Kumbhaghonam Edition in Bangla Script
5. উদ্যোগপর্ব
উদ্যোগপর্ব - অধ্যায় 001
॥ শ্রীঃ ॥
5.1. অধ্যায়ঃ 001
Mahabharata - Udyoga Parva - Chapter Topics
বিরাটসভাং প্রবিষ্টেষু রাজসু শ্রীকৃষ্ণেন পাণ্ডববৃত্তান্তকথনপূর্বকং ধৃতরাষ্ট্রংপ্রতি দূতপ্রেষণনির্ধারণম্ ॥ 1 ॥Mahabharata - Udyoga Parva - Chapter Text
5-1-0 (31688)
শ্রীবেদব্যাসায় নমঃ। 5-1-0x (3327)
নারায়ণং নমস্কৃত্য নরং চৈব নরোত্তমম্।
দেবীং সরস্বতীং চৈব ততো জয়মুদীরয়েৎ ॥ 5-1-1 (31689)
বৈশম্পায়ন উবাচ। 5-1-1x (3328)
কৃৎবা বিবাহং তু কুরুপ্রবীরা-
স্তদাঽভিমন্যোর্মুদিতাঃ সপক্ষাঃ।
বিশ্রম্য রাত্রাবুষসি প্রতীতাঃ
সভাং বিরাটস্য ততোঽভিজগ্মুঃ ॥ 5-1-1 (31690)
সভা তু সা মৎস্যপতেঃ সমৃদ্ধা
মণিপ্রবেকোত্তমরত্নচিত্রা।
ন্যস্তাসনা মাল্যবতী সুগন্ধা
তামভ্যযুস্তে নররাজবর্যাঃ॥ 5-1-2 (31691)
অথাসনান্যাবিশতাং পুরস্তা-
দুভৌ বিরাটদ্রুপদৌ নরেন্দ্রৌ।
বৃদ্ধৌ চ মান্যৌ পৃথিবীপতীনাং
পিত্রা সমং তমজনার্দনৌ চ ॥ 5-1-3 (31692)
পাঞ্চালরাজস্য সমীপতস্তু
শিনিপ্রবীরঃ সহরৌহিণেয়ঃ
মৎস্যস্য রাজ্ঞস্তু সুসন্নিকৃষ্টৌ
জনার্দনশ্চৈব যুধিষ্ঠিরশ্চ॥ 5-1-4 (31693)
সুতাশ্চ সর্বে দ্রুপদস্য রাজ্ঞো
ভীমার্জুনৌ মাদ্রবতীসুতৌ চ।
প্রদ্যুম্নসাম্বৌ চ যুধি প্রবীরৌ
বিরাটপুত্রৈশ্চ সহাভিমন্যুঃ ॥ 5-1-5 (31694)
সর্বে চ শূরাঃ পিতৃভিঃ সমানা
বীর্যেণ রূপেণ বলেন চৈব।
উপাবিশন্দ্রৌপদেয়াঃ কুমারাঃ
সুবর্ণচিত্রেষু বরাসনেষু ॥ 5-1-6 (31695)
তথোপবিষ্টেষু মহারথেষু
বিরাজমানাভরণাম্বরেষু
ররাজ সা রাজবতী সমৃদ্ধা
গ্রহৈরিব দ্যৌর্বিমলৈরুপেতা ॥ 5-1-7 (31696)
ততঃ কথাস্তে সমবায়যুক্তাঃ
কৃৎবা বিচিত্রাঃ পুরুষপ্রবীরাঃ ।
তস্থুর্মুহূর্তং পরিচিন্তয়ন্তঃ
কৃষ্ণং নৃপাস্তে সমুদীক্ষমাণাঃ ॥ 5-1-8 (31697)
কথান্তমাসাদ্য চ মাধবেন
সংঘট্টিতাঃ পাণ্ডবকার্যহেতোঃ।
তে রাজসিংহাঃ সহিতা হ্যশ্রৃণ্ব-
ন্বাক্যং মহার্থং সুমহোদয়ং চ ॥ 5-1-9 (31698)
শ্রীকৃষ্ণ উবাচ। 5-1-10x (3329)
সর্বৈর্ভবদ্ভির্বিদিতং যথাঽয়ং
যুধিষ্ঠিরঃ সৌবলেনাক্ষবত্যাম্।
জিতো নিকৃত্যাঽপহৃতং চ রাজ্যং
বনপ্রবাসে সময়ঃ কৃতশ্চ ॥ 5-1-10 (31699)
শক্তৈর্বিজেতুং তরসা মহীং চ
সত্যে স্থিতৈঃ সত্যরথৈর্যথাবৎ।
পাণ্ডোঃ সুতৈস্ত্রদ্রুতমুগ্ররূপং
বর্ষাণি ষট্ সপ্ত চ চীর্ণমগ্র্যৈঃ ॥ 5-1-11 (31700)
ত্রয়োদশশ্চৈব সুদুস্তরোঽয়-
মজ্ঞায়মানৈর্ভবতাং সমীপে।
ক্লেশানসহ্যান্বিবিধান্সহদ্ভি-
র্মহাত্মভিশ্চাপি বনে নিবিষ্টম্।
এতৈঃ পরপ্রেষ্যনিয়োগয়ুক্তৈ-
রিচ্ছদ্ভিরাপ্তং স্বকুলেন রাজ্যম্॥ 5-1-12 (31701)
এবং গতে ধর্মসুতস্য রাজ্ঞো
দুর্যোধনস্যাপি চ যদ্ধিতং স্যাৎ।
তচ্চিন্তয়ধ্বং কুরুপাণ্ডবানাং
ধর্ম্যং চ যুক্তং চ যশস্করং চ ॥ 5-1-13 (31702)
অধর্ময়ুক্তং ন চ কাময়েত
রাজ্যং সুরাণামপি ধর্মরাজঃ।
ধর্মার্থয়ুক্তং তু মহীপতিৎবং
গ্রোমেঽপি কস্মিংশ্চিদয়ং বুভূষেৎ ॥ 5-1-14 (31703)
পিত্র্যং হি রাজ্যং বিদিতং নৃপাণাং
যথাঽপকৃষ্টং ধৃতরাষ্ট্রপুত্রৈঃ।
মিথ্যোপচারেণ যথা হ্যনেন
কৃচ্ছ্রং মহৎপ্রাপ্তমসহ্যরূপম্ ॥ 5-1-15 (31704)
ন চাপি পার্থো বিজিতো রণে তৈঃ
স্বতেজসা ধৃতরাষ্ট্রস্য পুত্রৈঃ।
তথাঽপি রাজা সহিতঃ সুহৃদ্ভি-
রভীপ্সতেঽনাময়মেব তেষাম্ ॥ 5-1-16 (31705)
যত্তু স্বয়ং পাণ্ডুসুতৈর্বিজিত্য
সমাহৃতং ভূমিপতীন্প্রপীড্য
তৎপ্রার্থয়ন্তে পুরুষপ্রবীরাঃ
কুন্তীসুতা মাদ্রবতীসুতৌ চ ॥ 5-1-17 (31706)
বলাভিয়ুক্তৈর্বিবিধৈরুপায়ৈঃ
সংপ্রার্থিতা হন্তুমমিত্রসঙ্ঘৈঃ।
রাজ্যং জিহীর্ষদ্ভিরসদ্ভিরুগ্রৈঃ
সর্বং চ তদ্বো বিদিতং যথাবৎ ॥ 5-1-18 (31707)
তেষাং চ লোভং প্রসমীক্ষ্য বৃদ্ধং
ধর্মজ্ঞতাং চাপি যুধিষ্ঠিরস্য।
সংবন্ধিতাং চাপি সমীক্ষ্য তেষাং
মতিং কুরুধ্বং সহিতাঃ পৃথক্ব । 5-1-19 (31708)
ইমে চ সত্যেঽভিরতাঃ সদৈব
তং পালয়িৎবা সময়ং যথাবৎ।
অতোঽন্যথা তৈরুপচর্যমাণা
হন্যুঃ সমেতান্ধৃতরাষ্ট্রপুত্রান্॥ 5-1-20 (31709)
তৈর্বিপ্রকারং চ নিশম্য কার্যে
সুহৃজ্জনাস্তান্পরিবারয়েয়ুঃ।
যুদ্ধেন বাধেয়ুরিমাংস্তথৈবং
তৈর্বাধ্যমানা যুধি তাংশ্চ হন্যুঃ ॥ 5-1-21 (31710)
তথাঽপি নেমেঽল্পতয়াঽসমর্থা-
স্তেষাং জয়ায়েতি ভবেন্মতির্বঃ ।
সমেত্য সর্বে সহিতাঃ সুহৃদ্ভি-
স্তেষাং বিনাশায় যতেয়ুরেব ॥ 5-1-22 (31711)
দুর্যোধনস্যাপি মতং যথাব-
ন্ন জ্ঞায়তে কিং নু করিষ্যতীতি
অজ্ঞায়মানে চ মতে পরস্য
মন্ত্রস্য পারং কথমভ্যুপেমঃ ॥ 5-1-23 (31712)
তস্মাদিতো গচ্ছতু ধর্মশীলঃ
শুচিঃ কুলীনঃ পুরুষোঽপ্রমত্তঃ।
দূতঃ সমর্থঃ প্রশমায় তেষাং
রাজ্যার্ধদানায় যুধিষ্ঠিরস্য ॥ 5-1-24 (31713)
নিশম্য বাক্যং তু জনার্দনস্য
ধর্মার্থয়ুক্তং মধুরং সমং চ।
সমাদদে বাক্যমথাগ্রজোঽস্য
সংপূজ্য বাক্যং তদতীব রাজন্ ॥ ॥ 5-1-25 (31714)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি প্রথমোঽধ্যায়ঃ ॥
Mahabharata - Udyoga Parva - Chapter Footnotes
5-1-1 প্রতীতাঃ প্রবুদ্ধাঃ ॥ 1 ॥ 5-1-3 আবিশতামুপবিষ্টৌ । পিত্রা বসুদেবেন ॥ 3 ॥ 5-1-10 অক্ষবত্যাং দ্যূতক্রীডায়াম্ ॥ 10 ॥ 5-1-11 সত্যং রথবদারোদ্ধং যোগ্যং যোষাম্ ॥ 11 ॥ 5-1-14 বভূষেৎ প্রাপ্তুমিচ্ছেৎ । তঙভাব আর্ষঃ ॥ 14 ॥ 5-1-16 অনাময়ং কুশলম্ ॥ 16 ॥ 5-1-20 অতো রাজ্যার্ধপ্রদানাৎ ॥ 20 ॥উদ্যোগপর্ব - অধ্যায় 002
॥ শ্রীঃ ॥
5.2. অধ্যায়ঃ 002
Mahabharata - Udyoga Parva - Chapter Topics
বলরামেণ কৃষ্ণমতানুমোদনপূর্বকং স্বস্য দুর্যোধনে পক্ষপতাবিষ্করণম্ ॥ 1 ॥Mahabharata - Udyoga Parva - Chapter Text
5-2-0 (31715)
বলদেব উবাচ। 5-2-0x (3330)
শ্রুতং ভবদ্ভির্গদপূর্বজস্য
বাক্যং যথা ধর্মবদর্থবচ্চ।
অজাতশত্রোশ্চ হিতং চ যুক্তং
দুর্যোধনস্যাপি তথৈব রাজ্ঞঃ ॥ 5-2-1 (31716)
অর্ধং হি রাজ্যস্য বিসৃজ্য বীরাঃ
কুন্তীসুতাস্তস্য কৃতে যতন্তে।
প্রদায় চার্ধং ধৃতরাষ্ট্রপুত্রঃ
সুখী সহাস্মাভিরতীব মোদেৎ ॥ 5-2-2 (31717)
লব্ধ্বা হি রাজ্যং পূরুষপ্রবীরাঃ
সম্যক্প্রবৃত্তেষু পরেষু চৈব ।
ধ্রুবং প্রশান্তাঃ সুখমাবিশেয়ু-
স্তেষাং প্রশান্তিশ্চ হিতং প্রজানাম্ ॥ 5-2-3 (31718)
দুর্যোধনস্যাপি মতং চ বেত্তুং
বক্তুং চ বাক্যানি যুধিষ্ঠিরস্য।
প্রিয়ং চ মে স্যাদ্যদি তত্র কশ্চি-
দ্ব্রজেচ্ছমার্থং কুরুপাণ্ডবানাম্ ॥ 5-2-4 (31719)
স ভীষ্মমামন্ত্র্য কুরুপ্রবীরং
বৈচিত্রবীর্যং চ মহানুভাবম্ ।
দ্রোণং সপুত্রং বিদুরং কৃপং চ
গান্ধাররাজং চ সমূতপুত্রম্ ॥ 5-2-5 (31720)
সবে চ যেঽন্যে ধৃতরাষ্ট্রপুত্রা
বলপ্রধানা নিগমপ্রধানাঃ ।
স্থিতাশ্চ ধর্মেষু যথা স্বকেষু
লোকপ্রবীরাঃ শ্রুতশীলবৃদ্ধাঃ ॥ 5-2-6 (31721)
এতেষু সর্বেষু সমাগতেষু
পৌরেষু বৃদ্ধেষু চ সংগতেষু।
ব্রবীতু বাক্যং প্রণিপাতয়ুক্তং
কুন্তীসুতস্যার্থকরং যথা স্যাৎ ॥ 5-2-7 (31722)
সর্বাস্ববস্থাসু চ তে ন কোপ্যা
গ্রস্তো হি সোঽর্থো বলমাশ্রিতৈস্তৈঃ।
প্রিয়াভ্যুপেতস্য যুধিষ্ঠিরস্য
দ্যূতে প্রসক্তস্য হৃতং চ রাজ্যম্ ॥ 5-2-8 (31723)
নিবার্যমাণশ্চ কুরুপ্রবীরঃ
সর্বৈঃ সুহৃদ্ভির্হ্যমপ্যতঞ্ঝঃ।
স দীব্যমানঃ প্রতিদীব্য চৈনং
গান্ধাররাজস্য সুতং মতাক্ষম্ ॥ 5-2-9 (31724)
হিৎবা হি কর্ণং চ সুয়োধনং চ
সমাহ্বয়দ্দেবিতুমাজমীঢঃ।
দুরোদরাস্তত্র সহস্রশোঽন্যে
যুধিষ্ঠিরো যান্বিষহেত জেতুম্ ॥ 5-2-10 (31725)
উৎসৃজ্য তান্সৌবলমেব চায়ং
সমাহ্বয়ত্তেন জিতোঽক্ষবত্যাম্।
স দীব্যমানঃ প্রতিদেবনেন
অক্ষেষু নিত্যং স্বপরাঙ্ভুখেষু ॥ 5-2-11 (31726)
সংরম্ভমাণো বিজিতঃ প্রসহ্য
তত্রাপরাধঃ শকুনের্ন কশ্চিৎ।
তস্মাৎপ্রণম্যৈব বচো ব্রবীতু
বৈচিত্রবীর্যং বহুসাময়ুক্তম্ ॥ 5-2-12 (31727)
তথা হি শক্যো ধৃতরাষ্ট্রপুত্রঃ
স্বার্থেং নিয়োক্তুং পুরুষেণ তেন।
অয়ুদ্ধমাকাঙ্ক্ষত কৌরবাণাং
সাম্নৈব দুর্যোধনমাশ্বসধ্বম্॥ 5-2-13 (31728)
সাম্না জিতোঽর্থোঽর্থকরো ভবেত
যুদ্ধেঽনয়ো ভবিতা নেহ সোঽর্থঃ ॥ 5-2-14 (31729)
এবং ধ্রুবত্যেব মধুপ্রবীরে
শিনিপ্রবীরঃ সহসোৎপপাত
তচ্চাপি বাক্যং পরিনিন্দ্য তস্য
সমাদদে বাক্যমিদং সমুন্যুঃ ॥ ॥ 5-2-15 (31730)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি দ্বিতীয়োঽধ্যায়ঃ ॥
5-2-16 (31731)
Mahabharata - Udyoga Parva - Chapter Footnotes
5-2-3 রাজ্যং রাজ্যার্ধম্ ॥ 3 ॥ 5-2-6 বলং চতুরঙ্গম্। নিগমো নীতিশাস্ত্রং তে উভে প্রধানং যোষাম্ ॥ 5-2-10 দুরোদরাঃ দ্যূতকারাঃ ॥ 5-2-12 সংরম্ভমাণঃ হঠং কুর্বাণঃ ॥উদ্যোগপর্ব - অধ্যায় 003
॥ শ্রীঃ ॥
5.3. অধ্যায়ঃ 003
Mahabharata - Udyoga Parva - Chapter Topics
সাত্যকিনা বলরামবচনপ্রতিক্ষেপপূর্বকং দুর্যোধননিগ্রহনির্ধারণম্ ॥ 1 ॥Mahabharata - Udyoga Parva - Chapter Text
5-3-0 (31732)
সাত্যকিরুবাচ। 5-3-0x (3331)
যাদৃশঃ পুরুষস্যাত্মা তাদৃশং সংপ্রভাষতে।
যথারূপোঽন্তরাত্মা তে তথারূপং প্রভাষতে ॥ 5-3-1 (31733)
সন্তি বৈ পুরুষাঃ শূরাঃ সন্তি কাপুরুষাস্তথা।
উভাবেতৌ দৃঢৌ পক্ষৌ দৃশ্যেতে পুরুষান্প্রতি ॥ 5-3-2 (31734)
একস্মিন্নেব জায়েতে কুলে ক্লীবমহাবলৌ ।
ফলাফলবতী শাখে যথৈকস্মিন্বনস্পতৌ ॥ 5-3-3 (31735)
নাভ্যসূয়ামি তে বাক্যং ব্রুবতো লাঙ্গলধ্বজ।
যে তু শৃণ্বন্তি তে বাক্যং তানসূয়ামি মাধব ॥ 5-3-4 (31736)
কথং হি ধর্মরাজস্য দোষমল্পমপি ব্রুবন্।
লভতে পরিষন্মধ্যে ব্যাহর্তুমকুতোভয়ঃ॥ 5-3-5 (31737)
সমাহূয় মহাত্মানং জিতবন্তোঽক্ষকোবিদাঃ।
অনক্ষজ্ঞং যথাঽশ্রদ্ধং তেষু ধর্মজয়ঃ কুতঃ। 5-3-6 (31738)
যদি কুন্তীসুতং গেহে ক্রীডন্তং ভ্রাতৃভিঃ সহ ।
অভিগম্য জয়েয়ুস্তে তত্তেষাং ধর্মতো ভবেৎ ॥ 5-3-7 (31739)
সমাহূয় তু রাজানং ক্ষত্রধর্মরতং সদা।
নিকৃত্যা জিতবন্তস্তে কিং নু তেষাং পরং শুভম্ ॥ 5-3-8 (31740)
কথং প্রণিপতেচ্চায়মিহ কৃৎবা পণং পরম্।
বনবাসাদ্বিমুক্তরতু প্রাপ্তঃ পৈতামহং পদম্ ॥ 5-3-9 (31741)
যদ্যযং পরবিত্তানি কাময়েত যুধিষ্ঠিরঃ।
এবমপ্যযমত্যন্তং পরান্নার্হতি যাচিতুম্ ॥ 5-3-10 (31742)
কথং চ ধর্ময়ুক্তাস্তে ন চ রাজ্যং জিহীর্ষবঃ।
নিবৃত্তবনবাসাংস্তান্য আহুর্বিদিতা ইতি ॥ 5-3-11 (31743)
অনুনীতা হি ভীষ্মেণ দ্রোণেন বিদুরেণ চ।
ন ব্যবস্যন্তি পাণ্ডূনাং প্রদাতুং পৈতৃকং বসু ॥ 5-3-12 (31744)
অহং তু তাঞ্ছিতৈর্বাণৈরনুনীয় রণে বলাৎ।
পাদয়োঃ পাতয়িষ্যামি কৌন্তেয়স্য মহাত্মনঃ ॥ 5-3-13 (31745)
অথ তে ন ব্যবস্যন্তি প্রণিপাতায় ধীমতঃ।
গমিষ্যন্তি সহামাত্যা যমস্য সদনং প্রতি॥ 5-3-14 (31746)
ন হি তে যুয়ুধানস্য সংরব্ধস্য যুয়ুৎসতঃ।
বেগং সমর্থাঃ সংসোদ্ধুং বজ্রস্যেব মহীধরাঃ ॥ 5-3-15 (31747)
কো হি গাণ্ডীবধন্বানং কশ্চ চক্রায়ুধং যুধি ।
মাং চাপি বিষহেৎক্রুদ্ধং কশ্চ ভীমং দুরাসদম্ ॥ 5-3-16 (31748)
যমৌ চ দৃঢধন্বানৌ যমকল্পৌ মহাদ্যুতী।
বিরাটদ্রুপদৌ বীরৌ যমকালোপমদ্যুতী॥ 5-3-17 (31749)
কো জিজীবিষুরাসাদেদ্ধৃষ্টদ্যুম্নং চ পার্ষতম্।
পঞ্চৈতান্পাণ্ডবেয়াংস্তু দ্রৌপদ্যাঃ কীর্তিবর্ধনান্ ॥ 5-3-18 (31750)
সমপ্রমাণান্পাণ্ডূনাং সমবীর্যান্মদোৎকটান্ ।
সৌভদ্রং চ মহেষ্বাসমমরৈরপি দুঃসহম্ ॥ 5-3-19 (31751)
গদপ্রদ্যুম্নসাম্বাংশ্চ কালসূর্যানলোপমান্।
তে বয়ং ধৃতরাষ্ট্রস্য পুত্রং শকুনিনা সহ ॥ 5-3-20 (31752)
কর্ণং চৈব নিহত্যাজাবভিষেক্ষ্যাম পাণ্ডবম্ ।
নাধর্মো বিদ্যতে কশ্চিচ্ছত্রূন্হৎবাঽঽততায়িনঃ ॥ 5-3-21 (31753)
অধর্ম্যময়শস্যং চ শাত্রবাণাং প্রয়াচনম্।
হৃদ্ভতস্তস্য যঃ কামস্তং কুরুধ্বমতন্দ্রিতাঃ ॥ 5-3-22 (31754)
ধার্তরাষ্ট্রো হ্যযুদ্ধেন ন রাজ্যং দাতুমিচ্ছতি।
অদ্য পাণ্ডুসুতো রাজ্যং লভতাং বা যুধিষ্ঠিরঃ।
নিহতা বা রণে সর্বে স্বপ্স্যন্তি বসুধাতলে ॥ ॥ 5-3-23 (31755)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি তৃতীয়োঽধ্যায়ঃ ॥
Mahabharata - Udyoga Parva - Chapter Footnotes
5-3-3 ফলাফলাবতী। সুপো লুক্ আর্ষঃ পূর্বসবর্ণো বা ॥ 3 ॥উদ্যোগপর্ব - অধ্যায় 004
॥ শ্রীঃ ॥
5.4. অধ্যায়ঃ 004
Mahabharata - Udyoga Parva - Chapter Topics
দ্রুপদেন সাত্যকিমতানুমোদনেন রাজ্ঞামাহ্বানায় দূতপ্রস্থনকথনপূর্বকং স্বপুরোহিতস্য ধৃতরাষ্ট্রংপ্রতি প্রেষণকথনম্ ॥ 1 ॥Mahabharata - Udyoga Parva - Chapter Text
5-4-0 (31756)
দ্রুপদ উবাচ। 5-4-0x (3332)
এবমেতন্মহাবাহো ভবিষ্যতি ন সংশয়ঃ।
ন হি দুর্যোধনো রাজ্যং মধুরেণ প্রদাস্যতি ॥ 5-4-1 (31757)
অনুবর্ৎস্যতি তং চাপি ধৃতরাষ্ট্রঃ সুতপ্রিয়ঃ।
ভীষ্মদ্রোণৌ চ কার্পণ্যান্মৌর্খ্যাদ্রাধেয়সৌবলৌ ॥ 5-4-2 (31758)
বলদেবস্য বাক্যং তু মম জ্ঞানে ন যুজ্যতে।
এতদ্ধি পুরুষেণাগ্রে কার্যং সুনয়মিচ্ছতা ॥ 5-4-3 (31759)
ন তু বাচ্যো মৃদুবচো ধার্তরাষ্ট্রঃ কথংচন ।
নহি মার্দবসাধ্যোঽসৌ পাপবুদ্ধির্মতো মম ॥ 5-4-4 (31760)
গর্দভে মার্দবং কুর্যাদ্গোষু তীক্ষ্ণং সমাচরেৎ ।
মৃদু দুর্যোধনে বাক্যং যো ব্রূয়াৎপাপচেতসি ॥ 5-4-5 (31761)
মৃদুং বৈ মন্যতে পাপো ভাষমাণমশক্তিকম্ ।
হিতমর্থং ন জানীয়াদবুদ্ধির্মার্দবে সতি ॥ 5-4-6 (31762)
এতচ্চৈব করিষ্যামো যত্নশ্চ ক্রিয়তামিহ ।
প্রস্থাপয়াম মিত্রেভ্যো বলান্যুদ্যোজয়ন্তু নঃ ॥ 5-4-7 (31763)
শল্যস্য ধৃষ্টকেতোশ্চ জয়ৎসেনস্য বা বিভো ।
কেকয়ানাং চ সর্বেষাং দূতা গচ্ছন্তু শীঘ্রগাঃ ॥ 5-4-8 (31764)
স চ দুর্যোধনো নূনং প্রেষয়িষ্যতি সর্বশঃ ।
পূর্বাভিপন্নাঃ সন্তশ্চ ভজন্তে পূর্বচোদনম্ ॥ 5-4-9 (31765)
তৎবরধ্বং নরেন্দ্রাণাং পূর্বমেব প্রচোদনে ।
মহদ্ধি কার্যং বোঢব্যমিতি মে বর্ততে মতিঃ ॥ 5-4-10 (31766)
শল্যস্য প্রেষ্যতাং শীঘ্রং যে চ তস্যানুগা নৃপাঃ ।
ভগদত্তায় রাজ্ঞে চ পূর্বসাগরবাসিনে ॥ 5-4-11 (31767)
অমিতৌজসে তথোগ্রায় হার্দিক্যায়ান্ধকায় চ।
দীর্ঘপ্রজ্ঞায় শূরায় রোচমানায় বা বিভো ॥ 5-4-12 (31768)
আনীয়তাং বৃহন্তশ্চ সেনাবিন্দুশ্চ পার্থিবঃ ।
সেনজিৎপ্রতিবিন্ধ্যশ্চ চিত্রবর্মা সুবাস্তুকঃ ॥ 5-4-13 (31769)
বাহ্লীকো মুঞ্জকেশশ্চ চৈদ্যাধিপতিরেব চ।
সুপার্শ্বশ্চ সুবাহুশ্চ পৌরবশ্চ মহারথঃ ॥ 5-4-14 (31770)
শকানাং পহ্লবানাং কর্ণবেষ্টশ্চ পার্থিবঃ ॥
সুরারিশ্চ নদীজশ্চ কর্ণবেষ্টশ্চ পার্থিবঃ ॥ 5-4-15 (31771)
নীলশ্চ বীরধর্মা চ ভূমিপালশ্চ বীর্যবান্ ।
দুর্জয়ো দন্তবক্রশ্চ রুক্মী চ জনমেজয়ঃ ॥ 5-4-16 (31772)
আষাঢো বায়ুবেগশ্চ পূর্বপালী চ পার্থিবঃ ।
ভূরিতেজা দেবকশ্চ একলব্যঃ সহাত্মজৈঃ ॥ 5-4-17 (31773)
কারূষকাশ্চ রাজানঃ ক্ষেমধূর্তিশ্চ বীর্যবান্ ।
কাম্ভোজা ঋষিকা যে চ পশ্চিমানূপকাশ্চ যে ॥ 5-4-18 (31774)
জয়ৎসেনশ্চ কাশ্যশ্চ তথা পঞ্চনদা নৃপাঃ ॥
জানকিশ্চ দুর্ধর্ষঃ পার্বতীয়াশ্চ যে নৃপাঃ ॥ 5-4-19 (31775)
জানকিশ্চ সুশর্মা চ মণিমান্যোতিমৎসকঃ।
পাংশুরাষ্ট্রাধিপশ্চৈব ধৃষ্টকেতুশ্চ বীর্যবান্ ॥ 5-4-20 (31776)
তুণ্ডশ্চ দণ্ডধারশ্চ বৃহৎসেনশ্চ বীর্যবান্।
অপরাজিতো নিষাদশ্চ শ্রেণিমান্বসুমানপি ॥ 5-4-21 (31777)
বৃহদ্বলো মহৌজাশ্চ বাহুঃ পরপুরংজয়ঃ ।
সমুদ্রসেনো রাজা চ সহ পুত্রেণ বীর্যবান্ ॥ 5-4-22 (31778)
উদ্ভবঃ ক্ষেমকশ্চৈব বাটধানশ্চ পার্থিবঃ ।
শ্রুতায়ুশ্চ দৃঢায়ুশ্চ সাল্বপুত্রশ্চ বীর্যবান্ ॥ 5-4-23 (31779)
কুমারশ্চ কলিঙ্গানামীশ্বরো যুদ্ধদুর্মদঃ ।
এতেষাং প্রেষ্যতাং শীঘ্রমেতদ্ধি মম রোচতে ॥ 5-4-24 (31780)
অয়ং চ ব্রাহ্মণো বিদ্বান্মম রাজন্পুরোহিতঃ।
প্রেষ্যতাং ধৃতরাষ্ট্রায় বাক্যমস্মৈ প্রদীয়তাম্ ॥ 5-4-25 (31781)
যথা দুর্যোধনো বাচ্যো যথা সান্তনবো নৃপঃ ।
ধৃতরাষ্ট্রো যথা বাচ্যো দ্রোণশ্চ রথিনাং বরঃ ॥ ॥ 5-4-26 (31782)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি চতুর্থোঽধ্যায়ঃ ॥
Mahabharata - Udyoga Parva - Chapter Footnotes
5-4-2 কার্পণ্যাৎ তদন্নভক্ষণেন দৈন্যাৎ ॥ 2 ॥উদ্যোগপর্ব - অধ্যায় 005
॥ শ্রীঃ ॥
5.5. অধ্যায়ঃ 005
Mahabharata - Udyoga Parva - Chapter Topics
শ্রীকৃষ্ণেন দ্রুপদবাক্যপ্রশংসনপূর্বকং রাজ্ঞাং ধৃতরাষ্ট্রস্য চ দূতপুরোহিতপ্রেষণং সংদিশ্য দ্বারকাংপ্রতি গমনম্ ॥ 1 ॥ বিরাটদ্রুপদদূতাহূদানাং রাজ্ঞামাগমনম্ ॥ 2 ॥ দুর্যোধনদূতাহূতানাং চ রাজ্ঞামাগমনম্ ॥ 3 ॥Mahabharata - Udyoga Parva - Chapter Text
5-5-0 (31783)
বৈশম্পায়ন উবাচ। 5-5-0x (3333)
দ্রুপদেনৈবমুক্তে তু বাক্যে বাক্যবিদাং বরঃ।
বসুদেবসুতস্তত্র পৃষ্ণিসিংহোঽব্রবীদিদম্ ॥ 5-5-1 (31784)
উপপন্নমিদং বাক্যং সোমকানাং ধুরংধরে।
অর্থসিদ্ধিকরং রাজ্ঞঃ পাণ্ডবস্যামিতৌজসঃ ॥ 5-5-2 (31785)
এতচ্চ পূর্বং কার্যং নঃ সুনীতিমভিকাঙ্ক্ষতাম্।
অন্যথা হ্যাচরন্কর্ম পুরুষঃ স্যাৎসুবালিশঃ ॥ 5-5-3 (31786)
কিং তু সংবন্ধকং তুল্যমস্মাকং কুরুপাণ্ডুষু।
যথেষ্টং বর্তমানেষু পাণ্ডবেষু চ তেষু চ ॥ 5-5-4 (31787)
তে বিবাহার্থমানীতা বয়ং সর্বে তথা ভবান্ ।
কৃতে বিবাহে মুদিতা গমিষ্যামো গৃহান্প্রতি ॥ 5-5-5 (31788)
ভবান্বৃদ্ধতমো রাজ্ঞাং বয়সা চ শ্রুতেন চ।
শিষ্যবত্তে বয়ং সর্বে ভবামেহ ন সংশয়ঃ ॥ 5-5-6 (31789)
ভবন্তং ধৃতরাষ্ট্রশ্চ সততং বহু মন্যতে।
আচার্যযোঃ সখা চাসি দ্রোণস্য চ কৃপস্ব চ ॥ 5-5-7 (31790)
স ভবান্প্রেষয়ৎবদ্য পাণ্ডবার্থকরং বচঃ।
সর্বেষাং নিশ্চিতং তন্নঃ প্রেষয়িষ্যতি যদ্ভবান্ ॥ 5-5-8 (31791)
যদি তাবচ্ছমং কুর্যন্ন্যায়েন কুরুপুঙ্গবঃ।
ন ভবেৎকুরুপাণ্ডূনাং সৌভ্রাত্রেণ মহান্ক্ষয়ঃ ॥ 5-5-9 (31792)
অথ দর্পান্বিতো মোহান্ন কুর্যাদ্ধৃতরাষ্ট্রজঃ ।
অন্যেষাং প্রেষয়িৎবা চ পশ্চাদস্মান্সভাহ্বয়ে ॥ 5-5-10 (31793)
ততো দুর্যোধনো মন্দঃ সহামাত্যঃ সবান্ধবঃ ।
নিষ্ঠামাপৎস্যতে মূঢঃ ক্রুদ্ধে গাণ্ডীবধন্বনি ॥ 5-5-11 (31794)
বৈশম্পায়ন উবাচ। 5-5-12x (3334)
ততঃ সৎকৃত্য বার্ষ্ণেয়ং বিরাটঃ পৃথিবীপতিঃ ।
গৃহান্প্রস্থাপয়ামাস সগণং সহবান্ধবম্ ॥ 5-5-12 (31795)
দ্বারকং তু গতে কৃষ্ণে যুধিষ্ঠিরপুরোগমাঃ।
চক্রুঃ সাঙ্ঘ্রামিকং সর্বং বিরাটশ্চ মহীপতিঃ ॥ 5-5-13 (31796)
ততঃ সংপ্রেষয়ামাস বিরাটঃ সহ বান্ধবৈঃ ।
সর্বেষাং ভূমিপালানাং দ্রুপদশ্চ মহীপতিঃ ॥ 5-5-14 (31797)
বচনাৎকুরুসিংহানাং মৎস্যপাঞ্চালয়োশ্চ তে ।
সমাজগ্মুর্মহীপালাঃ সংপ্রহৃষ্টা মহাবলাঃ ॥ 5-5-15 (31798)
তচ্ছ্রুৎবা পাণ্ডুপুত্রাণাং সমাগচ্ছন্মহদ্বলম্ ।
ধৃতরাষ্ট্রসুতাশ্চাপি সমানিন্যুর্মহীপতীন্ ॥ 5-5-16 (31799)
সমাকুলা মহী রাজন্কুরুপাণ্ডবকারণাৎ।
তদা সমভবৎকৃৎস্না সংপ্রয়াণে মহীক্ষিতাম্ ॥ 5-5-17 (31800)
সংকুলা চ তদা ভূমিশ্চতুরঙ্গবলান্বিতা।
বলানি তেষাং বীরাণামাগচ্ছন্তি ততস্ততঃ ॥ 5-5-18 (31801)
চালয়ন্তীব গাং দেবীং সপর্বতবনামিমাম্।
ততঃ প্রজ্ঞাবয়োবৃদ্ধং পাঞ্চাল্যঃ স্বপুরোহিতম্।
কুরুভ্যঃ প্রেষয়ামাস যুধিষ্ঠিরমতে স্থিতঃ ॥ ॥ 5-5-19 (31802)
ইতি শ্রীমন্মহাভারতে উদ্যোগপর্বণি সেনোদ্যেগপর্বণি প়ঞ্চমোঽধ্যায়ঃ ॥
Mahabharata - Udyoga Parva - Chapter Footnotes
5-5-4 সংবন্ধকং তুত্যমিতি। পাণ্ডবেষু কুন্তীদ্বারা । কুরুষু দুর্যোধনকন্যায়াঃ সাম্বেনাহরণাৎ ॥ 5-5-11 নিষ্ঠাং নাশম্ ॥উদ্যোগপর্ব - অধ্যায় 006
॥ শ্রীঃ ॥
5.6. অধ্যায়ঃ 006
Mahabharata - Udyoga Parva - Chapter Topics
দ্রুপদেন ধৃতরাষ্ট্রংপ্রতি স্বপুরোহিতপ্রেষণম্ ॥ 1 ॥ পুরোহিতস্য হাস্তিনপুরগমনম্ ॥ 2 ॥Mahabharata - Udyoga Parva - Chapter Text
5-6-0 (31803)
দ্রুপদ উবাচ। 5-6-0x (3335)
ভূতানাং প্রাণিনঃ শ্রেষ্ঠাঃ প্রাণিনাং বুদ্ধিজীবিনঃ।
বুদ্ধিমৎসু নরাঃ শ্রেষ্ঠা নরেষ্বপি দ্বিজাতয়ঃ ॥ 5-6-1 (31804)
দ্বিজেষু বৈদ্যাঃ শ্রেয়াংসো বৈদ্যেষু কৃতবুদ্ধয়ঃ।
কৃতবুদ্ধিষু কর্তারঃ কর্তৃষু ব্রহ্মবাদিনঃ ॥ 5-6-2 (31805)
স ভবান্কৃবুদ্ধীনাং প্রধান ইতি মে মতিঃ ।
কুলেন চ বিশিষ্টোঽসি বয়সা চ শ্রুতেন চ।
প্রজ্ঞয়া সদৃশশ্চাসি শুক্রেণাঙ্গিরসেন চ ॥ 5-6-3 (31806)
বিদিতং চাপি তে সর্বং যথাবৃত্তঃ স কৌরবঃ ।
পাণ্ডবশ্চ যথাবৃত্তঃ কুন্তীপুত্রো যুধিষ্ঠিরঃ ॥ 5-6-4 (31807)
ধৃতরাষ্ট্রস্য বিদিতে বঞ্চিতাঃ পাণ্ডবাঃ পরৈঃ ।
বিদুরেণানুনীতোঽপি পুত্রমেবানুবর্ততে ॥ 5-6-5 (31808)
শকুনির্বুদ্ধিপূর্বং হি কুন্তীপুত্রং সমাহ্বয়ৎ ।
অনক্ষজ্ঞং মতাক্ষঃ সন্ক্ষত্রবৃত্তে স্থিতং শুচিম্ ॥ 5-6-6 (31809)
তে তথা বঞ্চয়িৎবা তু ধর্মরাজং যুধিষ্ঠিরম্ ।
ন কস্যাংচিদবস্থায়াং রাজ্যং দাস্যন্তি বৈ স্বয়ম্ ॥ 5-6-7 (31810)
ভবাংস্তু ধর্মসংয়ুক্তং ধৃতরাষ্ট্রং ব্রুবন্বচঃ ।
মনাংসি তস্য যোধানাং ধ্রুবমাবর্তয়িষ্যতি ॥ 5-6-8 (31811)
বিদুরশ্চাপি তদ্বাক্যং সাধয়িষ্যতি তাবকম্।
ভীষ্মদ্রোণকৃপাদীনাং ভেদং সংজনয়িষ্যতি ॥ 5-6-9 (31812)
অমাত্যেষু চ ভিন্নেষু যোধেষু বিমুখেষু চ।
পুনরেকত্র করণং তেষাং কর্ম ভবিষ্যতি ॥ 5-6-10 (31813)
এতস্মিন্নন্তরে পার্থাঃ সুখমেকাগ্রবুদ্ধয়ঃ।
সেনাকর্ম করিষ্যন্তি দ্রব্যাণাং চৈব সঞ্চয়ম্ ॥ 5-6-11 (31814)
ভিদ্যমানেষু চ স্বেষু লম্বমানে তথা ৎবয়ি।
ন তথা তে করিষ্যন্তি সেনাকর্ম ন সংশয়ঃ ॥ 5-6-12 (31815)
এতৎপ্রয়োজনং চাত্র প্রাধান্যেনোপলভ্যতে।
সংগত্যা ধৃতরাষ্ট্রশ্চ কুর্যাদ্ধর্ম্যং বচস্তব ॥ 5-6-13 (31816)
স ভবান্ধর্ময়ুক্তশ্চ ধর্ম্যং তেষু সমাচরন্ ।
কৃপালুষু পরিক্লেশান্পাণ্ডবীয়ান্প্রকীর্তয়ন্ ॥ 5-6-14 (31817)
বৃদ্ধেষু কুলধর্মং চ ব্রুবন্পূর্বৈরনুষ্ঠিতম্ ।
বিভেৎস্যতি মনাংস্যেষমিতি মে নাত্র সংশয়ঃ ॥ 5-6-15 (31818)
ন চ তেভ্যো ভয়ং তেঽস্তি ব্রাহ্মণো হ্যসি বেদবিৎ ।
দূতকর্মণি যুক্তশ্চ স্থবিরশ্চ বিশেষতঃ ॥ 5-6-16 (31819)
স ভবান্পুষ্যযোগেন মুহূর্তেন জয়েন চ।
কৌরবেয়ান্প্রয়াৎবাশু কৌন্তেয়স্যার্থসিদ্ধয়ে ॥ 5-6-17 (31820)
বৈশম্পায়ন উবাচ। 5-6-18x (3336)
তথাঽনুশিষ্টঃ প্রয়যৌ দ্রুপদেন মহাত্মনা।
পুরোধা বৃত্তসংপন্নো নগরং নাগসাহ্বয়ম্ ॥ 5-6-18 (31821)
শিষ্যৈঃ পরিবৃতো বিদ্বান্নীতিশাস্ত্রার্থকোবিদঃ ।
পাণ্ডবানাং হিতার্থায় কৌরবান্প্রতিজগ্মিবান্ ॥ ॥ 5-6-19 (31822)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি ষষ্ঠোঽধ্যায়ঃ ॥
Mahabharata - Udyoga Parva - Chapter Footnotes
5-6-2 বৈদ্যাঃ বিদ্যাবন্তঃ । কৃতবুদ্ধয়ঃ সিদ্ধান্তজ্ঞাঃ ॥ 2 ॥উদ্যোগপর্ব - অধ্যায় 007
॥ শ্রীঃ ॥
5.7. অধ্যায়ঃ 007
Mahabharata - Udyoga Parva - Chapter Topics
দুর্যোধনার্জুনয়োঃ কৃষ্ণদর্শনায় যদৃচ্ছয়া যুগপৎ দ্বারকাগমনম্ ॥ 1 ॥ অর্জুনেন সারথ্যেন বরয়িৎবা তেন সহ যুধিষ্ঠিরসমীপগমনম্ ॥ 2 ॥ দুর্যোধনেন নারায়ণাহ্বয়কৃষ্ণকুমারানাদায় কৃতবর্মণাসহ স্বপুরগমনম্ ॥ 3 ॥Mahabharata - Udyoga Parva - Chapter Text
5-7-0 (31823)
বৈশম্পায়ন উবাচ। 5-7-0x (3337)
পুরোহিতং তে প্রস্থাপ্য নগরং নাগসাহ্বয়ম্।
দূতান্প্রস্থাপয়ামাসুঃ পার্থিবেভ্যস্ততস্ততঃ ॥ 5-7-1 (31824)
প্রস্থাপ্য দূতানন্যত্র দ্বারকাং পুরুষর্ষভঃ ।
স্বয়ং জগাম কৌরব্যঃ কুন্তীপুত্রো ধনঞ্জয়ঃ ॥ 5-7-2 (31825)
গতে দ্বারবতীং কৃষ্ণ বলদেবে চ মাধবে।
সহ বৃষ্ণ্যন্ধকৈঃ সর্বৈর্ভোজৈশ্চ শতশস্তদা ॥ 5-7-3 (31826)
সর্বমাগময়ামাস পাণ্ডবানাং বিচেষ্টিতম্ ।
ধৃতরাষ্ট্রাত্মজো রাজা গূঢৈঃ প্রণিহিতৈশ্চরৈঃ ॥ 5-7-4 (31827)
স শ্রুৎবা মাধবং যান্তং সদশ্বৈরনিলোপমৈঃ ।
বলেন নাতিমহতা দ্বারকামভ্যযাৎপুরীম্ ॥ 5-7-5 (31828)
তমেব দিবসং চাপি কৌন্তেয়ঃ পাণ্ডুনন্দনঃ ।
আনন্রতনগরীং রম্যাং জগামাশু ধনঞ্জয়ঃ ॥ 5-7-6 (31829)
তৌ যাৎবা পুরুষব্যাঘ্রৌ দ্বারকাং কুরুনন্দনৌ ।
সুপ্তং দদৃশতুঃ কৃষ্ণং শয়ানং চাভিজগ্মতুঃ ॥ 5-7-7 (31830)
দুর্যোধনস্তু প্রথমং বাসুদেবমুপাশ্রয়ৎ ।
উচ্ছীর্ষতশ্চ কৃষ্ণস্য নিষসাদ বরাসনে ॥ 5-7-8 (31831)
ততঃ কিরীটী তস্যানু প্রবিবেশ মহামনাঃ ।
পশ্চার্ধে তু স কৃষ্ণস্য প্রহ্বোঽতিষ্ঠৎকৃতাঞ্জলিঃ ॥ 5-7-9 (31832)
প্রতিবুদ্ধঃ স বার্ষ্ণেয়ো দদর্শাগ্রে কিরীটিনাম্।
সিংহাসনগতং পশ্চাৎপরিবৃত্য চ দৃষ্টবান্ ॥ 5-7-10 (31833)
স তয়োঃ স্বাগতং কৃৎবা যথাবৎপ্রতিপূজ্য তৌ ।
তদাগমনজং হেতুং পপ্রচ্ছ মধুসূদনঃ ॥ 5-7-11 (31834)
ততো দুর্যোধনঃ কৃষ্ণামুবাচ প্রহসন্নিব।
বিগ্রহেঽস্মিন্ভবান্সাহ্যং মম দাতুমিহার্হতি ॥ 5-7-12 (31835)
সমং হি ভবতঃ সখ্যং মম চৈবার্জুনেঽপি চ।
তথা সংবন্ধকং তুল্যমস্মাকং ৎবয়ি মাধব ॥ 5-7-13 (31836)
অহং চাভিগতং সন্তো ভজন্তে পূর্বসারিণঃ ॥
ৎবং চ শ্রেষ্ঠতমো লোকে সতামদ্য জনার্দন । 5-7-14 (31837)
সততং সংমতশ্চৈব সদ্বৃত্তমনুপালয় ॥ 5-7-15 (31838)
কৃষ্ণ উবাচ। 5-7-16x (3338)
ভবানভিগতঃ পূর্বমত্র মে নাস্তি সংশয়ঃ।
দৃষ্টস্তু প্রথমং রাজন্ময়া পার্থো ধনঞ্জয়ঃ ॥ 5-7-16 (31839)
তব পূর্বাভিগমনাৎপূর্বং চাপ্যস্য দর্শনাৎ ।
সাহায়্যমুভয়োরেব করিষ্যামি সুয়োধন ॥ 5-7-17 (31840)
প্রবারণং তু বালানাং পূর্বং কার্যমিতি শ্রুতিঃ।
তস্মাৎপ্রবারণং পূর্বমর্হঃ পার্থো ধনঞ্জয়ঃ ॥ 5-7-18 (31841)
মৎসংহননতুল্যানাং গোপানামর্বুদং মহৎ।
নারায়ণা ইতি খ্যাতাঃ সর্বে সংগ্রাময়োধিনঃ ॥ 5-7-19 (31842)
তে বা যুধি দুরাধর্ষা ভবন্ৎবেকস্য সৈনিকাঃ ।
অয়ুধ্যমানঃ সংগ্রামে ন্যস্তশস্ত্রোঽহমেকতঃ ॥ 5-7-20 (31843)
আভ্যামন্যতরং পার্থ যত্তে হৃদ্যতরং মতম্।
তদ্বৃণীতাং ভবানগ্রে প্রবার্যস্ৎবং হি ধর্মতঃ ॥ 5-7-21 (31844)
` এতদ্বিদিৎবা কৌন্তেয় বিচার্য চ পুনঃ পুনঃ ।
তান্বা বরয় সাহায়্যে মাং সাচিব্যেঽথবা পুনঃ ' 5-7-22 (31845)
বৈশম্পায়ন উবাচ। 5-7-23x (3339)
এবমুক্তস্তু কৃষ্ণেন কুন্তীপুত্রে ধনঞ্জয়ঃ।
অয়ুধ্যমানং সংগ্রামে বরয়ামাস কেশবম্॥ 5-7-23 (31846)
নারায়ণমমিঘ্নং কামাজ্জাতমজং নৃষু ।
সর্বক্ষত্রস্য পুরতো দেবদানবয়োরপি ॥ 5-7-24 (31847)
দুর্যোধনস্তু তৎসৈন্যং সর্বমাবরয়ত্তদা ।
সহস্রাণাং মহস্রং তু যোধানাং প্রাপ্য ভারত ॥ 5-7-25 (31848)
কৃষ্ণং চাপহৃতং জ্ঞাৎবা সংপ্রাপ পরমাং মুদম্ ।
দুর্যোধনস্তু তৎসৈন্যং সর্বমাদায় পার্থিবঃ ॥ 5-7-26 (31849)
ততোঽভ্যযাদ্ভীমবলো রৌহিণেয়ং মহাবলম্ ।
সর্বং চাগমনে হেতুং স তস্মৈ সংন্যবেদয়ৎ।
প্রত্যুবাচ ততঃ শৌরির্ধার্তরাষ্ট্রমিদং বচঃ ॥ 5-7-27 (31850)
বলদেব উবাচ। 5-7-28x (3340)
বিদিতং তে নরব্যাঘ্র সর্বং ভবিতুমর্হতি।
যন্ময়োক্তং বিরাটস্য পুরা বৈবাহিকে তদা ॥ 5-7-28 (31851)
নিগৃহ্যোক্তো হৃষীকেশস্ৎবদর্থং কুরুনন্দন।
ময়া সংবন্ধকং তুল্যমিতি রাজন্পুনঃপুনঃ ॥ 5-7-29 (31852)
ন চ তদ্বাক্যমুক্তং বৈ কেশবং প্রত্যপদ্যত।
ন চাহমুৎসহে কৃষ্ণং বিনা স্থাতুমপি ক্ষণম্॥ 5-7-30 (31853)
নাহং সহায়ঃ পার্থস্য নাপি দুর্যোধনস্য বৈ ।
ইতি মে নিশ্চিতা বুদ্ধির্বাসুদেবমবেক্ষ্য হ ॥ 5-7-31 (31854)
জাতোঽসি ভারতে বংশে সর্বপার্থিবপূজিতে ।
গচ্ছ যুধ্যস্ব ধর্মেণ ক্ষাত্রেণ পুরুষর্ষভ ॥ 5-7-32 (31855)
বৈশম্পায়ন উবাচ। 5-7-33x (3341)
ইত্যেবমুক্তস্তু তদা পরিষ্বজ্য হলায়ুধম্।
কৃষ্ণং চাপি মহাবাহুমামন্ত্র্য ভরতর্ষভ ॥ 5-7-33 (31856)
সোঽভ্যযাৎকৃতবর্মাণং ধৃতরাষ্ট্রসুতো নৃপঃ ।
কৃতবর্মা দদৌ তস্য সেনামক্ষৌহিণীং তদা ॥ 5-7-34 (31857)
স তেন সর্বসৈন্যেন ভীমেন কুরুনন্দনঃ ।
বৃতঃ পরিয়যৌ হৃষ্টঃ সুহৃদঃ সংপ্রহর্ষয়ন্ ॥ 5-7-35 (31858)
ততঃ পীতাম্বরধরো জগৎস্রষ্টা জনার্দনঃ ।
গতে দুর্যোধনে কৃষ্ণঃ কিরীটিনমথাব্রবীৎ ॥ 5-7-36 (31859)
অয়ুধ্যমানঃ কাং বৃদ্ধিমাস্থায়াহং বৃতস্ৎবয়া । 5-7-37 (31860)
অর্জুন উবাচ।
ভবান্সমর্থস্তান্সর্বান্নিহন্তুং নাত্র সংশয়ঃ ।
নিহন্তুমহমষ্যেকঃ সমর্থঃ পুরুষর্ষভঃ ॥ 5-7-37x (3342)
ভবাংস্তু কীর্তিমাঁল্লোকে তদ্যশস্ৎবাং গমিষ্যতি।
যশসাং চাহমপ্যর্থী তস্মাদসি ময়া বৃতঃ ॥ 5-7-38 (31861)
সারথ্যং তু ৎবয়া কার্যমিতি মে মানসং সদা।
চিররাত্রেপ্সিতং কামং তদ্ভবান্কর্তুমর্হতি ॥ 5-7-39 (31862)
বাসুদেব উবাচ। 5-7-40x (3343)
উপপন্নমিদং পার্থ যৎস্পর্ধসি ময়া সহ।
সারথ্যং তে করিষ্যামি কামঃ সংপদ্যতাং তব ॥ 5-7-40 (31863)
বৈশম্পায়ন উবাচ। 5-7-41x (3344)
এবং প্রমুদিতঃ পার্থঃ কুষ্ণেন সহিতস্তদা।
বৃতো দাশার্হপ্রবরৈঃ পুনরায়াদ্যুধিষ্ঠিরম্ ॥ ॥ 5-7-41 (31864)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি সপ্তমোঽধ্যায়ঃ ॥
Mahabharata - Udyoga Parva - Chapter Footnotes
5-7-10 প্রবারণং ঈপ্সিতসাদানম্। পূর্বমর্হঃ ৎবত্তঃ কনিষ্ঠৎবাদিত্যর্থঃ ॥ 10 ॥উদ্যোগপর্ব - অধ্যায় 008
॥ শ্রীঃ ॥
5.8. অধ্যায়ঃ 008
Mahabharata - Udyoga Parva - Chapter Topics
পাণ্ডবান্প্রত্যাগচ্ছতঃ শল্যস্য মার্গে ভ্রমাহুর্যোধনসভাপ্রবেশঃ ॥ 1 ॥ তদ্ভুত্যকৃতোপচারতুষ্টেন তেন পারিতোষিকদানে প্রতি শ্রুতে গূঢেনসতা দুর্যোধনেন প্রকটীভূয় সাহায়্যবরণম্ ॥ 2 ॥ পাণ্ডবানুপগম্য দুর্যোধনবঞ্চনাং কথিতবতা শল্যেন যুধিষ্ঠিরাভ্যর্থনয়া কর্ণস্য সারথ্যকরণেন তেজোবধকরণপ্রতিজ্ঞানম্ ॥ 3 ॥Mahabharata - Udyoga Parva - Chapter Text
5-8-0 (31865)
বৈশম্পায়ন উবাচ। 5-8-0x (3345)
শল্যঃ শ্রুৎবা তু দূতানাং সৈন্যেন মহতা বৃতঃ।
অভ্যাৎপাণ্ডবান্রাজন্সহ পুত্রৈর্মহারথৈঃ ॥ 5-8-1 (31866)
তস্য সেনানিবেশোঽভূদধ্বর্ধমিব যোজনম্ ।
তথা হি বিপুলাং সেনাং বিভর্তি স নরর্ষভঃ ॥ 5-8-2 (31867)
অক্ষৌহিণীপতী রাজন্মহাবীর্যপরাক্রমাঃ।
বিচিত্রকবচাঃ শূরা বিচিত্রধ্বজকার্মুকাঃ ॥ 5-8-3 (31868)
বিচিত্রাভরণাঃ সর্বে বিচিত্ররথবাহনাঃ ।
বিচিত্রস্রগ্ধরাঃ সর্বে বিবিত্রাম্বরভূষণাঃ ॥ 5-8-4 (31869)
স্বদেশবেষাভরণা বীরাঃ শতসহস্রশঃ।
তস্য সেনাপ্রণেতারো বভূবুঃ ক্ষত্রিয়র্ষভাঃ ॥ 5-8-5 (31870)
ব্যথয়ন্নিব ভূতানি কম্পয়ন্নিব মেদিনীম্ ।
শনৈর্বিশ্রাময়ন্সেনাং স যয়ৌ যত্র পাণ্ডবঃ ॥ 5-8-6 (31871)
ততো দুর্যোধনঃ শ্রুৎবা মহাত্মানং মহারথম্ ।
উপায়ান্তমভিদ্রুত্য স্বয়মানর্চ ভরত ॥ 5-8-7 (31872)
কারয়ামাস পূজার্থং তস্য দুর্যোধনঃ সভাঃ ।
রমণীয়েষু দেশেষু রত্নচিত্রাঃ স্বলঙ্কৃতাঃ ॥ 5-8-8 (31873)
শিল্পিভির্বিবিধৈশ্চৈব ক্রীডাস্তত্র প্রয়োজিতাঃ ।
তত্র মাল্যানি মাংসানি ভক্ষ্যং পেয়ং চ সৎকৃতম্ ॥ 5-8-9 (31874)
কূপাশ্চ বিবিধাকারা ঔদকানি গৃহাণি চ ॥
স তাঃ সভাঃ সমাসাদ্য পূজ্যমানো যথাঽমরঃ । 5-8-10 (31875)
দুর্যোধনস্য সচিবৈর্দেশে দেশে সমন্ততঃ ॥
আজগাম সভামন্যাং দেবাবসথবর্চসম্ । 5-8-11 (31876)
স তত্র বিষয়ৈর্যুক্তৈঃ কল্যাণৈরতিমানুষৈঃ ॥
মেনেঽভ্যধিকমাত্মানমবমেনে পুরন্দরম্। 5-8-12 (31877)
পপ্রচ্ছ স ততঃ প্রেষ্যান্প্রহৃষ্টঃ ক্ষত্রিয়র্ষভঃ ॥
যুধিষ্ঠিরস্য পুরুষাঃ কেঽত্র চক্রুঃ সভা ইমাঃ । 5-8-13 (31878)
আনীয়ন্তাং সভাকারাঃ প্রদেয়ার্হা হি মে মতাঃ ॥
প্রদেয়মেষাং দাস্যামি কুন্তীপুত্রোঽনুমন্যতাম্। 5-8-15a` ততঃ প্রহৃষ্টং রাজানং জ্ঞাৎবা তে সচিবাস্তদা'
দুর্যোধনায় তৎসর্বং কথয়ন্তি স্ম বিস্মিতাঃ ॥ 5-8-14 (31879)
সংপ্রহৃষ্টো যদা শল্যো দিদিৎসুরপি জীবিতম্ ।
গূঢো দুর্যোধনস্তত্র দর্শয়ামাস মাতুলম্ ॥ 5-8-16 (31880)
তং দৃষ্ট্বা মদ্ররাজশ্চ জ্ঞাৎবা যত্নং চ তস্য তম্।
পরিষ্বজ্যাব্রবীৎপ্রীত ইষ্টোঽর্থো ধ্রিয়তামিতি ॥ 5-8-17 (31881)
দুর্যোধন উবাচ। 5-8-18x (3346)
সত্যবাগ্ভব কল্যাণ বরো বৈ মম দীয়তাম্।
সর্বসেনাপ্রণেতা বৈ ভবান্ভবিতুমর্হতি ॥ 5-8-18 (31882)
যথৈব পাণ্ডবাস্তুভ্যং তথৈব ভবতো হ্যহম্।
অনুমান্যং চ পাল্যং চ ভক্তং চ ভজ মাং বিভো ॥ 5-8-19 (31883)
বৈশম্পায়ন উবাচ। 5-8-20x (3347)
কৃতমিত্যব্রবীচ্ছল্যঃ কিমন্যৎক্রিয়তামিতি।
কৃতমিত্যেব গান্ধারিঃ প্রত্যুবাচ পুনঃপুনঃ ॥ 5-8-20 (31884)
শল্য উবাচ। 5-8-21x (3348)
গচ্ছ দুর্যোধন পুরং স্বকমেব নরর্ষভ ।
অহং গমিষ্যে দ্রুষ্টুং বৈ যুধিষ্ঠিরমরিংদমম্ ॥ 5-8-21 (31885)
দৃষ্ট্বা যুধিষ্ঠিরং রাজন্ক্ষিপ্রমেষ্যে নরাধিপ ।
অবশ্যং চাপি দ্রষ্টব্যঃ পাণ্ডবঃ পুরুষর্ষভঃ ॥ 5-8-22 (31886)
দুর্যোধন উবাচ। 5-8-23x (3349)
ক্ষিপ্রামাগম্যতাং রাজন্পাণ্ডবং বীক্ষ্য পার্থিব ।
ৎবয়্যধীনাঃ স্ম রাজেন্দ্র বরদানং স্মরস্ব নঃ ॥ 5-8-23 (31887)
শল্য উবাচ। 5-8-24x (3350)
ক্ষিপ্রমেষ্যামি ভদ্রং তে গচ্ছস্ব স্বপুরং নৃপ।
` দৃষ্ট্বা তু পাণ্ডবান্রাজন্ন মিথ্যা কর্তুমুৎসহে ॥ 5-8-24 (31888)
বৈশম্পায়ন উবাচ। 5-8-25x (3351)
পর্যষ্বজেতামন্যোন্যং শল্যদুর্যোধনাবুভৌ ॥ 5-8-25 (31889)
স তথা শল্যমামন্ত্র্য পুরায়াৎস্বকং পুরম্।
শল্যো জগাম কৌন্তেয়ানাখ্যাতুং কর্ম তস্য তৎ ॥ 5-8-26 (31890)
উপপ্লাব্যং স গৎবা তু স্কন্ধাবারং প্রবিশ্য চ।
পাণ্ডবানথ তান্সর্বাঞ্শল্যস্তত্র দদর্শ হ ॥ 5-8-27 (31891)
চিরাত্তু দৃষ্ট্বা রাজানং মাতুলং সমিতিঞ্জয়ম্।
আসনেভ্যঃ সমুৎপেতুঃ সর্বে সহয়ুধিষ্ঠিরাঃ ॥ 5-8-28 (31892)
তথা ভীমার্জুনৌ হৃষ্টৌ স্বস্ত্রীয়ৌ চ যমাবুভৌ ।
দ্রৌপদী চ সুভদ্রা চ অভিমন্যুশ্চ ভারত ॥ 5-8-29 (31893)
সমেত্য চ মহাপাহুং শল্যং পাণ্ডুসুতস্তদা ।
পাদ্যমর্ঘ্যং চ গাং চৈব প্রতিগ্রাহ্য পুরোধসা ॥ 5-8-30 (31894)
কতাঞ্জলিরদীনাত্মা ধর্মাত্মা শল্যমব্রবীৎ।
স্বাগতং তেঽস্তু বৈ রাজন্নেতদাসনমাস্যতাম্ ॥ 5-8-31 (31895)
ততো ন্যষীদচ্ছল্যশ্চ কাঞ্চনে পরমাসনে ।
তত্র পাদ্যথার্ঘ্যং চ ন্যবেদয়ত পাণ্ডবঃ ॥ 5-8-32 (31896)
শল্য উবাচ। 5-8-33x (3352)
দুঃখস্যৈতস্য মহতো ধার্তরাষ্ট্রকৃতস্য বৈ।
অবাপ্স্যসি ফলং রাজন্হৎবা শত্রূন্পরন্তপ ॥ 5-8-33 (31897)
বিদিতং তে মহারাজ লোকতন্ত্রং নরাধিপ ।
তস্মাল্লোককৃতং কিঞ্চিত্তব তাত ন বিদ্যতে ॥ 5-8-34 (31898)
বৈশম্পায়ন উবাচ। 5-8-35x (3353)
নিবেদ্য চার্ঘ্যং বিধিবন্মদ্ররাজায় ভারত।
কুশলং পাণ্ডবোঽপৃচ্ছচ্ছল্যং সর্বসুখাবহম্ ॥ 5-8-35 (31899)
স তৈঃ পরিবৃতঃ সর্বৈঃ পাণ্ডবৈর্ধর্মচারিভিঃ ।
আসনে চোপবিষ্টঃ স শল্যঃ পার্থমথাব্রবীৎ ॥ 5-8-36 (31900)
শল্য উবাচ। 5-8-37x (3354)
কুশলং রাজশার্দূল সর্বত্র কুরুনন্দন ।
অরণ্যবাসাদ্দিষ্ট্যাঽসি বিমুক্তো জয়তাং বর ॥ 5-8-37 (31901)
দুষ্করং তে কৃতং রাজন্নির্জনে গহনে বনে।
ভ্রাতৃভিঃ সহ কৌন্তেয় কৃষ্ণায়া চানয়াঽনঘ ॥ 5-8-38 (31902)
অজ্ঞাতবাসং ঘোরং চ বসতা দুষ্করং কৃতম্ ।
দুঃখমেব কুতঃ সৌখ্যং রাজ্যভ্রষ্টস্য ভারত ॥ 5-8-39 (31903)
সত্যে তপসি দানে চ তব বুদ্ধির্যুধিষ্ঠির ।
ক্ষমা দমশ্চাহিংসা চ সত্যং চৈব যুধিষ্ঠির ॥ 5-8-40 (31904)
অদ্ভুতশ্চ পুনর্লোকস্ৎবয়ি রাজন্প্রতিষ্ঠিতঃ।
মৃদুর্বদান্যো ব্রহ্মণ্যো দান্তো ধর্মপরায়ণঃ ॥ 5-8-41 (31905)
ধর্মাস্তে বিদিতা রাজন্বহবো লোকসাক্ষিকাঃ ।
সর্বং জগদিদং তাত বিদিতং তে পরন্তপ ॥ 5-8-42 (31906)
মুদিতশ্চ পুনর্লোকস্ৎবয়ি রাজন্প্রতিষ্ঠিতে ।
দিষ্ট্যা কৃচ্ছ্রমিদং রাজন্পারিতং ভরতর্ষভ ॥ 5-8-43 (31907)
দিষ্ট্যা পশ্যামি রাজেন্দ্র ধর্মাত্মানং সহানুগম্।
নিস্তীর্ণদুষ্করং রাজংস্ৎবাং ধর্মনিচয়ং প্রভো ॥ 5-8-44 (31908)
বৈশম্পায়ন উবাচ। 5-8-45x (3355)
ততোঽস্যাকথয়দ্রাজা দুর্যোধনসমাগমম্।
তচ্চ শুশ্রূষিতং সর্বং বরদানং চ ভারত ॥ 5-8-45 (31909)
যুধিষ্ঠির উবাচ। 5-8-46x (3356)
সুকৃতং তে কৃতং রাজন্প্রহৃষ্টেনান্তরাত্মনা ।
দুর্যোধনস্য যদ্বীর ৎবয়া বাচা প্রতিশ্রুতম্ ॥ 5-8-46 (31910)
একং ৎবিচ্ছামি ভদ্রং তে ক্রিয়মাণং মহীপতে ।
রাজন্নকর্তব্যমপি কর্তুমর্হসি সত্তম ॥ 5-8-47 (31911)
মম ৎববেক্ষয়া বীর শৃণু বিজ্ঞাপয়ামি তে।
ভবানিহ মহারাজ বাসুদেবসমো যুধি ॥ 5-8-48 (31912)
কর্ণার্জুনাভ্যাং সংপ্রাপ্তে দ্বৈরথে রাজসত্তম ।
কর্ণস্য ভবতা কার্যং সারথ্যং নাত্র সংশয়ঃ ॥ 5-8-49 (31913)
তত্র পাল্যোঽর্জুনো রাজন্যদি মৎপ্রিয়মিচ্ছসি।
তেজোবধশ্চ তে কার্যঃ সৌতেরস্মঞ্জয়াবহ্নঃ ।
অকর্তব্যমপি হ্যেতৎকর্মুমর্হসি মাতুল ॥ 5-8-50 (31914)
শল্য উবাচ। 5-8-51x (3357)
শ্রৃণু পাণ্ডব ভদ্রং তে যদ্ব্রবীষি মহাত্মনঃ ।
তেজোবধনিমিত্তং মাং সূতপুত্রস্য সঙ্গমে ॥ 5-8-51 (31915)
অহং তস্য ভবিষ্যামি সঙ্ঘ্রামে সারথির্ধ্রুবম্।
বাসুদেবেন হি সমং নিত্যং মাং সোঽভিমন্যতো ॥ 5-8-52 (31916)
তস্যাহং কুরুশার্দূল প্রতীপমহিতং বচঃ।
ধ্রুবং সংকথয়িষ্যামি যোদ্ধুকামস্য সংয়ুগে ॥ 5-8-53 (31917)
যথা স হৃতদর্পশ্চ হৃততেজাশ্চ পাণ্ডব ।
ভবিষ্যতি সুখং হন্তুং সত্যমেতদ্ব্রবীমি তে ॥ 5-8-54 (31918)
এবমেতৎকরিষ্যামি যথা তাত ৎবমাত্থ মাম্।
যচ্চান্যদপি শক্ষ্যামি তৎকরিষ্যামি তে প্রিয়ম্ ॥ 5-8-55 (31919)
যচ্চ দুঃখং ৎবয়া প্রাপ্তং দ্যূতে বৈ কৃষ্ণয়া সহ।
পরুষাণি চ বাক্যানি সূতপুত্রকৃতানি বৈ ॥ 5-8-56 (31920)
জটাসুরাৎপরিক্লেশঃ কীচকাচ্চ মহাদ্যুতে।
দ্রৌপদ্যাঽধিগতং সর্বং দময়ন্ত্যা যথাঽশুভম্ ॥ 5-8-57 (31921)
সর্বং দুঃখমিদং বীর সুখোদর্কং ভবিষ্যতি।
নাত্র মন্যুস্ৎবয়া কার্যো বিধির্হি বলবত্তরঃ ॥ 5-8-58 (31922)
দুঃখানি হি মহাত্মানঃ প্রাপ্নুবন্তি যুধিষ্ঠির।
দেবৈরপি হি দুঃখানি প্রাপ্তানি জগতীপতে ॥ 5-8-59 (31923)
ইন্দ্রেণ শ্রূয়তে রাজন্সভার্যেণ মহাত্মনা ।
অনুভূতং মহদ্দুঃখং দেবরাজেন ভারত ॥ ॥ 5-8-60 (31924)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি অষ্টমোঽধ্যায়ঃ ॥
Mahabharata - Udyoga Parva - Chapter Footnotes
5-8-27 উপপ্লাব্যং বিরাটনগরস্য প্রদেশবিশেষম্। স্কন্ধাবারং সেনানিবেশস্থানম্ ॥ 5-8-53 প্রতীপং প্রসঙ্গপ্রতিকূলম্ । অহিতং পরিণামবিরুদ্ধম্ ॥ 5-8-58 মন্যুর্দৈন্যম্ ॥উদ্যোগপর্ব - অধ্যায় 009
॥ শ্রীঃ ॥
5.9. অধ্যায়ঃ 009
Mahabharata - Udyoga Parva - Chapter Topics
শল্যেন ইন্দ্রস্যাপি দুঃখানুভবে কথিতে যুধিষ্ঠিরপৃচ্ছয়া তেন বিস্তরেণ তৎকথনোপক্রমঃ ॥ 1 ॥ ইন্দ্রজিঘাংসয়া ৎবষ্ট্রা সৃষ্টস্য ত্রিশিরসো বিশ্বরূপস্য তপোভঙ্গায় ইন্দ্রেণ অপ্সরসাং প্রেষণম্ ॥ 2 ॥ অপ্সরোভিস্তস্যাধর্ষণীয়ৎবে জ্ঞাতে ইন্দ্রেণ বজ্রপাতনাত্তস্য হননম্ ॥ 3 ॥ হতেপি তস্মিন্ জীবতীব দৃশ্যমানে ভয়াদিন্দ্রপ্রার্থনয়া যদৃচ্ছয়া আগতেন তক্ষ্ণা তচ্ছিরশ্ছেদনম্ ॥ 4 ॥ বিশ্বরূপহননকুপিতেন ৎবষ্ট্রা পুনরিন্দ্রবধায় বৃত্রস্যোৎপাদনম্ ॥ 5 ॥ বৃত্রেণেন্দ্রে পরাজিতে সেন্দ্রাণাং দেবানাং বিষ্ণুং প্রতি গমনম্ ॥ 6 ॥Mahabharata - Udyoga Parva - Chapter Text
5-9-0 (31925)
যুধিষ্ঠির উবাচ। 5-9-0x (3358)
কথমিন্দ্রেণ রাজেন্দ্র সভার্যেণ মহাত্মনা ।
দুঃখং প্রাপ্তং পরং ঘোরমেতদিচ্ছামি বেদিতুম্ ॥ 5-9-1 (31926)
শল্য উবাচ। 5-9-2x (3359)
শৃণু রাজন্পুরাবৃত্তমিতিহাসং পুরাতনম্।
সভার্যেণ যথা প্রাপ্তং দুঃখমিন্দ্রেণ ভারত ॥ 5-9-2 (31927)
ৎবষ্টা প্রজাপতির্হ্যাসীদ্দেবশ্রেষ্ঠো মহাতপাঃ ।
স পুত্রং বৈ ত্রিশিরসমিন্দ্রদ্রোহাৎকিলাসৃজৎ ॥ 5-9-3 (31928)
ঐন্দ্রং স প্রার্থয়ৎস্থানং বিশ্বরূপো মহাদ্যুতিঃ ।
তৈস্ত্রিভির্বদনৈর্ঘোরৈঃ সূর্যেন্দুজ্বলনোপমৈঃ ॥ 5-9-4 (31929)
বেদানেকেন সোঽধীতে সুরামেকেন চাপিবৎ।
একেন চ দিশঃ সর্বাঃ পিবন্নিব নিরীক্ষতে ॥ 5-9-5 (31930)
স তপস্বী মুদুর্দান্তো ধর্মে তপসি চোদ্যতঃ ।
তপস্তস্য মহত্তীব্রং সুদুশ্চরমরিন্দম ॥ 5-9-6 (31931)
তস্য দৃষ্ট্বা তপোবীর্যং সত্যং চামিততেজসঃ ।
বিষাদমগমচ্ছক্র ইন্দ্রোঽয়ং মা ভবেদিতি ॥ 5-9-7 (31932)
কথং সজ্জেচ্চ ভোগেষু ন চ তপ্যেন্মহত্তপঃ ।
বিবর্ধমানস্ত্রিশিরাঃ সর্বং হি ভুবনং গ্রসেৎ ॥ 5-9-8 (31933)
ইতি সংচিন্ত্য বহুধা বুদ্ধিমান্ভরতর্ষভ ।
আজ্ঞাপয়ৎসোঽপ্সরসস্ৎবষ্টৃপুত্রপ্রলোভনে ॥ 5-9-9 (31934)
যথা স সজ্জেত্রিশিরাঃ কামভোগেষু বৈ ভৃশম্ ।
ক্ষিপ্রং কুরুত গচ্ছধ্বং প্রলোভয়ত মাচিরম্ ॥ 5-9-10 (31935)
শৃঙ্গারবেষাঃ সুশ্রোণ্যো হারৈর্যুক্তা মনোহরৈঃ ।
হাবভাবসমায়ুক্তাঃ সর্বাঃ সৌন্দর্যশোভিতাঃ ॥ 5-9-11 (31936)
প্রলোভয়ত ভদ্রং বঃ শময়ধ্বং ভয়ং মম।
অস্বস্থং হ্যাত্মনাত্মানং লক্ষয়ামি বরাঙ্গনাঃ ॥ 5-9-12 (31937)
ভয়ং তন্মে মহাঘোরং ক্ষিপ্রং নাশয়তাবলাঃ । 5-9-13 (31938)
অপ্সরস ঊচুঃ।
তথা যত্নং করিষ্যামঃ শক্র তস্য প্রলোভনে।
যথা নাবাপ্স্যসি ভয়ং তস্মাদ্বলনিষূদন ॥ 5-9-13x (3360)
নির্দহন্নিব চক্ষুর্ভ্যাং যোঽসাবাস্তে তপোনিধিঃ।
তং প্রলোয়িতুং দেব গচ্ছামঃ সহিতা বয়ম্ ॥ 5-9-14 (31939)
যতিষ্যামো বশে কর্তুং ব্যপনেতুং চ তে ভয়ম্ । 5-9-15 (31940)
শল্য উবাচ।
ইন্দ্রেণ তাস্ৎবনুজ্ঞাতা জগ্মুস্ত্রিশিরসোঽন্তিকম্।
তত্র তা বিবিধৈর্ভাবৈর্লোভয়ন্ত্যো বরাঙ্গনাঃ ॥ 5-9-15x (3361)
নৃত্তং সংদর্শয়ামাসুস্তথৈবাঙ্গেষু সৌষ্ঠবম্।
নাভ্যগচ্ছৎপ্রহর্ষং তাঃ স পশ্যন্সুমহাতপাঃ ॥ 5-9-16 (31941)
ইন্দ্রিয়াণি বশে কৃৎবা পূর্ণসাগরসন্নিভঃ।
তাস্তু যত্নং পরং কৃৎবা পুনঃ শক্রমুপস্থিতাঃ ॥ 5-9-17 (31942)
কৃতাঞ্জলিপুটাঃ সর্বা দেবরাজমথাব্রুবন্।
ন স শক্যঃ সুদুর্ধর্ষো ধৈর্যাচ্চালয়িতুং প্রভো ॥ 5-9-18 (31943)
যত্তে কার্যং মহাভাগ ক্রিয়তাং তদনন্তরম্ ।
সংপূজ্যাপ্সরসঃ শক্রো বিসৃজ্য চ মহামতিঃ ॥ 5-9-19 (31944)
চিন্তয়ামাস তস্যৈব বধোপায়ং যুধিষ্ঠির।
স তূষ্ণীং চিন্তয়ন্বীরো দেবরাজঃ প্রতাপবান্ ॥ 5-9-20 (31945)
বিনিশ্চিতমতির্ধীমান্বধে ত্রিশিরসোঽভবৎ।
বজ্রমস্য ক্ষিপাম্যদ্য স ক্ষিপ্রং নভবিষ্যতি ॥ 5-9-21 (31946)
শত্রুঃ প্রবৃদ্ধো নোপেক্ষ্যো দুর্বলোঽপি বলীয়সা।
শাস্ত্রবুদ্ধ্যা বিনিশ্চিত্য কৃৎবা বুদ্ধিং বধে দৃঢাম্ ॥ 5-9-22 (31947)
অথ বৈশ্বানরনিভং ঘোররূপং ভয়াবহম্।
মুমোচ বজ্রং সংক্রুদ্ধঃ শক্রস্ত্রিশিরসং প্রতি ॥ 5-9-23 (31948)
স পপাত হতস্তেন বজ্রেণ দৃঢমাহতঃ।
পর্বতস্যেব শিখরং প্রণুন্নং মেদিনীতলে ॥ 5-9-24 (31949)
তং তু বজ্রহতং দৃষ্ট্বা শয়ানমচলোপমম্।
ন শর্ম লেভে দেবেন্দ্রো দীপিততস্তস্য তেজসা ॥ 5-9-25 (31950)
হতোঽপি দীপ্ততেজাঃ স জীবন্নিব হি দৃশ্যতে।
ঘাতিতস্য শিরাংস্যাজৌ জীবন্তীবাদ্ভুতানি বৈ ॥ 5-9-26 (31951)
` শিরাংসি তস্যাজায়ন্ত ত্রীণ্যেব শকুনাস্ত্রয়ঃ।
তিত্তিরিঃ কলবিঙ্কশ্চ তথৈব চ কপিঞ্জলঃ ।
বিশ্বরূপশিরাংস্যেব জায়ন্তে তানি ভারত ' ॥ 5-9-27 (31952)
ততোঽতিভীতগাত্রস্তু শক্র আস্তে বিচারয়ন্।
অথাজগাম পরশুং স্কন্ধেনাদায় বর্ধকিঃ ॥ 5-9-28 (31953)
তদরণ্যং মহারাজ যত্রাস্তেঽসৌ নিপাতিতঃ ।
স ভীতস্তত্র তক্ষাণং ঘটমানং শচীপতিঃ ॥ 5-9-29 (31954)
অপশ্যদব্রবীচ্চৈনং সৎবরং পাকশাসনঃ ।
ক্ষিপ্রং ছিন্ধি শিরাংস্যস্য কুরুষ্ব বচনং মম ॥ 5-9-30 (31955)
তক্ষোবাচ। 5-9-31x (3362)
মহাস্কন্ধো ভৃশং হ্যেষ পরশুর্নভবিষ্যতি।
কর্তুং চাহং ন শক্ষ্যামি কর্ম রাদ্ভির্বিগর্হিতম্ ॥ 5-9-31 (31956)
ইন্দ্র উবাচ। 5-9-32x (3363)
মা ভৈস্ৎবং শীঘ্রমেতদ্বৈ কুরুষ্ব বচনং মম।
মৎপ্রসাদাদ্ধি তে শস্ত্রং বজ্রকল্পং ভবিষ্যতি ॥ 5-9-32 (31957)
তক্ষোবাচ। 5-9-33x (3364)
কং ভবন্তমহং বিদ্যাং ঘোরকর্মাণমদ্য বৈ।
এতদিচ্ছাম্যহং শ্রোতুং তত্ৎবেন কথয়স্ব মে ॥ 5-9-33 (31958)
ইন্দ্র উবাচ। 5-9-34x (3365)
অহমিন্দ্রো দেবরাজস্তক্ষন্বিদিতমস্তু তে।
কুরুষ্বৈতদ্যথোক্তং মে তক্ষন্মাঽত্র বিচারয় ॥ 5-9-34 (31959)
` ময়া হি নিহতঃ শেতে ত্রিশিরাস্ৎবং চ বিদ্বি বৈ। 5-9-35 (31960)
বৈশম্পায়ন উবাচ।
স প্রহ্বঃ প্রাঞ্জলির্ভূৎবা ইদং বচনমব্রবীৎ' ॥ 5-9-35x (3366)
ক্রূরেণ নাপত্রপসে কথং শক্রেহ কর্মণা।
ঋষিপুত্রমিমং হৎবা ব্রহ্মহত্যাভয়ং ন তে ॥ 5-9-36 (31961)
শক্র উবাচ। 5-9-37x (3367)
পশ্চাদ্ধর্মং চরিষ্যামি পাবনার্থ সুদুশ্চরম্।
শত্রুরেষ মহাবীর্যো বজ্রেণ নিহতো ময়া ॥ 5-9-37 (31962)
অদ্যাপি চাহমুদ্বিগ্নস্তক্ষন্নস্মাদ্বিভেমি বৈ।
ক্ষিপ্রং ছিন্ধি শিরাংসি ৎবং করিষ্যেঽনুগ্রহং তব ॥ 5-9-38 (31963)
শিরঃ পশোস্তে দাস্যন্তি ভাগং যজ্ঞেষু মানবাঃ ।
এষ তেঽনুগ্রহস্তক্ষন্ক্ষিপ্রং কুরু মম প্রিয়ম্ ॥ 5-9-39 (31964)
শল্য উবাচ। 5-9-40x (3368)
এতচ্ছ্রুৎবা তু তক্ষা স মহেন্দ্রবচনাত্তদা।
শিরাংস্যথ ত্রিশিরসঃ কুঠারেণাচ্ছিনত্তদা॥ 5-9-40 (31965)
নিকৃত্তেষু ততস্তেষু নিষ্ক্রামন্নণ্ডজাস্ৎবথ।
কপিঞ্জলাস্তিত্তিরাশ্চ কলবিঙ্কাশ্চ সর্বশঃ ॥ 5-9-41 (31966)
যেন বেদানধীতে স্ম পিবতে সোমমেব চ।
তস্মাদ্বক্রার্দ্বিনিশ্চেরুঃ ক্ষিপ্রং তস্য কপিঞ্জলাঃ ॥ 5-9-42 (31967)
যেন সর্বা দিশো রাজন্পিবন্নিব নীরীক্ষতে।
তস্মাদ্বক্রাদ্বিনিশ্চেরুস্তিত্তিরাস্তস্য পাণ্ডব ॥ 5-9-43 (31968)
যৎসুরাপং তু তস্যাসীদ্বক্রং ত্রিশিরসস্তদা।
কলবিঙ্কাঃ সমুৎপেতুঃ শ্যেনাশ্চ ভরতর্ষভ ॥ 5-9-44 (31969)
ততস্তেষু নিকৃত্তেষু বিজ্বরো মঘবানথ।
`তক্ষ্ণে তথা বরং দত্ৎবা প্রহৃষ্টস্ত্রিদশেশ্বরঃ ॥' 5-9-45 (31970)
জগাম ত্রিদিবং দেবস্তক্ষাঽপি স্বগৃহান্যযৌ।
মেনে কৃতার্থমাত্মানং হৎবা শত্রুং সুরারিহা ॥ 5-9-46 (31971)
` তক্ষাপি স্বগৃহং গৎবা নৈব শংসতি কস্যচিৎ।
অথৈনং নাভিজানন্তি বর্ষমেকং তথাগতম্ ॥ 5-9-47 (31972)
অথ সংবৎসরে পূর্ণে ভূতাঃ পশুপতেঃ প্রভো।
তমাক্রোশন্ত মঘবান্নঃ প্রভুর্ব্রহ্মহা ইতি। 5-9-48 (31973)
তত ইন্দ্রো ব্রতং ঘোরমাচরৎপাকশাসনঃ।
তপসা চ সুসংয়ুক্তঃ সহ দেবৈর্মরুদ্গণৈঃ ॥ 5-9-49 (31974)
সমুদ্রেষু পৃথিব্যাং চ বনস্পতিষু স্ত্রীষু চ।
বিভজ্য ব্রহ্মহত্যাং চ তান্বরৈরপ্যযোজয়ৎ ॥ 5-9-50 (31975)
বরদস্তু বরং দত্ৎবা পৃথিব্যৈ সাগরায় চ।
বনস্পতিভ্যঃ স্ত্রীভ্যশ্চ ব্রহ্মহত্যাং নুনোদ তাম্॥ 5-9-51 (31976)
ততস্তু শুদ্ধো ভগবান্দেবৈর্লোকৈশ্চ পূজিতঃ ।
ইন্দ্রস্থানমুপাতিষ্ঠৎপূজ্যমানো মহর্ষিভিঃ' ॥ 5-9-52 (31977)
ৎবষ্টা প্রজাপতিঃ শ্রুৎবা শক্রেণাথ হতং সুতম্।
ক্রোধসংরক্তনয়ন ইদং বচনমব্রবীৎ ॥ 5-9-53 (31978)
ৎবষ্টোবাচ। 5-9-54x (3369)
তপ্যমানং তপো নিত্যং ক্ষান্তং দান্তং জিতেন্দ্রিয়ম্।
বিনাঽপরাধেন যতঃ পুত্রং হিংসিতবান্মম ॥ 5-9-54 (31979)
তস্মাচ্ছক্রবিনাশায় বৃত্রমুৎপাদয়াম্যহম্।
লোকাঃ পশ্যন্তু মে বীর্যং তপসশ্চ বলং মহম্ ।
স চ পশ্যতু দেবেন্দ্রো দুরাত্মা পাপচেতনঃ ॥ 5-9-55 (31980)
উপস্পৃশ্য ততঃ ক্রুদ্ধস্তপস্বী সুমহায়শাঃ ।
অগ্নৌ হুৎবা সমুৎপাদ্য ঘোরং বৃত্রমুবাচ হ ॥ 5-9-56 (31981)
ইন্দ্রশত্রো বিবর্ধস্ব প্রভাবাত্তপসো মম।
সোঽবর্ঘত দিবং স্তব্ধ্বা সূর্যবৈশ্বানরোপমঃ ॥ 5-9-57 (31982)
কিং করোমীতি চোবাচ কালসূর্য ইবোদিতঃ।
শক্রং জহীতি চাপ্যুক্তো জগাম ত্রিদিবং ততঃ ॥ 5-9-58 (31983)
ততো যুদ্ধং সমভবদ্বৃত্রবাসবয়োর্মহৎ।
সংক্রুদ্ধয়োর্মহাঘোরং প্রসক্তং কুরুসত্তম ॥ 5-9-59 (31984)
ততো জগ্রাহ দেবেন্দ্রং বৃত্রো বীরঃ শতক্রতুম্ ।
অপাবৃত্যাক্ষিপদ্বক্রে শক্রং কোপসমন্বিতঃ ॥ 5-9-60 (31985)
গ্রস্তে বৃত্রেণ শক্রে তু সংভ্রান্তাস্ত্রিদিবেশ্বরাঃ।
অসৃজংস্তে মহাসৎবা জৃম্ভিকাং বৃত্রনাশিনীম্ ॥ 5-9-61 (31986)
বিজৃম্ভমাণস্য ততো বৃত্রস্যাস্যাদপাবৃতাৎ।
স্বান্যঙ্গান্যভিসংক্ষিপ্য নিষ্ক্রান্তো বলনাশনঃ ॥ 5-9-62 (31987)
ততঃ প্রভৃতি লোকস্য জৃম্ভিকা প্রাণিসংশ্রিতা।
জহৃষুশ্চ সুরাঃ সর্বে শক্রং দৃষ্ট্বা বিনিঃসৃতম্ ॥ 5-9-63 (31988)
ততঃ প্রববৃতে যুদ্ধং বৃত্রবাসবয়োঃ পুনঃ ।
সংরব্ধয়োস্তদা ঘোরং সুচিরং ভরতর্ষভ ॥ 5-9-64 (31989)
যদা ব্যবর্ধত রণে বৃত্রো বলসমন্বিতঃ।
ৎবষ্টুস্তেজোবলাবিদ্ধস্তদা শক্রো ন্যবর্তত। 5-9-65 (31990)
নিবৃত্তে চ তদা দেবা বিষাদমগমন্পরম্ ।
সমেত্য সহ শক্রেণ ৎবষ্টুস্তেজোবিমোহিতাঃ ॥ 5-9-66 (31991)
অমন্ত্রয়ন্ত তে সর্বে মুনিভিঃ সহ ভারত।
কিং কার্যমিতি বৈ রাজন্বিচিন্ত্য ভয়মোহিতাঃ ॥ 5-9-67 (31992)
জগ্মুঃ সর্বে মহাত্মানং মনোভির্বিষ্ণুমব্যযম্।
উপবিষ্টা মন্দরাগ্রে সর্বে বৃত্রবধেপ্সবঃ ॥ ॥ 5-9-68 (31993)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি নবমোঽধ্যায়ঃ ॥
Mahabharata - Udyoga Parva - Chapter Footnotes
5-9-11 হাবাঃ শৃঙ্গারচেষ্টাঃ । ভাবাঃ চিত্তবিকারা হর্ষাদয়স্তর্যুক্তাঃ ॥ 5-9-16 সৌষবং সৌন্দর্যম্। প্রহর্ষ লব্ধভোয়োঽস্মীতি তোষম্ ॥ 5-9-28 বর্ধকিঃ তক্ষা ॥ 5-9-31 নভবিষ্যতি নঙ্ক্ষ্যতি ॥ 5-9-56 ঠপস্পৃশ্য আচম্য ॥ 5-9-60 অপাবৃত্য মুখং সংপ্রসার্য ॥উদ্যোগপর্ব - অধ্যায় 010
॥ শ্রীঃ ॥
5.10. অধ্যায়ঃ 010
Mahabharata - Udyoga Parva - Chapter Topics
বিষ্ণবাজ্ঞয়া ঋষিভির্বৃত্রস্য আসুধাদ্যবধ্যৎববরদানপূর্বকং ইন্দ্রবৃত্রয়োঃ সন্ধিকরণম্ ॥ 1 ॥ কদাচন সমুদ্রতীরে বৃত্রং দৃষ্টবতা ইন্দ্রেণ বৃত্রোপরি সবজ্রে ফেনে প্রক্ষিপ্তে তৎপ্রবিষ্টেন বিষ্ণুনা বৃত্রহননম্ ॥ 2 ॥ বৃত্রবধজন্যব্রহ্মহত্যাপীডিতস্যেন্দ্রস্য স্বর্গাৎপ্রবাসঃ ॥ 3 ॥Mahabharata - Udyoga Parva - Chapter Text
5-10-0 (31994)
ইন্দ্র উবাচ। 5-10-0x (3370)
সর্বং ব্যাপ্তমিদং দেবা বৃত্রেণ জগদব্যযম্।
ন হ্যস্য সদৃশং কিঞ্চিৎপ্রতিঘাতায় যদ্ভবেৎ ॥ 5-10-1 (31995)
সমর্থো হ্যভবং পূর্বমসমর্থোঽস্মি সাংপ্রতম্।
কথং নু কার্যং ভদ্রং বো দুর্ধর্ষঃ স হি মে মতঃ ॥ 5-10-2 (31996)
তেজস্বী চ মহাত্মা চ যুদ্ধে চামিতবিক্রমঃ ।
গ্রসেত্রিভুবনং সর্বং সদেবাসুরমানুষম্ ॥ 5-10-3 (31997)
তস্মাদ্বিনিশ্চয়মিমং শৃণুধ্বং ত্রিদিবৌকসঃ।
বিষ্ণোঃ ক্ষয়মুপাগম্য সমেত্য চ মহাত্মনা ॥ 5-10-4 (31998)
তেন সংমন্ত্র্য বেৎস্যামো বধোপায়ং দুরাত্মনঃ । 5-10-5 (31999)
শল্য উবাচ।
এবমুক্তে মঘবতা দেবাঃ শর্ষিগণাস্তদা।
শরণ্যং শরমং দেবং জগ্মুর্বিষ্ণুং মহাবলম্ ॥ 5-10-5x (3371)
ঊচুশ্চ সর্বে দেবেশং বিষ্ণুং বৃত্রভয়ার্দিতাঃ।
ত্রয়ো লোকাস্ৎবয়া ক্রান্তাস্ত্রিভির্বিক্রমণৈঃ পুরা ॥ 5-10-6 (32000)
অমৃতং চাহৃতং বিষ্ণো দৈত্যাশ্চ নিহতা রণে।
বলিং বদ্ধ্বা মহাদৈত্যং শক্রো দেবাধিপঃ কৃতঃ ॥ 5-10-7 (32001)
ৎবং প্রভুঃ সর্বদেবানাং ৎবয়া সর্বমিদং ততম্।
ৎবং হি দেবো মহাদেব সর্বলোকনমস্কৃতঃ ॥ 5-10-8 (32002)
গতির্ভব ৎবং দেবানাং সেন্দ্রাণামমরোত্তম।
জগদ্ব্যাপ্তমিদং সর্বং বৃত্রেণাসুরসূদন ॥ 5-10-9 (32003)
বিষ্ণুরুবাচ। 5-10-10x (3372)
অবশ্যং করণীয়ং মে ভবতাং হিতমুত্তমম্।
তস্মাদুপায়ং বক্ষ্যামি যথাঽসৌ নভবিষ্যতি ॥ 5-10-10 (32004)
গচ্ছধ্বং সর্ষিগন্ধর্বা যত্রাসৌ বিশ্বরূপধৃক্।
সাম তস্য প্রয়ুঞ্জধ্বং তত এনং বিজেষ্যথ ॥ 5-10-11 (32005)
ভবিষ্যতি জয়ো দেবাঃ শক্রস্য মম তেজসা ।
অদৃশ্যশ্চ প্রবেক্ষ্যামি বজ্রে হ্যস্যায়ুধোত্তমে ॥ 5-10-12 (32006)
গচ্ছধ্বমৃষিভিঃ সার্ধং গন্ধর্বৈশ্চ সুরোত্তমাঃ ।
বৃত্রস্য সহ শক্রেণ সন্ধিং কুরুত মাচিরম্ ॥ 5-10-13 (32007)
শল্য উবাচ। 5-10-14x (3373)
এবমুক্তে তু দেবেন ঋষয়স্ত্রিদশাস্তথা ।
যয়ুঃ সমেত্য সহিতাঃ শক্রং কৃৎবা পুরঃসরম্ ॥ 5-10-14 (32008)
সমীপমেত্য চ যদা সর্ব এব মহৌজসঃ।
তং তেজসা প্রজ্বলিতং প্রতপন্তং দিশো দশ ॥ 5-10-15 (32009)
গ্রসন্তমিব লোকাংস্ত্রীন্সূর্যাচন্দ্রমসৌ যথা।
দদৃশুস্তে ততো বৃত্রং শক্রেণ সহ দেবতাঃ ॥ 5-10-16 (32010)
ঋষয়োঽথ ততোঽভ্যেত্য বৃত্রমূচুঃ প্রিয়ং বচঃ।
ব্যাপ্তং জগদিদং সর্বং তেজসা তব দুর্জয় ॥ 5-10-17 (32011)
ন চ শক্নোষি নির্জেষুং বাসবং বলিনাং বর।
যুধ্যতোশ্চাপি বাং কালো ব্যতীতঃ সুমহানিহ ॥ 5-10-18 (32012)
পীড্যন্তে চ প্রজাঃ সর্বাঃ সদেবাসুরমানুষাঃ ।
সখ্যং ভবতু তে বৃত্র শক্রেণ সহ নিত্যদা ॥ 5-10-19 (32013)
অবাপ্স্যসি সুখং ৎবং চ শক্রলোকাংশ্চ শাশ্বতান্।
ঋষিবাক্যং নিশম্যাথ বৃত্রঃস তু মহাবলঃ ॥ 5-10-20 (32014)
উবাচ তানৃষীন্সর্বান্প্রণম্য শিরসাঽসুরঃ ।
সর্বে যূয়ং মহাভাগা গন্ধর্বাশ্চৈব সর্বশঃ ॥ 5-10-21 (32015)
যদ্ব্রূথ তচ্ছ্রুতং সর্বং মমাপি শ্রৃণুতানঘাঃ।
সন্ধিঃ কথং বৈ ভবিতা মম শক্রস্য চোভয়োঃ ।
তেজসোর্হি দ্বয়োর্দেবাঃ সখ্যং বৈ ভবিতা কথম্ ॥ 5-10-22 (32016)
ঋষয় ঊচুঃ । 5-10-23x (3374)
সকৃৎসতাং সঙ্গতমীপ্সিতব্যং
ততঃ পরং ভবিতা ভব্যমেব।
নাতিক্রামেৎসৎপুরুষেণ সঙ্গতং
তস্মাৎসতাং সংগতমীপ্সিতব্যম্ ॥ 5-10-23 (32017)
দৃঢং সতাং সঙ্গতং চাপি নিত্যং
ব্রূয়াচ্চার্থং হ্যর্থকৃচ্ছ্রেষু ধীরাঃ ।
মহার্থবৎসৎপুরুষেণ সঙ্গতং
তস্মাৎসন্তং ন জিঘাংসেত ধীরঃ ॥ 5-10-24 (32018)
ইন্দ্রঃ সতাং সংমতশ্চ নিবাসশ্চ মহাত্মনাম্।
সত্যবাদী হ্যনিন্দ্যশ্চ ধর্মবিৎসূক্ষ্মনিশ্চয়ঃ ॥ 5-10-25 (32019)
তেন তে সহ শক্রেণ সন্ধির্ভবতু নিত্যদা।
এবং বিশ্বাসমাগচ্ছ মা তে ভূদ্বুদ্ধিরন্যথা ॥ 5-10-26 (32020)
শল্য উবাচ। 5-10-27x (3375)
মহর্ষিবচনং শ্রুৎবা তানুবাচ মহাদ্যুতিঃ।
অবশ্যং ভগবন্তো মে মাননীয়াস্তপস্বিনঃ॥ 5-10-27 (32021)
ব্রবীমি যদহং দেবাস্তৎসর্বং ক্রিয়তে যদি।
ততঃ সর্বং করিষ্যামি যদূচুর্মাং দিবৌকসঃ ॥ 5-10-28 (32022)
ন শুষ্কেণ ন চাদ্রেণ নাশ্মনা ন চ দারুণা ।
ন শস্ত্রেণ ন চাস্ত্রেণ ন দিবা ন তথা নিশি ॥ 5-10-29 (32023)
বধ্যো ভবেয়ং বিপ্রেন্দ্রাঃ শক্রস্য সহ দৈবতৈঃ ।
এবং মে রোচতে সন্ধিঃ শক্রেণ সহ নিত্যদা ॥ 5-10-30 (32024)
বাঢমিত্যেব ঋষয়স্তমূচুর্ভরতর্ষভ।
এবং বৃত্তে তু সন্ধানে বৃত্রঃ প্রমুদিতোঽভবৎ ॥ 5-10-31 (32025)
` ততঃ সন্ধিং মিথঃ কৃৎবা ঋষয়ো দীপ্ততেজসঃ।
শক্রস্য সহ বৃত্রেণ পুনর্জগ্মুর্যথাগতম্ '॥ 5-10-32 (32026)
যুক্তঃ সদাঽভবচ্চাপি শক্রো হর্ষসমন্বিতঃ।
বৃত্রস্য বধসংয়ুক্তানুপায়ানন্বচিন্তয়ৎ ॥ 5-10-34a` অভিসন্ধির্মহেন্দ্রস্য সন্ধিকর্মণি যঃ কৃতঃ।
ঋষিভিস্ৎবীরিতং যচ্চ মহেন্দ্রস্তদনুস্মরন্ ॥' 5-10-33 (32027)
ছিদ্রান্বেষী সমুদ্বিগ্নঃ সদা বসতি দেবরাট্।
স কদাচিন্সমুদ্রান্তে সমপশ্যন্মহাসুরম্ ॥ 5-10-35 (32028)
সন্ধ্যাকাল উপাবৃত্তে মুহূর্তে চাতিদারুণে।
ততঃ সংচিন্ত্য ভগবান্বরদানং মহাত্মনঃ ॥ 5-10-36 (32029)
সন্ধ্যেয়ং বর্ততে রৌদ্রা ন রাত্রির্দিবসং ন চ।
বৃত্রশ্চাবশ্যবধ্যোঽয়ং মম সর্বহরো রিপুঃ ॥ 5-10-37 (32030)
যদি বৃত্রং ন হন্ম্যদ্য বঞ্চয়িৎবা মহাসুরম্।
মহাবলং মহাকায়ং ন মে শ্রেয়ো ভবিষ্যতি॥ 5-10-38 (32031)
এবং সংচিন্তয়ন্নেব শক্রো বিষ্ণুমনুস্মরন্।
অথ ফেনং তদাঽপশ্যৎ সমুদ্রে পর্বতোপমপ্ ॥ 5-10-39 (32032)
নায়ং যুষ্কো ন চাদ্রোঽয়ং ন চ শস্ত্রমিদং তথা।
এনং ক্ষেপ্স্যামি বৃত্রস্য ক্ষণাদেব নশিষ্যতি॥ 5-10-40 (32033)
সবজ্রমথ ফেনং তং ক্ষিপ্রং বৃত্রে নিসৃষ্টবান্।
প্রবিশ্য ফেনং তং বিষ্ণুরথ বৃত্রং ব্যনাশয়ৎ ॥ 5-10-41 (32034)
নিহতে তু ততো বৃত্রে দিশো বিতিমিরাঽভবন্।
প্রববৌ চ শিবো বায়ুঃ প্রজাশ্চ জহৃষুস্তথা ॥ 5-10-42 (32035)
ততো দেবাঃ সগন্ধর্বা যক্ষরক্ষোমহোরগাঃ ।
ঋষয়শ্চ মহেন্দ্রং তমস্তুবন্বিবিধৈঃ স্তবৈঃ ॥ 5-10-43 (32036)
নমস্কৃতঃ সর্বভূতৈঃ সর্বভূতান্যসান্ৎবয়ৎ।
হৎবা শত্রুং প্রহৃষ্টাত্মা বাসবঃ সহ দৈবতৈঃ ॥ 5-10-44 (32037)
বিষ্ণুং ত্রিভুবনশ্রেষ্ঠং পূজয়ামাস ধর্মবিৎ।
ততো হতে মহাবীর্যে বৃত্রে দেবভয়ঙ্করে॥ 5-10-45 (32038)
অনৃতেনাভিভূতোঽভূচ্ছক্রঃ পরমদুর্মনাঃ ।
ত্রৈশীর্ষয়াঽভিভূতশ্চ স পূর্বং ব্রহ্মহত্যযা॥ 5-10-46 (32039)
` মহাদেবস্য ভূতৈশ্চ স পুনর্ব্রহ্মহা ইতি।
আক্রুষ্টো নির্ভয়ৈর্ভূয়ো ব্রীডিতো বলবৃত্রহা '॥ 5-10-47 (32040)
সোঽন্তমাশ্রিত্য লোকানাং নষ্টসংজ্ঞো বিচেতনঃ।
ন প্রাজ্ঞায়ত দেবেন্দ্রস্ৎবভিভূতঃ স্বকর্মভিঃ ॥ 5-10-48 (32041)
প্রতিচ্ছন্নোঽবসচ্চাপ্সু চেষ্টমান ইবোরগঃ ।
ততঃ প্রনষ্টে দেবেন্দ্রে ব্রহ্মহত্যা ভয়ার্দিতে॥ 5-10-49 (32042)
ভূমিঃ প্রধ্বস্তসংকাশা নির্বৃক্ষা শুষ্ককাননা ।
বিচ্ছিন্নস্রোতসো নদ্যঃ সরাংস্যনুদকানি চ॥ 5-10-50 (32043)
সংক্ষোভশ্চাপি সৎবানামনাবৃষ্টিকৃতোঽভবৎ।
দেবাশ্চাপি ভৃশং ত্রস্তাস্তথা সর্বে মহর্ষয়ঃ ॥ 5-10-51 (32044)
অরাজকং জগৎসর্বমভিভূতমুপদ্রবৈঃ।
ততো ভীতাঽভবন্দেবাঃ কো নো রাজা ভবেদিতি ॥ 5-10-52 (32045)
দিবি দেবর্ষয়শ্চাপি দেবরাজবিনাকৃতাঃ।
ন স্ম কশ্চন দেবানাং রাজ্যে বৈ কুরুতে মতিম্ ॥ ॥ 5-10-53 (32046)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি দশমোঽধ্যায়ঃ ॥
Mahabharata - Udyoga Parva - Chapter Footnotes
5-10-4 ক্ষয়ং গৃহম্ ॥ 4 ॥উদ্যোগপর্ব - অধ্যায় 011
॥ শ্রীঃ ॥
5.11. অধ্যায়ঃ 011
Mahabharata - Udyoga Parva - Chapter Topics
ঋষিভির্দেবৈশ্চ নহুপস্য বরদানপূর্বকমিন্দ্ররাজ্যে অভিষেচনম্ ॥ 1 ॥ কদাচন স্বাবলীকনেন কলুষিতমনসা নহুপেণ কাম্যমানায়ৈ ইন্দ্রাণ্যৈ বৃহস্পতিনা অভয়প্রদানম্ ॥ 2 ॥Mahabharata - Udyoga Parva - Chapter Text
5-11-0 (32047)
শল্য উবাচ। 5-11-0x (3376)
ঋষয়োঽথাব্রুবন্সর্বে দেবাশ্চ ত্রিদিবেশ্বরাঃ।
অয়ং বৈ নহুপঃ শ্রীমান্দেবরাজ্যেঽভিষিচ্যতাম্ ॥ 5-11-1 (32048)
তেজস্বী চ যশস্বী চ ধার্মিকশ্চৈব নিত্যদা।
তে গৎবা ৎবব্রুবন্সর্বে রাজা নো ভব পার্থিব ॥ 5-11-2 (32049)
স তানুবাচ নহুষো দেবানৃপিগণাংস্তথা ।
পিতৃভিঃ সহিতান্রাজন্পরিপ্সন্হিতমাত্মনঃ ॥ 5-11-3 (32050)
দুর্বলোঽহং ন মে শক্তির্ভবতাং পরিপালনে।
বলবাঞ্জ্ঞায়তাং কশ্চিদ্বলং শক্রে হি নিত্যদা ॥ 5-11-4 (32051)
তমব্রুবন্পুনঃ সর্বে দেবা ঋষিপুরোগমাঃ ।
অস্মাকং তপসা যুক্তঃ পাহি রাজ্যং ত্রিবিষ্টপে ॥ 5-11-5 (32052)
পরস্পরভয়ং ঘোরমস্মাকং হি ন সংশয়ঃ ।
অভিষিচ্যস্ব রাজেন্দ্র ভব রাজা ত্রিবিষ্টপে ॥ 5-11-6 (32053)
দেবদানবয়ক্ষাণামৃষীণাং রক্ষসাং তথা।
পিতৃগন্ধর্বভূতানাং চক্ষুর্বিষয়বর্তিনাম্। 5-11-7 (32054)
তেজ আদাস্যসে পশ্যন্বলবাংশ্চ ভবিষ্যসি।
ধর্মং পুরস্কৃত্য সদা সরবলোকাধিপো ভব ॥ 5-11-8 (32055)
ব্রহ্মর্ষীশ্চাপি দেবাংশ্চ গোপায়স্ব ত্রিবিষ্টপে । 5-11-9 (32056)
শল্য উবাচ।
অভিষিক্তঃ স রাজেন্দ্র ততো রাজা ত্রিবিষ্টপে ॥ 5-11-9x (3377)
ধর্মং পুরস্কৃত্য তদা সর্বলোকাধিপোঽভবৎ।
সুদুর্লভং বরং লব্ধ্বা প্রাপ্য রাজ্যং ত্রিবিষ্টপে॥ 5-11-10 (32057)
ধর্মাত্মা সততং ভূৎবা কামাত্মা সমপদ্যত।
দেবোদ্যানেষু সর্বেষু নন্দনোপবনেষু চ॥ 5-11-11 (32058)
কৈলাসে হিমবৎপৃষ্ঠে মন্দরে শ্বেতপর্বতে।
সহ্যে মহেন্দ্রে মলয়ে সমুদ্রেষু সরিৎসু চ ॥ 5-11-12 (32059)
অপ্সরোভিঃ পরিবৃতো দেবকন্যাসমাবৃতঃ ।
নহুষো দেবরাজোঽথ ক্রীডন্বহুবিধং তদা ॥ 5-11-13 (32060)
শ্রৃণ্বন্দিব্যা বহুবিধাঃ কথাঃ শ্রুতিমনোহরাঃ ।
বাদিত্রাণি চ সর্বাণি গীতং চ মধুরস্বনম্ ॥ 5-11-14 (32061)
বিশ্বাবসুর্নারদশ্চ গন্ধর্বাপ্সরসাং গণাঃ।
ঋতবঃ ষট্চ দেবেন্দ্রং মূর্তিমন্ত উপস্থিতাঃ ॥ 5-11-15 (32062)
মারুতঃ সুরভির্বাতি মনোজ্ঞঃ সৎবশীতলঃ ।
এবং বিক্রীডতস্তস্য নহুষস্য দুরাত্মনঃ ॥ 5-11-16 (32063)
সংপ্রাপ্তা দর্শনং দেবী শক্রস্য মহিষী প্রিয়া।
স তাং সংদৃশ্য দুষ্টাত্মা প্রাহ সর্বান্সভাসদঃ ॥ 5-11-17 (32064)
ইন্দ্রস্য মহিষী দেবী কস্মান্মাং নোপতিষ্ঠতি।
অহমিন্দ্রোঽস্মি দেবানাং লোকানাং চ তথেশ্বরঃ ॥ 5-11-18 (32065)
আগচ্ছতু শচী মহ্যং ক্ষিপ্রমদ্য নিবেশনম্ ।
তচ্ছ্রুৎবা দুর্মনা দেবী বৃহস্পতিমুবাচ হ ॥ 5-11-19 (32066)
রক্ষ মাং নহুষাদ্ব্রহ্মংস্ৎবামস্মি শরণং গতা।
সর্বলক্ষণসংপন্নাং ব্রহ্মংস্ৎবং মাং প্রভাষসে॥ 5-11-20 (32067)
দেবরাজস্য দয়িতামত্যন্তং সুখভাগিনীম্।
অবৈধব্যেন যুক্তাং চাপ্যেকপত্নীং পতিব্রদাম্ ॥ 5-11-21 (32068)
উক্তবানসি মাং পূর্বমৃতাং তাং কুরু বৈ গিরম্।
নোক্তপূর্বং চ ভগবন্মৃষা তে কিংচিদীশ্বর ॥ 5-11-22 (32069)
তস্মাদেতদ্ভবেৎসত্যং ৎবয়োক্তং দ্বিজসত্তম।
বৃহস্পতিরথোবাচ ইন্দ্রাণীং ভয়মোহিতাম্ ॥ 5-11-23 (32070)
যদুক্তাসি ময়া দেবি সত্যং তদ্ভবিতা ধ্রুবম্ ।
দ্রক্ষ্যসে দেবরাজং তমিন্দ্রং শীঘ্রমিহাগতম্ ॥ 5-11-24 (32071)
ন ভেতব্যং চ নহুষাৎসত্যমেতদ্ব্রবীমি তে।
সমানয়িষ্যে শক্রেণ নচিরাদ্ভবতীমহম্॥ 5-11-25 (32072)
অথ শুশ্রাব নহুষ ইন্দ্রাণীং শরণীং গতাম্।
বৃহস্পতেরঙ্গিরসশ্রুক্রোধ স নৃপস্তদা ॥ ॥ 5-11-26 (32073)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি একাদশোঽধ্যায়ঃ ॥
Mahabharata - Udyoga Parva - Chapter Footnotes
5-11-2 নোঽস্মাকং রাজা ভব ॥ 2 ॥উদ্যোগপর্ব - অধ্যায় 012
॥ শ্রীঃ ॥
5.12. অধ্যায়ঃ 012
Mahabharata - Udyoga Parva - Chapter Topics
নহু ষপ্রসাদনায় দেবাদিভিঃ প্রার্থিতেনাপি বৃহস্পতিনা শচ্যা অত্যাজনম্ ॥ 1 ॥ বৃহস্পত্যনুমত্যা সময়করণায় শচ্যানহুষসমীপগমনম্ ॥ 2 ॥Mahabharata - Udyoga Parva - Chapter Text
5-12-0 (32074)
শল্য উবাচ। 5-12-0x (3378)
ক্রুদ্ধং তু নহুষং দৃষ্ট্বা দেবা ঋষিপুরোগমাঃ।
অব্রুবন্দেবরাজানং নহুষং ঘোরদর্শনম্ ॥ 5-12-1 (32075)
দেবরাজ জহি ক্রোধং ৎবয়ি ক্রুদ্ধে জগদ্বিভো।
ত্রস্তং সাসুরগন্ধর্বং সকিংনরমহোরগম্ ॥ 5-12-2 (32076)
জহি ক্রোধমিমং সাধো ন কুপ্যন্তি ভবদ্বিধাঃ ।
পরস্য পত্নী সা দেবী প্রসীদস্ব সুরেশ্বর ॥ 5-12-3 (32077)
নিবর্তয় মনঃ পাপাৎপরদারাভিমর্শনাৎ।
দেবরাজোঽসি ভদ্রং তে প্রজা ধর্মেণ পালয় ॥ 5-12-4 (32078)
এবমুক্তো ন জগ্রাহ তদ্বচঃ কামমোহিতঃ ।
অথ দেবানুবাচেদমিন্দ্রং প্রতি সুরাধিপঃ ॥ 5-12-5 (32079)
অহল্যা ধর্ষিতা পূর্বমৃষিপত্নী যশস্বিনী ।
জীবতো ভর্তুরিন্দ্রেণ স বঃ কিং ন নিবারিতঃ ॥ 5-12-6 (32080)
বহূনি চ নৃশংসানি কৃতানীন্দ্রেণ বৈ পুরা ।
বৈধর্ম্যাণ্যুপধাশ্চৈব স বঃ কিং ন নিবারিতঃ ॥ 5-12-7 (32081)
উপতিষ্ঠতু দেবী মামেতদস্যা হিতং পরম্।
যুষ্মাকং চ সদা দেবাঃ শিবমেবং ভবিষ্যতি ॥ 5-12-8 (32082)
দেবা ঊচুঃ। 5-12-9x (3379)
ইন্দ্রাণীমানয়িষ্যামো যথেচ্ছসি দিবস্পতে।
জহি ক্রোধমিমং বীর প্রীতো ভব সুরেশ্বর ॥ 5-12-9 (32083)
শল্য উবাচ। 5-12-10x (3380)
ইত্যুক্ৎবা তং তদা দেবা ঋষিভিঃ সহ ভারত।
তগ্মুর্বৃহস্পতিং বক্তুমিন্দ্রাণীং চাশুভং বচঃ ॥ 5-12-10 (32084)
জানীমঃ শরণং প্রাপ্তামিন্দ্রাণীং তব বেশ্মনি।
দত্তাভয়াং চ বিপ্রেন্দ্র ৎবয়া দেবর্ষিসত্তম ॥ 5-12-11 (32085)
তে ৎবাং দেবাঃ সগন্ধর্বা ঋষয়শ্চ মহাদ্যুতে ।
প্রসাদয়ন্তি চেন্দ্রাণী নহুষায় প্রদীয়তাম্ ॥ 5-12-12 (32086)
ইন্দ্রাদ্বিশিষ্টো নহুষো দেবরাজো মহাদ্যুতিঃ ।
বৃণোৎবিমং বরারোহা ভর্তৃৎবে বরবর্ণিনী ॥ 5-12-13 (32087)
এবমুক্তে তু সা দেবী বাষ্পমুৎসৃজ্য সস্বনম্ ।
উবাচ রুদতী দীনা বৃহস্পতিমিদং বচঃ ॥ 5-12-14 (32088)
নাহমিচ্ছামি নহুষং পতিং দেবর্ষিসত্তম।
শরণাগতাস্মি তে ব্রহংস্ত্রায়স্ব মহতো ভয়াৎ ॥ 5-12-15 (32089)
বৃহস্পতিরুবাচ। 5-12-16x (3381)
শরণাগতং ন ত্যজেয়মিন্দ্রাণি মম নিশ্চয়ঃ।
ধর্মজ্ঞাং সত্যশীলাং চ ন ত্যজেয়মনিন্দিতে ॥ 5-12-16 (32090)
নাকার্যং কর্তুমিচ্ছামি ব্রাহ্মণঃ সন্বিশেষতঃ ।
শ্রুতধর্মা সত্যশীলো জানন্ধর্মানুশাসনম্ ॥ 5-12-17 (32091)
নাহমেতৎকরিষ্যামি গচ্ছধ্বং বৈ সুরোত্তমাঃ ।
অস্মিংশ্চার্থে পুরা গীতং ব্রহ্মণা শ্রূয়তামিদম্ ॥ 5-12-18 (32092)
ন তস্য বীজং রোহতি রোহকালে
ন তস্য বর্ষং বর্ষতি বর্ষকালে।
ভীতং প্রপন্নং প্রদদাতি শত্রবে
ন স ত্রাতারং লভতে ত্রাণমিচ্ছন্ ॥ 5-12-19 (32093)
মোঘমন্নং বিন্দতি চাপ্যচেতাঃ
স্বর্গাল্লোকাদ্ধশ্যতি নষ্টচেষ্টঃ।
ভীতং প্রপন্নং প্রদদাতি যো বৈ
ন তস্য হব্যং প্রতিগৃহ্ণন্তি দেবাঃ ॥ 5-12-20 (32094)
প্রমীয়তে চাস্য প্রজা হ্যকালে
সদা বিবাসং পিতরোঽস্য কুর্বতে।
ভীতং প্রপন্নং প্রদদাতি শত্রবে
সেন্দ্রা দেবাঃ প্রহরন্ত্যস্য বজ্রম্ ॥ 5-12-21 (32095)
এতদেবং বিজানন্বৈ ন দাস্যামি শচীমিমাম্।
ইন্দ্রাণীং বিশ্রুতাং লোকে শক্রস্য মহিষীং প্রিয়াং ॥ 5-12-22 (32096)
অস্যা হিতং ভবেদ্যচ্চ মম চাপি হিতং ভবেৎ।
ক্রিয়তাং তৎসুরশ্রেষ্ঠা নহি দাস্যাম্যহং শচীম্ ॥ 5-12-23 (32097)
শল্য উবাচ। 5-12-24x (3382)
অথ দেবাঃ সগন্ধর্বা গুরুমাহুরিদং বচঃ।
কথং সুনীতং নু ভবেন্মন্ত্রয়স্ব বৃহস্পতে ॥ 5-12-24 (32098)
বৃহস্পতিরুবাচ। 5-12-25x (3383)
নহুষং যাচতাং দেবী কিংচিৎকালান্তরং শুভা।
ইন্দ্রাণি হিতমেতদ্ধি তথাঽস্মাকং ভবিষ্যতি॥ 5-12-25 (32099)
বহুবিঘ্নঃ সুরাঃ কালঃ কালঃ কালং নয়িষ্যতি।
গর্বিতো বলবাংশ্চাপি নহুষো বরসংশ্রয়াৎ ॥ 5-12-26 (32100)
শল্য উবাচ। 5-12-27x (3384)
ততস্তেন তথোক্তে তু প্রীতা দেবাস্তথাব্রুবন্।
ব্রহ্মন্সাধ্বিদমুক্তং তে হিতং সর্বং দিবৌকসাম্ ॥ 5-12-27 (32101)
এবমেতদ্দ্বিজশ্রেষ্ঠ দেবী চেয়ং প্রসাদ্যতাম্।
ততঃ সমস্তা ইন্দ্রাণীং দেবাশ্চাগ্নিপুরোগমাঃ ॥ 5-12-28 (32102)
ঊচুর্বচনমব্যগ্রা লোকানাং হিতকাম্যযা। 5-12-29 (32103)
দেবা ঊচুঃ।
ৎবয়া জগদিদং সর্বং ধৃতং স্থাবরজঙ্গমম্।
একপত্ন্যসি সত্যা চ গচ্ছস্ব নহুষং প্রতি ॥ 5-12-29x (3385)
ক্ষিপ্রং ৎবামভিকামশ্চ বিনশিষ্যতি পাপকৃৎ।
নহুষো দেবি শক্রশ্চ সুরৈশ্বর্যমবাপ্স্যতি ॥ 5-12-30 (32104)
এবং বিনিশ্চয়ং কৃৎবা ইন্দ্রাণী কার্যসিদ্ধয়ে।
অভ্যগচ্ছত সব্রীডা নহুষং ঘোরদর্শনম্ ॥ 5-12-31 (32105)
দৃষ্ট্বা তাং নহুষশ্চাপি বয়োরূপসমন্বিতাম্ ।
সমহৃষ্যত দুষ্টাত্মা কামোপহতচেতনঃ ॥ ॥ 5-12-32 (32106)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি দ্বাদশোঽধ্যায়ঃ ॥
Mahabharata - Udyoga Parva - Chapter Footnotes
5-12-7 বৈধর্ম্যাণি ৎবাষ্ট্রবধাদীনি। উপধাঃ বৃত্রসখ্যাদীনি ছলানি ॥ 5-12-20 অচেতাঃ দুর্বলচিত্তঃ ॥ 5-12-25 কালান্তরং কালাবধিম্ ॥উদ্যোগপর্ব - অধ্যায় 013
॥ শ্রীঃ ॥
5.13. অধ্যায়ঃ 013
Mahabharata - Udyoga Parva - Chapter Topics
শচ্যা নহুষংপ্রতি ইন্দ্রস্যান্বেষণেঽপ্যপরিজ্ঞানে ৎবামুপস্থাস্য ইতি সময়করণম্ ॥ 1 ॥ দেবৈর্বিষ্ণ্বাজ্ঞয়া ইন্দ্রস্য ব্রহ্মহত্যাপনোদনায় অশ্বমেধয়াজনম্ ॥ 2 ॥ ধ্বস্তপাপ্মনোপীন্দ্রস্য পুনর্নহুষভয়াদদর্শনে শোচন্ত্যা শচ্যা উপশ্রুতিদেবীপূজনম্ ॥ 3 ॥Mahabharata - Udyoga Parva - Chapter Text
5-13-0 (32107)
শল্য উবাচ। 5-13-0x (3386)
অথ তামব্রবীদ্দৃষ্ট্বা নহুষো দেবরাট্ তদা।
ত্রয়াণামপি লোকানামহমিন্দ্রঃ শুচিস্মিতে ॥ 5-13-1 (32108)
ভজস্ব মাং বরারোহে পতিৎবে বরবর্ণিনি।
এবমুক্তা তু সা দেবী নহুষেণ পতিব্রতা ॥ 5-13-2 (32109)
প্রাবেপত ভয়োদ্বিগ্না প্রবাতে কদলী যথা।
প্রণম্য সা হি ব্রহ্মাণং শিরসা তু কৃতাঞ্জলিঃ ॥ 5-13-3 (32110)
দেবরাজমথোবাচ নহুষং ঘোরদর্শনম্ ।
কালমিচ্ছাম্যহং লব্ধুং ৎবত্তঃ কংচিৎসুরেশ্বর ॥ 5-13-4 (32111)
ন হি বিজ্ঞায়তে শক্রঃ কিং বা প্রাপ্তঃ ক্ব বা গতঃ।
তত্ৎবমেতত্তু বিজ্ঞায় যদি ন জ্ঞায়তে প্রভো ॥ 5-13-5 (32112)
ততোঽহং ৎবামুপস্থাস্যে সত্যমেতদ্ব্রবীমি তে।
এবমুক্তঃ স ইন্দ্রাণ্যা নহুষঃ প্রীতিমানভূৎ ॥ 5-13-6 (32113)
নহুষ উবাচ। 5-13-7x (3387)
এবং ভবতু সুশ্রোণি যথা মামিহ ভাষসে।
জ্ঞাৎবা চাগমনং কার্যং সত্যমেতদনুস্মরেঃ ॥ 5-13-7 (32114)
নহুষেণ বিসৃষ্টা চ নিশ্চক্রাম ততঃ শুভা।
বৃহস্পতিনিকেতং চ সা জগাম যশস্বিনী ॥ 5-13-8 (32115)
তস্যাঃ সংশ্রুত্য চ বচো দেবাশ্চাগ্নিপুরোগমাঃ ।
চিন্তয়ামাসুরেকাগ্রাঃ শক্রার্থং রাজসত্তম ॥ 5-13-9 (32116)
দেবদেবেন শঙ্গম্য বিষ্ণুনা প্রভবিষ্ণুনা।
ঊচুশ্চৈনং সমুদ্বিগ্না বাক্যং বাক্যবিশারদাঃ ॥ 5-13-10 (32117)
ব্রহ্মবধ্যাভিভূতো বৈ শক্রঃ সুরগণেশ্বরঃ ।
গতিশ্চ নস্ৎবং দেবেশ পূর্বজো জগতঃ প্রভুঃ ॥ 5-13-11 (32118)
রক্ষার্থং সর্বভূতানাং বিষ্ণুৎবমুপজগ্মিবান্।
ৎবদ্বীর্যনিহতে বৃত্রে বাসবো ব্রহ্মহত্যযা ॥ 5-13-12 (32119)
বৃতঃ সুরগণশ্রেষ্ঠ মোক্ষং তস্য বিনির্দিশ।
তেষাং তদ্বচনং শ্রুৎবা দেবানাং বিষ্ণুরব্রবীৎ ॥ 5-13-13 (32120)
মামেব যজতাং শক্রঃ পাবয়িষ্যামি বজ্রিণম্।
পুণ্যেন হয়মেধেন মামিষ্ট্বা পাকশাসনঃ ॥ 5-13-14 (32121)
পুনরেষ্যতি দেবানামিন্দ্রৎবমকুতোভয়ঃ।
স্বকর্মভিশ্চ নহুষো নাশং যাস্যতি দুর্মতিঃ ॥ 5-13-15 (32122)
কিংচিৎকালমিদং দেবা মর্ষয়ধ্বমতন্দ্রিতাঃ।
শ্রুৎবা বিষ্ণোঃ শুভাং সত্যাং বাণীং তামমৃতোপমাম্। 5-13-16 (32123)
ততঃ সর্বে সুরগণাঃ সোপাধ্যায়াঃ সহর্ষিভিঃ ।
যত্র শক্রো ভয়োদ্বিগ্নস্তং দেশমুপচক্রমুঃ ॥ 5-13-17 (32124)
তত্রাশ্বমেধঃ সুমহান্মহেন্দ্রস্য মহাত্মনঃ ।
ববৃতে পাবনার্থং বৈ ব্রহ্মহত্যাপহো নৃপ ॥ 5-13-18 (32125)
বিভজ্য ব্রহ্মহত্যাং তু বৃক্ষেষু চ নদীষু চ।
পর্বতেষু পৃথিব্যাং চ স্ত্রীষু চৈব যুধিষ্ঠির ॥ 5-13-19 (32126)
সংবিভজ্য চ ভূতেষু বিসৃজ্য চ সুরেশ্বরঃ।
বিজ্বরো ধূতপাপ্মা চ বাসবোঽভবদাত্মবান্ ॥ 5-13-20 (32127)
অকম্প্যং নহুষং স্থানাদ্দৃষ্ট্বা বলনিষূদনঃ।
তেজোঘ্নং সর্বভূতানাং বরদানাচ্চ দুঃসহম্॥ 5-13-21 (32128)
ততঃ শচীপতির্দেবঃ পুনরেব ব্যনশ্যত।
অদৃশ্যঃ সর্বভূতানাং কালাকাঙ্ক্ষী চচার হ ॥ 5-13-22 (32129)
প্রনষ্টে তু ততঃ শক্রে শচী শোকসমন্বিতা ।
হা শক্রেতি তদা দেবী বিললাপ সুদুঃখিতা ॥ 5-13-23 (32130)
যদি দত্তং যদি হুতং গুরবস্তোষিতা যদি।
একভর্তৃৎবমেবাস্তু সত্যং যদ্যস্তি বা ময়ি ॥ 5-13-24 (32131)
পুণ্যাং চেমামহং দিব্যাং প্রবৃত্তামুত্তরায়ণে।
দেবীং রাত্রিং নমস্যামি সিধ্যতাং মে মনোরথঃ ॥ 5-13-25 (32132)
প্রয়তা চ নিশাং দেবীমুপাতিষ্ঠত তত্র সা।
পতিব্রতাৎবাৎসত্যেন সোপশ্রুতিমথাকরোৎ ॥ 5-13-26 (32133)
যত্রাস্তে দেবরাজোঽসৌ তং দেশং দর্শয়স্ব মে।
ইত্যাহোপশ্রুতিং দেবীং সত্যং সত্যেন দৃশ্যতাম্ ॥ ॥ 5-13-27 (32134)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি ত্রয়োদশোঽধ্যায়ঃ ॥
Mahabharata - Udyoga Parva - Chapter Footnotes
5-13-12 বিষ্ণুৎবং ব্যাপকৎবম্ ॥ 12 ॥ 5-13-26 আকরোৎ আকারিতবতী ॥ 26 ॥উদ্যোগপর্ব - অধ্যায় 014
॥ শ্রীঃ ॥
5.14. অধ্যায়ঃ 014
Mahabharata - Udyoga Parva - Chapter Topics
স্তুত্যা প্রত্যক্ষীভূতয়া উপশ্রুতিদেব্যাসহ পদ্মনালভেদনেন তদ্বিবরং গতয়া শচ্যা তত্রস্থেন্দ্রদর্শনম্ ॥ 1 ॥ তথা ইন্দ্রং স্তুৎবা নহুষবৃত্তান্তকথনম্ ॥ 2 ॥Mahabharata - Udyoga Parva - Chapter Text
5-14-0 (32135)
শল্য উবাচ। 5-14-0x (3388)
অথৈনাং রূপিণী সাধ্বীমুপাতিষ্ঠদুপশ্রুতিঃ।
তাং বয়োরূপসংপন্নাং দৃষ্ট্বা দেবীমুপস্থিতাম্ ॥ 5-14-1 (32136)
ইন্দ্রাণী সংপ্রহৃষ্টাত্মা সংপূজ্যৈনামথাব্রবীৎ।
ইচ্ছামি ৎবামহং জ্ঞাতুং কা ৎবং ব্রূহি বরাননে ॥ 5-14-2 (32137)
উপশ্রুতিরুবাচ। 5-14-3x (3389)
উপশ্রুতিরহং দেবি তবান্তিকমুপাগতা।
দর্শনং চৈব সংপ্রাপ্তা তব সত্যেন ভামিনি ॥ 5-14-3 (32138)
পতিব্রতা চ যুক্তা চ যমেন নিয়মেন চ।
দর্শয়িষ্যামি তে শক্রং দেবং বৃত্রনিষূদনম্ ॥ 5-14-4 (32139)
ক্ষিপ্রমন্বেহি ভদ্রং তে দ্রক্ষ্যসে সুরসত্তমম্।
ততস্তাং প্রস্থিতাং দেবীমিন্দ্রাণী সা সমন্বগাৎ ॥ 5-14-5 (32140)
দেবারণ্যান্যতিক্রম্য পর্বতাংশ্চ বহূংস্ততঃ ।
হিমবন্তমতিক্রম্য উত্তরং পার্শ্বমাগমৎ॥ 5-14-6 (32141)
সমুদ্রং চ সমাসাদ্য বহুয়োজনবিস্তৃতম্।
আসসাদ মহাদ্বীপং নানাদ্রুমলতাবৃতম্ ॥ 5-14-7 (32142)
তত্রাপশ্যৎসরো দিব্যং নানাশকুনিভির্বৃতম্।
শতয়োজনবিস্তীর্ণং তাবদেবায়তং শুভম্ ॥ 5-14-8 (32143)
তত্র দিব্যানি পদ্মানি পঞ্চবর্ণানি ভারত ।
ষট্পদৈরুপগীতানি প্রফুল্লানি সহস্রশঃ॥ 5-14-9 (32144)
সরসস্তস্য মধ্যে তু পদ্মিনী মহতী শুভা ।
গৌরেণোন্নতনালেন পদ্মেন মহতা বৃতা ॥ 5-14-10 (32145)
পদ্মস্য ভিত্ৎবা নালং চ বিবেশ সহিতা তয়া।
বিসতন্তুপ্রবিষ্টং চ তত্রাপশ্যচ্ছতক্রতুম্ ॥ 5-14-11 (32146)
তং দৃষ্ট্বা চ সুসূক্ষ্মেণ রূপেণাবস্থিতং প্রভুম্ ।
সূক্ষ্মরূপধরা দেবী বভূবোপশ্রুতিশ্চ সা॥ 5-14-12 (32147)
ইন্দ্রং তুষ্টাব চেন্দ্রাণী বিশ্রুতৈঃ পূর্বকর্মভিঃ।
স্তূয়মানস্ততো দেবঃ শচীমাহ পুরন্দরঃ ॥ 5-14-13 (32148)
কিমর্থমসি সংপ্রাপ্তা বিজ্ঞাতশ্চ কথং ৎবহম্।
ততঃ সা কথয়ামাস নহুষস্য বিচেষ্টিতম্ ॥ 5-14-14 (32149)
ইন্দ্রৎবং ত্রিষু লোকেষু প্রাপ্য বীর্যসমন্বিতঃ ।
দর্পাবিষ্টশ্চ দুষ্টাত্মা মামুবাচ শতক্রতো ॥ 5-14-15 (32150)
উপতিষ্ঠেতি স ক্রূরঃ কালং চ কৃতবান্মম ।
যদি ন ত্রাস্যসি বিভো করিষ্যতি স মাং বশে ॥ 5-14-16 (32151)
এতেন চাহং সংপ্রাপ্তা দ্রুতং শক্র তবান্তিকম্।
জহি রৌদ্রং মহাবাহো নহুষং পাপনিশ্চয়ম্ ॥ 5-14-17 (32152)
প্রকাশয়স্ব চাত্মানং দৈত্যদানবসূদন।
তেজঃ সমাপ্নুহি বিভো দেবরাজ্যং প্রশাধি চ ॥ ॥ 5-14-18 (32153)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি চতুর্দশোঽধ্যায়ঃ ॥
Mahabharata - Udyoga Parva - Chapter Footnotes
5-14-16 ত্রাস্যসি পালয়িষ্যসি ॥ 16 ॥উদ্যোগপর্ব - অধ্যায় 015
॥ শ্রীঃ ॥
5.15. অধ্যায়ঃ 015
Mahabharata - Udyoga Parva - Chapter Topics
ইন্দ্রবোধিতশচীবচনাৎ নহুষেণ অগস্ত্যাদিসপ্তর্ষীণাং স্বশিবিকায়াং বাহকতয়া যোজনম্ ॥ 1 ॥ শচীপ্রার্থনয়া বৃহস্পতিনা হোমেন সংতোষ্যাগ্নোরিন্দ্রান্বেষণায় প্রেষণম্ ॥ 2 ॥ অগ্নিনা বৃহস্পতিংপ্রতি জলবর্জং সর্বত্রান্বেষণেপীন্দ্রানধিগমকথনম্ ॥ 3 ॥Mahabharata - Udyoga Parva - Chapter Text
5-15-0 (32154)
শল্য উবাচ। 5-15-0x (3390)
এবমুক্তঃ স ভগবাঞ্শচ্যা তাং পুনরব্রবীৎ।
বিক্রমস্য ন কালোঽয়ং নহুষো বলবত্তরঃ ॥ 5-15-1 (32155)
বিবর্দ্ধিতশ্চ ঋষিভির্হব্যকব্যৈশ্চ ভামিনি ।
নীতিমত্র বিধাস্যামি দেবি তাং কর্তুমর্হসি ॥ 5-15-2 (32156)
গুহ্যং চৈতত্ৎবয়া কার্যং নাখ্যাতব্যং শুভে ক্বচিৎ ।
গৎবা নহুষমেকান্তে ব্রবীহি চ সুমধ্যমে ॥ 5-15-3 (32157)
ঋষিয়ানেন দিব্যেন মামুপৈহি জগৎপতে ।
এবং তব বশে প্রীতা ভবিষ্যামীতি তং বদ ॥ 5-15-4 (32158)
ইত্যুক্তা দেবরাজেন পত্নী সা কমলেক্ষণা ।
এবমস্ৎবিত্যথোক্ৎবা তু জগাম নহুষং প্রতি ॥ 5-15-5 (32159)
নহুষস্তাং ততো দৃষ্ট্বা সস্মিতো বাক্যমব্রবীৎ ।
স্বাগতং তে বরারোহে কিং করোমি শুচিস্মিতে ॥ 5-15-6 (32160)
ভক্তং মাং ভজ কল্যাণি কিমিচ্ছসি মনস্বিনি ।
তব কল্যাণি যৎকার্যং তৎকরিষ্যে সুমধ্যমে ॥ 5-15-7 (32161)
ন চ ব্রীডা ৎবয়া কার্যা সুশ্রোণি ময়ি বিশ্বসেঃ।
সত্যেন বৈ পশে দেবি করিষ্যে বচনং তব ॥ 5-15-8 (32162)
ইন্দ্রাণ্যুবাচ। 5-15-9x (3391)
যো মে কৃতস্ৎবয়া কালস্তমাকাঙ্ক্ষে জগৎপতে।
ততস্ৎবমেব ভর্তা মে ভবিষ্যসি সুরাধিম ॥ 5-15-9 (32163)
কার্যং চ হৃদি মে যত্তদ্দেবরাজাবধারয়।
বক্ষ্যামি যদি মে রাজন্প্রিয়মেতৎকরিষ্যসি ॥ 5-15-10 (32164)
বাক্যং প্রণয়সংয়ুক্তং ততঃ স্যাং বশগা তব।
ইন্দ্রস্য বাজিনো বাহা হস্তিনোঽথ রথাস্তথা ॥ 5-15-11 (32165)
ইচ্ছাম্যহমথাপূর্বং বাহনং তে সুরাধিপ ।
যন্ন বিষ্ণোর্ন রুদ্রস্য ন সুরাণাং ন রক্ষসাম্ ॥ 5-15-12 (32166)
বহন্তু ৎবাং মহাভাগা ঋষয়ঃ সঙ্গতা বিভো।
সর্বে শিবিকয়া রাজন্নেতদ্ধি মম রোচতে ॥ 5-15-13 (32167)
নাসুরেষু ন দেবেষু তুল্যো ভবিতুমর্হসি ।
সর্বেষাং তেজ আদৎসে স্বেন বীর্যেণ দর্শনাৎ ॥ 5-15-14 (32168)
ন তে প্রমুখতঃ স্থাতুং কশ্চিচ্ছক্নোতি বীর্যবান্ । 5-15-15 (32169)
শল্য উবাচ।
এবমুক্তস্তু নহুষঃ প্রাহৃষ্যত তদা কিল।
উবাচ বচনং চাপি সুরেন্দ্রস্তামনিন্দিতাম্ ॥ 5-15-15x (3392)
নহুষ উবাচ। 5-15-16x (3393)
অপূর্বং বাহনমিদং ৎবয়োক্তং বরবর্ণিনি।
দৃঢং মে রুচিরং দেবি ৎবদ্বশোঽস্মি বরাননে ॥ 5-15-16 (32170)
ন হ্যল্পবীর্যো ভবতি যো বাহান্কুরুতে মুনীন্ ।
অহং তপস্বী বলবান্ভূতভব্যভবৎপ্রভুঃ ॥ 5-15-17 (32171)
ময়ি ক্রুদ্ধে জগন্ন স্যান্ময়ি সর্বং প্রতিষ্ঠিতম্।
দেবদানবগন্ধর্বাঃ কিন্নরোরগরাক্ষসাঃ ॥ 5-15-18 (32172)
ন মে ক্রুদ্ধস্য পর্যাপ্তাঃ সর্বে লোকাঃ শুচিস্মিতে।
চক্ষুষা যং প্রপশ্যামি তস্য তেজো হরাম্যহম্ ॥ 5-15-19 (32173)
` অহমিন্দ্রোঽস্মি দেবানাং লোকানাং চ মহেশ্বরঃ।
ময়ি হব্যং চ কব্যং চ লোকাশ্চৈব সনাতনাঃ ।'
তস্মাত্তে বচনং দেবি করিষ্যামি ন সংশয়ঃ ॥ 5-15-20 (32174)
সপ্তর্ষয়ো মাং বক্ষ্যন্তি সর্বে ব্রহ্মর্ষয়স্তথা ।
পশ্য মাহাত্ম্যযোগং মে ঋদ্ধিং চ বরবর্ণিনি ॥ 5-15-21 (32175)
শল্য উবাচ। 5-15-22x (3394)
এবমুক্ৎবা তু তাং দেবীং বিসৃজ্য চ বরাননাম্ । 5-15-22b` অথ সংচিন্ত্য নহুষো বলবীর্যেণ ভারত ॥ 5-15-22 (32176)
বিসৃজ্য সুপ্রতীকং চ নাগমৈরাবতং তথা।
হংসয়ুক্তং বিমানং চ হরিয়ুক্তং তথা রথম্ ॥ 5-15-23 (32177)
স তু দর্পেণ মহতা পরিভূয় মহামুনীন্।'
বিমানে যোজয়িৎবা চ ঋষীন্নিয়মামাস্থিতান্ ॥ 5-15-24 (32178)
অব্রহ্মণ্যো বলোপেতো মত্তো মদবলেন চ।
কামবৃত্তঃ স দুষ্টাত্মা বাহয়ামাস তানৃষীন্ ॥ 5-15-25 (32179)
নহুষেণ বিসৃষ্টা চ বৃহস্পতিমথাব্রবীৎ।
সময়োঽল্পাবশেষো মে নহুষেণেহ যঃ কৃতঃ ॥ 5-15-26 (32180)
শক্রং মৃগয় শীঘ্রং ৎবং ভক্তায়াঃ কুরু মে দয়াম্।
বাঢমিত্যেব ভগবান্বৃহস্পতিরুবাচ তাম্ ॥ 5-15-27 (32181)
ন ভেতব্যং ৎবয়া দেবি নহুষাদ্দুষ্টচেতসঃ ।
ন হ্যেষ স্থাস্যতি চিরং গত এষ নরাধমঃ ॥ 5-15-28 (32182)
অধর্মজ্ঞো মহর্ষীণাং বাহনাচ্চ হতঃ শুভে ।
ইষ্টিং চাহং করিষ্যামি বিনাশায়াস্য দুর্মতেঃ ॥ 5-15-29 (32183)
শক্রং চাধিগমিষ্যামি মাভৈস্ৎবং ভদ্রমস্তু তে।
ততঃ প্রজ্বাল্য বিধিবজ্জুহাব পরমং হবিঃ ॥ 5-15-30 (32184)
বৃহস্পতির্মহাতেজা দেবরাজোপলব্ধয়ে।
হুৎবাঽগ্নিং সোব্রবীদ্রাজঞ্ছক্র অন্বিষ্যতামিতি ॥ 5-15-31 (32185)
তস্মাচ্চ ভগবান্দেবঃ স্বয়মেব হুতাশনঃ ।
স্ত্রীবেষমদ্ভুতং কৃৎবা তত্রৈবান্তরধীয়ত॥ 5-15-32 (32186)
স দিশঃ প্রদিশশ্চৈব পর্বতাংশ্চ বনানি চ।
পৃথিবীং চান্তরিক্ষং চ বিচিত্যাথ মনোগতিঃ।
নিমেষান্তরমাত্রেণ বৃহস্পতিমুপাগমৎ ॥ 5-15-33 (32187)
অগ্নিরুবাচ। 5-15-34x (3395)
বৃহস্পতে ন পশ্যামি দেবরাজমিহ ক্বচিৎ।
আপঃ শেষাঃ সদা চাপঃ প্রবেষ্টুং নোৎসহাম্যহম্ ॥ 5-15-34 (32188)
ন মে তত্র গতির্ব্রহ্মন্কিমন্যৎকরবাণি তে।
তমব্রবীদ্দেবগুরুরপো বিশ মহাদ্যুতে ॥ 5-15-35 (32189)
অগ্নিরুবাচ। 5-15-36x (3396)
নাপঃ প্রবেষ্টুং শক্ষ্যামি ক্ষয়ো মেঽত্র ভবিষ্যতি।
শরণং ৎবাং প্রপন্নোঽস্মি স্বস্তি তেস্তু মহাদ্যুতে ॥ 5-15-36 (32190)
অদ্য্ভোঽগ্নির্ব্রহ্মতঃ ক্ষত্রমশ্মনো লোহমুত্থিতম্ ।
তেষাং সর্বত্রগং তেজঃ স্বাসু যোনিষু শাম্যতি ॥ ॥ 5-15-37 (32191)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি পঞ্চদশোঽধ্যায়ঃ ॥
Mahabharata - Udyoga Parva - Chapter Footnotes
5-15-21 মাং বক্ষ্যন্তি মম বহনং করিষ্যন্তি ॥ 21 ॥উদ্যোগপর্ব - অধ্যায় 016
॥ শ্রীঃ ॥
5.16. অধ্যায়ঃ 016
Mahabharata - Udyoga Parva - Chapter Topics
বৃহস্পতিনা ব্রাহ্মমন্ত্রসংবর্ধিতেনাগ্নিনা পদ্মনালস্যেন্দ্রং দৃষ্ট্বা বৃহস্পতয়ে তন্নিবেদনম্ ॥ 1 ॥ বৃহস্পতিনা তত্র গৎবা ইন্দ্রে স্তূয়মানে কুবেরাদীনাং তত্রাগমনম্ ॥ 2 ॥ ইন্দ্রেণ নহুষজয়ে সাহায়্যায়াগ্নের্ভাগদানপূর্বকং কুবেরাদীনাং তত্তাদ্দিগাধিপত্যেঽভিষেচনম্ ॥ 3 ॥Mahabharata - Udyoga Parva - Chapter Text
5-16-0 (32192)
বৃহস্পতিরুবাচ। 5-16-0x (3397)
ৎবমগ্রে সর্বদেবানাং মুখং ৎবমসি হব্যবাট্।
ৎবমন্তঃ সর্বভূতানাং গূঢশ্চরসি সাক্ষিবৎ॥ 5-16-1 (32193)
ৎবামাহুরেকং কবয়স্ৎবামাহুস্ত্রিবিধং পুনঃ।
ৎবয়া ত্যক্তং জগচ্চেদং সদ্যো নশ্যেদ্ধুতাশন ॥ 5-16-2 (32194)
কৃৎবা তুভ্যং নমো বিপ্রাঃ স্বকর্মবিজিতাং গতিম্।
গচ্ছন্তি সহ পত্নীভিঃ সুতৈরপি চ শাশ্বতীম্ ॥ 5-16-3 (32195)
ৎবমেবাগ্নে হব্যবাহস্ৎবমেব পরমং হবিঃ।
যজন্তি সত্রৈস্ৎবামেব যজ্ঞৈশ্চ পরমাধ্বরৈঃ ॥ 5-16-4 (32196)
সৃষ্ট্বা লোকাংস্ত্রীমিমান্হব্যবাহ
প্রাপ্তে কালে পচসি পুনঃ সমিদ্ধঃ ।
ৎবং সর্বস্য ভুবনস্য প্রসূতি-
স্ৎবমেবাগ্রে ভবসি পুনঃ প্রতিষ্ঠা ॥ 5-16-5 (32197)
ৎবামগ্নে জলদানাহুর্বিদ্যুতশ্চ মনীষিণঃ।
বহন্তি সর্বভূতানি ৎবত্তো নিষ্ক্রম্য হেতয়ঃ ॥ 5-16-6 (32198)
ৎবয়্যাপো নিহিতাঃ সর্বাস্ৎবয়ি সর্বমিদং জগৎ।
ন তেঽস্ত্যবিদিতং কিচিত্রিষু লোকেষু পাবক ॥ 5-16-7 (32199)
স্বয়োর্নি ভজতে সর্বো বিশস্বাপোঽবিশঙ্কিতঃ।
অহং ৎবাং বর্ধয়িষ্যামি ব্রাহ্মৈর্মন্ত্রৈঃ সনাতনৈঃ ॥ 5-16-8 (32200)
এবং স্তুতো হব্যবাট্ স ভগবান্কবিরুত্তমঃ ।
বৃহস্পতিমথোবাচ প্রীতিমান্বাক্যমুত্তমম্।
দর্শয়িষ্যামি তে শক্রং সত্যমেতদ্ব্রবীমি তে॥ 5-16-9 (32201)
শল্য উবাচ। 5-16-10x (3398)
প্রবিষ্যাপস্ততো বহ্নিঃ সসমুদ্রাঃ সপল্বলাঃ।
আসসাদ সরস্তচ্চ গূঢো যত্র শতক্রতুঃ ॥ 5-16-10 (32202)
অথ তত্রাপি পদ্মানি বিচিন্বন্ভরতর্ষভ ।
অপশ্যৎস তু দেবেন্দ্রং বিসমধ্যগতং তদা ॥ 5-16-11 (32203)
আগত্য চ ততস্তূর্ণং তমাচষ্ট বৃহস্পতেঃ।
অণুমাত্রেণ বপুষা পদ্মতন্ৎবাশ্রিতং প্রভুম্ ॥ 5-16-12 (32204)
গৎবা দেবর্ষিগন্ধর্বৈঃ সহিতোঽথ বৃহস্পতিঃ ।
পুরাণৈঃ কর্মভির্দেবং তুষ্টাব বলসূদনম্ ॥ 5-16-13 (32205)
মহাঽসুরো হতঃ শক্র নমুচির্দারুণস্ৎবয়া ।
শম্বরশ্চ বলশ্চৈব তথোভৌ ঘোরবিক্রমৌ ॥ 5-16-14 (32206)
শতক্রতো বিবর্ধস্ব সর্বাঞ্শত্রূন্নিষূদয় ।
উত্তিষ্ঠ শক্র সংপশ্য দেবর্ষীশ্চ সমাগতান্ ॥ 5-16-15 (32207)
মহেন্দ্র দানবান্হৎবা লোকাস্ত্রাতাস্ৎবয়া বিভো।
অপাং ফেনং সমাসাদ্য বিষ্ণুতেজোতিবৃংহিতম্।
ৎবয়া বৃত্রো হতঃ পূর্বং দেবরাজ জগৎপতে ॥ 5-16-16 (32208)
ৎবং সর্বভূতেষু শরণ্য ঈড্য-
স্ৎবয়া সমং বিদ্যতে নেহ ভূতম্।
ৎবয়া ধার্যন্তে সর্বভূতানি শক্র
ৎবং দেবানাং মহিমানং চকর্থ ॥ 5-16-17 (32209)
পাহি সর্বাংশ্চ লোকাংশ্চ মহেন্দ্র বলমাপ্নুহি ।
এবং সংস্তূয়মানশ্চ সোঽবর্ধত শনৈঃ শনৈঃ ॥ 5-16-18 (32210)
স্বং চৈব বপুরাস্থায় বভূব স বলান্বিতঃ।
অব্রবীচ্চ গুরং দেবো বৃহস্পতিমবস্থিতম্ ॥ 5-16-19 (32211)
কিং কার্যমবশিষ্টং বো হতস্ৎবাষ্ট্রো মহাসুরঃ ।
বৃত্রশ্চ সুমহাকায়ো যো বৈ লোকাননাশয়ৎ ॥ 5-16-20 (32212)
বৃহস্পতিরুবাচ। 5-16-21x (3399)
মানুষো নহুষো রাজা দেবর্ষিগণতেজসা।
দেবরাজ্যমনুপ্রাপ্তঃ সর্বান্নো বাধতে ভৃশম্ ॥ 5-16-21 (32213)
ইন্দ্র উবাচ। 5-16-22x (3400)
কথং চ নহুষো রাজ্যং দেবানাং প্রাপ দুর্লভম্।
তপসা কেন বা যুক্তঃ কিংবীর্যো বা বৃহস্পতে ।
` তৎসর্বং কথয় ৎবং মে যথেন্দ্রৎবমুপেয়িবান্ ॥ 5-16-22 (32214)
বৃহস্পতিরুবাচ। 5-16-23x (3401)
ৎবয়ি প্রনষ্টে দেবেশ বিশ্বং প্রব্যথিতং জগৎ।
পরস্পরভয়োদ্বিগ্নং বভূবার্তমরাজকম্ ॥ 5-16-23 (32215)
ততো দেবৈঃ সগন্ধর্বৈঃ সর্ষিসঙ্ঘৈঃ সপাবকৈঃ ।
মানুষো নহুষো রাজা দেবরাজ্যেঽভিষেচিতঃ ॥ 5-16-24 (32216)
দেবা ভীতাঃ শক্রমকাময়ন্ত
ৎবয়া ত্যক্তং মহদৈন্দ্রং পদং তৎ।
তদা দেবাঃ পিতরোঽথর্ষয়শ্চ
গন্ধর্বমুখ্যাশ্চ সমেত্য সর্বে ॥ 5-16-25 (32217)
গৎবাঽব্রুবন্নহুষং তত্র শক্র
ৎবং নো রাজা ভব ভুবনস্য গোপ্তা।
তানব্রবীন্নহুষো নাস্মি শক্ত
আপ্যায়ধ্বং তপসা তেজসা মাম্ ॥ 5-16-26 (32218)
এবমুক্তৈর্বর্দ্ধিতশ্চাপি দেবৈ
রাজাঽভবন্নহুষো ঘোরবীর্যঃ।
ত্রৈলোক্যে চ প্রাপ্য রাজ্যং মহর্ষী-
ন্কৃৎবা বাহান্যাতি লোকান্দুরাত্মা ॥ 5-16-27 (32219)
তেজোহরং দৃষ্টিবিষং সুঘোরং
মা ৎবং পশ্যের্নহুষং বৈ কদাচিৎ।
দেবাশ্চ সর্বে নহুষং ভৃশার্তা
ন পশ্যন্তে গূঢরূপাশ্চরন্তঃ ॥ 5-16-28 (32220)
শল্য উবাচ। 5-16-29x (3402)
এবং বদত্যঙ্গিরসাং বরিষ্ঠে
বৃহস্পতৌ লোকপালঃ কুবেরঃ।
বৈবস্বতশ্চৈব যমঃ পুরাণো
দবেশ্চ সোমো বরুণশ্চাজগাম॥ 5-16-29 (32221)
তে বৈ সমাগম্য মহেন্দ্রমূচু-
র্দিষ্ট্যা ৎবাষ্ট্রো নিহতশ্চৈব বৃত্রঃ।
দিষ্ট্যা চ ৎবাং কুশলিনমক্ষতং চ
পশ্যামো বৈ নিহতারিং চ শক্র ॥ 5-16-30 (32222)
স তান্যথাবচ্চ হি লোকপালা-
ন্সমেৎস বৈ প্রীতমনা মহেন্দ্রঃ।
উবাচ চৈনান্প্রতিভাষ্য শক্রঃ
সংচোদয়িষ্যন্নহুষস্যান্তরেণ ॥ 5-16-31 (32223)
রাজা দেবানাং নহুষো ঘোররূপ-
স্তত্র সাহ্যং দীয়তাং মে ভবদ্ভিঃ ।
তে চাব্রুবন্নহুষো ঘোররূপো
দৃষ্টীবিষস্তস্য বিভীম ঈশ ॥ 5-16-32 (32224)
ৎবং চেদ্রাজানং নহুষং পরাজয়ে-
স্ততো বয়ং ভাগমর্হাম শক্র।
ইন্দ্রোঽব্রবীদ্ভবতু ভবানপাং পতি-
র্যমঃ কুবেরশ্চ ময়াভিষেকম্ ॥ 5-16-33 (32225)
সংপ্রাপ্নুবন্ৎবদ্য সহৈব দৈবতৈ
রিপুং জয়াম তং নহুষং ঘোরদৃষ্টিম্।
ততঃ শক্রং জ্বলনোঽপ্যাহ ভাগ
প্রয়চ্ছ মহ্যং তব সাহ্যং করিষ্যে।
তমাহ শক্রো ভবিতাঽগ্নে তবাপি
চেন্দ্রাগ্ন্যোর্বৈ ভাগ একো মহাক্রতৌ ॥ 5-16-34 (32226)
শল্য উবাচ। 5-16-35x (3403)
এবং সংচিন্ত্য ভগবান্মহেন্দ্রঃ পাকশাসনঃ।
কুবেরং সর্বয়ক্ষাণাং ধনানাং চ প্রভুং তথা ॥ 5-16-35 (32227)
বৈবস্বতং পিতৄণাং চ বরুণং চাপ্যপাং তথা।
আধিপত্যং দদৌ শক্রঃ সৎকৃত্য বরদস্তথা ॥ ॥ 5-16-36 (32228)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি ষোডশোঽধ্যায়ঃ ॥
Mahabharata - Udyoga Parva - Chapter Footnotes
5-16-6 হেতয়ঃ জ্বালাঃ ॥ 5-16-31 নহুষস্যান্তরেণ অন্তরং ভেদঃ। বুদ্ধিভেদার্থমিত্যর্থঃ ॥উদ্যোগপর্ব - অধ্যায় 017
॥ শ্রীঃ ॥
5.17. অধ্যায়ঃ 017
Mahabharata - Udyoga Parva - Chapter Topics
লোকপালৈঃ সহ নহুষনিষূদনোপায়ং মন্ত্রয়ন্তমিন্দ্রমেত্য ভগস্ত্যেন নহুষস্য দেবরাজ্যাৎপরিভ্রংশনিবেদনম্ ॥ 1 ॥Mahabharata - Udyoga Parva - Chapter Text
5-17-0 (32229)
শল্য উবাচ। 5-17-0x (3404)
অথ সংচিন্তয়ানস্য দেবরাজস্য ধীমতঃ।
নহুষস্য বধোপায়ং লোকপালৈঃ সদৈবতৈঃ ॥ 5-17-1 (32230)
তপস্বী তত্র ভগবানগস্ত্যঃ প্রত্যদৃশ্যত।
সোঽব্রবীদর্চ্য দেবেন্দ্রং দিষ্ট্যা বৈ বর্ধতে ভবান্ ॥ 5-17-2 (32231)
বিশ্বরূপবিনাশেন বৃত্রাসুরবধেন চ।
দিষ্ট্যাদ্য নহুষো ভ্রষ্টো দেবরাজ্যাৎপুরন্দর ॥ 5-17-3 (32232)
দিষ্ট্যা হতারিং পশ্যামি ভবন্তং বলসূদন। 5-17-4 (32233)
ইন্দ্র উবাচ।
স্বাগতং তে মহর্ষেঽস্তু প্রীতোঽহং দর্শনাত্তত।
পাদ্যমাচমনীয়ং চ গামর্ঘ্যং চ প্রতীচ্ছ মে ॥ 5-17-4x (3405)
শল্য উবাচ। 5-17-5x (3406)
পূজিতং চোপবিষ্টং তমাসেন মুনিসত্তমম্।
পর্যপৃচ্ছত দেবেশঃ প্রহৃষ্টো ব্রাহ্মণর্ষভম্ ॥ 5-17-5 (32234)
শ্রোতুমিচ্ছামি ভগবন্কথ্যমানং দ্বিজোত্তম।
পরিভ্রষ্টঃ কথং স্বর্গান্নহুষঃ পাপনিশ্চয়ঃ ॥ 5-17-6 (32235)
অগস্ত্য উবাচ। 5-17-7x (3407)
শ্রৃণু শক্র প্রিয়ং বাক্যং যথা রাজা দুরাত্মবান্ ।
স্বর্গাদ্ভ্রষ্টো দুরাচারো নহুষো বলদর্পিতঃ ॥ 5-17-7 (32236)
শ্রমার্তাশ্চ বহন্তস্তং নহুষং পাপকারিণম্ ।
দেবর্ষয়ো মহাভাগাস্তথা ব্রহ্মর্ষয়োঽমলাঃ ॥ 5-17-8 (32237)
পপ্রচ্ছুর্নহুষং দেবং সংশয়ং জয়তাং বর।
য ইমে ব্রহ্মণা প্রোক্তা মন্ত্রা বৈ প্রোক্ষণে গবাম্ ॥ 5-17-9 (32238)
এতে প্রমাণং ভবত উতাহো নেতি বাসব।
নহুষো নেতি তানাহ তমসা মূঢচেতনঃ ॥ 5-17-10 (32239)
ঋষয় ঊচুঃ। 5-17-11x (3408)
অধর্মে সংপ্রবৃত্তস্ৎবং ধর্মং ন প্রতিপদ্যসে।
প্রমাণমেতদস্মাকং পূর্বং প্রোক্তং মহর্ষিভিঃ ॥ 5-17-11 (32240)
অগস্ত্য উবাচ। 5-17-12x (3409)
ততো বিবদমানঃ স মুনিভিঃ সহ বাসব ।
অথ মামস্পৃশন্মূর্ধ্নি পাদেনাধর্মপীডিতঃ ॥ 5-17-12 (32241)
তেনাভূদ্ধততেজাশ্চ নিঃশ্রীকশ্চ মহীপতিঃ ।
ততস্তং তমসা বিগ্নমবোচং ভৃশপীডিতম্ ॥ 5-17-13 (32242)
যস্মাৎপূর্বৈঃ কৃতং রাজন্ব্রহ্মর্ষিভিরনুষ্ঠিতম্ ।
অদৃষ্টং দূষয়সি মে যচ্চ মূর্ধ্য্রস্পৃশঃ পদা ॥ 5-17-14 (32243)
যচ্চাপি ৎবমৃষীন্মূঢ ব্রহ্মকল্পান্দুরাসদান্ ॥ 5-17-15 (32244)
বাহান্কৃৎব্রা বাহয়সি তেন স্বর্গাদ্ধতপ্রভঃ ।
ধ্বংস পাপ পরিভ্রষ্টঃ ক্ষীণপুণ্যো মহীতলে ॥ 5-17-16 (32245)
দশবর্ষসহস্রাণি সর্পরূপধরো মহান্।
বিচরিষ্যসি পূর্ণেষু পুনঃ স্বর্গমবাপ্স্যসি ॥ 5-17-17 (32246)
` দৃষ্ট্বা যুধিষ্ঠিরং নাম তব বংশসমুদ্ভবম্।
নিহতো ব্রহ্মশাপেন প্রপদ্যস্ব ত্রিবিষ্টপম্॥' 5-17-18 (32247)
এবং ভ্রষ্টো দুরাত্মা স দেবরাজ্যাদরিন্দম।
দিষ্ট্যা বর্ধামহে শক্র হতো ব্রহ্মর্ষিকণ্টকঃ ॥ 5-17-19 (32248)
ত্রিবিষ্টপং প্রপদ্যস্ব পাহি লোকাঞ্শচীপতে।
জিতেন্দ্রিয়ো জিতামিত্রঃ স্তূয়মানো মহর্ষিভিঃ ॥ 5-17-20 (32249)
শল্য উবাচ। 5-17-21x (3410)
ততো দেবা ভৃশং তুষ্টা মহর্ষিগণসংবৃতাঃ।
পিতরশ্চৈব যক্ষাশ্চ ভুজগা রাক্ষসাস্তথা ॥ 5-17-21 (32250)
গন্ধর্বা দেবকন্যাশ্চ সর্বে চাপ্সরসাং গণাঃ।
সরাংসি সরিতঃ শৈলাঃ সাগরাশ্চ বিশাংপতে ॥ 5-17-22 (32251)
উপাগম্যাব্রুবন্সর্বে দিষ্ট্যা বর্ধসি শক্রুহন্ ।
হতশ্চ নহুষঃ পাপো দিষ্ট্যাগস্ত্যেন ধীমতা।
দিষ্ট্যা পাপসমাচারঃ কৃতঃ সর্পো মহীতলে ॥ ॥ 5-17-23 (32252)
ইতি শ্রীমন্মহাভাতে উদ্যোগপর্বণি সেনোদ্যোগপর্বণি সপ্তদশোঽধ্যায়ঃ ॥
উদ্যোগপর্ব - অধ্যায় 018
॥ শ্রীঃ ॥
5.18. অধ্যায়ঃ 018
Mahabharata - Udyoga Parva - Chapter Topics
ইন্দ্রেণ পুনর্দেবলোকমেত্য ত্রৈলোক্যরাজ্যপালনম্ ॥ 1 ॥ শল্যেন ইন্দ্রবত্তান্তকথনপূর্বকং যুধিষ্ঠিরাদীনাশ্বাস্য পুনর্দুর্যোধনসমীপগমনম্ ॥ 2 ॥Mahabharata - Udyoga Parva - Chapter Text
5-18-0 (32253)
শল্য উবাচ। 5-18-0x (3411)
ততঃ শক্রঃ স্তূয়মানো গন্ধর্বাপ্সরসাং গণৈঃ।
ঐরাবতং সমারুহ্য দ্বিপেন্দ্রং লক্ষণৈর্যুতম্ ॥ 5-18-1 (32254)
পাবকঃ সুমহাতেজা মহর্ষিশ্চ বৃহস্পতিঃ।
যমশ্চ বরুণশ্চৈব কুবেরশ্চ ধনেশ্বরঃ ॥ 5-18-2 (32255)
সর্বৈর্দেবৈঃ পরিবৃতঃ শক্রো বৃত্রনিষূদনঃ ।
গন্ধর্বৈরপ্সরোভিশ্চ যাতস্ত্রিভুবনং প্রভুঃ ॥ 5-18-3 (32256)
স সমেত্য মহেন্দ্রাণ্যা দেবরাজঃ শতক্রতুঃ।
মুদা পরময়া যুক্তঃ পালয়ামাস দেবরাট্ ॥ 5-18-4 (32257)
ততঃ স ভগবাংস্তত্র অঙ্গিরাঃ সমদৃশ্যত।
অথর্ববেদমন্ত্রৈশ্চ দেবেন্দ্রং সমপূজয়ৎ॥ 5-18-5 (32258)
ততস্তু ভগবানিন্দ্রঃ সংহৃষ্টঃ সমপদ্যত।
বরং চ প্রদদৌ তস্মৈ অথর্বাঙ্গিরসে তদা॥ 5-18-6 (32259)
অথর্বাঙ্গিরসং নাম বেদেঽস্মিন্বৈ ভবিষ্যতি।
উদাহরণমেতদ্ধি যজ্ঞভাগং চ লপ্স্যসে। 5-18-7 (32260)
এবং সংপূজ্য ভগবানথর্বাঙ্গিরসং তদা।
ব্যসর্জয়ন্মহারাজ দেবরাজঃ শতক্রতুঃ ॥ 5-18-8 (32261)
সংপূজ্য সর্বাংস্ত্রিদশানৃষীংশ্চাপি তপোধনান্।
ইন্দ্রঃ প্রমুদিতো রাজন্ধর্মেণাপালয়ৎপ্রজাঃ ॥ 5-18-9 (32262)
এবং দুঃখমনুপ্রাপ্তমিন্দ্রেণ সহ ভার্যযা।
অজ্ঞাতবাসশ্চ কৃতঃ শত্রূণাং বধকাঙ্ক্ষয়া ॥ 5-18-10 (32263)
নাত্র মন্যুস্ৎবয়া কার্যো যৎক্লিষ্টোঽসি মহাবনে।
দ্রৌপদ্যা সহ রাজেন্দ্র ভ্রাতৃভিশ্চ মহাত্মভিঃ ॥ 5-18-11 (32264)
এবং ৎবমপি রাজেন্দ্র রাজ্যং প্রাপ্স্যসি ভারত।
বৃত্রং হৎবা যথা প্রাপ্তঃ শক্রঃ কৌরবনন্দন ॥ 5-18-12 (32265)
দুরাচারশ্চ নহুষো ব্রহ্বদ্বিট্ পাপচেতনঃ।
অগস্ত্যশাপাভিহতো বিনষ্টঃ শাশ্বতীঃ সমাঃ ॥ 5-18-13 (32266)
এবং তব দুরাত্মানঃ শত্রবঃ শত্রুসূদন ।
ক্ষিপ্রং নাশং গমিষ্যন্তি কর্ণদুর্যোধনাদয়ঃ ॥ 5-18-14 (32267)
ততঃ সাগরপর্যন্তাং ভোক্ষ্যসে মেদিনীমিমাম্।
ভ্রাতৃভিঃ সহিতো বীর দ্রৌপদ্যা চ সহানয়া ॥ 5-18-15 (32268)
উপাখ্যানমিদং শক্রবিজয়ং বেদসংমিতম্ ।
রাজ্ঞা ব্যূঢেষ্বনীকেষু শ্রোতব্যং জয়মিচ্ছতা। 5-18-16 (32269)
তস্মাৎসংশ্রাবয়ামি ৎবাং বিজয়ং জয়তাং বর।
সংস্তূয়মানা বর্ধন্তে মহাত্মানো যুধিষ্ঠির॥ 5-18-17 (32270)
ক্ষত্রিয়াণামভাবোয়ং যুধিষ্ঠির মহাত্মনাম্।
দুর্যোধনাপরাধেন ভীমার্জুনবলেন চ॥
সঙ্গ্রামে সংক্ষয়ো ঘোরো ভবিষ্যত্যচিরাদিব ॥ 5-18-18 (32271)
আখ্যানমিন্দ্রবিজয়ং য ইদং নিয়তঃ পঠেৎ।
ধূতপাপ্মা জিতস্বর্গঃ পরত্রেহ চ মোদতে ॥ 5-18-19 (32272)
ন চারিজং ভয়ং তস্য নাপুত্রো বা ভবেন্নরঃ।
নাপদং প্রাপ্নুয়াৎকাংচিদ্দীর্ঘমায়ুশ্চ বিন্দতি।
সর্বত্র দয়মাপ্নোতি ন কদাচিৎপরাজয়ম্ ॥ 5-18-20 (32273)
বৈশম্পায়ন উবাচ। 5-18-21x (3412)
এবমাশ্বাসিতো রাজা শল্যেন ভরতর্ষভ ।
পূজয়ামাস বিধিবচ্ছল্যং ধর্মভৃতাং বরঃ ॥ 5-18-21 (32274)
শ্রুৎবা তু শল্যবচনং কুন্তীপুত্রো যুধিষ্ঠিরঃ।
প্রত্যুবাচ মহাবাহুর্মদ্ররাজমিদং বচঃ ॥ 5-18-22 (32275)
ভবান্কর্ণস্য সারথ্যং করিষ্যতি ন সংশয়ঃ।
তত্র তেজোবধঃ কার্যঃ কর্ণস্যার্জুনসংস্তবৈঃ ॥ 5-18-23 (32276)
শল্য উবাচ। 5-18-24x (3413)
এবমেতৎকরিষ্যামি যথা মাং সংপ্রভাষসে।
যচ্চান্যদপি শক্ষ্যামি তৎকরিষ্যাম্যহং তব ॥ 5-18-24 (32277)
বৈশম্পায়ন উবাচ। 5-18-25x (3414)
ততস্ৎবামন্ত্র্য কৌন্তেয়াঞ্ছল্যো মদ্রাধিপস্তদা।
জগাম সবলঃ শ্রীমান্দুর্যোধনমরিন্দম ॥ ॥ 5-18-25 (32278)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি অষ্টাদশোঽধ্যায়ঃ ॥
উদ্যোগপর্ব - অধ্যায় 019
॥ শ্রীঃ ॥
5.19. অধ্যায়ঃ 019
Mahabharata - Udyoga Parva - Chapter Topics
সাত্যকিপ্রমুখানাং রাজ্ঞাং স্বস্বসেনাঽঽনয়নপূর্বকং যুধিষ্ঠিরং প্রত্যাগমনম্ ॥ 1 ॥ ভগদত্তাদীনাং রাজ্ঞাং দুর্যোধনসাহায়্যকরণায় আগমনম্ ॥ 2 ॥Mahabharata - Udyoga Parva - Chapter Text
5-19-0 (32279)
বৈশম্পায়ন উবাচ। 5-19-0x (3415)
যুয়ুধানস্ততো বীরঃ সাৎবতানাং মহারথঃ।
মহতা চতুরঙ্গেণ বলেনাগাদ্যুধিষ্ঠিরম্ ॥ 5-19-1 (32280)
তস্য যোধা মহাবীর্যা নানাদেশসমাগতাঃ।
নানাপ্রহরণা বীরাঃ শোভয়াংচক্রিরে বলম্ ॥ 5-19-2 (32281)
পরশ্বথৈর্ভিণ্ডিপালৈঃ শূলতোমরমুদ্গরৈঃ ।
পরিঘৈর্যষ্টিভিঃ পাশৈঃ করবালৈশ্চ নির্মলৈঃ ॥ 5-19-3 (32282)
খঙ্গকার্মুকনির্যূহৈঃ শরৈশ্চ বিবিধৈরপি ।
তৈলধৌতৈঃ প্রকাশদ্ভিস্তদশোভত বৈ বলম্ ॥ 5-19-4 (32283)
তস্য মেঘপ্রকাশস্য সৌবর্ণৌঃ শোভিতস্য চ।
বভূব রূপং সৈন্যস্য মেঘস্যেব সবিদ্যুতঃ ॥ 5-19-5 (32284)
অক্ষৌহিণী তু সা সেনা তদা যৌধিষ্ঠিরং বলম্।
প্রবিশ্যান্তর্দধে রাজন্সাগরং কুনদী যথা ॥ 5-19-6 (32285)
তথৈবাক্ষৌহিণীং গৃহ্য চেদীনামৃষভো বলী ।
ধৃষ্টকেতুরুপাগচ্চৎপাণ্ডবানমিতৌজসঃ ॥ 5-19-7 (32286)
মাগধশ্চ জয়ৎসেনো জারাসন্ধির্মহাবলঃ ।
অক্ষৌহিণ্যৈব সৈন্যস্য ধর্মরাজমুপাগমৎ ॥ 5-19-8 (32287)
তথৈব পাণ্ড্যো রাজেন্দ্র সাগরানূপবাসিভিঃ।
বৃতো বহুবিধৈর্যোধৈর্যুধিষ্ঠিরমুপাগমৎ॥ 5-19-9 (32288)
তস্য সৈন্যমতীবাসীত্তস্মিন্বলসমাগমে।
প্রেক্ষণীয়তরং রাজন্সুবেষং বলবত্তদা ॥ 5-19-10 (32289)
` কেকয়াশ্চ নরব্যাঘ্রাঃ সোদরাঃ পঞ্চ পার্থিবাঃ ।
সংহর্ষয়ন্তঃ কৌন্তেয়োনক্ষৌহিণ্যা সমাগতাঃ ॥' 5-19-11 (32290)
দ্রুপদস্যাপ্যভূৎসেনা নানাদেশসমাগতৈঃ।
শোভিতা পুরুষৈঃ শূরৈঃ পুত্রৈশ্চাস্য মহারথৈঃ ॥ 5-19-12 (32291)
তথৈব রাজা মৎস্যানাং বিরাটো বাহিনীপতিঃ ।
পার্বতীয়ৈর্মহীপালৈঃ সহিতঃ পাণ্ডবানয়াৎ ॥ 5-19-13 (32292)
ইতশ্চেতশ্চ পাণ্ডূনাং সমাজগ্মুর্মহাত্মনাম্ ।
অক্ষৌহিণ্যস্তু সপ্তৈব বিবিধধ্বজসঙ্কুলাঃ ॥ 5-19-14 (32293)
যুয়ুৎসমানাঃ কুরুভিঃ পাণ্ডবান্সমহর্ষয়ন্ ।
তথৈব ধার্তরাষ্ট্রস্য হর্ষং সমভির্ধয়ন্ ॥ 5-19-15 (32294)
ভগদত্তো মহীপালঃ সেনামক্ষৌহিণীং দদৌ।
তস্য চীনৈঃ কিরাতৈশ্চ কাঞ্চনৈরিব সংবৃতম্ ॥ 5-19-16 (32295)
বভৌ বলমনাধৃষ্যং কর্ণিকারবনং যথা।
তথা ভূরিশ্রবাঃ শূরঃ শল্যশ্চ কুরুনন্দন ॥ 5-19-17 (32296)
দুর্যোধনমুপায়াতাবক্ষৌহিণ্যা পৃথক্পৃথক্ ।
কৃতবর্মা চ হার্দিক্যো ভোজান্ধকুকুরৈঃ সহ ॥ 5-19-18 (32297)
অক্ষৌহিণ্যৈব সেনায়া দুর্যোধনমুপাগমৎ।
তস্য তৈঃ পুরুষব্যাঘ্রৈর্বনমালাধরৈর্বলম্ ॥ 5-19-19 (32298)
অশোভত যথা মত্তৈর্বনং প্রক্রীডিতৈর্গজৈঃ ।
জয়দ্রথমুখাশ্চান্যে সিন্ধুসৌবীরবাসিনঃ ॥ 5-19-20 (32299)
আজগ্মুঃ পৃথিবীপালাঃ কম্পয়ন্ত ইবাচলান্।
তেষামক্ষৌহিণী সেনা বহুলা বিবভৌ তদা॥ 5-19-21 (32300)
বিধূয়মানো বাতেন বহুরূপ ইবাম্বুদঃ।
সুদক্ষিণশ্চ কাম্ভোজো যবনৈশ্চ শকৈস্তথা ॥ 5-19-22 (32301)
উপাজগাম কৌরব্যমক্ষৌহিণ্যা বিশাংপতে ।
তস্য সেনাসমাবায়ঃ শলভানামিবাবভৌ ॥ 5-19-23 (32302)
স চ সংপ্রাপ্য কৌরব্যং তত্রৈবান্তর্দধে তদা।
তথা মহিষ্মতীবাসী নীলো নীলায়ুধৈঃ সহ ॥ 5-19-24 (32303)
মহীপালো মহাবীর্যৈর্দক্ষিণাপথবাসিভিঃ ।
আবন্ত্যৌ চ মহীপালৌ মহাবলসুসংবৃতৌ ॥ 5-19-25 (32304)
পৃথগক্ষৌহিণীভ্যাং তাবভিয়াতৌ সুয়োধনম্ ।
ততস্ততস্তু সর্বেষাং ভূমিপানাং মহাত্মনাম্ ॥ 5-19-26 (32305)
তিস্রোঽন্যাঃ সমবর্তন্ত বাহিন্যো ভরতর্ষভ ।
এবমেকাদশাবৃত্তাঃ সেনা দুর্যোধনস্য তাঃ ॥ 5-19-27 (32306)
যুয়ুৎসমানাঃ কৌন্তেয়ান্নানাধ্বজসমাকুলাঃ ।
ন হাস্তিনপুরে রাজন্নবকাশোঽভবত্তদা ॥ 5-19-28 (32307)
রাজ্ঞাং স্ববলমুখ্যানাং প্রাধান্যেনাপি ভারত ।
ততঃ প়ঞ্চনদং চৈব কৃৎস্নং চ কুরুজাঙ্গলম্ ॥ 5-19-29 (32308)
তথা রোহিতকারণ্যং মরুভূমিশ্চ কেবলা।
অহিচ্ছত্রং কালকূটং গঙ্গাকূলং চ ভারত ॥ 5-19-30 (32309)
বারণং বাটধানং চ যামুনশ্চৈব পর্বতঃ।
এষ দেশঃ সুবিস্তীর্ণঃ প্রভূতধনধান্যবান্ ॥ 5-19-31 (32310)
বভূব কৌরবেয়াণাং বলেনাতীব সংবৃতঃ।
তত্র সৈন্যং তথা যুক্তং দদর্শ স পুরোহিতঃ ॥ 5-19-32 (32311)
যঃ স পাঞ্চালরাজেন প্রেষিতঃ কৌরবান্প্রতি ॥ ॥ 5-19-33 (32312)
ইতি শ্রীমন্মহাভারতে উদ্যোগপর্বণি সেনোদ্যোগপর্বণি একোনবিংশোঽধ্যায়ঃ ॥
Mahabharata - Udyoga Parva - Chapter Footnotes
5-19-1 যুয়ুধানঃ সাত্যকিঃ ॥ 5-19-19 বনমালা আপাদলম্বিনী মালা 5-19-23 সমাবায়ঃ সমূহঃ ॥ 5-19-30 অহিচ্ছত্রাদয়ঃ প্রদেশবিশেষাঃ ॥উদ্যোগপর্ব - অধ্যায় 020
॥ শ্রীঃ ॥
5.20. অধ্যায়ঃ 020
Mahabharata - Udyoga Parva - Chapter Topics
হস্তিনপুরংগতেন দ্রুপদপুরোহিতেন রাজ্ঞাং সভামধ্যে দ্রুপদবচনকথনম্ ॥ 1 ॥Mahabharata - Udyoga Parva - Chapter Text
5-20-0 (32313)
বৈশম্পায়ন উবাচ। 5-20-0x (3416)
স চ কৌরব্যমাসাদ্য দ্রুপদস্য পুরোহিতঃ।
সৎকৃতো ধৃতরাষ্ট্রেণ ভীষ্মেণ বিদুরেণ চ ॥ 5-20-1 (32314)
সর্বকৌশল্যমুক্ৎবাঽঽদৌ পৃষ্ট্বা চৈবমনাময়ম্।
সর্বসেনাপ্রণেতৄণাং মধ্যে বাক্যমুবাচ হ ॥ 5-20-2 (32315)
সর্বৈর্ভবদ্ভির্বিদিতো রাজধর্মঃ সনাতনঃ।
বাক্যোপাদানহেতোস্তু বক্ষ্যামি বিদিতে সতি ॥ 5-20-3 (32316)
ধৃতরাষ্ট্রশ্চ পাণ্ডুশ্চ সুতাবেকস্য বিশ্রুতৌ ।
তয়োঃ সমানং দ্রবিণং পৈতৃকং নাত্র সংশয়ঃ ॥ 5-20-4 (32317)
ধৃতরাষ্ট্রস্য যে পুত্রাঃ প্রাপ্তং তৈঃ পৈতৃকং বসু।
পাণ্ডুপুত্রাঃ কথং নাম ন প্রাপ্তাঃ পৈতৃকং বসু ॥ 5-20-5 (32318)
বনং গতৈঃ পাণ্ডবেয়ৈর্বিদিতং বঃ পুরা যথা।
ন প্রাপ্তং পৈতৃকং দ্রব্যং ধৃতরাষ্ট্রেণ যদ্ধৃতম্॥ 5-20-6 (32319)
প্রাণান্তিকৈরপ্যুপায়ৈঃ প্রয়তদ্ভিরনেকশঃ ।
শেষবন্তো ন শকিতা নেতুং বৈ যমসাদনম্ ॥ 5-20-7 (32320)
পুনশ্চ বর্ধিতং রাজ্যং স্ববলেন মহাত্মভিঃ ।
ছদ্মনাঽপহৃতং ক্ষুদ্রৈর্ধার্তরাষ্ট্রৈঃ সসৌবলৈঃ ॥ 5-20-8 (32321)
তদপ্যনুমতং কর্ম যথা যুক্তমনেন বৈ।
বাসিতাশ্চ মহারণ্যে বর্ষাণীহ ত্রয়োদশ ॥ 5-20-9 (32322)
সভায়াং ক্লেশিতৈর্বীরৈঃ সহভার্যৈস্তথা ভৃশম্ ।
অরণ্যে বিবিধাঃ ক্লেশাঃ সংপ্রাপ্তাস্তৈঃ সুদারুণাঃ ॥ 5-20-10 (32323)
তথা বিরাটনগরে যোন্যন্তরগতৈরিব।
প্রাপ্তঃ পরমসংক্লেশো যথা পাপৈর্মহাত্মভিঃ ॥ 5-20-11 (32324)
তে সর্বং পৃষ্ঠতঃ কৃৎবা তৎপূর্বং কর্ম কিল্বিষম্ ।
সাম্নৈব কুরুভিঃ সন্ধিমিচ্ছন্তি কুরুপুঙ্গবাঃ ॥ 5-20-12 (32325)
তেষাং চ বৃত্তমাজ্ঞায় বৃত্তং দুর্যোধনস্য চ।
অনুনেতুমিহার্হন্তি ধার্তরাষ্ট্রং সুহৃজ্জনাঃ ॥ 5-20-13 (32326)
ন হি তে বিগ্রহং বীরাঃ কুর্বন্তি কুরুভিঃ সহ।
অবিনাশেন লোকস্য কাঙ্ক্ষন্তে পাণ্ডবাঃ স্বকম্ ॥ 5-20-14 (32327)
যশ্চাপি ধার্তরাষ্ট্রস্য হেতুঃ স্যাদ্বিগ্রহং প্রতি।
স চ হেতুর্ন মন্তব্যো বলীয়াংসস্তথা হি তে ॥ 5-20-15 (32328)
অক্ষৌহিণ্যশ্চ সপ্তৈব ধর্মপুত্রস্য সঙ্গতাঃ।
যুয়ুৎসমানাঃ কুরুভিঃ প্রতীক্ষন্তেঽস্য শাসনম্ ॥ 5-20-16 (32329)
অপরে পুরুষব্যাঘ্রাঃ সহস্রাক্ষৌহিণীসমাঃ ।
সাত্যকির্ভীমসেনশ্চ যমৌ চ সুমহাবলৌ ॥ 5-20-17 (32330)
একাদশৈতাঃ পৃতনা একতশ্চ সমাগতাঃ ।
একতশ্চ মহাবাহুর্বহুরূপী ধনঞ্জয়ঃ ॥ 5-20-18 (32331)
যথা কিরীটী সর্বাভ্যঃ সেনাভ্যো ব্যতিরিচ্যতে।
এবমেব মহাবাহুর্বাসুদেবো মহাদ্যুতিঃ ॥ 5-20-19 (32332)
বহুলৎবং চ সেনানাং বিক্রমং চ কিরীটিনঃ।
বুদ্ধিমত্ৎবং চ কৃষ্ণস্য বুদ্ধ্বা যুধ্যেত কো নরঃ ॥ 5-20-20 (32333)
তে ভবন্তো যথাধর্মং যথাসময়মেব চ।
প্রয়চ্ছন্তু প্রদাতব্যং মা বঃ কালোঽত্যগাদয়ম্ ॥ ॥ 5-20-21 (32334)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি বিংশোঽধ্যায়ঃ ॥
Mahabharata - Udyoga Parva - Chapter Footnotes
5-20-3 বাক্যেতি। ভবদ্ভিঃ কিংচিদ্বক্তব্যমতো হেতোরিত্যর্থঃ ॥ 5-20-7 শেষবন্তঃ আয়ুঃশেষয়ুক্তাঃ ॥উদ্যোগপর্ব - অধ্যায় 021
॥ শ্রীঃ ॥
5.21. অধ্যায়ঃ 021
Mahabharata - Udyoga Parva - Chapter Topics
ভীষ্মেণ পুরোহিতবাক্যেঽনুমোদিতে কর্ণেন তদাক্ষেপপূর্বকং সঙ্কেতকালস্য সশেষতয়া পুনর্বনবাসাদিনা তৎসমাপনে রাজ্যদানোক্তিঃ ॥ 1 ॥ ভীষ্মেণ কর্ণাধিক্ষেপঃ ॥ 2 ॥ ধৃতরাষ্ট্রেণ পাণ্ডবান্প্রতি স্বেন সঞ্জয়প্রেষণকথনপূর্বকং পুরোহিতস্য প্রতিয়াপনম্ ॥ 3 ॥Mahabharata - Udyoga Parva - Chapter Text
5-21-0 (32335)
বৈশম্পায়ন উবাচ। 5-21-0x (3417)
তস্য তদ্বচনং শ্রুৎবা প্রজ্ঞাবৃদ্ধো মহাদ্যুতিঃ।
সংপূজ্যৈনং যথাকালং ভীষ্মো বচনমব্রবীৎ ॥ 5-21-1 (32336)
দিষ্ট্যা কুশলিনঃ সর্বে সহ দামোদরেণ তে।
দিষ্ট্যা সহায়বন্তশ্চ দিষ্ট্যা ধর্মে চ তে রতাঃ ॥ 5-21-2 (32337)
দিষ্ট্যা চ সন্ধিকামাস্তে ভ্রাতরঃ কুরুনন্দনাঃ ।
দিষ্টা ন যুদ্ধমনসঃ পাণ্ডবাঃ সহ বান্ধবৈঃ ॥ 5-21-3 (32338)
ভবতা সত্যমুক্তং তু সর্বমেতন্ন সংশয়ঃ।
অতিতীক্ষ্ণং তু তে বাক্যং ব্রাহ্মণ্যাদিতি মে মতিঃ ॥ 5-21-4 (32339)
অসংশয়ং ক্সেশিতাস্তে বনে চেহ চ পাণ্ডবাঃ।
প্রাপ্তাশ্চ ধর্মতঃ সর্বং পিতুর্ধনমসংশয়ম্ ॥ 5-21-5 (32340)
কিরীটি বলবান্পার্থঃ কৃতাস্ত্রশ্চ মহারথঃ ।
কো হি পাণ্ডুসুতং যুদ্ধে বিষহেত ধনঞ্জয়ম্ ॥ 5-21-6 (32341)
অপি বজ্রধরঃ সাক্ষাৎকিমুতান্যে ধনুর্ভৃতঃ ।
ত্রয়াণামপি লোকানাং সমর্থ ইতি মে মতিঃ ॥ 5-21-7 (32342)
বৈশম্পায়ন উবাচ। 5-21-8x (3418)
ভীষ্মে ব্রুবতি তদ্বাক্যং ধৃষ্টমাক্ষিপ্য মন্যুনা।
দুর্যোধনং সমালোক্য কর্ণো বচনমব্রবীৎ ॥ 5-21-8 (32343)
ন তত্রাবিদিতং ব্রহ্মঁল্লোকে ভূতেন কেনচিৎ ।
পুনরুক্তেন কিং তেন ভাষিতেন পুনঃ পুনঃ ॥ 5-21-9 (32344)
দুর্যোধনার্থে শকুনির্দ্যূতে নির্জিতবান্পুরা ।
সময়েন গতোঽরণ্যং পাণ্ডুপুত্রো যুধিষ্ঠিরঃ ॥ 5-21-10 (32345)
স তং সময়মাশ্রিত্য রাজ্যং নেচ্ছতি পৈতৃকম্।
বলমাশ্রিত্য মৎস্যানাং পাঞ্চালানাং চ মূর্খবৎ ॥ 5-21-11 (32346)
দুর্যোধনো ভয়াদ্বিদ্বন্ন দদ্যাৎপাদমন্ততঃ।
ধর্মতস্তু মহীং কৃৎস্নাং প্রদদ্যাচ্ছত্রবেঽপি চ ॥ 5-21-12 (32347)
যদি কাঙ্ক্ষন্তি তে রাজ্যং পিতৃপৈতামহং পুনঃ ।
যথাপ্রতিজ্ঞং কালং তং চরন্তু বনমাশ্রিতাঃ ॥ 5-21-13 (32348)
ততো দুর্যোধনস্যাঙ্কে বর্তন্তামকুতোভয়াঃ ।
অধার্মিকীং তু মা বুদ্ধিং মৌর্খ্যাৎকুর্বন্তু কেবলাৎ ॥ 5-21-14 (32349)
অথ তে ধর্মমুৎসৃত্য যুদ্ধমিচ্ছন্তি পাণ্ডবাঃ।
আসাদ্যেমান্কুরুশ্রেষ্ঠান্স্মরিষ্যন্তি বচো মম ॥ 5-21-15 (32350)
ভীষ্ম উবাচ। 5-21-16x (3419)
কিং নু রাধেয় বাচা তে কর্ম তৎস্মর্তুমর্হসি।
এক এব যদা পার্থঃ ষড্রথাঞ্জিতবান্যুধি ॥ 5-21-17a` বিরাটনগরে ধীরঃ কিং ৎবং তত্রৈব নাগতঃ'।
বহুশো জীয়মানস্য কর্ম দৃষ্টং তদৈব তে ॥ 5-21-16 (32351)
ন চেদেবং করিষ্যামো যদয়ং ব্রাহ্মণোঽব্রবীৎ।
ধ্রুবং যুধি হতাস্তেন ভক্ষয়িষ্যাম পাংসুকান্। 5-21-18 (32352)
` দুর্যোধনঃ সহামাত্যো বিনঙ্ক্ষ্যতি ন সংশয়ঃ ॥ 5-21-19 (32353)
বৈশম্পায়ন উবাচ।
ধৃতরাষ্ট্রস্ততো ভীষ্মমনুমান্য প্রসাদ্য চ।
অবভর্ৎস্য চ রাধেয়মিদং বচনমব্রবীৎ ॥ 5-21-19x (3420)
অস্মদ্ধিতং বাক্যমিদং ভীষ্মঃ শান্তনবোঽব্রবীৎ।
পাণ্ডবানাং হিতং চৈব সর্বস্য জগতস্তথা ॥ 5-21-20 (32354)
চিন্তয়িৎবা তু পার্থেভ্যঃ প্রেষয়িষ্যামি সঞ্জয়ম্ ।
স ভবান্প্রতিয়াৎবদ্য পাণ্ডবানেব মাচিরম্ ॥ 5-21-21 (32355)
স তং সৎকৃত্য কৌরব্যঃ প্রেষয়ামাস পাণ্ডবান্ ।
সভামধ্যে সমাহূয় সঞ্জয়ং বাক্যমব্রবীৎ ॥ ॥ 5-21-22 (32356)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি একবিংশোঽধ্যায়ঃ ॥
Mahabharata - Udyoga Parva - Chapter Footnotes
5-21-8 ধৃষ্টং ধর্ষণায়ুক্তং যথা স্যাত্তথা ॥ 8 ।উদ্যোগপর্ব - অধ্যায় 022
॥ শ্রীঃ ॥
5.22. অধ্যায়ঃ 022
Mahabharata - Udyoga Parva - Chapter Topics
ধৃতরাষ্ট্রেণ যথাক্রমং দুর্যোধনপাণ্ডবনিন্দাপ্রশংসনপূর্বকং পাণ্ডবান্প্রতি সঞ্জয়প্রেষণম্ ॥ 1 ॥Mahabharata - Udyoga Parva - Chapter Text
5-22-0 (32357)
ধৃতরাষ্ট্র উবাচ। 5-22-0x (3421)
প্রাপ্তানাহুঃ সঞ্জয় পাণ্ডুপুত্রা-
নুপপ্লব্যে তান্বিজানীহি গৎবা।
অজাতশত্রুং চ সভাজয়েথা
দিষ্ট্যা বনাদ্গ্রামমুপস্থিতস্ৎবম্ ॥ 5-22-1 (32358)
সর্বান্বদেঃ সঞ্জয় স্বস্তিমন্তঃ
কৃচ্ছ্রং বাসমতদর্হা নিরুষ্য।
তেষাং শান্তির্বিদ্যতেঽস্মাসু শীঘ্রং
মিথ্যাপেতানামুপকারিণাং সতাম্ ॥ 5-22-2 (32359)
নাহং ক্বচিৎসঞ্জয় পাণ্ডবানাং
মিথ্যাবৃত্তিং কাংচন জাৎবপশ্যম্।
সর্বাং শ্রিয়ং হ্যাত্মবীর্যেণ লব্ধাং
পর্যাকার্ষুঃ পাণ্ডবা মহ্যমেব ॥ 5-22-3 (32360)
দোষং হ্যেষাং নাধ্যগচ্ছং পরীচ্ছ-
ন্সূক্ষ্মং কংচিদ্যেন গর্হেয় পার্থান্।
ধর্মার্থাভ্যাং কর্ম কুর্বন্তি নিত্যং
সুখপ্রিয়ে নানুরুধ্যন্তি কামাৎ ॥ 5-22-4 (32361)
ধর্মং শীতং ক্ষুৎপিপাসে তথৈব
নিদ্রাং তন্দ্রীং ক্রোধহর্ষৌ প্রমাদম্।
ধৃত্যা চৈব প্রজ্ঞয়া চাভিভূয়
ধর্মার্থয়োগান্প্রয়তন্তি পার্থাঃ ॥ 5-22-5 (32362)
ত্যজন্তি মিত্রেষু ধনানি কালে
ন সংবাসাঞ্জীর্যতি তেষু মৈত্রী ।
যথার্হমানার্থকরা হি পার্থা-
স্তেষাং দ্বেষ্টা নাস্ত্যাজমীঢস্য পক্ষে।
অন্যত্র পাপাদ্বিপমান্মন্দবুদ্ধে-
র্দুর্যোধনাৎক্ষুদ্রতরাচ্চ কর্ণাৎ ॥ 5-22-6 (32363)
` পুত্রো মহ্যং মৃত্যুবশং জগাম
দুর্যোধনঃ সঞ্জয় রাগবুদ্ধিঃ।'
তেষাং হীমৌ হীনসুখপ্রিয়াণাং
মহাত্মনাং সংজনয়তো হি তেজঃ ॥ 5-22-7 (32364)
উত্থানবীর্যঃ সুখমেধমানো
দুর্যোধঃ সুকৃতং মন্যতে তৎ।
তেষাং ভাগং যচ্চ মন্যেত বালঃ
শক্যং হর্তুং জীবতাং পাণ্ডবানাম্ ॥ 5-22-8 (32365)
যস্যার্জুনঃ পদবীং কেশবশ্চ
বৃকোদরঃ সাত্যকোঽজাতশত্রোঃ ।
মাদ্রীপুত্রৌ সৃঞ্জয়াশ্চাপি যান্তি
পুরা যুদ্ধাৎসাধু তস্য প্রদানম্ ॥ 5-22-9 (32366)
সহ্যেবৈকঃ পৃথিবীং সব্যসাচী
গাণ্ডীবধন্বা প্রণুদেদ্রথস্থঃ।
তথা জিষ্ণুঃ কেশবোঽপ্যপ্রধৃষ্যো
লোকত্রয়স্যাধিপতির্মহাত্মা ॥ 5-22-10 (32367)
তিষ্ঠেত কস্তস্য মর্ত্যঃ পুরস্তা-
দ্যঃ সর্বলোকেষু বরেণ্য একঃ।
পর্জন্যঘোষান্প্রবপঞ্শরৌঘা-
ন্পতঙ্গসঙ্ঘানিব শীঘ্রবেগান্ ॥ 5-22-11 (32368)
দিশং হ্যুদীচীমপি চোত্তরান্কুরূন্
গাণ্ডীবধন্বৈকরথো জিগায়।
ধনং চৈপামাহরৎসব্যসাচী
সেনানুগান্দ্রবিডাংশ্চৈব চক্রে ॥ 5-22-12 (32369)
যশ্চৈব দেবান্খাণ্ডবে সব্যসাচী
গাণ্ডীবধন্বা প্রজিগায় সেন্দ্রান্।
উপাহরৎপাণ্ডবো জাতবেদসে
যশো মানং বর্ধয়ন্পাণ্ডবানাম্ ॥ 5-22-13 (32370)
গদাভৃতাং নাস্তি সমোঽত্র ভীমা-
দ্ধস্ত্যারোহো নাস্তি সমশ্চ তস্য।
রথেঽর্জুনাদাহুরহীনমেনং
বাহ্বোর্বলেনায়ুতনাগবীর্যম্ ॥ 5-22-14 (32371)
সুশিক্ষিতঃ কৃতবৈরস্তরস্বী
দহেৎক্ষুদ্রাংস্তরসা ধার্তরাষ্ট্রান্ ।
সদাঽত্যমর্ষী ন বলাৎস শক্যো
যুদ্ধে জেতুং বাসবেনাপি সাক্ষাৎ ॥ 5-22-15 (32372)
সুতেজসৌ বলিনৌ শীঘ্রহস্তৌ
সুশিক্ষিতৌ ভ্রাতরৌ ফাল্গুনেন।
শ্যেনৌ যথা পক্ষিপূগান্রুজন্তৌ
মাদ্রীপুত্রৌ শেপয়েতাং ন শত্রূন্ ॥ 5-22-16 (32373)
এতদ্বলং পূর্ণমস্মাকমেবং
যৎসত্যং তান্প্রাপ্য নাস্তীতি মন্যে।
তেষাং মধ্যে বর্তমানস্তরস্বী
ধৃষ্টদ্যুম্নঃ পাণ্ডবানামিহৈকঃ ॥ 5-22-17 (32374)
সহামাত্যঃ সোমকানাং প্রবর্হঃ
সন্ত্যক্তাত্মা পাণ্ডবার্থে শ্রুতো মে।
অজাতশত্রুং প্রসহেত কোঽন্যো
যেষাং স স্যাদগ্রণীর্বৃষ্ণিসিংহ ॥ 5-22-18 (32375)
সহোষিতশ্চরিতার্থো বয়স্থো
মাৎস্যেয়ানামধিপো বৈ বিরাটঃ।
স বৈ সপুত্রঃ পাণ্ডবার্থে চ শশ্ব-
দ্যুধিষ্ঠিরে ভক্ত ইতি শ্রুতং মে ॥ 5-22-19 (32376)
অবরুদ্ধা রথিনঃ কেকয়েভ্যো
মহেষ্বাসা ভ্রাতরঃ পঞ্চ সন্তি।
কেকয়েভ্যো রাজ্যমাকাঙ্ক্ষমাণা
যুদ্ধার্থিনশ্রানুবসন্তি পার্থান্ ॥ 5-22-20 (32377)
সর্বাংশ্চ বীরান্পৃথিবীপতীনাং
সমাগতান্পাণ্ডবার্থে নিবিষ্টান্।
শূরানহং ভক্তিমতঃ শৃণোমি
প্রীত্যা যুক্তান্সংশ্রিতান্ধর্মরাজন্ ॥ 5-22-21 (32378)
গির্যাশ্রয়া দুর্গনিবাসিনশ্চ
যোধাঃ পৃথিব্যাং কুলজাতিশুদ্ধাঃ।
ম্লেচ্ছাশ্চ নানায়ুধবীর্যবন্তঃ
সমাগতাঃ পাণ্ডবার্থে নিবিষ্টাঃ ॥ 5-22-22 (32379)
পাণ্ড্যশ্চ রাজা সমিতীন্দ্রকল্পো
যোধপ্রবীরৈর্বহুভিঃ সমেতঃ।
সমাগতঃ পাণ্ডবার্থে মহাত্মা
লোকপ্রবীরোঽপ্রতিবীর্যতেজাঃ ॥ 5-22-23 (32380)
অস্ত্রং দ্রোণাদর্জুনাদ্বাসুদেবা-
ৎকৃপাদ্ভীষ্মাদ্যেন কৃতং শৃণোমি।
যং তং কার্ষ্ণিপ্রতিমমাহুরেকং
স সাত্যকিঃ পাণ্ডবার্থে নিবিষ্টঃ ॥ 5-22-24 (32381)
উপাশ্রিতাশ্চেদিকরূশকাশ্চ
সর্বোদ্যোগৈর্ভূমিপালাঃ সমেতাঃ।
তেষাং মধ্যে সূর্যমিবাতপন্তং
শ্রিয়া বৃতং চেদিপতিং জ্বলন্তম্ ॥ 5-22-25 (32382)
অস্তম্ভনীয়ং যুধি মন্যমান্যো
জ্যাং কর্ষতাং শ্রেষ্ঠতমং পৃথিব্যাম্ ।
সর্বোৎসাহং ক্ষত্রিয়াণাং নিহত্য
প্রসহ্য কৃষ্ণস্তরসা সংমমর্দ ॥ 5-22-26 (32383)
যশোমানৌ বর্ধয়ন্পাণ্ডবানাং
পুরাঽভিনচ্ছিশুপালং সমীক্ষ্য।
যস্য সর্বে বর্ধয়ন্তি স্ম মানং
করূশরাজপ্রমুখা নরেন্দ্রাঃ॥ 5-22-27 (32384)
তমসহ্যং কেশবং তত্র মৎবা
সুগ্রীবয়ুক্তেন রথেন কৃষ্ণম্।
সংপ্রাদ্রবংশ্চেদিপতিং বিহায়
সিংহং দৃষ্ট্বা ক্ষুদ্রমৃগা ইবান্যে॥ 5-22-28 (32385)
যস্তং প্রতীপস্তরসা প্রত্যুদীয়া-
দাশংসমানো দ্বৈরথে বাসুদেবম্ ।
সোঽশেত কৃষ্ণেন হতঃ পরাসু-
র্বাতেনেবোন্মথিতঃ কর্ণিকারঃ ॥ 5-22-29 (32386)
পরাক্রমং মে যদবেদয়ন্ত
তেষামর্থে সঞ্জয় কেশবস্য।
অনুস্মরংস্তস্য কর্মাণি বিষ্ণো-
র্গাবল্গণে নাধিগচ্ছামি শান্তিম্ ॥ 5-22-30 (32387)
ন জাতু তাঞ্ছত্রুরন্যঃ সহেত
যেষাং স স্যাদগ্রণীর্বৃষ্ণিসিংহঃ ।
প্রবেপতে মে হৃদয়ং ভয়েন
শ্রুৎবা কৃষ্ণাবেকরথে সমেতৌ ॥ 5-22-31 (32388)
ন চেদ্গচ্ছেৎসঙ্গরং মন্দবুদ্ধি-
স্তাভ্যাং লভেচ্ছর্ম তদা সুতো মে।
নো চেৎকুরূন্সঞ্জয় নির্দহেতা-
মিন্দ্রাবিষ্ণূ দৈত্যসেনাং যথৈব ॥ 5-22-32 (32389)
মতে হি মে শক্রসমো ধনঞ্জয়ঃ
সনাতনো বৃষ্ণিবীরশ্চ বিষ্ণুঃ।
ধর্মারামো হ্রীনিষেবস্তরস্বী
কুন্তীপুত্রঃ পাণ্ডবোঽজাতশত্রুঃ ॥ 5-22-33 (32390)
দুর্যোধনেন নিকৃতো মনস্বী
নো চেৎক্রুদ্ধঃ প্রদহেদ্ধার্তরাষ্ট্রান্ ।
নাহং তথা হ্যর্জুনাদ্বাসুদেবা-
দ্ভীমাদ্বাঽহং যময়োর্বা বিভেমি ॥ 5-22-34 (32391)
যথা রাজ্ঞঃ ক্রোধদীপ্তস্য সূত
মন্যোরহং ভীততরঃ সদৈব ।
মহাতপা ব্রহ্মচর্যেণ যুক্তঃ
সঙ্কল্পোঽয়ং মানসস্তস্য সিদ্ধ্যেৎ ॥ 5-22-35 (32392)
তস্য ক্রোধং সঞ্জয়াহং সমীক্ষ্য
স্থানে জানন্ভৃশমস্ম্যদ্য ভীতঃ।
স গচ্ছ শীঘ্রং প্রহিতো রথেন
পাঞ্চালরাজস্য চমূনিবেশনম্ ॥ 5-22-36 (32393)
অজাতশত্রুং কুশলং স্ম পৃচ্ছেঃ
পুনঃ পুনঃ প্রীতিয়ুক্তং বদেস্ৎবম্।
জনার্দনং চাপি সমেত্য তাত
মহামাত্রং বীর্যবতামুদারম্ ॥ 5-22-37 (32394)
অনাময়ং মদ্বচনেন পৃচ্ছে-
র্ধৃতরাষ্ট্রঃ পাণ্ডবৈঃ শান্তিমীপ্সুঃ ।
ন তস্য কিংচিদ্বচনং ন কুর্যাৎ
কুন্তীপুত্রো বাসুদেবস্য সূত ॥ 5-22-38 (32395)
প্রিয়শ্চৈষামাত্মসমশ্চ কৃষ্ণো
বিদ্বাংশ্চৈষাং কর্মণি নিত্যযুক্তঃ ।
সমানীতান্পাণ্ডবান্সৃঞ্জয়াংশ্চ
জনার্দনং যুয়ুধানং বিরাটম্ ॥ 5-22-39 (32396)
অনাময়ং মদ্বচনেন পৃচ্ছেঃ
সর্বাংস্তথা দ্রৌপদেয়াংশ্চ পঞ্চ।
যদ্যত্তত্র প্রাপ্তকলং পরেভ্য-
স্ৎবং মন্যেথা ভারতানাং হিতং চ
তদ্ভাষেথাঃ সঞ্জয় রাজমধ্যে 5-22-40 (32397)
5-22-40f"
ন মূর্চ্ছয়েদ্যন্ন চ যুদ্ধহেতুঃ ॥ ॥
ইতি শ্রীমন্মহাভারতে উদ্যোগপর্বণি স়ঞ্জয়যানপর্বণি দ্বাবিংশোঽধ্যায়ঃ ॥
Mahabharata - Udyoga Parva - Chapter Footnotes
5-22-2 স্বস্তিমন্তো বয়মিতি সর্বান্বদেঃ । কৃচ্ছ্রং নিরুষ্যাপি তেষাং শান্তিরক্রোধোঽস্মাসু বিদ্যতে। মিথ্যাপেতানাং নিষ্কপটানাম্ ॥ 2 ॥ 5-22-3 মহ্যং পর্যাকার্ষুঃ মদর্থং পরিত আনীতবন্তঃ ॥ 5-22-4 ধর্মার্থাভ্যাং ধর্মার্থং অর্থার্থং 5-22-7 তেজঃ ক্রোধম্ ॥ 5-22-9 তস্য তস্মৈ। প্রদানং ভাগপ্রদানম্ ॥ 5-22-10 জিষ্ণুর্জয়শীলঃ ॥ 5-22-13 জাতবেদসে উপাহৃরৎ খাণ্ডবমিতি বিপরিণামেনানুষঙ্গঃ ॥ 5-22-20 অবরুদ্ধাঃ বহির্নিঃ সারিতাঃ ॥ 5-22-24 কার্ষ্ণিঃ প্রদ্যুম্নস্তত্তুল্যম্ ॥ 5-22-25 চেদিপতিং শিশুপালম্ । কৃষ্ণো মমর্দেত্যুত্তরেণান্বয়ঃ ॥ 5-22-29 আশং সমানো জয়মিতি শেষঃ ॥ 5-22-30 যৎ যতঃ । অবেদয়ন্ত জ্ঞাপিতবন্তঃ । চারা ইতি শেষঃ ॥ 5-22-31 কৃষ্ণৌ বাসুদেবার্জুনৌ ॥ 5-22-34 নিকৃতো বঞ্চিতঃ । মনস্বী জিতমনাঃ ॥ 5-22-36 স্থানে জানন্ যুক্তং পশ্যন্ ॥ 5-22-37 মহামাত্রং মহাভাগম্ ॥ 5-22-38 শান্তিমীপ্সুরস্তীতি বদেত্যধ্যাহারঃ ॥ 5-22-40 মূর্চ্ছয়েৎ বর্ধয়েৎ । ক্রোধমিতি শেষঃ ॥উদ্যোগপর্ব - অধ্যায় 023
॥ শ্রীঃ ॥
5.23. অধ্যায়ঃ 023
Mahabharata - Udyoga Parva - Chapter Topics
সঞ্জয়েনোপপ্লাব্যং গৎবা পাণ্ডবান্প্রতি ধৃতরাষ্ট্রকৃতকুশলপ্রশ্নকথনম্ ॥ 1 ॥ যুধিষ্ঠিরেণ সঞ্জয়ংপ্রতি ধৃতরাষ্ট্রাদীনাং কুশলাদিপ্রশ্নঃ ॥ 2 ॥Mahabharata - Udyoga Parva - Chapter Text
5-23-0 (32398)
বৈশম্পায়ন উবাচ। 5-23-0x (3422)
রাজ্ঞস্তু বচনং শ্রুৎবা ধৃতরাষ্ট্রস্য সঞ্জয়ঃ।
উপপ্লাব্যং যয়ৌ দ্রষ্টুং পাণ্ডবানমিতৌজসঃ ॥ 5-23-1 (32399)
স তু রাজানমাসাদ্য কুন্তীপুত্রং যুধিষ্ঠিরম্ ।
অভিবাদ্য ততঃ পূর্বং সূতপুত্রোঽভ্যভাষত ॥ 5-23-2 (32400)
গবল্গণিঃ সঞ্জয়ঃ সূতসূনু-
রজাতশত্রুমবদৎপ্রতীতঃ।
দিষ্ট্যা রাজংস্ৎবামরোগং প্রপশ্যে
সহায়বন্তং চ মহেন্দ্রকল্পম্ ॥ 5-23-3 (32401)
অনাময়ং পৃচ্ছতি ৎবাম্বিকেয়ো
বৃদ্ধো রাজা ধৃতরাষ্ট্রো মনীষী ।
কচ্চিদ্ভীমঃ কুশলী পাণ্ডবাগ্র্যো
ধনঞ্জয়স্তৌ চ মাদ্রীতনূজৌ ॥ 5-23-4 (32402)
কচ্চিৎকৃষ্ণা দ্রৌপদী রাজপুত্রী
সত্যব্রতা বীরপত্নী সুপুত্রা।
মনস্বিনী যত্র চ বাঞ্ছসি ৎব-
মিষ্টান্কামান্ভারত স্বস্তিকামঃ ॥ 5-23-5 (32403)
যুধিষ্ঠির উবাচ। 5-23-6x (3423)
গাবল্গণে সঞ্জয় স্বাগতং তে
প্রীতাত্মাঽহং ৎবাঽভিনন্দামি সূত।
অনাময়ং প্রতিমানে তবাহং
সহানুজৈঃ কুশলী চাস্মি বিদ্বন্ ॥ 5-23-6 (32404)
চিরাদিদং কুশলং ভারতস্য
শ্রুৎবা রাজ্ঞঃ কুরুবৃদ্ধস্য সূত।
মন্যে সাক্ষাদ্দৃষ্টমহং নরেন্দ্রং
দৃষ্ট্বৈব ৎবাং সঞ্জয় প্রীতিয়োগাৎ ॥ 5-23-7 (32405)
পিতামহো নঃ স্থবিরো মনস্বী
মহাপ্রাজ্ঞঃ সর্বধর্মোপপন্নঃ।
সকৌরব্যঃ কুশলী তাত ভীষ্মো
যথাপূর্বং বৃত্তিরস্ত্যস্য কচ্চিৎ ॥ 5-23-8 (32406)
কচ্চিদ্রাজা ধৃতরাষ্ট্রঃ সপুত্রো
বৈচিত্রবীর্যঃ কুশলী মহাত্মা।
মহারাজো বাহ্লিকঃ প্রাতিপেয়ঃ
কচ্চিদ্বিদ্বান্কুশলী সূতপুত্র ॥ 5-23-9 (32407)
স সোমদত্তঃ কুশলী তাত কচ্চি-
দ্ভূরিশ্রবাঃ সত্যসন্ধঃ শলশ্চ।
দ্রোণঃ সপুত্রশ্চ কৃপশ্চ বিপ্রো
মহেষ্বাসাঃ কচ্চিদেতেঽপ্যরোগাঃ ॥ 5-23-10 (32408)
সর্বে কুরুভ্যঃ স্পৃহয়ন্তি সঞ্জয়
ধনুর্ধরা যে পৃথিব্যাং প্রধানাঃ ।
মহাপ্রজ্ঞাঃ সর্বশাস্ত্রাবদাতা
ধনুর্ভৃতাং মুখ্যতমাঃ পৃথিব্যাম্ ॥ 5-23-11 (32409)
কচ্চিন্মানং তাত লভন্ত এতে
ধনুর্ভৃতঃ কচিদেতেঽপ্যরোগাঃ।
যেষাং রাষ্ট্রে নিবসতি দর্শনীয়ো
মহেষ্বাসঃ শীলবান্দ্রোণপুত্রঃ ॥ 5-23-12 (32410)
বৈশ্যাপুত্রঃ কুশলী তাত কচ্চিৎ
মহাপ্রাজ্ঞো রাজপুত্রো যুয়ুৎসুঃ ।
কর্ণো মানী কুশলী তাত কচ্চিৎ
সুয়োধনো যস্য মন্দো বিধেয়ঃ ॥ 5-23-13 (32411)
স্ত্রিয়ো বৃদ্ধা ভারতানাং জনন্যো
মহাদাস্যো দাসভার্যাশ্চ সূত।
বধ্বঃ পুত্রা ভাগিনেয়া ভগিন্যো
দৌহিত্রা বা কচ্চিদপ্যব্যলীকাঃ ॥ 5-23-14 (32412)
কচ্চিদ্রাজা ব্রাহ্মণানাং যথাবৎ
প্রবর্ততে পূর্ববত্তাত বৃত্তিম্।
কচ্চিদ্দায়ান্মামকান্ধার্তরাষ্ট্রো
দ্বিজাতীনাং সঞ্জয় নোপহন্তি ॥ 5-23-15 (32413)
কচ্চিদ্রাজা ধৃতরাষ্ট্রঃ সপুত্র
উপেক্ষতে ব্রাহ্মণাতিক্রমান্বৈ।
স্বর্গস্য কচ্চিন্ন তথা বর্ত্মভূতা-
মুপেক্ষতে তেষু সদৈব বৃত্তিম্ ॥ 5-23-16 (32414)
এতঞ্জ্যোতিশ্চোত্তমং জীবলোকে
শুক্লং প্রজানাং বিহিতং বিধাত্রা।
তে চেদ্দোষং ন নিয়চ্ছন্তি মন্দাঃ
কৃৎস্নো নাশো ভবিতা কৌরবাণাম্ ॥ 5-23-17 (32415)
কচ্চিদ্রাজা ধৃতরাষ্ট্রঃ সপুত্রো
বুভূষতে বৃত্তিমমাত্যবর্গে।
কচ্চিন্ন ভেদেন জিজীবিষন্তি
মুহৃদ্রূপা দুর্হৃদশ্চৈকমত্যাৎ ॥ 5-23-18 (32416)
কচ্চিন্ন পাপং কথয়ন্তি তাত
তে পাণ্ডবানাং কুরবঃ সর্ব এব।
দ্রোণঃ সপুত্রশ্চ কৃপশ্চ বীরো
নাস্মাসু পাপানি বদন্তি কচ্চিৎ ॥ 5-23-19 (32417)
কচ্চিদ্রাজ্যে ধৃতরাষ্ট্রং সপুত্রং
সমেত্যাহুঃ কুরবঃ সর্ব এব।
কচ্চিদ্দৃষ্ট্বা দস্যুসঙ্ঘান্সমেতা-
ন্স্মরন্তি পার্থস্য যুধাং প্রণেতুঃ ॥ 5-23-20 (32418)
মৌর্বীভুজাগ্রপ্রহিতান্স্ম তাত
দোধূয়মানেন ধনুর্ধরেণ।
গাণ্ডীবনুন্নাংস্তনয়িত্নুঘোষা-
নজিহ্মগান্কচ্চিদনুস্মরন্তি ॥ 5-23-21 (32419)
ন চাপশ্যং কংচিদহং পৃথিব্যাং
যোধং সমং বাঽধিকমর্জুনেন।
যস্যৈকষষ্টির্নিশিতাস্তীক্ষ্ণধারাঃ
সুবাসসঃ সমংতো হস্তবাপঃ ॥ 5-23-22 (32420)
গদাপাণির্ভীমসেনস্তরস্বী
প্রবেপয়ঞ্ছত্রুসঙ্ঘাননীকে।
নাগঃ প্রভিন্ন ইব নঙ্ঘলেষু
চংক্রম্যতে কচ্চিদেনং স্মরন্তি ॥ 5-23-23 (32421)
মাদ্রীপুত্রঃ সহদেবঃ কলিঙ্গান্
সমাগতানজয়দ্দন্তকূরে।
বামেনাস্যন্দক্ষিণেনৈব যো বৈ
মহাবলং কচ্চিদেনং স্মরন্তি ॥ 5-23-24 (32422)
পুরা জেতুং নকুলঃ প্রেষিতোঽয়ং
শিবীংস্ত্রিগর্তান্সঞ্জয় পশ্যতস্তে।
দিশং প্রতীচীং বশমানয়ন্মে
মাদ্রীসুতং কচ্চিদেনং স্মরন্তি ॥ 5-23-25 (32423)
পরাভবো দ্বৈতবনে য আসী-
দ্দুর্মন্বিতে ঘোপয়াত্রাগতানাম্ ।
যত্র মন্দাঞ্ছত্রুবশং প্রয়াতা-
নমোচয়দ্ভীমসেনো জয়শ্চ ॥ 5-23-26 (32424)
অহং পশ্চাদর্জুনমভ্যরক্ষং
মাদ্রীপুত্রৌ ভীমসেনোঽপ্যরক্ষৎ।
গাণ্ডীবধন্বা শত্রুসঙ্ঘানুদস্য
স্বস্ত্যাগমৎকচ্চিদেনং স্মরন্তি ॥ 5-23-27 (32425)
ন কর্মণা সাধুনৈকেন নূনং
সুখং শক্যং বৈ ভবতীহ সঞ্জয় ।
সর্বাত্মনা পরিজেতুং বয়ং চে-
ন্ন শক্নুমো ধৃতরাষ্ট্রস্য পুত্রম্ ॥ ॥ 5-23-28 (32426)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি ত্রয়োবিংশোঽধ্যায়ঃ ॥
Mahabharata - Udyoga Parva - Chapter Footnotes
5-23-11 কুরুভ্যঃ স্পৃহয়ন্তি কচ্চিদিত্যনুষঙ্গঃ ॥ 5-23-14 অব্যলীকাঃ নিষ্কপটাঃ ॥ 5-23-15 বৃত্তিং জীবিকাং দাতুমিতি শেষঃ । দায়ান্মদ্দত্তান্ গ্রামাদীন্ ॥ 5-23-17 এতদ্ব্রহ্মণানাং বৃত্তঃ পালনং জ্যোতিঃ পরলোকপ্রকাশকং জীবলোকে ইহ শুক্লং যশস্করম্ । দোষং লোভং ব্রাহ্মণবৃত্ত্যুপঘাতেন ন নিয়চ্ছন্তি ॥ 5-23-18 বুভূপতে প্রাপয়িতুমিচ্ছতি ॥ 5-23-21 মৌর্ব্যাঃ ভুজঃ কৌটিল্যং তস্য অগ্রমিবাগ্রং শরসংধানদেশঃ ততঃ প্রহিতান্ প্রেষিতান্ ॥ 5-23-22 সুবাসসঃ সুষুঙ্ঘা। হস্তবাপো হস্তক্ষেপঃ । একষষ্টির্বাণা অস্য এতেন। ... .... ইত্যর্থঃ ॥ 5-23-23 নঙ্বলেষু সতৃণেষু স্থলেষু ॥ 23 ॥ 5-23-24 দন্তকূরে সংপ্রাগে ॥ 24 ॥ 5-23-26 জয়ঃ অর্জুনঃ ॥উদ্যোগপর্ব - অধ্যায় 024
॥ শ্রীঃ ॥
5.24. অধ্যায়ঃ 024
Mahabharata - Udyoga Parva - Chapter Topics
সঞ্জয়েন যুধিষ্ঠিরপ্রশ্নানামুত্তরদানপূর্বকং ধৃতরাষ্ট্রসন্দেশশ্রবণবিধানম্ ॥ 1 ॥Mahabharata - Udyoga Parva - Chapter Text
5-24-0 (32427)
সঞ্জয় উবাচ। 5-24-0x (3424)
যথাঽঽত্থ মে পাণ্ডব তত্তথৈব
কুরূন্কুরুশ্রেষ্ঠ জনং চ পৃচ্ছসি।
অনাময়াস্তাত মনস্বিনস্তে
কুরুশ্রেষ্ঠান্পৃচ্ছসি পার্থ যাংস্ৎবম্ ॥ 5-24-1 (32428)
সন্ত্যেব বৃদ্ধাঃ সাধবো ধার্তরাষ্ট্রে
সন্ত্যেব পাপাঃ পাণ্ডব তস্য বিদ্ধি।
দদ্যাদ্রিপুভ্যোঽপি হি ধার্তরাষ্ট্রঃ
কুতো দায়াংল্লোপয়েদ্ব্রাহ্মণানাম্ ॥ 5-24-2 (32429)
যদ্যুষ্মাসু বর্ততেঽসাবধর্ম্য-
মদ্রুগ্ধেষু দ্রুগ্ধবত্তন্ন সাধু।
মিত্রধ্রুক্ স্যাদ্ধৃতরাষ্ট্রস্য পুত্রো
যুষ্মান্দ্বিপন্সাধুবৃত্তানসাধুঃ ॥ 5-24-3 (32430)
স চাপি জানাতি ভৃশং চ তপ্যতে
শোচত্যন্তঃ স্থবিরোঽজাতশত্রো।
শৃণোতি হি ব্রাহ্মণানাং সমেত্য
মিত্রদ্রোহঃ পাতকেভ্যো যরীয়ান্ ॥ 5-24-4 (32431)
স্মরন্তি তুভ্যং নরদেব সঙ্গমে
যুদ্ধে চ জিষ্ণোশ্চ যুধাং প্রণেতুঃ।
সমুদ্ধুষ্টে দুন্দুভিশঙ্খশব্দে
গদাপাণিং ভীমসেনং স্মরন্তি ॥ 5-24-5 (32432)
মাদ্রীসুতৌ চাপি তথাঽঽজিমধ্যে
সর্বা দিশঃ সংপতন্তৌ স্মরন্তি।
সেনাং বর্ষন্তৌ শগ্বৈপরজমং
মহারথৌ সমরে দুষ্প্রকম্পৌ ॥ 5-24-6 (32433)
ন ৎবেব মন্যে পুরুষস্য রাজ-
ন্ননাগতং জ্ঞায়তে যদ্ভবিষ্যম্।
ৎবং চেত্তথা সর্বধর্মোপপন্নঃ
প্রাপ্তঃ ক্লেশং পাণ্ডব কৃচ্ছ্ররূপম্।
ৎবমেবৈতৎকৃচ্ছ্রগতশ্চ ভূয়ঃ
সমীকুর্যাঃ প্রজ্ঞয়াঽজাতশত্রো ॥ 5-24-7 (32434)
ন কামার্থং সন্ত্যজেয়ুর্হি ধর্মং
পাণ্ডোঃ সুতাঃ সর্ব এবেন্দ্রকল্পাঃ ।
ৎবমেবৈতৎপ্রজ্ঞয়াঽজাতশত্রো
সমীকুর্যা যেন শর্মাপ্নুয়ুস্তে ॥ 5-24-8 (32435)
ধার্তরাষ্ট্রাঃ পাণ্ডবাঃ সৃঞ্জয়াশ্চ
যে চাপ্যন্তে সন্নিবিষ্টা নরেন্দ্রাঃ ।
যন্মাং ব্রবীদ্ধৃতরাষ্ট্রো নিশায়া-
মজাতশত্রো বচনং পিতা তে ॥ 5-24-9 (32436)
সহামাত্যঃ সহপুত্রশ্চ রাজন্
সমেত্য তাং বাচমিমাং নিবোধ ॥ ॥ 5-24-10 (32437)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি চতুবিংশোঽধ্যায়ঃ ॥
Mahabharata - Udyoga Parva - Chapter Footnotes
5-24-4 গরীয়ানিতি ...... 5-24-5 ........ 5-24-7 অনাগতং অজ্ঞাতং অদৃষ্টমিত্যর্থঃ ॥উদ্যোগপর্ব - অধ্যায় 025
॥ শ্রীঃ ॥
5.25. অধ্যায়ঃ 025
Mahabharata - Udyoga Parva - Chapter Topics
সঞ্জয়েন যুদ্ধনিন্দাপূর্বকং পাণ্ডবৈঃ শমস্বীকারস্য ভীষ্মধৃতরাষ্ট্রাদ্যভিমতৎবকথনম্ ॥ 1 ॥Mahabharata - Udyoga Parva - Chapter Text
5-25-0 (32438)
যুধিষ্ঠির উবাচ। 5-25-0x (3425)
সমাগতাঃ পাণ্ডবাঃ সৃঞ্জয়াশ্চ
জনার্দনো যুয়ুধানো বিরাটঃ।
যত্তে বাক্যং ধৃতরাষ্ট্রানুশিষ্টং
গাবল্গণে ব্রূহি তৎসূতপুত্র ॥ 5-25-1 (32439)
সংজয় উবাচ। 5-22-2x (3426)
অজাতশত্রুং চ বৃকোদরং চ
ধনঞ্জয়ং মাদ্রবতীসুতৌ চ।
আমন্ত্রয়ে বাসুদেবং চ শৌরিং
যুয়ুধানং চেকিতানং বিরাটম্ ॥ 5-25-2 (32440)
পঞ্চালানামধিপং চৈব বৃদ্ধং
ধৃষ্টদ্যুম্নং পার্ষতং যাজ্ঞসেনিম্ ।
সর্বে বাচং শৃণুতেমাং মদীয়াং
বক্ষ্যামি যাং ভূতিমিচ্ছন্কুরূণাম্ ॥ 5-25-3 (32441)
শমং রাজা ধৃতরাষ্ট্রোঽভিনন্দ-
ন্নয়োজয়ত্ৎবরমাণো রথং মে।
সভ্রাতৃপুত্রস্বজনস্য রাজ্ঞ-
স্তদ্রোচতাং পাণ্ডবানাং শমোঽস্তু ॥ 5-25-4 (32442)
সর্বৈর্ধর্মৈঃ সমুপেতাস্তু পার্থাঃ
সংস্থানেন মার্দনেবার্জবেন।
জাতাঃ কুলে হ্যনৃশংসা বদান্যা
হীনিষেবাঃ কর্মণাং নিশ্চয়জ্ঞাঃ ॥ 5-25-5 (32443)
ন যুজ্যতে কর্ম যুষ্মাসু হীনং
সৎবং হি বস্তাদৃশং ভীমসেনাঃ ।
উদ্ভাসতে হ্যঞ্জনবিন্দুবত্ত-
চ্ছুভ্রে বস্ত্রে যদ্ভবেৎকিল্বিষং বঃ ॥ 5-25-6 (32444)
সর্বক্ষয়ো দৃশ্যতে যত্র কৃৎস্নঃ
পাপোদয়ো ভাবসংস্থঃ কুরূণাম্।
কস্তত্র কুর্যাঞ্জাতু কর্ম প্রজানন্
পরাজয়ো যত্র সমো জয়শ্চ ॥ 5-25-7 (32445)
তে বৈ ধন্যা যৈঃ কৃতং জ্ঞাতিকার্যং
তে বৈ পুত্রাঃ সুহৃদো বান্ধবাশ্চ।
উপক্রুষ্টং জীবিতং সন্ত্যজেয়ু-
র্যতঃ কুরূণাং নিয়তো বৈ ভবঃ স্যাৎ ॥ 5-25-8 (32446)
তে চেৎকুরূননুশিষ্যাথ পার্থা
নির্ণীয় সর্বান্দ্বিষতো নিগৃহ্য।
সমং বস্তজ্জীবিতং মৃত্যুন স্যা-
দ্যজ্জীবধ্বং জ্ঞাতিবধেন সাধু ॥ 5-25-9 (32447)
কো হ্যেব যুষ্মান্সহ কেশবেন
সচেকিতানান্পার্ষতবাহুগুপ্তান্।
সসাত্যকীন্বিষহেত প্রজেতুং
লব্ধ্বাঽপি দেবান্সচিবান্সহেন্দ্রান্ ॥ 5-25-10 (32448)
কো বা কুরূন্দ্রোণভীষ্মাভিগুপ্তা-
নশ্বত্থাম্না শল্যকৃপাদিভিশ্চ।
রণে বিজেতুং বিষহেত রাজন্
রাধেয়গুপ্তান্সহ ভূমিপালৈঃ ॥ 5-25-11 (32449)
মহদ্বলং ধার্তরাষ্ট্রস্য রাজ্ঞঃ
কো বৈ শক্তো হন্তুমক্ষীয়মাণঃ ।
সোঽহং জয়ে চৈব পরাজয়ে চ
নিঃশ্রেয়সং নাধিগচ্ছামি কিংচিৎ ॥ 5-25-12 (32450)
কথং হি নীচা ইব দৌষ্কুলেয়া
নির্ধর্মার্থং কর্ম কুর্যুশ্চ পার্থাঃ ।
সোঽহং প্রসাদ্য প্রণতো বাসুদেবং
পঞ্চালানামধিপং চৈব বৃদ্ধম্ ॥ 5-25-13 (32451)
কৃতাঞ্জলিঃ শরণং বঃ প্রপদ্যে
কথং স্বস্তি স্যাৎকুরুসৃঞ্জয়ানাম্।
ন হ্যেবমেবং বচনং বাসুদেবো
ধনঞ্জয়ো বা জাতু কিংচিন্ন কুর্যাৎ ॥ 5-25-14 (32452)
প্রণান্দদ্যাদ্যাচমানঃ কুতোঽন্য-
দেতদ্বিদ্বন্সাধনার্থং ব্রবীমি ।
এতদ্রাজ্ঞো ভীষ্মপুরোগমস্য
মতং যদ্বঃ শান্তিরিহোত্তমা স্যাৎ ॥ ॥ 5-25-15 (32453)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি পঞ্চবিংশোঽধ্যায়ঃ ॥
Mahabharata - Udyoga Parva - Chapter Footnotes
5-25-4 রথময়োজয়ৎ। ইহ আগন্তুম্। রাজ্ঞঃ তৎ বচনং পাণ্ডবানাং রোচতাং ততশ্চ শমোঽস্তু ॥ 4 ॥ 5-25-5 সংস্থানেনাকারেণ। মার্দবেন কৃপয়া। আর্জবেন অকৌটিল্যেন। অনৃশংসাঃ অনুগ্রাঃ । হ্রীনিষেবাঃ লজ্জাপরায়ণাঃ ॥ 5 ॥ 5-25-6 হীনং হিংস্রং সত্ৎবং বুদ্ধিসৎবং সাধুৎবং বা। ভীমসেনাঃ ভীষণসৈন্যাঃ ॥ 6 ॥ 5-25-7 যত্র সঙ্গ্রামে ভাবসংস্থঃ স ইতি শেষঃ ॥ 7 ॥ 5-25-8 জ্ঞাতীনাং দুর্যোধনাদীনাং কার্যং ঘোষয়াত্রায়াং গন্ধর্বেভ্যো মোচনাদিকং উপক্রুষ্টং নিন্দিতম্ ॥ 8 ॥ 5-25-9 নির্ণীয় নিশ্চয়ং কৃৎবা। নিগৃহ্য হৎবেত্যর্থঃ ॥ 9 ॥ 5-25-12 নিঃশ্রেয়সং নিশ্চয়ম্ ॥ 12 ॥ 5-25-13 নির্ধর্মার্থং ধর্মার্থয়োর্বিরুদ্ধং কম কথং কুর্যুঃ । প্রণতঃ অস্মীতি শেষঃ ॥ 13 ॥ 5-25-14 সাধনার্থং সংধিকার্যস্য সিদ্ধ্যর্থং ব্রবীমি নতু যুষ্মান্ ভীষয়ামীত্যর্থঃ ॥ 15 ॥উদ্যোগপর্ব - অধ্যায় 026
॥ শ্রীঃ ॥
5.26. অধ্যায়ঃ 026
Mahabharata - Udyoga Parva - Chapter Topics
যুধিষ্ঠিরেণ স্বপরয়োঃ শুভাশুভাভিসন্ধিকথনপূর্বকং স্বস্যাজয়্যৎবমভিধায় ইন্দ্রপ্রস্থে রাজ্যদানে শান্তিকথনম্ ॥ 1 ॥Mahabharata - Udyoga Parva - Chapter Text
5-26-0 (32454)
যুধিষ্ঠির উবাচ। 5-26-0x (3427)
কাং নু বাচং সঞ্জয় মে শৃণোষি।
যুদ্ধৈষিণীং যেন যুদ্ধাদ্বিভেষি ।
অয়ুদ্ধং বৈ তাত যুদ্ধাদ্গরীয়ঃ
কস্তল্লব্ধ্বা জাতু যুদ্ধ্যেত সূত ॥ 5-26-1 (32455)
অকুর্বতশ্চেৎপুরুষস্য সঞ্জয়
সিদ্ধ্যেৎসঙ্কল্পো মনসা যং যমিচ্ছেৎ।
ন কর্ম কুর্যাদ্বিদিতং মমৈত-
দন্যত্র যুদ্ধাদ্বহু যল্লঘীয়ঃ ॥ 5-26-2 (32456)
কুতো যুদ্ধং জাতু নরোঽবগচ্ছে-
ৎকো দেবশপ্তো হি বৃণীত যুদ্ধম্।
সুখৈষিণঃ কর্ম কুর্বন্তি পার্থা
ধর্মাদহীনং যচ্চ লোকস্য পথ্যম্ ॥ 5-26-3 (32457)
ধর্মোদয়ং সুখমাশংসমানাঃ
কৃচ্ছ্রোপায়ং তত্ৎবতঃ কর্ম দুঃখম্।
সুখং প্রেপ্সুর্বিজিঘাংসুশ্চ দুঃখং
কর্মারভেদ্যচ্চ ধর্মানপেতম্ ॥ 5-26-4 (32458)
ক ইন্দ্রিয়াণাং প্রীতিবশানুরানাং
কর্মাভিজ্ঞঃ স্বশরীরং দুনোতি।
যয়া প্রমুক্তো ন করোতি দুঃখং
তৃষ্ণাং ত্যজেৎসর্বধর্মাদপেতাম্ ॥ 5-26-5 (32459)
যথেধ্যমানস্য সমিদ্ধতেজসো
ভূয়ো বলং বর্ধতে পাবকস্য।
কামার্থলাভেন তথৈব ভূয়ো
ন তৃপ্যতে সর্পিষেবাগ্নিরিদ্ধঃ ।
সংপশ্যেমং ভোগচয়ং মহান্তং
সহাস্মাভির্ধৃতরাষ্ট্রস্য রাজ্ঞঃ ॥ 5-26-6 (32460)
নাশ্রেয়ানীশ্বরো বিগ্রহাণাং
নাশ্রেয়ান্বৈ গীতশব্দং শ্রৃণোতি।
নাশ্রেয়ান্বৈ সেবতে মাল্যগন্ধা-
ন্ন চাপ্যশ্রেয়াননুলেপনানি ॥
নাশ্রেয়ান্বৈ প্রাবারান্সংবিবস্তে
কথং ৎবস্মান্সংপ্রণুদেৎকুরুভ্যঃ ॥ 5-26-7 (32461)
অত্রৈব স্যাদবুধস্যৈব কামঃ।
প্রায়ঃ শরীরে হৃদয়ং দুনোতি ॥ 5-26-8 (32462)
স্বয়ং রাজা বিষমস্থঃ পরেষু
সামর্থ্যমন্বিচ্ছতি তন্ন সাধু।
যথাঽঽত্মনঃ পশ্যতি বৃত্তমেব
তথা পরেতামপি সোঽভ্যুপৈতি ॥ 5-26-9 (32463)
আসন্নমগ্নিং তু নিদাঘকালে
গম্ভীরকক্ষে গহনে বিসৃজ্য।
যথা বিবৃদ্ধং বায়ুবশেন শোচে-
ৎক্ষেমং মুমুক্ষুঃ শিশিরব্যপায়ে ॥ 5-26-10 (32464)
প্রাপ্তৈশ্বর্যো ধৃতরাষ্ট্রোঽদ্য রাজা
লালপ্যতে সঞ্জয় কস্য হেতোঃ ।
প্রগৃহ্য দুর্বুদ্ধিমনার্জবে রতং
পুত্রং মন্দং মূঢমমন্ত্রিণং তু ॥ 5-26-11 (32465)
অনাপ্তবচ্চাপ্ততমস্য বাচঃ
সুয়োধনো বিদুরস্যাবমত্য।
সুতস্য রাজা ধৃতরাষ্ট্রঃ প্রিয়ৈষী
সংবুধ্যমানো বিশতেঽধর্মমেব ॥ 5-26-12 (32466)
মেধাবিনং হ্যর্থকামং কুরূণাং
বহুশ্রুতং বাগ্মিনং শীলবন্তম্ ।
স তং রাজা ধৃতরাষ্ট্রঃ কুরুভ্যো
ন সস্মার বিদুরং পুত্রকাম্যাৎ ॥ 5-26-13 (32467)
মানঘ্নস্যাসৌ মানকামস্য চের্ষোঃ
সংরম্ভিণশ্চার্থধর্মাতিগস্য।
দুর্ভাষিণো মন্যুবশানুগস্য
কামাত্মনো দৌর্হৃদৈর্ভাবিতস্য ॥ 5-26-14 (32468)
অনেয়স্যাশ্রেয়সো দীর্ঘমন্যো-
র্মিত্রদ্রুহঃ সঞ্জয় পাপবুদ্ধেঃ।
সুতস্য রাজা ধৃতরাষ্ট্রঃ প্রিয়ৈষী
প্রপশ্যমানঃ প্রাজহাদ্ধর্মকামৌ ॥ 5-26-15 (32469)
তদৈব মে সঞ্জয় দীব্যতোঽভূ-
ন্মতিঃ কুরূণামাগতঃ স্যাদভাবঃ ।
কাব্যাং বাচং বিদুরো ভাষমাণো
ন বিন্দতে যদ্ধার্তরাষ্ট্রাৎপ্রশংসাম্ ॥ 5-26-16 (32470)
ক্ষত্তুর্যদা নান্ববর্তন্ত বুদ্ধিং
কৃচ্ছ্রং কুরূন্সূত তদাঽভ্যাজগাম।
যাবৎপ্রজ্ঞামন্ববর্তন্ত তস্য
তাবত্তেষাং রাষ্ট্রবৃদ্ধির্বভূব ॥ 5-26-17 (32471)
তদর্থলুব্ধস্য নিবোধ মেঽদ্য
যে মন্ত্রিণো ধার্তরাষ্ট্রস্য সূত।
দুঃশাসনঃ শকুনিঃ সূতপুত্রো
গাবল্গণে পশ্য সংমোহমস্য ॥ 5-26-18 (32472)
সোঽহং ন পশ্যামি পরীক্ষমাণঃ
কথং স্বস্তি স্যাৎকুরুসৃঞ্জয়ানাম্ ।
আত্তৈশ্বর্যো ধৃতরাষ্ট্রঃ পরেভ্যঃ
প্রব্রাজিতে বিদুরে দীর্ঘদৃষ্টৌ ॥ 5-26-19 (32473)
আশংসতে বৈ ধৃতরাষ্ট্রঃ সপুত্রো
মহারাজ্যমসপত্নং পৃথিব্যাম্।
তস্মিঞ্শমঃ কেবলং নোপলভ্যঃ
সর্বং স্বকং মদ্গতে মন্যতেঽর্থম্ ॥ 5-26-20 (32474)
যত্তৎকর্ণো মন্যতে পারণীয়ং
যুদ্ধে গৃহীতায়ুধমর্জুনং বৈ ।
আসংশ্চ যুদ্ধানি পুরা মহান্তি
কথং কর্ণো নাভবদ্দ্বীপ এষাম্ ॥ 5-26-21 (32475)
কর্ণশ্চ জানাতি সুয়োধনশ্চ
দ্রোণশ্চ জানাতি পিতামহশ্চ।
অন্যে চ যে কুগ্বস্তত্র সন্তি
যথাঽর্জুনান্নাম্ত্যপরো ধনুর্ধরঃ ॥ 5-26-22 (32476)
জানন্ত্যেতন্কুরবঃ সর্ব এব
যে চাপ্যন্যে ভূমিপালাঃ সমেতাঃ।
দুর্যোধনে রাজ্যমিহাভবদ্যথা
অরিন্দমে ফাল্গুনেঽবিদ্যমানে ॥ 5-26-23 (32477)
তেনানুবন্ধং মন্যতে ধার্তরাষ্ট্রঃ
শক্যং হর্তুং পাণ্ডবানাং মমৎবম্ ।
কিরীটিনা তালমাত্রায়ুধেন
তদ্বেদিনা সংয়ুগং তত্র গৎবা ॥ 5-26-24 (32478)
গাণ্ডীববিষ্ফারিতশব্দমাত্রং
শ্রুৎবৈব তে ধার্তরাষ্ট্রা ম্রিয়ন্তে।
ক্রুদ্ধং ন চেদীক্ষতে ভীমসেনং
সুয়োধনো মন্যতে সিদ্ধমর্থম্ ॥ 5-26-25 (32479)
ইন্দ্রোঽপ্যেতন্নোৎসহেত্তাত হর্তু-
মৈশ্বর্যং নো জীবতি ভীমসেনে।
ধনঞ্জয়ে নকুলে চৈব সূত
তথা বীরে সহদেবেঽসহিষ্ণৌ ॥ 5-26-26 (32480)
সচেদেতাং প্রতিপদ্যেত বুদ্ধিং
বৃদ্ধো রাজা সহ পুত্রেণ সূত।
এবং রণে পাণ্ডবকোপদগ্ধা
ন নশ্যেয়ুঃ সঞ্জয় ধার্তরাষ্ট্রাঃ ॥ 5-26-27 (32481)
জানামি ৎবং ক্লেশমস্মাসু বৃত্তং
ৎবাং পূজয়ন্মঞ্জয়াহং ক্ষমেয়ম্।
বচ্চাস্মাকং কৌরবৈর্ভৃতপূর্বং
যা নো বৃত্তিধার্তরাষ্ট্রে তদাঽঽসীৎ ॥ 5-26-28 (32482)
অদ্যাপি সা তত্র তথৈব বর্ততাং
যান্তি গমিষ্যামি যথা ন্বমাত্থ ।
দ্বন্দ্রাপ্রব্যে ভবতু মমৈব রাজ্যং
সূয়োধনো যচ্ছতু ভাগ্নাগ্র্যঃ ॥ ॥ 5-26-29 (32483)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি ষড্বিংশোঽধ্যায়ঃ ॥
Mahabharata - Udyoga Parva - Chapter Footnotes
5-26-3 অহীনং অনপগতম্ ॥ 3 ॥ 5-26-6 উক্তমর্থং প্রকৃতে যোজয়তি সংপশ্যেতি। অস্মাভিরিত্যত্র ধার্তরাষ্ট্রান্ অন্তর্ভাব্যাহ । পঞ্চাধিকেন পুত্রশতেন সহ ধৃতরাষ্ট্রস্য ভোগং মহান্তং পশ্য। অথাপি কৃৎস্নং স্বস্যৈব ভবৎবিতি বুদ্ধ্যাঽস্মান্ রাজ্যাদ্দূরীকৃত্য ততো ভোগাৎ তৃপ্তিং ন লভত ইতি ভাবঃ ॥ 6 ॥ 5-26-7 পিতৃব্যনিন্দাদোষাদ্ভীতঃ পুনরাহ নাশ্রেয়ানিতি। যঃ পুণ্যবত্তরঃ স বিগ্রহাণামীশ্বরো ভবতি পরৈঃ সহ বিরোধং কৃৎবা স্বোৎকর্ষং করোতি। অন্যস্তু তেনৈব নশ্যতি। অতঃ স পুণ্যবত্তর এব। অস্মদ্দোষাত্তু বয়ং বনে দুঃখমনুভবামো নতু পরাপরাধেনেতি ভাবঃ । প্রাবারান্ দিব্যবাসাংসি সংবিবস্তে পরিধত্তে। অন্যধা অশ্রেয়াংশ্চেদ্রাজা তর্হি অস্মান্ কুরুভ্যঃ কথং সংপ্রণুদেৎ দূরীকুর্যাৎ। শত্রূণাং রাজ্যাদ্ভ্রংশনং হি পুণ্যবতামেব কর্ম নাশ্রেয়সামিতি ভাবঃ ॥ 7 ॥ 5-26-8 অত্রেতি যদ্যপ্যেবং তথাপি অন্তর্দাহকরোঽয়ং কামঃ অবুধস্য দুর্যোধনাদেরেব উচিতো ন বুধস্যাস্মদাদেরিত্যর্থঃ। শরীরে শরীরমধ্যে স্থিতং হৃদয়ং দুনোতি খেদয়তি ॥ 8 ॥ 5-26-9 অবুধৎবমেবাহ স্বয়মিতি। বিষমস্থঃ সংকটস্থঃ সন্ পরেষু কর্ণাদিষু আত্মনো বৃত্তং অশক্তৎবং তথা পরেষাং কর্ণাদীনামপি স দুর্যোধনোঽভ্যুপৈতি ॥ 9 ॥ 5-26-10 গম্ভীরকক্ষে বহুতৃণে গহনে বনে। ক্ষেমং শোচেৎ মম সুখং নাস্তীতি শোকং কুর্যাৎ। মুমুক্ষুঃ তস্মাদ্দাহাদাত্মানং মোচয়িতুমিচ্ছুঃ । শিশিরব্যাপায়ে বসন্তে। তত্রাপি নিদাঘকালে দাহকালে মধ্যাহ্নে ॥ 10 ॥ 5-26-11 লালপ্যতে দীনবদ্ভাষতে। মন্দং অভাগ্যম্ ॥ 5-26-12 বিদুরস্য বাচোঽবমত্য সুতস্য প্রিয়ৈষী অধর্মমেব সংবিশতে আশ্রয়তে ॥ 5-26-13 কুরুভ্যঃ কুরূণাং হিতার্থম্। ন সস্মার নাদৃতবান্। পুত্রকাম্যাৎ পুত্রলোভাৎ ॥13 ॥ 5-26-14 অসৌ রাজা সুতস্য প্রিয়ৈষী ধর্মকামৌ প্রাজহাৎ ত্যক্তবানিতি দ্বয়োঃ সংবন্ধঃ । ঈর্ষোঃ পরোৎকর্ষাসহিষ্ণোঃ । সংরম্ভিণঃ ক্রোধিনঃ মন্যুবশানুগস্য দৈন্যভাজাং কর্ণাদীনামনুগস্য। দৌর্হৃদৈঃ পাপৈঃ ভাবিতস্য পূজিতস্য ॥ 14 ॥ 5-26-15 অনেয়স্য অশিক্ষণীয়স্য। অশ্রেয় সঃ অভাগ্যস্য প্রপশ্যমানঃ পশ্যন্নপি ॥ 15 ॥ 5-26-20 তস্মিন্ লুব্ধে শমঃ ন উপলভ্যঃ যঃ মদ্গতে মম বনংপ্রতি গমনে সতি সর্বং স্বকমেবার্থং মন্যতে ইতি যোজ্যম্ ॥ 20 ॥ 5-26-21 পারণীয়ং জেতুং শক্যম্। যুদ্ধানি গোগ্রহৃদৌ আসন্। দ্বীপো দ্বীপবৎ যুদ্ধপ্রবাহেণ উহ্যমানস্যাশ্রয়ঃ ॥ 21 ॥ 5-26-24 অনুবন্ধং বধ্নাতীতি বন্ধো রাজ্যাদিঃ তমনুমূল্য বর্তমানং পাণ্ডবানাং মমৎবং ধার্তরাষ্ট্রো হর্তুং শক্যমন্যতে। কিংকৃৎবা । তেন কিরীটিনা সহ তত্র রাজ্যে নিমিত্তে সতি সংয়ুগং সংগ্রামং গৎবা প্রাপ্য । তালো হস্তচতুষ্টয়ং তদ্বেদিনা ধনুর্বিদ্যাবেদিনা ॥ 24 ॥ 5-26-27 এতাং বুদ্ধিং রাজ্যস্য অপ্রদানে নাশোঽস্তীত্যেবংরূপাম্ ॥ 27 ॥ 5-26-28 ভূতপূর্বং ভীমবন্ধনজতুগৃহদাহাদি ॥ 28 ॥ 5-26- 5-26- 5-26- 5-26- 5-26-উদ্যোগপর্ব - অধ্যায় 027
॥ শ্রীঃ ॥
5.27. অধ্যায়ঃ 027
Mahabharata - Udyoga Parva - Chapter Topics
সঞ্জয়েন যুধিষ্ঠিরংপ্রতি যুদ্ধে দোষোদ্ভাবনপূর্বকং পরৈভোগাপ্রদানেপি শমাশ্রয়গম্যৈব .....কথনম্ ॥ 1 ॥Mahabharata - Udyoga Parva - Chapter Text
5-27-0 (32484)
সঞ্জয় উবাচ। 5-27-0x (3428)
ধর্মনিত্যা পাণ্ডব তে বিচেষ্টা
লোকে শ্রুতা দৃশ্যতে চাপি পার্থ ।
মহাশ্রাবং জীবিত চাপ্যনিত্যং
সংপশ্য ৎবং পাণ্ডব মা ব্যনীনশঃ ॥ 5-27-1 (32485)
নচেদ্ভাগং কুরবোঽন্যত্র যুদ্ধা-
ৎপ্রয়চ্ছেরংস্তুভ্যমজাতশত্রো।
ভৈক্ষচর্যামন্ধকবৃষ্ণিরাজ্যে
শ্রেয়ো মন্যে ন তু যুদ্ধেন রাজ্যম্ ॥ 5-27-2 (32486)
অল্পকালং জীবিতং যন্মনুষ্যে
মহাস্রাবং নিত্যদুঃখং চলং চ।
ভূয়শ্চ তদ্যশসো নানুরূপং
তস্মাৎপাপং পাণ্ডব মা কৃথাস্ৎবম্ ॥ 5-27-3 (32487)
কামা মনুষ্যং প্রসজন্ত এতে
ধর্মস্য যে বিঘ্নমূলং নরেন্দ্র ।
পূর্বং নরস্তান্মতিমান্প্রণিঘ্নন্
লোকে প্রশংসাং লভতেঽনবদ্যাম্ ॥ 5-27-4 (32488)
নিবন্ধনী হ্যর্থতৃষ্ণেহ পার্থ
তামিচ্ছতাং বাধ্যতে ধর্ম এব।
ধর্মং তু যঃ প্রণৃণীতে স বুদ্ধঃ
কামে গৃধ্নো হীয়তেঽর্থানুরোধাৎ ॥ 5-27-5 (32489)
ধর্মং কৃৎবা কর্মণাং তাত মুখ্যং
মহাপ্রতাপঃ সবিতেব ভাতি।
হীনো হি ধর্মেণ মহীমপীমাং
লব্ধ্বা নরঃ সীদতি পাপবুদ্ধিঃ ॥ 5-27-6 (32490)
বেদোঽধীতশ্চরিতং ব্রহ্মচর্যং
যজ্ঞৈরিষ্টং ব্রাহ্মণেভ্যশ্চ দত্তম্ ।
পরং স্থানং মন্যমানেন ভূয়
আত্মা দত্তো বর্ষপূগং সুখেভ্যঃ ॥ 5-27-7 (32491)
সুখপ্রিয়ে সেবমানোঽতিবেলং
যোগাভ্যাসে যো ন করোতি কর্ম।
বিত্তক্ষয়ে হীনসুখোঽতিবেলং
দুঃখং শেতে কামবেগপ্রণুন্নঃ ॥ 5-27-8 (32492)
এবং পুনর্ব্রহ্মচর্যাঽপ্রসক্তো
হিৎবা ধর্মং যঃ প্রকরোত্যধর্মম্।
অশ্রদ্দধৎপরলোকায় মূঢো
হিৎবা দেহং তপ্যতে প্রেত্য মন্দঃ ॥ 5-27-9 (32493)
ন কর্মণাং বিপ্রণাশোঽস্ত্যমুত্র
পুণ্যানাং বাঽপ্যথবা পাপকানাম্ ।
পূর্বং কর্তুর্গচ্ছতি পুণ্যপাপং
পশ্চাত্ৎবেনমনুয়াত্যেব কর্তা ॥ 5-27-10 (32494)
ন্যায়োপেতং ব্রাহ্মণেভ্যোঽথ দত্তং
শ্রদ্ধাপূতং গন্ধরসোপপন্নম্ ।
অন্বাহার্যেষূত্তমদক্ষিণেষু
তথারূপং কর্ম বিখ্যায়তে তে ॥ 5-27-11 (32495)
ইহ ক্ষেত্রে ক্রিয়তে পার্থ কার্যং
ন বৈ কিংচিৎক্রিয়তে প্রেত্য কার্যম্ ।
কৃতং ৎবয়া পারলোক্যং চ কর্ম
পুণ্যং মহৎসদ্ভিরতিপ্রশস্তম্ ॥ 5-27-12 (32496)
জহাতি মৃত্যুং চ জরাং ভয়ং চ
ন ক্ষুৎপিপাসে মনসোঽপ্রিয়াণি।
ন কর্তব্যং বিদ্যতে তত্র কিংচি-
দন্যত্র বৈ চেন্দ্রিয়প্রীণনাদ্ধি ॥ 5-27-13 (32497)
এবংরূপং কর্মফলং নরেন্দ্র
মাতাপিত্রোর্হৃদয়স্যাপ্রিয়েণ।
ত্যজ ক্রোধং পাণ্ডব হর্ষজং চ
লোকাবুভৌ মা প্রহাসীশ্চিরায়া ॥ 5-27-14 (32498)
অন্তং গৎবা কর্মণাং যা প্রশংসা
সত্যং দমং চার্জবমানৃশংস্যম্ ।
অশ্বমেধং রাজসূয়ং তথেষ্ট্বা
পাপস্যান্তং কর্মণো মা পুনর্গাঃ ॥ 5-27-15 (32499)
তচ্চেদেবং দ্বেষরূপেণ পার্থাঃ
করিষ্যধ্বং কর্ম পাপং চিরায়।
নিবসধ্বং বর্ষপূগান্বনেষু
দুঃখং বাসং পাণ্ডবা ধর্ম এব ॥ 5-27-16 (32500)
প্রব্রজ্যযা যাতয়িৎবা পুরস্তা-
দাত্মাধীনং যদ্বলং তে তদাঽসীৎ।
নিত্যং চ বশ্যাঃ সচিবাস্তবেমে
জনার্দনো যুয়ুধাশ্চ বীরঃ ॥ 5-27-17 (32501)
মৎস্যো রাজা রুক্মরথঃ সপুত্রঃ
প্রহারিভিঃ সহপুত্রৈর্বিরাটঃ।
রাজানস্তে যে বিজিতাঃ পুরস্তা-
ত্ৎবামেব তে সংশ্রয়েয়ুঃ সমস্তাঃ ॥ 5-27-18 (32502)
মহাসহায়ঃ প্রতপন্বলস্থঃ
পুরস্কৃতো বাসুদেবার্জুনাভ্যাম্।
বরান্হনিষ্যন্দ্বিষতো রঙ্গমধ্যে
ব্যনেষ্যথা ধার্তরাষ্ট্রস্য দর্পম্ ॥ 5-27-19 (32503)
বলং কস্মাদ্বর্ধয়িৎবা পরস্য
নিজান্কস্মাৎকর্শয়িৎবা সহায়ান্।
নিরুষ্য কস্মাদ্বর্ষপূগান্বনেষু
যুয়ুৎসসে পাণ্ডব হীনকালে॥ 5-27-20 (32504)
অপ্রাজ্ঞো বা পাণ্ডব যুদ্ধ্যমানো-
ঽধর্মজ্ঞো বা ভূতিমথোঽভ্যুপৈতি।
প্রজ্ঞাবান্বা বুদ্ধ্যমানোঽপি ধর্মং
সংস্তম্ভাদ্বা সোঽপি ভূতেরপৈতি ॥ 5-27-21 (32505)
নাধর্মে তে ধীয়তে পার্থ বুদ্ধি-
র্ন সংরম্ভাৎকর্ম চকর্থ পাপম্ ।
আত্থ কিং তৎকারণং যস্য হেতোঃ
প্রজ্ঞাবিরুদ্ধং কর্ম চিকীর্ষসীদম্ ॥ 5-27-22 (32506)
অব্যাধিজং কটুকং শীর্ষরোগি
যশোমুষং পাপফলোদয়ং বা।
সতাং পেয়ং যন্ন পিবন্ত্যসন্তো
মন্যুং মহারাজ পিব প্রশাম্য ॥ 5-27-23 (32507)
পাপানুবন্ধং কো নু তং কাময়েত
ক্ষমৈব তে জ্যায়সী নোত ভোগাঃ ।
যত্র ভীষ্মঃ শান্তনবো হতঃ স্যা-
দ্যত্র দ্রোণঃ সহপুত্রো হতঃ স্যাৎ ॥ 5-27-24 (32508)
কৃপঃ শল্যঃ সৌমদত্তির্বিকর্ণো
বিবিংশতিঃ কর্ণদুর্যোধনৌ চ।
এতান্হৎবা কীদৃশং তৎসুখং স্যা-
দ্যদ্বিন্দেথাস্তদনুব্রূহি পার্থ ॥ 5-27-25 (32509)
লব্ধ্বাঽপীমাং পৃথিবীং সাগরান্তাং
জরামৃত্যূ নৈব হি ৎবং প্রজহ্যাঃ।
প্রিয়াপ্রিয়ে সুখদুঃখে চ রাজ-
ন্নৈবং বিদ্বান্নৈব যুদ্ধং কুরু ৎবম্ ॥ 5-27-26 (32510)
অমাত্যানাং যদি কামস্য হেতো-
রেবং যুক্তং কর্ম চিকীর্ষসি ৎবম্।
অপক্রমেঃ স্বং প্রদায়ৈব তেষাং
মাগাস্ৎবং বৈ দেবয়ানাৎপথোঽদ্য ॥ ॥ 5-27-27 (32511)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি সপ্তবিংশোঽধ্যায়ঃ ॥
Mahabharata - Udyoga Parva - Chapter Footnotes
5-27-1 মহান্ শ্রাবঃ শ্রবণং যণ মহাকীর্তীত্যর্থঃ। মা ব্যনীনশঃ ক্রোধেন ধার্তরাষ্ট্রন্ মা নাশয় ॥ 1 ॥ 5-27-4 প্রসজন্তে স্পৃশন্তি ॥ 4 ॥ 5-27-5 গৃঘ্নঃ স্পৃহাবান্ ॥ 5 ॥ 5-27-6 কর্মণাং অর্থকামাদ্যর্থানাং মধ্যে ॥ 6 ॥ 5-27-7 পরং স্থানং পরলোকং মন্যমানেন মানয়তা। পর্ষপূগং বর্ষগণম্। তত্রত্যসুখেভ্যস্তদর্থং ৎবয়া আত্মাপি দত্তঃ ॥ 7 ॥ 5-27-8 সুখপ্রিয়ে ভোগান্ পুত্রাদীংশ্চ সেবমানঃ । যোগাভ্যাসে চিত্তবৃত্তিনিরোধমভ্যসিতুং কর্ম আসনপ্রাণায়ামাদিকং ন করোতি ॥ 8 ॥ 5-27-9 ধর্মং চ যজ্ঞাদিরূপং হিৎবা যঃ অধর্মমেব প্রকরোতি সংচিনোতি ॥ 9 ॥ 5-27-10 কৃতং কর্ম ভোগং বিনা আত্মজ্ঞানং বিনা বা ন নশ্যতীত্যর্থঃ ॥ 10 ॥ 5-27-11 অন্বাহার্যেষ্বিত্যনেন শ্রৌতমিষ্ট্যাদিকং লক্ষ্যতে। তত্রহি অন্বাহার্যো দক্ষিণাৎবেন দীয়তে ॥ 11 ॥ 5-27-12 কার্যং ধর্মঃ । প্রেত্য মৃৎবা ॥ 12 ॥ 5-27-13 পরলোকে কর্ম নাস্তীত্যাহ জহাতীতি ॥ 13 ॥ 5-27-14 অত্র কর্ম কুর্বন্ কামবশাদমুত্র ফলং ন প্রার্থয়েতেত্যর্থঃ । কর্মজং ফলং ত্যক্ৎবা পরেণ বৈরাগ্যেণ সংপন্নো মোক্ষার্থং যোগাভ্যাসমেব কুরুষ্ব কিং রাজ্যেন বন্ধুনাশলভ্যেনেত্যর্থঃ ॥ 14 ॥ 5-27-16 তচ্চেদিতি। ভো পার্থাঃ ভো পাণ্ডবাঃ তৎপাপং কর্ম গোত্রবধরূপং দ্বেষরূপেণ চিরায় প্রাগেব চেৎকরিষ্যধ্বং তর্হি যদ্বনে বর্ষপূগান্ দুঃখং বাসং নিবসধ্বং তদ্ধর্ম এবেতি যত্তৎপদাধ্যাহারেণ যোজ্যম্। রাজ্যার্থং সর্বলোকনাশমিচ্ছতাং ভবতাং দুর্যোধনেন যো বনবাসঃ কারিতঃ স ধর্ম এবেত্যর্থঃ ॥ 16 ॥ 5-27-17 পুরস্তাৎ প্রব্রজনকালে এব যৎ যতঃ পুরস্তাদপি এতদ্বলং আত্মাধীনমেবাসীৎ। জ্ঞাতিবধেনাপি রাজ্যসুখমাবশ্যকং চেত্তর্হি পূর্বমেব সহায়সৎবাৎকুতো ন যুদ্ধং কৃতমিতি এতদাদিশ্লোকচতুষ্টয়র্থঃ ॥ 17 ॥ 5-27-20 হীনকালে গতে কালে ইত্যর্থঃ ॥ 20 ॥ 5-27-21 সর্বথাপি যুদ্ধং ন কর্তব্যং জয়পরাজয়যোরব্যবস্থিতৎবাদিত্যাহ অপ্রাহ ইতি। ভূতেরপৈতি দৈবাদিতি শেষঃ ॥ 21 ॥ 5-27-23 অব্যাধিজং কটুকং পিত্তাদিকং বিনাপ্যরোচকম্ । যশোমুষং যশোহরম্। পেয়ং গিলনীয়ম্। মন্যুং ক্রোধম্। প্রশাম্য শান্তো ভব ॥ 23 ॥ 5-27-27 দেবয়ানাৎপথোঽর্চিরাদিমার্গাদপুনরাবৃত্তিফলাৎ গোত্রদ্রোহেণ মাগা ইত্যর্থঃ ॥ 27 ॥উদ্যোগপর্ব - অধ্যায় 028
॥ শ্রীঃ ॥
5.28. অধ্যায়ঃ 028
Mahabharata - Udyoga Parva - Chapter Topics
যুধিষ্ঠিরেণ সঞ্জয়ংপ্রতি ধর্মাধর্মনির্ণয়স্য ইতরাসাধারণতয়া স্বস্য ধর্মরহস্যজ্ঞশ্রীকৃষ্ণবচনানুয়যিৎবকথনম্ ॥ 1 ॥Mahabharata - Udyoga Parva - Chapter Text
5-28-0 (32512)
যুধিষ্ঠির উবাচ। 5-28-0x (3429)
অসংশয়ং সঞ্জয় সত্যমেত-
দ্ধর্মো বরঃ কর্মণাং যত্ৎবমাত্থ ।
জ্ঞাৎবা তু মাং সঞ্জয় গর্হয়েস্ৎবং
যদি ধর্মং যদ্যধর্মং চরামি ॥ 5-28-1 (32513)
যত্রাধর্মো ধর্মরূপাণি ধত্তে
ধর্মঃ কৃৎস্নো দৃশ্যতোঽধর্মরূপঃ।
বিভ্রদ্ধর্মো ধর্মরূপং তথা চ
বিদ্বাংসস্তং সংপ্রপশ্যন্তি বুদ্ধ্যা ॥ 5-28-2 (32514)
এবং তথৈবাপদি লিঙ্গমেত-
দ্ধর্মাধর্মৌ নিত্যবৃত্তী ভজেতাম্।
আদ্যং লিঙ্গং যস্য তস্য প্রমাণ-
মাপদ্ধর্মং সঞ্জয় তং নিবোধ ॥ 5-28-3 (32515)
লুপ্তায়াং তু প্রকৃতৌ যেন কর্ম
নিষ্পাদয়েত্তৎপরীপ্সেদ্বিহীনঃ।
প্রকৃতিস্থশ্চাপদি বর্তমান
উভৌ গর্হ্যৌ ভবতঃ সঞ্জয়ৈতৌ ॥ 5-28-4 (32516)
অবিনাশমিচ্ছতাং ব্রাহ্মণানাং
প্রায়শ্চিত্তং বিহিতং যদ্বিধাত্রা।
সংপশ্যেথাঃ কর্মসু বর্তমানান্
বিকর্মস্থান্সঞ্জয় গর্হয়েস্ৎবম্ ॥ 5-28-5 (32517)
মনীষিণাং সত্ৎবিচ্ছেদনায়
বিধিয়তে সৎসু বৃত্তিঃ সদৈব।
অব্রাহ্মণাঃ সন্তি তু যে ন বৈদ্যাঃ
সর্বোৎসঙ্গং সাধু মন্যেত তেভ্যঃ ॥ 5-28-6 (32518)
তদধ্বানঃ পিতরো যে চ পূর্বে
পিতামহা যে চ তেভ্যঃ পরেঽন্যে।
যজ্ঞৈষিণো যে চ হি কর্ম কুর্যু-
র্নান্যং ততো নাস্তিকোঽস্মীতি মন্যে ॥ 5-28-7 (32519)
যৎকিংচনেদং বিত্তমস্যাং পৃথিব্যাং
যদ্দেবানাং ত্রিদশানাং পরং যৎ।
প্রাজাপত্যং ত্রিদিবং ব্রহ্মলোকং
নাধর্মতঃ সঞ্জয় কাময়েয়ম্ ॥ 5-28-8 (32520)
ধর্মেশ্বরঃ কুশলো নীতিমাংশ্চা-
প্যুপাসিতা ব্রাহ্মণানাং মনীষী।
নানাবিধাংশ্চৈব মহাবলাংশ্চ
