Kumbhaghonam Edition in Bangla Script
7. দ্রোণপর্ব
দ্রোণপর্ব - অধ্যায় 001
॥ শ্রীঃ ॥
7.1. অধ্যায়ঃ 001
Mahabharata - Drona Parva - Chapter Topics
ধৃতরাষ্ট্রেণ সঞ্জয়ংপ্রতি ভীপ্মপাতানন্তরীয়কদুর্যোধনাদিবৃত্তান্তপ্রশ্নঃ॥ 1 ॥ সঞ্জয়েন যোধানাং শরণৎবেন কর্ণাহ্বানে কথিতে ধৃতরাষ্ট্রস্য কর্ণবৃত্তান্তপ্রশ্নঃ॥ 2 ॥Mahabharata - Drona Parva - Chapter Text
7-1-0 (44647)
শ্রীবেদব্যাসায় নমঃ। 7-1-0x (4256)
নারায়ণং নমস্কৃত্য নরং চৈব নরোত্তমম্।
দেবীং সরস্বতীং ব্যাসং ততো জয়মুদীরয়েৎ॥ 7-1-1 (44648)
জনমেজয় উবাচ। 7-1-1x (4257)
তমপ্রতিমসৎবৌজোবলবীর্যপরাক্রমম্।
হতং দেবব্রতং শ্রুৎবা পাঞ্চাল্যেন শিখণ্ডিনা॥ 7-1-1 (44649)
ধৃতরাষ্ট্রস্ততো রাজা শোকব্যাকূললোচনঃ।
কিমচেষ্টত বিপ্রর্ষে হতে পিতাx বীর্যবান্॥ 7-1-2 (44650)
তস্য পুত্রো হি ভগবান্ভীষ্ভদ্রোণমুখৈ রথৈঃ।
পমজিত্য মহেষ্বাসান্পাণ্ডব রাজ্যমিচ্ছতি॥ 7-1-3 (44651)
তস্মিন্হা তু ভগবন্কতৌ সর্বধনুষ্মতাম্।
যদচেষ্টত কৌরবস্তন্মে ব্রূহি তপৌধন॥ 7-1-4 (44652)
বৈশম্পায়ন উবাচ। 7-1-5x (4258)
নিহতং পিতরং শ্রুৎবা ধৃতরাষ্ট্রো জনাধিপঃ।
লেভে ন শান্তিং কৌরব্যশ্চিন্তাশৌকপরায়ণঃ॥ 7-1-5 (44653)
তৎব চিন্তয়তো দুঃখমনিশং পার্থিবস্য তৎ।
আজগাম বিশুদ্ধাত্মা পুনর্গাবল্গণিস্তদা॥ 7-1-6 (44654)
`ব্যাসপ্রসাদাদ্বিজ্ঞায় সর্বং বৃত্তান্তমুত্তমম্।
সৈনিকানাং চ সর্বেষাং সেনয়োরুভয়োস্তদা'॥ 7-1-7 (44655)
শিবিরাৎসঞ্জয়ং প্রাপ্তং নিশি নাগাহ্বয়ং পুরম্।
আভ্বিকেয়ো মাহারজ ধৃতরাষ্ট্রোঽন্বপৃচ্ছত॥ 7-1-8 (44656)
শ্রুৎবা ভীষ্মস্য নিধনমপ্রহৃষ্টমনা ভৃশম্।
পুত্রাণাং জয়মাকাঙ্ক্ষন্বিললাপাতুরো যথা॥ 7-1-9 (44657)
ধৃতরাষ্ট্র উবাচ। 7-1-10x (4259)
সংশোচ্য তু মহাত্মানং ভীষ্মং ভীমপরাক্রমম্।
কিমকার্ষুঃপরং তাত কুরবঃ কালচোদিতাঃ॥ 7-1-10 (44658)
তস্মিন্বিনিহতে শূরে দুরাধর্ষে মহাত্মনি।
কিং নু স্বিৎকুরবোঽকার্ষুর্নিমগ্নাঃ শোকসাগরে॥ 7-1-11 (44659)
তদুদীর্ণং মহৎসৈন্যং ত্রৈলোক্যস্যাপি সঞ্জয়।
ভয়মুৎপাদয়েত্তীব্রং পাণ্ডবানাং মহাত্মনাম্॥ 7-1-12 (44660)
কো হি দৌর্যোধনে সৈন্যে পুমানাসীন্মহারথঃ।
যং প্রাপ্য সমরে বীরা ন ত্রস্যন্তি মহাভয়ে॥ 7-1-13 (44661)
দেবব্রতে তু নিহতে কুরূণামৃষভে তদা।
কিমকার্ষুর্নৃপতয়স্তন্মমাচক্ষ্ব সঞ্জয়া॥ 7-1-14 (44662)
সঞ্জয় উবাচ। 7-1-15x (4260)
শৃণু রাজন্নেকমনা বচনং ব্রুবতো মম।
যত্তে পুত্রাস্তদাকার্ষুর্হতে দেবব্রতে মৃধে॥ 7-1-15 (44663)
নিহতে তু তদা ভীষ্মে রাজন্সত্যপরাক্রমে।
তাবকাঃ পাণ্ডবেয়াশ্চ প্রাধ্যায়ন্ত পৃথক্পৃথক্॥ 7-1-16 (44664)
বিস্মিতাশ্চ প্রহৃষ্টাশ্চ ক্ষত্রধর্মং নিশাম্য তে।
স্বধর্মং নিন্দমানাস্তে প্রমিপত্য মহাত্মনে॥ 7-1-17 (44665)
শয়নং কল্পয়ামাসুর্ভীষ্মায়ামিতকর্মণে।
সোপধানং নরব্যাঘ্র শরৈঃ সন্নতপর্বভিঃ॥ 7-1-18 (44666)
বিধায় রক্ষাং ভীষ্মায় সমাভাষ্য পরস্পরম্।
অনুমান্য চ গাঙ্গেয়ং কৃৎবা চাপি প্রদক্ষিণম্॥ 7-1-19 (44667)
ক্রোধসংরক্তনয়নাঃ সমবেত্য পরস্পরম্।
পুনর্যুদ্ধায় নির্জগ্মুঃ ক্ষত্রিয়াঃ কালচোদিতাঃ॥ 7-1-20 (44668)
ততস্তূর্যনিনাদৈশ্চ ভেরীণাং নিনদেন চ।
তাবকানামনীকানি পরেষাং চ বিনির্যযুঃ॥ 7-1-21 (44669)
ব্যাবৃত্তেঽর্যম্ণি রাজেন্দ্র পতিতে জাহ্নবীসুতে।
অমর্পবশমাপন্নাঃ কালোপহতচেতসঃ॥ 7-1-22 (44670)
অনাদৃত্য বচঃ পথ্যং গাঙ্গেয়স্য মহাত্মনঃ।
নির্যযুর্ভরতশ্রেষ্টাঃ শস্ত্রাণ্যাদায় সৎবরাঃ॥ 7-1-23 (44671)
মোহাত্তব সপুত্রস্য বধাচ্ছান্তনবস্য চ।
কৌরবা ম্নৃত্যুনাঽঽহূতাঃ সহিতাঃ সর্বরাজভিঃ॥ 7-1-24 (44672)
অজাবয় ইবাগোপা বনে শ্বাপদসংকুলে।
`কর্ণকর্ণেতি চাক্রন্দঞ্ছেষা ভারত পার্থিবাঃ'।
ভৃশমুদ্বিগ্নমনসো হীনা দেবব্রতেন তে॥ 7-1-25 (44673)
পতিতে ভরতশ্রেষ্ঠে বভূব কুরুবাহিনী।
দ্যৌরিবাপেতনক্ষত্রা হীনং খমিব বায়ুনা॥ 7-1-26 (44674)
বিপন্নসস্যেব মহী বাক্চৈবাসংস্কৃতা যথা।
আসুরীব যথা সেনা নিগৃহীতে নৃপে বলৌ॥ 7-1-27 (44675)
বিধবেব বারারোহা শুষ্কতোয়েব নিম্নগা।
বৃকৈরিব বনে রুদ্ধা পৃপতী হতয়ূথপা॥ 7-1-28 (44676)
শরভাঽঽহতসিংহেব মহতী গিরিকন্দরা।
সা সেনা ভরতশ্রেষ্ঠে পতিতে জাহ্নবীসুতে॥ 7-1-29 (44677)
বিষ্বগ্বাতাহতিশুব্ধা নৌরিবাসীন্মহার্ণবে।
বলিভিঃ পাণ্ডবৈর্বীরৈর্লব্ধলক্ষৈর্ভৃশার্দিতা॥ 7-1-30 (44678)
সা তদাসীদ্ভৃশং সেনা ব্যাকুলাশ্বরথদ্বিপা।
বিপন্নভূয়িষ্ঠনরা কৃপণা ধ্বস্তমানসা॥ 7-1-31 (44679)
তস্যাং ত্রস্তা নৃপতয়ঃ সৈনিকাশ্চ পৃথগ্বিধাঃ।
পাতাল ইব মজ্জন্তো হীনা দেবব্রতেন তে। 7-1-32 (44680)
কর্ণস্য কুরবোঽস্মার্ষুঃ স হি দেবব্রতোপমঃ।
সর্বশস্ত্রভৃতাং শ্রেষ্ঠং রোচমানমিবাতিথিম্॥ 7-1-33 (44681)
বন্ধুমাপদ্গতস্যেব তমেবোপাগমন্মনঃ।
চুক্রুশুঃ কর্মকর্ণেতি তত্র ভারত পার্থিবাঃ॥ 7-1-34 (44682)
রাধেয়ং হিতমস্মাকং সূতপুত্রং তনুত্যজম্।
স হি নাবুধ্যত তদা দশাহানি মহায়শাঃ॥ 7-1-35 (44683)
সামাত্যবন্ধুঃ কর্ণো বৈ তমানয়ত মাচিরম্।
ভীষ্ণেণ হি মহাবাহুঃ সর্বক্ষত্রস্য পশ্যতঃ॥ 7-1-36 (44684)
রথেষু গণ্যমানেষু বলবিক্রমশালিষু।
শঙ্খ্যাতোঽর্ধরথঃ কর্ণো দ্বিগুণঃ সন্নরর্ষভঃ॥ 7-1-37 (44685)
রথাতিরক্ষসঙ্খ্যায়াং যোঽগ্রণীঃ শূরসম্ভতঃ।
সাসুরানপি দেবেশান্রণে যো যোদ্ধুমৃৎসহেৎ॥ 7-1-38 (44686)
স তু তেনৈব কোপেন রাজন্গাঙ্গেয়মুক্তবান্।
ৎবয়ি জীকতে কৌরব্য নাহং যোৎস্যে কদাচন। 7-1-39 (44687)
ৎবয়া তু পাণ্ডবেয়েষু নিহতেষু মহামৃধে।
দুর্যোধনমনুজ্ঞাপ্য বনং যাস্যামি কৌরব॥ 7-1-40 (44688)
হতে বা ৎবয়ি পার্থৈস্তু যুধি স্বর্গমুপেয়ুষি।
হন্তাস্ম্যেকরথেনৈব কৃৎস্নান্বান্মন্যসে রথা॥ 7-1-41 (44689)
এবমুক্ৎবা মহাবাহুর্দশাহান্যেক এব স।
নায়ুধ্যত ততঃ কর্ণঃ পুত্রস্য তব সংয়তে॥ 7-1-42 (44690)
ভীষ্মঃ সমরবিক্রান্তঃ পাণ্ডবেয়স্য ভারত।
জঘান সমরে যোধানসঙ্খ্যেয়পরাক্রমঃ॥ 7-1-43 (44691)
তস্মিংস্তু নিহতে শূরে সত্যসন্ধে মহৌজসি।
ৎবৎসুতাঃ বর্ণমস্মার্পুস্তর্তুকামা ইব প্লবম্॥ 7-1-44 (44692)
তাবকাস্তব পুত্রাশ্চ সহিতাঃ সর্বরাজভিঃ।
হা কর্ণ ইতি চাক্রন্দন্কালোঽয়মিতি অব্রবন্॥ 7-1-45 (44693)
এবং তে স্ম হি রাধেয়ং সূতপুত্রং নতxxxx
চুক্রুশুঃ সহিতা যোধাxxxxxxxxxxx॥ 7-1-46 (44694)
জামদগ্ন্যাভ্যনুজ্ঞাতমস্ত্রে দুর্বারপৌরুষম্।
অগমন্নো মনঃ কর্ণং বন্ধুমাত্যযিকেষ্বিব॥ 7-1-47 (44695)
স হি শক্তো রণে রাজঞ্স্ত্রাতুমস্মান্মহাভয়াৎ॥
ত্রিদশানিব গোবিন্দঃ সততং সুমহাভয়াৎ॥ 7-1-48 (44696)
বৈশম্পায়ন উবাচ। 7-1-49x (4261)
তথা তু সঞ্জয়ং কর্ণং কীর্তয়ন্তং পুনঃ পুনঃ।
আশীবিষবদুচ্ছ্বস্য ধৃতরাষ্ট্রোঽব্রবীদিদম্॥ 7-1-49 (44697)
ধৃতরাষ্ট্র উবাচ। 7-1-50x (4262)
যত্তদ্বৈকর্তনং কর্ণমগমদ্বো মনস্তদা।
উপ্যরক্ষৎস রাধেয়ঃ সূতপুত্রস্তনুত্যজঃ॥ 7-1-50 (44698)
অপি তন্ন মৃষাকার্ষীৎকচ্চিৎসত্যপরাক্রমঃ।
সম্ভান্তানাং তদার্তানাং ত্রস্তানাং ত্রাণমিচ্ছতাং॥ 7-1-51 (44699)
অপি তৎপূরয়াংচক্রে ধনুর্ধরবরো যুধি।
যত্তদ্বিনিহতে ভীষ্মে কৌরবাণামপাকৃতম্॥ 7-1-52 (44700)
তৎখণ্ডং পূরয়ন্কর্ণঃ পরেষামাদধদ্ভয়ম্।
স হি বৈ পুরুষব্যাঘ্রো লোকে সঞ্জয় কথ্যতে॥ 7-1-53 (44701)
7-1-54 (44702)
আর্তানাং বান্ধবানাং চ ক্রন্দতাং চ বিশেষতঃ।
পরিত্যজ্য রণে প্রাণাংস্তত্ত্রাণার্থং চ শর্ম চ।
কৃতবান্মম পুত্রাণাং জয়াশাং সফলামপি॥
দ্রোণপর্ব - অধ্যায় 002
॥ শ্রীঃ ॥
7.2. অধ্যায়ঃ 002
Mahabharata - Drona Parva - Chapter Topics
কর্ণেন পাণ্ডবোচ্ছেদনপূর্বকং দুর্যোধনায় রাজ্যদানং প্রতিজ্ঞায় যুদ্ধায়াভিয়ানম্॥ 1 ॥Mahabharata - Drona Parva - Chapter Text
7-2-0 (44703)
সঞ্জয় উবাচ। 7-2-0x (4263)
হতং ভীষ্মমথাধিরথির্বিদিৎবা
ভিন্নাং নাবং বারিধাবত্যগাধে।
সোদর্যবদ্ব্যসনাৎসূতপুত্রঃ
সংতারয়িষ্যংস্তব পুত্রস্য সেনাম্॥ 7-2-1 (44704)
শ্রুৎবা তু কর্ণঃ পুরুষেন্দ্রমচ্যুতং
নিপাতিতং শান্তনবং মহারথম্।
অথোপয়ায়াৎসহসারিকর্ষণো
ধনুর্ধরাণাং প্রবরস্তদা নৃপ॥ 7-2-2 (44705)
হতে তু রথসত্তমে পরৈর্নিমজ্জতীং নাবমিবার্ণবে কুরূন্।
পিতেব পুত্রাংস্ৎবরিতোঽভ্যযাত্ততঃ সন্তারয়িষ্যংস্তব পুত্রস্য সেনাম্॥ 7-2-3 (44706)
সম্মৃজ্য দিব্যং ধনুরাততজ্যং স রামদত্তং রিপুসঙ্ঘহন্তা।
বাণাংশ্চ কালানলবায়ুকল্পানুল্লালয়ন্বাক্যমিদং বভাষে। 7-2-4 (44707)
কর্ণ উবাচ।
যস্মিন্ধৃতির্বুদ্ধিপরাক্রমৌজঃ সত্যং স্মৃতির্বীরগুণাশ্চ সর্বে।
অস্ত্রাণি দিব্যান্যথ সংনতিহ্রীঃ প্রিয়া চ বাগনসূয়া চ ভীষ্মে॥ 7-2-4x (4264)
সদা কৃতজ্ঞে দ্বিজশত্রুঘাতকে সনাতনং চন্দ্রমসীব লক্ষ্মীঃ।
স চেৎপ্রশান্তঃ পরবীরহন্তা মন্যে হতানেব চ সর্ববীরান্॥ 7-2-5 (44708)
নেহ ধ্রুবং কিঙ্চন জাতু বিদ্যতে। লোকে হ্যস্মিন্কর্মণোঽনিত্যযোগাৎ।
সূর্যোদয়ে কো হি বিমুক্তসঙ্শয়ো ভাবং কুর্বীতার্যমহাব্রতে হতে॥ 7-2-6 (44709)
বসুপ্রভাবে বসুবীর্যসংভবে গতে বসূনেব বসুংধরাধিপে।
বসূনি পুত্রাংশ্চ বসুংধরাং তথা কুরূংশ্চ শোচধ্বমিমাং চ বাহিনীম্॥ 7-2-7 (44710)
সঞ্জয় উবাচ। 7-1-8x (4265)
মহাপ্রভাবে বরদে নিপাতিতে লোকেশ্বরে শাস্তরি চামিতৌজসি।
পরাজিতেষু ভরতেষু দুর্মনাঃ কর্ণো ভৃশং ন্যশ্বসদশ্রু বর্তয়ন্॥ 7-2-8 (44711)
ইদং চ রাধেয়বচো নিশম্য সুতাশ্চ রাজংস্তব সৈনিকাশ্চ হ।
পরস্পরং চুক্রুশুরার্তিজং মুহুস্তদাশ্রু নেত্রৈর্মুমুচুশ্চ শব্দবৎ॥ 7-2-9 (44712)
প্রবর্তমানে তু পুনর্মহাহবে বিগাহ্যমানাসু চমূষু পার্থিবৈঃ।
অথাব্রবীদ্ধর্ষকরং তদা বচো রথর্পভান্সর্বমহারথর্ষভঃ॥ 7-2-10 (44713)
জগত্যনিত্যে সততং প্রধাবতি প্রচিন্তয়ন্নস্থিরমদ্য লক্ষয়ে।
ভবৎসু তিষ্ঠৎস্বিহ পাতিতো মৃধে নিরিপ্রকাশঃ কুরুপুঙ্গবঃ কথম্॥ 7-2-11 (44714)
নিপাতিতে শান্তনবে মহারথে দিবাকরে ভূতলমাস্থিতে যথা।
ন পার্থিবাঃ সোঢুমলং ধনংজয়ং গিরিপ্রবোঢারমিবানিলং দ্রুমাঃ॥ 7-2-12 (44715)
হতপ্রধানং ৎবিদমার্তরূপং পরৈর্হতোৎসাহমনাথমদ্য বৈ।
মর্যা কুখ্ণাং পরিপাল্যমাহবে বলং যথা তেন মহাত্মনা তথা॥ 7-2-13 (44716)
সমাহিতে চাত্মনি ভারমীদৃশং জগত্তথাঽনিত্যমিদং চ লক্ষয়ে।
নিপাতিতং চাহবশৌণ্ডমাহখে কথং নু কুর্যামহমীদৃশে ভয়ম্॥ 7-2-14 (44717)
অহং তু তান্কুরুবৃষভানজিহ্মগৈঃ প্রবেশয়ন্যমসদনং চরন্রণে।
যশঃ পরং জগতি বিভাব্য বর্তিতা পরৈর্হতো ভুবি শয়িতাথবা পুনঃ॥ 7-2-15 (44718)
যুধিষ্ঠিরো ধৃতিমতিসত্যসৎববান্ বৃকোদরো গজশততুল্যবিক্রমঃ।
তথার্জুনস্ত্রিদশবরাত্মজো যুবা ন তদ্বলং সুজয়মিহামরৈরপি॥ 7-2-16 (44719)
যমৌ রণে যত্র যমোপমৌ বলে সসাত্যকির্যত্র চ দেবকীসুতঃ।
ন তদ্বলং কাপুরুষোঽভ্যুপেয়িবান্নিবর্ততে ভৃত্যুমুখাদিবাসুভৃৎ॥ 7-2-17 (44720)
তপোঽভ্যুদীর্ণং তপসৈব বাধ্যতে বলং বলেনৈব তথা মনস্বিভিঃ।
মনশ্চ মে শত্রুনিবারণে ধ্রুং স্বরক্ষণে চাচলবদ্ব্যবস্থিতম্॥ 7-2-18 (44721)
এবং চৈষাং বাধমানঃ প্রভাবং গৎবৈবাহং তাঞ্জয়াম্যদ্য সূত।
মিত্রদ্রোহো মর্ষণীয়ো ন মেঽয়ং ভগ্নে সৈন্যে যঃ সমেয়াৎস মিত্রম্॥ 7-2-19 (44722)
কর্তাস্ম্যেতৎসৎপুরুষার্যকর্ম ত্যক্ৎবা প্রাণাননুয়াস্যামি ভীষ্মম্।
সর্বান্সঙ্খ্যে শত্রুশঙ্ঘান্হনিষ্যে হতস্তৈর্বা বীরলোকং প্রপৎস্যে॥ 7-2-20 (44723)
সংপ্রাক্রুষ্টে রুদিতস্ত্রীকুমারে পরাহতে পৌরুষে ধার্তরাষ্ট্রে।
ময়া কৃত্যমিতি জানামি সূত তস্মাদ্রাজ্ঞস্ৎবদ্য শত্রূন্বিজেষ্যে॥ 7-2-21 (44724)
কুরূন্রক্ষন্পাণ্ডুপুত্রাঞ্জিঘাংসংস্ত্যক্ৎবা প্রাণান্ঘোররূপে রণেঽস্মিন্।
সর্বান্সঙ্খ্যে শত্রুসঙ্ঘান্নিহত্য দাস্যাম্যহং ধর্মxxxxxxxx 7-2-22 (44725)
নিবধ্যতাং মে কবচং বিচিত্রং হৈমং শুভ্রং মণিরত্নাবভাসি।
শিরস্ত্রাণং চার্কসমানভাসং ধনুঃ শরাংশ্চাগ্নিবিপাহিকল্পান্॥ 7-2-23 (44726)
উপাসঙ্গান্পোডশ যোজয়ন্তু ধনূম্পি দিব্যানি তথাঽঽহরন্তু।
অসীংশ্চ শক্তীশ্চ গদাশ্চ গুর্বীঃ শঙ্খং চ জাম্বূনদচিত্রনালম্॥ 7-2-24 (44727)
ইমাং রৌক্মীং নাগকক্ষ্যাং বিচিত্রাং ধ্বজং জৈত্রং দিব্যমিন্দীবরাঙ্কম্।
শ্লক্ষ্ণৈর্বস্ত্রৈর্বিপ্রমৃজ্যানয়ন্তু চিত্রাং মালাং চারুবদ্ধাং সলাজাম্॥ 7-2-25 (44728)
অশ্বানগ্র্যান্পাণ্ডুরাভ্রপ্রকাশান্ পুষ্টান্স্নাতান্মন্ত্রপূতাভিরদ্ভিঃ।
তপ্তৈর্ভাণ্ডৈঃ কাঞ্চনৈরভ্যুপেতান্ শীঘ্রাঞ্শীঘ্রং সূতপুত্রানয়স্ব॥ 7-2-26 (44729)
রথং চাগ্র্যং হেমমালাবনদ্ধং রত্নৈশ্চিত্রং সূর্যচন্দ্রপ্রকাশৈঃ।
দ্রব্যৈর্যুক্তং সম্প্রহারোপপন্নৈর্বাহৈর্যুক্তং তূর্ণমাবর্তয়স্ব॥ 7-2-27 (44730)
চিত্রাণি চাপানি চ বেগবন্তি জ্যাশ্চোত্তমাঃ সন্নহনোপপন্নাঃ।
তূণাংশ্চ পূর্ণান্মহতঃ শরাণামাসাদ্য গাত্রাবরণানি চৈব॥ 7-2-28 (44731)
প্রায়াত্রিকং চানয়তাশু সর্বং পূর্ণং কান্ত্যা বীরকাংস্যাং চ হৈমম্।
আনীয় মালামববধ্য চাঙ্গে প্রবাদয়ন্ৎবাশু জয়ায় ভেরীঃ॥ 7-2-29 (44732)
প্রয়াহি মূতাশু যতঃ কিরীটী বৃকোদরো ধর্মসুতো যমৌ চ।
তান্বা হনিষ্যামি সমেত্য সঙ্খ্যে ভীষ্মো যথৈষ্যামি হতো দ্বিষদ্ভিঃ॥ 7-2-30 (44733)
যস্মিন্রাজা সত্যধৃতির্যুধিষ্ঠিরঃ সমাস্থিতো ভীমসেনার্জুনৌ চ।
বাসুদেবঃ সাত্যকিঃ সৃংজয়াশ্চ মন্যে বলং তদজয়্যং মহীপৈঃ॥ 7-2-31 (44734)
তং চেন্মৃত্যুঃ সর্বহরোঽভিরক্ষেৎসদাঽপ্রমত্তঃ সমরে কিরীটিনম্।
তথাপি হন্তাস্মি সমেত্য সঙ্খ্যে যাস্যামি বা ভীষ্মমুখো যমায়॥ 7-2-32 (44735)
ন ৎবেবাহং ন গমিষ্যামি তেষাং মধ্যে শরাণাং তত্র চাহং ব্রবীমি।
মিত্রদ্রুহো দুর্বলভক্তয়ো যে পাপাত্মানো ন মমৈতে সহায়াঃ॥ 7-2-33 (44736)
সঞ্জয় উবাচ। 7-2-34x (4266)
সমৃদ্ধিমন্তং রথমুত্তমং দৃঢং সকূবরং হেমপরিষ্কৃতং শুভম্।
পতাকিনং বাতজবৈর্হয়োত্তমৈর্যুক্তং সমাস্থায় যয়ৌ জয়ায়॥ 7-2-34 (44737)
সম্পূজ্যমানঃ কুরুভির্মহাত্মা রথর্ষভো দেবগণৈর্যথেন্দ্রঃ।
যয়ৌ তদায়োধনমুগ্রধন্বা যত্রাবসানং ভরতর্ষভস্য॥ 7-2-35 (44738)
বরূথিনা মহতা সধ্বজেন সুবর্ণমুক্তামণিরত্নমালিনা।
সদশ্বয়ুক্তেন রথেন কর্ণো মেঘস্বনেনার্ক ইবামিতৌজাঃ॥ 7-2-36 (44739)
হুতাশনাভঃ স হুতাশনপ্রভে শুভঃ শুভে বৈ স্বরথে ধনুর্ধরঃ।
স্থিতো ররাজাধিরথির্মহারথঃ স্বয়ং বিমানে সুররাডিবাস্থিতঃ॥ ॥ 7-2-37 (44740)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি দ্বিতীয়োঽধ্যায়ঃ॥ 2 ॥
Mahabharata - Drona Parva - Chapter Footnotes
5-2-1 5-2- 5-2- 5-2- 5-2- 5-2- 5-2- 5-2- 5-2- 5-2- 5-2- 5-2-দ্রোণপর্ব - অধ্যায় 003
॥ শ্রীঃ ॥
7.3. অধ্যায়ঃ 003
Mahabharata - Drona Parva - Chapter Topics
কর্ণেন ভীষ্মমেত্য যুদ্ধানজ্ঞায়াচনম্॥ 1 ॥Mahabharata - Drona Parva - Chapter Text
7-1-0 (44741)
সঞ্জয় উবাচ। 7-1-0x (4267)
শরবল্পে মহাত্মানং শয়ানমমিতৌজসম্।
মহাশতসমূংহন সমুদ্রমিব শোষিতম্॥ 7-1-1 (44742)
দৃষ্ট্বা পিতামহং ভীষ্মং সর্বক্ষত্রান্তকং গুরুম্।
দিব্যৈরস্ত্রৈর্মহেষ্বাসং পাতিতং সব্যসাচিনা।
জয়াণা তব পুত্রাণাং সংভগ্না শর্ম বর্ম চ॥ 7-1-2 (44743)
অপাxণামিব দ্বীপমগাধে গাধমিচ্ছতাম্।
স্তোতমা যামুনেনেব শরৌঘেণ পরিপ্লুতম্॥ 7-1-3 (44744)
মহান্তমিব মৈনাকমহার্যং ভুবি পাতিতম্।
তxxxযুতমিবাদিত্যং শক্রস্যেবামৃতং হৃতম্॥ 7-1-4 (44745)
শতক্রতুভিবাচিন্ত্যং পুরা বৃত্রেণা নির্জিতম্।
মহোনং সর্বসৈন্যস্য যুধি ভীষ্মং নিপাতিতম্॥ 7-1-5 (44746)
ককুদং সর্বসৈন্যানাং লক্ষ্ম সর্বধনুষ্মতাম্।
ধনন্তয়শরৈর্ব্যাপ্তং পিতরং তে মহাব্রতম্। 7-1-6 (44747)
তং বীরশয়নে বীরং শয়ানং পুরুষর্পভম্।
ভীষ্মমাধিরথির্দৃষ্ট্বা ভরতানাং পিতামহম্॥ 7-1-7 (44748)
প্রস্কন্দ্য স রথাত্তূর্ণং শোকমোহপরিপ্লুতঃ।
`পদ্য্ভামেব জগামার্তো বাষ্পব্যাকুললোচনঃ'॥
অভিবাদ্যাঞ্জলিং বদ্ধ্বা বন্দমানোঽভ্যভাষত॥ 7-1-8 (44749)
কর্ণোঽহমস্মি ভদ্রং তে বদ মামভি ভারত।
পুণ্যযা ক্ষেময়া বাচা চক্ষুষা চাবলোকয়॥ 7-1-9 (44750)
ন নূনং সুকৃতস্যেহ ফলং কশ্চিৎসমশ্নুতে।
যত্র ধর্মপরো বৃদ্ধঃ শেতে ভুবি ভবানিহ॥ 7-1-10 (44751)
কোশসঞ্চয়নে মন্ত্রে ব্যূহে প্রহরণেষু চ।
নাহমন্যং প্রপশ্যামি কুরূণাং কুরুপুঙ্গব॥ 7-1-11 (44752)
বুদ্ধ্যা বিশুদ্ধয়া যুক্তো যঃ কুরূংস্তারয়েদ্ভয়াৎ।
যোধাংস্ৎবমপ্লুবে হিৎবা পিতুলোকং গমিষ্যসি॥ 7-1-12 (44753)
অদ্যপ্রভৃতি সঙ্ক্রুদ্ধা ব্যাঘ্রা ইব মৃগক্ষয়ম্।
পাণ্ডবা ভরতশ্রেষ্ঠ করিষ্যন্তি কুরুক্ষয়ম্॥ 7-1-13 (44754)
অদ্য গাণ্ডীবধোপেণ বীর্যজ্ঞাঃ সব্যসাচিনঃ।
কুরবঃ সন্ত্রসিষ্যন্তি বজ্রঘোষাদিবাসুরাঃ॥ 7-1-14 (44755)
অদ্য গাণ্ডীবমুক্তানামশনীনামিব xxxঃ।
ত্রাসয়িষ্যতি বাণানাং কুরূনন্যাংশ্চ পথিxx 7-1-15 (44756)
সমিদ্ধোঽগ্নির্যথা বীর মহাজ্বালো দ্রুমান্দxxxৎ।
ধার্তরাষ্ট্রাঃ ইধক্ষ্যন্তি তথা বাণাঃ কিরীটিxx 7-1-16 (44757)
যেন যেন প্রসরতো বায়্বগ্নী সহিতৌ বনে।
তেন তেন প্রদহতো ভূরিগুল্মতৃণদ্রুমান্॥ 7-1-17 (44758)
যাদৃশোঽগ্নিঃ সমুদ্ভূতস্তাদৃক্পার্থো ন সংশয়ঃ।
যথা বায়ুর্নরব্যাঘ্র তথা কৃষ্ণো সংশয়ঃ॥ 7-1-18 (44759)
xxদতঃ পাঞ্চজন্যস্য রসতো গাণ্ডিবস্য চ।
শ্রুৎবা সর্বাণি সৈন্যানি ত্রাসং যাস্যন্তি ভারত। 7-1-19 (44760)
কপিধ্বজস্যোৎপততো রথস্যামিত্রকর্শিনঃ।
শব্দং সোঢুং ন শক্ষ্যন্তি ৎবামৃতে বীর পার্থিবাঃ॥ 7-1-20 (44761)
কো হ্যর্জুনং যোধয়িতুং ৎবদন্যঃ পার্থিবোঽর্হতি।
যস্য দিব্যানি কর্মাণি প্রবদন্তি মনীষিণঃ। 7-1-21 (44762)
অমানুষৈশ্চ সংগ্রামং ত্র্যম্বকেণ মহাত্মনা।
তস্মাচ্চৈব বরং প্রাপ্তো দুষ্প্রাপশ্চাকৃতাত্মভিঃ॥ 7-1-22 (44763)
কোঽন্যঃ শক্তো রণে জেতুং পূর্বং যো ন জিতস্ৎবয়া।
জিতো যেন রণে রামো ভবতা বীর্যশালিনা। 7-1-23 (44764)
ক্ষত্রিয়ান্তকরো ঘোরো দেবদানবদর্পহা।
`সোপ্যদ্যাভিহতঃ শেতে শরৈঃ প্রোতঃ শিখণ্ডিনা॥ 7-1-24 (44765)
তমদ্যাহং পাণ্ডবং যুদ্ধশৌণ্ডমমৃষ্যমাণো ভবতা চানুশিষ্টঃ।
আশীবিষং হষ্টিহরং সুঘোরং শূরং শক্ষ্যাম্যস্ত্রবলান্নিহন্তুম্॥ ॥ 7-1-25 (44766)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি তৃতীয়োঽধ্যায়ঃ॥ 3 ॥
Mahabharata - Drona Parva - Chapter Footnotes
5-1-6 ককুদং শ্রেষ্ঠম্ 5-1-19 xxxতঃ শব্দং কুর্বতঃ॥ 5-1-22 অমানুষৈর্নিবাতকবচাদিভিঃ॥ 5-1-3 তৃতীয়োঽধ্যায়ঃ॥দ্রোণপর্ব - অধ্যায় 004
॥ শ্রীঃ ॥
7.4. অধ্যায়ঃ 004
Mahabharata - Drona Parva - Chapter Topics
ভীষ্মানুজ্ঞাতস্য কর্ণস্য যুদ্ধায়াঽঽগমনম্॥ 1 ॥Mahabharata - Drona Parva - Chapter Text
7-1-0 (44767)
সঞ্জয় উবাচ। 7-1-0x (4268)
তস্য লালপ্যমানস্য কুরুবৃদ্ধঃ পিতামহঃ।
দেশকালোচিতং বাক্যমব্রবীৎপ্রীতমানসঃ॥ 7-1-1 (44768)
ভীষ্ম উবাচ। 7-1-2x (4269)
সমুদ্র ইব সিন্ধূনাং জ্যোতিষামিব ভাস্করঃ।
সত্যস্য চ যথা সন্তো বীজানামিব চোর্বরা॥ 7-1-2 (44769)
পর্জন্য ইব ভূতানাং প্রতিষ্ঠা সুহৃদাং ভবান্।
বান্ধবাস্ৎবাঽনুজীবন্তু স্বাদুবৃক্ষমিবাণ়্ডজাঃ॥ 7-1-3 (44770)
মানহা ভব শত্রূণাং মিত্রাণাং নন্দিবর্ধনঃ।
কৌরবাণাং ভব গতির্যথা বিষ্ণুর্দিবৌকসাম্॥ 7-1-4 (44771)
স্ববাহুবলবীর্যেণ ধার্তরাষ্ট্রপ্রিয়ৈষিণা।
কর্ণ রাজপুরং গৎবা কাম্ভোজা নির্জিতাস্ৎবয়া॥ 7-1-5 (44772)
গিরিব্রজগতাশ্চাপি নগ্নজিৎপ্রমুখা নৃপাঃ।
অম্বষ্ঠাশ্চ বিদেহাশ্চ গান্ধারাশ্চ জিতাস্ৎবয়া॥ 7-1-6 (44773)
হিমবদ্দুর্গনিলয়াঃ কিরাতা রণকর্কশাঃ।
দুর্যোধনস্য বশগাস্ৎবয়া কর্ণ পুরা কৃতাঃ॥ 7-1-7 (44774)
উৎকলা মেকলাঃ পৌণ্ড্রাঃ কলিঙ্গান্ধ্রাশ্চ সংয়ুগে।
নিষাদাশ্চ ত্রিগর্তাশ্চ বাহ্লীকাশ্চ জিতাস্ৎবয়া 7-1-8 (44775)
তত্রতত্র চ সংগ্রামে দুর্যোধনহিতৈষিণা।
বহবশ্চ জিতাঃ কর্ণ ৎবয়া বীরা মহৌজসা॥ 7-1-9 (44776)
যথা দুর্যোধনস্যাতঃ সজ্ঞাতিকুলবান্ধবঃ।
তথা ৎবমপি সর্বেষাং কৌরবাণাং গতির্ভব॥ 7-1-10 (44777)
শিবেশনাভিবদামি ৎবাং গচ্ছ যুধ্যস্ব শত্রুভিঃ।
অনুশাস্য কুরূন্সর্বান্ধৎস্ব দুর্যোধনে জয়ম্॥ 7-1-11 (44778)
ভবান্পৌত্রসমোঽস্মাকং যথা দুর্যোধনস্তথা।
তবাপি ধর্মতঃ সর্বে যথা তস্য বয়ং তথা॥ 7-1-12 (44779)
যৌনাৎসম্বন্ধকাল্লোকে বিশিষ্টং সঙ্গতং সতাম্।
সদ্ভিঃ সঙ্গমমিচ্ছন্তি তস্মাৎপ্রাজ্ঞাঃ পরৈরপি॥ 7-1-13 (44780)
স সত্যসঙ্গরো ভূৎবা মমেদমিতি নিশ্চিতঃ।
কুরূণাং পালয় বলং যথা দুর্যোধনস্তথা॥ 7-1-14 (44781)
`যথা চ কুরবো যুদ্ধে যোধয়ন্তি স্ম পাণ্ডবান্।
তথা কর্ণ ৎবয়া কার্যং দুর্যোধনহিতৈষিণা'॥ 7-1-15 (44782)
নিশম্য বচনং তস্য চরণাবভিবাদ্য চ।
যয়ৌ বৈকর্তনঃ কর্ণস্তূর্ণমায়োধনং প্রতি॥ 7-1-16 (44783)
সোঽভিবীক্ষ্য নরৌঘাণাং স্থানমপ্রতিমং মহৎ।
ব্যূঢপ্রহরণোরস্কং সৈন্যং তৎসমবৃংহয়ৎ॥ 7-1-17 (44784)
হৃষিতাঃ কুরবঃ সর্বে দুর্যোধনপুরোগমাঃ।
উপাগতং মহাবাহুং সর্বানীকপুরঃসরম্॥ 7-1-18 (44785)
7-1-19 (44786)
কর্ণং দৃষ্ট্বা মহাত্মানং যুদ্ধায় সমুপস্থিতম্।
ক্ষ্বেডিতাস্ফোটিতরবৈঃ সিংহনাদরবৈরপি।
ধনুঃশব্দৈশ্চ বিবিধৈঃ কুরবঃ সমপূজয়ন্॥
Mahabharata - Drona Parva - Chapter Footnotes
5-1-3 অর্থপতিঃ প্রধানস্বামী॥দ্রোণপর্ব - অধ্যায় 005
॥ শ্রীঃ ॥
7.5. অধ্যায়ঃ 005
Mahabharata - Drona Parva - Chapter Topics
দুর্যোধনপৃষ্টেন কর্ণেন তম্প্রতি দ্রোণস্য সৈনাপত্যকরণবিধানম্॥ 1 ॥Mahabharata - Drona Parva - Chapter Text
7-1-0 (44787)
সঞ্জয় উবাচ। 7-1-0x (4270)
রথস্থং পুরুষব্যাঘ্রং দৃষ্টা কর্ণমবস্থিতম্।
হৃষ্টো দুর্যোধনো রাজন্নিদং বচনমব্রবীৎ॥ 7-1-1 (44788)
সনাথমিব মন্যেঽহং ভবতা পালিতং বলম্।
অত্র কিং নু সমর্থং যদ্ধিতং তৎসম্প্রধার্যতাম্॥ 7-1-2 (44789)
কর্ণ উবাচ। 7-1-3x (4271)
ব্রূহি নঃ পুরুষব্যাঘ্র ৎবং হি প্রাজ্ঞতমো নৃষু।
যথা চার্থপতিঃ কৃত্যং পশ্যতে ন তথেতরঃ॥ 7-1-3 (44790)
তে স্ম সর্বে তব বচঃ শ্রোতুকামা নরেশ্বর।
নান্যায়্যং হি ভবান্বাক্যং ব্রূয়াদিতি মতির্মম॥ 7-1-4 (44791)
দুর্যোধন উবাচ। 7-1-5x (4272)
ভীষ্মঃ সেনাপ্রণেতাঽঽসীদ্বয়সা বিক্রমেণ চ।
শ্রুতেন চোপসম্পন্নঃ সর্বৈর্যোধগণৈস্তথা॥ 7-1-5 (44792)
তেনাতিয়শসা কর্ণ ঘ্নতা শত্রুগণান্মম।
সুয়ুদ্ধেন দশাহানি পালিতাঃ স্মো মহাত্মনা॥ 7-1-6 (44793)
তস্মিন্নসুকরং কর্ম কৃতবত্যাস্থিতে দিবম্।
কং তু সেনাপ্রণেতারং মন্যসে তদনন্তরম্॥ 7-1-7 (44794)
ন বিনা নায়কং সেনা মুহূর্তমপি তিষ্ঠতি।
`আহবেষু বিশেষেণ ভ্রষ্টনেত্রেষ্বিবাঞ্জনম্।'
আহবেষ্বাহবশ্রেষ্ঠ নেতৃহীনেব নৌর্জলে॥ 7-1-8 (44795)
যথা হ্যকর্ণধারা নৌ রথশ্চাসারথির্যথা।
দ্রবেদ্যথেষ্টং তদ্বৎস্যাদৃতে সেনাপতিং বলম্॥ 7-1-9 (44796)
অদেশিকো যথা সার্থঃ সর্বঃ কৃচ্ছ্রং সমৃচ্ছতি।
অনায়কা তথা সেনা সর্বান্দোষান্সমর্চ্ছতি॥ 7-1-10 (44797)
স ভাবন্বীক্ষ্য সর্বেষু মামকেষু মহাত্মসু।
পশ্য সেনাপতিং যুক্তমনু শান্তনবাদিহ॥ 7-1-11 (44798)
যং হি সেনাপ্রমেতারং ভবান্বক্ষ্যতি সংয়ুগে।
তং বয়ং সহিতাঃ সর্বে করিষ্যামো ন সংশয়ঃ। 7-1-12 (44799)
কর্ণ উবাচ। 7-1-13x (4273)
সর্ব এব মহাত্মান ইমে পুরুষসত্তমাঃ।
সেনাপতিৎবমর্হন্তি নাত্র কার্যা বিচারণা॥ 7-1-13 (44800)
কুলসংহননজ্ঞানৈর্বলবিক্রমবুদ্ধিভিঃ।
যুক্তাঃ শ্রুতজ্ঞা ধীমন্ত আহবেষ্বনিবর্তিনঃ॥ 7-1-14 (44801)
যুগপন্ন তু তে শক্যাঃ কর্তুং সর্বে পুরঃসরাঃ।
এক এব তু কর্তব্যো যস্মিন্বৈশেষিকা গুণাঃ॥ 7-1-15 (44802)
অন্যোন্যস্পর্ধিনাং হ্যেষাং যদ্যেকং ৎবং করিষ্যসি।
শেষা বিমনসো ব্যক্তং ন যোৎস্যন্তি হিতাস্তব॥ 7-1-16 (44803)
অয়ং চ সর্বয়োধানামাচার্যঃ স্থিবরো গুরুঃ।
যুক্তঃ সেনাপতিঃ কর্তুং দ্রোণঃ শস্ত্রভৃতাং বরঃ॥ 7-1-17 (44804)
