সর্বাংশ্চৈবানবস্থিতান্ ॥ 4-48-1 (30399)
যদ্যেষ জামদগ্ন্যো বা যদি বেন্দ্রঃ পুরংদরঃ ।
বাসুদেবেন সহিতো যদি বীভৎসুরাগতঃ।
অহমেনং নিরোৎস্যামি বেলেব বরুণালয়ম্ ॥ 4-48-2 (30400)
রুক্মপুঙ্খাঃ প্রসন্নাগ্রা মুক্তা হস্তবতা ময়া।
ছাদয়ন্তু শারঃ সূর্যং পার্থস্যায়ুর্নিরোধকাঃ ॥ 4-48-3 (30401)
মম চাপপ্রমুক্তানাং শরাণাং নতপর্বণাম্ ।
নিবৃত্তির্গচ্ছতাং নাস্তি সর্পাণাং শ্বসতামিব ॥ 4-48-4 (30402)
শরাণাং পুঙ্খসক্তানাং মৌর্ব্যাঽভিহতয়োর্ভৃশম্ ।
শ্রূয়তে তলয়োঃ শব্দো ভের্যোরাহতয়োরিব ॥ 4-48-5 (30403)
একৈকং চতুরঃ পঞ্চ ক্বচিৎপষ্টিং ক্বচিচ্ছতম্।
হতান্পশ্যত মাৎস্যানামিষুভির্নিহতান্রথান্ ॥ 4-48-6 (30404)
মদ্বাহুমুক্তৈরিষুভিস্তৈলধৌতৈঃ পতত্রিভিঃ ।
খদ্যোতৈরিব সংপৃক্তমন্তরিক্ষং বিরাজতাম্ ॥ 4-48-7 (30405)
ধ্বজাগ্রাদ্বানরস্তস্য ভল্লেনাভিহতো ময়া।
অদ্যৈব পততাং ভূমৌ বিনদন্ভৈরবান্রবান্ ॥ 4-48-8 (30406)
শত্রোর্ময়াভিপন্নানাং ভূতানাং ধ্বজবাসিনাম্ ।
দিশঃ প্রতিষ্ঠমানানামস্তু শব্দো দিবং গতঃ ॥ 4-48-9 (30407)
ক্রুদ্ধেনাস্ত্রং ময়া মুক্তং নির্দহেৎপৃথিবীমিমাম্ ।
স্থিতং সংগ্রামশিরসি পার্থমেকাকিনং কিমু ॥ 4-48-10 (30408)
সমাহিতশ্চ বীভৎসুর্বর্ষাণ্যষ্টৌ চ পঞ্চ চ ।
জাতস্নেহশ্চ যুদ্ধস্য ময়ি সংদর্শয়িষ্যতি ॥ 4-48-11 (30409)
পাত্রীভূতস্তু কৌন্তেয়ো ব্রাহ্মণো গুণবানিব ।
শরমালাং স গৃহ্ণাতু মৎপ্রসৃষ্টাং স্বধামিব ॥ 4-48-12 (30410)
এষ চাপি মহেষ্বাসস্ত্রিষু লোকেষু বিশ্রুতঃ ।
অহং চাপি নরশ্রেষ্ঠাদর্জুনান্নাবমঃ ক্বচিৎ ॥ 4-48-13 (30411)
মম হস্তপ্রমুক্তানাং শরাণাং নতপর্বণাম্।
নিবৃত্তির্গচ্ছতাং নাস্তি বৈশ্বানরশিখার্চিষাম্ ॥ 4-48-14 (30412)
ইতশ্চেতশ্চ মুক্তানাং শরাণাং নতপর্বণাম্ ।
তুগুলঃ শ্রূয়তাং নাদঃ ষট্পদাং গায়তামিব ॥ 4-48-15 (30413)
অন্তরা সংপতদ্ভিস্তু গৃধ্রপত্রৈঃ শিলাশিতৈঃ ।
শলভানামিবাকাশে ছায়া সংপ্রতি দৃশ্যতাম্ ॥ 4-48-16 (30414)
অদ্য মৎকার্মুকোৎসৃষ্টাঃ শিতাঃ পার্থস্য মর্মগাঃ।
শরীরমুপসর্পন্তু বল্মীকমিব পন্নগাঃ ॥ 4-48-17 (30415)
বর্হিবর্হিণরাজানাং বর্হিণাং বর্হিণামিব ।
পততাং পততাং ঘোষঃ পততাং পততামিব ॥ 4-48-18 (30416)
অদ্য ৎবহমৃণান্মোক্ষ্যে যন্ময়া তৎপ্রতিশ্রুতম্ ।
ধার্তরাষ্ট্রস্য তৎকালে নিহত্য সমরেঽর্জুনম্ ॥ 4-48-19 (30417)
ইন্দ্রাশনিসমস্পর্শং মহেন্দ্রসমবিক্রমম্।
অর্দয়িষ্যাম্যহং পার্থমুল্কাভিরিব কুঞ্জরম্ ॥ 4-48-20 (30418)
শরজালমহাজ্বালমসিশক্তিগদেন্ধনম্ ।
নির্দহন্তমনীকানি শময়িষ্যেঽর্জুনানলম্ ॥ 4-48-21 (30419)
রথাদতিরথং লোকে সর্বশস্ত্রভৃতাংবরম্ ।
বিবশং পার্থমাদাস্যে গরুত্মানিব পন্নগম্ ॥ 4-48-22 (30420)
ক্ষুদ্রকৈর্বিবিধৈর্ভল্লৈর্নিপতদ্ভিশ্চ মামকৈঃ ।
সংমূঢচেতাঃ কৌন্তেয়ঃ কর্তব্যং নাভিপদ্যতাম্ ॥ 4-48-23 (30421)
অদ্য দুর্যোধনস্যাহং শোকং হৃদি চিরং স্থিতম্ ।
সমূলমপনেষ্যামি হরন্পার্থশিরঃ শরৈঃ ॥ 4-48-24 (30422)
অদ্য মৎকার্মুকোৎসৃষ্টৈর্ভল্লৈশ্চ নতপর্বভিঃ।
হতাশ্বং বিরথং পার্থং পৌরুষে পর্যবস্থিতম্ ।
নিশ্বসন্তং যথা নাগমদ্য পশ্যন্তু কৌরবাঃ ॥ 4-48-25 (30423)
জামদগ্ন্যান্ময়া লব্ধং দিব্যাস্রমৃষিসত্তমাৎ।
তদুপাশ্রিত্য বীর্যং চ যুধ্যেয়মপি বাসবম্ ॥ 4-48-26 (30424)
ধ্বজাগ্রে বানরস্তিষ্ঠন্ভল্লেন নিহতো ময়া।
অদ্যৈব পততাং ভূমৌ বিনদন্ভৈরবান্রবান্ ॥ 4-48-27 (30425)
কামং গচ্ছন্তু কুরবো গাঃ প্রগৃহ্য পরংতপাঃ ।
রথেষু বাঽপি তিষ্ঠন্তো যুদ্ধং পশ্যন্তু মামকম্ ॥ ॥ 4-48-28 (30426)
ইতি শ্রীমন্মাহাভারতে বিরাটপর্বণি গোগ্রহণপর্বণি অষ্টচৎবারিংশোঽধ্যায়ঃ ॥ 48 ॥
Mahabharata - Virata Parva - Chapter Footnotes
4-48-18 বর্হিণাং বহিণামিব একৈকস্য পৃষ্ঠেপৃষ্ঠে গচ্ছতাং ময়ূরাণাং ময়ূরাণামিব বর্হিবর্হিণরাজানাং বর্হিণো ময়ূরস্য বর্হিণৈঃ শরমূলে পত্ররূপেণ স্থিতময়ূরপত্রৈঃ রাজানাং রাজমানানাং । রাজৃদীপ্তাবিতি ধাতোঃ কর্ত্রর্থে পচাদ্যচি কৃতে রূপনিষ্পত্তিঃ । পততাং পততাং একৈকস্য শরস্য পৃষ্ঠে পৃষ্ঠে নিপততাং শরাণাং ঘোষঃ পততাং মালারূপেণ নিপতমানানাং পততাং পক্ষিণাং ঘোষ ইব অখিলৈঃ শ্রূয়তামিতি যোগ্যক্রিয়াধ্যাহারেণ সংবন্ধঃ । যদ্বা বর্হিণাং বর্হবতাং উৎপন্নবর্হাণামিত্যর্থঃ । বর্হিণং ময়ূরাণামিব পততাং পততাং পুংখানুপুংখতয়া ক্ষণেক্ষণে পততাং পততাং শরাণাং ঘোষঃ পততাং পক্ষিণাং ঘোষ ইব পততাং দিশিদিশি পততামিতি লোডন্তক্রিয়া। সর্বৈঃ শ্রূয়তামিতি ভাবঃ । বর্হিবর্হিণবাজানামিতি টo থo ধo পাঠঃ ॥ 18 ॥ ॥ অষ্টচৎবারিংশোঽধ্যায়ঃ ॥ 48 ॥বিরাটপর্ব - অধ্যায় 049
॥ শ্রীঃ ॥
4.49. অধ্যায়ঃ 049
Mahabharata - Virata Parva - Chapter Topics
কৃপেণার্জুনচরিত্রপ্রশংসনপূর্বকং কর্ণগর্হণম্ ॥ 1 ॥ তথা স্বেষু একৈকেনার্জুনস্য দুর্জয়ৎবকথনপূর্বকং সংভূয়াভিয়াননির্ধারণম্ ॥ 2 ॥Mahabharata - Virata Parva - Chapter Text
4-49-0 (30427)
বৈশম্পায়ন উবাচ। 4-49-0x (3205)
তস্য তদ্বচনং শ্রুৎবা নীতিশাস্ত্রবিশারদঃ।
আচার্যঃ কুরুবীরাণাং কৃপঃ শারদ্বতোঽব্রবীৎ ॥ 4-49-1 (30428)
সদৈব তব রাধেয় যুদ্ধে ক্রূরতরা মতিঃ।
নার্থানাং প্রকৃতিং বেৎসি নানুবন্ধমবেক্ষসে ॥ 4-49-2 (30429)
নয়া হি বহবঃ সন্তি শাস্ত্রাণ্যাশ্রিত্য চিন্তিতাঃ ।
তেষাং যুদ্ধং সুপাপিষ্ঠং বেদয়ন্তি পুরাবিদঃ ॥ 4-49-3 (30430)
দেশকালেন সংয়ুক্তং যুদ্ধং বিজয়দং ভবেৎ।
হীনকালং তদেবেহ অনর্থায়োপকল্পতে ॥ 4-49-4 (30431)
দেশে কালে চ বিক্রান্তং কল্যাণায় বিধীয়তে।
আনুকূল্যেন কার্যাণামুত্তরং তু বিধীয়তে ॥ 4-49-5 (30432)
ভারং হি রথকারস্য ন ব্যবস্যন্তি পণ্ডিতাঃ।
পরিচিন্ত্য তু পার্থেন সংনিপাতো ন নঃ ক্ষমঃ ॥ 4-49-6 (30433)
একো হি শত্রূন্সমরে সমর্থঃ প্রতিবাধিতুম্ ।
একঃ কুরূনভ্যরক্ষদেকশ্চাগ্নিমতর্পয়ৎ ॥ 4-49-7 (30434)
একশ্চ পঞ্চ বর্ষাণি ব্রহ্মচর্যমধারয়ৎ ।
একঃ সুভদ্রামারোপ্য দ্বৈরথে কৃষ্ণমাহ্বয়ম্ ॥ 4-49-8 (30435)
সৈন্ধবং বনবাসে তু জিৎবা কৃষ্ণামথানয়ৎ ।
একশ্চ পঞ্চ বর্ষাণি শক্রাদস্রাণ্যশিক্ষত ॥ 4-49-9 (30436)
একঃ সপত্নাঞ্জিৎবা তু কুরূণামকরোদ্যশঃ ।
একো গন্ধর্বরাজানং চিত্রসেনমরিন্দমঃ ।
বিজিগ্যে তরসা সঙ্খ্যে সেনাং চাস্য সুদুর্জয়াম্ ॥ 4-49-10 (30437)
পাঞ্চালী শ্রীমতী প্রাপ্তা ক্ষত্রং জিৎবা স্বয়ংবরে ।
আদায় গতবান্পার্থো ভবান্ক্বনু গতস্তদা ॥ 4-49-11 (30438)
তথা নিবাতকবচাঃ কালকেয়াশ্চ দানবাঃ ।
দৈবতৈরপ্যবধ্যাস্তে একেন যুধি পাতিতাঃ ॥ 4-49-12 (30439)
একেন হি ৎবয়া কর্ণ কিং নামেহ কৃতং পুরা।
একৈকেন যথা তেষাং ভূমিপালা বশে কৃতাঃ ॥ 4-49-13 (30440)
ইন্দ্রোপি হি ন পার্থেন সংয়ুগে যোদ্ধুমর্হতি ।
যস্তেনাশংসতে যোদ্ধুং কর্তব্যং তস্য ভেষজম্ ॥ 4-49-14 (30441)
আশীবিষস্য ক্রুদ্ধস্য পাণিমুদ্যম্য দক্ষিণম্।
অবমুচ্য প্রদেশিন্যা দংষ্ট্রামাদাতুমিচ্ছসি ॥ 4-49-15 (30442)
অথবা কুঞ্জরং মত্তমেকমেকচরং বনে।
নিরঙ্কুশং সমারুহ্য নগরং যাতুমিচ্ছসি ॥ 4-49-16 (30443)
সমিদ্ধং পাবকং চাপি ঘৃতমেদোবসাহুতম্।
ঘৃতাক্তশ্চীরবাসাস্ৎবং মধ্যেনোৎসর্তুমিচ্ছসি ॥ 4-49-17 (30444)
আত্মানং যঃ সমাবধ্য কণ্ঠে বদ্ধ্বা তথা শিলাম্ ।
সমুদ্রং প্রতরেদ্দোর্ভ্যাং তত্র কিং কর্ণ পৌরুষম্ ॥ 4-49-18 (30445)
অকৃতাস্ত্রঃ কৃতাস্ত্রং বৈ বলবন্তং সুদুর্বলঃ।
তাদৃশং কর্ণ যঃ পার্থং যোদ্ধুমিচ্ছেৎস দুর্মতিঃ ॥ 4-49-19 (30446)
অস্মাভিরেব নিকৃতো বর্ষাণীহ ত্রয়োদশ।
সিংহঃ পাশবিনির্মুক্তো ন নঃ শেষং করিষ্যতি ॥ 4-49-20 (30447)
একান্তে পার্থমাসীনং কূপেঽগ্নিমিব সংবৃতম্ ।
অজ্ঞানাদভ্যবস্কন্দ্য প্রাপ্তাঃ স্মো ভয়মুত্তমম্ ॥ 4-49-21 (30448)
উৎসৃষ্টং তূলরাশৌ তু একোঽগ্নিং শময়েৎকথম্ ।
সহ যুদ্ধ্যামহে পার্থমাগতং যুদ্ধদুর্মদম্ ॥ 4-49-22 (30449)
যত্তা বয়ং পরাক্রান্তা ব্যূঢানীকাঃ প্রহারিণঃ।
যুদ্ধায়াবস্থিতং পার্থমাগতং পাকশাসনিম্ ॥ 4-49-23 (30450)
যত্তাঃ সর্বে রথশ্রেষ্ঠং পরিবার্য সমন্ততঃ।
ষড্রথাঃ পরিকীর্যন্তাং বজ্রপাণিমিবাসুরাঃ ॥ 4-49-24 (30451)
দ্রোণো দুর্যোধনো ভীষ্মো ভবান্দ্রৌণিস্তথা বয়ম্।
সর্বে যুদ্ধ্যামহে পার্থং কর্ণ মা সাহসং কৃথাঃ ॥ 4-49-25 (30452)
ন হ্যসংগত্য সমরে পার্থং জেষ্যামহে বয়ম্।
সংগত্য সমরে পার্থং সর্বে জেষ্যমাহে বয়ম্ ॥ 26 ॥ ॥ 4-49-26 (30453)
ইতি শ্রীমন্মহাভারতে বিরাটপর্বণি গোগ্রহণপর্বণি একোনপঞ্চাশোঽধ্যায়ঃ ॥ 49 ॥
Mahabharata - Virata Parva - Chapter Footnotes
4-49-6 ভারং হীতি। যথা রথকারেণ দিব্যোঽয়ং ময়া নির্মিতো রথঃ সুদৃঢাঙ্গঃ অনেন ৎবং দেবানপি সর্বথা জেষ্যসীত্যুক্তে তদ্বচসি ভারং দত্ৎবা দেশকালানুকূল্যমনপেক্ষ্যৈব ন ব্যবস্যন্তি। যোদ্ধুমেতি শেষঃ। এবং ৎবদ্বচসি ভারং দত্ৎবা দেশাদ্যানুকূল্যমনবেক্ষ্য কথমস্মাভির্যোদ্ধব্যম্। তবতু বচনং রথকারবচনবদর্শশূন্যমিতি ভাবঃ ॥ 6 ॥ 4-49-10 একঃ সংয়মিনীং জিৎবা ইতি ধo পাঠঃ ॥ 10 ॥ ॥ একোনপঞ্চাশোঽধ্যায়ঃ ॥ 49 ॥বিরাটপর্ব - অধ্যায় 050
॥ শ্রীঃ ॥
4.50. অধ্যায়ঃ 050
Mahabharata - Virata Parva - Chapter Topics
কৃপেণ স্বগর্হণমমৃষ্যতা কর্ণেন তদুপালম্ভঃ ॥ 1 ॥ তদসহিষ্ণুনাঽশ্বত্থাম্না সমর্মোদ্ধাটনং কর্ণদুর্যোধনোপালম্ভঃ ॥ 2 ॥Mahabharata - Virata Parva - Chapter Text
4-50-0 (30454)
বৈশম্পায়ন উবাচ। 4-50-0x (3206)
কৃপস্য বচনং শ্রুৎবা কর্ণো রাজন্যুধাংপতিঃ ।
পুনঃ প্রোবাচ সংরব্ধো গর্হয়ন্ব্রাহ্মণং কৃপম্ ॥ 4-50-1 (30455)
কর্ণ উবাচ। 4-50-2x (3207)
লক্ষয়াম্যহমাচার্যং ভয়াদ্ভক্তিং গতং রিপৌ ।
ভীতেন হি ন যোদ্ধব্যমহং যোৎস্যে ধনঞ্জয়ম্ ॥ 2 ॥ 4-50-2 (30456)
ননু বারুণমাগ্নেয়ং যাম্যং বায়ব্যমেব চ।
অস্ত্রং ব্রহ্মশিরশ্চৈব সৎবহীনস্য তে বৃথা ॥ 4-50-3 (30457)
মিত্রকার্যং কৃতমিদং পিতাপুত্রৈর্মহারথৈঃ ।
ভর্তৃপিণ্ডশ্চ নির্বিষ্টো যথেষ্টং গন্তুমর্হথ ॥ 4-50-4 (30458)
ভিক্ষাং হরস্ব নিত্যং ৎবং যজ্ঞাননুচরস্ব চ।
আমন্ত্রণানি ভুঙ্ক্ষাদ্য মাঽস্মান্যুদ্ধেন ভীষয় ॥ 4-50-5 (30459)
ভার্গবাস্ত্রং ময়া মুক্তং নির্দহেৎপৃথিবীমিমাম্।
কিং পুনঃ পাণ্ডুপুত্রাণামেকমর্জুনমাহবে ॥ 4-50-6 (30460)
আগমিষ্যন্তি পদবীং মাৎস্যাঃ পাণ্ডবমাশ্রিতাঃ ।
কীচকানাং তু বলিনাং শত্রুসেনাবমর্দিনাম্ ॥ 4-50-7 (30461)
তানহং নিহনিষ্যামি ভবতা গম্যতাং গৃহম্ ।
কিং বেদবাদিনাং কার্যং পরস্নেহানুভাষিণাম্ ॥ 4-50-8 (30462)
তস্য তদ্বচনং শ্রুৎবা অশ্বত্থামা প্রতাপবান্ ।
উবাচ বদতাংশ্রেষ্ঠো দুর্যোধনমবেক্ষ্য চ ॥ 4-50-9 (30463)
ন চ তাবঞ্জিতা গাবো ন চ সীমান্তরং গতাঃ।
ন হাস্তিনপুরং প্রাপ্তাস্ৎবং চ কর্ণ বিকত্থসে ॥ 4-50-10 (30464)
বহূনি ধর্মশাস্ত্রাণি পঠন্তি দ্বিজসত্তমাঃ ।
তেষু কিংস্বিদিদং দৃষ্টং দ্যূতে জীয়েত যন্নৃপঃ ॥ 4-50-11 (30465)
সংগ্রামান্বিপুলাঞ্জিৎবা লব্ধা চ বিপুলং ধনম্ ।
বিজিত্য চ মহীং কৃৎস্নাং নেহ কত্থন্তি পণ্ডিতাঃ ॥ 4-50-12 (30466)
পচত্যগ্নিরবাক্যস্তু তূষ্ণীং ভাতি দিবাকরঃ ।
তূষ্ণীং ধারয়তে লোকান্বসুধা সচরাচরান্ ॥ 4-50-13 (30467)
চাতুর্বর্ণ্যস্য কর্মাণি বিহিতানি মহর্ষিভিঃ ।
ধনং যৈরধিগন্তব্যং যচ্চ কুর্বন্ন দুষ্যতি ॥ 4-50-14 (30468)
অধীত্য ব্রাহ্মণো বেদান্যাজয়েত যজেত বা ।
ক্ষত্রিয়ো ধনমাহৃত্য যজেতৈব ন যাজয়েৎ ॥ 4-50-15 (30469)
বৈশ্যোঽধিগম্য বিত্তানি বার্তাকর্মাণি কারয়েৎ॥ 4-50-16 (30470)
শূদ্রঃ শুশ্রূষণং কুর্যাত্রিষু বর্ণেষু নিত্যশঃ।
বন্দনায়োগবিধিভির্বৈতসীং বৃত্তিমাশ্রিতঃ ॥ 4-50-17 (30471)
বর্তমানা যথাশাস্ত্রং প্রাপ্য চাপি মহীমিমাম্ ।
প্রকুর্বন্তি মহাভাগা যজ্ঞান্সুবিপুলানপি ॥ 4-50-18 (30472)
কা জাতিস্তেষু সূতেয়ং কেঽপি মন্ত্রাঃ ক্রিয়াশ্চ কাঃ ।
কেয়ং বর্ণেষু যা রাজ্ঞো বক্তৃভোক্তৃনিয়ন্তৃষু ॥ 4-50-19 (30473)
বৈশম্পায়ন উবাচ। 4-50-20x (3208)
দুর্যোধনমভিপ্রেক্ষ্য কর্ণং চ কুরুসংসাদ।
অশ্বত্থামা ভৃশং ক্রুদ্ধো দুর্যোধনমতর্জয়ৎ ॥ 4-50-20 (30474)
প্রাপ্য দ্যূতেন কো রাজ্যং ক্ষত্রিয়ঃ স্তোষ্টুর্মহতি ।
তথা নৃশংসরূপোয়ং ধার্তরাষ্ট্রশ্চ নির্ঘৃণঃ ॥ 4-50-21 (30475)
তথাঽধিগম্য বিত্তানি কো বিকত্থেদ্বিচক্ষণঃ ।
নিকৃত্যা বঞ্চনায়োগৈশ্চরন্বৈতংসিকো যথা ॥ 4-50-22 (30476)
কতমদ্দ্বৈরথং যুদ্ধং যত্রাজৈষীর্ধনঞ্জয়ম্।
নকুলং সহদেবং বা ধনং যেষাং ৎবয়া হৃতম্ ॥ 4-50-23 (30477)
যুধিষ্ঠিরো জিতঃ কস্মিন্ভীমশ্চ বলিনাংবরঃ ।
ইন্দ্রপ্রস্থং ৎবয়া কস্মিন্সংগ্রামে নির্জিতং পুরা ॥ 4-50-24 (30478)
তথৈব কতমদ্যুদ্ধং যস্মিন্কৃষ্ণা জিতা ৎবয়া ।
একবস্ত্রা সভাং নীতা ক্ষুদ্রকর্মন্রজস্বলা ॥ 4-50-25 (30479)
মূলমেষাং মহৎকৃত্তং সারার্থী চন্দনং যথা।
ক্ষুদ্রং কর্ম সমাস্থায় তত্র কিং বিদুরোঽব্রবীৎ ॥ 4-50-26 (30480)
যথাশক্তি মনুষ্যাণামমর্ষং লক্ষয়ামহে।
অন্যেষামপি সৎবানামপি কীটপিপীলিকৈঃ ॥ 4-50-27 (30481)
দ্রৌপদ্যাঃ সংপরিক্লেশং ন ক্ষন্তুং পাণ্ডবোঽর্হতি।
ক্ষয়ায় ধার্তরাষ্ট্রাণাং প্রাদুর্ভূতো ধনঞ্জয়ঃ ॥ 4-50-28 (30482)
ৎবং পুনঃ পণ্ডিতো ভূৎবা হ্যাচার্যং ক্ষেপ্তুমিচ্ছসি।
বৈরান্তকরণো জিষ্ণুর্ন নঃ শেষং করিষ্যতি ॥ 4-50-29 (30483)
নৈব দেবা ন গন্ধর্বা নাসুরা ন চ রাক্ষসাঃ।
ভয়াদিহ ন যুদ্ধ্যেরন্পাণ্ডুপুত্রেণ ধীমতা ॥ 4-50-30 (30484)
যং যমেকোপি সংক্রুদ্ধঃ সংগ্রামে নিপতিষ্যতি ।
বৃক্ষং গরুডবদ্বেগাদ্বিনিহত্যান্তমেষ্যতি ॥ 4-50-31 (30485)
ৎবত্তো বিশিষ্টং বীর্যেণ ধনুষ্যমররাট্সমম্ ।
বাসুদেবসমং যুদ্ধে তং পার্থং কো ন পূজয়েৎ ॥ 4-50-32 (30486)
দেবং দৈবেন যুদ্ধ্যেত মানুপেণ চ মানুপম্ ।
অস্ত্রং হ্যস্ত্রেণ যো হন্যাৎকোঽর্জুনেন সমঃ পুমান্ ॥ 4-50-33 (30487)
পুত্রাদনবমঃ শিষ্য ইতি ধর্মবিদো বিদুঃ।
এতেনাপি নিমিত্তেন প্রিয়ো দ্রোণস্য পাণ্ডবঃ ॥ 4-50-34 (30488)
যথা ৎবমকরোর্দ্যূতমিন্দ্রপ্রস্থং যথাঽহরঃ ।
যথাঽনৈষীঃ সভাং কৃষ্ণাং তথা যুধ্যস্ব পাণ্ডবং ॥ 4-50-35 (30489)
অয়ং তে মাতুলঃ প্রাজ্ঞঃ ক্ষত্রধর্মস্য কোবিদঃ ।
দুর্দ্যূতদেবী গান্ধারঃ শকুনির্যুদ্ধ্যতামিহ ॥ 4-50-36 (30490)
নাক্ষান্ক্ষিপতি গাণ্ডীবং ন কৃতং দ্বাপরং ন চ।
জ্বলতো নিশিতান্বাণাংস্তাংস্তান্ক্ষিপতি গাণ্ডিবং ॥ 4-50-37 (30491)
ন হি গাণ্ডীবনির্মুক্তা গৃধ্রপক্ষাঃ সুতেজনাঃ ।
নান্তরেষ্ববতিষ্ঠন্তে গিরীণামপি দারণাঃ ॥ 4-50-38 (30492)
অন্তকঃ পবনো মৃত্যুস্তথাঽগ্নির্বডবামুখঃ ।
কুর্যুরেতে ক্বচিচ্ছেষং ন তু ক্রুদ্ধো ধনঞ্জয়ঃ ॥ 4-50-39 (30493)
যথা সভায়াং দ্যূতং ৎবং মাতুলেন মহাকরোঃ ।
তথা যুদ্ধস্ব সংগ্রামে সৌবলেন সুরক্ষিতঃ ॥ 4-50-40 (30494)
যুদ্ধ্যতাং কামমাচার্যো নাহং যোৎস্যে ধনঞ্জয়ম্ ।
মৎস্যো হ্যস্মাভিরায়োধ্যো যদ্যাগচ্ছেদ্গবাংপদম্ ॥ ॥ 4-50-41 (30495)
ইতি শ্রীমন্মহাভারতে বিরাটপর্বণি গোগ্রহণপর্বণি পঞ্চাশোঽধ্যায়ঃ ॥ 50 ॥
Mahabharata - Virata Parva - Chapter Footnotes
4-50-14 যদুক্তং ব্রাহ্মণানাং ভোজনাদাবেব কৌশলং ন যুদ্ধ ইতি তত্র তবাপি বৈশ্যৎবান্ন যুদ্ধে সামর্থ্যমস্তীতি দর্শয়িষ্যন্বর্ণানাং কর্মাণি বিভজতে চাতুর্বর্ণ্যস্যেত্যাদিনা ॥ 14 ॥ 4-50-22 বৈতংসিকো ব্যাধঃ ॥ 22 ॥ 4-50-26 অনৃতং দ্যূতং কুর্বতা ধার্তরাষ্ট্রেণ ধর্মস্য মূলং কৃত্তং ছিন্নং । তত্র তদা বিদুরঃ কিমব্রবীৎ ক্ষয়মূলং দ্যূতমিতি তৎস্মরেতি শেষঃ ॥ 26 ॥ 4-50-37 চকারাৎ ত্রেতানি সমুচ্চীয়তে। কৃতাদয়ো দ্যূতশাস্ত্রপ্রসিদ্ধাঃ পাশকাঃ ॥ 37 ॥ ॥ পঞ্চাশোঽধ্যায়ঃ ॥ 50 ॥বিরাটপর্ব - অধ্যায় 051
॥ শ্রীঃ ॥
4.51. অধ্যায়ঃ 051
Mahabharata - Virata Parva - Chapter Topics
কর্ণকৃতদ্রোণকৃপাধিক্ষেপসংক্রুদ্ধমশ্বত্থামানং প্রতি ভীষ্মেণ দ্রোণাদিপ্রশংসনপূর্বকং পরিসান্ৎবনম্ ॥ 1 ॥ দুর্যোধনেন ভীষ্মকর্ণাভ্যাং সহ কৃপদ্রোণক্ষমাপনম্ ॥ 2 ॥Mahabharata - Virata Parva - Chapter Text
4-51-0 (30496)
বৈশম্পায়ন উবাচ। 4-51-0x (3209)
ততঃ শান্তনবস্তত্র ধর্মার্থকুশলং হিতম্ ।
দুর্যোধনমিদং বাক্যমব্রবীৎকুরুসংসদি ॥ 4-51-1 (30497)
সাধু পশ্যতি বৈ দ্রোণঃ কৃপঃ সাধ্বনুপশ্যতি ।
আচার্যপুত্রঃ সহজং নিশ্চিতং সাধু ভাষতে ॥ 4-51-2 (30498)
কর্ণস্তু ক্ষত্রধর্মেণ কেবলং যোদ্ধুমিচ্ছতি।
আচার্যো নাবমন্তব্যঃ পুরুষেণ বিজানতা।
দেশকালৌ তু সংপ্রেক্ষ্য যোদ্ধব্যমিতি মে মতিঃ ॥ 4-51-3 (30499)
যস্য সূর্যসমাঃ প়ঞ্চ সপত্নাঃ স্যুঃ প্রহারিণঃ।
কথমভ্যুদয়ে তেষাং ন প্রমুহ্যেত পণ্ডিতঃ ॥ 4-51-4 (30500)
স্বার্থে সর্বে বিমুহ্যন্তি যেঽপি ধর্মবিদো জনাঃ ।
তস্মাত্তৎবং ন জানাতি যত্তু কার্যং নরাধিপঃ ॥ 4-51-5 (30501)
ধার্তরাষ্ট্রোপি দুর্বুদ্ধিঃ পশ্যন্নপি ধনঞ্জয়ম্ ।
নৈব পশ্যতি নাঘ্রাতি মন্দঃ ক্রোধবশং গতঃ ॥ 4-51-6 (30502)
বৈশম্পায়ন উবাচ। 4-51-7x (3210)
এবমুক্ৎবা তু রাজানং পুনর্দ্রৌণিমুবাচ হ।
প্রাঞ্জলির্ভরতশ্রেষ্ঠঃ সাম্না বুদ্ধিমতাংবরঃ ॥ 4-51-7 (30503)
কর্ণো হি যদবোচত্ৎবাং তেজস্সংজননায় তৎ।
আচার্যপুত্রঃ ক্ষমতাং মহৎকার্যমুপস্থিতম্ ॥ 4-51-8 (30504)
নায়ং কালো বিরোধস্য কৌন্তেয়ে সমুপস্থিতে ।
ক্ষন্তব্যং ভবতা সর্বমাচার্যেণ কৃপেণ চ ॥ 4-51-9 (30505)
ভবতাং হি কৃতাস্ত্রৎবং যথাঽঽদিত্যে প্রভা তথা ।
যথা চন্দ্রমসো লক্ষ্মীঃ সর্বথা নাপকৃষ্যতে ।
এবং ভবৎসু ব্রাহ্মণ্যং ব্রহ্মাস্ত্রং চ প্রতিষ্ঠিতম্ ॥ 4-51-10 (30506)
চৎবার একতো বেদাঃ ক্ষাত্রমেকত্র দৃশ্যতে।
নৈতৎসমস্তমুভয়ং কস্মিংশ্চিদনুশুশ্রুম।
অন্যত্র ভারতাচার্যাৎসুপুত্রাদিতি মে মতিঃ ॥ 4-51-11 (30507)
বেদান্তাশ্চ পুরাণানি ইতিহাসং পুরাতনম্ ।
জামদগ্ন্যমৃতে রাজন্কো দ্রোণাদধিকো ভবেৎ ॥ 4-51-12 (30508)
ব্রহ্মাস্ত্রং চৈব বেদাশ্চ নৈতদন্যত্র দৃশ্যতে ॥ 4-51-13 (30509)
আচার্যপুত্রঃ ক্ষমতাং নায়ং কালো বিভেদনে ।
সর্বে সংহত্য যুদ্ধ্যামঃ পাকশাসনিমাগতম্ ॥ 4-51-14 (30510)
বলস্য ব্যসনানীহ যান্যুক্তানি মনীষিভিঃ ।
মুখ্যো ভেদোহি তেষাং তু পাপিষ্ঠো বিদুষাং মতঃ ॥ 4-51-15 (30511)
অশ্বত্থামোবাচ। 4-51-16x (3211)
নৈবং ন্যায়্যমিদং বাচ্যমস্মাকং পুরুষর্ষভ ।
কিংতু রোষপরীতেন গুরুণা ভাষিতা গুণাঃ ॥ 4-51-16 (30512)
শত্রোরপি গুণা গ্রাহ্যা দোষা বাচ্যা গুরোরপি ।
সর্বথা সর্বয়ত্নেন পুত্রে শিষ্যে হিতং বদেৎ ॥ 4-51-17 (30513)
আচার্য এষ ক্ষমতাং শান্তিরত্র বিধীয়তাম্ ।
অভিদ্যমানে তু গুরৌ নিবৃত্তং রোষকারিতম্ ॥ 4-51-18 (30514)
বৈশম্পায়ন উবাচ। 4-51-19x (3212)
ততো দুর্যোধনো দ্রোণং ক্ষময়ামাস ভারত।
সহ কর্ণেন ভীষ্মেণ কৃপং চৈব মহাবলম্ ॥ 4-51-19 (30515)
দ্রোণ উবাচ। 4-51-20x (3213)
যদেতৎপ্রথমং বাক্যং ভীষ্মঃ শান্তনবোঽব্রবীৎ।
তেনৈবাহং প্রসন্নো বৈ পরমত্র বিধীয়তাম্ ॥ 4-51-20 (30516)
যথা দুর্যোধনং পার্থো নোপসর্পতি সংগরে।
সাহসাদ্যদি বা মোহাত্তথা নীতির্বিধীয়তাম্ ॥ 4-51-21 (30517)
বনবাসে হ্যনির্বৃত্তে দর্শয়েন্ন ধনঞ্জয়ঃ ।
ধনং চালভমানোঽত্র নাদ্য তৎক্ষন্তুমর্হতি ॥ 4-51-22 (30518)
যথা নায়ং সমায়ুঞ্জ্যাদ্ধার্তরাষ্ট্রং কথংচন ।
ন চ সেনাং পরাজয়্যাত্তথা নীতির্বিধীয়তাম্ ॥ 4-51-23 (30519)
উক্তং দুর্যোধনেনাপি পুরস্তাদ্বাক্যমীদৃশম্ ।
তদনুস্মৃত্য গাঙ্গেয় যথাবদ্বক্তুমর্হসি ॥ ॥ 4-51-24 (30520)
ইতি শ্রীমন্মহাভারতে বিরাটপর্বণি গোগ্রহণপর্বণি একপঞ্চাশোঽধ্যায়ঃ ॥ 51 ॥
Mahabharata - Virata Parva - Chapter Footnotes
4-51-21 যথা দুর্যোধনো রাজা ন গচ্ছেৎকাংচিদাপদমিতি টo থo পাঠঃ। যথা নায়শসা যুক্তো ধার্তরাষ্ট্রঃ কথংচনেতি ধo পাঠঃ ॥ 21 ॥ ॥ একপঞ্চাশোঽধ্যায়ঃ ॥ 51 ॥বিরাটপর্ব - অধ্যায় 052
॥ শ্রীঃ ॥
4.52. অধ্যায়ঃ 052
Mahabharata - Virata Parva - Chapter Topics
ভীষ্মেণ দুর্যোধনংপ্রতি হেতূপন্যাসপূর্বকং যুধিষ্ঠিরংপ্রতি শ্রুতবনবাসাদিকালস্য পরিসমাপ্তিকথনম্ ॥ 1 ॥ ভীষ্মেণার্জুনপরাক্রমপ্রশংসনপূর্বকং পাণ্ডবৈঃ সহ সংধিবিধানেপি দুর্যোধনেন তৎপ্রতিষেধনম্ ॥ 2 ॥ ভীষ্মেণ দ্রোণবচনাদ্গোভিঃ সহ দুর্যোধনস্য প্রস্থাপনপূর্বকং সেনায়া ব্যূহীকরণেন সমরাভিয়ানম্ ॥ 3 ॥Mahabharata - Virata Parva - Chapter Text
4-52-0 (30521)
ভীষ্ম উবাচ। 4-52-0x (3214)
কলাঃ কাষ্ঠাশ্চ যুজ্যন্তে মুহূর্তাশ্চ দিনানি চ।
অর্ধমাসাশ্চ মাসাশ্চ নক্ষত্রাণি গ্রহাস্তথা ॥ 4-52-1 (30522)
ঋতবশ্চাপি যুজ্যন্তে তথা সংবৎসরা অপি।
এবং কালবিভাগেন কালচক্রং প্রবর্ততে ॥ 4-52-2 (30523)
তেষাং কালাতিরেকেণ জ্যোতিষাং চ ব্যতিক্রমাৎ।
পঞ্চমে পঞ্চমে বর্ষে দ্বৌ মাসাবধিমাসকৌ ॥ 4-52-3 (30524)
এষামভ্যধিকা মাসাঃ পঞ্চ চ দ্বাদশ ক্ষপাঃ ।
ত্রয়োদশানাং বর্ষাণামিতি মে বর্ততে মতিঃ ॥ 4-52-4 (30525)
পূর্বেদ্যুরেব নির্বৃত্তস্ততো বীভৎসুরাগতঃ ॥ 4-52-5 (30526)
সর্বং যথাবচ্চরিতং যদ্যদেভিঃ প্রতিশ্রুতম্।
এবমেতদ্ভ্রুবং জ্ঞাৎবা ততো বীভৎসুরাগতঃ ॥ 4-52-6 (30527)
সর্বে পঞ্চ মহাত্মানঃ সর্বে ধর্মার্থকোবিদাঃ।
যেষাং যুধিষ্ঠিরো রাজা কস্মাদ্ধর্মেঽপরাধ্নুয়ুঃ ॥ 4-52-7 (30528)
কামাৎক্রোধাচ্চ লোভাচ্চ কামক্রোধভয়াদপি ।
স্নেহাদ্বা যদি বা মোহাদ্ধর্মং নাত্যেতি ধর্মজঃ ॥ 4-52-8 (30529)
অলুব্ধাশ্চৈব কৌন্তেয়াঃ কৃতবন্তশ্চ দুষ্করম্।
ন চাপি কেবলং রাজ্যমিচ্ছেয়ুস্তে হ্যধর্মতঃ ॥ 4-52-9 (30530)
তদৈব তে হি বিক্রান্তুমীষুঃ কৌরবনন্দনাঃ ।
ধর্মপাশনিবদ্ধাস্তু ন চেলুঃ ক্ষত্রিয়ব্রতাৎ ॥ 4-52-10 (30531)
যশ্চানৃত ইতি খ্যাতঃ স চ গচ্ছেৎপরাভবম্ ।
বৃণুয়ুর্মাণং পার্থা নানৃতৎবং কথংচন ॥ 4-52-11 (30532)
প্রাপ্তে তু কালে স্বানর্থান্নোৎসৃজেয়ুর্নরর্ষভাঃ ।
অপি বজ্রভৃতা গুপ্তাংস্তথাবীর্যা হি পাণ্ডবাঃ ॥ 4-52-12 (30533)
প্রতিয়ুদ্ধ্যেম সমরে সর্বশস্ত্রভৃতাংবরম্ ॥ 4-52-13 (30534)
তস্মাদ্যদত্র কল্যাণং লোকে সদ্ভিরনুষ্ঠিতম্।
তৎসংবিধীয়তাং শীঘ্রং মা বো হ্যর্থোঽভ্যগাৎপরম্ ॥ 4-52-14 (30535)
ন হি পশ্যামি সংগ্রামে কদাচিদপি কৌরব ।
একান্তসিদ্ধিং রাজেন্দ্র সংপ্রাপ্তশ্চ ধনঞ্জয়ঃ ॥ 4-52-15 (30536)
সংপ্রবৃত্তে তু সংগ্রামে ভাবাভাবৌ জয়াজয়ৌ ।
অবশ্যমেকং স্পৃশতো দৃষ্টমেতদসংশয়ম্ ॥ 4-52-16 (30537)
তস্মাদ্যুদ্ধোপচরিতং কর্ম বা ধর্মসংহিতম্ ।
ক্রিয়তামাশু রাজেন্দ্র সংপ্রাপ্তশ্চ ধনঞ্জয়ঃ ॥ 4-52-17 (30538)
একো হি সমরে পার্থঃ পৃথিবীং নির্দহেচ্ছরৈঃ ।
ভ্রাতৃভিঃ সহিতো ভূৎবা কিং পুনঃ কৌরবান্রণে ।
তস্মাৎসন্ধিং কুরুশ্রেষ্ঠ কুরুষ্ব যদি মন্যসে ॥ 4-52-18 (30539)
দুর্যোধন উবাচ। 4-52-19x (3215)
নাহং রাজ্যং প্রদাস্যামি পাণ্ডবেভ্যঃ পিতামহ।
গ্রামং সেনাং চ দাসাংশ্চ স্বল্পং দ্রব্যমপি প্রভো ।
যুদ্ধোপচারিকং যত্তু তৎসর্বং সংবিধীয়তাম্ ॥ 4-52-19 (30540)
বৈশম্পায়ন উবাচ। 4-52-20x (3216)
ভীষ্মস্যোপরতে বাক্যে তথা দুর্যোধনস্য চ।
প্রাপ্তমর্থ্যং চ যদ্বাক্যং দ্রোণশ্বাহ দ্বিজোত্তমঃ ॥ 4-52-20 (30541)
যত্তু যুদ্ধোপচরিতং ভবেদ্বা ধর্মসংহিতম্।
কস্ৎবয়া সদৃশো লোকে ভূয়স্ৎবং বক্তুমর্হসি ॥ 4-52-21 (30542)
অত্র যা মামিকা বুদ্ধিঃ শ্রূয়তাং যদি রোচতে ।
সর্বথা হি ময়া শ্রেয়ো বক্তব্যং কুরুনন্দন ॥ 4-52-22 (30543)
রাজা বলচতুর্ভাগং ক্ষিপ্রমাদায় গচ্ছতু ।
ততোঽপরশ্চতুর্ভাগো গাঃ সমাদায় গচ্ছতু ।
বয়ং চার্ধেন সৈন্যস্য প্রতিয়োৎস্যাম পাণ্ডবম্ ॥ 4-52-23 (30544)
অহং ভীষ্মশ্চ কর্ণশ্চ অশ্বত্থামা কৃপস্তথা।
প্রতিয়োৎস্যাম বীভৎসুমাগতং কৃতনিশ্চয়ম্ ॥ 4-52-24 (30545)
এবং রাজা সুগুপ্তঃ স্যান্ন ক্লৈব্যং গন্তুমর্হতি ।
মৎস্যং বা পুনরায়াতমথবাপি শতক্রতুম্ ।
অহমাবারয়িষ্যামি বেলেব মকরালয়ম্ ॥ 4-52-25 (30546)
বৈশম্পায়ন উবাচ। 4-52-26x (3217)
তদ্বাক্যং রুরুচে তেষাং দ্রোণেনোক্তং মহাত্মনা ।
তথাহি কৃতবান্রাজা কৌরবাণামনন্তরম্ ॥ 4-52-26 (30547)
ভীষ্মঃ প্রস্থাপ্য রাজানং গোধনং তদনন্তরম্ ।
সেনামুখ্যান্ব্যবস্থাপ্য ব্যূহিতুং সংপ্রচক্রমে ॥ 4-52-27 (30548)
দ্রোণস্যোপরতে বাক্যে ভীষ্মঃ প্রোবাচ বুদ্ধিমান্।
আচার্য মধ্যে তিষ্ঠ ৎবমশ্বত্থামা তু সব্যতঃ।
কৃপঃ শারদ্বতো ধীমান্পার্শ্বং রক্ষতু দক্ষিণম্ ॥ 4-52-28 (30549)
বিকর্ণশ্চ মহাবীর্যো দুর্মুখশ্চ পরন্তপঃ।
শকুনিঃ সৌবলশ্চৈব দুঃসহশ্চ মহাবলঃ ।
দ্রোণস্য পার্শ্বমজিতাঃ পালয়ন্তু মহাবলাঃ ॥ 4-52-29 (30550)
অগ্রতঃ সূতপুত্রস্তু কর্ণস্তিষ্ঠতু দংশিতঃ।
অহং সর্বস্য সৈন্যস্য পশ্চাৎস্থাস্যামি পালয়ন্ ॥ 4-52-30 (30551)
সর্বে মহারথাঃ শূরা মহেষ্বাসা মহাবলাঃ ।
যুদ্ধ্যন্তু পাণ্ডবশ্রেষ্ঠমাগতং যত্নতো যুধি ॥ 4-52-31 (30552)
বৈশম্পায়ন উবাচ। 4-52-32x (3218)
অভেদ্যং পরসৈন্যানাং ব্যূহং ব্যূহ্য কুরূত্তমঃ ।