রাজন্যভোজাননুশাস্তি কৃষ্ণঃ ॥ 5-28-9 (32521)
যদি হ্যহং বিসৃজৎসাম গর্হ্যো
নিয়ুধ্যমানো যদি জহ্যাং স্বধর্মম্ ।
মহায়শাঃ কেশবস্তদ্ব্রবীতু
বাসুদেবস্তূভয়োরর্থকামঃ ॥ 5-28-10 (32522)
শৈনেয়োঽয়ং চেদয়শ্চান্ধকাশ্চ
বার্ষ্ণেয়ভোজাঃ কুকুরাঃ সৃঞ্জয়াশ্চ ।
উপাসীনা বাসুদেবস্য বুদ্ধিং
নিগৃহ্য শত্রূন্সুহৃদো নন্দয়ন্তি॥ 5-28-11 (32523)
বৃষ্ণ্যন্ধকা হ্যুগ্রসেনাদয়ো বৈ
কৃষ্ণপ্রণীতাঃ সর্ব এবেন্দ্রকল্পাঃ ।
মনস্বিনঃ সত্যপরায়ণাশ্চ
মহাবলা যাদবা ভোগবন্তঃ ॥ 5-28-12 (32524)
কাশ্যো বভ্রুঃ শ্রিয়মুত্তমাং গতো
লব্ধ্বা কৃষ্ণং ভ্রাতরমীশিতারম্ ।
যস্মৈ কামান্বর্ষতি বাসুদেবো
গ্রীষ্মাত্যযে মেঘ ইব প্রজাঽভ্যঃ ॥ 5-28-13 (32525)
ঈদৃশোঽয়ং কেশবস্তাত বিদ্বান্
বিদ্ধি হ্যেনং কর্মণাং নিশ্চয়জ্ঞম্।
প্রিয়শ্চ নঃ সাধুতমশ্চ কৃষ্ণো
নাতিক্রামে বচনং কেশবস্য ॥ 5-28-14 (32526)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি অষ্টাবিংশোঽধ্যায়ঃ ॥
Mahabharata - Udyoga Parva - Chapter Footnotes
5-28-2 ধর্মাধর্মপরীক্ষায়াং ত্রৈবিধ্যমাহ যত্রেতি । যত্র পুরুষে দম্ভাদিমতি অধর্মঃ অভিচারার্থং মন্ত্রজপাদিঃ ধর্ম ইত্যেবান্যে জানন্তি। তথা প্রচ্ছন্নয়োগিনি দত্তাত্রেয়াদৌ ধর্মো রাগদ্বেষাদিশূন্যতারূপো যোগধর্মোঽপি উন্মত্তবদাচরণাদধর্মরূপ ইব দৃশ্যতে। যত্র বসিষ্ঠাদৌ ধর্মঃ ধর্মরূপ এব। যদ্যপি চাণ্ডালাদৌ অধর্মোঽপ্যধর্মরূপ এবাস্তি তথাপি তস্যানুপাদেয়ৎবান্ত্রয়মেব বিচার্যম্। এতচ্চ ৎবথাপি বিদুষা ময়ি বিচার্যমিত্যাশয়ঃ ॥ 2 ॥ 5-28-3 আপৎকালবশাদ্ধর্মাধর্ময়োর্ব্যত্যাসো জায়ত ইত্যাহ এবমিতি। এতদেবংরূপং লোকপ্রত্যক্ষং লিঙ্গং ব্রাহ্মণস্য স্বাধ্যায়প্রবচনাদি। ক্ষত্রিয়স্য শৌর্যাদি। বৈশ্যস্য কৃষ্যাদি । তত্তথৈব যথোক্তমেব। তথাপি নিত্যবৃত্তী নিত্যং বর্তেতে তৌ নিত্যবৃত্তী ধর্মাধর্মৌ তল্লিঙ্গং ভজেতাম্। অয়ং ভাবঃ। ক্ষত্রলিঙ্গং ব্রাহ্মণবৈশ্যযোরাপদি ধর্মঃ অনাপদ্যধর্মঃ । তথা চৈকস্যৈব লিঙ্গস্য বর্ণান্তরে অবস্থাভেদাদ্ধর্মৎবমধর্মৎবং চ নিত্যমিতি। তত্রাপি বিশেষমাহ আদ্যমিতি। আদ্যং ব্রাহ্মণলিঙ্গং যাজনাদি যস্যাস্তি ব্রাহ্মণস্য তস্যৈব তৎ প্রমাণং অব্যভিচারি। আপদ্যপি ক্ষত্রিয়েণ যাজনাধ্যাপনাদিকং ন কর্তব্যমিত্যর্থঃ। এবং বিধং তং আপদ্ধর্মং শাস্ত্রান্নিবোধ বুধ্যস্ব ॥ 3 ॥ 5-28-4 প্রকৃতিঃ জীবিকাহেতুভূতং ধনম্। তচ্চ ক্ষত্রিয়স্য ভূমিশস্ত্রাদিকম্। বৈশ্যস্য ধপশ্বাদিকম্। তস্মিন্সর্বাত্মনা নষ্টে সতি যেন কর্ম সংধ্যোপাসনাদিকং নিষ্পাদয়েৎ তৎ ভিক্ষাটনাদিকমপি পরিপ্সেৎকর্তুমিচ্ছেৎ। অন্যথা জীবিকায়া অভাবাৎকর্মলোপঃ প্রাণনাশশ্চ স্যাদতোঽত্যন্তাপদি তাবান্ বিপ্রধমাঽপীতরৈরনুষ্ঠেয় এব। প্রকৃতিস্থশ্চেতি। আপদি আপদ্ধর্মে প্রকৃতিস্থোঽপি যদ্যাপদ্বর্মমনুসরেৎস লোভাদ্গর্হ্যাঃ। আপৎস্থোঽপি যদি প্রাকৃতং ধরমমনুসরেৎস জীবনলোপাৎ কুটুম্বহিংসয়া চ গর্হ্য ইত্যর্থঃ। যো ন কর্মেতি কo ডo পাঠঃ ॥ 4 ॥ 5-28-5 যৎ যস্মাদ্ধেতোঃ । বিধাত্রা অবিনাশং ব্রাহ্মণ্যবিনাশাভাবমিচ্ছতাং ব্রাহ্মণানাং আপদুত্তীর্ণানাং প্রায়শ্চিত্তং বিহিতম্। তস্মাদ্ধএতোরাপদি অন্যস্যান্যধর্মাশ্রয়ণং প্রসক্তমেবেতি জ্ঞায়তে। অত এব এবচক্রায়াগস্মাভিঃ কৃতং ভিক্ষাটনং নানুমিতমিত্যর্থঃ। এবমনাপদি কর্মসু বর্তমানান্ আপদি চ বিকর্মস্থান্ সংপশ্যেথাঃ সম্যগেবেদমিতি পশ্যেথাঃ। অন্যথা তু আপদি কর্মস্থান্ আত্মপরহিংস্রান্ অনাপদি বিকর্মস্থাংশ্চতিলুব্ধান্ বিহর্গয়েস্ৎবম্। আপদ্যেতান্কর্মসু ইতি কo ডo পাঠঃ ॥ 5 ॥ 5-28-6 কিংচ মনীষিণাং মনসঃ নিগ্রহং নাশং কর্তুমিচ্ছতাম্। ঈষ গতিহিংসাদর্শনেষ্বিত্যস্য রূপম্। সত্ৎবিচ্ছেদনায় সত্ৎবস্য বুদ্ধিসত্ৎবস্য চিদাত্মনা সহ একলোলীভূতস্য বিচ্ছেদনায় মুঞ্জেষীকান্যায়েন পৃথক্করণায় সৎসু সতাং গৃহেষু বৃত্তির্জীবিকা শাস্ত্রে বিধীয়তে। বেদানিমং লোকমমুং চ পরিত্যজ্যাত্মনাত্মানমন্বিচ্ছেদিতিশ্রুত্যাত্মান্বেষণায় সর্বসংন্যাসপূর্বকং ভিক্ষাচর্যবিধানাৎ। ন ব্রাহ্মী বৃত্তিঃ কস্যাপি নিন্দ্যা। যেতু অব্রহ্মাণা অপি বৈদ্যাঃ বিদ্যানিষ্ঠাঃ ন ভবন্তি তেষাং ভিক্ষাচর্যস্যাবিধানাৎ তেভ্যঃ তেষামর্থে সর্বোৎসঙ্গং সর্বেষামুৎসঙ্গং সমীপং স্বধর্মসংয়োগং আপদনাপদোরুচিতং সাধু মন্যেত। সর্বোচ্ছেদমিতি কo ডo পাঠে তেভ্যস্তেষামর্থে ভিক্ষাদ্যটনং সর্বধর্মোচ্ছেদায় মন্যেতেত্যর্থঃ ॥ 6 । 5-28-7 তদধান ইতি। পিত্রাদয়ঃ যজ্ঞৈষিণো যে তে সর্বে তদধ্বানঃ স এব ময়োক্তোঽধ্বা মার্গো যেষাং তে তদধ্বানোঽভূবন্। হি প্রসিদ্ধম্। যে চ কর্ম ন কুর্যুঃ সংন্যাসিন ইত্যর্থঃ। তে সর্বে তদধ্বানঃ। অহমপি আস্তিকেঽস্মিতি ততোঽন্যং অধ্বানং ন মন্যে ॥ 7 ॥ 5-28-9 ধর্মেশ্বরঃ ধর্মফলস্য দাতা ॥ 9 ॥ 5-28-12 কৃষ্ণপ্রণীতাঃ কৃষ্ণেনৈব নীতিপথং নীতাঃ ॥ 12 ॥উদ্যোগপর্ব - অধ্যায় 029
॥ শ্রীঃ ॥
5.29. অধ্যায়ঃ 029
Mahabharata - Udyoga Parva - Chapter Topics
শ্রীকৃষ্ণেন স্বস্য কুরুপাণ্ডেষু তুল্যবৃত্তিৎবকথনপূর্বকং কর্মণামবশ্যানুষ্ঠেয়ৎবসমর্থনম্ ॥ 1 ॥ তথা সঞ্জয়ংপ্রতি দুর্যোধনাদিকৃত্যনয়স্মারণপূর্বকং স্বস্য সন্ধ্যর্থং তত্রাগমনকথনম্ ॥ 2 ॥ তথা পাণ্ডবানাং শমাশমান্যতরপক্ষানুসারিৎবকথনপূর্বকং ধৃতরাষ্ট্রংপ্রতি যথাভিলষিতকরণকথনচোদনম্ ॥ 3 ॥Mahabharata - Udyoga Parva - Chapter Text
5-29-0 (32527)
বাসুদেব উবাচ। 5-29-0x (3430)
অবিনাশং সঞ্জয় পাণ্ডবানা-
মিচ্ছাম্যহং ভূতিমেষাং প্রিয়ং চ।
তথা রাজ্ঞো ধৃতরাষ্ট্রস্য সূত
সমাশংসে বহুপুত্রস্য বৃদ্ধিম্ ॥ 5-29-1 (32528)
কামো হি মে সঞ্জয় নিত্যমেব
নান্যদ্ব্রূয়াং তান্প্রতি শাম্যতেতি।
রাজ্ঞশ্চ হি প্রিয়মেতচ্ছৃণোমি
মন্যে চৈতৎপাণ্ডবানাং সমক্ষম্ ॥ 5-29-2 (32529)
সুদুষ্করস্তত্র শমো হি নূনং
প্রদর্শিতঃ সঞ্জয় পাণ্ডবেন।
যস্মিন্গৃদ্ধো ধৃতরাষ্ট্রঃ সপুত্রঃ
কস্মাদেষাং কলহো নাবমূর্চ্ছেৎ ॥ 5-29-3 (32530)
ন ৎবং ধর্মং বিচরং সঞ্জয়েহ
মত্তশ্চ জানামি যুধিষ্ঠিরাচ্চ
অথো কস্মাৎসজ্জয় পাণ্ডবস্য
উৎসাহিনঃ পূরয়তঃ স্বকর্ম ॥ 5-29-4 (32531)
যথাখ্যাতমাবমতঃ কুটুম্বে
পুরা কস্মান্সাধুবিলোপমাত্থ।
অস্মিন্বিধৌ বর্তমানে যথাব-
দুচ্চাবচা মতয়ো ব্রাহ্মণানাম্ ॥ 5-29-5 (32532)
কর্মণাঽঽহুঃ সিদ্ধিমেকে পরত্র
হিন্বা কর্ম বিদ্যযা সিদ্ধিমেকে।
নাভুঞ্জানো ভক্ষ্যভোজ্যস্য তৃপ্যে-
দ্বিদ্বানপীহ বিহিতং ব্রাহ্মণানাম্ ॥ 5-29-6 (32533)
যা বৈ বিদ্যাঃ সাধয়ন্তীহ কর্ম
তাসাং ফলং বিদ্যতে নেতরাসাম্।
তত্রেহ বৈ দৃষ্টফলং তু কর্ম
পীৎবোদকং শাম্যতি তৃষ্ণয়াঽঽর্তঃ ॥ 5-29-7 (32534)
সোঽয়ং বিধির্বিহিতঃ কর্মণৈব
সংবর্ততে সঞ্জয় তত্র কর্ম।
তত্র যোঽন্যৎকর্মণঃ সাধু মন্যে-
ন্মোঘং তস্যালপিতং দুর্বলস্য ॥ 5-29-8 (32535)
কর্মণাঽমী ভান্তি দেবাঃ পরত্র
কর্মণৈবেহ প্লবতে মাতরিশ্বা।
অহোরাত্রে বিদধৎকর্মণৈব
অতন্দ্রিতো নিত্যমুদেতি সূর্যঃ ॥ 5-29-9 (32536)
মাসার্ধমাসানথ নক্ষত্রয়োগা-
নতন্দ্রিতশ্চন্দ্রমাশ্চাভ্যুপৈতি।
অতন্দ্রিতো দহতে জাতবেদাঃ
সমিদ্ধ্যমানঃ কর্ম কুর্বন্প্রজাভ্যঃ ॥ 5-29-10 (32537)
অতন্দ্রিতা ভারমিমং মহান্তং
বিভর্তি দেবী পৃথিবী বলেন।
অতন্দ্রিতাঃ শীঘ্রসপো বহন্তি
সন্তর্পয়ন্ত্যঃ সর্বভূতানি নদ্যঃ ॥ 5-29-11 (32538)
অতন্দ্রিতো বর্ষতি ভূরিতেজাঃ
সন্নাদয়ন্নন্তরিক্ষং দিশশ্চ।
অতন্দ্রিতো ব্রহ্মচর্যং চচার
শ্রেষ্ঠৎবমিচ্ছন্বলভিদ্দেবতানাম্ ॥ 5-29-12 (32539)
হিৎবা সুখং মনসশ্চ প্রিয়াণি
তেন শক্রঃ কর্মণা শ্রৈষ্ঠ্যমাপ।
সত্যং ধর্মং পালয়ন্নপ্রমত্তো
দমং তিতিক্ষাং সমতাং প্রিয়ং চ ॥ 5-29-13 (32540)
এতানি সর্বাণ্যুপসেবমানো
যো দেবরাজ্যং মঘবান্প্রাপ মুখ্যম্।
বৃহস্পতির্ব্রহ্মচর্যং চচার
সমীহিতঃ সংশিমাত্মা যথাবৎ ॥ 5-29-14 (32541)
হিৎবা সুখ প্রতিরুধ্যেন্দ্রিয়াণি
তেন দেবানামগমদ্গৌরবং সঃ।
তথা নক্ষত্রাণি কর্মণাঽমুত্র ভান্তি
রুদ্রাদিত্যা বসবোঽথাপি বিশ্বে ॥ 5-29-15 (32542)
যমো রাজা বৈশ্রবণঃ কুবেরো
গন্ধর্বয়ক্ষাপ্সরসশ্চ সূত।
ব্রহ্মবিদ্যাং ব্রহ্মচর্যং ক্রিয়াং চ
নিপেবমাণা ঋষয়োঽমুত্র ভান্তি ॥ 5-29-16 (32543)
জানন্নিমং সর্বলোকস্য ধর্মং
বিপ্রেন্দ্রাণাং ক্ষত্রিয়াণাং বিশাং চ।
স কস্মাত্ৎবং জানতাং জ্ঞানবান্সন্
ব্যায়চ্ছসেক সঞ্জয় কৌরবার্থে ॥ 5-29-17 (32544)
আম্নায়েষু নিত্যসংয়োগমস্য
তথাঽশ্বমেধে রাজসূয়ে চ বিদ্ধি।
সংয়ুজ্যতে ধনুপা বর্মণা চ
হস্ত্যশ্বাদ্যৈ রথশস্ত্রৈশ্চ ভূয়ঃ ॥ 5-29-18 (32545)
তে চেদিমে কৌরবাণাম্রুপায়-
মবগচ্ছেয়ুবধেনৈব পার্থাঃ।
ধর্মত্রাণং পুণ্যমেষাং কৃতং স্যা-
দার্যে বৃত্তে ভীমসেনং নিগৃহ্য ॥ 5-29-19 (32546)
তে চেৎপিত্র্যে কর্মণি বর্তমানা
আপদ্যেরন্দিষ্টবশেন মৃত্যুম্।
যথাশক্ত্যাপূরয়ন্তঃ স্বকর্ম
তদপ্যেষাং নিধনং স্যাৎপ্রশস্তম্ ॥ 5-29-20 (32547)
উতাহো ৎবং মন্যসে শাম্যমেব
রাজ্ঞাং যুদ্ধে বর্ততে ধর্মতন্ত্রম্।
অয়ুদ্ধে বা বর্ততে ধর্মতন্ত্রং
তথৈব তে বাচমিমাং শ্রৃণোমি ॥ 5-29-21 (32548)
চাতুর্বর্ণ্যস্য প্রথমং সংবিভাগ-
মবেক্ষ্য ৎবং সঞ্জয় স্বং চ কর্ম।
নিশম্যাথো পাণ্ডবানাং চ কর্ম
প্রশংস বা নিন্দ বা যা মতিস্তে॥ 5-29-22 (32549)
অধীয়ীত ব্রাহ্মণো বৈ যজেত
দদ্যাদীয়াত্তীর্থমুখ্যানি চৈব।
অধ্যাপ্রয়েদ্যাজয়েচ্চাপি যাজ্যান্
প্রতিগ্রহান্বা বিহিতান্প্রতীচ্ছেৎ ॥ 5-29-23 (32550)
` অধীয়ীত ক্ষত্রিয়োঽথো যজেত
দদ্যাদ্ধনং ন তু যাচেত কিংচিৎ।
ন যাজয়েন্ন তু চাধ্যাপয়ীত
এবং স্মৃতঃ ক্ষত্রধর্মঃ পুরাণঃ ॥' 5-29-24 (32551)
তথা রাজন্যো রক্ষণং বৈ প্রজানাং
কৃৎবা ধর্মেণাপ্রমত্তোঽথ দত্ৎবা।
যজ্ঞৈদিষ্ট্বা সর্ববেদানধীত্য
দারান্কৃবা পুণ্যকৃদাবসেদ্গৃহান্ ॥ 5-29-25 (32552)
স ধর্মাত্মা ধর্মমধীত্য পুণ্যং
যদৃচ্ছয়া ব্রজতি ব্রহ্মলোকম্।
বৈশ্যোঽধীত্য কৃষিগোরক্ষপণ্যৈ-
র্বিত্তং চিন্বন্পালয়ন্নপ্রমত্তঃ ॥ 5-29-26 (32553)
প্রিয়ং কুর্বন্ব্রাহ্মণক্ষত্রিয়াণাং
ধর্মশীলঃ পুণ্যকৃদাবসেদ্গৃহান্।
পরিচর্যা বন্দনং ব্রাহ্মণানাং
নাধীয়ীত প্রতিষিদ্ধোঽস্য যজ্ঞঃ ।
নিত্যোত্থিতো ভূতয়েঽতন্দ্রিতঃ স্যা-
দেবং স্মৃতঃ শূদ্রধর্মঃ পুরাণঃ ॥ 5-29-27 (32554)
এতান্রাজা পালয়ন্নপ্রমত্তো
নিয়োজয়ন্সর্ববর্ণান্স্বধর্মে।
অকামাত্মা সমবৃত্তিঃ প্রজাসু
নাধার্মিকাননুরুধ্যেত কামাৎ ॥ 5-29-28 (32555)
শ্রেয়াংস্তস্মাদ্যদি বিদ্যেত কশ্চি-
দভিজ্ঞাতঃ সর্বধর্মোপপন্নঃ ।
স তং দ্রষ্টুমনুশিষ্যন্প্রজানাং
ন চৈতদ্বুধ্যেদিতি তস্মিন্নসাধুঃ ॥ 5-29-29 (32556)
যদা গৃধ্যেৎপরভূতৌ নৃশংসো
বিধিপ্রকোপাদ্বলমাদদানঃ।
ততো রাজ্ঞামভবদ্যুদ্ধমেত-
ত্তত্র জাতং বর্ম শস্ত্রং ধনুশ্চ।
ইন্দ্রেণৈতদ্দস্যুবধায় কর্ম
উৎপাদিতং বর্ম শস্ত্রং ধনুশ্চ ॥ 5-29-30 (32557)
তত্র পুণ্যং দস্যুবধেন লভ্যতে
সোঽয়ং দোষঃ কুরুভিস্তীব্ররূপঃ ।
অধর্মজ্ঞৈর্ধর্মমবুধ্যমানৈঃ
প্রাদুর্ভূতঃ সঞ্জয় সাধু তন্ন ॥ 5-29-31 (32558)
তত্র রাজা ধৃতরাষ্ট্রঃ সপুত্রো
ধর্ম্যং হরেৎপাণ্ডবানামকস্মাৎ।
নাবেক্ষন্তে রাজধর্মং পুরাণং
তদন্বয়াঃ কুরবঃ সর্ব এব ॥ 5-29-32 (32559)
স্তেনো হরেদ্যত্র ধনং হ্যদৃষ্টঃ
প্রসহ্য বা যত্র হরেত দৃষ্টঃ ।
উভৌ গর্হ্যৌ ভবতঃ সঞ্জয়ৈতৌ
কিং বৈ পৃথৎকং ধৃতরাষ্ট্রস্য পুত্রে ॥ 5-29-33 (32560)
সোঽয়ং লোভান্মন্যতে ধর্মমেতং
যমিচ্ছতি ক্রোধবশানুগামী।
ভাগঃ পুনঃ পাণ্ডবানাং নিবিষ্ট-
স্তং নঃ কস্মাদাদদীরন্পরে বৈ ॥ 5-29-34 (32561)
অস্মিন্পদে যুধ্যতাং নো বধোঽপি
শ্লাঘ্যঃ পিত্র্যং পপরাজ্যাদ্বিশিষ্টম্।
এতান্ধর্মান্কৌরবাণাং পুরাণা-
নাচক্ষীথাঃ সঞ্জয় রাজমধ্যে ॥ 5-29-35 (32562)
এতে মদান্মৃত্যুবশাভিপন্নাঃ
সমানীতা ধার্তরাষ্ট্রেণ মূঢাঃ।
ইদং পুনঃ কর্ম পাপীয় এব
সভামধ্যে পশ্য বত্তং কুরূণাম্ ॥ 5-29-36 (32563)
প্রিয়ং ভার্যাং দ্রৌপদীং পাণ্ডবানাং
যশস্বিনীং শীলবৃত্তোপপন্নাম্।
যদুপৈক্ষন্ত কুরবো ভীষ্মমুখ্যাঃ
কামানিগেনোপরুদ্ধাং ব্রজন্তীম্ ॥ 5-29-37 (32564)
তাং চেত্তদা তে সকুমারবৃদ্ধা
অবারয়িষ্যন্কুরবঃ সমেতাঃ ।
মম প্রিয়ং ধৃতরাষ্ট্রোঽকরিষ্যৎ
পুত্রাণাং চ কৃতমস্যাভবিষ্যৎ ॥ 5-29-38 (32565)
দুঃশাসনঃ প্রতিলোম্যান্নিনায়
সভামধ্যে শ্বশুরাণাং চ কৃষ্ণাম্।
সা তত্র নীতা করুণং ব্যপেক্ষ্য
নান্যং ক্ষত্তুর্নাথমবাপ কিংচিৎ ॥ 5-29-39 (32566)
কার্পণ্যাদেব সহিতাস্তত্র ভূপা
নাশক্নুবন্প্রতিবক্তুং সভায়াম্।
একঃ ক্ষত্তা ধর্ম্যমর্থং ব্রুবাণো
ধর্মবুদ্ধ্যা প্রত্যুবাচাল্পবুদ্ধিম্ ॥ 5-29-40 (32567)
অবুদ্ধ্বা ৎবং ধর্মমেতং সভায়া-
অথেচ্ছসে পাণ্ডবস্যোপদেষ্টুম্ ।
কৃষ্ণা ৎবেতৎকর্ম চকার শুদ্ধং
সুদুষ্করং তত্র সভাং সমেত্য ॥ 5-29-41 (32568)
যেন কৃচ্ছ্রাৎপাণ্ডবানুজ্জহার
তথাঽঽত্মানং নৌরিব সাগরৌঘাৎ।
যত্রাব্রবীৎসূতপুত্রঃ সভায়াং
কৃষ্ণাং স্থিতাং শ্বশুরাণাং সমীপে ॥ 5-29-42 (32569)
ন তে গতির্বিদ্যতে যাজ্ঞসেনি
প্রপদ্যেথা ধার্তরাষ্ট্রস্য বেশ্ম।
পরাজিতাস্তে পতয়ো ন সন্তি
পতিং চান্যং ভামিনি ৎবং বৃণীষ্ব ॥ 5-29-43 (32570)
যো বীভৎসোর্হৃদয়ে প্রোত আসী-
দস্থি ছিন্দন্মর্মঘাতী সুঘোরঃ ।
কর্ণাচ্ছরো বাঙ্ভয়স্তিগ্মতেজাঃ
প্রতিষ্ঠিতো হৃদয়ে ফাল্গুনস্য ॥ 5-29-44 (32571)
কৃষ্ণাজিনানি পরিধিৎসমানান্
দুঃশাসনঃ কটুকান্যভ্যভাষৎ।
এতে সর্বে ষণ্ডতিলা বিনষ্টাঃ
ক্ষয়ং গতা নরকং দীর্ঘকালম্ ॥ 5-29-45 (32572)
গান্ধাররাজঃ শকুনির্নিকৃত্যা
যদব্রবীদ্দ্যূতকালে স পার্থম্।
পরাজিতো নকুলঃ কিং তবাস্তি
কৃষ্ণয়া ৎবং দীব্য বৈ যাজ্ঞসেন্যা।
জানাসি ৎবং সঞ্জয় সর্বমেতৎ
দ্যূতে বাক্যং গর্হ্যমেবং যথোক্তম্ ॥ 5-29-46 (32573)
স্বয়ং ৎবহং প্রার্থয়ে তত্র গন্তুং
সমাধাতুং কার্যমেতদ্বিপন্নম্ ।
` জানাসি ৎবং ধার্তরাষ্ট্রস্য মোহং
দুরাত্মনঃ পাপবশানুগস্য ' ॥ 5-29-47 (32574)
অহাপয়িৎবা যদি পাণ্ডবার্থং
শমং কুরূণামপি চেচ্ছকেয়ম্।
পুণ্যং চ মে স্যাচ্চরিতং মহোদয়ং
মুচ্যেরংশ্চ কুরবো মৃত্যুপাশাৎ ॥ 5-29-48 (32575)
অপি মে বাচং ভাষমাণস্য কাব্যাং
ধর্মারামামর্থবতীমহিংস্রাম্ ।
অবেক্ষেরন্ধার্তরাষ্ট্রাঃ সমক্ষং
মাং চ প্রাপ্তং কুরবঃ পূজয়েয়ুঃ ॥ 5-29-49 (32576)
অতোঽন্যথা রথিনা ফাল্গুনেন
ভীমেন চৈবাহবদংশিতেন।
বলোৎসিক্তান্ধার্তরাষ্ট্রাংশ্চ বিদ্ধি
প্রদহ্যমানান্কর্মণা স্বেন পাপান্ ॥ 5-29-50 (32577)
পরাজিতান্পাণ্ডবেয়াংস্তু বাচো
রৌদ্রা রূক্ষা ভাষতে ধার্তরাষ্ট্রঃ ।
গদাহস্তো ভীমসেনোঽপ্রমত্তো
দুর্যোধনং স্মারয়িতা হি কালে ॥ 5-29-51 (32578)
সুয়োধনো মন্যুময়ো মহাদ্রুমঃ
স্কন্ধঃ কর্ণঃ শকুনিস্তস্য শাখাঃ ।
দুঃশাসনঃ পুষ্কফলে সমৃদ্ধে
মূলং রাজা ধৃতরাষ্ট্রোঽমনীষী ॥ 5-29-52 (32579)
যুধিষ্ঠিরো ধর্মময়ো মহাদ্রুমঃ
স্কন্ধোঽর্জুনো ভীমসেনোঽস্য শাখাঃ ।
মাদ্রীপুত্রৌ পুষ্পফলে সমৃদ্ধে
মূলং ৎবহং ব্রহ্ম চ ব্রাহ্মণাশ্চ ॥ 5-29-53 (32580)
` বনং রাজা ধৃতরাষ্ট্রঃ সপুত্রঃ
সিংহা বনে সঞ্জয় পাণ্ডবেয়াঃ।
সিংহাভিগুপ্তং ন বনং বিনশ্যেৎ
সিংহো ন নশ্যেত বনাভিগুপ্তঃ ॥ 5-29-54 (32581)
নির্বনো বধ্যতে সিংহো নিঃসিংহং বধ্যতে বনম্।
তস্মাৎসিংহো বনং রক্ষেদ্বনং সিংহং চ পালয়েৎ ॥' 5-29-55 (32582)
বনং রাজা ধৃতরাষ্ট্রঃ বনে ব্যাঘ্রাশ্চ পাণ্ডবাঃ।
মা বনং ছিন্ধি সব্যাঘ্রং ব্যাঘ্রা নেশুর্বনং বিনা॥ 5-29-56 (32583)
নির্বনো বধ্যতে ব্যাঘ্রো নির্ব্যাঘ্রং ছিদ্যতে বনম্।
তস্মাদ্ব্যাঘ্রো বনং রক্ষেদ্বয়ং ব্যাঘ্রং চ পালয়েৎ ॥ 5-29-57 (32584)
লতাধর্মা ধার্তরাষ্ট্রাঃ সালাঃ সঞ্জয় পাণ্ডবাঃ।
ন লতা বর্ধতে জাতু মহাদ্রুমমনাশ্রিতা ॥ 5-29-58 (32585)
স্থিতাঃ শুশ্রূষিতুং পার্থাঃ স্থিতা যোদ্ধুমরিন্দমাঃ।
যৎকৃত্যং ধৃতরাষ্ট্রস্য তৎকরোতু নরাধিপঃ ॥ 5-29-59 (32586)
স্থিতাঃ শমে মহাত্মানঃ পাণ্ডবা ধর্মচারিণঃ।
যোধাঃ সমর্থাস্তদ্বিদ্বন্নাচক্ষীথা যথাতথম্ ॥ ॥ 5-29-60 (32587)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি একোনত্রিংশোঽধ্যায়ঃ ॥
Mahabharata - Udyoga Parva - Chapter Footnotes
5-29-2 শাম্যতেতি বচনাদন্যত্তান্প্রতি ন ব্রূয়াম্ । পাণ্ডবানাং সমক্ষং রাজ্ঞো যুধিষ্ঠিরাচ্চ এতদেব শৃণোমি। অহং চ এতন্মন্যে মানয়ামি ॥ 2 ॥ 5-29-3 তত্র রাজ্যে নিমিত্তে। গৃদ্ধঃ লিপ্সাবান্ । এবং সতি এষাং কৌরবাণাং কস্মাদ্ধেতোঃ কলহঃ নাবমূর্চ্ছেৎ ॥ 3 ॥ 5-29-4 বিচরং বিচলিতম্। পূরয়তঃ পালয়তঃ ॥ 4 ॥ 5-29-5 যথাখ্যাতং প্রসিদ্ধিমনতিক্রম্য আবসতঃ অধিতিষ্টতঃ সাধুবিলোপং ধর্মলোপং যুধিষ্ঠিরে কস্মাদ্ধেতোঃ আত্থ উক্তবান্ ৎবম্। অস্মিন্বিধৌ ॥ 5 ॥ 5-29-17 ব্যায়চ্ছসে নিগ্রহং করোষি ॥ 17 ॥ 5-29-18 বিদ্যা ধর্মঃ শৌর্যং চ যুধিষ্ঠিরে পুষ্কলমস্তীতি নায়মন্যেন শিক্ষণীয়ো জেতুং বা শক্য ইত্যর্থঃ ॥ 18 ॥ 5-29-19 কৌরবাণাং অবধেন উপায়ম্। রাজ্যপ্রাপ্তাবিতি শেষঃ। এষাং এতৈঃ। ভীমসেনং আর্যে বৃত্তে অহিংসায়াং নিগৃহ্য পুণ্যমেব কৃতং স্যাৎ ॥ 19 ॥ 5-29-21 শাম্যমেব শমঃ কার্যএবেতি মন্যসে তর্হি ধর্মমন্ত্রং ধর্মানুষ্ঠানং যুদ্ধপক্ষেঽস্তি উত অয়ুদ্ধপক্ষে । তয়োর্মধ্যে যদেব বক্ষ্যসি তথৈব তে বাচং শ্রৃণোমি করিষ্যামীত্যর্থঃ ॥ 21 ॥ 5-29-26 সঃ ক্ষত্রিয়ঃ অধীত্য প্রাপ্য ॥ 26 ॥ 5-29-29 তস্মাৎ রাজ্ঞঃ শ্রেয়ান্ প্রশস্ততরঃ অভিজ্ঞাতঃ জ্ঞানতঃ ধর্মতশ্চ যদি কশ্চিদস্তি স তং যুধিষ্ঠিরং প্রজানাং কর্মণি ষষ্ঠী। প্রজাঃ দ্রষ্টুং রাজ্যং প্রাপ্তুমিত্যর্থঃ। অনুশিষ্যন্ অনুশাসিতুমিচ্ছৎ এতন্মদুক্তং ধর্মজাতং যুধিষ্ঠিরেঽস্তীতি বুধ্যেৎ। নচ তস্মিন্নসাধুঃ যুধিষ্ঠিরেঽসাধুরধর্মো ন চাস্তীত্যপি বুধ্যেৎ ॥ 29 ॥ 5-29-30 পরভূতৌ পরৈশ্বর্যে নূশংসশ্চোরকল্পো রাজা বিধিপ্রকোষাৎ দৈবপ্রাতকূল্যাৎ গৃদ্ধ্যেৎ। ততো হেতোঃ রাজ্ঞাং পরস্পরং যুদ্ধং সমভবৎ । কর্ম যুদ্ধম্। বর্ম কবচম্। শস্ত্রং খঙ্গাদি ধনুশ্চেতি॥ 30 ॥ 5-29-31 কুরুভির্নিমিত্তভূতৈরয়ং দোষঃ বঞ্জনারূপঃ প্রাদুর্ভূতঃ ॥ 31 ॥ 5-29-32 ধর্ম্যং ধর্মাদাগতং পিত্র্যং রাজ্যম্। তদন্বয়াস্তদনুসারিণঃ ॥ 32 ॥ 5-29-33 পৃথৎক্বং স্তেনাদন্যৎবম্ ॥ 33 ॥ 5-29-34 এতং ছলেন রাজ্যাপহারম্। নিবিষ্টঃ বনবাসাদূর্ধ্বং রাজ্যং গ্রাহ্যমিতি কৌরবেষু ন্যাসরূপেণ স্থিতঃ তং ভাগং নঃ অস্মাকং পরে কস্মাৎ আদদীরন্ গৃহীতবন্তঃ ॥ 34 ॥ 5-29-35 পদে পদনীয়ে অবশ্যগ্রাহ্যে ভাগে নিমিত্তে ॥ 35 ॥ 5-29-37 কামানুগেন রজসা। উপরুদ্ধাং গৃহকর্মতো নিরুদ্ধাম্ ॥ 37 ॥ 5-29-39 প্রাতিলোম্যাৎ অক্রমেণ ॥ 39 ॥ 5-29-40 কার্পণ্যাৎ দৈন্যাৎ ॥ 40 ॥ 5-29-41 পাণ্ডবস্য ধর্মং উপদেষ্টুং ইচ্ছসে ॥ 41 ॥ 5-29-47 বিপন্নং নষ্টং সমাধাতং সমীকর্তুম্ ॥ 47 ॥ 5-29-48 শকেয়ং শক্তশ্চেৎস্যাম্ ॥ 48 ॥ 5-29-49 কাব্যাং শোক্রীম্ ॥ 49 ॥ 5-29-51 রৌদ্রাঃ মর্মচ্ছিদঃ। রূক্ষাঃ নিঃস্নেহাঃ। ভাষতে দ্যূতাবসানেঽভাষত ॥ 51 ॥ 5-29-53 ব্রহ্ম বেদঃ ॥ 53 ॥উদ্যোগপর্ব - অধ্যায় 030
॥ শ্রীঃ ॥
5.30. অধ্যায়ঃ 030
Mahabharata - Udyoga Parva - Chapter Topics
সঞ্জয়েন গমনায় যুধিষ্ঠিরাদ্যামন্ত্রণম্ ॥ 1 ॥ যুধিষ্ঠিরেণ সঞ্জয়ংপ্রতি আভীষ্মং আখঞ্জকুব্জং সর্বেষু যথায়োগ্যং বন্দনাদিপূর্বকং স্বস্য কুশলনিবেদনচোদনম্ ॥ 2 ॥ তথা দুর্যোধনংপ্রতি সন্ধিবিগ্রহান্যতরপক্ষস্বীকরণাভ্যনুজ্ঞানকথনচোদনম্ ॥ 3 ॥Mahabharata - Udyoga Parva - Chapter Text
5-30-0 (32588)
সঞ্জয় উবাচ। 5-30-0x (3431)
আমন্ত্রয়ে ৎবাং নরদেবদেব
গচ্ছাম্যহং পাণ্ডব স্বস্তি তেঽস্তু।
কচ্চিন্ন বাচা বৃজিনং হি কিংচি-
দুচ্চারিতং মে মনসোঽভিষঙ্গাৎ ॥ 5-30-1 (32589)
জনার্দনং ভীমসেনার্জুনৌ চ
মাদ্রীসুতৌ সাত্যকিং চেকিতানম্ ।
আমন্ত্র্য গচ্ছামি শিবং সুখং বঃ
সৌম্যেন মাং পশ্যত চক্ষুষা নৃপাঃ ॥ 5-30-2 (32590)
যুধিষ্ঠির উবাচ। 5-30-3x (3432)
অনুজ্ঞাতঃ সঞ্জয় স্বস্তি গচ্ছ
ন নঃ স্মরস্যপ্রিয়ং জাতু বিদ্বন্।
বিদ্মশ্চ ৎবাং তে চ বয়ং চ সর্বে
শুদ্ধাত্মানং মধ্যগতং সভাস্থম্ ॥ 5-30-3 (32591)
আপ্তো দূতঃ সঞ্জয় সুপ্রিয়োঽসি
কল্যাণবাক্ শীলবাংস্তৃপ্তিমাংশ্চ।
ন মুহ্যেস্ৎবং সঞ্জয় জাতু মত্যা
ন চ ক্রুদ্ধ্যেরুচ্যমানোঽপি তত্ৎবম্ ॥ 5-30-4 (32592)
ন মর্মগাং জাতু বক্তাঽসি রূক্ষাং
নোপশ্রুতিং কটুকাং নোতি শুষ্কাম্।
ধর্মারামামর্থবতীমহিংস্রা-
মেতাং বাচং তব জানীম সূত ॥ 5-30-5 (32593)
ৎবমেব নঃ প্রিয়তমোঽসি দূত
ইহাগচ্ছেদ্বিদুরো বা দ্বিতীয়ঃ।
অভীক্ষ্ণদৃষ্টোঽসি পুরাতনস্ৎবং
ধনঞ্জয়স্যাত্মসমঃ সখাঽসি ॥ 5-30-6 (32594)
ইতো গৎবা সঞ্জয় ক্ষিপ্রমেব
উপাতিষ্ঠেথা ব্রাহ্মণান্যে তদর্হাঃ।
বিশুদ্ধবীর্যাশ্চরণোপপন্নাঃ
কুলে জাতাঃ সর্বধর্মাপপন্নাঃ ॥ 5-30-7 (32595)
স্বাধ্যায়িনো ব্রাহ্মণা ভিক্ষবশ্চ
তপস্বিনো যে চ নিত্যা বনেষু ।
অভিবাদ্য তান্মদ্বচনেন বৃদ্ধাং-
স্তথৈব তান্কুশলং তাত পৃচ্ছেঃ ॥ 5-30-8 (32596)
পুরোহিতং ধৃতরাষ্ট্রস্য রাজ্ঞ-
স্তথাচার্যানৃৎবিজো যে চ তস্য।
তাংশ্চৈবৎবং সহিতান্বৈ যথাবৎ
সঙ্গচ্ছেথাঃ কুশলেনৈব সূত ॥ 5-30-9 (32597)
অশ্রোত্রিয়া যে চ বসন্তি বৃদ্ধা
মনস্বিনঃ শীলবলোপপন্নাঃ ।
আশংসন্তোঽস্মাকমনুস্মরন্তো
যথাশক্তি ধর্মমাত্রাং চরন্তঃ ॥ 5-30-10 (32598)
শ্লাঘস্ব মাং কুশলিনং স্ম তেভ্যো
হ্যনাময়ং তাত পৃচ্ছের্জঘন্যম্।
যে জীব্তি ব্যবহারেণ রাষ্ট্রে
পশূংশ্চ যে পালয়ন্তো বসন্তি।
` কৃষীবলা বিভ্রতি যে চ লোকং
তেষাং সর্বষাং কুশলং স্ম পৃচ্ছেঃ ॥' 5-30-11 (32599)
আচার্য ইষ্টো নয়গো বিধেয়ো
বেদানভীপ্সন্ব্রহ্মচর্যং চচার।
যোঽস্ত্রং চতুষ্পাৎপুনরেব চক্রে
দ্রোণঃ প্রসন্নোঽভিবাদ্যস্ৎবয়াসৌ ॥ 5-30-12 (32600)
অধীতবিদ্যশ্চরণোপপন্নো
যোঽস্ত্রং চতুষ্পাৎপুনরেব চক্রে।
গন্ধর্বপুত্রপ্রতিমং তরস্বিনং
তমশ্বত্থামানং কুশলং স্ম পৃচ্ছেঃ ॥ 5-30-13 (32601)
শারদ্বতস্যাবসথং স্ম গৎবা
মহারথস্যাত্মবিদাং বরস্য।
ৎবং মামভীক্ষ্ণং পরিকীর্তয়ন্বৈ
কৃপস্য পাদৌ সঞ্জয় পাণিনা স্পৃশেঃ ॥ 5-30-14 (32602)
যস্মিন্শৌর্যমানৃশংস্যং তপশ্চ
প্রজ্ঞা শীলং শ্রুতরূপে ধৃতিশ্চ।
পাদৌ গৃহীৎবা কুরুসত্তমস্য
ভীষ্মস্য মাং তত্র নিবেদয়েথাঃ ॥ 5-30-15 (32603)
প্রজ্ঞাচক্ষুর্যঃ প্রণেতা কুরূণাং
বহুশ্রুতো বৃদ্ধসেবী মনীষী।
তস্মৈ রাজ্ঞে স্থবিরায়াভিবাদ্য
আচক্ষীথাঃ সঞ্জয় মামরোগম্ ॥ 5-30-16 (32604)
জ্যেষ্ঠঃ পুত্রো ধৃতরাষ্ট্রস্য মন্দো
মূর্খঃ শঠঃ সঞ্জয় পাপশীলঃ।
যস্যাপবাদঃ পৃথিবীং যাতি সর্বাং
সুয়োধনং কুশলং তাত পৃচ্ছেঃ ॥ 5-30-17 (32605)
ভ্রাতা কনীয়ানপি তস্য মন্দ-
স্তথাশীলঃ সঞ্জয় সোপি শশ্বৎ।
মহেষ্বাসঃ শূরতমঃ কুরূণাং
দুঃশাসনঃ কুশলং তাত বাচ্যঃ ॥ 5-30-18 (32606)
যস্য কামো বর্ততে নিত্যমেব
নান্যঃ শমাদ্ভারতানামিতি স্ম।
স বাহ্লিকানামৃষভো মনীষী
পুনর্যথা মাঽভিবদেৎপ্রসন্নঃ ॥ 5-30-19 (32607)
` ভূরিশ্রবাস্তাত নিপাতয়োধী
মহেষ্বাসো রথিনামুত্তমোঽগ্র্যঃ ।
গৎবা স্ম তং মদ্বচনেন ব্রূয়াঃ
শল্যং তথা মদ্বচনাৎপ্রতীতঃ ॥ 5-30-20 (32608)
মহেষ্বাসো রথিনামুত্তমোঽগ্র্যঃ
সমঃ শলো রক্ষিতা পৃষ্ঠমস্য।
হীনিষেবো দেবিতা যো মতাক্ষঃ
সত্যব্রতঃ পুরুমিত্রো জয়শ্চ।
যে প্রস্থানং তত্র মে নাভ্যনন্দং-
স্তেষাং সর্বেষাং কুশলং তাত পৃচ্ছেঃ ॥' 5-30-21 (32609)
গুণৈরনেকৈঃ প্রবরৈশ্চ যুক্তো
বিজ্ঞানবান্নৈব চ নিষ্ঠুরো যঃ।
স্নেহাদমর্ষং সহতে সদৈব
স সোমদত্তঃ পূজনীয়ো মতো মে॥ 5-30-22 (32610)
অর্হত্তমঃ কুরুষু সৌমদত্তিঃ
স নো ভ্রাতা সংজয় মৎসখা চ।
মহেষ্বাসো রথিনামুত্তমোঽর্হঃ
সহামাত্যঃ কুশলং তস্য পৃচ্ছেঃ ॥ 5-30-23 (32611)
যে চৈবান্যে কুরুমুখ্যা যুবানঃ
পুত্রাঃ পৌত্রা ভ্রাতরশ্চৈব যে নঃ।
যংয়মেষাং মন্যসে যেন যোগ্যং
তত্তৎপ্রোচ্যানাময়ং সূত বাচ্যাঃ ॥ 5-30-24 (32612)
যে রাজানঃ পাণ্ডবায়োধনায়
সমানীতা ধার্তরাষ্ট্রেণ কেচিৎ।
বশাতয়ঃ সাল্বকাঃ কেকয়াশ্চ
তথাম্বষ্ঠা যে ত্রিগর্তাশ্চ মুখ্যাঃ ॥ 5-30-25 (32613)
প্রাচ্যোদীচ্যা দাক্ষিণ্যাত্যাশ্চ শূরা-
স্তথা প্রতীচ্যাঃ পার্বতীয়াশ্চ সর্বে।
অনৃশংসাঃ শীলবৃত্তোপুন্না-
স্তেষাং সর্বেষাং কুশলং সূত পৃচ্ছেঃ ॥ 5-30-26 (32614)
হস্ত্যারোহা রথিনঃ সাদিনশ্চ
পদাতয়শ্চার্যসঙ্ঘা মহান্তঃ।
আখ্যায় মাং কুশলিনং স্ম নিত্য-
মনাময়ং পরিপৃচ্ছেঃ সমগ্রান্ ॥ 5-30-27 (32615)
তথা রাজ্ঞো হ্যর্থয়ুক্তানমাত্যান্
দৌবারিকান্যে চ সেনাং নয়ন্তি।
আয়ব্যযং যে গময়ন্তি নিত্য-
মর্থাংশ্চ যে মহতশ্চিন্তয়ন্তি ॥ 5-30-28 (32616)
বৃন্দারকং কুরুমধ্যেষ্বমূঢং
মহাপ্রজ্ঞং সর্বধর্মোপপন্নম্ ।
ন তস্য যুদ্ধং রোচতে বৈ কদাচি-
দ্বৈশ্যাপুত্রং কুশলং তাত পৃচ্ছেঃ ॥ 5-30-29 (32617)
নিকর্তনে দেবনে যোঽদ্বিতীয়-
শ্ছন্নোপধঃ সাধুদেবী মতাক্ষঃ।
যো দুর্জয়ো দেবরথেন সঙ্খ্যে
স চিত্রসেনঃ কুশলং তাত বাচ্যঃ ॥ 5-30-30 (32618)
গান্ধাররাজঃ শকুনিঃ পার্বতীয়ো
নিকর্তনে যোঽদ্বিতীয়োঽক্ষদেবী।
মানং কুর্বন্ধার্তরাষ্ট্রস্য সূত
মিথ্যাবুদ্ধেঃ কুশলং তাত পৃচ্ছেঃ ॥ 5-30-31 (32619)
যঃ পাণ্ডবানেকরথেন বীরঃ
সমুৎসহত্যপ্রধৃপ্যান্বিজেতুম্ ।
যো মুহ্যতাং মোহয়িতাঽদ্বিতীয়ো
বৈকর্তনঃ কুশলং তস্য পৃচ্ছেঃ ॥ 5-30-32 (32620)
স এব ভক্তঃ স গুরুঃ স ভর্তা
স বৈ পিতা স চ মাতা সুহৃচ্চ।
অগাধবুদ্ধির্বিদুরো দীর্ঘদর্শী
স নো মন্ত্রী কুশলং তং স্ম পৃচ্ছেঃ ॥ 5-30-33 (32621)
বৃদ্ধাঃ স্ত্রিয়ো যাশ্চ গুণোপপন্না
জ্ঞায়ন্তে নঃ সঞ্জয় মাতরস্তাঃ।
তাভিঃ সর্বাভিঃ সহিতাভিঃ সমেত্য
স্ত্রীভিঃ সবৃদ্ধাভিরভিবাদং বদেথাঃ ॥ 5-30-34 (32622)
কচ্চিৎপুত্রা জীবপুত্রাঃ সুসম্য-
গ্বর্তন্তে বো বৃত্তিমনৃশংসরূপাঃ ।
ইতি স্মোৎকা সঞ্জয় ব্রূহি পশ্চা-
দজাতশত্রুঃ কুশলী সপুত্রঃ ॥ 5-30-35 (32623)
রাজ্ঞো ভার্যাঃ সঞ্জয় বেত্থ তত্র
তাসাং সর্বাসাং কুশলং তাত পৃচ্ছেঃ ।
সুসংগুপ্তাঃ সুরভয়োঽনবদ্যাঃ
কচ্চিদ্গৃহানাবসথাপ্রমত্তাঃ ॥ 5-30-36 (32624)
কচ্চিদ্বৃত্তিং শ্বশুরেষু ভদ্রাঃ
কল্যাণীং বর্তধ্বমনৃশংসরূপাম্।
যথা চ বঃ স্যুঃ পতয়োঽনুকূলা-
স্তথা বৃত্তিমাত্মনঃ স্থাপয়ধ্বম্ ॥ 5-30-37 (32625)
যা নঃ স্নুষাঃ সঞ্জয় বেত্থ তত্র
প্রাপ্তাঃ কুলেভ্যশ্চ গুণোপপন্নাঃ।
প্রজাবত্যো ব্রূহি সমেত্য তাশ্চ
যুধিষ্ঠিরো বোঽভ্যবদৎপ্রসন্নঃ ॥ 5-30-38 (32626)
কন্যাঃ স্বজেথাঃ সদনেষু সঞ্জয়
অনাময়ং মদ্বচনেন পৃষ্ট্বা।
কল্যাণা বঃ সন্তু পতয়োঽনুকূলা
যূয়ং পতীনাং ভবতানুকূলাঃ ॥ 5-30-39 (32627)
অলঙ্কৃতা বস্ত্রবত্যঃ সুগন্ধা
অবীভৎসাঃ সুখিতা ভোগবত্যঃ।
লঘু যাসাং দর্শনং বাক্ব লঘ্বী
বেশস্ত্রিয়ঃ কুশলং তাত পৃচ্ছেঃ ॥ 5-30-40 (32628)
দাস্যঃ স্যুর্যা যে চ দাসাঃ কুরূণাং
তদাশ্রয়া বহবঃ কুব্জখঞ্জাঃ।
আখ্যায় মাং কুশলিনং স্ম তেভ্যো-
ঽপ্যনাময়ং পরিপৃচ্ছের্জঘন্যম্ । 5-30-41 (32629)
কচ্চিদ্বৃত্তিং বর্ততে বৈ পুরাণীং
কচ্চিদ্ভোগান্দার্তরাষ্ট্রো দদাতি।
অঙ্গহীনান্কৃপণান্বামনান্বা
যানানৃশংস্যাদ্ধার্তরাষ্ট্রো বিভর্তি ॥ 5-30-42 (32630)
অন্ধাশ্চ সর্বে বধিরাস্তথৈব
হস্তাজীবা বহবো যেঽত্র সন্তি।
আখ্যায় মাং কুশলিনং স্ম তেভ্যো-
ঽপ্যনাময়ং পরিপৃচ্ছের্জঘন্যম্ ॥ 5-30-43 (32631)
মা ভৈষ্ট দুঃখেন কুজীবিতেন
নূনং কৃতং পরলোকেষু পাপম্।
নিগৃহ্য শত্রূন্সুহৃদোঽনুগৃহ্য
বাসোভিরন্নেন চ বো ভরিষ্যে ॥ 5-30-44 (32632)
` ন চাপ্যেতচ্ছক্যমেকেন বক্তুং
নানাদেশা বহবো জাতিসঙ্ঘাঃ।
বিপ্রোষিতো বালবদ্দ্রষ্টুমিচ্ছ-
ন্নমস্যেঽহং সঞ্জয় ভৈমসেনান্।
তে মে যথা বাচমিমাং যথোক্তাং
ৎবয়োচ্যমানাং শ্রৃণুয়ুক্তথা কুরু ॥ 5-30-45 (32633)
সন্ত্যেব মে ব্রাহ্মণেভ্যঃ কৃতানি
ভাবীন্যথো নো বত বর্তয়ন্তি ।
তান্পশ্যামি যুক্তরূপাংস্তথৈব
তামেব সিদ্ধিং শ্রাবয়েথা নৃপং তম্ ॥ 5-30-46 (32634)
যে চানাথা দুর্বলাঃ সর্বকাল-
মাত্মন্যেব প্রয়তন্তেঽথ মূঢাঃ।
তাংশ্চাপি ৎবং কৃপণান্সর্বথৈব
হ্যস্মদ্বাক্যাৎকুশলং তাত পৃচ্ছেঃ ॥ 5-30-47 (32635)
যে চাপ্যন্যে সংশ্রিতা ধার্তরাষ্ট্রা-
ন্নানাদিগ্ভ্যোঽভ্যাগতাঃ সূতপুত্র ।
দৃষ্ট্বা তাংশ্চৈবার্হতশ্চাপি সর্বা-
ন্সংপৃচ্ছেথাঃ কুশলং চাব্যযং চ ॥ 5-30-48 (32636)
এবং সর্বানাগতাভ্যাগতাংশ্চ
রাজ্ঞো দূতান্সর্বদিগ্ভ্যোভ্যুপেতান্ ।
পৃষ্ট্বা সর্বান্কুশলং তাংশ্চ সূত
পশ্চাদহং কুশলী তেষু বাচ্যঃ ॥ 5-30-49 (32637)
ন হীদৃশাঃ সন্ত্যপরে পৃথিব্যাং
যে যোধকা ধার্তরাষ্ট্রেণ লব্ধাঃ।
ধর্মস্তু নিত্যো মম ধর্ম এব
মহাবলঃ শত্রুনিবর্হণায় ॥ 5-30-50 (32638)
ইদং পুনর্বচনং ধার্তরাষ্ট্রং
সুয়োধনং সঞ্জয় শ্রাবয়েথাঃ ।
যস্তে শরীরে হৃদয়ং দুনোতি
কামঃ কুরূনসপত্নোঽনুশিষ্যাম্ ॥ 5-30-51 (32639)
ন বিদ্যতে যুক্তিরেতস্য কাচি-
ন্নৈবং বিধাস্যামি যথা প্রিয়ং তে।
দদস্ব বা শক্রপুরীং মমৈব
যুধ্বস্ব বা ভারতমুখ্যবীর ॥ ॥ 5-30-52 (32640)
ইতি শ্রীমন্মহাভারতে উদ্যোগপর্বণি সঞ্জয়ানপর্বণি ত্রিংশোঽধ্যায়ঃ ॥
Mahabharata - Udyoga Parva - Chapter Footnotes
5-30-1 অভিষঙ্গাৎ আবেশাৎ ॥ 5-30-5 উপশ্রুতিং বার্তাম্। রূক্ষাং মর্মগাম্। কটুকাং নীরসাম্ ॥ 5 ॥ 5-30-7 চরণং ব্রহ্মচর্যেণাধ্যযনম্ ॥ 5-30-10 অশ্রোত্রিয়াঃ অত্রৈবর্ণিকাঃ শূদ্রাদয়ঃ। ধর্মমাত্রাং ধর্মলেশং জরন্তঃ ॥ 5-30-11 শ্লাঘ্যস্ব স্তুহি। জঘন্যং পশ্চাতেভ্যস্তেষাং অনাময়ং পৃচ্ছেঃ। ব্যবহারেণ বাণিজ্যাদিনা পালয়ন্তঃ স্থানাধিকারিণঃ ॥ 5-30-12 চতুষ্পাৎ মন্ত্র উপচারঃ প্রয়োগঃ সংহারশ্চেতি চৎবারঃ পাদা অস্থেতি অস্ত্রম্ ॥ 5-30-13 গন্ধর্বেতি সৌন্দর্যং সংগীতং চ তস্মিন্ দ্যোতিতম্ ॥ 5-30-25 পাণ্ডবায়োধনায় পাণ্ডবৈঃ সহ যুদ্ধায় ॥ 5-30-29 বৃন্দারকং শ্রেষ্ঠম্ ॥ 5-30-30 নিকর্তনেঽর্থাপহারে । ছন্নোপধো গুপ্তছলঃ ॥ 5-30-32 মুহ্যতাং ধার্তরাষ্ট্রাণাম্ ॥ 5-30-40 শীঘ্রহারি। বেশস্ত্রিয়ো বেশ্যাঃ ॥ 5-30-44 শত্রূন্ ধার্তরাষ্ট্রান্ নিগৃহ্য বঃ যুষ্মান্ ভরিষ্যে পোষয়িষ্যে ইতি ব্রূয়া ইতি শেষঃ ॥ 44 । 5-30-46 মে ময়া কৃতানি বৎসরদেয়ানি নো বর্তয়ন্তি ন চালয়ন্তি। ৎবদীয়া অধিকারিণঃ তান্যহং যথা যথাবৎপশ্যমি তথৈব তাং সিদ্ধিং ৎবদ্দত্তং সম্যক্ পরিপালয়ামীতি দূতদ্বারা মাং শ্রাবয়েথা ইতি তং নৃপং দুর্যোধনং ব্রৃহীতি শেষঃ ॥ 46 ॥ 5-30-47 আত্মন্যেব প্রয়তন্তে ন তু কর্তুং শক্নুবন্তি ॥ 5-30-50 নিত্যঃ অবিনাশিফলঃ ॥ 50 ॥ 5-30-52 যুক্তিঃ সংভাবনা এতস্যার্থস্য ন বিদ্যতে। শক্রপুরীং ইন্দ্রপ্রস্থম্ ॥ 52 ॥উদ্যোগপর্ব - অধ্যায় 031
॥ শ্রীঃ ॥
5.31. অধ্যায়ঃ 031
Mahabharata - Udyoga Parva - Chapter Topics
যুধিষ্ঠিরেণ সঞ্জয়ংপ্রতি ধৃতরাষ্ট্রভীষ্ময়োরভিবাদনপূর্বকং সন্ধিকরণবিজ্ঞাপননিবেদনচোদনম্ ॥ 1 ॥ তথা দুর্যোধনংপ্রতি তৎকৃতানয়োপেক্ষণকথনপূর্বকং গ্রামপঞ্চকদানেন সন্ধিকরণসন্দেশঃ ॥ 2 ॥Mahabharata - Udyoga Parva - Chapter Text
5-31-0 (32641)
যুধিষ্ঠির উবাচ। 5-31-0x (3433)
উত সন্তমসন্তং বা বালং বৃদ্ধং চ সঞ্জয়।
উতাবলং বলীয়াংসং ধাতা প্রকুরুতে বশে ॥ 5-31-1 (32642)
উত বালায় পাণ্ডিত্যং পণ্ডিতায়োত বালতাম্।
দদাতি সর্বমীশানঃ পুরস্তাচ্ছুক্রমুচ্চরন্ ॥ 5-31-2 (32643)
বলং জিজ্ঞাসমানস্য আচক্ষীথা যথাতথম্।
অথ মন্ত্র মন্ত্রয়িৎবা যাথাতথ্যেন হৃষ্টবৎ ॥ 5-31-3 (32644)
গাবল্গণে কুরূন্গৎবা ধৃতরাষ্ট্রং মহাবলম্ ।
অভিবাদ্যোপসংগৃহ্য ততঃ পৃচ্ছেরনাময়ম্ ॥ 5-31-4 (32645)
ব্রূয়াশ্চৈনং ৎবমাসীনং কুরুভিঃ পরিবারিতম্ ।
তবৈব রাজন্বীর্যেণ সুখং জীবন্তি পাণ্ডবাঃ ॥ 5-31-5 (32646)
তব প্রসাদাদ্বালাস্তে প্রাপ্তা রাজ্যমরিন্দম।
রাজ্যে তান্স্থাপয়িৎবাঽগ্রে নোপেক্ষস্ব বিনশ্যতঃ ॥ 5-31-6 (32647)
সর্বমপ্যেতদেকস্য নালং সঞ্জয় কস্যচিৎ ।
তাত সংহত্য জীবামো দ্বিষতাং মা বশং গমঃ ॥ 5-31-7 (32648)
তথা ভীষ্মং শান্তনবং ভারতানাং পিতামহম্।
শিরসাঽভিবদেথাস্ৎবং মম নাম প্রকীর্তয়ন্ ॥ 5-31-8 (32649)
অভিবাদ্য চ বক্তব্যস্ততোঽস্মাকং পিতামহঃ ।
ভবতা শন্তনোর্বংশো নিমগ্নঃ পুনরুদ্ধৃতঃ ॥ 5-31-9 (32650)
স ৎবং কুরু তথা তাত স্বমতেন পিতামহ ।
যথা জীবন্তি তে পৌত্রাঃ প্রীতিমন্তঃ পরস্পরম্ ॥ 5-31-10 (32651)
তথৈব বিদুরং ব্রূয়াঃ কুরূণাং মন্ত্রধারিণম্।
অয়ুদ্ধং সৌম্য ভাষস্ব হিতকামো যুধিষ্ঠিরে ॥ 5-31-11 (32652)
অথ দুর্যোধনং ব্রূয়া রাজপুত্রমমর্ষণম্।
মধ্যে কুরূণামাসীনমনুনীয় পুনঃ পুনঃ ॥ 5-31-12 (32653)
অপাপাং যদুপৈক্ষস্ৎবং কৃষ্ণামেতাং সভাগতাম্ ।
তদ্দুঃখমতিতিক্ষাম মা বধীষ্ম কুরূনিতি ॥ 5-31-13 (32654)
এবং পূর্বাপরান্ক্লেশানতিতিক্ষন্ত পাণ্ডবাঃ।
বলীয়াংসোঽপি সন্তো যত্তৎসর্বং কুরবো বিদুঃ ॥ 5-31-14 (32655)
যন্নঃ প্রব্রাজয়েঃ সৌম্য অজিনৈঃ প্রতিবাসিতান্।
তদ্দুঃখমতিতিক্ষাম মা বধীষয় কুরূনিতি ॥ 5-31-15 (32656)
যৎকুন্তীং সমতিক্রম্য কৃষ্ণাং কেশেষ্বধর্ষয়ৎ।
দুঃশাসনস্তেঽনুমতে তচ্চাস্মাভিরুপেক্ষিতম্ ॥ 5-31-16 (32657)
অথোচিতং স্বকং ভাগং লভেমহি পরন্তপ।
নিবর্তয় পরদ্রব্যাদ্বুদ্ধিং গৃদ্ধাং নরর্ষভ ॥ 5-31-17 (32658)
শান্তিরেবং ভবেদ্রাজন্প্রীতিশ্চৈব পরস্পরম্ ।
রাজ্যৈকদেশমপি নঃ প্রয়চ্ছ শমমিচ্ছতাম্ ॥ 5-31-18 (32659)
অবিস্থলং বৃকস্থলং মাকন্দীং বারণাবতম্।
অবসানং ভবৎবত্র কিংচিদেকং চ পঞ্চমম্ ॥ 5-31-19 (32660)
ভ্রাতৄণাং দেহি পঞ্চানাং পঞ্চ গ্রামান্সুয়োধন।
শান্তির্নোস্তু মহাপ্রাজ্ঞ জ্ঞাতিভিঃ সহ সঞ্জয়॥ 5-31-20 (32661)
ভ্রাতা ভ্রাতরমন্বেতু পিতা পুত্রেণ যুজ্যতাম্।
স্ময়মানাঃ সমায়ান্তু পাঞ্চালাঃ কুরুভিঃ সহ ॥ 5-31-21 (32662)
অক্ষতান্কুরু পাঞ্চালান্পশ্যেয়মিতি কাময়ে।
সর্বে সুমনসস্তাত শাম্যায় ভরতর্ষভ ॥ 5-31-22 (32663)
অলমেব শমায়াস্মি তথা যুদ্ধায় সঞ্জয়।
ধর্মার্থয়োরলং চাহং মৃদবে দারুণায় চ ॥ ॥ 5-31-23 (32664)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি একত্রিংশোঽধ্যায়ঃ ॥
Mahabharata - Udyoga Parva - Chapter Footnotes
5-31-1 সন্তং সাধুম্। অসন্তং দুষ্টম্ । ধাতা ঈশ্বরঃ ॥ 1 ॥ 5-31-2 শুক্রং বীজভূতং প্রাচীনং কর্ম উচ্চরন্ উদ্দীপয়ন্ ॥ 2 ॥ 5-31-7 সর্বং ব্রহ্মাণ্ডম্। সংহত্য একীভূয় ॥ 7 ॥ 5-31-13 অতিতিক্ষাম ক্ষান্তবন্তো বয়ম্ তত্র হেতুঃ মাং বধীষ্মেতি ॥ 13 ॥ 5-31-17 গৃদ্ধাং লুব্ধাম্ ॥ 17 ॥ 5-31-18 অবসানং বসতিস্থানম্ ॥উদ্যোগপর্ব - অধ্যায় 032
॥ শ্রীঃ ॥
5.32. অধ্যায়ঃ 032
Mahabharata - Udyoga Parva - Chapter Topics
পাণ্ডবানুজ্ঞাতেন সঞ্জয়েন রাত্রৌ ধৃতরাষ্ট্রমুপগম্য অভিবাদনপূর্বকং যুধিষ্ঠিরকৃতকুশলপ্রশ্নাদিকথনম্ ॥ 1 ॥ তথা ধৃতরাষ্ট্রং বিগর্হ্য যুধিষ্ঠিরবত্তনস্য শ্বঃকথনকথনপূর্বকং স্বভবনগমনম্ ॥ 2 ॥Mahabharata - Udyoga Parva - Chapter Text
বৈশম্পায়ন উবাচ।
` ধর্মরাজস্য বচনং শ্রুৎবা পার্থো ধনঞ্জয়ঃ ।
উবাচ সঞ্জয়ং তত্র বাসুদেবস্য শৃণ্বতঃ ॥ 5-32-1 (32665)
পিতামহং শান্তনবং ধৃতরাষ্ট্রং চ সঞ্জয়।
দ্রোণং সপুত্রং শল্যং চ মহারাজং চ বাহ্লিকম্ ॥ 5-32-2 (32666)
বিকর্ণং সোমদত্তং চ শকুনিং চৈব সৌবলম্ ।
বিবিংশতিং চিত্রসেনং জয়ৎসেনং চ সঞ্জয় ।
ভগদত্তং তথা চৈব শূরং রণকৃতাং বরম্ ॥ 5-32-3 (32667)
যে চাপ্যন্যে কুরবস্তত্র সন্তি
রাজানশ্চেদ্ভূমিপালাঃ সমেতাঃ।
যুয়ুৎসবঃ সৈন্ধবাঃ পার্থিবাশ্চ
সমানীতা ধার্তরাষ্ট্রেণ সূত ॥ 5-32-4 (32668)
যথান্যায়ং কুশলং বন্দনং চ
সমাগমে মদ্বচনেন বাচ্যাঃ।
ততো ব্রূয়াঃ সঞ্জয় রাজমধ্যে
দুর্যোধনং পাপকৃতাং প্রধানম্ ॥ 5-32-5 (32669)
এবং প্রতিষ্ঠাপ্য ধনঞ্জয়স্তং
ততোঽর্থবদ্ধর্মবচ্চাপি পার্থঃ ।
উবাচ বাক্যং স্কবজনপ্রহর্ষং
বিত্রাসনং ধৃতরাষ্ট্রাত্মজানাম্ ॥ 5-32-6 (32670)
অর্জুনেন সমাদিষ্টস্তথেৎসুক্ৎবা তু সঞ্জয়ঃ।
পার্থানামন্ত্রয়ামাস কেশবং চ যশস্বিনম্ ॥' 5-32-7 (32671)
অনুজ্ঞাতঃ পাণ্ডবেন প্রয়যৌ সঞ্জয়স্তদা।
শাসনং ধৃতরাষ্ট্রস্যক সর্বং কৃৎবা মহাত্মনঃ ॥ 5-32-8 (32672)
` তদা তু সঞ্জয়ঃ ক্ষিপ্রমেকাহেন পরন্তপঃ।
যাতি স্ম হাস্তিনপুরং নিশাকালে পরন্তপ ॥' 5-32-9 (32673)
সংপ্রাপ্য হাস্তিনপুরং শীঘ্রমশ্বৈর্মহাজবৈঃ।
অন্তঃপুরং সমাস্থায় দ্বাঃস্থং বচনমব্রবীৎ ॥ 5-32-10 (32674)
আচক্ষ্ব ধৃতরাষ্ট্রাস্য দ্বাঽস্থ মাং সমুপাগতম্।
সকাশাৎপাণ্ডুপুত্রাণাং সঞ্জয়ং মাচিরং কৃথাঃ ॥ 5-32-11 (32675)
.....র্তি চেদভিবদেস্ৎবং হি দ্বাঃস্থ
.....বিশেয়ং বিদিতো ভূমিপস্য।
.....দ্যমত্রাত্যযিকং হি মেঽস্তি
..... স্থোঽথ শ্রুৎবা নৃপতিং জগাদ ॥ 5-32-12 (32676)
দ্বাঃস্থ উবাচ। 5-32-13x (3434)
সঞ্জয়োঽয়ং ভূমিপতে নমস্তে
দিদৃক্ষয়া দ্বারমুপাগতস্তে।
প্রাপ্তো দূতঃ পাণ্ডবানাং সকাশাৎ
প্রশাধি রাজন্কিময়ং করোতু ॥ 5-32-13 (32677)
ধৃতরাষ্ট্র উবাচ। 5-23-14x (3435)
আচক্ষ্ব মাং কুশলিনং কল্পমস্মৈ
প্রবেশ্যতাং স্বাগতং সঞ্জয়ায়
ন চাহমেতস্য ভবাম্যকল্পঃ
স মে কস্মাদ্দ্বারি তেষ্ঠেচ্চ সক্তঃ ॥ 5-32-14 (32678)
বৈশম্পায়ন উবাচ। 5-23-15x (3436)
ততঃ প্রবিশ্যানুমতে নৃপস্য
মহদ্বেশ্ম প্রাজ্ঞশূরার্যগুপ্তম্।
সিংহাসনস্থং পার্থিবমাসসাদ
বৈচিত্রবীর্যং প্রাঞ্জলিঃ সূতপুত্রঃ ॥ 5-32-15 (32679)
সংজয় উবাচ। 5-32-16x (3437)
সঞ্জয়োঽহং ভূমিপতে নমস্তে
প্রাপ্তোঽস্মি গৎবা নরদেব পাণ্ডবান্।
অভিবাদ্য ৎবাং পাণ্ডুপুত্রো মনস্বী
যুধিষ্ঠিরঃ কুশলং চান্বপৃচ্ছৎ ॥ 5-32-16 (32680)
স তে পুত্রান্পৃচ্ছতি প্রীয়মাণঃ
কচ্চিৎপুত্রৈঃ প্রীয়সে নপ্তৃভিশ্চ।
তথা সুহৃদ্ভিঃ সচিবৈশ্চ রাজন্
যে চাপি ৎবামুপজীবন্তি তৈশ্চ ॥ 5-32-17 (32681)
ধৃতরাষ্ট্র উবাচ। 5-32-18x (3438)
অভিনন্দ্য ৎবাং তাত বদামি সঞ্জয়
অজাতশত্রুং চ সুখেন পার্থম্।
কচ্চিৎস রাজা কুশলী সপুত্রঃ
সহামাত্যঃ সানুজঃ কৌরবাণাম্ ॥ 5-32-18 (32682)
সঞ্জয় উবাচ। 5-32-19x (3439)
সহামাত্য কুশলী পাণ্ডুপুত্রো
বুভূষতে যচ্চ তেঽগ্রে ত্মনাঽভূৎ
নির্ণীক্তধর্মার্থকরো মনস্বী
বহুশ্রুতো দৃষ্টিমাঞ্শীলবাংশ্চ ॥ 5-32-19 (32683)
পরো ধর্মঃ পাণ্ডবস্যানৃশংস্যং
ধর্মঃ পরো বিত্তচয়ান্মতোঽস্য।
সুখপ্রিয়েঽধর্মহীনেঽনপার্থে
নু রুধ্যতে ভারত তস্য বুদ্ধিঃ ॥ 5-32-20 (32684)
পরপ্রয়ুক্তঃ পুরষো বিচেষ্টতে
সূত্রপ্রোতা দারুময়ীব যোষা।
ইমং দৃষ্ট্বা নিয়মং পাণ্ডবস্য
মন্যে পরং কর্ম দৈবং মনুষ্যাৎ ॥ 5-32-21 (32685)
ইমং চ দৃষ্ট্বা তব কর্ম দোষং
পাপোদর্কং ঘোরমবর্ণরূপম্।
যাবৎপরঃ কাময়তেঽতিবেলং
তাবন্নরোঽয়ং লভতে প্রশংসাম্ ॥ 5-32-22 (32686)
অজাতশত্রুস্তু বিহায় পাপং
জীর্ণাং ৎবচং সর্প ইবাসমর্থাম্।
বিরোচতে হ্যার্যবৃত্তেন বীরো
যুধিষ্ঠিরস্ৎবয়ি পাপং বিসৃজ্য ॥ 5-32-23 (32687)
হন্তাত্মনঃ কর্ম নিবোধ রাজন্
ধর্মার্থয়ুক্তাদার্যবৃত্তাদপেতম্ ।
উপক্রোশং চেহ গতোঽসি রাজন্
ভূয়শ্চ পাপং প্রসজেদমুত্র ॥ 5-32-24 (32688)
স ৎবমর্থং সংশয়িতং বিনা তৈ-
রাশংসসে পুত্রবশানুগোঽস্য।
অধর্মশব্দশ্চ মহান্পৃথিব্যাং
নেদং কর্ম ৎবৎসমং ভারতাগ্র্য॥ 5-32-25 (32689)
হীনপ্রজ্ঞো দৌষ্কুলেয়ো নৃশংসো
দীর্ঘং বৈরী ক্ষত্রবিদ্যাস্বধীরঃ।
এবংধর্মানাপদঃ সংশ্রয়েয়ু-
র্হীনবীর্যো যশ্চ ভবেদশিষ্টঃ ॥ 5-32-26 (32690)
কুলে জাতো বলবান্যো যশস্বী।
বহুশ্রুতঃ সুখজীবী যতাত্মা।
ধর্মাধর্মৌ গ্রথিতৌ যো বিভর্তি
স হ্যস্য দিষ্টস্য বশাদুপৈতি ॥ 5-32-27 (32691)
কথং হি মন্ত্রাগ্র্যধরো মনীষী
ধর্মার্থয়োরাপদি সংপ্রণেতা।
এবমুক্তঃ সর্বমন্ত্রৈরহীনো
নরো নৃশংসং কর্ম কুর্যাদমূঢঃ ॥ 5-32-28 (32692)
তব হ্যমী মন্ত্রবিদঃ সমেত্য
সমাসতে কর্মসু নিত্যযুক্তাঃ ।
তেষাংময়ং বলবান্নিশ্চয়শ্চ
কুরুক্ষয়ে নিয়মেনোদপাদি॥ 5-32-29 (32693)
অকালিকং কুরবো নাভবিষ্যন্
পাপেন চেৎপাপমজাতশত্রুঃ
ইচ্ছেঞ্জাতু ৎবয়ি পাপং বিসৃজ্য
নিন্দা চেয়ং তব লোকেঽভবিষ্যৎ ॥ 5-32-30 (32694)
কিমন্যত্র বিষয়াদীশ্বরাণাং
যত্র পার্থঃ পরলোকং স্ম দ্রুষ্টুম্ ।
অত্যক্রামৎস তথা সংমতঃ স্যা-
ন্ন সংশয়ো নাস্তি মনুষ্যকারঃ ॥ 5-32-31 (32695)
এতান্গুণান্কর্মকৃতানবেক্ষ্য
ভাবাভাবৌ বর্তমানাবনিত্যৌ।
বলির্হি রাজা পারমবিন্দমানো
নান্যৎকালাৎকারণং তত্র মেনে ॥ 5-32-32 (32696)
চক্ষুঃশ্রোত্রে নাসিকা ৎবক্ চ জিহ্বা
জ্ঞানস্যৈতান্যায়তনানি জন্তোঃ।
তানি প্রীতান্যেব তৃষ্ণাক্ষয়ান্তে
তান্যব্যথো দুঃখহীনঃ প্রণুদ্যাৎ ॥ 5-32-33 (32697)
নৎবেব মন্যে পুরুষস্য কর্ম
সবর্ততে সুপ্রয়ুক্তং যথাবৎ।
মাতুঃ পিতুঃ কর্মণাভিপ্রসূতঃ
সংবর্ধতে বিধিবদ্ভোজনেন ॥ 5-32-34 (32698)
প্রিয়াপ্রিয়ে সুখদুঃখে চ রাজ-
ন্নিন্দাপ্রশংসে চ ভজন্ত এব।
পরস্ৎবেনং গর্হয়তেঽপরাধে
প্রশংসতে সাধুবৃত্তং তমেব ॥ 5-32-35 (32699)
স ৎবাং গর্হে ভারতানাং বিরোধা-
দন্তো নূনং ভবিতাঽয়ং প্রজানাম্ ।
নোচেদিদং তব কর্মাপরাধাৎ
কুরূন্দহেৎকৃষ্ণবর্ৎসেব কক্ষম্ ॥ 5-32-36 (32700)
ৎবমেবৈকো জাতু পুত্রস্য রাজন্
বশং গৎবা সর্বলোকে নেরন্দ্র।
কামাত্মনঃ শ্লাঘনো দ্যূতকালে
নাগাঃ শমং পশ্য বিপাকমস্য ॥ 5-32-37 (32701)
অনাপ্তানাং সঙ্গ্রহাত্ৎবং নরেন্দ্র
তথাঽঽপ্তানাং নিগ্রহাচ্চৈব রাজন্।
ভূমিং স্ফীতাং দুর্বলৎবাদনন্তা-
মশক্তস্ৎবং রক্ষিতুং কৌরবেয় ॥ 5-32-38 (32702)
অনুজ্ঞাতো রথবেগাবধূতঃ
শ্রান্তোঽভিপদ্যে শয়নং নৃসিংহ ।
প্রাতঃ শ্রোতারঃ কুরবঃ সভায়া-
মজাতশত্রোর্বচনং সমেতাঃ ॥ 5-32-39 (32703)
ধৃতরাষ্ট্র উবাচ। 5-32-40x (3440)
অনুজ্ঞাতোঽস্যাবসথং পরেহি
প্রপদ্যস্ব শয়নং সূতপুত্র।
প্রাতঃ শ্রোতারঃ কুরবঃ সভায়া-
মজাতশত্রোর্বচনং ৎবয়োক্তম্ ॥ ॥ 5-32-40 (32704)
ইতি শ্রীমন্মহাভারতে উদ্যোগপর্বণি সঞ্জয়যানপর্বণি দ্বাত্রিংশোঽধ্যায়ঃ ॥ ॥ সমাপ্তং চেদং সঞ্জয়যানপর্ব ॥
Mahabharata - Udyoga Parva - Chapter Footnotes
5-32-8 ...... গচ্ছেত্যুক্তঃ ॥ 8 ॥ 5-32-12 আত্যযিকং আবশ্যকম্ ॥ 12 ॥ 5-32-14 কল্পং দৃঢম্। অকল্পঃ দর্শনে অসমর্শ্রঃ । সক্তঃ নিরুদ্ধঃ ॥ 5-32-15 প্রাজ্ঞাঃ শূরাঃ আর্যাঃ সাধবশ্চ তৈর্গুপ্তম্ ॥ 5-32-17 নপ্তুভিঃ পুত্রস্য পুত্রৈঃ ॥ 5-32-18 অজাতশত্রুং সুখেন অভিনন্দ্য ৎবাং প্রতি বদামি ॥ 5-32-19 তে তব অগ্রে যৎ ত্মনঃ আত্মনঃ রাজ্যধনাদিকং অভূৎ তৎ বুভূষতে প্রাপ্তুমিচ্ছতি। নির্ণিক্তৌ দোষমলহীনৌ ধর্মার্থৌ করোতীতি স তথা। মনস্বী উদারঃ । দৃষ্টিমান্ ক্রান্তদর্শী ॥ 5-32-20 পরো মুখ্যঃ। আনৃশংস্যং দয়া ততঃ রোষঽমুখ্যঃ বিত্তচয়াৎ জাত ইতি শেষঃ। বিত্তসাধ্যঃ সজ্ঞদানাদিঃ। কিংচ তস্য বুদ্ধিঃ অনপার্থে ন অপার্থে নিষ্প্রয়োজনে সপ্রয়োজনে সুখপ্রিয়ে। সংধিরার্ষঃ। নু নিশ্চিতং । রুধ্যতে অনুরুধ্যতে। অন্নাদিজং দেহপুষ্টিসুখং পুত্রাদি প্রিয়ং চ স পরোপকারার্থমেবানুরুধ্যতে ন কামকারেণেত্যর্থঃ ॥ 5-32-21 পরেণ ঈশ্বরেণ প্রয়ুক্তঃ। নিয়মং নিগ্রহং মনুষ্যাৎ মনুষ্যাকারাৎ দৈবং ঐশ্বরং কর্ম পরং শ্রেষ্ঠং মন্যে ॥ 5-32-22 অবর্ণরূপং অবর্ণনীয়রূপং অবাচ্যমিত্যর্থঃ। যাবৎপরঃ উৎকৃষ্টঃ শত্রুঃ কাময়তে তিষ্ঠৎবয়ং কংচিৎকালমিতীচ্ছতি তাবদপরো নরঃ প্রশংসা লভতে ॥ 5-32-25 তৈর্বিনা একাকিনা সংশয়িতং দুর্লভমপি আশংসসে প্রাপ্তুম্। অস্য তব মহান্ পৃথিব্যাং অধর্মশব্দোঽকীর্তির্ভবেৎ। ৎবৎসমং তব যুক্তম্ ॥ 5-32-26 এবংধর্মান্ ঈদৃশধর্ময়ুক্তান্ পুরুষান্ ॥ 5-32-27 সহি স এব দিষ্টস্য বশাৎ ভাগ্যবশাৎ অস্য কুলেজাতৎবাদিগুণজাতস্য । কর্মণি ষষ্টী। ইদং গুণষট্কমুপৈতি প্রাপ্নোতি । ৎবং তু কুলে জাতোপি কেবলং অনৃতোপজীবিৎবাৎ গুণানত্রহীনোঽসীতি ভাবঃ ॥ 5-32-28 মন্ত্র এব অগ্র্যঃ শ্রেষ্ঠো যেষাং তে মন্ত্রাগ্র্যঃ ভীষ্মাদয়ঃ তেষাং ধরো ধর্তা। তৈরেবং উক্তরীত্যা দ্যূতং মা কুর্বিত্যুক্তঃ কথং নৃশংসং কর্ম পাণ্ডবপ্রব্রাজনং কুর্যান্ন কথমপীত্যর্থঃ ॥ 5-32-29 অমী কর্ণাদয়ঃ । তেষাং কুরুক্ষয়ে কুরুক্ষয়নিমিত্তং অয়ং রাজ্যং ন দেয়মিতি নিশ্চয়ঃ নিয়মেন উদপাদি উৎপন্নঃ ॥ 5-32-30 অকালিকং অকস্মাদেব কুরবো নাভবিষ্যন্ নষ্টাঃস্যুঃ। তব পাপেন কর্মণা প্রেরিতোঽজাতশত্রুঃ ৎবয়ি পাপং ইচ্ছেচ্চেৎ। নন্বেবং তর্হি তস্য গোত্রবধদোষঃ স্যাদিত্যাশঙ্ক্যাহ ৎবয়ীতি। স্বনাশহেতুং অধর্মং কুর্বতি ৎবয়ি চোরে ইব পাপং বিসৃজ্য রাদা নিষ্পাপোঽনিন্দ্যশ্চ স্যাদিত্যর্থঃ ॥ 5-32-31 ঈশ্বরাণাং দেবানাং বিষয়াদন্যত্র কিম্। সর্বং দেবাধীনমিত্যর্থঃ। যত্র যতঃ পার্থোঽর্জুনঃ পরলোকং দ্রষ্টুং অত্যক্রামৎ। ইমং লোকং সশরীর এব ত্যক্তবান্। স তাদৃশঃ নারদাদিবদুভয়লোকসংচারয়োগ্যৎবেন সাধূনাং সংমতোঽপি যদি তথা বনবসেন ক্লেশসহঃ স্যাৎ তদা মনুষ্যকারো নাস্তীত্যস্মিন্নর্থে সংশয়ো ন ॥ 5-32-32 এতানিতি। এতান্ শৌর্যাংদীন্ গুণান্ কর্মকৃতান্কর্মানুসারেণ বৃদ্ধিহ্রায়যুক্তান্ অবেক্ষ্য অত এব ভাবাভাবৌ ঐশ্বর্যানৈশ্বর্যে অনিত্যৌ আগমাপায়িনৌ চ অবেক্ষ্য বলিরাজা পূর্বপূর্বকর্মকারণপারং অন্তং অবিন্দমানঃ সন্ কালাৎ ঈশ্বরাদন্যৎকারণং অভ্যুদয়াদিহেতুরন্যৎকিংচিন্নাস্তীতি মেনে ॥ 32 ॥ 5-32-33 অতঃ সর্বস্য দেবায়ত্তৎবাৎ তৃষ্ণাক্ষয়েণৈব ইন্দ্রিয়প্রীতিঃ সংপাদনীয়া নতু নানায়ত্নসাধ্যতত্তদ্বীষয়সমর্পণেনেত্যাহ চক্ষুরিতি। ননু স্বস্ববিষয়ালাভে তেষাং কথং প্রীতিঃ স্যাদিত্যাশঙ্ক্য তানি নিরোধান্যেবেত্যাহ তানীতি। অব্যথঃ লাভালাভাদৌ বৈষম্যহীনঃ প্রণুদ্যাৎ স্বস্বগোচরেভ্যো নিবর্তয়েৎ ॥ 5-32-34 এতদ্দূষয়তি নৎবিতি। এব প্রাপ্তে সতি অন্যে আহুঃ। তদেবাহ পুরুষস্যেতি। সংবর্ততে সম্যক্ ফলবৎ বর্ততে। তদেবাহ মাতুরিতি। কর্মাভাবে জন্মবৃদ্ধী ন স্যাতামিত্যর্থঃ 5-32-36 কিংচ নোচেদিতি। ইয়ং ময়া উচ্যমানং কর্ম পাণ্ডবেভ্যো রাজ্যাংশপ্রদানাত্মকং তব নোচেৎ সংমতমিতি শেষঃ। তর্হি তবাপরাধাত কৃষ্ণবর্ত্মাগ্নিঃ কক্ষং যথা দহতি এবং কৃষ্ণবর্ত্মা কৃষ্ণ এব মার্গ ইব সুখপ্রাপকো যস্য স কৃষ্ণবর্ত্মাঽর্জুনঃ কুরূন্ দহেদিত্যাবৃত্ত্যা যোজ্যম্ ॥ 5-32-37 শ্লাঘনঃ আত্মানং কৃতার্থং মন্বানঃ। নাগাঃ ন গতবানসি ॥ 5-32-38 অনাপ্তানাং কর্ণাদীনাম্ । আপ্তানাং বিদুরাদীনাম্। নিগ্রহাৎ দূরীকরণাৎ॥ 5-32-39 অবধূতস্তিরস্কৃতঃ । অত এব শ্রান্তঃ। প্রপদ্যে প্রাপ্নুয়াম্ ॥ 5-32-40 আবসথং গৃহম্। পরেহি গচ্ছ। প্রপদ্যস্ব সেবস্ব ॥উদ্যোগপর্ব - অধ্যায় 033
॥ শ্রীঃ ॥
5.33. অধ্যায়ঃ 033
Mahabharata - Udyoga Parva - Chapter Topics
ধৃতরাষ্ট্রেণ রাত্রৌ বিদুরানয়নম্ ॥ 1 ॥ চিন্তয়া প্রজাগরংগতেন ধৃতরাষ্ট্রেণ দুর্যোধনাদিসুখোপায়প্রশ্নে বিদুরেণ নীতিকথন পূর্বকং পাণ্ডবেভ্যো রাজ্যদানস্য তদুপায়ৎবকথনম্ ॥ 2 ॥Mahabharata - Udyoga Parva - Chapter Text
5-33-0 (32705)
বৈশংপানয় উবাচ। 5-33-0x (3441)
দ্বাঃস্থং প্রাহ মহাপ্রাজ্ঞো ধৃতরাষ্ট্রো মহীপতিঃ ।
বিদুরং দ্রষ্টুমিচ্ছামি তমিহানয় মা চিরম্ ॥ 5-33-1 (32706)
প্রহিতো ধৃতরাষ্ট্রেণ দূতঃ ক্ষত্তারমব্রবীৎ ।
ঈশ্বরস্ৎবাং মহারাজো মহাপ্রাজ্ঞ দিদৃক্ষতি ॥ 5-33-2 (32707)
এবমুক্তস্তু বিদুরঃ প্রাপ্য রাজনিবেশনম্ ।
অব্রবীদ্ধৃতরাষ্ট্রায় দ্বাঃস্থং মাং প্রতিবেদয় ॥ 5-33-3 (32708)
দ্বাঃস্থ উবাচ। 5-33-4x (3442)
বিদুরোঽয়মনুপ্রাপ্তো রাজেন্দ্র তব শাসনাৎ।
দ্রুষ্টুমিচ্ছতি তে পাদৌ কিং করোতু প্রশাধি মাম্ ॥ 5-33-4 (32709)
ধৃতরাষ্ট্র উবাচ। 5-33-5x (3443)
প্রবেশয় মহাপ্রজ্ঞং বিদুরং দীর্ঘদর্শিনম্ ।
অহং হি বিদুরস্যাস্য নাকল্পো জাতু দর্শনে ॥ 5-33-5 (32710)
দ্বাঃস্থ উবাচ। 5-33-6x (3444)
প্রবিশান্তঃপুরং ক্ষত্তর্মহারাদজস্য ধীমতঃ।
ন হি তে দর্শনেঽকল্পো জাতু রাজাঽব্রবীদ্ধি মাম্ ॥ 5-33-6 (32711)
বৈশম্পায়ন উবাচ। 5-33-7x (3445)
ততঃ প্রবিশ্য বিদুরো ধৃতরাষ্ট্রনিবেশনম্ ।
অব্রবীৎপ্রাঞ্জলির্বাক্যং চিন্তয়ানং নরাধিপম্ ॥ 5-33-7 (32712)
বিদুরোঽহং মহাপ্রাজ্ঞ সংপ্রাপ্তস্তব শাসনাৎ।
যদি কিংচন কর্তব্যময়মস্মি প্রশাধি মাম্ ॥ 5-33-8 (32713)
ধৃতরাষ্ট্র উবাচ। 5-33-9x (3446)
সঞ্জয়ো বিদুর প্রাপ্তো গর্হয়িৎবা চ মাং গতঃ।
অজাতশত্রোঃ শ্বো বাক্যং সভামধ্যে স বক্ষ্যতি ॥ 5-33-9 (32714)
তস্যাদ্য কুরুবীরস্য ন বিজ্ঞাতং বচো ময়া।
তন্মে দহতি গাত্রাণি তদকার্ষীৎপ্রজাগরম্ ॥ 5-33-10 (32715)
আগ্রতো দহ্যমানস্য শ্রেয়ো যদনুপশ্যসি।
তদ্ব্রূহি ৎবং হি নস্তাত ধর্মার্থকুশলো হ্যসি ॥ 5-33-11 (32716)
যতঃ প্রাপ্তঃ সঞ্জয়ঃ পাণ্ডবেভ্যো
ন মে যথাবন্মনসঃ প্রশান্তিঃ ।
সর্বেন্দ্রিয়াণ্যপ্রকৃতিং গতানি
কিং বক্ষ্যতীত্যেব মেঽদ্য প্রচিন্তা ॥ 5-33-12 (32717)
` তন্মে ব্রূহি বিদুর ৎবং যথাব-
ন্মনীষিতং সর্বমজাতশত্রোঃ ।
যথা ন নস্তাত হিতং ভবেচ্চ
প্রজাশ্চ সর্বাঃ সুখিতা ভবেয়ুঃ ॥' 5-33-13 (32718)
বিদুর উবাচ। 5-33-14x (3447)
অভিয়ুক্তং বলবতা দুর্বলং হীনসাধনম্ ।
হৃতস্বং কামিনং চোরমাবিশন্তি প্রজাগরাঃ ॥ 5-33-14 (32719)
কচ্চিদেতৈর্মহাদোষৈর্ন স্পৃষ্টোঽসি নরাধিপ।
কচ্চিচ্চ পরবিত্তেষু গৃদ্ধ্যন্ন পরিতপ্যসে ॥ 5-33-15 (32720)
ধৃতরাষ্ট্র উবাচ। 5-33-16x (3448)
শ্রোতুমিচ্ছামি তে ধর্ম্যং পরং নৈশ্রেয়সং বচঃ।
অস্মিন্রাদর্ষিবংশে হি ৎবমেকঃ প্রাজ্ঞসংমতঃ ॥ 5-33-16 (32721)
বিদুর উবাচ। 5-33-17x (3449)
রাজা লক্ষণসংপন্নস্ত্রৈলোক্যস্যাধিপো ভবেৎ।
প্রেষ্যস্তে প্রেষিতশ্চৈব ধৃতরাষ্ট্র যুধিষ্ঠিরঃ॥ 5-33-17 (32722)
বিপরীততরশ্চ ৎবং ভাগধেয়ে ন সংমতঃ।
অর্চিষাং প্রক্ষয়াচ্চৈব ধর্মাত্মা ধর্মকোবিদঃ ॥ 5-33-18 (32723)
আনৃশংস্যাদনুক্রোশাদ্ধর্মাৎসত্যাৎপরাক্রমাৎ।
গুরুৎবাত্ৎবয়ি সংপ্রেক্ষ্য বহূন্ক্লেশাংস্তিতিক্ষতে ॥ 5-33-19 (32724)
দুর্যোধনে সৌবলে চ কর্ণে দুঃশাসনে তথা।
এতেষ্বৈশ্বর্যমাধায় কথং ৎবং ভূতিমিচ্ছসি ॥ 5-33-20 (32725)
আত্মজ্ঞানং সমারম্ভস্তিতিক্ষা ধর্মনিত্যতা।
যমর্থান্নাপকর্ষন্তি স বৈ পণ্ডিত উচ্যতে ॥ 5-33-21 (32726)
` একস্মাদ্বৃক্ষাদ্যজ্ঞপাত্রাণি রাজ-
ন্স্রুক্ব দ্রোণী পেঠনীপীডনে চ।
এতস্মাদ্রাজন্ব্রুবতো মে নিবোধ
একস্মাদ্বৈ জায়তেঽসচ্চ সচ্চ ॥ 5-33-22 (32727)
নিষেবতে প্রশস্তানি নিন্দিতানি ন সেবতে।
অনাস্তিকঃ শ্রদ্দধান এতৎপণ্ডিতলক্ষণম্ ॥ 5-33-23 (32728)
ক্রোধো হর্ষশ্চ দর্পশ্চ হ্রীঃ স্তম্ভো মান্যমানিতা।
যমর্থান্নাপকর্ষন্তি স বৈ পণ্ডিত উচ্যতে ॥ 5-33-24 (32729)
যস্য কৃত্যং ন জানন্তি মন্ত্রং বা মন্ত্রিতং পরে।
কৃতমেবাস্য জানন্তি স বৈ পণ্ডিত উচ্যতে ॥ 5-33-25 (32730)
যস্য কৃত্যং ন বিঘ্নন্তি শীতমুষ্ণং ভয়ং রতিঃ।
সমৃদ্ধিরসমৃদ্ধির্বা স বৈ পণ্ডিত উচ্যতে॥ 5-33-26 (32731)
যস্য সংসারিণী প্রজ্ঞা ধর্মার্থাবনুবর্ততে।
কামাদর্থং বৃণীতে যঃ স বৈ পণ্ডিত উচ্যতে ॥ 5-33-27 (32732)
যথাশক্তি চিকীর্ষন্তি যথাশক্তি চ কুর্বতে।
কিংচিদবমন্যন্তে নরাঃ পণ্ডিতবুদ্ধয়ঃ ॥ 5-33-28 (32733)
ক্ষিপ্রং বিজানাতি চিরং শ্রৃণোতি
বিজ্ঞায় চার্যং ভজতে ন কামাৎ।
নাসংপৃষ্টো ব্যুপয়ুঙ্ক্তে পরার্থে
তৎপ্রজ্ঞানং প্রথমং পণ্ডিতস্য ॥ 5-33-29 (32734)
নাপ্রাপ্যমভিবাঞ্ছন্তি নষ্টং নেচ্ছন্তি শোচিতুম্।
আপৎসু চ ন মুহ্যন্তি নরাঃ পণ্ডিতবুদ্ধয়ঃ ॥ 5-33-30 (32735)
নিশ্চিত্য যঃ প্রক্রমতে নান্তর্বসতি কর্মণঃ।
অবন্ধ্যকালো বশ্যাত্মা স বৈ পণ্ডিত উচ্যতে 5-33-31 (32736)
আর্যকর্মণি রজ্যন্তে ভূতিকর্মাণি কুর্বতে
হিতং চ নাভ্যসূয়ন্তি পণ্ডিতা ভরতর্ষভ ॥ 5-33-32 (32737)
ন হৃষ্যত্যাত্মসংমানে নাবমানেন তপ্যতে।
গাঙ্গো হ্রদ ইবাক্ষোভ্যো যঃ স পণ্ডিত উচ্যতে ॥ 5-33-33 (32738)
তত্ৎবজ্ঞঃ সর্বভূতানাং যোগজ্ঞঃ সর্বকর্মণাম্।
উপায়জ্ঞো মনুষ্যাণাং নরঃ পণ্ডিত উচ্যতে ॥ 5-33-34 (32739)
প্রবৃত্তবাক্ চিত্রকথ ঊহবান্প্রতিভানবান্।
আশু গ্রন্থস্য বক্তা চ যঃ স পণ্ডিত উচ্যতে ॥ 5-33-35 (32740)
শ্রুতং প্রজ্ঞানুগং যস্য প্রজ্ঞা চৈব শ্রুতানুগা ।
অসংভিন্নার্যমর্যাদঃ পণ্ডিতাখ্যাং লভেত সঃ ॥ 5-33-36 (32741)
` অর্থং মহান্তমাসাদ্য বিদ্যামেশ্বর্যমেব চ।
বিচরত্যসমুন্নদ্ধো যঃ স পণ্ডিত উচ্যতে '॥ 5-33-37 (32742)
অশ্রুতশ্চ সমুন্নদ্ধো দরিদ্রশ্চ মহামনাঃ ।
অর্থাংশ্চাকর্মণা প্রেপ্সুর্মূঢ ইত্যুচ্যতে বুধৈঃ ॥ 5-33-38 (32743)
স্বমর্থং যঃ পরিত্যজ্য পরার্থমনুতিষ্ঠতি।
মিথ্যা চরতি মিত্রার্থে যশ্চ মূঢঃ স উচ্যতে ॥ 5-33-39 (32744)
অকামান্কাময়তি যঃ কাময়ানান্পরিত্যজেৎ।
বলবন্তং চ যো দ্বেষ্টি তমাহুর্মূঢচেতসম্ ॥ 5-33-40 (32745)
অমিত্রং কুরুতে মিত্রং মিত্রং দ্বেষ্টি হিনস্তি চ ।
কর্ম চারভতে দুষ্টং তমাহুর্মূঢচেতসম্ ॥ 5-33-41 (32746)
সংসারয়তি কৃত্যানি সর্বত্র বিচিকিৎসতে।
চিরং করোতি ক্ষিপ্রার্থে স মূঢো ভরতর্ষভ ॥ 5-33-42 (32747)
শ্রাদ্ধং পিতৃভ্যো ন দদাতি দৈবতানি ন চার্চতি ।
সুহৃন্মিত্রং ন লভতে তমাহুর্মূঢচেতসম্ ॥ 5-33-43 (32748)
অনাহূতঃ প্রবিশতি অপৃষ্টো বহু ভাষতে।
অবিশ্বস্তে বিশ্বসিতি মূঢচেতা নরাধমঃ ॥ 5-33-44 (32749)
পরং ক্ষিপতি দোষেণ বর্তমানঃ স্বয়ং তথা।
যশ্চ ক্রুধ্যত্যনীশানঃ স চ মূঢতমো নরঃ ॥ 5-33-45 (32750)
আত্মনো বলমাজ্ঞায় ধর্মার্থপরিবর্জিতম্।
অলভ্যমিচ্ছন্নৈষ্কর্ম্যান্মূঢবুদ্ধিরিহোচ্যতে ॥ 5-33-46 (32751)
অশিষ্যং শাস্তি যো রাজন্যশ্চ শিষ্যং ন শাস্তি চ ।
কদর্যং ভজতে যশ্চ তমাহুর্মূঢচেতসম্ ॥ 5-33-47 (32752)
একঃ সংপন্নমাশ্নাতি বস্তে বাসশ্চ শোভনম্ ।
যোঽসংবিভজ্য ভৃত্যেভ্যঃ কো নৃশংসতরস্ততঃ ॥ 5-33-48 (32753)
একঃ পাপানি কুরুতে ফলং ভুঙ্ক্তে মহাজনঃ।
ভোক্তারো বিপ্রমুচ্যন্তে কর্তা দোষেণ লিপ্যতে ॥ 5-33-49 (32754)
একং হন্যান্ন বা হন্যাদিষুর্মুক্তো ধনুষ্মতা।
বুদ্ধির্বুদ্ধিমতোৎসৃষ্টা হন্যাদ্রাষ্ট্রং সরাজকম্ ॥ 5-33-50 (32755)
একয়া দ্বে বিনিশ্চিত্য ত্রীংশ্চতুর্ভির্বশে কুরু।
পঞ্চ জিৎবা বিদিৎবা ষট্ সপ্ত হিৎবা সুখী ভবা॥ 5-33-51 (32756)
একং বিষরসো হন্তি শস্ত্রেণৈকশ্চ বধ্যতে।
সরাষ্ট্রং সপ্রজং হন্তি রাজানং মন্ত্রপিপ্লবঃ ॥ 5-33-52 (32757)
একঃ স্বাদু ন ভুঞ্জীত একশ্চার্থান্ন চিন্তয়েৎ।
একো ন গচ্ছেদধ্বানং নৈকঃ সুপ্তেষু জাগৃয়াৎ ॥ 5-33-53 (32758)
একমেবাদ্বিতীয়ং তদ্যদ্রাজন্নাববুধ্যসে।
সত্যং স্বগস্য সোপানং পারাবারস্য নৌরিব ॥ 5-33-54 (32759)
একঃ ক্ষমাবতাং দোষো দ্বিতীয়ো নোপপদ্যতে।
যদেনং ক্ষময়া যুক্তমশক্তং মন্যতে জনঃ ॥ 5-33-55 (32760)
সোঽস্য দোষো ন মন্তব্যঃ ক্ষমা হি পরমং বলম্।
ক্ষমা গুণো হ্যশক্তানাং শক্তানাং ভূষণং ক্ষমা ॥ 5-33-56 (32761)
ক্ষমা বশীকৃতীর্লোকে ক্ষময়া কিং ন সাধ্যতে।
শান্তিখঙ্গঃ করে যস্য কিং করিষ্যতি দুর্জনঃ ॥ 5-33-57 (32762)
অতৃণে পতিতো বহ্নিঃ স্বয়মেবোপশাম্যতি।
অক্ষমাবান্পরং দোষৈরাত্মানং চৈব যোজয়েৎ ॥ 5-33-58 (32763)
একো ধর্মঃ পরং শ্রেয়ঃ ক্ষমৈকা শান্তিরুত্তমা ।
বিদ্যৈকা পরমা তৃপ্তিরহিংসৈকা সুখাবহা ॥ 5-33-59 (32764)
দ্বাবিমৌ গ্রসতে ভূমিঃ সর্পো বলিশয়ানিব।
রাজানং চাবিরোদ্ধারং ব্রাহ্মণং চাপ্রবাসিনম্ ॥ 5-33-60 (32765)
দ্বে কর্মণী নরঃ কুর্বন্নস্মিঁল্লোকে বিরোচতে ।
অব্রুবন্পরুষং কিংচিদসতোঽনর্চয়ংস্তথা ॥ 5-33-61 (32766)
দ্বাবিমৌ পুরুষব্যাঘ্র পরপ্রত্যযকারিণৌ ।
স্ত্রিয়ঃ কামিতকামিন্যো মূর্খাঃ পূজিতপূজকাঃ ॥ 5-33-62 (32767)
দ্বাবিমৌ কণ্টকৌ তীক্ষ্ণৌ শরীরপরিশোষিণৌ।
যশ্চাধনঃ কাময়তে যশ্চ কুপ্যত্যনীশ্বরঃ ॥ 5-33-63 (32768)
দ্বাবেব ন বিরাজেতে বিপরীতেন কর্মণা ।
গৃহস্থশ্চ নিরারম্ভঃ কার্যবাংশ্চৈব ভিক্ষুকঃ ॥ 5-33-64 (32769)
দ্বাবিমৌ পুরুষৌ রাজন্স্বর্গস্যোপরি তিষ্ঠতঃ।
প্রভুশ্চ ক্ষময়া যুক্তো দরিদ্রশ্চ প্রদানবান্ ॥ 5-33-65 (32770)
ন্যায়াগতস্য দ্রব্যস্য বোদ্ধব্যৌ দ্বাবতিক্রমৌ ।
অপাত্রে প্রতিপত্তিশ্চ পাত্রে চাৎপ্রতিপাদনম্ ॥ 5-33-66 (32771)
দ্বাবভ্যসি নিবেষ্টব্যৌ গলে বধ্বা দৃঢাং শিলাম্ ।
ধনবন্তমদাতারং দরিদ্রং চাতপস্বিনম্ ॥ 5-33-67 (32772)
দ্বাবিমৌ পুরুষব্যাঘ্র সূর্যমণ্ডলভেদিনৌ।
পরিব্রাড্যোগয়ুক্তশ্চ রণে চাভিমুখো হতঃ ॥ 5-33-68 (32773)
ত্রয়ো ন্যায়া মনুষ্যাণাং শ্রূয়ন্তে ভরতর্ষভ ।
কনীয়ান্মধ্যমঃ শ্রেষ্ঠ ইতি বেদবিদো বিদুঃ ॥ 5-33-69 (32774)
ত্রিবিধাঃ পুরুষা রাজন্নুত্তমাধমমধ্যমাঃ ।
নিয়োজয়েদ্যথাবত্তাংস্ত্রিবিধেষ্বেব কর্মসু ॥ 5-33-70 (32775)
ত্রয় এবাধনা রাজন্ভার্যা দাসস্তথা সুতঃ।
যত্তে সমধিগচ্ছন্তি যস্যৈতে তস্য তদ্ধনম্ ॥ 5-33-71 (32776)
হরণং চ পরস্বানাং পরদারাভিমর্শনম্ ।
সুহৃদশ্চ পরিত্যাগস্ত্রয়ো দোষাঃ ক্ষয়াবহাঃ ॥ 5-33-72 (32777)
ত্রিবিধং নরকস্যেদং দ্বারং নাশনমাত্মনঃ ।
কামঃ ক্রোধস্তথা লোভস্তস্মাদেতত্রয়ং ত্যজেৎ ॥ 5-33-73 (32778)
বরপ্রদানং রাজ্যং চ পুত্রজন্ম চ ভারত।
শত্রোশ্চ মোক্ষণং কৃচ্ছ্রাত্রীণি চৈকং চ তৎসমম্ ॥ 5-33-74 (32779)
ভক্তং চ ভজমানং চ তবাস্মীতি চ বাদিনম্ ।
ত্রীনেতাঞ্ছরণং প্রাপ্তান্বিষমেঽপি কন সন্ত্যজেৎ ॥ 5-33-75 (32780)
চৎবারি রাজ্ঞা তু মহাবলেন
বর্জ্যান্যাহুঃ পণ্ডিতস্তানি বিদ্যাৎ।
অল্পপ্রজ্ঞৈঃ সহ মন্ত্রং ন কুর্যা-
ন্ন দীর্ঘসূত্রৈরলসৈশ্চারণৈশ্চ ॥ 5-33-76 (32781)
চতবারি তে তাত গৃহে বসন্তু
শ্রিয়াঽভিজুষ্টস্য গৃহস্থধর্মে।
বৃদ্ধো জ্ঞাতিরবসন্নঃ কুলীনঃ
সখা দরিদ্রো ভগিনী চানপত্যা ॥ 5-33-77 (32782)
চৎবার্যাহ মহারাজ সাদ্যস্কানি বৃহস্পতিঃ।
পৃচ্ছতে ত্রিদশেন্দ্রায় তানীমানি নিবোধ মে ॥ 5-33-78 (32783)
দেবতানাং চ সঙ্কল্পমনুভাবং চ ধীমতাম্।
বিনয়ং কৃতবিদ্যানাং বিনাশং পাপকর্মণাম্ ॥ 5-33-79 (32784)
চৎবারি কর্মাণ্যভয়ংকরাণি
ভয়ং প্রয়চ্ছন্ত্যযথাকৃতানি ।
মানাগ্নিহোত্রমুত মানমৌনং
মানেনাধীতমুত মানয়জ্ঞঃ ॥ 5-33-80 (32785)
পঞ্চাগ্নয়ো মনুষ্যেণ পরিচর্যাঃ প্রয়ত্নতঃ।
পিতা মাতাগ্নিরাত্মা চ গুরুশ্চ ভরতর্ষভ ॥ 5-33-81 (32786)
পঞ্চৈব পূজয়ঁল্লোকে যশঃ প্রাপ্নোতি কেবলম্।
দেবান্পিতৄন্মনুষ্যাংশ্চ ভিক্ষূনতিথিপঞ্চমান্ ॥ 5-33-82 (32787)
পঞ্চ ৎবাঽনুগমিষ্যন্তি যত্র যত্র গমিষ্যসি।
মিত্রাণ্যমিত্রা মধ্যস্থা উপজীব্যোপজীবিনঃ । 5-33-83 (32788)
পঞ্চেন্দ্রিয়স্য মর্ত্যস্য ছিদ্রং চেদেকমিন্দ্রিয়ম্।
ততোঽস্য স্রবতি প্রজ্ঞা দৃতেঃ পাত্রাদিবোদকম্ ॥ 5-33-84 (32789)
ষড্দোষাঃ পুরুষেণেহ হাতব্যা ভূতিমিচ্ছতা।
নিদ্রা তন্দ্রী ভয়ং ক্রোধ আলস্যং দীর্ঘসূত্রতা । 5-33-85 (32790)
ষডিমান্পুরুষো জহ্যাদ্ভিন্নাং নাবমিবার্ণবে।
অপ্রবক্তারমাচার্যমনধীয়ানমৃৎবিজম্ ॥ 5-33-86 (32791)
অরক্ষিতারং রাজানং ভার্যাং চাপ্রিয়বাদিনীম্ ।
গ্রামকামং চ গোপালং বনকামং চ নাপিতম্ ॥ 5-33-87 (32792)
ষডেব তু গুণাঃ পুংসা ন হাতব্যাঃ কদাচন।
সত্যং দানমনালস্যমনসূয়া ক্ষমা ধৃতিঃ ॥ 5-33-88 (32793)
অর্থাগমো নিত্যমরোগিতা চ
প্রিয়া চ ভার্যা প্রিয়বাদিনী চ।
বশ্যশ্চ পুত্রোঽর্থকরী চ বিদ্যা
ষড্জীবলোকস্য সুখানি রাজন্ ॥ 5-33-89 (32794)
ষণ্ণামাত্মনি নিত্যানামৈশ্বর্যং যোঽধিগচ্ছতি।
ন স পাপৈঃ কুতোঽনর্থৈর্যুজ্যতে বিজিতেন্দ্রিয়ঃ ॥ 5-33-90 (32795)
ষডিমে ষট্সু জীবন্তি সপ্তমো নোপলভ্যতে।
চোরাঃ প্রমত্তে জীবন্তি ব্যাধিতেষু চিকিৎসকাঃ ॥ 5-33-91 (32796)
প্রমদাঃ কাময়ানেষু যজমানেষু যাজকাঃ ।
রাজা বিবদমানেষু নিত্যং মূর্খেষু পণ্ডিতাঃ ॥ 5-33-92 (32797)
ষডিমানি বিনশ্যন্তি মুহূর্তমনবেক্ষণাৎ।
গাবঃ সেবা কৃষির্ভার্যা বিদ্যা বৃষলসঙ্গতিঃ ॥ 5-33-93 (32798)
ষডেতে হ্যবমন্যন্তে নিত্যং পূর্বোপকারিণম্ ।
আচার্যং শিক্ষিতাঃ শিষ্যাঃ কৃতদারাশ্চ মাতরং ॥ 5-33-94 (32799)
নারীং বিগতকামাস্তু কৃতার্থাশ্চ প্রয়োজকম্ ।
নাবং নিস্তীর্ণকান্তারা নাতুরাশ্চ চিকিৎসকং ॥ 5-33-95 (32800)
আরোগ্যমানৃণ্যমবিপ্রবাসঃ
সদ্ভির্মনুষ্যৈঃ সহ সংপ্রয়োগঃ।
স্বপ্রত্যযা বৃত্তিরভীতবাসঃ
ষট্ জীবলোকস্য সুখানি রাজন্ ॥ 5-33-96 (32801)
ঈর্ষুর্ধৃণী নসন্তুষ্টঃ ক্রোধনো নিত্যশঙ্কিতঃ।
পরভাগ্যোপজীবী চ ষডেতে নিত্যদুঃখিতাঃ ॥ 5-33-97 (32802)
সপ্ত দোষাঃ সদা রাজ্ঞা হাতব্যা ব্যসনোদয়াঃ।
প্রায়শো যৈর্বিনশ্যন্তি কৃতমূলা অপীশ্বরাঃ॥ 5-33-98 (32803)
স্ত্রিয়োঽক্ষা মৃগয়া পানং বাক্পারুষ্যং চ পঞ্চমম্।
মহচ্চ দণ্ডপারুষ্যমর্থদূষণমেব চ॥ 5-33-99 (32804)
অষ্টৌ পূর্বনিমিত্তানি নরস্য বিনশিষ্যতঃ।
ব্রাহ্মণান্প্রথমং দ্বেষ্টি ব্রাহ্মণৈশ্চ বিরুধ্যতে॥ 5-33-100 (32805)
ব্রাহ্মণস্বানি চাদত্তে ব্রাহ্মণাংশ্চ জিঘাংসতি।
রমতে নিন্দয়া চৈষাং প্রশংসাং নাভিনন্দতি ॥ 5-33-101 (32806)
নৈনান্স্মরতি কৃত্যেষু যাচিতশ্চাভ্যসূয়তি।
এতান্দোষান্নরঃ প্রাজ্ঞো বুদ্ধ্যা বুধ্বা বিসর্জয়েৎ ॥ 5-33-102 (32807)
অষ্টাবিমানি হর্ষস্য নবনীতানি ভারত।
বর্তমানানি দৃশ্যন্তে তান্যেব স্বসুখান্যপি ॥ 5-33-103 (32808)
সমাগমশ্চ সখিভির্মহাংশ্চৈব ধনাগমঃ ।
পুত্রেণ চ পরিষ্বঙ্গঃ সন্নিপাতশ্চ মৈথুনে ॥ 5-33-104 (32809)
সময়ে চ প্রিয়ালাপঃ স্বয়ূথ্যেষু সমুন্নতিঃ ।
অভিপ্রেতস্য লাভশ্চ পূজা চ জনসংসদি ॥ 5-33-105 (32810)
অষ্টৌ গুমাঃ পুরুষং দীপয়ন্তি
প্রজ্ঞা চ কৌল্যং চ দমঃ শ্রুতং চ।
পরাক্রমশ্চাবহুভাষিতা চ
দানং যথাশক্তি কৃতজ্ঞতা চ ॥ 5-33-106 (32811)
নবদ্বারমিদং বেশ্ম ত্রিস্থূণং পঞ্চসাক্ষিকম্।
ক্ষেত্রজ্ঞাধিষ্ঠিতং বিদ্বান্যো বেদ স পরঃ কবিঃ ॥ 5-33-107 (32812)
দশ ধর্মং ন জানন্তি ধৃতরাষ্ট্র নিবোধ তান্।
মত্তঃ প্রমত্ত উন্মত্তঃ শ্রান্তঃ ক্রুদ্ধো বুভুক্ষিতঃ॥ 5-33-108 (32813)
ৎবরমাণশ্চ লুব্ধশ্চ ভীতঃ কামী চ তে দশ।
তস্মাদেতেষু ভাবেষু ন প্রসঞ্জেত পণ্ডিতঃ॥ 5-33-109 (32814)
অত্রৈবোদাহরন্তীমমিতিহাসং পুরাতনম্।
পুত্রার্থমসুরেন্দ্রেণ গীতং চৈব সুধন্বনা ॥ 5-33-110 (32815)
যঃ কামমন্যূ প্রজহাতি রাজা
পাত্রে প্রতিষ্ঠাপয়তে ধনং চ।
বিশেষবিচ্ছ্রুতবান্ক্ষিপ্রকারী
তং সর্বলোকঃ কুরুতে প্রমাণম্ ॥ 5-33-111 (32816)
জানাতি বিশ্বাসয়িতুং মনুষ্যান্
বিজ্ঞাতদোষেষু দধাতি দণ্ডম্।
জানাতি মাত্রাং চ তথা ক্ষমাং চ
তং তাদৃশং শ্রীর্জুষতে সমগ্রা ॥ 5-33-112 (32817)
সুদুর্বলং নাবজানাতি কংচি-
দ্যুক্তো রিপুং সেবতে বুদ্ধিপূর্বম্।
ন বিগ্রহং রোচয়তে বলস্থৈঃ
কালে চ যো বিক্রমতে স ধীরঃ ॥ 5-33-113 (32818)
প্রাপ্যাপ.. ন ব্যথতে কদাচি-
দুদ্যোগমান্বচ্ছতি চাপ্রমত্তঃ ।
দুঃখং চ কালে সহতে মহাত্মা
ধুরন্ধরস্তস্য জিতাঃ সপত্নাঃ ॥ 5-33-114 (32819)
অনর্থকং বিপ্রবাসং গৃহেভ্যঃ
পাপৈঃ সন্ধিং পরদারাভিমর্শম্।
দম্ভং স্তৈন্যং পৈশুনং মদ্যমানং
ন সেবতে যঃ স সুখী সদৈব ॥ 5-33-115 (32820)
ন সংরম্ভেণারভতে ত্রিবর্গ-
মাকারিতঃ শংসতি তত্ৎবমেব।
ন মিত্রার্থে রোচয়তে বিবাদং
নাপূজিতঃ কুপ্যতি চাপ্যমূঢঃ ॥ 5-33-116 (32821)
ন যোঽভ্যসূয়ৎসয়নুকম্পতে চ
ন দুর্বলঃ প্রাতিভাব্যং করোতি।
নাত্যাহ কিংচিৎক্ষমতে বিবাদং
সর্বত্র তাদৃগ্লভতে প্রশংসাম্॥ 5-33-117 (32822)
যো নোদ্ধতং কুরুতে জাতু বেষং
ন পৌরুষেণাপি বিকত্থতেঽন্যান্।
ন মূর্চ্ছিতঃ কটুকান্যাহ কিংচি-
ৎপ্রিয়ং সদা তং কুরুতে জনো হি ॥ 5-33-118 (32823)
ন বৈরমুদ্দিপয়তি প্রশান্তং
ন দর্পমারোহতি শান্তিমেতি।
ন দুর্গতোঽস্মীতি করোত্যকার্যং
তমার্যশীলং পরমাহুরার্যাঃ ॥ 5-33-119 (32824)
ন স্বে সুখে বৈ কুরুতে প্রহর্ষং
নান্যস্য দুঃখে ভবতি প্রহৃষ্টঃ।
দত্ৎবা ন পশ্চাৎকুরুতেঽনুতাপং
স কথ্যতে সৎপুরুষার্যশীলঃ ॥ 5-33-120 (32825)
দেশাচারান্সময়াঞ্জাতিধর্মান্
বুভূষতে যঃ স পরাবরজ্ঞঃ।
স যত্র তত্রাভিগতঃ সদৈব
মহাজনস্যাধিপত্যং করোতি ॥ 5-33-121 (32826)
দম্ভং মোহং মৎসরং পাপকৃত্যং
রাজদ্বিষ্টং পৈশুনং পূগবৈরম্।
মত্তোন্মত্তৈর্দুর্জনৈশ্চাপি বাদং
যঃ প্রজ্ঞাবান্বর্জয়েৎস প্রধানঃ ॥ 5-33-122 (32827)
দমং শৌচং দৈবিকং মঙ্গলানি
প্রায়শ্চিত্তান্বিবিধাঁল্লোকবাদান্।
এতানি যঃ কুরুতে নৈত্যকানি
তস্যোত্থানং দেবতা রাধয়ন্তি ॥ 5-33-123 (32828)
সমৈর্বিবাহং কুরুতে ন হীনৈঃ
সমৈঃ সখ্যং ব্যবহারং কথাং চ।
গুণৈর্বিশিষ্টাংশ্চ পুরো দধাতি
বিপশ্চিতস্তস্য নয়াঃ সুনীতাঃ ॥ 5-33-124 (32829)
মিতং ভুঙ্ক্তে সংবিভজ্যাশ্রিতেভ্যো
মিতং স্বপিত্যমিতং কর্ম কৃৎবা।
দদাত্যমিত্রেষ্বপি যাচিতঃ সং-
স্তমাত্মবন্তং প্রজহত্যনর্থাঃ ॥ 5-33-125 (32830)
চিকীর্ষিতং বিপ্রকৃতং চ যস্য
নান্যে জনাঃ কর্ম জানন্তি কিংচিৎ।
মন্ত্রে গুপ্তে সম্যগনুষ্ঠিতে চ
নাল্পোঽপ্যস্য চ্যবতে কশ্চিদর্থঃ ॥ 5-33-126 (32831)
যঃ সর্বভূতপ্রশমে নিবিষ্টঃ
সত্যো মৃদুর্মানকৃচ্ছুদ্ধভাবঃ
অতীব স জ্ঞায়তে জ্ঞাতিমধ্যে
মহামণির্জাত্য ইব সপ্রন্নঃ ॥ 5-33-127 (32832)
য আত্মনাঽপত্রপতে ভৃশং নরঃ
স সর্বলোকস্য গুরুর্ভবত্যুত
অনন্তজেজাঃ সুমনাঃ সমাহিতঃ
স তেজসা সূর্য ইবাবভাসতে ॥ 5-33-128 (32833)
বনে জাতাঃ শাপদগ্ধস্য রাজ্ঞঃ
পাণ্ডোঃ পুত্রাঃ পঞ্চ পঞ্চেন্দ্রকল্পাঃ ।
ৎবয়ৈব বালা বর্ধিতাঃ শিক্ষিতাশ্চ
তবাদেশং পালয়ন্ত্যাম্বিকেয় ॥ 5-33-129 (32834)
প্রদায়ৈষামুচিতং তাতরাজ্যং
সুখী পুত্রৈঃ সহিতো মোদমানঃ ।
ন দেবানাং নাপি চ মানুষাণাং
ভবিষ্যসি ৎবং গর্হণীয়ো নরেন্দ্র ॥ ॥ 5-33-130 (32835)
ইতি শ্রীমন্মহাভারতে উদ্যোগপর্বণি প্রজাগরপর্বণি ত্রয়স্ত্রিংশোঽধ্যায়ঃ ॥
Mahabharata - Udyoga Parva - Chapter Footnotes
5-33-5 অকল্পো ন কিংতু কল্পঃ সমর্থ এব । সর্বদা বিদুরসংদর্শনং ময় অপ্রত্যাখ্যেয়মিত্যর্থঃ ॥ 5-33-10 প্রজাগরং নিদ্রায়া অভাবম্ ॥ 5-33-12 যতঃ যদা প্রাপ্তঃ সঞ্জয়স্তদারভ্যেত্যর্থঃ। প্রচিন্তা প্রকৃষ্টা চিন্তা ॥ 5-33-14 অভিয়ুক্তমিত্যর্ধোপাৎ একঃ ত্রয়োঽন্যে চ প্রদাগরাবেশভাজনানি ॥ 5-33-15 গৃদ্ধ্যন্ লিপ্সাবান্ ॥ 5-33-17 প্রেষ্যঃ প্রকর্ষেণ এষণীয়ঃ প্রার্থ্য ইতিয়াবৎ । তে ৎবয়া প্রেষিতো বনমিতি শেষঃ ॥ 5-33-18 বিপরীতঃ রাজলক্ষণহীনঃ সর্বেষাং দ্বেষ্যঃ । ভাগধেয়ে রাজ্যাংশে । অর্চিষাং নেত্ররশ্মীনাং প্রক্ষয়াৎ। ন সংমতস্ৎবং ধর্মাত্মাপি সন্নিতি উপহাসঃ ॥ 5-33-19 আনৃশংস্যাৎ ক্রূরৎবাভাবাৎ। অনুক্রোশাৎ দয়ালুৎবাৎ। তিতিক্ষতে যুধিষ্ঠির ইতি শেষঃ ॥ 5-33-20 এতেষ্বিতি। এতেষামধীনো ভূৎবেত্যর্থঃ ॥ 5-33-21 এতেষু পাণ্ডিত্যং নাস্তীতি বক্তুং পাণ্ডিতলক্ষণান্যাহ আত্মজ্ঞানমিত্যাদিনা। আত্মজ্ঞানং শাস্ত্রীয়াপেক্ষম্। সমারম্ভঃ শক্ত্যপেক্ষঃ । তিতিক্ষা বৈরাগ্যাপেক্ষা। ধর্মনিত্যতা শ্রদ্ধাপেক্ষা। এতানি অয়থাভূতানি মূঢান্ পুরুষার্থাৎ ভ্রংশয়ন্তি নতু পণ্ডিতানিত্যর্থঃ ॥ 5-33-23 অনাস্তিকঃ পরলোকাদ্যস্তীতি জানন্। শ্রদ্দধানঃ শ্রদ্ধা গুরুবেদবাক্যাদিষু ফলাবশ্যংভাবনিশ্চয়স্তদ্বান্ ॥ 5-33-24 দর্পঃ পরাবজ্ঞানম্। স্তম্ভঃ অসন্নতিঃ। মান্যমানিতা মান্যং মানার্হং আত্মানং মন্যত ইতি মান্যমানী তস্য ভাবস্তত্তা ॥ 5-33-27 সংসারিণী স্বভাবতোঽনবস্তিতাপি কামাৎ ঐহিক সুখাৎ উভয়লোকসুখাবহং ধর্মমর্থং বৃণীতে স পণ্ডিতঃ। কামো ধর্মার্থাপেক্ষয়া নিকৃষ্ট ইত্যর্থঃ। কামাদিতি। যস্তু কামং ত্যক্ৎবা অর্থং বৃণীতে সঃ অর্থার্থী মোক্ষাদেব সর্বং অর্থং বিন্দতি জ্ঞানফলে মোক্ষে কৃৎস্নস্যার্থস্যান্তর্ভাবাৎ স জনকাদিতুল্যঃ অতঃ পণ্ডিত উচ্যতে ॥ 5-33-29 চিরং শৃণোতি জ্ঞানদার্ঢ্যায় অসংপৃষ্টঃ যথাবদপৃষ্টঃ। ব্যুপয়ুঙ্ক্তে বাগ্ব্যযং করোতি। পরার্থে বিষয়ে প্রজ্ঞানং চিহ্নম্ ॥ 5-33-31 নিশ্চিত্য স্বয়ত্নমাধ্যৎবম্। কর্মণঃ অন্তর্মধ্যে ন বসতি নোপরমতে কিংতু সমাপয়ত্যেব । অবন্ধ্যকালঃ সর্বদা সপ্রয়োজনমেব কর্মাচরন্ ॥ 5-33-32 আর্যাঃ শিষ্টাঃক তদ্যোগ্যকর্মণি । ভূরিতৈশ্বর্যং তৎপ্রাপ্ত্যর্থং কর্মাণি ॥ 5-33-34 যোগো রচনাপ্রকারঃ। উপায়স্তদর্থসাগ্রী। মনুষ্যাণাং মধ্যে স নরঃ পণ্ডিতঃ ॥ 5-33-35 প্রবৃত্তবাক্ অকুণ্ঠিতবচনঃ । চিত্রকথো লোককথাভিজ্ঞঃ । ঊহস্তর্কঃ। প্রতিভানং তৎকালস্ফূর্তিঃ ॥ 5-33-36 প্রজ্ঞানুগং বুদ্ধিবশ্যম্। শ্রুতানুগা শাস্ত্রানুসারিণী ॥ 5-33-38 মহামনাঃ অধিকেচ্ছাবান্। অকর্মণা হীনকর্মণা দ্যূতাদিনেত্যর্থঃ ॥ 5-33-42 সংসারয়তি ভৃত্যাদিদ্বারা প্রবর্তয়তি ॥ 5-33-46 নৈষ্কর্ম্যাৎ অয়ত্নতঃ॥ 5-33-47 কদর্যং অদাতারম্ ॥ 5-33-51 একয়া বুদ্দ্যা। দ্বে কার্যাকার্যে বিনিশ্চিত্য সম্যগবধার্য। ত্রীন্ মিত্রোদাসীনশত্রূন্। চতুর্ভিঃ সামদানভেদদণ্ডৈঃ। মিত্রং সাম্নৈব দানভেদাভ্যামুদাসীনম্ সর্বৈঃ শত্রুং বশীকুরু । পঞ্চ ইন্দ্রিয়াণি জিৎবা। ষড্বিদিৎবা সংধিবিগ্রহাদীন্ জ্ঞাৎবা। সপ্ত হিৎবা-স্ত্রিয়োঽক্ষা মৃগয়া পানং বাক্পারুষ্যং চ পঞ্চমম্। মহচ্চ দণ্ডপারুষ্যমর্থদূষণমেব চেতি সপ্ত হেয়ানি ত্যক্ৎবা সুখী ভব ॥ 5-33-54 সত্যং যথার্থভাষণম্। পারাবারস্য সমুদ্রস্য ॥ 5-33-69 যদ্ধং কনীয়ান্। ভেদদানে মধ্যমঃ। সাম উত্তমঃ 5-33-71 ৎবয়িসতি ৎবৎপুত্রোঽধনোঽতস্ৎবমেব পাণ্ডবানাং রাজ্যং দাতুং প্রভুরসীত্যর্থঃ ॥ 5-33-75 শরণং গৃহম্। বিষমেপি সংকটেপি ॥ 5-33-76 দীর্ঘসূত্রৈঃ ক্ষিপ্রসাধ্যে কার্যে চিরং কুর্বদ্ধিঃ । অলসৈঃ করিষ্যামীতি কালগমকৈঃ। চারণৈঃ স্তাবকৈঃ। অরণৈরিতিচ্ছেদো কবা। রণবিরোধিভির্দ্যূতাদ্যাসক্তৈরিত্যর্থঃ ॥ 5-33-77 বৃদ্ধঃ কুলধর্মানুপদিশতি। কুলীনঃ শিশূন্ আচারং গ্রাহয়তি। সখা হিতং বদতি। ভগিনী ধনং রক্ষতি ॥ 5-33-78 সাদ্যস্কানি সদ্যঃফলানি ॥ 5-33-79 দেবতাঃ স্বর্গভাজঃ। স্বর্গপদার্থশ্চ- যন্ন দুঃখেন সংভিন্নং ন চ গ্রস্তমনন্তরম্। অভিলাষোপনীতং চ তৎসুখং স্বঃপদাস্পদম্ ইত্যেবংরূপঃ। অতস্তে সত্যসংকল্পাঃ। ধীমতামগস্ত্যাদীনামনুভাবং সমুদ্রপানাদিপ্রভাবম্। তেপি দেবতুল্যা ইত্যর্থঃ। বিনয়োপি গুরুপ্রসাদকরৎবেন সদ্যঃফলঃ। বিনাশহেতুঃ কর্মাপি চৌর্যাদিকং তচ্চ ৎবয়্যেবাস্তি। তব সর্বং কর্ম মানার্থমেবেতি ভাঃ। পাপকর্মণাং বিনাশনং বিনাশয়িতুঃ সদ্যঃফলম্ ॥ 5-33-82 পিতৄন্ অগ্নিষ্বাত্তাদীন্ গোত্রপ্রবর্তকানৃষীংশ্চ । মনুষ্যান্ পিত্রাদীন্ ॥ 5-33-83 ৎবা ৎবাম্। উপজীব্যাঃ গুরবঃ । ইহ লোকে সাধিতা মিত্রাদয়াঃ। ইহ পরলোকে জন্মান্তরে বা স্বং স্বং কার্যং কুর্বন্তীত্যর্তঃ ॥ 5-33-84 দৃতেশ্চর্মময়াজ্জলপাত্রাৎ 5-33-88 গোপালস্য গ্রামে বাসে বনবাসসাধ্যস্য গোরক্ষণস্যাভাবঃ। নাপিতস্য বনে বাসে গ্রামে তৎকার্যাভাব ইতি ভাবঃ ॥ 5-33-90 ষণ্ণামিতি। আত্মনি চিত্তে নিত্যানাং ষণ্ণাম্- কামক্রোধৌ শোকমোহৌ মদমানৌ চ ষট্পদীত্যুক্তানাম্। ঐশ্বর্যং বশিৎবম্ ॥ 5-33-95 নাতুরাঃ অরোগাঃ ॥ 5-33-96 স্বপ্রত্যযা স্বনিশ্চয়পূর্বিকা বৃত্তিবর্তনং নতু গতানুগতিকয়েত্যর্থঃ ॥ 5-33-100 দ্বেষ্টি মনসানিষ্টং চিন্তয়তি। বিরুধ্যতে কর্মণা ॥ 5-33-104 সন্নিপাতঃ সমরতং (ন্নগর্ভঃ) ॥ 5-33-107 ত্রিস্থূণং বাতপিত্তশ্লেষ্মাণঃ স্থূণায়রূ...। পঞ্চ সাক্ষিবদুদাসীনাঃ শব্দাদয়ো গ্রাহ্যা যস্মিন্। ক্ষেত্রজ্ঞাধি ....... বীবাধিষ্ঠিতম্ ॥ 107 ॥ 5-33-108 মত্তে মদ্যাদিনা। প্রমত্তো বিষয়ান্তরাসক্তয়াঽনবহিতঃ। উন্মত্তে ধাতুদোষাৎ ॥ 5-33-112 মাত্রা উপরাধানুসারেণ দণ্ডপ্রমাণম্ । ব্রাহ্মণাদৌ অপরাধস্য ক্ষগাং চ জ...তি ॥ 5-33-113 যুক্তঃ ছি...পেক্ষণি হিতঃ ॥ 113 ॥ 5-33-114 সংভ্য...ক্রোধ ন চ স্ত্রিয়োঽর্থে যততে বিবাদং ইতি কo পাঠঃ। 5-33-116 ন ........ইতি । খo পাঠঃ। মাত্রার্থে অল্পার্থে ইতি ......॥ 5-33-11. প্রাতিভাব্যং প্রতিকূলো ভাবঃ চিত্তাভিপ্রায়া ......... প্রাতিভাব্যং বিরোধম্। অত্যাহ অতিকম্য ব্রবীতি ॥ 5-33-122 দম্ভং পরবচ্চনেচ্ছয়া ধর্মানুষ্ঠানম্ ॥ 5-33-127 জাত্য অভিজাতঃ উত্তমে আকরে জাতঃ ॥ 5-33-128 আত্মনা অপত্রপতে পরৈরজ্ঞাতেঽপি স্বব্যলীকে স্বয়মেব লজ্জতে ॥উদ্যোগপর্ব - অধ্যায় 034
॥ শ্রীঃ ॥
5.34. অধ্যায়ঃ 034
Mahabharata - Udyoga Parva - Chapter Topics
ধৃতরাষ্ট্রেণ দুর্যোধনাদিশ্রেয়স্সাধনপ্রশ্নে বিদুরেণ নীতিকথনপূর্বকং যুধিষ্ঠিরায় রাজ্যদানস্য তৎসাধনৎবকথনম্ ॥ 1 ॥Mahabharata - Udyoga Parva - Chapter Text
5-34-0 (32836)
ধৃতরাষ্ট্র উবাচ। 5-34-0x (3450)
জাগ্রতো দহ্যমানস্য যৎকার্যমনুপশ্যসি।
তদ্ব্রূহি ৎবং হি নস্তাত ধর্মার্থকুশলঃ শুচিঃ ॥ 5-34-1 (32837)
তস্মাদ্যথাবদ্বিদুর প্রশাধি
প্রজ্ঞাপূর্বং সর্বমজাতশত্রোঃ।
যন্মন্যসে পথ্যমদীনসৎব
শ্রেয়স্করং ব্রূহি তদ্বৈ কুরূণাম্ ॥ 5-34-2 (32838)
পাপাশঙ্কী পাপমেবানুপশ্যন্
পৃচ্ছামি ৎবাং ব্যাকুলেনাত্মনাহম্ ।
কজে তন্মে ব্রূহি তৎপং যথাব-
ন্মনীষিতং সর্বমজাতশত্রোঃ ॥ 5-34-3 (32839)
বিদুর উবাচ। 5-34-4x (3451)
শুভং বা যদি বা পাপং দ্বেষ্যং বা যদি বা প্রিয়ম্।
নাপৃষ্টঃ কস্যচিদ্ব্রূয়াদ্যঃ স নেচ্ছেৎপরাভবম্ ॥ 5-34-4 (32840)
তস্মাদ্বক্ষ্যামি তে রাজন্হিতং যৎস্যান্কুরূন্প্রতি।
বচঃ শ্রেয়স্করং ধর্ম্যং ব্রুবতস্তন্নিবোধ মে ॥ 5-34-5 (32841)
মিথ্যোপেতানি কর্মাণি সিদ্ধ্যেতাদীনি ভারত।
অনুপায়প্রয়ুক্তানি মা স্ম তে....মনঃ কৃথাঃ ॥ 5-34-6 (32842)
তথৈব যোগবিহিতং যত্তু কর্ম ন সিধ্যতি।
উপায়যুক্তং মেধাবী ন তত্র গ্লপয়েন্মনঃ ॥ 5-34-7 (32843)
অনুবন্ধানবেক্ষেত সানুবন্ধেষু কর্মসু।
সংপ্রধার্য চ কুর্বীত সহসা ন সমাচরেৎ ॥ 5-34-8 (32844)
অনুবন্ধং চ সংপ্রেক্ষ্য বিপাকং চৈব কর্মণাম্।
উত্থানমাত্মনশ্চৈব ধীরঃ কুর্বীত বা ন বা ॥ 5-34-9 (32845)
যঃ প্রমাণং ন জানাতি স্থানে বৃদ্ধৌ তথা ক্ষয়ে।
কোশে জনপদে দণ্ডে ন স রাজ্যেঽবতিষ্ঠতে ॥ 5-34-10 (32846)
যস্ৎবেতানি প্রমাণানি যথোক্তান্যনুপশ্যতি।
যুক্তো ধর্মার্থয়োর্জ্ঞানে স রাজ্যমধিগচ্ছতি ॥ 5-34-11 (32847)
ন রাজ্যং প্রাপ্তমিত্যেব বর্তিতব্যমসাংপ্রতম্।
শ্রিয়ং হ্যবিনয়ো হন্তি জরা রূপমিবোত্তমম্ ॥ 5-34-12 (32848)
ভক্ষ্যোত্তমপ্রতিচ্ছন্নং মৎস্যো বডিশমায়সম্।
অন্নাভিলাষী গ্রসতে নানুবন্ধমবেক্ষতে ॥ 5-34-13 (32849)
যচ্ছক্যং গ্রসিতুং গ্রস্যং গ্রস্তং পরিণমেচ্চ যৎ।
হিতং চ পরিণামে যত্তদাদ্যং ভূতিমিচ্ছতা ॥ 5-34-14 (32850)
বনস্পতেরপক্বানি ফলানি প্রচিনোতি যঃ।
স নাপ্নোতি রসং তেভ্যো বীজং চাস্য বিনশ্যতি ॥ 5-34-15 (32851)
যস্তু পক্বমুপাদত্তে কালে পরিণতং ফলম্।
ফলাদ্রসং স লভতে বীজাচ্চৈব ফলং পুনঃ ॥ 5-34-16 (32852)
যথা মধু সমাদত্তে রক্ষন্পুষ্পাণি ষট্পদঃ।
তদ্বদর্থান্মনুষ্যেভ্য আদদ্যাদবিহিংসয়া ॥ 5-34-17 (32853)
পুষ্পং পুষ্পং বিচিন্বীত মূলচ্ছেদং ন কারয়েৎ ।
মালাকার ইবারামে ন যথাঙ্গারকারকঃ ॥ 5-34-18 (32854)
কিং নু মে স্যাদিদং কৃৎবা কিং নু মে স্যাদকুর্বতঃ।
ইতি কর্মাণি সঞ্চিন্ত্য কুর্যাদ্বা পুরুষো ন বা ॥ 5-34-19 (32855)
অনারভ্যা ভবন্ত্যর্থাঃ কেচিন্নিত্যং যথাঽগতাঃ ।
কৃতঃ পুরুষকারোঽহি ভবেদ্যেষু নিরর্থকঃ ॥ 5-34-20 (32856)
` অনর্থে চৈব নিরতমর্থে চৈব পরাঙ্ভুখম্।
ন তং ভর্তারমিচ্ছন্তি ষণ্ঢং পতিমিব স্ত্রিয়ঃ ॥ 5-34-21 (32857)
প্রসাদো নিষ্ফলো যস্য ক্রোধশ্চাপি নিরর্থকঃ।
ন তং ভর্তারমিচ্ছন্তি ষণ্ঢং পতিমিব স্ত্রিয়ঃ ॥ 5-34-22 (32858)
কাংশ্চিদর্থান্নরঃ প্রাজ্ঞো লঘুমূলান্মহাফলান্ ।
ক্ষিপ্রমারভতে কর্তুং ন দীর্ঘয়তি তাদৃশান্ ॥ 5-34-23 (32859)
ঋজু পশ্যতি যঃ সর্বং চক্ষুষা নু পিবন্নিব ।
আসীনমপি তূষ্ণীকমনুরজ্যন্তি তং প্রজাঃ ॥ 5-34-24 (32860)
সুপুষ্পিতঃ স্যাদফলঃ ফলিতঃ স্যাদ্দুরারুহঃ ।
অপক্বঃ পক্বসঙ্কাশো ন তু শীর্যেত কর্হিচিৎ ॥ 5-34-25 (32861)
চক্ষুষা মনসা বাচা কর্মণা চ চতুর্বিধম্।
প্রসাদয়তি যো লোকং তং লোকোঽনুপ্রসীদতি ॥ 5-34-26 (32862)
যস্মাত্রস্যন্তি ভূতানি মৃগব্যাধান্মৃগা ইব।
সাগরান্তামপি মহীং লব্ধ্বা স পরিহীয়তে ॥ 5-34-27 (32863)
পিতৃপৈতামহং রাজ্যং প্রাপ্যাপি স্বেন কর্মণা।
বায়ুরভ্রমিবাসাদ্য ভ্রংশয়ত্যনয়ে স্থিতঃ ॥ 5-34-28 (32864)
ধর্মমাচরতো রাজ্ঞঃ সদ্ভিশ্চরিতমাদিতঃ।
বসুধা বসুসংপূর্ণা বর্ধতে ভূতিবর্ধনী ॥ 5-34-29 (32865)
অথ সংত্যজতো ধর্মমধর্মং চানুতিষ্ঠতঃ।
প্রতিসংবেষ্টতে ভূমিরগ্নৌ চর্মাহিতং যথা। 5-34-30 (32866)
য এব যত্নঃ ক্রিয়তে পররাষ্ট্রবিমর্দনে।
স এব যত্নঃ কর্তব্যঃ স্বরাষ্ট্রপরিপালনে । 5-34-31 (32867)
ধর্মেণ রাজ্যং বিন্দেত ধর্মেণ পরিপালয়েৎ।
ধর্মমূলাং শ্রিয়ং প্রাপ্য ন জহাতি ন হীয়তে ॥ 5-34-32 (32868)
অপ্যুন্মত্তাৎপ্রলপতো বালাচ্চ পরিজল্পতঃ।
সর্বতঃ সারমাদদ্যাদশ্মভ্য ইব কাঞ্চনম্ ॥ 5-34-33 (32869)
সুব্যাহৃতানি মহতাং সুকৃতানি ততস্ততঃ।
সঞ্চিন্বন্ধীর আসীত শিলাহারী শিলং যথা ॥ 5-34-34 (32870)
গন্ধেন গাবঃ পশ্যন্তি বেদৈঃ পশ্যন্তি ব্রাহ্মণাঃ ।
চারৈঃ পশ্যন্তি রাজানশ্চক্ষুর্ভ্যামিতরে জনাঃ ॥ 5-34-35 (32871)
ভূয়াংসং লভতে ক্লেশং যা গৌর্ভবতি দুর্দুহা ।
অথ যা সুদুঘা রাজন্নৈব তাং বিতুদন্ত্যপি ॥ 5-34-36 (32872)
যদতপ্তং প্রণমতি ন তৎসন্তাপমর্হতি।
যচ্চ স্বয়ং নতং দারু ন তৎসংনাময়েদ্বুধঃ ॥ 5-34-37 (32873)
এতয়োপময়া ধীরঃ সন্নমেত বলীয়সে।
ইন্দ্রায় স প্রণমতে নমতে যো বলীয়সে ॥ 5-34-38 (32874)
পর্জন্যনাথাঃ পশবো রাজানো মন্ত্রিবান্ধবাঃ।
পতয়ো বান্ধবাঃ স্ত্রীণাং ব্রাহ্মণা বেদবান্ধবাঃ ॥ 5-34-39 (32875)
সত্যেন রক্ষ্যতে ধর্মো বিদ্যা যোগেন রক্ষ্যতে ।
মৃজয়া রক্ষ্যতে রূপং কুলং বৃত্তেন রক্ষ্যতে ॥ 5-34-40 (32876)
মানেন রক্ষ্যতে ধান্যমশ্বান্রক্ষেদনুক্রমাৎ।
অভীক্ষ্ণদর্শনাদ্গাবঃ স্ত্রিয়ো রক্ষ্যাঃ কুচেলতঃ ॥ 5-34-41 (32877)
ন কুলং বৃত্তহীনস্য প্রমাণমিতি মে মতিঃ।
অন্তেষ্বপি হি জাতানাং বৃত্তমেব বিশিষ্যতে ॥ 5-34-42 (32878)
য ঈর্ষুঃ পরবিত্তেষু রূপে বীর্যে কুলান্বয়ে ।
সুখসৌভাগ্যসৎকারে তস্য ব্যাধিরনন্তকঃ ॥ 5-34-43 (32879)
অকার্যকরণাদ্ভীতঃ কার্যাণাং চ বিবর্জনাৎ।
অকালে মন্ত্রভেদাচ্চ যেন মাদ্যেন্ন তৎপিবেৎ ॥ 5-34-44 (32880)
বিদ্যামদো ধনমদস্তৃতীয়োঽভিজনো মদঃ।
মদা এতেঽবলিপ্তানামেত এব সতাং দমাঃ ॥ 5-34-45 (32881)
অসন্তোঽভ্যর্থিতাঃ সদ্ভিঃ ক্বচিৎকার্যে কদাচন।
মন্যন্তে সন্তমাত্মানমসন্তমপি বিশ্রুতম্ ॥ 5-34-46 (32882)
গতিরাত্মবতাং সন্তঃ সন্ত এব সতাং গতিঃ ।
অসতাং চ গতিঃ সন্তো ন ৎবসন্তঃ সতাং গতিঃ ॥ 5-34-47 (32883)
জিতা সভা বস্ত্রবতা মিষ্টাশা গোমতা জিতা।
অধ্বা জিতো যানবতা সর্বং শীলবতা জিতম্ ॥ 5-34-48 (32884)
শীলং প্রধানং পুরুষে তদ্যস্যেহ প্রণশ্যতি।
ন তস্য জীবিতেনার্থো ন ধনেন ন বন্ধুভিঃ ॥ 5-34-49 (32885)
আঢ্যানাং মাংসপরমং মধ্যানাং গোরসোত্তরম্।
তৈলোত্তরং দরিদ্রাণাং ভোজনং ভরতর্ষভ ॥ 5-34-50 (32886)
সংপন্নতরমেবান্নং দরিদ্রা ভুঞ্জতে সদা।
শ্রুৎস্বাদুতাং জনয়তি সা চাঢ্যেষু সুদুর্লভা ॥ 5-34-51 (32887)
প্রায়েণ শ্রীমতাং লোকে ভোক্তুং শক্তির্ন বিদ্যতে।
জীর্যন্ত্যপি হি কাষ্ঠানি দরিদ্রাণাং মহীপতে ॥ 5-34-52 (32888)
অবৃত্তির্ভয়মন্ত্যানাং মধ্যানাং মরণাদ্ভয়ম্ ।
উত্তমানাং তু মর্ত্যানামবমানাৎপরং ভয়ম্ ॥ 5-34-53 (32889)
ঐশ্বর্যমদপাপিষ্ঠা মদাঃ পানমদাদয়ঃ ।
ঐশ্বর্যমদমত্তো হি নো পতিৎবাঽববুধ্যতে ॥ 5-34-54 (32890)
ইন্দ্রিয়ৌরিন্দ্রিয়ার্থেষু বর্তমানৈরনিগ্রহৈঃ ।
তৈরয়ং তাপ্যতে লোকো নক্ষত্রাণি গ্রহৈরিব ॥ 5-34-55 (32891)
যো জিতঃ পঞ্চবর্গেণ সহজেনাত্মকর্ষিণা ।
আপদস্তস্য বর্ধন্তে শুক্লপক্ষ ইবোডুরাট্ ॥ 5-34-56 (32892)
অবিজিত্য য আত্মানমমাত্যান্বিজিগীষতে ।
অমিত্রান্বা জিতামাত্যঃ সোঽবশঃ পরিহীয়তে ॥ 5-34-57 (32893)
আত্মানমেব প্রথমং দ্বেষ্যরূপেণ যোজয়েৎ ।
ততোঽমাত্যানমিত্রাংশ্চ ন মোঘং বিজিগীষতে ॥ 5-34-58 (32894)
বশ্যেন্দ্রিয়ং জিতামাত্যং ধৃতদণ্ডং বিকারিষু ।
পরীক্ষ্যকারিণং ধীরমত্যন্তং শ্রীর্নিষেবতে ॥ 5-34-59 (32895)
রথঃ শরীরং পুরুষস্য রাজ-
ন্নাত্মা নিয়ন্তেন্দ্রিয়াণ্যস্য চাশ্বাঃ।
তৈরপ্রমত্তঃ কুশলী সদশ্বৈ-
র্দান্তৈঃ সুখং যাতি রথীব ধীরঃ ॥ 5-34-60 (32896)
এতান্যনিগৃহীতানি ব্যাপাদয়িতুমপ্যলম্।
অবিধেয়া ইবাদান্তাঃ সরথং সারথিং হয়ম্ ॥ 5-34-61 (32897)
অনর্থমর্থতঃ পশ্যন্নর্থং চৈবাপ্যনর্থতঃ।
ইন্দ্রিয়ৈরজিতৈর্বালঃ সুদুঃখং মন্যতে সুখম্ ॥ 5-34-62 (32898)
ধর্মার্থৌ যঃ পরিত্যজ্য স্যাদিন্দ্রিয়বশানুগঃ ।
শ্রীপ্রাণধনদারেভ্যঃ ক্ষিপ্রং স পরিহীয়তে ॥ 5-34-63 (32899)
অর্থানামীশ্বরো যঃ স্যাদিন্দ্রিয়াণামনীশ্বরঃ।
ইন্দ্রিয়াণামনৈশ্বর্যাদৈশ্বার্যাদ্ভূশ্যতে হি সঃ ॥ 5-34-64 (32900)
আত্মনাত্মানমন্বিচ্ছেন্মনোবুদ্ধীন্দ্রিয়ৈর্যতৈঃ ।
আত্মা হ্যেবাত্মনো বন্ধুরাত্মৈব রিপুরাত্মনঃ ॥ 5-34-65 (32901)
বন্ধুরাত্মাত্মনস্তস্য যেনৈবাত্মাত্মনা জিতঃ।
স এব নিয়তো বন্ধুঃ স এব নিয়তো রিপুঃ ॥ 5-34-66 (32902)
ক্ষুদ্রাক্ষেণেব জালেন ঝপাবপিহিতাবুরূ।
কামশ্চ রাজন্ক্রোধশ্চ তৌ প্রজ্ঞানং বিলুম্পতঃ ॥ 5-34-67 (32903)
সমবেক্ষ্যেহ ধর্মার্থৌ সংভারান্যোঽধিগচ্ছতি।
স বৈ সংভৃতসংভারঃ সততং সুখমেধতে ॥ 5-34-68 (32904)
যঃ পঞ্চাভ্যন্তরাঞ্শত্রূনবিজিত্য মনোময়ান্।
জিগীষতি রিপূনন্যান্রিপবোঽভিভবন্তি তম্ ॥ 5-34-69 (32905)
দৃশ্যন্তে হি মহাত্মানো বধ্যমানাঃ স্বকর্মভিঃ।
ইন্দ্রিয়াণামনীশৎবাদ্রাজানো রাজ্যবিভ্রমৈঃ ॥ 5-34-70 (32906)
অসংত্যাগাৎপাপকৃতামপাপাং-
স্তুল্যো দণ্ডঃ স্পৃশতে মিশ্রভাবাৎ।
শুষ্কেণার্দ্রং দহ্যতে মিশ্রভাবা-
ত্তস্মাৎপাপৈঃ সহ সন্ধিং ন কুর্যাৎ ॥ 5-34-71 (32907)
নিজানুৎপততঃ শত্রূন্পশ্চ পঞ্চপ্রয়োজনান্।
যো মোহান্ন নিগৃহ্ণাতি তমাপদ্গ্রসতে নরম্ ॥ 5-34-72 (32908)
অনসূয়ার্জবং শৌচং সন্তোষঃ প্রিয়বাদিতা।
দমঃ সত্যমনায়াসো ন ভবন্তি দুরাত্মনাম্ ॥ 5-34-73 (32909)
আত্মজ্ঞানমানায়াসস্তিতিক্ষা ধর্মনিত্যতা।
বাক্চৈব গুপ্তা দানং চ নৈতান্যন্ত্যেষু ভারত ॥ 5-34-74 (32910)
আক্রোশপরিবাদাভ্যাং বিহিংসন্ত্যবুধা বুধান্।
বক্তা পাপমুপাদত্তে ক্ষমমাণো বিমুচ্যতে ॥ 5-34-75 (32911)
হিংসা বলমসাধূনাং রাজ্ঞাং দণ্ডবিধির্বলম্ ।
শুশ্রূপা তু বলং স্ত্রীণাং ক্ষমা গুণবতাং বলম্ ॥ 5-34-76 (32912)
বাক্সংয়মো হি নৃপতে সুদুষ্করতমো মতঃ।
অর্থবচ্চ বিচিত্রং চ ন শক্যং বহু ভাষিতুম্ ॥ 5-34-77 (32913)
অভ্যাবহতি কল্যাণং বিবিধং বাক্ সুভাষিতা ।
সৈব দুর্ভাষিতা রাজন্ননর্থায়োপপদ্যতে ॥ 5-34-78 (32914)
রোহতে সায়কৈর্বিদ্ধং বনং পরশুনা হতম্।
বাচা দুরুক্তং বীভৎসং ন সংরোহতি বাক্ক্ষতম্॥ 5-34-79 (32915)
কর্ণিনালীকনারাচান্নির্হরন্তি শরীরতঃ।
বাক্ছশল্যস্তু ন নির্হর্তুং শক্যো হৃদিশয়ো হি সঃ ॥ 5-34-80 (32916)
বাক্সায়কা বদনান্নিষ্পতন্তি
যৈরাহতঃ শোচতি রাত্র্যহানি।
পরস্য নামর্মসু তে পতন্তি
তান্পণ্ডিতো নাবসৃজেৎপরেভ্যঃ ॥ 5-34-81 (32917)
যস্মৈ দেবাঃ প্রয়চ্ছন্তি পুরুষায় পরাভবম্।
বুদ্ধিং তস্যাপকর্ষন্তি সোঽবাচীনানি পশ্যতি॥ 5-34-82 (32918)
বুদ্ধৌ কলুষভূতায়াং বিনাশে প্রত্যুপস্থিতে।
অনয়ো নয়সঙ্কাশো হৃদয়ান্নাপসর্পতি ॥ 5-34-83 (32919)
সেয়ং বুদ্ধিঃ পরীতা তে পুত্রাণাং ভরতর্ষভ ।
পাণ্ডবানাং বিরোধেন ন চৈনানববুধ্যসে ॥ 5-34-84 (32920)
রাজা লক্ষণসংপন্নস্ত্রৈলোক্যস্যাপি যো ভবেৎ।
শিষ্যস্তে শাসিতা সোঽস্তু ধৃতরাষ্ট্র যুধিষ্ঠিরঃ ॥ 5-34-85 (32921)
অতীব সর্বান্পুত্রাংস্তে ভাগধেয়পুরস্কৃতঃ।
তেজসা প্রজ্ঞয়া চৈব যুক্তো ধর্মর্থতত্ৎববিৎ ॥ 5-34-86 (32922)
অনুক্রোশাদানৃশংস্যাদ্যোঽসৌ ধর্মভৃতাং বরঃ।
গৌরবাত্তব রাজেন্দ্র বহূন্ক্লেশাংস্তিতিক্ষতি ॥ ॥ 5-34-87 (32923)
ইতি শ্রীমন্মহাভারতে উদ্যোগপর্বণি প্রজাগরপর্বণি চতুস্ত্রিংশোঽধ্যায়ঃ ॥
Mahabharata - Udyoga Parva - Chapter Footnotes
5-34-1 দহ্যমানস্য চিন্তাগ্নিনেতি ...... ॥ 5-34-2 অজাতশত্রোঃ পধ্যে কুরূণাং চ শ্রেয়স্করম্ ॥ 5-34-3 পাপাশঙ্কী ভাবিদুঃখাদুহ্রিজন্। পাপং স্বকৃতং পর্বাপরাধং পশ্যন্ ॥ 5-34-6 মিথ্যোপেতানি কপটদ্যুতাদীনি। অনুপপ্যৈঃ অসদপায়ৈঃ প্রয়ুক্তানি দুঃখফলানীত্যর্থঃ ॥ 5-34-8 অনুবন্ধান্ প্রয়োজনানি ॥ 5-34-12 অসাংপ্রতং অয়ুক্তং যথা স্যাত্তথা ন বর্তিতব্যম্ ॥ 5-34-13 মুখে মুষ্টিমন্তে মৃত্যুদং কর্ম ন কর্তব্যমিত্যর্থঃ। অনুবন্ধে পশ্চাদ্বন্ধম্ ॥ 5-34-14 আদ্যং ভক্ষণীয়ম্ ॥ 5-34-18 অঙ্গারকারকো হি মূলত উৎকৃত্য কাষ্ঠং দহতি । অঙ্গার ইঙ্গালঃ ॥ 5-34-20 অনারভ্যাঃ প্রবলৈঃ সহ বৈরাদয়ঃ। অগতাঃ কদাচিদপ্যপ্রাপ্তাঃ ॥ 5-34- 23 লঘুমূলান্ অল্পোপায়নান্ ॥ 5-34- 25 সুপুষ্পিতঃ বাচা চক্ষুষা চানুগ্রহং দর্শয়ন্নপি অফলঃ স্যাৎ। ভৃত্যে ন ধনেন বর্ধয়েৎ। সফলোপি সন্ দুরারুহঃ ভৃত্যবশ্যো ন ভবেৎ। অপক্ব ইতি। অন্তর্বলহীনোঽপি বলবত্তাং বহিঃ প্রকাশয়েদেবেত্যর্থঃ ॥ 5-34-26 কর্মণা দানেন। লোকং ভৃত্যবর্গম্ ॥ 5-34-29 আদিতঃ আদিকালাৎ সদ্ভিরাচরিতং ধর্মমাচরত ইত্যন্বয়ঃ ॥ 5-34-30 প্রতিসংবেষ্টতে সংকুচতি । বহুফলং ন প্রয়চ্ছতীত্যর্থঃ ॥ 5-34-32 ন জহাতি শ্রিয়ম্ ॥ 5-34-34 সুব্যাহৃতানি পাণ্ডিত্যবচনানি সুকৃতানি তদুপদিষ্টকর্মাণি। শিলং কণিশাদ্যর্জনম্ ॥ 5-34-40 যোগেন অভ্যাসেন। মৃজয়া উদ্বর্তনেন ॥ 5-34-41 অনুক্রমঃ ব্যায়ামশিক্ষাদিঃ । মানং দ্রোণাদি ॥ 5-34-42 প্রমাণং ধর্মস্য কারণম্ ॥ 5-34-44 অকালে ইষ্টসিদ্ধএ প্রাক্ ভীতঃ স্যাৎ। যেন মাদ্যেৎ লোভাদিনা তন্ন পিবেৎ নাশ্রয়েৎ ॥ 5-34-45 অভিজনঃ সহায়ঃ ॥ 5-34-51 সংপন্নং মিষ্টম্ ॥ 5-34-53 শীলাভাবে সৎসু অবমানো মহান্ ক্লেশ ইত্যাহ অবৃত্তীতি ॥ 5-34-54 ঐশ্বর্যমদঃ পাপিষ্ঠো নিন্দিততমো যেভ্যস্তে পানমদাদয়ো মদাঃ ॥ 5-34-55 ইন্দ্রিয়ার্থেষু শব্দাদিষু গ্রহৈঃ সূর্যাদিভিঃ ॥ 5-34-56 পঞ্চবর্গঃ শ্রোত্রাদিগণঃ ॥ 5-34-58 আত্মানং মনঃ ॥ 5-34-61 ব্যাপাদয়িতুং নাশয়িতুম্। অবিধেয়াঃ অবশাঃ ॥ 5-34-62 অর্থতোঽর্থহেতোঃ। অনর্থতঃ অন্যায়তঃ ॥ 5-34-67 ক্ষুদ্রাক্ষেণ সূক্ষ্মছিদ্রেণ প্রজ্ঞানং তৌ নাশয়তঃ। জালমিব মহামীনাবিত্যর্থঃ ॥ 5-34-68 সমবেক্ষ্য অনুরুধ্য। সংভারান্ জয়সাধনানি ॥ 5-34-70 রাজানো রাবণাদয়ঃ। রাজ্যবিভ্রমৈঃ ঐশ্বর্যবিলাসৈঃ । স্বকর্মভিঃ সীতাহরণাদিভিঃ ॥ 5-34-72 পঞ্চ ইন্দ্রিয়াণি পঞ্চপ্রয়োজনানি শব্দশ্রবণাদীনি যেষাং তান্। উৎপততঃ উৎপথেন গচ্ছতঃ ॥ 5-34-73 অনায়াসঃ অচাঞ্চল্যম্ ॥ 5-34-74 তিতিক্ষা দ্বন্দ্বসহনশীলতা। বাক্গুপ্তা অসংবদ্ধপ্রলাপাদ্রক্ষিতা। অন্ত্যেষু নীচেষু ॥ 5-34-75 আক্রোশো রূক্ষভাষণম্। পরিবাদো নিন্দা ॥ 5-34-77 বাক্যসংয়মো নিয়তং বচনম্। বিচিত্রং চমৎকারয়ুক্তম্॥ 5-34-79 বীভৎসং নিন্দিতং যতো ন সংরোহতি ॥ 5-34-80 কর্ণী কর্ণাকৃতিফলকো বাণঃ। নালীকঃ নলিকয়া প্রক্ষেপ্যো বাণঃ। নির্হরন্তি নিঃসারয়ন্তি ॥ 5-34-81 নামর্মসু কিংতু মর্মস্যেব ॥ 5-34-82 অবাচীনানি নীচকর্মাণি ॥ 5-34-85 শিষ্যস্তে ৎবদাজ্ঞকারী। শাসিতা পৃথিব্যাঃ ॥ 5-34-86 ভাগধেয়ে রাজ্যাংশে পুরস্কৃতঃ 5-34-87 অনুক্রোশাৎ দয়ালুৎবাৎ। আনৃশংস্যাৎ অক্রৌর্যাৎ ॥উদ্যোগপর্ব - অধ্যায় 035
॥ শ্রীঃ ॥
5.35. অধ্যায়ঃ 035
Mahabharata - Udyoga Parva - Chapter Topics
বিদুরেণ ধৃতরাষ্ট্রংপ্রতি সুধন্ববিরোচনসংবাদাদিকথনপূর্বকং পাণ্ডবেষু পুত্রতৌল্যেন বৃত্তিবিধানম্ ॥ 1 ॥Mahabharata - Udyoga Parva - Chapter Text
5-35-0 (32924)
ধৃতরাষ্ট্র উবাচ। 5-35-0x (3452)
ব্রূহি ভূয়ো মহাবুদ্ধে ধর্মার্থসহিতং বচঃ।
শ্রৃণ্বতো নাস্তি মে তৃপ্তির্বিচিত্রাণীহ ভাষসে ॥ 5-35-1 (32925)
বিদুর উবাচ। 5-35-2x (3453)
সর্বতীর্থেষু বা স্নানং সর্বভূতেষু চার্জবম্।
উভে ৎবেতে সমে স্যাতামার্জবং বা বিশিষ্যতে। 5-35-2 (32926)
আর্জবং প্রতিপদ্যস্ব পুত্রেষু সততং বিভো।
ইহ কীর্তি পরাং প্রাপ্য প্রেত্য স্বর্গমবাপ্স্যসি ॥ 5-35-3 (32927)
যাবৎকীর্তির্মনুষ্যস্য পুণ্যা লোকে প্রগীয়তে।
তাবৎস পুরুষব্যাঘ্র স্বর্গলোকে মহীয়তে॥ 5-35-4 (32928)
অত্রাপ্যুদাহরন্তীমমিতিহাসং পুরাতনম্।
বিরোচনস্য সংবাদং কেশিন্যর্থে সুধন্বনা ॥ 5-35-5 (32929)
স্বয়ংবরে স্থিতা কন্যা কেশিনী নাম নামতঃ।
রূপেণাপ্রতিমা রাজন্বিশিষ্টপতিকাম্যযা ॥ 5-35-6 (32930)
বিরোচনোঽথ দৈতেয়স্তদা তত্রাজগাম হ।
প্রাপ্তুমিচ্ছংস্ততস্তত্র দৈত্যেন্দ্রং প্রাহ কেশিনী ॥ 5-35-7 (32931)
কেশিন্যুবাচ। 5-35-8x (3454)
কিং ব্রাহ্মণাঃ স্বিচ্ছ্রেয়াংসো দিতিজাঃ স্বিদ্বিরোচন
অথ কেন স্ম পর্যঙ্কং সুধন্বা নাধিরোহতি ॥ 5-35-8 (32932)
বিরোচন উবাচ। 5-35-9x (3455)
প্রাজাপত্যাস্তু বৈ শ্রেষ্ঠা বয়ং কেশিনি সত্তমাঃ।
অস্মাকং খল্বিমে লোকাঃ কে দেবাঃ কে দ্বিজাতয়ঃ 5-35-9 (32933)
কেশিন্যুবাচ। 5-35-10x (3456)
ইহৈবাবাং প্রতীক্ষাব উপস্থানে বিরোচন।
সুধন্বা প্রাতরাগন্তা পশ্যেয়ং বাং সমাগতৌ ॥ 5-35-10 (32934)
বিরোচন উবাচ। 5-35-11x (3457)
তথা ভদ্রে করিষ্যামি যথা ৎবং ভীরু ভাষসে।
সুধন্বানং চ মাং চৈব প্রাতর্দ্রষ্টাসি সঙ্গতৌ ॥ 5-35-11 (32935)
বিদুর উবাচ। 5-35-12x (3458)
অতীতায়াং চ শর্বর্যামুদিতে সূর্যমণ্ডলে।
অথাজগাম তং দেশং সুধন্বা রাজসত্তম।
বিরোচনো যত্র বিভো কেশিন্যা সহিতঃ স্থিতঃ ॥ 5-35-12 (32936)
সুধন্বা চ সমাগচ্ছৎপ্রাহ্লাদিং কেশিনীং তথা।
সমাগতং দ্বিজং দৃষ্ট্বা কেশিনী ভরতর্ষভ।
প্রত্যুত্থায়াসনং তস্মৈ পাদ্যমর্ঘ্যং দদৌ পুনঃ ॥ 5-35-14a` ইতি হোবাচ বচনং বিরোচনমনুত্তমম্।
আস্স্ব তল্পে হি সৌবর্ণে প্রাহ্লাদে ব্রাহ্মণস্ৎবহম্ ॥' 5-35-13 (32937)
অন্বালভে হিরণ্ময়ং প্রাহ্লাদে তে বরাসনম্।
একৎবমুপসংপন্নো নৎবাসোঽহং ৎবয়া সহ ॥ 5-35-15 (32938)
বিরোচন উবাচ। 5-35-16x (3459)
তবার্হতে তু ফলকং কূর্চং বাপ্যথবা বৃসী।
সুধন্বন্ন ৎবমর্হোঽসি ময়া সহ সমাসনম্ ॥ 5-35-16 (32939)
সুধন্বোবাচ। 5-35-17x (3460)
পিতাপুত্রৌ সহাসীতাং দ্বৌ বিপ্রৌ ক্ষত্রিয়াবপি।
বৃদ্ধৌ বৈশ্যৌ চ শূদ্রৌ চ ন ৎবন্যাবিতরেতরম্ ॥ 5-35-17 (32940)
পিতা হি তে সমাসীনমুপাসীতৈব মামধঃ।
বালঃ সুখৈধিতো গেহে ন ৎবং কিঞ্চন বুধ্যসে ॥ 5-35-18 (32941)
বিরোচন উবাচ। 5-35-19x (3461)
হিরণ্যং চ গবাশ্বং চ যদ্বিত্তমসুরেষু নঃ।
সুধন্বন্বিপণে তেন প্রশ্নং পৃচ্ছাব যে বুদুঃ ॥ 5-35-19 (32942)
সুধন্বোবাচ। 5-35-20x (3462)
হিরণ্যং চ গবাশ্বং চ তবৈবাস্তু বিরোচন।
প্রাণয়োস্তু পণং কৃৎবা প্রশ্নং পৃচ্ছাব যে বিদুঃ ॥ 5-35-20 (32943)
বিরোচন উবাচ। 5-35-21x (3463)
আবাং কুত্র গমিষ্যাবঃ প্রাণয়োর্বিপণে কৃতে।
ন তু দেবেষ্বহং স্থাতা ন মনুষ্যেষু কর্হিচিৎ ॥ 5-35-21 (32944)
সুধন্বোবাচ। 5-35-22x (3464)
পিতরং তে গমিষ্যাবঃ প্রাণয়োর্বিপণে কৃপে।
পুত্রস্যাপি স হেতোর্হি প্রহ্লাদো নানৃতং বদেৎ ॥ 5-35-22 (32945)
বিদুর উবাচ। 5-35-23x (3465)
এবং কৃতপণৌ ক্রুদ্ধৌ তত্রাভিজগ্মতুস্তদা।
বিরোচনসুধন্বানৌ প্রহ্লাদৌ যত্র তিষ্ঠতি ॥ 5-35-23 (32946)
প্রহ্লাদ উবাচ। 5-35-24x (3466)
ইমৌ তৌ সংপ্রদৃশ্যেতে যাভ্যাং ন চরিতং সহ।
আশীবিষাবিব ক্রুদ্ধাবেকমার্গাবিহাগতৌ ॥ 5-35-24 (32947)
কিং বৈ সহৈবং চরথো ন পুরা চরথঃ সহ।
বিরোচনৈতৎপৃচ্ছামি কিং তে সখ্যং সুধন্বনা ॥ 5-35-25 (32948)
বিরোচন উবাচ। 5-35-26x (3467)
ন মে সুধন্বনা সখ্যং প্রাণয়োর্বিপণাবহে।
প্রহ্লাদ তত্ৎবং পৃচ্ছামি মা প্রশ্নমনৃতং বদেঃ ॥ 5-35-26 (32949)
প্রহ্লাদ উবাচ। 5-35-27x (3468)
উদকং মধুপর্কং চাপ্যানয়ন্তু সুধন্বনে।
ব্রহ্মন্নভ্যর্চনীয়োঽসি শ্বেতা গৌঃ পীবরী কৃতা ॥ 5-35-27 (32950)
সুধন্বোবাচ। 5-35-28x (3469)
উদকং মধুপর্কং চ প্রশ্নবাচার্পিতং মম।
প্রহ্লদ ৎবং তু মে তথ্যং প্রশ্নং প্রব্রূহি পৃচ্ছতঃ।
কিং ব্রাহ্মণাঃ স্বিচ্ছ্রেয়াংস উতাহো স্বিদ্বিরোচনঃ 5-35-28 (32951)
প্রহ্লাদ উবাচ। 5-35-29x (3470)
` ন কল্মাষো ন কপিলো ন কৃষ্ণো ন চ লোহিতঃ।
অণীয়ান্ক্ষুরধারায়াঃ কো ধর্মং বক্তুমর্হিতি ॥ 5-35-29 (32952)
অভিবাদ্যো ভবান্ব্রহ্মন্সাক্ষ্যে চৈব নিয়োজিতঃ ।'
পুত্র একো মম ব্রহ্মংস্ৎবং চ সাক্ষাদিহাস্থিতঃ ।
তয়োর্বিবদতোঃ প্রশ্নং কথমস্মদ্বিধো বদেৎ ॥ 5-35-30 (32953)
সুধন্বোবাচ। 5-35-31x (3471)
` যদেতত্ৎবং ন বক্ষ্যসি যদি বাপি বিবক্ষ্যসি।
প্রহ্লাদ প্রশ্নমতুলং মূর্ধা তে বিফলিষ্যতি ॥ 5-35-31 (32954)
বিদুর উবাচ। 5-35-32x (3472)
আদিত্যেন সহায়ান্তং প্রহ্লাদো হংসমব্রবীৎ।
ধৃতরাষ্ট্র মহাপ্রাজ্ঞ সর্বজ্ঞং সর্বদর্শিনম্ ॥ 5-35-32 (32955)
প্রহ্লাদ উবাচ। 5-35-33x (3473)
পুত্রো বাঽন্যো ভবেদ্ব্রহ্মন্সাক্ষ্যে চাপি ভবেৎস্থিতঃ।
তয়োর্বিবদতোর্হংস কথং ধর্মঃ প্রবর্ততে ॥ 5-35-33 (32956)
হংস উবাচ।' 5-35-34x (3474)
গাং প্রদদ্যাদৌরসায় যদ্বান্যৎস্যাৎপ্রিয়ং ধনম্।
দ্বয়োর্বিবদতো রাজন্প্রশ্নং সত্যং যথা বদেৎ ॥ 5-35-34 (32957)
প্রহ্লাদ উবাচ। 5-35-35x (3475)
অথ যো নৈব প্রব্রূয়াৎসত্যং বা যদি বাঽনৃতম্।
হংস তৎবং চ পৃচ্ছামি কিয়দেনঃ করোতি সঃ ॥ 5-35-35 (32958)
`হংস উবাচ 5-35-36x (3476)
পৃষ্টো ধর্মং ন বিব্রূয়াদ্গোকর্ণশিথিলং চরন্।
ধর্মাদ্ভ্রশ্যতি রাজংস্তু নাস্য লোকোঽস্তি ন প্রজাঃ । 5-35-36 (32959)
ধর্ম এতান্সংরুজতি যথা নদ্যস্তু কূলজান্।
যে ধর্মমনুপশ্যন্তস্তূষ্ণীং ধ্যায়ন্ত আসতে ॥ 5-35-37 (32960)
শ্রেষ্ঠোঽর্ধং তু হরেত্তত্র ভবেৎপাদশ্চ কর্তরি।
পাদস্তেষু সভাসৎসু যত্র নিন্দ্যো ন নিন্দ্যতে ॥ 5-35-38 (32961)
অনেনা ভবতি শ্রেষ্ঠো মুচ্যন্তেঽপি সভাসদঃ।
কর্তারমেনো গচ্ছেদ্বা নিন্দ্যো যত্র হি নিন্দ্যতে ॥ 5-35-39 (32962)
প্রহ্লাদ উবাচ। 5-35-40x (3477)
মোহাদ্বা চৈব কামাদ্বা মিথ্যাবাদং যদি ব্রুবন্।
ধৃতরাষ্ট্র তৎবং পৃচ্ছামি দুর্বিবক্তা তু কিং বসেৎ ॥ 5-35-40 (32963)
হংস উবাচ।' 5-35-41x (3478)
যাং রাত্রিমধিবিন্না স্ত্রী যাং চৈবাক্ষপরাজিতঃ।
যাং চ ভারাভিতপ্তাঙ্গো দুর্বিবক্তা তু তাং বসেৎ ॥ 5-35-41 (32964)
নগরে প্রতিরুদ্ধঃ সন্বহির্দ্বারে বুভুক্ষিতঃ।
অমিত্রান্ভূয়সঃ পশ্যন্দুর্বিবক্তা তু তাং বসেৎ ॥ 5-35-42 (32965)
যাং চ রাত্রিমভিদ্রুগ্ধো যাং চ মিত্রে প্রিয়েঽনৃতে।
সর্বস্বেন চ হীনো যো দুর্বিবক্তা তু তাং বসেৎ ॥ 5-35-43 (32966)
পঞ্চ পশ্বনৃতে হন্তি দশ হন্তি গবানৃতে।
শতমশ্বানৃতে হন্তি সহস্রং পুরুষানৃতে ॥ 5-35-44 (32967)
হন্তি জাতানজাতাংশ্চ হিরণ্যার্থেঽনৃতং বদন্।
সর্বং ভূম্যনৃতে হন্তি মা স্ম ভূম্যনৃতং বদেঃ ॥ 5-35-45 (32968)
প্রহ্লাদ উবাচ। 5-35-46x (3479)
মত্তঃ শ্রেয়ানঙ্গিরা বৈ সুধন্বা ৎবিদ্বরোচন।
মাতাস্য শ্রেয়সী মাতুস্তস্মাত্ৎবং তেন বৈ জিতঃ ॥ 5-35-46 (32969)
বিরোচন সুধন্বাঽয়ং প্রাণানামীশ্বরস্তব।
সুধন্বন্পুনরিচ্ছামি ৎবয়া দত্তং বিরোচনম্ ॥ 5-35-47 (32970)
সুধন্বোবাচ। 5-35-48x (3480)
যদ্ধর্মমবৃণীথাস্ৎবং ন কামাদনৃতং বদীঃ।
পুনর্দদামি তে পুত্রং তস্মাৎপ্রহ্লাদ দুর্লভম্ ॥ 5-35-48 (32971)
এষ প্রহ্লাদ পুত্রস্তে ময়া দত্তো বিরোচনঃ।
পাদপ্রক্ষালনং কুর্যাৎকুমার্যাঃ সন্নিধৌ মম ॥ 5-35-49 (32972)
বিদুর উবাচ। 5-35-50x (3481)
তস্মাদ্রাজেন্দ্র ভূম্যর্থে নানৃতং বক্তুমর্হসি।
মা গমঃ সসুতামাত্যো নাশং পুত্রার্থমব্রুবন্ ॥ 5-35-50 (32973)
ন দেবা যষ্টিমাদায় রক্ষন্তি পশুপালবৎ।
যং তু রক্ষিতুমিচ্ছন্তি বুদ্ধ্যা সংয়োজয়ন্তি তম্ ॥ 5-35-51 (32974)
যথায়থা হি পুরুষঃ কল্যাণে কুরুতে মনঃ।
তথাতথাঽস্য সর্বার্থাঃ সিদ্ধ্যন্তে নাত্র সংশয়ঃ ॥ 5-35-52 (32975)
নৈনং ছন্দাংসি বৃজিনাত্তারয়ন্তি
মায়াবিনং মায়যা বর্তমানম্।
নীডং শকুন্তা ইব জাতপক্ষা-
শ্ছন্দাংস্যেনং প্রজহত্যন্তকালে ॥ 5-35-53 (32976)
মদ্যপানং কলহং পূগবৈরং
ভার্যাপত্যোরন্তরং জ্ঞাতিভেদম্।
রাজদ্বিষ্টং স্ত্রীপুংসয়োর্বিবাদং
বর্জ্যান্যাহুর্যশ্চ পন্থাঃ প্রদুষ্টঃ ॥ 5-35-54 (32977)
সামুদ্রিকং বণিজং চোরপূর্বং
শলাকধূর্তং চ চিকিৎসকং চ।
অরিং চ মিত্রং চ কুশীলবং চ
নৈতান্সাক্ষ্যে ৎবধিকৃর্বীত সপ্ত ॥ 5-35-55 (32978)
মানাগ্নিহোত্রমুত মানমৌনং
মানেনাধীতমুত মানয়জ্ঞঃ।
এতানি চৎবার্যভয়ঙ্করাণি
ভয়ং প্রয়চ্ছন্ত্যযথাকৃতানি ॥ 5-35-56 (32979)
অগারদাহী গরদঃ কুণ্ডাশী সোমবিক্রয়ী।
পর্বকারশ্চ সূচী চ মিত্রধ্রুক্পারদারিকঃ ॥ 5-35-57 (32980)
ভ্রূণহা গুরুতল্পী চ যশ্চ স্যাৎপানপো দ্বিজঃ।
অতিতীক্ষ্ণশ্চ কারুশ্চ নাস্তিকো বেদনিন্দকঃ ॥ 5-35-58 (32981)
স্রুবপ্রগ্রহণো ব্রাত্যঃ কীনাশশ্চাত্মবানপি ।
রক্ষেত্যুক্তশ্চ যো হিংস্যাৎসর্বে ব্রহ্মহভিঃ সমাঃ ॥ 5-35-59 (32982)
তৃণোল্কয়া জ্ঞায়তে জাতরূপং
বৃত্তেন ভদ্রো ব্যবহারেণ সাধুঃ।
শূরো ভয়েষ্বর্থকৃচ্ছ্রেষু ধীরঃ
কৃচ্ছ্রেষ্বাপৎসু সুহৃদশ্চারয়শ্চ ॥ 5-35-60 (32983)
জরা রূপং হরতি হি ধৈর্যমাশা
মৃত্যুঃ প্রাণান্ধর্মচর্যামসূয়া।
ক্রোধঃ শ্রিয়ং শীলমনার্যসেবা
হ্রিয়ং কামঃ সর্বমেবাভিমানঃ । 5-35-61 (32984)
ন ক্রোধিনোঽর্থো ন নৃশংমস্য মিত্রং
ক্রৃগস্য ন স্ত্রী সুখিনো ন বিদ্যা ।
ন কামিনো হ্রীরলসস্য ন শ্রীঃ
সর্বং তু ন স্যাদনবস্থিতস্য ॥ 5-35-62 (32985)
শ্রীর্মঙ্গলান্প্রভবতি প্রাগল্ভ্যাৎসংপ্রবর্ধতে।
দাক্ষ্যাত্তু কুরুতে মূলং সংয়মান্প্রতিতিষ্ঠতি ॥ 5-35-63 (32986)
অষ্টৌ গুণাঃ পুরুষং দীপয়ন্তি
প্রজ্ঞা চ কৌল্যং চ দমঃ শ্রুতং চ।
পরাক্রমশ্চাবহুভাষিতা চ
দানং যথাশক্তি কৃতজ্ঞতা চ ॥ 5-35-64 (32987)
এতান্গুণাংস্তত মহানুভাবা-
নেকো গুণঃ সংশ্রয়তে প্রসহ্য
রাজা যদা সৎকুরুতে মনুষ্যং
সর্বান্গুণানেপ গুণোতিভাতি ॥ 5-35-65 (32988)
অষ্টৌ নৃপেমানি মনুষ্যলোকে
স্বর্গস্য লোকস্য নিদর্শনানি।
চৎবার্যেপামন্ববেতানি সদ্ভি-
শ্চৎবারি চৈপামনুয়ান্তি সন্তঃ ॥ 5-35-66 (32989)
যজ্ঞো দানমধ্যযনং তপশ্চ
চৎবার্যেতান্যন্ববেতানি সদ্ভিঃ।
দমঃ সত্যমার্জবমানৃশংস্যং
চৎবার্যেতান্যনুয়ান্তি সন্তঃ ॥ 5-35-67 (32990)
ইজ্যাধ্যযনদানানি তপঃ সত্যং ক্ষমা ঘৃণা।
অলোভ ইতি মার্গোঽয়ং ধর্মস্যাষ্টবিধঃ স্মৃতঃ ॥ 5-35-68 (32991)
তত্র পূর্বচতুর্বর্গো দম্ভার্থমপি সেব্যতে।
উত্তরশ্চ চতুর্বর্গো নামহাত্মসু তিষ্ঠতি ॥ 5-35-69 (32992)
ন সা সভা যত্র ন সন্তি বৃদ্ধা
ন তে বৃদ্ধা যে ন বদন্তি ধর্মম্।
নাসৌ ধর্মো যত্র ন সত্যমস্তি
ন তৎসত্যং যচ্ছলেনানুবিদ্ধম্ ॥ 5-35-70 (32993)
সত্যং রূপং শ্রুতং বিদ্যা কৌল্যং শীলং বলং ধনম্।
শৌর্যং চ চিত্রভাষ্যং চ দশেমে স্বর্গয়োনয়ঃ ॥ 5-35-71 (32994)
পাপং কুর্বন্পাপকীর্তিঃ পাপমেবাশ্রুতে ফলম্।
পুণ্যং কুর্বন্পাপকীর্তিঃ পুণ্যমত্যন্তমশ্রুতে ॥ 5-35-72 (32995)
তস্মাৎপাপং ন কুর্বীত পুরুষঃ শংসিতব্রতঃ।
পাপং প্রজ্ঞাং নাশয়তি ক্রিয়মাণং পুঃন পুঃনঃ ॥ 5-35-73 (32996)
বৃদ্ধপ্রজ্ঞঃ পাপমেব নিত্যমারভতে নরঃ।
পুণ্যং প্রজ্ঞাং বর্ধয়তি ক্রিয়মাণং পুনঃ পুনঃ ॥ 5-35-74 (32997)
বৃদ্ধপ্রজ্ঞঃ পুণ্যমেব নিত্যমারভতে নরঃ।
পুণ্যং কুর্বন্পুণ্যকীর্তিঃ পুণ্যং স্থানং স্ম গচ্ছতি।
তস্মাৎপুণ্যং নিষেবেত পুরুষঃ সুসমাহিতঃ ॥ 5-35-75 (32998)
অসূয়কো দন্দশূকো নিষ্ঠুরো বৈরকৃচ্ছঠঃ।
স কৃচ্ছ্রং মহদাপ্নোতি নচিরাৎপাপমাচরন্ ॥ 5-35-76 (32999)
অনসূয়ুঃ কৃতপ্রজ্ঞঃ শোভনান্যাচরন্সদা।
নকৃচ্ছ্রং মহদাপ্নোতি সর্বত্র চ বিরোচতে ॥ 5-35-77 (33000)
প্রজ্ঞামেবাগময়তি যঃ প্রাজ্ঞেভ্যঃ স পণ্ডিতঃ।
প্রাজ্ঞো হ্যবাপ্য ধর্মার্থৌ শক্নোতি সুখমেধিতুম্ ॥ 5-35-78 (33001)
দিবসেনৈব তৎকুর্যাদ্যেন রাত্রৌ সুখং বসেৎ।
অষ্টমাসেন তৎকুর্যাদ্যেন বর্ষাঃ সুখং বসেৎ॥ 5-35-79 (33002)
পূর্বে বয়সি তৎকুর্যাদ্যেন বৃদ্ধঃ সুখং বসেৎ।
যাবজ্জীবং তু তৎকুর্যাদ্যেন প্রেত্য সুখং বসেৎ ॥ 5-35-80 (33003)
জীর্ণমন্নং প্রশংসন্তি ভার্যাং চ গতয়ৌবনাম্।
শূরং বিজিতসঙ্গ্রামং গতপারং তপস্বিনম্ ॥ 5-35-81 (33004)
ধনেনাধর্মলব্ধেন যচ্ছিদ্রমপিধীয়তে।
অসংবৃতং তদ্ভবতি ততোঽন্যদবদীর্যতে ॥ 5-35-82 (33005)
গুরুরাত্মবতাং শাস্তা শাস্তা রাজা দুরাত্মনাম্।
অন্তঃ প্রচ্ছন্নপাপানাং শাস্তা বৈবস্বতো যমঃ ॥ 5-35-83 (33006)
ঋষীণাং চ নদীনাং চ কুলানাং চ মহাত্মনাম্।
প্রভবো নাধিগন্তব্যঃ স্ত্রীণাং দুশ্চরিতস্য চ ॥ 5-35-84 (33007)
দ্বিজাতিপূজাভিরতো দাতা জ্ঞাতিষু চার্জবী ।
ক্ষত্রিয়ঃ শীলভাগ্রাজংশ্চিরং পালয়তে মহীম্ ॥ 5-35-85 (33008)
সুবর্ণপুষ্পাং পৃথিবীং চিন্বন্তি পুরুষাস্ত্রয়ঃ।
শূরশ্চ কৃতবিদ্যশ্চ যশ্চ জানাতি সেবিতুম্ ॥ 5-35-86 (33009)
বুদ্ধিশ্রেষ্ঠানি কর্মাণি বাহুমধ্যানি ভারত।
তানি জঙ্ঘাজঘন্যানি ভারপ্রত্যবরাণি চ॥ 5-35-87 (33010)
দুর্যোধনেঽথ শকুনৌ মূঢে দুঃশাসনে তথা।
কর্মে চৈশ্বর্যমাধায় কথং ৎবং ভূতিমিচ্ছসি ॥ 5-35-88 (33011)
সর্বৈর্গুণৈরুপেতাস্তু পাণ্ডবা ভরতর্ষভ ।
পিতৃবত্ৎবয়ি বর্তন্তে তেষু বর্তস্ব পুত্রবৎ ॥ ॥ 5-35-89 (33012)
ইতি শ্রীমন্মহাভারতে উদ্যোগপর্বণি প্রজাগরপর্বণি পঞ্চত্রিংশোঽধ্যায়ঃ ॥
Mahabharata - Udyoga Parva - Chapter Footnotes
5-35-2 আর্জবং অবৈষম্যম্ ॥ 5-35-10 ইহস্থানে উপস্থানে মামুপস্থাতুম্। বাং দৈত্যব্রাহ্মণৌ অহং পশ্যেয়ম্ ॥ 5-35-13 সমাগচ্ছৎ উভয়োঃ সংমুখং অগচ্ছৎ ॥ 5-35-14 বিরোচনেন সৌবর্ণে পীঠে ময়া সহ উপবেশ্যতামিতি প্রার্থিতঃ সুধন্বা উবাচ ॥ 5-35-15 অন্বালভে স্পৃশাম্যেব ॥ 5-35-16 ফলকং কাষ্ঠপীঠং। কূর্চং। বৃসী বর্তিতদর্ভময়ং পীঠং বা। তব অর্হতে যোগ্যং ভবতি ॥ 5-35-18 উপাসীত সেবতে। অধঃ স্থিৎবেতি শেষঃ ॥ 5-35-19 প্রশ্নং আবয়োঃ কঃ শ্রেষ্ঠ ইতি প্রশ্নম্। যে বিদুস্তান্ পৃচ্ছাব ॥ 5-35-24 সহ ন চরিতং বৈরাৎ ॥ 5-35-27 পীবরী পুষ্টা। কুতা মধুপর্কার্থং উপকল্পিতা ॥ 5-35-30 নিয়োজিতঃ অহমিতি শেষঃ ॥ 5-35-39 পগচ্ছেদিতি ঙo পাঠঃ ॥ 5-35-40 কিং বসেৎ কথং বসেৎ ॥ 5-35-41 অধিবিন্না কৃতসপত্নীকা স্ত্রী তাং রাত্রিং বসেত্তদ্বদ্দুঃখং প্রাপ্নুয়াৎ 5-35-44 পঞ্চ পূর্বজান্ পশ্বনৃতে অজাদিপশুহিংসার্থমনৃতে উক্তে সতি হন্তি নাশয়তি পরলোকাৎ চ্যাবয়তি। এবমুত্তরত্র ॥ 5-35-46 অঙ্গিরাঃ সুধন্বনঃ পিতা। ৎবৎ ৎবত্তঃ ॥ 5-35-49 পাদপ্রক্ষালনং হরিদ্রয়া পাদধাবনম্। কুমার্যাঃ কেশিন্যাঃ । বিবাহে দংপত্যোঃ পরস্পরং হরিদ্রয়া পাদধাবনং কুর্বন্তীতি প্রসিদ্ধম্। অস্যৈব ভার্যা কেশিনী ভবৎবিত্যর্থঃ ॥ 5-35-50 অব্রুবন্সত্যমিতি শেষঃ ॥ 5-35-53 ছন্দাংসি বেদাঃ 5-35-54 অন্তরং বিয়োগম্। বিবাদং বৈরপ্রবর্তনম্ ॥ 5-35- 55 সামুদ্রিকং হস্তরেখাদিপরীক্ষকম্। বণিজং চোরপূর্বং পূর্বং চোরঃ পশ্চাদ্বিণিক্রভূতঃ তং কূটতুলাবন্তং বা। শলাকধূর্তং শলাকয়া পাশাদিনা বা শকুনাদিকমুক্ৎবা যোঽন্যান্ বঞ্চয়তি তম্। অরিং বিপরীতসাক্ষ্যভয়াৎ। মিত্রং পরীক্ষকাণমবিশ্বাসাৎ। কুশীবলং কুৎসিতং শীলং বাতি অনুসরতীতি তম্। নর্তকীদাসং বিটোন্মত্তাদিকং বা । 5-35-53 সৎকর্মদ্বারাপি তস্য সাধুৎবং ন মন্তব্যমিত্যাহ মানেতি। মানঃ লোকেষু উৎকর্ষঃ তদর্থান্যগ্নিহোত্রাদীনি ভয়দানীত্যর্থঃ। মৌনং ধ্যানম্ ॥ 5-35-57 কুণ্ডাশী ভগভক্ষঃ । জীবতি ভর্তরি জারাজ্জাতঃ কুণ্ডস্তদন্নাশী। সোমবিক্রয়ী প্রসিদ্ধঃ। পর্বকারঃ শরকৃৎ আয়ুধমাত্রকর্তেত্যর্থঃ। সূচী সূচকো নক্ষত্রাদীনাং পরদোষাণাং চ। জ্যৌতিষিকঃ পিশুনো বা । 5-35-58 কারুঃ অশুচিঃ। নাস্তিকঃ পরলোকাদিদ্বেষী ॥ 5-35-59 স্রুবপ্রগ্রহণো গ্রামপুরোহিতঃ। ব্রাত্যঃ অতীতোপনয়নকালঃ পতিতসাবিত্রীকো বা। কীনাশঃ কর্ষকঃ। আত্মবান্সমর্থোপি যো রক্ষেত্যুক্তো হিংস্যাৎ ॥ 5-35-60 তৃণোল্কয়া তৃণজ্বালয়া জাতরূপং রূপবদ্বস্ত জ্ঞায়তেঽন্ধকারে সতি। ভদ্রে বৃষঃ ধর্ম ইতিয়াবৎ। বৃত্তেন শীলেন সোস্তি নাস্তীতি জ্ঞায়তে। ব্যবহারেণ অহিংসাদিপ্রধানেন । কৃচ্ছ্রেষু দুর্ভিক্ষাদিসংকটেষু ॥ 5-35-63 শ্রীরিতি। দাক্ষ্যং শীঘ্রকারিৎবম্ ॥ 5-35-65 এষ গুণো রাজসৎকারঃ॥ 5-35-66 ইমানি বক্ষ্যমাণানি। অন্ববেতানি নিত্যসংবদ্ধানি। অনুয়ান্তি যত্রেন ভজন্তি॥ 5-35-71 রূপং বিনয়মুদ্রা। ধ্রুতং অধ্যযনম্। বিদ্যা দেবতাদ্যুপাসনম্। চিত্রভাষ্যং যুক্তিয়ুক্তং বচনম্ ॥ 5-35-76 দন্দশূকো মর্মচ্ছেত্তা। নিষ্ঠুরঃ অপ্রিয়বাক্। নচিরাৎ শীঘ্রম্ ॥ 5-35-77 নকৃচ্ছ্রং সুখম্ ॥ 5-35-78 আগময়তি আনয়তি ॥ 5-35-79 বর্ষা ইত্যত্যন্তসংয়োগে দ্বিতীয়া ॥ 5-35-81 গতপারং প্রাপ্ততত্ৎবম্ ॥ 5-35-82 পরিপাকসুখং কর্ম ৎবৎপুত্রা ন কুর্বন্তি অন্যায়েন চ সুখং লিপ্সন্তি তত্তু বিপরীতমেবেত্যাহ ধনেনেতি ॥ 5-35-83 আত্মবতাং জিতচিত্তানাম্। প্রচ্ছন্নপাপো দুর্যোধনঃ ।উদ্যোগপর্ব - অধ্যায় 036
॥ শ্রীঃ ॥
5.36. অধ্যায়ঃ 036
Mahabharata - Udyoga Parva - Chapter Topics
বিদুরেণ ধৃতরাষ্ট্রংপ্রতি আত্রেয়েণ সাধ্যান্প্রত্যুপদিষ্টনীতিকথনম্ ॥ 1 ॥ তথা মহাকুললক্ষণাদ্যভিধানপূর্বকং পাণ্ডবৈঃ সহ সন্ধিকরণবিধানম্ ॥ 2 ॥Mahabharata - Udyoga Parva - Chapter Text
বিদুর উবাচ।
অত্রৈবোদাহরন্তীমমিতিহাসং পুরাতনম্।
আত্রেয়স্য চ সংবাদং সাধ্যানাং চেতি নঃ শ্রুতম্ ॥ 5-36-1 (33013)
চরন্তং হংসরূপেণ মহর্ষিং সংশিতব্রতম্।
সাধ্যা দেবা মহাপ্রাজ্ঞং পর্যপৃচ্ছন্ত বৈ পুরা ॥ 5-36-2 (33014)
সাধ্যা ঊচুঃ । 5-36-3x (3482)
সাধ্যা দেবা বয়মেতে মহর্ষে
দৃষ্ট্বা ভবন্তং ন শক্নুমোঽনুমাতুম্।
শ্রুতেন ধীরো বুদ্ধিমাংস্ৎবং মতো নঃ
কাব্যাং বাচং বক্তুমর্হস্যুদারাম্ ॥ 5-36-3 (33015)
হংস উবাচ। 5-36-4x (3483)
এতৎকার্যমমরাঃ সংশ্রুতং মে
ধৃতিঃ শমঃ সত্যধর্মানুবৃত্তিঃ।
গ্রন্থিং বিনীয় হৃদয়স্য সর্বং
প্রিয়াপ্রিয়ে চাত্মসমং নয়ীত ॥ 5-36-4 (33016)
আক্রুশ্যমানো নাক্রোশেন্মন্যুরেব তিতিক্ষতঃ।
আক্রোষ্টারং নির্দহতি সুকৃতং চাস্য বিন্দতি ॥ 5-36-5 (33017)
নাক্রোশী স্যান্নাবমানী পরস্য
মিত্রদ্রোহী নোত নীচোপসেবী।
ন চাভিমানী ন চ হীনবৃত্তো
রূক্ষাং বাচং রুশতীং বর্জয়ীত॥ 5-36-6 (33018)
মর্মাণ্যস্থীনি হৃদয়ং তথাসূ-
ন্রূক্ষা বাচো নির্দহন্তীহ পুংসাম্।
তস্মাদ্বাচমুশতীং রূক্ষরূপাং
ধর্মারামো নিত্যশো বর্জয়ীত ॥ 5-36-7 (33019)
অরুন্তুদং পরুষং রূক্ষবাচং
বাক্কণ্টকৈর্বিতুদন্তং মনুষ্যান্।
বিদ্যাদলক্ষ্মীকতমং জননাং
মুখে নিবদ্ধাং নির্ঋতিং বৈ বহন্তম্॥ 5-36-8 (33020)
পরশ্চেদেনমভিবিদ্ধ্যেত বাণৈ-
র্ভৃশং সুতীক্ষ্ণৈরনলার্কদীপ্তৈঃ ।
বিরিচ্যমানোঽপ্যতিরিচ্যমানো
বিদ্যাৎকবিঃ সুকৃতং মে দধাতি ॥ 5-36-9 (33021)
যদি সন্তং সেবতি যদ্যসন্তং
তপস্বিনং যদি বা স্তেনমেব।
বাসো যথা রঙ্গবশং প্রয়াতি
তথা স তেষাং বশমভ্যুপৈতি॥ 5-36-10 (33022)
অতিবাদং ন প্রবদেন্ন বাদয়ে-
দ্যো নাহতঃ প্রতিহন্যান্ন ঘাতয়েৎ ।
হন্তুং চ যো নেচ্ছতি পাপকং বৈ
তস্মৈ দেবাঃ স্পৃহয়ন্ত্যাগতায় ॥ 5-36-11 (33023)
অব্যাহৃতং ব্যাহৃতাচ্ছ্রেয় আহুঃ
সত্যং বদেদ্ব্যাহৃতং তদ্দ্বিতীয়ম্।
প্রিয়ং বদেদ্ব্যাহৃতং তত্তৃতীয়ং
ধর্ম্যং বদেদ্ব্যাহৃতং তচ্চতুর্থম্ ॥ 5-36-12 (33024)
যাদৃশৈঃ সন্নিবিশতে যাদৃশাংশ্চোপসেবতে।
যাদৃগিচ্ছেচ্চ ভবিতুং তাদৃগ্ভবতি পূরুষঃ ॥ 5-36-13 (33025)
যতো যতো নিবর্ততে ততস্ততো বিমুচ্যতে।
নিবর্তনাদ্ধি সর্বতো ন বেত্তি দুঃখমণ্বপি ॥
ন জীয়তে চানুজিগীষতেঽন্যা-
ন্ন বৈরকৃচ্চাপ্রতিঘাতকশ্চ। 5-36-14 (33026)
নিন্দাপ্রশংসাসু সমস্বভাবো
ন শোচতে হৃষ্যতি নৈব চায়ম্ ॥ 5-36-15 (33027)
ভাবমিচ্ছতি সর্বস্য নাভাবে কুরুতে মনঃ।
সত্যবাদী মৃদুর্দান্তো যঃ স উত্তমপূরুষঃ ॥ 5-36-16 (33028)
নানর্থকং সান্ৎবয়তি প্রতিজ্ঞায় দদাতি চ।
রন্ধ্রং পরস্য জানাতি যঃ স মধ্যমপূরুষঃ ॥ 5-36-17 (33029)
দুঃশাসনস্তূপহতোঽভিশস্তো
নাবর্ততে মন্যুবশাৎকৃতঘ্নঃ।
ন স্যচিন্মিত্রমথো দুরাত্মা
কলাশ্চৈতা অধমস্যেহ পুংসঃ ॥
ন শ্রদ্দধাতি কল্যাণং পরেভ্যোঽপ্যাত্মশঙ্কিতঃ।
নিরাকরোতি মিত্রাণি যো বৈ সোঽধমপূরুষঃ ॥ 5-36-18 (33030)
উত্তমানেব সেবেত প্রাপ্তকালে তু মধ্যমান্।
অধমাংস্তু ন সেবেত য ইচ্ছেদ্ভূতিমাত্মনঃ ॥ 5-36-20 (33031)
প্রাগ্নোতি বৈ বিত্তমসদ্বলেন
নিত্যোত্থানাৎপ্রজ্ঞয়া পৌরুষেণ।
ন ৎবেব সম্যগ্লভতে প্রশংসাং
ন বৃত্তমাপ্নোতি মহাকুলানাম্ ॥ 5-36-21 (33032)
ধৃতরাষ্ট্র উবাচ। 5-36-22x (3484)
মহাকুলেভ্যঃ স্পৃহয়ন্তি দেবা
ধর্মার্থনিত্যাশ্চ বহুশ্রুতাশ্চ।
পৃচ্ছামি ৎবাং বিদুরং প্রশ্নমেতং
ভবন্তি বৈ কানি মহাকুলানি ॥ 5-36-22 (33033)
বিদুর উবাচ। 5-36-23x (3485)
তপো দমো ব্রহ্মবিত্ৎবং তিতিক্ষা।
ইজ্যা বিবাহাঃ সান্ৎবনং চান্নদানম্।
অষ্টাবেতে নিত্যমেবং ভবন্তি
সতাং গুণাস্তানি মহাকুলানি ॥ 5-36-23 (33034)
যেষাং ন বৃত্তং ব্যথতে ন যোনি-
শ্চিত্তপ্রসাদেন চরন্তি ধর্মম্।
যে কীর্তিমিচ্ছন্তি কুলে বিশিষ্টাং
ত্যক্তানৃতাস্তানি মহাকুলানি ॥ 5-36-24 (33035)
অনিজ্যযা কুবিবাহৈর্বেদস্যোৎসাদনেন চ।
কুলান্যকুলতাং যান্তি ব্রাহ্মণাতিক্রমেণ চ ॥ 5-36-25 (33036)
দেবদ্রব্যনিনাশেন ব্রহ্মস্বহরণেন চ।
কুলান্যকুলতাং যান্তি ব্রাহ্মণাতিক্রমেণ চ ॥ 5-36-26 (33037)
ব্রাহ্মণানাং পরিভবাৎপরিবাদাচ্চ ভারত।
কুলান্যকুলতাং যান্তি ন্যাসাপহরণেন চ॥ 5-36-27 (33038)
কুলানি সমুপেতাননি গোভিঃ পুরুষতোঽর্থতঃ ।
কুলসংখ্যাং ন গচ্ছন্তি যানি হীনানি বৃত্ততঃ ॥ 5-36-28 (33039)
বৃত্ততস্ৎববিহীনানি কুলান্যল্পধনান্যপি ।
কুলসঙ্খ্যাং চ গচ্ছন্তি কর্ষন্তি চ মহদ্যশঃ ॥ 5-36-29 (33040)
বৃত্তং যত্নেন সংরক্ষেদ্বিত্তমেতি চ যাতি চ।
অক্ষীণো বিত্ততঃ ক্ষীণো বৃত্ততস্তু হতো হতঃ ॥ 5-36-30 (33041)
গোভিঃ পশুভিরশ্বৈশ্চ কৃষ্যা চ সুসমৃদ্ধয়া।
কুলানি ন প্ররোহন্তি যানি হীনানি বৃত্ততঃ ॥ 5-36-31 (33042)
মা নঃ কুলে বৈরকৃৎকশ্চিদস্তু
রাজা বদ্ধো মা পরস্বাপহারী ।
মিত্রদ্রোহী নৈকৃতিকোঽনৃতী বা
পূর্বাশী বা পিতৃদেবাতিথিভ্যঃ ॥ 5-36-32 (33043)
যশ্চ নো ব্রাহ্মণান্হন্যাদ্যশ্চ নো ব্রাহ্ণণান্ দ্বিষেৎ।
ন নঃ স সমিতিং গচ্ছেদ্যশ্চ নো নির্বপেৎকৃষিম্ ॥ 5-36-33 (33044)
তৃণানি ভূমিরুদকং বাক্ব্রতুর্থী চ সূনৃতা।
সতামেতানি গেহেষু নোচ্ছিদ্যন্তে কদাচন ॥ 5-36-34 (33045)
শ্রদ্ধয়া পরয়া রাজন্নুপনীতানি সৎকৃতিম্।
প্রবৃত্তানি মহাপ্রাজ্ঞ ধর্মিণাং পুণ্যকর্মিণাম্ ॥ 5-36-35 (33046)
সূক্ষ্মোঽপি ভারং নৃপতে স্যন্দনো বৈ
শক্তো বোঢুং ন তথাঽন্যে মহীজাঃ ।
এবং যুক্তা ভারসহা ভবন্তি
মহাকুলীনা ন তথান্যে মনুষ্যাঃ ॥ 5-36-36 (33047)
ন তন্মিত্রং যস্য কোপাদ্বিভেতি
যদ্বা মিত্রং শঙ্কিতেনোপচর্যম্।
যস্মিন্মিত্রে পিতরীবাশ্বসীত
তদ্বৈ মিত্রং সঙ্গতানীতরাণি ॥ 5-36-37 (33048)
যঃ কশ্চিদপ্যসংবদ্ধো মিত্রসাবেন বর্ততে।
স এব বন্ধুস্তন্মিত্রং সা গতিস্তৎপরায়ণম্ ॥ 5-36-38 (33049)
চলচিত্তস্য বৈ পুংসো বৃদ্ধাননুপসেবতঃ।
পারিপ্লবমতের্নিত্যমধ্রুবো মিত্রসঙ্গ্রহঃ ॥ 5-36-39 (33050)
চলচিত্তমনাত্মানমিন্দ্রিয়াণাং বশানুগম্।
অর্থাঃ সমভিবর্ততে হংসাঃ শুষ্কং সরো যথা ॥ 5-36-40 (33051)
অকস্মাদেব কুপ্যন্তি প্রসীদন্ত্যনিমিত্ততঃ ।
শীলমেতদসাধূনামভ্রং পারিপ্লবং যথা ॥ 5-36-41 (33052)
সৎকৃতাশ্চ কৃতার্থাশ্চ মিত্রাণাং ন ভবন্তি যে ।
তান্মৃতানপি ক্রব্যাদাঃ কৃতঘ্নান্নোপভুঞ্জতে॥ 5-36-42 (33053)
অর্থয়েদেব মিত্রাণি সতি বাঽসতি বা ধনে।
নানর্থয়ন্প্রজানাতি মিত্রাণাং সারফল্গুতাম্ ॥ 5-36-43 (33054)
সন্তাপাদ্ভ্রশ্যতে রূপং সন্তাপাদ্ভ্রশ্যতে বলম্।
সন্তাপাদ্ভ্রশ্যতে জ্ঞানং সন্তাপাদ্ব্যাধিমৃচ্ছতি ॥ 5-36-44 (33055)
অনবাপ্যং চ শোকেন শরীরং চোপতপ্যতে।
অমিত্রাশ্চ প্রহৃষ্যন্তি মা স্ম শোকে মনঃ কৃথাঃ ॥ 5-36-45 (33056)
পুনর্নরো ম্রিয়তে জায়তে চ
পুনর্নরো হীয়তে বর্ধতে চ।
পুনর্নরো যাচতি যাচ্যতে চ
পুনর্নরঃ শোচতি শোচ্যতে চ ॥ 5-36-46 (33057)
সুখং চ দুঃখং চ ভবাভবৌ চ
লাভালাভৌ মরণং জীবিতং চ।
পর্যায়শঃ সর্বমেতে স্পৃশন্তি
তস্মাদ্ধীরো ন চ হৃষ্যেন্ন সোচেৎ ॥ 5-36-47 (33058)
চলানি হীমানি ষডিন্দ্রিয়াণি
তেষাং যদ্যদ্বর্ধতে যত্রয়ত্র।
ততস্ততঃ স্রবতে বুদ্ধিরস্য
চ্ছিদ্রোদকুম্ভাদিব নিত্যমম্ভঃ ॥ 5-36-48 (33059)
ধৃতরাষ্ট্র উবাচ। 5-36-49x (3486)
তনুরুদ্ধঃ শিখী রাজা মিথ্যোপচরিতো ময়া।
মন্দানাং মম পুত্রাণাং যুদ্ধেনান্তং করিষ্যতি ॥ 5-36-49 (33060)
নিত্যোদ্বিগ্নমিদং সর্বং নিত্যোদ্বিগ্রমিদং মনঃ।
যত্তৎপদমনুদ্বিগ্নং তন্মে বদ মহামতে ॥ 5-36-50 (33061)
বিদুর উবাচ। 5-36-51x (3487)
নান্যত্র বিদ্যাতপসো নান্যত্রেন্দ্রিয়নিগ্রহাৎ।
নান্যত্র লোভসন্ত্যাগাচ্ছান্তিং পশ্যামি তেঽনঘ ॥ 5-36-51 (33062)
বুদ্ধ্যা ভয়ং প্রণুদতি তপসা বিন্দতে মহৎ।
গুরুশুশ্রূষয়া জ্ঞানং শান্তিং ভোগেন বিন্দতি ॥ 5-36-52 (33063)
অনাশ্রিতা দানপুণ্যং বেদপুণ্যমনাশ্রিতাঃ।
রাগদ্বেষবিনির্মুক্তা বিচরন্তীহ মোক্ষিণঃ ॥ 5-36-53 (33064)
স্বধীতস্য সুয়ুদ্ধস্য সুকৃতস্য চ কর্মণঃ ।
তপসশ্চ সুতপ্তস্য তস্যান্তে সুখমেধতে ॥ 5-36-54 (33065)
স্বাস্তীর্ণানি শয়নানি প্রপন্না
ন বৈ ভিন্না জাতু নিদ্রাং লভন্তে।
ন স্ত্রীষু রাজন্রতিমাপ্নুবন্তি
ন মাগধৈঃ স্তূয়মানা ন সূতৈঃ ॥ 5-36-55 (33066)
ন বৈ ভিন্না জাতু চরন্তি ধর্মং
ন বৈ সুখং প্রাপ্নুবন্তীহ ভিন্নাঃ ।
ন বৈ ভিন্না গৌরবং প্রাপ্নুবন্তি
ন বৈ ভিন্নাঃ প্রশমং রোচয়ন্তি ॥ 5-36-56 (33067)
ন বৈ তেষাং স্বদতে পথ্যমুক্তং
যোগক্ষেমং কল্পতে নৈব তেষাম্।
ভিন্নানাং বৈ মনুজেন্দ্র পরায়ণং
ন বিদ্যতে কিঞ্চিদন্যদ্বিনাশাৎ ॥ 5-36-57 (33068)
সংপন্নং গোষু সংভাব্যং সংভাব্যং ব্রাহ্মণে তপঃ।
সংভাব্যং চাপলং স্ত্রীষু সংভাব্যং জ্ঞাতিতো ভয়ং ॥ 5-36-58 (33069)
তন্তবোঽপ্যায়তা নিত্যং তনবো বহুলাঃ সমাঃ।
বহূন্বহুৎবাদায়াসান্সহন্তীৎসুপমা সতাম্ ॥ 5-36-69 (33070)
ধূমায়ন্তে ব্যপেতানি জ্বলন্তি সহিতানি চ।
ধৃতরাষ্ট্রোল্মুকানীব জ্ঞাতয়ো ভরতর্ষভ ॥ 5-36-60 (33071)
ব্রাহ্মণেষু চ যে শূরাঃ স্ত্রীষু জ্ঞাতিষু গোষু চ।
বৃন্তাদিব ফলং পক্বং ধৃতরাষ্ট্র পতন্তি তে॥ 5-36-61 (33072)
মহানপ্যেকজো বৃক্ষো বলবান্সুপ্রতিষ্ঠিতঃ।
প্রসহ্য এব বাতেন সস্কন্ধো মর্দিতুং ক্ষণাৎ ॥ 5-36-62 (33073)
অথ যে সহিতা বৃক্ষাঃ সঙ্ঘশঃ সুপ্রতিষ্ঠিতাঃ।
তে হি শীঘ্রতমান্বাতান্সহন্তেন্যোন্যসংশ্রয়াৎ ॥ 5-36-63 (33074)
এবং মনুষ্যমপ্যেকং গুণৈরপি সমন্বিতম্।
শক্যং দ্বিষন্তো মন্যন্তে বায়ুর্দ্রুমমিবৈকজম্ ॥ 5-36-64 (33075)
অন্যোন্যসমুপষ্টম্ভাদন্যোন্যাপাশ্রয়েণ চ।
জ্ঞাতয়ঃ সংপ্রবর্ধন্তে সরসীবোৎপলান্যুত ॥ 5-36-65 (33076)
অবধ্যা ব্রাহ্মণা গাবো জ্ঞাতয়ঃ শিশিবঃ স্ত্রিয়ঃ।
যেষাং চান্নানি ভুঞ্জীত যে চ স্যুঃক শরণাগতাঃ।
মহত্যপ্যপরাধেঽপি তেষাং দণ্ডো বিসর্জনম্ ॥ 5-36-66 (33077)
ন মনুষ্যে গুণঃ কশ্চিদ্রাজন্সধনতামৃতে।
অনাতুরৎবাদ্ভদ্রং তে মৃতকল্পা হি রোগিণঃ ॥ 5-36-67 (33078)
অব্যাধিজং কটুকং শীর্ষরোগি
পাপানুবন্ধং পরুষং তীক্ষ্ণমুষ্ণম্ ।
সতাং পেয়ং যন্ন পিবন্ত্যসন্তো
মন্যুং মহারাজ পিব প্রশাম্য ॥ 5-36-68 (33079)
রোগার্দিতা ন ফলান্যাদ্রিয়ন্তে
ন বৈ লভন্তে বিষয়েষু তত্ৎবম্।
দুঃখোপেতা রোগিণো নিত্যমেব
ন বুধ্যন্তে ধনভোগান্নসৌখ্যম্॥ 5-36-69 (33080)
পুরা হ্যুক্তং নাকরোস্ৎবং বচো মে
দ্যূতে জিতাং দ্রৌপদীং প্রেক্ষ্য রাজন্।
দুর্যোধনং বারয়েত্যক্ষবত্যাং
কিতবৎবং পণ্ডিতা বর্জয়ন্তি॥ 5-36-70 (33081)
ন তদ্বলং যন্মৃদুনা বিরুধ্যতে
সূক্ষ্মো ধর্মস্তরসা সেবিতব্যঃ।
প্রধ্বংসিনী ক্রূরসমাহিতা শ্রী-
র্মৃদুপ্রৌঢা গচ্ছতি পুত্রপৌত্রান্ ॥ 5-36-71 (33082)
ধার্তরাষ্ট্রাঃ পাণ্ডবান্পালয়ন্তু
পাণ্ডোঃ সুতাস্তব পুত্রাংশ্চ পান্তু।
একারিমিত্রাঃ কুরবো হ্যেককার্যা
জীবন্তু রাজন্সুখিনঃ সমৃদ্ধাঃ ॥ 5-36-72 (33083)
মেঢীভূতঃ কৌরবাণাং ৎবমদ্য
ৎবয়্যাধীনং কুরুকুলমাজমীঢ।
পার্থান্বালান্বনবাসপ্রতপ্তা-
ন্গোপায়স্ব স্বং যশস্তাত রক্ষন্ ॥ 5-36-73 (33084)
সন্ধৎস্ব ৎবং কৌরব পাণ্ডুপুত্রৈ-
র্মা নেঽন্তরং রিপবঃ প্রার্থয়ন্তু।
সত্যে স্থিতাস্তে নরদেব সর্বে
দুর্যোধনং স্থাপয় ৎবং নরেন্দ্র ॥ ॥ 5-36-74 (33085)
ইতি শ্রীমন্মহাভারতে উদ্যোগপর্বণি প্রজাগরপর্বণি ষট্ত্রিংশোঽধ্যায়ঃ ॥
Mahabharata - Udyoga Parva - Chapter Footnotes
5-36-2 হংসরূপেণ পরিব্রাজকরূপেণ ॥ 5-36-3 অনুমাতুং লিঙ্গেন জ্ঞাতম্। কাব্যাং বিদ্বল্লক্ষণাভিধায়িনীম্ ॥ 5-36-4 মে ময়া সংশ্রুতম্। গুরুভ্য ইতি শেষঃ। তদেবাহ ধৃতিরিতি ॥ 5-36-5 নাক্রোশেৎ ন শপেৎ। যতস্তিতিক্ষতো মন্যুঃ ক্রোধ এব আক্রোষ্টারং দহতি ॥ 5-36-8 নির্ঋতিং অলক্ষ্মীং মৃত্যুং বা ॥ 5-36-9 বাণৈঃ বাগ্বাণৈঃ বিরিব্যমানঃ তনূক্রিয়মাণঃ। দধাতি পুষ্ণাতি ॥ 5-36-10 রঙ্গস্য নীলাদের্বশং নীলতাদিকম্ ॥ 5-36-11 অতিপ্রোক্তোপি ন বদেৎ বাদয়েদ্বা। অনাহতো নৈব প্রতিহন্যাৎ। আহতোপি পাপকং হন্তারং যদি হন্তুং নেচ্ছেৎ স দেবানামপি প্রেষ্ঠো ভবতীত্যর্থঃ ॥ 5-36-12 অব্যাহৃতং মৌনম্। ততোপি শ্রেয়ঃ সত্যবচনম্। সত্যমপি প্রিয়ং চেৎ ততোঽপি শ্রেয়ঃ। তদপি ধর্মাদনপেতং চেৎ শ্রেষ্ঠতমমিত্যর্থঃ ॥ 5-36-15 অস্যামবরথায়াং পুরুষস্য ন কিংচিদ্দুঃখাদিকমস্তীত্যাহ ন জীয়তে চেতি ॥ 5-36-16 ভাবং কল্যাণম্। অভাবে অকল্যাণে ॥ 5-36-17 অনর্থকং মিথ্যা ন সাংৎবয়তি ॥ 5-36-18 দুঃশাসনঃ দুষ্টং শাসনং যস্য। এতাঃ কলাঃ চিত্তস্য অধমস্যৈব ॥ 5-36-19 পরেভ্যঃ গরুভ্যঃ। আত্মন্যেব শঙ্কিতঃ বিশ্বাসহীনঃ ॥ 5-36-23 তপঃ কৃচ্ছ্রচান্দায়ণাদি। দম ইন্দ্রিয়জয়ঃ। তানি মহাকুলানি বিদ্ধি ॥ 5-36-24 ন ব্যথতে ন চলতি। যোনিঃ পিত্রাদয়োপি ॥ 5-36-28 গোভির্বাগ্ভির্বিদ্যযেত্যর্থঃ। পুরুষতঃ সৎপুরুষৈঃ অর্থতঃ ধনৈশ্চ কুলানি কুলসংখ্যাং কুলেষু গণনাং সমুপেতানি ভবন্তি ॥ 5-36-29 বৃত্ততঃ ধর্মেণ । কর্ষন্তি আহরন্তি ॥ 5-36-31 গোভির্বিদ্যাভিঃ ॥ 5-36-32 নৈকৃতিকঃ কপটী। বৈরকৃদাদয়ঃ কুলঘ্না ইত্যর্থঃ ॥ 5-36-33 নির্বপেৎ কুর্যাৎ ॥ 5-36-35 সৎকৃতিং সৎকারং কর্তুং প্রবৃত্তানি তৃণাদীনি ॥ 5-36-36 স্যান্দনঃ রথয়োগ্যো বৃক্ষঃ। যুক্তাঃ স্যন্দনবদবিকলাঃ ॥ 5-36-37 সঙ্গতানি সংবন্ধমাত্রাণি ॥ 5-36-38 বন্ধুঃ সংবন্ধী । মিত্রং উপকারকৃৎ ॥ 5-36-39 পারিপ্লবমতেঃ ভ্রান্তস্য ॥ 5-36-41 অভ্রং মেঘঃ ॥ 5-36-42 মিত্রাণাং হিতায়েতি শেষঃ ॥ 5-36-43 অনর্থয়ন্প্রার্থনাশূন্যঃ ॥ 5-36-45 অনবাপ্যং ন প্রাপ্যম্। শোকেন শোকমাত্রেণ। ইষ্টমিতি শেষঃ ॥ 5-36-47 সর্বং পুরুষম্ ॥ 5-36-49 তনুঃ শরীরমভিব্যক্তিস্থানং কাষ্ঠং তত্র রুদ্ধোঽনভিব্যক্তঃ শিখী অগ্নিস্তথায়ং রাজা ধর্মেণ রুদ্ধঃ। তনুনা সূক্ষ্মেণ ধর্মেণ বা রুদ্ধঃ ॥ 5-36-52 বিন্দতে মহৎসদ্গুরুশাস্ত্রাদিকং লভতে। ততো গুরুশুশ্রূষয়া জ্ঞানং গ্রন্থজম্। যোগেন সর্বচিত্তবৃত্তিনিরোধেন শান্তিম্॥ 5-36-53 দানপুণ্যং দানজং পুণ্যং। বেদপুণ্যং বেদোক্তয়াগাদ্যনুষ্ঠানজং পুণ্যং তত্তৎফলমিত্যর্থঃ ॥ 5-36-54 তস্যান্তে স্বধীতাদীনাং কর্মণামন্তে ॥ 5-36-57 যোগঃ অলব্ধলাভঃ। ক্ষেমং লব্ধপরিপালনম্ । তদুভয়ম্ ॥ 5-36-58 সংপন্নং ক্ষীরাদিসংপত্তিঃ ॥ 5-36-62 একজঃ একাকী। প্রসহ্যঃ শক্যঃ ॥ 5-36-67 সধনতাং ঋতে বিনা। অনাতুরৎবাৎ ঋতে চ॥ 5-36-68 প্রশাম্য শান্তিং ক্ষমাং প্রাপ্নুহি ॥ 5-36-69 ফলানি পুত্রপশ্বাদীনি। তত্ৎবমিষ্টানিষ্টবিবেকং পিত্তোপহতরসনৎবাৎ। এবং সর্বত্র। ভোগঃ স্ত্র্যাদিসঙ্গঃ। ধনাদিজং সুখং লব্ধমপি ন বুধ্যন্তে। অতঃ সংতাপং জাগরাদিদ্বারা রোগোৎপাদকং ত্যজেত্যর্থঃ ॥ 5-36-70 কিতবৎবং দ্যূতপ্রিয়ৎবম্ ॥ 5-36-73 মেঢীভূতঃ খলস্তম্ভীভূতঃ স্বয়ং নির্ব্যাপারোপি পরিতঃ সংচরমাণানাং বলীবর্দানামিব পুত্রাণাং যথেষ্টপ্রচারনিরোধকঃ ॥ 5-36-74 অন্তরং ভেদম্। স্থাপয় যুদ্ধান্নিবর্তয়স্ব ॥উদ্যোগপর্ব - অধ্যায় 037
॥ শ্রীঃ ॥
5.37. অধ্যায়ঃ 037
Mahabharata - Udyoga Parva - Chapter Topics
ধৃতরাষ্ট্রেণ অল্পায়ুষ্ট্বকারণপ্রশ্নে বিদুরেণ তদভিধায় নীতিকথনপূর্বকং কুরুপাণ্ডবসন্ধিকরণবিধানম্ ॥ 1 ॥Mahabharata - Udyoga Parva - Chapter Text
5-37-0 (33086)
বিদুর উবাচ। 5-37-0x (3488)
সপ্তদশেমান্রাজেন্দ্র মনুঃ স্বায়ংভুবোঽব্রবীৎ।
বৈচিত্রবীর্য পুরুষানাকাশং মুষ্টিভির্ঘ্নতঃ ॥ 5-37-1 (33087)
তানেবেন্দ্রস্য চ ধনুরনাম্যং নমতো ব্রবীৎ।
অথো মরীচিনঃ পাদানগ্রাহ্যান্গৃহ্ণতস্তথা ॥ 5-37-2 (33088)
যশ্চাশিষ্যং শাস্তি বৈ যশ্চ তুষ্যে-
দ্যশ্চাতিবেলং ভজতে দ্বিষন্তম্ ।
স্ত্রিয়শ্চ যো রক্ষতি ভদ্রমশ্রুতে
যশ্চায়াচ্যং যাচতে কত্থতে বা ॥ 5-37-3 (33089)
যশ্চাভিজাতঃ প্রকরোত্যকার্যং
যশ্চাবলো বলিনা নিত্যবৈরী।
অশ্রদ্দধানায় চ যো ব্রবীতি
যশ্চাকাম্যং কাময়তে নরেন্দ্র । 5-37-4 (33090)
বধ্বাঽবহাসং শ্বশুরো মন্যতে যো
বধ্বাঽবসন্নভয়ো মানকামঃ ।
পরক্ষেত্রে নির্বপতি যশ্চ বীজং
স্ত্রিয়ং চ যঃ পরিবদতেঽতিবেলম্ ॥ 5-37-5 (33091)
যশ্চাপি লব্ধ্বা ন স্মরামীতি বাদী
দত্ৎবা চ যঃ কত্থতি যাচ্যমানঃ।
যশ্চাসতঃ সান্ৎবমুপানয়ীত
এতান্নয়ন্তি নিরয়ং পাশহস্তাঃ ॥ 5-37-6 (33092)
যস্মিন্যথা বর্ততে যো মনুষ্য-
স্তস্মিংস্তথা বর্তিতব্যং স ধর্মঃ।
মায়াচারো মায়যা বর্তিতব্যঃ
সাধ্বাচারঃ সাধুনা প্রত্যুপেয়ঃ ॥ 5-37-7 (33093)
জরা রূপং হরতি হি ধৈর্যমাশা
মৃত্যুঃ প্রাণান্ধর্মচর্যামসূয়া
কামো হ্রিয়ং বৃত্তমনার্যসেবা
ক্রোধঃ শ্রিয়ং সর্বমেবাভিমানঃ ॥ 5-37-8 (33094)
ধৃতরাষ্ট্র উবাচ। 5-37-9x (3489)
শতায়ুরুক্তঃ পুরুষঃ সর্ববেদেষু বৈ যদা।
নাপ্নোত্যথ চ তৎসর্বমায়ুঃ কেনেহ হেতুনা ॥ 5-37-9 (33095)
বিদুর উবাচ। 5-37-10x (3490)
অতিমানোঽতিবাদশ্চ তথাঽত্যাগো নরাধিপ।
ক্রোধশ্চাত্মবিধিৎসা চ মিত্রদ্রোহশ্চ তানি ষট্ ॥ 5-37-10 (33096)
এত এবাসয়স্তীক্ষ্ণাঃ কৃন্তন্ত্যায়ূংষি দেহিনাম্।
এতানি মানবান্ধ্নন্তি ন মৃত্যুর্ভদ্রমস্তু তে ॥ 5-37-11 (33097)
বিশ্বস্তস্যৈতি যো দারান্যশ্চাপি গুরুতল্পগঃ।
বৃষলীপতির্দ্বিজো যশ্চ পানপশ্চৈব ভারত ॥ 5-37-12 (33098)
আদেশকৃদ্বৃত্তিহন্তা দ্বিজানাং প্রেষকশ্চ যঃ।
শরণাগতহা চৈব সর্বে ব্রহ্মহণঃ সমাঃ।
এতৈঃ সমেত্য কর্তব্যং প্রায়শ্চিত্তমিতি শ্রুতিঃ ॥ 5-37-13 (33099)
গৃহীতবাক্যো নয়বিদ্বদান্যঃ
শেষান্নভোক্তা হ্যবিহিংসকশ্চ।
নানর্থকৃত্যাকুলিতঃ কৃতজ্ঞঃ
সত্যো মৃদুঃ স্বর্গমুপৈতি বিদ্বান্ ॥ 5-37-14 (33100)
সুলভাঃ পুরুষা রাজন্সততং প্রিয়বাদিনঃ।
অপ্রিয়স্য তু পথ্যস্য বক্তা শ্রোতা চ দুর্লভঃ ॥ 5-37-15 (33101)
যো হি ধর্মং সমাশ্রিত্য হিৎবা ভর্তুঃ প্রিয়াপ্রিয়ে।
অপ্রিয়াণ্যাহ পথ্যানি তেন রাজা সহায়বান্ ॥ 5-37-16 (33102)
ত্যজেৎকুলার্থে পুরুষং গ্রামস্যার্থে কুলং ত্যজেৎ।
গ্রামং জনপদস্যার্থে আত্মার্থে পৃথিবীং ত্যজেৎ ॥ 5-37-17 (33103)
আপদর্থে ধনং রক্ষেদ্দারান্রক্ষেদ্ধনৈরপি ।
আত্মানং সততং রক্ষেদ্দারৈরপি ধনৈরপি ॥ 5-37-18 (33104)
দ্যূতমেতৎপুরা কল্পে দৃষ্টং বৈরকরং নৃণাম্।
তস্মাদ্দ্যূতং ন সেবেত হাস্যার্থমপি বুদ্ধিমান্ ॥ 5-37-19 (33105)
উক্তং ময়া দ্যূতকালেঽপি রাজ-
ন্নেদং যুক্তং বচনং প্রাতিপেয়।
তদৌষধং পথ্যমিবাতুরস্য
ন রোচতে তব বৈচিত্রবীর্য ॥ 5-37-20 (33106)
কাকৈরিমাংশ্চিত্রবর্হান্ময়ূরান্
পরাজয়েথাঃ পাণ্ডবান্ধার্তরাষ্ট্রৈঃ ।
হিৎবা সিংহান্ক্রোষ্টুকান্গূহমানঃ
প্রাপ্তে কালে শোচিতা ৎবং নরেন্দ্রঃ ॥ 5-37-21 (33107)
যস্তাত ন ক্রুধ্যতি সর্বকালং
ভৃত্যস্য ভক্তস্য হিতে রতস্য।
তস্মিন্ভৃত্যা ভর্তরি বিশ্বসন্তি
ন চৈনমাপৎসু পরিত্যজন্তি ॥ 5-37-22 (33108)
ন ভৃত্যানাং বৃত্তিসংরোধনেন
রাজ্যং ধনং সঞ্জিঘৃক্ষেদপূর্বম্।
ত্যজন্তি হ্যেনং বঞ্চিতা বৈ বিরুদ্ধাঃ
স্নিগ্ধা হ্যমাত্যা পরিহীনভোগাঃ ॥ 5-37-23 (33109)
কৃত্যানি পূর্বং পরিসঙ্খ্যায় সর্বা-
ণ্যায়ব্যযে চানুরূপাং চ বৃত্তিম্।
সঙ্গৃহ্ণীয়াদনুরূপান্সহায়ান্
সহায়সাধ্যানি হি দুষ্করাণি ॥ 5-37-24 (33110)
অভিপ্রায়ং যো বিদিৎবা তু ভর্তুঃ
সর্বাণি কার্যাণি করোত্যতন্দ্রী।
বক্তা হিতানামনুরক্ত আর্যঃ
শক্তিজ্ঞ আত্মেব হি সোঽনুকম্প্যঃ ॥ 5-37-25 (33111)
বাক্যং তু যো নাদ্রিয়তেঽনুশিষ্টঃ
প্রত্যাহ যশ্চাপি নিয়ুজ্যমানঃ।
প্রজ্ঞাভিমানী প্রতিকূলবাদী
ত্যাজ্যঃ স তাদৃক্ ৎবরয়ৈব ভৃত্যঃ ॥ 5-37-26 (33112)
অস্তব্ধমক্লীবমদীর্ঘসূত্রং
সানুক্রোশং শ্লক্ষ্ণমহার্যমন্যৈঃ।
অরোগজাতীয়মুদারবাক্যং
দূতং বদন্ত্যষ্টগুণোপপন্নম্ ॥ 5-37-27 (33113)
ন বিশ্বাসাঞ্জাতু পরস্য গেহে
গচ্ছেন্নরশ্চেতয়ানো বিকালে।
ন চৎবরে নিশি তিষ্ঠেন্নিগূঢো
ন রাজকাম্যাং যোষিতং প্রার্থয়ীত ॥ 5-37-28 (33114)
ন নিহ্নবং মন্ত্রগতস্য গচ্ছে-
ৎসংসৃষ্টমন্ত্রস্য কুসঙ্গতস্য।
ন চ ব্রূয়ান্নাশ্বসিমি ৎবয়ীতি
সকারণং ব্যপদেশং তু কুর্যাৎ ॥ 5-37-29 (33115)
ঘৃণী রাজা পুংশ্চলী রাজভৃত্যঃ
পুত্রো ভ্রাতা বিধবা বালপুত্রা।
সেনাজীবী চোদ্ধৃতভূরিরেব
ব্যবহারেষু বর্জনীয়াঃ স্যুরেতে ॥ 5-37-30 (33116)
অষ্টৌ গুণাঃ পুরুষং দীপয়ন্তি
প্রজ্ঞা চ কৌল্যং চ শ্রুতং দমশ্চ।
পরাক্রমশ্চাবহুভাষিতা চ
দানং যথাশক্তি কৃতজ্ঞতা চ ॥ 5-37-31 (33117)
এতান্গুণাংস্তাত মহানুভাবা-
নেকো গুণঃ সংশ্রয়তে প্রসহ্য।
রাজা যদা সৎকুরুতে মনুষ্যং
সর্বান্গুণনেষ গুণো বিভর্তি ॥ 5-37-32 (33118)
গুণা দশ স্নানশীলং ভজন্তে
বলং রূপং স্বরবর্ণপ্রশুদ্ধিঃ।
স্পর্শশ্চ গন্ধশ্চ বিশুদ্ধতা চ
শ্রীঃ সৌকুমার্যং প্রবরাশ্চ নার্যঃ ॥ 5-37-33 (33119)
গুণাশ্চ ষণ্মিতভুক্তং ভজন্তে
আরোগ্যমায়ুশ্চ বলং সুখং চ।
অনাবিলং চাস্য ভবত্যপত্যং
ন চৈনমাদ্যূন ইতি ক্ষিপন্তি ॥ 5-37-34 (33120)
অকর্মশীলং চ মহাশনং চ
লোকদ্বিষ্টং বহুমায়ং নৃশংসম্।
অদেশকালজ্ঞমমিষ্টবেষ-
মেতান্গৃহে ন প্রতিবাসয়েত ॥ 5-37-35 (33121)
কদর্যমাক্রোশকমশ্রুতং চ
বনৌকসং ধূর্তমমান্যমানিনম্।
নিষ্ঠূরিণং কৃতবৈরং কৃতঘ্ন-
মেতান্ভৃশার্তোপি ন জাতু যাচেৎ ॥ 5-37-36 (33122)
সংক্লিষ্টকর্মাণমতিপ্রমাদং
নিত্যানৃতং চাদৃঢভক্তিকং চ।
বিসৃষ্টরাগং পটুমানিনং চা-
প্যেতান্ন সেবেত নরাধমান্ষট্ ॥ 5-37-37 (33123)
সহায়বন্ধনা হ্যর্থাঃ সহায়াশ্চার্থবন্ধনাঃ। 5-37-38 অন্যোন্যবন্ধনাবেতৌ বিনান্যোন্যং ন সিদ্ধ্যতঃ ॥ 5-37-38 (33124)
উৎপাদ্য পুত্রাননৃণাংশ্চ কৃৎবা
বৃত্তিং চ তেভ্যোঽনুবিধায় কাংচিৎ।
স্থানে কুমারীঃ প্রতিপাদ্য সর্বা
অরণ্যসংস্থোঽথ মুনির্বুভূষেৎ ॥ 5-37-39 (33125)
হিতং যৎসর্বভূতানামাত্মনশ্চ সুখাবহম্।
তৎকুর্যাদীশ্বরো হ্যেতন্মূলং সর্বার্থসিদ্ধয়ে ॥ 5-37-40 (33126)
বৃদ্ধিঃ প্রভাবস্তেজশ্চ সৎবমুত্থানমেব চ।
ব্যবসায়শ্চ যস্য স্যাত্তস্যাবৃত্তিভয়ং কুতঃ ॥ 5-37-41 (33127)
পশ্য দোষান্পাণ্ডবৈর্বিগ্রহে ৎবং
যত্র ব্যথেয়ুরপি দেবাঃ সশক্রা।
পুত্রৈর্বৈরং নিত্যমুদ্বিগ্নবাসো
যশঃপ্রণাশো দ্বিষতশ্চ হর্ষঃ॥ 5-37-42 (33128)
ভীষ্মস্য কোপস্তব চৈবেন্দ্রকল্প
দ্রোণস্য রাজ্ঞশ্চ যুধিষ্ঠিরস্য।
উৎসাদয়েল্লোকমিমং প্রবৃদ্ধঃ
শ্বেতো গ্রহস্তির্যগিবাপতন্খে ॥ 5-37-43 (33129)
তব পুত্রশতং চৈব কর্ণঃ পঞ্চ চ পাণ্ডবাঃ ।
পৃথিবীমনুশাসেয়ুরখিলাং সাগরাম্বরাম্ ॥ 5-37-44 (33130)
ধার্তরাষ্ট্রা বনং রাজন্ব্যাঘ্রাঃ পাণ্ডুসুতা মতাঃ।
মা বনং ছিন্ধি সব্যাঘ্রং মা ব্যাঘ্রা নীনশন্বনাৎ ॥ 5-37-45 (33131)
ন স্যাদ্বনমৃতে ব্যাঘ্রান্ব্যাঘ্রা ন স্যুর্ঋতে বনম্।
বনং হি রক্ষ্যতে ব্যাঘ্রৈর্ব্যাঘ্রান্রক্ষতি কাননম্ ॥ 5-37-46 (33132)
ন তথেচ্ছন্তি কল্যাণান্পরেষাং বেদিতুং গুণান্।
যথেষাং জ্ঞাতুমিচ্ছন্তি নৈর্গুণ্যং পাপচেতসঃ ॥ 5-37-47 (33133)
অর্থসিদ্ধিং পরামিচ্ছন্ধর্মমেবাদিতশ্চরেৎ।
নহি ধর্মাদপৈত্যর্থঃ স্বর্গলোকাদিবামৃতম্ ॥ 5-37-48 (33134)
যস্যাত্মা বিরতঃ পাপাৎকল্যাণে চ নিবেশিতঃ।
তেন সর্বমিদং বুদ্ধং প্রকৃতির্বিকৃতিশ্চ যা ॥ 5-37-49 (33135)
যো ধর্মমর্থং কামং চ যথাকালং নিষেবতে ।
ধর্মার্থকামসংয়োগং সোঽমুত্রেহ চ বিন্দতি ॥ 5-37-50 (33136)
সন্নিয়চ্ছতি যো বেগমুত্থিতং ক্রোধহর্ষয়োঃ।
স শ্রিয়ো ভাজনং রাজন্যশ্চাপৎসু ন মুহ্যতি ॥ 5-37-51 (33137)
বলং পঞ্চবিধং নিত্যং পুরুষাণাং নিবোধ মে।
যত্তু বাহুবলং নাম প্রথমং বলমুচ্যতে ॥ 5-37-52 (33138)
অমাত্যলাভো ভদ্রং তে দ্বিতীয়ং বলমুচ্যতে।
তৃতীয়ং ধনলাভং তু বলমাহুর্মনীষিণঃ ॥ 5-37-53 (33139)
যত্ৎবস্য সহজং রাজন্পিতৃপৈতামহং বলম্ ।
অভিজাতবলং নাম তচ্চতুর্থং বলং স্মৃতম্ ॥ 5-37-54 (33140)
যেন ৎবেতানি সর্বাণি সঙ্গৃহীতানি ভারত ।
যদ্বলানাং বলং শ্রেষ্ঠং তৎপ্রজ্ঞাবলমুচ্যতে ॥ 5-37-55 (33141)
মহতে যোঽপকারায় নরস্য প্রভবেন্নরঃ ।
তেন বৈরং সমাসজ্য দূরস্থোঽস্মীতি নাশ্বসেৎ ॥ 5-37-56 (33142)
স্ত্রীষু রাজসু সর্পেষু স্বাধ্যায়প্রভুশত্রুষু ।
ভোগেষ্বায়ুষি বিশ্বাসং কঃ প্রাজ্ঞঃ কর্তুমর্হতি ॥ 5-37-57 (33143)
প্রজ্ঞাশরেণাভিহতস্য জন্তো-
শ্চিকিৎসকাঃ সন্তি ন চৌষধানি ।
ন হোমমন্ত্রা ন চ মঙ্গলানি
নাথর্বণা নাপ্যগদাঃ সুসিদ্ধাঃ ॥ 5-37-58 (33144)
সর্পশ্চাগ্নিশ্চ সিংহশ্চ কুলপুত্রশ্চ ভারত।
নাবজ্ঞেয়া মনুষ্যেণ সর্বে হ্যেতেঽতিতেজসঃ ॥ 5-37-59 (33145)
অগ্নিস্তেজো মহল্লোকে গূঢস্তিষ্ঠতি দারুষু।
ন চোপয়ুঙ্ক্তে তদ্দারু যাবন্নোদ্দীপ্যতে পরৈঃ ॥ 5-37-60 (33146)
স এব খলু দারুভ্যো যদা নির্মথ্য দীপ্যতে।
তদ্দারু চ বনং চান্যন্নির্দহত্যাশু তেজসা ॥ 5-37-61 (33147)
এবমেব কুলে জাতাঃ পাবকোপমতেজসঃ।
ক্ষমাবন্তো নিরাকারাঃ কাষ্ঠেঽগ্নিরিব শেরতে ॥ 5-37-62 (33148)
লতাধর্মা ৎবং সপুত্রঃ সালঃ পাণ্ডুসুতা মতাঃ।
ন লতা বর্ধতে জাতু মহাদ্রুমমনাশ্রিতা ॥ 5-37-63 (33149)
বনং রাজংস্তব পুত্রোঽম্বিকেয়
সিংহান্বনে পাণ্ডবাংস্তাত বিদ্ধি।
সিংহৈর্বিহীনং হি বনং বিনশ্যেৎ
সিংহা বিনশ্যেয়ুর্ঋতে বনেন ॥ ॥ 5-37-64 (33150)
ইতি শ্রীমন্মহাভারতে উদ্যোগপর্বণি প্রজাগরপর্বণি সপ্তত্রিংশোঽধ্যায়ঃ ॥
Mahabharata - Udyoga Parva - Chapter Footnotes
5-37-2 নমতঃ নাময়তঃ। মরীচিনঃ মরীচিমতঃ সূর্যচন্দ্রাদেঃ। ব্রীহ্যাদিৎবান্মৎবর্থীয় ইনিঃ। পাদান্ রশ্মীন্ ॥ 5-37-3 অশিষ্যং শাসনানর্হম্। তুষ্যেৎ অল্পলাভেনেতি শেষঃ। ভদ্রমশ্নুত ইতি। শত্রুসেবয়া স্ত্রীরক্ষয়া চ যো ভদ্রমশ্রুতে তৌ দ্বৌ মূর্খাবিত্যর্থঃ। নো রক্ষতীতি ঙ পাঠঃ ॥ 3 ॥ 5-37-4 অভিজাতঃ কুলীনঃ ॥ 5-37-5 শ্বশুরঃ সন্ যো বধ্বা পুত্রভার্যযা সহ অবহাসং পরিহাসং তৎপিত্রাদিভিরিব মন্যতে স একাদশঃ। বধ্বা স্নুষয়া ভূতয়া অবসন্নভয়ো নষ্টভয়ঃ বধূপিত্রাদিভিরাপদি ত্রাতোপি তত্রৈব মানং কাময়তে যঃ স দ্বাদশো মূর্খঃ। বধ্বাবাসমিতি ঙo পাঠঃ ॥ 5-37-10 অত্যাগঃ অতিশয়িতমাগোঽপরাধঃ। আত্মবিধিৎসোতি পোষণার্থস্য ধাঞঃ সনি রূপম্। আত্মপোষণেচ্ছা শিশ্নোদরপরায়ণতেত্যর্থঃ ॥ 5-37-11 অসয়ঃ খঙ্গাঃ। ভদ্রমস্তু তে এতেষাং ষণ্ণাংত্যাগেন তব পুত্রাঃ শতায়ুষো ভবন্ৎবিত্যর্থঃ ॥ 5-37-12 বৃষলী শূদ্রা। দ্বিজশ্ত্রৈবর্ণিকঃ। পানপঃ মদ্যপঃ ॥ 5-37-13 আদেশকৃৎ গ্রামণীঃ । প্রেষকঃ দ্বিজান্ দাস্যে নিয়োজয়ন্। সমেত্য সংসৃজ্য 5-37-24 পরিসঙ্খ্যায় সাধ্যাসাধ্যনিশ্চয়ং কৃৎবা। তথা বৃত্তিং ভৃত্যজীবিকাং আয়ব্যযানুরূপাং কৃৎবেত্যর্থঃ ॥ 5-37-27 অদীর্ঘসূত্রং ক্ষিপ্রকারিণম্ ॥ 5-37-29 কিংতু মম কিংচিৎকার্যমস্তীতি। তথা ব্যপদেশং ব্যাজং কৃৎবা তাদৃশান্মন্ত্রাদপসরেদেবেত্যর্থঃ ॥ 5-37-30 এতে ব্যবহরে ধনদানাদৌ বর্জনীয়াঃ দ্রব্যনাশভয়াত। এতেভ্যো ন গ্রাহ্যং চ। অধমর্ণো ঘৃণী লজ্জাবাংশ্চেদতিনির্বন্ধেন যাচ্যমানঃ প্রাণানেব জহ্যাৎ ॥ 5-37-34 মিতভুক্তং মিতভোজিনম্। আদ্যূনো বহুভোজী ॥ 5-37-36 কদর্যং অদাতারম্ ॥ 5-37-37 সংক্লিষ্টকর্মাণং আততায়িনম্॥ 5-37-41 অবৃত্তির্জীবিকায়া অভাবঃ ॥ 5-37-43 শ্বেতো গ্রহঃ ধূমকেতুঃ ॥ 5-37-54 অভিজাতবলং কুলবলম্ ॥ 5-37-59 কুলপুত্রো জ্ঞাতিঃ ॥ 5-37-62 কুলে জাতাঃ পাণ্ডবাঃ ॥ 5-37-63 সালাঃ মহাবৃক্ষঃ ॥উদ্যোগপর্ব - অধ্যায় 038
॥ শ্রীঃ ॥
5.38. অধ্যায়ঃ 038
Mahabharata - Udyoga Parva - Chapter Topics
বিদুরেণ ধৃতরাষ্ট্রংপ্রতি নীতিকথনপূর্বকং পাণ্ডবেভ্যো রাজ্যাপ্রদানে দুর্যোধনস্য রাজ্যভ্রংশকথনম্ ॥ 1 ॥Mahabharata - Udyoga Parva - Chapter Text
5-38-0 (33151)
বিদুর উবাচ। 5-38-0x (3491)
ঊর্ধ্বং প্রাণা হ্যুৎক্রামন্তি যূনঃ স্থবির আয়তি।
প্রত্যুত্থানাভিবাদাভ্যাং পুনস্তান্প্রতিপদ্যতে ॥ 5-38-1 (33152)
পীঠং দত্ৎবা সাধবেঽভ্যাগতায়
আনীয়াপঃ পরিনির্ণিজ্য পাদৌ।
সুখং পৃষ্ট্বা প্রতিবেদ্যাত্মসংস্থাং
ততো দদ্যাদন্নমবেক্ষ্য ধীরঃ ॥ 5-38-2 (33153)
যস্যোদকং মধুপর্কং চ গাং চ
ন মন্ত্রবিৎপ্রতিগৃহ্ণাতি গেহে ।
লোভাদ্ভয়াদথ কার্পণ্যতো বা
তস্যানর্থং জীবিতমাহুরর্যাঃ ॥ 5-38-3 (33154)
চিকিৎসকঃ শল্যকর্তাবকীর্ণী
স্তেনঃ ক্রূরো মদ্যপো ভ্রূণহা চ।
সেনাজীবী শ্রুতিবিক্রায়কশ্চ
ভৃশং প্রিয়োঽপ্যতিথির্নোদকার্হঃ ॥ 5-38-4 (33155)
অবিক্রেয়ং লবণং পক্বমন্নং
দধি ক্ষীরং মধু তৈলং ঘৃতং চ।
তিলা মাংসং ফলমূলানি শাকং
রক্তং বাসঃ সর্বগন্ধা গুডাশ্চ॥ 5-38-5 (33156)
অরোষণো যঃ সমলোষ্ঠাশ্মকাঞ্চনঃ
প্রহীণশোকো গতসন্ধিবিগ্রহঃ ।
নিন্দাপ্রশংসোপরতঃ প্রিয়াপ্রিয়ে
ত্যজন্নুদাসীনবদেষ ভিক্ষুকঃ ॥ 5-38-6 (33157)
নীবারমূলেঙ্গুদশাকবৃত্তিঃ
সুসংয়তাত্মাগ্নিকার্যেষু চোদ্যঃ।
বনে বসন্নতিথিষ্বপ্রমত্তো
ধুরন্ধরঃ পুণ্যকৃদেষ তাপসঃ ॥ 5-38-7 (33158)
অপকৃত্য বুদ্ধিমতো দূরস্থোঽস্মীতি নাশ্বসেৎ।
দীর্ঘৌ বুদ্ধিমতো বাহূ যাভ্যাং হিংসতি হিংসিতঃ ॥ 5-38-8 (33159)
ন বিশ্বসেদবিশ্বস্তে বিশ্বস্তে নাতিবিশ্বসেৎ।
বিশ্বাসাদ্ভয়মুৎপন্নং মূলান্যপি নিকৃন্ততি ॥ 5-38-9 (33160)
অনীর্ষুর্গুপ্তদারশ্চ সংবিভাগী প্রিয়ংবদঃ।
শ্লক্ষ্ণো মধুরবাক্স্ত্রীণাং ন চাসাং বশগো ভবেৎ ॥ 5-38-10 (33161)
পূজনীয়া মহাভাগাঃ পুণ্যাশ্চ গৃহদীপ্তয়ঃ।
স্ত্রিয়ঃ শ্রিয়ো গৃহস্যোক্তাস্তস্মাদ্রক্ষ্যা বিশেষতঃ ॥ 5-38-11 (33162)
পিতুরন্তঃপুরং দদ্যান্মাতুর্দদ্যান্মহানসম্।
গোষু চাত্মসমং দদ্যাৎস্বয়মেব কৃষিং ব্রজেৎ।
ভৃত্যৈর্বাণিজ্যচারং চ পুত্রৈঃ সেবেত চ দ্বিজান্ ॥ 5-38-12 (33163)
অদ্ভ্যোঽগ্নির্ব্রহ্মতঃ ক্ষত্রমশ্মনো লোহমুত্থিতম্।
তেষাং সর্বত্রগং তেজঃ স্বাসু যোনিষু শাম্যতি ॥ 5-38-13 (33164)
নিত্যং সন্তং কুলে জাতাঃ পাবকোপমতেজসঃ।
ক্ষমাবন্তো নিরাকারাঃ কাষ্ঠেঽগ্নিরিব শেরতে ॥ 5-38-14 (33165)
যস্য মন্ত্রং ন জানন্তি বাহ্যাশ্চাভ্যন্তরাশ্চ যে।
স রাজা সর্বতশ্চক্ষুশ্চিরমৈশ্বর্যমশ্নুতে ॥ 5-38-15 (33166)
করিষ্যন্ন প্রভাষেত কৃতান্যেব তু দর্শয়েৎ।
ধর্মকামার্থকার্যাণি তথা মন্ত্রো ন ভিদ্যতে ॥ 5-38-16 (33167)
গিরিপৃষ্ঠমুপারুহ্য প্রাসাদং বা রহোগতঃ।
অরণ্যে নিঃশলাকে বা তত্র মন্ত্রোঽভিধীয়তে ॥ 5-38-17 (33168)
নাসুহৃৎপরমং মন্ত্রং ভারতার্হতি বেদিতুম্।
অপণ্ডিতো বাপি সুহৃৎপণ্ডিতো বাপ্যনাত্মবান্ ॥ 5-38-18 (33169)
নাপরীক্ষ্য মহীপালঃ কুর্যাৎসচিবমাত্মনঃ।
অমাত্যে হ্যর্থলিপ্সা চ মন্ত্ররক্ষণমেব চ ॥ 5-38-19 (33170)
কৃতানি সর্বকার্যাণি যস্য পারিষদা বিদুঃ।
ধর্মে চার্থে চ কামে চ স রাজা রাজসত্তমঃ। 5-38-20 (33171)
গূঢমন্ত্রস্য নৃপতেস্তস্য সিদ্ধিরসংশয়ম্ ॥
অপ্রশস্তানি কার্যাণি যো মোহাদনুতিষ্ঠতি। 5-38-21 (33172)
স তেষাং বিপরিভ্রংশাদ্ভ্রশ্যতে জীবিতাদপি ॥
কর্মণাং তু প্রশস্তানামনুষ্ঠানং সুখাবহম্। 5-38-22 (33173)
তেষামেবাননুষ্ঠানং পশ্চাত্তাপকরং মতম্॥
অনধীত্য যথা বেদান্ন বিপ্রঃ শ্রাদ্ধমর্হতি । 5-38-23 (33174)
এবমশ্রুতষাঙ্গুণ্যো ন মন্ত্রং শ্রোতুমর্হতি ॥
স্থানবৃদ্ধিক্ষয়জ্ঞস্য ষাঙ্গুণ্যবিদিতাত্মনঃ। 5-38-24 (33175)
অনবজ্ঞাতশীলস্য স্বাধীনা পৃথিবী নৃপ ॥
অমোঘক্রোধহর্ষস্য স্বয়ং কৃৎবান্ববেক্ষিণঃ। 5-38-25 (33176)
আত্মপ্রত্যযকোশস্য বসুদৈব বসুন্ধরা ॥
নামমাত্রেণা তুষ্যেত ছত্রেণ চ মহীপতিঃ। 5-38-26 (33177)
ভৃত্যেভ্যো বিসৃজেদর্থান্নৈকঃ সর্বহরো ভবেৎ ॥
ব্রাহ্মণং ব্রাহ্মণো বেদ ভর্তা বেদ স্ত্রিয়ং তথা। 5-38-27 (33178)
অমাত্যং নৃপতির্বেদ রাজা রাজানমেব চ ॥
ন শত্রুর্বশমাপন্নো মোক্তব্যো বধ্যতাং গতঃ। 5-38-28 (33179)
ন্যগ্ভূৎবা পর্যুপাসীত বধ্বং হন্যাদ্বলে সতি ॥
অহতাদ্ধি ভয়ং তস্মাজ্জায়তে নচিরাদিব ॥ 5-38-29 (33180)
দৈবতেষু প্রয়ত্নেন রাজসু ব্রাহ্মণেষু চ।
নিয়ন্তব্যঃ সদা ক্রোধো বৃদ্ধবালাতুরেষু চ॥ 5-38-30 (33181)
নিরর্থং কলহং প্রাজ্ঞো বর্জয়েন্মূঢসেবিতম্।
কীর্তি চ লভতে লোকে ন চানর্থেন যুজ্যতে ॥ 5-38-31 (33182)
প্রসাদো নিষ্ফলো যস্য ক্রোধশ্চাপি নিরর্থকঃ।
ন তং ভর্তারমিচ্ছন্তি ষণ্ঢং পতিমিব স্ত্রিয়ঃ ॥ 5-38-32 (33183)
ন বুদ্ধির্ধনলাভায় ন জাড্যমসমৃদ্ধয়ে।
লোকপর্যায়বৃত্তান্তং প্রাজ্ঞো জানাতি নেতরঃ ॥ 5-38-33 (33184)
বিদ্যাশীলবয়োবৃদ্ধান্বুদ্ধিবৃদ্ধাংশ্চ ভারত।
ধনাভিজাতবৃদ্ধাংশ্চ নিত্যং মূঢোঽবমন্যতে॥ 5-38-34 (33185)
অনার্যবৃত্তমপ্রাজ্ঞমসূয়কমধার্মিকম্।
অনর্থাঃ ক্ষিপ্রমায়ান্তি বাগ্দুষ্টং ক্রোধনং তথা ॥ 5-38-35 (33186)
অবিসংবাদনং দানং সময়স্যাব্যতিক্রমঃ ।
আবর্তয়ন্তি ভূতানি সম্যক্প্রণিহিতা চ বাক্॥ 5-38-36 (33187)
অবিসংবাদকো দক্ষঃ কৃতজ্ঞো মতিমানৃজুঃ ।
অপি সংক্ষীণকোশোঽপি লভতে পরিবারণম্ ॥ 5-38-37 (33188)
ধৃতিঃ শমো দমঃ শৌচং কারুণ্যং বাগনিষ্ঠুরা।
মিত্রাণাং চানভিদ্রোহঃ সপ্তৈতাঃ সমিধঃ শ্রিয়ঃ ॥ 5-38-38 (33189)
অসংবিভাগী দুষ্টাত্মা কৃতঘ্নো নিরপত্রপঃ ।
তাদৃঙ্বরাধিপো লোকে বর্জনীয়ো নরাধিপ ॥ 5-38-39 (33190)
ন চ রাত্রৌ সুখং শেতে সসর্প ইব বেশ্মনি।
যঃ কোপয়তি নির্দোষং সদোষোঽভ্যন্তরং জনম্ ॥ 5-38-40 (33191)
যেষু দুষ্টেষু দোষঃ স্যাদ্যোগক্ষেমস্য ভারত।
সদা প্রসাদনং তেষাং দেবতানামিবাচরেৎ ॥ 5-38-41 (33192)
যেঽর্থাঃ স্ত্রীষু সমায়ুক্তাঃ প্রমত্তপতিতেষু চ।
যে চানার্যে সমাসক্তাঃ সর্বে তে সংশয়ং গতাঃ ॥ 5-38-42 (33193)
যত্র স্ত্রী যত্র কিতবো বালো যত্রানুশাসিতা।
মঞ্জন্তি তেঽবশা রাজন্নদ্যামশ্মপ্লবা ইব ॥ 5-38-43 (33194)
প্রয়োজনেষু যে সক্তা ন বিশেষেষু ভারত।
তানহং পণ্ডিতান্মন্যে বিশেষা হি প্রসঙ্গিনঃ ॥ 5-38-44 (33195)
যং প্রশংসন্তি কিতবা যং প্রশংসন্তি চারণাঃ ।
যং প্রশংসন্তি বন্ধক্যো ন স জীবতি মানবঃ ॥ 5-38-45 (33196)
হিৎবা তান্পরমেষ্বাসান্পাণ্ডবানমিতৌজসঃ।
আহিতং ভারতৈশ্বর্যং ৎবয়া দুর্যোধনে মহৎ ॥ 5-38-46 (33197)
তং দ্রক্ষ্যসি পরিভ্রষ্টং তস্মাত্ৎবমচিরাদিব।
ঐশ্বর্যমদসংমূঢং বলিং লোকত্রয়াদিব ॥ ॥ 5-38-47 (33198)
ইতি শ্রীমন্মহাভারতে উদ্যোগপর্বণি প্রজাগরপর্বণি অষ্টত্রিংশোঽধ্যায়ঃ ॥
Mahabharata - Udyoga Parva - Chapter Footnotes
5-38-1 আয়তি আগচ্ছতি ॥ 5-38-2 নির্ণিজ্য প্রক্ষাল্য। আত্মসংস্থাং স্বস্থিতিম্ ॥ 5-38-4 অবকীর্ণী নষ্টব্রহ্মচর্যঃ। নোদকার্হ উদকমাত্রানর্হোঽপি অতিথিঃ ভৃশং প্রিয়ঃ ॥ 5-38-15 সর্বতশ্চক্ষুশ্চারেঃ পরমন্ত্রং জানন্ ॥ 5-38-17 নিঃশলাকে রহসি ॥ 5-38-20 পারিষাদঃ সভাসদঃ ॥ 5-38-23 ষাঙ্গুণ্যং ষণ্ণাং সংধিবিগ্রহয়ানাসনদ্বৈধীভাবসমাশ্রয়াণাং সমূহঃ ন শ্রুতো যেন সঃ ॥ 5-38-25 আত্মনৈব প্রত্যযো জ্ঞানং যস্য স্বয়মেব জ্ঞাতকোশস্য ॥ 5-38-26 নামমাত্রেণৈব রাজা ভবেৎ। ভোগাংস্তু ভৃত্যৈঃ সমানানেব ভুঞ্জীত ॥ 5-38-36 আবর্তয়ন্তি শত্রূনপি স্বীয়ান্কুর্বন্তি । প্রণিহিতা প্রয়ুক্তা ॥ 5-38-37 পরিবারণং পরিবারান্ ভৃত্যমিত্রাদীন্ ॥ 5-38-38 সমিধঃ উদ্দীপিকাঃ ॥ 5-38-39 অসংবিভাগী পোষ্যেভ্যোঽদত্ৎবা স্বয়ং ভুঞ্জানঃ ॥ 5-38-44 যে ভৃত্যাঃ বিশেষা আধিক্যানি। প্রসঙ্গিনঃ প্রসঙ্গঃ সংঘর্ষস্তৎকারিণঃ ॥উদ্যোগপর্ব - অধ্যায় 039
॥ শ্রীঃ ॥
5.39. অধ্যায়ঃ 039
Mahabharata - Udyoga Parva - Chapter Topics
বিদুরেণ ধৃতরাষ্ট্রংপ্রতি জ্ঞাতিসংগ্রহে গুণবর্ণনপূর্বকং পুনঃ কুরুপাণ্ডবেষু সাম্যেন বর্তনবিধানম্ ॥ 1 ॥Mahabharata - Udyoga Parva - Chapter Text
5-39-0 (33199)
ধৃতরাষ্ট্র উবাচ। 5-39-0x (3492)
অনীশ্বরোঽয়ং পুরুষো ভবাভবে
সূত্রপ্রোতা দারুময়ীব যোষা।
ধাত্রা তু দিষ্টস্য বশে কৃতোঽয়ং
তস্মাদ্বদ ৎবং শ্রবণে ধৃতোঽহম্ ॥ 5-39-1 (33200)
বিদুর উবাচ। 5-39-2x (3493)
অপ্রাপ্তকালং বচনং বৃহস্পতিরপি ব্রুবন্।
লভতে বুধ্দ্যবজ্ঞানমবমানং চ ভারত ॥ 5-39-2 (33201)
প্রিয়ো ভবতি দানেন প্রিয়বাদেন চাপরঃ ।
মন্ত্রমূলবলেনান্যো যঃ প্রিয়ঃ প্রিয় এব সঃ ॥ 5-39-3 (33202)
দ্বেষ্যো ন সাধুর্ভবতি ন মেধাবী ন পণ্ডিতঃ।
প্রিয়ে শুভানি কার্যাণি দ্বেষ্যে পাপানি চৈব হ ॥ 5-39-4 (33203)
উক্তং ময়া জাতমাত্রেঽপি রাজন্
দুর্যোধনং ত্যজ পুত্রং ৎবমেকম্।
তস্য ত্যাগাৎপুত্রশতস্য বৃদ্ধি-
রস্যাত্যাগাৎপুত্রশতস্য নাশঃ ॥ 5-39-5 (33204)
ন বৃদ্ধির্বহুমন্তব্যা যা বৃদ্ধিঃ ক্ষয়মাবহেৎ।
ক্ষয়োঽপি বহুমন্তব্যো যঃ ক্ষয়ো বৃদ্ধিমাবহেৎ ॥ 5-39-6 (33205)
ন স ক্ষয়ো মহারাজ যঃ ক্ষয়ো বৃদ্ধিমাবহেৎ।
ক্ষয়ঃ স ৎবিহ মন্তব্যো যং লব্ধ্বা বহু নাশয়েৎ ॥ 5-39-7 (33206)
সমৃদ্ধা গুণতঃ কেচিদ্ভবন্তি ধনতোঽপরে।
ধনবৃদ্ধান্গুণৈর্হীনান্ধৃতরাষ্ট্র বিবর্জয় ॥ 5-39-8 (33207)
ধৃতরাষ্ট্র উবাচ। 5-39-9x (3494)
সর্বং ৎবমায়তীয়ুক্তং ভাষসে প্রাজ্ঞসংমতম্।
ন চোৎসহে সুতং ত্যক্তুং যতো ধর্মস্ততো জয়ঃ ॥ 5-39-9 (33208)
বিদুর উবাচ। 5-39-10x (3495)
অতীব গুণসংপন্নো ন জাতুঃ বিনয়ান্বিতঃ।
সুসূক্ষ্মমপি ভূতানামুপমর্দমুপেক্ষতে ॥ 5-39-10 (33209)
পরাপবাদনিরতাঃ পরদুঃখোদয়েষু চ।
পরস্পরবিরোধে চ যতন্তে সততোত্থিতাঃ ॥ 5-39-11 (33210)
সদোষং দর্শনং যেষাং সংবাসে সুমহদ্ভয়ম্।
অর্থাদানে মহান্দোষঃ প্রদানে চ মহদ্ভয়ম্ ॥ 5-39-12 (33211)
যে বৈ ভেদনশীলাস্তু সকামা নিস্ত্রপাঃ শঠাঃ।
যে পাপা ইতি বিখ্যাতাঃ সংবাসে পিরিগর্হিতাঃ ॥ 5-39-13 (33212)
যুক্তাশ্চান্যৈর্মহাদোষৈর্যে নরাস্তান্বিবর্জয়েৎ।
নিবর্তমানে সৌহার্দে প্রীতির্নীচে প্রণশ্যতি ॥ 5-39-14 (33213)
যা চৈব ফলনির্বৃতিঃ সৌহৃদে চৈব যৎসুখম্ ।
যততে চাপবাদায় যত্নমারভতে ক্ষয়ে ॥ 5-39-15 (33214)
অল্পেঽপ্যপকৃতে মোহান্ন শান্তিমধিগচ্ছতি।
তাদৃশৈঃ সঙ্গতং নীচৈর্নৃশংসৈরকৃতাত্মভিঃ ।
নিশাম্য নিপুণং বুদ্ধ্যা বিদ্বান্দূরাদ্বিবর্জয়েৎ ॥ 5-39-16 (33215)
যো জ্ঞাতিমনুগৃহ্ণাতি দরিদ্রং দীনমাতুরম্।
স পুত্রপশুভির্বৃদ্ধিং শ্রেয়শ্চানন্ত্যমশ্রুতে ॥ 5-39-17 (33216)
জ্ঞাতয়ো বর্ধনীয়াস্তৈর্য ইচ্ছন্ত্যাত্মনঃ শুভম্ ॥ 5-39-18 (33217)
কুলবৃদ্ধিং চ রাজেন্দ্র তস্মাৎসাধু সমাচরং।
শ্রেয়সা যোক্ষ্যতে রাজন্কুর্বাণো জ্ঞাতিসৎক্রিয়াং ॥ 5-39-19 (33218)
বিগুণা হ্যপি সংরক্ষ্যা জ্ঞাতয়ো ভরতর্ষভ ।
কিংপুনর্গুণবন্তস্তে ৎবৎপ্রসাদাভিকাঙ্ক্ষিণঃ ॥ 5-39-20 (33219)
প্রসাদং কুরু বীরাণাং পাণ্ডবানাং বিশাংপতে।
দীয়তাং গ্রামকাঃ কেচিত্তেষাং বৃত্ত্যর্থমীশ্বর ॥ 5-39-21 (33220)
এবং লোকে যশঃ প্রাপ্তং ভবিষ্যতি নরাধিপ।
বৃদ্ধেন হি ৎবয়া কার্যং পুত্রাণাং তাত শাসনম্ ॥ 5-39-22 (33221)
ময়া চাপি হিতং বাচ্যং বিদ্ধি মাং ৎবদ্ধিতৈষিণম্।
জ্ঞাতিভির্বিগ্রহস্তাত ন কর্তব্যঃ শুভার্থিনা।
সুখানি সহ ভোজ্যানি জ্ঞাতিভির্ভরতর্ষভ ॥ 5-39-23 (33222)
সংভোজনং সংকথনং সংপ্রীতিশ্চ পরস্পরম্ ।
জ্ঞাতিভিঃ সহ কার্যাণি ন বিরোধঃ কদাচন ॥ 5-39-24 (33223)
জ্ঞাতয়স্তারয়ন্তীহ জ্ঞাতয়ো মঞ্জয়ন্তি চ।
সুবৃত্তাস্তারয়ন্তীহ দুর্বৃত্তা মঞ্জয়ন্তি চ ॥ 5-39-25 (33224)