কো হি তিষ্ঠতি দুর্ধর্ষে দ্রোণে শস্ত্রভৃতাং বরে।
সেনাপতিঃস্যাদন্যোস্মাচ্ছুক্রাঙ্গিরসদর্শনাৎ॥ 7-1-18 (44805)
ন চ সোঽপ্যস্তি তে যোধঃ সর্বরাজসু ভারত।
দ্রোণং যঃ সমরে যান্তমনুয়াস্যতি সংয়ুগে॥ 7-1-19 (44806)
এষ সেনাপ্রণেতৄণামেষ শস্ত্রভৃতামপি।
এষ বুদ্ধিমতাং চৈব শ্রেষ্ঠো রাজন্গুরুস্তব॥ 7-1-20 (44807)
এবং দুর্যোধনাচার্যমাশু সেনাপতিং কুরু।
জিগীষন্তো সুরান্সঙ্খ্যে কার্তিকেয়মিবামরাঃ॥ ॥ 7-1-21 (44808)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি পঞ্চমোঽধ্যায়ঃ॥ 5 ॥
Mahabharata - Drona Parva - Chapter Footnotes
5-1-8 নেতা কর্ণধারঃ॥ 5-1-10 অদেশিকোঽগ্রেসররহিতঃ। 5-1-14 সংহননং শরীরম্॥ 5-1-18 শুক্রাঙ্গিরসদর্শনাচ্ছুক্রবৃহস্পতিতুল্যাৎ। 5-1-5 পঞ্চমোঽধ্যায়ঃ॥দ্রোণপর্ব - অধ্যায় 006
॥ শ্রীঃ ॥
7.6. অধ্যায়ঃ 006
Mahabharata - Drona Parva - Chapter Topics
দুর্যোধনেন দ্রোণম্প্রতি সৈনাপত্যস্বীকারপ্রার্থনা॥ 1 ॥Mahabharata - Drona Parva - Chapter Text
7-1-0 (44809)
সঞ্জয় উবাচ। 7-1-0x (4274)
কর্ণস্য বচনং শ্রুৎবা রাজা দুর্যোধনস্তদা।
সেনামধ্যগতং দ্রোণমিদং বচনমব্রবীৎ॥ 7-1-1 (44810)
দুর্যোধন উবাচ। 7-1-2x (4275)
বর্ণশ্রৈষ্ঠ্যাৎকুলোৎপত্ত্যা শ্রুতেন বয়সা ধিয়া।
বীর্যাদ্দাক্ষ্যাদধৃষ্যৎবাদর্থজ্ঞানান্নয়াজ্জয়াৎ॥ 7-1-2 (44811)
তপসা চ কৃতজ্ঞৎবাদ্বৃদ্ধঃ সর্বগুণৈরপি।
যুক্তো ভবৎসশ্রো গোপ্তা রাজ্ঞামন্যো ন বিদ্যতে॥ 7-1-3 (44812)
স ভবান্পাতু নঃ সর্বান্দেবানিব শতক্রতুঃ।
ভবন্নেত্রাঃ পরাঞ্জেতুমিচ্ছামো দ্বিজসত্তম॥ 7-1-4 (44813)
রুদ্রাণামিব কাপালির্বসূনামিব পাবকঃ।
কুবের ইব যক্ষাণাং মরুতামিব বাসবঃ॥ 7-1-5 (44814)
বসিষ্ঠ ইব বিপ্রাণাং তেজসামিব ভাস্করঃ।
পিতৄণামিব ধর্মেন্দ্রো যাদসামিব চাম্বুরাট্॥ 7-1-6 (44815)
নক্ষত্রাণামিব শশী দিতিজানামিবোশনাঃ।
`সর্বেষামিব লোকানাং বিশ্বস্য চ যথা ক্ষয়ঃ'॥ 7-1-7 (44816)
বিশ্বোৎপত্তিস্থিতিলয়ে শ্রেষ্ঠো নারায়ণঃ প্রভুঃ।
এবং সেনাপ্রণেতৄণাং মম সেনাপতির্ভব॥ 7-1-8 (44817)
অক্ষৌহিণ্যো দশৈকা চ বশগাঃ সন্তু তেঽনঘ।
তাভিঃ শত্রূন্প্রতিব্যূহ্য জহীন্দ্রো দানবানিব॥ 7-1-9 (44818)
প্রয়াতু নো ভবানগ্রে দেবানামিব পাবকিঃ।
অনুয়াস্যামহে ৎবাঽঽজৌ সৌরভেয়া ইবর্ষভম্॥ 7-1-10 (44819)
উগ্রধন্বা মহেষ্বাসো দিব্যং বিষ্ফারয়ন্ধনুঃ।
দৃষ্ট্বা ভবন্তং সঙ্গ্রামে নার্জুনঃ প্রহরিষ্যতি॥ 7-1-11 (44820)
ধ্রুবং যুধিষ্ঠিরং সঙ্খ্যে সানুবন্ধং সবান্ধবম্।
জেষ্যামি পুরুষব্যাঘ্র ভবান্সেনাপতির্যদি॥ 7-1-12 (44821)
সঞ্জয় উবাচ। 7-1-13x (4276)
এবমুক্তে ততো দ্রোণং জয়েত্যূচুর্নরাধিপাঃ।
সিংহনাদেন মহতা হর্ষয়ন্তস্তবাত্মজম্॥ 7-1-13 (44822)
সৈনিকাশ্চ মুদা যুক্তা বর্ধয়ন্তি দ্বিজোত্তমম্।
দুর্যোধনং পুরস্কৃত্য প্রার্থয়ন্তো মহদ্যশঃ।
দুর্যোধনং ততো রাজন্দ্রোণো বচনমব্রবীৎ॥ ॥ 7-1-14 (44823)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি ষষ্ঠোঽধ্যায়ঃ॥ 6 ॥
Mahabharata - Drona Parva - Chapter Footnotes
5-1-4 ভবান্নেস্রং তেনা যেষাং তে॥ 5-1-6 ধর্মেন্দ্রো যমঃ। অম্বুরাট্ বরুণঃ॥ 5-1-10 পাবকিঃ স্কন্দঃ॥ 5-1-6 ষষ্টোঽধ্যায়ঃ॥দ্রোণপর্ব - অধ্যায় 007
॥ শ্রীঃ ॥
7.7. অধ্যায়ঃ 007
Mahabharata - Drona Parva - Chapter Topics
দুর্যোধনেন দ্রোণস্য সৈনাপত্যেঽভিষেচনম্॥ 1 ॥ দ্রোণয়ুদ্ধবর্ণনম্॥ 2 ॥Mahabharata - Drona Parva - Chapter Text
7-1-0 (44824)
দ্রোণ উবাচ। 7-1-0x (4277)
বেদং ষডঙ্গং বেদাহমর্থবিদ্যাং চ মানবীম্।
ত্রৈয়্যম্বকমথেষ্বস্ত্রং শস্ত্রাণি বিবিধানি চ॥ 7-1-1 (44825)
যে চাপ্যুক্তা ময়ি গুণা ভবদ্ভির্জয়কাঙ্ক্ষিভিঃ।
চিকীর্ষুস্তানহং সর্বান্যোধয়িষ্যামি পাণ্ডবান্॥ 7-1-2 (44826)
পার্ষতং তু রণে রাজন্ন হনিষ্যে কথঞ্চন।
স হি সৃষ্টো বধার্থায় মমৈব পুরুষর্ষভঃ॥ 7-1-3 (44827)
যোধয়িষ্যামি সৈন্যানি নাশয়ন্সর্বসোমকান্।
ন চ মাং পাণ্ডবা যুদ্ধে যোধয়িষ্যন্তি হর্ষিতাঃ॥ 7-1-4 (44828)
সঞ্জয় উবাচ। 7-1-5x (4278)
স এবমভ্যনুজ্ঞাতশ্চক্রে সেনাপতিং ততঃ।
দ্রোণং তব সুতো রাজন্বিধিদৃষ্টেন কর্মণা॥ 7-1-5 (44829)
অথাভিষিষিচুর্দ্রোণং দুর্যোধনমুখা নৃপাঃ।
`স্বস্তিবাদরবৈশ্চান্যৈঃ শ্লক্ষ্ণৈশ্চান্যৈর্মনোরমৈঃ'।
সৈনাপত্যে যথা স্কন্দং পুরা শক্রমুখাঃ সুরাঃ॥ 7-1-6 (44830)
ততো বাদিত্রঘোষেণ শঙ্খানাং চ মহাস্বনৈঃ।
প্রাদুরাসীৎকৃতে দ্রোণে হর্ষঃ সেনাপতৌ তদা॥ 7-1-7 (44831)
ততঃ পুণ্যাহঘোষেণ সাশীর্বাদস্বনেন চ।
সংস্তবৈর্গীতশব্দৈশ্চ সূতমাগধবন্দিনাম্॥ 7-1-8 (44832)
জয়শব্দৈর্দ্বিজাগ্র্যাণাং সুভগানর্তিতৈস্তথা।
সৎকৃত্য বিধিনা দ্রোণং মেনিরে পাণ্ডবাঞ্জিতান্॥ 7-1-9 (44833)
সঞ্জয় উবাচ। 7-1-10x (4279)
সৈনাপত্যং তু সংপ্রাপ্য ভারদ্বাজো মহারথঃ।
যুয়ুৎসুর্ব্যূহ্য সৈন্যানি প্রায়াত্তব সুতৈঃ সহ॥ 7-1-10 (44834)
সৈন্ধবশ্চ কলিঙ্গশ্চ বিকর্ণশ্চ তবাত্মজঃ।
দক্ষিণং পার্শ্বমাস্থায় সমতিষ্ঠন্ত দংশিতাঃ॥ 7-1-11 (44835)
প্রপক্ষঃ শকুনিস্তেষাং প্রবরৈর্হয়সাদিভিঃ।
যয়ৌ গান্ধারকৈঃ সার্ধং বিমলপ্রাসয়োধিভিঃ॥ 7-1-12 (44836)
কৃপশ্চ কৃতবর্মা চ চিত্রসেনো বিবিংশতিঃ।
দুঃশাসনমুখা যত্তাঃ সব্যং পক্ষমপালয়ন্॥ 7-1-13 (44837)
তেষাং প্রপক্ষাঃ কাম্ভোজাঃ সুদক্ষিণপুস্সরাঃ।
যয়ুরশ্চৈর্মহাবেগৈঃ শকাশ্চ যবনৈঃ সহ॥ 7-1-14 (44838)
মদ্রাস্ত্রিগর্তাঃ সাম্বষ্ঠাঃ প্রতীচ্যোদীচ্যমালবাঃ।
শিবয়ঃ শূরসেনাশ্চ শূদ্রাশ্চ মলদৈঃ সহ॥ 7-1-15 (44839)
সৌবীরাঃ কিতবাঃ প্রাচ্যা দাক্ষিণাত্যাশ্চ সর্বশঃ।
নবাত্মজং পুরস্কৃত্য সূতপুত্রস্য পৃষ্ঠতঃ॥ 7-1-16 (44840)
হর্ষয়ন্তঃ স্বসৈন্যানি যয়ুস্তব সুতৈঃ সহ।
প্রবরঃ সর্বয়োধানাং বলেষু বলমাদধম্॥ 7-1-17 (44841)
যয়ৌ বৈকর্তনঃ কর্ণঃ প্রমুখে সর্বধন্বিনাম্।
তস্য দীপ্তো মহাকায়ঃ স্বান্যনীকানিহর্ষয়ন্॥ 7-1-18 (44842)
হস্তিকক্ষ্যো গহাকেতুর্বভৌ সূর্যসমদ্যুতিঃ।
ন ভীষ্মব্যসনং কশ্চিদৃষ্ট্বা কর্ণমমন্যত॥ 7-1-19 (44843)
বিশোকাশ্চাভবন্সর্বে রাজানঃ কুরুভিঃ সহ।
হৃষ্টাশ্চ বহবো যোধাস্তত্রাজল্পন্ত বেগতঃ॥ 7-1-20 (44844)
ন হি কর্ণং রণে দৃষ্ট্বা যুধি স্থাস্যন্তি পাণ্ডবাঃ।
কর্ণো হি সমরে শক্তো জেতুং দেবান্সবাসবান্॥ 7-1-21 (44845)
কিমু পাণ্ডুসুতান্যুদ্ধে হীনবীর্যপরাক্রমান্।
ভীষ্মেণ তু রণে পার্থাঃ পালিতা বাহুশালিনা॥ 7-1-22 (44846)
তাংস্তু কর্ণঃ শরৈস্তীক্ষ্ণৈর্নাশয়িষ্যতি সংয়ুগে।
এবং ব্রুবন্তস্তেঽন্যোন্যং হৃষ্টরূপা বিশাংপতে॥ 7-1-23 (44847)
রাধেয়ং পূজয়ন্তশ্চ প্রশংসন্তশ্চ নির্যযুঃ।
অস্মাকং শকটব্যূহোং দ্রোণেন বিহিতোঽভবৎ॥ 7-1-24 (44848)
পরেষাং ক্রৌঞ্চ এবাসীদ্ব্যূহো রাজন্মহাত্মনাম্।
প্রীয়মাণেন বিহিতো ধর্মরাজেন ভারত॥ 7-1-25 (44849)
ব্যূহপ্রমুখতস্তেষাং তস্থতুঃ পুরুষর্ষভৌ।
বানরধ্বজমুচ্ছ্রিত্য বিষ্বক্সেনধনংজয়ৌ॥ 7-1-26 (44850)
ককুদং সর্বসৈন্যানাং ধাম সর্বধনুষ্মতাম্।
আদিত্যপথগঃ কেতুঃ পার্থস্যামিততেজসঃ॥ 7-1-27 (44851)
দীপয়ামাস তৎসৈন্যং পাণ্ডবস্য মহাত্মনঃ।
যথা প্রজ্বলিতঃ সূর্যো যুগান্তে বৈ বসুংধরাম্॥ 7-1-28 (44852)
দীপ্যন্দৃশ্যেত হি তথা কেতুঃ সর্বত্র ধীমতঃ।
যোধানামর্জুনঃ শ্রেষ্ঠো গাণ্ডীবং ধনুষাং বরম্॥ 7-1-29 (44853)
বাসুদেবশ্চ ভূতানাং চক্রাণাং চ সুদর্শনম্।
চৎবার্যেতানি তেজাঞ্সি বহঞ্শ্বেতহয়ো রথঃ॥ 7-1-30 (44854)
পরেষামগ্রতস্তস্থৌ কালচক্রমিবোদ্যতম্।
এবং তৌ সুমহাত্মানৌ বলসেনাগ্রগাবুভৌ॥ 7-1-31 (44855)
তাবকানাং মুখে কর্ণঃ পরেষাং চ ধনংজয়ঃ।
ততো জয়াভিসংরব্ধৌ পরস্পরবধৈষিণৌ॥ 7-1-32 (44856)
অবেক্ষেতাং তদান্যোন্যং সমরে কর্ণপাণ্ডবৌ।
ততঃ প্রয়াতে সহসা ভারদ্বাজে মহারথে॥ 7-1-33 (44857)
সিংহনাদেন ঘোরেণ বসুধা সমকম্পত।
ততস্তুমুলমাকাশমাবৃণোৎসদিবাকরম্॥ 7-1-34 (44858)
বাতোদ্ভূতং রজস্তীব্রং কৌশেয়নিকরোপমম্।
ববর্ষ দ্যৌরনভ্রাঽপি মাংসাস্থিরুধিরাণ্যুত॥ 7-1-35 (44859)
গৃধ্রাঃ শ্যেনা বকাঃ কঙ্কা বায়সাশ্চ সহস্রশঃ।
উপর্যুপরি সেনাং তে তদা পর্যপতন্নৃপ॥ 7-1-36 (44860)
গোমায়বশ্চ প্রাক্রোশন্ভয়দান্দারুণান্রবান্।
অকার্ষুরপসব্যং চ বহুশঃ পৃতনাং তব॥ 7-1-37 (44861)
চিখাদিষন্তো মাংসানি পিপাসন্তশ্চ শোণিতম্।
অপতদ্দীপ্যমানা চ সনির্ঘাতা সকম্পনা॥ 7-1-38 (44862)
উল্কা জ্বলন্তী সঙ্গ্রামে পুচ্ছেনাবৃত্য সর্বশঃ।
পরিবেষো মহাংশ্চাপি সবিদ্যুৎস্তনয়িত্নুমান্॥ 7-1-39 (44863)
ভাস্করস্যাভবদ্রাজন্প্রয়াতে বাহিনীপতৌ।
এতে চান্যে চ বহবঃ প্রাদুরাসন্সুদারুণাঃ।
উৎপাতা যুধি বীরাণাং জীবিতক্ষয়কারিণঃ॥ 7-1-40 (44864)
ততঃ প্রববৃতে যুদ্ধং পরস্পরবধৈষিণাম্।
কুরুপাণ্ডবসৈন্যানাং শব্দেনাপূরয়জ্জগৎ॥ 7-1-41 (44865)
তে ৎবন্যোন্যং সুসংরব্ধাঃ পাণ্ডবাঃ কৌরবৈঃ সহ।
অভ্যঘ্নন্নিশিতৈঃ শস্ত্রৈর্জয়গৃদ্ধাঃ প্রহারিণঃ॥ 7-1-42 (44866)
স পাণ্ডবানাং মহতীং মহেষ্বাসো মহাদ্যুতিঃ।
বেগেনাভ্যদ্রবৎসেনাং কিরঞ্শরশতৈঃ শিতৈঃ॥ 7-1-43 (44867)
দ্রোণমভ্যুদ্যতং দৃষ্ট্বা পাণ্ডবাঃ সহসৃঞ্জয়ৈঃ।
প্রত্যগৃহ্ণংস্তদা রাজঞ্ছরবর্ষৈঃ পৃথক্পৃথক্॥ 7-1-44 (44868)
বিক্ষোভ্যমাণআ দ্রোণেন ভিদ্যমানা মহাচমূঃ।
ব্যশীর্যত সপাঞ্চালা বাতেনেব বলাহকাঃ॥ 7-1-45 (44869)
বহূনীহ বিকুর্বাণো দিব্যান্যস্ত্রাণি সংয়ুগে।
অপীডয়ৎক্ষণেনৈব দ্রোণঃ পাণ্ডবসৃঞ্জয়ান্॥ 7-1-46 (44870)
তে বধ্যমানা দ্রোণেন বাসবেনেব দানবাঃ।
পাঞ্চালাঃ সমকম্পন্ত ধৃষ্টদ্যুম্নপুরোগমাঃ॥ 7-1-47 (44871)
ততো দিব্যাস্ত্রবিচ্ছূরো যাজ্ঞসেনির্মহারথঃ।
অভিনচ্ছরবর্ষেণ দ্রোণানীকমনেকধা॥ 7-1-48 (44872)
দ্রোণস্য শরবর্ষাণি শরবর্ষেণ পার্ষতঃ।
সন্নিবার্য ততঃ সর্বান্কুরূনপ্যবধীদ্বলী॥ 7-1-49 (44873)
সংয়ম্য তু ততো দ্রোণঃ সমবস্থাপ্য চাহবে।
স্বমনীকং মহেষ্বাসঃ পার্ষতং সমুপাদ্রবৎ॥ 7-1-50 (44874)
স বাণবর্ষং সুমহদসৃজৎপার্ষতং প্রতি।
মঘবান্সমভিক্রুদ্ধঃ সহসা দানবানিব॥ 7-1-51 (44875)
তে কম্প্যমানা দ্রোণেন বাণৈঃ পাণ্ডবসৃঞ্জয়াঃ।
পুনঃপুনরভজ্যন্ত সিংহেনৈবেতরে মৃগাঃ॥ 7-1-52 (44876)
তথা পর্যপতদ্রোণঃ পাণ্ডবানাং বলে বলী।
অলাতচক্রবদ্রাজংস্তদদ্ভুতমিবাভবৎ॥ 7-1-53 (44877)
খচরনগরকল্পং কল্পিতং শাস্ত্রদৃষ্ট্যা চলদনিলপতাকং হ্লাদনং বল্গিতাশ্বম্।
স্ফটিকবিমলকেতুং ত্রাসনং শাত্রবাণাং রথবরমধিরূঢঃ সঞ্জহারারিসেনাম্॥ ॥ 7-1-54 (44878)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি
Mahabharata - Drona Parva - Chapter Footnotes
5-1-9 সুভগানর্তিতৈঃ সৌভাগ্যবতীনৃত্তৈঃ॥ 5-1-27 আদিত্যপথগঃ আকাশগঃ॥ 5-1-54 হ্লাদনং যোদ্ভুরানন্দজননম্॥ 5-1-7 সপ্তমোঽধ্যায়ঃ॥দ্রোণপর্ব - অধ্যায় 008
॥ শ্রীঃ ॥
7.8. অধ্যায়ঃ 008
Mahabharata - Drona Parva - Chapter Topics
সঞ্জয়েন ধৃতরাষ্ট্রং প্রতি দ্রোণপরাক্রমবর্ণনপূর্বকং তন্নিধনকথনম্॥ 1 ॥Mahabharata - Drona Parva - Chapter Text
7-1-0 (44879)
সঞ্জয় উবাচ। 7-1-0x (4280)
তথা দ্রোণমভিঘ্নন্তং সাশ্বসূতরথদ্বিপান্।
ব্যথিতাঃ পাণ্ডবা দৃষ্ট্বা ন চৈনং পর্যবারয়ন্॥ 7-1-1 (44880)
ততো যুধিষ্ঠিরো রাজা ধৃষ্টদ্যুম্নধনঞ্জয়ৌ।
অব্রবীৎসর্বতো যত্তৈঃ কুম্ভয়োনির্নিবার্যতাম্॥ 7-1-2 (44881)
তত্রৈনমর্জুনশ্চৈব ধৃষ্টদ্যুম্নশ্চ পার্ষতঃ।
`যে চান্যে পার্থিবা রাজন্পাণ্ডবস্যানুসৈনিকাঃ।
প্রত্যগৃহ্ণংস্ততস্তত্র সমাগচ্ছন্মহারথাঃ॥ 7-1-3 (44882)
কেকয়া ভীমসেনশ্চ সৌভদ্রোঽথ ঘটোৎকচঃ।
যুধিষ্ঠিরো যমৌ মাৎস্যো দ্রুদশ্চাত্মজৈঃ সহ॥ 7-1-4 (44883)
দ্রৌপদেয়াশ্চ সংহৃষ্টা ধৃষ্টকেতুঃ সসাত্যকিঃ।
চেকিতানশ্চ সঙ্ক্রুদ্ধো যুয়ুৎসুশ্চ মহারথঃ॥ 7-1-5 (44884)
যে চান্যে পার্থিবা রাজন্পাণ্ডবস্যানুয়ায়িনঃ।
কুলবীর্যানুরূপাণি চক্রুঃ কর্মাণ্যনেকশঃ॥ 7-1-6 (44885)
সংভিদ্যমানাং তাং দৃষ্ট্বা পাণ্ডবৈর্বাহিনীং রণে।
ব্যাবৃত্য চক্ষুষী কোপাদ্ভারদ্বাজোঽন্ববৈক্ষত॥ 7-1-7 (44886)
স তীব্রং কোপমাস্থায় রথে সমরদুর্জয়ঃ।
ব্যধমৎপাণ্ডবানীকং মহাভ্রাণীব মারুতঃ॥ 7-1-8 (44887)
রথানশ্বান্নরান্নাগানভিধাবন্নিতস্ততঃ।
চচারোন্মত্তবদ্দ্রোণো বৃদ্ধোঽপি তরুণো যথা॥ 7-1-9 (44888)
তস্য শোণিতদিগ্ধাঙ্গাঃ শোণাস্তে বাতরংহসঃ।
আজানেয়া হয়া রাজন্নবিশ্রান্তাঃ সুখং যয়ুঃ॥ 7-1-10 (44889)
তমন্তকমিব ক্রুদ্ধমাপতন্তং যতব্রতম্।
দৃষ্ট্বা সম্প্রাদ্রবন্যোধাঃ পাণ্ডবস্য ততস্ততঃ॥ 7-1-11 (44890)
তেষাং প্রাদ্রবতাং ভীমঃ পুনরাবর্ততামপি॥
পশ্যতাং তিষ্ঠতাং চাসীচ্ছব্দঃ পরমদারুণঃ॥ 7-1-12 (44891)
শূরাণাং হর্ষজননো ভীরূণাং ভয়বর্ধনঃ।
দ্যাবাপৃথিব্যোর্বিবরং পূরয়ামাস সর্বতঃ॥ 7-1-13 (44892)
ততঃ পুনরপি দ্রোণো নাম বিশ্রাবয়ন্যুধি।
অকরোদ্রৌদ্রমাত্মানং কিরঞ্ছরশতৈঃ পরান্॥ 7-1-14 (44893)
স তথা তেষ্বনীকেষু পাণ্ডুপুত্রস্য মারিষ।
কালবদ্ব্যচরদ্দ্রোণো যুবেব স্থবিরো বলী॥ 7-1-15 (44894)
উৎকৃত্য চ শিরাংস্যুগ্রো বাহূনপি সুভূষণান্।
কৃৎবা শূন্যান্রথোপস্থানুদক্রোশন্মহারবান্॥ 7-1-16 (44895)
তস্য হর্ষপ্রণাদেন বাণবর্ষেণ চ প্রভো।
প্রাকম্পন্ত রণে যোধা গাবঃ শীতার্দিতা ইব॥ 7-1-17 (44896)
দ্রোণস্য রথঘোষেণ মৌর্বীনিষ্পেষণেন চ।
ধনুঃশব্দেন চাকাশে শব্দঃ সমভবন্মহান্॥ 7-1-18 (44897)
অথাস্য ধনুষো বাণা নিস্সরন্তঃ সহস্রশঃ।
ব্যাপ্য সর্বা দিশঃ পেতুর্নাগাশ্বরথপত্তিষু। 7-1-19 (44898)
তং কার্মুকমহাবেগমস্ত্রজ্বলিতপাবকম্।
দ্রোণমাসাদয়াঞ্চক্রুঃ পাঞ্চালাঃ পাণ্ডবৈঃ সহ॥ 7-1-20 (44899)
সনাগরথপত্ত্যশ্বান্প্রাহিণোদ্যমসাদনম্।
অচিরাদকরোদ্দোণো মহীং শোণিতকর্দমাম্॥ 7-1-21 (44900)
তন্বতা পরমাস্ত্রাণি শরান্সততমস্যতা।
দ্রোণেন বিহিতং দিক্ষু শরজালমদৃশ্যত॥ 7-1-22 (44901)
পদাতিষু রথাশ্বেষু বারণেষু চ সর্বশঃ।
তস্য বিদ্যুদিবাভ্রেষু চরন্কেতুরদৃশ্যত॥ 7-1-23 (44902)
সকেকয়ানাং প্রবরাংশ্চ পঞ্চ পাঞ্চালরাজং চ শরৈঃ প্রমথ্য।
যুধিষ্ঠিরানীকমদীনসৎবো দ্রোণোঽভ্যযাৎকার্মুকবাণপাণিঃ॥ 7-1-24 (44903)
তং ভীমসেনশ্চ ধনঞ্জয়শ্চ শিনেশ্চ নপ্তা দ্রুপদাত্মজশ্চ।
শৈব্যাত্মজঃ কাশিপতিঃ শিবিশ্চ দৃষ্ট্বা নদন্তো ব্যকিরঞ্ছরৌঘৈঃ॥ 7-1-25 (44904)
`তেষাং শরা দ্রোণশরৈর্নিকৃত্তা ভূমাবদৃশ্যন্ত বিবর্তমানাঃ।
শ্রেণীকৃতাঃ সংয়তি মোঘবেগা দ্বীপে নদীনামিব কাশরোহাঃ'॥ 7-1-26 (44905)
তে দ্রোণবাণাসনবিপ্রমুক্তাঃ পতত্রিণঃ কাঞ্চনচিত্রপুঙ্খাঃ।
ভিত্ৎবা শরীরাণি গজাশ্বয়ূনাং জগ্মুর্মহীং শোণিতদিগ্ধবাজাঃ॥ 7-1-27 (44906)
সা যোধসঙ্ঘৈশ্চ রথৈশ্চ ভূমিঃ শরৈর্বিভিন্নৈর্গজবাজিভিশ্চ।
প্রচ্ছাদ্যমানা পতিতৈর্বভূব সমাবৃতা দ্যৌরিব কালমেঘৈঃ॥ 7-1-28 (44907)
শৈনেয়ভীমার্জুনবাহিনীশং সৌভ্রদ্রপাঞ্চালসকাশিরাজম্।
অন্যাংশ্চ বীরান্সমরে মমর্দ দ্রোণঃ সুতানাং তব ভূতিকামঃ॥ 7-1-29 (44908)
এতানি চান্যানি চ কৌরবেন্দ্র কর্মাণি কৃৎবা সমরে মহাত্মা।
প্রতাপ্য লোকানিব কালসূর্যো দ্রোণো গতঃ স্বর্গমিতো হি রাজন্॥ 7-1-30 (44909)
এবং রুক্মরথঃ শূরো হৎবা শতসহস্রশঃ।
পাণ়্ডবানাং রণে যোধান্পার্ষতেন নিপাতিতঃ॥ 7-1-31 (44910)
অক্ষৌহিণীমভ্যধিকাং শূরাণামনিবর্তিনাম্।
নিহত্য পশ্চাদ্ধৃতিমানগচ্ছৎপরমাং গতিম্॥ 7-1-32 (44911)
পাণ্ডবৈঃ সহপাঞ্চালৈরশিবৈঃ ক্রূরকর্মভিঃ।
হতো রুক্মরথো রাজন্কৃৎবা কর্ম সুদুষ্করম্॥ 7-1-33 (44912)
ততো নিনাদো ভূতানামাকাশে সমজায়ত।
সৈন্যানাং চ ততো রাজন্নাচার্যে নিহতে যুধি॥ 7-1-34 (44913)
দ্যাং ধরাং খং দিশো বাপি প্রদিশর্শ্চানুনাদয়ন্।
অহো ধিগিতি ভূতানাং শব্দঃ সমভাবদ্ভৃশম্॥ 7-1-35 (44914)
দেবতাঃ পিতরশ্চৈব পূর্বে যে চাস্য বান্ধবাঃ।
দদৃশুর্নিহতং তত্র ভারদ্বাজং মহারথম্॥ 7-1-36 (44915)
পাণ্ডবাস্তু জয়ং লব্ধ্বা সিংহনাদান্প্রচক্রিরে।
সিংহনাদেন মহতা সমকম্পত মেদিনী॥ 7-1-37 (44916)
`বিচিত্রজাম্বূনদভূষিতধ্বজং মহারথং রুক্মরথং নিপাতিতম্। ॥ 7-1-38 (44917)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি অষ্টমোঽধ্যায়ঃ॥ 8 ॥
Mahabharata - Drona Parva - Chapter Footnotes
5-1-12 ভীমঃ শব্দ ইতি সম্বন্ধঃ॥ 5-1-8 অষ্টমোঽধ্যায়ঃ॥দ্রোণপর্ব - অধ্যায় 009
॥ শ্রীঃ ॥
7.9. অধ্যায়ঃ 009
Mahabharata - Drona Parva - Chapter Topics
দ্রোণমরণশ্রাবিণো ধৃতরাষ্ট্রস্য তদ্গুণানুবর্ণনপূর্বকং শোচনম্॥ 1 ॥Mahabharata - Drona Parva - Chapter Text
7-1-0 (44918)
ধৃতরাষ্ট্র উবাচ। 7-1-0x (4281)
কিং কুর্বাণং রণে দ্রোণং জঘ্রুঃ পাণ্ডবসৃঞ্জয়াঃ।
তথা নিপুণমস্ত্রেষু সর্বশস্ত্রভৃতামপি॥ 7-1-1 (44919)
রথঃ পর্যপতদ্বাঽস্য ধনুর্বাঽশীর্যতাস্যতঃ।
প্রমত্তো বাঽভবদ্দোণো যথা মৃত্যুমুপেয়িবান্॥ 7-1-2 (44920)
কথং নু পার্ষতস্তাত শত্রুভির্দুষ্প্রধর্ষণম্।
কিরন্তমিষুসঙ্ঘাতান্রুক্মপুঙ্খাননেকশঃ॥ 7-1-3 (44921)
ক্ষিপ্রহস্তং দ্বিজশ্রেষ্ঠং কৃতিনং চিত্রয়োধিনম্।
দূরেষুপাতিনং দান্তমস্ত্রয়ুদ্ধেষু পারগম্॥ 7-1-4 (44922)
পাঞ্চালপুত্রো ন্যবধীদ্দিব্যাস্ত্রধরমচ্যুতম্।
কুর্বাণং দারুণং কর্ম রণে যত্তং মহারথম্॥ 7-1-5 (44923)
ব্যক্তং হি দৈবং বলবৎপৌরুষাদিতি মে মতিঃ।
যদ্দ্রোণো নিহতঃ শূরঃ পার্ষতেন মহাত্মনা॥ 7-1-6 (44924)
অস্ত্রং চতুর্বিধং বীরে যস্মিন্নাসীৎপ্রতিষ্ঠিতম্।
তমিষ্বস্ত্রধরাচার্যং দ্রোণং শংসসি মে হতম্॥ 7-1-7 (44925)
শ্রুৎবা হতং রুক্মরথং বৈয়াঘ্রপরিবারণম্।
জাতরূপপরিষ্কারং নাদ্য শোকমপানুদে॥ 7-1-8 (44926)
ন নূনং পরদুঃখেন ম্রিয়তে কোঽপি সঞ্জয়।
যত্র দ্রোণমহং শ্রুৎবা হতং জীবামি মন্দধীঃ।
দৈবমেব পরং মন্যে নন্বনর্থং হি পৌরুষম্॥ 7-1-9 (44927)
অশ্মসারময়ং নূর্ন হৃদয়ং সুদৃঢং মম।
যচ্ছ্রুৎবা নিহতং দ্রোণং শতধা ন বিদীর্যতে॥ 7-1-10 (44928)
ব্রাহ্মে দৈবে তথেষ্বস্ত্রে যমুপাসন্গুণার্থিনঃ।
ব্রাহ্মণা রাজপুত্রাশ্চ স কথং মৃত্যুনা হৃতঃ॥ 7-1-11 (44929)
শোষণং সাগরস্যেব মেরোরিব বিসর্পণম্।
পতনং ভাস্করস্যেব ন মৃষ্যে দ্রোণপাতনম্॥ 7-1-12 (44930)
দুষ্টানাং প্রতিষেদ্ধাসীদ্ধার্মিকাণাং চ রক্ষিতা।
যোঽহাসীৎকৃপণস্যার্থে প্রাণানপি পরন্তপঃ॥ 7-1-13 (44931)
মন্দানাং মম পুত্রাণাং জয়াশা যস্য বিক্রমে।
বৃহস্পত্যুশনস্তুল্যো বুদ্ধ্যা স নিহতঃ কথম্॥ 7-1-14 (44932)
`গুণানাং সর্বয়োধানাং স্থিতিরাসীন্মহাদ্যুতিঃ।
যং মৃত্যুর্বশগস্তিষ্ঠেৎস কথং মৃত্যুনা হতঃ'॥ 7-1-15 (44933)
তে চ শোণা বৃহন্তোঽশ্বাশ্ছন্না জালৈর্হিরণ্ময়ৈঃ।
রথে বাতজবা যুক্তাঃ সর্বশস্ত্রাতিগা রণে॥ 7-1-16 (44934)
বলিনো হেষিণো দান্তাঃ সৈন্ধবাঃ সাধুবাহিনঃ।
দৃঢাঃ সঙ্গ্রামমধ্যেষু কচ্চিদাসন্ন বিহ্বলাঃ॥ 7-1-17 (44935)
করিণাং বৃংহতাং যুদ্ধে শঙ্খদুন্দুভিনিঃস্বনৈঃ।
জ্যাক্ষেপশরবর্ষাণাং শস্ত্রাণাং চ সহিষ্ণবঃ॥ 7-1-18 (44936)
আশংসন্তঃ পরাঞ্জেতুং জিতশ্বাসা জিতব্যথাঃ।
হয়াঃ পরাজিতাঃ শীঘ্রা ভারদ্বাজরথোদ্বহাঃ॥ 7-1-19 (44937)
তে স্ম রুক্মরথে যুক্তা নরবীরসমাস্থিতাঃ।
কথং নাভ্যতরংস্তাত পাণ্ডবানামনীকিনীম্॥ 7-1-20 (44938)
জাতরূপপরিষ্করামাস্থায় রথমুত্তমম্।
ভারদ্বাজঃ কিমকরোদ্যুধি সত্যপরাক্রমঃ॥ 7-1-21 (44939)
বিদ্যাং যস্যোপজীবন্তি সর্বলোকধনুর্ধরাঃ।
স সত্যসন্ধো বলবান্দ্রোণঃ কিমকরোদ্যুধি॥ 7-1-22 (44940)
দিবি শক্রমিব শ্রেষ্ঠং মহামাত্রং ধনুর্ভৃতাম্।
কে নু তং রৌদ্রকর্মাণং যুদ্ধে প্রত্যুদ্যযূ রথাঃ॥ 7-1-23 (44941)
ননু রুক্মরথং দৃষ্ট্বা প্রাদ্রবন্তি স্ম পাণ্ডবাঃ।
দিব্যমস্ত্রং বিকুর্বাণং রণে তস্মিন্মহাবলম্॥ 7-1-24 (44942)
উতাহো সর্বসৈন্যেন ধর্মরাজঃ সহানুজঃ।
পাঞ্চালপ্রগ্রহো দ্রোণং সর্বতঃ সমবারয়ৎ॥ 7-1-25 (44943)
নূনমাবারয়ৎপার্থো রথিনোঽন্যানজিহ্মগৈঃ।
ততো দ্রোণং সমহরৎপার্ষতঃ পাপকর্মকৃৎ॥ 7-1-26 (44944)
নহ্যহং পরিপশ্যামি বধে কঞ্চন শুষ্মিণঃ।
ধৃষ্টদ্যুম্নাদৃতে রৌদ্রাৎপাল্যমানাৎকিরীটিনা॥ 7-1-27 (44945)
`উতাহো সর্বসৈন্যেন ধর্মরাজঃ সহানুজঃ।
উৎসৃজ্য সর্বসৈন্যানি দ্রোণং তমভিদুদ্রুবে'॥ 7-1-28 (44946)
তৈর্বৃতঃ সর্বতঃ ক্ষুদ্রৈঃ পাঞ্চালাপশদৈস্ততঃ।
কেকয়ৈশ্চেদিকারূশৈর্মৎস্যৈরন্যৈশ্চ ভূমিপৈঃ॥ 7-1-29 (44947)
ব্যাকুলীকৃতমাচার্যং পিপীলৈরুরগং যথা।
কর্মণ্যসুকরে সক্তং জঘানেতি মতির্মম॥ 7-1-30 (44948)
যোঽধীত্য চতুরো বেদান্সাঙ্গানাখ্যানপঞ্চমান্।
ব্রাহ্মণানাং প্রতিষ্ঠাসীৎস্রোতসামিব সাগরঃ॥ 7-1-31 (44949)
ক্ষত্রং চ ব্রহ্ম চৈবেহ যোঽভ্যতিষ্ঠৎপরন্তপঃ।
`দৃপ্তানাং প্রতিষেদ্ধা চ চক্ষুরাসীদচক্ষুষাম্॥ 7-1-32 (44950)
অমর্ষী চাবলিপ্তেষু ধার্মিকেষু চ ধার্মিকঃ'।
স কথং ব্রাহ্মণো বৃদ্ধঃ শস্ত্রেণ বধমাপ্তবান্॥ 7-1-33 (44951)
অমর্ষিণা মর্ষিতবান্ক্লিশ্যমানান্সদা ময়া।
অনর্হমাণান্কৌন্তেয়ান্কর্মণস্তস্য তৎফলম্॥ 7-1-34 (44952)
যস্য কর্মানুজীবন্তি লোকে সর্বধনুর্ভৃতঃ।
স সত্যসন্ধঃ সুকৃতী শ্রীকামৈর্নিহতঃ কথম্॥ 7-1-35 (44953)
দিবি শক্র ইব শ্রেষ্ঠো মহাসৎবো মহাবলঃ।
স কথং নিহতঃ পার্থৈঃ ক্ষুদ্রমৎস্যৈর্যথা তিমিঃ॥ 7-1-36 (44954)
ক্ষিপ্রহস্তশ্চ বলবান্দৃঢঘন্বারিমর্দনঃ।
ন যস্য বিজয়াকাঙ্ক্ষী বিষয়ং প্রাপ্য জীবতি॥ 7-1-37 (44955)
যং দ্বৌ ন জহতঃ শব্দৌ জীবমানং কদাচন।
ব্রাহ্মশ্চ বেদকামানাং জ্যাঘোষশ্চ ধনুষ্মতাম্॥ 7-1-38 (44956)
অদীনং পুরুষব্যাঘ্রং হীমন্তমপরাজিতম্।
তমিষ্বাসবরাচার্যে দ্রোণং জঘ্নুঃ কথং রথাঃ॥ 7-1-39 (44957)
`নাহং মন্যে হতং দ্রোণং স হি লোকময়োৎস্যত।
কো হি শক্তো রণে জেতুমনাধৃষ্যযশোবলম্॥ 7-1-40 (44958)
ব্রহ্মকল্পো ভবেদ্ব্রাহ্মে ক্ষাত্রে নারায়ণোপমঃ।
ব্রহ্মক্ষত্রে চ যস্যাস্তাং বশে স্থাণোরিবাখিলে॥ 7-1-41 (44959)
সর্বান্হি মামকান্বীরান্সহাশ্বরথকুঞ্জরান্।
যুধিষ্ঠিরস্য তপসা হতান্মন্যামহে কুরূন্'॥ 7-1-42 (44960)
কথং সঞ্জয় দুর্ধর্ষমনাধৃষ্যযশোবলম্।
পশ্যতাং পুরুষেন্দ্রাণাং সমরে পার্ষতোঽবধীৎ॥ 7-1-43 (44961)
কে পুরস্তাদয়ুধ্যন্ত রক্ষন্তো দ্রোণমন্তিকাৎ।
কে নু পশ্চাদবর্তন্ত গচ্ছতো দুর্গমাং গতিম্॥ 7-1-44 (44962)
কেঽরক্ষন্দক্ষিণং চক্রং সব্যং কে চ মহাত্মনঃ।
পুরস্তাৎকে চ বীরস্য যুধ্যমানস্য সংয়ুগে॥ 7-1-45 (44963)
কে চ তস্মিংস্তনূস্ত্যক্ৎবা প্রতীপং মৃত্যুমাব্রজন্।
দ্রোণস্য সমরে বীরাঃ কেঽকুর্বন্ত পরাং ধৃতিম্॥ 7-1-46 (44964)
কচ্চিন্নৈনং ভয়ান্মন্দাঃ ক্ষত্রিয়া ব্যজহন্রণে।
রক্ষিতারস্ততঃ শূন্যে কচ্চিত্তৈর্ন হতঃ পরৈঃ॥ 7-1-47 (44965)
ন স পৃষ্ঠমরেস্ত্রাসাদ্রণে শৌর্যাৎপ্রদর্শয়েৎ।
পরামপ্যাপদং প্রাপ্য স কথং নিহতঃ পরৈঃ॥ 7-1-48 (44966)
এতদার্যেণ কর্তব্যং কৃচ্ছ্রাস্বাপৎসু সঞ্জয়।
পরাক্রমেদ্যথা শক্ত্যা তচ্চ তস্মিন্প্রতিষ্ঠিতম্।
`যো যথাশক্তি যুদ্ধ্যেত দ্বিষদ্ভিঃস্বাংশ্চ পালয়ন্॥ 7-1-49 (44967)
কচ্চিন্নৈনং ভয়াৎক্ষুদ্রাঃ পার্থেভ্যঃ প্রদদূ রণে।
গোপ্তৃভিস্তৈঃ সমুৎসৃষ্টঃ কচ্চিন্নৈষ পরৈর্হতঃ॥ 7-1-50 (44968)
ধৃষ্টদ্যুম্নং প্রপশ্যামি নিঘ্নন্তমিব ব্রাহ্মণম্।
বার্যমাণং রণে তাত দ্রৌণিনাঽমিততেজসা'॥ 7-1-51 (44969)
মুহ্যতে মে মনস্তাত কথা তাবন্নিবার্যতাম্।
ভূয়স্তু লব্ধসংজ্ঞস্ৎবাং পরিপৃচ্ছামি সঞ্জয়॥ ॥ 7-1-52 (44970)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি নবমোঽধ্যায়ঃ॥ 9 ॥
Mahabharata - Drona Parva - Chapter Footnotes
5-1-2 অস্যতঃ শরানিতি শেষঃ॥ 5-1-17 বলিনস্তেজস্বিনঃ॥ 5-1-23 মহামাত্রং প্রধানম্॥ 5-1-25 পাঞ্চালম্প্রগ্রহঃ পাঞ্জালঃ প্রগ্রহো বন্ধরজুর্যস্য 5-1-27 শুষ্মিণস্তেজস্বিনঃ॥ 5-1-29 অপশদোঽধমঃ॥ 5-1-31 আখ্যানং পুরাণভারতাদি॥ 5-1-9 নবমোঽধ্যায়ঃ॥দ্রোণপর্ব - অধ্যায় 010