বজ্রগর্ভং ব্রীহিমুখং পদ্মচন্দ্রার্ধমণ্ডলম্ ॥ 4-52-32 (30553)
তস্য ব্যূহস্য পশ্চার্ধে ভীষ্মশ্চাথোদ্যতায়ুধঃ ।
সৌবর্ণং তালমুচ্ছ্রিত্য রথে তিষ্ঠন্নশোভত ॥ ॥ 4-52-33 (30554)
ইতি শ্রীমন্মহাভারতে বিরাটপর্বণি গোগ্রহণপর্বণি দ্বিপঞ্চাশোঽধ্যায়ঃ ॥ 52 ॥
Mahabharata - Virata Parva - Chapter Footnotes
4-52-18 তস্মাদ্যদ্ধোচিতং কর্মেতি ধo পাঠঃ ॥ 18 ॥ 4-52-32 পদ্মগর্ভমিতি থo পাঠঃ ॥ 32 ॥ ॥ দ্বিপঞ্চাশোঽধ্যায়ঃ ॥ 52 ॥বিরাটপর্ব - অধ্যায় 053
॥ শ্রীঃ ॥
4.53. অধ্যায়ঃ 053
Mahabharata - Virata Parva - Chapter Topics
ইন্দ্রেণ সুদর্শননামনি কামগামিনি প্রাসাদে দেবগণসমারোপণপূর্বকমর্জুনকুরুরণাবলোকনায় গগনাঙ্কণাবতরণম্ ॥ 1 ॥Mahabharata - Virata Parva - Chapter Text
4-53-0 (30555)
বৈশম্পায়ন উবাচ। 4-53-0x (3219)
ততঃ সুদর্শনং নাম প্রাসাদং হরিবাহনঃ ।
সর্বান্দেবান্সমারোষ্য প্রয়যো যত্র পাণ্ডবঃ ॥ 4-53-1 (30556)
স্থূণারাজিসহস্রং তু যত্র মধ্যে প্রতিষ্ঠিতম্ ।
তত্র সূর্যপথেঽতিষ্ঠদ্বিমলা মহতী সভা ॥ 4-53-2 (30557)
আদিত্যা বসবো রুদ্রা অশ্বিনৌ চ মরুদ্গণাঃ ।
তত্র শ্বেতানি চক্রাণি কাঞ্চনস্ফাটিকানি চ ॥ 4-53-3 (30558)
তথা চিত্রাণি ছত্রাণি দিব্যরূপাণি ভারত ।
মণিরত্নবিচিত্রাণি নানারূপাণি ভাগশঃ ।
আকাশে সহ দৃশ্যন্তে ভানুমন্তি শুভানি চ ॥ 4-53-4 (30559)
অগ্নেরিন্দ্রস্য সোমস্য যমস্য বরুণস্য চ।
তথা ধাতুর্বিধাতুশ্চ মিত্রস্য ধনদস্য চ।
রুদ্রস্য বিষ্ণো সবিতুস্ত্রিদশানাং তথৈব চ॥ 4-53-5 (30560)
কাঞ্চনানি চ দামানি বিবিধাশ্চোত্তমস্রজঃ।
দিব্যপুষ্পাভিসবীতাস্তত্র চিত্রাণি ভেজিরে ॥ 4-53-6 (30561)
তস্মিংস্তু রাজন্প্রাসাদে দিব্যরত্নবিভূষিতে ।
দিব্যগন্ধসমায়ুক্তাঃ স্রজো দিব্যাশ্চকাশিরে ॥ 4-53-7 (30562)
দিব্যশ্চ বায়ুঃ প্রববৌ গন্ধমাদায় সর্বশঃ ।
ঋতবঃ পুষ্পমাদায় সমতিষ্ঠন্ত ভারত ॥ 4-53-8 (30563)
প্রজানাং পতয়ঃ সপ্ত সপ্ত চৈব মহর্ষভঃ।
তত্র দেবর্ষয়শ্চৈব দেবরাজং দিবৌকসঃ ।
ইন্দ্রেণ সহিতাঃ সর্বে ত্রিদশাশ্চ ব্যবস্থিতাঃ ॥ 4-53-9 (30564)
ন পঙ্কো ন রজস্তত্র প্রবিবেশ কথংচন ।
আদিত্যশ্চ বিরূক্ষোত্র নাতিবেলমিবাতপৎ ॥ 4-53-10 (30565)
দিব্যগন্ধং সমাদায় বায়ুস্তত্রাভিগচ্ছতি।
আকাশং চ দিশঃ সর্বা দর্শনীয়মদৃশ্যত ॥ 4-53-11 (30566)
তত্র দেবাঃ সমারুহ্য তং দিব্যং সর্বতঃপ্রভম্ ।
অম্বরে বিমলেঽতিষ্ঠন্প্রাসাদং কামগামিনম্ ॥ 4-53-12 (30567)
তত্র রাজর্ষয়শ্চৈব সমারুহ্য দিবৌকসঃ ।
শ্বেতো রাজা বসুমনাস্তথা ভদ্রঃ প্রদর্শনঃ ॥ 4-53-13 (30568)
নৃগো যয়াতির্নহুপো মান্ধাত ভরতঃ কুরুঃ ।
অষ্টকশ্চ শিবিশ্চোভৌ স চ রাজা পুরূরবাঃ ॥ 4-53-14 (30569)
ডম্ভোদ্ভবঃ কার্তবীর্যো হ্যর্জুনঃ সগরস্তথা।
দিলীপঃ কেরলঃ পূরুঃ শর্যাতিঃ সোমকস্তদা ॥ 4-53-15 (30570)
হরিশ্চন্দ্রশ্চ তেজস্বী রঘুর্দশরথস্তথা।
ভগীরথশ্চ রাজর্ষিঃ সর্বে চ জনমেজয়॥ 4-53-16 (30571)
পাণ্ডুশ্চৈব মহারাজশ্চামরব্যজনোজ্জ্বলঃ।
ছত্রেণ ধ্রিয়মাণেন রাজসূয়শ্রিয়া বৃতঃ ॥ 4-53-17 (30572)
এতে চান্যে চ বহবঃ পুণ্যশীলাঃ শুচিব্রতাঃ ।
কীর্তিমন্তো মহাবীর্যাস্তত্রৈবাসন্দিবি স্থিতাঃ ॥ 4-53-18 (30573)
গণাশ্চাপ্সরসাং সর্বে গন্ধর্বাশ্চাপি সর্বশঃ ।
দৈত্যরাক্ষসয়ক্ষাশ্চ সুপর্ণাঃ পন্নগাস্তথা ॥ 4-53-19 (30574)
বাসবপ্রমুখাঃ সর্বে দেবাশ্চ সগণেশ্বরাঃ ।
আসংস্তত্র সমারূঢাঃ সংগ্রামং তং দিদৃক্ষবঃ ॥ 4-53-20 (30575)
4-53-21 (30576)
ইত্যম্বরে ব্যবস্থায় প্রাসাদস্থা দিবৌকসঃ ।
একস্য চ বহূনাং চ যুদ্ধং দ্রুষ্টুং ব্যবস্থিতাঃ ॥
বিরাটপর্ব - অধ্যায় 054
॥ শ্রীঃ ॥
4.54. অধ্যায়ঃ 054
Mahabharata - Virata Parva - Chapter Topics
সেনামধ্যে দুর্যোধনমনবলোকয়তাঽর্জুনেনোত্তরংপ্রতি তৎপদবীমনু রথয়াপনচোদনা ॥ 1 ॥ তথা বাণাভ্যাং দ্রোণাদ্যভিবাদনপূর্বকং তাভ্যামেব কর্ণমূলে কুশলপ্রশ্নঃ ॥ 2 ॥ দ্রোণেন তৎকৌশলশ্লাঘনম্ ॥ 3 ॥Mahabharata - Virata Parva - Chapter Text
4-54-0 (30577)
বৈশম্পায়ন উবাচ। 4-54-0x (3220)
তথা ব্যূঢেষ্বনীকেষু কৌরবেয়ৈর্মহারথৈঃ ।
উপায়াদর্জুনংস্তূর্ণং রথঘোষেণ নাদয়ন্ ॥ 4-54-1 (30578)
দদৃশুস্তে ধ্বজাগ্রং বৈ শুশ্রুবুশ্চ রথস্বনম্ ।
দোধূয়মানস্য ভৃশং গাণ্ডীবস্য চ নিস্বনম্ ॥ 4-54-2 (30579)
ত্রিকোশমাত্রং গৎবা তু পাণ্ডবঃ শ্বেতবাহনঃ ।
সংনামুখমভিপ্রেক্ষ্য পার্থো বৈরাটিমব্রবীৎ ॥ 4-54-3 (30580)
রাজানং নাত্র পশ্যামি রথানীকে ব্যবস্থিতম্।
দক্ষিণং পক্ষমাদায় কুরুবো যান্ত্যুদঙ্ভুংখাঃ ॥ 4-54-4 (30581)
উৎসৃজ্যৈতদ্রথানীকং মহেষ্বাসাভিরক্ষিতম্।
গবাগ্রমভিতো যাহি যাবৎপশ্যামি মে রিপুম্ ॥ 4-54-5 (30582)
গবাগ্রমভিতো গৎবা গাশ্চৈবাশু নিবর্তয় ।
যাবদেতে নিবর্তন্তে কুরবো জবমাস্থিতাঃ ।
তাবদেব পশূন্সর্বান্নিবর্তিষ্যে তবাভিভো ॥ 4-54-6 (30583)
বৈশম্পায়ন উবাচ। 4-54-7x (3221)
ইত্যুক্ৎবা সমরে পার্থো বৈরাটিমপরাজিতঃ ।
সব্যং পক্ষমনুপ্রাপ্য জবেনাশ্বানচোদয়ৎ ॥ 4-54-7 (30584)
ততোঽভ্যবাদয়ৎপার্থো ভীষ্মং শান্তনবং কৃপম্।
দ্বাভ্যাংদ্বাভ্যাং তথাঽঽচার্যং দ্রোণং প্রথমতঃ ক্রমাৎ ॥ 4-54-8 (30585)
দ্রোণং কৃপং চ ভীষ্মং চ পৃষৎকৈরভ্যবাদয়ৎ।
ততস্তৎসর্বমালোক্য দ্রোণো বচনমব্রবীৎ॥ 4-54-9 (30586)
মহারথমনুপ্রাপ্তং দৃষ্ট্বা গাণ্ডীবধন্বিনম্ ।
ন কশ্চিদ্যোদ্ভিমিচ্ছেত ন চ গুপ্তং স্বজীবিতম্ ।
অয়ং বীরশ্চ শূরশ্চ দুর্ধর্ষশ্চৈব সংয়ুগে ॥ 4-54-10 (30587)
এতদ্ধ্বজাগ্রং পার্থস্য দূরতঃ প্রতিদৃশ্যতে।
মেঘঃক সবিদ্যুৎস্তনিতো রোরবীতি চ বানরঃ ॥ 4-54-11 (30588)
আস্থায় চ রথং যাতি গাণ্ডীবং বিক্ষিপন্ধনুঃ ॥ 4-54-12 (30589)
অশ্বানাং স্তনতাং শব্দো বহতাং পাকশাসনিম্।
রথস্যাম্বুধরস্যেব শ্রূয়তে ভৃশদারুণঃ ॥ 4-54-13 (30590)
দারয়ন্নিব তেজস্বী বসুধাং বাসবাত্মজঃ ।
এষ দৃষ্ট্বা রথানীকমস্মাকমরিমর্দনঃ। 4-54-14 (30591)
শ্রীমান্বদান্যো ধৃতিমান্তৎকরোতি চ পাণ্ডবঃ ॥
ইমৌ বাণাবনুপ্রাপ্তৌ পাদয়োঃ প্রত্যুপস্থিতৌ । 4-54-15 (30592)
রথস্যাগ্রে নিখাতৌ মে চিত্রপুঙ্খাবজিহ্মগৌ ॥
ইমৌ চাপ্যপরৌ বাণাবভিতঃ কর্ণমূলয়োঃ । 4-54-16 (30593)
সংস্পৃশন্তাবতিক্রান্তৌ পৃষ্ট্বেবানাময়ং ভৃশম্ ॥
চিরদৃষ্টোঽয়মস্মাভির্ধর্মজ্ঞো বান্ধবপ্রিয়ঃ । 4-54-17 (30594)
অতীব জ্বলতে লক্ষ্ম্যা পাণ্ডুপুত্রঃ প্রতাপবান্ ॥
নিরুষ্য চ বনে বামং কৃৎবা কর্ম সুদুষ্করম্ । 4-54-18 (30595)
অভিবাদয়তে পার্থঃ পূজয়ন্মামরিংদমঃ ॥
অমর্ষেণ হি সংপূর্ণো দুঃখেন প্রতিবোধিতঃ। 4-54-19 (30596)
অদ্যেমাং ভারতীং সেনামেকো নাশয়তে ধ্রুবম্ ॥
দ্ব্যধিকং দশমুষ্য বৎসরাণাং স্বজনেনাবিদিতস্ত্রয়োদশং চ । 4-54-20 (30597)
জ্বলতে রথমাস্থিতঃ কিরীটী তম ইব রাত্রিজমভ্যুদস্য সূর্যঃ ॥
রথী শরী চারুমালী নিষঙ্গী শঙ্খী পতাকী কবচী কিরীটী। 4-54-21 (30598)
খঙ্গী চ ধন্বী চ বিরাজতেঽয়ং শিখীব যজ্ঞেষু ঘৃতেন সিক্তঃ ॥ ॥ 4-54-22 (30599)
ইতি শ্রীমন্মহাভারতে বিরাটপর্বণি গোগ্রহণপর্বণি চতুঃপঞ্চাশোঽধ্যায়ঃ ॥ 54 ॥
বিরাটপর্ব - অধ্যায় 055
॥ শ্রীঃ ॥
4.55. অধ্যায়ঃ 055
Mahabharata - Virata Parva - Chapter Topics
অর্জুনেন সেনামধ্যে সুয়োধনানবলোকনেন তস্য গবামাদানেন গমনসংভাবনয়া রথেন গবাগ্রং প্রত্যভিয়ানম্ ॥ 1 ॥ ভীষ্মেণ পার্থভাববিজ্ঞানাৎসেনয়া সহ তমনুধাবনম্ ॥ 2 ॥ গবান্তিকমুপগতবতাঽর্জুনেন তদ্রক্ষিণাং বাণগণৈরভিহননেন গবাং বিনিবর্তনম্ ॥ 3 ॥Mahabharata - Virata Parva - Chapter Text
4-55-0 (30600)
বৈশম্পায়ন উবাচ। 4-55-0x (3222)
তমদূরমুপায়ান্তং দৃষ্ট্বা পাণ্ডবমর্জুনম্ ।
নারয়ঃ প্রেক্ষিতুং শেকুস্তপন্তং হি যথা রবিম্ ॥ 4-55-1 (30601)
স তং দৃষ্ট্বা রথানীকং পার্থঃ সারথিমব্রবীৎ ।
ইষুপাতমাত্রে সেনায়াঃ স্থাপয়াশ্বানরিংদম।
যাবৎসমীক্ষে ব্যূহেঽস্মিন্মম শত্রুং সুয়োধনম্ ॥ 4-55-2 (30602)
রক্তবৈডূর্যবিকৃতং মণিপ্রবরভূষিতম্ ।
পরং জানাম্যহং তস্য ধ্বজং দূরাৎসমুচ্ছ্রিতম্ ॥ 4-55-3 (30603)
যদ্যেনমিহ পশ্যামি দুর্বুদ্ধিমতিমানিনম্ ।
যমায় প্রেষয়িষ্যামি সহায়ঃ স্যাদ্যদীশ্বরঃ ॥ 4-55-4 (30604)
সর্বানন্যাননাদৃত্য দৃষ্ট্বা তমতিমানিনম্ ।
সিংহঃ ক্ষুদ্রমৃগস্যেব পতিষ্যে তস্য মূর্ধনি ॥ 4-55-5 (30605)
হনিষ্যামি তমেবাদ্য শরৈর্গাণ্ডীবনিঃসৃতৈঃ ।
তস্মিন্হতে ভবিষ্যন্তি সর্ব এব পরাজিতাঃ ॥ 4-55-6 (30606)
শরৈশ্চ শময়িষ্যেঽহং ধার্তরাষ্ট্রং সসৌবলম্ ।
অসভ্যানাং চ বক্তারং কুরূণাং কিল কিল্বিষম্ ॥ 4-55-7 (30607)
রাজানং নেহ পশ্যামি নিরাপিষমিদং বলম্।
অভিদ্রেব হ রাজানং ব্যক্তমিত্যত্র নির্ভয়ঃ ॥ 4-55-8 (30608)
আস্থিতো মধ্যমাচার্যোপ্যশ্বত্থামাঽপ্যনন্তরম্।
কৃপকর্ণৌ পুরস্তাত্তু মহেষ্বাসৌ ব্যবস্থিতৌ ॥ 4-55-9 (30609)
ভূরিশ্রবাঃ সোমদত্তো বাহ্লীকশ্চ জয়দ্রথঃ ।
দক্ষিণং পক্ষমাশ্রিত্য স্থিতা যুদ্ধবিশারদাঃ ॥ 4-55-10 (30610)
সাল্বরাজো দ্যুমৎসেনো বৃষসেনশ্চ সৌবলঃ।
দশার্ণশ্চৈব কালিঙ্গো বামং পক্ষং সমাশ্রিতঃ॥ 4-55-11 (30611)
পৃষ্ঠতঃ কুরুমুখ্যশ্চ ভীষ্মস্তিষ্ঠতি দংশিতঃ।
সোঽর্ধসৈন্যেন বলবান্সর্বেষাং নঃ পিতামহঃ ॥ 4-55-12 (30612)
দুর্যোধনং ন পশ্যামি ক্ব নু রাজা স তিষ্ঠতি।
উৎসৃংজ্যৈতদ্রথানীকং যাহি যত্র সুয়োধনঃ ॥ 4-55-13 (30613)
তং হৎবা সংনিবর্তিষ্যে গাঃ স আদায় গচ্ছতি।
গবাগ্রমভিতো যাহি যত্র রাজা ভবিষ্যতি ॥ 4-55-14 (30614)
বৈশম্পায়ন উবাচ। 4-55-15x (3223)
ইত্যুক্ৎবা সমরে পার্থো বৈরাটিমপরাজিতঃ।
সংস্পৃশানো ধনুর্দিব্যং ৎবরমাণোঽগমত্তদা ॥ 4-55-15 (30615)
ততো ভীষ্মোঽব্রবীদ্বাক্যং কুরুমধ্যে পরংতপঃ।
চিরদৃষ্টোঽয়মস্মাভির্ধর্মজ্ঞো বান্ধবপ্রিয়ঃ । 4-55-16 (30616)
অতীব জ্বলতে লক্ষ্ম্যা পাকশাসনিরাগতঃ।
এষ দুর্যোধনং পার্থো মার্গতে নিকৃতিং স্মরন্ ॥ 4-55-17 (30617)
সেনামত্যর্থমালোক্য ৎবরতে গ্রহণেঽস্য চ।
মৃগং সিংহ ইবাদাতুমীক্ষতে পাকশাসনিঃ ॥ 4-55-18 (30618)
নৈষোঽন্তরেণ রাজানং বীভৎসুঃ স্থাতুমর্হতি।
তস্য পার্ষ্ণি গ্রহীষ্যামো জবেনাভিপ্রধাবতঃ ॥ 4-55-19 (30619)
ন হ্যেনমভিসংক্রুদ্ধমেকো যুদ্ধ্যেত সংয়ুগে।
অন্যো দেবান্মহাদেবাৎকৃষ্ণাদ্বা দেবকীসুতাৎ।
আচার্যাচ্চ সপুত্রাদ্বা ভারদ্বাজান্মহারথাৎ ॥ 4-55-20 (30620)
কিং নো গাবঃ করিষ্যন্তি দ্রব্যং বা বিপুলং তথা।
দুর্যোধনঃ পার্থগতঃ পুরা প্রাণান্বিমুঞ্চতি ॥ 4-55-21 (30621)
বৈশম্পায়ন উবাচ। 4-55-22x (3224)
ইত্যুক্ৎবা সমরে ভীষ্মঃ সেনয়া সহ কৌরবঃ।
অন্বধাবত্তদা পার্থং ধার্তরাষ্ট্রস্য রক্ষণে ॥ 4-55-22 (30622)
বিক্রোশমাত্রং যাৎবা তু পার্থো বৈরাটিমব্রবীৎ।
ইষুপাতমাত্রে সেনায়াঃ স্থাপয়াশ্বানরিংদম ॥ 4-55-23 (30623)
এতদগ্রং গবাং দৃষ্টং মন্দং বাহয় সারথে।
যাহ্যুত্তরেণ সেনায়া গাশ্চৈব প্রবিভজ্য চ ॥ 4-55-24 (30624)
পরিক্ষিপ্য গবাং যূথমত্র যোৎস্যে সুয়োধনম্ ।
গচ্ছন্তি সৎবরা গাবঃ সগোপাঃ পরিমোচয় ॥ 4-55-25 (30625)
তত্র গৎবা পশূন্বীর সগোপান্পরিমোচয়।
অন্তরেণ চ সেনায়াঃ প্রাঙ্মুখো গচ্ছ চোত্তর ॥ 4-55-26 (30626)
ইমে ৎবতিরথাঃ সর্বে মম বীর্যপরাক্রমম্।
পশ্যন্তু কুরবো যুদ্ধে মহেন্দ্রস্যেব দানবাঃ ॥ 4-55-27 (30627)
বৈশম্পায়ন উবাচ। 4-55-28x (3225)
ততঃ স রথিনাং শ্রেষ্ঠো নাম বিশ্রাব্য চাত্মনঃ।
নিশিতাগ্রাঞ্শরাংস্তীক্ষ্ণান্মুমোচাংতকসন্নিভান্ ॥ 4-55-28 (30628)
শলভৈরিব চাকাশং ধারাভিরিব পর্বতম্।
নিরাবকাশমভবচ্ছরৈঃ ক্ষিপ্তৈঃ কিরীটিনা ॥ 4-55-29 (30629)
বিকীর্যমাণাস্তু শরৈস্তে যোধা ধার্তরাষ্ট্রিকাঃ।
গাশ্চৈব ন চ পশ্যন্তি পার্থমুক্তৈরজিহ্মগৈঃ ॥ 4-55-30 (30630)
সা চাপি বহুলা সেনা পার্থবাণাভিপীডিতা।
নাপশ্যদ্বিবৃতাং ভূমিং নান্তরিক্ষং দিশোপি বা ॥ 4-55-31 (30631)
অর্জুনস্তু তদা হৃষ্টো দর্শয়ন্বীর্যমাত্মনঃ।
পীডয়ামাস সৈন্যানি গাণ্ডীবপ্রসৃতৈঃ শরৈঃ ॥ 4-55-32 (30632)
তেষাং নৈবাপয়ানে চ নাভিয়ানে ভবন্মতিঃ ।
শীঘ্রতামেব পার্থস্য পূজয়ন্তস্তু বিস্মিতাঃ ॥ 4-55-33 (30633)
চন্দ্রাবদাতং সামুদ্রং কুরুসৈন্যভয়ংকরম্।
ততঃ শঙ্খমুপাধ্মাসীদ্দ্বিষতাং রোমহর্ষণম্।
জ্যাঘোষং তলঘোষং চ কৃৎবা ভূতান্যমোহয়ৎ ॥ 4-55-34 (30634)
তস্য শঙ্খস্য শব্দেন ধনুষো নিস্বনেন চ।
শব্দেনামানুষাণাং চ ভূতানাং ধ্বজবাসিনাম্ ।
বিয়দ্গতানাং দেবানাং মানুষাণাং রবেণ চ॥ 4-55-35 (30635)
ঊর্ধ্বং পুচ্ছং বিধূন্বানা হেমমাণাঃ সমন্ততঃ ।
গাবঃ সবৎসাঃ সংত্রস্তা নিবৃত্তা দক্ষিণাং দিশং ॥ 4-55-36 (30636)
ততঃ স সমরে শূরো বীভৎসুঃ শত্রুপূগহা।
গোপালাংশ্চোদয়ামাস গাবশ্চোদয়তেতি চ ॥ 4-55-37 (30637)
উত্তরং চাহ বীভৎসুর্হর্ষয়ন্পাণ্ডুনন্দনঃ ।
গবামগ্রং সমীক্ষস্ব গশ্চৈবাশু নিবর্তয় ॥ 4-55-38 (30638)
যাবদেতে নিবর্তন্তে কুরবো জবমাস্থিতাঃ ।
যাহ্যুত্তরেণ গাশ্চৈতাঃ সৈন্যানাং চ নৃপাত্মজ ॥ 4-55-39 (30639)
পশ্যন্তু কুরবঃ সর্বে মম বীর্যপরাক্রমম্ ॥ 4-55-40 (30640)
বৈশম্পায়ন উবাচ।
তে লাভমিব মন্বানাঃ কুরবোঽর্জুনমাহব। 4-55-41x (3226)
দৃষ্টবা যান্তমদূরস্থং ক্ষিপ্রমভ্যপতন্রথৈঃ ॥
হস্ত্যশ্বপরিবারেণ মহতাঽভিবিরাজতা। 4-55-41 (30641)
যোধৈঃ প্রাসাসিহস্তৈশ্চ চাপবাণোদ্যতায়ুধৈঃ ॥
তান্যনীকান্যশোভন্ত কুরূণামাততায়িনাম্। 4-55-42 (30642)
সংসর্পন্ত ইবাকাশে বিদ্যুৎবন্তো বলাহকাঃ ॥
তানি দৃষ্ট্বাঽপ্যনীকানি নিবর্তিতরথানি চ। 4-55-43 (30643)
পার্থোঽপি বায়ুবদ্ধোরং সৈন্যাগ্রং ব্যধুনোচ্ছরৈঃ ॥
তাং শত্রুসেনাং তরসা প্রণুদ্য গাশ্চাপি জিৎবা ধনুষা পরেণ। 4-55-44 (30644)
দুর্যোধনায়াভিমুখং প্রয়ান্তং কুরুপ্রবীরাঃ সহসাঽভ্যগচ্ছন্ ॥
গোষু প্রয়াতাসু জবেন মাৎস্যান্কিরীটিনং প্রীতিয়ুতং চ দৃষ্ট্বা। 4-55-45 (30645)
পশূন্সমাদায় ততো নিবৃত্তা গোপাঃ সমস্তাঃ প্রয়যুশ্চ রাষ্ট্রম্ ॥ ॥ 4-55-46 (30646)
ইতি শ্রীমন্মহাভারতে বিরাটপর্বণি গোগ্রহণপর্বণি পঞ্চপঞ্চাসোঽধ্যায়ঃ ॥ 55 ॥
বিরাটপর্ব - অধ্যায় 056
॥ শ্রীঃ ॥
4.56. অধ্যায়ঃ 056
Mahabharata - Virata Parva - Chapter Topics
অর্জুনেনোত্তরংপ্রতি দ্রোণকর্ণাদিরথানামসাধারণধ্বজচিহ্নপ্রদর্শনপূর্বকং তত্তন্নামনির্দেশেন তত্তৎপরাক্রমবর্ণনম্ ॥ 1 ॥Mahabharata - Virata Parva - Chapter Text
4-56-0 (30647)
বৈশম্পায়ন উবাচ। 4-56-0x (3227)
ততস্ত্রীণি সহস্রাণি রথানাং চ ধনুষ্মতাম্।
ঘোরাণি কুরুবীরাণাং পর্যকীর্যন্ত ভারত ॥ 4-56-1 (30648)
কর্ণো রথসহস্রেণ প্রত্যগৃহ্ণাদ্ধনঞ্জয়ম্।
ভীষ্মঃ শান্তনবো ধীমান্সহস্রেণ পুরস্কৃতঃ ॥ 4-56-2 (30649)
তথা রথসহস্রেণ ভ্রাতৃভিঃ পরিবারিতঃ।
পশ্চাদ্দুর্যোধনোঽতিষ্ঠদ্যশসা চ শ্রিয়া জ্বলন্ ॥ 4-56-3 (30650)
অতিষ্ঠন্নিবকাশেষু পাদাতাঃ সহ বাজিভিঃ ।
ভীমরূপাশ্চ মাতঙ্গাস্তোমরাঙ্কুশচোদিতাঃ ॥ 4-56-4 (30651)
তানি দৃষ্ট্বা হ্যনীকানি বিততানি মহাত্মনাম্ ।
বৈরাটিমুত্তরং তং তু প্রত্যভাষত পাণ্ডবঃ ॥ 4-56-5 (30652)
জাম্বূনদময়ী বেদী ধ্বজাগ্রে যস্য দৃশ্যতে।
শোণাশ্চাশ্বা রথে যুক্তা দ্রোণ এষ প্রকাশতে ॥ 4-56-6 (30653)
আচার্যো নিপুণো ধীমান্ব্রহ্মবিচ্ছূরসত্তমঃ।
আহবে চাপ্রতিদ্বন্দ্বো দূরপাতী মহারথঃ ॥ 4-56-7 (30654)
সুপ্রসন্নো মহাবীরঃ কুরুষ্বৈনং প্রদক্ষিণম্।
অত্রৈব চাবিরোধেন এষ ধর্মঃ সনাতনঃ ॥ 4-56-8 (30655)
যদি মে প্রহরেদ্দ্রোণঃ শরীরে মে প্রহৃষ্যতঃ ।
ততোঽস্মিন্প্রহরিষ্যামি নান্যথা বুদ্ধিরস্তি মে ॥ 4-56-9 (30656)
ভারতাচার্যমুখ্যেন ব্রাহ্মণেন মহাত্মনা ।
তেন মে যুধ্যমানস্য মন্দং বাহয় সারথে ॥ 4-56-10 (30657)
ধ্বজাগ্রে সিংহলাঙ্গূলো দিক্ষু সর্বাসু শোভতে ।
ভারতাচার্যপুত্রস্তু সোঽশ্বত্থামা বিরাজতে ॥ 4-56-11 (30658)
ধ্বজাগ্রং দৃশ্যতে যত্র বালসূর্যসমপ্রভম্ ।
দুর্জয়ঃ সর্বসৈন্যানাং দেবৈরপি সবাসবৈঃ ।
তেন মে যুধ্যমানস্য মন্দং বাহয় সারথে ॥ 4-56-12 (30659)
ধ্বজাগ্রে গোবৃষো যস্য কাঞ্চনোঽভিবিরাজতে ।
আচার্যবরমুখ্যস্তু কৃপ এষ মহারথঃ ॥ 4-56-13 (30660)
দ্রোণেন চ সমো বীর্যে পিতুর্মে পরমঃ সখা।
তেন মে যুধ্যমানস্য মন্দং বাহয় সারথে ॥ 4-56-14 (30661)
যস্য কাঞ্চনকম্বূভির্হস্তিকক্ষ্যাপরিষ্কৃতঃ।
ধ্বজঃ প্রকাশতে দূরাদ্রথে বিদ্যুদ্গণোপমঃ ॥ 4-56-15 (30662)
এষ বৈকর্তনঃ কর্ণঃ প্রতিমানং ধনুষ্মতাম্।
দৃঢবৈরী সদাঽস্মাকং নিত্যং কটুকভাষণঃ ॥ 4-56-16 (30663)
যস্যাশ্রয়বলাদেব ধার্তরাষ্ট্রঃ সসৌবলঃ ।
অস্মান্নিরস্য রাজ্যাচ্চ পুনরদ্যাপি যোৎস্যতি ॥ 4-56-17 (30664)
এষ বৈ স্পর্ধতে নিত্যং ময়া সহ সুদুর্জয়ঃ ।
জামদগ্ন্যস্য রামস্য শিষ্যো হ্যেষ মহারথঃ ॥ 4-56-18 (30665)
সর্বাস্ত্রকুশলঃ কর্ণঃ সর্বশস্ত্রভৃতাংবরঃ ।
যুদ্ধেঽপ্রতিমবীর্যশ্চ দৃঢবেধী পরাক্রমী ॥ 4-56-19 (30666)
অদ্যাহং যুদ্ধমেতেন করিষ্যে সূতবন্ধুনা।
দ্রষ্টা ৎবমাবয়োর্যুদ্ধং বলিবাসবয়োরিব ॥ 4-56-20 (30667)
মহারথেন শূরেণ সূতপুত্রেণ ধন্বিনা।
তেন মে যুধ্যমানস্য শীঘ্রং বাহয় সারথে ॥ 4-56-21 (30668)
যস্য চৈব রথোপস্থে নাগো মণিময়ো ধ্বজঃ ।
এষ দুর্যোধনস্তত্র কৌরবো যশসা বৃতঃ ॥ 4-56-22 (30669)
লব্ধলক্ষো দৃঢং বেধী লঘুহস্তঃ প্রতাপবান্ ।
তেন মে যুধ্যমানস্য শীঘ্রং বাহয় সারথে ॥ 4-56-23 (30670)
যস্তু শ্বেতাবদাতেন পঞ্চতালেন কেতুনা ।
বৈডূর্যময়দণ্ডেন তালবৃক্ষেণ রাজতে ॥ 4-56-24 (30671)
হস্তাবাপী বৃহদ্ধন্বা সেনাং তিষ্ঠতি হর্ষয়ন্ ।
রামেণ জামদগ্ন্যেন দ্বৈরথেনাজিতঃ পুরা ॥ 4-56-25 (30672)
শীঘ্রশ্চ লগুবেধী চ লঘুহস্তঃ প্রতাপবান্ ।
এষ শান্তনবো ভীষ্মঃ সর্বেষাং নঃ পিতামহঃ ॥ 4-56-26 (30673)
ককুদঃ সর্বসৈন্যানাং সর্বশস্ত্রভৃতাংবরঃ ।
জয়শ্রিয়াঽববদ্ধস্তু সুয়োধনবশানুগঃ ।
পশ্চাদেষ প্রয়াতব্যো ন মে বিঘ্নকরো ভবেৎ ॥ 4-56-27 (30674)
ইত্যেতাংস্ৎবরিতঃ পার্থঃ কথয়িৎবা তু চোত্তরে।
রূপতশ্চিহ্নতশ্চৈব যুদ্ধায় ৎবরতে পুনঃ ॥ ॥ 4-56-28 (30675)
ইতি শ্রীমন্মহাভারতে বিরাটপর্বণি গোগ্রহণপর্বণি ষট্পঞ্চাশোঽধ্যায়ঃ ॥ 56 ॥
Mahabharata - Virata Parva - Chapter Footnotes
4-56-9 শরীরে প্রহরিষ্যতঃ ইতি নান্যযা যুদ্ধমস্তি মে ইতি চo ধo পাঠঃ ॥ 9 ॥বিরাটপর্ব - অধ্যায় 057
॥ শ্রীঃ ॥
4.57. অধ্যায়ঃ 057
Mahabharata - Virata Parva - Chapter Topics
অর্জুনস্য ভীষ্মদ্রোণাদিভিঃ সহ যুদ্ধম্ ॥ 1 ॥ অর্জুনেন কর্ণস্য পরাভবঃ ॥ 2 ॥Mahabharata - Virata Parva - Chapter Text
4-57-0 (30676)
বৈশম্পায়ন উবাচ। 4-57-0x (3228)
অশ্বত্থামা ততস্তত্র কর্ণং সংপ্রেক্ষ্য বীর্যবান্।
উবাচ স্ময়মানোঽসৌ সূতপুত্রমরিন্দমম্ ॥ 4-57-1 (30677)
কর্ণ যস্ৎবং সভামধ্যে বহ্ববদ্ধং বিকত্থসে।
ন মে যুধি সমোঽস্তীতি তদিদং প্রত্যুপস্থিতম্ ॥ 4-57-2 (30678)
এষোঽন্তক ইব ক্রুদ্ধঃ সর্বভূতাবমর্দনঃ ।
সংগ্রামশিরসো মধ্যে দৃম্ভতে কেসরী যথা ॥ 4-57-3 (30679)
শূরোসি যদি সংগ্রামে দর্শয়স্ব সভাং বিনা ॥ 4-57-4 (30680)
যদ্যশক্তোসি সংগ্রামে পার্থেনাদ্ভুতকর্মণা।
পুনরেব সভাং গৎবা ধার্তরাষ্ট্রেণ ধীমতা।
মাতুলং পরিগৃহ্যাশু মন্ত্রয়স্ব যথাসুখম্ ॥ 4-57-5 (30681)
বৈশম্পায়ন উবাচ। 4-57-6x (3229)
এবমুক্তস্তথা কর্ণঃ ক্রোধাদুদ্বৃত্য লোচনে।
দ্রোণপুত্রমিদং বাক্যমুবাচ কুরুসন্নিধৌ ॥ 4-57-6 (30682)
নাহং বিভেমি বীভৎসোর্ন কৃষ্ণাদ্দেবকীসুতাৎ ।
পাণ্ডবেভ্যোপি সর্বেভ্যঃ ক্ষত্রধর্মমনুব্রতঃ ॥ 4-57-7 (30683)
সৎবাধিকানাং পুংসাং তু ধনুর্বেদোপজীবিনাম্ ।
গর্জতাং জায়তে দর্পঃ স্বরশ্চ ন বিষীদতি ॥ 4-57-8 (30684)
পশ্যৎবাচার্যপুত্রো মামর্জুনেনাতিরংহসা ।
যুধ্যমানং সুসংয়ুক্তং জয়ো বৈ ময়্যবস্থিতঃ ॥ 4-57-9 (30685)
বৈশম্পায়ন উবাচ। 4-57-10x (3230)
ততঃ প্রহস্য বীভৎসুঃ কৌন্তেয়ঃ শ্বেতবাহনঃ।
দিব্যমস্ত্রং বিকুর্বাণঃ প্রত্যযাদ্রথিসত্তমঃ ॥ 4-57-10 (30686)
মহাত্মানং মন্দবুদ্ধির্নিশ্বসন্ধৃতরাষ্ট্রজঃ।
উবাচ স মহারাজ রাজা দুর্যোধনস্তদা ॥ 4-57-11 (30687)
ন বিদ্মো হ্যর্জুনং তত্র বসন্তং মৎস্যবেশ্মনি ।
তেনেদং কর্ণ মৎস্যানামগ্রহীষ্ম ধনং বহু ॥ 4-57-12 (30688)
এবং চেত্তর্হি গচ্ছামো বিসৃজন্তো ধনং বহু ।
অয়শো নাতিবর্তেত লোকয়োরুভয়োরপি ॥ 4-57-13 (30689)
কিং চ যুদ্ধাৎপরং নাস্তি ক্ষত্রিয়াণাং সুখাবহম্।
তস্মাৎপার্থেন সংগ্রামং কুর্মহে ন পলায়নম্ ॥ 4-57-14 (30690)
এতাবদুক্ৎবা রাজা বৈ হ্যভিয়ানমিয়েষ সঃ।
তথা দশসহস্রাণি বীরাণাং হি ধনুষ্মতাম্ ।
অভ্যদ্রবংস্তদা পার্থং শলভা ইব পাবকম্ ॥ 4-57-15 (30691)
বর্মিতা বাজিনস্তত্র সংভৃতাশ্চ পদাতিভিঃ ।
ভীমরূপাশ্চ মাতঙ্গাস্তোমরাঙ্কুশপাণিভিঃ । 4-57-16 (30692)
অধিষ্ঠিতাঃ সুসংয়ত্তৈর্হস্তিশিক্ষাবিশারদৈঃ।
অভ্যদ্রবন্সুসংক্রুদ্ধাশ্চাপহস্তোদ্যতায়ুধাঃ ॥ 4-57-17 (30693)
পঞ্চ চৈনং রথোদগ্রাস্ৎবরিতাঃ পর্যবারয়ন্।
দ্রোণো ভীষ্মশ্চ কর্ণশ্চ কুরুরাজশ্চ বীর্যবান্ ॥ 4-57-18 (30694)
অশ্বত্থামা মহাবাহুর্ধনুর্বেদপরায়ণঃ।
ইষূংশ্চ সম্যগস্যন্তো জীমূতা ইব বার্ষিকাঃ ॥ 4-57-19 (30695)
তে লাভমিব মন্বানাঃ প্রত্যগৃহ্ণন্ধনংজয়ম্।
শরৌঘানভিবর্ষন্তো নাদয়ন্তো দিশো দশ ॥ 4-57-20 (30696)
ততঃ প্রহস্য বীভৎসুঃ কৌন্তেয়ঃ শ্বেতবাহনঃ।
দিব্যমস্ত্রং প্রকুর্বাণঃ প্রত্যযাদ্রথিসত্তমান্ ॥ 4-57-21 (30697)
যথা রশ্মিভিরাদিত্যঃ প্রচ্ছাদয়তি মেদিনীম্।
তথা গাণ্ডীবনির্মুক্তৈঃ শরৈরাচ্ছাদয়দ্দিশঃ ॥ 4-57-22 (30698)
ন রথানাং ন চাশ্বানাং ন ধ্বজানাং ন বর্মিণাম্।
অতিবিদ্ধৈঃ শিতৈর্বাণৈরাসীদদ্ব্যঙ্গুলিরন্তরম্ ॥ 4-57-23 (30699)
দৈবয়োগাদ্ধি পার্থস্য হয়ানামুত্তরস্য চ।
শিক্ষাবলোপপন্নৎবাদস্ত্রাণাং বৈ পরিক্রমাৎ।
ধ্বজগাণ্ডীবয়োশ্চাপি দৈব্যা শক্ত্যা চ মায়যা ॥ 4-57-24 (30700)
ইতস্ততশ্চ সংয়ানে দূরে বাঽপ্যথবাঽন্তিকে।
দুর্গে বিষমজাতে বা স্থলে নিম্নে তথা ক্ষিতৌ।
ন চ রুধ্যেদ্গতিস্তস্য রথস্য মনসো যথা ॥ 4-57-25 (30701)
সমরেষু তু বিদ্বাংসস্তস্য তাংস্তান্পরিক্রমান্।
বীর্যমত্যদ্ভুতং দৃষ্ট্বা তথা পার্থস্য তদ্বলম্ ।
ত্রেসুরেবং পরে ভীতাঃ পরাঙ্মুখরথা অপি। 4-57-26 (30702)
কালাগ্নিমিব বীভৎসুং নির্দহন্তমিব প্রজাঃ ।
নারয়ঃ প্রেক্ষিতুং শেকুর্জ্বলন্তমিব পাবকম্ ॥ 4-57-27 (30703)
তানি ভিন্নান্যনীকানি রেজুরর্জুনমার্গণৈঃ।
তিগ্মাংশোশ্চ ঘনাভ্রাণি ব্যাপ্তানীব গভস্তিভিঃ ॥ 4-57-28 (30704)
অশোকানা বনানীব সঞ্চিতৈঃ কুসুমৈঃ শুভৈঃ ।
পার্থঃ সংরঞ্জয়ামাস রুধিরেণাকুলং বলম্ ॥ 4-57-29 (30705)
সহস্রশোঽর্জুনশরৈশ্ছিন্নান্যুচ্চাবচানি চ।
ছত্রাণি চ পতাকাশ্চ খেঽভ্যুবাহ সদাগতিঃ ॥ 4-57-30 (30706)
যে হ্যর্জুনবলত্রস্তাঃ পরিপেতুর্দিশো দশ।
রথাত্তং দেশমুৎসৃজ্য পার্থচ্ছিন্নয়ুগা হয়াঃ ॥ 4-57-31 (30707)
নিকৃত্তপূর্বচরণাস্তে নিপেতুঃ শিতৈঃ শরৈঃ।
শিরোভিঃ প্রথমং জগ্মুর্মেদিনীং জঘনৈর্হয়াঃ ॥ 4-57-32 (30708)
চক্ষুর্নাসাবিষাণেষু দন্তবেষ্টেষু চ দ্বিপান্।
মর্মস্বন্যেষু চাহত্য তথা নিঘ্নন্গজোত্তমাঃ ॥ 4-57-33 (30709)
কৌরবাণাং গজানাং চ শরীরৈর্গতচেতসাম্ ।
ক্ষণেন সংবৃতা ভূমির্মেঘৈরিব নভস্থলম্ ॥ 4-57-34 (30710)
অস্ত্রৈর্দিব্যৈর্মহাবাহুরর্জুনঃ প্রহসন্নিব ।
বডবামুখসংভূতঃ কালাগ্নিরিব সংবৃতঃ ॥ 4-57-35 (30711)
যথা যুগান্তসময়ে সর্বং স্থাবরজঙ্গমম্ ।
কালপক্বমশেষেণ ধক্ষ্যেদুগ্রশিখঃ শিখী ॥ 4-57-36 (30712)
তদ্বৎপার্থোঽস্রতেজোভির্ধনুষো নিস্বনেন চ।
দৈবাদ্বীর্যাচ্চ বীভৎসুস্তস্মিন্দৌর্যোধনে বলে ॥ 4-57-37 (30713)
রণে শক্তিমমিত্রাণাং প্রণীয়োপনিনায় সঃ।
চেষ্টাং প্রায়েণ ভূতানাং রাত্রিঃ প্রাণভৃতামিব ॥ 4-57-38 (30714)
সোঽতীয়াৎসহসা শত্রূন্সহসা তেঽভিপেদিরে ।
শীঘ্রাদূরং দৃঢামোঘমস্ত্রমস্যাতিমানুষম্ ।
দৃষ্ট্বা তে কৌরবা ভীতা অতিমানুষবিক্রমম্ ॥ 4-57-39 (30715)
খগপত্রাভিসংবীতৈঃ খাবিষ্টৈঃ খগমৈরিব।
অর্জুনস্য খমাবব্রে লোহিতপ্রাণপৈঃ খগৈঃ ॥ 4-57-40 (30716)
অর্জুনেন বিনির্মুক্তাঃ শরা গাণ্ডীবধন্বনা ।
তার্ক্ষ্যবেগা ইবাকাশে সসঞ্জুঃ পরমর্মসু ॥ 4-57-41 (30717)
বর্মাণি সারথিশ্চৈব হেমজালানি বাজিনাম্ ।
কিরীটং সূর্যসংকাশং বৈয়াঘ্রমথ চর্ম চ ॥ 4-57-42 (30718)
ততঃ সর্বাণি গাত্রাণি রথস্য দ্বিষতাং শরৈঃ ।
নীহারেণেব ভূতানি ছন্নানীহ চকাশিরে॥ 4-57-43 (30719)
সকৃদেব ন তং শেকুঃ কথমভ্যসিতুং পরে ।
অনভ্যস্তঃ পুনস্তৈর্হি রথঃ সোভিপপাত তান্ ॥ 4-57-44 (30720)
তচ্ছরা দ্বিট্শরীরেষু যথা চ ন সসঞ্জিরে ।
দ্বিধাঽনীকেষু বীভৎসোর্ন সসঞ্জ রথস্তথা ॥ 4-57-45 (30721)
স তদ্ধি ক্ষোভয়ামাস বিগাহ্যারিবলং রথী।
অনন্তবেগো ভুজগঃ ক্রীডন্নিব মহার্ণবে ॥ 4-57-46 (30722)
অস্যতো নিত্যমত্যর্থং সর্বঘোষাধিকস্তথা ।