সুবৃত্তো ভব রাজেন্দ্র পাণ্জবান্প্রতি মানদ।
অধর্ষণীয়ঃ শত্রূণাং তৈর্বৃতস্ৎবং ভবিষ্যতি ॥ 5-39-26 (33225)
শ্রীমন্তং জ্ঞাতিমাসাদ্য যো জ্ঞাতিরবসীদতি ।
দিগ্ধহস্তং মৃগ ইব স এনস্তস্য বিন্দতি ॥ 5-39-27 (33226)
পশ্চাদপি নরশ্রেষ্ঠ তব তাপো ভবিষ্যতি ।
তান্বা হতান্সুতান্বাপি শ্রুৎবা তদনুচিন্তয় ॥ 5-39-28 (33227)
যেন খট্বাং সমারূঢঃ পরিতপ্যেত কর্মণা ।
আদাবেন ন তৎকুর্যাদধ্রুবে জীবিতে সতি ॥ 5-39-29 (33228)
ন কশ্চিন্নাপনয়তে পুমানন্যত্র ভার্গবাৎ ।
শেষসংপ্রতিপত্তিস্তু বুদ্ধিমৎস্বেব তিষ্ঠতি ॥ 5-39-30 (33229)
দুর্যোধনেন যদ্যেতৎপাপং তেষু পুরা কৃতম্ ।
ৎবয়া তৎকুলবৃদ্ধেন প্রত্যানেয়ং নরেশ্বর ॥ 5-39-31 (33230)
তাংস্ৎবং পদে প্রতিষ্ঠাপ্য লোকে বিগতকল্মষঃ ।
ভবিষ্যসি নরশ্রেষ্ঠ পূজনীয়ো মনীষিণাম্ ॥ 5-39-32 (33231)
সুব্যাহৃতানি ধীরাণাং ফলতঃ পরিচিন্ত্য যঃ।
অধ্যবস্যতি কার্যেষু চিরং যশসি তিষ্ঠতি ॥ 5-39-33 (33232)
অসম্যগুপয়ুক্তং হি জ্ঞানং সুকুশলৈরপি ।
উপলভ্যং চাবিদিতং বিদিতং চাননুষ্ঠিতম্ ॥ 5-39-34 (33233)
পাপোদয়ফলং বিদ্বান্যো নারভতি বর্ধতে ॥ 5-39-35 (33234)
যস্তু পূর্বকৃতং পাপমবিমৃশ্যানুবর্ততে ।
অগাধপঙ্কে দুর্মেধা বিষমে বিনিপাত্যতে ॥ 5-39-36 (33235)
মন্ত্রভেদস্য ষট্ প্রাজ্ঞো দ্বারাণীমানি লক্ষয়েৎ।
অর্থসন্ততিকামশ্চ রক্ষেদেতানি নিত্যশঃ ॥ 5-39-37 (33236)
মদং স্বপ্নপবিজ্ঞানমাকারং চাত্মসংভবম্ ।
দুষ্টামাত্যেষু বিশ্রম্ভং দূতাচ্চাকুশলাদপি ॥ 5-39-38 (33237)
দ্বারাণ্যেতানি যো জ্ঞাৎবা সংবৃণোতি সদা নৃপ।
ত্রিবর্গাচরণে যুক্তঃ স শত্রূনধিতিষ্ঠতি ॥ 5-39-39 (33238)
নবৈ শ্রুতমবিজ্ঞায় বৃদ্ধাননুপসেব্য বা।
ধর্মার্থৌ বেদুতুং শক্যৌ বৃহস্পতিসমৈরপি ॥ 5-39-40 (33239)
নষ্টং সমুদ্রে পতিতং নষ্টং বাক্যমশৃণ্বতি।
অনাত্মনি শ্রুতং নষ্টং নষ্টং হুতমনগ্নিকম্ ॥ 5-39-41 (33240)
মত্যা পরীক্ষ্য মেধাবী বুদ্ধ্যা সংপাদ্য চাসকৃৎ।
শ্রুৎবা দৃষ্ট্বাথ বিজ্ঞায় প্রাজ্ঞৈর্মৈত্রীং সমাচরেৎ ॥ 5-39-42 (33241)
অকীর্তি বিনয়ো হন্তি হন্ত্যনর্থং পরাক্রমঃ ।
হন্তি নিত্যং ক্ষমা ক্রোধমাচারো হন্ত্যলক্ষণম্ ॥ 5-39-43 (33242)
পরিচ্ছদেন ক্ষেত্রেণ বেশ্মনা পরিচর্যযা।
পরীক্ষেত কুলং রাজন্ভোজনাচ্ছাদনেন চ ॥ 5-39-44 (33243)
উপস্থিতসয় কামস্য প্রতিবাদো ন বিদ্যতে।
অপি নির্মুক্তদেহস্য কামরক্তস্য কিং পুনঃ ॥ 5-39-45 (33244)
প্রাজ্ঞোপসেবিনং বৈদ্যং ধার্মিকং প্রিয়দর্শনম্ ।
মিত্রবন্তং সুবাক্যং চ সুহৃদং পরিপালয়েৎ ॥ 5-39-46 (33245)
দুষ্কুলীনঃ কুলীনো বা মর্যাদাং যো ন লঙ্ঘয়েৎ।
ধর্মাপেক্ষী মৃদুর্হ্রীমান্স কুলীনশতাদ্বরঃ ॥ 5-39-47 (33246)
যয়োশ্চিত্তেন বা চিত্তং নিভৃতং নিভৃতেন বা।
সমেতি প্রজ্ঞয়া প্রজ্ঞা তয়োর্মৈত্রী ন জীর্যতি ॥ 5-39-48 (33247)
দুর্বুদ্ধিমকৃতপ্রজ্ঞং ছন্নং কূপং তৃণৈরিব।
বিবর্জয়ীত মেধাবী তস্মিন্মৈত্রী প্রণশ্যতি ॥ 5-39-49 (33248)
অবলিপ্তেষু মূর্খেষু রৌদ্রসাহসিকেষু চ।
তথৈবাপেতধর্মেষু ন মৈত্রীমাচরেদ্বুধঃ ॥ 5-39-50 (33249)
কৃতজ্ঞং ধার্মিকং সত্যমক্ষুদ্রং দৃঢভক্তিকম্ ।
জিতেন্দ্রিয়ং স্থিতং স্থিত্যাং মিত্রমিত্যভিবাঞ্ছতি ॥ 5-39-51 (33250)
ইন্দ্রিয়াণামনুৎসর্গো মৃত্যুনাপি বিশিষ্যতে।
অত্যর্থং পুনরুৎসর্গঃ সাদয়েদ্দৈবতানপি ॥ 5-39-52 (33251)
মার্দবং সর্বভূতানামনসূয়া ক্ষমা ধৃতিঃ।
আয়ুষ্যাণি বুধাঃ প্রাহুর্মিত্রাণাং চাবিমাননা ॥ 5-39-53 (33252)
অপনীতং সুনীতেন যোঽর্থং প্রত্যানিনীপতে ।
মতিমাস্থায় সুদৃঢাং তদকাপুরুষব্রতম্ ॥ 5-39-54 (33253)
আয়ত্যাং প্রতিকারজ্ঞস্তদাৎবে দৃঢনিশ্চয়ঃ ।
অতীতে কার্যশেষজ্ঞো নরোঽর্থৈর্ন প্রহীয়তে॥ 5-39-55 (33254)
কর্মণা মনসা বাচা যদভীক্ষ্ণং নিষেবতে ।
তদেবাপহরত্যেনং তস্মাৎকল্যাণমাচরেৎ ॥ 5-39-56 (33255)
মঙ্গলালম্ভনং যোগঃ শ্রুতমুত্থানমার্জবম্।
ভূতিমেতানি কুর্বন্তি সতাং চাভীক্ষ্ণদর্শনম্ ॥ 5-39-57 (33256)
অনির্বেদঃ শ্রিয়ো মূলং লাভস্য চ শুভস্য চ।
মহান্ভবত্যনির্বিষ্ণঃ সুখং চানন্ত্যমশ্নুতে ॥ 5-39-58 (33257)
নাতঃ শ্রীমত্তরং কিংচিদন্যৎপথ্যতমং মতম্।
প্রভবিষ্ণোর্যথা তাত ক্ষমা সর্বত্র সর্বদা ॥ 5-39-59 (33258)
ক্ষমেদশক্তঃ সর্বস্য শক্তিমান্ধর্মকারণাৎ।
অর্থানর্থৌ সমৌ যস্য তস্য নিত্যং ক্ষমা হিতা ॥ 5-39-60 (33259)
যৎসুখং সেবমানোঽপি ধর্মার্থাভ্যাং ন হীয়তে।
কামং তদুপসেবেত ন মূঢব্রতমাচরেৎ ॥ 5-39-61 (33260)
দুঃখার্তেষু প্রমত্তেষু নাস্তিকেষ্বলসেষু চ।
ন শ্রীর্বসত্যদান্তেষু যে চোৎসাহবিবর্জিতাঃ ॥ 5-39-62 (33261)
আর্জবেন নরং যুক্তমার্জবাৎসব্যপত্রপম্।
অশক্তং মন্যমানাস্তু ধর্ষয়ন্তি কুবুদ্ধয়ঃ ॥ 5-39-63 (33262)
অত্যার্যমতিদাতারমতিশূরমতিব্রতম্ ।
প্রজ্ঞাভিমানিনং চৈব শ্রীর্ভয়ান্নোপসর্পতি ॥ 5-39-64 (33263)
ন চাতিগুণবৎস্বেষা নাত্যন্তং নির্গুণেষু চ।
নেষা গুণান্কাময়তে নৈর্গুণ্যান্নানুরজ্যতে।
উন্মত্তা গৌরিবান্ধা শ্রীঃ ক্বচিদেবাবতিষ্ঠতে ॥ 5-39-65 (33264)
অগ্নিহোত্রফলা বেদাঃ শীলবৃত্তফলং শ্রুতম্।
রতিপুত্রফলা নারী দত্তভুক্তফলং ধনম্ ॥ 5-39-66 (33265)
অধর্মোপার্জিতৈরর্থৈর্যঃ করোত্যৌর্ধ্বদেহিকম্।
ন স তস্য ফলং প্রেত্য ভুঙ্ক্তেঽর্থস্য দুরাগমাৎ ॥ 5-39-67 (33266)
কান্তারে বনদুর্গেষু কৃচ্ছ্রাস্বাপৎসু সংভ্রমে।
উদ্যতেষু চ শস্ত্রেষু নাস্তি সৎববতাং ভয়ম্ ॥ 5-39-68 (33267)
উত্থানং সংয়মো দাক্ষ্যমপ্রমাদো ধৃতিঃ স্মৃতিঃ ।
সমীক্ষ্য চ সমারম্ভো বিদ্ধি মূলং ভবস্য তু ॥ 5-39-69 (33268)
তপো বলং তাপমানাং ব্রহ্ম ব্রহ্মবিদাং বলম্ ।
হিংসা বলমসাধূনাং ক্ষমা গুণবতাং বলম্ ॥ 5-39-70 (33269)
অষ্টৌ তান্যব্রতঘ্নানি আপো মূলং ফলং পয়ঃ।
হবির্ব্রাহ্মণকাম্যা চ গুরোর্বচনমৌষধম্ ॥ 5-39-71 (33270)
ন তৎপরস্য সন্দধ্যাৎপ্রতিকূলং যদাত্মনঃ।
সঙ্গ্রহেণৈব ধর্মঃ স্যাৎকামাদন্যঃ প্রবর্ততে ॥ 5-39-72 (33271)
অক্রোধেন জয়েৎক্রোধমসাধুং নাধুনা জয়েৎ।
জয়েৎকদর্যং দানেন জয়েন্মত্যেন চানৃতম্ ॥ 5-39-73 (33272)
স্ত্রীধূর্তকেঽলসে ভীরৌ চণ্ডে পুরুষমানিনি।
চোরে কৃতঘ্নে বিশ্বাসো ন কার্যো ন চ নাস্তিকে ॥ 5-39-74 (33273)
অভিবাদনশীলপ্য নিত্যং বৃদ্ধোপসেবিনঃ ।
চৎবারি সংপ্রবর্ধন্তে কীর্তিরাপুর্যশো বলম্॥ 5-39-75 (33274)
অতিক্লেশেন যেঽথোঃ স্বধর্মস্যানিক্রমেণ বা।
অরের্বা প্রণিপাতেন মা .. তেষু মনঃ কৃথাঃ ॥ 5-39-76 (33275)
অবিদ্যঃ পুরুষঃ শোচ্যঃ শোচ্যং মৈথুনমপ্রজম্।
নিরাহারাঃ প্রজাঃ শোচ্যাঃ শোচ্যং রাষ্ট্রমরাজকং ॥ 5-39-77 (33276)
অধ্বা জরা দেহবতাং পর্বতানাং জলং জরা।
অসংভোগো জরা স্ত্রীণাং বাক্ছল্যং মনসো জরা॥ 5-39-78 (33277)
অনাম্নায়মলা বেদা ব্রাহ্মণস্যাব্রতং মলম্।
মলং পৃথিব্যা বাহ্লীকাঃ পুরুষস্যানৃতং মলম্ ॥ 5-39-79 (33278)
কৌতূহলমলা সাধ্বী বিপ্রবাসমলাঃ স্ত্রিয়ঃ ॥ 5-39-80 (33279)
সুবর্ণস্য মলং রূপ্যং রূপ্যস্যাপি মলং ত্রপু।
জ্ঞেয়ং ত্রপুমলং সীমং সীসস্যাপি মলং মলম্ ॥ 5-39-81 (33280)
ন স্বপ্নেন জয়েন্নিদ্রাং ন কামেন জয়েৎস্ত্রিয়ঃ।
নেন্ধনেন জয়েদগ্নিং ন পানেন সুরাং জয়েৎ ॥ 5-39-82 (33281)
যস্য দানজিতং মিত্রং শত্রবো যুধি নির্জিতাঃ ।
অন্নপানজিতা দারাঃ সফলং তস্য জীবিতম্ ॥ 5-39-83 (33282)
সহস্রিণোঽপি জীবন্তি জীবন্তি শতিনস্তথা ।
ধৃতরাষ্ট্র বিমুঞ্চেচ্ছাং ন কথঞ্চিন্ন জীব্যতে ॥ 5-39-84 (33283)
যৎপৃথিব্যাং ব্রীহিয়বং হিরণ্যং পশবঃ স্ত্রিয়ঃ ।
নালমেকস্য তৎসর্বমিতি পশ্যন্ন মুহ্যতি॥ 5-39-85 (33284)
রাজন্ভূয়ো ব্রবীমি ৎবাং পুত্রেষু সমমাচর।
সমতা যদি তে রাজন্স্বেষু পাণ্ডুসুতেষু বা ॥ ॥ 5-39-86 (33285)
ইতি শ্রীমন্মহাভারতে উদ্যোগপর্বণি প্রজাগরপর্বণি একোনচৎবারিংশোঽধ্যায়ঃ ॥
Mahabharata - Udyoga Parva - Chapter Footnotes
5-39-1 ভবাভবে ঐশ্বর্যানৈশ্বর্যে। দিষ্টস্য দৈবস্য। বদৈব নতু ম দূষয়েতি ভাবঃ। ধৃতঃ ধৃতিমান্ ॥ 5-39-2 বুদ্ধ্যবজ্ঞানং অবজ্ঞাতবুদ্ধিৎবম্ ॥ 5-39-9 আয়তীয়ুক্তং উদর্কে হিতম্ ॥ 5-39-15 ফলনির্বৃত্তিঃ সুখং চ প্রণশ্যতি। আরভতে নীচ ইতি শেষঃ ॥ 5-39-16 সঙ্গতং সংবন্ধম্। নিশাম্য বিচার্য ॥ 5-39-27 দিগ্ধহস্তং বিষাক্তবাণহস্তম্। স শ্রীমান্ এনস্তস্য জ্ঞাতেরবসাদজং পাপং বিন্দতি। মৃগবধজং পাপং ব্যাধ ইবেত্যর্থঃ ॥ 5-39-29 খট্বাং সমারূঢশ্চিন্তাগারং প্রবিষ্টঃ ॥ 5-39-30 ভার্গবাৎ শুক্রাদন্যত্র নীতিশাস্ত্রকর্তারং শুক্রং বিহায় অন্যঃ কশ্চিদপি ন অপনয়তে ইতি ন অপিতু সর্বোঽপ্যপনয়তে অনীতিং করোতি। অতঃ যৎ অতীতং তৎ অতীতমেব। শেষস্য তৎকালোচিতস্য অর্থস্য প্রতিপত্তিঃ বিচারঃ কর্তব্য ইত্যর্থঃ ॥ 5-39-31 প্রত্যানেয়ং প্রতিকর্তব্যম্॥ 5-39-33 অধ্যবস্যতি নিশ্চয়ং করোতি ॥ 5-39-34 সুকুশলৈরপ্যুপয়ুক্তং উপদিষ্টং তৎ জ্ঞানং অসম্যগেব। যতঃ উপলভ্যং জ্ঞেয়ং তেন অবিদিতং ন জ্ঞাতং । জ্ঞাতং বা তৎ নানুষ্ঠিতম্। মদুক্তং ৎবয়ি নিষ্ফলমেবেতি ভাবঃ ॥ 5-39-35 পাপোদয়ফলং পাপহেতুভূতপ্রয়োজনকং কর্ম যো নারভতে স বর্ধতে ॥ 5-39-36 পাপমেবানুবর্ততে সততং করোতি। পঙ্কে নারকে ॥ 5-39-38 অবিজ্ঞানং পরকীয়গুপ্তচারাদেরজ্ঞানম্। আত্মসংভবং আকারং নেত্রবক্রবিকারাদিকম্ ॥ 5-39-39 মন্ত্রভেদস্য দ্বারাণি সংবৃণোতি পিদধাতি ॥ 5-39-40 শ্রুতং শাস্ত্রম্ ॥ 5-39-44 পরিচ্ছদঃ ভোগ্যবস্তুসামগ্রী । ক্ষেত্রেণ জন্মস্থানেন। কুগ্রামবাসিষু প্রায়েণ বিবেকাভাবাৎ। পরিচর্যযা আচারেণ ॥ 5-39-46 বৈদ্যং বিদ্যাবন্তম্ ॥ 5-39-52 ইন্দ্রিয়াণাং উৎসর্গো বিষয়েষু প্রবৃত্তিঃ। অনুৎসর্গো বিষয়েভ্যো নিবৃত্তিঃ। সা মৃত্যুতুল্যা দুরনুষ্ঠেয়েত্যর্থঃ ॥ 5-39-53 আয়ুষ্যাণি আয়ুষ্করাণি ॥ 5-39-54 অপনীতং নাশিতম্ ॥ 5-39-55 আয়ত্যাং আগামিতি কালে দুঃখস্য প্রতীকারজ্ঞঃ তদাৎবে বর্তমানে দৃঢনিশ্চয়ঃ ॥ 5-39-57 মঙ্গলানাং দধিদূর্বাগবাদীনাং আলম্ভনং স্পর্শঃ। যোগঃ সহায়সংপত। উত্থানং উদ্যমঃক ॥ 5-39-58 অনির্বেদঃ উদ্যোগাৎ অনুপরমঃ ॥ 5-39-61 মূঢব্রতং আহারাদৌ অতিনির্বন্ধম্ ॥ 5-39-62 অদান্তেষু লিপ্সাহীনেষু॥ 5-39-67 ঔর্ধ্বদেহিকং পরলোকসাধনং যজ্ঞদানাদি ॥ 5-39-69 সংয়মঃ ইন্দ্রিয়াণাং নিগ্রহঃ। ভবস্য ঐশ্বর্যস্য ॥ 5-39-71 ব্রাহ্মণকাম্যা ব্রাহ্মণস্য ইচ্ছা ইত্যেত্যর্থঃ ॥ 5-39-73 সংদধ্যাৎ কুর্যাৎ ॥ 5-39-73 সাধুনা ... 5-39-78 স্ত্রীধূর্তকে স্ত্রিয়াং ধুতে চেত্যেকবদ্ভাবঃ ॥ 5-39-79 বাহ্লীকাঃ পঞ্চানাং সিন্ধুষষ্টানাং নদীনাং যত্র সংগমঃ বাহ্লীকা নাম তে দেশাঃ ॥ 5-39-80 বিপ্রবাসঃ প্রবাসঃ ॥ 5-39-82 স্বপ্নেন শয়নেন ॥ 5-39-86 যদি তে স্বেষু পুত্রেষু পাণ্ডবেষু চ সমতাস্তি তর্হি সর্বেষু সমমেবাচর ॥উদ্যোগপর্ব - অধ্যায় 040
॥ শ্রীঃ ॥
5.40. অধ্যায়ঃ 040
Mahabharata - Udyoga Parva - Chapter Topics
বিদুরেণ ধৃতরাষ্ট্রং প্রতি তত্তদ্বর্ণবর্মণাং তৈত্তৈশ্বশ্যানুষ্ঠেয়ৎবকথনপূর্বকং যুধিষ্ঠিরস্য রাজ্যং প্রদায় ক্ষাত্রধর্মে নিয়োজনচোদনম্ ॥ 1 ॥Mahabharata - Udyoga Parva - Chapter Text
5-40-0 (33286)
বিদুর উবাচ। 5-40-0x (3496)
যোঽভ্যর্চিতঃ মদ্ভিরসঞ্জমানঃ
করোত্যর্থং শক্তিমহাপয়িৎবা।
ক্ষিপ্রং যশস্তং সমুপৈতি মন্ত-
মলং প্রসন্না হি সুখায় সন্তঃ ॥ 5-40-1 (33287)
মহান্তমপ্যর্থমধর্ময়ুক্তং
যঃ মন্ত্যজত্যনপাকৃষ্ট এব।
সুখং সুদুঃখান্যবমুচ্য শেতে
জীর্ণাং ৎবচং সর্প ইবাবমুচ্য ॥ 5-40-2 (33288)
অনৃতে চ সমুৎকর্পো রাজগামি চ পৈশুনম্ ।
গুরোশ্চালীকনির্বন্ধঃ সমানি ব্রহ্মহত্যযা ॥ 5-40-3 (33289)
অসূয়ৈকপদং মৃত্যুরতিবাদঃ শ্রিয়ো বধঃ।
অশুশ্রূষা ৎবরা শ্লাঘা বিদ্যায়াঃ শত্রবস্ত্রঃ ॥ 5-40-4 (33290)
আলস্যং মদমোহৌ চ চাপলং গোষ্ঠিরেব চ।
স্তব্ধতা চাভিমানিৎবং তথা ত্যাগিৎবমেব চ ॥ 5-40-5 (33291)
এতে বৈ সপ্ত দোষাঃ স্যুঃ সদা বিদ্যার্থিনাং মতাঃ ।
সুখার্থিনঃ কুতো বিদ্যা নাস্তি বিদ্যার্থিনঃ সুখং।
সুখার্থী বা ত্যজেদ্বিদ্যাং বিদ্যার্থী বা ত্যজেৎসুখম্ ॥ 5-40-6 (33292)
নাগ্নিস্তৃপ্যতি কাষ্ঠানাং নাপগানাং মহোদধিঃ।
নান্তকঃ সর্বভূতানাং ন পুংসাং বামলোচনা ॥ 5-40-7 (33293)
আশা ধৃতিং হন্তি সমৃদ্ধিমন্তকঃ
ক্রোধঃ শ্রিয়ং হন্তি যশঃ কদর্যতা ।
অপালনং হন্তি পশূংশ্চ রাজ-
ন্নেকঃ ক্রুদ্ধো ব্রাহ্মণো হন্তি রাষ্ট্রম্ ॥ 5-40-8 (33294)
অজাশ্চ কাংস্যং রজতং চ নিত্যং
মধ্বাকর্ষঃ শকুনিঃ শ্রোত্রিয়শ্চ ।
বৃদ্ধো জ্ঞাতিরবসন্নঃ কুলীন
এতানি তে সন্তু গৃহে সদৈব ॥ 5-40-9 (33295)
অজোক্ষা চন্দনং বীণা আদর্শো মধুসর্পিষী ।
বিষমৌদুম্বরং শঙ্খঃ স্বর্ণনাভোঽথ রোচনা ॥ 5-40-10 (33296)
গৃহে স্থাপয়িতব্যানি ধন্যানি মনুরব্রবীৎ।
দেবব্রাহ্মণপূজার্থমতিথীনাং চ ভারত ॥ 5-40-11 (33297)
ইদং চ ৎবাং সর্বপরং ব্রবীমি
পুণ্যং পদং তাত মহাবিশিষ্টম্।
ন জাতু কামান্ন ভয়ান্ন লোভা-
দ্ধর্মং জহ্যাজ্জীবিস্যাপি হেতোঃ ॥ 5-40-12 (33298)
নিত্যো ধর্মঃ সুখদুঃখে ৎবনিত্যে
জীবো নিত্যো ধাতুরস্য ৎবনিত্যঃ।
ত্যক্ৎবাঽনিত্যং প্রতিতিষ্ঠস্ব নিত্যে
সংতুষ্য সন্তোষপরা হি সন্তঃ ॥ 5-40-13 (33299)
মহাবলান্পশ্য মহানুভাবান্
প্রশাস্য ভূমিং ধনধান্যপূর্ণাম্।
রাজ্যানি হিৎবা বিপুলাংশ্চ ভোগান্।
গতান্নরেন্দ্রান্বশমন্তকস্য ॥ 5-40-14 (33300)
মৃতং পুত্রং দুঃখপুষ্টং মনুষ্যা
উৎক্ষিপ্য রাজন্স্বগৃহান্নির্হরন্তি।
তং মুক্তকেশাঃ করুণং রুদন্তি
চিতামধ্যে কাষ্ঠমিব ক্ষিপন্তি॥ 5-40-15 (33301)
অন্যো ধনং প্রেতগতস্য ভুঙ্ক্তে
বয়াংসি চাগ্নিশ্চ শরীরধাতূন্।
দ্বাভ্যাময়ং সহ গচ্ছত্যমুত্র
পুণ্যেন পাপেন চ বেষ্ট্যমানঃ ॥ 5-40-16 (33302)
উসৃজ্য বিনিবর্তন্তে জ্ঞাতয়ঃ সুহৃদঃ সুতাঃ।
অপুষ্পানফলান্বৃক্ষান্যথা তাত পতত্রিণঃ ॥ 5-40-17 (33303)
অগ্নৌ প্রাস্তং তু পুরুষং কর্মান্বেতি স্বয়ং কৃতম্।
তস্মাত্তু পুরুষো যত্নাদ্ধর্মং সঞ্চিনুয়াচ্ছনৈঃ ॥ 5-40-18 (33304)
অস্মাল্লোকাদূর্ধ্বমমুষ্য চাধো
মহত্তমস্তিষ্ঠতি হ্যন্ধকারম্।
তদ্বৈ মহামোহনমিন্দ্রিয়াণাং
বুদ্ধ্যস্ব মা ৎবাং প্রলভেত রাজন্ ॥ 5-40-19 (33305)
ইদং বচঃ শক্ষ্যসি চেদ্যথাব-
ন্নিশম্য সর্বং প্রতিপত্তুমেব।
যশঃ পরং প্রাপ্স্যসি জীবলোকে
ভয়ং নচামুত্র নচেহ তেঽস্তি ॥ 5-40-20 (33306)
আত্মা নদী ভারত পুণ্যতীর্থা
সত্যোদয়া ধৃতিকূলা দয়োর্মিঃ।
তস্যাং স্নাতঃ পূয়তে পুণ্যকর্মা
পুণ্যো হ্যাত্মা নিত্যমলোভ এব ॥ 5-40-21 (33307)
কামক্রোধগ্রাহবতীং পঞ্চেন্দ্রিয়জলাং নদীম্।
নাবং ধৃতিময়ীং কৃৎবা জন্মদুর্গাণি সংতর ॥ 5-40-22 (33308)
প্রজ্ঞাবৃদ্ধং ধর্মবৃদ্ধং স্ববন্ধুং
বিদ্যাবৃদ্ধং বয়সা চাপি বৃদ্ধম্ ।
কার্যাকার্যে পূজয়িৎবা প্রসাদ্য
যঃ সংপৃচ্ছেন্ন স মুহ্যেৎকদাচিৎ ॥ 5-40-23 (33309)
ধৃত্যা শিশ্রোদরং রক্ষেৎপাণিপাদং চ চক্ষুষা ।
চক্ষুঃশ্রোত্রে চ মনসা মনো বাচং চ কর্মণা ॥ 5-40-24 (33310)
নিত্যোদকী নিত্যযজ্ঞোপবীতী
নিত্যস্বাধ্যায়ী পতিতান্নবর্জী ।
সত্যং ব্রুবন্গুরবে কর্ম কুর্ব-
ন্ন ব্রাহ্মণশ্র্যবতে ব্রহ্মলোকাৎ ॥ 5-40-25 (33311)
অধীত্য বেদান্পরিসংস্তীর্য চাগ্নী-
নিষ্ট্বা যজ্ঞৈঃ পালয়িৎবা প্রজাশ্চ।
গোব্রহ্মণার্থং শস্ত্রপূতান্তরাত্মা
হতঃ সঙ্গ্রামে ক্ষত্রিয়ঃ স্বর্গমেতি ॥ 5-40-26 (33312)
বৈশ্যোঽধীত্য ব্রাহ্মণান্ক্ষত্রিয়াংশ্চ
ধনৈঃ কালে সংবিভজ্যাশ্রিতাংশ্চ।
ত্রেতাপূতং ধূমমাঘ্রায় পুণ্যং
প্রেত্য স্বর্গে দিব্যসুখানি ভুঙ্ক্তে ॥ 5-40-27 (33313)
ব্রহ্ম ক্ষত্রং বৈশ্যবর্ণং চ শূদ্রঃ
ক্রমেণৈতান্ন্যায়তঃ পূজয়ানঃ।
তুষ্টেষ্বেতেষ্বব্যথো দগ্ধপাপ-
স্ত্যক্ৎবা দেহং স্বর্গসুখানি ভুঙ্ক্তে ॥ 5-40-28 (33314)
চাতুর্বর্ণ্যস্যৈষ ধর্মস্তবোক্তো
হেতুং চানুব্রুবতো মে নিবোধ।
ক্ষাত্রাদ্ধর্মাদ্ধীয়তে পাণ্ডুপুত্র-
স্তং ৎবং রাজন্রাজধর্মে নিয়ুঙ্ক্ষ ॥ 5-40-29 (33315)
ধৃতরাষ্ট্র উবাচ। 5-40-30x (3497)
এবমেতদ্যথা ৎবং মামনুশাসনি নিত্যদা।
মমাপি চ মতিঃ সৌম্য ভবত্যেবং যথাত্থ মাম্ ॥ 5-40-30 (33316)
সা তু বুদ্ধিঃ কৃতাপ্যেবং পাণ্ডবান্প্রতি মে সদা।
দুর্যোধনং সমাসাদ্য পুনর্বিপরিবর্ততে ॥ 5-40-31 (33317)
ন দিষ্টমভ্যতিক্রান্তুং শক্যং ভূতেন কেনচিৎ।
দিষ্টমেব ধ্রুবং মন্যে পৌরুষং তু নিরর্থকম্ ॥ ॥ 5-40-32 (33318)
ইতি শ্রীমন্মহাভারতে উদ্যোগপর্বণি প্রজাগরপর্বণি চৎবারিংশোঽধ্যায়ঃ ॥ ॥ সমাপ্তমিদং প্রজাগরপর্ব ॥ -------
Mahabharata - Udyoga Parva - Chapter Footnotes
5-40-1 প্রমন্নঃ সন্তঃ সাধবঃ সুখায় অলং সুখং দাতুং পর্যাপ্তাঃ ॥ 5-40-4 একপদং সর্বাত্মনা ॥ 5-40-5 মদমোহৌ একীকৃত্য সপ্ত ॥ 5-40-9 আকর্ষঃ বিষাদীনাম্ ॥ 5-40-10 অজেন সহিতঃ উক্ষা অজোক্ষা। ঔদুম্বরং তাম্রময়ং পাত্রজাতম্। বিষং লোহমিতি সর্বজ্ঞঃ। স্বর্ণনাভঃ শালগ্রামঃ । দক্ষিণাবর্তঃ শঙ্খঃ । 5-40-11 ধন্যানি মঙ্গলাবহানি ॥ 5-40-12 মহাবিশিষ্টং মহেন উৎসবেন অবিশিষ্টং সমানং মাঙ্গলিকমিত্যর্থঃ ॥ 5-40-19 অস্মাল্লোকাদূর্ধ্বং স্বর্গে। অমুষ্য অমুষ্মাৎ স্বর্গাৎ। প্রলভেত স্পৃশেৎ ॥ 5-40-20 প্রতিপত্তুং জ্ঞাতুং শক্ষ্যসি চেদিতি সংবন্ধঃ ॥ 5-40-21 পুণ্যমপি কিং নিত্য মলোভ এব। বৈরাগ্যাত্র পরং পুণ্যমিত্যর্থঃ ॥ 5-40-24 মনো বাচং চ বিদ্যযেতি ঙ পাঠঃ ॥ 5-40-25 নিত্যোদকী যথাকালং স্নানাচমনপরঃ ॥উদ্যোগপর্ব - অধ্যায় 041
॥ শ্রীঃ ॥
5.41. অধ্যায়ঃ 041
Mahabharata - Udyoga Parva - Chapter Topics
ধৃতরাষ্ট্রেণ পুনর্ধর্মরহস্যকথনং চোদিতেন বিদুরেণ স্বস্য শূদ্রয়োনিজাতৎবেন তৎকথনানৌচিত্যকথনম্ ॥ 1 ॥ তথা স্মরণ মাত্রসংনিহিতং সনৎসুজাতংপ্রতি ধৃতরাষ্ট্রায় তৎবোপদেশপ্রার্থনা ॥ 2 ॥Mahabharata - Udyoga Parva - Chapter Text
5-41-0 (33319)
ধৃতরাষ্ট্র উবাচ। 5-41-0x (3498)
অনুক্তং যদি তে কিঞ্চিদ্বাচা বিদুর বিদ্যতে।
তন্মে শুশ্রূষতো ব্রূহি বিচিত্রাণি হি ভাষসে ॥ 5-41-1 (33320)
বিদুর উবাচ। 5-41-2x (3499)
ধৃতরাষ্ট্র কুমারো বৈ যঃ পুরাণঃ সনাতনঃ।
তনৎসুজাতঃ প্রোবাচ মৃত্যুর্নাস্তীতি ভারত ॥ 5-41-2 (33321)
স তে গুহ্যান্প্রকাশাংশ্চ সর্বান্হৃদয়সংশ্রয়ান্।
প্রবক্ষ্যতি মহারাজ সর্ববুদ্ধিমতাং বরঃ ॥ 5-41-3 (33322)
ধৃতরাষ্ট্র উবাচ। 5-41-4x (3500)
কিং ৎবং ন বেদ তদ্ভূয়ো যন্মে ব্রূয়াৎসনাতনঃ।
ৎবমেব বিদুর ব্রূহি প্রজ্ঞাশেষোঽস্তি চেত্তব ॥ 5-41-4 (33323)
বিদুর উবাচ। 5-41-5x (3501)
শূদ্রয়োনাবহং জাতো নাতোঽন্যদ্বক্তুমুৎসহে।
কুমারস্য তু যাবুদ্ধির্বেদ তাং শাশ্বতীমহম্ ॥ 5-41-5 (33324)
ব্রাহ্মীং হি যোনিমাপন্নঃ সগুহ্যমপি যো বদেৎ।
ন তেন গর্হ্যো দেবানাং তস্মাদেতদ্ব্রবীমি তে ॥ 5-41-6 (33325)
ধৃতরাষ্ট্র উবাচ। 5-41-7x (3502)
ব্রবীহি বিদুর ৎবং মে পুরাণং তং সনাতনম্ ।
কথমেতেন দেহেন স্যাদিহৈব সমাগমঃ ॥ 5-41-7 (33326)
বৈশম্পায়ন উবাচ। 5-41-8x (3503)
চিন্তয়ামাস বিদুরস্তভৃষিং শংসিতব্রতম্।
স চ তচ্চিন্তিতং জ্ঞাৎবা দর্শয়ামাস ভারত ॥ 5-41-8 (33327)
স চৈনং প্রতিজগ্রাহ বিধিদৃষ্টেন কর্মণা ।
সুখোপবিষ্টং বিশ্রান্তমথৈনং বিদুরোঽব্রবীৎ॥ 5-41-9 (33328)
ভগবন্সংশয়ঃ কশ্চিদ্ধৃতরাষ্ট্রস্য মানসঃ ।
যো ন শক্যো ময়া বক্তুং ৎবমস্মৈ বক্তুমর্হসি ॥ 5-41-10 (33329)
যং শ্রৎবাঽয়ং মনুষ্যেন্দ্রঃ সর্বদুঃখাতিগো ভবেৎ॥ 5-41-11 (33330)
লাভালাভৌ প্রিয়দ্বেষ্যৌ যথৈনং ন জরান্তকৌ।
বিষহেরন্ভয়ামর্ষৌ শ্রুৎপিপাসে মদোদ্ভবৌ ।
অরতিশ্চৈব তন্দ্রী চ কামক্রোধৌ ক্ষয়োদয়ৌ ॥ ॥ 5-41-12 (33331)
ইতি শ্রীমন্মহাভারতে উদ্যোগপর্বণি সনৎসুজাতপর্বণি একচৎবারিংশোঽধ্যায়ঃ ॥
Mahabharata - Udyoga Parva - Chapter Footnotes
5-41-2 সনুৎকুম্মরঃ প্রোবাচেতি কo পাঠঃ ॥ 5-41-4 তমহং নাভিজানামি তৎবতো বৈ সনাতনমিতি কo পাঠo ॥ 5-41-12 বিষহেরন্ বাধেরন্। অমর্ষঃ অসহিষ্ণুতা । উদ্ভব উৎকৃষ্টৈশ্বর্যং ॥উদ্যোগপর্ব - অধ্যায় 042
॥ শ্রীঃ ॥
5.42. অধ্যায়ঃ 042
Mahabharata - Udyoga Parva - Chapter Topics
সনৎসুজাতেন ধৃতরাষ্ট্রংপ্রতি তত্ৎবোপদেশঃ ॥ 1 ॥Mahabharata - Udyoga Parva - Chapter Text
5-42-0 (33332)
বৈশম্পায়ন উবাচ। 5-42-0x (3504)
ততো রাজা ধৃতরাষ্ট্রো মনীষী
সংপূজ্য বাক্যং বিদুরেরিতং তৎ।
সনৎসুজাতং রহিতে মহাত্মা
পপ্রচ্ছ বুদ্ধিং পরমাং বুভূষন্ ॥ 5-42-1 (33333)
ধৃতরাষ্ট্র উবাচ। 5-42-2x (3505)
সনৎসুজাত যদিমং শৃণোমি
ন মৃত্যুরস্তীতি তবোপদেশম্।
দেবাসুরা হ্যাচরন্ব্রহ্মচর্য-
মমৃত্যবে তৎকতরন্নু সত্যম্ ॥ 5-42-2 (33334)
সনৎসুজাত উবাচ। 5-42-3x (3506)
অমৃত্যুং কর্মণা কেচিন্মৃত্যুর্নাস্তীতি চাপরে।
শৃণু মে ব্রুবতো রাজন্যথৈতন্মা বিশঙ্কিথাঃ ॥ 5-42-3 (33335)
উভে সত্যে ক্ষত্রিয়াদ্য প্রবৃত্তে
মোহো মৃত্যুঃ সংমতোঽয়ং কবীনাম্।
প্রমাদং বৈ মৃত্যুমহং ব্রবীমি
তথাঽপ্রমাদমমৃতৎবং ব্রবীমি ॥ 5-42-4 (33336)
প্রমাদাদ্বৈ অসুরাঃ পরাভব-
ন্নপ্রমাদাদ্ব্রহ্মভূতাঃ সুরাশ্চ।
নৈব মৃত্যুর্ব্যাঘ্র ইবাত্তি জন্তূ-
ন্ন হ্যস্য রূপমুপলভ্যতে হি ॥ 5-42-5 (33337)
যমং ৎবেকে মৃত্যুমতোঽন্যমাহু-
রাত্মাবাসমমৃতং ব্রহ্মচর্যম্।
পিতৃলোকে রাজ্যমনুশাস্তি দেবঃ
শিবঃ শিবানামশিবোঽশিবানাম্ ॥ 5-42-6 (33338)
অস্যাদেশান্নিঃসরতে নরাণাং
ক্রোধঃ প্রমাদো লোভরূপশ্চ মৃত্যুঃ।
অহং গতেনৈব চরন্বিমার্গা-
ন্ন চাত্মনো যোগমুপৈতি কশ্চিৎ ॥ 5-42-7 (33339)
তে মোহিতাস্তদ্বশে বর্তমানা
ইতঃ প্রেতাস্তত্র পুনঃ পতন্তি।
ততস্তান্দেবা অনুবিপ্লবন্তে
অতো মৃত্যুর্মরণাদভ্যুপৈতি ॥ 5-42-8 (33340)
কর্মোদয়ে কর্মফলানুরাগা-
স্তত্রানু তে যান্তি ন তরন্তি মৃত্যুম্ ।
সদর্থয়োগানবগমাৎসমন্তা-
ৎপ্রবর্ততে ভোগভোগেন দেহী ॥ 5-42-9 (33341)
তদ্বৈ মহামোহনমিন্দ্রিয়াণাং
মিথ্যার্থয়োগস্য গতির্হি নিত্যা।
মিথ্যার্থয়োগাভিহতান্তরাত্মা
স্মরন্নুপাস্তে বিষয়ান্সমন্তাৎ ॥ 5-42-10 (33342)
অভিধ্যা বৈ প্রথমং হন্তি লোকান্
কামক্রোধাবনুগৃহ্যাশু পশ্চাৎ।
এতে বালান্মৃত্যবে প্রাপয়ন্তি
ধীরাস্তু ধৈর্যেণ তরন্তি মৃত্যুম্ ॥ 5-42-11 (33343)
সোঽভিধ্যায়ন্নুৎপতিষ্ণন্নিহন্যা-
দনাদরেণাপ্রতিবুধ্যমানঃ।
নৈনং মৃত্যুর্মৃত্যুরিবাত্তি ভূৎবা
এবং বিদ্বান্যো বিনিহন্তি কামান্ ॥ 5-42-12 (33344)
কামানুসারী পুরুষঃ কামাননু বিনশ্যতি।
কামান্ব্যুদস্য ধুনুতে যৎকিঞ্চিৎপুরুষো রজঃ ॥ 5-42-13 (33345)
তমোপ্রকাশো ভূতানাং নরকোঽয়ং প্রদৃশ্যতে।
মুহ্যন্ত ইব ধাবন্তি গচ্ছন্তঃ শ্বভ্রমুন্মুখাঃ ॥ 5-42-14 (33346)
অমূঢবৃত্তেঃ পুরুষস্যেহ কুর্যা-
ৎকিং বৈ মৃত্যুস্তার্ণ ইবাস্য ব্যাঘ্রঃ ।
অমন্যমানঃ ক্ষত্রিয় কিঞ্চিদন্য-
ন্নাধীয়তে তার্ণ ইবাস্য সর্পঃ ॥ 5-42-15 (33347)
ক্রোধাল্লোভান্মোহভয়ান্তরাত্মা
স বৈ মৃত্যুস্ৎবচ্ছরিরে য এষঃ।
এবং মৃত্যুং জায়মানং বিদিৎবা
জ্ঞানে তিষ্ঠন্ন বিভেতীহ মৃত্যোঃ।
বিনশ্যতে বিষয়ে তস্য মৃত্যু-
র্মৃত্যোর্যথা বিষয়ং প্রাপ্য মর্ত্যঃ ॥ 5-42-16 (33348)
ধৃতরাষ্ট্র উবাচ। 5-42-17x (3507)
যানেবাহুরিজ্যযা সাধুলোকান্
দ্বিজাতীনাং পুণ্যতমান্সনাতনাৎ।
তেষাং পরার্থং কথয়ন্তীহ বেদা
এতদ্বিদ্বান্নৈতি কথং নু কর্ম ॥ 5-42-17 (33349)
সনৎসুজাত উবাচ। 5-42-18x (3508)
এবং হ্যবিদ্বানুপয়াতি তত্র
তত্রার্থজাতং চ বদন্তি বেদাঃ।
সবেহ আয়াতি পরং পরাত্মা
প্রয়াতি মার্গেণ নিহত্য মার্গান্ ॥ 5-42-18 (33350)
ধৃতরাষ্ট্র উবাচ। 5-42-19x (3509)
কোঽসৌ নিয়ুঙ্ক্তে তমজং পুরাণং
স চেদিদং সর্বমনুক্রমেণ।
কিং বাস্য কার্যমথবা সুখং চ
তন্মে বিদ্বন্ব্রূহি সর্বং যথাবৎ ॥ 5-42-19 (33351)
সনৎসুজাত উবাচ। 5-42-20x (3510)
দোষো মহানত্র বিভেদয়োগে
হ্যনাদিয়োগেন ভবন্তি নিত্যাঃ।
তথাস্য নাধিক্যমপৈতি কিঞ্চি-
দনাদিয়োগেন ভবন্তি পুংসঃ ॥ 5-42-20 (33352)
য এতদ্বা ভগবান্স নিত্যো
বিকারয়োগেন করোতি বিশ্বম্।
তথাচ তচ্ছক্তিরিতি স্ম মন্যতে।
তথার্থয়োগেন ভবন্তি বেদাঃ ॥ 5-42-21 (33353)
ধৃতরাষ্ট্র উবাচ। 5-42-22x (3511)
যস্মাদ্ধর্মান্নাচরন্তীহ কেচি-
ত্তথা ধর্মান্কেচিদিহাচরন্তি।
ধর্মঃ পাপেন প্রতিহন্যতে স্বি-
দুতাহো ধর্মঃ প্রতিহন্তি পাপম্ ॥ 5-42-22 (33354)
সনৎসুজাত উবাচ। 5-42-23x (3512)
তস্মিন্স্থিতৌ বাপ্যুভয়ং হি নিত্যং
জ্ঞানেন বিদ্বান্প্রতিহন্তি সিদ্ধম্।
তথান্যথা পুণ্যমুপৈতি দেহী
তথাগতং পাপমুপৈতি সিদ্ধম্ ॥ 5-42-23 (33355)
গৎবোভয়ং কর্মণা যুজ্যতে স্থিরং
শুভস্য পাপস্য স চাপি কর্মণা।
ধর্মেণ পাপং প্রণুদতীহ বিদ্বান্
ধর্মো বলীয়ানিতি তত্র বিদ্ধিঃ ॥ 5-42-24 (33356)
ধৃতরাষ্ট্র উবাচ। 5-42-25x (3513)
যানিহাহুঃ স্বস্য ধর্মস্য লোকা-
ন্দ্বিজাতীনাং পুণ্যকৃতাং সনাতনান্।
তেষাং ক্রমান্কথয় ততোঽপি চান্যা-
ন্নৈতদ্বিদ্বন্বেত্তুমিচ্ছামি কর্ম ॥ 5-42-25 (33357)
সনৎসুজাত উবাচ। 5-42-26x (3514)
যেষাং ব্রতেঽথ বিস্পর্ধা বলে বলবতামিব।
তে ব্রাহ্মণা ইতঃ প্রেত্য স্বর্গে যান্তি প্রকাশতাম্ ॥ 5-42-26 (33358)
যেষাং ধর্মে চ বিস্পর্ধা তেষাং জজ্জ্ঞানসাধনম্।
তে ব্রাহ্মণা ইতো মুক্তাঃ স্বর্গং যান্তি ত্রিবিষ্টপম্ ॥ 5-42-27 (33359)
তস্য সম্যক্সমাচারমাহুর্বেদবিদো জনাঃ।
নৈনং মন্যেত ভূয়িষ্ঠং বাহ্যমাভ্যন্তরং জনম্ ॥ 5-42-28 (33360)
যত্র মন্যেত ভূয়িষ্ঠং প্রাবৃষীব তৃণোদকম্।
অন্নং পানং ব্রাহ্মণস্য তঞ্জীবোন্নানুসংজ্বরেৎ ॥ 5-42-29 (33361)
যত্রাকথয়মানস্য প্রয়চ্ছত্যশিবং ভয়ম্।
অতিরিক্তমিবাকুর্বন্স শ্রেয়ান্নেতরো জনঃ ॥ 5-42-30 (33362)
যো বা কথয়মানস্য হ্যাত্মানং নানুসংজ্বরেৎ।
ব্রহ্মস্বং নোপভুঞ্জীত তদন্নং সংমতং সতাম্।
কুশবল্কলচেলাদ্যং ব্রহ্মস্বং যোগিনো বিদুঃ ॥ 5-42-31 (33363)
যথা খং বান্তমশ্নাতি শ্বা বৈ নিত্যমভূতয়ে ।
এবং তে বান্তমশ্নন্তি স্ববীর্যস্যোপসেবনাৎ ॥ 5-42-32 (33364)
নিত্যমজ্ঞাতচর্যা মে ইতি মন্যেত ব্রাহ্মণঃ।
জ্ঞাতীনাং তু বসন্মধ্যে নৈবং বিন্দেত কিঞ্চন ॥ 5-42-33 (33365)
কোহ্যেবমন্তরাত্মানং ব্রাহ্মণো হন্তুমর্হতি।
নির্লিঙ্গমচলং শুদ্ধং সর্বদ্বন্দ্ববিবর্জিতম্ ॥ 5-42-34 (33366)
যোঽন্যথা সন্তমাত্মানমন্যথা প্রতিপদ্যতে।
কিং তেন ন কৃতং পাপং চোরেণাত্মাপহারিণা ॥ 5-42-35 (33367)
অশ্রান্তঃ স্যাদনাদাতা সংমতো নিরুপদ্রবঃ।
শিষ্টো ন শিষ্টবৎস স্যাদ্ব্রাহ্মণো ব্রহ্মবিৎকবিঃ ॥ 5-42-36 (33368)
অনাঢ্যা মানুষে বিত্তে আঢ্যা দৈবে তথা ক্রতৌ ।
তে দুর্ধর্ষা দুষ্প্রকম্প্যাস্তান্বিদ্যাদ্ব্রহ্মণস্তনুম্ ॥ 5-42-37 (33369)
সর্বান্খিষ্টকৃতো দেবান্বিদ্যাদ্য ইহ কশ্চন।
ন স মানো ব্রাহ্মণস্য তস্মিন্প্রয়ততে স্বয়ম্ ॥ 5-42-38 (33370)
যমপ্রয়তমানং তু মানয়ন্তি সমাহিতাঃ ।
ন মান্যমানো মন্যেত নাবমানেঽতিসংজ্বরেৎ ॥ 5-42-39 (33371)
লোকঃ স্বভাববৃত্তির্হি নিমেষোন্মষবৎসদা।
বিদ্বাংসো মানয়ন্তীহ ইতি মন্যেত মানিতঃ ॥ 5-42-40 (33372)
অধর্মনিপুণা মুঢা লোকে মায়াবিশারদাঃ ।
ন মান্যং মানয়িষ্যন্তি এবং মন্যেত মানিতঃ ॥ 5-42-41 (33373)
ন বৈ মানং চ মৌনং চ সহিতৌ বসতঃ সদা।
অয়ং হি লোকো মানস্য অসৌ মৌনস্য তদ্বিদুঃ ॥ 5-42-42 (33374)
শ্রীর্হি মানার্থসংবাসা সা চাপি পরিপন্থিনী ।
ব্রাহ্মী সুদুর্লভা শ্রীর্হি প্রজ্ঞাহীনেন ক্ষত্রিয় ॥ 5-42-43 (33375)
দ্বারাণি তস্যেহ বদন্তি সন্তো
বহুপ্রকারাণি দুরাধরাণি।
সত্যার্জবে হ্রীর্দমশৌচবিদ্যা
ষণ্মানমোহপ্রতিবন্ধনানি ॥ ॥ 5-42-44 (33376)
ইতি শ্রীমন্মহাভারতে উদ্যোগপর্বণি সনৎসুজাতপর্বণি দ্বিচৎবারিংশোঽধ্যায়ঃ ॥
উদ্যোগপর্ব - অধ্যায় 043
॥ শ্রীঃ ॥
5.43. অধ্যায়ঃ 043
Mahabharata - Udyoga Parva - Chapter Topics
সনৎসুজাতেন ধৃতরাষ্ট্রংপ্রতি তত্ৎবোপদেশঃ ॥ 1 ॥Mahabharata - Udyoga Parva - Chapter Text
5-43-0 (33377)
ধৃতরাষ্ট্র উবাচ। 5-43-0x (3515)
কস্যৈষ মৌনঃ কতরন্নু মৌনং
প্রব্রূহি বিদ্বন্নিহ মৌনভাবম্।
মৌনেন বিদ্বানুত যাতি মৌনং
কথং মুনে মৌনমিহাচরন্তি ॥ 5-43-1 (33378)
সনৎসুজাত উবাচ। 5-43-2x (3516)
যতো ন বেদা মনসা সহৈন-
মনুপ্রবিশন্তি ততোঽথ মৌনম্।
যত্রোত্থিতো বেদশব্দস্তথায়ং
স তন্ময়ৎবেন বিভাতি রাজন্ ॥ 5-43-2 (33379)
ধৃতরাষ্ট্র উবাচ। 5-43-3x (3517)
ঋচো যজূংষি যো বেদ সামবেদং চ বেদ যঃ।
পাপানি কুর্বন্পাপেন লিপ্যতে কিং ন লিপ্যতে ॥ 5-43-3 (33380)
সনৎসুজাত উবাচ। 5-43-4x (3518)
নৈনং সামান্যৃচো বাপি ন যজূংষ্যবিচক্ষণম্।
ত্রায়ন্তে কর্মণঃ পাপান্ন তে মিথ্যা ব্রবীম্যহম্ ॥ 5-43-4 (33381)
ন চ্ছন্দাংসি বৃজিনাত্তারয়ন্তি
মায়াবিনং মায়যা সর্বমানম্।
নীডং শকুন্তা ইব জাতপক্ষা-
শ্ছন্দাংস্যেনং প্রজহত্যন্তকালে ॥ 5-43-5 (33382)
ধৃতরাষ্ট্র উবাচ। 5-43-6x (3519)
ন চেদ্বেদা বেদবিদং ত্রাতুং শক্তা বিচক্ষণ।
অথ কস্মাৎপ্রলাপোঽয়ং ব্রাহ্মণানাং সনাতনঃ ॥ 5-43-6 (33383)
সনৎসুজাত উবাচ। 5-43-7x (3520)
তস্যৈব নামাদিবিশেষরূপৈ-
রিদং জগদ্ভাতি মহানুভাব ।
নির্দিশ্য সম্যক্প্রবদন্তি বেদা-
স্তদ্বিশ্ববৈরূপ্যমুদাহরন্তি ॥ 5-43-7 (33384)
তদর্থয়ুক্তং তপ এতদিজ্যা
তাভ্যামসৌ পুণ্যমুপৈতি বিদ্বান্।
পুণ্যেন পাপং বিনিহত্য পশ্চা-
ৎসংজায়তে জ্ঞানবিদীপিতাত্মা ॥ 5-43-8 (33385)
জ্ঞানেন চাত্মানমুপৈতি বিদ্বা-
নথান্যথা বর্গফলানুকাঙ্ক্ষী।
অস্মিন্কৃতং তৎপরিগৃহ্য সর্ব-
মমুত্র ভুঙ্ক্তে পুনরেতি মার্গম্ ॥ 5-43-9 (33386)
অস্মিঁল্লোকে তপস্তপ্তং ফলমন্যত্র ভুজ্যতে।
ব্রাহ্মণানামিমে লোকা বৃদ্ধে তপসি সংয়তাঃ ॥ 5-43-10 (33387)
` ব্রাহ্মণানাং তপঃ স্বৃদ্ধমন্যেষাং তাবদেব তৎ।
এতৎসমৃদ্ধমত্যৃদ্ধং তপো ভবতি কেবলম্ ॥' 5-43-11 (33388)
ধৃতরাষ্ট্র উবাচ। 5-43-12x (3521)
কথং সমৃদ্ধমপ্যৃদ্ধং তপো ভবতি কেবলম্।
সনৎসুজাত তদ্ব্রূহি যথা বিদ্যাম তদ্বয়ম্ ॥ 5-43-12 (33389)
সনৎসুজাত উবাচ। 5-43-13x (3522)
নিষ্কল্মষং তপস্ৎবেতৎকেবলং পরিচক্ষতে।
এতৎসমৃদ্ধমপ্যৃদ্ধং তপো ভবতি কেবলম্ ॥ 5-43-13 (33390)
তপোমূলমিদং সর্বং যন্মাং পৃচ্ছসি ক্ষত্রিয়।
তপসা বেদবিদ্বাংসঃ পরং ৎবমৃতমাপ্নুয়ুঃ ॥ 5-43-14 (33391)
ধৃতরাষ্ট্র উবাচ। 5-43-15x (3523)
কল্মষং তপসো ব্রূহি শ্রুতং নিষ্কল্মষং তপঃ।
সনৎসুজাত যেনেদং বিদ্যাং গুহ্যং সনাতনম্ ॥ 5-43-15 (33392)
সনৎসুজাত উবাচ। 5-43-16x (3524)
ক্রোধাদয়ো দ্বাদশ যস্য দোষা-
স্তথা নৃশংসানি দশ ত্রি রাজন্।
ধর্মাদয়ো দ্বাদশৈতে পিতৄণাং
শাস্ত্রে গুণা যে বিদিতা দ্বিজানাম্ ॥ 5-43-16 (33393)
ক্রোধঃ কামো লোভমোহৌ বিধিৎসা-
ঽকৃপাঽসূয়ে মানশোকৌ স্পৃহা চ।
ঈর্ষ্যা জুগুপ্সা চ মনুষ্যদোষা
বর্জ্যাঃ সদা দ্বাদশৈতে নরাণাম্ ॥ 5-43-17 (33394)
একৈকমেতে রাজেন্দ্র মনুষ্যান্পর্যুপাসতে।
লিপ্সমানোন্তরং তেষাং মৃগাণামিব লুব্ধকঃ ॥ 5-43-18 (33395)
বিকত্থনঃ স্পৃহয়ালুর্মনস্বী
বিভ্রৎকোষং চপলো রোষণশ্চ।
এতান্পাপাঃ ষণ্ণরাঃ পাপধর্মান্
প্রকুর্বতে নো ত্রসন্তঃ সুদুর্গে ॥ 5-43-19 (33396)
সংভোগসংবিদ্বিষমোঽতিমানী
দত্তানুতাপী কৃপণো বলীয়ান্।
বর্গপ্রশংসী বনিতাসু দ্বেষ্টা
এতে পরে সপ্ত নৃশংসবর্গাঃ ॥ 5-43-20 (33397)
ধর্মশ্চ সত্যং চ দমস্তপশ্চ
আমাৎসর্যং হ্রীস্তিতিক্ষানসূয়া।
যজ্ঞশ্চ দানং চ ধৃতিঃ শ্রুতং চ
ব্রতানি বৈ দ্বাদশ ব্রাহ্মণস্য ॥ 5-43-21 (33398)
যস্ৎবেতেভ্যঃ প্রভবেদ্দ্বাদশভ্যঃ
সর্বামপীমাং পৃথিবীং স শিষ্যাৎ।
ত্রিভির্দ্বাভ্যামেকতো বার্থিতো য-
স্তস্য স্বমস্তীতি স বেদিতব্যঃ ॥ 5-43-22 (33399)
দমস্ত্যাগোঽপ্রমাদশ্চ এতেষ্বমৃতমাহিতম্।
তানি সত্যমুখান্যাহুর্ব্রাহ্মণা যে মনীষিণঃ ॥ 5-43-23 (33400)
দমোঽষ্টাদশদোষঃ স্যাৎপ্রাতিকূল্যং কৃতে ভবেৎ ।
অনৃতং চাভ্যসূয়া চ কামার্থৌ চ তথা স্পৃহা॥ 5-43-24 (33401)
ক্রোধঃ শোকস্তথা তৃষ্ণা লোভঃ পৈশূন্যমেব চ।
মৎসরশ্চ বিহিংসা চ পরিতাপস্তথাঽরতিঃ ॥ 5-43-25 (33402)
অপস্মারশ্চাতিবাদস্তথা সংভাবনাত্মনি।
এতৈর্বিমুক্তো দোষৈর্যঃ স দান্তঃ সদ্ভিরুচ্যতে ॥ 5-43-26 (33403)
মদোঽষ্টাদশদোষঃ স্যাত্ত্যাগো ভবতি ষড্বিধঃ।
বিপর্যযাঃ স্মৃতা এতে মদদোষা উদাহৃতাঃ ।
দোষা দমস্য যে প্রোক্তাস্তান্দোষান্পরিবর্জয়েৎ ॥ 5-43-27 (33404)
শ্রেয়াংস্তু ষড্বিধস্ত্যাগস্তৃতীয়ো দুষ্করো ভবেৎ ।
তেন দুঃখং তরত্যেব ভিন্নং তস্মিঞ্জিতং কৃতে ॥ 5-43-28 (33405)
শ্রেয়াংস্তু ষড্বিধস্ত্যাগঃ শ্রিয়ং প্রাপ্য ন হৃষ্যতি ।
ইষ্টাপূর্তে দ্বিতীয়ং স্যান্নিত্যবৈরাগ্যযোগতঃ ॥ 5-43-29 (33406)
কামত্যাগশ্চ রাজেন্দ্র স তৃতীয় ইতি স্মৃতঃ ॥
অপ্যবাচ্যং বদন্ত্যেতং স তৃতীয়ো গুণঃ স্মৃতঃ ॥ 5-43-30 (33407)
ত্যক্তৈর্দ্রব্যৈর্যদ্ভবতি নোপয়ুক্তৈশ্চ কামতঃ।
ন চ দ্রব্যৈস্তদ্ভবতি নোপয়ুক্তৈশ্চ কামতঃ ॥ 5-43-31 (33408)
ন চ কর্মস্বসিদ্ধেষু দুঃখং তে ন চ ন গ্লপেৎ।
সর্বৈরেব গুণৈর্যুক্তো দ্রব্যবানপি যো ভবেৎ ॥ 5-43-32 (33409)
অপ্রিয়ে চ সমুৎপন্নে ব্যথাং জাতু ন গচ্ছতি।
ইষ্টান্পুত্রাংশ্চ দারাংশ্চ ন যাচেত কদাচন ॥ 5-43-33 (33410)
অর্হতে যাচমানায় প্রদেয়ং তচ্ছুভং ভবেৎ।
অপ্রমাদী ভবেদেতৈঃ স চাপ্যষ্টগুণো ভবেৎ ॥ 5-43-34 (33411)
সত্যং ধ্যানং সমাধানং চোদ্যং বৈরাগ্যমেব চ।
অস্তেয়ং ব্রহ্মচর্যং চ তথাঽসংগ্রহমেব চ॥ 5-43-35 (33412)
এবং দোষা মদস্যোক্তাস্তান্দোষান্পরিবর্জয়েৎ।
তথা ত্যাগোঽপ্রমাদশ্চ স চাপ্যষ্টগুণো মতঃ ॥ 5-43-36 (33413)
অষ্টৌ দোষাঃ প্রমাদস্য তান্দোষান্পরিবর্জয়েৎ।
ইন্দ্রিয়েভ্যশ্চ পঞ্চভ্যো মনসশ্চৈব ভারত।
অতীতানাগতেভ্যশ্চ মুক্ত্যুপেতঃ সুখী ভবেৎ ॥ 5-43-37 (33414)
সত্যাত্মা ভব রাজেন্দ্র সত্যে লোকাঃ প্রতিষ্ঠিতাঃ।
তাংস্তু সত্যমুখানাহুঃ সত্যে হ্যমৃতমাহিতম্ ॥ 5-43-38 (33415)
নিবৃত্তেনৈব দোষেণ তপো ব্রতমিহাচরেৎ।
এতদ্ধাতৃকৃতং বৃত্তং সত্যমেব সতাং ব্রতম্ ॥ 5-43-39 (33416)
দোষৈরেতৈর্বিয়ুক্তস্তু গুণৈরেতৈঃ সমন্বিতঃ ।
এতৎসমৃদ্ধমত্যর্থং তপো ভবতি কেবলম্ ॥ 5-43-40 (33417)
যন্মাং পৃচ্ছসি রাজেন্দ্র সংক্ষেপাৎপ্রব্রবীমি তে।
এতৎপাপহরং পুণ্যং জন্মমৃত্যুজরাপহম্ ॥ 5-43-41 (33418)
ধৃতরাষ্ট্র উবাচ। 5-43-42x (3525)
আখ্যানপ়ঞ্চমৈর্বেদৈর্ভূয়িষ্ঠং কথ্যতে জনঃ।
তথা চান্যে চতুর্বেদাস্ত্রিধেদাশ্চ তথা পরে ॥ 5-43-42 (33419)
দ্বিবেদাশ্চৈকবেদাশ্চাপ্যনৃচশ্চ তথা পরে।
তেষাং তু কতরঃ স স্যাদ্যমহং বেদ বৈ দ্বিজম্ ॥ 5-43-43 (33420)
সনৎসুজাত উবাচ। 5-43-44x (3526)
একস্য বেস্যাজ্ঞানাদ্বেদাস্তে বহবঃ কৃতাঃ।
সত্যস্যৈকস্য রাজেন্দ্র সত্যে কশ্চিদবস্থিতঃ ॥ 5-43-44 (33421)
এবং বেদমবিজ্ঞায় প্রাজ্ঞোঽহমিতি মন্যতে।
দানমধ্যযনং যজ্ঞো লোভাদেতৎপ্রবর্ততে॥ 5-43-45 (33422)
সত্যাৎপ্রচ্যবমানানাং সঙ্কল্পো বিতথো ভবেৎ।
ততো যজ্ঞঃ প্রতায়েত সত্যস্যানবধারণাৎ ॥ 5-43-46 (33423)
মনসান্যস্য ভবতি বাচান্যস্যাথ কর্মণা।
সঙ্কল্পসিদ্ধঃ পুরুষঃ সঙ্কল্পানধিতিষ্ঠতি ॥ 5-43-47 (33424)
অনৈভৃত্যেন চৈতস্য দীক্ষিতব্রতমাচরেৎ।
নামৈতদ্ধাতুনির্বৃত্তং সত্যমেব সতাং পরম্॥ 5-43-48 (33425)
জ্ঞানং বৈ নাম প্রত্যক্ষং পরোক্ষং জায়তে তপঃ।
বিদ্যাদ্বহু পঠন্তং তু দ্বিজং বৈ বহুপাঠিনম্ ॥ 5-43-49 (33426)
তস্মাৎক্ষত্রিয় মা মংস্থা জল্পিতেনৈব বৈ দ্বিজম্।
য এব সত্যান্নাপৈতি স জ্ঞেয়ো ব্রাহ্মণস্ৎবয়া ॥ 5-43-50 (33427)
ছন্দাংসি নাম ক্ষত্রিয় তান্যথর্বা
পুরা জগৌ মহর্ষিসঙ্ঘ এষঃ
ছন্দোবিদস্তে য উত নাধীতবেদা
ন বেদবেদ্যস্য বিদুর্হি তত্ৎবম্ ॥ 5-43-51 (33428)
ছন্দাংসি নাম দ্বিপদাং বরিষ্ঠ
স্বচ্ছন্দয়োগেন ভবন্তি তত্র।
ছন্দোবিদস্তে ন চ তানধীত্য
গতা ন বেদস্য ন বেদ্যমার্যাঃ ॥ 5-43-52 (33429)
ন বেদানাং বেদিতা কশ্চিদস্তি
কশ্চিত্ৎবেতান্বুদ্ধ্যতে বাপি রাজন্।
যো বেদ বেদান্ন স বেদ বেদ্যং
সত্যে স্থিতো যস্তু স বেদ বেদ্যম্ ॥ 5-43-53 (33430)
ন বেদানাং বেদিতা কশ্চিদস্তি
বেদ্যেন বেদং ন বিদুর্ন বেদ্যম্ ।
যো বেদ বেদং স চ বেদ বেদ্যং
যো বেদ বেদ্যং ন স বেদ সত্যম্ ॥ 5-43-54 (33431)
যো বেদ বেদান্স চ বেদ বেদ্যং
ন তং বিদুর্বেদবিদো ন বেদাঃ।
তথাপি বেদেন বিদন্তি বেদং
যে ব্রাহ্মণা বেদবিদো ভবন্তি॥ 5-43-55 (33432)
ধামাংশভাগস্য তথা হি বেদা
যথা চ শাখা হি মহীরুহস্য।
সংবেদনে চৈব যথামনন্তি
তস্মিন্হি সত্যে পরমাত্মনোঽর্থে ॥ 5-43-56 (33433)
অভিজানামি ব্রাহ্মণং ব্যাখ্যাতারং বিচক্ষণম্।
যশ্ছিন্নবিচিকিৎসঃ স ব্যাচষ্টে সর্বসংশয়ান্॥ 5-43-57 (33434)
নাস্য পর্যেষণং গচ্ছেৎপ্রচীনং নোত দক্ষিণম্।
নার্বাচীনং কুতস্তির্যঙ্গাদিশন্তু কথঞ্চন ॥ 5-43-58 (33435)
তস্য পর্যেষণং গচ্ছেৎপ্রত্যর্থিষু কথঞ্চন।
অবিচিন্বন্নিমং বেদে তপঃ পশ্যতি তং প্রভুম্ ॥ 5-43-59 (33436)
তূষ্ণীংভূত উপাসীত ন চেষ্টেন্মনসাপি চ।
উপাবর্তস্ব তদ্ব্রহ্ম অন্তরাত্মনি বিশ্রুতম্ ॥ 5-43-60 (33437)
মৌনান্ন স মুনির্ভবতি নারণ্যবসনান্মুনিঃ ।
স্বলক্ষণং তু যো বেদ স মুনিঃ শ্রেষ্ঠ উচ্যতে ॥ 5-43-61 (33438)
সর্বার্থানাং ব্যাকরণাদ্বৈয়াকরণ উচ্যতে।
তন্মূলতো ব্যাকরণং ব্যাকরোতীতি তত্তথা ॥ 5-43-62 (33439)
প্রত্যক্ষদর্শী লোকানাং সর্বদর্শী ভবেন্নরঃ ।
সত্যে বৈ ব্রাহ্মণস্তিষ্ঠংস্তদ্বিদ্বান্সর্ববিদ্ভবেৎ ॥ 5-43-63 (33440)
ধর্মাদিষু স্থিতোঽপ্যেবং ক্ষত্রিয় ব্রহ্ম পশ্যতি।
বেদানাং চানুপূর্ব্যেণ এতদ্বুদ্ধ্যা ব্রবীমি তে ॥ 5-43-64 (33441)
॥ইতি শ্রীমন্মহাভারতে উদ্যোগপর্বণি সনৎসুজাতপর্বণি ত্রিচৎবারিংশোঽধ্যায়ঃ ॥
উদ্যোগপর্ব - অধ্যায় 044
॥ শ্রীঃ ॥
5.44. অধ্যায়ঃ 044
Mahabharata - Udyoga Parva - Chapter Topics
সনৎসুজাতেন ধৃতরাষ্ট্রংপ্রতি সত্ৎবোপদেশঃ ॥ 1 ॥Mahabharata - Udyoga Parva - Chapter Text
5-44-0 (33442)
ধৃতরাষ্ট্র উবাচ। 5-44-0x (3527)
সনৎসুজাত যামিমাং পরাং ৎবং
ব্রাহ্মীং বাচং বদসে বিশ্বরূপাম্।
পরাং হি কামেন সুদুর্লভাং কথাং
প্রব্রূহি মে বাক্যমিদং কুমার । 5-44-1 (33443)
সনৎসুজাত উবাচ। 5-44-2x (3528)
নৈতদ্ব্রহ্ম ৎবরমাণেন লভ্যং
যন্মাং পৃচ্ছন্নতিহৃষ্যস্যতীব।
বুদ্ধৌ বিলীনে মনসি প্রচিন্ত্য
বিদ্যা হি সা ব্রহ্মচর্যেণ লভ্যা ॥ 5-44-2 (33444)
ধৃতরাষ্ট্র উবাচ। 5-44-3x (3529)
অত্যন্তবিদ্যামিতি যৎসনাতনীং
ব্রবীষি ৎবং ব্রহ্মচর্যেণ সিদ্ধাম্।
অনারভ্যাং বসতীহ কার্যকালে
কথং ব্রাহ্মণ্যমমৃতৎবং লভেত ॥ 5-44-3 (33445)
সনৎসুজাত উবাচ। 5-44-4x (3530)
অব্যক্তবিদ্যামভিধাস্যে পরাণীং
বুদ্ধ্যা চ তেষাং ব্রহ্মচর্যেণ সিদ্ধাম্।
যাং প্রাপ্যৈনং মর্ত্যলোকং ত্যজন্তি
যা বৈ বিদ্যা গুরুবৃদ্ধেষু নিত্যা ॥ 5-44-4 (33446)
ধৃতরাষ্ট্র উবাচ। 5-44-5x (3531)
ব্রহ্মচর্যেণ যা বিদ্যা শক্যা বেদিতুমঞ্চসা।
তৎকথং ব্রহ্মচর্যং স্যাদেতদ্ব্রহ্মন্ব্রবীহি মে ॥ 5-44-5 (33447)
সনৎসুজাত উবাচ। 5-44-6x (3532)
আচার্যযোনিমিহ যে প্রবিশ্য
ভূৎবা গর্ভে ব্রহ্মচর্যং চরন্তি।
ইহৈব তে শাস্ত্রকারা ভবন্তি
প্রহায় দেহং পরমং যান্তি যোগম্ ॥ 5-44-6 (33448)
অস্মিঁল্লোকে বৈ জয়ন্তীহ কামা-
ন্ব্রাহ্মীং স্থিতিং হ্যনুতিতিক্ষমাণাঃ।
ত আত্মানং নির্হরন্তীহ দেহা-
ন্মুঞ্জাদিষীকামিব সৎবসংস্থাঃ ॥ 5-44-7 (33449)
শরীরমেতৌ কুরুতঃ পিতা মাতা চ ভারত।
আচার্যশাস্তা যা জাতিঃ সা পুণ্যা সাঽঽজরাঽমম 5-44-8 (33450)
যঃ প্রাবৃণোত্যবিতথেন বর্ণা-
নৃতং কুর্বন্নমৃতং সংপ্রয়চ্ছম্।
তং মন্যেত পিতরং মাতরং চ
তস্মৈ ন দ্রুহ্যেৎকতমস্য জানন্ ॥ 5-44-9 (33451)
গুরুং শিষ্যো নিত্যমভিবাদয়ীত
স্বাধ্যায়মিচ্ছেচ্ছুচিরপ্রমত্তঃ।
মানং ন কুর্যান্নাদধীত রোপ-
মেপ প্রথমো ব্রহ্মচর্যস্য পাদঃ ॥ 5-44-10 (33452)
শিষ্যবৃত্তিক্রমেণৈব বিদ্যামাপ্নোতি যঃ শুচিঃ ।
ব্রহ্মচর্যব্রতস্যাস্য প্রথমঃ পাদ উচ্যতে ॥ 5-44-11 (33453)
আচার্যস্য প্রিয়ং কুর্যাৎপ্রাণৈরপি ধনৈরপি।
কর্মণা মনসা বাচা দ্বিতীয়ঃ পাদ উচ্যতে ॥ 5-44-12 (33454)
সমা গুরৌ যথা বৃত্তির্গরুপত্ন্যাং তথা চরেৎ।
তৎপুত্রে চ তথা কুর্বন্দ্বিতীয়ঃ পাদ উচ্যতে ॥ 5-44-13 (33455)
আচার্যেণাত্মকৃতং বিজানন্
জ্ঞাৎবা চার্থং ভাবিতোঽস্মীত্যনেন ।
যন্মন্যতে তং প্রতি হৃষ্টবুদ্ধিঃ
স বৈ তৃতীয়ো ব্রহ্মচর্যস্য পাদঃ ॥ 5-44-14 (33456)
নাচার্যস্যানপাকৃত্য প্রবাসং
প্রাজ্ঞঃ কুর্বীত নৈতদহং করোমি।
ইতীব মন্যেত ন ভাষয়েত
স বৈ চতুর্থো ব্রহ্মচর্যস্য পাদঃ ॥ 5-44-15 (33457)
কালেন পাদং লভতে তথার্থং
ততশ্চ পাদং গুরুয়োগতশ্চ।
উৎসাহয়োগেন চ পাদমৃচ্ছে-
চ্ছাস্ত্রেণ পাদং চ ততোঽভিয়াতি ॥ 5-44-16 (33458)
ধর্মাদয়ো দ্বাদশ যস্য রূপ-
মন্যানি চাঙ্গানি তথা বলং চ।
আচার্যযোগে ফলতীতি চাহু-
র্ব্রহ্মার্থয়োগেন চ ব্রহ্মচর্যম্ ॥ 5-44-17 (33459)
এবং প্রবৃত্তো যদুপালভেত বৈ
ধনমাচার্যায় তদনুপ্রয়চ্ছেৎ।
স তাং বৃত্তিং বহুগুণামেবমেতি
গুরোঃ পুত্রে ভবতি চ বৃত্তিরেষা ॥ 5-44-18 (33460)
এবং বসন্সর্বতো বর্ধতীহ
বহূন্পুত্রাংল্লভতে চ প্রতিষ্ঠাম্।
বর্ষন্তি চাস্মৈ প্রদিশো দিশশ্চ
বসত্যস্মিন্ব্রহ্মচর্যে জনাশ্চ ॥ 5-44-19 (33461)
এতেন ব্রহ্মংচর্যেণ দেবা দেবৎবমাপ্নুবন্।
ঋষয়শ্চ মহাভাগা ব্রহ্মলোকং মনীষিণঃ ॥ 5-44-20 (33462)
গন্ধর্বাণামনেনৈব রূপমপ্সরসমভূৎ ।
এতেন ব্রহ্মচর্যেণ সূর্যোঽপ্যহ্নায় জায়তে ॥ 5-44-21 (33463)
আকাঙ্ক্ষ্যার্থস্য সংয়োগাদ্রসভেদার্থিনামিব ।
এবং হ্যেতে সমাজ্ঞায় তাদৃগ্ভাবং গতা ইমে ॥ 5-44-22 (33464)
য আশ্রয়েৎপাবয়েচ্চাপি রাজ-
ন্সর্বং শরীরং তপসা তপ্যমানঃ।
এতেন বৈ বাল্যমভ্যেতি বিদ্বান্
মৃত্যুং তথা স জয়ত্যন্তকালে ॥ 5-44-23 (33465)
অন্তবতঃ ক্ষত্রিয় তে জয়ন্তি
লোকাঞ্জনাঃ কর্মণা নির্মলেন ।
ব্রহ্মৈব বিদ্বাংস্তেন চাভ্যেতি সর্বং
নান্যঃ পন্থা অয়নাথ বিদ্যতে ॥ 5-44-24 (33466)
ধৃতরাষ্ট্র উবাচ। 5-44-25x (3533)
আভাতি শুক্লমিব লোহিতমি-
বাথো কৃষ্ণমথাঞ্জনং কাদ্রবং বা।
সদ্ব্রহ্মণঃ পশ্যতি যোঽত্র বিদ্বা-
ন্কথং রূপং তদমৃতমক্ষরং পদম্ ॥ 5-44-25 (33467)
সনৎসুজাত উবাচ। 5-44-26x (3534)
আভাতি শুক্লমিব লোহিতমি-
বাথো কৃষ্ণমায়সমর্কবর্ণম্।
ন পৃথিব্যাং তিষ্ঠতি নান্তরিক্ষে
নৈতৎসমুদ্রে সলিলং বিভর্তি ॥ 5-44-26 (33468)
ন তারকাসু ন চ বিদ্যুদাশ্রিতং
ন চাভ্রেষু দৃশ্যতে রূপমস্য।
ন চাপি বায়ৌ ন চ দেবতাসু
নৈতচ্চন্দ্রে দৃশ্যতে নোত সূর্যে ॥ 5-44-27 (33469)
নৈবর্ক্ষু তন্ন যজুষ্ষু নাপ্যথর্বসু
ন দৃশ্যতে বৈ বিমলেষু সামসু।
রথন্তরে বার্হদ্রথে বাপি রাজ-
ন্মহাব্রতে নৈব দৃশ্যেদ্ভ্রুবং তৎ ॥ 5-44-28 (33470)
অপারণীয়ং তমসঃ পরস্তা-
ত্তদন্তকোঽপ্যেতি বিনাশকালে।
অণীয়ো রূপং ক্ষুরধারয়া সমং
মহচ্চ রূপং তদ্বৈ পর্বতেভ্যঃ ॥ 5-44-29 (33471)
সা প্রতিষ্ঠা তদমৃতং লোকাস্তদ্ব্রহ্ম তদ্যশঃ ।
ভূতানি জঝিরে তস্মাৎপ্রলয়ং যান্তি তত্র হি ॥ 5-44-30 (33472)
অনাময়ং তন্মহদুদ্যতং যশো
বাচো বিকারং কবয়ো বদন্তি।
যস্মিঞ্জগৎসর্বমিদং প্রতিষ্ঠিতং
যে তদ্বিদুরমৃতাস্তে ভবন্তি ॥ 5-44-31 (33473)
` তদেতদহ্না সংস্থিতং ভাতি সর্বং
তদাত্মবিৎপশ্যতি জ্ঞানয়োগাৎ।
তস্মিঞ্জগৎসর্বমিদং প্রতিষ্ঠিতং
যে তদ্বিদুরমৃতাস্তে ভবন্তি ॥' ॥ 5-44-32 (33474)
ইতি শ্রীমন্মহাভারতে উদ্যোগপর্বণি সনুৎসুজাতপর্বণি চতুশ্চৎবারিংশোঽধ্যায়ঃ ॥
উদ্যোগপর্ব - অধ্যায় 045
॥ শ্রীঃ ॥
5.45. অধ্যায়ঃ 045
Mahabharata - Udyoga Parva - Chapter Topics
সনৎসুজাতেন ধৃতরাষ্ট্রংপ্রতি তৎবোপদেশঃ ॥ 1 ॥Mahabharata - Udyoga Parva - Chapter Text
5-45-0 (33475)
সনৎসুজাত উবাচ। 5-45-0x (3535)
শোকঃ ক্রোধশ্চ লোভশ্চ কামো মানঃ পরাসুতা।
ঈর্ষ্যা মোহো বিবিৎসা চ কৃপাঽসূয়া জুগুপ্সুতা ॥ 5-45-1 (33476)
দ্বাদশৈতে মহাদোষা মনুষ্যপ্রাণনাশনাঃ।
একৈকমেতে রাজেন্দ্র মনুষ্যান্পর্যুপাসতে।
যৌরাবিষ্টো নরঃ পাপং মূঢসংজ্ঞো ব্যবস্যতি ॥ 5-45-2 (33477)
স্পৃহয়ালুরুগ্রঃ পরুষো বা বদান্যঃ
ক্রোধং বিভ্রন্মনসা বৈ বিকত্থী।
নৃশংসধর্মাঃ ষডিমে জনা বৈ
প্রাপ্যাপ্যর্থং নোত সভাজয়ন্তে ॥ 5-45-3 (33478)
সংভোগসংবিদ্বিষমোঽতিমানী
দত্ৎবা বিকত্থী কৃপণো দুর্বলশ্চ।
বহুপ্রশংকসী বনিতাদ্বিট্ সদৈব
সপ্তৈবোক্তাঃ পাপশীলা নৃশংসাঃ ॥ 5-45-4 (33479)
ধর্মশ্চ সত্যং চ তপো দমশ্চ
অমাৎসর্যং হ্রীস্তিতিক্ষানসূয়া।
দানং শ্রুতং চৈব ধৃতিঃ ক্ষমা চ
মহাব্রতা দ্বাদশ ব্রাহ্মণস্য ॥ 5-45-5 (33480)
যো নৈতেভ্যঃ প্রচ্যবেদ্দ্বাদশভ্যঃ
সর্বামপীমাং পৃথিবীং স শিষ্যাৎ।
ত্রিভির্দ্বাভ্যামেকতো বার্থিতো যো
নাস্য স্বমস্তীতি চ বেদিতব্যম্ ॥ 5-45-6 (33481)
দমস্ত্যাগোঽথাপ্রমাদ ইত্যেতেষ্বমৃতং স্থিতম্।
এতানি ব্রহ্মমুখ্যানাং ব্রাহ্মণানাং মনীষিণাম্ ॥ 5-45-7 (33482)
সদ্বাঽসদ্বা পরীবাদে ব্রাহ্মণস্য ন শস্যতে।
নরকপ্রতিষ্ঠাস্তে স্যুর্য এবং কুরুতে জনাঃ ॥ 5-45-8 (33483)
মদোঽষ্টাদশদোষঃ স স্যাৎপুরা যোঽপ্রকীর্তিতঃ ।
লোকদ্বেষ্যং প্রতিকূল্যমভ্যসূয়া মৃষাবচঃ ॥ 5-45-9 (33484)
কামক্রোধৌ পারতন্ত্র্যং পরিবাদোঽথ পৈশুনম্।
অর্থহানির্বিবাদশ্চ মাৎসর্যং প্রাণিপীডনম্ ॥ 5-45-10 (33485)
ঈর্ষ্যা মোদোঽতিবাদশ্চ সংজ্ঞানাশোঽভ্যসূয়িতা।
তস্মাৎপ্রাজ্ঞো ন মাদ্যেত সদা হ্যেতদ্বিগর্হিতম্ ॥ 5-45-11 (33486)
সৌহৃদে বৈ ষঙ্গুণা বেদিতব্যঃ
প্রিয়ে হৃষ্যন্ত্যপ্রিয়ে চ ব্যথন্তে।
স্যাদাত্মনঃ সুচিরং যাচতে যো
দদাত্যযাচ্যমপি দেয়ং খলু স্যাৎ।
ইষ্টান্পুত্রান্বিভবান্স্বাংশ্চ দারা-
নভ্যর্থিতশ্চার্হতি শুদ্ধভাবঃ ॥ 5-45-12 (33487)
ত্যক্তদ্রব্যঃ সংবসেন্নেহ কামা-
দ্ভিঙ্ক্তে কর্মস্বাশিষং বাধতে চ ॥ 5-45-13 (33488)
দ্রব্যবান্গুণবানেবং ত্যাগী ভবতি সাৎবিকঃ।
পঞ্চভূতানি পঞ্চভ্যো নিবর্তয়তি তাদৃশঃ ॥ 5-45-14 (33489)
এতৎসমৃদ্ধমপ্যৃদ্ধং তপো ভবতি কেবলম্।
সৎবাৎপ্রচ্যবমানানাং সঙ্কল্পেন সমাহিতম্ ॥ 5-45-15 (33490)
যতো যজ্ঞঃ প্রবর্ধন্তে মত্যস্যৈবাবরোধনাৎ।
মনসান্যস্য ভবতি বাচ্যন্যস্যাথ কর্মণা ॥ 5-45-16 (33491)
সঙ্কল্পসিদ্ধং পুরুষমসঙ্কল্পোঽধিতিষ্ঠতি।
ব্রাহ্মণস্য বিশেষেণ কিঞ্চান্যদপি মে শ্রৃণু ॥ 5-45-17 (33492)
অধ্যাপয়েন্মহদেতদ্যশস্যং
বাচো বিকরাঃ কবয়ো বদন্তি।
অস্মিন্যোগে সর্বমিদং প্রতিষ্ঠিতং
যে তদ্বিদুরমৃতাস্তে ভবন্তি॥ 5-45-18 (33493)
ন কর্মণা সুকৃতেনৈব রাজন্
সত্যং জয়েজ্জুহুয়াদ্বা যজেদ্বা।
নৈতেন বালোঽমৃত্যুমভ্যেতি রাজন্
রতিং চাসৌ ন লভত্যন্তকালে ॥ 5-45-19 (33494)
তৃষ্ণীমেক উপাসীত চেষ্টেত মনসাপি ন।
তথা সংস্তুতিনিন্দাভ্যাং প্রীতিরোষৌ বিবর্জয়েৎ ॥ 5-45-20 (33495)
অত্রৈব তিষ্ঠন্ক্ষত্রিয় ব্রহ্মাবিশতি পশ্যতি।
বেদেষু চানুপূর্ব্যেণ এতদ্বিদ্বন্ব্রবীমি তে ॥ ॥ 5-45-21 (33496)
ইতি শ্রীমন্মহাভারতে উদ্যোগপর্বণি সনৎসুজাতপর্বণি পঞ্চচৎবারিংশোঽধ্যায়ঃ ॥
উদ্যোগপর্ব - অধ্যায় 046
॥ শ্রীঃ ॥
5.46. অধ্যায়ঃ 046
Mahabharata - Udyoga Parva - Chapter Topics
সনৎসুজাতেন ধৃতরাষ্ট্রংপ্রতি তৎবোপদেশঃ ॥ 1 ॥Mahabharata - Udyoga Parva - Chapter Text
5-46-0 (33497)
সনৎসুজাত উবাচ। 5-46-0x (3536)
যত্তচ্ছুক্রং মহঞ্জ্যোতির্দীপ্যমানং মহদ্যশঃ।
তদ্বৈ দেবা উপাসতে তস্মাৎসূর্যো বিরাজতে।
যোগিনস্তং প্রপশ্যন্তি ভগবন্তং সনাতনম্ ॥ 5-46-1 (33498)
শুক্রাদ্ব্রহ্ম প্রভবতি ব্রহ্ম শুক্রেণ বর্ধতে।
তচ্ছুকং জ্যোতিষাং মধ্যেঽতপ্তং তপতি তাপনম্ ।
যোগিনস্তং প্রপশ্যন্তি ভগবন্তং সনাতনম্ ॥ 5-45-2 (33499)
আপোঽথাদ্ভ্যঃ সলিলস্য মধ্যে
উভৌ দেবৌ শিশ্রিয়াতেঽন্তরিক্ষে।
অতন্দ্রিতঃ সবিতুর্বিবস্বা-
নুভৌ বিভর্তি পৃথিবীং দিবং চ॥
যোগিনস্তং প্রপশ্যন্তি ভগবন্তং সনাতনম্ ॥ 5-46-3 (33500)
উভৌ চ দেবৌ পৃথিবীং দিবং চ
দিশঃ শুক্রো ভুবনং বিভর্তি ।
তস্মাদ্দিশঃ সরিতশ্চ স্রবন্তি
তস্মাৎসমুদ্রা বিহিতা মহান্তাঃ ॥
যোগিনস্তং প্রপশ্যন্তি ভগবন্তং সনাতনম্ ॥ 5-46-4 (33501)
চক্রে রথস্য তিষ্ঠন্তোঽধ্রুবস্যাব্যযকর্মণঃ।
কেতুমন্তং বহন্ত্যশ্বাস্তং দিব্যমজরং দিবি।
যোগিনস্তং প্রপশ্যন্তি ভগবন্তং সনাতনম্ ॥ 5-46-5 (33502)
ন সাদৃশ্যে তিষ্ঠতি রূপমস্য
ন চক্ষুপা পশ্যতি কশ্চিদেনম্।
মনীষয়াথো মনসা হৃদা চ
য এনং বিদুরমৃতাস্তে ভবন্তি॥
যোগিনস্তং প্রপশ্যন্তি ভগবন্তং সনাতনম্ ॥ 5-46-6 (33503)
দ্বাদশপূগাং সরিতং পিবন্তো দেবরক্ষিতাম্।
মধ্বীক্ষন্তশ্চ তে তস্যাঃ সংচরন্তীহ ঘোরাম্ ।
যোগিনস্তং প্রপশ্যন্তি ভগবন্তং সনাতনম্ ॥ 5-46-7 (33504)
তদর্ধমাসং পিবতি সংচিতং ভ্রমরো মধু।
ঈশানঃ সর্বভূতেষু হবির্ভূতমকল্পয়ৎ।
যোগিনস্তং প্রপশ্যন্তি ভগবন্তং সনাতনম্ ॥ 5-46-8 (33505)
হিরণ্যপর্ণমশ্বত্থমভিপদ্য হ্যপক্ষকাঃ।
তে তত্র পক্ষিণো ভূৎবা প্রপতন্তি যথাদিশম্।
যোগিনস্তং প্রপশ্যন্তি ভগবন্তং সনাতনম্ ॥ 5-46-9 (33506)
পূর্ণাৎপূর্ণান্যুদ্ধরন্তি পূর্ণাৎপূর্ণানি চক্রিরে।
হরন্তি পূর্ণাৎপূর্ণানি পূর্ণমেবাবশিষ্যতে।
যোগিনস্তং প্রপশ্যন্তি ভগবন্তং সনাতনম্ ॥ 5-46-10 (33507)
তস্মাদ্বৈ বায়ুরায়াতস্তস্মিংশ্চ প্রয়তঃ সদা।
তস্মাদগ্নিশ্চ সোমশ্চ তস্মিংশ্চ প্রাণ আততঃ ॥ 5-46-11 (33508)
সর্বমেব ততো বিদ্যাত্তত্তদ্বক্তুং ন শক্নুমঃ।
যোগিনস্তং প্রপশ্যন্তি ভগবন্তং সনাতনম্ ॥ 5-46-12 (33509)
অপানং গিরপি প্রাণঃ প্রাণং গিরতি চন্দ্রমাঃ।
আদিত্যো গিরতে চন্দ্রমাদিত্যং গিরতে পরঃ ।
যোগিনস্তং প্রপশ্যন্তি ভগবন্তং সনাতনম্ ॥ 5-46-13 (33510)
একং পাদং নোৎক্ষিপতি সলিলাদ্ধংস উচ্চরন্।
তং চেৎসন্ততমূর্ধ্বায় ন মৃত্যুর্নামৃতং ভবেৎ।
যোগিনস্তং প্রপশ্যন্তি ভগবন্তং সনাতনম্ ॥ 5-46-14 (33511)
অঙ্গুষ্ঠমাত্রঃ পুরুষোঽন্তরাত্মা
লিঙ্গস্য যোগেন স যাতি নিত্যম্।
তমীশমীড্যমনুকল্পমাদ্যং
পশ্যন্তি মূঢা ন বিরাজমানম্॥
যোগিনস্তং প্রপশ্যন্তি ভগবন্তং সনাতনম্ ॥ 5-46-15 (33512)
অসাধনা বাপি সসাধনা বা
সমানমেতদ্দৃশ্যতে মানুষেষু।
সমানমেতদমৃতস্যেতরস্য
মুক্তাস্তত্র মধ্ব উৎসং সমাপুঃ ॥
যোগিনস্তং প্রপশ্যন্তি ভগবন্তং সনাতনম্ ॥ 5-46-16 (33513)
উভৌ লোকৌ বিদ্যযা ব্যাপ্য যাতি
তদা হুতং চাহুতমগ্নিহোত্রম্।
মা তে ব্রাহ্মী লঘুতামাদধীত
প্রজ্ঞানং স্যান্নাম ধীরা লভন্তে ॥
যোগিনস্তং প্রপশ্যন্তি ভগবন্তং সনাতনম্ ॥ 5-46-17 (33514)
এবংরূপো মহাত্মা স পাবকং পুরুষো গিরন্।
যো বৈ তং পুরুষং বেদ তস্যেহার্থো ন রিষ্যতে।
যোগিনস্তং প্রপশ্যন্তি ভগবন্তং সনাতনম্ ॥ 5-46-18 (33515)
যঃ সহস্রং সহস্রাণাং পক্ষান্সংতত্য সংপতেৎ।
মধ্যমে মধ্য আগচ্ছেদপিচেৎস্যান্মনোজবঃ।
যোগিনস্তং প্রপশ্যন্তি ভগবন্তং সনাতনম্ ॥ 5-46-19 (33516)
ন দর্শনে তিষ্ঠতি রূপমস্য
পশ্যন্তি চৈনং সুবিশুদ্ধসৎবাঃ।
হিতো মনীষী মনসা ন তপ্যতে
যে প্রব্রজেয়ুরমৃতাস্তে ভবন্তি॥
যোগিনস্তং প্রপশ্যন্তি ভগবন্তং সনাতনম্ ॥ 5-46-20 (33517)
গূহন্তি সর্পা ইব গহ্বরাণি
স্বশিক্ষয়া স্বেন বৃত্তেন মর্ত্যাঃ।
তেষু প্রমুহ্যন্তি জনা বিমূঢা
যথাধ্বানং মোহয়ন্তে ভয়ায় ॥
যোগিনস্তং প্রপশ্যন্তি ভগবন্তং সনাতনম্ ॥ 5-46-21 (33518)
নাহং সদাঽসৎকৃতঃ স্যাং ন মৃত্যু-
র্ন চামৃত্যুরমৃতং মে কুতঃ স্যাৎ।
সত্যানৃতে সত্যসমানবন্ধে
সতশ্চ যোনিরতসতশ্চৈক এব ॥
যোগিনস্তং প্রপশ্যন্তি ভগবন্তং সনাতনম্ ॥ 5-46-22 (33519)
ন সাধুনা নোত অসাধুনা বা-
ঽসমানমেতদ্দৃশ্যতে মানুষেষু।
সমানমেতদমৃতস্য বিদ্যা-
দেবং যুক্তো মধু তদ্বৈ পরীপ্সেৎ ॥
যোগিনস্তং প্রপশ্যন্তি ভগবন্তং সনাতনম্ ॥ 5-46-23 (33520)
নাস্যাতিবাদা হৃদয়ং তাপয়ন্তি
নানধীতং নাহুতমগ্নিহোত্রম্।
মনো ব্রাহ্মী লঘুতামাদধীত
প্রজ্ঞাং চাস্মৈ নাম ধীরা লভন্তে ॥
যোগিনস্তং প্রপশ্যন্তি ভগবন্তং সনাতনম্ ॥ 5-46-24 (33521)
এবং যঃ সর্বভূতেষু আত্মানমনুপশ্যতি।
অন্যত্রান্যত্র যুক্তেষু কিং স শোচেত্ততঃ পরম্ । 5-46-25 (33522)
যথোদপানে মহতি সর্বতঃ সংপ্লুতোদকে।
এবং সর্বেষু বেদেষু আত্মানমনুজানতঃ ॥ 5-46-26 (33523)
অঙ্গুষ্ঠমাত্রঃ পুরুষো মহাত্মা
ন দৃশ্যতেঽসৌ হৃদি সংনিবিষ্টঃ ।
অজশ্চরো দিবারাত্রমতন্দ্রিতশ্চ
স তং মৎবা কবিরাস্তে প্রসন্নঃ ॥ 5-46-27 (33524)
অহমেব স্মৃতো মাতা পিতা পুত্রোঽস্ম্যহং পুনঃ।
আত্মাহমপি সর্বস্য যচ্চ নাস্তি যদস্তি চ ॥ 5-46-28 (33525)
পিতামহোঽস্মি স্থবিরঃ পিতা পুত্রশ্চ ভারত।
মমৈব যূয়মাত্মস্থা ন মে যূয়ং ন বো হ্যহম্ ॥ 5-46-29 (33526)
আত্মৈব স্থানং মম জন্ম চাত্মা
ওতপ্রোতোঽহমজরপ্রতিষ্ঠঃ।
অজশ্চরো দিবারাত্রমতন্দ্রিতোঽহং
মাং বিজ্ঞায় কবিরাস্তে প্রসন্নঃ ॥ 5-46-30 (33527)
অণোরণীয়ান্সুমনাঃ সর্বভূতেষু জাগ্রতি।
পিতরং সর্বভূতেষু পুষ্করে নিহিতং বিদুঃ ॥ ॥ 5-46-31 (33528)
ইতি শ্রীমন্মহাভারতে উদ্যগপর্বণি সনৎসুদজাতপর্বণি ষট্চৎবারিংশোঽধ্যায়ঃ ॥ ॥ সমাপ্তমিদং সনৎসুজাতপর্ব ॥
Mahabharata - Udyoga Parva - Chapter Footnotes
উদ্যোগপর্ব - অধ্যায় 047
॥ শ্রীঃ ॥
5.47. অধ্যায়ঃ 047
Mahabharata - Udyoga Parva - Chapter Topics
পাণ্ডববচনশুশ্রূষয়া ধৃতরাষ্ট্রাদীনাং সভাপ্রবেশঃ ॥ 1 ॥ সঞ্জয়েন ধৃতরাষ্ট্রায় পাণ্ডবান্প্রতি তৎসন্দেশকথনম্ ॥ 2 ॥ শ্রীকৃষ্ণবাক্যকথনং চোদিতেন সঞ্জয়েন স্বস্য কৃষ্ণার্জুনান্তঃপুরপ্রবেশকথনপূর্বকং তৎকথনম্ ॥ 3 ॥Mahabharata - Udyoga Parva - Chapter Text
5-47-0 (33529)
বৈশম্পায়ন উবাচ। 5-47-0x (3537)
এবং সনৎসুজাতেন বিদুরেণ চ ধীমতা।
সার্ধং কথয়তো রাজ্ঞঃ সা ব্যতীয়য সর্বরী ॥ 5-47-1 (33530)
তস্যাং রজন্যাং ব্যুষ্টায়াং রাজানঃ সর্ব এব তে।
সভামাবিবিশুর্হৃষ্টাঃক সূতস্যোপদিদৃক্ষয়া ॥ 5-47-2 (33531)
শুশ্রূষমাণাঃ পার্থানাং বাচো ধর্মার্থসংহিতাঃ ।
ধৃতরাষ্ট্রমুখাঃ সর্বে যয়ূ রাজন্সভাং শুভাম্ ॥ 5-47-3 (33532)
সুধাবদাতাং বিস্তীর্ণাং কনকাজিরভূষিতাম্ ।
চন্দ্রপ্রভাং সুরুচিরাং সিক্তাং চিন্দনবারিণা ॥ 5-47-4 (33533)
রুচিরৈরাসনৈঃ স্তীর্ণাং কাঞ্চনৈর্দারবৈরপি।
অশ্মসারময়ৈর্দান্তৈঃক স্বাস্তীর্ণৈঃ সোত্তরচ্ছদৈঃ ॥ 5-47-5 (33534)
ভীষ্মো দ্রোণঃ কৃপঃ শল্যঃ কৃতবর্মা জয়দ্রথঃ ।
অশ্বত্থামা বিকর্ণশ্চ সোমদত্তশ্চ বাহ্লিকঃ । 5-47-6 (33535)
বিদুরশ্চ মহাপ্রাজ্ঞো যুয়ুৎসুশ্চ মহারথঃ।
সর্বে চ সহিতাঃ শূরাঃ পার্থিবা ভরতর্ষভ ।
ধৃতরাষ্ট্রং পুরস্কৃত্য বিবিশুস্তাং সভাং শুভাম্ ॥ 5-47-7 (33536)
দুঃশাসনশ্চিত্রসেনঃ শকুনিশ্চাপি সৌবলঃ।
দুর্মুখো দুঃসহঃ কর্ণ উলূকোঽথ বিবিংশতিঃ ॥ 5-47-8 (33537)
কুরুরাজং পুরস্কৃত্য দুর্যোধনমমর্ষণম্।
বিবিশুস্তাং সভাং রাজন্সুরাঃ শক্রসদো যথা ॥ 5-47-9 (33538)
আবিশদ্ভিস্তদা রাজঞ্শূরৈঃ পরিঘবাহুভিঃ ।
শুশুভে সা সভা রজন্সিংহৈরিব গিরের্গুহা ॥ 5-47-10 (33539)
তে প্রবিশ্য মহেষ্বাসাঃ সভাং সর্বে মহৌজসঃ ।
আসনানি বিচিত্রাণি ভেজিরে সূর্যবর্চসঃ ॥ 5-47-11 (33540)
আসনস্থেষু সর্বেষু তেষু রাজসু ভারত।
দ্বাঃস্থো নিবেদয়ামাস সূতপুত্রমুপস্থিতম্ ॥ 5-47-12 (33541)
অয়ং সরথ আয়াতি যোঽয়াসীৎপাণ্ডবান্প্রতি।
দূতো নস্তূর্ণমায়াতি সৈন্ধবৈঃ সাধুবাহিভিঃ ॥ 5-47-13 (33542)
..পেয়ায় স তু ক্ষিপ্রং রথাৎপ্রস্কন্দ্য কুণ্ডলী।
প্রবিবেশ সভাং পূর্ণাং মহীপালৈর্মহাত্মভিঃ ॥ 5-47-14 (33543)
সঞ্জয় উবাচ। 5-47-15x (3538)
প্রাপ্তোঽস্মি পাণ্ডবান্গৎবা তং বিজানীত কৌরবাঃ।
যথাবয়ঃ কুরূন্সর্বান্প্রতিনন্দন্তি পাণ্ডবাঃ ॥ 5-47-15 (33544)
অভিবাদয়ন্তি বৃদ্ধাংশ্চ বয়স্যাংশ্চ বয়স্যবৎ।
পুনশ্চাভ্যবদন্পার্থাঃ প্রতিপূজ্য যথাবয়ঃ ॥ 5-47-16 (33545)
যথাহং ধৃতরাষ্ট্রেণ শিষ্টঃ পূর্বমিতো গতঃ।
অব্রবং পাণ্ডবান্গৎবা নাত্র কিঞ্চন হাপিতম্ ॥ 5-47-17 (33546)
` ধৃতরাষ্ট্র উবাচ। 5-47-18x (3539)
পৃচ্ছামি ৎবাং সঞ্জয় রাজমধ্যে
যদব্রবীদ্বাক্যমদীনসৎবঃ।
জনার্দনস্তাত যুধাং প্রণেতা
দুরাত্মনাং জীবিতচ্ছিন্মহাত্মা ॥ 5-47-18 (33547)
সঞ্জয় উবাচ। 5-47-19x (3540)
আগুল্ফেভ্যোঽভিসংবীতঃ প্রয়তোঽহং কৃতাঞ্জলিঃ।
শুদ্ধান্তং প্রাবিশং রাজন্নাখ্যাতো নরসিংহয়োঃ ॥ 5-47-19 (33548)
ন চাভিমন্যুর্ন যমৌ তং দেশমভিজগ্মতুঃ ।
যত্র কৃষ্ণৌ চ কৃষ্ণা চ সত্যভামা চ ভামিনী ॥ 5-47-20 (33549)
উভৌ মধ্বাসবক্ষীবৌ বরচন্দনরূষিতৌ ।
স্ত্রগ্বিণৌ বরবস্ত্রাঙ্গৌ বরাভরণভূষিতৌ ॥ 5-47-21 (33550)
নৈকরত্নবিচিত্রং চ কাঞ্চনং চ বরাসনম্।
নানাস্তরণসংস্তীর্ণং যত্রাসাতে নরর্ষভৌ ॥ 5-47-22 (33551)
সত্যাঙ্কমুপধানং তু কৃৎবা শেতে জনার্দনঃ।
অর্জুনাঙ্কগতৌ পাদৌ কেশবস্যোপলক্ষয়ে।
অর্জুনস্য চ কৃষ্ণায়াঃ শুভায়াশ্চাঙ্কগাবুভৌ ॥ 5-47-23 (33552)
কাঞ্চনং পাদপীঠং তু পার্থো বৈ প্রাদিশন্মুদা।
দাসীভ্যামাহৃতং মহ্যং স্পৃষ্ট্বা ভূমাবুপাবিশম্ ॥ 5-47-24 (33553)
ঊর্ধ্বরেখাঙ্কিতৌ পাদৌ পার্থস্য শুভলক্ষণৌ।
পাদপীঠাদপহৃতৌ ধারয়েতাং বরস্ত্রিয়ৌ ॥ 5-47-25 (33554)
ন নূনং কল্মষং কিঞ্চিন্মম কর্মসু বিদ্যতে।
স্ত্রীরত্নাভ্যাং সমেতৌ যন্মিথো মামভ্যভাষতাম্ ॥ 5-47-26 (33555)
বিস্ময়ো মে মহানাসীদাস্ত্রং মে বহুসঙ্গতম্।
হৃষ্টানি চৈব রোমাণি দৃষ্ট্বা তৌ সহিতাবুভৌ ॥ 5-47-27 (33556)
শ্যামৌ বৃহন্তৌ তরুণৌ নাগাবিব সমুচ্ছ্রিতৌ ।
একশয়্যাগতৌ দৃষ্ট্বা ভয়ং মে মহদাবিশৎ ॥ 5-47-28 (33557)
ততোঽভ্যচিন্তয়ং তত্র দৃষ্ট্বা তৌ পুরুষর্ষভৌ ।
সঙ্কল্পো ধর্মরাজস্য নানবাপ্যোঽস্তি কশ্চন।
নিদেশগাবিমৌ যস্য নরনারায়ণাবুভৌ ॥ 5-47-29 (33558)
সৎকৃতশ্চান্নপানাভ্যামাচ্ছন্নো লব্ধসৎক্রিয়ঃ ।
অঞ্জলিং মূর্ধ্নি সন্ধায় সন্দেশং চাভ্যচোদয়ম্ ॥ 5-47-30 (33559)
ধনুর্ধরোচিতেনাথ পাণিনৈকং সলক্ষণম্।
পাদমানায়যৎপার্থঃ কেশবস্য যশস্বিনঃ ॥ 5-47-31 (33560)
ইন্দ্রকেতুরিবোত্থায় দিব্যাভরণভূষিতঃ।
ইন্দ্রবীর্যোপমঃ কৃষ্ণঃ সংবিষ্টো মাঽভ্যভাষত ॥ 5-47-32 (33561)
স বাচং বদতাং শ্রেষ্ঠ আদদে বচনক্ষমাম্।
দীপনীং ধার্তরাষ্ট্রাণাং মৃদুপূর্বাং সুদারুণাম্ ॥ 5-47-33 (33562)
বহিশ্চরস্য প্রাণস্য প্রিয়স্য প্রিয়কারিণঃ।
মতিমান্মতিমাস্থায় কেশবঃ সন্দধে বচঃ ॥ 5-47-34 (33563)
বচনং বচনজ্ঞস্য শিক্ষাক্ষরসমন্বিতম্।
মনঃপ্রহ্লাদনং শ্রেষ্ঠং পশ্চাদ্ধৃদয়তাপনম্ ॥ 5-47-35 (33564)
শ্রীভগবানুবাচ। 5-47-36x (3541)
সঞ্জয়ৈতদ্বচো ব্রূয়াঃ প্রাপ্য ক্ষত্রিয়সংসদম্।
শ্রৃণ্বতঃ কুরুবৃদ্ধস্য আচার্যস্য চ ধীমতঃ ॥ 5-47-36 (33565)
অর্থাংস্ত্যজত পার্থেষু সুখমাপ্নুত কামজম্।
প্রিয়ং প্রিয়েভ্যশ্চরত রাজা হি ৎবরতে জয়ে॥ 5-47-37 (33566)
যজধ্বং বিবিধৈর্যজ্ঞৈর্দক্ষিণাশ্চ প্রয়চ্ছত।
পুত্রের্দারৈশ্চ মোদধ্বমাগতং বো মহদ্ভয়ম্ ॥ 5-47-38 (33567)
ঋণং প্রবৃদ্ধমিব মে হৃদয়ান্নাপসর্পতি।
গোবিন্দেতি যদাক্রন্দৎকৃষ্ণা মাং দূরবাসিনম্ ॥ 5-47-39 (33568)
তেজোময়ং দুরাধর্পং বিভ্রতা গাণ্ডিবং ধনুঃ।
মদ্দ্বিতীয়েন পার্থেন বৈরং বঃ প্রত্যুপস্থিতম্ ॥ 5-47-40 (33569)
কৃষ্ণস্যৈতদ্বচঃ শ্রুৎবা মহন্মে ভয়মাবিশৎ।
তব পুত্রস্য লোভং চ বর্ধমানং প্রপশ্যতঃ ॥ 5-47-41 (33570)
সোমেন্দ্রসদৃশৌ বীরৌ তৌ মন্দো নাববুধ্যতে।
ভীষ্মদ্রোণাশ্রয়াচ্চৈব কর্ণস্য চ বিকত্থনাৎ '॥ ॥ 5-47-42 (33571)
ইতি শ্রীমন্মহাভারতে উদ্যোগপর্বণি যানসন্ধিপর্বণি সপ্তচৎবারিংশোঽধ্যায়ঃ ॥
উদ্যোগপর্ব - অধ্যায় 048
॥ শ্রীঃ ॥
5.48. অধ্যায়ঃ 048
Mahabharata - Udyoga Parva - Chapter Topics
সঞ্জয়েন ধৃতরাষ্ট্রংপ্রতি শ্রীকৃষ্ণমহিমাদিপ্রতিপাদকানামর্জুনবচসাং বিস্তরেণ কথনম্ ॥ 1 ॥Mahabharata - Udyoga Parva - Chapter Text
5-48-0 (33572)
ধৃতরাষ্ট্র উবাচ। 5-48-0x (3542)
পৃচ্ছামি ৎবাং সঞ্জয় রাজমধ্যে
কিমব্রবীদ্বাক্যমদীনসৎবঃ।
ধনঞ্জয়স্তাত যুধাং প্রেণতা
দুরাত্মনাং জীবিতচ্ছিন্মহাত্মা ॥ 5-48-1 (33573)
সঞ্জয় উবাচ। 5-48-2x (3543)
দুর্যোধনো বাচমিমাং শ্রৃণোতু
যদব্রবীদর্জুনো যোৎস্যমানঃ।
যুধিষ্ঠিরস্যানুমতে মহাত্মা
ধনঞ্জয়ঃ শ্রৃণ্বতঃ কেশবস্য ॥ 5-48-2 (33574)
অবিত্রস্তো বাহুবীর্যং বিজান-
ন্নুপহ্বরে বাসুদেবস্য ধীরঃ।
অবোচন্মাং যোৎস্যমানঃ কিরীটী
মধ্যে ব্রূয়া ধার্তরাষ্ট্রং কুরূণাম্ ॥ 5-48-3 (33575)
সংশ্রৃণ্বতস্তস্য দুর্ভাষিণো বৈ
দুরাত্মনঃ সূতপুত্রস্য সূত।
যো যোদ্ধুমাশংসতি মাং সদৈব
মন্দপ্রজ্ঞঃ কালপক্বোঽতিমূঢঃ ॥ 5-48-4 (33576)
যে বৈ রাজানঃ পাণ্ডবায়োধনায়
সমানীতাঃ শ্রৃণ্বতাং চাপি তেষাম্ ।
যথা সমগ্রং বচনং ময়োক্তং
সহামাত্যং শ্রাবয়েথা নৃপং তত ॥ 5-48-5 (33577)
যথা নূনং দেবরাজস্য দেবাঃ
শুশ্রূষন্তে বজ্রহস্তস্য সর্বে।
তথাঽশ্রৃণ্বন্পাণ্ডবাঃ সৃঞ্জয়াশ্চ
কিরীটিনা বাচমুক্তাং সমর্থাম্ ॥ 5-48-6 (33578)
ইত্যব্রবীদর্জুনো যোৎস্যমানো
গাণ্ডীবধন্বা লোহিতপদ্মনেত্রঃ।
ন চেদ্রাজ্যং মুঞ্চতি ধার্তরাষ্ট্রো
যধিষ্ঠিরস্যাজমীঢস্য রাজ্ঞঃ ॥ 5-48-7 (33579)
অস্তি নূনং কর্ম কৃতং পুরস্তা-
দনির্বিষ্টং পাপকং ধার্তরাষ্ট্রৈঃ।
যেষাং যুদ্ধং ভীমসেনার্জুনাভ্যাং
তথাশ্বিভ্যাং বাসুদেবেন চৈব ॥ 5-48-8 (33580)
শৈনয়েন ধ্রুবমাত্তায়ুধেন
ধৃষ্টদ্যুম্নেনাথ শিখণ্ডিনা চ।
যুধিষ্ঠিরেণেন্দ্রকল্পেন চৈব
যোঽপধ্যানান্নির্দহেদ্গাং দিবং চ ॥ 5-48-9 (33581)
তৈশ্চেদ্যোদ্ধুং মন্যতে ধার্তরাষ্ট্রো
নির্বৃত্তোঽর্থঃ সকলঃ পাণ্ডবানাম্।
মা তৎকার্ষীঃ পাণ্ডবস্যার্থহেতো-
রুপৈহি যুদ্ধং যদি মন্যসে ৎবম্ ॥ 5-48-10 (33582)
যাং তাং বনে দুঃখশয়্যামবাৎসী-
ৎপ্রব্রাজিতঃ পাণ্ডবো ধর্মচারী।
আপ্নোতু তাং দুঃখতরামনর্থা-
মন্ত্যাং শয়্যাং ধার্তরাষ্ট্রঃ পরাশুঃ ॥ 5-48-11 (33583)
হ্রিয়া জ্ঞানেন তপসা দমেন
শৌর্যেণাথো ধর্মগুপ্ত্যা ধনেন।
অন্যায়বৃত্তিঃ কুরু পাণ্ডবে যা-
নধ্যাতিষ্ঠদ্ধার্তরাষ্ট্রো দুরাত্মা ॥ 5-48-12 (33584)
মায়োপধং প্রতিধানার্জবাভ্যাং
তপোদমাভ্যাং ধর্মগুপ্ত্যা বলেন।
সত্যং ব্রুবন্প্রতিপন্নো নৃপো ন-
স্তিতিক্ষমাণঃ ক্লিশ্যমানোঽতিবেলম্ ॥ 5-48-13 (33585)
যদা জ্যেষ্ঠঃ পাণ্ডবঃ সংশিতাত্মা
ক্রোধং যত্তং বর্ষপূগান্সুঘোরম্।
অবস্ত্রষ্টা কুরুপূদ্বৃত্তচেতা-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-14 (33586)
কৃষ্ণবর্ত্মেব জ্বলিতঃ সমিদ্ধো
যথা দহেৎকক্ষমগ্নির্নিদাঘে।
এবং দগ্ধা ধার্তরাষ্ট্রস্য সেনাং
যুধিষ্ঠিরঃ ক্রোধদীপ্তোন্ববেক্ষ্য ॥ 5-48-15 (33587)
যদা দ্রষ্টা ভীমসেনং রথস্যং
গদাহস্তং ক্রোধবিষং বমন্তম্।
অমর্ষণং পাণ্ডবং ভীমবেগং
তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-16 (33588)
সেনাগগং দংশিতং ভীমসেনং
সুলক্ষণং বীরহণং পরেষাম্।
ঘ্নন্তং চমূমন্তকসন্নিকাশং
তদা স্মর্তা বচনস্যাতিমানী ॥ 5-48-17 (33589)
যদা দ্রষ্টা ভীমসেনেন নাগা-
ন্নিপাতিতান্গিরিকূটপ্রকাশান্।
কিম্ভৈরিবাসৃগ্বমতো ভিন্নকুম্ভাং-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-18 (33590)
মহাসিংহো গা ইব সংপ্রবিশ্য
গদাপাণির্ধার্তরাষ্ট্রানুপেত্য।
যদা ভীমো ভীমরূপো নিহন্তা
তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-19 (33591)
মহাভয়ে বীতভয়ঃ কৃতাস্ত্রঃ
সমাগমে শত্রুবলাবমর্দী।
সকৃদ্রথেনাপ্রতিমান্রথৌঘা-
ন্পদাতিসঙ্ঘান্গদয়াভিনিঘ্নন্ ॥ 5-48-20 (33592)
সৈন্যাননেকাংস্তরসা বিগৃহ্ণ-
ন্যদা ছেত্তা ধার্তরাষ্ট্রস্য সৈন্যম্।
ছিন্দন্বনং পরশুনেব শূর-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-21 (33593)
তৃণপ্রায়ং জ্বলনেনেব দগ্ধং
গ্রামং যথা ধার্তরাষ্ট্রান্সমীক্ষ্য।
পক্বং সস্যং বৈদ্যুতেনেব দগ্ধং
পরাসিক্তং বিপুলং স্বং বলৌঘম্ ॥ 5-48-22 (33594)
হতপ্রবীরং বিমুখং ভয়ার্তং
পরাঙ্মুখং প্রায়শোঽনষ্টয়োধম্।
শস্ত্রার্চিষা ভিমসেনেন দগ্ধং
তদা যুদ্ধং ধার্তরাষ্ট্রোঽন্বতপ্ৎসৎ ॥ 5-48-23 (33595)
উপাসঙ্গানাচরেদ্দক্ষিণেন
বরাঙ্গানাং নকুলশ্চিত্রয়োধী।
যদা রথাগ্র্যো রথিনঃ প্রচেতা
তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-24 (33596)
সুখোচিতো দুঃখশয়্যাং বনেষু
দীর্ঘং কালং নকুলো যামশেত।
আশীবিষঃ ক্রুদ্ধ ইবোদ্বমন্বিষং
তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-25 (33597)
ত্যক্তাত্মানঃ পার্থিবায়োধনায়
সমাদিষ্টা ধর্মরাজেন সূত।
রথৈঃ শুভ্রৈঃ সৈন্যমভিদ্রবন্তো
দৃষ্ট্বা পশ্চাত্তপ্স্যতে ধার্তরাষ্ট্রঃ ॥ 5-48-26 (33598)
শিশূন্কৃতাস্ত্রানশিশুপ্রকাশান্
যদা দ্রষ্টা কৌরবঃ পঞ্চ শূরান্।
ত্যক্ৎবা প্রাণান্কৌরবানাদ্রবন্ত-
স্তদা যুদ্ধং ধার্তরাষ্ট্রোঽন্বতপ্স্যৎ॥ 5-48-27 (33599)
যথা শক্রো দানবনাশনার্থং
সুবর্ণতারং রথমুত্তমাশ্বৈঃ।
দান্তৈর্যুক্তং সহদেবোঽধিরূঢঃ
শিরাংসি রাজ্ঞাং ক্ষেপ্স্যতে মার্গণৌঘৈঃ ॥ 5-48-28 (33600)
মহাভয়ে সংপ্রবৃত্তে রথস্থং
বিবর্তমানং সমরে কৃতাস্ত্রম্।
সর্বা দিশঃ সপতন্তং সমীক্ষ্য
তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-29 (33601)
হ্রীনিষেবো নিপুণঃ সত্যবাদী
মহাবলঃ সর্বধর্মোপপন্নঃ।
গান্ধারিমার্ছংস্তুমুলে ক্ষিপ্রকারী
ক্ষেপ্তা জনান্সহদেবস্তরস্বী ॥ 5-48-30 (33602)
যদা দ্রষ্টা দ্রৌপদেয়ান্মহেষূন্
শূরান্কৃতাস্ত্রান্রথয়ুদ্ধকোবিদান্।
আশীবিষান্ঘোরবিষানিবায়ত-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-31 (33603)
যদাভিমন্যুঃ পরবীরঘাতী
শরৈঃ পরান্মেঘ ইবাভিবর্ষন্।
বিগাহিতা কৃষ্ণসমঃ কৃতাস্ত্র-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-32 (33604)
যদা দ্রষ্টা বালমবালবীর্যং
দ্বিষচ্চমূং মৃত্যুমিবোৎপতন্তম্।
সৌভদ্রমিন্দ্রপ্রতিমং কৃতাস্ত্রং
তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-33 (33605)
প্রভদ্রকাঃ শীঘ্রতরা যুবানো
বিশারদাঃ সিংহসমানবীর্যাঃ।
যদা ক্ষেপ্তারো ধার্তরাষ্ট্রান্সসৈন্যাং-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-34 (33606)
বৃদ্ধৌ বিরাটদ্রুপদৌ মহারথৌ
পথক্কমূভ্যামভিবর্তমানৌ।
যদা দ্রষ্টারৌ ধার্তরাষ্ট্রান্সসৈন্যাং-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-35 (33607)
যদা কৃতাস্ত্রো দ্রুপদঃ প্রচিন্বন্
শিরাংসি যূনাং সমরে রথস্থঃ।
ক্রূদ্ধঃ শরৈশ্ছেৎস্যতি চাপমুক্তৈ-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-36 (33608)
যদা বিরাটঃ পরবীরঘাতী
রথান্তরে শত্রুচমূং প্রবেষ্টা।
মাৎস্যৈঃ সার্ধমনৃশংসরূপৈ-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-37 (33609)
জ্যেষ্ঠং মাৎস্যমনৃসংসার্যরূপং
বিরাটপুত্রং রথিনং পুরস্তাৎ।
যদা দ্রষ্টা দংশতিং পাণ্ডবার্থে
তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-38 (33610)
রণে হতে কৌরবাণাং প্রবীরে
শিখণ্ডিনা শন্তনোর্বৈ তনূজে।
ন জাতু নঃ শত্রবো ধারয়েয়ু-
রশংশয়ং সত্যমেতদ্ব্রবীতি ॥ 5-48-39 (33611)
যদা শিখণ্ডী রথিনঃ প্রচিন্বন্
ভীষ্মং রথেনাভিয়াতা বরূথী।
দিব্যৈর্হয়ৈরবমৃদ্গন্ রথৌঘাং-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-40 (33612)
যদা দ্রষ্টা সৃঞ্জয়ানামনীকে
ধৃষ্টদ্নুম্নং প্রমুখে রোচমানম্।
অস্ত্রং যস্মৈ গুহ্যমুবাচ ধীমা-
ন্দ্রোণস্তদা তপ্স্যতি ধার্তরাষ্ট্রঃ ॥ 5-48-41 (33613)
যদা স সেনাপতিরপ্রমেয়ঃ
পরামৃদ্গন্নিষুভির্ধার্তরাষ্ট্রান্।
দ্রোণং রণে শত্রুসহোভিয়াতা
তদা যুদ্ধং ধার্তারাষ্ট্রোঽন্বতপ্স্যৎ ॥ 5-48-42 (33614)
হ্রীমান্মনীপী বলবান্মনস্বী
স লক্ষ্মীবান্সোমকানাং প্রবর্হঃ ।
ন জাতু তং শত্রবোঽন্যে সহের-
ন্যোপাং স স্যাদগ্রণীর্বৃষ্ণিসিংহঃ ॥ 5-48-43 (33615)
ইদং চ ব্রূয়া মা বৃণীষ্বেতি লোকে
যুদ্ধেঽদ্বিতীয়ং সচিবং রথস্থম্।
শিনের্নপ্তারং প্রবৃণীম সাত্যকিং
মহাবলং বীতভয়ং কৃতাস্ত্রম্ ॥ 5-48-44 (33616)
মহোরস্কো দীর্ঘবাহুঃ প্রমাথী
যুদ্ধেঽদ্বিতীয়ঃ পরমাস্ত্রবেদী।
শিনের্নপ্তা তালমাত্রায়ধোঽয়ং
মহারথো বীতভয়ঃ কৃতাস্ত্রঃ ॥ 5-48-45 (33617)
যদা শিনীনামধিপো ময়োক্তঃ
শরৈঃ পরান্মেঘ ইব প্রবর্ষন্।
প্রচ্ছাদয়িষ্যত্যরিহা যোধমুখ্যাং-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-46 (33618)
যদা ধৃতিং কুরুতে যোৎস্যমানঃ
স দীর্ঘবাহুর্দৃঢধন্বা মহাত্মা ।
সিংহস্যেব গন্ধমাঘ্রায় গাবঃ
সংচেষ্টন্তে শত্রবোঽস্মাদ্রণাগ্রে ॥ 5-48-47 (33619)
স দীর্ঘবাহুর্দৃঢধন্বা মহাত্মা
ভিন্দ্যাদ্গিরীন্সংহরেৎসর্বলোকান্।
অস্ত্রে কৃতী নিপুণঃ ক্ষিপ্রহস্তো
দিবি স্থিতঃ সূর্য ইবাভিভাতি ॥ 5-48-48 (33620)
চিত্রঃ সূক্ষ্মঃ সুকৃতো যাদবস্য
অস্ত্রে যোগো বৃষ্ণিসিংহস্য ভূয়ান্।
যথাবিধং যোগমাহুঃ প্রশস্তং
সর্বৈর্গুণৈঃ সাত্যকিস্তৈরুপেতঃ ॥ 5-48-49 (33621)
হিরণ্ময়ং শ্বেতহয়ৈশ্চতুর্ভি-
র্যদা যুক্তং স্যন্দনং মাধবস্য।
দ্রষ্টা যুদ্ধে সাত্যকের্ধার্তরাষ্ট্র-
স্তদা তপ্স্যত্যকৃতাত্মা স মন্দঃ ॥ 5-48-50 (33622)
যদা রথং হেমমণিপ্রকাশং
শ্বেতাশ্বয়ুক্তং বানরকেতুমুগ্রম্।
দৃষ্ট্বা মমাপ্যাস্থিতং কেশবেন
তদা তপ্স্যত্যকৃতাত্মা স মন্দঃ ॥ 5-48-51 (33623)
যদা মৌর্ব্যাস্তলনিষ্পেপমুগ্রং
মহাশব্দং বজ্রনিষ্পেপতুল্যম্।
বিদ্যূয়মানস্য মহারণে ময়া
স গাণ্ডিবস্য শ্রোষ্যতি মন্দবুদ্ধিঃ ॥ 5-48-52 (33624)
তদা মূঢো ধৃতরাষ্ট্রস্য পুত্র-
স্তপ্তা যুদ্ধে দুর্মতির্দুঃসহায়ঃ।
দৃষ্ট্বা সৈন্যং বাণবর্ষান্ধকারে
প্রভজ্যন্তং গোকুলবদ্রণাগ্রে ॥ 5-48-53 (33625)
বলাহকাদুচ্চরতঃ সুভীমা-
ন্বিদ্যুৎস্ফুলিঙ্গানিব ঘোররূপান্।
সহস্রঘ্নান্দ্বিষতাং সঙ্গরেষু
অস্থিচ্ছিদো মর্মভিদঃ সুপুঙ্খান্॥ 5-48-54 (33626)
যদা দ্রষ্টা জ্যামুখাদ্বাণসঙ্ঘান্
গাণ্ডীবমুক্তানাপততঃ শিতাগ্রান্।
হয়ান্গজান্বর্মিণশ্চাদদানাং-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-55 (33627)
যদা মন্দঃ পরবাণান্বিমুক্তা-
ন্মমেষুভির্হিয়মাণান্প্রতীপম্।
তির্যগ্বিধ্য চ্ছিদ্যমানান্পৃষৎকৈ-
স্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-56 (33628)
যদা বিপাঠা মদ্ভুজবিপ্রমুক্তা
দ্বিজাঃ ফলানীব মহীরুহাগ্রাৎ।
প্রচেতার উত্তমাঙ্গানি যূনাং
তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-57 (33629)
যদা দ্রষ্টা পততঃ স্যন্দনেভ্যো
মহাগজেভ্যোঽশ্বগতান্সুয়োধনান্।
শরৈর্হতান্পাতিতাংশ্চৈব রঙ্গে
তদা যুদ্ধং ধার্তরাষ্ট্রোঽন্বতপ্স্যৎ॥ 5-48-58 (33630)
অসংপ্রাপ্তানস্ত্রপথং পরস্য
যদা দ্রষ্টা নশ্যতো ধার্তরাষ্ট্রান্।
অকুর্বতঃ কর্ম যুদ্ধে সমন্তা-
ত্তদা যুদ্ধং ধার্তরাষ্ট্রোঽন্বতপ্স্যৎ ॥ 5-48-59 (33631)
পদাতিসঙ্ঘান্রথসঙ্ঘান্সমন্তা-
দ্ব্যাত্তাননঃ কাল ইবাততেষুঃ।
প্রণোৎস্যামি জ্বলিতৈর্বাণবর্ষৈঃ
শত্রূংস্তদা তপ্স্যতি মন্দবুদ্ধিঃ ॥ 5-48-60 (33632)
সর্বা দিশঃ সংপততা রথেন
রজোধ্বস্তং গাণ্ডিবেন প্রকৃত্তম্।
যদা দ্রষ্টা স্ববলং সংপ্রমূঢং
তদা পশ্চাত্তপ্স্যতি মন্দবুদ্ধিঃ ॥ 5-48-61 (33633)
কান্দিগ্ভূতং ছিন্নগাত্রং বিসংজ্ঞং
দুর্যোধনো দ্রক্ষ্যতি সর্বসৈন্যম্।
হতাশ্ববীরাগ্র্যনরেন্দ্রনাগং
পিপাসিতং শ্রান্তপত্রং ভয়ার্তম্ ॥ 5-48-62 (33634)
আর্তস্বরং হন্যমানং হতং চ
বিকীর্ণকেশাস্থিকপালসঙ্ঘম্।
প্রজাপতেঃ কর্ম যথার্থনিষ্ঠিতং
তদা দৃষ্ট্বা তপ্স্যতি মন্দবুদ্ধিঃ ॥ 5-48-63 (33635)
যদা রথে গাণ্ডিবং বাসুদেবং
দিব্যং শঙ্খং পাঞ্চজন্যং হয়াংশ্চ।
তূণাবক্ষয়্যৌ দেবদত্তং চ মাং চ
দৃষ্ট্বা যুদ্ধে ধার্তরাষ্ট্রোঽন্বতপ্স্যৎ ॥ 5-48-64 (33636)
উদ্বর্তয়ন্দস্যুসঙ্ঘান্সমেতান্
প্রবর্তয়ন্যুগমন্যদ্যুগান্তে।
যদা ধক্ষ্যাম্যগ্নিবৎকৌরবেয়াং-
স্তদা তপ্তা ধৃতরাষ্ট্রঃ সপুত্রঃ॥ 5-48-65 (33637)
সভ্রাতা বৈ সহসৈন্যঃ সভৃত্যো
ভ্রষ্টৈশ্বর্যঃ ক্রোধবশোঽল্পচেতাঃ।
দর্পস্যান্তে নিহতো বেপমানঃ
পশ্চান্মন্দস্তপ্স্যতি ধার্তরাষ্ট্রঃ ॥ 5-48-66 (33638)
পূর্বাহ্ণে মাং কৃতজপ্যং কদাচি-
দ্বিপ্রঃ প্রোবাচোদকান্তে মনোজ্ঞম্।
কর্তব্যং তে দুষ্করং কর্ম পার্থ
যোদ্ধব্যং কতে শত্রুভিঃ সব্যসাচিন্ ॥ 5-48-67 (33639)
ইন্দ্রো বা তে হরিবান্বজ্রহস্তঃ
পুরস্তাদ্যাতু সমরেঽরীন্বিনিঘ্নন্।
সুগ্রীবয়ুক্তেন রথেন বা তে
পশ্চাৎকৃষ্ণো রক্ষতু বাসুদেবঃ ॥ 5-48-68 (33640)
বজ্রে চাহং বজ্রহস্তান্মহেন্দ্রা-
দস্মিন্যুদ্ধে বাসুদেবং সহায়ম্।
স মে লব্ধো দস্যুবধায় কৃষ্ণো
মন্যে চেতদ্বিহিতং দৈবতের্মে ॥ 5-48-69 (33641)
অয়ুদ্ধ্যমানো মনসাপি যস্য
জয়ং কৃষ্ণঃ পুরুষস্যাভিনন্দেৎ।
এবং সর্বান্স ব্যতীয়াদমিত্রান্
সেন্দ্রান্দেবান্মানুষে নাস্তি চিন্তা ॥ 5-48-70 (33642)
স বাহুভ্যাং সাগরমুত্তিতীর্ষে-
ন্মহোদধিং সলিলস্যাপ্রমেয়ম্।
তেজস্বিনং কৃষ্ণমত্যন্তশূরং
যুদ্ধেন যো বাসুদেবং জিগীষেৎ ॥ 5-48-71 (33643)
গিরিং য ইচ্ছেত্তু তলেন ভেত্তুং
শিলোচ্চয়ং শ্বেতমতিপ্রমাণম্।
তস্যৈব পাণিঃ সনখো বিশীর্যে-
ন্ন চাপি কিঞ্চিৎস গিরেস্তু কুর্যাৎ ॥ 5-48-72 (33644)
অগ্নিং সমিদ্ধং শময়েদ্ভুজাভ্যাং
চন্দ্রং চ সূর্যং চ নিবারয়েত।
হরেদ্দেবানামমৃতং প্রসহ্য
যুদ্ধেন যো বাসুদেবং জিগীষেৎ॥ 5-48-73 (33645)
যো রুক্মিণীমেকরথেন ভোজ-
নুৎসাদ্য রাজ্ঞঃ সমরে প্রসহ্য।
উবাহ ভার্যাং যশসা জ্বলন্তীং
যস্যাং জজ্ঞে রৌক্মিণেয়ো মহাত্মা ॥ 5-48-74 (33646)
অয়ং গান্ধারাংস্তরসা সংপ্রমথ্য
জিৎবা পুত্রান্নগ্নজিতঃ সমগ্রান্
বদ্ধং মুমোচ বিনদন্তং প্রসহ্য
সুদর্শনং বৈ দেবতানাং ললামম্ ॥ 5-48-75 (33647)
অয়ং কবাটে নিজঘান পাণ্ড্যং
তথা কলিঙ্গান্দন্তবক্রং মমর্দ।
অনেন দগ্ধা বর্ষপূগান্বিনাথা
বারাণসী নগরী সংবভূব ॥ 5-48-76 (33648)
অয়ং স্ম যুদ্ধে মন্যতেঽন্যৈরজেয়ং
তমেকলব্যং নাম নিষাদরাজম্।
বেগেনৈব শৈলমভিহত্য জম্ভঃ
শেতে স কৃষ্ণেন হতঃ পরাসুঃ ॥ 5-48-77 (33649)
তথোগ্রসেনস্য সুতং সুদুষ্টং
বৃষ্ণ্যন্ধকানাং মধ্যগতং সভাস্থম্।
অপাতয়দ্বলদেবদ্বিতীয়ো
হৎবা দদৌ চোগ্রসেনায় রাজ্যম্॥ 5-48-78 (33650)
অয়ং সৌভং যোধয়ামাস স্বস্থং
বিভীষণং মায়যা সাল্বরাজম্।
সৌভদ্বারি প্রত্যগৃহ্ণাচ্ছতঘ্নীং
দোর্ভ্যাং ক এনং বিষহেত মর্ত্যঃ ॥ 5-48-79 (33651)
প্রাগ্জ্যোতিষং নাম বভূব দুর্গং
পুরং ঘোরমসুরাণামসহ্যম্।
মহাবলো নরকস্তত্র ভৌমো
জহারাদিত্যা মণিকুণ্ডলে শুভে ॥ 5-48-80 (33652)
ন তং দেবাঃ সহ শক্রেণ শেকুঃ
সমাগতা যুধি মৃত্যোরভীতাঃ ।
দৃষ্ট্বা চ তং বিক্রমং কেশবস্য
বলং তথৈবাস্ত্রমবারণীয়ম্ ॥ 5-48-81 (33653)
জানন্তোঽস্য প্রকৃতিং কেশবস্য
ন্যযোজয়ন্দস্যুবধায় কৃষ্ণম্।
স তৎকর্ম প্রতিশুশ্রাব দুষ্কর-
মৈশ্বর্যবান্সিদ্ধিষু বাসুদেবঃ ॥ 5-48-82 (33654)
নির্মোচনে ষট্সহস্রাণি হৎবা
সংচ্ছিদ্য পাশান্সহসা ক্ষুরান্তান্।
মুরং হৎবা বিনিহত্যৌঘরক্ষো
নির্মোচনং চাপি জগাম বীরঃ ॥ 5-48-83 (33655)
তত্রৈব তেনাস্য বভূব যুদ্ধং
মহাবলেনাতিবলস্য বিষ্ণোঃ ।
শেতে স কৃষ্ণেন হতঃ পরাসু-
র্বাতেনেব মথিতঃ কর্ণিকারঃ ॥ 5-48-84 (33656)
আহৃত্য কৃষ্ণো মণিকুণ্ডলে তে
হৎবা চ ভৌমং নরকং মুর চ।
শ্রিয়া বৃতো যশসা চৈব বিদ্বা-
ন্প্রত্যাজগামাপ্রতিমপ্রভাবঃ ॥ 5-48-85 (33657)
অস্মৈ বরাণ্যদদংস্তত্র দেবা
দৃষ্ট্বা ভীমং কর্ম কৃতং রণে তৎ।
শ্রমশ্চ তে যুধ্যমানস্য ন স্যা-
দাকাশে চাপ্সু চ তে ক্রমঃ স্যাৎ ॥ 5-48-86 (33658)
শস্ত্রাণি গাত্রে ন চ তে ক্রমের-
ন্নিত্যেব কৃষ্ণশ্চ ততঃ কৃতার্থঃ ।
এবং রূপে বাসুদেবেঽপ্রমেয়ে
মহাবলে গুণসংপৎসদৈব ॥ 5-48-87 (33659)
তমসহ্যং বিষ্ণুমনন্তবীর্য-
মাশংসতে ধার্তরাষ্ট্রো বিজেতুম্ ।
সদা হ্যেনং তর্কয়তে দুরাত্মা
তচ্চাপ্যযং সহতেঽস্মান্সমীক্ষ্য ॥ 5-48-88 (33660)
পর্যাগতং মম কৃষ্ণস্য চৈব
যো মন্যতে কলহং সংপ্রসহ্য।
শক্যং হর্তুং পাণ্ডবানাং মমৎবং
তদ্বেদিতা সংয়ুগং তত্র গৎবা ॥ 5-48-89 (33661)
নমস্কৃৎবা শান্তনবায় রাজ্ঞে
দ্রোণায়াথো সহপুত্রায় চৈব।
শারদ্বতায়াপ্রতিদ্বন্দ্বিনে চ
যোৎস্যাম্যহং রাজ্যমভীপ্সমানঃ ॥ 5-48-90 (33662)
ধর্মেণাপ্তং নিধনং তস্য মন্যে
যো যোৎস্যতে পাণ্ডবৈর্ধর্মচারী ।
মিথ্যা গ্লহে নির্জিতা বৈ নৃশংসৈঃ
সংবৎসরান্বৈ দ্বাদশ রাজপুত্রাঃ ॥ 5-48-91 (33663)
বাসঃ কৃচ্ছ্রো বিহিতশ্চাপ্যরণ্যে
দীর্ঘং কালং চৈকমজ্ঞাতবর্ষম্।
তে হি কস্মাজ্জীবতাং পাণ্ডবানাং
নন্দিষ্যন্তে ধার্তরাষ্ট্রাঃ পদস্থাঃ ॥ 5-48-92 (33664)
তে চেদস্মান্যুধ্যমানাঞ্জয়েয়ু-
র্দেবৈর্মহেন্দ্রপ্রমুখৈঃ সহায়ৈঃ।
ধর্মাদধর্মশ্চরিতো গরীয়াং-
স্ততো ধ্রুবং নাস্তি কৃতং চ সাধু ॥ 5-48-93 (33665)
ন চেদিদং পৌরুষং কর্মবদ্ধং
ন চেদস্মান্মন্যতেঽসৌ বিশিষ্টান্।
আশংসেঽহং বাসুদেবদ্বিতীয়ো
দুর্যোধনং সানুবন্ধং নিহন্তুম্॥ 5-48-94 (33666)
ন চেদিদং কর্ম নরেন্দ্র বন্ধ্যং
ন চেদ্ভবেৎসুকৃতং নিষ্ফলং বা।
ইদং চ তচ্চাভিসমীক্ষ্য নূনং
পরাজয়ো ধার্তরাষ্ট্রস্য সাধুঃ ॥ 5-48-95 (33667)
প্রত্যক্ষং বঃ কুরবো যদ্ব্রবীমি
যুদ্ধ্যমানা ধার্তরাষ্ট্রা ন সন্তি।
অন্যত্র যুদ্ধাৎকুরবো যদি স্যু-
র্ন যুদ্ধে বৈ শেষ ইহাস্তি কশ্চিৎ॥ 5-48-96 (33668)
হৎবা ৎবহং ধার্তরাষ্ট্রান্সকর্ণা-
ন্রাজ্যং কুরূণামবজেতা সমগ্রম্।
যদ্বঃ কার্যং তৎকুরুধ্বং যথাস্ব-
মিষ্টান্দরানাত্মভোগান্ভজধ্বম্ ॥ 5-48-97 (33669)
অপ্যেবং নো ব্রাহ্মণাঃ সন্তি বৃদ্ধা
বহুশ্রুতাঃ শীলবন্তঃ কুলীনাঃ।
সাংবৎসরা জ্যোতিষি চাভিয়ুক্তা
নক্ষত্রয়োগেষু চ নিশ্চয়জ্ঞাঃ ॥ 5-48-98 (33670)
উচ্চাবচং দৈবয়ুক্তং রহস্যং
দিব্যাঃ প্রশ্না মৃগচক্রা মুহূর্তাঃ ।
ক্ষয়ং মহান্তং কুরুসৃঞ়্জয়ানাং
নিবেদয়ন্তে পাণ্ডবানাং জয়ং চ ॥ 5-48-99 (33671)
যথা হি নো মন্যতেঽজাতশত্রুঃ
সংসিদ্ধার্থো দ্বিপতাং নিগ্রহায়।
জনার্দনশ্চাপ্যপরোক্ষবিদ্যো
ন সংশয়ং পশ্যতি বৃষ্ণিসিংহঃ ॥ 5-48-100 (33672)
অহং তথৈনং খলু ভাবিরূপং
পশ্যামি বুদ্ধয়া স্বয়মপ্রমত্তঃ।
দৃষ্টিশ্চ মে ন ব্যথতে পুরাণী
সংয়ুধ্যমানা ধার্তরাষ্ট্রা ন সন্তি ॥ 5-48-101 (33673)
অনালব্ধং জৃম্ভতি গাণ্ডিবং ধনু-
রনাহতা কম্পতি মে ধনুর্জ্যা।
বাণাশ্চ মে তূণমুখাদ্বিসৃত্য
মুহুর্মুহুর্গন্তুমুশন্তি চৈব ॥ 5-48-102 (33674)
খঙ্গঃ কোশান্নিঃসরতি প্রসন্নো
হিৎবেব জীর্ণাসুরগস্ৎবচং স্বাম্।
ধ্বজে বাচো রৌদ্ররূপা ভবন্তি
কদা রথো যোক্ষ্যতে তে কিরীটিন্ ॥ 5-48-103 (33675)
গোমায়ুসঙ্ঘাশ্চ নদন্তি রাত্রৌ
রক্ষাংস্যথো নিষ্পতন্ত্যন্তরিক্ষাৎ।
মৃগাঃ শ্রৃগালাঃ শিতিকণ্ঠাশ্চ কাকা
গৃধ্রা বকাশ্চৈব তরক্ষবশ্চ॥ 5-48-104 (33676)
সুবর্ণপত্রাশ্চ পতন্তি পঞ্চা-
দৃষ্ট্বা রথং শ্বেতহয়প্রয়ুক্তম্ ।
অহং হ্যেকঃ পার্থিবান্সর্বয়োধান্
শরান্বর্পন্মৃত্যুলোকং নয়েয়ম্ ॥ 5-48-105 (33677)
সমাদেদানঃ পৃথগস্ত্রমার্গা-
ন্যথাপ্রিরিদ্ধো গহনং নিদাঘে।
স্থূণাকর্ণং পাশুপতং মহাস্ত্রং
ব্রাহ্মং চাস্ত্রং যচ্চ শক্রোঽপ্যদান্মে ॥ 5-48-106 (33678)
বধে ধৃতো বেগবতঃ প্রমুঞ্চ-
ন্নাহং প্রজাঃ কিঞ্চিদিহাবশিষ্যে ।
শান্তিং লপ্স্যে পরমো হ্যেপ ভাবঃ
স্থিরো মম ব্রূহি গাবল্গণে তান্ ॥ 5-48-107 (33679)
যে বৈজয়্যাঃ সমরে সূত লব্ধ্বা
দেবানপীন্দ্রগ্রমুখান্সমেতাৎ।
তৈর্মন্মতে কলহং সংপ্রসহ্য
স ধার্তরাষ্ট্রঃ পশ্যত মোহমস্য ॥ 5-48-108 (33680)
বৃদ্ধো ভীষ্মঃ শান্তনবঃ কৃপশ্চ
দ্রোণঃ সপুত্রো বিদুরশ্চ ধীমান্।
এতে সর্বে যদ্বদন্তে তদস্তু
আয়ুষ্মন্তঃ কুরবঃ সন্তু সর্বে ॥ ॥ 5-48-109 (33681)
ইতি শ্রীমন্মহাভারতে উদ্যোগপর্বণি যানসন্ধিপর্বণি অষ্টচৎবারিংশোঽধ্যায়ঃ ॥
Mahabharata - Udyoga Parva - Chapter Footnotes
5-48-8 কর্ম পাপম্। অনির্বিষ্টং অনুপভুক্তম্। অশ্বিভ্যাং অশ্বিপুত্রাভ্যাম্ ॥ 5-48-9 অপধ্যানাত অপকারচিন্তনমাত্রাৎ । গাং পৃথ্বীম্ ॥ 5-48-12 ৎবং এতাবৎকুর্বিত্যাহ হ্রিয়েতি। যান্ লোকান্ অন্যায়বৃত্তির্ধার্তরাষ্ট্রোঽধ্যতিষ্ঠৎ তান্ হ্রীপ্রভৃতিনির্গুণৈরুপলক্ষিতে পাণ্ডবে অনুরক্তান্ কুরু ॥ 5-48-13 মায়যা কপটেন উপধীয়ন্তে উপস্থাপ্যন্তে ইতি মায়োপধশ্চলবাদঃ তম্। প্রতিপন্নঃ প্রাপ্তঃ প্রণিধানাদিভিরুপেতঃ সত্যং ব্রুবংশ্চ নঃ নৃপঃ অতিবেলং ক্লিশ্যমানোপি তিতিক্ষমাণ এবাস্তে ইতি শেষঃ ॥ 5-48-14 ক্রোধ অবস্ত্রষ্টা উৎস্রক্ষ্যতি। অন্বতপ্ত্যৎ শোচিষ্যতি। আর্ষোলকারব্যত্যযঃ ॥ 5-48-15 কৃষ্ণবর্ত্মা দাহেন কৃষ্ণীকৃতভূভাগ ইতি প্রাঞ্চঃ। দগ্ধা ধক্ষ্যতি ॥ 5-48-22 তৃণপ্রায়ং তৃণগৃহময়ং গ্রামম্। পরাসিক্তং দূরে নিরস্তম্ ॥ 5-48-24 বরাঙ্গানাং শিরসাম্। উপাসঙ্গান্ উচ্চয়ান্ । দক্ষিণেন কুশলেন অনায়াসেনেতি যাবৎ। আচরেৎ কুর্যাৎ। রথিনঃ যোধান্। প্রচেতা কূটীকরিষ্যতি ॥ 5-48-25 দুঃখশয়্যাং অশেতেত্যুত্তরং তাং যদা স্মরিষ্যতীতি শেষঃ ॥ 5-48-28 সুবর্ণস্য তারো দীর্ঘতন্তুঃ তম্। অতিবেগাদলাতচক্রবৎসুবর্ণরেখাতুল্যমিত্যর্থ- ॥ 5-48-31 আয়তঃ আগচ্ছতঃ ॥ 5-48-34 ক্ষেপ্তারঃ ক্ষেপ্স্যন্তি ॥ 5-48-39 ধারয়েয়ুঃ জীবেয়ুঃ ॥ 5-48-40 বরূথী রথগুপ্তিমান্ ॥ 5-48-43 স বৃষ্ণিসিংহঃ কৃষ্ণাঃ যেষামগ্রণীঃ স্যাৎ তেভ্যোঽন্যে তং ন সহেরন্ ॥ 5-48-44 রাজ্যং চ মা বৃণীষ্ব মা প্রার্থয়স্ব ইতি ব্রূয়াঃ । দুর্যোধনং প্রতীত্যর্থাৎ। যতঃ বয়ং যুদ্ধেঽদ্বিতয়ং সহায়ং সত্যকিং প্রবৃণীম বৃতবন্ত- ॥ 5-48-49 বৃষ্ণিসিংহস্য কৃষ্ণস্য যথাবিধং যাদৃক্প্রকারং যোগমাহুঃ তৈঃ সর্বৈর্গুণৈঃ সাত্যকিরুপেতঃ ॥ 5-48-55 আদদানান্ গ্রসমানান্ ॥ 5-48-57 প্রচেতারঃ রাশীকরিষ্যন্তি ॥ 5-48-59 অস্ত্রপথং অসংপ্রাপ্তান্ । অস্ত্রং দৃষ্ট্বৈব নশ্যত ইত্যর্থঃ 5-48-60 প্রণোৎস্যামি দূরীকরিষ্যামি ॥ 5-48-62 কান্দিগ্ভূতং ভয়েন পলায়িতম্। শ্রান্তপত্রং শ্রান্তবাহনম্ ॥ 5-48-63 যথা বাজপেয়ে প্রজাপতিদৈবত্যাঃ সপ্তদশ পশবো বিশস্যন্তে তদ্বদ্বহূনামিহাপি বিশসনং কৃতম্ ॥ 5-48-64 দেবদত্তং অর্জুনস্য শঙ্খম্ ॥ 5-48-67 উদূকান্তে সংধ্যাবন্দনাচমনান্তে ॥ 5-48-71 সাগরং সগরৈর্বর্ধিতম্। সলিলস্য মহোদধিং জলসমুদ্রম্ ॥ 5-48-75 সুদর্শনং নাম রাজানম্। ললামং ললামভূতঃ কৃষ্ণঃ ॥ 5-48-76 কবাটে নগরভেদে ॥ 5-48-77 অয়ং সুয়োধনঃ। যথা জম্ভো দৈত্যঃ শৈলং বেগেন অভিহত্য হতঃ শেতে তদ্বৎ ॥ 5-48-80 ভৌমো ভূমিপুত্রঃ ॥ 5-48-83 নির্মিচনে নগরে। ক্ষুরান্তান্ তীক্ষ্ণধারান্ লোহময়ানিত্যর্থঃ ॥ 5-48-93 সাধু কৃতং সৎকর্ম নাস্তি। নিষ্পলৎবাৎ বৃথৈব ধর্ম ইত্যর্থঃ ॥ 5-48-94 কর্মবদ্ধং ন মন্যতে চেদিত্যোকৃষ্য যোজ্যম্ ॥ 5-48-95 ইদং রাজ্যস্যাপ্রদানং ইদানীংতনম্। তচ্চ রাজ্যাৎ নিঃসারণং তদার্নীতনং অভিসমীক্ষ্য আলোচ্য। পাপবশাৎপরাজয় এব তস্যেত্যর্থঃ ॥ 5-48-99 মৃগচক্রা মৃগসমূহাঃ ॥ 5-48-108 বিজয়ঃ কর্ম যেষাং তে বৈজয়্যাঃ। দেবানপি লব্ধ্বা বিজয়বন্ত এবেত্যর্থঃ ॥উদ্যোগপর্ব - অধ্যায় 049
॥ শ্রীঃ ॥
5.49. অধ্যায়ঃ 049
Mahabharata - Udyoga Parva - Chapter Topics
ভীষ্মেণ দুর্যোধনংপ্রতি কৃষ্ণার্জুনয়োঃ নরনারায়ণতাদাত্ম্যকথনপূর্বকং তদ্বিরোধে কুরূণাং বিনাশকথনম্ ॥ 1 ॥ তথা মর্মোদ্ধাটনপূর্বকং কর্ণগর্হণম্ ॥ 2 ॥ ধৃতরাষ্ট্রেণ ভীষ্মদ্রোণবচনানাদরণে সর্বকুরূণাং স্বজীবিতনৈরাশ্যাধিগমঃ ॥ 3 ॥Mahabharata - Udyoga Parva - Chapter Text
5-49-0 (33682)
বৈশম্পায়ন উবাচ। 5-49-0x (3544)
সমবেতেষু সর্বেষু তেষু রাজসু ভারত।
দুর্যোধনমিদং বাক্যং ভীষ্মঃ শান্তনবোঽব্রবীৎ ॥ 5-49-1 (33683)
বৃহস্পতিশ্চোশনা চ ব্রহ্মাণং পর্যুপস্থিতৌ।
মরুতশ্চ সহেন্দ্রেণ বসবশ্চাগ্রিনা সহ ॥ 5-49-2 (33684)
আদিত্যাশ্চৈব সাধ্যাশ্চ যে চ সপ্তর্পয়ো দিবি।
বিশ্বাবসুশ্চ গন্ধর্বঃ শুভাশ্চাপ্সরসাং গণাঃ ॥ 5-49-3 (33685)
নমস্কৃত্যোপজগ্মুস্তে লোকবৃদ্ধং পিতামহম্ ।
পরিবার্য চ বিশ্বেশং পর্যাসত দিবৌকসঃ ॥ 5-49-4 (33686)
তেষাং মনশ্চ তেজশ্চাপ্যাদদানাবিবৌজসা ।
পূর্বদেবৌ ব্যতিক্রান্তৌ নরনারায়ণাবৃষী ॥ 5-49-5 (33687)
বৃহস্পতিস্তু পপ্রচ্ছ ব্রহ্মাণং কাবিমাবিতি।
ভবন্তং নোপতিষ্ঠেতে তৌ নঃ শংস পিতামহ ॥ 5-49-6 (33688)
ব্রহ্মোবাচ। 5-49-7x (3545)
যাবেতৌ পৃথিবীং দ্যাং চ ভাসয়ন্তৌ তপস্বিনৌ।
জ্বলন্তৌ রোচমানৌ চ ব্যাপ্যাতীতৌ মহাবলৌ ॥ 5-49-7 (33689)
নরনারায়ণাবেতৌ লোকাল্লোকং সমাস্থিতৌ ।
ঊর্জিতৌ স্বেন তপসা মহাসৎবপরাক্রমৌ ॥ 5-49-8 (33690)
এতৌ হি কর্মণা লোকং নন্দয়ামাসতুর্ধ্রুবম্ ।
দ্বিধাভূতৌ মহাপ্রাজ্ঞৌ বিদ্ধি ব্রহ্মন্পরন্তপৌ ।
অসুরাণাং বিনাশায় দেবগন্ধর্বপূজিতৌ ॥ 5-49-9 (33691)
বৈশম্পায়ন উবাচ। 5-49-10x (3546)
জগাম শক্রস্তচ্ছ্রৎবা যত্র তৌ তেপতুস্তপঃ ।
সার্ধং দেবগণৈঃ সর্বৈর্বৃহস্পতিপুরোগমৈঃ ॥ 5-49-10 (33692)
তদা দেবাসুরে যুদ্ধে ভয়ে জাতে দিবৌকসাম্।
অয়াচত মহাত্মানৌ নরনারায়ণৌ বরম্ ॥ 5-49-11 (33693)
তাবব্রূতাং বৃণীষ্বেতি তদা ভরতসত্তম।
অথৈতাবব্রবীচ্ছকঃ সাহ্যং নঃ ক্রিয়তামিতি ॥ 5-49-12 (33694)
ততস্তৌ শক্রমব্রূতাং করিষ্যাবো যদিচ্ছসি।
তাভ্যাং চ সহিতঃ শক্রো বিজিগ্যে দৈত্যদানবান্ ॥ 5-49-13 (33695)
নর ইন্দ্রস্য সংগ্রামে হৎবা শত্রূন্পরন্তপঃ ।
পৌলোমান্কালখঞ্জাংশ্চ সহস্রাণি শতানি চ ॥ 5-49-14 (33696)
এষ ভ্রান্তে রথে তিষ্ঠন্ভল্লেনাপাহরচ্ছিরঃ।
জম্ভস্য গ্রসমানস্য তদা হ্যর্জুন আহবে ॥ 5-49-15 (33697)
এষ পারে সমুদ্রস্য হিরণ্যপুরমারুজৎ।
হৎবা ষষ্টিং সহস্রাণি নিবাতকবচান্রণে ॥ 5-49-16 (33698)
এষ দেবান্সহেন্দ্রেণ জিৎবা পরপুরঞ্জয়ঃ।
অতর্পয়ন্মহাবাহুরর্জুনো জাতবেদসম্ ॥ 5-49-17 (33699)
নারায়ণস্তথৈবাত্র ভূয়সোঽন্যাঞ্জঘান হ।
এবমেতৌ মহাবীর্যৌ তৌ পশ্যত সমাগতৌ ॥ 5-49-18 (33700)
বাসুদেবার্জুনৌ বীরৌ সমবেতৌ মহারথৌ ।
নরনারায়ণৌ দেবৌ পূর্বদেবাবিতি শ্রুতিঃ ॥ 5-49-19 (33701)
অজেয়ৌ মানুষে লোকে সেন্দ্রৈরপি সুরাসুরৈঃ ।
এষ নারায়ণঃ কৃষ্ণঃ ফাল্গুনশ্চ নরঃ স্মৃতঃ।
নারায়ণো নরশ্চৈব সত্ৎবমেকং দ্বিধা কৃতম্ ॥ 5-49-20 (33702)
এতৌ হি কর্মণা লোকানশ্রুবাতেঽক্ষয়ান্ধ্রুবান্।
তত্রতত্রৈব জায়েতে যুদ্ধকালে পুনঃপুনঃ॥ 5-49-21 (33703)
তস্মাৎকর্মৈব কর্তব্যমিতি হোবাচ নারদঃ ।
এতদ্ধি সর্বমাচষ্ট বৃষ্ণিচক্রস্য বেদবিৎ ॥ 5-49-22 (33704)
শঙ্খচক্রগদাহস্তং যদা দ্রক্ষ্যসি কেশবম্।
পর্যাদদানং চাস্ত্রাণি ভীমধন্বানমর্জুনম্ ॥ 5-49-23 (33705)
সনাতনৌ মহাত্মানৌ কৃষ্ণাবেকরথে স্থিতৌ।
দুর্যোধন তদা তাত স্মর্তাসি বচনং মম ॥ 5-49-24 (33706)
নোচেদয়মভাবঃ স্যাৎকুরূণাং প্রত্যুপস্থিতঃ।
অর্থাচ্চ তাত ধর্মাচ্চ তব বুদ্ধিরুপপ্লুতা ॥ 5-49-25 (33707)
ন চেদ্গ্রহীষ্যসে বাক্যং শ্রোতামি সুবহূন্হতান্।
তবৈব হি মতং সর্বে কুরবঃ পর্যুপাসতে ॥ 5-49-26 (33708)
ত্রয়াণামেব চ মতং তত্ৎবমেকোঽনুমন্যসে।
রামেণ চৈব শপ্তস্য কর্ণস্য ভরতর্ষভ ॥ 5-49-27 (33709)
দুর্জাতেঃ সুতপুত্রস্য শকুনেঃ সৌবলস্য চ।
তথা ক্ষুদ্রস্য পাপস্য ভ্রাতুর্দুঃশাসনস্য চ ॥ 5-49-28 (33710)
কর্ণ উবাচ। 5-49-29x (3547)
নৈবমায়ুষ্মতা বাচ্যং যন্মামাত্থ পিতামহ ।
ক্ষত্রধর্মে স্থিতো হ্যস্মি স্বধর্মাদনপেয়িবান্ ॥ 5-49-29 (33711)
কিঞ্চান্যন্ময়ি দুর্বৃত্তং যেন মাং পরিগর্হসে।
ন হি মে বৃজিনং কিঞ্চিদ্ধার্তরাষ্ট্রা বিদুঃ ক্বচিৎ ॥ 5-49-30 (33712)
নাচরং বৃজিনং কিঞ্চিদ্ধার্তরাষ্ট্রস্য নিত্যশঃ ।
অহং হি পাণ্ডবান্সর্বান্হনিষ্যামি রণে স্থিতান্ ॥ 5-49-31 (33713)
প্রাগ্বিরুদ্ধৈঃ শমং সদ্ভিঃ কথং বা ক্রিয়তে পুনঃ।
রাজ্ঞো হি ধৃতরাষ্ট্রস্য সর্বং কার্যং প্রিয়ং ময়া।
তথা দুর্যোধনস্যাপি স হি রাজ্যে সমাহিতঃ ॥ 5-49-32 (33714)
বৈশম্পায়ন উবাচ। 5-49-33x (3548)
কর্ণস্য তু বচঃ শ্রুৎবা ভীষ্মঃ শান্তনবঃ পুনঃ।
ধৃতরাষ্ট্রং মহারাজমাভাষ্যেদং বচোঽব্রবীৎ ॥ 5-49-33 (33715)
যদয়ং কত্থতে নিত্যং হন্তাহং পাণ্ডবানিতি।
নায়ং কলাপি সংপূর্ণা পাণ্ডবানাং মহাত্মনাম্ ॥ 5-49-34 (33716)
অনয়ো যোয়মাগন্তা পুত্রাণাং তে দুরাত্মনাম্ ।
তদস্য কর্ম জানীহি সূতপুত্রস্য দুর্মতেঃ ॥ 5-49-35 (33717)
এতমাশ্রিত্য পুত্রস্তে মন্দবুদ্ধিঃ সুয়োধনঃ ।
অবামন্যত তান্বীরান্দেবপুত্রানরিন্দমান্ ॥ 5-49-36 (33718)
কিঞ্চাপ্যেতেন তৎকর্ম কৃতপূর্বং সুদুষ্করম্।
তৈর্যথা পাণ্ডবৈঃ সর্বৈরেকৈকেন কৃতং পুরা॥ 5-49-37 (33719)
দৃষ্ট্বা বিরাটনগরে ভ্রাতরং নিহতং প্রিয়ম্।
ধনঞ্জয়েন বিক্রম্য কিমনেন তদা কৃতম্ ॥ 5-49-38 (33720)
` সর্বে হ্যস্ত্রিবিদঃ শূরাঃ সর্বে প্রাপ্তা মহদ্যশঃ।
অপি সর্বামরৈশ্বর্যং ত্যজেয়ুর্ন পুনর্জয়ম্ ॥' 5-49-39 (33721)
সহিতান্হি কুরূন্সর্বানভিয়াতো ধনঞ্জয়ঃ।
প্রমথ্য চাচ্ছিনদ্বাসঃ কিময়ং প্রোষিতস্তদা ॥ 5-49-40 (33722)
গন্ধর্বৈর্ঘোষয়াত্রায়াং হ্রিয়তে যৎসুতস্তব।
ক্ব তদা সূতপুত্রোঽভূদ্য ইদানীং বৃষায়তে ॥ 5-49-41 (33723)
ননু তত্রাপি ভীমেন পার্থেন চ মহাত্মনা।
যমাভ্যামেব সংগম্য গন্ধর্বাস্তে পরাজিতাঃ ॥ 5-49-42 (33724)
এতান্যস্য মৃষোক্তানি বহূনি ভরতর্ষভ ।
বিকত্থনস্য ভদ্রং তে সদা ধর্মার্থলোপিনঃ ॥ 5-49-43 (33725)
বৈশম্পায়ন উবাচ। 5-49-44x (3549)
ভীষ্মস্য তু বচঃ শ্রুৎবা ভারদ্বাজো মহামতাঃ।
ধৃতরাষ্ট্রমুবাচেদং রাজমধ্যেঽভিপূজয়ন্॥ 5-49-44 (33726)
যদাহ ভরতশ্রেষ্ঠো ভীষ্মস্তৎক্রিয়তাং নৃপ ।
ন কামমবলিপ্তানাং বচনং কর্তুমর্হসি ॥ 5-49-45 (33727)
পুরা যুদ্ধাৎসাধু মন্যে পাণ্ডবৈঃ সহ সঙ্গতম্।
যদ্বাক্যমর্জুনেনোক্তং সঞ্জয়েন নিবেদিতম্ ॥ 5-49-46 (33728)
সর্বং তদভিজানামি করিষ্যতি চ পাণ্ডবঃ।
ন হ্যস্য ত্রিষু লোকেষু সদৃশোঽস্তি ধনুর্ধরঃ ॥ 5-49-47 (33729)
বৈশম্পায়ন উবাচ। 5-49-48x (3550)
অনাদৃত্য তু তদ্বাক্যমর্থবদ্দ্রোণভীষ্ময়োঃ।
ততঃ স সঞ্জয়ং রাজা পর্যপৃচ্ছত পাণ্ডবান্॥ 5-49-48 (33730)
তদৈব কুরবঃ সর্বে নিরাশা জীবিতেঽভবন্ ।
ভীষ্মদ্রোণৌ যদা রাজা ন সম্যগনুভাষতে ॥ ॥ 5-49-49 (33731)
ইতি শ্রীমন্মহাভারতে উদ্যোগপর্বণি যানসন্ধিপর্বণি একোনপঞ্চাশোঽধ্যায়ঃ ॥
Mahabharata - Udyoga Parva - Chapter Footnotes
5-49-16 আরুজৎ পীডিতবান্ ॥ 5-49-41 বৃষায়তে কর্ণো ভবতি ॥উদ্যোগপর্ব - অধ্যায় 050
॥ শ্রীঃ ॥
5.50. অধ্যায়ঃ 050
Mahabharata - Udyoga Parva - Chapter Topics
ধৃতরাষ্ট্রেণ পাণ্ডবানাং কিমুপজীবনেন রণোদ্যোগ ইতি পৃষ্টস্য সঞ্জয়স্য পাণ্ডবপ্রভাবানুস্মরণেন মূর্ছা ॥ 1 ॥ লব্ধসংজ্ঞেন সঞ্জয়েন পাণ্ডবানাং কৃষ্ণানুগৃহীতস্বসামর্থ্যেন রাজ্ঞাং সাহায়্যেন চ সমরোদ্যম ইতি কথনম্ ॥ 2 ॥Mahabharata - Udyoga Parva - Chapter Text
5-50-0 (33732)
ধৃতরাষ্ট্র উবাচ। 5-50-0x (3551)
কিমসৌ পাণ্ডবো রাজা ধর্মপুত্রোঽভ্যভাষত।
শ্রুৎবেহ বহুলাঃ সেনাঃ প্রীত্যর্থং নঃ সমাগতাঃ ॥ 5-50-1 (33733)
কিমসৌ চেষ্টতে সূত যোৎস্যমানো যুধিষ্ঠিরঃ।
কে বাস্য ভ্রাতৃপুত্রাণাং পশ্যন্ত্যাজ্ঞেপ্সবো সুখম্ ॥ 5-50-2 (33734)
কে স্বিদেনং বারয়ন্তি যুদ্ধাচ্ছাম্যেতি বা পুনঃ।
নিকৃত্যা কোপিতং মন্দৈর্ধর্মজ্ঞং ধর্মচারিণম্ ॥ 5-50-3 (33735)
সঞ্জয় উবাচ। 5-50-4x (3552)
রাজ্ঞো মুখমুদীক্ষন্তে পাঞ্চালাঃ পাণ্ডবৈঃ সহ।
যুধিষ্ঠিরস্য ভদ্রং তে স সর্বাননুশাস্তি চ ॥ 5-50-4 (33736)
পৃথগ্ভূতাঃ পাণ্ডবানাং পাঞ্চালানাং রথব্রজাঃ ।
আয়ান্তমভিনন্দন্তি কুন্তীপুত্রং যুধিষ্ঠিরম্ ॥ 5-50-5 (33737)
নভঃ সূর্যমিবোদ্যন্তং কৌন্তেয়ং দীপ্ততেজসম্।
পাঞ্চালাঃ প্রতিনন্দন্তি তেজোরাশিমিবোদিতম্ ॥ 5-50-6 (33738)
আগোপালাবিপালাশ্চ নন্দমানা যুধিষ্ঠিরম্ ।
পাঞ্চালাঃ কেকয়া মৎস্যাঃ প্রতিনন্দতি পাণ্ডবম্ ॥ 5-50-7 (33739)
ব্রাহ্মণ্যো রাজপুত্র্যশ্চ বিশাং দুহিতরশ্চ যাঃ।
ক্রীডন্ত্যোভিসমায়ান্তি পার্থং সন্নদ্ধমীক্ষিতুম্ ॥ 5-50-8 (33740)
ধৃতরাষ্ট্র উবাচ। 5-50-9x (3553)
সঞ্জয়াচক্ষ্ব যেনাস্মান্পাডবা অভ্যযুঞ্জত।
ধৃষ্টদ্যুম্নস্য সৈন্যেন সোমকানাং বলেন চ ॥ 5-50-9 (33741)
বৈশম্পায়ন উবাচ। 5-50-10x (3554)
গবল্গণিস্তু তৎপুষ্টঃ সভায়াং কুরুসংসদি।
নিঃশ্বস্য সুভৃশং দীর্ঘং মুহুঃ সঞ্চিন্তয়ন্নিব ॥ 5-50-10 (33742)
তত্রানিমিত্ততো বৈবাৎসুতং কশ্মলমাবিশৎ।
তদাচচক্ষে বিদুরঃ সভায়াং রাজসংসদি ॥ 5-50-11 (33743)
সঞ্জয়োঽয়ং মহারাজ মূর্ছিতঃ পতিতো ভুবি।
বাচং ন সৃজতে কাংচিদ্ধীনপ্রজ্ঞোঽল্পচেতনঃ ॥ 5-50-12 (33744)
ধৃতরাষ্ট্র উবাচ। 5-50-13x (3555)
অপশ্যৎসঞ্জয়ো নূনং কুন্তীপুত্রান্মহারথান্।
তৈরস্য পুরুষব্যাঘ্রৈর্ভৃশমুদ্বেজিতং মনঃ ॥ 5-50-13 (33745)
বৈশম্পায়ন উবাচ। 5-50-14x (3556)
সঞ্জয়শ্চেতনাং লব্ধ্বা প্রত্যাশ্বস্যেদভব্রবীৎ।
ধৃতরাষ্ট্রং মহারাজ সভায়াং কুরুসংসদি ॥ 5-50-14 (33746)
সঞ্জয় উবাচ। 5-50-15x (3557)
দৃষ্টবানস্মি রাজেন্দ্র কুন্তীপুত্রান্মহারথান্।
মৎস্যরাজগৃহাবাসনিরোধেনাবকর্শিতান্ ॥ 5-50-15 (33747)
শ্রৃণু র্যৈর্হি মহারাজ পাণ্ডবা অভ্যযুঞ্জত।
ধৃষ্টদ্যুম্নেন বীরেণ যুদ্ধে বস্তেঽভ্যযুঞ্জত ॥ 5-50-16 (33748)
যো নৈব রোপান্ন ভয়ান্ন লোভান্নার্থকারণাৎ।
ন হেতুবাদাদ্ধর্মাত্মা সত্যং জাহ্যাৎকদাচন ॥ 5-50-17 (33749)
যঃ প্রমাণং মহারাজ ধর্মে ধর্মভৃতাং বরঃ।
অজাতশত্রুণা তেন পাণ্ডবা অভ্যযুঞ্জত ॥ 5-50-18 (33750)
যস্য বাহুবলে তুল্যঃ পৃথিব্যাং নাস্তি কশ্চন।
যো বৈ সর্বান্মহীপালান্বশে চক্রে ধনুর্ধরঃ ।
যঃ কাশীনঙ্গমগধান্কলিঙ্গাংশ্চ যুধাজয়ৎ ॥ 5-50-19 (33751)
তেন বো ভীমসেনেন পাণ্ডবা অভ্যযুঞ্জত।
যস্য বীর্যেণ সহসা চৎবারো ভুবি পাণ্ডবাঃ ॥ 5-50-20 (33752)
নিঃসৃত্য জতুগেহাদ্বৈ হিডিম্বাৎপুরুষাদকাৎ।
যশ্চৈপামভবদ্দ্বীপঃ কুন্তীপুত্রো বৃকোদরঃ ॥ 5-50-21 (33753)
যাজ্ঞসেনীমথো যত্র সিন্ধুরাজোপকৃষ্টবান্।
তত্রৈষামভবদ্দ্বীপঃ কুন্তীপুত্রো বৃকোদরঃ ॥ 5-50-22 (33754)
যশ্চ তান্সঙ্গতান্সর্বান্পাণ্ডবান্বারণাবতে।
দহ্যতো মোচয়ামাস তেন বস্তেঽভ্যযুঞ্জত ॥ 5-50-23 (33755)
কৃষ্ণায়াং চরতা প্রীতিং যেন ক্রোধবশা হতাঃ ।
প্রবিশ্য বিষয়ং ঘোরং পর্বতং গন্ধমাদনম্ ॥ 5-50-24 (33756)
যস্য নাগায়ুতৈর্বীর্যং ভুজয়োঃ সারমর্পিতম্ ।
তেন বো ভীমসেনেন পাণ্ডবা অভ্যযুঞ্জত ॥ 5-50-25 (33757)
কৃষ্ণদ্বিতীয়ো বিক্রম্য তুষ্ট্যর্থং জাতবেদসঃ।
অজয়দ্যঃ পুরা বীরো যুধ্যমানং পুরন্দরম্ ॥ 5-50-26 (33758)
যঃ স সাক্ষান্মহাদেবং গিরিশং শৃলপাণিনম্ ।
তোপয়ামাস যুদ্ধেন দেবদেবমুপামপিম্ ॥ 5-50-27 (33759)
যশ্চ সর্বান্বশে চক্রে লোকপালান্ধনুর্ধরঃ।
তেন বো বিজয়েনাজৌ পাণ্ডবা অভ্যযুঞ্জত ॥ 5-50-28 (33760)
যঃ প্রতীচীং দিশং চক্রে বশে ম্লেচ্ছগণায়ুতাম্।
স তত্র নকুলো যোদ্ধা চিত্রয়োধী ব্যবস্থিতঃ ॥ 5-50-29 (33761)
তেন বো দর্শনীয়েন বীরেণাতিধনুর্ভৃতা ।
মাদ্রীপুত্রেণ কৌরব্য পাণ্ডবা অভ্যযুঞ্জত ॥ 5-50-30 (33762)
যঃ কাশীনঙ্গমগধান্কলিঙ্গাংশ্চ যুধাজয়ৎ।
তেন বঃ সহদেবেন পাণ্ডবা অভ্যযুঞ্জত ॥ 5-50-31 (33763)
যস্য বীর্যেণ সদৃশাশ্চৎবারো ভুবি মানবাঃ ।
অশ্বত্থামা ধৃষ্টকেতূ রুক্মী প্রদ্যুম্ন এব চ ॥ 5-50-32 (33764)
তেন বঃ সহদেবেন যুদ্ধং রাজন্মহাত্যযমঅ।
যবীয়সা নৃবীরেণ মাদ্রীনন্দিকরেণ চ ॥ 5-50-33 (33765)
তপশ্চচার যা ঘোরং কাশিকন্যা পুরা সতী।
ভীষ্মস্য বধমিচ্ছন্তী প্রেত্যাপি ভরতর্ষভ ॥ 5-50-34 (33766)
পাঞ্চালস্য সুতা জজ্ঞে দৈবাচ্চ স পুনঃ পুমান্ ।
স্ত্রীপুংসীঃ পুরুষব্যাঘ্র যঃ স বেদ গুণাগুণান্ ॥ 5-50-35 (33767)
.. কলিঙ্গান্সমাপেদে পাঞ্চাল্যো যুদ্ধদুর্মদঃ ।
শিখণ্ডিনা বঃ কুরবঃ কৃতাস্ত্রেণাভ্যযুঞ্জত ॥ 5-50-36 (33768)
যং যক্ষঃ পুরুষং চক্রে ভীষ্মস্য নিধনেচ্ছয়া।
মহেষ্বাসেন রৌদ্রেণ পাণ্ডবা অভ্যযুঞ্জত ॥ 5-50-37 (33769)
মহেষ্বাসা রাজপুত্রা ভ্রাতরঃ পঞ্চ কেকয়াঃ।
আমুক্তবচাঃ শূরাস্তৈশ্চ বস্তেঽভ্যযুঞ্জত ॥ 5-50-38 (33770)
যো দীর্ঘবাহুঃ ক্ষিপ্রাস্ত্রো ধৃতিমান্সত্যবিক্রমঃ ।
তেন বো বৃষ্ণিবীরেণ যুয়ুধানেন সঙ্গরঃ ॥ 5-50-39 (33771)
য আসীচ্ছরণং কালে পাণ্ডবানাং মহাত্মনাম্ ।
রণে তেন বিরাটেন ভবিতা বঃ সমাগমঃ ॥ 5-50-40 (33772)
যঃ স কাশিপতী রাজা বারাণস্যাং মহারথঃ ।
স তেষামভবদ্যোদ্ধা তেন বস্তেঽভ্যযুঞ্জত ॥ 5-50-41 (33773)
শিশুভির্দুর্জয়ৈঃ সঙ্খ্যে দ্রৌপদেয়ৈর্মহাত্মভিঃ ।
আশীবিষসমস্পর্শৈঃ পাণ্ডবা অভ্যযঞ্জত ॥ 5-50-42 (33774)
যঃ কৃষ্ণাসদৃশো বীর্যে যুধিষ্ঠিরসমো দমে।
তেনাভিমন্যুনা সঙ্খ্যে পাণ্ডবা অভ্যযুঞ্জত ॥ 5-50-43 (33775)
যশ্চৈবাপ্রতিমো বীর্যে ধৃষ্টকেতুর্মহায়শাঃ ।
দুঃসহঃ সমরে ক্রুদ্ধঃ শৈশুপালির্মহারথঃ ॥ 5-50-44 (33776)
তেন বশ্চেদিরাজেন পাণ্ডবা অভ্যযুঞ্জত ।
অক্ষৌহিণ্যা পরিবৃতঃ পাণ্ডবান্যোভিসংশ্রিতঃ ॥ 5-50-45 (33777)
যঃ সংশ্রয়ঃ পাণ্ডবানাং দেবানামিব বাসবঃ।
তেন বো বাসুদেবেন পাণ্ডবা অভ্যযুঞ্জত ॥ 5-50-46 (33778)
যথা চেদিপতের্ভ্রাতা শরভো ভরতর্ষভ।
করকর্ষেণ সহিতস্তাভ্যাং বস্তেঽভ্যযুঞ্জত ॥ 5-50-47 (33779)
তারাসন্ধিঃ সহদেবো জয়ৎসেনশ্চ তাবুভৌ ।
যুদ্ধে প্রতিরথে বীরৌ পাণ্ডবার্থে ব্যবস্থিতৌ ॥ 5-50-48 (33780)
দ্রুপদশ্চ মহাতেজা বলেন মহতা বৃতঃ।
ত্যক্তাত্মা পাণ্ডবার্থায় সোৎস্যমানো ব্যবস্থিতঃ॥ 5-50-49 (33781)
এতে চান্যে চ বহবঃ প্রাচ্যোদীচ্যা মহীক্ষিতঃ।
শতশো যানুপাশ্রিতা ধর্মরাজো ব্যবস্থিতঃ ॥ ॥ 5-50-50 (33782)
ইতি শ্রীমন্মহাভারতে উদ্যোগপর্বণি যানসন্ধিপর্বণি পঞ্চশোঽধ্যায়ঃ ॥
Mahabharata - Udyoga Parva - Chapter Footnotes
5-50-47 করকর্ষেণ করকর্ষসংজ্ঞেন ভ্রাত্রা ॥উদ্যোগপর্ব - অধ্যায় 051
॥ শ্রীঃ ॥
5.51. অধ্যায়ঃ 051
Mahabharata - Udyoga Parva - Chapter Topics
ধৃতরাষ্ট্রস্য সঞ্জয়াগ্রে ভীমসেনপ্রতাপানুস্মরণেন পরিশোচনম্ ॥ 1 ॥Mahabharata - Udyoga Parva - Chapter Text
5-51-0 (33783)
ধৃতরাষ্ট্র উবাচ। 5-51-0x (3558)
সর্ব এতে মহোৎসাহা যে ৎবয়া পরিকীর্তিতাঃ।
একতস্ৎবেব তে সর্বে সমেতা ভীম একতঃ ॥ 5-51-1 (33784)
ভীমসেনাদ্ধি মে ভূয়ো ভয়ং সঞ্জায়তে মহৎ।
ক্রুদ্ধাদমর্ষণাত্তাত ব্যাঘ্রাদিব মহারুরোঃ ॥ 5-51-2 (33785)
জাগর্মি রাত্রয়ঃ সর্বা দীর্ঘমুষ্ণং চ নিঃশ্বসন্।
ভীতো বৃকোদরাত্তাত সিংহাৎপশুরিবাপরঃ ॥ 5-51-3 (33786)
ন হি তস্য মহাবাহোঃ শক্রপ্রতিমতেজসঃ।
সৈন্যেঽস্মিন্প্রতিপশ্যামি য এনং বিষহেদ্যুধি ॥ 5-51-4 (33787)
অমর্ষণশ্চ কৌন্তেয়ো দৃঢবৈরশ্চ পাণ্ডবঃ ।
অনর্মহাসী সোন্মাদস্তির্যক্প্রেক্ষী মহাস্বনঃ ॥ 5-51-5 (33788)
মহাবেগো মহোৎসাহো মহাবাহুর্মহাবলঃ।
মন্দানাং মম পুত্রাণাং যুদ্ধেনান্তং করিষ্যতি ॥ 5-51-6 (33789)
উরুগ্রাহগৃহীতানাং গদাং বিভ্রদ্বৃকোদরঃ।
কুরূণামৃষভো যুদ্ধে দণ্ডপাণিরিবান্তকঃ॥ 5-51-7 (33790)
অষ্টাশ্রিমায়সীং ঘোরাং গদাং কাঞ্চনভূষণাম্ ।
মনসাহং প্রপশ্যামি ব্রহ্মদণ্ডমিবোদ্যতম্ ॥ 5-51-8 (33791)
যথা মৃগাণাং যূথেষু সিংহো জাতবলশ্চরেৎ।
মামকেষু তথা ভীমো বলেষু বিচরিষ্যতি ॥ 5-51-9 (33792)
সর্বেষাং মম পুত্রাণাং স একঃ ক্রূরবিক্রমঃ ।
বহ্বাশী বিপ্রতীপশ্চ বাল্যেপি রভসঃ সদা ॥ 5-51-10 (33793)
উদ্বেপতে মে হৃদয়ং যে মে দুর্যোধনাদয়ঃ।
বাল্যেঽপি তেন যুদ্ধ্যন্তো বারণেনেব মর্দিতাঃ ॥ 5-51-11 (33794)
তস্য বীর্যেণ সংক্লিষ্টা নিত্যমেব সুতা মম।
স এব হেতুর্ভেদস্য ভীমো ভীমপরাক্রমঃ ॥ 5-51-12 (33795)
গ্রসমানমনীকানি নরবারণবাজিনাম্।
পশ্যামীবাগ্রতো ভীমং ক্রোধমূর্ছিতমাহবে ॥ 5-51-13 (33796)
অস্ত্রে দ্রোণার্জুনসমং বায়ুবেগসমং জবে।
মহেশ্বরসমং ক্রোধে কো হন্যাদ্ভীমমাহবে ॥ 5-51-14 (33797)
সঞ্জয়াচক্ষ্ব মে শূরং ভীমসেনমমর্ষণম্ । 5-51-15b.......... যেঽহং যত্তেন রিপুঘাতিনা ।
..... সর্বে পুত্রাঃ মম মনস্বিনা ॥ 5-51-15 (33798)
যেন ভীমবলা যক্ষা রাক্ষসাশ্চ পুরা হতাঃ।
কথং তস্য রণে বেগং মানুষঃ প্রসহিষ্যতি ॥ 5-51-16 (33799)
ন স জাতু বশে তস্থৌ মম বাল্যেঽপি সঞ্জয় ।
কিং পুনর্মম দুষ্পুত্রৈঃ ক্লিষ্টঃ সংপ্রতি পাণ্ডবঃ ॥ 5-51-17 (33800)
নিষ্ঠুরো রোষণোঽত্যর্থং ভজ্যেতাপি ন সংনমেৎ।
তির্যক্প্রেক্ষীং সংহতভ্রূঃ কথং শাম্যেদ্বৃকোদরঃ ॥ 5-51-18 (33801)
শূরস্তথাঽপ্রতিবলো গৌরস্তাল ইবোন্নতঃ।
প্রমাণতো ভীমসেনঃ প্রাদেশেনাধিকোঽর্জুনাৎ ॥ 5-51-19 (33802)
জবেন বাজিনোঽত্যেতি বলেনান্ত্যেতি কুঞ্জরান্ ।
অব্যক্তজল্পী মধ্বক্ষো মধ্যমঃ পাণ্ডবো বলী ॥ 5-51-20 (33803)
ইতি বাল্যে শ্রুতঃ পূর্বং ময়া ব্যাসমুখাৎপুরা।
রূপতো বীর্যতশ্চৈব যাথাতথ্যেন পাণ্ডবঃ ॥ 5-51-21 (33804)
আয়সেন স দণ্ডেন রথন্নাগান্নরান্হয়ান্।
হনিষ্যতি রণে ক্রুদ্ধো রৌদ্রঃ ক্রূরপরাক্রমঃ ॥ 5-51-22 (33805)
অমর্ষী নিত্যসংরব্ধো ভীমঃ প্রহরতাং বরঃ।
ময়া তাত প্রতীপানি কুর্বন্পূর্বং বিমানিতঃ ॥ 5-51-23 (33806)
নিষ্কর্ণামায়সীং স্থূলাং সুপার্শ্বাং কাঞ্চনীং গদাম্ ।
শতঘ্নীং শতনির্হাদাং কথং শক্ষ্যন্তি মে সুতাঃ ॥ 5-51-24 (33807)
অপারমপ্লবাগাধং সমুদ্রং শরবেধনম্ ।
ভীমসেনময়ং দুর্গং তাত মন্দাস্তিতীর্ষবঃ॥ 5-51-25 (33808)
ক্রোশতো মে ন শ্রৃণ্বন্তি বালাঃ পণ্ডিতমানিনঃ ।
বিষমং ন হি মন্যন্তে প্রাপতং মধুদর্শিনঃ ॥ 5-51-26 (33809)
সংয়ুগে যে গমিষ্যন্তি নররূপেণ মৃত্যুনা।
নিয়তং চোদিতা ধাত্রা সিংহেনেব মহামৃগাঃ ॥ 5-51-27 (33810)
শৈক্যাং তাত চতুষ্কিষ্কুং ষডশ্রিমমিতৌজসম্।
প্রহিতাং দুঃখসংস্পর্শাং কথং শক্ষ্যন্তি মে সুতাঃ ॥ 5-51-28 (33811)
গদাং ভ্রাময়তস্তস্য ভিন্দতো হস্তিমস্তকান্।
সৃক্কিণী লেলিহানস্য বাষ্পমুৎসৃজতো মুহুঃ ॥ 5-51-29 (33812)
উদ্দিশ্য নাগান্পততঃ কুর্বতো ভৈরবান্রবান্।
প্রতীপং পততো মত্তান্কুঞ্জরান্প্রতি গর্জতঃ ॥ 5-51-30 (33813)
বিগাহ্য রথমার্গেষু বরানুদ্দিশ্য নিঘ্নতঃ ।
অগ্নেঃ প্রজ্বলিতস্যেব অপি মুচ্যেত মে প্রজা ॥ 5-51-31 (33814)
বীথীং কুর্বন্মহাবাহুর্দ্রাবয়ন্মম বাহিনীম্ ।
নৃত্যন্নিব গদাপাণির্যুগান্তং দর্শয়িষ্যতি ॥ 5-51-32 (33815)
প্রভিন্ন ইব মাতঙ্গঃ প্রভঞ্জন্পুষ্পিতান্দ্রুমান্।
প্রবেক্ষ্যতি রণে সেনাং পুত্রাণাং মে বৃকোদরঃ ॥ 5-51-33 (33816)
কুর্বন্রথান্বিপুরুষান্বিসারথিহয়ধ্বজান্ ।
আরুজন্পুরুষব্যাঘ্রো রথিনঃ সাদিনস্তথা ॥ 5-51-34 (33817)
গঙ্গাবেগ ইবানূপাংস্তীরজান্বিবিধান্দ্রুমান্।
প্রভঙ্ক্ষ্যতি রণে সেনাং পুত্রাণাং মম সঞ্জয় ॥ 5-51-35 (33818)
বধং নূনং গমিষ্যন্তি ভীমসেনভয়ার্দিতাঃ ।
মম পুত্রাশ্চ ভৃত্যাশ্চ রাজানশ্চৈব সঞ্জয় ॥ 5-51-36 (33819)
যেন রাজা মহাবীর্যঃ প্রবিশ্যান্তঃপুরং পুরা।
বাসুদেবসহায়েন জরাসন্ধো নিপাতিতঃ ॥ 5-51-37 (33820)
কৃৎস্নেয়ং পৃথিবী দেবী জরাসন্ধেন ধীমতা।
মাগধেন্দ্রেণ বলিনা বশে কৃৎবা প্রতাপিতা ॥ 5-51-38 (33821)
ভীষ্মপ্রতাপাৎকুরবো নয়েনান্ধকবৃষ্ণয়ঃ ।
যন্ন তস্য বশে জগ্মুঃ কেবলং দৈবমেব তৎ ॥ 5-51-39 (33822)
স গৎবা পাণ্ডুপুত্রেণ তরসা বাহুশালিনা।
অনায়ুধেন বীরেণ নিহতঃ কিং ততোঽধিকম্ ॥ 5-51-40 (33823)
দীর্ঘকালসমাসক্তং বিশমাশীবিষো যথা।
স মোক্ষ্যতি রণে তেজঃ পুত্রেষু মম সঞ্জয় ॥ 5-51-41 (33824)
মহেন্দ্র ইব বজ্রেণ দানবান্দেবসত্তমঃ ।
ভীমসেনো গদাপাণিঃ সূদয়িষ্যতি মে সুতান্ ॥ 5-51-42 (33825)
অবিষহ্যমনাবার্যং তীব্রবেগপরাক্রমম্ ।
পশ্যামীবাতিতাম্রাক্ষমাপতন্তং বৃকোদরম্ ॥ 5-51-43 (33826)
অগদস্যাপ্যধনুষো বিরথস্য বিবর্মণঃ ।
বাহুভ্যাং যুধ্যমানস্য কস্তিষ্ঠেদগ্রতঃ পুমান্ ॥ 5-51-44 (33827)
ভীষ্মো দ্রোণশ্চ বিপ্রোঽয়ং কৃপঃ শারদ্বতস্তথা।
জান্ত্যেতে যথৈবহং বীর্যজ্ঞস্তস্য ধীমতঃ ॥ 5-51-45 (33828)
আর্যব্রতং তু জানন্তঃ সঙ্গরান্তং বিধিৎসবঃ ।
সেনামুখেষু স্থাস্যন্তি মামকানাং নরর্ষভাঃ ॥ 5-51-46 (33829)
বলীয়ঃ সর্বতো দিষ্টং পুরুষস্য বিশেষতঃ।
পশ্যন্নপি জয়ং তেষাং ন নিয়চ্ছামি যৎসুতান্ ॥ 5-51-47 (33830)
তে পুরাণং মহেষ্বাসা মার্গমৈন্দ্রং সমাস্থিতাঃ।
ত্যক্ষ্যন্তি তুমুলে প্রাণান্রক্ষন্তঃ পার্থিবং যশঃ ॥ 5-51-48 (33831)
যথৈষাং মামকাস্তাত তথৈষাং পাণ্ডবা অপি।
পৌত্রা ভীষ্মস্য শিষ্যাশ্চ দ্রোণস্য চ কৃপস্য চ ॥ 5-51-49 (33832)
যে ৎবস্মদাশ্রয়ং কিঞ্চিদ্দত্তমিষ্টং চ সঞ্জয়।
তস্যাপচিতিমার্যৎবাৎকর্তারঃ স্থবিরাস্ত্রয়ঃ ॥ 5-51-50 (33833)
আদদানস্য শস্ত্রং হি ক্ষত্রধর্মং পরীপ্সতঃ।
নিধনং ক্ষত্রিয়স্যাজৌ বরমেবাদ্দুরুত্তমম্ ॥ 5-51-51 (33834)
স বৈ শোচামি সর্বান্বৈ যে যুয়ুৎসন্তি পাণ্ডবৈঃ ।
বিক্রুষ্টং বিদুরোণাদৌ তদেতদ্ভয়মাগতম্ ॥ 5-51-52 (33835)
ন তু মন্যে বিঘাতায় জ্ঞানং দুঃখস্য সঞ্জয় ।
ভবত্যতিবলং হ্যেতজ্জ্ঞানস্যাপ্যুপঘাতকম্ ॥ 5-51-53 (33836)
ঋষয়ো হ্যপি নির্মুক্তাঃ পশ্যন্তো লোকসঙ্গ্রহান্।
সুখৈর্ভবন্তি সুখিনস্তথা দুঃখেন দুঃখিতাঃ ॥ 5-51-54 (33837)
কিং পুনর্মোহমাসক্তস্তত্র তত্র সহস্রধা।
পুত্রেষু রাজ্যদারেষু পৌত্রেষ্বপি চ বন্ধুষু ॥ 5-51-55 (33838)
সংশয়ে তু মহত্যস্মিন্কিং নু মে ক্ষমমুত্তরম্।
বিনাশং হ্যেব পশ্যামি কুরূণামনুচিন্ততয়ন্ ॥ 5-51-56 (33839)
দ্যূতপ্রমুখমাভাতি কুরূণাং ব্যসনং মহৎ।
মন্দেনৈশ্বর্যকামেন লোভাৎপাপমিদং কৃতম্ ॥ 5-51-57 (33840)
মন্যে পর্যায়ধর্মোঽয়ং কালস্যাত্যন্তগামিনঃ।
চক্রে প্রধিরিবাসক্তো নাস্য শক্যং পলায়িতুম্ ॥ 5-51-58 (33841)
কিং নু কুর্যাং কথং কুর্যাং ক্ব নু গচ্ছামি সঞ্জয় ।
এতে নশ্যন্তি কুরবো মন্দাঃ কালবশং গতাঃ ॥ 5-51-59 (33842)
অবশোঽহং তদা তাত পুত্রাণাং নিহতে শতে।
শ্রোষ্যামি নিনদং স্ত্রীণাং কথং মাং মরণং স্পৃশেৎ ॥ 5-51-60 (33843)
যথা নিদাঘে জ্বলনঃ সমদ্ধো
দহেৎকক্ষং বায়ুনা চোদ্যমানঃ ।
গদাহস্তঃ পাণ্ডবো বৈ তথৈব
হন্তা মদীয়ান্সহিতোঽর্জুনেন ॥ ॥ 5-51-61 (33844)
ইতি শ্রীমন্মহাভারতে উদ্যোগপর্বণি যানসন্ধিপর্বণি একপঞ্চাশোঽধ্যায়ঃ ॥
Mahabharata - Udyoga Parva - Chapter Footnotes
5-51-7 উরুগ্রাহঃ মহানির্বন্ধস্তেন গৃহীতানাং বশীকৃতানাম্ ॥ 5-51-10 রভসঃ বেগবান্ ॥ 5-51-21 পুরা পুরাণম্ ॥ 5-51-24 নিষ্কর্ণাং অবক্রাম্। শতনির্হ্রাদাং মহাশব্দবতীম্ ॥ 5-51-28 শৈক্যাং শিক্যস্থাম্ ॥ 5-51-35 অনূপান্ সজলদেশে স্থিতান্ ॥ 5-51-44 অগদস্য গদাহীনস্য ॥ 5-51-58 পর্যায়ধর্মঃ বিপরীতধর্মঃ। প্রধির্নেমিঃ। অস্য কালবশস্য । তৃতীয়ার্থে ষষ্ঠী ॥উদ্যোগপর্ব - অধ্যায় 052
॥ শ্রীঃ ॥
5.52. অধ্যায়ঃ 052
Mahabharata - Udyoga Parva - Chapter Topics
ধৃতরাষ্ট্রেণ অর্জুনপ্রতাপানুবর্ণনপূর্বকং পরিশোচনম্ ॥ 1 ॥Mahabharata - Udyoga Parva - Chapter Text
5-52-0 (33845)
ধৃতরাষ্ট্র উবাচ। 5-52-0x (3559)
যস্য বৈ নানৃতা বাচঃ কদাচিদনুশুশ্রুম ।
ত্রৈলোক্যমপি তস্য স্যাদ্যোদ্ধা যস্য ধনঞ্জয়ঃ ॥ 5-52-1 (33846)
তস্যৈব চ ন পশ্যামি যুধি গাণ্ডীবধন্বনঃ।
অনিশং চিন্তয়ানোঽপি যঃ প্রতীয়াদ্রথেন তম্ ॥ 5-52-2 (33847)
অস্যতঃ কর্ণিনালীকান্মার্গণান্হৃদয়চ্ছিদঃ।
প্রত্যেতা ন সমঃ কশ্চিদ্যুধি গাণ্ডীবধন্বনঃ ॥ 5-52-3 (33848)
দ্রোণাকর্ণৌ প্রতীয়াতাং যদি বীরৌ নরর্ষভৌ ।
কৃতাস্ত্রৌ বলিনাং শ্রেষ্ঠৌ সমরেষ্বপরাজিতৌ ॥ 5-52-4 (33849)
মহান্স্যাৎসংশয়ো লোকে ন ৎবস্তি বিজয়ো মম।
ঘৃণী কর্ণঃ প্রমাদী চ আচার্যঃ স্থবিরো গুরুঃ ॥ 5-52-5 (33850)
সমর্থো বলবান্পার্থো দৃঢধন্বা জিতক্লমঃ ।
ভবেৎসুতুমুলং যুদ্ধং সর্বশোঽপ্যপরাজয়ঃ ॥ 5-52-6 (33851)
সর্বে হ্যস্ত্রবিদঃ শূরাঃ সর্বে প্রাপ্তা মহদ্যশঃ ।
অপি সর্বামরৈশ্বর্যং ত্যজেয়ুর্ন পুনর্জয়ম্ ॥ 5-52-7 (33852)
বধে নূনং ভবেচ্ছান্তিস্তয়োর্বা ফাল্গুনস্য চ।
ন তু হন্তার্জুনস্যাস্তি জেতা চাস্য ন বিদ্যতে ॥ 5-52-8 (33853)
মন্যুস্তস্য কথং শাম্যেন্মন্দান্প্রতি য উত্থিতঃ ।
অন্যেঽপ্যস্ত্রাণি জানন্তি জীয়ন্তে চ জয়ন্তি চ।
একান্তবিজয়স্ৎবেব শ্রূয়তে ফাল্গুনস্য হ ॥ 5-52-9 (33854)
ত্রয়স্ত্রিংশৎসমাহূয় খাণ্ডবেঽগ্নিমতর্পয়ৎ।
জিগায় চ সুরান্সর্বান্নাস্য বিদ্মঃ পরাজয়ম্ ॥ 5-52-10 (33855)
যস্য যন্তা হৃষীকেশঃ শীলবৃত্তসমো যুধি।
ধ্রুবস্তস্য জয়স্তাত যথেন্দ্রস্য জয়স্তথা ॥ 5-52-11 (33856)
কৃষ্ণাবেকরথে যত্তাবধিজ্যং গাণ্ডিবং ধনুঃ।
যুগপত্রীণি তেজাংসি সমেতান্যনুশুশ্রুম ॥ 5-52-12 (33857)
নৈবাস্তি নো ধনুস্তদৃঙ্ব যোদ্ধা ন চ সারথিঃ ।
তচ্চ মন্দা ন জানন্তি দুর্যোধনবশানুগাঃ । 5-52-13 (33858)
শেষয়েদশনির্দীপ্তো বিপতন্মূর্ধ্নি সঞ্জয়।
ন তু শেষং শরাস্তাত কুর্যুরস্তাঃ কিরীটিনা ॥ 5-52-14 (33859)
অপি চাস্যন্নিবাভাতি নিঘ্নন্নিব ধনঞ্জয়ঃ ।
উদ্ধরন্নিব কায়েভ্যঃ শিরাংসি শরবৃষ্টিভিঃ ॥ 5-52-15 (33860)
অপি বাণময়ং তেজঃ প্রদীপ্তমিব সর্বতঃ ।
গাণ্ডীবোত্থং দহেতাজৌ পুত্রাণাং মম বাহিনী ॥ 5-52-16 (33861)
অপি সা রথঘোষেণ ভয়ার্তা সব্যসাচিনঃ ।
বিত্রস্তা বহুধা সেনা ভারতী প্রতিভাতি মে ॥ 5-52-17 (33862)
যথা কক্ষং মহানগ্নিঃ প্রদহেৎসর্বতশ্চরন্।
মহার্চিরনিলোদ্ধূতস্তদ্বদ্ধক্ষ্যতি মামকান্ ॥ 5-52-18 (33863)
যদোদ্বমন্নিশিতান্বাণসঙ্ঘাং-
স্তানাততায়ী সমরে কিরীটী।
সৃষ্টোঽন্তকঃ সর্বহরো বিধাত্রা
যথা ভবেত্তদ্বদপারণীয়ঃ ॥ 5-52-19 (33864)
যদা হয়ভীক্ষ্ণং সুবুহূন্প্রকারান্
শ্রোতাস্মি তানাবসথে কুরূণাম্।
তেষাং সমন্তাচ্চ তথা রণাগ্রে
ক্ষয়ঃ কিলায়ং ভরতানুপৈতি ॥ ॥ 5-52-20 (33865)
ইতি শ্রীমন্মহাভারতে উদ্যোগপর্বণি যানসন্ধিপর্বণি দ্বিপঞ্চাশোঽধ্যায়ঃ ॥
Mahabharata - Udyoga Parva - Chapter Footnotes
5-52-5 প্রমাদী অন্তে বিদ্যাং ন স্মরিষ্যতীতি ভাবঃ ॥ 5-52-14 অস্তাঃ ক্ষিপ্তাঃ ॥উদ্যোগপর্ব - অধ্যায় 053
॥ শ্রীঃ ॥
5.53. অধ্যায়ঃ 053
Mahabharata - Udyoga Parva - Chapter Topics
ধৃতরাষ্ট্রেণ কুরূন্প্রতি পাণ্ডবানাং বলবৎসহায়সংপন্নৎবাদিগুণসমৃদ্ধিকথনপূর্বকং শান্ত্যর্থং স্বেন প্রয়তনাভিধানম্ ॥ 1 ॥Mahabharata - Udyoga Parva - Chapter Text
5-53-0 (33866)
ধৃতরাষ্ট্র উবাচ। 5-53-0x (3560)
যথৈব পাণ্ডবাঃ সর্বে পরাক্রান্তা জিগীষবঃ।
তথৌভিসরাস্তেষাং ত্যক্তাত্মানো জয়ে ধৃতাঃ ॥ 5-53-1 (33867)
......হি পরাক্রান্তানাচক্ষীথাঃ পরান্মম।
পাঞ্চালান্কেকয়ান্মৎস্যান্মাগধান্বৎসভূমিপান্॥ 5-53-2 (33868)
যশ্চ সেন্দ্রানিমাঁল্লোকানিচ্ছন্কুর্যাদ্বশে বলী।
স স্রষ্টা জগতঃ কৃষ্ণঃ পাণ্ডবানাং জয়ে ধৃতঃ ॥ 5-53-3 (33869)
সমস্তামর্জুনাদ্বিদ্যাং সাত্যকিঃ ক্ষিপ্রমাপ্তবান্।
শৈনেয়ঃ সমরে স্থাতা বীজবৎপ্রবপঞ্শরান্ ॥ 5-53-4 (33870)
ধৃষ্টদ্যুম্নশ্চ পাঞ্চাল্যঃ ক্রূরকর্মা মহারথঃ ।
মামকেষু রণং কর্তা বলেষু পরমাস্ত্রবিৎ ॥ 5-53-5 (33871)
যুধিষ্ঠিরস্য চ ক্রোধাদর্জুনস্য চ বিক্রমাৎ।
ময়াভ্যাং ভীমসেনাচ্চ ভয়ং মে তাত জায়তে ॥ 5-53-6 (33872)
অমানুষং মনুষ্যেন্দ্রৈর্জালং বিততমন্তরা ।
ন মে সৈন্যাস্তরিষ্যন্তি ততঃ ক্রোশামি সঞ্জয় ॥ 5-53-7 (33873)
দর্শনীয়ো মনস্বী চ লক্ষ্মীবান্ব্রহ্মবর্চসী।
মেধাবী সুকৃতপ্রজ্ঞো ধর্মাত্মা পাণ্ডুনন্দনঃ ॥ 5-53-8 (33874)
মিত্রামাত্যৈঃ সুসংপন্নঃ সংপন্নো যুদ্ধয়োজকৈঃ ।
ভ্রাতৃভিঃ শ্বশুরৈর্বীরৈরুপপন্নো মহারথৈঃ ॥ 5-53-9 (33875)
ধৃত্যা চ পুরুষব্যাঘ্রো নৈভৃত্যেন চ পাণ্ডবঃ।
অনুশংসো বদান্যশ্চ হীমান্সত্যপরাক্রমঃ ॥ 5-53-10 (33876)
বহুশ্রুতঃ কৃতাত্মা চ বৃদ্ধসেবী জিতেন্দ্রিয়ঃ ।
তং সর্বগুণসংপন্নং সমিদ্ধমিব পাবকম্ ॥ 5-53-11 (33877)
তপন্তমভি কো মন্দঃ পতিষ্যতি পতঙ্গবৎ।
পাণ্ডবাগ্নিমনাবার্যং মুমূর্ষুর্নষ্টচেতনঃ ॥ 5-53-12 (33878)
তনুরুচ্চঃ শিখী রাজা মিথ্যোপচরিতো ময়া।
মন্দানাং মম পুত্রাণাং যুদ্ধেনান্তং করিষ্যতি ॥ 5-53-13 (33879)
তৈরয়ুদ্ধং সাধু মন্যে কুরবস্তন্নিবোধত।
যুদ্ধে বিনাশঃ কৃৎস্নস্য কুলস্য ভবিতা ধ্রুবম্ ॥ 5-53-14 (33880)
এষা মে পরমা বুদ্ধির্যযা শাম্যতি মে মনঃ ।
যদি ৎবয়ুদ্ধমিষ্টং বো বয়ং শান্ত্যৈ যতামহে ॥ 5-53-15 (33881)
ন তু নঃ ক্লিশ্যমানানামুপেক্ষেত যুধিষ্ঠিরঃ।
জুগুপ্সতি হ্যধর্মেণ মামেবোদ্দিশ্য কারণম্ ॥ ॥ 5-53-16 (33882)
ইতি শ্রীমন্মহাভারতে উদ্যোগপর্বণি যানসন্ধিপর্বণি ত্রিপঞ্চাশোঽধ্যায়ঃ ॥
Mahabharata - Udyoga Parva - Chapter Footnotes
5-53-1 অভিসরাঃ পুরোগাঃ ॥ 5-53-10 নৈভৃত্যেন মন্ত্রগুপ্ত্যা ॥উদ্যোগপর্ব - অধ্যায় 054
॥ শ্রীঃ ॥
5.54. অধ্যায়ঃ 054
Mahabharata - Udyoga Parva - Chapter Topics
সঞ্জয়েন পাণ্ডবেষু জয়সাধনসামগ্রীমভিধায় তেষু ধার্তরাষ্ট্রকৃতাপকারনুস্মারণপূর্বকং ধৃতরাষ্ট্রগর্হণম্ ॥ 1 ॥Mahabharata - Udyoga Parva - Chapter Text
5-54-0 (33883)
সঞ্জয় উবাচ। 5-54-0x (3561)
এবমেতন্মহারাজ যথাবদসি ভারত।
যুদ্ধে বিনাশঃ ক্ষত্রস্য গাণ্ডীবেন প্রদৃশ্যতে॥ 5-54-1 (33884)
ইদং তু নাভিজানামি তব ধীরস্য নিত্যশঃ।
যৎপুত্রবশমাগচ্ছেস্তত্ৎবজ্ঞঃ সব্যসাচিনঃ ॥ 5-54-2 (33885)
নৈষ কালো মহারাজ তব শশ্বৎকৃতাগসঃ।
ৎবয়া হ্যেবাদিতঃ পার্থা নিকৃতা ভরতর্ষভ ॥ 5-54-3 (33886)
পিতা শ্রেষ্ঠঃ সুহৃদ্যশ্চ সম্যক্প্রণিহিতাত্মবান্।
আস্থেয়ং হি হিতং তেন ন দ্রোগ্ধা গুরুরুচ্যতে ॥ 5-54-4 (33887)
ইদং জিতমিদং লব্ধমিতি শ্রুৎবা পরাজিতান্।
দ্যূতকালে মহারাজ স্মরসে স্ম কুমারবৎ ॥ 5-54-5 (33888)
পরুষাণ্যুচ্যমানাংশ্চ পুরা পার্থানুপেক্ষসে।
কৃৎস্নং রাজ্যং জয়ন্তীতি প্রপাতং নানুপশ্যসি ॥ 5-54-6 (33889)
পিত্র্যং রাজ্যং মহারাজ কুরবস্তে সজাঙ্গলাঃ।
অথ বীরৈর্জিতামুর্বীমখিলাং প্রত্যপদ্যথাঃ॥ 5-54-7 (33890)
বাহুবীর্যার্জিতা ভূমিস্তব পার্থৈর্নিবেদিতা।
ময়েদং কৃতমিত্যেব মন্যসে রাজসত্তম॥ 5-54-8 (33891)
গ্রস্তান্গন্ধর্বরাজেন মজ্জতো হ্যপ্লবেঽম্ভসি।
আনিনায় পুনঃ পার্থঃ পুত্রাংস্তে রাজসত্তম ॥ 5-54-9 (33892)
কুমারবচ্চ স্ময়সে দ্যূতে বিনিকৃতেষু যৎ।
পাণ্ডবেষু বনে রাজন্প্রব্রজৎসু পুনঃপুনঃ ॥ 5-54-10 (33893)
প্রবর্ষতঃ শরব্রাতানর্জুনস্য শিতান্বহূন্।
অপ্যর্ণবা বিশুষ্যেয়ুঃ কিং পুনর্মাসয়োনয়ঃ ॥ 5-54-11 (33894)
অস্যতাং ফাল্গুনঃ শ্রেষ্ঠো গাণ্ডীবং ধনুষাং বরম্।
কেশবঃ সর্বভূতানামায়ুধানাং সুদর্শনম্ ।
বানরো রোচমানশ্চ কেতুঃ কেতুমতাং বরঃ ॥ 5-54-12 (33895)
এবমেতানি স রথো বহতে সহ যো রণে।
ক্ষপয়িষ্যতি নো রাজন্কালচক্রমিবোদ্যতম্ ॥ 5-54-13 (33896)
তস্যাদ্য বসুধা রাজন্নিখিলা ভরতর্ষভ।
যস্য ভীমার্জিনৌ যোধৌ স রাজা রাজসত্তম ॥ 5-54-14 (33897)
তথা ভীমহতপ্রায়াং মঞ্জন্তীং তব বাহিনীম্ ।
দুর্যোধনমুখা দৃষ্ট্বা ক্ষয়ং যাস্যন্তি কৌরবাঃ ॥ 5-54-15 (33898)
ন ভীমার্জুনয়োর্ভীতা লপ্স্যন্তে বিজয়ং বিভো।
তব পুত্রা মহারাজ রাজানশ্চানুসারিণঃ ॥ 5-54-16 (33899)
মৎস্যাস্ৎবামদ্য নার্চন্তি পঞ্চালাশ্চ সকেকয়াঃ।
সাল্বেয়াঃ শূরসেনাশ্চ সর্বে ৎবামবজানতে ॥ 5-54-17 (33900)
পার্থং হ্যেতে গতাঃ সর্বে বীর্যজ্ঞাস্তস্য ধীমতঃ।
ভক্ত্যা হ্যস্য বিরুধ্যন্তে তব পুত্রৈঃ সদৈব তে ॥ 5-54-18 (33901)
অনর্হানেব তু বধে ধর্ময়ুক্তান্বিকর্মণা।
যোঽক্লেশয়ৎপাণ্ডুপুত্রান্যো বিদ্বেষ্ট্যধুনাপি বৈ ॥ 5-54-19 (33902)
সর্বোপায়ৈর্নিয়ন্তব্যঃ সানুগঃ পাপপুরুষঃ।
তব পুত্রো মহারাজ নানুশোচিতুমর্হসি ॥ 5-54-20 (33903)
অপরোহং মহারাজ সাক্ষাচ্চৈনং ব্রবীম্যহম্।
দ্যূতকালে ময়া চোক্তং বিদুরেণ চ ধীমতা ॥ 5-54-21 (33904)
যদিদং তে বিলপিতং পাণ্ডবান্প্রতি ভারত।
অনীশেনৈব রাজেন্দ্র সর্বমেতন্নিরর্থকম্ ॥ ॥ 5-54-22 (33905)
ইতি শ্রীমন্মহাভারতে উদ্যোগপর্বণি যানসন্ধিপর্বণি চতুঃপঞ্চাশোঽধ্যায়ঃ ॥
Mahabharata - Udyoga Parva - Chapter Footnotes
5-54-3 এষ কালঃ কলনাবুদ্ধিস্তব নৈব স্থাস্যতি ॥ 3 ।উদ্যোগপর্ব - অধ্যায় 055
॥ শ্রীঃ ॥
5.55. অধ্যায়ঃ 055
Mahabharata - Udyoga Parva - Chapter Topics
দুর্যোধনেন ধৃতরাষ্ট্রংপ্রতি কৃষ্ণাদিভিঃ কুরুসমুচ্ছেদপ্রতিজ্ঞাপূর্বকপাণ্ডবসমাশ্বাসনশ্রবণচকিতায় স্বস্মৈ ভীষ্মাদিভিরভয়প্রদানকথনম্ ॥ 1 ॥ তথা স্বপরপক্ষয়োঃ বলাবলনিরূপণপূর্বকং ধৃতরাষ্ট্রংপ্রতি সমাশ্বাসনম্ ॥ 2 ॥Mahabharata - Udyoga Parva - Chapter Text
5-55-0 (33906)
দুর্যোধন উবাচ। 5-55-0x (3562)
ন ভেতব্যং মহারাজ ন শোচ্যা ভবতাং বয়ম্।
সমর্থাঃ স্ম পরাঞ্জেতুং বলিনঃ সমরে বিভো ॥ 5-55-1 (33907)
বনে প্রব্রাজিতান্পার্থান্যদায়ান্মধুসূদনঃ ।
মহতা বলচক্রেণ পররাষ্ট্রাবমর্দিনা ॥ 5-55-2 (33908)
কেকয়া ধৃষ্টকেতুশ্চ ধৃষ্টদ্যুম্নশ্চ পার্ষত।
রাজানশ্চান্বয়ুঃ পার্থান্বহবোঽন্যেঽনুয়ায়িনঃ ॥ 5-55-3 (33909)
ইন্দ্রপ্রস্থস্য চাদূরাৎসমাজগ্মুর্মহারথাঃ ।
ব্যগর্হয়ংশ্চ সংগম্য ভবন্তং কুরুভিঃ সহ ॥ 5-55-4 (33910)
তে যুধিষ্ঠিরমাসীনমজিনৈঃ প্রতিবাসিতম্।
কৃষ্ণপ্রধানাঃ সংহত্য পর্যুপাসন্ত ভারত ॥ 5-55-5 (33911)
প্রত্যাদনং চ রাজ্যস্য কার্যমূচুর্নরাধিপাঃ ।
ভবতঃ সানুবন্ধস্য সমুচ্ছেদং চিকীর্ষবঃ॥ 5-55-6 (33912)
শ্রুৎবা চৈবং ময়োস্তাস্তু ভীষ্মদ্রোণকৃপাস্তদা।
জ্ঞাতিক্ষয়ভয়াদ্রাজন্ভীতেন ভরতর্ষভ ॥ 5-55-7 (33913)
ততঃ স্থাস্যন্তি সময়ে পাণ্ডবা ইতি মে মতিঃ।
সমুচ্ছেদং হি নঃ কৃৎস্নং বাসুদেবশ্চিকীর্ষতি ॥ 5-55-8 (33914)
ঋতে চ বিদুরাৎসর্বে যূয়ং বধ্যা মতা মম।
ধৃতরাষ্ট্রস্তু ধর্মজ্ঞো ন বধ্যঃ কুরুসত্তমঃ॥ 5-55-9 (33915)
সমুচ্ছেদং চ কৃৎস্নং নঃ কৃৎবা তাত জনার্দনঃ।
একরাজ্যং কুরূণাং স্ম চিকীর্ষতি যুধিষ্ঠিরে ॥ 5-55-10 (33916)
তত্র কিং প্রাপ্তকালং নঃ প্রণিপাতঃ পলায়নম্।
প্রাণান্বা সংপরিত্যজ্য প্রতিয়ুধ্যামাহে পরান্ ॥ 5-55-11 (33917)
প্রতিয়ুদ্ধে তু নিয়তঃ স্যাদস্মাকং পরাজয়ঃ।
যুধিষ্ঠিরস্য সর্বে হি পার্থিবা বশবর্তিনঃ ॥ 5-55-12 (33918)
বিরক্তরাষ্ট্রাশ্চ বয়ং মিত্রাণি কুপিতানি নঃ।
ধিক্কৃতাঃ পার্থিবৈঃ সর্বৈঃ স্বজনেন চ সর্বশঃ ॥ 5-55-13 (33919)
প্রণিপাতে ন দোষোস্তি সন্ধির্নঃ শাশ্বতীঃ সমাঃ।
পিতরং ৎবেব শোচামি প্রজ্ঞানেত্রং জনাধিপম্ ॥ 5-55-14 (33920)
মৎকৃতে দুঃখমাপন্নং ক্লেশং প্রাপ্তমনন্তকম্।
কৃতং হি তব পুত্রৈশ্চ পরেষামবরোধনম্ ।
মৎপ্রয়ার্থং পুরৈবৈতদ্বিদিতং তে নরোত্তম ॥ 5-55-15 (33921)
তে রাজ্ঞো ধৃতরাষ্ট্রস্য সামাত্যস্য মহারথাঃ ।
বৈরং প্রতিকরিষ্যন্তি কুলোচ্ছেদেন পাণ্ডবাঃ ॥ 5-55-16 (33922)
ততো দ্রোণোঽব্রবীদ্ভীষ্মঃ কৃপো দ্রৌণিশ্চ ভারত।
মৎবা মাং মহতীং চিন্তামাস্থিতংব্যথিতেন্দ্রিয়ং ॥ 5-55-17 (33923)
অভিদ্রুগ্ধাঃ পরে চেন্নো ন ভেতব্যং পরন্তপ।
অসমর্থাঃ পরে জেতুমস্মান্যুধি সমাস্থিতান্ ॥ 5-55-18 (33924)
একৈকশঃ সমর্থাঃ স্মো বিজেতুং সর্বপার্থিবান্।
আগচ্ছন্তু বিনেষ্যামো দর্পমেষাং শিতৈঃ শরৈঃ ॥ 5-55-19 (33925)
পুরৈকেন হি ভীষ্মেণ বিজিতাঃ সর্বপার্থিবাঃ।
মৃতে পিতর্যতিক্রুদ্ধো রথেনৈকেন ভারত॥ 5-55-20 (33926)
জঘান সুবহূংস্তেষাং সংরব্ধঃ কুরুসত্তমঃ।
ততস্তে শরণং জগ্মুর্দেবব্রতমিমং ভয়াৎ॥ 5-55-21 (33927)
স ভীষ্মঃ সুসমর্থোঽয়মস্মাভিঃ সহিতো রণে।
পরান্বিজেতুং তস্মাত্তে ব্যেতু ভীর্ভরতর্ষভ ॥ 5-55-22 (33928)
ইত্যেষাং নিশ্চয়ো হ্যাসীত্তৎকালেঽমিততেজসাম্।
পুরা তেষাং পৃথিবী কৃৎস্নাসীদ্বশবর্তিনী ॥ 5-55-23 (33929)
অস্মান্পুনরমী নাদ্য সমর্থা জেতুমাহবে।
ছিন্নপক্ষাঃ পরে হ্যদ্য বীর্যহীনাশ্চ পাণ্ডবাঃ ॥ 5-55-24 (33930)
অস্মৎসংস্থা চ পৃথিবী বর্ততে ভরতর্ষভ।
একার্থাঃ সুখদুঃখেষু সমানীতাশ্চ পার্থিবাঃ ॥ 5-55-25 (33931)
অপ্যগ্নিং প্রবিশেয়ুস্তে সমুদ্রং বা পরন্তপ।
মদর্থং পার্থিবাঃ সর্বে তদ্বিদ্ধি কুরুসত্তম॥ 5-55-26 (33932)
উন্মত্তমিব চাপি ৎবাং প্রহসন্তীহ দুঃখিতম্।
বিলপন্তং বহুবিধং ভীতং পরবিকত্থনে॥ 5-55-27 (33933)
এষাং হ্যেকৈকশো রাজ্ঞাং সমর্থং পাণ্ডবান্প্রতি ।
আত্মানং মন্যতে সর্বো ব্যেতু তে ভয়মাগতম্ ॥ 5-55-28 (33934)
জেতুং সমগ্রাং সেনাং মে বাসবোঽপি ন শক্নুয়াৎ।
হন্তুমক্ষয়্যরূপেয়ং ব্রহ্মণোঽপি স্বয়ংভুবঃ ॥ 5-55-29 (33935)
যুধিষ্ঠিরঃ পুরং হিৎবা পঞ্চগ্রামান্স যাচতে।
ভীতো হি মামকাৎসৈন্যাৎপ্রভাবাচ্চৈব মে বিভো ॥ 5-55-30 (33936)
সমর্থং মন্যসে যচ্চ কুন্তীপুত্রং বৃকোদরম্।
তন্মিথ্যা ন হি মে কৃৎস্নং প্রভাবং বেৎসি ভারত ॥ 5-55-31 (33937)
মৎসমো হি গদায়ুদ্ধে পৃথিব্যাং নাস্তি কশ্চন।
নাসীৎকশ্চিদতিক্রান্তো ভবিতা ন চ কশ্চন ॥ 5-55-32 (33938)
যুক্তো দুঃখোষিতশ্চাহং বিদ্যাপারগতস্তথা।
তস্মান্ন ভীমান্নান্যেভ্যো ভয়ং মে বিদ্যতে ক্বচিৎ ॥ 5-55-33 (33939)
দুর্যোধনসমো নাস্তি গদায়ামিতি নিশ্চয়ঃ।
সঙ্কর্ষণস্য ভবনে যত্তদৈনমুপাবসম্। 5-55-34 (33940)
যুদ্ধে সঙ্কর্ষণসমো বলেনাভ্যধিকো ভুবি।
গদাপ্রহারং ভীমো মে ন জাতু বিষহেদ্যুধি ॥ 5-55-35 (33941)
একং প্রহারং যং দদ্যাং ভীমায় রুষিতো নৃপ।
স এবৈনং নয়োদ্ধোরঃ ক্ষিপ্রং বৈবস্বতক্ষয়ম্ ॥ 5-55-36 (33942)
ইচ্ছেয়ং চ গদাহস্তং রাজন্দ্রষ্টুং বৃকোদরম্।
সুচিরং প্রার্থিতো হ্যেষ মম নিত্যং মনোরথঃ ॥ 5-55-37 (33943)
গদয়া নিহতো হ্যাজৌ ময়া পার্থো বৃকোদরঃ ।
বিশীর্ণগাবঃ পৃথিবীং পরাসুঃ প্রপতিষ্যতি ॥ 5-55-38 (33944)
গদাপ্রহারাভিহতো হিমবানপি পর্বতঃ।
সকৃন্ময়া বিদীর্যেত গিরিঃ শতসহস্রধা ॥ 5-55-39 (33945)
স চাপ্যেতদ্বিজানাতি বাসুদেবার্জুনৌ তথা।
দুর্যোধনসমো নাস্তি গদায়ামিতি নিশ্চয়ঃ ॥ 5-55-40 (33946)
তত্তে বৃকোদরময়ং ভয়ং ব্যেতু মহাহবে।
ব্যপনেষ্যাম্যহং হ্যেনং মা রাজন্বিমনা ভব ॥ 5-55-41 (33947)
তস্মিন্ময়া হতে ক্ষিপ্রমর্জুনং বহবো রথাঃ ।
তুল্যরূপা বিশিষ্টাশ্চ ক্ষেপ্স্যন্তি ভরতর্ষভ ॥ 5-55-42 (33948)
ভীষ্মো দ্রোণঃ কৃপো দ্রৌণিঃ কর্ণো ভূরিশ্রবাস্তথা ।
প্রাগ্জ্যোতিষাধিপঃ শল্যঃ সিন্ধুরাজো জয়দ্রথঃ॥ 5-55-43 (33949)
একৈক এষাং শক্তস্তু হন্তুং ভারত পাণ্ডবান্।
সমেতাস্তু ক্ষণেনৈতান্নেষ্যন্তি যমসাদনম্ ॥ 5-55-44 (33950)
সমগ্রা পার্থিবী সেনা পার্থমেকং ধনঞ্জয়ম্।
কস্মাদশক্তা নির্জেতুমিতি হেতুর্ন বিদ্যতে ॥ 5-55-45 (33951)
শরব্রাতৈস্তু ভীষ্মেণ শতশো নিচিতোঽবশঃ।
দ্রোণদ্রৌণিকৃপৈশ্চৈব গন্তা পার্থো যমক্ষয়ম্॥ 5-55-46 (33952)
পিতামহোঽপি গাঙ্গেয়ঃ শান্তনোরধি ভারত।
ব্রহ্মর্পিসদৃশো জজ্ঞে দেবৈরপি সুদুঃসহঃ ॥ 5-55-47 (33953)
ন হন্তা বিদ্যতে চাপি রাজন্ভীষ্মস্য কশ্চন।
পিত্রা হ্যুক্তঃ প্রসন্নেন নাকামস্ৎবং মরিষ্যসি ॥ 5-55-48 (33954)
ব্রহ্মর্ষেশ্চ ভরদ্বাজাদ্দ্রোণো দ্রোণ্যামজায়ত।
দ্রোণাজ্জজ্ঞে মহারাজ দ্রৌণিশ্চ পরমাশ্ত্রবিৎ ॥ 5-55-49 (33955)
কৃপশ্চাচার্যমুখ্যোয়ং মহর্ষের্গৌতমাদপি ।
শরস্তম্বোদ্ভবঃ শ্রীমানবধ্য ইতি মে মতিঃ ॥ 5-55-50 (33956)
অয়োনিজাস্ত্রয়ো হ্যেতে পিতা মাতা চ মাতুলঃ ।
অশ্বত্থাম্নো মহারাত স চ শূরঃ স্থিতো মম ॥ 5-55-51 (33957)
সর্ব এতে মহারাজ দেবকল্পা মহারথাঃ।
শক্রস্যাপি ব্যথাং কুর্যুঃ সংয়ুগে ভরতর্ষভ ॥ 5-55-52 (33958)
নৈতেষামর্জুনঃ শক্ত একৈকং প্রতিবীক্ষিতুম্।
সহিতাস্তু নরব্যাঘ্রা হনিষ্যন্তি ধনঞ্জয়ম্ ॥ 5-55-53 (33959)
ভীষ্মাদ্রোণকৃপাণাং চ তুল্যঃ কর্ণো মতো মম।
অনুজ্ঞাতশ্চ রামেণ মৎসমোঽসীতি ভারত ॥ 5-55-54 (33960)
কুণ্ডলে রুচিরে চাস্তাং কর্ণস্য সহজে শুভে ।
তে শচ্যর্থং মহেন্দ্রেণ যাচিতঃ স পরন্তপঃ ॥ 5-55-55 (33961)
অমোঘয়া মহারাজ শক্ত্যা পরমভীময়া।
তস্য শক্ত্যোপগূঢস্য কস্মাজ্জীবেদ্ধনঞ্জয়ঃ॥ 5-55-56 (33962)
বিজয়ো মে ধ্রুবং রাজন্ফলং পাণাবিবাহিতম্।
অভিব্যক্তঃ পরেষাং চ কৃৎস্নো ভুবি পরাজয়ঃ । 5-55-57 (33963)
অহ্না হ্যেকেন ভীষ্মোয়ং প্রয়ুতং হন্তি ভারত।
তৎসমাশ্চ মহেষ্বাসা দ্রোণদ্রৌণিকৃপা অপি ॥ 5-55-58 (33964)
সংশপ্তকানাং বৃন্দানি ক্ষত্রিয়াণাং পরন্তপ।
অর্জুনং বয়মস্মান্বা নিহন্যাৎকপিকেতনঃ ॥ 5-55-59 (33965)
তাংশ্চালমিতি মন্যন্তে সব্যসাচিবধে ধৃতাঃ।
পার্থিবাঃ স ভবাংস্তেভ্যো হ্যকস্মাদ্ব্যথতে কথম্॥ 5-55-60 (33966)
ভীমসেনে চ নিহতে কোঽন্যো যুধ্যেত ভারত।
পরেষাং তন্মমাচক্ষ্ব যদি বেত্থ পরন্তপ ॥ 5-55-61 (33967)
পঞ্চ তে ভ্রাতরঃ সর্বে ধৃষ্টদ্যুম্নোঽথ সাত্যকিঃ ।
পরেষাং সপ্ত যে রাজন্যোধাঃ সারং বলং মতম্ ॥ 5-55-62 (33968)
অস্মাকং তু বিশিষ্টা যে ভীষ্মদ্রোণকৃপাদয়ঃ ।
দ্রৌণির্বিকর্তনঃ কর্ণঃ সোমদত্তোথ বাহ্লিকঃ ॥ 5-55-63 (33969)
প্রাগ্জ্যোতিষাধিপঃ শল্য আবন্ত্যৌ চ জয়দ্রথঃ।
দুঃশাসনো দুর্মখশ্চ দুঃসহশ্চ বিশাংপতে॥ 5-55-64 (33970)
শ্রুতায়ুশ্চিত্রসেনশ্চ পুরুমিত্রো বিবিংশতিঃ।
শলো ভূরিশ্রবাশ্চৈব বিকর্ণশ্চ তবাত্মজঃ ॥ 5-55-65 (33971)
অক্ষৌহিণ্যো হি মে রাজন্দশৈকা চ সমাহৃতাঃ।
ন্যূনা পরেষাং সপ্তৈব কস্মান্মে স্যাৎপরাজয়ঃ ॥ 5-55-66 (33972)
বলং ত্রিগুণতো হীনং যোধ্যং প্রাহ বৃহস্পতিঃ।
পরেভ্যস্ত্রিগুণা চেয়ং মম রাজন্ননীকিনী ॥ 5-55-67 (33973)
গুণহীনং পরেষাং চ বহু পশ্যামি ভারত।
গুণোদয়ং বহুগুণমাত্মনশ্চ বিশাংপতে॥ 5-55-68 (33974)
এতৎসর্বং সমাজ্ঞায় বলাগ্র্যং মম ভারত ।
ন্যূনতাং পাণ্ডবানাং চ ন মোহং গন্তুমর্হসি ॥ 5-55-69 (33975)
ইত্যুক্ৎবা সঞ্জয়ং ভূয়ঃ পর্যপৃচ্ছত ভারত।
বিবিৎসুঃ প্রাপ্তকালানি জ্ঞাৎবা পরপুরঞ্জয়ঃ ॥ ॥ 5-55-70 (33976)
ইতি শ্রীমন্মহাভারতে উদ্যোগপর্বণি যানসন্ধিপর্বণি পঞ্চপঞ্চাশত্তশোঽধ্যায়ঃ ॥
Mahabharata - Udyoga Parva - Chapter Footnotes
5-55-18 নঃ অস্মাভিঃ পরেচেৎ যদ্যপি অভিদ্রুগ্ধাঃ দ্রোহবিষয়ং নীতাঃ তথাপি ন ভেতব্যম্ ॥ 5-55-33 যুক্তোঽভিয়োগবান্। দুঃখোষিত গুরুকুলে ॥ 5-55-34 উপাবসং শিধ্যৎবেন পর্যচরম্ । 5-55-59 হন্যামেতি বদন্তীতি শেষঃ ॥ 5-55-60 তান্ সংশপ্তকান্ অলং অর্জুনবধে পর্যাপ্তা ইতি মন্যন্তে ॥ 5-55-67 ত্রিগুণতস্ত্র্যংশেন হীনম্ । ত্রিগুণা ত্র্যংশেনাধিকা ॥ 5-55-70 বিবিৎসুঃ বিজ্ঞাতুমিচ্ছুঃ । প্রাপ্তকালানি কর্মাণি ॥ 5-55- 5-55- 5-55- 5-55-উদ্যোগপর্ব - অধ্যায় 056
॥ শ্রীঃ ॥
5.56. অধ্যায়ঃ 056
Mahabharata - Udyoga Parva - Chapter Topics
সঞ্জয়েন পাণ্ডবভাবং বুভুৎসুং দুর্যোধনংপ্রতি তেষাং যুদ্ধোৎকণ্ঠাকথনপূর্বকং তদ্রথাশ্ববর্ণনম্ ॥ 1 ॥Mahabharata - Udyoga Parva - Chapter Text
5-56-0 (33977)
দুর্যোধন উবাচ। 5-56-0x (3563)
অক্ষৌহিণীঃ সপ্ত লব্ধ্বা রাজভিঃ সহ সঞ্জয়।
কিংস্বিদিচ্ছতি কৌন্তেয়ো যুদ্ধপ্রেপ্সুর্যুধিষ্ঠিরঃ ॥ 5-56-1 (33978)
সঞ্জয় উবাচ। 5-56-2x (3564)
অতীব মুদিতো রাজন্যুদ্ধপ্রেপ্যুর্যুধিষ্ঠিরঃ।
ভীমসেনার্জুনৌ চোভৌ যমাবপি ন বিভ্যতঃ ॥ 5-56-2 (33979)
রথং তু দিব্যং কৌন্তেয়ঃ সর্বা বিভ্রাজয়ন্দিশঃ।
মন্ত্রং জিজ্ঞাসমানঃ সন্বীভৎসুঃ সময়োজয়ৎ ॥ 5-56-3 (33980)
তমপশ্যাম সন্নদ্ধং মেঘং বিদ্যুদ্যুতং যথা।
সমন্তাৎসমভিধ্যা হৃষ্যমাণোঽভ্যভাষত।
পূর্বরূপমিদং পশ্য বয়ং জেষ্যাম সঞ্জয় ॥ 5-56-4 (33981)
বীভৎসুর্মাং যথোবাচ তথাঽবৈম্যহমপ্যুত ॥ 5-56-5 (33982)
দুর্যোধন উবাচ। 5-56-6x (3565)
প্রশংসস্যভিনন্দংস্তান্পার্থানক্ষপরাজিতান্।
অর্জুনস্য রথে ব্রূহি কথমশ্বাঃ কথং ধ্বজাঃ ॥ 5-56-6 (33983)
সঞ্জয় উবাচ। 5-56-7x (3566)
ভৌমনঃ সহ শক্রেণ বহুচিত্রং বিশাংপতে।
রূপাণি কল্পয়ামাস ৎবষ্টা ধাতা সদা বিভো॥ 5-56-7 (33984)
ধ্বজে হি তস্মিন্রূপাণি চক্রুস্তে দেবমায়যা।
মহাধনানি দিব্যানি মহান্তি চ লঘূনি চ ॥ 5-56-8 (33985)
ভীমসেনানুরোধায়ক হনূমান্মারুতাত্মজঃ।
আত্মপ্রতিকৃতিং তস্মিন্ধ্বজ আরোপয়িষ্যতি ॥ 5-56-9 (33986)
সর্বা দিশো যোজনমাত্রমন্তরং
সতির্যগূর্ধ্বং চ রুরোধ বৈ ধ্বজঃ।
ন সংসঞ্জেত্তরুভিঃ সংবৃতোঽপি
তথা হি মায়া বিহিতা ভৌমনেন ॥ 5-56-10 (33987)
যথাঽঽকাশে শক্রধনুঃ প্রকাশতে
ন চৈকবর্ণং ন চ বেদ্মি কিং নু তৎ।
তথা ধ্বজো বিহিতো ভৌমনেন
বহ্বাকারং দৃশ্যতে রূপমস্য ॥ 5-56-11 (33988)
যথাঽগ্নিধূমো দিবমেতি রুদ্ধ্বা।
বর্ণান্বিভ্রত্তৈজসাংশ্চিত্ররূপান্।
তথা ধ্বজো বিহিতো ভৌমনেন
ন চেদ্ভারো ভবিতা নোত রোধঃ ॥ 5-56-12 (33989)
শ্বেতাস্তস্মিন্বাতবেগাঃ সদশ্বা
দিব্যা যুক্তাশ্চিত্ররথেন দত্তাঃ।
ভুব্যন্তরিক্ষে দিবি বা নরেন্দ্র
যেষাং গতির্হীয়তে নাত্র সর্বা ।
শতং যত্তৎপূর্যতে নিত্যকালং
হতংহতং দত্তবরং পুরস্তাৎ 5-56-13 (33990)
তথা রাজ্ঞো দন্তবর্ণা বৃহন্তো
রথে যুক্তা ভান্তি তদ্বীর্যতুল্যাঃ।
ঋক্ষপ্রখ্যা ভীমসেনস্য বাহা
রথে বায়োস্তুল্যবেগ বভূবুঃ ॥ 5-56-14 (33991)
কল্মাষাঙ্গাস্তিত্তিরিচিত্রপৃষ্ঠা
ভ্রাত্রা দত্তাঃ প্রীয়তা ফাল্গুনেন।
ভ্রাতুর্বীরস্য স্বৈস্তুরঙ্গৈর্বিশিষ্টা
মুদা যুক্তাঃ সহদেবং বহন্তি ॥ 5-56-15 (33992)
মাদ্রীপুত্রং নকুলং ৎবাজমীঢং
মহেন্দ্রদত্তা হরয়ো বাজিমুখ্যাঃ ।
সমা বায়োর্বলবন্তস্তরস্বিনো
বহন্তি বীরং বৃত্রশত্রুং যথেন্দ্রম্ । 5-56-16 (33993)
তুল্যাশ্চৈভির্বয়সা বিক্রমেণ
মহাজবাশ্রিত্ররূপাঃ সদশ্বাঃ ।
সৌভদ্রাদীন্দ্রৌপদেয়ান্কুমারান্
বহন্ত্যশ্বা দেবদত্তা বৃহন্তঃ ॥ ॥ 5-56-17 (33994)
ইতি শ্রীমন্মহাভারতে উদ্যোগপর্বণি যানসন্ধিপর্বণি ষট্পঞ্চাশোঽধ্যায়ঃ ॥
Mahabharata - Udyoga Parva - Chapter Footnotes
5-56-3 মন্ত্রং অস্ত্রপ্রয়োজকং জিজ্ঞাসমানঃ পরীক্ষিতুমিচ্ছন্ ॥ 5-56-7 ভৌমনো বিশ্বকর্মা। ধাতা প্রজাপতিঃ ॥ 5-56-8 তে ৎবষ্টৃশক্রধাতারঃ রূপাণি চক্রুঃ ॥ 5-56-10 রুরোধ স্বতেজসেতি শেষঃ ॥ 5-56-12 ভারো রথে রোধুঃ দ্বারাদৌ দ্বয়মপি ন ভবেৎ ॥ 5-56-13 যত্তৎ অশ্বানাং শতং হতংহতং পুনঃপুনঃ কতিপয়াশ্বহননেপি ভাবাৎ শতং পূর্যতে। যতঃ পুরস্তাদ্দত্তবরম্ ॥ 5-56-17 দেবদত্তাঃ চিত্ররথেন দত্তাঃ ॥উদ্যোগপর্ব - অধ্যায় 057
॥ শ্রীঃ ॥
5.57. অধ্যায়ঃ 057
Mahabharata - Udyoga Parva - Chapter Topics
পৃষ্টেন সঞ্জয়েন ধৃতরাষ্ট্রং প্রতি পাণ্ডবসহায়ানাং রাজ্ঞাং নামনির্দেশপূর্বকং তৈঃ কুরুসেনাগতানাং স্বস্বদধ্যতয়া বিভজনকথনম্ ॥ 1 ॥ দুর্যোধনেন সঞ্জয়বচনশ্রবণেন ক্রোশন্তং ধৃতরাষ্ট্রমাক্ষিপ্য স্বপক্ষীয়াণাং প্রতাপপ্রশংসনম্ ॥ 2 ॥ পুনস্সঞ্জয়েন ধৃষ্টদ্যুম্নদন্ত্রোবচনপূর্বকং যুদ্ধনিষেধনম্ ॥ 3 ॥Mahabharata - Udyoga Parva - Chapter Text
5-57-0 (33995)
ধৃতরাষ্ট্র উবাচ। 5-57-0x (3567)
কাংস্তত্র সঞ্জয়াপশ্যঃ প্রীত্যর্থেন সমাগতান্।
যে যোৎস্যন্তে পাণ্ডবার্থে পুত্রস্য মম বাহিনীম্ ॥ 5-57-1 (33996)
সঞ্জয় উবাচ। 5-57-2x (3568)
মুখ্যমন্ধকবৃষ্ণীনামপশ্যং কৃষ্ণমাগতম্।
চেকিতানং চ তত্রৈব যুয়ুধানং চ সাত্যকিম্ ॥ 5-57-2 (33997)
পৃথগক্ষৌহিণীভ্যাং তু পাণ্ডবানভিসংশ্রিতৌ ।
মহারথৌ সমাখ্যাতাবুভৌ পুরুষমানিনৌ ॥ 5-57-3 (33998)
অক্ষৌহিণ্যাঽথ পাঞ্চাল্যো দশভিস্তনয়ৈর্বৃতঃ।
সত্যজিৎপ্রমুখৈর্বীরৈর্ধৃষ্টদ্যুম্নপুরোগমৈঃ । 5-57-4 (33999)
দ্রুপদো বর্ধয়ন্মানং শিখণ্ডিপরিপালিতঃ।
উপায়াৎসর্বসৈন্যানাং প্রতিচ্ছাদ্য তদা বপুঃ ॥ 5-57-5 (34000)
বিরাটঃ সহ পুত্রাভ্যাং শঙ্খেনৈবোত্তরেণ চ।
সূর্যদত্তাদিভির্বীরৈর্মদিরাক্ষপুরোগমৈঃ ॥ 5-57-6 (34001)
সহিতঃ পৃথিবীপালো ভ্রাতৃভিস্তনয়ৈস্তথা ।
অক্ষৌহিণ্যৈব সৈন্যানাং বৃতঃ পার্থং সমাশ্রিতঃ ॥ 5-57-7 (34002)
জারাসন্ধির্মাগধশ্চ ধৃষ্টকেতুশ্চ চেদিরাট্।
পৃথক্পৃথগনুপ্রাপ্তৌ পৃথগক্ষৌহিণীবৃতৌ ॥ 5-57-8 (34003)
কেকয়া ভ্রাতরঃ পঞ্চ সর্বে লোহিতকধ্বজাঃ ।
অক্ষৌহিণীপরিবৃতাঃ পাণ্ডবানভিসংশ্রিতাঃ ॥ 5-57-9 (34004)
এতানেতাবতস্তত্র তানপশ্যং সমাগতান্।
যে পাণ্ডবার্থে যোৎস্যন্তি ধার্তরাষ্ট্রস্য বাহিনীম্ ॥ 5-57-10 (34005)
যো বেদ `মানুষং ব্যূহং দৈবং গান্ধর্বমাসুরম্।
স তত্র সেনাপ্রমুখে ধৃষটদ্যুম্নো মহারথঃ ॥ 5-57-11 (34006)
ভীষ্মঃ শান্তনবো রাজন্ভাগঃ ক্লৃপ্তঃ শিখণ্ডিনঃ
তং বিরাটোঽনুসংয়াতা সার্ধং মৎস্যৈঃ প্রহারিভিঃ ॥ 5-57-12 (34007)
জ্যেষ্ঠস্য পাণ্ডুপুত্রস্য ভাগো মদ্রাধিপো বলী।
তৌ তু তত্রাব্রুবন্কেচিদ্বিষমৌ নো মতাবিতি ॥ 5-57-13 (34008)
দুর্যোধনঃ সহসুতঃ সার্ধং ভ্রাতৃশতেন চ।
প্রাচ্যাশ্চ দাক্ষিণাত্যাশ্চ ভীমসেনস্য ভাগতঃ ॥ 5-57-14 (34009)
অর্জুনস্য তু ভাগেন কর্ণে বৈকর্তনো মতঃ।
অশ্বত্থামা বিকর্ণশ্চ সৈন্ধবশ্চ জয়দ্রথঃ ॥ 5-57-15 (34010)
অশক্যাশ্চৈব যে কেচিৎপৃথিব্যাং শূরমানিনঃ ।
সর্বাংস্তানর্জুনঃ পার্থঃ কল্পয়ামাস ভাগতঃ ॥ 5-57-16 (34011)
মহেষ্বাংসা রাজপুত্রা ভ্রাতরঃ পঞ্চ কেকয়াঃ ।
কেকয়ানেব ভাগেন কৃৎবা যোৎস্যন্তি সংয়ুগে ॥ 5-57-17 (34012)
তেষামেব কৃতো ভাগো মালবাঃ সাল্বকাস্তথা।
ত্রিগর্তানাং চ বৈ মুখ্যৌ যৌ তৌ সংশপ্তকাবিতি ॥ 5-57-18 (34013)
দুর্যোধনসুতাঃ সর্বে তথা দুঃশাসনস্য চ।
সৌভদ্রেণ কৃতো ভাগো রাজা চৈব বৃহদ্বলঃ ॥ 5-57-19 (34014)
দ্রৌপদেয়া মহেষ্বাসাঃ সুবর্ণবিকৃতধ্বজাঃ ।
ধৃষ্টদ্যুম্নমুখা দ্রোণমভিয়াস্যন্তি ভারত ॥ 5-57-20 (34015)
চেকিতানঃ সোমদত্তং দ্বৈরথে যোদ্ধুমিচ্ছতি।
ভোজং তু কৃতবর্মাণং যুয়ুধানো যুয়ুৎসতি ॥ 5-57-21 (34016)
সহদেবস্তু মাদ্রেয়ঃ শূরঃ সংক্রন্দনো যুধি।
স্বমংশং কল্পয়ামাস শ্যালং তে সুবলাত্মজম্ ॥ 5-57-22 (34017)
উলূকং চৈব কৈতব্যং যে চ সারস্বতা গণাঃ।
নকুলঃ কল্পয়ামাস ভাগং মাদ্রবতীসুতঃ ॥ 5-57-23 (34018)
যে চান্যে পার্থিবা রাজন্প্রত্যুদ্যাস্যন্তি সঙ্গরে।
সমাহ্বানেন তাংশ্চাপি পাণ্ডুপুত্রা অকল্পয়ন্ ॥ 5-57-24 (34019)
এবমেষামনীকানি প্রবিভক্তানি ভাগশঃ।
যত্তে কার্যং সপুত্রস্য ক্রিয়তাং তদকালিকম্ ॥ 5-57-25 (34020)
ধৃতরাষ্ট্র উবাচ। 5-57-26x (3569)
ন সন্তি সর্বে পুত্রা মে মূঢা দুর্দ্যূতদেবিনঃ।
যেষাং যুদ্ধং বলবতা ভীমেন রণমূর্ধনি ॥ 5-57-26 (34021)
রাজানঃ পার্থিবাঃ সর্বে প্রোক্ষিতাঃ কালধর্মণা ।
গাণ্ডীবাগ্নিং প্রবেক্ষ্যন্তি পতঙ্গা ইব পাবকম্ ॥ 5-57-27 (34022)
বিদ্রুতাং বাহিনীং মন্যে কৃতবৈরৈর্মহাত্মভিঃ ।
তাং রণে কেঽনুয়াস্যন্তি প্রভগ্নাং পাণ্ডবৈর্যুধি ॥ 5-57-28 (34023)
সর্বে হ্যতিরথাঃ শূরাঃ কীর্তিমন্তঃ প্রতাপিনঃ ।
সূর্যপাবকয়োস্তুল্যাস্তেজসা সমিতিংজয়াঃ ॥ 5-57-29 (34024)
যেষাং যুধিষ্ঠিরো নেতা গোপ্তা চ মধুসূদনঃ ।
যোধৌ চ পাণ্ডবৌ বীরৌ সব্যসাচিবৃকোদরৌ ॥ 5-57-30 (34025)
নকুলঃ সহদেবশ্চ ধৃষ্টদ্যুম্নশ্চ পার্ষতঃ।
সাত্যকির্দ্রুপদশ্চৈব ধৃষ্টকেতুশ্চ সানুজঃ ॥ 5-57-31 (34026)
উত্তমৌজাশ্চ পাঞ্চাল্যো যুধামন্যুশ্চ দুর্জয়ঃ।
শিখণ্ডী ক্ষত্রদেবশ্চ তথা বৈরাটিরুত্তরঃ ॥ 5-57-32 (34027)
কাশয়শ্চেদয়শ্চৈব মৎস্যাঃ সর্বে চ সৃঞ্জয়াঃ ।
বিরাটপুত্রো বভ্রুশ্চ পাঞ্চালাশ্চ প্রভদ্রকাঃ ॥ 5-57-33 (34028)
যেষাংমিন্দ্রোঽপ্যকামানাং ন হরেৎপৃথিবীমিমাম্।
বীরাণাং রণধীরাণাং যে ভিন্দ্যুঃ পর্বতানপি ॥ 5-57-34 (34029)
তান্সর্বগুণসংপন্নানমনুষ্যপ্রতাপিনঃ ।
ক্রোশতো মম দুষ্পুত্রো যোদ্ধুমিচ্ছতি সঞ্জয় ॥ 5-57-35 (34030)
দুর্যোধন উবাচ। 5-57-36x (3570)
উভৌ স্ব একজাতীয়ৌ তথোভৌ ভূমিগোচরৌ ।
অথ কস্মাৎপাণ্ডবানামেকতো মন্যসে জয়ম্ ॥ 5-57-36 (34031)
পিতামহং চ দ্রোণং চ কৃপং কর্ণং চ দুর্জয়ম্।
জয়দ্রথং সোমদত্তমশ্বত্থামানমেব চ ॥ 5-57-37 (34032)
সুতেজসো মহেষ্বাসানিন্দ্রোঽপি সহিতোঽমরৈঃ ।
অশক্তঃ সমরে জেতুং কিং পুনস্তাত পাণ্ডবাঃ ॥ 5-57-38 (34033)
সর্বে চ পৃথিবীপালা মদর্থে তাত পাণ্ডবান্।
আর্যাঃ শস্ত্রভৃতঃ শূরাঃ সমর্থাঃ প্রতিবাধিতুং ॥ 5-57-39 (34034)
ন মামকান্পাণ্ডবাস্তে সমর্থাঃ প্রতিবীক্ষিতুম্ ।
পরাক্রান্তো হ্যহং পাণ্ডূন্সপুত্রান্যোদ্ধুমাহবে ॥ 5-57-40 (34035)
মৎপ্রিয়ং পার্থিবাঃ সর্বে যে চিকীর্ষন্তি ভারত ।
তে তানাবারয়িষ্যন্তি ঐণেয়ানিব তন্তুনা ॥ 5-57-41 (34036)
মহতা রথবংশেন শরজালৈশ্চ মামকৈঃ ।
অভিদ্রুতা ভবিষ্যন্তি পাঞ্চালাঃ পাণ্ডবৈঃ সহ ॥ 5-57-42 (34037)
ধৃতরাষ্ট্র উবাচ। 5-57-43x (3571)
উন্মত্ত ইব মে পুত্রো বিলপত্যেষ সঞ্জয়।
ন হি শক্তো রমে জেতুং ধর্মরাজং যুধিষ্ঠিরম্ ॥ 5-57-43 (34038)
জানাতি হি যথা ভীষ্মঃ পাণ্ডবানাং যশস্বিনাম্।
বলবত্তাং সপুত্রাণাং ধর্মজ্ঞানাং মহাত্মনাম্ ॥ 5-57-44 (34039)
যতো নারোচয়দয়ং বিগ্রহং তৈর্মহাত্মভিঃ।
কিং তু সঞ্জয় মে ব্রূহি পুনস্তেষাং বিচেষ্টিতম্ ॥ 5-57-45 (34040)
কস্তাংস্তরস্বিনো ভূয়ঃ সন্দীপয়তি পাণ্ডবান্।
অর্চিষ্মতো মহেষ্বাসান্হবিষা পাবকানিব ॥ 5-57-46 (34041)
সঞ্জয় উবাচ। 5-57-47x (3572)
ধৃষ্টদ্যুম্নঃ সদৈবৈতান্সন্দীপয়তি ভারত।
যুদ্ধ্যধ্বমিতি মাভৈষ্ট যুদ্ধাদ্ভরতসত্তমাঃ ॥ 5-57-47 (34042)
যে কেচিৎপার্থিবাস্তত্র ধার্তরাষ্ট্রেণ সংবৃতাঃ।
যুদ্ধে সমাগমিষ্যন্তি তুমুলে শস্ত্রসঙ্কুলে ॥ 5-57-48 (34043)
তান্সর্বানাহবে ক্রুদ্ধান্সানুবন্ধান্সমাগতান্।
অহমেকঃ সমাদাস্যে তিমির্যৎস্যানিবোদকাৎ ॥ 5-57-49 (34044)
ভীষ্মং দ্রোণং কৃপং কর্ণং দ্রৌণিং শল্যং সুয়োধনম্ ।
এতাংশ্চাপি নিরোৎস্যামি বেলেব মকরালয়ম্ ॥ 5-57-50 (34045)
তথা ব্রুবন্তং ধর্মাত্মা প্রাহ রাজা যুধিষ্ঠিরঃ।
তব ধৈর্যং চ বীর্যং চ পাঞ্চালঃ পাণ্ডবৈঃ সহ ॥ 5-57-51 (34046)
সর্বে সমধিরূঢাঃ স্ম সঙ্গ্রামান্নঃ সমুদ্ধর ।
জানামি ৎবাং মহাবাহো ক্ষত্রধর্মে ব্যবস্থিতম্ ॥ 5-57-52 (34047)
সমর্থমেকং পর্যাপ্তং কৌরবাণাং বিনিগ্রহে ।
পুরস্তাদুপয়াতানাং কৌরবাণাং যুয়ুৎসতাম্ ॥ 5-57-53 (34048)
ভবত্তা যদ্বিধাতব্যং তন্নঃ শ্রেয়ঃ পরংতপ।
সঙ্গ্রামাদপয়াতানাং ভগ্নানাং শরণৈষিণাম্ ॥ 5-57-54 (34049)
পৌরুষং দর্শয়ঞ্শূরো যস্তিষ্ঠেদগ্রতঃ পুমান্।
ক্রীণীয়াত্তং সহস্রেণ ইতি নীতিমতাং মতম্ ॥ 5-57-55 (34050)
স ৎবং শূরশ্চ বীরশ্চ বিক্রান্তশ্চ নরর্ষভ ।
ভয়ার্তানাং পরিত্রাতা সংয়ুগেষু ন সংশয়ঃ ॥ 5-57-56 (34051)
এবং ব্রুবতি কৌন্তেয়ে ধর্মাত্মনি যুধিষ্ঠিরে।
ধৃষ্টদ্যুম্ন উবাচেদং মাং বচো গতসাধ্বসম্ ।
সর্বাঞ্জনপদান্সূত যোধা দুর্যোধনস্য যে ॥ 5-57-57 (34052)
সবাহ্লিকান্কুরূন্ব্রূয়াঃ প্রাতিপেয়াঞ্শরদ্বতঃ ।
সূতপুত্রং তথা দ্রোণং সহপুত্রং জয়দ্রথম্ ॥ 5-57-58 (34053)
দুঃশাসনং বিকর্ণং চ তথা দুর্যোধনং নৃপম্
ভীষ্মং চ ব্রূহি গৎবা ৎবমাশু গচ্ছ চ মাচিরম্ ॥ 5-57-59 (34054)
যুধিষ্ঠিরঃ সাধুনৈবাভ্যুপেয়ো
মা বোঽবধীদর্জুনো দেবগুপ্তঃ।
রাজ্যং দদ্ধ্বং ধর্মরাজস্য তূর্ণং
যাচধ্বং বৈ পাণ্ডবং লোকবীরম্ ॥ 5-57-60 (34055)
নৈতাদৃশো হি যোধোঽস্তি পৃথিব্যামিহ কশ্চন।
যথাবিধঃ সব্যসাচী পাণ্ডবঃ সত্যবিক্রমঃ ॥ 5-57-61 (34056)
দেবৈর্হি সংভৃতো দিব্যো রথো গাণ্ডীবধন্বনঃ ।
ন সজেয়োমনুষ্যেণ মা স্ম কৃদ্ধ্বং মনো যুধি ॥ ॥ 5-57-62 (34057)
ইতি শ্রীমন্মহাভারতে উদ্যোগপর্বণি যানসন্ধিপর্বণি সপ্তপঞ্চাশত্তমোঽধ্যায়ঃ ॥
Mahabharata - Udyoga Parva - Chapter Footnotes
5-57-25 অকালিকং কালবিলম্বং বিনা ॥ 5-57-27 প্রোক্ষিতাঃ পশুবদ্বধার্থং সংস্কৃতাঃ ॥ 5-57-41 ঐণেয়ান্ হরিণশাবান্। তন্তুনাপাশেন ॥ 5-57-58 শরদ্বতঃ আয়ুষ্মতঃ বিরুদ্বলক্ষণয়া গতায়ুষ ইত্যর্থঃ ॥ 5-57-60 দদ্ধং দদত ॥ 5-57-62 কৃদ্ধ্বং কুরুধ্বম্ ॥উদ্যোগপর্ব - অধ্যায় 058
॥ শ্রীঃ ॥
5.58. অধ্যায়ঃ 058
Mahabharata - Udyoga Parva - Chapter Topics
ধৃতরাষ্ট্রেণ যুদ্ধস্য ভীষ্মাদ্যনভিমতৎবাভিধানে দুর্যোধনেন ভীষ্মাদ্যনপেক্ষণেন কর্ণদুশ্শাসনসহায়েন স্বেনৈব পাণ্ডবহননপ্রতিজ্ঞা ॥ 1 ॥ পুনর্ধৃতরাষ্ট্রেণ দুর্যোধনগর্হণম্ ॥ 2 ॥Mahabharata - Udyoga Parva - Chapter Text
5-58-0 (34058)
ধৃতরাষ্ট্র উবাচ। 5-58-0x (3573)
ক্ষত্রতেজা ব্রহ্মচারী কৌমারাদপি পাণ্ডবঃ।
তেন সংয়ুগমেষ্যন্তি মন্দা বিলপতো মম ॥ 5-58-1 (34059)
দুর্যোধন নিবর্তস্ব যুদ্ধাদ্ভরতসত্তম ।
ন হি যুদ্ধং প্রশংসন্তি সর্বাবস্থমরিন্দম ॥ 5-58-2 (34060)
অলমর্ধং পৃথিব্যাস্তে সহামাত্যস্য জীবিতুম্ ।
প্রয়চ্ছ পাণ্ডুপুত্রাণাং যথোচিতমরিন্দম ॥ 5-58-3 (34061)
এতদ্ধি কুরবঃ সর্বে মন্যন্তে ধর্মসংহিতম্ ।
যত্ৎবং প্রশান্তিং মন্যেথাঃ পাণ্ডুপুত্রৈর্মহাত্মভিঃ ॥ 5-58-4 (34062)
অঙ্গেমাং সমবেক্ষস্ব পুত্র স্বামেব বাহিনীম্ ।
জাত এষ তবাভাবস্ৎবং তু মোহান্ন বুদ্ধ্যসে ॥ 5-58-5 (34063)
ন ৎবহং যুদ্ধমিচ্ছামি নৈতদিচ্ছতি বাহ্লিকঃ।
ন চ ভীষ্মো ন চ দ্রোণো নাশ্বত্থামা ন সঞ্জয়ঃ ॥ 5-58-6 (34064)
ন সোমদত্তো ন শলো ন কৃপো যুদ্ধমিচ্ছতি ।
সত্যব্রতঃ পুরুমিত্রো জয়ো ভূরিশ্রবাস্তথা ॥ 5-58-7 (34065)
যেষু সংপ্রতিতিষ্ঠেয়ুঃ কুরবঃ পীডিতাঃ পরৈঃ ।
তে যুদ্ধং নাভিনন্দন্তি তত্তুভ্যং তাত রোচতাম্ ॥ 5-58-8 (34066)
ন ৎবং করোষি কামেন কর্ণঃ কারয়িতা তব।
দুঃশাসনশ্চ পাপাত্মা শকুনিশ্চাপি সৌবলঃ ॥ 5-58-9 (34067)
দুর্যোধন উবাচ। 5-58-10x (3574)
নাহং ভবতি ন দ্রোণে নাশ্বত্থাম্নি ন সঞ্জয়ে।
ন ভীষ্মে ন কাম্ভোজে ন কৃপে ন চ বাহ্লিকে ॥ 5-58-10 (34068)
সত্যব্রতে পুরুমিত্রে ভূরিশ্রবসি বা পুনঃ ।
অন্যেষু বা তাবকেষু ভারং কুৎবা সমাহ্বয়ম্ ॥ 5-58-11 (34069)
অহং চ তাত কর্ণশ্চ রণয়জ্ঞং বিতত্য বৈ।
যুধিষ্ঠিরং পশুং কৃৎবা দীক্ষিতৌ ভরতর্ষভ ॥ 5-58-12 (34070)
রথো বেদী স্রুবঃ খঙ্গো গদা স্রুক্ কবচোঽজিনম্ ।
চাতুর্হোত্রং চ ধুর্যা মে শরা দর্ভা হবির্যশঃ ॥ 5-58-13 (34071)
আত্ময়জ্ঞেন নৃপতে ইষ্ট্বা বৈবস্বতং রণে।
বিজিত্য চ সমেষ্যাবো হতামিত্রৌ শ্রিয়া বৃতৌ ॥ 5-58-14 (34072)
অহং চ তাত কর্ণশ্চ ভ্রাতা দুঃশাসনশ্চ মে।
এতে বয়ং হনিষ্যামঃ পাণ্ডবান্সমরে ত্রয়ঃ ॥ 5-58-15 (34073)
অহং হি পাণ্ডবান্হৎবা প্রশাস্তা পৃথিবীমিমাম্ ।
মাং বা হৎবা পাণ্ডুপুত্রা ভোক্তারঃ পৃথিবীমিমাং ॥ 5-58-16 (34074)
ত্যক্তং মে জীবিতং রাজ্যং ধনং সর্বং চ পার্থিব ।
ন জাতু পাণ্ডবৈঃ সার্ধং বসেয়মহমচ্যুত ॥ 5-58-17 (34075)
যাবদ্ধি সূচ্যাস্তীক্ষ্ণায়া বিধ্যেদগ্রেণ মারিষ ।
তাবদপ্যপরিত্যাজ্যং ভূমের্নঃ পাণ্ডবান্প্রতি ॥ 5-58-18 (34076)
ধৃতরাষ্ট্র উবাচ। 5-58-19x (3575)
সর্বান্বস্তাত শোচামি ত্যক্তো দুর্যোধনো ময়া।
যে মন্দমনুয়াস্যধ্বং যান্তং বৈবস্বতক্ষয়ম্ ॥ 5-58-19 (34077)
রুরূণামিব যূথেষু ব্যাঘ্রাঃ প্রহরতাং বরাঃ।
বরান্বরান্হনিষ্যন্তি সমেতা যুধি পাণ্ডবাঃ ॥ 5-58-20 (34078)
প্রতীপমিব মে ভাতি যুয়ুধানেন ভারতী।
ব্যস্তা সীমন্তিনী গ্রস্তা প্রমৃষ্টা দীর্ঘবাহুনা ॥ 5-58-21 (34079)
সংপূর্মং পূরয়ন্ভূয়ো ধনং পার্থস্য মাধবঃ।
শৈনেয়ঃ সমরে স্থাতা বীজবৎপ্রবপঞ্শরান্ ॥ 5-58-22 (34080)
সেনামুখে প্রয়ুদ্ধানাং ভীমসেনো ভবিষ্যতি।
তং সর্বে সংশ্রয়িষ্যন্তি প্রাকারমকুতোভয়ম্ ॥ 5-58-23 (34081)
যদা দ্রক্ষ্যসি ভীমেন কুঞ্জরান্বিনিপাতিতান্।
বিশীর্ণদন্তান্গির্যাভান্ভিন্নকুম্ভান্সশোণিতান্॥ 5-58-24 (34082)
তানভিপ্রেক্ষ্য সঙ্গ্রামে বিশীর্ণানিব পর্বতান্।
ভীতো ভীমস্য সংস্পর্শাৎস্মর্তাসি বচনস্য মে ॥ 5-58-25 (34083)
নির্দগ্ধং ভীমসেনেন সৈন্যং রথহয়দ্বিপম্ ।
গতিমগ্নেরিব প্রেক্ষ্য স্মর্তাসি বচনস্য মে ॥ 5-58-26 (34084)
মহদ্বো ভয়মাগামি ন চেচ্ছাম্যথ পাণ্ডবৈঃ।
গদয়া ভীমসেনেন হতাঃ শমমুপৈষ্যথ ॥ 5-58-27 (34085)
মহাবনমিব চ্ছিন্নং যদা দ্রক্ষ্যসি পাতিতম্ ।
বলং কুরূণাং ভীমেন তদা স্মর্তাসি মে বচঃ ॥ 5-58-28 (34086)
বৈশম্পায়ন উবাচ। 5-58-29x (3576)
এতাবদুক্ৎবা রাজা তু সর্বাংস্তান্পৃথিবীপতীন্।
অনুভাষ্য মহারাজ পুনঃ পপ্রচ্ছ সঞ্জয়ম্ ॥ ॥ 5-58-29 (34087)
ইতি শ্রীমন্মহাভারতে উদ্যোগপর্বণি যানসন্ধিপর্বণি অষ্টপঞ্চাশত্তমোঽধ্যায়ঃ ॥
Mahabharata - Udyoga Parva - Chapter Footnotes
5-58-13 চাচুর্হোত্রং চতুর্ণাং হোতৄণাং ঋৎবিজাং সমাহারঃ ॥ 5-58-21 ভারতী সেনা প্রতীপং ব্যস্তা সীমন্তিনীব ভাতি ॥উদ্যোগপর্ব - অধ্যায় 059