॥ শ্রীঃ ॥
7.10. অধ্যায়ঃ 010
Mahabharata - Drona Parva - Chapter Topics
দ্রোণমরণশ্রবণেন মূর্ছিতস্য ধৃতরাষ্ট্রস্য পিরচারিকাভির্জলসেচনাদিনা সমুদ্বোধনম্॥ 1 ॥ ধৃতরাষ্ট্রেণ সঞ্জয়ম্প্রতি যুদ্ধকথনচোদনা॥ 2 ॥Mahabharata - Drona Parva - Chapter Text
7-10-0 (44971)
বৈশম্পায়ন উবাচ। 7-10-0x (4282)
এবং পৃষ্ট্বা সূতপুত্রং হৃচ্ছোকেনার্দিতো ভৃশম্।
জয়ে নিরাশঃ পুত্রাণাং ধৃতরাষ্ট্রোঽপতৎক্ষিতৌ॥ 7-10-1 (44972)
তং বিসংজ্ঞং নিপতিন্ত সিষিচুঃ পরিচারিকাঃ।
জলেনাত্যর্থশীতেন জীবন্ত্যঃ পুণ্যগন্ধিনা॥ 7-10-2 (44973)
পতিতং চৈনমালোক্য সমস্তা ভরতস্ত্রিয়ঃ।
পরিবব্রুর্মহারাজমস্পৃশংশ্চৈব পাণিভিঃ॥ 7-10-3 (44974)
উত্থাপ্য চৈনং শনকৈ রাজানং পৃথিবীতলাৎ।
আসনং প্রাপয়ামাসুর্বাষ্পকণ্ঠ্যো বরাননাঃ॥ 7-10-4 (44975)
আসনং প্রাপ্য রাজা তু মূর্চ্ছয়াঽভিপরিপ্লুতঃ।
নিশ্চেষ্টোঽতিষ্ঠত তদা বীজ্যমানঃ সমন্ততঃ॥ 7-10-5 (44976)
স লব্ধ্বা শনকৈঃ সংজ্ঞাং বেপমানো মহীপতিঃ।
পুনর্গাবল্গণিং সূতং পর্যপৃচ্ছদ্যথাতথম্॥ 7-10-6 (44977)
ধৃতরাষ্ট্র উবাচ। 7-10-7x (4283)
যঃ স উদ্যন্নিবাদিত্যো জ্যোতিষা প্রণুদংস্তমঃ।
অজাতশত্রুমায়ান্তং কস্তং দ্রোণাদবারয়ৎ॥ 7-10-7 (44978)
প্রভিন্নমিব মাতঙ্গং যথা ক্রুদ্ধং তরস্বিনম্।
প্রসন্নবদনং দৃষ্ট্বা প্রতিদ্বিরদগামিনম্॥ 7-10-8 (44979)
বাসিতাসঙ্গমে যদ্বদজয়্যং প্রতিয়ূথপৈঃ।
নিজঘান রণে বীরান্বীরঃ পুরুষসত্তমঃ॥ 7-10-9 (44980)
যো হ্যেকো হি মহাবীর্যো নির্দহেদ্ধোরচক্ষুষা।
কৃৎস্নং দুর্যোধনবলং ধৃতিমান্সত্যসঙ্গরঃ॥ 7-10-10 (44981)
চক্ষুর্হণং জয়ে সক্তমিষ্বাসধরমচ্যুতম্।
দান্তং বহুমতং লোকে কে শূরাঃ পর্যবারয়ন্॥ 7-10-11 (44982)
কে দুষ্প্রধর্ষং রাজানমিষ্বাসধরমচ্যুতম্।
সমাসেদুর্নরব্যাঘ্রং কৌন্তেয়ং তত্র মামকাঃ॥ 7-10-12 (44983)
তরসৈবাভিপদ্যাথ যো বৈ দ্রোণমুপাদ্রবৎ।
যঃ করোতি মহৎকর্ম শত্রূণাং বৈ মহাবলঃ॥ 7-10-13 (44984)
মহাকায়ো মহোৎসাহো নাগায়ুতসমো বলে।
তং ভীমসেনমায়ান্তং কে শূরাঃ পর্যবারয়ন্॥ 7-10-14 (44985)
যদায়াজ্জলদপ্রখ্যো রথঃ পরমবীর্যবান্।
পর্জন্য ইব বীভৎসুস্তুমুলামশনীং সৃজন্॥ 7-10-15 (44986)
বিসৃজঞ্ছরজালানি বর্ষাণি মঘবানিব।
অবস্ফূর্জন্দিশঃ সর্বাস্তলনেমিস্বনেন চ॥ 7-10-16 (44987)
চাপবিদ্যুৎপ্রভো ঘোরো রথগুল্মবলাহকঃ।
সনেমিঘোষস্তনিতঃ শরশব্দাতিবন্ধুরঃ॥ 7-10-17 (44988)
রোষনির্জিতজীমূতো মনোভিপ্রায়শীঘ্রগঃ।
মর্মাতিগো বাণধরস্তুমুলঃ শোণিতোদকৈঃ॥ 7-10-18 (44989)
সম্প্লাবয়ন্দিশঃ সর্বা মানবৈরাস্তরন্মহীম্।
ভীমনিঃস্বনিতো রৌদ্রো দুর্যোধনপুরোগমান্॥ 7-10-19 (44990)
যুদ্ধেঽভ্যষিঞ্চদ্বিজয়ো গার্ধ্রপত্রৈঃ শিলাশিতৈঃ।
গাণ্ডীবং ধারয়ন্ধীমান্কীদৃশং বো মনস্তদা॥ 7-10-20 (44991)
ইষুসম্বাধমাকাশং কুর্বন্কপিবরধ্বজঃ।
যদায়াৎকথমাসীত্তু তদা পার্থং সমীক্ষতাম্॥ 7-10-21 (44992)
কচ্চিদ্গাণ্ডীবশব্দেন ন প্রণশ্যতি বৈ বলম্।
যদ্বঃ সভৈরবং কুর্বন্নর্জুনো ভৃশমন্বয়াৎ॥ 7-10-22 (44993)
কচ্চিন্নাপানুদৎপ্রামানিষুভির্বো ধনঞ্জয়ঃ।
বাতো বেগাদিবাবিধ্যন্মেঘাঞ্শরগণৈর্নৃপান্॥ 7-10-23 (44994)
কো হি গাণ্ডীবধন্বানং রণে সোঢুং নরোঽর্হতি।
যমুষশ্চুত্য সেনাগ্রে জনঃ সর্বো বিদীর্যতে॥ 7-10-24 (44995)
যৎসেনাঃ সমকম্পন্ত যদ্বীরানস্পৃশদ্ভয়ম্।
কে তত্র নাজহুর্দ্রোণং কে ক্ষুদ্রাঃ প্রাদ্রবন্ভয়াৎ॥ 7-10-25 (44996)
কে বা তত্র তনূস্ত্যক্ৎবা প্রতীপং মৃত্যুমাব্রজন্।
অমানুষাণাং জেতারং যুদ্ধেষ্বপি ধনঞ্জয়ম্॥ 7-10-26 (44997)
ন চ বেগং সিতাশ্বস্য বিসহিষ্যন্তি মামকাঃ।
গাণ্ডীবস্য চ নির্ঘোষং প্রাবৃড্জলদনিঃস্বনম্॥ 7-10-27 (44998)
বিষ্বক্সেনো যস্য যন্তা যস্য যোদ্ধা ধনঞ্চয়ঃ।
অশক্যঃ স রথো জেতুং মন্যে দেবাসুরৈরপি॥ 7-10-28 (44999)
সুকুমারো যুবা শূরো দর্শনীয়শ্চ পাণ্ডবঃ।
মেধাবী নিপুণো ধীমান্যুধি সত্যপরাক্রমঃ॥ 7-10-29 (45000)
আরাবং বিপুলং কুর্বন্ব্যথয়ন্সর্বসৈনিকান্।
যদায়ান্নকুলো দ্রোণং কে শূরাঃ পর্যবারয়ন্॥ 7-10-30 (45001)
আশীবিষ ইব ক্রুদ্ধঃ সহদেবো যদাঽভ্যযাৎ।
কদনং করিষ্যঞ্শত্রূণাং তেজসা দুর্জয়ো যুধি॥ 7-10-31 (45002)
আর্যব্রতমমোঘেষুং হীমন্তমপরাজিতম্।
সহদেবং তমায়ান্তং কে শূরাঃ পর্যবারয়ন্॥ 7-10-32 (45003)
যস্তু সৌবীররাজস্য প্রমথ্য মহতীং চমূম্।
আদত্ত মহিষীং ভোজাং কাম্যাং সর্বাঙ্গশোভনাম্॥ 7-10-33 (45004)
সত্যং ধৃতিশ্চ শৌর্যং চ ব্রহ্মচর্যং চ কেবলম্।
সর্বাণি যুয়ুধানেঽস্মিন্নিত্যানি পুরুষর্ষভে॥ 7-10-34 (45005)
বলিনং সত্যকর্মাণমদীনমপরাজিতম্।
বাসুদেবসমং যুদ্ধে বাসুদেবাদনন্তরম্॥ 7-10-35 (45006)
ধনঞ্জয়োপদেশেন শ্রেষ্ঠমিষ্বস্ত্রকর্মণি।
পার্থেন সমমস্ত্রেষু কস্তং দ্রোণাদবারয়ৎ॥ 7-10-36 (45007)
বৃষ্ণীনাং প্রবরং বীরং শূরং সর্বধনুষ্মতাম্।
রামেণ সমমস্ত্রেষু যশসা বিক্রমেণ চ॥ 7-10-37 (45008)
সত্যং ধৃতির্মতিঃ শৌর্যং ব্রাহ্মং চাস্ত্রমনুত্তমম্।
সাৎবতে তানি সর্বাণি ত্রৈলোক্যমিব কেশবে॥ 7-10-38 (45009)
তমেবঙ্গুণসম্পন্নং দুর্বারমপি দৈবতৈঃ।
সমাসাদ্য মহেষ্বাসং কে শূরাঃ পর্যবারয়ন্॥ 7-10-39 (45010)
পাঞ্চালেষূত্তমং বীরমুত্তমাভিজনপ্রিয়ম্।
নিত্যমুত্তমকর্মাণমুত্তমৌজসমাহবে॥ 7-10-40 (45011)
যুক্তং ধনঞ্জয়হিতে মমানর্থার্থমুত্থিতম্।
যমবৈশ্রবণাদিত্যমহেন্দ্রবরুণোপমম্॥ 7-10-41 (45012)
মহারথং সমাখ্যাতং দ্রোণায়োদ্যতমাহবে।
ত্যজন্তং তুমুলে প্রাণান্কে শূরাঃ সমবারয়ন্॥ 7-10-42 (45013)
একোপসৃত্য চেদিভ্যঃ পাণ্ডবান্যঃ সমাশ্রিতঃ।
ধৃষ্টকেতুং সমায়ান্তং দ্রোণং কস্তং ন্যবারয়ৎ॥ 7-10-43 (45014)
যোঽবধীৎকেতুমান্বীরো রাজপুত্রং দুরাসদম্।
অপরান্তগিরিদ্বারে দ্রোণাৎকস্তং ন্যবারয়ৎ॥ 7-10-44 (45015)
স্ত্রীম্পুসয়োর্নরব্যাঘ্রো যঃ স বেদ গুণাগুণান্।
শিখণ্ডিনং যাজ্ঞসেনিমম্লানমনসং যুধি॥ 7-10-45 (45016)
দেবব্রতস্য সমরে হেতুং মৃত্যোর্মহাত্মনঃ।
দ্রোণায়াভিমুখং যান্তং কে শূরাঃ পর্যবারয়ন্॥ 7-10-46 (45017)
যস্মিন্নভ্যধিকা বীরে গুণাঃ সর্বে ধনঞ্জয়াৎ।
যস্মিন্নস্ত্রাণি সত্যং চ ব্রহ্মচর্যং চ সর্বদা॥ 7-10-47 (45018)
বাসুদেবসমং বীর্যে ধনঞ্জয়সমং বলে।
তেজসাঽঽদিত্যসদৃশং বৃহস্পতিসমং মতৌ॥ 7-10-48 (45019)
অভিমন্যুং মহাত্মানং ব্যাত্তাননমিবান্তকম্।
দ্রোণায়াভিমুখং যান্তং কে শূরাঃ সমবারয়ন্॥ 7-10-49 (45020)
তরুণস্তরুণপ্রজ্ঞঃ সৌভদ্রঃ পরবীরহা।
যদাভ্যধাবদ্বৈ দ্রোণং তদাঽঽসীদ্বো মনঃ কথং॥ 7-10-50 (45021)
দ্রৌপদেয়া নরব্যাঘ্রাঃ সমুদ্রমিব সিন্ধবঃ।
যদ্রোণমাদ্রবন্সঙ্খ্যে কে শূরাস্তান্ন্যবারয়ন্॥ 7-10-51 (45022)
এতে দ্বাদশ বর্ষাণি ক্রীডামুৎসৃজ্য বালকাঃ।
অস্ত্রার্থমবসন্ভীষ্মে বিভ্রতো ব্রতমুত্তমম্॥ 7-10-52 (45023)
ক্ষত্রঞ্জয়ঃ ক্ষত্রদেবঃ ক্ষত্রবর্মা চ মানদঃ।
ধৃষ্টদ্যুম্নাত্মজা বীরাঃ কে তান্দ্রোণাদবারয়ন্॥ 7-10-53 (45024)
শতাদ্বিশিষ্টং যং যুদ্ধে সমমন্যন্ত বৃষ্ণয়ঃ।
চেকিতানং মহেষ্বাসং কস্তং দ্রোণাদবারয়ৎ॥ 7-10-54 (45025)
বার্ধক্ষেমিঃ কলিঙ্গানাং যঃ কন্যামাহরদ্যুধি।
অনাধৃষ্টিরদীনাত্মা কস্তং দ্রোণাদবারয়ৎ॥ 7-10-55 (45026)
ভ্রাতরঃ পঞ্চ কৈকেয়া ধার্মিকাঃ সত্যবিক্রমাঃ।
ইন্দ্রগোপকসঙ্কাশা রক্তবর্মায়ুধধ্বজাঃ॥ 7-10-56 (45027)
মাতৃষ্বসুঃ সুতা বীরাঃ পাণ্ডবানাং জয়ার্থিনঃ।
তান্দ্রোণং হন্তুমায়াতান্কে বীরাঃ পর্যবারয়ন্॥ 7-10-57 (45028)
যং যোধয়ন্তো রাজানো নাজয়ন্বারণাবতে।
ষণ্মাসানপি সংরব্ধা জিঘাংসন্তো যুধাং পতিং॥ 7-10-58 (45029)
ধনুষ্মতাং বরং শূরং সত্যসন্ধং মহাবলম্।
দ্রোণাৎকস্তং নরব্যাঘ্রং যুয়ুৎসুং পর্যবারয়ৎ॥ 7-10-59 (45030)
যঃ পুত্রং কাশিরাজস্য বারাণস্যাং মহারথম্।
সমরে স্ত্রীষু গৃধ্যন্তং ভল্লেনাপাহরদ্রথাৎ॥ 7-10-60 (45031)
ধৃষ্টদ্যুম্নং মহেষ্বাসং পার্থানাং মন্ত্রধারিণম্।
যুক্তং দুর্যোধনানর্থে সৃষ্টং দ্রোণবধায় চ॥ 7-10-61 (45032)
নির্দহন্তং রণে যোধান্দারয়ন্তং চ সর্বতঃ।
দ্রোণাভিমুখমায়ান্তং কে শূরাঃ পর্যবারয়ন্॥ 7-10-62 (45033)
উৎসঙ্গ ইব সম্বৃদ্ধং দ্রুপদস্যাস্ত্রবিত্তমম্।
শৈখণ্ডিনং শস্ত্রগুপ্তং কে দ্রোণাদবারয়ন্॥ 7-10-63 (45034)
য ইমাং পৃথিবীং কৃৎস্নাং চর্মবৎসমবেষ্টয়ৎ।
মহতা রথঘোষেণ মুখ্যারিঘ্নো মহারথঃ॥ 7-10-64 (45035)
দশাশ্বমেধানাজহে স্বন্নপানাপ্তদক্ষিণান্।
নিরর্গলান্সর্বমেধান্পুত্রবৎপালয়ন্প্রজাঃ॥ 7-10-65 (45036)
বিসৃষ্টা দক্ষিণা যস্য গঙ্গাজলমবারয়ৎ।
গঙ্গাস্রোতসি যাবত্যঃ সিকতা অপ্যশেষতঃ।
তাবতীর্গা দদৌ বীর উশীনরসুতোঽধ্বরে॥ 7-10-66 (45037)
ন পূর্বে নাপরে চক্রুরিদং কেচন মানবাঃ।
ইতীদং চুক্রুশুর্দেবাঃ কৃতে কর্মণি দুষ্করে॥ 7-10-67 (45038)
পশ্যামস্ত্রিষু লোকেষু ন তং সংস্থাস্নুচারিষু।
জাতং চাপি জনিষ্যন্তং দ্বিতীয়ং চাপি সাম্প্রতম্॥ 7-10-68 (45039)
অন্যমৌশীনরাচ্ছেব্যাদ্ধুরো বোঢারমিত্যুত।
গতিং যস্য ন যাস্যন্তি মানুষা লোকবাসিনঃ॥ 7-10-69 (45040)
তস্য নপ্তারমায়ান্তং শৈব্যং কঃ সমবারয়ৎ।
দ্রোণায়াভিমুখং যত্তং ব্যাত্তাননমিবান্তকম্॥ 7-10-70 (45041)
বিরাটস্য রথানীকং মৎস্যস্যামিত্রঘাতিনঃ।
প্রেপ্সন্তং সমরে দ্রোণং কে বীরাঃ পর্যবারয়ন্॥ 7-10-71 (45042)
সদ্যো বৃকোদরাজ্জাতো মহাবলপরাক্রমঃ।
মায়াবী রাক্ষসো বীরো যস্মান্মম মহদ্ভয়ম্॥ 7-10-72 (45043)
পার্থানাং জয়কামং তং তং পুত্রাণাং মম কণ্টকম্।
ঘটোৎকচং মহাত্মানং কস্তং দ্রোণাদবারয়ৎ॥ 7-10-73 (45044)
এতে চান্যে চ বহবো যেষামজিতং যুধি।
ত্যক্তারঃ সংয়ুগে প্রাণান্কিং তেষামজিতং যুধি॥ 7-10-74 (45045)
যেষাং চ পুরুষব্যাঘ্রঃ শার্ঙ্গধন্বা ব্যপাশ্রয়ঃ॥
লোকানাং গুরুরত্যর্থং লোকনাথঃ সনাতনঃ। 7-10-75 (45046)
নারায়ণোরণে নাথো দিব্যো দিব্যাত্মকঃ প্রভুঃ॥
যস্য দিব্যানি কর্মাণি প্রবদন্তি মনীষিণঃ। 7-10-76 (45047)
তান্যহং কীর্তয়িষ্যামি ভক্ত্যা স্থৈর্যার্থমাত্মনঃ॥ ॥ 7-10-77 (45048)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি দশমোঽধ্যায়ঃ॥ 10 ॥
Mahabharata - Drona Parva - Chapter Footnotes
5-10-8 সঃ প্রসিদ্ধঃ। তমজাতশত্রুম্ আয়ান্তং দৃষ্ট্বা দ্রোণাৎকঃ অবারয়দিত্যন্বয়ঃ॥ 5-10-15 যদা অয়াৎ যদা চ দুর্যোধনপুরোগমান্গার্ধ্রপত্রৈরভ্যষিঞ্চত্তদা বো মনঃ ক্রীদৃশমভূদিতি ষষ্ঠেনান্বয়ঃ॥ 5-10-34 যুয়ুধানে সাত্যকৌ॥ 5-10-38 সাৎবতে সাত্যকৌ॥ 5-10-68 স্থাস্রুচারিষু স্থাবরজঙ্গমাত্মকেষু। স্নমিত্যস্য ব্যবহিতেন পশ্যাম ইত্যনেন সম্বন্ধঃ॥ 5-10-10 দশমোঽধ্যায়ঃ॥ 10 ॥দ্রোণপর্ব - অধ্যায় 011
॥ শ্রীঃ ॥
7.11. অধ্যায়ঃ 011
Mahabharata - Drona Parva - Chapter Topics
ধৃতরাষ্ট্রেণ প্রসঙ্গাদ্ভক্ত্যুদ্রেকেণ--শ্রীকৃষ্ণচরিত্রানুকীর্তনম্॥ 1 ॥ ধৃতরাষ্ট্রেণ বহুধা বিচিন্ত্য সঞ্জয়ম্প্রতি যুদ্ধকথনচোদনা॥ 2 ॥Mahabharata - Drona Parva - Chapter Text
7-11-0 (45049)
ধৃতরাষ্ট্র উবাচ। 7-11-0x (4284)
শৃণু দিব্যানি কর্মাণি বাসুদেবস্য সঞ্জয়।
কৃতবান্যানি গোবিন্দো যথা নান্যাঃপুমান্ক্বচিৎ॥ 7-11-1 (45050)
সংবর্ধতা গোপকুলে বালেনৈব মহাত্মনা।
বিখ্যাপিতং বলং বাহ্বোস্ত্রিষু লোকেষু সঞ্জয়॥ 7-11-2 (45051)
পূতনাং শকটং হৎবা কেশিনং চৈব বাজিনম্।
ঋষভং ধেনুকং চৈব অরিষ্টং চ মহাবলম্॥ 7-11-3 (45052)
দাবান্মুক্ৎবা মহাবাহুর্ধৃৎবা গোবর্ধনং নিগিম্।
চাণূরং মুষ্টিকং চৈব রঙ্গমধ্যে নিহত্য চ॥ 7-11-4 (45053)
প্রলম্বং নরকং জম্ভং পীঠং চাপি মহাসুরম্।
মুরুং চান্তকসঙ্কাশমবধীৎপুষ্করেক্ষণঃ॥ 7-11-5 (45054)
তথা কংসো মহাতেজা জরাসন্ধেন পালিতঃ।
বিক্রমেণৈব কৃষ্ণেন সগণঃ পাতিতো রণে॥ 7-11-6 (45055)
সুনামা রণবিক্রান্তঃ সমগ্রাক্ষৌহিণীপতিঃ।
ভোজরাজস্য মধ্যস্থো ভ্রাতা কংসস্য বীর্যবান্॥ 7-11-7 (45056)
বলদেবদ্বিতীয়েন কৃষ্ণেনামিত্রঘাতিনা।
তরস্বী সমরে দগ্ধঃ সসৈন্যঃ শূরসেনরাট্॥ 7-11-8 (45057)
দুর্বাসা নাম বিপ্রর্ষিস্তথা পরমকোপনঃ।
আরাধিতঃ সদারেণ স চাস্মৈ প্রদদৌ বরান্॥ 7-11-9 (45058)
তথা গান্ধাররাজস্য সুতাং বীরঃ স্বয়ংবরে।
নির্জিত্য পৃথিবীপালানাবহৎপুষ্করেক্ষণঃ॥ 7-11-10 (45059)
অমৃষ্যমাণা রাজানো যস্য জাত্যা হয়া ইব।
রথে বৈবাহিকে যুক্তাঃ প্রতোদেন কৃতব্রণাঃ॥ 7-11-11 (45060)
জরাসন্ধং মহাবাহুমুপায়েন জনার্দনঃ।
পরেণ ঘাতয়ামাস সমগ্রাক্ষৌহিণীপতিম্॥ 7-11-12 (45061)
চেদিরাজং চ বিক্রান্তং রাজসেনাপতিং বলী।
অর্ঘে বিবদমানং চ জঘান পশুবত্তদা॥ 7-11-13 (45062)
সৌভং দৈত্যপুরং খস্থং শাল্বগুপ্তং দুরাসদম্।
সমুদ্রকুক্ষৌ বিক্রম্য পাতয়ামাস মাধবঃ॥ 7-11-14 (45063)
অঙ্গান্বঙ্গান্কলিঙ্গংশ্চ মাগধান্কাশিকোসলান্।
বাৎস্যগার্গ্যকরূষাংশ্চ পৌণ্ড্রাংশ্চাপ্যজয়দ্রণে॥ 7-11-15 (45064)
আবন্ত্যান্দাক্ষিণাত্যাংশ্চ পার্বতীয়ান্দশেরকান্।
কাশ্মীরকানৌরসিকান্পিশাচাংশ্চ সমুদ্গলান্॥ 7-11-16 (45065)
কাম্ভোজান্বাটধানাংশ্চ চোলান্পাণ্ড্যাংশ্চ সঞ্জয়।
ত্রিগর্তান্মালবাংশ্চৈব দরদাংশ্চ সুদুর্জয়ান্॥ 7-11-17 (45066)
নানাদিগ্ভ্যশ্চ সম্প্রাপ্তান্খশাংশ্চৈব শকাংস্তথা।
জিতবান্পুণ্ডরীকাক্ষো যবনং চ সহানুগম্॥ 7-11-18 (45067)
প্রবিশ্য মকরাবাসং যাদোগণনিষেবিতম্।
জিগায় বরুণং সঙ্খ্যে সলিলান্তর্গতং পুরা॥ 7-11-19 (45068)
যুধি পঞ্চজনং হৎবা দৈত্যং পাতালবাসিনম্।
পাঞ্চজন্যং হৃষীকেশো দিব্যং শঙ্খমবাপ্তবান্॥ 7-11-20 (45069)
খাণ্ডবে পার্থসহিতস্তোষয়িৎবা হুতাশনম্।
আগ্নেয়মস্ত্রং দুর্ধর্ষং চক্রং লেভে মহাবলঃ॥ 7-11-21 (45070)
বৈনতেয়ং সমারুহ্য ত্রাসয়িৎবাঽমরাবতীম্।
মহেন্দ্রভবনাদ্বীরঃ পারিজাতমুপানয়ৎ॥ 7-11-22 (45071)
তচ্চ মর্ষিতবাঞ্শক্রো জানংস্তস্য পরাক্রমম্।
রাজ্ঞাং চাপ্যজিতং কংচিৎকৃষ্ণেনেহ ন শুশ্রুম॥ 7-11-23 (45072)
যচ্চ তন্মহদাশ্চর্যং সভায়াং মম সঞ্জয়।
কৃতবান্পুণ্ডরীকাক্ষঃ কস্তদন্য ইহার্হতি॥ 7-11-24 (45073)
যচ্চ ভক্ত্যা প্রসন্নোঽহমদ্রাক্ষং কৃষ্ণমীশ্বরম্।
তন্মে সুবিদিতং সর্বং প্রত্যক্ষমিব চাগমম্॥ 7-11-25 (45074)
নান্তো বিক্রময়ুক্তস্য বুদ্ধ্যা যুক্তস্য বা পুনঃ।
কর্মণাং শক্যতে গন্তুং হৃষীকেশস্য সঞ্জয়॥ 7-11-26 (45075)
তথা গদশ্চ সাম্বশ্চ প্রদ্যুম্নোঽথ বিদূরথঃ।
অগাবহোঽনিরুদ্ধশ্চ চারুদেষ্ণঃ সসারণঃ॥ 7-11-27 (45076)
উল্মুকো নিশঠশ্চৈব ঝিল্লী বভ্রুশ্চ বীর্যবান্।
পৃথুশ্চ বিপৃথুশ্চৈব শমীঙ্কোঽথারিমেজয়ঃ॥ 7-11-28 (45077)
এতেঽন্যে বলবন্তশ্চ বৃষ্ণিবীরাঃ প্রহারিণঃ।
কথংচিৎপাণ্জবানীকং শ্রয়েয়ুঃ সমরে স্থিতাঃ॥ 7-11-29 (45078)
আহূতা বৃষ্ণিবীরেণ কেশবেন মহাত্মনা।
ততঃ সংশয়িতং সর্বে ভবেদিতি মতির্মম॥ 7-11-30 (45079)
নাগায়ুতবলো বীরঃ কৈলাসশিখরোপমঃ।
বনমালী হলী রামস্তত্র যত্র জনার্দনঃ॥ 7-11-31 (45080)
যমাহুঃ সর্বপিতরং বাসুদেবং দ্বিজাতয়ঃ।
অপি বা হ্যেষ পাণ্ডূনাং যোৎস্যতেঽর্থায় সঞ্জয়॥ 7-11-32 (45081)
স যদা তাত সন্নহ্যেৎপাণ্ডবার্থায় সঞ্জয়।
ন তদা প্রতিসংয়োদ্ধা ভবিতা তত্র কশ্চন॥ 7-11-33 (45082)
যদি স্ম কুরবঃ সর্বে জয়েয়ুর্নাম পাণ্ডবান্।
বার্ষ্ণেয়োঽর্থায় তেষাং বৈ গৃহ্ণীয়াচ্ছস্ত্রমুত্তমম্॥ 7-11-34 (45083)
ততঃ সর্বান্নরব্যাঘ্রো হৎবা নরপতীন্রণে।
কৌরবাংশ্চ মহাবাহুঃকুন্ত্যৈ দদ্যাৎস মেদিনীম্॥ 7-11-35 (45084)
যস্য যন্তা হৃষীকেশো যোদ্ধা যস্য ধনঞ্জয়ঃ।
রথস্য তস্য কঃ সঙ্খ্যে প্রত্যনীকো ভবেদ্রথঃ॥ 7-11-36 (45085)
ন কেনচিদুপায়েন কুরূণাং দৃশ্যতে জয়ঃ।
তস্মান্মে সর্বমাচক্ষ্ব যথা যুদ্ধমবর্তত॥ 7-11-37 (45086)
অর্জুনঃ কেশবস্যাত্মা কৃষ্ণোঽপ্যাত্মা কিরীটিনঃ।
অর্জুনে বিজয়ো নিত্যং কৃষ্ণে কীর্তিশ্চ শাশ্বতী॥ 7-11-38 (45087)
সর্বেষ্বপি চ লোকেষু বীভৎসুরপরাজিতঃ।
প্রাধান্যেনৈব ভূয়িষ্ঠমমেয়াঃ কেশবে গুণাঃ॥ 7-11-39 (45088)
মোহাদ্দুর্যোধনঃ কৃষ্ণং যো ন বেত্তীহ কেশবম্।
মোহিতো দৈবয়োগেন মৃত্যুপাশপুরস্কৃতঃ। 7-11-40 (45089)
ন বেদ কৃষ্ণং দাশার্হমর্জুনং চৈব পাণ্ডবম্।
পূর্বদেবৌ মহাত্মানৌ নরনারায়ণাবুভৌ॥ 7-11-41 (45090)
একাত্মানৌ দ্বিধাভূতৌ দৃশ্যেতে মানবৈর্ভুবি।
মনসাপি হি দুর্ধর্ষৌ সেনামেতাং যশস্বিনৌ॥ 7-11-42 (45091)
নাশয়েতামিহেচ্ছন্তৌ মানুষৎবাচ্চ নেচ্ছতঃ।
যুগস্যেব বিপর্যাসো লোকানামিব মোহনম্॥ 7-11-43 (45092)
ভীষ্মস্য চ বধস্তাত দ্রোণস্য চ মহাত্মনঃ।
ন হ্যেব ব্রহ্মচর্যেণ ন বেদাধ্যযনেন চ॥ 7-11-44 (45093)
ন ক্রিয়াভির্ন চাস্ত্রেণ মৃত্যোঃ কশ্চিন্নির্বায়তে।
লোকসম্ভাবিতৌ বীরৌ কৃতাস্ত্রৌ যুদ্ধদুর্মদৌ॥ 7-11-45 (45094)
ভীষ্মদ্রোণৌ হতৌ শ্রুৎবা কিন্নু জীবামি সঞ্জয়।
যাং তাং শ্রিয়মসূয়ামঃ পুরা দৃষ্ট্বা যুধিষ্ঠিরে॥ 7-11-46 (45095)
অদ্য তামনুজানীমো ভীষ্মদ্রোণবধেন হ।
মৎকৃতে চাপ্যনুপ্রাপ্তঃ কুরূণামেষ সঙ্ক্ষয়ঃ॥ 7-11-47 (45096)
পক্বানাং হি বধে সূত বজ্রায়ন্তে তৃণান্যুত।
অনন্তমিদমৈশ্বর্যং লোকে প্রাপ্তো যুধিষ্ঠিরঃ॥ 7-11-48 (45097)
যস্য কোপান্মহাত্মানৌ ভীষ্মদ্রোণৌ নিপাতিতৌ।
প্রাপ্তঃ প্রকৃতিতো ধর্মো ন ধর্মো মামকান্প্রতি॥ 7-11-49 (45098)
ক্রূরঃ সর্ববিনাশায় কালোঽসৌ নাতিবর্ততে।
অন্যথা চিন্তিতা হ্যর্থা নরৈস্তাত মনস্বিভিঃ।
অন্যথৈব প্রপদ্যন্তে দৈবাদিতি মতির্মম॥ 7-11-50 (45099)
তস্মাদপরিহার্যেঽর্থে সম্প্রাপ্তে কৃচ্ছ্র উত্তমে।
অপারণীয়ে দুশ্চিন্ত্যে যথাভূতং প্রচক্ষ্ব মে॥ ॥ 7-11-51 (45100)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি একাদশোঽধ্যায়ঃ॥ 11 ॥
Mahabharata - Drona Parva - Chapter Footnotes
5-11-6 বিক্রমেণৈব অস্ত্রং চিনা॥ 5-11-12 পরেণ ভীমেন॥ 5-11-11 একাদশোঽধ্যায়ঃ॥দ্রোণপর্ব - অধ্যায় 012
॥ শ্রীঃ ॥
7.12. অধ্যায়ঃ 012
Mahabharata - Drona Parva - Chapter Topics
দ্রোণচোদিতেন দুর্যোধনেন যুধিষ্ঠিরস্য জীবগ্রাহং গ্রহণবরণম্॥ 1 ॥ দ্রোণেন অর্জুনাসন্নিধানে তদ্ব্রহণে প্রতিজ্ঞাতে দুর্যো ধনেন তদুদ্ধোষণম্॥ 2 ॥Mahabharata - Drona Parva - Chapter Text
7-12-0 (45101)
সঞ্জয় উবাচ। 7-12-0x (4285)
`শুশ্রূষস্ব স্থিরো ভূৎবাং শংসতো মম ভারত'।
হন্ত তে কথয়িষ্যামি সর্বং প্রত্যক্ষদর্শিবান্।
যথা সত্যপরো দ্রোণঃ সাদিতাঃ পাণ্ডুসৃঞ্জয়ৈঃ॥ 7-12-1 (45102)
সেনাপতিৎবং সম্প্রাপ্য ভারদ্বাজো মহারথঃ।
মধ্যে সর্বস্য সৈন্যস্য পুত্রং তে বাক্যমব্রবীৎ॥ 7-12-2 (45103)
যৎকৌরবাণামৃষভাদাপগেয়াদনন্তরম্।
সৈনাপত্যে ৎবয়া রাজন্নদ্য সৎকৃতবানহম্॥ 7-12-3 (45104)
সদৃশং কর্মণস্তস্য ফলং প্রাপ্নুহি ভারত।
করোমি কামং কং তেঽদ্য প্রবৃণীষ্ব যমিচ্ছসি॥ 7-12-4 (45105)
সঞ্জয় উবাচ। 7-12-5x (4286)
ততো দুর্যোধনো রাজা কর্ণদুঃশাসনাদিভিঃ।
সম্মন্ত্র্যোবাচ দুর্ধর্ষমাচার্যং জয়তাং বরম্॥ 7-12-5 (45106)
দদাসি চেদ্বরং মহ্যং জীবগ্রাহং যুধিষ্ঠিরম্।
গৃহীৎবা রয়িনাং শ্রেষ্ঠং মৎসমীপমিহানয়॥ 7-12-6 (45107)
`ইচ্ছেয়ং বৈ মহাত্মানং ধর্মাত্মানং যুধিষ্ঠিরম্।
ভ্রাতৃণাং পশ্যতামেব জীবগ্রাহেণ মে দ্বিজ॥ 7-12-7 (45108)
গৃহীৎবা রথিনাং শ্রেষ্ঠং মৎসকাশমিহানয়।
প্রীণাম্যনেন কার্যেণ সসুহৃজ্জনবান্ধবঃ॥ 7-12-8 (45109)
সঞ্জয় উবাচ। 7-12-9x (4287)
ততঃ কুরূণামাচার্যঃ শ্রুৎবা পুত্রস্য তে বচঃ।
সেনাং প্রহর্ষয়ন্সর্বামিদং বচনমব্রবীৎ॥ 7-12-9 (45110)
ধন্যঃ কুন্তীসুতো রাজন্যস্য গ্রহণমিচ্ছসি।
ন বধং তস্য দুর্ধর্ষ বরমদ্য প্রয়াচসে॥ 7-12-10 (45111)
কিমর্থং চ নরব্যাঘ্র ন বধং তস্য কাঙ্ক্ষসে।
নাশংসসি ক্রিয়ামেতাং মত্তো দুর্যোধন ধ্রুবম্॥ 7-12-11 (45112)
আহোস্বিদ্ধর্মরাজস্য দ্বেষ্টা কশ্চিন্ন বিদ্যতে।
যদীচ্ছসি ৎবং জীবন্তং কুলং রক্ষসি চাত্মনঃ॥ 7-12-12 (45113)
অথবা ভরতশ্রেষ্ঠ নির্জিত্য যুধি পাণ্ডবান্।
রাজ্যাংশং প্রতি দত্ৎবা চ সৌভ্রাত্রং কর্তুমিচ্ছসি॥ 7-12-13 (45114)
ধন্যঃ কুন্তীসুতো রাজা সুজাতং চাস্য ধীমতঃ।
অজাতশত্রুতা সত্যা তস্য যৎস্নিহ্যতে ভবান্॥ 7-12-14 (45115)
সঞ্জয় উবাচ। 7-12-15x (4288)
দ্রোণেন চৈবমুক্তস্য তব পুত্রস্য ভারত।
সহসা নিঃসৃতো ভাবো যোস্য নিত্যং হৃদি স্থিতঃ॥ 7-12-15 (45116)
নাকারো গূহিতুং শক্যো বৃহস্পতিসমৈরপি।
তস্মাত্তব সুতো রাজন্প্রহৃষ্টো বাক্যমব্রবীৎ॥ 7-12-16 (45117)
বধে কুন্তীসুতস্যাজৌ নাচার্য বিজয়ো মম।
হতে যুধিষ্ঠিরে পার্থা হন্যুঃসর্বান্হি নো ধ্রুবম্॥ 7-12-17 (45118)
নৈব শক্যা রণে সর্বে নিহন্তুমমরৈরপি।
`যদি সর্বে হনিষ্যন্তে পাণ্ডবাঃ সসুতা মৃধে॥ 7-12-18 (45119)
ততঃ কৃৎস্নং বশে কৃৎবা নিঃশেষং নৃপমণ্ডলম্।
সসাগরবনাং স্ফীতাং বিজিত্য বসুধামিমাম্॥ 7-12-19 (45120)
বিষ্ণুর্দাস্যতি কৃষ্ণায়ৈ কুন্ত্যৈ বা পুরুষোত্তমঃ'।
যদ্যেষ চৈষাং শেষঃস্যাৎস এবাস্মান্ন শেষয়েৎ॥ 7-12-20 (45121)
সত্যপ্রতিজ্ঞে ৎবানীতে পুনর্দ্যূতেন নির্জিতে।
`তস্মিঞ্জীবতি চায়াতে হ্যুপায়ৈর্বহুভিঃ কৃতৈঃ'।
পুনর্যাস্যন্ত্যরণ্যায় পাণ্ডবাস্তমনুব্রতাঃ॥ 7-12-21 (45122)
সোঽয়ং মম জয়ো ব্যক্তং দীর্ঘকালং ভবিষ্যতি।
অতো ন বধমিচ্ছামি ধর্মরাজস্য কর্হিচিৎ॥ 7-12-22 (45123)
সঞ্জয় উবাচ। 7-12-23x (4289)
তস্য জিহ্মমভিপ্রায়ং জ্ঞাৎবা দ্রোণোঽর্থতত্ৎববিৎ।
তং বরং সান্তরং তস্মৈ দদৌ সংচিন্ত্য বুদ্ধিমান্॥ 7-12-23 (45124)
দ্রোণ উবাচ। 7-12-24x (4290)
ন চেদ্যুধিষ্ঠিরং বীরঃ পালয়েদর্জুনো যুধি।
মন্যস্ব পাণ্ডবশ্রেষ্ঠমানীতং বশমাত্মনঃ॥ 7-12-24 (45125)
ন হি শক্যো রণে পার্থঃ সেন্দ্রৈর্দেবাসুরৈরপি।
প্রত্যুদ্যাতুমতস্তাত ন তস্মাদ্ধর্ষয়াম্যহম্॥ 7-12-25 (45126)
অসংশয়ং স মে শিষ্যো মৎপূর্বশ্চাস্ত্রকর্মণি।
তরুণঃ সুকৃতী যুক্ত একায়নগতশ্চ সঃ॥ 7-12-26 (45127)
অস্ত্রাণীন্দ্রাচ্চ রুদ্রাচ্চ ভূয়াংসি সমবাপ্তবান্।
অমর্ষিতশ্চ তে রাজংস্ততো নামর্ষয়াম্যহম্॥ 7-12-27 (45128)
স চাপক্রম্যতাং যুদ্ধাদ্যেনোপায়েন শক্যতে।
অপনীতে ততঃ পার্থে ধর্মরাজো জিতস্ৎবয়া॥ 7-12-28 (45129)
গ্রহণে হি জয়স্তস্য ন বধে পুরুষর্ষভ।
`গ্রহণং হি বধাত্তস্য ধর্মরাজস্য মন্যসে'।
অনেনৈবাভ্যুপায়েন গ্রহণং সমুপৈষ্যসি॥ 7-12-29 (45130)
অহং গৃহীৎবা রাজানং সত্যধর্মপরায়ণম্।
আনয়িষ্যামি তে রাজন্বশমদ্য ন সংশয়ঃ॥ 7-12-30 (45131)
যদি স্যাস্যতি সঙ্গ্রামে মুহূর্তমপি মেঽগ্রতঃ।
অপনীতে নরব্যাঘ্রে কুন্তীপুত্রে ধনঞ্জয়ে॥ 7-12-31 (45132)
ফল্গুনস্য সমীপে তু ন হি শক্যো যুধিষ্ঠিরঃ।
গ্রহীতুং সমরে রাজন্সেন্দ্রৈরপি সুরাসুরৈঃ॥ 7-12-32 (45133)
সঞ্জয় উবাচ। 7-12-33x (4291)
`এবমুক্তে তদা তস্মিন্যুদ্ধে দেবাসুরোপমে'।
সান্তরং তু প্রতিজ্ঞাতে রাজ্ঞো দ্রোণেন নিগ্রহে।
গৃহীতং তমমন্যন্ত তব পুত্রাঃ সুবালিশাঃ॥ 7-12-33 (45134)
ততো দুর্যোধনেনাপি গ্রহণং পাণ্ডবস্য তৎ।
`স্কন্ধাবারেষু সর্বেষু যথাস্থানেষু মারিষ'।
সৈন্যস্থানেষু সর্বেষু সুঘোষিতমরিন্দম॥ 7-12-34 (45135)
পাণ্ডবেয়েষু সাপেক্ষং দ্রোণং জানাতি তে সুতঃ।
ততঃ প্রতিজ্ঞাস্থৈর্যার্থং স মন্ত্রো বহুলীকৃতঃ॥ ॥ 7-12-35 (45136)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি দ্বাদশোঽধ্যায়ঃ॥ 12 ॥
Mahabharata - Drona Parva - Chapter Footnotes
5-12-11 এতাং বধরূপাং ক্রিয়াং মত্তো নাশংসসি ন সম্ভাবয়সি॥ 5-12-12 তদিচ্ছসি ৎবং ইতি ক.খ.পাঠঃ॥ 5-12-14 সুজাতং শোভনং জন্ম 5-12-22 ব্যক্তং নিয়তম্॥ 5-12-26 মৎপূর্বঃ অহং পূর্বো গুরুর্যস্য একায়নগতঃ জয়মরণান্যতরনিশ্চয়বান্॥ 5-12-35 বহুলীকৃতঃ প্রতিজ্ঞাং ন ত্যজেদিতি বহুষু প্রকাশিতঃ॥ 5-12-12 দ্বাদশোঽধ্যায়ঃ॥দ্রোণপর্ব - অধ্যায় 013