সংনাদঃ শ্রূয়তে ভূতৈর্ধনুষশ্চ কিরীটিনঃ ॥ 4-57-47 (30723)
সংচ্ছিন্নাস্তত্র মাতঙ্গা বাণৈরল্পান্তরান্তরৈঃ।
সংস্যূতাস্তত্র দৃশ্যন্তে মেঘা ইব গভস্তিভিঃ ॥ 4-57-48 (30724)
দিশোঽনুভ্রমতঃ সর্বা সব্যদক্ষিণমস্যতঃ।
সততং দৃশ্যতে যুদ্ধে সায়কাসনমণ্ডলম্ ॥ 4-57-49 (30725)
পতন্ত্যরূপেষু যথা চক্ষূংষি ন কদাচন।
নালক্ষ্যেষু শরাঃ পেতুস্তস্য গাণ্ডীবধন্বনঃ ॥ 4-57-50 (30726)
মহাগজসহস্রস্য যুগপন্মৃদ্গতো বনম্।
কৌন্তেয়রথমার্গস্তু রণে ঘোরতরোঽভবৎ ॥ 4-57-51 (30727)
নূনং পার্থজয়ৈষিৎবাচ্ছক্রঃ সর্বামরৈঃ সহ।
হন্ত্যস্মানিতি মন্যন্তে পার্থেনৈবার্দিতাঃ পরে ॥ 4-57-52 (30728)
ঘ্নন্তমত্যর্থমহিতান্সব্যসাচিনমাহবে।
কালমর্জুনরূপেণ গ্রসন্তমিব চ প্রজাঃ ॥ 4-57-53 (30729)
কুরুসেনাশরীরাণি পার্থেনানাহতান্যপি ।
পেতুঃ পার্থহতানীব পার্থকর্মানুদর্শনাৎ ॥ 4-57-54 (30730)
ওষধীনাং শিরাংসীব কালপক্তিসমন্বয়াৎ।
অবনেমুঃ কুরূণাং হি শিরাংস্যর্জুনজাদ্ভয়াৎ ॥ 4-57-55 (30731)
চকার চার্জুনঃ ক্রোধাদ্বিমুখান্রুষিতানপি ॥ 4-57-56 (30732)
অর্জুনেনাপি ভিন্নানি বলাগ্নাণি পুনঃ ক্বচিৎ।
চক্রুর্লোহিতধারাভির্ধরণীং লোহিতোত্তরাম্ ॥ 4-57-57 (30733)
লোহিতেনাপি সংপৃক্তৈঃ পাংসুভিঃ পবনোদ্ধতৈঃ ।
তেনৈব চ সমুদ্ধূতৈঃ সূক্ষ্মৈর্লোহিতবিন্দুভিঃ ॥ 4-57-58 (30734)
লোহিতার্দ্রৈঃ প্রহরণৈঃ প্রভগ্না লোহিতোক্ষিতাঃ।
লোহিতেষু নিমগ্নাস্তে নিহতাশ্চ কিরীটিনা ॥ 4-57-59 (30735)
বভূবুর্লোহিতাস্তত্র ভৃশমাদিত্যরশ্ময়ঃ।
আকাশং তৎক্ষণেনাসীৎসন্ধ্যাভ্রমিব লোহিতং ॥ 4-57-60 (30736)
অপ্যস্তং প্রাপ্য চাদিত্যো নিবর্তেত ন পাণ্ডবঃ।
নিবর্তন্তে ন জিৎবারিং নিত্যজল্পবিচক্ষণাঃ ॥ 4-57-61 (30737)
তান্সর্বান্সমরে শূরান্পৌরুষে পর্যবস্থিতান্।
দিব্যৈরস্ত্রৈরমোঘাত্মা সর্বানার্চ্ছদ্ধনুর্ধরান্ ॥ 4-57-62 (30738)
স তু দ্রোণং ত্রিসপ্তত্যা নারাচানাং সমার্পয়ৎ।
অশীত্যা শকুনিং চৈব দ্রৌণিমপ্যাশু সপ্তভিঃ ॥ 4-57-63 (30739)
দুঃসহং দশভির্বাণৈরর্জুনঃ সমবিধ্যত ।
দুশ্যাসনং দ্বাদশভিঃ কৃপং শারদ্বতং ত্রিভিঃ।
ভীষ্মং শান্তনবং ষষ্ট্যা প্রত্যবিধ্যৎস্তনান্তরে ॥ 4-57-64 (30740)
স কর্ণং কর্ণিনাঽবিধ্যৎপীতেন নিশিতেন চ।
বাসবির্দ্বিষতাং মধ্যে বিব্যাধ পরমেষুণা ॥ 4-57-65 (30741)
স কর্ণং সতনুত্রাণং নির্ভিদ্য নিশিতঃ শরঃ।
অগচ্ছদ্দানয়ন্ভূমিং চোদিতো দৃঢধন্বনা ॥ 4-57-66 (30742)
ততোঽস্য বাহান্ব্যহনচ্চতুর্ভিশ্চতুরঃ ক্ষুরৈঃ ।
সারথেশ্চ শিরঃ কায়াদপাহরদরিন্দমঃ ।
অর্ধচন্দ্রেণ চিচ্ছেদ চাপং তস্য করে স্থিতম্ ॥ 4-57-67 (30743)
তস্মিন্বিদ্ধে মহাভাগে কর্ণে সর্বাস্ত্রপারগে।
হতাশ্বসূতে বিরথে ততোঽনীকমভজ্যত ॥ ॥ 4-57-68 (30744)
ইতি শ্রীমন্মহাভারতে বিরাটপর্বণি গোগ্রহণপর্বণি সপ্তপঞ্চাশোঽধ্যায়ঃ ॥ 57 ॥
বিরাটপর্ব - অধ্যায় 058
॥ শ্রীঃ ॥
4.58. অধ্যায়ঃ 058
Mahabharata - Virata Parva - Chapter Topics
অর্জুনেন রণে বিকর্ণাদিপরাভবনপূর্বকং কর্ণানুজহননম্ ॥ 1 ॥ অর্জুনপরাজিতেন কর্ণেন রণাঙ্কণাদপয়ানম্ ॥ 2 ॥Mahabharata - Virata Parva - Chapter Text
4-58-0 (30745)
বৈশম্পায়ন উবাচ। 4-58-0x (3231)
তৎপ্রভগ্নং বলং সর্বং বিপুলৌঘস্বনং তথা।
ভীষ্মমাসাদ্য সংতস্থৌ বেলামিব মহোদধিঃ ॥ 4-58-1 (30746)
তানি সর্বাণি গাঙ্গেয়ঃ সমাশ্বাস্য পরংতপঃ ।
ততো ব্যূহ্য মহাবাহুঃ সমরেষ্বপরাজিতঃ ॥ 4-58-2 (30747)
রথনাগাশ্বকলিকং যুয়ুজে যুদ্ধকোবিদঃ ।
অভেদ্যং পংরসৈন্যানাং শূরৈরপি সমীক্ষিতম্ ॥ 4-58-3 (30748)
আচার্যদুর্যোধনসূতপুত্রৈঃ কৃপেণ ভীষ্মেণ চ পালিতানি।
অবধ্যকল্পানি দুরাসদানি রথাশ্বমাতঙ্গসমাকুলানি চ ॥ 4-58-4 (30749)
তেষামনীকানি কিরীটমালী ব্যূঢানি দৃষ্ট্বা বিপুলধ্বজানি।
গাণ্ডীবধন্বা দ্বিষতাং নিহন্তা বৈরাটিমামন্ত্র্য ততোঽভ্যুবাচ ॥ 4-58-5 (30750)
সুসংগৃহীতৈরথ রশ্মিভিস্ৎবং হয়ান্নিয়ম্য প্রসমীক্ষ্য যত্তঃ।
সংপ্রেষয়াশু প্রতিবীরমেনং বৈকর্তনং যোধয়িতুং বৃণোমি ॥ 4-58-6 (30751)
যাং হস্তিকক্ষ্যাং বহুধা বিচিত্রাং স্তম্ভে রথে পশ্যসি দর্শনীয়াম্ ।
বিবর্তমানাং জ্বলনপ্রকাশাং বৈকর্তনস্যৈতদনীকমগ্র্যম্ ॥ 4-58-7 (30752)
এতেন শীঘ্রং প্রতিপাদয়েমান্ শ্বেতান্হয়ান্কাঞ্চনজালকক্ষ্যান্ ।
সর্বং জবং তত্র বিদর্শয়িষ্যে হ্যাসাদয়ৈতদ্রথবীরবৃন্দম্ ॥ 4-58-8 (30753)
গজো গজনেব হি যোদ্ধুকামো ময়া সদা কাঙ্ক্ষতি সূতপুত্রঃ ।
তমেব মাং প্রাপয় সূতপুত্রং দুর্যোধনোপাশ্রয়জাতদর্পম্ ।
তং পাতয়িষ্যামি রথস্য মধ্যে সহস্রনেত্রোঽশনিনেব বৃত্রম্ ॥ 4-58-9 (30754)
বৈশম্পায়ন উবাচ। 4-58-10x (3232)
স তৈর্হয়ৈর্জাতজবৈর্বৃহদ্ভিঃ পুত্রো বিরাটস্য হিরণ্যকক্ষ্যৈ ।
বিধ্বংসয়ংস্তদ্রথিনামনীকং ততোঽবহৎপাণ্ডবমাজিমধ্যে ॥ 4-58-10 (30755)
তমাপতন্তং পরমেণ তেজসা সমীক্ষ্য বৈকর্তনমভ্যরক্ষন্।
অভ্যদ্রবংস্তে রথবীরবৃন্দা ব্যাঘ্রেণ চাক্রান্তমিবর্ষভং রণে ॥ 4-58-11 (30756)
চিত্রাঙ্গদশ্চিত্ররথশ্চ বীরঃ সংগ্রামজিদ্দুঃসহচিত্রসেনৌ ।
বিবিংশতির্দুর্মুখদুর্জয়ৌ চ বিকর্ণদুঃশাসনসৌবলাশ্চ।
শোণো নিষেধশ্চ তমন্বয়ুস্তে বৈকর্তনং শীঘ্রতরং যুবানঃ ॥ 4-58-12 (30757)
পুত্রা যয়ুস্তে সহসোদরাশ্চ বৈকর্তনং পার্থগতং সমীক্ষ্য ।
প্রগৃহ্য চাপানি মহাবলা রণে ধনংজয়ং পর্যকিরঞ্শরার্চিভিঃ ॥ 4-58-13 (30758)
তেষাং ধনুর্জ্যাকৃতনৈকতন্ত্রীং প্রাসোপবীণাং শরসঙ্ঘকোণাম্।
করাগ্রয়ন্ত্রাং স্থিরচাপদণ্ডাং বীণামুপাবাদয়দাশু পার্থঃ ॥ 4-58-14 (30759)
তস্মিংস্তু যুদ্ধে তুমুলে প্রবৃত্তে পার্থং বিকর্ণোঽতিরথং রথেন ।
বিপাঠবর্ষেণ কুরুপ্রবীরো ভীমেন ভীমানুজমাসসাদ ॥ 4-58-15 (30760)
ততো বিকর্ণস্য ধনুর্বিকৃত্য জাম্বুনদেনোপহিতং দৃঢজ্যম্।
ন্যপাতয়ত্তদ্ধ্বজমস্য বিদ্ধ্বা ছিন্নধ্বজঃ সোঽপ্যপয়াঞ্জবেন ॥ 4-58-16 (30761)
তং শাত্রবাণাং গণবাধিতারং কর্মাণি কুর্বাণমমানুপাণি।
শত্রুংতপো বৈরমমৃষ্যমাণঃ সমার্পয়ৎকূর্মনখেন পার্থম্ ॥ 4-58-17 (30762)
স তেন রাজ্ঞাঽতিরথেন বিদ্ধো বিগাহমানো ধ্বজিনীং পেরপাম্ ।
শত্রুংতপং পঞ্চভিরাশু বিদ্ধ্বা ততোঽস্য সূতং দশভির্জঘান ॥ 4-58-18 (30763)
ততঃ স বিদ্ধো ভরতর্ষভেণ বাণেন কায়াবরণাতিগেন ।
গতাসুরাজৌ নিপপাত রাজন্নগো নগাগ্রাদিব বাতরুগ্ণঃ ॥ 4-58-19 (30764)
রথর্ষভাস্তে তু রথর্ষভেণ বীরা রণে বীরতরেণ ভগ্নাঃ ।
চকম্পিরে বাতবশেন কালে প্রকম্পিতানীব মহাবনানি ॥ 4-58-20 (30765)
হতাশ্চ পার্থেন নরপ্রবীরা ভূমৌ যুবানঃ সুষ্রুষুঃ সুবেষাঃ ।
বসুপ্রদা বাসবতুল্যবীর্যাঃ পরাজিতা বাসবজেন সঙ্খ্যে।
সুবর্ণকার্ষ্ণায়সবর্ভনদ্ধা নাগা যথা হৈমবতে প্রবৃদ্ধাঃ ॥ 4-58-21 (30766)
তথা স শত্রূন্সমরে বিনিঘ্নন্ গাণ্ডীবধন্বা পুরুষপ্রবীরঃ।
চচার সঙ্খ্যে বিদিশো দিশশ্চ দহন্নিবাগ্নির্বনমাতপান্তে ॥ 4-58-22 (30767)
সুজীর্ণপর্ণানি যথা বসন্তে বিশাতয়িৎবা তু রজো নুদন্খে।
তথা সপত্নান্বিকিরন্কিরীটী চচার সঙ্খ্যেঽতিরথো রথেন ॥ 4-58-23 (30768)
শোণাশ্ববাহস্য হয়ান্নিহত্য বৈকর্তনভ্রাতুরদীনসৎবঃ ।
একেন সংগ্রামজিতঃ শরেণ শিরো জহারাথ কিরীটমালী ॥ 4-58-24 (30769)
তস্মিন্হতে ভ্রাতরি সূতপুত্রো বৈকর্তনো বীর্যমদপ্রতাপী ।
প্রগৃহ্য দন্তাবিব নাগরাজো মহাবলঃ সিংহমিবাজগাম ॥ 4-58-25 (30770)
স পাণ্ডবং দ্বাদশভিঃ পৃষৎকৈর্বৈকর্তনঃ পার্থমুপাজঘান্ ।
বিব্যাধ গাত্রেষু হয়াংশ্চ সর্বান্বিরাটপুত্রং চ শরৈর্বিজঘ্নে ॥ 4-58-26 (30771)
তমাপতন্তং সমরে কিরীটী বৈকর্তনং সর্বসমৃদ্ধতেজাঃ।
প্রচ্ছাদয়ামাস মহাধনুষ্মান্ন্যষেধয়চ্ছত্রুগণাংশ্চ বীরঃ ॥ 4-58-27 (30772)
নিহত্য কর্ণস্য ততঃ কিরীটী পুরশ্চরাংশ্চাপি চ পৃষ্ঠগোপান্ ।
সমীপমভ্যাগমদপ্রমেয়ো বিতত্য পক্ষৌ গরুডো যথোরগম্ ॥ 4-58-28 (30773)
তাবুত্তমৌ সর্বধনুর্ধরাণাং মহাবলৌ সর্বসপত্নসাহৌ ।
কর্ণং চ পার্থং চ নিশম্য যুদ্ধে দিদৃক্ষমাণাঃ কুরবোঽবতস্থুঃ ॥ 4-58-29 (30774)
তং পাণ্ডবঃ স্পষ্টমুদীর্ণকোপং কৃতাগসং কর্ণমুদীক্ষ্য কোপাৎ।
ক্ষণেন সাশ্বং সরথং সসূতমন্তর্দধে মেঘ ইবাতিবৃষ্ট্যা ॥ 4-58-30 (30775)
ততঃ সয়ুগ্যাঃ সরথাঃ সনাগা যোধা বিনেদুর্ভরতর্ষভাণাম্।
অন্তর্হিতং ভীষ্মমুখাঃ সমীক্ষ্য কিরীটিনা কর্ণরথং পৃষৎকৈঃ ॥ 4-58-31 (30776)
স চাপি তানর্জুনবাহুমুক্তাঞ্শরাঞ্শরৌঘৈঃ প্রতিহত্য তূর্ণম্ ।
বভৌ মহাত্মা সধনুঃ সবাণঃ সবিষ্ফুলিঙ্গোঽগ্নিরিবাথ কর্ণঃ ॥ 4-58-32 (30777)
ততস্তু জজ্ঞে করতালঘোষঃ সশঙ্খভেরীপণবাকুলস্তু।
প্রক্ষ্বেলিতাস্ফোটিতসিংহনাদৈর্বৈকর্তনং পূজয়তাং কুরূণাম্ ॥ 4-58-33 (30778)
আধূতলাঙ্গূলমহাপতাকং রথোত্তমং শ্রেষ্ঠতমং কুরূণাম্।
ততঃ সগাণ্ডীবকৃতপ্রণাদং কিরীটিনং প্রেক্ষ্য ননাদ কর্ণঃ ॥ 4-58-34 (30779)
পার্থোপি বৈকর্তনমর্দয়িৎবা সাশ্বং সকেতুং সরথং সসূতম্।
ননাদ হর্ষাৎসহসা কিরীটী পিতামহং দ্রোণকৃপৌ চ দৃষ্ট্বা ॥ 4-58-35 (30780)
সিষেচ পার্থং বহুভিঃ শরৌঘৈর্বৈকর্তনঃ সংয়তি তীক্ষ্ণবেগৈঃ ।
বৈকর্তনশ্চাপি কিরীটমালী প্রচ্ছাদয়ামাস শিতৈঃ শরৌঘৈঃ ॥ 4-58-36 (30781)
তয়োরমোঘন্সৃজতোঃ শরৌঘানস্ত্রজ্ঞয়োরাস মহান্বিমর্দঃ।
রাহুপ্রমুক্তাবিব চন্দ্রসূর্যৌ ক্ষণান্তরেণানুদদর্শ লোকঃ ॥ 4-58-37 (30782)
হতাস্তু পার্থেন রথপ্রবীরা ভূমৌ যুবানঃ সুপুপুঃ সুকেশাঃ ।
সুবর্ণলোহায়সবর্মগাত্রা বৃক্ষা যথা হৈমবতে নিকৃত্তাঃ ॥ 4-58-38 (30783)
তথা স শত্রূন্সমরে বিনিঘ্নন্গাণ্ডীবধন্বা ব্যধমৎসপত্নান্।
চচার সঙ্খ্যে বিদিশো দিশশ্চ দহন্নিবাগ্নির্বনমাতপান্তে ॥ 4-58-39 (30784)
সুশীর্ণপর্ণানি যথা বসন্তে বিধূনয়ন্বায়ুরিবাল্পসারান্ ।
তথা সপত্নান্বিধমন্কিরীটী চচার সঙ্খ্যেঽতিরথো রথেন ॥ 4-58-40 (30785)
শত্রূনিবেন্দ্রঃ সমরে কিরীটী বিদ্রাবয়ংস্তদ্রথবীরবৃন্দম্।
প্রাচ্ছাদয়চ্চরুকিরীটমালী বরেষুভিঃ শত্রুগণাননেকান্ ॥ 4-58-41 (30786)
কর্ণং তদোবাচ কিরীটমালী শূরঃ কুরূণাং প্রবরোঽভিগর্জন্ ॥ 4-58-42 (30787)
কর্ণ যস্ৎবং সভামধ্যে বহ্ববদ্ধং প্রভাষসে।
ন মে যুধি সমোস্তীতি তদিদং প্রত্যুপস্থিতম্ ॥ 4-58-43 (30788)
সভায়াং পৌরুষং প্রোচ্য ধর্মমুৎসৃজ্য কেবলম্।
কর্তুমিচ্ছসি যৎকর্ম তন্মন্যে দুষ্করং ৎবয়া। 4-58-44 (30789)
যত্ৎবয়া কথিতং পূর্বং নাস্তি মৎসম ইত্যপি।
তৎসত্যং কুরু রাধেয় কুরুমধ্যে ময়া সহ ॥ 4-58-45 (30790)
সভায়াং যস্তু পাঞ্চালীং ক্লিশ্যমানাং তদা ৎবয়া ।
দৃষ্টবানস্মি তস্যাদ্য ফলমশ্রুহি কেবলম্ ॥ 4-58-46 (30791)
ধর্মপাশনিবদ্ধেন যন্ময়া মর্ষিতং তব।
তস্য পাপস্য রাধেয় ফলং প্রাপ্নুহি দুর্মতে ॥ 4-58-47 (30792)
এহি কর্ণ ময়া সার্ধমিহাদ্য কুরু বৈশসম্।
প্রেক্ষকা কুরবঃ সন্তু সর্বে তে সহসৈনিকাঃ ॥ 4-58-48 (30793)
ইদানীমেব তাবত্ৎবমপয়াতো রণান্মম।
কস্মাজ্জীবসি রাধেয় নিহতস্ৎবনুজস্তব ॥ 4-58-49 (30794)
যো ভ্রাতরং পাতয়িৎবা কস্ত্যক্ৎবা চ রণাজিরম্ ।
ৎবদন্যঃ পুরুষঃ সৎসু ব্রূয়াদেবং ব্যবস্থিতঃ ॥ 4-58-50 (30795)
কর্ণ উবাচ। 4-58-51x (3233)
ব্রবীষি বাচা যৎপার্থ কর্মণা তৎসমাচর।
বিশেষিতো হি ৎবং বাচা কর্মণাপ্রতিমং ভুবি ॥ 4-58-51 (30796)
যত্ৎবয়া মর্ষিতং পূর্বং তদশক্তেন মর্ষিতম্ ।
ইতি গৃহ্ণীম তে পার্থ তমদৃষ্ট্বা পরাক্রমম্ ॥ 4-58-52 (30797)
ধর্মপাশনিবদ্ধেন যত্ৎবয়া মর্ষিতং পুরা।
তথৈব বদ্ধমাত্মানমবদ্ধ ইতি মন্যসে ॥ 4-58-53 (30798)
ন হি তাবদ্বনে বাসো যথোক্তং চরিতস্ৎবয়া ।
ক্লিষ্টস্ৎবমর্থলোভাত্তু সময়ং ছেত্তুমিচ্ছসি ॥ 4-58-54 (30799)
যদি চেন্দ্রঃ স্বয়ং পার্থ তব যুদ্ধ্যেত কারণাৎ।
তথাঽপিন ব্যথা কাচিন্মম স্যাদ্বিক্রমিষ্যতঃ ॥ 4-58-55 (30800)
অয়ং কৌন্তেয়কামস্তে নচিরাৎসমুপস্থিতঃ।
যোৎস্যসে হি ময়া সার্ধমত্র পশ্যামি তে বলম্ ॥ 4-58-56 (30801)
বৈশম্পায়ন উবাচ। 4-58-57x (3234)
ইতি কর্ণো ব্রুবন্নেব বীভৎসুমপরাজিতম্।
অভ্যযাদ্বিসৃজন্বাণান্কায়াবরণভেদিনঃ ॥ 4-58-57 (30802)
প্রতিজগ্রাহ তান্পার্থঃ প্রীয়মাণো মহারথঃ ॥ 4-58-58 (30803)
শরবর্ষেণ মহতা পর্জন্য ইব বৃষ্টিমান্।
অভীয়ায় হি বীভৎসুর্গাণ্ডীবং বিক্ষিপন্ধনুঃ ॥ 4-58-59 (30804)
জিঘাংসুঃ সমরে কর্ণং বিসসর্জ শরান্বহূন্।
তান্কর্ণঃ প্রতিজগ্রাহ বায়ুবেগমিবাচলঃ ॥ 4-58-60 (30805)
তয়োর্দৈবাসুরসমঃ সন্নিপাতোঽভবন্মহান্।
কিরতোঃ শরজালানি কৃৎস্নং ব্যোম নিরন্তরং ॥ 4-58-61 (30806)
উৎপেতুর্মেঘজালানি ঘোররূপাণি সর্বশঃ ।
ববর্ষ চ রজো ভৌমং কর্ণপার্থসমাগমে ॥ 4-58-62 (30807)
ন স্ম সূর্যঃ প্রতপতি ন চ বাতি সমীরণঃ।
শরপ্রচ্ছাদিতং ব্যোম ছায়াভূতমিবাভবৎ ॥ 4-58-63 (30808)
গাণ্ডীবস্য চ নির্ঘোষঃ কর্ণস্য ধনুষস্তথা।
দহ্যতামিব বেণূনামাসীৎপরমদারুণঃ ॥ 4-58-64 (30809)
অর্জুনস্তু হয়ান্নাগান্রথাংশ্চ বিনিপাতয়ন্।
ক্ষোভয়ামাস তৎসৈন্যং কর্ণং বিব্যাধ চাসকৃৎ ॥ 4-58-65 (30810)
ততঃ পার্থো মহাবাহুঃ কর্ণস্য ধনুরচ্ছিনৎ।
ছিন্নধন্বা ততঃ কর্ণঃ শক্তিং চিক্ষেপ বেগবান্
তাং শক্তিং সমরে পার্থশ্চিচ্ছেদ নিশিতৈঃ শরৈঃ ॥ 4-58-66 (30811)
ততো নিপেতুর্বহুশো রাধেয়স্য পদানুগাঃ ।
তাংশ্চ গাণ্ডীবনির্মুক্তৈঃ প্রাহিণোদ্যমসাদনম্ ॥ 4-58-67 (30812)
অশেরতাবৃত্য মহীং সমগ্রাং পার্থেষুমার্গে নিহতা দ্বিপেন্দ্রাঃ ।
হিরণ্যকক্ষ্যাং শরজালচিত্রা যথা নগাঃ পাবকজালনদ্ধাঃ ॥ 4-58-68 (30813)
তং শত্রুসেনাঙ্গনিবর্হণানি কর্মাণি কুর্বাণমমানুষাণি ।
বৈকর্তনঃ পূর্বমমৃষ্যমাণঃ সমার্পয়ল্লক্ষ্যমিবাশু পার্থম্ ॥ 4-58-69 (30814)
ততশ্চতুর্ভিস্তুরগান্বিকৃষ্য বিব্যাধ কর্ণোঽথ ধনংজয়স্য।
ষঙ্ভিশ্চ সূতং দশভির্হয়াংশ্চ ষষ্ট্যা চ পার্থং ত্রিভিরস্য কেতুম্ ॥ 4-58-70 (30815)
সবিষ্ফুলিঙ্গোজ্জ্বলভীমঘোষঃ কোপেন্ধনঃ কেতুশিখঃ শরার্চিঃ ।
কর্ণাগ্নিরস্ত্রানিলভীমবাতো বভৌ দিধক্ষন্নিব পার্থকক্ষম্ ॥ 4-58-71 (30816)
স্বনেমিশঙ্খস্বনভীমঘোষশ্চলৎপতাকোজ্জ্বলভীমবিদ্যুৎ।
পার্থাম্বুদঃ শস্ত্রশরাম্বুধারঃ কর্ণানলং সংশময়াংচকার ॥ 4-58-72 (30817)
তেনাতিবিদ্ধঃ সমরে কিরীটী প্রবোধিতঃ সিংহ ইব প্রসুপ্তঃ।
গাণ্ডীবধন্বা প্রবরঃ কুরূণাং প্রতৎবরে কর্ণবধায় জিষ্ণুঃ ॥ 4-58-73 (30818)
স ব্রাহ্মমস্ত্রং সমরে কিরীটী প্রাদুশ্চকারাদ্ভুতবীর্যকর্মা ।
সন্তাপয়ন্কর্ণরথং শরৌঘৈর্লোকানিমান্ৎসূর্য ইবাংশুমালী ॥ 4-58-74 (30819)
স হস্তিনেবাভিহতো গজেন্দ্রঃ প্রগৃহ্য ভল্লান্নিশিতান্নিষঙ্গাৎ।
আকর্ণপূর্ণে তু ধনুর্বিকৃষ্য বিব্যাধ বাণৈরথ সূতপুত্রম্ ॥ 4-58-75 (30820)
অথাস্য বাহূ সশিরো ললাটং গ্রীবামুরঃ স্কন্ধভুজান্তরং চ।
কর্ণস্য পার্থো যুধি নির্বিভেদ বজ্রৈরিবাদ্রিং ভগবান্মহেন্দ্রঃ ॥ 4-58-76 (30821)
স পার্থমুক্তানবিষহ্য বাণান্ গজো গজেনেব জিতস্তরস্বী।
বিহায় সংগ্রামশিরোপয়াতো বৈকর্তনঃ পার্থশরাভিতপ্তঃ ॥ 77 ॥ ॥ 4-58-77 (30822)
ইতি শ্রীমন্মহাভারতে বিরাটপর্বণি গোগ্রহণপর্বণি অষ্টপঞ্চাশোঽধ্যায়ঃ ॥ 58 ॥
Mahabharata - Virata Parva - Chapter Footnotes
4-58-23 বায়ুর্যথা খে আকাশে রজো নুদন্ চরতি তথেত্যধ্যাহারেণ যোজনা ॥ 23 ॥ 4-58-30 কর্ণমুদীক্ষ্য হর্ষাদিতি ধo পাঠঃ ॥ 30 ॥বিরাটপর্ব - অধ্যায় 059
॥ শ্রীঃ ॥
4.59. অধ্যায়ঃ 059
Mahabharata - Virata Parva - Chapter Topics
দ্রোণার্জুনয়োর্যুদ্ধবর্ণনম্ ॥ 1 ॥ অর্জুনবাণাহতিবিষপণে দ্রোণে অশ্বত্থাম্না তদ্রক্ষণায়ার্জুনপ্রত্যভিয়ানম্ ॥ 2 ॥ অত্রান্তরেঽর্জুনদত্তাবকাশেন দ্রোণেন রণাদপয়ানম্ ॥ 3 ॥Mahabharata - Virata Parva - Chapter Text
4-59-0 (30823)
বৈশম্পায়ন উবাচ। 4-59-0x (3235)
জিতং বৈকর্তনং দৃষ্ট্বা পার্থো বৈরাটিমব্রবীৎ।
স্থিরো ভব ৎবং সংগ্রামে জয়োঽস্মাকং নৃপাত্মজঃ ॥ 4-59-1 (30824)
যাবচ্ছঙ্খমুপাধ্যাস্যে দ্বিষতাং রোমহর্ষণম্।
অবিক্লবমসংভ্রান্তমব্যক্তহৃদয়েক্ষণম্। 4-59-2 (30825)
যাহি শীঘ্রং যতো দ্রোণো মমাচার্যো রণে স্থিতঃ ॥
তথা সংক্রীডমানস্য অর্জুনস্য রণাজিরে। 4-59-3 (30826)
বলং সৎবং চ তেজশ্চ লাঘবং চ ব্যবর্ধত ॥
তচ্চাদ্ভুতমভিপ্রেক্ষ্য ভয়মুত্তরমাবিশৎ ॥ 4-59-4 (30827)
উত্তর উবাচ। 4-59-5x (3236)
অস্ত্রাণাং তব দিব্যানাং শরৌঘান্ক্ষিপতঃ শিতান্।
মনো মে মুহ্যতেঽত্যর্থং তব দৃষ্ট্বা পরাক্রমম্ ॥ 4-59-5 (30828)
দ্বৈধীভূতং মনো মহ্যং ভয়াদ্ভরতসত্তম ।
অদৃষ্টপূর্বং পশ্যামি তব গাণ্ডীবনিস্বনম্ ॥ 4-59-6 (30829)
তব বাহুবলং চৈব ধনুঃ কর্ষয়তো বহু।
তব তেজো দুরাধর্ষং যথা বিষ্ণোস্ত্রিবিক্রমে ॥ 4-59-7 (30830)
বৈশম্পায়ন উবাচ। 4-59-8x (3237)
তমুত্তরশ্চিত্রমবেক্ষ্য গাণ্ডিবং শরাংশ্চ মুক্তান্সহসা কিরীটিনা ।
ভীতোঽব্রবীদর্জুনমাজিমধ্যে নাহং তবাশ্বান্বিষহে নিয়ন্তুম্ ॥ 4-59-8 (30831)
তমব্রবীৎকিংচিদিব প্রহস্য গাণ্ডীবধন্বা দ্বিষতাং নিহন্তা ।
ময়া সহায়েন কুতোঽস্তি তে ভয়ং প্রেহ্যুত্তরাশ্বাননুমন্ত্র্য বাহয় ॥ 4-59-9 (30832)
বৈশম্পায়ন উবাচ। 4-59-10x (3238)
আশ্বাসিতস্তেন ধনংজয়েন বৈরাটিরশ্বান্প্রতুতোদয় শীঘ্রম্।
ধনংজয়শ্চাপি বিকৃষ্য চাপং বিষ্ফারয়ামাস মহেন্দ্রকল্পঃ ॥ 4-59-10 (30833)
উত্তরং চৈব বীভৎসুরব্রবীৎপুনরর্জুনঃ ।
ন ভেতব্যং ময়া সার্ধং তাত সংগ্রামমূর্ধনি ॥ 4-59-11 (30834)
রাজপুত্রোঽসি তে ভদ্রং কুলে মহতি মাৎস্যকে।
জাতস্ৎবং ক্ষত্রিয়কুলে ন বিষীদিতুমর্হসি ॥ 4-59-12 (30835)
ধৃতিং কৃৎবা সুবিপুলাং রাজপুত্র রথং মম।
যুধ্যমানস্য সংগ্রামে রাজভিঃ সহ বাহয় ॥ 4-59-13 (30836)
উক্ৎবা তমেবং বীভৎসুরর্জুনঃ পুনরব্রবীৎ।
পাণ্ডবো রথিনাং শ্রেষ্ঠো ভারদ্বাজং সমীক্ষ্য তু ॥ 4-59-14 (30837)
যত্রৈষা কাঞ্চনী বেদির্দৃশ্যতেঽগ্নিশিখোপমা ।
উচ্ছ্রিতা কাঞ্চনে দণ্ডে পতাকাভিরলংকৃতা ॥ 4-59-15 (30838)
তত্র মাং বহ ভদ্রং তে দ্রোণং যোৎস্যামি সত্তমম্।
ভারদ্বাজেন যোৎস্যেঽহমাচার্যেণ মহাত্মনা ॥ 4-59-16 (30839)
অমী শোণাঃ প্রকাশন্তে তুরগাঃ সাধুবাহিনঃ ।
মুক্তা রথবরে তস্য সর্বশিক্ষাবিশারদাঃ ॥ 4-59-17 (30840)
যতো রথবরে শূরঃ সর্বশস্ত্রভৃতাংবরঃ।
স্নিগ্ধবৈডূর্যসংকাশস্তাম্রাক্ষঃ প্রিয়দর্শনঃ ॥ 4-59-18 (30841)
আদিত্য ইব তেজস্বী বলবীর্যসমন্বিতঃ।
সর্বলোকধনুঃশ্রেষ্ঠঃ সর্বলোকেষু পূজিতঃ।
অঙ্গিরোশনসোস্তুল্যো নয়ে বুদ্ধিমতাংবরঃ ॥ 4-59-19 (30842)
চৎবারো নিখিলা বেদাঃ সাঙ্গোপাঙ্গাঃ সলক্ষণাঃ ।
ধনুর্বেদশ্চ কার্ৎস্ন্যেন ব্রাহ্মং চাস্ত্রং প্রতিষ্ঠিতম্ ॥ 4-59-20 (30843)
পুরাণমিতিহাসশ্চ অর্থবিদ্যা চ মানবম্ ।
ভারদ্বাজে সমস্তানি সর্বাণ্যেতানি সাংপ্রতম্ ॥ 4-59-21 (30844)
ক্ষমা দমশ্চ সত্যং চ তেজো মার্দবমার্জবম্ ।
প্রতিষ্ঠিতা গুণা যস্মিন্বহবো দ্বিজসত্তমে ॥ 4-59-22 (30845)
যস্যাহমিষ্টঃ সততং মম চেষ্টঃ সদা চ সঃ।
ক্ষত্রধর্মং পুরস্কৃত্য তেন যোৎস্যে হি সাংপ্রতম্ ॥ 4-59-23 (30846)
আচার্যং প্রাপয়েদানীং মমোত্তর মহারথম্।
অপরং পশ্য সংগ্রামমদ্ভুতং মম তস্য চ॥ 4-59-24 (30847)
উত্তরস্ৎবেবমুক্তোঽশ্বাংশ্চোদয়ামাস তং প্রতি ।
আজগামার্জুনরথো ভারদ্বাজরথং প্রতি ॥ 4-59-25 (30848)
তমাপতন্তং বেগেন পাণ্ডবং সরথং রণে।
দ্রোণোপ্যভ্যদ্রবৎপার্থং মতো মত্তমিব দ্বিপম্ ॥ 4-59-26 (30849)
স তু রুক্মরথং দৃষ্ট্বা কৌন্তেয়ঃ সমভিদ্রুতম্।
আচার্যং তং মহাবাহুঃ প্রাঞ্জলির্বাক্যমব্রবীৎ ॥ 4-59-27 (30850)
উষিতাঃ স্মো বনে বাসং প্রতিকর্মচিকীর্ষবঃ ।
কোপং নার্হসি নঃ কর্তুং সদা সমরদুর্জয় ॥ 4-59-28 (30851)
অহং তু তাডিতঃ পূর্বং প্রহরেয়ং তবানঘ ।
ইতি মে বর্ততে বুদ্ধিস্তদ্ভবান্ক্ষন্তুমর্হতি ॥ 4-59-29 (30852)
ততঃ প্রাধ্মাপয়চ্ছঙ্খং ভেরীপটহবাদিতম্ ।
ব্যক্ষোভত বলং সর্বমুদ্ধূতমিব সাগরম্ ॥ 4-59-30 (30853)
বৈশম্পায়ন উবাচ। 4-59-31x (3239)
ততস্তু প্রাহিণোদ্দ্রোণঃ শরানথ স বিংশতিম্।
অপ্রাপ্তানেব তান্পার্থশ্চিচ্ছেদ কৃতহস্তবান্ ॥ 4-59-31 (30854)
ততঃ শরসহস্রেণ রথং পার্থস্য বীর্যবান্ ।
অবাকিরত্ততো দ্রোণঃ শীঘ্রহস্তং প্রদর্শয়ন্ ॥ 4-59-32 (30855)
এবং প্রববৃতে যুদ্ধং ভারজ্বাজকিরীটিনোঃ ॥ 4-59-33 (30856)
অশ্বাঞ্শোণান্মহাবেগান্হংসবর্ণৈস্তু বাজিভিঃ ।
মিশ্রিতান্সমরে দৃষ্ট্বা ব্যস্ময়ন্ত পৃথগ্জনাঃ ॥ 4-59-34 (30857)
রথং রথেন পার্থস্য সমাহত্য পরংতপঃ ।
হর্ষয়ুক্তস্তদাঽঽচার্যঃ প্রত্যগৃহ্ণাৎস পাণ্ডবম্ ॥ 4-59-35 (30858)
সমাশ্লিষ্টাবিবান্যোন্যং দ্রোণপাণ্ডবয়োর্ধ্বজৌ ।
দৃষ্ট্বা প্রাকম্পত মুহুর্ভারতানাং মহাচমূঃ ॥ 4-59-36 (30859)
তত্তু যুদ্ধং প্রববৃতে হ্যাচার্যস্যার্জুনস্য চ।
বিমুঞ্চতোঃ শরানুগ্রান্বিশিখান্দীপ্ততেজসঃ ॥ 4-59-37 (30860)
তৌ বীরৌ বীর্যসংপন্নৌ দৃষ্ট্বা সমরমূর্ধনি।
আচার্যশিষ্যৌ রথিনৌ কৃতবীর্যৌ তরস্বিনৌ ॥ 4-59-38 (30861)
উভৌ বিশ্রুতকর্মাণাবুভৌ শ্রমগতৌ জয়ে।
উভাবতিরথৌ লোকে হ্যুভৌ পরপুংরজয়ৌ।
ক্ষিপন্তৌ শরজালানি ক্ষত্রিয়ান্মোহ আবিশৎ ॥ 4-59-39 (30862)
ব্যস্ময়ন্ত নরাঃ সর্বে দ্রোণার্জুনসমাগমে।
নরাণাং ব্রুবতাং বাক্যং শ্রূয়তে স মহাস্বনঃ ॥ 4-59-40 (30863)
দ্রোণং হি সমরে কোঽন্যো যোদ্ধুমর্হত্যথার্জুনাৎ।
রৌদ্রঃ ক্ষত্রিয়ধর্মোঽয়ং গুরং বৈ যদয়োধয়ৎ ॥ 4-59-41 (30864)
ইত্যব্রুবঞ্জনাস্তত্র সংগ্রামশিরসি স্থিতাঃ ।
তৌ সমীক্ষ্য তু সংরব্ধৌ সন্নিকৃষ্টৌ মহারথৌ ॥ 4-59-42 (30865)
ছাদ্যেতাং শরৌঘৈস্তাবন্যোন্যমুপরাজিতৌ ।
সংয়ুগে সংচকাশেতাং কালসূর্যাবিবোদিতৌ ॥ 4-59-43 (30866)
বিষ্ফার্য চ মহাচাপং হেমপৃষ্ঠং দুরাসদম্।
সংরব্ধস্তু তদা দ্রোণঃ প্রত্যযুধ্যত ফল্গুনম্ ॥ 4-59-44 (30867)
স সায়কময়ৈর্জালৈরর্জুনস্য রথং প্রতি।
ভানুমদ্ভিঃ শিলাধৌতৈর্বাণৈঃ প্রাচ্ছাদয়দ্দিশঃ ॥ 4-59-45 (30868)
অর্জুনস্তু তদা দ্রোণং মহাবেগৈর্মহারথঃ।
বিব্যাধ শতশো বাণৈর্ধারাভিরিব পর্বতম্ ॥ 4-59-46 (30869)
কালমেঘ ইবোষ্ণান্তে ফল্গুনঃ সমবাকিরৎ ॥ 4-59-47 (30870)
তস্য জাম্বূনদময়ৈশ্চিতরৈশ্চাপচ্যুতৈঃ শরৈঃ।
প্রাচ্ছাদয়দ্রথশ্রেষ্ঠং ভারদ্বাজোঽর্জুনস্য বৈ ॥ 4-59-48 (30871)
তথৈব দিব্যং গাণ্ডীবং ধনুরানম্য চার্জুনঃ ।
শত্রুঘ্নং বেগবৎসৃষ্টং ভারসাধনমুত্তমম্ ॥ 4-59-49 (30872)
শোভতে স্ম মহাবাহুর্গাণ্ডীবং বিক্ষিপন্ধনুঃ।
শরাংশ্চ বিসৃজংশ্চিত্রান্সুবর্ণবিকৃতান্বহূন্ ॥ 4-59-50 (30873)
প্রাচ্ছাদয়দমেয়াত্মা ভারদ্বাজরথং প্রতি।
দ্রোণচাপবিনির্মুক্তান্বাণান্বাণৈরবারয়ৎ ॥ 4-59-51 (30874)
সরথোঽপ্যচরৎপার্থঃ প্রেক্ষণীয়ো মহারথঃ ।
যুগপদ্দিক্ষু সর্বাসু সর্বতোঽস্ত্রাণ্যবাসৃজম্ ॥ 4-59-52 (30875)
আদদানং শরান্ঘোরান্সংদধানং চ পাণ্ডবম্ ।
বিসৃজন্তং চ ক্রৌন্তেয়ং ন স্ম পশ্যন্তি লাঘবাম্ ॥ 4-59-53 (30876)
একচ্ছায়মিবাকাশং বাণৈশ্চক্রে সমন্ততঃ।
নাদৃশ্যত ততো দ্রোণো নীহারেণেব পর্বতঃ ॥ 4-59-54 (30877)
মরীচিবিকচস্যেব রাজন্ভানুমতো বপুঃ।
আসীৎপার্থস্য সুমহদ্বপুঃ শরশতার্চিতম্ ॥ 4-59-55 (30878)
ক্ষিপতঃ শরজালানি কৌন্তেয়স্য মহাত্মনঃ ।
তান্বিধূয় শরান্ঘোরান্দ্রোণোঽপি সমিতিংজয়ঃ ।
বভাসে তিমিরং ব্যোম্নি বিধূয় সবিতা যথা ॥ 4-59-56 (30879)
অগ্নিচক্রোপমং ঘোরং মণ্ডলীকৃতমাহবে।
বিকৃষ্য সুমহচ্চাপং মেঘস্তনিতনিস্বনম্ ।
অসকৃত্মুঞ্চতো বাণান্দদৃশুঃ কুরবো যুধি ॥ 4-59-57 (30880)
দিক্ষু সর্বাসু বিপুলঃ শুশ্রুবেঽথ জনৈস্তদা।
দ্রোণস্যাপি ধনুর্ঘোষো বিদ্যুৎস্তনিতনিস্বনঃ ।
অভবদ্বিস্ময়করঃ সৈন্যানাং ভরতর্ষভ ॥ 4-59-58 (30881)
তপ্তজাম্বূনদময়ৈর্দীপ্তৈরগ্নিসমৈঃ শরৈঃ।
প্রাচ্ছাদয়দমেয়াত্মা দিশঃ সূর্যস্য চ প্রভাম্ ॥ 4-59-59 (30882)
ততঃ কাঞ্চনপঙ্খানাং শরাণাং নতপর্বণাম্।
বিয়দ্গতানাং চরতাং দৃশ্যন্তে বহবো ব্রজাঃ ॥ 4-59-60 (30883)
শরাসনাত্তু দ্রোণস্য প্রভবন্তি স্ম সায়কাঃ।
একো দীর্ঘ ইবাভান্তঃ প্রদৃশ্যন্তে মহাশরাঃ ।
আকাশে সমদৃশ্যন্ত হংসানামিব পঙ্ক্তয়ঃ ॥ 4-59-61 (30884)
এবং সুবর্ণবিকৃতান্বিমুঞ্চন্তৌ শরান্বহূন্।
আকাশং সংবৃতং বীরাবুল্কাভিরিব চক্রতুঃ ॥ 4-59-62 (30885)
তয়োঃ শরাশ্চ বিবভুঃ কঙ্কবর্হিণবাসসঃ ।
পঙ্ক্ত্যঃ শরদি মত্তানাং সারসানামিবাম্বরে ॥ 4-59-63 (30886)
তত্তু যুদ্ধং মহাঘোরং তয়োঃ সংরব্ধয়োরভূৎ।
অত্যদ্ভুতমচিন্ত্যং চ বৃত্রবাসবয়োরিব ॥ 4-59-64 (30887)
মহাগজাবিবাসাদ্য বিষাণাগ্রৈঃ পরস্পরম্।
শরৈঃ পূর্ণায়তোৎসৃষ্টৈরন্যোন্যমভিজঘ্নতুঃ ॥ 4-59-65 (30888)
অথ ৎবাচার্যমুখ্যেন শরান্সৃষ্টাঞ্শিলাশিতান্।
অবারয়চ্ছিতৈর্বাণৈরর্জুনো জয়তাংবরঃ ॥ 4-59-66 (30889)
দর্শয়ন্নৈন্দ্রমাত্মানমুগ্রমুগ্রুপরাক্রমঃ।
ইষুভিস্তূর্ণমাকাশং বহুভিশ্চ সমাবৃণোৎ। 4-59-67 (30890)
জিঘাংসন্তং নরব্যাঘ্রমর্জুনং ভীমদর্শনম্ ।
বিব্যাধ নিশিতৈর্দ্রোণঃ শরৈঃ সন্নতপর্বভিঃ ॥ 4-59-68 (30891)
হৃষ্টঃ সমভবদ্দ্রোণো রণশৌণ্ডঃ প্রতাপবান্ ।
অর্জুনেন সমং ক্রীডঞ্শরৈঃ সন্নতপর্বভিঃ ॥ 4-59-69 (30892)