॥ শ্রীঃ ॥
5.59. অধ্যায়ঃ 059
Mahabharata - Udyoga Parva - Chapter Topics
পুনঃ পৃষ্টেন সঞ্জয়েন ধৃতরাষ্ট্রংপ্রতি অর্জুনবাক্যকথনম্ ॥ 1 ॥Mahabharata - Udyoga Parva - Chapter Text
5-59-0 (34088)
ধৃতরাষ্ট্র উবাচ। 5-59-0x (3577)
ব্রূহি সঞ্জয় যচ্ছেষং বাসুদেবাদনন্তরম্।
যজর্জুন উবাচ ৎবাং পরং কৌতূহলং হি মে ॥ 5-59-1 (34089)
সঞ্জয় উবাচ। 5-59-2x (3578)
বাসুদেববচঃ শ্রুৎবা কুন্তীপুত্রো ধনঞ্জয়ঃ।
উবাচ কালে দুর্ধর্ষো বাসুদেবস্য শৃণ্বতঃ ॥ 5-59-2 (34090)
পিতামহং শান্তনবং ধৃতরাষ্ট্রং চ সঞ্জয় ।
দ্রোণং কৃপং চ শল্যং চ মহারাজং চ বাহ্লিকম্ ॥ 5-59-3 (34091)
দ্রৌণিং চ সৌমদত্তিং চ শকুনিং চাপি সৌবলম্ ।
দুশ্শাসনং শলং চৈব পুরুমিত্রং বিবিংশতিম্ ॥ 5-59-4 (34092)
বিকর্ণং চিত্রসেনং চ জয়ৎসেনং চ পার্থিবম্।
বিন্দানুবিন্দাবাবন্ত্যৌ দুর্মুখং চাপি পৌরবম্ ॥ 5-59-5 (34093)
সৈন্ধবং দুস্সহং চৈব ভূরিশ্রবসমেব চ।
ভগদত্তং চ রাজানং জলসন্ধং চ পৌরবম্ ॥ 5-59-6 (34094)
যে চাপ্যন্যে পার্থিবাস্তত্র যোদ্ধুং
সমাগতাঃ কৌরবাণাং প্রিয়ার্থম্।
মুমূর্ষবঃ পাণ্ডবাগ্নৌ প্রদীপ্তে
সমানীতা ধার্তরাষ্ট্রোণ সূত॥ 5-59-7 (34095)
যথান্যায়ং কুশলং বন্দনং চ
সমাগতা মদ্বচনেন বাচ্যাঃ ॥ 5-59-8 (34096)
ইদং ব্রূবাঃ সঞ্জয় রাজমধ্যে
দুর্যোধনং পাপকৃতাং প্রধানম্।
অমর্ষণং দুর্মতিং রাজপুত্রং
পাপাত্মানং ধার্তরাষ্ট্রং সুলুব্ধম্।
সর্বং মমৈতদ্বচনং সমগ্রং
সহামাত্যং সঞ্জয় শ্রাবয়েথাঃ ॥ 5-59-9 (34097)
এবং পরিষ্বজ্য ধনঞ্জয়ো মাং
ততোঽর্থবদ্ধর্মবচ্চাপি বাক্যম্।
প্রোবাচেদং বাসুদেবং সমীক্ষ্য
পার্থো ধীমাঁল্লোহিতান্তায়তাক্ষঃ ॥ 5-59-10 (34098)
যথাশ্রুতং তে বদতো মহাত্মনো
যদুপ্রবীরস্য বচঃ সমাহিতম্।
তথৈব বাচ্যং ভবতাপি মদ্বচঃ
সমাগতেষু ক্ষিতিপেষু সর্বশঃ ॥ 5-59-11 (34099)
শরাগ্নিধূমে রথনেমিনাদিতে
ধনুস্স্ত্রুবেণাস্ত্রবলাপহারিণা ।
যথা ন হোমঃ ক্রিয়তে মহামৃধে
তথা সমেত্য প্রয়তধ্বমাদৃতাঃ ॥ 5-59-12 (34100)
ন চেৎপ্রয়চ্ছধ্বমমিত্রঘাতিনো
যুধিষ্ঠিরস্যার্ধমভীপ্সিতং স্বকম্।
নয়ামি বঃ সাশ্বপদাতিকুঞ্জরা-
ন্দিশং পিতৄণামশিবাং শিতৈঃ শরৈঃ ॥ 5-59-13 (34101)
ততোঽহমামন্ত্র্য চতুর্ভুজং হরিং
ধনঞ্জয়ং চৈব নমস্য সৎবরম্।
জবেন সংপ্রাপ্ত ইহামরদ্যুতে
তবান্তিকং প্রাপয়িতুং বচো মহৎ ॥ ॥ 5-59-14 (34102)
ইতি শ্রীমন্মহাভারতে উদ্যোগপর্বণি যানসন্ধিপর্বণি একোনষষ্টিতমোঽধ্যায়ঃ ॥
উদ্যোগপর্ব - অধ্যায় 060
॥ শ্রীঃ ॥
5.60. অধ্যায়ঃ 060
Mahabharata - Udyoga Parva - Chapter Topics
ধৃতরাষ্ট্রেণ দুর্যোধনং প্রতি স্বপরপক্ষয়োঃ বলাবলবিমর্শনেন পাণ্ডবেষু পুত্রপ্রেম্ণা ধর্মাদিদেবানাং সাহায়্যকরমাভিধানপূর্বকং স্বস্য শমাভিরোচনবচনম্ ॥ 1 ॥Mahabharata - Udyoga Parva - Chapter Text
5-60-0 (34103)
বৈশম্পায়ন উবাচ। 5-60-0x (3579)
সঞ্জয়স্য বচঃ শ্রুৎবা প্রজ্ঞাচক্ষুর্জনেশ্বরঃ।
ততঃ সঙ্খ্যাতুমারেভে তদ্বচো গুণদোষতঃ ॥ 5-60-1 (34104)
প্রসঙ্খ্যায় চ সৌক্ষ্ম্যেণ গুণদোষান্বিচক্ষণঃ।
যথাবন্মতিতত্ৎবেন জয়কামঃ সুতান্প্রতি ॥ 5-60-2 (34105)
বলাবলং বিনিশ্চিত্য যাথাতথ্যেন বুদ্ধিমান্।
`যদা তু মেনে ভূয়িষ্ঠং তদ্বচো গুণদোষতঃ ॥ 5-60-3 (34106)
পুনরেব কুরূণাং চ পাণ্ডবানাং চ বুদ্ধিমান্ ।'
শক্তিং শঙ্খ্যাতুমারেভে তদা বৈ মনুজাধিপঃ ॥ 5-60-4 (34107)
দেবমানুষয়োঃ শক্ত্যা তেজসা চৈব পাণ্ডবান্।
কুরূঞ্শক্ত্যাঽল্পতরয়া দুর্যোধনমথাব্রবীৎ ॥ 5-60-5 (34108)
দুর্যোধনেয়ং চিন্তা মে শশ্বন্ন ব্যুপশাম্যতি।
সত্যং হ্যেতদহং মন্যে প্রত্যক্ষং নানুমানতঃ ॥ 5-60-6 (34109)
আত্মজেষু পরং স্নেহং সর্বভাতিনি কুর্বতে।
প্রিয়ামি চৈষাং কুর্বন্তি যথাশক্তি হিতানি চ ॥ 5-60-7 (34110)
এবমেবোপকর্তৄণাং প্রায়শো লক্ষয়ামহে।
ইচ্ছন্তি বহুলং সন্তঃ প্রতিকর্তুং মহৎপ্রিয়ম্ ॥ 5-60-8 (34111)
অগ্নিঃ সাচিব্যর্তা স্যাৎখাণ্ডবে তৎকৃতং স্মরন্ ।
অর্জুনস্যাপি ভীমেঽস্মিন্কুরুপাণ্ডুসমাগমে ॥ 5-60-9 (34112)
জাতিগৃদ্ধ্যাঽভিপন্নাশ্চ পাণ়্ডবানামনেকশঃ।
ধর্মাদয়ঃ সমেষ্যন্তি সমাহূতা দিবৌকসঃ ॥ 5-60-10 (34113)
ভীষ্মদ্রোণকৃপাদীনাং ভয়াদশনিসন্নিভম্ ।
রিরক্ষিষন্তঃ সংরভ্যং গমিষ্যন্তীতি মে মতিঃ ॥ 5-60-11 (34114)
তে দেবৈঃ সহিতাঃ পার্থা ন শক্যাঃ প্রতিবীক্ষিতুম্ ।
মানুষেণ নরব্যাঘ্রা বীর্যবন্তোঽস্ত্রপারগাঃ ॥ 5-60-12 (34115)
দুরাসদং যস্য দিব্যং গাণ্ডীবং ধনুরুত্তমম্ ।
বারুণৌ চাক্ষয়ৌ দিব্যৌ শরপূর্ণৌ মহেষুধী ॥ 5-60-13 (34116)
বানরশ্চ ধ্বজে দিব্যো নিঃসঙ্গে ধূমবদ্গতিঃ ।
রথশ্চ চতুরন্তায়াং যস্য নাস্তি সমঃ ক্ষিতৌ ॥ 5-60-14 (34117)
মহামেঘনিভশ্চাপি নির্ঘোষঃ শ্রূয়তে জনৈঃ ।
মহাশনিসমঃ শব্দঃত শাত্রবাণাং ভয়ংকরঃ ॥ 5-60-15 (34118)
যং চাতিমানুষং বীর্যে কৃৎস্নো লোকো ব্যবস্যতি।
দেবানামপি জেতারং যং বিদুঃ পার্থিবা রণে ॥ 5-60-16 (34119)
শতানি পঞ্চ চৈবেষূন্যো গৃহ্ণন্নৈব দৃশ্যতে।
নিমেষান্তরমাত্রেণ মুঞ্চন্দূরং চ পাতয়ন্ ॥ 5-60-17 (34120)
যমাহ ভীষ্মো দ্রোণশ্চ কৃপো দ্রৌণিস্তথৈব চ ।
মদ্ররাজস্তথা শল্যো মধ্যস্থা যে চ মানবাঃ ॥ 5-60-18 (34121)
যুদ্ধায়াবস্থিতং পার্থং পার্থিবৈরতিমানুষৈঃ ।
অশক্যং রথশার্দূলং পরাজেতুমরিংদমম্ ॥ 5-60-19 (34122)
ক্ষিপত্যেকেন বেগেন পঞ্চবাণশতানি যঃ।
সদৃশং বাহুবীর্যেণ কার্তবীর্যস্য পাণ্ডবম্ ॥ 5-60-20 (34123)
তমর্জুনং মহেষ্বাসং মহেন্দ্রোপেন্দ্রবিক্রমম্।
নিঘ্নন্তমিব পশ্যাভি বিমর্দেঽস্মিন্মহাহবে ॥ 5-60-21 (34124)
ইত্যেবং চিন্তয়ন্কৃৎস্নমহোরাত্রাণি ভারত ।
অনিদ্রো নিঃসুখশ্চাস্মি কুরূণাং শমচিন্তয়া ॥ 5-60-22 (34125)
ক্ষয়োদয়োঽয়ং সুমহান্কুরূণাং প্রত্যুপস্থিতঃ।
অস্য চেৎকলহন্যান্তঃ শমাদন্যো ন বিদ্যতে ॥ 5-60-23 (34126)
শমো মে রোচতে নিত্যং পার্থৈস্তাত ন বিগ্রহঃ ।
কুরুভ্যো হি সদা মন্যে পাণ্ডবাঞ্শক্তিমত্তরান্ ॥ ॥ 5-60-24 (34127)
ইতি শ্রীমন্মহাভারতে উদ্যোগপর্বণি যানসন্ধিপর্বণি ষষ্টিতমোঽধ্যায়ঃ ॥
Mahabharata - Udyoga Parva - Chapter Footnotes
5-60-5 শক্ত্যা পরিচ্ছিদ্যেতি শেষ্ঠঃ ॥ 5-60-9 ভীমে ভয়ংকরে ॥ 5-60-10 জাতিগৃদ্ধ্যা জন্মগ্রহণাদ্ধেতোঃ যুধিষ্ঠিরাদীনাং পিতরো ধর্মাদয়োপি তেষাং সহায়াঃ সন্তি ॥উদ্যোগপর্ব - অধ্যায় 061
॥ শ্রীঃ ॥
5.61. অধ্যায়ঃ 061
Mahabharata - Udyoga Parva - Chapter Topics
দুর্যোধনেন সহেতুকং পাণ্ডবানাং দেবৈঃ সাহায়্যকরণপক্ষপ্রতিক্ষেপঃ ॥ 1 ॥ তথা জলস্তম্ভনাদিস্বসামর্থ্যভিধানপূর্বকং স্বেন পাণ্ডবপরাজয়করণাভিধানম্ ॥ 2 ॥Mahabharata - Udyoga Parva - Chapter Text
5-61-0 (34128)
বৈশম্পায়ন উবাচ। 5-61-0x (3580)
পিতুরেতদ্বচঃ শ্রুৎবা ধার্তরাষ্ট্রোঽত্যমর্ষণঃ।
আধায় বিপুলং ক্রোধং পুনরেবেদমব্রবীৎ ॥ 5-61-1 (34129)
অশক্যা দেবসচিবাঃ পার্থাঃ স্যুরিতি যদ্ভবান্।
মন্যতে তদ্ভয়ং ব্যেতু ভবতো রাজসত্তম ॥ 5-61-2 (34130)
অকামদ্বেষসংয়োগাল্লোভদ্রোহাচ্চ ভারত ।
উপেক্ষয়া চ ভাবানাং দেবা দেবৎবমাপ্নুবন্ ॥ 5-61-3 (34131)
ইতি দ্বৈপায়েনো ব্যাসো নারদশ্চ মহাতপাঃ ।
জামদগ্ন্যশ্চ রামো নঃ কথামকথয়ৎপুরা ॥ 5-61-4 (34132)
নৈব মানুষবদ্দেবাঃ প্রবর্তন্তে কদাচন ।
কামাৎক্রোধাত্তথা লোভাদ্দ্বেষাচ্চ ভরতর্ষভ ॥ 5-61-5 (34133)
যদা হ্যগ্নিশ্চ বায়ুশ্চ ধর্ম ইন্দ্রোঽশ্বিনাবপি।
কাময়োগাৎপ্রবর্তেরন্ন পার্থা দুঃখমাপ্নুয়ুঃ ॥ 5-61-6 (34134)
তস্মান্ন ভবতা চিন্তা কার্যৈষা স্যাৎকথংচন ।
দৈবেষ্বপেক্ষকা হ্যেতে শশ্বদ্ভাবেষু ভারত ॥ 5-61-7 (34135)
অথ চেৎকামসংয়োগাদ্দ্বেষো লোভশ্চ লক্ষ্যতে।
দেবেষু দৈবপ্রামাণ্যান্নৈষাং তদ্বিক্রমিষ্যতি ॥ 5-61-8 (34136)
ময়াঽভিমন্ত্রতঃ শশ্বঞ্জাতবেদাঃ প্রশাম্যতি।
দিধক্ষুঃ সকলাঁল্লোকান্পরিক্ষিপ্য সমন্ততঃ ॥ 5-61-9 (34137)
যদ্বা পরমকং তেজো যেন যুক্তা দিবৌকসঃ।
মমাপ্যনুপমং ভূয়ো দেবেভ্যো বিদ্ধি ভারত ॥ 5-61-10 (34138)
বিদীর্যমাণাং বসুধাং গিরীণাং শিখরাণি চ।
লোকস্য পশ্যতো রাজন্স্থাপয়াম্যভিমন্ত্রণাৎ ॥ 5-61-11 (34139)
চেতনাচেতনস্যাস্য জঙ্গমস্থাবরস্য চ।
বিনাশায় সমুৎপন্নমহং ঘোরং মহাস্বনম্ ॥ 5-61-12 (34140)
অশ্মবর্ষং চ বায়ুং চ শময়ামীহ নিত্যশঃ ।
জগতঃ পশ্যতোঽভীক্ষ্ণং ভূতানামনুকম্পয়া ॥ 5-61-13 (34141)
স্তম্ভিতাস্বপ্সু গচ্ছন্তি ময়া রথপদাতয়ঃ।
দেবাসুরাণাং ভাবানামহমেকঃ প্রবর্তিতা ॥ 5-61-14 (34142)
অক্ষৌহিণীভির্যান্দেশান্যামি কার্যেণ কেনচিৎ ।
তত্রাপো মে প্রবর্তন্তে যত্র যত্রাভিকাময়ে ॥ 5-61-15 (34143)
ভয়ানকানি বিষয়ে ব্যালাদীনি ন সন্তি মে ।
মন্ত্রগুপ্তানি ভূতানি ন হিংসন্তি যংকরাঃ ॥ 5-61-16 (34144)
নিকামবর্ষী পর্জন্যো রাজন্বিষয়বাসিনাম্।
ধর্মিষ্ঠাশ্চ প্রজাঃ সর্বা ঈতয়শ্চ ন সন্তি মে ॥ 5-61-17 (34145)
অশ্বিনাবথ বায়্বগ্নী মরুদ্ভিঃ সহ বৃত্রহা।
ধর্মশ্চৈব ময়া দ্বিষ্টান্নোৎসহন্তেঽভিরক্ষিতুম্ ॥ 5-61-18 (34146)
যদি হ্যেতে সমর্থাঃ স্যুর্মদ্দ্বিষস্ত্রাতুমঞ্জসা।
ন স্ম ত্রয়োদশ সমাঃ পার্থা দুঃখভবাপ্নুয়ুঃ ॥ 5-61-19 (34147)
নৈব দেবা ন গন্ধর্বা নাসুরা ন চ রাক্ষসাঃ।
শক্তাস্ত্রাতুং ময়া দ্বিষ্টং সত্যমেতদ্ব্রবীমি তে ॥ 5-61-20 (34148)
দয়ভিধ্যাম্যহং শশ্বচ্ছুভং বা যদি বাঽশুভম্ ।
নৈতদ্বিপন্নপূর্বং মে মিত্রেষ্বরিষু চোভয়োঃ ॥ 5-61-21 (34149)
ভবিষ্যতীদমিতি বা যদ্ব্রবীমি পরন্তপ ।
নান্যথা ভূতপূর্বং চ সত্যবাগিতি মাং বিদুঃ ॥ 5-61-22 (34150)
লোকসাক্ষিকমেতন্মে মাহাত্ম্যং দিক্ষু বিশ্রুতম্ ।
আশ্বাসনার্থং ভবতঃ প্রোক্তং ন শ্লাঘয়া নৃপ ॥ 5-61-23 (34151)
ন হ্যহং শ্লাঘনো রাজন্ভূতপূর্বঃ কদাচন ।
অসদাচরিতং হ্যেতদ্যদাত্মানং প্রশংসতি ॥ 5-61-24 (34152)
পাণ্ডবাংশ্চৈব মৎস্যাংশ্চ পাঞ্চালান্কেকয়ৈঃ সহ ।
সাত্যকিং বাসুদেবং চ শ্রোতাসি বিজিতান্ময়া ॥ 5-61-25 (34153)
সরিতঃ সাগরং প্রাপ্য যথা নশ্যন্তি সর্বশঃ ।
তথৈব তে বিনঙ্ক্ষ্যন্তি মামাসাদ্য সহান্বয়াঃ ॥ 5-61-26 (34154)
পরা বুদ্ধিঃ পরং তেজো বীর্যং চ পরমং মম।
পরা বিদ্যা পরো যোগো মম তেভ্যো বিশিষ্যতে॥ 5-61-27 (34155)
পিতামহশ্চ দ্রোণশ্চ কৃপঃ শল্যঃ শলস্তথা।
অস্ত্রেষু যৎপ্রজানন্তি সর্বং তন্ময়ি বিদ্যতে ॥ 5-61-28 (34156)
ইত্যুক্তে সঞ্জয়ং ভূয়ঃ পর্যপৃচ্ছত ভারত ।
জ্ঞাৎবা যুয়ুৎসোঃ কার্যাণি প্রাপ্তকালমরিন্দমঃ ॥ ॥ 5-61-29 (34157)
ইতি শ্রীমন্মহাভারতে উদ্যোগপর্বণি যানসন্ধিপর্বণি একষষ্টিতমোঽধ্যায়ঃ ॥
Mahabharata - Udyoga Parva - Chapter Footnotes
5-61-3 অকামেতি কামদ্বেষয়োরসংয়োগাৎ। লোভদ্রোহাৎ লোভে দ্রোহকরণাৎ, লোভত্যাগাদিত্যর্থঃ ॥ 5-61-7 এতে দেবাঃ দৈবেষু ভাবেষু শমদমাদিষু শশ্বদপেক্ষকা উপক্ষেমাণঃ নৎবাসুরেষু কামক্রোধাদিষু ॥ 5-61-8 কামাদিমতা কৃতমপি নিষ্ফলং ভবিষ্যতীত্যর্থঃ ॥ 5-61-29 অভিধ্যামি চিন্তয়ামি ॥উদ্যোগপর্ব - অধ্যায় 062
॥ শ্রীঃ ॥
5.62. অধ্যায়ঃ 062
Mahabharata - Udyoga Parva - Chapter Topics
কর্ণেন ধৃতরাষ্ট্রমনাদৃত্য পাণ্ডবহননপ্রতিজ্ঞানম্ ॥ 1 ॥ তথা ভীষ্মাধিক্ষিপ্তেন তেন যুদ্ধে ভীষ্মশমনাবধি শস্ত্রন্যাসং প্রতিজ্ঞায় স্বভবনগমনম্ ॥ 2 ॥ ভীষ্মেণ প্রত্যহং অয়ুতয়োধবধপ্রতিজ্ঞা ॥ 3 ॥Mahabharata - Udyoga Parva - Chapter Text
5-62-0 (34158)
বৈশম্পায়ন উবাচ। 5-62-0x (3581)
তথা তু পৃচ্ছন্তমতীব পার্থং
বৈচিত্রবীর্যং তমচিন্তয়িৎবা।
উবাচ কর্ণো ধৃতরাষ্ট্রপুত্রং
প্রহর্ষয়ন্সংসদি কৌরবাণাম্ ॥ 5-62-1 (34159)
মিথ্যা প্রতিজ্ঞায় ময়া যদস্ত্রং
রামাৎকৃতং ব্রহ্মময়ং পুরস্তাৎ।
বিজ্ঞায় তেনাস্মি তদৈবমুক্ত-
স্তে নান্তকালে প্রতিভাস্যতীতি ॥ 5-62-2 (34160)
মহাপরাধে হ্যপি যন্ন তেন
মহর্ষিণাঽহং গুরুণা চ শপ্তঃ ।
শক্তঃ প্রদগ্ধুং হ্যপি তিগ্মতেজাঃ
সসাগরামপ্যবনিং মহর্ষিঃ ॥ 5-62-3 (34161)
প্রসাদিতং হ্যস্য ময়া মনোঽভূ-
চ্ছুশ্রূষয়া স্বেন চ পৌরুষেণ
তদস্তি চাস্ত্রং মম সাবশেষং
তস্মাৎসমর্থোঽস্মি মমৈষ ভারঃ॥ 5-62-4 (34162)
নিমেষমাত্রাত্তমৃষেঃ প্রসাদ-
মবাপ্য পাঞ্চালকরূশমৎস্যান্।
নিহত্য পার্থান্সহ পুত্রপৌত্রৈ-
র্লোকানহং শস্ত্রজিতান্প্রপৎস্যে॥ 5-62-5 (34163)
পিতামহস্তিষ্ঠতু তে সমীপে
দ্রোণশ্চ সর্বে চ নরেন্দ্রমুখ্যাঃ ।
ঋষিপ্রসাদেন বলেন গৎবা
পার্থান্হনিষ্যামি মমৈষ ভারঃ ॥ 5-62-6 (34164)
এবং ব্রুবন্তং তমুবাচ ভীষ্মঃ
কিং কত্থসে কালপরীতবুদ্ধে।
ন কর্ণ জানাসি যথা প্রধানে
হতে হতাঃ স্যুর্ধৃতরাষ্ট্রপুত্রাঃ ॥ 5-62-7 (34165)
যৎখাণ্ডবং দাহয়তা কৃতং হি
কৃষ্ণদ্বিতীয়েন ধনঞ্জয়েন।
শ্রুৎবৈব তৎকর্ম নিয়ন্তুমাত্মা
যুক্তস্ৎবয়া বৈ সহবান্ধবেন ॥ 5-62-8 (34166)
যাং চাপি শক্তিং ত্রিদশাধিপস্তে
দদৌ মহাত্মা ভগবান্মহেন্দ্রঃ।
ভস্মীকৃতাং তাং সমরে বিশীর্ণাং
চক্রাহতাং দ্রক্ষ্যসি কেশবেন ॥ 5-62-9 (34167)
যস্তে শরঃ সর্পমুখো বিভাতি
সদাঽগ্র্যমাল্যৈর্মহিতঃ প্রয়ত্নাৎ।
স পাণ্ডুপুত্রাভিহতঃ শরৌঘৈঃ
সহ ৎবয়া যাস্যতি কর্ণ নাশম্ ॥ 5-62-10 (34168)
বাণস্য ভৌমস্য চ কর্ণ হন্তা
কিরীটিনং রক্ষতি বাসুদেবঃ ।
যস্ৎবাদৃশানাং চ বরীয়সাং চ
হন্তা রিপূণাং তুমুলে প্রগাঢে ॥ 5-62-11 (34169)
কর্ণ উবাচ। 5-62-12x (3582)
অসংশয়ং বৃষ্ণিপতির্যথোক্ত-
স্তথা চ ভূয়াংশ্চ ততো মহাত্মা।
অহং যদুক্তঃ পরুষং তু কিংচি-
ৎপিতামহস্তস্য ফলং শৃণোতু ॥ 5-62-12 (34170)
ন্যস্যামি শস্ত্রাণি ন জাতু সঙ্খ্যে
পিতামহো দ্রক্ষ্যতি মাং সভায়াম্।
ৎবয়ি প্রশান্তে তু মম প্রভাবং
দ্রক্ষ্যন্তি সর্বে ভুবি ভূমিপালাঃ ॥ 5-62-13 (34171)
বৈশম্পায়ন উবাচ। 5-62-14x (3583)
ইত্যেবমুক্ৎবা স মহাধনুষ্মান্
হিৎবা সভাং স্বং ভবনং জগাম ।
ভীষ্মস্তু দুর্যোধনমেব রাজন্
মধ্যে কুরূণাং প্রহসন্নুবাচ ॥ 5-62-14 (34172)
সত্যপ্রতিজ্ঞঃ কিল সূতপুত্র-
স্তথা কস ভারং বিষহেত কস্মাৎ।
ব্যূহং প্রতিব্যূহ্য শিরাংসি ভিত্ৎবা
লোকক্ষয়ং পশ্যত ভীমসেনাৎ ॥ 5-62-15 (34173)
আবন্ত্যকালিঙ্গজয়দ্রথেষু
চেদিধ্বজে তিষ্ঠতি বাহ্লিকে চ।
অহং হনিষ্যামি সদা পরেষাং
সহস্রশশ্চায়ুতশশ্চ যোধান্ ॥ 5-62-16 (34174)
যদৈব রামে ভগবত্যনিন্দ্যে
ব্রহ্মব্রুবাণঃ কৃতবাংস্তদস্ত্রম্।
তদৈব ধর্মশ্চ তষশ্চ নষ্টং
বৈকর্তনস্যাধমপূরুষস্য ॥ 5-62-17 (34175)
বৈশম্পায়ন উবাচ। 5-62-18x (3584)
তথোক্তবাক্যে নৃপতীন্দ্র ভীষ্মে
নিক্ষিপ্য শস্ত্রাণি গতে চ কর্ণে।
বৈচিত্রবীর্যস্য সুতোঽল্পবুদ্ধি-
র্দুর্যোধনঃ শান্তনবং বভাষে ॥ ॥ 5-62-18 (34176)
ইতি শ্রীমন্মহাভারতে উদ্যোগপর্বণি যানসন্ধিপর্বণি দ্বিষষ্টিতমোঽধ্যায়ঃ ॥
Mahabharata - Udyoga Parva - Chapter Footnotes
5-62-1 তথেতি পার্থং পৃচ্ছন্তং বৈচিত্রবীর্যং অচিন্তয়িৎবেতি সংবন্ধঃ ॥ 5-62-4 সাবশেষং মম আয়ুরস্তি। অতোঽন্তকালস্যানুপস্থিতৎবাত্তদস্ত্রং মমাস্তীতি অহং সমর্থোঽস্মি অর্জুনং জেতুমিত্যর্থঃ ॥ 5-62-5 প্রপৎস্যে প্রাপয়িষ্যে ॥ 5-62-7 প্রধানে ৎবয়ি হতে সতি সর্বে হতাঃ স্যুরত আত্মানং গোপায়েত্যুপহাসঃ ॥ 5-62-17 ব্রহ্মব্রুবাণঃ ব্রাহ্মণোঽহমিতি বদন্ ॥উদ্যোগপর্ব - অধ্যায় 063
॥ শ্রীঃ ॥
5.63. অধ্যায়ঃ 063
Mahabharata - Udyoga Parva - Chapter Topics
দুর্যোধনেন ভীষ্মাভিমতপাণ্ডবজয়পক্ষপ্রতিক্ষেপঃ ॥ 1 ॥ তথা ভীষ্মাদিনৈরপেক্ষ্যেণ কর্ণাদুশ্শাসনসঙ্গতেন আত্মনৈব পাণ়্ডবনিধনপ্রতিজ্ঞা ॥ 2 ॥ বিদুরেণ দমপ্রশংসনম্ ॥ 3 ॥Mahabharata - Udyoga Parva - Chapter Text
5-63-0 (34177)
দুর্যোধন উবাচ। 5-63-0x (3585)
সদৃশানাং মনুষ্যেষু সর্বেষাং তুল্যজন্মনাম্।
কথমেকান্ততস্তেষাং পার্থানাং মন্যসে জয়ম্ ॥ 5-63-1 (34178)
বয়ং চ তেঽপি তুল্যা বৈ বীর্যেণ চ পরাক্রমৈঃ ।
সমেন বয়সা চৈব প্রাতিভেন শ্রুতেন চ ॥ 5-63-2 (34179)
অস্ত্রেণ যোধয়ুগ্যা চ শীঘ্রৎবে কৌশলে তথা।
সর্বে স্ম সমজাতীয়াঃ সর্বে মানুষয়োনয়ঃ ॥ 5-63-3 (34180)
পিতামহ বিজানীষে পার্থেষু বিজয়ং কথম্।
নাহং ভবতি ন দ্রোণে ন কৃপে ন চ বাহ্লিকে ॥ 5-63-4 (34181)
অন্যেষু চ নরেন্দ্রেষু পরাক্রম্য সমারভে।
অহং বৈকর্তনঃ কর্ণো ভ্রাতা দুঃশাসনশ্চ মে ॥ 5-63-5 (34182)
পাণ্ডবান্সমরে পঞ্চ হনিষ্যামঃ শিতৈঃ শরৈঃ ।
ততো রাজন্মহায়জ্ঞৈর্বিবিধৈর্ভূরিদক্ষিণৈঃ ॥ 5-63-6 (34183)
ব্রাহ্মণাংস্তর্পয়িষ্যামি গোভিরশ্বৈর্ধনেন চ ।
যদা পরিকরিষ্যন্তি ঐণেয়ানিব তন্তুনা ।
অতরিত্রানিব জলে বাহুভির্মামকা রণে ॥ 5-63-7 (34184)
পশ্যন্তস্তে পরাংস্তত্র রথনাগসমাকুলান্।
তদা দর্পং বিমোক্ষ্যন্তি পাণ্ডবাঃ স চ কেশবঃ ॥ 5-63-8 (34185)
`সুখান্যবাপ্য সহিতাঃ কৃৎবা কর্ম সুদুস্তরম্।
বিস্রব্ধাস্তু ভবিষ্যামঃ প্রাপ্তে কালে গতজ্বরাঃ ॥ 5-63-9 (34186)
বৈশম্পায়ন উবাচ। 5-63-10x (3586)
অথাব্রবীন্মহারাজো ধৃতরাষ্ট্রঃ সুদুর্মনাঃ ।
বিদুরং বিদুষাং শ্রেষ্ঠং সর্বপার্থিবসংনিধৌ ॥ 5-63-10 (34187)
ধৃতরাষ্ট্র উবাচ। 5-63-11x (3587)
মোহিতো মৃত্যুপাশেন কালস্য বশমাগতঃ।
তাত কর্ণেন সহিতঃ পুত্রো দুর্যোধনো মম ॥' 5-63-11 (34188)
বিদুর উবাচ। 5-63-12x (3588)
ইহ নিঃশ্রেয়সং প্রাহুর্বৃদ্ধা নিশ্চিতদর্শিনঃ ।
ব্রাহ্মণস্য বিশেষেণ দমো ধর্মঃ সনাতনঃ ॥ 5-63-12 (34189)
তস্য দানং ক্ষমা সিদ্ধির্যথাবদুপপদ্যতে ।
দমো দানং তপো জ্ঞানমধীতং চানুবর্ততে ॥ 5-63-13 (34190)
দমস্তেজো বর্ধয়তি পবিত্রং দম উত্তমম্ ।
বিপাপ্মা বৃদ্ধতেজাস্তু পুরুষো বিন্দতে মহৎ ॥ 5-63-14 (34191)
ক্রব্যাদ্ভ্য ইব ভূতানামদান্তেভ্যঃ সদা ভয়ম্ ।
যেষাং চ প্রতিষেধার্থং ক্ষত্রং সৃষ্টং স্বয়ংভুবা ॥ 5-63-15 (34192)
আশ্রমেষু চতুর্ষ্বাহুর্দমমেবোত্তমং ব্রতম্।
তস্য লিঙ্গং প্রবক্ষ্যামি যেষাং সমুদয়ো দমঃ ॥ 5-63-16 (34193)
ক্ষমা ধৃতিরহিংসা চ সমতা সত্যমার্জবম্ ।
ইন্দ্রিয়াভিজয়ো ধৈর্যং মার্দবং হ্রীরচাপলম্ ॥ 5-63-17 (34194)
অকার্পণ্যমসংরম্ভঃ সন্তোষং শ্রদ্দধানতা ।
এতানি যস্য রাজেন্দ্র স দান্তঃ পুরুষঃ স্মৃতঃ ॥ 5-63-18 (34195)
কামো লোভশ্চ দর্পশ্চ মন্যুর্নিদ্রা বিকত্থনম্।
মান ঈর্ষ্যাং চ শোকশ্চ নৈতদ্দান্তো নিষেবতে।
অজিহ্মমশঠং শুদ্ধমেতদ্দান্তস্য লক্ষণম্ ॥ 5-63-19 (34196)
অলোলুপস্তথাঽল্পেপ্সুঃ কামানামবিচিন্তিতা ।
সমুদ্রকল্পঃ পরুষঃ স দান্তঃ পরিকীর্তিতঃ ॥ 5-63-20 (34197)
সুবৃত্তঃ শীলসংপন্নঃ প্রসন্নাত্মাঽত্মবিদ্বুধঃ ।
প্রাপ্যেহ লোকে সংমানং সুগতিং প্রেত্য গচ্ছতি ॥ 5-63-21 (34198)
অভয়ং যস্য ভূতেভ্যঃ সর্বেষামভয়ং যতঃ।
স বৈ পরিণতপ্রজ্ঞঃ প্রখ্যাতো মনুজোত্তমঃ ॥ 5-63-22 (34199)
সর্বভূতহিতো মৈত্রস্তস্মান্নোদ্বিজতে জনঃ।
সমুদ্র ইব গম্ভীরঃ প্রজ্ঞাতৃপ্তঃ প্রশাম্যতি ॥ 5-63-23 (34200)
কর্মণাঽচরিতং পূর্বং সদ্ভিরাচরিতং চ যৎ।
তদেবাস্থায় মোদন্তে দান্তাঃ শমপরায়ণাঃ ॥ 5-63-24 (34201)
নৈষ্কর্ম্যং বা সমাস্থায় জ্ঞানতৃপ্তো জিতেন্দ্রিয়ঃ।
কালাকাঙ্ক্ষী চরঁল্লোকে ব্রহ্মভূয়ায় কল্পতে ॥ 5-63-25 (34202)
শকুনীনামিবাকাশে পদং নৈবোপলভ্যতে।
এবং প্রজ্ঞানতৃপ্তস্য মুনের্বর্ত্ম ন দৃশ্যতে ॥ 5-63-26 (34203)
উৎসৃজ্যৈব গৃহান্যস্তু মোক্ষমেবাভিমন্যতে ।
লোকাস্তেজোময়াস্তস্য কল্পন্তে শাশ্বতা দিবি ॥ ॥ 5-63-27 (34204)
ইতি শ্রীমন্মহাভারতে উদ্যোগপর্বণি যানসন্ধিপর্বণি ত্রিষষ্টিতমোঽধ্যায়ঃ ॥
Mahabharata - Udyoga Parva - Chapter Footnotes
5-63-2 প্রাতিভেন সময়স্ফূর্ত্যা ॥ 5-63-3 যোধয়ুগ্যা শূরসমৃদ্ধ্যা ॥ 5-63-7 তরিত্রা নৌরক্ষকাঃ কর্ণধারাদয়ঃ তদ্রহিতান্ তদ্বৎ মামকাস্তান্ রণে বাহুভ্যাং পরিহরিষ্যন্তি ॥ 5-63-16 সমুদয়ঃ উদয়হেতু ॥উদ্যোগপর্ব - অধ্যায় 064
॥ শ্রীঃ ॥
5.64. অধ্যায়ঃ 064
Mahabharata - Udyoga Parva - Chapter Topics
বিদুরেণ শকুনিদৃষ্টান্তেন জ্ঞাতিভির্বিরোধস্যানর্থহেতুৎবকথনম্ ॥ 1 ॥ তথা কিরাতদৃষ্টান্তপ্রদর্শনেন অত্যাশায়া অনর্থহেতুতাকথনম্ ॥ 2 ॥ তথা যুদ্ধে জয়পরাজয়যোরব্যবস্থিতৎবাভিধানম্ ॥ 3 ॥Mahabharata - Udyoga Parva - Chapter Text
5-64-0 (34205)
বিদুর উবাচ। 5-64-0x (3589)
শকুনীনামিহার্থায় পাশং ভূমাবয়োজয়ৎ।
কশ্চিচ্ছাকুনিকস্তাত পূর্বেষামিতি শুশ্রুম্ ॥ 5-64-1 (34206)
তস্মিংস্তৌ শকুনৌ বদ্ধৌ যুগপৎসহচারিণৌ।
তাবুপাদায় তং পাশং জগ্মতুঃ খচরাবুভৌ ॥ 5-64-2 (34207)
তৌ বিহায়সমাক্রান্তৌ দৃষ্ট্বা শাকুনিকস্তদা ।
অন্বধাবদনির্বিণ্ণো যেন যেন স্ম গচ্ছতঃ ॥ 5-64-3 (34208)
তথা তমনুধাবন্তমৃগয়ুং শকুনার্থিনম্ ।
আশ্রমস্থো মুনিঃ কশ্চিদ্দদর্শাথ কৃতাহ্নিকঃ ॥ 5-64-4 (34209)
তাবন্তরিক্ষগৌ শীঘ্রমনুয়ান্তং মহীচরম্।
শ্লোকেনানেন কৌরব্য পপ্চ্ছ স মুনিস্তদা ॥ 5-64-5 (34210)
বিচিত্রমিদমাশ্চর্যং মৃগহন্প্রতিভাতি মে।
প্লবমানৌ হি খচরৌ পদাতিরনুধাবসি ॥ 5-64-6 (34211)
শাকুনিক উবাচ। 5-64-7x (3590)
পাশমেকমুভাবেতৌ সহিতৌ হরতো মম।
যত্র বৈ বিবদিষ্যেতে তত্র মে বশমেষ্যতঃ ॥ 5-64-7 (34212)
বিদুর উবাচ। 5-64-8x (3591)
তৌ বিবাদমনুপ্রাপ্তৌ শকুনৌ মৃত্যুসন্ধিতৌ।
বিগৃহ্য চ স্রুদুর্বুদ্ধী পৃথিব্যাং সংনিপেততুঃ ॥ 5-64-8 (34213)
তৌ যুধ্যমানৌ সংরব্ধৌ মৃত্যুপাশবশানুগৌ ।
উপসৃত্য প্রমত্তৌ তৌ জগ্রাহ মৃগহা তদা ॥ 5-64-9 (34214)
এবং যে জ্ঞাতয়োঽর্থেষু মিথো গচ্ছন্তি বিগ্রহম্।
তে মৃত্যুবশমায়ান্তি শকুনাবিব বিগ্রহাৎ ॥ 5-64-10 (34215)
সংভোজনং সংকথনং সংপ্রশ্নোঽথ সমাগমঃ ।
এতানি জ্ঞাতিকার্যাণি ন বিরোধঃ কদাচন ॥ 5-64-11 (34216)
যে স্ম কালে সুমনসঃ সর্বে বৃদ্ধানুপাসতে।
সিংহগুপ্তমিবারণ্যমপ্রধৃষ্যা ভবন্তি তে॥ 5-64-12 (34217)
যেঽর্থং সন্ততমাসাদ্য দীনা ইব সমাসতে।
শ্রিয়ং তে সংপ্রয়চ্ছন্তি দ্বিষদ্ভ্যো ভরতর্ষভ ॥ 5-64-13 (34218)
ধূমায়ন্তে ব্যপেতানি জ্বলন্তি সহিতানি চ।
ধৃতরাষ্ট্রোল্মুকানীব জ্ঞাতয়ো ভরতর্ষভ ॥ 5-64-14 (34219)
ইদমন্যৎপ্রবক্ষ্যামি যথা দৃষ্টং গিরৌ ময়া।
শ্রুৎবা তদপি কৌরব্য যথা শ্রেয়স্তথা কুরু ॥ 5-64-15 (34220)
বয়ং কিরাতৈঃ সহিতা গচ্ছামো গিরিমুত্তরম্ ।
ব্রাহ্মণৈর্দেবকল্পৈশ্চ বিদ্যাজম্ভকবার্তিকৈঃ ॥ 5-64-16 (34221)
কুঞ্চভূতং গিরিং সর্বমভিতো গন্ধমাদনম্।
দীপ্যমানৌষধিগণং সিদ্ধগন্ধর্বসেবিতম্ ॥ 5-64-17 (34222)
তত্রাপশ্যাম বৈ সর্বে মধু পীতকমাক্ষিকম্।
মরুপ্রপাতে বিষমে নিবিষ্টং কুম্ভসংমিতম্ ॥ 5-64-18 (34223)
আশীবিষৈ রক্ষ্যমাণং কুবেরদয়িতং ভৃশম্।
যৎপ্রাপ্য পুরুষো মর্ত্যোঽপ্যমরৎবং নিয়চ্ছতি ॥ 5-64-19 (34224)
অচক্ষুর্লভতে চক্ষুর্বৃদ্ধো ভবতি বৈ যুবা।
ইতি তে কথয়ন্তিস্ম ব্রাহ্মণা জম্ভসাধকাঃ ॥ 5-64-20 (34225)
ততঃ কিরাতাস্তদ্দৃষ্ট্বা প্রার্থয়ন্তো মহীপতে।
বিনেশুর্বিষমে তস্মিন্সসর্পে গিরিগহ্বরে ॥ 5-64-21 (34226)
তথৈব তব পুত্রোঽয়ং পৃথিবীমেক ইচ্ছতি।
মধু পশ্যতি সংমোহাৎপ্রপাতং নানুপশ্যতি ॥ 5-64-22 (34227)
দুর্যোধনো যোদ্ধুমনাঃ সমরে সব্যসাচিনা।
ন চ পশ্যামি তেজোস্য বিক্রমং বা তথাবিধম্ ॥ 5-64-23 (34228)
একেন রথমাস্থায় পৃথিবী যেন নির্জিতা ।
ভীষ্মদ্রোণপ্রভৃতয়ঃ সন্ত্রস্তাঃ সাধুয়ায়িনঃ ॥ 5-64-24 (34229)
বিরাটনগরে ভগ্নাঃ কিং তত্র তব দৃশ্যতাম্ ।
প্রতীক্ষমাণো যো বীরঃ ক্ষমতে বীক্ষিতং তব ॥ 5-64-25 (34230)
দ্রুপদো মৎস্যরাজশ্চ সঙ্কুদ্ধশ্চ ধনঞ্জয়ঃ ।
ন শেষয়েয়ুঃ সমরে বায়ুয়ুক্তা ইবাগ্নয়ঃ ॥ 5-64-26 (34231)
অঙ্কে কুরুষ্ব রাজানং ধৃতরাষ্ট্র যুধিষ্ঠিরম্।
যুধ্যতোর্হি দ্বয়োর্যুদ্ধে নৈকান্তেন ভবেঞ্জয়ঃ ॥ ॥ 5-64-27 (34232)
ইতি শ্রীমন্মহাভারতে উদ্যোগপর্বণি যানসন্ধিপর্বণি চতুঃষষ্টিতমোঽধ্যায়ঃ ॥
Mahabharata - Udyoga Parva - Chapter Footnotes
5-64-16 বিদ্যাজম্ভকবার্তিকাঃ । বিদ্যা মন্ত্রয়ন্ত্রাদিরূপা। জম্ভক ঔষধসাধনানি তদ্বার্তাপ্রিয়াঃ ॥ 5-64-17 কুঞ্জভূতং সর্বতো লতাভিঃ পরিবৃতম্ ॥উদ্যোগপর্ব - অধ্যায় 065
॥ শ্রীঃ ॥
5.65. অধ্যায়ঃ 065
Mahabharata - Udyoga Parva - Chapter Topics
ধৃতরাষ্ট্রেণ দুর্যোধনংপ্রতি অর্জুনস্য শ্রীকৃষ্ণপরমপ্রেমাস্পদতয়া দুর্জয়ৎবভিধানপূর্বকং পাণ্ডবৈঃ সহ সন্ধিবিধানম্ ॥ 1 ॥Mahabharata - Udyoga Parva - Chapter Text
5-65-0 (34233)
ধৃতরাষ্ট্র উবাচ। 5-65-0x (3592)
দুর্যোধন বিজানীহি যত্ৎবাং বক্ষ্যামি পুত্রক।
উৎপথং মন্যসে মার্গমনভিজ্ঞ ইবাধ্বগঃ ॥ 5-65-1 (34234)
পঞ্চানাং পাণ্ডুপুত্রাণাং যত্তেজঃ প্রজিহীর্ষসি।
পঞ্চানামিব ভূতানাং মহতাং লোকধারিণাম্ ॥ 5-65-2 (34235)
যুধিষ্ঠিরং হি কৌন্তেয়ং পরং ধর্মমিহাস্থিতম্।
পরাং গতিমসংপ্রেত্য ন ৎবং জেতুমিহার্হসি ॥ 5-65-3 (34236)
ভীমসেনং চ কৌন্তেয়ং যস্য নাস্তি সমো বলে।
রণান্তকং তর্জয়সে মহাবাতমিব দ্রুমঃ ॥ 5-65-4 (34237)
সর্বশস্ত্রভৃতাং শ্রেষ্ঠং মেরুং সিখরিণামিব।
যুধি গাণ্ডিবধন্বানং কো নু যুধ্যেত বুদ্ধিমান্ ॥ 5-65-5 (34238)
ধৃষ্টদ্যুম্নশ্চ পাঞ্চাল্যঃ কমিবাদ্য ন শাতয়েৎ।
শত্রুমধ্যে শরান্মুঞ্চন্দেবরাডশনীমিব ॥ 5-65-6 (34239)
সাত্যকিশ্চাপি দুর্ধর্ষঃ সংমতোঽন্ধকবৃষ্ণিষু।
ধ্বংসয়িষ্যতি তে সেনাং পাণ্ডবেয়হিতে রতঃ ॥ 5-65-7 (34240)
যঃ পুনঃ প্রতিমানেন ত্রীল্লোকানতিরিচ্যতে ।
তং কৃষ্ণং পুণ্ডরীকাক্ষং কো নু যুদ্ধ্যেত বুদ্ধিমান্ ॥ 5-65-8 (34241)
একতো হ্যস্য দারাশ্চ জ্ঞাতয়শ্চ সবান্ধবাঃ।
আত্মা চ পৃথিবী চেয়মেকতশ্চ ধনঞ্জয়ঃ ॥ 5-65-9 (34242)
বাসুদেবোঽপি দুর্ধর্ষো যতাত্মা যত্র পাণ্ডবঃ ।
অবিষহ্যং পৃথিব্যাপি তদ্বলং যত্র কেশবঃ ॥ 5-65-10 (34243)
তিষ্ঠ তাত সতাং বাক্যে সুহৃদামর্থবাদিনাম্।
বৃদ্ধং শান্তনবং ভীষ্মং তিতিক্ষস্ব পিতামহম্ ॥ 5-65-11 (34244)
মাং চ ব্রুবাণং শুশ্রূষ কুরূণামর্থদর্শিনম্ ।
দ্রোণং কৃপং বিকর্ণং চ মহারাজং চ বাহ্লিকম্ ॥ 5-65-12 (34245)
এতে হ্যপি যতৈবাহং মন্তুমর্হসি তাংস্তথা।
সর্বে ধর্মবিদো হ্যেতে তুল্যস্নেহাশ্চ ভারত ॥ 5-65-13 (34246)
যত্তদ্বিরাটনগরে সহ ভ্রাতৃভিরগ্রতঃ।
উৎসৃজ্য গাঃ সুসন্ত্রস্তং বলং তে সমশীর্যত ॥ 5-65-14 (34247)
যচ্চৈব নগরে তস্মিঞ্শ্রূয়তে মহদদ্ভুতম্।
একস্য চ বহূনাং চ পর্যাপ্তং তন্নিদর্শনম্ ॥ 5-65-15 (34248)
অর্জুনস্তত্তথাকার্ষীৎকিং পুনঃ সর্ব এব তে।
স ভ্রাতৄনভিজানীহি বৃত্ত্যা তং প্রতিপাদয় ॥ ॥ 5-65-16 (34249)
ইতি শ্রীমন্মহাভারতে উদ্যোগপর্বণি যানসন্ধিপর্বণি পঞ্চষষ্টিতমোঽধ্যায়ঃ ॥
Mahabharata - Udyoga Parva - Chapter Footnotes
5-65-1 উৎপথং অমার্গমেব মার্গং ৎবন্যসে ॥ 5-65-6 ন শাতয়েৎ ন ছিন্দ্যাৎ ॥ 5-65-8 প্রতিমানেন তুল্যৎবেন ॥ 5-65-11 ভীষ্মং তিতিক্ষস্য তদ্বাক্যং গৃহাণেত্যর্থঃ ॥ 5-65-16 বৃত্ত্যা রাজ্যার্ধদানেন প্রতিপাদয় সংভাবয় ॥উদ্যোগপর্ব - অধ্যায় 066
॥ শ্রীঃ ॥
5.66. অধ্যায়ঃ 066
Mahabharata - Udyoga Parva - Chapter Topics
দুর্যোধনেন ধৃতরাষ্ট্রবত্তনানভিনন্দনে রাজ্ঞাং নির্গমনম্ ॥ 1 ॥ ধৃতরাষ্ট্রেণ স্বপরসেনয়োঃ সারাসারকথনচোদিতেন সঞ্জয়েন ব্যাসগান্ধারীসন্নিধৌ কথনকথনম্ ॥ 2 । শ্রীব্যাসেন সঞ্জয়ংপ্রতি ধৃতরাষ্ট্রপ্রশ্নস্যোত্তরদানাভ্যনুজ্ঞানম্ ॥ 3 ।Mahabharata - Udyoga Parva - Chapter Text
5-66-0 (34250)
বৈশংপায়ান উবাচ। 5-66-0x (3593)
দুর্যোধনে ধার্তরাষ্ট্রে তদ্বচো নাভিনন্দতি।
তূষ্ণীংভূতেষু সর্বেষু সমুত্তস্থুর্নরর্ষভাঃ ॥ 5-66-1 (34251)
উত্থিতেষু মহারাজ পৃথিব্যাং সর্বরাজসু।
রহিতে সঞ্জয়ং রাজা পরিপ্রষ্টুং প্রচক্রমে ॥ 5-66-2 (34252)
আশংসমানো বিজয়ং তেষাং পুত্রবশানুগঃ ।
আত্মনশ্চ পরেষাং চ পাণ্ডবানাং চ নিশ্চয়ম্ ॥ 5-66-3 (34253)
ধৃতরাষ্ট্র উবাচ। 5-66-4x (3594)
গাবল্গণে ব্রূহি নঃ সারফল্গু
স্বেসনায়ং যাবদিহাস্তি কিংচিৎ।
ৎবং পাণ্ডবানাং নিপুণং বেত্থ সর্বং
কিমেষাং জ্যায়ঃ কিমু তেষাং কনীয়ঃ ॥ 5-66-4 (34254)
ৎবমেতয়োঃ সারবিৎসর্বদর্শী
ধর্মার্থয়োর্নিপুণো নিশ্চয়জ্ঞঃ।
স মে পৃষ্টঃ সঞ্জয় ব্রূহি সর্বং
যুধ্যমানাঃ কতরেঽস্মিন্ন সন্তি ॥ 5-66-5 (34255)
সঞ্জয় উবাচ। 5-66-6x (3595)
ন ৎবাং ব্রূয়াং রহিতে জাতু কিংচি-
দসূয়া হি ৎবাং প্রবিশেত রাজন্।
আনয়স্ব পিতরং মহাব্রতং
গান্ধারীং চ মহিষীমাজমীঢ ॥ 5-66-6 (34256)
তো তেঽসূয়াং বিনয়েতাং নরেন্দ্র
ধর্মজ্ঞৌ তৌ নিপুণৌ নিশ্চয়জ্ঞৌ ।
তয়োস্তু ৎবাং সন্নিধৌ তদ্বদেয়ং
কৃৎস্নং মতং কেশবপার্থয়োর্যৎ ॥ 5-66-7 (34257)
বৈশম্পায়ন উবাচ। 5-66-8x (3596)
ইত্যুক্তেন চ গান্ধারী ব্যাসশ্চাত্রাজগামহ।
আনীতৌ বিদুরেণেহ সভাং শীঘ্রং প্রবেশিতৌ ॥ 5-66-8 (34258)
ততস্তন্মতমাজ্ঞায় সঞ্জয়স্যাত্মজস্য চ।
অভ্যুপেত্য মহাপ্রাজ্ঞঃ কৃষ্ণদ্বৈপায়নোঽব্রবীৎ ॥ 5-66-9 (34259)
ব্যাস উবাচ। 5-66-10x (3597)
সংপৃচ্ছতে ধৃতরাষ্ট্রয় সঞ্জয়
আচক্ষ্ব সর্বং যাবদেষোঽনুয়ুঙ্ক্তে।
সর্বং যাবদ্বেত্থ তস্মিন্যথাব-
দ্যাথাতথ্যং বাসুদেবেঽর্জুনে চ ॥ ॥ 5-66-10 (34260)
ইতি শ্রীমন্মহাভারতো উদ্যোগপর্বণি যানসন্ধিপর্বণি ষট্ষষ্টিতমোঽধ্যায়ঃ ॥
Mahabharata - Udyoga Parva - Chapter Footnotes
5-66-3 পরেষাং তটস্থানাম্ ॥ 5-66-5 যুধ্যমানা ন সন্তি উদাসীনা ইত্যর্থঃ ॥ 5-66-6 পিতরং ব্যাসম্ ॥উদ্যোগপর্ব - অধ্যায় 067
॥ শ্রীঃ ॥
5.67. অধ্যায়ঃ 067
Mahabharata - Udyoga Parva - Chapter Topics
সঞ্জয়েন ধৃতরাষ্ট্রংপ্রতি সারভূতাৎসর্বস্মাদপি শ্রীকৃষ্ণস্য সারতরৎবকথনম্ ॥ 1 ॥Mahabharata - Udyoga Parva - Chapter Text
5-67-0 (34261)
সঞ্জয় উবাচ। 5-67-0x (3598)
অর্জুনো বাসুদেবশ্চ ধন্বিনৌ পরমার্থিতৌ।
কামাদন্যত্র সংভূতৌ সর্বভাবায় সংমিতৌ॥ 5-67-1 (34262)
ব্যামান্তরং সমাস্থয় যথামুক্তং মনস্বিনঃ ।
চক্রং তদ্বাসুদেবস্য মায়যা বর্ততে বিভো॥ 5-67-2 (34263)
সাপহ্নবং কৌরবেষু পাণ্ডবানাং সুসংমতম্।
সারাসারবলং জ্ঞাতুং তেজঃপুঞ্জাবভাসিতম্ ॥ 5-67-3 (34264)
নরকং শম্বরং চৈব কংসং চৈদ্যং চ মাধবঃ।
জিতবান্ঘোরসঙ্কাশান্ক্রীডন্নিব মহাবলঃ ॥ 5-67-4 (34265)
পৃথিবীং চান্তরিক্ষং চ দ্যাং চৈব পুরুষোত্তমঃ ।
মনসৈব বিশিষ্টাত্মা নয়ত্যাত্মবশং বশী ॥ 5-67-5 (34266)
ভূয়ো ভূয়ো হি যদ্রাজন্পৃচ্ছসে পাণ্ডবান্প্রতি ।
সারাসারবলং জ্ঞাতুং তৎসমাসেন মে শৃণু ॥ 5-67-6 (34267)
একতো বা জগৎকৃৎস্নমেকতো বা জনার্দনঃ।
সারতো জগতঃ কৃৎস্নাদতিরিক্তো জনার্দনঃ ॥ 5-67-7 (34268)
ভস্ম কুর্যাঞ্জগদিদং মনসৈব জনার্দনঃ ।
ন তু কৃৎস্নং জগচ্ছক্তং কিঞ্চিৎকর্তুং জনার্দনে ॥ 5-67-8 (34269)
যতঃ সত্যং যতো ধর্মো যতো হ্রীরার্জবং যতঃ।
ততো ভবতি গোবিন্দো যতঃ কৃষ্ণস্ততো জয়ঃ ॥ 5-67-9 (34270)
পৃথিবীং চান্তরিক্ষং চ দিবং চ পুরুষোত্তমঃ।
বিচেষ্টয়তি ভূতাত্মা ক্রীডন্নিব জনার্দনঃ ॥ 5-67-10 (34271)
স কৃৎবা পাণ্ডবান্সত্রং লোকং সংমোহয়ন্নিব ।
অধর্মনিরতান্মূঢান্দগ্ধুমিচ্ছতি তে সুতান্ ॥ 5-67-11 (34272)
কালচক্রং জগচ্চক্রং যুগচক্রং চ কেশবঃ।
আত্ময়োগেন ভগবান্পরিবর্তয়তেঽনিশম্ ॥ 5-67-12 (34273)
কালস্য চ হি মৃত্যোশ্চ জঙ্গমস্থাবরস্য চ ।
ঈষ্টে হি ভগবানেকঃ সত্যমেতদ্ব্রবীমি তে ॥ 5-67-13 (34274)
ঈশন্নপি মহায়োগী সর্বস্য জগতো হরিঃ।
কর্মাণ্যারভতে কর্তুং কীনাশ ইব দুর্বলঃ ॥ 5-67-14 (34275)
তেন বঞ্চয়তে লোকান্মায়ায়োগেন কেশবঃ ।
যে তমেব প্রপদ্যন্তে ন তে মুহ্যন্তি মানবাঃ ॥ ॥ 5-67-15 (34276)
ইতি শ্রীমন্মহাভারতে উদ্যোগপর্বণি যানসন্ধিপর্বণি সপ্তষষ্টিতমোঽধ্যায়ঃ ॥
Mahabharata - Udyoga Parva - Chapter Footnotes
5-67-2 ব্যামান্তরং প্রসারিতয়োর্হস্তয়োর্যাবান্বিস্তারঃ পঞ্চহস্তমিতঃ তাবৎ অন্তরং মধ্যপ্রমাণং যস্য তদ্ব্যামান্তরম্। যথামুক্তং যথা যথারূপং যাবৎপ্রমাণং চিন্তিতং তাবৎপ্রমাণং ভূৎবা যৎ মুক্তং ভবতি। মায়যা দুর্লক্ষ্যরূপেণেত্যর্থঃ ॥ 5-67-3 সাপহ্নবং সসংহারম্। অত এব পাণ্ডবানাং সুসংমতম্ ॥ 5-67-11 সত্রং ব্যাজম্। সত্রমাচ্ছাদনে যজ্ঞে সদাদানে চ কৈতবে ইতি বিশ্বঃ ॥ 5-67-14 ঈসন্নপি ঈশানোপি। কীনাশ কর্ষকঃ ॥উদ্যোগপর্ব - অধ্যায় 068
॥ শ্রীঃ ॥
5.68. অধ্যায়ঃ 068
Mahabharata - Udyoga Parva - Chapter Topics
ভগবদ্বেদনসাধনং পৃষ্টেন সঞ্জয়েন ধৃতরাষ্ট্রংপ্রতি তৎকথনম্ ॥ 1 ॥ শ্রীব্যাসেন ধৃতরাষ্ট্রংপ্রতি সঞ্জয়াদ্ভগদ্বেদনাভ্যনুজ্ঞা ॥ 2 ॥Mahabharata - Udyoga Parva - Chapter Text
5-68-0 (34277)
ধৃতরাষ্ট্র উবাচ। 5-68-0x (3599)
কথং ৎবং মাধবং বেত্থ সর্বলোকমহেশ্বরম্।
কথমেনং ন বেদাহং তন্মমাচক্ষ্ব সঞ্জয় ॥ 5-68-1 (34278)
সঞ্জয় উবাচ। 5-68-2x (3600)
শ্রৃণু রাজন্ন তে বিদ্যা মম বিদ্যা ন হীয়তে।
বিদ্যাহীনস্তমোধ্বস্তো নাভিজানাতি কেশবম্ ॥ 5-68-2 (34279)
বিদ্যযা তাত জানামি ত্রিয়ুগং মধুসূদনম্ ।
কর্তারমকৃতং দেবং ভূতানাং প্রভবাপ্যযম্ ॥ 5-68-3 (34280)
ধৃতরাষ্ট্র উবাচ। 5-68-4x (3601)
গাবল্গণেঽত্র কা ভক্তির্যা তে নিত্যা জনার্দনে।
যয়া ৎবমভিজানাসি ত্রিয়ুগং মধুসূদনম্ ॥ 5-68-4 (34281)
সঞ্জয় উবাচ। 5-68-5x (3602)
মায়াং ন সেবে ভদ্রং তে ন বৃথাধর্মমাচরে।
শুদ্ধভাবং গতো ভক্ত্যা শাস্ত্রদ্বেদ্মি জনার্দনম্ ॥ 5-68-5 (34282)
ধৃতরাষ্ট্র উবাচ। 5-68-6x (3603)
দুর্যোধন হৃষীকেশং প্রপদ্যস্ব জনার্দনম্।
আপ্তো নঃ সঞ্জয়স্তাত শরণং গচ্ছ কেশবম্ ॥ 5-68-6 (34283)
দুর্যোধন উবাচ। 5-68-7x (3604)
ভগবান্দেবকীপুত্রো লোকাংশ্চেন্নিহনিষ্যতি।
প্রবদন্নর্জুনে সখ্যং নাহং গচ্ছেঽদ্য কেশবম্ ॥ 5-68-7 (34284)
ধৃতরাষ্ট্র উবাচ। 5-68-8x (3605)
অবাগ্গান্ধারি পুত্রস্তে গচ্ছত্যেষ সুদুর্মতিঃ ।
ঈর্ষুর্দুরাত্মা মানী চ শ্রেয়সাং বচনাতিগঃ ॥ 5-68-8 (34285)
গান্ধার্যুবাচ। 5-68-9x (3606)
ঐশ্বর্যকাম দুষ্টাত্মন্বৃদ্ধানাং শাসনাতিগ।
ঐশ্বর্যজীতিতে হিৎবা পিতরং মাং চ বালিশ ॥ 5-68-9 (34286)
বর্ধয়ন্দুর্হৃদাং প্রীতিং মাং চ শোকেন বর্ধয়ন্ ।
নিহতো ভীমসেনেন স্মর্তাতি বচনং পিতুঃ ॥ 5-68-10 (34287)
ব্যাস উবাচ। 5-68-11x (3607)
প্রিয়োঽসি রাজন্কৃষ্ণস্য ধৃতরাষ্ট্র নিবোধ মে।
যস্য তে সঞ্জয়ো দূতো যস্ৎবাং শ্রেয়সি যোক্ষ্যতে ॥ 5-68-11 (34288)
জানাত্যেষ হৃষীকেশং পুরাণং যচ্চ বৈ পরম্।
শুশ্রূষমাণমৈকাগ্র্যং মোক্ষ্যতে মহতো ভয়াৎ ॥ 5-68-12 (34289)
বৈচিত্রবীর্য পুরুষাঃ ক্রোধহর্ষসমাবৃতাঃ ।
সিতা বহুবিধৈঃ পাশৈর্যে ন তুষ্টাঃ স্বকৈর্ধনৈঃ ॥ 5-68-13 (34290)
যমস্য বশমায়ান্তি কামমূঢাঃ পুনঃ পুনঃ ।
অন্ধনেত্রা যথৈবান্ধা নীয়মানাঃ স্বকর্মভিঃ ॥ 5-68-14 (34291)
এষ একায়নঃ পন্থা যেন যান্তি মনীষিণঃ ।
তং দৃষ্ট্বা মৃত্যুমত্যেতি মহাংস্তত্র ন সঞ্জতি ॥ 5-68-15 (34292)
ধৃতরাষ্ট্র উবাচ। 5-68-16x (3608)
অঙ্গ সঞ্জয় মে শংস পন্থানমকুতোভয়ম্।
যেন গৎবা হৃষীকেশং প্রাপ্নুয়াং সিদ্ধিমুত্তমাম্ ॥ 5-68-16 (34293)
সঞ্জয় উবাচ। 5-68-17x (3609)
নাকৃতাত্মা কৃতাত্মানং জাতু বিদ্যাঞ্জনার্দনম্ ।
আত্মনস্তু ক্রিয়োপায়ো নান্যত্রেন্দ্রিয়নিগ্রহাৎ ॥ 5-68-17 (34294)
ইন্দ্রিয়াণামুদীর্ণানাং কামত্যাগোঽপ্রমাদতঃ।
অপ্রমাদোঽবিহিংসা চ জ্ঞানয়োনিরসংশয়ম্ ॥ 5-68-18 (34295)
ইন্দ্রিয়াণাং যমে যত্তো ভব রাজন্নতন্দ্রিতঃ ।
বুদ্ধিশ্চ তে মা চ্যুবতু নিয়চ্ছৈনাং যতস্ততঃ ॥ 5-68-19 (34296)
এতজ্জ্ঞানং বিদুর্বিপ্রা ধ্রুবমিন্দ্রিয়ধারণম্।
এতজ্জ্ঞানং চ পন্থাশ্চ যেন যান্তি মনীষিণঃ ॥ 5-68-20 (34297)
অপ্রাপ্যঃ কেশবো রাজন্নিন্দ্রিয়ৈরজিতৈর্নৃভিঃ।
আগমাধিগমাদ্যোগাদ্বশী তত্ৎবে প্রসীদতি ॥ ॥ 5-68-21 (34298)
ইতি শ্রীমন্মহাভারতে উদ্যোগপর্বণি যানসন্ধিপর্বণি অষ্টষষ্টিতমোঽধ্যায়ঃ ॥
Mahabharata - Udyoga Parva - Chapter Footnotes
5-68-4 ভক্তিঃ আরাধ্যৎবেন জ্ঞানং এচ্চ কীদৃশম্ ॥ 5-68-5 বৃথাধর্মং ভগবদর্পণং বিনা ন চরামি। শুদ্ধভাবং মনসঃ কামক্রোধাদিরাহিত্যেন নৈর্মল্যম্ ॥ 5-68-12 ঐকাগ্র্যং শুশ্রূষমাণং সেবমানং ৎবাং মোক্ষ্যতে মোচয়িষ্যতি ॥ 5-68-13 সিতাঃ বদ্ধাঃ । পাশৈঃ কামাদিভিঃ ॥ 5-68-14 অন্ধনেত্রা অন্ধশ্চাসৌ নেতা চ তেন ॥ 5-68-17 আত্মনঃ স্বস্য ইন্দ্রিয়নিগ্রহাদন্যত্র ইন্দ্রিয়নিগ্রহংবিনা ক্রিয়ায়াগাদিরূপা উপায়ঃ প্রাপ্ত্যুপায়ো নাস্তি ॥ 5-68-21 যোগাৎ চিত্তবৃত্তিনিরোধাৎ। বশী ঈশ্বরঃ। তত্ৎবে স্বয়াথাত্ম্যে বিষয়ে। প্রসীদতি জ্ঞানদানেন অনুগৃহ্ণাতি ॥উদ্যোগপর্ব - অধ্যায় 069
॥ শ্রীঃ ॥
5.69. অধ্যায়ঃ 069
Mahabharata - Udyoga Parva - Chapter Topics
সঞ্জয়েন ধৃতরাষ্ট্রংপ্রতি বাসুদেবাদিভগবন্নামনির্বচনম্ ॥ 1 ॥ তথা সন্ধ্যর্থং শ্রীকৃষ্ণাগমনকথনম্ ॥ 2 ॥Mahabharata - Udyoga Parva - Chapter Text
5-69-0 (34299)
ধৃতরাষ্ট্র উবাচ। 5-69-0x (3610)
ভূয়ো মে পুণ্ডরীকাক্ষং সঞ্জয়াচক্ষ্ব পৃচ্ছতঃ।
নামকর্মার্থবিত্তাত প্রাপ্নুয়াং পুরুষোত্তমম্ ॥ 5-69-1 (34300)
সঞ্জয় উবাচ। 5-69-2x (3611)
শ্রুতং মে বাসুদেবস্য নামনির্বচনং শুভম্।
যাবত্তত্রাভিজানেঽহমপ্রমেয়ো হি কেশবঃ ॥ 5-69-2 (34301)
বসনাৎসর্বভূতানাং বসুৎবাদ্দেবয়োনিতঃ।
বাসুদেবস্ততো বেদ্যো বৃহত্ৎবাদ্বিষ্ণুরুচ্যতে ॥ 5-69-3 (34302)
মৌনাদ্ধ্যানাচ্চ যোগাচ্চ বিদ্দি ভারত মাধবম্।
সর্বতত্ৎবলয়াচ্চৈব মধুহা মধুসূদনঃ ॥ 5-69-4 (34303)
কৃষির্ভূবাচকঃ শব্দো গশ্চ নির্বৃতিবাচকঃ।
বিষ্ণুস্তদ্ভাবয়োগাচ্চ কৃষ্ণো ভবতি সাৎবতঃ ॥ 5-69-5 (34304)
পুণ্ডরীকং পরং ধাম নিত্যমক্ষয়মব্যযম্ ।
তদ্ভাবাৎপুণ্ডরীকাক্ষো দস্যুত্রাসাজ্জানার্দনঃ ॥ 5-69-6 (34305)
যতঃ সৎবং ন চ্যবতে যচ্চ যৎবান্ন হীয়তে।
সাৎবতঃ সাৎবতস্তস্মাদার্ষভাদ্বৃষভেক্ষণঃ ॥ 5-69-7 (34306)
ন জায়তে জনিত্রাঽয়মজস্তস্মাদনীকজিৎ ।
দেবানাং স্বপ্রকাশৎবাদ্দমাদ্দামোদরো বিভুঃ ॥ 5-69-8 (34307)
হর্ষাৎসুখাৎসুখৈশ্বর্যাদ্ধৃষীকেশৎবমশ্রুতে ।
বাহুভ্যাং রোদসী বিভ্রন্মহাবাহুরিতি স্মৃতঃ ॥ 5-69-9 (34308)
অঘো ন ক্ষীয়তে জাতু যস্মাত্তস্মাদধোক্ষজঃ।
নরাণাময়নাচ্চাপি ততো নারায়ণঃ স্মৃতঃ ॥ 5-69-10 (34309)
পূরণাৎসদনাচ্চাপি ততোঽসৌপুরুষোত্তমঃ।
অসতশ্চ সতশ্চৈব সর্বস্য প্রভবাপ্যযাৎ।
সর্বস্য চ সদা জ্ঞানাৎসর্বমেতং প্রচক্ষতে ॥ 5-69-11 (34310)
সত্যে প্রতিষ্ঠিতঃ কৃষ্ণঃ সত্যমত্র প্রতিষ্ঠিতম্।
সত্যাৎসত্যং তু গোবিন্দস্তস্মাৎসত্যোপি নামতঃ ॥ 5-69-12 (34311)
বিষ্ণুর্বিক্রমণাদ্দেবো জয়নাঞ্জিষ্ণুরুচ্যতে।
শাশ্বতৎবাদনন্তশ্চ গোবিন্দো বেদনাদ্ভবাম্ ॥ 5-69-13 (34312)
অতত্ৎবং কুরুতে তত্ৎবং তেন মোহয়তে প্রজাঃ ॥ 5-69-14 (34313)
এবংবিধো ধর্মনিত্যো ভগবান্মধুসূদনঃ ।
আগন্তা হি মহাবাহুরানৃশংস্যার্থমচ্যুতঃ ॥ ॥ 5-69-15 (34314)
ইতি শ্রীমন্মহাভারতে উদ্যোগপর্বণি তয়ানসন্ধিপর্বণি ঊনসস্ততিতমোঽধ্যায়ঃ ॥
Mahabharata - Udyoga Parva - Chapter Footnotes
5-69-2 যাবদভিজানে তাবৎ। বদামীতি শেষঃ। বস্তুতস্তু সঃ অপ্রমেয়ঃ ॥ 5-69-3 বসত্যস্মিন্ ভুবনমিতি বাসুঃ দীর্ঘশ্ছান্দসঃ । স চাসৌ দেবশ্চ বাসুদেবঃ । বৃহত্ৎবাদ্ব্যাপকৎবাৎ বেবেষ্টি ব্যাপ্নোতি সর্বমিতি বিষ্ণুঃ। বৃষৎবাদিষ্ণুরপচ্যতে ইতি খo পাঠঃ। বৃষৎবাৎ অভীষ্টসেন্নকৎবাৎ ইতি রত্নগর্ভঃ ॥ 5-69-4 মৌনং মুনেঃ কর্ম মননং। মৌনং চ ধ্যানং চ তাভ্যাং বিষয়তয়া যুক্তো মাধবঃ। সর্বতত্তবানি পৃথিব্যাদয়ো বিষয়াঃ। তেচ সুখসাধনতয়া মধুশব্দেনোক্তাঃ। তেষাং লয়াৎ সংহর্তৃৎবাৎ মধুহা মধুসূদনশ্চেতি নামদ্বয়ম্ ॥ 5-69-5 কৃষিরিতিশব্দো ভূবাচকঃ কৃষ্যতে সস্যার্থমিতি ব্যুৎপত্ত্যা। ভূমিলোকস্থাপ্রাণিসুখস্য যো ভাব উৎপাদনং তৎকর্তৃৎবাৎকৃষ্ণো ভবতি ॥ 5-69-6 পুণ্ডরীকং হৃদয়কমলং ধাম বাসস্থানং তত্র সন্নপি অক্ষো ন ক্ষীয়তে হন্যতে বেতি পুণ্ডরীকাক্ষঃ। তথাচ শ্রুতির্নাচ জরয়ৈতজ্জীর্যংতি ন বধেনাস্য হন্যত ইতি হৃৎপদ্ম। দোষৈর্জরানাশাদিভিঃ পরমাত্মনোঽস্পৃষ্টৎবমাহ। দস্যুত্রাসাৎ জনং দস্যুজনং অর্দয়তি পীডয়তীতি জনার্দন ইত্যর্থঃ ॥ 5-69-7 সত্ৎবং বলং। আর্ষং বেদস্তেন ভাতীত্যার্ষভ ঔপনিষদঃ পুরুষঃ। উপনিষদ্বেদ্যৎবাদ্যোগাৎ বৃষভেক্ষণঃ। তথাচায়ং যোগঃ বৃষং ধর্মং ভাসয়তীতি বৃষভো বেদস্তদেব ঈক্ষণং চক্ষুরিব জ্ঞাপকং যস্য সঃ বৃষভেক্ষণ ইতি ॥ 5-69-8 জনিত্রা পিত্রা ন জায়ত ইত্যজঃ। অনীকজিৎসেনাজিৎ কৃষ্ণঃ। দেবানাং স্বপ্রকাশৎবাৎ। ঋগতাবিত্যস্মাদুৎপূর্বাৎ অপ্। উৎ উৎকর্ষেণ ঋচ্ছতি প্রকাশত ইতি উদরঃ। দমোস্যাস্তীতি দামঃ দামশ্চাসাবুদরশ্চেতি দামোদরঃ ॥ 5-69-9 হর্ষাৎ হৃষিঃ সুখাৎকং সুখৈর্শ্বর্যাদীশঃ। মহীতি চ্ছান্দসং রোদস্যোর্নাম। মহ্যৌ বাহ্যোর্যস্য স তথা। ঈকারাকারশ্ছান্দসঃ ॥ 5-69-10 জাতুশব্দার্থে জকারঃ ॥ 5-69-11 পুরয়তীতি পুরুঃ । সীদন্ত্যস্মিন্নিতি সঃ তস্মাৎপুরুষঃ স চাসাবুত্তমশ্চ পুরুষোত্তমঃ । অসতঃক কারণস্ম সতঃ কার্যস্য প্রভবাপ্যযাৎ উৎপত্তিপ্রলয়স্থানচাৎ সর্বশব্দস্তৎপ্রভবাপ্যযহেতাবুপচারাৎপ্রবর্ততে ॥ 5-69-12 সত্যে ধর্মে ॥ 5-69-13 বিশেষেণ ক্রমণাৎ ব্যাপনান্। এবং জয়তীতি জিষ্ণুঃ শাশ্বতৎবাৎ শশ্বদ্ভবৎবাৎ। গবামিন্দ্রিয়াণাং বেদনাৎ প্রকাশাৎ গোবিন্দঃ ॥ 5-69-15 ধর্মে নিত্যং সন্নিধানাৎ ধর্মনিত্যঃ আগন্তা আগমিষ্যতি। আনৃশংস্যমহিংসা কুরুপাণ্ডবয়োঃ তদর্থম্ ॥উদ্যোগপর্ব - অধ্যায় 070
॥ শ্রীঃ ॥
5.70. অধ্যায়ঃ 070
Mahabharata - Udyoga Parva - Chapter Topics
শ্রীকৃষ্ণাগমনশ্রবণহৃষ্টেন ধৃতরাষ্ট্রেণ চক্ষুষ্মৎপ্রশংসনপূর্বকং শ্রীকৃষ্ণনুণানুবর্ণনম্ ॥ 1 ॥Mahabharata - Udyoga Parva - Chapter Text
5-70-0 (34315)
ধৃতরাষ্ট্র উবাচ। 5-70-0x (3612)
চক্ষুষ্মতাং বৈ স্পৃহয়ামি সঞ্জয়
দ্রক্ষ্যন্তি যে বাসুদেবং সমীপে।
বিভ্রাজমানং বপুষা পরেণ
প্রকাশয়ন্তং প্রদিশো দিশশ্চ ॥ 5-70-1 (34316)
ঈরয়ন্তং ভারতীং ভারতানা-
মভ্যর্চনীয়াং শঙ্করীং সৃঞ্জয়ানাম্।
বুভূষদ্ভির্গর্হণীয়ামনিন্দ্যাং
পরাসূনামগ্রহণীয়রূপাম্ ॥ 5-70-2 (34317)
সমুদ্যন্তং সাৎবতমেকবীরং
প্রণেতারমৃষভং যাদবানাম্।
নিহন্তারং ক্ষোভণং শাত্রবাণাং
মুঞ্চন্তং চ দ্বিষতাং বৈ যশাংসি ॥ 5-70-3 (34318)
দ্রষ্টারো হি কুরবস্তং সমেতা
মহাত্মানং শব্রুহণং বরেণ্যম্ ।
ব্রুবন্তং বাচমনৃশংসরূপাং
বৃষ্ণিশ্রেষ্ঠং মোহয়ন্তং মদীয়ান্ ॥ 5-70-4 (34319)
ঋষিং সনাতনতভং বিপশ্চিতং
বাচঃসমুদ্রং কলশং যতীনাম্।
অরিষ্টনেমিং গরুডং সুপর্ণং
হরিং প্রজানাং ভুবনস্য ধাম ॥ 5-70-5 (34320)
সহস্রশীর্ষং পুরুষং পুরাণ-
মনাদিমধ্যান্তমনন্তকীর্তিম্।
শুক্রস্য ধাতারমজং চ নিত্যং
পরং পরেষাং শরণং প্রপদ্যে ॥ 5-70-6 (34321)
ত্রৈলোক্যনির্মাণকরং জনিত্রং
দেবাসুরাণামথ নাগরক্ষসাম্।
নরাধিপানাং বিদুষাং প্রধান-
মিন্দ্রানুজং তং শরণং প্রপদ্যে ॥ ॥ 5-70-7 (34322)
ইতি শ্রীমন্মহাভারতে উদ্যোগপর্বণি যানসন্ধিপর্বণি সপ্ততিতমোঽধ্যায়ঃ ॥
Mahabharata - Udyoga Parva - Chapter Footnotes
5-70-1 চক্ষুষ্মতাং ভাগ্যায় স্পৃহয়ামি ॥ 5-70-5 অরিষ্টঃ অহিংসিতঃ নেমিঃ পাদো যস্য সঃ অরিষ্টনেমিঃ ॥ 5-70-7 নির্মাণং রচনা। জনিত্রং জনয়িতারম্ ॥ 5-70-উদ্যোগপর্ব - অধ্যায় 071
॥ শ্রীঃ ॥
5.71. অধ্যায়ঃ 071
Mahabharata - Udyoga Parva - Chapter Topics
যুধিষ্ঠিরেণ শ্রীকৃষ্ণংপ্রতি সন্ধ্যর্থং হাস্তিনপুরগামনপ্রার্থনাসূচকবচনোপন্যাসঃ ॥ 1 ॥ শ্রীকৃষ্ণেন তত্র স্বস্য গমনকথনম্ ॥ 2 ॥Mahabharata - Udyoga Parva - Chapter Text
5-71-0 (34323)
` জনমেজয় উবচ। 5-71-0x (3613)
প্রয়াতে সঞ্জয়ে সাধৌ কৌরবান্প্রতি বৈ তদা।
কিং চক্রুঃ পাণ্ডবাস্তত্র মম পূর্বপিতামহাঃ ॥ 5-71-1 (34324)
এতৎসর্বং দ্বিজশ্রেষ্ঠ বিস্তরং মম সত্তম।
কথয়স্ব প্রয়ত্নেন শ্রোতুমিচ্ছামি পণ্ডিত ॥ 5-71-2 (34325)
বৈশম্পায়ন উবাচ। 5-71-3x (3614)
সঞ্জয়ে প্রতিয়াতে তু ধর্মরাজো যুধিষ্ঠিরঃ।
অর্জুনং ভীমসেনং চ মাদ্রীপুত্রৌ চ ভারত ॥ 5-71-3 (34326)
বিরাটং দ্রুপদং চৈব কেকয়ানাং মহারথান্।
অব্রুবীদুপসঙ্গম্য শঙ্খচক্রগদাধরম্ ।
অভিয়াচামহে গৎবা প্রয়াতুং কুরুসংসদম্ ॥ 5-71-4 (34327)
যথা ভীষ্মেণ দ্রোণেন বাহ্লীকেন চ ধীমতা।
অন্যৈশ্চ কুরুভিঃ সার্ধং ন যুধ্যেমহি সংয়ুগে ॥ 5-71-5 (34328)
এষ নঃ প্রথমঃ কল্প এতন্নিশ্রেয় উত্তমম্ ।
এবমুক্তাঃ সুমনসস্তেঽভিজগ্মুর্জনার্দনম্ ॥ 5-71-6 (34329)
পাণ্ডবৈঃ সহ রাজানো মরুৎবন্ত ইবামরাঃ।
তদা চ দুঃসহাঃ সর্বে সদস্যাস্তে নরর্ষভাঃ ॥ 5-71-7 (34330)
জনার্দনং সমাসাদ্য কুন্তীপুত্রো যুধিষ্ঠিরঃ ।
অব্রবীৎপরবীরধ্নং দাশার্হং পাণ্ডুনন্দনঃ ॥' 5-71-8 (34331)
অয়ং স কালঃ সংপ্রাপ্তো মিত্রাণাং মিত্রবৎসল ।
ন চ ৎবদন্যং পশ্যামি যো ন আপৎসু তারয়েৎ ॥ 5-71-9 (34332)
ৎবাং হি মাধবমাশ্রিত্য নির্ভয়া মোঘদর্পিতম্ ।
ধার্তরাষ্ট্রং সহামাত্যং স্বয়ং সমনুয়ুঙ্ক্ষ্মহে ॥ 5-71-10 (34333)
যথা হি সর্বাস্বাপৎসু পাসি বৃষ্ণীনরিন্দম্।
তথা তে পাণ্ডবা রক্ষ্যাঃ পাহ্যস্মান্মহতো ভয়াৎ ॥ 5-71-11 (34334)
শ্রীভগবানুবাচ। 5-71-12x (3615)
অয়মস্মি মহাবাহো ব্রূহি যত্তে বিবক্ষিতম্ ।
করিষ্যামি হি তৎসর্বং যত্ৎবং বক্ষ্যসি ভারত ॥ 5-71-12 (34335)
যুধিষ্ঠির উবাচ। 5-71-13x (3616)
শ্রুতং তে ধৃতরাষ্ট্রস্য সপুত্রস্য চিকীর্ষিতম্।
এতদ্ধি সকলং কৃষ্ণ সঞ্জয়ো মাং যদব্রবীৎ ॥ 5-71-14a` মৃদুপূর্বং সামমিশ্রং সমমুগ্রং চ মাধব ।
ন কতৃং ন্যায়মাস্থায় গর্হিতাশ্চ ততো বয়ম্ ॥' 5-71-13 (34336)
তন্মতং ধৃতরাষ্ট্রস্য সোঽস্যাত্মা বিবৃতান্তরঃ।
যথোক্তং দূত আচষ্টে বধ্যঃ স্যাদন্যথা ব্রুবন্ ॥ 5-71-15 (34337)
অপ্রদানেন রাজ্যস্য শান্তিমস্মাসু মার্গতি।
লুব্ধঃ পাপেন মনসা চরন্নসমমাত্মনঃ ॥ 5-71-16 (34338)
যত্তদ্দ্বাদশবর্ষাণি বনেষু হ্যুষিতা বয়ম্।
ছদ্মনা শরদং চৈকাং ধৃতরাষ্ট্রস্য শাসনাৎ ॥ 5-71-17 (34339)
স্থাতা নঃ সময়ে তস্মিন্ধৃতরাষ্ট্র ইতি প্রভো।
নাহাস্ম সময়ং কৃষ্ণ তদ্ধি নো ব্রাহ্মণা বিদুঃ ॥ 5-71-18 (34340)
গৃদ্ধো রাজা ধৃতরাষ্ট্রঃ স্বধর্মং নানুপশ্যতি ।
বশ্যৎবাৎপুত্রগৃদ্ধিৎবান্মন্দস্যান্বেতি শাসনং ॥ 5-71-19 (34341)
সুয়োধনমতে তিষ্ঠন্রাজাঽস্মাসু জনার্দন।
মিথ্যাচরতি লুব্ধঃ সংশ্চরন্হি প্রিয়মাত্মনঃ ॥ 5-71-20 (34342)
ইতো দুঃখতরং কিং নু যদহং মাতরং ততঃ।
সংবিধাতুং ন শক্নোমি মিত্রাণাং বা জনার্দন ॥ 5-71-21 (34343)
কাশিভিশ্চেদিপাঞ্চালৈর্মৎস্যৈশ্চ মধুসূদন।
ভবতা চৈব নাথেন পঞ্চ গ্রামা বৃতা ময়া ॥ 5-71-22 (34344)
অবিস্থলং বৃকস্থলং মাকন্দী বারণাবতম্।
অবসানং চ গোবিন্দ কংচিদেবাত্র পঞ্চম্ ॥ 5-71-23 (34345)
পঞ্চ নস্তাত দীয়ন্তাং গ্রামা বা নগরাণি বা।
বসেম সহিতা যেষু মা চ নো ভরতা নশন্ ॥ 5-71-24 (34346)
ন চ তানপি দুষ্টাত্মা ধার্তরাষ্ট্রোঽনুমন্যতে।
স্বাম্যমাত্মনি মৎবাঽসাবতো দুঃখতরং নু কিং ॥ 5-71-25 (34347)
কুলে জাতস্য বৃদ্ধস্য পরবিত্তেষু গৃদ্ধ্যতঃ।
লোভঃ প্রজ্ঞানমাহন্তি প্রজ্ঞা হন্তি হতা হ্রিয়ং ॥ 5-71-26 (34348)
হ্রীর্হতা বাধতে ধর্মং ধর্মো হন্তি হতঃ শ্রিয়ম্ ।
শ্রীর্হতা পুরুষং হন্তি পুরুষস্যাধং বধঃ ॥ 5-71-27 (34349)
অধনাদ্ধি নিবর্তন্তে জ্ঞাতয়ঃ সুহৃদো দ্বিজাঃ।
অপুষ্পাদফলাদ্বৃক্ষাদ্যথা কৃষ্ণ পতত্রিণঃ ॥ 5-71-28 (34350)
এতচ্চ মরণং তাত উন্মত্তপতিতাদিব।
জ্ঞাতয়ো বিনিবর্তন্তে প্রেতসৎবাদিবাসবঃ ॥ 5-71-29 (34351)
নাতঃ পাপীয়সীং কাংচিদবস্থাং শম্বরোঽব্রবীৎ ।
যত্র নৈবাঽদ্য ন প্রাতর্ভোজনং প্রতিদৃশ্যতে ॥ 5-71-30 (34352)
ধনমাহুঃ পরং ধর্মং ধনে সর্বং প্রতিষ্ঠিতম্।
জীবন্তি ধনিনো লোকে মৃতা যে ৎবধনা নরাঃ ॥ 5-71-31 (34353)
যে ধনাদপকর্ষন্তি নরং স্ববলমাস্থিতাঃ।
তে ধর্মমর্থং কামং চ প্রমথ্নন্তি নরং চ তম্ ॥ 5-71-32 (34354)
এতামবস্থাং প্রাপ্যৈকে মরণং বব্রিরে জনাঃ।
গ্রামায়ৈকে বনায়ৈকে নাশায়ৈকে প্রবব্রজুঃ ॥ 5-71-33 (34355)
উন্মাদমেকে পুষ্যন্তি যান্ত্যন্যে দ্বিষতাং বশম্।
দাস্যমেকে চ গচ্ছন্তি পরেষামর্থহেতুনা ॥ 5-71-34 (34356)
আপদেবাস্য মরণাৎপুরুষস্য গরীয়সী।
শ্রিয়ো বিনাশস্তদ্ধ্যস্য নিমিত্তং ধর্মকাময়োঃ ॥ 5-71-35 (34357)
যদস্য ধর্ম্যং মরণং শাশ্বতং লোকবর্ত্মবৎ।
সমন্তাৎসর্বভূতানাং ন তদত্যেতি কশ্চন ॥ 5-71-36 (34358)
ন তথা বাধ্যতে কৃষ্ণ প্রকৃত্যা নির্ধনো জনঃ।
যথা ভদ্রাং শ্রিয়ং প্রাপ্য তয়া হীনঃ সুখৈধিতঃ ॥ 5-71-37 (34359)
স তদাঽঽত্মাপরাধেন সংপ্রাপ্তো ব্যসনং মহৎ।
সেন্দ্রান্গর্হয়তে দেবান্নাত্মানং চ কথংচন ॥ 5-71-38 (34360)
ন চাস্য সর্বশাস্রাণি প্রভবন্তি নিবর্হণে ।
সোঽভিক্রুধ্যাতি ভৃত্যানাং সুহৃদশ্চাভ্যসূয়তি ॥ 5-71-39 (34361)
তত্তদা মন্যুরেবৈতি স ভূয়ঃ সংপ্রমুহ্যতি।
স মোহবশমাপন্নঃ ক্রূরং কর্ম নিষেবতে ॥ 5-71-40 (34362)
পাপকর্মতয়া চৈব সঙ্করং তেন পুষ্যতি।
সঙ্করো নরকায়ৈব সা কাষ্ঠা পাপকর্মণাম্ ॥ 5-71-41 (34363)
ন চেৎপ্রবুধ্যতে কৃষ্ণ নরকায়ৈব গচ্ছতি।
তস্য প্রবোধঃ প্রজ্ঞৈব প্রজ্ঞাচক্ষুস্তরিষ্যতি ॥ 5-71-42 (34364)
প্রজ্ঞালাভে হি পুরুষঃ শাস্ত্রাণ্যেবান্ববেক্ষতে ।
শাস্ত্রনিষ্ঠঃ পুনর্ধর্মং তস্য হ্রীরঙ্গমুত্তমম্ ॥ 5-71-43 (34365)
হ্রীমান্হি পাপং প্রদ্বেষ্টি তস্য শ্রীরভিবর্ধতে।
শ্রীমান্স যাবদ্ভবতি তাবদ্ভবতি পূরুষঃ ॥ 5-71-44 (34366)
ধর্মনিত্যঃ প্রশান্তাত্মা কার্যযোগবহঃ সদা।
নাধর্মে কুরুতে বুদ্ধিং ন চ পাপে প্রবর্ততে ॥ 5-71-45 (34367)
অহ্রীকো বা বিমূঢো বা নৈব স্ত্রী ন পুনঃ পুমান্।
নাস্যাধিকারো ধর্মেঽস্তি যথা শূদ্রস্তথৈব সঃ ॥ 5-71-46 (34368)
হ্রীমানবতি দেবাংশ্চ পিতৄনাত্মানমেব চ।
তেনামৃতৎবং ব্রজতি সা কাষ্ঠা পুণ্যকর্মণাম্ ॥ 5-71-47 (34369)
তদিদং ময়ি তে দৃষ্টং প্রত্যক্ষং মধুসূদন।
যথা রাজ্যাৎপরিভ্রষ্টো বসামি বসতীরিমাঃ ॥ 5-71-48 (34370)
তে বয়ং ন শ্রিয়ং হাতুমলং ন্যায়েন কেনচিৎ।
অত্র নো যতমানানাং বধশ্চেদপি সাধু তৎ ॥ 5-71-49 (34371)
তত্র নঃ প্রথমঃ কল্পো যদ্বয়ং তে চ মাধব।
প্রশান্তাঃ সমভূতাশ্চ শ্রিয়ং তামশ্রুবীমহি ॥ 5-71-50 (34372)
তত্রৈষা পরমা কাষ্ঠা রৌদ্রকর্মক্ষয়োদয়া।
যদ্বয়ং কৌরবান্হৎবা তানি রাষ্ট্রাণ্যবাপ্নুমঃ ॥ 5-71-51 (34373)
যে পুনঃ স্যুরসংবদ্ধা অনার্যাঃ কৃষ্ণ শত্রবঃ।
তেষামপ্যবধঃ কার্যঃ কিংপুনর্যে স্যুরীদৃশাঃ ॥ 5-71-52 (34374)
জ্ঞাতয়শ্চৈব ভূয়িষ্ঠাঃ সহায়া গুরবশ্চ নঃ।
তেষাং বধোঽতিপাপীয়ান্কিং নু যুদ্ধেঽস্তি শোভনম্ ॥ 5-71-53 (34375)
পাপঃ ক্ষত্রিয়ধর্মোঽয়ং বয়ং চ ক্ষত্রবন্ধবঃ।
স নঃ স্বধর্মোঽধর্মো বা বৃত্তিরন্যা বিগর্হিতা ॥ 5-71-54 (34376)
শূদ্রঃ করোতি শুশ্রূষাং বৈশ্মা বৈ পণ্যজীবিকাঃ ।
বয়ং বধেন জীবামঃ কপালং ব্রাহ্মণৈর্বৃতম্ ॥ 5-71-55 (34377)
ক্ষত্রিয়ঃ ক্ষত্রিয়ং হন্তি মৎস্যো মৎস্যেন জীবতি।
শ্বা শ্বানং হন্তি দাশার্হ পশ্য ধর্মো যথাগতঃ ॥ 5-71-56 (34378)
যুদ্ধে কৃষ্ণ কলির্নিত্যং প্রাণাঃ সীদন্তি সংয়ুগে।
বলং তু নীতিমাধায় যুধ্যে জয়পরাজয়ৌ ॥ 5-71-57 (34379)
নাত্মচ্ছন্দেন ভূতানাং জীবিতং মরণং তথা।
নাপ্যকালে সুখং প্রাপ্যং দুঃখং বাঽপি যদূত্তম ॥ 5-71-58 (34380)
একো হ্যপি বহূন্হন্তি ঘ্নন্ত্যেকং বহবোঽপ্যুত।
শূরং কাপুরুষো হন্তি অয়শস্বী যশস্বিনম্ ॥ 5-71-59 (34381)
জয়ো নৈবোভয়োর্দৃষ্টো নোভয়োশ্চ পরাজয়ঃ।
তথৈবাপচয়ো দৃষ্টো ব্যপয়ানে ক্ষয়ব্যযৌ ॥ 5-71-60 (34382)
সর্বথা বৃজিনং যুদ্ধং কো ধ্নন্ন প্রতিহন্যতে।
হতস্য চ হৃষীকেশ সমৌ জয়পরাজয়ৌ ॥ 5-71-61 (34383)
পরাজয়শ্চ মরণান্মন্যে নৈব বিশিষ্যতে।
যস্য স্যাদ্বিজয়ঃ কৃষ্ণ তস্যপ্যপচয়ো ধ্রুবম্ ॥ 5-71-62 (34384)
অন্ততো দয়িতং ধ্নন্তি কেচিদপ্যপরে জনাঃ ।
তস্যাঙ্গবলহীনস্য পুত্রান্ভ্রাতৄনপশ্যতঃ ॥ 5-71-63 (34385)
নির্বেদো জীবিতে কৃষ্ণ সর্বতশ্চোপজায়তে।
যে হ্যেব ধীরা হ্রীমন্ত আর্যাঃ করুণবেদিনঃ ॥ 5-71-64 (34386)
ত এব যুদ্ধে হন্যন্তে যবীয়ান্মুচ্যতে জনঃ।
হৎবাঽপ্যনুশয়ো নিত্যং পরানপি জনার্দন ॥ 5-71-65 (34387)
অনুবদ্ধশ্চ পাপোঽত্র শেষশ্চাপ্যবশিষ্যতে।
শেষো হি বলমাসাদ্য ন শেষমনুশেষয়েৎ ॥ 5-71-66 (34388)
সর্বোচ্ছেদে চ যততে বৈরস্যান্তবিধিৎসয়া।
জয়ো বৈরং প্রসৃজতি দুঃখমাস্তে পরাজিতঃ ॥ 5-71-67 (34389)
সুখং প্রশান্তঃ স্বপিতি হিৎবা জয়পরাজয়ৌ ।
জাতবৈরশ্চ পুরুষো দুঃখং স্বপিতি নিত্যদা ॥ 5-71-68 (34390)
অনির্বৃত্তেন মনসা সসর্প ইব বেশ্মনি।
উৎসাদয়তি যঃ সর্বং যশসা স বিমুচ্যতে ॥ 5-71-69 (34391)
অকীর্তিং সর্বভূতেষু শাশ্বতীং স নিয়চ্ছতি।
ন হি বৈরাণি শাম্যন্তি দীর্ঘকালধৃতান্যপি ॥ 5-71-70 (34392)
আখ্যাতারশ্চ বিদ্যন্তে পুমাংশ্চেদ্বিদ্যতে কুলে।
ন চাপি বৈরং বৈরেণ কেশব ব্যুপশাম্যতি ॥ 5-71-71 (34393)
হবিষাঽগ্নির্যথা কৃষ্ণ ভূয় এবাভিবর্ধতে।
অতোঽন্যথা নাস্তি শান্তির্নিত্যমন্তরমন্ততঃ ॥ 5-71-72 (34394)
অন্তরং লিপ্সমানানাময়ং দোষো নিরন্তরঃ ।
পৌরুষে যো হি বলবানাধির্হৃদয়বাধনঃ।
তস্য ত্যাগেন বা শান্তির্মরণেনাপি বা ভবেৎ ॥ 5-71-73 (34395)
অথবা মূলঘাতেন দ্বিষতাং মধুসূদন ।
ফলনির্বৃত্তিরিদ্ধা স্যাত্তন্নৃশংসতরং ভবেৎ ॥ 5-71-74 (34396)
যা তু ত্যাগেন শান্তিঃ স্যাত্তদৃতে বধ এব সঃ।
সংশয়াচ্চ সমুচ্ছেদাদ্দ্বিষতামাত্মনস্তথা ॥ 5-71-75 (34397)
ন চ ত্যক্তুং তদিচ্ছামো ন চেচ্ছামঃ কুলক্ষয়ম্।
অত্র যা প্রণিপাতেন শান্তিঃ সৈব গরীয়সী ॥ 5-71-76 (34398)
সর্বথা যতমানানাময়ুদ্ধমভিকাঙ্ক্ষতাম্।
সান্ৎবে প্রতিহতে যুদ্ধং প্রসিদ্ধং নাপরাক্রমঃ ॥ 5-71-77 (34399)
প্রতিঘাতেন সান্ৎবস্য দারুণং সংপ্রবর্ততে।
তচ্ছুনামিব সংপাতে পণ্ডিতৈরুপলক্ষিতম্॥ 5-71-78 (34400)
লাঙ্গূলচালনং ক্ষ্বেডা প্রতিবাচো বিবর্তনম্ ।
দন্তদর্শনমারাবস্ততো যুদ্ধং প্রবর্ততে ॥ 5-71-79 (34401)
তত্র যো বলবান্কৃষ্ণ জিৎবা সোত্তি তদামিষম্।
এবমেব মনুষ্যেষু বিশেষো নাস্তি কশ্চন ॥ 5-71-80 (34402)
সর্বথা ৎবেতদুচিতং দুর্বলেষু বলীয়সাম্।
অনাদরো বিরোধশ্চ প্রণিপাতী হি দুর্বলঃ ॥ 5-71-81 (34403)
পিতা রাজা চ বৃদ্ধশ্চ সর্বথা মানমর্হতি।
তস্মান্মান্যশ্চ পূজ্যশ্চ ধৃতরাষ্ট্রো জনার্দন ॥ 5-71-82 (34404)
পুত্রস্নেহশ্চ বলবান্ধৃতরাষ্ট্রস্য মাধব ।
স পুত্রবশমাপন্নঃ প্রণিপাতং প্রহাস্যতি ॥ 5-71-83 (34405)
তত্র কিং মন্যসে কৃষ্ণ প্রাপ্তকালমনন্তরম্ ।
কথমর্থাচ্চ ধর্মাচ্চ ন হীয়েমহি মাধব ॥ 5-71-84 (34406)
ঈদৃশেঽত্যর্থকৃচ্ছ্রেঽস্মিন্কমন্যং মধুসূদন।
উপসংপ্রষ্টুমর্হামি ৎবামৃতে পুরুষোত্তম ॥ 5-71-85 (34407)
প্রিয়শ্চ প্রিয়কামশ্চ গতিজ্ঞঃ সর্বকর্মণাম্।
কো হি কৃষ্ণাস্তি নস্ৎবাদৃক্সর্বনিশ্চয়বিৎসুহৃৎ ॥ 5-71-86 (34408)
বৈশম্পায়ন উবাচ। 5-71-87x (3617)
এবমুক্তঃ প্রত্যুবাচ ধর্মরাজং জনার্দনঃ ।
উভয়োরেব বামর্থে যাস্যামি কুরুসংসদম্॥ 5-71-87 (34409)
শমং তত্র লভেয়ং চেদ্যুষ্মদর্থমহাপয়ন্ ।
পুণ্যং মে সুমহদ্রাজংশ্চরিতং স্যান্মহাফলম্ ॥ 5-71-88 (34410)
মোচয়েয়ং মৃত্যুপাশাৎসংরব্ধান্কুরুসৃঞ্জয়ান্।
পাণ্ডবান্ধার্তরাষ্ট্রাংশ্চ সর্বাং চ পৃথিবীমিমাম্ ॥ 5-71-89 (34411)
যুধিষ্ঠির উবাচ। 5-71-90x (3618)
ন মমৈতন্মতং কৃষ্ণ যত্ৎবং যায়াঃ কুরূন্প্রতি ।
সুয়োধনঃ সূক্তমপি ন করিষ্যতি তে বচঃ ॥ 5-71-90 (34412)
সমেতং পার্থিবং ক্ষত্রং দুর্যোধনবশানুগম্।
তেষাং মধ্যাবতরণং তব কৃষ্ণ ন রোচয়ে ॥ 5-71-91 (34413)
ন হি নঃ প্রীণয়েদ্দ্রব্যং ন দেবৎবং কুতঃ সুখম্।
ন চ সর্বামরৈশ্বর্যং তব দ্রোহেণ মাধব ॥ 5-71-92 (34414)
শ্রীভগবানুবাচ। 5-71-93x (3619)
জানাম্যেতাং মহারাজ ধার্তরাষ্ট্রস্য পাপতাম্।
অবাচ্যাস্তু ভবিষ্যামঃ সর্বলোকে মহীক্ষিতাং ॥ 5-71-93 (34415)
ন চাপি মম পর্যাপ্তাঃ সহিতাঃ সর্বপার্থিবাঃ ।
ক্রুদ্ধস্য সংয়ুগে স্থাতুং সিংহস্যেবেতরে মৃগাঃ । 5-71-94 (34416)
অথ চেত্তে প্রবর্তেরন্ময়ি কিংচিদসাংপ্রতম্।
নির্দহেয়ং কুরূন্সর্বানিতি মে ধীয়তে মতিঃ ॥ 5-71-95 (34417)
ন জাতু গমনং পার্থ ভবেত্তত্র নিরর্থকম্ ।
অর্থপ্রাপ্তিঃ কদাচিৎস্যাদন্ততো বাপ্যবাচ্যতা 5-71-96 (34418)
` এবমুক্তঃ প্রত্যুবাচ ধর্মরাজো জনার্দনম্ ।
ভাতৄণাং সমবেতানাং সকাশে পুরুষোত্তমম্ ' ॥ 5-71-97 (34419)
যুধিষ্ঠির উবাচ। 5-71-98x (3620)
যত্তুভ্যং রোচতে কৃষ্ণ স্বস্তি প্রাপ্নুহি কৌরবান্।
কৃতার্থং স্বস্তিমন্তং ৎবাং দ্রক্ষ্যামি পুনরাগতম্ ॥ 5-71-98 (34420)
বিষ্বক্সেন কুরূন্গৎবা ভরতাঞ্শময়ন্প্রভো।
যথা সর্বে সুমনসঃ সহ স্যাম সুচেতসঃ ॥ 5-71-99 (34421)
ভ্রাতা চাসি সখা চাসি বীভৎসোর্মম চ প্রিয়ঃ।
সৌহৃদেনাবিশঙ্খ্যোঽসি স্বস্তি প্রাপ্নুহি ভূতয়ে ॥ 5-71-100 (34422)
অস্মান্বেত্থ পরান্বেত্থ বেত্থার্থান্বেত্থ ভাষিতুম্।
যদ্যদস্মদ্ধিতং কৃষ্ণ তত্তদ্বাচ্যঃ সুয়োধনঃ ॥ 5-71-101 (34423)
যদ্যদ্ধর্মেণ সংয়ুক্তমুপপদ্যেদ্ধিতং বচঃ।
তত্তৎকেশব ভাষেথাঃ সান্ৎবং বা যদি বেতরৎ ॥ ॥ 5-71-102 (34424)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একসপ্ততিতমোঽধ্যায়ঃ ॥
Mahabharata - Udyoga Parva - Chapter Footnotes
5-71-10 অনুয়ুহ্ক্ষ্মহে প্রার্থয়ামহে ॥ 5-71-15 বিবৃতান্তরঃ প্রকাশিত্তভাবঃ ॥ 5-71-17 ছদ্মনঃ অজ্ঞাতচর্যযা ॥ 5-71-18 স্থাতাস্থাস্যতি । নঃ অস্মাকম্। তস্মিন্ চতুর্দশে দর্ষে স্বং রাজ্যং গৃহ্ণীতেত্যস্মিন্। ন অহাস্ম ন ত্যক্তবন্তো বয়ম্॥ 5-71-21 মাতরং সংবিধাতুং সম্যক্ পোষয়িতুম্। মিত্রাণাং কর্মণিষষ্ঠী ॥ 5-71-23 অবসীয়তে সংস্থীয়তেঽস্মিন্নিত্যবসানম্ যাবজ্জীবকং বাসস্থানম্ ॥ 5-71-24 নঃ অস্মাকং কৃতে ভরতাঃ ভরতবংশ্যা ভীষ্মাদয়ঃ মানশন্ মানশ্যন্তু ॥ 5-71-28 দ্বিজাঃ অর্থিনঃ ॥ 5-71-29 প্রেতসৎবাৎ প্রগতবুদ্ধের্মৃতাদিত্যর্থঃ ॥ 5-71-31 ধর্মং ধর্মকারণম্। সর্বং যজ্ঞদানাদি ॥ 5-71-35 আপৎপদার্থমাহ শ্রিয়ো বিনাশ ইতি। তদ্ধি শ্রীর্হি ॥ 5-71-40 তত্তদা সর্বদেত্যর্থঃ ॥ 5-71-48 ইদং হ্রীমন্তং । তে ৎবয়া ॥ 5-71-55 কপালং ভিক্ষাপাত্রম্ ॥ 5-71-57 নীতিমেব বলং কৃৎবা যুধ্যে যোৎস্যে। জয়পরাজয়ৌ তু আত্মচ্ছন্দেন স্বেচ্ছয়া ন ভবতঃ। তথা তদ্বৎ ভূতানাং জীবিতং মরণং চ স্বেচ্ছয়া ন স্তঃ ॥ 5-71-58 নীতিমেব বলং কৃৎবা যুধ্যে যোৎস্যে। জয়পরাজয়ৌ তু আত্মচ্ছন্দেন স্বেচ্ছয়া ন ভবতঃ। তথা তদ্বৎ ভূতানাং জীবিতং মরণং চ স্বেচ্ছয়া ন স্তঃ ॥ 5-71-65 অনুশয়ঃ পশ্চাত্তাপঃ ॥ 5-71-66 শেষঃ শত্রোঃ । শেষং স্বস্য ॥ 5-71-69 অনির্বৃত্তেন অস্বস্থেন ॥ 5-71-72 অত ইতি। যতঃ অন্তরং ছিদ্রং নিত্যং অপরিহার্থং অতো হেতোঃ অন্ততোঽন্যথা স্বস্য শত্রোর্বা নাশং বিনা শান্তির্নাস্তি ॥ 5-71-73 অয়ং দোষঃ নাশাখ্যঃ ॥ 5-71-74 ইদ্ধা প্রদীপ্তা ॥ 5-71-75 ত্যাগেন রাজ্যস্যেতিঃ শেষঃ। তদৃতে রাজ্যং বিনা। দ্বিষতাং সংশয়াৎ কিং শত্রবশ্ছিদ্রে ভ্রষ্টশ্ছিদ্রে প্রহরিষ্যন্তি উত উপেক্ষাং করিষ্যন্তীত্যেবংরূপাৎ । আত্মনঃ ভ্রষ্টশ্রীকস্য সদ্যঃ সমুচ্ছেদাৎ নাশসংভবাৎ। অতো রাজ্যত্যাগো ন যুক্ত ইতি ভাবঃ ॥ 5-71-78 দারুণং যুদ্ধম্ তচ্ছুনামিব নিন্দ্যমিত্যর্থঃ ॥ 5-71-79 ক্ষ্বেডা ধ্বিকৌটিল্যম্। বিবর্তনং ভূমৌ লুষ্ঠনম্। দন্তদর্শনং মুখস্য ব্যাদানেন ॥ 5-71-83 প্রহাস্যতি ন স্বীকরিষ্যতি ॥ 5-71-99 তথা বদেতি শেষঃ ॥উদ্যোগপর্ব - অধ্যায় 072
॥ শ্রীঃ ॥
5.72. অধ্যায়ঃ 072
Mahabharata - Udyoga Parva - Chapter Topics
শ্রীকৃষ্ণেন যুধিষ্ঠিরংপ্রতি যুদ্ধপক্ষস্থিরীকরণপূর্বকং লোকসংশয়নিরাসায় শমার্থং প্রয়তনকথনম্ ॥ 1 ॥Mahabharata - Udyoga Parva - Chapter Text
5-72-0 (34425)
শ্রীভগবানুবাচ। 5-72-0x (3621)
সঞ্জয়স্য শ্রুতং বাক্যং ভবতশ্চ শ্রুতং ময়া।
সর্বং জানাম্যভিপ্রায়ং তেষাং চ ভবতশ্চ যঃ ॥ 5-72-1 (34426)
তব ধর্মাশ্রিতা বুদ্ধিস্তেষাং বৈরাশ্রয়া মতিঃ।
যদয়ুদ্ধেন লভ্যেত তত্তে বহুমতং ভবেৎ ॥ 5-72-2 (34427)
ন চৈবং নৈষ্ঠিকং কর্ম ক্ষত্রিয়স্য বিশাংপতে।
আহুরাশ্রমিণঃ সর্বে ন ভৈক্ষং ক্ষত্রিয়শ্চরেৎ ॥ 5-72-3 (34428)
জয়ো বধো বা সঙ্গ্রামে ধাত্রাঽঽদিষ্টঃ সনাতনঃ।
স্বধর্মঃ ক্ষত্রিয়স্যৈষ কার্পণ্যং ন প্রশত্যতে ॥ 5-72-4 (34429)
ন হি কার্পণ্যমাস্থায় শক্যা বৃত্তির্যুধিষ্ঠির ।
বিক্রমস্ব মহাবাহো জহি শত্রূন্পরন্তপ ॥ 5-72-5 (34430)
অতিগৃদ্ধাঃ কৃতস্নেহা দীর্ঘকালং সহোষিতাঃ ।
কৃতমিত্রাঃ কৃতবলা ধার্তরাষ্ট্রাঃ পরন্তপ ॥ 5-72-6 (34431)
ন পর্যায়োঽস্তি যৎসাম্যং ৎবয়ি কুর্যুর্বিশাংপতে ।
বলবত্তাং হি মন্যন্তে ভীষ্মদ্রোণকৃপাদিভিঃ ॥ 5-72-7 (34432)
যাবচ্চ মার্দবেনৈতান্রাজন্নুপচরিষ্যসি।
তাবদেতে হরিষ্যন্তি তব রাজ্যমরিন্দম ॥ 5-72-8 (34433)
নানুক্রোশান্ন কার্পণ্যান্ন চ ধর্মার্থকারণাৎ।
অলং কর্তুং ধার্তরাষ্ট্রস্তব কামমরিন্দম ॥ 5-72-9 (34434)
এতদেব নিমিত্তং তে ধার্তরাষ্ট্রো যথা ৎবয়ি ।
নান্বতপ্যত কোপেন তব কৃৎবাঽপি দুষ্করম্ ॥ 5-72-10 (34435)
পিতামহস্য দ্রোণস্য বিদুরস্য চ ধীমতঃ ।
ব্রাহ্মণানাং চ সাধূনাং রাজ্ঞশ্চ নগরস্য চ ॥ 5-72-11 (34436)
পশ্যতাং কুরুমুখ্যানাং সর্বেষামেব তত্ৎবতঃ।
দানশীলং মৃদুং দান্তং ধর্মশীলমনুব্রতম্ ॥ 5-72-12 (34437)
যত্ৎবামুপধিনা রাজন্দ্যূতে বঞ্চিতবাংস্তদা ।
ন চাপত্রপতে তেন নৃশংসঃ স্বেন কর্মণা ॥ 5-72-13 (34438)
তথাশীলসমাচরে রাজন্মা প্রণয়ং কৃথাঃ ।
বধ্যাস্তে সর্বলোকস্য কিং পুনস্তব ভারত ॥ 5-72-14 (34439)
বাগ্ভিস্ৎবপ্রতিরূপাভিরতুদত্ৎবাং সহানুজম্ ।
শ্লাঘমানঃ প্রহৃষ্টঃ সন্ভ্রাতৃভিঃ সহ ভাষতে ॥ 5-72-15 (34440)
এতাবৎপাণ্ডবানাং হি নাস্তি কিংচিদিহ স্বকম্ ।
নামধেয়ং চ গোত্রং চ তদপ্যেষাং ন শিষ্যতে ॥ 5-72-16 (34441)
কালেন মহতা চৈষাং ভবিষ্যতি পরাভবঃ ।
প্রকৃতিং তে ভজিষ্যন্তি নষ্টপ্রকৃতয়ো ময়ি ॥ 5-72-17 (34442)
দুঃশাসনেন পাপেন তদা দ্যূতে প্রবর্তিতে ।
অনাথবত্তদা দেবী দ্রৌপদী সুদুরাত্মনা ॥ 5-72-18 (34443)
আকৃষ্য কেশে রুদতী সভায়াং রাজসংসদি ।
ভীষ্মদ্রোণপ্রমুখতো গৌরিতি ব্যাহৃতা মুহুঃ ॥ 5-72-19 (34444)
ভবতা বারিতাঃ সর্বে ভ্রাতরো ভীমবিক্রমাঃ ।
ধর্মপাশনিবদ্ধাশ্চ ন কিংচিৎপ্রতিপেদিরে ॥ 5-72-20 (34445)
এতাশ্চান্যাশ্চ পরুষা বাচঃ স সমুদীরয়ন্ ।
শ্লাঘতে জ্ঞাতিমধ্যে স্ম ৎবয়ি প্রব্রজিতে বনম্ ॥ 5-72-21 (34446)
যে তত্রাসন্সমানীতাস্তে দৃষ্ট্বা ৎবামনাগসম্।
অশ্রুকণ্ঠা রুদন্তশ্চ সভায়ামাসতে সদা ॥ 5-72-22 (34447)
ন চৈনমভ্যনন্দংস্তে রাজানো ব্রাহ্মণৈঃ সহ।
সর্বে দুর্যোধনং তত্র নিন্দন্তি স্ম সভাসদঃ ॥ 5-72-23 (34448)
কুলীনস্য চ যা নিন্দা বধো বাঽমিত্রকর্শন ।
মহাগুণো বধো রাজন্নু তু নিন্দা কুজীবিকা ॥ 5-72-24 (34449)
তদৈব নিহতো রাজন্যদৈব নিরপত্রপঃ।
নিন্দিতশ্চ মহারাজ পৃথিব্যাং সর্বরাজভিঃ ॥ 5-72-25 (34450)
ঈষৎকরো বধস্তস্য যস্য চারিত্রমীদৃশম্ ।
প্রস্কুন্দেন প্রতিস্তব্ধশ্ছিন্নমূল ইব দ্রুমঃ ॥ 5-72-26 (34451)
বধ্যঃ সর্প ইবানার্যঃ সর্বলোকস্য দুর্মতিঃ ।
জহ্যেন ৎবমমিত্রঘ্ন মা রাজন্বিচিকিৎসিথাঃ ॥ 5-72-27 (34452)
সর্বথা ৎবৎক্ষমং চৈতদ্রোচতে চ মমানঘ।
যত্ৎবং পিতরি ভীষ্মে চ প্রণিপাতং সমাচরেঃ ॥ 5-72-28 (34453)
অহং তু সর্বলোকস্য গৎবা ছেৎস্যামি সংশয়ম্।
যেষামস্তি দ্বিধাভাবো রাজন্দুর্যোধনং প্রতি ॥ 5-72-29 (34454)
মধ্যে রাজ্ঞামহং তত্র প্রাতিপৌরুষিকান্গুণান্ ।
তব সঙ্কীর্তয়িষ্যামি যে চ তস্য ব্যতিক্রমাঃ ॥ 5-72-30 (34455)
ব্রুবতস্তত্র মে বাক্যং ধর্মার্থসহিতং হিতম্।
নিশম্য পার্থিবাঃ সর্বে নানাজনপদেশ্বরাঃ ॥ 5-72-31 (34456)
ৎবয়ি সংপ্রতিপৎস্যন্তে ধর্মাত্মা সত্যবাগিতি ।
তস্মিংশ্চাধিগমিষ্যন্তি যথা লোভাদবর্তত ॥ 5-72-32 (34457)
গর্হয়িষ্যামি চৈবৈনং পৌরজানপদেষ্বপি ।
বৃদ্ধবালানুপাদায় চাতুর্বর্ণ্যে সমাগতে ॥ 5-72-33 (34458)
শমং বৈ যাচমানস্ৎবং নাধর্মং তত্র লপ্স্যসে ।
কুরূন্বিগর্হয়িষ্যন্তি ধৃতরাষ্ট্রং চ পার্থিবাঃ ॥ 5-72-34 (34459)
তস্মিংল্লোকপরিত্যক্তে কিং কার্যমবশিষ্যতে।
হতে দুর্যোধনে রাজন্যদন্যৎক্রিয়তামিতি ॥ 5-72-35 (34460)
যাৎবা চাহং কুরূন্সর্বান্যুষ্মদর্থমহাপয়ন্ ।
যতিষ্যে প্রশমং কর্তুং লক্ষয়িষ্যে চ চেষ্টিতম্ ॥ 5-72-36 (34461)
কৌরবাণাং প্রবৃত্তিং চ গৎবা যুদ্ধাধিকারিকাম্ ।
নিশম্য বিনিবর্তিষ্যে জয়ায় তব ভারত ॥ 5-72-37 (34462)
সর্বথা যুদ্ধমেবাহমাশংসাপি পরৈঃ সহ ।
নিমিত্তানি হি সর্বাণি তথা প্রাদুর্ভবন্তি মে ॥ 5-72-38 (34463)
মৃগাঃ শকুন্তাশ্চ বদন্তি ঘোরং
হস্ত্যশ্বমুখ্যেষু নিশামুখেষু ।
ঘোরাণি রূপাণি তথৈব চাগ্নি-
র্বর্ণান্বহূন্পুষ্যতি ঘোররূপান্ ॥ 5-72-39 (34464)
মনুষ্যলোকক্ষয়কৃৎসুঘোরো
নো চেদনুপ্রাপ্ত ইহান্তকঃ স্যাৎ।
শস্ত্রাণি যন্ত্রং কবচান্রথাংশ্চ
নাগান্হয়াংশ্চ প্রতিপাদয়িৎবা ॥ 5-72-40 (34465)
যোধাশ্চ সর্বে কৃতনিশ্চয়াস্তে
ভবন্তু হস্ত্যশ্বরথেষু যত্তাঃ।
সাঙ্গ্রামিকং তে যদুপার্জনীয়ং
সর্বং সমগ্রং কুরু তন্নরেন্দ্র ॥ 5-72-41 (34466)
দুর্যোধনো ন হ্যলমদ্য দাতুং
জীবংস্তবৈতন্নৃপতে কথংচিৎ।
যত্তে পুরস্তাদভবৎসমৃদ্ধং
দ্যূতে হৃতং পাণ্ডবমুখ্য রাজ্যম্ ॥ ॥ 5-72-42 (34467)
ইতি শ্রীমন্মহাভারতে উদ্যোগপর্বণি ভগবদ্যানপর্বণি দ্বিসপ্ততিতমোঽধ্যায়ঃ ॥
Mahabharata - Udyoga Parva - Chapter Footnotes
5-72-3 নৈষ্ঠিকং কর্ম যাবজ্জীবং ব্রহ্মচর্যং পারিব্রাজ্যং চ। বিহিতমিতি শেষঃ ॥ 5-72-4 কার্পণ্যং গ্রামপঞ্চকং দেহীতি দীনবচনম্ ॥ 5-72-5 বৃত্তিঃ জীবিকা কর্তুমিতি শেষঃ ॥ 5-72-6 অতিগৃদ্ধাঃ অত্যন্তলুব্ধাঃ ॥ 5-72-7 পর্যায় উপায়ঃ। যদ্যেন বলবত্তাং স্বস্যেতি শেষঃ ॥ 5-72-9 অনুক্রোশাৎ ভবৎসু কৃপাতঃ । কার্পণ্যাৎ স্বস্য দৈন্যাৎ। অলং কর্তুং পূর্ণং কর্তুং ন সমর্থাঃ ॥ 5-72-10 নিমিত্তং অশমে কারণম্ ॥ 5-72-17 প্রকৃতিং পঞ্চতাম্ । ময়ি মৎসমীপে নষ্টা প্রকৃতিঃ শৌর্যাদিরূপঃ স্বভাবো যেষাম্ ॥ 5-72-19 গৌরিব সর্বভোজ্যেত্যুপহাসো গৌর্গৌরিতি ॥ 5-72-26 প্রস্কৃন্দেন চক্রাকারয়া বেদিকয়া ॥ 5-72-29 দ্বিধাভাবঃ অয়ং সাধুরসাধুর্বেতি সংশয়ঃ ॥ 5-72-30 প্রাতিপৌরুষিকান্ সর্বপুরুষসাধারণান্ ॥ 5-72-35 হতে নিন্দ্যতয়া নষ্টপ্রায়ে ॥ 5-72-36 যাৎবা গৎবা ॥ 5-72-37 নিশম্য আলোচ্য ॥ 5-72-40 তর্হি এতন্ন স্যাদিতি শেষঃ। প্রতিপাদয়িৎবা সঞ্জীকৃত্য ॥উদ্যোগপর্ব - অধ্যায় 073
॥ শ্রীঃ ॥
5.73. অধ্যায়ঃ 073
Mahabharata - Udyoga Parva - Chapter Topics
ভীমসেনেন শ্রীকৃষ্ণংপ্রতি দুর্যোধনস্য দুরারাধ্যৎবকথনপূর্বকং যথাকথংচিৎ শমস্বাবশ্যকর্তব্যৎককথনম্ ॥ 1 ॥Mahabharata - Udyoga Parva - Chapter Text
5-73-0 (34468)
ভীম উবাচ। 5-73-0x (3622)
যথায়থৈব শান্তিঃ স্যাৎকুরূণাং মধুসূদন।
তথাতথৈব ভাষেথা মা স্ম যুদ্ধেন ভীষয়েঃ ॥ 5-73-1 (34469)
অমর্ষী জাতসংরম্ভঃ শ্রেয়োদ্বেষী মহামনাঃ।
নোগ্রং দুর্যোধনো বাচ্যঃ সাম্নৈবেনং সমাচরেঃ ॥ 5-73-2 (34470)
প্রকৃত্যা পাপসৎবশ্চ তুল্যচেতাস্তু দস্যুভিঃ ।
ঐশ্বর্যমদমত্তশ্চ কৃতবৈরশ্চ পাণ্ডবৈঃ ॥ 5-73-3 (34471)
অদীর্ঘদর্শী নিষ্ঠূরী ক্ষেপ্তা ক্রূরপরাক্রমঃ ।
দীর্ঘমন্যুরনেয়শ্চ পাপাত্মা নিকৃতিপ্রিয়ঃ ॥ 5-73-4 (34472)
ম্রিয়েতাপি ন ভজ্যেত নৈব জহ্যাৎস্বকং মতম্।
তাদৃশেন শমঃ কৃষ্ণ মন্যে পরমদুষ্করঃ ॥ 5-73-5 (34473)
সুহৃদামপ্যবাচীনস্ত্যক্তধর্মা প্রিয়ানৃতঃ ।
প্রতিহন্ত্যে সুহৃদাং বাচশ্চৈব মনাংসি চ॥ 5-73-6 (34474)
স মন্যুবশমাপন্নঃ স্বভাবং দুষ্টমাস্থিতঃ ।
স্বভাবাৎপাপমভ্যেতি তৃণৈশ্ছন্ন ইবোরগঃ ॥ 5-73-7 (34475)
দুর্যোধনো হি যৎসেনঃ সর্বথা বিদিতস্তব ।
যচ্ছীলো যৎস্বভাবশ্চ যদ্বলো যৎপরাক্রমঃ ॥ 5-73-8 (34476)
পুরা প্রসন্নাঃ কুরবঃ সহপুত্রাস্তথা বয়ম্।
ইন্দ্রজ্যেষ্ঠা ইবাভূম মোদমানাঃ সবান্ধবাঃ ॥ 5-73-9 (34477)
দুর্যোধনস্য ক্রোধেন ভরতা মধুসূদন।
ধক্ষ্যন্তে শিশিরাপায়ে বনানীব হুতাশনৈঃ ॥ 5-73-10 (34478)
অষ্টাদশেমে রাজানঃ প্রখ্যাত মধুসূদন ।
যে সমুচ্চিচ্ছিদুর্জ্ঞাতীন্সুহৃদশ্চ সবান্ধবান্ ॥ 5-73-11 (34479)
অসুরাণাং সমৃদ্ধানাং জ্বলতামিব তেজসা।
পর্যায়কালে ধর্মস্য প্রাপ্তে কলিরজায়ত ॥ 5-73-12 (34480)
হৈহয়ানামুদাবর্তো নীপানাং জনমেজয়ঃ ।
বহুলস্তালজঙ্ঘানাং কৃমীণামুদ্ধতো বসুঃ ॥ 5-73-13 (34481)
অজবিন্দুঃ সুবীরাণাং সুরাষ্ট্রাণাং রুষর্দ্ধিকঃ।
অর্কজশ্চ বলীহানাং চীনানাং ধৌতমূলকঃ ॥ 5-73-14 (34482)
হয়গ্রীবো বিদেহানাং বরয়ুশ্চ মহৌজসাম্ ।
বাহুঃ সুন্দরবংশানাং দীপ্তাক্ষাণাং পুরূরবাঃ ॥ 5-73-15 (34483)
সহজশ্চেদিমৎস্যানাং প্রবীরাণাং বৃষধ্বজঃ ।
ধারণশ্চন্দ্রবৎসানাং মুকুটানাং বিগাহনঃ ॥ 5-73-16 (34484)
শমশ্চ নন্দিবেগানামিত্যেতে কুলপাংসনাঃ ।
যুগান্তে কৃষ্ণ সংভূতাঃ কুলেষু পুরুষাধমাঃ ॥ 5-73-17 (34485)
অপ্যযং নঃ কুরূণাং স্যাদ্যুগান্তে কালসংভৃতঃ ।
দুর্যোধনঃ কুলাঙ্গারো জঘন্যঃ পাপপূরুষঃ ॥ 5-73-18 (34486)
তস্মান্মৃদু শনৈর্ব্রূয়া ধর্মার্থসহিতং হিতম্ ।
কামানুবদ্ধং বহুলং নোগ্রমুগ্রপরাক্রমম্ ॥ 5-73-19 (34487)
অপি দুর্যোধনং কৃষ্ণ সর্বে বয়মধশ্চরাঃ।
নীচৈর্ভূৎবাঽনুয়াস্যামো মা স্ম নো ভরতা নশন্ ॥ 5-73-20 (34488)
অপ্যুদাসীনবৃত্তিঃ স্যাদ্যথা নঃ কুরুভিঃ সহ।
বাসুদেব তথা কার্যং ন কুরূননয়ঃ স্পৃশেৎ ॥ 5-73-21 (34489)
বাচ্যঃ পিতামহো বৃদ্ধো যে চ কৃষ্ণ সমাসদঃ ।
ভ্রাতৄণামস্তু সৌভ্রাত্রং ধার্তরাষ্ট্রঃ প্রশাম্যতাম্ ॥ 5-73-22 (34490)
অহমেতদ্ব্রবীম্যেবং রাজা চৈব প্রশংসতি ।
অর্জুনো নৈব যুদ্ধার্থী ভূয়সী হি দয়াঽর্জুনে ॥ ॥ 5-73-23 (34491)
ইতি শ্রীমন্মহাভারতে উগ্যোগপর্বণি ভগবদ্যানপর্বণি ত্রিসপ্ততিতমোঽধ্যায়ঃ ॥
Mahabharata - Udyoga Parva - Chapter Footnotes
5-73-4 নিষ্ঠূরী নিষ্ঠুরবাক্ । ক্ষেপ্তা নিন্দকঃ । অনেয়ঃ শিক্ষয়িতুময়োগ্যঃ ॥ 5-73-6 অবাচীনো বিপরীতঃ ॥ 5-73-12 পর্যায়কালে ধর্মান্তকালে ॥ 5-73-19 কামানুবদ্ধং বহুলং বাহুল্যেন তস্য চিত্তানুসারী ॥উদ্যোগপর্ব - অধ্যায় 074
॥ শ্রীঃ ॥
5.74. অধ্যায়ঃ 074
Mahabharata - Udyoga Parva - Chapter Topics
শ্রীকৃষ্ণেন ভীমংপ্রতি তৎপ্রতিজ্ঞানুস্মারণপূর্বকং যুদ্ধপ্রোৎসাহনম্ ॥ 1 ॥Mahabharata - Udyoga Parva - Chapter Text
5-74-0 (34492)
বৈশম্পায়ন উবাচ। 5-74-0x (3623)
এতছ্রুৎবা মহাবাহুঃ কেশবঃ প্রহসন্নিব।
অভূতপূর্বং ভীমস্য মার্দবোপহিতং বচঃ ॥ 5-74-1 (34493)
গিরেরিব লঘুৎবং তচ্ছীতৎবমিব পাবকে।
মৎবা রামানুজঃ শৌরিঃ শার্ঙ্গধন্বা বৃকোদরম্ ॥ 5-74-2 (34494)
সন্তেজসংস্তদা বাগ্ভির্ভাতরিশ্বেব পাবকম্।
উবাচ ভীমমাসীনং কৃপয়াঽভিপরিপ্লুতম্ ॥ 5-74-3 (34495)
শ্রীভগবানুবাচ। 5-74-4x (3624)
ৎবমন্যদা ভীমসেন যুদ্ধমেব প্রশংসসি।
বধামিনন্দিনঃ ক্রূরান্ধার্তরাষ্ট্রন্মিমর্দিষুঃ ॥ 5-74-4 (34496)
ন চ স্বপিষি জাগর্ষি ন্যুব্জঃ শেষে পরন্তপ ।
ঘোরামশান্তাং রুশতীং সদা বাচং প্রভাষসে ॥ 5-74-5 (34497)
নিঃশ্বসন্নগ্নিবত্তেন সন্তপ্তঃ স্বেন মন্যুনা ।
অপ্রশান্তমনা ভীম সধূম ইব পাবকঃ ॥ 5-74-6 (34498)
একান্তে নিঃশ্বসঞ্শেপে ভারার্ত ইব দুর্বলঃ ।
অপি ৎবাং কেচিদুন্মত্তং মন্যন্তেঽতদ্বিদো জনাঃ ॥ 5-74-7 (34499)
আরুজ্য বৃক্ষান্নির্মূলান্গজঃ পরিরুজন্নিব ।
নিঘ্নন্পদ্ভিঃ ক্ষিতিং ভীম নিষ্টনন্পরিধাবসি ॥ 5-74-8 (34500)
নাস্মিঞ্জনে ন রমসে রহঃ ক্ষিপসি পাণ্ডব ।
নান্যং নিশি দিবা চাপি কদাচিদভিনন্দসি ॥ 5-74-9 (34501)
অকস্মাৎস্ময়মানশ্চ রহস্যাস্সে রুদন্নিব।
জান্বোর্মূর্ধানমাধায় চিরমাস্তে প্রমীলিতঃ ॥ 5-74-10 (34502)
ভ্রুকিটিং চ পুনঃ কুর্বন্নোষ্ঠৌ চ বিদশন্নিব ।
অভীক্ষ্ণং দৃশ্যসে ভীম সর্বং তন্মন্যুকারিতম্ ॥ 5-74-11 (34503)
যথা তপুরস্তাৎসবিতা দৃশ্যতে শুক্রমুচ্চরন্ ।
যথা চ পশ্চান্নির্মুক্তো ধ্রুবং পর্যেতি রশ্মিবান্ ॥ 5-74-12 (34504)
তথা সত্যং ব্রবীম্যেতন্নাস্তি তস্য ব্যতিক্রমঃ ।
হন্তাহং গদয়াভ্যেত্য দুর্যোধনমমর্পণম্ ॥ 5-74-13 (34505)
ইতি স্ম মধ্যে ভ্রাতৃণাং সত্যেনালভসে বদাম্।
তস্য তে প্রশমে বুদ্ধির্ধ্রিয়তেঽদ্য পরন্তপ ॥ 5-74-14 (34506)
অহো যুদ্ধাভিকাঙ্ক্ষাণাং যুদ্ধকাল উপস্থিতে ।
চেতাংসি বিপ্রতীপানি যত্ৎবাং ভীভীম বিন্দতি ॥ 5-74-15 (34507)
অহো পার্থ নিমিত্তানি বিপরীতানি পশ্যসি।
স্বপ্নান্তে জাগরান্তে চ তস্মাৎপ্রশমমিচ্ছসি ॥ 5-74-16 (34508)
অহো নাশংসসে কিংচিৎপুংস্ৎবং ক্লীব ইবাত্মনি ।
কশ্মলেনাভিপন্নোঽসি তেন তে বিকৃতং মনঃ ॥ 5-74-17 (34509)
উদ্বেপতে তে হৃদয়ং মনস্তে প্রতিসীদতি ।
ঊরুস্তম্ভগৃহীতোঽসি তস্মাৎপ্রশমমিচ্ছসি ॥ 5-74-18 (34510)
অনিত্যং কিল মর্ত্যস্য পার্থ চিত্তং চলাচলম্ ।
বাতবেগপ্রচলিতা অষ্ঠীলা শাল্মলেরিব ॥ 5-74-19 (34511)
তবৈষা বিকৃতা বুদ্ধির্গবাং বাগিব মানুষী ।
মনাংসি পাণ্ডুপুত্রাণাং মঞ্জয়ত্যপ্লবানিব ॥ 5-74-20 (34512)
ইদং মে মহাদাশ্চর্যং পর্বতস্যেব সর্পণম্।
যদীদৃশং প্রভাষেথা ভীমসেনাসমং বচঃ ॥ 5-74-21 (34513)
স দৃষ্ট্বা স্বানি কর্মাণি কুলে জন্ম চ ভারত ।
উত্তিষ্ঠস্ব বিষাদং মা কৃথা বীর স্থিরো ভব ॥ 5-74-22 (34514)
ন চৈতদনুরূপং তে যত্তে গ্লানিররিন্দম।
যদোজসা ন লভতে ক্ষত্রিয়ো ন তদশ্রুতে ॥ ॥ 5-74-23 (34515)
ইতি শ্রীমন্মহাভারতে উদ্যোগপর্বণি ভগবদ্যানপর্বণি চতুঃসপ্ততিতমোঽধ্যায়ঃ ॥
Mahabharata - Udyoga Parva - Chapter Footnotes
5-74-6 অগ্নিবৎ অগ্নিনেব ॥ 5-74-8 আরুজ্য ভঙ্ক্ৎবা ॥ 5-74-9 অস্মিন্বনে। জনেন ব্রাহ্মণরামূহেন। ক্ষিপসি নপসি কালমিতি শেষঃ ॥ 5-74-12 শুক্রং তেজঃ। নির্মুক্তোঽস্তং গতঃ। ধ্রুবং নিশ্চয়ং পুনঃ পর্যেতি মেরুং পুনঃপুনঃ প্রদক্ষিণীকরোতি ॥ 5-74-19 অষ্ঠীলা ফলান্তর্গ্রন্থিঃ । সা চ শাল্মলেঃ কেবলং তূলময়ী ভবতি ॥উদ্যোগপর্ব - অধ্যায় 075
॥ শ্রীঃ ॥
5.75. অধ্যায়ঃ 075
Mahabharata - Udyoga Parva - Chapter Topics
ভীমেন কৃষ্ণংপ্রতি স্বসামর্থ্যকথনপূর্বকং স্বস্য শমকামনায়াঃ কৃপামূলকৎবকথনম্ ॥ 1 ॥Mahabharata - Udyoga Parva - Chapter Text
5-75-0 (34516)
বৈশম্পায়ন উবাচ। 5-75-0x (3625)
তথোক্তো বাসুদেবেন নিত্যমন্যুরমর্ষণঃ।
সদশ্ববৎসমাধাবদ্বভাষে তদনন্তরম্ ॥ 5-75-1 (34517)
ভীমসেন উবাচ। 5-75-2x (3626)
অন্যথা মাং চিকীর্ষন্তমন্যথা মন্যসেঽচ্যুত।
প্রণীতভাবমত্যর্থং যুধি সত্যপরাক্রমম্ ॥ 5-75-2 (34518)
বেৎসি দাশার্হ সত্যং মে দীর্ঘকালং সহোষিতঃ।
উত বা মাং ন জানাসি প্লবন্হৃদ ইবাপ্লবে ॥ 5-75-3 (34519)
তস্মাদনভিরুপাভির্বাগ্ভির্মাং ৎবং সমর্চ্ছসি ।
কথং হি ভীমসেনং মাং জানন্কশ্চন মাধব ॥ 5-75-4 (34520)
ব্রূয়াদপ্রতিরূপাণি যথা মাং বক্তমর্হসি ।
তস্মাদিদং প্রবক্ষ্যামি বচনং বৃষ্ণিনন্দন ॥ 5-75-5 (34521)
আত্মনঃ পৌরুষং চৈব বলং চ ন সমং পরৈঃ ।
সর্বথাঽনার্যকর্মৈতৎপ্রশংসা স্বয়মাত্মনঃ ॥ 5-75-6 (34522)
অতিবাদাপবিদ্ধস্তু বক্ষ্যামি বলমাত্মনঃ ।
পশ্যেমে রোদসী কৃষ্ণ যয়োরাসন্নিমাঃ প্রজাঃ ॥ 5-75-7 (34523)
অচলে চাপ্রতিষ্ঠে চাপ্যনন্তে সর্বমাতরৌ ।
যদীমে সহসা ক্রুদ্ধে সমেয়াতাং শিলে ইব ॥ 5-75-8 (34524)
অহমেতে নিগৃহ্ণীয়াং বাহুভ্যাং সচসাচরে ।
পশ্যৈতদন্তরং বাহ্বোর্মহাপরিঘয়োরিব ॥ 5-75-9 (34525)
য এতৎপ্রায় মুচ্যেত ন তং পশ্যামি পুরূষম্।
হিমবাংশ্চ সমুদ্রশ্চ বজ্রী বা বলমিৎস্বয়ম্ ॥ 5-75-10 (34526)
ময়াভিপন্নং ত্রায়েরন্বলমাস্থায় ন ত্রয়ঃ ।
যুদ্ধার্হান্ক্ষত্রিয়ান্সর্বান্পাণ্ডবেষ্বাততায়িনঃ ॥ 5-75-11 (34527)
অধঃ পাদতলেনৈতানধিষ্ঠাস্যামি ভূতলে ।
ন হি ৎবং নাভিজানাসি মম বিক্রমমচ্যুত ॥ 5-75-12 (34528)
যথা ময়া বিনির্জিত্য রাজানো বশগাঃ কৃতাঃ ।
অথ চেন্মাং ন জানাসি সূর্যস্যেবোদ্যতঃ প্রভাম্ ॥ 5-75-13 (34529)
বিগাঢে যুধি সংবাধে বেৎস্যসে মাং জনার্দন ।
পরুষৈরাক্ষিপসি কিং ব্রণং সূচ্যেব চানঘ ॥ 5-75-14 (34530)
যথামতি ব্রবীম্যেতদ্বিদ্ধি মামধিকং ততঃ ।
দ্রষ্টাসি যুধি সংবাধে প্রবৃত্তে বৈশসেঽহনি ॥ 5-75-15 (34531)
ময়া প্রণুন্নান্মাতঙ্গাত্নথিনঃ সাদনস্তথা ।
তথা নরানভিক্রুদ্ধং নিঘ্নন্তং ক্ষত্রিয়র্ষভান্ ॥ 5-75-16 (34532)
দ্রষ্টা মাং ৎবং চ লোকশ্চ বিকর্ষন্তং বরান্বরান্ ।
ন মে সীদন্তি গাত্রাণি ন মমোদ্বেপতে মনঃ ॥ 5-75-17 (34533)
সর্বলোকাদভিক্রুদ্ধান্ন ভয়ং বিদ্যতে মম।
কিং তু সৌহৃদমেবৈতৎকৃপয়া মধুসূদন ।
সর্বাংস্তিতিক্ষে সংক্লেশান্মা স্ম নো ভরতা নশন্ ॥ ॥ 5-75-18 (34534)
ইতি শ্রীমন্মহাভারতে উদ্যোগপর্বণি ভগবদ্যানপর্বণি পঞ্চসপ্ততিতমোঽধ্যায়ঃ ॥
Mahabharata - Udyoga Parva - Chapter Footnotes
5-75-1 সমাধাবৎ তীব্রবেগং যথা স্যাত্তথা ॥ 5-75-3 হ্রদে প্লবন্ পারমিবেতি শেষঃ ॥ 5-75-14 সংবাধে সংকীর্ণে ॥ 5-75-15 বৈশসে বিশসনবতি ॥উদ্যোগপর্ব - অধ্যায় 076
॥ শ্রীঃ ॥
5.76. অধ্যায়ঃ 076
Mahabharata - Udyoga Parva - Chapter Topics
শ্রীকৃষ্ণেন ভীমংপ্রতি স্বস্য তন্মহিমাভিজ্ঞৎবমভিধায় তৎপ্রশংসনপূর্বকং স্বোক্তেঃ তেজস্সন্দীপনার্থৎবকথনম্ ॥ 1 ॥Mahabharata - Udyoga Parva - Chapter Text
5-76-0 (34535)
শ্রীভগবানুবাচ। 5-76-0x (3627)
ভাবং জিজ্ঞাসমানোঽহং প্রণয়াদিদমব্রবম্ ।
ন চাক্ষেপান্ন পাণ্ডিত্যান্ন ক্রোধান্ন বিবক্ষয়া ॥ 5-76-1 (34536)
বেদাহং তব মাহাত্ম্যসুত তে বেদ যদ্বলম্।
উত তে বেদ কর্মাণি ন ৎবাং পরিভবাম্যহম্ ॥ 5-76-2 (34537)
যথা চাত্মনি কল্যাণং সংভাবয়সি পাণ্ডব ।
সহস্রগুণমপ্যেতত্ৎবয়ি সংভাবয়াম্যহম্ ॥ 5-76-3 (34538)
যাদৃশে চ কুলে জন্ম সর্বরাজাভিপূজিতে ।
বন্ধুভিশ্চ সুহৃদ্ভিশ্চ ভীম ৎবমসি তাদৃশঃ ॥ 5-76-4 (34539)
জিজ্ঞাসন্তো হি ধর্মস্য সন্দিগ্ধস্য বৃকোদর ।
পর্যায়ং নাধ্যবস্যন্তি দেবমানুষয়োর্জনাঃ ॥ 5-76-5 (34540)
স এব হেতুর্ভূৎবা হি পুরুষস্যার্থসিদ্ধিষু।
বিনাশেঽপি স এবাস্য সন্দিগ্ধং কর্ম পৌরুষম্ ॥ 5-76-6 (34541)
অন্যথা পরিদৃষ্টানি কবিভির্দোবদর্শিভিঃ ।
অন্যথা পরিবর্তন্তে বেগা ইব নভস্বতঃ ॥ 5-76-7 (34542)
সুমন্ত্রিতং সুনীতং চ ন্যায়তশ্চোপপাদিতম্ ।
কৃতং মানুষ্যকং কর্ম দৈনেনাপি বিরুদ্ধ্যতে ॥ 5-76-8 (34543)
দৈবমপ্যকৃতং কর্ম পৌরুষেণ বিহন্যতে ।
শীতমুষ্ণং তথা বর্ষং ক্ষুৎপিপাসে চ ভারত ॥ 5-76-9 (34544)
যদন্যদ্দিষ্টভাবস্য পুরুষস্য স্বয়ং কৃতম্ ।
তস্মাদনুপরোধশ্চ বিদ্যতে তত্র লক্ষণম্ ॥ 5-76-10 (34545)
লোকস্য নান্যতো বৃত্তিঃ পাণ্ডবান্যত্র কর্মণঃ।
এবংবুদ্ধিঃ প্রবর্তেত ফলং স্যাদুভয়ান্বয়ে ॥ 5-76-11 (34546)
য এবং কৃতবুদ্ধিঃ স কর্মস্বেব প্রবর্ততে ।
নাসিদ্ধো ব্যথতে তস্য ন সিদ্ধৌ হর্ষমশ্রুতে ॥ 5-76-12 (34547)
তত্রেয়মনুমাত্রা মে ভীমসেন বিবক্ষিতা।
নৈকান্তসিদ্ধির্বক্তব্যা শত্রুভিঃ সহ সংয়ুগে ॥ 5-76-13 (34548)
নাতিপ্রহীণরশ্মিঃ স্যাত্তথা ভাববিপর্যযে ।
বিষাদমর্চ্ছেদ্ গ্লানিং বাপ্যেতমর্থং ব্রবীমিতে ॥ 5-76-14 (34549)
শ্বোভূতে ধৃতরাষ্ট্রস্য সমীপং প্রাপ্য পাণ্ডব।
যতিষ্যে প্রশমং কর্তুং যুষ্মদর্থমহাপয়ন্ ॥ 5-76-15 (34550)
শমং চেত্তে করিষ্যন্তি ততোঽনন্তং যশো মম।
ভবতাং কচ কৃতঃ কামস্তেষাং চ শ্রেয় উত্তমম্ ॥ 5-76-16 (34551)
তে চেদভিনিবেক্ষ্যন্তে নাভ্যুপৈষ্যন্তি মে বচঃ ।
কুরবো যুদ্ধমেবাত্র ঘোরং কর্ম ভবিষ্যতি ॥ 5-76-17 (34552)
অস্মিন্যুদ্ধে ভীমসেন ৎবয়ি ভারঃ সমাহিতঃ।
ধূরর্জুনেন ধার্যা স্যাদ্বেঢব্য ইতরো জনঃ ॥ 5-76-18 (34553)
অহং হি যন্তা বীভৎসোর্ভবিতা সংয়ুগে সতি।
ধনঞ্জয়স্যৈষ কামো ন হি যুদ্ধং ন কাময়ে ॥ 5-76-19 (34554)
তস্মাদাশঙ্কমানোঽহং বৃকোদর মতিং তব।
গদতঃ ক্লীবয়া বাচা তেজস্তে সমদীদিপম্ ॥ ॥ 5-76-20 (34555)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ষট্সপ্ততিতমোঽধ্যায়ঃ ॥
Mahabharata - Udyoga Parva - Chapter Footnotes
5-76-1 ভাবমিতি । বিবক্ষয়া ৎবয়া স্বরূপং বক্তব্যমিতীচ্ছয়া। প্রাগেব তস্য জ্ঞাতৎবাৎ ॥ 1 ॥ 5-76-5 দেবমানুষয়োর্ধর্মস্য পর্যায়মিতি সংবন্ধঃ ॥ 5-76-7 পরিদৃষ্টানি কর্তব্যৎবেন নিশ্চিতানি কার্যাণি ॥ 5-76-10 দিষ্টঃ ফলভোগায় আজ্ঞপ্তঃ ভাবঃ সত্তা যস্য তৎ দিষ্টভাবং প্রারব্ধকর্ম। পঞ্চম্যর্থে ষষ্ঠী । প্রারব্ধাদন্যদিত্যর্থঃ । পুরুষস্য পুরুষেণ সংচিতং যৎস্বয়ংকৃতং কর্ম তস্মাদনুপরোধো জন্মান্তরে নিরোধো নাস্তি। তত্র জ্ঞানেন প্রায়শ্চিত্তেন বা সংচিতপাপানাং নাশে লক্ষণং জ্ঞাপকং শ্রুতিস্মৃতিজাতং বিদ্যতে ॥ 5-76-11 কর্মণোঽন্যত্র পৌরুষংবিনা অন্যত একস্মাদ্দৈবাদেব বৃত্তির্জীবিকা নাস্তি । এবং বুদ্ধিঃ ঈদৃক্জ্ঞানবান্সন্ প্রবর্তেত পুরুষকারং কুর্যাৎ। তথা সতি উভয়ান্বয়ে দৈবপৌরুষয়োঃ সংবন্ধে ফলং ভবতি নান্যতরত ইত্যর্থঃ ॥ 5-76-13 অনুমাত্রাঽবধারণং নিশ্চয় ইত্যর্থঃ ॥ 5-76-14 প্রহীণরশ্মিঃ নিষ্প্রভঃ। ভাবঃ প্রারব্ধং কর্ম। অর্চ্ছেৎ প্রাপ্নুয়াৎ ॥ 5-76-17 তে কুরব ইতি সংবন্ধঃ ॥ 5-76- 5-76- 5-76-উদ্যোগপর্ব - অধ্যায় 077
॥ শ্রীঃ ॥
5.77. অধ্যায়ঃ 077
Mahabharata - Udyoga Parva - Chapter Topics
অর্জুনেন সন্ধিবিগ্রহপক্ষৌ প্রস্তুত্য শ্রীকৃষ্ণংপ্রতি যথারুচি অন্যতরপক্ষনির্ধারণকরণপ্রার্থনা ॥ 1 ॥Mahabharata - Udyoga Parva - Chapter Text
5-77-0 (34556)
অর্জুন উবাচ। 5-77-0x (3628)
উক্তং যুধিষ্ঠিরেণৈব যাবদ্বাচ্যং জনার্দন ।
তব বাক্যং তু মে শ্রুৎবা প্রতিভাতি পরন্তপ ॥ 5-77-1 (34557)
নৈব প্রশমমত্র ৎবং মন্যসে সুকরং প্রভো ।
লোভাদ্বা ধৃতরাষ্ট্রস্য দৈন্যাদ্বা সমুপস্থিতাৎ ॥ 5-77-2 (34558)
অফলং মন্যসে বাঽপি পুরুষস্য পরাক্রমম্ ।
ন চান্তরেণ কর্মাণি পৌরুষেণ বলোদয়ঃ ॥ 5-77-3 (34559)
তদিদং ভাষিতং বাক্যং তথাচন তথৈব তৎ।
ন চৈতদেবং দ্রষ্টব্যমসাধ্যমপি কিংচন ॥ 5-77-4 (34560)
কিং চৈতন্মন্যসে কৃচ্ছ্রমস্মাকমবসাদকম্।
কুর্বন্তি তেষাং কর্মাণি যেষাং নাস্তি ফলোদয়ঃ ॥ 5-77-5 (34561)
সংপাদ্যমানং সম্যক্ব স্যাৎকর্ম সফলং প্রভো।
স তথা কৃষ্ণ বর্তস্ব যথা শর্ম ভবেৎপরৈঃ ॥ 5-77-6 (34562)
পাণ্ডবানাং কুরূণাং চ ভবান্নঃ প্রথমঃ সুহৃৎ।
সুরাণামসুরাণাং চ যথা বীর প্রজাপতিঃ ॥ 5-77-7 (34563)
কুরূণাং পাণ্ডবানাং চ প্রতিপৎস্ব নিরাময়ম্ ।
অস্মদ্ধিতমনুষ্ঠানং মন্যে তব ন দুষ্করম্ ॥ 5-77-8 (34564)
এবং চ কার্যতামেতি কার্যং তব জনার্দন ।
গমনাদেবমেব ৎবং করিষ্যসি জনার্দন ॥ 5-77-9 (34565)
চিকীর্ষিতমথান্যত্তে তস্মিন্বীর দুরাত্মানি ।
ভবিষ্যতি চ তৎসর্বং যথা তব চিকীর্ষিতম্ ॥ 5-77-10 (34566)
শর্ম তৈঃ সহ বা নোঽস্তু তব বা যচ্চিকীর্ষিতম্ ।
বিচার্যমাণো যঃ কামস্তব কৃষ্ণ স নো গুরুঃ ॥ 5-77-11 (34567)
ন স নার্হতি দুষ্টাত্মা বধং সসুতবান্ধবঃ।
যেন ধর্মসুতে দৃষ্টা ন সা শ্রীরুপমর্ষিতা ॥ 5-77-12 (34568)
যচ্চাপ্যপশ্যতোপায়ং ধর্মিষ্ঠং মধুসূদন।
উপায়েন নৃশংসেন হৃতা দুর্দ্যূতদেবিনা ॥ 5-77-13 (34569)
কথং হি পুরুষো জাতঃ ক্ষত্রিয়েষু ধনুর্ধরঃ ।
সমাহূতো নিবর্তেত প্রাণত্যাগেঽপ্যুপস্থিতে ॥ 5-77-14 (34570)
অধর্মেণ জিতান্দৃষ্ট্বা বনে প্রবৃজিতাংস্তথা।
বধ্যতাং মম বার্ষ্ণেয় নির্গতোঽসৌ সুয়োধনঃ ॥ 5-77-15 (34571)
ন চৈতদদ্ভুতং কৃষ্ণ মিত্রার্থে যচ্চিকীর্ষসি।
ক্রিয়া কথংচ মুখ্যা স্যান্মৃদুনা চেতরেণ বা ॥ 5-77-16 (34572)
অথবা মন্যসে জ্যায়ান্বধস্তেষামনন্তরম্ ।
তদেব ক্রিয়তামাশু ন বিচার্যমতস্ৎবয়া ॥ 5-77-17 (34573)
জানাসি হি যথৈতেন দ্রৌপদী পাপবুদ্ধিনা ।
পরিক্লিষ্টা সভামধ্যে তচ্চ তস্যোপমর্ষিতম্ ॥ 5-77-18 (34574)
স নাম সম্যগ্বর্তেত পাণ্ডবেষ্বিতি মাধব।
ন মে সঞ্জায়তে বুদ্ধির্বীজমুপ্তমিবোষরে ॥ 5-77-19 (34575)
তস্মাদ্যন্মন্যসে যুক্তং পাণ্ডবানাং হিতং চ যৎ।
তথাঽঽশু কুরু বার্ষ্ণেয় যন্নঃ কার্যমনন্তরম্ ॥ ॥ 5-77-20 (34576)
ইতি শ্রীমন্মহাভারতে উদ্যোগপর্বণি ভগবদ্যানপর্বণি সপ্তসপ্ততিতমোঽধ্যায়ঃ ॥
Mahabharata - Udyoga Parva - Chapter Footnotes
5-77-2 দৈন্যাদ্বা অস্মদীয়াৎ ॥ 5-77-4 নহি যুদ্ধং ন কাময়ে ইতি যত্ৎবয়া ভাষিত তথাচন তথাপিচ চনশব্দোঽপ্যর্থে । যদ্যপি মমৈতদনিষ্টং তথাপি ৎবয়া যদ্ভাষিতং তত্তথৈব ভবিধ্যতীত্যর্থঃ । পরংতু শমোপি তব নাসাধ্যোঽস্তীত্যাহ নচেতি ॥ 5-77-8 নিরাময়ং কুশলম্ ॥ 5-77-9 কার্যতাং ঔচিত্যম্। কার্যং কর্ম ॥ 5-77-14 সমাহূতো দ্যূতার্থম্ ॥ 5-77-15 নির্গতঃ নিশ্চয়েন প্রাপ্তঃ ॥ 5-77-16 কথংচ কথমপি। মুখ্যা ফলবতী। মৃদুনা সাম্না। ইতরেণ যুদ্ধেন ॥উদ্যোগপর্ব - অধ্যায় 078
॥ শ্রীঃ ॥
5.78. অধ্যায়ঃ 078
Mahabharata - Udyoga Parva - Chapter Topics
শ্রীকৃষ্ণেন অর্জুনংপ্রতি দণ্ডার্হে সুয়োধনে শমকরণস্য দুশ্শকৎবাভিধানপূর্বকং যুধিষ্ঠিরগৌরবেণ স্বস্য তদর্থং প্রয়তনকথনম্ ॥ 1 ॥Mahabharata - Udyoga Parva - Chapter Text
5-78-0 (34577)
শ্রীভগবানুবাচ। 5-78-0x (3629)
এবমেতন্মহাবাহো যথা বদসি পাণ্ডব।
পাণ্ডবানাং কুরূণাং চ প্রতিপৎস্যে নিরাময়ম্।
সর্বং ৎবিদং মমায়ত্তং বীভৎসো কর্মণোর্দ্বয়োঃ ॥ 5-78-1 (34578)
ক্ষেত্রং হি রসবচ্ছুদ্ধং কর্মণৈবোপপাদিতম্।
ঋতে বর্ষান্ন কৌন্তেয় জাতু নির্বর্তয়েৎফলম্ ॥ 5-78-2 (34579)
তত্র বৈ পৌরুষং ব্রূয়ুরাসেকং যত্র কারিতম্।
তত্র চাপি ধ্রুবং পশ্যেচ্ছোষণং দৈবকারিতম্॥ 5-78-3 (34580)
তদিদং নিশ্চিত্তং বুদ্ধ্যা পূর্বৈরপি মহাত্মভিঃ ।
দৈবে চ মানুষে চৈব সংয়ুক্তং লোককারণম্ ॥ 5-78-4 (34581)
অহং হি তৎকরিষ্যামি পরং পুরুষকারতঃ ।
দেবং তু ন ময়া শক্যং কর্ম কর্তুং কথংচন ॥ 5-78-5 (34582)
স হি ধর্মং চ লোকং চ ত্যক্ৎবা চরতি দুর্মতিঃ।
ন হি সন্তপ্যতে তেন তথারূপেণ কর্মণা ॥ 5-78-6 (34583)
তথাপি বুদ্ধিং পাপিষ্ঠাং বর্ধয়ন্ত্যস্য মন্ত্রিণঃ ।
শকুনিঃ সূতপুত্রশ্চ ভ্রাতা দুঃশাসনস্তথা ॥ 5-78-7 (34584)
স হি ত্যাগেন রাজ্যস্য ন শমং সমুপৈষ্যতি।
অন্তরেণ বধং পার্থ সানুবন্ধঃ সুয়োধনঃ ॥ 5-78-8 (34585)
ন চাপি প্রণিপাতেন ত্যক্তুমিচ্ছতি ধর্মরাট্ ।
যাচ্যমানশ্চ রাজ্যং স ন প্রজাস্যতি দুর্মতিঃ ॥ 5-78-9 (34586)
ন তু মন্যে স তদ্বাচ্যো যদ্যুধিষ্ঠিরশাতনম্ ।
উক্তং প্রয়োজনং যত্তু ধর্মরাজেন ভারত ॥ 5-78-10 (34587)
তথা পাপস্তু তৎসর্বং ন করিষ্যতি কৌরবঃ ।
তস্মিংশ্চাক্রিয়মাণেঽসৌ লোকে বধ্যো ভবিষ্যতি ॥ 5-78-11 (34588)
মম চাপি স বধ্যো হি জগতশ্চাপি ভারত ।
তেন কৌমারকে যূয়ং সর্বে বিপ্রকৃতাঃ সদা ॥ 5-78-12 (34589)
বিপ্রলুপ্তং চ বো রাজ্যং নৃশংসেন দুরাত্মনা।
ন চোপশাম্যতে পাপঃ শ্রিয়ং দৃষ্ট্বা যুধিষ্ঠিরে ॥ 5-78-13 (34590)
অসকৃচ্চাপ্যহং তেন ৎবৎকৃতে পার্থ ভেদিতঃ ।
ন ময়া তদ্গৃহীতং চ পাপং তস্য চিকীর্ষেতম্ ॥ 5-78-14 (34591)
জানাসি হি মহাবাহো ৎবমপ্যস্য পরং মতম্।
প্রিয়ং চিকীর্ষমাণং চ ধর্মরাজস্য মামপি ॥ 5-78-15 (34592)
সংজানংস্তস্য চাত্মানং মম চৈব পরং মতম্।
অজানন্নিব মাং কস্মাদর্জুনাদ্যাভিশঙ্কসে ॥ 5-78-16 (34593)
যচ্চাপি পরমং দিব্যং তচ্চাপ্যনুগতং ৎবয়া।
বিধানং বিহিতং পার্থ কথং শর্ম ভবেৎপরৈঃ ॥ 5-78-17 (34594)
যত্তু বাচা ময়া শক্যং কর্মণা বাঽপি পাণ্ডব ।
করিষ্যে তদহং পার্থ ন ৎবাশংসে শমং পরৈঃ ॥ 5-78-18 (34595)
কথং গোহরণে হ্যুক্তো নৈতচ্ছর্ম তথা হিতম্ ।
যাচ্যমানো হি ভীষ্মেণ সংবৎসরগতেঽধ্বনি ॥ 5-78-19 (34596)
তদৈব তে পরাভূতা যদা সঙ্কল্পিতাস্ৎবয়া।
লবশঃ ক্ষণশশ্চাপি ন চ তুষ্টঃ সুয়োধনঃ ॥ 5-78-20 (34597)
সর্বথা তু ময়া কার্যং ধর্মরাজস্য শাসনম্ ।
বিভাব্যং তস্য ভূয়শ্চ কর্ম পাপং দুরাত্মনঃ ॥ ॥ 5-78-21 (34598)
ইতি শ্রীমন্মহাভারতে উদ্যোগপর্বণি ভগবদ্যানপর্বণি অষ্টসপ্ততিতমোঽধ্যায়ঃ ॥
Mahabharata - Udyoga Parva - Chapter Footnotes
5-78-1 দ্বয়োঃ কর্মণোঃ শময়ুদ্ধয়োর্মধ্যে ইদং অনাময়ম্ ॥ 5-78-4 সংয়ুক্তং আহিতম্। লোককারণং লোকহিতসাধনম্ ॥ 5-78-17 দিব্যং বিধানং ভূভারাপহারার্থং স্বর্গাদ্দেবানামবতরণম্ ॥ 5-78-18 আশংসে সংভাবয়ামি ॥ 5-78-19 ভীষ্মেণ এতচ্ছর্ম যাচ্যমানোপি সঃ হিতং কথং নোক্তঃ অপিতু উক্তঃ। সংবৎসরগতে গতসংবৎসরে ॥ 5-78-20 সংকল্পিতাঃ বধ্যৎবেন নিশ্চিতাঃ ॥ 5-78-21 বিভাব্যং বিচারণীয়ম্ ॥উদ্যোগপর্ব - অধ্যায় 079
॥ শ্রীঃ ॥
5.79. অধ্যায়ঃ 079
Mahabharata - Udyoga Parva - Chapter Topics
নকুলেন শ্রীকৃষ্ণংপ্রতি স্বস্য শমে অভিসন্ধিপ্রদর্শনপূর্বকং সন্ধিকরণস্য তেন সুশকৎবাভিধানম্ ॥ 1 ॥Mahabharata - Udyoga Parva - Chapter Text
5-79-0 (34599)
নকুল উবাচ। 5-79-0x (3630)
উক্তং বহুবিধং বাক্যং ধর্মরাজেন মাধব।
ধর্মজ্ঞেন বদান্যেন শ্রুতং চৈব হি তত্ৎবয়া ॥ 5-79-1 (34600)
মতমাজ্ঞায় রাজ্ঞশ্চ ভীমসেনেন মাধব ।
সংশমো বাহুবীর্য চ খ্যাপিতং মাধবাত্মনঃ ॥ 5-79-2 (34601)
তথৈব ফাল্গুনেনাপি যদুক্তং তত্ৎবয়া শ্রুতম্ ।
আত্মনশ্চ মতং বীর কথিতং ভবতাঽসকৃৎ ॥ 5-79-3 (34602)
সর্বমেতদতিক্রম্য শ্রুৎবা পরমতং ভবান্।
যৎপ্রাপ্তকালং মন্যেথাস্তৎকুর্যাঃ পুরুষোত্তম ॥ 5-79-4 (34603)
তস্মিংরতস্মিন্নিমিত্তে হি মতং ভবতি কেশব ।
প্রাপ্তকালং মনুষ্যেণ ক্ষমং কার্যমরিন্দম ॥ 5-79-5 (34604)
অন্যথা চিন্তিতো হ্যর্থঃ পুনর্ভবতি সোঽন্যথা ।
অনিত্যমতয়ো লোকে নরাঃ পুরুষসত্তম ॥ 5-79-6 (34605)
অন্যথাবুদ্ধয়ো হ্যাসন্নস্মাসু বনবাসিষু।
অদৃশ্যেষ্বন্যথা কৃষ্ণ দৃশ্যেষু পুনরন্যথা ॥ 5-79-7 (34606)
অস্মাকমপি বার্ষ্ণেয় বনে বিচরতাং তদা।
ন তথা প্রণয়ো রাজ্যে যথা সংপ্রতি বর্ততে ॥ 5-79-8 (34607)
নিবৃত্তবনবাসান্নঃ শ্রুৎবা বীর সমাগতাঃ ।
অক্ষৌহিণ্যো হি সপ্তে মাস্ৎবৎপ্রসাদাজ্জনার্দন ॥ 5-79-9 (34608)
ইমান্হি পুরুষব্যাঘ্রানচিন্ত্যবলপৌরুষাৎ।
আত্তশস্ত্রান্রণে দৃষ্ট্বা ন ব্যথেদিহ কঃ পুমান্ ॥ 5-79-10 (34609)
স ভবান্কুরুমধ্যে তং সান্ৎবপূর্বং ভয়োত্তরম্।
ব্রূয়াদ্বাক্যং যথা মন্দো ন ব্যথেত সুয়োধনঃ ॥ 5-79-11 (34610)
যুধিষ্ঠিরং ভীমসেনং বীভৎসুং চাপরাচিতম্ ।
সহদেবং চ মাং চৈব ৎবাং চ রামং চ কেশব॥ 5-79-12 (34611)
সাত্যকিং চ মহাবীর্যং বিরাটং চ মহাত্মজম্।
দ্রুপদং চ মহামাত্যং ধৃষ্টদ্যুম্নং চ মাধব॥ 5-79-13 (34612)
কাশিরাজং চ বিক্রান্তং ধৃষ্টকেতুং চ চেদিপম্ ।
মাংসশোণিতভৃন্মর্ত্যঃ প্রতিয়ুধ্যেত কো যুধি ॥ 5-79-14 (34613)
স ভবান্গমনাদেব সাধয়িষ্যত্যসংশয়ম্।
ইষ্টমর্থং মহাবাহো ধর্মরাজস্য কেবলম্॥ 5-79-15 (34614)
বিদুরশ্চৈব ভীষ্মশ্চ দ্রোণশ্চ সহবাহ্লিকঃ ।
শ্রেয়ঃ সমর্থা বিজ্ঞাতুমুচ্যমানাস্ৎবয়াঽনঘ ॥ 5-79-16 (34615)
তে চৈনমনুনেষ্যন্তি ধৃতরাষ্ট্রং জনাধিপম্ ।
তং চ পাপসমাচারং সহামাত্যং সুয়োধনম্ ॥ 5-79-17 (34616)
শ্রোতা চার্থস্য বিদুরস্ৎবং চ বক্তা জনার্দন ।
কমিবার্থং নিবর্তন্তং স্থাপয়েতাং ন বর্ত্মনি ॥ ॥ 5-79-18 (34617)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একোনাশীতিতমোঽধ্যায়ঃ ॥
Mahabharata - Udyoga Parva - Chapter Footnotes
5-79-18 অর্থং প্রয়োজনম্ । নিবর্তন্তং ভ্রশ্যন্তম্ ॥উদ্যোগপর্ব - অধ্যায় 080
॥ শ্রীঃ ॥
5.80. অধ্যায়ঃ 080
Mahabharata - Udyoga Parva - Chapter Topics
সহদেবেন শ্রীকৃষ্ণংপ্রতি কুরূণাং শমাভিসন্ধাবপি যুদ্ধপক্ষস্যৈব স্থাপনকথনম্ ॥ 1 ॥ সাত্যকিনা সহদেবপক্ষানুমোদনে যোধানাং সর্ষাৎসিংহনাদঃ ॥ 2 ॥Mahabharata - Udyoga Parva - Chapter Text
5-80-0 (34618)
সহদেব উবাচ। 5-80-0x (3631)
যদেতৎকথিতং রাজ্ঞা ধর্ম এষ সনাতনঃ।
যথা চ যুদ্ধমেব স্যাত্তথা কার্যমরিন্দম ॥ 5-80-1 (34619)
যদি প্রসমমিচ্ছেয়ুঃ কুরবঃ পাণ্ডবৈঃ সহ।
তথাপি যুদ্ধং দাশার্হ যোজয়েথাঃ সহৈব তৈঃ ॥ 5-80-2 (34620)
কথং নু দৃষ্ট্বা পাঞ্চালীং তথা কৃষ্ণ সভাগতাম্।
অবধেন প্রশাম্যেত মম মন্যুঃ সুয়োধনে ॥ 5-80-3 (34621)
যদি ভীমার্জুনৌ কৃষ্ণ ধর্মরাজশ্চ ধার্মিকঃ ।
ধর্মমুৎসৃজ্য তেনাহং যোদ্ধুমিচ্ছামি সংয়ুগে ॥ 5-80-4 (34622)
ব্রূহি মদ্বচনং কৃষ্ণ সুয়োধনমপণ্ডিতম্।
কৃচ্ছ্রে বনে বা বস্তব্যং পুরে বা নাগসাহ্বয়ে ॥ 5-80-5 (34623)
সাত্যকিরুবাচ। 5-80-6x (3632)
সত্যমাহ মহাবাহো সহদেবো মহামতিঃ।
দুর্যোধনবধে শান্তিস্তস্য কোপস্য মে ভবেৎ ॥ 5-80-6 (34624)
ন জানাসি যথা দৃষ্ট্বা চীরাজিনধরান্বনে।
তবাপি মন্যুরুদ্ধূতো দুঃখিতান্প্রেক্ষ্য পাণ্ডবান্ ॥ 5-80-7 (34625)
তস্মান্মাদ্রীসুতঃ শূরো যদাহ রণকর্কশঃ।
বচনং সর্বয়োধানাং তন্মতং পুরুষোত্তম ॥ 5-80-8 (34626)
বৈশম্পায়ন উবাচ। 5-80-9x (3633)
এবং বদি বাক্যং তু যুয়ুধানে মহামতৌ।
সুভীমঃ সিংহনাদোঽভূদ্যোধানাং তত্র সর্বশঃ ॥ 5-80-9 (34627)
সর্বে হি সর্বশো বীরাস্তদ্বচঃ প্রত্যপূজয়ন্।
সাধুসাধ্বিতি শৈনেয়ং হর্ষয়ন্তো যুয়ুৎসবঃ ॥ ॥ 5-80-10 (34628)
ইতি শ্রীমন্মহাভারতে উদ্যোগপর্বণি ভগবদ্যানপর্বণি অশীতিতমোঽধ্যায়ঃ ॥
Mahabharata - Udyoga Parva - Chapter Footnotes
5-80-4 যদি যদ্যপি ভীমাদয়ো ধার্মিকাঃ স্যুঃ তথাপি অহং ধর্মমুৎসৃজ্য তেন সহ যোদ্ধৃমিচ্ছামি ॥উদ্যোগপর্ব - অধ্যায় 081
॥ শ্রীঃ ॥
5.81. অধ্যায়ঃ 081
Mahabharata - Udyoga Parva - Chapter Topics
শ্রীকৃষ্ণেন দ্যূতসভায়াং স্বানুভূতদুঃসহদুঃখমভিনিবেদ্য রুদন্তীং দ্রৌপদীংপ্রতি সুয়োধনাদিনিধনপ্রতিজ্ঞানপূর্বকং সমাশ্বাসনম্ ॥ 1 ॥Mahabharata - Udyoga Parva - Chapter Text
5-81-0 (34629)
বৈশম্পায়ন উবাচ। 5-81-0x (3634)
রাজ্ঞস্তু বচনং শ্রুৎবা ধর্মার্থসহিতং হিতম্।
কৃষ্ণা দাশার্হমাসীনমব্রবীচ্ছোককর্শিতা ॥ 5-81-1 (34630)
সুতা দ্রুপদরাজস্য স্বসিতায়তমূর্ধজা ।
সংপূজ্য সহদেবং চ সাত্যকিং চ মহারথম্ ॥ 5-81-2 (34631)
ভীমসেনং চ সংশান্তং দৃষ্ট্বা পরমদুর্মনাঃ ।
অশ্রুপূর্ণেক্ষণা বাক্যমুবাচেদং মনস্বিনী ॥ 5-81-3 (34632)
বিদিতং তে মহাবাহো ধর্মজ্ঞ মধুসূদন ।
যথা নিকৃতিমাস্থায় ভ্রংশিতাঃ পাণ্ডবাঃ সুখাৎ॥ 5-81-4 (34633)
ধৃতরাষ্ট্রস্য পুত্রেণ সামাত্যেন জনার্দন।
যথা চ সঞ্জয়ো রাজ্ঞা মন্ত্রং রহসি শ্রাবিতঃ ॥ 5-81-5 (34634)
যুধিষ্ঠিরস্য দাশার্হ তচ্চাপি বিদিতং তব।
যথোক্তঃ সঞ্জয়শ্চৈব তচ্চ সর্বং শ্রুতং ৎবয়া ॥ 5-81-6 (34635)
পঞ্চ নস্তাত দীয়ন্তাং গ্রামা ইতি মহাদ্যুতে।
অবিস্থলং বৃকস্থলং মাকন্দীং বারণাবতম্ ॥ 5-81-7 (34636)
অবসানং মহাবাহো কংচিদেকং চ পঞ্চমম্।
ইতি দুর্যোধনো বাচ্যঃ সুহৃদশ্চাস্য কেশব ॥ 5-81-8 (34637)
ন চাপি হ্যকরোদ্বাক্যং শ্রুৎবা কৃষ্ণ সুয়োধনঃ ।
যুধিষ্ঠিরস্য দাশার্হ শ্রীমতঃ সন্ধিমিচ্ছতঃ ॥ 5-81-9 (34638)
অপ্রদানেন রাজ্যস্য যদি কৃষ্ণ সুয়োধনঃ।
সন্ধিমিচ্ছেন্ন কর্তব্যং তত্র গৎবা কথংচন ॥ 5-81-10 (34639)
শক্ষ্যন্তি হি মহাবাহো পাণ্ডবাঃ সৃঞ্জয়ৈঃ সহ।
ধার্তরাষ্ট্রবলং ঘোরং ক্রুদ্ধং প্রতিসমাসিতুম্ ॥ 5-81-11 (34640)
ন হি সাম্না ন দানেন শক্যোঽর্থস্তেষু কশ্চন ।
তস্মাত্তেষু ন কর্তব্যা কৃপা তে মধুসূদন ॥ 5-81-12 (34641)
সাম্না দানেন বা কৃষ্ণ যে ন শাম্যন্তি শত্রবঃ।
যোক্তব্যস্তেষু দণ্ডঃ স্যাজ্জীবিতং পরিরক্ষতা ॥ 5-81-13 (34642)
তস্মাত্তেষু মহাদণ্ডঃ ক্ষেপ্তব্যঃ ক্ষিপ্রমচ্যুত।
ৎবয়া চৈব মহাবাহো পাণ্ডবৈঃ সহ সৃঞ্জয়ৈঃ ॥ 5-81-14 (34643)
এতৎসমর্থং পার্থানাং তব চৈব যশস্করম্।
ক্রিয়মাণং ভবেৎকৃষ্ণ ক্ষত্রস্য চ সুখাবহম্ ॥ 5-81-15 (34644)
ক্ষত্রিয়েণ হি হন্তব্যঃ ক্ষত্রিয়ো লোভমাস্থিতঃ।
অক্ষত্রিয়ো বা দাশার্হ স্বধর্মমনুতিষ্ঠতা ॥ 5-81-16 (34645)
অন্যত্র ব্রাহ্মণাত্তাত সর্বপাপেষ্ববস্থিতাৎ।
গুরুর্হি সর্ববর্ণানাং ব্রাহ্মণঃ প্রসৃতাগ্রভুক্ ॥ 5-81-17 (34646)
যথাঽবধ্যে বধ্যমানে ভবেদ্দোষো জনার্দন ।
স বধ্যস্যাবধে দৃষ্ট ইতি ধর্মবিদো বিদুঃ ॥ 5-81-18 (34647)
যথা ৎবাং ন স্পৃশেদেষ দোষঃ কৃষ্ণ তথা কুরু।
পাণ্ডবৈঃ সহ দাশর্হৈঃ সৃঞ্জয়ৈশ্চ সসৈনিকৈঃ ॥ 5-81-19 (34648)
পুনরুক্তং চ বক্ষ্যামি বিশ্রম্ভেণ জনার্দন।
কা তু সীমন্তিনী মাদৃকং পৃথিব্যামস্তি কেশব ॥ 5-81-20 (34649)
সুতা দ্রুপদরাজস্য বেদিমধ্যাৎসমুত্থিতা।
ধৃষ্টদ্যুম্নস্য ভগিনী তব কৃষ্ণ প্রিয়া সখী ॥ 5-81-21 (34650)
আজমূঢকুলং প্রাপ্ত স্নুষা পাণ্ডোর্মহাত্মনঃ ।
মহিষী পাণ্ডুপুত্রাণাং পঞ্চেন্দ্রসমবর্চসাম্ ॥ 5-81-22 (34651)
সুতা মে পঞ্চভির্বীরৈঃ পঞ্চ জাতা মহারথাঃ ।
অভিমন্যুর্যথা কৃষ্ণ তথা তে তব ধর্মতঃ ॥ 5-81-23 (34652)
সাঽহং কেশগ্রহং প্রাপ্তা পরিক্লিষ্টা সভাং গতা।
পশ্যতাং পাণ্ডুপুত্রাণাং ৎবয়ি জীবতি কেশব ॥ 5-81-24 (34653)
জীবস্তু পাণ্ডুপুত্রেষু পঞ্চালেষ্বথ বৃষ্ণিষু।
দাসীভাতাঽস্মি পাপানাং সভামধ্যে ব্যবস্থিতা ॥ 5-81-25 (34654)
নিরমর্ষেষ্বচেষ্টেষু প্রেক্ষ্যমাণেষু পাণ্ডুষু ।
পাহি মামিতি গোবিন্দ মনসা চিন্তিতোসি মে ॥ 5-81-26 (34655)
যত্র মাং ভগবান্রাজা শ্বশুরো বাক্যমব্রবীৎ।
বরং বৃণীষ্ব পাঞ্চালি বরার্হাঽসি মতা মম ॥ 5-81-27 (34656)
অদাসাঃ পাণ্ডবাঃ সন্তু সরথাঃ সায়ুধা ইতি।
ময়োক্তে যত্র নির্মুক্তা বনবাসায় কেশব ॥ 5-81-28 (34657)
এবংবিধানাং দুঃখানামভিজ্ঞোঽসি জনার্দন ।
ত্রায়স্ব পুণ্ডরীকাক্ষ সভর্তৃজ্ঞাতিবান্ধবান্ ॥ 5-81-29 (34658)
নন্বহং কৃষ্ণ ভীষ্মস্য ধৃতরাষ্ট্রস্য চোভয়োঃ ।
শ্নুষা ভবামি ধর্মেণ সাঽহং দাসীকৃতা বলাৎ ॥ 5-81-30 (34659)
ধিক্পার্থস্য ধনুষ্মত্তাং ভীমসেনস্য ধিগ্বলম্।
যত্র দুর্যোধনঃ কৃষ্ণ মুহূর্তমপি জীবতি ॥ 5-81-31 (34660)
যদি তেঽহমনুগ্রাহ্যা যদি তেঽস্তি কৃপা ময়ি।
ধার্তরাষ্ট্রেষু বৈ কোপঃ সর্বঃ কৃষ্ণ বিধীয়তাম্ ॥ 5-81-32 (34661)
বৈশম্পায়ন উবাচ। 5-81-33x (3635)
ইত্যুক্ৎবা মৃদুসংহারং বৃজিনাগ্রং সুদর্শনম্।
সুনীলমসিতাপাঙ্গী সর্বগন্ধাদিবাসিতম্ ॥ 5-81-33 (34662)
সর্বলক্ষণসংপন্নং মহাভুজগবর্চসম্ ।
কেশপক্ষং বরারোহা গৃহ্ব বামেন পাণিনা ॥ 5-81-34 (34663)
পদ্মাক্ষী পুণ্ডরীকাক্ষমুপেত্য গজগামিনী ।
অশ্রুপূর্ণেক্ষণা কৃষ্ণা কৃষ্ণং বচনমব্রবীৎ ॥ 5-81-35 (34664)
অয়ং তে পুণ্ডরীকাক্ষ দুঃশাসনকরোদ্ধৃতঃ।
স্মর্তব্যঃ সর্বকার্যেষু পরেষাং সন্ধিমিচ্ছতাম্ ॥ 5-81-36 (34665)
যদি ভীমার্জুনৌ কৃষ্ণ কৃপণৌ সন্ধিকামুকৌ ।
পিতা মে যোৎস্যতে বৃদ্ধঃ সহ পুত্রৈর্মহারথৈঃ ॥ 5-81-37 (34666)
পঞ্চ চৈব মহাবীর্যাঃ পুত্রা মে মধুসূদন ।
অভিমন্যুং পুরস্কৃত্য যোৎস্যন্তে কুরুভিঃ সহ ॥ 5-81-38 (34667)
দুঃশাসনভুজং শ্যামং সংছিন্নং পাংসুকুণ্ঠিতম্।
যদ্যহং তু ন পশ্যামি কা শান্তির্হৃদয়স্য মে ॥ 5-81-39 (34668)
ত্রয়োদশ হি বর্ষাণি প্রতীক্ষন্ত্যা গতানি মে।
বিধায় হৃদয়ে মন্যুং প্রদীপ্তমিব পাবকম্ ॥ 5-81-40 (34669)
বিদীর্যতে মে হৃদয়ং ভীমবাক্শল্যপীডিতম্ ।
যোঽয়মদ্য মহাবাহুর্ধর্মমেবানুপশ্যতি ॥ 5-81-41 (34670)
ইত্যুক্ৎবা বাষ্পরুদ্ধেন কণ্ঠেনায়তলোচনা ।
রুরোদ কৃষ্ণা সোৎকম্পং সস্বরং বাষ্পগদ্গদম্ ॥ 5-81-42 (34671)
স্তনৌ পীনায়তশ্রোণী সহিতাবভিবর্ষতী।
দ্রবীভূতমিবাত্যুষ্ণং মুঞ্চন্তী বারি নেত্রজম্ ॥ 5-81-43 (34672)
তামুবাচ মহাবাহুঃ কেশবঃ পরিসান্ৎবয়ন্।
অচিরাদ্দ্রক্ষ্যসে কৃষ্ণে রুদতীর্ভরতস্ত্রিয়ঃ ॥ 5-81-44 (34673)
এবং তা ভীরু রোস্ত্যন্তি নিহতজ্ঞাতিবান্ধবাঃ।
হতমিত্রা হতবলা যেষাং ক্রুদ্ধাঽসি ভামিনী ॥ 5-81-45 (34674)
অহং চ তৎকরিষ্যামি ভীমার্জুনয়মৈঃ সহ ।
যুধিষ্ঠিরনিয়োগেন দৈবাচ্চ বিধিনির্মিতাৎ ॥ 5-81-46 (34675)
ধার্তরাষ্ট্রাঃ কালপক্বা ন চেচ্ছৃণ্বন্তি মে বচঃ।
শেষ্যন্তে নিহতা ভূমৌ শ্বসৃগালাদনীকৃতাঃ ॥ 5-81-47 (34676)
চলেদ্ধি হিমবাঞ্শৈলো মেদিনী শতধা ভবেৎ।
দ্যৌঃ পতেচ্চ সনক্ষত্রা ন মে মোঘং বচো ভবেৎ ॥ 5-81-49a` শুষ্যেত্তোয়নিধিঃ কৃষ্ণে ন মে মোঘং বচো ভবেৎ।'
সত্যং তে প্রতিজানামি কৃষ্ণে বাষ্পো নিগৃহ্যতাম্ ।
হতামিত্রাঞ্শ্রিয়া যুক্তানচিদাদ্দ্রক্ষ্যসে পতীন্ ॥ ॥ 5-81-48 (34677)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একাশীতিতমোঽধ্যায়ঃ ॥
Mahabharata - Udyoga Parva - Chapter Footnotes
5-81-11 প্রতিসমাসিতুং প্রতিপক্ষতয়া স্থাতুম্ ॥ 5-81-15 সমর্থং যুক্তম্ ॥ 5-81-17 প্রমৃতং প্রদত্তং চ তদগ্রং চ তস্য ভোক্তা প্রসৃতাগ্রভুক্ ॥ 5-81-33 মৃদুসংহারং বেণীরূপেণ সমাহৃতমপি মৃদুম্। বৃজিনাগ্রং কুটিলাগ্রং কেশবৎসূক্ষ্মাগ্রং বা। বৃজিনঃ কুটিলেঽন্যবদিতি বিশ্বঃ। সুদর্শনং রমণীয়ম্ ॥ 5-81-45 রোৎস্যন্তি রোদিষ্যন্তি ॥উদ্যোগপর্ব - অধ্যায় 082
॥ শ্রীঃ ॥
5.82. অধ্যায়ঃ 082
Mahabharata - Udyoga Parva - Chapter Topics
যুধিষ্ঠিরাদিভিরনুগম্যমানেন শ্রীকৃষ্ণেন রথমধিরুহ্য সাত্যকিনা সহ হাস্তিনপুরংপ্রতি প্রস্থানম্ ॥ 1 ॥Mahabharata - Udyoga Parva - Chapter Text
5-82-0 (34678)
অর্জুন উবাচ। 5-82-0x (3636)
কুরূণামদ্য সর্বেষাং ভবান্সুহৃদনুত্তমঃ।
সংবন্ধী দয়িতো নিত্যমুভয়োঃ পক্ষয়োরপি ॥ 5-82-1 (34679)
পাণ্ডবৈর্ধার্তরাষ্ট্রাণাং প্রতিপাদ্যমনাময়ম্।
সমর্থঃ প্রশমং চৈব কর্তুমর্হসি কেশব ॥ 5-82-2 (34680)
ৎবমিত্তঃ পুণ্ডরীকাক্ষ সুয়োধনমমর্ষণম্ ।
শান্ত্যর্থং ভ্রাতরং ব্রূয়া যত্তদ্বাচ্যমমিত্রহন্ ॥ 5-82-3 (34681)
ৎবয়া ধর্মার্থয়ুক্তং চেদুক্তং শিবমনাময়ম্।
হিতং নাদাস্যতে বালো দিষ্টস্য বশমেষ্যতি ॥ 5-82-4 (34682)
শ্রীভগবানুবাচ। 5-82-5x (3637)
ধর্ম্যমস্মদ্ধিতং চৈব কুরূণাং যদনাময়ম্।
এষ যাস্যামি রাজানং ধৃতরাষ্ট্রমভীপ্সয়া ॥ 5-82-5 (34683)
বৈশম্পায়ন উবাচ। 5-82-6x (3638)
ততো ব্যপেতে তমসি সূর্যে বিমল উদ্গতে ।
মৈত্রে মুহূর্তে সংপ্রাপ্তে মদ্বর্চিষি দিবাকরে ॥ 5-82-6 (34684)
কৌমুদে মাসি রেবত্যাং শরদন্তে হিমাগমে ।
স্ফীতসস্যসুখে কালে কল্যঃ সৎববতাং বরঃ ॥ 5-82-7 (34685)
মঙ্গল্যাঃ পুণ্যনির্ঘোষা বাচঃ শ্রৃণ্বংশ্চ সূনৃতাঃ ।
ব্রাহ্মণানাং প্রতীতানামৃষীণামিব বাসবঃ ॥ 5-82-8 (34686)
কৃৎবা পৌর্বাহ্ণিকং কৃত্যং স্নাতঃ শুচিরলঙ্কৃতঃ ।
উপতস্থে বিবস্বন্তং পাবকং চ জনার্দনঃ ॥ 5-82-9 (34687)
ঋষভং পৃষ্ঠ আলভ্য ব্রাহ্মণানভিবাদ্য চ।
অগ্নিং প্রদক্ষিণং কৃৎবা পশ্যন্কল্যাণমগ্রতঃ ॥ 5-82-10 (34688)
তৎপ্রতিজ্ঞায় বচনং পাণ্ডবস্য জনার্দনঃ।
শিনের্নপ্তারমাসীনমভ্যভাষত সাত্যকিম্ ॥ 5-82-11 (34689)
রথ আরোপ্যতাং শঙ্খশ্চক্রং চ গদয়া সহ।
উপাসঙ্গাশ্চ শক্ত্যশ্চ সর্বপ্রহরণানি চ ॥ 5-82-12 (34690)
দুর্যোধনশ্চ দুষ্টাত্মা কর্ণশ্চ সহসৌবলঃ ।
ন চ শত্রুরবজ্ঞেয়ো দুর্বলোঽপি বলীয়সা ॥ 5-82-13 (34691)
ততস্তন্মতমাজ্ঞায় কেশবস্য পুনঃসরাঃ ।
প্রসস্ত্নুর্যোজয়িষ্যন্তো রথং চক্রগদাভৃতঃ ॥ 5-82-14 (34692)
তং দীপ্তমিব কালাগ্নিমাকাশগমিবাশুগম্ ।
সূর্যচন্দ্রপ্রকাশাভ্যাং চক্রাভ্যাং সমলঙ্কৃতম্॥ 5-82-15 (34693)
অর্ধচন্দ্রৈশ্চ চন্দ্রৈশ্চ মৎস্যৈঃ সমৃগপক্ষিভিঃ ।
পুষ্পৈশ্চ বিবিধৈশ্চিত্রং মণিরত্নৈশ্চ সর্বশঃ ॥ 5-82-16 (34694)
তরুণাদিত্যসঙ্কাশং বৃহন্তং চারুদর্শনম্ ।
মণিহেমবিচিত্রাঙ্গং সুধ্বজং সুপতাকিনম্ ॥ 5-82-17 (34695)
সূপস্করমনাধৃষ্যং বৈয়াঘ্রপরিবারণম্।
যশোঘ্নং প্রত্যমিত্রাণাং যদূনাং নন্দিবর্ধনম্ ॥ 5-82-18 (34696)
বাজিভিঃ শৈব্যসুগ্রীবমেধপুষ্পবলাহকৈঃ ।
স্নাতৈঃ সংপাদয়ামাসুঃ সংপন্নৈঃ সর্বসংপদা ॥ 5-82-19 (34697)
মহিমানং তু কৃষ্ণস্য ভূয় এবাভিবর্ধয়ন্।
সুঘোষঃ পতগেন্দ্রেণ ধ্বজেন যুয়ুজে রথঃ ॥ 5-82-20 (34698)
তং মেরুশিখরপ্রখ্যং মেঘদুন্দুভিনিস্বনম্ ।
আরুরোহ রথং সৌরির্বিমানমিব কামগম্ ॥ 5-82-21 (34699)
ততঃ সাত্যকিমারোপ্য প্রয়যৌ পুরুষোত্তমঃ।
পৃথিবীং চান্তরিক্ষং চ রথঘোষেণ নাদয়ন্ ॥ 5-82-22 (34700)
ব্যপোঢাভ্রস্ততঃ কালঃ ক্ষণেন সমপদ্যত।
শিবশ্চানুববৌ বায়ুঃ প্রশান্তমভবদ্রজঃ ॥ 5-82-23 (34701)
প্রদক্ষিণানুলোমাশ্চ মঙ্গল্যা মৃগপক্ষিণঃ।
প্রয়াণে বাসুদেবস্য বভূবুরনুয়ায়িনঃ ॥ 5-82-24 (34702)
মঙ্গল্যার্থপ্রদৈঃ শব্দৈরন্ববর্তন্ত সর্বশঃ।
সারসাঃ শতপত্রাশ্চ হংসাশ্চ মধুসূদনম্ ॥ 5-82-25 (34703)
মন্ত্রাহুতিমহাহোমৈর্হূয়মানশ্চ পাবকঃ ।
প্রদক্ষিণশিখো ভূৎবা বিধূমঃ সমপদ্যত ॥ 5-82-26 (34704)
বসিষ্ঠো বামদেবশ্চ ভূরিদ্যুম্নো গয়ঃ ক্রথঃ।
শুকনারদবাল্মীকা মরুত্তঃ কুশিকো ভৃগুঃ ॥ 5-82-27 (34705)
দেবব্রহ্মর্ষয়শ্চৈব কৃষ্ণং যদুসুখাবহম্।
প্রদক্ষিণমবর্তন্ত সহিতা বাসবানুজম্ ॥ 5-82-28 (34706)
এবমেতৈর্মহাভাগৈর্মহর্ষিগণসাধুভিঃ ।
পূজিতঃ প্রয়যৌ কৃষ্ণঃ কুরূণাং সদনং প্রতি ॥ 5-82-29 (34707)
` দেবতাভ্যো নমস্কৃত্য ব্রাহ্মণান্স্বস্তি বাচ্য চ।
প্রয়যৌ পুণ্ডরীকাক্ষঃ সাত্যকেন সহাচ্যুতঃ ॥ 5-82-30 (34708)
তং প্রয়ান্তমনুপ্রায়াৎকুন্তীপুত্রো যুধিষ্ঠিরঃ ।
ভীমসেনার্জুনৌ চোভৌ মাদ্রীপুত্রৌ চ পাণ্ডবৌ ॥ 5-82-31 (34709)
চেকিতানশ্চ বিক্রান্তো ধৃষ্টকেতুশ্চ চেদিপঃ ।
দ্রুপদঃ কাশিরাজশ্চ শিখণ্ডী চ মহারথঃ ॥ 5-82-32 (34710)
ধৃষ্টদ্যুম্নঃ সপুত্রশ্চ বিরাটঃ কেকয়ৈঃ সহ।
সংসাধনার্থং প্রয়যুঃ ক্ষত্রিয়াঃ ক্ষত্রিয়র্ষভম্ ॥ 5-82-33 (34711)
ততোঽনুব্রজ্য গোবিন্দং ধর্মরাজো যুধিষ্ঠিরঃ।
রাজ্ঞাং সকাশে দ্যুতিমানুবাচেদং বচস্তদা ॥ 5-82-34 (34712)
যো বৈ ন কামান্ন ভয়ান্ন লোভান্নার্থকারণাৎ।
অন্যায়মনুবর্তেত স্থিরবুদ্ধিরলোলুপঃ ॥ 5-82-35 (34713)
ধর্মজ্ঞো ধৃতিমান্প্রাজ্ঞঃ সর্বভূতেষু কেশবঃ ।
ঈশ্বরঃ সর্বভূতানাং দেবদেবঃ সনাতনঃ ॥ 5-82-36 (34714)
তং সর্বগুণসংপন্নং শ্রীবৎসকৃতলক্ষণম্।
সংরিষ্বজ্য কৌন্তেয়ঃ সন্দেষ্টুমুপচক্রমে ॥ ॥ 5-82-37 (34715)
ইতি শ্রীমন্মহাভারতে উদ্যোগপর্বণি ভগবদ্যানপর্বণি দ্ব্যশীতিতমোঽধ্যায়ঃ ॥
Mahabharata - Udyoga Parva - Chapter Footnotes
5-82-2 প্রতিপাদ্যং সংপাদ্যাৎ। অনাময়ং কুশলম্ ॥ 5-82-5 অভীপ্সয়া প্রাপ্তুমিচ্ছয়া ॥ 5-82-7 কৌমুদে কর্তিকে ॥ 5-82-11 প্রতিজ্ঞায় অনুস্মৃত্য ॥ 5-82-15 আকাশগঃ সূর্যঃ ॥ 5-82-18 সূপস্করং শোভনৈরুপকরণৈরুপেতাম্। নন্দিবর্ধনং আনন্দবর্ধনম্ ॥ 5-82-19 সংপাদয়ামাসুঃ সজ্জীকৃতবন্তঃ ॥ 5-82-33 সংসাধনার্থং কার্যনিষ্পত্ত্যর্থম্ ॥ 5-82- 5-82- 5-82-উদ্যোগপর্ব - অধ্যায় 083
॥ শ্রীঃ ॥
5.83. অধ্যায়ঃ 083
Mahabharata - Udyoga Parva - Chapter Topics
যুধিষ্ঠিরেণ শ্রীকৃষ্ণে পৃথাংপ্রতি কুশলপ্রশ্নপূর্বকস্বভিদ্ধাদননিবেদনসমাশ্বাসনপ্রার্থনা ॥ 1 ॥ শ্রীকৃষ্ণস্য মধ্যেমার্গং তামদগ্ন্যাদিমহর্ষিসমাগমঃ ॥ 2 ॥ মহর্ষিভিঃ শ্রীকৃষ্ণে ধৃতরাষ্ট্রাদিভিঃ সহ তৎসংবাদশুশ্রূষয়া তত্র স্বাগমননিবেদনম্ ॥ 3 ॥Mahabharata - Udyoga Parva - Chapter Text
5-83-0 (34716)
যুধিষ্ঠির উবাচ। 5-83-0x (3639)
যা সা বাল্যাৎপ্রভৃত্যস্মান্পর্যবর্ধয়তাবলা।
উপবাসতপঃশীলা সদা স্বস্ত্যযনে রতা ॥ 5-83-1 (34717)
দেবতাতিথিপূজাসু গুরুশুশ্রূষণে রতা।
বৎসলা প্রিয়পুত্রা চ মাতাঽস্মাকং জনার্দন ॥ 5-83-2 (34718)
সুয়োধনভয়াদ্যা নো ত্রায়তামিত্রকর্শন ।
মহতো মৃত্যুসংবাধুদ্দুস্তরান্নৌরিবার্ণবাৎ ॥ 5-83-3 (34719)
অস্মৎকৃতে চ সততং যয়া দুঃখানি মাধব ।
অনুভূতান্যদুঃখার্হাং তাং স্ম পৃচ্ছেরনাময়ম্ ॥ 5-83-4 (34720)
ভৃশমাশ্বাসয়েশ্চৈনাং পুত্রশোকপরিপ্লুতাম্ ।
অভিবাদ্য স্বজেথাস্ৎবং পাণ্ডবান্পরিকীর্তয়ন্ ॥ 5-83-5 (34721)
ঊঢাৎপ্রভৃতি দুঃখানি শ্বশুরাণামরিন্দম।
নিরাকারাঽতদর্হা চ পশ্যন্তী দুঃখমশ্রুতে ॥ 5-83-6 (34722)
অপি জাতু স কালঃ স্যাৎকৃষ্ণ দুঃখবিপর্যযঃ ।
যদহং মাতরং ক্লিষ্টাং সুখং দদ্যামরিন্দম ॥ 5-83-7 (34723)
প্রব্রজন্তোঽনুধাবন্তীং কৃপণাং পুত্রগৃদ্ধিনীম্ ।
রুদতীমপহায়ৈনামগচ্ছাম বয়ং বনম্ ॥ 5-83-8 (34724)
সা নূনং ম্রিয়তে দুঃখৈঃ সা চেজ্জীবতি কেশব।
তথা পুত্রাধিভির্গাঢমার্তামর্চয় সৎকৃত ॥ 5-83-9 (34725)
অভিবাদ্যাঽথ সা কৃষ্ণ ৎবয়া মদ্বচবাদ্বিভো ।
ধৃতরাষ্ট্রশ্চ কৌরব্যো রাজানশ্চ বয়োধিকাঃ ॥ 5-83-10 (34726)
ভীষ্মং দ্রোণং কৃপং চৈব মহারাজং চ বাহ্লিকম্।
দ্রৌণিং চ সোমদত্তং চ সর্বাংশ্চ ভরতান্পৃথক্ ॥ 5-83-11 (34727)
` যথাবয়ো যথাস্থানং প্রপদ্যস্ব জনার্দন।'
বিদুরং চ মহাপ্রাজ্ঞং কুরূণাং মন্ত্রধারিণম্।
অগাধবুদ্ধিং মর্মজ্ঞং স্বজেথা মধুসূদন ॥ 5-83-12 (34728)
বৈশম্পায়ন উবাচ। 5-83-13x (3640)
ইত্যুক্ৎবা কেশবং তত্র রাজমধ্যে যুধিষ্ঠিরঃ।
অনুজ্ঞাতো নিববৃতে কৃষ্ণং কৃৎবা প্রদক্ষিণম্ ॥ 5-83-13 (34729)
ব্রজন্নেব তু বীভৎসুঃ সখায়ং পুরুষর্ষভম্ ।
অব্রবীৎপরবীরঘ্রং দাশার্হমপরাজিতম্ ॥ 5-83-14 (34730)
যদস্মাকং বিভো বৃত্তং পুরা বৈ মন্ত্রনিশ্চয়ে ।
অর্ধরাজ্যস্য গোবিদ বিদিতং সর্বরাজসু ॥ 5-83-15 (34731)
তচ্চেদ্দদ্যাদখঙ্গেন সৎকৃত্যানবমত্য চ।
প্রিয়ং মে স্যান্মহাবাহো মুচ্যেরন্মহতো ভয়াৎ ॥ 5-83-16 (34732)
অতশ্চেদন্যথাকর্তা ধার্তরাষ্ট্রোঽনুপায়বিৎ।
অন্তং নূনং করিষ্যামি ক্ষত্রিয়াণাং জনার্দন ॥ 5-83-17 (34733)
বৈশম্পায়ন উবাচ। 5-83-18x (3641)
এবমুক্তে পাণ্ডবেন সমহৃষ্যদ্বৃকোদরঃ।
মুহুর্মুহুঃ ক্রোধবশাৎপ্রাবেপত চ পাণ্ডবঃ ॥ 5-83-18 (34734)
বেপমানশ্চ কৌন্তেয়ঃ প্রাক্রোশন্মহতো রজন্।
ধনঞ্জয়বচঃ শ্রুৎবা হর্ষোৎসিক্তমনা ভৃশম্ ॥ 5-83-19 (34735)
তস্য তং নিনদং শ্রুৎবা সংপ্রাবেপন্ত ধন্বিনঃ ।
বাহনানি চ সর্বামি শকৃন্মূত্রে প্রমুস্রুবুঃ ॥ 5-83-20 (34736)
ইত্যুক্ৎবা কেশবং তত্র তথা চোহ্বা বিনিশ্চয়ম্।
অনুজ্ঞাতো নিববৃতে পরিষ্বজ্য জনার্দনম্ ॥ 5-83-21 (34737)
তেষু রাজসু সর্বেষু নিবৃত্তেষু জনার্দনঃ।
তূর্ণমভ্যগমদ্ধৃষ্টঃ শৈব্যসুগ্রীববাহনঃ ॥ 5-83-22 (34738)
তে হয়া বাসুদেবস্য দারুকেণ প্রচোদিতাঃ ।
পন্থানমাচেমুরিব গ্রসমানা ইবাম্বরম্ ॥ 5-83-23 (34739)
অথাপশ্যন্মহাবাহুর্ঋষীনধ্বনি কেশবঃ ।
ব্রাহ্যা শ্রিয়া দীপ্যমানান্স্থিতানুভয়তঃ পথি ॥ 5-83-24 (34740)
সোঽবতীর্য রথাত্তূর্ণমভিবাদ্য জনার্দনঃ।
যথাবৃত্তানৃষীন্সর্বানভ্যভাষত পূজয়ন্॥ 5-83-25 (34741)
কচ্চিল্লোকেষু কুশলং কচ্চিদ্ধর্মঃ স্বনুষ্ঠিতঃ ।
ব্রাহ্মণানাং ত্রয়ো বর্ণাঃ কচ্চিত্তিষ্ঠন্তি শাসনে ।
` পিতৃদেবাতিথিভ্যশ্চ কচ্চিৎপূতা স্বনুষ্ঠিতাঃ ॥' 5-83-26 (34742)
তেভ্যঃ প্রয়ুজ্য তাং পূজাং প্রোবাচ মধুসূদনঃ।
ভগবন্তঃ ক্ব সংসিদ্ধাঃ কোঽবধির্ভবতামিহ ॥ 5-83-27 (34743)
কিং বা কার্যং ভগবতামহং কিং করবাণি যঃ ।
কেনার্থেনোপপ্তংপ্রাপ্তা ভগবন্তো মহীতলম্ ॥ 5-83-28 (34744)
` এবমুক্তাঃ কেশবেন মুনয়ঃ শংসিতব্রতাঃ ।
নারদপ্রমুখাঃ সর্বে প্রত্যনন্দন্ত কেশবম্ ॥ 5-83-29 (34745)
অধশ্শিরাঃ সর্পমালী মহর্ষিঃ স হি দেবলঃ ।
অর্বাবসুঃ সুজানুশ্চ মৈত্রেয়ঃ শুনকো বলী 5-83-30 (34746)
বকো দাল্ভ্যঃ স্থূলশিরাঃ কৃষ্ণদ্বৈপায়নস্তথা।
আপোদধৌম্যো ধৌম্যশ্চ আণিমাণ্ডব্যকৌশিকৌ ॥ 5-83-31 (34747)
দামোষ্ণীষস্ত্রিষবণঃ পর্ণাদো ঘটজানুকঃ।
মৌঞ্জায়নো বায়ুভক্ষঃ পারাশর্যোঽথ শালিকঃ ॥ 5-83-32 (34748)
শীলবানশনির্ধাতা শূন্যপালোঽকৃতব্রণঃ।
শ্বেতকেতুঃ কহোলশ্চ রামশ্চৈব মহাতপাঃ ॥' 5-83-33 (34749)
তমব্রবীজ্জামদগ্ন্য উপেত্য মধুসূদনম্।
পরিষ্বজ্য চ গোবিন্দং সুরাসুরপতেঃ সখা ॥ 5-83-34 (34750)
দেবর্ষয়ঃ পুণ্যকৃতো ব্রাহ্মণাশ্চ বহুশ্রুতাঃ ।
রাজর্ষয়শ্চ দাশার্হ মানয়ন্তি তপস্বিনঃ ॥ 5-83-35 (34751)
দৈবাসুরস্য দ্রুষ্টারঃ পুরাণস্য মহামতে।
সমেত পার্থিবং ক্ষত্রং দিদৃক্ষন্তশ্চ সর্বতঃ।
সভাসদশ্চ রাজানস্ৎবাং চ সত্যং জনার্দনম্ ॥ 5-83-36 (34752)
এতন্মহৎপ্রেক্ষণীয়ং দ্রুষ্টুমিচ্ছাম কেশব ॥ 5-83-37 (34753)
ধর্মার্থসহিতা বাচঃ শ্রোতুমিচ্ছাম মাধব।
ৎবয়োচ্যমানাঃ কুরুষু রাজমধ্যে পরন্তপ ॥ 5-83-38 (34754)
` সভায়াং মধুরা বাচঃ শুশ্রূষন্তস্ৎবয়েরিতাঃ ।
কুরূণাং প্রতিবাচশ্চ শ্রোতুমিচ্ছাম মাধব ॥' 5-83-39 (34755)
ভীষ্মদ্রোণাদয়শ্চৈব বিদুরশ্চ মহামতিঃ ।
ৎবং চ যাদবশার্দূল সভায়াং বৈ সমেষ্যথ ॥ 5-83-40 (34756)
তব বাক্যানি দিব্যানি তথা তেষাং চ মাধব।
শ্রোতুমিচ্ছাম গোবিন্দ সত্যানি চ হিতানি চ।
আপৃষ্টোঽসি মহাবাহো পুনর্দ্রক্ষ্যামহে বয়ম্ ॥ 5-83-41 (34757)
যাহ্যবিঘ্নেন বৈ বীর দ্রক্ষ্যামস্ৎবাং সভাগতম্।
আসীনমাসনে দিব্যে বলতেজঃসমাহিতম্ ॥ 5-83-42 (34758)
বৈশম্পায়ন উবাচ। 5-83-43x (3642)
প্রয়ান্তং দেবকীপুত্রং পরবীররুজো দশ।
মহারথা মহাবাহুমন্বয়ুঃ শস্ত্রপাণয়ঃ ॥ 5-83-43 (34759)
পদাতীনাং সহস্রং চ সাদিনাং চ পরন্তপ।
ভোজ্যং চ বিপুলং রাজন্প্রেষ্যাশ্চ শতশোপরে ॥ ॥ 5-83-44 (34760)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ত্র্যশীতিতমোঽধ্যায়ঃ ॥
Mahabharata - Udyoga Parva - Chapter Footnotes
5-83-6 ঊঢাৎ বিবাহাৎ। শ্বশুরাণাং গৃহে ইতি শেষঃ ॥ 5-83-36 পুরাণস্য দৈবাসুরস্য দেবাসুরসমুদায়স্য ॥উদ্যোগপর্ব - অধ্যায় 084
॥ শ্রীঃ ॥
5.84. অধ্যায়ঃ 084
Mahabharata - Udyoga Parva - Chapter Topics
শ্রীকৃষ্ণপ্রয়াণে কুরুপরাজয়সূচকদুর্নিমিত্তসমুৎপত্তিঃ ॥ 1 ॥ শ্রীকৃষ্ণস্য শুভশকুনসমুদয়ঃ ॥ 2 ॥ মার্গে তত্রতত্র বিপরগণাদ্যশ্বর্চিতস্য কৃষ্ণস্য সায়াহ্নে বৃকস্থলাভিগমনম্ ॥ 3 ॥ তত্রত্যদ্বিজব্রজপূজিতস্য কৃষ্ণস্য তদ্গৃহগমনাগমনপূর্বকং তান্ভোজয়িৎবা তদ্রজন্যাং বৃকস্থলে সুখসংবাসঃ ॥ 4 ॥Mahabharata - Udyoga Parva - Chapter Text
5-84-0 (34761)
জনমেজয় উবাচ। 5-84-0x (3643)
কথং প্রয়াতো দাশার্হো মহাত্মা মধুসূদনঃ।
কানি বা ব্রজতস্তস্য নিমিত্তানি মহৌজসঃ ॥ 5-84-1 (34762)
বৈশম্পায়ন উবাচ। 5-84-2x (3644)
তস্য প্রয়াণে যান্যসন্নিমিত্তানি মহাত্মনঃ।
তানি মে শ্রৃণু সর্বাণি দৈবান্যৌৎপাতিকানি চ ॥ 5-84-2 (34763)
অনভ্রেঽশনিনির্ঘোষঃ সবিদ্যুৎসমজায়ত ।
অন্বগেব চ পর্জন্যঃ প্রাবর্ষদ্বিঘনে ভৃশম্ ॥ 5-84-3 (34764)
প্রত্যগূহুর্মহানদ্যঃ প্রাঙ্মুখাঃ সিন্ধুসপ্তমাঃ ।
বিপরিতা দিশঃ সর্বা ন প্রাজ্ঞায়ত কিংচন ॥ 5-84-4 (34765)
প্রাজ্বলন্নগ্নয়ো রাজন্পৃথিবী সমকম্পত ।
উদপানাশ্চ কুম্ভাশ্চ প্রাসিঞ্চঞ্শতশো জলম্ ॥ 5-84-5 (34766)
তমঃসংবৃতমপ্যাসীৎসর্বং জগদিদং তথা।
ন দিশো নাদিশো রাজন্প্রজ্ঞায়ন্তেস্ম রেণুনা ॥ 5-84-6 (34767)
প্রাদুরাসীন্মহাঞ্ছব্দঃ খেশরীরমদৃশ্যত ।
সর্বেষু রাজন্দেশেষু তদদ্ভুতমিবাভবৎ ॥ 5-84-7 (34768)
প্রামথ্নাদ্ধাস্তিনপুরং বাতো দক্ষিণপশ্চিমঃ ।
আরুজন্গণশো বৃক্ষান্পরুষোঽশনিনিঃস্বনঃ ॥ 5-84-8 (34769)
যত্রয়ত্র চ বার্ষ্ণেয়ো বর্ততে পথি ভারত ।
তত্রতত্র সুখো বায়ুঃ সর্বং চাসীৎপ্রদক্ষিণম্ ॥ 5-84-9 (34770)
ববর্ষ পুষ্পবর্ষং চ কমলানি চ ভূরিশঃ ।
সমশ্চ পন্থা নির্দুঃখো ব্যপেতকুশকণ্টকঃ ॥ 5-84-10 (34771)
সংস্তুতো ব্রাহ্মণৈর্গীর্ভিস্তত্রতত্র সহস্রশঃ ।
অর্চ্যতে মধুপর্কৈশ্চ বসুভিশ্চ বসুপ্রদঃ ॥ 5-84-11 (34772)
তং কিরন্তি মহাত্মানং বন্যৈঃ পুষ্পৈঃ সুগন্ধিভিঃ ।
স্ত্রিয়ঃ পথি সমাগম্য সর্বভূতহিতে রতম্ ॥ 5-84-12 (34773)
স শালিভবনং রম্যং সর্বসস্যসমাচিতম্।
সুখ পরমধর্মিষ্ঠমভ্যগাদ্ভরতর্ষভ ॥ 5-84-13 (34774)
পশ্যন্বহুপশূন্গ্রামান্রম্যান্হৃদয়তোপণান্।
পুরাণি চ ব্যতিকামন্রাষ্ট্রাণি বিবিধানি চ ॥ 5-84-14 (34775)
নিত্যং হৃষ্টাঃ সুমনসো ভারতৈরভিরক্ষিতাঃ।
নোদ্বিগ্নাঃ পরচক্রাণাং ব্যসনানামকোবিদাঃ ॥ 5-84-15 (34776)
উপপ্লাব্যাদথাগম্য জনাঃ পুরনিবাসিনঃ।
যথ্যতিষ্ঠন্ত সহিতা বিষ্বক্সেনদিদৃক্ষয়া ॥ 5-84-16 (34777)
তে তু সর্বে সমায়ান্তমগ্নিমিদ্ধমিব প্রভুম্ ।
অর্চয়ামাসুরর্চার্হং দেশাতিথিমুপস্থিতম্ ॥ 5-84-17 (34778)
বৃকস্থলং সমাসাদ্য কেশবঃ পরবীরহা ।
প্রকীর্ণরশ্মাবাদিত্যে ব্যোম্নি বৈ লোহিতায়তি ॥ 5-84-18 (34779)
` ততো হ্যনুচরান্সর্বানুবাচ মধুসূদনঃ।
যুধিষ্ঠিরস্য কার্যার্থমিহ বৎস্যামহে বয়ম্ ॥ 5-84-19 (34780)
তস্য তন্মতমাজ্ঞায় চক্রুরাবসথং নরাঃ ।
ক্ষণেন চান্নপানানি ররাবন্তি সমার্জয়ন্ ॥' 5-84-20 (34781)
অবতীর্য রথাত্তূর্ণং কৃৎবা শৌচং যথাবিধি ।
রথমোচনমাদিশ্য সন্ধ্যামুপবিবেশ হ ॥ 5-84-21 (34782)
দারুকোঽপি হয়ান্মুক্ৎবা পরিচর্য চ শাস্ত্রতঃ।
মুমোচ সর্বং যোক্তাদি মুক্ৎবা চৈতানবাসৃজৎ ॥ 5-84-22 (34783)
তস্মিন্গ্রামে প্রধানাস্তু য আসন্ব্রাহ্মণা নৃপ ।
আর্যাঃ কুলীনা হ্রীমন্তো ব্রাহ্মীং বৃত্তিমনুষ্ঠিতাঃ ॥ 5-84-23 (34784)
তেঽভিগম্য মহাত্মানং হৃষীকেশমরিন্দমম্।
পূজাং চক্রুর্যথান্যায়মাশীর্মঙ্গলসংয়ুতাম্ ॥ 5-84-24 (34785)
তে পূজয়িৎবা দাশার্হং সর্বলোকেষু পূজিতম্।
ন্যবেদয়ন্ত বেশ্মানি গুণবন্তি মহাত্মনে ॥ 5-84-25 (34786)
তান্প্রভুঃ কৃতমিত্যুক্তা সৎকৃত্য চ যথার্হতঃ ।
অভ্যেত্য চৈষাং বেশ্মানি পুনরায়াৎসহৈব তৈঃ ॥ 5-84-26 (34787)
সুমৃষ্টং ভোজয়িৎবা চ ব্রাহ্মণাংস্তত্র কেশবঃ ।
ভুক্তা চ সহ তৈঃ সর্বৈরবসত্তাং ক্ষপাং সুখম্ ॥ ॥ 5-84-27 (34788)
ইতি শ্রীমন্মহাভারতে উদ্যোগপর্বমি ভগবদ্যানপর্বণি চতুরশীতিতমোঽধ্যায়ঃ ॥
Mahabharata - Udyoga Parva - Chapter Footnotes
5-84-2 দৈবানি কশুনানি। ঔৎপাতিকানি অশকুনানি ॥ 5-84-7 খেশরীরং ছায়াপুরুষশরীরম্ ॥ 5-84-13 ভবন্তি অস্মিন্নিতি ভবনে ক্ষেত্রম্ ॥ 5-84-16 উপপ্লাব্যাৎ গ্রামাৎ ॥ 5-84-উদ্যোগপর্ব - অধ্যায় 085
॥ শ্রীঃ ॥
5.85. অধ্যায়ঃ 085
Mahabharata - Udyoga Parva - Chapter Topics
দূতৈঃ শ্রীকৃষ্ণাগমনং জ্ঞাতবতো ধৃতরাষ্ট্রস্যাজ্ঞয়া দুর্যোধনেন পথি তদারাধনায় তত্রতত্র সভানির্মাপণম্ ॥ 1 ॥ শ্রীকৃষ্ণেন তদনবলোকনেনৈব গমনম্ ॥ 2 ॥Mahabharata - Udyoga Parva - Chapter Text
5-85-0 (34789)
বৈশম্পায়ন উবাচ। 5-85-0x (3645)
তদা দূতৈঃ সমাজ্ঞায় আয়ান্তং মধুসূদনম্।
ধৃতরাষ্ট্রোঽব্রবীদ্ভীষ্মমর্চয়িৎবা মহাভুজম্ ॥ 5-85-1 (34790)
দ্রোণং চ সঞ্জয়ং চৈব বিদুরং চ মহামতিম্ ।
দুর্যোদনং সহামাত্যং হৃষ্টরোমাঽব্রবীদিদম্ ॥ 5-85-2 (34791)
অদ্ভুতং মহাদাশ্চর্যং শ্রূয়তে কুরুনন্দন ।
স্ত্রিয়ো বালাশ্চ বৃদ্ধাশ্চ কথয়ন্তি গৃহেগৃহে ॥ 5-85-3 (34792)
সৎকৃত্যাচক্ষতে চান্যে তথৈবান্যে সমাগতাঃ ।
পৃথগ্বাদাশ্চ বর্তন্তে চৎবরেষু সভাসু চ ॥ 5-85-4 (34793)
উপায়াস্যতি দাশার্হঃ পাণ্ডবার্থে পরাক্রমী ।
স নো মান্যশ্চ পূজ্যশ্চ সর্বথা মধুসূদনঃ ॥ 5-85-5 (34794)
তস্মিন্হি যাত্রা লোকস্য ভূতানামীশ্বরোঽহি সঃ।
তস্মিন্ধৃতিশ্চ বীর্যং চ প্রজ্ঞা চৌজশ্চ মাধবে ॥ 5-85-6 (34795)
স মান্যতাং নরশ্রেষ্ঠঃ স হি ধর্মঃ সনাতনঃ ।
পূজিতো হি সুখায় স্যাদসুখঃ স্যাদপূজিতঃ ॥ 5-85-7 (34796)
স চেত্তুপ্যতি দাশার্হ উপচরৈররিন্দমঃ ।
কৃষ্ণাৎসর্বানভিপ্রায়ান্প্রাপ্স্যামঃ সর্বরাজসু ॥ 5-85-8 (34797)
তস্য পূজার্থমদ্যৈব সংবিধস্ৎব পরন্তপ ।
সভাঃ পথি বিধীয়ন্তাং সর্বকামসমন্বিতাঃ ॥ 5-85-9 (34798)
যথা প্রীতির্মহাবাহো ৎবয়ি জায়েত তস্য বৈ ।
তথা কুরুষ্ব গান্ধারে কথং বা ভীষ্ম মন্যসে ॥ 5-85-10 (34799)
বৈশম্পায়ন উবাচ। 5-85-11x (3646)
ততো ভীষ্মাদয়ঃ সর্বে ধৃতরাষ্ট্রং জনাধিপম্।
ঊচুঃক পরমমিত্যেবং পূজয়ন্তোঽস্য তদ্বচঃ ॥ 5-85-11 (34800)
তেষামনুমতং জ্ঞাৎবা রাজা দুর্যোধনস্তদা।
সভাবাস্তূনি রম্যাণি প্রদেষ্টুমুপচক্রমে ॥ 5-85-12 (34801)
ততো দেশেষু দেশেষু রমণীয়েষু ভাগশঃ ।
সর্বরত্নসমাকীর্ণাঃ সভাশ্চক্রুরনেকশঃ ॥ 5-85-13 (34802)
আসনানি বিচিত্রাণি যুতানি বিবিধৈর্গুণৈঃ ।
স্ত্রিয়ো গন্ধানলঙ্কানারান্সূক্ষ্মাণি বসনানি চ ॥ 5-85-14 (34803)
গুণবন্ত্যন্নপানানি ভোজ্যানি বিবিধানি চ।
মাল্যানি চ সুগন্ধীনি তানি রাজা দদৌ ততঃ ॥ 5-85-15 (34804)
বিশেবতশ্চ বাসার্থং সভাং গ্রামে বৃকস্থলে।
বিদধে কৌরবো রাজা বহুরত্নাং মনোরমাম্ ॥ 5-85-16 (34805)
এতদ্বিধায় বৈ সর্বং দেবার্হমতিমানুষম্ ।
আচখ্যৌ ধৃতরাষ্ট্রায় রাজা দুর্যোধনস্তদা ॥ 5-85-17 (34806)
তাঃ সভাঃ কেশবঃ সর্বা রত্নানি বিবিধানি চ।
অসমীক্ষ্যৈব দাশার্হ উপায়াৎকুরুসদ্ম তৎ ॥ ॥ 5-85-18 (34807)
ইতি শ্রীমন্মহাভারতে উদ্যোগপর্বণি ভগবদ্যানপর্বণি পঞ্চশীতিতমোঽধ্যায়ঃ ॥
Mahabharata - Udyoga Parva - Chapter Footnotes
5-85-8 অভিপ্রায়ান্ মনোরথান্ ॥উদ্যোগপর্ব - অধ্যায় 086
॥ শ্রীঃ ॥
5.86. অধ্যায়ঃ 086
Mahabharata - Udyoga Parva - Chapter Topics
শ্রীকৃষ্ণাগমনশ্রবণহৃষ্টেন ধৃতরাষ্ট্রেণ বিদুরপুরতঃ সমেষ্যতে তস্মৈ রথগজাদিবিতরণপ্রতিজ্ঞা ॥ 1 ॥Mahabharata - Udyoga Parva - Chapter Text
5-86-0 (34808)
ধৃতরাষ্ট্র উবাচ। 5-86-0x (3647)
উপপ্লাব্যাদিহ ক্ষত্তরুপায়াতো জনার্দনঃ।
বৃকস্থলে নিবসতি স চ প্রাতরিহৈষ্যতি ॥ 5-86-1 (34809)
আহুকানামধিপতিঃ পুরোগঃ সর্বসাৎবতাম্।
মহামনা মহাবীর্যো মহাসৎবো জনার্দনঃ ॥ 5-86-2 (34810)
স্ফীতস্য বৃষ্ণিরাষ্ট্রস্য ভর্তা গোপ্তা চ মাধবঃ ।
ত্রয়াণামপি লোকানাং ভগবান্প্রপিতামহঃ ॥ 5-86-3 (34811)
বৃষ্ণ্যন্ধকাঃ সুমনসো যস্য প্রজ্ঞামুপাসতে।
আদিত্যা বসবো রুদ্রা যথা বুদ্ধিং বৃহস্পতেঃ ॥ 5-86-4 (34812)
তস্মৈ পূজাং প্রয়োক্ষ্যামি দাশার্হায় মহাত্মনে ।
প্রত্যক্ষং তব ধর্মজ্ঞ তাং মে কথয়তঃ শ্রুণু ॥ 5-86-5 (34813)
একবর্ণৈঃ সুক্লৃপ্তাঙ্গৈর্বাহ্লিজাতৈর্হয়োত্তমৈঃ।
চতুর্যক্তান্রথাংস্তস্মৈ রৌক্মান্দাস্যামি ষোডশ ॥ 5-86-6 (34814)
নিত্যপ্রভিন্নান্মাতঙ্গানীষাদন্তান্প্রহারিণঃ।
অষ্টানুচরমেকৈকমষ্টৌ দাস্যামি কৌরব ॥ 5-86-7 (34815)
দাসীনামপ্রজাতানাং শুভানাং রুক্মবর্চসাম্ ।
শতমস্মৈ প্রদাস্যামি দাসানামপি তাবতাম্ ॥ 5-86-8 (34816)
আবিকং চ সুখস্পর্শং পার্বতীয়ৈরুপাহৃতম্ ।
তদপ্যস্মৈ প্রদাস্যামি সহস্ত্রাণি দাশাষ্ট চ ॥ 5-86-9 (34817)
অজিনানাং সহস্রাণি চীনদেশোদ্ভবানি চ।
তান্যপ্যস্মৈ প্রদাস্যামি যাবদর্হতি কেশবঃ ॥ 5-86-10 (34818)
দিবা রাত্রৌ চ ভাত্যেষ সুতেজা বিমলো মণিঃ ।
তমপ্যস্মৈ প্রদাস্যামি তমর্হতি হি কেশবঃ ॥ 5-86-11 (34819)
একেনাভিপতত্যহ্না যোজনানি চতুর্দশ ।
যানমশ্বতরীয়ুক্তং দাস্যে তস্মৈ তদপ্যহম্ ॥ 5-86-12 (34820)
যাবন্তি বাহনান্যস্য যাবন্তঃ পুরুষাশ্চ তে ।
ততোষ্টগুণমপ্যস্মৈ ভোজ্যং দাস্যাম্যহং সদা ॥ 5-86-13 (34821)
মম পুত্রাশ্চ পৌত্রশ্চ সর্বে দুর্যোধনাদৃতে।
প্রত্যুদ্যাস্যন্তি দাশার্হং রথৈর্মৃষ্টৈঃ স্বলঙ্কৃতাঃ ॥ 5-86-14 (34822)
স্বলঙ্কৃতাশ্চ কল্যাণ্যঃ পাদৈরেব সহস্রশঃ।
বারমুখ্যা মহাভাগং প্রত্যুদ্যাস্যন্তি কেশবম্ ॥ 5-86-15 (34823)
নগরাদপি যাঃ কাশ্চিদ্গমিষ্যন্তি জনার্দনম্ ।
দ্রষ্টুং কন্যাশ্চ কল্যাণ্যস্তাশ্চ যাস্যন্ত্যনাবৃতাঃ ॥ 5-86-16 (34824)
সস্ত্রীপুরুষবালং চ নগরং মধুসূদনম্ ।
উদীক্ষতাং মহাত্মানং ভানুমন্তমিব প্রজাঃ ॥ 5-86-17 (34825)
মহাধ্বজপতাকাশ্চ ক্রিয়ন্তাং সর্বতো দিশঃ।
জলাবসিক্তো বিরজাঃ পন্থাস্তস্যেতি চান্বশাৎ ॥ 5-86-18 (34826)
দুঃশাসনস্য চ গৃহং দুর্যোধনগৃহাদ্বরম্ ।
তদদ্য ক্রিয়তাং ক্ষিপ্রং সুসংমৃষ্টমলঙ্কৃতম্ ॥ 5-86-19 (34827)
এতদ্ধি রুচিরাকারৈঃ প্রাসাদৈরুপশোভিতম্ ।
শিবং চ রমণীয়ং চ সর্বর্তু সুমহাধনম্ ॥ 5-86-20 (34828)
সর্বমস্মিন্গৃহে রত্নং মম দুর্যোধনস্য চ।
যদ্যদর্হতি বার্ষ্ণেয়স্তত্তদ্দেয়মসংশয়ম্ ॥ ॥ 5-86-21 (34829)
ইতি শ্রীমন্মহাভারতে উদ্যোগপর্বণি ভগবদ্যানপর্বমি ষডশীতিতমোঽধ্যায়ঃ ॥
Mahabharata - Udyoga Parva - Chapter Footnotes
5-86-3 প্রপিতামহঃ পিতামহস্য ব্রহ্মণোপি পিতা ॥ 5-86-7 ঈষা লাঙ্গলদণ্ডস্তৎসদৃশদন্তান্। অষ্টৌ অনুচরাঃ যস্য গজস্য ॥ 5-86-20 সর্বর্তু সর্বে ঋতবো যুগপদস্মিন্সন্তীতি তথা ॥উদ্যোগপর্ব - অধ্যায় 087
॥ শ্রীঃ ॥
5.87. অধ্যায়ঃ 087
Mahabharata - Udyoga Parva - Chapter Topics
বিদুরেণ ধৃতরাষ্ট্রংপ্রতি কৃষ্ণায় দানপ্রতিজ্ঞায়াঃ মৃষাৎবকথনম্ ॥ 1 ॥ তথা সামাদ্যুপায়ৈঃ কৃষ্ণস্য দুর্বশৎবকথনপূর্বকং তদুক্তিসৎকারবিধানম্ ॥ 2 ॥Mahabharata - Udyoga Parva - Chapter Text
5-87-0 (34830)
বিদুর উবাচ। 5-87-0x (3648)
রাজন্বহুমতশ্চাসি ত্রৈলোক্যস্যাপি সত্তমঃ।
সংভাবিতশ্চ লোকস্য সংমতশ্চাসি ভারত ॥ 5-87-1 (34831)
যত্ৎবমেবংগতে ব্রূয়াঃ পশ্চিমে বয়সি স্থিতঃ।
শাস্ত্রাদ্বা সুপ্রতর্কাদ্বা সুস্থিরঃ স্থবিরো হ্যসি ॥ 5-87-2 (34832)
লেখা শশিনিভাঃ সূর্যে মহোর্মিরিব সাগরে।
ধর্মস্ৎবয়ি তথা রাজন্নিতি ব্যবসিতাঃ প্রজাঃ ॥ 5-87-3 (34833)
সদৈব ভাবিতো লোকো গুণৌঘৈস্তব পার্থিব ।
গুণানাং রক্ষণে নিত্যং প্রয়তস্ব সবান্ধবঃ ॥ 5-87-4 (34834)
আর্জবং প্রতিপদ্যস্ব মা বাল্যাদ্ব্রহু নীনশঃ।
রাজন্পুত্রাংশ্চ পৌত্রাংশ্চ সুহৃদশ্চৈব সুপ্রিয়ান্ ॥ 5-87-5 (34835)
যত্ৎবং দিৎসসি কৃষ্ণায় রাজন্নতিথয়ে বহু ।
এতদন্যচ্চ দাশার্হঃ পৃথিবীমপি চার্হতি ॥ 5-87-6 (34836)
ন তু ৎবং ধর্মমুদ্দিশ্য তস্য বা প্রিয়কারণাৎ।
এতদ্দিৎসসি কৃষ্ণায় সত্যেনাত্মানমালভে ॥ 5-87-7 (34837)
মায়ৈষা সত্যমেবৈতচ্ছদ্মৈতদ্ভূরিদক্ষিণা ।
জানামি ৎবন্মতং রাজন্গূঢং বাহ্যেন কর্মণা ॥ 5-87-8 (34838)
পঞ্চ পঞ্চৈব লিপ্স্যন্তি গ্রামকান্পাণ্ডবা নৃপ ।
ন চ দিৎসসি তেভ্যস্তাংস্তচ্ছমং ন করিষ্যসি ॥ 5-87-9 (34839)
অর্থেন তু মহাবাহুং বার্ষ্ণেয়ং ৎবং জিহীর্ষসি ।
অনেন চাপ্যুপায়েন পাণ্ডবেভ্যো বিভেৎস্যসি ॥ 5-87-10 (34840)
ন চ বিত্তেন শক্যোঽসৌ নোদ্যমেন ন গর্হয়া।
অন্যো ধনঞ্জয়াৎকর্তুমেতত্তত্ৎবং ব্রবীমি তে ॥ 5-87-11 (34841)
বেদ কৃষ্ণস্য মাহাত্ম্যং বেদাস্য দৃঢভক্তিতাম্।
অত্যাজ্যমস্য জানামি প্রাণৈস্তুল্যং ধনঞ্জয়ম্ ॥ 5-87-12 (34842)
অন্যৎকুম্ভাদপাংপূর্ণাদন্যৎপাদাবসেচনাৎ।
অন্যৎকুশলসংপ্রশ্নান্নৈবেক্ষ্যতি জনার্দনঃ ॥ 5-87-13 (34843)
যত্ৎবস্য প্রিয়মাতিথ্যং মানার্হস্য মহাত্মনঃ ।
তদস্মৈ ক্রিয়তাং রাজন্মানার্হোঽসৌ জনার্দনঃ ॥ 5-87-14 (34844)
আশংসমানঃ কল্যাণং কুরূনভ্যেতি কেশবঃ ।
যেনৈব রাজন্নর্থেন তদেবাস্মা উপাকুরু ॥ 5-87-15 (34845)
শমমিচ্ছতি দাশার্হস্তব দুর্যোধনস্য চ।
পাণ্ডবানাং চ রাজেন্দ্র তদস্য বচনং কুরু ॥ 5-87-16 (34846)
পিতাঽসি রাজন্পুত্রাস্তে বৃদ্ধস্ৎবং শিশবঃ পরে।
বর্তস্ব পিতৃবত্তেষু বর্তন্তে তে হি পুত্রবৎ ॥ ॥ 5-87-17 (34847)
ইতি শ্রীমন্মহাভারতে উদ্যোগপর্বণি ভগবদ্যানপর্বণি সপ্তাশীতিতমোঽধ্যায়ঃ ॥
Mahabharata - Udyoga Parva - Chapter Footnotes
5-87-4 ভাবিতঃ হৃষ্টঃ ॥ 5-87-5 মা নীনশঃ মা নাশং প্রাপ্নুহি ॥ 5-87-8 মায়া ইন্দ্রজালম্। ছদ্ম বঞ্চনম্ ॥ 5-87-10 বিভেৎস্যসি শল্যবৎপৃথক্করিষ্যসি ॥ 5-87-12 বেদ বিদ্মি ॥ 5-87-13 নৈবেক্ষ্যতি নৈবাঙ্গীকরিষ্যতি ॥ 5-87-15 উপাকুরু অর্পয় ॥উদ্যোগপর্ব - অধ্যায় 088
॥ শ্রীঃ ॥
5.88. অধ্যায়ঃ 088
Mahabharata - Udyoga Parva - Chapter Topics
দুর্যোধনেন শ্রীকৃষ্ণস্য বিদুরোদীরিতভেদাগোচরতাঙ্গীকরণম্ ॥ 1 ॥ তথা হেতূপন্যাসপূর্বকং কৃষ্ণস্যোপায়নদাননিষেধনম্ ॥ 2 ॥ ভীষ্মেণ কৃষ্ণস্য দুরবজ্ঞেয়ৎবকথনপূর্বকং তদুক্তস্য কর্তব্যৎবকথনম্ ॥ 3 ॥ দুর্যোধনেন স্বস্য কৃষ্ণবন্ধনাধ্যবসায়কথনে ধৃতরাষ্ট্রেণ তদ্গর্হণম্ ॥ 4 ॥ ভীষ্মেণ দুর্যোধনোপালম্ভপূর্বকং সভাতো নির্গমনম্ ॥ 5 ॥Mahabharata - Udyoga Parva - Chapter Text
5-88-0 (34848)
দুর্যোধন উবাচ। 5-88-0x (3649)
যদাহ বিদুরঃ কৃষ্ণে সর্বং তৎসত্যমচ্যুতে।
অনুরক্তো হ্যসংহার্যঃ পার্থান্প্রতি জনার্দনঃ ॥ 5-88-1 (34849)
যত্তৎসৎকারসংয়ুক্তং দেয়ং বসু জনার্দনে ।
অনেকরূপং রাজেন্দ্র ন তদ্দেয়ং কদাচন ॥ 5-88-2 (34850)
দেশঃ কালস্তথাঽয়ুক্তো ন হি নার্হতি কেশবঃ ।
মংস্যত্যধোক্ষজো রাজন্ভয়াদর্চতি মামিতি ॥ 5-88-3 (34851)
অবমানশ্চ যত্র স্যাৎক্ষত্রিয়স্য বিশাংপতে।
ন তৎকুর্যাদ্বুধঃ কার্যমিতি মে নিশ্চিতা মতিঃ ॥ 5-88-4 (34852)
স হি পূজ্যতমো লোকে কৃষ্ণঃ পৃথুললোচনঃ ।
ত্রয়াণামপি লোকানাং বিদিতং মম সর্বথা ॥ 5-88-5 (34853)
ন তু তস্মৈ প্রদেয়ং স্যাত্তথা কার্যগতিঃ প্রভো ।
বিগ্রহঃ সমুপারব্ধো ন হি শাম্যত্যবিগ্রহাৎ ॥ 5-88-6 (34854)
বৈশম্পায়ন উবাচ। 5-88-7x (3650)
তস্য তদ্বচনং শ্রুৎবা ভীষ্মঃ কুরুপিতামহঃ।
বৈচিত্রবীর্যং রাজানমিদং বচনমব্রবীৎ ॥ 5-88-7 (34855)
সৎকৃতোঽসৎকৃতো বাঽপি ন ক্রুধ্যেত জনার্দনঃ ।
`নাবমংস্যত্যবজ্ঞাতৄনবজ্ঞাতোঽপি কেশবঃ।'
নালমেনমবজ্ঞাতুং নাবজ্ঞেয়ো হি কেশবঃ ॥ 5-88-8 (34856)
যত্তু কার্যং মহাবাহো মনসা কার্যতাং গতম্ ।
সর্বোপায়ৈর্ন তচ্ছক্যং কেনচিৎকর্তুমন্যথা ॥ 5-88-9 (34857)
স যদ্ব্রূয়ান্মহাবাহুস্তৎকার্যমবিশঙ্কয়া ।
বাসুদেবেন তীর্থেন ক্ষিপ্রং সংশাভ্য পাণ্ডবৈঃ ॥ 5-88-10 (34858)
ধর্ম্যমর্থ্যং চ ধর্মাত্মা ধ্রুবং বক্তা জনার্দনঃ।
তস্মিন্বাচ্যাঃ প্রিয়া বাচো ভবতা বান্ধবৈঃ সহ ॥ 5-88-11 (34859)
দুর্যোধন উবাচ। 5-88-12x (3651)
ন পর্যাপ্তোস্মি যদ্রাজঞ্শ্রিয়ং নিষ্কেবলামহম্ ।
তৈঃ সহেমামুপাশ্রীয়াং যাবজ্জীবং পিতামহ ॥ 5-88-12 (34860)
ইদং তু সুমহৎকার্যং শ্রুণু মে যৎসমর্থিতম্ ।
পরায়ণং পাণ্ডবানাং নিয়চ্ছামি জনার্দনম্ ॥ 5-88-13 (34861)
তস্মিন্বদ্ধে ভবিষ্যন্তি বৃষ্ণয়ঃ পৃথিবী তথা।
পাণ্ডবাশ্চ বিধেয়া মে স চ প্রাতরিহৈপ্যতি ॥ 5-88-14 (34862)
অত্রোপায়ান্যথা সম্যঙ্ন বুদ্ধ্যেত জনার্দনঃ ।
ন চাপায়ো ভবেৎকশ্চিত্তদ্ভবান্প্রব্রবীতু মে ॥ 5-88-15 (34863)
বৈশম্পায়ন উবাচ। 5-88-16x (3652)
তস্য তদ্বচনং শ্রুৎবা ঘোরং কৃষ্ণেঽভিসংহিতম্।
ধৃতরাষ্ট্রঃ সহামাত্যো ব্যথিতো বিমনাভবৎ ॥ 5-88-16 (34864)
ততো দুর্যোধনমিদং ধৃতরাষ্ট্রোঽব্রবীদ্বচঃ ।
মৈবং বোচঃ প্রজাপাল নৈষ ধর্মঃ সনাতনঃ ॥ 5-88-17 (34865)
দূতশ্চ হি হৃষীকেশঃ সংবন্ধী চ প্রিয়শ্চ নঃ।
অপাপঃ কৌরবেয়েষু স কথং বন্ধমর্হতি ॥ 5-88-18 (34866)
ভীষ্ম উবাচ। 5-88-19x (3653)
পরীতস্তব পুত্রোঽয়ং ধৃতরাষ্ট্র সুমন্দধীঃ ।
বৃণোত্যনর্থং নৈবার্থং যাচ্যমানঃ সুহৃজ্জনৈঃ ॥ 5-88-19 (34867)
ইমমুৎপথি বর্তন্তং পাপং পাপানুবন্ধিনম্।
বাক্যানি সুহৃদাং হিৎবা ৎবমপ্যস্যানুবর্তসে ॥ 5-88-20 (34868)
কৃষ্ণমক্লিষ্টকর্মাণমাসাদ্যায়ং সুদুর্মতিঃ ।
তব পুত্রঃ সহামাত্যঃ ক্ষণেন ন ভবিষ্যতি ॥ 5-88-21 (34869)
পাপস্যাস্য নৃশংসস্য ত্যক্তধর্মস্য দুর্মতেঃ ।
নোৎসহেঽনর্থসংয়ুক্তাঃ শ্রোতুং বাচঃ কথংচন ॥ 5-88-22 (34870)
ইত্যুক্ৎবা ভরতশ্রেষ্ঠো বৃদ্ধঃ পরমমন্যুমান্ ।
উত্থায় তস্মাৎপ্রাতিষ্ঠদ্ভীষ্মঃ সত্যপরাক্রমঃ ॥ ॥ 5-88-23 (34871)
ইতি শ্রীমন্মহাভারতে উদ্যোগপর্বণি ভগবদ্যানপর্বণি অষ্টাশীতিতমোঽধ্যায়ঃ ॥
Mahabharata - Udyoga Parva - Chapter Footnotes
5-88-1 অসংহার্যঃ হর্তুমশক্যঃ ॥ 5-88-3 দেশ ইতি। যদ্যপি কেশবোঽর্চামর্হত্যেব তথাপি অর্চায়াং দেশঃ কালশ্চায়ুক্ত ইত্যর্থঃ । তদেবাহ মংস্যতীতি ॥ 5-88-6 কার্যগতিঃ কর্তব্যরীতিঃ । অবিগ্রহাৎ আতিথ্যমাত্রেণ ॥ 5-88-8 নালং ন পর্যাপ্তোঽসি ॥ 5-88-10 তীর্থেন অবতরণবর্ত্মনা । সংশাম্য শান্তো ভবঃ ॥ 5-88-12 নোপাশ্রীয়মিত্যন্বয়ঃ। নিষ্কেবলাং কৃৎস্নাম্ ॥উদ্যোগপর্ব - অধ্যায় 089
॥ শ্রীঃ ॥
5.89. অধ্যায়ঃ 089
Mahabharata - Udyoga Parva - Chapter Topics
প্রাতঃ কৃতাহ্নিকস্য শ্রীকৃষ্ণস্য বৃকস্থলাৎকুরুপুরমুপেত্য ধৃতরাষ্ট্রভবনপরবেশঃ ॥ 1 ॥ তথা ধৃতরাষ্ট্রপূজাং স্বীকৃত্য বিদুরসদনগমনম্ ॥ 2 ॥Mahabharata - Udyoga Parva - Chapter Text
5-89-0 (34872)
বৈশম্পায়ন উবাচ। 5-89-0x (3654)
প্রাতরুত্থায় কৃষ্ণস্তু কৃতবান্সর্বমাহ্নিকম্।
ব্রাহ্মণৈরভ্যনুজ্ঞাতঃ প্রয়যৌ নগরং প্রতি ॥ 5-89-1 (34873)
তং প্রয়ান্তং মহাবাহুমনুজ্ঞাপ্য মহাবলম্ ।
পর্যবর্তন্ত তে সর্বে বৃকস্থলনিবাসিনঃ ॥ 5-89-2 (34874)
` প্রদদৌ পুণ্ডরীকাক্ষো রত্নানি চ ধনানি চ।
তান্প্রস্থাপ্য মহাবাহুরুপায়াৎকুরুসংসদম্ ॥' 5-89-3 (34875)
ধার্তরাষ্ট্রাস্তমায়ান্তং প্রত্যুঞ্জগ্মুঃ স্বলঙ্কৃতাঃ ।
দুর্যোধনাদৃতে সর্বে ভীষ্মদ্রোণকৃপাদয়ঃ ॥ 5-89-4 (34876)
পৌরাশ্চ বহুলা রাজন্হৃষীকেশং দিদৃক্ষবঃ ।
যানৈর্বহুবিধৈরন্যে পদ্ভিরেব তথাঽপরে ॥ 5-89-5 (34877)
স বৈ পথি সমাগম্য ভীষ্মেণাক্লিষ্টকর্মণা ।
দ্রোণেন ধার্তরাষ্ট্রৈশ্চ তৈর্বৃতো নগরং যয়ৌ ॥ 5-89-6 (34878)
কৃষ্ণসংমাননার্থং চ নগরং সমলঙ্কৃতম্।
বভূব রাজমার্গশ্চ বহুরত্নসমাচিতঃ ॥ 5-89-7 (34879)
ন চ কশ্চিদ্গৃহে রাজংস্তদাঽঽসীদ্ভরতর্ষভ।
ন স্ত্রী ন বৃদ্ধো ন শিশুর্বাসুদেবদিদৃক্ষয়া ॥ 5-89-8 (34880)
রাজমার্গে নরাস্তস্মিন্সংস্তুবন্ত্যবনিং গতাঃ ।
তস্মিন্কালে মহারাজ হৃষীকেশপ্রবেশনে ॥ 5-89-9 (34881)
আবৃতানি বরস্ত্রীভির্গৃহাণি সুমহান্ত্যপি ।
প্রচলন্তীব ভারেণ দৃশ্যন্তেস্ম মহীতলে ॥ 5-89-10 (34882)
তথা চ গতিমন্তস্তে বাসুদেবস্য বাজিনঃ ।
প্রনষ্টগতয়োঽভূবন্রাজমার্গে নরৈর্বৃতে ॥ 5-89-11 (34883)
স গৃহং ধৃতরাষ্ট্রস্য প্রাবিশচ্ছত্রুকর্শনঃ।
পাণ্ডুরৈঃ পুণ্ডরীকাক্ষঃ প্রাসাদৈরুপশোভিতম্ ॥ 5-89-12 (34884)
তিস্রঃ কক্ষ্যা ব্যতিক্রম্য কেশবো রাজবেশ্মনঃ ।
বৈচিত্রবীর্যং রাজানমভ্যগচ্ছদরিন্দমঃ ॥ 5-89-13 (34885)
অভ্যাগচ্ছতি দাশার্হে প্রজ্ঞাচক্ষুর্নরাধিপঃ ।
তহৈব দ্রোণভীষ্মাভ্যামুদতিষ্ঠন্মহায়শাঃ ॥ 5-89-14 (34886)
কৃপশ্চ সোমদত্তশ্চ মহারাজশ্চ বাহ্লিকঃ।
আসনেভ্যোঽচলন্সর্বে পূজয়ন্তো জনার্দনম্ ॥ 5-89-15 (34887)
ততো রাজানমাসাদ্য ধৃতরাষ্ট্রং যশস্বিনম্।
সভীষ্মং পূজয়ামাস বার্ষ্ণেয়ো বাগ্ভিরঞ্জসা ॥ 5-89-16 (34888)
তেষু ধর্মানুপূর্বী তাং প্রয়ুজ্য মধুসূদনঃ ।
যথাবয়ঃ সমীয়ায় রাজভিঃ সহ মাধবঃ ॥ 5-89-17 (34889)
অথ দ্রোণং সবাহ্লীকং সপুত্রং চ যশস্বিনম্।
কৃপং চ সোমদত্তং চ সমীয়ায় জনার্দনঃ ॥ 5-89-18 (34890)
তত্রাসীদূর্জিতং মৃষ্টং কাঞ্চনং মহদাসনম্ ।
শাসনাদ্ধৃতরাষ্ট্রস্য তত্রোপাবিশদচ্যুতঃ ॥ 5-89-19 (34891)
অথ গাং মধুপর্কং চাপ্যুদকং চ জনার্দনে ।
উপজহ্নুর্যথান্যায়ং ধৃতরাষ্ট্রপুরোহিতাঃ ॥ 5-89-20 (34892)
কৃতাতিথ্যস্তু গোবিন্দঃ সর্বান্পরিহসন্কুরূন্ ।
আস্তে সাংবন্ধিকং কুর্বন্কুরুভিঃ পরিবারিতঃ ॥ 5-89-21 (34893)
সোঽর্চিতো ধৃতরাষ্ট্রেণ পূজিতশ্চ মহায়শাঃ ।
রাজানং সমনুজ্ঞাপ্য নিরক্রামদরিন্দমঃ॥ 5-89-22 (34894)
তৈঃ সমেত্য যথান্যায়ং কুরুভিঃ কুরুসংসদি ।
বিদুরাবসথং রম্যমুপাতিষ্ঠত মাধবঃ ॥ 5-89-23 (34895)
বিদুরঃ সর্বকল্যাণৈরভিগম্য জনার্দনম্ ।
অর্চয়ামাস দাশার্হং সর্বকামৈরুপস্থিতম্ ॥ 5-89-24 (34896)
কৃতাতিথ্যং তু গোবিন্দং বিদুরঃ সর্বধর্মবিৎ।
কুশলং পাণ্ডুপুত্রাণামপৃচ্ছন্মধুসূদনম্ ॥ 5-89-25 (34897)
প্রীয়মাণস্য সুহৃদো বিদুরো বুদ্ধিসত্তমঃ ।
ধর্মার্থনিত্যস্য সতো গতরোবস্য ধীমতঃ ॥ 5-89-26 (34898)
তস্য সর্বং সবিস্তারং পাণ্ডবানাং বিচেষ্টিতম্ ।
ক্ষত্তুরাচষ্ট দাশার্হঃ সর্বং প্রত্যক্ষদর্শিবান্ ॥ ॥ 5-89-27 (34899)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একোননবতিতমোঽধ্যায়ঃ ॥
Mahabharata - Udyoga Parva - Chapter Footnotes
5-89-22 পূজিতঃ স্তুতঃ ॥ 5-89-26 বিদুরঃ পাণ্ডবানাং বিচেষ্টিতং তস্য তং কৃষ্ণং প্রতি অপৃচ্ছদিত্যনুকৃষ্যান্বয়ঃ। ষষ্ঠ্যো দ্বিতীয়ার্থে ॥উদ্যোগপর্ব - অধ্যায় 090
॥ শ্রীঃ ॥
5.90. অধ্যায়ঃ 090
Mahabharata - Udyoga Parva - Chapter Topics
শ্রীকৃষ্ণস্য কুন্তীসমীপগমনম্ ॥ 1 ॥ কৃষ্ণেন প্রত্যেকং নামনির্দেশপূর্বকং যুধিষ্ঠিরাদিকুশলমাপৃচ্ছ্য স্বানুভূতদুঃখানুস্মরেন শোচন্ত্যাঃ কুন্ত্যাঃ সমাশ্বাসনম্ ॥ 2 ॥ তথা কুন্তীসামন্ত্র্য দুর্যোধনগৃহগমনম্ ॥ 3 ॥Mahabharata - Udyoga Parva - Chapter Text
5-90-0 (34900)
বৈশম্পায়ন উবাচ। 5-90-0x (3655)
অথোপগম্য বিদুরমপরাহ্ণে জনার্দনঃ।
পিতৃষ্বসারং স পৃথামভ্যগচ্ছদরিন্দমঃ ॥ 5-90-1 (34901)
সা দৃষ্ট্বা কৃষ্ণমায়ান্তং প্রসন্নাদিত্যবর্চসম্।
কণ্ঠে গৃহীৎবা প্রাক্রোশৎস্মরন্তী তনয়ান্পৃথা ॥ 5-90-2 (34902)
তেষাং সৎববতাং মধ্যে গোবিন্দং সহচারিণম্ ।
চিরস্য দৃষ্ট্বা বার্ষ্ণেয়ং বাষ্পমাহারয়ত্মৃথা ॥ 5-90-3 (34903)
সাঽব্রবীৎকৃষ্ণমাসীনং কৃতাতিথ্যং যুধাং পতিম্ ।
বাষ্পগদ্গদপূর্ণেন মুখেন পরিশুষ্যতা ॥ 5-90-4 (34904)
এতে বাল্যান্প্রভৃত্যেব গুরুশুশ্রূষণে রতাঃ ।
পরস্পরস্য সুহৃদঃ সংমতাঃ সমচেতসঃ।
নিকৃত্যা ভ্রংশিতা রাজ্যাঞ্জনার্হা নির্জনং গতাঃ ॥ 5-90-5 (34905)
বিনীতক্রোধহর্ষাশ্চ ব্রহ্মণ্যাঃ সত্যবাদিনঃ ।
ত্যক্ৎবা প্রিয়মুখে পার্থা রুদতীমপহায় মাম্ ॥ 5-90-6 (34906)
অহার্ষুশ্চ বনং যান্তঃ সমূলং হৃদয়ং মম।
অতদর্হা মহাত্মানঃ কথং কেশব পাণ্ডবাঃ ॥ 5-90-7 (34907)
ঊষুর্মহাবনে তাত সিংহব্যাঘ্রগজাকুলে ।
বালা বিহীনাঃ পিত্রা তে ময়া সততলালিতাঃ ॥ 5-90-8 (34908)
অপশ্যন্তশ্চ পিতরৌ কথমুষূর্মহাবনে।
শঙ্খদুন্দুভিনির্ঘোষৈর্ভৃদঙ্গৈর্বেণুনিস্বনৈঃ ॥ 5-90-9 (34909)
পাণ্ডবাঃ সমবোধ্যন্ত বাল্যাৎপ্রভৃতি কেশব ।
যে স্ম বারণশব্দেন হয়ানাং হেষিতেন চ ॥ 5-90-10 (34910)
রথেনেমিনিনাদৈশ্চ ব্যবোধ্যন্ত তদা গৃহে ।
শঙ্খভেরীনিনাদেন বেণুবীণানুনাদিনা ॥ 5-90-11 (34911)
পুণ্যাহঘোষমিশ্রেণ পূজ্যমানা দ্বিজাতিভিঃ ।
বস্ত্রৈ রত্নৈরলঙ্কারৈঃ পূজয়ন্তো দ্বিজন্মনঃ ॥ 5-90-12 (34912)
গীর্ভির্মঙ্গলয়ুক্তাভির্ব্রাহ্মণানাং মহাত্মনাম্ ।
অর্চিতৈরর্চনার্হৈশ্চ স্তুবদ্ভিরভিনন্দিতাঃ ॥ 5-90-13 (34913)
প্রাসাদাগ্নেষ্ববোধ্যন্ত রাঙ্খবাজিনশায়িনঃ ।
ক্রূরং চ নিনদং শ্রুৎবা শ্বাপদানাং মহাবনে ॥ 5-90-14 (34914)
ন স্মোপয়ান্তি নিদ্রাং তে নতদর্হা জনার্দন ।
ভেরীমৃদঙ্গনিনদৈঃ শঙ্খবৈণবনিস্বনৈঃ ॥ 5-90-15 (34915)
স্ত্রীণাং গীতনিনাদৈশ্চ মধুরৈর্মধুসূদন ॥
বন্দিমাগধসূতৈশ্চ স্তুবদ্ভির্বোধিতাঃ কথম্ ॥ 5-90-16 (34916)
মহাবনেষ্ববোধ্যন্ত শ্বাপদানাং রুতেন চ ।
হ্রীমাৎসত্যধৃতির্দান্তো ভূতানামনুকম্পিতা ॥ 5-90-17 (34917)
কামদ্বেষৌ বশে কৃৎবা সতাং বর্ত্মানুবর্ততে ।
অম্বরীষস্য মান্ধাতুর্যযাতের্নহুষস্য চ ॥ 5-90-18 (34918)
ভরতস্য দিলীপস্য শিবেরৌশীনরস্য চ।
রাজর্ষীণাং পুরাণানাং ধুরং ধত্তে দুরুদ্বহাম্ ॥ 5-90-19 (34919)
শীলবৃত্তোপসংপন্নোঃ ধর্মজ্ঞঃ সত্যসঙ্গরঃ ।
রাজা সর্বগুণোপেতস্ত্রৌলোক্যস্যাপি যো ভবেৎ ॥ 5-90-20 (34920)
অজাতশত্রুর্ধর্মাত্মা শুদ্ধজাম্বূনদপ্রভঃ ।
শ্রেষ্ঠঃ কুরুষু সর্বেষু ধর্মতঃ শ্রুতবৃত্ততঃ ।
প্রিয়দর্শো দীর্ঘভুজঃ কথং কৃষ্ণ যুধিষ্ঠিরঃ ॥ 5-90-21 (34921)
যঃ স নাগায়ুতপ্রাণো বাতরংহা মহাবলঃ ।
সামর্ষঃ পাণ্ডবো নিত্যং প্রিয়ো ভ্রাতুঃ প্রিয়ংকরঃ ॥ 5-90-22 (34922)
কীচকস্য তু সজ্ঞাতের্যো হন্তা মধুসূদন ।
শূরঃ ক্রোধবশানাং চ হিডিম্বস্য বকস্য চ ॥ 5-90-23 (34923)
পরাক্রমে শক্রসমো মাতরিশ্বসমো বলে।
মহেশ্বরসমঃ ক্রোধে ভীমঃ প্রহরতাং বরঃ ॥ 5-90-24 (34924)
ক্রোধং বলমমর্ষং চ যো নিধায় পরংতপঃ ।
জিতাত্মা পাণ্ডবোঽমর্ষী ভ্রাতুস্তিষ্ঠতি শাসনে ॥ 5-90-25 (34925)
তেজোরাশিং মহাত্মানং বরিষ্ঠমভিতৌজসম্ ।
ভীমং প্রদর্শনেনাপি ভীমসেনং জনার্দন ॥ 5-90-26 (34926)
তং মমাচক্ষ্ব বার্ষ্ণেয় কথমদ্য বৃকোদরঃ ।
আস্তে পরিঘবাহুঃ স মধ্যমঃ পাণ্ডবো বলী ॥ 5-90-27 (34927)
অর্জুনেনার্জুনো যঃ স কৃষ্ণ বাহুসহস্রিণা ।
দ্বিবাহুঃ স্পর্ধতে নিত্যমতীতেনাপি কেশব ॥ 5-90-28 (34928)
ক্ষিপত্যেকেন বেগেন পঞ্চবাণশতানি যঃ ।
ইষ্বস্ত্রে সদৃশো রাজ্ঞঃ কার্তবীর্যস্য পাণ্ডবঃ ॥ 5-90-29 (34929)
তেজসাঽঽদিত্যসদৃশো মহর্ষিসদৃশো দমে।
ক্ষময়া পৃথিবীতুল্যো মহেন্দ্রসমবিক্রমঃ ॥ 5-90-30 (34930)
আধিরাজ্যং মহদ্দীপ্তং প্রথিতং মধুসূদন ।
আহৃতং যেন বীর্যেণ কুরূণাং সর্বরাজসু ॥ 5-90-31 (34931)
যস্য বাহুবলং সর্বে পাণ্ডবাঃ পর্যুপাসতে।
স সর্বরথিনাং শ্রেষ্ঠঃ পাণ্ডবঃ সত্যবিক্রমঃ ॥ 5-90-32 (34932)
যং গৎবাঽভিমুখঃ সঙ্খ্যে ন জীবন্তশ্চিদাব্রজেৎ ।
যো জেতা সর্বভূতানামজেয়ো জিষ্ণুরচ্যুত ॥ 5-90-33 (34933)
যোঽপাশ্রয়ঃ পাণ্ডবানাং দেবানামিব বাসবঃ ।
স তে ভ্রাতা সখা চৈব কথমদ্য ধনঞ্জয়ঃ ॥ 5-90-34 (34934)
দয়াবান্সর্বভূতেষু হ্রীনিষেবো মহাস্রবিৎ ।
মৃদুশ্চ সুকুমারশ্চ ধার্মিকশ্চ প্রিয়শ্চ মে॥ 5-90-35 (34935)
সহদেবো মহেষ্বাসঃ শূরঃ সমিতিশোভনঃ ।
ভ্রাতৃণাং কৃষ্ণ শুশ্রূষুর্ধর্মার্থকুশলো যুবা ॥ 5-90-36 (34936)
সদৈব সহদেবস্য ভ্রাতরো মধুসূদন ।
বৃত্তং কল্যাণবৃত্তস্য পূজয়ন্তি মহাত্মনঃ ॥ 5-90-37 (34937)
জ্যেষ্ঠোপচায়িনং বীরং সহদেবং যুধাং পতিম্।
শুশ্রূষুং মম বার্ষ্ণেয় মাদ্রীপুত্রং প্রচক্ষ্ব মে ॥ 5-90-38 (34938)
সুকুমারো যুবা শূরো দর্শনীয়শ্চ পাণ্ডবঃ।
ভ্রাতৄণাং চৈব সর্বেষাং প্রিয়ঃ প্রাণো বহিশ্চরঃ ॥ 5-90-39 (34939)
চিত্রয়োধী চ নকুলো মহেষ্বাসো মহাবলঃ ।
কচ্চিৎস কুশলী কৃষ্ণ বৎসো মম সুখৈধিতঃ ॥ 5-90-40 (34940)
সুখোচিতমদুঃখার্হং সুকুমারং মহারথম্ ।
অপি জাতু মহাবাহো পশ্যেয়ং নকুলং পুনঃ ॥ 5-90-41 (34941)
পক্ষ্মসংপাতজে কালে নকুলেন বিনাকৃতা ।
ন লভামি ধৃতিং বীর সাঽদ্য জীবামি পশ্য মাম্॥ 5-90-42 (34942)
সর্বৈঃ পুত্রৈঃ প্রিয়তরা দ্রৌপদী মে জনার্দন ।
কুলীনা রূপসংপন্না সর্বৈঃ সমুদিতা গুণৈঃ ॥ 5-90-43 (34943)
পুত্রলোকাৎপতিলোকং বৃণ্বানা সত্যবাদিনী।
প্রিয়ান্পুত্রান্পরিত্যজ্য পাণ্ডবাননুরুধ্যতে ॥ 5-90-44 (34944)
মহাভিজনসংপন্না সর্বকামৈঃ সুপূজিতা।
ঈশ্বরী সর্বকল্যাণী দ্রৌপদী কথমচ্যুত ॥ 5-90-45 (34945)
পতিভিঃ পঞ্চভিঃ শূরৈরগ্নিকল্পৈঃ প্রহারিভিঃ ।
উপপন্না মহেষ্বাসৈর্দ্রৌপদী দুঃখভাগিনী ॥ 5-90-46 (34946)
চতুর্দশমিদং বর্ষং যন্নাপশ্যমরিন্দম ।
পুত্রাদিভিঃ পরিদ্যূনাং দ্রৌপদীং সত্যবাদিনীম্ ॥ 5-90-47 (34947)
ন নূনং কর্মভিঃ পুণ্যৈরশ্রুতে পুরুষঃ সুখম্ ।
দ্রৌপদী চেত্তথাবৃত্তা নাশ্রুতে সুখমব্যযম্ ॥ 5-90-48 (34948)
ন প্রিয়ো মম কৃষ্ণায়া বীভৎসুর্ন যুধিষ্ঠিরঃ ।
ভীমসেনো যমৌ বাপি যদপশ্যং সভাগতাম্ ॥ 5-90-49 (34949)
ন মে দুঃখতরং কিংচিদ্ভূতপূর্বং ততোঽধিকম্ ।
স্ত্রীধর্মিণীং দ্রৌপদীং যচ্ছ্বশুরাণাং সমীপগাম্ ॥ 5-90-50 (34950)
আনায়িতামনার্যেণ ক্রোধলোভানুবর্তিনা ।
সর্বে প্রৈক্ষন্ত কুরব একবস্ত্রাং সভাগতাম্ ॥ 5-90-51 (34951)
তত্রৈব ধৃতরাষ্ট্রশ্চ মহারাজশ্চ বাহ্লিকঃ ।
কৃপশ্চ কসোমদত্তশ্চ নির্বিষ্ণাঃ কুরবস্তথা ॥ 5-90-52 (34952)
তস্যাং সংসদি সর্বেষাং ক্ষত্তারং পূজয়াম্যহম্ ।
বৃত্তেন হি ভবত্যার্যো ন ধনেন ন বিদ্যযা ॥ 5-90-53 (34953)
তস্য কৃষ্ণ মহাবুদ্ধের্গম্ভীরস্য মহাত্মনঃ।
ক্ষত্তুঃক শীলমলঙ্কারো লোকান্বিষ্টভ্য তিষ্ঠতি ॥ 5-90-54 (34954)
বৈশম্পায়ন উবাচ। 5-90-55x (3656)
সা শোকার্তা চ হৃষ্টা চ দৃষ্ট্বা গোবিন্দমাগতম্।
নানাবিধানি দুঃখানি সর্বাণ্যেবান্বকীর্তয়ম্ ॥ 5-90-55 (34955)
পূর্বৈরাচরিতং যত্তৎকুরাজভিররিন্দম ।
অক্ষদ্যূতং মৃগবধঃ কচ্চিদেষাং সুখাবহম্ ॥ 5-90-56 (34956)
তন্মাং দহতি যৎকৃষ্ণা সভায়াং কুরুসন্নিধৌ ।
ধার্তরাষ্ট্রৈঃ পরিক্লিষ্টা যথা ন কুশলং তথা ॥ 5-90-57 (34957)
নির্বাসনং চ নগরাৎপ্রব্রজ্যা চ পরন্তপ ।
নানাবিধানাং দুঃখানামাবাসোঽস্মি জনার্দন ॥ 5-90-58 (34958)