॥ শ্রীঃ ॥
7.13. অধ্যায়ঃ 013
Mahabharata - Drona Parva - Chapter Topics
অর্জুনেন দ্রোণপ্রতিজ্ঞাভীতস্য যুধিষ্ঠিরস্য সমাশ্বাসনম্॥ 1 ॥ যুদ্ধারম্ভো দ্রোণপরাক্রমশ্চ॥ 2 ॥Mahabharata - Drona Parva - Chapter Text
7-13-0 (45137)
সঞ্জয় উবাচ। 7-13-0x (4292)
সান্তরে তু প্রতিজ্ঞানে রাজ্ঞো দ্রোণেন নিগ্রহে।
ততস্তে সৈনিকাঃ শ্রুৎবা তং যুধিষ্ঠিরনিগ্রহম্।
সিংহনাদরবাংশ্চক্রুর্বাহুশব্দাংশ্চ কৃৎস্নশঃ॥ 7-13-1 (45138)
তচ্চ সর্বং যথান্যায়ং ধর্মরাজেন ভারত।
আপ্তৈশ্চারৈঃ পরিজ্ঞাতং ভারদ্বাজচিকীর্ষিতম্॥ 7-13-2 (45139)
ততঃ সর্বান্সমানায়্য ভ্রাতৃনন্যাংশ্চ সর্বশঃ।
অব্রবীদ্ধর্মরাজস্তু ধনঞ্জয়মিদং বচঃ॥ 7-13-3 (45140)
শ্রুতং তে পুরুষব্যাঘ্র দ্রোণস্যাদ্য চিকীর্ষিতম্।
যথা তন্ন ভবেৎসত্যং তথা নীতির্বিধীয়তাম্॥ 7-13-4 (45141)
সান্তরং হি প্রতিজ্ঞাতং দ্রোণেনামিত্রঘাতিনা।
তচ্চান্তরমমোঘেষৌ ৎবয়ি তেন সমাহিতম্॥ 7-13-5 (45142)
তত্ৎবমদ্য মহাবাহো যুধ্যস্ব মদনন্তরম্।
যথা দুর্যোধনঃ কামং নেমং দ্রোণাদবাপ্নুয়াৎ॥ 7-13-6 (45143)
অর্জুন উবাচ। 7-13-7x (4293)
যথা মে ন বধঃ কার্য আচার্যস্য কথঞ্চন।
তথা তব পরিত্যাগো ন মে রাজংশ্চিকীর্ষিতঃ॥ 7-13-7 (45144)
অপ্যেবং পাণ্ডব প্রাণানুৎসৃজেয়মহং যুধি।
প্রতিয়াতাঽহমাচার্যং ৎবাং ন জহ্যাং কথঞ্চন॥ 7-13-8 (45145)
ৎবাং নিগৃহ্যাহবে রাজন্ধার্তরাষ্ট্রো যমিচ্ছতি।
ন স তং জীবলোকেঽস্মিন্কামং প্রাপ্তা কথঞ্চন॥ 7-13-9 (45146)
প্রপতেদ্দ্যৌঃ সনক্ষত্রা পৃথিবী শকলী ভবেৎ।
ন ৎবাং দ্রোণো নিগৃহ্ণীয়াজ্জীবমানে ময়ি ধ্রুবম্॥ 7-13-10 (45147)
যদি তস্য রণে সাহ্যং কুরুতে বজ্রভৃৎস্বয়ম্।
বিষ্ণুর্বা সহিতো দেবৈর্ন ৎবাং প্রাপ্স্যত্যসৌ মৃধে॥ 7-13-11 (45148)
ময়ি জীবতি রাজেন্দ্র ন ভয়ং কর্তুমর্হসি।
দ্রোণাদস্ত্রভৃতাং শ্রেষ্ঠাৎসর্বশস্ত্রভৃতামপি॥ 7-13-12 (45149)
অন্যচ্চ ব্রূয়াং রাজেন্দ্র প্রতিজ্ঞাং মম নিশ্চলাম্॥ 7-13-13 (45150)
ন স্মরাম্যনৃতং তাবন্ন স্মরামি পরাজয়ম্।
ন স্মরামি প্রতিশ্রুত্য বিস্মৃত্য মনস্বঽকৃতম্॥ 7-13-14 (45151)
সঞ্জয় উবাচ। 7-13-15x (4294)
ততঃ শঙ্খাশ্চ ভের্যশ্চ মৃদঙ্গাশ্চানকৈঃ সহ।
প্রাবাদ্যন্ত মহারাজ পাণ্ডবানাং নিবেশনে॥ 7-13-15 (45152)
সিংহনাদশ্চ সংজজ্ঞে পাণ্ডবানাং মহাত্মনাম্॥
ধনুর্জ্যাতলশব্দশ্চ গগনস্পৃক্সুভৈরবঃ॥ 7-13-16 (45153)
শ্রুৎবা শঙ্খস্য নির্ঘোষং পাণ্ডবস্য মহৌজসঃ।
ৎবদীয়েষ্বপ্যনীকেষু বাদিত্রাণ্যভিজঘ্নিরে॥ 7-13-17 (45154)
ততো ব্যূঢান্যনীকানি তব তেষাং চ ভারত।
শনৈরুপেয়ুরন্যোন্যং যোৎস্যমানানি সংয়ুগে॥ 7-13-18 (45155)
ততঃ প্রববৃতে যুদ্ধং তুমুলং রোমহর্ষণম্।
পাণ্ডবানাং কুরূণাং চ দ্রোণপাঞ্চাল্যযোরপি॥ 7-13-19 (45156)
যতমানাঃ প্রয়তেন দ্রোণানীকবিশাতনে।
ন শেকুঃ সৃঞ্জয়া যুদ্ধে তদ্ধি দ্রোণেন পালিতম্॥ 7-13-20 (45157)
তথৈব তব পুত্রস্য রথোদারাঃ প্রহারিণঃ।
ন শেকুঃ পাণ্ডবীং সেনাং পাল্যমানাং কিরীটীনা॥ 7-13-21 (45158)
আস্তাং তে স্তিমিতে সেনে রক্ষ্যমাণে পরস্পরম্।
সম্প্রসুপ্তে যথা নক্তং বনরাজ্যৌ সুপুষ্পিতে॥ 7-13-22 (45159)
ততো রুক্মরথো রাজন্নর্কেণেব বিরাজতা।
বরূথিনা বিনিষ্পত্য ব্যচরৎপৃতনামুখে॥ 7-13-23 (45160)
তমুদ্যন্তং রথেনৈকমাশুকারিণমাহবে।
অনেকমিব সন্ত্রসান্মেনিরে পাণ্ডুসৃঞ্জয়াঃ॥ 7-13-24 (45161)
তেন মুক্তাঃ শরা ঘোরা বিচেরুঃ সর্বতোদিশম্।
ত্রাসয়ন্তো মহারাজ পাণ্ডবেয়স্য বাহিনীম্॥ 7-13-25 (45162)
মধ্যন্দিনমনুপ্রাপ্তো গভস্তিশতসংবৃতঃ।
যথা দৃশ্যেত ঘর্মোশুস্তথা দ্রোণোঽপ্যদৃশ্যত॥ 7-13-26 (45163)
ন চৈনং পাণ্ডবেয়ানাং কশ্চিচ্ছক্নোতি ভারত।
বীক্ষিতুং সমরে ক্রুদ্ধং মহেন্দ্রমিব দানবাঃ॥ 7-13-27 (45164)
মোহয়িৎবা ততঃ সৈন্যং ভারদ্বাজঃ প্রতাপবান্।
ধৃষ্টদ্যুম্নবলং তূর্ণং ব্যধমন্নিশিতৈঃ শরৈঃ॥ 7-13-28 (45165)
স দিশঃ সর্বতো রুদ্ধ্বা সংবৃত্য খমজিহ্মগৈঃ।
পার্ষতো যত্র তত্রৈনামভিনৎপাণ্ডুবাহিনীম্॥ ॥ 7-13-29 (45166)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি একাদশদিবসয়ুদ্ধে ত্রয়োদশোঽধ্যায়ঃ॥ 13 ॥
Mahabharata - Drona Parva - Chapter Footnotes
5-13-22 সম্প্রসুপ্তে কৃতপত্রসঙ্কোচে॥ 5-13-23 বরূথিনা রথেন॥ 5-13-13 ত্রয়োদশোঽধ্যায়ঃ॥দ্রোণপর্ব - অধ্যায় 014
॥ শ্রীঃ ॥
7.14. অধ্যায়ঃ 014
Mahabharata - Drona Parva - Chapter Topics
দ্রোণয়ুদ্ধং দ্বৈরথয়ুদ্ধমভিমন্যুপরাক্রমশ্চ॥ 1 ॥Mahabharata - Drona Parva - Chapter Text
7-14-0 (45167)
সঞ্জয় উবাচ। 7-14-0x (4295)
ততঃ স পাণ্ডবানীকে জনয়ন্সুমহদ্ভয়ম্।
ব্যচরৎপৃতনাং দ্রোণো দহন্কক্ষমিবানলঃ॥ 7-14-1 (45168)
নির্দহন্তমনীকানি সাক্ষাদগ্নিমিবোত্থিতম্।
দৃষ্ট্বা রুক্মরথং ক্রুদ্ধং সমকম্পন্ত সৃঞ্জয়াঃ॥ 7-14-2 (45169)
সততং কৃষ্যতঃ সঙ্খ্যে ধনুষোঽস্যাশুকারিণঃ।
জ্যাঘোষঃ শুশ্রুবেঽত্যর্থং বিস্ফূর্জিতমিবাশনেঃ॥ 7-14-3 (45170)
রথিনঃ সাদিনশ্চৈব নাগানশ্বান্পদাতিনঃ।
রৌদ্রা হস্তবতা মুক্তাঃ সম্মৃদ্গন্তি স্স সায়কাঃ॥ 7-14-4 (45171)
নানদ্যমানঃ পর্জন্যঃ প্রবৃদ্ধঃ শুচিসঙ্ক্ষয়ে।
অশ্মবর্ষমিবাবর্ষৎপরেষামাবহদ্ভয়ম্॥ 7-14-5 (45172)
বিচরন্স দিশঃ সর্বাঃ সেনাং সঙ্ক্ষোভয়ন্প্রভুঃ।
বর্ধয়ামাস সন্ত্রাসং শাত্রবাণামমানুষম্॥ 7-14-6 (45173)
তস্য বিদ্যুদিবাভ্রেষু চাপং হেমপরিষ্কৃতম্।
ভ্রাজমানং রথে তস্মিন্দৃশ্যতে স্ম মহাভয়ম্॥ 7-14-7 (45174)
স বীরঃ সত্যবান্প্রাজ্ঞো ধর্মনিত্যঃ সদা পুনঃ।
যুগান্তকালবদ্ধোরাং রৌদ্রাং প্রাবর্তয়ন্নদীম্॥ 7-14-8 (45175)
অমর্ষবেগপ্রভবাং ক্রব্যাদগণসঙ্কুলাম্।
বলৌঘৈঃ সর্বতঃ পূর্ণাং ধ্বজবৃক্ষাপহারিণীম্॥ 7-14-9 (45176)
শোণিতোদাং রথাবর্তাং হস্ত্যশ্বকৃতরোধসম্।
কবচোডুপসংয়ুক্তাং মাংসপঙ্কসমাকুলাম্॥ 7-14-10 (45177)
মেদোমজ্জাস্থিসিকতামুষ্মীষচয়ফেনিলাম্॥
সঙ্গ্রামজলদাপূর্ণাং প্রাসমৎস্যসমাকুলাম্॥ 7-14-11 (45178)
নরনাগাশ্বকলিলাং শরবেগৌঘবাহিনীম্।
শরীরদারুসঙ্ঘাটাং রথকচ্ছপসঙ্কুলাম্॥ 7-14-12 (45179)
উত্তমাঙ্গৈঃ পঙ্কজিনীং নিস্ত্রিংশঝষসঙ্কুলাম্।
রথনাগহূদোপেতাং নানাভারণভূষিতাম্॥ 7-14-13 (45180)
মহারথশতাবর্তাং ভূমিরেণূর্মিমালিনীম্।
মহাবীর্যবতাং সঙ্খ্যে সুতরাং ভীরুদুস্তরাম্॥ 7-14-14 (45181)
শরীরশতসম্বাধাং গৃধ্রকঙ্কনিষেবিতাম্।
মহারথসহস্রাণি নয়ন্তীং যমসাদনম্॥ 7-14-15 (45182)
শূলব্যালসমাকীর্ণাং প্রাণিবাজিনিষেবিতাম্।
ছিন্নক্ষত্রমহাহংসাং মুকুটাণ্ডজসেবিতাম্॥ 7-14-16 (45183)
চক্রকূর্মাঙ্গদানক্রাং শরক্ষুদ্রঝষাকুলাম্।
বকগৃধ্রসৃগালানাং ঘোরসঙ্ঘৈর্নিষেবিতাম্॥ 7-14-17 (45184)
নিহতান্প্রাণিনঃ সঙ্খ্যে দ্রোণেন বলিনা রণে।
বহন্তীং পিতৃলোকায় শতশো রাজসত্তম॥ 7-14-18 (45185)
শর়ীরশতসম্বাধাং কেশশৈবলশাদ্বলাম্।
নদীং প্রাবর্তয়দ্রাজন্ভীরূপণাং ভয়বর্ধিনীম্॥ 7-14-19 (45186)
তর্জয়ন্তমনীকানি তানি তানি মহারথম্।
সর্বতোঽভ্যদ্রবন্দ্রোণং যুধিষ্ঠিরপুরোগমাঃ॥ 7-14-20 (45187)
তানভিদ্রবতঃ শূরাংস্তাবকা দৃঢবিক্রমাঃ।
সর্বতঃ প্রত্যগৃহ্ণন্ত তদভূদ্রোমহর্ষণম্॥ 7-14-21 (45188)
শতমায়স্তু শকুনিঃ সহদেবং সমাদ্রবৎ।
সনিয়ন্তৃধ্বজরথং বিব্যাঘ নিশিতৈঃ শরৈঃ॥ 7-14-22 (45189)
তস্য মাদ্রীসুতঃ কেতুং ধনুঃ সূতং হয়ানপি।
নাতিক্রুদ্ধঃ শরৈশ্ছিত্ৎবা ষষ্ঠ্যা বিব্যাধ সৌবলম্।
`ভিত্ৎবা চ শরবর্ষেণ শকুনিং প্রত্যবারয়ৎ'॥ 7-14-23 (45190)
গদাং গৃহীৎবা শকুনিঃ প্রচস্কন্দ রথোত্তমাৎ।
স তস্য গদয়া রাজন্রথাৎসূতমপাতয়ৎ॥ 7-14-24 (45191)
ততস্তৌ বিরথৌ রাজন্গদাহস্তৌ মহাবলৌ।
চিক্রীডতূ রণে শূরৌ সশৃঙ্গাবিব পর্বতৌ॥ 7-14-25 (45192)
দ্রোণঃ পাঞ্চালদায়াদং বিব্যাধ নিশিতৈঃ শরৈঃ।
তয়োস্তত্র মহারাজ বাণবর্ষৈঃ প্রকাশিতম্।
খদ্যোতৈরিব চাকাশং প্রদোষে পুরুষর্ষভ॥ 7-14-26 (45193)
বিবিংশতিং ভীমসেনো বিংশত্যা নিশিতৈঃ শরৈঃ।
বিদ্ধ্বা নাকম্পয়দ্বীরস্তদদ্ভুতমিবাভবৎ॥ 7-14-27 (45194)
বিবিংশতিস্তু সহসা ব্যশ্বকেতুশরাসনম্।
ভীমং চক্রে মহারাজ ততঃ সৈন্যান্যপূজয়ন্॥ 7-14-28 (45195)
স তন্ন মমৃষে বীরঃ শত্রোর্বিক্রমমাহবে।
ততোঽস্য গদয়া দান্তান্হয়াৎসর্বানপাতয়ৎ॥ 7-14-29 (45196)
হতাশ্বাৎস রথাদ্রাজন্গৃহ্য চর্ম মহাবলঃ।
অভ্যযাদ্ভীমসেনং তু মত্তো মত্তমিব দ্বিপম্॥ 7-14-30 (45197)
শল্যস্তু নকুলং বীরঃ স্বস্রীয়ং প্রিয়মাত্মনঃ।
বিব্যাধ প্রহসন্বাণৈর্লালয়ন্কোপয়ন্নিব॥ 7-14-31 (45198)
তস্যাশ্বানাতপত্রং চ ধ্বজং সূতমথো ধনুঃ।
নিপাত্য নকুলঃ সঙ্খ্যে শঙ্খং দধ্মৌ প্রতাপবান্॥ 7-14-32 (45199)
ধৃষ্টকেতুঃ কৃপেণাস্তাঞ্ছিত্ৎবা বহুবিধাঞ্ছরান্।
কৃপং বিব্যাধ সপ্তত্যা ধ্বজং চাস্য ত্রিভিঃ শরৈঃ॥ 7-14-33 (45200)
তং কৃপঃ শরবর্ষেণ মহতা সমবারয়ৎ।
বিব্যাধ চ রণে বিপ্রো ধৃষ্টকেতুমমর্ষণম্॥ 7-14-34 (45201)
সাত্যকিঃ কৃতবর্মাণং নারাচেন স্তনান্তরে।
বিদ্ধ্বা বিব্যাধ সপ্তত্যা পুনরন্যৈঃ স্ময়ন্নিব॥ 7-14-35 (45202)
তং ভোজঃ সপ্তসপ্তত্যা বিদ্ধ্বাঽঽশু নিশিতৈঃ শরৈঃ।
নাকম্পয়ত শৈনেয়ং শীঘ্রো বায়ুরিবাচলম্॥ 7-14-36 (45203)
সেনাপতিঃ সুশর্মাণং ভৃশং মর্মস্বতাডয়ৎ।
স চাপি তং তোমরেণ জত্রুদেশেঽভ্যতাডয়ৎ॥ 7-14-37 (45204)
বৈকর্তনং তু সমরে বিরাটঃ প্রত্যবারয়ৎ।
সহ মৎস্যৈর্মহাবীর্যৈস্তদদ্ভুতমিবাভবৎ॥ 7-14-38 (45205)
তৎপৌরুষমভূত্তত্র সূতপুত্রস্য দারুণম্।
যৎসৈন্যং বারয়ামাস শরৈঃ সন্নতপর্বভিঃ॥ 7-14-39 (45206)
দ্রুপদস্তু স্বয়ং রাজা ভগদত্তেন সঙ্গতঃ।
তয়োর্যুদ্ধং মহারাজ চিত্ররূপমিবাভবৎ॥ 7-14-40 (45207)
ভগদত্তস্তু রাজানং দ্রুপদং নতপর্বভিঃ।
সনিয়ন্তৃধ্বজরথং বিব্যাধ পুরুষর্ষভঃ॥ 7-14-41 (45208)
দ্রুপদস্তু ততঃ ক্রুদ্ধো ভগদত্তং মহারথম্।
আজঘানোরসি ক্ষিপ্রং শরেণানতপর্বণা॥ 7-14-42 (45209)
যুদ্ধং যোধবরৌ লোকে সৌমদত্তিশিখণ্ডিনৌ।
ভূতানাং ত্রাসজননং চক্রাতেঽস্ত্রবিশারদৌ॥ 7-14-43 (45210)
ভূরিশ্রবা রণে রাজন্যাজ্ঞসেনিং মহারথম্।
মহতা সায়কৌঘেন চ্ছাদয়ামাস বীর্যবান্॥ 7-14-44 (45211)
শিখণ্ডী তু ততঃ ক্রুদ্ধঃ সৌমদত্তিং বিশাম্পতে।
নবত্যা সায়কানাং তু কম্পয়ামাস ভারত॥ 7-14-45 (45212)
রাক্ষসৌ রৌদ্রকর্মাণৌ হেডিম্বালম্বুসাবুভৌ।
চক্রাতেঽত্যুদ্ভুতং যুদ্ধং পরস্পরজয়ৈষিণৌ॥ 7-14-46 (45213)
মায়াশতসৃজৌ দৃপ্তৌ মায়াভিরিতরেতরম্।
অন্তর্হিতৌ চেরতুস্তৌ ভৃশং বিস্ময়কারিণৌ॥ 7-14-47 (45214)
চেকিতানোঽনুবিন্দেন যুয়ুধে চাতিভৈরবম্।
যথা দেবাসুরে যুদ্ধে বলশক্রৌ মহাবলৌ॥ 7-14-48 (45215)
লক্ষ্মণঃ ক্ষত্রদেবেন বিমর্দমকরোদ্ভৃশম্।
যথা বিষ্ণুঃ পুরা রাজন্হিরণ্যাক্ষেণ সংয়ুগে॥ 7-14-49 (45216)
ততঃ প্রচলিতাশ্বেন বিধিবৎকল্পিতেন চ।
রথেনাভ্যপতদ্রাজন্সৌভদ্রং পৌরবো পৌরবো নদন্॥ 7-14-50 (45217)
ততোঽভ্যযাৎস ৎবরিতো যুদ্ধাকাঙ্ক্ষী মহাবলঃ।
তেন চক্রে মহদ্যুদ্ধমভিমন্যুররিন্দমঃ॥ 7-14-51 (45218)
পৌরবস্ৎবথ সৌভদ্রং শরব্রাতৈরবাকিরৎ।
তস্যার্জুনির্ধ্বজং ছত্রং ধনুশ্চোর্ব্যামপাতয়ৎ॥ 7-14-52 (45219)
সৌভদ্রঃ পৌরবং ৎবন্যৈর্বিদ্ধ্বা সপ্তভিরাশুগৈঃ।
পঞ্চভিস্তস্য বিব্যাধ হয়ান্সূনং চ সায়কৈঃ॥ 7-14-53 (45220)
ততঃ প্রহর্ষয়ন্সেনাং সিংহবদ্বিনদন্মুহুঃ।
সমাদত্তার্জুনিস্তূর্ণং পৌরবান্তকরং শরম্॥ 7-14-54 (45221)
তং তু সন্ধিতমাজ্ঞায় সায়কং ঘোরদর্শনম্।
দ্বাভ্যাং শরাভ্যাং হার্দিক্যশ্চিচ্ছেদ সশরং ধনুঃ॥ 7-14-55 (45222)
তদুৎসৃজ্য ধনুশ্ছিন্নং সৌভদ্রঃ পরবীরহা।
উদ্ববর্হ সিতং খঙ্গমাদদনাঃ শরাবরম্॥ 7-14-56 (45223)
স তেনানেকতারেণ চর্মণা কৃতহস্তবৎ।
ভ্রান্তাসিনা চরন্মার্গান্দর্শয়ন্বীর্যমাত্মনঃ॥ 7-14-57 (45224)
ভ্রামিতং পুনরুদ্ধান্তমাধূতং পুনরুত্থিতম্।
চর্মনিস্ত্রিংশয়ো রাজন্নির্বিশেষমদৃশ্যত॥ 7-14-58 (45225)
স পৌরবরথস্যেষামাপ্লুত্য সহসা নদন্।
পৌরবং রথমাস্থায় কেশপক্ষে পরামৃশৎ॥ 7-14-59 (45226)
জঘানাস্য পদা সূতমসিনা পাতয়দ্ধৃজম্।
বিক্ষোভ্যাম্ভোনিধিং তার্ক্ষ্যস্তং নাগমিব চাক্ষিপৎ॥ 7-14-60 (45227)
তমাগলিতকেশান্তং দদৃশুঃ সর্বপার্থিবাঃ।
উক্ষাণমিব সিংহেন পাত্যমানমচেতসম্॥ 7-14-61 (45228)
তমার্জুনিবশং প্রাপ্তং কৃষ্যমাণমনাথবৎ।
পৌরবং পাতিতং দৃষ্ট্বা নামৃষ্যত জয়দ্রূথঃ॥ 7-14-62 (45229)
স বর্হিবর্হাবততং কিঙ্কিণীশতজালবৎ।
চর্ম চাদায় খঙ্গং চ নদন্পর্যপতদ্রথাৎ॥ 7-14-63 (45230)
ততঃ সৈন্ধবমালোক্য কার্ষ্ণিরুৎসৃজ্য পৌরবম্।
উৎপপাত রথাত্তূর্ণং শ্যেনবন্নিপপাত চ। 7-14-64 (45231)
প্রাসপট্টিশনিস্ত্রিংশাঞ্ছত্রুভিঃ সম্প্রচোদিতান্।
চিচ্ছেদ চাসিনা কার্ষ্ণিশ্চর্মণা সংরুরোধ চ॥ 7-14-65 (45232)
স দর্শয়িৎবা সৈন্যানাং স্ববাহুবলমাত্মনঃ।
তমুদ্যম্য মহাখঙ্গং চর্ম চাথ পুনর্বলী॥ 7-14-66 (45233)
বৃদ্ধক্ষত্রস্য দায়াদং পিতুরত্যন্তবৈরিণম্।
সসারাভিমুখঃ শূরঃ শার্দূল ইব কুঞ্জরম্॥ 7-14-67 (45234)
তৌ পরস্পরমাসাদ্য খহ্গদন্তনখায়ুধৌ।
হৃষ্টবৎসম্প্রজহাতে ব্যাঘ্রকেসরিণাবিব॥ 7-14-68 (45235)
সম্পাতেষ্বভিঘাতেষু নিপাতেষ্বসিচর্মণোঃ।
ন তয়োরন্তরং কশ্চিদ্দদর্শ নরসিংহয়োঃ॥ 7-14-69 (45236)
অবক্ষেপোঽসিনির্হাদঃ শস্ত্রান্তরনিদর্শনম্।
বাহ্যান্তরনিপাতশ্চ নির্বিশেমদৃশ্যত॥ 7-14-70 (45237)
বাহ্যমাভ্যন্তরং চৈব চরন্তৌ মার্গমুত্তমম্।
দদৃশাতে মহাত্মানৌ সপক্ষাবিব পর্বতৌ॥ 7-14-71 (45238)
ততো বিক্ষিপতঃ খঙ্গং সৌভদ্রস্য যশস্বিনঃ।
শরাবরণপক্ষান্তে প্রজহার জয়দ্রথঃ॥ 7-14-72 (45239)
রুক্মপত্রান্তরে সক্তস্তস্মিংশ্চর্মণি ভাস্বরে।
সিন্ধুরাজবলোদ্ধূতঃ সোঽভজ্যত মহানসিঃ॥ 7-14-73 (45240)
ভগ্নমাজ্ঞায় নিস্ত্রিংশমবপ্লুত্য পদানি ষট্।
অদৃশ্যত নিমেষেণ স্বরথং পুনরাস্থিতঃ॥ 7-14-74 (45241)
তং কার্ষ্ণিং সমরান্মুক্তমাস্থিতং রথমুত্তমম্।
সহিতাঃ সর্বরাজানঃ পরিবব্রুঃ সমন্ততঃ॥ 7-14-75 (45242)
ততশ্চর্ম চ খঙ্গং চ সমুৎক্ষিপ্য মহাবলঃ।
ননাদার্জুনদায়াদঃ প্রেক্ষমাণো জয়দ্রথম্॥ 7-14-76 (45243)
সিন্ধুরাজং পরিত্যজ্য সৌভদ্রঃ পরবীরহা।
তাপয়ামাস তৎসৈন্যং ভুবনং ভাস্করো যথা॥ 7-14-77 (45244)
তস্য সর্বায়সীং শক্তিং শল্যঃ কনকভূষণাম্।
চিক্ষেপ সমরে ঘোরাং দীপ্তামগ্নিশিখামিব॥ 7-14-78 (45245)
তামবপ্লুত্য জগ্রাহ বিকোশং চাকরোদসিম্।
বৈনতেয়ো যথা কার্ষ্ণিঃ পতন্তমুরগোত্তমম্॥ 7-14-79 (45246)
তস্য লাষবমাজ্ঞায় সৎবং চামিততেজসঃ।
সহিতাঃ সর্বরাজানঃ সিংহনাদমথানদন্॥ 7-14-80 (45247)
ততস্তামেব শল্যস্য সৌভদ্রঃ পরবীরহা।
মুমোচ ভুজবীর্যেণ বৈদূর্যবিকৃতাং শিতাম্॥ 7-14-81 (45248)
সা তস্য রথমাসাদ্য নির্মুক্তভুজগোপমা।
জঘান সূতং শল্যস্য রথাচ্চৈনমপাতয়ৎ॥ 7-14-82 (45249)
ততো বিরাটদ্রুপদৌ ধৃষ্টকেতুর্যুধিষ্ঠিরঃ।
সাত্যকিঃ কেকয়া ভীমো ধৃষ্টদ্যুম্নশিখণ্ডিনৌ॥ 7-14-83 (45250)
যমৌ চ দ্রৌপদেয়াশ্চ সাধুসাধ্বিতি চুক্রুশুঃ।
বাণশব্দাশ্চ বিবিধাঃ সিংহনাদাশ্চ পুষ্কলাঃ॥ 7-14-84 (45251)
প্রাদুরাসন্হর্ষয়ন্তঃ সৌভদ্রমপলায়িনম্।
তন্নামৃষ্যন্ত পুত্রাস্তে শত্রোর্বিজয়লক্ষণম্॥ 7-14-85 (45252)
অথৈনং সহসা সর্বে সমন্তান্নিশিতৈঃ শরৈঃ।
অভ্যাকিরন্মহারাজ জলদা ইব পর্বতম্॥ 7-14-86 (45253)
তেষাং চ প্রিয়মন্বিচ্ছন্সূতস্য চ পরাভবম্।
আর্তায়নিরমিত্রঘ্নঃ ক্রুদ্ধঃ সৌভদ্রমভ্যযাৎ॥ ॥ 7-14-87 (45254)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি একাদশদিবসয়ুদ্ধে চতুর্দশোঽধ্যায়ঃ॥ 14 ॥
Mahabharata - Drona Parva - Chapter Footnotes
5-14-5 শুচিসঙ্ক্ষয়ে গ্রীষ্মান্তে॥ 5-14-16 প্রাণিন এব বাজিনঃ পক্ষিণঃ॥ 5-14-87 পরাভবং প্রেক্ষ্যেতি শেষঃ॥ 5-14-14 চতুর্দশোঽধ্যায়ঃ॥দ্রোণপর্ব - অধ্যায় 015
॥ শ্রীঃ ॥
7.15. অধ্যায়ঃ 015
Mahabharata - Drona Parva - Chapter Topics
Mahabharata - Drona Parva - Chapter Text
7-15-0 (45255)
॥ 7-15-50 (45306)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি
Mahabharata - Drona Parva - Chapter Footnotes
5-15-1 5-15- 5-15- 5-15- 5-15- 5-15- 5-15- 5-15- 5-15- 5-15- 5-15- 5-15-দ্রোণপর্ব - অধ্যায় 016
॥ শ্রীঃ ॥
7.16. অধ্যায়ঃ 016
Mahabharata - Drona Parva - Chapter Topics
দ্রোণেন যুধিষ্ঠিরগ্রহণোদ্যমে অর্জুমেন তদ্ভঙ্গঃ॥ 1 ॥Mahabharata - Drona Parva - Chapter Text
7-16-0 (45307)
সঞ্জয় উবাচ। 7-16-0x (4297)
তদ্বলং সুমহদ্দীর্ণং ৎবদীয়ং প্রেক্ষ্য বীর্যবান্।
দধারৈকো রণে পাণ্ডূন্বৃষসেনোঽস্ত্রমায়যা॥ 7-16-1 (45308)
শরা দশ দিশো মুক্তা বৃষসেনেন সংয়ুগে।
বিচেরুস্তে বিনির্ভিদ্য নরবাজিরথদ্বিপান্॥ 7-16-2 (45309)
তস্য দীপ্তা মহাবাণা বিবিশ্চেরুঃ সহস্রশঃ।
ভানোরিব মহারাজ ঘর্মকালে মরীচয়ঃ॥ 7-16-3 (45310)
তেনার্দিতা মহারাজ রথিনঃ সাদিনস্তথা।
নিপেতুরুর্ব্যাং সহসা বাতভগ্না ইব দ্রুমাঃ॥ 7-16-4 (45311)
হয়ৌঘাংশ্চ রথৌঘাংশ্চ গজৌঘাংশ্চ মহারথঃ।
অপাতয়দ্রণে রাজঞ্শতশোঽথ সহস্রশঃ॥ 7-16-5 (45312)
দৃষ্ট্বা তমেকং সমরে বিচরন্তমভীতবৎ।
সহিতাঃ সর্বরাজানঃ পরিবব্রুঃ সমন্ততঃ॥ 7-16-6 (45313)
নাকুলিস্তু শতানীকো বৃষসেনং সমভ্যযাৎ।
বিব্যাধ চৈনং দশভির্নারাচৈর্মর্মভেদিভিঃ॥ 7-16-7 (45314)
তস্য কর্ণাত্মজশ্চাপং ছিত্ৎবা কেতুমপাতয়ৎ।
তং ভ্রাতরং পরীপ্সন্তো দ্রৌপদেয়াঃ সমভ্যযুঃ॥ 7-16-8 (45315)
কর্ণাত্মজং শরব্রাতৈরদৃশ্যং চক্রুরঞ্জসা।
তান্নদন্তোঽভ্যধাবন্ত দ্রোণপুত্রমুখা রথাঃ॥ 7-16-9 (45316)
ছাদয়ন্তো মহারাজ দ্রৌপদেয়ান্মহারথান্।
শরৈর্নানাবিধৈস্তূর্ণং পর্বতাঞ্জলদা ইব॥ 7-16-10 (45317)
তান্পাণ্ডবাঃ প্রত্যগৃহ্ণংস্ৎবরিতাঃ পুত্রগৃদ্ধিনঃ।
পাঞ্চালাঃ কেকয়া মৎস্যাঃ সৃঞ্জয়াশ্চোদ্যতায়ুধাঃ॥ 7-16-11 (45318)
তদ্যুদ্ধমভবদ্ধোরং সুমহদ্রোমহর্ষণম্।
ৎবদীয়ৈঃ পাণ্ডুপুত্রাণাং দেবানামিব দানবৈঃ॥ 7-16-12 (45319)
এবং যুয়ুধিরে বীরাঃ সংরব্ধাঃ কুরুপাণ্ডবাঃ।
পরস্পরমুদীক্ষন্তঃ পরস্পরকৃতাগসঃ॥ 7-16-13 (45320)
তেষাং দদৃশিরে কোপাদ্বপূম্ষ্যমিততেজসাম্।
যুয়ুৎসূনামিবাকাশে পতত্ত্রিবরভোগিনাম্॥ 7-16-14 (45321)
ভীমকর্ণকৃপদ্রোণদ্রৌণিপার্ষতসাত্যকৈঃ।
বভাসে স রণোদ্দেশঃ কালসূর্যৈরিবোদিতৈঃ॥ 7-16-15 (45322)
`প্রজানাং সংক্ষয়ে ঘোরে যথা সূর্যোদয়ো ভবেৎ।
শূরাণামুদয়স্তদ্বদাসীৎপুরুষসত্তম'॥ 7-16-16 (45323)
তদাসীত্তুমুলং যুদ্ধং নিঘ্নতামিতরেতরম্।
মহাবলানাং বলিভির্দানবানাং যথা সুরৈঃ॥ 7-16-17 (45324)
ততো যুধিষ্ঠিরানীকমুদ্ধূতার্ণবনিঃস্বনম্।
ৎবদীয়মবধীৎসৈন্যং সংপ্রদ্রুতমহারথম্॥ 7-16-18 (45325)
তৎপ্রভগ্নং বলং দৃষ্ট্বা শত্রুভির্ভৃশমর্দিতম্।
অলং দ্রুতেন বঃ শূরা ইতি দ্রোণোঽভ্যভাষত॥ 7-16-19 (45326)
`ভারদ্বাজমমর্ষশ্চ বিক্রমশ্চ সমাবিশৎ।
সমুদ্ধৃত্য নিষঙ্গাচ্চ ধনুর্জ্যামবমৃজ্য চ।
মহাশরধনুষ্পাণির্যন্তারমিদমব্রবীৎ॥ 7-16-20 (45327)
সারথে যাহি যত্রৈষ পাণ্ডরেণ বিরাজতা।
ধ্রিয়মাণেন চ্ছেণ রাজা তিষ্ঠতি ধর্মরাট্॥ 7-16-21 (45328)
তদেতদ্দীর্যতে সৈন্যং ধার্তরাষ্ট্রমনেকধা।
এতৎসংস্তম্ভয়িষ্যামি প্রতিবার্য যুধিষ্ঠিরম্॥ 7-16-22 (45329)
ন হি মামভিবর্ষন্তং সংয়ুগে তাত পাণ্ডবাঃ।
মাৎস্যপাঞ্চালরাজানঃ সর্বে চ সহসোমকাঃ॥ 7-16-23 (45330)
অর্জুনো মৎপ্রসাদাদ্ধি মহাস্ত্রাণি সমাপ্তবান্।
ন মামুৎসহতে তাত ন ভীমো ন চ সাত্যকিঃ॥ 7-16-24 (45331)
মৎপ্রসাদাদ্ধি বীভৎসুঃ পরমেষ্বাসতাং গতঃ।
মমৈবাস্ত্রং বিজানাতি ধৃষ্টদ্যুম্নোঽপি পার্ষতঃ॥ 7-16-25 (45332)
নায়ং সংরক্ষিতুং কালঃ প্রাণাংস্তাত জয়ৈষিণা।
যাহি সর্গং পুরস্কৃত্য যশসে চ জয়ায় চ॥ 7-16-26 (45333)
সঞ্জয় উবাচ। 7-16-27x (4298)
এবং সঞ্চোদিতো যন্তা দ্রোণমভ্যবহত্ততঃ॥ 7-16-27 (45334)
তদাঽশ্বহৃদয়েনাশ্বানভিমন্ত্র্যাশু হর্ষয়ন্।
রথেন সবরূথেন ভাস্বরেণ বিরাজতা॥ 7-16-28 (45335)
তং করূশাশ্চ মাৎস্যাশ্চ চেদয়শ্চ সসাৎবতাঃ।
পাণ্ডবাশ্চ সপাঞ্চালাঃ সহিতাঃ পর্যবারয়ন্'॥ 7-16-29 (45336)
ততঃ শোণহয়ঃ ক্রুদ্ধশ্চতুর্দন্ত ইব দ্বিপঃ।
প্রবিশ্য পাণ্ডবানীকং যুধিষ্ঠিরমুপাদ্রবৎ॥ 7-16-30 (45337)
তমাবিধ্যচ্ছিতৈর্বাণৈঃ কঙ্কপত্রৈর্যুধিষ্ঠিরঃ।
তস্য দ্রোণো ধনুশ্ছিৎবা তং দ্রুতং সমুপাদ্রবৎ॥ 7-16-31 (45338)
চক্ররক্ষঃ কুমারস্তু পাঞ্চালানাং যশস্করঃ।
দধার দ্রোণমায়ান্তং বেলেব সরিতাং পতিম্॥ 7-16-32 (45339)
দ্রোণং নিবারিতং দৃষ্ট্বা কুমারেণ দ্বিজর্ষভম্।
সিংহনাদরবো হ্যাসীৎসাধুসাধ্বিতি ভাষিতম্॥ 7-16-33 (45340)
কুমারস্তু ততো দ্রোণং সায়কেন মহাহবে।
বিব্যাধোরসি সঙ্ক্রুদ্ধঃ সিংহবচ্চ নদন্মুহুঃ॥ 7-16-34 (45341)
সংবার্য চ রণে দ্রোণং কুমারস্তু মহাবলঃ।
শরৈরনেকসাহস্রৈঃ কৃতহস্তো জিতশ্রমঃ॥ 7-16-35 (45342)
তং শূরমার্যব্রতিনং মন্ত্রাস্ত্রেষু কৃতশ্চমম্।
চক্ররক্ষতং পরামৃদ্রাৎকুমারং দ্বিজপুঙ্গবঃ॥ 7-16-36 (45343)
স মধ্যং প্রাপ্য সৈন্যানাং সর্বাঃ প্রবিচরন্দিশঃ।
তব সৈন্যস্য গোপ্তাসীদ্ভারদ্বাজো দ্বিজর্ষভঃ॥ 7-16-37 (45344)
শিখণ্ডিনং দ্বাদশভির্বিংশত্যা চোত্তমৌজসম্।
নকুলং পঞ্চভির্বিদ্ধ্বা সহদেবং চ সপ্তভিঃ॥ 7-16-38 (45345)
যুধিষ্ঠিরং দ্বাদশভির্দ্রৌপদেয়াংস্ত্রিভিস্ত্রিভিঃ।
সাত্যকিং পঞ্চভির্বিদ্ধ্বা মৎস্যং চ দশভিঃ শরৈঃ॥ 7-16-39 (45346)
ব্যক্ষোভয়দ্রণে যোধান্যথামুখ্যমভিদ্রবন্।
অভ্যবর্ততং সম্প্রেপ্সুঃ কুন্তীপুত্রং যুধিষ্ঠিরম্॥ 7-16-40 (45347)
যুগন্ধরস্ততো রাজন্ভারদ্বাজং মহারথম্।
বারয়ামাস সঙ্ক্রুদ্বং বাতোদ্ধতমিবার্ণবম্॥ 7-16-41 (45348)
যুধিষ্ঠিরং স বিদ্ধ্বা তু শরৈঃ সন্নতপর্বভিঃ।
যুগন্ধরং তু ভল্লনে রথনীডাদপাতয়ৎ॥ 7-16-42 (45349)
`তং বিজিত্য মহাতেজা ভারদ্বাজো মহামনাঃ।
অভ্যবর্তত সম্প্রেপ্সুঃ কুন্তীপুত্রং যুধিষ্ঠিরম্'॥ 7-16-43 (45350)
ততো বিরাটদ্রুপদৌ কেকয়াঃ সাত্যকিঃ শিবিঃ।
ব্যাঘ্রদত্তশ্চ পাঞ্চল্যঃ সিংহসেনশ্চ বীর্যবান্॥ 7-16-44 (45351)
এতে চান্যে চ বহবঃ পরীপ্সন্তো যুধিষ্ঠিরম্।
আবব্রুস্তস্য পন্থানং কিরন্তঃ সায়কান্বহূন্॥ 7-16-45 (45352)
ব্যাঘ্রদত্তস্তু পাঞ্চাল্যো দ্রোণং বিব্যাধ মার্গণৈঃ।
পঞ্চাশতা শিতৈ রাজংস্তত উচ্চুক্রুশুর্জনাঃ॥ 7-16-46 (45353)
ৎবরিতং সিংহসেনস্তু দ্রোণং বিদ্ধ্বা মহারথম্।
প্রাহসৎসহসা হৃষ্টস্ত্রাসয়ন্বৈ মহারথান্॥ 7-16-47 (45354)
ততো বিষ্ফার্য নয়নে ধনুর্জ্যামবমৃজ্য চ।
তলশব্দং মহৎকৃৎবা দ্রোণস্তং সমুপাদ্রবৎ॥ 7-16-48 (45355)
ততস্তু সিংহসেনস্য শিরঃ কায়াৎসকুণ্ডলম্।
ব্যাঘ্রদত্তস্য চাক্রম্য ভল্লাভ্যামাহরদ্বলী॥ 7-16-49 (45356)
তান্প্রমৃজ্য শরব্রাতৈঃ পাণ্ডবানাং মহারথান্।
যুধিষ্ঠিররথাভ্যাশে তস্থৌ মৃত্যুরিবান্তকঃ॥ 7-16-50 (45357)
ততোঽভবন্মহাশব্দো রাজন্যৌধিষ্ঠিরে বলে।
হৃতো রাজেতি যোধানাং সমীপস্থে যতব্রতে॥ 7-16-51 (45358)
অব্রুবন্সৈনিকাস্তত্র দৃষ্ট্বা দ্রোণস্য বিক্রমম্।
অদ্য রাজা ধার্তরাষ্ট্রঃ কৃতার্থো বৈ ভবিষ্যতি॥ 7-16-52 (45359)
অস্মিন্মহূর্তে দ্রোণস্তু পাণ্ডবং গৃহ্য হর্ষিতঃ।
আগমিষ্যতি নো নূনং ধার্তরাষ্ট্রস্য সংয়ুগে॥ 7-16-53 (45360)
এবং সঞ্জল্পতাং তেষাং তাবকানাং মহারথঃ।
আয়াজ্জবেন কৌন্তেয়ো রথঘোষেণ নাদয়ন্॥ 7-16-54 (45361)
শোণিতোদাং রথাবর্তাং কৃৎবা বিশসনে নদীম্।
শূরাস্থিচয়সঙ্কীর্ণাং প্রেতকূলাপহারিণীম্॥ 7-16-55 (45362)
তাং শরৌঘমহাফেনাং প্রাসমৎস্যসমাকুলাম্।
নদীমুত্তীর্য বেগেন কুরূন্বিদ্রাব্য পাণ্ডবঃ॥ 7-16-56 (45363)
ততঃ কিরীটি সহসা দ্রোণানীকমুপাদ্রবৎ।