তৌ ব্যদারয়তাং শূরৌ সন্নদ্ধৌ রণশোভিনৌ ।
উদীরয়ন্তৌ দিব্যানি ব্রাহ্মাদ্যস্ত্রাণি ভাগশঃ ॥ 4-59-70 (30893)
পার্থস্তু সমরে শূরো দর্শয়ন্বীর্যমাত্মনঃ।
স মহ্যস্ত্রৈর্মহাত্মানং দ্রোণং প্রাচ্ছাদয়চ্ছরৈঃ ॥ 4-59-71 (30894)
অস্ত্রৈরস্ত্রাণি সংবার্য পার্থো দ্রোণমবারয়ৎ ॥ 4-59-72 (30895)
তয়োরাসীৎসংপ্রহারঃ ক্রুদ্ধয়োর্নরসিংহয়োঃ।
অমৃষ্যমাণয়োঃ সঙ্খ্যে বলিবাসবয়োরিব ॥ 4-59-73 (30896)
দর্শয়েতাং মহাস্রাণি ভারদ্বাজার্জুনৌ রণে ॥ 4-59-74 (30897)
ঐন্দ্রং বায়ব্যমাগ্নেয়মস্ত্রমস্ত্রেণ পাণ্ডবঃ ।
মুক্তংমুক্তং দ্রোণচাপাদ্গ্রমতে স্ম পুনঃ পুনঃ ॥ 4-59-75 (30898)
এবং শূরৌ মহেষ্বাসৌ বিসৃজন্তৌ শিলাশিতান্।
একচ্ছায়মকুর্বাতাং গগনং শরবৃষ্টিভিঃ ॥ 4-59-76 (30899)
ততোঽর্জুনেন মুক্তানাং পততাং চ শরীরিপু।
পর্বতেষ্বিব বজ্রাণাং শরাণাং শ্রূয়তে স্বনঃ ॥ 4-59-77 (30900)
ততো নাগা রথাশ্বাশ্চ সাদিনশ্চ বিশাংপতে।
শোণিতাক্তাশ্চ দৃশ্যন্তে পুষ্পিতা ইব কিংশুকাঃ ॥ 4-59-78 (30901)
বাহুভিশ্চ সকেয়ূরৈর্নিকৃত্তৈশ্চ মহারথৈঃ ।
সুবর্ণাচিত্রৈঃ কবচৈর্ধ্বজৈশ্চ বিনিপাতিতৈঃ ॥ 4-59-79 (30902)
যোধৈশ্চ নিহতৈস্তত্র পার্থবাণাভিপীডিতৈঃ।
বলমাসীৎসুসংভ্রান্তং দ্রোণার্জুনসমাগমে ॥ 4-59-80 (30903)
বিধৃন্বানৌ তু তৌ বীরৌ ধনুষী ভারসাধনে।
প্রাচ্ছাদয়েতামন্যোন্যং দিধক্ষন্তৌ বরেষুভিঃ ॥ 4-59-81 (30904)
অথান্তরিক্ষে নাদোঽভূদ্দ্রোণং তত্র প্রশংসতাম্ ।
দুষ্করং কৃতবান্দ্রোণো যদর্জুনময়োধয়ৎ ॥ 4-59-82 (30905)
প্রমাথিনং মহাবীর্যং দৃঢমুষ্টিং দুরাসদম্।
জেতারং সর্বদৈত্যানাং সর্বেষাং চ মহারথম্ ॥ 4-59-83 (30906)
অবিভ্রমং চ শিক্ষাং চ লাঘবং দূরপাতনম্ ।
পার্থস্য সমরে দৃষ্ট্বা দ্রোণস্যাসীচ্চ বিস্ময়ঃ ॥ 4-59-84 (30907)
তৎপ্রবৃত্তং চিরং ঘোরং তয়োর্যুদ্ধং মহাত্মনোঃ ।
অবর্তত মহারৌদ্রং লোকসংক্ষোভকরকম্ ॥ 4-59-85 (30908)
অথ গাণ্ডীবমুদ্যম্য দিব্যং ধনুরমর্ষণঃ ।
বিচকর্ষ রণে পার্থো বাহুভ্যাং ভরতর্ষভঃ ॥ 4-59-86 (30909)
তস্য বাণময়ং বর্ষে শলভানামিবাভবৎ ।
ন চ বাণান্তরে তস্য বায়ুঃ শক্নোতি সর্পিতুম্ ॥ 4-59-87 (30910)
অভীক্ষ্ণং সংদধানস্য বাণানুৎসৃজতস্তথা।
নান্তরং দদৃশে কিংচিৎপার্থস্যাপততোপী চ ॥ 4-59-88 (30911)
যুদ্ধে তু কৃতশীঘ্রাস্ত্রে বর্তমানে সুদারুণে।
শীঘ্রাচ্ছীঘ্রতরং পার্থঃ শরানন্যানুদৈরয়ৎ ॥ 4-59-89 (30912)
ততঃ শরসহস্রাণি শরাণাং নতপর্বণাম্।
যুগপৎপ্রাপতংস্তত্র দ্রোণস্য রথমন্তিকাৎ ॥ 4-59-90 (30913)
বিকীর্যমাণে দ্রোণে তু শরৈর্গাণ্ডীবধন্বনা ॥
হাহাকারো মহানাসীৎসৈন্যানাং ভরতর্ষভ ॥ 4-59-91 (30914)
পাণ্ডবস্য তু শীঘ্রাস্ত্রং মঘবা সমপূজয়ৎ।
গন্ধর্বাপ্সরসশ্চৈব যে চ তত্র সমাগতাঃ ॥ 4-59-92 (30915)
দ্রোণং যুদ্ধার্ণবে মগ্নং দৃষ্ট্বা পুত্রঃ প্রতাপবান্।
ততো বৃন্দেন মহতা রথিনাং রথিয়ূথপঃ ।
আচার্যপুত্রস্তু শরৈঃ পাণ্ডবং প্রত্যবারয়ৎ ॥ 4-59-93 (30916)
অশ্বত্থামা তু তৎকর্ম হৃদয়েন মহাত্মনঃ।
পূজয়ামাস পার্থস্য কোপং চাস্য তদাঽকরোৎ ॥ 4-59-94 (30917)
স ভন্যুবশমাপন্নঃ পার্থমভ্যদ্রবদ্রণে ।
কিরঞ্শরসহস্রাণি পর্জন্য ইব বৃষ্টিমান্ ॥ 4-59-95 (30918)
আবৃত্য চ মহাবাহুর্যতো দ্রোণস্ততোঽভবৎ।
অন্তরং প্রদদৌ পার্থো দ্রোণস্য ব্যপসর্পিতুম্ ॥ 4-59-96 (30919)
স তু লব্ধান্তরস্তূর্ণমপায়াঞ্জবনৈর্হয়ৈঃ ।
ছিন্নবর্মধ্বজরথো নিকৃত্তঃ পরমেষুভিঃ ॥ 4-59-97 (30920)
পরাজিতে তদা দ্রোণে দ্রোণপুত্রঃ সমাগতঃ।
সদণ্ড ইব রক্তাক্ষঃ কৃতান্তঃ সমরে স্থিতঃ ॥ ॥ 4-59-98 (30921)
ইতি শ্রীমন্মহাভারতে বিরাটপর্বণি গোগ্রহণপর্বণি একোনষষ্টিতমোঽধ্যায়ঃ ॥ 59 ॥
বিরাটপর্ব - অধ্যায় 060
॥ শ্রীঃ ॥
4.60. অধ্যায়ঃ 060
Mahabharata - Virata Parva - Chapter Topics
অর্জুনেন দ্রোণিপরাভবনম্ ॥ 1 ॥Mahabharata - Virata Parva - Chapter Text
4-60-0 (30922)
বৈশম্পায়ন উবাচ। 4-60-0x (3240)
তং পার্থঃ প্রতিজগ্রাহ বায়ুবেগমিবাচলঃ।
শরজালেন মহতা বর্ষমাণ ইবাম্বুদঃ ॥ 4-60-1 (30923)
তয়োর্দেবাসুরসমঃ সন্নিপাতো মহানভূৎ ।
কিরতোঃ শরজালানি বৃত্রবাসবয়োরিব ॥ 4-60-2 (30924)
ন স্ম সূর্যস্তদা ভাতি ন চ বাতি সমীরণঃ ।
শরগাঢে কৃতে ব্যোম্নি ছায়াভূতমিবাভবৎ ॥ 4-60-3 (30925)
মহাংশ্চটচটাশব্দো যোধয়োর্যুধ্যমানয়োঃ ।
দহ্যতামিব বেণূনামাসীৎপরমদারুণঃ॥ 4-60-4 (30926)
হয়াংস্তস্যার্জুনঃ সঙ্খ্যে কৃতবানল্পতেজসাঃ ।
তে রাজন্ন প্রজানন্তি দিশং কাংচন মোহিতাঃ ॥ 4-60-5 (30927)
ততো দ্রৌণির্মহাবীর্যঃ পার্থস্য বিচরিষ্যতঃ ।
বিবরং সূক্ষ্মমালোক্য জ্যাং নুনোদ ক্ষুরেণ সঃ ॥ 4-60-6 (30928)
তদস্যাপূজয়ন্দেবাঃ কর্ম দৃষ্ট্বাঽতিমানুষম্ ।
ন শক্তোঽন্যঃ পুমান্স্থাতুমৃতে দ্রৌণের্ধনংজয়ম্ ॥ 4-60-7 (30929)
ততো দ্রৌণির্ধনুর্ব্যস্য ব্যপক্রম্য নরর্ষভঃ ।
পুনরপ্যভ্যহন্পার্থং হৃদয়ে কঙ্কপত্রিভিঃ । 4-60-8 (30930)
ততঃ পার্থো মহাবাহুঃ প্রহসন্স্বনবত্তদা।
যোজয়ামাস চ তদা মৌর্ব্যা গাণ্ডীবমোজসা ॥ 4-60-9 (30931)
তং দৃষ্ট্বা ঋদ্ধমায়ান্তং প্রভিন্নমিব কুঞ্জরম্ ।
ঋদ্ধঃ সমাহ্বয়ামাস দ্রৌণির্যুদ্ধায় ভারত ॥ 4-60-10 (30932)
ততোঽর্ধচন্দ্রপাহৃত্য তেন পার্থঃ সমাহতঃ ।
চিচ্ছেদ তস্য চাপং চ সূতং চাশ্বং চ তেজসা ।
বিব্যাধ নিশিতৈশ্চাপি শরৈরাশীবিপোপমৈঃ ॥ 4-60-11 (30933)
সোঽন্যং রথং সমাস্থায় প্রত্যায়াদ্রথিপুঙ্গবঃ।
বারণেনেব মত্তেন মত্তো বারণয়ূথপঃ ॥ 4-60-12 (30934)
ততঃ প্রববৃতে যুদ্ধং পৃথিব্যামেকবীরয়োঃ ।
রণমধ্যে দ্বয়োরেব সুমহদ্রোমহর্ষণম্ ॥ 4-60-13 (30935)
তৌ বীরৌ কুরবঃ সর্বে দদৃশুর্বিস্ময়ান্বিতাঃ।
যুধ্যমানৌ মহাত্মানৌ দ্বিরদাবিব সংগতৌ ॥ 4-60-14 (30936)
তৌ সমাজঘ্নতুর্বীরৌ পরস্পরজয়ৈষিণৌ ।
শরৈ রাশীবিষাকারৈর্জ্বলদ্ভিরিব পাবকৈঃ ॥ 4-60-15 (30937)
অক্ষয়াবিষুধী দিব্যৌ পাণ্ডবস্য মহাত্মনঃ।
তেন পার্থো রণে শূরস্তস্থৌ গিরিরিবাচলঃ ॥ 4-60-16 (30938)
অশ্বত্থাম্নঃ পুনর্বাণাঃ ক্ষিপ্রমভ্যস্যতো রণে।
জগ্মুঃ পরিক্ষয়ং শীঘ্রমভূত্তেনাধিকোঽর্জুনঃ ॥ ॥ 4-60-17 (30939)
ইতি শ্রীমন্মহাভারতে বিরাটপর্বণি গোগ্রহণপর্বণি ষষ্টিতমোঽধ্যায়ঃ ॥ 60 ॥
বিরাটপর্ব - অধ্যায় 061
॥ শ্রীঃ ॥
4.61. অধ্যায়ঃ 061
Mahabharata - Virata Parva - Chapter Topics
অর্জুনেন যুগপদ্দ্রোণাদিভিঃ সহ যদ্ধম্ ॥ 1 ॥Mahabharata - Virata Parva - Chapter Text
4-61-0 (30940)
বৈশম্পায়ন উবাচ। 4-61-0x (3241)
এতস্মিন্নন্তরে তত্র মহাবীর্যপরাক্রমঃ।
আজগাম মহাবাহুঃ কৃপঃ শস্ত্রভৃতাংবরঃ ।
অর্জুনং প্রতিয়োদ্ধুং বৈ যুদ্ধকামো মহারথঃ। 4-61-1 (30941)
অথং দ্রৌণে রথং ত্যক্ৎবা কৃপস্য রথমুত্তমম্ ।
আজগামার্জুনস্তূর্ণং সূর্যবৈশ্বানরপ্রভম্ ॥ 4-61-2 (30942)
তৌ বীর সূর্যসংকাশৌ যোৎস্যমানৌ মহারথৌ।
বাষিকাবিব জীমূতৌ ব্যরোচেতাং ব্যবস্থিতৌ ॥ 4-61-3 (30943)
শ্রগৃহ্য গাণ্ডিবং লোকে বিশ্রুতং পুনরর্জুনঃ।
অভ্যযাদ্ভরতশ্রেষ্ঠো বিনিঘ্নঞ্শরমালয়া ॥ 4-61-4 (30944)
কৃপশ্চ ধনুরাদায় তথৈবার্জুনমভ্যগাম্ ॥ 4-61-5 (30945)
প্রগৃহ্য বলবচ্চাপং নারাচান্রক্তভোজনান্।
কৃপঃ পার্থায় চিক্ষেপ শংতশোঽথ সহস্রশঃ ॥ 4-61-6 (30946)
জীমূত ইব ধর্মান্তে শরবর্পং বিমুঞ্চতি ।
নন্দয়ন্সুহৃদঃ সর্বান্প্রত্যযুধ্যত ফল্গুনম্ ॥ 4-61-7 (30947)
বিকৃষ্য বলবচ্চাপং পাণ্ডবোঽমিতবিক্রমঃ।
চচার সমরে পার্থশ্চিত্রমার্গান্বিদর্শয়ন্ ॥ 4-61-8 (30948)
সর্বাশ্চৈব দিশো বাণৈঃ প্রদিশশ্চ মহাবলঃ ।
একচ্ছায়মিবাকাশং সর্বতঃ কৃতবান্প্রভুঃ ॥ 4-61-9 (30949)
প্রাচ্ছাদয়দমেয়াত্মা পার্থঃ শরশতৈঃ কৃপম্ ।
উদ্গতঃ সমরে মেঘো ধারাভিরিব পর্বতম্ ॥ 4-61-10 (30950)
স শরৈরর্পিতঃ ঋদ্ধঃ শিতৈরগ্নিশিখোপমৈঃ ।
কৃপো বভূব সমরে বিধূমোঽগ্নিরিব জ্বলংম্ ॥ 4-61-11 (30951)
ততঃ শরসহস্রেণ পার্থমপ্রতিমৌজসম্ ।
অর্দয়িৎবা মহাবাহুর্ননাদ সমরে কৃপঃ ॥ 4-61-12 (30952)
ততঃ কনকপুঙ্খেন শরেণ নতপর্বণা।
বিভেদ সমরে পার্থঃ কৃপস্য ধ্বজমুত্তমম্ ॥ 4-61-13 (30953)
ততঃ পশ্চান্মহাতেজা নারাচান্সূর্যসন্নিভান্ ।
জগ্রাহ সমরে পার্থো ভূয়ো বহুশিলীমুখান্ ॥ 4-61-14 (30954)
তৈস্তদাতীং মহাবাহুঃ কৃপস্য রথরক্ষিণঃ ।
জঘান ক্ষত্রিয়শ্রেষ্ঠো যুধ্যমানান্মহারথান্ ॥ 4-61-15 (30955)
চন্দ্রকেতুঃ সুকেতুশ্চ চিত্রাশ্বো মণিমাংস্তদ।
মুঞ্জমৌলিশ্চ বিক্রান্তো হেমবর্ণো ভয়াবহঃ ॥ 4-61-16 (30956)
সুরথোঽতিরথশ্চৈব সুপেণোঽরিষ্ট এব চ।
নৃকেতুশ্চ সহানীকাস্তে নিষেদুর্গতাসবঃ ॥ 4-61-17 (30957)
তান্নিহত্য ততঃ পার্থো নিমেপাদিব ভারত ।
পুনরন্যান্সমাধত্ত ত্রয়োদশ শিলীমুখান্ ॥ 4-61-18 (30958)
অথাস্য যুগমেকেন চতুর্ভিশ্চতুরো হয়ান্।
ষষ্ঠেন তু শিরঃ সঙ্খ্যে কৃপস্য রথসারথেঃ ॥ 4-61-19 (30959)
ত্রিভিস্ত্রিবেণুং বলবান্দ্বাভ্যামক্ষং মহাবলঃ ।
দ্বাদশেন তু ভল্লেন কৃপস্য সশরং ধনুঃ ॥ 4-61-20 (30960)
ছিত্ৎবা বজ্রনিকাশেন ফল্গুনঃ প্রহসন্নিব।
ত্রয়োদশেনেন্দ্রসমঃ প্রত্যবিধ্যৎস্তনান্তরে ॥ 4-61-21 (30961)
স ছিন্নধন্বা বিরথো হতাশ্বো হতসারথিঃ ।
অথ শক্তিং পরামৃশ্য সূর্যবৈশ্বানরপ্রভাম্ ।
চিক্ষেপ সহসা ক্রুদ্ধঃ পার্থায়াদ্ভুতকর্মণে ॥ 4-61-22 (30962)
তামর্জুনস্তথারূপাং শক্তিং হেমপরিষ্কৃতাম্।
রুরোধ সায়কৈস্তীক্ষ্ণৈরর্ধচন্দ্রমুখৈশ্চ তাম্ ॥ 4-61-23 (30963)
আপতন্তীং মহোল্কাভাং চিচ্ছেদ দশভিঃ শরৈঃ।
সাপতদ্দশধা ভূমৌ পার্থেন নিহতা শরৈঃ ॥ 4-61-24 (30964)
শক্ত্যাং তু বিনিকৃত্তায়াং বিরথঃ শরপীডিতঃ।
গদাপাণিরবপ্লুত্য রথাত্তূর্ণমমিত্রহা।
গদাং চিক্ষেপ সহসা পার্থায়ামিততেজসে ॥ 4-61-25 (30965)
সা চ মুক্তা গদা গুর্বী রূপেণাস্য পরিষ্কৃতা ।
অর্জুনস্য শরৈর্নুন্না প্রতিমার্গং জগাম সা ॥ 4-61-26 (30966)
অথ খঙ্গং সমুদ্ধৃত্য শতচন্দ্রং চ ভানুমৎ।
ইয়েষ পাণ্ডবং হন্তুং কৃপো লঘুপরাক্রমঃ ॥ 4-61-27 (30967)
স শরদ্বৎসুতস্তূর্ণং মহাচার্যঃ সুশিক্ষিতঃ ।
খেচরেব চচারকৈঃ ক্রমাচ্চর্মাসিধৃগ্ভুবি ॥ 4-61-28 (30968)
ততঃ ক্ষুরপ্রৈঃ কৌন্তেয়ো দশভিঃ খঙ্গচর্মণী ।
নিমেষাদিব চিচ্ছেদ তদদ্ভুতমিবাভবৎ ॥ 4-61-29 (30969)
বিষণ্ণবদমস্তত্র বিনাশাৎখঙ্গচর্মণোঃ।
দন্তৈর্দন্তচ্ছদান্দষ্ট্বা চুকোপ হৃদি দীর্ঘবৎ ॥ 4-61-30 (30970)
ভবৎবিতি পুনশ্চোক্ৎবা যুদ্ধাপগমনোদ্যতঃ।
অশ্বত্থাম্নস্তু স রথং কৃপঃ সমভিপুপ্লুবে।
স্বস্রীয়স্য মহাতেজা জগ্রাহ চ ধনুঃ পুনঃ ॥ 4-61-31 (30971)
এতস্মিন্নন্তরে ক্রুদ্ধো ভীষ্মো দ্রোণমথাব্রবীৎ।
দৃষ্ট্বা কৃপং ফল্গুনেন পীডিতং চোর্জিতং চ তম্ ॥ 4-61-32 (30972)
একৈকমস্মান্সংগ্রামে পরাজয়তি ফল্গুনঃ।
অহং দ্রোণশ্চ কর্ণশ্চ দ্রৌণির্গৌতম এব চ।
অন্যে চ বহবঃ শূরা বয়ং জেষ্যাম বাসবিম্ ॥ 4-61-33 (30973)
সমাগম্য ততঃ সর্বে ভীষ্মদ্রোণমুখা রথাঃ।
অর্জুনং সহসা যুক্তাঃ প্রত্যযুধ্যন্ত ভারত ॥ 4-61-34 (30974)
স সায়কময়ৈর্জালৈঃ সর্বতস্তান্মহারথান্।
প্রাচ্ছাদয়চ্ছরৌঘৈস্তান্নীহার ইব পর্বতান্ ॥ 4-61-35 (30975)
নদদ্ভিশ্চ মহানাগৈর্হেষমাণৈশ্চ বাজিভিঃ ।
ভেরীশঙ্খনিনাদৈশ্চ স শব্দস্তুমুলোঽভবৎ ॥ 4-61-36 (30976)
নাগাশ্বকায়ান্নির্ভিদ্য লৌহানি কবচানি চ।
পার্থস্য শরবর্ষাণি ন্যপতঞ্শতশঃ ক্ষিতৌ ॥ 4-61-37 (30977)
ৎবরমাণঃ শরানস্যন্পাণ্ডবস্তু প্রকাশতে।
মধ্যংদিনগতোঽর্চিষ্মাঞ্ছরদীব দিবাকরঃ॥ 4-61-38 (30978)
অবিষহ্য শরান্সর্বে পার্থচাপচ্যুপান্রণে।
উদক্প্রয়ান্তি বিধ্বস্তা রথেভ্যো রথিনস্তদা।
সাদিনশ্চাশ্বপৃষ্ঠেভ্যো ভূমৌ চাপি পদাতয়ঃ॥ 4-61-39 (30979)
শরৈস্তু তাড্যমানানাং কবচানাং মহাত্মনাম্।
তাম্ররাজতলৌহানাং প্রাদুরাসীন্মহাস্বনঃ॥ 4-61-40 (30980)
ছন্নমায়োধনং জজ্ঞে শরীরৈর্গতচেতসাম্।
শ্রান্ত্যা গলিতশস্ত্রাণাং পততামশ্বসাদিনাম্॥ 4-61-41 (30981)
শূন্যান্কুর্বন্রথোপস্থান্মানবৈরাস্তৃণোন্মহীম্।
প্রনৃত্যন্নিব সংগ্রামে চাপহস্তে ধনংজয়ঃ॥ 4-61-42 (30982)
শিরাংস্যপাতয়ৎসঙ্খ্যে ক্ষত্রিয়াণাং নরর্ষভঃ।
শ্রুৎবা গাণ্ডীবনির্ঘোষং বিষ্ণূজিতমিবাশনে।
ত্রস্তানি সর্বসৈন্যানি ব্যলীয়ন্ত চ ভাগশ॥ 4-61-43 (30983)
কুণ্ডলোষ্ণীষধারীণি জাতরূপস্রজানি চ।
পতিতানি স্ম দৃশ্যন্তে শিরাংসি করণমূর্ধনি ॥ 4-61-44 (30984)
বিশিখোন্মথিতৈর্গাত্রৈর্বাহুভিশ্চ সকার্মুকৈঃ।
সহস্তাভরণৈশ্চান্যৈঃ প্রচ্ছন্না ভাতি মেদিনী ॥ 4-61-45 (30985)
শিরসাং পাত্যমানানাং সমরে নিশিতৈঃ শরৈঃ।
অশ্মবৃষ্টিরিবাকাশাদভবদ্ভরতর্ষভ ॥ 4-61-46 (30986)
দর্শয়িৎবা তদাঽঽত্মানং রৌদ্রং রৌদ্রপরাক্রমঃ।
জঘান সমরে শূরাঞ্ছতশোঽথ সহস্রশঃ ॥ 4-61-47 (30987)
তথাবরুদ্ধশ্চারণ্যে দশবর্ষাণি ত্রীণি চ।
ক্রোধাগ্নিমুৎসসর্জাজৌ ধার্তরাষ্ট্রেষু পাণ্ডবঃ ॥ 4-61-48 (30988)
তস্য তদ্দহতঃ সৈন্যং দৃষ্ট্বা চাস্য পরাক্রমম্।
সর্বে শান্তিপরা যোধা ধার্তরাষ্ট্রস্য ভারত ॥ 4-61-49 (30989)
যথা নলবনং নাগঃ প্রভিন্নঃ ষষ্টিহায়নঃ।
এবং সর্বানপামৃদ্রাদর্জুনঃ শস্ত্রতেজসা ॥ 4-61-50 (30990)
বিদ্রাব্য চ ততঃ সৈন্যং ত্রাসয়িৎবা মহারথান্।
অর্জুনো জয়তাংশ্রেষ্ঠঃ পর্যাবর্তত ভারত ॥ 4-61-51 (30991)
তস্য মার্গান্বিচরতো নিঘ্নতশ্চ রণাজিরে ।
প্রাবর্তত নদী ঘোরা শোণিতান্ত্রতরঙ্গিণী ॥ 4-61-52 (30992)
অস্থিশৈবালসংবাধাং সংগ্রামে পার্থনির্মিতাম্ ।
শরচাপপ্লবাং ঘোরাং মাংসশোণিতকর্দমাম্ ॥ 4-61-53 (30993)
রথোডুপাং চান্ত্রসর্পাং কেশশৈবালশাড্বলাম্।
করবালাসিপাঠীনাং চামরোষ্ণীষফেনিলাম্ ॥ 4-61-54 (30994)
অশ্বগ্রীবামহাবর্তাং কবন্ধজলমানুষাম্।
কাককঙ্করুতাং তীব্রাং সারসক্রৌঞ্চনাদিতাম্ ॥ 4-61-55 (30995)
সিংহনাদমহানাদাং শঙ্খস্বনমহাস্বনাম্ ।
বীরোত্তমাঙ্গপদ্মাঢ্যাং শরচাপমহানলাম্ ॥ 4-61-56 (30996)
পদাতিমৎস্যকলুষাং গজশীর্ষককচ্ছপাম্।
গোমায়ুগসংঘুষ্টাং মাংসমঞ্জাভিকর্দমাম্ ॥ 4-61-57 (30997)
প্রাবর্তয়ন্নদীং ঘোরাং পিশাচগণসেবিতাম্ ।
অপারামনিবাসাং চ রক্তোদাং সর্বতো বৃতাম্ ॥ 4-61-58 (30998)
অভীক্ষ্ণমকরোৎপার্থো নদীমুত্তমশোণিতাম্।
গজবর্মমহাদ্বীপামশ্বদেহমহাশিলাম্ ॥ 4-61-59 (30999)
পদাতিদেহসংঘাটাং রথাবলিমহাতরুম্।
কেশশাদ্বলসংছন্নাং সুতরাং ভীতিদাং নৃণাম্ ॥ 4-61-60 (31000)
অগাধরক্তোদবহাং যমসাগরগামিনীম্।
দুস্তরাং ভীরুমর্ত্যানাং শূরাণাং সুতরাং নৃপ।
প্রাবর্তয়ন্নদীমেবং ভীষণাং পাকশাসনিঃ ॥ 4-61-61 (31001)
তস্যাদদানস্য শরান্সন্দধানস্য মুঞ্চতঃ।
বিকর্ষতশ্চ গাণ্ডীবং ন কিংচিদ্দদৃশেঽন্তরম্ ॥ ॥ 4-61-62 (31002)
ইতি শ্রীমন্মহাভারতে বিরাটপর্বণি গোগ্রহণপর্বণি একষষ্টিতমোঽধ্যায়ঃ ॥
Mahabharata - Virata Parva - Chapter Footnotes
4-61-28 স্বেচরঃ ইবেতিচ্ছেদঃ ॥বিরাটপর্ব - অধ্যায় 062
॥ শ্রীঃ ॥
4.62. অধ্যায়ঃ 062
Mahabharata - Virata Parva - Chapter Topics
রণায় ভীষ্মার্জুনয়োঃ সমাগমে দেবৈস্তয়োঃ প্রশংসনম্ ॥ 1 ॥Mahabharata - Virata Parva - Chapter Text
4-62-0 (31003)
বৈশম্পায়ন উবাচ। 4-62-0x (3242)
এবং বিদ্রাব্য তৎসৈন্যং পার্থো ভীষ্মমুপাদ্রবৎ।
ত্রস্তেষু সর্বসৈন্যেষু কৌরব্যস্য মহাত্মনঃ ॥ 4-62-1 (31004)
বাণান্ধনুষি সংধায় চতুরঃ পাকশাসনিঃ।
ভীষ্মং চ প্রাহিণোদ্ভীতস্তং দ্বাভ্যামভ্যবাদয়ৎ ॥ 4-62-2 (31005)
তস্য কর্ণান্তিকং গৎবা দ্বাবব্রূতাং চ কৌশলম্ ।
সোঽপ্যাশীরবদদ্ভীষ্মঃ কৌন্তেয়ো জয়তামিতি ॥ 4-62-3 (31006)
নরসিংহমুপায়ান্তং জিগীষন্তং পরান্রণে।
বৃষসেনোঽভ্যযাত্তূর্ণং যোদ্ধুকামো ধনংজয়ম্ ॥ 4-62-4 (31007)
বৈকর্তনাত্মজো বীরঃ সংগ্রামে লোকবিশ্রুতঃ।
শৌর্যবীর্যাদিভিঃ কর্ণাদ্বিম্বাদ্বিম্ব ইবোদ্ধৃতঃ ॥ 4-62-5 (31008)
আত্মনা যুধ্যতস্তস্য বৃষসেনস্য পাণ্ডবঃ ।
মুহূর্তং তস্য তদ্দৃষ্ট্বা হস্তলাঘবপৌরুষে।
তুতোষ চ ততঃ পার্থো বৃষসেনপরাক্রমম্ ॥ 4-62-6 (31009)
তস্য পার্থস্তদা ক্ষিপ্রং ক্ষুরধারেণ কার্মুকম্ ।
ন্যকৃন্যদ্গৃধ্রপত্রেণ জাম্বূনদপরিষ্কৃতম্ ॥ 4-62-7 (31010)
অথৈনং পঞ্চভির্ভূয়ঃ প্রত্যবিধ্যৎস্তনান্তরে।
স পার্থবাণাভিহতো রথাৎপ্রস্কন্দ্য দুদ্রুবে ॥ 4-62-8 (31011)
দুঃশাসনো বিকর্ণশ্চ শকুনিশ্চ বিবিংশতিঃ।
আয়ান্তং ভীমধন্বানং পর্যকীর্যন্ত পাণ্ডবম্ ॥ 4-62-9 (31012)
তেষাং পার্থো রণে ক্রুদ্ধঃ শরৈঃ সন্নতপর্বভিঃ ।
যুগং ধ্বজং শরাসং চ চিচ্ছেদ তরসা রণে ॥ 4-62-10 (31013)
তে নিকৃত্তধ্বজাঃ সর্বে ছিন্নকার্মুকবেষ্টনাঃ ।
রণমধ্যাদপয়যুঃ পার্থবাণাভিপীডিতাঃ ॥ 4-62-11 (31014)
ততঃ প্রহস্য বীভৎসুর্বৈরাটিমিদমব্রবীৎ ।
এতং মে প্রাপয়েদানীং তালং সৌবর্ণমুচ্ছ্রিতম্ ॥ 4-62-12 (31015)
মেঘমধ্যে যথা বিদ্যুদুজ্জ্বলন্তী পুনঃ পুনঃ ।
অসৌ শান্তনবো ভীষ্মস্তত্র যাহি পরংতপ ॥ 4-62-13 (31016)
অস্রাণি তস্য দিব্যানি দর্শয়িষ্যামি সংয়ুগে।
ঘোররূপাণি চিত্রাণি লঘূনি চ গুরূণি চ ॥ 4-62-14 (31017)
অস্মাকং পোষকো নিত্যমাবাল্যান্মৎস্যভূমিপ।
শ্রেয়স্কামী সদাঽস্মাকং যোগক্ষেমকরঃ সদা ॥ 4-62-15 (31018)
তস্যাঙ্কে বির্ধিতো বাল্যে তদ্যোৎস্যেঽনেন সাংপ্রতম্।
অস্মাকং ধার্তরাষ্ট্রাণাং শমকামো দিবানিশম্ ॥ 4-62-16 (31019)
বৈশম্পায়ন উবাচ। 4-62-17 (31020)
তস্য তদ্বচনং শ্রুৎবা বৈরাটিঃ পার্থসারথিঃ।
বাহয়চ্চোদিতস্তেন রথং ভীষ্মরথং প্রতি ॥ 4-62-17 (31021)
তং রথং চোদিতং দৃষ্ট্বা ফল্গুনস্য রথোত্তমম্ ।
বায়ুনেব মহামেঘং সহসাঽভিসমীরিতম্।
তং প্রত্যযাচ্চ গাঙ্গেয়ো রথেনাদিত্যবর্চসা ॥ 4-62-18 (31022)
আয়ান্তমর্জুনং দৃষ্ট্বা ভীষ্মঃ পরপুংজয়ঃ।
প্রত্যুঞ্জগাম যুদ্ধার্থী মহর্ষভমিবর্ষভঃ ॥ 4-62-19 (31023)
তথা হি গুপ্ত এতেষাং দুরাধর্ষঃ পিতামহঃ ।
হন্যমানেষু যোঘেষু ধনংজয়মুপাদ্রবৎ ॥ 4-62-20 (31024)
প্রগৃহ্য কার্মুকশ্রেষ্ঠং জাতরূপপরিষ্কৃতম্ ।
শরানাদায় তীক্ষ্ণাগ্রান্মর্মদেহপ্রমাথিনঃ ॥ 4-62-21 (31025)
পাণ্ডুরেণাতপত্রেণ ধ্রিয়মাণেন মূর্ধনি ।
শুশুভে স নরব্যাঘ্রো গিরিঃ সূর্যোত্তরে যথা ॥ 4-62-22 (31026)
প্রাধ্মাপ্য শঙ্খং গাঙ্গেয়ো ধার্তরাষ্ট্রান্প্রহর্ষয়ন্ ।
প্রদক্ষিণমুপাবৃত্য বীভৎসুং প্রত্যবারয়ৎ ॥ 4-62-23 (31027)
তমবেক্ষ্য সমায়ান্তং কৌন্তেয়ঃ পরবীরহা ।
প্রত্যগৃহ্ণাদমেয়াত্মা প্রিয়াতিথিমিবাগতম্ ।
দেবদত্তং মহাশঙ্খং প্রদধ্মৌ যুধি বীর্যবান্ ॥ 4-62-24 (31028)
তৌ শঙ্খনাদাবত্যর্থং ভীষ্মপাণ্ডবয়োস্তদা ।
নাদয়ামাসতুর্দ্যাং চ খং চ ভূমিং চ সর্বশঃ ॥ 4-62-25 (31029)
অন্তরিক্ষে চ জল্পন্তি সর্বে দেবাঃ সবাসবাঃ ।
যদর্জুনঃ কুরূন্সর্বান্প্রাকৃন্তচ্ছস্রতেজসা ॥ 4-62-26 (31030)
কুরুশ্রেষ্ঠাবিমৌ বীরৌ রণে ভীষ্মধনংজয়ৌ ।
সর্বাস্ত্রকুশলৌ বীরাবপ্রমত্তৌ রণে সদা ॥ 4-62-27 (31031)
উভৌ দেবমনুষ্যেষু বিশ্রুতৌ স্বপরাক্রমৈঃ ।
উভৌ পরমসংরব্ধাবুভৌ দীপ্তধনুর্ধরৌ ॥ 4-62-28 (31032)
সমাগতৌ নরব্যাঘ্রৌ ব্যাঘ্রাবিব তরস্বিনৌ ।
উভৌ সদৃশকর্মাণৌ সূর্যস্যাগ্নেশ্চ ভারত ॥ 4-62-29 (31033)
বাসুদেবস্য সদৃশৌ কার্তবীর্যসমাবুভৌ ।
উভৌ বিশ্রুতকর্মাণাবুভৌ শূরৌ মহাবলৌ ।
সর্বাস্ত্রবিদুষাং শ্রেষ্ঠৌ সর্বশস্ত্রভৃতাং বরৌ ॥ 4-62-30 (31034)
অগ্নেরিন্দ্রস্য সোমস্য যমস্য বরুণস্য চ ॥
অনয়োঃ সদৃশং বীর্যং মিত্রস্য বরুণস্য চ ॥ 4-62-31 (31035)
কো বা কুন্তীসুতং যুদ্ধে দ্বৈরথেনোপয়াস্যতি।
ঋতে শান্তনবাদন্যঃ ক্ষত্রিয়ো ভুবি বিদ্যতে ॥ 4-62-32 (31036)
ইতি সংপূজয়ামাসুর্ভীষ্মং দৃষ্ট্বাঽর্জুনং গতম্ ।
তং রণে সংপ্রহৃষ্যন্তং দৃষ্ট্বা দেবাঃ সবাসবাঃ ॥ 4-62-33 (31037)
অথ বহুবিধতূর্যশঙ্খয়োষৈর্বিবিধরবৈঃ সহ সিংহনাদমিশ্রৈঃ ।
কুরুবৃষভমপূজয়ৎকুরূণাং বলমমরাধিপসৈন্যসপ্রভং তৎ ॥ ॥ 4-62-34 (31038)
ইতি শ্রীমন্মহাভারতে বিরাটপর্বণি গোগ্রহণপর্বণি দ্বিষষ্টিতমোঽধ্যায়ঃ ॥
বিরাটপর্ব - অধ্যায় 063
॥ শ্রীঃ ॥
4.63. অধ্যায়ঃ 063
Mahabharata - Virata Parva - Chapter Topics
অর্জুনেন ভীষ্মপরাজয়ঃ ॥ 1 ॥Mahabharata - Virata Parva - Chapter Text
4-63-0 (31039)
বৈশম্পায়ন উবাচ। 4-63-0x (3243)
ততো ভীষ্মঃ শরানষ্টৌ ধ্বজে পার্থস্য বীর্যবান্।
সমার্পয়ন্মহাবেগাজ্জ্বলতঃ পন্নগানিব ॥ 4-63-1 (31040)
তে ধ্বজং পাণ্ডুপুত্রস্য সমাসাদ্য পতত্রিণঃ।
ধ্বজস্থং কপিমাজঘ্নুঃ ধ্বজাগ্রনিলয়াংশ্চ তান্ ॥ 4-63-2 (31041)
সারথিং চ হয়াংশ্চাস্য বিব্যাধ দশভিঃ শরৈঃ ।
উরস্যতাডয়ৎপার্থং ত্রিভিরেবায়সৈঃ শরৈঃ ॥ 4-63-3 (31042)
ততোঽর্জুনঃ শরৈস্তীক্ষ্ণৈর্বিদ্ধ্বা কুরুপিতামহম্।
ধ্বজং চ সারথিং চাপি বিব্যাধ দশভিঃ শরৈঃ ॥ 4-63-4 (31043)
তদ্যুদ্ধমভবদ্ধোরং রোমহর্ষণমদ্ভুতম্।
ভীষ্মস্য সহ পার্থেন বলিবাসবয়োরিব ॥ 4-63-5 (31044)
সন্ততং শরজালাভিরাকাশং সমপদ্যত।
অম্বুদৈরিব ধারাভিস্তয়োঃ কার্মুকনিঃসৃতৈঃ ॥ 4-63-6 (31045)
ভল্লৈর্ভল্লাঃ সমাহত্য কুরুপাণ্ডবয়ো রণে।
অন্তরিক্ষে ব্যরাজন্ত খদ্যোতাঃ প্রাবৃষীব হি ॥ 4-63-7 (31046)
অগ্নিবক্রোপমং ঘোরং মণ্ডলীকৃতমাহবে ।
গাণ্ডীবমভবঞ্জিষ্ণোঃ সব্যং দক্ষিণমস্যতঃ ॥ 4-63-8 (31047)
পর্বতং বারিধারাভিশ্ছাদয়ন্নিব তোয়দঃ ।
অর্জুনশ্ছাদয়দ্ভীষ্মং শরবর্ষৈরনেকশঃ ॥ 4-63-9 (31048)
তাং সমুদ্রমিবোদ্ধূতাং শরবৃষ্টিং সমুদ্যতাম্ ।
ব্যধমৎসায়কৈর্ভীষ্মঃ সোর্জুনং চ ন্যবারয়ৎ ॥ 4-63-10 (31049)
ততস্তানি বিসৃষ্টানি শরজালানি সঙ্ঘশঃ।
আহতানি ব্যশীর্যন্তং অর্জুনস্য রথং প্রতি ॥ 4-63-11 (31050)
ততঃ কনকপুঙ্খাগ্রৈঃ শিতৈঃ সংনতপর্বভিঃ ।
পতদ্ভিঃ খগবাজৈশ্চ দ্যৌরাসীৎসংবৃতা শরৈঃ ॥ 4-63-12 (31051)
ততঃ প্রাসৃজদুগ্রাণি শরজালানি পাণ্ডবঃ।
তাবন্তি শরজালানি ভীষ্মঃ পার্থায় প্রাহিণোৎ ॥ 4-63-13 (31052)
সাশ্বং সসূতং সরথং স পার্থং সমাচিনোদ্ভারতো বৎসদন্তৈঃ ।
প্রচ্ছাদয়ামাস দিশশ্চ সর্বা নভশ্চ বাণৈস্তপনীয়পুঙ্খৈঃ ॥ 4-63-14 (31053)
ততো দেবর্ষিগন্ধর্বাঃ সাধুসাধ্বিত্যপূজয়ন্।
দুষ্করং কৃতবান্ভীষ্মো যদর্জুনমবারয়ৎ ॥ 4-63-15 (31054)
বলবানর্জুনো দক্ষঃ ক্ষিপ্রকারী চ পাণ্ডবঃ।
কোঽন্যঃ সমর্থঃ পার্থস্য বেগং ধারয়িতুং রণে ॥ 4-63-16 (31055)
ঋতে শান্তনবাদ্ভীষ্মাৎকৃষ্ণাদ্বা দেবকীসুতাৎ ।
আচার্যবরমুখ্যাদ্বা ভারদ্বাজান্মহাবলাৎ ॥ 4-63-17 (31056)
অস্ত্রৈরস্ত্রাণি সংবার্য ক্রীডতঃ পুরুষোত্তমৌ ।
চক্ষূংষি সর্বভূতানাং মোদয়ন্তৌ মহাবলৌ ॥ 4-63-18 (31057)
প্রাজাপত্যং তথৈবৈন্দ্রমাগ্নেয়ং চ সুদারুণম্ ।
কৌবেরং বারুণং চৈব যাম্যং বায়ব্যমেব চ ।
প্রয়ুঞ্জানৌ মহাত্মানৌ সমরে তৌ বিরেজতুঃ ॥ 4-63-19 (31058)
বিস্মিতান্যথ ভূতানি তৌ দৃষ্ট্বা সংয়ুগে তদা।
সাধু পার্থ মহাবাহো সাধু ভীষ্মেতি চাব্রুবন্ ॥ 4-63-20 (31059)
নৈতদন্যো মনুষ্যেষু প্রদর্শয়িতুমাহবে।
মহাস্রাণাং সংপ্রয়োগং সমরে ভীষ্মপার্থয়োঃ ॥ 4-63-21 (31060)
এবং সর্বাস্ত্রবিদুষোরস্ত্রয়ুদ্ধমবর্তত ॥ 4-63-22 (31061)
অথ জিষ্ণুরুদাবৃত্য শিতধারেণ কার্মুকম্ ।
ন্যকৃন্তদ্গৃধ্রপত্রেণ শাতকুম্ভপরিষ্কৃতম্ ॥ 4-63-23 (31062)
নিমেষান্তরমাত্রেণ ভীষ্মোঽন্যৎকার্মুকং রণে।
সমাদায় নরব্যাঘ্রঃ সজ্যং চক্রে মহাবলঃ ॥ 4-63-24 (31063)
শরাংশ্চ সুবহুন্ক্রুদ্ধো মুমোচাশু ধনংজয়ে ।
অর্জুনোপি শরাংস্তীক্ষ্ণান্ভীষ্মায় নিশিতান্বহূন্।
চিক্ষেপ চ মহাতেজাস্তথা ভীষ্মশ্চ পাণ্ডবে ॥ 4-63-25 (31064)
তয়োর্দিব্যাস্ত্রবিদুষোরস্যতোরনিশং শরান্ ।
ন বিশেষস্তদা রাজন্দৃশ্যতে সুমহাত্মনোঃ ॥ 4-63-26 (31065)
অথাবৃণোদ্দশ দিশঃ শরৈরতিরথস্তদা ।
কিরীটমালী কৌন্তেয়ঃ শূরং শান্তনবং তথা ॥ 4-63-27 (31066)
অতীব পাণ্ডবো ভীষ্মং ভীষ্মশ্চাতীব পাণ্ডবম্ ।
বভূব তত্র সঙ্ঘেঽস্মিন্লোকে রাজংস্তদদ্ভুতম্ ॥ 4-63-28 (31067)
পাণ্ডবেন হতাঃ শূরা ভীষ্মস্য রথরক্ষিণঃ।
শেরতে স্ম মহাবাহো কৌন্তেয়স্যাভিতো রথম্ ॥ 4-63-29 (31068)
ততো গাণ্ডীবনির্মুক্তা নিরমিত্রং চিকীর্ষবঃ।
অসক্তাঃ পুঙ্খসংসক্তাঃ শ্বেতবাহনপত্রিণঃ ॥ 4-63-30 (31069)
নিষ্পতন্তো রথাত্তস্য ধৌতা হৈরণ্যবাসসঃ।
আকাশে প্রত্যদৃশ্যন্ত হংসানামিব পঙ্ক্তয়ঃ ॥ 4-63-31 (31070)
তস্য তদ্দিব্যমস্ত্রং হি প্রগাঢং চিত্রমস্যতঃ ।
প্রেক্ষন্তে স্মান্তরিক্ষস্থাঃ সর্বে দেবাঃ সবাসবাঃ ॥ 4-63-32 (31071)
তং দৃষ্ট্বা পরমপ্রীতো গন্ধর্বশ্চিত্রমদ্ভুতম্ ।
শশংস দেবরাজায় চিত্রসেনঃ প্রতাপবান্ ॥ 4-63-33 (31072)
পশ্যেমানরিনির্দারান্সংসক্তানিব গচ্ছতঃ ।
চিত্ররূপমিদং জিষ্ণোর্দিব্যমস্ত্রমুদীর্যতঃ ॥ 4-63-34 (31073)
নেদং মনুষ্যাঃ শ্রদ্দধ্যুর্ন হীদং তেষু বিদ্যতে।
সৌরাণাং চ মহাস্রাণাং বিচিত্রোঽয়ং সমাগমঃ ॥ 4-63-35 (31074)
মধ্যন্দিনগতং সূর্যং প্রতপন্তমিবাম্বরে ।
ন শক্নুবন্তি সৈন্যানি পাণ্ডবং প্রসমীক্ষিতুম্ ॥ 4-63-36 (31075)
উভৌ বিশ্রুতকর্মাণাবুভৌ শূরৌ মহীক্ষিতাম্ ।