অজ্ঞাতচর্যা বালানামবরোধশ্চ মাধব ।
ন মে ক্লেশতমং তৎস্যাৎপুত্রৈঃ সহ পরন্তপ ॥ 5-90-59 (34959)
দুর্যোধনেন নিকৃতা বর্ষমদ্য চতুর্দশম্।
দুঃখাদপি সুখং নঃ স্যাদ্যদি পুণ্যফলক্ষয়ঃ ॥ 5-90-60 (34960)
ন মে বিশেপো জাৎবাসীদ্ধার্তরাষ্ট্রেষু পাণ্ডবৈঃ ।
তেন সত্যেন কৃষ্ণ ৎবাং হতামিত্রং শ্রিয়া বৃতম্ ।
অস্মাদ্বিমুক্তং সঙ্গ্রামাৎপশ্যেয়ং পাণ্ডবৈঃ সহ ॥ 5-90-61 (34961)
নৈব শক্যাঃ পরাজেতুং সর্বং হ্যেষাং তথাবিধম্ ।
পিতরং ৎবেব গর্হেয়ং নাত্মানং ন সুয়োধনম্ ॥ 5-90-62 (34962)
যেনাহং কুন্তিভোজায় ধনং বৃত্তৈরিবার্পিতা ।
বালাং মামার্যকস্তুভ্যং ক্রীডন্তীং কন্দুহস্তিকাং ॥ 5-90-63 (34963)
অদাত্তু কুন্তিভোজায় সখা সখ্যে মহাত্মনে ।
সাঽহং পিত্রা চ নিকৃতা শ্বশুরৈশ্চ পরন্তপ।
অত্যন্তদুঃখিতা কৃষ্ণ কিং জীবিতফলং মম ॥ 5-90-64 (34964)
যন্মাং বাগব্রবীন্নক্তং সূতকে সব্যসাচিনঃ ।
পুত্রস্তে পৃথিবীং জেতা যশশ্চাস্য দিবং স্পৃশেৎ । 5-90-65 (34965)
হৎবা কুরূন্মহাজন্যে রাজ্যং প্রাপ্য ধনঞ্জয়ঃ ।
ভ্রাতৃভিঃ সহ কৌন্তেয়স্ত্রীন্মেধানাহরিষ্যতি ॥ 5-90-66 (34966)
নাহং তামভ্যসূয়ামি নমো ধর্মায় বেধসে ।
কৃষ্ণায় মহতে নিত্যং ধর্মো ধারয়তি প্রজাঃ ॥ 5-90-67 (34967)
ধর্মশ্চেদস্তি বার্ষ্ণেয় যথা বাগভ্যভাষত।
ৎবং চাপি তত্তথা কৃষ্ণ সর্বং সংপাদয়িষ্যসি ॥ 5-90-68 (34968)
ন মাং মাধব বৈধব্যং নার্থনাশো ন বৈরিতা ।
তথা শোকায় দহতি যথা পুত্রৈর্বিনা ভবঃ ॥ 5-90-69 (34969)
যাঽহং গাণ্ডীবধন্বানং সর্বশস্ত্রভৃতাং বরম্।
ধনঞ্জয়ং ন পশ্যামি কা শান্তির্হৃদয়স্য মে।
ইতশ্চতুর্দশং বর্ষং যন্নাপশ্যং যুধিষ্ঠিরম্ ॥ 5-90-70 (34970)
ধনঞ্জয়ং চ গোবিন্দ যমৌ তং চ বৃকোদরম্।
জীবনাশং প্রনষ্টানাং শ্রাদ্ধং কুর্বন্তি মানবাঃ ॥ 5-90-71 (34971)
অর্থতস্তে মম মৃতাস্তেষাং চাহং জনার্দনা ।
ব্রূয়া মাধব রাজানং ধর্মাত্মানং যুধিষ্ঠিরম্ ॥ 5-90-72 (34972)
ভূয়াংস্তে হীয়তে ধর্মো মা পুত্রক বৃথা কৃথাঃ ।
পরাশ্রয়া বাসুদেব যা জীবতি ঘিগস্তু তাম্ ॥ 5-90-73 (34973)
বৃত্তেঃ কার্পণ্যলব্ধায়া অপ্রতিষ্ঠৈব জ্যায়সী।
অথো ধনঞ্জয়ং ব্রূয়া নিত্যোদ্যুক্তং বৃকোদরম্ ॥ 5-90-74 (34974)
যদর্থং ক্ষত্রিয়া সূতে তস্য কালোঽয়মাগতঃ।
অস্মিংশ্চেদাগতে কালে মিথ্যা চাতিক্রমিষ্যতি ॥ 5-90-75 (34975)
লোকসংভাবিতাঃ সংতঃ সুনৃশংসং করিষ্যথ ।
নৃশংসেন চ বো যুক্তাংস্ত্যজেয়ং শাশ্বতীঃ সমাঃ ॥ 5-90-76 (34976)
কালে হি সমনুপ্রাপ্তে ত্যক্তব্যমপি জীবনম্ ।
মাদ্রীপুত্রৌ চ ব্যক্তব্যৌ ক্ষত্রধর্মরতৌ সদা ॥ 5-90-77 (34977)
বিক্রমেণার্জিতান্ভোগান্বৃণীতং জীবিতাদপি ।
বিক্রমাধিগতা হ্যর্থাঃ ক্ষত্রধর্মেণ জীবতঃ ॥ 5-90-78 (34978)
মনো মনুষ্যস্য সদা প্রীণন্তি পুরুষোত্তম।
গৎবা ব্রূহি মহাবাহো সর্বশস্ত্রভৃতাং বরম্ ॥ 5-90-79 (34979)
অর্জুনং পাণ্ডবং বীরং দ্রৌপদ্যাঃ পদবীং চর ।
বিদিতৌ হি তবাত্যন্তং ক্রুদ্ধৌ তৌ তু যথান্তকৌ ॥ 5-90-80 (34980)
ভীমার্জুনৌ নয়েতাং হি দেবানপি পরাং গতিম্।
তয়োশ্চৈতদবজ্ঞানং যৎসা কৃষ্ণা সভাং গতা ॥ 5-90-81 (34981)
দুঃশাসতশ্চ কর্ণশ্চ পরুষাণ্যভ্যভাষতাম্।
দুর্যোধনো ভীমসেনমভ্যগচ্ছন্মনস্বিনম্ ॥ 5-90-82 (34982)
পশ্যতাং কুরুমুখ্যানাং তস্য দ্রক্ষ্যতি যৎফলম্ ।
ন হি বৈরং সমাসাদ্য প্রশাম্যতি বৃকোদরঃ ॥ 5-90-83 (34983)
সুচিরাদপি ভীমস্য ন হি বৈরং প্রশাম্যতি।
যাবদন্তং ন নয়তি শাত্রবাঞ্চত্রুকর্শনঃ ॥ 5-90-84 (34984)
ন দুঃখং রাজ্যহরণং ন চ দ্যূতে পরাজয়ঃ ।
প্রব্রাজনং তু পুত্রাণাং ন মে তদ্দুঃখকারণম্ ॥ 5-90-85 (34985)
যত্তু সা বৃহতী শ্যামা একবস্ত্রা সভাং গতা।
অশৃণোৎপরুষা বাচঃ কিং নু দুঃখতরং ততঃ ॥ 5-90-86 (34986)
স্ত্রীধর্মিণী বরারোহা ক্ষত্রধর্মরতা সদা।
নাভ্যগচ্ছত্তদা নাথং কৃষ্ণা নাথবতী সতী ॥ 5-90-87 (34987)
যস্যা মম সপুত্রায়াস্ৎবং নাথো মধুসূদন ।
রামশ্চ বলিনাং শ্রেষ্ঠঃ প্রদ্যুম্নশ্চ মহারথঃ ॥ 5-90-88 (34988)
সাঽহমেবংবিধং দুঃখং সহেয়ং পুরুষোত্তম ।
ভীমে জীবতি দুর্ধর্ষে বিজয়ে চাপলায়িনি ॥ 5-90-89 (34989)
বৈশম্পায়ন উবাচ। 5-90-90x (3657)
তত আশ্বাসয়ামাস পুত্রাধিভিরভিপ্লুতাম্।
পিতৃষ্বসারং শোচন্তীং শৌরিঃ পার্থসখঃ পৃথাম্ ॥ 5-90-90 (34990)
বাসুদেব উবাচ। 5-90-91x (3658)
কা নু সীমন্তিনী ৎবাদৃগ্লোকেষ্বস্তি পিতৃষ্বসঃ ।
শূরস্য রাজ্ঞো দুহিতা আজমীঢকুলং গতা ॥ 5-90-91 (34991)
মহাকুলীনা ভবতী হ্রদাদ্ধ্রদমিবাগতা।
ঈশ্বরী সর্বকল্যাণী ভর্ত্রা পরমপূজিতা॥ 5-90-92 (34992)
বীরসূর্বীরপত্নী ৎবং সর্বৈঃ সমুদিতা গুণৈঃ ।
মুখদুঃখে মহাপ্রাজ্ঞে ৎবাদৃশী সোঢুমর্হতি ॥ 5-90-93 (34993)
নিদ্রাতন্দ্রে ক্রোধহর্ষৌ ক্ষুৎপিপাসে হিমাতপৌ।
এতানি পার্থা নির্জিত্য নিত্যং বীরসুখে রতাঃ ॥ 5-90-94 (34994)
ত্যক্তগ্রাম্যসুখাঃ পার্থা নিত্যং বীরসুখপ্রিয়াঃ ।
ন তু স্বল্পেন তুষ্যেয়ুর্মহোৎসাহা মহাবলাঃ ॥ 5-90-95 (34995)
অন্তং ধীরা নিষেবন্তে মধ্যং গ্রাম্যসুখপ্রিয়াঃ ।
উত্তমাংশ্চ পরিক্লেশান্ভোগাংশ্চাতীব মানুষান্ ॥ 5-90-96 (34996)
অন্তেষু রেমিরে ধীরা ন তে মধ্যেষু রেমিরে ।
অন্তপ্রাপ্তিং সুখং প্রাহুর্দুঃখমন্তরমন্তয়োঃ ॥ 5-90-97 (34997)
অভিবাদয়ন্তি ভবতীং পাণ্ডবাঃ সহ কৃষ্ণয়া ।
আত্মানং তে কুশলিনং নিবেদ্যাহুরনাময়ম্ ॥ 5-90-98 (34998)
অরোগান্সর্বসিদ্ধার্থান্ক্ষিপ্রং দ্রক্ষ্যসি পাণ্ডবান্ ।
ঈশ্বরান্সর্বলোকস্য হতামিত্রাঞ্শ্রিয়া বৃতান্ ॥ 5-90-99 (34999)
এবমাশ্বাসিতা কুন্তী প্রত্যুবাচ জনার্দনম্ ।
পুত্রাধিভিরভিধ্বস্তা নিগৃহ্যাবুদ্ধিজং তমঃ ॥ 5-90-100 (35000)
কুন্ত্যুবাচ। 5-90-101x (3659)
যদ্যত্তেষাং মহাবাহো পথ্যং স্যান্মধুসূদন।
যথায়থা ৎবং মন্যেথাঃ কুর্যাঃ কৃষ্ণ তথাতথা ॥ 5-90-101 (35001)
অবিলোপেন ধর্মস্য অনিকৃত্যা পরন্তপ।
প্রভাবজ্ঞাঽস্মি তে কৃষ্ণ সত্যস্যাভিজনস্য চ ॥ 5-90-102 (35002)
ব্যবস্থায়াং চ মিত্রেষু বুদ্ধিবিক্রময়োস্তথা।
ৎবমেব নঃ কুলে ধর্মস্ৎবং সত্যং ৎবং তপো মহৎ ॥ 5-90-103 (35003)
ৎবং ত্রাতা ৎবং মহদ্ব্রহ্ম ৎবয়ি সর্বং প্রতিষ্ঠিতম্।
যথৈবাত্থ তথৈবৈতত্ৎবয়ি সত্যং ভবিষ্যতি ॥ 5-90-104 (35004)
` কুরূণাং পাণ্ডবানাং চ লোকানাং চাপরাজিত ।
সর্বস্যৈতস্য বার্ষ্ণেয় গতিস্ৎবমসি মাধব।
প্রভাবো বুদ্ধিবীর্যং চ তাদৃশং তব কেশব ॥' 5-90-105 (35005)
বৈশম্পায়ন উবাচ। 5-90-106x (3660)
তামামন্ত্র্য চ গোবিন্দঃ কৃৎবা চাভিপ্রদক্ষিণম্।
প্রাতিষ্ঠত মহাবাহুর্দুর্যোধনগৃহান্প্রতি ॥ ॥ 5-90-106 (35006)
ইতি শ্রীমন্মহাভারতে উদ্যোগপর্বণি ভগবদ্যানপর্বণি নবতিতমোঽধ্যায়ঃ ॥
Mahabharata - Udyoga Parva - Chapter Footnotes
5-90-6 প্রিয়ং রাজ্যাদি। সুখং ভোগোত্থ আহ্লাদঃ ॥ 5-90-21 প্রিয়ো দর্শো দর্শনং যস্য ॥ 5-90-48 তথাবৃত্তা পুণ্যশীলা ॥ 5-90-59 অবরোধঃ রাজ্যপ্রদানরূপো বৃত্তিনিরোধঃ ॥ 5-90-60 যদি সুখং পুণ্যক্ষয়রূপং অর্থাদ্দুঃখং পাপক্ষয়রূপং তর্হি দুঃখাৎপাপক্ষয়হেতোস্তৎসুখং নঃ অস্মাকং স্যাৎ। তথা চ ন বয়ং দুঃখাদ্ভয়ং প্রাপ্নুম ইত্যর্থঃ ॥ 5-90-61 অস্মাৎ ভাবিনঃ কুরুপাণ্ডবসংগ্রামাৎ ॥ 5-90-62 সর্বং বৃত্তম্। এষাং পাণ্ডবানাং তথাবিধং অবিষমম্ ॥ 5-90-63 বৃত্তৈর্বদান্যৎবেন খ্যাতৈর্ধনং যথা অক্লেশেনার্প্যতে তদ্বৎ যেনাহমর্পিতা । বৃত্তোঽতীতে দৃঢে খ্যাতে ইতি বিশ্বঃ। আর্যকঃ পিতামহঃ । তুভ্যং তব ॥ 5-90-66 মহাজন্যে মহায়ুদ্ধে । মেধান্ অশ্বমেধান্ ॥ 5-90-75 অতিক্রমিষ্যতি অয়ুদ্ধেনেত্যর্থঃ ॥ 5-90-102 অনিকৃত্যা অচ্ছলেন ॥উদ্যোগপর্ব - অধ্যায় 091
॥ শ্রীঃ ॥
5.91. অধ্যায়ঃ 091
Mahabharata - Udyoga Parva - Chapter Topics
দুর্যোধনেন স্বগৃহমাগতস্য শ্রীকৃষ্ণস্য পূজাপূর্বকং ভোজনায়ামন্ত্রণম্ ॥ 1 ॥ দুর্যোধনেন শ্রীকৃষ্ণংপ্রতি স্বীয়ান্নপানাদ্য নাদরণকারণপ্রশ্নে কৃষ্ণেন তৎকথনপূর্বকং বিদুরগৃহগমনম্ ॥ 2 ॥ বিদুরেণ সাদরমন্নপানাদিনা শ্রীকৃষ্ণারাধনম্ ॥ 3 ॥Mahabharata - Udyoga Parva - Chapter Text
5-91-0 (35007)
বৈশম্পায়ন উবাচ। 5-91-0x (3661)
পৃথামামন্ত্র্য গোবিন্দঃ কৃৎবা চাভিপ্রদক্ষিণম্ ।
দুর্যোধনগৃহং শৌরিরভ্যগচ্ছদরিন্দমঃ ॥ 5-91-1 (35008)
লক্ষ্ম্যা পরময়া যুক্তং পুরন্দরগৃহোপমম্ ।
বিচিত্রৈরাসনৈর্যুক্তং প্রবিবেশ জনার্দনঃ ॥ 5-91-2 (35009)
তস্য কক্ষ্যা ব্যতিক্রম্য তিস্রো দ্বাঃস্থৈরবারিতঃ ।
ততোঽভ্রঘনসঙ্কাশং গিরিকূটমিবোচ্ছ্রিতম্ ॥ 5-91-3 (35010)
শ্রিয়া জ্বলন্তং প্রাসাদমারুরোহ মহায়শাঃ ।
তত্র রাজসহস্রৈশ্চ কুরুভিশ্চাভিসংবৃতম্ ॥ 5-91-4 (35011)
ধার্তরাষ্ট্রং মহাবাহুং দদর্শাসীনমাসনে ।
দুঃশাসনং চ কর্ণং চ শকুনিং চাপি সৌবলম্ ॥ 5-91-5 (35012)
দুর্যোধনসমীপে তানাসনস্থান্দদর্শ সঃ।
অভ্যাগচ্ছতি দাশার্হে ধার্তরাষ্ট্রো মহায়শাঃ ॥ 5-91-6 (35013)
উদতিষ্ঠৎসহামাত্যঃ পূজয়ন্মধুসূদনম্ ।
সমেত্য ধার্তরাষ্ট্রেণ মহামাত্যেন কেশবঃ ॥ 5-91-7 (35014)
রাজভিস্তত্র বার্ষ্ণেয়ঃ সমাগচ্ছদ্যথাবয়ঃ ।
তত্র জাম্বূনদময়ং পর্যঙ্কং সুপরিষ্কৃতম্ ॥ 5-91-8 (35015)
বিবিধাস্তরণাস্তীর্ণমভ্যুপাবিশদচ্যুতঃ ।
তস্মিন্গাং মধুপর্কং চাপ্যুদকং চ জনার্দনে ॥ 5-91-9 (35016)
নিবেদয়ামাস তদা গৃহান্রাজ্যং চ কৌরবঃ । 5-91-10b` আসনং সর্বতোভদ্রং সর্বরত্নবিভূষিতম্ ॥ 5-91-10 (35017)
কৃষ্ণার্থমেবং সংসিদ্ধং ধার্তরাষ্ট্রস্য শাসনাৎ।'
তত্র গোবিন্দমাসীনং প্রসন্নাদিত্যবর্চসম্ ॥ 5-91-11 (35018)
উপাসাঞ্চক্রিরে সর্বে কুরবো রাজভিঃ সহ।
ততো দুর্যোধনো রাজা বার্ষ্ণেয়ং জয়তাং বরম্ ॥ 5-91-12 (35019)
ন্যমন্ত্রয়দ্ভোজনেন নাভ্যনন্দচ্চ কেশবঃ ।
ততো দুর্যোধনঃ কৃষ্ণমব্রবীৎকুরুসংসদি ॥ 5-91-13 (35020)
মৃদুপূর্বং শঠোদর্কং কর্ণমাভাষ্য কৌরবঃ ।
কস্মাদন্নানি পাপানি বাসাংসি শয়নানি চ ॥ 5-91-14 (35021)
ৎবদর্থমুপনীতানি নাগ্রহীস্ৎবং জনার্দন ।
উভয়োশ্চ দদৎসাহ্যমুভয়োশ্চ হিতে রতঃ ॥ 5-91-15 (35022)
সংবন্ধী দয়িতশ্চাসি ধৃতরাষ্ট্রস্য মাধব ।
ৎবং হি গোবিন্দ ধর্মার্থৌ বেত্থ তত্ৎবেন সর্বশঃ ।
তত্র কারণমিচ্ছামি শ্রোতুং চক্রগদাধর ॥ 5-91-16 (35023)
বৈশম্পায়ন উবাচ। 5-91-17x (3662)
স এবমুক্তো গোবিন্দঃ প্রত্যুবাচ মহামনাঃ ।
উদ্যন্মেঘস্বনঃক কালে প্রগৃহ্য বিপুলং ভুজম্ ॥ 5-91-17 (35024)
অলঘূকৃতমগ্রস্তমনিরস্তমসংকুলম্ ।
রাজীবনেত্রো রাজানং হেতুমদ্বাক্যমুত্তমম্ ॥ 5-91-18 (35025)
কৃতার্থা ভুঞ্জতে দূতাঃ পূজাং গৃহ্ণন্তি চৈব হ।
কৃতর্থং মাং সহামাত্যং সমর্চিষ্যসি ভারত ॥ 5-91-19 (35026)
এবমুক্তঃ প্রত্যুবাচ ধার্তরাষ্ট্রো জনার্দনম্ ।
ন যুক্তং ভবতাঽস্মাসু প্রতিপত্তুমসাংপ্তম্ ॥ 5-91-20 (35027)
কৃতার্থং বাঽকৃতার্থং বা ৎবাং বয়ং মধুসূদন।
যতামহে পূজয়িতুং দাশার্হ ন চ শক্নুমঃ ॥ 5-91-21 (35028)
ন চ তৎকারণং বিদ্মো যস্মান্নো মধুসূদন ।
পূজাং কৃতাং প্রীয়মাণো নামংস্থাঃ পুরুষোত্তম ॥ 5-91-22 (35029)
বৈরং নো নাস্তি ভবতা গোবিন্দ ন চ বিগ্রহঃ ।
স ভবান্প্রসমীক্ষ্যৈতন্নেদৃশং বক্তুমর্হতি ॥ 5-91-23 (35030)
বৈশম্পায়ন উবাচ। 5-91-24x (3663)
এবমুক্তঃ প্রত্যুবাচ ধার্তরাষ্ট্রং জনার্দনঃ।
অভিবীক্ষ্য সহামাত্যং দাশার্হঃ প্রহসন্নিব ॥ 5-91-24 (35031)
নাহং কামান্ন সংরম্ভান্ন দ্বেষান্নার্থকারণাৎ ।
ন হেতুবাদাল্লোভাদ্বা ধর্মং জহ্যাং কথংচন ॥ 5-91-25 (35032)
সংপ্রীতিভোজ্যান্যন্নানি আপদ্ভোজ্যানি বা পুনঃ ।
ন চ সংপ্রীয়তে রাজন্ন চৈবাপদ্গতা বয়ম্ ॥ 5-91-26 (35033)
`দ্বিষদন্নং ন ভোক্তব্যং দ্বিষন্তং নৈব ভোজয়েৎ ।
পাণ্ডবান্দ্বিষসে রাজন্মম প্রাণা হি পাণ্ডবাঃ ॥' 5-91-27 (35034)
অকস্মাদ্দ্বিষসে রাজঞ্জন্মপ্রভৃতি পাণ্ডবান্ ।
প্রিয়ানুবর্তিনো ভ্রাতৄন্সর্বৈঃ সমুদিতান্গুণৈঃ ॥ 5-91-28 (35035)
অকস্মাচ্চৈব পার্থানাং দ্বেষণং নোপপদ্যতে।
ধর্মে স্থিতাঃ পাণ্ডবেয়াঃ কস্তান্কিং বক্তুমর্হতি ॥ 5-91-29 (35036)
যস্তান্দ্বেষ্টি স মাং দ্বেষ্টি যস্তাননু সমামনু ।
ঐকাত্ম্যং মাং গতং বিদ্ধি পাণ্ডবৈর্ধর্মচারিভিঃ ॥ 5-91-30 (35037)
কামক্রোধানুবর্তী হি যো মোহাদ্বিরুরুৎসতি।
গুণবন্তং চ যো দ্বেষ্টি তমাহুঃ পুরুষাধমম্ ॥ 5-91-31 (35038)
যঃ কল্যাণগুণাঞ্জ্ঞাতীন্মোহাল্লোভাদ্দিদৃক্ষতে ।
সোজিতাত্মাঽজিতক্রোধো ন চিরং তিষ্ঠতি শ্রিয়া ॥ 5-91-32 (35039)
অথ যো গুণসংপন্নান্হৃদয়স্যাপ্রিয়ানপি।
প্রিয়েণ কুরুতে বশ্যাংশ্চিরং যশসি তিষ্ঠতি ॥ 5-91-33 (35040)
সর্বমেতন্ন ভোক্তব্যমন্নং দুষ্টাভিসংহিতম্।
ক্ষুত্তুরেকস্য ভোক্তব্যমিতি মে ধীয়তে মতিঃ ॥ 5-91-34 (35041)
এবমুক্ৎবা মহাবাহুর্দুর্যোধনমমর্ষণম্ ।
নিশ্চক্রাম ততঃ শুভ্রাদ্ধার্তরাষ্ট্রনিবেশনাৎ ॥ 5-91-35 (35042)
নির্যায় চ মহাবাহুর্বাসুদেবো মহামনাঃ ।
নিবেশায় যয়ৌ বেশ্য বিদুরস্য মহাত্মনঃ ॥ 5-91-36 (35043)
তমভ্যগচ্ছদ্দ্রোণশ্চ কৃপো ভীষ্মোঽথ বাহ্লিকঃ ।
কুরবশ্চ মহাবাহুং বিদুরস্য গৃহে স্থিতম্ ॥ 5-91-37 (35044)
ত ঊচুর্মাধবং বীরং কুরবো মধুসূদনম্ ।
নিবেদয়ামো বার্ষ্ণেয় সরত্নাংস্তে গৃহান্বয়ম্ ॥ 5-91-38 (35045)
তানুবাচ মহাতেজাঃ কৌরবান্মধুসূদনঃ ।
সর্বে ভবন্তে গচ্ছন্তু সর্বা মেঽপচিতিঃ কৃতা ॥ 5-91-39 (35046)
বৈশম্পায়ন উবাচ। 5-91-40x (3664)
যাতেষু কুরুষু ক্ষত্তা দাশার্হমপরাজিতম্।
অভ্যর্চয়ামাস তদা সর্বকামৈঃ প্রয়ত্নবান্ ॥ 5-91-40 (35047)
ততঃ ক্ষত্রাঽন্নপানানি শুচীনি গুণবন্তি চ।
উপাহরদনেকানি কেশবায় মহাত্মনে ॥ 5-91-41 (35048)
তৈতর্পয়িৎবা প্রথমং ব্রাহ্মণান্মধুসূদনঃ ।
বেদবিদ্ভ্যো দদৌ কৃষ্ণঃ পরমদ্রবিণান্যপি ॥ 5-91-42 (35049)
`ভুক্তবৎসু দ্বিজাগ্র্যেষু নিষণ্ণেষু বরাসনে ।
শুচিঃ সুপ্রয়তো ভূন্বা বিদুরোঽন্নমুপারৎ ॥ 5-91-43 (35050)
শ্রদ্ধয়া পরয়া যুক্ত ইদং বচনমব্রবীৎ।
সংবৃতৈস্তুষ্য গোবিন্দ এতন্নঃ ধনম্।
অন্যথা হি বিশেষেণ কস্ৎবামর্চিতুমর্হতি ॥ 5-91-44 (35051)
বৈশম্পায়ন উবাচ। 5-91-45x (3665)
ততোঽনুয়ায়িভিঃ সার্ধং মরুদ্ভিরিব বাসবঃ।
বিদুরান্নানি বুভুজে শুচীনি গুণবন্তি চ ॥ 5-91-45 (35052)
তং ভুক্তবন্তং বিবিধাঃ সুশব্দাঃ সূতমাগধাঃ ।
অভিতুষ্টুবুরাসীনং দাশার্হমপরাজিতম্ ॥ ॥ 5-91-46 (35053)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একনবতিতমোঽধ্যায়ঃ ॥
Mahabharata - Udyoga Parva - Chapter Footnotes
5-91-14 শঠোদর্কং শাঠ্যপর্যবসানম্। আভাষ্য সংবোধনোনোন্মুখীকৃত্য । 5-91-17 প্রগৃহ্য উদ্যম্য ॥ 5-91-25 সংরম্ভাৎ ক্রোধাৎ। হেতুবাদাৎ কপটাৎ ॥ 5-91-31 বিরুরুৎসতি বিরোধং কর্তুমিচ্ছতি ॥ 5-91-44 সংবৃতৈঃ রাজানর্হতয়া গোপিতৈঃ ॥উদ্যোগপর্ব - অধ্যায় 092
॥ শ্রীঃ ॥
5.92. অধ্যায়ঃ 092
Mahabharata - Udyoga Parva - Chapter Topics
রাত্রৌ বিদুরেণ শ্রীকৃষ্ণংপ্রতি ভীষ্মাদিসমাশ্রয়ণেন গর্বিতস্য দুর্যোধনস্য দৌশ্শীল্যাভিলপনপূর্বকং তস্মিন্ সামবচনস্য নৈষ্ফল্যকথনম্ ॥ 1 ॥ তথা দুষ্টভূয়িষ্ঠসভাপ্রবেশস্য স্বানভিমতৎবকথনম্ ॥ 2 ॥Mahabharata - Udyoga Parva - Chapter Text
5-92-0 (35054)
বৈশম্পায়ন উবাচ। 5-92-0x (3666)
তং ভুক্তবন্তমাশ্বস্তং নিশায়াং বিদুরোঽব্রবীৎ।
নেদং সম্যগ্ব্যবসিতং কেশবাগমনং তব ॥ 5-92-1 (35055)
অর্থধর্মাতিগো মন্দঃ সংরম্ভী চ জনার্দন ।
মানঘ্নো মানকামশ্চ বৃদ্ধানাং শাসনাতিগঃ ॥ 5-92-2 (35056)
ধর্মশাস্ত্রাতিগো মূঢো দুরাত্মা প্রগ্রহং গতঃ ।
অনেয়ঃ শ্রেয়সাং মন্দো ধার্তরাষ্ট্রো জনার্দন ॥ 5-92-3 (35057)
কামাত্মা প্রাজ্ঞমানী চ মিত্রধ্রুক্সর্বশঙ্কিতা ।
অকর্তা চাকৃতজ্ঞশ্চ ত্যক্তধর্মা প্রিয়ানৃতঃ ॥ 5-92-4 (35058)
মূঢশ্বাকৃতবুদ্ধিশ্চ ইন্দ্রিয়াণামনীশ্বরঃ।
কামানুসারী কৃত্যেষু সর্বেষ্বকৃতনিশ্চয়ঃ ॥ 5-92-5 (35059)
এতৈশ্চান্যৈশ্চ বহুভির্দোষৈরেব সমন্বিতঃ ।
ৎবয়োচ্যমানঃ শ্রেয়োঽপি সংরম্ভান্ন গ্রহীষ্যতি ॥ 5-92-6 (35060)
ভীষ্মে দ্রোণে কৃপে কর্ণে দ্রোণপুত্রে জয়দ্রথে।
ভূয়সীং বর্ততে বৃত্তিং ন শমে কুরুতে মনঃ ॥ 5-92-7 (35061)
নিশ্চিতং ধার্তরাষ্ট্রাণাং সকর্ণানাং জনার্দন ।
ভীষ্মদ্রোণমুখান্পার্থা ন শক্তাঃ প্রতিবীক্ষিতুম্ ॥ 5-92-8 (35062)
সেনাসমুদয়ং কৃৎবা পার্থিবং মধুসূদন।
কৃতার্থং মন্যতে বাল আত্মানমবিচক্ষণাঃ ॥ 5-92-9 (35063)
একঃ কর্ণঃ পরাঞ্জেতুং সমর্থ ইতি নিশ্চিতম্ ।
ধার্তরাষ্ট্রস্য দুর্বুদ্ধেঃ স শমং নোপয়াস্যতি ॥ 5-92-10 (35064)
সংবিচ্চ ধার্তরাষ্ট্রাণাং সর্বেষামেব কেশব ।
শমে প্রয়তমানস্য তব সৌভ্রাত্রকাঙ্ক্ষিণঃ ॥ 5-92-11 (35065)
ন পাণ্ডবানামস্মাভিঃ প্রতিদেয়ং যথোচিতম্ ।
ইতি ব্যবসিতাস্তেষু বচনং স্যান্নিরর্থকম্ ॥ 5-92-12 (35066)
যত্র সূক্তং দুরুক্তং চ সমং স্যান্মধুসূদন ।
ন তত্র প্রলপেৎপ্রাজ্ঞো বধিরেষ্বিব গায়নঃ ॥ 5-92-13 (35067)
অবিজানৎসু মূঢেষু নির্মর্যাদেষু মাধব ।
তত্ৎবং বাক্যং ব্রুবন্নিন্দ্যশ্চণ্ডালেষু দ্বিজো যথা ॥ 5-92-14 (35068)
সোঽয়ং বলস্থো মূঢশ্চন করিষ্যতি তে বচঃ ।
তস্মিন্নিরর্থকং বাক্যমুক্তং সংপৎস্যতে তব ॥ 5-92-15 (35069)
তেষাং সমুপবিষ্টানাং সর্বেষাং পাপচেতসাম্ ।
তব মধ্যাবতরণং মম কৃষ্ণ ন রোচতে ॥ 5-92-16 (35070)
দুর্বুদ্ধীনামশিষ্টানাং বহূনাং দুষ্টচেতসাম্ ।
প্রতীপং বচনং মধ্যে তব কৃষ্ণ ন রোচতে ॥ 5-92-17 (35071)
অনুপাসিতবৃদ্ধৎবাচ্ছ্রিয়ো দর্পাচ্চ মোহিতঃ ।
বয়োদর্পাদমর্ষাচ্চ ন তে শ্রেয়ো গ্রহীষ্যতি ॥ 5-92-18 (35072)
বলং বলবদপ্যস্য যদি বক্ষ্যসি মাধব ।
ৎবয়্যস্য মহতী শঙ্কা ন করিষ্যতি তে বচঃ ॥ 5-92-19 (35073)
নেদমদ্য যুধা শক্যমিন্দ্রেণাপি সহামরৈঃ ।
ইতি ব্যবসিতাঃ সর্বে ধার্তরাষ্ট্রা জনার্দন ॥ 5-92-20 (35074)
তেষ্বেবমুপপন্নেষু কামক্রোধানুবর্তিষু ।
সমর্থমপি তে বাক্যমসমর্থং ভবিষ্যতি ॥ 5-92-21 (35075)
মধ্যে তিষ্ঠন্হস্ত্যনীকস্য মন্দো
রথাশ্বয়ুক্তস্য বলস্য মূঢঃ।
দুর্যোধনো মন্যতে বীতভীতিঃ
কৃৎস্না ময়েয়ং পৃথিবী জিতেতি ॥ 5-92-22 (35076)
আশংসতে বৈ ধৃতরাষ্ট্রস্য পুত্রো
মহারাজ্যমসপত্নং পৃথিব্যাম্।
তস্মিঞ্শমঃ কেবলো নোপলভ্যো
বদ্ধং সন্তং মন্যতে লব্ধমর্থম্ ॥ 5-92-23 (35077)
পর্যস্তেয়ং পৃথিবী কালপক্বা
দুর্যোধনার্থে পাণ্ডবান্যোদ্ধুকামাঃ ।
সমাগতাঃ সর্বয়োধাঃ পৃথিব্যাং
রাজানশ্চ ক্ষিতিপালৈঃ সমেতাঃ ॥ 5-92-24 (35078)
সর্বে চৈতে কৃতবৈরাঃ পুরস্তা-
ত্ৎবয়া রাজানো হৃতসারাশ্চ কৃষ্ণ ।
তবোদ্বেগাৎসংশ্রিতা ধার্তরাষ্ট্রা-
ন্সুসংহতাঃ সহ কর্ণেন বীরাঃ ॥ 5-92-25 (35079)
ত্যক্তাত্মানঃ সহ দুর্যোধনেন
হৃষ্টা যোদ্ধুং পাণ্ডবান্সর্বয়োধাঃ ।
` মৃত্যুর্জয়ো বেতি কৃতৈকভাবাঃ
কামাত্মানো মন্যুবশাবিনীতাঃ ॥'
তেষাং মধ্যে প্রবিশেথা যদি ৎবং
ন তন্মতং মম দাশার্হবীর ॥ 5-92-26 (35080)
তেষাং সমুপবিষ্টানাং বহূনাং দুষ্টচেতসাম্।
কথং মধ্যং প্রপদ্যেথাঃ শত্রূণাং শত্রুকর্শন ॥ 5-92-27 (35081)
সর্বথা ৎবং মহাবাহো দেবৈরপি দুরুৎসহঃ ।
প্রভাবং পৌরুষং বুদ্ধিং জানামি তব শত্রুহন্ ॥ 5-92-28 (35082)
যা মে প্রীতিঃ পাণ্ডবেষু ভূয়ঃক সা ৎবয়ি মাধব ।
প্রেম্ণা চ বহুমানাচ্চ সৌহৃদাচ্চ ব্রবীম্যহম্ ॥ 5-92-29 (35083)
যা মে প্রীতিঃ পুষ্করাক্ষ ৎবদ্দর্শনসমুদ্ভবা।
সা কিমাখ্যায়তে তুভ্যমন্তরাত্মাঽসি দেহিনাং ॥ ॥ 5-92-30 (35084)
ইতি শ্রীমন্মহাভারতে উদ্যোগপর্বণি ভগবদ্যানপর্বণি দ্বিনবতিতমোঽধ্যায়ঃ ॥
Mahabharata - Udyoga Parva - Chapter Footnotes
5-92-3 প্রগ্রহং নির্বন্ধং অত্যন্তাভিনিবেশমিত্যর্থঃ । অনেয়ঃ অপ্রাপণীয়ঃ। শ্রেয়সাং শ্রেয়াংসি ॥ 5-92-4 সর্বশঙ্কিতা সর্বত্র বিশ্বাসহীনঃ ॥ 5-92-7 বৃত্তিং জীবিকাম্। এতে যুদ্ধেন মহ্যং রাজ্যং দাস্যন্তীত্যাশয়েত্যর্থঃ ॥ 5-92-9 পার্থিবং পৃথ্বীসংবন্ধিনম্ ॥ 5-92-12 প্রতিদেয়ং পরাবৃত্যদেয়ং। ব্যবসিতাঃ নিশ্চিতাঃ ॥ 5-92-18 তে ৎবত্তঃ ॥ 5-92-23 বদ্ধং স্থিরাং ॥উদ্যোগপর্ব - অধ্যায় 093
॥ শ্রীঃ ॥
5.93. অধ্যায়ঃ 093
Mahabharata - Udyoga Parva - Chapter Topics
শ্রীকৃষ্ণেন বিদুরবচনানুমোদনপূর্বকং স্বাগমনস্য লোকপরিবাদপরিহারার্থৎবকথনম্ ॥ 1 ॥Mahabharata - Udyoga Parva - Chapter Text
5-93-0 (35085)
` বৈশম্পায়ন উবাচ। 5-93-0x (3667)
বিদুরস্য বচঃ শ্রুৎবা প্রশ্রিতং পুরুষোত্তমঃ ।
ইদং হোবাচ বচনং মধুরং মধুসূদনঃ ॥' 5-93-1 (35086)
শ্রীভগবানুবাচ। 5-93-2x (3668)
যথা ব্রূয়ান্মহাপ্রাজ্ঞো যথা ব্রূয়াদ্বিচক্ষণঃ।
সথা বাচ্যস্ৎবদ্বিধেন ভবতা মদ্বিধঃ সুহৃৎ ॥ 5-93-2 (35087)
ধর্মার্থয়ুক্তং তথ্যং চ যথা ৎবয়্যুপপদ্যতে।
তথা বচনমুক্তোঽস্তি ৎবয়ৈতৎপিতৃমাতৃবৎ ॥ 5-93-3 (35088)
সত্যং প্রাপ্তং চ যুক্তং বাঽপ্যেবমেব যথাঽঽত্থ মাম্।
শ্রৃণুষ্বাগমনে হেতুং বিদুরাবহিতো মম ॥ 5-93-4 (35089)
দৌরাত্ম্যং ধার্তরাষ্ট্রস্য ক্ষত্রিয়াণাং চ বৈরিতাম্।
সর্বমেতদহং জানন্ক্ষত্তঃ প্রাপ্তোঽদ্য কৌরবান্॥ 5-93-5 (35090)
পর্যস্তাং পৃথিবীং সর্বাং সাশ্বাং সরথকুঞ্জরাম্ ।
যো মোচয়েন্মৃত্যুপাশাৎপ্রাপ্নুয়াদ্ধর্মমুত্তমম্ ॥ 5-93-6 (35091)
ধর্মকার্যং যতঞ্শক্ত্যা নো চেৎপ্রাপ্নোতি মানবঃ ।
প্রাপ্তো ভবতি তৎপুণ্যমত্র মে নাস্তি সংশয়ঃ ॥ 5-93-7 (35092)
মনসা চিন্তয়ন্পাপং কর্মণা নাতিরোচয়ন্।
ন প্রাপ্নোতি ফলং তস্যেত্যেবং ধর্মবিদো বিদুঃ ॥ 5-93-8 (35093)
সোঽহং যতিষ্যে প্রশমং ক্ষত্তঃ কর্তুমমায়যা।
কুরূণাং সৃঞ্জয়ানাং চ সঙ্গ্রানে বিনশিষ্যতাম্ ॥ 5-93-9 (35094)
সেয়মাপন্মহাঘোরা কুরুষ্বেব সমুত্থিতা ।
কর্ণদুর্যোধনকৃতা সর্বে হ্যেতে তদন্বয়াঃ ॥ 5-93-10 (35095)
ব্যসনে ক্লিশ্যমানং হি যো মিত্রং নাভিপদ্যতে ।
অনুনীয় যথাশক্তি তং নৃশংসং বিদুর্বুধাঃ ॥ 5-93-11 (35096)
আকেশগ্রহণান্মিত্রমকার্যাৎসংনিবর্তয়ন্।
অবাচ্যঃ কস্যচিদ্ভবতি কৃতয়ত্নো যথাবলম্ ॥ 5-93-12 (35097)
তৎসমর্থং শুভং বাক্যং ধর্মার্থসহিতং হিতম্।
ধার্তরাষ্ট্রঃ সহামাত্যো গ্রহীতুং বিদুরার্হতি ॥ 5-93-13 (35098)
হিতং হি ধার্তরাষ্ট্রাণাং পাণ্ডবানাং তথৈব চ ।
পৃথিব্যাং ক্ষত্রিয়াণাং চ যতিষ্যেঽহমমায়যা ॥ 5-93-14 (35099)
হিতে প্রয়তমানং মাং শঙ্কেদ্দুর্যোধনো যদি।
হৃদয়স্য চ মে প্রীতিরানৃণ্যং চ ভবিষ্যতি ॥ 5-93-15 (35100)
জ্ঞাতীনাং হি মিথো ভেদে যন্মিত্রং নাভিপদ্যতে ।
সর্বয়ত্নেন মাধ্যস্থ্যং ন তন্মিত্রং বিদুর্বুধাঃ ॥ 5-93-16 (35101)
ন মাং ব্রূয়ুরধর্মিষ্ঠা মূঢা হ্যসুহৃদস্তথা ।
শক্তো নাবারয়ৎকৃষ্ণঃ সংরব্ধান্কুরুপাণ্ডবান্ ॥ 5-93-17 (35102)
উভয়োঃ সাধয়ন্নর্থমহামাগত ইত্যুত ।
তত্র যত্নমহং কৃৎবা গচ্ছেয়ং নৃষ্ববাচ্যতাম্ ॥ 5-93-18 (35103)
মম ধর্মার্থয়ুক্তং হি শ্রুৎবা বাক্যমনাময়ম্।
ন চেদাদাস্যতে বালো দিষ্টস্য বশমেষ্যতি ॥ 5-93-19 (35104)
অহাপয়ন্পাণ্ডবার্থং যথাব-
চ্ছমং কুরূণাং যদি চাচরেয়ম্।
পুণ্যং চ মে স্যাচ্চরিতং মহাত্ম-
ন্মুচ্যেরংশ্চ কুরবো মৃত্যুপাশাৎ ॥ 5-93-20 (35105)
অপি বাচং ভাষমাণস্য কাব্যাং
ধর্মরামামর্থবতীমহিংস্রাম্।
অবেক্ষেরন্ধার্তরাষ্ট্রাঃ শমার্থং
মাং চ প্রাপ্তং কুরবঃ পূজয়েয়ুঃ ॥ 5-93-21 (35106)
ন চাপি মম পর্যাপ্তাঃ সহিতাঃ সর্বপার্থিবাঃ।
ক্রুদ্ধস্য প্রমুখে স্থাতুং সিংহস্যেবেতরে মৃগাঃ ॥ 5-93-22 (35107)
বৈশম্পায়ন উবাচ। 5-93-23x (3669)
ইত্যেবমুক্ৎবা বচনং বৃষ্ণীনামৃষভস্তদা।
শয়নে সুখসংস্পর্শে শিশ্যে যদুসুখাবহঃ ॥ ॥ 5-93-23 (35108)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ত্রিনবতিতমোঽধ্যায়ঃ ॥
Mahabharata - Udyoga Parva - Chapter Footnotes
5-93-6 পর্যস্তাং অন্যথাভূতাম্ ॥ 5-93-7 যতন্ যতমানঃ ॥উদ্যোগপর্ব - অধ্যায় 094
॥ শ্রীঃ ॥
5.94. অধ্যায়ঃ 094
Mahabharata - Udyoga Parva - Chapter Topics
প্রভাতে সংধ্যামুপতিষ্ঠমানং শ্রীকৃষ্ণমভ্যেত্য শকুনিদুর্যোধনাভ্যাং সভাগমনায় প্রার্থনম্ ॥ 1 ॥ শ্রীকৃষ্ণস্য বিদুরেণ সহ সভাপ্রবেশঃ ॥ 2 ॥ অন্তরিক্ষগতেষু নারদাদিষু শ্রীকৃষ্ণাজ্ঞয়া ভীষ্মেণ আসনাদিনা সৎকৃতেষু কৃষ্ণাদীনাং যথোচিতমাসনেষূপবেশনম্ ॥ 3 ॥Mahabharata - Udyoga Parva - Chapter Text
5-94-0 (35109)
বৈশম্পায়ন উবাচ। 5-94-0x (3670)
তথা কথয়তোরেব তয়োর্বুদ্ধিমতোস্তদা।
শিবা নক্ষত্রসংপন্না সা ব্যতীয়ায় শর্বরী ॥ 5-94-1 (35110)
ধর্মার্থকাময়ুক্তাশ্চ বিচিত্রার্থপদাক্ষরাঃ।
শৃণ্বতো বিবিধা বাচো বিদুরস্য মহাত্মনঃ ॥ 5-94-2 (35111)
কথাভিরনুরূপাভী রক্তস্যামিততেজসঃ ।
অকামস্যৈব কৃষ্ণস্য সা ব্যতীয়ায় শর্বরী ॥ 5-94-3 (35112)
ততস্তু স্বরসংপন্না বহবঃ সূতমাগধাঃ ॥
শঙ্খদুন্দুমিনির্ঘোষৈঃ কেশবং প্রত্যবোধয়ন্ ॥ 5-94-4 (35113)
তত উত্থায় দাশার্হঋষভঃ সর্বসাৎবতাম্ ।
সর্বমাবশ্যকং চক্রে প্রাতঃ কার্যং জনার্দনঃ ॥ 5-94-5 (35114)
কৃতোদকানুজপ্যঃ স হুতাগ্নিঃ সমলঙ্কৃতঃ।
ততশ্চাদিত্যমুদ্যন্তমুপাতিষ্ঠত মাধবঃ ॥ 5-94-6 (35115)
অথ দুর্যোধনঃ কৃষ্মং শকুনিশ্চাপি সৌবলঃ।
সন্ধ্যাং তিষ্ঠন্তমভ্যেত্য দাশার্হমপরাজিতম্ ॥ 5-94-7 (35116)
আচক্ষেতাং তু কৃষ্ণস্য ধৃতরাষ্ট্রং সভাগতম্।
কুরূশ্চ ভীষ্মপ্রমুখান্রাজ্ঞঃ সর্বাংশ্চ পার্থিবান্ ॥ 5-94-8 (35117)
ৎবামর্থয়ন্তে গোবিন্দ দিবি শক্রমিবামরাঃ ।
তাবভ্যনন্দদ্গোবিন্দঃ সাম্না পরমবল্গুনা ॥ 5-94-9 (35118)
ততো বিমল আদিত্যে ব্রাহ্মণেভ্যো জনার্দনঃ।
দদৌ হিরণ্যং বাসাংসি গাশ্চাশ্চাংশ্চ পরন্তপঃ ॥ 5-94-10 (35119)
বিসৃষ্টবন্তং রত্নানি দাশার্হমপরাজিতম্।
তিষ্ঠন্তমুপসঙ্গম্য ববন্দে সারথিস্তদা ॥ 5-94-11 (35120)
` তস্মৈ রথবরো যুক্তঃ শুশুভে লোকবিশ্রুতঃ ।
বাজিভিঃ শৈব্যসুগ্রীবমেঘপুষ্পবলাহকৈঃ ॥ 5-94-12 (35121)
শৈব্যস্তু শুকপত্রাভঃ সুগ্রীবঃ কিংশুকপ্রভঃ ।
মেঘপুষ্পো মেঘবর্ণঃ পাণ্ডরস্তু বলাহকঃ ॥ 5-94-13 (35122)
দক্ষিণং চাবহচ্ছৈব্যঃ সুগ্রীবঃ সব্যতোঽবহৎ।
পৃষ্ঠবাহৌ রথস্যাস্তাং মেঘপুষ্পবলাহকৌ ॥ 5-94-14 (35123)
বিশ্বকর্মকৃতাঽঽপীডা রত্নজালবিভূষিতা ।
আশ্রিতা বৈ রথে তস্মিন্ধ্বজয়ষ্টিরশোভত ॥ 5-94-15 (35124)
বৈনতেয়ঃ স্থিতস্তস্যাং প্রভাকরমিব স্পৃশন্।
তস্য সৎববতঃ কেতৌ ভুজগারিরশোভত ॥ 5-94-16 (35125)
তস্য কীর্তিমতস্তেন ভাস্বরেণ বিরাজতা ।
শুশুভে স্যন্দনশ্রেষ্ঠঃ পতগেন্দ্রেণ কেতুনা ॥ 5-94-17 (35126)
রশ্মিজালৈঃ পতাকাভিঃ সৌবর্ণেন চ কেতুনা ।
বভূব স রথশ্রেষ্ঠঃ কালসূর্য ইবোদিতঃ ॥ 5-94-18 (35127)
পক্ষিধ্বজবিতানৈশ্চ রুক্মজালকৃতাঙ্গণৈঃ ।
দণ্ডমার্গবিভাগৈশ্চ সুকৃতৈর্বিশ্বকর্মণা ॥ 5-94-19 (35128)
প্রবালমণিশোভৈশ্চ মুক্তাবৈডূর্যশোভনৈঃ ।
কিঙ্কিণীশতসঙ্ঘৈশ্চ বালজালকৃতান্তরৈঃ ॥ 5-94-20 (35129)
কার্তস্বরময়ীভিশ্চ পদ্মিনীভিরলঙ্কৃতঃ।
শুশুভে স্যন্দনশ্রেষ্ঠস্তাপনীয়ৈশ্চ পাদপৈঃ ॥ 5-94-21 (35130)
ব্যাঘ্রসিংহবরাহৈশ্চ গোভিশ্চ মৃগপক্ষিভিঃ ।
তারাভির্ভাস্করৈশ্চাপি বারণৈশ্চ হিরণ্ময়ৈঃ ॥ 5-94-22 (35131)
বজ্রাঙ্কুশবিমানৈশ্চ কূবরাবৃত্তসন্ধিষু ।
সমুচ্ছ্রিতমহানাভিঃ স্তনয়িত্নুমহাস্বনঃ ॥' 5-94-23 (35132)
ততো রথেন শুভ্রেণ মহতা কিঙ্কিণীকিনা ।
হয়োত্তময়ুজা শীঘ্রমুপাতিষ্ঠত দারুকঃ ॥ 5-94-24 (35133)
তমুপস্থিতমাজ্ঞায় রথং দিব্যং মহামনাঃ ।
মহাভ্রঘননির্ঘোষং সর্বরত্নবিভূষিতম্ ॥ 5-94-25 (35134)
অগ্নিং প্রদক্ষিণং কৃৎবা ব্রাহ্মণাংশ্চ জনার্দনঃ।
কৌস্তুভং মণিমাবধ্য শ্রিয়া পরময়া জ্বলন্ ॥ 5-94-26 (35135)
কুরুভিঃ সংবৃতঃ কৃষ্ণো বৃষ্ণিভিশ্চাভিরক্ষিতঃ ।
আতিষ্ঠত রথং শৌরিঃ সর্বয়াদবনন্দনঃ ॥ 5-94-27 (35136)
অন্বারুরোহ দাশার্হং বিদুরঃ সর্বধর্মবিৎ।
সর্বপ্রাণভৃতাং শ্রেষ্ঠং সর্ববুদ্ধিমতাং বরম্ ॥ 5-94-28 (35137)
ততো দুর্যোধনঃ কৃষ্ণং শকুনিশ্চাপি সৌবলঃ ।
দ্বিতীয়েন রথেনৈনমন্বয়াতাং পরন্তপম্ ॥ 5-94-29 (35138)
সাত্যকিঃ কৃতবর্মা চ বৃষ্ণীনাং চাপরে রথাঃ ।
পৃষ্ঠতোঽনুয়যুঃ কৃষ্ণং গজৈরশ্বৈ রথৈরপি ॥ 5-94-30 (35139)
তেষাং হেমপরিষ্কারৈর্যুক্তাঃ পরমবাজিভিঃ ।
গচ্ছতাং ঘোষিণশ্চিত্ররথা রাজন্বিরেজিরে ॥ 5-94-31 (35140)
সংমৃষ্টসংসিক্তরজঃ প্রতিপেদে মহাপথম্ ।
রাজর্ষিচরিতং কালে কৃষ্ণো ধীমাঞ্শ্রিয়া জ্বলন্ ॥ 5-94-32 (35141)
ততঃ প্রয়াতে দাশার্হে প্রাবাদ্যন্তৈকপুষ্করাঃ।
শঙ্খাশ্চ দধ্মিরে তত্র বাদ্যান্যন্যানি যানি চ ॥ 5-94-33 (35142)
প্রবীরাঃ সর্বলোকস্য যুবানঃ সিংহবিক্রমাঃ।
পরিবার্য রথং শৌরেরগচ্ছন্ত পরন্তপাঃ ॥ 5-94-34 (35143)
ততোঽন্যে বহুসাহস্রা বিচিত্রাদ্ভুতবাসসঃ ।
অসিপ্রাসায়ুধধরাঃ কৃষ্ণস্যাসন্পুরঃসরাঃ ॥ 5-94-35 (35144)
গজাঃ পঞ্চশতাস্তত্র রথাশ্চাসন্সহস্রশঃ।
প্রয়ান্তমন্বয়ুর্বীরং দাশার্হমপরাজিতম্ ॥ 5-94-36 (35145)
পুরং কুরূণাং সংবৃত্তং দ্রষ্টুকামং জনার্দনম্ ।
সবালবৃদ্ধং সস্ত্রীকং রথ্যাগতমরিন্দম ॥ 5-94-37 (35146)
বেদিকামাশ্রিতাভিশ্চ সমাক্রান্তান্যনেকশঃ ।
প্রচলন্তীব ভারেণ যোষিদ্ভির্ভবনান্যুত ॥ 5-94-38 (35147)
স পূজ্যমানঃ কুরুভিঃ সংশ্রৃণ্বন্মধুরাঃ কথাঃ ।
যথার্হং প্রতিসৎকুর্বন্প্রেক্ষমাণঃ শনৈর্যযৌ ॥ 5-94-39 (35148)
ততঃ সভাং সমাসাদ্য কেশবস্যানুয়ায়িনঃ।
সশঙ্খৈর্বেণুনির্ঘোষৈর্দিশঃ সর্বা ব্যনাদয়ন্ ॥ 5-94-40 (35149)
ততঃ সা সমিতিঃ সর্বা রাজ্ঞামমিততেজসাম্।
সংপ্রাকম্পত হর্ষেণ কৃষ্ণাগমনকাঙ্ক্ষয়া ॥ 5-94-41 (35150)
ততোঽভ্যাশংগতে কৃষ্ণে সমহৃষ্যন্নরাধিপাঃ।
শ্রুৎবাং তং রথনির্ঘোষং পর্জন্যনিনদোপমম্ ॥ 5-94-42 (35151)
আসাদ্য তু সভাদ্বারমৃষভঃ সর্বসাৎবতাম্ ।
অবতীর্য রথাচ্ছৌরিঃ কৈলাসশিখরোপমাৎ ॥ 5-94-43 (35152)
নবমেঘপ্রতীকাশাং জ্বলন্তীমিব তেজসা ।
মহেন্দ্রসদনপ্রখ্যাং প্রবিবেশ সভাং ততঃ ॥ 5-94-44 (35153)
পাণৌ গৃহীৎবা বিদুরং সাত্যকিং চ মহায়শাঃ।
জ্যেতীংষ্যাদিত্যবদ্রাজন্কুরূন্প্রাচ্ছাদয়চ্ছ্রিয়া ॥ 5-94-45 (35154)
অগ্রতো বাসুদেবস্য কর্ণদুর্যোধনাবুভৌ ।
কৃষ্ণয়ঃ কৃতবর্মা চাপ্যাসন্কৃষ্ণস্য পৃষ্ঠতঃ ॥ 5-94-46 (35155)
ধৃতরাষ্ট্রং পুরস্কৃত্য ভীষ্মদ্রোণাদয়স্ততঃ ।
আসনেভ্যোঽচলন্সর্বে পূজয়ন্তো জনার্দনম্ ॥ 5-94-47 (35156)
অভ্যাগচ্ছতি দাশার্হে প্রজ্ঞাচক্ষুর্নরেশ্বর।
সহৈব দ্রোণভীষ্মাভ্যামুদতিষ্ঠন্মহায়শাঃ ॥ 5-94-48 (35157)
উত্তিষ্ঠতি মহারাজে ধৃতরাষ্ট্রে জনেশ্বরে ।
তানি রাজসহস্রাণি সমুত্তস্থুঃ সমন্ততঃ ॥ 5-94-49 (35158)
আসনং সর্বতোভদ্রং জাম্বূনদপরিষ্কৃতম্ ।
কৃষ্ণার্থে কল্পিতং তত্র ধৃতরাষ্ট্রস্য শাসনাৎ ॥ 5-94-50 (35159)
স্ময়মানস্তু রাজানং ভীষ্মদ্রোণৌ চ মাধবঃ ।
অভ্যভাষত ধর্মাত্মা রাজ্ঞশ্চান্যান্যথাবয়ঃ ॥ 5-94-51 (35160)
তত্র কেশবমানর্চুঃ সম্যগভ্যাগতং সভাম্।
রাজানঃ পার্থিবাঃ সর্বে কুরবশ্চ জনার্দনম্ ॥ 5-94-52 (35161)
তত্র তিষ্ঠন্স দাশার্হো রাজমধ্যে পরন্তপঃ।
অপশ্যদন্তরিক্ষস্থানৃষীন্পরপুরঞ্জয়ঃ। 5-94-53 (35162)
ততস্তানভিসংপ্রেক্ষ্য নারদপ্রমুখানৃষীন্ ॥
অভ্যভাষত দাশার্হো ভীষ্মং শান্তনবং শনৈঃ । 5-94-54 (35163)
পার্থিবীং সমিতিং দ্রষ্টুমৃষয়োঽভ্যাগতা নৃপ ॥
নিমন্ত্র্যন্তামাসনৈশ্চ সৎকারেণ চ ভূয়সা । 5-94-55 (35164)
নৈতেষ্বনুপবিষ্টেষু শক্যং কেনচিদাসিতুম্ ॥
পূজা প্রয়ুজ্যতামাশু মুনীনাং ভাবিতাত্মনাম্ । 5-94-56 (35165)
বৈশম্পায়ন উবাচ। 5-94-57x (3671)
ঋষীঞ্শান্তনবো দৃষ্ট্বা সভাদ্বারমুপস্থিতান্ ।
ৎবরমাণস্ততো ভৃত্যানাসনানীত্যচোদয়ৎ । 5-94-57 (35166)
আসনান্যথ মৃষ্টানি মহান্তি বিপুলানি চ ॥
মণিকাঞ্চনচিত্রাণি সমাজহ্রুস্ততস্ততঃ । 5-94-58 (35167)
তেষু তত্রোপবিষ্টেষু গৃহীতার্ঘ্যেষু ভারত ॥
নিষসাদাসনে কৃষ্ণো রাজানশ্চ যথাসনম্ । 5-94-59 (35168)
দুঃশাসনঃ সাত্যকয়ে দদাবাসনমুত্তমম্ ॥
বিবিংশতির্দদৌ পীঠং কাঞ্চনং কৃতবর্মণে । 5-94-60 (35169)
অবিদূরে তু কৃষ্ণস্য কর্ণদুর্যোধনাবুভৌ ॥
একাসনে মহাত্মানৌ নিষীদতুরমর্ষণৌ । 5-94-61 (35170)
গান্ধাররাজঃ শকুনির্গান্ধারৈরভিরক্ষিতঃ ॥
নিষসাদাসনে রাজা সহপুত্রো বিশাংপতে । 5-94-62 (35171)
বিদুরো মণিপীঠে তু শুক্লস্পর্ধ্যাজিনোত্তরে ॥
সংস্পৃশন্নাসনং শৌরের্মহামতিরুপাবিশৎ। 5-94-63 (35172)
চিরস্য দৃষ্ট্বা দাশার্হং রাজানঃ সর্ব এব তে ॥
অমৃতস্যেব নাতৃপ্যন্প্রেক্ষমাণা জনার্দনম্। 5-94-64 (35173)
অতসীপুষ্পসঙ্কাশঃ পীতবাসা জনার্দনঃ ॥
ব্যভ্রাজত সভামধ্যে হেম্নীবোপহিতো মণিঃ ॥ 5-94-65 (35174)
ততস্তূষ্ণীং সর্বমাসীদ্গোবিন্দগতমানসম্ ।
ন তত্র কশ্চিৎকিংচিদ্বা ব্যাজহার পুমান্ক্বচিৎ ॥ ॥ 5-94-66 (35175)
ইতি শ্রীমন্মহাভারতে উদ্যোগপর্বণি ভগবদ্যানপর্বণি চতুর্নবতিতমোঽধ্যায়ঃ ॥
Mahabharata - Udyoga Parva - Chapter Footnotes
5-94-31 চিত্রাশ্চ তে রথাশ্চ ॥ 5-94-33 একপুষ্করাঃ কাহলাঃ ॥উদ্যোগপর্ব - অধ্যায় 095
॥ শ্রীঃ ॥
5.95. অধ্যায়ঃ 095
Mahabharata - Udyoga Parva - Chapter Topics
শ্রীকৃষ্ণেন ধৃতরাষ্ট্রংপ্রতি সন্ধ্যর্থং স্বস্যাগমনকথনম্ ॥ 1 ॥ সন্ধিবিগ্রহপক্ষয়োঃ গুণদোষপর্বনপূর্বকং পাণ্ডববিজ্ঞাপননিবেদনম্ ॥ 2 ॥ তথা হিতমুপদিশ্য অন্তে যথারুচি করণাভিধানম্ ॥ 3 ॥Mahabharata - Udyoga Parva - Chapter Text
5-95-0 (35176)
বৈশম্পায়ন উবাচ। 5-95-0x (3672)
তেষ্বাসীনেষু সর্বেষু তূষ্ণীংভূতেষু রাজসু।
বাক্যমভ্যাদদে কৃষ্ণঃ সুদংষ্ট্রো দুন্দুভিস্বনঃ ॥ 5-95-1 (35177)
জীমূত ইব ধর্মান্তে সর্বাং সংশ্রাবয়ন্সভাম্ ।
ধৃতরাষ্ট্রমভিপ্রেক্ষ্য সমভাষত মাধবঃ ॥ 5-95-2 (35178)
শ্রীভগবানুবাচ। 5-95-3x (3673)
কুরূণাং পাণ্ডবানাং চ শমঃ স্যাদিতি ভারত ।
অপ্রণশেন বীরাণামেতদ্যাচিতুমাগতঃ ॥ 5-95-3 (35179)
রাজন্নান্যৎপ্রবক্তব্যং তব নৈঃশ্রেয়সং বচঃ ।
বিদিতং হ্যেব তে সর্বং বেদিতব্যমরিন্দম॥ 5-95-4 (35180)
ইদং হ্যদ্য কুলং শ্রেষ্ঠং সর্বরাজসু পার্থিব ।
শ্রুতবৃত্তোপসংপন্নং সর্বৈঃ সমুদিতং গুণৈঃ ॥ 5-95-5 (35181)
কৃপানুকম্পা কারুণ্যমানৃশংস্যং চ ভারত ।
তথার্জবং ক্ষমা সত্যং কুরুষ্বেতদ্বিশিষ্যতে ॥ 5-95-6 (35182)
তস্মিন্নেবংবিধে রাজন্কুলে মহতি তিষ্ঠতি।
ৎবন্নিমিত্তং বিশেষেণ নেহ যুক্তমসাংপ্রতম্ ॥ 5-95-7 (35183)
ৎবং হি ধারয়িতা শ্রেষ্ঠঃ কুরূণাং কুরুসত্তম।
মিথ্যাপ্রচরতাং তাত বাহ্যেষ্বাভ্যন্তরেষু চ ॥ 5-95-8 (35184)
তে পুত্রাস্তব কৌরব্য দুর্যোধনপুরোগমাঃ।
ধর্মার্থৌ পৃষ্ঠতঃ কৃৎবা প্রচরন্তি নৃশংসবৎ ॥ 5-95-9 (35185)
অশিষ্টা গতমর্যাদা লোভেন হৃতচেতসঃ।
স্বেষু বন্ধুষু মুখ্যেষু তদ্বেত্থ পুরুষর্ষভ ॥ 5-95-10 (35186)
সেয়মাপন্মহাঘোরা কুরুষ্বেব সমুত্থিতা ।
উপেক্ষ্যমাণা কৌরব্য পৃথিবীং ঘাতয়িষ্যতি ॥ 5-95-11 (35187)
শক্যা চেয়ং শময়িতুং ৎবং চেদিচ্ছসি ভারত ।
ন দুষ্করো হ্যত্র শমো মতো মে ভরতর্ষভ ॥ 5-95-12 (35188)
ৎবয়্যধীনঃ শমো রাজন্ময়ি চৈব বিশাংপতে ।
পুত্রান্স্থাপয় কৌরব্য স্থাপয়িষ্যাম্যহং পরান্ ॥ 5-95-13 (35189)
আজ্ঞা তব হি রাজেন্দ্র কার্যা পুত্রৈঃ সহান্বয়ৈঃ ।
হিতং বলবদপ্যেষাং তিষ্ঠতাং তব শাসনে ॥ 5-95-14 (35190)
তব চৈব হিতং রাজন্পাণ্ডবানামথো হিতম্ ।
শমে প্রয়তমানস্য তব শাসনকাঙ্ক্ষিণঃ ॥ 5-95-15 (35191)
স্বয়ং নিষ্ফলমালক্ষ্য সংবিধৎস্ব বিশাংপতে ।
সহায়ভূতা ভরতাস্তবৈব স্যুর্জনেশ্বর ॥ 5-95-16 (35192)
ধর্মার্থয়োস্তিষ্ঠ রাজন্পাণ্ডবৈরভিরক্ষিতঃ ।
ন হি শক্যাস্তথাভূতা যত্নাদপি নরাধিপ ॥ 5-95-17 (35193)
ন হি ৎবাং পাণ্ডবৈর্জেতুং রক্ষ্যমাণং মহাত্মভিঃ ।
ইন্দ্রোপি দেবৈঃ সহিতঃ প্রসহেত কুতো নৃপাঃ ॥ 5-95-18 (35194)
যত্র ভীষ্মশ্চ দ্রোণশ্চ কৃপঃ কর্ণো বিবিংশতিঃ ।
অশ্বত্থামা বিকর্ণশ্চ সোমদত্তোঽথ বাহ্লিকঃ ॥ 5-95-19 (35195)
সৈন্ধবশ্চ কলিঙ্গশ্চ কাম্ভোজশ্চ সুদক্ষিণঃ ।
যুধিষ্ঠিরো ভীমসেনঃ সব্যসাচী যমৌ তথা ॥ 5-95-20 (35196)
সাত্যকিশ্চ মহাতেজা যুয়ুৎসুশ্চ মহারথঃ ।
কো নু তান্বিপরীতাত্মা যুদ্ধ্যেত ভরতর্ষভ ॥ 5-95-21 (35197)
লোকস্যেশ্বরতাং ভূয়ঃ শত্রুভিশ্চাপ্যধৃষ্যতাম্।
প্রাপ্স্যসি ৎবমমিত্রঘ্ন সহিতঃ কুরুপাণ্ডবৈঃ ॥ 5-95-22 (35198)
তস্য তে পৃথিবীপালাস্ৎবৎসমাঃ পৃথিবীপতে ।
শ্রেয়াংসশ্চৈব রাজানঃ সন্ধাস্যন্তে পরন্তপ ॥ 5-95-23 (35199)
স ৎবং পুত্রৈশ্চ পৌত্রৈশ্চ পিতৃভির্ভ্রাতৃভিস্তথা ।
সুহৃদ্ভিঃ সর্বতো গুপ্তঃ সুখং শক্ষ্যসি জীবিতুং ॥ 5-95-24 (35200)
এতানেব পুরোধায় যৎকৃত্য চ যথা পুরা।
অখিলাং ভোক্ষ্যসে সর্বাং পৃথিবীং পৃথিবীপতে ॥ 5-95-25 (35201)
এতৈর্হি সহিতঃ সর্বৈঃ পাণ্ডবৈঃ স্বৈশ্চ ভারত ।
অন্যান্বিজেষ্যসে শত্রূনেষ স্বার্থস্তবাখিলঃ ॥ 5-95-26 (35202)
তৈরেবোপার্জিতাং ভূমিং ভোক্ষ্যসে চ পরন্তপ ।
যদি সংপৎস্যসে পুত্রৈঃ সহামাত্যৈর্নরাধিপ ॥ 5-95-27 (35203)
সংয়ুগে বৈ মহারাজ দৃশ্যতে সুমহান্ক্ষয়ঃ।
ক্ষয়ে চোভয়তো রাজন্কং ধর্মমনুপশ্যসি ॥ 5-95-28 (35204)
পাণ্ডবৈর্নিহতৈঃ সঙ্খ্যে পুত্রৈর্বাপি মহাবলৈঃ ।
যদ্বিন্দেথাঃ সুখং রাজংস্তদ্ব্রূহি ভরতর্ষভ ॥ 5-95-29 (35205)
শূরাশ্চ হি কৃতাস্ত্রাশ্চ সর্বে যুদ্ধাভিকাঙ্ক্ষিণঃ।
পাণ্ডবাস্তাবকাশ্চৈব তান্রক্ষ মহতো ভয়াৎ ॥ 5-95-30 (35206)
ন পশ্যেম কুরূন্সর্বান্পাণ্ডবাংশ্চৈব সংয়ুগে।
ক্ষীণানুভয়তঃ শূরান্রাথিনো রথিভির্হতান্ ॥ 5-95-31 (35207)
সমবেতাঃ পৃথিব্যাং হি রাজানো রাজসত্তম ।
অমর্ষবশমাপন্না নাশয়েয়ুরিমাঃ প্রজাঃ ॥ 5-95-32 (35208)
ত্রাহি রাজন্নিমং লোকং ন নশ্যেয়ুরিমাঃ প্রজাঃ।
ৎবয়ি প্রকৃতিমাপন্নে শেষঃ স্যাৎকুরুনন্দন ॥ 5-95-33 (35209)
শুক্লা বাদন্যা হ্রীমন্ত আর্যাঃ পুণ্যাভিজাতয়ঃ ॥
অন্যোন্যসচিবা রাজংস্তান্পাহি মহতো ভয়াৎ ॥ 5-95-34 (35210)
শিবেনেমে ভূমিপালাঃ সমাগম্য পরস্পরম্।
সহ ভুক্ৎবা চ পীৎবা চ প্রতিয়ান্তু যথাগৃহম্ ॥ 5-95-35 (35211)
সুবাসসঃ স্রগ্বিণশ্চ সৎকৃতা ভরতর্ষভ ।
অমর্ষং চ নিরাকৃত্য বৈরাণি চ পরন্তপ ॥ 5-95-36 (35212)
হার্দং যৎপাণ্ডবেষ্বাসীৎপ্রাপ্তোঽস্মিন্নায়ুষঃ ক্ষয়ে ।
তদেব তে ভবৎবদ্য সন্ধৎস্ব ভরতর্ষভ ॥ 5-95-37 (35213)
বালা বিহীনাঃ পিত্রা তে ৎবয়ৈব পরিবর্ধিতাঃ ।
তান্পালয় যথান্যায়ং পুত্রাংশ্চ ভরতর্ষভ ॥ 5-95-38 (35214)
ভবতৈব হি রক্ষ্যাস্তে ব্যসনেষু বিশেষতঃ।
মা তে ধর্মস্তথৈবার্থো নশ্যেত ভরতর্ষভ ॥ 5-95-39 (35215)
আহুস্ৎবাং পাণ্ডবা রাজন্নভিবাদ্য প্রসাদ্য চ।
ভবতঃ শাসনাদ্দুঃখসমুভূতং সহানুগৈঃ ॥ 5-95-40 (35216)
দ্বাদশেমানি বর্ষাণি বনে নির্ব্যুষিতানি নঃ।
ত্রয়োদশং তথাঽজ্ঞাতৈঃ সজনে পরিবৎসরম্ ॥ 5-95-41 (35217)
স্থাতা নঃ সময়ে তস্মিন্পিতেতি কৃতনিশ্চয়াঃ ।
নাহাস্ম সময়ং তাত তচ্চ নো ব্রাহ্মণা বিদুঃ ॥ 5-95-42 (35218)
তস্মিন্নঃ সময়ে তিষ্ঠ স্থিতানাং ভরতর্ষভ ।
নিত্যং সংক্লেশিতা রাজন্স্বরাজ্যাংশং লভেমহি । 5-95-43 (35219)
ৎবং ধর্মমর্থং সংজানন্সম্যঙ্বস্ত্রাতুমর্হসি ॥
গুরুৎবং ভবতি প্রেক্ষ্য বহূন্ক্লেশাংস্তিতিক্ষ্মহে । 5-95-44 (35220)
স ভবান্মাতৃপিতৃব্রদস্মাসু প্রতিপদ্যতাম্ ॥
গুরোর্গরীয়সী বৃত্তির্যা চ শিষ্যস্য ভারত । 5-95-45 (35221)
বর্তামহে ৎবয়ি চ তাং ৎবং চ বর্তস্ব নস্তথা ॥
পিত্রা স্থাপয়িতব্যা হি বয়মুৎপথমাস্থিতাঃ । 5-95-46 (35222)
সংস্থাপয় পথিপ্বস্মাংস্তিষ্ঠ ধর্মে সুবর্ত্মনি ॥
আহুশ্চেমাং পরিষদং পুত্রাস্তে ভরতর্ষভ । 5-95-47 (35223)
ধর্মজ্ঞেষু সভাসৎসু নেহ যুক্তমসাংপ্রতম্ ॥
যত্র ধর্মো হ্যধর্মেণ সত্যং যত্রানৃতেন চ। 5-95-48 (35224)
হন্যতে প্রেক্ষমাণানাং হতাস্তত্র সভাসদঃ ॥
বিদ্ধো ধর্মো হ্যধর্মেণ সভাং যত্র প্রপদ্যতে। 5-95-49 (35225)
নচাস্য শল্যং কৃন্তন্তি বিদ্ধাস্তত্র সভাসদঃ ॥
ধর্ম এতানারুজতি যথা নদ্যনুকূলজান্ ॥ 5-95-50 (35226)
যে ধর্মমনুপশ্যন্তস্তূষ্ণীং ধ্যায়ন্ত আসতে ।
তে সত্যমাহুর্ধর্ম্যং চ ন্যায়্যং চ ভরতর্ষভ ॥ 5-95-51 (35227)
শক্যং কিমন্যদ্বক্তুং তে দানাদন্যঞ্জনেশ্বর ।
ব্রুবন্তু তে মহীপালাঃ সভায়াং যে সমাসতে ॥ 5-95-52 (35228)
ধর্মার্থৌ সংপ্রধার্যৈব যদি সত্যং ব্রবীম্যহম্ ।
প্রমুঞ্চোমান্মৃত্যুপাশাৎক্ষত্রিয়ান্পুরুষর্ষভ ॥ 5-95-53 (35229)
প্রশাম্য ভরতশ্রেষ্ঠ মা মন্যুবশমন্বগাঃ ।
পিত্র্যং তেভ্যঃ প্রদায়াংশং পাণ্ডবেভ্যো যথোচিতম্ ।
ততঃ সপুত্রঃ সিদ্ধার্থো ভুঙ্ক্ষ ভোগান্পরন্তপ ॥ 5-95-54 (35230)
অজাতশত্রুং জানীষে স্থিতং ধর্মে সতাং সদা।
সপুত্রে ৎবয়ি বৃত্তিং চ বর্ততে যাং নরাধিপ ॥ 5-95-55 (35231)
দাহিতশ্চ নিরস্তশ্চ ৎবামেবোপাশ্রিতঃ পুনঃ ।
ইন্দ্রপ্রস্থং ৎবয়ৈবাসৌ সপুত্রেণ বিবাসিতঃ ॥ 5-95-56 (35232)
স তত্র বিবসন্সর্বান্বশমানীয় পার্থিবান্।
ৎবন্মুখানকরোদ্রাজন্ন চ ৎবামত্যবর্তত ॥ 5-95-57 (35233)
তস্যৈবং বর্তমানস্য সৌবলেন জিহীর্ষতা।
রাষ্ট্রাণি ধনধান্যং চ প্রয়ুক্তঃ পরমোপধিঃ ॥ 5-95-58 (35234)
স তামবস্থাং সংপ্রাপ্য কৃষ্ণাং প্রেক্ষ্য সভাং গতাম্।
ক্ষত্রধর্মাদমেয়াত্মা নাকম্পত যুধিষ্ঠিরঃ॥ 5-95-59 (35235)
অহং তু তব তেষাং চ শ্রেয় ইচ্ছামি ভারত ।
ধর্মাদর্থাৎসুখাচ্চৈব মা রাজন্নীনশঃ প্রজাঃ ॥ 5-95-60 (35236)
অনর্থমর্থং মন্বানোঽপ্যর্থং চানর্থমাত্মনঃ ।
লোভেঽতিপ্রসৃতান্পুত্রান্নিগৃহ্ণীষ্ব বিশাংপতে ॥ 5-95-61 (35237)
স্থিতাঃ শুশ্রূষিতুং পার্থাঃ স্থিতা যোদ্ধুমরিন্দমাঃ ।
যত্তে পথ্যতমং রাজংস্তস্মিংতিষ্ঠ পরন্তপ ॥ 5-95-62 (35238)
বৈশম্পায়ন উবাচ। 5-95-63x (3674)
তদ্বাক্যং পার্থিবাঃ সর্বে হৃদয়ৈঃ সমপূজয়ন্।
ন তত্র কশ্চিদ্বক্তুং হি বাচং প্রাক্রামদগ্রতঃ ॥ ॥ 5-95-63 (35239)
ইতি শ্রীমন্মহাভারতে উদ্যোগপর্বণি ভগবদ্যানপর্বণি পঞ্চনবতিতমোঽধ্যায়ঃ ॥
Mahabharata - Udyoga Parva - Chapter Footnotes
5-95-3 আগতঃ অহমিতি শেষঃ ॥ 5-95-6 কৃপা পরস্য সুখার্থে যত্নঃ। অনুকম্পা পরদুঃখদর্শনে ত্রাসঃ। কারুণ্যং পরদুঃখপ্রহাণার্থো যত্নঃ। আনৃশংস্যং পরদুঃখাপ্রদানম্ ॥ 5-95-8 বাহ্যেষু দ্যূতাদিষু । আভ্যন্তরেষু জতুগৃহাদিষু ॥ 5-95-11 কুরুষ্বেব ভবৎস্বেব নতু পাণ্ডবেষু ॥ 5-95-14 এষামপি এষামেব ॥ 5-95-15 শাসনকাঙ্ক্ষিণঃ পুত্রান্ শাসিতুমিচ্ছতস্তব ॥ 5-95-16 নিষ্ফলং বৈরম্। সংবিধৎস্ব শমং কুরু ॥ 5-95-23 পাণ্ডবৈঃ সহ সংধাস্যন্তে সন্ধি করিষ্যন্তি ॥ 5-95-25 অখিলাং নিষ্কণ্টকাম্ ॥ 5-95-33 প্রকৃতিং সত্ৎবগুণম্ ॥ 5-95-42 স্থাতা স্থাস্যতি ॥ 5-95-50 আরুজতি হিনস্তি। অনুকূলজান্ কূলং কূলমনুমৃত্য জাতান্ বৃক্ষাদীন্ ॥ 5-95-58 পরমোপধিঃ মহচ্ছদ্ম ॥উদ্যোগপর্ব - অধ্যায় 096
॥ শ্রীঃ ॥
5.96. অধ্যায়ঃ 096
Mahabharata - Udyoga Parva - Chapter Topics
জামদগ্ন্যেন দম্ভোদ্ভবোপাখ্যানমাখ্যায় কৃষ্ণার্জুনয়োঃ নরনারায়ণস্বরূপতাভিধানম্ ॥ 1 ॥Mahabharata - Udyoga Parva - Chapter Text
5-96-0 (35240)
বৈশম্পায়ন উবাচ। 5-96-0x (3675)
তস্মিন্নভিহিতে বাক্যে কেশবেন মহাত্মনা।
স্তিমিতা হৃষ্টরোমাণ আসন্সর্বে সভাসদঃ ॥ 5-96-1 (35241)
কস্স্বিদুত্তরমেতেষাং বক্তুমুৎসহতে পুমান্।
ইতি সর্বে মনোভিস্তে চিন্তয়ন্তি স্ম পার্থিবাঃ॥ 5-96-2 (35242)
তথা তেষু চ সর্বেষু তূষ্ণীংভূতেষু রাজসু ।
জামদগ্ন্য ইদং বাক্যমব্রবীৎকুরুসংসদি ॥ 5-96-3 (35243)
ইমাং মে সোপমাং বাচং শ্রৃণু সত্যামশঙ্কিতঃ ।
তাং শ্রুৎবা শ্রেয় আদৎস্ব যদি সাধ্বিতি মন্যসে ॥ 5-96-4 (35244)
রাজা দম্ভোদ্ভবো নাম সার্বভৌমঃ পুরাঽভবৎ।
অখিলাং বুভুজে সর্বাং পৃথিবীমিতি নঃ শ্রুতম্ ॥ 5-96-5 (35245)
স স্ম নিত্যং নিশাপায়ে প্রাতরুত্থায় বীর্যবান্ ।
ব্রাহ্মণান্ক্ষত্রিয়ান্বৈশ্যান্পৃচ্ছন্নাস্তে মহারথঃ ॥ 5-96-6 (35246)
অস্তি কশ্চিদ্বিশিষ্টো বা মদ্বিধো বা ভবেদ্যুধি ।
শূদ্রো বৈশ্যঃ ক্ষত্রিয়ো বা ব্রাহ্মণো বাঽপি শস্ত্রভৃৎ॥ 5-96-7 (35247)
ইতি ব্রুবন্নন্বচরৎস রাজা পৃথিবীমিমাম্।
দর্পেণ মহতা মত্তঃ কঞ্চিদন্যমচিন্তয়ন্ ॥ 5-96-8 (35248)
তং চ বৈদ্যা অকৃপণা ব্রাহ্মণাঃ সর্বতোঽভয়াঃ।
প্রত্যষেধন্ত রাজানং শ্লাঘমানং পুনঃ পুনঃ ॥ 5-96-9 (35249)
নিষিধ্যমানোঽপ্যসকৃৎপৃচ্ছত্যেব স বৈ দ্বিজান্ ।
অতিমানং শ্রিয়া মত্তং তমূচুর্ব্রাহ্মণাস্তদা ॥ 5-96-10 (35250)
তপস্বিনো মহাত্মানো বেদপ্রত্যযদর্শিনঃ ।
উদীর্যমাণং রাজানং ক্রোধদীপ্তা দ্বিজাতয়ঃ ॥ 5-96-11 (35251)
অনেকজয়িনৌ শঙ্খ্যে যৌ বৈ পুরুষসত্তমৌ ।
তয়োস্ৎবং ন সমো রাজন্ভবিতাসি কদাচন ॥ 5-96-12 (35252)
এবমুক্তঃ স রাজা তু পুনঃ পপ্রচ্ছ তান্দ্বিজান্।
ক্ব তৌ বীরৌ ক্বজন্মানৌ কিংকর্মাণৌ চ কৌ চ তৌ ॥ 5-96-13 (35253)
ব্রাহ্মণা ঊচুঃ। 5-96-14x (3676)
নরো নারায়ণশ্চৈব তাপসাবিতি নঃ শ্রুতম্।
আয়াতৌ মানুষে লোকে তাভ্যাং যুদ্ধ্যস্ব পার্থিব ॥ 5-96-14 (35254)
শ্রূয়েতে তৌ মহাত্মানৌ নরনারায়ণাবুভৌ ।
তপো ঘোরমনির্দেশ্যং তপ্যেতে গন্ধমাদনে ॥ 5-96-15 (35255)
স রাজা মহতীং সেনাং যোজয়িৎবা ষডঙ্গিনীম্ ।
অমৃষ্যমাণঃ সংপ্রায়াদ্যত্র তাবপরাজিতৌ ॥ 5-96-16 (35256)
স গৎবা বিষমং ঘোরং পর্বতং গন্ধমাদনম্।
মার্গমাণোঽন্বগচ্ছত্তৌ তাপসৌ বনমাশ্রিতৌ ॥ 5-96-17 (35257)
তৌ দৃষ্ট্বা ক্ষুৎপিপাসাভ্যাং কৃশৌ ধমনিসন্ততৌ ।
শীতবাতাতপৈশ্চৈব কর্শিতৌ পুরুষোত্তমৌ ॥ 5-96-18 (35258)
অভিগম্যোপসঙ্গৃহ্য পর্যপৃচ্ছদনাময়ম্।
তমর্চিৎবা মূলফলৈরাসনেনোদকেন চ ॥ 5-96-19 (35259)
ন্যমন্ত্রয়েতাং রাজানং কিং কার্যং ক্রিয়তামিতি।
ততস্তামানুপূর্বী স পুনরেবান্বকীর্তয়ৎ ॥ 5-96-20 (35260)
বাহুভ্যাং মে জিতা ভূমির্নিহতাঃ সর্বশত্রবঃ।
ভবদ্ভ্যাং যুদ্ধমাকাঙ্ক্ষন্নুপয়াতোঽস্মি পর্বতম্ ॥ 5-96-21 (35261)
আতিথ্যং দীয়তামেতৎকাঙ্ক্ষিতং মে চিরং প্রতি। 5-96-22 (35262)
নরনারায়ণাবূচতুঃ।
অপেতক্রোধলোভোঽয়মাশ্রমো রাজসত্তম ॥ 5-96-22x (3677)
ন হ্যস্মিন্নাশ্রমে যুদ্ধং কুতঃ শস্ত্রং কুতোঽনৃজুঃ ।
অন্যত্র যুদ্ধমাকাঙ্ক্ষ বহবঃ ক্ষত্রিয়াঃ ক্ষিতৌ ॥ 5-96-23 (35263)
রাম উবাচ। 5-96-24x (3678)
উচ্যমানস্তথাঽপি স্ম ভূয় এবাভ্যভাষত।
পুনঃ পুনঃ ক্ষাম্যমাণঃ সান্ৎব্যমানশ্চ ভারত ॥ 5-96-24 (35264)
দম্ভোদ্ভবো যুদ্ধমিচ্ছন্নাহ্বয়ত্যেব তাপসৌ ।
ততো নরস্ৎবিষীকাণাং মুষ্টিমাদায় ভারত ॥ 5-96-25 (35265)
অব্রবীদেহি যুদ্ধ্যস্ব যুদ্ধকামুক ক্ষত্রিয়।
সর্বশস্ত্রাণি চাদৎস্ব যোজয়স্ব চ বাহিনীম্ ॥ 5-96-26 (35266)
অহং হি তে বিনেষ্যামি যুদ্ধশ্রদ্ধামিতঃ পরম্ ।
`যদাহ্বয়সি দর্পেণ ব্রাহ্মণপ্রমুখাঞ্জনান্ ॥' 5-96-27 (35267)
দম্ভোদ্ভব উবাচ। 5-29-18x (3679)
যদ্যেতদস্ত্রমস্মাসু যুক্তং তাপস মন্যসে।
এতেনাপি ৎবয়া যোৎস্যে যুদ্ধার্থী হ্যহমাগতঃ ॥ 5-96-28 (35268)
রাম উবাচ। 5-96-29x (3680)
ইত্যুক্ৎবা শরবর্ষেণ সর্বতঃ সমবাকিরৎ ।
দম্ভোদ্ভবস্তাপসং তং জিবাংসুঃ সহসৈনিকঃ ॥ 5-96-29 (35269)
তস্য তানস্যতো ঘোরানিষূন্পরতনুচ্ছিদঃ।
কদর্থীকৃত্য স মুনিরিষীকাভিঃ সমার্পয়ৎ ॥ 5-96-30 (35270)
ততোঽস্মৌ প্রাসৃজদ্ধোরমৈষীকমপরাজিতঃ।
অস্ত্রমপ্রতিসন্ধেয়ং তদুদ্ভুতমিবাভবৎ ॥ 5-96-31 (35271)
তেষামক্ষীণি কর্ণাংশ্চ নাসিকাশ্চৈব মায়যা ।
নিমিত্তবেধী স মুনিরীষীকাভিঃ সমার্পয়ৎ ॥ 5-96-32 (35272)
স দৃষ্ট্বা শ্বেতমাকাশমিষীকাভিঃ সমাচিতম্ ।
পাদয়োর্ন্যপতদ্রাজা স্বস্তি মেস্ৎবিতি চাব্রবীৎ ॥ 5-96-33 (35273)
তমব্রবীন্নরো রাজঞ্শরণ্যঃ শরণৈষিণাম্ ।
ব্রহ্মণ্যো ভব ধর্মাত্মা মা চ স্মৈবং পুনঃ কৃথাঃ ॥ 5-96-34 (35274)
নৈতাদৃক্পুরুষো রাজন্ক্ষত্রধর্মমনুস্মরন্।
মনসা নৃপশার্দূল ভবেৎপরপুরঞ্জয়ঃ॥ 5-96-35 (35275)
মা চ দর্পসমাবিষ্টঃ বা তত্তে রাজন্সমাহিতম্ ॥
কৃতপ্রজ্ঞো বীতলোভো নিরহঙ্কার আত্মবান্ । 5-96-36 (35276)
দান্তঃ ক্ষান্তো মৃদুঃ সৌম্য প্রজাঃ পালয় পার্থিব ॥
মাস্ম ভূয়ঃ ক্ষিপেঃ কংচিদবিদিৎবা বলাবলম্। 5-96-37 (35277)
অনুজ্ঞাতঃ স্বস্তি গচ্চ মৈবং ভূয়ঃ সমাচরেঃ ।
কুশলং ব্রাহ্মণান্পৃচ্ছেরাবয়োর্বচনাদ্ভৃশম্ ॥ 5-96-38 (35278)
ততো রাজা তয়োঃ পাদাবভিবাদ্য মহাত্মনোঃ ।
প্রত্যাজগাম স্বপুরং ধর্মং চৈবাচরদ্ভৃশম্ ॥ 5-96-39 (35279)
সুমহচ্চাপি তৎকর্ম যন্নরেণ কৃতং পুরা ।
ততো গুণৈঃ সুবহুভিঃ শ্রেষ্ঠো নারায়ণোঽভবৎ ॥ 5-96-40 (35280)
তস্মাদ্যাবদ্ধনুঃশ্রেষ্ঠে গাণ্ডীবেঽস্ত্রং ন যুজ্যতে।
তাবত্ৎবং মানমুৎসৃজ্য গচ্ছ রাজন্ধনঞ্জয়ম্ ॥ 5-96-41 (35281)
কাকুদীকং শুকং নাকমক্ষিসন্তর্জনং তথা।
সন্তানং নর্তকং ঘোরমাস্যমোদকমষ্টমম্ ॥ 5-96-42 (35282)
এতৈর্বিদ্ধাঃ সর্ব এব মরণং যান্তি মানবাঃ ।
উন্মত্তাশ্চ বিচেষ্টন্তে নষ্টসংজ্ঞা বিচেতসঃ ॥ 5-96-43 (35283)
` স্বপন্তি চ প্লবন্তে চ চ্ছর্দয়ন্তি চ মানবাঃ ।
মূত্রয়ন্তে চ সততং রুদন্তি চ হসন্তি চ॥' 5-96-44 (35284)
কামক্রোধৌ লোভমোহৌ মদমানৌ তথৈব চ।
মাৎসর্যাহঙ্কুতী চৈব ক্রমাদেত উদাহৃতাঃ॥ 5-96-45 (35285)
নির্মাতা সর্বলোকানামীশ্বরঃ সর্বকর্মবিৎ।
যস্য নারায়ণো বন্ধুরর্জুনো দুঃসহো যুধি ॥ 5-96-46 (35286)
কস্তমুৎসহতে জেতুং ত্রিষু লোকেষু ভারত।
বীরং কপিধ্বজং জিষ্ণুং যস্য নাস্তি সমো যুধি ॥ 5-96-47 (35287)
অসঙ্খ্যেয়া গুণাঃ পার্থে তদ্বিশিষ্টো জনার্দনঃ।
ৎবমেব ভূয়ো জানাসি কুন্তীপুত্রং ধনঞ্জয়ম্ ॥ 5-96-48 (35288)
নরনারায়ণৌ যৌ তৌ তাবেবার্জুনকেশবৌ ।
বিজানীহি মহারাজ প্রবীরৌ পুরুষোত্তমৌ ॥ 5-96-49 (35289)
যদ্যেতদেবং জানাসি ন চ মামভিশঙ্কসে ।
আর্যাং মতিং সমাস্থায় শাম্য ভারত পাণ্ডবৈঃ ॥ 5-96-50 (35290)
অথ চেন্মন্যসে শ্রেয়ো ন মে ভেদো ভবেদিতি ।
প্রশাম্য ভরতশ্রেষ্ঠ মা চ যুদ্ধে মনঃ কৃথাঃ ॥ 5-96-51 (35291)
ভবতাং চ কুরুশ্রেষ্ঠ কুলং বহুমতং ভুবি ।
তত্তথৈবাস্তু ভদ্রং তে স্বার্থমেবোপচিন্তয় ॥ ॥ 5-96-52 (35292)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ষণ্ণবতিতমোঽধ্যায়ঃ ॥
Mahabharata - Udyoga Parva - Chapter Footnotes
5-96-42 কাকুদীকমিত্যাদয়োঽষ্টাবস্ত্রজাতয়ঃ ॥ 5-96-45 অয়ং শ্লোকো বহুষু কোশেষু ন দৃশ্যতে ঝo পুস্তকে এব দৃশ্যতে ॥উদ্যোগপর্ব - অধ্যায় 097
॥ শ্রীঃ ॥
5.97. অধ্যায়ঃ 097
Mahabharata - Udyoga Parva - Chapter Topics
কণ্বেন সুয়োধনস্য বলাবলেপবিলোপনায় মাতলিবরান্বেষণকথাকথনারম্ভঃ ॥ 1 ॥ মাতলিনা গুণকেশীনামকস্বকন্যায়া অনুগুণবরান্বেষণায় নাগলোকংপ্রতি প্রস্থানম্ ॥ 2 ॥Mahabharata - Udyoga Parva - Chapter Text
5-97-0 (35293)
বৈশম্পায়ন উবাচ। 5-97-0x (3681)
জামদগ্ন্যবচঃ শ্রুৎবা কণ্বেঽপি ভগবানৃষিঃ ।
দুর্যোধনমিদং বাক্যমব্রবীৎকুরুসংসদি ॥ 5-97-1 (35294)
কণ্ব উবাচ। 5-97-2x (3682)
অক্ষয়শ্চাব্যযশ্চৈব ব্রহ্মা লোকপিতামহঃ।
তথৈব ভগবন্তৌ তৌ নরনারায়ণাবৃষী ॥ 5-97-2 (35295)
আদিত্যানাং হি সর্বেষাং বিষ্ণুরেকঃ সনাতনঃ।
অজথ্যশ্চাব্যযশ্চৈব শাশ্বতঃ প্রভুরীশ্বরঃ ॥ 5-97-3 (35296)
নিমিত্তমরণাশ্চান্যে চন্দ্রসূর্যৌ মহী জলম্ ।
বায়ুরগ্নিস্তথাঽঽকাশং গ্রহাস্তারাগণাস্তথা ॥ 5-97-4 (35297)
তে চ ক্ষয়ান্তে জগতো হিৎবা লোকত্রয়ং সদা।
ক্ষয়ং গচ্ছন্তি বৈ সর্বে সৃজ্যন্তে চ পুনঃ পুনঃ ॥ 5-97-5 (35298)
মুহূর্তমরণাস্ৎবন্যে মানুষা মূগপক্ষিণঃ।
তৈর্যগ্যোন্যাশ্চ যে চান্যে জীবলোকচরাস্তথা ॥ 5-97-6 (35299)
ভূয়িষ্ঠেন তু রাজানঃ শ্রিয়ং ভুক্ৎবাঽঽয়ুষঃ ক্ষয়ে।
তরুণাঃ প্রতিপদ্যন্তে ভোক্তুং সুকৃতদুষ্কৃতে ॥ 5-97-7 (35300)
স ভবান্ধর্মপুত্রেণ শমং কর্তুমিহার্হসি ।
পাণ্ডবাঃ কুরবশ্চৈব পালয়ন্তু বসুন্ধরান্ ॥ 5-97-8 (35301)
বলবানহমিত্যেব ন মন্তব্যং সুয়োধন ।
বলবন্তো বলিভ্যো হি দৃশ্যন্তে পূরুষর্ষভ ॥ 5-97-9 (35302)
ন বলং বলিনাং মধ্যে বলং ভবতি কৌরব ।
বলবন্তো হি তে সর্বে পাণ্ডবা দেববিক্রমাঃ । 5-97-10 (35303)
অত্রাপ্যুদাহরন্তীমমিতিহাসং পুরাতনম্ ।
মাতলের্দাতুকামস্য কন্যাং মৃগয়তো বরম্ ॥ 5-97-11 (35304)
মতস্ত্রিলোকরাজস্য মাতলির্নাম সারথিঃ।
তস্যৈকৈব কুলে মন্যা রূপতো লোকবিশ্রুতা ॥ 5-97-12 (35305)
গুণকেশীতি বিখ্যাতা নাম্না সা দেবরূপিণী ।
শ্রিয়া চ বপুষা চৈব স্ত্রিয়োঽন্যাঃসাঽতিরিচ্যতে ॥ 5-97-13 (35306)
তস্যাঃ প্রদানসময়ং মাতলিঃ সহ ভার্যযা ।
জ্ঞাৎবা বিমমৃশে রাজংস্তৎপরঃ পরিচিন্তয়ন্ ॥ 5-97-14 (35307)
ধিক্খল্বলঘুশীলানামুচ্ছ্রিতানাং যশস্বিনাম্।
নরাণাং মৃদুসৎবানাং কুলে কন্যাপ্ররোহণম্ ॥ 5-97-15 (35308)
মাতুঃ কুলং পিতৃকুলং যত্র চৈব প্রদীয়তে।
কুলত্রয়ং সংশয়িতং কুরুতে কন্যকা সতাম্ ॥ 5-97-16 (35309)
দেবমানুষলোকৌ দ্বৌ মানুষেণৈব চক্ষুষা।
অপগাহ্যৈব বিচিতৌ ন চ মে রোচতে বরঃ ॥ 5-97-17 (35310)
কণ্ব উবাচ। 5-97-18x (3683)
ন দেবান্নৈব দিতিজান্ন গন্ধর্বান্ন মানুষান্।
অরোচয়দ্বরকৃতে তথৈব বহুলানৃষীন্ ॥ 5-97-18 (35311)
ভার্যযা তু স সংমন্ত্র্য সহ রাত্রৌ সুধর্ময়া ।
মাতলির্নাগলোকায় চকার গমনে মতিম্ ॥ 5-97-19 (35312)
ন মে দেবমনুষ্যেষু গুণকেশ্যাঃ সমো বরঃ।
রূপতো দৃশ্যতে কশ্চিন্নাগেষু ভবিতা ধ্রুবম্ ॥ 5-97-20 (35313)
ইত্যামন্ত্র্য সুধর্মাং স কৃৎবা চাভিপ্রদক্ষিণম্।
কন্যাং শিরস্যুপাঘ্রায় প্রবিবেশ মহীতলম্ ॥ ॥ 5-97-21 (35314)
ইতি শ্রীমন্মহাভারতে উদ্যোগপর্বণি ভগবদ্যানপর্বণি সপ্তনবতিতমোঽধ্যায়ঃ ॥
Mahabharata - Udyoga Parva - Chapter Footnotes
5-97-7 তরুণাঃ অপীতি শেষঃ। যুদ্ধেন মরণং প্রাপ্নুবন্তীত্যর্থঃ ॥ 5-97-10 বলং সৈন্যম্। বলিনাং স্বাভাবিকবলবতাং বলং সামর্থ্যং ন ভবতি॥ 5-97-11 মাতলেরিতিহাসমিতি সংবন্ধঃ ॥ 5-97-15 উচ্ছ্রিতানাং মহত্তয়া খ্যাতানাম্ ॥উদ্যোগপর্ব - অধ্যায় 098
॥ শ্রীঃ ॥
5.98. অধ্যায়ঃ 098
Mahabharata - Udyoga Parva - Chapter Topics
পাতালং গচ্ছতো মাতলেঃ বরুণং গচ্ছতা নারদেন যদৃচ্ছয়া পথি সমাগমঃ ॥ 1 ॥ বরুণেন সৎকৃতয়োস্তয়োস্তমাপৃচ্ছ্য পাতালং প্রতি নিবর্তনম্ ॥ 2 ॥ নারদেন মাতলিংপ্রতি বরুণলোকে তত্তদ্বস্তুবিশেষান্প্রদর্শ্য তদ্গুণবর্ণনম্ ॥ 3 ॥Mahabharata - Udyoga Parva - Chapter Text
5-98-0 (35315)
কণ্ব উবাচ। 5-98-0x (3684)
মাতলিস্তু ব্রজন্মার্গে নারদেন মহর্ষিণা।
বরুণং গচ্ছতা দ্রষ্টুং সমাগচ্ছদ্যদৃচ্ছয়া ॥ 5-98-1 (35316)
নারদোঽথাব্রবীদেনং ক্ব ভবান্গন্তুমুদ্যতঃ ।
স্যেন বা সূত কার্যেণ শাসনাদ্বা শতক্রতোঃ ॥ 5-98-2 (35317)
মাতলির্নারদেনৈবং সংপৃষ্টঃ পথি গচ্ছতা।
যথাবৎসর্বমাচষ্ট স্বকার্যং নারদং প্রতি ॥ 5-98-3 (35318)
তমুবাচাথ স মুনির্গচ্ছাবঃ সহিতাবিতি।
সলিলেশদিদৃক্ষার্থমহমপ্যুদ্যতো দিবঃ ॥ 5-98-4 (35319)
অহং তে সর্বমাখ্যাস্যে দর্শয়ন্বসুধাতলম্।
দৃষ্ট্বা তত্র বরং কংচিদ্রোচয়িষ্যাব মাতলে ॥ 5-98-5 (35320)
অবগাহ্য তু তৌ ভূমিমুভৌ মাতলিনারদৌ ।
দদৃশাতে মহাত্মানৌ লোকপালমপাং পতিম্ ॥ 5-98-6 (35321)
তত্র দেবর্ষিসদৃশীং পূজাং স প্রাপ নারদঃ ।
মহেন্দ্রসদৃশীং চৈব মাতলিঃ প্রত্যপদ্যত ॥ 5-98-7 (35322)
তাবুভৌ গ্রীতমনসৌ কার্যবন্তৌ নিবেদ্য হ।
বরুণেনাভ্যনুজ্ঞাতৌ নাগলোকং বিচেরতুঃ ॥ 5-98-8 (35323)
নারদঃ সর্বভূতানামন্তর্ভূমিনিবাসিনাম্ ।
জানংশ্চকার ব্যাখ্যানং যন্তুঃ সর্বমশেষতঃ ॥ 5-98-9 (35324)
নারদ উবাচ। 5-98-10x (3685)
দৃষ্টস্তে বরুণঃ সূত পুত্রপৌত্রসমাবৃতঃ ।
পশ্যোদকপতেঃ স্থানং সর্বতোভদ্রমৃদ্ধিমৎ ॥ 5-98-10 (35325)
এষ পুত্রো মহাপ্রজ্ঞো বরুণস্যেহ গোপতেঃ।
এষ বৈ শীলবৃত্তেন শৌচেন চ বিশিষ্যতে ॥ 5-98-11 (35326)
এষোঽস্য পুত্রোঽভিমতঃ পুষ্করঃ পুষ্করেক্ষণঃ ।
রূপবান্দর্শনীয়শ্চ সোমপুত্র্যা বৃতঃ পতিঃ ॥ 5-98-12 (35327)
জ্যোৎস্নাকালীতি যামাহুর্দ্বিতীয়াং রূপতঃ শ্রিয়ম্ ।
অদিত্যাশ্চৈব যঃ পুত্রো জ্যেষ্ঠঃ শ্রেষ্ঠঃ কৃতঃ স্মৃতঃ ॥ 5-98-13 (35328)
ভবনং পশ্য বারুণ্যং যদেতৎসর্বকাঞ্চনম্।
যৎপ্রাপ্য সুরতাং প্রাপ্তাঃ সুরাঃ সুরপতেঃ সখে ॥ 5-98-14 (35329)
এতানি হৃতরাজ্যানাং দৈতেয়ানাং স্ম মাতলে ।
দীপ্যমানানি দৃশ্যন্তে সর্বপ্রহরণান্যুত ॥ 5-98-15 (35330)
অক্ষয়াণি কিলৈতানি বিবর্তন্তে স্ম মাতলে ।
অনুভাবপ্রয়ুক্তানি সুরৈরবজিতানি হ ॥ 5-98-16 (35331)
অত্র রাক্ষসজাত্যশ্চ দৈত্যজাত্যশ্চ মাতলে ।
দিব্যপ্রহরণাশ্চাসন্পূর্বদৈবতনির্মিতাঃ ॥ 5-98-17 (35332)
অগ্নিরেষ মহার্চিষ্মাঞ্জাগর্তি বারুণে হ্রদে ।
বৈষ্ণবং চক্রমাবিদ্ধং বিধূমেন হবিষ্মতা ॥ 5-98-18 (35333)
এষ গাণ্ডীময়শ্চাপো লোকসংহারসংভৃতঃ।
রক্ষ্যতে দৈবতৈর্নিত্যং যতস্তদ্গাণ্ডিবং ধনুঃ ॥ 5-98-19 (35334)
এষ কৃত্যে সমুৎপন্নে তত্তদ্ধারয়তে বলম্।
সহস্রশতসঙ্খ্যেন প্রাণেন সততং ধ্রুবঃ॥ 5-98-20 (35335)
অশাস্যানপি শাস্ত্যেষ রক্ষোবন্ধুষু রাজসু ।
সৃষ্টঃ প্রথমতশ্চণ্ডো ব্রহ্মণা ব্রহ্মবাদিনা ॥ 5-98-21 (35336)
এতচ্ছস্ত্রং নরেন্দ্রাণাং মহচ্চক্রে ভাসিতম্ ।
পুত্রাঃ সলিলরাজস্য ধারয়ন্তি মহোদয়ম্ ॥ 5-98-22 (35337)
এতৎসলিলরাজস্য ছত্রং ছত্রগৃহে স্থিতম্ ।
সর্বতঃ সলিলং শীতং জীমূত ইব বর্ষতি ॥ 5-98-23 (35338)
এতচ্ছত্রাৎপরিভ্রষ্টং সলিলং সোমনির্মলম্ ।
তমসা মূর্ছিতং ভাতি যেন নার্ছতি দর্শনম্ ॥ 5-98-24 (35339)
বহূন্যদ্ভুতরূপাণি দ্রষ্টব্যানীহ মাতলে।
তব কার্যোপরোধস্তু তস্মাদ্গচ্ছাব মা চিরম্ ॥ ॥ 5-98-25 (35340)
ইতি শ্রীমন্মহাভারতে উদ্যোগপর্বণি ভগবদ্যানপর্বমি অষ্টনবতিতমোঽধ্যায়ঃ ॥
Mahabharata - Udyoga Parva - Chapter Footnotes
5-98-9 যন্তুঃ যন্তারং মাতলিংপ্রতি ॥ 5-98-11 গোপতেঃ বারিপতেঃ ॥ 5-98-13 কৃতঃ তন্নামকঃ ॥ 5-98-14 বারুণ্যং বারুণ্যাঃ সুরায়াঃ ইদং বারুণ্যং সুরা বিদ্যতে যেষাং তে সুরাঃ ॥ 5-98-16 বিবর্ততে প্রক্ষিপ্তান্যপি পুনঃপুনঃ প্রহর্তুর্হস্তমায়ান্তি ॥ 5-98-17 জাত্যঃ জাতীয়াঃ ॥ 5-98-18 হবিষ্মতাঽগ্নিনা আবিদ্ধং রুদ্ধং বিষ্ণুচক্রজমপ্যত্র ভয়ং নাস্তীত্যর্থঃ ॥ 5-98-19 গাণ্ডী খঙ্গাখ্যঃ পশুবিশেষঃ তস্য বিকারো গাণ্ডীময়ঃ গাণ্ডীময়ৎবাদেব তৎ গাণঅডীবং নাম ধনুরভূৎ। গাণ্ডী বজ্রগ্রন্থিস্তন্ময় ইত্যন্যে ॥ 5-98-21 রক্ষোবন্ধুষু রক্ষস্তুল্যেষু ॥ 5-98-22 এতচ্ছস্ত্রং ধনুঃ। চক্রেণ চক্রাদপি ॥ 5-98-24 যেন যস্মাৎকরণাৎ মূর্চ্ছিতং অভিভূতং আবৃতমিতিয়াবৎ। নার্ছতি ন প্রাপ্নোতি জন ইতি শেষঃ ॥উদ্যোগপর্ব - অধ্যায় 099
॥ শ্রীঃ ॥
5.99. অধ্যায়ঃ 099
Mahabharata - Udyoga Parva - Chapter Topics
নারদেন মাতলিং পাতালং নীৎবা তত্রত্যবস্তুবিশেষান্প্রদর্শ্য তদ্গুণনিরূপণম্ ॥ 1 ॥ মাতলিনা তত্র বরানভিরোচনবচনপূর্বকমন্যত্র যাত্রাকীর্তনম্ ॥ 2 ॥Mahabharata - Udyoga Parva - Chapter Text
5-99-0 (35341)
নারদ উবাচ। 5-99-0x (3686)
এতত্তু নাগলোকস্য নাভিস্থানে স্থিতং পুরম্।
পাতালমিতি বিখ্যাতং দৈত্যদানবসেবিতম্ ॥ 5-99-1 (35342)
ইদমদ্ভিঃ সমং প্রাপ্তা যে কেচিদ্ভুবি জঙ্গমাঃ।
প্রবিশন্তো মহানাদং নদন্তি ভয়পীডিতাঃ ॥ 5-99-2 (35343)
অত্রাসুরোঽগ্নিঃ সততং দীপ্যতে বারিভোজনঃ।
ব্যাপারেণ ধৃতাত্মানং নিবদ্ধং সমবুধ্যত ॥ 5-99-3 (35344)
অত্রামৃতং সুরৈঃ পীৎবা নিহিতং নিহতারিভিঃ ॥
অতঃ সোমস্য হানিশ্চ বৃদ্ধিশ্চৈব প্রদৃশ্যতে ॥ 5-99-4 (35345)
অত্রাদিত্যো হয়শিরাঃ কালে পর্বণি পর্বণি ।
উত্তিষ্ঠতি সুবর্ণাখ্যো বাগ্ভিরাপূরয়ঞ্জগৎ ॥ 5-99-5 (35346)
যস্মাদলং সমস্তাস্তাঃ পতন্তি জলমূর্তয়ঃ ।
তস্মাৎপাতালমিত্যেব খ্যায়তে পুরমুত্তমম্ ॥ 5-99-6 (35347)
ঐরাবণোঽস্মাৎসলিলং গৃহীৎবা জগতো হিতঃ ।
মেঘেষ্বামুঞ্চতে শীতং যন্মহেন্দ্রঃ প্রবর্ষতি ॥ 5-99-7 (35348)
ঐরাবতো নাগরাজো বামনঃ কুমুদোঽঞ্জনঃ ।
প্রসূতাঃ সুপ্রতীকস্য বংশে বারণসত্তমাঃ ॥ 5-99-8 (35349)
অত্র নানাবিধাকারাস্তিময়ো নৈকরূপিণঃ ।
অপ্সু সোমপ্রভাং পীৎবা বসন্তি জলচারিণঃ ॥ 5-99-9 (35350)
অত্র সূর্যাংশুভির্ভিন্নাঃ পাতালতলমাশ্রিতাঃ ।
মৃতা হি দিবসে সূত পুনর্জীবন্তি বৈ নিশি ॥ 5-99-10 (35351)
উদয়ন্নিত্যশশ্চাত্র চন্দ্রমা রশ্মিবাহুভিঃ ।
অমৃতং স্পৃশ্য সংস্পর্শাৎসংজীবয়তিদেহিনঃ ॥ 5-99-11 (35352)
অত্র তেঽধর্মনিরতা বদ্ধাঃ কালেন পীডিতাঃ ।
দৈতেয়া নিবসন্তি স্ম বাসবেন হৃতশ্রিয়ঃ ॥ 5-99-12 (35353)
অত্র ভূতপতির্নাম সর্বভূতমহেশ্বরঃ ।
ভূতয়ে সর্বভূতানামচরত্তপ উত্তমম্ ॥ 5-99-13 (35354)
অত্র গোব্রতিনো বিপ্রাঃ স্বাধ্যায়াম্নায়কর্শিতাঃ ।
ত্যক্তপ্রাণা জিতস্বর্গা নিবসন্তি মহর্ষয়ঃ ॥ 5-99-14 (35355)
যত্রতত্রশয়ো নিত্যং যেনকেনচিদাশিতঃ।
যেনকেনচিদাচ্ছন্নঃ স গোব্রত ইহোচ্যতে ॥ 5-99-15 (35356)
পশ্য যদ্যত্র তে কশ্চিদ্রোচতে গুণতো বরঃ ।
বরয়িষ্যামি তং গৎবা যত্নমাস্থায় মাতলে ॥ 5-99-16 (35357)
অণ্ডমেতঞ্জলে ন্যস্তং দীপ্যমানমিব শ্রিয়া ।
আপ্রজানাং নিসর্গাদ্বৈ নোদ্ভিদ্যতি ন সর্পতি ॥ 5-99-17 (35358)
নাস্য জাতিং নিসর্গং বা কথ্যমানং শ্রৃণোমি বৈ।
পিতরং মাতরং চাপি নাস্য জানাতি কশ্চন ॥ 5-99-18 (35359)
অতঃ কিল মহানগ্নিরন্তকালে সমুত্থিতঃ।
ধক্ষ্যতে মাতলে সর্বং ত্রৈলোক্যং সচরাচরম্ ॥ 5-99-19 (35360)
মাতলিস্ৎবব্রবীচ্ছ্রুৎবা নারদস্যাথ ভাষিতম্ ।
ন মেঽত্র রোচতে কশ্চিদন্যতো ব্রজ মাচিরম্ ॥ ॥ 5-99-20 (35361)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ঊনশততমোঽধ্যায়ঃ ॥
Mahabharata - Udyoga Parva - Chapter Footnotes
5-99-2 অদ্ভিঃ সমং প্রাপ্তাঃ জলবেগেনানীতাঃ ॥ 5-99-3 ব্যাপারেণ জগদনুগ্রহরূপেণ তদর্থমিতিয়াবৎ। নিবদ্ধং মর্যাদায়াং স্থাপিতং ॥ 5-99-5 আদিত্যোঽদিতেঃ পুত্রো বিষ্ণুর্হয়গ্রীবরূপী ॥ 5-99-14 স্বাধ্যায়াম্রায়ো বেদপাঠঃ ॥ 5-99-17 আপ্রজানাং নিসর্গাৎ প্রয়োৎপত্তিমারভ্য ॥ 5-99-18 জাতিং জন্ম। নিসর্গং স্বভাবম্ ॥উদ্যোগপর্ব - অধ্যায় 100
॥ শ্রীঃ ॥
5.100. অধ্যায়ঃ 100
Mahabharata - Udyoga Parva - Chapter Topics
নারদেন দৈত্যদানবায়তনং হিরণ্যপুরমুপেত্য মাতলিংপ্রতি তত্র বরান্বেষণচোদনম্ ॥ 1 ॥ মাতলিনা দৈত্যদানবানাং দেবকুলনিত্যবিরোধিতয়া পরপক্ষানুবন্ধানভিরুচিবচনম্ ॥ 2 ॥Mahabharata - Udyoga Parva - Chapter Text
5-100-0 (35362)
নারদ উবাচ। 5-100-0x (3687)
হিরণ্যপুরমিত্যেতৎখ্যাতং পুরবরং মহৎ।
দৈত্যানাং দানবানাং চ মায়াশতবিচারিণাম্ ॥ 5-100-1 (35363)
অনল্পেন প্রয়ত্নেন নির্মিতং বিশ্বকর্মণা ।
ময়েন মনসা সৃষ্টং পাতালতলমাশ্রিতম্ ॥ 5-100-2 (35364)
অত্র মায়াসহস্রাণি ববিকুর্বাণা মহৌজসঃ ।
দানবা নিবসন্তি স্ম শূরা দত্তবরাঃ পুরা ॥ 5-100-3 (35365)
নৈতে শক্রেণ নান্যেন যমেন বরুণেন বা।
শক্যন্তে বশমানেতুং তথৈব ধনদেন চ ॥ 5-100-4 (35366)
অসুরাঃ কালখঞ্জাশ্চ তথা বুষ্ণুপদোদ্ভবাঃ ।
নৈর্ঋতা যাতুধানাশ্চ ব্রহ্মপাদোদ্ভবাশ্চ যে ॥ 5-100-5 (35367)
দংষ্ট্রিণো ভীমবেগাশ্চ বাতবেগপরাক্রমাঃ ।
মায়াবীর্যোপসংপন্না নিবসন্ত্যত্র মাতলে ॥ 5-100-6 (35368)
নিবাতকবচা নাম দানবা যুদ্ধদুর্মদাঃ ।
জানাসি চ যথা শক্রো নৈতাঞ্শক্রোতি বাধিতুং ॥ 5-100-7 (35369)
বহুশো মাতলে ৎবং চ তব পুত্রশ্চ গোমুখঃ ।
নির্ভগ্নো দেবরাজশ্চ সহপুত্রঃ শচীপতিঃ ॥ 5-100-8 (35370)
পশ্য বেশ্মানি রৌক্মাণি মাতলে রাজতানি চ ।
কর্মণা বিধিয়ুক্তেন যুক্তান্যুপগতানি চ ॥ 5-100-9 (35371)
বৈদূর্যমণিচিত্রাণি প্রবালরুচিরাণি চ ।
অর্কস্ফটিকশুভ্রাণি বজ্রসারোঞ্জ্বলানি চ ॥ 5-100-10 (35372)
পার্থিবানীব চাভাস্তি পদ্মরাগময়ানি চ।
শৈলানীব চ দৃশ্যন্তে দারবাণীব চাপ্যুত ॥ 5-100-11 (35373)
সূর্যরূপাণি চাভান্তি দীপ্তাগ্নিসদৃশানি চ ।
মণিজালবিচিত্রাণি প্রাংশূনি নিবিডানি চ ॥ 5-100-12 (35374)
নৈতানি শক্যং নির্দেষ্টু রূপতো দ্রব্যতস্তথা ।
গুণতশ্চৈব সিদ্ধানি প্রমাণগুণবন্তি চ ॥ 5-100-13 (35375)
আক্রীডান্পশ্য দৈত্যানাং তথৈব শয়নান্যুত ।
রত্নবন্তি মহার্হাণি ভাজনান্যাসনানি চ ॥ 5-100-14 (35376)
জলদাভাংস্তথা শৈলাংস্তোয়প্রস্রবণানি চ ।
কামপুষ্পফলাংশ্চাপি পাদপান্কাপচারিণঃ ॥ 5-100-15 (35377)
মাতলে কশ্চিদত্রাপি রুচিরস্তে বরো ভবেৎ ।
অথবাঽন্যাং দিশং ভূমের্গচ্ছাব যদি মন্যসে ॥ 5-100-16 (35378)
মাতলিস্ৎবব্রবীদেনং ভাষমাণং তথাবিধম্ ।
দেবর্ষে নৈব মে কার্যং বিপ্রিয়ং ত্রিদিবৌকসাম্ ॥ 5-100-17 (35379)
নিত্যানুষক্তবৈরা হি ভ্রাতরো দেবদানবাঃ ।
পরপক্ষেণ সংবন্ধং রোচয়িষ্যাম্যহং কথম্ ॥ 5-100-18 (35380)
অন্যত্র সাধু গচ্ছাব দ্রষ্টুং নার্হামি দানবান্ ।
জানামি তব চাত্মানং হিংসাত্মকমনং তথা ॥ ॥ 5-100-19 (35381)
ইতি শ্রীমন্মহাভারতে উদ্যোগপর্বণি ভগবদ্যানপর্বণি শততমোঽধ্যায়ঃ ॥
Mahabharata - Udyoga Parva - Chapter Footnotes
5-100-11 শৈলানি শিলাময়ানি ॥ 5-100-14 আক্রীডান্ ক্রীডাস্থানানি ॥ 5-100-19 হিংসাত্মকমনং হিংসাপ্রধানানাং দৈত্যানাং কমনং অপেক্ষণীয়ম্। জানামি তু তবাত্মানমিচ্ছসে কলহানিতি ইতি কo পাঠঃ ॥উদ্যোগপর্ব - অধ্যায় 101
॥ শ্রীঃ ॥
5.101. অধ্যায়ঃ 101
Mahabharata - Udyoga Parva - Chapter Topics
নারদেন মাতলিং সুপর্ণলোকমুপনীয় সুপর্ণবংশ্যানাং পক্ষিণাং নামনির্দেশপূর্বকং গুণানুকীর্তনম্ ॥ 1 ॥ তত্র বরানভিরোচনে দেশান্তরনয়নবচনম্ ॥ 2 ॥Mahabharata - Udyoga Parva - Chapter Text
5-101-0 (35382)
নারদ উবাচ। 5-101-0x (3688)
অয়ং লোকঃ সুপর্ণানাং পক্ষিণাং পন্নগাশিনাম্ ।
বিক্রমে গমনে ভারে নৈষামস্তি পরিশ্রমঃ ॥ 5-101-1 (35383)
বৈনতেয়সুতৈঃ সূত পঙ্ভিস্ততমিদং কুলম্ ।
সুমুখেন সুনাম্না চ সুনেত্রেণ সুবর্চসা ॥ 5-101-2 (35384)
সুরুচা পক্ষিরাজেন সুবলেন চ মাতলে।
বর্ধিতানি প্রসৃত্যা বৈ বিনাতাকুলকর্তৃভিঃ ॥ 5-101-3 (35385)
পক্ষিরাজাভিজাত্যানাং সহস্রাণি শতানি চ।
কশ্যপস্য ততো বংশে জাতৈর্ভূতিবিবর্ধনৈঃ ॥ 5-101-4 (35386)
সর্বে হ্যেতে শ্রিয়া যুক্তাঃ সর্বে শ্রীবৎসলক্ষণাঃ ।
সর্বে শ্রিয়মভীপ্সন্তো ধারয়ন্তি বলান্যুত ॥ 5-101-5 (35387)
কর্মণা ক্ষত্রিয়াশ্চৈতে নির্ঘৃণা ভোগিভোজিনঃ ।
জ্ঞাতিসঙ্ক্ষয়কর্তৃৎবাদ্ব্রাহ্মণ্যং ন লভন্তি বৈঃ ॥ 5-101-6 (35388)
নামানি চৈষাং বক্ষ্যামি যথাপ্রাধান্যতঃ শ্রৃণু ।
মাতলে শ্লাঘ্যমেতদ্ধি কুলং বিষ্ণুপরিগ্রহম্ ॥ 5-101-7 (35389)
দৈবতং বিষ্ণুরেতেষাং বিষ্ণুরেব পরায়ণম্ ।
হৃদি চৈষাং সদা বিষ্ণুর্বিষ্ণুরেব সদা গতিঃ ॥ 5-101-8 (35390)
সুবর্ণচূডো নাগাশী দারুণশ্চণ্ডতুণ্ডকঃ ।
অনিলশ্চানলশ্চৈব বিশালাক্ষোঽথ কুণ্ডলী ॥ 5-101-9 (35391)
পঙ্কজিদ্বজ্রবিষ্কম্ভো বৈনতেয়োঽথ বামনঃ ।
বাতবেগো দিশাচক্ষুর্নিমেষোঽনিমিষস্তথা ॥ 5-101-10 (35392)
ত্রিরাবঃ সপ্তরাবশ্চ বাল্মীকির্দীপকস্তথা ।
দৈত্যদ্বীপঃ সরিদ্দ্বীপঃ সারসঃ পদ্মকেতনঃ ॥ 5-101-11 (35393)
সুমুখশ্চিত্রকেতুশ্চ চিত্রবর্হস্তথাঽনঘঃ।
মেষহৃৎকুমুদো দক্ষঃ সর্পান্তঃ সোমভোজনঃ ॥ 5-101-12 (35394)
গুরুভারঃ কপোতশ্চ সূর্যনেত্রশ্চিরান্তকঃ ।
বিষ্ণুধর্মা কুমারশ্চ পরিবর্হো হরিস্তথা ॥ 5-101-13 (35395)
সুস্বরো মধুপর্কশ্চ হেমবর্ণস্তথৈব চ।
মালয়ো মাতরিশ্বা চ নিশাকরদিবাকরৌ ॥ 5-101-14 (35396)
এতে প্রদেশমাত্রেণ ময়োক্তা গরুডাত্মজাঃ ।
প্রাধান্যতস্তে যশসা কীর্তিতাঃ প্রাণিনশ্চয়ে ॥ 5-101-15 (35397)
যদ্যত্র ন রুচিঃ কাচিদেহি গচ্ছাব মাতলে ।
তং নয়িষ্যামি দেশং ৎবাং বরং যত্রোপলপ্স্যসে ॥ ॥ 5-101-16 (35398)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একাধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-101-3 প্রসৃত্যা প্রকৃষ্টগত্যা জবেন বৃদ্ধিমন্তীত্যর্থঃ ॥উদ্যোগপর্ব - অধ্যায় 102
॥ শ্রীঃ ॥
5.102. অধ্যায়ঃ 102
Mahabharata - Udyoga Parva - Chapter Topics
নারদেন মাতলিং রসাতলমুপনীয় তত্র বাস্তব্যসুরভিসন্ততিগুণস্তবনম্ ॥ 1 ॥Mahabharata - Udyoga Parva - Chapter Text
5-102-0 (35399)
নারদ উবাচ। 5-102-0x (3689)
ইদং রসাতলং নাম সপ্তমং পৃথিবীতলম্।
যত্রাস্তে সুরভির্মাতা গবামমৃতসংভবা ॥ 5-102-1 (35400)
ক্ষরন্তী সততং ক্ষীরং পৃথিবীসারসংভবম্ ।
ষণ্ণং রসানাং সারেণ রসমেকমনুত্তমম্ ॥ 5-102-2 (35401)
অমৃতেনাভিতৃপ্তস্য সারমুদ্গিরতঃ পুরা।
পিতামহস্য বদনাদুদতিষ্ঠদনিন্দিতা ॥ 5-102-3 (35402)
যস্যাঃ ক্ষীরস্য ধারায়া নিপতন্ত্যা মহীতলে।
হ্রদঃ কৃতঃ ক্ষীরনিধিঃ পবিত্রং পরমুচ্যতে ॥ 5-102-4 (35403)
পুষ্পিতস্যেব ফেনেন পর্যন্তমনুবেষ্টিতম্।
পিবন্তো নিবসন্ত্যত্র ফেনপা মুনিসত্তমাঃ ॥ 5-102-5 (35404)
ফেনপা নাম তে খ্যাতাঃ ফেনাহারাশ্চ মাতলে।
উগ্রে তপসি বর্তন্তে যেষাং বিভ্যতি দেবতাঃ ॥ 5-102-6 (35405)
অস্যাশ্চতস্রো ধেন্বোঽন্যা দিক্ষু সর্বাসু মাতলে।
নিবসন্তি দিশাং পাল্যো ধারয়ন্ত্যোদিশঃস্ম তাঃ ॥ 5-102-7 (35406)
পূর্বাং দিশং ধারয়তে সুরূপা নাম সৌরভী ।
দক্ষিণাং হংসিকা কনাম ধারয়ত্যপরাং দিশম্॥ 5-102-8 (35407)
পশ্চিমা বারুণী দিক্চ ধার্যতে বৈ সুভদ্রয়া।
মহানুভাবয়া নিত্যং মাতলে বিশ্বরূপয়া ॥ 5-102-9 (35408)
সর্বকামদুঘা নাম ধেনুর্ধারয়তে দিশম্।
উত্তরাং মাতলে ধর্ম্যাং তথৈলবিলসংশ্রিতাম্ ॥ 5-102-10 (35409)
আসাং ত পয়সা মিশ্রং পয়ো নির্মথ্য সাগরে ।
মন্থানং মন্দরং কৃৎবা দেবৈরসুরসংহিতৈঃ ॥ 5-102-11 (35410)
অদ্ধৃতা বারুণী লক্ষ্মীরমৃতং চাপি মাতলে।
উচ্চৈঃশ্রবাশ্চাশ্বরাজো মণিরত্নং চ কৌস্তুভম্ ॥ 5-102-12 (35411)
সুধাহারেষু চ সুধাং স্বধাভোজিষু চ স্বধাম্।
অমৃতং চামৃতাশেষু সুরভী ক্ষরতে পয়ঃ ॥ 5-102-13 (35412)
অত্র গাথা পুরা গীতা রসাতলনিবাসিভিঃ ।
পৌরাণী শ্রূয়তে লোকে গীয়তে যা মনীষিভিঃ ॥ 5-102-14 (35413)
ন নাগলোকে ন স্বর্গে ন বিমানে ত্রিবিষ্টপে।
পরিবাসঃ সুখস্তাদৃক্ রসাতলতলে যথা ॥ ॥ 5-102-15 (35414)
ইতি শ্রীমন্মহাভারতে উদ্যোগপর্বণি ভগবাদ্যানপর্বণি দ্ব্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-102-11 অসুরসংহিতৈঃ অসুরসহিতৈঃ ॥ 5-102-15 পরিবাসঃ নিবাসঃ । সুখঃ সুখকরঃ ॥ 15 ॥উদ্যোগপর্ব - অধ্যায় 103
॥ শ্রীঃ ॥
5.103. অধ্যায়ঃ 103
Mahabharata - Udyoga Parva - Chapter Topics
নারদেন মাতলিং ভোগবতীং নীৎবা বরান্বেষণচোদনম্ ॥ 1 ॥ তত্র সুমুখং নাম কংচন ভুজগরাজমভিরোচমানেন মাতলিনা নারদংপ্রতি তস্য জন্মকর্মাদিপ্রশ্নঃ ॥ 2 ॥ নারদেন তস্য আর্যকনাম্নো ভোগিনঃ পৌত্রৎবে কীর্তিতে মাতলিনা নারদংপ্রতি তদ্ধটনাভ্যর্থনা ॥ 3 ॥Mahabharata - Udyoga Parva - Chapter Text
5-103-0 (35415)
নারদ উবাচ। 5-103-0x (3690)
ইয়ং ভোগবতী নাম পুরী বাসুকিপালিতা।
যাদৃশী দেবরাজস্য পুরী বর্যাঽমরাবতী ॥ 5-103-1 (35416)
এষ শেষঃ স্থিতো নাগো যেনেয়ং ধার্যতে সদা।
তপসা লোকমুখ্যেন প্রভাবসহিতা মহী ॥ 5-103-2 (35417)
শ্বেতাচলনিভাকারো দিব্যাভরণভূষিতঃ ।
সহস্রং ধারয়ন্মূর্ধ্নাং জ্বালাজিহ্বো মহাবলঃ ॥ 5-103-3 (35418)
ইহ নানাবিধাকারা নানাবিধবিভূষণাঃ।
সুরসায়াঃ সুতা নাগা নিবসন্তি গতব্যথাঃ ॥ 5-103-4 (35419)
মণিস্বস্তিকচক্রাঙ্কাঃ কমণ্ডলুকলক্ষণাঃ।
সহস্রসংখ্যা বলিন সর্বে রৌদ্রাঃ স্বভাবতঃ ॥ 5-103-5 (35420)
সহস্রশিরসঃ কেচিৎকেচিৎপঞ্চশতাননাঃ ।
শতশীর্ষাস্তথা কেচিৎকেচিত্রিশিরসোঽপি চ ॥ 5-103-6 (35421)
দ্বিপঞ্চশিরসঃ কেচিৎকেচিৎসপ্তসুখাস্তথা।
মহাভোগা মহাকায়াঃ পর্বতাভোগভোগিনঃ ॥ 5-103-7 (35422)
বহূনীহ সহস্রাণি প্রয়ুতান্যর্বুদানি চ।
নাগানামেকবংশানাং যথাশ্রেষ্ঠং তু মে শ্রুণু ॥ 5-103-8 (35423)
বাসুকিস্তক্ষকশ্চৈব কর্কোটকধনঞ্জয়ৌ।
কালীয়ো নহুষশ্চৈব কম্বলাশ্বতরাবুভৌ ॥ 5-103-9 (35424)
বাহ্যকুণ্ডো মণির্নাগস্তথৈবাপূরণঃ খগঃ।
বামনশ্চৈলপত্রশ্চ কুকুরঃ কুকুণস্তথা ॥ 5-103-10 (35425)
আর্যকো নন্দকশ্চৈব তথা কলশপোতকৌ ।
কৈলাসকঃ পিঞ্জরকো নাগশ্চৈরাবতস্তথা ॥ 5-103-11 (35426)
সুমনোমুখো দধিমুখঃ শঙ্খো নন্দোপনন্দকৌ ।
আপ্তঃ কোটরকশ্চৈব শিখী নিষ্ঠূরিকস্তথা ॥ 5-103-12 (35427)
তিত্তিরির্হস্তিভদ্রশ্চ কুমুদো মাল্যপিণ্ডকঃ।
দ্বৌ পদ্মৌ পুণ্ডরীকশ্চ পুষ্পো মুদ্গরপর্ণকঃ॥ 5-103-13 (35428)
করবীরঃ পীঠরকঃ সংবৃত্তো বৃত্ত এব চ।
পিণ্ডারো বিল্বপত্রশ্চ মূষিকাদঃ শিরীষকঃ ॥ 5-103-14 (35429)
দিলীপঃ শঙ্খশীর্ষশ্চ জ্যোতিষ্কোঽথাপরাজিতঃ ।
কৌরব্যো ধৃতরাষ্ট্রশ্চ কুহুরঃ কৃশকস্তথা ॥ 5-103-15 (35430)
বিরজা ধারণশ্চৈব সুবাহুর্মুখরো জয়ঃ ।
বধিরান্ধৌ বিশুণ্ডিশ্চ বিরসঃ সুরসস্তথা ॥ 5-103-16 (35431)
এতে চান্যে চ বহবঃ কশ্যপস্যাত্মজাঃ স্মৃতাঃ ।
মাতলে পশ্য যদ্যত্র কশ্চিত্তে রোচতে বরঃ ॥ 5-103-17 (35432)
কণ্ব উবাচ। 5-103-18x (3691)
মাতলিস্ৎবেকমব্যগ্রঃ সততং সংনিরীক্ষ্য বৈ।
পপ্রচ্ছ নারদং তত্র প্রীতিমানিব চাভবৎ ॥ 5-103-18 (35433)
মাতলিরুবাচ। 5-103-19x (3692)
স্থিতো য এষ পুরতঃ কৌরব্যস্যার্যকস্য তু।
দ্যুতিমান্দর্শনীয়শ্চ কস্যৈষ কুলনন্দনঃ ॥ 5-103-19 (35434)
কঃ পিতা জননী চাস্য কতমস্যৈষ ভোগিনঃ।
বংশস্য কস্যৈষ মহান্কেতুভূত ইব স্থিতঃ ॥ 5-103-20 (35435)
প্রণিধানেন ধৈর্যেণ রূপেণ বয়সা চ মে।
মনঃ প্রবিষ্টো দেবর্ষে গুণকেশ্যাঃ পতির্বরঃ ॥ 5-103-21 (35436)
কণ্ব উবাচ। 5-103-22x (3693)
মাতলিং প্রীতমনসং দৃষ্ট্বা সুমুখদর্শনাৎ।
নিবেদয়ামাস তদা মাহাত্ম্যং জন্ম কর্ম চ ॥ 5-103-22 (35437)
নারদ উবাচ। 5-103-23x (3694)
ঐরাবতকুলে জাতঃ সুমুখো নাম নাগরাট্।
আর্যকস্য মতঃ পৌত্রো দৌহিত্রো বামনস্য চ ॥ 5-103-23 (35438)
এতস্য হি পিতা নাগশ্চিকুরো নাম মাতলে।
নচিরাদ্বৈতনেয়েন পঞ্চৎবমুপপাদিতঃ ॥ 5-103-24 (35439)
ততোঽব্রবীৎপ্রীতমনা মাতলির্নারদং বচঃ ।
এষ মে রুচিতস্তাত জামাতা ভুজগোত্তমঃ ॥ 5-103-25 (35440)
ক্রিয়তামত্র যত্নো বৈ প্রীতিমানস্ম্যনেন বৈ।
অস্মৈ নাগায় বৈ দাতুং প্রিয়াং দুহিতরং মুনে ॥ ॥ 5-103-26 (35441)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ত্র্যধিকশততমোঽধ্যায়ঃ ॥
উদ্যোগপর্ব - অধ্যায় 104
॥ শ্রীঃ ॥
5.104. অধ্যায়ঃ 104
Mahabharata - Udyoga Parva - Chapter Topics
নারদেন আর্যকংপ্রতি পৌত্রার্থং মাতলিকন্যাপরিগ্রহচোদনম্ ॥ 1 ॥ আর্যকেণ নারদংপ্রতি সুমুখজনকং ভক্ষিতবতা বৈনতেয়েন মাসান্তরে সুমুখভক্ষণপ্রতিজ্ঞানিবেদনম্ ॥ 2 ॥ মাতলিনা তার্ক্ষ্যাৎসুমুখরিরক্ষয়া সুমুখনারদাভ্যাং সহ শক্রসমীপগমনম্ ॥ 3 ॥ নারদেন মাতালেকার্যং বিজ্ঞাপিতেন বিষ্ণুনা সুমুখায় অমৃতবিতরণাজ্ঞাপনেপি ইন্দ্রেণ অমৃতাপ্রদানেনৈব দীর্ঘায়ুর্দানম্ ॥ 4 ॥ মাতলিনা সুমুখায় স্বকন্যাং প্রদায় বিবাহনির্বর্তনম্ ॥ 5 ॥Mahabharata - Udyoga Parva - Chapter Text
5-104-0 (35442)
কণ্ব উবাচ। 5-104-0x (3695)
মাতলের্বচনং শ্রুৎবা নারদো মুনিসত্তমঃ।
অব্রবীদ্দেবরাজং তমার্যকং কুরুনন্দন॥ 5-104-1 (35443)
সূতোঽয়ং মাতলির্নাম শক্রস্য দয়িতঃ সুহৃৎ।
শুচিঃ শীলগুণোপেতস্তেজস্বী বীর্যবান্বলী ॥ 5-104-2 (35444)
শক্রস্যায়ং সখা চৈব মন্ত্রী সারথিরেব চ ।
অল্পান্তরপ্রভাবশ্চ বাসবেন রণে রণে ॥ 5-104-3 (35445)
অয়ং হরিসহস্রেণ যুক্তং জৈত্রং রথোত্তমম্ ।
দেবাসুরেষু যুদ্ধেষু মনসৈব নিয়চ্ছতি ॥ 5-104-4 (35446)
অনেন বিজিতানশ্বৈর্দোর্ভ্যাং জয়তি বাসবঃ ।
অনেন বলভিৎপূর্বং প্রহৃতে প্রহরত্যুত ॥ 5-104-5 (35447)
অস্য কন্যা বরারোহা রূপেণাসদৃশী ভুবি ।
সত্যশীলগুণোপেতা গুণকেশীতি বিশ্রুতা ॥ 5-104-6 (35448)
তস্যাস্য যত্নাচ্চরতস্ত্রৈলোক্যমমরদ্যুতে।
সুমুখো ভবতঃ পৌত্রো রোচতে দুহিতুঃ পতিঃ ॥ 5-104-7 (35449)
যদি তে রোচতে সম্যগ্ভুজগোত্তম মা চিরম্ ।
ক্রিয়তামার্যক ক্ষিপ্রং বুদ্ধিঃ কন্যাপরিগ্রহে ॥ 5-104-8 (35450)
যথা বিষ্ণুকুলে লক্ষ্মীর্যথা স্বাহা বিভাবসোঃ ।
কুলে তব তথৈবাস্তু গুণকেশী সুমধ্যমা ॥ 5-104-9 (35451)
পৌত্রস্যার্থে ভবাংস্তস্মাদ্গুণকেশীং প্রতীচ্ছতু ।
সদৃশীং প্রতিরূপস্য বাসবস্য শচীমিব ॥ 5-104-10 (35452)
পিতৃহীনমপি হ্যেনং গুণতো বরয়ামহে।
বহুমানাচ্চ ভবতস্তথৈবৈরাবতস্য চ ॥ 5-104-11 (35453)
সুমুখস্য গুণৈশ্চৈব শীলশৌচদমাদিভিঃ ।
অভিগম্য স্বয়ং কন্যাময়ং দাতুং সমুদ্যতঃ ।
মাতলিস্তস্য সংমানং কর্তুমর্হো ভবানপি ॥ 5-104-12 (35454)
কণ্ব উবাচ। 5-104-13x (3696)
স তু দীনঃ প্রহৃষ্টশ্চ প্রাহ নারদমার্যকঃ ।
ব্রিয়মাণে তথা পৌত্রে পুত্রে চ নিধনং গতে ॥ 5-104-13 (35455)
আর্যক উবাচ। 5-104-14x (3697)
মন্যে নৈতদ্বহুমতং মহর্ষে বচনং তব।
সখা শক্রস্য সংয়ুক্তঃ কস্যায়ং নেপ্সিতো ভবেৎ।
কারণস্য তু দৌর্বল্যাচ্চিন্তয়ামি মহামুনে ॥ 5-104-14 (35456)
অস্য দেহকরস্তাত মম পুত্রো মহাদ্যুতে।
ভক্ষিতো বৈনতেয়েন দুঃখার্তাস্তেন বৈ বয়ম্ ॥ 5-104-15 (35457)
পুনরেব চ তেনোক্তং বৈনতেয়েন গচ্ছতা ।
মাসেনান্যেন সুমুখং ভক্ষয়িষ্য ইতি প্রভো ॥ 5-104-16 (35458)
ধ্রুবং তথা তদ্ভবিতা জানীমস্তস্য নিশ্চয়ম্।
তেন হর্ষঃ প্রনষ্টো মে সুপর্ণবচনেন বৈ ॥ 5-104-17 (35459)
কণ্ব উবাচ। 5-104-18x (3698)
মাতলিস্ৎবব্রবীদেনং বুদ্ধিরত্র কৃতা ময়া।
জামাতৃভাবেন বৃতঃ সুমুখস্তব পুত্রজঃ ॥ 5-104-18 (35460)
সোঽয়ং ময়া চ সহিতো নারদেন চ পন্নগঃ।
ত্রিলোকেশং সুরপতিং গৎবা পশ্যতু বাসবম্ ॥ 5-104-19 (35461)
শেষেণৈবাস্য কার্যেণ প্রজ্ঞাস্বাম্যহমায়ুষঃ ।
সুপর্ণস্য বিঘাতে চ প্রয়তিষ্যামি সত্তম ॥ 5-104-20 (35462)
সুমুখশ্চ ময়া সার্ধং দেবেশমিগচ্ছতু।
কার্যসংসাধনার্থায় স্বস্তি তেঽস্তু ভুজঙ্গম ॥ 5-104-21 (35463)
`কণ্ব উবাচ। 5-104-22x (3699)
আর্যকেণাভ্যনুজ্ঞাতা গম্যতামিতি ভারত।'
ততস্তে সুমুখং গৃহ্য সর্ব এব মহৌজসঃ।
দদৃশুঃ শক্রমাসীনং দেবরাজং মহাদ্যুতিম্ ॥ 5-104-22 (35464)
সঙ্গত্যা তত্র ভগবান্বিষ্ণুরাসীচ্চতুর্ভুজঃ ।
ততস্তৎসর্বমাচখ্যৌ নারদো মাতলিং প্রতি ॥ 5-104-23 (35465)
বৈশম্পায়ন উবাচ। 5-104-24x (3700)
ততঃ পুরন্দরং বিষ্ণুরুবাচ ভুবনেশ্বরম্।
অমৃতং দীয়তামস্মৈ ক্রিয়তামমরৈঃ সমঃ ॥ 5-104-24 (35466)
মাতলির্নারদশ্চৈব সুমুখশ্চৈব বাসব।
লভন্তাং ভবতঃ কামাৎকামমেতং যথেপ্সিতম্ ॥ 5-104-25 (35467)
পুরন্দরোঽথ সংচিন্ত্য বৈনতেয়পরাক্রমম্ ।
বিষ্ণুমেবাব্রবীদেনং ভবানেব দদাৎবিতি ॥ 5-104-26 (35468)
বিষ্ণুরুবাচ। 5-104-27x (3701)
ঈশস্ৎবং সর্বলোকানাং চরাণামচরাশ্চ যে।
ৎবয়া দত্তমদত্তং কঃ কর্তুমুৎসহতে বিভো ॥ 5-104-27 (35469)
প্রাদাচ্ছক্রস্ততস্তস্মৈ পন্নগায়ায়ুরুত্তমম্।
ন ৎবেনমমৃতপ্রাশং চকার বলবৃত্রহা ॥ 5-104-28 (35470)
লব্ধ্বা বরং তু সুমুখঃ সুমুখঃ সংবভূব হ।
কৃতদারো যথাকামং জগাম চ গৃহান্প্রতি ॥ 5-104-29 (35471)
নারদস্ৎবার্যকশ্চৈব কৃতকার্যৌ মুদা যুতৌ ।
অভিজগ্মতুরভ্যর্চ্য দেবরাজং মহাদ্যুতিম্ ॥ ॥ 5-104-30 (35472)
ইতি শ্রীমন্মহাভারতে উদ্যোগপর্বণি ভগবদ্যানপর্বণি চতুরধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-104-20 অস্যায়ুষঃ শেষেণ কার্যেণ প্রজ্ঞাস্যামি বিজ্ঞাপয়িষ্যামি ॥উদ্যোগপর্ব - অধ্যায় 105
॥ শ্রীঃ ॥
5.105. অধ্যায়ঃ 105
Mahabharata - Udyoga Parva - Chapter Topics
সুমুখায় আয়ুর্দানশ্রবণকুপিতেন গরুডেন ইন্দ্রোপেন্দ্রাবভ্যেত্য দর্পেক্তিঃ ॥ 1 ॥ উপেন্দ্রেণ তার্ক্ষ্যদর্পবিমোক্ষণায় তদংসে স্বদক্ষবাহুবিক্ষেপে তদ্বহনাক্ষমেণ তেন তৎক্ষমাপনম্ ॥ 2 ॥ কণ্বেন সুয়োধনংপ্রতি গরুডনিদর্শনপ্রদর্শনপূর্বকং গর্বপরিহারেণ পাণ্ডবৈঃ সহ শমবিধানম্ ॥ 3 ॥ দুর্যোধনেন ঊরুতাজনপূর্বকং কণ্বোপহাসে তেন তং প্রতি তব ঊরাবেব মৃত্যুর্ভবিষ্যতীতি শাপদানম্ ॥ 4 ॥Mahabharata - Udyoga Parva - Chapter Text
5-105-0 (35473)
কণ্ব উবাচ। 5-105-0x (3702)
গরুডস্তত্র শুশ্রাব যথাবৃত্তং মহাবলঃ ।
আয়ুঃপ্রদানং শক্রেণ কৃতং নাগস্য ভারত ॥ 5-105-1 (35474)
পক্ষবাতেন মহতা রুদ্ধ্বা ত্রিভুবনং খগঃ।
সুপর্ণঃ পরমক্রুদ্ধো বাসবং সমুপাদ্রবৎ ॥ 5-105-2 (35475)
গরুড উবাচ। 5-105-3x (3703)
ভগবন্কিমবজ্ঞানাদ্বৃত্তিঃ প্রতিহতা মম।
কামকারবরং দত্ৎবা পুনশ্চলিতবানসি ॥ 5-105-3 (35476)
নিসর্গাৎসর্বভূতানাং সর্বভূতেশ্বরেণ মে।
আহারো বিহিতো ধাত্রা কিমর্থং বার্যতে ৎবয়া ॥ 5-105-4 (35477)
বৃতশ্চৈষ মহানাগঃ স্থাপিতঃ সময়শ্চ মে।
অনেন চ ময়া দেব ভর্তব্যঃ প্রসবো মহান্ ॥ 5-105-5 (35478)
এতস্মিংস্তু তথাভূতে নান্যং হিংসিতুমুৎসহে ।
ক্রীডসে কামকারেণ দেবরাজ যথেচ্ছকম্ ॥ 5-105-6 (35479)
সোঽহং প্রাণান্বিমোক্ষ্যামি তথা পরিজনো মম।
যে চ ভৃত্যা মম গৃহে প্রীতিমান্ভব বাসব ॥ 5-105-7 (35480)
`কণ্ব উবাচ। 5-105-8x (3704)
শ্রুৎবা সুপর্ণবচনং সুমুখো দুর্মুখস্তদা।
ত্যক্ৎবা রূপং বিবর্ণস্তু সর্পরূপধরোঽভবৎ ।
গৎবা বিষ্ণুসমীপং তু পাদপীঠং সমাশ্লিষৎ ॥ 5-105-8 (35481)
ইন্দ্র উবাচ। 5-105-9x (3705)
ন মৎকৃতং বৈনতেয় ন মাং ক্রোদ্ধুং ৎবমর্হসি।
দত্তাভয়ঃ স সুমুখো বিষ্ণুনা প্রভবিষ্ণুনা ।
শ্রৎবা পুরন্দরেণোক্তমুবাচ বিনতাসুতঃ ॥' 5-105-9 (35482)
এতচ্চৈবাহমর্হামি ভূয়শ্চ বলবৃত্রহন্।
ত্রৈলোক্যস্যেশ্বরো যোঽহং পরভৃত্যৎবমাগতঃ ॥ 5-105-10 (35483)
ৎবয়ি তিষ্ঠতি দেবেশ ন বিষ্ণুঃ কারণং মম।
ত্রৈলোক্যরাজরাজ্যং হি ৎবয়ি বাসব শাশ্বতম্ ॥ 5-105-11 (35484)
মমাপি দক্ষস্য সুতা জননী কশ্যপঃ পিতা।
অহমত্যুৎসহে লোকান্সমন্তাদ্বোঢুমোজসা ॥ 5-105-12 (35485)
অসহ্যং সর্বভূতানাং মমাপি বিপুলং বলম্।
ময়াঽপি সুমহৎকর্ম কৃতং দৈতেয়বিগ্রহে ॥ 5-105-13 (35486)
শ্রুতশ্রীঃ শ্রুতসেনশ্চ বিবস্বান্রোচনামুখঃ ।
প্রস্রুতঃ কালকাক্ষশ্চ ময়াঽপি দিতিজা হতাঃ ॥ 5-105-14 (35487)
যত্তু ধ্বজস্থানগতো যত্নাৎপরিচরাম্যহম্।
বহামি চৈবানুজং তে তেন মামবমন্যসে ॥ 5-105-15 (35488)
কোঽন্যো ভারসহো হ্যস্তি কোঽন্যোস্তি বলবত্তরঃ ।
ময়া যোঽহং বিশিষ্টঃ সন্বহামীমং সবান্ধবং ॥ 5-105-16 (35489)
অবজ্ঞায় তু যত্তেঽহং ভোজনাদ্ব্যপরোপিতঃ ।
তেন মে গৌরবং নষ্টং ৎবত্তশ্চাস্মাচ্চ বাসব ॥ 5-105-17 (35490)
অদিত্যাং য ইমে জাতা বলবিক্রমশালিনঃ ।
ৎবমেষাং কিল সর্বেষাং বলেন বলবত্তরঃ ॥ 5-105-18 (35491)
সোঽহং পক্ষৈকদেশেন বহামি ৎবাং গতক্লমঃ ।
বিমৃশ ৎবং শনৈস্তাত কোঽন্বত্র বলবানিতি ॥ 5-105-19 (35492)
কণ্ব উবাচ। 5-105-20x (3706)
স তস্য বচনং শ্রুৎবা খগস্যোদর্কদারুণম্।
অক্ষোভ্যং ক্ষোভয়ংস্তার্ক্ষ্যমুবাচ রথচক্রভৃৎ ॥ 5-105-20 (35493)
গরুত্মন্মন্যসেত্মানং বলবন্তং সুদুর্বলম্ ।
অলমস্মৎসমক্ষং তে স্তোতুমাত্মানমণ্ডজ ॥ 5-105-21 (35494)
ত্রৈলোক্যমপি মে কৃৎস্নমশক্তং দেহধারণে।
অহমেবাত্মনাত্মানং বহামি ৎবাং চ ধারয়ে ॥ 5-105-22 (35495)
`ন ৎবং বহসি মাং দোর্ভ্যাং মোঘং তব বিকত্থনম্ ।'
ইমং তাবন্মমৈকং ৎবং বাহুং সব্যেতরং বহ।
যদ্যেনং ধারয়স্যেকং সফলং তে বিকত্থিতম্ ॥ 5-105-23 (35496)
ইত্যুক্ৎবা ভগবাংস্তস্য স্কন্ধে বাহুং সমাসজৎ ।
`আরোপিতং সমুদ্বোঢুং ভারং তং নাশকদ্বলাৎ ।'
নিপপাত স ভারার্তো বিহলো নষ্টচেতনঃ ॥ 5-105-24 (35497)
যাবান্হি ভারঃ কৃৎস্নায়াঃ পৃথিব্যাঃ পর্বতৈঃ সহ ।
একস্যা দেহশাখায়াস্তাবদ্ভারমমন্যত ॥ 5-105-25 (35498)
ন ৎবেনং পীডয়ামাস বলেন বলবত্তরঃ।
ততো হি জীবিতং তস্য ন ব্যনীনশদচ্যুতঃ ॥ 5-105-26 (35499)
ব্যাত্তাস্যঃ স্রস্তকায়শ্চ বিচেতা বিহ্বলঃ খগঃ ।
মুমোচ পত্রাণি তদা গুরুভারপ্রপীডিতঃ॥ 5-105-27 (35500)
স বিষ্ণুং শিরসা পক্ষী প্রণম্য বিনতাসুতঃ।
বিচেতা বিহ্বলো দীনঃ কিংচিদ্বচনমব্রবীৎ ॥ 5-105-28 (35501)
ভগবঁল্লোকসারস্য সদৃশেন বপুষ্মতা।
ভুজেন স্বৈরমুক্তেন নিষ্পিষ্টোঽস্মি মহীতলে ॥ 5-105-29 (35502)
ক্ষন্তুমর্হসি মে দেব বিহ্বলস্যাল্পচেতসঃ।
বলদাহবিদগ্ধস্য পক্ষিণো ধ্বজবাসিনঃ ॥ 5-105-30 (35503)
ন হি জ্ঞাতং বলং দেব ময়া তে পরম বিভো।
তেন মন্যাম্যহং বীর্যমাত্মনো ন সমং পরৈঃ ॥ 5-105-31 (35504)
কণ্ব উবাচ। 5-105-32x (3707)
ততশ্চক্রে স ভগবান্প্রসাদং বৈ গরুত্মতঃ।
মৈবং ভূয় ইতি স্নেহাত্তদা চৈনমুবাচ হ ॥ 5-105-32 (35505)
পাদাঙ্গুষ্ঠেন চিক্ষেপ সুমুখং গরুডোরসি।
ততঃ প্রভৃতি রাজেন্দ্র সহসর্পেণ বর্ততে ॥ 5-105-33 (35506)
এবং বিষ্ণুবলাক্রান্তো গর্বনাশমুপাগতঃ।
গরুডো বলবান্রাজন্বৈনতেয়ো মহায়শাঃ ॥ 5-105-34 (35507)
কণ্ব উবাচ। 5-105-35x (3708)
তথা ৎবমপি গান্ধারে যাবৎপাণ্ডুসুতান্রণে।
নাসাদয়সি তান্বীরাংস্তাবজ্জীবসি পুত্রক ॥ 5-105-35 (35508)
ভীমঃ প্রহরতাং শ্রেষ্ঠো বায়ুপুত্রো মহাবলঃ ।
ধনঞ্জয়শ্চেন্দ্রসুতো ন হন্যাতাং তু কং রণে ॥ 5-105-36 (35509)
বিষ্ণুর্বায়ুশ্চ শক্রশ্চ ধর্মস্তৌ চাশ্বিনাবুভৌ ।
এতে দেবাস্ৎবয়া কেন হেতুনা বীক্ষিতুং ক্ষমাঃ ॥ 5-105-37 (35510)
তদলং তে বিরোধেন শমং গচ্ছ নৃপাত্মজ ।
বাসুদেবেন তীর্থেন কুলং রক্ষিতুমর্হসি ॥ 5-105-38 (35511)
প্রত্যক্ষদর্শী সর্বস্য নারদোঽয়ং মহাতপাঃ ।
মাহাত্ম্যস্য তদা বিষ্ণোঃ সোঽয়ং চক্রগদাধরঃ ॥ 5-105-39 (35512)
বৈশম্পায়ন উবাচ। 5-105-40x (3709)
দুর্যোধনস্তু তচ্ছ্রুৎবা নিশ্বসন্ভৃকুটীমুখঃ।
রাধেয়মভিসংপ্রেক্ষ্য জহাস স্বনবত্তদা ॥ 5-105-40 (35513)
কদর্থীকৃত্য তদ্বাক্যমৃষেঃ কণ্বস্য দুর্মতিঃ ।
ঊরুং গজকরাকারং তাডয়ন্নিদমব্রবীৎ ॥ 5-105-41 (35514)
যথৈবেশ্বরসৃষ্টোঽস্মি যদ্ভাবি যা চ মে গতিঃ।
তথা মহর্ষে বর্তামি কিং প্রলাপঃ করিষ্যতি ॥ 5-105-42 (35515)
` ততঃ কণ্বোঽব্রবীৎক্রুদ্ধো দুর্যোধনমপণ্ডিতম্ ।
যস্মাদূকং তাডয়সি ঊরৌ মৃত্যুর্ভবিষ্যতি ॥' ॥ 5-105-43 (35516)
ইতি শ্রীমন্মহাভারতে উদ্যোগপর্বণি ভগবদ্যানপর্বণি পঞ্চাধিকশততমোঽধ্যায়ঃ ॥
উদ্যোগপর্ব - অধ্যায় 106
॥ শ্রীঃ ॥
5.106. অধ্যায়ঃ 106
Mahabharata - Udyoga Parva - Chapter Topics
নির্বন্ধস্যানর্থহেতুতায়াং নিদর্শনপ্রদর্শনায় দুর্যোধনংপ্রতি নারদেন গালবোপাখ্যানকথনারম্ভঃ ॥ 1 ॥ বিশ্বামিত্রেণ গুরুদক্ষিণানিষেধনেঽপি নির্বন্ধকারিণং গালবংপ্রতি একতশ্শ্যামকর্ণশ্বেতাশ্বশতাষ্টকানয়ননিয়োগঃ ॥ 2 ॥Mahabharata - Udyoga Parva - Chapter Text
5-106-0 (35517)
জনমেজয় উবাচ। 5-106-0x (3710)
অনর্থে জাতিনির্বন্ধং পরার্থে লোভমোহিতম্।
অনার্যকেষ্বভিরতং মরণে কৃতনিশ্চয়ম্ ॥ 5-106-1 (35518)
জ্ঞাতীনাং দুঃখকর্তারং বন্ধূনাং শোকবর্ধনম্ ।
সুহৃদাং ক্লেশদাতারং দ্বিষতাং হর্ষবর্ধনম্ ॥ 5-106-2 (35519)
কথং নৈনং বিমার্গস্থং বারয়ন্তীহ বান্ধবাঃ।
সৌহৃদাদ্বা সুহৃৎস্নিগ্ধো ভগবান্বা পিতামহঃ ॥ 5-106-3 (35520)
বৈশম্পায়ন উবাচ। 5-106-4x (3711)
উক্তং ভগবতা বাক্যমুক্তং ভীষ্মেণ যৎক্ষমম্।
উক্তং বহুবিধং চৈব নারদেনাপি তচ্ছৃণু ॥ 5-106-4 (35521)
নারদ উবাচ। 5-106-5x (3712)
দুর্লভো বৈ সুহৃচ্ছ্রোতা দুর্লভশ্চ হিতঃ সুহৃৎ।
তিষ্ঠতে হি সুহ্যদ্যত্র ন বন্ধুস্তত্র তিষ্ঠতে ॥ 5-106-5 (35522)
শ্রোতব্যমপি পশ্যাপি সুহৃদাং কুরুনন্দন।
ন কর্তব্যশ্চ নির্বন্ধো নির্বন্ধো হি সুদারুণঃ ॥ 5-106-6 (35523)
অত্রাপ্যুদাহরন্তীমমিতিহাসং পুরাতনম্ ।
যথা নির্বন্ধতঃ প্রাপ্তো গালবেন পরাজয়ঃ ॥ 5-106-7 (35524)
বিশ্বামিত্রং তপস্যন্তং ধর্মো জিজ্ঞাসয়া পুরা ।
অভ্যগচ্ছৎস্বয়ং ভূৎবা বসিষ্ঠো ভগবানৃষিঃ ॥ 5-106-8 (35525)
সপ্তর্ষীণামন্যতমং বেষমাস্থায় ভারত।
বভুক্ষুঃ ক্ষুধিতো রাজন্নাশ্রমং কৌশিকস্য তু ॥ 5-106-9 (35526)
বিশ্বামিত্রোঽথ সংভ্রান্তঃ শ্রপয়ামাস বৈ চরুম্ ।
পরমান্নস্য যত্নেন ন চ তং প্রত্যপালয়ৎ ॥ 5-106-10 (35527)
অন্নং তেন যদা ভুক্তমন্যৈর্দত্তং তপস্বিভিঃ ।
অথ গৃহ্ণান্নমত্যুষ্ণং বিশ্বামিত্রোঽপ্যুপাগমৎ ॥ 5-106-11 (35528)
ভুক্তং মে তিষ্ঠ তাবত্ৎবমিত্যুক্ৎবা ভগবান্যযৌ ।
বিশ্বামিত্রস্ততো রাজন্স্থিত এব মহাদ্যুতিঃ ॥ 5-106-12 (35529)
ভক্তং প্রগৃহ্য মূর্ধ্না বৈ বাহুভ্যাং সংশিতব্রতঃ ।
স্থিতঃ স্থাণুরিবাভ্যাশে নিশ্চেষ্টো মারুতাশনঃ ॥ 5-106-13 (35530)
তস্য শুশ্রূষণে যত্নমকরোদ্গালবো মুনিঃ ।
গৌরবাদ্বহুমানাচ্চ হার্দেন প্রিয়কাম্যযা ॥ 5-106-14 (35531)
অথ বর্ষশতে পূর্ণে ধর্মঃ পুনরুপাগমৎ।
বাসিষ্ঠং বেষমাস্থায় কৌশিকং ভোজনেপ্সয়া ॥ 5-106-15 (35532)
স দৃষ্ট্বা শিরসা ভক্তং ধ্রিয়মাণং মহর্ষিণা ।
তিষ্ঠতা বায়ুভক্ষেণ বিশ্বামিত্রেণ ধীমতা ॥ 5-106-16 (35533)
প্রতিগৃহ্য ততো ধর্মস্তথৈবোষ্ণং তথা নবম্ ।
ভুক্ৎবা প্রীতোস্মি বিপ্রর্ষে তমুক্ৎবা স মুনির্গতঃ ॥ 5-106-17 (35534)
ক্ষত্রভাবাদপগতো ব্রাহ্মণৎবমুপাগতঃ।
ধর্মস্য বচনাৎপ্রীতো বিশ্বামিত্রস্তথাঽভবৎ॥ 5-106-18 (35535)
বিশ্বামিত্রস্তু শিষ্যস্য গালবস্য তপস্বিনঃ ।
শুশ্রূষয়া চ ভক্ত্যা চ প্রীতিমানিত্যুবাচ হ ॥ 5-106-19 (35536)
অনুজ্ঞাতো ময়া বৎস যথেষ্টং গচ্ছ গবালব।
ইত্যুক্তঃ প্রত্যুবাচেদং গালবো মুনিসত্তমম্ ॥ 5-106-20 (35537)
প্রীতো মধুরয়া বাচা বিশ্বামিত্রং মহাদ্যুতিম্ ।
দক্ষিণাঃ কাঃ প্রয়চ্ছামি ভবতে গুরুকর্মণি ॥ 5-106-21 (35538)
দক্ষিণাভিরুপেতং হি কর্ম সিদ্ধ্যতি মানদ।
দক্ষিণানাং হি দাতা বৈ অপবর্গেণ যুজ্যতে ॥ 5-106-22 (35539)
স্বর্গে ক্রতুফলং তদ্ধি দক্ষিণা শান্তিরুচ্যতে।
কিমাহরামি গুর্বর্থং ব্রবীতু ভগবানিতি ॥ 5-106-23 (35540)
স জানানস্তু ভগবান্খিন্নং শুশ্রূষণেন বৈ।
বিশ্বামিত্রস্তমসকৃদ্গচ্ছ গচ্ছেত্যচোদয়ৎ ॥ 5-106-24 (35541)
অসকৃদ্গচ্ছগচ্ছেতি বিশ্বামিত্রেণ ভাষিতঃ ।
কিং দদানীতি বহুশো গালবঃ প্রত্যভাষত ॥ 5-106-25 (35542)
নির্বন্ধতস্তু বহুশো গালবস্য তপস্বিনঃ।
কিংচিদাগতসংরম্ভো বিশ্বামিত্রোঽব্রবীদিদম্ ॥ 5-106-26 (35543)
একতঃশ্যামকর্ণানাং হয়ানাং চন্দ্রবর্চসাম্।
অষ্টৌ শতানি মে দেহি গচ্ছ গালব মা চিরম্ ॥ ॥ 5-106-27 (35544)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ষডধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-106-1 পরার্থে পরস্বনিমিত্তম্ ॥ 5-106-5 সুহৃৎ প্রত্যুপকারমনপেক্ষ্য উপকর্তা ॥ 5-106-6 শ্রোতব্যং শ্রোতুং যুক্তম্। নির্বন্ধঃ সত্যপি বলবদ্বাধকে তত্রৈবাগ্রহঃ ॥ 5-106-10 ন প্রত্যপালয়ৎ অন্নসিদ্ধিপর্যন্তং ন প্রতীক্ষিতবান্ ॥ 5-106-11 তেন বসিষ্ঠেন । উপাগমৎ বসিষ্ঠসমীপম্ ॥ 5-106-13 মূধ্নী বাহুভ্যাং চ পরিগৃহ্য। অভ্যাশে সমীপে আশ্রমস্য ॥ 5-106-14 গৌরবাৎ গুরুৎবাৎ। বহুমানাৎ লোকপূজ্যৎবাৎ। হার্দেন প্রীত্যা ॥ 5-106-19 শুশ্রূষয়া সেবয়া। ভক্ত্যা আরাধ্যৎবজ্ঞানেন ॥ 5-106-21 গুরুকর্মণি ব্রহ্মচর্যব্রতসমাপ্তৌ সত্যাম্ ॥ 5-106-22 অপবর্গেণ ফলপ্রাপ্ত্যা ॥ 5-106-23 ক্রতুফলং দক্ষিণাপ্রদ এব প্রাপ্নোতি । শান্তিঃ সর্বোপদ্রবহারিণী ॥ 5-106-27 শ্যামো হরিতঃ । একতঃ বহিঃপ্রদেশে এব শ্যামাঃ কর্ণা যেষাং একতঃশ্যামকর্ণানাম্ ॥উদ্যোগপর্ব - অধ্যায় 107
॥ শ্রীঃ ॥
5.107. অধ্যায়ঃ 107
Mahabharata - Udyoga Parva - Chapter Topics
বিশ্বামিত্রোক্তলক্ষণাশ্বাধিগমোপায়াপরিজ্ঞানেন শোচতা গালবেন স্বার্থলাভায় শ্রীবিষ্ণূপাসনম্ ॥ 1 ॥ সুহৃদা গরুডেন গালবমুপগম্য স্বেন তস্যাভিমতদেশপ্রাণকথনম্ ॥ 2 ॥Mahabharata - Udyoga Parva - Chapter Text
5-107-0 (35545)
নারদ উবচ। 5-107-0x (3713)
এবমুক্তস্তদা তেন বিশ্বামিত্রেণ ধীমতা।
নাস্তে ন শেতে নাহারং কুরুতে গালবস্তদা ॥ 5-107-1 (35546)
ৎবগস্থিভূতো হরিণাশ্চিন্তাশোকপরায়ণঃ।
শোচমানোঽতিমাত্রং স দহ্যমানশ্চ মন্যুনা ।
গালবো দুঃখিতো দুঃখাদ্বিললাপ সুয়োধন ॥ 5-107-2 (35547)
কুতঃ পুষ্টানি মিত্রাণি কুতোঽর্থাঃ সঞ্চয়ঃ কৃতঃ ।
হয়ানাং চন্দ্রশুভ্রাণাং শতান্যষ্টৌ কুতো মম ॥ 5-107-3 (35548)
কুতো মে ভোজনে শ্রদ্ধা সুখশ্রদ্ধা কুতশ্চ মে।
শ্রদ্ধা মে জীবিতস্যাপি ছিন্না কিং জীবিতেন মে ॥ 5-107-4 (35549)
অহং পারে সমুদ্রস্য পৃথিব্যা বা পরং পরাৎ।
গৎবাঽঽত্মানং বিমুঞ্চামি কিং ফলং জীবিতেন মে ॥ 5-107-5 (35550)
অদনস্যাকৃতার্থস্য ত্যক্তস্য বিবিধৈঃ ফলৈঃ ।
ঋণং ধারয়মাণস্য কুতঃ সুখমনীহয়া ॥ 5-107-6 (35551)
সুহৃদাং হি ধনং ভুক্ৎবা কৃৎবা প্রণয়মীপ্সিতম্ ।
প্রতিকর্তুমশক্তস্য জীবিতান্মরণং বরম্ ॥ 5-107-7 (35552)
প্রতিশ্রুত্য করিষ্যেতি কর্তব্যং তদকুর্বতঃ ।
মিথ্যাবচনদগ্ধস্য ইষ্টাপূর্তং প্রণশ্যতি ॥ 5-107-8 (35553)
ন রূপমনৃতস্যাস্তি নানৃতস্যাস্তি সন্ততিঃ ।
নানৃতস্যাধিপত্যং চ কুত এব গতিঃ শুভা ॥ 5-107-9 (35554)
কুতঃ কৃতঘ্নস্য যশঃ কুতঃ স্থানং কুতঃ সুখম্।
অশ্রদ্ধেয়ঃ কৃতঘ্নো হি কৃতঘ্নে নাস্তি নিষ্কৃতিঃ ॥ 5-107-10 (35555)
ন জীবত্যধনঃ পাপঃ কুতঃ পাপস্য তন্ত্রণম্।
পাপো ধ্রুবমবাপ্নোতি বিনাশং নাশয়ন্কৃতম্ ॥ 5-107-11 (35556)
সোঽহং পাপঃ কৃতঘ্নস্য কৃপণশ্চানৃতোঽপি চ ।
গুরোর্যঃ কৃতকার্যঃ সংস্তৎকরোমি ন ভাষিতম্ ॥ 5-107-12 (35557)
সোঽহং প্রাণান্বিমোক্ষ্যামি কৃৎবা যত্নমনুত্তমম্ ।
অর্থিতা ন ময়া কাচিৎকৃতপূর্বা দিবৌকসাম্ ॥ 5-107-13 (35558)
মানয়ন্তি চ মাং সর্বে ত্রিদশা যজ্ঞসংস্তরে।
অহং তু বিবুধশ্রেষ্ঠং দেবং ত্রিভুবনেশ্বরম্ ।
বিষ্ণুং গচ্ছাম্যহং কৃষ্ণং গতিং গতিমতাং বরম্ ॥ 5-107-14 (35559)
ভোগা যস্মাৎপ্রতিষ্ঠন্তে ব্যাপ্য সর্বান্সুরাসুরান্।
প্রণতো দ্রষ্টুমিচ্ছামি কৃষ্ণং যোগিনমব্যযম্ ॥ 5-107-15 (35560)
এবমুক্তে সখা তস্য গরুডো বিনতাত্মজঃ ।
দর্শয়ামাস তং প্রাহ সংহৃষ্টঃ প্রিয়কাম্যযা ॥ 5-107-16 (35561)
সহৃদ্ভবান্মম মতঃ সুহৃদাং চ মতঃ সুহৃৎ।
ঈপ্সিতেনাভিলাষেণ যোক্তব্যো বিভবে সতি ॥ 5-107-17 (35562)
বিভবশ্চাস্তি মে বিপ্র বাসবাবরজো দ্বিজ ।
পূর্বমুক্তস্ৎবদর্থং চ কৃতঃ কামশ্চ তেন মে ॥ 5-107-18 (35563)
5-107-19 (35564)
স ভবানেতু গচ্ছাব নয়িষ্যে ৎবাং যথাসুখম্ ।
দেশং পারং পৃথিব্যা বা গচ্ছ গালব মা চিরম্ ॥
Mahabharata - Udyoga Parva - Chapter Footnotes
5-107-5 পরং পরাৎ দূরাদপি দূরম্। আত্মানং দেহম্ । 5-107-6 অনীহয়া অনুদ্যমেন ॥ 5-107-7 ঈপ্সিতং দাস্যামীতি বিশ্বাসমুৎপাদ্য ॥ 5-107-8 করিষ্যেতীতি সংধিরার্ষঃ ॥ 5-107-9 অনৃতস্য সত্যহীনস্য ॥ 5-107-11 তন্ত্রণং কুটুম্বধারণম্ ॥ 5-107-14 অত্রাহমিতিপদস্য দ্বিরাবৃত্তির্বক্তুর্বৈক্লব্যাদদোষঃ ॥উদ্যোগপর্ব - অধ্যায় 108
॥ শ্রীঃ ॥
5.108. অধ্যায়ঃ 108
Mahabharata - Udyoga Parva - Chapter Topics
গালবংপ্রতি গরুডেন স্বেন তস্য পূর্বাদিদিক্প্রাপণকথনপূর্বকং পূর্বদিগ্গুণবর্ণনম্ ॥ 1 ॥Mahabharata - Udyoga Parva - Chapter Text
5-108-0 (35565)
সুপর্ণ উবাচ। 5-108-0x (3714)
অনুশিষ্টোঽস্মি দেবেন গালব জ্ঞানয়োনিনা।
ব্রূহি কামং তু কাং যামি দ্রষ্টুং প্রথমমো দিশম্ ॥ 5-108-1 (35566)
পূর্বাং বা দক্ষিণাং বাহমথবা পশ্চিমাং দিশম্।
উত্তরাং বা দ্বিজশ্রেষ্ঠ কুতো গচ্ছামি গালব ॥ 5-108-2 (35567)
যস্যামুদয়তে পূর্বং সর্বলোকপ্রভাবনঃ ।
সবিতা যত্র সন্ধ্যায়াং সাধ্যানাং বর্ততে তপঃ ॥ 5-108-3 (35568)
যস্যাং পূর্বং মতির্জাতা যয়া ব্যাপ্তমিদং জগৎ।
চক্ষুষী যত্র ধর্মস্য যত্র চৈষ প্রতিষ্ঠিতঃ ॥ 5-108-4 (35569)
কৃতং যতো হুতং হব্যং সর্পতে সর্বতোদিশম্ ॥
এতদ্দ্বারং দ্বিজশ্রেষ্ঠ দিবসস্য তথাঽধ্বনঃ ॥ 5-108-5 (35570)
অত্র পূর্বং প্রসূতা বৈ দাক্ষায়ণ্যঃ প্রজাঃ স্ত্রিয়ঃ ।
যস্যাং দিশি প্রবৃদ্ধাশ্চ কশ্যপস্যাত্মসংভবাঃ ॥ 5-108-6 (35571)
অদোমূলা সুরাণাং শ্রীর্যত্র শক্রোঽভ্যষিচ্যত।
সুররাজ্যেন বিপ্রর্ষে দেবৈশ্চাত্র তপশ্চিতম্ ॥ 5-108-7 (35572)
এতস্মাৎকারণাদ্ব্রহ্মন্পূর্বেত্যেষা দিগুচ্যতে।
যস্মাৎপূর্বতরে কালে পূর্বমেবাবৃতাসুরৈঃ ॥ 5-108-8 (35573)
অত এব চ সর্বেষাং পূর্বামাশাং প্রচক্ষতে ।
পূর্বং সর্বাণি কার্যাণি দৈবানি সুখমীপ্সতা ॥ 5-108-9 (35574)
অত্র বেদাঞ্জগৌ পূর্বং ভগবাঁল্লোকভাবনঃ ।
অত্রৈবোক্তা সবিত্রাসীৎসাবিত্রী ব্রহ্মবাদিষু ॥ 5-108-10 (35575)
অত্র দত্তানি সূর্যেণ যজূংষি দ্বিজসত্তম ।
অত্র লব্ধবরঃ সোমঃ সুরৈঃ ক্রতুষু পীয়তে ॥ 5-108-11 (35576)
অত্র তৃপ্তা হুতবহাঃ স্বাং যোনিমুপভুঞ্জতে ।
অত্র পাতালমাশ্রিত্য বরুণঃ শ্রিয়মাপ চ ॥ 5-108-12 (35577)
অত্র পূর্বং বসিষ্ঠস্য পৌরাণস্য দ্বিজর্ষভ ।
সূতিশ্চৈব প্রতিষ্ঠা চ নিধনং চ প্রকাশতে ॥ 5-108-13 (35578)
ওঙ্কারস্যাত্র জায়ন্তে সৃতয়ো দশতীর্দশ ।
পিবন্তি মুনয়ো যত্র হবির্ধূমং স্ম ধূমপাঃ ॥ 5-108-14 (35579)
প্রোক্ষিতা যত্র বহবো বরাহাদ্যা মৃগা বনে।
শক্রেণ যজ্ঞভাগার্থে দৈবতেষু প্রকল্পিতাঃ ॥ 5-108-15 (35580)
অত্রাহিতাঃ কৃতঘ্নাশ্চ মানুষাশ্চাসুরাশ্চ যে।
উদয়ংস্তান্হি সর্বান্বৈ ক্রোধাদ্ধন্তি বিভাবসুঃ ॥ 5-108-16 (35581)
এতদ্দ্বারং ত্রিলোকস্য স্বর্গস্য চ সুখস্য চ।
এষ পূর্বো দিশাং ভাগো বিশাবোঽত্র যদীচ্ছসি ॥ 5-108-17 (35582)
প্রিয়ং কার্যং হি মে তস্য যস্যাস্মি বচনে স্থিতঃ।
ব্রূহি গালব যাস্যামি শৃণু চাপ্যপরাং দিশম্ ॥ ॥ 5-108-18 (35583)
ইতি শ্রীমন্মহাভারতে উদ্যোগপর্বণি ভগবদ্যানপর্বণি অষ্টাধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-108-4 গতির্বুদ্ধিঃ জাতা প্রাপ্তা। চক্ষুষী আজ্যভাগাখ্যে অগ্নীষোমদৈবত্যে। ধর্মস্য যজ্ঞস্য ॥ 5-108-6 দাক্ষায়ণ্যঃ অদিত্যাদয়ঃ। প্রজাঃ লোকান্ ॥ 5-108-9 পূর্বং পূর্বসংস্থানি । সুখমীপ্সতা সুখাদ্যর্থিনা ॥ 5-108-11 যজূংষি দত্তানি যাজ্ঞবল্ক্যায়েতি শেষঃ ॥ 5-108-12 স্বাং যোনিং সোমাজ্যপয়আদিরূপং জলম্ ॥ 5-108-13 পূর্বং মিত্রাবরুণয়োর্যজ্ঞকালে। পৌরাণস্য পুরাণস্য স্বার্থে তদ্ধিতঃ । নিধনং নিমিশাপাৎ ॥ 5-108-14 দশশতীশব্দস্য পৃষোদরাদিশকারলোপেন দশতীশব্দঃ সহস্রবাচী। দশতীরিত্যত্র বাছন্দসীতি পূর্বসবর্ণঃ। সৃতয়ো মার্গাঃ ॥ 5-108-16 তান্ হন্তি তেষামায়ুরল্পীকরোতীত্যর্থঃ ॥উদ্যোগপর্ব - অধ্যায় 109
॥ শ্রীঃ ॥
5.109. অধ্যায়ঃ 109
Mahabharata - Udyoga Parva - Chapter Topics
গরুডেন গালবংপ্রতি দক্ষিণদিগ্গুণবর্ণনম্ ॥ 1 ॥Mahabharata - Udyoga Parva - Chapter Text
5-109-0 (35584)
সুপর্ণ উবাচ। 5-109-0x (3715)
ইয়ং বিবস্বদা পূর্বং শ্রৌতেন বিধিনা কিল।
গুরবে দক্ষিণা দত্তা দক্ষিণেত্যুচ্যতে চ দিক্ ॥ 5-109-1 (35585)
অত্র লোকত্রয়স্যাস্য পিতৃপক্ষঃ প্রতিষ্ঠিতঃ।
অত্রোষ্মপাণাং দেবানাং নিবাসঃ শ্রূয়তে দ্বিজ ॥ 5-109-2 (35586)
অত্র বিশ্বে সদা দেবাঃ পিতৃভিঃ সার্ধমাসতে।
ইজ্যমানাঃ স্ম লোকেষু সংপ্রাপ্তাস্তুল্যভাগতাম্ ॥ 5-109-3 (35587)
এতদ্দ্বিতীয়ং দেবস্য দ্বারমাচক্ষতে দ্বিজ।
ত্রুটিশো লবশশ্চাপি গণ্যতে কালনিশ্চয়ঃ ॥ 5-109-4 (35588)
অত্র দেবর্ষয়ো নিত্যং পিতৃলোকর্ষয়স্তথা।
তথা রাজর্ষয়ঃ সর্বে নিবসন্তি গতব্যথাঃ ॥ 5-109-5 (35589)
অত্র ধর্মশ্চ সত্যং চ কর্ম চাত্র নিগদ্যতে।
গতিরেষা দ্বিজশ্রেষ্ঠ কর্মণামবসায়িনাম্ ॥ 5-109-6 (35590)
এষা দিক্সা দ্বিজশ্রেষ্ঠ যাং সর্বঃ প্রতিপদ্যতে।
বৃতা ৎবনববোধেন সুখং তেন ন গম্যতে ॥ 5-109-7 (35591)
নৈর্ঋতানাং সহস্রামি বহূন্যত্র দ্বিজর্ষভ ।
সৃষ্টানি প্রতিকূলানি দ্রষ্টব্যান্যকৃতাত্মভিঃ ॥ 5-109-8 (35592)
অত্র মন্দরকুঞ্জেষু বিপ্রর্ষিসদনেষু চ।
গায়ন্তি গাথা গন্ধর্বাশ্চিত্তবুদ্ধিহরা দ্বিজ ॥ 5-109-9 (35593)
অত্র সামানি গাথাভিঃ শ্রুৎবা গীতানি রৈবতঃ ।
গতদারো গতামাত্যো গতরাজ্যো বনং গতঃ ॥ 5-109-10 (35594)
অত্র সাবর্মিনা চৈব যবক্রীতাত্মজেন চ।
মর্যাদা স্থাপিতা ব্রহ্মন্যাং সূর্যো নাতিবর্ততে ॥ 5-109-11 (35595)
অত্র রাক্ষসরাজেন পৌলস্ত্যেন মহাত্মনা ।
রাবণেন তপঃ কৃৎবা সুরেভ্যোঽমরতা বৃতা ॥ 5-109-12 (35596)
অত্র বৃত্তেন বৃত্রোঽপি শক্রশত্রুৎবমেয়িবান্ ।
অত্র সর্বাসবঃ প্রাপ্তাঃ পুনর্গচ্ছন্তি পঞ্চধা ॥ 5-109-13 (35597)
অত্র দুষ্কৃতকর্মাণো নরাঃ পচ্যন্তি গালব ।
অত্র বৈতরণী নাম নদী বৈতরণৈর্বৃতা ॥ 5-109-14 (35598)
অত্র গৎবা সুখস্যান্তং দুঃখস্যান্তং প্রপদ্যতে।
অত্রাবৃত্তো দিনকরঃ সুরসং ক্ষরতে পয়ঃ ॥ 5-109-15 (35599)
কাষ্ঠাং চাসাদ্য বাসিষ্ঠীং হিমমুৎসৃজতে পুনঃ।
অত্রাহং গালব পুরা ক্ষুধাঽঽর্তঃ পরিচিন্তয়ন্ ॥ 5-109-16 (35600)
লব্ধবান্যুধ্যমানৌ দ্বৌ বৃহন্তৌ গজকচ্ছপৌ ।
অত্র চক্রধনুর্নাম সূর্যাঞ্জাতো মহানৃষিঃ ॥ 5-109-17 (35601)
বিদুর্যং কপিলং দেবং যেনার্তাঃ সগরাত্মজাঃ ।
অত্র সিদ্ধাঃ শিবা নাম ব্রাহ্মণা বেদপারগাঃ ॥ 5-109-18 (35602)
অধীত্য সকলান্বেদাঁল্লেভিরে মোক্ষমক্ষয়ম্।
অত্র ভোগবতী নাম পুরী বাসুকিপালিতা ॥ 5-109-19 (35603)
তক্ষকেণ চ নাগেন তথৈবৈরাবতেন চ।
অত্র নির্যাণকালেঽপি তমঃ সংপ্রাপ্যতে মহৎ ॥ 5-109-20 (35604)
অভেদ্যং ভাস্করেণাপি স্বয়ং বা কৃষ্ণবর্ত্মনা ।
এষ তস্যাপি তে মার্গঃ পরিচারস্য গালব ।
ব্রূহি মে যদি গন্তব্যং প্রতীচীং শৃণু চাপরাম্ ॥ ॥ 5-109-21 (35605)
ইতি শ্রীমন্মহাভরতে উদ্যোগপর্বণি ভগবদ্যানপর্বণি নবাধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-109-2 ঊষ্মপাণাং উষ্ণান্নভোজিনাম্ ॥ 5-109-3 বিশ্বে ত্রয়োদশমিতো গণঃ ॥ 5-109-4 দ্বিতীয়ং দেবস্য ধর্মস্য দ্বারম্ ॥ 5-109-11 সাবর্ণিনা অনুনা । মর্যাদা সূর্যরথস্য ॥ 5-109-13 সর্বাসবঃ সর্বেষাং প্রাণা অত্র প্রাপ্তাঃ সন্তঃ পুনঃ পঞ্চধা গচ্ছন্তি দেহং প্রাপ্নুবন্তি। প্রাণাপানাদিভেদেনেত্যর্থঃ ॥ 5-109-14 বৈতরণৈঃ বৈতরণীনদীসংজ্ঞকনরকাহৈঃ ॥ 5-109-15 সুখস্যান্তং নরকম্। দুঃখস্যান্তং স্বর্গসুখম্। আবৃত্তঃ কর্কায়নগতঃ। তদাহি বৃষ্টির্ভবতি ॥ 5-109-16 বাসিষ্ঠীং কাষ্ঠাং উদীচীং বসিষ্ঠোপলক্ষিতসপ্তর্ষিভিরধিষ্ঠিতাম্ ॥ 5-109-20 নির্যাণকালে মরণকালে । তমঃ আন্ধ্যম্ ॥ 5-109-21 তস্য তে তব পরিচারস্য অন্বেষণস্য ॥উদ্যোগপর্ব - অধ্যায় 110
॥ শ্রীঃ ॥
5.110. অধ্যায়ঃ 110
Mahabharata - Udyoga Parva - Chapter Topics
গরুডেন গালবংপ্রতি পশ্চিমদিগ্গুণবর্ণনম্ ॥ 1 ॥Mahabharata - Udyoga Parva - Chapter Text
5-110-0 (35606)
সুপর্ণ উবাচ। 5-110-0x (3716)
ইয়ং দিগ্দিয়িতা রাজ্ঞো বরুণস্য তু গোপতেঃ ।
সদা সলিলরাজস্য প্রতিষ্ঠা চাদিরেব চ ॥ 5-110-1 (35607)
অত্র পশ্চাদহঃ সূর্যো বিসর্জয়তি গাঃ স্বয়ম্ ।
পশ্চিমেত্যভিবিখ্যাতা দিগিয়ং দ্বিজসত্তম ॥ 5-110-2 (35608)
যাদসামত্র রাজ্যেন সলিলস্য চ গুপ্তয়ে ।
কশ্যপো ভগবান্দেবো বরুণং স্মাভ্যষেচয়ৎ ॥ 5-110-3 (35609)
অত্র পীৎবা সমস্তান্বৈ বরুণস্য রসাংস্তু ষট্ ।
জায়তে তরুণঃ সোমঃ শুক্লস্যাদৌ তমিস্রহা ॥ 5-110-4 (35610)
অত্র পঞ্চাৎকৃতা দৈত্যা বায়ুনা সংয়তাস্তদা ।
নিশ্চসন্তো মহাবাতৈরর্দিতাঃ সুষুপুর্দ্বিজ ॥ 5-110-5 (35611)
অত্র সূর্যং প্রণয়িনং প্রতিগৃহ্ণাতি পর্বতঃ ।
অস্তো নাম যতঃ সন্ধ্যা পশ্চিমা প্রতিসর্যতি ॥ 5-110-6 (35612)
অতো রাত্রিশ্চ নিদ্রা চ নির্গতা দিবসক্ষয়ে।
জায়তে জীবলোকস্য হর্তুমর্ধমিবায়ুষঃ ॥ 5-110-7 (35613)
অত্র দেবীং দিতিং সুপ্তামাত্মপ্রসবধারিণীম্ ।
বিগর্ভামকরোচ্ছক্রো যত্র জাতো মরুদ্গণঃ ॥ 5-110-8 (35614)
অত্র মূলং হিমবতো মন্দরং যাতি শাশ্বতম্ ।
অপি বর্ষসহস্রেণ ন চাস্যান্তোঽধিগম্যতে ॥ 5-110-9 (35615)
অত্র কাঞ্চনশৈলস্য কাঞ্চনাম্বুরুহস্য চ।
উদধেস্তীরমাসাদ্য সুরভিঃ ক্ষরতে পয়ঃ ॥ 5-110-10 (35616)
অত্র মধ্যে সমুদ্রস্য কবন্ধঃ প্রতিদৃশ্যতে।
স্বর্ভানোঃ সূর্যকল্পস্য সোমসূর্যৌ জিঘাংসতঃ ॥ 5-110-11 (35617)
সুবর্ণশিরসোঽপ্যত্র হরিরোম্ণঃ প্রগায়তঃ ।
অদৃশ্যস্যাপ্রমেয়স্য শ্রূয়তে বিপুলো ধ্বনিঃ ॥ 5-110-12 (35618)
অত্র ধ্বজবতী নাম কুমারী হরিমেধসঃ।
আকাশে তিষ্ঠতিষ্ঠেতি তস্থৌ সূর্যস্য শাসনাৎ ॥ 5-110-13 (35619)
অত্র বায়ুস্তথা বহ্নিরাপঃ খং চাপি গালব ।
আহ্নিকং চৈব নৈশং চ দুঃখং স্পর্শং বিমুঞ্চতি ॥ 5-110-14 (35620)
অতঃপ্রভৃতি সূর্যস্য তির্যগাবর্ততে গতিঃ।
অত্র জ্যোতীংষি সর্বাণি বিশন্ত্যাদিত্যমণ্ডলম্ ॥ 5-110-15 (35621)
অষ্টাবিংশতিরাত্রং চ ক্রম্য সহ ভানুনা।
নিষ্পতন্তি পুনঃ সূর্যাৎসোমসংয়োগয়োগতঃ ॥ 5-110-16 (35622)
অত্র নিত্যং স্রবন্তীনাং প্রভবঃ সাগরোদয়ঃ ।
অত্র লোকত্রয়স্যাপস্তিষ্ঠন্তি বরুণালয়ে ॥ 5-110-17 (35623)
অত্র পন্নগরাজস্যাপ্যনন্তস্য নিবেশনম্ ।
অনাদিনিধনস্যাত্র বিষ্ণোঃ স্থানমনুত্তমম্ ॥ 5-110-18 (35624)
অত্রানলসখস্যাপি পবনস্য নিবেশনম্।
মহর্ষেঃ কশ্যপস্যাত্র মারীচস্য নিবেশনম্ ॥ 5-110-19 (35625)
এষ তে পশ্চিমো মার্গো দিগ্দ্বারেণ প্রকীর্তিতঃ।
ব্রূহি গালব গচ্ছাবো বুদ্ধিঃ কা দ্বিজসত্তম ॥ ॥ 5-110-20 (35626)
ইতি শ্রীমন্মহাভারতে উদ্যোগপর্বণি ভগবদ্যানপর্বণি দশাধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-110-1 গোপতেঃ দিক্পালস্য ॥ 5-110-2 অহ্রঃ পশ্চাদ্ভাগে গাঃ রশ্মীন্ বিসর্জয়তি। অতএব পশ্চিমা । 5-110-5 পশ্চাৎকৃতাঃ বেগেন পৃষ্ঠতঃ কৃতাঃ ॥ 5-110-9 মন্দরং সমুদ্রে মগ্নম্। এতেন হিমবন্মূলস্য সমুদ্রজলস্য চাপ্রমেয়ৎবমুক্তম্ ॥ 5-110-10 কাঞ্চনময়ানি অম্বুরুহাণি যত্র তস্য উদধেঃ সমুদ্রতুল্যস্য সরসঃ ॥ 5-110-12 সুবর্ণশিরসো মুনেঃ। হরিরোম্ণঃ অপলিতস্য নিত্যতরুণস্যেত্যর্থঃ ॥ 5-110-13 হরিমেধসো মুনেঃ কুমরী। তিষ্ঠতিষ্ঠতি সূর্যস্য শাসনাৎ ॥ 5-110-14 বায়্বাদয়োঽত্র দুঃখদং শীতোষ্ণস্পর্শং বিমুঞ্চন্তি। সদা সুখসংস্পর্শা এবেত্যর্থঃ ॥ 5-110-16 সোমসংয়োগয়োগতঃ সোমসংয়োগসদৃশাদ্যোগাৎ ॥ 5-110-17 স্রবন্তীনাং নদীনাম্। সাগরস্য উদয়ঃ পূর্তির্যেন তাদৃশঃ প্রভবঃ ॥ 5-110-20 দিগদ্বারেণ সংক্ষেপপ্রকারেণ ॥উদ্যোগপর্ব - অধ্যায় 111
॥ শ্রীঃ ॥
5.111. অধ্যায়ঃ 111
Mahabharata - Udyoga Parva - Chapter Topics
গরুডেন গালবংপ্রতি উত্তরদিগনুবর্ণনপূর্বকং অভিমতদিগভিগমনায় স্বপৃষ্ঠাধিরোহণবিধানম্ ॥ 1 ॥Mahabharata - Udyoga Parva - Chapter Text
5-111-0 (35627)
সপর্ণ উবাচ। 5-111-0x (3717)
যস্মাদুত্তার্যতে পাপাদ্যস্মান্নিশ্রেয়সোঽশ্রুতে ।
অস্মাদুত্তারণবলাদুত্তরেত্যুচ্যতে দ্বিজ ॥ 1 ॥ 5-111-1 (35628)
উত্তরস্য হিরণ্যস্য পরিবাপস্য গালব ।
মার্গঃ পশ্চিমপূর্বাভ্যাং দিগ্ভ্যাং বৈ মধ্যমঃ স্মৃতঃ ॥ 5-111-2 (35629)
অস্যাং দিশি বরিষ্ঠায়ামুত্তরায়াং দ্বিজর্ষভ ।
নাসৌম্যো নাবিধেয়াত্মা নাধর্মো বসতে জনঃ ॥ 5-111-3 (35630)
অত্র নারায়ণঃ কৃষ্ণো জিষ্ণুশ্চৈব নরোত্তমঃ ।
বদর্যামাশ্রমপদে তথা ব্রহ্মা চ শাশ্বতঃ ॥ 5-111-4 (35631)
অত্র বৈ হিমবৎপৃষ্ঠে নিত্যমাস্তে মহেশ্বরঃ।
`প্রকৃত্যা পুরুষঃ সার্ধং যুগান্তাগ্নিসমপ্রভঃ ॥ 5-111-5 (35632)
ন স দৃশ্যো মুনিগণৈস্তথা দেবৈঃ সবাসবৈঃ ।
গন্ধর্বয়ক্ষসিদ্ধৈর্বা নরনারায়ণাদৃতে ॥ 5-111-6 (35633)
অত্র বিষ্ণুঃ সহস্রাক্ষঃ সহস্রচরণোঽব্যযঃ ।
সহস্রশিরসঃ শ্রীমানেকঃ পশ্যতি মায়যা॥' 5-111-7 (35634)
অত্র রাজ্যেন বিপ্রাণাং চন্দ্রমাশ্চাভ্যষিচ্যত ।
অত্র গঙ্গাং মহাদেবঃ পতন্তীং গগনাচ্চ্যুতাম্ ॥ 5-111-8 (35635)
প্রতিগৃহ্য দদৌ লোকে মানুষে ব্রহ্মবিত্তম ।
অত্র দেব্যা তপস্তপ্তং মহেশ্বরপরীপ্সয়া ॥ 5-111-9 (35636)
অত্র কামশ্চ রোষশ্চ শৈলশ্চোমা চ সংবভুঃ ।
অত্র রাক্ষসয়ক্ষাণাং গন্ধর্বাণাং চ গালব ॥ 5-111-10 (35637)
আধিপত্যেন কৈলাসে ধনদোঽপ্যভিষেচিতঃ।
অত্র চৈত্ররথং রম্যমত্র বৈখানসাশ্রমঃ ॥ 5-111-11 (35638)
অত্র মন্দাকিনী চৈব মন্দরশ্চ দ্বিজর্ষভ ।
অত্র সৌগন্ধিকবনং নৈর্ঋতৈরভিরক্ষ্যতে॥ 5-111-12 (35639)
শাদ্বলং কদলীস্কন্ধমত্র সন্তানকা নগাঃ।
অত্র সংয়মনিত্যানাং সিদ্ধানাং স্বৈরচারিণাম্ ॥ 5-111-13 (35640)
বিমানান্যুনুরূপাণি কামভোগ্যানি গালব ।
অত্র তে ঋষয়ঃ সপ্ত দেবী চারুন্ধতী তথা ॥ 5-111-14 (35641)
অত্র তিষ্ঠতি বৈ রাত্রিন্দিবাপ্যত্রাবতিষ্ঠতে।
অত্র যজ্ঞং সমাসাদ্য ধ্রুবং স্থাতা পিতামহঃ ॥ 5-111-15 (35642)
জ্যোতীংষি চন্দ্রসূর্যৌ চ পরিবর্তন্তি নিত্যশঃ ।
অত্র গঙ্গামহাদ্বারং রক্ষন্তি দ্বিজসত্তম ॥ 5-111-16 (35643)
ধামা নাম মহাত্মানো মুনয়ঃ সত্যবাদিনঃ ।
ন তেষাং জ্ঞায়তে মূর্তির্নাকৃতির্ন তপশ্চিতম্ ॥ 5-111-17 (35644)
পরিবর্তসহস্রামি কামভোজ্যাননি গালব ।
যথায়থা প্রবিশতি তস্মাৎপরতরং নরঃ । 5-111-18 (35645)
তথাতথা দ্বিজশ্রেষ্ঠ প্রবিলীয়তি গালব ।
নৈতৎকেনচিদন্যেন গতপূর্বং দ্বিজর্ষভ ॥ 5-111-19 (35646)
ঋতে নারায়ণং দেবং নরং বা জিষ্ণুমব্যযম্ ।
অত্র কৈলাসমিত্যুক্তং স্থানমৈলবিলস্য তৎ ॥ 5-111-20 (35647)
অত্র বিদ্যুৎপ্রভা নাম জঝিরেঽপ্সরসো দশ।
অত্র বিষ্ণুপদং নাম ক্রমতা বিষ্ণুনা কৃতম্ ॥ 5-111-21 (35648)
ত্রিলোকবিক্রমে ব্রহ্মন্নুত্তরাং দিশমাশ্রিতম্ ।
অত্র রাজ্ঞা মরুতেন যজ্ঞেনেষ্টং দ্বিজোত্তম॥ 5-111-22 (35649)
উশীরবীজে বিপ্রর্ষে যত্র জাম্বূনদং সরঃ।
জীমূতস্যাত্র বিপ্রর্ষেরুপতস্থে মহাত্মনঃ ॥ 5-111-23 (35650)
সাক্ষাদ্ধৈমবতঃ পুণ্যো বিমলঃ কনকাকরঃ ।
ব্রাহ্মণেষু চ যৎকৃৎস্নং স্বন্তং কৃৎবা ধনং মহৎ ॥ 5-111-24 (35651)
বব্রে ধনং মহর্ষিঃ স জৈমূতং তদ্ধনং ততঃ।
অত্র নিত্যং দিশাংপালাঃ সায়ংপ্রাতর্দ্বিজর্ষভ ॥ 5-111-25 (35652)
কস্য কার্যং কিমিতি বৈ পরিক্রোশান্তি গালব ।
এবমেষা দ্বিজশ্রেষ্ঠ গুণৈরন্যৈর্দিগুত্তরা ॥ 5-111-26 (35653)
উত্তরেতি পরিখ্যাতা সর্বকর্মস্তু চোত্তরা ।
এতা বিস্তরশস্তাত তব শঙ্গীর্তিতা দিশঃ ॥ 5-111-27 (35654)
চতস্রঃ ক্রময়োগেন কামাশাং গন্তুমিচ্ছসি।
উদ্যতোঽহং দ্বিজশ্রেষ্ঠ তব দর্শয়িতুং দিশঃ।
পৃথিবীং চাখিলাং ব্রহ্মংস্তস্মাদারোহ মাং দ্বিজ ॥ ॥ 5-111-28 (35655)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একাদশাধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-111-1 যস্মাদিতি। উত্তরেণ পথা গতানাং হি পাপনাশঃ স্বর্গপ্রাপ্তেশ্চ ভবতীতি যোগাদ্দুত্তরা উৎকৃষ্টতরা ইয়ং দিগিত্যর্থঃ ॥ 5-111-2 পরিবাপস্য স্থানস্য। দিগ্ন্ভ্যামুপলক্ষিতঃ ॥ 5-111-3 অবিধেয়াত্মা অজিতচিত্তঃ ॥ 5-111-5 প্রকৃত্যা পুরুষস্সার্ধং ইত্যারভ্য একঃ পশ্যতি মায়যা ইতি পর্যন্তিং সার্ধশ্লোকদ্বয়ং দাক্ষিণাত্যেষু বহুষু কোশেষু ন দৃশ্যতে । ঝo পুস্তক এব বর্ততে । প্রকৃত্যা উভয়া ॥ 5-111-7 সহস্রশিরস ইত্যকারন্তঃ শব্দঃ ॥ 5-111-17 মূর্তিঃ পিণ্ডঃ । আকৃতিঃ সংস্থানবিশেষঃ ॥ 5-111-18 পরিবর্তস্রহস্রাণি চতুর্যুগসহস্রাণি । তস্মাৎ হিমস্থানাৎ ॥ 5-111-19 প্রবিলীয়তি হিমেন নশ্যতি ॥ 5-111-20 ঐলবিলস্য কুবেরস্য ॥ 5-111-23 উশীরবীজে স্থানে ॥ 5-111-24 কনকাকরঃ জীমূতস্য উপ সমীপে তস্থে প্রকাশং গতঃ। প্রকাশনস্থেয়াখ্যযোশ্চেতি তঙ্ ॥ 5-111-25 বব্রে ব্রাহ্মণেভ্যঃ । মন্নামকমেতদস্ৎবিতি ॥ 5-111-26 উত্তরা উৎকৃষ্টতরা ॥উদ্যোগপর্ব - অধ্যায় 112
॥ শ্রীঃ ॥
5.112. অধ্যায়ঃ 112
Mahabharata - Udyoga Parva - Chapter Topics
গরুডবেগমসহমানেন গালবেন গুরুদক্ষিণানর্পণেনৈব স্বপ্রাণবিমোক্ষণশঙ্কয়া পরিশোচনম্ ॥ 1 ॥ গরুডেন গালবংপ্রতি প্রাগেবাভিমতানিবেদনেন অকৌশলাভিলপনপূর্বকং ঋষভাচলে বিশ্রম্য পুনর্নিবর্তনকীর্তনম্ ॥ 2 ॥Mahabharata - Udyoga Parva - Chapter Text
5-112-0 (35656)
গালব উবাচ। 5-112-0x (3718)
গরুত্মন্ভুজগেন্দ্রারে সুপর্ণ বিনতাত্মজ ।
নয় মাং তার্ক্ষ্য পূর্বেণ যত্র ধর্মস্য চক্ষুষী ॥ 5-112-1 (35657)
পূর্বমেতাং দিশং গচ্ছ যা পূর্বং পরিকীর্তিতা ।
দেবতানাং হি সান্নিধ্যমত্র কীর্তিতবানসি ॥ 5-112-2 (35658)
অত্র সত্যং চ ধর্মশ্চ ৎবয়া সম্যক্প্রকীর্তিতঃ।
ইচ্ছেয়ং তু সমাগন্তুং সমস্তৈর্দৈবতৈরহম্।
ভূয়শ্চ তান্সুরান্দ্রষ্টুমিচ্ছেয়মরুণানুজ॥ 5-112-3 (35659)
নারদ উবাচ। 5-112-4x (3719)
তমাহ বিনতাসূনুরারোহস্বেতি বৈ দ্বিজম্।
আরুরোহাথ স মুনির্গরুডং গালবস্তদা ॥ 5-112-4 (35660)
গালব উবাচ। 5-112-5x (3720)
ক্রমমাণস্য তে রূপং দৃশ্যতে পন্নগাশন।
ভাস্করস্যেব পূর্বাহ্ণে সহস্রাংশোর্বিবস্বতঃ ॥ 5-112-5 (35661)
পক্ষবাতপ্রণুন্নানাং বৃক্ষাণামনুগামিনাম্ ।
প্রস্থিতানামিব সমং পশ্যামীহ গতিং খগ ॥ 5-112-6 (35662)
সসাগরবনামুর্বী সশৈলবনকাননাম্ ।
আকর্ষন্নিব চাভাসি পক্ষবাতেন খেচর ॥ 5-112-7 (35663)
সমীননাগনক্রং চ খমিবারোপ্যতে জলম্।
বায়ুনা চৈব মহতা পক্ষবাতেন চানিশম্ ॥ 5-112-8 (35664)
তুল্যরূপাননান্মৎস্যাংস্তথা তিমিতিমিঙ্গিলান্ ।
নাগাশ্বনরবক্রাংশ্চ পশ্যাম্যুন্মথিতানিব ॥ 5-112-9 (35665)
মহার্ণবস্য চ রবৈঃ শ্রোত্রে মে বধিরে কৃতে।
ন শ্রৃণোমি ন পশ্যামি নাত্মনো বেদ্মি কারণম্ ॥ 5-112-10 (35666)
শনৈঃ স তু ভবাত্যাতু ব্রহ্মবধ্যামনুস্মরন্ ।
ন দৃশ্যতে রবিস্তাত ন দিশো ন চ খং খগ ॥ 5-112-11 (35667)
তম এব তু পশ্যামি শরীরং তে ন লক্ষয়ে ।
মণী ব জাত্যৌ পশ্যামি চক্ষুষী তেঽহমণ্ডজ ॥ 5-112-12 (35668)
শরীরং তু ন পশ্যামি তব চৈবাত্মনশ্চ হ।
পদেপদে তু পশ্যামি শরীরাদগ্নিমুত্থিতম্ ॥ 5-112-13 (35669)
স মে নির্বাপ্য সহসা চক্ষুষী শাম্যতে পুনঃ।
তন্নিয়চ্ছ মহাবেগং গমনে বিনতাত্মজ ॥ 5-112-14 (35670)
ন মে প্রয়োজনং কিংচিদ্গমনে পন্নগাশন ।
সংনিবর্ত মহাভাগ ন বেগং বিষহামি তে ॥ 5-112-15 (35671)
গুরবে সংশ্রুতানীহ শতান্যষ্টৌ হি বাজিনাম্ ।
একতঃশ্যামকর্ণানাং শুভ্রাণাং চন্দ্রবর্চসাম্ ॥ 5-112-16 (35672)
তেষাং চৈবাপবর্গায় মার্গং পশ্যামি নাণ্ডজ।
ততোঽয়ং জীবিতত্যাগে দৃষ্টো মার্গোময়াঽঽত্মনঃ ॥ 5-112-17 (35673)
নৈব মেঽস্তি ধনং কিংচিন্ন ধনেনান্বিতঃ সুহৃৎ ।
ন চার্থেনাপি মহতা শক্যমেতদ্ব্যপোহিতুম্ ॥ 5-112-18 (35674)
নারদ উবাচ। 5-112-19x (3721)
এবং বহু চ দীনং চ ব্রুবাণং গালবং তদা।
প্রত্যুবাচ ব্রজন্নেব প্রহসন্বিনতাত্মজঃ ॥ 5-112-19 (35675)
নাতিপ্রজ্ঞোঽসি বিপ্রর্ষে যোত্মানং ত্যুক্তুমিচ্ছসি ।
ন চাপি কৃত্রিমঃ কালঃ কালো হি পরমেশ্বরঃ ॥ 5-112-20 (35676)
কিমহং পূর্বমেবেহ ভবতা নাভিচোদিতঃ।
উপায়োঽত্র মহানস্তি যেনৈতদুপপদ্যতে ॥ 5-112-21 (35677)
তদেষ ঋষভো নাম পর্বতঃ সাগরান্তিকে।
অত্র বিশ্রম্য ভুক্ৎবা চ নিবর্তিষ্যাব গালব ॥ ॥ 5-112-22 (35678)
ইতি শ্রীমন্মহাভারতে উদ্যোগপর্বণি ভগবদ্যানপর্বণি দ্বাদশাধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-112-12 মণী বেতি ইবার্থে বশব্দঃ ॥ 5-112-14 নির্বাপ্য মন্দীকৃত্য ॥ 5-112-15 সংনিবর্ত নিবর্তস্ব ॥ 5-112-20 যোত্মানং সংধিরার্ষঃ। কৃত্রিমঃ স্বেচ্ছাসংপাদ্যঃ । কালো মৃত্যুঃ ॥উদ্যোগপর্ব - অধ্যায় 113
॥ শ্রীঃ ॥
5.113. অধ্যায়ঃ 113
Mahabharata - Udyoga Parva - Chapter Topics
ঋষভগিরিশ্রৃঙ্গমুপগতয়োঃ গরুডগালবয়োঃ তত্র শাণ্ডিলীনামকব্রাহ্মণীদর্শনম্ ॥ 1 ॥ তদ্দত্তান্নমুপভুজ্য বিশ্রমায় তত্র শয়নম্ ॥ 2 ॥ সুপ্তোত্থিতং শিথিলপক্ষবন্ধং তার্ক্ষ্যমভিবীক্ষ্য গালবেন তংপ্রতি তৎকারণপ্রশ্নঃ ॥ 3 ॥ সুপর্ণেন ব্রাহ্মণ্যাঃ বিষ্ণাবাদ্যন্যতমসমীপপ্রাপণানুচিন্তনস্য স্বানর্থপ্রাপ্তিকারণৎবকথনপূর্বকং তাংপ্রতি ক্ষমাপনম্ ॥ 4 ॥ তৎপ্রসাদাধিগতপক্ষবলেন সুপর্ণেন সহ গচ্ছতো গালবস্য মধ্যেমার্গং যদৃচ্ছোপাগতেন বিশ্বামিত্রেণ পুনরশ্বানয়নচোদনম্ ॥ 5 ॥Mahabharata - Udyoga Parva - Chapter Text
5-113-0 (35679)
নারদ উবাচ। 5-113-0x (3722)
ঋষভস্য ততঃ শৃঙ্গং নিপত্য দ্বিজপক্ষিণৌ।
শাণ্ডিলীং ব্রাহ্মণীং তত্র দদৃশো তপোন্বিতাম্ ॥ 5-113-1 (35680)
অভিবাদ্য সুপর্ণস্তু গালবশ্চাভিপূজ্য তাম্।
তয়া চ স্বাগতেনোক্তৌ বিষ্টরে সন্নিষীদতুঃ ॥ 5-113-2 (35681)
সিদ্ধমন্নং তয়া দত্তং বলিমন্ত্রোপবৃংহিতম্ ।
ভুক্ৎবা তৃপ্তাবুভৌ ভূমৌ সুপ্তৌ তাবনুমোহিতৌ ॥ 5-113-3 (35682)
মুহূর্তাৎপ্রতিবুদ্ধস্তু সুপর্ণো গমনেপ্সয়া ।
` তাং দৃষ্ট্বা চারুসর্বাঙ্গী তাপসীং ব্রহ্মচারিণীম্ ॥ 5-113-4 (35683)
গ্রহীতুং হি মনশ্চক্রে রূপাৎসাক্ষাদিব শ্রিয়ম্ ।'
অথ ভ্রষ্টতনূজাঙ্গমাত্মানং দদৃশে খগঃ ॥ 5-113-5 (35684)
মাংসপিণ্ডোপমোঽভূৎস মুখপাদান্বিতঃ খগঃ।
গালবস্তং তথা দৃষ্ট্বা বিমনাঃ পর্যপৃচ্ছত ॥ 5-113-6 (35685)
কিমিদং ভবতা প্রাপ্তমিহাগমনজং ফলম্।
বাসোঽয়মিহ কালং তু কিয়ন্তং নৌ ভবিষ্যতি ॥ 5-113-7 (35686)
কিং নু তে মনসা ধ্যাতমশুভং ধর্মদূষণম্ ।
ন হ্যযং ভবতঃ স্বল্পো ব্যভিচারো ভবিষ্যতি ॥ 5-113-8 (35687)
সুপর্ণোঽথাব্রবীদ্বিপ্রং প্রধ্যাতং বৈ ময়া দ্বিজ ।
ইমাং সিদ্ধামিতো নেতুং তত্র যত্র প্রজাপতিঃ ॥ 5-113-9 (35688)
যত্র দেবো মহাদেবো যত্র বিষ্ণুঃ সনাতনঃ ।
যত্র ধর্মশ্চ যজ্ঞশ্চ তত্রেয়ং নিবসেদিতি ॥ 5-113-10 (35689)
সোঽহং ভগবতীং যাচে প্রণতঃ প্রিয়কাম্যযা।
ময়ৈতন্নাম প্রধ্যাতং মনসা শোচসা কিল ॥ 5-113-11 (35690)
তদেবং বহুমানাত্তে ময়েহানীপ্সিতং কৃতম্ ।
সুকৃতং দুষ্কৃতং বা ৎবং মাহাত্ম্যাৎক্ষন্তুমর্হসি ॥ 5-113-12 (35691)
সা তৌ তদাঽব্রবীত্তুষ্টা পতগেন্দ্রদ্বিজর্ষভৌ।
ন ভেতব্যং সুপর্ণোঽসি সুপর্ণ ত্যজ সংভ্রমম্ ॥ 5-113-13 (35692)
নিন্দিতাস্মি ৎবয়া বৎস ন চ নিন্দাং ক্ষমাম্যহম্ ।
লোকেভ্যঃ সপদি ভ্রশ্যেদ্যো মাং নিন্দেত পাপকৃৎ ॥ 5-113-14 (35693)
হীনয়াঽলক্ষণৈঃ সর্বৈস্তথাঽনিন্দিতয়া ময়া।
আচারং প্রতিগৃহ্ণন্ত্যা সিদ্ধিঃ প্রাপ্তেয়মুত্তমা ॥ 5-113-15 (35694)
আচারঃ ফলতে ধর্মমাচারঃ ফলতে ধনম্ ।
আচারাচ্ছ্রিয়মাপ্নোতি আচারো হন্ত্যলক্ষণম্ ॥ 5-113-16 (35695)
তদায়ুষ্মন্খগপতে যথেষ্টং গম্যতামিতঃ ।
ন চ তে গর্হণীয়াঽহং গর্হিতব্যাঃ স্ত্রিয়ঃ ক্বচিৎ ॥ 5-113-17 (35696)
` যদি ৎবমাত্মনো হ্যর্থে মাং চৈবাদাতুমিচ্ছসি।
তদেব নষ্টদেহস্তু স্যা বৈ ৎবং পন্নগাশন ॥ 5-113-18 (35697)
তস্যৈব হি প্রসাদেন দেবদেবস্য চিন্তনাৎ ।
ৎবং তু সাঙ্গস্তু সঞ্জাতঃ পুনরেব ভবিষ্যসি ॥' 5-113-19 (35698)
ভবিতাসি যথাপূর্বং বলবীর্যসমন্বিতঃ । 5-113-20 (35699)
নারদ উবাচ।
বভূবতুস্ততস্তস্য পক্ষৌ দ্রবিণবত্তরৌ ॥ 5-113-20x (3723)
অনুজ্ঞাতস্তু শাণ্ডিল্যা যথাগতমুপাগমৎ ।
নৈব চাসাদয়ামাস তথারূপাংস্তুরঙ্গমান্ ॥ 5-113-21 (35700)
বিশ্বামিত্রোঽথ তং দৃষ্ট্বা গালবং চাধ্বনি স্থিতঃ ।
উবাচ বদতাং শ্রেষ্ঠো বৈনতেয়স্য সন্নিধৌ ॥ 5-113-22 (35701)
যস্ৎবয়া স্বয়মেবার্থঃ প্রতিজ্ঞাতো মম দ্বিজ।
তস্য কালোঽপবর্গস্য যথা বা মন্যতে ভবান্ ॥ 5-113-23 (35702)
প্রতীক্ষিষ্যাম্যহং কালমেতাবন্তং তথা পরম্ ।
যথাসংসিধ্যতে বিপ্র স মার্গস্তু নিশাম্যতাম্ ॥ 5-113-24 (35703)
সুপর্ণোঽথাব্রবীদ্দীনং গালবং ভৃশদুঃখিতম্ ।
প্রত্যক্ষং খল্বিদানীং মে বিশ্বামিত্রো যদুক্তবান্ ॥ 5-113-25 (35704)
তদাগচ্ছ দ্বিজশ্রেষ্ঠ মন্ত্রয়িষ্যাব গালব ।
নাদত্ৎবা গুরবে শক্যং কৃৎস্নমর্থং ৎবয়াঽঽসিতুম্ ॥ ॥ 5-113-26 (35705)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ত্রয়োদশাধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-113-5 ভ্রষ্টতনূজং ছিন্নপক্ষমঙ্গং যস্য তং ভ্রষ্টতনূজাঙ্গম্ ॥ 5-113-8 ব্যভিচারো ধর্মাতিক্রমঃ ॥ 5-113-11 শোচতা কথমিয়মত্র বসতীতি ॥ 5-113-20 দ্রবিণবত্তরৌ বলবত্তরৌ ॥ 5-113-23 অপবর্গস্য ফলপ্রাপ্তেঃ ॥ 5-113-24 নিশাম্যতাং বিচার্যতাম্ ॥উদ্যোগপর্ব - অধ্যায় 114
॥ শ্রীঃ ॥
5.114. অধ্যায়ঃ 114
Mahabharata - Udyoga Parva - Chapter Topics
গালবানুগতেন গরুডেন যয়াতিংগৎবা গালববৃত্তান্তকথনপূর্বকং ধনয়াচনম্ ॥ 1 ॥Mahabharata - Udyoga Parva - Chapter Text
5-114-0 (35706)
নারদ উবাচ। 5-114-0x (3724)
অথাহ গালবং দীনং সুপর্ণঃ পততাং বরঃ।
নির্মিতং বহ্নিনা ভূমৌ বায়ুনা শোধিতং তথা।
যস্মাদ্ধিরণ্ময়ং সর্বং হিরণ্যং তেন চোচ্যতে ॥ 5-114-1 (35707)
ধত্তে ধারয়তে চেদমতস্মাৎকারণাদ্ধনম্ ।
তদেতত্রিষু লোকেষু ধনং তিষ্ঠতি শাশ্বতম্ ॥ 5-114-2 (35708)
নিত্যং প্রোষ্ঠপদাভ্যাং চ শুক্রে ধনপতৌ তথা।
মনুষ্যেভ্যঃ সমাদত্তে শুক্রশ্চিত্তার্জিতং ধনম্ ॥ 5-114-3 (35709)
অজৈকপাদহির্বুধ্ন্যৌ রক্ষ্যেতে ধনদেন চ।
এবং ন শক্যতে লব্ধুমলব্ধব্যং দ্বিজর্ষভ ।
ঋতে চ ধনমশ্বানাং নাবাপ্তির্বিদ্যতে তব ॥ 5-114-4 (35710)
স ৎবং যাচাত্র রাজানং কংচিদ্রাজর্ষিবংশজম্ ।
অপীড্য রাজা পৌরান্হি যো নৌ কুর্যাৎকৃতার্থিনৌ ॥ 5-114-5 (35711)
অস্তি সোমান্ববায়ে মে জাতঃ কশ্চিন্নৃপঃ সখা ।
অভিগচ্ছাবহে তং বৈ তস্যাস্তি বিভবো ভুবি ॥ 5-114-6 (35712)
যয়াতির্নাম রাজর্ষির্নোহুষঃ সত্যবিক্রমঃ ।
স দাস্যতি ময়া চোক্তো ভবতা চার্থিতঃ স্বয়ম্ ॥ 5-114-7 (35713)
বিভবশ্চাস্য সুমহানাসীদ্ধনপতেরিব ।
এবং গুরুধনং বিদ্বন্দানেনৈব বিশোধয় ॥ 5-114-8 (35714)
তথা তৌ কথয়ন্তৌ চ চিন্তয়ন্তৌ চ যৎক্ষমম্।
প্রতিষ্ঠানে নরপতিং যয়াতিং প্রত্যুপস্থিতৌ ॥ 5-114-9 (35715)
প্রতিগৃহ্য চ সৎকারৈরর্ঘ্যপাদ্যাদিকং বরম্ ।
পৃষ্টশ্চাগমনে হেতুমুবাচ বিনতাসুতঃ ॥ 5-114-10 (35716)
অয়ং মে নাহুষ সখা গালবস্তপসো নিধিঃ ।
বিশ্বামিত্রস্য শিষ্যোঽভূদ্বর্ষাণ্যযুতশো নৃপ ॥ 5-114-11 (35717)
সোঽয়ং তেনাভ্যনুজ্ঞাত উপকারেপ্সয়া দ্বিজঃ।
তমাহ ভগবান্কিং তে দদানি গুরুদক্ষিণাম্ ॥ 5-114-12 (35718)
অসকৃত্তেন চোক্তেন কিংচিদাগতমন্যুনা ।
অয়মুক্তঃ প্রয়চ্ছেতি জানতা বিভবং লঘু ॥ 5-114-13 (35719)
একতঃশ্যামকর্ণানাং শুভ্রাণাং শুদ্ধজন্মনাম্ ।
অষ্টৌ শতানি মে দেহি হয়ানাং চন্দ্রবর্চসাম্ ॥ 5-114-14 (35720)
গুর্বর্থো দীয়তামেব যদি গালব মন্যসে ।
ইত্যেবমাহ সক্রোধো বিশ্বামিত্রস্তপোধনঃ ॥ 5-114-15 (35721)
সোঽয়ং শোকেন মহতা তপ্যমানো দ্বিজর্ষভঃ ।
অশক্তঃ প্রতিকর্তুং তদ্ভবন্তং শরণং গতঃ ॥ 5-114-16 (35722)
প্রতিগৃহ্য নরব্যাঘ্র ৎবত্তো ভিক্ষাং গতব্যথঃ ।
কৃৎবাঽঽপবর্গং গুরবে চরিষ্যতি মহত্তপঃ ॥ 5-114-17 (35723)
তপসঃ সংবিভাগেন ভবন্তমপি যোক্ষ্যতে।
স্বেন রাজর্ষিতপসা পূর্ণং ৎবাং পূরয়িষ্যতি ॥ 5-114-18 (35724)
যাবন্তি রোমাণি হয়ে ভবন্তীহ নরেশ্বর ।
তাবন্তো বাজিনো লোকান্প্রাপ্নুবন্তি মহীপতে ॥ 5-114-19 (35725)
পাত্রং প্রতিগ্রহস্যায়ং দাতুং পাত্রং তথা ভবান্ ।
শঙ্খে ক্ষীরমিবাসক্তং ভবৎবেতত্তথোপমম্ ॥ ॥ 5-114-20 (35726)
ইতি শ্রীমন্মহাভারতে উদ্যোগপর্বণি ভগবদ্যানপর্বণি চতুর্দশাধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-114-1 হির্বহ্নিঃ বহ্নিশব্দঘটকবর্ণলোপাদিনা হিশব্দস্য নিষ্পন্নৎবাৎ। এবং রমণীয়শব্দনিষ্পন্নরণশব্দবাচ্যো বায়ুঃ ক্রমেণ তাভ্যাং জাতৎবাচ্ছোধিতৎবাচ্চ হিরণ্যমিত্যুচ্যতে। যস্মাচ্চ সর্বং জগৎ হিরণ্ময়ং হিরণ্যপ্রধানকং তেন চ হিরণ্যমিত্যুচ্যত ইত্যর্থঃ । হিরণ্যস্য হিতৎবাদ্রমণীয়ৎবাচ্চ জগৎপতিপ্রাধান্যম্ ॥ 5-114-2 ধত্তে পুষ্ণাতি। ধারয়তে জীবয়তি ॥ 5-114-3 প্রোষ্টপদাভ্যাম্। তস্মিন্নক্ষত্রদ্বয়ে শুক্রে শুক্রবাসরে তদ্যোগে সতি ধনপতৌ কুবেরস্য বৃদ্ধ্যর্থম্ ॥ 5-114-5 যাচ যাচস্ব ॥ 5-114-8 বিশোধয় পরিহর ॥উদ্যোগপর্ব - অধ্যায় 115
॥ শ্রীঃ ॥
5.115. অধ্যায়ঃ 115
Mahabharata - Udyoga Parva - Chapter Topics
ব্যযিতবিত্তেন যয়াতিনা ধনপ্রতিনিধিতয়া মাধবীনামকস্বকন্যকাসমর্পণম্ ॥ 1 ॥ গরুডেন সমধিগততুরগাধিগমোপায়ং গালবমাপৃচ্ছ্য স্বগৃহগমনম্ ॥ 2 ॥ গালবেন সহ কন্যযা হৃর্যশ্বনামকনৃপসমীপমুপেত্য শুল্কার্পণেন কন্যা কলত্রীকরণকথনম্ ॥ 3 ॥Mahabharata - Udyoga Parva - Chapter Text
5-115-0 (35727)
নারদ উবাচ। 5-115-0x (3725)
এবমুক্তঃ সুপর্ণেন তথ্যং বচনমুত্তমম্ ।
বিমৃশ্যাবহিতো রাজা নিশ্চিত্য চ পুনঃ পুনঃ ॥ 5-115-1 (35728)
যষ্টা ক্রতুসহস্রাণাং দাতা দানপতিঃ প্রভুঃ ।
যয়াতিঃ সর্বকাশীশ ইদং বচনমব্রবীৎ ॥ 5-115-2 (35729)
দৃষ্ট্বা প্রিয়সখং তার্ক্ষ্যং গালবং চ দ্বিজর্ষভম্ ।
নিদর্শনং চ তপসো ভিক্ষাং শ্লাঘ্যাং চ কীর্তিতাম্ ॥ 5-115-3 (35730)
অতীত্য চ নৃপানন্যানাদিত্যকুলসংভবান্ ।
মৎসকাশমনুপ্রাপ্তাবেতাং বুদ্ধিমবেক্ষ্য চ ॥ 5-115-4 (35731)
অদ্য মে সফলং জন্ম তারিতং চাদ্য মে কলম্ ।
অদ্যায়ং তারিতো দেশো মম তার্ক্ষ্য ৎবয়াঽনঘ ॥ 5-115-5 (35732)
বক্তুমিচ্ছামি তু সখে যথা জানাসি মাং পুরা ।
ন তথা বিত্তবানস্মি ক্ষীণং বিত্তং চ মে সখে ॥ 5-115-6 (35733)
ন চ শক্তোঽস্মি তে কর্তুং মোঘমাগমনং খগ।
ন চাশামস্য বিপর্ষের্বিতথীকর্তুমুৎসহে ॥ 5-115-7 (35734)
পুত্রীং দাস্যামি যৎকার্যমিয়ং সংপাদয়িষ্যতি।
অভিগম্য হতাশো হি নিবৃত্তো দহতে কুলম্ ॥ 5-115-8 (35735)
নাতঃ পরং বৈনতেয় কিংচিৎপাপিষ্ঠমুচ্যতে ।
প্রথাশানাশনং লোকে দেহি নাস্তীতি বা বচঃ ॥ 5-115-9 (35736)
হতাশো হ্যকৃতার্থঃ সন্হতঃ সংভাবিতো নরঃ ।
হিনস্তি তস্য পুত্রাংশ্চ পৌত্রাংশ্চাকুর্বতো হিতম্ ॥ 5-115-10 (35737)
তস্মাচ্চতুর্ণাং বংশানাং স্থাপয়িত্রী সুতা মম।
`মাধবী নাম তার্ক্ষ্যেয়ং সর্বধর্মপ্রদায়িনী ॥' 5-115-11 (35738)
ইয়ং সুরসুতপ্রখ্যা সর্বধর্মোপচায়িনী।
সদা দেবমনুষ্যণামসুরাণাং চ গালব ।
কাঙ্ক্ষিতা রূপতো বালা সুতা মে প্রতিগৃহ্যতাম্ ॥ 5-115-12 (35739)
অস্যাঃ শুল্কং প্রদাস্যন্তি নৃপা রাজ্যমপি ধ্রবম্।
কিং পুনঃ শ্যামকর্ণানাং হয়ানাং দ্বে চতুঃশতে ॥ 5-115-13 (35740)
স ভবাপ্রতিগৃহ্ণাতু মমৈতাং মাধবীং সুতাম্।
অহং দৌহিত্রবান্ৎস্যাং বৈ বর এষ মম প্রভো ॥ 5-115-15a` স তস্য বচনং শ্রুৎবা ব্রাহ্মণঃ শংসিতব্রতঃ ।'
প্রতিগৃহ্য চ তাং কন্যাং গালবঃ সহ পক্ষিণা।
পুনর্দ্রক্ষ্যাব ইত্যুক্ৎবা প্রতস্থে সহ কন্যযা ॥ 5-115-14 (35741)
উপলব্ধমিদং দ্বারমশ্বানামিতি চাণ্ডজঃ।
উক্ৎবা গালবমাপৃচ্ছ্য জগাম ভবনং স্বকম্ ॥ 5-115-16 (35742)
গতে পতগরাজে তু গালবঃ সহ কন্যযা।
চিন্তয়ানঃ ক্ষমংদানে রাজানং শুল্কতোঽগমৎ ॥ 5-115-17 (35743)
সোঽগচ্ছন্মনসেক্ষ্বাকুং হর্যশ্বং রাজসত্তমম্।
অয়োধ্যায়াং মহাবীর্যং চতুরঙ্গবলান্বিতম্ ॥ 5-115-18 (35744)
কোশধান্যবলোপেতং প্রিয়পৌরং দ্বিজপ্রিয়ম্ ।
প্রজাভিকামং শাম্যন্তং কুর্বাণং তপ উত্তমম্ ॥ 5-115-19 (35745)
তমুপাগম্য বিপ্রঃ স হর্যশ্বং গালবোঽব্রবীৎ ।
কন্যেয়ং মম রাজেন্দ্র প্রসবৈঃ কুলবর্ধিনী ॥ 5-115-20 (35746)
ইয়ং শুল্কেন ভার্যার্থং হর্যশ্ব প্রতিগৃহ্যতাম্ ।
শুল্কং তে কীর্তিয়িষ্যামি তচ্ছ্রুৎবা সংপ্রধার্যতাম্ ॥ ॥ 5-115-21 (35747)
ইতি শ্রীমন্মহাভারতে উদ্যোগপর্বণি ভগবাদ্যনপর্বণি পঞ্চদশাধিকশততমোঽধ্যায়ঃ ॥
উদ্যোগপর্ব - অধ্যায় 116
॥ শ্রীঃ ॥
5.116. অধ্যায়ঃ 116
Mahabharata - Udyoga Parva - Chapter Topics
হর্যশ্বপৃষ্টেন গালবেন তং প্রতি শুল্কনিবেদনম্ ॥ 1 ॥ হর্যশ্বেন গালবংপ্রতি স্বস্যাশ্বশতদ্বয়বত্তয়া বরদানে সতি একাপত্যোৎপাদনেন পুনঃ কন্যাবিসর্জনোক্তিঃ ॥ 2 ॥ মাধব্যা গালবংপ্রতি স্বস্য প্রসূত্যন্তে প্রসূত্যন্তে পুনঃ পুনঃ কন্যাৎবসংপাদকবিপ্রবরপ্রাপ্তিকথনম্ ॥ 3 ॥ হর্যশ্বেন শুক্লদানেন তস্যাং বসুমনোনামকপুত্রোৎপাদনম্ ॥ 4 ॥ হর্যশ্বেন কালান্তরে সমাগতায় গালবায় পুনর্মাধবীপ্রত্যর্পণম্ ॥ 5 ॥ গালবেন কামতঃ পুনঃ কন্যাৎবমুপগতয়া তয়া সহ দিবোদাসসমীপগমনম্ ॥ 6 ॥Mahabharata - Udyoga Parva - Chapter Text
5-116-0 (35748)
নারদ উবাচ। 5-116-0x (3726)
হর্যশ্বস্ৎবব্রবীদ্রাজা বিচিন্ত্য বহুধা ততঃ।
দীর্ঘমুষ্ণং চ নিশ্বস্য প্রজাহেতোর্নৃপোত্তমঃ ॥ 5-116-1 (35749)
উন্নতেষূন্নতা ষট্সু সূক্ষ্মা সূক্ষ্মেষু পঞ্চসু।
গম্ভীরা ত্রিষু চাঙ্গেষু ইয়ং রক্তা চ পঞ্চসু ॥ 5-116-2 (35750)
`শ্রোণ্যৌ ললাটমূরূ চ ঘ্রাণং চেতি ষডুন্নতম্।
সূক্ষ্মাণ্যঙ্গুলিপর্বাণি কেশরোমনস্বৎবচঃ । 5-116-3 (35751)
স্বরঃ সৎবং চ নাভিশ্চ ত্রিগম্ভীরং প্রচক্ষতে ।
পাণিপাদতলে রক্তে নেত্রান্তৌ চ নখানি চ॥ 5-116-4 (35752)
পঞ্চদীর্ঘং চতুর্হ্রস্বং পঞ্চসূক্ষ্মং ষডুন্নতম্।
সপ্তরক্তং ত্রিবিস্তীর্ণং ত্রিগম্ভীরং প্রশকস্যতে ॥ 5-116-5 (35753)
পঞ্চৈব দীর্ঘা হনুলোচনানি
বাহূরুনাসাশ্চ সুখপ্রদানি ।
হ্রস্বানি চৎবারি চ লিঙ্গপৃষ্ঠে
গ্রীবা চ জঙ্ঘে চ হিতপ্রদানি ॥ 5-116-6 (35754)
সূক্ষ্মাণি চৎবারি চ লিঙ্গপৃষ্ঠে
গ্রীবা চ জঙ্ঘে চ হিতপ্রদানি ॥
সূক্ষ্মাণি পঞ্চ দশনাঙ্গুলিপর্বকেশা
স্ৎবক্বৈব বৈ কররুহাশ্চ ন দুঃখিতানাম্।
বক্ষোঽথ কক্ষো নখনাসিকাস্যু-
রংসত্রিকং চেতি ষডুন্নতানি ॥ 5-116-7 (35755)
নেত্রান্তপাদকরতাল্বধরোষ্ঠজিহ্বা
রক্তা নখাশ্চ খলু সর্বসুখাবহানি ॥' 5-116-8 (35756)
বহুদেবাসুরালোকা বহুগন্ধর্বদর্শনা।
বহুলক্ষণসংপন্না বহুকল্যাণধারিণী ॥ 5-116-9 (35757)
সমর্থেয়ং জনয়িতুং চক্রবর্তিনমাত্মজম্ ।
ব্রূহি শুল্কং দ্বিজশ্রেষ্ঠ সমীক্ষ্য বিভবং মম ॥ 5-116-10 (35758)
গালব উবাচ। 5-116-11x (3727)
একতঃশ্যামকর্ণানাং শতান্যষ্টৌ প্রয়চ্ছ মে।
হয়ানাং চন্দ্রশুভ্রাণাং দেশজানাং বপুষ্মতাম্ ॥ 5-116-11 (35759)
ততস্তব ভবিত্রীয়ং পুত্রাণাং জননী শুভা ।
অরণীব হুতাশানাং যোনিরায়তলোচনা ॥ 5-116-12 (35760)
নারদ উবাচ। 5-116-13x (3728)
এতচ্ছ্রুৎবা বচো রাজা হর্যশ্বঃ কামমোহিতঃ ।
উবাচ গালবং দীনো রাজর্ষির্ঋষিসত্তমম্ ॥ 5-116-13 (35761)
দ্বে মে শতে সংনিহিতে হয়ানাং যদ্বিধাস্তব।
এষ্টব্যাঃ শতশস্ৎবন্যে চরন্তি মম বাজিনঃ ॥ 5-116-14 (35762)
সোঽহমেকমপত্যং বৈ জনয়িষ্যামি গালব।
অস্যামেতং ভবান্কামং সংপাদয়তু মে বরম্॥ 5-116-15 (35763)
এতচ্ছ্রুৎবা তু সা কন্যা গালবং বাক্যমব্রবীৎ ।
মম দত্তো বরঃ কশ্চিৎকেনচিদ্ব্রহ্মবাদিনা ॥ 5-116-16 (35764)
প্রসূত্যন্তে প্রসূত্যন্তে কন্যৈব ৎবং ভবিষ্যসি।
স ৎবং দদস্ব মাং রাজ্ঞে প্রতিগৃহ্য হয়োত্তমান্ ॥ 5-116-17 (35765)
নৃপেভ্যো হি চতুর্ভ্যস্তে পূর্ণান্যষ্টৌ শতানি বৈ ।
ভবিষ্যন্তি তথা পুত্রা মম চৎবার এব চ ॥ 5-116-18 (35766)
ক্রিয়তামুপসংহারো গুর্বর্থং দ্বিজসত্তম।
এষা তাবন্মম প্রজ্ঞা যথা বা মন্যসে দ্বিজ ॥ 5-116-19 (35767)
এবমুক্তস্তু স মুনিঃ কন্যযা গালবস্তদা ।
হর্যশ্বং পৃথিবীপালমিদং বচনমব্রবীৎ ॥ 5-116-20 (35768)
ইয়ং কন্যা নরশ্রেষ্ঠ হর্যশ্ব প্রতিগৃহ্যতাম্ ।
চতুর্ভাগেন শুল্কস্য জনয়স্বৈকমাত্মজম্ ॥ 5-116-21 (35769)
নারদ উবাচ। 5-116-22x (3729)
প্রতিগৃহ্য স তাং কন্যাং গালবং প্রতিনন্দ্য চ।
সময়ে দেশকালে চ লব্ধবান্সুতমীপ্সিতম্ ॥ 5-116-22 (35770)
ততো বসুমনা নাম বসুভ্যো বসুমত্তরঃ ।
বসুপ্রখ্যো নরপতিঃ স বভূব বসুপ্রদঃ ॥ 5-116-23 (35771)
অথ কালে পুনর্ধীমান্গালবঃ প্রত্যুপস্থিতঃ ।
উপসঙ্গম্য চোবাচ হর্যশ্বং প্রীতমানসম্ ॥ 5-116-24 (35772)
জাতো নৃপ সুতস্তেঽয়ং বালো ভাস্করসংনিভঃ ।
কালো গন্তুং নরশ্রেষ্ঠ শুল্কার্থমপরং নৃপম্ ॥ 5-116-25 (35773)
নারদ উবাচ। 5-116-26x (3730)
হর্যশ্বঃ সত্যবচনে স্থিতঃ স্থিৎবা চ পৌরুষে।
দুর্লভৎবাদ্ধয়ানাং চ প্রদদৌ মাধবীং পুনঃ ॥ 5-116-26 (35774)
মাধবী চ পুনর্দীপ্তাং পরিত্যজ্যনৃপশ্রিয়ম্।
কুমারী কামতো ভূৎবা গালবং পৃষ্ঠতোঽন্বগাৎ ॥ 5-116-27 (35775)
ৎবয়্যেব তাবত্তিষ্ঠন্তু হয়া ইত্যুক্তবান্দ্বিজঃ ।
প্রয়যৌ কন্যযা সার্ধং দিবোদাসং প্রজেশ্বরম্ ॥ ॥ 5-116-28 (35776)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ষোডশাধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-116-9 বহুভির্দেবৈরসুরৈশ্চ আলোকয়িতুং যোগ্যা বহুদেবাসুরালোকা। গন্ধর্বাণাং দর্শনং শাস্ত্রং গীতাদিবিদ্যা যস্যাং সা তথা ॥উদ্যোগপর্ব - অধ্যায় 117
॥ শ্রীঃ ॥
5.117. অধ্যায়ঃ 117
Mahabharata - Udyoga Parva - Chapter Topics
গালবেন দিবোদাসংপ্রতি স্বাগমনকারণকথনম্ ॥ 1 ॥ তেন স্বস্যাপ্যশ্বশতদ্বয়বত্ৎবেন একপুত্রোৎপাদনকথনম্ ॥ 2 ॥ তথা শুল্কদানেন তস্যাং প্রতর্দনাখ্যসুতমুৎপাদ্য কালান্তরাগতায় গালবায় মাধবীপ্রত্যর্পণম্ ॥ 3 ॥Mahabharata - Udyoga Parva - Chapter Text
5-117-0 (35777)
গালব উবাচ। 5-117-0x (3731)
মহাবীর্যো মহীপালঃ কাশীনামীশ্বরঃ প্রভুঃ।
দিবোদাস ইতি খ্যাতো ভৈমসেনির্নরাধিপঃ ॥ 5-117-1 (35778)
তত্র গচ্ছাবহে ভদ্রে শনৈরাগচ্ছ মা শুচঃ ।
ধার্মিকঃ সংয়মে যুক্তঃ সত্যে চৈব জনেশ্বরঃ ॥ 5-117-2 (35779)
নারদ উবাচ। 5-117-3x (3732)
তমুপাগম্য স মুনির্ন্যায়তস্তেন সৎকৃতঃ।
গালবঃ প্রসবস্যার্থে তং নৃপং প্রত্যচোদয়ৎ ॥ 5-117-3 (35780)
দিবোদাম উবাচ। 5-117-4x (3733)
শ্রুতমেতন্ময়া পূর্বং কিমুক্ৎবা বিস্তরং দ্বিজ।
কাঙ্ক্ষিতো হি ময়ৈষোঽর্থঃ শ্রুৎবৈব দ্বিজসত্তম ॥ 5-117-4 (35781)
এতচ্চ মে বহুমতং যদুৎসৃজ্য নরাধিপান্।
মামেবমুপয়াতোঽসি ভাবি চৈতদসংশয়ম্ ॥ 5-117-5 (35782)
স এব বিভবোঽসমাকমশ্বানামপি গালব।
অহমপ্যেকমেবাস্যাং জনয়িষ্যামি পার্থিবম্ ॥ 5-117-6 (35783)
নারদ উবাচ। 5-117-7x (3734)
তথেত্যুক্ৎবা দ্বিজশ্রেষ্ঠঃ প্রাদাৎকন্যাং মহীপতেঃ।
বিধিপূর্বাং চ তাং রাজা কন্যাং প্রতিগৃহীতবান্ ॥ 5-117-7 (35784)
রেমে স তস্যাং রাজর্ষিঃ প্রভাবত্যাং যথা রবিঃ।
স্বাহায়াং চ যথা বহ্নির্যথা শাচ্যাং চ বাসবঃ ॥ 5-117-8 (35785)
যথা চন্দ্রশ্চ রোহিণ্যাং যথা ধূমোর্ণয়া যমঃ।
বরুণশ্চ যথা গৌর্যাং যথা চর্ধ্যাং ধনেশ্বরঃ ॥ 5-117-9 (35786)
যথা নারায়ণো লক্ষ্ম্যাং জাহ্নব্যাং চ যথোদধিঃ ।
যথা রুদ্রশ্চ রুদ্রাণ্যাং যথা বেদ্যাং পিতামহঃ ॥ 5-117-10 (35787)
অদৃশ্যন্ত্যাং চ বাসিষ্ঠো বসিষ্ঠশ্চাক্ষমালয়া।
চ্যবনশ্চ সুকন্যায়াং পুলস্ত্যঃ সন্ধ্যযা যথা ॥ 5-117-11 (35788)
অগস্ত্যশ্চাপি বৈদর্ভ্যাং সাবিত্র্যাং সত্যবান্যথা।
যথা ভৃগুঃ পুলোমায়ামদিত্যাং কশ্যপো যথা ॥ 5-117-12 (35789)
রেণুকায়াং যথার্চীকো হৈমবত্যাং চ কৌশিকঃ।
বৃহস্পতিশ্চ তারায়াং শুক্রশ্চ শতপর্বণা ॥ 5-117-13 (35790)
যথা ভূম্যাং ভূমিপতিরুর্বশ্যাং চ পুরূরবাঃ।
ঋচীকঃ সত্যবত্যাং চ সরস্বস্যাং যথা মনুঃ ॥ 5-117-14 (35791)
শকুন্তলায়াং দুষ্যন্তো ধৃত্যাং ধর্মশ্চ শাশ্বতঃ।
দময়ন্ত্যাং নলশ্চৈব সত্যবত্যাং চ নারদঃ ॥ 5-117-15 (35792)
জরৎকারুর্জরৎকার্বাং পুলস্ত্যশ্চ প্রতীচ্যযা।
মেনকায়াং যথোর্ণায়ুস্তুম্বুরুশ্চৈব রম্ভয়া ॥ 5-117-16 (35793)
বাসুকিঃ শতশীর্ষায়াং কুমার্যাং চ ধনঞ্জয়ঃ।
বৈদেহ্যাং চ যথা রামো রুক্মিণ্যাং চ জনার্দনঃ ॥ 5-117-17 (35794)
তথা তু রমমাণস্য দিবোদাসস্য ভূপতেঃ ।
মাধবী জনয়ামাস পুত্রমেকং প্রতর্দনম্ ॥ 5-117-18 (35795)
অথাজগাম ভগবান্দিবোদাসং স গালবঃ ।
সময়ে সমনুপ্রাপ্তে বচনং চেদমব্রবীৎ ॥ 5-117-19 (35796)
নির্যাতয়তু মে কন্যাং ভবাংস্তিষ্ঠন্তু বাজিনঃ ।
যাবদন্যত্র গচ্ছামি শুল্কার্থং পৃথিবীপতে ॥ 5-117-20 (35797)
নারদ উবাচ। 5-117-21x (3735)
দিবোদাসোঽথ ধর্মাত্মা সময়ে গালবস্য তাম্।
কান্যাং নির্যাতয়ামাস স্থিতঃ সত্যে মহীপতিঃ ॥ ॥ 5-117-21 (35798)
ইতি শ্রীমন্মহাভারতে উদ্যোগপর্বণি ভগবদ্যানপর্বণি সপ্তদশাধিকশততমোঽধ্যায়ঃ ॥
উদ্যোগপর্ব - অধ্যায় 118
॥ শ্রীঃ ॥
5.118. অধ্যায়ঃ 118
Mahabharata - Udyoga Parva - Chapter Topics
গালবেন পুনঃ কন্যাৎবমুপগতয়া মাধব্যা সহ উশীনরনৃপং গৎবা স্বাগমনকারণকথনম্ ॥ 1 ॥ তেনাপ্যশ্বশতদ্বয়দানেন মাধব্যাং শিবিনামকতনয়োৎপাদনম্ ॥ 2 ॥ কালান্তরে উশীনরান্মাধবীমাদায় গচ্ছতো গালবস্য মধ্যেমার্গং গরুডেন সমাগমঃ ॥ 3 ॥Mahabharata - Udyoga Parva - Chapter Text
5-118-0 (35799)
নারদ উবাচ। 5-118-0x (3736)
তথৈব তাং শ্রিয়ং ত্যক্ৎবা কন্যা ভূৎবা যশস্বিনী ।
মাধবী গালবং বিপ্রমভ্যযাৎসত্যসঙ্গরা ॥ 5-118-1 (35800)
গালবো বিমৃশন্নেব স্বকার্যগতমানসঃ ।
জগাম ভোজনগরং দ্রষ্টুমৌশীনরং নৃপম্ ॥ 5-118-2 (35801)
তমুবাচাথ গৎবা স নৃপতিং সত্যবিক্রমম্।
ইয় কন্যা সুতৌ দ্বৌ তে জনয়িষ্যতি পার্থিবৌ ॥ 5-118-3 (35802)
অস্যাং ভবানবাপ্তার্থো ভবিতা প্রেত্য চেহ চ।
সোমার্কপ্রতিসঙ্কাশৌ জনয়িৎবা সুতৌ নৃপ ॥ 5-118-4 (35803)
শুল্কং তু সর্বধর্মজ্ঞ হয়ানাং চন্দ্রবর্চসাম্।
একতঃশ্যামকর্ণানাং দেয়ং মহ্যং চতুঃশতম্ ॥ 5-118-5 (35804)
গুর্বর্থোঽয়ং সমারম্ভো ন হয়ৈঃ কৃত্যমস্তি মে।
যদি শক্যং মহারাজ ক্রিয়তামবিচারিতম্ ॥ 5-118-6 (35805)
অনপত্যোঽসি রাজর্ষে পুত্রৌ জনয় পার্থিব ।
পিতৄন্পুত্রপ্লবেন ৎবমাত্মানং চৈব তারয় ॥ 5-118-7 (35806)
ন পুত্রফলভোক্তা হি রাজর্ষে পাত্যতে দিবঃ।
ন যাতি নরকং ঘোরং যত্র গচ্ছন্ত্যনাত্মজাঃ ॥ 5-118-8 (35807)
এতচ্চান্যচ্চ বিবিধং শ্রুৎবা গালবভাষিতম্ ।
উশীনরঃ প্রতিবচো দদৌ তস্য নরাধিপঃ ॥ 5-118-9 (35808)
শ্রুতবানস্মি তে বাক্যং যথা বদসি গালব ।
বিধিস্তু বলবান্ব্রহ্মন্প্রবণং হি মনো মম ॥ 5-118-10 (35809)
শতে দ্বে তু মমাশ্বানামীদৃশানাং দ্বিজোত্তম।
ইতরেষাং সহস্রাণি সুবহূনি চরন্তি মে ॥ 5-118-11 (35810)
অহমপ্যেকমেবাস্যাং জনয়িষ্যামি গালব ।
পুত্রবদ্ভির্গতং মার্গং গমিষ্যামি পরৈরহম্ ॥ 5-118-12 (35811)
মূল্যেনাপি সমং কুর্যাং তবাহং দ্বিজসত্তম।
পৌরজানপদার্থং তু মমার্থো নাত্মভোগতঃ ॥ 5-118-13 (35812)
কামতো হি ধনং রাজা পারক্যং যঃ প্রয়চ্ছতি।
ন স ধর্মেণ ধর্মাত্মন্যুজ্যতে যশসা ন চ ॥ 5-118-14 (35813)
সোঽহং প্রতিগ্রহীষ্যামি দদাৎবেতাং ভবান্মম ।
কুমারীং দেবগর্ভাভামেকপুত্রভবায় মে॥ 5-118-15 (35814)
তথা তু বহুধা কন্যামুক্তবন্তং নরাধিপম্ ।
উশীনরং দ্বিজশ্রেষ্ঠো গালবঃ প্রত্যপূজয়ৎ ॥ 5-118-16 (35815)
উশীনরং প্রতিগ্রাহ্য গালবঃ প্রয়যৌ বনম্ ।
রেমে স তাং সমাসাদ্য কৃতপুণ্য ইব শ্রিয়ম্ ॥ 5-118-17 (35816)
কন্দরেষু চ শৈলানাং নদীনাং নির্ঝরেষু চ।
উদ্যানেষু বিচিত্রেষু বনেষূপবনেষু চ ॥ 5-118-18 (35817)
হর্ম্যেষু রমণীয়েষু প্রাসাদশিখরেষু চ।
বাতায়নবিমানেষু তথা গর্ভগৃহেষু চ॥ 5-118-19 (35818)
ততোঽস্য সময়ে যজ্ঞে পুত্রো বালরবিপ্রভঃ ।
শিবির্নাম্নাভিবিখ্যাতো যঃ স পার্থিবসত্তমঃ ॥ 5-118-20 (35819)
উপস্থায় স তং বিপ্রো গালবঃ প্রতিগৃহ্য চ।
কন্যাং প্রয়াতস্তাং রাজন্দৃষ্টবান্বিনতাত্মজম্ ॥ ॥ 5-118-21 (35820)
ইতি শ্রীমন্মহাভারতে উদ্যোগপর্বণি ভগবদ্যানপর্বণি অষ্টাদশাধিকশততমোঽধ্যায়াঃ ॥
উদ্যোগপর্ব - অধ্যায় 119
॥ শ্রীঃ ॥
5.119. অধ্যায়ঃ 119
Mahabharata - Udyoga Parva - Chapter Topics
গালবেন গরুডংপ্রত্যশ্বানাং শতদ্বয়ন্যূনতাকথনম্ ॥ 1 ॥ গরুডেন তস্য দুর্লভৎবকথনপূর্বকং তৎপ্রতিনিধিতয়া মাধব্যা এব দানকথনম্ ॥ 2 ॥ বিশ্বামিত্রেণ গালবদত্তায়াং মাধব্যাং অষ্টকাখ্যপুত্রমুৎপাদ্য তস্যাঃ পুনর্গালবে পুনর্গালবে প্রত্যর্পণম্ ॥ 3 ॥ গালবেন পুনর্যযাতয়ে মাধবীপ্রত্যর্পণম্ ॥ 4 ॥Mahabharata - Udyoga Parva - Chapter Text
5-119-0 (35821)
নারদ উবাচ। 5-119-0x (3737)
গালবং বৈনতেয়োঽথ প্রহসন্নিদমব্রবীৎ।
দিষ্ট্যা কৃতার্থং পশ্যামি ভবন্তমিহ বৈ দ্বিজ ॥ 5-119-1 (35822)
গালবস্তু বচঃ শ্রুৎবা বৈনতেয়েন ভাষিতম্ ।
চতুর্ভাগাবশিষ্টং তদাচখ্যৌ কার্যমস্য হি ॥ 5-119-2 (35823)
সুপর্ণস্ৎবব্রবীদেনং গালবং বদতাং বরঃ।
প্রয়ত্নস্তে ন কর্তব্যো নৈষ সংপৎস্যতে তব ॥ 5-119-3 (35824)
পুরা হি কান্যকুব্জে বৈ গাধেঃ সত্যবতীং সুতাম্।
ভার্যার্থে বরয়ৎকন্যামৃচীকস্তেন ভাষিতঃ॥ 5-119-4 (35825)
একতঃশ্যামকর্ণানাং হয়ানাং চন্দ্রবর্চসাম্ ।
ভগবন্দীয়তাকং মহ্যং মহস্রমিতি গালব ॥ 5-119-5 (35826)
ঋচীকস্তু তথেত্যুক্ৎবা বরুণস্যালয়ং গতঃ।
অশ্বতীর্থে হয়াঁল্লব্ধ্বা দত্তবান্পার্থিবায় বৈ ॥ 5-119-6 (35827)
ইষ্ট্বা তে পুণ্ডরীকেণ দত্তা রাজ্ঞা দ্বিজাতিষু।
তেভ্যো দ্বে দ্বে শতে ক্রীৎবা প্রাপ্তে তৈঃ পার্থিবৈস্তদা ॥ 5-119-7 (35828)
অপরাণ্যপি চৎবারি শতানি দ্বিজসত্তম ।
নীয়মানানি সংতারে হৃতান্যাসন্নিতস্ততঃ॥ 5-119-8 (35829)
এবং ন শক্যমপ্রাপ্যং প্রাপ্তুং গালব কর্হিচিৎ ।
ইমামশ্বশতাভ্যাং বৈ দ্বাভ্যাং তস্মৈ নিবেদয় ॥ 5-119-9 (35830)
বিশ্বামিত্রায় ধর্মাত্মন্ষঙ্ভিরশ্বশতৈঃ সহ।
ততোঽসি গতসংমোহঃ কৃতকৃত্যো দ্বিজোত্তম ॥ 5-119-10 (35831)
গালবস্তং তথেত্যুক্ৎবা সুপর্ণসহিতস্ততঃ ।
আদায়াশ্বাংশ্চ কন্যাং চ বিশ্বামিত্রপুপাগমৎ ॥ 5-119-11 (35832)
অশ্বানাং কাঙ্ক্ষিতার্থানাং ষডিমানি শতানি বৈ ।
শতদ্বয়েন কন্যেয়ং ভবতা প্রতিগৃহ্যতাম্ ॥ 5-119-12 (35833)
অস্যাং রাজর্ষিভিঃ পুত্রা জাতা বৈ ধার্মিকাস্ত্রয়ঃ ।
চতুর্থং জনয়ৎবেকং ভবানপি নরোত্তমম্ ॥ 5-119-13 (35834)
পূর্ণান্যেবং শতান্যষ্টৌ তুরগাণাং ভবন্তু তে।
ভবতো হ্যনৃণো ভূৎবা তপঃ কুর্যাং যথাসুখম্ ॥ 5-119-14 (35835)
বিশ্বামিত্রস্তু তং দৃষ্ট্বা গালবং সহ পক্ষিণা।
কন্যাং চ তাং বরারোহামিদমিত্যব্রবীদ্বচঃ ॥ 5-119-15 (35836)
কিমিয়ং পূর্বমেবেহ ন দত্তা মম গালব।
পুত্রা মমৈব চৎবারো ভবেয়ুঃ কুলভাবনাঃ ॥ 5-119-16 (35837)
প্রতিগৃহ্ণামি তে কন্যামেকপুত্রফলায় বৈ ।
অশ্বাশ্চাশ্রমমাসাদ্য চরন্তু মম সর্বশঃ ॥ 5-119-17 (35838)
নারদ উবাচ। 5-119-18x (3738)
স তয়া রমমাণোঽথ বিশ্বামিত্রো মহাদ্যুতিঃ ।
আত্মজং জনয়ামাস মাধবীপুত্রমষ্টকম্ ॥ 5-119-18 (35839)
জাতমাত্রং সুতং তং চ বিশ্বামিত্রো মহামুনিঃ ।
সংয়োজ্যার্থৈস্তথা ধর্মৈরশ্বৈস্তৈঃ সময়োজয়ৎ ॥ 5-119-19 (35840)
অথাষ্টকঃ পুরং প্রায়াত্তদা সোমপুরপ্রভম্ ।
নির্যাত্য কন্যাং শিষ্যায় কৌশিকোপি বনং যয়ৌ ॥ 5-119-20 (35841)
গালবোপি সুপর্ণেন সহ নির্যাত্য দক্ষিণাম্।
মনসাঽতিপ্রতীতেন কন্যামিদমুবাচ হ ॥ 5-119-21 (35842)
জাতো দানপতিঃ পুত্রস্ৎবয়া শূরস্তথাঽপরঃ।
সত্যধর্মরতশ্চান্যো যজ্বা চাপি তথাঽপরঃ ॥ 5-119-22 (35843)
তদাগচ্ছ বরারোহে তারিতস্তে পিতা সুতৈঃ ।
চৎবারশ্চৈব রাজানস্তথা চাহং সুমধ্যমে ॥ 5-119-23 (35844)
নারদ উবাচ। 5-119-24x (3739)
গালবস্ৎবভ্যনুজ্ঞায় সুপর্ণং পন্নগাশনম্ ।
পিতুর্নির্যাত্য তাং কন্যাং প্রয়যৌ বনমেব হ ॥ ॥ 5-119-24 (35845)
ইতি শ্রীমন্মহাভারতে উদ্যোগপর্বণি ভগবাদ্যনপর্বণি একোনবিংশত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-119-8 সংতারে মার্গে ॥ 5-119-18 অষ্টকং তন্নামকম্ ॥ 5-119-20 নির্যাত্য প্রত্যর্প্য । শিষ্যায় গালবায় ॥উদ্যোগপর্ব - অধ্যায় 120
॥ শ্রীঃ ॥
5.120. অধ্যায়ঃ 120
Mahabharata - Udyoga Parva - Chapter Topics
যয়াতিনা মাধব্যাঃ গঙ্গায়মুনাসঙ্গমদেশে স্বয়ংবরোদ্ধোষণেন যক্ষগন্ধর্বাদীনাং তত্রাগমনম্ ॥ 1 ॥ মাধব্যা তু সর্ববরানতিক্রম্য বনমধ্যে তপশ্চরণম্ ॥ 2 ॥ কালান্তরে স্বর্গং যয়াতেঃ বহুবর্ষসহস্রাবসানে সদসি দেবর্ষ্যাদ্যবমাননেন সদ্যস্তেজোহানিঃ ॥ 3 ॥Mahabharata - Udyoga Parva - Chapter Text
5-120-0 (35846)
নারদ উবাচ। 5-120-0x (3740)
স তু রাজা পুনস্তস্যাঃ কর্তুকামঃ স্বয়ংবরম্।
উপগম্যাশ্রমপদং গঙ্গায়ামুনসঙ্গমে ॥ 5-120-1 (35847)
গৃহীতমাল্যদামাং তাং রথমারোপ্য মাধবীম্ ।
পূরুর্যদুশ্চ ভগিনীমাশ্রমে পর্যধাবতাম্ ॥ 5-120-2 (35848)
নাগয়ক্ষমনুষ্যাণাং গন্ধর্বমৃগপক্ষিণাম্ ।
শৈলদ্রুমবনৌকানামাসীত্তত্র সমাগমঃ ॥ 5-120-3 (35849)
নানাপুরুষদেশ্যানামীশ্বরৈশ্চ সমাকুলম্ ।
ঋষিভির্ব্রহ্মকল্পৈশ্চ সমন্তাদাবৃতং বনম্ ॥ 5-120-4 (35850)
নির্দিশ্যমানেষু তু সা বরেষু বরবর্ণিনী ।
বরানুৎক্রম্য সর্বাস্তান্বরং বৃতবতী বনম্ ॥ 5-120-5 (35851)
অবতীর্য রথাৎকন্যা নমস্কৃত্য চ বন্ধুষু।
উপগম্য বনং পুণ্যং তপস্তেপে যয়াতিজা ॥ 5-120-6 (35852)
উপবসৈশ্চ বিবিধৈর্দীক্ষাভির্নিয়মৈস্তথা ।