ছাদয়ন্নিষুজালেন মহতা মোহয়ন্নিব॥ 7-16-57 (45364)
শীঘ্রমভ্যস্যতো বাণান্সন্দধানস্য চানিশম্।
নান্তরং দদৃশে কশ্চিৎকৌন্তেয়স্য যশস্বিনঃ॥ 7-16-58 (45365)
ন দিশো নান্তরিক্ষং চ ন দ্যৌর্নৈব চ মেদিনী।
অদৃশ্যন্ত মহারাজ বাণভূতা ইবাভবন্॥ 7-16-59 (45366)
নাদৃশ্যত তদা রাজংস্তত্র কিঞ্চন সংয়ুগে।
বাণান্ধকারে মহতি কৃতে গাণ্ডীবধন্বনা॥ 7-16-60 (45367)
সূর্যে চাস্তমনুপ্রাপ্তে তমসা চাভিসংবৃতে।
নাজ্ঞায়ত তদা শত্রুর্ন সুহৃন্ন চ কশ্চন। 7-16-61 (45368)
ততোঽবহারং চক্রুস্তে দ্রোণদুর্যোধনাদয়ঃ।
তান্বিদিৎবা পুনস্ত্রস্তা ন যুদ্ধমনসঃ পরান্॥ 7-16-62 (45369)
স্বান্যনীকানি বীভৎসুঃ শনকৈরবহারয়ৎ।
ততোঽভিতুষ্টুবুঃ পার্থং প্রহৃষ্টাঃ পাণ্ডুসৃঞ্জয়াঃ॥ 7-16-63 (45370)
পাঞ্চালাশ্চ মনোজ্ঞাভির্বাগ্ভিঃ সূর্যমিবর্ষয়ঃ।
এং স্বশিবিরং প্রায়াজ্জিৎবা শত্রূন্ধনঞ্জয়ঃ॥ 7-16-64 (45371)
পৃষ্ঠতঃ সর্বসৈন্যানাং মুদিতো বৈ সকেশবঃ॥
মসারগল্বর্কমুবর্ণরূপৈর্বজ্রপ্রবালস্ফটিকৈশ্চ মুখ্যৈঃ। 7-16-65 (45372)
চিত্রে রথে পাণ্ডুসুতো বভাসে নক্ষত্রচিত্রে বিয়তীব চন্দ্রঃ॥ ॥ 7-16-66 (45373)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি একাদশদিবসয়ুদ্ধে ষোডশোঽধ্যায়ঃ॥ 16 ॥
Mahabharata - Drona Parva - Chapter Footnotes
5-16-1 অস্ত্রমায়যা অস্ত্রকৌশলেন॥ 5-16-14 পতত্ত্রিবরভোগিনামিব পতত্ত্রিবরো গরুডঃ। ভোগিনঃ সর্পাঃ॥ 5-16-19 দ্রুতেন পলায়িতেন॥ 5-16-55 বিশসনে যুদ্ধে॥ 5-16-66 মসারঃ ইন্দ্রনীলঃ। গল্বর্কঃ পদ্মরাগঃ॥ 5-16-16 ষোডশোঽধ্যায়ঃ॥দ্রোণপর্ব - অধ্যায় 017
॥ শ্রীঃ ॥
7.17. অধ্যায়ঃ 017
Mahabharata - Drona Parva - Chapter Topics
সংশপ্তকৈরাহূতস্যার্জুনস্য যুধিষ্ঠিররক্ষণে সত্যজিতং নিয়োজ্য তান্প্রতি যুদ্ধায় গমনম্॥ 1 ॥Mahabharata - Drona Parva - Chapter Text
7-17-0 (45374)
সঞ্জয় উবাচ। 7-17-0x (4299)
তে সেনে শিবিরং গৎবা ন্যবিশেতাং বিশাম্পতে।
যথাভাগং যথান্যায়ং যথাগুল্মং চ সর্বশঃ॥ 7-17-1 (45375)
কৃৎবাঽবহারং সৈন্যানাং দ্রোণঃ পরমদুর্মনাঃ।
দুর্যোধনমভিপ্রেক্ষ্য সব্রীডমিদমব্রবীৎ॥ 7-17-2 (45376)
উক্তমেতন্ময়া পূর্বং ন তিষ্ঠতি ধন্জয়ে।
শক্যো গ্রহীতুং সঙ্গ্রামে দেবৈরপি যুধিষ্ঠিরঃ॥ 7-17-3 (45377)
ইতি তদ্বঃ প্রয়ততাং কৃতং পার্থেন সংয়ুগে।
মা বিশঙ্কীর্বচো মহ্যমজেয়ৌ কৃষ্ণপাণ্ডবৌ॥ 7-17-4 (45378)
অপনীতে তু যোগেন কেনচিচ্ছ্বেতবাহনে।
তত এষ্যতি তে রাজন্বশমেষ যুধিষ্ঠিরঃ॥ 7-17-5 (45379)
কশ্চিদাহূয় তং সঙ্খ্যে দেশমন্যং প্রকর্ষতু।
তমজিৎবা ন কৌন্তেয়ো নিবর্তেত কথঞ্চন॥ 7-17-6 (45380)
এতস্মিন্নন্তরে শূন্যেধর্মরাজমহং নৃপ।
গ্রহীষ্যামি চমূং ভিত্ৎবা ধৃষ্টদ্যুম্নস্য পশ্যতঃ॥ 7-17-7 (45381)
অর্জুনেন পরিত্যক্তো ন চেত্ত্রাসাৎপলায়তে।
মামুপায়ান্তমালোক্য গৃহীতং বিদ্ধি পাণ্ডবম্॥ 7-17-8 (45382)
এবং তেঽহং মহারাজ ধর্মপুত্রং যুধিষ্ঠিরম্।
সমানেষ্যামি সগণং বশমদ্য ন সংশয়ঃ॥ 7-17-9 (45383)
যদি তিষ্ঠতি সঙ্গ্রামে মুহূর্তমপি পাণ্ডবঃ।
অথাপয়াতি সঙ্গ্রামাদ্বিজয়াত্তদ্বিশিষ্যতে॥ 7-17-10 (45384)
সঞ্জয় উবাচ। 7-17-11x (4300)
দ্রোণস্য তদ্বচঃ শ্রুৎবা ত্রিগর্তাধিপতিস্তদা।
ভ্রাতৃভিঃ সহিতো রাজন্নিদং বচনমব্রবীৎ॥ 7-17-11 (45385)
বয়ং বিনিকৃতা রাজন্সদা গাণ্ডীবধন্বনা।
অনাগঃস্বপি চাগস্তৎকৃতমস্মাসু তেন বৈ॥ 7-17-12 (45386)
তে বয়ং স্মরমাণাস্তান্বিনিকারান্পৃথগ্বিধান্।
ক্রোধাগ্নিনা দহ্যমানা হ্যশেমহি সদা নিশি॥ 7-17-13 (45387)
স নো দিষ্ট্যাঽস্ত্রসম্পন্নশ্চক্ষুর্বিষয়মাগতঃ।
কর্তারঃ স্মরয়ং কর্ম যচ্চিকীর্ষাম হৃদ্গতম্॥ 7-17-14 (45388)
ভবতশ্চ প্রিয়ং যৎস্যাদস্মাকং চ যশস্করম্।
বয়মেনং হনিষ্যামো নিকৃষ্যায়োধনাদ্বহিঃ॥ 7-17-15 (45389)
অদ্যাস্ৎবনর্জুনা ভূমিরত্রিগর্তাঽবা পুনঃ।
সত্যং তে প্রতিজানীমো নৈতন্মিথ্যা ভবিষ্যতি॥ 7-17-16 (45390)
এবং সত্যরথশ্চোক্ৎবা সত্যবর্মা চ ভারত।
সত্যব্রতশ্চ সত্যেষুঃ সত্যকর্মা তথৈব চ॥ 7-17-17 (45391)
সহিতা ভ্রাতরঃ পঞ্চ রথানাময়ুতেন চ।
ন্যবর্তন্ত মহারাজ কৃৎবা শপথমাহবে॥ 7-17-18 (45392)
মালবাস্তুণ্ডিকেরাশ্চ রথানাময়ুতৈস্ত্রিভিঃ।
সুশর্মা চ নরব্যাঘ্রস্ত্রিগর্তঃ প্রস্থলাধিপঃ॥ 7-17-19 (45393)
মাবেল্লকৈর্ললিত্থৈশ্চ সহিতো মদ্রকৈরপি।
রথানাময়ুতেনৈব সোঽগমদ্ধাতৃভিঃ সহ॥ 7-17-20 (45394)
নানাজনপদেভ্যশ্চ রথানাময়ুতং পুনঃ।
সমুত্থিতং বিশিষ্টানাং শপথার্থমুপাগমৎ॥ 7-17-21 (45395)
ততো জ্বলনমানর্চ্য হুৎবা সর্বে পৃথক্পৃথক্।
জগৃহুঃ কুশচীরাণি চিত্রাণি কবচানি চ॥ 7-17-22 (45396)
তে চ বদ্ধতনুত্রাণা ঘৃতাক্তাঃ কুশচীরিণঃ।
মৌর্বীমেখলিনো বীরাঃ সহস্রশতদক্ষিণাঃ॥ 7-17-23 (45397)
যজ্বানঃ পুত্রিণো লোক্যাঃ কৃতকৃত্যাস্তনুত্যজঃ।
যোক্ষ্যমাণাস্তদাঽঽত্মানং যশসা বিজয়েন চ॥ 7-17-24 (45398)
ব্রহ্মচর্যুশ্রুতিমুখৈঃ ক্রতুভিশ্চাপ্তদক্ষিণৈঃ।
প্রাপ্যাঁল্লোকান্সুয়ুদ্ধেন ক্ষিপ্রমেব যিয়াসবঃ॥ 7-17-25 (45399)
ব্রাহ্মমাংস্তর্পয়িৎবা চ নিষ্কান্দৎবা পৃথক্পৃথক্।
গাশ্চ বাসাংসি চ পুনঃ সমাভাষ্য পরস্পরম্॥ 7-17-26 (45400)
`দ্বিজমুখ্যৈঃ সমুদিতৈঃ কৃতস্বস্ত্যযনাশিষঃ।
মুদিতাশ্চ প্রহৃষ্টাশ্চ জলং সংস্পৃশ্য নির্মলম্'॥ 7-17-27 (45401)
প্রজ্বাল্য কৃষ্ণবর্ত্মানমুপাগম্য রণব্রতম্।
তস্মিন্নগ্নৌ তদা চক্রুঃ প্রতিজ্ঞাং দৃঢনিশ্চয়াঃ॥ 7-17-28 (45402)
শৃণ্বতাং সর্বভূতানামুচ্চৈর্বাচো বভাষিরে।
সর্বে ধনঞ্জয়বধে প্রতিজ্ঞাং চাপি চক্রিরে। 7-17-29 (45403)
যে বৈ লোকাশ্চাব্রতিনাং যে চৈব ব্রহ্মঘাতিনাম্।
মদ্যপস্য চ যে লোকা গুরুদাররতস্য চ॥ 7-17-30 (45404)
ব্রহ্মস্বহারিণশ্চৈব রাজপিণ্ডাপহারিণঃ।
শরণাগতং চ ত্যজতো যাচমানং তথা ঘ্নতঃ॥ 7-17-31 (45405)
অগারদাহিনাং চৈব যে চ গাং নিঘ্নতামপি।
অপকারিণাং চ যে লোকা যে চ ব্রহ্মদ্বিষামপি॥ 7-17-32 (45406)
স্বভার্যামৃতুকালেষু মোহাদ্বৈ নাভিগচ্ছতাম্।
শ্রাদ্ধমৈথুনিকানাং চ যে চাপ্যাত্মাপহারিণাম্॥ 7-17-33 (45407)
ন্যাসাপহারিণাং যে চ শ্রুতং নাশয়তাং চ যে।
ক্লীবনে যুধ্যমানানাং যে চ নীচানুসারিণাম্॥ 7-17-34 (45408)
নাস্তিকানাং চ যে লোকা যেঽগ্নিমাতৃপিতৃত্যজাম্।
তানাপ্নুয়ামহে লোকান্যে চ পাপকৃতামপি॥ 7-17-35 (45409)
যদ্যহৎবা বয়ং যুদ্ধে নিবর্তেম ধনঞ্জয়ম্।
তেন চাভ্যর্দিতাস্ত্রাসাদ্ভবেমহি পরাঙ্মুখাঃ॥ 7-17-36 (45410)
যদি ৎবসুকরং লোকে কর্ম কুর্যাম সংয়ুগে।
ইষ্টাঁল্লোকান্প্রাপ্নুয়ামো বয়মদ্য ন সংশয়ঃ॥ 7-17-37 (45411)
এবমুক্ৎবা তদা রাজংস্তেঽভ্যবর্তন্ত সংয়ুগে।
আহ্বয়ন্তোঽর্জুনং বীরাঃ পিতৃজুষ্টাং দিশং প্রতি॥ 7-17-38 (45412)
আহূতস্তৈর্নরব্যাঘ্রৈঃ পার্থঃ পরপুরঞ্চয়ঃ।
ধর্মরাজমিদং বাক্যমপদান্তরমব্রবীৎ॥ 7-17-39 (45413)
আহূতো ন নিবর্তেয়মিতি মে ব্রতমাহিতম্।
সংশপ্তকাশ্চ মাং রাজন্নাহ্বয়ন্তি মহামৃধে॥ 7-17-40 (45414)
এষ চ ভ্রাতৃভিঃ সার্ধং সুশর্মাঽঽহ্বয়তে রণে।
বধায় সগণস্যাস্য মামনুজ্ঞাতুমর্হসি॥ 7-17-41 (45415)
নৈতচ্ছক্নোমি সংসোঢুমাহ্বানং পুরুষর্ষভ।
সত্যং তে প্রতিজানামি হতান্বিদ্ধি পরান্যুধি॥ 7-17-42 (45416)
যুধিষ্ঠির উবাচ। 7-17-42x (4301)
শ্রুতং তে তত্ৎবতস্তাত যদ্দ্রোণস্য চিকীর্ষিতম্।
যথা তদনৃতং তস্য ভবেতত্ৎবং সমাচর॥ 7-17-43 (45417)
দ্রোণো হি বলবাঞ্শূরঃ কৃতাস্ত্রশ্চ জিতশ্রমঃ।
প্রতিজ্ঞাতং চ তেনৈতদ্গ্রহণং মে মহারথ॥ 7-17-44 (45418)
অর্জুন উবাচ। 7-17-45x (4302)
অয়ং বৈ সত্যজিদ্রাজন্নদ্য ৎবাং রক্ষিতা যুধি।
ধ্রিয়মাণে চ পাঞ্চাল্যে নাচার্যঃ কামমাপ্স্যতি॥ 7-17-45 (45419)
হতে তু পুরুষব্যাঘ্রে রণে সত্যজিতি প্রভো।
সর্বৈরপি সমেতৈর্বা ন স্থাতব্যং কথংচন॥ 7-17-46 (45420)
সঞ্জয় উবাচ। 7-17-47x (4303)
অনুজ্ঞাতস্ততো রাজ্ঞা পরিষ্বক্তশ্চ ফল্গুনঃ।
প্রেম্ণা দৃষ্টশ্চ বহুধা হ্যাশিষশ্চাস্য যোজিতাঃ॥ 7-17-47 (45421)
বিহায়ৈনং ততঃ পার্থস্ত্রিগর্তান্প্রত্যযাদ্বলী।
ক্ষুধিতঃ ক্ষুদ্বিঘাতার্থং সিংহো মৃগগণানিব॥ 7-17-48 (45422)
ততো দৌর্যোধনং সৈন্যং মুদা পরময়া যুতম্।
ঋতেঽর্জুনং ভৃশং ক্রুদ্ধং ধর্মরাজস্য নিগ্রহে॥ 7-17-49 (45423)
ততোঽন্যোন্যেন তে সৈন্যে সমাজগ্মতুরোজসা।
গঙ্গাসরয়্বৌ বেগেন প্রাবৃষীবোল্বণোদকে॥ ॥ 7-17-50 (45424)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি সপ্তদশোঽধ্যায়ঃ॥ 17 ॥
Mahabharata - Drona Parva - Chapter Footnotes
5-17-5 যোগেন উপায়েন॥ 5-17-24 লোক্যাঃ পুণ্যলোকার্হাঃ॥ 5-17-25 ব্রহ্মচর্যং বেদব্রতাচরণম্। শ্রুতির্বেদাধ্যযনং তে এব মুখং প্রধানং যেষু তৈঃ। কর্মভিরিতি শেষঃ॥ 5-17-33 আত্মাপহারিণাং স্বজাতিগোপকানাম্॥ 5-17-34 শ্রুতং প্রতিজ্ঞাতম্॥ 5-17-39 অপদান্তরমব্যবহিতম্॥ 5-17-17 সপ্তদশোঽধ্যায়ঃ॥দ্রোণপর্ব - অধ্যায় 018
॥ শ্রীঃ ॥
7.18. অধ্যায়ঃ 018
Mahabharata - Drona Parva - Chapter Topics
অর্জুনস্য সংশপ্তকৈঃ সহ যুদ্ধম্॥ 1 ॥Mahabharata - Drona Parva - Chapter Text
7-18-0 (45425)
সঞ্জয় উবাচ। 7-18-0x (4304)
ততঃ সংশপ্তকা রাজন্সমে দেশে ব্যবস্থিতাঃ।
ব্যূঢানীকৈ রথৈরেব চন্দ্রার্ধাখ্যৈর্মুদা যুতাঃ॥ 7-18-1 (45426)
তে কিরীটিনমায়ান্তং দৃষ্ট্বা হর্ষেণ মারিষ।
`অতীব সম্প্রহৃষ্টাস্তে হ্যুপলক্ষ্য ধনঞ্জয়ম্'।
উদক্রোশন্নরব্যাঘ্রাঃ শব্দেন মহতা তদা॥ 7-18-2 (45427)
স দিশঃ প্রদিশঃ সর্বা নভশ্চৈব সমাবৃণোৎ।
আবৃতৎবাচ লোকস্য নাসীত্তত্র প্রতিস্বনঃ॥ 7-18-3 (45428)
সোঽতীব সংপ্রহৃষ্টাংস্তানুপলভ্য ধনঞ্জয়ঃ।
কিঞ্চিদভ্যুৎস্ময়ন্কৃষ্ণমিদং বচনমব্রবীৎ॥ 7-18-4 (45429)
দেবকীপুত্র পশ্যেমান্মুমূর্ষূনদ্য সংয়ুগে।
ভ্রাতৄংস্ত্রৈগর্তকানেতান্রোদিতব্যে প্রহর্ষিতান্॥ 7-18-5 (45430)
অথবা হর্ষকালোঽয়ং ত্রৈগর্তানামসংশয়ম্।
কুনরৈর্দুরবাপান্হি লোকান্প্রাপ্স্যন্তি সংয়ুগে।
`ময়া হতা হিং সঙ্গ্রামে লোকান্প্রাপ্স্যন্তি পুষ্কলান্'
এবমুক্ৎবা মহাবাহুর্হৃষীকেশং ততোঽর্জুনঃ।
আসসাদ রণে ব্যূঢাং ত্রিগর্তানামনীকিনীম্॥ 7-18-6 (45431)
স দেবদত্তমাদায় শঙ্খং হেমপরিষ্কৃতম্।
দধ্মৌ বেগেন মহতা ঘোষেণাপূরয়ন্দিশঃ॥ 7-18-8 (45432)
তেন শব্দেন বিত্রস্তা সংশপ্তকবরূথিনী।
বিচেষ্টাঽবস্থিতা সঙ্খ্যে হ্যশ্মসারময়ী যথা॥ 7-18-9 (45433)
`সা সেনা ভরতশ্রেষ্ঠ নিশ্চেষ্টা শুশুভে তদা।
চিত্রে পটে যথা ন্যস্তা কুশলৈঃ শিল্পিভির্নরৈঃ॥ 7-18-10 (45434)
স্বনেন তেন সৈন্যানাং দিবমাবৃণ্বতা তদা।
সস্বনা পৃথিবী সর্বা তথৈব চ মহোদধিঃ।
স্বনেন তেন সৈন্যানাং কর্ণাস্তু বধিরীকৃতাঃ'॥ 7-18-11 (45435)
বাহাস্তেষাং বিবৃত্তাক্ষাঃ স্তব্ধকর্ণশিরোধরাঃ।
বিষ্টব্ধচরণা মূত্রং রুধিরং চ প্রসুস্রুবুঃ।
`ততো ব্যুপারমচ্ছব্দঃ প্রহৃষ্টাস্তে ততোঽভবন্'॥ 7-18-12 (45436)
উপলভ্য ততঃ সংজ্ঞামবস্থাপ্য চ বাহিনীম্।
যুগপৎপাণ্ডুপুত্রায় চিক্ষিপুঃ কঙ্কপত্রিণঃ॥ 7-18-13 (45437)
তানর্জুনঃ সহস্রাণি দশপঞ্চভিরাশুগৈঃ।
অনাগতানেব শরৈশ্চিচ্ছেদাশু পরাক্রমী॥ 7-18-14 (45438)
ততো়র্জুনং শিতৈর্বাণৈর্দশভির্দশভিঃ পুনঃ।
প্রাবিধ্যন্ত ততঃ পার্থস্তানবিধ্যত্ত্রিভিস্ত্রিভিঃ॥ 7-18-15 (45439)
একৈকস্তু ততঃ পার্থং রাজন্বিব্যাধ পঞ্চভিঃ।
স চ তান্প্রতিবিব্যাধ দ্বাভ্যাং দ্বাভ্যাং পরাক্রমী॥ 7-18-16 (45440)
ভূয় এব তু সঙ্ক্রুদ্ধাস্ৎবর্জুনং সহকেশবম্।
আপূরয়ঞ্শরৈস্তীক্ষ্ণৈস্তটাকমিব বৃষ্টিভিঃ॥ 7-18-17 (45441)
ততঃ শরসহস্রাণি প্রাপতন্নর্জুনং প্রতি।
ভ্রমরাণামিব ব্রাতাঃ ফুল্লং দ্রুমগণং বনে॥ 7-18-18 (45442)
ততঃ সুবাহুস্ত্রিংশদ্ভিরদ্রিসারময়ৈঃ শরৈঃ।
অবিধ্যদিষুভির্গাঢং কিরীটে সব্যসাচিনম্॥ 7-18-19 (45443)
তৈঃ কিরীটি কিরীটস্থৈর্হেমপুঙ্খৈরজিহ্মগৈঃ।
শাতকুম্ভময়াপীডো বভৌ যূপ ইবোচ্ছ্রিতঃ॥ 7-18-20 (45444)
হস্তাবাপং সুবাহোস্তু ভল্লেন যুধি পাণ্ডবঃ।
চিচ্ছেদ তং চৈব পুনঃ শরবর্ষৈরবাকিরৎ॥ 7-18-21 (45445)
ততঃ সুশর্মা দশভিঃ সুরথস্তু কিরীটিনম্।
সুধর্মা সুধনুশ্চৈব সুবাহুশ্চ সমার্পয়ৎ॥ 7-18-22 (45446)
তাংস্তু সর্বান্পৃথগ্বাণৈর্বানরপ্রবরধ্বজঃ।
প্রত্যবিধ্যদ্ধ্বজাংশ্চৈষাং ভল্লৈশ্চিচ্ছেদ সায়কান্॥ 7-18-23 (45447)
সুধন্বনো ধনুশ্ছিত্ৎবা হয়াংশ্চাস্যাবধীচ্ছরৈঃ।
অথাস্য সশিরস্ত্রাণং শিরঃ কায়াদপাতয়ৎ॥ 7-18-24 (45448)
`জহার পার্থঃ সৈন্যেষু সহস্রে দ্বে চ যোধিনাম্'।
তস্মিন্নিপতিতে বীরে ত্রস্তাস্তস্য পদানুগাঃ॥ 7-18-25 (45449)
`ভূয়িষ্ঠং প্রতিরুদ্ধা যে হতৈর্যোধৈর্যশস্বিনঃ'।
ব্যদ্রবন্ত ভয়াদ্ভীতা যত্র দৌর্যোধনং বলম্॥ 7-18-26 (45450)
ততো জঘানং সঙ্ক্রুদ্ধো বাসবিস্তাং মহাচমূম্।
শরজালৈরবিচ্ছিন্নৈস্তমঃ সূর্য ইবাংশুভিঃ॥ 7-18-27 (45451)
ততো ভগ্নে বলে তস্মিন্বিপ্রলীনে সমন্ততঃ।
সব্যসাচিনি সঙ্ক্রুদ্বে ত্রৈগর্তান্ভয়মাবিশৎ॥ 7-18-28 (45452)
তে বধ্যমানাঃ পার্থেন শরৈঃ সন্নতপর্বভিঃ।
অমুহ্যংস্তত্রতত্রৈব ত্রস্তা মৃগগণা ইব॥ 7-18-29 (45453)
ততস্ত্রিগর্তরাট্ ক্রুদ্ধস্তানুবাচ মহারথান্।
অলং দ্রুতেন বঃ শূরা ন ভয়ং কর্তুমর্হথ॥ 7-18-30 (45454)
শপ্ৎবাঽথ শপথান্ঘোরান্সর্বসৈন্যস্য পশ্যতঃ।
গৎবা দৌর্যোধনং সৈন্যং কিং বৈ বক্ষ্যথ মুখ্যশঃ। 7-18-31 (45455)
নাবহাস্যাঃ কথং লোকে কর্মণাঽনেন সংয়ুগে।
ভবেম সহিতাঃ সর্বে নিবর্তধ্বং যথাবলম্॥ 7-18-32 (45456)
এবমুক্তাস্তু তে রাজন্নুদক্রোশন্মুহুর্মুহুঃ।
শঙ্খাংশ্চ দধ্মিরে বীরা হর্ষয়ন্তঃ পরস্পরম্॥ 7-18-33 (45457)
ততস্তে সন্ন্যবর্তন্তং সংশপ্তকগণাঃ পুনঃ।
নারায়ণাশ্চ গোপালা মৃত্যুং কৃৎবাঽনিবর্তনম্॥ ॥ 7-18-34 (45458)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি অষ্টাদশোঽধ্যায়ঃ॥ 18 ॥
Mahabharata - Drona Parva - Chapter Footnotes
5-18-1 ব্যুহ্যানীকং রথৈরেব চন্দ্রাকারং মুদা যুতাঃ ইতি ঝ পাঠঃ॥ 5-18-18 অষ্টাদশোঽধ্যায়ঃ॥দ্রোণপর্ব - অধ্যায় 019
॥ শ্রীঃ ॥
7.19. অধ্যায়ঃ 019
Mahabharata - Drona Parva - Chapter Topics
অর্জুনস্য সংশপ্তকৈঃ সহ যুদ্ধম্॥ 1 ॥Mahabharata - Drona Parva - Chapter Text
7-19-0 (45459)
সঞ্চ উবাচ। 7-19-0x (4305)
দৃষ্টা তু সন্নিবৃত্তাংস্তান্সংশপ্তকগণান্পুনঃ।
বাসুদেবং মহাত্মানমর্জুনঃ সমভাষত॥ 7-19-1 (45460)
চোদয়াশ্বান্হৃষীকেশ সংশপ্তকগণান্প্রতি।
নৈতে হাস্যন্তি সঙ্গ্রামং জীবন্ত ইতি মে মতিঃ॥ 7-19-2 (45461)
পশ্য মেঽস্ত্রবলং ঘোরং বাহ্বোরিষ্বসনস্য চ।
অদ্যৈতান্পাতয়িষ্যামি ক্রুদ্ধো রুদ্রঃ পশূনিব॥ 7-19-3 (45462)
সঞ্জয় উবাচ। 7-19-4x (4306)
ততঃ কৃষ্ণঃ স্মিতং কৃৎবা প্রতিনন্দ্য শিবেন তম্।
প্রাবেশয়ত দুর্ধর্ষো যত্রয়ত্রৈচ্ছদর্জুনঃ॥ 7-19-4 (45463)
স রথো ভ্রাজতেঽত্যর্থমুহ্যমানো রণে তদা।
উহ্যমানমিবাকাশে বিমানং পাণ্ডুরৈর্হয়ৈঃ॥ 7-19-5 (45464)
মণ্ডলানি ততশ্চক্রে গতপ্রত্যাগতানি চে।
যথা শক্ররথো রাজন্যুদ্ধে দেবাসুরে পুরা॥ 7-19-6 (45465)
অথ নারায়ণাঃ ক্রুদ্ধা বিবিধায়ুধপাণয়ঃ।
ছাদয়ন্তঃ শরব্রাতৈঃ পরিবব্রুর্ধনঞ্জয়ম্॥ 7-19-7 (45466)
অদৃশ্যং চ মুহূর্তেন চক্রুস্তে ভরতর্ষভ।
কৃষ্ণেন সহিতং যুদ্ধে কুন্তীপুত্রং ধনঞ্জয়ম্॥ 7-19-8 (45467)
ক্রুদ্ধস্তু ফল্গুনঃ সঙ্খ্যে দ্বিগুণীকৃতবিক্রমঃ।
গাণ্ডীবং ধনুরামৃজ্য তূর্ণং জগ্রাহ সংয়ুগে॥ 7-19-9 (45468)
বদ্ধ্বা চ ভ্রুকুটিং বক্ত্রে ক্রোধস্য প্রতিলক্ষণম্।
দেবদত্তং মহাশঙ্খং পূরয়ামাস পাণ্ডবঃ॥ 7-19-10 (45469)
অথাস্ত্রমরিসঙ্ঘঘ্নং ৎবাষ্ট্রমভ্যস্যদর্জুনঃ।
ততো রূপসহস্রাণি প্রাদুরাসন্পৃথক্পৃথক্॥ 7-19-11 (45470)
অর্জুনপ্রতিরূপৈস্তৈর্নানারূপৈর্বিমোহিতাঃ।
অন্যোন্যেনার্জুনং মৎবা স্বমাত্মানং চ জঘ্নিরে॥ 7-19-12 (45471)
অয়মর্জুনোঽয়ং গোবিন্দ ইমৌ পাণ্ডবয়াদবৌ।
ইতি ব্রুবাণাঃ সংমূঢা জঘ্নুরন্যোন্যমাহবে॥ 7-19-13 (45472)
`অন্যোন্যং সমরে জঘ্নুস্তাবকা ভরতর্ষভ'।
মোহিতাঃ পরমাস্ত্রেণ ক্ষয়ং জগ্মুঃ পরস্পরম্॥ 7-19-14 (45473)
`রুধিরোক্ষিতগাত্রাস্তে প্রেক্ষমাণঃ পরস্পরম্'।
অশোভন্ত রণে যোধাঃ পুষ্পিতা ইব কিংশুকাঃ॥ 7-19-15 (45474)
`রুধিরোৎপীডনাস্তে তু রুধিরেণ সমুক্ষিতাঃ।
চন্দনস্য রসেনেব ব্যভ্রাজন্ত রণাজিরে॥ 7-19-16 (45475)
ততঃ প্রসহ্য বীভৎসুর্ব্যাক্ষিপদ্গাণ্ডিবং ধনুঃ।
ন্যহনত্তাঞ্ছরৈস্তীক্ষ্ণৈস্তমঃ সূর্য ইবাংশুভিঃ॥ 7-19-17 (45476)
হতাবশিষ্টাস্তে ভূয়ঃ পরিবার্য ধনঞ্জয়ম্।
সাশ্বধ্বজরথং চক্রুরদৃশ্যং শরবৃষ্টিভিঃ'॥ 7-19-18 (45477)
ততঃ শরসহস্রাণি তৈর্বিমুক্তানি ভস্মসাৎ।
কৃৎবা তদস্ত্রং তান্বীরাননয়দ্যমসাদনম্॥ 7-19-19 (45478)
অথ প্রহস্য বীভৎসুর্ললিত্থান্মালবানপি।
মাবেল্লকাংস্ত্রিগর্তাংশ্চ যৌধেয়াংশ্চার্দয়চ্ছরৈঃ॥ 7-19-20 (45479)
তে হন্যমানা বীরেণ ক্ষত্রিয়াঃ কালচোদিতাঃ।
ব্যসৃজঞ্ছরজালানি পার্থে নানাবিধানি চ॥ 7-19-21 (45480)
ন ধ্বজো নার্জুনস্তত্র ন রথো ন চ কেশবঃ।
প্রত্যদৃশ্যত ঘোরেণ শরবর্ষেণ সংবৃতঃ॥ 7-19-22 (45481)
ততস্তে লব্ধলক্ষৎবাদন্যোন্যমভিচুক্রুশুঃ।
হতৌ কৃষ্ণাবিতি প্রীত্যা বাসাংস্যাদুধুবুস্তদা॥ 7-19-23 (45482)
ভেরীমৃদঙ্গশঙ্খাংশ্চ দধ্মুর্বীরাঃ সহস্রশঃ।
সিংহনাদরবাংশ্চোগ্রাংশ্চক্রিরে তত্র মারিষ॥ 7-19-24 (45483)
ততঃ প্রসিষ্বিদে কৃষ্ণঃ খিন্নশ্চার্জুনমব্রবীৎ।
ক্বাসি পার্থ ন পশ্যামি কচ্চিজ্জীবসি শত্রুহন্॥ 7-19-25 (45484)
তস্য তদ্ভাষিতং শ্রুৎবা ৎবরমাণো ধনঞ্জয়ঃ।
বায়ব্যাস্ত্রেণ তৈরস্তাং শরবৃষ্টিমপাহরৎ॥ 7-19-26 (45485)
ততঃ সংশপ্তকব্রাতান্সাশ্বদ্বিপরথায়ুধান্।
উবাহ ভগবান্বায়ুঃ শুষ্কপর্মচয়ানিব॥ 7-19-27 (45486)
উহ্যমানাস্তু তে রাজন্বহ্বশোভন্ত বায়ুনা।
প্রডীনাঃ পক্ষিণঃ কালে বৃক্ষেভ্য ইব মারিষ॥ 7-19-28 (45487)
তাংস্তথা ব্যাকুলীকৃত্য ৎবরমাণো ধনঞ্জয়ঃ।
জঘান নিশিতৈর্বাণৈঃ সহস্রাণি শতানি চ॥ 7-19-29 (45488)
শিরাংসি ভল্লৈরহরদ্বাহূনপি চ সায়ুধান্।
হস্তিহস্তোপমাংশ্চোরূঞ্শরৈরুর্ব্যামপাতয়ৎ॥ 7-19-30 (45489)
পৃষ্ঠচ্ছিন্নান্বিচরণান্বিমস্তকদৃগঙ্গুলীন্।
নানাঙ্গাবয়বৈর্হীনাংশ্চকারারীন্ধনঞ্জয়ঃ॥ 7-19-31 (45490)
গন্ধর্বনগরাকারান্বিধিবৎকল্পিতান্রথান্।
শরৈর্বিশকলীকুর্বংশ্চক্রে ব্যশ্বরথদ্বিপান্॥ 7-19-32 (45491)
মুণ্ডতালবনানীব তত্রতত্র চকাশিরে।
ছিন্না রথধ্বজব্রাতাঃ কেচিত্তত্র ক্বচিৎক্বচিৎ॥ 7-19-33 (45492)
সোত্তরায়ুধিনো নাগাঃ সপতাকাঙ্কুশধ্বজাঃ।
পেতুঃ শক্রাশনিহতা দ্রুমবন্ত ইবাচলাঃ॥ 7-19-34 (45493)
চামরাপীডকবচাঃ স্রস্তান্ত্রনয়নাস্তথা।
সারোহাস্তুরগাঃ পেতুঃ পার্তবাণহতাঃ ক্ষিতৌ॥ 7-19-35 (45494)
বিপ্রবিদ্ধাসিনারাচাশ্ছিন্নবর্মর্ষ্টিশক্তয়ঃ।
পত্তয়শ্চিন্নবর্মাণঃ কৃপণাঃ শেরতে হতাঃ॥ 7-19-36 (45495)
তৈর্হতৈর্হন্যমানৈশ্চ পতদ্ভিঃ পতিতৈরপি।
ভ্রমদ্ভির্নিষ্টনদ্ভিশ্চ ক্রূরমায়োধনং বভৌ॥ 7-19-37 (45496)
রজশ্চ চাপ্যভবদ্দুর্গা কবন্ধশতসঙ্কুলা॥
তদ্বভৌ রৌদ্রবীভৎসং বীভৎসোর্যানমাহবে। 7-19-38 (45497)
আক্রীডমিব রুদ্রস্য ঘ্নতঃ কালাত্যযে পশূন্॥
কতে বধ্যমানাঃ পার্থেন ব্যাকুলাশ্বরথদ্বিপাঃ। 7-19-39 (45498)
তমেবাভিমুখাঃ ক্ষীণাঃ শক্রস্যাতিথিতাং গতাঃ॥
সা ভূমীর্ভরতশ্রেষ্ঠ নিহতৈস্তৈর্মহারথৈঃ। 7-19-40 (45499)
আস্তীর্ণা সম্বভৌ সর্বা প্রেতীভূতৈঃ সমন্ততঃ॥
এতস্মিন্নন্তরে চৈব প্রমত্তে সব্যসাচিনি। 7-19-41 (45500)
ব্যূঢানীকস্ততো দ্রোণো যুধিষ্ঠিরমুপাদ্রবৎ॥
তং প্রত্যগৃহ্ণংস্ৎবরিতা ব্যূঢানীকাঃ প্রহারিণঃ। 7-19-42 (45501)
যুধিষ্ঠিরং পরীপ্সন্তস্তদাসীত্তুমুলং মহৎ॥ ॥ 7-19-43 (45502)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে একোনবিংশোঽধ্যায়ঃ॥ 19 ॥
Mahabharata - Drona Parva - Chapter Footnotes
5-19-34 সোত্তরায়ুধিনঃ উপরিগতৈর্যোধৈঃ সহিতাঃ॥ 5-19-19 একোনবিংশোঽধ্যায়ঃ॥দ্রোণপর্ব - অধ্যায় 020
॥ শ্রীঃ ॥
7.20. অধ্যায়ঃ 020
Mahabharata - Drona Parva - Chapter Topics
সঙ্কুলয়ুদ্ধবর্ণনম্॥ 1 ॥Mahabharata - Drona Parva - Chapter Text
7-20-0 (45503)
সঞ্জয় উবাচ। 7-20-0x (4307)
পরিণাম্য নিশাং তাং তু ভারদ্বাজো মহারথঃ।
উক্ৎবা সুবহু রাজেন্দ্র বচনং বৈ সুয়োধনম্॥ 7-20-1 (45504)
বিধায় গোপ্তৄন্পার্থস্য সংশপ্তকগণৈঃ সহ।
নিষ্ক্রান্তে চ তদা পার্থে সংশপ্তকবধং প্রতি॥ 7-20-2 (45505)
ব্যূঢানীকস্ততো দ্রোণঃ পাণ্ডবানাং মহাচমূম্।
অভ্যযাদ্ভরতশ্রেষ্ঠ ধর্মরাজজিঘৃক্ষয়া॥ 7-20-3 (45506)
ব্যূঢাং দৃষ্ট্বা সুপর্ণেন ভারদ্বাজস্য তাং চমূম্।
ব্যূহেন মণ্ডলার্ধেন প্রত্যব্যূহদ্যুধিষ্ঠিরঃ॥ 7-20-4 (45507)
মুখং ৎবাসীৎসুপর্ণস্য ভারদ্বাজো মহারথঃ।
শিরো দুর্যোধনো রাজা সোদর্যৈঃ সানুগৈর্বৃতঃ॥ 7-20-5 (45508)
চক্ষুষী কৃতবর্মাঽঽসীদ্গৌতমশ্চাস্যতাং বরঃ॥ 7-20-6 (45509)
ভূতশর্মা ক্ষেমশর্মা করকাক্ষশ্চ বীর্যবান্।
কলিঙ্গাঃ সিংহলাঃ প্রাচ্যাঃ শূরা ভীরা দশেরকাঃ॥ 7-20-7 (45510)
শকা যবনকাম্ভোজাস্তথা হংসপথাশ্চ যে।
গ্রীবায়াং শূরসেনাশ্চ দরন্দা মদ্রকেকয়াঃ।
গজাশ্বরথপত্ত্যোঘাস্তস্থুঃ পরমদংশিতাঃ॥ 7-20-8 (45511)
ভূরিশ্রবাস্তথা শল্যঃ সোমদত্তশ্চ বাহ্লিকঃ।
অক্ষৌহিণ্যা বৃতা বীরা দক্ষিণং পার্শ্বমাস্থিতাঃ॥ 7-20-9 (45512)
বিন্দানুবিন্দাবাবন্ত্যৌ কাম্ভোজশ্চ সুদক্ষিণঃ।
বামং পার্শ্বং সমাশ্রিত্য দ্রোণপুত্রাগ্রতঃ স্থিতাঃ॥ 7-20-10 (45513)
পৃষ্ঠে কলিঙ্গাঃ সাম্বষ্ঠা মাগধাঃ পৌণ্ড্রমদ্রকাঃ।
গান্ধারাঃ শকুনাঃ প্রাচ্যাঃ পার্বতীয়া বসাতয়ঃ॥ 7-20-11 (45514)
পুচ্ছে বৈকর্তনঃ কর্ণঃ সপুত্রজ্ঞাতিবান্ধবঃ।
মহত্যা সেনয়া তস্থৌ নানাজনপদোত্থয়া॥ 7-20-12 (45515)
জয়দ্রথো ভীমরথঃ সম্পাতির্ঋষভো জয়ঃ।
ভূমিঞ্জয়ো বৃষক্রাথো নৈষধশ্চ মহাবলঃ॥ 7-20-13 (45516)
বৃতা বলেন মহতা ব্রহ্মলোকপরিষ্কৃতাঃ।
ব্যূহস্যোরসি তে রাজন্স্থিতা যুদ্ধবিশারদাঃ॥ 7-20-14 (45517)
দ্রোণেন বিহিতো ব্যূহঃ পদাত্যশ্বরথদ্বিপৈঃ।
বাতোদ্ধূতার্ণবাকারঃ প্রনৃত্ত ইব লক্ষ্যতে॥ 7-20-15 (45518)
তস্য পক্ষপ্রপক্ষেভ্যো নিষ্পতন্তি যুয়ুৎসবঃ।
সবিদ্যুৎস্তনিতা মেঘাঃ সর্বদিগ্ভ্যঃ ইবোষ্ণগে॥ 7-20-16 (45519)
তস্য প্রাগ্জ্যোতিষো মধ্যে বিধিবৎকল্পিতং গজম্।
আস্থিতঃ শুশুভে রাজন্নংশুমানুদয়ে যথা॥ 7-20-17 (45520)
মাল্যদামবতা রাজঞ্শ্বেতচ্ছত্রেণ ধার্যতা।
কৃত্তিকায়োগয়ুক্তেন পৌর্ণমাস্যামিবেন্দুনা॥ 7-20-18 (45521)
নীলাঞ্জনচয়প্রখ্যো মদান্ধো দ্বিরদো বভৌ।
অতিবৃষ্টো মহামেঘৈর্যথা স্যাৎপর্বতো মহান্॥ 7-20-19 (45522)
নানানৃপতিভির্বীরৈ র্বিবিধায়ুধভূষণৈঃ।
সমন্বিতঃ পার্বতীয়ৈঃ শক্রো দেবগণৈরিব॥ 7-20-20 (45523)
ততো যুধিষ্ঠিরঃ প্রেক্ষ্য ব্যূহং তমতিমানুষম্।
অজয়্যমরিভিঃ সঙ্খ্যে পার্ষতং বাক্যমব্রবীৎ॥ 7-20-21 (45524)
ব্রাহ্মণস্য বশং নাহমিয়ামদ্য যথা প্রভো।
পারাবতসবর্ণাশ্ব তথা নীতির্বিধীয়তাম্॥ 7-20-22 (45525)
ধৃষ্টদ্যুম্ন উবাচ। 7-20-23x (4308)
দ্রোণস্য যতমানস্য বশং নৈষ্যসি সুব্রত।
অহমাবারয়িষ্যামি দ্রোণমদ্য সহানুগম্॥ 7-20-23 (45526)
ময়ি জীবতি কৌরব্য নোদ্বেগং কর্তুমর্হসি।
ন হি শক্তো রণে দ্রোণো বিজেতুং মাং কথঞ্চন॥ 7-20-24 (45527)
সঞ্জয় উবাচ। 7-20-25x (4309)
এবমুক্ৎবা কিরন্বাণান্দ্রুপদস্য সুতো বলী।
পারাবতসবর্ণাশ্বঃ স্বয়ং দ্রোণমুপাদ্রবৎ॥ 7-20-25 (45528)
অনিষ্টদর্শনং দৃষ্ট্বা ধৃষ্টদ্যুম্নমবস্থিতম্।
ক্ষণেনৈবাভবদ্দ্রোণো নাতিহৃষ্টমনা ইব॥ 7-20-26 (45529)
`স হি জাতো মহারাজ দ্রোণস্য নিধনং প্রতি॥ 7-20-27 (45530)
মর্ত্যধর্মতয়া তস্মাদ্ভারদ্বাজো ব্যমুহ্যত।