উভৌ বিচিত্রকর্মাণাবুভৌ যুধি দুরাসদৌ ॥ 4-63-37 (31076)
ইত্যুক্তো দেবরাজস্তু পার্থভীষ্মসমাগমম্।
পূজয়ামাস দিব্যেন পুষ্পবর্ষেণ ভারত ॥ 4-63-39a[অশ্বত্থামা ততোঽভ্যেত্য দ্রুতং কর্ণমভাষত ।
অহমেকো হনিষ্যামি সমেতান্সর্বপাণ্ডবান্ ॥ 4-63-38 (31077)
ইতি কর্ম সমক্ষং মে সভামধ্যে ৎবয়োদিতম্ ।
ন তু তৎকৃতমেকস্মাদ্ভীতো ধাবসি সূতজ ॥ 4-63-40 (31078)
বৈচিত্রবীর্যজাঃ সর্বে ৎবামাশ্রিত্য পৃথাসুতান্ ।
জেতুমিচ্ছন্তি সংগ্রামে ভবান্যুধ্যস্ব ফল্গুনম্ ॥ 4-63-41 (31079)
অশ্বত্থামোদিতং বাক্যং শ্রুৎবা দুর্যোধনস্তদা ।
প্রত্যুবাচ রুষা দ্রৌণিং কর্ণপ্রিয়চিকীর্ষয়া ॥ 4-63-42 (31080)
মা মানভঙ্গং বিপ্রেন্দ্র কুরু বিশ্রুতকর্মণঃ ।
মানভঙ্গেন রাজ্ঞাং তু বলহানির্ভবিষ্যতি ॥ 4-63-43 (31081)
শূরা বদন্তি সংগ্রামে বাচা কর্মাণি কুর্বতে।
পরাক্রমন্তি সংগ্রামে স্বস্য বীর্যানুসারতঃ ॥ 4-63-44 (31082)
তস্মাত্তং নার্হতি ভবান্গর্হিতুং শূরসংমতম্ ।
রাজ্ঞৈবমুক্তঃ স দ্রৌণির্গতরোষোঽভবত্তদা ॥] 4-63-45 (31083)
ততো ভীষ্মঃ শান্তনবো বাণান্পার্শ্বে সমার্পয়ৎ।
অস্যতঃ প্রতিসন্ধায় বিবৃতং সব্যসাচিনঃ 4-63-46 (31084)
ততঃ প্রসহ্য বীভৎসুঃ পৃথুধারেণ কার্মুকম্।
ন্যকৃন্তদ্গৃধ্রপত্রেণ ভীষ্মস্যামিততেজসঃ ॥ 4-63-47 (31085)
অথৈনং দশভিঃ পশ্চাৎপ্রত্যবিধ্যৎস্তনান্তরে।
যতমানং পরাক্রান্তং কুন্তীপুত্রো ধনঞ্জয়ঃ ॥ 4-63-48 (31086)
স পীডিতো মহাবাহুর্গৃহীৎবা রথকূবরম্ ।
গোঙ্গেয়ো যুধি দুর্ধর্ষস্তস্থৌ দীপ ইবাতুরঃ ॥ 4-63-49 (31087)
তং বিসংজ্ঞমপোবাহ সংয়ন্তা রথবাজিনাম্ ।
উপদেশমনুস্মৃত্য রক্ষমাণো মহারথম্ ॥ 4-63-50 (31088)
পরাক্রমে চ শৌর্যে চ বীর্যে সত্ৎবে বলে রণে।
শস্ত্রাস্ত্রেষু চ সর্বেষু লাঘবে দূরপাতনে ॥ 4-63-51 (31089)
যস্য নাস্তি সমো লোকে পিতৃদত্তবরশ্চ যঃ।
জিতশ্রমো জিতারাতির্নিস্তন্দ্রিঃ খেদবর্জিতঃ ।
যঃ স্বেচ্ছামরণঃ শূরঃ পিতৃশুশ্রূষণে রতঃ ॥ 4-63-52 (31090)
দুর্যোধনহিতার্থায় যুদ্ধ্বা পার্থেন সংগরে।
পৃথাসুতহিতার্থায় পরাজিত ইবাভবৎ ॥ ॥ 4-63-53 (31091)
ইতি শ্রীমন্মহাভারতে বিরাটপর্বণি গোগ্রহণপর্বণি ত্রিষষ্টিতমোঽধ্যায়ঃ ॥
বিরাটপর্ব - অধ্যায় 064
॥ শ্রীঃ ॥
4.64. অধ্যায়ঃ 064
Mahabharata - Virata Parva - Chapter Topics
অর্জুনেন দ্রোণাদিপঞ্চরথান্প্রত্যভিয়ানম্ ॥ 1 ॥Mahabharata - Virata Parva - Chapter Text
4-64-0 (31092)
বৈশম্পায়ন উবাচ। 4-64-0x (3244)
ভীষ্মং বিজিত্য সংগ্রামে কুরূণাং মিষতাং রণে।
ততো যুদ্ধমনাঃ প্রায়াৎপার্থঃ পঞ্চ মহারথান্ ॥ 4-64-1 (31093)
আদদানশ্চ নারাচান্বিমৃশন্নিষুধী অপি।
সংস্পৃশানশ্চ গাণ্ডীবং ভূয়ঃ কর্ণং সমভ্যগাম্ ॥ 4-64-2 (31094)
দ্রৌণিরুবাচ। 4-64-3x (3245)
কর্ণ যত্তৎসভামধ্যে বহ্ববদ্ধং প্রভাষসে।
ন মে যুধি সমোঽস্তীতি তদিদং প্রত্যুপস্থিতম্ ॥ 4-64-3 (31095)
এষোঽন্তক ইব ক্রুদ্ধঃ সর্বভূতাবমর্দনঃ।
অদূরাৎপ্রত্যুপস্থায় জৃম্ভতে কেসরী যথা।
ন পলায়স্ব শূরশ্চেৎস্থিৎবা যুধ্যস্ব ফল্গুনম্ ॥ 4-64-4 (31096)
কর্ণ উবাচ। 4-64-5x (3246)
নাহং বিভেমি বীভৎসোঃ কৃষ্ণাদ্বা দেবকীসুতাৎ ।
পাণ্ডবেভ্যোপি সর্বেভ্যঃ ক্ষত্রধর্মমনুব্রতঃ ॥ 4-64-5 (31097)
সৎবাধিকানাং শূরাণাং ধনুর্বেদোপজীবিনাম্ ।
দর্শনাঞ্জায়তে দর্পঃ স্বরশ্চ ন বিষীদতি ॥ 4-64-6 (31098)
পশ্যৎবাচার্যপুত্রো মামর্জুনেন সমং যুধি।
যুধ্যমানং সুসংয়ুক্তং দৈবং তু দুরতিক্রমম্ ॥ 4-64-7 (31099)
অশ্বত্থামোবাচ। 4-64-8x (3247)
কো দোষঃ কর্ণ শূরাণাং বাচা সাকং হি পৌরুষম্ ।
বিদ্যতে যদি তল্লোকে গুণোত্তরমিহোচ্যতে ॥ 4-64-8 (31100)
যুব্যস্ব ৎবমভীঃ পার্থং প্রপলায়স্ব মা রণাৎ।
উক্তং বচঃ স্মরন্কর্ণ নাহমিত্যাদি সংয়ুগে ॥ 4-64-9 (31101)
বৈশম্পায়ন উবাচ। 4-64-10x (3248)
তং সমন্তাদ্রথাঃ পঞ্চ পরিবার্য ধনঞ্জয়ম্।
ত ইষূন্সম্যগস্যন্তো মুমুক্ষন্তোপি জীবিতাৎ ॥ 4-64-10 (31102)
তে লাভমিব মন্বানাঃ ক্ষিপ্রমার্চ্ছন্ধনঞ্জয়ম্।
শরৌঘান্সম্যগস্যন্তো জীমূতা ইব বার্ষিকাঃ ॥ 4-64-11 (31103)
বহুভির্নিশিতৈর্বাণৈর্বিবিধৈর্লোমবাপিভিঃ ।
আদ্রবন্প্রত্যবস্থায় প্রত্যবিধ্যন্ধনঞ্জয়ম্ ॥ 4-64-12 (31104)
ততঃ প্রহস্য বীভৎসুঃ সর্বশস্ত্রভৃতাংবরঃ ।
দিব্যমস্ত্রং বিকুর্বাণঃ প্রত্যযাদ্রথসত্তমান্ ॥ 4-64-13 (31105)
যথা রশ্মিভিরাদিত্যঃ প্রচ্ছাদয়তি মেদিনীম্।
এবং গাণ্ডীবনির্মুক্তৈঃ শরৈঃ প্রাচ্ছাদয়দ্দিশঃ ॥ 4-64-14 (31106)
ন রথানাং ন নগানাং ন ধ্বজানাং ন বাজিনাম্।
অবিদ্ধং নিশিতৈর্বাণৈরাসীদ্দ্যূঙ্গুলমন্তরম্ ॥ 4-64-15 (31107)
সর্বে শান্তিপরা যোধাঃ স্বচিত্তং নাভিজঝিরে ।
হস্তিনোঽশ্বাশ্চ বিত্রস্তা ব্যবলীয়ন্ত ভারত ॥ 4-64-16 (31108)
যথা নলবনং নাগঃ প্রভিন্নঃ ষাষ্টিহায়নঃ ।
এবং সর্বানপামৃদ্গাদর্জুনঃ শস্ত্রতেজসা ॥ 4-64-17 (31109)
গাণ্ডীবস্য তু ঘোষেণ পৃথিবী সমকম্পত।
মনাংসি ধার্তরাষ্ট্রাণামপ্যকৃন্তদ্ধনঞ্জয়ঃ ॥ 4-64-18 (31110)
ততো বিগাহ্য সৈন্যানাং মধ্যং শস্ত্রভৃতাংবরঃ ।
সারথিং সমরে শূরস্ৎবভ্যভাষত বীর্যবান্ ॥ 4-64-19 (31111)
সংনিয়ম্য হয়ানেতান্মন্দং বাহয় সারথে ।
আচার্যপুত্রং সমরে যোধয়িষ্যেঽপরাজিতম্ ॥ 4-64-20 (31112)
পুরা হ্যেষ ময়া যুক্তঃ স মে ভবতি পৃষ্ঠতঃ ॥
এবমুক্তেঽর্জুনেনাসাবশ্বত্থামরথং প্রতি। 4-64-21 (31113)
বিরাটপুত্রো জবনান্ভৃশমশ্বানচোদয়ৎ ॥ 4-64-22 (31114)
কর্ণ উবাচ।
এষোপয়াতি বীভৎসুর্ব্যথিতো গাঢবেদনঃ। 4-64-23x (3249)
তং তু তত্রৈব যাস্যামি নাসৌ মুচ্যেত জীবিতাৎ ॥ 4-64-23 (31115)
দ্রোণ উবাচ। 4-64-24x (3250)
নাসৌ ভয়েন নির্যাতো মহাত্মা পাকশাসনিঃ।
নৈবং ভীতা নিবর্তন্তে ন পুনর্গাঢবেদনাঃ ॥ 4-64-24 (31116)
যদ্যেনমভিসংরব্ধং পুনরেবাভিয়াস্যসি।
বহূন্যস্ত্রাণি জানীতে ন পুনর্মোক্ষ্যতে ভবান্ ॥ 4-64-25 (31117)
দিষ্ট্যা দুর্যোধনো মুক্তো দিষ্ট্যা গাবঃ পলায়িতাঃ।
মুক্তো দিষ্ট্যা চ সংগ্রামে কিং রণেন করিষ্যসি ॥ 4-64-26 (31118)
ক্রোশমাত্রমপাক্রম্য বলমন্বানয়ামহে।
অন্বাগতবলাঃ পার্থং পুনরেবাভিয়াস্যথ ॥ ॥ 4-64-27 (31119)
ইতি শ্রীমন্মহাভারতে বিরাটপর্বণি গোগ্রহণপর্বণি চতুঃষষ্টিতমোঽধ্যায়ঃ ॥
বিরাটপর্ব - অধ্যায় 065
॥ শ্রীঃ ॥
4.65. অধ্যায়ঃ 065
Mahabharata - Virata Parva - Chapter Topics
অর্জুনেনোত্তরংপ্রতি ভীষ্মাদিসকাশে রথপ্রাপণপ্রেরণাপূর্বকং তদাপ্যায়নায় স্বপরাক্রমপ্রকথনম্ ॥1 ॥ তদা দুঃশাসনাদিপরাভবনপূর্বকং ভীষ্মাদিভিঃ সহায়োধনম্ ॥ 2 ॥Mahabharata - Virata Parva - Chapter Text
4-65-0 (31120)
বৈশম্পায়ন উবাচ। 4-65-0x (3251)
কর্ণং পরাজিতং দৃষ্ট্বা পার্থো বৈরাটিমব্রবীৎ।
এতং মাং প্রাপয়েদানীং রথবৃন্দং প্রহারিণাম্ ॥ 4-65-1 (31121)
যত্র শান্তনবো ভীষ্মঃ সর্বেষাং নঃ পিতামহঃ ।
সুয়ুদ্ধং কাঙ্ক্ষমাণো বৈ রথে তিষ্ঠতি দংশিতঃ ॥ 4-65-2 (31122)
তালো বৈ কাঞ্চনো যত্র বজ্রবৈডূর্যভূষিতঃ ।
অতীব সমরে ভাতি মাতরিশ্বপ্রকম্পিতঃ ॥ 4-65-3 (31123)
দারুণং প্রহরিষ্যামি রথবৃন্দানি ধন্বিনাম্।
আদাস্যাম্যহমেতেষাং ধনুর্জ্যাবেষ্টনানি চ ॥ 4-65-4 (31124)
অস্যন্তং দিব্যমস্ত্রাণি চিত্রমুত্তর পশ্যসি ॥ 4-65-5 (31125)
শতহ্রদাং জৃম্ভমাণাং মেঘস্থাং প্রাবৃষীব চ।
সুবর্ণপৃষ্ঠং গাণ্ডীবং পশ্যন্তু কুরবো মম ॥ 4-65-6 (31126)
দক্ষিণেনাথ বামেন কতমেন স্বিদস্যতি।
ইতি মাং শত্রবঃ সর্বে ন বিজ্ঞাস্যন্তি সারথে ॥ 4-65-7 (31127)
অস্ত্রোদকাং হয়াবর্তাং নাগনক্রাং রথহ্রদাম্।
নদীং প্রস্কন্দয়িষ্যামি পরলোকাপহারিণীম্ ॥ 4-65-8 (31128)
পাণিপাদশিরঃপৃষ্ঠবাহুশঙ্খচরাচরম্।
বনং কুরূণাং ছেৎস্যামি ভল্লৈঃ সন্নতপর্বভিঃ ॥ 4-65-9 (31129)
তূণীশয়াঃ সুপুঙ্খাগ্রা বিশিখা দুন্দুভিস্বনাঃ।
ময়া প্রমুক্তাঃ সংগ্রামে কুরূন্ধক্ষ্যন্তি সায়কাঃ ॥ 4-65-10 (31130)
ধ্বজবৃক্ষং শরতৃণং নাগাশ্বশ্বাপদাকুলম্ ।
রথসিংহগণৈর্যুক্তং ধনুর্বল্লিসমাকুলম্।
বনমাদীপয়িষ্যামি কুরূণামস্ত্রতেজসা ॥ 4-65-11 (31131)
জয়তো ভারতীং সেনামেকস্য মম সংয়ুগে।
শতং মার্গা ভবিষ্যন্তি পাবকস্যেব কাননে ॥ 4-65-12 (31132)
ময়া চক্রমিবাবিদ্ধং সৈন্যং দ্রক্ষ্যসি কেবলম্ ।
তানহং রথনীডেভ্যঃ পরলোকায় শাত্রবান্।
একঃ প্রদ্রাবয়িষ্যামি চক্রপাণিরিবাসুরান্ ॥ 4-65-13 (31133)
অসংভ্রান্তো রথে তিষ্ঠন্সমেষু বিষমেষু চ।
মার্গমাবৃত্য তিষ্ঠন্তমপি ভেৎস্যামি পর্বতম্ ॥ 4-65-14 (31134)
অহমিন্দ্রস্য সংগ্রামে দ্বিষতো বলদর্পিতান্।
মাতলিং সারথিং কৃৎবা নিবাতকবচান্রণে ।
হতবান্সর্বতঃ সর্বান্ধাবতো যুধ্যতস্তদা ॥ 4-65-15 (31135)
নিবাতকবচান্হৎবা গাণ্ডীবাস্ত্রৈঃ সহস্রশঃ ।
পরং পারে সমুদ্রস্য হিরণ্যপুরমারুজম্ ॥ 4-65-16 (31136)
হৎবা ষষ্টিসহস্রাণি রথানামুগ্রধন্বিনাম্।
পৌলোমান্কালকেয়াংশ্চ সমরে ভৃশদারুণান্ ।
অসুরানহনং ঘোরান্রৌদ্রেণাস্ত্রেণ সারথে ॥ 4-65-17 (31137)
অহমিন্দ্রাদ্দৃঢাং মুষ্টিং ব্রহ্মণঃ ক্ষিপ্রহস্ততাম্ ।
প্রগাঢনিপুণং চিত্রমতিবৃদ্ধং প্রজাপতেঃ ॥ 4-65-18 (31138)
রৌদ্রং রুদ্রাদহং বেদ্মি বারুণং বরুণাদপি ।
সৌর্যং সূর্যাদহং বেদ্মি যাম্যং দণ্ডধরাদপি ॥ 4-65-19 (31139)
অস্ত্রমাগ্নেয়মগ্নেশ্চ বায়ব্যং মাতরিশ্বনঃ।
অন্যৈর্দেবৈরহং প্রাপ্তঃ কো মাং বিষহতে পুমান্ ॥ 4-65-20 (31140)
অদ্য গাণ্ডীবনির্মুক্তৈঃশরৌঘৈ রোমহর্ষণৈঃ ।
কুরূণাং পাতয়িষ্যামি রথবৃন্দানি ধন্বিনাম্ ॥ 4-65-21 (31141)
বৈশম্পায়ন উবাচ। 4-65-22x (3252)
এবমাশ্বাসিতস্তেন বৈরাটিঃ সব্যসাচিনা।
ব্যগাহত রথানীকং ভীমং ভীষ্মস্য বাজিভিঃ ॥ 4-65-22 (31142)
রথিসিংহমনাধৃষ্যং জিগীষন্তং পরান্রণে।
অভ্যধাবত্তদৈবোগ্রো জ্যাং বিকর্ষন্ধনঞ্জয়ঃ ॥ 4-65-23 (31143)
দুঃশাসনোঽভ্যযাত্তূর্ণমর্জুনং ভরতর্ষভঃ ॥ 4-65-24 (31144)
অন্যেঽপি চিত্রাভরণা যুবানো মৃষ্টকুণ্ডলাঃ ।
অভ্যযুর্ভীমধন্বানো মৌবী পর্যস্য বাহুভিঃ ॥ 4-65-25 (31145)
দুঃশাসনো বিকর্ণশ্চ বৃষসেনো বিবিশতিঃ।
অভীতা ভীমধন্বানং পাণ্ডবং পর্যবারয়ন্ ॥ 4-65-26 (31146)
তস্য দুঃশাসনঃ ষষ্টিং বামপার্শ্বে সমার্পয়ৎ।
অস্যতঃ প্রতিসন্ধায় কুন্তীপুত্রস্য ধীমতঃ ॥ 4-65-27 (31147)
পুনশ্চৈব স ভল্লেন বিদ্ধ্বা বৈরাটিমুত্তরম্ ।
দ্বিতীয়েনার্জুনং বীরং প্রত্যবিধ্যৎস্তনান্তরে ॥ 4-65-28 (31148)
তস্য জিষ্ণুরুদাবৃত্য ক্ষুরধারেণ কার্মুকম্।
প্রাকৃন্তদ্গৃধ্রপত্রেণ জাতরূপপরিষ্কৃতম্॥ 4-65-29 (31149)
অথৈনং পঞ্চভির্বাণৈঃ প্রত্যবিধ্যৎস্তনান্তরে।
সোপয়াতো রথোপস্থাৎপার্থবাণাভিপীডিতঃ ॥ 4-65-30 (31150)
সর্বা দিশশ্চাভ্যপতদ্বীভৎসুরপারাজিতঃ।
তং বিকর্ণঃ শরৈস্তীক্ষ্ণৈর্গৃধ্রপক্ষৈঃ শিলাশিতৈঃ।
বিব্যাধ পরবীরধ্নমর্জুনং ধৃতরাষ্ট্রজঃ ॥ 4-65-31 (31151)
ততস্তমপি কৌন্তেয়ঃ শরেণ নতপর্বণা ।
ললাটেঽভ্যহনদ্গাঢং স বিদ্ধঃ প্রাদ্রবদ্ভয়াৎ ॥ 4-65-32 (31152)
ততঃ পার্থমুপাদ্রুত্য দুস্সহঃ সবিবিংশতিঃ।
অবাকিরচ্ছরৈস্তীক্ষ্ণৈঃ পরীপ্সন্ভ্রাতরং রণে ॥ 4-65-33 (31153)
তাবুভৌ গৃধ্রপত্রাভ্যাং নিশিতাভ্যাং ধনঞ্জয়ঃ।
বিব্যাধ যুগপদ্ব্যগ্রস্তয়োর্বাহানসূদয়ৎ ॥ 4-65-34 (31154)
তৌ হতাশ্বৌ তু বিদ্ধাঙ্গৌ ধৃতরাষ্ট্রাত্মজাবুভৌ ।
অভিপত্য রথৈরন্যৈরপনীতৌ পদানুগৈঃ ॥ 4-65-35 (31155)
ব্যদ্রাবয়দশেষাংশ্চ ধৃতরাষ্ট্রসুতাংস্তদা ।
বিদ্রাব্য চ রণে পার্থো রণভূমিং ব্যরাজয়ৎ ॥ 4-65-36 (31156)
কিরীটমালী কৌন্তেয়ো লব্ধলক্ষঃ প্রতাপবান্ ।
পাতয়ন্নুত্তমাঙ্গানি বাহূশ্চ পরিঘোপমান্ ॥ 4-65-37 (31157)
অশেরত মহাবীরাঃ শতশো রুক্মমালিনঃ ॥ 4-65-38 (31158)
কমলদিনকরেন্দুসন্নিভৈঃ সিতদশনৈঃ সুমুখাক্ষিনাসিকৈঃ।
রুচিরমকরকুণ্ডলৈর্মহী পুরুষশিরোভিরথাস্তৃতা বভৌ ॥ 4-65-39 (31159)
সুনসং চারুদীপ্তাশ্চং ক্লৃপ্তশ্মশ্রু স্বলংকৃতম্ ।
অদৃশ্যত শিরশ্ছিন্নমনেকং হেমকুণ্ডলম্ ॥ 4-65-40 (31160)
এবং তৎপ্রহতং সৈন্যং সমন্তাৎপ্রদ্রুতং ভয়াৎ॥ 4-65-41 (31161)
অথ দুর্যোধনঃ কর্ণঃ সৌবলঃ শকুনিস্তদা।
দ্রোণশ্চ দ্রোণপুত্রশ্চ কৃপশ্চাতিরথো রণে ॥ 4-65-42 (31162)
সহিতা বিজয়ং তত্র যোধয়ন্তো মহারথাঃ।
বিষ্ফারয়ন্তশ্চাপানি বলবন্তি মহাবলাঃ ॥ 4-65-43 (31163)
ততঃ কীর্ণপতাকেন রথেনাদিত্যবর্চসা।
পুনরাবৃত্য মার্গস্থং দদৃশুর্বানরধ্বজম্ ॥ 4-65-44 (31164)
তে মহাস্ত্রৈর্মহেষ্বাসাঃ পরিবার্য ধনঞ্জয়ম্।
অভ্যবর্ষন্সুসংক্রুদ্ধা মহামেঘা ইবাচলম্ ॥ 4-65-45 (31165)
শরৌঘান্সম্যগস্যন্তো জীমূতা ইব শারদাঃ ।
যুদ্ধে তস্থুর্মহাবীর্যাঃ প্রতপন্তঃ কিরীটিনম্ ॥ 4-65-46 (31166)
ইষুভির্বহুভিস্তূর্ণং নিশিতৈর্লোমবাপিভিঃ ।
অদূরাৎপ্রত্যবস্থায় পাণ্ডবং সময়োধয়ন্ ॥ 4-65-47 (31167)
ততঃ প্রহস্য বীভৎসুস্তমৈন্দ্রং পঞ্চবার্ষিকম্ ।
অস্ত্রমাদিত্যসংকাশং গাণ্ডীবে সময়োজয়ৎ ॥ 4-65-48 (31168)
নাক্ষণাং ন চ চক্রাণাং ন রথানাং ন বাজিনাম্ ।
অঙ্গুলাদ্দব্যঙ্গুলাদ্বাপি বিবৃতং প্রত্যদৃশ্যত ॥ 4-65-49 (31169)
যথা রশ্মিভিরাদিত্যো বৃণুতে সর্বতো দিশম্।
এবং কিরীটিনা মুক্তং সর্বং প্রাচ্ছাদয়ঞ্জগৎ ॥ 4-65-50 (31170)
যথা বলাহকে বিদ্যুৎপাবকো বা শিলোচ্চয়ে।
তথা গাণ্ডীবমভবচ্চক্রাভুধমিবাততম্ ॥ 4-65-51 (31171)
যথা বর্ষতি পর্জন্যো বিদ্যুৎপততি পর্বতে।
বিস্ফূর্জিতা দিশঃ সর্বা জ্বলদ্গাণ্ডীবমাবৃণোৎ॥ 4-65-52 (31172)
ত্রস্তাশ্চ রথিনঃক সর্বে চৈন্দ্রমস্ত্রং বিকুর্বতি।
সর্বে শান্তিপরা যোধাঃ স্বচিত্তং নাভিজঝিরে ।
সহিতা দ্রোণভীষ্মাভ্যাং প্রমোহগতচেতনাঃ॥ 4-65-53 (31173)
তানি সর্বাণি সৈন্যানি ভগ্নানি ভরতর্ষভ ।
প্রাদ্রবন্ত দিশঃ সর্বা ভয়াদ্বৈ সব্যসাচিনঃ ॥ ॥ 4-65-54 (31174)
ইতি শ্রীমন্মহাভারতে বিরাটপর্বণি গোগ্রহণপর্বণি পঞ্চষষ্টিতমোঽধ্যায়ঃ ॥
বিরাটপর্ব - অধ্যায় 066
॥ শ্রীঃ ॥
4.66. অধ্যায়ঃ 066
Mahabharata - Virata Parva - Chapter Topics
অর্জুনেন ভীতমুত্তরংপ্রতি সমাশ্বাসনপূর্বকং দুর্যোধনংপ্রতি রথয়াপনচোদনা ॥ 1॥ তথা স্ববাণাভিঘাতাসহনেন পলায়মানং তংপ্রতি সোপহাসমাহ্বানম্ ॥2 ॥Mahabharata - Virata Parva - Chapter Text
4-66-0 (31175)
অর্জুন উবাচ। 4-66-0x (3253)
দক্ষিণামেব তু দিশং হয়ানুত্তর বাহয়।
পুরা সার্থী ভবত্যেষাময়ং শব্দোঽত্র তিষ্ঠতাম্ ॥ 4-66-1 (31176)
অশ্চত্থাম্নঃ প্রতিরথং প্রাচীমুদ্যাহি সারথে ।
অচিরাদ্দ্রষ্টুমিচ্ছামি গুরুপুত্রং যশস্বিনম্ ॥ 4-66-2 (31177)
বৈশম্পায়ন উবাচ। 4-66-3x (3254)
মোহয়িৎবা তু তান্সর্বান্ধনুর্ঘোষেণ পাণ্ডবঃ।
প্রসব্যং চৈবমাবৃত্য ক্রোশার্ধং প্রাদ্রবত্তদা ॥ 4-66-3 (31178)
যথা সততগো বায়ুঃ সুপর্ণশ্চাপি শীঘ্রগঃ ।
তথা পার্থরথঃ শীঘ্রমাকাশে পর্যবর্তত ॥ 4-66-4 (31179)
মুহূর্তোপরতে শব্দে প্রতিয়াতে ধনঞ্জয়ে ।
হস্ত্যশ্বরথপাদাতং পুরস্কৃত্য মহারথাঃ ॥ 4-66-5 (31180)
দ্রোণভীষ্মমুখাঃ সর্বে সৈন্যানাং জঘনে যয়ুঃ।
যত্তাঃ পার্থমপশ্যন্তঃ সহিতাঃ শরবিক্ষতাঃ ॥ 4-66-6 (31181)
সৈনিকা ঊচুঃ । 4-66-7x (3255)
দিষ্ট্যা দুর্যোধনো মুক্তঃ সৈন্যং ভূয়িষ্ঠমাগতম্।
ক্রোশমাত্রমতিক্রম্য বলমন্বানয়ামহে।
যাত যত্র বনং গুল্মং নদীমন্বশ্মকাং প্রতি ॥ 4-66-7 (31182)
বৈশম্পায়ন উবাচ। 4-66-8x (3256)
অথ দুর্যোধনো দৃষ্ট্বা ভগ্নং স্বং বলমাহবে।
অমৃষ্যমাণঃ ক্রোধেন প্রতিমার্গন্ধনঞ্জয়ম্॥ 4-66-8 (31183)
ন্যবর্তত কুরুশ্রেষ্ঠ স্বেনানীকেন সংবৃতঃ ।
বার্যমাণো দুরাধর্ষৈর্ভীষ্মদ্রোণকৃপৈর্ভৃশম্ ॥ 4-66-9 (31184)
ততোঽর্জুনশ্চিত্রমুদারবেগং সমীক্ষ্য গাণ্ডীবমুবাচ বাক্যম্।
ভোগীন্দ্রকল্পং ভুবনেষু রূঢমভেদ্যমচ্ছেদ্যমদাহ্যমাজৌ ॥ 4-66-10 (31185)
ইদং ৎবিদানীমনয়ং কুরূণাং শিবং ধনুঃ শত্রুনিবর্হণং চ।
অত্যাশুগং বেগবদাশুকর্তৃ অবারণীয়ং মহতে রণায়॥ 4-66-11 (31186)
প্রদারণং শত্রুবরূথিনীনামনীকজিৎসংয়তি বজ্রকল্পম্।
বৈধব্যদং শত্রুনিতম্বিনীনাং মুখপ্রদং কৌরববংশজানাম্ ॥ 4-66-12 (31187)
প্রয়াহি যত্রৈষ সুয়োধনো হি তং পাতয়িষ্যামি শরৈঃ সুতীক্ষ্ণৈঃ ।
আচার্যপুত্রং চ সুয়োধনং চ পিতামহং সূতসুতং চ সঙ্খ্যে ।
দ্রোণং কৃপং চৈব নিবার্য সর্বাঞ্শিরো হরিষ্যামি সুয়োধনস্য ॥ 4-66-13 (31188)
বৈশম্পায়ন উবাচ। 4-66-14x (3257)
তদুত্তরশ্চিত্রমুদারবেগং ধনুশ্চ দৃষ্ট্বা নিশিতাঞ্শরাংশ্চ।
ভীতোঽব্রবীদর্জুনমাজিমধ্যে নাহং তবাশ্বান্বিষহে নিয়ন্তুম্ ॥ 4-66-14 (31189)
তমব্রবীন্মাৎস্যসুতং প্রহস্য গাণ্ডীবধন্বা দ্বিষতাং নিহন্তা ।
ময়া সহায়েন কুতো ভয়ং তে প্রেহ্যুত্তরাশ্বানুপমন্ত্রয়স্ব ॥ 4-66-15 (31190)
আশ্বাসিতস্তেন ধনঞ্জয়েন বৈরাটিরশ্বানতুদঞ্জবেন।
বিষ্ফারয়ংস্তদ্ধনুরুগ্রবেগং যুয়ুৎসমানঃ পুনরেব জিষ্ণুঃ ॥ 4-66-16 (31191)
গাণ্ডীবশব্দেন তু তত্রতত্র ভূমৌ নিষেদুর্বহবোঽতিবেলম্।
শঙ্খস্য শব্দেন তু বানরস্য শব্দেন তে যোধবরাঃ সমন্তাৎ ॥ 4-66-17 (31192)
অর্জুন উবাচ। 4-66-18x (3258)
এষোঽতিমানী ধৃতরাষ্ট্রপুত্রঃ সেনামুখে সর্বসমৃদ্ধতেজাঃ।
পরাজয়ং নিত্যমমৃষ্যমাণো নিবর্ততে যুদ্ধমনাঃ পুরস্তাৎ॥ 4-66-18 (31193)
তমেব যাহি প্রসমীক্ষ্য যুক্তঃ সুয়োধনং তত্র সহানুজং চ ॥ 4-66-19 (31194)
বৈশম্পায়ন উবাচ। 4-66-20x (3259)
তমাপতন্তং প্রসমীক্ষ্য সর্বে কুরুপ্রবীরাঃ সহসাঽভ্যগচ্ছন্।
প্রহস্য বীরঃ স তু তানতীত্য দুর্যোধনে দ্বৌ নিচখান বাণৌ ॥ 4-66-20 (31195)
তেনার্দিতো নাগ ইব প্রভিন্নঃ পার্থেন বিদ্ধো ধৃতরাষ্ট্রপুত্রঃ ।
যুয়ুৎসমানোঽতিরথেন সঙ্খ্যে স্বয়ং বিগৃহ্যার্জুনমাসসাদ ॥ 4-66-21 (31196)
স ভীমধন্বানমুদগ্রবেগো ধনঞ্জয়ং শত্রুশতৈরজেয়ম্।
আকর্ণপূর্ণায়তচোদিতেন ভল্লেন বিব্যাধ ললাটমধ্যে ॥ 4-66-22 (31197)
স তেন বাণেন সমর্পিতেন জাম্বূনদাভেন সুসংহিতেন ।
ররাজ পার্থো রুধিরং ক্ষরন্বৈ যথৈকরশ্মির্ভগবান্দিবার্কঃ ॥ 4-66-23 (31198)
অথাস্য বাণেন বিদারিতস্য প্রাদুর্বভূবাস্রমজস্রমুষ্ণম্।
সা তস্য জাম্বূনদপুষ্পচিত্রা মালেব ধারাঽভিবিরাজতে স্ম ॥ 4-66-24 (31199)
স তেন বাণাভিহতস্তরস্বী দুয়োধনেনোদ্ধতমন্যুবেগঃ ।
শরানুপাদায় বিষাগ্নিকল্পান্বিব্যাধ রাজানমদীনসৎবঃ ॥ 4-66-25 (31200)
দুর্যোধনশ্চাপি তমুগ্রতেজাঃ পার্থশ্চ দুর্যোধনমেকবীরঃ ।
অন্যোন্যমাজৌ পুরুষপ্রবীরৌ সম সমাজঘ্নতুরাজমীঢৌ ॥ 4-66-26 (31201)
ততঃ প্রভিন্নেন মহাগজেন মহীধরাভেন পুনর্বিকর্ণঃ ।
রথৈশ্চতুর্ভির্গজপাদরক্ষৈঃ কুন্তীসুতং পাণ্ডবমভ্যধাবৎ ॥ 4-66-27 (31202)
তমাপতন্তং ৎবরিতং গজেন্দ্রং ধনঞ্জয়ঃ কুম্ভললাটমধ্যে।
আকর্ণপূর্ণেন দৃঢায়সেন বাণেন বিব্যাধ ভৃশং তু বীরঃ ॥ 4-66-28 (31203)
পার্থেন সৃষ্টঃ স তু গৃধ্রপত্রো হ্যাপুঙ্খদেশং প্রবিবেশ নাগম্।
বিদার্য শৈলপ্রবরপ্রকাশং যথাঽশনিঃ পর্বতমিন্দ্রসৃষ্টঃ ॥ 4-66-29 (31204)
শরপ্রতপ্তঃ স তু নাগরাজঃ প্রবেপিতাঙ্গো ব্যথিতান্তরাত্মা।
সংসীদমানো নিপপাত ভূমৌ বজ্রাহতং শৃঙ্গমিবাচলস্য ॥ 4-66-30 (31205)
নিপাতিতে দন্তিবরে পৃথিব্যাং ত্রাসাদ্বিকর্ণঃ সহসাঽবতীর্য ।
তূর্ণং পদান্যষ্টশতানি গৎবা বিবিংশতেঃ স্যন্দনমারুরোহ ॥ 4-66-31 (31206)
নিহত্য নাগং তু শরেণ তেন বজ্রোপমেনাদ্রিবরপ্রকাশম্।
তথাবিধেনৈব শরেণ পার্থো দুর্যোধনং বক্ষসি নির্বিভেদ ॥ 4-66-32 (31207)
হতে গজে রাজনি চৈব ভিন্নে ভগ্নে বিকর্ণে চ সপাদরক্ষে ।
গাণ্ডীবমুক্তৈর্বিশিখৈঃ প্রভিন্নাস্তে যোধমুখ্যাঃ সহসা প্রজগ্মুঃ ॥ 4-66-33 (31208)
দৃষ্ট্বৈব বাণেন হতং চ নাগং যোধাংশ্চ সর্বান্নৃপতির্নিরীক্ষ্য।
রথং সমাবৃত্য কুরগ্নবীরো রণাৎপ্রদুদ্রাব যতো ন পার্থঃ ॥ 4-66-34 (31209)
তং ভীতরূপং ৎবরিতং ব্রজন্তং দুর্যোধনং শত্রুগণাবমর্দী ।
অন্বাহ্বয়দ্যোদ্ধুমনাঃ কিরীটী বাণাভিবিদ্ধং রুধিরং বমন্তম্ ॥ 4-66-35 (31210)
তস্মিন্মহেষ্বাসবরেঽতিবিদ্ধে ধনঞ্জয়েনাপ্রতিমেন যুদ্ধে।
সর্বাণি সৈন্যানি ভয়ার্দিতানি ত্রাসং যয়ুঃ পার্থমুদীক্ষ্য তানি ॥ 4-66-36 (31211)
ততস্তু তে শান্তিপরাশ্চ সর্বে দৃষ্ট্বাঽর্জুনং নাগমিব প্রভিন্নম্।
উচ্চৈর্নদন্তং বলমত্তমাজৌ মধ্যে স্থিতং সিংহমিবর্ষভাণাম্ ॥ 4-66-37 (31212)
গাণ্ডীবশব্দেন তু পাণ্ডবস্য যোধা নিপেতুঃ সহসা রথেভ্যঃ।
ভয়ার্দিতাঃ পার্থশরাভিতপ্তাঃ সিংহাভিপন্না ইব বারণেন্দ্রাঃ ॥ 4-66-38 (31213)
সংরক্তনেত্রঃ পুনরিন্দ্রকর্মা বৈকর্তনং দ্বাদশভিঃ পৃষৎকৈঃ।
বিত্রাস্য তেষাং দ্রবতাং সমৈক্ষদ্দুঃশাসনং চৈকরথেন পার্থঃ ॥ 4-66-39 (31214)
কর্ণোঽব্রবীৎপার্থশরাভিতপ্তো দুর্যোধনং দুষ্প্রসহং চ দৃষ্ট্বা ।
দৃষ্টোঽর্জুনোঽয়ং প্রতিয়াম শীঘ্রং শ্রেয়ো বিধাস্যাম ইতো গতেন ॥ 4-66-40 (31215)
মন্যে ৎবয়া তাত কৃতং চ কার্যং যদর্জুনোঽস্মাভিরিহাদ্য দৃষ্টঃ ।
ভূয়ো বনং গচ্ছতু সব্যসাচী পশ্যামি পূর্ণং সময়ং ন তেষাম্ ॥ 4-66-41 (31216)
বৈশম্পায়ন উবাচ। 4-66-42x (3260)
শরার্দিতাস্তে যুধি পাণ্ডবেন প্রসসুরন্যোন্যমথাহ্বয়ন্তঃ।
কর্ণোঽব্রবীদাপতত্যেষ জিষ্ণুর্দুর্যোধনং সংপরিবার্য যামঃ ॥ 4-66-42 (31217)
সর্বাস্ত্রবিদ্বারণয়ূথপাভঃ কালে প্রহর্তা যুধি শাত্রবাণাম্।
অয়ং চ পার্থঃ পুনরাগতো নো মূলং চ রক্ষ্যং ভরতর্ষভাণাম্ ॥ 4-66-43 (31218)
সমীক্ষ্য পার্থং তরসাঽঽপতন্তং দুর্যোধনঃ কালমিবাত্তশস্ত্রম্ ।
ভয়ার্তরূপঃ শরণং প্রপেদে দ্রোণং চ কর্ণং চ কৃপং চ ভীষ্মম্ ॥ 4-66-44 (31219)
তং ভীতরূপং শরণং ব্রজন্তং দুর্যোধনং শত্রুসহো নিষঙ্গী।
ইত্যব্রবীৎপ্রীতমনাঃ কিরীটী বাণাভিতপ্তং রুধিরং বমন্তম্ ॥ 4-66-45 (31220)
বিহায় কীর্তিং চ যশশ্চ লোকে যুদ্ধাৎপরাবৃত্য পলায়সে কিম্।
ন নন্দয়িষ্যন্তি তবাহতানি তূর্যাণি যুদ্ধাদবরোপিতস্য॥ 4-66-46 (31221)
ন ভোক্ষ্যসে সোঽদ্য মহীং সমগ্রাং যানানি বস্ত্রাণ্যথ ভোজনানি।
কল্যাণগন্ধীনি চ চন্দনানি যুদ্ধাৎপরাবৃত্য তু ভোক্ষ্যসে কিম্ ।
সুবর্ণমাল্যানি চ কুণ্ডলানি হারাংশ্চ বৈডূর্যকৃতোপধানান্ ॥ 4-66-47 (31222)
চ্যুতরা যুদ্ধান্ন তু শঙ্খশব্দাস্তথা ভবিষ্যন্তি তবাদ্য পাপ।
ন ভোগহেতোর্বরচন্দনং চ স্ত্রিয়শ্চ মুখ্যা মধুরপ্রলাপাঃ ।
যুদ্ধাৎপ্রয়াতস্য নরেন্দ্রসূনো পরে চ লোকে ফলিতা ন চেহ ॥ 4-66-48 (31223)
যুধিষ্ঠিরস্যাস্মি নিদেশকারী পার্থস্তৃতীয়ো যুধি চ স্থিরোস্মি।
তদর্থমাবৃত্য মুখং প্রয়চ্ছনরেন্দ্রবৃত্তং স্মর ধার্তরাষ্ট্রঃ ॥ 4-66-49 (31224)
মোঘং তবৈতদ্ভুবি নামধেয়ং দুর্যোধনেতীহ কৃতং পুরস্তাৎ।
দুর্যোধনস্ৎবং প্রথিতোসি নাম্না সুয়োধনঃ সন্নিকৃতিপ্রধানঃ । 4-66-50 (31225)
ন তে পুরস্তাদথ পৃষ্ঠতো বা পশ্যামি দুর্যোধন রক্ষিতারম্।
পরীপ্স যুদ্ধেন কুরুপ্রবীর প্রাণান্ময়া বাণবলাভিতপ্তান্ ॥ ॥ 4-66-51 (31226)
ইতি শ্রীমন্মহাভারতে বিরাটপর্বণি গোগ্রহণপর্বণি ষট্ষষ্টিতমোঽধ্যায়ঃ ॥
Mahabharata - Virata Parva - Chapter Footnotes
4-66-50 সুয়োধনস্ৎবং নিকৃতিপ্রধান ইতি খo পাঠঃ ॥ 50 ॥বিরাটপর্ব - অধ্যায় 067
॥ শ্রীঃ ॥
4.67. অধ্যায়ঃ 067
Mahabharata - Virata Parva - Chapter Topics
সোপহাসমর্জুনসমাহূতেন দুর্যোধনেন পুনঃ পরাবৃত্যাভিয়ানম্ ॥ 1 ॥ ভীষ্মাদিভিস্তদ্রক্ষণায় পরিতোঽবস্থানম্ ॥ 2 ॥ অর্জুনেন তৈঃ সহ চিরং প্রয়ুধ্য পশ্চাৎসংমোহনাস্ত্রপ্রয়োগঃ ॥ 3 ॥ উত্তরেণার্জুনচোদনয়াঽস্ত্রমোহিতানাং দ্রোণাদীনাং বস্ত্রাপহরণম্ ॥ 4 ॥ অর্জুনেন বাণৈর্ভীষ্মাদ্যভিবাদনম্ ॥ 5 ॥Mahabharata - Virata Parva - Chapter Text
বৈশম্পায়ন উবাচ ।
আহূয়মানস্তু স তেন সঙ্খ্যে মহাত্মনা বৈ ধৃ
নিবর্তিতশ্চাপি গিরাঙ্কুশেন গজো মদোন্মত্ত ইবাঙ্কুশেন ॥ 4-67-1 (31227)
সোমৃষ্যমাণো বচসাঽভিমৃষ্টো মহারথেনাতিরথস্তরস্বী ।
ততঃ স পর্যাববৃতে রথেন ভোগী যথা পাদতলাভিমৃষ্টঃ ॥ 4-67-2 (31228)
ততো দুর্যোধনঃ ক্রুদ্ধো বিক্ষিপন্ধনুরুত্তমম্।
ধৃতিং কৃৎবা সুবিপুলাং প্রত্যুবাচ পন়ঞ্জয়ম্ ॥ 4-67-3 (31229)
সোহমিন্দ্রাদভিক্রুদ্ধান্ন বিভেমীহ ভারত ।
ভুক্ৎবা সুবিপুলং রাজ্যং বিত্তানি চ সুখানি চ।
কিমর্থং যুদ্ধসময়ে পলাপিষ্যে নরোত্তম ॥ 4-67-4 (31230)
এবমুক্ৎবা মহারাজঃ প্রত্যযুধ্যত ভারত।
সংন্যবর্তত শীঘ্রাশ্বস্তোত্রার্দিত ইব দ্বিপঃ ॥ 4-67-5 (31231)
আক্রান্তভোগস্তেজস্বী ধনুর্বক্র ইবোরগঃ ।
রথং রথেন সংগম্য যোধয়ামাস পাণ্ডবম্ ॥ 4-67-6 (31232)
তং প্রেক্ষ্য কর্ণঃ পরিবর্তমানং নিবৃত্য সংস্তম্ভিতসর্বগাত্রম্ ।
দুর্যোধনং দক্ষিণতোঽন্বরক্ষৎপার্থান্মহাবাহুরধিজ্যধন্বা ॥ 4-67-7 (31233)
গান্ধাররাজঃ শকুনির্নিবৃত্য দ্রৌণিশ্চ সর্বাস্ত্রবিদাং বরিষ্ঠঃ ।
ররক্ষতুঃ কৌরবমভ্যুপেত্য পার্থান্নৃবীরৌ যুধি সব্যতশ্চ ॥ 4-67-8 (31234)
ভীষ্মস্ততঃ শান্তনবো বিবৃত্য হিরণ্যকক্ষ্যাংস্ৎবরয়া তুরংগান্।
দুর্যোধনং পশ্চিমতো ররক্ষ পার্থান্মহাবাহুরধিজ্যধন্বা ॥ 4-67-9 (31235)