আত্মনো লঘুতাং কৃৎবা বভূব মৃগচারিণী ॥ 5-120-7 (35853)
বৈদূর্যাঙ্কুরকল্পানি মৃদূনি হরিতানি চ।
চরন্তী শ্লক্ষ্ণশষ্পাণি তিক্তানি মধুরাণি চ ॥ 5-120-8 (35854)
স্রবন্তীনাং চ পুণ্যানাং সুরসানি সুচীনি চ।
পিবন্তী বারিমুখ্যানি শীতানি বিমলানি চ॥ 5-120-9 (35855)
বনেষু মৃগরাজেষু ব্যাঘ্রবিপ্রোষিতেষু চ ।
দাবাগ্নিবিপ্রয়ুক্তেষু শূন্যেষু গহনেষু চ ॥ 5-120-10 (35856)
চরন্তী হরিণৈঃ সার্ধং মৃগীব বনচারিণী ।
চচার বিপুলং ধর্মং ব্রহ্মচর্যেণ সংবৃতম্ ॥ 5-120-11 (35857)
যয়াতিরপি পূর্বেষাং রাজ্ঞাং বৃত্তমনুষ্ঠিতঃ।
বহুবর্ষসহস্রায়ুর্যুয়ুজে কালধর্মণা ॥ 5-120-12 (35858)
পুরুর্যদুশ্চ দ্বৌ বংশে বর্ধমানৌ নরোত্তমৌ ।
তাভ্ভাং প্রতিষ্ঠিতো লোকে পরলোকে চ নাহুষঃ ॥ 5-120-13 (35859)
মহীপতে নরপতির্যযাতিঃ স্বর্গমাস্থিতঃ।
মহর্ষিকল্পো নৃপতিঃ স্বর্গাগ্র্যফলভুগ্বিভুঃ ॥ 5-120-14 (35860)
বহুবর্ষসহস্রাখ্যে কালে বহুগুণে গতে।
রাজর্ষিষু নিষণ্ণেষু মহীয়ঃসু মহর্ধিষু ॥ 5-120-15 (35861)
অবমেনে নরান্সর্বান্দেবানৃষিগণাংস্তথা।
যয়াতির্মূঢবিজ্ঞানো বিস্ময়াবিষ্টচেতনঃ ॥ 5-120-16 (35862)
ততস্তং বুবুধে দেবঃ শক্রো বলনিষূদনঃ ।
তে চ রাজর্ষয়ঃ সর্বে ধিগ্ধিগিত্যেবমব্রুবন্ ॥ 5-120-17 (35863)
বিচারশ্চ সমুৎপন্নো নিরীক্ষ্য নহুষাত্মজম্ ।
কোঽন্বয়ং কস্য বা রাজ্ঞঃ কথং বা স্বর্গমাগতঃ ॥ 5-120-18 (35864)
কর্মণা কেনসিদ্ধোঽয়ং ক্ব বাঽনেন তপশ্চিতম্।
কথং বা জ্ঞায়তে স্বর্গে কেন বা জ্ঞায়তেঽপ্যুত ॥ 5-120-19 (35865)
এবং বিচাস্যন্তস্তে রাজানং স্বর্গবাসিনঃ ।
দৃষ্ট্বা পপ্রচ্ছুরন্যোন্যং যয়াতিং নৃপতিং প্রতি ॥ 5-120-20 (35866)
বিমানপালাঃ শতশঃ স্বর্গদ্বারাভিরক্ষিণঃ ।
পৃষ্টা আসনপালাশ্চ ন জানীমেত্যথাঽব্রুবন্ ॥ 5-120-21 (35867)
সর্বে তে হ্যাবৃতজ্ঞানা নাভ্যজানন্ত তং নৃপম্ ।
স মুহূর্তাদথ নৃপো হতৌজাশ্চাভবত্তদা ॥ ॥ 5-120-22 (35868)
ইতি শ্রীমন্মহাভারতে উদ্যোগপর্বণি ভগবদ্যানপর্বণি বিংশত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-120-1 সতু রাজা আশ্রমপদমুপগম্য কর্তুকাভঃ অভূদিতি শেষঃ ॥ 5-120-2 পর্যধাবতাং বরান্বেষণায়েত্যর্থঃ ॥ 5-120-5 বনং বনবাসম্ ॥ 5-120-10 ব্যাঘ্রাণাং বিপ্রোষিতং পর্যটনং যেষু ॥ 5-120-12 কালধর্মণা মৃত্যুনা ॥ 5-120-13 নাহুষঃ যয়াতিঃ ॥উদ্যোগপর্ব - অধ্যায় 121
॥ শ্রীঃ ॥
5.121. অধ্যায়ঃ 121
Mahabharata - Udyoga Parva - Chapter Topics
যয়াতিংপ্রতি ইন্দ্রদূতেন পতেত্যুক্তিঃ ॥ 1 ॥ যয়াতেঃ সৎসু পতেয়মিতি স্বপ্রার্থিতেন্দ্রবরেণ নৈমিষে যজতাং স্বদৌহিত্রাণাং মধ্যে ভুবংপ্রতি পতনম্ ॥ 2 ॥ যয়াতিনা তৈঃ প্রদিৎসিতসুকৃতফলপ্রতিগ্রহানভিরোচনম্ ॥ 3 ॥ তত্রাগতয়া মাধব্যা তেষাং তদ্দৌহিত্রমামভিধায় যয়াতয়ে তেভ্যঃ সুকৃতফলপ্রদাপনপূর্বকং স্বসুকৃতফলার্ধদানম্ ॥ 4 ॥ গালবেন স্বতপোষ্টমাংশফলদানম্ ॥ 5 ॥Mahabharata - Udyoga Parva - Chapter Text
5-121-0 (35869)
নারদ উবাচ। 5-121-0x (3741)
অথ প্রচলিতঃ স্থানাদাসনাচ্চ পরিচ্যুতঃ।
কম্পিতেনেব মনসা ধর্ষিতঃ শেকবাহ্নিনা ॥ 5-121-1 (35870)
ম্লানস্রগ্ভ্রষ্টবিজ্ঞানঃ প্রভ্রষ্টমুকুটাঙ্গদঃ ।
বিঘূর্ণন্স্রস্তসর্বাঙ্গঃ প্রভ্রষ্টাভরণাম্বরঃ ॥ 5-121-2 (35871)
অদৃশ্যমানস্তান্পশ্যন্নপশ্যংশ্চ পুনঃ পুনঃ ।
শূন্যঃ শূন্যেন মনসা প্রপতিষ্যন্মহীতলম্ ॥ 5-121-3 (35872)
কিং ময়া মনসা ধ্যাতমশুভং ধর্মদূষণম্ ।
যেনাহং চলিতঃ স্থানাদিতি রাজা ব্যচিন্তয়ৎ ॥ 5-121-4 (35873)
তে তু তত্রৈব রাজানঃ সিদ্ধাশ্চাপ্সরসস্তথা ।
অপশ্যন্ত নিরালম্বং তং যয়াতিং পরিচ্যুতম্ ॥ 5-121-5 (35874)
অথৈত্য পুরুষঃ কশ্চিৎক্ষীণপুণ্যনিপাতকঃ ।
যয়াতিমব্রবীদ্রাজন্দ্রেবরাজস্য শাসনাৎ ॥ 5-121-6 (35875)
অতীব মদমত্তস্ৎবং ন কংচিন্নাবমন্যসে ।
মানেন ভ্রষ্টঃ স্বর্গস্তে নার্হস্ৎবং পার্থিবাত্মজ ॥ 5-121-7 (35876)
ন চ প্রজ্ঞায়সে গচ্ছ পতস্বেতি তমব্রবীৎ ।
পতেয়ং সৎস্বিতি বচস্ত্রিরুত্ৎকা নহুষাত্মজঃ ॥ 5-121-8 (35877)
পতিষ্যংন্তয়ামাস গতিং গতিমতাং বরঃ।
এতস্মিন্নেব কালে তু নৈমিষে পার্থিবর্ষভান্ ॥ 5-121-9 (35878)
চতুরোঽপশ্যত নৃপস্তেষাং মধ্যে পপাত হ ।
প্রতর্দনো বসুমনাঃ শিবিরৌশীনরোঽষ্টকঃ ॥ 5-121-10 (35879)
বাজপেয়েন যজ্ঞেন তর্পয়ন্তি সুরেশ্বরম্ ।
তেষামধ্বরজং ধূমং স্বর্গদ্বারমুপস্থিতম্ ॥ 5-121-11 (35880)
যয়াতিরুপজিঘ্রন্বৈ নিপপাত মহীং প্রতি ।
ভূমৌ স্বর্গে চ সংবদ্ধাং নদীং ধূমময়ীমিব ।
গঙ্গাং গামিব গচ্ছন্তীমালম্ব্য জগতীপতিঃ ॥ 5-121-12 (35881)
শ্রীমৎস্ববভৃথাগ্র্যেষু চতুর্ষু প্রতিবন্ধুষু ।
মধ্যে নিপতিতো রাজা লোকপালোপমেষু সঃ ॥ 5-121-13 (35882)
চতুর্ষু হুতকল্পেষু রাজসিংহমহাগ্নিষু ।
পপাত মধ্যে রাজর্ষির্যযাতিঃ পুণ্যসঙ্ক্ষয়ে ॥ 5-121-14 (35883)
তমাহুঃ পার্থিবাঃ সর্বে দীপ্যমানমিব শ্রিয়া ।
কো ভবান্কস্য বা বন্ধুর্দেশস্য নগরস্য বা ॥ 5-121-15 (35884)
যক্ষো বাঽপ্যথবা দেবো গন্ধর্বো রাক্ষসোঽপি বা ।
ন হি মানুষরূপোসি কোবার্থঃ কাঙ্ক্ষ্যতে ৎবয়া ॥ 5-121-16 (35885)
যয়াতিরুবাচ। 5-121-17x (3742)
যয়াতিরস্মি রাজর্ষিঃ ক্ষীণপুণ্যশ্চ্যুতো দিবঃ।
পতেয়ং সৎস্বিতি ধ্যায়ন্ভবৎসু পতিতস্ততঃ ॥ 5-121-17 (35886)
রাজান ঊচুঃ । 5-121-18x (3743)
সত্যমেতদ্ভবতু তে কাঙ্ক্ষিতং পুরুষর্ষভ ।
সর্বেষাং নঃ ক্রতুফলং ধর্মশ্চ প্রতিগৃহ্যতাম্ ॥ 5-121-18 (35887)
যয়াতিরুবাচ। 5-121-19x (3744)
নাহং প্রতিগ্রহধনো ব্রাহ্মণঃ ক্ষত্রিয়োঽহ্যহম্।
ন চ মে প্রবণা বুদ্ধিঃ পরপুণ্যবিনাশনে ॥ 5-121-19 (35888)
নারদ উবাচ। 5-121-20x (3745)
এতস্মিন্নেব কালে তু মৃগচর্যাক্রমাগতাম্।
মাধবীং প্রেক্ষ্য রাজানস্তেঽভিবাদ্যেদমব্রুবন্ ॥ 5-121-20 (35889)
কিমাগমনকৃত্যং তে কিং কুর্মঃ শাসনং তব।
আজ্ঞাপ্যা হি বয়ং সর্বে তব পুত্রাস্তপোধনে ॥ 5-121-21 (35890)
নারদ উবাচ। 5-121-22x (3746)
তেষাং তদ্ভাষিতং শ্রুৎবা মাধবী পরয়া মুদা।
পিতরং সমুপাগচ্ছদ্যযাতিং সা ববন্দ চ ॥ 5-121-22 (35891)
স্পৃষ্ট্বা মূর্ধনি তান্পুত্রাংস্তাপসী বাক্যমব্রবীৎ ।
দৌহিত্রাস্তব রাজেন্দ্র মম পুত্রা ন তে পরাঃ ॥ 5-121-23 (35892)
ইমে ৎবাং তারয়িষ্যন্তি দিষ্টমেতৎপুরাতনম্ ।
অহং তে দুহিতা রাজন্মাধবী মৃগচারিণী ॥ 5-121-24 (35893)
ময়াঽপ্যুপচিতো ধর্মস্ততোঽর্ধং প্রতিগৃহ্যতাম্ ।
যস্মাদ্রাজন্নরাঃ সর্বে অপত্যফলভাগিনঃ ॥ 5-121-25 (35894)
তস্মাদিচ্ছন্তি দৌহিত্রান্যথা ৎবং বসুধাধিপ । 5-121-26 (35895)
নারদ উবাচ।
ততস্তে পার্থিবাঃ সর্বে শিরসা জননীং তদা ॥ 5-121-26x (3747)
অভিবাদ্য নমস্কৃত্য মাতামহমথাব্রুবন্ ।
উচ্চৈরনুপমৈঃ স্নিগ্ধৈঃ স্বরৈরাপূর্য মেদিনীম্ ।
মাতামহং নৃপতয়স্তারয়ন্তো দিবশ্চ্যুতম্ । 5-121-27 (35896)
` রাজান ঊচুঃ । 5-121-28x (3748)
রাজধর্মগুণোপেতাঃ সত্যধর্মগুণান্বিতাঃ।
দৌহিত্রাস্তে বয়ং রাজন্দিবমারোহ পার্থিব ॥ 5-121-28 (35897)
নারদ উবাচ।' 5-121-29x (3749)
অথাকস্মাদুপগতো গালবোঽপ্যাহ পার্থিবম্ ।
তপসো মেঽষ্টভাগেন স্বর্গমারোহতাং ভবান্ ॥ ॥ 5-121-29 (35898)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একবিংশত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-121-10 শিবিরৌশীনর ইত্যেকঃ ॥ 5-121-13 প্রতিবন্ধুষু দৌহিত্ররূপেষু ॥ 5-121-15 বন্ধুঃ পালয়িতা ॥ 5-121-29 অষ্টভাগেন অষ্টমাংশেন ॥উদ্যোগপর্ব - অধ্যায় 122
॥ শ্রীঃ ॥
5.122. অধ্যায়ঃ 122
Mahabharata - Udyoga Parva - Chapter Topics
স্বদৌহিত্রাদিদত্তপুণ্যফলপ্রভাবেণ পুনর্যযাতেঃ স্বর্গগমনম্ ॥ 1 ॥Mahabharata - Udyoga Parva - Chapter Text
5-122-0 (35899)
নারদ উবাচ। 5-122-0x (3750)
প্রত্যভিজ্ঞাতমাত্রোঽথ সদ্ভিস্তৈর্নরপুঙ্গবঃ।
সমারুরোহ নৃপতিরস্পৃশন্বসুধাতলম্ ।
যয়াতির্দিব্যসংস্থানো বভূব বিগতজ্বরঃ ॥ 5-122-1 (35900)
দিব্যমাল্যাম্বরধরো দিব্যাভরণভূষিতঃ।
দিব্যগন্ধগুণোপেতো ন পৃথ্বীমস্পৃশৎপদা ॥ 5-122-2 (35901)
ততো বসুমনাঃ পূর্বমুচ্চৈরুচ্চারয়ন্বচঃ ॥
খ্যাতো দানপতির্লোকে ব্যাজহার নৃপং তদা ॥ 5-122-3 (35902)
প্রাপ্তবানস্মি যল্লোকে সর্ববর্ণেষ্বগর্হয়া ।
তদপ্যথ চ দাস্যামি তেন সংয়ুজ্যতাং ভবান্ ॥ 5-122-4 (35903)
যৎফলং দানশীলস্য ক্ষমাশীলস্য যৎফলম্ ।
যচ্চ মে ফলমাধানে তেন সংয়ুজ্যতাং ভবান্ ॥ 5-122-5 (35904)
ততঃ প্রতর্দনোঽপ্যাহ বাক্যং ক্ষত্রিয়পুঙ্গবঃ ।
যথা ধর্মরতির্নিত্যং নিত্যং যুদ্ধপরায়ণঃ ॥ 5-122-6 (35905)
প্রাপ্তবানস্মি যল্লোকে ক্ষত্রবংশোদ্ভবং যশঃ ।
বীরশব্দফলং চৈব তেন সংয়ুজ্যতাং ভবান্ ।
যথা ধর্মে রতির্নিত্যং তেন সত্যেন খং ব্রজ ॥ 5-122-7 (35906)
শিবিরৌশীনরো ধীমানুবাচ মধুরাং গিরম্।
যথা বালেষু নারীষু বৈবাহ্যেষু তথৈব চ ॥ 5-122-8 (35907)
সঙ্গরেষু নিপাতেষু তথা তদ্ব্যসনেষু চ ।
অনৃতং নোক্তপূর্বং মে তেন সত্যেন খং ব্রজ ॥ 5-122-9 (35908)
যথা প্রাণাংশ্চ রাজ্যং চ রাজন্কামসুখানি চ।
ত্যজেয়ং ন পুনঃ সত্যং তেন সত্যেন খং ব্রজ ॥ 5-122-10 (35909)
যথা সত্যেন মে ধর্মো যথা সত্যেন পাবকঃ ।
প্রীতঃ শতক্রতুশ্চৈব তেন সত্যেন খং ব্রজ ॥ 5-122-11 (35910)
অষ্টকস্ৎবথ রাজর্ষিঃ কৌশিকো মাধবীসুতঃ।
অনেকশতয়জ্বানং নাহুষং প্রাহ ধর্মবিৎ ॥ 5-122-12 (35911)
শতশঃ পুণ্ডরীকা মে গোসবাশ্চরিতাঃ প্রভো ।
ক্রতবো বাজপেয়াশ্চ তেষাং ফলমবাপ্নুহি ॥ 5-122-13 (35912)
ন মে রত্নানি ন ধনং ন তথাঽন্যে পরিচ্ছদা ।
ক্রতুষ্বনুপয়ুক্তানি তেন সত্যেন খং ব্রজ ॥ 5-122-14 (35913)
নারদ উবাচ। 5-122-15x (3751)
যথায়থা হি জল্পন্তি দৌহিত্রাস্তং নরাধিপম্ ।
তথতথা বসুমতীং ত্যক্ৎবা রাজা দিবং যয়ৌ ॥ 5-122-15 (35914)
এবং সর্বে সমস্তৈস্তে রাজানঃ সুকৃতৈস্তদা ।
যয়াতিং স্বর্গতো ভ্রষ্টং তারয়ামাসুরঞ্জসা ॥ 5-122-16 (35915)
দৌহিত্রাঃ স্বেন ধর্মেণ যজ্ঞদানকৃতেন বৈ ।
চতুর্ষু রাজবংশেষু সংভূতাঃ কুলবর্ধনাঃ।
মাতামহং মহাপ্রাজ্ঞং দিবমারোপয়ন্ত তে ॥ 5-122-17 (35916)
রাজান ঊচুঃ । 5-122-18x (3752)
রাজধর্মগুণোপেতাঃ সর্বধর্মগুণান্বিতাঃ ।
দৌহিত্রাস্তে বয়ং রাজন্দিবমারোহ পার্থিব ॥ ॥ 5-122-18 (35917)
ইতি শ্রীমন্মহাভারতে উদ্যোগপর্বণি ভগবদ্যানপর্বণি দ্বাবিংশত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-122-1 প্রত্যভিজ্ঞাতেতি ॥ 5-122-5 আধানে অগ্র্যাধানোপলক্ষিতে শ্রৌতধর্মে ॥ 5-122-9 আপৎসু সংকটেষু । ব্যসনেষু দ্যূতাদিষু । খং স্বর্গম্ ॥উদ্যোগপর্ব - অধ্যায় 123
॥ শ্রীঃ ॥
5.123. অধ্যায়ঃ 123
Mahabharata - Udyoga Parva - Chapter Topics
স্বর্গে যয়াতিপ্রশ্নানুরোধেন পিতামহেন তৎপতনকারণকথনম্ ॥ 1 ॥ নারদেন যয়াত্যুপাখ্যানোপসংহারপূর্বকং দুর্যোধনংপ্রতি গালবয়যাতিদৃষ্টান্তপ্রদর্শনেন নির্বন্ধাভিমানত্যাগপূর্বকং পাণ্ডবৈঃ সন্ধিকরণবিধানম্ ॥ 2 ॥Mahabharata - Udyoga Parva - Chapter Text
5-123-0 (35918)
নারদ উবাচ। 5-123-0x (3753)
সদ্ভিরারোপিতঃ স্বর্গং পার্থিবৈর্ভূরিদক্ষিণৈঃ ।
অভ্যনুজ্ঞায় দৌহিত্রান্যযাতির্দিবমাস্থিতঃ ॥ 5-123-1 (35919)
অভিবৃষ্টশ্চ বর্ষেণ নানাপুষ্পসুগন্ধিনা।
পরিষ্বক্তশ্চ পুণ্যেন বায়ুনা পুণ্যগন্ধিনা ॥ 5-123-2 (35920)
অচলং স্থানমাসাদ্য দৌহিত্রফলনির্জিতম্ ।
কর্মভিঃ স্বৈরুপচিতো জজ্বাল পরয়া শ্রিয়া ॥ 5-123-3 (35921)
উপগীতোপনৃত্তশ্চ গন্ধর্বাপ্সরসাং গণৈঃ ।
প্রীত্যা প্রতিগৃহীতশ্চ স্বর্গে দুন্দুভিনিঃস্বনৈঃ ॥ 5-123-4 (35922)
অভিষ্টুতশ্চ বিবিধৈর্দেবরাজর্ষিচারণৈঃ ।
অর্চিতশ্চোত্তমার্ঘেণ দৈবতৈরভিনন্দিতঃ ॥ 5-123-5 (35923)
প্রাপ্তঃ স্বর্গফলং চৈব তমুবাচ পিতামহঃ ।
নির্বৃতং শান্তমনসং বচোভিস্তর্পয়ন্নিব ॥ 5-123-6 (35924)
চতুষ্পাদস্ৎবয়া ধর্মশ্রিতো লোক্যেন কর্মণা ।
অক্ষয়স্তব লোকোঽয়ং কীর্তিশ্চৈবাক্ষয়া দিবি ॥ 5-123-7 (35925)
পুনস্ৎবয়ৈব রাজর্ষে স্বকৃতেন বিঘাতিতম্।
আবৃতং তমসা চেতঃ সর্বেষাং স্বর্গবাসিনাম্ ॥ 5-123-8 (35926)
যেন ৎবাং নাভিজানন্তি ততোঽজ্ঞাতোসি পাতিতঃ ।
প্রীত্যৈব চাসি দৌহিত্রৈস্তারিতস্ৎবমিহাগতঃ ॥ 5-123-9 (35927)
স্থানং চ প্রতিপন্নোঽসি কর্মণা স্বেন নির্জিতম্ ।
অচলং শাশ্বতং পুণ্যমুত্তমং ধ্রুবমব্যযম্ ॥ 5-123-10 (35928)
যয়াতিরুবাচ। 5-123-11x (3754)
ভগবন্সংশয়ো মেঽস্তি কশ্চিতং ছেত্তুমর্হসি ।
ন হ্যন্যমহমর্হামি প্রষ্টুং লোকপিতামহ ॥ 5-123-11 (35929)
বহুবর্ষসহস্রান্তং প্রজাপালনবর্ধিতম্।
অনেকক্রতুদানৌঘৈরার্জিতং মে মহৎফলম্ ॥ 5-123-12 (35930)
কথং তদল্পকালেন ক্ষীণং যেনাস্মি পাতিতঃ ।
ভগবন্বেত্থ লোকাংশ্চ শাশ্বতান্মম নির্মিতান্ ।
কথং নু মম তৎসর্বং বিপ্রনষ্টং মহাদ্যুতে ॥ 5-123-13 (35931)
পিতামহ উবাচ। 5-123-14x (3755)
বহুবর্ষসহস্রান্তং প্রজাপালনবর্ধিতম্।
অনেকক্রতুদানৌঘৈর্যত্ৎবয়োপার্জিতং ফলম্ ॥ 5-123-14 (35932)
তদনেনৈব দোষেণ ক্ষীণং যেনাসি পাতিতঃ।
অভিমানেন রাজেন্দ্র ধিক্কৃতঃ স্বর্গবাসিভিঃ ॥ 5-123-15 (35933)
নায়ং মানেন রাজর্ষে ন বলেন ন হিংসয়া।
ন শাঠ্যেন ন মায়াভির্লোকো ভবতি শাশ্বতঃ ॥ 5-123-16 (35934)
নাবমান্যাস্ৎবয়া রাজন্নধমোৎকৃষ্টমধ্যমাঃ।
ন হি মানপ্রদগ্ধানাং কশ্চিদস্তি শমঃ ক্বচিৎ ॥ 5-123-17 (35935)
পতনারোহণমিদং কথয়িষ্যন্তি যে নরাঃ ।
বিষমাণ্যপি তে প্রাপ্তাস্তরিষ্যন্তি ন সংশয়ঃ ॥ 5-123-18 (35936)
নারদ উবাচ। 5-123-19x (3756)
এষ দোষোঽভিমানেন পুরা প্রাপ্তো যয়াতিনা ।
নির্বধ্নতাঽতিমাত্রং চ গালবেন মহীপতে ॥ 5-123-19 (35937)
শ্রোতব্যং হিতকামানাং সুহৃদাং হিতমিচ্ছতাম্।
ন কর্তব্যো হি নির্বন্ধো নির্বন্ধো হি ক্ষয়োদয়ঃ ॥ 5-123-20 (35938)
তস্মাত্ৎবমপি গান্ধারে মানং ক্রোধং চ বর্জয় ।
সন্ধৎস্ব পাণ্ডবৈর্বীর সংরম্ভং ত্যজ পার্থিব ॥ 5-123-21 (35939)
স ভবান্সুহৃদাং পথ্যং বচো গৃহ্ণাতু মাঽনৃতম্ ।
সমর্থৈর্বিগ্রহং কৃৎবা বিষমস্থো ভবিষ্যসি ॥ 5-123-22 (35940)
দদাতি যৎপার্থিব যৎকরতি
যদ্বা তপস্তপ্যতি যঞ্জুহোতি।
ন তস্য নাশোঽস্তি ন চাপকর্ষো
নান্যস্তদশ্নাতি স এব কর্তা ॥ 5-123-23 (35941)
ইদং মহাখ্যানমনুত্তমং হিতং
বহুশ্রুতানাং গতরোষরাগিণাম্।
সমীক্ষ্য লোকে বহুধা প্রধারিতং
ত্রিবর্গদৃষ্টিঃ পৃথিবীমুপাশ্নুতে ॥ 5-123-24 (35942)
` এতৎপুণ্যতমং রাজন্যযাতেশ্চরিতং মহৎ।
যচ্ছ্রুৎবা শ্রাবয়িৎবা চ স্বর্গং যান্তীহ মানবাঃ ॥' ॥ 5-123-25 (35943)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ত্রয়োবিংশত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-123-8 স্বকৃতেন সম্যক্সংপাদিতেন কর্মণা। ময়া সমোঽন্যো নাস্তীতি বাক্প্রয়োগেণ। তমসা ক্রোধেন ॥ 5-123-24 প্রধারিতং নিশ্চিতম্ ॥উদ্যোগপর্ব - অধ্যায় 124
॥ শ্রীঃ ॥
5.124. অধ্যায়ঃ 124
Mahabharata - Udyoga Parva - Chapter Topics
ধৃতরাষ্ট্রেণ শ্রীকৃষ্ণংপ্রতি দুর্যোধনানুনয়প্রার্থন ॥ 1 ॥ শ্রীকৃষ্ণেন দুর্যোধনানুনয়ঃ ॥ 2 ॥Mahabharata - Udyoga Parva - Chapter Text
5-124-0 (35944)
ধৃতরাষ্ট্র উবাচ। 5-124-0x (3757)
ভগবন্নেবমেবৈতদ্যথা বদসি নারদ।
ইচ্ছামি চাহমপ্যেবং ন ৎবীশো ভগবন্নহম্ ॥ 5-124-1 (35945)
বৈশম্পায়ন উবাচ। 5-124-2x (3758)
এবমুক্ৎবা ততঃ কৃষ্ণমভ্যভাষত কৌরবঃ ।
স্বর্গ্যং লোক্যং চ মামাত্থ ধর্ম্যং ন্যায়্যং চ কেশব ॥ 5-124-2 (35946)
ন ৎবহং স্ববশস্তাত ক্রিয়মাণং ন মে প্রিয়ম্ ।
`ন মংস্যন্তে দুরাত্মানঃ পুত্রা মম জনার্দন ॥' 5-124-3 (35947)
অঙ্গ দুর্যোধনং কৃষ্ণ মন্দং শাস্ত্রাতিগং মম।
অনুনেতুং মহাবাহো যতস্ব পুরুষোত্তম ॥ 5-124-4 (35948)
ন শ্রৃণোতি মহাবাহো বচনং সাধু ভাষিতম্ ।
গান্ধার্যাশ্চ হৃষীকেশ বিদুরস্য চ ধীমতঃ ।
অন্যেষাং চৈব সুহৃদাং ভীষ্মাদীনাং হিতৈষিণাম্ ॥ 5-124-5 (35949)
স ৎবং পাপমতিং ক্রূরং পাপচিত্তমচেতনম্ ।
অনুশাধি দুরাত্মানং স্বয়ং দুর্যোধনং নৃপম্ ॥ 5-124-6 (35950)
সুহৃৎকার্যং তু সুমহৎকৃতং তে স্যাঞ্জনার্দন ॥ 5-124-7 (35951)
বৈশম্পায়ন উবাচ। 5-124-8x (3759)
ততোঽভ্যাবৃত্য বার্ষ্ণেয়ো দুর্যোধনমমর্ষণম্ ।
অব্রবীন্মধুরাং বাচং সর্বধর্মার্থতত্ৎববিৎ ॥ 5-124-8 (35952)
দুর্যোধন নিবোধেদং মদ্বাক্যং কুরুসত্তম।
শর্মার্থং তে বিশেষেণ সানুবন্ধস্য ভারত ॥ 5-124-9 (35953)
মহাপ্রজ্ঞকুলে জাতঃ সাধ্বেতৎকর্তুমর্হসি ।
শ্রুতবৃত্তোপসংপন্নঃ সর্বৈঃ সমুদিতো গুণৈঃ ॥ 5-124-10 (35954)
দৌষ্কুলেয়া দুরাত্মানো নৃশংসা নিরপত্রপাঃ ।
ত এতদীদৃশং কুর্যুর্যথা ৎবং তাত মন্যসে ॥ 5-124-11 (35955)
ধর্মার্থয়ুক্তা লোকেঽস্মিন্প্রবৃত্তির্লক্ষ্যতে সতাম্।
অসতাং বিপরীতা তু লক্ষ্যতে ভরতর্ষভ ।
বিপরীতা ৎবিয়ং বৃত্তিরসকৃল্লক্ষ্যতে ৎবয়ি ॥ 5-124-12 (35956)
অধর্মশ্চানুবন্ধোঽত্র ঘোরঃ প্রাণহরো মহান্ ।
অনিষ্টশ্চানিমিত্তশ্চ ন চ শক্যশ্চ ভারত ॥ 5-124-13 (35957)
তমনর্থং পরিহরন্নাত্মশ্রেয়ঃ করিষ্যসি।
ভ্রাতৄণামথ ভৃত্যানাং মিত্রাণাং চ পরন্তপ ॥ 5-124-14 (35958)
অধর্ম্যাদয়শস্যাচ্চ কর্মণস্ৎবং প্রমোক্ষ্যসে ॥ 5-124-15 (35959)
প্রাজ্ঞৈঃ শূরৈর্মহোৎসাহৈরাত্মবদ্ভির্বহুশ্রুতৈঃ।
সন্ধৎস্ব পুরুষব্যাঘ্র পাণ্ডবৈর্ভরতর্ষভ।
তদ্ধিতং চ প্রিয়ং চৈব ধৃতরাষ্ট্রস্য ধীমতঃ ॥ 5-124-16 (35960)
পিতামহস্য দ্রোণস্য বিদুরস্য মহামতেঃ ।
কৃপস্য সোমদত্তস্য বাহ্লীকস্য চ ধীমতঃ ॥ 5-124-17 (35961)
অশ্বত্থাম্নো বিকর্ণস্য সঞ্জয়স্য বিবিংশতেঃ।
জ্ঞাতীনাং চৈব ভূয়িষ্ঠং মিত্রাণাং চ পরন্তপ ॥ 5-124-18 (35962)
শমে শর্ম ভবেত্তাত সর্বস্য জগতস্তথা।
হ্রীমানসি কুলে জাতঃ শ্রুতবানানৃশংস্যবান্ ।
তিষ্ঠ তাত পিতুঃ শাস্ত্রে মাতুশ্চ ভরতর্ষভ ॥ 5-124-19 (35963)
এতচ্ছ্রেয়ো হি মন্যন্তে পিতা যচ্ছাস্তি ভারত ।
উক্তমাপদ্গতঃ পূর্বং পিতুঃ স্মরসি শাসনম্ ॥ 5-124-20 (35964)
রোচতে তে পিতুস্তাত পাণ্ডবৈঃ সহ সঙ্গমঃ।
সামাত্যস্য কুরুশ্রেষ্ঠ তত্তুভ্যাং তাত রোচতাম্ ॥ 5-124-21 (35965)
শ্রুৎবা যঃ সুহৃদাং শাস্ত্রং মর্ত্যো ন প্রতিপদ্যতে ।
বিপাকান্তে দহত্যেনং কিংপাকমিব ভক্ষিতম্ ॥ 5-124-22 (35966)
যস্তু নিঃশ্রেয়সং বাক্যং মোহান্ন প্রতিপদ্যতে।
স দীর্ঘসূত্রো হীনার্থঃ পশ্চাত্তাপেন যুজ্যতে ॥ 5-124-23 (35967)
যস্তু ন্নিঃশ্রেয়সং শ্রুৎবা প্রাক্তদেবাভিপদ্যতে।
আত্মনো মতমুৎসৃজ্য স লোকে সুখমেধতে ॥ 5-124-24 (35968)
যোঽর্থকামস্য বচনং প্রাতিকূল্যান্ন মৃষ্যতে।
শৃণোতি প্রতিকূলানি দ্বিষতাং বশমেতি সঃ ॥ 5-124-25 (35969)
সতাং মতমতিক্রম্য যোঽসতাং বর্ততে মতে।
শোচন্তে ব্যসনে তস্য সুহৃদো নচিরাদিব ॥ 5-124-26 (35970)
মুখ্যানমাত্যানুৎসৃজ্য যো নিহীনান্নিষেবতে ।
স ঘোরামাপদং প্রাপ্য নোত্তারমধিগচ্ছতি ॥ 5-124-27 (35971)
যোঽসৎসেবী বৃথাচারো ন শ্রোতা সুহৃদাং সতাম্।
পরান্বৃণীতি স্বান্দ্বেষ্টি তং গৌস্ত্যজতি ভারত ॥ 5-124-28 (35972)
তৎবং বিরুদ্ধা তৈর্বীরৈস্যেতত্রাণমিচ্ছসি ।
অশিষ্টেভ্যোঽসমর্থেভ্যো মূঢেভ্যো ভরতর্ষভ ॥ 5-124-29 (35973)
কো হি শক্রসমাঞ্জ্ঞাতীনতিক্রম্য মহারথান্ ।
অন্যেভ্যস্ত্রাণমাশংসেত্ৎবদন্যো ভুবি মানবঃ ॥ 5-124-30 (35974)
জন্মপ্রভৃতি কৌন্তেয়া নিত্যং বিনিকৃতাস্ৎবয়া ।
ন চ তে জাতু কুপ্যন্তি ধর্মাত্মানো হি পাণ্ডবাঃ ॥ 5-124-31 (35975)
মিথ্যোপচরিতাস্তাত জন্মপ্রভৃতি বান্ধবাঃ ।
ৎবয়ি সম্যঙ্ভহাবাহো প্রতিপন্না যশস্বিনঃ ॥ 5-124-32 (35976)
ৎবয়াঽপি প্রতিপত্তব্যং তথৈব ভরতর্ষভ ।
স্বেষু বন্ধুষু মুখ্যেষু মা মন্যুবশমন্বগাঃ ॥ 5-124-33 (35977)
ত্রিবর্গয়ুক্তঃ প্রাজ্ঞানামারম্ভো ভরতর্ষভ ।
ধর্মার্থাবনুরুদ্ধ্যন্তে ত্রিবর্গাসংভবে নরাঃ ॥ 5-124-34 (35978)
পৃথক্ব বিনিবিষ্টানাং ধর্মং ধীরোঽনুরুধ্যতে।
মধ্যমোঽর্থং কলিং বালঃ কামমেবানুরুদ্ধ্যতে ॥ 5-124-35 (35979)
ইন্দ্রিয়ৈঃ প্রাকৃতো লোভাদ্ধর্মং বিপ্রজহাতি যঃ ।
কামার্থাবনুপায়েন লিপ্সমানো বিনশ্যতি ॥ 5-124-36 (35980)
কামার্থৌ লিপ্সমানস্তু ধর্মমেবাদিতশ্চরেৎ।
ন হি ধর্মাদপৈত্যর্থঃ কামো বাঽপি কদাচন ॥ 5-124-37 (35981)
উপায়ং ধর্মমেবাহুস্ত্রিবর্গস্য বিশাংপতে ।
লিপ্সমানো হি তেনাশু কক্ষেঽগ্নিরিব বর্ধতে ॥ 5-124-38 (35982)
স ৎবং তাতানুপায়েন লিপ্সসে ভরতর্ষভ ।
আধিরাজ্যং মহদ্দীপ্তং প্রথিতং সর্বরাজসু ॥ 5-124-39 (35983)
আত্মানং তক্ষতি হ্যেষ বনং পরশুনা যথা।
যঃ সম্যগ্বর্তমানেষু মিথ্যা রাজন্প্রবর্ততে ।
ন তস্য হি মতিং ছিন্দ্যাদ্যস্য নেচ্ছেৎপরাভবম্ ॥ 5-124-40 (35984)
অবিচ্ছিন্নমতেরস্য কল্যাণে ধীয়তে মতিঃ।
আত্মবান্নাবমন্যেত ত্রিষু লোকেষু ভারত ॥ 5-124-41 (35985)
অপ্যন্যং প্রাকৃতং কঞ্চিৎকিমু তান্পাণ্ডবর্ষভান্।
অমর্ষবশমাপন্নো ন কিংচিদ্বুদ্ব্যতে জনঃ ॥ 5-124-42 (35986)
ছিদ্যতে হ্যাততং সর্বং প্রমাণং পশ্য ভারত ।
শ্রেয়স্তে দুর্জনাত্তাত পাণ্ডবৈঃ সহ সঙ্গতম্ ॥ 5-124-43 (35987)
তৈর্হি সংপ্রীপমাণস্ৎবং সর্বান্কামানবাপ্স্যসি।
পাণ্ডবৈর্নির্মিতাং ভূমিং ভুঞ্জানো রাজসত্তম ॥ 5-124-44 (35988)
পাণ্ডবান্পৃষ্ঠতঃ কৃৎবা ত্রাণমাশসসঽন্বতঃ ।
দুঃশাসনে দুর্বিষহে কর্ণে চাপি সসৌবলে ॥ 5-124-45 (35989)
এতেষ্বৈশ্বর্যমাধায় ভূতিমিচ্ছসি ভারত ।
ন চৈতে তব পর্যাপ্তা জ্ঞানে ধর্মার্থয়োস্তথা ॥ 5-124-46 (35990)
বিক্রমে চাপ্যপর্যাপ্তঃ পাণ্ডবান্প্রতি ভারত।
ন হীমে সর্বরাজানঃ পর্যাপ্তাঃ সহিতাস্ৎবয়া ॥ 5-124-47 (35991)
ক্রুদ্ধস্য ভীমসেনস্য প্রেক্ষিতুং মুখমাহবে।
ইদং সনিহিতং তাত সমগ্রং পার্থিবং বলম্ ॥ 5-124-48 (35992)
অয়ং ভীষ্মস্তথা দ্রোণঃ কর্ণশ্চায়ং তথা কৃপঃ ।
ভূরিশ্রবাঃ সৌমদত্তিরশ্বত্থামা জয়দ্রথঃ ॥ 5-124-49 (35993)
অশক্তাঃ সর্ব এবৈতে প্রতিয়োদ্ধুং ধনঞ্জয়ম্ ।
অজেয়ো হ্যর্জুনঃ সঙ্খ্যে সর্বৈরপি সুরাসুরৈঃ ।
মানুষৈরপি গন্ধর্বৈর্মা যুদ্ধে চেত আধিথাঃ ॥ 5-124-50 (35994)
দৃশ্যতাং বা পুমান্কশ্চিৎসমগ্রে পার্থিবে বলে।
যোঽর্জুনং সমরে প্রাপ্য স্বস্তিমানাব্রজেদ্গৃহান্ ॥ 5-124-51 (35995)
কিং তে জনক্ষয়েণেহ কৃতেন ভরতর্ষভ ।
যস্মিঞ্চিতে জিতং তে স্যাৎপুমানেকঃ স দৃশ্যতাং ॥ 5-124-52 (35996)
যঃ সদেবান্সগন্ধর্বান্সয়ক্ষাসুরপন্নগান্ ।
অজয়ৎখাণ্ডবপ্রস্থে কস্তং যুদ্ধেয় মানবঃ ॥ 5-124-53 (35997)
তথা বিরাটনগরে শ্রূয়তে মহদদ্ভুতম্।
একস্য চ বহূনাং চ পর্যাপ্তং তন্নিদর্শনম্ ॥ 5-124-54 (35998)
যুদ্ধে যেন মহাদেবঃ সাক্ষাৎসন্তোষিতঃ শিবঃ ।
তমজেয়মনাধৃষ্যং বিজেতুং জিষ্ণুমচ্যুতম্ ।
আশংসসীহ সমরে বীরমর্জুনমূর্জিতম্ ॥ 5-124-55 (35999)
মদ্দ্বিতীয়ং পুনঃ পার্থং কঃ প্রার্থয়িতুমর্হতি ।
যুদ্ধে প্রতীপমায়ান্তমপি সাক্ষাৎপুরন্দরঃ ॥ 5-124-56 (36000)
বাহুভ্যামুদ্বহেদ্ভূমিং দহেৎক্রুদ্ধ ইমাঃ প্রজাঃ ।
পাতয়েত্রিদিবাদ্দেবান্যোঽর্জুনং সমরে জয়েৎ ॥ 5-124-57 (36001)
পশ্য পুত্রাংস্তথা ভ্রাতৄঞ্জ্ঞাতীন্সংবন্ধিনস্তথা।
ৎবৎকৃতে ন বিনশ্যেয়ুরিমে ভরতসত্তমাঃ ॥ 5-124-58 (36002)
অস্তু শেষং কৌরবাণাং মা পরাভূদিদং কুলম্ ।
কুলঘ্ন ইতি নোচ্যেথা নষ্টকীর্তির্নরাধিপ ॥ 5-124-59 (36003)
ৎবামেব স্থাপয়িষ্যন্তি যৌবরাজ্যে মহারথাঃ ।
মহারাজ্যেঽপি পিতরং ধৃতরাষ্ট্রং জনেশ্বরম্ ॥ 5-124-60 (36004)
মা তাত শ্রিয়মায়ান্তীমবমংস্থাঃ সমুদ্যতাম্ ।
অর্ধং প্রদায় পার্থেভ্যো মহতীং শ্রিয়মাপ্নুহি ॥ 5-124-61 (36005)
পাণ্ডবৈঃ সংশমং কৃৎবা কৃৎবা চ সুহৃদাং বচঃ ।
সংপ্রীয়মাণো মিত্রৈশ্চ চিরং ভদ্রাণ্যবাপ্স্যসি ॥ ॥ 5-124-62 (36006)
ইতি শ্রীমন্মহাভারতে উদ্যোগপর্বণি ভগবদ্যানপর্বণি চতুর্বিংশত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-124-19 শাস্ত্রে শাসনে ॥ 5-124-22 কিংপাকং মহাকালফলম্ ॥ 5-124-24 নিঃশ্রেয়সং কল্যাণম্ ॥ 5-124-28 গৌঃ ভূমিঃ ॥ 5-124-32 উপচরিতাঃ প্রচারিতাঃ ॥ 5-124-35 অর্থং কলি কলহহেতম ॥ 5-124-36 অনুপায়ন হীনোপায়েন ॥ 5-124-44 নির্মিতাং বশীকরণেনোৎপাদিতাম্ ॥ 5-124-52 যস্মিন্নর্জুনে জিতে সতি তে তব জিতং জয়ঃ স্যাৎ ॥উদ্যোগপর্ব - অধ্যায় 125
॥ শ্রীঃ ॥
5.125. অধ্যায়ঃ 125
Mahabharata - Udyoga Parva - Chapter Topics
ভীষ্মদ্রোণাভ্যাং দুর্যোধনংপ্রতি শ্রীকৃষ্ণবচনাদরণবিধানম্ ॥ 1 ॥ তথা ধৃতরাষ্ট্রেণাপি দুর্যোধনংপ্রতি শ্রীকৃষ্ণবাক্যপ্রত্যাখ্যানে অনর্থপ্রাপ্তিকথনম্ ॥ 2 ॥Mahabharata - Udyoga Parva - Chapter Text
5-125-0 (36007)
বৈশম্পায়ন উবাচ। 5-125-0x (3760)
ততঃ শান্তনবো ভীষ্মো দুর্যোধনমমর্ষণম্ ।
কেশবস্য বচঃ শ্রুৎবা প্রোবাচ ভরতর্ষভ ॥ 5-125-1 (36008)
কৃষ্ণেন বাক্যমুক্তোঽসি সৃহৃদাং শমমিচ্ছতা ।
অন্বপদ্যস্ব তত্তাত মা মন্যুবশমন্বগাঃ । 5-125-2 (36009)
অকৃৎবা বচনং তাত কেশবস্য মহাত্মনঃ ।
শ্রেয়ো ন জাতু ন সুখং ন কল্যাণমবাপ্স্যসি ॥ 5-125-3 (36010)
ধর্ম্যমর্থ্যং মহাবাহুরাহ ৎবাং তাত কেশবঃ ।
তদর্থমভিপদ্যস্ব মা রাজন্নীনশঃ প্রজাঃ ॥ 5-125-4 (36011)
জ্বলিতাং ৎবমিমাং লক্ষ্মীং ভারতীং সর্বরাজসু ।
জীবতো ধৃতরাষ্ট্রস্য দৌরাত্ম্যাদ্ভংশয়িষ্যসি ॥ 5-125-5 (36012)
আত্মানং চ সহামাত্যং সপুত্রভ্রাতৃবান্ধবম্ ।
অহমিত্যনয়া বুদ্ধ্যা জীবিতাদ্ধংশয়িষ্যতসি ॥ 5-125-6 (36013)
অতিক্রামন্কেশবস্য তথ্যং বচনমর্থবৎ।
পিতুশ্চ ভারতশ্রেষ্ঠ বিদুরস্য চ ধীমতঃ ॥ 5-125-7 (36014)
মা কুলঘ্নঃ কুপুরুষো দুর্মতিঃ কাপথং গমঃ।
মাতরং পিতরং চৈব মা মঞ্জীঃ শোকসাগরে ॥ 5-125-8 (36015)
অথ দ্রোণোঽব্রবীত্তত্র দুর্যোধনমিদং বচঃ।
অমর্ষবশমাপন্নং নিঃশ্বসন্তং পুনঃপুনঃ ॥ 5-125-9 (36016)
ধর্মার্থয়ুক্তং বচনমাহ ৎবাং তাত কেশবঃ ।
তথা ভীষ্মঃ শান্তনবস্তঞ্জুষস্ব নরাধিপ ॥ 5-125-10 (36017)
প্রাজ্ঞৌ মেধাবিনৌ দান্তাবর্থকামৌ বহুশ্রুতৌ ।
আহতুস্ৎবাং হিতং বাক্যং তঞ্জুষস্ব নরাধিপ ॥ 5-125-11 (36018)
অনুতিষ্ঠ মহাপ্রাজ্ঞ কৃষ্ণভীষ্মৌ যদূচতুঃ ।
মাধবং বুদ্ধিমোহেন মাঽবমংস্থাঃ পরন্তপ ॥ 5-125-12 (36019)
যে ৎবাং প্রোৎসাহয়ন্ত্যেতে নৈতে কৃত্যায় কর্হিচিৎ ।
বৈরং পরেষাং গ্রীবায়াং প্রতিমোক্ষ্যন্তি সংয়ুগে ॥ 5-125-13 (36020)
মা জীঘনঃ প্রজাঃ সর্বাঃ পুত্রান্ভ্রাতৄংস্তথৈব চ ।
বাসুদেবার্জুনৌ যত্র বিদ্ধ্যজেয়ানলং হি তান্ ॥ 5-125-14 (36021)
এতচ্চৈব মতং সত্যং সুহৃদোঃ কৃষ্ণভীষ্ময়োঃ।
যদি নাদাস্যসে তাত পশ্চাত্তপ্স্যসি ভারত ॥ 5-125-15 (36022)
যথোক্তং জামদগ্ন্যেন ভূয়ানেষ ততোঽর্জুনঃ।
কৃষ্ণো হি দেবকীপুত্রো দেবৈরপি সুদুঃসহঃ ।
কিং তে সুখপ্রিয়েণেহ প্রোক্তেন ভরতর্ষভ ॥ 5-125-16 (36023)
এতত্তে সর্বমাখ্যাতং যথেচ্ছসি তথা কুরু।
ন হি ৎবামুৎসহে বক্তুং ভূয়ো ভরতসত্তম ॥ 5-125-17 (36024)
বৈশম্পায়ন উবাচ। 5-125-18x (3761)
তস্মিন্বাক্যান্তরে বাক্যং ক্ষত্তাঽপি বিদুরোঽব্রবীৎ।
দুর্যোধনমভিপ্রেক্ষ্য ধার্তরাষ্ট্রমমর্ষণম্ ॥ 5-125-18 (36025)
দুর্যোধন ন শোচামি ৎবামহং ভরতর্ষভ ।
ইমো তু বৃদ্ধৌ শোচামি গান্ধারীং পিতরং চ তে ॥ 5-125-19 (36026)
যাবনাথৌ চরিষ্যেতে ৎবয়া নাথেন দুর্হৃদা।
হতমিত্রৌ হতামাত্যৌ লূনপক্ষাবিবাণ্ডজৌ ॥ 5-125-20 (36027)
ভিক্ষুকৌ বিচরিষ্যেতে শোচন্তৌ পৃথিবীমিমাম্।
কুলঘ্নমীদৃশং পাপং জনয়িৎবা কুপূরুষম্ ॥ 5-125-21 (36028)
অথ দুর্যোধং রাজা ধৃতরাষ্ট্রোঽভ্যভাষত।
আসীনং ভ্রাতৃভিঃ সার্ধং রাজভিঃ পরিবারিতম্ ॥ 5-125-22 (36029)
দুর্যোধন নিবোধেদং শৌরিণোক্তং মহাত্মনা ।
আদৎস্ব শিবমত্যন্তং যোগক্ষেমবদব্যযম্ ॥ 5-125-23 (36030)
অনেন হি সহায়েন কৃষ্ণেনাক্লিষ্টকর্মণা ।
ইষ্টান্সর্বানভিপ্রায়ান্প্রাপ্স্যামঃ সর্বরাজসু ॥ 5-125-24 (36031)
সুসংহতঃ কেশবেন তাত গচ্ছ যুধিষ্ঠিরম্ ।
চর স্বস্ত্যযনং কৃৎস্নং ভরতানামনাময়ম্ ॥ 5-125-25 (36032)
বাসুদেবেন তীর্থেন তাত গচ্ছস্ব সংশমম্ ।
কালপ্রাপ্তমিদং মন্যে মা ৎবং দুর্যোধনাতিগাঃ ॥ 5-125-26 (36033)
শমং চেদ্যাচমানং ৎবং প্রত্যাখ্যাস্যসি কেশবম্ ।
ৎবদর্থমভিজল্পন্তং ন তবাস্ত্যপরাভবঃ ॥ ॥ 5-125-27 (36034)
ইতি শ্রীমন্মহাভারতে উদ্যোগপর্বণি ভগবাদ্যনপর্বণি পঞ্চবিংশত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-125-25 সুসংহতঃ সুষ্ঠ্রু একীভূতঃ ॥ 5-125-26 তীর্থেন উপায়েন ॥ 5-125-27 অপরাভবো জয়ঃ ॥উদ্যোগপর্ব - অধ্যায় 126
॥ শ্রীঃ ॥
5.126. অধ্যায়ঃ 126
Mahabharata - Udyoga Parva - Chapter Topics
পুনর্ভীষ্মদ্রোণাভ্যাং দুর্যোধনংপ্রতি পরেষাং যুদ্ধসংনাহাৎপূর্বমেব তৈঃসহ শমবিধানম্ ॥ 1 ॥Mahabharata - Udyoga Parva - Chapter Text
5-126-0 (36035)
বৈশম্পায়ন উবাচ। 5-126-0x (3762)
ধৃতরাষ্ট্রবচঃ শ্রুৎবা ভীষ্মদ্রোণৌ সমব্যথৌ।
দুর্যোধনমিদং বাক্যমূচতুঃ শাসনাতিগম্ ॥ 5-126-1 (36036)
যাবৎকৃষ্ণাবসন্নদ্ধৌ যাবত্তিষ্ঠতি গাণ্ডিবম্ ।
যাবদ্ধৌম্যো ন মেধাগ্নৌ জুহোতীহ দ্বিষদ্বলম্ ॥ 5-126-2 (36037)
যাবন্ন প্রেক্ষতে ক্রূদ্ধঃ সেনাং তব যুধিষ্ঠিরঃ।
হ্রীনিষেবো মহেষ্বাসস্তাবচ্ছাম্যতু বৈশসম্ ॥ 5-126-3 (36038)
যাবন্ন দৃশ্যতে পার্থঃ স্বেঽপ্যনীকে ব্যবস্থিতঃ।
ভীমসেনো মহেষ্বাসস্তাবচ্ছাম্যতু বৈশসম্ ॥ 5-126-4 (36039)
যাবন্ন চরতে মার্গান্পৃতনামভিধর্ষয়ন্ ।
ভীমসেনো গদাপাণিস্তাবৎসংশাম্য পাণ্ডবৈঃ ॥ 5-126-5 (36040)
যাবন্ন শাতয়ত্যাজৌ শিরাংসি গজয়োধিনাম্ ।
গদয়া বীরঘাতিন্যা ফলানীব বনস্পতেঃ ।
কালেন পরিপক্বানি তাবচ্ছাম্যতু বৈশসম্ ॥ 5-126-6 (36041)
নকুলঃ সহদেবশ্চ ধৃষ্টদ্যুম্নশ্চ পার্ষতঃ ॥
বিরাটশ্চ শিখণ্ডী চ শৈশুপালিশ্চ দংশিতাঃ ॥ 5-126-7 (36042)
যাবন্ন প্রবিশন্ত্যেতে নক্রা ইব মহার্ণবম্ ।
কৃতাস্ত্রাঃ ক্ষিপ্রমস্যন্তস্তাবচ্ছাম্যতু বৈশসম্ ॥ 5-126-8 (36043)
যাবন্ন সুকুমারেষু শরীরেষু মহীক্ষিতাম্।
গার্ধ্রপত্রাঃ পতন্ত্যুগ্রাস্তাবচ্ছাম্যতু বৈশসম্ ॥ 5-126-9 (36044)
চন্দনাগুরুদিগ্ধেষু হারনিষ্কধরেষু চ ।
নোরস্সু যাবদ্যোধানাং মহেষ্বাসৈর্মহেষবঃ ॥ 5-126-10 (36045)
কৃতস্ত্রৈঃ ক্ষিপ্রমস্যদ্ভির্দূরপাতিভিরায়সাঃ ।
অভিলক্ষ্যৈর্নিপাত্যন্তে তাবচ্ছাম্যতু বৈশসম্ ॥ 5-126-11 (36046)
অভিবাদয়মানং ৎবাং শিরসা রাজকুঞ্জরঃ ।
পাণিভ্যাং প্রতিগৃহ্ণাতু ধর্মরাজো যুধিষ্ঠিরঃ ॥ 5-126-12 (36047)
ধ্বজাঙ্কুশপতাকাঙ্কং দক্ষিণং তে সুদক্ষিণঃ ।
স্কন্ধে নিক্ষিপতাং বহুং শান্তয়ে ভরতর্ষভ ॥ 5-126-13 (36048)
রত্নৌষধিসমেতেন রত্নাঙ্গুলিতলেন চ।
উপবিষ্টস্য পৃষ্ঠং তে পাণিনা পরিমার্জতু ॥ 5-126-14 (36049)
শালস্কন্ধো মহাবহুস্ৎবাং স্বজানো বৃকোদরঃ । 5-126-15bসাম্নাঽভিবদতাং চাপি শান্তয়ে ভরতর্ষভ ॥ 5-126-15 (36050)
অর্জুনেন যমাভ্যাং চ ত্রিভিস্তৈরভিবাদিতঃ।
মূর্ধ্নি তান্সমুপাঘ্রায় প্রেম্ণাঽভিবদ পার্থিব ॥ 5-126-16 (36051)
দৃষ্ট্বা ৎবাং পাণ্ডবৈর্বীরৈর্ভ্রাতৃভিঃ সহ সংগতম্ ।
যাবদানন্দজাশ্রূণি প্রন্মুঞ্চন্তু নরাধিপাঃ ॥ 5-126-17 (36052)
ঘুষ্যতাং রাজধানীষু সর্বসংপন্মহীক্ষিতাম্ ।
পৃথিবী ভ্রাতৃভাবেন ভুজ্যতাং বিজ্বরো ভব ॥ ॥ 5-126-18 (36053)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ষড্বিংশত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-126-2 মেধাগ্নৌ সংগ্রামাগ্নৌ । মেঘো যজ্ঞঃ ॥ 5-126-3 বৈশসং বৈরম্ ॥উদ্যোগপর্ব - অধ্যায় 127
॥ শ্রীঃ ॥
5.127. অধ্যায়ঃ 127
Mahabharata - Udyoga Parva - Chapter Topics
দুর্যোধনেন শ্রীকৃষ্ণংপ্রতি স্বস্মিন্নপরাধলেশোঽপি নাস্তীতি কথনম্ ॥ 1 ॥ ভীষ্মাদিরক্ষিতস্য স্বস্যাজয়্যৎবকথনপূর্বকং যুদ্ধে নিধনসংভবেঽপি পাণ্ডবেভ্যঃ সূচ্যগ্রপরিমিতভূমেরপ্যপ্রদানবচনম্ ॥ 2 ॥Mahabharata - Udyoga Parva - Chapter Text
5-127-0 (36054)
বৈশম্পায়ন উবাচ। 5-127-0x (3763)
শ্রুৎবা দুর্যোধনো বাক্যমপ্রিয়ং কুরুসংসদি।
প্রত্যুবাচ মহাবাহুং বাসুদেবং যশস্বিনম্ ॥ 5-127-1 (36055)
প্রসমীক্ষ্য ভবানেতদ্বক্তুমর্হতি কেশব।
মামেব হি বিশেষেণ বিভাষ্য পরিগর্হসে ॥ 5-127-2 (36056)
ভক্তিবাদেন পার্থানামকস্মান্মধুসূদন।
ভবান্গর্হয়তি নিত্যং কিং সমীক্ষ্য বলাবলম্ ॥ 5-127-3 (36057)
ভবান্ক্ষত্তা চ রাজা বাঽপ্যাচার্যো বা পিতামহঃ ।
মামেব পরিগর্হন্তে নান্যং কংচন পাণ্ডবম্ ॥ 5-127-4 (36058)
ন চাহং লক্ষয়ে কংচিদ্ব্যভিচারমিহাত্মনঃ ।
অথ সর্বে ভবন্তো মাং বিদ্বিষন্তি সরাজকাঃ ॥ 5-127-5 (36059)
ন চাহং কংচিদত্যর্থমপরাধমরিন্দম ।
বিচিন্তয়ন্প্রপশ্যামি সুসূক্ষ্মমপি কেশব ॥ 5-127-6 (36060)
প্রিয়াভ্যুপগতে দ্যূতে পাণ্ডবা মধূসূদন।
জিতাঃ শকুনিনা রাজ্যং তত্র কিং মম দুষ্কৃতম্ ॥ 5-127-7 (36061)
যৎপুনর্দ্রবিণং কিংচিত্তত্রাজীয়ন্ত পাণ্ডবাঃ ।
তেভ্য এবাভ্যনুজ্ঞাতং তত্তদ মধুসূদন ॥ 5-127-8 (36062)
অপরাধো ন চাস্মাকং যত্তে হ্যক্ষৈঃ পরাজিতাঃ।
অজেয়া জয়তাং শ্রেষ্ঠ পার্থাঃ প্রব্রাজিতা বনম্ ॥ 5-127-9 (36063)
কেন বাঽপ্যপবাদেন বিরুদ্ধ্যন্ত্যরিভিঃ সহ।
অশক্তাঃ পাণ্ডবাঃ কৃষ্ণ প্রহৃষ্টাঃ প্রত্যমিত্রবৎ ॥ 5-127-10 (36064)
কিমস্মাভিঃ কৃতং তেষাং কস্মিন্বা পুনরাগসি।
ধার্তরাষ্ট্রাঞ্জিঘাংসন্তি পাণ্ডবাঃ সৃঞ্জয়ৈঃ সহ ॥ 5-127-11 (36065)
ন চাপি বয়মুগ্রেণ কর্মণা বচনেন বা।
প্রভ্রষ্টাঃ প্রণমামেহ ভয়াদপি শতক্রতুম্ ॥ 5-127-12 (36066)
ন চ তং কৃষ্ণ পশ্যামি ক্ষত্রধর্মমনুষ্ঠিতম্ ।
উৎসহেত যুধা জেতুং যো নঃ শত্রুনিবর্হণ ॥ 5-127-13 (36067)
ন হি ভীষ্মকৃপদ্রোণাঃ সকর্ণা মধুসূদন।
দেবৈরপি যুধা জেতুং শক্যাঃ কিমুত পাণ্ডবৈঃ ॥ 5-127-14 (36068)
স্বধর্মমনুপশ্যন্তো যদি মাধব সংয়ুগে।
অস্ত্রেণ নিধনং কালে প্রাপ্স্যামঃ স্বর্গ্যমেব তৎ ॥ 5-127-15 (36069)
মুখ্যশ্চৈবৈষ নো ধর্মঃ ক্ষত্রিয়াণাং জনার্দন ।
যচ্ছয়ীমহি সঙ্গ্রামে শরতল্পগতা বয়ম্ ॥ 5-127-16 (36070)
তে বয়ং বীরশয়নং প্রাপ্স্যামো যদি সংয়ুগে।
অপ্রণম্যৈব শত্রূণাং ন নস্তপ্স্যন্তি মাধব ॥ 5-127-17 (36071)
কশ্চ জাতু কুলে জাতঃ ক্ষত্রধর্মেণ বর্তয়ন্ ।
ভয়াদ্বৃত্তিং সমীক্ষ্যৈবং প্রণমেদিহ কর্হিচিৎ ॥ 5-127-18 (36072)
উদ্যচ্ছেদেব ন নমেদুদ্যমো হ্যেব পৌরুষম্ ।
অপ্যপর্বণি ভজ্যেত ন নমেদিহ কর্হিচিৎ ॥ 5-127-19 (36073)
ইতি মাতঙ্গবচনং পরিপ্সন্তি হিতেপ্সবঃ ।
ধর্মায় চৈব প্রণমেদ্ব্রাহ্মণেভ্যশ্চ মদ্বিধঃ॥ 5-127-20 (36074)
অচিন্তয়ন্কংচিদন্যং যাবজ্জীবং তথা চরেৎ।
এষ ধর্মঃ ক্ষত্রিয়াণাং মতমেতচ্চ মে সদা ॥ 5-127-21 (36075)
রাজ্যাংশশ্চাভ্যনুজ্ঞাতো যো মে পিত্রা পুরাঽভবৎ।
ন স লভ্যঃ পুনর্জাতু ময়ি জীবতি কেশব ॥ 5-127-22 (36076)
যাবচ্চ রাজা ধ্রিয়তে ধৃতরাষ্ট্রো জনার্দন ।
ন্যস্তশস্ত্রা বয়ং তে বাঽপ্যুপজীবাম মাধব ।
অপ্রদেয়ং পুরা দত্তং রাজ্যং পরবতো মম ॥ 5-127-23 (36077)
অজ্ঞানাদ্বা ভয়াদ্বাঽপি ময়ি বালে জনার্দন ।
ন তদদ্য পুনর্লভ্যং পাণ্ডবৈর্বৃষ্ণিনন্দন ॥ 5-127-24 (36078)
ধ্রিয়মাণে মহাবাহৌ ময়ি সংপ্রতি কেশব ।
যাবদ্ধি তীক্ষ্ণয়া সূচ্যা বিদ্ধ্যেদগ্রেণ কেশব ।
তাবদপ্যপরিত্যাজ্যং ভূমের্নঃ পাণ্ডবান্প্রতি ॥ ॥ 5-127-25 (36079)
ইতি শ্রীমন্মহাভারতে উদ্যোগপর্বণি ভগবদ্যানপর্বণি সপ্তবিংশত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-127-19 অপর্বণি অপ্রস্তাবে ॥ 5-127-20 মাতংগঃ মুনিঃ ॥উদ্যোগপর্ব - অধ্যায় 128
॥ শ্রীঃ ॥
5.128. অধ্যায়ঃ 128
Mahabharata - Udyoga Parva - Chapter Topics
শ্রীকৃষ্ণেন দুর্যোধনংপ্রতি সগর্হণং পাণ্ডবেষু তৎকৃতাপনয়ানুস্মারণম্ ॥ 1 ॥ দুর্যোধনস্য পাণ্ডবৈরসন্ধানে কৌরবৈর্বন্ধনপূর্বকং পাণ্ডবেভ্যঃ স্বসমর্পণপ্রতিপাদকদুশ্শাসনবচনশ্রবণজকোপাৎ সভাতো নির্গমনম্ ॥ 2 ॥ কৃষ্ণেন ধৃতরাষ্ট্রংপ্রতি কুলস্যার্ধে দুর্যোধনপরিত্যাগাবিধানম্ ॥ 3 ॥ তথা সদৃষ্টান্তপ্রদর্শনং দুর্যোধনস্য বন্ধনপূর্বকং পাণ্ডবেভ্যঃ সমর্পণবিধানম্ ॥ 4 ॥Mahabharata - Udyoga Parva - Chapter Text
5-128-0 (36080)
বৈশম্পায়ন উবাচ ॥ 5-128-0x (3764)
ততঃ প্রহস্য দাশার্হঃ ক্রোধপর্যাকুলেক্ষণঃ ।
দুর্যোধনমিদং বাক্যমব্রবীৎকুরুসংসদি ॥ 5-128-1 (36081)
লপ্স্যসে বীরশয়নং কামমেতদবাপ্স্যসি।
স্থিরো ভব সহামাত্যো বিমর্দো ভবিতা মহান্ ॥ 5-128-2 (36082)
যচ্চৈতন্মন্যসে মূঢ ন মে কশ্চিদ্ব্যতিক্রমঃ।
পাণ্ডবেষ্বিতি তৎসর্বং নিবোধ ৎবং নরাধিপ ॥ 5-128-3 (36083)
শ্রিয়াং সংতপ্যমানেন পাণ্ডবানাং মহাত্মনাম্ ।
ৎবয়া দুর্মন্ত্রিতং দ্যূতং সৌবলেন চ ভারত ॥ 5-128-4 (36084)
কথং চ জ্ঞাতয়স্তাত শ্রেয়াংসঃ সাধুসংমতাঃ ।
তথাঽন্যায়্যমুপস্থাতুং জিহ্মেনাজিহ্মচারিণঃ ॥ 5-128-5 (36085)
অক্ষদ্যূতং মহাপ্রজ্ঞ সতাং মতিবিনাশনম্ ।
অসতাং তত্র জায়ন্তে ভেদাশ্চ ব্যসনানি চ ॥ 5-128-6 (36086)
তদিদং ব্যসনং ঘোরং ৎবয়া দ্যূতমুখং কৃতম্ ।
অসমীক্ষ্য সদাচারান্সার্ধং পাপানুবন্ধনৈঃ ॥ 5-128-7 (36087)
কশ্চান্যো ভ্রাতৃভার্যাং বৈ বিপ্রকর্তৃং তথার্হতি।
আনীয় চ সভাং ব্যক্তং যথোক্তা দ্রৌপদী ৎবয়া ॥ 5-128-8 (36088)
কুলীনা শীলসংপন্না প্রাণেভ্যোঽপি গরীয়সী ।
মহিষী পাণ্ডুপুত্রাণাং তথা বিনিকৃতা ৎবয়া ॥ 5-128-9 (36089)
জানন্তি কুরবঃ সর্বে যথোক্তাঃ কুরুসংসদি ।
দুঃশাসনেন কৌন্তেয়াঃ প্রব্রজন্তঃ পরন্তপাঃ ॥ 5-128-10 (36090)
সম্যগ্বৃত্তেষ্বলুব্ধেষু সততং ধর্মচারিষু ।
স্বেষু বন্ধুষু কঃ সাধুশ্চরেদেবমসাংপ্রতম্ ॥ 5-128-11 (36091)
নৃশংসানামনার্যাণাং তথা পরুষভাষণম্ ।
কর্ণদুঃশাসনাভ্যাং চ ৎবয়া চ বহুশঃ কৃতম্ ॥ 5-128-12 (36092)
সহ মাত্রা প্রদগ্ধুং তান্বালকান্বারণাবতে ।
আস্থিতঃ পরমো যত্নো ন সমৃদ্ধশ্চ তত্তব ॥ 5-128-13 (36093)
ঊষুশ্চ সুচিরং কালং প্রচ্ছন্নাঃ পাণ্ডবাস্তদা।
মাত্রা সহৈকচক্রায়াং ব্রাহ্মণস্য নিবেশনে ॥ 5-128-14 (36094)
বিষেণ সর্পবন্ধৈশ্চ যতিতাঃ পাণ্ডবাস্ৎবয়া ।
সর্বোপায়ৈর্বিনাশায় ন সমৃদ্ধং চ তত্তব ॥ 5-128-15 (36095)
এবংবুদ্ধিঃ পাণ্ডবেষু মিথ্যাবৃত্তিঃ সদা ভবান্ ।
কথং তে নাপরাধোঽস্তি পাণ্ডবেষু মহাত্মসু ॥ 5-128-16 (36096)
`এবংবৃত্তঃ কথং রাজ্যে স্থাতুমর্হসি পাপকৃৎ।
স রাজ্যাচ্চ সুখাচ্চৈব হাস্যসে কুলপাংসন ॥ 5-128-17 (36097)
যচ্চৈভ্যো যাচমানেভ্যঃ পিত্র্যমংশং ন দিৎসতি ।
তচ্চ পাপ প্রদাতাঽসি ভ্রষ্টৈশ্বর্যো নিপাতিতঃ ॥ 5-128-18 (36098)
কৃৎবা বহূন্যকার্যাণি পাণ্ডবেষু নৃশংসবৎ।
মিথ্যাবৃত্তিরনার্যঃ সন্নদ্য বিপ্রতিপদ্যসে ॥ 5-128-19 (36099)
মাতাপিতৃভ্যাং ভীষ্মেণ দ্রোণেন বিদুরেণ চ।
শাম্যেতি মুহুরুক্তোসি ন চ শাম্যসি পার্থিব ॥ 5-128-20 (36100)
শমে হি সুমহাঁল্লাভস্তব পার্থস্য চোভয়োঃ ।
ন চ রোচয়সে রাজন্কিমন্যদ্বুদ্ধিলাঘবাৎ ॥ 5-128-21 (36101)
ন শর্ম প্রাপ্স্যসে রাজন্নুৎক্রম্য সুহৃদাং বচঃ।
অধর্ম্যময়শস্যং চ ক্রিয়তে পার্থিব ৎবয়া ॥ 5-128-22 (36102)
বৈশম্পায়ন উবাচ। 5-128-23x (3765)
এবং ব্রুবতি দাশার্হে দুর্যোধনমমর্ষণম্ ।
দুঃশাসন ইদং বাক্যমব্রবীৎকরুসংসদি ॥ 5-128-23 (36103)
ন চেৎসন্ধাস্যসে রাজন্স্বেন কামেন পাণ্ডবৈঃ।
বদ্ধ্বা কিল ৎবাং দাস্যন্তি কুন্তীপুত্রায় কৌরবাঃ ॥ 5-128-24 (36104)
বৈকর্তনং ৎবাং চ মাং চ ত্রীনেতান্মনুজর্ষভ ।
পাণ্ডবেভ্যঃ প্রদাস্যন্তি ভীষ্মো দ্রোণঃ পিতা চ তে ॥ 5-128-25 (36105)
ভ্রাতুরেতদ্বচঃ শ্রুৎবা ধার্তরাষ্ট্রঃ সুয়োধনঃ ।
ক্রুদ্ধঃ প্রাতিষ্ঠতোত্থায় মহানাগ ইব শ্বসন্ ॥ 5-128-26 (36106)
বিদুরং চ সোমদত্তং চ মহারাজং চ বাহ্লিকম্।
কৃপং চ সোমদত্তং চ ভীষ্মং দ্রোণং জনার্দনম্ ॥ 5-128-27 (36107)
সর্বানেতাননাদৃত্য দুর্মতির্নিরপত্রপঃ।
অশিষ্টবদমর্যাদো মানী মান্যাবমানিতা ॥ 5-128-28 (36108)
তং প্রস্থিতমভিপ্রেক্ষ্য ভ্রাতরো মনুজর্ষভম্।
অনুজগ্মুঃ সহামাত্যা রাজানশ্চাপি সর্বশঃ ॥ 5-128-29 (36109)
সভায়ামুত্থিতং ক্রুদ্ধং প্রস্থিতং ভ্রাতৃভিঃ সহ।
দুর্যোধনমভিপ্রেক্ষ্য ভীষ্মঃ শান্তনবোঽব্রবীৎ ॥ 5-128-30 (36110)
ধর্মার্থাবভিসন্ত্যজ্য সংরম্ভং যোঽনুমন্যতে ।
হসন্তি ব্যসনে তস্য দুর্হৃদো নচিরাদিব ॥ 5-128-31 (36111)
দুরাত্মা রাজপুত্রোঽয়ং ধার্তরাষ্ট্রোঽনুপায়বিৎ।
মিথ্যাভিমানী রাজ্যস্য ক্রোধলোভবশানুগঃ ॥ 5-128-32 (36112)
কালপক্বমিদং মন্যে সর্বং ক্ষত্রং জনার্দন ।
সর্বে হ্যনুসৃতা মোহাৎপার্থিবাঃ সহ মন্ত্রিভিঃ ॥ 5-128-33 (36113)
ভীষ্মস্যাথ বচঃ শ্রুৎবা দাশার্হঃ পুষ্করেক্ষণঃ ।
ভীষ্মদ্রোণমুখান্সর্বানভ্যভাষত বীর্যবান্ ॥ 5-128-34 (36114)
সর্বেষাং কুরুবৃদ্ধানাং মহানয়মতিক্রমঃ ।
প্রসহ্য মন্দমৈশ্বর্যে ন নিয়চ্ছন্তি যন্নৃপম্ ॥ 5-128-35 (36115)
তত্র কার্যমহং মন্যে কালপ্রাপ্তমরিন্দমাঃ ।
ক্রিয়মাণে ভবেচ্ছ্রেয়স্তৎসর্বং শ্রৃণুতানঘাঃ ॥ 5-128-36 (36116)
প্রত্যক্ষমেতদ্ভবতাং যদ্বক্ষ্যামি হিতং বচঃ ।
ভবতামানুকূল্যেন যদি রোচেত ভারতাঃ ॥ 5-128-37 (36117)
পুত্রো বৈ ভোজরাজস্য দুরাচারো হ্যনাত্মবান্ ।
জীবতঃ পিতুরৈশ্বর্যং হৃৎবা মৃত্যুবশং গতঃ ॥ 5-128-38 (36118)
উগ্রসেনসুতঃ কংসঃ পরিত্যক্তঃ স বান্ধবৈঃ।
জ্ঞাতীনাং হিতকামেন ময়া শস্তো মহামৃধে ॥ 5-128-39 (36119)
আহুকঃ পুনরস্মাভির্জ্ঞাতিভিশ্চাপি সৎকৃতঃ ।
উগ্রসেনঃ কৃতো রাজা ভোজরাজন্যবর্ধনঃ ॥ 5-128-40 (36120)
সংসমেকং পরিত্যজ্য কুলার্থে সর্বয়াদবাঃ।
সংভূয় সুখমেধন্তে ভারতান্ধকবৃষ্ণয়ঃ ॥ 5-128-41 (36121)
অপি চাপ্যবদদ্রাজন্পরমেষ্ঠী প্রজাপতিঃ ।
ব্যূঢে দেবাসুরে যুদ্ধেঽভ্যুদ্যতেষ্বায়ুধেষু চ ॥ 5-128-42 (36122)
দ্বৈধীভূতেষু লোকেষু বিনশ্যৎসু চ ভারত ।
অব্রবীত্তু তদা দেবো ভগবাঁল্লোকভাবনঃ ॥ 5-128-43 (36123)
পরাভবিষ্যন্ত্যসুরা দৈতেয়া দানবৈঃ সহ ।
আদিত্যা বসবো রুদ্রা ভবিষ্যন্তি দিবৌসকঃ ॥ 5-128-44 (36124)
দেবাসুরমনুষ্যাশ্চ গন্ধর্বোরগরাক্ষসাঃ ।
অস্মিন্যুদ্ধে সুসংক্রুদ্ধা হনিষ্যন্তি পরস্পরম্ ॥ 5-128-45 (36125)
` বর্তমানং জগৎসর্বং মুহূর্তান্ন ভবিষ্যতি।'
ইতি মৎবাঽব্রবীদ্ধর্মং পরমেষ্ঠী প্রজাপতিঃ ।
বরুণায় প্রয়চ্ছৈতান্বদ্ধ্বা দৈতেয়দানবান্ ॥ 5-128-46 (36126)
এবমুক্তস্ততো ধর্মো নিয়োগাৎপরমেষ্ঠিনঃ।
বরুণায় দদৌ সর্বান্বদ্ধ্বা দৈতেয়দানবান্ ॥ 5-128-47 (36127)
তান্বদ্ধ্বা ধর্মপাশৈশ্চ স্বৈশ্চ পাশৈর্জলেশ্বরঃ ।
বরুণঃ সাগরে যত্তো নিত্যং রক্ষতি দানবান্ ॥ 5-128-48 (36128)
তথা দুর্যোধনং কর্ণং শকুনিং চাপি সৌবলম্ ।
বদ্ধ্বা দুঃশাসনং চাপি পাণ্ডবেভ্যঃ প্রয়চ্ছত ॥ 5-128-49 (36129)
ত্যজেৎকুলার্থে পুরুষং গ্রামস্যার্থে কুলং ত্যজেৎ।
গ্রামং জনপদস্যার্থে আত্মার্থে পৃথিবীং ত্যজেৎ ॥ 5-128-50 (36130)
রাজন্দুর্যোধনং বদ্ধ্বা ততঃ সংশাম্য পাণ্ডবৈঃ ।
ৎবৎকৃতে ন বিনশ্যেয়ুঃ ক্ষত্রিয়াঃ ক্ষত্রিয়র্ষভ ॥ ॥ 5-128-51 (36131)
ইতি শ্রীমন্মহাভারতে উদ্যোগপর্বণি ভগবদ্যানপর্বণি অষ্টাবিংশত্যধিকশততমোঽধ্যায়ঃ ॥
উদ্যোগপর্ব - অধ্যায় 129
॥ শ্রীঃ ॥
5.129. অধ্যায়ঃ 129
Mahabharata - Udyoga Parva - Chapter Topics
বিদুরেণ ধৃতরাষ্ট্রাজ্ঞয়া গান্ধার্যাঃ সভাং প্রত্যানয়নম্ ॥ 1 ॥ গান্ধার্যা দুর্যোধনং পুনঃ সভামানায়্য তংপ্রতি নীতিকথ নপূর্বকং পাণ্ডবৈঃ সহ শমবিধানম্ ॥ 2 ॥Mahabharata - Udyoga Parva - Chapter Text
5-129-0 (36132)
বৈশম্পায়ন উবাচ। 5-129-0x (3766)
কৃষ্ণস্য তু বচঃ শ্রুৎবা ধৃতরাষ্ট্রো জনেশ্বরঃ।
বিদুরং সর্বধর্মজ্ঞং ৎবরমাণোঽভ্যভাষত ॥ 5-129-1 (36133)
গচ্ছ তাত মহাপ্রাজ্ঞ গান্ধারীং দীর্ঘদর্শিনীম্ ।
আনয়েহ তয়া সার্ধমনুনেষ্যামি দুর্মতিম্ ॥ 5-129-2 (36134)
যদি সা ন দুরাত্মানং শময়েদ্দুষ্টচেতসম্।
অপি কৃষ্ণস্য সুহৃদস্তিষ্ঠেম বচনে বয়ম্ ॥ 5-129-3 (36135)
দুর্বুদ্ধের্দুঃসহায়স্য শমার্থং ব্রুবতী বচঃ ॥
অপি নো ব্যসনং ঘোরং দুর্যোধনকৃতং মহৎ । 5-129-4 (36136)
শময়েচ্চিররাত্রায় যোগক্ষেমবদব্যযম্ ।
রাজ্ঞস্তু বচনং শ্রুৎবা বিদুরো দীর্ঘদর্শিনীম্ । 5-129-5 (36137)
আনয়ামাস গান্ধারীং ধৃতরাষ্ট্রস্য শাসনাৎ ॥ 5-129-6 (36138)
ধৃতরাষ্ট্র উবাচ। 5-129-7x (3767)
এষ গান্ধারি পুত্রস্তে দুরাত্মা শাসনাতিগঃ ।
ঐশ্বর্যলোভাদৈশ্বর্যং জীবিতং চ প্রহাস্যতি ॥ 5-129-7 (36139)
অশিষ্টবদমর্যাদঃ পাপৈঃ সহ দুরাত্মবান্।
সভায়া নির্গতো মূঢো ব্যতিক্রম্য সুহৃদ্বচঃ ॥ 5-129-8 (36140)
বৈশম্পায়ন উবাচ। 5-129-9x (3768)
সা ভর্তৃবচনং শ্রুৎবা রাজপুত্রী যশস্বিনী ।
অন্বিচ্ছন্তী মহচ্ছ্রেয়ো গান্ধারী বাক্যমব্রবীৎ ॥ 5-129-9 (36141)
আনায়য সুতং ক্ষিপ্রং রাজ্যকামুকমাতুরম্ ।
নহি রাজ্যমশিষ্টেন শক্যং ধর্মার্থলোপিনা ।
আপ্তুমাপ্তং তথাঽপীদমবিনীতেন সর্বথা ॥ 5-129-10 (36142)
ৎবং হ্যেবাত্র ভৃশং গর্হ্যো ধৃতরাষ্ট্র সুতপ্রিয়ঃ ।
যো জানন্পাপতামস্য তৎপ্রজ্ঞামনুবর্তসে ॥ 5-129-11 (36143)
স এষ কামমন্যুভ্যাং প্রলব্ধো লোভমাস্থিতঃ ।
অশক্যোঽদ্য ৎবয়া রাজন্বিনিবর্তয়িতুং বলাৎ ॥ 5-129-12 (36144)
রাষ্ট্রপ্রদানে মূঢস্য বালিশস্য দুরাত্মনঃ ।
দুঃসহায়স্য লুব্ধস্য ধৃতরাষ্ট্রোঽশ্রুতে ফলম্ ॥ 5-129-13 (36145)
কথং হি স্বজনে ভেদমুপেক্ষেত মহীপতিঃ।
ভিন্নং হি স্বজনেন ৎবাং প্রহরিষ্যন্তি শত্রবঃ ॥ 5-129-14 (36146)
যা হি শক্যা মহারাজ সাম্না ভেদেন বা পুনঃ ।
নিস্তর্তুমাপদঃ স্বেষু দণ্ডং কস্তত্র পাতয়েৎ ॥ 5-129-15 (36147)
বৈশম্পায়ন উবাচ। 5-129-16x (3769)
শাসনাদ্ধৃতরাষ্ট্রস্য দুর্যোধনমমর্ষণম্।
মাতুশ্চ বচনাৎক্ষত্তা সভাং প্রাবেশয়ৎপুনঃ ॥ 5-129-16 (36148)
স মাতুর্বচনাকাঙ্ক্ষী প্রবিবেশ পুনঃ সভাম্ ।
অভিতাম্রেক্ষণঃ ক্রোধান্নিশ্বসন্নিব পন্নগঃ ॥ 5-129-17 (36149)
তং প্রবিষ্টমভিপ্রেক্ষ্য পুত্রমুৎপথমাস্থিতম্ ।
বিগর্হমাণা গান্ধারী শমার্থং বাক্যমব্রবীৎ ॥ 5-129-18 (36150)
দুর্যোধন নিবোধেদং বচনং মম পুত্রক ।
হিতং তে সানুবন্ধস্য তথাঽঽয়ত্যাংসুখোদয়ম্ ॥ 5-129-19 (36151)
দুর্যোধন যদাহ ৎবাং পিতা ভরতসত্তম ।
ভীষ্মো দ্রোণঃ কৃপঃ ক্ষত্তা সুহৃদাং কুরু তদ্বচঃ ॥ 5-129-20 (36152)
ভীষ্মস্য তু পিতুশ্চৈব মম চাপচিতিঃ কৃতা ।
ভবেদ্দ্রোণমুখানাং চ সুহৃদাং শাম্যতা ৎবয়া ॥ 5-129-21 (36153)
ন হি রাজ্যং মহাপ্রাজ্ঞ স্বেন কামেন শক্যতে ।
অবাপ্তুং রক্ষিতুং বাঽপি ভোক্তুং ভরতসত্তম ॥ 5-129-22 (36154)
ন হ্যবশ্যেন্দ্রিয়ো রাজ্যমশ্রীয়াদ্দীর্ঘমন্তরম্।
বিজিতাত্মা তু মেধাবী স রাজ্যমভিপালয়েৎ ॥ 5-129-23 (36155)
কামক্রোধৌ হি পুরুষমর্থেভ্যো ব্যপকর্ষতঃ ।
তৌ তু শত্রূ বিনির্জিত্য রাজা বিজয়তে মহীম্ ॥ 5-129-24 (36156)
লোকেশ্বর প্রভুৎবংহি মহদেতদ্দুরাত্মভিঃ ।
রাজ্যং নামেপ্সিতং স্থানং ন শক্যমভিরক্ষিতুম্ ॥ 5-129-25 (36157)
ইন্দ্রিয়াণি মহৎপ্রেপ্সুর্নিয়চ্ছেদর্থধর্ময়োঃ ।
ইন্দ্রিয়ৈর্নিয়তৈর্বুদ্ধির্বর্ধতেঽগ্নিরিবেন্ধনৈঃ ॥ 5-129-26 (36158)
অবিধেয়ানি হীমানি ব্যাপাদয়িতুমপ্যলম্ ।
অবিধেয়া ইবাদান্তা হয়াঃ পথি কুসারথিম্ ॥ 5-129-27 (36159)
অবিজিত্য য আত্মানমমাত্যান্বিজিগীষতে।
অমিত্রান্বাঽজিতামাত্যঃ সোঽবশঃ পরিহীয়তে ॥ 5-129-28 (36160)
আত্মানমেব প্রথমং দ্বেষ্যরূপেণ যোজয়েৎ ।
ততোঽমাত্যানমিত্রাংশ্চ ন মোঘং বিজিগীষতে ॥ 5-129-29 (36161)
বশ্যেন্দ্রিয়ং জিতামাত্যং ধৃতদণ্ডং বিকারিষু ।
পরীক্ষ্যকারিণং ধীরমত্যর্থং শ্রীর্নিষেবতে ॥ 5-129-30 (36162)
ক্ষুদ্রাক্ষেণেব জালেন ঝষাবপিহিতাবুভৌ ।
কামক্রোধৌ শরীরস্থৌ প্রজ্ঞানং তৌ বিলুম্পতঃ ॥ 5-129-31 (36163)
যাভ্যাং হি দেবাঃ স্বর্যাতুঃ স্বর্গস্য পিদধুর্মুখম্ ।
বিভ্যতোঽনুপরাগস্য কামক্রোধৌ স্ম বর্ধিতৌ ॥ 5-129-32 (36164)
কামং ক্রোধং চ লোভং চ দম্ভং দর্পং চ ভূমিপঃ ।
সম্যগ্বিজেতুং যো বেদ স মহীমভিজায়তে ॥ 5-129-33 (36165)
সততং নিগ্রহে যুক্ত ইন্দ্রিয়াণাং ভবেন্নৃপঃ ।
ঈপ্সন্নর্থং চ ধর্মং চ দ্বিষতাং চ পরাভবম্ ॥ 5-129-34 (36166)
কামাভিভূতঃ ক্রোধাদ্বা যো মিথ্যা প্রতিপদ্যতে।
স্বেষু চান্যেষু বা তস্য ন সহায়া ভবন্ত্যুত ॥ 5-129-35 (36167)
একীভূতৈর্মহাপ্রাজ্ঞৈঃ শূরৈররিনিবর্হণৈঃ ।
পাণ্ডবৈঃ পৃথিবীং তাত ভোক্ষ্যসে সহিতঃ সুখী ॥ 5-129-36 (36168)
যথা ভীষ্মঃ শান্তনবো দ্রোণশ্চাপি মহারথঃ।
আহতুস্তাত তৎসত্যমজেয়ৌ কৃষ্ণপাণ্ডবৌ ॥ 5-129-37 (36169)
প্রপদ্যষ্ব মহাবাহুং কৃষ্ণমক্লিষ্টকারিণম্।
প্রসন্নো হি সুখায় স্যাদুভয়োরেব কেশবঃ ॥ 5-129-38 (36170)
সুহৃদামর্থকামানাং যো ন তিষ্ঠতি শাসনে।
প্রাজ্ঞানাং কৃতবিদ্যানাং স নরঃ শত্রুনন্দনঃ ॥ 5-129-39 (36171)
ন যুদ্ধে তাত কল্যাণং ন ধর্মার্থৌ কুতঃ সুখম্।
ন চাপি বিজয়ো নিত্যং মা যুদ্ধে চেত আধিথাঃ ॥ 5-129-40 (36172)
ভীষ্মেণ হি মহাপ্রাজ্ঞ পিত্র তে বাহ্লিকেন চ।
দত্তোংঽশঃ পাণ্ডুপুত্রাণাং ভেদাদ্ভতৈররিন্দম ॥ 5-129-41 (36173)
তস্থ চৈতৎপ্রদানস্য ফলমদ্যানুপশ্যসি ।
যদ্ভুঙ্ক্ষে পৃথিবীং কৃৎস্নাং শূরৈর্নিহতকণ্টকাম্ ॥ 5-129-42 (36174)
প্রয়চ্ছ পাণ্ডুপুত্রাণাং যথোচিতমরিন্দম ।
যদীচ্ছসি সহামাত্যো ভোক্তুমর্ধং প্রদীয়তাম্ ॥ 5-129-43 (36175)
অলমর্ধং পৃথিব্যাস্তে মহামাত্যস্য জীবিতুম্ ।
সুহৃদাং বচনে তিষ্ঠন্যশঃ প্রাপ্স্যতি ভারত ॥ 5-129-44 (36176)
শ্রীমদ্ভিরাত্মবদ্ভিস্তৈর্বুদ্ধিমদ্ভির্জিতেন্দ্রিয়ৈঃ ।
পাণ্ডবৈর্বিগ্রহস্তাত ভ্রংশয়েন্মহতঃ সুখাৎ ॥ 5-129-45 (36177)
নিগৃহ্য সুহৃদাং মন্যুং শাধি রাজ্যং যথোচিতম্।
স্বমংশং পাণ্ডুপুত্রেভ্যঃ প্রদায় ভরতর্ষভ ॥ 5-129-46 (36178)
অলমঙ্গ নিকারোঽয়ং ত্রয়োদশসমাঃ কৃতঃ ।
শময়ৈনং মহাপ্রাজ্ঞ কামক্রোধসমেধিতম্ ॥ 5-129-47 (36179)
ন চৈষ শক্তঃ পার্থানাং যস্ৎবদর্থমভীপ্সতি ।
সূতপুত্রো দৃঢক্রোধো ভ্রাতা দুঃশাসনশ্চ তে ॥ 5-129-48 (36180)
ভীষ্মে দ্রোণে কৃপে কর্ণে ভীমসেনে ধনঞ্জয়ে।
ধৃষ্টদ্যুম্নে চ সংক্রুদ্ধে ন স্যুঃ সর্বাঃ প্রজা ধ্রুবম্ ॥ 5-129-49 (36181)
অমর্ষবশমাপন্নো মা কুরূংস্তাত জীঘনঃ ।
এষা হি পৃথিবী কৃৎস্না মা গমত্ৎবৎকৃতে বধম্ ॥ 5-129-50 (36182)
যচ্চ ৎবং মন্যসে মূঢ ভীষ্মদ্রোণকৃপাদয়ঃ।
যোৎস্যন্তে সর্বশক্ত্যেতি নৈতদদ্যোপপদ্যতে ॥ 5-129-51 (36183)
সমং হি রাজ্যং প্রীতিশ্চ স্থানং হি বিদিতাত্মনাম্ ।
পাণ্ডবেষ্বথ যুষ্মাসু ধর্মস্ৎবভ্যধিকস্ততঃ ॥ 5-129-52 (36184)
রাজপিণ্ডভয়াদেতে যদি হাস্যন্তি জীবিতম্ ।
ন হি শক্ষ্যন্তি রাজানং যুধিষ্ঠিরমুদীক্ষিতুম্ ॥ 5-129-53 (36185)
ন লোভাদর্থসংপত্তির্নরাণামিহ দৃশ্যতে ।
তদলং তাত লোভেন প্রশাম্য ভরতর্ষভ ॥ ॥ 5-129-54 (36186)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একোনত্রিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-129-19 আয়ত্যাং পরিণামে ॥ 5-129-21 অপচিতিঃ পূজা ॥ 5-129-23 দীর্ঘমন্তরং চেরকালম্ ॥ 5-129-29 মহদ্রাজ্যং । মহদ্রাজ্যবিশালয়োরিতি বিশ্বঃ ॥ 5-129-31 ক্ষুদ্রাক্ষেণ সূক্ষ্মচ্ছিদ্রেণ ॥ 5-129-32 যাভ্যাং পিদধুঃ তৌ কামক্রোধাবিত্যধ্যাহারেণ যোজনা ॥ 5-129-33 অভিজায়তে শাস্তি ॥ 5-129-47 নিকারঃ অপকারঃ ॥উদ্যোগপর্ব - অধ্যায় 130
॥ শ্রীঃ ॥
5.130. অধ্যায়ঃ 130
Mahabharata - Udyoga Parva - Chapter Topics
মাতৃবাক্যমনাদৃত্য নির্গতেন দুর্যোধনেন কর্ণাদিভিঃ সহালোচ্য কৃষ্ণবন্ধননির্ধারণম্ ॥ 1 ॥ ইঙ্গিতজ্ঞেন সাত্যকিনা কৃষ্ণাদিষু তন্নবেদনম্ ॥ 2 ॥ ধৃতরাষ্ট্রেণ পুনর্দুর্যোধনমানায়্য কৃষ্ণস্য দুর্গ্রহৎবনিরূপণম্ ॥ 3 ॥ বিদুরেণ সংগৃহ্য কৃষ্ণ চরিত্রনিরূপণপূর্বকং দুর্যোধনগর্হণম্ ॥ 4 ॥Mahabharata - Udyoga Parva - Chapter Text
5-130-0 (36187)
বৈশম্পায়ন উবাচ। 5-130-0x (3770)
তত্তু বাক্যমনাদৃত্য সোঽর্থবন্মাতৃভাষিতম্ ।
পুনঃ প্রতস্থে সংরম্ভাৎসকাশমকৃতাত্মনাম্ ॥ 5-130-1 (36188)
ততঃ সভায়া নির্গম্য মন্ত্রয়ামাস কৌরবঃ।
সৌবলেন মতাক্ষেণ রাজ্ঞা শকুনিনা সহ ॥ 5-130-2 (36189)
` দুর্যোধনং ধার্তরাষ্ট্রং কর্ণং দুঃশাসনোঽব্রবীতি ।
নোচেৎসন্ধাস্যসে রাজন্স্বেন কামেন পাণ্ডবৈঃ ।
বদ্ধ্বৈব ৎবাং প্রদাস্যন্তি পাণ্ডুপুত্রায় ভারত ॥ 5-130-3 (36190)
বৈকর্তনং ৎবাং চ মাং চ ত্রীনেতান্ভরতর্ষভ ।
পাণ্ডবেভ্যঃ প্রদাস্যন্তি ভীষ্মদ্রোণৌ পিতা চ তে ॥ 5-130-4 (36191)
দুঃশাসনস্য তদ্বাক্যং নিশম্য ভরতর্ষভ ।
দুর্যোধনো ধার্তরাষ্ট্রো নিশ্বস্য প্রহসন্নিব ॥ 5-130-5 (36192)
একান্তমুপসৃত্যেহ মন্ত্রং পুনরমন্ত্রয়ৎ ।
সৌবলেন মতাক্ষেণ রাজ্ঞা শকুনিনা সহ ॥' 5-130-6 (36193)
দুর্যোধনস্য কর্ণস্য শকুনেঃ সৌবলস্য চ।
দুঃশাসনচতুর্থানামিদমাসীদ্বিচেষ্টিতম্ ॥ 5-130-7 (36194)
পুরাঽয়মস্মান্গৃহ্ণাতি ক্ষিপ্রকারী জনার্দনঃ ।
সহিতো ধৃতরাষ্ট্রেণ রাজ্ঞা শান্তনবেন চ ॥ 5-130-8 (36195)
বয়মেব হৃষীকেশং নিগৃহ্ণীম বলাদিব।
প্রসহ্য পুরুষব্যাঘ্রমিন্দ্রো বৈরোচনিং যথা ॥ 5-130-9 (36196)
শ্রুৎবা গৃহীতং বার্ষ্ণেয়ং পাণ্ডবা হতচেতসঃ ।
নিরুৎসাহা ভবিষ্যন্তি ভগ্নদংষ্ট্রা ইবোরগাঃ ॥ 5-130-10 (36197)
অয়ং হ্যেষাং মহাবাহুঃ সর্বেষাং শর্ম বর্ম চ ।
অস্মিন্গৃহীতে বরদে ঋষভে সর্বসাৎবতাম্।
নিরুদ্যমা ভবিষ্যন্তি পাণ্ডবাঃ সোমকৈঃ সহ ॥ 5-130-11 (36198)
তস্মাদ্বয়মিহৈবৈকং কেশবং ক্ষিপ্রকারিণম্ ।
ক্রোশতো ধৃতরাষ্ট্রস্য বদ্ধ্বা যোৎস্যামহে রিপূন্ ॥ 5-130-12 (36199)
বৈশম্পায়ন উবাচ। 5-130-13x (3771)
তেষাং পাপমভিপ্রায়ং পাপানাং দুষ্টচেতসাম্।
ইঙ্গিতজ্ঞঃ কবিঃ ক্ষিপ্রমন্ববুদ্ধ্যত সাত্যকিঃ ॥ 5-130-13 (36200)
তদর্থমভিনিষ্ক্রম্য হার্দিক্যেন সহাস্থিতঃ ।
অব্রবীৎকৃতবর্মাণং ক্ষিপ্রং যোজয় বাহিনীম্ ॥ 5-130-14 (36201)
ব্যূঢানীকঃ সভাদ্বারমুপতিষ্ঠস্ব দংশিতঃ ।
যাবদাখ্যাম্যহং চৈতৎকৃষ্ণায়াক্লিষ্টকারিণে ॥ 5-130-15 (36202)
স প্রবিশ্য সভাং বীরঃ সিংহো গিরিগুহামিব ।
আচষ্ট তমভিপ্রায়ং কেশবায় মহাত্মনে ॥ 5-130-16 (36203)
ধৃতরাষ্ট্রং ততশ্চৈব বিদুরং চান্বভাষত ।
তেষামেতমভিপ্রায়মাচচক্ষে স্ময়ন্নিব ॥ 5-130-17 (36204)
ধর্মাদর্থাচ্চ কামাচ্চ কর্ম সাধুবিগর্হিতম্ ।
মন্দাঃ কর্তুমিহেচ্ছন্তি ন চাবাপ্যং কথংচন ॥ 5-130-18 (36205)
পুরা বিকুর্বতে মূঢাঃ পাপাত্মানঃ সমাগতাঃ ।
ধর্ষিতাঃ কামমন্যুভ্যাং ক্রোধলোভবশানুগাঃ ॥ 5-130-19 (36206)
ইমং হি পুণ্ডরীকাক্ষং জিঘৃক্ষন্ত্যল্পচেতসঃ।
পটেনাগ্নিং প্রজ্বলিতং যথা বালা যথা জডাঃ ॥ 5-130-20 (36207)
সাত্যকেস্তদ্বচঃ শ্রুৎবা বিদুরো দীর্ঘদর্শিবান্ ।
ধৃতরাষ্ট্রং মহাবাহুমব্রবীৎকুরুসংসদি ॥ 5-130-21 (36208)
রাজন্পরীতকালাস্তে পুত্রাঃ সর্বে পরন্তপ ।
অসক্যময়শস্যং চ কর্তুং কর্ম সমুদ্যতাঃ ॥ 5-130-22 (36209)
ইমং হি পুণ্ডরীকাক্ষমভিভূয় প্রসহ্য চ ।
নিগ্রহীতুং কিলেচ্ছন্তি সহিতা বাসবানুজম্ ॥ 5-130-23 (36210)
ইমং পুরুষশার্দূলমপ্রধৃষ্যং দুরসদম্ ।
আসাদ্য নভবিষ্যন্তি পতঙ্গা ইব পাবকম্ ॥ 5-130-24 (36211)
অয়মিচ্ছন্হি তান্সর্বান্যুধ্যমানাঞ্জনার্দনঃ ।
সিংহো নাগানিব ক্রুদ্ধো গময়েদ্যমসাদনম্ ॥ 5-130-25 (36212)
ন ৎবয়ং নিন্দিতং কর্ম কুর্যাৎপাপং কথংচন ।
ন চ ধর্মাদপক্রামদেচ্যুতঃ পুরুষোত্তমঃ ॥ 5-130-26 (36213)
` যথা বারাণসী দগ্ধা সাশ্বা সরথকুঞ্জরা ।
সানুবন্ধস্তু কৃষ্ণেন কাশীনামৃষভো হতঃ ॥ 5-130-27 (36214)
তথা নাগপুরং দগ্ধ্বা শঙ্খচক্রগদাধরঃ ।
স্বয়ং কালেশ্বরো ভূৎবা নাশয়িষ্যতি কৌরবান্ ॥ 5-130-28 (36215)
পারিজাতহরং হ্যেনমেকং যদুসুখাবহম্।
নাভ্যবর্তত সংরব্ধো বৃত্রহা বসুভিঃ সহ ॥ 5-130-29 (36216)
প্রাপ্য নির্মোচনে পাশান্ষট্সহস্রাংস্তরস্বিনঃ ।
হৃতাস্তে বাসুদেবেন হ্যুপসঙ্ক্রম্য কৌরবান্ ॥ 5-130-30 (36217)
দ্বারমাসাদ্য সৌভস্য বিধূয় গদয়া গিরিম্।
দ্যুমৎসেনঃ সহামাত্যঃ কৃষ্ণেন বিনিপাতিতঃ ॥ 5-130-31 (36218)
শেষবত্ৎবাৎকুরূণাং তু ধর্মাপেক্ষী তথাঽচ্যুতঃ ।
ক্ষমতে পুণ্ডরীকাক্ষঃ শক্তঃ সন্পাপকর্মণাম্ ॥ 5-130-32 (36219)
এতে হি যদি গোবিন্দমিচ্ছন্তি সহ রাজভিঃ ।
অদ্যৈবাতিথয়ঃ সর্বে ভবিষ্যন্তি যমস্য তে ॥ 5-130-33 (36220)
যথা বায়োস্তৃণাগ্রণি বশং যান্তি বলীয়সঃ।
তথা চক্রভৃতঃ সর্বে বশমেষ্যন্তি কৌরবাঃ ॥ 5-130-34 (36221)
বৈশম্পায়ন উবাচ।' 5-130-35x (3772)
বিদুরেণৈবমুক্তে তু কেশবো বাক্যমব্রবীৎ ।
ধৃতরাষ্ট্রমভিপ্রেক্ষ্য সুহৃদাং শ্রৃণ্বতাং মিথঃ ॥ 5-130-35 (36222)
রাজন্নেতে যদি ক্রুদ্ধা মাং নিগৃহ্ণীয়ুরোজসা ।
এতে বা মামহং বৈনাননুজানীহি পার্থিব ॥ 5-130-36 (36223)
এতান্হি সর্বান্সংরব্ধান্নিয়ন্তুমহমুৎসহে ।
ন ৎবহং নিন্দিতং কর্ম কুর্যাং পাপং কথংচন ॥ 5-130-37 (36224)
পাণ্ডবার্থে হি লুভ্যন্তঃ স্বার্থান্হাস্যন্তি তে সুতাঃ ।
এতে চেদেবমিচ্ছন্তি কৃতকার্যো যুধিষ্ঠিরঃ ॥ 5-130-38 (36225)
অদ্যৈব হ্যহমেনাংশ্চ যে চৈনাননু ভারত ।
নিগৃহ্য রাজন্পার্থেভ্যো দদ্যাং কিং দুষ্কৃতং ভবেৎ ॥ 5-130-39 (36226)
` এষ মে নিশ্চয়ো রাজন্যদ্যেষোঽস্য বিনিশ্চয়ঃ ।
নর্দন্তু সহিতাঃ শঙ্খাঃ পণবানকনিস্বনৈঃ ॥ 5-130-40 (36227)
অনায়াসেন পার্থানাং পর্বতাং চ শিবং মহৎ।
নিগৃহ্য রাজন্পার্থেভ্যো দদ্যাং চেৎসুকৃতং ভবেৎ ॥' 5-130-41 (36228)
ইদং তু ন প্রবর্তেয়ং নিন্দিতং কর্ম ভারত ।
সন্নিধৌ তে মহারাজ ক্রোধজং পাপবুদ্ধিজম্ ॥ 5-130-42 (36229)
এষ দুর্যোধনো রাজন্যথেচ্ছতি তথাঽস্তু তৎ।
অহং তু সর্বাংস্তনয়াননুজানামি তে নৃপ ॥ 5-130-43 (36230)
এতচ্ছ্রুৎবা তু বিদুরং ধৃতরাষ্ট্রোঽভ্যভাষত ।
ক্ষিপ্রমানয় তং পাপং রাজ্যলুব্ধং সুয়োধনম্ ॥ 5-130-44 (36231)
সহমিত্রং সহামাত্যং সসোদর্যং সহানুগম্।
শক্নুয়াং যদি পন্থানমবতারয়িতুং পুনঃ ॥ 5-130-45 (36232)
ততো দুর্যোধনং ক্ষত্তা পুনঃ প্রাবেশয়ত্মভাম্ ।
অকামং ভ্রাতৃভিঃ সার্ধং রাজভিঃ পরিবারিতম্ ॥ 5-130-46 (36233)
অথ দুরোয়ধনং রাজা ধৃতরাষ্ট্রোঽভ্যভাষত ।
কর্ণদুঃশাসনাভ্যাং চ রাজভিশ্চাপি সংবৃতম্ ॥ 5-130-47 (36234)
নৃশংস পাপভূয়িষ্ঠ ক্ষুদ্রকর্মসহায়বান্।
পাপৈঃ সহায়ৈঃ সংহত্য পাপং কর্ম চিকীর্ষসি ॥ 5-130-48 (36235)
অশক্যময়শস্যং চ সদ্ভিশ্চাপি বিগর্হিতম্ ।
যথা ৎবাদৃশকো মূঢো ব্যবস্যেৎকুলপাংসনঃ ॥ 5-130-49 (36236)
ৎবমিমং পুণ্ডরীকাক্ষমপ্রধৃষ্যং দুরাসদম্ ।
পাপৈঃ সহায়ৈঃ সংহত্য নিগ্রহীতুং কিলেচ্ছসি ॥ 5-130-50 (36237)
যো ন শক্যো বলাৎকর্তুং দেবৈরপি সবাসবৈঃ ।
তং ৎবং প্রার্থয়সে মন্দ বালশ্চন্দ্রমসং যথা ॥ 5-130-51 (36238)
দেবৈর্মনুষ্যৈর্গন্ধর্বৈরসুরৈরুরগৈশ্চ যঃ।
ন সোঢুং সমরে শক্যস্তং ন বুধ্যসি কেশবম্ ॥ 5-130-52 (36239)
দুর্গ্রাহ্যঃ পাণিনা বায়ুর্দুস্পর্শঃ পাণিনা শশী ।
দুর্ধরা পৃথিবী মূর্ধ্না দুর্গ্রাহ্যঃ কেশবো বলাৎ ॥ 5-130-53 (36240)
ইত্যুক্তে ধৃতরাষ্ট্রেণ ক্ষত্তাঽপি বিদুরোঽব্রবীৎ।
দুর্যোধনমভিপ্রেক্ষ্য ধার্তরাষ্ট্রমমর্ষণম্ ॥ 5-130-54 (36241)
দুর্যোধন নিবোধেদং বচনং মম সাংপ্রতম্।
সৌভদ্বারে বানরেন্দ্রো দ্বিবিদো নাম নামতঃ।
শিলাবর্ষেণ মহতা ছাদয়ামাস কেশবম্ ॥ 5-130-55 (36242)
গ্রহীতুকামো বিক্রম্য সর্বয়ত্নেন মাধবম্ ।
গ্রহীতুং নাশকচ্চৈনং তং ৎবং প্রার্থয়সে বলাৎ ॥ 5-130-56 (36243)
প্রাগ্জ্যোতিষগতং শৌরিং নরকঃ সহ দানবৈঃ ।
গ্রহীতুং নাশকত্তত্র তং ৎবং প্রার্থয়সে বলাৎ ॥ 5-130-57 (36244)
অনেকয়ুগবর্ষায়ুর্নিহত্য নরকং মৃধে ।
নীৎবা কন্যাসহস্রাণি উপয়েমে যথাবিধি ॥ 5-130-58 (36245)
নির্মোচনে ষট্সহস্রাঃ পাশৈর্বদ্ধ্বা মহাসুরাঃ ।
গ্রহীতুং নাশকংশ্চৈনং তং ৎবং প্রার্থয়সে বলাৎ ॥ 5-130-59 (36246)
অনেন হি হতা বাল্যে পূতনা শিশুনা তদা।
গোবর্ধনো ধারিতশ্চ গবার্থে ভরতর্ষভ ॥ 5-130-60 (36247)
অরিষ্টো ধেনুকশ্চৈব চাণূরশ্চ মহাবলঃ।
অশ্বরাজশ্চ নিহতঃ কংসশ্চারিষ্টমাচরন্ ॥ 5-130-61 (36248)
জরাসন্ধশ্চ বক্রশ্চ শিশুপালশ্চ বীর্যবান্ ।
বাণাশ্চ নিহতঃ সঙ্খ্যে রাজানশ্চ নিষূদিতাঃ ॥ 5-130-62 (36249)
বরুণো নির্জিতো রাজা পাবকশ্চামিতৌজসা ।
পারিজাতং চ হরতা জিতঃ সাক্ষাচ্ছচীপতিঃ ॥ 5-130-63 (36250)
একার্ণবে চ স্বপতা নিহতৌ মধুকৈটভৌ ।
জন্মান্তরমুপাগম্য হয়গ্রীবস্তথা হতঃ॥ 5-130-64 (36251)
অয়ং কর্তা ন ক্রিয়তে কারণং চাপি পৌরুষে ।
যদ্যদিচ্ছেদয়ং শৌরিস্তত্তৎকুর্যাদয়ত্নতঃ ॥ 5-130-65 (36252)
তং ন বুধ্যসি গোবিন্দ ঘোরবিক্রমমচ্যুতম্।
আশীবিষমিব ক্রূদ্ধং তেজোরাশিমনিন্দিতম্ ॥ 5-130-66 (36253)
প্রধর্ষয়ন্মহাবাহুং কৃষ্ণমক্লিষ্টকারিণম্।
পতঙ্গোঽগ্নিমিবাসাদ্য সামাত্যো নভবিষ্যসি ॥ ॥ 5-130-67 (36254)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ত্রিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-130-9 বৈরোচনিং বলিম্ ॥ 5-130-18 কর্ম দূতনিগ্রহাখ্যম্ ॥ 5-130-38 পাণ্ডবার্থে পাণ্ডবধনে ॥ 5-130-42 ইদং তু কর্ম কর্তুমিতি শেষঃ ॥ 5-130-49 নির্মোচনে নগরবিশেষে ॥উদ্যোগপর্ব - অধ্যায় 131
॥ শ্রীঃ ॥
5.131. অধ্যায়ঃ 131
Mahabharata - Udyoga Parva - Chapter Topics
শ্রীকৃষ্ণেন সভায়াং বিশ্বরূপপ্রদর্শনম্ ॥ 1 ॥ কৃষ্ণপ্রসাদাল্লব্ধচক্ষুষা ধৃতরাষ্ট্রেণ কৃষ্ণং দৃষ্টবতা বক্ষুষা ইতরেষামদি দৃক্ষয়া কৃষ্ণবরাৎপুনঃ স্বচক্ষুষোরন্তর্ধানাধিগমঃ ॥ 2 ॥ কৃষ্ণেন তদ্রূপোপসংহারপূর্বকং পূর্বরূপং স্বীকৃত্য রথাধিরোহণেন কুন্তীসমীপগমনম্ ॥ 3 ॥Mahabharata - Udyoga Parva - Chapter Text
5-131-0 (36255)
বৈশম্পায়ন উবাচ । 5-131-0x (3773)
বিদুরেণৈবমুক্তস্তু কেশবঃ শত্রুপূগহা ।
দুর্যোধনং ধার্তরাষ্ট্রমভ্যভাষত বীর্যবান্ ॥ 5-131-1 (36256)
একোঽহমিতি যন্মোহান্মন্যসে মাং সুয়োধন।
পরিভূয় সুদুর্বুদ্ধে গ্রহীতুং মাং চিকীর্ষসি ॥ 5-131-2 (36257)
ইহৈব পাণ্ডবাঃ সর্বে তথৈবান্ধকবৃষ্ণয়ঃ ।
ইহাদিত্যাশ্চ রুদ্রাশ্চ বসবশ্চ মহর্ষিভিঃ ॥ 5-131-3 (36258)
এবমুক্ৎবা জাহাসোচ্চৈঃ কেশবঃ পরবীরহা ।
তস্য সংস্ময়তঃ শৌরের্বিদ্যুদ্রূপা মহাত্মনঃ ।
`যুগপচ্চ বিনিষ্পেতুঃ সাক্ষাৎসর্বাস্তু দেবতাঃ॥' 5-131-4 (36259)
অঙ্গুষ্ঠমাত্রাস্ত্রিদশা বভূবুঃ পাবকার্চিষঃ ।
তস্য ব্রহ্মা ললাটস্থো রুদ্রো বক্ষসি চাভবৎ ॥ 5-131-5 (36260)
লোকপালা ভুজেষ্বাসন্নগ্নিরাস্যাদজায়ত।
আদিত্যাশ্চৈব সাধ্যাশ্চ বসবোঽথাশ্বিনাবপি ॥ 5-131-6 (36261)
মরুতশ্চ সহেন্দ্রেণ বিশ্বেদেবাস্তথৈব চ।
বভূবুশ্চৈব যক্ষাশ্চ গন্ধর্বোরগরাক্ষসাঃ ॥ 5-131-7 (36262)
প্রাদুরাস্তাং তথা দোর্ভ্যাং সঙ্কর্ষণধনঞ্জয়ৌ।
দক্ষিণেঽথার্জুনো ধন্বী হলী রামশ্চ সব্যতঃ ॥ 5-131-8 (36263)
ভীমো যুধিষ্ঠিরশ্চৈব মাদ্রীপুত্রৌ চ পৃষ্ঠতঃ।
অন্ধকা বৃষ্ণয়শ্চৈব প্রদ্যুম্নপরমুখাস্ততঃ ॥ 5-131-9 (36264)
অগ্রে বভূবুঃ কৃষ্ণস্য সমুদ্যতমহায়ুধাঃ ।
শঙ্খচক্রগদাশক্তিশার্ঙ্গলাঙ্গলনন্দকাঃ ॥ 5-131-10 (36265)
অদৃশ্যন্তোদ্যতান্যেব সর্বপ্রহরণানি চ।
নানাবাহুষু কৃষ্ণস্য দীপ্যমানানি সর্বশঃ ॥ 5-131-11 (36266)
নেত্রাভ্যাং নাসিকাভ্যাং চ শ্রোত্রাভ্যাং চ সমন্ততঃ ।
প্রাদুরাসন্মহারৌদ্রাঃ সধূমাঃ পাবকার্চিষঃ ॥ 5-131-12 (36267)
রোমকূপেষু চ তথা সূর্যস্যেব মরীচয়ঃ ।
`সহস্রচরণঃ শ্রীমাঞ্শতবাহুঃ সহস্রদৃক্ ॥' 5-131-13 (36268)
তস্য বৈ নাগলোকশ্চ গুল্ফাধো দদৃশে তদা।
চন্দ্রসূর্যৌ তথা নেত্রে গ্রহঃ বৈ সর্বতঃ স্থিতাঃ ॥ 5-131-14 (36269)
ঊর্ধ্বলোকাশ্চ সর্বেঽপি কুক্ষৌ তস্য ব্যবস্থিতাঃ ।
সরিতঃ সাগরাশ্চৈব স্বেদস্তস্য মহাত্মনঃ ॥ 5-131-15 (36270)
অস্থীনি পর্বতাঃ সর্বে বৃক্ষা রোমাণি তস্য হি।
নিমেষণং রাত্র্যহনী জিহ্বায়াং শারদা তথা ॥ ' 5-131-16 (36271)
তং দৃষ্ট্বা ঘোরমাত্মানং কেশবস্য মহাত্মনঃ ।
ন্যমীলয়ন্ত নেত্রাণি রাজানস্ত্রস্তচেতসঃ ॥ 5-131-17 (36272)
ঋত দ্রোণং চ ভীষ্মং চ বিদুরং চ মহামতিম্ ।
সংজয়ং ধৃতরাষ্ট্রং চ ঋষীংশ্চৈব তপোধনান্ ॥ 5-131-18 (36273)
প্রাদাত্তেষাং স ভগবান্দিব্যং চক্ষুর্জনার্দনঃ ॥ 5-131-19 (36274)
`ধৃতরাষ্ট্রায় প্রদদৌ ভগবান্দিব্যচক্ষুষী ।
দদর্শ পরমং রূপং ধৃতরাষ্ট্রোঽম্বিকাসুতঃ ॥ 5-131-20 (36275)
ততো দেবাঃ সগন্ধর্বাঃ কিন্নরাশ্চ মহোরগাঃ ।
ঋষয়শ্চ মহাভাগা লোকপালৈঃ সমন্বিতাঃ ।
প্রণম্য শিরসা দেবং তুষ্টুবুঃ প্রাঞ্জলিস্থিতাঃ ॥ 5-131-21 (36276)
ক্রোধং প্রভো সংহর সংহর স্বং
রূপং চ যদ্দর্শিতমাত্মসংস্থম্ ।
যাবত্ৎবিমে দেবগণৈঃ সমেতা
লোকাঃ সমস্তা ভুবি নাশমীয়ুঃ ॥ 5-131-22 (36277)
ৎবং চ কর্তা বিকর্তা চ ৎবমেব পরিরক্ষসে।
ৎবয়া ব্যাপ্তমিদং সর্বং জগৎস্থাবরজঙ্গমম্ ॥ 5-131-23 (36278)
কিয়ন্মাত্রা মহীপালাঃ কিংবীর্যাঃ কিংপরাক্রমাঃ ।
তেষামর্থে মহাবাহো দিব্যং রূপং প্রদর্শিবান্।
এবমুচ্চারিতা বাচঃ সহ দেবার্বিভুং তদা ॥' 5-131-24 (36279)
তদ্দৃষ্ট্বা মহদাশ্চর্যং মাধবস্য সভাতলে।
দেবদুন্দুভয়ো নেদুঃ পুষ্পবর্ষং পপাত চ ॥ 5-131-25 (36280)
ধৃতরাষ্ট্র উবাচ। 5-131-26x (3774)
ৎবমেব পুণ্ডরীকাক্ষ সর্বস্য জগতো হিতঃ।
তস্মান্মে যাদবশ্রেষ্ঠ প্রসাদং কর্তুমর্হসি ॥ 5-131-26 (36281)
ভগবন্মম নেত্রাভ্যামন্তর্ধানং বৃণে পুনঃ ।
ভবন্তং দৃষ্টবানস্মি নান্যং দ্রষ্টুমিহোৎসহে ॥ 5-131-27 (36282)
ততোঽব্রবীন্মহাবাহুর্ধৃতরাষ্ট্রং জনার্দনঃ ।
অদৃশ্যমানে নেত্রে দ্বে ভবেতাং কুরুনন্দন ॥ 5-131-28 (36283)
তত্রাদ্ভুতং মহারাজ ধৃতরাষ্ট্রশ্চ চক্ষুষী ।
লব্ধবান্বাসুদেবাচ্চ বিশ্বরূপদিদৃক্ষয়া ॥ 5-131-29 (36284)
লব্ধচক্ষুষমাসীনং ধৃতরাষ্ট্রং নরাধিপাঃ ।
বিস্মিতা ঋষিভিঃ সার্ধং তুষ্টুবুর্মধুসূদনম্ ॥ 5-131-30 (36285)
চচাল চ মহী কৃৎস্না সাগরশ্চাপি চুক্ষুভে ।
বিস্ময়ং পরমং জগ্মুঃ পার্থিবা ভরতর্ষভ ॥ 5-131-31 (36286)
ততঃ স পুরুষব্যাঘ্রঃ সঞ্জহার বপুঃ স্বকম্ ।
তাং দিব্যামদ্ভুতাং চিত্রামৃদ্ধিমত্তামরিন্দমঃ ॥ 5-131-32 (36287)
ততঃ সাত্যকিমাদায় পাণৌ বিদুরমেব চ ।
ঋষিভিস্তৈরনুজ্ঞাতো নির্যযৌ মধুসূদনঃ ॥ 5-131-33 (36288)
ঋষয়োঽন্তর্হিতা জগ্মুস্ততস্তে নারদাদয়ঃ ।
তস্মিন্কোলাহলে বৃত্তে তদদ্ভুতমিবাভবৎ ॥ 5-131-34 (36289)
তং প্রস্থিতমভিপ্রেক্ষ্য কৌরবাঃ সহ রাজভিঃ ।
অনুজগ্মুর্নরব্যাঘ্রং দেবা ইব শতক্রতম্ ॥ 5-131-35 (36290)
অচিন্তয়ন্নমেয়াত্মা সর্বং তদ্রাজমণ্ডলম্ ।
নিশ্চক্রাম ততঃ শৌরিঃ সধূম ইব পাবকঃ ॥ 5-131-36 (36291)
ততো রথেন শুভ্রেণ মহতা কিঙ্কিণীকিনা ।
হেমজালবিচিত্রেণ লঘুনা মেঘনাদিনা ॥ 5-131-37 (36292)
সূপস্করেণ শুভ্রেণ বৈয়াঘ্রেণ বরূথিনা ।
শৈব্যসুগ্রীবয়ুক্তেন প্রত্যদৃশ্যত দারুকঃ ॥ 5-131-39aতথৈব রথমাস্থায় কৃতবর্মা মহারথঃ ।
বৃষ্ণীনাং সংমতো বীরো হার্দিক্যঃ সমদৃশ্যত ॥ 5-131-38 (36293)
উপস্থিতরথং শৌরিং প্রয়াস্যন্তমরিন্দমম্ ।
ধৃতরাষ্ট্রো মহারাজঃ পুনরেবাভ্যভাষত ॥ 5-131-40 (36294)
যাবদ্বলং মে পুত্রেষু পশ্যতস্তে জনার্দন ।
প্রত্যক্ষং তে ন তে কিংচিৎপরোক্ষং শত্রুকর্শন ॥ 5-131-41 (36295)
কুরূণাং শমমিচ্ছন্তং যতমানং চ কেশব ।
বিদিৎবৈতামবস্থাং মে নাতিশঙ্কিতুমর্হসি ॥ 5-131-42 (36296)
ন মে পাপোঽস্ত্যভিপ্রায়ঃ পাণ্ডবান্প্রতি কেশব ।
জ্ঞাতমেব হিতং বাক্যং যন্ময়োক্তঃ সুয়োধনঃ ॥ 5-131-43 (36297)
জানন্তি কুরবঃ সর্বে রাজানশ্চৈব পার্থিবাঃ ।
শমে প্রয়তমানং মাং সর্বয়ত্নেন মাধব ॥ 5-131-44 (36298)
বৈশম্পায়ন উবাচ। 5-131-45x (3775)
ততোঽব্রবীন্মহাবাহুর্ধৃতরাষ্ট্রং জনার্দনঃ।
দ্রোণং পিতামহং ভীষ্মং ক্ষত্তারং বাহ্লিকং কৃপম্ ॥ 5-131-45 (36299)
প্রত্যক্ষমেতদ্ভবতাং যদ্বৃত্তং কুরুসংসদি।
যথা চাশিষ্টবন্মন্দো রোষাদদ্য সমুত্থিতঃ ॥ 5-131-46 (36300)
বদত্যনীশমাত্মানং ধৃতরাষ্ট্রো মহীপতিঃ ।
আপৃচ্ছে ভবতঃ সর্বান্গমিষ্যামি যুধিষ্ঠিরম্ ॥ 5-131-47 (36301)
আমন্ত্র্য প্রস্থিতং শৌরিং রথস্থং পুরুষর্ষভ ।
অনুজগ্মুর্মহেষ্বাসাঃ প্রবীরা ভরতর্ষভাঃ ॥ 5-131-48 (36302)
ভীষ্মো দ্রোণঃ কৃপঃ ক্ষত্তা ধৃতরাষ্ট্রোঽথ বাহ্লিকঃ।
অশ্বত্থামা বিকর্ণশ্চ যুয়ুৎসুশ্চ মহারথঃ ॥ 5-131-49 (36303)
ততো রথেন শুভ্রেণ মহতা কিঙ্কিণীকিনা ।
কুরূণাং পশ্যতাং দ্রষ্টুং স্বসারং স পিতুর্যযৌ ॥ ॥ 5-131-50 (36304)
ইতি শ্রীমন্মহাভারতে উদ্যোগপর্বণি ভগবদ্যানর্বণি একত্রিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-131-28 অদৃশ্যমানে দর্শনশক্তিরহিতে ॥ 5-131-38 বরূথিনা রথগুপ্তিমতা ॥ 5-131-46 মন্দো দুর্যোধনঃ ॥উদ্যোগপর্ব - অধ্যায় 132
॥ শ্রীঃ ॥
5.132. অধ্যায়ঃ 132
Mahabharata - Udyoga Parva - Chapter Topics
কৃষ্ণেন কুন্তীংপ্রতি সপ্রণামং সভাবৃত্তন্তকথনম্ ॥ 1 ॥ কুন্ত্যা কৃষ্ণচোদনয়া তস্মিন্ যুধিষ্ঠিরায় সংদেশপ্রেষণম্ ॥ 2 ।Mahabharata - Udyoga Parva - Chapter Text
5-132-0 (36305)
বৈশম্পায়ন উবাচ। 5-132-0x (3776)
প্রবিশ্যাথ গৃহং তস্যাশ্চরণাবভিবাদ্য চ।
আচখ্যৌ তৎসমাসেন যদ্বৃত্তং কুরুসংসদি ॥ 5-132-1 (36306)
বাসুদেব উবাচ। 5-132-2x (3777)
উক্তং বহুবিধং বাক্যং গ্রহণীয়ং সহেতুকম্।
ঋষিভিশ্চৈব চ ময়া ন চাসৌ তদ্গৃহীতবান্ ॥ 5-132-2 (36307)
কালপক্বমিদং সর্বং সুয়োধনবশানুগম্।
` সর্বক্ষত্রং ক্ষণেনৈব দহ্যতে পার্থবহ্নিনা ।'
আপৃচ্ছে ভবতীং শীঘ্রং প্রয়াস্যে পাণ্ডবান্প্রতি ॥ 5-132-3 (36308)
কিং বাচ্যাঃ পাণ্ডবেয়াস্তে ভবত্যা বচনান্ময়া ।
তদ্ব্রূহি ৎবং মহাপ্রজ্ঞে শুশ্রূষে বচনং তব ॥ 5-132-4 (36309)
কুন্ত্যুবাচ। 5-132-5x (3778)
ব্রূয়াঃ কেশব রাজানং ধর্মাত্মানং যুধিষ্ঠিরম্ ।
ভূয়াংস্তে হীয়তে ধর্মো মা পুত্রক বৃথা কৃথাঃ ॥ 5-132-5 (36310)
শ্রোত্রিয়স্যেব তে রাজন্মন্দকস্যাবিপশ্চিতঃ ।
অনুবাকহতা বুদ্ধির্ধর্মমেবৈকমীক্ষতে ॥ 5-132-6 (36311)
অঙ্গাবেক্ষস্ব ধর্মং ৎবং যথা সৃষ্টঃ স্বয়ংভুবা ।
বাহুভ্যাং ক্ষত্রিয়াঃ সৃষ্টা বাহুবীর্যোপজীবিনঃ ॥ 5-132-7 (36312)
ক্রূরায় কর্মণে নিত্যং প্রজানাং পরিপালনে।
শ্রৃণু চাত্রোপমামেকাং যা বৃদ্ধেভ্যঃ শ্রুতা ময়া ॥ 5-132-8 (36313)
মুচুকুন্দস্য রাজর্ষেরদদৎপৃথিবীমিমাম্।
পুরা বৈশ্রবণঃ প্রীতো ন চাসৌ তদ্গৃহীতবান্ ॥ 5-132-9 (36314)
বাহুবীর্যার্জিতং রাজ্যমশ্রীয়ামিতি কাময়ে।
ততো বৈশ্রবণঃ প্রীতো বিস্মিতঃ সমপদ্যত ॥ 5-132-10 (36315)
মুচুকুন্দস্ততো রাজা সোঽন্বশাসদ্বসুন্ধরাম্ ।
বাহুবীর্যার্জিতাং সম্যক্ ক্ষত্রধর্মমনুব্রতঃ॥ 5-132-11 (36316)
যং হি ধর্মং চরন্তীহ প্রজা রাজ্ঞা সুরক্ষিতাঃ ।
চতুর্থং তস্য ধর্মস্য রাজা বিন্দেন ভারত ॥ 5-132-12 (36317)
রাজা চরতি চেদ্ধর্মং দেবৎবায়ৈব কল্পতে।
স চেদধর্মং চরতি নরকায়ৈব গচ্ছতি ॥ 5-132-13 (36318)
দণ্ডনীতিঃ স্বধর্মেণ চাতুর্বর্ণ্যং নিয়চ্ছতি।
প্রয়ুক্তাস্বামিনা সম্যগধর্মেভ্যো নিয়চ্ছতি ॥ 5-132-14 (36319)
দণ্ডনীত্যাং যদা রাজা সম্যক্কার্ৎস্ন্যেন বর্ততে।
তদা কৃতয়ুং নাম কালঃ শ্রেষ্ঠঃ প্রবর্ততে ॥ 5-132-15 (36320)
কালো বা কারণং রাজ্ঞো রাজা বা কালকারণম্ ।
ইতি তে সংশয়ো মা ভূদ্রাজা কালস্য কারণম্ ॥ 5-132-16 (36321)
রাজা কৃতয়ুগস্রষ্টা ত্রেতায়া দ্বাপরস্য চ।
যুগস্য চ চতুর্থস্য রাজা ভবতি কারণম্ ॥ 5-132-17 (36322)
কৃতস্য করণাদ্রাজা স্বর্গমত্যন্তমশ্রুতে ।
ত্রেতায়াঃ করণাদ্রাজা স্বর্গং নাত্যন্তমশ্রুতে ॥ 5-132-18 (36323)
প্রবর্তনাদ্দ্বাপরস্য যথাভাগমুপাশ্রুতে ।
কলেঃ প্রবর্তনাদ্রাজা পাপমত্যন্তমশ্রুতে ॥ 5-132-19 (36324)
ততো বসতি দুষ্কর্মা নরকে শাশ্বতীঃ সমাঃ ।
রাজদোষেণ হি জগৎস্পৃশ্যতে জগতঃ স চ ॥ 5-132-20 (36325)
রাজধর্মানবেক্ষস্ব পিতৃপৈতামহোচিতান্।
নৈতদ্রাজর্ষিবৃত্তং হি যত্র ৎবং স্থাতুমিচ্ছসি ॥ 5-132-21 (36326)
ন হি বৈক্লব্যসংসৃষ্ট আনৃশংস্যে ব্যবস্থিতঃ ।
প্রজাপালনসংভূতং ফলং কিংচন লব্ধবান্ ॥ 5-132-22 (36327)
ন হ্যেতামাশিষং পাণ্ডুর্ন চাহং ন পিতামহঃ ।
প্রয়ুক্তবন্তঃ পূর্বং তে যয়া চরসি মেধয়া ॥ 5-132-23 (36328)
যজ্ঞো দানং তপঃ শৌর্যং প্রজ্ঞা সন্তানমেব চ ।
মাহাত্ম্যং বলমোজশ্চ নিত্যমাশংসিতং ময়া ॥ 5-132-24 (36329)
নিত্যং স্বাহা স্বধা নিত্যং দদ্যুর্মানুষদেবতাঃ ।
দীর্ঘমায়ুর্ধনং পুত্রান্সম্যগারাধিতাঃ শুভাঃ ॥ 5-132-25 (36330)
পুত্রেষ্বাশাসতে নিত্যং পিতরো দৈবতানি চ।
দানমধ্যযনং যজ্ঞঃ প্রজানাং পরিপালনম্ ॥ 5-132-26 (36331)
এতদ্ধর্মমধর্মং বা জন্মনৈবাভ্যজায়থাঃ ।
তে তু বৈদ্যাঃ কুলে জাতা অবৃত্ত্যা তাত পীডিতাঃ ॥ 5-132-27 (36332)
যত্র দানপতিং শূরং ক্ষুধিতাঃ পৃথিবীচরাঃ ।
প্রাপ্য তুষ্টাঃ প্রতিষ্ঠন্তে ধর্মঃ কোঽভ্যধিকস্ততঃ ॥ 5-132-28 (36333)
দানেনান্যং বলেনান্যং তথা সূনৃতয়াঽপরম্।
সর্বতঃ প্রতিগৃহ্ণীয়াদ্রাজ্যং প্রাপ্যেহ ধার্মিকঃ॥ 5-132-29 (36334)
ব্রাহ্মণঃ প্রচরেদ্ভৈক্ষং ক্ষত্রিয়ঃ পরিপালয়েৎ।
বৈশ্যো ধনার্জনং কুর্যাচ্ছূদ্রঃ পরিচরেচ্চ তান্ ॥ 5-132-30 (36335)
ভৈক্ষং বিপ্রতিষিদ্ধং তে কৃষির্নৈবোপপদ্যতে ।
ক্ষত্রিয়োঽসি ক্ষতাত্রাতা বাহুবীর্যোপজীবিতা ॥ 5-132-31 (36336)
পিত্র্যমংশং মহাবাহো নিমগ্নং পুনরুদ্ধর ।
সাম্না ভেদেন দানেন দণ্ডেনাথ নয়েন বা ॥ 5-132-32 (36337)
ইতো দুঃখতরং কিং নু যদহং দীনবান্ধবা।
পরপিণ্ডমুদীক্ষে বৈ ৎবাং সূৎবা মিত্রনন্দন ॥ 5-132-33 (36338)
যুধ্যস্ব রাজধর্মেণ মা নিমঞ্জীঃ পিতামহান্ ।
মা গমঃ ক্ষীণপুণ্যস্ৎবং সানুজঃ পাপিকাং গতিং ॥ ॥ 5-132-34 (36339)
ইতি শ্রীমন্মহাভারতে উদ্যোগপর্বণি ভগবদ্যানপর্বণি দ্বাত্রিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-132-5 ভূয়ান্ পৃথ্বীপালনজো ধর্মঃ ॥ 5-132-6 শ্রোত্রিয়স্য বেদাধ্যায়িনঃ । মন্দকস্য অর্থজ্ঞানশূন্যস্য । অনুবাকেন অত্যন্তং বেদাক্ষসংবৃত্ত্যা হতা নষ্টাঃ ॥ 5-132-20 জগতঃ দোষেণ সচ রাজা স্পৃশ্যতে ॥ 5-132-22 ফলং ন লব্ধবান্ অসীতি শেষঃ ॥ 5-132-25 নিত্যমিতি । মানুষাশ্চ দেবতাশ্চ সম্যগারাধিতাঃ সত্যঃ ইহ লোকে আয়ুরাদীনি পরলোকসাধনানি স্বধাদীনি সৎকর্মাণি চ দদ্যুঃ ॥ 5-132-27 এতৎ মদ্বাক্যং ধর্মং ধর্ময়ুক্তং অধর্মং চ জন্মনৈব স্বভাবত এব অভ্যজায়থাঃ অভিজানীষে। হে কৃষ্ণ তে তু পাণ্ডবাস্তু বৈদ্যাঃ বিদ্যাবন্তঃ ॥ 5-132-29 রাজ্য রাজৎবং ক্ষত্রিয়ৎবমিত্যর্থঃ ॥উদ্যোগপর্ব - অধ্যায় 133
॥ শ্রীঃ ॥
5.133. অধ্যায়ঃ 133
Mahabharata - Udyoga Parva - Chapter Topics
কুন্ত্যা যুধিষ্ঠিরবোধনায় কৃষ্ণংপ্রতি বিদুলোপাখ্যানকথনম্ ॥ 1 ॥Mahabharata - Udyoga Parva - Chapter Text
5-133-0 (36340)
কুন্ত্যুবাচ। 5-133-0x (3779)
অত্রাপ্যুদাহরন্তীমমিতিহাসং পুরাতনম্ ।
বিদুলায়াশ্চ সংবাদং পুত্রস্য চ পরন্তপ ॥ 5-133-1 (36341)
ততঃ শ্রেয়শ্চ ভূয়শ্চ যথাবদ্বক্তুমর্হসি ।
যশস্বিনী মন্যুমতী কুলে জাতা বিভাবরী ॥ 5-133-2 (36342)
ক্ষত্রধর্মরতা দান্তা বিদুলা দীর্ঘদর্শিনী ।
বিশ্রুতা রাজসংসৎসু শ্রুতবাক্যা বহুশ্রুতা ॥ 5-133-3 (36343)
বিদুলা নাম রাজন্যা জগর্হে পুত্রমৌরসম্ ।
নির্জিতং সিন্ধুরাজেন শয়ানং দীনচেতসম্ ॥ 5-133-4 (36344)
বিদুলোবাচ। 5-133-5x (3780)
অনন্দন ময়া জাত দ্বিষতাং হর্ষবর্ধন ।
ন ময়া ৎবং ন পিত্রা চ জাতঃ ক্বাভ্যাগতোহ্যসি ॥ 5-133-5 (36345)
নির্মন্যুশ্চাপ্যসঙ্খ্যেয়ঃ পুরুষঃ ক্লীবসাধনঃ ।
যাবজ্জীবং নিরাশোঽসি কল্যাণায় ধুরং বহ ॥ 5-133-6 (36346)
মাঽঽত্মানমবমন্যস্ব মৈনমল্পেন বীভরঃ ।
মনঃ কৃৎবা সুকল্যাণং মা ভৈস্ৎবং প্রতিসংহর ॥ 5-133-7 (36347)
উত্তিষ্ঠ হে কাপুরুষ মা শেষ্বৈবং পরাজিতঃ।
অমিত্রান্নন্দয়ন্সর্বান্নির্মানো বন্ধুশোকদঃ ॥ 5-133-8 (36348)
সুপূরা বৈ কুনদিকা সুপূরো মুষিকাঞ্জলিঃ ।
সুসংতোষঃ কাপুরুষঃ স্বল্পকেনৈব তুষ্যতি ॥ 5-133-9 (36349)
অপ্যহেরারুজন্দংষ্ট্রামাশ্বেব নিধনং ব্রজ ।
অপি বা সংশয়ং প্রাপ্য জীবিতেঽপি পরাক্রমেঃ ॥ 5-133-10 (36350)
অপ্যরেঃ শ্যেনবচ্ছিদ্রং পশ্যেস্ৎবং বিপরিক্রমন্ ।
বিবদন্বাঽথবা তূষ্ণীং ব্যোম্নীবাপরিশঙ্কিতঃ ॥ 5-133-11 (36351)
ৎবমেবং প্রেতবচ্ছেষে কস্মাদ্বজ্রহতো যথা।
উত্তিষ্ঠ হে কাপুরুষ মা স্বাপ্সীঃ শত্রুনির্জিতঃ ॥ 5-133-12 (36352)
মাঽস্তং গমস্ৎবং কৃপণো বি শ্রূয়স্ব স্বকর্মণা ।
মা মধ্যে মা জঘন্যে ৎবং মাঽধো ভূস্তিষ্ঠ গর্জিতঃ ॥ 5-133-13 (36353)
অলাতং তিন্দুকস্যেব মুহূর্তমপি হি জ্বল ।
মা তুষাগ্নিরিবানর্চির্ধূমায়স্ব জিজীবিষুঃ ॥ 5-133-14 (36354)
মুহূর্তং জ্বলিতং শ্রেয়ো ন চ ধূমায়িতং চিরম্ ।
মা হ স্ম কস্যচিদ্গেহে জনী রাজ্ঞঃ স্বরীমৃদুঃ ॥ 5-133-15 (36355)
কৃৎবা মানুষ্যকং কর্ম সৃৎবাঽঽজিং যাবদুত্তমম্ ।
ধর্মস্যানৃণ্যমাপ্নোতি ন চাত্মানং বিগর্হতে ॥ 5-133-16 (36356)
অলব্ধ্বা যদি বা লব্ধ্বা নানুশোচতি পণ্ডিতঃ ।
আনন্তর্যং চারভতে ন প্রাণানাং ধনায়তে ॥ 5-133-17 (36357)
উদ্ভাবয়স্বং বীর্যং বা তাং বা গচ্ছ ধ্রুবাং গতিম্ ।
ধর্মং পুত্রাগ্রতঃ কৃৎবা কিংনিমিত্তং হি জীবসি ॥ 5-133-18 (36358)
ইষ্টাপূর্তং হি তে ক্লীব কীর্তিশ্চ সকলা হতা ।
বিচ্ছিন্নং ভোগমূলং তে কিংনিমিত্তং হি জীবসি ॥ 5-133-19 (36359)
শত্রুর্নিমঞ্জতা গ্রাহ্যো জঙ্ঘায়াং প্রপতিষ্যতা।
বিপরিচ্ছিন্নমূলোঽপি ন বিষীদেৎকথংচন ॥ 5-133-20 (36360)
উদ্যম্য ধুরমুৎকর্ষেদাজানেয়কতং স্মরন্।
কুরু সৎবং চ মানং চ বিদ্ধি পৌরুষমাত্মনঃ । 5-133-21 (36361)
উদ্ভাবয় কুলং মগ্নং ৎবৎকৃতে স্বয়মেব হি।
যস্য বৃত্তং ন জল্পন্তি মানবা মহদদ্ভুতম্ ॥ 5-133-22 (36362)
রাশিবর্ধনমাত্রং স নৈব স্ত্রী ন পুনঃ পুমান্ ।
দানে তপসি সত্যে চ যস্য নোচ্চরিতং যশঃ ॥ 5-133-23 (36363)
বিদ্যায়ামর্থলাভে বা মাতুরুচ্চার এব সঃ।
শ্রুতেন তপসা বাঽপি শ্রিয়া বা বিক্রমেণ বা ॥ 5-133-24 (36364)
জনান্যোঽভিভবত্যন্যান্কর্মণা হি স বৈ পুমান্ ।
ন ৎবেব জাল্মীং কাপালীং বৃত্তিমেষিতুমর্হসি ॥ 5-133-25 (36365)
নৃশংস্যাময়শস্যাং চ দুঃখাং কাপুরুষোচিতাম্।
যমেনমভিনন্দেয়ুরমিত্রাঃ পুরুষং কৃশম্ ॥ 5-133-26 (36366)
লোকস্য সমবজ্ঞাতং নিহীনাসনবাসসম্ ।
অহোলাভকরং হীনমল্পজীবনমল্পকম্ ॥ 5-133-27 (36367)
নেদৃশং বন্ধুমাসাদ্য বান্ধবঃ সুখমেধতে।
অবৃত্ত্যৈব বিপৎস্যামো বয়ং রাষ্ট্রাৎপ্রবাসিতাঃ ॥ 5-133-28 (36368)
সর্বকামরসৈর্হীনাঃ স্থানভ্রষ্টা অকিংচনাঃ ।
অবল্গুকারিণ সৎসু কুলবংশস্য নাশনম্ ॥ 5-133-29 (36369)
কলিং পুত্রপ্রবাদেন সঞ্জয় ৎবামজীজনম্ ।
নিরমর্ষং নিরুৎসাহং নির্বীর্যমরিনন্দনম্ ॥ 5-133-30 (36370)
মা স্ম সীমন্তিনী কাচিঞ্জনয়েৎপুত্রমীদৃশম্।
মা ধূমায় জ্বলাত্যন্তমাক্রম্য জহি শাত্রবান্ ॥ 5-133-31 (36371)
জ্বল মূর্ধন্যমিত্রাণাং মুহূর্তমপি বা ক্ষণম্।
এতাবানেব পুরুষো যদমর্ষী যদক্ষমী ॥ 5-133-32 (36372)
ক্ষমাবান্নিরমর্ষশ্চ নৈব স্ত্রী ন পুনঃ পুমান্ ।
সংতোষো বৈ শ্রিয়ং হন্তি তথাঽনুক্রোশ এব চ ॥ 5-133-33 (36373)
অনুত্থানভয়ে চোভে নিরীহো নাশ্রুতে মহৎ।
এভ্যো নিকৃতিপাপেভ্যঃ প্রমুঞ্চাত্মানমাত্মনা ॥ 5-133-34 (36374)
আয়সং হৃদয়ং কৃৎবা মৃগয়স্ব পুনঃ স্বকম্ ।
পরং বিষহতে যস্মাত্তস্মাৎপুরুষ উচ্যতে ॥ 5-133-35 (36375)
তমাহুর্ব্যর্থনামানং স্ত্রীবদ্য ইহ জীবতি।
শূরস্যোর্জিতসৎবস্য সিংহবিক্রান্তচারিণঃ ॥ 5-133-36 (36376)
দিষ্টভাবং গতস্যাপি বিষয়ে মোদতে প্রজা ।
য আত্মনঃ প্রিয়মুখে হিৎবা মৃগয়তে শ্রিয়ম্ ॥ 5-133-37 (36377)
অমাত্যানামথো হর্ষমাদধাত্যচিরেণ সঃ ॥ 5-133-38 (36378)
পুত্র উবাচ। 5-133-39x (3781)
কিং নু মে মামপশ্যন্ত্যাঃ পৃথিব্যা অপি সর্বয়া।
কিমাভরণকৃত্যং তে কিং ভোগৈর্জীবিতেন বা । 5-133-39 (36379)
মাতোবাচ। 5-133-40x (3782)
`পৈরর্বিহন্যমানস্য জীবিতেনাপি কিং ফলম্।'
নির্মন্যুকানাং যে লোকা দ্বিষন্তস্তানবাপ্নুয়ুঃ ।
যে ৎবাদৃতাত্মনাং লোকাঃ সুহৃদস্তান্ব্রজন্তু নঃ ॥ 5-133-40 (36380)
ভৃত্যৈর্বিহীয়মানানাং পরপিণ্ডোপজীবিনাম্।
কৃপণানামসৎবানাং মা বৃত্তিমনুবর্তিথাঃ ॥ 5-133-41 (36381)
অনু ৎবাং তাত জীবন্তু ব্রাহ্মণাঃ সুহৃদস্তথা ।
পর্যন্যমিব ভূতানি দেবা ইব শতক্রতুম্ ॥ 5-133-42 (36382)
যমাজীবন্তি পুরুষং সর্বভূতানি সংজয়।
পক্বং দ্রুমমিবাসাদ্য তস্য জীবিতমর্থবৎ॥ 5-133-43 (36383)
যস্য শূরস্য বিক্রান্তৈরেধন্তে বান্ধবাঃ সুখম্।
ত্রিদশা ইব শক্রস্য সাধু তস্যেহ জীবিতম্ ॥ 5-133-44 (36384)
স্ববাহুবলমাশ্রিত্য যোহি জীবতি মানবঃ ।
স লোকে লভতে কীর্তিং পরত্র চ শুভাং গতিম্ ॥ ॥ 5-133-45 (36385)
ইতি শ্রীমন্মাভারতে উদ্যোগপর্বণি ভগবদ্যানপর্বণি ত্রয়স্ত্রিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-133-2 মন্যুমতী দৈন্যবতী। বিভাবরী কুপিতা। বিভাবরী রজন্যাং চ বক্রয়োষিতীতি বিশ্বঃ ॥ 5-133-5 অনন্দন কুপুত্র । কুৎসার্থেঽত্র নঞ্ । 5-133-6 ক্লীবে নির্বীর্যৈ সাধনং বাহ্বাদিকং যস্য স তথা ॥ 5-133-7 মা বীভরঃ মা পালয় । প্রতিসংহর ভয়মিতি শেষঃ ॥ 5-133-10 পরাক্রমেঃ পরাক্রমং কুরু ॥ 5-133-11 বিবদন্ শত্রুজয়ার্থং অনেকান্ পক্ষানুদ্ভাবয়ন্বা তূষ্ণীংভূতোঽরেশ্ছিদ্রং পশ্যেঃ। যথা ব্যোম্নি অপরিশঙ্কিতঃ শত্রোরাধিক্যাদ্ভয়মপশ্যন্ শ্যেনস্তদ্বৎ ॥ 5-133-13 বিশ্রূয়স্ব খ্যাতো ভব। সামভেদৌ জঘন্যমধ্যমৌ । দানমধমো নীচ উপায়ঃ। দণ্ডস্তূতমঃ। তত্রাদ্যত্রয়কর্তা মাভূঃ কিংতু গর্জিতো দণ্ডয়িতৈব ভবেত্যর্থঃ । ঊর্জিত ইতি বা পাঠঃ ॥ 5-133-15 কস্যচিদ্রাজ্ঞো গেহে স্বরী গর্দভীব মৃদুঃ অকিঞ্চিন্করঃ জায়ত ইতি জনিঃ পুত্রো মাভূৎ ॥ 5-133-16 আজিং সংগ্রামম্ ॥ 5-133-17 প্রাণানাং প্রাণাঃ বলং তৎসাধ্যানাং কার্যাণাম্। আনন্তর্যং অবিচ্ছেদেন কার্যধারামারভতে । ন ধনায়তে ধনং আত্মনো নেচ্ছতি। তৃষ্ণং ত্যজতীত্যর্থঃ ॥ 5-133-18 ধ্রুবাং গতিং মরণম্, অগ্রত ইত্যুপহাসঃ। পৃষ্ঠতঃ কৃৎবেত্যর্থঃ ॥ 5-133-20 নিমজ্জতা প্রপতিষ্যতা চ শত্রুর্জঙ্ঘায়াং গ্রাহ্যঃ । তেনৈব সহ নিমজ্জেৎপতেদ্বেত্যর্থঃ । ন বিষীদেৎ নিরুদ্যমো ন ভবেৎ ॥ 5-133-21 আজানেয়াঃ জাত্যশ্বাঃ তেষাং কৃতং কর্ম যুদ্ধেঽনবসাদরূপং ॥ 5-133-22 ৎবৎকৃতে মগ্নমিতি সংবন্ধঃ । 5-133-23 রাশিবর্ধনঃ সংখ্যাপূরকো নতু প্রয়োজনান্তরার্হঃ ॥ 5-133-24 মাতুঃ উচ্চারো বিষ্ঠা ॥ 5-133-26 যং এন অমিত্রা অভিনন্দেষু তং বন্ধুং বান্ধবঃ আসাদ্য ন সুখমেধত ইতি তৃতীয়শ্লোকেন সংবন্ধঃ ॥ 5-133-27 অহোলাভকরং অল্পেঽপি লাভে অহো লাভো জাত ইতি বিস্ময়ং কুর্বাণম্ ॥ 5-133-37 দিষ্টভাবং মরণম্ ॥উদ্যোগপর্ব - অধ্যায় 134
॥ শ্রীঃ ॥
5.134. অধ্যায়ঃ 134
Mahabharata - Udyoga Parva - Chapter Topics
কুন্ত্যা বিদুলোপাখ্যানকথনম্ ॥ 1 ॥Mahabharata - Udyoga Parva - Chapter Text
5-134-0 (36386)
বিদুলোবাচ। 5-134-0x (3783)
অথৈতস্যামবস্থায়াং পৌরুষং হাতুমিচ্ছসি।
নিহীনসেবিতং মার্গং গমিষ্যস্যচিরাদিব ॥ 5-134-1 (36387)
যো হি তেজো যথাশক্তি ন কর্শয়তি বিক্রমাৎ।
ক্ষত্রিয়ো জীবিতাকাঙ্ক্ষী স্তেন ইত্যেব তং বিদুঃ ॥ 5-134-2 (36388)
অর্থবন্ত্যুপপন্নানি বাক্যানি গুণবন্তি চ।
নৈব সংপ্রাপ্নুবন্তি ৎবাং মুমূর্ষুমিব ভেষজম্ ॥ 5-134-3 (36389)
সন্তি বৈ সিন্ধুরাজস্য সন্তুষ্টা ন তথা জনাঃ।
দৌর্বল্যাদাসতে মূঢা ব্যসতৌঘপতীক্ষিণঃ ॥ 5-134-4 (36390)
সহায়োপচিতিং কৃৎবা ব্যবসায়্য ততস্ততঃ ।
অনুদুষ্যেয়ুরপরে পশ্যন্তস্তব পৌরুষম্ ॥ 5-134-5 (36391)
তৈঃ কৃৎবা সহ সংঘাতং গিরিদুর্গালয়ং চর ।
কালে ব্যসনমাকাঙ্ক্ষন্নৈবায়মজরামরঃ ॥ 5-134-6 (36392)
সঞ্জয়ো নামতশ্চ ৎবং ন চ পশ্যামি তত্ৎবয়ি ।
অন্বর্থনামা ভব মে পুত্র মা ব্যর্থনামকঃ ॥ 5-134-7 (36393)
সম্যগ্দৃষ্টির্মহাপ্রাজ্ঞো বালং ৎবাং ব্রাহ্মণোঽব্রবীৎ।
অয়ং প্রাপ্য মহৎকৃচ্ছ্রং পুনর্বৃদ্ধিং গমিষ্যতি॥ 5-134-8 (36394)
তস্য স্মরন্তী বচনমাশংসে বিজয়ং তব।
তস্মাত্তাত ব্রবীমি ৎবাং বক্ষ্যামি চ পুনঃপুনঃ ॥ 5-134-9 (36395)
যস্য হ্যর্থাভিনির্বৃত্তৌ ভবন্ত্যাপ্যায়িতাঃ পরে ।
তস্যার্থসিদ্ধির্নিয়তা নয়েষ্বর্থানুসারিণঃ ॥ 5-134-10 (36396)
সমৃদ্ধিরসমৃদ্ধির্বা পূর্বেষাং মম সঞ্জয় ।
এবং বিদ্বান্যুদ্ধমনা ভব মা প্রত্যুপাহরঃ ॥ 5-134-11 (36397)
নাতঃ পাপীয়সীং কাংচিদবস্থাং শম্বরোঽব্রবীৎ।
যত্র নৈবাদ্য ন প্রাতর্ভোজনং প্রতিদৃশ্যতে॥ 5-134-12 (36398)
পতিপুত্রবধাদেতৎপরমং দুঃখমব্রবীৎ ।
দারিদ্র্যমিতি যৎপ্রোক্তং পর্যায়মরণং হি তৎ ॥ 5-134-13 (36399)
অহং মহাকুলে জাতা হ্রদাদ্ধ্রদমিবাগতা।
ঈশ্বরী সর্বকল্যাণী ভর্ত্রা পরমপূজিতা ॥ 5-134-14 (36400)
মহার্হমাল্যাভরণাং সুমৃষ্টাম্বরবাসসম্ ।
পুরা হৃষ্টঃ সুহৃদ্বর্গো মামপশ্যৎসুহৃদ্গতাম্ ॥ 5-134-15 (36401)
যদা মাং চৈব ভার্যাং চ দ্রষ্টাসি ভৃশদুর্বলাম্ ।
ন তদা জীবিতেনার্থো ভবিতা তব সঞ্জয় ॥ 5-134-16 (36402)
দাসকর্মকরান্ভৃত্যানাচার্যর্ৎবিক্পুরোহিতান্।
অবৃত্ত্যাঽস্মান্প্রজহতো দৃষ্ট্বা কিং জীবিতেন তে ॥ 5-134-17 (36403)
যদি কৃত্যং ন পশ্যামি তবাদ্যাহং যথা পুরা ।
শ্লাঘনীয়ং যশস্যং চ কা শান্তির্হৃদয়স্য মে ॥ 5-134-18 (36404)
নেতি চেদ্ব্রাহ্মণং ব্রূয়াং দীর্যেত হৃদয়ং মম।
ন হ্যদ ন চ মে ভর্তা নেতি ব্রাহ্মণমুক্তবান্ ॥ 5-134-19 (36405)
বয়মাশ্রয়ণীয়াঃ স্ম ন শ্রোতারঃ পরস্য চ।
অন্যমাসাদ্য জীবন্তী পরিত্যক্ষ্যামি জীবিতম্ ॥ 5-134-20 (36406)
অপারে ভব নঃ পারমপ্লবে ভব নঃ প্লবঃ ।
কুরুষ্ব স্থানমস্থানে মৃতান্সঞ্জীবয়স্ব নঃ॥ 5-134-21 (36407)
সর্বে তে শত্রবঃ শক্যা ন চেঞ্জীবিতুমর্হসি ।
অথ চেদীদৃশীং বৃত্তিং ক্লীবামভ্যুপপদ্যসে ॥ 5-134-22 (36408)
নির্বিণ্ণাত্মা হতমনা মুঞ্চৈতাং পাপজীবিকাম্।
একশত্রুবধেনৈব শূরো গচ্ছতি বিশ্রুতিম্ ॥ 5-134-23 (36409)
ইন্দ্রো বৃত্রবধেনৈব মহেন্দ্রঃ সমপদ্যত।
মাহেন্দ্রং চ গ্রহং লেভে লোকানাং চেশ্বরোঽভবৎ ॥ 5-134-24 (36410)
নাম বিশ্রাব্য বৈ শঙ্খ্যে শত্রূনাহূয় দংশিতান্।
সেনাগ্রং চাপি বিদ্রাব্য হৎবা বা পুরুষং বরম্ ॥ 5-134-25 (36411)
যদৈব লভতে বীরঃ সুয়ুদ্ধেন মহদ্যশঃ ।
তদৈব প্রব্যথন্তেঽস্য শত্রবো বিনমন্তি চ ॥ 5-134-26 (36412)
ত্যক্ৎবাত্মানং রণে দক্ষং শূরং কাপুরুষা জনাঃ ।
অবশাস্তর্পয়ন্তি স্ম সর্বকামসমৃদ্ধিভিঃ ॥ 5-134-27 (36413)
রাজ্যং চাপ্যুগ্রবি ভ্রংশং সংশয়ো জীবিতস্য বা।
ন লব্ধস্য হি শত্রোর্বৈ শেষং কুর্বন্তি সাধবঃ ॥ 5-134-28 (36414)
স্বর্গদ্বারোপমং রাজ্যমথবাপ্যমৃতোপমম্ ।
রুদ্ধমেকায়নং মৎবা পতোল্মুক ইবারিষু ॥ 5-134-29 (36415)
জহি শত্রূন্রণে রাজন্স্বধর্মনুপালয় ।
মা ৎবা দৃশং সুকৃপণং শত্রূণাং ভয়বর্ধনম্ ॥ 5-134-30 (36416)
অস্মদীয়ৈশ্চ শোচিদ্ভির্নদদ্ভিশ্চ পরৈর্বৃতম্ ।
অপি ৎবাং নানুপশ্যেয়ং দীনাদ্দীনমিবাস্থিতম্ ॥ 5-134-31 (36417)
হৃপ্য সৌবীরকন্যাভিঃ শ্লাঘস্বার্থৈর্যথা পুরা।
মা চ সৈন্ধবকন্যানামবসন্নো বশং গমঃ ॥ 5-134-32 (36418)
যুবা রূপেণ সংপন্নো বিদ্যযাভিজনেন চ ।
যত্ৎবাদৃশো বিকুর্বীত যশস্বী লোকবিশ্রুতঃ ॥ 5-134-33 (36419)
অধুর্যবচ্চ বোঢব্যে মন্যে মরণমেব তৎ।
যদি ৎবামনুপশ্যামি পরস্য প্রিয়বাদিনম্ ॥ 5-134-34 (36420)
পৃষ্ঠতোঽনুব্রজন্তং বা কা শান্তির্হৃদয়স্য মে।
নাস্মিঞ্জাতু কুলে জাতো গচ্ছেদ্যোন্যস্য পৃষ্ঠতঃ । 5-134-35 (36421)
ন ৎবং পরস্যানুচরস্তাত জীবিতুমর্হসি ।
অহং হি ক্ষত্রহৃদয়ং বেদ যৎপরিশাশ্বতম্ ॥ 5-134-36 (36422)
পূর্বৈঃ পূর্বতরৈঃ প্রোক্তং পরৈঃ পরতরৈরপি।
শাশ্বতং চাব্যযং চৈব প্রজাপতিবিনির্মিতম্ ॥ 5-134-37 (36423)
যো বৈ কশ্চিদিহাজাতঃ ক্ষত্রিয়ঃ ক্ষত্রধর্মবিৎ ।
ভয়াদ্বৃত্তিসমীক্ষো বা ন নমেদিহ কস্যচিৎ ॥ 5-134-38 (36424)
উদ্যচ্ছেদেব ন নমেদুদ্যমো হ্যেব পৌরুষম্ ।
অপ্যপর্বণি ভজ্যেত ন নমেতেহ কস্যচিৎ ॥ 5-134-39 (36425)
মাতঙ্গো মত্ত ইব চ পরীয়াৎস মহামনাঃ ।
ব্রাহ্মণেভ্যো নমেন্নিত্যং ধর্মায়ৈব চ সঞ্জয় ॥ 5-134-40 (36426)
নিয়চ্ছন্নিতরান্বর্ণান্বিনিঘ্নন্সর্বদুষ্কৃতঃ।
সসহায়োঽসহায়ো বা যাবজ্জীবং তথা ভবেৎ ॥ ॥ 5-134-41 (36427)
ইতি শ্রীমন্মহাভারতে উদ্যোগপর্বণি ভগবদ্যানপর্বণি চতুস্ত্রিংশদধিকশততমোঽধ্যায়ঃ ।
Mahabharata - Udyoga Parva - Chapter Footnotes
5-134-11 পূর্বেষাং মম চ যুদ্ধে সমৃদ্ধিরসমৃদ্ধির্বাঽবশ্যংভাবিনীত্যেব বিদ্বান্ যুদ্ধমনা ভব লাভালাভৌ সমৌ কৃৎবা যুধ্যস্ৎবেতি ভাবঃ । মাপ্রত্যুপাহরঃ প্রত্যুপহারং যুদ্ধোপসংহারং মাকার্ষীরিত্যর্থঃ ॥ 5-134-18 কৃত্যং কর্তব্যং পরাক্রমম্ ॥ 5-134-20 শ্রোতারঃ পরাজ্ঞায়াঃ ॥ 5-134-22 শক্যাঃ জেতুমিতি শেষঃ ॥ 5-134-23 নির্বিণ্ণাত্মা বিরক্তচিত্তঃ । যতো হতমনা নষ্টসংকল্পঃ । বিশ্রুতিং খ্যাতিম্ ॥ 5-134-24 গ্রহং সোমপাত্রম্। প্রগ্রহমিতি পাঠে নিয়মনং নিয়ন্তৃৎবমিত্যর্থঃ ॥ 5-134-27 কাপুরুষাঃ জনাঃ রণে আত্মানং দেহং ত্যক্ৎবা রণে রক্ষং শূরং সমৃদ্ধিভিস্তর্পয়ন্তিস্মেতি সংবন্ধঃ ॥ 5-134-28 উগ্রবিভ্রংশং মহাপ্রপাতম্। জীবিতস্য সংশয়ো মরণম্। লব্ধস্য জিতস্য। শেষং পুনঃ স্বল্পেন বিভবেনাবস্থাপনম্ ॥ 5-134-29 রুদ্ধং গ্রস্তং মৎবা একায়নং স্বর্গরাজ্যযোর্মধ্যে একং মার্গং পত গচ্ছ ॥ 5-134-30 শত্রূণাং ভয়বর্ধনং ভয়চ্ছেদনম্। অনুগ্রৎবাৎ সুকৃষণং দীনং ৎবা ৎবাং মা দৃশং মাদ্রাক্ষম্ ॥ 5-134-32 হৃষ্য হর্ষং প্রাপ্নুহি । সৌবীরকন্যাভিঃ স্বদারৈঃ । মাচেতি । সৈন্ধবকন্যানাং শত্রুদেশজকন্যানাম্ ॥ 5-134-33 বিকুর্বীত অপসরণং কুর্বীত ॥ 5-134-34 অধুর্যবৎ অদান্তবৃষভবৎ। তৎ বিকারকরণম্ ॥ 5-134-36 বেদ বেদ্মি । পরিশাশ্বতং সর্বথৈবৈকরূপম্। অক্ষীণমিত্যর্থঃ ॥ 5-134-37 অব্যযং অপক্ষয়হীনং ক্ষত্রহৃদয়ং প্রোক্তমিতি পূর্বেণ সংবন্ধঃ ॥ 5-134-38 আজাতঃ সম্যগ্জাতঃ কুলে জাত ইত্যর্থঃ । য আজাতঃ স ভয়াৎকস্যচিন্ন নমেৎ। বৃত্তিসমীক্ষো বৃত্তিং সমীক্ষমাণো বা ন নমেৎ ॥ 5-134-40 পরীয়াৎ পর্যটনং কুর্যাৎ ॥ 5-134-41 দুষ্কৃতঃ পাপিষ্টান্ ॥উদ্যোগপর্ব - অধ্যায় 135
॥ শ্রীঃ ॥
5.135. অধ্যায়ঃ 135
Mahabharata - Udyoga Parva - Chapter Topics
কুন্ত্যা বিদুলোপাখ্যানকথনম্ ॥ 1 ॥Mahabharata - Udyoga Parva - Chapter Text
5-135-0 (36428)
পুত্র উবাচ। 5-135-0x (3784)
কৃষ্ণায়সস্যেব চ তে সংহত্য হৃদয়ং কৃতম্।
মম মাতস্ৎবকরুণে বীরপ্রজ্ঞে হ্যমর্ষণে ॥ 5-135-1 (36429)
অহো ক্ষত্রসমাচারো যত্র মামিতরং যথা।
নিয়োজয়সি যুদ্ধায় পরমাতেব মাং তথা ॥ 5-135-2 (36430)
ঈদৃশং বচনং ব্রূয়াদ্ভবতী পুত্রমেকজম্ ।
কিং নু তে মামপশ্যন্ত্যাঃ পৃথিব্যা অপি সর্বয়া ॥ 5-135-3 (36431)
কিমাভরণকৃত্যেন কিং ভোগৈর্জীবিতেন বা।
ময়ি বা সঙ্গরহতে প্রিয়পুত্রে বিশেষতঃ ॥ 5-135-4 (36432)
মাতোবাচ। 5-135-5x (3785)
সর্বাবস্থা হি বিদুষাং তাত ধর্মার্থকারণাৎ ।
তাবেবাভিসমীক্ষ্যাহং সঞ্জয় ৎবামচূজুদম্ ॥ 5-135-5 (36433)
স সমীক্ষ্য ক্রমোপেতো মুখ্যঃ কালোঽয়মাগতঃ।
অস্মিংশ্চেদাগতে কালে কার্যং ন প্রতিপদ্যসে ॥ 5-135-6 (36434)
অসংভাবিতরূপস্ৎবমানৃশংস্যং করিষ্যসি ।
তং ৎবাময়শসা স্পৃষ্টং ন ব্রূয়াং যদি সঞ্জয় ॥ 5-135-7 (36435)
খরীবাৎসল্যমাহুস্তন্নিঃসামর্থ্যমহেতুকম্ ।
সদ্ভির্বিগর্হিতং মার্গং ত্যজ মূর্খনিষেবিতম্ ॥ 5-135-8 (36436)
অবিদ্যা বৈ মহত্যস্তি যামিমাং সংশ্রিতাঃ প্রজাঃ ।
তব স্যাদ্যদি সদ্বৃত্তং তেন মে ৎবং প্রিয়ো ভবেঃ ॥ 5-135-9 (36437)
ধর্মার্থগুণয়ুক্তেন নেতরেণ কথঞ্চন।
দৈবমানুষয়ুক্তেন সদ্ভিরাচরিতেন চ॥ 5-135-10 (36438)
যো হ্যেবমবিনীতেন রমতে পুত্রনপ্তৃণা।
অনুত্থানবতা চাপি দুর্বিনীতেন দুর্ধিয়া ॥ 5-135-11 (36439)
রমতে যস্তু পুত্রেণ মোঘং তস্য প্রজাফলম্।
অকুর্বন্তো হি কর্মাণি কুর্বন্তো নিন্দিতানি চ ॥ 5-135-12 (36440)
সুখং নৈবেহ নামুত্র লভন্তে পুরুষাধমাঃ ।
যুদ্ধায় ক্ষত্রিয়ঃ সৃষ্টঃ সঞ্জয়েহ জয়ায় চ ।
`ক্রূরায় কর্মণে নিত্যং প্রজানাং পরিপালনে ॥' 5-135-13 (36441)
জয়ন্বা বধ্যমানো বা প্রাপ্নোতীন্দ্রসলোকতাম্ ।
ন শক্রভবনে পুণ্যে দিবি তদ্বিদ্যতে সুখম্।
যদমিত্রান্বশে কৃৎবা ক্ষত্রিয়ঃ সুখমেধতে ॥ 5-135-14 (36442)
মন্যুনা দহ্যমানেহ পুরুষেণ মনস্বিনা ।
নিকৃতেনেহ বহুশঃ শত্রূন্প্রতি জিগীষয়া ॥ 5-135-15 (36443)
আত্মানং বা পরিত্যজ্য শত্রুং বা বিনিপাত্য চ।
প্রাপ্যতে নেহ শান্তির্হি নিত্যমেব তু সঞ্জয় ।
অতোন্যেন প্রকারেণ শান্তিরস্য কুতো ভবেৎ ॥ 5-135-16 (36444)
ইহ প্রাজ্ঞো হি পুরুষঃ স্বল্পমপ্রিয়মিচ্ছতি।
যস্য স্বল্পং প্রিয়ং লোকে ধ্রুবং তস্যাল্পমপ্রিয়ম্ ॥ 5-135-17 (36445)
প্রিয়াভাবাচ্চ পুরুষো নৈব প্রাপ্নোতি শোভনম্ ।
ধ্রুবং চাভাবমভ্যেতি গৎবা গঙ্গেব সাগরম্ ॥ 5-135-18 (36446)
পুত্র উবাচ। 5-135-19x (3786)
নেয়ং মতিস্ৎবয়া বাচ্যা মাতঃ পুত্রে বিশেষতঃ ।
কারুণ্যমেব পশ্য ৎবং ভূৎবেহ জডমূকবৎ ॥ 5-135-19 (36447)
মাতোবাচ। 5-135-20x (3787)
অতো মে ভূয়সী নন্দির্যদেবমনুপশ্যসি।
চোদ্যং মাং চোদয়স্যেতদ্ভৃশং বৈ চোদয়ামি তে ॥ 5-135-20 (36448)
অথ ৎবাং পূজয়িষ্যামি হৎবা বৈ সর্বসৈন্ধবান্।
অহং পশ্যামি বিজয়ং কৃচ্ছ্রভাবিনমেব তে ॥ 5-135-21 (36449)
পুত্র উবাচ। 5-135-22x (3788)
অকোশস্যাসহায়স্য কুতঃ সিদ্ধির্জয়ো মম।
ইত্যবস্থাং বিদিৎবৈতামাত্মনাত্মনি দারুণাম্ ॥ 5-135-22 (36450)
রাজ্যাদ্ভাবো নিবৃত্তো মে ত্রিদিবাদিব দৃষ্কৃতঃ ।
ঈদৃশং ভবতী কংচিদুপায়মনুপশ্যতি॥ 5-135-23 (36451)
তন্মে পরিণতপ্রজ্ঞে সম্যক্প্রব্রূহি পৃচ্ছতে।
করিষ্যামি হি তৎসর্বং যথাবদনুশাসনম্ ॥ 5-135-24 (36452)
মাতোবাচ। 5-135-25x (3789)
পুত্র নাত্মাবমন্তব্যঃ পূর্বাভিরসমৃদ্ধিভিঃ ।
অভূৎবা হি ভবন্ত্যর্থা ভূৎবা নশ্যন্তি চাপরে।
অমর্ষেণৈব চাপ্যর্থা নারব্ধব্যাঃ সুবালিশৈঃ ॥ 5-135-25 (36453)
সর্বেষাং কর্মণাং তাত ফলে নিত্যমনিত্যতা।
অনিত্যমিতি জানন্তো ন ভবন্তি ভবন্তি চ ॥ 5-135-26 (36454)
অথ যে নৈব কুর্বন্তি নৈব জাতু ভবন্তি তে।
ঐকগুণ্যমনীহায়ামভাবঃ কর্মণাং ফলম্ ॥ 5-135-27 (36455)
অথ দ্বৈগুণ্যমীহায়াং ফলং ভবতি বা নবা ।
যস্য প্রাগেব বিদিতা সর্বার্থানামনিত্যতা ॥ 5-135-28 (36456)
নুদেদ্বৃদ্ধিসমৃদ্ধী স প্রতিকূলে নৃপাত্মজ ।
উত্থাতব্যং জাগৃতব্যং যোক্তব্যং ভূতিকর্মসু ॥ 5-135-29 (36457)
ভবিষ্যতীত্যেব মনঃ কৃৎবা সততমব্যথৈঃ ।
মঙ্গলানি পুরস্কৃত্য ব্রাহ্মণাংশ্চেশ্বরৈঃ সহ ॥ 5-135-30 (36458)
প্রাজ্ঞস্য নৃপতেরাশু বৃদ্ধির্ভবতি পুত্রক ।
অভিবর্ততি লক্ষ্মীস্তং প্রাচীমিব দিবাকরঃ ॥ 5-135-31 (36459)
নিদর্শনান্যুপায়াংশ্চ বহূন্যুদ্ধর্ষণানি চ।
অনুদর্শিতরূপোঽসি পশ্যামি কুরু পৌরুষম্ ॥ 5-135-32 (36460)
পুরুষার্থমভিপ্রেতং সমাহর্তুমিহার্হসি।
ক্রুদ্ধান্লুব্ধান্পরিক্ষীণানবলিপ্তান্বিমানিতান্ ॥ 5-135-33 (36461)
স্পর্ধিনশ্চৈব যে কেচিত্তান্যুক্ত উপধারয়।
এতেন ৎবং প্রকারেণ মহতো ভেৎস্যসে গণান্।
মহাবেগ ইবোদ্ধূতো মাতরিশ্বা বলাহকান্ ॥ 5-135-34 (36462)
তেষামগ্রপ্রদায়ী স্যাঃ কল্পোত্থায়ী প্রিয়ংবদঃ ।
তে ৎবাং প্রিয়ং করিষ্যন্তি পুরোধাস্যন্তি চ ধ্রুবম্ ॥ 5-135-35 (36463)
যদৈব শত্রুর্জানীয়াৎসপত্নং ত্যক্তজীবিতম্।
তদৈবাস্মাদুদ্বিজেত সর্পাদ্বেশ্মগতাদিব ॥ 5-135-36 (36464)
তং বিদিৎবা পরাক্রান্তং বশে ন কুরুতে যদি।
নির্বাদৈর্নির্বদেদেনমন্ততস্তদ্ভবিষ্যতি ॥ 5-135-37 (36465)
নির্বাদাদাস্পদং লব্ধা ধনবৃদ্ধির্ভবিষ্যতি।
ধনবন্তং হি মিত্রাণি ভজন্তে চাশ্রয়ন্তি চ ॥ 5-135-38 (36466)
স্খলিতার্থং পুনস্তানি সন্ত্যজন্তি চ বান্ধবাঃ ।
নহ্যস্মিন্নাশ্রয়ন্তে চ জুগুপ্সন্তে চ তাদৃশম্ ॥ 5-135-39 (36467)
শত্রুং কৃৎবা যঃ সহায়ং বিশ্বাসমুপগচ্ছতি।
স ন সংভাব্যমেবৈতদ্যদ্রাজ্যং প্রাপ্নুয়াদিতি ॥ ॥ 5-135-40 (36468)
ইতি শ্রীমন্মহাভারতে উদ্যোগপর্বণি ভগবদ্যানপর্বণি পঞ্চত্রিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-135-1 কৃষ্ণায়সস্য লোহস্য । সংহত্য ণিণ্ডীকৃত্য ॥ 5-135-3 একজং অভ্রাতৃকম্ ॥ 5-135-5 সর্বাবস্থা গার্হস্থ্যাদিরূপা। তাবেব ধর্মার্থাবেব। অচূচুদং প্রেরিতবত্যস্মি ॥ 5-135-6 সমীক্ষ্য ক্রমোপেতঃ দ্রষ্টুং যোগ্যেন পরাক্রমেণ যুক্তঃ । অস্মিন্কালে চেৎ কার্যং কর্তব্যং যুদ্ধং ন প্রতিপদ্যসে ॥ 5-135-7 আনৃশংস্যং শত্রুষু স্বদেহে বা দয়াংকরিষ্যসি তর্হি ৎবং অসংভাবিতরূপস্তিরস্কৃতরূপো ভবিষ্যসীতি সংবন্ধঃ ॥ 5-135-8 স্বরীতি। উভয়লোকানুপয়ুক্তেপি পুত্রে বৃথা বাৎসল্যং খরী করোতি তদ্বদহমপি স্যামিত্যর্থঃ ॥ 5-135-10 ধর্মার্থেতি। ৎবয়া ভাব্যমিতি শেষঃ ॥ 5-135-15 প্রস্থাতব্যমেবেতি শেষঃ ॥ 5-135-17 স্বল্পমৈশ্বর্যং অপ্রিয়মনিষ্টং ইচ্ছতি মন্যতে প্রাজ্ঞঃ। যস্য তু অল্পমেবৈশ্বর্যং প্রিয়ং তস্য ধ্রুবং নিশ্চিতং তদেবাল্পং প্রিয়ৎবেন গৃহীতং অপ্রিয়মনর্থকরং স্যাৎ। তেন রাজ্ঞাঽল্পসংতুষ্টেন ন ভবিতব্যমিত্যর্থঃ ॥ 5-135-18 অভাবং নাশম্ ॥ 5-135-19 পশ্য হিতৎবেনেতি শেষঃক ॥ 5-135-20 অতো বচনাৎ মে মম ভূয়সী নন্দিঃ সমৃদ্ধিঃ ভবিতেতি শেষঃ। যৎ এবং কারুণ্যং দেহে কৃপাং অনুপশ্যসি হিতৎবেন । এবংসত্যপি ৎবমেব চোদ্যং পূর্বপক্ষং চোদয়সি প্রেরয়সি কারুণ্যং কুর্বিতি। অথাপি বজ্রহৃদয়াহং তে তুভ্যং চোদয়ামি ॥ 5-135-21 সৈন্ধবান্ হৎবা কৃচ্ছ্রেণ ভাবিনং তে তব বিজয়ং যদা পশ্যামি দ্রক্ষ্যামি অথ ৎবাং পূজয়িষ্যামীতি যোজনা ॥ 5-135-22 এতাং অবস্থাং দারুণামাত্মনি আত্মনা স্বয়ং বিদিৎবা । মে মম ভাবশ্চিত্তং রাজ্যান্নিবৃত্ত ইত্যুত্তরেণ সংবন্ধঃ ॥ 5-135-29 বৃদ্ধিঃ পীডা। বৃধু হিংসায়ামিত্যস্য রূপম্। সমৃদ্ধিরৈশ্বর্যম্। আত্মনঃ পীডাং পরস্যৈর্শ্বং চ নুদেদিত্যর্থঃ ॥ 5-135-35 তেষাং ক্রুদ্ধাদীনাং অগ্রপ্রদায়ী। ভক্তং বেতনং চ সর্বেভ্যঃ প্রথমং দেয়ম্। ন চেৎসদ্যঃ কুপিতাস্তে ত্যজেয়ুরিত্যর্থঃ ॥ 5-135-36 এনং নির্বাদৈঃ পরিনিষ্ঠিতৈর্দূতৈর্নির্বদেৎ পরিনিষ্ঠাং প্রাপয়েৎ। সাম্না দানেন বা তং পর্যবস্থাপয়েদিত্যর্থঃ । অন্ততঃ ফলতঃ তৎ শর্ত্রার্বশীকরণং ভবিষ্যতি ॥ 5-135-37 তত্রোপায়মাহ নির্বাদাদিতি। এবং পরিনিষ্ঠিততয়া আস্পদং স্থানং প্রাপ্তং চেৎ শত্রুণাঽনুপদ্রুতস্য ধনবৃদ্ধ্যাদিকং সর্বং সেৎস্যতীত্যর্থঃ ॥উদ্যোগপর্ব - অধ্যায় 136
॥ শ্রীঃ ॥
5.136. অধ্যায়ঃ 136
Mahabharata - Udyoga Parva - Chapter Topics
বিদুলোপাখ্যানোপসংহারঃ ॥ 1 ॥ বিদুলোপাখ্যানশ্রবণফলকথনম্ ॥ 2 ॥Mahabharata - Udyoga Parva - Chapter Text
5-136-0 (36469)
মাতোবাচ। 5-136-0x (3790)
নৈব রাজ্ঞা দরঃ কার্যো জাতু কস্যাংচিদাপদি।
অথ চেদপি দীর্ণঃ স্যান্নৈব বর্তেত দীর্ণবৎ ॥ 5-136-1 (36470)
দীর্ণং হি দৃষ্ট্বা রাজানং সর্বমেবানুদীর্যতে।
রাষ্ট্রং বলমমাত্যাশ্চ পৃথক্কুর্বন্তি তে মতীঃ ॥ 5-136-2 (36471)
শত্রুনেকে প্রপদ্যন্তে প্রজহত্যপরে পুনঃ ।
অন্যে তু প্রজিহীর্ষন্তি যে পুরস্তাদ্বিমানিতাঃ ॥ 5-136-3 (36472)
য এবাত্যন্তসুহৃদস্ত এনং পর্যুপাসতে।
অশক্তয়ঃ স্বস্তিকামা বদ্ধবৎসা ইলা ইব ॥ 5-136-4 (36473)
শোচন্তমনুশোচন্তি পতিতানিব বান্ধবান্ ।
অপি তে পূজিতাঃ পূর্বমপি তে সুহৃদো মতাঃ ॥ 5-136-5 (36474)
যে রাষ্ট্রমভিমন্যন্তে রাজ্ঞো ব্যসনমীয়ুষঃ ।
মা দীদরস্ৎবং সুহৃদো মা ৎবাং দীর্ণং প্রহাসিষুঃ ॥ 5-136-6 (36475)
প্রভাবং পৌরুষং বুদ্ধিং জিজ্ঞাসন্ত্যা ময়া তব।
বিদধত্যা সমাশ্বাসমুক্তং তেজোবিবৃদ্ধয়ে ॥ 5-136-7 (36476)
যদেতৎসংবিজানাসি যদি সম্যগ্ব্রবীম্যহম্।
কৃৎবা সৌম্যমিবাত্মানং জায়ায়োত্তিষ্ঠ সঞ্জয় ॥ 5-136-8 (36477)
অস্তি নঃ কোশনিচয়ো মহানবিদিতস্তব।
তমহং বেদ নান্যস্তমুপসংপাদয়ামি তে ॥ 5-136-9 (36478)
সন্তি নৈকশতা ভূয়ঃ সুহৃদস্তব সঞ্জয় ।
সুখদুঃখসহা বীর সংগ্রামাদনিবর্তিনঃ ॥ 5-136-10 (36479)
তাদৃশা হি সহায়া বৈ পুরুষস্য বুভূষতঃ।
ইষ্টং জিহীর্ষতঃ কিংচিৎসচিবাঃ শত্রুকর্শন ॥ 5-136-11 (36480)
তস্যাস্ৎবীদৃশকং বাক্যং শ্রুৎবাপি স্বল্পচেতসঃ ।
তমস্ৎবপাগমত্তস্য সুচিত্রার্থপদাক্ষরম্ ॥ 5-136-12 (36481)
পুত্র উবাচ। 5-136-13x (3791)
উদকে নৌরিয়ং ধার্যা বক্তব্যং প্রবণে ময়া।
যস্য মে ভবতী নেত্রী ভবিষ্যদ্ভূতিদর্শিনী ॥ 5-136-13 (36482)
অহং হি বচনং ৎবত্তঃ শুশ্রূষুরপরাপরম্ ।
কিঞ্চিৎকিঞ্চিৎপ্রতিবদংস্তূষ্ণীমাসং মুহুর্মুহুঃ ॥ 5-136-14 (36483)
অতৃপ্যন্নমৃতস্যেব কৃচ্ছ্রাল্লব্ধস্য বান্ধবাৎ।
উদ্যচ্ছাম্যেষ শত্রূণাং নিয়মার্থং জায়য চ ॥ 5-136-15 (36484)
কুন্ত্যুবাচ। 5-136-16x (3792)
সদশ্চ ইব স ক্ষিপ্তঃ প্রণুন্নো বাক্যসায়কৈঃ।
তচ্চকার তথা সর্বং যথাবদনুশাসনম্ ॥ 5-136-16 (36485)
ইদমুদ্ধর্ষণং ভীমং তেজোবর্ধনমুত্তমম্ ।
রাজানং শ্রাবয়েন্মন্ত্রী সীদন্তং শত্রুপীডিতম্ ॥ 5-136-17 (36486)
জয়ো নামেতিহাসোঽয়ং শ্রোতব্যো বিজিগীষুণা।
মহীং বিজয়তে ক্ষিপ্রং শ্রুৎবা শত্রূংশ্চ মর্দতি ॥ 5-136-18 (36487)
ইদং পুংসবনং চৈব বীরাজননমেব চ।
অভীক্ষ্ণং গর্ভিণী শ্রুৎবা ধ্রুবং বীরং প্রজায়তে ॥ 5-136-19 (36488)
বিদ্যাশূরং তপঃশূরং দানশূরং তপস্বিনম্ ।
ব্রাহ্ময়া শ্রিয়া দীপ্যমানং সাধুবাদে চ সংমতম্ ॥ 5-136-20 (36489)
অর্চিষ্মন্তং বলোপেতং মহাভাগং মহারথম্ ।
ধৃতিমন্তমনাধৃষ্যং জেতারমপরাজিতম্ ॥ 5-136-21 (36490)
নিয়ন্তারমসাধূনাং গোপ্তারং ধর্মচারিণাম্ ।
ঈদৃশং ক্ষত্রিয়া সূতে বীরং সত্যপরাক্রমম্ ॥ ॥ 5-136-22 (36491)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ষট্ত্রিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-136-1 দরো ভয়ম্ ॥ 5-136-4 ইলা ধেনবঃ ॥ 5-136-10 শতার্হা অনিবর্তিন ইতি কo খo পাঠঃ। শতার্হাঃ শতবেতনয়োগ্যা ইতি রত্নগর্ভঃ ॥ 5-136-12 স্বল্পচেতসোপি তস্য তমোপাগমদিতি সংবন্ধঃ ॥ 5-136-13 উদকে ভূরিয়ং ধার্যা মর্তব্যং প্রবণে ময়া ইতি ঝo পাঠঃ । তত্রায়মর্থঃ। উদকে মজ্জন্তীব ভূঃ পিত্র্যং রাজ্যং ।(ধূরিতি পাঠেপি স এবার্থঃ) ইয়ং ময়া ধার্যা মগ্নং রাজ্যং বা উদ্ধর্তব্যম্। প্রবণে প্রপাতে বা যুদ্ধাখ্যে বা মর্তব্যং নতু এবমেব নির্ব্যাপারেণ স্থেয়ম্। নেত্রী শিক্ষয়িত্রী। উদকে সূর্যবদ্যস্মিন্সক্তব্যং প্রবণে ময়া ইতি ডo পাঠঃ ॥ 5-136-14 অপরাপরং উত্তরোত্তরম্। প্রতিবদন্ প্রতিকূলং বদন্ ॥ 5-136-15 বান্ধবাৎ বন্ধুতঃ । উদ্যচ্ছামি উদ্যমং করোমি। নিয়মার্থং নিগ্রহার্থম্ ॥ 5-136-19 পুংসবনং পুত্রপ্রসবকরম্ ॥উদ্যোগপর্ব - অধ্যায় 137
॥ শ্রীঃ ॥
5.137. অধ্যায়ঃ 137
Mahabharata - Udyoga Parva - Chapter Topics
কুন্ত্যা শ্রীকৃষ্ণে অর্জুনাদীন্প্রতি বক্তব্যসংদেশকথনম্ ॥ 1 ॥ শ্রীকৃষ্ণস্য স্বরথমারোপিতেন কর্ণেন সহ সংভাষণপূর্বকমুপপ্লাব্যং প্রত্যাগমনম্ ॥ 2 ॥Mahabharata - Udyoga Parva - Chapter Text
5-137-0 (36492)
কুন্ত্যুবাচ। 5-137-0x (3793)
অর্জুনং কেশব ব্রূয়াস্ৎবয়ি জাতে স্ম সূতকে।
উপোপবিষ্টা নারীভিরাশ্রমে পরিবারিতা ॥ 5-137-1 (36493)
অথান্তরিক্ষে বাগাসীদ্দিব্যরূপা মনোরমা ।
সহস্রাক্ষসমঃ কুন্তি ভবিষ্যত্যেষ তে সুতঃ । 5-137-2 (36494)
এষ জেষ্যতি সঙ্গ্রামে কুরূন্সর্বান্সমাগতান্।
ভীমসেনদ্বিতীয়শ্চ লোকমুদ্বর্তয়িষ্যতি ॥ 5-137-3 (36495)
পুত্রস্তে পৃথিবীং জেতা যশশ্চাস্য দিবং স্পৃশেৎ।
হৎবা কুরূংশ্চ সঙ্গ্রামে বাসুদেবসহায়বান্ ॥ 5-137-4 (36496)
পিত্র্যমংশং প্রনষ্টং চ পুনরপ্যুদ্ধরিষ্যতি ।
ভ্রাতৃভিঃ সহিতঃ শ্রীমাংস্ত্রীন্মেধানাহরিষ্যতি ॥ 5-137-5 (36497)
স সত্যসন্ধো বীভৎসুঃ সব্যসাচী যথাচ্যুত ।
তথা ৎবমেব জানাসি বলবন্তং দুরাসদম্ ॥ 5-137-6 (36498)
তথা তদস্তু দাশার্হ যথা বাগভ্যভাষত ।
ধর্মশ্চেদস্তি বার্ষ্ণেয় তথা সত্যং ভবিষ্যতি ॥ 5-137-7 (36499)
ৎবং চাপি তত্তথা কৃষ্ণ সর্বং সংপাদয়িষ্যসি ।
নাহং তদভ্যসূয়ামি যথা বাগভ্যভাষত ॥ 5-137-8 (36500)
নমো ধর্মায় মহতে ধর্মো ধারয়তি প্রজাঃ ।
এতদ্ধনঞ্জয়ো বাচ্যো নিত্যোদ্যুক্তো বৃকোদরঃ ॥ 5-137-9 (36501)
যদর্থং ক্ষত্রিয়া সূতে তস্য কালোঽয়মাগতঃ।
ন হি বৈরং সমাসাদ্য সীদন্তি পুরুষর্ষভাঃ ॥ 5-137-10 (36502)
বিদিতা তে সদা বুদ্ধির্ভীমস্য ন স শাম্যতি।
যাবদন্তং ন কুরুতে শত্রূণাং শত্রুকর্শনঃ ॥ 5-137-11 (36503)
তাবদেব মহাপবাহুর্নিশাসু ন সুখং লভেৎ।
সর্বধর়্মবিশেষজ্ঞাং স্নুষাং পাণ্ডোর্মহাত্মনঃ ।
ব্রূয়া মাধব কল্যাণীং কৃষ্ণ কৃষ্ণাং যশস্বিনীম্ ॥ 5-137-12 (36504)
যুক্তমেতন্মহাভাগে কুলে জাতে যশস্বিনি ।
যন্মে পুত্রেষু সর্বেষু যথাবত্ৎবমবর্তিথাঃ ॥ 5-137-13 (36505)
মাদ্রীপুত্রৌ চ বক্তব্যৌ ক্ষত্রধর্মরতাবুভৌ ।
বিক্রমেণার্জিতান্ভোগান্বৃণীতং জীবিতাদপি ॥ 5-137-14 (36506)
বিক্রমাধিগতা হ্যর্থাঃ ক্ষত্রধর্মেণ জীবতঃ ।
মনো মনুষ্যস্য সদা প্রীণন্তি পুরুষোত্তম ॥ 5-137-15 (36507)
যচ্চ বঃ প্রেক্ষমাণানাং সর্বধর্মোপচায়িনাম্।
পাঞ্চালী পরুষাণ্যুক্তকা কো নু তৎক্ষন্তুমর্হতি ॥ 5-137-16 (36508)
ন রাজ্যহরণং দুঃখং দ্যূতে চাপি পরাজয়ঃ।
প্রব্রাজনং সুতানাং বা ন মে তদ্দুঃখকারণম্ ॥ 5-137-17 (36509)
যত্র সা বৃহতী শ্যামা সভায়াং রুদতী তদা।
অশ্রৌষীৎপরুষা বাচস্তন্মে দুঃখতরং মহৎ ॥ 5-137-18 (36510)
স্ত্রীধর্মিণী বরারোহা ক্ষত্রধর্মরতা সদা।
নাধ্যগচ্ছত্তদা নাথং কৃষ্ণা নাথবতী সতী ॥ 5-137-19 (36511)
তং বৈ ব্রূহি মহাবাহো সর্বশস্ত্রভৃতাং বরম্ ।
অর্জুনং পুরুষব্যাঘ্রং দ্রৌপদ্যাঃ পদবীং চর ॥ 5-137-20 (36512)
বিদিতং হি তবাত্যন্তং ক্রূদ্ধাবিব যমান্তকৌ ।
ভীমার্জুনৌ নয়েতাং হি দেবানপি পরাং গতিম্ ॥ 5-137-21 (36513)
তয়োশ্চৈতদবজ্ঞানং যৎসা কৃষ্ণা সভাগতা।
দুঃশাসনশ্চ যদ্ভীমং কটুকান্যভ্যভাষত॥ 5-137-22 (36514)
পশ্যতাং কুরুবীরাণাং তচ্চ সংস্মারয়েঃ পুনঃ ।
পাণ্ডবান্কুশলং পৃচ্ছেঃ সপুত্রান্কৃষ্ণয়া সহ ॥ 5-137-23 (36515)
মাং বৈ কুশলিনীং ব্রূয়াস্তেষু ভূয়ো জনার্দন ।
অরিষ্টং গচ্ছ পন্থানং পুত্রান্মে প্রতিপালয় ॥ 5-137-24 (36516)
বৈশম্পায়ন উবাচ। 5-137-25x (3794)
অভিবাদ্যাথ তাং কৃষ্ণঃ কৃৎবা চাপি প্রদক্ষিণম্।
নিশ্চক্রাম মহাবাহুঃ সিংহখেলগতিস্ততঃ ॥ 5-137-25 (36517)
ততো বিসর্জয়ামাস ভীষ্মাদীন্কুরুপুঙ্গবান্।
আরোপ্যাথ রথে কর্ণং প্রায়াৎসাত্যকিনা সহ ॥ 5-137-26 (36518)
ততঃ প্রয়াতে দাশার্হে কুরবঃ সঙ্গতা মিথঃ ।
জজল্পুর্মহদাশ্চর্যং কেশবে পরমাদ্ভুতম্ ॥ 5-137-27 (36519)
প্রমূঢা পৃথিবী সর্বা মৃত্যুপাশবশীকৃতা ।
দুর্যোধনস্য বালিশ্যান্নৈতদস্তীতি চাব্রুবন্ ॥ 5-137-28 (36520)
ততো নির্যায় নগরাৎপ্রয়যৌ পুরুষোত্তমঃ ।
মন্ত্রয়ামাস চ তদা কর্ণেন সুচিরং সহ ॥ 5-137-29 (36521)
বিসর্জয়িৎবা রাধেয়ং সর্বয়াদবনন্দনঃ।
ততো জবেন মহতা তূর্ণমশ্বানচোদয়ৎ ॥ 5-137-30 (36522)
তে পিবন্ত ইবাকাশং দারুকেণ প্রচোদিতাঃ ।
হয়া জগ্মুর্মহাবেগা মনোমারুতরংহসঃ ॥ 5-137-31 (36523)
তে ব্যতীত্য মহাধ্বানং ক্ষিপ্রং শ্যেনা ইবাশুগাঃ ।
উচ্চৈর্জগ্মুরুপপ্লাব্যং শার্ঙ্গধন্বানমাবহন্ ॥ ॥ 5-137-32 (36524)
ইতি শ্রীমন্মহাভারতে উদ্যোগপর্বণি ভগবদ্যানপর্বণি সপ্তত্রিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-137-3 উদ্বর্তয়িষ্যতি আকুলীকরিষ্যতি। লোকং শত্রুজনম্ ॥ 5-137-5 মেধান্ অশ্বমেধান্ ॥ 5-137-16 ধর্মোপচায়িনাং ধর্মবর্ধনশীলানাম্ ॥ 5-137-20 পদবীং চর মার্গমনুসর ॥ 5-137-28 নৈতদস্তি। রাষ্ট্রমিতি শেষঃ ॥ 5-137-29 নির্যায় নির্গত্য ॥ 5-137-32 উপপ্লাব্যং বিরাটনগরম্ ॥উদ্যোগপর্ব - অধ্যায় 138
॥ শ্রীঃ ॥
5.138. অধ্যায়ঃ 138
Mahabharata - Udyoga Parva - Chapter Topics
ভীষ্মদ্রোণাভ্যাং কুন্তীবাক্যং শ্রুৎবা সমীপস্থং দুর্যোধনং প্রতি পাণ্ডবানাং কুন্তীনিদেশানতিলঙ্ঘিৎবকথনপূর্বকং পাণ্ডবৈঃ সহ সন্ধিবিধানম্ ॥ 1 ॥Mahabharata - Udyoga Parva - Chapter Text
5-138-0 (36525)
বৈশম্পায়ন উবাচ। 5-138-0x (3795)
কুন্ত্যাস্তু বচনং শ্রুৎবা ভীষ্মদ্রোণৌ মহারথৌ।
দুর্যোধনমিদং বাক্যমূচতুঃ শাসনাতিগম্ ॥ 5-138-1 (36526)
শ্রুতং তে পুরুষব্যাঘ্র কুন্ত্যাঃ কৃষ্ণস্য সংনিধৌ ।
বাক্যমর্থবদত্যুগ্রমুক্তং ধর্ম্যমনুত্তমম্ ॥ 5-138-2 (36527)
তৎকরিষ্যন্তি কৌন্তেয়া বাসুদেবস্য সংমতম্ ।
ন হি তে জাতু শাম্যেরন্নৃতে রাজ্যেন কৌরব ॥ 5-138-3 (36528)
ক্লেশিতা হি ৎবয়া পার্থা ধর্মপাশসিতাস্তদা।
সভায়াং দ্রৌপদী চৈব তৈশ্চ তন্মর্ষিতং তব ॥ 5-138-4 (36529)
কৃতাস্ত্রং হ্যর্জুনং প্রাপ্য ভীমং চ কৃতনিশ্চয়ম্ ।
গাণ্ডীবং চেষুধী চৈব রথং চ ধ্বজমেব চ ॥ 5-138-5 (36530)
নকুলং সহদেবং চ বলবীর্যসমন্বিতৌ ।
সহায়ং বাসুদেবং চ ন ক্ষংস্যতি যুধিষ্ঠিরঃ ॥ 5-138-6 (36531)
প্রত্যক্ষং তে মহাবাহো যথা পার্থেন ধীমতা ।
বিরাটনগরে পূর্বং সর্বে স্ম যুধি নির্জিতাঃ ॥ 5-138-7 (36532)
দানবা ঘোরকর্মাণো নিবাতকবচা যুধি।
রৌদ্রমস্ত্রং সমাদায় দগ্ধা বানরকেতুনা ॥ 5-138-8 (36533)
কর্ণপ্রভৃতয়শ্চেমে ৎবং চাপি কবচী রথী।
মোক্ষিতো ঘোষয়াত্রায়াং পর্যাপ্তং তন্নিদর্শনম্ ॥ 5-138-9 (36534)
প্রশাম্য ভরতশ্রেষ্ঠ ভ্রাতৃভিঃ সহ পাণ্ডবৈঃ ।
রক্ষেমাং পৃথিবীং সর্বাং মৃত্যোর্দংষ্ট্রান্তরং গতাম্ ॥ 5-138-10 (36535)
জ্যেষ্ঠো ভ্রাতা ধর্মশীলো বৎসলঃ শ্লক্ষ্ণবাক্কবিঃ ।
তং গচ্ছ পুরুষব্যাঘ্রং ব্যপনীয়েহ কিল্বিষম্ ॥ 5-138-11 (36536)
দৃষ্টশ্চেত্ৎবং পাণ্ডবেন ব্যপনীতশরাসনঃ ।
প্রশান্তভ্রুকুটিঃ শ্রীমান্কৃতা শান্তিঃকুলস্য নঃ॥ 5-138-12 (36537)
তমভ্যেত্য সহামাত্যঃ পরিষ্বজ্য নৃপাত্মজম্ ।
অভিবাদয় রাজানং যথাপূর্বমরিন্দম ॥ 5-138-13 (36538)
অভিবাদয়মানং ৎবাং পাণিভ্যাং ভীমপূর্বজঃ ।
প্রতিগৃহ্ণাতু সৌহার্দাৎকুন্তীপুত্রো যুধিষ্ঠিরঃ ॥ 5-138-14 (36539)
সিংহস্কন্ধোরুবাহুস্ৎবাং বৃত্তায়তমহাভুজঃ ।
পরিষ্বজতু বাহুভ্যাং ভীমঃ প্রহরতাং বরঃ ॥ 5-138-15 (36540)
কম্বুগ্রীবো গুডাকেশস্ততস্ৎবাং পুষ্করেক্ষণঃ ।
অভিবাদয়তাং পার্থঃ কুন্তীপুত্রো ধনঞ্জয়ঃ ॥ 5-138-16 (36541)
আশ্বিনেয়ৌ নরব্যাঘ্রৌ রূপেণাপ্রতিমৌ ভুবি ।
তৌ চ ৎবাং গুরুবৎপ্রোম্ণা পূজয়া প্রত্যুদীয়তাম্ ॥ 5-138-17 (36542)
মুঞ্চন্ৎবানন্দজাশ্রূণি দাশার্হপ্রমুখা নৃপাঃ ।
সংগচ্ছ ভ্রাতৃভিঃ সার্ধং মানং সংত্যজ্য পার্থিব ॥ 5-138-18 (36543)
প্রশাধি পৃথিবীং কৃৎস্নাং ততস্ৎবং ভ্রাতৃভিঃ সহ ।
সমালিঙ্গ্য চ হর্ষেণ নৃপা যান্তু পরস্পরম্ ॥ 5-138-19 (36544)
অলং যুদ্ধেন রাজেন্দ্র সুহৃদাং শৃণু বারণম্ ।
ধ্রুবং বিনাশো যুদ্ধে হি ক্ষত্রিয়াণাং প্রদৃশ্যতে ॥ 5-138-20 (36545)
জ্যোতীংষি প্রতিকূলানি দারুণা মৃগপক্ষিণঃ।
উৎপাতা বিবিধা বীর দৃশ্যন্তে ক্ষত্রনাশনাঃ ॥ 5-138-21 (36546)
বিশেষত ইহাস্মাকং নিমিত্তানি বিনাশনে।
উল্কাভির্হি প্রদীপ্তাভির্বাধ্যতে পৃতনা তব ॥ 5-138-22 (36547)
বাহনান্যপ্রহৃষ্টানি রুদন্তীব বিশাংপতে।
গৃধ্রাস্তে পর্যুপাসন্তে সৈন্যানি চ সমন্ততঃ ॥ 5-138-23 (36548)
নগরং ন যথাপূর্বং তথা রাজনিবেশনম্ ।
শিবাশ্চাশিবনির্ঘোষা দীপ্তাং সেবন্তি বৈ দিশং ॥ 5-138-24 (36549)
কুরু বাক্যং পিতুর্মাতুরস্মাকং চ হিতৈষিণাম্ ।
ৎবয়্যায়ত্তো মহাবাহো শমো ব্যায়াম এব চ ॥ 5-138-25 (36550)
ন চেৎকরিষ্যসি বচঃ সুহৃদামরিকর্শন ।
তপ্স্যসে বাহিনীং দৃষ্ট্বা পার্থবাণপ্রপীডিতাম্ ॥ 5-138-26 (36551)
ভীমস্য চ মহানাদং নদতঃ শুষ্মিণো রণে।
শ্রুৎবা স্মর্তাসি মে বাক্যং গাণ্ডীবস্য চ নিঃশ্বনম্ ।
যদ্যেতদপসব্যং তে বচো মম ভবিষ্যতি ॥ ॥ 5-138-27 (36552)
ইতি শ্রীমন্মহাভারতে উদ্যোগপর্বণি ভগবদ্যানপর্বণি অষ্টত্রিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-138-10 প্রশাম্য প্রশমং কুরু ॥ 5-138-20 বারণং প্রতিষেধম্ ॥ 5-138-24 দীপ্তাং দিশমিতি দিগ্দাহাখ্য উৎপাত উক্তঃ ॥ 5-138-27 শুষ্মিণঃ বলিনঃ । অপসব্যং বিপরীতম্ ॥উদ্যোগপর্ব - অধ্যায় 139
॥ শ্রীঃ ॥
5.139. অধ্যায়ঃ 139
Mahabharata - Udyoga Parva - Chapter Topics
Mahabharata - Udyoga Parva - Chapter Text
5-139-0 (36553)
বৈশম্পায়ন উবাচ। 5-139-0x (3796)
এবমুক্তস্তু বিমনাস্তির্যগ্দৃষ্টিরধোমুখঃ।
সংহত্য চ ভ্রুবোর্মধ্যং ন কিঞ্চিদ্ব্যাজহার হ ॥ 5-139-1 (36554)
তং বৈ বিমনসং দৃষ্ট্বা সংপ্রেক্ষ্যান্যোন্যমন্তিকাৎ ।
পুনরেবোত্তরং বাক্যমুক্তবন্তৌ নরর্ষভৌ ॥ 5-139-2 (36555)
ভীষ্ম উবাচ। 5-139-3x (3797)
শুশ্রূষমনসূয়ং চ ব্রহ্মণ্যং সত্যবাদিনম্ ।
প্রতিয়োৎস্যামহে পার্থমতো দুঃখতরং নু কিম্ ॥ 5-139-3 (36556)
দ্রোণ উবাচ। 5-139-4x (3798)
অশ্বত্থাম্নি যথা পুত্রে ভূয়ো মম ধনঞ্জয়ে।
বহুমানঃ পরো রাজন্সন্নতিশ্চ কপিধ্বজে ॥ 5-139-4 (36557)
তং চেৎপুত্রাৎপ্রিয়তমং প্রতিয়োৎস্যে ধনঞ্জয়ম্ ।
ক্ষাত্রং ধর্মমনুষ্ঠায় ধিগস্তু ক্ষত্রিজীবিকাম্ ॥ 5-139-5 (36558)
যস্য লোকে সমো নাস্তি কশ্চিদন্যো ধনুর্ধরঃ ।
মৎপ্রসাদাৎস বীভৎসুঃ শ্রেয়ানন্যৈর্ধনুর্ধরৈঃ ॥ 5-139-6 (36559)
মিত্রধ্রুগ্দুষ্টভাবশ্চ নাস্তিকোঽথানৃজুঃ শঠঃ।
ন সৎসু লভতে পূজাং যজ্ঞে মূর্খ ইবাগতঃ ॥ 5-139-7 (36560)
বার্যমাণোঽপি পাপেভ্যঃ পাপাত্মা পাপমিচ্ছতি।
চোদ্যমানোঽপি পাপেন শুভাত্মা শুভমিচ্ছতি ॥ 5-139-8 (36561)
মিথ্যোপচরিতা হ্যেতে বর্তমান হ্যনুপ্রিয়ে ।
অহিতৎবায় কল্পন্তে দোষা ভরতসত্তম ॥ 5-139-9 (36562)
ৎবমুক্তঃ কুরুবৃদ্ধেন ময়া চ বিদুরেণ চ ।
বাসুদেবেন চ তথা শ্রেয়ো নৈবাভিমন্যসে ॥ 5-139-10 (36563)
অস্তি মে বলমিত্যেব সহসা ৎবং তিতীর্ষসি।
সগ্রাহনক্রমকরং গঙ্গাবেগমিবোষ্ণগে ॥ 5-139-11 (36564)
বাসসৈব যথা হি ৎবং প্রাবৃণ্বানোঽভিমন্যসে।
স্রজং ত্যক্তামিব প্রাপ্য লোভাদ্যৌধিষ্ঠিরীং শ্রিয়ম্ ॥ 5-139-12 (36565)
দ্রৌপদীসহিতং পার্থং সায়ুধৈর্ভ্রাতৃভির্বৃতম্।
বনস্থমপি রাজ্যস্থঃ পাণ্ডবং কো বিজেষ্যতি ॥ 5-139-13 (36566)
নিদেশে যস্য রাজানঃ সর্বে তিষ্ঠন্তি কিঙ্করাঃ ।
তমৈলবিলমাসাদ্য ধর্মরাজো ব্যরাজত ॥ 5-139-14 (36567)
কুবেরসদনং প্রাপ্য ততো রত্নান্যবাপ্য চ ।
স্ফীতমাক্রম্য তে রাষ্ট্রং রাজ্যমিচ্ছন্তি পাণ্ডবাঃ ॥ 5-139-15 (36568)
দত্তং হুতমধীতং চ ব্রাহ্মণাস্তর্পিতা ধনৈঃ ।
আবয়োর্গতমায়ুশ্চ কৃতকৃত্যৌ চ বিদ্ধি নৌ ॥ 5-139-16 (36569)
ৎবং তু হিৎবা সুখং রাজ্যং মিত্রাণি চ ধনানি চ ।
বিগ্রহং পাণ্ডবৈঃ কৃৎবা মহদ্ব্যসনমাপ্স্যসি ॥ 5-139-17 (36570)
দ্রৌপদী যস্য চাশাস্তে বিজয়ং সত্যবাদিনী ।
তপোঘোরব্রতা দেবী কথং জেষ্যসি পাণ্ডবম্ ॥ 5-139-18 (36571)
মন্ত্রী জনার্দনো যস্য ভ্রাতা যস্য ধনঞ্জয়ঃ।
সর্বশস্ত্রভৃতাং শ্রেষ্ঠঃ কথং জেষ্যসি পাণ্ডবম্ ॥ 5-139-19 (36572)
সহায়া ব্রাহ্মণা যস্য ধৃতিমন্তো জিতেন্দ্রিয়াঃ।
তমুগ্রতপসং বীরং কথং জেষ্যসি পাণ্ডবম্ ॥ 5-139-20 (36573)
পুনরুক্তং চ বক্ষ্যামি যৎকার্যং ভূতিমিচ্ছতা।
সুহৃদা মঞ্জমানেষু সুহৃৎসু ব্যসনার্ণবে ॥ 5-139-21 (36574)
অলং যুদ্ধেন তৈর্বীরৈঃ শাম্য ৎবং কুরুবৃদ্ধয়ে ।
মা গমঃ সতুতামাত্যঃসমিত্রশ্চ যমক্ষয়ম্ ॥ ॥ 5-139-22 (36575)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একোনচৎবারিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-139-9 এতে পাণ্ডবাস্ৎবয়া মিথ্যোপচারিতা অপি অনু পশ্চাৎপ্রিয়ে বর্তমানা হি প্রসিদ্ধম্ । তব তু দোষাঃ দ্বেষাদয়ঃ। অহিতৎবায় বৈরভাবায় কল্পন্তে ॥ 5-139-11 উষ্ণগে উষ্ণাতিগমে বর্ষকালে ॥ 5-139-12 বাসুদেবো যথা হি ৎবাং প্রবৃণ্বানো ন মন্যতে ইতি খo ডo পাঠঃ। বাসমেব যথাহি ৎবং ইতি ঘoটo পাঠঃ । বাসবেয় যথা ইতি কo পাঠঃ ॥ 5-139-14 ঐলবিলং কুবেরম্। আসাদ্য রণে প্রাপ্য ॥উদ্যোগপর্ব - অধ্যায় 140
॥ শ্রীঃ ॥
5.140. অধ্যায়ঃ 140
Mahabharata - Udyoga Parva - Chapter Topics
কৃষ্ণেন কর্ণঃ কিমুক্ত ইতি জনমেজয়প্রশ্নঃ ॥ 1 ॥ কৃষ্ণেন কর্ণংপ্রতি তস্য কুন্তীসুতৎবরূপরহস্যকথনপূর্বকং পাণ্ডবপক্ষপ্রবেশচোদনা ॥ 2 ॥Mahabharata - Udyoga Parva - Chapter Text
5-140-0 (36576)
জনমেজয় উবাচ। 5-140-0x (3799)
রাজপুত্রৈঃ পরিবৃতস্তথা ভৃত্যৈশ্চ সত্তম।
উপারোপ্য রথে কর্ণং নির্যাতো মধুসূদনঃ॥ 5-140-1 (36577)
কিমব্রবীদ্রথোপস্থে রাধেয়ং পরবীরহা ।
কানি সান্ৎবানি গোবিন্দঃ সূতপুত্রে প্রয়ুক্তবান্ ॥ 5-140-2 (36578)
উদ্যন্মেঘস্বনঃ কালে যৎকৃষ্ণঃ কর্ণমব্রবীৎ।
মৃদু বা যদি বা তীক্ষ্ণং তন্মমাচক্ষ্ব সর্বশঃ ॥ 5-140-3 (36579)
বৈশম্পায়ন উবাচ। 5-140-4x (3800)
আনুপূর্ব্যেণ বাক্যানি তীক্ষ্ণানি চ মৃদূনি চ।
প্রিয়াণি ধর্ময়ুক্তানি সত্যানি চ হিতানি চ ॥ 5-140-4 (36580)
হৃদয়গ্রহণীয়ানি রাধেয়ং মধুসূদনঃ ।
যান্যব্রবীদমেয়াত্মা তানি মে শ্রৃণু ভারত ॥ 5-140-5 (36581)
বাসুদেব উবাচ। 5-140-6x (3801)
উপাসিতাস্তে রাধেয় ব্রাহ্মণা বেদপারগাঃ।
তত্ৎবার্থং পরিপৃষ্টাশ্চ নিয়তেনানসূয়যা ॥ 5-140-6 (36582)
ৎবমেব কর্ণ জানাসি বেদবাদান্সনাতনান্ ।
ৎবমেব ধর্মশাস্ত্রেষু সূক্ষ্মেষু পরিনিষ্ঠিতঃ ॥ 5-140-7 (36583)
কানীনশ্চ সহোঢশ্চ কন্যায়াং যশ্চ জায়তে ।
বোঢারং পিতরং তস্য প্রাহুঃ শাস্ত্রবিদো জনাঃ ॥ 5-140-8 (36584)
সোঽসি কর্ণ তথাজাতঃ পাণ্ডোঃ পুত্রোসি ধর্মতঃ ।
নিশ্চয়াদ্ধর্মশাস্ত্রাণামেহি রাজা ভবিষ্যসি ॥ 5-140-9 (36585)
পিতৃপক্ষে চ তে পার্থা মাতৃপক্ষে চ বৃষ্ণয়ঃ ।
দ্বৌ পক্ষাবভিজানীহি ৎবমেতৌ পুরুষর্ষভ ॥ 5-140-10 (36586)
ময়া সার্ধমিতো যাতমদ্য ৎবাং তাত পাণ্ডবাঃ ।
অভিজানন্তু কৌন্তেয়ং পূর্বজাতং যুধিষ্ঠিরাৎ ॥ 5-140-11 (36587)
পাদৌ তব গ্রহীষ্যন্তি ভ্রাতরঃ পঞ্চ পাণ্ডবাঃ।
দ্রৌপদেয়াস্তথা পঞ্চ সৌভদ্রশ্চাপরাজিতঃ ॥ 5-140-12 (36588)
রাজানো রাজপুত্রাশ্চ পাণ্ডবার্থে সমাগতাঃ।
পাদৌ তব গ্রহীষ্যন্তি সর্বে চান্ধকবৃষ্ণয়ঃ ॥ 5-140-13 (36589)
হিরণ্ময়াংশ্চ তে কুম্ভান্রাজতান্পার্থিবাংস্তথা ।
ওষধ্যঃ সর্ববীজানি সর্বরত্নানি বীরুধঃ ॥ 5-140-14 (36590)
রাজন্যা রাজকন্যাশ্চাপ্যানয়ন্ৎবাভিষেচনম্ ।
ষষ্ঠে ৎবাং চ তথা কালে দ্রৌপদ্যুপগমিষ্যতি ॥ 5-140-15 (36591)
অগ্নিং জুহোতু বৈ ধৌম্যঃ সংশিতাত্মা দ্বিজোত্তমঃ ।
অদ্য ৎবামভিষিঞ্চন্তু চাতুর্বৈদ্যা দ্বিজাতয়ঃ ॥ 5-140-16 (36592)
পুরোহিতঃ পাণ্ডবানাং ব্রহ্মকর্মণ্যবস্থিতঃ।
তথৈব ভ্রাতরঃ পঞ্চ পাণ্ডবাঃ পুরুষর্ষভাঃ ॥ 5-140-17 (36593)
দ্রৌপদেয়াস্তথা পঞ্চ পাঞ্চালাশ্চেদয়স্তথা ।
অহং চ ৎবাঽভিষেক্ষ্যামি রাজানং পৃথিবীপতিম্ ॥ 5-140-18 (36594)
যুবরাজোঽস্তু তে রাজা ধর্মপুত্রো যুধিষ্ঠিরঃ।
গৃহীৎবা ব্যজনং শ্বেতং ধর্মাত্মা সংশিতব্রতঃ । 5-140-19 (36595)
উপান্বারোহতু রথং কুন্তীপুত্রো যুধিষ্ঠিরঃ ।
ছত্রং চ তে মহাশ্বেতং ভীমসেনো মহাবলঃ ॥ 5-140-20 (36596)
অভিষিক্তস্য কৌন্তেয়ো ধারয়িষ্যতি মূর্ধনি ।
কিঙ্কিণীশতনির্ঘোষং বৈয়াঘ্রপরিবারণম্ ॥ 5-140-21 (36597)
রথং শ্বেতহয়ৈর্যুক্তমর্জুনো বাহয়িষ্যতি।
অভিমন্যুশ্চ তে নিত্যং প্রত্যাসন্নো ভবিষ্যতি ॥ 5-140-22 (36598)
নকুলঃ সহদেবশ্চ দ্রৌপদেয়াশ্চ পঞ্চ যে।
পঞ্চালাশ্চানুয়াস্যন্তি শিখণ্ডী চ মহারথঃ । 5-140-23 (36599)
অহং চ ৎবাঽনুয়াস্যামি সর্বে চান্ধকবৃষ্ণয়ঃ।
দাশার্হাঃ পরিবারাস্তে দাশার্ণাশ্চ বিশাংপতে ॥ 5-140-24 (36600)
ভুঙ্ক্ষ্ব রাজ্যং মহাবাহো ভ্রাতৃভিঃ সহ পাণ্ডবৈঃ ।
জপৈর্হোমৈশ্চ সংয়ুক্তো মঙ্গলৈশ্চ পৃথগ্বিধৈঃ ॥ 5-140-25 (36601)
পুরোগমাশ্চ তে সন্তু দ্রবিডাঃ সহকুন্তলৈঃ।
আন্ধ্রাস্তালচরাশ্চৈব চূচুপা বেণুপাস্তথা ॥ 5-140-26 (36602)
স্তুবন্তু ৎবাং চ বহুভিঃ স্তুতিভিঃ সূতমাগধাঃ ।
বিজয়ং বসুষেণস্য ঘোষয়ন্তু চ পাণ্ডবাঃ ॥ 5-140-27 (36603)
স ৎবং পরিবৃতঃ পার্থৈর্নক্ষত্রৈরিব চন্দ্রমাঃ।
প্রশাধি রাজ্যং কৌন্তেয় কুন্তীং চ প্রতিনন্দয় ॥ 5-140-28 (36604)
মিত্রাণি তে প্রহৃষ্যন্তু ব্যথন্তু রিপবস্তথা।
সৌভ্রাত্রং চৈব তেঽদ্যাস্তু ভ্রাতৃভিঃ সহ পাণ্ডবৈঃ ॥ ॥ 5-140-29 (36605)
ইতি শ্রীমন্মহাভারতে উদ্যোগপর্বণি ভগবদ্যানপর্বণি চৎবারিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-140-8 যশ্চ যস্তু কন্যায়াং জায়তে স দ্বিবিধঃ কানীনঃ সহোঢশ্চ । সহোঢঃ বিবাহাদূর্ধ্বং জাতঃ। অন্যো বিবাহাৎপ্রাগ্জাতঃ । তন্মাতুর্বোঢারং তস্য পিতরং প্রাহুঃ ॥উদ্যোগপর্ব - অধ্যায় 141
॥ শ্রীঃ ॥
5.141. অধ্যায়ঃ 141
Mahabharata - Udyoga Parva - Chapter Topics
কর্ণেন কৃষ্ণংপ্রতি স্বস্য পাণ্ডবপক্ষপ্রবেশে সয়ুক্তিকং প্রতিবন্ধকনিরূপণপূর্বকং স্বরহস্যগোপনপ্রার্থনাদি ॥ 1 ॥Mahabharata - Udyoga Parva - Chapter Text
5-141-0 (36606)
কর্ণ উবাচ। 5-141-0x (3802)
অসংশয়ং সৌহৃদান্মে প্রণয়াচ্চাথ কেশব।
সখ্যেন চৈব বার্ষ্ণেয় শ্রেয়স্কামতয়ৈব চ ॥ 5-141-1 (36607)
সর্বং চৈবাভিজানামি পাণ্ডোঃ পুত্রোঽস্মি ধর্মতঃ ।
নিশ্চয়াদ্ধর্মশাস্ত্রাণাং যথা ৎবং কৃষ্ণ মন্যসে ॥ 5-141-2 (36608)
কন্যা গর্ভং সমাধত্ত ভাস্করান্মাং জনার্দন ।
আদিত্যবচনাচ্চৈব জাতং মাং সা ব্যসর্জয়ৎ ॥ 5-141-3 (36609)
সোস্মি কৃষ্ণ তথাজাতঃ পাণ্ডোঃ পুত্রোস্মি ধর্মতঃ ।
কুন্ত্যা ৎবহমপাকীর্ণো যথা ন কুশলং তথা ॥ 5-141-4 (36610)
সূতো হি মামধিরথো দৃষ্ট্বৈবাভ্যানয়দ্গৃহান্।
রাধায়াশ্চৈব মাং প্রাদাৎসৌহার্দান্মধুসূদন ॥ 5-141-5 (36611)
মৎস্নেহাচ্চৈব রাধায়াং সদ্যঃ ক্ষীরমবাতরৎ ।
সা মে মূত্রং পুরীষং চ প্রতিজগ্রাহ মাধব ॥ 5-141-6 (36612)
তস্যাঃ পিণ্ডব্যপনয়ং কুর্যাদস্মদ্বিধঃ কথম্ ।
ধর্মবিদ্ধর্মশাস্ত্রাণাং শ্রবণে সততং রতঃ ॥ 5-141-7 (36613)
তথা মামভিজানাতি সূতশ্চাধিরথঃ সুতম্ ।
পিতরং চাভিজানামি তমহং সৌহৃদাৎসদা ॥ 5-141-8 (36614)
স হি মে জাতকর্মাদি কারয়ামাস মাধব ।
শাস্ত্রদৃষ্টেন বিধিনা পুত্রপ্রীত্যা জনার্দন ॥ 5-141-9 (36615)
নাম বৈ বসুষেণেতি কারয়ামাস বৈ দ্বিজৈঃ ।
ভার্যাশ্চোঢা মম প্রাপ্তে যৌবনে তৎপরিগ্রহাৎ ॥ 5-141-10 (36616)
তাসু পুত্রাশ্চ পৌত্রাশ্চ মম জাতা জনার্দন ।
তাসু মে হৃদয়ং কৃষ্ণ সংজাতং কামবন্ধনম্ ॥ 5-141-11 (36617)
ন পৃথিব্যা সকলয়া ন সুবর্ণস্য রাশিভিঃ।
হর্ষাদ্ভয়াদ্বা গোবিন্দ মিথ্যা কর্তুং তদুৎসহে ॥ 5-141-12 (36618)
ধৃতরাষ্ট্রকুলে কৃষ্ণ দুর্যোধনসমাশ্রয়াৎ ।
ময়া ত্রয়োদশসমা ভুক্তং রাজ্যমকণ্টকম্ ॥ 5-141-13 (36619)
ইষ্টং চ বহুভির্যজ্ঞৈঃ সহসূতৈর্ময়াঽসকৃৎ।
আবাহাশ্চ বিবাহাশ্চ সহসূতৈর্ময়া কৃতাঃ ॥ 5-141-14 (36620)
মাং চ কৃষ্ণ সমাসাদ্য কৃতঃ শস্ত্রসমুদ্যমঃ ।
দুর্যোধনেন বার্ষ্ণেয় বিগ্রহশ্চাপি পাণ্ডবৈঃ ॥ 5-141-15 (36621)
তস্মাদ্রণে দ্বৈরথে মাং প্রত্যুদ্যাতারমচ্যুত ।
বৃতবান্পরমং কৃষ্ণ প্রতীপং সব্যসাচিনঃ ॥ 5-141-16 (36622)
বধাদ্বন্ধাদ্ভয়াদ্বাপি লোভাদ্বাপি জনার্দন ।
অনৃতং নোৎসহে কর্তুং ধার্তরাষ্ট্রস্য ধীমতঃ ॥ 5-141-17 (36623)
যদি হ্যদ্য ন গচ্ছেয়ং দ্বৈরথং সব্যসাচিনা ।
অকীর্তিঃ স্যাদ্ধৃপীকেশ মম পার্থস্য চোভয়োঃ ॥ 5-141-18 (36624)
অসংশয়ং হিতার্থায় ব্রূয়াস্ৎবং মধুসূদন ।
সর্বং চ পাণ্ডবাঃ কুর্যুস্ৎবদ্বশিৎবান্ন সংশয়ঃ ॥ 5-141-19 (36625)
মন্ত্রস্য নিয়মং কুর্যাস্ৎবমত্র মধুসূদন ।
এতদত্র হিতং মন্যে সর্বং যাদবনন্দন ॥ 5-141-20 (36626)
যদি জানাতি মাং রাজা ধর্মাত্মা সংয়তেন্দ্রিয়ঃ ।
কুন্ত্যাঃ প্রথমজং পুত্রং ন স রাজ্যং গ্রহীষ্যতি ॥ 5-141-21 (36627)
প্রাপ্য চাপি মহদ্রাজ্যং তদহং মধুসূদন ।
স্ফীতং দুর্যোধনায়ৈব সংপ্রদদ্যামরিন্দম ॥ 5-141-22 (36628)
স এব রাজা ধর্মাত্মা শাশ্বতোঽস্তু যুধিষ্ঠিরঃ ।
নেতা যস্য হৃষীকেসো যোদ্ধা যস্য ধনঞ্জয়ঃ ॥ 5-141-23 (36629)
পৃথিবী তস্য রাষ্ট্রং চ যস্য ভীমো মহারথঃ ।
নকুলঃ সহদেবশ্চ দ্রৌপদেয়াশ্চ মাধব ॥ 5-141-24 (36630)
ধৃষ্টদ্যুন্মশ্চ পাঞ্চল্যঃ সাত্যকিশ্চ মহারথঃ ।
উত্তমৌজা যুধামন্যুঃ সত্যধর্মা চ সৌমকিঃ ॥ 5-141-25 (36631)
চৈদ্যশ্চ চেকিতানশ্চ শিখণ্ডী চাপরাজিতঃ ।
ইন্দ্রগোপকবর্ণাশ্চ কেকয়া ভ্রাতরস্তথা।
ইন্দ্রায়ুধসবর্ণশ্চ কুন্তিভোজো মহামনাঃ ॥ 5-141-26 (36632)
মাতুলো ভীমসেনস্য শ্যেনজিচ্চ মহারথঃ ।
শঙ্খঃ পুত্রো বিরাটস্য নিধিস্ৎবং চ জনার্দন ॥ 5-141-27 (36633)
মহানয়ং কৃষ্ণ কৃতঃ ক্ষত্রস্য সমুদানয়ঃ ।
রাজ্যং প্রাপ্তমিদং দীপ্তং প্রথিতং সর্বরাজসু ॥ 5-141-28 (36634)
ধার্তরাষ্ট্রস্য বার্ষ্ণেয় শস্ত্রয়জ্ঞো ভবিষ্যতি।
অস্য যজ্ঞস্য বেত্তা ৎবং ভবিষ্যসি জনার্দন ॥ 5-141-29 (36635)
আধ্বর্যবং চ তে কৃষ্ণ ঋতাবস্মিন্ভবিষ্যতি।
হোতা চৈবাত্র বীভৎসুঃ সন্নদ্ধঃ স কপিধ্বজঃ ॥ 5-141-30 (36636)
গাণ্ডীবং স্রুক্ তথা চাজ্যং বীর্যং পুংসাং ভবিষ্যতি।
ঐন্দ্রং পাশুপতং ব্রাহ্মং স্থূণাকর্ণং চ মাধব ।
মন্ত্রাস্তত্র ভবিষ্যন্তি প্রয়ুক্তাঃ সব্যসাচিনা ॥ 5-141-31 (36637)
অনুয়াতশ্চ পিতরমধিকো বা পরাক্রমে ।
গীতং স্তোত্রং স সৌভদ্রঃ সম্যক্ তত্র ভবিষ্যতি ॥ 5-141-32 (36638)
উদ্গাতাত্র পুনর্ভীমঃ প্রস্তোতা সুমহাবলঃ ।
বিনদন্স নরব্যাঘ্রো নাগানীকান্তকৃদ্রণে ॥ 5-141-33 (36639)
স চৈব তত্র ধর্মাত্মা শশ্বদ্রাজা যুধিষ্ঠিরঃ ।
জপৈর্হোমৈশ্চ সংয়ুক্তো ব্রহ্মৎবং কারয়িষ্যতি ॥ 5-141-34 (36640)
শঙ্খশব্দাঃ সমুরজা ভের্যশ্চ মধুসূদন।
উৎকৃষ্টঃ সিংহনাদশ্চ সুব্রহ্মণ্যো ভবিষ্যতি ॥ 5-141-35 (36641)
নকুলঃ সহদেবশ্চ মাদ্রীপুত্রৌ যশস্বিনৌ ।
শামিত্রং তৌ মহাবীর্যৌ সম্যক্ তত্র ভবিষ্যতঃ।
`তৌ মৈত্রাবরুণাগ্নীধ্রৌ মহাবীর্যৌ ভবিষ্যতঃ॥' 5-141-36 (36642)
কল্মাষদণ্ডা গোবিন্দ বিমলা রথপঙ্ক্তয়ঃ।
যূপাঃ সমুপকল্পন্তামস্মিন্যজ্ঞে জনার্দন ॥ 5-141-37 (36643)
কর্ণিনালীকনারাচা বৎসদন্তোপবৃংহণাঃ ।
তোমরাঃ সোমকলশাঃ পবিত্রাণি ধনূংষি চ ॥ 5-141-38 (36644)
অসয়োঽত্র কপালানি পুরোডাশাঃ শিরাংসি চ।
হবিস্তু রুধিরং কৃষ্ণ তস্মিন্যজ্ঞে ভবিষ্যতি ॥ 5-141-39 (36645)
ইধ্মাঃ পরিধয়শ্চৈব শক্তয়ো বিমলা গদাঃ।
সদস্যা দ্রোণশিষ্যাশ্চ কৃপস্য চ শরদ্বতঃ ॥ 5-141-40 (36646)
ইষবোঽত্র পরিস্তোমা মুক্তা গাণ্ডীবধন্বনা ।
মহারথপ্রয়ুক্তাশ্চ দ্রোণদ্রৌণিপ্রচোদিতাঃ ॥ 5-141-41 (36647)
প্রতিপ্রাস্থানিকং কর্ম সাত্যকিস্তু করিষ্যতি।
দীক্ষিতো ধার্তরাষ্ট্রোঽত্র পত্নী চাস্য মহাচমূঃ ॥ 5-141-42 (36648)
ঘটোৎকচোঽত্র শামিত্রং করিষ্যতি মহাবলঃ ।
অতিরাত্রে মহাবাহো বিততে যজ্ঞকর্মণি ॥ 5-141-43 (36649)
দক্ষিণা ৎবস্য যজ্ঞস্য ধৃষ্টদ্যুম্নঃ প্রতাপবান্ ।
বৈতানিকে কর্মমুখে জাতো যৎকৃষ্ণ পাবকাৎ ॥ 5-141-44 (36650)
যদব্রুবমহং কৃষ্ণ কটুকানি স্ম পাণ্ডবান্।
প্রিয়ার্থং ধার্তরাষ্ট্রস্য তেন তপ্যে হ্যকর্মণা ॥ 5-141-45 (36651)
যদা দ্রক্ষ্যসি মাং কৃষ্ণ নিহতং সব্যসাচিনা ।
পুনশ্চিতিস্তদা চাস্য যজ্ঞস্যাথ ভবিষ্যতি ॥ 5-141-46 (36652)
দুঃশাসনস্য রুধিরং যদা পাস্যতি পাণ্ডবঃ ।
আনর্দং নর্দতঃ সম্যক্ তদা সূয়ং ভবিষ্যতি ॥ 5-141-47 (36653)
যদা দ্রোণং চ ভীষ্মং চ পাঞ্চাল্যৌ পাতয়িষ্যতঃ ।
তদা যজ্ঞাবসানং তদ্ভবিষ্যতি জনার্দন ॥ 5-141-48 (36654)
দুর্যোধনং যদা হন্তা ভীমসেনো মহাবলঃ ।
তদা সমাপ্স্যতে যজ্ঞো ধার্তরাষ্ট্রস্য মাধব ॥ 5-141-49 (36655)
স্নুষাশ্চ প্রস্নুষাশ্চৈব ধৃতরাষ্ট্রস্য সঙ্গতাঃ ।
হতেশ্বরা নষ্টপুত্রা হতনাথাশ্চ কেশব ॥ 5-141-50 (36656)
রুদন্ত্যঃ সহগান্ধার্যা শ্বগৃধ্রকুররাকুলে ।
স যজ্ঞেঽস্মিন্নবভৃথো ভবিষ্যতি জনার্দন ॥ 5-141-51 (36657)
বিদ্যাবৃদ্ধা বয়োবৃদ্ধাঃ ক্ষত্রিয়াঃ ক্ষত্রিয়র্ষভ ।
বৃথা মৃত্যুং ন কুর্বীরংস্ৎবৎকৃতে মধুসূদন ॥ 5-141-52 (36658)
শস্ত্রেণ নিধনং গচ্ছেৎসমৃদ্ধং ক্ষত্রমণ্ডলম্ ।
করুক্ষেত্রে পুণ্যতমে ত্রৈলোক্যস্যাপি কেশব ॥ 5-141-53 (36659)
তদত্র পুণ্ডরীকাক্ষ বিধৎস্ব যদভীপ্সিতম্ ।
যথা কার্ৎস্ন্যেন বার্ষ্ণেয় ক্ষত্রং স্বর্গমবাপ্নুয়াৎ ॥ 5-141-54 (36660)
যাবৎস্থাস্যন্তি গিরয়ঃ সরিতশ্চ জনার্দন ।
তাবৎকীর্তিভবঃ শব্দঃ শাশ্বতোয়ং ভবিষ্যতি ॥ 5-141-55 (36661)
ব্রাহ্মণাঃ কথয়িষ্যন্তি মহাভারতমাহবম্ ।
সমাগমেষু বার্ষ্ণেয় ক্ষত্রিয়াণাং যশোধনম্ ॥ 5-141-56 (36662)
সমুপানয় কৌন্তেয়ং যুদ্ধায় মম কেশব ।
মন্ত্রসংবরণং কুর্বন্নিত্যমেব পরন্তপ ॥ ॥ 5-141-57 (36663)
ইতি শ্রীমন্মহাভারতে উদ্যোগপর্বণি ভগবদ্যানর্বণি একচৎবারিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-141-4 যথা ন কুলজস্তথেতি কo পাঠঃ ॥ 5-141-14 আবাহাঃ কুলধর্মাঃ ॥ 5-141-15 মাং চ । মিত্রমিতি শেষঃ ॥ 5-141-19 ব্রয়াস্ৎবং পাণ্ডবান্প্রতীতি শেষঃ ॥ 5-141-20 নিয়মং গোপনম্ ॥ 5-141-28 সমুদানয়ঃ সমুদায়ীকরণম্ ॥ 5-141-41 পরিস্তোমাঃ সোমচমসাদয়ঃ ॥ 5-141-42 প্রতিপ্রস্থাতাঽধ্বর্যোস্তব দ্বিতীয়ঃ তস্য কর্ম প্রতিপ্রাস্থানিকম্ ॥ 5-141-43 অতিরাত্রে ঋতৌ। শ্লেষেণ নিশীথেচ। ঘটোৎকচঃ রাত্রিচরৎবাৎ শামিত্রং করিষ্যতি ॥ 5-141-46 পুনশ্চিতির্যজ্ঞানন্তরং চয়নারম্ভো যজ্ঞবিশেষেষূক্তঃ ॥ 5-141-47 আনর্দং মহানাদং নর্দতঃ। ণমুলন্তং পূর্বপদম্। সূয়ং সোমাভিষবঃ। সুত্যা ভবিষ্যতীতি কo পাঠঃ ॥ 5-141-48 যজ্ঞাবসানং যজ্ঞস্য মধ্যেমধ্যে বিরম্যাবস্থানম্ ॥উদ্যোগপর্ব - অধ্যায় 142
॥ শ্রীঃ ॥
5.142. অধ্যায়ঃ 142
Mahabharata - Udyoga Parva - Chapter Topics
কৃষ্ণেন কর্ণংপ্রতি পাণ্ডবজয়নির্ধারণকথনপূর্বকং ভীষ্ণাদিষু যুদ্ধসন্নাহসংদেশকথনচোদনা ॥ 1 ॥Mahabharata - Udyoga Parva - Chapter Text
5-142-0 (36664)
বৈশম্পায়ন উবাচ। 5-142-0x (3803)
কর্ণস্য বচনং শ্রুৎবা কেশবঃ পরবীরহা।
উবাচ প্রহসন্বাক্যং স্মিতপূর্বমিদং যথা ॥ 5-142-1 (36665)
শ্রীভগবানুবাচ। 5-142-2x (3804)
অপি ৎবাং ন লভেৎকর্ণ রাজ্যলম্ভোপপাদনম্ ।
ময়া দত্তাং হি পৃথিবীং ন প্রশাসিতুমিচ্ছসি ॥ 5-142-2 (36666)
ধ্রুবো জয়ঃ পাণ্ডবানামিতীদং
ন সংশয়ঃ কশ্চন বিদ্যতেঽত্র।
জয়ধ্বজো দৃশ্যতে পাণ্ডবস্য
সমুচ্ছ্রিতো বানররাজ উগ্রঃ । 5-142-3 (36667)
দিব্যা মায়া বিহিতা ভৌমনেন
সমুচ্ছ্রিতা ইন্দ্রকেতুপ্রকাশাঃ ।
দিব্যানি ভূতানি জয়াবহানি
দৃশ্যন্তি চৈবাত্র ভয়ানকানি ॥ 5-142-4 (36668)
ন সঞ্জতে শৈলবনস্পতিভ্য
ঊর্ধ্বং তির্যগ্যোজনমাত্ররূপঃ ।
শ্রীমান্ধ্বজঃ কর্ণ ধনঞ্জয়স্য
সমুচ্ছ্রিতঃ পাবকতুল্যরূপঃ ॥ 5-142-5 (36669)
যদা দ্রক্ষ্যসি সঙ্গ্রামে শ্বেতাশ্বং কৃষ্ণসারথিম্ ।
ঐন্দ্রমস্ত্রং বিকুর্বাণমুভে চাপ্যগ্নিমারুতে ॥ 5-142-6 (36670)
গাণ্ডীবস্য চ নির্ঘোষং বিস্ফূর্জিতমিবাশনেঃ।
ন তদা ভবিতা ত্রেতা ন কৃতং দ্বাপরং ন চ ॥ 5-142-7 (36671)
যদা দ্রক্ষ্যসি সঙ্গ্রামে কুন্তীপুত্রং যুধিষ্ঠিরম্ ।
জপহোমসমায়ুক্তং স্বাং রক্ষন্তং মহাচমূম্ ॥ 5-142-8 (36672)
আদিত্যমিব দুর্ধর্ষং তপন্তং শত্রুবাহিনীম্ ।
ন তদা ভবিতা ত্রেতা ন কৃতং দ্বাপরং ন চ ॥ 5-142-9 (36673)
যদা দ্রক্ষ্যসি সঙ্গ্রামে ভীমসেনং মহাবলম্ ।
দুঃশাসনস্য রুধিরং পীৎবা নৃত্যন্তমাহবে ॥ 5-142-10 (36674)
প্রভিন্নমিব মাতঙ্গং প্রতিদ্বিরদঘাতিনম্ ।
ন তদা ভবিতা ত্রেতা ন কৃতং দ্বাপরং ন চ ॥ 5-142-11 (36675)
যদা দ্রক্ষ্যসি সঙ্গ্রামে দ্রোণং শান্তনবং কৃপম্ ।
সুয়োধনংচ রাজানং সৈন্ধবং চ জয়দ্রথম্ ॥ 5-142-12 (36676)
যুদ্ধায়াপততস্তূর্ণং বারিতান্সব্যসাচিনা।
ন তদা ভবিতা ত্রেতা ন কৃতং দ্বাপরং ন চ ॥ 5-142-13 (36677)
যদা দ্রক্ষ্যসি সঙ্গ্রামে মাদ্রীপুত্রৌ মহাবলৌ ।
বাহিনীং ধার্তরাষ্ট্রাণাং ক্ষোভয়ন্তৌ গজাবিব ॥ 5-142-14 (36678)
বিগাঢে শস্ত্রসংপাতে পরবীররথারুজৌ ।
ন তদা ভবিতা ত্রেতা ন কৃতং দ্বাপরং ন চ ॥ 5-142-15 (36679)
ব্রূয়াঃ কর্ণ ইতো গৎবা দ্রোণং শান্তনবং কৃপম্ ।
সৌম্যোঽয়ং বর্ততে মাসঃ সুপ্রাপয়বসেন্ধনঃ ॥ 5-142-16 (36680)
সর্বৌষধিবনস্ফীতঃ ফলবানল্পমক্ষিকঃ ।
নিষ্পঙ্কো রসবত্তোয়ো নাত্যুষ্ণশিশিরঃ সুখঃ ॥ 5-142-17 (36681)
সপ্তমাচ্চাপি দিবসাদমাবাস্যা ভবিষ্যতি।
সঙ্গ্রামো যুজ্যতাং তস্যাং তামাহুঃ শক্রদেবতাম্ ॥ 5-142-18 (36682)
তথা রাজ্ঞো বদেঃ সর্বান্যে যুদ্ধায়াভ্যুপাগতাঃ।
যদ্বো মনীষিতং তদ্বৈ সর্বং সংপাদয়াম্যহম্ ॥ 5-142-19 (36683)
5-142-20 (36684)
রাজানো রাজপুত্রাশ্চ দুর্যোধনবশানুগাঃ ।
প্রাপ্য শস্ত্রেণ নিধনং প্রাপ্স্যন্তি গতিমুত্তমাম্ ॥
Mahabharata - Udyoga Parva - Chapter Footnotes
5-142-4 ভৌমনেন বিশ্বকর্মণা ॥ 5-142-18 সংগ্রামঃ সংগ্রামসাধনকলাপঃ । বুজ্যতাং একীভূয়াবতিষ্ঠতাম্ ॥উদ্যোগপর্ব - অধ্যায় 143
॥ শ্রীঃ ॥
5.143. অধ্যায়ঃ 143
Mahabharata - Udyoga Parva - Chapter Topics
কর্ণেন কৃষ্ণংপ্রতি পৃথিবীবীনাশে কশুনিদুশ্শাসনয়োঃ স্বস্যচ মূলৎবকথনম্ । 1 ॥ তথা পার্থধার্তরাষ্ট্রাণাং জয়পরাজয়সূচকনিমিত্তোপবর্ণনপূর্বকং কৃষ্ণমালিঙ্গ্য প্রতিনিবর্তনম্ ॥ 2 ॥ সাত্যকিনাসহ কৃষ্ণস্য উপপ্লাব্যাগমনম্ ॥ 3 ॥Mahabharata - Udyoga Parva - Chapter Text
5-143-0 (36685)
বৈশম্পায়ন উবাচ। 5-143-0x (3805)
কেশবস্য তু তদ্বাক্যং কর্ণঃ শ্রুৎবা হিতং শুভম্।
অব্রবীদভিসংপূজ্য কৃষ্ণং তং মধুসূদনম্ ॥ 5-143-1 (36686)
জানন্মাং কিং মহাবাহো সংমোহয়িতুমিচ্ছসি।
যোয়ং পৃথিব্যাঃ কার্ৎস্ন্যেন বিনাশঃ সমুপস্থিতঃ ॥ 5-143-2 (36687)
নিমিত্তং তত্র শকুনিরহং দুঃশাসনস্তথা।
দুর্যোধনশ্চ নৃপতির্ধৃতরাষ্ট্রসুতোঽভবৎ ॥ 5-143-3 (36688)
অসংশয়মিদং কৃষ্ণ মহদ্যুদ্ধমুপস্থিতম্।
পাণ্ডবানাং কুরূণাং চ ঘোরং রুধিরকর্দমম্ ॥ 5-143-4 (36689)
রাজানো রাজপুত্রাশ্চ দুর্যোধনবশানুগাঃ ।
রণে শস্ত্রাগ্নিনা দগ্ধাঃ প্রাপ্স্যন্তি যমসাদনম্ ॥ 5-143-5 (36690)
স্বপ্না হি বহবো ঘোরা দৃশ্যন্তে মধুসূদন।
নিমিত্তানি চ ঘোরাণি তথোৎপাতাঃ সুদারুণাঃ ॥ 5-143-6 (36691)
পরাজয়ং ধার্তরাষ্ট্রে বিজয়ং চ যুধিষ্ঠিরে ।
সংসন্ত ইব বার্ষ্ণেয় বিবিধা রোমহর্ষণাঃ ॥ 5-143-7 (36692)
প্রাজাপত্যং হি নক্ষত্রং গ্রহস্তীক্ষ্ণো মহাদ্যুতিঃ ।
শনৈশ্চরঃ পীডয়তি পীডয়ন্প্রাণিনোঽধিকম্ ॥ 5-143-8 (36693)
কৃৎবা চাঙ্গারকো বক্রং জ্যোষ্ঠায়াং মধুসূদন।
অনুরাধাং প্রার্থয়তে মৈত্রং সংগময়ন্নিব । 5-143-9 (36694)
নূনং মহদ্ভয়ং কৃষ্ণ কুরূণাং সমুপস্থিতম্ ।
বিশেষেণ হি বার্ষ্ণেয় চিত্রাং পীডয়তে গ্রহঃ ॥ 5-143-10 (36695)
সোমস্য লক্ষ্ম ব্যাবৃত্তং রাহুরর্কমুপৈতি চ।
দিবশ্চোল্কাঃ পতন্ত্যেতাঃ সনির্ঘাতাঃ সকংপনাঃ ॥ 5-143-11 (36696)
নিষ্টনন্তি চ মাতঙ্গা মুঞ্চন্ত্যশ্রূণি বাজিনঃ ।
পানীয়ং যবসং চাপি নাভিনন্দন্তি মাধব ॥ 5-143-12 (36697)
প্রাদুর্ভূতেষু চৈতেষু ভয়মাহুরুপাস্থিতম্।
নিমিত্তেষু মহাবাহো দারুণং প্রাণিনাশনম্ ॥ 5-143-13 (36698)
অল্পে ভুক্তে পুরীষং চ প্রভূতমিহ দৃশ্যতে।
বাজিনাং বারণানাং চ মনুষ্যাণাং চ কেশব ॥ 5-143-14 (36699)
ধার্তরাষ্ট্রস্য সৈন্যেষু সর্বেষু মধুসূদন।
পরাভবস্য তল্লিঙ্গমিতি প্রাহুর্মনীষিণঃ ॥ 5-143-15 (36700)
প্রহৃষ্টং বাহনং কৃষ্ণ পাণ্ডবানাং প্রচক্ষতে।
প্রদক্ষিণা মৃগাশ্চৈব তত্তেষাং জয়লক্ষণম্ ॥ 5-143-16 (36701)
অপসব্যা মৃগাঃ সর্বে ধার্তরাষ্ট্রস্য কেশব ।
বাচশ্চাপ্যশরীরিণ্যস্তকৎপরাভবলক্ষণম্ ॥ 5-143-17 (36702)
ময়ূরাঃ পুণ্যশকুনা হংসসারসচাতকাঃ ।
জীবঞ্জীবকসঙ্ঘাশ্চাপ্যনুগচ্ছন্তি পাণ্ডবান্ ॥ 5-143-18 (36703)
গৃধ্রাঃ কঙ্কা বকাঃ শ্যেনা যাতুধানাস্তথা বৃকাঃ ।
মক্ষিকাণাং চ সঙ্ঘাতা অনুধাবন্তি কৌরবান্ ॥ 5-143-19 (36704)
ধার্তরাষ্ট্রস্য সৈন্যেষু ভেরীণাং নাস্তি নিঃস্বনঃ ।
অনাহতাঃ পাণ্ডবানাং নদন্তি পটহাঃ কিল ॥ 5-143-20 (36705)
উদপানাশ্চ নর্দন্তি যথা গোবৃষভাস্তথা ।
ধার্তরাষ্ট্রস্য সৈন্যেষু তৎপরাভবলক্ষণম্ ॥ 5-143-21 (36706)
মাংসশোণিতবর্ষং চ বৃষ্টং দেবেন মাধব ।
তথা গন্ধর্বনগরং ভানুমৎসমুপস্থিতম্ ॥ 5-143-22 (36707)
সপ্রাকারং সপরিখং সবপ্রং চারুতোরণম্ ।
কৃষ্ণশ্চ পরিঘস্তত্র ভানুমাবৃত্য তিষ্ঠতি ॥ 5-143-23 (36708)
উদয়াস্তমনে সংধ্যে বেদয়ন্তী মহদ্ভয়ম্ ।
শিবা চ বাশতে ঘোরং তৎপরাভবলক্ষণম্ ॥ 5-143-24 (36709)
একপক্ষাক্ষিচরণাঃ পক্ষিণো মধুসূদন ।
উৎসৃজন্তি মহদ্ধোরং তৎপরাভবলক্ষণম্॥ 5-143-25 (36710)
কৃষ্ণগ্রীবাশ্চ শকুনা রক্তপাদা ভয়ানকাঃ ।
সন্ধ্যামিমুখা যান্তি তৎপরাভবলক্ষণম্ ॥ 5-143-26 (36711)
ব্রাহ্মণান্প্রথমং দ্বেষ্টি গুরূংশ্চ মধুসূদন ।
ভৃত্যান্ভক্তিমতশ্চাপি তৎপরাভবলক্ষণম্ ॥ 5-143-27 (36712)
পূর্বা দিগ্লোহিতাকারা শস্ত্রবর্ণা চ দক্ষিণা ।
আমপাত্রপ্রতীকাশা পশ্চিমা মধুসূদন। 5-143-28 (36713)
উত্তরা শঙ্খবর্ণাভা দিশাং বর্ণা উদাহৃতাঃ ॥
প্রদীপ্তাশ্চ দিশঃ সর্বা ধার্তরাষ্ট্রস্য মাধব। 5-143-29 (36714)
মহদ্ভয়ং বেদয়ন্তি তস্মিন্নুৎপাতদর্শনে ॥
সহস্রপাদং প্রাসাদং স্বপ্নান্তে স্ম যুধিষ্ঠিরঃ। 5-143-30 (36715)
অধিরোহন্ময়া দৃষ্টঃ সহ ভ্রাতৃভিরচ্যুত ॥
শ্বেতোষ্ণীষাশ্চ দৃশ্যন্তে সর্বে বৈ শুক্লবাসসঃ । 5-143-31 (36716)
আসনানি চ শুভ্রাণি সর্বেষামুপলক্ষয়ে ॥
তব চাপি ময়া কৃষ্ণ স্বপ্নান্তে রুধিরাবিলা । 5-143-32 (36717)
আন্ত্রেণ পৃথিবী দৃষ্টা পরিক্ষিপ্তা জনার্দন ॥
অস্থিসঞ্চয়মারূঢশ্চামিতৌজা যধিষ্ঠিরঃ । 5-143-33 (36718)
সুবর্ণপাত্র্যাং সংহৃষ্টো ভুক্তবান্ঘৃতপায়সম্ ॥
যুধিষ্ঠিরো ময়া দৃষ্টো গ্রসমানো বসুন্ধরাম্। 5-143-34 (36719)
উচ্চং পর্বতমারূঢো ভীমকর্মা বৃকোদরঃ।
গদাপাণির্নরব্যাঘ্রো গ্রসন্নিব মহীমিমাম্ ॥ 5-143-35 (36720)
ক্ষপয়িষ্যতি নঃ সর্বান্স সুব্যক্তং মহারণে।
বিদিতং মে হৃষীকেশ শ্রিয়া পরময়া জ্বলন্ ॥ 5-143-36 (36721)
পাণ্ডুরং গজমারূঢো গাণ্ডীবী স ধনঞ্জয়ঃ।
ৎবয়া সার্ধং হৃষীকেশ শ্রিয়া পরময়া জ্বলন্ ॥ 5-143-37 (36722)
যূয়ং সর্বে বধিষ্যধ্বং তত্র মে নাস্তি সংশয়ঃ।
পার্থিবান্সমরে কৃষ্ণ দুর্যোধনপুরোগমান্ ॥ 5-143-38 (36723)
নকুলঃ সহদেবশ্চ সাত্যকিশ্চ মহারথঃ ।
শুক্লকেয়ূরকণ্ঠত্রাঃ শুক্লমাল্যাম্বরাবৃতাঃ ॥ 5-143-39 (36724)
অধিরূঢা নরব্যাঘ্রা নরবাহনমুত্তমম্ ।
ত্রয় এতে ময়া দৃষ্টাঃ পাণ্ডুরচ্ছত্রবাসসঃ ॥ 5-143-40 (36725)
শ্বেতোষ্ণীষাশ্চ দৃশ্যন্তে ত্রয় এতে জনার্দন ।
ধার্তরাষ্ট্রেষু সৈন্যেষু তান্বিজানীহি কেশব ॥ 5-143-41 (36726)
অশ্বত্থামা কৃপশ্চৈব কৃতবর্মা চ সাৎবতঃ ।
রক্তোষ্ণীষাশ্চ দৃশ্যন্তে সর্বে মাধব পার্থিবাঃ ॥ 5-143-42 (36727)
উষ্ট্রপ্রয়ুক্তমারূঢৌ ভীষ্মদ্রোণৌ মহারথৌ ।
ময়া সার্ধং মহাবাহো ধার্তরাষ্ট্রেণ বা বিভো ॥ 5-143-43 (36728)
অগস্ত্যশাস্তাং চ দিশং প্রয়াতাঃ স্ম জনার্দন ।
অচিরেণৈব কালেন প্রাপ্স্যামো যমসাদনম্ ॥ 5-143-44 (36729)
অহং চান্যে চ রাজানো যচ্চ তৎক্ষত্রমণ্ডলম্ ।
গাণ্ডিবাগ্নিং প্রবেক্ষ্যাম ইতি মে নাস্তি সংশয়ঃ ॥ 5-143-45 (36730)
কৃষ্ণ উবাচ। 5-143-46x (3806)
অপস্থিতবিনাশেয়ং নূনমদ্য বসুংধরা।
যথা হি মে বচঃ কর্ণ নোপৈতি হৃদয়ং তব ॥ 5-143-46 (36731)
সর্বেষাং তাত ভূতানাং বিনাশে প্রত্যুপস্থিতে।
অনয়ো নয়সঙ্কাশো হৃদয়ান্নাপসর্পতি ॥ 5-143-47 (36732)
কর্ণ উবাচ। 5-143-48x (3807)
অপি ৎবাং কৃষ্ণ পশ্যামো জীবন্তোঽস্মান্মহারণাৎ।
সমুত্তীর্ণা মহাবাহো বীরক্ষত্রবিনাশনাৎ ॥ 5-143-48 (36733)
অথবা সঙ্গমঃ কৃষ্ণ স্বর্গে নো ভবিতা ধ্রুবম্।
তত্রেদানীং সমেষ্যামঃ পুনঃ সার্ধং ৎবয়ানঘ ॥ 5-143-49 (36734)
বৈশম্পায়ন উবাচ। 5-143-50x (3808)
ইত্যুক্ৎবা মাধবং কর্ণঃ পরিষ্বজ্য চ পীডিতম্।
বিসর্জিতঃ কেশবেন রথোপস্থাদবাতরৎ ॥ 5-143-50 (36735)
ততঃ স্বরথামস্থায় জাম্বূনদবিভূষিতম্।
মহাত্মা বৈ নিববৃতে রাধেয়ো দীনমানসঃ ॥ 5-143-51 (36736)
ততঃ শীঘ্রতরং প্রায়াৎকেশবঃ সহসাত্যকিঃ।
পুনরুচ্চারয়ন্বাণীং যাহি যাহীতি সারথিম্ ॥ ॥ 5-143-52 (36737)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ত্রিচৎবারিংশদধিকশততমোধ্যায়ঃ ॥
Mahabharata - Udyoga Parva - Chapter Footnotes
5-143-21 উদপানাঃ কূপাদয়ো জলাশয়াঃ ॥ 5-143-23 গন্ধর্বনগরং সপ্রাকারম্। পরিঘঃ পরিবেষঃ । তত্রাকাশে গন্ধর্বনগরোপর্যেব ॥ 5-143-24 শিবা শ্রৃগালঃ বাশতে শব্দং করোতি ॥ 5-143-30 সহস্রপাদং সহস্রস্তম্ভম্ ॥ 5-143-32 তব পৃথিবীতি সংবন্ধঃ। ৎবচ্ছরীরমিত্যর্থঃ । পরিক্ষিপ্তা পরিবেষ্টিতা ॥ 5-143-46 তব হৃদয়ং কর্তৃ মম বচো নোপৈতি নাঙ্গীকরোতি ॥উদ্যোগপর্ব - অধ্যায় 144
॥ শ্রীঃ ॥
5.144. অধ্যায়ঃ 144
Mahabharata - Udyoga Parva - Chapter Topics
বিদুরেণ কুন্তীসমীপে যুদ্ধে বহুবীরবিনাশানুচিন্তনেন শোচনম্ ॥ 1 ॥ কর্ণপরাক্রমভীতয়া কুন্ত্যা পাণ্ডবান্প্রতি তন্মনঃপ্রসাদনেচ্ছয়া গঙ্গাতীরে কর্ণসমীপগমনম্ ॥ 2 ॥Mahabharata - Udyoga Parva - Chapter Text
5-144-0 (36738)
বৈশম্পায়ন উবাচ। 5-144-0x (3809)
অসিদ্ধানুনয়ে কৃষ্ণে কুরুভ্যঃ পাণ্ডবান্গতে।
অভিগম্য পৃথাং ক্ষত্তা শনৈঃ শোচন্নিবাব্রবীৎ ॥ 5-144-1 (36739)
জানাসি মে জীবপুত্রী ভাবং নিত্যমবিগ্রহে ।
ক্রোশতো নচ গৃহ্ণীতে বচনং মে সুয়োধনঃ ॥ 5-144-2 (36740)
উপপন্নো হ্যসৌ রাজা চেদিপাঞ্চালকেকয়ৈঃ ।
ভীমার্জুনাভ্যাং কৃষ্ণেন যুয়ুধানয়মৈরপি ॥ 5-144-3 (36741)
উপপ্লাব্যে নিবিষ্টোঽপি ধর্মমেব যুধিষ্ঠিরঃ।
কাঙ্ক্ষতে জ্ঞাতিসৌহার্দাদ্বলবান্দুর্বলো যথা॥ 5-144-4 (36742)
রাজা তু ধৃতরাষ্ট্রোঽয়ং বয়োবৃদ্ধো ন শাম্যতি।
মত্তঃ পুত্রমদেনৈব বিধর্মে পথি বর্ততে ॥ 5-144-5 (36743)
জয়দ্রথস্য কর্ণস্য তথা দুঃশাসনস্য চ।
সৌবলস্য চ দুর্বুদ্ধ্যা মিথো ভেদঃ প্রপৎস্যতে । 5-144-6 (36744)
অধর্মেম হি ধর্মিষ্ঠং হ্রিয়তে রাজ্যমীদৃশম্।
যেষাং তেষাময়ং ধর্মঃ সানুবন্ধো ভবিষ্যতি ॥ 5-144-7 (36745)
ক্রিয়মাণে বলাদ্ধর্মে কুরুভিঃ কো ন সংজ্বরেৎ।
অসাম্না কেশবে যাতে সমুদ্যোক্ষ্যন্তি পাণ্ডবাঃ ॥ 5-144-8 (36746)
ততঃ কুরূণামনয়ো ভবিতা বীরনাশনঃ।
চিন্তয়ন্ন লভে নিদ্রামহঃসু চ নিশাসু চ॥ 5-144-9 (36747)
শ্রুৎবা তু কুন্তী তদ্বাক্যমর্থকামেন ভাষিতম্।
সা নিঃশ্বসন্তী দুঃখার্তা মনসা বিমমর্শ হ ॥ 5-144-10 (36748)
ধিগস্ৎবর্থং যৎকৃতেয়ং সুমহাঞ্জ্ঞাতিসংক্ষয়ঃ।
বর্ৎস্যতে সুহৃদাং চৈব যুদ্ধেঽস্মিন্বৈ পরাভবঃ ॥ 5-144-11 (36749)
পাণ্ডবাশ্চেদিপঞ্চালা যাদবাশ্চ সমাগতাঃ।
ভারতৈঃ সহ যোৎস্যন্তি কিং নু দুঃখমতঃপরম্॥ 5-144-12 (36750)
পশ্যে দোষং ধ্রুবং যুদ্ধে তথাঽয়ুদ্ধে পরাভবম্ ।
অধনস্য মৃতং শ্রেয়ো ন হি জ্ঞাতিক্ষয়ো জয়ঃ।
ইতি মে চিন্তয়ন্ত্যা বৈ হৃদি দুঃখং প্রবর্ততে ॥ 5-144-13 (36751)
পিতামহঃ শান্তনব আচার্যশ্চ যুধাং পতিঃ।
কর্ণশ্চ ধার্তরাষ্ট্রার্থং বর্ধয়ন্তি ভয়ং মম ॥ 5-144-14 (36752)
নাচার্যঃ কামবাঞ্শিষ্যৈদ্রৌণোয়ুদ্ধ্যেত জাতুচিৎ।
পাণ্ডবেষু কথং হার্দং কুর্যান্ন চ পিতামহঃ । 5-144-15 (36753)
অয়ং ৎবেকো বৃথাদৃষ্টির্ধার্তরাষ্ট্রস্য দুর্মতেঃ।
মোহানুবর্তী সততং পাপো দ্বেষ্টি চ পাণ্ডবান্ ॥ 5-144-16 (36754)
মহত্যনর্থে নির্বন্ধী বলবাংশ্চ বিশেষতঃ।
কর্ণঃ সদা পাণ্ডবানাং তন্মে দহতি সংপ্রতি ॥ 5-144-17 (36755)