নাশকত্তত্র তৎকিঞ্চিদনীকং প্রতিবীক্ষিতুম্॥ 7-20-28 (45531)
ততঃ কিরন্নিষূংস্তীক্ষ্ণান্দ্রুপদস্য বরূথিনীম্।
ভরাদ্বাজো যয়ৌ তূর্ণং পার্ষতং বর্জয়ন্যুধি।
দ্রুপদস্য মহৎসৈন্যং দারয়ামাস ব্রাহ্মণঃ'॥ 7-20-29 (45532)
তং তু সম্প্রেক্ষ্য পুত্রস্তে দুর্মুখঃ শত্রুকর্ষণঃ।
প্রিয়ং চিকীর্ষুর্দ্রোণস্য ধৃষ্টদ্যুম্নমবারয়ৎ॥ 7-20-30 (45533)
স সম্প্রহারস্তুমুলঃ সুঘোরঃ সমপদ্যত।
পার্ষতস্য চ শূরস্য দুর্মুখস্য চ ভারত॥ 7-20-31 (45534)
পার্ষতঃ শরজালেন ক্ষিপ্রং প্রচ্ছাদ্য দুর্মুখম্।
ভারদ্বাজং শরৌঘেণ মহতা সমবারয়ৎ॥ 7-20-32 (45535)
দ্রোণাবারিতং দৃষ্ট্বা ভৃশায়স্তস্তবাত্মজঃ।
নানালিঙ্গৈঃ শরব্রাতৈঃ পার্ষতং সমমোহয়ৎ॥ 7-20-33 (45536)
তয়োর্বিষক্তয়োঃ সঙ্খ্যে পাঞ্চাল্যকুরুমুখ্যযোঃ।
দ্রোণো যৌধিষ্ঠিরং সৈন্যং বহুধা ব্যধমচ্ছরৈঃ॥ 7-20-34 (45537)
অনিলেন যথাঽভ্রাণি বিচ্ছিন্নানি সমন্ততঃ।
তথা পার্থস্য সৈন্যানি বিচ্ছিন্নানি ক্বচিৎক্বচিৎ॥ 7-20-35 (45538)
মুহূর্তমিব তদ্যুদ্ধমাসীন্মধুরদর্শনম্।
তত উন্মত্তবদ্রাজন্নির্মর্যাদমবর্তত॥ 7-20-36 (45539)
`নৈব খং ন দিশো ভূমির্বভাসে ন চ ভাস্করঃ'।
নৈব স্বে ন পরে রাজন্নাজ্ঞায়ন্ত পরস্পরম্।
অনুমানেন সংজ্ঞাভির্যুদ্ধং তৎসমবর্তত॥ 7-20-37 (45540)
চূডামণিষু নিষ্কেষু ভূষণেষ্বপি বর্মসু।
তেষামাদিত্যবর্ণাভা রশ্ময়ঃ প্রচকাশিরে॥ 7-20-38 (45541)
তৎপ্রকীর্ণপতাকানাং রথবারণবাজিনাম্।
বলাকাশবলাভ্রামং দদৃশে রূপমাহবে॥ 7-20-39 (45542)
নরানেব নরা জঘ্নরুদগ্রাশ্চ হয়া হয়ান্।
রথাংশ্চ রথিনো জঘ্নুর্বারণা বরবারণান্॥ 7-20-40 (45543)
সমুচ্ছ্রিতপতাকানাং গজানাং পরমদ্বিপৈঃ।
ক্ষণেন তুমুলো ঘোরঃ সঙ্গ্রামঃ সমপদ্যত॥ 7-20-41 (45544)
তেষাং সংসক্তগাত্রাণাং কর্ষতামিতরেতরম্।
দন্তসঙ্ঘাতসঙ্ঘর্ষাৎসধূমোঽগ্নিরজায়ত॥ 7-20-42 (45545)
বিপ্রকীর্ণপতাকাস্তে বিষাণজনিতাগ্নয়ঃ।
বভূবুঃ খং সমাসাদ্য সবিদ্যুত ইবাম্বুদাঃ॥ 7-20-43 (45546)
বিক্ষিপদ্ভির্নদদ্ভিশ্চ নিপতদ্ভিশ্চ বারণৈঃ।
সম্বভূব মহী কীর্ণা মেঘৈর্দ্যৌরিব বার্ষিকী॥ 7-20-44 (45547)
তেষামাহন্যমানানাং বাণতোমরঋষ্টিভিঃ।
বারণানাং রবো জজ্ঞে মেঘানামিব সম্পুবে॥ 7-20-45 (45548)
তোমরাভিহতাঃ কেচিদ্বাণৈশ্চ পরমদ্বিপাঃ।
বিত্রেসুঃ সর্বনাগানাং শব্দমেবাপরেঽসৃজন্॥ 7-20-46 (45549)
বিষাণাভিহতাশ্চাপি কেচিত্তত্র গজা গজৈঃ।
চক্রুরার্তস্বনং ঘোরমুৎপাতজলদা ইব॥ 7-20-47 (45550)
প্রতীপাঃ ক্রিয়মাণাশ্চ বারণা বরবারণৈঃ।
উন্মথ্য পুনরাজগ্মুঃ প্রেরিতাঃ পরমাঙ্কুশৈঃ॥ 7-20-48 (45551)
মহামাত্রৈর্মহামাত্রাস্তাডিতাঃ শরতোমরৈঃ।
গজেভ্যঃ পৃথিবীং জগ্মুর্মুক্তপ্রহরণাঙ্কুশাঃ॥ 7-20-49 (45552)
নির্মনুষ্যাশ্চ মাতঙ্গা বিনদন্তস্ততস্ততঃ।
ছিন্নাভ্রাণীব সম্পেতুঃ সম্প্রবিশ্য পরস্পরম্॥ 7-20-50 (45553)
হতান্পরিবহন্তশ্চ পতিতান্পতিতায়ুধান্।
দিশো জগ্মুর্মহানাগাঃ কেচিদেকচরা ইব॥ 7-20-51 (45554)
তাডিতাস্তাড্যমানাশ্চ তোমরর্ষ্টিপরশ্বথৈঃ।
পেতুরার্তস্বনং কৃৎবা তদা বিশসনে গজাঃ॥ 7-20-52 (45555)
তেষাং শৈলোপমৈঃ কায়ৈর্নিপতদ্ভিঃ সমন্ততঃ।
আহতা সহসা ভূমিশ্চকম্পে চ ননাদ চ॥ 7-20-53 (45556)
সাদিতৈঃ সগজারোহৈঃ সপতাকৈঃ সমন্ততঃ।
মাতঙ্গৈঃ শুশুভে ভূমির্বিকীর্ণৈরিব পর্বতৈঃ॥ 7-20-54 (45557)
গজস্থাশ্চ মহামাত্রা নির্ভিন্নহৃদয়া রণে।
রথিভিঃ পাতিতা ভল্লৈর্বিকীর্ণাঙ্কুশতোমরাঃ॥ 7-20-55 (45558)
ক্রৌঞ্চবদ্বিনদন্তোঽন্যে নারাচাভিহতা গজাঃ।
পরান্স্বাংশ্চাপি মৃদ্গন্তঃ পরিপেতুর্দিশো দশ॥ 7-20-56 (45559)
গজাশ্বরথয়োধানাং শরীরৌঘসমাবৃতা।
বভূব পৃথিবী রাজন্মাংসশোণিতকর্দমা॥ 7-20-57 (45560)
প্রমথ্য চ বিষাণাগ্রৈঃ সমুৎক্ষিপ্তাশ্চ বারণৈঃ।
সচক্রাশ্চ বিচক্রাশ্চ রথৈরেব মহারথাঃ॥ 7-20-58 (45561)
রথাশ্চ রথিভির্হীনা নির্মনুষ্যাশ্চ বাজিনঃ।
হতারোহাশ্চ মাতঙ্গা দিশো জগ্মুর্ভয়াতুরাঃ॥ 7-20-59 (45562)
জঘানাত্র পিতা পুত্রং পুত্রশ্চ পিতরং তথা।
ইত্যাসীত্তুমুলং যুদ্ধং ন প্রাজ্ঞায়ত কিঞ্চন॥ 7-20-60 (45563)
আগুল্ফেভ্যোঽবসীদন্তে নরা লোহিতকর্দমৈঃ।
দীপ্যমানৈঃ পরিক্ষিপ্তা দাবৈরিব মহাদ্রুমাঃ॥ 7-20-61 (45564)
শোণিতৈঃ সিচ্যমানানি বস্ত্রাণি কবচানি চ।
ছত্রাণি চ পতাকাশ্চ সর্বং রক্তমদৃশ্যত॥ 7-20-62 (45565)
হয়ৌঘাশ্চ রথৌঘাশ্চ নরৌঘাশ্চ নিপাতিতাঃ।
সংক্ষুণ্ণাঃ পুনরাবৃত্য বহুধা রথনেমিভিঃ॥ 7-20-63 (45566)
সগজৌঘমহাবেগঃ পরাসুনরশৈবলঃ।
রথৌঘতুমুলাবর্তঃ প্রবভৌ সৈন্যসাগরঃ॥ 7-20-64 (45567)
তং বাহনমহানৌভির্যোধা জয়ধনৈষিণঃ।
অবগাহ্যাথ মজ্জন্তো নৈব মোহং প্রচক্রিরে॥ 7-20-65 (45568)
শরবর্ষাভিবৃষ্টেষু যোধেষ্বঞ্চিতলক্ষ্মসু।
ন তেষ্বচিত্ততাং লেভে কশ্চিদাহতলক্ষণঃ॥ 7-20-66 (45569)
বর্তমানে তথা যুদ্ধে ঘোররূপে ভয়ঙ্করে।
মোহয়িৎবা পরান্দ্রোণো যুধিষ্ঠিরমুপাদ্রবৎ॥ ॥ 7-20-67 (45570)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে বিংশোঽধ্যায়ঃ॥ 20 ॥
Mahabharata - Drona Parva - Chapter Footnotes
5-20-16 উষ্ণগে ঘর্মাত্যযে॥ 5-20-18 পৌর্ণমাস্যাং কৃত্তিকায়োগয়ুক্তেন ইন্দুনা। শারদপূর্ণচন্দ্রেণেত্যর্থঃ॥ 5-20-26 অনিষ্টদর্শনং স্বমৃত্যুহেতুৎবাৎ॥ 5-20-33 ভৃশায়স্তোঽতিপ্রয়ত্নবান্॥ 5-20-51 একচরাঃ দ্বিপান্তরদর্শনাসহাঃ॥ 5-20-66 অচিত্ততাং মোহম্॥ 5-20-20 বিংশোঽধ্যায়ঃ॥দ্রোণপর্ব - অধ্যায় 021
॥ শ্রীঃ ॥
7.21. অধ্যায়ঃ 021
Mahabharata - Drona Parva - Chapter Topics
যুধিষ্ঠিরং জিঘৃক্ষতো দ্রোণস্য সত্যজিতা নিরাধঃ॥ 1 ॥ দ্রোণেন সত্যজিতি নিহতে ভয়াদ্যুধিষ্ঠিরস্যাপয়ানম্॥ 2 ॥ পুনর্যুধিষ্ঠিরং জিঘৃক্ষুণা দ্রোণেন পাঞ্চাল্যাদীনাং হননম্॥ 3 ॥Mahabharata - Drona Parva - Chapter Text
7-21-0 (45571)
সঞ্জয় উবাচ। 7-21-0x (4310)
ততো যুধিষ্ঠিরো দ্রোণং দৃষ্ট্বান্তিকমুপাগতম্।
মহতা শরবর্ষেণ প্রত্যগৃহ্ণাদভীতবৎ॥ 7-21-1 (45572)
ততো হলহলাশব্দ আসীদ্যৌধিষ্ঠিরে বলে।
জিঘৃক্ষতি মহাসিংহে গজানামিব যূথপম্॥ 7-21-2 (45573)
দৃষ্ট্বা দ্রোণং ততঃ শূরঃ সত্যজিৎসত্যবিক্রমঃ।
যুধিষ্ঠিরমভিপ্রেপ্সুরাচার্যং সমুপাদ্রবৎ॥ 7-21-3 (45574)
তত আচার্যপাঞ্চাল্যৌ যুয়ুধাতে মহাবলৌ।
বিক্ষোভয়ন্তৌ তৎসৈন্যমিন্দ্রবৈরোচনাবিব॥ 7-21-4 (45575)
ততো দ্রোণং মহেষ্বাসঃ সত্যজিৎসত্যবিক্রমঃ।
অবিধ্যন্নিশিতাগ্রেণ পরমাস্ত্রং বিদর্শয়ন্॥ 7-21-5 (45576)
তথাস্য সারথেঃ পঞ্চ শরান্সর্পবিষোপমান্।
অমুঞ্চদন্তকপ্রখ্যান্সংমুমোহাস্য সারথিঃ॥ 7-21-6 (45577)
অথাস্য সহসাঽবিধ্যদ্ধয়ান্দশভিরাশুগৈঃ।
দশভির্দশভিঃ ক্রুদ্ধ উভৌ চ পার্ষ্ণিসারথী॥ 7-21-7 (45578)
মণ্ডলং তু সমাবৃত্য বিচরন্পৃতনামুখে।
ধ্বজং চিচ্ছেদ চ ক্রুদ্ধো দ্রোণস্যামিত্রকর্ষণঃ॥ 7-21-8 (45579)
দ্রোণস্তু তৎসমালোক্য চরিতং তস্য সংয়ুগে।
মনসা চিন্তয়ামাস প্রাপ্তকালমরিন্দমঃ॥ 7-21-9 (45580)
ততঃ সত্যজিতং তীক্ষ্ণৈর্দশভির্মর্মভেদভিঃ।
অবিধ্যচ্ছীঘ্রমাচার্যশ্ছিত্ৎবাঽস্য সশরং ধনুঃ॥ 7-21-10 (45581)
স শীঘ্রতরমাদায় ধনুরন্যৎপ্রতাপবান্।
দ্রোণমব্যহনদ্রাজংস্ত্রিংশতা কঙ্কপত্রিভিঃ॥ 7-21-11 (45582)
দৃষ্ট্বা সত্যজিতা দ্রোণং গ্রস্যমানমিবাহবে।
বৃকঃ শরশতৈস্তীক্ষ্ণৈঃ পাঞ্চাল্যো দ্রোণমার্দয়ৎ॥ 7-21-12 (45583)
সঞ্ছাদ্যমানং সমরে দ্রোণং দৃষ্ট্বা মহারথম্।
চুক্রুশুঃ পাণ্ডবা রাজন্বস্ত্রাণি দুধুবুশ্চ হ॥ 7-21-13 (45584)
বৃকস্তু পরমক্রুদ্ধো দ্রোণং ষষ্ট্যা স্তনান্তরে।
বিব্যাধ বলবান্রাজংস্তদদ্ভুতমিবাভবৎ॥ 7-21-14 (45585)
দ্রোণস্তু শরবর্ষেণ চ্ছাদ্যমানো মহারথঃ।
বেগং চক্রে মহাবেগঃ ক্রোধাদুদ্বৃত্য চক্ষুষী॥ 7-21-15 (45586)
ততঃ সত্যজিতশ্চাপং ছিত্ৎবা দ্রোণো বৃকস্য চ।
ষড্ভিঃ সসূতং সহয়ং শরৈর্দ্রোণোঽবধীদ্বৃকম্॥ 7-21-16 (45587)
অথান্যদ্ধনুরাদায় সত্যজিদ্বেগবত্তরম্।
সাশ্বং সসূতং বিশিখৈর্দ্রোণং বিব্যাধ সধ্বজম্॥ 7-21-17 (45588)
স তন্ন মমৃষে দ্রোণঃ পাঞ্চাল্যেনার্দিতো মৃধে।
ততস্তস্য বিনাশায় সৎবরং ব্যসৃজচ্ছরান্॥ 7-21-18 (45589)
হয়ান্ধ্বজং ধনুর্মুষ্টিমুভৌ চ পার্ষ্ণিসারথী।
অবাকিরত্ততো দ্রোণঃ শরবর্ষৈঃ সহস্রশঃ॥ 7-21-19 (45590)
তথা সঞ্ছিদ্যমানেষু কার্মুকেষু পুনঃপুনঃ।
পাঞ্চাল্যঃ পরমাস্ত্রজ্ঞঃ শোণাশ্বং সময়োধয়ৎ॥ 7-21-20 (45591)
স সত্যজিতমালোক্য তথোদীর্ণং মহাহবে।
অর্ধচন্দ্রেণ চিচ্ছেদ শিরস্তস্য মহাত্মনঃ॥ 7-21-21 (45592)
তস্মিন্হতে মহামাত্রে পাঞ্চালানাং মহারথে।
অপায়াজ্জবনৈরশ্বৈর্দ্রোণাত্ত্রস্তো যুধিষ্ঠিরঃ॥ 7-21-22 (45593)
পাঞ্চালাঃ কেকয়া মাৎস্যাশ্চেদিকারূশকোসলাঃ।
যুধিষ্ঠিরমভীপ্সন্তো দৃষ্ট্বা দ্রোণমুপাদ্রবন্॥ 7-21-23 (45594)
ততো যুধিষ্ঠিরং প্রেপ্সুরাচার্যঃ শত্রুপূগহা।
ব্যধমত্তান্যনীকানি তূলরাশিমিবানলঃ॥ 7-21-24 (45595)
নির্দহন্তমনীকানি তানি তানি পুনঃপুনঃ।
দ্রোণং মৎস্যাদবরজঃ শতানীকোঽভ্যবর্তত॥ 7-21-25 (45596)
সূর্যরশ্মিপ্রতীকাশৈঃ কর্মারপরিমার্জিতৈঃ।
ষড্ভিঃ সসূতং সহয়ং দ্রোণং বিদ্ধ্বাঽনদদ্ভৃশম্॥ 7-21-26 (45597)
ক্রূরায় কর্মণে যুক্তশ্চিকীর্ষুঃ কর্ম দুষ্করম্।
অবাকিরচ্ছরশতৈর্ভারদ্বাজং মহারথম্॥ 7-21-27 (45598)
তস্য নানদতো দ্রোণঃ শিরঃ কায়াৎসকুণ্ডলম্।
ক্ষুরেণাপাহরত্তুর্ণং ততো মৎস্যাঃ প্রদুদ্রুবুঃ॥ 7-21-28 (45599)
মৎস্যাঞ্জিৎবাঽজয়চ্চেদীন্করূশান্কেকয়ানপি।
পাঞ্চালান্সৃঞ্জয়ান্পাণ্ডূন্ভারদ্বাজঃ পুনঃপুনঃ॥ 7-21-29 (45600)
তং দহন্তমনীকানি ক্রুদ্ধমগ্নিং যথা বনম্।
দৃষ্ট্বা রুক্মরথং বীরং সমকম্পন্ত সৃঞ্জয়াঃ॥ 7-21-30 (45601)
উভাভ্যাং সন্দধানস্য ধনুরস্যাশুকারিণঃ।
জ্যাঘোষো নিঘ্নতোঽমিত্রান্দিক্ষুসর্বাসু শুশ্রুবে॥ 7-21-31 (45602)
নাগানশ্বান্পদাতীংশ্চ রথিনো গজসাদিনঃ।
রৌদ্রা হস্তবতা মুক্তাঃ প্রমথ্নন্তি স্ম সায়কাঃ॥ 7-21-32 (45603)
নানদ্যমানঃ পর্জন্যো মিশ্রবাতো হিমাত্যযে।
অশ্মবর্ষমিবাবর্ষন্পরেষাং ভয়মাদধৎ॥ 7-21-33 (45604)
সর্বা দিশঃ সমচরৎসৈন্যং বিক্ষোভয়ন্নিব।
বলী শূরো মহেষ্বাসো মিত্রাণামভয়ঙ্করঃ॥ 7-21-34 (45605)
তস্য বিদ্যুদিবাভ্রেষু চাপং হেমপরিষ্কৃতম্।
দিক্ষু সর্বাসু পশ্যামো দ্রোণস্যামিততেজসঃ॥ 7-21-35 (45606)
শোভমানাং ধ্বজে চাস্য বেদীমদ্রাক্ষ্য ভারত।
হিমবচ্ছিখরাকারং চরতঃ সংয়ুগে ভৃশম্॥ 7-21-36 (45607)
দ্রোণস্তু পাণ্ডবানীকে চকার কদনং মহৎ।
যথা দৈত্যগণে বিষ্ণুঃ সুরাসুরনমস্কৃতঃ॥ 7-21-37 (45608)
স শূরঃ সত্যবাক্প্রাজ্ঞো বলবান্সত্যবিক্রমঃ।
মহানুভাবঃ কল্পান্তে রৌদ্রাং ভীরুবিভীষণাম্॥ 7-21-38 (45609)
কবচোর্মিধ্বজাবর্তাং মর্ত্যকূলাপহারিণীম্॥
গজবাজিমহাগ্রাহামসিমীনাং দুরাসদাম্॥ 7-21-39 (45610)
বীরাস্যিশর্করাং রৌদ্রাং ভেরীমুরজকচ্ছপাম্।
চর্মবর্মপ্লবাং ঘোরাং কেশশৈবলশাদ্বলাম্॥ 7-21-40 (45611)
শরৌঘিণীং ধনুঃস্রোতাং বাহুপন্নগসঙ্কুলাম্।
রণভূমিবহাং তীব্রাং কুরুসৃঞ্জয়বাহিনীম্॥ 7-21-41 (45612)
মনুষ্যশীর্ষপাষাণাং শক্তিমীনাং গদোডুপাম্।
উষ্ণীষফেনবসনাং বিকীর্ণান্ত্রসরীসৃপাম্॥ 7-21-42 (45613)
বীরাপহারিণীমুগ্রাং মাংসশোমিতকর্দমাম্।
হস্তিগ্রাহাং কেতুবৃক্ষাং ক্ষত্রিয়াণাং নিমজ্জনীম্॥ 7-21-43 (45614)
ক্রূরাং শরীরসঙ্ঘাটাং সাদিনক্রাং দুরত্যযাম্।
দ্রোণঃ প্রাবর্তয়ত্তত্র নদীমন্তকগামিনীম্॥ 7-21-44 (45615)
ক্রব্যাদগণসঞ্জুষ্টাং শ্বশৃগালগণায়ুতাম্।
নিষেবিতাং মহারৌদ্রৈঃ পিশিতাশৈঃ সমন্ততঃ॥ 7-21-45 (45616)
তং দহন্তমনীকানি রথোদারং কৃতান্তবৎ।
সর্বতোঽভ্যদ্রবন্দ্রোণং কুন্তীপুত্রপুরোগমাঃ॥ 7-21-46 (45617)
তে দ্রোণং সহিতাঃ শূরাঃ সর্বতঃ প্রত্যবারয়ন্।
গভস্তিভিরিবাদিত্যং তপন্তং ভুবনং যথা॥ 7-21-47 (45618)
তং তু শূরং মহেষ্বাসং তাবকাঽভ্যুদ্যতায়ুধাঃ।
রাজানো রাজপুত্রাশ্চ সমন্তাৎপর্যবারয়ন্॥ 7-21-48 (45619)
শিখণ্ডী তু ততো দ্রোণং পঞ্চভির্নতপর্বভিঃ।
ক্ষত্রবর্মা চ বিংশত্যা বসুদানশ্চ পঞ্চভিঃ॥ 7-21-49 (45620)
উত্তমৌজাস্ত্রিভির্বাণৈঃ ক্ষত্রদেবশ্চ সপ্তভিঃ।
সাত্যকিশ্চ শতেনাজৌ যুধামন্যুস্তথাঽষ্টভিঃ॥ 7-21-50 (45621)
যুধিষ্ঠিরো দ্বাদশভির্দ্রোণং বিব্যাধ সায়কৈঃ।
ধৃষ্টদ্যুম্নশ্চ দশভিশ্চেকিতানস্ত্রিভিঃ শরৈঃ॥ 7-21-51 (45622)
ততো দ্রোণঃ সত্যসন্ধঃ প্রভিন্ন ইব কুঞ্জরঃ।
অভ্যতীত্য স্থানীকং দৃঢসেনমপাতয়ৎ॥ 7-21-52 (45623)
ততো রাজানমাসাদ্য প্রহরন্তমভীতবৎ।
অবিধ্যন্নবভিঃ ক্ষেমং স হতঃপ্রাপতদ্রথাৎ॥ 7-21-53 (45624)
স মধ্যং প্রাপ্য সৈন্যানাং সর্বাঃ প্রবিচরন্দিশঃ।
ত্রাতা হ্যভবদন্যেষাং ন ত্রাতব্যঃ কথংচন॥ 7-21-54 (45625)
শিখণ্ডিনং দ্বাদশভির্বিংশত্যা চোত্তমৌজসম্।
বসুদানং চ ভল্লেন প্রৈষয়দ্যমসাদনম্॥ 7-21-55 (45626)
অশীত্যা ক্ষত্রবর্মাণং ষড্বিংশত্যা সুদক্ষিণম্।
ক্ষত্রদেবং তু ভল্লেন রথনীডাডপাতয়ৎ॥ 7-21-56 (45627)
যুধামন্যুং চতুঃষষ্ট্যা ত্রিংশতা চৈব সাত্যকিম্।
বিদ্ধ্বা রুক্মরথস্তূর্ণং যুধিষ্ঠিরমুপাদ্রবৎ॥ 7-21-57 (45628)
ততো যুধিষ্ঠিরঃ ক্ষিপ্রং গুরুতো রাজসত্তমঃ।
অপায়াঞ্জবনৈরশ্বৈঃ পাঞ্চাল্যো দ্রোণমভ্যযাৎ॥ 7-21-58 (45629)
তং দ্রোণঃ সধনুষ্কং তু সাশ্বয়ন্তারমাক্ষিণোৎ।
স হতঃ প্রাপতদ্ভূমৌ রথাজ্জ্যোতিরিবাম্বরাৎ।
`হৎবা তং বিবভৌ দ্রোণঃ কুরুভিঃ পরিবারিতঃ॥ 7-21-59 (45630)
বার্ধক্ষেমিস্তু বার্ষ্ণেয়ো দ্রোণং বিদ্ধ্বা শরোত্তমৈঃ।
নবভিশ্চ মহীপালঃ পুনর্বিব্যাধ পঞ্চভিঃ॥ 7-21-60 (45631)
স সাত্যকিশ্চতুষ্ষষ্ট্যা রাজন্বিব্যাধ সায়কৈঃ।
সুচিত্রো দশভির্বাণৈর্দ্রোণং বিদ্ব্বাঽনদদ্বলী॥ 7-21-61 (45632)
তং দ্রোণঃ সমরে রাজঞ্শরবর্ষৈরবাকিরৎ।
অপাতয়ত্তয়ো দ্রোণঃ সুচিত্রং সহসারথিম্॥ 7-21-62 (45633)
সাশ্বং চ সমরে রাজন্হতো বৈ প্রাপতৎক্ষিতৌ।
পাত্যমানো মহারাজ বভৌ জ্যোতিরিবাম্বরাৎ॥ 7-21-63 (45634)
তস্মিন্হতে রাজপুত্রে পাঞ্চালানাং যশস্করে।
হত দ্রোণং হত দ্রোণমিত্যাসীন্নিঃস্বনো মহান্॥ 7-21-64 (45635)
তাংস্তথা ভৃশসংরব্ধান্পাঞ্চালান্মৎস্যকেকয়ান্।
সৃঞ্জয়ান্পাণ্ডবাংশ্চৈব দ্রোণো ব্যক্ষোভয়দ্বলী॥ 7-21-65 (45636)
সাত্যকিং চেকিতানং চ ধৃষ্টদ্যুম্নশিখণ়্ডিনৌ।
বার্ধক্ষেমিং চৈত্রসেনিং সেনাবিন্দুং সুবর্চসম্॥ 7-21-66 (45637)
এতাংশ্চান্যাংশ্চ সুবহূন্নানাজনপদেশ্বরান্।
সর্বান্দ্রোণোঽজয়দ্যুদ্ধে কুরুভিঃ পরিবারিতঃ॥ 7-21-67 (45638)
তাবকাশ্চ মহারাজ জয়ং লব্ধ্বা মহাহবে।
পাণ্ডবেয়ান্রণে জঘ্নুর্দ্রবমাণান্সমন্ততঃ॥ 7-21-68 (45639)
তে দানবা ইবেন্দ্রেণ বধ্যমানা মহাত্মনা।
পাঞ্চালাঃ কেকয়া মাৎস্যাঃ সমকম্পন্ত ভারত॥ ॥ 7-21-69 (45640)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে একবিংশোঽধ্যায়ঃ॥ 21 ॥
Mahabharata - Drona Parva - Chapter Footnotes
5-21-55 উভয়ত্র বিদ্ব্বেতি শেষঃ॥ 5-21-58 পাঞ্চাল্যো নাম্না॥ 5-21-21 একবিংশোঽধ্যায়ঃ॥দ্রোণপর্ব - অধ্যায় 022
॥ শ্রীঃ ॥
7.22. অধ্যায়ঃ 022
Mahabharata - Drona Parva - Chapter Topics
দ্রোণপরাক্রমহৃষ্টেন দুর্যোধনেন কর্ণং সম্বোধ্য ভীমসেনাদ্যবজ্ঞানে কৃতে কর্ণেন ভীমাদীনাং প্রশংসনপূর্বকমনবজ্ঞেয়ৎবকথনম্॥ 1 ॥Mahabharata - Drona Parva - Chapter Text
7-22-0 (45641)
ধৃতরাষ্ট্র উবাচ। 7-22-0x (4311)
ভারদ্বাজেন ভগ্নেষু পাণ্ডবেষু মহামৃধে।
পাঞ্চালেষু চ সর্বেষু কশ্চিদন্যোঽভ্যবর্তত॥ 7-22-1 (45642)
আর্যাং যুদ্ধে মতিং কৃৎবা ক্ষত্রিয়াণাং যশস্করীম্।
অসেবিতাং কাপুরুষৈঃ সেবিতাং পুরুষর্ষভৈঃ॥ 7-22-2 (45643)
স হি বীরোন্নতঃ শূরো যো ভগ্নেষু নিবর্ততে।
অহো নাসীৎপুমান্কশ্চিদ্দৃষ্ট্বা দ্রোণং ব্যবস্থিতম্॥ 7-22-3 (45644)
জৃম্ভমাণমিব ব্যাঘ্রং প্রভিন্নমিব কুঞ্জরম্।
ত্যজন্তমাহবে প্রাণান্সন্নদ্ধং চিত্রয়োধিনম্॥ 7-22-4 (45645)
মহেষ্বাসং নরব্যাঘ্রং দ্বিষতাং ভয়বর্ধনম্।
কৃতজ্ঞং সত্যনিরতং দুর্যোধনহিতৈষিণম্॥ 7-22-5 (45646)
ভারদ্বাজং তথাঽনীকে দৃষ্ট্বা শূরমবস্থিতম্।
কে শূরাঃ সন্ন্যবর্তন্ত তন্মমাচক্ষ্ব সঞ্জয়॥ 7-22-6 (45647)
সঞ্চয় উবাচ। 7-22-7x (4312)
তান্দৃষ্ট্বা চলিতান্সঙ্খ্যে প্রণুন্নান্দ্রোণসায়কৈঃ।
পাঞ্চালান্পাণ্বান্মাৎস্যান্সৃঞ্জয়াংশ্চেদিকেকয়ান্॥ 7-22-7 (45648)
দ্রোণচাপবিমুক্তেন শরৌঘেণাশু হারিণা।
সিন্ধোরিব মহৌধেন হিয়মাণান্যথা প্লবান্॥ 7-22-8 (45649)
কৌরবাঃ সিংহনাদেন নানাবাদ্যস্বনেন চ।
রথদ্বিপনরাংশ্চৈব সর্বতঃ সমবারয়ন্॥ 7-22-9 (45650)
তান্পশ্যন্সৈন্যমধ্যস্থো রাজা স্বজনসম্বৃতঃ।
দুর্যোধনোঽব্রবীৎকর্ণং প্রহৃষ্টঃ প্রহসন্নিব॥ 7-22-10 (45651)
দুর্যোধন উবাচ। 7-22-11x (4313)
পশ্য রাধেয় পাঞ্চালান্প্রণুন্নান্দ্রোণসায়কৈঃ।
সিংহেনেব মৃগান্বন্যাংস্ত্রাসিতান্দৃঢধন্বনা॥ 7-22-11 (45652)
নৈতে জাতু পুনর্যুদ্ধমীহেয়ুরিতি মে মতিঃ।
যথা তু ভগ্না দ্রোণেন বাতেনেব মহাদ্রুমাঃ॥ 7-22-12 (45653)
অর্দ্যমানাঃ শরৈরেতে রুক্মপুঙ্খৈর্মহাত্মনা।
পথা নৈকেন গচ্ছন্তি ঘূর্ণমানাস্ততস্ততঃ॥ 7-22-13 (45654)
সন্নিরুদ্ধাশ্চ কৌরব্যৈর্দ্রোণেন চ মহাত্মনা।
এতেঽন্যে মণ্ডলীভূতাঃ পাবকেনেব কুঞ্জরাঃ॥ 7-22-14 (45655)
ভ্রমরৈরিব চাবিষ্টা দ্রোণস্য নিশিতৈঃ শরৈঃ।
অন্যোন্যং সমলীয়ন্ত পলায়নপরায়ণাঃ॥ 7-22-15 (45656)
এষ ভীমো মহাক্রোধী হীনঃ পাণ্ডবসৃঞ্জয়ৈঃ।
মদীয়ৈরাবৃতো যোধৈঃ কর্ণ নন্দয়তীব মাম্॥ 7-22-16 (45657)
ব্যক্তং দ্রোণময়ং লোকমদ্য পশ্যতি দুর্মতিঃ।
নিরাশো জীবিতান্নূনমদ্য রাজ্যাচ্চ পাণ্ডবঃ॥ 7-22-17 (45658)
কর্ণ উবাচ। 7-22-18x (4314)
নৈষ জাতু মহাবাহুর্জীবন্নাহবমুৎসৃজেৎ।
ন চেমান্পুরুষব্যাঘ্র সিংহনাদান্সহিষ্যতি॥ 7-22-18 (45659)
ন চাপি পাণ্ডবা যুদ্ধে ভজ্যেরন্নিতি মে মতিঃ।
শূরাশ্চ বলবন্তশ্চ কৃতাস্ত্রা যুদ্ধদুর্মদাঃ॥ 7-22-19 (45660)
বিষাগ্নিদ্যূতসঙ্ক্লেশান্বনবাসং চ পাণ্ডবাঃ।
স্মরমাণা ন হাস্যন্তি সঙ্গ্রামমিতি মে মতিঃ॥ 7-22-20 (45661)
নিবৃত্তো হি মহাবাহুরমিতৌজা বৃকোদরঃ।
বরান্বরান্হি কৌন্তেয়ো রথোদারান্হনিষ্যতি॥ 7-22-21 (45662)
অসিনা ধনুষা শক্যা হয়ৈর্নাগৈর্নরৈ স্থৈঃ।
আয়সেন চ দণ্ডেন ব্রাতান্ব্রাতান্হনিষ্যতি॥ 7-22-22 (45663)
তমেনমনুবর্তন্তে সাত্যকিপ্রমুখা রথাঃ।
পাঞ্চালাঃ কেকয়া মাস্ত্যাঃ পাশ্ডবাশ্চ বিশেষতঃ॥ 7-22-23 (45664)
শূরাশ্চ বলবন্তশ্চ বিক্রান্তাশ্চ মহারথাঃ।
বিনিঘ্নন্তশ্চ ভীমেন সংরব্ধেনাভিচোদিতাঃ॥ 7-22-24 (45665)
তে দ্রোণমভিবর্তন্তে সর্বতঃ কুরুপুঙ্গবাঃ।
বৃকোদরং পরীপ্সন্তঃ সূর্যমভ্রগণা ইব॥ 7-22-25 (45666)
`সমরেষু তু নির্দিষ্টাঃ পাণ্ডবাঃ কৃষ্ণবান্ধবাঃ।
পাঞ্চালাঃ কেকয়া মাৎস্যাঃ পাণ্ডবেয়াশ্চ সর্বশঃ॥ 7-22-26 (45667)
শূরাশ্চ বলবন্তশ্চ বিক্রান্তাশ্চ মহারথাঃ।
হীমন্তঃ শত্রুমরণে নিপুণাঃ পুণ্যলক্ষণাঃ॥ 7-22-27 (45668)
বহবঃ পার্থিবা রাজংস্তেষাং বশগতা রণে।
মাবমংস্থাঃ পাণ্ডবাংস্ৎবং নারায়ণপুরোগমান্॥ 7-22-28 (45669)
একায়নগতা হ্যেতে পীডয়েয়ুর্যতব্রতম্।
অরক্ষমাণং শলভা যথা দীপং মুমূর্ষবঃ॥ 7-22-29 (45670)
অসংশয়ং কৃতাস্ত্রাশ্চ পর্যাপ্তাশ্চাপি বারণে।
অতিভারমহং মন্যে ভারদ্বাজে সমাহিতম্॥ 7-22-30 (45671)
তে শীঘ্রমনুগচ্ছামো যত্র দ্রোণো ব্যবস্থিতঃ।
কোকা ইব মহানাগং মা বৈ হন্যুর্যতব্রতম্॥ 7-22-31 (45672)
সঞ্জয় উবাচ। 7-22-32x (4315)
রাধেয়স্য বচঃ শ্রুৎবা রাজা দুর্যোধনস্ততঃ।
ভ্রাতৃভিঃ সহিতো রাজন্প্রায়াদ্দ্রোণরথং প্রতি॥ 7-22-32 (45673)
তত্রারাবো মহানাসীদেকং দ্রোণং জিঘাংসতাম্।
পাণ্ডবানাং নিবৃত্তানাং নানাবর্ণৈর্হয়োত্তমৈঃ॥ ॥ 7-22-33 (45674)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে দ্বাবিংশোঽধ্যায়ঃ॥ 22 ॥
Mahabharata - Drona Parva - Chapter Footnotes
5-22-1 অভ্যবর্তত কিম্॥ 5-22-31 কোকো বৃকঃ॥ 5-22-22 দ্বাবিংশোঽধ্যায়ঃ॥দ্রোণপর্ব - অধ্যায় 023
॥ শ্রীঃ ॥
7.23. অধ্যায়ঃ 023
Mahabharata - Drona Parva - Chapter Topics
Mahabharata - Drona Parva - Chapter Text
7-23-0 (45675)
ধৃতরাষ্ট্র উবাচ। 7-23-0x (4316)
সর্বেষামেব মে ব্রূহি রথচিহ্বানি সঞ্জয়।
যে দ্রোণমভ্যবর্তন্ত ক্রুদ্ধা ভীমপুরোগমাঃ।
`তান্যহং শ্রোতুমিচ্ছামি বিস্তরেণ পৃথক্পৃথক্॥ 7-23-1 (45676)
দূয়তে মে মনস্তাত দ্রোণং প্রতি পরন্তপম্।
শ্রুৎবা ভীষ্মস্য নিধনং তদ্বদেতদ্ভবিষ্যতি'॥ 7-23-2 (45677)
সঞ্জয় উবাচ। 7-23-3x (4317)
ঋক্ষবর্ণৈর্হয়ৈর্দৃষ্ট্বা ব্যায়চ্ছন্তং বৃকোদরম্।
রজতাশ্বস্ততঃ শূরঃ শৈনেয়ঃ সন্ন্যবর্তত॥ 7-23-3 (45678)
সারঙ্গাশ্বো যুধামন্যুঃ স্বয়ং প্রৎবরয়ন্হয়ান্।
পর্যবর্তত দুর্ধর্ষঃ ক্রুদ্ধো দ্রোণরথং প্রতি॥ 7-23-4 (45679)
পারাবতসবর্ণৈস্তু হেমভাণ্ডৈর্মহাজবৈঃ।
পাঞ্চালরাজস্য সুতো ধৃষ্টদ্যুম্নো ন্যবর্তত॥ 7-23-5 (45680)
পিতরং তু পরিপ্রেপ্সুঃ ক্ষত্রধর্মা যতব্রতঃ।
সিদ্ধিং চাস্য পরাং কাঙ্ক্ষঞ্শোণাশ্বঃ সন্ন্যবর্তত॥ 7-23-6 (45681)
পদ্মপত্রনিভাংশ্চাশ্বান্মল্লিকাক্ষান্স্বলঙ্কৃতান্।
শৈখণ়্ডিঃ ক্ষত্রদেবস্তু স্বয়ং প্রৎবরয়ন্যযৌ॥ 7-23-7 (45682)
দর্শনীয়াস্তু কাম্ভোজাঃ শুকপত্রপরিচ্ছদাঃ।
বহন্তো নকুলং শীঘ্রং তাবকানাভিদুদ্রুবুঃ॥ 7-23-8 (45683)
কৃষ্ণাস্তু মেঘসঙ্কাশা অবহন্নুত্তমৌজসম্।
দুর্ধর্ষায়াভিসন্ধায় ক্রুদ্ধং যুদ্ধায় ভারত॥ 7-23-9 (45684)
তথা তিত্তিরিকল্মাষা হয়া বাতসমা জবে।
অবহংস্তুমুলে যুদ্ধে সহদেবমুদায়ুধম্॥ 7-23-10 (45685)
দন্তবর্ণাস্তু রাজানং কালবালা যুধিষ্ঠিরম্।
ভীমবেগা নরব্যাঘ্রমবহন্বাতরংহসঃ॥ 7-23-11 (45686)
হেমোত্তমপ্রতিচ্ছন্নৈর্হয়ৈর্বাতসমৈর্জবে।
অভ্যবর্তন্ত সৈন্যানি সর্বাণ্যেব যুধিষ্ঠিরম্॥ 7-23-12 (45687)
রাজ্ঞস্ৎবনন্তরো রাজা পাঞ্চাল্যো দ্রুপদোঽভবৎ।
জাতরূপময়চ্ছত্রঃ সর্বৈস্তৈরভিরক্ষিতঃ॥ 7-23-13 (45688)
ললামৈর্হরিভির্যুক্তঃ সর্বশব্দক্ষমৈর্যুধি।
রাজ্ঞং মধ্যে মহেষ্বাসঃ শান্তভীরভ্যবর্তত॥ 7-23-14 (45689)
তং বিরাটোঽন্বয়াচ্ছীঘ্রং সহ সর্বৈর্মহারথৈঃ।
কেকয়াশ্চ সিখণ্ডী চ ধৃষ্টকেতুস্তথৈব চ।
স্বৈঃ স্বৈঃ সৈন্যৈঃ পরিবৃতা মাৎস্যরাজানমন্বয়ুঃ॥ 7-23-15 (45690)
তং তু পাটলিপুষ্পাণাং সমবর্ণা হয়োত্তমাঃ।
বহমানা ব্যরাজন্ত মাস্ত্যস্যামিত্রঘাতিনঃ॥ 7-23-16 (45691)
হরিদ্রাসমবর্ণাস্তু জবনা হেমমালিনঃ।
পুত্রং বিরাটরাজস্য সৎবরং সমুদাবহন্॥ 7-23-17 (45692)
ইন্দ্রগোপকবর্ণৈশ্চ ভ্রাতরঃ পঞ্চ কেকয়াঃ।
জাতরূপসমাভাসাঃ সর্বে লোহিতকধ্বজাঃ॥ 7-23-18 (45693)
তে হেমমালিনঃ শূরাঃ সর্বে যুদ্ধবিশারদাঃ।
বর্ষন্ত ইব জীমূতাঃ প্রত্যদৃশ্যন্ত দংশিতাঃ॥ 7-23-19 (45694)
আমপাত্রনিকাশাস্তু পাঞ্চাল্যমমিতৌজসম্।
দত্তাস্তুম্বুরুণা দিব্যাঃ শিখণ্ডিনমুদাবহন্॥ 7-23-20 (45695)
তথা দ্বাদশসাহস্রাঃ পাঞ্চালানাং মহারথাঃ।
তেষাং তু ষট্সহস্রাণি যে শিখণ্ডিনমন্বয়ুঃ॥ 7-23-21 (45696)
পুত্রং তু শিশুপালস্য নরসিংহস্য মারিষ।
আক্রীডন্তো বহন্তি স্ম সারঙ্গশবলা হয়াঃ॥ 7-23-22 (45697)
ধৃষ্টকেতুস্তু চেদীনামৃষভোঽতিবলোদিতঃ।
কাম্ভোজৈঃ শবলৈরশ্বৈরভ্যবর্তত দুর্জয়ঃ॥ 7-23-23 (45698)
বৃহৎক্ষত্রং তু কৈকেয়ং সুকুমারং হয়োত্তমাঃ।
পলালধূমসঙ্কাশাঃ সৈন্ধবাঃ শীঘ্রমাবহন্॥ 7-23-24 (45699)
মল্লিকাক্ষাঃ পদ্মবর্ণা বাহ্লিজাতাঃ স্বলঙ্কৃতাঃ।
শূরং শিখণ্ডিনঃ পুত্রমৃক্ষদেবমুদাবহন্॥ 7-23-25 (45700)
রুক্মভাণ্ডপ্রতিচ্ছন্নাঃ কৌশেয়সদৃশা হয়াঃ।
ক্ষমাবন্তোঽবহন্সঙ্খ্যে সেনাবিন্দুমরিন্দমম্॥ 7-23-26 (45701)
যুবানমবহন্যুদ্ধে ক্রৌঞ্চবর্ণা হয়োত্তমাঃ।
কাশ্যস্যাভিভুবঃ পুত্রং সুকুমারং মহারথম্॥ 7-23-27 (45702)
শ্বেতাস্তু প্রতিবিন্ধ্যন্তং কৃষ্ণগ্রীবা মনোজবাঃ।