দ্রোণঃ কৃপশ্চৈব বিবিংশতিশ্চ দুঃশাসনশ্চৈব নিবৃত্য শীঘ্রম্।
সর্বে পুরস্তাৎপ্রণিধায় বাণান্দুর্যোধনার্থং ৎবরিতাঽভ্যুপেয়ুঃ ॥ 4-67-10 (31236)
সর্বাণ্যনীকানি নিবর্তিতানি সংপ্রেক্ষ্য পূর্ণৌঘনিভানি পার্থঃ ।
হংসো মহামেঘমিবাপতন্তং ধনঞ্জয়ঃ প্রত্যপতত্তরস্বী ॥ 4-67-11 (31237)
তে সর্বতঃ সংপরিবার্য পার্থমস্ত্রাণি দিব্যানি সমাদদানাঃ ।
ববর্ষুরভ্যেত্য শরৈঃ সমগ্রৈর্মেঘা যথা ভূধরমম্বুবেগৈঃ ॥ 4-67-12 (31238)
ততোঽস্রমস্ত্রেণ নিবার্য তেষাং গাণ্ডীবধন্বা কুরুপুঙ্গবানাম্।
সংমোহনং শত্রুসহোঽন্যদস্ত্রং প্রাদুশ্চকারৈন্দ্রমবারণীয়ম্ ॥ 4-67-13 (31239)
ততো দিশশ্চানুদিশো নিবার্য শরৈঃ সুঘোরৈর্নিশিতৈঃ সুপুঙ্খৈঃ।
গাণ্ডীবশব্দেন মনাংসি তেষাং মহাবলং প্রবথয়াংচকার ॥ 4-67-14 (31240)
ততঃ পুনর্ভীমরবং নিগৃহ্য দোর্ভ্যাং মহাশঙ্খমুদারঘোষম্।
ব্যনাদয়ন্সংপ্রদিশো দিশঃ খং ভুবং চ পার্থো দ্বিষতাং নিহন্তা ॥ 4-67-15 (31241)
সংমোহনাস্ত্রপ্রভবৈঃ শরৌঘৈর্বিনষ্টদেহাশ্চ নিপত্য যোধাঃ ।
নিঃসৎববেগাঃ কুরুরাজসৈন্যাঃ কুডয়োপমাস্তস্থুরনীহমানাঃ ॥ 4-67-16 (31242)
তে শঙ্খনাদেন কুরুপ্রবীরাঃ সংমোহিতাঃ পার্থসমীরিতেন ।
উৎসৃজ্য চাপানি দুরাসদানি সর্বে তদা মোহপরা বভূবুঃ ॥ 4-67-17 (31243)
ততো বিসংজ্ঞানি পরেষু পার্থঃ সংস্মৃত্য সংদেশমথোত্তরায়াঃ ।
নির্যাহি বাহাদিতি মাৎস্যপুত্রমুবাচ যাবৎকুরবো বিসংজ্ঞাঃ ॥ 4-67-18 (31244)
আচার্যশারদ্বতয়োঃ সুশুক্লে কর্ণস্য পীতং রুচিরং চ বস্ত্রম্।
দ্রৌণেশ্চ রাজ্ঞশ্চ তথৈব নীলে বস্ত্রে সমাদৎস্ব নরপ্রবীর ॥ 4-67-19 (31245)
ভীষ্মস্য সংজ্ঞাং তু তথৈব মন্যে জানাতি মেঽস্ত্রপ্রতিঘাতমেষঃ।
এতস্য বাহান্কুরু সব্যতস্ৎবমেবং প্রয়াতব্যমমূঢসংজ্ঞৈঃ ॥ 4-67-20 (31246)
রশ্মীন্সমুৎসৃজ্য ততো মহাত্মা রথাদবপ্লুত্য বিরাটপুত্রঃ ।
বস্ত্রাণ্যুপাদায় মহারথানাং নানাবিধান্যদ্ভুতবর্ণকানি ॥ 4-67-21 (31247)
মহান্তি চীনাংশুদুকূলকানি পট্টাংশুকানি বিবিধানি মনোজ্ঞকানি ।
হারাংশ্চ রাজ্ঞাং মণিভূষণানি সুবর্ণনিষ্কাভরণানি মারিষ ॥ 4-67-22 (31248)
মাণিক্যবাহ্বঙ্গদকঙ্কণানি অন্যানি রাজ্ঞাং মণিভূষণানি।
বস্ত্রাণ্যুপাদায় মহারথানাং তূর্ণং পুনঃ খং রথমারুরোহ ॥ 4-67-23 (31249)
রাজ্ঞশ্চ সর্বান্কৃতসংনিকাশান্সংমোহনাস্ত্রেণ বিসংজ্ঞকল্পান্ ।
নাসাগ্রবিন্যস্তকরাঙ্গুলীকঃ পার্থো জহাস স্ময়মানচেতাঃ ॥ 4-67-24 (31250)
ততোঽন্বশাত্তাংশ্চতুরঃ সদশ্বান্পুত্রো বিরাটস্য হিরণ্যকক্ষ্যান্ ।
তে তদ্ব্যতীয়ুর্দ্বিষতামনীকং শ্বেতা বহন্তোঽর্জুনমাজিমধ্যাৎ ॥ 4-67-25 (31251)
তথা প্রয়ান্তং পুরুষপ্রবীরং ভীষ্মঃ শরৈরভ্যহনত্তরস্বী।
স চাপি ভীষ্মস্য হয়ান্নিহত্য বিব্যাধ ভীষ্মং দশভিঃ পৃষৎকৈঃ ॥ 4-67-26 (31252)
ততোঽর্জুনো ভীষ্মমপাস্য যুদ্ধে বিদ্ধ্বাঽস্য যন্তারমরিষ্টধন্বা।
তস্থৌ বিমুক্তো রথবৃন্দমধ্যাদ্রাহুং বিদার্যেব সহস্ররশ্মিঃ ॥ 4-67-27 (31253)
লব্ধ্বা তু সংজ্ঞাং পুরুষপ্রবীরঃ পার্থং নিরীক্ষ্যাথ মহেন্দ্রকল্পম্ ।
রণাৎপ্রমুক্তং পুরুষপ্রবীরং স ধার্তরাষ্ট্রস্ৎবরিতো বভাষে ॥ 4-67-28 (31254)
অয়ং কথংচিদ্ভবতো বিমুক্তস্তং বৈ প্রবধ্নীত যথা ন মুচ্যেৎ।
তমব্রবীচ্ছান্তনবঃ প্রহস্য ক্ব তে গতা বুদ্ধিরভূৎক্ক বীর্যম্ ॥ 4-67-29 (31255)
শান্তিং পরাং প্রাপ্য যথা স্থিতস্ৎবমুৎসৃজ্য বাণাংশ্চ ধনুশ্চ চিত্রম্ ।
ন ৎবেব বীভৎসুরলং নৃশংসং কর্তুং ন পাপেঽস্য মনো নিবিষ্টম্ ॥ 4-67-30 (31256)
জহ্যান্ন ধর্মং ত্রিদিবস্য হেতোঃ সর্বে তু তস্মান্ন হতা রণেঽস্মিন্।
ক্ষিপ্রং কুরূন্যাহি কুরুপ্রবীর বিজিত্য গাশ্চ প্রতিয়াতু পার্থঃ ॥ 4-67-31 (31257)
সংমোহনাস্ত্রপ্রতিমোহিতাঃ স্থ যূয়ং ন জানীথ ধনাপহারম্।
পশ্যামি বস্ত্রাভরণানি রাজন্বিরাটপুত্রেণ সমাহৃতানি ॥ 4-67-32 (31258)
নৃপেষু সর্বেষু চ মোহিতেষু হন্তুং যদীচ্ছেৎস হনিষ্যতীতি।
তদা তু ধর্মাত্মতয়া নৃবীরো ন চাহনদ্বো বলভিত্তনূজঃ ॥ 4-67-33 (31259)
ভাগ্যেন যুষ্মানবধীন্ন পার্থঃ সংধিং কুরূণামনুমন্যমানঃ ।
তদ্যাত যূয়ং সহসৈনিকৈস্তৈর্হতাবশিষ্টৈর্গজসাহ্বয়ং পুরুম্ ॥ 4-67-34 (31260)
বৈশম্পায়ন উবাচ। 4-67-35x (3261)
দুর্যোধনস্তস্য নিশম্য বাক্যং পিতামহস্যাত্মহিতং প্রশস্য।
অতীতকামো যুধি সোঽত্যমর্ষী রাজা বিনিশ্বস্য বভূব তূষ্ণীম্ ॥ 4-67-35 (31261)
তদ্ভীষ্মবাক্যং হি নিশম্য সর্বে ধনঞ্জয়াগ্নিং চ বিবর্ধমানম্।
নিবর্তনায়ৈব মতিং নিদধ্যুর্দুর্যোধনং তং পরিরক্ষমাণাঃ ॥ 4-67-36 (31262)
তান্প্রস্থিতান্প্রীতমনাঃ সমর্থো ধনঞ্জয়ঃ সর্বকুরুপ্রবীরঃ ।
আমন্ত্র্য বীরোঽনুয়যৌ মুহূর্তং গাণ্ডীবঘোষেণ বিনদ্য লোকম্ ॥ 4-67-37 (31263)
তেষামনীকানি নিরীক্ষ্য পার্থো বিকীর্ণয়ানধ্বজকার্মুকাণি।
গাণ্ডীবধন্বা প্রহসন্কুরূণাং শঙ্খ প্রদধ্মৌ বলবান্বলেন ॥ 4-67-38 (31264)
তে শঙ্খশব্দং তুমুলং নিশম্য ধ্বজস্য শব্দং চ ততোঽন্তরিক্ষে।
গাণ্ডীবশব্দেন মুহুর্মুহুস্তে ভীতা যয়ুঃ সর্বধনং বিহায় ॥ 4-67-39 (31265)
তানর্জুনো দূরতরং বিভজ্য ধনং চ সর্বং নিখিলং নিবর্ত্য ।
আপৃচ্ছ্য তান্দূরমনুপ্রয়াৎবা ধনঞ্জয়স্তত্র কুরূন্মহাত্মা।
গুরূংশ্চ সর্বানভিবাদ্য বাণৈর্ন্যবর্ততোদগ্রমনাঃ শরৈঃ সহ ॥ 4-67-40 (31266)
পিতামহং শান্তনবং মহাত্মা দ্বাভ্যাং শরাভ্যামভিবাদ্য বীরঃ।
দ্রোণং কৃপং চৈব কুরূংশ্চ মান্যাঞ্শরৈশ্চ সর্বানভিবাদ্য সঙ্খ্যে।
দুর্যোধনস্যোত্তমরত্নচিত্রং চিচ্ছেদ পার্থো মকুটং শরৌঘৈঃ ॥ 4-67-41 (31267)
অরাজবংশস্য কিমর্থমেতন্নিত্যং ন ধার্যং মকুটং ৎবয়েতি।
সংপাতিতং ভূমিতলে সরত্নং প্রীতস্তুতো মাৎস্যসুতো বভূব ॥ 4-67-42 (31268)
ধনঞ্জয়ং নাগমিব প্রভিন্নং বিজিত্য শত্রূন্পরিবর্তমানম্।
গাস্তা বিজিত্যাভিমুখং প্রয়ান্তং ন শক্নুবন্তঃ কুরবঃ প্রয়াতাঃ ॥ 4-67-43 (31269)
ধনঞ্জয়ং সিংহমিবাত্তশস্ত্রং গা বৈ বিজিত্যাভিমুখং প্রয়ান্তম্ ।
উদীক্ষিতুং পার্থিবাস্তে ন শেকুর্যথৈব মধ্যাহ্নগতং হি সূর্যম্ ॥ 4-67-44 (31270)
রক্তানি বাসাংসি চ তানি গৃহ্য রণোৎকটো নাগ ইব প্রভিন্নঃ।
জিৎবা চ বৈরাটিমুবাচ পার্থঃ প্রহৃষ্টরূপো রথিনাং বরিষ্ঠঃ ॥ 4-67-45 (31271)
আবর্তয়াশ্বান্পশবো জিতাস্তে যাতাঃ পরে প্রৈহি পুরং প্রহৃষ্টঃ ।
উদ্ধুষ্যতাং তে বিজয়োঽদ্য শীঘ্রং গাত্রং তু তে সেবতু মাল্যগন্ধঃ ।
মাতা তু তে নন্দতু বান্ধবাশ্চ ৎবামদ্য দৃষ্ট্বা সমুদীর্ণহর্ষম্ ॥ ॥ 4-67-46 (31272)
ইতি শ্রীমন্মহাভারতে বিরাটপর্বণি গোগ্রহণপর্বণি সপ্তষ্টিতমোঽধ্যায়ঃ ॥
Mahabharata - Virata Parva - Chapter Footnotes
4-67-11 পূর্ণৌঘনিভানি পূর্বনদীপ্রবাহসদৃশানি ॥ 11 ॥ 4-67-16 অনীহমানাঃ অচেষ্টমানাঃ ॥ 16 ॥ 4-67-18 যাবদ্বিসংজ্ঞাস্তাবন্নির্যাহীত্যধ্যাহারেণ যোজনা ॥ 18 ॥ 4-67-19 আদস্ৎব গৃহাণ ॥ 19 ॥ 4-67-20 অমূঢসংজ্ঞৈঃ অস্মাভিরিতি শেষঃ । সব্যতস্ৎবমেবং হি ধমমাহুর্জিতস্যেতি ধo পাঠঃ ॥ 20 ॥ 4-67- 25 সংনিকাশান্ কৃতং কৃতকং প্রতিমাদি নিশ্চেষ্টতয়া তৎসদৃশানিত্যর্থঃ ॥ 25 ॥ 4-67-45 হিমৎবা চ বৈরাটিমুবাচেতি পাঠান্তরম্ ॥ 45 ॥বিরাটপর্ব - অধ্যায় 00
॥ শ্রীঃ ॥
4.68. অধ্যায়ঃ 00
Mahabharata - Virata Parva - Chapter Topics
অর্জুনেনোত্তরংপ্রতি যুধিষ্ঠিরাদিতৎবপ্রকাশনপ্রতিষেধনম্ ॥ 1 ॥ তথা শ্মশানমেত্য শমীতরৌ গাণ্ডিবাদিনিধানপূর্বকং পুনর্বৃহন্নলাবেষপরিগ্রহেণ সারথ্যকরণম্ ॥ 2 ॥ উত্তরেণার্জুনচোদনয়া স্বজয়োদ্ধোষণায় নগরংপ্রতি দূতপ্রেষণম্ ॥ 3 ॥Mahabharata - Virata Parva - Chapter Text
4-68-0 (31273)
বৈশম্পায়ন উবাচ। 4-68-0x (3262)
ততো বিজিত্য সংগ্রামে কুরুগোবৃষভেক্ষণঃ।
সমানয়ামাস তদা বিরাটস্য ধনং মহৎ ॥ 4-68-1 (31274)
মতষু চ প্রভগ্নেষু ধার্তরাষ্ট্রেষু সর্বশঃ।
বনান্নিষ্ক্রম্য গহনাদ্বহবঃ কুরুসৈনিকাঃ ।
ভয়াৎসংত্রস্তমনসঃ সমাজগ্মুস্ততস্ততঃ ॥ 4-68-2 (31275)
মুক্তকেশাঃ প্রদৃশ্যন্তে স্থিতাঃ প্রাঞ্জলয়স্তদা।
ক্ষুৎপিণসাপরিশ্রান্তা বিদেশস্থা বিচেতসঃ ।
ঊচুঃ প্রাঞ্জলয়ঃ সর্বে পার্থ কিং করবামহে ॥ 4-68-3 (31276)
প্রাণানন্তর্মনোয়াতান্প্রয়াচিষ্যামহে বয়ম্।
বয়ং চার্জুন তে দাসা হ্যনুরক্ষ্যা হ্যনাথকাঃ ॥ 4-68-4 (31277)
অর্জুন উবাচ। 4-68-5x (3263)
অনাথান্দুঃখিতান্দীনান্কৃশান্বৃদ্ধান্পরাজিতান্।
ন্যস্তশস্ত্রান্নিরাশাংশ্চ নাহং হন্মি কৃতাঞ্জলীন্ ॥ 4-68-5 (31278)
ভবন্তো যান্তু বিস্রব্ধা নির্ভয়া অমৃতা যথা।
মম পাদরজোলক্ষ্ম্যা জীবন্তু সুচিরং ভুবি ॥ 4-68-6 (31279)
তস্য তামভয়াং বাচং শ্রুৎবা যোধাঃ সমাগতাঃ ।
আয়ুঃ কীর্তিয়শোভিস্তে তমাশীর্ভিরবর্ধয়ন্ ॥ 4-68-7 (31280)
ততো নিবৃত্তাঃ কুরবো যগ্নাশ্চ দিবমাস্থিতাঃ ।
প্রয়াতাঃ সর্বতস্তত্র নমস্কৃত্য ধনঞ্জয়ম্ ॥ 4-68-8 (31281)
এবং দত্তাভয়াস্তেন ততো যাতাঃ কুরূন্প্রতি ॥ 4-68-9 (31282)
স কর্ম কৃৎবা পরমার্যকর্মা নিহত্য শত্রূন্দ্বিষতাং নিহন্তা।
যাতো মহামেঘ ইবাতপান্তে বিদ্রাব্য পার্থঃ কুরুসৈন্যমেকঃ ॥ 4-68-10 (31283)
তং মাৎস্যপুত্রং দ্বিষতাং নিহন্তা বচোঽব্রবীৎসংপরিগৃহ্য রাজন্ ॥ 4-68-11 (31284)
পিতুঃ সকাশে তব তাত সর্বে বসন্তি পার্থা বিদিতং ৎবয়েতি।
তান্মাস্ম শংসীর্নগরং প্রবিশ্য ভীতঃ প্রণশ্যেৎস চ মৎস্যরাজঃ ॥ 4-68-12 (31285)
ময়া জিতা সা ধ্বজিনী কুরূণাং ময়া হি গাবো বিজিতা দ্বিষদ্ভ্যঃ ।
এবং তু কামং নগরং প্রবিশ্য ৎবমাত্মনা কর্ম কৃতং ব্রবীহি ॥ 4-68-13 (31286)
র উবাচ । 4-68-14x (3264)
যত্তে কৃতং কর্ম ন বারণীয়ং তৎকর্ম কর্তুং মম নাস্তি শক্তিঃ।
ন ৎবাং প্রবক্ষ্যামি পিতুঃ সকাশে যাবন্ন মাং বক্ষ্যসি সব্যসাচিন্ ॥ 4-68-14 (31287)
পায়ন উবাচ। 4-68-15x (3265)
স শত্রুসেনাং তরসা বিজিত্য আচ্ছিদ্য সর্বং তু ধনং কুরূণাম্।
শ্মশানমাগম্য পুনঃ শমীং তামভ্যেত্য তস্থৌ শরবিক্ষতাঙ্গঃ ॥ 4-68-15 (31288)
ততঃ স বহ্নিপ্রতিমো মহাকপিঃ সহৈব ভূতৈর্দিবমুৎপপাত।
তথা চ মায়া বিহিতা বভূব সা ধ্বজং চ সিংহং যুয়ুজে রথে পুনঃ ॥ 4-68-16 (31289)
নিধায় তচ্চায়ুধমাজিমর্দনঃ কুরূত্তমানামিষুধীন্ধ্বজাংস্তথা।
প্রায়াৎস মাৎস্যো নগরং প্রবেষ্টুং কিরীটিনা সারথিনা মহাত্মা ॥ 4-68-17 (31290)
পার্থশ্চ কৃৎবা পরমার্যকর্ম নিহত্য শত্রূন্দ্বিষতাং নিহন্তা।
বিধায় ভূয়শ্চ তথৈব বেষং জগ্রাহ রশ্মীন্পুনরুত্তরস্য।
বৃহন্নলারূপমথো বিধায় প্রায়াত্য মাৎস্যো নগরং প্রবেষ্টুম্ ॥ 4-68-18 (31291)
বৈশম্পায়ন উবাচ। 4-68-19x (3266)
ততো নিবৃত্তাঃ কুরবঃ প্রভগ্নাঃ শমমাস্থিতাঃ ।
পরস্পরমবেক্ষ্যৈব জগ্মুস্তে হৃতবাসসঃ ॥ 4-68-19 (31292)
পন্থানমুপসংগম্য ফল্গুনো বাক্যমব্রবীৎ।
রাজপুত্র প্রপদ্যস্ব ধনানীমানি সর্বশঃ।
গোকুলানি মহাবাহো বীরগোপালকৈঃ সহ ॥ 4-68-20 (31293)
ততোঽপরাহ্ণে যাস্যামো বিরাটনগরং প্রতি।
আশ্বাস্য পায়যিৎবা চ পরিপ্লাব্য চ বাজিনঃ। 4-68-21 (31294)
গচ্ছন্তু ৎবরিতং দূতা গোপালাঃ প্রেষিতাস্ৎবয়া।
নগরে প্রিয়মাখ্যাতুং ঘোষয়ন্তু চ তে জয়ম্ ॥ 4-68-22 (31295)
উত্তরস্ৎবরমাণোঽথ দূতানাজ্ঞাপয়ত্ততঃ।
বচনাদর্জুনস্যৈব হ্যাচক্ষধ্বং জয়ং মম ॥ 4-68-23 (31296)
4-68-24 (31297)
ময়া জিতা সা ধ্বজিনী কুরুণং
ময়া চ গাবো বিজিতা দ্বিষদ্ভ্যঃ।
এবং তু কামং নগরং প্রবিশ্য
ময়াঽঽত্মনা কর্ম কৃতং ব্রবীত ॥
বিরাটপর্ব - অধ্যায় 069
॥ শ্রীঃ ॥
4.69. অধ্যায়ঃ 069
Mahabharata - Virata Parva - Chapter Topics
বিরাটেন যুধিষ্ঠিরাদিভিঃ সহ সুশর্মাদিজয়ানন্তরং পুসংপ্রত্যাগমনম্ ॥ 1॥ তথা উত্তরস্য কুরুবিজয়ায় সহবৃহন্নলয়া গমনশ্রবণেন তদ্রক্ষণায় সেনাচোদনা ॥ 2 ॥ অত্রান্তরে বিরাটায় দূতৈরুত্তরজনিবেদনম্ ॥ 3 ॥Mahabharata - Virata Parva - Chapter Text
4-69-0 (31298)
বৈশম্পায়ন উবাচ। 4-69-0x (3267)
স বিজিত্য ধনং চাপি বিরাটো বাহিনীপতিঃ।
প্রাবিশন্নগরং হৃষ্টশ্চতুর্ভিঃ সহ পাণ্ডবৈঃ ॥ 4-69-1 (31299)
জিৎবা ত্রিগর্তান্সংগ্রামে গাশ্চৈবানায়্য কেবলাঃ।
অশোভত মহারাজঃ সহ পার্থৈঃ শ্রিয়া বৃতঃ ॥ 4-69-2 (31300)
তমাসনগত বীরং সুহৃদাং প্রীতিবর্ধনম্ ।
তপতস্থুঃ প্রকৃতয়ঃ সমন্তাদ্ব্রাহ্মণৈঃ সহ ॥ 4-69-3 (31301)
সভাজিতঃ সভাসদ্ভিঃ প্রতিনন্দ্য স মৎস্যরাট্ ।
বিসর্জয়ামাস তদা দ্বিজাংশ্চ প্রকৃতীস্তথা ॥ 4-69-4 (31302)
ততঃ স রাজা মাৎস্যানাং বিরাটো বাহিনীপতিঃ।
প্রবিশ্যান্তঃপুরং রম্যং স্ত্রীশতৈরুপশোভিতম্।
উত্তরং তত্র নাপশ্যৎক্ব যাত ইতি চাব্রবীৎ ॥ 4-69-5 (31303)
আচখ্যুস্তত্র সংহৃষ্টাঃ স্ত্রিয়ঃ কন্যাশ্চ বেশ্মনি।
অন্তঃপুরচরাশ্চৈব কুরুভির্গোধনং হৃতম্ ॥ 4-69-6 (31304)
তাঞ্জেতুমভিসংরব্ধ এক এবাতিসাহসাৎ ।
বৃহন্নলাসহায়শ্চ নির্যাতঃ পৃথিবীংজয়ঃ ॥ 4-69-7 (31305)
উপয়াতানতিরথান্দ্রোণং শান্তনবং কৃপম্।
কর্ণং দুর্যোধনং চৈব দ্রোণপুত্রং চ ষড্রথান্ ॥ 4-69-8 (31306)
ততো বিরাটঃ পরমাভিতপ্তঃ
পুত্রং নিশম্যৈকরথেন যাতম্।
বৃহন্নলাসারথিমাজিমর্দনং
প্রোবাচ সর্বানথ মন্ত্রিমুখ্যান্ ॥ 4-69-9 (31307)
গবাং শতসহস্রাণি উভিভূয় মমাত্মজম্।
কুস্বঃ কালয়ন্তি স্ম সর্বে যুদ্ধবিশারদাঃ ॥ 4-69-10 (31308)
তস্মাদ্গচ্ছতু মে যোধা বলেন মহতা বৃতাঃ।
উত্তরস্য পরীপ্সার্থং যে ত্রিগর্তৈরবিক্ষতাঃ ॥ 4-69-11 (31309)
বৈশম্পায়ন উবাচ। 4-69-12x (3268)
হয়াংশ্চ নাগাংশ্চ রথাংশ্চ শীঘ্রং
বাদিত্রসঙ্ঘাংশ্চ ততঃ প্রভূতান্।
প্রস্থাপয়ামাস সুতস্য হেতো-
র্বিচিত্রচিত্রাভরণোপপন্নান্ ॥ 4-69-12 (31310)
এবং স রাজা মাৎস্যানাং মহানক্ষোহিণীপতিঃ।
ব্যাদিদেশাথ স ক্ষিপ্রং বাহিনীং চতুরঙ্গিণীম্ ॥ 4-69-13 (31311)
কুমারমাশু জানীত যদি জীবতি বা নবা।
যস্য যন্তা গতঃ ষণ্ডো মন্যেঽহং স ন জীবতি ॥ 4-69-14 (31312)
তমব্রবীদ্ধর্মসুতো বিরাট-
মার্তং বিদিৎবা কুরুভিঃ প্রতপ্তম্।
বৃহন্নলা সারথিশ্চেন্নরেন্দ্র
পরে ন নেষ্যন্তি তবাদ্য গাশ্চ ॥ 4-69-15 (31313)
সর্বান্মহীপান্সহিতান্কুরূংশ্চ
তথৈব দেবাসুরনাগয়ক্ষান্।
অলং বিজেতুং সমরে সুতস্তে
অনুষ্ঠিতঃ সারথিনা হি তেন ॥ 4-69-16 (31314)
সর্বথা কুরবশ্চাপি যে চান্যে বসুধাধিপাঃ ।
ত্রিগর্তান্নির্জিতাঞ্শ্রুৎবা ন স্থাস্যন্তি কথংচন ॥ 4-69-17 (31315)
বৈশম্পায়ন উবাচ। 4-69-18x (3269)
অথোত্তরেণ প্রহিতা দূতাস্তে শীঘ্রগামিনঃ ।
বিরাটনগরং প্রাপ্য জয়ং প্রাবেদয়ংস্তদা ॥ 4-69-18 (31316)
রাজানং বৃতমাচখ্যুর্মন্ত্রিভির্জয়মুত্তমম্ ।
পরাজয়ং কুরূণাং চ উপায়ান্তং তথোত্তরম্ ॥ 4-69-19 (31317)
সর্বা বিনির্জিতা গাবঃ কুরবশ্চ পরাজিতাঃ।
উত্তরঃ সহ সূতেন কুশলী চ পরংতপঃ ॥ 4-69-20 (31318)
কঙ্ক উবাচ। 4-69-21x (3270)
দিষ্ট্যা তে নির্জিতা গাবঃ কুরবশ্চ পরাজিতাঃ।
দিষ্ট্যা তে বিজয়ী পুত্রঃ শ্রূয়তে পার্থিবর্ষভঃ ॥ 4-69-21 (31319)
নাদ্ভুতং ৎবিহ মন্যেঽহং যত্তে পুত্রোঽজয়ৎকুরূন্।
ধ্রুব এব জয়স্তস্য যস্য যন্তা বৃহন্নলা॥ 4-69-22 (31320)
দেবেন্দ্রসারথিশ্চৈব মাতলিঃ খ্যাতবিক্রমঃ ।
কৃষ্ণস্য সারথিশ্চৈব ন বৃহন্নলয়া সমৌ ॥ 4-69-23 (31321)
বৈশম্পায়ন উবাচ। 4-69-24x (3271)
ততো বিরাটো নৃপতিঃ সংপ্রহৃষ্টতনূরুহ।
শ্রুৎবা তু বিজয়ং তস্য কুমারস্যামিতৌজসঃ।
সংতোষয়িৎবা দূতাংস্তান্ধনরত্নৈশ্চ সর্বশঃ ॥ 4-69-24 (31322)
গতে ৎবনুজনে তস্মিন্দূতবাক্যং নিশম্য চ।
উত্তরস্য জয়াৎপ্রীতো বিরাটঃ প্রত্যভাষত ॥ 4-69-25 (31323)
রাজমার্গাঃ ক্রিয়ন্তাং বৈ পতাকাভিরলংকৃতাঃ।
পুষ্পোপহারৈরর্চ্যতাং দেবতাশ্চাপি সর্বশঃ ॥ 4-69-26 (31324)
কুমারা যোধমুখ্যাশ্চ গণিকাশ্চ স্বলংকৃতাঃ।
বাদিত্রাণি চ সর্বাণি প্রত্যুদ্যান্তু সুতং মম ॥ 4-69-27 (31325)
ভবন্তু তে লব্ধজয়ে সুতে মে
পৌরাশ্চ মর্ত্যাশ্চ পরে চ নার্যঃ ।
তে শুক্লবস্ত্রাঃ প্রভবন্তু মার্গে
সুগন্ধমাল্যাভরণাশ্চ নার্যঃ ॥ 4-69-28 (31326)
ভজন্তু সর্বা গণিকাঃ সুতং মে
নার্যশ্চ কন্যাঃ সহসৈনিকাশ্চ ।
স্বলংকৃতাস্তাঃ সুভগাঃ সুবেষাঃ
পুত্রস্য পন্থানমনুব্রজন্তু ॥ 4-69-29 (31327)
ঘণ্টাপণবকাঃ শীঘ্রং মত্তমারুহ্য কুঞ্জরম্।
শৃঙ্গাটকেষু সর্বেষু সমাখ্যান্তু জয়ং মম্॥ 4-69-30 (31328)
উত্তরা চ কুমারীভির্বহ্বাভরণভূষিতা।
সখীং বিজিতসংগ্রামাং প্রত্যুদ্যাতু বৃহন্নলাম্ ॥ 4-69-31 (31329)
শ্রুৎবা তু বচনং তস্য পার্থিবস্য মহাত্মন।
তথৈব চক্রুঃ সংহৃষ্টাঃ পৌরাঃ স্বস্তিকপাণয়ঃ ॥ 4-69-32 (31330)
মূতাশ্চ সর্বে সহমাগধাশ্চ
হৃষ্টা বিরাটস্য পুরে জনৌঘাঃ ।
ভের্যশ্চ তূর্যাণি চ বারিজাশ্চ
বেপৈঃ পরার্ধ্যৈঃ প্রমদাজনাশ্চ ॥ 4-69-33 (31331)
বন্দিপ্রবাদাঃ পণবাদিকাশ্চ
তথৈব বাদ্যানি চ বংশশব্দাঃ ।
কাংস্যং সতালং মধুরং চ গীত-
মাদায় নার্যো নগরান্নিরীয়ুঃ ॥ 4-69-34 (31332)
প্রত্যুদ্যযুঃ পুত্রমনন্তবীর্যং
তে ব্রাহ্মণাঃ শান্তিপরাঃ প্রধানাঃ ।
স্বাধ্যায়বেদাধ্যযনক্রমজ্ঞাঃ
স্বস্তিক্রিয়াগীতজপপ্রধানাঃ ॥ ॥ 4-69-35 (31333)
ইতি শ্রীমন্মহাভারতে বিরাটপর্বণি গোগ্রহণপর্বণি একোনসপ্ততিতমোঽধ্যায়ঃ ॥
বিরাটপর্ব - অধ্যায় 070
॥ শ্রীঃ ॥
4.70. অধ্যায়ঃ 070
Mahabharata - Virata Parva - Chapter Topics
উত্তরজয়শ্রবণহৃষ্টেন বিরাটেন যুধিষ্ঠিরেণ সহ দ্যূতদেবনম্ ॥ 1 ॥ বিরাটেনোত্তরপ্রশংসনে কঙ্কেন বৃহন্নলয়া কুরুপরাজয়কথনম্ ॥ 2 ॥ ততো রুষ্টেন বিরাটেন কঙ্কস্য কর্ণমূলেঽক্ষেণাভিহননম্ ॥ 3 ॥ সৈরন্ধ্র্যা ক্ষতাৎপ্রস্রবতো রক্তস্য নিজোত্তরীয়েণ গ্রহণম্ ॥ 4 ॥ তথা বিরাটেন তদ্গ্রহণকারণপ্রশ্নে তৎকথনম্ ॥ 5 ॥Mahabharata - Virata Parva - Chapter Text
4-70-0 (31334)
বৈশম্পায়ন উবাচ । 4-70-0x (3272)
প্রস্থাপ্য সেনাং কন্যাশ্চ গণিকাশ্চ স্বলংকৃতাঃ।
মৎস্যরাজো মহারাজঃ প্রহৃষ্ট ইদমব্রবীৎ ॥ 4-70-1 (31335)
ব্রিগর্তাঃ কুরবঃ সর্বে সংগ্রামে নির্জিতা ময়া।
প্রবিশ্যান্তঃপুরং হৃষ্টা দ্যূতং দীব্যাম ব্রাহ্মণ ॥ 4-70-2 (31336)
অক্ষানাহর সৈরন্ধ্রি আসনং চোপকল্পয়।
আদায় ব্যজনং ৎবং চ পার্শ্বতোঽনন্তরা ভব ॥ 4-70-3 (31337)
তং তথাবাদিনং দৃষ্ট্বা পাণ্ডবঃ প্রত্যভাপত।
ন দেবিতব্যং হৃষ্টেন কিতবেনেতি নঃ শ্রুতম্ ॥ 4-70-4 (31338)
ন ৎবামদ্য মুদা যুক্তমহং দেবিতুমুৎসহে ।
প্রিয়ং তু তে চিকীর্পামি বর্ততাং যদি রোচতে।
দ্যূতং কর্তুং ন বাঞ্ছামি নরেন্দ্র জনসংসদি ॥ 4-70-5 (31339)
বিরাট উবাচ। 4-70-6x (3273)
স্ত্রিয়ো গাবো হিরণ্যং চ যচ্চান্যদ্বসু কিংচন।
ন মে কিংচিত্ৎবয়া কার্যমন্তরেণাপি দেবিতম্ ॥ 4-70-6 (31340)
কঙ্ক উবাচ। 4-70-7x (3274)
কিং তে দ্যূতেন রাজেন্দ্র বহুদোষেণ মানদ।
দেবনে বহবো দোষাস্তস্মাত্তৎপরিবর্জয়েৎ ॥ 4-70-7 (31341)
শ্রুতো বা যদি বা দৃষ্টো ধর্মরাজো যুধিষ্ঠিরঃ ।
স রাজ্যং ধনমক্ষয়্যং পণমেকমমন্যত ॥ 4-70-8 (31342)
কৃষ্ণাং চ ভার্যাং দয়িতাং ভ্রাতৄংশ্চ ত্রিদশোপমান্।
নিঃসংশয়ং স কিতবঃ পশ্চাত্তপ্যতি পাণ্ডবঃ ॥ 4-70-9 (31343)
বিবিধানাং চ রত্নানাং ধনানাং চ পরাজয়ে।
অভীপ্সিতবিনাশশ্চ বাক্পারুষ্যমনন্তরম্ ॥ 4-70-10 (31344)
অবিশ্বাস্যং বুধৈর্নিত্যমেকাহ্না দ্রব্যনাশনম্।
দ্যূতে হারিতবান্সর্বং তস্মাদ্দ্যূতং ন রোচয়ে ॥ 4-70-11 (31345)
অথবা মন্যসে রাজন্দীব্যাব যদি রোচতে।
এবমাভাষ্য বাক্যৈস্তু ক্রীডতস্তৌ নরোত্তমৌ ॥ 4-70-12 (31346)
প্রবর্তমানে দ্যূতে তু মাৎস্যঃ পাণ্ডবমব্রবীৎ ॥ 4-70-13 (31347)
পশ্য পুত্রেণ মে যুদ্ধে তাদৃশাঃ কুরবো জিতাঃ ।
কুরবোঽতিরথাঃ সর্বে দেবৈরপি সুদুর্জয়াঃ ॥ 4-70-14 (31348)
ততোঽব্রবীদ্ধর্মরাজো দ্যূতে মাৎস্যং যুধিষ্ঠিরঃ।
দিষ্ট্যা তে বিজিতা গাবঃ কুরবশ্চ পরাজিতাঃ ॥ 4-70-15 (31349)
অত্যদ্ভুততমং মন্যে উত্তরশ্চেৎকূরূঞ্জয়েৎ।
যন্তা বৃহন্নলা যস্য স কথংচিদ্বিজেষ্যতে ॥ 4-70-16 (31350)
ততো বিরাটঃ ক্ষুভিতো মন্যুনা চ পরিপ্লুতঃ।
উবাচ বচনং ক্রুদ্ধঃ পরিব্রাজমনন্তরম্ ॥ 4-70-17 (31351)
তাদৃশেন তু যোধেন মহেষ্বাসেন ধীমতা।
কুরবো নির্জিতা যুদ্ধে তত্র কিং ব্রাহ্মণাদ্ভুতম্ ॥ 4-70-18 (31352)
যুধিষ্ঠির উবাচ। 4-70-19x (3275)
সমং ষণ্ডেন মে পুত্রং ব্রহ্মবন্ধো প্রশংসসি।
বাচ্যাবাচ্যং ন জানীষে নূনং মামবমন্যসে ॥ 4-70-19 (31353)
বিরাট উবাচ। 4-70-20x (3276)
সমং ষণ্ডেন মে পুত্রং ব্রহ্মবন্ধো প্রশংসসি।
বাচ্যাবাচ্যং ন জানীষে নূনং মামবমন্যসে ॥ 4-70-20 (31354)
পুমাংসো বহবো দৃষ্টাঃ সূতাশ্চ বহবো ময়া।
বিক্রম্য যন্তা যোদ্ধা চ ন মে দৃষ্টঃ কদাচন ॥ 4-70-21 (31355)
বিপ্রিয়ং ন চরেদ্রাজ্ঞামনুকূলং প্রিয়ং বদেৎ।
আচরন্বিপ্রিয়ং রাজ্ঞাং ন জাতু সুখমেধতে ॥ 4-70-22 (31356)
বয়স্যৎবাত্তু তে সর্বমপরাধমিমং ক্ষমে।
নেদৃশীং প্রবদর্বাচং যদি জীবিতুমিচ্ছসি ॥ 4-70-23 (31357)
বৈশম্পায়ন উবাচ। 4-70-24x (3277)
ততোঽব্রবীৎপুনঃ কঙ্কঃ প্রহস্য কুরুবর্ধনঃ ।
বৃহন্নলায়া সজেন্দ্র ধুষ্যতাং নগরে জয়ঃ ॥ 4-70-24 (31358)
উত্তরেণ তু সারথ্যং কৃতং নূনং ভবিষ্যতি।
নিমিত্তং কিংচিদুৎপন্নং তর্কশ্চাপি দৃঢো মম।
যতো জানামি রাজেন্দ্র নান্যথা তদ্ভবিষ্যতি ॥ 4-70-25 (31359)
কুরবোঽপি মহাবীর্যা দেবৈরপি সুদুর্জয়াঃ।
সসোমবরুণাদিত্যৈঃ সয়ক্ষেশহুতাশনৈঃ ॥ 4-70-26 (31360)
যত্র শান্তনবো ভীষ্মো দ্রোণকর্ণৌ সুদুর্জয়ৌ।
অশ্বত্থামা বিকর্ণশ্চ সোমদত্তো জয়দ্রথঃ ॥ 4-70-27 (31361)
ভূরিশ্রবাঃ শলো ভূরির্জলসন্ধিশ্চ বীর্যবান্।
দুর্যোধনো দুষ্প্রসহো দুঃশাসনবিবিংশতী ॥ 4-70-28 (31362)
বৃষসেনোঽশ্ববেগশ্চ বায়ুবেগসুবর্চসৌ ।
বাহ্লীকঃ শূরসেনশ্চ যুয়ুৎসুশ্চ পরন্তপঃ ॥ 4-70-29 (31363)
সৌবলঃ শকুনিশ্চৈব দ্যুমৎসেনশ্চ সাল্বরাট্ ।
অন্যে চ বহবঃ শূরা নানাজনপদেশ্বরাঃ ॥ 4-70-30 (31364)
কৃপেণাচার্যমুখ্যেন সহিতাঃ কুরবো নৃপাঃ।
সঞ্জকার্মুকনিস্ত্রিংশা রথিনো রথয়ূথপাঃ।
অন্যে চৈব মহাবীর্যা রাজপুত্রা মহারথাঃ ॥ 4-70-31 (31365)
মরুদ্গণৈঃ পরিবৃতঃ সাক্ষাদপি পুরংদরঃ ।
তদ্বলং ন জয়েৎক্রুদ্ধো ভীষ্মদ্রোণাদিভির্বৃতম্ ॥ 4-70-32 (31366)
কস্তদ্বৃহন্নলাদন্যো মনুষ্যঃ প্রতিয়োৎস্যতি।
যস্য বাহুবলে তুল্যো ন ভবিষ্যতি কশ্চন ॥ 4-70-33 (31367)
অতীব সমরং দৃষ্ট্বা হর্ষো যস্যাভিবর্ধতে।
কিমেবং পুরুষো লোকো দিবি বা ভুবি বিদ্যতে ॥ 4-70-34 (31368)
বৈশম্পায়ন উবাচ। 4-70-35x (3278)
তেন সংক্ষুভিতো রাজা দীর্যমাণেন চেতসা ।
অব্রবীদ্বচনং ক্রূরমজানন্বৈ যুধিষ্ঠিরম্॥ 4-70-35 (31369)
কঙ্খ মা ব্রূহি মে বাক্যং প্রতিকূলং দ্বিজোত্তম ।
বহুশঃ প্রতিষিদ্ধস্ৎবং ন চ বাচং নিয়চ্ছসি ॥ 4-70-36 (31370)
নিয়ন্তা চেন্ন বিদ্যেত ন কশ্চিদ্ধর্মমাচরেৎ।
ইতি প্রক্ষুভিতো রাজা সোঽক্ষেণাভ্যহনদ্ভৃশম্ ॥ 4-70-37 (31371)
তস্য তক্ষকভোগাভং বাহুমুৎক্ষিপ্য দক্ষিণম্।
বিরাটঃ প্রাহনৎক্রুদ্ধঃ কর্ণমাশ্রিত্য দক্ষিণম্ ॥ 4-70-38 (31372)
মুখে যুধিষ্ঠিরং কোপান্মৈবমিত্যবভর্ৎসয়ন্।
বলবৎপ্রতিবিদ্ধস্য নস্তঃ শোণিতমাস্রবৎ ॥ 4-70-39 (31373)
অক্ষেণাভিহতো রাজা বিরাটেন যুধিষ্ঠিরঃ ।
তূষ্ণীমাসীন্মহাবাহুঃ কৃষ্ণাং পশ্যন্সুদুঃখিতাম্ ॥ 4-70-40 (31374)
তস্য রক্তোৎপলনিভং শিরসঃ শোণিতং তদা।
প্রাবর্তত মহাবাহোরভিঘাতান্মহাত্মনঃ ॥ 4-70-41 (31375)
তদপ্রাপ্তং মহীং পার্থঃ পাণিভ্যাং সমধারয়ৎ।
অবৈক্ষত চ ধর্মাত্মা দ্রৌপদীং পার্শ্বতঃ স্থিতাম্ ॥ 4-70-42 (31376)
সা বেদনামভিজ্ঞায় ভর্তুশ্চিত্তবশানুগা।
সা বিষণ্ণা চ ভীতা চ ক্রুদ্ধা চ দ্রুপদাত্মজা ॥ 4-70-43 (31377)
বাষ্পং নিয়ম্য কৃচ্ছ্রেণ ভর্তুর্নিঃশ্রেয়সৈষিণী ।
উত্তরীয়েণ সূক্ষ্মেণ তূর্ণং জগ্রাহ শোণিতম্ ॥ 4-70-44 (31378)
নিগৃহ্য রক্তং বস্ত্রেণ সৈরন্ধ্রী দুঃখমোহিতা।
সৌবর্ণং গৃহ্য ভৃঙ্গারং শোণিতং তদপামৃজৎ ।
যুধিষ্ঠিরস্য রাজেন্দ্র দ্রুপদেন্দ্রসুতা তদা ॥ 4-70-45 (31379)
বিরাট উবাচ। 4-70-46x (3279)
সৈরন্ধ্রি কিমিদং রক্তমুত্তরীয়েণ গৃহ্যতে।
কোত্র হেতুর্বিশালাক্ষি তন্মপ্রাচক্ষ্ব তৎবতঃ ॥ 4-70-46 (31380)
সৈরন্ধ্র্যুবাচ। 4-70-47x (3280)
রক্তবিন্দনি যাবন্তি কঙ্কস্য ধরণীতলে।
তাবদ্বর্ষাণি রাষ্ট্রে তে অনাবৃষ্টির্ভবিষ্যতি॥ 4-70-47 (31381)
এতন্নিমিত্তং মাৎস্যেন্দ্র কঙ্কস্য রুধিরং ময়া।
গৃহীতমুত্তরীয়েণ বিনাশো মা ভবেত্তব ॥ 4-70-48 (31382)
যতীশং যো বিহন্যেত তস্যায়ুর্বিনশিষ্যতি।
যো যতীশং নিয়ম্যেত সহস্রং যাতনা যমে ॥ 4-70-49 (31383)
যতৌ রক্তং দর্শয়তি যাবৎপাংসুরগৃহ্যত।
তাবন্তঃ পিতৃলোকস্থাঃ পিতরঃ প্রপতন্ত্যধঃ ॥ 4-70-50 (31384)
ইতি জ্ঞাৎবা বিরাটেন্দ্র ধৃতং রক্তং চ বাসসা।
ময়া তব হিতার্থায় ৎবয়ি প্রণয়কারণাৎ ॥ ॥ 4-70-51 (31385)
ইতি শ্রীমন্মহাভারতে বিরাটপর্বণি গোগ্রহণপর্বণি সপ্ততিতমোঽধ্যায়ঃ ॥
Mahabharata - Virata Parva - Chapter Footnotes