আশংসে ৎবদ্য কর্ণস্য মনোঽহং পাণ্ডবান্প্রতি ।
গ্রসাদয়িতুমাসাদ্য দর্শয়ন্তী যথাতথম্ ॥ 5-144-18 (36756)
তোষিতো ভগবান্যত্র দুর্বাসা মে বরং দদৌ ।
আহ্বানং মন্ত্রসংয়ুক্তং বসন্ত্যাঃ পিতৃবেশ্মনি ॥ 5-144-19 (36757)
সাহমন্তঃপুরে রাজ্ঞঃ কুন্তিভোজপুরস্কৃতা ।
চিন্তয়ন্তী বহুবিধং হৃদয়েন বিদূয়তা ॥ 5-144-20 (36758)
বলাবলং চ মন্ত্রাণাং ব্রাহ্মণস্য চ বাগ্বলম্ ।
স্ত্রীভাবাদ্বালভাবাচ্চ চিন্তয়ন্তী পুনঃ পুনঃ ॥ 5-144-21 (36759)
ধাত্র্যা বিস্রব্ধয়া গুপ্তা সখীজনবৃতা তদা।
দোষং পরিহরন্তী চ পিতুশ্চারিত্র্যরক্ষিণী ॥ 5-144-22 (36760)
কথং নু সুকৃতং মে স্যান্নাপরাধবতী কথম্।
ভবেয়মিতি সংচিন্ত্য ব্রাহ্মণং তং নমস্য চ ॥ 5-144-23 (36761)
কৌতূহলাত্তু তং লব্ধা বালিশ্যাদাচরং তদা।
কন্যা সতী দেবমর্কমাসাদয়মহং ততঃ ॥ 5-144-24 (36762)
যোঽসৌ কানীনগর্ভো মে পুত্রবৎপরিরক্ষিতঃ ।
কস্মান্ন কুর্যাদ্বচনং পথ্যং ভ্রাতৃহিতং তথা ॥ 5-144-25 (36763)
ইতি কুন্তী বিনিশ্চিত্য কার্যনিশ্চয়মুত্তমম্ ।
কার্যার্থমভিনিশ্চিত্য যয়ৌ ভাগীরথীং প্রতি॥ 5-144-26 (36764)
আত্মজস্য ততস্তস্য ঘৃণিনঃ সত্যসঙ্গিনঃ ।
গঙ্গাতীরে পৃথাপশ্যঞ্জপস্থানমনুত্তমম্ ॥ 5-144-27 (36765)
প্রাঙ্মুখস্যোর্ধ্ববাহোঃ সা পর্যতিষ্ঠত পৃষ্ঠতঃ।
জপ্যাবসানং কার্যার্থং প্রতীক্ষন্তী তপস্বিনী ॥ 5-144-28 (36766)
অতিষ্ঠৎসূর্যতাপার্তা কর্ণস্যোত্তরবাসসি।
কৌরব্যপত্নী বার্ষ্ণেয়ী মদ্মমালেব শুষ্যতী ॥ 5-144-29 (36767)
আপৃষ্ঠতাপাঞ্জপ্ৎবা স পরিবৃত্ত্য যতব্রতঃ ।
দৃষ্ট্বা কুন্তীমুপাতিষ্ঠদভিবাদ্য কৃতাঞ্জলিঃ ॥ 5-144-30 (36768)
যথান্যায়ং মহাতেজা মানী ধর্মভৃতাং বরঃ ।
উৎস্ময়ন্প্রণতঃ প্রাহ কুন্তীং বৈকর্তনো বৃষঃ ॥ ॥ 5-144-31 (36769)
ইতি শ্রীমন্মহাভারতে উদ্যোগপর্বণি ভগবদ্যানপর্বণি চতুশ্চৎবারিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-144-8 বলাদ্ধর্মে পাস্বণ্ডিনাং পারদার্যং উভয়সংতোষকরমিতি দ্বয়োরপি ধর্মহেতুরিতি বলাৎকল্পনা শাস্ত্রবহির্ভূতা তদ্বদয়মপীত্যর্থঃ ॥ 5-144-10 অর্থকামেন হিতকামেন ॥ 5-144-13 পশ্যে পশ্যামি। আর্ষমাত্মনেপদম্ ॥ 5-144-24 আচরং তেন মন্ত্রেণ দেবতাবাহনাখ্যং কার্যং কৃতবতী ॥ 5-144-29 উত্তরবাসসি উত্তরীয়বস্ত্রচ্ছায়ায়াম্ ॥ 5-144-30 আপৃষ্ঠতাপাদপরাহ্ণপর্যন্তমিত্যর্থঃ ॥উদ্যোগপর্ব - অধ্যায় 145
॥ শ্রীঃ ॥
5.145. অধ্যায়ঃ 145
Mahabharata - Udyoga Parva - Chapter Topics
কুন্ত্যা কর্ণংপ্রতি তস্য সূর্যাৎস্বস্মিন্ জননকথনপূর্বকং পাণ্ডবৈঃ সহ সংগমচোদনা ॥Mahabharata - Udyoga Parva - Chapter Text
5-145-0 (36770)
কর্ণ উবাচ। 5-145-0x (3810)
রাধেয়োঽহমাধিরথিঃ কর্ণস্ৎবামভিবাদয়ে ।
প্রাপ্তা কিমর্থং ভবতী ব্রূহি কিং করবামি তে ॥ 5-145-1 (36771)
কুন্ত্যুবাচ। 5-145-2x (3811)
কৌন্তেয়স্ৎবং ন রাধেয়ো ন তবাধিরথঃ পিতা।
নাসি সূতকুলে জাতঃ কর্ণ তদ্বিদ্ধি মে বচঃ ॥ 5-145-2 (36772)
কানীনস্ৎবং ময়া জাতঃ পূর্বজঃ কুক্ষিণা ধৃতঃ ।
কুন্তিরাজস্য ভবনে পার্থস্ৎবমসি পুত্রক ॥ 5-145-3 (36773)
প্রকাশকর্মা তপনো যোঽয়ং দেবো বিরোচনঃ ।
অজীজনত্ৎবাং ময়্যেষ কর্ণ শস্ত্রভৃতাং বরম্ ॥ 5-145-4 (36774)
কুণ্ডলী বদ্ধকবচো দেবগর্ভঃ শ্রিয়া বৃতঃ ।
জাতস্ৎবমসি দুর্ধর্ষ ময়া পুত্র পিতুর্গৃহে ॥ 5-145-5 (36775)
স ৎবং ভ্রাতৄনসংবুদ্ধ্য মোহদ্যদুপসেবসে ।
ধার্তরাষ্ট্রান্ন তদ্যুক্তং ৎবয়ি পুত্র বিশেষতঃ ॥ 5-145-6 (36776)
এতদ্ধর্মফলং পুত্র নরাণাং ধর্মনিশ্চয়ে ।
যত্তুষ্যন্ত্যস্য পিতরো মাতা চাপ্যেকদর্শিনী ॥ 5-145-7 (36777)
অর্জুনেনার্জিতাং পূর্বং হৃতাং লোভাদসাধুভিঃ ।
আচ্ছিদ্য ধার্তরাষ্ট্রেভ্যো ভুঙ্ক্ষ যৌধিষ্ঠিরীং শ্রিয়ম্ ॥ 5-145-8 (36778)
অদ্য পশ্যন্তু কুরবঃ কর্ণার্জুনসমাগমম্ ।
সৌভ্রাত্রেণ সমালক্ষ্য সংনমন্তামসাধবঃ । 5-145-9 (36779)
কর্ণার্জুনৌ বৈ ভবতাং যথা রামজনার্দনৌ ।
অসাধ্যং কিং নু লোকে স্যাদ্যুবয়োঃ সংহিতাত্মনোঃ ॥ 5-145-10 (36780)
কর্ণ শোভিষ্যসে নূনং পঞ্চমির্ভ্রাতৃভির্বৃতঃ।
দেবৈঃ পরিবৃতো ব্রহ্মা বেদ্যামিব মহাধ্বরে ॥ 5-145-11 (36781)
উপপদ্যো গুণৈঃ সর্বৈর্জ্যেষ্ঠঃ শ্রেষ্ঠেষু বন্ধুষু ।
সূতপুত্রেতি মা শব্দঃ পার্থস্ৎবমসি বীর্যবান্ ॥ ॥ 5-145-12 (36782)
ইতি শ্রীমন্মহাভারতে উদ্যোগপর্বণি ভগবদ্যানপর্বণি পঞ্চচৎবারিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-145-7 একং পুত্রমেব স্নেহেন পশ্যন্তী একদর্শিনী ॥উদ্যোগপর্ব - অধ্যায় 146
॥ শ্রীঃ ॥
5.146. অধ্যায়ঃ 146
Mahabharata - Udyoga Parva - Chapter Topics
সূর্যেণ কর্ণংপ্রতি কুন্তীবচনস্বীকরণবিধানম্ ॥ 1 ॥ কর্ণেন কুন্তীংপ্রতি সোপালম্ভং দুর্যোধনপরিত্যাগস্য সয়ুক্তিকমনৌচেত্যকথনপূর্বকং অর্জুনবর্জং পাণ্ডবাসংহরণপ্রতিজ্ঞানম্ ॥ 2 ॥Mahabharata - Udyoga Parva - Chapter Text
5-146-0 (36783)
বৈশম্পায়ন উবাচ। 5-146-0x (3812)
ততঃ সূর্যান্নিশ্চরিতাং কর্ণঃ শুশ্রাব ভারতীম্।
দুরত্যযাং প্রণয়িনীং পিতৃবদ্ভাস্করেরিতাম্ ॥ 5-146-1 (36784)
সূর্য উবাচ। 5-146-2x (3813)
সত্যমাহ পৃথা বাক্যং কর্ণ মাতৃবচঃ কুরু।
শ্রেয়স্তে স্যান্নরব্যাঘ্র সর্বমাচরতস্তথা ॥ 5-146-2 (36785)
বৈশম্পায়ন উবাচ। 5-146-3x (3814)
এবমুক্তস্য মাত্রা চ স্বয়ং পিত্রা চ ভানুনা ।
চচাল নৈব কর্ণস্য মতিঃ সত্যধৃতেস্তদা ॥ 5-146-3 (36786)
কর্ণ উবাচ। 5-146-4x (3815)
ন চৈতচ্ছ্রদ্দধে বাক্যং ক্ষত্রিয়ে ভাষিতং ৎবয়া।
ধর্মদ্বারং মমৈতৎস্যান্নিয়োগকরণং তব ॥ 5-146-4 (36787)
অকরোন্ময়ি যৎপাপং ভবতী সুমহাত্যযম্ ।
অপাকীর্ণোঽস্মি যন্মাতস্তদ্যশঃকীর্তিনাশনম্ ॥ 5-146-5 (36788)
অহং চেৎক্ষত্রিয়ো জাতো ন প্রাপ্তঃ ক্ষত্রসৎক্রিয়াম্ ।
ৎবৎকৃতে কিং নু পাপীয়ঃ শত্রুঃ কুর্যান্মমাহিতম্ ॥ 5-146-6 (36789)
ক্রিয়াকালে ৎবনুক্রোশমকৃৎবা ৎবমিমং মম।
হীনসংস্ক্রাসময়মদ্য মাং সমচূচুদঃ ॥ 5-146-7 (36790)
ন বৈ মম হিতং পূর্বং মাতৃবচ্চেষ্টিতং ৎবয়া।
সা মাং সংবোধয়স্যদ্য কেবলাত্মহিতৈষিণী ॥ 5-146-8 (36791)
কৃষ্ণেন সহিতাৎকো বৈ ন ব্যথেত ধনংজয়াৎ।
কোদ্য ভীতং ন মাং বিদ্যাৎপর্থানাং সমিতিং গতম্ ॥ 5-146-9 (36792)
অভ্রাতা বিদিতঃ পূর্বং যুদ্ধকালে প্রকাশিতঃ ।
পাণ্ডবান্যদি গচ্ছামি কিং মাং ক্ষত্রং বদিষ্যতি ॥ 5-146-10 (36793)
সর্বকামৈঃ সংবিভক্তঃ পূজিতশ্চ যথাসুখম্ ।
অহং বৈ ধার্তরাষ্ট্রাণাং কুর্যাং তদফলং কথম্ ॥ 5-146-11 (36794)
উপনহ্য পরৈর্বৈরং যে মাং নিত্যমুপাসতে ।
নমস্কুর্বন্তি চ সদা বসবো বাসবং যথা ॥ 5-146-12 (36795)
মম প্রাণেন যে শত্রূঞ্শক্তাঃ প্রতিসমাসিতুম্।
মন্যন্তে তে কথং তেষামহং ছিন্দ্যাং মনোরথম্ ॥ 5-146-13 (36796)
ময়া প্লবেন সংগ্রামং তিতীর্ষন্তি দুরত্যযম্।
অপারে পারকামা যে ত্যজেয়ং তানহং কথম্ ॥ 5-146-14 (36797)
অয়ং হি কালঃ সংপ্রাপ্তো ধার্তরাষ্ট্রোপজীবিনাম্ ।
নির্বেষ্টব্যং ময়া তত্র প্রাণানপরিরক্ষতা ॥ 5-146-15 (36798)
কৃতার্থাঃ সুভৃতা যে হি কৃত্যকালে হ্যুপস্থিতে।
অনবেক্ষ্য কৃতং পাপা বিকুর্বন্ত্যনবস্থিতাঃ ॥ 5-146-16 (36799)
রাজকিল্বিষিণাং তেষাং ভর্তৃপিণ্ডাপহারিণাম্।
নৈবায়ং ন পরো লোকো বিদ্যতে পাপকর্মণাম্। 5-146-17 (36800)
ধৃতরাষ্ট্রস্য পুত্রাণামর্থে যোৎস্যামি তে সুতৈঃ ।
বলং চ শক্তিং চাস্থায় ন বৈ ৎবয়্যনৃতং বদে॥ 5-146-18 (36801)
আনৃশংস্যমথো বৃত্তং রক্ষন্সৎপুরুষোচিতম্।
অতোঽর্থকরমপ্যেতন্ন করোম্যদ্য তে বচঃ ॥ 5-146-19 (36802)
ন চ তেঽয়ং সমারম্ভো ময়ি মোঘো ভবিষ্যতি।
বধ্যান্বিষহ্যান্সংগ্রামে ন হনিষ্যামি তে সুতান্ ॥ 5-146-20 (36803)
যুধিষ্ঠিরং চ ভীমং চ যমৌ চৈবার্জুনাদৃতে ।
অর্জুনেন সমং যুদ্ধমপি যৌধিষ্ঠিরে বলে ॥ 5-146-21 (36804)
অর্জুনং হি নিহত্যাজৌ সংপ্রাপ্তং স্যাৎফলং ময়া।
যশসা চাপি যুজ্যেয়ং নিহতঃ সব্যসাচিনা ॥ 5-146-22 (36805)
ন তে জাতু নশিষ্যন্তি পুত্রাঃ পঞ্চ যশস্বিনি ।
নিরর্জুনাঃ সকর্ণা বা সার্জুনা বা হতে ময়ি ॥ 5-146-23 (36806)
ইতি কর্ণবচঃ শ্রুৎবা কুন্তী দুঃখাৎপ্রবেষতী ।
উবাচ পুত্রমাশ্লিষ্য কর্ণং ধৈর্যাদকম্পনম্ ॥ 5-146-24 (36807)
এবং বৈ ভাব্যমেতেন ক্ষয়ং যাস্যন্তি কৌরবাঃ ।
যথা ৎবং ভাষসে কর্ণ দৈবং তু বলবত্তরম্ ॥ 5-146-25 (36808)
ৎবয়া চতুর্ণাং ভ্রাতৄণামভয়ং শত্রুকর্শন ।
দত্তং তৎপ্রতিজানীহি সঙ্গরপ্রতিমোচনম্ ॥ 5-146-26 (36809)
অনাময়ং স্বস্তি চেতি পৃথাথো কর্ণমব্রবীৎ ।
তাং কর্ণোঽভ্যবদৎপ্রীতস্ততস্তৌ জগ্মতুঃ পৃথক্ ॥ ॥ 5-146-27 (36810)
ইতি শ্রীমন্মহাভারতে উদ্যোগপর্বণি ভগবদ্যানপর্বণি ষট্চৎবারিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-146-4 ন শ্রদ্দধে কর্তব্যৎবেন ন মন্যে। ধর্মদ্বারং বিপরীতলক্ষণয়া ধর্মাপগমদ্বারম্। তব নিয়োগকরণং ৎবদাজ্ঞপ্তার্থানুষ্ঠানম্ ॥ 5-146-5 সুমহাত্যযং সুমহান্ অত্যযো জাতিভ্রংশাখ্যো বিনাশো যস্মাৎ। অপাকীর্ণস্ত্যক্তঃ ॥ 5-146-6 ৎবৎকৃতে ৎবৎসুখার্থং কানীনো গর্ভঃ প্রকটো মাভূদিতি হেতোরহং ক্ষত্রসৎক্রিয়াং চেন্ন প্রাপ্তস্তর্হি ৎবদন্যঃ কঃ শত্রুঃ কিং মমাহিতং পাপীয় ইতি ইতোপি পাপতরং কুর্যান্ন কোঽপীত্যর্থঃ ॥ 5-146-7 ক্রিয়াকালে ক্ষত্রিয়োচিতসংস্কারকালে। অনুক্রোশং দয়াম্। সমচূচুদঃ স্বকার্যার্থং প্রেরিতবত্যনি ॥ 5-146-12 উপনহ্য বধ্বা ॥ 5-146-13 প্রতিসমাসিতুং জেতুম্ ॥ 5-146-15 নির্বেষ্টব্যং আনৃণ্যং কর্তব্যম্ ॥ 5-146-20 বিষহ্যান্ হন্তুং শক্যানপীত্যর্থঃ ॥উদ্যোগপর্ব - অধ্যায় 147
॥ শ্রীঃ ॥
5.147. অধ্যায়ঃ 147
Mahabharata - Udyoga Parva - Chapter Topics
কৃষ্ণেন পাণ্ডবান্প্রতি সংক্ষেপেণ হাস্তিননগরবৃত্তান্তকথনম্ ॥ 1 ॥ পাণ্ডবৈঃ কৃষ্ণংপ্রতি বিস্তরেণ ভীষ্মাদিবচনকথনপ্রার্থনা ॥ 2 ॥ কৃষ্ণেন শমবিধায়কভীষ্মবচনানুবাদঃ ॥ 3 ॥Mahabharata - Udyoga Parva - Chapter Text
5-147-0 (36811)
বৈশম্পায়ন উবাচ। 5-147-0x (3816)
আগম্য হাস্তিনপুরাদুপপ্লাব্যমরিন্দমঃ ।
পাণ্ডবানাং যথাবৃত্তং কেশবঃ সর্বমুক্তবান্ ॥ 5-147-1 (36812)
সংভাষ্য সুচিরং কালং মন্ত্রয়িৎবা পুনঃ পুনঃ ।
স্বমেব ভবনং শৌরির্বিশ্রমার্থং জগাম হ ॥ 5-147-2 (36813)
বিসৃজ্য সর্বান্নৃপতীন্বিরাটপ্রমুখাংস্তদা।
পাণ্ডবা ভ্রাতরঃ পঞ্চ ভানাবস্তংগতে সতি ॥ 5-147-3 (36814)
সন্ধ্যামুপাস্য ধ্যায়ন্তস্তমেব গতমানসাঃ।
আনায়্য কৃষ্ণং দাশার্হং পুনর্মন্ত্রমমন্ত্রয়ন্ ॥ 5-147-4 (36815)
যুধিষ্ঠির উবাচ। 5-147-5x (3817)
ৎবয়া নাগপুরং গৎবা সভায়াং ধৃতরাষ্ট্রজঃ।
কিমুক্তঃ পুণ্ডরীকাক্ষ তন্নঃ শংসিতুমর্হসি ॥ 5-147-5 (36816)
বাসুদেব উবাচ। 5-147-6x (3818)
ময়া নাগপুরং গৎবা সভায়াং ধৃতরাষ্ট্রজঃ।
তথ্যং পথ্যং হিতং চোক্তো ন চ গৃহ্ণাতি দুর্মতিঃ । 5-147-6 (36817)
যুধিষ্ঠির উবাচ। 5-147-7aতস্মিন্নুৎপথমাপন্নে কুরুবৃদ্ধঃ পিতামহঃ।
কিমুক্তবান্হৃষীকেশ দুর্যোধনমমর্ষণম্ ॥ 5-147-7x (3819)
আচার্যো বা মহাভাগ ভারদ্বাজঃ কিমব্রবীৎ।
পিতরৌ ধৃতরাষ্ট্রস্তং গান্ধারী বা কিমব্রবীৎ ॥ 5-147-8 (36818)
পিতা যবীয়ানস্মাকং ক্ষত্তা ধর্মবিদাং বরঃ।
পুত্রশোকাভিসন্তপ্তঃ কিমাহ ধৃতরাষ্ট্রজম্ ॥ 5-147-9 (36819)
কিংচ সর্বে নৃপতয়ঃ সভায়াং যে সমাসতে।
উক্তবন্তো যথাতত্ৎবং তদ্ব্রূহি ৎবং জনার্দন ॥ 5-147-10 (36820)
উক্তবান্হি ভবান্সর্বং বচনং কুরুমুখ্যযোঃ।
ধার্তরাষ্ট্রস্য তেষাং হি বচনং কুরুসংসদি ॥ 5-147-11 (36821)
কামলোভাভিভূতস্য মন্দস্য প্রাজ্ঞমানিনঃ ।
অপ্রিয়ং হৃদয়ে মহ্যং তন্ন তিষ্ঠতি কেশব ॥ 5-147-12 (36822)
তেষাং বাক্যানি গোবিন্দ শ্রোতুমিচ্ছাম্যহং বিভো।
যথা চ নাভিপদ্যেত কালস্তাত তথা কুরু।
ভবান্হি নো গতিঃ কৃষ্ণ ভবান্নাথো ভবান্গুরুঃ ॥ 5-147-13 (36823)
বাসুদেব উবাচ। 5-147-14x (3820)
শ্রৃণু রাজন্যথা বাক্যমুক্তো রাজা সুয়োধনঃ।
মধ্যে কুরূণাং রাজেন্দ্র সভায়াং তন্নিবোধ মে ॥ 5-147-14 (36824)
ময়া বিশ্রাবিতে বাক্যে জহাস ধৃতরাষ্ট্রজঃ ।
অথ ভীষ্মঃ সুসংক্রুদ্ধ ইদং বচনমব্রবীৎ ॥ 5-147-15 (36825)
দুর্যোধন নিবোধেদং কুলার্থে যদ্ব্রবীমি তে।
তচ্ছ্রুৎবা রাজশার্দূল স্বকুলস্য হিতং কুরু ॥ 5-147-16 (36826)
মম তাত পিতা রাজঞ্শন্তনুর্লোকবিশ্রুতঃ।
তস্যাহমেক এবাসং পুত্রঃ পুত্রবতাং বরঃ ॥ 5-147-17 (36827)
তস্য বুদ্ধিঃ সমুৎপন্না দ্বিতীয়ঃ স্যাৎকথং সুতঃ।
একপুত্রমপুত্রং বৈ প্রবদন্তি মনীষিণঃ ॥ 5-147-18 (36828)
ন চোচ্ছেদং কুলং যায়াদ্বিস্তীর্যেচ্চ কথং যশঃ।
তস্যাহমীপ্সিতং বুদ্ধ্বা কালীং মাতরমাবহম্ ॥ 5-147-19 (36829)
প্রতিজ্ঞাং দুষ্করাং কৃৎবা পিতুরর্থে কুলস্য চ।
অরাজা চোর্ধ্বরেতাশ্চ যথা সুবিদিতং তব।
প্রতীতো নিবসাম্যেষ প্রতিজ্ঞামনুপালয়ন্ ॥ 5-147-20 (36830)
তস্যাং জজ্ঞে মহাবাহুঃ শ্রীমান্কুরুকুলোদ্বহঃ ।
বিচিত্রবীর্যো ধর্মাত্মা কনীয়ান্মম পার্থিব ॥ 5-147-21 (36831)
স্বর্যাতেঽহং পিতরি তং স্বরাজ্যে সন্ন্যবেশয়ম্।
বিচিত্রবীর্যং রাজানং ভৃত্যো ভূৎবা হ্যধশ্চরঃ ॥ 5-147-22 (36832)
তস্যাহং সদৃশান্দারান্রাজেন্দ্র সমুপাহরম্।
জিৎবা পার্থিবসঙ্ঘাতমপি তে বহুশঃ শ্রুতম্ ॥ 5-147-23 (36833)
ততো রামেণ সমরে দ্বন্দ্বয়ুদ্ধমুপাগমম্।
স হি রামভয়াদেভির্নাগরৈর্বিপ্রবাসিতঃ ॥ 5-147-24 (36834)
দারেষ্বপ্যতিসক্তশ্চ যক্ষ্মাণং সমপদ্যত।
যদা ৎবরাজকে রাষ্ট্রে ন ববর্ষ সুরেশ্বরঃ ।
তদাভ্যধাবন্মামেব প্রজাঃ ক্ষুদ্ভয়পীডিতাঃ ॥ 5-147-25 (36835)
প্রজা ঊচুঃ । 5-147-26x (3821)
উপক্ষীণাঃ প্রজাঃ সর্বা রাজা ভব ভবায় নঃ।
ঈতীঃ প্রণুদ ভদ্রং শন্তনোঃ কুলবর্ধন ॥ 5-147-26 (36836)
পীড্যন্তে তে প্রজাঃ সর্বা ব্যাধিভির্ভৃশদারুণৈঃ ।
অল্পাবশিষ্টা গাঙ্গেয় তাঃ পরিত্রাতুমর্হসি ॥ 5-147-27 (36837)
ব্যাধীন্প্রণুদ্য বীর ৎবং প্রজা ধর্মেণ পালয়।
ৎবয়ি জিবতী মা রাষ্ট্রং বিনাশমুপগচ্ছতু ॥ 5-147-28 (36838)
ভীষ্ম উবাচ। 5-147-29x (3822)
প্রজানাং ক্রোশতীনাং বৈ নৈবাক্ষুভ্যত মে মনঃ ।
প্রতিজ্ঞাং রক্ষমাণস্য তদ্বৃত্তং স্মরতস্তথা ।
ততঃ পৌরা মহারাজ মাতা কালী চ মে শুভা ॥ 5-147-29 (36839)
ভৃত্যাঃ পুরোহিতাচার্যা ব্রাহ্মণাশ্চ বহুশ্রুতাঃ।
মামূচুর্ভৃশসংতপ্তা ভব রাজেতি সন্ততম্ ॥ 5-147-30 (36840)
প্রতীপরক্ষিতং রাষ্ট্রং ৎবাং প্রাপ্য বিনশিষ্যতি।
স ৎবমস্মদ্ধিতার্থং বৈ রাজা ভব মহামতে ॥ 5-147-31 (36841)
ইত্যুক্তঃ প্রাঞ্জলির্ভূৎবা দুঃখিতো ভৃশমাতুরঃ ।
তেভ্যো ন্যবেদয়ং তত্র প্রতিজ্ঞাং পিতৃগোরবাৎ ॥ 5-147-32 (36842)
ঊর্ধ্বরেতা হ্যরাজা চ কুলস্যার্থে পুনঃ পুনঃ ।
বিশেষতস্ৎবদর্থং চ ধুরি মা মাং নিয়োজয় ॥ 5-147-33 (36843)
ততোঽহং প্রাঞ্জলির্ভূৎবা মাতরং সংপ্রসাদয়ম্।
নাম্ব শন্তনুনা জাতঃ কৌরবং বংশমুদ্বহন্ ॥ 5-147-34 (36844)
প্রতিজ্ঞাং বিতথাং কুর্যামিতি রাজন্পুনঃ পুনঃ ।
বিশেষতস্ৎবদর্থং চ প্রতিজ্ঞাং কৃতবানহম্ ॥ 5-147-35 (36845)
অহং প্রেষ্যশ্চ দাসশ্চ তবাদ্য সুতবৎসলে ।
এবং তামনুনীয়াহং মাতরং জনসন্নিধৌ ॥ 5-147-36 (36846)
অয়াচং ভ্রতৃদারেষু তদা ব্যাসং মহামুনিম্ ।
সহ মাত্রা মহারাজ প্রসাদ্য তমৃষিং মহামুনিম্ । 5-147-37 (36847)
অপত্যার্থং মহারাজ প্রসাদং কৃতবাংশ্চ সঃ ।
ত্রীন্স পুত্রানজনয়ত্তদা ভরতসত্তম ॥ 5-147-38 (36848)
অন্ধঃ করণহীনৎবান্ন বৈ রাজা পিতা তব।
রাজা তু পাণ্ডুরভবন্মহাত্মা লোকবিশ্রুতঃ ॥ 5-147-39 (36849)
স রাজা তস্য তে পুত্রাঃ পিতুর্দায়াদ্যহারিণঃ ।
মা তাত কলহং কার্ষী রাজ্যস্যার্ধং প্রদীয়তাম্ ॥ 5-147-40 (36850)
ময়ি জীবতি রাজ্যং কঃ সংপ্রশাসেৎপুমানিহ।
মাবমংস্যা বচো মহ্যং শমমিচ্ছামি বঃ সদা ॥ 5-147-41 (36851)
ন বিশেষোঽস্তি মে পুত্র ৎবয়ি তেষু চ ষার্থিব।
মতমেতৎপিতুস্তুভ্যং গান্ধার্যা বিদুরস্য চ ॥ 5-147-42 (36852)
শ্রোতব্যং খলু বৃদ্ধানাং নাভিশঙ্কীর্বচো মম।
নাশয়িষ্যসি মা সর্বমাত্মানং পৃথিবীং তথা ॥ ॥ 5-147-43 (36853)
ইতি শ্রীমন্মহাভারতে উদ্যোগপর্বণি ভগবদ্যানপর্বণি সপ্তচৎবারিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-147-13 নাভিপদ্যেত নাতিক্রামেত ॥ 5-147-19 কালীং সত্যবতীম্ ॥ 5-147-20 প্রতীতঃ তুষ্টঃ ॥ 5-147-24 বিপ্রবাসিতঃ দূরেস্থাপিতঃ ॥উদ্যোগপর্ব - অধ্যায় 148
॥ শ্রীঃ ॥
5.148. অধ্যায়ঃ 148
Mahabharata - Udyoga Parva - Chapter Topics
কৃষ্ণেন পাণ্ডবান্প্রতি দ্রোণবাক্যানুবাদঃ ॥ 1 ॥ তথা ভীষ্মংপ্রত্যুক্তবিদুরবচনানুবাদঃ ॥ 2 ॥ তথা গান্ধারীবচনানুবাদঃ ॥ 3 ॥Mahabharata - Udyoga Parva - Chapter Text
5-148-0 (36854)
বাসুদেব উবাচ। 5-148-0x (3823)
ভীষ্মেণোক্তে ততো দ্রোণো দুর্যোধনমভাষত ।
মধ্যে নৃপাণাং ভদ্রং তে বচনং বচনক্ষমঃ ॥ 5-148-1 (36855)
প্রাতীপঃ শন্তনুস্তাত কুলস্যার্থে যথা স্থিতঃ ।
যথা দেবব্রতো ভীষ্মঃ কুলস্যার্থে স্থিতোঽভবৎ ॥ 5-148-2 (36856)
তথা পাণ্ডুর্নরপতিঃ সত্যসন্ধো জিতেন্দ্রিয়ঃ।
রাজা কুরূণাং ধর্মাত্মা সুব্রতঃ সুসমাহিতাঃ ॥ 5-148-3 (36857)
জ্যেষ্ঠায় রাজ্যমদদদ্ধৃতরাষ্ট্রায় ধীমতে।
যবীয়সে তথা ক্ষত্রে কুরূণাং বংশবর্ধনঃ । 5-148-4 (36858)
ততঃ সিংহাসনে রাজন্স্থাপয়িৎবৈনমচ্যুতম্ ॥
বনং জগাম কৌরব্যো ভার্যাভ্যাং সহিতো নৃপঃ ॥ 5-148-5 (36859)
নীচৈঃ স্থিৎবা তু বিদুর উপাস্তে স্ম বিনীতবৎ।
প্রেষ্যবৎপুরুষব্যাঘ্রো বালব্যজনমুৎক্ষিপন্ ॥ 5-148-6 (36860)
ততঃ সর্বাঃ প্রজাস্তাত ধৃতরাষ্ট্রং জনেশ্বরম্ ।
অন্বপদ্যন্ত বিধিবদ্যথা পাণ্ডুং জনাধিপম্ ॥ 5-148-7 (36861)
বিসৃজ্য ধৃতরাষ্ট্রায় রাজ্যং স বিদুরায় চ।
চচার পৃথিবীং পাণ্ডুঃ সর্বাং পরপুরঞ্জয়ঃ ॥ 5-148-8 (36862)
কোশসংবননে দানে ভৃত্যানাং চান্ববেক্ষণে ।
ভরণে চৈব সর্বস্য বিদুরঃ সত্যসঙ্গরঃ ॥ 5-148-9 (36863)
সন্ধিবিগ্রহসংয়ুক্তো রাজ্ঞাং সংবাহনক্রিয়াঃ ।
অবৈক্ষত মহাতেজা ভীষ্মঃ পরপুরঞ্জয়ঃ ॥ 5-148-10 (36864)
সিংহাসনস্থো নৃপতির্ধৃতরাষ্ট্রো মহাবলঃ ।
অন্বাস্যমানঃ সততং বিদুরেণ মহাত্মনা ॥ 5-148-11 (36865)
কথং তস্য কুলে জাতঃ কুলভেদং ব্যবস্যসি।
সংভূয় ভ্রাতৃভিঃ সার্ধং ভুঙ্ক্ষ ভোগাঞ্জনাধিপ ॥ 5-148-12 (36866)
ব্রবীম্যহং ন কার্পণ্যান্নার্থহেতোঃ কথঞ্চন ।
ভীষ্মেণ দত্তমিচ্ছামি ন ৎবয়া রাজসত্তম ॥ 5-148-13 (36867)
নাহং ৎবত্তোঽভিকাঙ্ক্ষিষ্যে বৃত্ত্যুপায়ং জনাধিপ ।
যতো ভীষ্মস্ততো দ্রোণো যদ্ভীষ্মস্ৎবাহ তৎকুরু ॥ 5-148-14 (36868)
দীয়তাং পাণ্ডুপুত্রেভ্যো রাজ্যার্ধমরিকর্শন ।
সমমাচার্যকং তাত তব তেষাং চ মে সদা ॥ 5-148-15 (36869)
অশ্বত্থামা যথা মহ্যং তথা শ্বেতহয়ো মম ।
বহুনা কিং প্রলাপেন যতো ধর্মস্ততো জয়ঃ ॥ 5-148-16 (36870)
বাসুদেব উবাচ। 5-148-17x (3824)
এবমুক্তে মহারাজ দ্রোণেনামিততেজসা।
ব্যাজহার ততো বাক্যং বিদুরঃ সত্যসঙ্গরঃ ।
পিতুর্বদনমন্বীক্ষ্য পরিবৃত্ত্য চ ধর্মবিৎ ॥ 5-148-17 (36871)
বিদুর উবাচ। 5-148-18x (3825)
দেবব্রত নিবোধেদং বচনং মম ভাষতঃ।
প্রনষ্টঃ কৌরবো বংশস্ৎবয়ায়ং পুনরুদ্ধৃতঃ ॥ 5-148-18 (36872)
তন্মে বিলপমানস্য বচনং সমুপেক্ষসে।
কোয়ং দুর্যোধনো নাম কুলেঽস্মিন্কুলপাংসনঃ ॥ 5-148-19 (36873)
যস্য লোভাভিভূতস্য মতিং সমনুবর্তসে ।
অনার্যস্যাকৃতজ্ঞস্য লোভেন হৃতচেতসঃ ।
অতিক্রামতি যঃ শাস্ত্রং পিতুর্ধর্মার্থদর্শিনঃ ॥ 5-148-20 (36874)
এতে নশ্যন্তি কুরবো দুর্যোধনকৃতেন বৈ।
যথা তে ন প্রণশ্যেয়ুর্মহারাজ তথা কুরু ॥ 5-148-21 (36875)
মাং চৈব ধৃতরাষ্ট্রং চ পূর্বমেব মহামতে।
চিত্রকার ইবালেখ্যং কৃৎবা স্থাপিতবানসি ॥ 5-148-22 (36876)
প্রজাপতিঃ প্রজাঃ সৃষ্ট্বা যথা সংহরতে তথা।
নোপেক্ষশ্ব মহাবাহো পশ্যমানঃ কুলক্ষয়ম্ ॥ 5-148-23 (36877)
অথ তেঽদ্য মতির্নষ্টা বিনাশে প্রত্যুপস্থিতে ।
বনং গচ্ছ ময়া সার্ধং ধৃতরাষ্ট্রেণ চৈব হ ॥ 5-148-24 (36878)
বদ্ধ্বা বা নিকৃতিপ্রজ্ঞং ধার্তরাষ্ট্রং সুদুর্মতিম্ ।
শাধীদং রাজ্যমদ্যাশু পাণ্ডবৈরভিরক্ষিতম্ ॥ 5-148-25 (36879)
প্রসীদ রাজশার্দূল বিনাশো দৃশ্যতে মহান্ ।
পাণ্ডবানাং কুরূণাং চ রাজ্ঞামমিততেজসাম্ ॥ 5-148-26 (36880)
বাসুদেব উবাচ। 5-148-27x (3826)
বিররামৈবমুক্ৎবা তু বিদুরো দীনমানসঃ ।
প্রধ্যায়মানঃ স তদা নিঃশ্বসংশ্চ পুনঃ পুনঃ ॥ 5-148-27 (36881)
ততোঽস্য রাজ্ঞঃ সুবলস্য পুত্রী
ধর্মার্থয়ুক্তং কুলনাশমীতা।
দুর্যোধনং পাপমতিং নৃশংসং
রাজ্ঞাং সমক্ষং সুতমাহ কোপাৎ ॥ 5-148-28 (36882)
যে পার্থিবা রাজসভাং প্রবিষ্টা
ব্রহ্মর্ষয়ো যে চ সভাসদোঽন্যে।
শ্রৃণ্বন্তু বক্ষ্যামি তবাপরাধং
পাপস্য সামাত্যপরিচ্ছদস্য ॥ 5-148-29 (36883)
রাজ্যং কুরূণামনুরূপভোজ্যং
ক্রমাগতো নঃ কুলধর্ম এষঃ।
ৎবং পাপবুদ্ধেঽতিনৃশংসকর্মন্
রাজ্যং কুরূণামনয়াদ্বিহংসি ॥ 5-148-30 (36884)
রাজ্যে স্থিতো ধৃতরাষ্ট্রো মনীষী
তস্যানুজো বিদুরো দীর্ঘদর্শী ।
এতাবতিক্রম্য কথং নৃপৎবং
দুর্যোধন প্রার্থয়সেঽদ্য মোহাৎ ॥ 5-148-31 (36885)
রাজা চ ক্ষত্তা চ মহানুভাবৌ
ভীষ্মে স্থিতে পরবন্তৌ ভবেতাম্ ।
অয়ং তু ধর্মজ্ঞতয়া মহাত্মা
ন রাজ্যকামো নৃবরো নদীজঃ ॥ 5-148-32 (36886)
রাজ্য তু পাণ্ডোরিদমপ্রধৃষ্যং
তস্যাদ্য পুত্রাঃ প্রভবন্তি নান্যে।
রাজ্যং তদেতন্নিখিলং পাণ্ডবানাং
পৈতামহং পুত্রপৌত্রানুগামি ॥ 5-148-33 (36887)
যদ্বৈ ব্রূতে কুরুমুখ্যো মহাত্মা
দেবব্রতঃ সত্যসন্ধো মনীষী ।
সর্বং তদস্মাভিরহত্য কার্যং
রাজ্যং স্বধর্মান্পরিপালয়দ্ভিঃ ॥ 5-148-34 (36888)
অনুজ্ঞয়া চাথ মহাব্রতস্য
ব্রূয়ান্নৃপোঽয়ং বিদুরস্তথৈব।
কার্যং ভবেত্তৎসুহৃদ্ভির্নিয়োজ্যং
ধর্মং পুরস্কৃত্য সুদীর্ঘকালম্ ॥ 5-148-35 (36889)
ন্যায়াগতং রাজ্যমিদং কুরূণাং
যুধিষ্ঠিরঃ শাস্তু বৈ ধর্মপুত্রঃ ।
প্রচোদিতো ধৃতরাষ্ট্রেণ রাজ্ঞা
পুরস্কৃতঃ শান্তনবেন চৈব ॥ ॥ 5-148-36 (36890)
ইতি শ্রীমন্মহাভারতে উদ্যোগপর্বণি ভগবদ্যানপর্বণি অষ্টচৎবারিংশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-148-4 যথা জ্যেষ্ঠায়াদদৎ তথা ক্ষত্রে বিদুরায়াপি ন্যাসভূতমদদাদিতি ভাবঃ ॥ 5-148-9 সংবননমাত্মীয়তাকরণম্ ॥ 5-148-17 পিতুর্ভীষ্মস্য ॥ 5-148-20 শাস্ত্রং আজ্ঞাম্ ॥উদ্যোগপর্ব - অধ্যায় 149
॥ শ্রীঃ ॥
5.149. অধ্যায়ঃ 149
Mahabharata - Udyoga Parva - Chapter Topics
কৃষ্ণেন পাণ্ডবান্প্রতি ধৃতরাষ্ট্রেণ দুর্যোধনংপ্রত্যুক্তবচনানুবাদঃ ॥ 1 ॥Mahabharata - Udyoga Parva - Chapter Text
5-149-0 (36891)
বাসুদেব উবাচ। 5-149-0x (3827)
এবমুক্তে তু গান্ধার্যা ধৃতরাষ্ট্রো জনেশ্বরঃ।
দুর্যোধনমুবাচেদং রাজমধ্যে জনাধিপ ॥ 5-149-1 (36892)
দুর্যোধন নিবোধেদং যত্ৎবাং বক্ষ্যামি পুত্রক ।
তথা তৎকুরু ভদ্রং তে যদ্যস্তি পিতৃগৌরবম্ ॥ 5-149-2 (36893)
সোমঃ প্রজাপতিঃ পূর্বং কুরূণাং বংশবর্ধনঃ ।
সোমাদ্বভূব ষষ্ঠোঽয়ং যয়াতির্নহুষাত্মজঃ ॥ 5-149-3 (36894)
তস্য পুত্রা বভূবুর্হি পঞ্চ রাজর্ষিসত্তমাঃ ।
তেষাং যদুর্মহাতেজা জ্যেষ্ঠঃ সমভবৎপ্রভুঃ ॥ 5-149-4 (36895)
পূরুর্যবীয়াংশ্চ ততো যোঽস্মাকং বংশবর্ধনঃ।
শর্মিষ্ঠয়া সংপ্রসূতো দুহিত্রা বৃষপর্বণঃ ॥ 5-149-5 (36896)
যদুশ্চ ভরতশ্রেষ্ঠ দেবয়ান্যাঃ সুতোঽভবৎ।
দৌহিত্রস্তাত শুক্রস্য কাব্যস্যামিততেজসঃ ॥ 5-149-6 (36897)
যাদবানাং কুলকরো বলবান্বীর্যসংমতঃ ।
অবমেনে স তু ক্ষত্রং দর্পপূর্ণঃ সুমন্দধীঃ ॥ 5-149-7 (36898)
ন চাতিষ্ঠৎপিতুঃ শস্ত্রি বলদর্পবিমোহিতঃ ।
অবমেনে চ পিতরং ভ্রাতৄংশ্চাপ্যপরাজিতঃ ॥ 5-149-8 (36899)
পৃথিব্যাং চতুরন্তায়াং যদুদেবাভবদ্বলী ।
বশে কৃৎবা স নৃপতীন্ন্যবসন্নাগসাহ্বয়ে ॥ 5-149-9 (36900)
তং পিতা পরমক্রুদ্ধো যয়াতির্নহুষাত্মজঃ ।
শশাপ পুত্রং গান্ধারে রাজ্যাচ্চাপি ব্যরোপয়ৎ ॥ 5-149-10 (36901)
যে চৈনমন্ববর্তন্ত ভ্রাতরো বলদর্পিতাঃ ।
শশাপ তানপি ক্রুদ্ধো যয়াতিস্তনয়ানথ ॥ 5-149-11 (36902)
যবীয়াংসং ততঃ পুরুং পুত্রং স্ববশবর্তিনম্ ।
রাজ্যে নিবেশয়ামাস বিধেয়ং নৃপসত্তমঃ ॥ 5-149-12 (36903)
এবং জ্যেষ্ঠোঽপ্যথোৎসিক্তো ন রাজ্যমভিজায়তে ।
যবীয়াংসোপি জায়ন্তে রাজ্যং বৃদ্ধোপসেবয়া ॥ 5-149-13 (36904)
তথৈব সর্বধর্মজ্ঞঃ পিতুর্মম পিতামহঃ ।
প্রতীপঃ পৃথিবীপালস্ত্রিষু লোকেষু বিশ্রুতঃ ॥ 5-149-14 (36905)
তস্য পার্থিবসিংহস্য রাজ্যং ধর্মেণ শাসতঃ ।
ত্রয়ঃ প্রজজ্ঞিরে পুত্রা দেবকল্পা যশস্বিনঃ ॥ 5-149-15 (36906)
দেবাপিরভবচ্ছ্রেষ্ঠো বাহ্লীকস্তদনন্তরম্ ।
তৃতীয়ঃ শন্তনুস্তাত ধৃতিমান্মে পিতামহঃ ॥ 5-149-16 (36907)
দেবাপিস্তু মহাতেজাস্ৎবগ্দোষী রাজসত্তমঃ ।
ধার্মিকঃ সত্যবাদী চ পিতুঃ শুশ্রূষণে রতঃ ॥ 5-149-17 (36908)
পৌরজানপদানাং চ সংমতঃ সাধুসৎকৃতঃ ।
সর্বেষাং বালবৃদ্ধানাং দেবাপির্হৃদয়ঙ্গমঃ ॥ 5-149-18 (36909)
বদান্যঃ সত্যসন্ধশ্চ সর্বভূতহিতে রতঃ ।
বর্তমানঃ পিতুঃ শাস্ত্রে ব্রাহ্মণানাং তথৈব চ ॥ 5-149-19 (36910)
বাহ্লীকস্য প্রিয়ো ভ্রাতা শন্তনোশ্চ মহাত্মনঃ ।
সৌভ্রাত্রং চ পরং তেষাং সহিতানাং মহাত্মনাম্ ॥ 5-149-20 (36911)
অথ কালস্য পর্যায়ে বৃদ্ধো নৃপতিসত্তমঃ ।
সংভারানভিষেকার্থং কারয়ামাস শাস্ত্রতঃ ॥ 5-149-21 (36912)
কারয়ামাস সর্বাণি মঙ্গলার্থানি বৈ বিভুঃ ।
তং ব্রাহ্মণাশ্চ বৃদ্ধাশ্চ পৌরজানপদৈঃ সহ ॥ 5-149-22 (36913)
সর্বে নিবারয়ামাসুর্দেবাপেরভিষেচনম্ ।
স তচ্ছ্রুৎবা তু নৃপতিরভিষেকনিবারণম্।
অশ্রুকণ্ঠোঽভবদ্রাজা পর্যশোচত চাত্মজম্ ॥ 5-149-23 (36914)
এবং বদান্যো ধর্মজ্ঞঃ সত্যসন্ধশ্চ সোঽভবৎ।
প্রিয়ঃ প্রজানামপি সংস্ৎবগ্দোষেণ প্রদূষিতঃ ॥ 5-149-24 (36915)
হীনাঙ্গং পৃথিবীপালং নাভিনন্দন্তি দেবতাঃ।
ইতি কৃৎবা নৃপশ্রেষ্ঠং প্রত্যষেধন্দ্বিজর্ষভাঃ ॥ 5-149-25 (36916)
ততঃ প্রব্যথিতাঙ্গোঽসৌ পুত্রশোকসমন্বিতঃ ।
মমার তং মৃতং দৃষ্ট্বা দেবাপিঃ সংশ্রিতো বনম্ ॥ 5-149-26 (36917)
বাহ্লীকো মাতুলকুলং ত্যক্ৎবা রাজ্যং সমাশ্রিতঃ ।
পিতৃভ্রাতৄন্পরিত্যজ্য প্রাপ্তবান্পরমর্ধিমৎ ॥ 5-149-27 (36918)
বাহ্লীকেন ৎবনুজ্ঞাতঃ শন্তনুর্লোকবিশ্রুতঃ ।
পিতর্যুপরতে রাজন্রাজা রাজ্যমকারয়ৎ ॥ 5-149-28 (36919)
তথৈবাহং মতিমতা পরিচিন্ত্যেহ পাণ্ডুনা।
জ্যেষ্ঠঃ প্রভ্রংশিতো রাজ্যাদ্ধীনাঙ্গ ইতি ভারত ॥ 5-149-29 (36920)
পাণ্ডুস্তু রাজ্যং সংপ্রাপ্তঃ কনীয়ানপি সন্নৃপঃ ।
বিনাশে তস্য পুত্রাণামিদং রাজ্যমরিন্দম ॥ 5-149-30 (36921)
ময়্যভাগিনি রাজ্যায় কথং ৎবং রাজ্যমিচ্ছসি।
অরাজপুত্রো হ্যস্বামী পরস্বং হর্তুমিচ্ছসি ॥ 5-149-31 (36922)
যুধিষ্ঠিরো রাজপুত্রো মহাত্মা
ন্যায়াগতং রাজ্যমিদং চ তস্য।
স কৌরবস্যাস্য কুলস্য ভর্তা
প্রশাসিতা চৈব মহানুভাবঃ ॥ 5-149-32 (36923)
স সত্যসন্ধঃ স তথাঽপ্রমত্তঃ
শাস্ত্রে স্থিতো বন্ধুজনস্য সাধুঃ।
প্রিয়ঃ প্রজানাং সুহৃদানুকম্পী
জিতেন্দ্রিয়ঃ সাধুজনস্য ভর্তা ॥ 5-149-33 (36924)
ক্ষমা তিতিক্ষা দম আর্জবং চ
সত্যব্রতৎবং শ্রুতমপ্রমাদঃ ।
ভূতানুকম্পা হ্যনুশাসনং চ
যুধিষ্ঠিরে রাজগুণাঃ সমস্তাঃ ॥ 5-149-34 (36925)
অরাজপুত্রস্ৎবমনার্যবৃত্তো
লুব্ধঃ সদা বন্ধুষু পাপবুদ্ধিঃ ।
ক্রমাগতং রাজ্যমিদং পরেষাং
হর্তুং কথং শক্ষ্যসি দুর্বিনীত ॥ 5-149-35 (36926)
প্রয়চ্ছ রাজ্যার্ধমপেতমোহঃ
সবাহনং ৎব সপরিচ্ছদং চ ।
ততোঽবশেষং তব জীবিতস্য
সহানুজস্যৈব ভবেন্নরেন্দ্র ॥ ॥ 5-149-36 (36927)
ইতি শ্রীমন্মহাভারতে উদ্যোগপর্বণি ভগবদ্যানপর্বণি একোনপঞ্চাশদধিকশততমোঽধ্যায়ঃ ॥
উদ্যোগপর্ব - অধ্যায় 150
॥ শ্রীঃ ॥
5.150. অধ্যায়ঃ 150
Mahabharata - Udyoga Parva - Chapter Topics
কৃষ্ণেন পাণ্ডবান্প্রতি ভীষ্মাদিবচনমবধূয় সমুত্থিতেন দুর্যোধনেন চোদিতানাং রাজ্ঞীং ভীষ্মং পুরস্কৃত্য সেনাভিঃ সহ কুরুক্ষত্রেপ্রস্থানকথনম্ ॥ 1 ॥ তথা স্বেন সামাদিত্রয়প্রয়োগেঽপ্যবশীভূতে দুর্যোধনে দণ্ডস্যৈব প্রয়োক্তব্যৎবকথনম্ ॥ 2 ॥Mahabharata - Udyoga Parva - Chapter Text
5-150-0 (36928)
ভগবানুবাচ। 5-150-0x (3828)
এবমুক্তে তু ভীষ্মেণ দ্রোণেন বিদুরেণ চ।
গান্ধার্যা ধৃতরাষ্ট্রেণ ন বৈ মন্দোঽন্ববুদ্ধ্যত ॥ 5-150-1 (36929)
অবধূয়োত্থিতো মন্দঃ ক্রোধসংরক্তলোচনঃ।
অন্বদ্রবন্ত তং পশ্চাদ্রাজানস্ত্যক্তজীবিতাঃ ॥ 5-150-2 (36930)
আজ্ঞাপয়চ্চ রাজ্ঞস্তান্পার্থিবান্নষ্টচেতসঃ ।
প্রয়াত বৈ কুরুক্ষেত্রং পুষ্যোঽদ্যেতি পুনঃ পুনঃ ॥ 5-150-3 (36931)
ততস্তে পৃথিবীপালাঃ প্রয়যুঃ সহসৈনিকাঃ ।
ভীষ্মং সেনাপতিং কৃৎবা সংহৃষ্টাঃ কালচোদিতাঃ ॥ 5-150-4 (36932)
অক্ষৌহিণ্যো দশৈকা চ কৌরবাণাং সমাগতাঃ ।
তাসাং প্রমুখতো ভীষ্মস্তালকেতুর্ব্যরোচত ॥ 5-150-5 (36933)
যদত্র যুক্তং প্রাপ্তং চ তদ্বিধৎস্ব বিশাংপতে ।
উক্তং ভীষ্মেণ যদ্বাক্যং দ্রোণেন বিদুরেণ চ ॥ 5-150-6 (36934)
গান্ধার্যা ধৃতরাষ্ট্রেণ সমক্ষং মম ভারত ।
এতত্তে কথিতং রাজন্যদ্বৃত্তং কুরুসংসদি ॥ 5-150-7 (36935)
সাম চাদৌ প্রয়ুক্তং মে রাজন্সৌভ্রাত্রমিচ্ছতা ।
অভেদায়াস্য বংশস্য প্রজানাং চ বিবৃদ্ধয়ে ॥ 5-150-8 (36936)
পুনর্ভেদশ্চ মে যুক্তো যদা সাম ন গৃহ্যতে।
কর্মানুকীর্তনং চৈব দেবমানুপসংহিতম্ ॥ 5-150-9 (36937)
যদা নাদ্রিয়তে বাক্যং সামপূর্বং সুয়োধনঃ ।
তদা ময়া সমানীয় ভেদিতাঃ সর্বপার্থিবাঃ ॥ 5-150-10 (36938)
অদ্ভুতানি চ ঘোরাণি দারুণানি চ ভারত।
অমানুষাণি কর্মাণি দর্শিতানি ময়া বিভো ॥ 5-150-11 (36939)
নির্ভর্ৎসয়িৎবা রাজ্ঞস্তাংস্তৃণীকৃত্য সুয়োধনম্ ।
রাধেয়ং ভীষয়িৎবা চ সৌবলং চ পুনঃ পুনঃ ॥ 5-150-12 (36940)
দ্যূততো ধার্তরাষ্ট্রাণাং নিন্দাং কৃৎবা তথা পুনঃ।
ভেদয়িৎবা নৃপাস্নর্বান্বাগ্ভির্মন্ত্রেম চাসকৃৎ ॥ 5-150-13 (36941)
পুনঃ সামাভিসংয়ুক্তং সংপ্রদানমথাব্রুবম্।
অভেদাৎকুরুবংশস্য কার্যযোগাত্তথৈব চ॥ 5-150-14 (36942)
তে শূরা ধৃতরাষ্ট্রস্য ভীষ্মস্য বিদুরস্য চ ।
তিষ্ঠেয়ুঃ পাণ্ডবাঃ সর্বে হিৎবা মানমধশ্চরাঃ ॥ 5-150-15 (36943)
প্রয়চ্ছন্তু চ তে রাজ্যমনীশাস্তে ভবন্তু চ।
যথাহ রাজা গাঙ্গেয়ো বিদুরশ্চ হিতং তব ॥ 5-150-16 (36944)
সর্বং ভবতু তে রাজ্যং পঞ্চ গ্রামান্বিসর্জয়।
অবশ্যং ভরণীয়া হি পিতুস্তে রাজসত্তম ॥ 5-150-17 (36945)
এবমুক্তোঽপি দুষ্টাত্মা নৈব ভাগং ব্যমুঞ্চত।
দণ্ডং চতুর্থং পশ্যামি তেষু পাপেষু নান্যথা ॥ 5-150-18 (36946)
নির্যাতাশ্চ বিনাশায় কুরুক্ষেত্রং নরাধিপাঃ ।
এতত্তে কথিতং রাজন্যদ্বৃত্তং কুরুসংসদি ॥ 5-150-19 (36947)
ন তে রাজ্যং প্রয়চ্ছন্তি বিনা যুদ্ধেন পাণ্ডব ।
বিনাশহেতবঃ সর্বে প্রত্যুপস্থিতমৃত্যবঃ ॥ ॥ 5-150-20 (36948)
ইতি শ্রীমন্মহাভারতে উদ্যোগপর্বণি ভগবদ্যানপর্বণি পঞ্চাশদধিকশততমোঽধ্যায়ঃ ॥
উদ্যোগপর্ব - অধ্যায় 151
॥ শ্রীঃ ॥
5.151. অধ্যায়ঃ 151
Mahabharata - Udyoga Parva - Chapter Topics
যুধিষ্ঠিরেণ ভ্রাতৄন্প্রতি কস্যচিৎসেনাপতিৎবকল্পনে স্বস্বাভিপ্রায়নিবেদনচোদনা ॥ 1 ॥ তৈঃ স্বস্বাভিপ্রায়নিবেদনানন্তরং যুধিষ্ঠিরেণ শ্রীকৃষ্ণংপ্রতি তদভিপ্রায়নিবেদনপ্রার্থনা ॥ 2 ॥ শ্রীকৃষ্ণেন ধৃষ্টদ্যুম্নস্য সেনাপতিৎবেন বরণস্য স্বাভিমতৎবকথনে রাজ্ঞাং হর্ষাৎসমুদ্ধোপঃ ॥ 3 ॥ যুধিষ্ঠিরাদীনাং সর্বেষাং কুরুক্ষেত্রপ্রবেশঃ ॥ 4 ॥Mahabharata - Udyoga Parva - Chapter Text
5-151-0 (36949)
বৈশম্পায়ন উবাচ। 5-151-0x (3829)
জনার্দনবচঃ শ্রুৎবা ধর্মরাজো যুধিষ্ঠিরঃ।
ভ্রাতৄনুবাচ ধর্মাত্মা সমক্ষং কেশবস্য হ॥ 5-151-1 (36950)
শ্রুতং ভবদ্ভির্যদ্বৃত্তং সভায়াং কুরুসংসদি ।
কেশবস্যাপি যদ্বাক্যং তৎসর্বমবধারিতম্ ॥ 5-151-2 (36951)
তস্মাৎসেনাবিভাগং মে কুরুধ্বং নরসত্তমাঃ ।
অক্ষৌহিণ্যশ্চ সপ্তৈতাঃ সমেতা বিজয়ায় বৈ ॥ 5-151-3 (36952)
তাসাং যে পতয়ঃ সপ্ত বিখ্যাতাস্তান্নিবোধত।
দ্রুপদশ্চ বিরাটশ্চ ধৃষ্টদ্যুম্নশিখণ্ডিনৌ ॥ 5-151-4 (36953)
সাত্যকিশ্চেকিতানশ্চ ভীমসেনশ্চ বীর্যবান্ ।
এতে সেনাপ্রণেতারো বীরাঃ সর্বে তনুত্যজঃ ॥ 5-151-5 (36954)
সর্বে বেদবিদঃ শূরাঃ সর্বে সুচিরিতব্রতাঃ ।
হ্রীমন্তো নীতিমন্তশ্চ সর্বে যুদ্ধবিশারদাঃ ॥ 5-151-6 (36955)
ইষ্বস্ত্রকুশলাঃ সর্বে তথা সর্বাস্ত্রয়োধিনঃ ।
সপ্তানামপি যো নেতা সেনানাং প্রবিভাগবিৎ ॥ 5-151-7 (36956)
যঃ সহেত রণে ভীষ্ণং শরার্চিঃপাবকোপমম্ ।
তং তাবৎসহদেবাত্র প্রব্রূহি কুরুনন্দন।
স্বগতং পুরুষব্যাঘ্র কো নঃ সেনাপতিঃ ক্ষমঃ ॥ 5-151-8 (36957)
সহদেব উবাচ। 5-151-9x (3830)
সংয়ুক্ত একদুঃখশ্চ বীর্যবাংশ্চ মহীপতিঃ।
যং সমাশ্রিত্য ধর্মজ্ঞং স্বমংশমনুয়ুঞ্জ্মহে ॥ 5-151-9 (36958)
মৎস্যো বিরাটো বলবান্কৃতাস্ত্রো যুদ্ধদুর্মদঃ ।
প্রসহিষ্যতি সঙ্গ্রামে ভীষ্মং তাংশ্চ মহারথান্ ॥ 5-151-10 (36959)
বৈশম্পায়ন উবাচ। 5-151-11x (3831)
তথোক্তে সহদেবেন বাক্যে বাক্যবিশারদঃ ।
নকুলোঽনন্তরং তস্মাদিদং বচনমাদদে ॥ 5-151-11 (36960)
বয়সা শাস্ত্রতো ধৈর্যাৎকুলেনাভিজনেন চ ।
হ্রীমান্বলান্বিতঃ শ্রীমান্সর্বশাস্ত্রবিশারদঃ ॥ 5-151-12 (36961)
বেদ চাস্ত্রং ভারদ্বাজাহুর্ধর্ষঃ সত্যসঙ্গরঃ ।
যো নিত্যং স্পর্ধতে দ্রোণং ভীষ্মং চৈব মহাবলম্ ॥ 5-151-13 (36962)
শ্লাঘ্যঃ পার্থিববংশস্য প্রমুখে বাহিনীপতিঃ।
পুত্রপৌত্রেঃ পরিবৃতঃ শতশাখ ইব দ্রুমঃ॥ 5-151-14 (36963)
যস্ততাপ তপো ঘোরং সদারঃ পৃথিবীপতিঃ ।
রোষাদ্দ্রোণবিনাশায় বীরঃ সমিতিশোভনঃ ॥ 5-151-15 (36964)
পিতেবাস্মান্সমাধত্তে যঃ সদা পার্থিবর্ষভঃ ।
শ্বশুরো দ্রুপদোঽস্মাকং সেনাগ্রং স প্রকর্ষতু ॥ 5-151-16 (36965)
স দ্রোণভীষ্মাবায়াতৌ সহেদিতি মতির্মম ।
স হি দিব্যাস্ত্রবিদ্রাজা সখা চাঙ্গিরসো নৃপঃ ॥ 5-151-17 (36966)
মাদ্রীসুতাভ্যামুক্তে তু স্বমতে কুরুনন্দনঃ।
বাসবির্বাসবসমঃ সব্যসাচ্যব্রবীদ্বচঃ ॥ 5-151-18 (36967)
যোয়ং তপঃপ্রভাবেন ঋষিসন্তোষণেন চ ।
দিব্যঃ পুরুষ উৎপন্নো জ্বালাবর্ণো মহাভুজঃ ॥ 5-151-19 (36968)
ধনুষ্মান্কবচী খঙ্গী রথমারুহ্য দংশিতঃ ।
দিব্যৈর্হয়বরৈর্যুক্তমগ্নিকুণ্ডাৎসমুত্থিতঃ ॥ 5-151-20 (36969)
গর্জন্নিব মহামেঘো রথঘোষেণ বীর্যবান্ ।
সিংহসংহননো বীরঃ সিংহতুল্যপরাক্রমঃ ॥ 5-151-21 (36970)
সিংহোরস্কঃ সিংহভুজঃ সিংহবক্ষা মহাবলঃ ।
সিংহপ্রগর্জনো বীরঃ সংহস্কন্ধো মহাদ্যুতিঃ ॥ 5-151-22 (36971)
শুভ্রূঃ সুদংষ্ট্রঃ সুহনুঃ সুবাহুঃ সুমুখোঽকৃশঃ ।
সুজত্রুঃ সুবিশালাক্ষঃ সুপাদঃ সুপ্রতিষ্ঠিতঃ ॥ 5-151-23 (36972)
অভেদ্যঃ সর্বশস্ত্রাণাং প্রভিন্ন ইব বারণঃ ।
জজ্ঞে দ্রোণবিনাশায় সত্যবাদী জিতেন্দ্রিয়ঃ ॥ 5-151-24 (36973)
ধৃষ্টদ্যুম্নমহং মন্যে সহেদ্ভীষ্মস্য সায়কান্।
বজ্রাশনিসমস্পর্শান্দীপ্তাস্যানুরগানিব ॥ 5-151-25 (36974)
যমদূতসমান্বেগে নিপাতে পাবকোপমান্ ।
রামেণাজৌ বিষিহিতান্বজ্রনিষ্পেষদারুণান্ ॥ 5-151-26 (36975)
পুরুষ তং ন পশ্যামি যঃ সহেত মহাব্রতম্।
ধৃষ্টদ্যুম্নমৃতে রাজন্নিতি মে ধীয়তে মতিঃ ॥ 5-151-27 (36976)
ক্ষিপ্রহস্তশ্চিত্রয়োধী মতঃ সেনাপতির্মম ।
অভেদ্যকবচঃ শ্রীমান্মাতঙ্গ ইব যূথপঃ ॥ 5-151-29a`অর্জুনেনৈবমুক্তে তু ভীমো বাক্যং সমাদদে।'
বধার্থং যঃ সমুৎপন্নঃ শিখণ্ডী দ্রুপদাত্মজঃ ।
বদন্তি সিদ্ধা রাজেন্দ্র ঋষয়শ্চ সমাগতাঃ ॥ 5-151-28 (36977)
যস্য সঙ্গ্রামমধ্যে তু দিব্যমস্ত্রং প্রকুর্বতঃ ।
রূপং দ্রক্ষ্যন্তি পুরুষা রামস্যেব মহাত্মনঃ ॥ 5-151-30 (36978)
ন তং যুদ্ধে প্রপশ্যামি যো ভিন্দ্যাত্তু শিখণ্ডিনাম্ ।
শস্ত্রেণ সমরে রাজন্সন্নদ্বং স্যন্দনে স্থিতম্ ॥ 5-151-31 (36979)
দ্বৈরথে সমরে নান্যো ভীষ্মং হন্যান্মহাব্রতম্ ।
শিখণ্ডিনমৃতে বীরং স মে সেনাপতির্মতঃ ॥ 5-151-32 (36980)
যুধিষ্ঠির উবাচ। 5-151-33x (3832)
সর্বস্য জগতস্তাত সারাসারং বালাবলম্ ।
সর্বং জানাতি ধর্মাত্মা মতমেষাং চ কেশবঃ ॥ 5-151-33 (36981)
যমাহ কৃষ্ণো দাশার্হঃ সোঽস্তু সেনাপতির্মম ।
কৃতাস্ত্রোপ্যকৃতাস্ত্রো বা বৃদ্ধো বা যদি বা যুবা ॥ 5-151-34 (36982)
এষ নো বিজয়ে মূলমেষ তাত বিপর্যযে।
অত্র প্রাণাশ্চ রাজ্যং চ ভাবাভাবৌ সুখাসুখে ॥ 5-151-35 (36983)
এষ ধাতা বিধাতা চ সিদ্ধিরত্র প্রতিষ্ঠিতা।
যমাহ কৃষ্ণো দাশার্হঃ সোস্তু নো বাহিনীপতিঃ ॥ 5-151-36 (36984)
ব্রবীতু বদতাং শ্রেষ্ঠো নিশা সমভিবর্ততে।
ততঃ সেনাপতিং কৃৎবা কৃষ্ণস্য বশবর্তিনঃ ॥ 5-151-37 (36985)
রাত্রেঃ শেষে ব্যতিক্রান্তে প্রয়াস্যামো রণাজিরম্ ।
অধিবাসিতশস্ত্রাশ্চ কৃতকৌতুকমঙ্গলাঃ ॥ 5-151-38 (36986)
বৈশম্পায়ন উবাচ। 5-151-39x (3833)
তস্য তদ্বচনং শ্রুৎবা ধর্মরাজস্য ধীমতঃ।
অব্রবীৎপুণ্ডরীকাক্ষো ধনঞ্জয়মবেক্ষ্য হ ॥ 5-151-39 (36987)
মমাপ্যেতে মহারাজ ভবদ্ভির্য উদাহৃতাঃ।
নেতারস্তব সেনায়া মতা বিক্রান্তয়োধিনঃ ॥ 5-151-40 (36988)
সর্ব এব সমর্থা হি তব শত্রুং প্রবাধিতুম্।
ইন্দ্রস্যাপি ভয়ং হ্যেতে জনয়েয়ুর্মহাহবে ॥ 5-151-41 (36989)
কিং পুনর্ধার্তরাষ্ট্রাণাং লুব্ধানাং পাপচেতসাম্।
ময়াপি হি মহাবাহো ৎবৎপ্রিয়ার্থং মহাহবে ॥ 5-151-42 (36990)
কৃতো যত্নো মহাংস্তত্র শমঃ স্যাদিতি ভারত ।
ধর্মস্য গতমানৃণ্যং ন স্ম বাচ্যা বিবক্ষতাম্ ॥ 5-151-43 (36991)
কৃতার্থং মন্যতে বাল আত্মনমবিচক্ষণঃ ।
ধার্তরাষ্ট্রো বলস্থং চ পশ্যত্যাত্মানমাতুরঃ ॥ 5-151-44 (36992)
যুজ্যতাং বাহিনী সাধু বধসাধ্যা হি মে মতাঃ ।
ন ধার্তরাষ্ট্রাঃ শক্ষ্যন্তি স্থাতুং দৃষ্ট্বা ধনঞ্জয়ম্ ॥ 5-151-45 (36993)
ভীমসেনং চ সঙ্ক্রুদ্ধং যমৌ চাপি যমোপমৌ ।
যুয়ুধানং দ্বিতীয়ং চ ধৃষ্টদ্যুম্নমমর্ষণম্ ॥ 5-151-46 (36994)
অভিমন্যুং দ্রৌপদেয়ান্বিরাটদ্রুপদাবপি।
অক্ষৌহিণীপতীংশ্চান্যান্নরেন্দ্রান্ভীমবিক্রমান্ ॥ 5-151-47 (36995)
সারবদ্বলমস্মাকং দুষ্প্রধর্ষং দুরাসদম্।
ধার্তরাষ্ট্রবলং সঙ্খ্যে হনিষ্যতি ন সংশয়ঃ ॥ 5-151-48 (36996)
ধৃষ্টদ্যুম্নমহং মন্যে সেনাপতিমরিন্দম। 5-151-49 (36997)
বৈশম্পায়ন উবাচ।
এবমুক্তে তু কৃষ্ণেন সংপ্রাহৃষ্যন্নরোত্তমাঃ ॥ 5-151-49x (3834)
তেষাং প্রহৃষ্টমনসাং নাদঃ সমভবন্মহান্।
যোগ ইত্যথ সৈন্যানাং ৎবরতাং সংপ্রধাবতাম্ ॥ 5-151-50 (36998)
হয়বারণশব্দাশ্চ নেমিঘোষাশ্চ সর্বতঃ।
শঙ্খদুন্দুভিঘোষাশ্চ তুমুলাঃ সর্বতোঽভবন্ ॥ 5-151-51 (36999)
তদ্রুগ্রং সাগরনিভং ক্ষুব্ধং বলসমাগমম্।
রথপত্তিগজোদয়ং মহোর্মিভিরিবাকুলম্ ॥ 5-151-52 (37000)
ধাবতামাহুয়ানানাং তনুত্রাণি চ বধ্নতাম্ ।
প্রয়াস্যতাং পাণ্ডবানাং সসৈন্যানাং সমন্ততঃ ॥ 5-151-53 (37001)
গঙ্গেব পূর্ণা দুর্ধর্ষা সমদৃশ্যত বাহিনী ।
অগ্রানীকে ভীমসেনো মাদ্রীপুত্রৌ চ দংশিতৌ ॥ 5-151-54 (37002)
সৌভদ্রো দ্রৌপদেয়াশ্চ ধৃষ্টদ্যুম্নস্য পার্ষতঃ ।
প্রভদ্রকাশ্চ পঞ্চালা ভীমসেনমুখা যয়ুঃ ॥ 5-151-55 (37003)
ততঃ শব্দঃ সমভবৎসুমুদ্রস্যেব পর্বণি ।
হৃষ্টানাং সংপ্রয়াতানাং ঘোষো দিবমিবাস্পৃশম্ ॥ 5-151-56 (37004)
প্রহৃষ্টা দংশিতা যোধাঃ পরানীকবিদারণাঃ।
তেষাং মধ্যে যয়ৌ রাজা কুন্তীপুত্রো যুধিষ্ঠিরঃ ॥ 5-151-57 (37005)
শকটাপণবেশাশ্চ যানয়ুগ্যং চ সর্বশঃ ।
কোশং যন্ত্রায়ুধং চৈব যে চ বৈদ্যাশ্চিকিৎসকাঃ ॥ 5-151-58 (37006)
ফল্গু যচ্চং বলং কিংচিদ্যচ্চাপি কৃশদুর্বলম্।
তৎসঙ্গৃহ্য যয়ৌ রাজা যে চাপি পরিচারকাঃ ॥ 5-151-59 (37007)
উপপ্লাব্যে তু পাঞ্চালী দ্রৌপদী সত্যবাদিনী ।
সহ স্ত্রীভির্নিনবৃতে দাসীদাসসমাবৃতা ॥ 5-151-60 (37008)
কৃৎবা মূলপ্রতীকারং গুল্মৈঃ স্থাবরজঙ্গমৈঃ ।
স্কন্ধাবারেণ মহতা প্রয়যুঃ পাণ্ডুনন্দনাঃ ॥ 5-151-61 (37009)
দদতো গাং হিরণ্যং চ ব্রাহ্মণৈরভিসংবৃতাঃ।
স্তূয়মানা যয়ূ রাজন্রথৈর্মণিবিভূষিতৈঃ॥ 5-151-62 (37010)
কেকয়া ধৃষ্টকেতুশ্চ পুত্রঃ কাশ্যস্য চাভিভূঃ ।
শ্রেণিমান্বসুদানশ্চ শিখণ্ডী চাপরাজিতঃ ॥ 5-151-63 (37011)
হৃষ্টাস্তুষ্টাঃ কবচিনঃ সশস্ত্রাঃ সমলঙ্কৃতাঃ।
রাজানমন্বয়ুঃ সর্বে পরিবার্য যুধিষ্ঠিরম্ ॥ 5-151-64 (37012)
জঘনার্ধে বিরাটশ্চ যাজ্ঞসেনিশ্চ সৌমকিঃ ।
সুধর্মা কুন্তিভোজশ্চ ধৃষ্টদ্যুম্নস্য চাত্মজাঃ ॥ 5-151-65 (37013)
রথায়ুতানি চৎবারি হয়াঃ পঞ্চগুণাস্তথা ।
পত্তিসৈন্যং দশগুণং গজানাময়ুতানি ষট্ ॥ 5-151-66 (37014)
অনাধৃষ্টিশ্চেকিতানো ধৃষ্টকেতুশ্চ সাত্যকিঃ ।
পরিবার্য যয়ুঃ সর্বে বাসুদেবধনঞ্জয়ৌ ॥ 5-151-67 (37015)
আসাদ্য তু কুরুক্ষেত্রং ব্যূঢানীকাঃ প্রহারিণঃ ।
পাণ্ডবাঃ সমদৃশ্যন্ত নর্দন্তো বৃষভা ইব ॥ 5-151-68 (37016)
তেঽবগাহ্য কুরুক্ষেত্রং শঙ্খান্দধ্মুররিন্দমাঃ।
তথৈব দধ্মতুঃ শঙ্খং বাসুদেবধনঞ্জয়ৌ ॥ 5-151-69 (37017)
পাঞ্চজন্যস্য নির্ঘোষং বিস্ফূর্জিতমিবাশনেঃ ।
নিশম্য সর্বসৈন্যানি সমহষ্যন্ত সর্বশঃ ॥ 5-151-70 (37018)
শঙ্খদুন্দুভিসংহৃষ্টঃ সিংহনাদস্তরস্বিনাম্ ।
পৃথিবীং চান্তরিক্ষং চ সাগরাংশ্চান্বনাদয়ৎ ॥ ॥ 5-151-71 (37019)
ইতি শ্রীমন্মহাভারতে উদ্যোগপর্বণি সৈন্যনির্যাণপর্বণি একপঞ্চাশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-151-9 সংয়ুক্তঃ সংবন্ধী॥ 5-151-12 কুলেন বংশেন । অভিজনেন স্বজনসমূহেন ॥ 5-151-17 অঙ্গিরসো দ্রোণস্য ॥ 5-151-38 শস্ত্রাণামধিবাসনং গন্ধাদ্যৈঃ পূজনম্ ॥ 5-151-48 অস্মাকং বলং কর্তৃ ॥ 5-151-50 যোগো যুদ্ধায় সজ্জীভবনম্ ॥ 5-151-58 শকটা অনাংসি। আপণো বণিগ্বীথ্যুপলক্ষিতং বিক্রেয়দ্রব্যম্ ॥ 5-151-61 মূলপ্রতীকারং ধনদাররক্ষাম্ । গুল্মৈঃ স্থাবরৈঃ প্রকাররূপৈঃ। জংগমৈঃ পরিতঃ স্থানেস্থানে শূরসংঘৈঃ। স্কন্ধাবারেণ সৈন্যেন ॥ 5-151-65 জঘনার্ধে পশ্চিমার্ধে ॥ 5-151-70 সমহৃষ্যন্ত রোমাঞ্চিতানি ॥উদ্যোগপর্ব - অধ্যায় 152
॥ শ্রীঃ ॥
5.152. অধ্যায়ঃ 152
Mahabharata - Udyoga Parva - Chapter Topics
যুধিষ্ঠিরেণ কুরুক্ষেত্রে সমুচিতদেশে সেনানাং নিবেশনম্ ॥ 1 ॥ ধৃষ্টদ্যুম্নাদিভিঃ সর্বেষাং পৃথক্পৃথক্শিবিরনির্মাপণম্ ॥ 2 ॥Mahabharata - Udyoga Parva - Chapter Text
5-152-0 (37020)
বৈশম্পায়ন উবাচ। 5-152-0x (3835)
ততো দেশে সমে স্নিগ্ধে প্রভূতয়বসেন্ধনে।
নিবেশয়ামাস তদা সেনাং রাজা যুধিষ্ঠিরঃ ॥ 5-152-1 (37021)
পরিহৃত্য শ্মশানানি দেবতায়তনানি চ।
আশ্রমাংশ্চ মহর্ষীণাং তীর্থান্যায়তনানি চ ॥ 5-152-2 (37022)
মধুরানূষরে দেশে শুচৌ পুণ্যে মহামতিঃ ।
নিবেশং কারয়ামাস কুন্তীপুত্রো যুধিষ্ঠিরঃ ॥ 5-152-3 (37023)
ততশ্চ পুনরুত্থায় সুখী বিশ্রান্তবাহনঃ ।
প্রয়যৌ পৃথিবীপালৈর্বৃতঃ শতসহস্রশঃ ॥ 5-152-4 (37024)
বিদ্রাব্য শতশো গুল্মান্ধার্তরাষ্ট্রস্য সৈনিকান্ ।
পর্যক্রামৎসমন্তাচ্চ পার্থেন সহ কেশবঃ ॥ 5-152-5 (37025)
শিবিরং মাপয়ামাস ধৃষ্টদ্যুম্নশ্চ পার্ষতঃ।
সাত্যকিশ্চ রথোদারো যুয়ুধানশ্চ বীর্যবান্ ॥ 5-152-6 (37026)
আসাদ্য সরিতং পুণ্যাং কুরুক্ষেত্রে হিরণ্বতীম্ ।
সূপতীর্থাং শুচিজলাং শর্করাপঙ্কবর্জিতাম্ ॥ 5-152-7 (37027)
খানয়ামাস পরিখাং কেশবস্ত্রত্র ভারত ।
গুপ্ত্যর্থমপি চাদিশ্য বলং তত্র ন্যবেশয়ৎ ॥ 5-152-8 (37028)
বিধির্যঃ শিবিরস্যাসীৎপাণ্ডবানাং মহাত্মনাম্ ।
তদ্বিধানি নরেন্দ্রাণাং কারয়ামাস কেশবঃ ॥ 5-152-9 (37029)
প্রভূততরকাষ্ঠানি দুরাধর্ষতরাণি চ।
ভক্ষ্যভোজ্যান্নপানানি শতশোঽথ সহস্রশঃ ॥ 5-152-10 (37030)
শিবিরাণি মহার্হাণি রাজ্ঞাং তত্র পৃথক্পৃথক্ ।
বিমানানীব রাজেন্দ্র নিবিষ্টানি মহীতলে ॥ 5-152-11 (37031)
তত্রাসঞ্শিল্পিনঃ প্রাজ্ঞাঃ শতশো দত্তবেতনাঃ।
সর্বাপকরণৈর্যুক্তা বৈদ্যাঃ শাস্ত্রবিশারদাঃ ॥ 5-152-12 (37032)
জ্যাধনুর্বর্মশস্ত্রাণাং তথৈব মধুসর্পিষোঃ ।
সসর্জরকসপাংসূনাং রাশয়ঃ পর্বতোপমাঃ ॥ 5-152-13 (37033)
বহূদকং সুয়বসং তুষাঙ্গারসমন্বিতম্ ।
শিবিরে শিবিরে রাজা সঞ্চকার যুধিষ্ঠিরঃ ॥ 5-152-14 (37034)
মহায়ন্ত্রাণি নারাচাস্তোমরাণি পরশ্বধাঃ।
ধনূংষি কবচাদীনি ঋষ্টয়স্তূণসংয়ুতাঃ ॥ 5-152-15 (37035)
গজাঃ কণ্টকসন্নাহা লোহবর্মোত্তরচ্ছদাঃ।
দৃশ্যন্তে তত্র গির্যাভাঃ সহস্রশতয়োধিনঃ ॥ 5-152-16 (37036)
নিবিষ্টান্পাণ্ডবাংস্তত্র জ্ঞাৎবা মিত্রাণি ভারত ।
অভিসস্রুর্যথাদেশং সবলাঃ সহবাহনাঃ ॥ 5-152-17 (37037)
চরিতব্রহ্মচর্যাস্তে সোমপা ভূরিদক্ষিণাঃ।
জয়ায় পাণ্ডুপুত্রাণাং সমাজগ্মুর্মহীক্ষিতঃ ॥ ॥ 5-152-18 (37038)
ইতি শ্রীমন্মহাভারতে উদ্যোগপর্বণি সৈন্যনির্যাণপর্বণি দ্বিপঞ্চশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-152-5 গুল্মান্ সৈনিকসঙ্ঘান্ ॥ 5-152-7 সূপতীর্থাং শোভনোপকণ্ঠাম্ ॥ 5-152-9 তদ্বিধানি শিবিরাণি ॥ 5-152-16 কণ্টকসন্নাহাঃ যেষাং স্পর্শমাত্রাদপি গজান্তরাণাং কণ্টকবেধো ভবতি তাদৃশাঃ সন্নাহাঃ কবচানি। কণ্টকৈঃ কবচৈঃ সন্নহনং যেষামিতি প্রাঞ্চঃ ॥ 5-152-19 অভিসস্রুরভ্যাজগ্মুঃ ॥উদ্যোগপর্ব - অধ্যায় 153
॥ শ্রীঃ ॥
5.153. অধ্যায়ঃ 153
Mahabharata - Udyoga Parva - Chapter Topics
কর্ণাদীন্প্রতি দুর্যোধনেন সাংগ্রামিকসামগ্রীসংপাদনচোদনম্ ॥ 1 ॥ তচ্চোদনয়া রাজ্ঞাং সেনাভিঃ সহ কুরুক্ষেত্রপ্রস্থানম্ ॥ 2 ॥Mahabharata - Udyoga Parva - Chapter Text
জনমেজয় উবাচ।
যুধিষ্ঠিরং সহানীকমুপায়ান্তং যুয়ুৎসয়া।
সন্নিবিষ্টং কুরুক্ষেত্রে বাসুদেবেন পালিতম্ ॥ 5-153-1 (37039)
বিরাটদ্রুপদাভ্যাং চ সপুত্রাভ্যাং সমন্বিতম্ ।
কেকয়ৈর্বৃষ্ণিভিশ্চৈব পার্থিবৈঃ শতশো বৃতম্ ॥ 5-153-2 (37040)
মহেন্দ্রমিব চাদিত্যৈরভিগুপ্তং মহারথৈঃ।
শ্রুৎবা দুর্যোধনো রাজা কিং কার্যং প্রত্যপদ্যত ॥ 5-153-3 (37041)
এতদিচ্ছাম্যহং শ্রোতুং বিস্তরেণ মহামতে।
সংভ্রমে তুমুলে তস্মিন্যদাসীৎকুরুজাঙ্গলে ॥ 5-153-4 (37042)
ব্যথয়েয়ুরিমে দেবান্সেন্দ্রানপি সমাগমে ।
পাণ্ডবা বাসুদেবশ্চ বিরাটদ্রুপদৌ তথা ॥ 5-153-5 (37043)
ধৃষ্টদ্যুম্নশ্চ পাঞ্চাল্যঃ শিখণ্ডী চ মহারথঃ ।
যুধামন্যুশ্চ বিক্রান্তো দেবৈরপি দুরাসদঃ ॥ 5-153-6 (37044)
এতদিচ্ছাম্যহং শ্রোতুং বিস্তরেণ তপোধন ।
কুরূণাং পাণ্ডবানাং চ যদ্যদাসীদ্বিচেষ্টিতম্ ॥ 5-153-7 (37045)
বৈশম্পায়ন উবাচ। 5-153-8x (3836)
প্রতিয়াতে তু দাশার্হে রাজা দুর্যোধনস্তদা।
কর্ণং দুঃশাসনং চৈব শকুনিং চাব্রবীদিদম্ ॥ 5-153-8 (37046)
অকৃতেনৈব কার্যেণ গতঃ পার্থানধোক্ষজঃ ।
স এনান্মন্যুনাবিষ্টো ধ্রুবং ধক্ষ্যত্যসংশয়ম্ ॥ 5-153-9 (37047)
ইষ্টো হি বাসুদেবস্য পাণ্ডবৈর্মম বিগ্রহঃ ।
ভীমসেনার্জুনৌ চৈব দাশার্হস্য মতে স্থিতৌ ॥ 5-153-10 (37048)
অজাতশত্রুরত্যর্থং ভীমসেনবশানুগঃ।
নিকৃতশ্চ ময়া পূর্বং সহ সর্বৈঃ সহোদরৈঃ ॥ 5-153-11 (37049)
বিরাটদ্রুপদৌ চৈব কৃতবৈরৌ ময়া সহ ।
তৌ চ সেনাপ্রণেতারৌ বাসুদেববশানুগৌ ॥ 5-153-12 (37050)
ভবিতা বিগ্রহঃ সোয়ং তুমুলো লোমহর্ষণঃ ।
তস্মাৎসাঙ্গ্রামিকং সর্বং কারয়ধ্বমতন্দ্রিতাঃ ॥ 5-153-13 (37051)
শিবিরাণি কুরুক্ষেত্রে ক্রিয়ন্তাং বসুধাধিপাঃ ।
স্বপর্যাপ্তাবকাশানি দুরাদেয়ানি শত্রুভিঃ ॥ 5-153-14 (37052)
আসন্নজলকোষ্ঠানি শতশোথ সহস্রশঃ ।
অচ্ছেদ্যাহারমার্গাণি বন্ধোচ্ছ্রয়চিতানি চ । 5-153-15 (37053)
বিবিধায়ুধপূর্ণানি পতাকাধ্বজবন্তি চ।
সমাশ্চ তেষাং পন্থানঃ ক্রিয়ন্তাং নগরাদ্বহিঃ ॥ 5-153-16 (37054)
প্রয়াণং ঘুষ্যতামদ্য শ্বোভূত ইতি মাচিরম্ । 5-153-17 (37055)
বৈশম্পায়ন উবাচ।
তে তথেতি প্রতিজ্ঞায় শ্বোভূতে চক্রিরে তথা ॥ 5-153-17x (3837)
হৃষ্টরূপা মহাত্মানো নিবাসায় মহীক্ষিতাম্ ।
ততস্তে পার্থিবাঃ সর্বে তচ্ছ্রুৎবা রাজশাসনম্ ॥ 5-153-18 (37056)
আসনেভ্যো মহার্হেভ্য উদতিষ্ঠন্নমর্ষিতাঃ ।
বাহূন্পরিঘসঙ্কাশান্সংস্পৃশন্তঃ শনৈঃ শনৈঃ ॥ 5-153-19 (37057)
কাঞ্চনাঙ্গদদীপ্তাংশ্চ চন্দনাগরুভূষিতান্।
উষ্ণীষাণি নিয়চ্ছন্তঃ পুণ্ডরীকনিভৈ করৈঃ।
অন্তরীয়োত্তরীয়াণি ভূষণানি চ সর্বশঃ ॥ 5-153-20 (37058)
তে রথান্রথিনঃ শ্রেষ্ঠা হয়াংশ্চ হয়কোবিদাঃ।
সজ্জয়ন্তি স্ম নাগাংশ্চ নাগশিক্ষাস্বনুষ্ঠিতাঃ ॥ 5-153-21 (37059)
অথ বর্মাণি চিত্রাণি কাঞ্চনানি বহূনি চ ।
বিবিধানি চ শস্ত্রাণি চক্রুঃ সর্বাণি সর্বশঃ ॥ 5-153-22 (37060)
পদাতয়শ্চ পুরুষাঃ শস্ত্রাণি বিবিধানি চ।
উপাজহ্রুঃ শরীরেষু হেমচিত্রাণ্যনেকশঃ ॥ 5-153-23 (37061)
তদুৎসব ইবোদগ্রং সংপ্রহৃষ্টনরাবৃতম্ ।
নগরং ধার্তরাষ্ট্রস্য ভারতাসীৎসমাকুলম্ ॥ 5-153-24 (37062)
জনৌঘসলিলাবর্তো রথনাগাশ্বমীনবান্ ।
শঙ্খদুন্দুভিনির্ঘোষঃ কোশসঞ্চয়রত্নবান্ ॥ 5-153-25 (37063)
চিত্রাভরণবর্মোর্মিঃ শস্ত্রনির্মলফেনবান্ ।
প্রাসাদমালাদ্রিবৃতো রথ্যাপণমহাহ্রদঃ ॥ 5-153-26 (37064)
যোধচন্দ্রোদয়োদ্ভূতঃ কুরুরাজমহার্ণবঃ ।
ব্যদৃশ্যত তদা রাজংশ্চন্দ্রোদয় ইবোদধিঃ ॥ ॥ 5-153-27 (37065)
ইতি শ্রীমন্মহাভারতে উদ্যোগপর্বণি সৈন্যনির্যাণপর্বণি ত্রিপঞ্চাশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-153-15 আসন্নজলা কোষ্ঠাঃ কক্ষ্যা যেষু তানি তথা। অচ্ছেদ্যঃ শত্রুভিরনির্বার্য আহার আহরণং বস্তূনাং মার্গাশ্চ যেষু তানি অচ্ছেদ্যাহারমার্গাণি ॥ 5-153-20 অন্তরীয়ং পরিধানীয়ম্ । উত্তরীয়ং প্রাবরণবস্ত্রম্ ॥উদ্যোগপর্ব - অধ্যায় 154
॥ শ্রীঃ ॥
5.154. অধ্যায়ঃ 154
Mahabharata - Udyoga Parva - Chapter Topics
গুরুবধভয়াৎ কর্তব্যমৌঢ্যমুপগতেন যুধিষ্ঠিরেণ কর্তব্যনির্ধারণপ্রার্থনা ॥ 1 ॥ কৃষ্ণেন যুদ্ধকরণনির্ধারণম্ ॥ 2 ॥ পুনর্যুধিষ্ঠিরস্য শঙ্কায়াং অর্জুনেন কুন্তীবিদুরবচনানুস্মারণেন তৎপরিহরণম্ ॥ 3 ॥Mahabharata - Udyoga Parva - Chapter Text
5-154-0 (37066)
বৈশম্পায়ন উবাচ। 5-154-0x (3838)
বাসুদেবস্য তদ্বাক্যমনুস্মৃত্য যুধিষ্ঠিরঃ।
পুনঃ পপ্রচ্ছ বার্ষ্ণেয়ং কথং মন্দোঽঽব্রবীদিদম্ ॥ 5-154-1 (37067)
অস্মিন্নভ্যাগতে কালে কিংচ নঃ ক্ষমমচ্যুত ।
কথং চ বর্তমানা বৈ স্বধর্মান্ন চ্যবেমহি ॥ 5-154-2 (37068)
দুর্যোধনস্য কর্ণস্য শকুনেঃ সৌবলস্য চ ।
বাসুদেব মতজ্ঞোঽসি মম সভ্রাতৃকস্য চ ॥ 5-154-3 (37069)
বিদুরস্যাপি তদ্বাক্যং শ্রুতং ভীষ্মস্য চোভয়োঃ ।
কুন্ত্যাশ্চ বিপুলপ্রজ্ঞ প্রজ্ঞা কার্ৎস্ন্যেন তে শ্রুতা ॥ 5-154-4 (37070)
সর্বমেতদতিক্রম্য বিচার্য চ পুনঃ পুনঃ ।
ক্ষমং যন্নো মহাবাহো তদ্ব্রবীহ্যবিচারয়ন্ ॥ 5-154-5 (37071)
শ্রুৎবৈতদ্ধর্মরাজস্য ধর্মার্থসহিতং বচঃ।
মেঘদুন্দুভিনির্ঘোষঃ কৃষ্ণো বাক্যমথাব্রবীৎ ॥ 5-154-6 (37072)
উক্তবানস্মি যদ্বাক্যং ধর্মার্থসহিতং হিতম্।
ন তু তন্নিকৃতিপ্রজ্ঞে কৌরব্যে প্রতিতিষ্ঠতি ॥ 5-154-7 (37073)
ন চ ভীষ্মস্য দুর্মেধাঃ শৃণোতি বিদুরস্য বা।
মম বা ভাষিতং কিংচিৎসর্বমেবাতিবর্ততে ॥ 5-154-8 (37074)
নৈষ কাময়তে ধর্মং নৈষ কাময়তে যশঃ ।
জিতং স মন্যতে সর্বং দুরাত্মা কর্ণমাশ্রিতঃ ॥ 5-154-9 (37075)
বন্ধমাজ্ঞাপয়ামাস মম চাপি সুয়োধনঃ ।
ন চ তং লব্ধবান্কামং দুরাত্মা পাপনিশ্চয়ঃ ॥ 5-154-10 (37076)
ন চ ভীষ্মো ন চ দ্রোণো যুক্তং তত্রাহতুর্বচঃ।
সর্বে তমনুবর্তন্তে ঋতে বিদুরমুচ্যুত ॥ 5-154-11 (37077)
শকুনিঃ সৌবলশ্চৈব কর্ণদুঃশাসনাবপি ।
ৎবয়্যযুক্তান্যভাষন্ত মূঢা মূঢমমর্ষণম্ ॥ 5-154-12 (37078)
কিংচ তেন ময়োক্তেন যান্যভাষত কৌরবঃ ।
সংক্ষেপেণ দুরাত্মাসৌ ন যুক্তং ৎবয়ি বর্ততে ॥ 5-154-13 (37079)
পার্থিবেষু ন সর্বেষু য ইমে তব সৈনিকাঃ।
যৎপাপং যন্ন কল্যাণং সর্বং তস্মিন্প্রতিষ্ঠিতম্ ॥ 5-154-14 (37080)
ন চাপি বয়মত্যর্থং পরিত্যাগেন কর্হিচিৎ।
কৌরবৈঃ শমমিচ্ছামস্তত্র যুদ্ধমনন্তরম্ ॥ 5-154-15 (37081)
বৈশম্পায়ন উবাচ। 5-154-16x (3839)
তচ্ছ্রুৎবা পার্থিবাঃ সর্বে বাসুদেবস্য ভাষিতম্।
অব্রুবন্তো মুখং রাজ্ঞঃ সমুদৈক্ষন্ত ভারত ॥ 5-154-16 (37082)
যুধিষ্ঠিরস্ৎবভিপ্রায়মভিলক্ষ্য মহীক্ষিতাম্ ।
যোগমাজ্ঞাপয়ামাস ভীমার্জুনয়মৈঃ সহ ॥ 5-154-17 (37083)
ততঃ কিলকিলাভূতমনীকং পাণ্ডবস্য হ।
আজ্ঞাপিতে তদা যোগে সমহৃষ্যন্ত সৈনিকাঃ ॥ 5-154-18 (37084)
অবধ্যানাং বধং পশ্যন্ধর্মরাজো যুধিষ্ঠিরঃ।
নিশ্বসন্ভীমসেনং চ বিজয়ং চেদমব্রবীৎ ॥ 5-154-19 (37085)
যদর্থং বনবাসশ্চ প্রাপ্তং দুঃখং চ যন্ময়া।
সোয়মস্মানুপৈত্যেব পরোঽনর্থঃ প্রয়ত্নতঃ ॥ 5-154-20 (37086)
যস্মিন্যত্নঃ কৃতোঽস্মাভিঃ স নো হীনঃ প্রয়ত্নতঃ।
অকৃতে তু প্রয়ত্নেঽস্মানুপাবৃত্তঃ কলির্মহান্ ॥ 5-154-21 (37087)
কথং হ্যবধ্যৈঃ সঙ্গ্রামঃ কার্যঃ সহ ভবিষ্যতি।
কথং হৎবা গুরূন্বৃদ্ধান্বিজয়ো নো ভবিষ্যতি ॥ 5-154-22 (37088)
বৈশম্পায়ন উবাচ। 5-154-23x (3840)
তচ্ছ্রুৎবা ধর্মরাজস্য সব্যসাচী পরন্তপঃ।
যদুক্তং বাসুদেবেন শ্রাবয়ামাস তদ্বচঃ ॥ 5-154-23 (37089)
উক্তবান্দেবকীপুত্রঃ কুন্ত্যাশ্চ বিদুরস্য চ ।
বচনং তত্ৎবয়া রাজন্নিখিলেনাবধারিতম্ ॥ 5-154-24 (37090)
ন চ তৌ বক্ষ্যতোঽধর্মমিতি মে নৈষ্ঠিকী মতিঃ।
নাপি যুক্তং চ কৌন্তেয় নিবর্তিতুময়ুধ্যতঃ ॥ 5-154-25 (37091)
তচ্ছ্রুৎবা বাসুদেবোঽপি সব্যসাচিবচস্তদা ।
স্ময়মানোঽব্রবীদ্বাক্যং পার্থমেবমিতি ব্রুবন্ ॥ 5-154-26 (37092)
ততস্তে ধৃতসংকল্পা যুদ্ধায় সহ সৈনিকাঃ।
পাণ্ডবেয়া মহারাজ তাং রাত্রিং সুখমাবসন্ ॥ ॥ 5-154-27 (37093)
ইতি শ্রীমন্মহাভারতে উদ্যোগপর্বণি সৈন্যনির্যাণপর্বণি চতুঃপঞ্চশদধিকশততমোঽধ্যায়াঃ ॥
Mahabharata - Udyoga Parva - Chapter Footnotes
5-154-13 যুক্তং সম্যক্ ॥ 5-154-14 ন কল্যাণং অকল্যাণং পাপং অকল্যাণং চ ৎবদীয়েষ্ববিদ্যমানং সর্বং তস্মিন্ দুর্যোধনে প্রতিষ্ঠিতম্ ॥ 5-154-15 পরিত্যাগেন রাজ্যস্যোপেক্ষয়া শমং নেচ্ছামঃ ॥ 5-154-17 যোগং যুদ্ধোদ্যোগম্ ॥ 5-154-20 যদর্থং যন্নিবৃত্ত্যর্থম্ । অনর্থঃ কুলক্ষয়ঃ। প্রয়ত্নতো বলাৎ ॥ 5-154-25 অয়ুধ্যতস্তব নিবর্তিতুমপি ন যুক্তম্ ॥উদ্যোগপর্ব - অধ্যায় 155
॥ শ্রীঃ ॥
5.155. অধ্যায়ঃ 155
Mahabharata - Udyoga Parva - Chapter Topics
দুর্যোধনেন স্বসেনানাং অগ্র্যমধ্যমপাশ্চাত্যভেদেন ত্রেধা বিভজনম্ ॥ 1 ॥ তাসাং সাংগ্রামিকোপকরণসমৃদ্ধিবর্ণনম্ ॥ 2 ॥ দুর্যোধনেন কৃপাদীনামেকাদশানাং পৃথক্পৃথগক্ষৌহিণ্যধিপতিৎবেঽভিষেচনম্ ॥ 3 ॥Mahabharata - Udyoga Parva - Chapter Text
5-155-0 (37094)
বৈশম্পায়ন উবাচ। 5-155-0x (3841)
ব্যুষ্টায়াং বৈ রজন্যাং হি রাজা দুর্যোধনস্ততঃ।
ব্যভজত্তান্যনিকানি দশ চৈকং চ ভারত ॥ 5-155-1 (37095)
নরহস্তিরথাশ্বানাং সারং মধ্যং চ ফল্গু চ।
সর্বেষ্বেতেষ্বনীকেষু সন্দিদেশ নরাধিপঃ ॥ 5-155-2 (37096)
সানুকর্ষাঃ সতূণীরাঃ সবরূথাঃ সতোমরাঃ।
সোপাসঙ্গাঃ সশক্তীকাঃ সনিষঙ্গাঃ সহর্ষ্টয়ঃ । 5-155-3 (37097)
সধ্বজাঃ সপতাকাশ্চ সশরাসনতোমরাঃ ।
রজ্জুভিশ্চ বিচিত্রাভিঃ সপাশাঃ সপরিচ্ছদাঃ ॥ 5-155-4 (37098)
সকচগ্রহবিক্ষেপাঃ সতৈলগুডবালুকাঃ ।
সাশীবিষঘটাঃ সর্বে সসর্জরসপাংসবঃ ॥ 5-155-5 (37099)
সঘণ্টফলকাঃ সর্বে সায়োগুডজলোপলাঃ ॥
সশালভিন্দিপালাশ্চ সমধূচ্ছিষ্টমুদ্গরাঃ ॥ 5-155-6 (37100)
সকাণ্ডদণ্ডকাঃ সর্বে সসীরবিষতোমরাঃ ।
সশূর্পপিটকাঃ সর্বে সদাত্রাঙ্কুশতোমরাঃ ॥ 5-155-7 (37101)
সকীলকবচাঃ সর্বে বাশীবৃক্ষাদনান্বিতাঃ।
ব্যাঘ্রচর্মপরীবারা দ্বীপিচর্মাবৃতাশ্চ তে ॥ 5-155-8 (37102)
সহর্ষ্টয়ঃ সশ্রৃঙ্গাশ্চ সপ্রাসবিবিধায়ুধাঃ ।
সকুঠারাঃ সকুদ্দালাঃ সতৈলক্ষৌমসর্পিষঃ ॥ 5-155-9 (37103)
রুক্মজালপ্রতিচ্ছন্না নানামণিবিভূষিতাঃ ।
চিত্রানীকাঃ সুবপুষো জ্বলিতা ইব পাবকাঃ ॥ 5-155-10 (37104)
তথা কবচিনঃ শূরাঃ শস্ত্রেষু কৃতনিশ্চয়াঃ ।
কুলীনা হয়যোনিজ্ঞাঃ সারথ্যে বিনিবেশিতাঃ ॥ 5-155-11 (37105)
বদ্ধারিষ্টা বদ্ধকক্ষা বদ্ধধ্বজপতাকিনঃ।
বদ্ধাভরণনির্যূহা বদ্ধচর্মাসিপট্টিশাঃ ॥ 5-155-12 (37106)
চতুর্যুজো রথাঃ সর্বে সর্বে চোত্তমবাজিনঃ ।
সপ্রাসঋষ্টিকাঃ সর্বে সর্বে শতশরাসনাঃ ॥ 5-155-13 (37107)
ধুর্যযোর্হকয়যোরেকস্তথান্যৌ পর্ষ্ণিসারথী ।
তৌ চাপি রথিনাং শ্রেষ্ঠৌ রথী চ হয়বিত্তথা ॥ 5-155-14 (37108)
নগরাণীব গুপ্তানি দুরাধর্ষাণি শত্রুভিঃ ।
আসন্রথসহস্রাণি হেমমালীনি সর্বশঃ ॥ 5-155-15 (37109)
যথা রথাস্তথা নাগা বদ্ধকক্ষাঃ স্বলঙ্কৃতাঃ ।
বভূবুঃ সপ্তপুরুষা রত্নবন্ত ইবাদ্রয়ঃ ॥ 5-155-16 (37110)
দ্বাবঙ্কুশধরৌ তত্র দ্বাবুত্তমধনুর্ধরৌ ।
দ্বৌ বরাসিধরৌ রাজন্নেকঃ শক্তিপিনাকধৃৎ ॥ 5-155-17 (37111)
গজৈর্মত্তৈঃ সমাকীর্ণং সর্বমায়ুধকোশকৈঃ।
তদ্বভূব বলং রাজন্কৌরব্যস্য মহাত্মনঃ ॥ 5-155-18 (37112)
আমুক্তকবচৈর্যুক্তৈঃ সপতাকৈঃ স্বলঙ্কৃতৈঃ ।
সাদিভিশ্চোপপন্নাস্তু তথা চায়ুতশো হয়াঃ ॥ 5-155-19 (37113)
অসঙ্গ্রাহাঃ সুসংপন্না হেমভাণ্ডপরিচ্ছদাঃ।
অনেকশতসাহস্রাঃ সর্বে সাদিবশে স্থিতাঃ ॥ 5-155-20 (37114)
নানারূপবিকারাশ্চ নানাকবচশস্ত্রিণঃ ।
পদাতিনো নরাস্তত্র বভূবুর্হেমমালিনঃ ॥ 5-155-21 (37115)
রথস্যাসন্দশ গজা গজস্য দশ বাজিনঃ ।
নরা দশ হয়স্যাসন্পাদরক্ষাঃ সমন্ততঃ ॥ 5-155-22 (37116)
রথস্য নাগাঃ পঞ্চাশন্নাগস্যাসঞ্শতং হয়াঃ।
হয়স্য পুরুষাঃ সপ্ত ভিন্নসন্ধানকারিণঃ ॥ 5-155-23 (37117)
সেনা পঞ্চশতং নাগা রথাস্তাবন্ত এব চ।
দশসেনা চ পৃতনা পৃতনা দশ বাহিনী ॥ 5-155-24 (37118)
সেনা চ বাহিনী চৈব পৃতনা ধ্বজিনী চমূঃ ।
অক্ষৌহিণীতি পর্যায়ৈর্নিরুক্তা চ বরূথিনী ॥ 5-155-25 (37119)
এবং ব্যূঢান্যনীকানি কৌরবেয়েণ ধীমতা।
অক্ষৌহিণ্যো দশৈকা চ সঙ্খ্যাতাঃ সপ্ত চৈব হ ॥ 5-155-26 (37120)
অক্ষৌহিণ্যস্তু সপ্তৈব পাণ্ডবানামভূদ্বলম্ ।
অক্ষৌহিণ্যো দশৈকা চ কৌরবাণামভূদ্বলম্ ॥ 5-155-27 (37121)
নরাণাং পঞ্চপঞ্চাশদেষা পত্তির্বিধীয়তে।
সেনামুখং চ তিস্রস্তা গুল্ম ইত্যভিশব্দিতম্ ॥ 5-155-28 (37122)
ত্রয়ো গুল্মা গণস্ৎবাসীদ্গণাস্ৎবয়ুতশোঽভবন্ ।
দুর্যোধনস্য সেনাসু যোৎস্যমানাঃ প্রহারিণঃ ॥ 5-155-29 (37123)
তত্র দুর্যোধনো রাজা শূরান্বুদ্ধিমতো নরান্।
প্রসমীক্ষ্য মহাবাহুশ্চক্রে সেনাপতীংস্তদা । 5-155-30 (37124)
পৃথগক্ষৌহিণীনাং চ প্রণেতৄন্নরসত্তমান্ ।
বিধিবৎপূর্বমানীয় পার্থিবানভ্যষেচয়ৎ ॥ 5-155-31 (37125)
কৃপং দ্রোণং চ শল্যং চ সৈন্ধবং চ জয়দ্রথম্ ।
সুদক্ষিণং চ কাম্ভোজং কৃতবর্মাণমেব চ ॥ 5-155-32 (37126)
দ্রোণপুত্রং চ কর্ণং চ ভূরিশ্রবসমেব চ।
শকুনিং সৌবলং চৈব বাহ্লীকং চ মহাবলম্ ॥ 5-155-33 (37127)
দিবসে দিবসে তেষাং প্রতিবেলং চ ভারত।
চক্রে স বিবিধাঃ পূজাঃ প্রত্যক্ষং চ পুনঃ পুনঃ ॥ 5-155-34 (37128)
তথা বিনিয়তাঃ সর্বে যে চ তেষাং পদানুগাঃ।
বভূবুঃ সৈনিকা রাজ্ঞাং প্রিয়ং রাজ্ঞশ্চিকীর্ষবঃ ॥ ॥ 5-155-35 (37129)
ইতি শ্রীমন্মহাভারতে উদ্যোগপর্বণি সৈন্যনির্যাণপর্বণি পঞ্চপঞ্চাশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-155-1 ব্যুষ্টায়াং ব্যতীতায়াম্ ॥ 5-155-2 সারং পুরোগামি । মধ্যং মধ্যমম্। ফল্গু পাশ্চাত্ত্যম্ ॥ 5-155-3 অনুকর্ষঃ যুদ্ধবিমর্দেয়স্যকস্যচিদ্রথাবয়বস্য নষ্টস্য প্রতিসমাধানার্থং যদ্রথস্যাধোদারুবধ্যতে তৎ। অনুকর্ষো রথাধঃস্থদারুণীতি ভেদিনী । তূণীরো রথবাহ্যো বাণকোশঃ । মহান্ নিষঙ্গ ইতি যাবৎ। উপাসঙ্গাঃ হয়গজবাহ্যাস্তূণাঃ । নিষঙ্গঃ পত্তিবাহ্যঃ স েব ॥ 5-155-5 কচগ্রহবিক্ষেপঃ কচেষু গৃহীৎবা যেন শত্রুর্বিক্ষিপ্যতে তাদৃশঃ। তৈলাদয়ঃ প্রপপ্তাঃ শত্রূণামুপরি ক্ষিপ্যন্তে । সাশীবিষঘটাঃ সসর্পাঃ কুম্ভাঃ । সর্জরসো রালদ্রব্যমগ্র্ন্যুদ্দীপকম্ ॥ 5-155-6 সঘণ্টানি ফলকানি শস্ত্রাগ্রাণি যেষাং তে সঘণ্টফলকাঃ । অয়ংসি খঙ্গপট্টিশচ্চুরিকাদীনি। গুডজলং তপ্তম্। উপলা যন্ত্রক্ষেপ্যা গোলাঃ। শালতে কত্থতে শব্দং করোতীতি শালঃ স চাসৌ ভিন্দিপালো গোফলকঃ। মধূচ্ছিষ্টং ময়নং তদপি দ্রবীকৃত্য গুডজলবৎপ্রক্ষেপ্যম্। মুদ্গরঃ মুশলতুত্যো দণ্ডঃ ॥ 5-155-7 কাণ্ডং বাণফলকং তদ্যুক্তো দণ্ডঃ কাণ্ডদণ্ডঃ ইতিয়াবৎ। সীরং লাঙ্গলম্ । বিষং প্রসিদ্ধং তেন যুক্তাস্তোমরা বিষতোমরাঃ। শূর্পাণি তপ্তগুডাদিপ্রক্ষেপার্থানি। পিটকাস্তদাশ্রয়া মঞ্জূষাঃ অস্ত্ররোধনার্থা বা। দাত্রাং পরশুপ্রভৃতি । অঙ্কুশতোমরাঃ বদরীকণ্টকতুল্যলোহকণ্টকোপেতাস্তোমরাঃ ॥ 5-155-8 কীলকবচবান্ হি পরেণ মুষ্টিয়ুদ্ধে জেতুমশক্যঃ। বাশী কাষ্ঠপ্রচ্ছন্নং শস্ত্রম্। বৃক্ষাদনাঃ লোহকণ্টককীলাদীন্যুপকরণানি। ব্যাঘ্রচর্মণা দ্বীপী চিত্রব্যাঘ্রস্তচ্চর্মণা চ পরিবৃতা রথা এব ॥ 5-155-9 তৈলক্ষৌমানি তৈলাক্তবস্ত্রবিশেষা যেষাং ভস্ম প্রহারস্থলে দীয়তে । সর্পিশ্চ পুরাতনং তদর্থমেব ॥ 5-155-10 চিত্রানীকাঃ চিত্রাণি সৈন্যানি ॥ 5-155-11 বিনিবেশেতা যেষু রথেষ্বিতি শেষঃ ॥ 5-155-12 বদ্ধানি অরিষ্টানি অশুভহরাণি যন্ত্রৌষধাদীনি যেষু তে বদ্ধারিষ্টাঃ। বদ্ধকক্ষাঃ বদ্ধাঃ কক্ষাঃ স্পর্ধাপদানি তুরগাদিশিরসি ঘণ্টামালামৌক্তিকগুচ্ছাদীনি। বদ্ধানি বিরুদানি যেষু। বদ্ধানি আভরণানি ক্ষুদ্রঘণ্টিকাদীনি নির্যূহাঃ শিখরাণি চ যেষু ॥ 5-155-14 চতুর্যুজ ইত্যেতদ্ব্যাচষ্টে ধুর্যযোরিতি। ধুর্যযোঃ ধূঃসন্নিহিতয়োঃ। পার্ষ্ণিস্পারথী চক্ররক্ষৌ ॥ 5-155-17 পিনাকঃ ত্রিশূলম্ ॥ 5-155-20 সংগ্রাহঃ হেষণপূর্বকমগ্রাদাভ্যামুৎপ্লবনং তদ্রহিতাঃ । যতঃ সুসংপন্নাঃ সম্যকশিক্ষিতাঃ ॥ 5-155-22 একস্য রথস্য যথোক্তবিভাগেন দশ গজাঃ শতং অশ্বাঃ সহস্রং পদাতয়শ্চ পরিবার ইত্যর্থঃ ॥ 5-155-23 পক্ষান্তরমাহ রথস্যেতি। একস্য রথস্য পঞ্চাশদ্রদা পঞ্চসহস্রং অশ্বাঃ পঞ্চত্রিংশৎসহস্রং পদাতয়ঃ পরিবার ইত্যর্থঃ ॥ 5-155-24 পৃতনায়াং তু পঞ্চসহস্রং নাগাস্তাবন্তো রথাঃ পঞ্চবিংশতিসহস্রং নরাঃ পঞ্চদশসহস্রং অশ্বাঃ । বাহিন্যাং পঞ্চাশৎসহস্রং নাগাস্তাবন্তো রথাঃ সার্ধলক্ষদ্বয়ং নরাঃ। সার্ধলক্ষং অশ্বা ইতি জ্ঞেয়ম্ ॥উদ্যোগপর্ব - অধ্যায় 156
॥ শ্রীঃ ॥
5.156. অধ্যায়ঃ 156
Mahabharata - Udyoga Parva - Chapter Topics
দুর্যোধনেন ভীষ্মংপ্রতি সৈনাপত্যস্বীকারপ্রার্থনা ॥ 1 ॥ ভীষ্মেণ সময়প্রতিজ্ঞাকরণপূর্বকং সৈনাপত্যাঙ্গীকারঃ ॥ 2 ॥ দুর্যোধনেন ভীষ্মস্য সৈনাপত্যেঽভিষেচনপূর্বকং সেনাভিঃ সহ কুরুক্ষেত্রগমনম্ ॥ 3 ॥Mahabharata - Udyoga Parva - Chapter Text
5-156-0 (37130)
বৈশম্পায়ন উবাচ। 5-156-0x (3842)
ততঃ শান্তনবং ভীষ্মং প্রাঞ্জলির্ধৃতরাষ্ট্রজঃ।
সহ সর্বৈর্মহীপালৈরিদং বচনমব্রবীৎ॥ 5-156-1 (37131)
ঋতে সেনাপ্রণেতারং পৃতনা সুমহত্যপি ।
দীর্যতে যুদ্ধমাসাদ্য পিপীলিকপুটং যথা ॥ 5-156-2 (37132)
নহি জাতু দ্বয়োর্বুদ্ধিঃ সমা ভবতি কর্হিচিৎ ।
শৌর্যং চ বলনেতৄণাং স্পর্ধতে চ পরস্পরম্ ॥ 5-156-3 (37133)
শ্রূয়তে চ মহাপ্রাজ্ঞ হৈহয়ানমিতৌজসঃ ।
অভ্যযুর্ব্রাহ্মণাঃ সর্বে সমুচ্ছ্রিতকুশধ্বজাঃ ॥ 5-156-4 (37134)
তানভ্যযুস্তদা বৈশ্যাঃ শূদ্রাশ্চৈব পিতামহ ।
একতস্তু ত্রয়ো বর্ণা একতঃ ক্ষত্রিয়র্ষভাঃ ॥ 5-156-5 (37135)
তে স্ম যুদ্ধে প্রভজ্যন্তে ত্রয়ো বর্ণাঃ পুনঃ পুনঃ ।
ক্ষত্রিয়াশ্চ জয়ন্ত্যেব বহুলং চৈকতো বলম্ ॥ 5-156-6 (37136)
ততস্তে ক্ষত্রিয়ানেব পপ্রচ্ছুর্দ্বিচসত্তমাঃ ।
তেভ্যঃ শশংসুর্ধর্মজ্ঞা যাথাতথ্যং পিতামহ ॥ 5-156-7 (37137)
বয়মেকস্য শ্রৃণুমো মহাবুদ্ধিমতো রণে ।
ভবন্তস্তু পৃথক্সর্বে স্ববুদ্ধিবশবর্তিনঃ ॥ 5-156-8 (37138)
ততস্তে ব্রাহ্মণাশ্চক্রুরেকং সেনাপতিং দ্বিজম্।
নয়ে সুকুশলং শূরমজয়ন্ক্ষত্রিয়াংস্ততঃ ॥ 5-156-9 (37139)
এবং যে কুশলং শূরং হিতেপ্সিতমকল্পষম্।
সেনাপতিং প্রকুর্বন্তি তে জয়ন্তি রণে রিপূন্ ॥ 5-156-10 (37140)
ভবানুশনসা তুল্যো হিতৈষী চ সদা মম।
অসংহার্থঃ স্থিতো ধর্মে স নঃ সেনাপতির্ভব ॥ 5-156-11 (37141)
রশ্মীবতামিবাদিত্যো বীরুধামিব চন্দ্রমাঃ ।
কুবের ইব যক্ষাণাং দেবানামিব বাসবঃ ॥ 5-156-12 (37142)
পর্বতানাং যথা মেরুঃ সুপর্ণঃ পক্ষিণাং যথা।
কুমার ইব দেবানাং বসূনামিব হব্যবাট্ ॥ 5-156-13 (37143)
ভবতা হি বয়ং গুপ্তাঃ শত্রেণেব দিবৌকসঃ ।
অনাধৃষ্যা ভবিষ্যামস্ত্রিদশানামপি ধ্রুবম্ ॥ 5-156-14 (37144)
প্রয়াতু নো ভবানগ্রে দেবানামিব পাবকিঃ ।
বয়ং ৎবামনুয়াস্যামঃ সৌরভেয়া ইবর্ষভম্ ॥ 5-156-15 (37145)
ভীষ্ম উবাচ। a6-156-16x (3843)
এবমেতন্মহাবাহো যথা বদসি ভারত।
যথৈব হি ভবন্তো মে তথৈব মম পাণ্ডবাঃ ॥ 5-156-16 (37146)
অপি চৈব ময়া শ্রোয়ো বাচ্যং তেষাং নরাধিপ ।
সংয়োদ্ধব্যং তবার্থায় যথা মে সময়ঃ কৃতঃ ॥ 5-156-17 (37147)
ন তু পশ্যামি যোদ্ধারমাত্মনঃ সদৃশং ভুবি ।
ঋতে তস্মান্নরব্যাঘ্রাৎকুন্তীপুত্রাদ্ধনঞ্জয়াৎ ॥ 5-156-18 (37148)
স হি বেদ মহাবুদ্ধির্দিব্যান্যস্ত্রাণ্যনেকশঃ ।
ন তু মাং বিবৃতো যুদ্ধে জাতু যুধ্যেত পাণ্ডবঃ ॥ 5-156-19 (37149)
অহং স চ ক্ষণেনৈব নির্মনুষ্যমিদং জগৎ।
কুর্যাবাস্ত্রবলেনৈব সসুরাসুররাক্ষসম্ ॥ 5-156-20 (37150)
ন ৎবেবোৎসাদনীয়া মে পাণ্ডোঃ পুত্রা জনাধিপ ।
তস্মাদ্যোধান্হনিষ্যামি প্রয়োগেণায়ুতং সদা ॥ 5-156-21 (37151)
এবমেষাং ফরিষ্যামি নিধনং কুরুনন্দন ।
ন চেত্তে মাং হনিষ্যন্তি পূর্বমেব সমাগমে ॥ 5-156-22 (37152)
সেনাপতিস্ৎবহং রাজন্সময়েনাপরেণ তে।
ভবিষ্যামি যথাকামং তন্মে শ্রোতুমিহার্হসি ॥ 5-156-23 (37153)
কর্ণো বা যুধ্যতাং পূর্বমহং বা পৃথিবীপতে ।
স্পর্ধতে হি সদাত্যর্থং সূতপুত্রো ময়া রণে ॥ 5-156-24 (37154)
কর্ণ উবাচ। 5-156-25x (3844)
নাহং জীবতি গাঙ্গেয়ে রাজন্যোৎস্যে কথংচন।
হতে ভীষ্মে তু যোৎস্যামি সহ গাণ্ডীবধন্বনা ॥ 5-156-25 (37155)
বৈশম্পায়ন উবাচ। 5-156-26x (3845)
ততঃ সেনাপতিং চক্রে বিধিবদ্ভূরিদক্ষিণম্।
ধৃতরাষ্ট্রাত্মজো ভীষ্মং সোঽভিষিক্তো ব্যরোচত ॥ 5-156-26 (37156)
ততো ভেরীশ্চ শঙ্খাংশ্চ শতশোঽথ সহস্রশঃ।
বাদয়ামাসুব্যগ্রা বাদকা রাজশাসনাৎ ॥ 5-156-27 (37157)
সিংহনাদাশ্চ বিবিধা বাহনানাং চ নিঃস্বনাঃ ॥ 5-156-28 (37158)
নির্ঘার্তাঃ পৃথিবীকম্পা গজবৃংহিতনিঃস্বনাঃ।
আসংশ্চ সর্বয়োধানাং পাতয়ন্তো মনাংস্যুত ॥ 5-156-29 (37159)
বাচশ্চাপ্যশরীরিণ্যো দিবশ্চোল্কাঃ প্রপেদিরে।
শিবাশ্চ ভয়বেদিন্যো নেদুর্দীপ্ততরা ভৃশম্ ॥ 5-156-30 (37160)
সৈনাপত্যে যদা রাজা গাঙ্গেয়মভিষিক্তবান্ ।
তদৈতান্যুগ্ররূপাণি বভূবুঃ শতশো নৃপ ॥ 5-156-31 (37161)
ততঃ সেনাপতিং কৃৎবা ভীষ্মং পরবলার্দনম্ ।
বাচয়িৎবা দ্বিজশ্রেষ্ঠান্গোভির্নিষ্কৈশ্চ ভূরিশঃ ॥ 5-156-32 (37162)
বর্ধমানো জয়াশীর্ভির্নির্যযৌ সৈনিকৈর্বৃতঃ।
আপগেয়ং পুরস্কৃত্য ভ্রাতৃভিঃ সহিতস্তদা ॥ 5-156-33 (37163)
স্কন্ধাবারেণ মহতা কুরুক্ষেত্রং জগাম হ ॥ 5-156-34 (37164)
পরিক্রম্য কুরুক্ষেত্রং কর্ণেন সহ কৌরবঃ ।
শিবিরং মাপয়ামাস সমে দেশে জনাধিপ ॥ 5-156-35 (37165)
মধুরানূষরে দেশে প্রভূতয়বসেন্ধনে।
যথৈব হাস্তিনপুরং তদ্বচ্ছিবিরমাবভৌ ॥ ॥ 5-156-36 (37166)
ইতি শ্রীমন্মহাভারতে উদ্যোগপর্বণি সৈন্যনির্যাণপর্বণি ষট্পঞ্চাশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-156-15 পাবকিঃ কার্তিকেয়ঃ ॥ 5-156-19 বিবৃতো বিস্পষ্টো ভূৎবেত্যর্থঃ ॥ 5-156-20 নির্মনুষ্যং নির্জনম্ ॥ 5-156-21 সদা প্রত্যহম্ ॥ 5-156-29 পাতয়ন্তঃ মূর্চ্ছিতানি কুর্বন্তঃ ॥উদ্যোগপর্ব - অধ্যায় 157
॥ শ্রীঃ ॥
5.157. অধ্যায়ঃ 157
Mahabharata - Udyoga Parva - Chapter Topics
যুধিষ্ঠিরেণ শ্রীকৃষ্ণানুমত্যা দ্রুপদাদীনাং সপ্তানাং পৃতগক্ষৌহিণ্যাধিপত্যেঽভিষেচনপূর্বকং ধৃষ্টদ্যুম্নস্য সর্বসৈন্যাধিপত্যেঽভিষেচনম্ ॥ 1 ॥ বলরামস্য অক্রূরাদিভিঃ সহ পাণ্ডবদিদৃক্ষয়া কুরুক্ষেত্রাগমনম্ ॥ 2 ॥ যুধিষ্ঠিরাদিপূজিতস্য তস্য বন্ধুনিধনাবলোকনাসহিষ্ণুতয়া তীর্থনিষেবণার্থং গমনম্ ॥ 3 ॥Mahabharata - Udyoga Parva - Chapter Text
5-157-0 (37167)
জনমেজয় উবাচ। 5-157-0x (3846)
আপগেয়ং মহাত্মানং ভীষ্মং শস্ত্রভৃতাং বরম্।
পিতামহং ভারতানাং ধ্বজং সর্বমহীক্ষিতাম্ ॥ 5-157-1 (37168)
বৃহস্পতিসং বুদ্ধ্যা ক্ষময়া পৃথিবীসমম্ ।
সমুদ্রমিব গাম্ভীর্যে হিমবন্তমিব স্থিরম্ ॥ 5-157-2 (37169)
প্রজাপতিমিবৌদার্যে তেজসা ভাস্করোপমম্ ।
মহেন্দ্রমিব শত্রূণাং ধ্বংসনং শরবৃষ্টিভিঃ ॥ 5-157-3 (37170)
রণয়জ্ঞে প্রবিততে সুভীমে লোমহর্ষণে।
দীক্ষিতং চিররাত্রায় শ্রুৎবা তত্র যুধিষ্ঠিরঃ ॥ 5-157-4 (37171)
কিমব্রবীন্মহাবাহুঃ সর্বশস্ত্রভৃতাং বরঃ ।
ভীমসেনার্জুনৌ বাপি কৃষ্ণো বা প্রত্যভাষত ॥ 5-157-5 (37172)
বৈশম্পায়ন উবাচ। 5-157-6x (3847)
আপদ্ধর্মার্থকুশলো মহাবুদ্ধির্যুধিষ্ঠিরঃ।
সর্বান্ভ্রাতৄন্সমানীয় বাসুদেবং চ শাশ্বতম্ ॥ 5-157-6 (37173)
উবাচ বদতাং শ্রেষ্ঠঃ সান্ৎবপূর্বমিদং বচঃ।
পর্যাক্রামত সৈন্যানি যত্তাস্তিষ্ঠত দংশিতাঃ ॥ 5-157-7 (37174)
পিতামহেন বো যুদ্ধং পূর্বমেব ভবিষ্যতি।
তস্মাৎসপ্তসু সেনাসু প্রণেতৄন্মম পশ্যত ॥ 5-157-8 (37175)
কৃষ্ণ উবাচ। 5-157-9x (3848)
যথার্হতি ভবান্বক্তুমস্মিন্কালে হ্যুপস্থিতে।
তথেদমর্থবদ্বাক্যমুক্তং তে ভরতর্ষভ ॥ 5-157-9 (37176)
রোচতে মে মহাবাহো ক্রিয়তাং যদনন্তরম্।
নায়কাস্তব সেনায়াং ক্রিয়ন্তামিহ সপ্ত বৈ ॥ 5-157-10 (37177)
বৈশম্পায়ন উবাচ। 5-157-11x (3849)
ততো দ্রুপদমানায়্য বিরাটং শিনিপুঙ্গবম্ ।
ধৃষ্টদ্যুম্নং চ পাঞ্চাল্যং ধৃষ্টকেতুং চ পার্থিব।
শিখণ্ডিনং চ পাঞ্চাল্যং সহদেবং চ মাগধম্ ॥ 5-157-11 (37178)
এতান্সপ্ত মহাভাগান্বীরান্যুদ্ধাভিকাঙ্ক্ষিণঃ ।
সেনাপ্রণেতৄন্বিধিবদভ্যষিঞ্চদ্যুধিষ্ঠিরঃ ॥ 5-157-12 (37179)
সর্বসেনাপতিং চাত্র ধৃষ্টদ্যুম্নং চকার হ ।
দ্রোণান্তহেতোরুৎপন্নো য ইদ্ধাঞ্জাতবেদসঃ ॥ 5-157-13 (37180)
সর্বেষামেব তেষাং তু সমস্তানাং মহাত্মনাম্ ।
সেনাপতিপতিং চক্রে গডাকেশং ধনঞ্জয়ম্ ॥ 5-157-14 (37181)
অর্জুনস্যাপি নেতা চ সংয়ন্তা চৈব বাজিনাম্।
সঙ্কর্ণণানুজঃ শ্রীমান্মহাবুদ্ধির্জনার্দনঃ ॥ 5-157-15 (37182)
তদ্দৃষ্ট্বোপস্থিতং যুদ্ধং সমাসন্নং মহাত্যযম্ ।
প্রাবিশদ্ভবনং রাজ্ঞঃ পাণ্ডবানাং হলায়ুধঃ ॥ 5-157-16 (37183)
সহাক্রূরপ্রভৃতিভির্দদসাম্বোদ্ধবাদিভিঃ ।
রৌক্মিণেয়াহুকসুতৈশ্চারুদেষ্ণপুরোগমৈঃ ॥ 5-157-17 (37184)
বৃষ্ণিমুখ্যৈরধিগতৈর্ব্যাঘ্রৈরিব বলোৎকটৈঃ ।
অভিগুপ্তো মহাবাহুর্মরুদ্ভিরিব বাসবঃ ॥ 5-157-18 (37185)
নীলকৌশেয়বসনঃ কৈলাসশিখরোপমঃ ।
সিংহখেলগতিঃ শ্রীমান্মদরক্তান্তলোচনঃ ॥ 5-157-19 (37186)
তং দৃষ্ট্বা ধর্মরাজশ্চ কেশবশ্চ মহাদ্যুতিঃ ।
উদতিষ্ঠত্ততঃ পার্থো ভীমকর্মা বৃকোদরঃ ॥ 5-157-20 (37187)
গাণ্ডীবধন্বা যে চান্যে রাজানস্তত্র কেচন।
পূজয়াঞ্চক্রিরে তে বৈ সমায়ান্তং হলায়ুধম্ ॥ 5-157-21 (37188)
ততস্তং পাণ্ডবো রাজা করে পস্পর্শ পাণিনা ।
বাসুদেবপুরোগাস্তং সর্ব এবাভ্যবাদয়ন্ ॥ 5-157-22 (37189)
বিরাটদ্রুপদৌ বৃদ্ধাবভিবাদ্য হলায়ুধঃ ।
যুধিষ্ঠিরেণ সহিত উপাবিশদরিন্দমঃ ॥ 5-157-23 (37190)
ততস্তেষূপবিষ্টেষু পার্থিবেষু সমন্ততঃ ।
বাসুদেবমভিপ্রেক্ষ্য রৌহিণেয়োঽভ্যভাষত ॥ 5-157-24 (37191)
ভবিতায়ং মহারৌদ্রো দারুণঃ পুরুষক্ষয়ঃ ।
দিষ্টমেতদ্ধ্রুবং মন্যে ন শক্যমতিবর্তিতুম্ ॥ 5-157-25 (37192)
তস্মাদ্যুদ্ধাৎসমুত্তীর্ণানপি বঃ সমুহৃঞ্জানান্।
অরোগানক্ষতৈর্দেহৈর্দ্রষ্টাস্মীতি মতির্মম ॥ 5-157-26 (37193)
সমেতং পার্থিবং ক্ষত্রং কালপক্বমসংশয়ম্ ।
বিমর্দশ্চ মহান্ভাবী মাংসশোণিতকদর্দমঃ ॥ 5-157-27 (37194)
উক্তো ময়া বাসুদেবঃ পুনঃ পুনরুপহ্বরে।
সংবন্ধিষু সমাং বৃত্তিং বর্তস্ব মধুসূদন ॥ 5-157-28 (37195)
পাণ্ডবা হি যথাস্মাকং তথা দুর্যোধনো নৃপঃ।
তস্যাপি ক্রিয়তাং সাহ্যং স পর্যেতি পুনঃপুনঃ ॥ 5-157-29 (37196)
তচ্চ মে নাকরোদ্বাক্যং ৎবদর্থে মধুসূদনঃ।
নির্বিষ্টঃ সর্বভাবেন ধনঞ্জয়মবেক্ষ্য হ ॥ 5-157-30 (37197)
ধ্রুবো জয়ঃ পাণ্ডবানামিতি মে নিশ্চিতা মতিঃ।
তথা হ্যভিনিবেশোঽয়ং বাসুদেবস্য ভারত ॥ 5-157-31 (37198)
ন চাহমৃৎসহে কৃষ্ণমৃতে লোকমুদীক্ষিতুম্ ।
ততোঽহমনুবর্তামি কেশবস্য চিকীর্ষিতম্ ॥ 5-157-32 (37199)
উভৌ শিষ্যৌ হি মে বীরৌ গদায়দ্ধবিশারদৌ ।
তুল্যস্নেহোঽস্ম্যতো ভীতে তথা দুর্যোধনে নৃপে ॥ 5-157-33 (37200)
তস্মাদ্যাস্যামি তীর্থানি সরস্বত্যা নিষেবিতুম্ ।
ন হি শক্ষ্যামি কৌরব্যান্নশ্যমানানবেক্ষিতুম্ ॥ 5-157-34 (37201)
বৈশম্পায়ন উবাচ। 5-157-35x (3850)
এবমুক্ৎবা মহাবাহুরনুজ্ঞাতশ্চ পাণ্ডবৈঃ।
তীর্থয়াত্রাং যয়ৌ রামো নিবর্ত্য মধুসূদনম্ ॥ ॥ 5-157-35 (37202)
ইতি শ্রীমন্মহাভারতে উদ্যোগপর্বমি সৈন্যনির্যাণপর্বণি সপ্তপঞ্চাশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-157-13 ইদ্ধাৎপ্রদীপ্তাৎ ॥ 5-157-16 মহাত্যযং অত্যন্তং ক্ষয়করম্ ॥ 5-157-24 রৌহিণেয়ো বলরামঃ ॥ 5-157-28 উপহ্বরে একান্তে ॥উদ্যোগপর্ব - অধ্যায় 158
॥ শ্রীঃ ॥
5.158. অধ্যায়ঃ 158
Mahabharata - Udyoga Parva - Chapter Topics
শ্রীকৃষঅণশ্যালস্য রুক্মিণঃ পাণ্ডবানুপেত্য অর্জুনংপ্রতি তস্য ভয়বিকল্পপূর্বকং দর্পাস্ৎবেন সাহায়্যকরণোক্তিঃ ॥ 1 ॥ অর্জুনেন তস্য প্রত্যাখ্যানম্ ॥ 2 ॥ দুর্যোধনমেত্য তথাভাষিণস্তস্য তেনাপি প্রত্যাখ্যানম্ ॥ 3 ॥Mahabharata - Udyoga Parva - Chapter Text
5-158-0 (37203)
বৈশম্পায়ন উবাচ। 5-158-0x (3851)
এতস্মিন্নৈব কালে তু ভীষ্মকস্য মহাত্মনঃ ।
হিরণ্যরোম্ণো নৃপতেঃ সাক্ষাদিন্দ্রসখস্য বৈ ॥ 5-158-1 (37204)
আকূতীনামধিপতির্ভোজস্যাতিয়শস্বিনঃ ।
দাক্ষিণাত্যপতেঃ পুত্রো দিক্ষু রুক্মীতি বিশ্রুতঃ ॥ 5-158-2 (37205)
যঃ কিংপুরুষসিংহস্য গন্ধমাদনবাসিনঃ ।
কৃৎস্নং শিষ্যো ধনুর্বেদং চতুষ্পাদমবাপ্তবান্ ॥ 5-158-3 (37206)
যো মাহেন্দ্রং ধনুর্লেভে তুল্যং গাণ্ডীবতেজসা।
শার্ঙ্গেণ চ মহাবাহুঃ সংমিতং দিব্যলক্ষণম্ ॥ 5-158-4 (37207)
ত্রীণ্যেবৈতানি দিব্যানি ধনূংষি দিবিচারিণাম্ ।
বারুণং গাণ্ডিবং তত্র মাহেন্দ্রং বিজয়ং ধনুঃ ।
শার্ঙ্গ তু বৈষ্ণবং প্রাহুর্দিব্যং তেজোময়ং ধনুঃ ॥ 5-158-5 (37208)
ধারয়ামাস তৎকৃষ্ণঃ পরসেনাভয়াবহম্।
গাণ্ডীবং পাবকাল্লেভে খাণ্ডবে পাকশাসনিঃ ॥ 5-158-6 (37209)
দ্রুমাদ্রুক্মী মহাতেজা বিজয়ং প্রত্যপদ্যত।
সংছিদ্য মৌরবান্পাশান্নিহত্য মুরমোজসা ॥ 5-158-7 (37210)
নির্জিত্য নরকং ভৌমমাহৃত্য মণিকুণ্ডলে ।
ষোডশ স্ত্রীসহস্রাণি রত্নানি বিবিধানি চ ॥ 5-158-8 (37211)
প্রতিপেদে হৃষীকেশঃ শার্ঙ্গং চ ধনুরুত্তমম্।
রুক্মী তু বিজয়ং লব্ধ্বা ধনুর্মেঘনিভস্বনম্ ॥ 5-158-9 (37212)
বিভীষয়ন্নিব জগৎপাণ্ডবানভ্যবর্তত।
নামৃষ্যত পুরা যোঽসৌ স্ববাহুলগর্বিতঃ ॥ 5-158-10 (37213)
রুক্মিণ্যা হরণং বীরো বাসুদেবেন ধীমতা।
কৃৎবা প্রতিজ্ঞাং নাহৎবা নিবর্তিষ্যে জনার্দনম্ ॥ 5-158-11 (37214)
ততোঽন্বধাবদ্বার্ষ্ণেয়ং সর্বশস্ত্রভৃতাং বরঃ।
সেনয়া চতুরঙ্গিণ্যা মহত্যা দূরপাতয়া ॥ 5-158-12 (37215)
বিচিত্রায়ুধবর্মিণ্যা গঙ্গ্যেব প্রবৃদ্ধয়া।
স সমাসাদ্য বার্ষ্ণেয়ং যোগানামীশ্বরং প্রভুম্ ॥ 5-158-13 (37216)
ব্যংসিতো ব্রীডিতো রাজন্নাজগাম স কুণ্ডিনম্।
যত্রৈব কৃষ্ণেন রণে নির্জিতঃ পরবীরহা ॥ 5-158-14 (37217)
তত্র ভোজকটং নাম কৃতং নগরমুত্তমম্ ।
সৈন্যেন মহতা তেন প্রভূতগজবাজিনা ॥ 5-158-15 (37218)
পুরং তদ্ভুবি বিখ্যাতং নাম্না ভোজকটং নৃপ ।
স ভোজরাজঃ সৈন্যেন মহতা পরিবারিতঃ ॥ 5-158-16 (37219)
অক্ষৌহিণ্যা মহাবীর্যঃ পাণ্ডবান্ক্ষিপ্রমাগমৎ।
ততঃ স কবচী ধন্বী তলী খঙ্গী শরাসনী ॥ 5-158-17 (37220)
রথেনাদিত্যবর্ণেন প্রবিবেশ মহাচমূম্ ।
বিদিতঃ পাণ্ডবেয়ানাং বাসুদেবপ্রিয়েপ্সয়া ॥ 5-158-18 (37221)
যুধিষ্ঠিরস্তু তং রাজা প্রত্যুদ্গম্যাভ্যপূজয়ৎ।
স পূজিতঃ পাণ্ডুপুত্রৈর্যথান্যায়ং সুসংস্তুতঃ ॥ 5-158-19 (37222)
প্রতিগৃহ্য তু তান্সর্বান্বিশ্রান্তঃ সহসৈনিকঃ ।
উবাচ মধ্যে বীরাণাং কুন্তীপুত্রং ধনঞ্জয়ম্ ॥ 5-158-20 (37223)
সহায়োস্মি স্থিতো যুদ্ধে যদি ভীতোসি পাণ্ডব ।
করিষ্যামি রণে সাহ্যমসহ্যং তব শত্রুভিঃ ॥ 5-158-21 (37224)
ন হি মে বিক্রমে তুল্যঃ পুমানস্তীহ কশ্চন।
হনিষ্যামিরণে ভাগং যন্মে দাস্যসি পাণ্ডব ॥ 5-158-22 (37225)
অপি দ্রোণকৃপৌ বীরৌ ভীষ্মকর্ণাবথো পুনঃ ।
অথবা সর্ব এবৈতে তিষ্ঠন্তু বসুধাধিপাঃ ॥ 5-158-23 (37226)
নিহত্য সমরে শত্রূংস্তব দাস্যামি মেদিনীম্ ।
ইত্যুক্তো ধর্মরাজস্য কেশবস্য চ সংনিধৌ ॥ 5-158-24 (37227)
শ্রৃণ্বতাং পার্থিবেন্দ্রাণামন্যেষাং চৈব সর্বশঃ ।
বাসুদেবমভিপ্রেক্ষ্য ধর্মরাজং চ পাণ্ডবম্।
উবাচ ধীমান্কৌন্তেয়ঃ প্রহস্য সখিপূর্বকম্ ॥ 5-158-25 (37228)
যুধ্যমানস্য মে বীর গন্ধর্বৈঃ সুমহাবলৈঃ ।
সহায়ো ঘোষয়াত্রায়াং কস্তদাসীৎসখা মম ॥ 5-158-26 (37229)
তথা প্রতিভয়ে তস্মিন্দেবদানবসংকুলে।
খাণ্ডবে যুধ্যমানস্য কঃ সহায়স্তদাবভবৎ ॥ 5-158-27 (37230)
নিবাতকবচৈর্যুদ্ধে কালকেয়ৈশ্চ দানবৈঃ ।
তত্র মে যুধ্যমানস্য কঃ সহায়স্তদাভবৎ ॥ 5-158-28 (37231)
তথা বিরাটনগরে কুরুভিঃ সহ সঙ্গরে।
যুধ্যতো বহুভিস্তত্র কঃ সহায়োঽভবন্মম ॥ 5-158-29 (37232)
উপজীব্য রণে রুদ্রং শক্রং বৈশ্রবণং যমম্।
বরুণং পাবকং চৈব কৃপং দ্রোণং চ মাধবম্ ॥ 5-158-30 (37233)
ধারয়ন্গাণ্ডিবং দিব্যং ধনুস্তেজোময়ং দৃঢম্ ।
অক্ষয়্যশরসংয়ুক্তো দিব্যাস্ত্রপরিবৃংহিতঃ ॥ 5-158-31 (37234)
কৌরবামাং কুলে জাতঃ পাণ্ডোঃ পুত্রো বিশেষতঃ ।
দ্রোণং ব্যপদিশঞ্ছিষ্যো বাসুদেবসহায়বান্ ॥ 5-158-32 (37235)
কথমস্মদ্বিধো ব্রূয়াদ্ভীতোঽস্মীতি যশোহরম্ ।
বচনং নরশার্দূল বজ্রায়ুধসমস্বনম্ ॥ 5-158-33 (37236)
নাস্মি ভীতো মহাবাহো সহায়ার্থশ্চ নাস্তি মে ।
যথাকামং যথায়োগং গচ্ছ বাত্রৈব তিষ্ঠ বা ॥ 5-158-34 (37237)
`বৈশম্পায়ন উবাচ 5-158-35x (3852)
তচ্ছ্রুৎবা বচনং তস্য বিজয়স্য চ ধীমতঃ ।'
বিনিবর্ত্য ততো রুক্মী সেনাং সাগরসংনিভাম্ ।
দুর্যোধনমুপাগচ্ছত্তথৈব ভরতর্ষভ ॥ 5-158-35 (37238)
তথৈব চাভিগম্যৈনমুবাচ বসুধাধিপঃ।
প্রত্যাখ্যাতশ্চ তেনাপি স তদা শূরমানিনা ॥ 5-158-36 (37239)
দ্বাবেব তু মহারাজ তস্মাদ্যুদ্ধাদপেয়তুঃ।
রৌহিণেয়শ্চ বার্ষ্ণেয়ো রুক্মী চ বসুধাধিপ ॥ 5-158-37 (37240)
গতে রামে তীর্থয়াত্রাং ভীষ্মকস্য সুতে তথা।
উপাবিশন্পাণ্ডবেয়া মন্ত্রায় পুনরেব চ ॥ 5-158-38 (37241)
সমিতির্ধর্মরাজস্য সা পার্থিবসমাকুলা ।
শুশুভে তারকৈশ্চিত্রা দ্যৌশ্চন্দ্রেণেব ভারত ॥ ॥ 5-158-39 (37242)
ইতি শ্রীমন্মহাভারতে উদ্যোগপর্বমি সৈন্যনির্যাণপর্বণি অষ্টপ়ঞ্চাশদধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-158-1 সাক্ষাৎপুত্র ইতি সংবন্ধঃ ॥ 5-158-2 আকূতীনাং সংকল্পানাম্ । সত্যসংকল্প ইত্যর্থঃ ॥ 5-158-7 মৌরবান্ আন্ত্রতন্তিময়ান্ । যৈরিদানী শার্ঙ্গে ধনুষি জ্যা ক্রিয়তে॥ 5-158-30 উপজীব্য আরাধ্য। রণে যুদ্ধনিমিত্তম্ ॥ 5-158-32 দ্রোণং অয়ং মম গুরুরিতি ব্যপদিশন্ কথয়ন্ ॥উদ্যোগপর্ব - অধ্যায় 159
॥ শ্রীঃ ॥
5.159. অধ্যায়ঃ 159
Mahabharata - Udyoga Parva - Chapter Topics
ধৃতরাষ্ট্রেণ সঞ্জয়ংপ্রতি কুরুপাণ্ডবসেনয়োর্বৃত্তবৃত্তান্তকথনচোদনা ॥ 1 ॥ সংজয়েন ধৃতরাষ্ট্রংপ্রতি পুরুষস্যাকর্তৃৎবকথনপূর্বকং স্বেন বক্ষ্যমাণবন্ধুনিধনশ্রবণেন শোকানধিগমোপদেশঃ ॥ 2 ॥Mahabharata - Udyoga Parva - Chapter Text
5-159-0 (37243)
জনমেজয় উবাচ। 5-159-0x (3853)
তথা ব্যূঢেষ্বনীকেষু কুরুক্ষেত্রে দ্বিজর্ষভ ।
কিমর্কুর্বংশ্চ কুরবঃ কালেনাভিপ্রচোদিতাঃ ॥ 5-159-1 (37244)
বৈশম্পায়ন উবাচ। 5-159-2x (3854)
তথা ব্যূঢেষ্বনীকেষু যত্তেষু ভরতর্ষভ।
ধৃতরাষ্ট্রো মহারাজ সঞ্জয়ং বাক্যমব্রবীৎ ॥ 5-159-2 (37245)
এহি সঞ্জয় সর্ব মে আচক্ষ্বানবশেষতঃ ।
সেনানিবেশে যদ্বৃত্তং কুরুপাণ্ডবসেনয়োঃ ॥ 5-159-3 (37246)
দিষ্টমেব পরং মন্যে পৌরুষং চাপ্যনর্থকম্ ।
যদহং বুদ্ধ্যমানোঽপি যুদ্ধদোষান্ক্ষয়োদয়ান্ ॥ 5-159-4 (37247)
তথাপি নিকৃতিপ্রজ্ঞং পুত্রং দুর্দ্যূতদেবিনম্ ।
ন শক্নোমি নিয়ন্তুং বা কর্তুং বা হিতমাত্মনঃ ॥ 5-159-5 (37248)
ভবত্যেব হি মে সূত বুদ্ধির্দোষানুদর্শিনী ।
দুর্যোধনং সমাসাদ্য পুনঃ সা পরিবর্ততে ॥ 5-159-6 (37249)
এবং গতে বৈ যদ্ভাবি তদ্ভবিষ্যতি সঞ্জয় ।
ক্ষত্রধর্মঃ কিল রণে তনুত্যাগে হি পূজিতঃ ॥ 5-159-7 (37250)
সঞ্জয় উবাচ। 5-159-8x (3855)
ৎবদ্যুক্তোঽয়মনুপ্রশ্নো মহারাজ যথেচ্ছসি।
ন তু দুর্যোধনে দোষমিমমাধাতুমর্হসি ॥ 5-159-8 (37251)
শৃণুষ্বানবশেষেণ বদতো মম পার্থিব ।
য আত্মনো দুশ্চরিতাদশুভং প্রাপ্নুয়ান্নরঃ ।
ন স কালং ন বা দেবানেনসা গন্তুমর্হতি ॥ 5-159-9 (37252)
মহারাজ মনুষ্যেষু নিন্দ্যং যঃ সর্বমাচরেৎ।
স বধ্যঃ সর্বলোকস্য নিন্দিতানি সমাচরন্ ॥ 5-159-10 (37253)
নিকারা মনুজশ্রেষ্ঠ পাণ্ডবৈস্ৎবৎপ্রতীক্ষয়া ।
অনুভূতাঃ সহামাত্যৈর্নিকৃতৈরধিদেবনে ॥ 5-159-11 (37254)
হয়ানাং চ গজানাং চ রাজ্ঞাং চামিততেজসাম্ ।
বৈশসং সমরে বৃত্তং যত্তন্মে শৃণু সর্বশঃ ॥ 5-159-12 (37255)
স্থিরো ভূৎবা মহাপ্রাজ্ঞ সর্বলোকক্ষয়োদয়ম্।
যথাভূতং মহায়ুদ্ধে শ্রুৎবা মা বিমনা ভব ॥ 5-159-13 (37256)
ন হ্যেব কর্তা পুরুষঃ কর্মণোঃ শুভপাপয়োঃ ।
অস্বতন্ত্রো হি পুরুষঃ কার্যতে দারুয়ন্ত্রবৎ ॥ 5-159-14 (37257)
কেচিদীশ্বরনির্দিষ্টাঃ কেচিদেব যদৃচ্ছয়া।
পূর্বকর্মভিরপ্যন্যে ত্রৈধমেতৎপ্রদৃশ্যতে।
তস্মাদনর্থমাপন্নঃ স্থিরো ভূৎবা নিশাময় ॥ ॥ 5-159-15 (37258)
ইতি শ্রীমন্মহাভারতে উদ্যোগপর্বণি সৈন্যনির্যাণপর্বণি একোনষষ্ট্যধিকশততমোঽধ্যায়ঃ ॥ ॥ সমাপ্তং চ সৈন্যনির্যাণপর্ব ॥
Mahabharata - Udyoga Parva - Chapter Footnotes
5-159-4 ক্ষয়স্যৈব উদয়ো যেভ্যস্তান্ ক্ষয়োদয়ান্ ॥ 5-159-5 নিকৃতিপ্রজ্ঞং কপটবিষয়ৈব প্রজ্ঞা ন ধর্মবিষয়া যস্য তম্ ॥ 5-159-9 এনসা দোষেণ দেবান্কালং বা গুন্তুং উপলব্ধুং নার্হতি। ন স কালং ন বা দেবং বক্তুমেতদিহার্হতীতি পাঠেপ্যযমেবার্থঃ ॥ 5-159-11 নিকারাঃ তিরস্কারাঃ ॥উদ্যোগপর্ব - অধ্যায় 160
॥ শ্রীঃ ॥
5.160. অধ্যায়ঃ 160
Mahabharata - Udyoga Parva - Chapter Topics
দুর্যোধনেন পৃথক্পৃথগ্যুধিষ্ঠিরাদীন্প্রতি বক্তব্যসন্দেশকথনপূর্বকমুলূকস্য পাণ্ডবান্প্রতি দূত্যেন প্রেষণম্ ॥ 1 ॥Mahabharata - Udyoga Parva - Chapter Text
5-160-0 (37259)
সঞ্জয় উবাচ। 5-160-0x (3856)
হিরণ্বত্যাং নিবিষ্টেষু পাণ্ডবেষু মহাত্মসু।
ন্যবিশন্ত মহারাজ কৌরবেয়া যথাবিধি ॥ 5-160-1 (37260)
তত্র দুর্যোধনো রাজা নিবেস্য বলমোজসা ।
সংমানয়িৎবা নৃপতীন্ন্যস্য গুল্মাংস্তথৈব চ ॥ 5-160-2 (37261)
আরক্ষস্য বিধিং কৃৎবা যোধানাং তত্র ভারত ।
কর্ণং দুঃশাসনং চৈব শকুনিং চাপি সৌবলম্ ॥ 5-160-3 (37262)
আনায়্য নৃপতিস্তত্র মন্ত্রয়ামাস ভারত।
তত্র দুর্যোধনো রাজা কর্ণেন সহ ভারত ॥ 5-160-4 (37263)
সৌবলেন চ রাজেন্দ্র মন্ত্রয়িৎবা নরর্ষভ ।
আহূয়োপহ্বরে রাজন্নুলূকমিদমব্রবীৎ ॥ 5-160-5 (37264)
উলূক গচ্ছ কৈতব্য পাণ্ডবান্সহসোমকান্।
গৎবা মম বচো ব্রূহি বাসুদেবস্য শ্রৃণ্বতঃ॥ 5-160-6 (37265)
ইদং তৎসমনুপ্রাপ্তং বর্ষপূগাভিচিন্তিতম্ ।
পাণ্ডবানাং কুরূণাং চ যুদ্ধং লোকভয়ঙ্করম্ ॥ 5-160-7 (37266)
যদেতৎকত্থনাবাক্যং সঞ্জয়ো মহদব্রবীৎ।
বাসুদেবসহায়স্য গর্জতঃ সানুজস্য তে ॥ 5-160-8 (37267)
মধ্যে করূণাং কৌন্তেয় তস্য কালোয়মাগতঃ ।
যথাবৎসংপ্রতিজ্ঞাতং তৎসর্বং ক্রিয়তামিতি ॥ 5-160-9 (37268)
জ্যেষ্ঠং তথৈব কৌন্তেয়ং ব্রূয়াস্ত্যং বচনান্মম ॥ 5-160-10 (37269)
ভ্রাতৃভিঃ সহিতঃ সর্বৈঃ সোমকৈশ্চ সকেকয়ৈঃ।
কথং বা ধার্মিকো ভূৎবা ৎবমধর্মে মনঃ কৃথাঃ।
য ইচ্ছসি জগৎসর্বং নশ্যমানং নৃশংসবৎ ॥ 5-160-11 (37270)
অভয়ং সর্বভূতেভ্যো পাতা ৎবমিতি মে মতিঃ ॥ 5-160-12 (37271)
শ্রূয়তে হি পুরা গীতঃ শ্লোকোঽয়ং ভরতর্ষভ ।
প্রহ্লাদেনাথ ভদ্রং তে হৃতে রাজ্যে তু দৈবতৈঃ ॥ 5-160-13 (37272)
যস্য ধর্মধ্বজো নিত্যং সুরা ধ্বজ ইবোচ্ছ্রিতঃ।
প্রচ্ছন্নানি চ পাপানি বৈডালং নাম তদ্ব্রতম্ ॥ 5-160-14 (37273)
অত্র তে বর্তয়িষ্যামি আখ্যানমিদমুত্তমম্ ।
কথিতং নারদেনেহ পিতুর্মম নরাধিপ ॥ 5-160-15 (37274)
মার্জারঃ কিল দুষ্টাত্মা নিশ্চেষ্টঃ সর্বকর্মসু।
ঊর্ধ্ববাহুঃ স্থিতো রাজন্ গঙ্গাতীর কদাচন ॥ 5-160-16 (37275)
স বৈ কৃৎবা মনঃশুদ্ধিং প্রত্যযার্থং শরীরিণাম্ ।
করোমি ধর্মমিত্যাহ সর্বানেব শরীরিণঃ ॥ 5-160-17 (37276)
তস্য কালেন মহতা বিস্ত্রম্যং জগ্মুরণ্ডজাঃ।
সমেত্য চ প্রশংসন্তি মার্জারং তং বিশাংপতে ॥ 5-160-18 (37277)
পূজ্যমানস্তু তৈঃ সর্বৈঃ পক্ষিভিঃ পক্ষিভোজনঃ।
আত্মকার্যং কৃতং মেনে চার্যায়াশ্চ কৃতং ফলম্ ॥ 5-160-19 (37278)
অথ দীর্ঘস্য কালস্য তং দেশং মূষিকা যয়ুঃ।
দদৃশুস্তং চ তে তত্র ধার্মিকং ব্রতচারিণম্ ॥ 5-160-20 (37279)
কার্যেণ মহতা যুক্তং দম্ভয়ুক্তেন ভারত ।
তেষাং মতিরিয়ং রাজন্নাসীত্তত্র বিনিশ্চয়ে ॥ 5-160-21 (37280)
বহুমিত্রা বয়ং সর্বে তেষাং নো মাতুলো হ্যযম্ ।
রক্ষাং করোতু সততং বৃদ্ধবালস্য সর্বশঃ ॥ 5-160-22 (37281)
উপগম্য তু তে সর্বে বিডালমিদমব্রুবন্ ।
ভবৎপ্রসাদাদিচ্ছামশ্চর্তুং চৈব যথাসুখম্ ॥ 5-160-23 (37282)
ভবান্নো গতিরব্যগ্রা ভবান্নঃ পরমঃ সুহৃৎ।
তে বয়ং সহিতাঃ সর্বে ভবন্তং শরণং গতাঃ ॥ 5-160-24 (37283)
ভবান্ধর্মপরো নিত্যং ভবান্ধর্মে ব্যবস্থিতঃ।
স নো রক্ষ মহাপ্রজ্ঞ ত্রিদশানিব বজ্রভৃৎ ॥ 5-160-25 (37284)
এবমুক্তস্তু তৈঃ সর্বৈর্মূষিকৈঃ স বিশাংপতে।
প্রত্যুবাচ ততঃ সর্বান্মূষিকান্মূষিকান্তকৃৎ ॥ 5-160-26 (37285)
দ্বয়োর্যোগং ন পশ্যামি তপসো রক্ষণস্য চ।
অবশ্যং তু ময়া কার্যং বচনং ভবতাং হিতম্ ॥ 5-160-27 (37286)
যুষ্মাভিরপি কর্তব্যং বচনং মম নিত্যশঃ।
তপসাস্মি পরিশ্রান্তো দৃঢং নিয়মামাস্থিতঃ ॥ 5-160-28 (37287)
ন চাপি গমনে শক্তিং কাংচিৎপশ্যামি চিন্তয়ন্।
সোস্মি নেয়ঃ সদা তাতা নদীকূলমিতঃপরম্ ॥ 5-160-29 (37288)
তথেতি তং প্রতিজ্ঞায় মূষিকা ভরতর্ষভ ।
বৃদ্ধবালমথো সর্বং মার্জারায় ন্যবেদয়ন্ ॥ 5-160-30 (37289)
ততঃ স পাপো দুষ্টাত্মা মূষিকানথ ভক্ষয়ন্।
পীবরশ্চ সুবর্ণশ্চ দৃঢবন্ধশ্চ জায়তে॥ 5-160-31 (37290)
মূষিকাণাং গণশ্চাত্র ভৃশং সংক্ষীয়তেঽথ সঃ।
মার্জারো বর্ধতে চাপি তেজোবলসমন্বিতঃ ॥ 5-160-32 (37291)
ততস্তে মূষিকাঃ সর্বে সমেত্যান্যোন্যমব্রুবন্ ।
মাতুলো বর্ধতে নিত্যং বয়ং ক্ষীয়ামহে ভৃশম্ ॥ 5-160-33 (37292)
ততঃ প্রাজ্ঞতমঃ কশ্চিড্ডিণ্ডিকো নাম মূষিকঃ।
অব্রবীদ্বচনং রাজন্মূষিকাণাং মহাগণম্ ॥ 5-160-34 (37293)
গচ্ছতাং বো নদীতীরং সহিতানাং বিশেষতঃ।
পৃষ্ঠতোঽহং গমিষ্যামি সহৈব মাতুলেন তু ॥ 5-160-35 (37294)
সাধু সাধ্বিতি তে সর্বে পূজয়াঞ্চক্রিরে তদা।
চক্রুশ্চৈব যথান্যায়ং ডিণ্ডিকস্য বচোঽর্থবৎ ॥ 5-160-36 (37295)
অবিজ্ঞানাত্ততঃ সোঽথ ডিণ্ডিকং হ্যুপভুক্তবান্।
ততস্তে সহিতাঃ সর্বে মন্ত্রয়ামাসুরঞ্জসা ॥ 5-160-37 (37296)
তত্র বৃদ্ধতমঃ কশ্চিৎকোলিকো নাম মূষিকঃ ।
অব্রবীদ্বচনং রাজঞ্জ্ঞাতিমধ্যে যথাতথম্ ॥ 5-160-38 (37297)
ন মাতুলো ধর্মকামশ্ছদ্মমাত্রং কৃতা শিখা।
ন মূলফলভক্ষস্য বিষ্ঠা ভবতি লোমশা ॥ 5-160-39 (37298)
অস্য গাত্রাণি বর্ধন্তে গণশ্চ পরিহীয়তে ।
অদ্য সপ্তাষ্টদিবসান্ডিণ্ডিকোপি ন দৃশ্যতে ॥ 5-160-40 (37299)
এতচ্ছ্রুৎবা বচঃ সর্বে মূষিকা বিপ্রদুদ্রুবুঃ।
বিডালোপি স দুষ্টাত্মা জগামৈব যথাগতম্ ॥ 5-160-41 (37300)
তথা ৎবমপি দুষ্টাত্মন্বৈডালং ব্রতমাস্থিতঃ।
চরসি জ্ঞাতিষু সদা বিডালোমূষিকেষ্বিব ॥ 5-160-42 (37301)
অন্যথা কিল তে বাক্যমন্যথা কর্ম দৃশ্যতে।
দম্ভনার্থায় লোকস্য বেদাশ্চোপশমশ্চ তে ॥ 5-160-43 (37302)
ত্যক্ৎবা ছদ্ম ৎবিদং রাজন্ক্ষত্রধর্মং সমাশ্রিতঃ ।
কুরু কার্যাণি সর্বাণি ধর্মিষ্ঠোঽসি নরর্ষভ ॥ 5-160-44 (37303)
বাহুবীর্যেণ পৃথিবীং লব্ধ্বা ভরতসত্তম।
দেহি দানং দ্বিজাতিভ্যঃ পিতৃভ্যশ্চয়থোচিতম্ ॥ 5-160-45 (37304)
ক্লিষ্টায়া বর্ষপূগাংশ্চ মাতুর্মাতৃহিতে স্থিতঃ।
প্রমার্জাশ্রু রণে জিৎবা সংমানং পরমাবহ ॥ 5-160-46 (37305)
পঞ্চগ্রামা বৃতা যত্নাত্রাস্মাভিরপবর্জিতাঃ।
যুধ্যামহে কথং সঙ্খ্যে কোপয়েম চ পাণ্ডবান্ ॥ 5-160-47 (37306)
ৎবৎকৃতে দুষ্টভাবস্য সংত্যাগো বিদুরস্য চ।
জাতুষে চ গৃহে দাহং স্মর তং পুরুষো ভব ॥ 5-160-48 (37307)
যচ্চ কৃষ্ণমবোচস্ৎবমায়ান্তং কুরুসংসদি।
অয়মস্মি স্থিতো রাজঞ্শমায়সমরায় চ ॥ 5-160-49 (37308)
তস্যায়মাগতঃ কালঃ সমরস্য নরাধিপ।
এতদর্থং ময়া সর্বং কৃতমেতদ্যুধিষ্ঠির ॥ 5-160-50 (37309)
কিং নু যুদ্ধাৎপরং লাভং ক্ষত্রিয়ো বহু মন্যতে।
কিংচ ৎবং ক্ষত্রিয়কুলে জাতঃ সংপ্রথিতো ভুবি ॥ 5-160-51 (37310)
দ্রোণাদস্ত্রাণি সংপ্রাপ্য কৃপাচ্চ ভরতর্ষভ ।
তুল্যযোনৌ সমবলে বাসুদেবং সমাশ্রিতঃ ॥ 5-160-52 (37311)
ব্রূয়াস্ৎবং বাসুদেবং চ পাণ্ডবানাং সমীপতঃ।
আত্মার্থং পাণ্ডবার্থং চ যত্তো মাং প্রতিয়োধয় ॥ 5-160-53 (37312)
সভামধ্যে চ যদ্রূপং মায়যা কৃতবানসি।
তত্তথৈব পুনঃ কৃৎবা সার্জুনো মামভিদ্রব ॥ 5-160-54 (37313)
ইন্দ্রজালং চ মায়াং বৈ কুহকা বাপি ভীষণা ।
আত্তশস্ত্রস্য সঙ্গ্রমে বহন্তি প্রতিগর্জনাঃ ॥ 5-160-55 (37314)
বয়মপ্যুৎসহেম দ্যাং খং চ গচ্ছেম মায়যা ।
রসাতলং বিশামোপি ঐন্দ্রং বা পুরমেব তু ॥ 5-160-56 (37315)
দর্শয়েম চ রূপাণি স্বশরীরে বহূন্যপি।
ন তু পর্যায়তঃ সিদ্ধির্বুদ্ধিমাপ্নোতি মানুষীম্ ॥ 5-160-57 (37316)
মনসৈব হি ভূতানি ধাতৈব কুরুতে বশে।
যদ্ব্রবীষি চ বার্ষ্ণেয় ধার্তরাষ্ট্রানহং রণে ॥ 5-160-58 (37317)
ঘাতয়িৎবা প্রদাস্যামি পার্থেভ্যো রাজ্যমুত্তমম্ ।
আচচক্ষে চ মে সর্বং সঞ্জয়স্তব ভাষিতম্।
মদ্দ্বিতীয়েন পার্থেন বৈরং বঃ সব্যসাচিনা ॥ 5-160-59 (37318)
স সত্যসঙ্গরো ভূৎবা পাণ্ডবার্থে পরাক্রমী ।
যুদ্ধ্যস্বাদ্য রণে যত্তঃ পশ্যামঃ পুরুষো ভব ॥ 5-160-60 (37319)
যস্তু শত্রুমভিজ্ঞায় শুদ্ধং পৌরুষমাস্থিতঃ।
করোতি দ্বিষতাং শোকং স জীবতি সুজীবিতম্ ॥ 5-160-61 (37320)
অকস্মাচ্চৈব তে কৃষ্ণ খ্যাতং লোকে মহদ্যশঃ।
অদ্যেদানীং বিজানীমঃ সন্তি ষণ্ডাঃ শশ্রৃঙ্গকাঃ ॥ 5-160-62 (37321)
মদ্বিধো নাপি নৃপতিস্ৎবয়ি যুক্তঃ কথংচন ।
সন্নাহং সংয়ুগে কর্তুং কংসভৃত্যে বিশেষতঃ॥ 5-160-63 (37322)
তং চ তূবরকং বালং বহ্বাশিনমবিদ্যকম্ ।
উলূক মদ্বচো ব্রূহি অসকৃদ্ভীমসেনকম্ ॥ 5-160-64 (37323)
বিরাটনগরে পার্থ যস্ৎবং সূদো হ্যভূঃ পুরা।
বল্লবো নাম বিখ্যাতস্তন্মমৈব হি পৌরুষম্ ॥ 5-160-65 (37324)
প্রতিজ্ঞাতং সভামধ্যে ন তন্মিথ্যা ৎবয়া পুরা।
দুঃশাসনস্য রুধিরং পীয়তাং যদি শক্যতে ॥ 5-160-66 (37325)
যদ্ব্রবীষি চ কৌন্তেয় ধার্তরাষ্ট্রানহং রণে।
নিহনিষ্যামি তরসা তস্য কালোঽয়মাগতঃ ॥ 5-160-67 (37326)
ৎবং হি ভোজ্যে পুরস্কার্যো ভক্ষ্যে পেয়ে চ ভারত ।
ক্ব যুদ্ধং ক্ব চ ভোক্তব্যং যুধ্যস্ব পুরুষো ভব ॥ 5-160-68 (37327)
শয়িষ্যসে হতো ভূমৌ গদামালিঙ্গ্য ভারত।
তদ্বৃথা চ সভামধ্যে বল্গিতং তে বৃকোদর ॥ 5-160-69 (37328)
উলূক নকুলং ব্রূহি বচনান্মম ভারত।
যুধ্দ্যস্বাদ্য স্থিরো ভূৎবা পশ্যামস্তব পৌরুষম্ ॥ 5-160-70 (37329)
যুধিষ্ঠিরানুরাগং চ দ্বেষং চ ময়ি ভারত।
কৃষ্ণায়াশ্চ পরিক্লেশং স্মরেদানীং যথাতথম্ ॥ 5-160-71 (37330)
ব্রূয়াস্ৎবং সহদেবং চ রাজমধ্যে বচো মম।
যুদ্ধ্যেদানীং রণে যত্তঃ ক্লেশান্স্মর চ পাণ্ডব ॥ 5-160-72 (37331)
বিরাটদ্রুপদৌ চোভৌ ব্রূয়াস্ৎবং বচনান্মম ।
ন দৃষ্টপূর্বা ভর্তারো ভৃত্যৈরপি মহাগুণৈঃ ।
তথার্থপতিভির্ভৃত্যা যতঃ সৃষ্টাঃ প্রজাস্ততঃ ॥ 5-160-73 (37332)
অশ্লাঘ্যোঽয়ং নরপতির্যুবয়োরিতি চাগতম্ ॥ 5-160-74 (37333)
তে যূয়ং সংহতা ভূৎবা তদ্বধার্থং মমাপি চ।
আত্মার্থং পাণ্ডবার্থং চ প্রয়ুদ্ধ্যধ্বং ময়া সহ ॥ 5-160-75 (37334)
ধৃষ্টদ্যুম্নং চ পাঞ্চাল্যং ব্রূয়াস্ৎবং বচনান্মম।
এষ তে সময়ঃ প্রাপ্তো লব্ধব্যশ্চ ৎবয়াপি সঃ ॥ 5-160-76 (37335)
দ্রোণমাসাদ্য সমরে জ্ঞাস্যসে হিতমুত্তমম্ ।
যুদ্ধ্যস্ব সমুহৃৎপাপং কুরু কর্ম সুদুষ্করম্ ॥ 5-160-77 (37336)
শিখণ্ডিনমথো ব্রূহি উলূক বচনান্মম ।
স্ত্রীতি মৎবা মহাবাহুর্ন হনিষ্যতি কৌরবঃ ॥ 5-160-78 (37337)
গাঙ্গেয়ো ধন্বিনাং শ্রেষ্ঠো যুদ্ধ্যেদানীং সুনির্ভয়ঃ ।
কুরু কর্ম রণে যত্তঃ পশ্যামঃ পৌরুষং তব ॥ 5-160-79 (37338)
এবমুক্ৎবা ততো রাজা প্রহস্যোলূকমব্রবীৎ।
ধনঞ্জয়ং পুনর্ব্রূহি বাসুদেবস্য শ্রৃণ্বতঃ ॥ 5-160-80 (37339)
অস্মান্বা ৎবং পরাজিত্য প্রসাধি পৃতিবীমিমাম্ ।
অথবা নির্জিতোস্মাভী রণে বীর শয়িষ্যসি ॥ 5-160-81 (37340)
রাষ্ট্রান্নির্বাসনক্লেশং বনবাসং চ পাণ্ডব ।
কৃষ্ণায়াশ্চ পরিক্লেশং সংস্মরন্পুরুষো ভব ॥ 5-160-82 (37341)
যদর্থং ক্ষত্রিয়া সূতে সর্বং তদিদমাগতম্ ।
বলং বীর্যং চ শৌর্যং চ পরং চাপ্যস্ত্রলাঘবম্ ॥ 5-160-83 (37342)
পৌরুষং দর্শয়ন্যুদ্ধে কোপস্য কুরু নিষ্কৃতিম্।
পরিক্লিষ্টস্য দীনস্য দীর্ঘকালোষিতস্য চ।
হৃদয়ং কস্য ন স্ফোটেদৈশ্বর্যাদ্ধংশিতস্য চ ॥ 5-160-84 (37343)
কুলে জাতস্য শূরস্য পরিবিত্তেষ্বগৃধ্যতঃ।
আস্থিতং রাজ্যমাক্রম্য কোপং কস্য ন দীপয়েৎ ॥ 5-160-85 (37344)
যত্তদুক্তং মহদ্বাক্যং কর্মণা তদ্বিভাব্যতাম্।
অকর্মণা কত্থিতেন সন্তঃ কুপুরুষং বিদুঃ ॥ 5-160-86 (37345)
অমিত্রাণাং বশে স্থানং রাজ্যং চ পুনরুদ্ধর।
দ্বাবর্থৌ যুদ্ধকামস্য তস্মাত্তৎকুরু পৌরুষম্ ॥ 5-160-87 (37346)
পরাজিতোঽসি দ্যূতেন কৃষ্ণা চানায়িতা সভাম্ ।
শক্যোঽমর্ষো মনুষ্যেণ কর্তু পুরুষমানিনা ॥ 5-160-88 (37347)
দ্বাদশৈব তু বর্ষাণি বনে ধিষ্ণ্যাদ্বিবাসিতঃ।
সংবৎসরং বিরাটস্য দাস্যমাস্থায় চোষিতঃ ॥ 5-160-89 (37348)
রাষ্ট্রান্নির্বাসনক্লেশং বনবাসং চ পাণ্ডব ।
কৃষ্ণায়াশ্চ পরিক্লেশং সংস্মরন্পুরুষো ভব ॥ 5-160-90 (37349)
অপ্রিয়াণাং চ বচনং প্রব্রুবৎসু পুনঃ পুনঃ ।
অমর্ষং দর্শয়স্ব ৎবমমর্ষো হ্যেব পৌরুষম্ ॥ 5-160-91 (37350)
ক্রোধো বলং তথা বীর্যং জ্ঞানয়োগোঽস্ত্রলাঘবম্।
ইহ তে দৃশ্যতাং পার্থ যুদ্ধ্যস্ব পুরুষো ভব ॥ 5-160-92 (37351)
লোহাভিসারো নির্বৃত্তঃ কুরুক্ষেত্রমকর্দমম্।
পুষ্টাস্তেঽশ্বা ভৃতা যোধাঃ শ্বো যুদ্ধ্যস্ব সকেশবঃ ॥ 5-160-93 (37352)
অসমাগম্য ভীষ্মেণ সংয়ুগে কিং বিকত্থসে।
আরুরুক্ষুর্যথা মন্দঃ পর্বতং গন্ধমাদনম্ ॥ 5-160-94 (37353)
এবং কত্থসি কৌন্তেয় অকত্থন্পুরুষো ভব।
সূতপুত্রং সুদুর্ধর্ষং শল্যং চ বলিনাং বরম্ ॥ 5-160-95 (37354)
দ্রোণং চ বলিনাং শ্রেষ্ঠং শচীপতিসমং যুধি ।
অজিৎবা সংয়ুগে পার্থ রাজ্যং কথমিহেচ্ছসি ॥ 5-160-96 (37355)
ব্রাহ্মে ধনুষি চাচার্যং বেদয়োরন্তগং দ্বয়োঃ।
যুধি ধুর্যমবিক্ষোভ্যমনীকচরমচ্যুতম্ ॥ 5-160-97 (37356)
দ্রোণং মহাদ্যুতিং পার্থ জেতুমিচ্ছসি তন্মৃষা ।
ন হি শুশ্রুম বাতেন মেরুমুন্মথিতং গিরিম্ ॥ 5-160-98 (37357)
অনিলো বা বহেন্মেরুং দ্যৌর্বাপি নিপতেন্মহীম্।
যুগং বা রিবর্তেত যদ্যেবং স্যাদ্যথাত্থ মাম্ ॥ 5-160-99 (37358)
কো হ্যস্তি জীবিতাকাঙ্ক্ষী পরাপ্যেমমরিমর্দনম্ ।
পার্থো বা ইতরো বাপি কোন্যঃ স্বস্তি গৃহান্ব্রজেৎ ॥ 5-160-100 (37359)
কথমাভ্যামভিধ্যাতঃ সংস্পৃষ্টো দারুণেন বা।
রণে জীবন্প্রমুচ্যেত পদা ভূমিপুমস্পৃশন্ ॥ 5-160-101 (37360)
কিং দর্দুরঃ কূপশয়ো যথেমাং
ন বুধ্যসে রাজচমূং সমেতাম্।
দুরাধর্ষাং দেবচমূপ্রকাশাং
গুপ্তাং নরেন্দ্রৈস্ত্রিদশৈরিব দ্যাম্॥ 5-160-102 (37361)
প্রাচ্যৈঃ প্রতীচ্যৈরথ দাক্ষিণাত্যৈ-
রুদীচ্যকাম্ভোজশকৈঃ খশৈশ্চ ।
সাল্বৈঃ সমৎস্যৈঃ কুরুমধ্যদেশ্যৈ-
র্ম্লেচ্ছৈঃ পুলিন্দৈর্দ্রবিডান্ধ্রকাঞ্চ্যৈঃ ॥ 5-160-103 (37362)
নানাজনৌঘং যুধি সংপ্রবৃদ্ধং
গাঙ্গং যথা বেগমপারণীয়ম্।
মাং চ স্থিতং নানাবলস্য মধ্যে
যুয়ুৎসসে মন্দ কিমল্পবুদ্ধে ॥ 5-160-104 (37363)
অক্ষয়্যাবিষুধী চৈব অগ্নিদত্তং চ তে রথম্।
জানীমো হি রণে পার্থ কেতুং দিব্যং চ ভারত ॥ 5-160-105 (37364)
অকত্থমানো যুদ্ধ্যস্ব কত্থসেঽর্জুন কিং বহু ।
পর্যায়াৎসিদ্ধিরেতস্য নৈতৎসিধ্যাতি কত্থনাৎ ॥ 5-160-106 (37365)
যদীদং কত্থনাল্লোকে সিধ্যেৎকর্ম ধনঞ্জয়।
সর্বে ভবেয়ুঃ সিদ্ধার্থাঃ কত্থনে কো হি দুর্গতঃ ॥ 5-160-107 (37366)
জনামি তে বাসুদেবং সহায়ং
জানামি তে গাণ্ডিবং তালমাত্রম্ ।
জানাম্যহং ৎবাদৃশো নাস্তি যোদ্ধা
জানানস্তে রাজ্যমেতদ্ধরামি ॥ 5-160-108 (37367)
ন তু পর্যায়ধর্মেম সিদ্ধিং প্রাপ্নোতি মানবঃ।
মনসৈবানুকূলানি ধাতৈব কুরুতে বশে ॥ 5-160-109 (37368)
ত্রয়োদশসমা ভুক্তং রাজ্যং বিলপতস্তব।
ভূয়শ্চৈব প্রশাসিষ্যে ৎবাং নিহত্য সবান্ধবম্ ॥ 5-160-110 (37369)
ক্ব তদা গাণ্ডিবং তেঽভূদ্যত্ৎবং দাসপণৈর্জিতঃ।
ক্ব তদা ভীমসেনস্য বলমাসীচ্চ ফাল্গুন ॥ 5-160-111 (37370)
সগদাদ্ভীমসেনাদ্বা ফাল্গুনাদ্বা সগাণ্ডিবাৎ।
ন বৈ মোক্ষস্তদা যো ভূদ্বিনা কৃষ্ণমনিন্দিতাং ॥ 5-160-112 (37371)
সা বো দাস্যে সমাপন্নান্মোচয়ামাস পার্ষতী।
অমানুষ্যং সমাপন্নান্দাসকর্মণ্যবস্থিতান্ ॥ 5-160-113 (37372)
অবোচং যৎষণ্ডতিলানহং বস্তথয়মেব তৎ।
ধৃতা হি বেমী পার্থেন বিরাটনগরে তদা ॥ 5-160-114 (37373)
সূদকর্মণি চ শ্রান্তং বিরাটস্য মহানসে ।
ভীমসেনেন কৌন্তেয় যত্তু তন্মম পৌরুষম্ ॥ 5-160-115 (37374)
এবমেব সদা দণ্ডং ক্ষত্রিয়াঃ ক্ষত্রিয়ে দধুঃ।
বেণীং কৃৎবা ষণ্ডবেষঃ কন্যাং নর্তিতবানসি ॥ 5-160-116 (37375)
ন ভয়াদ্বাসুদেবস্য ন চাপি তব ফল্গুন ।
রাজ্যং প্রতিপ্রদাস্যামি যুধ্যস্ব সহকেশবঃ ॥ 5-160-117 (37376)
ন মায়া হীন্দ্রজালং বা কুহকা বাপি ভীষণা ।
আত্তশস্ত্রস্য সঙ্গ্রামে বহন্তি প্রতিগর্জনাঃ ॥ 5-160-118 (37377)
বাসুদেবসহস্রং বা ফাল্গুনানাং শতানি বা।
আসাদ্য মামমোঘেষুং দ্রবিষ্যন্তি দিশো দশ ॥ 5-160-119 (37378)
সংয়ুগং গচ্ছ ভীষ্মেণ ভিন্ধি বা শিরসা গিরিম্ ।
তরস্ব বা মহাগাধং বাহুভ্যাং পুরুষোদধিম্ ॥ 5-160-120 (37379)
শারদ্বতমহামীনং বিবিংশতিমহোরগম্ ।
বৃহদ্বলমহোদ্বেলং সৌমদত্তিতিমিঙ্গিলম্ ॥ 5-160-121 (37380)
ভীষ্মবেগমপর্যন্তং দ্রোণগ্রাহদুরসদম্ ।
কর্ণশল্যঝষাবর্তং কাম্ভোজবডবামুখম্ ॥ 5-160-122 (37381)
দুঃশাসনৌঘং শলশল্যমৎস্যং
সুষেণচিত্রায়ুধনাগনক্রম্।
জয়দ্রথাদ্রিং পুরুমিত্রগাধং
দুর্মর্ষণোদং শকুনিপ্রপাতম্ ॥ 5-160-123 (37382)
শশ্ত্রৌঘমক্ষয়্যমভিপ্রবৃদ্ধং
যদাবগাহ্য শ্রমনষ্টচেতাঃ।
ভবিষ্যসি ৎবং হতসর্ববান্ধব-
স্তদা মনস্তে পরিতাপমেষ্যতি ॥ 5-160-124 (37383)
তদা মনস্তে ত্রিদিবাদিবাশুচে-
র্নিবর্তিতা পার্থ মহীপ্রশাসনাৎ।
প্রশাম্য রাজ্যং হি সুদুর্লভং ৎবয়া
বুভূষিতঃ স্বর্গ ইবাতপস্বিনা ॥ ॥ 5-160-125 (37384)
ইতি শ্রীমন্মহাভারতে উদ্যোগপর্বণি উলূকদূতাগমনপর্বণি ষষ্ট্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-160-3 আরক্ষস্য রক্ষণীয়স্য দ্রব্যাদেঃ বিধিং রক্ষাবিধানম্ ॥ 5-160-11 ভ্রাতৃভিঃ সহিতঃ কথমধর্মে মনঃ কৃথা ইতি সংবন্ধঃ ॥ 5-160-14 ভো সুরা ইতি দেবান্ প্রহ্লাদঃ সবোধয়তি। যস্য ব্রতস্য ধর্মধ্বজো ধর্মচিহ্নং দর্ভপবিত্রপাণিৎবাদি। উচ্ছ্রিতঃ সর্বলোকবিদিতঃ ॥ 5-160-17 মনঃশুদ্ধিং হিংসাতো নিবৃত্তিম্ ॥ 5-160-18 বিস্রম্ভং বিশ্বাসম্ ॥ 5-160-39 শিখা জটাধারণমিতিয়ৎ তচ্ছদ্মমাত্রম্ ॥ 5-160-44 ধর্মিষ্ঠোঽসীত্যুপাহসঃ ॥ 5-160-55 কুহকা কৃত্যা প্রতিগর্জনাঃ বিপরীতান্কোপান্ বহন্তি প্রাপয়ন্তি নতু ভয়ং জনয়ন্তীত্যর্থ গর্জনং নিনদে কোপে ইতি মেদিনী ॥ 5-160-57 পর্যায়তঃ পর্যায়ো ভয়প্রদর্শনাদিরূপঃ প্রকারস্তেন সিদ্ধিঃ স্বস্য নতু ভবতি। তথা পরোপি তেন বুদ্ধিং মানুষী ভয়াত্মিকাং ন প্রাপ্নোতি ॥ 5-160-62 সশ্রৃঙ্গকা শৃঙ্গং পুংস্ৎবচিহ্নং শ্মশ্রুলৎবলিঙ্গবত্ৎবাদিকং তৎসহিতাঃ ষণ্ডাঃ নির্বীর্যাঃ সন্তি। যেষু তব শৌর্যং প্রখ্যাতমিতি ভাবঃ ॥ 5-160-64 তূবরকং অশ্মশ্রুপুরুষম্। অবিদ্যকং মূঢম্ ॥ 5-160-73 অর্থপতিভী রাজভিঃ যতঃ কালাৎ তত আরম্ভেত্যর্থঃ ॥ 5-160-74 মূঢাং যূয়ং ময়ি গুণবতি স্বামিনি ন সংতুষ্টাঃ স্থেতি ভাবঃ ॥ 5-160-75 তত্তস্মাদ্ধেতোর্মম বধার্থং চ প্রয়ুধ্দ্যধ্বমিতি সংবন্ধঃ ॥ 5-160-77 পাপং কর্ম কুরুগুরুবাধাখ্যাম্ । 5-160-85 রাজ্যমাক্রম্য মাদৃশ ইতি শেষঃ । 5-160-87 স্থানং স্থিতিম্ । তৎ স্থানরাজ্যযোরুদ্ধরণম্। পৌরুষং পুরুষকর্ম কুরু ॥ 5-160-89 ধিষ্ণ্যাৎ গৃহাৎ ॥ 5-160-93 লোহাভিসারঃ শস্ত্রাণাং নীরাজনাদিকং তেষু মন্ত্রেণ দেবতাবাহনাদিকং চ ॥ 5-160-97 বেদয়োঃ শ্রুতিধনুর্বেদয়োঃ। অন্তগং পারগম্ ॥ 5-160-99 যুগং কালচক্রম্ ॥ 5-160-101 আভ্যাং দ্রোণভীষ্মাভ্যাং অভিধ্যাতো হন্তব্যৎবেন নিশ্চিতঃ ॥ 5-160-102 দুর্দুরো মণ্ডূকঃ ॥ 5-160-106 পর্যায়াৎ যুদ্ধপ্রকারাৎ ॥ 5-160-109 পর্যায়ধর্মেম উপধর্মেণ মায়াদিনা । অথবা রাজপুত্রোঽয়ং রাজ্যার্হ ইতি ক্রমধর্মস্তেন ন কিংতু শৌর্যেণৈব সিদ্ধিমাপ্নোতীত্যর্থঃ । মনসা সংকল্পেন ধাতৈব কুরুতে নতু মনুষ্যঃ ॥ 5-160-113 অমানুষ্যং নীচমনুষ্যৎবম্। অল্পার্থোঽত্র নঞ্ ॥ 5-160-121 উদ্বেলো বৃদ্ধিঃ ॥ 5-160-125 নিবর্তিতা নিবর্তিষ্যতি। বুভূষিতঃ প্রাপ্তুমিষ্টঃ ॥উদ্যোগপর্ব - অধ্যায় 161
॥ শ্রীঃ ॥
5.161. অধ্যায়ঃ 161
Mahabharata - Udyoga Parva - Chapter Topics
উলূকেন পাণ্ডবানুপেত্য যুধিষ্ঠিরার্জুনৌপ্রতি দুর্যোধনসন্দেশকথনম্ ॥ 1 ॥Mahabharata - Udyoga Parva - Chapter Text
5-161-0 (37385)
সঞ্জয় উবাচ। 5-161-0x (3857)
সেনানিবেশং সংপ্রাপ্তঃ কৈতব্যঃ পাণ্ডবস্য হ ।
সমাগতঃ পাণ্ডবেয়ৈর্যুধিষ্ঠিরমভাষত ॥ 5-161-1 (37386)
অভিজ্ঞো দূতবাক্যানাং যথোক্তং ব্রুবতো মম।
দুর্যোধনসমাদেশং শ্রুৎবা ন ক্রোদ্ধুমর্হসি ॥ 5-161-2 (37387)
যুধিষ্ঠির উবাচ। 5-161-3x (3858)
উলূক ন ভয়ং তেঽস্তি ব্রূহি ৎবং বিগতজ্বরঃ ।
যন্মত্তং ধার্তরাষ্ট্রস্য লুব্ধস্যাদীর্ঘদর্শিনঃ ॥ 5-161-3 (37388)
সঞ্জয় উবাচ। 5-161-4x (3859)
ততো দ্যুতিমতাং মধ্যে পাণ্ডবানাং মহাত্মনাম্।
সৃঞ্জয়ানাং চ মৎস্যানাং কৃষ্ণস্য চ যশস্বিনঃ ॥ 5-161-4 (37389)
দ্রুপদস্য সপুত্রস্য বিরাটস্য চ সংনিধৌ ।
ভূমিপানাং চ সর্বেষাং মধ্যে বাক্যং জগাদ হ ॥ 5-161-5 (37390)
উলূক উবাচ। 5-161-6x (3860)
ইদং ৎবামব্রবীদ্রাজা ধার্তরাষ্ট্রো মহামনাঃ ।
শ্রৃণ্বতাং কুরুবীরাণাং তন্নিবোধ যুধিষ্ঠির ॥ 5-161-6 (37391)
পরাজিতোঽসি দ্যূতেন কৃষ্ণা চানায়িতা সভাম্ ।
শক্যোঽমর্ষো মনুষ্যেণ কর্তুং পুরুষমানিনা ॥ 5-161-7 (37392)
দ্বাদশৈব তু বর্ষাণি বনে ধিষ্ণ্যাদ্বিবাসিতঃ ।
সংবৎসরং বিরাটস্য দাস্যমাস্থায় চোষিতঃ ॥ 5-161-8 (37393)
অমর্ষং রাজ্যহরণং বনবাসং চ পাণ্ডব।
দ্রৌপদ্যাশ্চ পরিক্লেশং সংস্মরন্পুরুষো ভব ॥ 5-161-9 (37394)
অশক্তেন চ যচ্ছপ্তং ভীমসেনেন পাণ্ডব ।
দুঃশাসনস্য রুধিরং পীয়তাং যদি শক্যতে ॥ 5-161-10 (37395)
লোহাভিসারো নির্বৃত্তঃ কুরুক্ষেত্রমকর্দমম্।
সমঃ পন্থা ভৃতাস্তেশ্বাঃ শ্বো যুধ্যস্ব সকেশবঃ ॥ 5-161-11 (37396)
অসমাগম্য ভীষ্মেণ সংয়ুগে কিং বিকত্থসে ।
আরুরুক্ষুর্যথা পঙ্গুঃ পর্বতং গন্ধমাদনম্ ॥ 5-161-12 (37397)
এবং কত্থসি কৌন্তেয় অকত্থন্পুরুষো ভব।
সূতপুত্রং সুদুর্ঘর্ষং শল্যং চ বলিনাং বরম্ ॥ 5-161-13 (37398)
দ্রোণং চ বলিনাং শ্রেষ্ঠং শচীপতিসমং যুধি।
অজিৎবা সংয়ুগে পার্থ রাজ্যং কথমিহেচ্ছসি ॥ 5-161-14 (37399)
ব্রাহ্মে ধনুষি চাচার্যং বেদয়োরন্তগং দ্বয়োঃ।
যুধি ধুর্যমবিক্ষোভ্যমনীকচরমচ্যুতম্ ॥ 5-161-15 (37400)
দ্রোণং মহাদ্যুতিং পার্থ জেতুমিচ্ছসি তন্মৃষা ।
ন হি শুশ্রুম বাতেন মেরুমুন্মথিতং গিরিম্ ॥ 5-161-16 (37401)
অনিলো বা বহেন্মেরুং দ্যৌর্বাপি নিপতেন্মহীম্ ।
যুগং বা পরিবর্তেত যদ্যেবং স্যাদ্যথাত্থ মাম্ ॥ 5-161-17 (37402)
কো হ্যস্তি জীবিতাকাঙ্ক্ষী প্রাপ্যেমমরিমর্দনম্ ।
গজো বাজী রথো বাপি পুনঃ স্বস্তি গৃহান্ব্রজেৎ ॥ 5-161-18 (37403)
কথমাভ্যামভিধ্যাতঃ সংসৃষ্টো দারুণেন বা ।
রণে জীবন্বিমুচ্যেত পদা ভূমিমুপস্পৃশন্ ॥ 5-161-19 (37404)
কিং দুর্দুরঃ কূপশয়ো যথেমাং
ন বুধ্যমে রাজচমূং সমেতাম্।
দুরাধরষাং দেবচমূপ্রকাশাং
গুপ্তাং নরেন্দ্রৈস্ত্রিদশৈরিব দ্যাম্ ॥ 5-161-20 (37405)
প্রাচ্যৈঃ প্রতীচ্যৈরথ দাক্ষিণাত্যৈ-
রুদীচ্যকাম্ভোজশকৈঃ খশৈশ্চ।
সাল্বৈঃ সমৎস্যৈঃ কুরুমুখ্যদেশ্যৈ-
র্ম্লেচ্ছৈঃ পুলিন্দৈর্দ্রবিডান্ধ্রকাঞ্চ্যৈঃ ॥ 5-161-21 (37406)
নানাজনৌঘং যুধি সংপ্রবৃদ্ধং
নাঙ্গং যথা বেগমপারকণীয়ম্।
মাং চ স্থিতং নাগবলস্য মধ্যে
যুয়ুৎসমে মন্দ কিমল্পবুদ্ধে ॥ 5-161-22 (37407)
ইত্যেবমুক্ৎবা রাজানং ধর্মপুত্রং যুধিষ্ঠিরম্।
অভ্যবৃত্য পুনর্জিষ্ণুমুলূকঃ প্রত্যভাষত ॥ 5-161-23 (37408)
অকত্থমানো যুধ্যস্ব কত্থেসেঽর্জুন কিং বহু।
পর্যায়াৎসিদ্ধিরেস্য নৈতৎসিধ্যতি কত্থনাৎ ॥ 5-161-24 (37409)
যদীদং কত্থনাল্লোকে সিধ্যেৎকর্ম ধনঞ্জয় ।
সর্বে ভবেয়ুঃ সিদ্ধার্থাঃ কত্থনে কো হি দুর্গতঃ ॥ 5-161-25 (37410)
জানামি তে বাসুদেবং সহায়ং
জানামি তে গাণ্ডিবং তালমাত্রম্।
জানাম্যেতত্ৎবাদৃশো নাস্তি যোদ্ধা
জানানস্তে রাজ্যমেতদ্ধরামি ॥ 5-161-26 (37411)
ন তু পর্যায়ধর্মেণ রাজ্যং প্রাপ্নোতি মানুষঃ ।
মনসৈবানুকূলানি বিধাতা কুরুতে বশে ॥ 5-161-27 (37412)
ত্রয়োদশ সমা ভুক্তং রাজ্যং বিলপতস্তব ।
ভূয়শ্চৈব প্রশাসিষ্যে নিহত্য ৎবাং সবান্ধবম্ ॥ 5-161-28 (37413)
ক্ব তদা গাণ্ডিবং তেঽভূদ্যত্ৎবং দাসপণৈর্জিতঃ।
ক্ব তদা ভীমসেনস্য বলমাসীচ্চ ফাল্গুনা ॥ 5-161-29 (37414)
সগদাদ্ভীমসেনাদ্বা পার্থাদ্বাপি সগাণ্ডিবাৎ ।
ন বৈ মোক্ষস্তদা বোভূদ্বিনা কৃষ্ণামনিন্দিতাম্ ॥ 5-161-30 (37415)
সা বো দাস্যে সমাপন্নান্মোচয়ামাস পার্ষতী ।
অমানুষ্যং সমাপন্নান্দাসকর্মণ্যবস্থিতান্ ॥ 5-161-31 (37416)
অবোচং যৎষণ্ডতিলানহং বস্তথ্যমেব তৎ ।
ধৃতা হি বেণী পার্থেন বিরাটনগরে তদা ॥ 5-161-32 (37417)
সূদকর্মণি চ শ্রান্তং বিরাটস্য মহানসে ।
ভীমসেনেন কৌন্তেয় যচ্চ তন্মম পৌরুষম্ ॥ 5-161-33 (37418)
এবমেতৎসদাং দণ্ডং ক্ষত্রিয়াঃ ক্ষত্রিয়ে দধুঃ ।
বেণীং কৃৎবা ষণ্ডবেষঃ কন্যাং নর্তিতবানসি ॥ 5-161-34 (37419)
ন ভয়াদ্বাসুদেবস্য ন চাপি তব ফাল্গুন ।
রাজ্যং প্রতিপ্রদাকস্যামি যুদ্ধ্যস্ব সহকেশবঃ ॥ 5-161-35 (37420)
ন মায়া হীন্দ্রজালং বা কুহকা বাপি ভীষণা ।
আত্তশস্ত্রস্য মে যুদ্ধে বহন্তি প্রতিগর্জনাঃ ॥ 5-161-36 (37421)
বাসুদেবসহস্রং বা ফাল্গুনানাং শতানি বা।
আসাদ্য মামমোঘেষুং দ্রবিষ্যন্তি দিশো দশঃ ॥ 5-161-37 (37422)
সংয়ুগং গচ্ছ ভূষ্মেণ ভিন্ধি বা শিরসা গিরিম্।
তরেমং বা মহাগাধং সৌমদত্তিতিমিঙ্গিলম্ ॥ 5-161-38 (37423)
শারদ্বতমহামীনং বিবিংশতিমহোরগম্ ।
বৃহদ্বলমহোদ্বেলং সৌমদত্তিকতিমিঙ্গিতম্ ॥ 5-161-39 (37424)
ভীষ্মবেগমপর্যন্তং দ্রোণগ্রাহদুরাসদম্।
কর্ণশল্যঝষাবর্তং কাম্ভোজবডবাসুখম্ ॥ 5-161-40 (37425)
দুঃশাসনৌঘং শলশল্যমৎস্যং
সুষেণচিত্রায়ুধনাগনক্রম্।
জয়দ্রথাদ্রিং পুরুমিত্রগাধং
দুর্মর্ষণোদং শকুনিপ্রপাতম্ ॥ 5-161-41 (37426)
শস্ত্রৌঘমক্ষয়্যমতিপ্রবৃদ্ধং
যদাবগাহ্য শ্রমনষ্টচেতাঃ।
ভবিষ্যসি ৎবং হতসর্ববান্ধব-
স্তদা মনস্তে পরিতাপমেষ্যতি ॥ 5-161-42 (37427)
তদা মনস্তে ত্রিদিবাদিবাশুচে-
র্নিবর্তিতা পার্থ মহীপ্রশাসনাৎ।
প্রশাম্য রাজ্যং হি সুদুর্লভং ৎবয়া
বুভূষিতঃ স্বর্গ ইবাতপস্বিনা ॥ ॥ 5-161-43 (37428)
ইতি শ্রীমন্মহাভারতে উদ্যোগপর্বণি উলূকদূতাগমনপর্বণি একষষ্ট্যধিকশততমোঽধ্যায়ঃ ॥
উদ্যোগপর্ব - অধ্যায় 162
॥ শ্রীঃ ॥
5.162. অধ্যায়ঃ 162
Mahabharata - Udyoga Parva - Chapter Topics
ভীমাদিভির্দুর্যোধনংপ্রতি উলূকদ্বারা প্রতিসন্দেশপ্রেষণম্ ॥ 1 ॥Mahabharata - Udyoga Parva - Chapter Text
5-162-0 (37429)
সঞ্জয় উবাচ। 5-162-0x (3861)
উলূকস্ৎবর্জুনং ভূয়ো যথোক্তং বাক্যমব্রবীৎ।
আশীবিষমিব ক্রুদ্ধং তুদন্বাক্যশলাকয়া ॥ 5-162-1 (37430)
তস্য তদ্বচনং শ্রুৎবা রুষিতাঃ পাণ্ডবা ভৃশম্ ।
প্রাগেব ভৃশসংক্রুদ্ধাঃ কৈতব্যেনাপি ধর্ষিতাঃ ॥ 5-162-2 (37431)
আসনেষূদতিষ্ঠন্ত বাহূংশ্চৈব প্রচিক্ষিপুঃ।
আশীবিষা ইব ক্রুদ্ধা বীক্ষাঞ্চক্রুঃ পরস্পরম্ ॥ 5-162-3 (37432)
অবাক্ছিরা ভীমসেনঃ সমুদৈক্ষত কৈতবম্।
নেত্রাভ্যাং লোহিতান্তাভ্যামাশীবিষ ইব শ্বসন্ ॥ 5-162-4 (37433)
আর্তং বাতাত্মজং দৃষ্ট্বা ক্রোধেনাভিহতং ভৃশম্ ।
উৎস্ময়ন্নিব দাশার্হঃ কৈতব্যং প্রত্যভাষত ॥ 5-162-5 (37434)
প্রয়াহি শীঘ্রং কৈতব্য ব্রূয়াশ্চৈব সুয়োধনম্ ।
শ্রুতং বাক্যং গৃহীতোর্থো মতং যত্তে তথাস্তু তৎ ॥ 5-162-6 (37435)
এবমুক্ৎবা মহাবাহুঃ কেশবো রাজসত্তম।
পুনরেব মহাপ্রাজ্ঞং যুধিষ্ঠিরমুদৈক্ষত॥ 5-162-7 (37436)
সৃঞ্জয়ানাং চ সর্বেষাং কৃষ্ণস্য চ যশস্বিনঃ।
দ্রুপদস্য সপুত্রস্য বিরাটস্য চ সংনিধৌ ॥ 5-162-8 (37437)
ভূমিপানাং চ সর্বেষাং মধ্যে বাক্যং জগাদ হ।
উলূকোঽপ্যর্জুনং ভূয়ো যথোক্তং বাক্যমব্রবীৎ ॥ 5-162-9 (37438)
আশীবিষমিব ক্রুদ্ধং তুদন্বাক্যশলাকয়া।
কৃষ্ণাদীংশ্চৈব তান্সর্বান্যথোক্তং বাক্যমব্রবীৎ ॥ 5-162-10 (37439)
উলূকস্য তু তদ্বাক্যং পাপং দারুণমীরিতম্ ।
শ্রুৎবা বিচুক্ষুভে পার্থো ললাটং চাপ্যমার্জয়ৎ ॥ 5-162-11 (37440)
তদবস্থং তদা দৃষ্ট্বা পার্থং সা সমিতির্নৃপ ।
নামৃষ্যত মহারাজ পাণ্ডবানাং মহারথাঃ ॥ 5-162-12 (37441)
অধিক্ষেপেণ কৃষ্ণস্য পার্থস্য চ মহাত্মনঃ।
শ্রুৎবা তে পুরুষব্যাঘ্রাঃ ক্রোধাঞ্জজ্বলুরচ্যুত ॥ 5-162-13 (37442)
ধৃষ্টদ্যুম্নঃ শিখণ্ডী চ সাত্যকিশ্চ মহারথঃ।
কেকয়া ভ্রাতরঃ পঞ্চ রাক্ষসশ্চ ঘটোৎকচঃ ॥ 5-162-14 (37443)
দ্রৌপদেয়াভিমন্যুশ্চ ধৃষ্টকেতুশ্চ পার্থিবঃ ।
ভীমসেনশ্চ বিক্রান্তো যমজৌ চ মহারথৌ ॥ 5-162-15 (37444)
উৎপেতুরাসনাৎসর্বে ক্রোধসংরক্তলোচনাঃ।
বাহুন্প্রগৃহ্য রুচিরান্রক্তচন্দনরূষিতান্।
অঙ্গদৈঃ পারিহার্যৈশ্চ কেয়ূরৈশ্চ বিভূষিতান্ ॥ 5-162-16 (37445)
দন্তান্দন্তেষু নিষ্পিষ্য সৃক্কিণী পরিলেলিহন্ ।
তেষামাকারভাবজ্ঞঃ কুন্তীপুত্রো বৃকোদরঃ ॥ 5-162-17 (37446)
উদতিষ্ঠৎস বেগেন ক্রোধেন প্রজ্বলন্নিব।
উদ্বৃত্য সহসা নেত্রে দন্তান্কটকটায়্য চ ॥ 5-162-18 (37447)
হস্তং হস্তেন নিষ্পিষ্য উলূকং বাক্যমব্রবীৎ।
অশক্তানামিবাস্মাকং প্রোৎসাহননিমিত্তকম্ ॥ 5-162-19 (37448)
শ্রুতং তে চবনং মূর্খ যত্ৎবাং দুর্যোধনোঽব্রবীৎ।
তন্মে কথয়তো মন্দ শ্রৃণু বাক্যং দুরাসদম্ ॥ 5-162-20 (37449)
সর্বক্ষত্রস্য মধ্যে তং যদ্বক্ষ্যসি সুয়োধনম্ ।
শ্রৃণ্বতঃ সূতপুত্রস্য পিতুশ্চ ৎবং দুরাত্মনঃ ॥ 5-162-21 (37450)
অস্মাভিঃ প্রীতিকামৈস্তু ভ্রাতুর্জ্যেষ্ঠস্য নিত্যশঃ।
মর্ষিতং তে দুরাচার তত্ৎবং ন বহু মন্যসে ॥ 5-162-22 (37451)
প্রেষিতশ্চ হৃষীকেশঃ শমাকাঙ্ক্ষী কুরূন্প্রতি ।
কুলস্য হিতকামেন ধর্মরাজেন ধীমতা ॥ 5-162-23 (37452)
ৎবং কালচোদিতো নূনং গন্তুকামো যমক্ষয়ম্ ।
গচ্ছস্বাহবমস্মাভিস্তচ্চ শ্বো ভবিতা ধ্রুবম্ ॥ 5-162-24 (37453)
ময়াপি চ প্রতিজ্ঞাতো বধঃ সভ্রাতৃকস্য তে।
স তথা ভবিতা পাপ নাত্র কার্যা বিচারণা ॥ 5-162-25 (37454)
বেলামতিক্রমেৎসদ্যঃ সাগরো বরুণালয়ঃ ।
পর্বতাশ্চ বিশীর্যেয়ুর্ময়োক্তং ন মৃষা ভবেৎ ॥ 5-162-26 (37455)
সহায়স্তে যদি যমঃ কুবেরো রুদ্র এব বা।
যথাপ্রতিজ্ঞং দুর্বুদ্ধে প্রকরিষ্যন্তি পাণ্ডবাঃ ।
দুঃশাসনস্য রুধিরং পাতা চাস্মি যথেপ্সিতম্ ॥ 5-162-27 (37456)
যশ্চেহ প্রতিসংরব্ধঃ ক্ষত্রিয়ো মাভিয়াস্যতি।
অপি ভীষ্মং পুরুস্কৃত্য তং নেষ্যামি যমক্ষয়ম্ ॥ 5-162-28 (37457)
যচ্চৈতদুক্তং বচনং ময়া ক্ষত্রস্য সংসদি।
যথৈতদ্ভবিতা সত্যং তথৈবাত্মানমালভে ॥ 5-162-29 (37458)
ভীমসেনবচঃ শ্রুৎবা সহদেবোঽপ্যমর্ষণঃ ।
ক্রোধসংরক্তনয়নস্ততো বাক্যমুবাচ হ ॥ 5-162-30 (37459)
শৌটীরশূরসদৃশমনীকজনসংসদি।
শ্রৃণু পাপ বচো মহ্যং যদ্বাচ্যো হি পিতাৎবয়া ॥ 5-162-31 (37460)
নাস্মাকং ভবিতা ভেদঃ কদাচিৎকুরুভিঃ সহ ।
ধৃতরাষ্ট্রস্য সংবন্ধো যদি ন স্যাত্ৎবয়া সহ ॥ 5-162-32 (37461)
ৎবং তু লোকবিনাশায় ধৃতরাষ্ট্রকুলস্য চ।
উৎপন্নো বৈরপুরুষঃ স্বকুলঘ্নশ্চ পাপকৃৎ ॥ 5-162-33 (37462)
জন্মপ্রভৃতি চাস্মাকং পিতা তে পাপপূরুষঃ ।
অহিতানি নৃশংসানি নিত্যশঃ কর্তুমিচ্ছতি ॥ 5-162-34 (37463)
তস্য বৈরানুষঙ্গস্য গন্তাস্ম্যন্তং সুদুর্গমম্।
অহমাদৌ নিহত্য ৎবাং শকুনেঃ সংপ্রপশ্যতঃ ॥ 5-162-35 (37464)
ততোঽস্মি শকুনিং হন্তা মিষতাং সর্বধন্বিনাম্।
ভীমস্য বচনং শ্রুৎবা সহদেবস্য চোভয়োঃ ॥ 5-162-36 (37465)
উবাচ ফাল্গুনো বাক্যং ভীমসেনং স্ময়ন্নিব।
ভীমসেন ন তে সন্তি যেষাং বৈরং ৎবয়া সহ ॥ 5-162-37 (37466)
মন্দা গৃহেষু সুখিনো মৃত্যুপাশবশং গতাঃ।
উলূকশ্চ ন তে বাচ্যঃ পরুষং পুরুষোত্তম ॥ 5-162-38 (37467)
দূতাঃ কিমপরাধ্যন্তে যথোক্তস্যানুভাষিণঃ ।
এবমুক্ৎবা মহাবাহুর্ভীমং ভীমপরাক্রমম্ ॥ 5-162-39 (37468)
ধৃষ্টদ্যুম্নসুখান্বীরান্সুহৃদঃ সমভাষত।
শ্রুতং বস্তস্য পাপস্য ধার্তরাষ্ট্রস্য ভাষিতম্ ॥ 5-162-40 (37469)
কুৎসনং বাসুদেবস্য মম চৈব বিশেষতঃ।
শ্রুৎবা ভবন্তঃ সংরব্ধা অস্মাকং হিতকাম্যযা ॥ 5-162-41 (37470)
প্রভাবাদ্বাসুদেবস্য ভবতাং চ প্রয়ত্নতঃ।
সমগ্রং পার্থিবং ক্ষত্রং সর্বং ন গণয়াম্যহম্ ॥ 5-162-42 (37471)
ভবদ্ভিঃ সমনুজ্ঞাতো বাক্যমস্য যদুত্তরম্ ।
উলূকে প্রাপয়িষ্যামি যদ্বক্ষ্যতি সুয়োধনম্ ॥ 5-162-43 (37472)
শ্বো ভূতে কত্থিতস্যাস্য প্রতিবাক্যং চমূমুখে।
গাণ্ডীবেনাভিধাস্যাকমি ক্লীবা হি বচনোত্তরাঃ । 5-162-44 (37473)
ততস্তে পার্থিবাঃ সর্বে প্রশশংসুর্ধনঞ্জয়ম্ ।
তেন বাক্যোপচারেণ বিস্মিতা রাজসত্তমাঃ ॥ 5-162-45 (37474)
অনুনীয় চ তান্সর্বান্যথামান্যং যথাবয়ঃ।
ধর্মরাজং তদা বাক্যং তৎপ্রাপ্যং প্রত্যভাষত ॥ 5-162-46 (37475)
আত্মানমবমন্বানো ন হি স্যাৎপার্থিবোত্তমঃ ।
তত্রোত্তরং প্রবক্ষ্যামি তব শুশ্রূষণে রতঃ ॥ 5-162-47 (37476)
উলূকং ভরতশ্রেষ্ঠ সামপূর্বমথোর্জিতম্ ।
দুর্যোধনস্য তদ্বাক্যং নিশম্য ভরতর্ষভঃ ॥ 5-162-48 (37477)
অতিলোহিতনেত্রাভ্যামাশীবিষ ইব শ্বসন্ ।
স্ময়মান ইব ক্রোধাৎসৃক্কিণী পরিসংলিহন্ ॥ 5-162-49 (37478)
জনার্দনমভিপ্রেক্ষ্য ভ্রাতৄংশ্চৈবেদমব্রবীৎ ।
অভ্যভাষত কৈতব্যং প্রগৃহ্য বিপুলং ভুজম্ ॥ 5-162-50 (37479)
উলূক গচ্ছ কৈতব্য ব্রূহি তাত সুয়োধনম্ ।
কৃতঘ্নং বৈরপুরুষং দুর্মতিং কুলপাংসনম্ ॥ 5-162-51 (37480)
পাণ্ডবেষু সদা পাপ নিত্যং জিহ্মং প্রবর্ততে।
স্ববীর্যাদ্যঃ পরাক্রম্য পাপ আহ্বয়তে পরান্।
অভীতঃ পূরয়ন্বাক্যমেষ বৈঃ ক্ষত্রিয়ঃ পুমান্ ॥ 5-162-52 (37481)
স পাপঃ ক্ষত্রিয়ো ভূৎবা অস্মানাহূয় সংয়ুগে।
মান্যামান্যান্পুরস্কৃত্য যুদ্ধং মা গাঃ কুলাধম ॥ 5-162-53 (37482)
আত্মবীর্যং সমাশ্রিকত্য ভৃত্যবীর্যং চ কৌরব ।
আহ্বয়স্ব রণে পার্থান্সর্বথা ক্ষত্রিয়ো ভব ॥ 5-162-54 (37483)
পরবীর্যং সমাশ্রিত্য যঃ সমাহ্বয়তে পরান্।
অশক্তঃ স্বয়মাদাতুমেতদেব নপুংসকম্ ॥ 5-162-55 (37484)
স ৎবং পরেষাং বীর্যেণ আত্মানং বহুমন্যসে ।
কথমেবমশক্তস্ৎবমস্মান্সমভিগর্জসি ॥ 5-162-56 (37485)
কৃষ্ণ উবাচ। 5-162-57x (3862)
মদ্বচশ্চাপি ভূয়স্তে বক্তব্যঃ স সুয়োধনঃ।
শ্ব ইদানীং প্রপদ্যেথাঃ পুরুষো ভব দুর্মতে ॥ 5-162-57 (37486)
মন্যসে যচ্চ মূঢ ৎবং ন যোৎস্যতি জনার্দনঃ।
সারথ্যেন বৃতঃ পার্থৈরিতি ৎবং ন বিভেষি চ ॥ 5-162-58 (37487)
জঘন্যকালমপ্যেতন্ন ভবেৎসর্বপার্থিবান্।
নির্দহেয়মহং ক্রোধাত্তৃণানীব হুতাশনঃ ॥ 5-162-59 (37488)
যুধিষ্ঠিরনিয়োগাত্তু ফাল্গুনস্য মহাত্মনঃ ।
করিষ্যে যুধ্যমানস্য সারথ্যং বিজিতাত্মনঃ ॥ 5-162-60 (37489)
যদ্যুৎপতসি লোকাংস্ত্রীন্যদ্যাবিশসি ভূতলম্ ।
তত্রতত্রার্জুনরথং প্রভাতে দ্রক্ষ্যসে পুনঃ ॥ 5-162-61 (37490)
যচ্চাপি ভীমসেনস্য মন্যসে মোঘভাষিতম্ ।
দুঃশাসনস্য রুধিরং পীতমদ্যাবধারয় ॥ 5-162-62 (37491)
ন ৎবাং সমীক্ষতে পার্থো নাপি রাজা যুধিষ্ঠিরঃ।
ন ভীমসেনো ন যমৌ প্রতিকূলপ্রভাষিণম্ ॥ ॥ 5-162-63 (37492)
ইতি শ্রীমন্মহাভারতে উদ্যোগপর্বণি উলূকদূতাগমনপর্বণি দ্বিষষ্ট্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-162-12 সমিতিঃ সভা ॥ 5-162-31 শৌটীরঃ সগর্বঃ। শূরো বিক্রান্তঃ। মহ্যং মম ॥ 5-162-55 নপুংসকং নপুংসকৎবং তব ॥ 5-162-63 সমীক্ষতে গণয়তি ॥উদ্যোগপর্ব - অধ্যায় 163
॥ শ্রীঃ ॥
5.163. অধ্যায়ঃ 163
Mahabharata - Udyoga Parva - Chapter Topics
অর্জুনাদিভিঃ সর্বৈরুলূকদ্বারা পৃথক্পৃথগ্দুর্যোধনংপ্রতি প্রতিসন্দেশপ্রেষণম্ ॥ 1 ॥ উলূকেন দুর্যোধনংপ্রতি যুধিষ্ঠিরাদিপ্রতিসন্দেশকথনম্ ॥ 2 ॥ দুর্যোধনাজ্ঞয়া কর্ণেন সেনাসু যুদ্ধসন্নাহোদ্ধোষণম্ ॥ 3 ॥Mahabharata - Udyoga Parva - Chapter Text
5-163-0 (37493)
সঞ্জয় উবাচ। 5-163-0x (3863)
দুর্যোধনস্য তদ্বাক্যং নিশম্য ভরতর্ষভ ।
নেত্রাভ্যামতিতাম্রাভ্যাং কৈতব্যং সমুদৈক্ষত ॥ 5-163-1 (37494)
স কেশবমভিপ্রেক্ষ্য গুডাকেশো মহায়শাঃ ।
অভ্যভাষত কৈতব্যং প্রগৃহ্য বিপুলং ভুজম্ ॥ 5-163-2 (37495)
স্ববীর্যং যঃ সমাশ্রিত্য সমাহ্বয়তি বৈ পরান্ ।
অভীতো যুধ্যতে শত্রূন্স বৈ পুরুষ উচ্যতে ॥ 5-163-3 (37496)
পরবীর্যং সমাশ্রিত্য যঃ সমাহ্বয়তে পরান্ ।
ক্ষত্রবন্ধুরশক্তৎবাল্লোকে স পুরুষাধমঃ ॥ 5-163-4 (37497)
স ৎবং পরেষাং বীর্যেণ মন্যসে বীর্যমাত্মনঃ ।
স্বয়ং কাপুরুষো মূঢ পরাংশ্চ ক্ষেপ্তুমিচ্ছসি ॥ 5-163-5 (37498)
যস্ৎবং বৃদ্ধং সর্বরাজ্ঞাং হিতবুদ্ধিং জিতেন্দ্রিয়ম্ ।
মরণায় মহাপ্রজ্ঞং দীক্ষয়িৎবা বিকত্থসে ॥ 5-163-6 (37499)
ভাবস্তে বিদিতোঽস্মাভির্দুর্বুদ্ধে কুলপাংসন ।
ন হনিষ্যন্তি গাঙ্গেয়ং পাণ্ডবা ঘৃণয়েতি হি ॥ 5-163-7 (37500)
যস্য বীর্যং সমাশ্রিত্য ধার্তরাষ্ট্র বিকত্থসে।
হন্তাস্মি প্রথমং ভীষ্মং মিষতাং সর্বধন্বিনাম্ । 5-163-8 (37501)
কৈতব্য গৎবা ভরতান্সমেত্য
সুয়োধনং ধার্তরাষ্ট্রং বদস্ব।
তথেত্যুবাচার্জুনঃ সব্যসাচী
নিশাব্যপায়ে ভবিতা বিমর্দঃ ॥ 5-163-9 (37502)
যদ্বা ব্রবীদ্বাক্যমদীনসৎবো
মধ্যে কুরূন্হর্ষয়ন্সত্যসন্ধঃ।
অহং হন্তা সৃঞ্জয়ানামনীকং
সাল্বেয়কাংশ্চেতি মমৈষ ভারঃ।
কৈতব্য গৎবা ভরতান্সমেত্য
সুয়োধনং ধার্তরাষ্ট্রং বদস্ব ॥ 5-163-10 (37503)
হন্যামহং দ্রোণমৃতেঽপি লোকং
ন তে ভয়ং বিদ্যতে পাণ্ডবেভ্যঃ ।
ততো হি তে লব্ধমতং চ রাজ্য-
মাপদ্গতাঃ পাণ্ডবাশ্চেতি ভাবঃ ॥ 5-163-11 (37504)
স দর্পপূর্ণো ন সমীক্ষসে ৎব-
মনর্থমাত্মন্যপি বর্তমানম্।
তস্মাদহং তে প্রথমং সমূহে
হন্তা সমক্ষ কুরুবৃদ্ধমেব ॥ 5-163-12 (37505)
সূর্যোদয়ে যুক্তসেনঃ প্রতীক্ষ্য
ধ্বজী রথী রক্ষত সত্যসন্ধম্।
অহং হি বঃ পশ্যতাং দ্বিপমেনং
ভীষ্মং রথাৎপাতয়িষ্যামি বাণৈঃ ॥ 5-163-13 (37506)
শ্বোভূতে কত্থনাবাক্যং বিজ্ঞাস্যতি সুয়োধনঃ।
আচিতং শরজালেন ময়া দৃষ্ট্বা পিতামহম্ ॥ 5-163-14 (37507)
যদুক্তশ্চ সভামধ্যে পুরুষো হ্রস্বদর্শনঃ।
ক্রুদ্ধেন ভীমসেনেন ভ্রাতা দুঃশাসনস্তব ॥ 5-163-15 (37508)
অধর্মজ্ঞো নিত্যবৈরী পাপবুদ্ধির্নৃশংসকৃৎ।
সত্যাং প্রতিজ্ঞামচিরাদ্দ্রক্ষ্যসে তাং সুয়োধন ॥ 5-163-16 (37509)
অভিমানস্য দর্পস্য ক্রোধপারুষ্যযোস্তথা।
নৈষ্ঠুর্যস্যাবলেপস্য আত্মসংভাবনস্য চ॥ 5-163-17 (37510)
নৃশংসতায়াস্তৈক্ষ্ণ্যস্য ধর্মবিদ্বেষণস্য চ।
অধর্মস্যাতিবাদস্য বৃদ্ধাতিক্রমণস্য চ ॥ 5-163-18 (37511)
দর্শনস্য চ চক্রস্য কৃৎস্নস্যাপনয়স্য চ।
দ্রক্ষ্যসি ৎবং ফলং তীব্রমচিরেণ সুয়োধন ॥ 5-163-19 (37512)
বাসুদেবদ্বিতীয়ে হি ময়ি ক্রুদ্ধে নরাধম।
আশা তে জীবিতে মূঢ রাজ্যে বা কেন হেতুনা ॥ 5-163-20 (37513)
শান্তে ভীষ্মে তথা দ্রোণে সূতপুত্রে চ পাতিতে।
নিরাশো জীবিতে রাজ্যে পুত্রেষু চ ভবিষ্যসি ॥ 5-163-21 (37514)
ভ্রাতৄণাং নিধনং শ্রুৎবা পুত্রাণাং চ সুয়োধন ।
ভীমসেনেন নিহতো দুষ্কৃতানি স্মরিষ্যসি ॥ 5-163-22 (37515)
ন দ্বিতীয়াং প্রতিজ্ঞাং হি প্রতিজানামি কৈতব ।
সত্যং ব্রবীম্যহং হ্যেতৎসর্বং সত্যং ভবিষ্যতি ॥ 5-163-23 (37516)
যুধিষ্ঠিরোঽপি কৈতব্যমুলূকমিদমব্রবীৎ।
উলূক মদ্বচো ব্রূহি গৎবা তাত সুয়োধনম্ ॥ 5-163-24 (37517)
স্বেন বৃত্তেন মে বৃত্তং নাধিগন্তুং ৎবমর্হসি ।
উভয়োরন্তরং বেদ সূনৃতানৃতয়োরপি ॥ 5-163-25 (37518)
ন চাহং কাময়ে পাপমপি কীটপিপীলকয়োঃ।
কিং পুনর্জ্ঞাতিষু বধং কাময়েয়ং কথং চ ন ॥ 5-163-26 (37519)
এতদর্থং ময়া তাত পঞ্চ গ্রামা বৃতাঃ পুরা।
কথং তব সুদুর্বুদ্ধে ন প্রেক্ষ্যে ব্যসনং মহৎ ॥ 5-163-27 (37520)
স ৎবং কামপরীতাত্মা মূঢভাবাচ্চ কত্থসে।
তথৈব বাসুদেবস্য ন গৃহ্ণাসি হিতং বচঃ । 5-163-28 (37521)
কিংচেদানীং বহূক্তেন যুধ্যস্ব সহ বান্ধবৈঃ।
মম বিপ্রিয়কর্তারং কৈতব্য সহ বান্ধবৈঃ । 5-163-29 (37522)
মম বিপ্রিয়কর্তারং কৈতব্য ব্রূহি কৌরবম্ ॥
শ্রুতং বাক্যং গৃহীতোঽর্থো মতং যত্তে তথাস্তু তৎ। 5-163-30 (37523)
ভীমসেনস্ততো বাক্যং ভূয় আহ নৃপাত্মজম্ ॥
উলূক মদ্বচো ব্রূহি দুর্মতিং পাপপূরুষম্। 5-163-31 (37524)
শঠং নৈকৃতিকং পাপং দুরাচারং সুয়োধনম্ ॥
গৃধ্রোদরে বা বস্তব্যং পুরে বা নাগসাহ্বয়ে । 5-163-32 (37525)
প্রতিজ্ঞাতং ময়া যচ্চ সভামধ্যে নরাধম ॥
কর্তাহং তদ্বচঃ সত্যং সত্যেনৈব শপামি তে। 5-163-33 (37526)
দুঃশাসনস্য রুধিরং হৎবা পাস্যাম্যহং মৃধে ॥
সক্থিনী তব ভংক্ৎবৈব হৎবা হি তব সোদনান্। 5-163-34 (37527)
সর্বেষাং রাজপুত্রাণামভিমন্যুরসংশয়ম্ ।
কর্মণা তোষয়িষ্যামি ভূয়শ্চৈব বচঃ শ্রৃণু ॥ 5-163-35 (37528)
হৎবা সুয়োধন ৎবাং বৈ সহিতং সর্বসোদরৈঃ ।
আক্রমিষ্যে পদা মূর্ধ্নি ধর্মরাজস্য পশ্যতঃ ॥ 5-163-36 (37529)
নকুলস্তু ততো বাক্যমিদমাহ মহীপতে।
উলূক ব্রূহি কৌরব্যং ধার্তরাষ্ট্রং সুয়োধনম্ ॥ 5-163-37 (37530)
শ্রুতং তে গদতো বাক্যং সর্বমেব যথাতথম্।
তথা কর্তাস্মি কৌরব্য যথা ৎবমনুশাসি মাং ॥ 5-163-39aসহদেবোঽপি নৃপতে ইদমাহ বচোঽর্থবৎ ।
সুয়োধন মতির্যা তে বৃথৈষা তে ভবিষ্যতি ॥ 5-163-38 (37531)
শোচিষ্যসে মহারাজ সপুত্রজ্ঞাতিবান্ধবঃ ।
ইমং চ ক্লেশমস্মাকং হৃষ্টো যত্ৎবং বিকত্থসে ॥ 5-163-40 (37532)
বিরাটদ্রুপদৌ বৃদ্ধাবুলূকমিদমূচতুঃ ।
দাসভাবং নিয়চ্ছেব সাধোরিতি মতিঃ সদা।
তৌ চ দাসাবদাসৌ বা পৌরুষং যস্য যাদৃশম্ ॥ 5-163-41 (37533)
শিখণ্ডী তু ততো বাক্যমুলূকমিদমব্রবীৎ ।
বক্তব্যো ভবতা রাজা পাপেষ্বভিরতঃ সদা ॥ 5-163-42 (37534)
পশ্য ৎবং মাং রণে রাজন্কুর্বাণং কর্ম দারুণম্ ।
যস্য বীর্যং সমাসাদ্য মন্যসে বিজয়ং যুধি ॥ 5-163-43 (37535)
তমহং পাতয়িষ্যামি রথাত্তব পিতামহম্।
অহং ভীষ্মবধাৎসৃষ্টো নূনং ধাত্রা মহাত্মনা ॥ 5-163-44 (37536)
সোঽহং ভীষ্মং হনিষ্যামি মিষতাং সর্বধন্বিনাম্ ।
ধৃষ্টদ্যুম্নোঽপি কৈতব্যমুলূকমিদমব্রবীৎ ॥ 5-163-45 (37537)
সুয়োধনো মম বচো বক্তব্যো নৃপতেঃ সুতঃ।
অহং দ্রোণং হনিষ্যামি সগণং সহবান্ধবম্ ॥ 5-163-46 (37538)
অবশ্যং চ ময়া কার্যং পূর্বেষাং চরিতং মহৎ ।
কর্তা চাহং তথা কর্ম যথা নান্যঃ করিষ্যতি 5-163-47 (37539)
তমব্রবীদ্ধর্মরাজঃ কারুণ্যার্থং বচো মহৎ।
নাহং জ্ঞাতিবধং রাজন্কাময়েয়ং কথংচন ॥ 5-163-48 (37540)
তবৈব দোষাদ্দুর্বুদ্ধে সর্বমেতত্ৎবনাবৃতম্ ।
স গচ্ছ মাচিরং তাত উলূক যদি মন্যসে ॥ 5-163-49 (37541)
ইহ বা তিষ্ঠ ভদ্রং তে বয়ং হি তব বান্ধবাঃ ।
উলূকস্তু ততো রাজন্ধর্মপুত্রং যুধিষ্ঠিরম্ ॥ 5-163-50 (37542)
আমন্ত্র্য প্রয়যৌ তত্র যত্র রাজা সুয়োধনঃ ।
উলূকস্তত আগমক্য দুর্যোধনমমর্ষণম্ ॥ 5-163-51 (37543)
অর্জুনস্য সমাদেশং যথোক্তং সর্বমব্রবীৎ ।
বাসুদেবস্য ভীমস্য ধর্মরাজস্য পৌরুষম্ ॥ 5-163-52 (37544)
নকুলস্য বিরাটস্য দ্রুপদস্য চ ভারত ।
সহদেবস্য চ বচো ধৃষ্টদ্যুম্নশিখণ্ডিনোঃ।
কেশবার্জুনয়োর্বাক্যং যথোক্তং সর্বমব্রবীৎ ॥ 5-163-53 (37545)
কৈতব্যস্য তু তদ্বাক্যং নিশম্য ভরতর্ষভঃ ।
দুঃশাসনং চ কর্ণং চ শকুনিং চাপি ভারত ॥ 5-163-54 (37546)
আজ্ঞপয়ত রাজ্ঞশ্চ বলং মিত্রবলং তথা।
যথা প্রাগুদয়াৎসর্বে যুক্তাস্তিষ্ঠন্ত্যনীকিনঃ ॥ 5-163-55 (37547)
ততঃ কর্ণসমাদিষ্টা দূতাঃ সন্ৎবরিতা রথৈঃ ।
উষ্ট্রবামীভিরপ্যন্যে সদশ্বৈশ্চ মহাজবৈঃ ॥ 5-163-56 (37548)
তূর্ণং পরিয়যুঃ সেনাং কৃৎস্নাং কর্ণস্য শাসনাৎ।
আজ্ঞাপয়ন্তো রাজ্ঞশ্চ যোগঃ প্রাগুদয়াদিতি ॥ ॥ 5-163-57 (37549)
ইতি শ্রীমন্মহাভারতে উদ্যোগপর্বণি উলূকদূতাগমনপর্বণি ত্রিষ্টষ্ট্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-163-6 বৃদ্ধং বাহ্লিকং ভীষ্মং চ ॥ 5-163-10 সত্যসংধো ভীষ্মঃ । ভীষ্মবাক্যমেবাহ অহং হন্তেতি। হে কৈতব্য অহং হন্তেত্যাদি মদীয়ং বাক্যং ভরতান্ পাণ্ডবান্প্রতি গৎবা বদস্ব । কিং কৃৎবা সুয়োধনং সমেত্য মদীয়ং সংদেশং দুর্যোধনায় শ্রাবয়িৎবা পাণ্ডবান্প্রতি কথয়েত্যর্থঃ। তেন দুর্যোধনসুখং পাণ্ডবানাং ভয়ং চোদেষ্যতীতি ভাবঃ ॥ 5-163-11 দ্রোণমৃতেপি দ্রোণংবিনাপ্যসহায় এবাহং লোকং হন্যাম্। ততো ভীষ্মবাক্যাৎ। তে তব ভাব এবংভূতো জাত ইত্যর্থঃ ॥ 5-163-12 হন্তা হনিষ্যামি। কুরুবৃদ্ধং ভীষ্মম্ ॥ 5-163-13 যো যুক্তসেনো ধ্বজী রথী তং রক্ষতেতি যোজনা ॥ 5-163-19 দর্শনং কর্ণাদিষু জয়নিশ্চয়ঃ । চক্রং সেনায়া আধিক্যম্ । অপনয়ঃ অস্মাকং দূরীকরণম্ । এতেষাং ফলং দ্রক্ষ্যসি॥ 5-163-25 বেদ বিদ্মি ॥ 5-163-27 হে সুদুর্বুদ্ধে তব ব্যসনং মরণাগমং কথমপি ন প্রেক্ষ্যে ইতি হেতোঃ পঞ্চগ্রামা বৃতা ইতি সংবন্ধঃ ॥ 5-163-41 সাধোঃ দাসভাবং নিয়চ্ছেব নিতরাং যচ্ছেব প্রার্থয়াবহে । তৌ চ আবাং দাসাবদাসৌবেতি যস্য তব যাদৃশং পৌরুষং তত্তথৈব শ্বো দ্রক্ষ্যাব ইতি শেষঃ ॥ 5-163-44 বধাৎ বধহেতোঃ ॥ 5-163-47 পূর্বেষাং চরিতং দ্রোণবধেন পিতৃবৈরপ্রতিয়াতনম্ ॥ 5-163-49 অনাবৃতং বিস্পষ্টম্ ॥উদ্যোগপর্ব - অধ্যায় 164
॥ শ্রীঃ ॥
5.164. অধ্যায়ঃ 164
Mahabharata - Udyoga Parva - Chapter Topics
যুধিষ্ঠিরেণ যুদ্ধায় সেনানির্যাতনম্ ॥ 1 ॥ ধৃষ্টদ্যুম্নেন ভীমাদীনাং দুর্যোধনাদিভিঃ সহ দ্বন্দ্বয়ুদ্ধায় সমাদেশঃ ॥ 2 ॥Mahabharata - Udyoga Parva - Chapter Text
5-164-0 (37550)
সংজয় উবাচ। 5-164-0x (3864)
উলূকস্য বৃত্তঃ শ্রুৎবা কুন্তীপুত্রো যুধিষ্ঠিরঃ।
সেনাং নিয়াপয়ামাস ধৃষ্টদ্যুম্নপুরোগমাম্ ॥ 5-164-1 (37551)
পদাতিনীং নাগবতীং রথিনীমশ্ববৃন্দিনীম্ ।
চতুর্বিধবলাং ভীমামকম্পাং পৃথিবীমিব ॥ 5-164-2 (37552)
ভীমসেনাদিভির্গুপ্তাং সার্জুনৈশ্চ মহারথৈঃ ।
ধৃষ্টদ্যুম্নবশাং দুর্গাং সাগরস্তিমিতোপমাম্ ॥ 5-164-3 (37553)
তস্যাস্ৎবগ্রে মহেষ্বাসঃ পাঞ্চাল্যো যুদ্ধদুর্মদঃ।
দ্রোণপ্রেপ্সুরনীকানি ধৃষ্টদ্যুম্নো ব্যকর্ষত ॥ 5-164-4 (37554)
যথাবলং যথোৎসাহং রথিনঃ সমুপাদিশৎ ।
অর্জুনং সূতপুত্রায় ভীমং দুর্যোধনায় চ ॥ 5-164-5 (37555)
ধৃষ্টকেতুং চ শল্যায় গৌতমায়োত্তমৌজসম্ ।
অশ্বাত্থাম্নে চ নকুলং শৈব্যং চ কৃতবর্মণে ॥ 5-164-6 (37556)
সৈন্ধবায় চ বার্ষ্ণেয়ং যুয়ুধানং সমাদিশৎ।
শিখণ্ডিনং চ ভীষ্মায় প্রমুখে সমকল্পয়ৎ ॥ 5-164-7 (37557)
সহদেবং শকুনয়ে চেকিতানং শলায় বৈ।
দ্রৌপদেয়াংস্তথা পঞ্চ ত্রিগর্তেভ্যঃ সমাদিশৎ ॥ 5-164-8 (37558)
বৃষসেনায় সৌভদ্রং শেষাণাং চ মহীক্ষিতাম্ ।
স সমর্থং হি তং মেনে পার্থাদভ্যধিকং রণে ॥ 5-164-9 (37559)
এবং বিভজ্য যোধাংস্তান্পৃথক্ব সহ চৈব হ ।
জ্বালাবর্ণো মহেষ্বাসো দ্রোণমংশমকল্পয়ৎ ॥ 5-164-10 (37560)
ধৃষ্টদ্যুম্নো মহেষ্বাসঃ সেনাপতিপতিস্ততঃ ।
বিধিবদ্ব্যূহ্য মেধাবী যুদ্ধায় ধৃতমানসঃ ॥ 5-164-11 (37561)
যথোদ্দিষ্টানি সৈন্যানি পাণ্ডবানাময়োজয়ৎ।
জয়ায় পাণ্ডুপুত্রাণাং যত্তস্তস্থৌ রণাজিরে ॥ ॥ 5-164-12 (37562)
ইতি শ্রীমন্মহাভারতে উদ্যোগপর্বণি উলূকদূতাগমনপর্বণি চতুঃষষ্ট্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-164-10 অংশং স্বকীয়মিতি শেষঃ ॥উদ্যোগপর্ব - অধ্যায় 165
॥ শ্রীঃ ॥
5.165. অধ্যায়ঃ 165
Mahabharata - Udyoga Parva - Chapter Topics
ভীষ্মেণ দুর্যোধনায় স্বসামর্থ্যকথনপূর্বকমভয়প্রদানম্ ॥ 1 ॥ তথা দুর্যোধনপ্রশ্নেন স্বসেনায়াং রথাতিরথসংখ্যানম্ ॥ 2 ॥Mahabharata - Udyoga Parva - Chapter Text
5-165-0 (37563)
ধৃতরাষ্ট্র উবাচ। 5-165-0x (3865)
প্রতিজ্ঞাতে ফাল্গুনেন বধে ভীষ্মস্য সংয়ুগে।
কিমকুর্বত মে মন্দাঃ পুত্রা দুর্যোধনাদয়ঃ ॥ 5-165-1 (37564)
হতমেব হি পশ্যামি গাঙ্গেয়ং পিতরং রণে।
বাসুদেবসহায়েন পার্থেন দৃঢধন্বনা ॥ 5-165-2 (37565)
স চাপরিমিতপ্রজ্ঞস্তচ্ছ্রুৎবা পার্থভাষিতম্ ।
কিমুক্তবান্মহেষ্বাসো ভীষ্মঃ প্রহরতাং বরঃ ॥ 5-165-3 (37566)
সৈনাপত্যং চ সংপ্রাপ্য কৌরবাণাং ধুরংধরঃ ।
কিমচেষ্টত গাঙ্গেয়ো মহাবুদ্ধিপরাক্রমঃ ॥ 5-165-4 (37567)
বৈশম্পায়ন উবাচ। 5-165-5x (3866)
ততস্তৎসঞ্জয়স্তস্মৈ সর্বমেব ন্যবেদয়ৎ।
যথোক্তং কুরুবৃদ্ধেন ভীষ্মেণামিততেজসা ॥ 5-165-5 (37568)
সঞ্জয় উবাচ। 5-165-6x (3867)
সৈনাপত্যমনুপ্রাপ্য ভীষ্মঃ শান্তনবো নৃপ।
দুর্যোধনমুবাচেদং বচনং হর্ষয়ন্নিব ॥ 5-165-6 (37569)
নমস্কৃত্য কুমারায় সেনান্যে শক্তিপাণয়ে ।
অহং সেনাপতিস্তেঽদ্য ভবিষ্যামি ন সংশয়ঃ । 5-165-7 (37570)
সেনাকর্মণ্যিজ্ঞোঽস্মি ব্যূহেষু বিবিধেষু চ।
কর্ম কারয়িতুং চৈব ভৃতানপ্যভৃতাংস্তথা ॥ 5-165-8 (37571)
যাত্রায়ানে চ যুদ্ধে চ তথা প্রশমনেষু চ ।
ভৃশং বেদ মহারাজ যথা বেদ বৃহস্পতিঃ ॥ 5-165-9 (37572)
ব্যূহানাং চ সমারম্ভান্দৈবগান্ধর্বমানুষান্।
তৈরহং মোহয়িষ্যামি পাণ্ডবান্ব্যেতু তে জ্বরঃ ॥ 5-165-10 (37573)
সোঽহং যোৎস্যামি তত্ৎবেন পালয়ংস্তব বাহিনীম্ ।
যথাবচ্ছাস্ত্রতো রাজন্ব্যেতু তে মানসো জ্বরঃ ॥ 5-165-11 (37574)
দুর্যোধন উবাচ। 5-165-12x (3868)
বিদ্যতে মে ন গাঙ্গেয় ভয়ং দেবাসুরেষ্বপি ।
সমস্তেষু মহাবাহো সত্যমেতদ্ব্রবীমি তে ॥ 5-165-12 (37575)
কিং পুনস্ৎবয়ি দুর্ধর্পে সৈনাপত্যে ব্যবস্থিতে।
দ্রোণে চ পুরুষব্যাঘ্রে স্থিতে যুদ্ধাভিনন্দিনি ॥ 5-165-13 (37576)
ভবদ্র্যাং পুরুষাগ্র্যাভ্যাং স্থিতাভ্যাং বিজয়ো মম।
ন দুর্লভং কুরুশ্রেষ্ঠ দেবরাজ্যমপি ধ্রুবম্ ॥ 5-165-14 (37577)
রথসঙ্খ্যাং তু কার্ৎস্ন্যেন পরেষামাত্মনস্তথা ।
তথৈবাতিরথানাং চ বেত্তুমিচ্ছামি কৌরব ॥ 5-165-15 (37578)
পিতামহো হি কুশলঃ পরেষামাত্মনস্তথা ।
শ্রোতুমিচ্ছাম্যহং সর্বৈঃ সহৈভির্বসুধাধিপৈঃ ॥ 5-165-16 (37579)
ভীষ্ম উবাচ। 5-165-17x (3869)
গান্ধারে শ্রৃণু রাজেন্দ্র রথসংখ্যাং স্বকে বলে।
যে রথাঃ পৃথিবীপাল তথৈবাতিরথাশ্চ যে ॥ 5-165-17 (37580)
বহূনীহ সহস্রাণি প্রয়ুতান্যর্বুদানি চ।
রথানাং তব সেনায়াং যথামুখ্যং তু মে শ্রুণু ॥ 5-165-18 (37581)
ভবানগ্রে রথোদারঃ সহ সর্বৈঃ সহোদরৈঃ ।
দুঃশাসনপ্রভৃতিভির্ভ্রাতৃভিঃ শতসংমিতৈঃ ॥ 5-165-19 (37582)
সর্বে কৃতপ্রহরণাশ্ছেদভেদবিশারদাঃ ।
রথোপস্থে গজস্কন্ধে গদাপ্রাসাসিচর্মণি ॥ 5-165-20 (37583)
সংয়ন্তারঃ প্রহর্তারঃ কৃতাস্ত্রা ভারসাধনাঃ ।
ইষ্বস্ত্রে দ্রোণশিষ্যাশ্চ কৃপস্য চ শরদ্বতঃ ॥ 5-165-21 (37584)
এতে হনিষ্যন্তি রণে পাঞ্চালান্যুদ্ধদুর্মদান্ ।
কৃতকিল্বিষাঃ পাণ্ডবেয়ৈর্ধার্তরাষ্ট্রা মনস্বিনঃ ॥ 5-165-22 (37585)
তথাঽহং ভরতশ্রেষ্ঠ সর্বসেনাপতিস্তব।
শত্রূন্বিধ্বংসয়িষ্যামি কদর্থীকৃত্য পাণ্ডবান্ ॥ 5-165-23 (37586)
ন ৎবাত্মনো গুণান্বক্তুমর্হামি বিদিতোঽস্মি তে।
কৃতবর্মা ৎবয়িরথো ভোজঃ শস্ত্রভৃতাং বরঃ ॥ 5-165-24 (37587)
অর্থসিদ্ধিং তব রণে করিষ্যতি ন সংশয়ঃ।
শস্ত্রবিদ্ভিরনাধৃষ্যো দূরপাতী দৃঢায়ুধঃ ॥ 5-165-25 (37588)
হনিষ্যতি চমূং তেষাং মহেন্দ্রো দানবানিব ।
মদ্ররাজো মহেষ্বাসঃ শল্যো মেঽতিরথো মতঃ ॥ 5-165-26 (37589)
স্পর্ধতে বাসুদেবেন নিত্যং যো বৈ রণেরণে।
ভাগিনেয়ান্নিজাংস্ত্যক্ৎবা শল্যস্তেঽতিরথো মতঃ।
এষ যোৎস্যতি সংগ্রামে পাণ্ডবাংশ্চ মহারথান্ ॥ 5-165-27 (37590)
সাগরোর্মিসমৈর্বাণৈঃ প্লাবয়ন্নিব শাতবান্ ।
ভূরিশ্রবাঃ কৃতাস্রশ্চ তব চাপি হিতঃ সুহৃৎ ॥ 5-165-28 (37591)
সৌমদত্তির্মহেষ্বাসো রথয়ূথপয়ূথপঃ।
বলক্ষয়মমিত্রাণাং সুমহান্তং করিষ্যতি ॥ 5-165-29 (37592)
সিন্ধুরাজো মহারাজ মতো মে দ্বিগুণো রথাঃ।
যোৎস্যতে সমরে রাজন্বিক্রান্তো রথসত্তমঃ ॥ 5-165-30 (37593)
দ্রৌপদীহরণে রাজন্পরিক্লিষ্টশ্চ পাণ্ডবৈঃ ।
সংস্মরংস্তং পরিক্লেশং যোৎস্যতে পরবীরহা ॥ 5-165-31 (37594)
এতেন হি তদা রাজংস্তপ আস্থায় দারুণম্ ।
সুদুর্লভো বরো লব্ধঃ পাণ্ডবান্যোদ্ধ্রুমাহবে ॥ 5-165-32 (37595)
স এষ রথশার্দূলস্তদ্বৈরং সংস্মরন্রণে।
যোৎস্যতে পাণ্ডবৈস্তাত প্রাণাংস্ত্যক্ৎবা সুদুস্ত্যজান্ ॥ ॥ 5-165-33 (37596)
ইতি শ্রীমন্মহাভারতে উদ্যোগপর্বণি রথাতিরথসংখ্যানপর্বণি পঞ্চষষ্ট্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-165-8 ভৃতান্ বেতনভক্ষকান্। অভৃতান্মৈত্র্যা সমাগতান্ ॥ 5-165-9 যাত্রার্থং যানে প্রয়াণে প্রশমনেষ্ঠ পরাস্ত্রাষ্ণং প্রতীকারেষু বিষয়েষু বেদ বেঞ্চি ॥উদ্যোগপর্ব - অধ্যায় 166
॥ শ্রীঃ ॥
5.166. অধ্যায়ঃ 166
Mahabharata - Udyoga Parva - Chapter Topics
ভীষ্মেণ দুর্যোধনসেনায়াং রথাতিরথসংখ্যানম্ ॥ 1 ॥Mahabharata - Udyoga Parva - Chapter Text
5-166-0 (37597)
ভীষ্ম উবাচ। 5-166-0x (3870)
সুদক্ষিণস্তু কাম্ভোজো রথ একগুণো মতঃ।
তবার্থসিদ্ধিমাকাঙ্ক্ষন্যোৎস্যতে সমরে পরৈঃ ॥ 5-166-1 (37598)
এতস্য রথসিংহস্য তবার্থে রাজসত্তম।
পরাক্রমং যথেন্দ্রস্য দ্রক্ষ্যন্তি কুরবো যুধি ॥ 5-166-2 (37599)
এতস্য রথবংশে হি তিগ্মবেগপ্রহারিণঃ ।
কাম্ভোজানাং মহারাজ শলভানামিবায়তিঃ ॥ 5-166-3 (37600)
নীলো মাহিষ্যতীবাসী নীলবর্মা রথস্তব।
রথবংশেন কদনং শত্রূণাং বৈ করিষ্যতি॥ 5-166-4 (37601)
কৃতবৈরঃ পুরা চৈব সহদেবেন মারিষ।
যোৎস্যতে সততং রাজংস্তবার্থে কুরুনন্দন ॥ 5-166-5 (37602)
বিন্দানুবিন্দাবাবন্ত্যৌ সংমতৌ রথসত্তমৌ ।
কৃতিনৌ সমরে তাত দৃঢবীর্যপরাক্রমৌ ॥ 5-166-6 (37603)
এতৌ তৌ পুরুষব্যাঘ্রৌ রিপুসৈন্যং প্রধক্ষ্যতঃ।
গদাপ্রাসাসিনারাচৈস্তোমরৈশ্চ করচ্যতৈঃ ॥ 5-166-7 (37604)
যুদ্ধাভিকামৌ সমরে ক্রীডন্তাবিব যূথপৌ ।
যূথমধ্যে মহারাজ বিচরন্তৌ কৃতান্তবৎ ॥ 5-166-8 (37605)
ত্রিগর্তা ভ্রাতরঃ পঞ্চ রথোদারা মতা মম।
কৃতবৈরাশ্চ পার্থৈস্তে বিরাটনগরে তদা ॥ 5-166-9 (37606)
মকরা ইব রাজেন্দ্র সমুদ্ধততরঙ্গিণীম্ ।
গঙ্গাং বিক্ষোভয়িষ্যন্তি পার্থানাং যুধি বাহিনী ॥ 5-166-10 (37607)
তে রথাঃ পঞ্চ রাজেন্দ্র যেষাং সত্যরথো মুখম্।
এতে যোৎস্যন্তি সঙ্গ্রামে সংস্মরন্তঃ পুরাকৃতমক্ ॥ 5-166-11 (37608)
ব্যলীকং পাণ্ডবেয়েন ভীমসেনানুজেন হ।
দিশো বিজয়তা রাজঞ্শ্বেতবাহেন ভারত ॥ 5-166-12 (37609)
তে হনিষ্যন্তি পার্থানাং তানাসাদ্য মহারথান্।
বরান্বরান্মহেষ্বাসান্ক্ষত্রিয়াণাং ধুরংধরান্ ॥ 5-166-13 (37610)
লক্ষ্ণণস্তব পুত্রশ্চ তথা দুঃশাসনস্য চ।
উভৌ তৌ পুরুষব্যাঘ্রৌ সংগ্রামেষ্বপলায়িনৌ ॥ 5-166-14 (37611)
তরুণৌ সুকুমারৌ চ রাজপুত্রৌ রতস্বিনৌ ।
যুদ্ধানাং চ বিশেষজ্ঞৌ প্রণেতারৌ চ সর্বশঃ ॥ 5-166-15 (37612)
রথৌ তৌ কুরুশার্দূল মতৌ মে রথসত্তমৌ ।
ক্ষত্রধর্মরতৌ বীরৌ মহৎকর্ম করিষ্যতঃ ॥ 5-166-16 (37613)
দণ্ডধারো মহারাজ রথ একো নরর্ষভ ।
যোৎস্যতে তব সঙ্গ্রামে স্বেন সৈন্যেন পালিতঃ ॥ 5-166-17 (37614)
বৃহদ্বলস্তথা রাজা কৌসল্যো রথসত্তমঃ ।
রথো মম মতস্তাত মহাবেগপরাক্রমঃ ॥ 5-166-18 (37615)
এষ যোৎস্যতি সঙ্গ্রামে স্বান্বন্ধূন্সংপ্রহর্ষয়ন্ ।
উগ্রায়ুধো মহেষ্বাসো ধার্তরাষ্ট্রহিতে রতঃ ॥ 5-166-19 (37616)
কৃপঃ শারদ্বতো রজন্রথয়ূথপয়ূথপঃ।
প্রিয়ান্প্রাণান্পরিত্যজ্য প্রধক্ষ্যতি রিপূংস্তব ॥ 5-166-20 (37617)
গৌতমস্য মহর্ষের্য আচার্যস্য শরদ্বতঃ।
কার্তিকেয় ইবাজয়ঃ শরস্তম্বাৎসুতোঽভবৎ ॥ 5-166-21 (37618)
এষ সেনাঃ সুবহুলা বিবিধায়ুধকার্মুকাঃ ।
অগ্নিবৎসমরে তাত চরিষ্যতি বিনির্দহন্ ॥ ॥ 5-166-22 (37619)
ইতি শ্রীমন্মহাভারতে উদ্যোগপর্বণি রথাতিরথসংখ্যানপর্বণি ষট্ষট্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-166-10 সমুদ্ধততরঙ্গিণীং উচ্ছ্রিতপতাকাং সেনাং উচ্ছ্রিততরঙ্গবতীং গঙ্গাং ॥উদ্যোগপর্ব - অধ্যায় 167
॥ শ্রীঃ ॥
5.167. অধ্যায়ঃ 167
Mahabharata - Udyoga Parva - Chapter Topics
ভীষ্মেণ দুর্যোধনসৈন্যস্য রথাতিরথসংখ্যানম্ ॥ 1 ॥Mahabharata - Udyoga Parva - Chapter Text
5-167-0 (37620)
ভীষ্ম উবাচ। 5-167-0x (3871)
শকুনির্মাতুলস্তেঽসৌ রথ একো নরাধিপ।
প্রয়ুজ্য পাণ্ডবৈর্বৈরং যোৎস্যতে নাত্র সংশয়ঃ ॥ 5-167-1 (37621)
এতস্য সেনা দুর্ধর্ষা সমরে প্রতিয়ায়িনঃ।
বিকৃতায়ুধভূয়িষ্ঠা বায়ুবেগসমা জবে ॥ 5-167-2 (37622)
দ্রোণপুত্রো মহেষ্বাসঃ সর্বানেবাতিধন্বিনঃ ।
সমরে চিত্রয়োধী চ দৃঢাস্ত্রশ্চ মহারথঃ ॥ 5-167-3 (37623)
এতস্য হি মহারাজ যথা গাণ্ডীবধন্বনঃ।
শরাসনবিনির্মুক্তাঃ সংসক্তা যান্তি সায়কাঃ ॥ 5-167-4 (37624)
নৈষ শক্যো ময়া বীরঃ সংখ্যাতুং রথসত্তমঃ ।
নির্দহেদপি লোকাংস্ত্রীনিচ্ছন্নেষ মহারথঃ ॥ 5-167-5 (37625)
ক্রোধস্তেজশ্চ তপসা সংভৃতোশ্রমবাসিনাম্ ।
দ্রোণেনানুগৃহীতশ্চ দিব্যৈরস্ত্রৈরুদারধীঃ ॥ 5-167-6 (37626)
দোষস্ৎবস্য মহানেকো যেনৈব ভরতর্ষভ ।
ন মে রথো নাতিরথো মতঃ পার্থিবসত্তম ॥ 5-167-7 (37627)
জীবিতং প্রিয়মত্যর্থমায়ুষ্কামঃ সদা দ্বিজঃ ।
ন হ্যস্য সদৃশঃ কশ্চিদুভয়োঃ সেনয়োরপি ॥ 5-167-8 (37628)
হন্যাদেকরথেনৈব দেবানামপি বাহিনীম্ ।
বপুষ্মাংস্তলঘোষেণ স্ফোটয়েদপি পর্বতান্ ॥ 5-167-9 (37629)
অসংখ্যেয়গুণো বীরঃ প্রহন্তা দারুণদ্যুতিঃ।
দণ্ডপাণিরিবাসহ্যঃ কালবৎপ্রচরিষ্যতি ॥ 5-167-10 (37630)
যুগান্তাগ্নিসমঃ ক্রোধাৎসিংহগ্রীবো মহাদ্যুতিঃ ।
এষ ভারত যুদ্ধস্য পৃষ্ঠং সংশয়মিষ্যতি ॥ 5-167-11 (37631)
পিতা ৎবস্য মহাতেজা বৃদ্ধোঽপি যুবভির্বরঃ ।
রণে কর্ম মহৎকর্তা অত্র মে নাস্তি সংশয়ঃ ॥ 5-167-12 (37632)
অস্ত্রবেগানিলোদ্ভূতঃ সেনাকক্ষেন্ধনোত্থিতঃ ।
পাণ্ডুপুত্রস্য সৈন্যানি প্রধক্ষ্যতি রণে ধৃতঃ ॥ 5-167-13 (37633)
রথয়ূথপয়ূথানাং যূথপোঽয় নরর্ষভঃ ।
ভরদ্বাজাত্মজঃ কর্তা কর্ম তীব্রং হিতং তব ॥ 5-167-14 (37634)
সর্বমূর্ধাভিষিক্তানামাচার্যঃ স্থবিরো গুরুঃ ।
গচ্ছেদন্তং সৃঞ্জয়ানাং প্রিয়স্ৎবস্য ধনঞ্জয়ঃ ॥ 5-167-15 (37635)
নৈষ জাতু মহেষ্বাসঃ পার্থমক্লিষ্টকারিণম্ ।
হন্যাদাচার্যকং দীপ্তং সংস্মৃত্য গুণনির্জিতম্ ॥ 5-167-16 (37636)
শ্লাঘতে যং সদা বীর পার্থস্য গুণবিস্তরৈঃ ।
পুত্রাদভ্যধিকং চৈনং ভারদ্বাজোঽনুপশ্যতি ॥ 5-167-17 (37637)
হন্যাদেকরথেনৈব দেবগন্ধর্বমানুষান্ ।
একীভূতানপি রণে দিব্যৈরস্ত্রৈঃ প্রতাপবান্ ॥ 5-167-18 (37638)
পৌরবো রাজশার্দূলস্তব রাজন্মহারথঃ ।
মতো মম রথোদারঃ পরবীররথারুজঃ ॥ 5-167-19 (37639)
স্বেন সৈন্যেন মহতা প্রতপঞ্শত্রুবাহিনীম্।
প্রধক্ষ্যতি স পাঞ্চালান্কক্ষমগ্নিগতির্যথা ॥ 5-167-20 (37640)
সত্যশ্রবা রথস্ৎবেকো রাজপুত্রো বৃহদ্বলঃ।
তব রাজন্রিপুবলে কালবৎপ্রচরিষ্যতি॥ 5-167-21 (37641)
এতস্য যোধা রাজেন্দ্র বিচিত্রকবচায়ুধাঃ ।
বিচরিষ্যন্তি সঙ্গ্রামে নিন্ঘন্তঃ শাস্ত্রবাংস্তব ॥ 5-167-22 (37642)
বৃষসেনো রথস্তেঽগ্র্যঃ কর্ণপুত্রো মহারথঃ ।
প্রধক্ষ্যতি রিপূণাং তে বলং তু বলিনাং বরঃ ॥ 5-167-23 (37643)
জঘসন্ধো মহাতেজা রাজন্রথবরস্তব ।
ত্যক্ষ্যতে সমরে প্রাণান্মাধবঃ পরবীরহা ॥ 5-167-24 (37644)
এষ যোৎস্যতি সঙ্গ্রামে গজস্কন্ধবিশারদঃ ।
রথেন বা মাহবাহুঃ ক্ষপয়ঞ্শত্রুবাহিনীম্ ॥ 5-167-25 (37645)
রথ এষ মহারাজ মতো মে রাজসত্তম।
ৎবদর্থে ত্যক্ষ্যতে প্রাণান্সহসৈন্যো মহারণে ॥ 5-167-26 (37646)
এষ বিক্রান্তয়োধী চ চিত্রয়োধী চ সংগরে ।
বীতভীশ্চাপি তে রাজঞ্শত্রুভিঃ সহ যোৎস্যতে ॥ 5-167-27 (37647)
বাহ্লীকোঽতিরথশ্চৈব সমরে চানিবর্তনঃ ।
মম রাজন্মতো যুদ্ধে শূরো বৈবস্বতোপমঃ ॥ 5-167-28 (37648)
ন হ্যেষ সমরং প্রাপ্য নিবর্তেত কথঞ্চন।
যথা সততগো রাজন্স হি হন্যাৎপরান্রণে ॥ 5-167-29 (37649)
সেনাপতির্মহারাজ সত্যবাংস্তে মহারথঃ ।
রণেষ্বদ্ভুতকর্মা চ রথী পররথারুজঃ ॥ 5-167-30 (37650)
এতস্য সমরং দৃষ্ট্বা ন ব্যথাস্তি কথঞ্চন ।
উৎস্ময়ন্নুৎপতত্যেষ পরান্রথপথে স্থিতান্ ॥ 5-167-31 (37651)
এষ চারিষু বিক্রান্তঃ কর্ম সৎপুরুষোচিতম্ ।
কর্তা বিমর্দে সুমহত্ৎবদর্থে পুরুষোত্তমঃ ॥ 5-167-32 (37652)
অলম্বুসো রাক্ষসেন্দ্রঃ ক্রূরকর্মা মহারথঃ ।
হনিষ্যতি পরান্রাজন্পূর্ববৈরমনুস্মরন্ ॥ 5-167-33 (37653)
এষ রাক্ষসসৈন্যানং সর্বেষাং রথসত্তমঃ ।
মায়াবী দৃঢবৈরশ্চ সমরে বিচরিষ্যতি ॥ 5-167-34 (37654)
প্রাগ্জ্যোতিষাধিপো বীরো ভগদত্তঃ প্রতাপবান্ ।
গজাঙ্কুশধরশ্রেষ্ঠো রথে চৈব বিশারদঃ ॥ 5-167-35 (37655)
এতেন যুদ্ধমভবৎপুরা গাণ্ডীবধন্বনঃ ।
দিবসান্সুবহূন্রাজন্নুভয়োর্জয়গৃদ্ধিনোঃ ॥ 5-167-36 (37656)
ততঃ সখায়ং গান্ধারে মানয়ন্পাকশাসনম্ ।
অকরোৎসংবিদং তেন পাণ্ডবেন মহাত্মনা ॥ 5-167-37 (37657)
এষ যোৎস্যতি সঙ্গ্রামে গজস্কন্ধবিশারদঃ ।
ঐরাবতগতো রাজা দেবানামিব বাসবঃ ॥ ॥ 5-167-38 (37658)
ইতি শ্রীমন্মহাভারতে উদ্যোগপর্বণি রথাতিরথসংখ্যানপর্বণি সপ্তষষ্ট্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-167-6 আশ্রমবাসিনামৃষীণাং ক্রোধস্তেজশ্ব তয়োঃ সমুদায়রূপ ইত্যর্থঃ ॥ 5-167-11 পৃষ্ঠং শেষম্ ॥ 5-167-31 উৎস্ময়ন্ হৃষ্যন্ ॥ 5-167-37 সংবিদং মৈত্রীম্ ॥উদ্যোগপর্ব - অধ্যায় 168
॥ শ্রীঃ ॥
5.168. অধ্যায়ঃ 168
Mahabharata - Udyoga Parva - Chapter Topics
ভীষ্মেণ কর্ণস্যার্ধরথৎবে কথিতে তেন ভূষ্মোপালম্ভনপূর্বকং তজ্জীবিতাবধি স্বেন যুদ্ধাকরণপ্রতিজ্ঞা ॥ 1 ॥ ভীষ্মেণ কর্ণগর্হণে দুর্যোধনেন ভীষ্মংপ্রতি সান্ৎবনপূর্বকং পরসেনায়াং রথাতিরথসংখ্যানপ্রার্থনা ॥ 2 ॥Mahabharata - Udyoga Parva - Chapter Text
5-168-0 (37659)
ভীষ্ম উবাচ। 5-168-0x (3872)
অচলো বৃষকশ্চৈব সহিতৌ ভ্রাতরাবুভৌ ।
রথৌ তব দুরাধর্ষৌ শত্রূন্বিধ্বংসয়িষ্যতঃ ॥ 5-168-1 (37660)
বলবন্তৌ নরব্যাঘ্রৌ দৃঢক্রোধৌ প্রহারিণৌ।
গান্ধারমুখ্যৌ তরুণৌ দর্শনীয়ৌ মহাবলৌ ॥ 5-168-2 (37661)
সখা তে দয়িতো নিত্যং য এষ রণকর্কশঃ ।
উৎসাহয়তি রাজংস্ৎবাং বিগ্রহে পাণ্ডবৈঃ সহ ॥ 5-168-3 (37662)
পরুষঃ কত্থনো নীচঃ কর্ণো বৈকর্তনস্ত্রব ।
মন্ত্রী নেতা চ বন্ধুশ্চ মানী চাত্যন্তমুচ্ছ্রিতঃ ॥ 5-168-4 (37663)
এষ নৈব রথঃ পূর্ণো ন চাপ্যতিরথো রণে ।
বিয়ুক্তঃ কবচেনৈষ সহজেন বিচেতনঃ ॥ 5-168-5 (37664)