যন্তুঃ প্রেষ্যকরা রাজন্রাজপুত্রমুদাবহন্॥ 7-23-28 (45703)
সুতসোমং তু যোধাগ্র্যং ভীমপুত্রং মহাবলম্।
মাষপুষ্পসবর্ণাস্তমবহন্বাজিনো রণে॥ 7-23-29 (45704)
সহস্রসোমপ্রতিমো বভূব পুরে কুরূণামুদয়েন্দুনাম্নি।
তস্মিঞ্জাতঃ সোমসংক্রন্দমধ্যে যস্মাত্তস্মাৎসুতসোমোঽভবৎসঃ॥ 7-23-30 (45705)
নাকুলিং তু শতানীকং শালপুষ্পনিভা হয়াঃ।
আদিত্যতরুণপ্রখ্যাঃ শ্লাঘনীয়মুদাবহন্॥ 7-23-31 (45706)
কাঞ্চনাপিহিতৈর্যোক্ত্রৈর্ময়ূরগ্রীবসন্নিভাঃ।
দ্রৌপদেয়ং নরব্যাঘ্রং শ্রুতকর্মাণমাহবে॥ 7-23-32 (45707)
শ্রুতকীর্তিং শ্রুতনিধিং দ্রৌপদেয়ং হয়োত্তমাঃ।
ঊহুঃ পার্থসমং যুদ্ধে চাষপত্রনিভা হয়াঃ॥ 7-23-33 (45708)
যমাহুরধ্যর্ধগুণং কৃষ্ণাৎপার্থাচ্চ সংয়ুগে।
অভিমন্যুং পিশঙ্গাস্তং কুমারমবহন্রণে॥ 7-23-34 (45709)
একস্তু ধার্তরাষ্ট্রেভ্যঃ পাণ্ডবান্যঃ সমাশ্রিতঃ।
তং বৃহন্তো মহাকায়া যুয়ুৎসুমবহন্রণে।
`যে তু পুষ্করসারস্য তুল্যবর্ণা হয়োত্তমাঃ'॥ 7-23-35 (45710)
পলালকাণ্ডবর্ণাস্তু বার্ধক্ষেমিং তরস্বিনম্।
ঊহুঃ সুতুমুলে যুদ্ধে হয়া হৃষ্টাঃ স্বলঙ্কৃতাঃ॥ 7-23-36 (45711)
কুমারং শিতিপাদাস্তু রুক্মচিত্রৈরুরশ্ছদৈঃ।
সৌচিত্তিমবহদ্যুদ্ধে যন্তুঃ প্রেষ্যকরা হয়াঃ॥ 7-23-37 (45712)
রুক্মপীঠাবকীর্ণাস্তু কৌশেয়সদৃশা হয়াঃ।
সুবর্ণমালিনঃ ক্ষান্তাঃ শ্রেণিমন্তমুদাবহন্॥ 7-23-38 (45713)
রুক্মমালাধরাঃ শূরা হেমপৃষ্ঠাঃ স্বলঙ্কৃতাঃ।
কাশিরাজং নরশ্রেষ্ঠং শ্লাঘনীয়মুদাবহন্॥ 7-23-39 (45714)
অস্ত্রাণাং চ ধনুর্বেদে ব্রাহ্মে বেদে চ পারগম্।
তং সত্যধৃতিমায়ান্তমরূণাঃ সমুপাবহন্॥ 7-23-40 (45715)
যঃ স পাঞ্চালসেনানীদ্রোণমংশমকল্পয়ৎ।
পারাবতসবর্ণাস্তং ধৃষ্টদ্যুম্নমুদাবহন্॥ 7-23-41 (45716)
তমন্বয়াৎসত্যধৃতিঃ সৌচিত্তির্যুদ্ধদুর্মদঃ।
শ্রেণিমান্বসুদানশ্চ পুত্রঃ কাশ্যস্য চাভিভূঃ॥ 7-23-42 (45717)
যুক্তৈঃ পরমকাম্ভোজৈর্জবনৈর্হেমমালিভিঃ।
ভীষয়ন্তো দ্বিষৎসৈন্যং যমবৈশ্রবণোপমাঃ॥ 7-23-43 (45718)
প্রভদ্রকাস্তু কাম্ভোজাঃ ষট্সহস্রাণ্যুদায়ুধাঃ।
নানাবর্ণৈর্হয়ৈঃ শ্রেষ্ঠৈর্হেমবর্ণরথধ্বজাঃ॥ 7-23-44 (45719)
শরব্রাতৈর্বিধুন্বন্তঃ শত্রূন্বিততকার্মুকাঃ।
সমানমৃত্যবো ভূৎবা ধৃষ্টদ্যুম্নং সমন্বয়ুঃ॥ 7-23-45 (45720)
বভ্রুকৌশেয়বর্ণাস্তু সুবর্ণবরমালিনঃ।
ঊহুরম্লানমনসশ্চেকিতানং হয়োত্তমাঃ॥ 7-23-46 (45721)
ইন্দ্রায়ুধসবর্ণৈস্তু কুন্তিভোজো হয়োত্তমৈঃ।
আয়াৎসদশ্বৈঃ পুরুজিন্মাতুলঃ সব্যসাচিনঃ॥ 7-23-47 (45722)
অন্তরিক্ষসবর্ণাস্তু তারকাচিত্রিতা ইব।
রাজানং রোচমানং তে হয়াঃ সঙ্খ্যে সমাবহন্॥ 7-23-48 (45723)
কর্বুরাঃ শিতিপাদাস্তু স্বর্ণজালপরিচ্ছদাঃ।
জারাসন্ধিং হয়াঃ শ্রেষ্ঠাঃ সহদেবমুদাবহন্॥ 7-23-49 (45724)
যে তু পুষ্করনালস্য সমবর্ণা হয়োত্তমাঃ।
জবে শ্যেনসমাশ্চিত্রাঃ সুদামানমুদাবহন্॥ 7-23-50 (45725)
শশলোহিতবর্ণাস্তু পাণ্ডুরোদ্গতরাজয়ঃ।
পাঞ্চাল্যং গোপতেঃ পুত্রং সিংহসেনমুদাবহন্॥ 7-23-51 (45726)
পাঞ্চালানাং নরব্যাঘ্রো যঃ খ্যাতো জনমেজয়ঃ।
তস্য সর্ষপপুষ্পাণাং তুল্যবর্ণা হয়োত্তমাঃ॥ 7-23-52 (45727)
মাষবর্ণাশ্চ জবনা বৃহন্তো হেমমালিনঃ।
দধিপৃষ্ঠাশ্চিত্রমুখাঃ পাঞ্চাল্যমবহন্দ্রুতম্॥ 7-23-53 (45728)
শূরাশ্চ ভদ্রকাশ্চৈব শরকাণ্ডনিভা হয়াঃ।
পদ্মকিঞ্জল্কবর্ণাভা দণ্ডধারমুদাবহন্॥ 7-23-54 (45729)
রাসভারুণবর্ণাভাঃ পৃষ্ঠতো মূষিকপ্রভাঃ।
বল্গন্ত ইব সংয়ত্তা ব্যাঘ্রদত্তমুদাবহন্॥ 7-23-55 (45730)
হরয়ঃ কালকাশ্চিত্রাশ্চিত্রমাল্যবিভূষিতাঃ।
সুধন্বানং নরব্যাঘ্রং পাঞ্চাল্যং সমুদাবহন্॥ 7-23-56 (45731)
ইন্দ্রাশনিসমস্পর্শা ইন্দ্রগোপকসন্নিভাঃ।
কায়ে চিত্রান্তরাশ্চিত্রাশ্চিত্রায়ুধমুদাবহন্॥ 7-23-57 (45732)
বিভ্রতো হেপমালাস্তু চক্রবাকোদরা হয়াঃ।
কোসলাধিপতেঃ পুত্রং সুক্ষত্রং বাজিনোঽবহন্॥ 7-23-58 (45733)
শবলাস্তু বৃহন্তোঽশ্বা দান্তা জাম্বূনদস্রজঃ।
যুদ্ধে সত্যধৃতিং ক্ষেমিমবহন্প্রাংশবঃ শুভাঃ॥ 7-23-59 (45734)
একবর্ণেন সর্বেণ ধ্বজেন কবচেন চ।
অশ্বৈশ্চ ধনুষা চৈব শুক্লৈঃ শুক্লো ন্যবর্তত॥ 7-23-60 (45735)
সমুদ্রসেনপুত্রং তু সামুদ্রা রুদ্রতেজসম্।
অশ্বাঃ শশাঙ্কসদৃশাশ্চন্দ্রসেনমুদাবহন্॥ 7-23-61 (45736)
নীলোৎপলসবর্ণাস্তু তপনীয়বিভূষিতাঃ।
শৈব্যং চিত্ররথং সঙ্খ্যে চিত্রমাল্যাঽবহন্হয়াঃ॥ 7-23-62 (45737)
কলায়পুষ্পবর্ণাস্তু শ্বেতলোহিতরাজয়ঃ।
রথসেনং হয়শ্রেষ্ঠাঃ সমূহুর্যুদ্ধদুর্মদম্॥ 7-23-63 (45738)
যং তু সর্বমনুষ্যেভ্যঃ প্রাহুঃ শূরতরং নৃপম্।
তং পটচ্চরহন্তারং শুকবর্ণাঽবহন্হয়াঃ॥ 7-23-64 (45739)
চিত্রায়ুধং চিত্রমাল্যং চিত্রবর্মায়ুধধ্বজম্।
ঊহুঃ কিংশুকপুষ্পাণাং সমবর্ণা হয়োত্তমাঃ॥ 7-23-65 (45740)
একবর্ণেন সর্বেণ ধ্বজেন কবচেন চ।
ধনুষা রথবাহৈশ্চ নীলৈর্নীলোঽভ্যবর্তত॥ 7-23-66 (45741)
নানারূপৈ রত্নচিহ্নৈর্বরূথরথকার্মুকৈঃ।
বাজিধ্বজপতাকাভিশ্চিত্রৈশ্চিত্রোঽভ্যবর্তত॥ 7-23-67 (45742)
যে তু পুষ্করবর্ণস্য তুল্যবর্ণা হয়োত্তমাঃ।
তে রোচমানস্য সুতং হেমবর্ণমুদাবহন্॥ 7-23-68 (45743)
যোধাশ্চ ভদ্রকারাশ্চ শরদণ্ডানুদণ্ডয়ঃ।
শ্বেতাণ্ডাঃ কুক্কুটাণ্ডাভা দণ্ডকেতুং হয়াঽবহন্॥ 7-23-69 (45744)
কেশবে ন হতে সঙ্খ্যে পিতর্যথ নরাধিপে।
ভিন্নে কপাটে পাণ়্ডানাং বিদ্রুতেষু চ বন্ধুষু॥ 7-23-70 (45745)
ভীষ্মাদবাপ্য চাস্ত্রাণি দ্রোণাদ্রামাৎকৃপাত্তথা।
অস্ত্রৈঃ সমৎবং সম্প্রাপ্য রুক্মিকর্ণার্জুনাচ্যুতৈঃ॥ 7-23-71 (45746)
ইয়েষ দ্বারকাং হন্তুং কৃৎস্নাং জেতুং চ মেদিনীম্।
নিবারিতস্ততঃ প্রাজ্ঞৈঃ সুহৃদ্ভির্হিতকাম্যযা॥ 7-23-72 (45747)
বৈরানুবন্ধমুৎসজ্য স্বরাজ্যমনুশাস্তি যঃ।
স সাগরধ্বজঃ পাণ্ড্যশ্চন্দ্ররশ্মিনিভৈর্হয়ৈঃ॥ 7-23-73 (45748)
বৈডূর্যজালসঞ্ছন্নৈর্বীর্যদ্রবিণমাশ্রিতঃ।
দিব্যং বিস্ফারয়ংশ্চাপং দ্রোণমভ্যদ্রবদ্বলী॥ 7-23-74 (45749)
আরকূটকবর্ণাশ্চ হয়াঃ পাণ্ড্যানুয়ায়িনাম্।
অবহন্রথমুখ্যানাময়ুতানি চতুর্দশ॥ 7-23-75 (45750)
নানাবর্ণেন রূপেণ নানাকৃতিমুখা হয়াঃ।
রথচক্রধ্বজং বীরং ঘটোৎকচমুদাবহন্॥ 7-23-76 (45751)
ভারতানাং সমেতানামুৎসৃজ্যৈকো মতানি যঃ।
গতো যুধিষ্ঠিরং ভক্ত্যা ত্যক্ৎবা সর্বমভীপ্সিতম্॥ 7-23-77 (45752)
লোহিতাক্ষং মহাবাহুং যুয়ুৎসুং মকরধ্বজম্।
মহাসৎবা মহাকায়াঃ সৌবর্ণস্যন্দনে স্থিতম্॥ 7-23-78 (45753)
সুবর্ণবর্ণা ধর্মজ্ঞমনীকস্থং যুধিষ্ঠিরম্।
রাজশ্রেষ্ঠং হয়শ্রেষ্ঠাঃ সর্বতঃ পৃষ্ঠতোঽন্বয়ুঃ॥ 7-23-79 (45754)
বর্ণৈরুচ্চাবচৈরন্যৈঃ সদশ্বানাং প্রভদ্রকাঃ।
সন্ন্যবর্তন্ত যুদ্ধায় বহবো দেবরূপিণঃ॥ 7-23-80 (45755)
তে যত্তা ভীমসেনেন সহিতাঃ কাঞ্চনধ্বজাঃ।
প্রত্যদৃশ্যন্ত রাজেন্দ্র সেন্দ্রা ইব দিবৌকসঃ॥ 7-23-81 (45756)
অত্যরোচত তান্সর্বান্ধৃষ্ঠদ্যুম্নঃ সমাগতান্।
সর্বাণ্যতি চ সৈন্যানি ভারদ্বাজো ব্যরোচত॥ 7-23-82 (45757)
অতীব শুশুভে তস্য ধ্বজঃ কৃষ্ণাজিনোত্তরঃ।
কমণ্ডলুর্মহারাজ জাতরূপময়ঃ শুভঃ॥ 7-23-83 (45758)
ধ্বজং তু ভীমসেনস্য বৈ2ডূর্যমণিলোচনম্।
ভ্রাজমানং মহাসিংহং রাজন্তং দৃষ্টবানহম্॥ 7-23-84 (45759)
ধ্বজং তু কুরুরাজস্য পাণ্ডবস্য মহৌজসঃ।
দৃষ্টবানস্মি সৌবর্ণং সোমং গ্রহগণান্বিতম্॥ 7-23-85 (45760)
মৃদঙ্গৌ চাত্র বিপুলৌ দিব্যৌ নন্দোপনন্দকৌ।
যন্ত্রেণাহন্যমানৌ চ সুস্বনৌ হর্ষবর্ধনৌ॥ 7-23-86 (45761)
শরভং পৃষ্ঠসৌবর্ণং নকুলস্য মহাধ্বজম্।
অপশ্যাম রথেত্যুগ্রং ভীষয়াণমবস্থিতম্॥ 7-23-87 (45762)
হংসস্তু রাজতঃ শ্রীমান্ধ্বজে ঘণ্টাপতাকবান্।
সহদেবস্য দুর্ধর্ষো দ্বিষতাং শোকবর্ধনঃ॥ 7-23-88 (45763)
পঞ্চানাং দ্রৌপদেয়ানাং প্রতিমাধ্বজভূষণম্।
ধর্মমারুতশক্রাণামশ্বিনোশ্চ মহাত্মনোঃ॥ 7-23-89 (45764)
অভিমন্যোঃ কুমারস্য শার্ঙ্গপক্ষী হিরণ্ময়ঃ।
রথে ধ্বজবরো রাজংস্তপ্তচামীকরোজ্জ্বলঃ॥ 7-23-90 (45765)
ঘটোৎকচস্য রাজেন্দ্র ধ্বজে গৃধ্রো ব্যরোচত।
অশ্বাশ্চ কামগাস্তস্য রাবণস্য পুরা যথা॥ 7-23-91 (45766)
মাহেন্দ্রং চ ধনুর্দিব্যং ধর্মরাজে যুধিষ্ঠিরে।
বায়ব্যং ভীমসেনস্য ধনুর্দিব্যমভূন্নৃপ॥ 7-23-92 (45767)
ত্রৈলোক্যরক্ষণার্থায় ব্রহ্মণা সৃষ্টমায়ুধম্।
তদ্দিব্যমজরং চৈব ফাল্গুনার্থায় বৈ ধনুঃ॥ 7-23-93 (45768)
বৈষ্ণবং নকুলায়াথ সহদেবায় চাশ্চিজম্।
ঘটোৎকচায় পৌলস্ত্যং ধনুর্দিব্যং ভয়ামকম্॥ 7-23-94 (45769)
রৌদ্রমাগ্নেয়কৌবেরং যাম্যং গিরিশমেব চ।
পঞ্চানাং দ্রৌপদেয়ানাং ধনূরত্নানি ভারত॥ 7-23-95 (45770)
রৌদ্রং ধনুর্বরং শ্রেষ্ঠং লেভে যদ্রোহিণীসুতঃ।
তত্তুষ্টঃ প্রদদৌ রামঃ সৌভদ্রায় মহাত্মনে॥ 7-23-96 (45771)
এতে চান্যে চ বহবো ধ্বজা হেমবিভূষিতাঃ।
তত্রাদৃশ্যন্ত শূরাণাং দ্বিষতাং শোকবর্ধনাঃ॥ 7-23-97 (45772)
তদভূদ্ধ্বজসম্বাধমকাপুরুষসেবিতম্।
দ্রোণানীকং মহারাজ পটে চিত্রমিবার্পিতম্॥ 7-23-98 (45773)
শুশ্রুবুনার্মগোত্রাণি বীরাণাং সংয়ুগে তদা।
দ্রোণমাদ্রবতাং রাজন্স্বয়ংবর ইবাহবে॥ ॥ 7-23-99 (45774)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে ত্রয়োবিংশোঽধ্যায়ঃ॥ 23 ॥
Mahabharata - Drona Parva - Chapter Footnotes
5-23-1 রথচিহ্নানি হয়ান্ ধ্বজাংশ্চেত্যর্থঃ॥ 5-23-3 ব্যায়চ্ছন্তং নিবর্তমানম্॥ 5-23-4 সিতনীলারুণো বর্ণঃ সারঙ্গসদৃশশ্চ সঃ॥ 5-23-5 পারাবতকপোতাভঃ সিতনীলসমন্বয়াৎ॥ 5-23-6 শোণঃ কোকনদচ্ছবিঃ॥ 5-23-7 মল্লিকাক্ষান্নির্মলেক্ষণান্॥ 5-23-8 মহাললাটজধনস্কন্ধবক্ষোজবা হয়াঃ। দীর্ঘগ্রীবায়তা হস্বমুষ্কাঃ কাম্ভোজকাঃ স্মৃতাঃ। শুকপত্রপরিচ্ছদাঃ শুকপত্রাভরোমাণঃ॥ 5-23-11 দন্তবর্ণঃ গজদন্তগৌরাঃ॥ 5-23-14 শ্বেতং ললাটমধ্যশ্থং তারারূপং হয়স্য যৎ। ললামং চাপি তৎপ্রাহুর্ললামোঽশ্বস্তদন্বিতঃ। সকেসরাণি রোমাণি সুবর্ণভানি যস্য তু। হরিঃস স বর্ণতোঽশ্বস্তু পীতকৌশেয়সন্নিভঃ॥ 5-23-16 পাটলিপুষ্পাণাং সমবর্ণাঃ শ্বেতরক্তাঃ॥ 5-23-17 বিরাটরাজস্য পুত্র উত্তরম্॥ 5-23-20 আমপাত্রনিকাশাঃ মলিনশ্বেতাঃ॥ 5-23-26 ক্ষমাবন্তো বিনীতাঃ॥ 5-23-28 প্রেষ্যকরাঃ ইচ্ছানুবিধায়িনঃ॥ 5-23-30 সহস্রসোমপ্রতিমঃ সোমসহস্রসমঃ সৌম্যতম ইত্যর্থঃ। তস্মিন্ উদয়েন্দুনাম্নি উদয়েন্দুপর্যায়ে পুরে শক্রপ্রস্থ এব সোমসঙ্ক্রন্দঃ সোমাভিষবণং তস্য মধ্যে। তমধিকৃত্য তৎফেনেনেত্যর্থস্তস্মাদ্ধোতোঃ॥ 5-23-31 শালপুষ্পনিভাঃ রক্তপীতাঃ॥ 5-23-32 যোক্ত্রৈরাবন্ধৈঃ। ময়ূরগ্রীবো মরকতবিশেষঃ॥ 5-23-34 পিশঙ্গাঃ কপিলাঃ॥ 5-23-36 পলালকাণ্ডো নিষ্ফলব্রীহিদণ্ডস্তদ্বর্ণাঃ॥ 5-23-37 রুক্মপীঠেন রুক্মবর্ণেন পীঠেন পৃষ্ঠেনাবকীর্ণা ব্যাপ্তাঃ॥ 5-23-40 অরুণা অব্যক্তরাগাঃ॥ 5-23-41 ধৃষ্টদ্যুম্নস্য পুনর্বচনং দ্রোণহন্তৃৎবদৃঢীকরণার্থম্॥ 5-23-46 বভ্রুকৌশেয়বর্ণাঃ পিঙ্গগৌরাঃ ॥ 5-23-47 ইন্দ্রায়ুধসবর্ণৈংস্ত্রিবর্ণৈঃ॥ 5-23-48 অন্তরিক্ষসবর্ণা নীলাঃ ॥ 5-23-49 কর্বুরাশ্চিত্রাঃ॥ 5-23-53 মাষবর্ণাঃ মলিনশ্যামাঃ॥ 5-23-54 ভদ্রকাঃ শোভনশিরসঃ। শরকাণ্ডনিভাঃ সিতগৌরাঃ॥ 5-23-55 রাসভারুণবর্ণাভা অরুণমলিনাঃ। মূষিকপ্রভাঃ মলিনশ্বেতাঃ॥ 5-23-56 কালকাঃ কৃষ্ণমস্তকাঃ॥ 5-23-57 চিত্রান্তরা বিচিত্রাবকাশাঃ। চিত্রা অদ্ভুতদর্শনাঃ॥ 5-23-58 চক্রবাকোদরা ঈষচ্ছ্বেতাঃ॥ 5-23-63 কলায়পুষ্পবর্ণাঃ মিশ্রশ্যামাঃ॥ 5-23-64 পটচ্চরাণামসুরবিশেষাণাং হন্তারং সমুদ্রাধিপম্॥ 5-23-69 যোধা যুদ্ধক্ষমাঃ। ভদ্রকারাঃ শোভনক্রিয়াঃ। শরদণ্ডঃ শরপ্রকাণ্ড ইব অনুদণ্ডিঃ পৃষ্ঠবংশো যেষাম্। সিতগৌরপৃষ্ঠা ইত্যর্থঃ॥ 5-23-70 কপাটে নগরবিশেষে॥ 5-23-75 আটরূষকবর্ণাভাঃ ইতি ঝ পাঠঃ। তত্র আটরূষকস্য বাসকস্য কুসুমং তদ্বর্ণসদৃশবর্ণা ইত্যর্থঃ॥ 5-23-78 হয়া অবহন্ ইতি পূর্বস্মাদনুকৃষ্যতে॥ 5-23-79 সুবর্ণবর্ণা ইতি পূর্বোত্তরান্বয়ি॥ 5-23-86 নন্দোপনন্দকৌ নাম্না॥ 5-23-23 ত্রয়োবিংশোঽধ্যায়ঃ॥দ্রোণপর্ব - অধ্যায় 024
॥ শ্রীঃ ॥
7.24. অধ্যায়ঃ 024
Mahabharata - Drona Parva - Chapter Topics
ধৃতরাষ্ট্রেণ পুত্রান্প্রতি শোচনপূর্বকং সঞ্জয়ম্প্রতি যুদ্ধকথনচোদনা॥ 1 ॥Mahabharata - Drona Parva - Chapter Text
7-24-0 (45775)
ধৃতরাষ্ট্র উবাচ। 7-24-0x (4318)
ব্যথয়েয়ুরিমে সেনাং দেবানামপি সঞ্জয়।
আহবে যে ন্যবর্তন্ত বৃকোদরমুখা নৃপাঃ॥ 7-24-1 (45776)
সম্প্রয়ুক্তঃ কিলৈবায়ং দিষ্টৈর্ভবতি পূরুষঃ।
তস্মিন্নেব চ সর্বার্থাঃ প্রদৃশ্যন্তে পৃথগ্বিধাঃ॥ 7-24-2 (45777)
দীর্ঘং বিপ্রোষিতঃ কালমরণ্যে জটিলোঽজিনী।
অজ্ঞাতশ্চৈব লোকস্য বিজহার যুধিষ্ঠিরঃ॥ 7-24-3 (45778)
স এব মহতীং সেনাং সমাবর্তয়দাহবে।
কিমন্যদ্দৈবসংয়োগান্মম পুত্রাভবায় চ॥ 7-24-4 (45779)
যুক্ত এব হি ভাগ্যেন ধ্রুবমুৎপদ্যতে নরঃ।
স তথাঽঽকৃষ্যতে তেন ন যথা স্বয়মিচ্ছতি॥ 7-24-5 (45780)
দ্যূতব্যসনমাসাদ্য ক্লেশিতো হি যুধিষ্ঠিরঃ।
স পুনর্ভাগধেয়েন সহায়ানুপলব্ধবান্॥ 7-24-6 (45781)
অর্থে মে কেকয়া লব্ধাঃ কাশিকা কোসলাশ্চয়ে।
চেদীনাং চার্ধমপরে মামে ব সমুপাশ্রিতাঃ॥ 7-24-7 (45782)
পৃথিবী ভূয়সী তাত মম পার্থস্য নো তথা।
ইতি মামব্রবীৎসূত মন্দো দুর্যোধনঃ পুরা॥ 7-24-8 (45783)
তস্য সেনাসমূহস্য মধ্যে দ্রোণঃ সুরক্ষিতঃ।
নিহতঃ পার্ষতেনাজৌ কিমন্যদ্ভাগধেয়তঃ॥ 7-24-9 (45784)
মধ্যে রাজ্ঞাং মহাবাহুং সদা যুদ্ধাভিনন্দিনম্।
সর্বাস্ত্রপারগং দ্রোণং কথং মৃত্যুরুপেয়িবান্॥ 7-24-10 (45785)
সমনুপ্রাপ্তকৃচ্ছ্রোঽহং মোহং পরমমাগতঃ।
ভীষ্মদ্রোণৌ হতৌ শ্রুৎবা নাহং জীবিতুমুৎসহে॥ 7-24-11 (45786)
যন্মাং ক্ষত্তাঽব্রবীত্তাত প্রপশ্যন্পুত্রগৃদ্ধিনম্।
দুর্যোধনেন তৎসর্বং প্রাপ্তং সূত ময়া সহ॥ 7-24-12 (45787)
নৃশংসং তু পরং তাত ত্যক্ৎবা দুর্যোধনং যদি।
পুত্রশেষং চিকীর্ষেয়ং কৃৎস্নং ন মরণং ব্রজেৎ॥ 7-24-13 (45788)
যো হি ধর্মং পরিত্যজ্য ভবত্যর্থপরো নরঃ।
সোঽস্মাচ্চ হীয়তে লোকাৎক্ষুদ্রভাবং চ গচ্ছতি॥ 7-24-14 (45789)
অদ্য চাপ্যস্য রাষ্ট্রস্য কৃতোচ্ছেদস্য সঞ্জয়।
অবশেষং ন পশ্যামি ককুদে মৃদিতে সতি॥ 7-24-15 (45790)
কথং স্যাদবশেষো হি ধুর্যযোরভ্যতীতয়োঃ।
যৌ নিত্যমুপজীবামঃ ক্ষমিণৌ পুরুষর্ষভৌ॥ 7-24-16 (45791)
ব্যক্তমেব চ মে শংস যথা যুদ্ধমবর্তত।
কেঽয়ুধ্যন্কে ব্যপাকুর্বন্কে ক্ষুদ্রাঃ প্রাদ্রবন্ভয়াৎ॥ 7-24-17 (45792)
ধনুঞ্জয়ং চ মে শংস যদ্যচ্চক্রে রথর্ষভঃ।
তস্মাদ্ভয়ং নো ভূয়িষ্ঠং ভ্রাতৃব্যাচ্চ বৃকোদরাৎ॥ 7-24-18 (45793)
যথাঽসীচ্চ নিবৃত্তেষু পাণ্ডবেয়েষু সঞ্জয়।
মম সৈন্যাবশেষস্য সন্নিপাতঃ সুদারুণঃ॥ 7-24-19 (45794)
কথং চ বো মনস্তাত নিবৃত্তেষ্বভবত্তদা।
মামকানাং চ যে শূরাঃ কে কাংস্তত্র ন্যবারয়ন্॥ ॥ 7-24-20 (45795)
ইতি শ্রীমন্মহাভারতে দ্রোণপর্বণি সংশপ্তকবধপর্বণি চতুর্বিংশোঽধ্যায়ঃ॥ 24 ॥
Mahabharata - Drona Parva - Chapter Footnotes
5-24-2 সংপ্রয়ুক্তঃ সম্বদ্ধঃ। ভবতি উৎপদ্যতে। তস্মিন্ দিষ্ট এব॥ 5-24-18 ভ্রাতৃব্যাদমিত্রাৎ॥ 5-24-24 চতুর্বিশোঽধ্যায়ঃ॥দ্রোণপর্ব - অধ্যায় 025
॥ শ্রীঃ ॥
7.25. অধ্যায়ঃ 025
Mahabharata - Drona Parva - Chapter Topics
দ্বন্দ্বয়ুদ্ধবর্ণনম্॥ 1 ॥Mahabharata - Drona Parva - Chapter Text
7-25-0 (45796)
সঞ্জয় উবাচ। 7-25-0x (4319)
মহদ্ভৈরবমাসীন্নঃ সন্নিবৃত্তেষু পাণ্ডুষু।
দৃষ্ট্বা দ্রোণং ছাদ্যমানং তৈর্ভাস্করমিবাম্বুদৈঃ॥ 7-25-1 (45797)
তৈশ্চোদ্ভূতং রজস্তীব্রমবচক্রে চমূং তব।
ততো হতমমংস্যাম দ্রোণং দৃষ্টিপথে হতে॥ 7-25-2 (45798)
তাংস্তু শূরান্মহেষ্বাসান্ক্রূরং কর্ম চিকীর্ষতঃ।
দৃষ্ট্বা দুর্যোধনস্তূর্ণং স্বসৈন্যং সমচূচুদৎ॥ 7-25-3 (45799)
যথাশক্তি যথোৎসাহং যথাসৎবং নরাধিপাঃ।
বারয়ধ্বং যথায়োগং পাণ্ডবানামনীকিনীম্॥ 7-25-4 (45800)
ততো দুর্মর্ষণো ভীমমভ্যগচ্ছৎসুতস্তব।
আরাদ্দৃষ্ট্বা কিরন্বাণৈরিচ্ছন্দোণস্য জীবিতম্॥ 7-25-5 (45801)
তং বাণেরবতস্তার ক্রুদ্ধো মৃত্যুরিবাহবে।
তং চ ভীমোঽতুদদ্বাণৈস্তদাঽঽসীত্তুমুলং মহৎ॥ 7-25-6 (45802)
ত ঈশ্বরসমাদিষ্টাঃ প্রাজ্ঞাঃ শূরাঃ প্রহারিণঃ।
রাজ্যং মৃত্যুভয়ং ত্যক্ৎবা প্রত্যতিষ্ঠন্পরান্যুধি॥ 7-25-7 (45803)
কৃতবর্মা শিনেঃ পৌত্রং দ্রোণং প্রেপ্সুং বিশাম্পতে।
পর্যবারয়দায়ান্তং শূরং সমরশোভিনম্॥ 7-25-8 (45804)
তং শৈনেয়ঃ শরব্রাতৈঃ ক্রুদ্ধঃ ক্রুদ্ধমবারয়ৎ।
কৃতবর্মা চ শৈনেয়ং মত্তো মত্তমিব দ্বিপম্॥ 7-25-9 (45805)
সৈন্ধবঃ ক্ষত্রবর্মাণমায়ান্তং নিশিতৈঃ শরৈঃ।
উগ্রধন্বা মহেষ্বাসং যত্ততো দ্রোণাদবারয়ৎ॥ 7-25-10 (45806)
ক্ষত্রবর্মা সিন্ধুপতেশ্ছিত্ৎবা কেততনকার্মুকে।
নারাচৈর্দশভিঃ ক্রুদ্ধঃ সর্বমর্মস্বতাডয়ৎ॥ 7-25-11 (45807)
অথান্যদ্ধনুরাদায় সৈন্ধবঃ কৃতহস্তবৎ।
বিব্যাধ ক্ষত্রবর্মাণং রণে সর্বায়সৈঃ শরৈঃ॥ 7-25-12 (45808)
যুয়ুৎসুং পাণ্ডবার্থায় যতমানং মহারথম্।
সুবাহুর্ভারতং শূরং যত্তো দ্রোণাদবারয়ৎ॥ 7-25-13 (45809)
সুবাহোঃ সধনুর্বাণাবস্যতঃ পরিঘোপমৌ।
যুয়ুৎসুঃ শিতপীতাভ্যাং ক্ষুরাভ্যামচ্ছিনদ্ভুজৌ॥ 7-25-14 (45810)
রাজানং পাণ্ডবশ্রেষ্ঠং ধর্মাত্মানং যুধিষ্ঠিরম্।
বেলেব সাগরং ক্ষুব্ধং মদ্ররাট্ সমবারয়ৎ॥ 7-25-15 (45811)
তং ধর্মরাজো বহুভির্মর্মভিদ্ভিরবাকিরৎ।
মদ্রেশস্তং চতুঃষষ্ট্যা শরৈর্বিদ্ধ্বাঽনদদ্ভৃশম্॥ 7-25-16 (45812)
তস্য নানদতঃ কেতুমুচ্চকর্ত চ কার্মুকম্।
ক্ষুরাভ্যাং পাণ্ডবো জ্যেষ্ঠস্তত উচ্চুক্রুশুর্জনাঃ॥ 7-25-17 (45813)
তথৈব রাজা বাহ্লীকো রাজানং দ্রুপদং শরৈঃ।
আদ্রবন্তং সহানীকঃ সহানীকং ন্যবারয়ৎ॥ 7-25-18 (45814)
তদ্যুদ্ধমভবদ্ধোরং বৃদ্ধয়োঃ সহসেনয়োঃ।
যথা মহায়ূথপয়োর্দ্বিপয়োঃ সম্প্রভিন্নয়োঃ॥ 7-25-19 (45815)
বিন্দানুবিন্দাবাবন্ত্যৌ বিরাটং মৎস্যমার্চ্ছতাম্।
সহসৈন্যৌ সহানীকং যথেন্দ্রাগ্নী পুরা বলিম্॥ 7-25-20 (45816)
তদুৎপিঞ্জলকং যুদ্ধমাসীদ্দেবাসুরোপমম্।
মৎস্যানাং কেকয়ৈঃ সার্ধমভীতাশ্বরথদ্বিপম্॥ 7-25-21 (45817)
নাকুলিং তু শতানীকং ভূতকর্মা সভাপতিঃ।
অস্যন্তমিষুজালানি যান্তং দ্রোণাদবারয়ৎ॥ 7-25-22 (45818)
ততো নকুলদায়াদস্ত্রিভির্ভল্লৈঃ সুসংশিতৈঃ।
চক্রে বিবাহুশিরসং ভূতকর্মাণমাহবে॥ 7-25-23 (45819)
সুতসোমং তু বিক্রান্তমায়ান্তং তং শরৌঘিণম্।
দ্রোণায়াভিমুখং বীরং সাল্বো বাণৈরবারয়ৎ॥ 7-25-24 (45820)
স তু ভীমরথঃ সাল্বমাশুগৈরায়সৈঃ শিতৈঃ।
ষড্ভিঃ সাশ্বনিয়ন্তারমনয়দ্যমসাদনম্॥ 7-25-25 (45821)
শ্রুতকীর্তিং সমায়ান্তং ময়ূরসদৃশৈর্হয়ৈঃ।
চিত্রসেনো মহারাজ তব পৌত্রং ন্যবারয়ৎ॥ 7-25-26 (45822)
তমার্জুনিঃ শরৈশ্চক্রে পিতৃব্যং জর্ঝরচ্ছবিম্।
শরৈশ্চ দ্রৌপদীপুত্রং চিত্রসেনঃ সমাবৃণোৎ॥ 7-25-27 (45823)
কিরন্তং শরজালানি প্রভিন্নমিব কুঞ্জরম্।
শ্রুতকর্মাণমায়ান্তং দৌশ্শাসনিরবারয়ৎ॥ 7-25-28 (45824)
তৌ পৌত্রৌ তব দুর্ধর্ষৌ পরস্পরবধৈষিণৌ।
পিতৄণামর্থসিদ্ধ্যর্থং চক্রতুর্যুদ্ধমুত্তমম্॥ 7-25-29 (45825)
তিষ্ঠন্তমগ্রে তং দৃষ্ট্বা প্রতিবিন্ধ্যং মহাহবে।
দ্রৌণির্মানং পিতুঃ কুর্বন্মার্গণৈঃ সমবারয়ৎ॥ 7-25-30 (45826)
তং ক্রুদ্ধং প্রতিবিব্যাধ প্রতিবিন্ধ্যঃ শিতৈঃ শরৈঃ।
সিংহলাঙ্গূললক্ষ্মাণং পিতুরর্থে ব্যবস্থিতম্॥ 7-25-31 (45827)
প্রবপন্নিব বীজানি বীজকালে কৃষীবলঃ।
দ্রৌণায়নির্দ্রৌপদেয়ং শরবর্ষৈরবাকিরৎ॥ 7-25-32 (45828)
যস্তু শূরতমো রাজন্নুভয়োঃ সেনয়োর্মতঃ।
তং পটচ্চরহন্তারং লক্ষ্মণঃ সমবারয়ৎ॥ 7-25-33 (45829)
স লক্ষ্মণস্যেষ্বসনং ছিত্ৎবা লক্ষ্ম চ ভারত।
লক্ষ্মণে শরজালানি বিসৃজন্বহ্বশোভত॥ 7-25-34 (45830)
ততোঽভিমন্যুঃ কর্মাণি কুর্বন্তং চিত্রয়োধিনম্।
আর্জুনিঃ কৃতিনং শূরং লক্ষ্মণং সময়োধয়ৎ॥ 7-25-35 (45831)
স সম্প্রহারস্তুমুলস্তয়োরাসীন্মহাত্মনোঃ।
শ্রোতৄণামীক্ষিতৄণাং চ ভৃশং প্রীতিবিবর্ধনঃ॥ 7-25-36 (45832)
বিকর্ণস্তু মহাপ্রাজ্ঞো যাজ্ঞসেনিং শিখণ্ডিনম্।
পর্যবারয়দায়ান্তং যুবানং সমরে যুবা॥ 7-25-37 (45833)
ততস্তমিষুজালেন যাজ্ঞসেনিঃ সমাবৃণোৎ।
বিধূয় তদ্বাণজালং বভৌ তব সুতো বলী॥ 7-25-38 (45834)
অঙ্গদোঽভিমুখং বীরমুত্তমৌজসমাহবে।
দ্রোণায়াভিমুখং যান্তং শরৌঘেণ ন্যবারয়ৎ॥ 7-25-39 (45835)
স সম্প্রহারস্তুমুলস্তয়োঃ পুরুষসিংহয়োঃ।
সৈনিকানাং চ সর্বেষাং তয়োশ্চ প্রীতিবর্ধনঃ॥ 7-25-40 (45836)
দুর্মুখস্তু মহেষ্বাসো বীরং পুরুজিতং বলী।
দ্রোণায়াভিমুখং যান্তং বৎসদন্তৈরবারয়ৎ॥ 7-25-41 (45837)
স দুর্মুখং ভ্রুবোর্মধ্যে নারাচেনাভ্যতাডয়ৎ।
তস্য তদ্ধি বভৌ বক্ত্রং সনালমিব পঙ্কজম্॥ 7-25-42 (45838)
কর্ণস্তু কেকয়ান্ভ্রাতৄন্পঞ্চ লোহিতকধ্বজান্।
দ্রোণায়াভিমুখং যাতাঞ্শরবর্ষৈরবারয়ৎ॥ 7-25-43 (45839)
তে চৈনং ভৃশসন্তপ্তাঃ শরবর্ষৈরবাকিরন্।
স চ তাংশ্ছাদয়ামাস শরজালৈঃ পুনঃ পুনঃ॥ 7-25-44 (45840)
নৈব কর্ণো ন তে পঞ্চ দদৃশর্বাণসংবৃতাঃ।
সাশ্বসূতধ্বজরথাঃ পরস্পরশরাচিতাঃ॥ 7-25-45 (45841)
পুত্রাস্তে দুর্জয়শ্চৈব জয়শ্চ বিজয়শ্চ হ।
নীলকাশ্যজয়ৎসেনাংস্ত্রয়স্ত্রীন্প্রত্যবারয়ন্॥ 7-25-46 (45842)
তদ্যুদ্ধমভবদ্ধোরমীক্ষিতৃপ্রীতিবর্ধনম্।
সিংহব্যাঘ্রতরক্ষূণাং যথর্ক্ষমহিষর্ষভৈঃ॥ 7-25-47 (45843)
ক্ষেমধূর্তিবৃহন্তৌ তু ভ্রাতরৌ সাৎবতং যুধি।
দ্রোণায়াভিমুখং যান্তং শরৈস্তীক্ষ্ণৈস্ততক্ষতুঃ॥ 7-25-48 (45844)
তয়োস্তস্য চ তদ্যুদ্ধমত্যদ্ভুতমিবাভবৎ।
সিংহস্য দ্বিপমুখ্যাভ্যাং প্রভিন্নাভ্যাং যথা বনে। 7-25-49 (45845)
রাজানং তু তথাম্বষ্ঠমেকং যুদ্ধাভিনন্দিনম্।
চেদিরাজঃ শরানস্যন্ক্রুদ্ধো দ্রোণাদবারয়ৎ॥ 7-25-50 (45846)
ততোঽম্বষ্ঠোঽস্থিভেদিন্যা নিরভিদ্যচ্ছলাকয়া।
স ত্যক্ৎবা সশরং চাপং রথাদ্ভূমিমুপাগমৎ॥ 7-25-51 (45847)
বার্ধক্ষেমিং তু বার্ষ্ণেয়ং কৃপঃ শারদ্বতঃ শরৈঃ।
অক্ষুদ্রঃ ক্ষুদ্রকৈর্বাণৈঃ ক্রুদ্ধরূপমবারয়ৎ॥ 7-25-52 (45848)
যুধ্যন্তৌ কৃপবার্ষ্ণেয়ৌ যেঽপশ্যংশ্চিত্রয়োধিনৌ।
তে যুদ্ধাসক্তমনসো নান্যং বুবুধিরে ক্রিয়াম্॥ 7-25-53 (45849)
সৌমদত্তিস্তু রাজানং মণিমন্তমতন্দ্রিতম্।
পর্যবারয়দায়ান্তং যশো দ্রোণস্য বর্ঘয়ন্॥ 7-25-54 (45850)
স সৌমদত্তেস্ৎবরিতশ্চিত্রেষ্বসনকেতনে।
পুনঃ পতাকাং সূতং চচ্ছত্রং চাপাতয়দ্রথাৎ॥ 7-25-55 (45851)
অথাপ্লুত্য রথাত্তূর্ণং যূপকেতুরমিত্রহা।
সাশ্বসূতধ্বজরথং তং চকর্ত বরাসিনা॥ 7-25-56 (45852)
রথং চ স্বং সমাস্থায় ধনুরাদায় চাপরম্।
স্বয়ং যচ্ছন্হয়ান্রাজন্ব্যধমৎপাণ্ডবীং চমূম্॥ 7-25-57 (45853)
পাণ্ড্যমিন্দ্রমিবায়ান্তমসুরান্প্রতি দুর্জয়ম্।
সমর্থঃ সায়কৌঘেন বৃষসেনো ন্যবারয়ৎ॥ 7-25-58 (45854)
`অথাজগাম হৈডিম্বো মহামায়ো মহাবলঃ।
পিতৄণাং হিতমন্বিচ্ছন্দহন্কৌরববাহিনীম্'॥ 7-25-59 (45855)
গদাপরিঘনিস্ত্রিংশপট্টসায়োঘনোপলৈঃ।
কডঙ্গরৈর্ভুশুণ্ডীভিঃ প্রাসৈস্তোমরসায়কৈঃ॥ 7-25-60 (45856)
মুসলৈর্মুদ্গরৈশ্চক্রৈর্ন্ভিণ্ডিপালপরশ্বথৈঃ।
পাংসুবাতাগ্নিসলিলৈর্ভস্মলোষ্ঠতৃণদ্রুমৈঃ॥ 7-25-61 (45857)
আতুদন্প্ররুজন্ভঞ্জন্নিঘ্নন্বিদ্রাবয়ন্ক্ষিপন্।
সেনাং বিভীষয়ন্নায়াদ্দোণপ্রেপ্সুর্ঘটোৎকচঃ॥ 7-25-62 (45858)
তং তু নানাপ্রহরণৈর্নানায়ুদ্ধবিশেষণৈঃ।
রাক্ষসং রাক্ষসঃ ক্রুদ্ধঃ সমাজঘ্নে হ্যলম্বুসঃ॥ 7-25-63 (45859)
তয়োস্তদভবদ্যুদ্ধং রক্ষোগ্রামণিমুখ্যযোঃ।
তাদৃগ্যাদৃক্পুরাবৃত্তং শম্বরামররাজয়োঃ॥ 7-25-64 (45860)
এবং দ্বন্দ্বশতান্যাসন্রথবারণবাজিনাম্।
পদাতীনাং চ ভদ্রং তে তব তেষাং চ সঙ্কুলে॥ 7-25-65 (45861)
নৈতাদৃশো দৃষ্টপূর্বঃ সঙ্গ্রামো নৈব চ শ্রুতঃ।
দ্রোণস্যাভাবভাবে তু প্রসক্তানাং পরস্পরম্॥ 7-25-66 (45862)
ইদং ঘোরমিদং চিত্রমিদং রৌদ্রমিতি প্রভো।