4-70-10 ধনানাং চ বিনা..... বাক্পারুষ্যং চাভবদিতি শেষপূরণেন যোজনা ॥ 10 ॥ 4-70-19 কিং কিমপি ॥ 19 ॥ 4-70-47 ধরণীতলে পতেয়ুরিতি শেষঃ ॥ 47 ॥ 4-70-48 নিয়ম্যেত নিয়ময়েৎ তস্যেতি শেষঃ ॥ 49 ॥ 4-70-50 অগৃহ্যত গৃহ্যেত রক্তেনেতি ॥ 50 ॥ 4-70-51 ইতীমমর্থম্ ॥ 51 ॥বিরাটপর্ব - অধ্যায় 071
॥ শ্রীঃ ॥
4.71. অধ্যায়ঃ 071
Mahabharata - Virata Parva - Chapter Topics
অর্জুনকুরুয়ুদ্ধদিদৃক্ষয়া সমাগতৈর্দেবৈরর্জুনং শ্লাঘমানৈঃ সদ্ভিঃ পুনঃ স্বর্গংপ্রতি গমনম্ ॥ 1 ॥ উত্তরেণ সবাদিন্নগোষং পৌরৈঃ প্রত্যুদ্গম্যমানেন স্বনগরপ্রবেশনম্ ॥ 2 ॥Mahabharata - Virata Parva - Chapter Text
4-71-0 (31386)
জনমেজয় উবাচ। 4-71-0x (3281)
যুদ্ধং তু মানুষং দ্রষ্টুমাগতাস্ত্রিদশাঃ পুরা।
কিমকুর্বন্ত তে পশ্চাৎকথয়স্ব মমানঘ ॥ 4-71-1 (31387)
বৈশম্পায়ন উবাচ। 4-71-2x (3282)
বাসবপ্রমুখাঃ সর্বে দেবাঃ সর্ষিপুরোগমাঃ।
যক্ষগন্ধর্বসঙ্ঘাশ্চ গণা অপ্সরসাং তথা ॥ 4-71-2 (31388)
যুদ্ধং তু মানুষং দৃষ্ট্বা কুরূণাং ফল্গুনস্য চ।
একস্য চ বহূনাং চ রৌদ্রমত্যুগ্রদর্শনম্ ॥ 4-71-3 (31389)
অস্ত্রাণামথ দিব্যানাং প্রয়োগানথ সংগ্রহান্।
লঘু সুষ্ঠু চ চিত্রং চ কৃতীনাং চ প্রয়ত্নতঃ ॥ 4-71-4 (31390)
ভীষ্মং শারদ্বতং দ্রোণং কর্ণং গাণ্ডীবধন্বনা।
জিতানন্যান্ভূমিপালান্দৃষ্ট্বা জগ্মুর্দিবৌকসঃ ॥ 4-71-5 (31391)
সর্বে তে পরিতুষ্টাশ্চ প্রশস্য চ মুহুর্মুহুঃ।
অসঙ্গতিনা তেন বিমানেনাশুগামিনা।
প্রতিজগ্মুরসঙ্গাস্তে ত্রিদিবং চ দিবৌকসঃ ॥ 4-71-6 (31392)
[*কুরবো নির্জিতাঃ সর্বে ভীষ্মদ্রোণকৃপাদয়ঃ।
অজয়্যাস্ত্রিদশৈঃ সর্বৈঃ সেন্দ্রৈঃ সর্বৈঃ সুরাসুরৈঃ ।
পার্থেনৈকেন সংগ্রামে বিস্ময়ো নো মহানহো ॥ 4-71-7 (31393)
কস্মিন্মুহূর্তে সংজাতঃ কস্য ধর্মস্য বা ফলম্ ॥ 4-71-8 (31394)
কিমাশ্চর্যং ফল্গুনেঽস্মিন্যো রুদ্রেণ ন্যযোধয়ৎ।
নিবাতকবচানাজৌ যস্ত্রিংশৎকোটিসংমিতান্ ॥ 4-71-9 (31395)
তস্য চৈতৎকিমাশ্চর্যং স্তুবন্ত ইতি তে সুরাঃ ।
জগ্মুঃ সুরালয়ং হৃষ্টা বিস্ময়াবিষ্টচেতসঃ ॥] 4-71-10 (31396)
কুরবোঽর্জুনবাণৈশ্চ তাডিতাঃ শরবিক্ষতাঃ ।
কুরূনভিমুখাং যাতাঃ সমগ্রবলবাহনাঃ ॥ 4-71-11 (31397)
বিরাটনগরাচ্চৈব গজাশ্বরথসংকুলাঃ ।
যোধৈঃ ক্ষত্রিয়দায়াদৈর্বলবদ্ভিরধিষ্ঠিতাঃ ॥ 4-71-12 (31398)
বিরাটপ্রহিতা সেনা নগরাচ্ছীঘ্রয়ায়িনী ।
উত্তরং সহ সূতেন প্রত্যযাত্তমরিন্দমম্ ॥ 4-71-13 (31399)
তস্মিংস্তূর্যশতাকীর্ণে হস্ত্যশ্চরথসংকুলে ।
প্রহর্ষঃ স্ত্রীকুমারাণাং তুমুলঃ সমপদ্যত ॥ 4-71-14 (31400)
অর্জুনস্তু ততো দৃষ্ট্বা সৈন্যরেণুং সমুত্থিতম্ ।
সৈন্যধ্বজং নিশম্যাথ বৈরাটিং সমভাষত॥ 4-71-15 (31401)
নগরে তুমুলঃ শব্দো রেণুশ্চাক্রমতে নভঃ।
কিংনু খল্বপয়াতাস্তে কুরবো নগরং গতাঃ ॥ 4-71-16 (31402)
তে চৈব নির্জিতাঽস্মাভির্মহেষ্বাসাঃ সুতেজসঃ ।
আমুঞ্চ কবচং বীর চোদয়স্ব চ বাজিনঃ ।
জবেনাভিপ্রপদ্যস্ব বিরাটনগরং প্রতি ॥ 4-71-17 (31403)
ন তাবত্তলনির্ঘোষং গাণ্ডীবস্য চ নিস্বনম্ ।
ধ্বজং বা দর্শয়িষ্যামি অথবা স্বজনো ভবেৎ ॥ 4-71-18 (31404)
উত্তর উবাচ। 4-71-19x (3283)
সেনাগ্রমেতন্মাৎস্যানাং গণিকাশ্চ স্বলংকৃতাঃ।
কন্যা রথেষু দৃশ্যন্তে যোধা বিবিধবাসসঃ ॥ 4-71-19 (31405)
উত্তরামত্র পশ্যামি সখীভিঃ পরিবারিতাম্।
অনীকিন্যঃ প্রদৃশ্যন্তে হস্তিনোশ্বাশ্চ বর্মিতাঃ ॥ 4-71-20 (31406)
রথিনশ্চ পদাতাশ্চ বহবো ন চ শস্ত্রিণঃ।
বিরাটবচনাৎসর্বে সংহৃষ্টাঃ প্রতিভান্তি মে।
ন চ মেঽত্র প্রতীঘাতশ্চিত্তস্য স্বজনে যথা ॥ 4-71-21 (31407)
বৈশম্পায়ন উবাচ। 4-71-22x (3284)
ততঃ শীঘ্রং সমাসাদ্য উত্তরং স্বজনো বহু।
পরস্পরমমিত্রঘ্নং সস্বজে তং সমাগতম্ ॥ 4-71-22 (31408)
জনা ঊচুঃ। 4-71-23x (3285)
প্রীতিমান্পুরুষব্যাঘ্রো হর্ষয়ুক্তঃ পুনঃ পুনঃ ।
দিষ্ট্যা জয়সি ভদ্রং তে দিষ্ট্যা সূতো বৃহন্নলাঃ।
দিষ্ট্যা সংগ্রামমাগম্য ভয়ং তব ন কিংচন ॥ 4-71-23 (31409)
উত্তর উবাচ। 4-71-24x (3286)
অজৈষীদেষ জাঞ্জিষ্ণুঃ কুরূনেকরথো রণে।
এতস্যক বাহুবীর্যং তদ্যেন গাবো জিতা ময়া।
কুরবো নির্জিতা যস্মাৎসগ্রামেঽমিততেজসঃ ॥ 4-71-24 (31410)
অকার্ষীদেষ তৎকর্ম দেবপুত্রোপমো যুবা।
এষ তৎপুরুষব্যাঘ্রো বিক্ষোভ্য কুরুমণ্ডলম্।
গাবঃ প্রসহ্য বিজিতা রণে মাং চাভ্যপালয়ৎ ॥ 4-71-25 (31411)
বৈশম্পায়ন উবাচ। 4-71-26x (3287)
উত্তরস্য বচঃ শ্রুৎবা শংসমানস্য চার্জুনম্।
চোদিতা রাজপুত্রেণ জয়ং মঙ্গলবাদিনঃ ॥ 4-71-26 (31412)
ততো গন্ধৈশ্চ মাল্যৈশ্চ ধূপৈশ্চ বসুসংভৃতৈঃ ।
কন্যাঃ পার্থমমিত্রঘ্নং কিরন্ত্যঃ সমপূজয়ন্ ॥ 4-71-27 (31413)
আপূর্যমাণো মাল্যৈশ্চ গন্ধৈশ্চ বিবিধৈঃ শুভৈঃ ।
সংপূজ্যমানো লোকেন নগরদ্বারমাগমৎ ॥ 4-71-28 (31414)
ভের্যশ্চ তূর্যাণি চ বেণবশ্চ
বিচিত্রবেষাঃ প্রমদাজনাশ্চ।
পুরো বিরাটস্য মহাবলস্য
নিষ্ক্রম্য ভূমিংজয়মভ্যনন্দনম্ ॥ 4-71-29 (31415)
প্রশস্যমানস্তু জয়েন তত্র
পুত্রো বিরাটস্য ন হৃষ্যতি স্ম।
সংভাষ্যমাণস্তু জয়েন তত্র
সোঽন্তর্মনাঃ পাণ্ডবমীক্ষমাণঃ ॥ 4-71-30 (31416)
পুত্র্যৈ বিরাটস্য ততো বরাণি
বস্ত্রাণ্যদাৎপাণ্ডুসুতঃ সখীভ্যঃ।
সভাজয়ংশ্চাপি সমাগতাস্তা
দৃষ্ট্বা জয়ং তচ্চ বলং কুমার্যঃ ॥ ॥ 4-71-31 (31417)
ইতি শ্রীমন্মহাভারতে বিরাটপর্বণি গোগ্রহণপর্বণি একসপ্ততিতমোঽধ্যায়ঃ ॥
Mahabharata - Virata Parva - Chapter Footnotes
4-71-7 *ইমে শ্লোকাঃ থo পুস্তকমাত্রে বর্তন্তে।বিরাটপর্ব - অধ্যায় 072
॥ শ্রীঃ ॥
4.72. অধ্যায়ঃ 072
Mahabharata - Virata Parva - Chapter Topics
উত্তরেণ রাজাভ্যনুজ্ঞয়াঽন্তঃপুরমেত্য তদভিবাদনম্ ॥ 1 ॥ যুধিষ্ঠিরঘ্রণাবলোকনভীতোত্তরচোদনয়া বিরাটেন যুধিষ্ঠিরক্ষমাপনম্ ॥ 2 ॥ ততোঽর্জুনস্যান্তঃপ্রবেশঃ ॥ 3 ॥ উত্তরস্যৈব জেতৃৎবভ্রমহৃষ্টেন বিরাটেন তৎপ্রশংসনম্ ॥ 4 ॥ তেন তংতপি কস্যচিদ্দেবপুত্রস্যৈব জেতৃৎবকথনম্ ॥ 5 ॥ ততোঽর্জুনেনোত্তরাপ্রভৃতিভ্যঃ কুরুবস্ত্রপ্রদানম্ ॥ 6 ॥Mahabharata - Virata Parva - Chapter Text
4-72-0 (31418)
বৈশম্পায়ন উবাচ। 4-72-0x (3288)
সভাজ্যমানঃ পৌরৈশ্চ স্ত্রীভির্জানপদৈরপি।
আসাদ্যান্তঃপুরদ্বারং পিত্রে সংপ্রত্যবেদয়ৎ ॥ 4-72-1 (31419)
ততো দ্বাঃস্থঃ সমাসাদ্য প্রণিপত্য কৃতাঞ্জলিঃ ।
বর্ধয়িৎবা জয়াশীর্ভিরিদং বচনমব্রবীৎ॥ 4-72-2 (31420)
রাজন্পৃথুয়শস্তুভ্যং জিৎবা শত্রূন্সমাগতঃ।
উত্তরঃ সহ সূতেন দ্বারি তিষ্ঠতি বারিতঃ ॥ 4-72-3 (31421)
কুমারো যোধমুখ্যৈস্চ গণিকাভিস্চ সংবৃতঃ ।
পৌরজানপদৈর্যুক্তঃ পূজ্যমানো জয়াশিষাঃ ॥ 4-72-4 (31422)
ততো হৃষ্টো মহীপালঃ ক্ষত্তারমিদমব্রবীৎ ।
প্রবেশয়োভৌ তৌ তূর্ণং দর্শনেপ্সুরহং তয়োঃ ॥ 4-72-5 (31423)
ক্ষত্তারং কুরুরাজস্তু শনৈঃ কর্ণ উপাজপৎ।
উত্তরঃ প্রবিশৎবেকো ন প্রবেশ্যা বৃহন্নলাঃ॥ 4-72-6 (31424)
তস্য হি মহাবাহোর্ব্রতং নিত্যং মহাত্মনঃ।
যো মমাঙ্গে ব্রণং কুর্যাচ্ছোণিতং বা প্রদর্শয়েৎ।
অন্যত্র সংগ্রামগতান্ন স জীবেৎকথংচন ॥ 4-72-7 (31425)
ব্যক্তং ভৃসং সুসংক্রুদ্ধো মাং দৃষ্ট্বৈব সশোণিতম্।
বিরাটমিহ সামাত্যং হন্যাৎসবলাবাহনম্ ॥ 4-72-8 (31426)
ইন্দ্রং বাপি কুবেরং বা যমং বা বরুণং তথা।
মম শোণিতকর্তারং মৃদ্গীয়াৎকিং পুনর্নরম্ ॥ 4-72-9 (31427)
ক্ষণমাত্রং তু তত্রৈব দ্বারি তিষ্ঠতু বীর্যবান্ ।
ইতি প্রোবাচ ধর্মাত্মা যুধিষ্ঠির উদারধীঃ ॥ 4-72-10 (31428)
ইত্যুক্ৎবা ক্ষময়া যুক্তো ধর্মরাজো ঘৃণান্বিতঃ।
সভায়াং সহ মাৎস্যেন তূষ্ণীমুপবিবেশ হ ॥ 4-72-11 (31429)
ততো রাজসুতো জ্যেষ্ঠঃ প্রাবিশৎপৃথিবীংজয়ঃ।
ববন্দে স পিতুঃ পাদৌ কঙ্কং চাপ্যুপতিষ্ঠত ॥ 4-72-12 (31430)
পশ্যন্যুধিষ্ঠিরং দৃষ্ট্যা বক্রয়া চরণৌ পিতুঃ।
অভিবাদ্য ততো দৃষ্ট্বা কঙ্কস্য রুধিরপ্লুতম্ ।
হৃদয়েঽদহ্যত তদা মৃত্যুগ্রস্ত ইবোত্তরঃ ॥ 4-72-13 (31431)
ততো রুধিরসিক্তাঙ্গমনেকাগ্রমনাগসম্।
ভূমাবেকান্ত আসীনং সৈরন্ধ্র্যা সমুপাসিতম্।
ততঃ পপ্রচ্ছ রাজানং ৎবরমাণ ইবোত্তরঃ ॥ 4-72-14 (31432)
কেনায়ং তাডিতঃ কঙ্কঃ কেন পাপমিদং কৃতম্।
কো বা জিগমিষুর্মৃত্যুং কেন স্পৃষ্টঃ পদোরগঃ ॥ 4-72-15 (31433)
শ্রোত্রিয়ো ব্রাহ্মণশ্রেষ্ঠ ইন্দ্রাসনরতিক্ষমঃ।
পূজনীয়োঽভিবাদ্যশ্চ ন প্রবাধ্যোঽয়মীদৃশঃ ॥ 4-72-16 (31434)
বৈশম্পায়ন উবাচ। 4-72-17x (3289)
স পুত্রস্য বচঃ শ্রুৎবা বিরাটো রাষ্ট্রবর্ধনঃ।
প্রত্যুবাচোত্তরং বাক্যং সাধ্বসাদ্ধ্বস্তমানসঃ ॥ 4-72-17 (31435)
পুত্র তে বিজয়ং শ্রুৎবা প্রহৃষ্টোঽহং মুদা ভৃশম্।
অক্ষক্রীডনয়াঽনেন কালক্ষেপমকারিষম্ ॥ 4-72-18 (31436)
তত্রাজয়ৎকুরূন্সর্বানুত্তরো রাষ্ট্রবর্ধনঃ।
ইত্যুক্তং হি ময়া পুত্র নেতি কঙ্কো বৃহন্নলা।
অজয়ৎসা কুরূন্সর্বানিতি মামব্রবীন্মুহুঃ ॥ 4-72-19 (31437)
প্রশংসিতে ময়া পুত্র বিজয়ে তব বিশ্রুতে।
বৃহন্নলায়া বিজয়ং কঙ্কোঽস্তুবত বৈ রুষা ॥ 4-72-20 (31438)
ময়া প্রশস্যমানে তু ৎবয়ি পণ্ডং প্রশংসতি।
বৃহন্নলাপ্রশংসাভিরভ্যসূয়মহং তদা।
তাডিতোঽয়ং ময়া পুত্র দুরাত্মা শত্রুপক্ষকৃৎ ॥ 4-72-21 (31439)
তাডিতোঽয়ং যতিঃ কঙ্ক ইত্যুক্তং তদ্বচোত্তরঃ।
শ্রুৎবা পিতুর্ভৃশং ক্রুদ্ধঃ পিতরং বাক্যমব্রবীৎ ॥ 4-72-22 (31440)
অকার্যং তে কৃতং রাজন্ক্ষিপ্রমেষ প্রসাদ্যতাম্।
মা ৎবা ব্রহ্মবিষং ঘোরং সমূলমুপনির্দহেৎ ॥ 4-72-23 (31441)
যাবন্ন ক্ষয়মায়াতি কুলং সর্বমশেষনঃ।
স্ফীতং বৃদ্ধং চ মাৎস্যানাময়ং তাবৎপ্রসাদ্যতাম্ ॥ 4-72-24 (31442)
প্রণম্য পাদয়োরস্য দণ্ডবৎক্ষিতিমণ্ডলে ।
প্রগৃহ্য পাদৌ পাণিভ্যাময়ং তাবৎপ্রসাদ্যতাম্ ॥ 4-72-25 (31443)
দক্ষেণ পাণিনা স্পৃষ্ট্বা শপে ৎবাং ক্ষপিতং ময়া।
ইতি যাবদ্বদেৎকঙ্ অয়ং তাবৎপ্রসাদ্যতাম্ ॥ 4-72-26 (31444)
স পুত্রস্য বচঃ শ্রুৎবা বিরাটঃ সাধ্বসাকুলঃ।
ক্ষময়ামাস কৌন্তেয়ং ছন্নং ব্রাহ্মণবর্চসা ॥ 4-72-27 (31445)
ক্ষময়ন্তং তু রাজানং পাণ্ডবঃ প্রত্যভাষত।
চিরং ক্ষান্তং ময়া রাজন্মন্যুর্মম ন বিদ্যতে ॥ 4-72-28 (31446)
যদি স্ম তৎপতেদ্ভূমৌ রুধিরং মম পার্থিব ।
সরাষ্ট্রস্ৎবমিহোচ্ছেদমাপদ্যেথা নরর্ষভ ॥ 4-72-29 (31447)
ন দূষয়ামি রাজেন্দ্র যস্তু হন্যাদদূষকম্।
ফলং তস্য মহারাজ ক্ষিপ্রং দারুণমাপ্নুয়াৎ ॥ 4-72-30 (31448)
বৈশম্পায়ন উবাচ। 4-72-31x (3290)
শোণিতে তু ব্যতিক্রান্তে প্রবিবেশ বৃহন্নলা।
অভিবাদ্য মহারাজং কঙ্কং চাপ্যুপতিষ্ঠত ॥ 4-72-31 (31449)
ক্ষময়িৎবা তু কৌরব্যং রণাদুত্তরমাগতম্ ।
পরিষ্বজ্য দৃঢং রাজা প্রবেশ্য ভবনোত্তমম্।
প্রশশংস ততো মাৎস্যঃ শৃণ্বতঃ সব্যসাচিনঃ ॥ 4-72-32 (31450)
বিরাট উবাচ। 4-72-33x (3291)
ৎবয়া দায়াদবানস্মি কৈকেয়ীনন্দিবর্ধন।
ৎবয়া মে সদৃশঃ পুত্রো ন ভূতো ন ভবিষ্যতি ॥ 4-72-33 (31451)
পদং পদসহস্রেণ যশ্চরন্নাপরাধ্নুয়াৎ।
তেন কর্ণেন তে তাত কথমাসীৎসমাগমঃ ॥ 4-72-34 (31452)
রণে যং প্রেক্ষ্য সীদন্তি হৃতবীর্যপরাক্রমাঃ।
কৃপেন তেন তে তাত কথমাসীৎসমাগমঃ ॥ 4-72-35 (31453)
যস্য তদ্বিশ্রুতং লোকে মহদ্বৃত্তমনুত্তমম্ ।
পিতুঃ কৃতে কৃতং ঘোরং ব্রহ্মচর্যমনুত্তমম্ ॥ 4-72-36 (31454)
যোঽয়োধীৎসমরে রামং জামদগ্ন্যং প্রতাপিনম্।
ভীষ্মোসৌ পুরুষব্যাঘ্র ন চ যুদ্ধে পরাজিতঃ ॥ 4-72-37 (31455)
পরাক্রমী চ দুর্ধর্ষো বিদ্বাঞ্শূরো জিতেন্দ্রিয়ঃ।
দৃঢবেধী ক্ষিপ্রকারী বিশ্রুতঃ সর্বকর্মসু ॥ 4-72-38 (31456)
তেন তে সহ ভীষ্মেণ কুরুবৃদ্ধেন সংয়ুগে ।
যুদ্ধমাসীৎকথং তাত সর্বমেতদ্ব্রবীহি মে ॥ 4-72-39 (31457)
পর্বতং যো বিনির্ভিন্দ্যাদ্রাজপুত্রো বরেষুভিঃ।
দুর্যোধনেন তে তাত কথমাসীৎসমাগমঃ ॥ 4-72-40 (31458)
আচার্যো বৃষ্ণিরীরাণাং পাঞ্চালানাং চ যঃ প্রভুঃ।
কুরূণাং পাণ্ডবানাং চ সর্বক্ষত্রস্য যো গুরুঃ ॥ 4-72-41 (31459)
সর্বশস্ত্রভৃতাং শ্রেষ্ঠঃ সর্বলোকেষু বিশ্রুতঃ।
তেন দ্রোণেন তে তাত কথমাসীৎসমাগমঃ ॥ 4-72-42 (31460)
আচার্যপুত্রো যঃ শূরো দ্রোণাদনবমো রণে।
তেন বীরেণ তে তাত কথমাসীৎসমাগমঃ ॥ 4-72-43 (31461)
সর্বে চৈব মহাবীর্যা ধার্তরাষ্ট্রঃ মহারথাঃ ।
তৈস্তৈর্বীরৈশ্চ তে তাত কথমাসীৎসমাগমঃ ॥ 4-72-44 (31462)
উত্তর উবাচ। 4-72-45x (3292)
ন ময়া নির্জিতা গাবো ন ময়া কুরবো জিতাঃ।
কৃতং চ কর্ম তৎসর্বং দেবপুত্রেণ কেনচিৎ ॥ 4-72-45 (31463)
স হি ভীতং দ্রবন্তং মাং ভীষ্মদ্রোণমুখান্কুরূন্।
দৃষ্ট্বা বিষণ্ণং সংগ্রামে দেবপুত্রো ন্যবারয়ৎ ॥ 4-72-46 (31464)
স হি তিষ্ঠন্রথোপস্থে বজ্রপাণিনিভো যুবা।
তেন তে নির্জিতা গাবস্তেন তে কুরবো জিতাঃ॥ 4-72-47 (31465)
তস্য তৎকর্ম বীরস্য ন ময়া তাত তৎকৃতম্ ।
স হি শারদ্বতং দ্রোণং দ্রোণপুত্রং চ বীর্যবান্ ।ট
সূতপুত্রং চ ভীষ্মং চ চকার বিমুখাঞ্শরৈঃ ॥ 4-72-48 (31466)
দুর্যোদনং চ সমরে প্রভিন্নমিব কুঞ্জরম্।
প্রভগ্নমব্রবীদ্ভীতং রাজপুত্রং মহাবলম্ ॥ 4-72-49 (31467)
ন হাস্তিনপুরে ত্রাণং তব পশ্যামি কিংচন।
ন হাস্তিনপুরে ভোগা ভোক্তুং শক্যাঃ পলায়তা ॥ 4-72-50 (31468)
ব্যায়ামেন পরীপ্সস্ব জীবিতং কৌরবাত্মজ ।
ন মোক্ষ্যসে পলায়ংস্ৎবং লোকে যুদ্ধমনা ভব।
পৃথিবীং ভোক্ষ্যসে জিৎবা হতো বা স্বর্গমাপ্স্যসি ॥ 4-72-51 (31469)
স নিবৃত্তো নরব্যাঘ্রো মুঞ্চন্বজ্রনিভাঞ্শরান্।
সচিবৈঃ সংবৃতো রাজা ভীষ্মদ্রোণকৃপাদিভিঃ ।
ততো মে রোমহর্ষোঽভূদূরুস্তম্ভশ্চ মেঽভবৎ ॥ 4-72-52 (31470)
যদভূদ্ধনসংকাশমনীকং ব্যধমচ্ছরৈঃ।
তৎপ্রপুদ্য রথানীকং সিংহদর্পসমো যুবা।
তান্কুরুন্দ্রাবয়দ্রাজন্রণে নাগ ইব শ্বসন্ ॥ 4-72-53 (31471)
একেন তেন শূরেণ ষড্রথাঃ পরিনির্জিতাঃ ।
শার্দূলেনেব মত্তেন মৃগাস্তৃণচরা যথা ॥ 4-72-54 (31472)
হয়ানাং চ গজানাং চ শূরাণাং চ ধনুষ্মতাম্।
নিহতানি সহস্রাণি ভগ্না চ কুরুবাহিনী ॥ 4-72-55 (31473)
সূতপুত্রং শতৈর্বিদ্ধ্বা হয়ান্হৎবা মহারথঃ ।
অস্ত্রেণ মোহয়িৎবা তং রক্তবস্ত্রং সমাদদে ॥ 4-72-56 (31474)
চতুর্ভিঃ পুনরানর্চ্ছদ্ভীষ্মং শান্তনবং শরৈঃ।
স তং বিদ্ধ্বা হয়াংশ্চাশু নাস্য বস্ত্রং সমাদদে ॥ 4-72-57 (31475)
দুর্যোধনং চ বলবান্বাণৈর্বিব্যাধ সপ্তভিঃ।
তং স বিদ্ধ্বা হয়াংশ্চাস্য পীতবস্ত্রং সমাদদে ॥ 4-72-58 (31476)
দ্রোণং কৃপং চ বলবান্সোমদত্তং জয়দ্রথম্।
ভূরিশ্রবসমিন্দ্রাভং শকুনিং চ মহারথম্ ॥ 4-72-59 (31477)
ত্রিভিস্ত্রিভিঃ স বিদ্ধ্বা তু দুঃশাসনমুখানপি।
বিবিধানি চ বস্ত্রাণি মহার্হাণ্যাজহার সঃ ॥ 4-72-60 (31478)
দ্বাভ্যাং শরাভ্যাং বিদ্ধ্বাঽথ তথাঽঽচার্যসুতং রণে।
চাপং ছিত্ৎবা বিকর্ণস্য নীলে চাদত্ত বাসসী ॥ 4-72-61 (31479)
বিরাট উবাচ। 4-72-62x (3293)
ক্ব স বীরো মহাবাহুর্দেবপুত্রো মহায়শাঃ।
যো মমামোচয়ৎপুত্রং কুরুভির্গ্রস্তমাহবে॥ 4-72-62 (31480)
ইচ্ছামি তমমিত্রঘ্নং দুষ্টুমর্চিতুমেব চ।
যেন মে ৎবং চ গাবশ্চ মোক্ষিতা দেবসূনুনা ॥ 4-72-63 (31481)
তস্মৈ দাস্যামি তাং পুত্রীং গ্রামাংশ্চৈব তু হাটকান্।
স্ফুরিতং কটিসূত্রং চ স্ত্রীসহস্রশতানি চ ॥ 4-72-64 (31482)
উত্তর উবাচ। 4-72-65x (3294)
অন্তর্ধানং গতস্তাত দেবপুত্রঃ প্রতাপবান্।
অদ্য শ্বো বা পরশ্বো বা মন্যে প্রাদুর্ভবিষ্যতি ॥ 4-72-65 (31483)
বৈশম্পায়ন উবাচ। 4-72-66x (3295)
এবমাখ্যায়মানস্তু ছন্নং সত্রেণ পাণ্ডবম্।
বসন্তং তং তু নাজ্ঞাসীদ্বিরাটঃ পার্থমর্জুনম্ ॥ 4-72-66 (31484)
ততঃ পার্থোঽভ্যনুজ্ঞাতো বিরাটেন মহাত্মনা।
সহ পুত্রেণ মাৎস্যস্য মন্ত্রয়িৎবা ধনংজয়ঃ ॥ 4-72-67 (31485)
ইত্যেবং ব্রূহি রাজানং বিরাটং সমুপস্থিতম্।
ইত্যুক্ৎবা সহসা পার্থঃ প্রবিশ্যান্তঃপুরং শুভম্।
দদৌ বস্ত্রাণি রন্তানি বিরাটদুহিতুঃ স্বয়ম্ ॥ 4-72-68 (31486)
উত্তরা তু মহার্হাণি বস্ত্রাণ্যাভরণানি চ।
প্রগৃহ্য তানি সর্বাণি প্রীতা সানুচরাঽভবৎ ॥ ॥ 4-72-69 (31487)
ইতি শ্রীমন্মহাভারতে বিরাটপর্বণি গোগ্রহণপর্বণি দ্বিসপ্ততিতমোঽধ্যায়ঃ ॥
Mahabharata - Virata Parva - Chapter Footnotes
4-72-5 ক্ষত্তারং সারথিম্ ॥ 5 । 4-72-6 কর্ণ উপাজপৎ কর্ণে ইতি চ্ছেদঃ ॥ 6 ॥ 4-72-7 মমাঙ্গ ইতি মম যুধিষ্ঠিরস্য । সংগ্রামায় গতাৎ গমনাৎ॥ 7 ॥ 4-72-13 রুধিরপ্লুতং রুধিরত্রাবম্ ॥ 13 ॥ 4-72-14 অনেকাগ্রং ব্যগ্রম্ । যুধিষ্ঠিরং দৃষ্ট্বা রাজানং পপ্রচ্ছেত্যন্বয়ঃ ॥ 14 ॥ 4-72- 22 তদ্বচঃ ইতি চ্ছেদঃ সংধিরার্ষঃ ॥ 22 ॥ 4-72-30 তস্যেতি। স ইতি শেষঃ। স হন্তা তস্য স্বকৃতহননস্য ॥ 30 । 4-72-31 উপতিষ্ঠত উপাতিষ্ঠত অসেবত ॥ 31 ॥ 4-72- 33 দায়াদবান্পুত্রবান্ ॥ 33 । 4-72-34 পদসহস্রেণ লক্ষ্যসহস্রার্থম্ । হেৎবর্থে তৃতীয়া। যুগপৎসহস্রলক্ষ্যাণি বেদ্ধুমিত্যর্থঃ। চরন্ বাণৈঃ । পদং একমপি লক্ষ্যং নাপরাধ্নুয়াৎ লক্ষ্যাৎ চ্যুতসায়কো ন ভবেদিত্যর্থঃ ॥ 34 ॥ 4-72-47 তিষ্ঠন্ অয়ুধ্যতেতি শেষঃ ॥ 47 ॥ 4-72-52 স নিবৃত্তোঽভূদিত্যন্বয়ঃ ॥ 52 ॥ 4-72-53 সিংহেন দর্পে রামঃ । দ্রাবয়ৎ .........॥ 53 ॥ 4-72-54 তৃণচরাস্তৃণভক্ষকাঃ ॥ 54 ॥ 4-72-66 সত্রেণ বেষান্তরেণ ॥ 66 ॥ 4-72-68 শ্ব ইতো ব্রূহি রাজানং বিরাট......চেতি শo পাঠঃ ॥ 68 ॥বিরাটপর্ব - অধ্যায় 073
॥ শ্রীঃ ॥
4.73. অধ্যায়ঃ 073
Mahabharata - Virata Parva - Chapter Topics
ভীমার্জুনাদিভী রাত্রৌ যুধিষ্ঠিরসমীপগমনম্ ॥ 1 ॥ যুধিষ্ঠিরেণ সহর্ষং স্বানভিভাষণে অর্জুনেন ভীমংপ্রতি তৎকারণপ্রশ্নঃ ॥ 2 ॥ যুধিষ্ঠিরেণ তং প্রতি বিরাটেনাক্ষতাডনস্য তৎকারণৎবকথনম্ ॥ 3 ॥ ভীমাদিভিঃ ক্রোধাদ্বিরাটবধাধ্যবসায়ে যুধিষ্ঠিরেণ হেতুকথনেন তৎপ্রতিষেধনম্ ॥ 4 ॥Mahabharata - Virata Parva - Chapter Text
4-73-0 (31488)
বৈশম্পায়ন উবাচ। 4-73-0x (3296)
প্রদায় বস্ত্রাণি কিরীটমালী
বিরাটগেহে মুদিতঃ সখীভ্যঃ ।
কৃৎবা মহর্তর্ম তদাঽঽজিমধ্যে
দিদৃক্ষয়া সোঽভিজগাম পার্থম্ ॥ 4-73-1 (31489)
তং প্রেক্ষমাণস্ৎবথ ধর্মরাজং
পপ্রচ্ছ পার্থোঽথ স ভীমসেনম্।
কিং ধর্মরাজো হি যথাপুরং মাং
মুখং প্রতিচ্ছাদ্য ন চাহ কিংচিৎ ॥ 4-73-2 (31490)
তমেবমুক্ৎবা পরিশঙ্কমানং
দৃষ্ট্বাঽর্জুনং ভীমসেনং চ রাজা।
তদাঽব্রবীত্তাবভিবীক্ষ্য রাজ-
ন্যুধিষ্ঠিরস্তৎপরিমৃজ্য রক্তম্ ॥ 4-73-3 (31491)
দুরাত্মনা ৎবয়্যভিপূজ্যমানে
বিরাটরাজ্ঞাঽভিহতোঽস্মি পার্থ ।
তস্মাৎপ্রহারাদ্রুধিরস্য বিন্দূ-
ন্পশ্যন্ন চেমে পৃথিবীং স্পৃশেয়ুঃ ।
ইতি প্রতিচ্ছাদ্য মুখং ততোঽহং
মন্যুং নিয়চ্ছন্নুপবিষ্ট আসম্ ॥ 4-73-4 (31492)
শুভার্হ রাষ্ট্রং ন খিলীকৃতং ভবে-
দ্বয়ং তু যস্মিন্সুখিনোঽভবাম।
ক্রুদ্ধে তু বীরে ৎবয়ি চাপ্রতীতে
রাজা বিরাটো ন লভেত শর্ম ॥ 4-73-5 (31493)
অজানতা তেন চ শৌর্যমাজৌ
ছন্নস্য সত্রেণ বলং চ পার্থ।
ইদং বিরাটেন ময়ি প্রয়ুক্তং
ৎবাং বীক্ষমাণো ন গতোস্মি হর্ষম্ ॥ 4-73-6 (31494)
বৈশম্পায়ন উবাচ 4-73-7x (3297)
তেনাপ্রমেয়েন মহাবলেন
তস্মিংস্তথোক্তে শমমাস্থিতেন।
তং ভীমসেনো বলবানমর্ষী
ধনংজয়ং ক্রুদ্ধমুবাচ বাক্যম্ ॥ 4-73-7 (31495)
ন পার্থ নিত্যং ক্ষমকালমাহ
বৃহস্পতির্জ্ঞানবতাং বরিষ্ঠঃ ।
ক্ষমীহ সর্বৈঃ পরিভূয়তেসৌ
যথা ভুডঙ্গো বিষবীর্যহীনঃ ॥ 4-73-8 (31496)
বিরাটমদ্যৈব নিহত্য শীঘ্রং
সপুত্রপৌত্রং সকুলং সসৈন্যম্।
যোক্ষ্যামহে ধর্মসুতং চ রাজ্যে
অদ্যৈব শীঘ্রং ৎবরিরেষ মাৎস্যঃ ॥ 4-73-9 (31497)
অনেন পাঞ্চালসুতাঽথ কৃষ্ণা
উপেক্ষিতা কীচকেনাভিয়ুক্তা।
তস্মাদয়ং নার্হতি রাজশব্দং
রাজা ভব ৎবং নৃপ পার্থবীর্যাৎ॥ 4-73-10 (31498)
রাজা কুরূণাং চ যুধিষ্ঠিরোঽয়ং
মাৎস্যেষু রাজা ভবতু প্রবীরঃ
তং মাৎস্যদেহং শতধা ভিনদ্মি
পূর্ণোদকং কুম্ভমিবাশ্মনীহ ॥ 4-73-11 (31499)
অর্জুন উবাচ। 4-73-12x (3298)
ভবতঃ ক্ষময়া রাজন্ৎসর্বে দোষাশ্চ নোঽভবন্।
তং মাৎস্যং সবলং হৎবা সপুত্রজ্ঞাতিবান্ধবম্।
পশ্চাচ্চৈব কুরূন্সর্বান্হনিষ্যামি ন সংশয়ঃ ॥ 4-73-12 (31500)
ভীমসেনশ্চ যে চান্যে তথৈবেতি তমব্রুবন্ ॥ 4-73-13 (31501)
তমব্রবীদ্ধর্মসুতো মহাত্মা
ক্ষমী বদান্যঃ কুপিতং চ ভীমম্।
ন প্রত্যুপস্থাস্যতি চেৎসদারঃ
প্রসাদনে সম্যগথাস্তু বধ্যঃ ॥ 4-73-14 (31502)
ন হন্তব্যো দুরাত্মাঽয়ং বিরাটশ্চাপি তেঽর্জুন ॥ 4-73-15 (31503)
শ্বঃ প্রভাতে প্রবেক্ষ্যামঃ সভাং সিংহাসনেষ্বপি।
রাজবেষেণ সংয়ুক্তাঃ স্থানমস্ব স্বলংকৃতাঃ ॥ 4-73-16 (31504)
বিরাটো যদি তত্রস্থান্রাজালঙ্কারশোভিতান্।
রাজলক্ষণসংপন্নান্যদি তত্র ন মংস্যতে।
পশ্চাদ্ধন্যামহে পার্থ বিরাটং সহবান্ধবম্ ॥ 4-73-17 (31505)
ইতিকর্তব্যতাং সর্বে মন্ত্রয়িৎবা তু পাণ্ডবাঃ।
ন্যবসংশ্চৈব তাং রাত্রিং ধর্মজ্ঞা ধর্মবৎসলাঃ ॥ 4-73-18 (31506)
সহপুত্রেণ মাৎস্যঃ স সংপ্রহৃষ্টো নরাধিপঃ ।
তাং রাত্রিমবসৎপ্রীতঃ সংপ্রহৃষ্টেন চেতসা ॥ ॥ 4-73-19 (31507)
ইতি শ্রীমন্মহাভারতে বিরাটপর্বণি গোগ্রহণপর্বণি ত্রিসপ্ততিতমোঽধ্যায়ঃ ॥
বিরাটপর্ব - অধ্যায় 074
॥ শ্রীঃ ॥
4.74. অধ্যায়ঃ 074
Mahabharata - Virata Parva - Chapter Topics
কুরুবিজয়দিনাৎপরেদ্যুঃ প্রভাতে যুধিষ্ঠিরাদিভী রাজলক্ষণধারণেন সিংহাসনাদিষূপবেশনম্ ॥ 1 ॥ ততঃ সহোত্তরেণ সভামাগতবতা বিরাটেন যুধিষ্ঠিরংপ্রতি রাজাসনোপবেশনাক্ষেপঃ ॥ 2 ॥ অর্জুনেন তংপ্রতি যুধিষ্ঠিরস্য যাথাতথ্যকথনেন তদীয়গুণানুবর্ণনপূর্বকং তস্য রাজাসনারোহণার্হৎবপ্রতিপাদনম্ ॥ 3 ॥Mahabharata - Virata Parva - Chapter Text
বৈশম্পায়ন উবাচ।
ততো দ্বিতীয়ে দিবসে ভ্রাতরঃ পঞ্চ পাণ্ডবাঃ।
স্নাতাঃ শুক্লাম্বরধরাঃ সর্বে সুচরিতব্রতাঃ ॥ 4-74-1 (31508)
যুধিষ্ঠিরং পুরস্কৃত্য সর্বাভরণভূষিতাঃ।
অভিপন্না মহাভাগা ভ্রাজমানা মহারথাঃ ॥ 4-74-2 (31509)
বিরাটস্য সভাং প্রাপ্য ভূমিপালাসনেষু তে ।
নিষেদুঃ পাবকপ্রখ্যাঃ সত্রে ধিষ্ণ্যেষ্বিবাগ্নয়ঃ ॥ 4-74-3 (31510)
তেষু তত্রোপবিষ্টেষু বিরাটঃ পৃথিবীপতিঃ।
তস্যাং রাত্র্যাং ব্যতীতায়াং প্রাতঃকৃত্যং সমাপ্য চ ॥ 4-74-4 (31511)
গোসুবর্ণাদিকং দত্ৎবা ব্রাহ্মণেভ্যো যথাবিধি ।
আজগাম সভাং রাজা উত্তরেণ সহ প্রভো ॥ 4-74-5 (31512)
স তান্দৃষ্ট্বা মহাসৎবাঞ্জ্বলতঃ পাবকানিব।
রাজবেষানুপাদায় পার্থিবো বিস্মিতোঽভবৎ। 4-74-6 (31513)
কিমিদং কো বিধিস্ৎবেষ ভয়ার্ত ইব পার্থিবঃ।
পুরুষপ্রবরান্দৃষ্ট্বা বিষাদমগমন্নৃপঃ ॥ 4-74-7 (31514)
অথ মাৎস্যোঽব্রবীৎকঙ্খং দেবরাজমিব স্থিতম্ ।
মরুদ্গণৈরুপাসীনং ত্রিদশানামিবেশ্বরম্ ॥ 4-74-8 (31515)
স কিলাক্ষনিবাপস্ৎবং সভাস্তারো ময়া কৃতঃ।
অথ রাজাসনে কস্মাদুপবিষ্টোঽস্যলংকৃতঃ ॥ 4-74-9 (31516)
বৈশম্পায়ন উবাচ। 4-74-10x (3299)
পরিহাসেচ্ছয়া রাজ্ঞো বিরাটস্য নিশম্য তৎ।
স্ময়মানোঽব্রবীদ্বাক্যমর্জুনঃ পরবীরহা ॥ 4-74-10 (31517)
ইন্দ্রস্যার্ধাসনং রাজন্নয়মারোঢুমর্হতি।
ব্রহ্মণ্যঃ শ্রুতবাংস্ত্যাগী সর্বলোকাভিপূজিতঃ ॥ 4-74-11 (31518)
এষ বিগ্রহবান্ধর্ম এষ বীর্যবতাং বরঃ।
এষ বুদ্ধ্যাধিকো লোকে তপসাং চ পরায়ণম্ ॥ 4-74-12 (31519)
এষোঽস্ত্রং বিবিধং বেত্তি ত্রৈলোক্যে সচরাচরে।
ন চৈবান্যঃ পুমান্বেত্তি ন বেৎস্যতি কদাচন ॥ 4-74-13 (31520)
ন দেবা নাসুরাঃ কেচিন্ন মনুষ্যা ন রাক্ষসাঃ।
গন্ধর্বয়ক্ষপ্রবরাঃ সকিন্নরমহোরগাঃ ॥ 4-74-14 (31521)
দীর্ঘদর্শী মহাতেজাঃ পারৈজানপদপ্রিয়ঃ।
পাণ্ডবানামতিরথো যজ্ঞধর্মপরো বশী ॥ 4-74-15 (31522)
মহর্ষিকল্পো রাজর্ষিঃ সর্বলোকেষু বিশ্রুতঃ ।
বলবান্ধৃতিমান্দক্ষঃ সত্যবাদী জিতেন্দ্রিয়ঃ ॥ 4-74-16 (31523)
ধনৈশ্চ সংচয়ৈশ্চৈব শক্রবৈশ্রবণোপমঃ ।
যথা মনুর্মহাতেজা লোকানাং পরিরক্ষিতা ।
এবমেব মহাতেজাঃ প্রজানুগ্রহকারকঃ ॥ 4-74-17 (31524)
অয়ং কুরূণামৃষভঃ কুন্তীপুত্রো যুধিষ্ঠিরঃ ।
যস্য কীর্তিঃ স্থিতা লোকে সূর্যস্যেবোদ্যতঃ প্রভা ॥ 4-74-18 (31525)
সংসরন্তি দিশঃ সর্বা যশসোস্য গভস্তয়ঃ ।
উদিতস্যেব সূর্যস্য তেজসোঽনুগভস্তয়ঃ ॥ 4-74-19 (31526)
এনং ত্রিংশৎসহস্রাণি কুঞ্জরাণাং তরস্বিনাম্ ।
অন্বয়ুঃ পৃষ্ঠতো রাজন্যাবদধ্যাবসৎকুরূন্ ॥ 4-74-20 (31527)
ত্রিংশচ্চৈব সহস্রাণি রথানাং রথিনাং বরম্।
সদশ্বৈরুপসংপন্নাঃ পৃষ্ঠতোঽনুয়যুস্তদা ॥ 4-74-21 (31528)
বাজিনাং চ শতং রাজন্ৎসহস্রাণ্যযুতানি চ।
ইমমষ্টশতং সূতাঃ সুমৃষ্টমণিকুণ্ডলাঃ।
তুষ্টুবুর্মাগধৈঃ সার্ধং পুরা শক্রমিবর্ষয়ঃ ॥ 4-74-22 (31529)
ইমং নিত্যপুমাতিষ্ঠন্কুরবঃ কিংকরাস্তদা।
সর্বে চ নৃপ রাজানং ধনেশ্বরমিবামরাঃ ॥ 4-74-23 (31530)
এষ সর্বান্মহীপালান্করমাহারয়ত্তদা।
বৈশ্যানিব মহারাজ বিবশান্স্ববশানপি ॥ 4-74-24 (31531)
অষ্টাশীতিসহস্রাণি স্নাতকানাং মহাত্মনাম্।
উপজীবন্তি রাজানমেনং সুচরিতব্রতাঃ ॥ 4-74-25 (31532)
এষ বৃদ্ধাননাথাংশ্চ ব্যঙ্গান্পঙ্গূশ্চং বামনান্ ।
পুত্রবৎপালয়ামাস প্রজাধর্মেণ চাভিভূঃ ॥ 4-74-26 (31533)
এষ ধর্মে দমে চৈব দানে সত্যে রতঃ সদা।
মহাপ্রসাদো ব্রহ্মণ্যঃ সত্যবাদী চ পার্থিবঃ ॥ 4-74-27 (31534)
শ্রীমৎসংপৎপ্রভাবেন তপ্যতে যস্য কৌরবঃ ।