কুণ্ডলাভ্যাং চ দিব্যাভ্যাং বিয়ুক্তঃ সততং ঘৃণী ।
অভিশাপাচ্চ রামস্য ব্রাহ্মণস্য চ ভাষণাৎ ॥ 5-168-6 (37665)
করণানাং বিয়োগাচ্চ তেন মেঽর্থরথো মতঃ।
নৈষ ফাল্গুনমাসাদ্য পুনর্জীবন্বিমোক্ষ্যতে॥ 5-168-7 (37666)
ততোঽব্রবীৎপুনর্দ্রোণঃ সর্বশস্ত্রভৃতাং বরঃ।
এবমেতদ্যথাঽঽত্থ ৎবং ন মিথ্যাস্তি কদাচন ॥ 5-168-8 (37667)
রণেরণেঽভিমানী চ বিমুখশ্চাপি দৃশ্যতে।
ঘৃণী কর্ণঃ প্রমাদী চ তেন মেঽর্ধরথো মতঃ ॥ 5-168-9 (37668)
সংজয় উবাচ। 5-168-10x (3873)
এতচ্ছ্রুৎবা তু রাধেয়ঃ ক্রোধাদুল্ফাল্য লোচনে ।
উবাচ ভীষ্মং রাধেয়স্তুদন্বাগ্ভিঃ প্রতোদবৎ ॥ 5-168-10 (37669)
পিতামহ যথেষ্টং মাং বাক্শরৈরুপকৃন্তসি ।
অনাগসং সদা দ্বেষাদেবমেব পদেপদে ॥ 5-168-11 (37670)
মর্ষয়ামি চ তৎসর্বং দুর্যোধনকৃতেন বৈ ।
ৎবং তুং মাং মান্যসে মন্দং যথা কাপুরুষং তথা ॥ 5-168-12 (37671)
ভবানর্ধরথো মহ্যং মতো বৈ নাত্র সংশয়ঃ ।
সর্বস্য জগতশ্চৈব গাঙ্গেয়ো ন মৃষা বদেৎ ॥ 5-168-13 (37672)
কুরূণামহিতো নিত্যং ন চ রাজাঽববুধ্যতে ।
কো হি নাম সমানেষু রাজসূদারকর্মসু ॥ 5-168-14 (37673)
তেজোবধমিমং কুর্যাদ্বিভেদয়িষুরাহবে ।
যথা ৎবং গুণবিদ্বেষাদপরাগং চিকীর্ষসি ॥ 5-168-15 (37674)
ন হায়নৈর্ন পলিতৈর্ন বিত্তৈর্ন চ বন্ধুভিঃ ।
মহারয়ৎবং সংখ্যাতুং শক্যং ক্ষত্রস্য কৌরব ॥ 5-168-16 (37675)
বলজ্যেষ্ঠং স্মৃতং ক্ষত্রং মন্ত্রজ্যেষ্ঠা দ্বিজাতয়ঃ ।
ধনজ্যেষ্ঠাঃ স্মৃতা বৈশ্যাঃ শূদ্রাস্তু বয়সাঽধিকাঃ ॥ 5-168-17 (37676)
যথেচ্ছকং স্বয়ং ব্রূয়া রথানতিরথাংস্তথা।
কামদ্বেষসমায়ুক্তো মোহাৎপ্রকুরুতে ভবান্ ॥ 5-168-18 (37677)
দুর্যোধন মহাবাহো সাধু সম্যগবেক্ষ্যতাম্।
ত্যজ্যতাং দুষ্টভাবোঽয়ং ভীষ্মঃ কিল্বিষকৃত্তব ॥ 5-168-19 (37678)
ভিন্না হি সেনা নৃপতে দুঃসন্ধেয়া ভবত্যুত।
মৌলা হি পুরুষব্যাঘ্র কিমু নানাসমুত্থিতাঃ ॥ 5-168-20 (37679)
এষাং দ্বৈধং সমুৎপন্নং যোধানাং যুধি ভারত।
তেজোবধো নঃ ক্রিয়তে প্রত্যক্ষেণ বিশেষতঃ ॥ 5-168-21 (37680)
রথানাং ক্বচ বিজ্ঞানং ক্বচ ভীষ্মোঽল্পচেতনঃ ।
অহমাবারয়িষ্যামি পাণ্ডবানামনীকিনীম্ ॥ 5-168-22 (37681)
আসাদ্য মামমোঘেষুং গমিষ্যন্তি দিশো দশ।
পাণ্ডবাঃ সহপঞ্চালাঃ শার্দূলং বৃষভা ইব ॥ 5-168-23 (37682)
ক্বচ যুদ্ধং বিমর্দো বা মন্ত্রে সুব্যাহৃতানি চ।
ক্বচভীষ্মো গতবয়ামন্দাত্মা কালচোদিতঃ ॥ 5-168-24 (37683)
একাকী স্পর্ধতি নিত্যং সর্বেণ রমতা সহ ।
ন চান্যং পুরুষং কংচিন্মন্যতে মোঘদর্শনঃ ॥ 5-168-25 (37684)
শ্রোতব্যং খলু বৃদ্ধানমিতি শাস্ত্রনিদর্শনম্ ।
ন ৎবেব হ্যতিবৃদ্ধানাং পুনর্বালাহি তে মতাঃ ॥ 5-168-26 (37685)
অহমেকো হনিষ্যামি পাণ্ডবানানীকিনীম্ ।
সুয়ুদ্ধে রাজ্যশার্দূল যশো ভীষ্মং গমিষ্যতি ॥ 5-168-27 (37686)
কৃতঃ সেনাপতিস্ৎবেষ ৎবয়া ভীষ্মো নরাধিপ।
সেনাপতৌ যশো গন্তা ন তু যোধান্কথঞ্চন ॥ 5-168-28 (37687)
নাহং জীবতি গাঙ্গেয়ে যোৎস্যে রাজন্কথঞ্চন।
হতে ভীষ্মে তু যোদ্ধাঽস্মি সর্বৈরেব মহারথৈঃ ॥ 5-168-29 (37688)
ভীষ্ম উবাচ। 5-168-30x (3874)
সমুদ্যতোয়ং ভারো মে সুমহান্সাগরোপমঃ।
ধার্তরাষ্ট্রস্য সংগ্রামে বর্ষপূগাভিচিন্তিতঃ ॥ 5-168-30 (37689)
তস্মিন্নভ্যাগতে কালে প্রতপ্তে রোমহর্ষণে ।
মিথো ভেদো ন মে কার্যস্তেন জীবসি সূতজ ॥ 5-168-31 (37690)
ন হ্যহং ৎবদ্য বিক্রম্য স্থবিরোঽপি শিশোস্তব।
যুদ্ধশ্রদ্ধামহং ছিন্দ্যাং জীবিতস্য চ সূতজ ॥ 5-168-32 (37691)
জামদগ্র্যেন রামেণ মহাস্ত্রাণি বিমুঞ্চতা।
ন মে ব্যথা কৃতা কাচিত্ৎবং তু মে কি করিষ্যসি ॥ 5-168-33 (37692)
কামং নৈতৎপ্রশংসন্তি সন্তঃ স্ববলসংস্তবম্।
বক্ষ্যামি তু ৎবাং সন্তপ্তো নিহীন কুলপাংসন ॥ 5-168-34 (37693)
সমেতং পার্থিবং ক্ষত্রং কাশিরাজস্বয়ংবরে ।
নির্জিত্যৈকরথেনৈব যাঃ কন্যাস্তরসাহৃতাঃ ॥ 5-168-35 (37694)
ঈদৃশানাং সহস্রাণি বিশিষ্টানামথো পুনঃ ।
ময়ৈকেন নিরস্তানি সসৈন্যানি রণাজিরে ॥ 5-168-36 (37695)
ৎবাং প্রাপ্য বৈরপুরুষং কুরূণামনয়ো মহান্।
উপস্থিতো বিনাশায় যতস্ব পুরুষো ভব ॥ 5-168-37 (37696)
যুধ্যস্ব সমরে পার্থং যেন বিস্পর্ধসে সহ ।
দ্রক্ষ্যামি ৎবাং বিনির্মুক্তমস্মাদ্যুদ্ধাৎসুদুর্মতে ॥ 5-168-38 (37697)
তমুবাচ ততো রাজা ধার্তরাষ্ট্রঃ প্রতাপবান্ ।
মাং সমীক্ষস্ব গাঙ্গেয় কার্যং হি মহদুদ্যতম্ ॥ 5-168-39 (37698)
চিন্ত্যতামিদমেকাগ্রং মম নিঃশ্রেয়সং পরম্।
উভাবপি ভবন্তৌ মে মহৎকর্ম করিষ্যতঃ ॥ 5-168-40 (37699)
ভূয়শ্চ শ্রোতুমিচ্ছামি পরেষাং রথসত্তমান্ ।
যে চৈবাতিথাস্তত্র যে চৈব রথয়ূথপাঃ ॥ 5-168-41 (37700)
বলাবলমমিত্রাণাং শ্রোতুমিচ্ছামি কৌরব ।
প্রভাতায়াং রজন্যাং বৈ ইদং যুদ্ধং ভবিষ্যতি ॥ ॥ 5-168-42 (37701)
ইতি শ্রীমন্মহাভারতে উদ্যোগপর্বণি রথাতিরথসংখ্যানপর্বণি অষ্টষষ্ট্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-168-5 বিচেতনঃ মূর্খঃ ॥ 5-168-6 ঘৃণী নিন্দকঃ ॥ 5-168-7 করণানা সহজকবচাদীনাম্ ॥ 5-168-13 ভবান্ কর্ণোঽধরথো মহ্যং মম মত ইতি গাঙ্গেয়ো বদেত্তন্ন মৃষেতি সর্বস্য জগতো মত ইতি সংবন্ধঃ । ৎবদ্বাক্যাৎসর্বেপি মামবমংস্যন্ত ইতি ভাবঃ । গাঙ্গেয় ন মৃষাবদে ইতি খo ঘo পাঠঃ ॥ 5-168-15 অপরায়াং দ্বেষম্ ॥ 5-168-18 প্রকুরুতে প্রকারং ভেদং কুরুতে। প্রকারস্তুল্যভেদয়োরিতি বিশ্বঃ ॥ 5-168- পারংপর্যাগতাঃ তেপি ভিন্নাঃ সন্তো দুঃসধেয়া ভবন্তি নানা পৃথক্ভূতাঃ একককার্যার্থং ...........উদ্যোগপর্ব - অধ্যায় 169
॥ শ্রীঃ ॥
5.169. অধ্যায়ঃ 169
Mahabharata - Udyoga Parva - Chapter Topics
ভীষ্মেণ পাণ্ডবসেনায়াং রথাতিরথসংখ্যানম্ ॥ 1 ॥Mahabharata - Udyoga Parva - Chapter Text
5-169-0 (37702)
ভীষ্ম উবাচ। 5-169-0x (3875)
এতে রথাস্তবাখ্যাতাস্তথৈবাতিরথা নৃপ।
যে চাপ্যর্ধরথা রাজন্পাণ্ডবানামতঃ শ্রৃণু ॥ 5-169-1 (37703)
যদি কৌতূহলং তেঽদ্য পাণ্ডবানাং বলে নৃপ ।
রথসংখ্যাং শৃণুষ্ব ৎবং সহৈভির্বসুধাধিপৈঃ ॥ 5-169-2 (37704)
স্বয়ং রাজা রথোদারঃ পাণ্ডবঃ কুন্তনন্দনঃ ।
অগ্নিবৎসমরে তাত চরিষ্যতি ন সংশয়ঃ ॥ 5-169-3 (37705)
ভীমসেনস্তু রাজেন্দ্র রথোঽষ্টগুণসংমিতঃ ।
ন তস্যাস্তি সমো যুদ্ধে গদয়া সায়কৈরপি ॥ 5-169-4 (37706)
নাগায়ুতবলো মানী তেজসা ন স মানুষঃ ।
মাদ্রীপুত্রো চ রথিনৌ দ্বাবেব পুরুষর্ষভৌ ॥ 5-169-5 (37707)
অশ্বিনাবিব রূপেণ তেজসা চ সমন্বিতৌ।
এতে চমূমুখগতাঃ স্মরন্তঃ ক্লেশমুত্তমম্ ॥ 5-169-6 (37708)
রুদ্রবৎপ্রচরিষ্যন্তি তত্র মে নাস্তি সংশয়ঃ ।
সর্ব এব মহাত্মানঃ সালস্তম্ভা ইবোদ্গতাঃ ॥ 5-169-7 (37709)
প্রাদেশেনাধিকাঃ পুংভিরন্যৈস্তে চ প্রমাণতঃ।
সিংহসংহননাঃ সর্বে পাণ্ডুপুত্রা মহাবলাঃ ॥ 5-169-8 (37710)
চরিতব্রহ্মচর্যাশ্চ সর্বে তাত তপস্বিনঃ।
হ্রীমন্তঃ পুরুষব্যাঘ্রা ব্যাঘ্রা ইব বলোৎকটাঃ ॥ 5-169-9 (37711)
জবে প্রহারে সংমর্দে সর্ব এবাতিমানুষাঃ ।
সর্বৈর্জিতা মহীপালা দিগ্জয়ে ভরতর্ষভ ॥ 5-169-10 (37712)
ন চৈষাং পুরুষাঃ কেচিদায়ুধানি গদাঃ শরান্।
বিষহন্তি সদা কর্তুমধিজ্যান্যপি কৌরব ॥ 5-169-11 (37713)
উদ্যন্তুং বা গদা গুর্বীঃ শরান্বা ক্ষেপ্তুমাহবে ।
জবে লক্ষ্যস্য হরণে ভোজ্যে পাংসুবিকর্ষণে ॥ 5-169-12 (37714)
বালৈরপি ভবন্তস্তৈঃ সর্ব এব বিশেষিতাঃ।
এতৎসৈন্যং সমাসাদ্য সর্ব এব বলোৎকটাঃ ॥ 5-169-13 (37715)
বিধ্বংসয়িষ্যন্তি রণে মা স্ম তৈঃ সহ সংগমঃ ।
একৈকশস্ত সংমর্দে হন্যুঃ সর্বান্মহীক্ষিতঃ ॥ 5-169-14 (37716)
প্রত্যক্ষং তব রাজেন্দ্র রাজসূয়ে যথাভবৎ ।
দ্রৌপদ্যাশ্চ পরিক্লেশং দ্যূতে চ পরুষা গিরঃ ॥ 5-169-15 (37717)
তে স্মরন্তশ্চ সঙ্গ্রামে চরিষ্যন্তি চ রুদ্রবৎ ।
লোহিতাক্ষো গুডাকেশো নারায়ণসহায়বান্ ॥ 5-169-16 (37718)
উভোয়োঃ সেনয়োর্বীরো রথো নাস্তীতি তাদৃশঃ ।
ন হি দেবেষু বা পূর্বং মনুষ্যেষূরগেষু চ ॥ 5-169-17 (37719)
রাক্ষসেষ্বথ যক্ষেষু নরেষু কুত এব তু ।
ভূতোথ বা ভবিষ্যো বা রথঃ কশ্চিন্ময়া শ্রুতঃ ॥ 5-169-18 (37720)
সমায়ুক্তো মহারাজ রথঃ পার্থস্য ধীমতঃ।
বাসুদেবশ্চ সংয়ন্তা যোদ্ধা চৈব ধনঞ্জয়ঃ ॥ 5-169-19 (37721)
গাণ্ডীবং চ ধনুর্দিব্যং তে চাশ্বা বাতরংহসঃ ।
অভেদ্যং কবচং দিব্যমক্ষয়্যৌ চ মহেষুধী ॥ 5-169-20 (37722)
অস্ত্রগ্রামশ্চ মাহেন্দ্রো রৌদ্রঃ কৌবের এবচ ।
যাম্যশ্চ বারুণশ্চৈব গদাশ্চোগ্রপ্রদর্শনাঃ ॥ 5-169-21 (37723)
বজ্রাদীনি চ মুখ্যানি নানাপ্রহরণানি চ ।
দানবানাং সহস্রাণি হিরণ্যপুরবাসিনাম্ ॥ 5-169-22 (37724)
হতান্যেকরথেনাজৌ কস্তস্য সদৃশো রথঃ।
এষ হন্যাদ্ধি সংরম্ভী বলবান্সত্যবিক্রমঃ ॥ 5-169-23 (37725)
তব সেনাং মহাবাহুঃ স্বাং চৈব পরিপালয়ন্।
অহং চৈনং প্রত্যুদিয়ামাচার্যো বা ধনঞ্জয়ম্ ॥ 5-169-24 (37726)
ন তৃতীয়োঽস্তি রাজেন্দ্র সেনয়োরুভয়োরপি ।
য এনং শরবর্ষাণি বর্ষন্তমুদিয়াদ্রথী ॥ 5-169-25 (37727)
জীমূত ইব ঘর্মান্তে মহাবাতসমীরিতঃ ।
সমায়ুক্তস্তু কৌন্তেয়ো বাসুদেবসহায়বান্ ।
তরুণশ্চ কৃতী চৈব জীর্ণাবাবামুভাবপি ॥ 5-169-26 (37728)
বৈশম্পায়ন উবাচ। 5-169-27x (3876)
এতচ্ছ্রুৎবা তু ভীষ্মস্য রাজ্ঞাং দধ্বংসিরে তদা।
কাঞ্চনাঙ্গদিনঃ পীনা ভুজাশ্চন্দনরূষিতাঃ ॥ 5-169-27 (37729)
মনোভিঃ সহ সংবেগৈঃ সংস্মৃত্য চ পুরাতনম্ ।
সামর্থ্যং পাণ্ডবেয়ানাং যথা প্রত্যক্ষদর্শনাৎ ॥ ॥ 5-169-28 (37730)
ইতি শ্রীমন্মহাভারতে উদ্যোগপর্বণি রথাতিরথসংখ্যানপর্বণি একোনসপ্তত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-169-12 ভোজ্যে কৌটিল্যে মর্মপীডনে ইতিয়াবৎ। ভুজ কৌটিল্যেঽস্য রূপম্। পাংসুবিকর্ষণে পাংসুষু বিকর্ষণে ভূমৌ মুষ্টিয়ুদ্ধে ইত্যর্থঃ ॥ 5-169-24 প্রত্যুদিয়াং যুদ্ধে সংমুখঃ স্যাম্ ॥উদ্যোগপর্ব - অধ্যায় 170
॥ শ্রীঃ ॥
5.170. অধ্যায়ঃ 170
Mahabharata - Udyoga Parva - Chapter Topics
ভীষ্মেণ পাণ্ডবসেনায়াং রথাতিরথসংখ্যানম্ ॥ 1 ॥Mahabharata - Udyoga Parva - Chapter Text
5-170-0 (37731)
ভীষ্ণ উবাচ। 5-170-0x (3877)
দ্রৌপদেয়া মহারাজ সর্বে পঞ্চ মহারথাঃ ।
বৈরাটিরুত্তরশ্চৈব রথোদারো মতো মম ॥ 5-170-1 (37732)
অভিমন্যুর্মহাবাহূ রথয়ূথময়ূথপঃ ।
সমঃ পার্থেন সমরে বাসুদেবেন চারিহা ॥ 5-170-2 (37733)
লঘ্বস্ত্রশ্চিত্রয়োধী চ মনস্বী চ দৃঢব্রতঃ ।
সংস্মরন্বৈ পরিক্লেশং স্বপিতুর্বিক্রমিষ্যতি ॥ 5-170-3 (37734)
সাত্যকির্মাধবঃ শূরো রথয়ূথপয়ূথপঃ।
এষ বৃষ্ণিপ্রবীরাণামমর্ষী জিতসাধ্বসঃ ॥ 5-170-4 (37735)
উত্তমৌজাস্তথা রাজন্রথোদারো মতো মম ।
যুধামন্যুশ্চ বিক্রান্তো রথোদারো মতো মম ॥ 5-170-5 (37736)
এতেষাং বহুসাহস্রা রথা নাগা হয়াস্তথা ।
যোৎস্যন্তে তে তনূস্ত্যক্ৎবা কুন্তীপুত্রপ্রিয়েপ্সয়া ॥ 5-170-6 (37737)
পাণ্ডবৈঃ সহ রাজেন্দ্র তব সেনাসু ভারত।
অগ্নিমারুতবদ্রাজন্নাহ্বয়ন্তঃ পরস্পরম্ ॥ 5-170-7 (37738)
অজেয়ৌ সমরে বৃদ্ধৌ বিরাটদ্রুপদৌ তথা।
মহারথৌ মহাবীর্যৌ মতৌ মে পুরুষর্ষভৌ ॥ 5-170-8 (37739)
বয়োবৃদ্ধাবপি হি তৌ ক্ষত্রধর্মপরায়ণৌ ।
যতিষ্যেতে পরং শক্ত্যা স্থিতৌ বীরগতে পথি ॥ 5-170-9 (37740)
সংবন্ধিকেন রাজেন্দ্র তৌ তু বীর্যবলান্বয়াৎ ।
আর্যবৃত্তৌ মহেষ্বাসৌ স্নেহবীর্যসিতাবুভৌ ॥ 5-170-10 (37741)
কারণং প্রাপ্য তু নরাঃ সর্ব এব মহাভুজাঃ ।
শূরা বা কাতরা বাপি ভবন্তি কুরুপুঙ্গব ॥ 5-170-11 (37742)
একায়নগতাবেতৌ পার্থিবৌ দৃঢধন্বিনৌ ।
প্রাণাংস্ত্যক্ৎবা পরং শক্ত্যা ঘট্টিতারৌ পরন্তপ ॥ 5-170-12 (37743)
পৃথগক্ষৌহিণীভ্যাং তাবুভৌ সংয়তি দারুণৌ ।
সংবন্ধিভাবং রক্ষন্তৌ মহৎকর্ম করিষ্যতঃ ॥ 5-170-13 (37744)
লোকবীরৌ মহেষ্বাসৌ ত্যক্তাত্মানৌ চ ভারত।
প্রত্যযং পরিরক্ষন্তৌ মহৎকর্ম করিষ্যতঃ ॥ ॥ 5-170-14 (37745)
ইতি শ্রীমন্মহাভারতে উদ্যোগপর্বণি রথাতিরথসংখ্যানপর্বণি সপ্তত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-170-9 বীরগতে বীরৈরনুসৃতে ॥ 5-170-10 সিতৌ বদ্ধৌ ॥উদ্যোগপর্ব - অধ্যায় 171
॥ শ্রীঃ ॥
5.171. অধ্যায়ঃ 171
Mahabharata - Udyoga Parva - Chapter Topics
ভীষ্মেণ পাণ্ডবসেনায়াং রথাতিরথসংখ্যানম্ ॥ 1 ॥Mahabharata - Udyoga Parva - Chapter Text
5-171-0 (37746)
ভীষ্ম উবাচ। 5-171-0x (3878)
পাঞ্চালরাজস্য সুতো রাজন্পরপুরংজয়ঃ ।
শিখণ্ডী রথমুখ্যো মে মতঃ পার্থস্য ভারত ॥ 5-171-1 (37747)
এষ যোৎস্যতি সংগ্রামে নাশয়ন্পূর্বসংস্থিতম্ ।
পরং যশো বিপ্রথয়ংস্তব সেনাসু ভারত ॥ 5-171-2 (37748)
এতস্য বহুলাঃ সেনাঃ পাঞ্চালাশ্চ প্রভদ্রকাঃ ।
তেনাসৌ রথবংশেন মহৎকর্ম করিষ্যতি ॥ 5-171-3 (37749)
ধৃষ্টদ্যুম্নশ্চ সেনানীঃ সর্বসেনাসু ভারত ।
মতো মেঽতিরথো রাজন্দ্রোণশিষ্যো মহারথঃ ॥ 5-171-4 (37750)
এষ যোৎস্যতি সংগ্রামে সূদয়ন্বৈ পরান্রণে।
ভগবানিব সংক্রুদ্ধঃ পিনাকী যুগসংক্ষয়ে ॥ 5-171-5 (37751)
এতস্য তদ্রথানীকং কথয়ন্তি রণপ্রিয়াঃ ।
বহুৎবাৎসাগরপ্রখ্যং দেবানামিব সংয়ুগে ॥ 5-171-6 (37752)
ক্ষত্রধর্মা তু রাজেন্দ্র মতো মেঽর্ধরথো নৃপ।
ধৃষ্টদ্যুম্নস্য তনয়ো বাল্যান্নাতিকৃতশ্রমঃ ॥ 5-171-7 (37753)
শিশুপালসুতো বীরশ্চেদিরাজো মহারথঃ।
ধৃষ্টকেতুর্মহেষ্বাসঃ সংবন্ধী পাণ্ডবস্য হ ॥ 5-171-8 (37754)
এষ চেদিপতিঃ শূরঃ সহ পুত্রেণ ভারত ।
মহারথানাং সুকরং মহৎকর্ম করিষ্যতি ॥ 5-171-9 (37755)
ক্ষত্রধর্মরতো মহ্যং মতঃ পরপুরংজয়ঃ ।
ক্ষত্রদেবস্তু রাজেন্দ্র পাণ্ডবেষু রথোত্তমঃ ॥ 5-171-10 (37756)
জয়ন্তশ্চামিতৌজাশ্চ সত্যজিচ্চ মহারথঃ ।
মহারথা মহাত্মানঃ সর্বে পাঞ্চালসত্তমাঃ ॥ 5-171-11 (37757)
যোৎস্যন্তে সমরে তাত সংরব্ধা ইব কুঞ্জরাঃ ।
অজো ভোজশ্চ বিক্রান্তৌ পাণ্ডবার্থে মহারথৌ ॥ 5-171-12 (37758)
যোৎস্যেতে বলিনৌ শূরৌ পরং শক্ত্যা যতিষ্যতঃ।
শীঘ্রাস্ত্রাশ্চিত্রয়োদ্ধারঃ কৃতিনো দৃঢবিক্রমাঃ ॥ 5-171-13 (37759)
কেকয়াঃ পঞ্চ রাজেন্দ্র ভ্রাতরো দৃঢবিক্রমাঃ ।
সর্বে চৈব রথোদারাঃ সর্বে লোহিতকধ্বজাঃ ॥ 5-171-14 (37760)
কাশিকঃ সুকুমারশ্চ নীলো যশ্চাপরো নৃপ ।
সূর্যদত্তশ্চ শঙ্খশ্চ মদিরাশ্বশ্চ নামতঃ ॥ 5-171-15 (37761)
সর্ব এব রথোদারাঃ সর্বে চাহবলক্ষণাঃ ।
সর্বাস্ত্রবিদুষঃ সর্বে মহাত্মানো মতা মম ॥ 5-171-16 (37762)
বার্ধক্ষেমির্মহারাজ মতো মম মহারথঃ ।
চিত্রায়ুঘশ্চ নৃপতির্মতো মে রথসত্তমঃ ॥ 5-171-17 (37763)
স হি সঙ্গ্রামশোভী চ ভক্তশ্চাপি কিরীটিনঃ ।
চেকিতানঃ সত্যধৃতিঃ পাণ্ডবানাং মহারথৌ ।
দ্বাবিমৌ পুরুষব্যাঘ্রৌ রথোদারৌ মতৌ মম ॥ 5-171-18 (37764)
ব্যাঘ্রদত্তশ্চ রাজেন্দ্র চন্দ্রসেনশ্চ ভারত।
মতৌ মম রথোদারৌ পাণ্ডবানাং ন সংশয়ঃ ॥ 5-171-19 (37765)
সেনাবিন্দুশ্চ রাজেন্দ্র ক্রোধহন্তা চ নামতঃ ।
যঃ সমো বাসুদেবেন ভীমসেনেন বা বিভো ॥ 5-171-20 (37766)
স যোৎস্যতি হি বিক্রম্য সমরে তব সৈনিকৈঃ ।
মাং চ দ্রোণং কৃপং চৈব যথা সংমন্যতে ভবান্ ॥ 5-171-21 (37767)
তথা স সমরশ্লাঘী মন্তব্যো রথসত্তমঃ ।
কাশ্যঃ পরমশীঘ্রাস্ত্রঃ শ্লাঘনীয়ো নরোত্তমঃ ॥ 5-171-22 (37768)
রথ একগুণো মহ্যং জ্ঞেয়ঃ পরপুরংজয়ঃ ।
অয়ং চ যুধি বিক্রান্তো মন্তব্যোষ্টগুণো রথঃ ॥ 5-171-23 (37769)
সত্যজিৎসমরশ্লাঘী দ্রুপদস্যাত্মজো যুবা ।
গতঃ সোঽতিরথৎবং হি ধৃষ্টদ্যুম্নেন সংমিতঃ ॥ 5-171-24 (37770)
পাণ্ডবানাং যশস্কামঃ পরং কর্ম করিষ্যতি ।
অনুরক্তাশ্চ শূরশ্চ রথোঽয়মপরো মহান্ ॥ 5-171-25 (37771)
পাণ্ড্যরাজো মহাবীর্যঃ পাণ্ডবানাং ধুরংধরঃ ।
দৃঢধন্বা মহেষ্বাসঃ পাণ্ডবানাং মহারথঃ ॥ 5-171-26 (37772)
শ্রেণিমান্কৌরবশ্রেষ্ঠ বসুদানশ্চ পার্থিবঃ ।
উভাবেতাবতিরথৌ মতৌ পরপুরংজয়ৌ ॥ ॥ 5-171-27 (37773)
ইতি শ্রীমন্মহাভারতে উদ্যোগপর্বণি রথাতিরথসংখ্যানপর্বণি একসপ্তত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-171-2 নাশয়ন্ পূর্বসংস্থিতং প্রাচীনং স্ত্রীৎবেনাবস্থানং অদর্শয়ন্। পৌরুষং দর্শয়ন্নিত্যর্থঃ ॥ 5-171-13 শক্ত্যা ক্ষয়িষ্যত ইতি ডo ঝo পাঠঃ। ক্ষয়িষ্যতঃ সামর্থ্য দর্শয়িষ্যতঃ। ঐশ্বর্যার্থোয়ং ক্ষয়তিঃ ॥ 5-171-16 বিদুষঃ বিদ্বাংসঃ ॥উদ্যোগপর্ব - অধ্যায় 172
॥ শ্রীঃ ॥
5.172. অধ্যায়ঃ 172
Mahabharata - Udyoga Parva - Chapter Topics
ভীষ্মেণ দুর্যোধনংপ্রতি শিখণ্ডিনঃ স্ত্রীপূর্বৎবমভিধায় তেন সহ যুদ্ধাকরণপ্রতিজ্ঞা ॥ 1 ॥Mahabharata - Udyoga Parva - Chapter Text
5-172-0 (37774)
ভীষ্ম উবাচ। 5-172-0x (3879)
রোচমানো মহারাজ পাণ্ডবানাং মহারথঃ।
যোৎস্যতেঽমরবৎসংখ্যে পরসৈন্যেষু ভারত ॥ 5-172-1 (37775)
পুরুজিৎকৃন্তিভোজশ্চ মহেষ্বাসো মহাবলঃ ।
মাতুলো ভীমসেনস্য স চ মেঽতিরথো মতঃ ॥ 5-172-2 (37776)
এষ বীরো মহেষ্বাসঃ কৃতী চ নিপুণশ্চ হ ।
চিত্রয়োধী চ শক্তশ্চ মতো মে রথপুঙ্গবঃ ॥ 5-172-3 (37777)
স যোৎস্যতি হি বিক্রম্য মঘবানিব দানবৈঃ ।
যোধা যে চাস্য বিখ্যাতাঃ সর্বে যুদ্ধবিশারদাঃ ॥ 5-172-4 (37778)
ভাগিনেয়কৃতে বীরঃ স করিষ্যতি সংগরে ।
সুমহৎকর্ম পাণ্ডূনাং স্থিতঃ প্রিয়হিতে রতঃ ॥ 5-172-5 (37779)
ভৈমসেনির্মহারাজ হৈডিম্বো রাক্ষসেশ্বরঃ ।
মতো মে বহুমায়াবী রথয়ূথপয়ূথপঃ ॥ 5-172-6 (37780)
যোৎস্যতে সমরে তাত মায়াবী সমরপ্রিয়ঃ ।
যে চাস্য রাক্ষসা বীরাঃ সচিবা বশবর্তিনঃ ॥ 5-172-7 (37781)
এতে চান্যে চ বহবো নানাজনপদেশ্বরাঃ ।
সমেতাঃ পাণ্ডবস্যার্থে বাসুদেবপুরোগমাঃ ॥ 5-172-8 (37782)
এতে প্রাধান্যতো রাজন্পাণ্ডবস্য মহাত্মনঃ ।
রথাশ্চাতিরথাশ্চৈব যে চান্যেঽর্ধংরথা নৃপ ॥ 5-172-9 (37783)
নেষ্যন্তি সমরে সেনাং ভীমাং যৌধিষ্ঠিরীং নৃপ ।
মহেন্দ্রেণেব বীরেণ পাল্যমানাং কিরীটিনা ॥ 5-172-10 (37784)
তৈরহং সমরে বীর মায়াবিদ্ভির্জয়ৈষিভিঃ ।
যোৎস্যামি জয়মাকাঙ্ক্ষন্নথ বা নিধনং রণে ॥ 5-172-11 (37785)
বাসুদেবং চ পার্থং চ চক্রগাণ্ডীবধারিণৌ ।
সন্ধ্যাগতাবিবার্কেন্দূ সভেষ্যেতে রথোত্তমৌ ॥ 5-172-12 (37786)
যং চৈব তে রথোদারাঃ পাণ্ডুপুত্রস্য সৈনিকাঃ ।
সহ সৈন্যানহং তাংশ্চ প্রতীয়াং রণমূর্ধনি ॥ 5-172-13 (37787)
এতে রথাশ্চাতিরথাশ্চ তুভ্যং
যথাপ্রধানং নৃপ কীর্তিতা ময়া।
তথা পরে যেঽর্ধরথাশ্চ কেচি-
ত্তথৈংব তেষামপি কৌরবেন্দ্র ॥ 5-172-14 (37788)
অর্জুনং বাসুদেবং চ যে চান্যে তত্র পার্থিবাঃ।
সর্বাংস্তান্বারয়িষ্যামি যাবদ্দ্রক্ষ্যামি ভারত ॥ 5-172-15 (37789)
পাঞ্চাল্যং তু মহাবাহো নাহং হন্যাং শিখণ্ডিনম্ ।
উদ্যতেষমথো দৃষ্ট্বা প্রতিয়ুধ্যন্তমাহবে ॥ 5-172-16 (37790)
লোকস্তং বেদ যদহং পিতুঃ প্রিয়চিকীর্ষয়া ।
প্রাপ্তং রাজ্যং পরিত্যজ্য ব্রহ্মচর্যব্রতে স্থিতঃ ॥ 5-172-17 (37791)
চিত্রাঙ্গদং কৌরবাণামাধিপত্যেঽভ্যষেচয়ম্।
বিচিত্রবীর্যং চ শিশুং যৌবরাজ্যেঽভ্যষেচয়ম্ ॥ 5-172-18 (37792)
দেবব্রতৎবং বিজ্ঞাপ্য পৃথিবীং সর্বরাজসু ।
নৈব হন্যাং স্ত্রিয়ং জাতু ন স্ত্রীপূর্বং কদাচন ॥ 5-172-19 (37793)
স হি স্ত্রীপূর্বকো রাজঞ্শিখণ্ডী যদি তে শ্রুতঃ ।
কন্যা ভূৎবা পুমাঞ্চাতো ন যোৎস্যে তেন ভারত ॥ 5-172-20 (37794)
সর্বাংস্ৎবন্যান্হনিষ্যামি পার্থিবান্ভরতর্ষভ ।
যান্সমেষ্যামি সমরে ন তু কুন্তীসুতান্নৃপ ॥ ॥ 5-172-21 (37795)
ইতি শ্রীমন্মহাভারতে উদ্যোগপর্বণি রথাতিরথসংখ্যানপর্বণি দ্বিসপ্তত্যধিকশততমোঽধ্যায়ঃ ॥ ॥ সমাপ্তং চ রথাতিরথসংখ্যানপর্ব ॥
Mahabharata - Udyoga Parva - Chapter Footnotes
5-172-19 দেবব্রতৎবং ব্রহ্মচারিব্রতবত্ৎবম্ ॥উদ্যোগপর্ব - অধ্যায় 173
॥ শ্রীঃ ॥
5.173. অধ্যায়ঃ 173
Mahabharata - Udyoga Parva - Chapter Topics
শিখণ্ডিনোঽসংহরণকারণপ্রশ্নে তৎকথনায় ভীষ্মেণ দুর্যোধনংপ্রতি অম্বোপাখ্যানকথনারম্ভঃ ॥ 1 ॥ তথা স্বয়ংবরে স্বেন অম্বাদিকন্যাত্রয়হরণকথনম্ ॥ 2 ॥Mahabharata - Udyoga Parva - Chapter Text
5-173-0 (37796)
দুর্যোধনং উবাচ। 5-173-0x (3880)
কিমর্থং ভরতশ্রেষ্ঠ নৈব হন্যাঃ শিখণ্ডিনম্ ।
উদ্যতেষুমথো দৃষ্ট্বা সমরেষ্বাততায়িনম্ ॥ 5-173-1 (37797)
পূর্বমুক্ৎবা মহাবাহো পাঞ্চালান্সহ সোমকৈঃ ।
হনিষ্যামীতি গাঙ্গেয় তন্মে ব্রূহি পিতামহ ॥ 5-173-2 (37798)
ভীষ্ম উবাচ। 5-173-3x (3881)
শ্রৃণু দুর্যোধন কথাং সহৈভির্বসুধাধিপৈঃ ।
যদর্থং যুধি সংপ্রেক্ষ্য নাহং হন্যাং শিখণ্ডিনম্ ॥ 5-173-3 (37799)
মহারাজো মম পিতা শান্তনুর্লোকবিশ্রুতঃ ।
দিষ্টান্তমাপ ধর্মাত্মা সময়ে ভরতর্ষভ ॥ 5-173-4 (37800)
ততোঽহং ভরতশ্রেষ্ঠ প্রতিজ্ঞাং পরিপালয়ন্ ।
চিত্রাঙ্গদং ভ্রাতরং বৈ মহারাজ্যেঽভ্যপেচয়ম্ ॥ 5-173-5 (37801)
তস্মিংশ্চ নিধনং প্রাপ্তে সত্যবত্যা মতে স্থিতঃ ।
বিচিত্রবীর্যং রাজানমভ্যষিঞ্চং যথাবিধি ॥ 5-173-6 (37802)
ময়াঽভিষিক্তো রাজেন্দ্র যবীয়ানপি ধর্মতঃ ।
বিচিত্রবীর্যো ধর্মাত্মা মামেব সমুদৈক্ষত ॥ 5-173-7 (37803)
তস্য দারক্রিয়াং তাত চিকীর্ষুরহমপ্যুত ।
অনুরূপাদিব কুলাদিত্যেব চ মনো দধে ॥ 5-173-8 (37804)
তথাঽশ্রৌষং মহাবাহো তিস্রঃ কন্যাঃ স্বয়ংবরে ।
রূপেণাপ্রতিমাঃ সর্বাঃ কাশিরাজসুতাস্তদা ।
অম্বাং চৈবাম্বিকাং চৈব তথৈবাম্বালিকামপি ॥ 5-173-9 (37805)
রাজানশ্চ সমাহূতাঃ পৃথিব্যাং ভরতর্ষভ।
অম্বা জ্যেষ্ঠাভবত্তাসামম্বিকা ৎবথ মধ্যমা ॥ 5-173-10 (37806)
অম্বালিকা চ রাজেন্দ্র রাজকন্যা যবীয়সী ।
সোঽহমেকরথেনৈব গতঃ কাশিপতেঃ পুরীম্ ॥ 5-173-11 (37807)
অপশ্যং তা মহাবাহো তিস্রঃ কন্যাঃ স্বলঙ্কৃতাঃ।
রাজ্ঞশ্চৈব সমাহূতান্পার্থিবান্পৃথিবীপতে ॥ 5-173-12 (37808)
ততোঽহং তান্নৃপান্সর্বানাহূয় সমরে স্থিতান্।
রথমারোপয়াঞ্চক্রে কন্যাস্তা ভরতর্ষভ ॥ 5-173-13 (37809)
বীর্যশুল্কাশ্চ তা জ্ঞাৎবা সমারোপ্য রথং তদা।
অবোচং পার্থিবান্সর্বানহং তত্র সমাগতান্।
ভীষ্মঃ শান্তনবঃ কন্যা হরতীতি পুনঃপুনঃ ॥ 5-173-14 (37810)
তে যতধ্বং পরং শক্ত্যা সর্বে মোক্ষায় পার্থিবাঃ ।
প্রসহ্য হি হরাম্যেষ মিষতাং বো নরর্ষভাঃ ॥ 5-173-15 (37811)
ততস্তে পৃথিবীপালাঃ সমুৎপতুরুদায়ুধাঃ ।
যোগো যোগ ইতি ক্রুদ্ধাঃ সারথীনভ্যচোদয়ন্ ॥ 5-173-16 (37812)
তে রথৈর্গসঙ্কাশৈর্গজৈশ্চ গজয়োধিনঃ।
পুষ্টৈশ্বাশ্বৈর্মহীপালাঃ সমুৎপেতুরুদায়ুধাঃ ॥ 5-173-17 (37813)
ততস্তে মাং মহীপালাঃ সর্ব এব বিশাং পতে।
রথব্রাতেন মহতা সর্বতঃ পর্যবারয়ন্ ॥ 5-173-18 (37814)
তানহং শরবর্ষেণ সমন্তাৎপর্যবারয়ম্ ।
সর্বান্নৃপাংশ্চাপ্যজয়ং দেবরাডিব দানবান্ ॥ 5-173-19 (37815)
অপাতয়ং শরৈর্দীপ্তৈঃ প্রহসন্ভরতর্ষভ ।
তেষামাপততাং চিত্রান্ধ্বজান্হেমপরিষ্কৃতান্ ॥ 5-173-20 (37816)
একৈকেন হি বাণেন ভূমৌ পাতিতবানহম্ ।
হয়াংস্তেষাং গজাংশ্চৈব সারথীংশ্চাপ্যহং রণে ॥ 5-173-21 (37817)
তে নিবৃত্তাশ্চ ভগ্নাশ্চ দৃষ্ট্বা তল্লাঘবং মম। 5-173-22b`প্রণিপেতুশ্চ সর্বে বৈ প্রশশংসুশ্চ পার্থিবাঃ॥ 5-173-22 (37818)
তত আদায় তাঃ কন্যা নৃপতীংশ্চ বিসৃজ্য তান্।'
অথাঽহং হাস্তিনপুরমায়াং জিৎবা মহীক্ষিতঃ ॥ 5-173-23 (37819)
ততোঽহং তাশ্চ কন্যা বৈ ভ্রাতুরর্থায় ভারত।
তচ্চ কর্ম মহাবাহো সত্যবত্যৈ ন্যবেদয়ম্ ॥ ॥ 5-173-24 (37820)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি ত্রিসপ্তত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-173-4 দিষ্টান্তং মরণম্ ॥উদ্যোগপর্ব - অধ্যায় 174
॥ শ্রীঃ ॥
5.174. অধ্যায়ঃ 174
Mahabharata - Udyoga Parva - Chapter Topics
ভীষ্মেণ বিচিত্রবীর্যস্য কন্যাত্রয়েণ বিবাহপ্রয়তনে অম্বয়া স্বস্য সাল্বকামৎবকথনপূর্বকং তৎসমীপগমনে ভীষ্মংপ্রত্যনুজ্ঞায়াচনম্ ॥ 1 ॥Mahabharata - Udyoga Parva - Chapter Text
5-174-0 (37821)
ভীষ্ম উবাচ। 5-174-0x (3882)
ততোঽহং ভরতশ্রেষ্ঠ মাতরং বীরমাতরম্ ।
অভিগম্যোপসংগৃহ্য দাশেয়ীমিদমব্রুবম্ ॥ 5-174-1 (37822)
ইমাঃ কাশিপতেঃ কন্যা ময়া নির্জিত্য পার্থিবান্ ।
বিচিত্রবীর্যস্য কৃতে বীর্যশুল্কা হৃতা ইতি ॥ 5-174-2 (37823)
ততো মূর্ধন্যুপাঘ্রায় পর্যশ্রুনয়না নৃপ।
আহ সত্যবতী হৃষ্টা দিষ্ট্যা পুত্র জিতং ৎবয়া ॥ 5-174-3 (37824)
সত্যবত্যাস্ৎবনুমতে বিবাহে সমুপস্থিতে।
উবাচ বাক্যং সব্রীডা জ্যেষ্ঠা কাশিপতেঃ সুতা ॥ 5-174-4 (37825)
ভীষ্ম ৎবমসি ধর্মজ্ঞঃ সর্বশাস্ত্রবিশারদঃ ।
শ্রুৎবা চ বচনং ধর্ম্যং মহ্যং কর্তুমিহার্হসি ॥ 5-174-5 (37826)
ময়া সাল্বপত্তিঃ পূর্বং মনসাঽভিবৃতো বরঃ।
তেন চাস্মি বৃতা পূর্বং রহস্যবিদিতে পিতুঃ ॥ 5-174-6 (37827)
কথং মামন্যকামাং ৎবং রাজধর্মমতীত্য বৈ ।
বাসয়েথা গৃহে ভীষ্ম কৌরবঃ সন্বিশেষতঃ ॥ 5-174-7 (37828)
এতদ্বুদ্ধ্যা বিনিশ্চিত্য মনসা ভরতর্ষভ ।
যৎক্ষমং তে মহাবাহো তদিহারব্ধুমর্হসি ॥ 5-174-8 (37829)
স মাং প্রতীক্ষতে ব্যক্তং সাল্বরাজো বিশাংপতে ।
তস্মান্মাং ৎবং কুরুশ্রেষ্ঠ সমনুজ্ঞাতুমর্হসি ॥ 5-174-9 (37830)
কৃপাং কুরু মহাবাহো ময়ি ধর্মভৃতাং বর।
ৎবং হি সত্যব্রতো বীর পৃথিব্যামিতি নঃ শ্রুতম্ ॥ ॥ 5-174-10 (37831)
ইতি শ্রীমন্মহাভারতে উদ্যোগপর্বণি অম্বোপাখ্যনপর্বণি চতুঃসপ্তত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-174-1 উপসংগৃহ্য পাদয়োঃ পতিৎবা॥ 5-175-5 মহ্যং মম ॥উদ্যোগপর্ব - অধ্যায় 175
॥ শ্রীঃ ॥
5.175. অধ্যায়ঃ 175
Mahabharata - Udyoga Parva - Chapter Topics
ভীষ্মানুজ্ঞয়া সাল্বং গতায়া অম্বায়াস্তেন পরিত্যাগঃ ॥ 1 ॥ অম্বয়া ভীষ্মস্য প্রতিচিকীর্ষয়া তাপসাশ্রমমেত্য তেষু স্ববৃত্তান্তনিবেদনম্ ॥ 2 ॥Mahabharata - Udyoga Parva - Chapter Text
5-175-0 (37832)
ভীষ্ম উবাচ। 5-175-0x (3883)
ততোঽহং সমনুজ্ঞাপ্য কালীং গন্ধবতীং তদা।
মন্ত্রিণশ্চর্ৎবিজশ্চৈব তথৈব চ পুরোহিতান্।
সমনুজ্ঞামিষং কন্যামম্বাং জ্যেষ্ঠাং নরাধিপ ॥ 5-175-1 (37833)
অনুজ্ঞাতা যয়ৌ সা তু কন্যা সাল্বপতেঃ পুরম্।
বৃদ্ধৈর্দ্বিজাতিভির্গুপ্তা ধাত্র্যা চানুগতা তদা ॥ 5-175-2 (37834)
অতীত্য চ তমধ্বানমাসমাদ নরাধিপম ।
সা তমাসাদ্য রাজানং সাল্বং বচনমব্রবীৎ ॥ 5-175-3 (37835)
আগতাহং মহাবাহো ৎবামুদ্দিশ্য মহামতে।
`অভিনন্দস্ব মাং রাজন্সদা প্রিয়হিতে রতাম্॥ 5-175-4 (37836)
প্রতিপাদয় মাং রাজন্ধর্মাদীংশ্চর ধর্মতঃ ।
ৎবং হি মে মনসা ধ্যাতস্ৎবয়া চাপ্যুপমন্ত্রিতা ॥ 5-175-5 (37837)
ভীষ্ম উবাচ।' 5-175-6x (3884)
তামব্রবীৎসাল্বপতিঃ স্ময়ন্নিব বিশাংপতে।
ৎবয়াঽন্যপূর্বয়া নাহং ভার্যার্থী বরবর্ণিনি ॥ 5-175-6 (37838)
গচ্ছ ভদ্রে পুনস্তত্র সকাশং ভীষ্মকস্য বৈ।
নাহমিচ্ছামি ভীষ্মেণ গৃহীতাং ৎবাং প্রসহ্য বৈ ॥ 5-175-7 (37839)
ৎবং হি ভীষ্মেণ নির্জিত্য নীতা প্রীতিমতী তদা।
পরামৃশ্য মহায়ুদ্ধে নির্জিত্য পৃথিবীপতীন্ ॥ 5-175-8 (37840)
নাহং ৎবয়্যন্যপূর্বায়াং ভার্যার্থী বরবর্ণিনি ।
কথমস্মদ্বিধো রাজা পরপূর্বাং প্রবেশয়েৎ ॥ 5-175-9 (37841)
নারীং বিদিতবিজ্ঞানঃ পরেষাং ধর্মমাদিশন্।
যথেষ্টং গম্যতাং ভদ্রে মা ৎবাং কালোঽত্যগাদয়ম্ ॥ 5-175-10 (37842)
অম্বা তমব্রবীদ্রাজন্ননঙ্গশরপীডিতা।
নৈবং বদ মহীপাল নৈতদেবং কথংচন ॥ 5-175-11 (37843)
নাস্মি প্রীতিমতী নীতা ভীষ্মেণামিত্রকর্শন ।
বলান্নীতাস্মি রুদতী বিদ্রাব্য পৃথিবীপতীন্ ॥ 5-175-12 (37844)
ভজস্ব মাং সাল্বপতে ভক্তাং বালামনাগসম্ ।
ভক্তানাং হি পরিত্যাগো ন ধর্মেষু প্রশস্যতে ॥ 5-175-13 (37845)
সাহমামন্ত্র্য গাঙ্গেয়ং সমরেষ্বনিবর্তিনম্ ।
অনুজ্ঞাতা চ তেনৈব ততোঽহং ভৃশমাগতা ॥ 5-175-14 (37846)
ন স ভীষ্মো মহাবাহুর্মামিচ্ছতি বিশাংপতে ।
ভ্রাতৃহেতোঃ সমারম্ভো ভীষ্মস্যেতি শ্রুতং ময়া ॥ 5-175-15 (37847)
ভগিন্যৌ মম যে নীতে অম্বিকাম্বালিকে নৃপ।
প্রাদাদ্বিচিত্রবীর্যায় গাঙ্গেয়ো হি যবীয়সে ॥ 5-175-16 (37848)
যথা সাল্বপতে নান্যং বরং যামি কথংচন।
ৎবামৃতে পুরুষব্যাঘ্র তথা মূর্ধানমালভে ॥ 5-175-17 (37849)
ন চান্যপূর্বা রাজেন্দ্র ৎবামহং সমুপস্থিতা।
সত্যং ব্রবীমি সাল্বৈতৎসত্যেনাত্মানমালভে ॥ 5-175-18 (37850)
ভজস্ব মাং বিশালাক্ষ স্বয়ং কন্যামুপস্থিতাম্।
অনন্যপূর্বাং রাজেন্দ্র ৎবৎপ্রসাদাভিকাঙ্ক্ষিণীম্ ॥ 5-175-19 (37851)
তামেবং ভাষমাণাং তু সাল্বঃ কাশিপতেঃ সুতাম্।
অত্যজদ্ভরতশ্রেষ্ঠ জীর্ণাং ৎবচমিবোরগঃ ॥ 5-175-20 (37852)
এবং বহুবিধৈর্বাক্যৈর্যাচ্যমানস্তয়া নৃপঃ ।
নাশ্রদ্দধৎসাল্বপতিঃ কন্যায়াং ভরতর্ষভ ॥ 5-175-21 (37853)
ততঃ সা মন্যুনাঽঽবিষ্টা জ্যেষ্ঠা কাশিপতেঃ সুতা।
অব্রবীৎসাশ্রুনয়না বাষ্পবিপ্লুতয়া গিরা ॥ 5-175-22 (37854)
ৎবয়া ত্যক্তা গমিষ্যামি যত্র তত্র বিশাংপতে।
তত্র মে গতয়ঃ সন্তু সন্তঃ সত্যং যথা ধ্রুবম্ ॥ 5-175-23 (37855)
এবং তাং ভাষমাণাং তু কন্যাং সাল্বপতিস্তদা।
পরিতত্যাজ কৌরব্য করুণং পরিদেবতীম্ ॥ 5-175-24 (37856)
গচ্ছ গচ্ছেতি তাং সাল্বঃ পুনঃ পুনরভাষত।
বিভেমি ভীষ্মাৎসুশ্রোণি ৎবং চ ভীষ্মপরিগ্রহঃ ॥ 5-175-25 (37857)
এবমুক্তা তু সা তেন সাল্বেনাদীর্ঘদর্শিনা ।
নিশ্চক্রাম পুরাদ্দীনা রুদতী কুররী যথা ॥ 5-175-26 (37858)
ভীষ্ম উবাচ। 5-175-27x (3885)
নিষ্ক্রামন্তী তু নগরাচ্চিন্তয়ামাস দুঃখিতা ।
পৃথিব্যাং নাস্তি যুবতির্বিষমস্থতরা ময়া ॥ 5-175-27 (37859)
বন্ধুর্ভির্বিপ্রহীণাস্মি সাল্বেন চ নিরাকৃতা ।
ন চ শক্যং পুনর্গন্তুং ময়া বারণসাহ্বয়ম্ ॥ 5-175-28 (37860)
অনুজ্ঞাতা তু ভীষ্মেণ সাল্বমুদ্দিশ্য কারণম্।
কিং নু গর্হাম্যথাত্মানমথ ভীষ্মং দুরাসদম্ ॥ 5-175-29 (37861)
অথবা পিতরং মূঢং যো মেঽকার্ষীৎস্বয়ংবরম্ ।
ময়াঽয়ং স্বকৃতো দোষো যাঽহং ভীষ্মরথাত্তদা ॥ 5-175-30 (37862)
প্রবৃত্তে দারুণে যুদ্ধে সাল্বার্থং নাপতং পুরা।
তস্যেয়ং ফলনির্বৃত্তির্যদাপন্নাঽস্মি মূঢবৎ ॥ 5-175-31 (37863)
ধিগ্ভীষ্মং ধিক্ক মে মন্দং পিতরং মূঢচেতসম্ ।
যেনাহং বীর্যশুল্কেন পণ্যস্ত্রীব প্রচোদিতা ॥ 5-175-32 (37864)
ধিঙ্মাং ধিক্সাল্বরাজানং ধিগ্ধাতারমথাপি বা ।
যেষাং দুর্নীতভাবেন প্রাপ্তাস্ম্যাপদমুত্তমাম্ ॥ 5-175-33 (37865)
সর্বথা ভাগধেয়ানি স্বানি প্রাপ্নোতি মানবঃ ।
অনয়স্যাস্য তু মুখং ভীষ্মঃ শান্তনবো মম ॥ 5-175-34 (37866)
সা ভীষ্মে প্রতিকর্তব্যমহং পশ্যামি সাংপ্রতম্ ।
তপসা বা যুধা বাপি দুঃখহেতুঃ স মে মতঃ ॥ 5-175-35 (37867)
কো নু ভীষ্মং যুধা জেতুমুৎসহেত মহীপতিঃ ।
এবং সা পরিনিশ্চিত্য জগাম নগরাদ্বহিঃ ॥ 5-175-36 (37868)
আশ্রমং পুণ্যশীলানাং তাপসানাং মহাত্মনাম্ ।
ততস্তামবসদ্রাত্রিং তাপসৈঃ পরিবারিতা ॥ 5-175-37 (37869)
আচখ্যৌ চ যথাবৃত্তং সর্বমাত্মনি ভারত ।
বিস্তরেণ মহাবাহো নিখিলেন শুচিস্মিতা ।
হরণং চ বিসর্গং চ সাল্বেন চ বিসর্জনম্ ॥ 5-175-38 (37870)
ততস্তত্র মহানাসীদ্ব্রাহ্মণঃ সংশিতব্রতঃ ।
শৈখাবত্যস্তপোবৃদ্ধঃ শাস্ত্রে চারণ্যকে গুরুঃ ॥ 5-175-39 (37871)
আর্তা তামাহ স মুনিঃ শৈখাবত্যো মহাতপাঃ ।
নিঃশ্বসন্তীং সতীং বালাং দুঃখশোকপরায়ণাম্ ॥ 5-175-40 (37872)
এবং গতে তু কিং ভদ্রে শক্যং কর্তুং তপস্বিভিঃ ।
আশ্রমস্থৈর্মহাভাগে তপোয়ুক্তৈর্মহাত্মভিঃ ॥ 5-175-41 (37873)
সা ৎবেনমব্রবীদ্রাজন্ক্রিয়তাং মদনুগ্রহঃ ।
প্রাব্রাজ্যমহমিচ্ছামি তপস্তপ্স্যামি দুশ্চরম্ ॥ 5-175-42 (37874)
ময়ৈব যানি কর্মাণি পূর্বদেহে তু মূঢয়া।
কৃতানি নূনং পাপানি তেষামেতৎফলং ধ্রুবম্ ॥ 5-175-43 (37875)
নোৎসহে তু পুনর্গন্তুং স্বজনং প্রতি তাপসাঃ ।
প্রত্যাখ্যাতা নিরানন্দা সাল্বেন চ নিরাকৃতা ॥ 5-175-44 (37876)
উপদিষ্টমিহেচ্ছামি তাপস্যং বীতকল্মষাঃ ।
যুষ্মাভির্দেবসংকাশৈঃ কৃপা ভবতু বো ময়ি ॥ 5-175-45 (37877)
স তামাশ্বাসয়ৎকন্যাং দৃষ্টান্তাগমহেতুভিঃ ।
সান্ৎবয়ামাস কার্যং চ প্রতিজজ্ঞে দ্বিজৈঃ সহ ॥ ॥ 5-175-46 (37878)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি পঞ্চসপ্তত্যধিকশত্তমোঽধ্যায়ঃ ॥
Mahabharata - Udyoga Parva - Chapter Footnotes
5-175-39 শৈখাবত্যঃ শিখাবান্ বহ্নিস্তৎসাধ্যানি শ্রৌতস্মার্তকর্মাণি শৈখাবতানি তেষু সাধুঃ শৈখাবত্যঃ। আরণ্যকে উপনিষদি গুরুব্রহ্মবিদিত্যর্থঃ ॥ 5-175-46 দৃষ্টান্তো লৌকিকোদাহরণম্ । আগমো বেদঃ। হেতুর্যুক্তিঃ ॥উদ্যোগপর্ব - অধ্যায় 176
॥ শ্রীঃ ॥
5.176. অধ্যায়ঃ 176
Mahabharata - Udyoga Parva - Chapter Topics
অম্বাংপ্রতি তাপসেষু চিন্তয়ৎসু হোত্রবাহনাম্নোঽম্বামাতামহস্য তত্রাগমনম্ ॥ 1 ॥ তেনাম্বায়াঃ পরশুরামংপ্রতি শরণাগতিচোদনা ॥ 2 ॥ তত্র যদৃচ্ছাসমাগতে অকৃতব্রণনাম্নি মহর্ষৌ অম্বয়া স্ববৃত্তন্তনিবেদনম্ ॥ 3 ॥Mahabharata - Udyoga Parva - Chapter Text
5-176-0 (37879)
ভীষ্ম উবাচ। 5-176-0x (3886)
ততস্তে তাপসাঃ সর্বে কার্যবন্তোঽভবংস্তদা।
তাং কন্যাং চিন্তয়ন্তস্তে কিংকার্যমিতি ধর্মিণঃ ॥ 5-176-1 (37880)
কেচিদাহুঃ পিতুর্বেশ্ম নীয়তামিতি তাপসাঃ ।
কেচিদস্যদুমালম্ভে মতিং চক্রুর্হি তাপসাঃ ॥ 5-176-2 (37881)
কেচিৎসাল্বপতিং গৎবা নিয়োজ্যমিতি মেনিরে।
নেতি কেচিদ্ব্যবস্যন্তি প্রত্যাখ্যাতা হি তেন সা ॥ 5-176-3 (37882)
এবং গতে তু কিং শক্যং ভদ্রে কর্তুং মনীষিভিঃ ।
পুনরূচুশ্চ তাং সর্বে তাপসাঃ সংশিতব্রতাঃ ॥ 5-176-4 (37883)
অলং প্রব্রজিতেনেহ ভদ্রে শ্রৃণু হিতং বচঃ।
ইতো গচ্ছস্ব ভদ্রং তে পিতুরেব নিবেশনম্ ॥ 5-176-5 (37884)
প্রতিপস্ত্যতি রাজা স পিতা তে যদনন্তরম্ ।
তত্র বৎস্যসি কল্যাণি সুখং সর্বগুণান্বিতা ॥ 5-176-6 (37885)
ন চ তেঽন্যা গতির্ন্যায়্যা ভবেদ্ভদ্রে যথা পিতা ।
পতির্বাপি গতির্নার্যাঃ পিতা বা বরবর্ণিনি ।
গতিঃ পতিঃ সমস্থায়া বিষমে চ পিতা গতিঃ ॥ 5-176-7 (37886)
প্রব্রজ্যা হি সুদুঃখেয়ং সুকুমার্যা বিশেষতঃ ।
রাজপুত্র্যাঃ প্রকৃত্যা চক কুমার্যাস্তব ভামিনি ॥ 5-176-8 (37887)
ভদ্রে দোষা হি বিদ্যন্তে বহবো বরবর্ণিনি ।
আশ্রমে বৈ বসন্ত্যাস্তে ন ভবেয়ুঃ পিতুর্গৃহে ॥ 5-176-9 (37888)
ততস্ৎবন্যেঽব্রুবন্বাক্যং তাপসাস্তাং তপস্বিনীম্ ॥ 5-176-10 (37889)
ৎবামিহৈকাকিনীং দৃষ্ট্বা নির্জনে গহনে বনে।
প্রার্থয়িষ্যন্তিরাজানস্তস্মান্মৈবং মনঃ কৃথাঃ ॥ 5-176-11 (37890)
অম্বোবাচ। 5-176-12x (3887)
ন শক্যং কাশিনগরং পুনর্গন্তুং পিতুর্গৃহান্।
অবজ্ঞাতা ভবিষ্যামি বান্ধবানাং ন সংশয়ঃ ॥ 5-176-12 (37891)
উষিতাস্মি তথা বাল্যে পিতুর্বেশ্মনি তাপসাঃ ।
নাহং গমিষ্যে ভদ্রং বস্তত্র যত্র পিতা মম।
তপস্তপ্তুমভীপ্সামি তাপসৈঃ পরিরক্ষিতা ॥ 5-176-13 (37892)
যথা পরেঽপি মে লোকে ন স্যাদেবং মহাত্যযঃ ।
দৌর্ভাগ্যং তাপসশ্রেষ্ঠাস্তস্মাত্তপ্স্যাম্যহং তপঃ ॥ 5-176-14 (37893)
ভীষ্ম উবাচ। 5-176-15x (3888)
ইত্যেবং তেষু বিপ্রেষু চিন্তয়ন্সু যথাতথম্।
রাজর্ষিস্তদ্বনং প্রাপ্তস্তপস্বী হোত্রবাহনঃ ।
`তাং তথা ভাবিনীং দৃষ্ট্বা শ্রুৎবা চোদ্বিগ্রমানসঃ' 5-176-15 (37894)
ততস্তে তাপসাঃ সর্বে পূজয়ন্তি স্ম তং নৃপম্ ।
পূজাভিঃ স্বাগতাদ্যাভিরাসনেনোদকেন চ ॥ 5-176-16 (37895)
তস্যোপবিষ্টস্য সতো বিশ্রান্তস্যোপশ্রৃণ্বতঃ।
পুনরেব কথাং চক্রুঃ কন্যাং প্রতি বনৌকসঃ ॥ 5-176-17 (37896)
অম্বায়াস্তাং কথাং শ্রুৎবা কাশিরাজ্ঞশ্চ ভারত।
রাজর্ষিঃ স মহাতেজা বভূবোদ্বিগ্রমানসঃ ॥ 5-176-18 (37897)
তাং তথাবাদিনীং শ্রুৎবা দৃষ্ট্বা চ স মহাতপাঃ ।
রাজর্ষিঃ কৃপয়াবিষ্টো মহাত্মা হোত্রবাহনঃ ॥ 5-176-19 (37898)
স বেপমান উত্থায় মাতুস্তস্যাঃ পিতা তদা।
তাং কন্যামঙ্কমারোপ্য পর্যশ্বাসয়ত প্রভো ॥ 5-176-20 (37899)
স তামপৃচ্ছৎকার্ৎস্ন্যেন ব্যসনোৎপত্তিমাদিতঃ ।
সা চ তস্মৈ যথাবৃত্তং বিস্তরেণ ন্যবেদয়ৎ ॥ 5-176-21 (37900)
ততঃ স রাজর্ষিরভূদ্দুঃখশোকসমন্বিতঃ।
কার্যং চ প্রতিপেদে তন্মনসাং সুমহাতপাঃ ॥ 5-176-22 (37901)
অব্রবীদ্বেপমানশ্চ কন্যামার্তাং সুদুঃখিতঃ ।
মা গাঃ পিতুর্গৃহং ভদ্রে মাতুস্তে জনকো হ্যহম্ ॥ 5-176-23 (37902)
দুঃখং ছিন্দ্যামহং তে বৈ ময়ি বর্তস্ব পুত্রিকে।
পর্যাপ্তং তে মনো বৎসে যদেবং পরিশুষ্যসি ॥ 5-176-24 (37903)
গচ্ছ মদ্বচনাদ্রামং জামদগ্ন্যং তপস্বিনম্ ।
রামস্তে সুমহদ্দুঃখং শোকং চৈবাপনেষ্যতি ॥ 5-176-25 (37904)
হনিষ্যতি রণে ভীষ্মং ন করিষ্যতি চেদ্বচঃ ।
তং গচ্ছ ভার্গবশ্রেষ্ঠং কালাগ্নিসমতেজসম্ ॥ 5-176-26 (37905)
প্রতিষ্ঠাপয়িতা স ৎবাং সমে পথি মহাতপাঃ ।
ততস্তু সুস্বরং বাষ্পসুৎসৃজন্তী পুনঃ পুনঃ ॥ 5-176-27 (37906)
অব্রবীৎপিতরং মাতুঃ মা তদা হোত্রবাহনম্ ।
অভিবাদয়িৎবা শিরসা গমিষ্যে তব শাসনাৎ ॥ 5-176-28 (37907)
অপি নামাদ্য পশ্যেয়মার্যং তং লোকবিশ্রুতম্ ।
কথং চ তীব্রং দুঃকং মে নাশকয়িষ্যতি ভার্গবঃ।
এতদিচ্ছাম্যহং জ্ঞাতুং যথা যাস্যমি তত্র বৈঃ ॥ 5-176-29 (37908)
হোত্রবাহন উবাচ। 5-176-30x (3889)
রামং দ্রক্ষ্যসি ভদ্রে ৎবং জামদগ্ন্যং মহাবনে।
উগ্রে তপসি বর্তন্তং সত্যসন্ধং মহাবলম্ ॥ 5-176-30 (37909)
মহেন্দ্রং বৈ গিরিশ্রেষ্ঠং রামো নিত্যমুপাস্তি হ।
ঋষয়ো বেদবিদ্বাংসো গন্ধর্বাপ্সরসস্তথা ॥ 5-176-31 (37910)
তত্র গচ্ছস্ব ভদ্রং তে ব্রূয়াশ্চৈনং বচো মম।
অভিবাদ্য চ তং মূংর্ধ্না তপোবৃদ্ধং দৃঢব্রতম্ ॥ 5-176-32 (37911)
ব্রূয়াশ্চৈনং পুনর্ভদ্রে যত্তে কার্যং মনীষিতম্ ।
ময়ি সংকীর্তিতে রামঃ সর্বং তত্তে করিষ্যতি ॥ 5-176-33 (37912)
মম রামঃ সখা বৎসে প্রীতিয়ুক্তঃ সুহৃচ্চ মে।
জমদগ্নিসুতো বীরঃ সর্বশস্ত্রভৃতাং বরঃ ॥ 5-176-34 (37913)
এবং ব্রুবতি কন্যাং তু পার্থিবে হোত্রবাহনে ।
অকৃতব্রণঃ প্রাদুরাসীদ্রামস্যানুচরঃ প্রিয়ঃ ॥ 5-176-35 (37914)
ততস্তে মনুয়ঃ সর্বে সমুত্তস্থুঃ মহস্রশঃ ।
স চ রাজা বয়োবৃদ্ধঃ সৃঞ্যযো হোত্রবাহনঃ ॥ 5-176-36 (37915)
ততো দৃষ্ট্বা কৃতাতিথ্যমন্যোন্যং তে বনৌকসঃ ।
সহিতা ভরতশ্রেষ্ঠ নিষেদুঃ পরিবার্য তম্ ॥ 5-176-37 (37916)
ততস্তে কথয়ামাসুঃ কথাস্তাস্তা মনোরমাঃ ।
ধন্যা দিব্যাশ্চ রাজেন্দ্র প্রীতিহর্ষমুদা যুতাঃ ॥ 5-176-38 (37917)
ততঃ কথান্তে রাজর্ষির্মহাত্মা হোত্রবাহনঃ ।
রামং শ্রেষ্ঠং মহর্ষীণামপৃচ্ছদকৃতব্রণম্ ॥ 5-176-39 (37918)
ক্ব সংপ্রতি মহাবাহো জামদগ্ন্যঃ প্রতাপবান্ ।
অকৃতব্রণ শক্যো বৈ দ্রুষ্টুং বেদবিদাং বর ॥ 5-176-40 (37919)
অকৃতব্রণ উবাচ। 5-176-41x (3890)
ভবন্তমেব সততং রামঃ কীর্তয়তি প্রভো।
সৃঞ্জয়ো মে প্রিয়সখো রাজর্ষিরিতি পার্থিব ॥ 5-176-41 (37920)
ইহ রামঃ প্রভাতে শ্বো ভবিতেতি মতির্মম।
দ্রষ্টস্যেনমিহায়ান্তং তব দর্শনকাঙ্ক্ষয়া॥ 5-176-42 (37921)
ইয়ং চ কন্যা রাজর্ষে কিমর্থং বনমাগতা।
কস্য চেয়ং তব চ কা ভবতীচ্ছামি বেদিতুম্ ॥ 5-176-43 (37922)
হোত্রবাহন উবাচ। 5-176-44x (3891)
দৌহিত্রীয়ং মম বিভো কাশিরাজসুতা প্রিয়া।
জ্যেষ্ঠা স্বয়ংবরে তস্থৌ ভগিনীভ্যাং সহানধ ॥ 5-176-44 (37923)
ইয়মম্বেতি বিখ্যাতা জ্যেষ্ঠা কাশিপতেঃ সুতা।
অম্বিকাম্বালিকে কন্যে কনীয়স্যৌ তপোধন ॥ 5-176-45 (37924)
সমেতং পার্থিবং ক্ষত্রং কাশিপুর্যাং ততোঽভবৎ।
কন্যানিমিত্তং বিপ্রর্ষে তত্রাসীদুৎসবো মহান্ ॥ 5-176-46 (37925)
ততা কিল মহাবীর্যো ভীষ্মঃ শান্তনবো নৃপান্ ।
অধিক্ষিপ্য মহাতেজাস্তিস্ত্রঃ কন্যা জহার তাঃ ॥ 5-176-47 (37926)
নির্জিত্য পৃথিবীপালানথ ভীষ্মো জগাহ্বয়ম্ ।
আজগাম বিশুদ্ধাত্মা কন্যাভিঃ সহ ভারতঃ ॥ 5-176-48 (37927)
সত্যবত্যৈ নিবেদ্যাথ বিবাহং সমনন্তরম্ ।
ভ্রাতুর্বিচিত্রবীর্যস্য সমাজ্ঞাপয়ত প্রভুঃ ॥ 5-176-49 (37928)
তং তু বৈবাহিকং দৃষ্ট্বা কন্যেয়ং সমুপার্জিতম্ ।
অব্রবীত্তত্র গাঙ্গেয়ং মন্ত্রিমধ্যে দ্বিজর্ষভ ॥ 5-176-50 (37929)
ময়া সাল্বপতির্বীরো মনসাঽভিবৃতঃ পতিঃ ।
ন মমার্হসি ধর্মজ্ঞ দাতুং ভ্রাত্রেঽন্যমানসাম্ ॥ 5-176-51 (37930)
তচ্ছ্রুৎবা বচনং ভীষ্মঃ সংমন্ত্র্য সহ মন্ত্রিভিঃ ।
নিশ্চিত্য বিসসর্জেমাং সত্যবত্যা মতে স্থিতঃ ॥ 5-176-52 (37931)
অনুজ্ঞাতা তু ভীষ্মেণ সাল্বং সৌভপতিং ততঃ।
কন্যেয়ং মুদিতা তত্র কালে বাচনমব্রবীৎ ॥ 5-176-53 (37932)
বিসর্জিতাস্মি ভীষ্মেণ ধর্মং মাং প্রতিপাদয়।
মনসাভিবৃত্তঃ পূর্বং ময়া ৎবং পার্থিবর্ষম ॥ 5-176-54 (37933)
প্রত্যাচখ্যৌ চ সাল্বোঽস্যাশ্চারিত্রস্যাভিশঙ্কিতঃ ।
সেয়ং তপোবনং প্রাপ্তা তাপস্যেঽভিরতা ভৃশম্ ॥ 5-176-55 (37934)
ময়া চ প্রত্যভিজ্ঞাতা বংশস্য পরিকীর্তনাৎ।
অস্য দুঃখস্য চোৎপত্তিং ভীষ্মমেবেহ মন্যতে । 5-176-56 (37935)
অম্বোবাচ। 5-176-57x (3892)
ভগবন্নেবমেবেহ যথাহ পৃথিবীপতিঃ।
শরীরকর্তা মাতুর্মে সৃঞ্জয়ো হোত্রবাহনঃ ॥ 5-176-57 (37936)
ন হ্যুৎসহে স্বনগরং প্রতিয়াতুং তপোধন ।
অপমানভয়াচ্চৈব ব্রীডয়া চ মহামুনে ॥ 5-176-58 (37937)
যত্তু মাং ভগবান্রামো বক্ষ্যতি দ্বিজসত্তম ।
তন্মে কার্যতমং কার্যমিতি মে ভগবন্মতিঃ ॥ ॥ 5-176-59 (37938)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি ষট্সপ্তত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-176-14 মহাত্যযঃ সুখনাশঃ। মম উদ্ধব উৎসব ইতি কোশঃ ॥ 5-176-56 উৎপত্তিং কারণম্ ॥উদ্যোগপর্ব - অধ্যায় 177
॥ শ্রীঃ ॥
5.177. অধ্যায়ঃ 177
Mahabharata - Udyoga Parva - Chapter Topics
অকৃতব্রণেন সবিমর্শং ভীষ্মস্য প্রতীকারনির্ধারণম্ ॥ 1 ॥ অম্বয়া পরেদ্যুরাগতং জামদগ্ন্যংপ্রতি ভীষ্মবধপ্রার্থনা ॥ 2 ॥Mahabharata - Udyoga Parva - Chapter Text
5-177-0 (37939)
অকৃতব্রণ উবাচ। 5-177-0x (3893)
দুঃখ দ্বয়োরিদং ভদ্রে কতরস্য চিকীর্ষসি।
প্রতিকর্তব্যমবলে তত্ৎবং বৎসে বদস্ব মে ॥ 5-177-1 (37940)
যদি সৌভপতির্ভদ্রে নিয়োক্তব্যো মতস্তব ।
নিয়োক্ষ্যতি মহাত্মা স রামস্ৎবদ্ধিতকাম্যযা ॥ 5-177-2 (37941)
অথাপগেয়ং ভীষ্মং ৎবং রামেণেচ্ছসি ধীমতা ।
রণে বিনির্জিতং দ্রষ্টুং কুর্যাত্তদপি ভার্গবঃ॥ 5-177-3 (37942)
সৃঞ্জয়স্য বচঃ শ্রুৎবা তব চৈব শুচিস্মিতে।
যদত্র তে ভৃশং কার্যং তদদ্যৈব বিচিন্ত্যতাম্ ॥ 5-177-4 (37943)
অম্বোবাচ। 5-177-5x (3894)
অপনীতাস্মি ভীষ্মেণ ভগবন্নবিজানতা।
নাভিজানাতি মে ভীষ্মো ব্রহ্মন্সাল্বগতং মনঃ ॥ 5-177-5 (37944)
এতদ্বিচার্য মনসা ভবানেতদ্বিনিশ্চয়ম্।
বিচিনোতু যথান্যায়ং বিধানং ক্রিয়তাং তথা ॥ 5-177-6 (37945)
ভীষ্মে বা কুরুশার্দূলে শাল্বরাজেঽথবা পুনঃ।
উভয়োরেব বা ব্রহ্মন্যুক্তং যত্তৎসমাচর ॥ 5-177-7 (37946)
নিবেদিতং ময়া হ্যেতদ্দুঃখমূলং যথাতথম্ ।
বিধানং তত্র ভগবন্কর্তুমর্হসি যুক্তিতঃ ॥ 5-177-8 (37947)
অকৃতব্রণ উবাচ। 5-177-9x (3895)
উপপদমিদং ভদ্রে যদেবং বরবর্ণিনি ।
ধর্মং প্রতিবচো ব্রূয়াঃ শ্রৃণু চদং বচো মম ॥ 5-177-9 (37948)
যদি ৎবামাপগেয়ো বৈ ন নয়েদ্গজসাহ্বয়ম্ ।
সাল্বস্ৎবা শিরসা ভীরু গৃহ্ণীয়াদ্রামচোদিতঃ ॥ 5-177-10 (37949)
তেন ৎবং নির্জিতা ভদ্রে যস্মান্নীতাসি ভামিনি ।
সংশয়ঃ সাল্বরাজস্য তেন ৎবয়ি সুমধ্যমে ॥ 5-177-11 (37950)
ভীষ্মঃ পুরুষমানী চ জিতকাশী তথৈব চ।
তস্মাৎপ্রতিক্রিয়া যুক্তা ভীষ্মে কারয়িতুং তব ॥ 5-177-12 (37951)
অম্বোবাচ। 5-177-13x (3896)
মমাপ্যেষ সদা ব্রহ্মন্হৃদি কামোঽভিবর্ততে।
ঘাতয়েয়ং যদি রণে ভীষ্মমিত্যেব নিত্যদা ॥ 5-177-13 (37952)
ভীষ্মং বা সাল্বরাজং বা যং বা দোষেণ গচ্ছসি ।
প্রশাধি তং মহাবাহোয়ৎকৃতেঽহং সুদুঃখিতা ॥ 5-177-14 (37953)
ভীষ্ম উবাচ। 5-177-15x (3897)
এবং কথয়তামেব তেষাং স দিবসো গতঃ ।
রাত্রিশ্চ ভরতশ্রেষ্ঠ সুখশীতোষ্ণমারুতা ॥ 5-177-15 (37954)
ততো রামঃ প্রাদুরাসীৎপ্রজ্বলন্নিব তেজসা ।
শিষ্যৈঃ পরিবৃতো রাজঞ্জটাচীরধরো মুনিঃ ॥ 5-177-16 (37955)
ধনুষ্পাণিরদীনাত্মা খঙ্গং বিভ্রৎপরশ্বধী ।
বিরজা রাজশার্দূল সৃঞ্জয়ং সোঽভ্যযান্নৃপম্ ॥ 5-177-17 (37956)
ততস্তং তাপসা দৃষ্ট্বা স চ রাজা মহাতপাঃ ।
তস্থুঃ প্রাঞ্জলয়ো রাজন্সা চ কন্যা তপস্বিনী ॥ 5-177-18 (37957)
পূজয়ামাসুরব্যগ্রা মধুপর্কেণ ভার্গবম্।
অর্চিতশ্চ যথান্যায়ং নিষসাদ সহৈব তৈঃ ॥ 5-177-19 (37958)
ততঃ পূর্বব্যতীতানি কথয়ন্তৌ স্ম তাবুভৌ ।
আসাতাং জামদগ্ন্যশ্চ সৃঞ্জয়শ্চৈব ভারত ॥ 5-177-20 (37959)
তথা কথান্তে রাজর্ষির্ভৃগুশ্রেষ্ঠং মহাবলম্ ।
উবাচ মধুরং কালে রামং বচনমর্থবৎ ॥ 5-177-21 (37960)
রামেয়ং মম দৌহিত্রী কাশিরাজসুতা প্রভো ।
অস্যাঃ শ্রৃণু যথাতত্ৎবং কার্যং কার্যবিশারদ ॥ 5-177-22 (37961)
পরমং কথ্যতাং চেতি তাং রামঃ প্রত্যভাষত ।
ততঃ সাভ্যবদদ্রামং জ্বলন্তমিব পাবকম্ ॥ 5-177-23 (37962)
ততোঽভিবাদ্য চরণৌ রামস্য শিরসা শুভৌ ।
স্পৃষ্ট্বা পদ্মদলাভাভ্যাং পাণিভ্যামগ্রতঃ স্থিতা ॥ 5-177-24 (37963)
রুরোদ সা শোকবতী বাষ্পব্যাকুললোচনা।
প্রপেদে শরণং চৈব শরণ্যং ভৃগুনন্দনম্ ॥ 5-177-25 (37964)
রাম উবাচ। 5-177-26x (3898)
যথা ৎবং সৃংজয়স্যাস্য তথা মে ৎবং নৃপাত্মজে ।
ব্রূহি যত্তে মনোদুঃখং করিষ্যে বচনং তব ॥ 5-177-26 (37965)
অম্বোবাচ। 5-177-27x (3899)
ভগবঞ্শরণং ৎবাদ্য প্রপন্নাঽস্মি মহাব্রতম্ ।
শোকপঙ্কার্ণবান্মগ্নং ঘোরাদুদ্ধর মাং বিভো ॥ 5-177-27 (37966)
ভীষ্ম উবাচ। 5-177-28x (3900)
তস্যাশ্চ দৃষ্ট্বা রূপং চ বপুশ্চাভিনবং পুনঃ।
সৌকুমার্যং পরং চৈব রামশ্চিন্তাপরোঽভবৎ ॥ 5-177-28 (37967)
কিমিয়ং বক্ষ্যতীত্যেবং বিমমর্শ ভৃগূদ্বহঃ।
ইতি দধ্যৌ চিরং রামঃ কৃপয়াভিপরিপ্লুতঃ ॥ 5-177-29 (37968)
কথ্যতামিতি সা ভূয়ো রামেণোক্তা শুচিস্মিতা।
সর্বমেব যথাতত্ৎবং কথয়ামাস ভার্গবে ॥ 5-177-30 (37969)
তচ্ছুৎবা জামদগ্র্যস্তু রাজপুত্র্যা বচস্তদা ।
উবাচ তাং বরারোহাং নিশ্চিত্যার্থবিনিশ্চয়ম্ ॥ 5-177-31 (37970)
রাম উবাচ। 5-177-32x (3901)
প্রেষয়িষ্যামি ভীষ্মায় কুরুশ্রেষ্ঠায় ভামিনি ।
করিষ্যতি বচো মহ্যং শ্রুৎবা চ স নরাধিপঃ ॥ 5-177-32 (37971)
ন চেৎকরিষ্যতি বচো ময়োক্তং জাহ্নবীসুতঃ।
ধক্ষ্যাম্যহং রণে ভদ্রে সামাত্যং শস্ত্রতেজসা ॥ 5-177-33 (37972)
অথবা তে মতিস্তত্র রাজপুত্রি ন বর্ততে।
যাবৎসাল্বপতিং বীরং যোজয়াম্যত্র কর্মণি ॥ 5-177-34 (37973)
অম্বোবাচ। 5-177-35x (3902)
বিসর্জিতাঽহং ভীষ্মেণ শ্রুৎবৈব ভৃগুনন্দন।
সাল্বরাজগতং ভাবং মম পূর্বং মনীষিতম্ ॥ 5-177-35 (37974)
সৌভরাজমুপেত্যাহমবোচং দুর্বচং বচঃ।
ন চ মাং প্রত্যগৃহ্ণাৎস চারিত্র্যপরিশঙ্কিতঃ ॥ 5-177-36 (37975)
এতৎসর্বং বিনিশ্চিত্য স্ববুদ্ধ্যা ভৃগুনন্দন ।
যদত্রৌপয়িকং কার্যং তচ্চিন্তয়িতুমর্হসি ॥ 5-177-37 (37976)
মম তু ব্যসনস্যাস্য ভীষ্মো মূলং মহাব্রতঃ।
যেনাহং বশমানীতা সমৎক্ষিপ্য বলাত্তদা ॥ 5-177-38 (37977)
ভীষ্মং জহি মহাবাহো যৎকৃতে দুঃখমীদৃশম্ ।
প্রাপ্তাহং ভৃগুশার্দূল চরাম্যপ্রিয়মুত্তমম্ ॥ 5-177-39 (37978)
স হি লুব্ধশ্চ নীচশ্চ জিতকাশী চ ভার্গব ।
তস্মাৎপ্রতিক্রিয়া কর্তুং যুক্তা তস্মৈ ৎবয়াঽনঘ ॥ 5-177-40 (37979)
এষ মে হ্রিয়মাণায়া ভারতেন তদা বিভো।
অভবদ্ধৃদি সংকল্পো ঘাতয়েদং মহাব্রতম্ ॥ 5-177-41 (37980)
তস্মাৎকামং মমাদ্যেমং রাম সংপাদয়ানঘ।
জহি ভীষ্মং মহাবাহো যথা বৃত্রং পুরন্দরঃ ॥ ॥ 5-177-42 (37981)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি সপ্তসপ্তত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-177-1 দ্বয়োঃ সকাশাদিতি শেষঃ ॥ 5-177-2 নিয়োক্তব্যস্তব পাণিণার্থমিতি শেষঃ 5-177-6 বিধানং প্রতীকারম্ ॥ 5-177-23 পরমং তব বিবক্ষিতং যত্তন্মেঽবশ্যং বক্তব্যমিত্যর্থঃ ॥উদ্যোগপর্ব - অধ্যায় 178
॥ শ্রীঃ ॥
5.178. অধ্যায়ঃ 178
Mahabharata - Udyoga Parva - Chapter Topics
শ্রীপরশুরামেণ অম্বাদিভিঃ সহ কুরুক্ষেত্রং গৎবা ভীষ্মানয়নম্ ॥ 1 ॥ রামেণ স্বেন চোদনেপি ভীষ্মেণ অম্বাপরিগ্রহানঙ্গীকারে যুদ্ধায় তস্যাহ্বানম্ ॥ 2 ॥Mahabharata - Udyoga Parva - Chapter Text
5-178-0 (37982)
ভীষ্ম উবাচ। 5-178-0x (3903)
এবমুক্তস্তদা রামো জহি ভীষ্মমিতি প্রভো।
উবাচ রুদতীং কন্যাং চোদয়ন্তীং পুনঃ পুনঃ ॥ 5-178-1 (37983)
কাশ্যে ন কামং গৃহ্ণামি শস্ত্রং বৈ বরবর্ণিনি।
ঋতে ব্রহ্মবিদাং হেতোঃ কিমন্যৎকরবাণি তে॥ 5-178-2 (37984)
বাচা ভীষ্মশ্চ সাল্বশ্চ মম রাজ্ঞি বশানুগৌ।
ভবিষ্যতোঽনবদ্যাঙ্গি তৎকরিষ্যামি মা শুচঃ ॥ 5-178-3 (37985)
ন তু শস্ত্রং গ্রহীষ্যামি কথংচিদপি ভামিনি ।
ঋতে নিয়োগাদ্বিপ্রাণামেষ মে সময়ঃ কৃতঃ ॥ 5-178-4 (37986)
অম্বোবাচ। 5-178-5x (3904)
মম দুঃখং ভগবতা ব্যপনেয়ং যতস্ততঃ।
তচ্চ ভীষ্মপ্রসূতং মে তং জহীশ্বর মা চিরম্ ॥ 5-178-5 (37987)
রাম উবাচ। 5-178-6x (3905)
কাশিকন্যে পুনর্ব্রূহি ভীষ্মস্তে চরণাবুভৌ।
শিরসা বন্দনার্হোঽপি গ্রহীষ্যতি গিরা মম ॥ 5-178-6 (37988)
অম্বোবাচ। 5-178-7x (3906)
জহি ভীষ্মং রণে রাম মম চেদিচ্ছসি প্রিয়ম্।
প্রতিশ্রুতং চ যদপি তৎসত্যং কর্তুমর্হসি ॥ 5-178-7 (37989)
ভীষ্ম উবাচ। 5-178-8x (3907)
তয়োঃ সংবদতোরেবং রাজন্রামাম্বয়োস্তদা ।
অকৃতব্রণো জামদগ্ন্যমিদং বচনমব্রবীৎ ॥ 5-178-8 (37990)
শরণাগতাং মহাবাহো কন্যাং ন ত্যক্তুমর্হসি ।
যদি ভীষ্মো রণে রাম সমাহূতস্ৎবয়া মৃধে ॥ 5-178-9 (37991)
নির্জিতোঽস্মীতি বা ব্রূয়াৎকুর্যাদ্বা বচনং তব ।
কৃতমস্যা ভবেৎকার্যং কন্যায়া ভৃগুনন্দন ॥
বাক্যং সত্যং চ তে বীর ভবিষ্যতি কৃতং বিভো ।
ইয়ং চাপি প্রতিজ্ঞা তে তদা রাম মহামুনে ॥ 5-178-10 (37992)
জিৎবা বৈ ক্ষত্রিয়ান্সর্বান্ব্রহ্মণেষু প্রতিশ্রুতা ।
ব্রাহ্মণঃ ক্ষত্রিয়ো বৈশ্যঃ শূদ্রশ্চৈব রণে যদি ॥ 5-178-12 (37993)
ব্রহ্মদ্বিঙ্ভবিতা তং বৈ হনিষ্যামীতি ভার্গব ।
শরণার্থে প্রপন্নানাং ভীতানাং শরণার্থিনাম্ ॥ 5-178-13 (37994)
ন শক্ষ্যামি পরিত্যাগং কর্তুং জীবন্কথংচন ।
যশ্চ কৃৎস্নং রণে ক্ষত্রং বিজেষ্যতি সমাগতম্ ॥ 5-178-14 (37995)
দীপ্তাত্মানমহং তং চ হনিষ্যামীতি ভার্গব ।
স এবং বিজয়ী রাম ভীষ্মঃ কুরুকুলোদ্বহঃ ।
তেন যুধ্যস্ব সঙ্গ্রমে সমেত্য ভৃগুনন্দন ॥ 5-178-15 (37996)
রাম উবাচ। 5-178-16x (3908)
স্মরাম্যহং পূর্বকৃতাং প্রতিজ্ঞামৃষিসত্তম।
তথৈব ত্ত করিষ্যামি যথা সাম্নৈব লপ্স্যতে ॥ 5-178-16 (37997)
কার্যমেতন্মহদ্ব্রহ্মন্কাশিকান্যামনোগতম্।
গমিষ্যামি স্বয়ং কন্যামাদায় যত্র সঃ ॥ 5-178-17 (37998)
যদি ভীষ্মো রণশ্লাঘী ন করিষ্যতি মে বচঃ।
হনিষ্যাম্যেনমুদ্রিক্তমিতি মে নিশ্চিতা মতিঃ ॥ 5-178-18 (37999)
ন হি বাণা ময়োৎসৃষ্টাঃ সজ্জন্তীহ শরীরিণাম্।
কায়েষু বিদিতং তুভ্যং পুরা ক্ষত্রিয়সংগরে ॥ 5-178-19 (38000)
ভীষ্ম উবাচ। 5-178-20x (3909)
এবমুক্ৎবা ততো রামঃ সহ তৈর্ব্রহ্মবাদিভিঃ।
প্রয়াণায় মতিং কৃৎবা সমুত্তস্থৌ মহাতপাঃ ॥ 5-178-20 (38001)
ততস্তে তামুষিৎবা তু রজনীং তত্র তাপসাঃ ।
হুতাগ্নয়ো জপ্তজপ্যাঃ প্রতস্থুর্মঞ্জিঘাংসয়া ॥ 5-178-21 (38002)
অভ্যগচ্ছত্ততো রামঃ সহ তৈর্ব্রহ্মবাদিভিঃ ।
কুরুক্ষেত্রং মহারাজ কন্যযা সহ ভারত ॥ 5-178-22 (38003)
ন্যবিশন্ত ততঃ সর্বে পরিগৃহ্য সরস্বতীম্ ।
তাপসাস্তে মহাত্মানো ভৃগুশ্রেষ্ঠপুরস্কৃতাঃ ॥ 5-178-23 (38004)
ততস্তৃতীয়ে দিবসে সমে দেশে ব্যবস্থিতঃ ।
প্রেষয়ামাস মে রাজন্প্রাপ্তোঽস্মীতি মহাব্রতঃ ॥ 5-178-24 (38005)
তমাগতমহং শ্রুৎবা বিষয়ান্তং মহাবলম্ ।
অভ্যগচ্ছং জবেনাশু প্রীত্যা তেজোনিধিং প্রভুম্ ॥ 5-178-25 (38006)
গাং পুরস্কৃত্য রাজেন্দ্র ব্রাহ্মণৈঃ পরিবারিতঃ।
ঋৎবিগ্ভির্দেবকল্পৈশ্চ তথৈব চ পুরোহিতৈঃ ॥ 5-178-26 (38007)
স মামভিগতং দৃষ্ট্বা জামদগ্ন্যঃ প্রতাপবান্ ।
প্রতিজগ্রাহ তাং পূজাং বচনং চেদমব্রবীৎ ॥ 5-178-27 (38008)
রাম উবাচ। 5-178-28x (3910)
ভীষ্ম কাং বুদ্ধিমাস্থায় কাশিরাজসুতা তদা।
অকামেন ৎবয়া নীতা পুনশ্চৈব বিসর্জিতা ॥ 5-178-28 (38009)
বিভ্রংশিতা ৎবয়া হীয়ং ধর্মাদাস্তে যশস্বিনী ।
পরামৃষ্টাং ৎবয়া হীমাং কো হি গন্তুমিহার্হতি ॥ 5-178-29 (38010)
প্রত্যাখ্যাতা হি সাল্বেন ৎবয়া নীতেতি ভারত।
তস্মাদিমাং মন্নিয়োগাৎপ্রতিগৃহ্ণীষ্ব ভারত ॥ 5-178-30 (38011)
স্বধর্মং পুরুষব্যাঘ্র রাজপুত্রী লভৎবিয়ম্।
ন যুক্তস্ৎববমানোঽয়ং রাজ্ঞাং কর্তুং ৎবয়াঽনঘ ॥ 5-178-31 (38012)
ভীষ্ম উবাচ। 5-178-32x (3911)
ততস্তং বৈ বিমনসমুদীক্ষ্যাহমথাব্রুবম্।
নাহমেনাং পুনর্দদ্যাং ব্রহ্মন্ভ্রাত্রে কথঞ্চন ॥ 5-178-32 (38013)
সাল্বস্যাহমিতি প্রাহ পুরা মামেব ভার্গব।
ময়া চৈবাভ্যনুজ্ঞাতা গতেয়ং নগরং প্রতি ॥ 5-178-33 (38014)
ন ভয়ান্নাপ্যনুক্রোশান্নার্থলোভান্ন কাম্যযা।
ক্ষাত্রং ধর্মমহং জহ্যমিতি মে ব্রতমাহিতম্ ॥ 5-178-34 (38015)
অথ মামব্রবীদ্রামঃ ক্রোধপর্যাকুলেক্ষণঃ।
ন করিষ্যসি চেদেতদ্বাক্যং মে নরপুঙ্গব ॥ 5-178-35 (38016)
হনিষ্যামি সহামাত্যং ৎবামদ্যেতি পুনঃ পুনঃ ।
সংরম্ভাদব্রবীদ্রামঃ ক্রোধপর্যাকুলেক্ষণঃ॥ 5-178-36 (38017)
তমহং গীর্ভিরিষ্টাভি পুনঃ পুনররিন্দম।
অয়াচং ভৃগুশার্দূলং ন চৈব প্রশশাম সঃ ॥ 5-178-37 (38018)
প্রণম্য তমহং মূর্ধ্না ভূয়ো ব্রাহ্মণসত্তমম্ ।
অব্রুবং কারণং কিং তদ্যত্ৎবং যুদ্ধং ময়েচ্ছসি ॥ 5-178-38 (38019)
ইষ্বস্ত্রং মম বালস্য ভবতৈব চতুর্বিধম্।
উপদিষ্টং মহাবাহো শিষ্যোঽস্মি তব ভার্গব ॥ 5-178-39 (38020)
ততো মামব্রবীদ্রামঃ ক্রোধসংরক্তলোচনঃ ।
জানীষে মাং গুরুং ভীষ্ম গৃহ্ণাসীমাং ন চৈব হ ॥ 5-178-40 (38021)
সুতাং কাশ্যস্য কৌরব্য মৎপ্রিয়ার্থং মহামতে।
ন হি মে বিদ্যতে শান্তিরন্যথা কুরুনন্দন ॥ 5-178-41 (38022)
গৃহাণেমাং মহাবাহো রক্ষস্ব কুলমাত্মনঃ।
ৎবয়া বিভ্রংশিতা হীয়ং ভর্তারং নাধিগচ্ছতি ॥ 5-178-42 (38023)
তথা ব্রুবন্তং তমহং রামং পরপুরংয়ম্।
নৈতদেবং পুনর্ভাবি ব্রহ্মর্ষে কিং শ্রমেণ তে ॥ 5-178-43 (38024)
গুরুৎবং ৎবয়ি সংপ্রেক্ষ্য জামদগ্ন্য পুরাতনম্ ।
প্রসাদয়ে ৎবাং ভগবংস্ত্যক্তৈষা তু পুরা ময়া ॥ 5-178-44 (38025)
কো জাতু পরভাবাং হি নারীং ব্যালীমিব স্থিতাম্ ।
বাসয়েত গৃহে জানন্স্ত্রীণাং দোষো মহাত্যযঃ ॥ 5-178-45 (38026)
ন ভয়াদ্বাসবস্যাপি ধর্মং জহ্যাং মহাব্রত ।
প্রসীদ মা বা যদ্বা তে কার্যং তৎকুরু মা চিরম্ ॥ 5-178-46 (38027)
অয়ং চাপি বিশুদ্ধাত্মন্পুরাণে শ্রূয়তে বিভো।
মরুত্তেন মহাবুদ্ধে গীতঃ শ্লোকো মহাত্মনা ॥ 5-178-47 (38028)
গুরোরপ্যবলিপ্তস্য কার্যাকার্যমজানতঃ।
উৎপথং প্রতিপন্নস্য পরিত্যাগো বিধীয়তে ॥ 5-178-48 (38029)
স ৎবং গুরুরিতি প্রেম্ণা ময়া সংমানিতো ভৃশম্ ।
গুরুবৃত্তিং ন জানীষে তস্মাদ্যোৎস্যামি বৈ ৎবয়া ॥ 5-178-49 (38030)
গুরুং ন হন্যাং সমরে ব্রাহ্মণং চ বিশেষতঃ ।
বিশেষতস্তপোবৃদ্ধমেবং ক্ষান্তং ময়া তব ॥ 5-178-50 (38031)
উদ্যতেষুমথো দৃষ্ট্বা ব্রাহ্মণং ক্ষত্রবন্ধুবৎ।
যো হন্যাৎসমরে ক্রুদ্ধং যুধ্যন্তমপলায়িনম্ ॥ 5-178-51 (38032)
ব্রহ্মহত্যা ন তস্য স্যাদিতি ধর্মেষু নিশ্চয়ঃ ।
ক্ষত্রিয়াণাং স্থিতো ধর্ম ক্ষত্রিয়োঽস্মি তপোধন ॥ 5-178-52 (38033)
যো যথা বর্ততে যস্মিংস্তস্মিন্নেব প্রবর্তয়ন্ ।
নাধর্মং সমবাপ্নোতি ন চাশ্রেয়শ্চ বিন্দতি ॥ 5-178-53 (38034)
অর্থে বা যদি বা ধর্মে সমর্থো দেশকালবিৎ ।
অর্থসংশয়মাপন্নঃ শ্রোয়ান্নিঃসংশয়ো নরঃ ॥ 5-178-54 (38035)
যস্মাৎসংশয়িতেঽপ্যর্থেঽয়থান্যায়ং প্রবর্তসে ।
তস্মাদ্যোৎস্যামি সহিতস্ৎবয়া রাম মহাহবে ॥ 5-178-55 (38036)
পশ্য মে বাহুবীর্যং চ বিক্রমং চাতিমানুষম্ ।
এবং গতেঽপি তু ময়া যচ্ছক্যং ভৃগুনন্দন ॥ 5-178-56 (38037)
তৎকরিষ্যে কুরুক্ষেত্রে যোৎস্যে বিপ্র ৎবয়া সহ ।
দ্বন্দ্বে রাম যথেষ্টং মে সঞ্জীভব মহাদ্যুতে ॥ 5-178-57 (38038)
তত্র ৎবং নিহতো রাম ময়া শরশতার্দিতঃ ।
প্রাপ্স্যসে নির্জিতাঁল্লোকাঞ্শস্ত্রপূতো মহারণে ॥ 5-178-58 (38039)
স গচ্ছ বিনিবর্তস্ব কুরুক্ষোত্রং রণপ্রিয় ।
তত্রৈষ্যামি মহাবাহো যুদ্ধায় ৎবাংতপোধন ॥ 5-178-59 (38040)
অপি যত্র ৎবয়া রাম কৃতং শৌচং পুরা পিতুঃ ।
তত্রাহমপি হৎবা ৎবাং শৌচং কর্তাস্মি ভার্গব ॥ 5-178-60 (38041)
তত্র রাম সমাগচ্ছ ৎবরিতং যুদ্ধদুর্মদ ।
ব্যপনেষ্যামি তে দর্পং পৌরাণং ব্রাহ্মণব্রুব ॥ 5-178-61 (38042)
যচ্চাপি কত্থসে রাম বহুশঃ পরিবৎসরে ।
নির্জিতাঃ ক্ষত্রিয়া লোকে ময়ৈকেনেতি তচ্ছ্রুণু ॥ 5-178-62 (38043)
ন তদা জাতবান্ভীষ্মঃ ক্ষত্রিয়ো বাপি মদ্বিধঃ ।
পঞ্চাঞ্চাতানি তেজাংসি তৃণেষু জ্বলিতং ৎবয়া ॥ 5-178-63 (38044)
যস্তে যুদ্ধময়ং দর্পং কামং চ ব্যপনাশয়েৎ।
সোঽহং জাতো মহাবাহো ভীষ্মঃ পরপুরংজয়ঃ।
ব্যপনেষ্যামি তে দর্পং যুদ্ধে রাম ন সংশয়ঃ ॥ 5-178-64 (38045)
ততো মামব্রবীদ্রামঃ প্রহসন্নিব ভারত।
দিষ্ট্যা ভীষ্ম ময়া সার্ধং যোদ্ধুমিচ্ছসি সংগরে ॥ 5-178-65 (38046)
অয়ং গচ্ছামি কৌরব্য কুরুক্ষেত্রং ৎবয়া সহ।
ভাষিতং তে করিষ্যামি তত্রাগচ্ছ পরংতপ ॥ 5-178-66 (38047)
তত্র ৎবাং নিহতং মাতা ময়া শরশতাচিতম্ ।
জাহ্নবী পশ্যতাং ভীষ্ম গৃধ্রকঙ্কবলাশনম্ ॥ 5-178-67 (38048)
কৃপণং ৎবামভিপ্রেক্ষ্য সিদ্ধচারণসেবিতা ।
ময়া বিনিহতং দেবী রোদতামদ্য পার্থিব ॥ 5-178-68 (38049)
অতদর্হা মহাভাগা ভগীরথসুতাঽনঘা ।
যা ৎবামজীজনন্মন্দং যুদ্ধকামুকমাতুরম্ ॥ 5-178-69 (38050)
এহি গচ্ছ ময়া ভীষ্ম যুদ্ধকামুক দুর্মদ ।
গৃহাণ সর্বং কৌরব্য রথাদি ভরতর্ষভ ॥ 5-178-70 (38051)
ইতি ব্রুবাণং তমহং রামং পরপুরংজয়মক্ ।
প্রণম্যক শিরসা রামমেবমস্ৎবিত্যথাব্রবম্ ॥ 5-178-71 (38052)
এবমুক্ৎবা যয়ৌ রামঃ কুরুক্ষেত্রং যুয়ুৎসয়া ।
প্রবিশ্য নগরং চাহং সত্যবত্যৈ ন্যবেদয়ম্ ॥ 5-178-72 (38053)
ততঃ কৃতস্বস্ত্যযনো মাত্রা চ প্রতিনন্দিতঃ।
দ্বিজাতীন্বাচ্য পুণ্যাহং স্বস্তি চৈব মহাদ্যুতে ॥ 5-178-73 (38054)
রথমাস্থায় রুচিরং রাজতং পাণ্ডুরৈর্হয়ৈঃ।
সূপস্করং স্বধিষ্ঠানং বৈয়াঘ্রপরিবারণম্ ॥ 5-178-74 (38055)
উপপন্নং মহাশস্ত্রৈঃ সর্বোপকরণান্বিতম্ ।
তৎকুলীনেন বীরেণ হয়শাস্ত্রবিদা রণে ॥ 5-178-75 (38056)
যত্তং সূতেন শিষ্টেন বহুশো দৃষ্টকর্মণা ।
দংশিতঃ পাণ্ডুরেণাহং কবচেন বপুষ্মতা ॥ 5-178-76 (38057)
পাণ্ডুরং কার্মুকং গৃহ্য প্রায়াং ভরতসত্তম ।
পাণ্ডুরেণাতপত্রেণ ধ্রিয়মাণেন মূর্ধনি ॥ 5-178-77 (38058)
পাণ্ডুরৈশ্চাপি ব্যজনৈর্বীজ্যমানো নরাধিপ ।
শুক্লবাসাঃ সিতোষ্ণীষঃ সর্বশুক্লবিভূষণঃ ॥ 5-178-78 (38059)
স্তূয়মানো জয়াশীর্ভির্নিষ্ক্রম্য গজসাহ্বয়াৎ।
কুরুক্ষেত্রং রণক্ষেত্রমুপায়াং ভরতর্ষভ ॥ 5-178-79 (38060)
তে হয়াশ্চোদিতাস্তেন সূতেন পরমাহবে ।
অবহন্মাং ভৃশং রাজন্মনোমারুতরংহসঃ ॥ 5-178-80 (38061)
গৎবাঽহং তৎকুরুক্ষেত্রং স চ রামঃ প্রতাপবান্ ।
যুদ্ধায় সহসা রাজন্পরাক্রান্তৌ পরস্পরম্ ॥ 5-178-81 (38062)
ততঃ সদর্শনেঽতিষ্ঠং রামস্যাতিতপস্বিনঃ ।
প্রগৃহ্য শঙ্খপ্রবরংক ততঃ প্রাধমমুত্তমম্ ॥ 5-178-82 (38063)
ততস্তত্র দ্বিজা রাজংস্তাপসাশ্চ বনৌকসঃ।
অপশ্যন্ত রণং দিব্যং দেবাঃ সেন্দ্রগণাস্তদা ॥ 5-178-83 (38064)
ততো দিব্যানি মাল্যানি প্রাদুরাসংস্ততস্ততঃ।
বাদিত্রাণি চ দিব্যানি মেঘবৃন্দানি চৈব হ ॥ 5-178-84 (38065)
ততস্তে তাপসাঃ সর্বে ভার্গবস্যানুয়ায়িনঃ ।
প্রেক্ষকাঃ সমপদ্যন্ত পরিবার্য রণাজিরম্ ॥ 5-178-85 (38066)
ততো মামব্রবীদ্দেবী সর্বভূতহিতৈষিণী ।
মাতা স্বরূপিণী রাজন্কিমিদং তে চিকীর্ষিতম্ ॥ 5-178-86 (38067)
গৎবাঽহং জামদগ্ন্যং তু প্রয়াচিষ্যে কুরূদ্বহ ।
ভূষ্মেণ সহ মা যোৎসীঃ শিষ্যেণেতি পুনঃ পুনঃ ॥ 5-178-87 (38068)
মা মৈবং পুত্র নির্বন্ধং কুরু বিপ্রেণ পার্থিব ।
জামদগ্ন্যেন সমরে যোদ্ধুমিত্যেব ভর্ৎসয়ৎ ॥ 5-178-88 (38069)
কিং ন বৈ ক্ষত্রিয়হণো হরতুল্যপরাক্রমঃ ।
বিদিতঃ পুত্র রামস্তে যতস্তং যোদ্ধুমিচ্ছসি ॥ 5-178-89 (38070)
ততোঽহমব্রবং দেবীমভিবাদ্য কৃতাঞ্জলিঃ।
সর্বং তদ্ভরতশ্রেষ্ঠ যথাবৃত্তং স্বয়ংবরে ॥ 5-178-90 (38071)
যথা চ রামো রাজেন্দ্র ময়া পূর্বং প্রচোদিতঃ ।
কাশিরাজসুতায়াশ্চ যথা কর্ম পুরাতনম্ ॥ 5-178-91 (38072)
ততঃ সা রামমভ্যেত্য জননী মে মহানদী।
মদর্থং তমৃষিং বীক্ষ্য ক্ষময়ামাস ভার্গবম্ ॥ 5-178-92 (38073)
ভীষ্মেণ সহ মা যোৎসীঃ শিষ্যেণেতি বচোঽব্রবীৎ ।
স চ তামাহ যাচন্তীং ভীষ্মমেব নিবর্তয়।
ন চ মে কুরুতে কামমিত্যহং তমুপাগমম্ ॥ 5-178-93 (38074)
ততো গঙ্গা সুতস্নোহান্মাং সা পুনরুপাগমৎ।
নাস্যা অকরবং বাক্যং ক্রোধপর্যাকুলেক্ষণঃ ॥ 5-178-94 (38075)
অথাদৃশ্যত ধর্মাত্মা ভৃগুশ্রেষ্ঠো মহাতপাঃ।
আহ্বয়ামাস চ তদা যুদ্ধায় দ্বিজসত্তমঃ ॥ ॥ 5-178-95 (38076)
ইতি শ্রীমন্মহাভারতে উদ্যোগপর্বমি অম্বোপাখ্যানপর্বণি অষ্টসপ্তত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-178-2 কাশ্যে কাশিরাজকন্যে ॥ 5-178-48 অবলিপ্তস্য দৃপ্তস্য। প্রতিপন্নস্য কার্যং ভবতি শাসনমিতি কo ধo পাঠঃ ॥ 5-178-53 যঃ পুমান্ যস্মিন্নরে যথা প্রীত্যা দ্বেষেণ বা বর্ততে স নরস্তস্মিন্ তথৈব প্রীতি দ্বেষং বা প্রবর্তয়ন্ ॥ 5-178-54 ননু ৎবামর্থে প্রবর্তয়ন্নহং ৎবয়ি প্রীতিমেব করোমীত্যাশঙ্ক্যাহ অর্থেবেতি। অর্থে দ্যুস্বাক্যাদ্দারকরণে ধর্মে পিতৃপ্রীত্যর্থং স্বীকৃতে ব্রহ্মচর্যে বিষয়ে দেশকালানুসারেণ সমর্থো বিবেককুশলঃ। তত্র ধর্মলোপেন গুরুবাক্যাৎ প্রাপ্যমাণোঽর্থঃ শ্রেয়ানুত নেত্যর্থে সংশয়বানুত গুরুবাক্যবিরোধেনাপি পাল্যমানো ধর্মঃ শ্রেয়ানুত নেতি ধর্মে সংশয়বান্। এতয়োর্মধ্যে অর্থে সংশয়মাপন্নোঽর্থমননুতিষ্ঠন্ শ্রেয়ান্। পরিশেষাৎ ধর্মে তু নিঃশংসয়ো ধর্মমেবানুতিষ্ঠন্ শ্রোয়ানিত্যর্থ ॥ 5-178-61 পৌরাণং পুরাকৃতম্ ॥ 5-178-67 বলাঃ কাকাঃ তেষামশনং অন্নভূতম্ ॥উদ্যোগপর্ব - অধ্যায় 179
॥ শ্রীঃ ॥
5.179. অধ্যায়ঃ 179
Mahabharata - Udyoga Parva - Chapter Topics
ভীষ্মজামদগ্ন্যযুদ্ধবর্ণনম্ ॥ 1 ॥Mahabharata - Udyoga Parva - Chapter Text
5-179-0 (38077)
ভীষ্ম উবাচ। 5-179-0x (3912)
তমহং স্ময়ন্নিব রণে প্রত্যভাষং ব্যবস্থিতম্।
ভূমিষ্ঠং নোৎসহে যোদ্ধুং ভবন্তং রথমাস্থিতঃ ॥ 5-179-1 (38078)
আরোহ স্যন্দনং বীর কবচং চ মহাভুজ ।
বধান সমরে রাম যদি যোদ্ধুং ময়েচ্ছসি ॥ 5-179-2 (38079)
ততো মামব্রবীদ্রামঃ স্ময়মানো রণাজিরে ।
রথো মে মেদিনী ভীষ্ম বাহা বেদাঃ সদশ্ববৎ ॥ 5-179-3 (38080)
সূতশ্চ মাতরিশ্বা বৈ কবচং বেদমাতরঃ ।
সুসংবীতো রণে তাভির্যোৎস্যেঽহং কুরুনন্দন ॥ 5-179-4 (38081)
এবং ব্রুবাণো গান্ধারে রামো মাং সত্যবিক্রমঃ।
শরব্রাতেন মহতা সর্বতঃ প্রত্যবারয়ৎ ॥ 5-179-5 (38082)
ততোঽপশ্যং জামদগ্ন্যং রথমধ্যে ব্যবস্থিতম্ ।
সর্বায়ুধবরে শ্রীমত্যদ্ভুতোপমদর্শনে ॥ 5-179-6 (38083)
মনসা বিহিতে পুণ্যে বিস্তীর্ণে নগরোপভে ।
দিব্যাশ্বয়ুজি সন্নদ্বে কাঞ্চনেন বিভূষিতে ॥ 5-179-7 (38084)
কবচেন মহাবাহো সোমার্ককৃতলক্ষ্মণা।
ধনুর্ধরো বদ্ধতূণো বদ্ধগোধাঙ্গুলিত্রবান্ ॥ 5-179-8 (38085)
সারথ্যং কৃতবাংস্তত্র যুয়ুৎসোরকুতব্রণঃ ।
সখা বেদবিদত্যন্তং দয়িতো ভার্গবস্য হ ॥ 5-179-9 (38086)
আহ্বয়ানঃ স মাং যুদ্ধে মনো হর্ষয়তীব মে ।
পুনঃ পুনরভিক্রোশন্নভিয়াহীতি ভার্গবঃ ॥ 5-179-10 (38087)
তমাদিত্যমিবোদ্যন্তমনাধৃষ্যং মহাবলম্ ।
ক্ষত্রিয়ান্তকরং রামমেকমেকঃ সমাসদূম্ ॥ 5-179-11 (38088)
ততোঽহং বাণপাতেষু ত্রিষু বাহান্নিগৃহ্য বৈ ।
অবতীর্য ধনুর্ন্যস্য পদাতির্ঋষিসত্তমম্ ॥ 5-179-12 (38089)
অভ্যাগচ্ছং তদা রামমর্চিষ্যন্দ্বিজসত্তমম্ ।
অভিবাদ্য চৈনং বিধিবদব্রুবং বাক্যমুত্তমম্ ॥ 5-179-13 (38090)
যোৎস্যে ৎবয়া রণে রাম সদৃশেনাধিকেন বা ।
গুরুণা ধর্মশীলেন জয়মাশাস্ব মে বিভো ॥ 5-179-14 (38091)
রাম উবাচ। 5-179-15x (3913)
এবমেতৎকুরুশ্রেষ্ঠ কর্তব্যং ভূতিমিচ্ছতা।
ধর্মো হ্যেষ মহাবাহো বিশিষ্টৈঃ সহ যুধ্যতাম্ ॥ 5-179-15 (38092)
শপেয়ং ৎবাং নচেদেবমাগচ্ছেথা বিশাংপতে ।
যুধ্যস্ব ৎবং রণে যত্তো ধৈর্যমালম্ব্য কৌরব ॥ 5-179-16 (38093)
ন তু তে জয়মাশাসে ৎবাং বিজেতুমহং স্থিতঃ ।
গচ্ছ যুধ্যস্ব ধর্মেণ প্রীতোঽস্মি চরিতেন তে ॥ 5-179-17 (38094)
ততোঽহং তং নমস্কৃত্য রথমারুহ্য সৎবরঃ ।
প্রাধ্মাপয়ং রণে শঙ্খং পুনর্হেমপরিষ্কৃতম্ ॥ 5-179-18 (38095)
ততো যুদ্ধং সমভবন্মম তস্য চ ভারত ।
দিবসান্সুবহূন্রাজন্পরস্পরজিগীষয়া ॥ 5-179-19 (38096)
স মে তস্মিন্রণে পূর্বং প্রাহরৎকঙ্খপত্রিভিঃ ।
বষ্ট্যা শতৈশ্চ নবভিঃ শরাণাং নতষর্বণাম্ ॥ 5-179-20 (38097)
চৎবারস্তেন মে বাহাঃ সূতশ্চৈব বিশাংপতে ।
প্রতিরুদ্ধাস্তথৈবাহং সমরে দংশিতঃ স্থিতঃ ॥ 5-179-21 (38098)
নমস্কৃত্য চ দেবেভ্যো ব্রাহ্মণেভ্যো বিশেষতঃ ।
তমহং স্ময়ন্নিব রণে প্রত্যভাষং ব্যবস্থিতম্ ॥ 5-179-22 (38099)
আচার্যতা মানিতা মে নির্মর্যাদে হ্যপি ৎবয়ি ।
ভূয়শ্চ শৃণু মে ব্রহ্মন্সংপদং ধর্মসংগ্রহে ॥ 5-179-23 (38100)
যে তে বেদাঃ শরীরস্থা .... যচ্চ তে মহৎ ।
তপশ্চ তে মহত্তপ্তং ন তেভ্যঃ প্রহরাম্যহম্ ॥ 5-179-24 (38101)
প্রহরে ক্ষত্রধর্মস্য যং ৎবং রাম সমাশ্রিতঃ ।
ব্রাহ্মণঃ ক্ষত্রিয়ৎবং হি যাতি শস্ত্রসমুদ্যমাৎ ॥ 5-179-25 (38102)
পশ্য মে ধনুষো বীর্যং পশ্য বাহ্বোর্বলং মম।
এষ তে কার্মুক বীর ছিনদ্মি নিশিতেষুণা ॥ 5-179-26 (38103)
তস্যাহং নিশিতং ভল্লং চিক্ষেপ ভরতর্ষভ ।
তেনাস্য ধনুষঃ কোটিং ছিৎবা ভূমাবপাতয়ম্ ॥ 5-179-27 (38104)
তথৈব চ পৃষৎকানাং শতানি নতপর্বণাম্ ।
চিক্ষেপ কঙ্কপত্রাণাং জামদগ্ন্যরথং প্রতি । 5-179-28 (38105)
কায়ে বিষক্তাস্তু তদা বায়ুনা সমুদীরিতাঃ।
চেলুঃ ক্ষরন্তো রুধিরং নাগা ইব চ তে শরাঃ ॥ 5-179-29 (38106)
ক্ষতজোক্ষিতসর্বাঙ্গঃ ক্ষরন্স রুধিরং রণে।
বভৌ রামস্তথা রাজন্প্রফুল্ল ইব কিংশুকঃ ॥ 5-179-30 (38107)
হেমন্তান্তেঽশোক ইব রক্তস্তবকমণ্ডিতঃ।
বভৌ রামস্তথা রাজন্প্রফুল্ল ইব কিংশুকঃ ॥ 5-179-31 (38108)
ততোঽন্যদ্ধনুরাদায় রামঃ ক্রোধসমন্বিতঃ ।
হেমপুঙ্খান্সুনিশিতাঞ্শরাংস্তান্হি ববর্ষ সঃ ॥ 5-179-32 (38109)
তে সমাসাদ্য মাং রৌদ্রা বহুধা মর্মভেদিনঃ ।
অকম্পয়ন্মহাবেগাঃ সর্পানলবিষোপমাঃ ॥ 5-179-33 (38110)
তমহং সমবষ্টভ্য পুনরাত্মানমাহবে ।
শতসংখ্যৈঃ শরৈঃ ক্রুদ্ধস্তদা রামমবাকিরম্ ॥ 5-179-34 (38111)
স তৈরগ্ন্যর্কসঙ্কাশৈঃ শরৈরাশীবিষোপমৈঃ ।
শিতৈরভ্যর্দিতো রামো মন্দচেতা ইবাভবৎ ॥ 5-179-35 (38112)
ততোঽহং কৃপয়াঽঽবিষ্টো বিনিন্দ্যাত্মানমাত্মনা ।
ধিগ্ধিগিত্যব্রুবং যুদ্ধং ক্ষত্রধর্মং চ ভারত ॥ 5-179-36 (38113)
অসকৃচ্চাব্রুবং রাজঞ্শোকবেগপরিপ্লুতঃ ।
অহো বত কৃতং পাপং ময়েদং ক্ষত্রধর্মং চ ভারত ॥ 5-179-37 (38114)
গুরুর্দ্বিজাতির্ধর্মাত্মা যদেবং পীডিতঃ শরৈঃ।
ততো ন প্রাহরং ভূয়ো জামদগ্ন্যায় ভারত ॥ 5-179-38 (38115)
অথাবতাপ্য পৃথিবীং পূষা দিবসমংক্ষয়ে।
জগামাস্তং সহস্রাংশুস্ততো যুদ্ধমুপারমৎ ॥ ॥ 5-179-39 (38116)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি একোনাশীত্যধিকশততমোঽধ্যায়ঃ ॥
উদ্যোগপর্ব - অধ্যায় 180
॥ শ্রীঃ ॥
5.180. অধ্যায়ঃ 180
Mahabharata - Udyoga Parva - Chapter Topics
রামভীষ্মসমরবর্ণনম্ ॥ 1 ॥Mahabharata - Udyoga Parva - Chapter Text
5-180-0 (38117)
ভীষ্ম উবাচ। 5-180-0x (3914)
আত্মনস্তু ততঃ সূতো হয়ানাং চ বিশাংপতে।
মম চাপনয়ামাস শল্যান্কুশলসংমতঃ ॥ 5-180-1 (38118)
স্নাতাপবৃত্তৈস্তুরগৈর্লব্ধতোয়ৈরবিহ্বলৈঃ।
প্রভাতে চোদিতে সূর্যে ততো যুদ্ধমবর্তত ॥ 5-180-2 (38119)
দৃষ্ট্বা ভাং তূর্ণমায়ান্তং দংশিতং স্যন্দনে স্থিতম্।
অকরোদ্রথমত্যর্থং রামঃ সজ্জং প্রতাপবান্ ॥ 5-180-3 (38120)
ততোঽহং রামমায়ান্তং দৃষ্ট্বা সমরকাঙ্ক্ষিণম্ ।
ধনুঃশ্রেষ্ঠং সমিৎসৃজ্য সহসাবতরং রথাৎ ॥ 5-180-4 (38121)
অভিবাদ্য তথৈবাহং রথমারুহ্য ভারত ।
যুয়ুৎসুর্জামদগ্ন্যস্য প্রমুখে বীতভীঃ স্থিতঃ ॥ 5-180-5 (38122)
ততোঽহং শরবর্ষেণ মহতা সমবাকিরম্ ।
স চ মাং শরবর্ষেণ বর্ষন্তং সমবাকিরম্॥ 5-180-6 (38123)
সংক্রুদ্ধো জামদগ্ন্যস্তু পুনরেব সুতেজিতান্ ।
সংপ্রৈষীন্মে শরান্ঘোরান্দীপ্তাস্যানুরগানিব ॥ 5-180-7 (38124)
ততোঽহং নিশিতৈর্ভল্লৈঃ শতশোঽথ সহস্রশঃ ।
অচ্ছিদং সহসা রাজন্নন্তরিক্ষে পুনঃ পুনঃ ॥ 5-180-8 (38125)
ততস্ৎবস্ত্রাণি দিব্যানি জামদগ্ন্যঃ প্রতাপবান্ ।
ময়ি প্রয়োজয়ামাস তান্যহং প্রত্যষেধয়ম্ । 5-180-9 (38126)
অস্ত্রৈরেব মহাবাহো চিকীর্ষন্নধিকাং ক্রিয়াম্।
ততো বিদি মহান্নাদঃ প্রাদুরাসীৎসমন্ততঃ ॥ 5-180-10 (38127)
ততোঽহমস্ত্রং বায়ব্যং জামদগ্ন্যে প্রয়ুক্তবান্।
প্রত্যাজঘ্নে চ তদ্রামো গুহ্যকাস্ত্রেণ ভারত ॥ 5-180-11 (38128)
ততোঽহমস্ত্রমাগ্নেয়মনুমন্ত্র্য প্রয়ুক্তবান্ ।
বারুণেনৈব তদ্রামো বারয়ামাস মে বিভুঃ ॥ 5-180-12 (38129)
এবমস্ত্রাণি দিব্যানি রামস্যাহমবারয়ম্ ।
রামশ্চ মম তেজস্বী দিব্যাস্ত্রবিদরিন্দমঃ ॥ 5-180-13 (38130)
ততো মাং সব্যতো রাজন্রামঃ কুর্বন্দ্বিজোত্তমঃ।
উরস্যবিধ্যৎসংক্রুদ্ধো জামদগ্ন্যঃ প্রতাপবান্ ॥ 5-180-14 (38131)
ততোঽহং ভারতশ্রেষ্ঠ সংন্যষীদং রথোত্তমে।
ততো মাং কশ্মলাবিষ্টং সূতস্তূর্ণমুদাবহৎ ॥ 5-180-15 (38132)
গ্লায়ন্তং ভরশ্রেষ্ঠ রামবাণপ্রপীডিতম্ ।
ততো মামপয়াতং বৈ ভৃশং বিদ্ধমচেতসম্ ॥ 5-180-16 (38133)
রামস্যানুচরা হৃষ্টাঃ সর্বে দৃষ্ট্বা বিচুক্রুশুঃ ।
অকৃতব্রণপ্রভৃতয়ঃ কাশিকন্যা চ ভারত ॥ 5-180-17 (38134)
ততস্তু লব্ধসংজ্ঞোঽহং জ্ঞাৎবা সূতমথাব্রুবম্ ।
যাহি সূত যতো রামঃ সজ্জোঽহং গতবেদনঃ ॥ 5-180-18 (38135)
ততো মামবহৎসূতো হয়ৈঃ পরমশোভিতৈঃ ।
নৃত্যদ্ভিরিব কৌরব্য মারুতপ্রতিমৈর্গতৌ ॥ 5-180-19 (38136)
ততোঽহং রামমাসাদ্য বাণবর্ষৈশ্চ কৌরব ।
অবাকিরং সুসংরব্ধঃ সংরব্ধং চ জিগীষয়া ॥ 5-180-20 (38137)
তানাপতত এবাসৌ রামো বাণানজিহ্মগান্।
বাণৈরেবাচ্ছিনত্তূর্ণমেকৈকং ত্রিভিরাহবে ॥ 5-180-21 (38138)
ততস্তে সূদিতাঃ সর্বে মম বাণাঃ সুসংশিতাঃ ।
রামবাণৈর্দ্বিধা চ্ছিন্নাঃ শতশোঽথ সহস্রশঃ ॥ 5-180-22 (38139)
ততঃ পুনঃ শরং দীপ্তং সুপ্রভং কালসংমিতম্ ।
অসৃজং জামদগ্ন্যায় রামায়াহং জিঘাংসয়া ॥ 5-180-23 (38140)
তেন ৎবভিহতো গাঢং বাণবেগবশং গতঃ।
মুমোহ সমরে রামো ভূমৌ চ নিপপাত হ ॥ 5-180-24 (38141)
ততো হাহাকৃতং কসর্বং রামে ভূতলমাশ্রিতে ।
জগদ্ভারত সংবিগ্নং যথার্কপতনে ভবেৎ ॥ 5-180-25 (38142)
তত এনং সমুদ্বিগ্নাঃ সর্ব এবাভিদুদ্রুবুঃ ।
তপোধনাস্তে সহসা কাশ্যা চ কুরুনন্দন ॥ 5-180-26 (38143)
তত এনং পরিষ্বজ্য শনৈরাশ্বাসয়ংস্তদা ।
পাণিভির্জলশীতৈশ্চ জয়াশীর্ভিশ্চ কৌরব ॥ 5-180-27 (38144)
ততঃ স বিহ্বলং বাক্যং রাম উত্থায় চাব্রবীৎ।
তিষ্ঠ ভীষ্ম হতোঽসীতি বাণং সংধায় কার্মুকে ॥ 5-180-28 (38145)
স মুক্তো ন্যপতত্তূর্ণং সব্যে পার্শ্বে মহাহবে ।
যেনাহং ভৃশমুদ্বিগ্রো ব্যাঘূর্ণিত ইব দ্রুমঃ ॥ 5-180-29 (38146)
হৎবা হয়াংস্ততো রামঃ শীঘ্রাস্ত্রেণ মহাহবে ।
অবাকিরন্মাং বিস্রব্ধো বাণৈস্তৈর্লোমবাহিভিঃ ॥ 5-180-30 (38147)
ততোঽহমপি শীঘ্রাস্ত্রং সমরপ্রতিবারণম্ ।
অবাসৃজং মহাবাহো তেন্তরাধিষ্ঠিতাঃ শরাঃ ॥ 5-180-31 (38148)
রামস্য মম চৈবাশু ব্যোমাবৃত্য সমন্ততঃ।
ন স্ম সূর্যঃ প্রতপতি শরজালসমাবৃতঃ ॥ 5-180-32 (38149)
মাতরিশ্বা ততস্তস্মিন্মেঘরুদ্ধ ইবাভবৎ ।
ততো বায়োঃ প্রকম্পাচ্চ সূর্যস্য চ গভস্তিভিঃ ॥ 5-180-33 (38150)
অভিঘাতপ্রভাবাচ্চ পাবকঃ সমজায়ত ।
তে শরাঃ স্বসমুত্থেন প্রদীপ্তাশ্চিত্রভানুনা ॥ 5-180-34 (38151)
ভূমৌ সর্বে তদা রাজন্ভস্মভূতাঃ প্রপেদিরে ।
তদা শতসহস্রাণি প্রয়ুতান্যর্বুদানি চ ॥ 5-180-35 (38152)
অয়ুতান্যথ খর্বাণি নিখর্বাণি চ কৌরব ।
রামঃ শরাণাং সংক্রুদ্ধো ময়ি তূর্ণং ন্যপাতয়ৎ ॥ 5-180-36 (38153)
ততোঽহং তানপি রণে শরৈরাশীবিষোপমৈঃ ।
সংছিদ্য ভূমৌ নৃপতে পাতয়েয়ং নগানিব ॥ 5-180-37 (38154)
এবং তদভবদ্যুদ্বং তদা ভরতসত্তম ।
সন্ধ্যাকালে ব্যতীতে তু ব্যপায়াৎস চ মে গুরুঃ ॥ ॥ 5-180-38 (38155)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি অশীত্যধিকশততমোঽধ্যায়ঃ ॥
উদ্যোগপর্ব - অধ্যায় 181
॥ শ্রীঃ ॥
5.181. অধ্যায়ঃ 181
Mahabharata - Udyoga Parva - Chapter Topics
রমভীষ্মসমরবর্ণনম্ ॥ 1 ॥Mahabharata - Udyoga Parva - Chapter Text
5-181-0 (38156)
ভীষ্ম উবাচ। 5-181-0x (3915)
সমাগতস্য রামেণ পুনরেবাতিদারুণম্।
অন্যেদ্যুস্তুমুলং যুদ্ধং তদা ভরতসত্তম ॥ 5-181-1 (38157)
ততো দিব্যাস্ত্রবিচ্ছূরো দিব্যান্যস্ত্রাণ্যনেকশঃক ।
অয়োজয়ৎস ধর্মাত্মা দিবসে দিবসে বিভুঃ ॥ 5-181-2 (38158)
তান্যহং তৎপ্রতীঘাতৈরস্ত্রৈরস্ত্রাণি ভারত।
ব্যধমং তুমুলেয়ুদ্ধেপ্রাণাংস্ত্যক্ৎবাসুদুস্ত্যজান্ ॥ 5-181-3 (38159)
অস্ত্রৈরস্ত্রেষু বহুধা হতেষ্বেব চ ভারত ।
অক্রুধ্যত মহাতেজাস্ত্যক্তপ্রাণঃ স সংয়ুগে ॥ 5-181-4 (38160)
ততঃ শক্তিং প্রাহিণোদ্ধোররূপা-
মস্ত্রে রুদ্ধে জামদগ্ন্যো মহাত্মা।
কালোৎসৃষ্টাং প্রজ্বলিতামিবোল্কাং
সংদীপ্তাগ্রাং তেজসা ব্যাপ্য লোকম্ ॥ 5-181-5 (38161)
ততোঽহং তামিষুভির্দীপ্যমানাং
সমায়ান্তীমন্তকালার্কদীপ্তাম্ ।
ছিত্ৎবা ত্রিধা পাতয়ামাস ভূমৌ
ততো ববৌ পবনঃ পুণ্যগন্ধিঃ ॥ 5-181-6 (38162)
তস্যাং ছিন্নায়াং ক্রোধদীপ্তোঽথ রামঃ
শক্তীর্ঘোরাঃ প্রাহিণোদ্দ্বাদশান্যাঃ ।
তাসাং রূপং ভারত নোত শক্যং
তেজস্বিৎবাল্লাঘবাচ্চৈব বক্তুম্ ॥ 5-181-7 (38163)
কিন্ৎবেবাহং বিহ্বলঃ সংপ্রদৃশ্য
দিগ্ভ্যঃ সর্বাস্তা মহোৎকা ইবাগ্নেঃ ।
নানারূপাস্তেজসোগ্রেণ দীপ্তা
যথাঽঽদিত্যা দ্বাদশ লোকসংক্ষয়ে ॥ 5-181-8 (38164)
ততো জালং বাণময়ং বিবৃত্তং
সংদৃশ্য ভিত্ৎবা শরজালেন রাজন্।
দ্বাদশেষূন্প্রাহিণবং রণেঽহং
ততঃ শক্তীরপ্যধমং ঘোররূপাঃ ॥ 5-181-9 (38165)
ততো রাজঞ্জামদগ্ন্যো মহাত্মা
শক্তীর্ঘোরা ব্যাক্ষিপদ্ধেমদণ্ডাঃ।
বিচিত্রিতাঃ কাঞ্চনপট্টনংদ্ধা
যথা মহোল্কা জ্বলিতাস্তথা তাঃ ॥ 5-181-10 (38166)
তাশ্চাপ্যুগ্রাশ্চর্মণা বারয়িৎবা
খঙ্গেনাজৌ পাতয়িৎবা নরেন্দ্র।
বাণৈর্দিব্যৈর্জামদগ্ন্যস্য সঙ্খ্যে
দিব্যানশ্বানভ্যবর্ষং সসূতান্ ॥ 5-181-11 (38167)
নির্মিক্তানাং পন্নগানাং সরূপা
দৃষ্ট্বা শক্তীর্হেমচিত্রা নিকৃত্তাঃ ।
প্রাদুশ্চক্রে দিব্যমস্ত্রং মহাত্মা
ক্রোধাবিষ্টো হৈহয়েশমমাথী ॥ 5-181-12 (38168)
ততঃ শ্রেণ্যঃ শলভানামিবোগ্রাঃ
সমাপেতুর্বিশিখানাং প্রদীপ্তাঃ ।
সমাচিনোচ্চাপি ভৃশং শরীরং
হয়ান্সূতং সরথং চৈব মহ্যম্ ॥ 5-181-13 (38169)
রথঃ শরৈর্মে নিচিতঃ সর্বতোঽভূ-
ত্তথা বাহাঃ সারথিশ্চৈব রাজন্।
যুগং রথেষাং চ তথৈব চক্রে
তথৈবাক্ষঃ শরকৃত্তোঽথ ভগ্নঃ ॥ 5-181-14 (38170)
ততস্তস্মিন্বাণবর্ষে ব্যতীতে
শরৌঘেণ প্রত্যবর্ষং গুরুং তম্।
স বিক্ষতো মার্গণৈর্ব্রহ্মরাশি-
র্দেহাদসক্তং মুমুচে ভূরি রক্তম্ ॥ 5-181-15 (38171)
যথা রামো বাণজালাভিতপ্ত-
স্তথৈবাহং সুভৃশং গাঢবিদ্ধঃ ।
ততো যুদ্ধং ব্যরমচ্চাপরাহ্ণে
ভানাবস্তং প্রতিয়াতে মহীধ্রম্ ॥ ॥ 5-181-16 (38172)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি একাশীত্যধিকশততমোঽধ্যায়ঃ ॥
উদ্যোগপর্ব - অধ্যায় 182
॥ শ্রীঃ ॥
5.182. অধ্যায়ঃ 182
Mahabharata - Udyoga Parva - Chapter Topics
রামেণ রথাদধঃ পাতিতস্য ভীষ্মস্য দিব্যপুরুষৈঃ সমাশ্বাসনম্ ॥ 1 ॥ ভীষ্মেণ রামস্য রথাদধঃ পাতনম্ ॥ 2 ॥ সমুদ্বুধ্য পুনর্যুয়ুৎসো রামস্য মহর্ষিভির্যুদ্ধাৎপ্রতিনিবর্তনম্ ॥ 3 ॥Mahabharata - Udyoga Parva - Chapter Text
5-182-0 (38173)
ভীষ্ম উবাচ। 5-182-0x (3916)
ততঃ প্রভাতে রাজেন্দ্র সূর্যে বিমলতাং গতে।
ভার্গবস্য ময়া সার্ধং পুনর্যুদ্ধমবর্তত ॥ 5-182-1 (38174)
ততোঽভ্রান্তে রথে তিষ্ঠন্রামঃ প্রহরতাং বরঃ।
ববর্ষ শরজালানি ময়ি মেধ ইবাচলে ॥ 5-182-2 (38175)
ততঃ সূতো মম সুহৃচ্ছরবর্ষেণ তাডিতঃ।
অপয়াতো রথোপস্থান্মনো মম বিষাদয়ন্ ॥ 5-182-3 (38176)
ততঃ সূতো মমাত্যর্থং কশ্মলং প্রাবিশন্মহৎ ।
পৃথিব্যাং চ শরাঘাতান্নিপপাত মুমোহ চ ॥ 5-182-4 (38177)
ততঃ সূতো জহাৎপ্রাণান্রামবাণপ্রপীডিতঃ।
মুহূর্তাদিব রাজেন্দ্র মাং চ ভীরাবিশত্তদা ॥ 5-182-5 (38178)
ততঃ সূতে হতে তস্মিন্ক্ষিপতস্তস্য মে শরান্ ।
প্রমত্তমনসো রামঃ প্রাহিণোন্মৃত্যুসংমিতম্ ॥ 5-182-6 (38179)
ততঃ সূতব্যসনিনং বিপ্লুতং মাং স ভার্গবঃ ।
শরেণাভ্যহনদ্গাঢং বিকৃষ্য বলবদ্ধনুঃ ॥ 5-182-7 (38180)
স মে ভুজান্তরে রাজন্নিপত্য রুধিরাশনঃ।
ময়ৈব সহ রাজেন্দ্র জগাম বসুধাতলম্ ॥ 5-182-8 (38181)
মৎবা তু নিহতং রামস্ততো মাং ভরতর্ষভ ।
মেঘবদ্বিননাদোচ্চৈর্জহৃষে চ পুনঃ পুনঃ ॥ 5-182-9 (38182)
তথা তু পতিতে রাজন্ময়ি রামো মুদা যুতঃ।
উদক্রোশন্মহানাদং সহ তৈরনুয়ায়িভিঃ ॥ 5-182-10 (38183)
মম তত্রাভবন্যে তু কুরবঃ পার্শ্বতঃ স্থিতাঃ ।
আগতা অপি যুদ্ধং তঞ্জনাস্তত্র দিদৃক্ষবঃ ।
আর্তিং পরমিকাং জগ্মুস্তে তদা পতিতে ময়ি ॥ 5-182-11 (38184)
ততোঽপশ্যং পতিতো রাজসিংহ
দ্বিজানষ্টৌ সূর্যহুতাশনাভান্ ।
তে মাং সমন্তাৎপরির্বায় তস্থুঃ
স্ববাহুভিঃ পরিধার্যাজিমধ্যে ॥ 5-182-12 (38185)
রক্ষ্যমাণশ্চ তৈর্বিপ্রৈর্নাহং ভূমিমুপাস্পৃশম্ ।
অন্তরিক্ষে ধৃতো হ্যস্মি তৈর্বিপ্রৈর্বান্ধবৈরিব ॥ 5-182-13 (38186)
শ্বসন্নিবান্তরিক্ষে চ জলবিন্দুভিরুক্ষিতঃ ।
ততস্তে ব্রাহ্মণা রাজন্নব্রুবন্পরিগৃহ্য মাম্ ॥ 5-182-14 (38187)
মা ভৈরিতি সমং সর্বে স্বস্তি তেঽস্ৎবিতি চাসকৃৎ।
ততস্তেষামহং বাগ্ভিস্তর্পিতঃ সহসোত্থিতঃ ।
মাতরং সরিতাং শ্রেষ্ঠামপশ্যং রথমাস্থিতাম্ ॥ 5-182-15 (38188)
হয়াশ্চ মে সংগৃহীতাস্তয়াঽঽস-
ন্মহানদ্যা সংয়তি কৌরবেন্দ্র।
পাদৌ জনন্যাঃ প্রতিগৃহ্য চাহং
তথা পিতৄণাং রথমভ্যরোহম্ ॥ 5-182-16 (38189)
ররক্ষ সা মাং সরথং হয়াংশ্চোপস্কারাণি চ।
তামহং প্রাঞ্জলির্ভূৎবা পুনরেব ব্যসর্জয়ম্ ॥ 5-182-17 (38190)
ততোঽহং স্বয়মুদ্যম্য হয়াংস্তান্বাতরংহসঃ।
অয়ুধ্যং জামদগ্ন্যেন নিবৃত্তেঽহনি ভারত ॥ 5-182-18 (38191)
ততোঽহং ভরতশ্রেষ্ঠ বেগবন্তং মহাবলম্ ।
অমুঞ্চং সমরে বাণং রামায় হৃদয়চ্ছিদম্ ॥ 5-182-19 (38192)
ততো জগাম বসুধাং মম বাণপ্রপীডিতঃ ।
জানুভ্যাং ধনুরুৎসৃজ্য রামো মোহবশং গতঃ ॥ 5-182-20 (38193)
ততস্তস্মিন্নিপতিতে রামে ভূরিসহস্রদে ।
আবব্রুর্জলদা ব্যোম ক্ষরন্তো রুধিরং বহু ॥ 5-182-21 (38194)
উল্কাশ্চ শতশঃ পেতুঃ সনির্ঘাতাঃ সকম্পনাঃ। 5-182-22bঅর্কং চ সহসা দীপ্তং স্বর্ভানুরভিসংবৃণোৎ ॥ 5-182-22 (38195)
ববুশ্চ বাতাঃ পরুষাশ্চলিতা চ বসুংধরা ।
গৃধ্রা বলাশ্চ কঙ্কাশ্চ পরিপেতুর্গুদা যুতাঃ ॥ 5-182-23 (38196)
দীপ্তায়াং দিশি গোমায়ুর্দারুণং মুহুরুন্নদৎ ।
অনাহতা দুন্দুভয়ো বিনেদুর্ভৃশনিঃস্বনাঃ ॥ 5-182-24 (38197)
এতদৌৎপাতিকং সর্বং ঘোরমাসীদ্ভয়ংকরম্ ।
বিসংজ্ঞকল্পে ধরণীং গতে রামে মহাত্মনি ॥ 5-182-25 (38198)
ততো বৈ সহসোত্থায় রামো মামভ্যবর্তত ।
পুনর্যুদ্ধায় কৌরব্য বিহ্বলঃ ক্রোধমূর্ছিতঃ ॥ 5-182-26 (38199)
আদদানো মহাবাহুঃ কার্মুকং তালসন্নিভম্ ।
ততো ময়্যাদদানং তং রামমেব ন্যবারয়ন্ ॥ 5-182-27 (38200)
মহর্ষয়ঃ কৃপায়ুক্তাঃ ক্রোধাবিষ্টোঽপি ভার্গবঃ ।
সমাহরদমেয়াত্মা শরং কালানলোপমম্ ॥ 5-182-28 (38201)
সতো রবির্মন্দমরীচিমণ্ডলো
জগামাস্তং পাংসুপুঞ্জাবগূঢঃ
নিশা ব্যগাহৎসুখশীতমারুতা
ততো যুদ্ধং প্রত্যবহারয়াব- ॥ 5-182-29 (38202)
এবং রাজন্নবহারো বভূব
ততঃ পুনর্বিমলেঽভূৎসুঘোরম্।
কল্যংকল্যং বিংশতিং বৈ দিনানি
তথৈব চান্যানি দিনানি ত্রীণি ॥ ॥ 5-182-30 (38203)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি দ্ব্যশীত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-182-2 অভ্রান্তে মেঘমণ্ডলসমীপে ॥ 5-182-12 দ্বিজান্ ব্রাহ্মণরূপধরান্ বসূন্ ॥ 5-182-21 ভূয়িপ্তহস্নদে স্বর্ণসহস্রাণাং দাতরি ॥ 5-182-22 সকম্পনাঃ সবিদ্যুতঃ ॥ 5-182-23 বলাঃ বলাকাঃ ॥ 5-182-30 কল্যংকল্যং প্রাতঃপ্রাতঃ ॥উদ্যোগপর্ব - অধ্যায় 183
॥ শ্রীঃ ॥
5.183. অধ্যায়ঃ 183
Mahabharata - Udyoga Parva - Chapter Topics
সপ্রমাণং দেবতাদিপ্রার্থনাপূর্বকং শায়িতস্য ভীষ্মস্য দিব্যপুরুষৈঃ স্বপ্নে সমাশ্বাসনপূর্বকং জ্ঞাতপূর্বপ্রস্বাপনাস্ত্রানুস্মারণম্ ॥ 1 ॥Mahabharata - Udyoga Parva - Chapter Text
5-183-0 (38204)
ভীষ্ম উবাচ। 5-183-0x (3917)
ততোঽহং নিশি রাজেন্দ্র প্রণম্য শিরসা তদা।
ব্রাহ্মণানাং পিতৄণাং চ দেবতানাং চ সর্বশঃ ॥ 5-183-1 (38205)
নক্তংচরাণাং ভূতানাং রাজন্যানাং বিশাংপতে।
শয়নং প্রাপ্য রহিতে মনসা সমচিন্তয়ম্ ॥ 5-183-2 (38206)
জামদগ্ন্যেন মে যুদ্ধমিদং পরমদারুণম্ ।
অহানি চ বহূন্যদ্য বর্ততে সুমহাত্যযম্ ॥ 5-183-3 (38207)
ন চ রামং মহাবীর্যং শক্নোমি রণমূর্ধনি ।
বিজেতুং সমরে বিপ্রং জামদগ্ন্যং মহাবলম্ ॥ 5-183-4 (38208)
যদি শক্যো ময়া জেতুং জামদগ্ন্যঃ প্রতাপবান্ ।
দৈবতানি প্রসন্নানি দর্শয়ন্তু নিশাং মম ॥ 5-183-5 (38209)
ততো নিশি চ রাজেন্দ্র প্রসুপ্তঃ শরবিক্ষতঃ ।
দক্ষিণেনেহ পার্শ্বেন প্রভাতসময়ে তদা ॥ 5-183-6 (38210)
ততোঽহং বিপ্রমুখ্যৈস্তৈর্যৈরস্মি পতিতো রথাৎ।
উত্থাপিতো ধৃতশ্চৈব মা ভৈরিতি চ সান্ৎবিতঃ ॥ 5-183-7 (38211)
ত এব মাং মহারাজ স্বপ্নে দর্শনমেত্য বৈ ।
পরিবার্যাব্রুবন্বাক্যং তন্নিবোধ কুরূদ্বহ ॥ 5-183-8 (38212)
উত্তিষ্ঠ মা ভৈর্গাঙ্গেয় ন ভয়ং তেঽস্তি কিংচন।
রক্ষামহে ৎবাং কৌরব্য স্বশরীরং হি নো ভবান্ ॥ 5-183-9 (38213)
ন ৎবাং রামো রণে জেতা জামদগ্ন্যঃ কথংচন ।
ৎবমেব সমরে রামং বিজেতা ভরতর্ষভ ॥ 5-183-10 (38214)
ইদমস্ত্রং সুদয়িতং প্রত্যভিজ্ঞাস্যতে ভবান্ ।
বিদিতং হি তবাপ্যেতৎপূর্বস্মিন্দেহধারণে ॥ 5-183-11 (38215)
প্রাজাপত্যং বিশ্বকৃতং প্রস্বাপং নাম ভারত ।
ন হীদং বেদ রামোঽপি পৃথিব্যাং বা পুমান্ক্বচিৎ ॥ 5-183-12 (38216)
তৎস্মরস্ব মহাবাহো ভৃশং সংয়োজয়স্ব চ।
উপস্থাস্যতি রাজেন্দ্র স্বয়মেব তবানঘ ॥ 5-183-13 (38217)
যেন সর্বান্মহাবীর্যান্প্রশাসিষ্যসি কৌরব ।
ন চ রামঃ ক্ষয়ং গন্তা তেনাস্ত্রেণ নরাধিপ ॥ 5-183-14 (38218)
এনসা ন তু সংয়োগং প্রাপ্স্যসে জাতু মানদ ।
স্বপ্স্যতে জামদগ্ন্যোঽসৌ ৎবদ্বাণবলপীডিতঃ ॥ 5-183-15 (38219)
ততো জিৎবা ৎবমেবৈনং পুনরুত্থাপয়িষ্যসি।
অস্ত্রেণ দয়িতেনাজৌ ভীষ্ম সংবোধনেন বৈ ॥ 5-183-16 (38220)
এবং কুরুষ্ব কৌরব্য প্রভাতে রথমাস্থিতঃ।
প্রসুপ্তং বা মৃতং বেতি তুল্যং মন্যামহে বয়ম্ ॥ 5-183-17 (38221)
ন চ রামেণ মর্তব্যং কদাচিদপি পার্থিব।
ততঃ সমুৎপন্নমিদং প্রস্বাপং যুজ্যতামিতি ॥ 5-183-18 (38222)
ইত্যুক্ৎবান্তর্হিতা রাজন্সর্ব এব দ্বিজোত্তমাঃ ।
অষ্টৌ সদৃশরূপাস্তে সর্বে ভাসুরমূর্তয়ঃ ॥ ॥ 5-183-19 (38223)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি ত্র্যশীত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-183-5 নিশাং নিশি। দর্শয়ন্তু আত্মানং প্রকাশয়ন্তু ॥উদ্যোগপর্ব - অধ্যায় 184
॥ শ্রীঃ ॥
5.184. অধ্যায়ঃ 184
Mahabharata - Udyoga Parva - Chapter Topics
রামভীষ্ময়োরায়োধনম্ ॥ 1 ॥ ভীষ্মস্য প্রস্বাপনাস্ত্রপ্রতিভানম্ ॥ 2 ॥Mahabharata - Udyoga Parva - Chapter Text
5-184-0 (38224)
ভীষ্ম উবাচ। 5-184-0x (3918)
ততো রাত্রৌ ব্যতীতায়াং প্রতিবুদ্ধোঽস্মি ভারত ।
ততঃ সংচিন্ত্য বৈ স্বপ্নমবাপং হর্ষমুত্তমম্ ॥ 5-184-1 (38225)
ততঃ সমভবদ্যুদ্ধং মম তস্য চ ভারত ।
তুমুলং সর্বভূতানাং রোমহর্ষণমদ্ভুতম্ ॥ 5-184-2 (38226)
ততো বাণময়ং বর্ষং ববর্ষ ময়ি ভার্গবঃ।
ন্যবারয়মহং তচ্চ শরজালেন ভারত ॥ 5-184-3 (38227)
ততঃ পরমসংক্রুদ্ধঃ পুনরেব মহাতপাঃ ।
হ্যস্তনেন চ কোপেন শক্তিং বৈ প্রাহিণোন্ময়ি ॥ 5-184-4 (38228)
ইন্দ্রাশনিসমস্পর্শাং যমদণ্ডসমপ্রভাম্ ।
জ্বলন্তীমগ্নিবৎসঙ্খ্যে লেলিহানাং সমন্ততঃ ॥ 5-184-5 (38229)
ততো ভরতশার্দূল ধিষ্ণ্যমাকাশগং যথা।
সা মমাভ্যবধীত্তূর্ণং জত্রুদেশে কুরূদ্বহ ॥ 5-184-6 (38230)
অথাস্রমস্রবদ্ধোরং গিরের্গৈরিকধাতুবাৎ ।
রামেণ সুমহাবাহো ক্ষতস্য ক্ষতজেক্ষণ ॥ 5-184-7 (38231)
ততোঽহং জামদগ্ন্যায় ভৃশং ক্রোধসমন্বিতঃ ।
চিক্ষেপ মৃত্যুসংকাশং বাণং সর্পবিষোপমম্ ॥ 5-184-8 (38232)
স তেনাভিহতো বীরো ললাটে দ্বিজসত্তমঃ ।
অশোভত মহারাজ শশ্রৃঙ্গ ইব পর্বতঃ ॥ 5-184-9 (38233)
স সংরব্ধঃ সমাবৃত্য শরং কালান্তকোপমম্ ।
সংদধে বলবৎকৃষ্য ঘোরং শত্রনিবর্হণম্ ॥ 5-184-10 (38234)
স বক্ষসি পাপতোগ্রঃ শরো ব্যাল ইব শ্বসন্ ।
মহীং রাজংস্ততশ্চাহমগমং রুধিরাবিলঃ ॥ 5-184-11 (38235)
সংপ্রাপ্য তু পুনঃ সংজ্ঞাং জামদঘ্ন্যায় ধীমতে ।
প্রাহিণ্বং বিমলাং শক্তিং জ্বলন্তীমশনীমিব ॥ 5-184-12 (38236)
সা তস্য দ্বিজমুখ্যস্য নিপপাত ভুজান্তরে ।
বিহ্বলশ্চাভবদ্রাজন্বেপথুশ্চৈনমাবিশৎ ॥ 5-184-13 (38237)
তত এনং পরিষ্বজ্য সখা বিপ্রো মহাতপাঃ ।
অকৃতব্রণঃ শুভৈর্বাক্যৈরাশ্বাসয়দনেকধা ॥ 5-184-14 (38238)
সমাশ্বস্তস্ততো রামঃ ক্রোধামর্ষসমন্বিতঃ ।
প্রাদুশ্চক্রে তদা ব্রাহ্মং পরমাস্ত্রং মহাব্রতঃ ॥ 5-184-15 (38239)
ততস্তৎপ্রতিঘাতার্থং ব্রাহ্মমেবাস্ত্রমুত্তমম্ ।
ময়া প্রয়ুক্তং জজ্বাল যুগান্তমিব দর্শয়ৎ ॥ 5-184-16 (38240)
তয়োর্ব্রহ্মাস্ত্রয়োরাসীদন্তরা বৈ সমাগমঃ ।
অসংপ্রাপ্যৈব রামং চ মাং চ ভারতসত্তম ॥ 5-184-17 (38241)
ততো ব্যোম্নি প্রাদুরভূত্তেজ এব হি কেবলম্ ।
ভূতানি চৈব সর্বাণি জগ্মুরার্তিং বিশাংপতে ॥ 5-184-18 (38242)
ঋষয়শ্চ সগন্ধর্বা দেবতাশ্চৈব ভারত।
সংতাপং পরমং জগ্মুরস্ত্রতেজোভিপীডিতাঃ॥ 5-184-19 (38243)
ততশ্চচাল পৃথিবী সপর্বতবনদ্রুমা।
সংতপ্তানি চ ভূতানি বিষাদংক জগ্মুরুত্তমম্ ॥ 5-184-20 (38244)
প্রজজ্বাল নভো রাজন্ধূমায়ন্তে দিশো দশ।
ন স্থাতুমন্তরিক্ষে চ শেকুরাকাশগাস্তদা ॥ 5-184-21 (38245)
ততো হাহাকৃতে লোকে সদেবাসুররাক্ষসে ।
ইদমন্তরমিত্যেবং মোক্তুকামোঽস্মি ভারত ॥ 5-184-22 (38246)
প্রস্বাপমস্ত্রং ৎবরিতো বচনাদ্ব্রহ্মবাদিনাম্ ।
চিন্তিতং চ তদস্ত্রং মে মনসি প্রত্যভাত্তদা ॥ ॥ 5-184-23 (38247)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি চতুরশীত্যধিকশততমোঽধ্যায়ঃ ॥
উদ্যোগপর্ব - অধ্যায় 185
॥ শ্রীঃ ॥
5.185. অধ্যায়ঃ 185
Mahabharata - Udyoga Parva - Chapter Topics
ভীষ্মে রামংপ্রতি প্রস্বাপনাস্ত্রং প্রয়োক্তুকামে নারদেন তন্নিষেধনম্ ॥ 1 ॥ ভীষ্মেণ দিব্যপুরুষবচনাচ্চ প্রস্বাপনাস্ত্রপ্রতিসংসংহারে রামেণ স্বস্য পরাজিতৎবোক্তিঃ ॥ 2 ॥ নারদাদিবচনাদ্যুদ্ধোপরমঃ ॥ 3 ॥Mahabharata - Udyoga Parva - Chapter Text
5-185-0 (38248)
ভীষ্ম উবাচ। 5-185-0x (3919)
ততো হলহলাশব্দো দিবি রাজন্মহানভূৎ।
প্রস্বাপং ভীষ্ম মা স্রাক্ষীরিতি কৌরবনন্দন ॥ 5-185-1 (38249)
অয়ুঞ্জমেব চৈবাহং তদস্ত্রং ভৃগুনন্দনে ।
প্রস্বাপং মাং প্রয়ুজ্জানং নারদো বাকয়মব্রবীৎ ॥ 5-185-2 (38250)
এতে বিয়তি করব্য দিবি দেবগণাঃ স্থিতাঃ।
তে ৎবাং নিবারয়ন্ত্যদ্য প্রস্বাপং মা প্রয়োজয় ॥ 5-185-3 (38251)
রামস্তপস্বী ব্রহ্মণ্যো ব্রাহ্মণশ্চ গুরুশ্চ তে।
তস্যবমানং কৌরব্য মাস্ম কার্ষীঃ কথঞ্চন ॥ 5-185-4 (38252)
ততোঽপশ্যং দিবিষ্ঠান্বৈ তানষ্টৌ ব্রহ্মবাদিনঃ ।
তে মাং স্ময়ন্তো রাজেন্দ্র শনকৈরিদমব্রুবন্ ॥ 5-185-5 (38253)
যথাঽঽহ ভরতশ্রেষ্ঠ নারদস্তত্তথা কুরু ।
এতদ্ধি পরমং শ্রেয়ো লোকানাং ভরতর্ষভ ॥ 5-185-6 (38254)
ততশ্চ প্রতিসংহৃত্য তদস্ত্রং স্বাপনং মহৎ।
ব্রহ্মাস্ত্রং দীপয়াঞ্চক্রে তস্মিন্যুধি যথাবিধি ॥ 5-185-7 (38255)
ততো রামো হৃষিতো রাজসিংহ
দৃষ্ট্বা তদস্ত্রং বিনিবর্তিতং বৈ।
জিতোঽস্মি ভীষ্মেণ সুমন্দবুদ্ধি-
রিত্যেব বাক্যং সহসা ব্যমুঞ্চৎ ॥ 5-185-8 (38256)
ততোঽপশ্যৎপিতরং জামদগ্ন্যঃ
পিতুস্তথা পিতরং চাস্য মান্যম্।
তে তত্র চৈনং পরিবার্য তস্থু-
রূচুশ্চৈনং সান্ৎবপূর্বং তদনীম্ ॥ 5-185-9 (38257)
পিতর ঊচুঃ। 5-185-10x (3920)
মা স্মৈবং সাহসং তাত পুনঃ কার্ষীঃ কথঞ্চন ।
ভীষ্মেণ সংয়ুগং গন্তুং ক্ষত্রিয়েণ বিশেষতঃ ॥ 5-185-10 (38258)
ক্ষত্রিয়স্য তু ধর্মোঽয়ং যদ্যুদ্ধং ভৃগুনন্দন ।
স্বাধ্যায়ো ব্রতচর্যাঽথ ব্রাহ্মণানাং পরং ধনম্ ॥ 5-185-11 (38259)
ইদং নিমিত্তে কস্মিংশ্চিদস্মাভিঃ প্রাগুদাহৃতম্ ।
শস্ত্রধারণমত্যুগ্রং তচ্চাকার্যং কৃতং ৎবয়া ॥ 5-185-12 (38260)
বৎস পর্যাপ্তমেতাবদ্ভীষ্মেণ সহ সংয়ুগে ।
বিমর্দস্তে মহাবাহো ব্যপয়াহি রণাদিতঃ ॥ 5-185-13 (38261)
পর্যাপ্তমেতদ্ভদ্রং তে তব কার্মুকধারণম্ ।
বিসর্জয়ৈতদ্দুর্ধর্ষ তপস্তপ্যস্ব ভার্গব ॥ 5-185-14 (38262)
এষ ভীষ্মঃ শান্তনবো দেবৈঃ সর্বৈর্নিবারিতঃ।
নিবর্তস্ব রণাদস্মাদিতি চৈব প্রসাদিতঃ ॥ 5-185-15 (38263)
রামেণ সহ মায়োৎসীর্গুরুণেতি পুনঃ পুনঃ ।
ন হি রামো রণে জেতুং ৎবয়া ন্যায়্যঃ কুরূদ্বহ ॥ 5-185-16 (38264)
মানং কুরুষ্ব গাঙ্গেয় ব্রাহ্মণস্য রণাজিরে।
বয়ং তু গুরবস্তুভ্যং তস্মাত্ৎবাং বারয়ামহে ॥ 5-185-17 (38265)
ভীষ্মো বসূনামন্যতমো দিষ্ট্যা জীবসি পুত্রক ।
গাঙ্গেয়ঃ শন্তনোঃ পুত্রো বসুরেষ মহায়শাঃ ॥ 5-185-18 (38266)
কথং শক্যস্ৎবয়া জেতুং নিবর্তস্বেহ ভার্গব ।
অর্জুনঃ পাণ্ডবশ্রেষ্ঠঃ পুরন্দরসুতো বলী ॥ 5-185-19 (38267)
নরঃ প্রজাপতির্বীরঃ পূর্বদেবঃ সনাতনঃ।
সব্যসাচীতি বিখ্যাতস্ত্রিষু লোকেষু বীর্যবান্।
ভীষ্মমৃত্যুর্যথাকালং বিহিতো বৈ স্বয়ংভুবা ॥ 5-185-20 (38268)
ভীষ্ম উবাচ। 5-185-21x (3921)
এবমুক্তঃ স পিতৃভিঃ পিতৄন্রামোঽব্রবীদিদম্।
নাহং যুধি নিবর্তেয়মিতি মে ব্রতমাহিতম্।
ন নিবর্তিতপূর্বশ্চ কদাচিদ্রণমূর্ধনি ॥ 5-185-21 (38269)
নিবর্ত্যতামাপগেয়ঃ কামং যুদ্ধাৎপিতামহাঃ।
ন ৎবহং বিনিবর্তিষ্যে যুদ্ধাদস্মাৎকথংচন ॥ 5-185-22 (38270)
ততস্তে মুনয়ো রাজন্নৃচীকপ্রমুখাস্তদা ।
নারদেনৈব সহিতাঃ সমাগম্যেদমব্রুবন্ ॥ 5-185-23 (38271)
নিবর্তস্ব রণাত্তাত মানয়স্ব দ্বিজোত্তমম্ ।
ইত্যবোচমহং তাংশ্চ ক্ষত্রধর্মব্যপেক্ষয়া॥ 5-185-24 (38272)
মম ব্রতমিদং লোকে নাহং যুদ্ধাৎকদাচন।
বিমুখো বিনিবর্তেয়ং পৃষ্ঠতোঽভ্যাহতঃ শরৈঃ ॥ 5-185-25 (38273)
নাহং লোভান্ন কার্পণ্যান্ন ভয়ান্নার্থকারণাৎ।
ত্যজেয়ং শাশ্বতং ধর্মমিতি মে নিশ্চিতা মতিঃ ॥ 5-185-26 (38274)
ততস্তে মুনয়ঃ সর্বে নারদপ্রমুখা নৃপ।
ভাগীরথী চ মে মাতা রণমধ্যং প্রপেদিরে ॥ 5-185-27 (38275)
তথৈবাত্তশরো ধন্বী তথৈব দৃঢনিশ্চয়ঃ ।
স্থিতোঽহমাহবে যোদ্ধুং ততস্তে রামমব্রুবন্ ॥ 5-185-28 (38276)
সমেত্য সহিতা ভূয়ঃ সমরে ভৃগুনন্দনম্ ।
নাবনীতং হি হৃদয়ং বিপ্রাণাং শাম্য ভার্গব ॥ 5-185-29 (38277)
রাম রাম নিবর্তস্ব যুদ্ধাদস্মাদ্দ্বিজোত্তম ।
অবধ্যো বৈ ৎবয়া ভীষ্মস্ৎবং চ ভীষ্মস্য ভার্গব ॥ 5-185-30 (38278)
এবং ব্রুবন্তস্তে সর্বে প্রতিরুদ্ধ্য রণাজিরম্ ।
ন্যাসয়াঞ্চক্রিরে শস্ত্রং পিতরো ভৃগুনন্দনম্ ॥ 5-185-31 (38279)
ততোঽহং পুনরেবাথ তানষ্টৌ ব্রহ্মবাদিনঃ ।
অদ্রাক্ষং দীপ্যমানান্বৈ গ্রহানষ্টাবিবোদিতান্ ॥ 5-185-32 (38280)
তে মাং সপ্রণয়ং বাক্যমব্রুবন্সমরে স্থিতম্ ।
প্রৈহি রামং মহাবাহো গুরুং লোকহিতং কুরু ॥ 5-185-33 (38281)
দৃষ্ট্বা নিবর্তিতং রামং সুহৃদ্বাক্যেন তেন বৈ।
লোকানাং চ হিতং কুর্বন্নহমপ্যাদদে বচঃ ॥ 5-185-34 (38282)
ততোঽহং রামমাসাদ্য ববন্দে ভৃশবিক্ষতঃ।
রামশ্চাভ্যুৎস্ময়ন্প্রেম্ণা মামুবাচ মহাতপাঃ ॥ 5-185-35 (38283)
ৎবৎসমো নাস্তি লোকেঽস্মিন্ক্ষত্রিয়ঃ পৃথিবীচরঃ ।
গম্যতাং ভীষ্ম যুদ্ধেঽস্মিংস্তোষিতোঽহং ভৃশং ৎবয়া ॥ 5-185-36 (38284)
মম চৈব সমক্ষং তাং কন্যামাহূয় ভার্গবঃ।
উক্তবান্দীনয়া বাচা মধ্যে তেষাং মহাত্মনাম্ ॥ ॥ 5-185-37 (38285)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি পঞ্চাশীত্যধিকশততমোঽধ্যায়ঃ ॥
উদ্যোগপর্ব - অধ্যায় 186
॥ শ্রীঃ ॥
5.186. অধ্যায়ঃ 186
Mahabharata - Udyoga Parva - Chapter Topics
রামমামন্ত্র্য গতয়া অম্বয়া পুণ্যাশ্রমাদিষু দুষ্করতপশ্চরণম্ ॥ 1 ॥Mahabharata - Udyoga Parva - Chapter Text
5-186-0 (38286)
রাম উবাচ। 5-186-0x (3922)
প্রত্যক্ষমেতল্লোকানাং সর্বেষামেব ভামিনি ।
যথাশক্ত্যা ময়া যুদ্ধং কৃতং বৈ পৌরুষং পরম্ ॥ 5-186-1 (38287)
ন চৈবমপি শক্নোমি ভীষ্মং শস্ত্রভৃতাং বরম্ ।
বিশেষয়িতুমত্যর্থমুত্তমাস্ত্রাণি দর্শয়ন্ ॥ 5-186-2 (38288)
এষা মে পরমা শক্তিরেতন্মে পরমং বলম্ ।
যথেষ্টং গম্যতাং ভদ্রে কিমন্যদ্বা করোমি তে ॥ 5-186-3 (38289)
ভীষ্মমেব প্রপদ্যস্ব ন তেঽন্যা বিদ্যতে গতিঃ ।
নির্জিতো হ্যস্মি ভীষ্মেণ মহাস্ত্রাণি প্রমুঞ্চতা ॥ 5-186-4 (38290)
এবমুক্ৎবা ততো রামো বিনিঃশ্বস্য মহামনাঃ ।
তূষ্মীমাসীত্ততঃ কনক্যা প্রোবাচ ভৃগুনন্দনম্ ॥ 5-186-5 (38291)
ভগবন্নেবমেবৈতদ্যথাঽঽহ ভগবাংস্তথা ।
অজেয়ো যুধি ভীষ্মোঽয়মপি দেবৈরুদারধীঃ ॥ 5-186-6 (38292)
যথাশক্তি যথোৎসাহং মম কার্যং কৃতং ৎবয়া ।
অনিবার্যং রণে বীর্যমস্ত্রাণি বিবিধানি চ ॥ 5-186-7 (38293)
নে চৈব শক্যতে যুদ্ধে বিশেষয়িতুমন্ততঃ ।
ন চাহমেনং যাস্যামি পুনর্ভীষ্মং কথংচন ॥ 5-186-8 (38294)
গমিষ্যামি তু তত্রাহং যত্র ভীষ্মং তপোধন ।
সমরে পাতয়িষ্যামি স্বয়মেব ভৃগূদ্বহ ॥ 5-186-9 (38295)
এবমুক্ৎবা যয়ৌ কন্যা রোষব্যাকুললোচনা ।
তাপস্যে ধৃতসংকল্পা সা মে চিন্তয়তী বধম্ ॥ 5-186-10 (38296)
ততো মহেন্দ্রং সহিতৈরমুনিভির্ভৃগুসত্তমঃ ।
যথাঽঽগতং তথা সোঽগন্মামুপামন্ত্র্য ভারত ॥ 5-186-11 (38297)
ততো রথং সমারুহ্য স্তূয়মানো দ্বিজাতিভিঃ ।
প্রবিশ্য নগরং মাত্রে সত্যবত্যৈ ন্যবেদয়ম্ ॥ 5-186-12 (38298)
যথাবৃত্তং মহারাজ সা চ মাং প্রত্যনন্দত।
পুরুষাংশ্চাদিশং প্রাজ্ঞান্কন্যাবৃত্তান্তকর্মণি ॥ 5-186-13 (38299)
দিবসে দিবসে হ্যস্যা গতিজল্পিতচেষ্টিতম্ ।
প্রত্যাহরংশ্চ মে যুক্তাঃ স্থিতাঃ প্রিয়হিতে সদা ॥ 5-186-14 (38300)
যদৈব হি বনং প্রায়াৎসা কন্যা তপসে ধৃতা।
তদৈব ব্যথিতো দীনো গতচেতা ইবাভবম্ ॥ 5-186-15 (38301)
ন হি মাং ক্ষত্রিয়ঃ কশ্চিদ্বীর্যেণ ব্যজয়দ্যুধি ।
ঋতে ব্রহ্মবিদস্তাত তপসা সংশিতব্রতাৎ ॥ 5-186-16 (38302)
অপি চৈতন্ময়া রাজন্নারদেঽপি নিবেদিতম্ ।
ব্যাসে চৈব তথা কার্যং তৌ চোভৌ মামবোচতাম্ ॥ 5-186-17 (38303)
ন বিষাদস্ৎবয়া কার্যো ভীষ্ম কাশিসুতাং প্রতি।
দৈবং পুরুষকারেণ কো নিবর্তিতুমুৎসহেৎ ॥ 5-186-18 (38304)
সা কন্যা তু মহারাজ প্রবিশ্যাশ্রমমণ্ডলম্ ।
যমুনাতীরমাশ্রিত্য তপস্তেপেঽতিমানুষম্ ॥ 5-186-19 (38305)
নিরাহারা কৃশা রূক্ষা জটিলা মলপঙ্কিনী ।
ষণ্মাসান্বায়ুভক্ষা চ স্থাণুভূতা তপোধনা ॥ 5-186-20 (38306)
যমুনাজলমাশ্রিত্য সংবৎসরমথাঽপরম্ ।
উদবাসং নিরাহারা পারয়ামাস ভামিনী ॥ 5-186-21 (38307)
শীর্ণপর্ণেন চৈকেন পারয়ামাস সা পরম্ ।
সংবৎসরং তীব্রকোপা পাদাঙ্গুষ্ঠাগ্রধিষ্ঠিতা ॥ 5-186-22 (38308)
এবং দ্বাদশ বর্ষাণি তাপয়ামাস রোদসী ।
নিবর্ত্যমানাপি চ সা জ্ঞাতিভির্নৈব শক্যতে ॥ 5-186-23 (38309)
ততোঽগমদ্বৎসভূমিং সিদ্ধচারণসেবিতাম্ ।
আশ্রমং পুণ্যশীলানাং তাপসানাং মহাত্মনাম্ ॥ 5-186-24 (38310)
তত্র পুণ্যেষু তীর্থেষু সাঽঽপ্লুতাঙ্গী দিবানিশম্ ।
ব্যচরৎকাশিকন্যা সা যথাকামবিচারিণী ॥ 5-186-25 (38311)
নন্দাশ্রমে মহারাজ তথোলূকাশ্রমে শুভে ।
চ্যবনস্যাশ্রমে চৈব ব্রহ্মণঃ স্থান এব চ ॥ 5-186-26 (38312)
ত্রয়াগে দেবয়জনে দেবারণ্যেষু চৈব হ ।
ভোগবত্যাং মহারাজ কৌশিকস্যাশ্রমে তথা ॥ 5-186-27 (38313)
মাণ্ডব্যস্যাশ্রমে রাজন্দিলীপস্যাশ্রমে তথা ।
রামহ্রদে চ কৌরব্য পৈলগর্গস্য চাশ্রমে ॥ 5-186-28 (38314)
এতেষু তীর্থেষু তদা কাশিকন্যা বিশাংপতে ।
আপ্লাবয়ত গাত্রাণি ব্রতমাস্থায় দুষ্করম্ ॥ 5-186-29 (38315)
তামব্রবীচ্চ কৌরব্য মম মাতা জলে স্থিতা ।
কিমর্থং ক্লিশ্যসে ভদ্রে তথ্যমেব বদস্ব মে ॥ 5-186-30 (38316)
সৈনামথাব্রবীদ্রাজন্কৃতাঞ্জলিরনিন্দিতা
ভীষ্মেণ সমরে রামো নির্জিতশ্চারুলোচনি ॥ 5-186-31 (38317)
কোঽন্যস্তমুৎসহেঞ্জেতুমুদ্যতেষুং মহীপতিঃ ।
সাহং ভীষ্মবিনাশায় তপস্তপ্স্যে সুদারুণম্ ॥ 5-186-32 (38318)
বিচরামি মহীং দেবি যথা হন্যামহং নৃপম্ ।
এতদ্ব্রতফলং দেবি পরমস্মিন্যথা হি মে ॥ 5-186-33 (38319)
ততোঽব্রবীৎসাগরগা জিহ্মং চরসি ভামিনি।
নৈষ কামোঽনবদ্যাঙ্গি শক্যঃ প্রাপ্তুং ৎবয়াঽবলে ॥ 5-186-34 (38320)
যদি ভীষ্মবিনাশায় কাশ্যে চরসি বৈ ব্রতম্।
ব্রতস্থা চ শরীরং ৎবং যদি নাম বিমোক্ষ্যসি ॥ 5-186-35 (38321)
নদী ভবিষ্যসি শুভে কুটিলা বার্ষিকোদকা।
দুস্তীর্থা ন তু বিজ্ঞেয়া বার্ষিকী নাষ্টমাসিকী ॥ 5-186-36 (38322)
ভীমগ্রাহবতী ঘোরা সর্বভূতভয়ংকরী ।
এবমুক্ৎবা ততো রাজন্কাশিকন্যাং ন্যবর্তত ॥ 5-186-37 (38323)
মাতা মম মহাভাগা স্ময়মানেব ভামিনী ।
কদাচিদষ্টমে মাসি কদাচিদ্দশমে তথা।
ন প্রাশ্নীতোদকমপি পুনঃ সা বরবর্ণিনী ॥ 5-186-38 (38324)
সা বৎসভূমিং কৌরব্য তীর্থলোভাত্ততস্ততঃ ।
পতিতা পরিধাবন্তী পুনঃ কাশিপতেঃ সুতা ॥ 5-186-39 (38325)
সা নদী বৎসভূম্যাং তু প্রথিতাম্বেতি ভারত ।
বার্ষিকী গ্রাহবহুলা দুস্তীর্থা কুটিলা তথা ॥ 5-186-40 (38326)
সা কন্যা তপসা তেন দেহার্ধেন ব্যজায়ত ।
নদী চ রাজন্বৎসেষু কন্যা চৈবাভবত্তদা ॥ ॥ 5-186-41 (38327)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি ষডশীত্যধিকশততমোঽধ্যায়- ॥
Mahabharata - Udyoga Parva - Chapter Footnotes
5-186-36 বার্ষিকী বর্ষাস্বেব বহতীতি বার্ষিকী ॥উদ্যোগপর্ব - অধ্যায় 187
॥ শ্রীঃ ॥
5.187. অধ্যায়ঃ 187
Mahabharata - Udyoga Parva - Chapter Topics
অম্বয়া তপস্তোষিতান্মহাদেবাৎ জন্মান্তরে পুংস্ৎবপ্রাপ্ত্যা ভীষ্মহননরূপবমুপলভ্যাগ্নৌ প্রবেশঃ ॥ 1 ॥Mahabharata - Udyoga Parva - Chapter Text
5-187-0 (38328)
ভীষ্ম উবাচ। 5-187-0x (3923)
ততস্তে তাপসাঃ সর্বে তপসে ধৃতনিশ্চয়াম্।
দৃষ্ট্বা ন্যবর্তয়ংস্তাত কিং কার্যমিতি চাব্রুবন্ ॥ 5-187-1 (38329)
তানুবাচ ততঃ কন্যা তপোবৃদ্ধানৃষীংস্তদা ।
নিরাকৃতাস্মি ভীষ্মেণ ভ্রংশিতা পতিধর্মতঃ ॥ 5-187-2 (38330)
বধার্থং তস্য দীক্ষা মে ন লোকার্থং তপোধনাঃ ।
নিহত্য ভীষ্মং গচ্ছেয়ং শান্তিমিত্যেব নিশ্চয়ঃ ॥ 5-187-3 (38331)
যৎকৃতে দুঃখবসতিমিমাং প্রাপ্তঽস্মি শাশ্বতীম্ ।
পতিলোকাদ্বিহীনা চ নৈব স্ত্রী ন পুমানিহ ॥ 5-187-4 (38332)
নাহৎবা যুধি গাঙ্গেয়ং নিবর্তিষ্যে তপোধনাঃ ।
এষ মে হৃদি সংকল্পো যদিদং কথিতং ময়া ॥ 5-187-5 (38333)
স্ত্রীভাবে পরিনির্বিণ্ণা পুংস্ৎবার্থে কৃতনিশ্চয়া ।
ভীষ্মে প্রতিচিকীর্ষামি নাস্মি বার্যেতি বৈ পুনঃ ॥ 5-187-6 (38334)
তাং দেবো দর্শয়ামাস শূলপাণিরুমাপতিঃ ।
মধ্যে তেষাং মহার্ষীণাং স্বেন রূপেণ তাপসীম্ ॥ 5-187-7 (38335)
ছন্দ্যমানা বরেণাথ সা বব্রে মৎপরাজয়ম্ ।
হনিষ্যসীতি তাং দেবঃ প্রত্যুবাচ মনস্বিনীম্ ॥ 5-187-8 (38336)
ততঃ সা পুনরেবাথ কন্যা রুদ্রমুবাচ হ।
উপপদ্যেৎকথং দেব স্ত্রিয়া যুধি জয়ো মম ॥ 5-187-9 (38337)
স্ত্রীভাবেন চ মে গাঢং মনঃ শান্তমুমাপতে ।
প্রতিশ্রুতশ্চ ভূতেশ ৎবয়া ভীষ্মপরাজয়ঃ ॥ 5-187-10 (38338)
যথা স সত্যো ভবতি তথা কুরু বৃষধ্বজ ।
যথা হন্যাং সমাগম্য ভীষ্মং শান্তনবং যুধি ॥ 5-187-11 (38339)
তামুবাচ মহাদেবঃ কন্যাং কিল বৃষধ্বজঃ ।
ন মে বাগমৃতং প্রাহ সত্যং ভদ্রে ভবিষ্যসি ॥ 5-187-12 (38340)
হনিষ্যসি রণে ভীষ্মং পুরুষৎবং চ লপ্স্যতি ॥
স্মরিষ্যসি চ তৎসর্বং দেহমন্যং গতা সতী ॥ 5-187-13 (38341)
দ্রুপদস্য কুলে জাতা ভবিষ্যসি মহারথঃ।
শীঘ্রাস্ত্রশ্চিত্রয়োধী চ ভবিষ্যসি সুসংমতঃ ॥ 5-187-14 (38342)
যথোক্তমেব কল্যাণি সর্বমেতদ্ভবিষ্যতি।
ভবিষ্যসি পুমান্পশ্চাৎকস্মাচ্চিৎকালপর্যযাৎ ॥ 5-187-15 (38343)
এবমুক্ৎবা মহাদেবঃ কপর্দী বৃষভধ্বজঃ।
পশ্যতামেব বিপ্রাণাং তত্রৈবান্তরধীয়ত ॥ 5-187-16 (38344)
ততঃ সা পশ্যতাং তেষাং মহর্ষীণামনিন্দিতা ।
সমাহৃত্য বনাত্তস্মাৎকাষ্ঠানি বরবর্ণিনী ॥ 5-187-17 (38345)
চিতাং কৃৎবা সুমহতীং প্রদায় চ হুতাশনম্ ।
প্রদীপ্তেঽগ্নৌ মহারাজ রোষদীপ্তেন চেতসা ॥ 5-187-18 (38346)
উক্ৎবা ভীষ্মবধায়েতি প্রবিবেশ হুতাশনম্ ।
জ্যেষ্ঠা কাশিসুতা রাজন্যমুনামভিতো নদীম্ ॥ ॥ 5-187-19 (38347)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি সপ্তাশীত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-187-10 শান্তং শৌর্যধর্মরহিতম্ ॥ 5-187-19 যমুনামভিতঃ যমুনাদ্বীপে ইত্যর্থঃ ॥উদ্যোগপর্ব - অধ্যায় 188
॥ শ্রীঃ ॥
5.188. অধ্যায়ঃ 188
Mahabharata - Udyoga Parva - Chapter Topics
পুত্রার্থং তপস্যতে দ্রুপদায় মহাদেবেন স্ত্রী ভূৎবা পুমান্ভবিষ্যতীতি বরদানম্ ॥ 1 ॥ দ্রুপদভার্যযা স্ত্র্যপত্যজননেঽপি তস্য পুংস্ৎবখ্যাপনম্ ॥ 2 ॥ দ্রুপদেন তস্য স্ত্রীৎবং প্রচ্ছাদ্য পুংবজ্জাতকর্মাদিকরণপূর্বকং শিখণ্ডীতি নামকরণম্ ॥ 3 ॥Mahabharata - Udyoga Parva - Chapter Text
5-188-0 (38348)
দুর্যোধন উবাচ। 5-188-0x (3924)
কথং শিখণ্ডী গাঙ্গেয় কন্যাং ভূৎবা পুরা তদা।
পুরুষোঽভূদ্যুধিশ্রেষ্ঠ তন্মে ব্রূহি পিতামহ ॥ 5-188-1 (38349)
ভীষ্ম উবাচ। 5-188-2x (3925)
ভার্যা তু তস্য রাজেন্দ্র দ্রুপদস্য মহীপতেঃ।
মহিষী দয়িতা হ্যাসীদপুত্রা চ বিশাংপতে ॥ 5-188-2 (38350)
এতস্মিন্নেব কালে তু দ্রুপদো বৈ মহীপতিঃ।
অপত্যার্থে মহারাজ তোষয়ামাস শঙ্করম্ ॥ 5-188-3 (38351)
অস্মাদ্বধার্থং নিশ্চিত্য তপো ঘোরং সমাস্থিতঃ।
ঋতে কন্যাং মহাদেব পুত্রো মেস্যাদিতি ব্রুবন্ ॥ 5-188-4 (38352)
ভগবন্পুত্রমিচ্ছামি ভীষ্মং প্রতিচিকীর্ষয়া ।
ইত্যুক্তো দেবদেবেন স্ত্রীপুমাংস্তে ভবিষ্যতি ॥ 5-188-5 (38353)
নিবর্তস্ব মহীপাল নৈতঞ্জাৎবন্যথা ভবেৎ ।
স তু গৎবা চ নগরং ভার্যামিদমুবাচ হ ॥ 5-188-6 (38354)
কৃতো যত্নো মহাদেবস্তপসাঽঽরাধিতো ময়া ।
কন্যা ভূৎবা পুমান্ভাবী ইতি চোক্তোস্মি শংভুনা ॥ 5-188-7 (38355)
পুনঃ পুনর্যাচ্যমানো দিষ্টমিত্যব্রবীচ্ছিবঃ ।
নতদন্যচ্চ ভবিতা ভবিতব্যং হি তত্তথা ॥ 5-188-8 (38356)
ততঃ সা নিয়তা ভূৎবা ঋতুকালে মনস্বিনী ।
পত্নী দ্রুপদরাজস্য দ্রুপদং প্রবিবেশ হ ॥ 5-188-9 (38357)
লেভে গর্ভং যথাকালং বিধিদৃষ্টেন কর্মণা ।
পার্ষতস্য মহীপাল যথা মাং নারদোঽব্রবীৎ ॥ 5-188-10 (38358)
ততো দধার সা দেবী গর্ভং রাজীবলোচনা ।
তাং স রাজা প্রিয়াং ভার্যাং দ্রুপদঃ কুরুনন্দন ॥ 5-188-11 (38359)
পুত্রস্নেহান্মহাবাহুঃ মুখং পর্যচরত্তদা ।
সর্বানভিপ্রায়কৃতান্ভার্যাঽলভত কৌরব ॥ 5-188-12 (38360)
অপুত্রস্য সতো রাজ্ঞো দ্রুপদস্য মহীপতেঃ ।
যথাকালং তু সা দেবী মহিষী দ্রুপদস্য হ ॥ 5-188-13 (38361)
কন্যাং প্রবররূপাং তু প্রাজায়ত নরাধিপ ।
অপুত্রস্য তু রাজ্ঞঃ সা দ্রুপদস্য মনস্বিনী ॥ 5-188-14 (38362)
খ্যাপয়ামাস রাজেন্দ্র পুত্রো হ্যেষ মমেতি বৈ।
ততঃ স রাজা দ্রুপদ প্রচ্ছন্নায়া নরাধিপ ॥ 5-188-15 (38363)
পুত্রবৎপুত্রকার্যাণি সর্বাণি সমকারয়ৎ ।
রক্ষণং চৈব মন্ত্রস্য মহিষী দ্রুপদস্য সা॥ 5-188-16 (38364)
চকার সর্বয়ত্নেন ব্রুবণা পুত্র ইত্যুত ।
ন চ তাং বেদক নগরে কশ্চিদন্যত্র পার্ষতাৎ ॥ 5-188-17 (38365)
শ্রদ্দধানো হি তদ্বাক্যং দেবস্যাচ্যুততেজসঃ।
ছাদয়ামাস তাং কন্যাং পুমানিতি চ সোব্রবীৎ ॥ 5-188-18 (38366)
জাতকর্মাণি সর্বাণি কারয়ামাস পার্থিবঃ।
পুংবদ্বিধানয়ুক্তানি শিখণ্ডীতি চ তাং বিদুঃ ॥ 5-188-19 (38367)
অহমেকস্তু চারেণ বচনান্নারদস্য চ।
জ্ঞাতবান্দেববাক্যেন অম্বায়াস্তপসা তথা ॥ ॥ 5-188-20 (38368)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি অষ্টাশীত্যধিকশততমোঽধ্যায়ঃ ॥
উদ্যোগপর্ব - অধ্যায় 189
॥ শ্রীঃ ॥
5.189. অধ্যায়ঃ 189
Mahabharata - Udyoga Parva - Chapter Topics
পুংবেষগূহিতয়া শিখণ্ডিন্যা দ্রোণাদ্ধনুর্বিদ্যাভ্যসনম্ ॥ 1 ॥ দ্রুপদেন শিখণ্ডিন্যাঃ দশার্ণাধিপতিকন্যযা বিবাহকরণম্ ॥ 2 ॥ দাশার্ণকসুতয়া ধাত্রীদ্বারা স্বপিত্রে শিখণ্ডিন্যাঃ স্ত্রীৎবজ্ঞাপনম্ ॥ 3 ॥ দাশার্ণকেন দূতমুখেন দ্রুপদংপ্রতি স্ববিপ্রলম্ভফলতয়া সবন্ধোস্তস্য সমুচ্ছেদনিবেদনম্ ॥ 4 ॥Mahabharata - Udyoga Parva - Chapter Text
5-189-0 (38369)
ভীষ্ম উবাচ। 5-189-0x (3926)
চকার যত্নং দ্রুপদঃ সুতায়াঃ সর্বকর্মসু।
ততো লেখ্যাদিষু তথা শিল্পেষু চ পরংতপ ॥ 5-189-1 (38370)
ইষ্বস্ত্রে চৈব রাজেন্দ্র দ্রোণশিষ্যো বভূব হ।
তস্য মাতা মহারাজ রাজানং বরবর্ণিনী ॥ 5-189-2 (38371)
চোদয়ামাস ভার্যার্থং কন্যায়াঃ পুত্রবত্তদা ।
ততস্তাং পার্ষতো দৃষ্ট্বা কন্যাং সংপ্রাপ্তয়ৌবনাম্ ।
স্ত্রিয়ং মৎবা ততশ্চিন্তাং প্রপেদে সহ ভার্যযা ॥ 5-189-3 (38372)
দ্রুপদ উবাচ। 5-189-4x (3927)
কন্যা মমেয়ং সংপ্রাপ্তা যৌবনং শোকবর্ধিনী ।
ময়া প্রচ্ছাদিতা চেয়ং বচনাচ্ছূলপাণিনঃ ॥ 5-189-4 (38373)
ভার্যোবাচ। 5-189-5x (3928)
ন তন্মিথ্যা মহারাজ ভবিষ্যতি কথংচন ।
ত্রৈলোক্যকর্তা কস্মাদ্ধি বৃথা বক্তুমিহার্হতি ॥ 5-189-5 (38374)
যদি তে রোচতে রাজন্বক্ষ্যামি শ্রৃণু মে বচঃ।
শ্রুৎবেদানীং প্রপদ্যেথাঃ স্বাং মতিং পৃষতাত্মজ ॥ 5-189-6 (38375)
ক্রিয়তামস্য যত্নেন বিধিবদ্দারসংগ্রহঃ ।
ভবিতা তদ্বচঃ সত্যমিতি মে নিশ্চিতা মতিঃ ॥ 5-189-7 (38376)
ততস্তৌ নিশ্চয়ং কৃৎবা তস্মিন্কার্যেঽথ দংপতী ।
বরয়াঞ্চক্রতুঃ কন্যাং দশার্ণাধিপতেঃ সুতাম্ ॥ 5-189-8 (38377)
ততো রাজা দ্রুপদো রাজসিংহঃ
সর্বান্রাজ্ঞঃ কুলতঃ সন্নিশাম্য।
দাশার্ণকস্য নৃপতেস্তনূজাং
শিখণ্ডিনে বরয়ামাস দারান্ ॥ 5-189-9 (38378)
হিরণ্যবর্মেতি নৃপো যোঽসৌ দাশার্ণকঃ স্মৃতঃ।
স চ প্রাদান্মহীপালঃ কন্যাং তস্মৈ শিখণ্ডিনে ॥ 5-189-10 (38379)
স চ রাজা দশার্ণেষু মহানাসীৎসুদুর্জয়ঃ।
হিরণ্যবর্মা দুর্ধর্ষো মহাসেনো মহামনাঃ ॥ 5-189-11 (38380)
কৃতে বিবাহে তু তদা সা কন্যা রাজসত্তম।
যৌবনং সমনুপ্রাপ্তা সা চ কন্যা শিখণ্ডিনী ॥ 5-189-12 (38381)
কৃতদারঃ শিখণ্ডী চ কাম্পিল্যং পুনরাগমৎ।
ন চ সা বেদ তাং কন্যাং কংচিৎকালং স্ত্রিয়ং কিল।
যদা ৎবেনামজানাৎসা স্ত্রিয়মেব নৃপাত্মজা ॥ 5-189-13 (38382)
ধাত্রীণাং চ সখীনাং চ ব্রীডয়ানা ন্যবেদয়ৎ ।
কন্যাং পাঞ্চালরাজস্য সুতাং তাং বৈ শিখণ্ডিনীম্ ॥ 5-189-14 (38383)
ততস্তা রাজশার্দূল ধাত্র্যো দাশার্ণিকাস্তদা।
জগ্মুরার্তি পরাং প্রেষ্যাঃ প্রেষয়ামাসুরেব চ ॥ 5-189-15 (38384)
ততো দশার্ণাধিপতেঃ প্রেষ্যাঃ সর্বা ন্যবেদয়ন্ ।
বিপ্রলম্ভং যথাবৃত্তং স চ চুক্রোধ পার্থিবঃ ॥ 5-189-16 (38385)
শিখণ্ড্যপি মহারাজ পুংবদ্রাজকুলে তদা।
বিজহার ম্রুদা যুক্তঃ স্ত্রীৎবং নৈবাতিরোচয়ন্ ॥ 5-189-17 (38386)
ততঃ কতিপয়াহস্য তচ্ছ্রুৎবা ভরতর্ষভ ।
হিরণ্যবর্মা রাজেন্দ্র রোষাদর্তিং জগাম হ ॥ 5-189-18 (38387)
ততো দাশার্ণকো রাজা তীব্রকোপসমন্বিতঃ ।
দূতং প্রস্থাপয়ামাস দ্রুপদস্য নিবেশনম্ ॥ 5-189-19 (38388)
ততো দ্রুপদমাসাদ্য দূতঃ কাঞ্চনবর্মণঃ।
এক একান্তসুৎসার্য রহো বচনমব্রবীৎ ॥ 5-189-20 (38389)
দাশার্ণরাজো রাজংস্ৎবামিদং বচনমব্রবীৎ ।
অভিষ্গাৎপ্রকুপিতো বিপ্রলব্ধস্ৎবয়াঽনঘ ॥ 5-189-21 (38390)
অবমন্যসে মাং নৃপতে নূনং দুর্মন্ত্রিতং তব।
যন্মে কন্যাং স্বকন্যার্থে মোহাদ্যাচিতবানসি ॥ 5-189-22 (38391)
তস্যাদ্য বিপ্রলম্ভস্য ফলং প্রাপ্নুহি দুর্মতে ।
এষ ৎবং সজনামাত্যমুদ্ধরামি স্থিরো ভব ॥ 5-189-23 (38392)
অবমত্য চ বীর্যং মে কুলং চারিত্রমেব চ ।
বিপ্রলম্ভস্ৎবয়াপূর্বো মনুষ্যেষু প্রবর্তিতঃ ॥ 5-189-24 (38393)
কুরু সর্বাণি কার্যাণি ভুঙ্ক্ষ্ব কভোগাননুত্তমান্।
অভিয়াস্যামি শীঘ্রং ৎবাং সমুদ্ধর্তুং সবান্ধবম্ ॥ ॥ 5-189-25 (38394)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি একোননবত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-189-4 শূলয়ুক্তঃ পাণিঃ শূলপাণিঃ সোঽস্যাস্তীতি শূলপাণী তস্য ॥ 5-189-20 উৎসার্য নীৎবা ॥ 5-189-21 অভিষঙ্গাৎপরাভবাৎ ॥উদ্যোগপর্ব - অধ্যায় 190
॥ শ্রীঃ ॥
5.190. অধ্যায়ঃ 190
Mahabharata - Udyoga Parva - Chapter Topics
দাশার্ণকেন পুনর্দূতপ্রেষণে দ্রুপদেন পত্ন্যাসহ কর্তব্যালোচনম্ ॥ 1 ॥Mahabharata - Udyoga Parva - Chapter Text
5-190-0 (38395)
ভীষ্ম উবাচ। 5-190-0x (3929)
এবমুক্তস্য দূতেন দ্রুপদস্য তদা নৃপ।
চোরস্যেব গৃহীতস্য ন প্রাবর্তত ভারতী ॥ 5-190-1 (38396)
স যত্নমকরোত্তীব্রং সংবন্ধিন্যুনুমাননে ।
দূতৈর্মধুরসংভাষৈর্ন তদস্তীতি সংদিশন্ ॥ 5-190-2 (38397)
স রাজা ভূয় এবাথ জ্ঞাৎবা তত্ৎবমথাগমৎ ।
কন্যেতি পাঞ্চালসুতাং ৎবরমাণো বিনির্যযৌ ॥ 5-190-3 (38398)
ততঃ সংপ্রেষকয়ামাস মিত্রাংণামমিতৌজসাম্ ।
দুহিতুর্বিপ্রলম্ভং তং ধাত্রীণাং বচনাত্তদা ॥ 5-190-4 (38399)
ততঃ সমুদয়ং কৃৎবা বলানাং রাজসত্তমঃ ।
অভিয়ানে মতিং চক্রে দ্রুপদং প্রতি ভারত ॥ 5-190-5 (38400)
ততঃ সংমন্ত্রয়ামাস মন্ত্রিভিঃ স মহীপতিঃ ।
হিরণ্যবর্মা রাজেন্দ্র পাঞ্চাল্যং পার্থিবং প্রতি ॥ 5-190-6 (38401)
তত্র বৈ নিশ্চিতং তেষামভূদ্রাজ্ঞাং মহাত্মনাম্ ।
তথ্যং ভবতি চেদেতৎকন্যা রাজঞ্শিখণ্ডিনী ॥ 5-190-7 (38402)
বদ্ধ্বা পাঞ্চালরাজানমানয়িষ্যামহে গৃহম্ ।
অন্যং রাজানমাধায় পাঞ্চালেষু নরেশ্বরম্ ॥ 5-190-8 (38403)
ঘাতয়িষ্যাম নৃপতিং পাঞ্চালং সশিখণ্ডিনম্ ॥ 5-190-9 (38404)
স তদা দ্রুতমাজ্ঞায় পুনর্দূতান্নরাধিপঃ।
প্রাস্থাপয়ৎপার্ষতয়া নিহন্মীতি স্থিরো ভব ॥ 5-190-10 (38405)
ভীষ্ম উবাচ। 5-190-11x (3930)
স হি প্রকৃত্যা বৈ ভীতঃ কিল্বিষী চ নরাধিপঃ ।
ভয়ং তীব্রমনুপ্রাপ্তো দ্রুপদঃ পৃথিবীপতিঃ ॥ 5-190-11 (38406)
বিসৃজ্য দূতান্দাশার্ণে দ্রুপদঃ শোকমূর্চ্ছিতঃ ।
সমেত্য ভার্যাং রহিতে বাক্যমাহ নরাধিপঃ ॥ 5-190-12 (38407)
ভয়েন মহতাঽঽবিষ্টো হৃদি শোকেন চাহতঃ ।
পাঞ্চালরাজো দয়িতাং মাতরং বৈ শিখণ্ডিনঃ ॥ 5-190-13 (38408)
অভিয়াস্যতি মাং কোপাৎসংবন্ধী সুমহাবলঃ ।
হিরণ্যবর্মা নৃপতিঃ কর্ষমাণো বরূথিনীম্ ॥ 5-190-14 (38409)
কিমিদানীং করিষ্যাবো মূঢৌ কন্যামিমাং প্রতি।
শিখণ্ডী কিল পুত্রস্তে কন্যেতি পরিশঙ্কিতঃ ॥ 5-190-15 (38410)
ইতি সংচিন্ত্য যত্নেন সমিত্রঃ সবলানুগঃ ।
বঞ্চিতোঽস্মীতি মন্বানো মাং কিলোদ্ধর্তুমিচ্ছতি॥ 5-190-16 (38411)
কিমত্র তথ্যং সুশ্রোণি মিথ্যা কিং ব্রূহি শোভনে ।
শ্রুৎবা ৎবত্তঃ শুভং বাক্যং সংবিধাস্যাম্যহং তথা ॥ 5-190-17 (38412)
অহং হি সংশয়প্রাপ্তো বালা চেয়ং শিখণ্ডিনী ।
ৎবং চ রাজ্ঞি মহৎকৃচ্ছ্রং সংপ্রাপ্তা বরবর্ণিনি ॥ 5-190-18 (38413)
সা ৎবং সর্ববিমোক্ষায় তত্ৎবমাখ্যাহি পৃচ্ছতঃ।
তথা বিদধ্যাং সুশ্রোণি কৃত্যমাশু শুচিস্মিতে ॥ 5-190-19 (38414)
শিখণ্ডিনি চ মা ভৈস্ৎবং বিধাস্যে তত্র তত্ৎবতঃ ।
কৃপয়াহং বরারোহে বঞ্চিতঃ পুত্রধর্মতঃ ॥ 5-190-20 (38415)
ময়া দাশার্ণকো রাজা বঞ্চিতঃ স মহীপতিঃ ।
তদাচক্ষ্ব মহাভাগে বিধাস্যে তত্র যদ্ধিতম্ ॥ 5-190-21 (38416)
জনাতা হ নরেন্দ্রেণ খ্যাপনার্থং পরস্য বৈ ।
প্রকাশং চোদিতা দেবী প্রত্যুবাচ মহীপতিম্ ॥ ॥ 5-190-22 (38417)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি নবত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-190-3 অগমৎ জ্ঞাতবান্ ॥ 5-190-5 সমুদয়ং সমুদায়ম্ ॥উদ্যোগপর্ব - অধ্যায় 191
॥ শ্রীঃ ॥
5.191. অধ্যায়ঃ 191
Mahabharata - Udyoga Parva - Chapter Topics
শিখণ্ডিন্যা পিত্রোঃ শোকস্য স্বমূলকৎবচিন্তনেন দুর্গমারণ্যমেত্য স্থূণনাম্নঃ কুবেরানুচরস্য গৃহসমীপে প্রায়োপবেশঃ ॥ 1 ॥ স্থূণচোদিতয়া শিখণ্ডিন্যা তংপ্রতি পুংস্ৎববরণম্ ॥ 2 ॥Mahabharata - Udyoga Parva - Chapter Text
5-191-0 (38418)
ভীষ্ম উবাচ। 5-191-0x (3931)
ততঃ শিখণ্ডিনো মাতা যথাতত্ৎবং নরাধিপ।
আচচক্ষে মহাবাহো ভর্ত্র কন্যাং শিখণ্ডিনীম্ ॥ 5-191-1 (38419)
অপুত্রয়া ময়া রাজন্সপত্নীনাং ভয়াদিদম্ ।
কন্যা শিখণ্ডিনী জাতা পুরুষো বৈ নিবেদিতা ॥ 5-191-2 (38420)
ৎবয়া চৈব নরশ্রেষ্ঠ তন্মে প্রীত্যাঽনুমোদিতম্ ।
পুত্রকর্ম কৃতং চৈব কন্যায়াঃ পার্থিবর্ষভ ॥ 5-191-3 (38421)
ভার্যা চোঢা ৎবয়া রাজন্দশার্ণাধিপতেঃ সুতা।
ময়া চ প্রত্যভিহিতং দেববাক্যার্থদর্শনাৎ।
কন্যা ভূৎবা পুমান্ভাবীত্যেবং চৈতদুপেক্ষিতম্ ॥ 5-191-4 (38422)
এতচ্ছ্রুৎবা দ্রুপদো যজ্ঞসেনঃ
সর্বং তত্ৎবং মন্ত্রবিদ্ভ্যো নিবেদ্য।
মন্ত্রং রাজা মন্ত্রয়ামাস রাজন্
যথায়ুক্তং রক্ষণে বৈ প্রজানাম্ ॥ 5-191-5 (38423)
সংবন্ধকং চৈব সমর্থ্য তস্মিন্
দাশার্ণকে বৈ নৃপতৌ নরেন্দ্র।
স্বয়ং কৃৎবা বিপ্রলম্ভং যথাব-
ন্মন্ত্র্যৈকাগ্রো নিশ্চয়ং বৈ জগাম ॥ 5-191-6 (38424)
স্বভাবগুপ্তং নগরমাপৎকালে তু ভারত।
গোপয়ামাস রাজেন্দ্র সর্বতঃ সমলঙ্কৃতম্ ॥ 5-191-7 (38425)
আর্তিং চ পরমাং রাজা জগাম সহ ভার্যযা।
দশার্ণপতিনা সার্ধং বিরোধে ভরতর্ষভ ॥ 5-191-8 (38426)
কথং সংবন্ধিনা সার্ধং ন মে স্যাদ্বিগ্রহো মহান্।
ইতি সংচিন্ত্য মনসা দেবতামর্চয়ত্তদা ॥ 5-191-9 (38427)
তং তু দৃষ্ট্বা তদা রাজন্দেবী দেবপরং তদা।
অর্চাং প্রয়ুঞ্জানমথো ভার্যা বচনমব্রবীৎ ॥ 5-191-10 (38428)
দেবানাং প্রতিপত্তিশ্চ সত্যং সাধুমতা সতাম্ ।
কিমু দুঃস্বার্ণবং প্রাপ্য তস্মাদর্চয়তাং গুরূন্ ॥ 5-191-11 (38429)
দৈবতানি চ সর্বাণি পূজ্যনাং ভূরিদক্ষিণম্ ।
অগ্নয়শ্চাপি হৃয়ন্তাং দাশার্ণপ্রতিষেধনে ॥ 5-191-12 (38430)
অয়ুদ্ধেন নিবৃত্তিং চ মনসা চিন্তয় প্রভো।
দেবতানাং প্রসাদেন সর্বমেতদ্ভবিষ্যতি ॥ 5-191-13 (38431)
মন্ত্রিভির্মন্ত্রিতং সার্ধং ৎবয়া পৃথুললোচন।
পুরস্যাস্যাবিনাশায় যচ্চ রাজংস্তথা কুরু॥ 5-191-14 (38432)
দৈবং হি মানুষোপেতং ভৃশং সিদ্ধ্যতি পার্থিব ।
পরম্পরবিরোধাদ্ধি সিদ্ধিরস্তি ন চৈতয়োঃ ॥ 5-191-15 (38433)
তস্মাদ্বিধায় নগরে বিধানং সচিবৈঃ সহ।
অর্চয়স্ব যথাকামং দৈবতানি বিশাংপতে ॥ 5-191-16 (38434)
এবং সংভাষমাণৌ তু দৃষ্ট্বা শোকপরায়ণৌ।
শিখণ্ডিনী তদা কন্যা ব্রীডিতেব তপস্বিনী ॥ 5-191-17 (38435)
ততঃ সা চিন্তয়ামাস মন্কৃতে দুঃখিতাবুভৌ ।
ইমাবিতি ততশ্চক্রে মতিং প্রাণবিনাশনে ॥ 5-191-18 (38436)
এবং সা নিশ্চয়ং কৃৎবা ভৃশং শোকপরায়ণা।
নির্জগাম গৃহং ত্যক্ৎবা গহনং নির্জনং বনম্ ॥ 5-191-19 (38437)
যক্ষেণর্দ্ধিমতা রাজন্স্থূণাকর্ণেন পালিতম্ ।
তদ্ভয়াদেব চ জনো বিসর্জয়তি তদ্বনম্ ॥ 5-191-20 (38438)
তত্র চ স্থূণভবনং সুধামৃত্তিকলেপনম্ ।
লাজোল্লাপিকধূমাঢ্যমুচ্চপ্রাকারতোরণম্ ॥ 5-191-21 (38439)
তন্প্রবিশ্য শিখণ্ডী সা দ্রুপদস্যাত্মজা নৃপ ।
অনশ্নানা বহুতিথং শরীরমুদশোপয়ৎ ॥ 5-191-22 (38440)
দর্শয়ামাস তাং যক্ষঃ স্থূণো মার্দবসংয়ুতঃ ।
কিমর্থোঽয়ং তবারম্ভঃ করিষ্যে ব্রূহি মাচিরম্ ॥ 5-191-23 (38441)
অশক্যযিতি সা যক্ষং পুনঃ পুনরুবাচ হ।
করিষ্যামীতি বৈ ক্ষিপ্রং প্রত্যুবাচাথ গুহ্যকঃ ॥ 5-191-24 (38442)
ধনেশ্বরস্যানুচরো বরদোঽস্মি নৃপাত্মজে।
অদেয়মপি দাস্যাদি ব্রূহি যত্তে বিবক্ষিতম্ ॥ 5-191-25 (38443)
ততঃ শিখণ্ডী তৎসর্বমখিলেন ন্যবেদয়ৎ।
তস্মৈ যক্ষপ্রধানায় স্থূণাকর্ণায় ভারত ॥ 5-191-26 (38444)
শিখণ্ড্যুবাচ। 5-191-27x (3932)
আপন্নো মে পিতা যক্ষ ন চিরান্নাশমেষ্যতি।
অভিয়াস্যতি সক্রোধো দশার্ণাধিপতির্হি তম্ ॥ 5-191-27 (38445)
মন্নিমিত্তং মহোৎসাহঃ সহেমকবচো নৃপঃ ।
তস্মাদ্রক্ষস্ব মাং যক্ষ মাতরং পিতরং চ মে ॥ 5-191-28 (38446)
প্রতিজ্ঞাতো হি ভবতা দুঃখপ্রতিশমো মম ।
ভবেয়ং পুরুষো যক্ষ ৎবৎপ্রসাদাদনিন্দিতঃ ॥ 5-191-29 (38447)
যাবদেব স রাজা বৈ নোপয়াতি পুরং মম ।
তাবদেব মহায়ক্ষ প্রসাদং কুরু গুহ্যক ॥ ॥ 5-191-30 (38448)
ইতি শ্রীমন্মহাভারতে উদ্যোগপর্বণি অম্বোপাখ্যনপর্বণি একনবত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-191-11 সাধুমতা কল্যাণবতাপি দেবানাং সতাং সাধূনাং চ প্রতিপত্তিঃ পূজা নিত্যং কর্তব্যেতি শেষঃ । কিমু দুঃখার্ণবং প্রাপ্য কর্তব্যেতি । তস্মাৎ ভবান্ গুরূন্ দেবারাধনার্থং ব্রাহ্মণান্ অর্চয়তাং পূজয়তু ॥ 5-191-21 লাজোল্লাপিকঃ লাজানি উশীরাণি উল্লাপয়তি সূচয়তীতি লাজোল্লাপিকঃ। উশীরপরিমলয়ুক্তধূমাঢ্যমিত্যর্থঃ । উশীরে লাজমুদ্দিষ্টমিতি বিশ্বঃ। রাজোপলেপধূমাঢ্যং ইতিo কoড পাঠঃ ॥উদ্যোগপর্ব - অধ্যায় 192
॥ শ্রীঃ ॥
5.192. অধ্যায়ঃ 192
Mahabharata - Udyoga Parva - Chapter Topics
স্থূণেন শিখণ্ডিন্যৈ পুনঃপুংস্ৎবপ্রত্যর্পণপ্রতিজ্ঞাপনপূর্বকং তদীয়স্ত্রীৎবস্বীকারেণ স্বীয়পুংস্ৎবসমর্পণম্ ॥ 1 ॥ দাশার্ণকেন উপায়াৎ শিখণ্ডিনঃ পুংস্ৎবং নির্ধার্য স্বপুরগমনম্ ॥ 2 ॥ অত্রান্তরে স্থূণগৃহমাগতেন কুবেরেণ তংপ্রতি স্ত্রীৎবধারণস্য শিখণ্ডিমরণাবধিকৎবরূপশাপদানম্ ॥ 3 ॥ পুংস্ৎবপ্রত্যর্পণায় গতেন শিখণ্ডিনা স্থূণাত্তদ্বৃত্তান্তমুপলভ্য হর্ষাৎস্বগৃহাগমনম্ ॥ 4 ॥ ইতি ভীষ্মেণ দুর্যোধনংপ্রতি শিখণ্ডিনা সহ স্বেন যুদ্ধাকরণে কারণাভিধানম্ ॥ 5 ॥Mahabharata - Udyoga Parva - Chapter Text
5-193-0 (38449)
ভীষ্ম উবাচ। 5-193-0x (3933)
শিখণ্ডিবাক্যং শ্রুৎবাঽথ স যক্ষো ভরতর্ষভ ।
প্রোবাচ মনসা চিন্ত্য দৈবেনোপনিপীডিতঃ ॥ 5-192-1 (38450)
ভবিতব্যং তথা তদ্ধি মম দুঃখায় কৌরব।
ভদ্রে কামং করিষ্যামি সময়ং তু নিবোধ মে ॥ 5-192-2 (38451)
`স্বং তে পুংস্ৎবং প্রদাস্যামি স্ত্রীৎবং ধারয়িতাঽস্মি তে'
কিংচিৎকালং তু তে দাস্যে পুল্লিঙ্গং স্বমিদং তব।
আগন্তব্যং ৎবয়া কালে সত্যং চৈব বদস্ব মে ॥ 5-192-3 (38452)
প্রভুঃ সংকল্পসিদ্ধোঽস্মি কামচারী বিহংগমঃ ।
মৎপ্রসাদাৎপুরং চৈব ত্রাহি বন্ধূংশ্চ কেবলম্ ॥ 5-192-4 (38453)
স্ত্রীলিঙ্গং ধারয়িষ্যামি তবেদং পার্থিবাত্মজে।
সত্যং মে প্রতিজানীহি করিষ্যামি প্রিয়ং তব ॥ 5-192-5 (38454)
শিখণ্ড্যুবাচ। 5-192-6x (3934)
প্রতিদাস্যামি ভগবন্পুলিঙ্গং তব সুব্রত।
কিংচিৎকালান্তরং স্ত্রীৎবং ধারয়স্ব নিশাচর ॥ 5-192-6 (38455)
প্রতিয়াতে দশার্ণে তু পার্থিবে হেমবর্মণি ।
কন্যৈব হি ভবিষ্যামি পুরুষস্ৎবং ভবিষ্যসি ॥ 5-192-7 (38456)
ভীষ্ম উবাচ। 5-192-8x (3935)
ইত্যুক্ৎবা সময়ং তত্র চক্রাতে তাবুভৌ নৃপ ।
অন্যোন্যস্যানভিদ্রোহে তৌ সংক্রাময়তাং ততঃ ॥ 5-192-8 (38457)
স্ত্রীলিঙ্গং ধারয়ামাস স্থূণো যক্ষোঽথ ভারত ।
যক্ষরূপং চ তদ্দীপ্তং শিখণ্ডী প্রত্যপদ্যত ॥ 5-192-9 (38458)
ততঃ শিখণ্ডী পাঞ্চাল্যঃ পুংস্ৎবমাসাদ্য পার্থিব ।
বিবেশ নগরং হৃষ্টঃ পিতরং চ সমাসদৎ ॥ 5-192-10 (38459)
যথাবৃত্তং তু তৎসর্বমাচখ্যৌ দ্রুপদস্য তৎ।
`মাতুশ্চ রহিতে রাজন্প্রসাদং যক্ষজং তদা।'
দ্রুপদস্তস্য তচ্ছ্রুৎবা হর্ষমাহারয়ৎপরম্ ॥ 5-192-11 (38460)
সভার্যস্তচ্চ সস্মার মহেশ্বরবচস্তদা ।
ততঃ সংপ্রেষয়ামাস দশার্ণাধিপতের্নৃপঃ ॥ 5-192-12 (38461)
পুরুষোঽয়ং মম সুতঃ শ্রদ্ধত্তাং মে ভবানিতি ।
অথ দাশার্ণকো রাজা সহসাভ্যাগমত্তদা ॥ 5-192-13 (38462)
পাঞ্চালরাজং দ্রুপদং দুঃখশোকসমন্বিতঃ।
ততঃ কাম্পিল্যমাসাদ্য দশার্ণাধিপতিস্ততঃ ॥ 5-192-14 (38463)
প্রেষয়ামাস সৎকৃত্য দূতং ব্রহ্মবিদাং বরম্।
ব্রূহি মদ্বচনাদ্দূত পাঞ্চাল্যং তং নৃপাধমম্ ॥ 5-192-15 (38464)
যন্মে কন্যাং স্বকন্যার্থে বৃতবানসি দুর্মতে।
ফলং তস্যাবলেপস্য দ্রক্ষ্যস্যদ্য ন সংশয়ঃ ॥ 5-192-16 (38465)
এবমুক্তশ্চ তেনাসৌ ব্রাহ্মণো রাজসত্তম।
দূতঃ প্রয়াতো নগরং দাশার্ণনৃপচোদিতঃ ॥ 5-192-17 (38466)
ততঃ আসাদয়ামাস পুরোধা দ্রুপদং পুরে।
তস্মৈ পাঞ্চালকো রাজা গামর্ঘ্যং চ সুসৎকৃতম্ ॥ 5-192-18 (38467)
প্রাপয়ামাস রাজেন্দ্র সহ তেন শিখণ্ডিনা ।
তাং পূজাং নাভ্যনন্দৎস বাক্যং চেদমুবাচ হ ॥ 5-192-19 (38468)
যদুক্তং তেন বীরেণ রাজ্ঞা কাঞ্চনবর্মণা ।
যত্তেঽহমধমাচার দুহিত্রাঽস্ম্যভিবঞ্চিতঃ ॥ 5-192-20 (38469)
তস্য পাপস্য করণাৎফলং প্রাপ্নুহি দুর্মতে ।
দেহি যুদ্ধং নরপতে মমাদ্য রণমূর্ধনি ॥ 5-192-21 (38470)
উদ্ধরিষ্যামি তে সদ্যঃ সামাত্যসুতবান্ধবম্ ।
তদুপালম্ভসংয়ুক্তং শ্রাবিতঃ কিল পার্থিবঃ ॥ 5-192-22 (38471)
দশার্ণপতিনা চোক্তো মন্ত্রিমধ্যে পুরোধসা।
অভবদ্ভরতশ্রেষ্ঠ দ্রুপদঃ প্রণয়ানতঃ ॥ 5-192-23 (38472)
যদাহ মাং ভবান্ব্রহ্মন্সংবন্ধিবচনাদ্বচঃ ।
অস্যোত্তরং প্রতিবচো দূতো রাজ্ঞে বদিষ্যতি ॥ 5-192-24 (38473)
ততঃ সংপ্রেষয়ামাস দ্রুপদোঽপি মহাত্মনে ।
হিরণ্যবর্মণে দূতং ব্রাহ্মণং বেদপারগম্ ॥ 5-192-25 (38474)
তমাগম্য তু রাজানং দশার্ণাধিপতিং তদা।
তদ্বাক্যমাদদে রাজন্যদুক্তং দ্রুপদেন হ ॥ 5-192-26 (38475)
আগমঃ ক্রিয়তাং ব্যক্তঃ কুমারোঽয়ং সুতো মম ।
মিথ্যৈতদুক্তং কেনাপি তদশ্রদ্ধেয়মিত্যুত ॥ 5-192-27 (38476)
ততঃ স রাজা দ্রুপদস্য শ্রুৎবা।
বিমর্শয়ুক্তো যুবতীর্বরিষ্ঠাঃ।
সংপ্রেষয়ামাস সুচারুরূপাঃ
শিখণ্ডিনং স্ত্রীপুমান্বেতি বেত্তুম্ ॥ 5-192-28 (38477)
তাঃ প্রেষিতাস্তত্ৎবভাবং বিদিৎবা
প্রীত্যা রাজ্ঞে তচ্ছশংসুর্হি সর্বম্ ।
শিখণ্ডিনং পুরুষং কৌরবেন্দ্র
দাশার্ণরাজায় মহানুভাবম্ ॥ 5-192-29 (38478)
ততঃ কৃৎবা তু রাজা স আগমং প্রীতিমানথ।
সংবন্ধিনা সমাগম্য হৃষ্টো বাসমুবাস হ ॥ 5-192-30 (38479)
শিখণ্ডিনে চ মুদিতঃ প্রাদাদ্বিত্তং জনেশ্বরঃ ।
হস্তিনোঽশ্বাংশ্চ গাশ্চৈব দাসীর্বহুশতাস্তথা । 5-192031c পূজিতশ্চ প্রতিয়যৌ নির্ভর্ৎস্য তনয়াং কিল ॥ 5-192-31 (38480)
বিনীতকিল্বিষে প্রীতে হেমবর্মণি পার্থিবে ।
প্রতিয়াতে দশার্ণে তু হৃষ্টরূপা শিখণ্ডিনী ॥ 5-192-32 (38481)
কস্যচিত্ৎবথ কালস্য কুবেরো নরবাহনঃ ।
লোকয়াত্রাং প্রকুর্বাণঃ স্থূণস্যাগান্নিবেশনম্ ॥ 5-192-33 (38482)
স নদ্গৃহস্যোপরি বতমান
আলোকয়ামাস ধনাধিগোপ্তা।
স্থূণস্য যক্ষস্য বিবেশ বেশ্ম
স্বলংকৃতং মাল্যগুণৈর্বিচিত্রৈঃ ॥ 5-192-34 (38483)
লাচৈশ্চ গন্ধৈশ্চ তথা বিতানৈ-
রভ্যর্চিতং ধৃনধৃপিতং চ।
ধ্বজৈঃ পতাকাভিরলংকৃতং চ
ভক্ষ্যান্নপেয়ামিপদত্তমোদম্ ॥ 5-192-35 (38484)
তৎস্থানং তস্য দৃষ্ট্বা তু সর্বতঃ সমলংকৃতম্।
মণিরত্নসুবর্ণানাং মালাভিঃ পরিপূরিতম্ ॥ 5-192-36 (38485)
নানাকুসূমগন্ধাঢ্যং সিক্তসংমৃষ্টশোভিতম্ ।
অথাব্রবীদ্যক্ষপতিস্তান্যক্ষাননুগাংস্তদা ॥ 5-192-37 (38486)
স্বলংকৃতমিদং বেশ্ম স্থূণস্যামিতবিক্রমাঃ ।
নোপসর্পতি মাং চৈব কস্মাদদ্য স মন্দধীঃ ॥ 5-192-38 (38487)
যস্মাজ্জানন্স মন্দাত্মা মামসৌ নোপসর্পতি ।
তস্মাত্তস্মৈ মহাদণ্ডো ধার্যঃ স্যাদিতি মে মতিঃ ॥ 5-192-39 (38488)
যক্ষা ঊচুঃ । 5-192-40x (3936)
দ্রুপদস্য সুতা রাজন্রাজ্ঞো জাতা শিখণ্ডিনী।
তস্যা নিমিত্তে কস্মিংশ্চিৎপ্রাদাৎপুরুষলক্ষণম্ ॥ 5-192-40 (38489)
অগ্রহীল্লক্ষণং স্ত্রীণাং স্ত্রীভূতা তিষ্ঠতে গৃহে।
নোপসর্পতি তেনাসৌ সব্রীডঃ স্ত্রীসরূপবান্ ॥ 5-192-41 (38490)
এতস্মাৎকারণাদ্রাজন্স্থূণো ন ৎবাঽদ্য সর্পতি।
শ্রুৎবা কুরু যথান্যায়ং বিমানমিহ তিষ্ঠতাম্ ॥ 5-192-42 (38491)
আনীয়তাং স্থূণ ইতি ততো যক্ষাধিপোঽব্রবীৎ ।
কর্তাস্মি নিগ্রহং তস্য প্রত্যুবাচ পুনঃ পুনঃ ॥ 5-192-43 (38492)
সোঽভ্যগচ্ছত যক্ষেন্দ্রমাহূতঃ পৃথিবীপতে।
স্ত্রীমরূপো মহারাজ তস্থৌ ব্রীডাসমন্বিতঃ ॥ 5-192-44 (38493)
তং শশাপাথ সংক্রুদ্ধো ধনদঃ কুরূনন্দন ।
এবমেব ভবৎবদ্য স্ত্রীৎবং পাপস্য গুহ্যকাঃ ॥ 5-192-45 (38494)
ততোঽব্রবীদ্যক্ষপতির্মহাত্মা
যস্মাদদাস্ৎববমন্যেহ যক্ষান্।
শিখণ্ডিনো লক্ষণং পাপবুদ্ধে
স্ত্রীলক্ষণং চাগ্রহীঃ পাপকর্মন্ ॥ 5-192-46 (38495)
অপ্রবৃত্তং সুদুর্বুদ্ধে যস্মাদেতত্ৎবয়া কৃতম্।
তস্মাদদ্য প্রভৃত্যেব স্ত্রী ৎবং সা পুরুষস্তথা ॥ 5-192-47 (38496)
ততঃ প্রসাদয়ামাসুর্যক্ষা বৈশ্রবণং কিল।
স্থূণস্যার্থে কুরুষ্বান্তং শাপস্যেতি পুনঃ পুনঃ ॥ 5-192-48 (38497)
ততো মহাত্মা যক্ষেন্দ্রঃ প্রত্যুবাচানুগামিনঃ ।
সর্বান্যক্ষগণাংস্তাত শাপস্যান্তচিকীর্ষয়া ॥ 5-192-49 (38498)
শিখণ্ডিনি হতে যক্ষাঃ স্বং রূপং প্রতিপৎস্যতে ।
স্থূণো যক্ষো নিরুদ্বেগো ভবৎবিতি মহামনাঃ ॥ 5-192-50 (38499)
ইত্যুক্ৎবা ভগবান্দেবো যক্ষরাজঃ সুপূজিতঃ ।
প্রয়যৌ সহিতঃ সর্বৈর্নিমেষান্তরচারিভিঃ ॥ 5-192-51 (38500)
স্থূণস্তু শাপং সংপ্রাপ্য তত্রৈব ন্যবসত্তদা।
সময়ে চাগমূত্তূর্ণং শিখণ্ডী তং ক্ষপাচরম্ ॥ 5-192-52 (38501)
সোঽভিগম্যাব্রবীদ্বাক্যং প্রাপ্তোঽস্মি ভগবন্নিতি।
তমব্রবীত্ততঃ স্থূণঃ প্রীতোঽস্মীতি পুনঃ পুনঃ ॥ 5-192-53 (38502)
আর্জবেনাগতং দৃষ্ট্বা রাজপুত্রং শিখণ্ডিনম্ ।
সর্বমেব যথাবৃত্তমাচচক্ষে শিখণ্ডিনে ॥ 5-192-54 (38503)
ভীষ্ম উবাচ। 5-192-55x (3937)
শপ্তো বৈশ্রবণেনাহং ৎবৎকৃতে পার্থিবাত্মজ ।
গচ্ছেদানীং যথাকামং চর লোকান্যথাসুখম্ ॥ 5-192-55 (38504)
দিষ্টমেতৎপুরা মন্যে ন শক্যমতিবর্তিতুম্ ।
গমনং তব চেতো হি পৌলস্ত্যস্য চ দর্শনম্ ॥ 5-192-56 (38505)
ভীষ্ম উবাচ। 5-192-57x (3938)
এবমুক্তঃ শিখণ্ডী তু স্থূণয়ক্ষেণ ভারত ।
প্রত্যাজগাম নগরং হর্বেণ মহতাবৃতঃ ॥ 5-192-57 (38506)
পূজয়ামাস বিবিধৈর্গন্ধমাল্যৈর্মহাধনৈঃ ।
দ্বিজাতীন্দেবতাশ্চৈব চৈত্যানথ চতুষ্পথান্ ॥ 5-192-58 (38507)
দ্রুপদঃ সহ পুত্রেণ সিদ্ধার্থেন শিখণ্ডিনা ।
মুদং চ পরমাং লেভে পাঞ্চাল্যঃ সহ বান্ধবৈঃ ॥ 5-192-59 (38508)
শিষ্যার্থং প্রদদৌ চাথ দ্রোণায় কুরুপুঙ্গব ।
শিখণ্ডিনং মহারাজ পুত্রং স্ত্রীপূর্বিণং তথা ॥ 5-192-60 (38509)
প্রতিপেদে চতুষ্পাদং ধনুর্বেদং নৃপাত্মজঃ।
শিখণ্ডী সহ যুষ্মাভির্ধৃষ্টদ্যুম্নশ্চ পার্ষতঃ ॥ 5-192-61 (38510)
মম ৎবেতচ্চরাস্তাত যথাবৎপ্রত্যবেদয়ন্ ।
জডান্ধবধিরাকারা যে মুক্তা দ্রপদে ময়া ॥ 5-192-62 (38511)
এবমেষ মহারাজ স্ত্রী পুমান্দ্রুপদাত্মজঃ ।
স সংভূতঃ কুরুশ্রেষ্ঠ শিখণ্ডী রথসত্তমঃ ॥ 5-192-63 (38512)
জ্যেষ্ঠা কাশিপতেঃ কন্যা অম্বা নামেতি বিশ্রুতা ।
দ্রুপদস্য কুলে জাতা শিখণ্ডী ভরতর্ষভ ॥ 5-192-64 (38513)
নাহমেনং ধনুষ্পাণিং যুয়ুৎসুং সমুপস্থিতম্ ।
মুহূর্তমপি পশ্যেয়ং প্রহরেয়ং ন চাপ্যুত ॥ 5-192-65 (38514)
ব্রতমেতন্মম সদা পৃথিব্যামপি বিশ্রুতম্ ।
স্ত্রিয়াং স্ত্রীপূর্বকে চৈব স্ত্রীনাম্নি স্ত্রীসরূপিণি ॥ 5-192-66 (38515)
ন মুঞ্চেয়মহং বাণমিতি কৌরবনন্দন ।
ন হন্যামহমেতেন কারণেন শিখণ্ডিনম্ ॥ 5-192-67 (38516)
এতত্তত্ৎবমহং বেদ জন্ম তাত শিখণ্ডিনঃ ।
ততো নৈনং হনিষ্যামি সমরেষ্বাততায়িনম্ ॥ 5-192-68 (38517)
যদি ভীষ্মঃ স্ত্রিয়ং হন্যাৎসন্তঃ কুর্যুর্বিগর্হণম্ ।
নৈনং তস্মাদ্ধনিষ্যামি দৃষ্ট্বাপি সমরে স্থিতম্ ॥ 5-192-69 (38518)
বৈশম্পায়ন উবাচ। 5-192-70x (3939)
এতচ্ছ্রুৎবা তু করব্যো রাজা দুর্যোধনস্তদা।
মুহূর্তমিব স ধ্যাৎবা ভীষ্মে যুক্তমমন্যত ॥ ॥ 5-192-70 (38519)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি দ্বিনবত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-192-4 বিহংগমঃ আকাশগামী ॥ 5-192-8 অভিসংদেহে ইতি ঝo পাঠঃ। সংদেহে লিঙ্গে সম্যগ্ দিহ্যতে উপচীয়েতে রতিকালে প্রথেতে ইতি ব্যুৎপত্তেরিতি তত্রার্ধঃ ॥ 5-192-24 উত্তরং উৎকৃষ্টতরম্ ॥ 5-192-27 আগমঃ পরীক্ষা ॥ 5-192-61 চতুষ্পাদং গ্রহণধরণপ্রয়োগপ্রাতীকারৈশ্চতুর্ভিঃ পাদৈর্যুক্তম্ ॥ 5-192-উদ্যোগপর্ব - অধ্যায় 193
॥ শ্রীঃ ॥
5.193. অধ্যায়ঃ 193
Mahabharata - Udyoga Parva - Chapter Topics
দুর্যোধনেন ভীষ্মাদীন্প্রতি যুষ্মাভিঃ কিয়তা কালেন সমগ্রপরসেনাক্ষপণং কর্তুং শক্যমিতি প্রশ্নে তৈঃ পৃথক্পৃথক্তদুত্তরদানম্ ॥ 1 ॥Mahabharata - Udyoga Parva - Chapter Text
5-193-0 (38520)
সংজয় উবাচ। 5-193-0x (3940)
প্রভাতায়াং তু শর্বর্যাং পুনরেব সুতস্তব।
মধ্যে সর্বস্য সৈন্যস্য পিতামহমপৃচ্ছত ॥ 5-193-1 (38521)
দুর্যোধন উবাচ। 5-193-2x (3941)
পাণ্ডবেয়স্য গাঙ্গেয় যদেতৎসৈন্যমুদ্যতম্।
প্রভূতনরনাগাশ্বং মহারথসমাকুলম্ ॥ 5-193-2 (38522)
ভীমার্জুনপ্রভৃতিভির্মহেষ্বাসৈর্মহাবলৈঃ ।
লোকপালসমৈর্গুপ্তং ধৃষ্টদ্যুম্নপুরোগমৈঃ ॥ 5-193-3 (38523)
অপ্রধৃষ্যমনাবার্যমুদ্ধূতমিব সাগরম্ ।
সেনাসাগরমক্ষোভ্যমপি দেবার্মহাহবে ॥ 5-193-4 (38524)
কেন কালেন গাঙ্গেয় ক্ষপয়েথা মহাদ্যুতে ।
আচার্যো বা মহেষ্বাসঃ কৃপো বাঽঽশু মহাবলঃ ॥ 5-193-5 (38525)
কর্ণো বা সমরশ্লাঘী দ্রৌণির্বা দ্বিজসত্তমঃ ।
দিব্যাস্ত্রবিদুষঃ সর্বে ভবন্তো হি বলে মম ॥ 5-193-6 (38526)
এতদিচ্ছাম্যহং জ্ঞাতুং পরং কৌতূহলং হি মে।
হৃদি নিত্যং মহাবাহো বক্তুমর্হসি তন্মম ॥ 5-193-7 (38527)
ভীষ্ম উবাচ। 5-193-8x (3942)
অনুরূপং কুরুশ্রেষ্ঠ ৎবয়্যেতৎপৃথিবীপতে।
বলাবলমমিত্রাণাং তেষাং যদিহ পৃচ্ছসি ॥ 5-193-8 (38528)
শ্রৃণু রাজন্মম রণে যা শক্তিঃ পরমা ভবেৎ ।
শস্ত্রবীর্যে রণে যচ্চ ভুজয়োশ্চ মহাভুজ ॥ 5-193-9 (38529)
আর্জবেনৈব যুদ্ধেন যোদ্ধব্য ইতরো জনঃ।
মায়ায়ুদ্ধেন মায়াবী ইত্যেতদ্ধর্মনিশ্চয়ঃ ॥ 5-193-10 (38530)
হন্যামহং মহাভাগ পাণ্ডবানামনীকিনীম্ ।
দিবসে দিবসে কৃৎবা ভাগান্ভাগান্নিজান্মম ॥ 5-193-11 (38531)
যোধানাং দশসাহস্রং কৃৎবা ভাগং মহাদ্যুতে ।
সহস্রং রথিনামেকমেষ ভাগো মতো মম ॥ 5-193-12 (38532)
অনেনাহং বিধানেন সন্নদ্ধঃ সততোত্থিতঃ ।
ক্ষপয়েয়ং মহৎসৈন্যং কালেনানেন ভারত ॥ 5-193-13 (38533)
মুঞ্চেয়ং যদি বাস্ত্রাণি মহান্তি সমরে স্থিতঃ ।
শতসাহস্রঘাতীনি হন্যাং মাসেন ভারত ॥ 5-193-14 (38534)
সংজয় উবাচ। 5-193-15x (3943)
শ্রুৎবা ভীষ্মস্য তদ্বাক্যং রাজা দুর্যোধনস্ততঃ ।
পর্যপৃচ্ছত রাজেন্দ্র দ্রোণমঙ্গিরসাং বরম্ ॥ 5-193-15 (38535)
আচার্য কেন কালেন পাণ্ডুপুত্রস্য সৈনিকান্ ।
নিহন্যা ইতি তং দ্রোণঃ প্রত্যুবাচ হসন্নিব ॥ 5-193-16 (38536)
স্থবিরোঽস্মি মহাবাহো মন্দপ্রাণবিচেষ্টিতঃ ।
শস্ত্রাগ্নিনা নির্দহেয়ং পাণ্ডবানামনীকিনীম্ ॥ 5-193-17 (38537)
যথা ভীষ্মঃ শান্তনবো মাসেনেতি মতির্মম ।
এষা মে পরমা শক্তিরেতন্মে পরমং বলম্ ॥ 5-193-18 (38538)
দ্বাভ্যামেব তু মাসাভ্যাং কৃপঃ শারদ্বতোঽব্রবীৎ।
দ্রৌণিস্তু দশরাত্রেণ প্রতিজজ্ঞে বলক্ষয়ম্।
কর্ণস্তু পঞ্চরাত্রেণ প্রতিজজ্ঞে মহাস্ত্রবিৎ॥ 5-193-19 (38539)
তচ্ছ্রুৎবা সূতপুত্রস্য বাক্যং সাগরগাসুতঃ।
জহাস সস্বনং হাসং বাক্যং চেদমুবাচ হ ॥ 5-193-20 (38540)
ন হি যাবদ্রণে পার্থং বাণশঙ্খধনুর্ধরম্।
বাসুদেবসমায়ুক্তং রথেনায়ান্তমাহবে ॥ 5-193-21 (38541)
সমাগচ্ছসি রাধেয় তেনৈবমভিমন্যসে ।
শক্যমেবং চ ভূয়শ্চ ৎবয়া বক্তুং যথেষ্টতঃ ॥ ॥ 5-193-22 (38542)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বণি বিনবত্যধিকশততমোঽধ্যায়ঃ ॥
উদ্যোগপর্ব - অধ্যায় 194
॥ শ্রীঃ ॥
5.194. অধ্যায়ঃ 194
Mahabharata - Udyoga Parva - Chapter Topics
যুধিষ্ঠিরেণ চারমুখাৎ ভীষ্মাদিভিঃ স্বস্বশক্তিপ্রকাশনং নিশম্য অর্জুনংপ্রতি তচ্ছক্তিনিবেদনচোদনে তৎকথনম্ ॥ 1 ॥Mahabharata - Udyoga Parva - Chapter Text
5-194-0 (38543)
বৈশম্পায়ন উবাচ। 5-194-0x (3944)
এতচ্ছ্রুৎবা তু কৌন্তেয়ঃ সর্বান্ভ্রাতৄনুপহ্বরে।
আহূয় ভরতশ্রেষ্ঠ ইদং বচনমব্রবীৎ ॥ 5-194-1 (38544)
যুধিষ্ঠির উবাচ। 5-194-2x (3945)
ধার্তরাষ্ট্রস্য সৈন্যেষু যে চারপুরুষা মম।
তে প্রবৃত্তিং প্রয়চ্ছন্তি মমেমাং ব্যুষিতাং নিশাম্ ॥ 5-194-2 (38545)
দুর্যোধনঃ কিলাপৃচ্ছদাপগেয়ং মহাব্রতম্ ।
কেন কালেন পাণ্ডূনাং হন্যাঃ সৈন্যমিতি প্রভো ॥ 5-194-3 (38546)
মাসেনেতি চ তেনোক্তো ধার্তরাষ্ট্রঃ সুদুর্মতিঃ।
তাবতা চাপি কালেন দ্রোণোপি প্রতিজজ্ঞিবান্ ॥ 5-194-4 (38547)
গৌতমো দ্বিগুণং কালমুক্তবানিতি নঃ শ্রুতম্ ।
দ্রৌণিস্তু দশরাত্রেণ প্রতিজজ্ঞে মহাস্ত্রবিৎ ॥ 5-194-5 (38548)
তথা দিব্যাস্ত্রবিৎকর্ণঃ সংপৃষ্টঃ কুরুসংসদি ।
পঞ্চভির্দিবসৈর্হন্তুং সসৈন্যং প্রতিজজ্ঞিবান্ ॥ 5-194-6 (38549)
তস্মাদহমপীচ্ছামি শ্রোতুমর্জুন তে বচঃ।
কালেন কিয়তা শত্রূন্ক্ষপয়েরিতি ফাল্গুন ॥ 5-194-7 (38550)
এবমুক্তো গুডাকেশঃ পার্থিবেন ধনঞ্জয়ঃ ।
বাসুদেবং সমীক্ষ্যেদং বচনং প্রত্যভাষত ॥ 5-194-8 (38551)
সর্ব এতে মহাত্মানঃ কৃতাস্ত্রাশ্চিত্রয়োধিনঃ ।
অসংশয়ং মহারাজ হন্যুরেব ন সংশয়ঃ ॥ 5-194-9 (38552)
অপৈতু তে মনস্তাপো যথা সত্যং ব্রবীম্যহম্ ।
হন্যামেকরথেনৈব বাসুদেবসহায়বান্ ॥ 5-194-10 (38553)
সামরানপি লোকাংস্ত্রীন্সর্বান্স্থাবরজঙ্গমান্ ।
ভূতং ভব্যং ভবিষ্যং চ নিমেষাদিতি মে মতিঃ ॥ 5-194-11 (38554)
`যাবদিচ্ছেদ্ধরিরয়ং তাবদস্তি ন চান্যথা।'
যত্তদ্ধোরং পশুপতিঃ প্রাদাদস্ত্রং মহন্মম।
কৈরাতে দ্বন্দ্বয়ুদ্ধে তু তদিদং ময়ি বর্ততে ॥ 5-194-12 (38555)
যদ্যুগান্তে পশুপতিঃ সর্বভূতানি সংহরন্ ।
প্রয়ুঙ্ক্তে পুরুষব্যাঘ্র তদিদং ময়ি বর্ততে ॥ 5-194-13 (38556)
তন্ন জানাতি গাঙ্গেয়ো ন দ্রোণো ন চ গৌতমঃ ।
ন চ দ্রোণসুতো রাজন্কুত এব তু সূতজঃ॥ 5-194-14 (38557)
ন তু যুক্তং রণে হন্তুং দিব্যৈরস্ত্রৈঃ পৃথগ্জনম্ ।
আর্জবেনৈব যুদ্ধেন বিজেষ্যামো বয়ং পরান্ ॥ 5-194-15 (38558)
তথেমে পুরুষব্যাঘ্রাঃ সহায়াস্তব পার্থিব ।
সর্বে দিব্যাস্ত্রবিদ্বাংসঃ সর্বে যুদ্ধাভিকাঙ্ক্ষিণঃ ॥ 5-194-16 (38559)
বেদান্তাবভৃথস্নাতাঃ সর্ব এতেঽপরাজিতাঃ ।
নিহন্যুঃ সমরে সেনাং দেবানামপি পাণ্ডব ॥ 5-194-17 (38560)
শিখণ্ডী যুয়ুধানশ্চ ধৃষ্টদ্যুম্নশ্চ পার্ষতঃ ।
ভীমসেনো যমৌ চোভৌ যুধামন্যূত্তমৌজসৌ ॥ 5-194-18 (38561)
বিরাটদ্রুপদৌ চোভৌ ভীষ্মদ্রোণসমৌ যুধি।
শঙ্খশ্চৈব মহাবাহুর্হৈডিম্বশ্চ মহাবলঃ ॥ 5-194-19 (38562)
পুত্রোঽস্যাঞ্জনপর্বা তু মহাবলপরাক্রমঃ ।
শৈনেয়শ্চ মহাবাহুঃ সহায়ো রণকেবিদঃ ॥ 5-194-20 (38563)
অভিমন্যুশ্চ বলবান্দ্রৌপদ্যাঃ পঞ্চ চাত্মজাঃ ।
স্বয়ং চাপি সমর্থোসি ত্রেলোক্যোৎসাদনেপি চ ॥ 5-194-21 (38564)
ক্রোধাদ্যং পুরুষং পশ্যেস্তথা শক্রসমদ্যুতে।
স ক্ষিপ্রং নভবেদ্ব্যক্তমিতি ৎবাং বেদ্মি কৌরব ॥ ॥ 5-194-22 (38565)
ইতি শ্রীমন্মহাভারতে উদ্যোগপর্বণি অম্বোপাখ্যনপর্বণি চতুর্নবত্যধিকশততমোঽধ্যায়ঃ ॥
Mahabharata - Udyoga Parva - Chapter Footnotes
5-194-2 ব্যুষিতাং নিশাং প্রভাতকালে ॥উদ্যোগপর্ব - অধ্যায় 195
॥ শ্রীঃ ॥
5.195. অধ্যায়ঃ 195
Mahabharata - Udyoga Parva - Chapter Topics
দুর্যোধনেন ত্রেধাবিভজ্য সেনানাং যাপনম্ ॥ 1 ॥ সর্বেষাং শিবিরপ্রবেশঃ ॥ 2 ॥Mahabharata - Udyoga Parva - Chapter Text
5-195-0 (38566)
বৈশম্পায়ন উবাচ। 5-195-0x (3946)
ততঃ প্রভাতে বিমলে ধার্তরাষ্ট্রেণ চোদিতাঃ।
দুর্যোধনেন রাজানঃ প্রয়যুঃ পাণ্ডবান্প্রতি ॥ 5-195-1 (38567)
আপ্লাব্য শুচয়ঃ সর্বে স্রগ্বিণঃ শুক্লবাসসঃ।
গৃহীতশস্ত্রা ধ্বজিনঃ স্বস্তি বাচ্য হুতাগ্নয়ঃ । 5-195-2 (38568)
সর্বে ব্রহ্মবিদঃ শূরাঃ সর্বে সুচরিতব্রতাঃ ।
সর্বে কামকৃতশ্চৈব সর্বে চাহবলক্ষণাঃ ॥ 5-195-3 (38569)
আহবেষু পরাঁল্লোকাঞ্জিগীষন্তো মহাবলাঃ ।
একাগ্রমনসঃ সর্বে শ্রদ্দধানাঃ পরস্পরম্ ॥ 5-195-4 (38570)
বিন্দানুবিন্দাবাবন্ত্যৌ কেকয়া বাহ্লিকৈঃ সহ ।
প্রয়যুঃ সর্ব এবৈতে ভারদ্বাজপুরোগমাঃ ॥ 5-195-5 (38571)
অশ্বত্থামা শান্তনবঃ সৈন্ধবোঽথ জয়দ্রথঃ।
দাক্ষিণাত্যাঃ প্রতীচ্যাশ্চ পার্বতীয়াশ্চ নে নৃপাঃ ॥ 5-195-6 (38572)
গান্ধাররাজঃ শকুনিঃ প্রাচ্যোদীচ্যাশ্চ সর্বশঃ ।
শকাঃ কিরাতা যবনাঃ শিবয়োঽথ বসাতয়ঃ ॥ 5-195-7 (38573)
স্বৈঃ স্বৈরনীকৈঃ সহিতাঃ পরিবার্য মহারথম্ ।
এতে মহারথাঃ সর্বে দ্বিতীয়ে নির্যযুর্বলে ॥ 5-195-8 (38574)
কৃতবার্মা সহানীকস্ত্রিগর্তশ্চ মহারথঃ ।
দুর্যোধনশ্চ নৃপতির্ভ্রাতৃভিঃ পরিবারিতঃ ॥ 5-195-9 (38575)
শলো ভূরিশ্রবাঃ শল্যঃ কৌসল্যোঽথ বৃহদ্রথঃ ।
এতে পশ্চাদনুগতা ধার্তরাষ্ট্রপুরোগমাঃ ॥ 5-195-10 (38576)
তে সমেত্য যথান্যায়ং ধার্তরাষ্ট্রা মহাবলাঃ।
কুরুক্ষেত্রস্য পশ্চার্ধে ব্যবাতিষ্ঠন্ত দংশিতাঃ॥ 5-195-11 (38577)
দুর্যোধনস্তু শিবিরং কারয়ামাস ভারত ।
যথৈব হাস্তিনপুরং দ্বিতীয়ং সমলংকৃতম্ ॥ 5-195-12 (38578)
ন বিশেষং বিজানন্তি পুরস্য শিবিরস্য বা ।
কুশলা অপি রাজেন্দ্র নরা নগরবাসিনঃ ॥ 5-195-13 (38579)
তাদৃশান্যেব দুর্গাণি রাজ্ঞামপি মহীপতিঃ ।
কারয়ামাস কৌরব্যঃ শতশোঽথ সহস্রশঃ ॥ 5-195-14 (38580)
পঞ্চয়োজনমুৎসৃজ্য মাণ্ডলং তদ্রণাজিরম্ ।
সেনানিবেশাস্তে রাজন্নাবিশঞ্ছতসঙ্ঘশঃ ॥ 5-195-15 (38581)
তত্র তে পৃথিবীপালা যথোৎসাহং যথাবলম্ ।
বিবিশুঃ শিবিরাণ্যত্র দ্রব্যবন্তি সহস্রশঃ ॥ 5-195-16 (38582)
তেষাং দুর্যোধনো রাজা সসৈন্যানাং মহাত্মনাম্ ।
ব্যাদিদেশ স বাহ্যানাং ভক্ষ্যভোজ্যমনুত্তমম্ ॥ 5-195-17 (38583)
সনাগাশ্বমনুণ্যাণাং যে চ শিল্পোপজীবিনঃ ।
যে চান্যেঽনুগতাস্তত্র সূতমাগধবন্দিনঃ ॥ 5-195-18 (38584)
বণিজো গণিকাশ্চারা যে চৈব প্রেক্ষকা জনাঃ ।
সর্বাংস্তন্কৌরবো রাজা বিধিবৎপ্রত্যবৈক্ষত ॥ ॥ 5-195-19 (38585)
ইতি শ্রীমন্মহাভারতে উদ্যোগপর্বণি অম্বোপাখ্যানপর্বমি পঞ্চনবত্যধিকশততমোঽধ্যায়ঃ ॥
উদ্যোগপর্ব - অধ্যায় 196
॥ শ্রীঃ ॥
5.196. অধ্যায়ঃ 196
Mahabharata - Udyoga Parva - Chapter Topics
যুধিষ্ঠিরেণাপি ত্রেধাবিভজ্য স্বসেনানাং প্রেষণম্ ॥ 1 ॥Mahabharata - Udyoga Parva - Chapter Text
5-196-0 (38586)
বৈশম্পায়ন উবাচ। 5-196-0x (3947)
তথৈব রাজা কৌন্তেয়ো ধর্মপুত্রো যুধিষ্ঠিরঃ।
ধৃষ্টদ্যুম্নমুখান্বীরাংশ্চোদয়ামাস ভারত ॥ 5-196-1 (38587)
চেদিকাশিকরূশানাং নেতারং দৃঢবিক্রমম্ ।
সেনাপতিমমিত্রঘ্নং ধৃষ্টকেতুমথাদিশৎ ॥ 5-196-2 (38588)
বিরাটং দ্রুপদং চৈব যুয়ুধানং শিখণ্ডিনম্ ।
পাঞ্চাল্যৌ চ মহেষ্বাসৌ যুধামন্যূত্তমৌজসৌ ॥ 5-196-3 (38589)
তে শূরাশ্চিত্রবর্মাণস্তপ্তকুণ্ডলধারিণঃ।
আজ্যাবসিক্তা জ্বলিতা ধিষ্ণ্যেষ্বিব হুতাশনাঃ ॥ 5-196-4 (38590)
অশোভন্ত মহেষ্বাসা গ্রহাঃ প্রজ্বলিতা ইব ।
অথ সৈন্যং যথায়োগং পূজয়িৎবা নরর্ষভঃ ॥ 5-196-5 (38591)
দিদেশ তান্যনীকানি প্রয়াণায় মহীপতিঃ।
তেষাং যুধিষ্ঠিরো রাজা সসৈন্যানাং মহাত্মনাম্ ॥ 5-196-6 (38592)
ব্যাদিদেশ সবাহ্যানাং ভক্ষ্যভোজ্যমনুত্তমম্ ।
স গজাশ্বমনুষ্যাণাং যে চ শিল্পোপজীবিনঃ ॥ 5-196-7 (38593)
অভিমন্যুং বৃহন্তং চ দ্রৌপদেয়াংশ্চ সর্বশঃ ।
ধৃষ্টদ্যুম্নমুখানেতান্প্রাহিণোৎপাণ্ডুনন্দনঃ ॥ 5-196-8 (38594)
ভীমং চ যুয়ুধানং চ পাণ্ডবং চ ধনংজয়ম্।
দ্বিতীয়ং প্রেষয়ামাস বলস্কন্ধং যুধিষ্ঠিরঃ ॥ 5-196-9 (38595)
ভাণ্ডং সমারোপয়তাং চরতাং সংপ্রধাবতাম্ ।
হৃষ্টানাং তত্র যোধানাং শব্দো দিবমিবাস্পশৎ ॥ 5-196-10 (38596)
স্বয়মেব ততঃ পশ্চাদ্বিরাটদ্রপদান্বিতঃ।
অথাপরৈর্মহীপালৈঃ সহ প্রায়ান্মহীপতিঃ ॥ 5-196-11 (38597)
ভীমধন্বায়তী সেনা ধৃষ্টদ্যুম্নেন পালিতা।
গঙ্গেব পূর্ণা স্তিমিতা স্যন্দমানা ব্যদৃশ্যত ॥ 5-196-12 (38598)
ততঃ পুনরনীকানি ন্যযোজয়ত বুদ্ধিমান্।
মোহয়ন্ধৃতরাষ্ট্রস্য পুত্রাণাং বুদ্ধিনিশ্চয়ম্ ॥ 5-196-13 (38599)
দ্রৌপদেয়ান্মহেষ্বাসানভিমন্যুং চ পাণ্ডবঃ ।
নকুলং সহদেবং চ সর্বাংশ্চৈব প্রভদ্রকান্ ॥ 5-196-14 (38600)
দশ চাশ্বসহস্রাণি দ্বিসহস্ত্রাণি দন্তিনাম্ ।
অয়ুতং চ পদাতীনাং রথাঃ পঞ্চশতং তথা ॥ 5-196-15 (38601)
ভীমসেনস্য দুর্ধর্ষং প্রথমং প্রাদিশদ্বলম্ ।
মধ্যমে চ বিরাটং চ জয়ৎসেনং চ পাণ্ডবঃ ॥ 5-196-16 (38602)
মহারথৌ চ পাঞ্চাল্যৌ যুধামন্যূত্তমৌজসৌ ।
বীর্যবন্তৌ মহাত্মানৌ যুধামন্যূত্তমৌজসৌ ॥ 5-196-17 (38603)
অন্বয়াতাং তদা মধ্যে বাসুদেবধনঞ্জয়ৌ ।
`তৌ দৃষ্ট্বা পৃথিবীপালা নষ্টমিত্যেব মেনিরে।
অন্তরিক্ষগতাঃ সর্বে দেবাঃ সেন্দ্রপুরোগমাঃ '॥ 5-196-18 (38604)
বভূবুরতিসংরব্ধাঃ কৃতপ্রহরণা নরাঃ।
তেষাং বিংশতিসাহস্রা হয়াঃ শূরৈরধিষ্ঠিতাঃ ।
পঞ্চ নাগসহস্রাণি রথবংশাশ্চ সর্বশঃ ॥ 5-196-19 (38605)
পদাতয়শ্চ যে শূরাঃ কার্মুকাসিগদাধরাঃ ।
সহস্রশোঽন্বয়ুঃ পশ্চাদগ্রতশ্চ সহস্রশঃ ॥ 5-196-20 (38606)
যুধিষ্ঠিরো যত্র সৈন্যে স্বয়মেব বলার্ণবে ।
তত্র তে পৃথিবীপালা ভূয়িষ্ঠং পর্যবস্থিতাঃ ॥ 5-196-21 (38607)
তত্র নাগসহস্রাণি হয়ানাময়ুতানি চ ।
তথা রথসহস্রাণি পদাতীনাং চ ভারত ॥ 5-196-22 (38608)
চেকিতানঃ স্বসৈন্যেন মহতা পার্থিবর্ষভ ।
ধৃষ্টকেতুশ্চ চেদীনাং প্রণেতা পার্থিবো যয়ৌ ॥ 5-196-23 (38609)
সাত্যকিশ্চ মহেষ্বাসো বৃষ্ণীনাং প্রবরো রথঃ ।
বৃতঃ শতসহস্রেণ রথানাং প্রমুদন্বলী ॥ 5-196-24 (38610)
ক্ষত্রদেবব্রহ্মদেবৌ রথস্থৌ পুরুষর্ষভৌ ।
জঘনং পালয়ন্তৌ চ পৃষ্ঠতোঽনুপ্রজগ্মতুঃ ॥ 5-196-25 (38611)
শকটাপণবেশাশ্চ যানং যুগ্যং চ সর্বশঃ ।
তত্র নাগসহস্রাণি হয়ানাময়ুতানি চ ।
ফল্গু সর্বং কলত্রং চ যৎকিংচিৎকৃশদুর্বলম্ ॥ 5-196-26 (38612)
কোশসঞ্চয়বাহাংশ্চ কোষ্ঠাগারং তথৈব চ।
গজানীকেন সংগৃহ্য শনৈঃ প্রায়াদ্যুধিষ্ঠিরঃ ॥ 5-196-27 (38613)
তমন্বয়াৎসত্যধৃতিঃ সৌচিত্তির্যুদ্ধদুর্মদঃ।
শ্রেণিমান্বসুদানশ্চ পুত্রঃ কাশ্যস্য বা বিভুঃ ॥ 5-196-28 (38614)
রথা বিংশতিসাহস্রা যে তেষামনুয়ায়িনঃ ।
হয়ানাং দশ কোট্যশ্চ মহতাং কিংকিণীকিনাম্ ॥ 5-196-29 (38615)
গজা বিংশতিসাহস্রা ঈষাদন্তাঃ প্রহারিণঃ।
কুলীনা ভিন্নকরটা মেঘা ইব বিসর্পিণঃ ॥ 5-196-30 (38616)
ষষ্টির্নাগসহস্রাণি দশান্যানি চ ভারত ।
যুধিষ্ঠিরস্য যান্যাসন্যুধি সেনা মহাত্মনঃ ॥ 5-196-31 (38617)
ক্ষরন্ত ইব জীমূতাঃ প্রভিন্নকরটামুখাঃ ।
রাজানমন্বয়ুঃ পশ্চাচ্চলন্ত ইব পর্বতাঃ ॥ 5-196-32 (38618)
এবং তস্য বলং ভীমং কুন্তীপুত্রস্য ধীমতঃ ।
যদাশ্রিত্যাথ যুয়ুধে ধার্তরাষ্ট্রং সুয়োধনম্ ॥ 5-196-33 (38619)
ততোঽন্যে শতশঃ পশ্চাৎসহস্রায়ুতশো নরাঃ।
নর্দন্তঃ প্রয়যুস্তেষাণনীকানি সহস্রশঃ ॥ 5-196-34 (38620)
তত্র ভেরীসহস্রাণি শঙ্খানাময়ুতানি চ ।
ন্যবাদয়ন্ত সংহৃষ্টাঃ সহস্রায়ুতশো নরাঃ ॥ ॥ 5-196-35 (38621)
ইতি শ্রীমন্মহাভারতে শতসাহস্র্যাং সংহিতায়াং বৈয়াসিক্যাং উদ্যোগপর্বণি অম্বোপাখ্যানপর্বণি ষণ্ণবত্যধিকশততমোঽধ্যায়ঃ ॥ ॥ সমাপ্তমম্বোপাখ্যানপর্ব ॥ উদ্যোগপর্ব চ ॥ অস্যানন্তরং ভীষ্মপর্ব ভবিষ্যতি তস্যযমাদ্য শ্লোকঃ । জনমেজয় উবাচ। কথং যুয়ুধিরে বীরাঃ কুরুপাণ্ডবসোমকাঃ। পার্থিবাঃ সুমহাত্মানো নানাদেশসমাগতাঃ ॥ ইদং উদ্যোগপর্ব কুংভঘোণস্থেন টীo আর্o কৃষ্ণাচার্যেণ টীo আর্o ব্যাসাচার্যেণ চ মুংবয়্যাং নির্ণয়সাগরমুদ্রায়ন্ত্রে মুদ্রাপিতম্ । শকাব্দাঃ 1828 সন 1907