রগণঃ সহ কর্ণেন সৌবলেন চ বীর্যবান্ ॥ 4-74-28 (31535)
গুণা ন শক্যাঃ সংখ্যাতুমেতস্যৈব নরেশ্বর।
এষ ধর্মপরো নিত্যমনৃশংসঃ সুশীলবান্ ॥ 4-74-29 (31536)
এবং যুক্তো মহারাজা পাণ্ডবঃ পুরুষর্ষভঃ ।
কথং নার্হতি রাজার্হমাসনং পৃথিবীপতিঃ ॥ ॥ 4-74-30 (31537)
ইতি শ্রীমন্মহাভারতে বিরাটপর্বণি বৈবাহিকপর্বণি চতুঃসপ্ততিতমোঽধ্যায়ঃ ॥
বিরাটপর্ব - অধ্যায় 075
॥ শ্রীঃ ॥
4.75. অধ্যায়ঃ 075
Mahabharata - Virata Parva - Chapter Topics
অর্জুনেন বিরাটপ্রশ্নাদ্বললাদীনাং ভীমসেনাদিৎবকথনম্ ॥ 1 ॥ উত্তরেণ বিরাটংপ্রতি তত্তল্লক্ষণাভিধানপূর্বকং যুধিষ্ঠিরাদীনাং নির্দেশঃ ॥ 2 ॥ তথাঽর্জুনপরাক্রমবর্ণনম্ ॥ 3 ॥ ততো বিরাটেন সপ্রণামং যুধিষ্ঠিরাদিপ্রসাদনম্ ॥ 4 ॥Mahabharata - Virata Parva - Chapter Text
4-75-0 (31538)
বিরাট উবাচ। 4-75-0x (3300)
যদ্যেষ রাজা কৌরব্যঃ কুন্তীপুত্রো যুধিষ্ঠিরঃ।
কতমোঽস্যার্জুনো ভ্রাতা ভীমশ্চ কতমো বলী ॥ 4-75-1 (31539)
নকুলঃ সহদেবো বা দ্রৌপদী বা যশস্বিনী ।
যদা হ্যক্ষৈর্জিতা হ্যেতে নান্তরা শ্রূয়তে কথা ॥ 4-75-2 (31540)
অর্জুন উবাচ। 4-75-3x (3301)
য এষ বললোঽভূত্তে সূপকারশ্চ তে নৃপ।
এষ ভীমো মহাভাগ ভীমবেগপরাক্রমঃ ॥ 4-75-3 (31541)
এষ ক্রোধবশান্হৎবা পর্বতে গন্ধমাদনে।
সৌগন্ধিকানি পুষ্পাণি কৃষ্ণার্থে সমুপানয়ৎ ॥ 4-75-4 (31542)
গন্ধর্ব এষ বৈ হন্তা কীচকানাং দুরাত্মনাম্।
ব্যাঘ্রানৃক্ষান্গজাংশ্চৈব হতবাংশ্চ পুরে তব ॥ 4-75-5 (31543)
হিডিম্বং চ বকং চৈব কির্মীরং চ জটাসুরম্।
হৎবা নিষ্কণ্টকং চক্রে অরণ্যং সর্বতঃ শুভম্ ॥ 4-75-6 (31544)
যশ্চাসীদশ্ববন্ধস্তে নকুলোঽয়ং পরন্তপ।
গোসঙ্খ্যঃ সহদেবশ্চ মাদ্রীপুত্রৌ মহাবলৌ ॥ 4-75-7 (31545)
শৃঙ্গারবেষারণৌ রূপবন্তৌ মনস্বিনৌ ।
নানারথসহস্রাণাং সমর্থৌ ভরতর্ষভৌ ॥ 4-75-8 (31546)
এষা পদ্মপলাশাক্ষী সুমধ্যা চারুহাসিনী ।
সৈরন্ধ্রী দ্রৌপদী রাজন্যকৃতে কীচকা হতাঃ ॥ 4-75-9 (31547)
দ্রুপদস্য প্রিয়া পুত্রী ধৃষ্ট্যুম্নস্য চানুজা ।
অগ্নিকুণ্ডাৎসমুদ্ভূতা দ্রৌপদী ৎববগম্যতাম্ ॥ 4-75-10 (31548)
ভীম উবাচ। 4-75-11x (3302)
অস্ত্রজ্ঞো দুর্লভঃ কশ্চিৎকেবলং পৃথিবীমনু।
ধনুর্ভৃতামতিশ্রেষ্ঠঃ কৌন্তেয়োয়ং ধনংজয়ঃ ॥ 4-75-11 (31549)
এতেন খাণ্ডবং তস্য হ্যকামস্য শতক্রতোঃ।
দগ্ধং নাগবনং চৈব সহ নাগৈর্নরাধিপ ॥ 4-75-12 (31550)
বর্ষং চ শরবর্ষেণ বারিতং দুর্জয়েন বৈ।
করমাহারিতাঃ সর্বে পার্থিবাঃ পৃথিবীতলে ॥ 4-75-13 (31551)
স্ত্রীবেষং কৃতবানেষ তব রাজন্নিবেশনে।
বৃহন্নলেতি যামাহুরর্জুনং জয়তাংবরম্ ॥ 4-75-14 (31552)
উষিতাঃস্ম সুখং সর্বে তব রাজন্নিবেশনে।
অজ্ঞাতবাসে নিভৃতা গর্ভবাস ইব প্রজাঃ ॥ 4-75-15 (31553)
বৈশম্পায়ন উবাচ। 4-75-16x (3303)
যদাঽর্জুনেন তে বীরাঃ কথিতাঃ পঞ্চ পাণ্ডবাঃ।
পুনরেব চ তান্পার্থান্দর্শয়ামাস চোত্তরঃ ॥ 4-75-16 (31554)
উত্তর উবাচ। 4-75-17x (3304)
য এষ জাম্বূনদশুদ্ধগৌর-
তনুর্মহান্সিংহ ইব প্রবদ্ধঃ ।
প্রচণ্ডঘোণঃ পৃথুদীর্ঘনেত্র-
স্তাম্রায়তাক্ষঃ কুরুরাজ এষঃ ॥ 4-75-17 (31555)
অয়ং পুনর্মত্তগজেন্দ্রগামী
প্রতপ্তচামীকরশুদ্ধগৌরঃ।
পৃথ্বায়তাংসো গুরুদীর্ঘবাহু-
র্বৃকোদরঃ পশ্যত পশ্যতৈনম্॥ 4-75-18 (31556)
যস্ৎবেব পার্শ্বেঽস্য মহাধনুষ্মা-
ঞ্শ্যামো যুবা বারণয়ূথপোপমঃ ।
সিংহোন্নতাংসো গজরাজগামী
পদ্মায়তাক্ষোঽর্জুন এষ বীরঃ ॥ 4-75-19 (31557)
রাজ্ঞঃ সমীপে পুরুষোত্তমৌ তু
যমাবিমৌ বিষ্ণুমহেন্দ্রকলৌ।
মনুষ্যলোকে সকলে সমোঽস্তি
যয়োর্ন রূপে ন বলে ন শীলে॥ 4-75-20 (31558)
আভ্যাং তু পার্শ্বে কনকোত্তমাঙ্গী
যৈষা প্রভা মূর্তিমতীব গৌরী।
নীলোৎপলাভা সুরদেবতেব
কৃষ্ণা স্থিতা মূর্তিমতীব লক্ষ্মীঃ ॥ 4-75-21 (31559)
বৈশম্পায়ন উবাচ। 4-75-22x (3305)
এবং নিবেদ্য তান্পার্থান্পাণ্ডবান্পঞ্চ ভূপতেঃ।
ততোঽর্জুনস্য বৈরাটিঃ কথয়ামাস বিক্রমম্ ॥ 4-75-22 (31560)
অয়ং স দ্বিষতাং মধ্যে মৃগাণামিব কেসরী।
অচরদ্রথবৃন্দেষু নিঘ্নংস্তেষাং পরাবরান্ ॥ 4-75-23 (31561)
অনেন বিদ্ধা মাতঙ্গা মহামেঘোপমাস্তদা।
হিরণ্যকক্ষ্যাঃ সংগ্রামে দন্তাভ্যামগমন্মহীম্ 4-75-24 (31562)
অনেন বিজিতা গাবো নির্জিতাঃ কুরবো যুধি।
অস্য শঙ্খস্য শব্দেন কর্ণৌ মে বধিরীকৃতৌ॥ 4-75-25 (31563)
জায়তে রোমর্ষো মে সংস্মৃত্যাস্য ধনুর্ধ্বনিম্।
ধ্বজস্য বানরং ভূতৈরাক্রোশন্তং সহানুগৈঃ ॥ 4-75-26 (31564)
নাদদানং শরান্ঘোরান্ন মুঞ্চন্তং শরোৎকরান্।
ন কার্মুকং বিকর্ষন্তমেনং পশ্যামি সংয়ুগে ॥ 4-75-27 (31565)
এতদ্ধনুঃপ্রমুক্তাশ্চ শরাঃ পুঙ্খানুপুঙ্খিনঃ ।
নালক্ষ্যেষু রণে পেতুর্নারাচা রক্তভোজনাঃ ॥ 4-75-28 (31566)
তীক্ষ্ণনারাচসংকৃত্তশিরোবাহূরুবক্ষসাম্।
কলেবরাণি দৃশ্যন্তে যোধানাং সাশ্বসাদিনাং ॥ 4-75-29 (31567)
অনেন তটিনী তত্র শোণিতাম্বুপ্রবাহিনী।
প্রবর্তিতা ভীমরূপা যাং স্মৃৎবাঽদ্যাপি মে মনঃ।
প্রকম্পতে চণ্ডবায়ুকম্পিতা কদলী যথা ॥ 4-75-30 (31568)
অনেন রাজন্বীরেণ ভীষ্মদ্রোণমুখা রথাঃ।
দুর্যোধনেন সহিতা নির্জিতা ভীমকর্মণা ॥ 4-75-31 (31569)
অয়ং ভীতং দ্রবন্তং মাং দেবপুত্রো ন্যবারয়ৎ।
যস্য বাহুবলেনাস্মি জীবন্প্রত্যাগতঃ পুরম্ ॥ 4-75-32 (31570)
বৈশম্পায়ন উবাচ। 4-75-33x (3306)
তস্য তদ্বচনং শ্রুৎবা মাৎস্যরাজঃ প্রতাপবান্।
ধনংজয়ং পরিষ্বজ্য পাণ্ডবানথ সর্বশঃ ॥ 4-75-33 (31571)
ধর্মরাজং নমস্কৃত্য রাজা রাজ্যেঽভিষেচিতম্।
নাতৃপ্যদ্দর্শনে তেষাং বিরাটো বাহিনীপতিঃ ॥ 4-75-34 (31572)
সংপ্রীয়মাণো রাজানাং যুধিষ্ঠিরমথাব্রবীৎ।
দিষ্ট্যা ভবন্তঃ সংপ্রাপ্তাঃ সর্বে কুশলিনো বনাৎ।
দিষ্ট্যা বিচরিতং কৃচ্ছ্রমজ্ঞাতং চ দুরাত্মভিঃ ॥
ইদং রাজ্যং চ বঃ সর্বং যচ্চাপি বসু কিংচন ।
বিভক্তমেতদ্ভবতাং নোৎকণ্ঠাং কর্তুমর্হথ।
অবিভক্তং ভবদ্ভির্মে ন সন্দেহো নরাধিপাঃ ॥ ॥ 4-75-35 (31573)
ইতি শ্রীমন্মহাভারতে বিরাটপর্বণি বৈবাহিকপর্বণি পঞ্চসপ্ততিতমোঽধ্যায়ঃ ॥
বিরাটপর্ব - অধ্যায় 076
॥ শ্রীঃ ॥
4.76. অধ্যায়ঃ 076
Mahabharata - Virata Parva - Chapter Topics
উত্তরেণ বিরাটংপ্রতি যুধিষ্ঠিরাদিকৃতোপকারস্মারণপূর্বকমুত্তরায়াঃ প্রদানেন তৎপ্রসাদনচোদনা ॥ 1 ॥ যুধিষ্ঠিরেণোত্তরায়া পুরস্কারেণ সপ্রণামং প্রসাদয়তে বিরাটায়াভয়প্রদানম্ ॥ 2 ॥Mahabharata - Virata Parva - Chapter Text
4-76-0 (31574)
বৈশম্পায়ন উবাচ। 4-76-0x (3307)
বিরাটস্য বচঃ শ্রুৎবা পার্থিবস্য মহাত্মনঃ।
উত্তরঃ প্রত্যুবাচেদমভিপন্নো যুধিষ্ঠিরে ॥ 4-76-1 (31575)
প্রসাদনং প্রাপ্তকালং পাণ্ডবস্যাভিরোচয়ে।
তেজস্বী বলবাঞ্শূরো রাজরাজেশ্বরঃ প্রভুঃ ॥ 4-76-2 (31576)
উত্তরাং চ স্বসারং মে পার্থস্যামিত্রকর্শন।
প্রণিপত্য প্রয়চ্ছামস্ততঃ শিষ্টা ভবামহে। 4-76-3 (31577)
বয়ং চ সর্বে সামাত্যাঃ কুন্তীপুত্রং যুধিষ্ঠিরম্ ।
প্রসাদ্যাভ্যুপতিষ্ঠামো রাজন্কিং করবাগহে ॥ 4-76-4 (31578)
রাজংস্ৎবমসি সংগ্রামে গৃহীতস্তেন মোক্ষিতঃ ।
এতেষাং বাহুবীর্যেণ গাবশ্চ বিজিতাস্ৎবয়া ॥ 4-76-5 (31579)
কুরবো নির্জিতা যস্মাৎসংগ্রামেঽমিততেজসঃ ।
এষ তৎসর্বমকরোৎকুন্তীপুত্রো যুধিষ্ঠিরঃ ॥ 4-76-6 (31580)
অর্চ্যাঃ পূজ্যাশ্চ মান্যাশ্চ প্রত্যুত্থেয়াশ্চ পাণ্ডবাঃ।
অর্বার্হাশ্চাভিবাদ্যাশ্চ প্রাপ্তকালং চ মে মতম্ ॥ 4-76-7 (31581)
পূজ্যতাং পূজনীয়াশ্চ মহাভাগাশ্চ পাণ্ডবাঃ।
ন হ্যেতে কুপিতা শেষং কুর্যুরাশীবিষোপমাঃ ॥ 4-76-8 (31582)
তস্মাচ্ছীঘ্রং প্রপদ্যেম কুন্তীপুত্রং যুধিষ্ঠিরম্ ।
প্রসাদয়াম্যহং তত্র সহ পার্থের্মহাত্মভিঃ ॥ 4-76-9 (31583)
উত্তরামগ্রতঃ কৃৎবা শিরঃস্নাতাং কৃতাঞ্জলিঃ ।
জানাম্যহমিদং সর্বমেষাং তু বলপৌরুষম্ ।
কুলে চ জন্ম মহতি ফল্গুনস্য চ বিক্রমম্ ॥ 4-76-10 (31584)
বৈশম্পায়ন উবাচ। 4-75-11x (3308)
উত্তরাৎপাণ্ডবাঞ্শ্রুৎবা বিরাটো রিপুসূদনঃ।
উত্তরং চাপি সংপ্রেক্ষ্য প্রাপ্তকালমচিন্তয়ৎ ॥ 4-76-11 (31585)
ততো বিরাটঃ সামাত্যঃ সহপুত্রঃ সবান্ধবঃ।
উত্তরামগ্রতঃ কৃৎবা শিরঃস্নাতাং কৃতাঞ্জলিঃ।
ভূমৌ নিপতিতস্তূর্ণং পাণ্ডবস্য সমীপতঃ ॥ 4-76-12 (31586)
বিরাট উবাচ। 4-76-13x (3309)
প্রসীদতু মহারাজো ধর্মপুত্রো যুধিষ্ঠিরঃ।
প্রচ্ছন্নরূপবেষৎবান্নাগ্নির্দৃষ্টস্তৃণৈর্বৃতঃ ॥ 4-76-13 (31587)
শিরসাঽভিপ্রপন্নোস্মি সপুত্রপরিচারকঃ ॥ 4-76-14 (31588)
যদস্মাভিরজানদ্ভিরধিক্ষিপ্তো মহীপতিঃ ।
অবমত্য কৃতং সর্বমজ্ঞানাৎপ্রাকৃতে যথা।
ক্ষন্তুমর্হসি তৎসর্বং ধর্মজ্ঞো ধর্মবৎসল ॥ 4-76-15 (31589)
যদিদং মামকং রাষ্ট্রং পুরং রাজ্যং চ পার্থিব ।
সদণ্ডকোশং বিসৃজে তব বশ্যোস্মি পার্থিব ।
বয়ং চ সর্বে সামাত্যা ভবন্তং শরণং গতাঃ ॥ 4-76-16 (31590)
বৈশম্পায়ন উবাচ। 4-76-17x (3310)
তং ধর্মরাজঃ পতিতং মহীতলে
সবন্ধুবর্গং প্রসমীক্ষ্য পার্থিবম্ ।
উবাচ বাক্যং পরলোকদর্শনঃ
প্রনষ্টমন্যুর্গতশোকমৎসরঃ॥ 4-76-17 (31591)
ন মে ভয়ং পার্থিব বিদ্যতে ময়ি
প্রতীতরূপোস্ম্যনুচিন্ত্য মানসম্।
এতত্ৎবয়া সম্যগিহোপপাদিতং
দ্বিজৈরমাত্যৈঃ সদৃশৈশ্চ পাণ্ডিতৈঃ ।
ইমাং চ কন্যাং সমলংকৃতাং ভৃশং
সমীক্ষ্য তুষ্টোস্মি নরেন্দ্রসত্তম ॥ 4-76-18 (31592)
ক্ষান্তমেতন্মহাবাহো যন্মাং বদসি পার্থিব।
ন চৈব কিংচিৎপশ্যামি বিকৃতং তে নরাধিপ ॥ 4-76-19 (31593)
বৈশম্পায়ন উবাচ। 4-76-20x (3311)
ততো বিরাটঃ পরমামিতুষ্টঃ
সমেত্য রাজ্ঞা সময়ং চকার।
রাজ্যং চ সর্বং বিসসর্জ তস্মৈ
সদণ্ডকোশং সপুরং মহাত্মা ॥ ॥ 4-76-20 (31594)
ইতি শ্রীমন্মহাভারতে বিরাটপর্বণি বৈবাহিকপর্বণি ষট্সপ্ততিতমোঽধ্যায়ঃ ॥
Mahabharata - Virata Parva - Chapter Footnotes
4-76-1 অভিপন্নোঽপরাধং কৃতবান্ ॥ 1 ॥ 4-76-3 ততস্তুষ্টা ভবন্তু তে ইতি থo পাঠঃ ॥ 3 ॥বিরাটপর্ব - অধ্যায় 077
॥ শ্রীঃ ॥
4.77. অধ্যায়ঃ 077
Mahabharata - Virata Parva - Chapter Topics
বিরাটেনার্জুনংপ্রতি স্বকুমার্যা উত্তরায়া ভার্যাৎবেন প্রতিগ্রহণপ্রার্থনে তংপ্রত্যর্জুনেন সহেতুকথনং স্নুপাৎবেন পরিগ্রহাঙ্গীকরণম্ ॥ 1 ॥ দুর্যোধনেন যুধিষ্ঠিরংপ্রতি দূতমুখেন ত্রয়োদশবৎসরস্যাসংপূর্তাবেবার্জুনেনাত্মপ্রকাশনাৎপুনর্বনবাসবিধেয়তানিবেদনম্ ॥ 2 ॥ যুধিষ্ঠিরেণ তংপ্রতি তেনৈব দূতেন ভীষ্মমুখাৎসংদেহস্য পরিহরণীয়তাপ্রতিবেদনম্ ॥ 3 ॥ ভীষ্মেণ বিচার্য নির্ধারণপূর্বকং সংকেতকালস্য পূর্ণৎবোক্তিঃ ॥ 4 ॥Mahabharata - Virata Parva - Chapter Text
4-77-0 (31595)
বিরাট উবাচ। 4-77-0x (3312)
যচ্চ বক্ষ্যাম্যহং তেঽদ্য মা শঙ্কেথা যুধিষ্ঠির।
ইদং সনগরং রাষ্ট্রং সজনং সবধূজনম্।
যুষ্যভ্যং সংপ্রদাস্যামি ভোক্ষ্যাম্যুচ্ছিষ্টমেব চ ॥ 4-77-1 (31596)
অহং বদ্ধশ্চিরং রাজন্ভুক্তভোগশ্চিরং সুখম্।
রাজ্যং দত্ৎবা তু যুষ্মভ্যং প্রব্রজিষ্যামি কাননম্ ॥ 4-77-2 (31597)
উত্তরাং প্রতিগৃহ্ণাতু সব্যসাচী ধনংজয়ঃ ।
অয়ং হ্যৌপয়িকো ভর্তা তস্যাঃ পুরুষসত্তমঃ ॥ 4-77-3 (31598)
বৈশম্পায়ন উবাচ। 4-77-4x (3313)
এবমুক্তো ধর্মরাজঃ পার্থপৈক্ষদ্বনংজয়ম্।
ঈক্ষিতং চার্জুনো জ্ঞাৎবা মাৎস্যং বচনমব্রবীৎ ॥ 4-77-4 (31599)
বয়ং বনান্তরাৎপ্রাপ্তা ন তে রাজ্যং গৃহামহে।
কিংতু দুর্যোধনাদীনাং রাজ্ঞাং রাজ্যং গৃহামহে ॥ 4-77-5 (31600)
প্রতিগৃহ্ণাম্যহং রাজন্স্রুষং দুহিতরং তব।
যুক্তো হ্যাবাং হি সংবন্ধো মাৎস্যভারতবংশয়োঃ ॥ 4-77-6 (31601)
বিরাট উবাচ। 4-77-7x (3314)
কিমর্থং পাণ্ডবশ্রেষ্ঠ ভার্যাং দুহিতরং মম।
প্রতিগ্রহীতুং নেমাং ৎবং ময়া দত্তমিহেচ্ছসি ॥ 4-77-7 (31602)
অর্জুন উবাচ। 4-77-8x (3315)
অন্তঃপুরেঽহমুষিতঃ সদা পশ্যন্সুতাং তব।
সহস্যং চ প্রকাশং চ বিশ্বস্তা পিতৃবন্ময়ি ॥ 4-77-8 (31603)
প্রিয়ো বহুমতশ্চাহং নর্তনে গীতবাদিতে।
আচার্যবচ্চ মাং নিত্যং মন্যতে দুহিতা তব ॥ 4-77-9 (31604)
বয়স্যযা তয়া রাজন্সহ সংবৎসরোষিতঃ ।
অতিশঙ্কা ততোঽস্থানে তব লোকস্য চ প্রভো ॥ 4-77-10 (31605)
তস্মাদামন্ত্রয়ে ৎবাঽদ্য পুত্রার্থং মে বিশাংপতে।
সুদ্ধং জিতেন্দ্রিয়ং মন্যে তস্যাঃ শুদ্ধিঃ কৃতা ময়া ॥ 4-77-11 (31606)
স্নুষায়াং দুহিতুর্বাপি পুত্রে চাত্মনি বা পুনঃ ।
অতিশঙ্কাং ন পশ্যামি তেন শুদ্ধির্ভবিষ্যতি ॥ 4-77-12 (31607)
অভিষঙ্গাদহং ভীতো মিথ্যাচারাৎপরংতপ ।
স্রুষার্থমুত্তরাং রাজন্প্রতিগৃহ্ণামি তে সুতাম্ ॥ 4-77-13 (31608)
স্বস্ত্রীয়ো বাসুদেবস্য সাক্ষাদ্দেবসুতো যথা।
দয়িতশ্চক্রহস্তস্য বলবানস্ত্রকোবিদঃ ॥ 4-77-14 (31609)
অভিমন্যুর্গহাবাহুঃ পুত্রো মম বিশাংপতে ।
জামাতা তব যুক্তো বৈ ভর্তা চ দুহিতুস্তব ॥ 4-77-15 (31610)
বিরাট উবাচ। 4-77-16x (3316)
উপপন্নং কুরুশ্রেষ্ঠে কুন্তীপুত্রে ধনংজয়ে।
সদৈব ধর্মনিত্যশ্চ জ্ঞাতজ্ঞানশ্চ পাণ্ডবঃ ॥ 4-77-16 (31611)
যৎকৃত্যং মন্যসে পার্থ ক্রিয়তাং তদনন্তরম্।
সর্বে কামাঃ সমৃদ্ধা মে সংবন্ধী যস্য মেঽর্জুনঃ ॥ 4-77-17 (31612)
বৈশম্পায়ন উবাচ। 4-77-18x (3317)
এবং ব্রুবতি রাজেন্দ্রে কুন্তীপুত্রো যুধিষ্ঠিরঃ।
অন্বজানত সংবন্ধং সময়ে কৃষ্ণমাৎস্যযোঃ ॥ 4-77-18 (31613)
দূতান্সর্বেষু মিত্রেষু বাসুদেবে চ ভারত।
প্রেষয়ামাস কৌন্তেয়ো বিরাটশ্চ মহীপতিঃ । 4-77-19 (31614)
প্রতিগৃহ্য স্নুষার্থং বৈ দর্শয়ন্ব্রতমাত্মনঃ ।
শীলশৌচসমাচারং লোকস্যাবেদ্য ফল্গুনঃ ॥ 4-77-20 (31615)
লোকে বিখ্যাপ্য মাহাত্ম্যং যশশ্চ স পরংতপঃ ।
কৃতার্থঃ শুচিরব্যগ্রস্তুষ্টিমানভবত্তদা ॥ 4-77-21 (31616)
যুধিষ্ঠির উবাচ। 4-77-22x (3318)
রাজন্প্রীতোস্মি ভদ্রং তে সখা মেঽসি পরন্তপ।
সুখমধ্যুষিতাঃ সর্বে অজ্ঞাতাস্ৎবয়ি পার্থিব ॥ 4-77-22 (31617)
বৈশম্পায়ন উবাচ। 4-77-23x (3319)
বিরাটনগরে রাজা ধর্মাত্মা সংশিতব্রতঃ ।
পূজিতশ্চাভিষিক্তশ্চ রত্নৈশ্চ শতশোর্চিতঃ ॥ 4-77-23 (31618)
তথা ব্রুবন্তং প্রসমীক্ষ্য রাজা
পরং প্রহৃষ্টঃ স্বজনেন তেন।
স্নেহাৎপরিষ্বজ্য নৃপো ভুজাভ্যাং
দদৌ মহার্থং কুরুপাণ্ডবানাম্ ॥ 4-77-24 (31619)
যুদ্ধাৎপ্রয়াতাঃ কুরবো হি মার্গে
সমেত্য সর্বে হিতমেব তত্র।
আচার্যপুত্রঃ শকুনিশ্চ রাজা
দুর্যোধনঃ সূতপুত্রশ্চ কর্ণঃ।
সংমন্ত্র্য রাজন্সহিতাঃ সমর্থাঃ
সমাদিশন্দূতমথো সমগ্রাঃ ॥ 4-77-25 (31620)
যুধিষ্ঠিরশ্চাপি সুসংগ্রহৃষ্টো
দুর্যোধনাদ্দূতমপশ্যদাগতম্।
স চাব্রবীদ্ধর্মরাজং সমেত্য
যুধিষ্ঠিরং পাণ্ডবমুগ্রবীর্যম্ ॥ 4-77-26 (31621)
ধনঞ্জয়েনাসি পুনর্বনায়
প্রব্রাজিতঃ সময়ে তিষ্ঠ পার্থঃ।
ত্রয়োদশে হ্যেব কিরীটমালী
সংবৎসরে পাণ্ডবেয়োঽদ্য দৃষ্টঃ ॥ 4-77-27 (31622)
বৈশম্পায়ন উবাচ। 4-77-28x (3320)
ততোঽব্রবীদ্ধর্মসুতঃ প্রহস্য
ক্ষিপ্রং গৎবা ব্রূহি সুয়োধনং তম্।
পিতামহঃ শান্তনবো ব্রবীতু
পূর্ণো ন পূর্ণোঽদ্য ত্রয়োদশো নঃ ॥ 4-77-28 (31623)
সংবৎসরাত্তে তু ধনঞ্জয়েন
বিষ্ফারিতং গাণ্ডিবমাজিমধ্যে।
পূর্ণো ন পূর্ণো ন ইতি ব্রবীতু
যদস্য সত্যং মম তৎপ্রমাণম্ ॥ 4-77-29 (31624)
তেনৈবমুক্তঃ স নিবৃত্য দূতো
দুর্যোধনং প্রাপ্য শশংস তত্ৎবম্॥ 4-77-30 (31625)
সমেত্য দূতেন স রাজপুত্রো
দুর্যোধনো মন্ত্রয়ামাস তত্র।
ভীষ্মেণ কর্ণেন কৃপেণ চৈব
দ্রোণেন ভূরিশ্রবসা চ সার্ধম্ ॥ 4-77-31 (31626)
সংমন্ত্র্য রাত্রৌ বহুভিঃ সুহৃদ্ভি-
র্ভীষ্মোঽব্রবীদ্ধার্তরাষ্ট্রং মহাত্মা ।
তীর্ণপ্রতিজ্ঞেন ধনংজয়েন
বিষ্ফারিতং গাণ্ডিবমাজিমধ্যে ॥ 4-77-32 (31627)
বৈশম্পায়ন উবাচ। 4-77-33x (3321)
নেচ্ছন্ত্যসত্যেন সুরেন্দ্রলোকং
পাণ্ডোঃ সুতা ব্রহ্মণশ্চাপি লোকম্।
তথ্যং চ তে পথ্যমহং ব্রবীমি
স্বর্গ্যং যশস্যং পরলোকপথ্যম্ ॥ 4-77-33 (31628)
কুন্তীসুতৈস্ৎবং সমুপৈহি সন্ধিং
ভুঙ্ক্ষ্ব স্বরাজ্যং সহ পাণ্ডবেয়ৈঃ।
যুধ্যস্ব নোচেৎস্থিরবুদ্ধিরাজৌ
কুন্তীসুতৈর্যদ্যপি রাজ্যমিচ্ছেঃ ॥ 4-77-34 (31629)
আন্তং ন শক্যং কপটেন ভোক্তুং
রাজ্যং পরেষাং মহতাং বলীনাম্।
জিৎবা শত্রূন্ভুঙ্ক্ষ্ব রাজ্যং সমগ্রং
হতো ভবান্ভোক্ষ্যতি বজ্রিলোকম্ ॥ 4-77-35 (31630)
বৈশম্পায়ন উবাচ। 4-77-36x (3322)
ততঃ স ভাগীরথিসূনুবাক্যং
নিশম্য গান্ধারিতনূদ্ভবো নৃপঃ।
উবাচ ভীষ্মং প্রমুখে চ পিত্রো-
র্মহীং ন দদ্যামণুমাত্রিকামপি।
নিহন্মি পাণ্ডূদরসংভবান্বা
হতোস্মি তৈর্বা সুরলোকমেমি ॥ 4-77-36 (31631)
তে ধার্তরাষ্ট্রাঃ সময়ং নিশম্য
তীর্ণপ্রতিজ্ঞস্য ধনংজয়স্য
সংচিন্ত্য সর্বে সহিতাঃ সুহৃদ্ভিঃ
সপার্থিবাঃ স্বানি গৃহাণি জগ্মুঃ ॥ ॥ 4-77-37 (31632)
ইতি শ্রীমন্মহাভারতে বিরাটপর্বণি বৈবাহিকপর্বণি সপ্তসপ্ততিতমোঽধ্যায়ঃ ॥
Mahabharata - Virata Parva - Chapter Footnotes
4-77-6 আবাং আবয়োঃ ॥ 6 ॥বিরাটপর্ব - অধ্যায় 078
॥ শ্রীঃ ॥
4.78. অধ্যায়ঃ 078
Mahabharata - Virata Parva - Chapter Topics
অজ্ঞাতবাসপরিসমাপনানন্তরমুপপ্লাব্যনগরে বসদ্ভিঃ পাণ্ডবৈর্দূতমুখেন সমাহূতৈ রামকৃষ্ণাদিভিঃ সুভদ্রাভিমন্যুপ্রভৃতিভিঃ সহোপপ্লাব্যং প্রত্যাগমনম্ ॥ 1 ॥ তথা দ্রৌপদেয়াদিভিঃ সহ দ্রুপদাদিভিরাগমনম্ ॥ 2 ॥ তত উত্তরয়াঽভিমন্যোরুদ্বাহঃ ॥ 3 ॥Mahabharata - Virata Parva - Chapter Text
4-78-0 (31633)
বৈশম্পায়ন উবাচ। 4-78-0x (3323)
ততস্ত্রয়োদশে বর্ষে নিবৃত্তে পঞ্চ পাণ্ডবাঃ।
উপপ্লাব্যে বিরাটস্য বাসং চক্রুঃ পুরোত্তমে ॥ 4-78-1 (31634)
দূতান্মিত্রেষু সর্বেষু জ্ঞাতিসংবন্ধিকেষ্বপি।
প্রেষয়ামাস কৌন্তেয়ো বিরাটশ্চ মহীপতিঃ ॥ 4-78-2 (31635)
তেষু তত্রোপবিষ্টেষু প্রেষিতেষু ততস্ততঃ ।
তত্রাগমন্মহাবাহুর্বনমালী বলানুজঃ ॥ 4-78-3 (31636)
তস্মিন্কালে নিশম্যাথ দূতবাক্যং জনার্দনঃ।
দয়িতং স্বস্ত্রিয়ং পুত্রং সুভদ্রায়াঃ সুমানিতম্।
অভিমন্যুং সমাদায় রামেণ সহিতস্তদা ॥ 4-78-4 (31637)
সর্বয়াদবমুখ্যৈশ্চ সংবৃতঃ পরবীরহা।
শঙ্খদুন্দুভিনির্ঘোষৈর্বিরাটনগরং যয়ৌ ॥ 4-78-5 (31638)
কৃতবর্মা চ হার্দিক্যো যুয়ুধানশ্চ সাত্যকিঃ।
অনাধৃষ্টিস্তথাঽক্রূরঃ সাংবো নিশঠ এব চ।
প্রদ্যুম্নশ্চ মহাবাহুরুল্মুকশ্চ মহাবলঃ ॥ 4-78-6 (31639)
অভিমন্যুমুপাদায় সহ মাত্রা পরন্তপাঃ।
কৃষ্ণেন সহিতাঃ সর্বে পাণ্ডবান্দ্রষ্টুমাগতাঃ ॥ 4-78-7 (31640)
ইন্দ্রসেনাদয়শ্চৈব রথৈস্তৈঃ সুসমাহিতৈঃ ।
উপেয়ুঃ সহিতাঃ সর্বে পরিসংবৎসরোষিতাঃ ॥ 4-78-8 (31641)
দশনাগসহস্রাণি হয়ানাং দ্বিগুণং তথা।
রথানাং নিয়ুতং পূর্ণং নিখর্বং চ পদাতয়ঃ ॥ 4-78-9 (31642)
বৃষ্ণ্যন্ধকাশ্চ শতশো ভোজাশ্চ পরমৌজসঃ।
অন্যুর্বৃষ্ণিশার্দূলং বাসুদেবং মহাবলম্ ॥ 4-78-10 (31643)
বাসুদেবং তথাঽঽয়ান্তং শ্রুৎবা পাণ্ডুসুতাস্তদা।
মাৎস্যেন সহিতাঃ সর্বে প্রত্যুদ্যাতা জনার্দনম্ ॥ 4-78-11 (31644)
শঙ্খদুন্দুভিনির্ঘোষৈর্মঙ্গলৈশ্চ জনার্দনম্ ।
ববন্দুর্মুদিতাঃ সর্বে পাদয়োস্তস্য পাণ্ডবাঃ।
মাৎস্যেন সহিতাঃ সর্বে আনন্দাশ্রুপরিপ্লুতাঃ ॥ 4-78-12 (31645)
পাণ্ডবা ঊচুঃ। 4-78-13x (3324)
তব কৃষ্ণ প্রসাদাদ্বৈ বর্ষাণ্যেতানি সর্বশঃ।
ত্রয়োদশোপি দাশার্হ যথা স সময়ঃ কৃতঃ ॥ 4-78-13 (31646)
উষিতাঃ স্মো জগন্নাথ ৎবং নাথো নো জনার্দন।
রক্ষস্ব দেবদেবেশ ৎবামার্য শরণং গতাঃ ॥ 4-78-14 (31647)
বৈশম্পায়ন উবাচ। 4-78-15x (3325)
তান্বন্দূমানান্সহসা পরিষ্বজ্য জনার্দনঃ।
বিরাটস্য সহায়াংস্তান্সর্বয়াদবসংবৃতঃ॥ 4-78-15 (31648)
যথার্হং পূজয়ামাস মুদা পরময়া যুতঃ।
বৃষ্ণিবীরাশ্চ তান্সর্বান্যথার্হং প্রতিপেদিরে ॥ 4-78-16 (31649)
কৃষ্ণা চ দেবকীপুত্রং ববন্দে পাদয়োস্তথা।
তামুদ্যম্য সুকেশান্তাং নয়নে পরিমৃজ্য চ ।
উবাচ বাক্যং দেবেশঃ সর্বয়াদবসন্নিধৌ ॥ 4-78-17 (31650)
মা শোকং কুরু কল্যাণি ধার্তরাষ্ট্রান্সমাহিতান্।
অচিরাদ্ধাতয়িৎবাঽহং পার্থেন সহিতঃ ক্ষিতিম্ ॥ 4-78-18 (31651)
যুধিষ্ঠিরায় দাস্যামি যাতু তে মানসো জ্বরঃ।
অভিমন্যুনা চ পার্থেনরৌক্মিণেয়েন তে শপে ॥ 4-78-19 (31652)
সত্যমেতদ্বচো মহ্যমবৈহি ৎবমনিন্দিতে।
ইত্যুক্ৎবা তাং বিসৃজ্যাথ প্রীয়মাণো যুধিষ্ঠিরম্।
অন্বাস্ত বৃষ্ণিশার্দূলঃ সহ বৃষ্ণ্যন্ধকৈস্তথা ॥ 4-78-20 (31653)
কাশিরাজশ্চ শৈব্যশ্চ ভজমানৌ যুধিষ্ঠিরম্।
অক্ষৌহিণীভ্যাং সহিতাবাগতৌ পৃথিবীপতী ॥ 4-78-21 (31654)
অক্ষৌহিণীভিঃ পাঞ্চালস্তিসৃভিশ্চ মহাবলঃ।
দ্রৌপদ্যাশ্চ সুতা বীরাঃ শিখণ্ডী চাপরাজিতঃ ॥ 4-78-22 (31655)
ধৃষ্টদ্যুম্নশ্চ দুর্ধর্ষঃ সর্বশস্ত্রভৃতাংবরঃ।
উপপ্লাব্যং যয়ুঃ শীঘ্রং পাণ্ডবার্থে মহাবলাঃ ॥ 4-78-23 (31656)
ততঃ শতসহস্রাণি প্রয়ুতান্যর্বুদানি চ।
সমীপমভিবর্তন্তে যোধা যৌধিষ্ঠিরং বলম্॥ 4-78-24 (31657)
সমুদ্রমিব ধর্মান্তে স্রোতঃশ্রেষ্ঠাঃ পৃথক্পৃথক্।
আপূরয়ন্মহীপালা যজ্বানো ভূরিদক্ষিণৈঃ ।
বেদাবভৃথসংপন্নাঃ শূরাঃ সর্বে তনুত্যজঃ ॥ 4-78-25 (31658)
তানাগতানভিপ্রেক্ষ্য পার্থো জ্ঞানভৃতাং বরঃ।
পূজয়ামাস বিধিবদ্যথার্হং রাজসত্তমান্॥ 4-78-26 (31659)
পারিবর্হং দদৌ কৃষ্ণঃ পাণ্ডবানাং মহাত্মনাম্।
স্ত্রিয়ো বাসাংসি রত্নানি পৃথক্পৃথগনেকশঃ ॥ 4-78-27 (31660)
রাজানো রাজপুত্রাশ্চ নিবৃত্তে সময়ে তথা।
যথাংর্হ পাণ্ডবশ্রেষ্ঠৈরবর্তন্তাভিপূজিতাঃ।
আসন্প্রহৃষ্টমনসঃ পারিবর্হং দদুস্তদা ॥ 4-78-28 (31661)
সর্বেষু সমবেতেষু রাজভির্বৃষ্ণিভিঃ সহ।
বিবাহো বিধবদ্রাজন্ববৃধে কুরুমাৎস্যযোঃ॥ 4-78-29 (31662)
ততঃ শঙ্খা মৃদঙ্গাশ্চ গোমুখা ডিণ্ডিমাস্তদা।
অভিমন্যোর্বিবাহে তু নেদুর্মাৎস্যস্য বেশ্মনি ॥ 4-78-30 (31663)
উচ্চাবচান্মৃগাঞ্জঘ্নুর্মেধ্যাংশ্চ শতশস্তথা।
ভক্ষ্যান্নভোজ্যপানানি প্রভূতান্যভ্যহারয়ন্ ॥ 4-78-31 (31664)
গায়নাখ্যানশীলাশ্চ নটা বৈতালিকাস্তথা।
স্তুবন্তস্তানুপাতিষ্ঠন্সূতাশ্চ সহ মাগধৈঃ॥ 4-78-32 (31665)
স্ত্রিয়ো বৃদ্ধাস্তরুণ্যশ্চ উৎসবে তস্য মঙ্গলে।
দ্রৌপদ্যন্তঃপুরে চৈব বিরাটস্য গৃহে স্ত্রিয়ঃ ॥ 4-78-33 (31666)
সুদেষ্ণাং তু পুরস্কৃত্য মৎস্যানামপি চ স্ত্রিয়ঃ।
আজগ্মুশ্চারুপীনাঙ্গ্যঃ সুমৃষ্টমণিকুণ্ডলাঃ॥ 4-78-34 (31667)
বর্ণোপপন্নাস্তা নার্যো রূপবন্তয়ঃ স্বলংকৃতাঃ।
সর্বাসামভবৎকৃষ্ণা রূপেণ বপুষাঽধিকা ॥ 4-78-35 (31668)
পরিবার্যোত্তরাং শ্লাঘ্যাং রাজপুত্রীমলংকৃতাম্।
সুতামিব মহেন্দ্রস্য পুরস্কৃত্যোপতস্থিরে ॥ 4-78-36 (31669)
ভৃঙ্গারুং তু সমাদায় সৌবর্ণং জলপূরিতম্।
পার্থস্য হস্তে সহসা সুতামিন্দীবরেক্ষণাম্।
স্নুষার্থং প্রাক্ষিপদ্বারি বিরাটো বাহিনীপতিঃ ॥ 4-78-37 (31670)
তাং প্রত্যগৃহ্ণাকৌন্তেয়ঃ সুতস্যার্থে মহামনাঃ ।
সৌভদ্রাশ্চানবদ্যাঙ্গো বিরাটতনয়াং তদা ॥ 4-78-38 (31671)
তত্রাতিষ্ঠদ্গৃহীৎবা তু রূপমিন্দ্রাস্য ধারয়ন্।
স্নুষাং তাং পরিগৃহ্ণানঃ কুন্তীপুত্রো যুধিষ্ঠিরঃ ॥ 4-78-39 (31672)
দ্রুপদশ্চ বিরাটশ্চ শিখণ্ডী চ মহাবলঃ ।
যুয়ুধানশ্চ শৈব্যশ্চ ধৃষ্টদ্যুম্নশ্চ সাত্যকিঃ ॥ 4-78-40 (31673)
সপ্তৈতেঽক্ষৌহিণীপালা যজ্বানো ভূরিদক্ষিণাঃ ।
পাণ্ডবং পরিবার্যৈতে নিবেশং চক্রিরে তদা ॥ 4-78-41 (31674)
তত্রস্থায়াং তু সেনায়াং মাৎস্যো ধর্মভৃতাংবরঃ ।
প্রীতো দুহিতরং গৃহ্য প্রদদাবভিমন্যবে ॥ 4-78-42 (31675)
প্রতিগৃহ্যোত্তরাং পার্থঃ পুরস্কৃত্য জনার্দনম্ ।
বিবাহং কারয়ামাস সৌভদ্রস্য মহাত্মনঃ ॥ 4-78-43 (31676)
ততো বিবাহো ববৃধে স্ফীতঃ সর্বগুণান্বিতঃ ।
সৌভদ্রস্যাদ্ভুতং কর্ম পিতুস্তব পিতুস্তদা ॥ 4-78-44 (31677)
ধৌম্যঃ শিষ্যৈঃ পরিবৃতো জুহাবাগ্নৌ বিধানতঃ ।
অগ্নিং প্রদক্ষিণীকুর্বন্সৌভদ্রঃ পাণিমগ্রহীৎ ॥ 4-78-45 (31678)
ততঃ পার্থায় সংহৃষ্টো মাৎস্যরাজো ধনং মহৎ।
তস্মৈ শতসহস্রাণি হয়ানাং বাতরংহসাম্ ॥ 4-78-46 (31679)
দ্বে চ নাগশতে মুখ্যে ধনং বহুবিধং তদা।
প্রাদান্মাৎস্যপতির্হৃষ্টঃ কন্যাধনমনুত্তমম্ ॥ 4-78-47 (31680)
পারিবর্হং চ পার্থেভ্যঃ প্রদদৌ মৎস্যপুঙ্গবঃ ।
কৃষ্ণেন সহ কৌন্তেয়ঃ প্রত্যগৃহ্ণাৎপ্রভূতবৎ ॥ 4-78-48 (31681)
কৃতে বিবাহে তু তদা ধর্মপুত্রো যুধিষ্ঠিরঃ।
ব্রাহ্মণেভ্যো দদৌ বিত্তং যদুপাহরদচ্যুতঃ ॥ 4-78-49 (31682)
গোসহস্রাণি বস্ত্রাণি রত্নানি বিবিধানি চ।
ভূষণানি চ সর্বাণি যানানি শয়নানি চ ॥ 4-78-50 (31683)
নাগরান্প্রীতিভির্দিব্যৈস্তর্পয়ামাস ভূপতিঃ ॥ 4-78-51 (31684)
তন্মহোৎসবসংকাশং হৃষ্টপুষ্টজনাকুলম্।
নগরং মৎস্যরাজস্য শুশুভে ভরতর্ষভ ॥ 4-78-52 (31685)
পুরোহিতৈরমাত্যৈশ্চ পৌরৈর্জানপদৈঃ সহ।
বিরাটো নৃপতিঃ শ্রীমান্সৌভদ্রায়াভিমন্যবে ।
তাং সুতামুত্তরাং দত্ৎবা মুমুদে পরমং তদা ॥ 4-78-53 (31686)
জনমেজয় উবাচ। 4-78-54x (3326)
বৃত্তে বিবাহে হৃষ্টাত্মা যদুবাচ যুধিষ্ঠিরঃ।
তৎসর্বং কথয়স্বেহ কৃতবন্তো যদুত্তরম্ ॥ ॥ 4-78-54 (31687)
ইতি শ্রীমন্মহাভারতে শতসাহস্ত্রিকায়াং সংহিতায়াং বৈয়াসিক্যাং বিরাটপর্বণি বৈবাহিকপর্বণি অষ্টসপ্ততিতমোঽধ্যায়ঃ ॥ ॥ বৈবাহিকপর্ব সমাপ্তম্ ॥ 5 ॥ ॥ সমাপ্তং চ বিরাটপর্ব ॥ 4 ॥