তত্র যুদ্ধান্যদৃশ্যন্ত প্রততানি বহূনি চ॥ ॥ 7-25-67 (45863)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে পঞ্চবিংশোঽধ্যায়ঃ॥ 25 ॥
Mahabharata - Drona Parva - Chapter Footnotes
5-25-1 ভীরোর্ভাবো ভৈরবং ভয়মিতি যাবৎ॥ 5-25-2 দৃষ্টিপথে গতে ইতি ঙ পাঠঃ॥ 5-25-7 বাহ্যং মৃত্যুভয়ং ইতি ক.ঙ.পাঠঃ॥ 5-25-21 উৎপিঞ্জলকমত্যন্তাকুলম্। তদদ্ভুততমং যুদ্ধং ইতি ক.ঙ.পাঠঃ॥ 5-25-22 ভূতকর্মা সভাপতিরিতি দ্বিনামা॥ 5-25-25 ভীমরথো রাজভ্রাতা॥ 5-25-45 দদৃশুঃ দদৃশিরে॥ 5-25-51 শলাকয়া শঙ্কুনা॥ 5-25-60 অয়োঘানা কডঙ্গরৈর্দণ্ডৈঃ॥ 5-25-62 আতুদন্ ব্যথয়ন্। প্ররুজন্বিধ্যন্। ভঞ্জন্ আমর্দয়ন্। নিঘ্নন্ মারয়ন্। বিদ্রাবয়ন্পলায়যন্। ক্ষিপন্প্রেরয়ন্॥ 5-25-66 আভাবভাবে মারণে রক্ষণে চ॥ 5-25-25 পঞ্চবিংশোঽধ্যায়ঃ॥ 25 ॥দ্রোণপর্ব - অধ্যায় 026
॥ শ্রীঃ ॥
7.26. অধ্যায়ঃ 026
Mahabharata - Drona Parva - Chapter Topics
ভগদত্তপরাক্রমবর্ণনম্॥ 1 ॥Mahabharata - Drona Parva - Chapter Text
7-26-0 (45864)
ধৃতরাষ্ট্র উবাচ। 7-26-0x (4320)
তেষ্বেবং সন্নিবৃত্তেষু প্রত্যুদ্যাতেষু ভাগশঃ।
কথং যুয়ুধিরে পার্থা মামকাশ্চ তরস্বিনঃ॥ 7-26-1 (45865)
কিমর্জুনশ্চাপ্যকরোৎসংশপ্তকবলং প্রতি।
সংশপ্তকা বা পার্থস্য কিমকুর্বত সঞ্জয়॥ 7-26-2 (45866)
সঞ্জয় উবাচ। 7-26-3x (4321)
তথা তেষু নিবৃত্তেষু প্রত্যুদ্যাতেষু ভাগশঃ।
স্বয়মভ্যদ্রবদ্ভীমং নাগানীকেন তে সুতঃ॥ 7-26-3 (45867)
স নাগ ইব নাগেন গোবৃষেণেব গোবৃষঃ।
সমাহূতঃ স্বয়ং রাজ্ঞা নাগানীকমুপাদ্রবৎ॥ 7-26-4 (45868)
স যুদ্ধকুশলঃ পার্থো বাহুবীর্যেণ চান্বিতঃ।
অভিনৎকুঞ্জরানীকমচিরেণৈব মারিষ॥ 7-26-5 (45869)
তে গজা গিরিসঙ্কাশাঃ ক্ষরন্তঃ সর্বতো মদম্।
ভীমসেনস্য নারাচৈর্বিমুখা বিমদীকৃতাঃ॥ 7-26-6 (45870)
বিধমেদভ্রজালানি যথা বায়ুঃ সমুদ্ধতঃ।
ব্যধমত্তান্যনীকানি তথৈব পবনাত্মজঃ॥ 7-26-7 (45871)
স তেষু বিসৃজন্বাণান্ভীমো নাগেষ্বশোভত।
ভুবনেষ্বিব সর্বেষু গভস্তীনুদিতো রবিঃ॥ 7-26-8 (45872)
তে ভীমবাণাভিহতাঃ সংস্যূতা বিবভুর্গজাঃ।
গভস্তিভিরিবার্কস্য ব্যোম্নি নানাবলাহকাঃ॥ 7-26-9 (45873)
তথা গজানাং কদনং কুর্বাণমনিলাত্মজম্।
ক্রুদ্ধো দুর্যোধনোঽভ্যেত্য প্রত্যবিধ্যচ্ছিতৈঃ শরৈঃ॥ 7-26-10 (45874)
ততঃ ক্ষণেন ক্ষিতিপং ক্ষতজপ্রতিমেক্ষণঃ।
ক্ষয়ং নিনীষুর্নিশিতৈর্ভীমো বিব্যাধ পত্রিভিঃ॥ 7-26-11 (45875)
স শরাচিতসর্বাঙ্গঃ ক্রুদ্ধো বিব্যাধ পাণ্ডবম্।
নারাচৈরর্করশ্ম্যাভৈর্ভীমসেনং স্ময়ন্নিব॥ 7-26-12 (45876)
তস্য নাগং মণিময়ং রত্নচিত্রধ্বজে স্থিতম্।
ভল্লাভ্যাং কার্মুকং চৈব ক্ষিপ্রং চিচ্ছেদ পাণ্ডবঃ॥ 7-26-13 (45877)
দুর্যোধনং পীড্যমানং দৃষ্ট্বা ভীমেন মারিষ।
চুক্ষোভয়িষুরভ্যাগাদঙ্গো মাতঙ্গমাস্থিতঃ॥ 7-26-14 (45878)
তমাপতন্তং নাগেন্দ্রমম্বুদপ্রতিমস্বনম্।
কুম্ভান্তরে ভীমসেনো নারাচৈরার্দয়দ্ভৃশম্॥ 7-26-15 (45879)
তস্য কায়ং বিনির্ভিদ্য ন্যমজ্জদ্ধরণীতলে।
ততঃ পপাত দ্বিরদো বজ্রাহত ইবাচলঃ॥ 7-26-16 (45880)
তস্বাবর্জিতনাগস্য ম্লেচ্ছস্যাধঃ পতিষ্যতঃ।
শিরশ্চিচ্ছেদ ভল্লেন ক্ষিপ্রকারী বৃকোদরঃ॥ 7-26-17 (45881)
তস্মিন্নিপতিতে বীরে সম্প্রাদ্রবত সা চমূঃ।
সম্ভ্রান্তাশ্বদ্বিপরথা পদাতীনবমৃদ্গতী॥ 7-26-18 (45882)
তেষ্বনীকেষু ভগ্নেষু বিদ্রবৎসু সমন্ততঃ।
প্রাগ্জ্যোতিষস্ততো ভীমং কুঞ্জরেণ সমাদ্রবৎ॥ 7-26-19 (45883)
যেন নাগেন মঘবানজয়দ্দৈত্যদানবান্।
তদন্বয়েন নাগেন ভীমসেনমুপাদ্রবৎ॥ 7-26-20 (45884)
স নাগপ্রবরো ভীমং সহসা সমুপাদ্রবৎ।
শ্রবণাভ্যামথো দ্বাভ্যাং সংহতেন করেণ চ॥ 7-26-21 (45885)
ব্যাবৃত্তনয়নঃ ক্রুদ্বঃ প্রমথন্নিব পাণ্ডবম্।
বৃকোদররথং সাশ্বমবিশেষমচূর্ণয়ৎ॥ 7-26-22 (45886)
পদ্ভ্যাং ভীমোঽপ্যথো ধাবংস্তস্য গাত্রেষ্বলীয়ত।
জানন্নঞ্জলিকাবেধং নাপাক্রামত পাণ্ডবঃ॥ 7-26-23 (45887)
গাত্রাভ্যন্তরগো ভূৎবা করেণাতাডয়ন্মুহুঃ।
লালয়ামাস তং নাগং বধাকাঙ্ক্ষিণমব্যযম্॥ 7-26-24 (45888)
কুলালচক্রবন্নাগস্তদা তূর্ণমথাভ্রমৎ।
নাগায়ুতবলঃ শ্রীমান্কালয়ানো বৃকোদরম্॥ 7-26-25 (45889)
ভীমোঽপি নিষ্ক্রম্য ততঃ সুপ্রতীকাগ্রতোঽভবৎ।
ভীমং করেণাবনম্য জানুভ্যামভ্যতাডয়ৎ॥ 7-26-26 (45890)
গ্রীবায়াং বেষ্টয়িৎবৈনং স গজো হন্তুমৈহত।
করবেষ্টং ভীমসেনো ভ্রমং দত্ৎবা ব্যমোচয়ৎ॥ 7-26-27 (45891)
পুনর্গাত্রাণি নাগস্য প্রবিবেশ বৃকোদরঃ।
যাবৎপ্রতিগজায়াতং স্ববলং প্রত্যবৈক্ষত।
ভীমোপি নাগগাত্রেভ্যো বিনিঃসৃত্যাপয়াজ্জবাৎ॥ 7-26-28 (45892)
ততঃ সর্বস্য সৈন্যস্য নাদঃ সমভবন্মহান্।
অহো ধিঙ্গিহতো ভীমঃ কুজ্জরেণেতি মারিষ॥ 7-26-29 (45893)
তেন নাগেন সন্ত্রস্তা পাণ্ডবানামনীকিনী।
সহসাঽভ্যদ্রবদ্রাজন্যত্র তস্যৌ বৃকোদরঃ॥ 7-26-30 (45894)
ততো যুধিষ্ঠিরো রাজা হতং মৎবা বৃকোদরম্।
ভগদত্তং সপাঞ্চাল্যঃ সর্বতঃ সমবারয়ৎ॥ 7-26-31 (45895)
তং রথং রথিনাং শ্রেষ্ঠাঃ পরিবার্য পরন্তপাঃ।
অবাকিরঞ্শরৈস্তীক্ষ্ণৈঃ শতশোঽথ সহস্রশঃ॥ 7-26-32 (45896)
স বিঘাতং পৃষৎকানামঙ্কুশেন সমাহরন্।
ক্ষণেন পাণ্ডুপাঞ্জালান্ব্যধমৎপর্বতেশ্বরঃ॥ 7-26-33 (45897)
তদদ্ভুতমপশ্যাম ভগদত্তস্য সংয়ুগে।
তথা বৃদ্ধস্য চরিতং কুঞ্জরেণ বিশাম্পতে॥ 7-26-34 (45898)
ততো রাজা দশার্ণানাং প্রাগ্জ্যোতিষমুপাদ্রবৎ।
তির্যগ্যাতেন নাগেন সমদেনাশুগামিনা॥ 7-26-35 (45899)
তয়োর্যুদ্ধং সমভবন্নাগয়োর্ভীমরূপয়োঃ।
সপক্ষয়োঃ পর্বতয়োর্যথা সদ্রুময়োঃ পুরা॥ 7-26-36 (45900)
প্রাগ্জ্যোতিষপতের্নাগঃ সন্নিবৃত্ত্যাপসৃত্য চ।
পার্শ্বে দশার্ণাধিপতের্ভিত্ৎবা নাগমপাতয়ৎ॥ 7-26-37 (45901)
তোমরৈঃ সূর্যরশ্ম্যাভৈর্ভগদত্তোঽথ সপ্তভিঃ।
জঘান দ্বিরদস্থং তং শত্রুং প্রচলিতাসনম্॥ 7-26-38 (45902)
ব্যবচ্ছিদ্য তু রাজানং ভগদত্তং যুধিষ্ঠিরঃ।
রথানীকেন মহতা সর্বতঃ পর্যবারয়ৎ॥ 7-26-39 (45903)
স কুঞ্জরস্থো রথিভিঃ শুশুভে সর্বতো বৃতঃ।
পর্বতে বনমধ্যস্থো জ্বলন্নিব হুতাশনঃ॥ 7-26-40 (45904)
মণ্ডলং সর্বতঃ শ্লিষ্টং রথিনামুগ্রধন্বিনাম্।
কিরতাং শরবর্ষাণি স নাগঃ পর্যবর্তত॥ 7-26-41 (45905)
ততঃ প্রাগ্জ্যোতিষো রাজা পরিগৃহ্য মহাগজম্।
প্রেষয়ামাস সহসা যুয়ুধানরথং প্রতি॥ 7-26-42 (45906)
`আপতন্তং চ সম্প্রেক্ষ্য নাগং সাৎবতপুঙ্গবঃ।
অবিধ্যৎপঞ্চভির্বাণৈঃ শিতৈরাশীবিষোপমৈঃ'॥ 7-26-43 (45907)
শিনেঃ পৌত্রস্য তু রথং পরিগৃহ্য মহাদ্বিপঃ।
অভিচিক্ষেপ বেগেন যুয়ুধানস্ৎবপাক্রমৎ॥ 7-26-44 (45908)
বৃহতঃ সৈন্ধবানশ্বান্সমুত্থাপ্যথ সারথিঃ।
তস্থৌ সাত্যকিমাসাদ্য সম্প্লুতস্তং রথং প্রতি॥ 7-26-45 (45909)
স তু লব্ধ্বান্তরং নাগস্ৎবরিতো রথমণ্ডলাৎ।
নিষ্পতন্সততং সর্বান্পরিচিক্ষেপ পার্থিবান্॥ 7-26-46 (45910)
তে ৎবাশুগতিনা তেন ত্রাস্যমানা নরর্ষভাঃ।
তমেকং দ্বিরদং সঙ্খ্যে মেনিরে শতশো দ্বিপান্॥ 7-26-47 (45911)
তে গজস্থেন কাল্যন্তে ভগদত্তেন পার্থিবাঃ।
ঐরাবতস্থেন যথা দেবরাজেন দানবাঃ॥ 7-26-48 (45912)
তেষাং প্রদ্রবতাং ভীমঃ পাঞ্চালানামিতস্ততঃ।
গজবাজিকৃতঃ শব্দঃ সুমহান্সমজায়ত॥ 7-26-49 (45913)
ভগদত্তেন সমরে কাল্যমানেষু পাণ্ডুষু।
প্রাগ্জ্যোতিষমভিক্রুদ্ধঃ পুনর্ভীমঃ সমভ্যযাৎ॥ 7-26-50 (45914)
তস্যাভিদ্রবতো বাহান্হস্তমুক্তেন বারিণা।
সিক্ৎবা ব্যত্রাসয়ন্নাগস্তে পার্থসহরংস্ততঃ॥ 7-26-51 (45915)
ততস্তমভ্যযাত্তূর্ণং রুচিপর্বা কৃতীসুতঃ।
সমঘ্নঞ্ছরবর্ষেণ রথস্যোঽন্তকসন্নিভঃ॥ 7-26-52 (45916)
ততঃ স রুচিপর্বাণং শরেণানতপর্বণা।
সুপর্বা পর্বতপতির্নিন্যে বৈবস্বতক্ষয়ম্॥ 7-26-53 (45917)
তস্মিন্নিপতিতে বীরে সৌভদ্রো দ্রৌপদীসুতঃ।
চেকিতানো ধৃষ্টকেতুর্যযুৎসুশ্চার্দয়ন্দ্বিপম্॥ 7-26-54 (45918)
ত এনং শরধারাভির্ধারাভিরিব তোয়দাঃ।
সিষিচুর্ভৈরবান্নাদান্বিনদন্তো জিঘাংসবঃ॥ 7-26-55 (45919)
ততঃ পার্ষ্ণ্যঙ্কুশাঙ্গুষ্ঠৈঃ কৃতিনা চোদিতো দ্বিপঃ।
প্রসারিতকরঃ প্রায়াৎস্তব্ধকর্ণেক্ষণো দ্রুতম্॥ 7-26-56 (45920)
সোঽধিষ্ঠায় পদা বাহান্যুয়ুৎসোঃ সূতমারুজৎ।
যুয়ুৎসুস্তু রথাদ্রাজন্নপাক্রামত্ৎবরান্বিতঃ॥ 7-26-57 (45921)
ততঃ পাণ্ডবয়োধাস্তে নাগরাজং শরৈর্দ্রুতম্।
সিষিচুর্ভৈরবান্নাদান্বিনদন্তো জিঘাংসবঃ॥ 7-26-58 (45922)
পুত্রস্তু তব সম্ভ্রান্তঃ সৌভদ্রস্যাপ্লুতো রথম্।
স কুঞ্জরস্থো বিসৃজন্নিষূনরিষু পার্থিবঃ।
বভৌ রশ্মীনিবাদিত্যো ভুবনেষু সমুৎসৃজন্॥ 7-26-59 (45923)
তমার্জুনির্দ্বাদশভির্যুয়ুৎসুর্দশভিঃ শরৈঃ।
ত্রিভিস্ত্রিভির্দ্রৌপদেয়া ধৃষ্টকেতুশ্চ বিব্যধুঃ॥ 7-26-60 (45924)
`চেকিতানঃ চতুঃষষ্ট্যা সোত্তরায়ুধিকং পুনঃ।
প্রত্যবিধ্যত্ততঃ সর্বান্ভগদত্তস্ত্রিভিস্ত্রিভিঃ'॥ 7-26-61 (45925)
সোঽতিয়ত্নার্পিতৈর্বাণৈরাচিতো দ্বিরদো বভৌ।
সংস্যূত ইব সূর্যস্য রশ্মিভির্জলদো মহান্॥ 7-26-62 (45926)
নিয়ন্তুঃ শিল্পয়ত্নাভ্যাং প্রেরিতোঽরিশরার্দিতঃ।
পরিচিক্ষেপ তান্নাগঃ স রিপূন্সব্যদক্ষিণম্॥ 7-26-63 (45927)
গোপাল ইব দণ্ডেন যথা পশুগণান্বনে।
সঙ্কালয়তি তাং সেনাং ভগদত্তস্তথা মুহুঃ॥ 7-26-64 (45928)
ক্ষিপ্রং শ্যেনাভিপ্রন্নানাং বায়সানামিব স্বনঃ।
বভূব পাণ্ডবেয়ানাং ভৃশং বিদ্রবতাং স্বনঃ॥ 7-26-65 (45929)
স নাগরাজঃ প্রবরাঙ্কুশাহতঃ
পুরা সপক্ষোঽদ্রিবরো যথা নৃপ।
ভয়ং তদা রিপুষু সমাদধদ্ভৃশং
বণিগ্জনানাং ক্ষুভিতো যথাঽর্ণবঃ॥ 7-26-66 (45930)
ততো ধ্বনির্দ্বিরদরথাশ্বপার্থিবৈ
র্ভয়াদ্রবদ্ভির্জনিতোঽতিভৈরবঃ।
ক্ষিতিং বিয়দ্ দ্যাং বিদিশো দিশস্তথা
সমাবৃণোৎপার্থিবসংয়ুগে ততঃ॥ 7-26-67 (45931)
স তেন নাগপ্রবরেণ পার্থিবো
ভৃশং জগাহে দ্বিষতামনীকিনীম্।
পুরা সুগুপ্তাং বিবুধৈরিবাহবে
বিরোচনো দেববরূতিনীমিব॥ 7-26-68 (45932)
ভৃশং ববৌ জ্বলনসখো বিয়দ্রজঃ
সমাবৃণোন্মুহুরপি চৈব সৈনিকান্।
তমেকনাগং গণশো যথা গজান্
সমন্ততো দ্রুতমথ মেনিরে জনাঃ॥ ॥ 7-26-69 (45933)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে ষড্বিংশোঽধ্যায়ঃ॥ 26 ॥
Mahabharata - Drona Parva - Chapter Footnotes
5-26-17 আবর্জিতঃ পতনপ্রবণো নাগো যস্য॥ 5-26-21 সংহতেন সঙ্কুচিতেন ॥ 5-26-35 তির্যগ্যাতেন পার্শ্বতোগামিনা॥ 5-26-39 ব্যবচ্ছিদ্য বিদ্ধ্বা॥ 5-26-41 পর্যবর্তত ভ্রান্তবান্॥ 5-26-45 সমুত্থাপ্য স্থিরীকৃত্য॥ 5-26-52 সুপর্বা পার্বতীসুতঃ ইতি ক.ঙ.পাঠঃ॥ 5-26-53 সুপর্বা শোভনাঙ্গসংধিঃ॥ 5-26-67 বিয়দাকাশম্। দ্যাং স্বর্গম্॥ 5-26-26 ষড্বিংশোঽধ্যায়ঃ॥দ্রোণপর্ব - অধ্যায় 027
॥ শ্রীঃ ॥
7.27. অধ্যায়ঃ 027
Mahabharata - Drona Parva - Chapter Topics
অর্জুনেন সংশপ্তকানাং হননম্॥ 1 ॥Mahabharata - Drona Parva - Chapter Text
7-27-0 (45934)
সঞ্জয় উবাচ। 7-27-0x (4322)
যন্মাং পার্থস্য সঙ্গ্রামে কর্মাণি পরিপৃচ্ছসি।
তৃচ্ছৃণুষ্ব মহাবাহো পার্থো যদকরোদ্রণে॥ 7-27-1 (45935)
রজো দৃষ্ট্বা সমুদ্ভূতং শ্রুৎবা চ গজনিঃস্বনম্।
ভগদত্তে বিকুর্বাণে কৌন্তেয়ঃ কৃষ্ণমব্রবীৎ॥ 7-27-2 (45936)
যথা প্রাগ্জ্যোতিষো রাজা গজেন মধুসূদন।
ৎবরমাণোঽভিনিষ্ক্রান্তো ধ্রুবং তস্যৈষ নিঃস্বনঃ॥ 7-27-3 (45937)
ইন্দ্রাদনবরঃ সঙ্খ্যে গজয়ানবিশারদঃ।
প্রথমো গজঘোধানাং পৃথিব্যামিতি মে মতিঃ॥ 7-27-4 (45938)
স চাপি দ্বিরদশ্রেষ্ঠঃ সদাঽপ্রতিগজো যুধি।
সর্বশস্ত্রাতিগঃ সঙ্খ্যে কৃতকর্মা জিতক্লমঃ॥ 7-27-5 (45939)
সহঃ সস্ত্রনিপাতানামগ্নিস্পর্শস্য চানঘ।
স পাণ়্ডববলং সর্বমদ্যৈকো নাশয়িষ্যতি॥ 7-27-6 (45940)
`সিংহনাদং মহৎকৃৎবা ধনুর্বাণরবৈঃ সহ।
বিদ্রাব্যমাণং সম্পশ্য হতভূয়িষ্ঠনায়কম্।
দৃষ্ট্বা বিনদ্য সহসা মম সেনাং প্রমৃদ্গতি'॥ 7-27-7 (45941)
ন চাবাভ্যামৃতেঽন্যোঽস্তি শক্তস্তং প্রতিবাধিতুম্।
ৎবরমাণস্ততো যাহি যতঃ প্রাগ্জ্যোতিষাধিপঃ॥ 7-27-8 (45942)
দৃপ্তং সঙ্খ্যে দ্বিপবলাদ্বয়সা চাপি বিস্মিতম্।
অদ্যৈনং প্রেষয়িষ্যামি বলহন্তুঃ প্রিয়াতিথিম্॥ 7-27-9 (45943)
বচনাদথ কৃষ্ণস্তু প্রয়যৌ সব্যসাচিনঃ।
দীর্যতে ভগদত্তেন যত্র পাণ্ডববাহিনী॥ 7-27-10 (45944)
তং প্রয়ান্তং ততঃ পশ্চাদাহ্বয়ন্তো মহারথাঃ।
সংশপ্তকাঃ সমারোহন্সহস্রাণি চতুর্দশ॥ 7-27-11 (45945)
দশৈব তু সহস্রাণি ত্রিগর্তানাং মহারথাঃ।
চৎবারি চ সহস্রাণি বাসুদেবস্য চানুগাঃ॥ 7-27-12 (45946)
দীর্যমাণাং চমূং দৃষ্ট্বা ভগদত্তেন মানিষ।
আহূয়মানস্য চ তৈরভবদ্ধৃদয়ং দ্বিধা॥ 7-27-13 (45947)
কিন্নু শ্রেয়স্করং কর্ম ভবেদদ্যেত্যচিন্তয়ৎ।
ইহ বা বিনিবর্তেয়ং গচ্ছেয়ং বা যুধিষ্ঠিরম্॥ 7-27-14 (45948)
তস্য বুদ্ধ্যা বিচার্যৈবমর্জুনস্য কুরূদ্বহ।
অভবদ্ভূয়সী বুদ্ধিঃ সংশপ্তকবধে স্থিরা॥ 7-27-15 (45949)
স সন্নিবৃত্তঃ সহসা কপিপ্রবরকেতনঃ।
একো রথসহস্রাণি নিহন্তুং বাসবী রণে॥ 7-27-16 (45950)
সা হি দুর্যোধনস্যাসীন্মতিঃ কর্ণস্য চোভয়োঃ।
অর্জুনস্য বধোপায়ে যা বৈ দ্বৈধমকল্পয়ৎ॥ 7-27-17 (45951)
স তু দোলায়মানোঽবূদ্দ্বৈধীভাবেন পাণ্ডবঃ।
বধেন তু নরাগ্র্যাণামকরোত্তাং মৃষা তদা॥ 7-27-18 (45952)
ততঃ শতসহস্রাণি শরাণাং নতপর্বণাম্।
অসৃজন্নর্জুনে রাজন্সংশপ্তকমহারথাঃ॥ 7-27-19 (45953)
নৈব কুন্তীসুতঃ পার্থো নৈব কৃষ্ণো জনার্দনঃ।
ন হয়া ন রথো রাজন্দৃশ্যন্তে স্ম শরৈশ্চিতাঃ॥ 7-27-20 (45954)
তদা মোহমনুপ্রাপ্তঃ সিষ্বিদে হি জনার্দনঃ।
ততস্তান্প্রায়শঃ পার্থো ব্রহ্মাস্ত্রেণ নিজঘ্নিবান্॥ 7-27-21 (45955)
শতশঃ পাণয়শ্ছিন্নাঃ সেষুজ্যাতলকার্মুকাঃ।
কেতবো বাজিনঃ সূতা রথিনশ্চাপতন্ক্ষিতৌ॥ 7-27-22 (45956)
দ্রুমাচলাগ্রাম্বুধরৈঃ সমকায়াঃ সুকল্পিতাঃ।
হতারোহাঃ ক্ষিতৌ পেতুর্দ্বিপাঃ পার্থশরাহতাঃ॥ 7-27-23 (45957)
বিপ্রবিদ্ধকুথা নাগাশ্ছিন্নভাণ্ডাঃ পরাসবঃ।
সারোহাস্তু রণে পেতুর্মথিতা মার্গণৈর্ভৃশম্॥ 7-27-24 (45958)
সর্ষ্টিপ্রাসাসিনখরাঃ সমুদ্গরপরশ্বথাঃ।
বিচ্ছিন্না বাহবঃ পেতুর্নৃণাং ভল্লৈঃ কিরীটিনা॥ 7-27-25 (45959)
বালাদিত্যাম্বুজেন্দূনাং তুল্যরূপাণি মারিষ।
সংচ্ছিন্নান্যর্জুনশরৈঃ শিরাংস্যুর্বী প্রপেদিরে॥ 7-27-26 (45960)
জজ্বালালঙ্কৃতা সেনা পত্রিভিঃ প্রাণিভোজনৈঃ।
নানারূপৈস্তদাঽমিত্রান্ক্রুদ্ধেনিঘ্নতি ফল্গুনে॥ 7-27-27 (45961)
ক্ষোভয়ন্তং তদা সেনাং দ্বিরদং নলিনীমিব।
ধনঞ্জয়ং ভূতগণাঃ সাধুসাধ্বিত্যপূজয়ন্॥ 7-27-28 (45962)
দৃষ্ট্বা তৎকর্ম পার্থস্য বাসবস্যেব মাধবঃ।
বিস্ময়ং পরমং গৎবা প্রাঞ্জলিস্তমুবাচ হ॥ 7-27-29 (45963)
কর্মৈতৎপার্থ শক্রেণ যমেন ধনদেন চ।
দুষ্করং সমরে যত্তে কৃতমদ্যেতি মে মতিঃ॥ 7-27-30 (45964)
যুগপচ্চৈব সঙ্গ্রামে শতশোঽথ সহস্রশঃ।
পতিতা এব মে দৃষ্টাঃ সংশপ্তকমহারথাঃ॥ 7-27-31 (45965)
সংশপ্তকাংস্ততো হৎবা ভূয়িষ্ঠা যে ব্যবস্থিতাঃ।
ভগদত্তায় যাহীতি কৃষ্ণং পার্থোঽভ্যনোদয়ৎ॥ ॥ 7-27-32 (45966)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে সপ্তবিংশোঽধ্যায়ঃ॥ 27 ॥
Mahabharata - Drona Parva - Chapter Footnotes
5-27-2 বিকুর্বাণে বিবিধাঃ ক্রিয়াঃ কুর্বাণে॥ 5-27-6 সহঃ সোঢা। পচাদ্যচ॥ 5-27-9 বিস্মিতং রূঢাহঙ্কারম্॥ 5-27-11 সমারোহন্সংবৃতবন্তঃ॥ 5-27-27 সপ্তবিংশোঽধ্যায়ঃ॥দ্রোণপর্ব - অধ্যায় 028
॥ শ্রীঃ ॥
7.28. অধ্যায়ঃ 028
Mahabharata - Drona Parva - Chapter Topics
ভগদত্তার্জুনসমাগমঃ॥ 1 ॥Mahabharata - Drona Parva - Chapter Text
7-28-0 (45967)
সঞ্জয় উবাচ। 7-28-0x (4323)
যিয়াসতস্ততঃ কৃষ্ণঃ পার্থস্যাশ্বান্মনোজবান্।
সম্প্রৈষীদ্ধেমসঞ্ছন্নান্দ্রোণানীকায় সন্ৎবরন্॥ 7-28-1 (45968)
তং প্রয়ান্তং কুরুশ্রেষ্ঠং স্বাংস্ত্রাতুং দ্রোণতাপিতান্।
সুশর্মা ভ্রাতৃভিঃ সার্ধং যুদ্ধার্থী পৃষ্ঠতোঽন্বয়াৎ॥ 7-28-2 (45969)
ততঃ শ্বেতহয়ঃ কৃষ্ণমব্রবীদজিতঞ্জয়ঃ।
এষ মাং ভ্রাতৃভিঃ সার্ধং সুশর্মাঽঽহ্বয়তেঽচ্যুত॥ 7-28-3 (45970)
দীর্যতে চোত্তরেণৈব তৎসৈন্যং মধুসূদন।
দ্বৈধীভূতং মনো মেঽদ্য কৃতং সংশপ্তকৈরিদম্॥ 7-28-4 (45971)
কিন্নু সংশপ্তকান্হন্মি স্বান্রক্ষাম্যহিতার্দিতান্।
ইতি মে ৎবং মতং বেৎসি তত্র কিং সুকৃতং ভবেৎ॥ 7-28-5 (45972)
এবমুক্তস্তু দাশার্হঃ স্যন্দনং প্রত্যবর্তয়ৎ।
যেন ত্রিগর্তাধিপতিঃ পাণ্ডবং সমুপাহ্বয়ৎ॥ 7-28-6 (45973)
ততোঽর্জুনঃ সুশর্মাণং বিদ্ধ্বা সপ্তভিরাশুগৈঃ।
ধ্বজং ধনুশ্চাস্য তথা ক্ষুরাভ্যাং সমকৃন্তত॥ 7-28-7 (45974)
ত্রিগর্তাধিপতেশ্চাপি ভ্রাতরং ষঙ্ভিরাশুগৈঃ।
সাশ্বং সসূতং ৎবরিতঃ পার্থঃ প্রৈষীদ্যমক্ষয়ম্॥ 7-28-8 (45975)
ততো ভুজগসঙ্কাশাং সুশর্মা শক্তিমায়সীম্।
চিক্ষেপার্জুনমাদিশ্য বাসুদেবায় তোমরম্॥ 7-28-9 (45976)
শক্তিং ত্রিভিঃ শরৈশ্ছিত্ৎবা তোমরং ত্রিভিরর্জুনঃ।
সুশর্মাণং শরব্রাতৈর্মোহয়িৎবা ন্যবর্তয়ৎ॥ 7-28-10 (45977)
তং বাসবমিবায়ান্তং ভূরিবর্ষং শরৌঘিণম্।
রাজংস্তাবকসৈন্যানাং নোগ্রং কশ্চিদবারয়ৎ॥ 7-28-11 (45978)
ততো ধনঞ্জয়ো বাণৈঃ সর্বানেব মহারথান্।
আয়াদ্বিনিঘ্নন্কৌরব্যান্দহন্কক্ষমিবানলঃ॥ 7-28-12 (45979)
তস্য বেগমসহ্যং তং কুন্তীপুত্রস্য ধীমতঃ।
নাশক্নুবংস্তে সংসোঢুং স্পর্শমগ্নেরিব প্রজাঃ॥ 7-28-13 (45980)
সংবেষ্টয়ন্ননীকানি শরবর্ষেণ পাণ্ডবঃ।
সুপর্ণ ইব নাগেন্দ্রং প্রায়াৎপ্রাগ্জ্যোতিষং প্রতি॥ 7-28-14 (45981)
যত্তদানাময়জ্জিষ্ণুর্ভরতানামপাপিনাম্।
ধনুঃ ক্ষেমকরং সঙ্খ্যে দ্বিষতামশ্রুবর্ধনম্॥ 7-28-15 (45982)
তদেব তব পুত্রস্য রাজন্দুর্দ্যূতদেবিনঃ।
কৃতে ক্ষত্রবিনাশায় ধনুরায়চ্ছদর্জুনঃ॥ 7-28-16 (45983)
তথা বিক্ষোভ্যমাণা সা পার্থেন তব বাহিনী।
ব্যশীর্যত মহারাজ নৌরিবাসাদ্য পর্বতম্॥ 7-28-17 (45984)
ততো দশসহস্রাণি ন্যবর্তন্ত ধনুষ্মতাম্।
মতিং কৃৎবা রণে ক্রূরাং বীরা জয়পরাজয়ে॥ 7-28-18 (45985)
ব্যপেতহৃদয়ত্রাসা আবব্রুস্তং মহারথাঃ।
আর্চ্ছৎপার্থো গুরুং ভারং সর্বভারসহো যুধি॥ 7-28-19 (45986)
যথা নলবনং ক্রুদ্ধঃ প্রভিন্নঃ ষষ্টিহায়নঃ।
মৃদ্গীয়াত্তদ্বদায়স্তঃ পার্থোঽমৃদ্গাচ্চমূং তব॥ 7-28-20 (45987)
তস্মিন্প্রমথিতে সৈন্যে ভগদত্তো নরাধিপঃ।
তেন নাগেন সহসা ধনঞ্জয়মুপাদ্রবৎ॥ 7-28-21 (45988)
তং রথেন নরব্যাঘ্রঃ প্রত্যগৃহ্ণাদ্ধনঞ্জয়ঃ।
স সন্নিপাতস্তুমুলো বভূব নরনাগয়োঃ॥ 7-28-22 (45989)
কল্পিতাভ্যাং যথাশাস্ত্রং রথেন চ গজেন চ।
সঙ্গ্রামে চেরতুর্বীরৌ ভগদত্তধনঞ্জয়ৌ॥ 7-28-23 (45990)
ততো জীমূতসঙ্কাশান্নাগাদিন্দ্র ইব প্রভুঃ।
অভ্যবর্ষচ্ছরৌঘেণ ভগদত্তো ধনঞ্জয়ম্॥ 7-28-24 (45991)
স চাপি শরবর্ষং তং শরবর্ষেণ বাসিবঃ।
অপ্রাপ্তমেব চিচ্ছেদ ভগদত্তস্য বীর্যবান্॥ 7-28-25 (45992)
ততঃ প্রাগ্জ্যোতিষো রাজা শরবর্ষে নিবারিতে।
সংরক্তনয়নো রোষাৎপার্থং পুনরবাকিরৎ॥ 7-28-26 (45993)
স তথা শরবর্ষেণ পার্থং সমভিহত্য বৈ।
চোদয়ামাস তং নাগং বধায়াচ্যুতপার্থয়োঃ॥ 7-28-27 (45994)
তমাপতন্তং দ্বিরদং দৃষ্ট্বা ক্রুদ্ধমিবান্তকম্।
চক্রেঽপসব্যং ৎবরিতঃ স্যন্দনেন জনার্দনঃ॥ 7-28-28 (45995)
সম্প্রাপ্তমপি নেয়েষ পরাবৃত্তং মহাদ্বিপম্।
সারোহং মৃত্যুসাৎকর্তুং স্মরন্ধর্মং ধনঞ্জয়ঃ॥ 7-28-29 (45996)
স তু নাগো দ্বিপরথান্হয়াংশ্চামৃদ্য মারিষ।
প্রাহিণোন্মৃত্যুলোকায় ততঃ ক্রুদ্ধো ধনঞ্জয়ঃ॥ ॥ 7-28-30 (45997)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে অষ্টাবিংশোঽধ্যায়ঃ॥ 28 ॥
Mahabharata - Drona Parva - Chapter Footnotes
5-28-16 আয়চ্ছদ্গৃহীতবান্। যদেবার্জুনস্য ধনুর্ভরতানাং ক্ষেমকরমাসীত্তদেব ৎবৎপুত্রনিমিত্তং ক্ষত্রক্ষয়করমভবদিতি বাক্যার্থঃ 5-28-28 অষ্টাবিংশোঽধ্যায়ঃ॥দ্রোণপর্ব - অধ্যায় 029
॥ শ্রীঃ ॥
7.29. অধ্যায়ঃ 029
Mahabharata - Drona Parva - Chapter Topics
অর্জুনেন সগজস্য ভগদত্তস্য বধঃ॥ 1 ॥Mahabharata - Drona Parva - Chapter Text
7-29-0 (45998)
ধৃতরাষ্ট্র উবাচ। 7-29-0x (4324)
তথা ক্রুদ্ধঃ কিমকরোদ্ভগদত্তস্য পাণ্ডবঃ।
প্রাগ্জ্যোতিষো বা পার্থস্য তন্মে শংস যথাতথম্॥ 7-29-1 (45999)
সঞ্জয় উবাচ। 7-29-2x (4325)
প্রাগ্জ্যোতিষেণ সংসক্তাবুভৌ দাশার্হপাণ্ডবৌ।
মৃত্যুদংষ্ট্রান্তিকং প্রাপ্তৌ সর্বভূতানি মেনিরে॥ 7-29-2 (46000)
তথা তু শরবর্ষাণি পাতয়ত্যনিশং প্রভো।
গজস্কন্ধান্মহারাজ কৃষ্ণয়োঃ স্যন্দনস্থয়োঃ॥ 7-29-3 (46001)
অথ কার্ষ্ণায়সৈর্বাণৈঃ পূর্ণকার্মুকনিঃসৃতৈঃ।
অবিধ্যদ্দেবকীপুত্রং হেমপুঙ্খৈঃ শিলাশিতৈঃ॥ 7-29-4 (46002)
অগ্নিস্পর্শসমাস্তীক্ষ্ণা ভগদত্তেন চোদিতাঃ।
নির্ভিদ্য দেবকীপুত্রং ক্ষিতিং জগ্মুঃ সুবাসসঃ॥ 7-29-5 (46003)
তস্য পার্থো ধনুশ্ছিত্ৎবা পরিবারং নিহত্য চ।
লালয়ন্নিব রাজানং ভগদত্তময়োধয়ৎ॥ 7-29-6 (46004)
সোঽর্করশ্মিনিভাংস্তীক্ষ্ণাংস্তোমরান্বৈ চতুর্দশ।
অপ্রেষয়ৎসব্যসাচী দ্বিধৈকৈকমথাচ্ছিনৎ॥ 7-29-7 (46005)
ততো নাগস্য তদ্বর্ম ব্যধমৎপাকশাসনিঃ।
শরজালেন মহতা তদ্ব্যশীর্যত ভূতলে॥ 7-29-8 (46006)
শীর্ণবর্মা স তু গজঃ শরৈঃ সুভৃশমর্দিতঃ।
বভৌ ধারানিপাতাক্তো ব্যভ্রঃ পর্বতরাডিব॥ 7-29-9 (46007)
ততঃ প্রাগ্জ্যোতিষঃ শক্তিং হেমদণ্ডাময়স্ময়ীম্।
ব্যসৃজদ্বাসুদেবায় দ্বিধা তামর্জুনোঽচ্ছিনৎ॥ 7-29-10 (46008)
ততশ্ছত্রং ধ্বজং চৈব চ্ছিত্ৎবা রাজ্ঞোঽর্জুনঃ শরৈঃ।
বিব্যাধ দশভিস্তূর্ণমুৎস্ময়ন্পর্বতেশ্বরম্॥ 7-29-11 (46009)
সোঽতিবিদ্ধোঽর্জুনশরৈঃ সুপুঙ্খৈঃ কঙ্কপত্রিভিঃ।
ভগদত্তস্ততঃ ক্রুদ্ধঃ পাণ্ডবস্য জনাধিপঃ॥ 7-29-12 (46010)
ব্যসৃজত্তোমরান্মূর্ধ্নি শ্বেতাশ্বস্যোন্নাদ চ।
তৈরর্জুনস্য সমরে কিরীটং পরিবর্তিতম্॥ 7-29-13 (46011)
পরিবৃত্তং কিরীটং তদ্যময়ন্নেব পাণ্ডবঃ।
সুদৃষ্টঃ ক্রিয়তাং লোক ইতি রাজানমব্রবীৎ॥ 7-29-14 (46012)
এবমুক্তস্তু সঙ্ক্রুদ্ধঃ শরবর্ষেণ পাণ্ডবম্।
অভ্যবর্ষৎস গোবিন্দং ধনুরাদায় ভাস্বরম্॥ 7-29-15 (46013)
তস্য পার্থো ধনুশ্ছিত্ৎবা তূণীরান্সন্নিকৃত্য চ।
ৎবরমাণো দ্বিসপ্তত্যা সর্বমর্মস্বতাডয়ৎ॥ 7-29-16 (46014)
বিদ্ধস্ততোঽতিব্যথিতো বৈষ্ণবাস্ত্রমুদীরয়ন্।
অভিমন্ত্র্যাঙ্কুশং ক্রুদ্ধো ব্যসৃজৎপাণ্ডবোরসি॥ 7-29-17 (46015)
বিসৃষ্টং ভগদত্তেন তদস্ত্রং সর্বঘাতি বৈ।
উরসা প্রতিজগ্রাহ পার্থং সঞ্ছাদ্য কেশবঃ॥ 7-29-18 (46016)
বৈজয়ন্ত্যভবন্মালা তদস্ত্রং কেশবোরসি।
পদ্মকোশবিচিত্রা সা সর্বর্তুকুসুমোৎকরা॥ 7-29-19 (46017)
জ্বলনার্কেন্দুবর্ণাভা পাবকোজ্জ্বলপল্লবা।
তয়া পদ্মপলাশিন্যা বাতকম্পিতপত্রয়া॥ 7-29-20 (46018)
শুশুভেঽভ্যধিকং শৌরিরতসীপুষ্পসন্নিভঃ।
ততোঽর্জুনঃ ক্লান্তমনাঃ কেশবং প্রত্যভাষত॥ 7-29-21 (46019)
অয়ুধ্যমানস্তুরগান্সংয়ন্তাস্মি জনার্দন।
ইত্যুক্ৎবা পুণ্ডরীকাক্ষ প্রতিজ্ঞাং স্বাং ন রক্ষসি॥ 7-29-22 (46020)
যদ্যহং ব্যসনী বা স্যামশক্তো বা নিবারণে।
ততস্ৎবয়ৈবং কার্যং স্যান্ন তু কার্যং ময়ি স্থিতে॥ 7-29-23 (46021)
সবাণঃ সধনুশ্চাহং সসুহাসুরমানুষান্।
শক্তো লোকানিমাঞ্জেতুং তচ্চাপি বিদিতং তব॥ 7-29-24 (46022)
ততোঽর্জুনং বাসুদেবঃ প্রত্যুবাচার্যবদ্বচঃ।
শৃণু গুহ্যমিদং পার্থ পুরাবৃত্তং যথাঽনঘ॥ 7-29-25 (46023)
`যেয়ং ভূতধরা দেবী সর্বভূতধরা ধরা।
সকামা লোককর্তারং নারায়ণমুপস্থিতা॥ 7-29-26 (46024)
স সঙ্গত্য তয়া সার্ধং প্রীতস্তস্যা বরং দদৌ।
সা বব্রে বিষ্ণুসদৃশং পুত্রমস্ত্রং চ বৈষ্ণবম্॥ 7-29-27 (46025)
বভূব চ সুতস্তস্যা নরকো নাম বিশ্রুতঃ।
অস্ত্রং চ বৈষ্ণবং তস্মৈ দদৌ নারায়ণঃ স্বয়ম্॥ 7-29-28 (46026)
তদেবং নরকস্যাসীদস্ত্রং সর্বাহিতান্তকম্।
তস্মাৎপ্রাগ্জ্যোতিষং প্রাপ্তং সর্বশস্ত্রবিঘাতনম্॥ 7-29-29 (46027)
নাস্যাবধ্যোঽস্তি লোকেঽস্মিন্মদন্যঃ কশ্চিদর্জুন।
তস্মান্ময়া কৃতং হ্যেতন্মা ভূত্তে বুদ্ধিরন্যথা॥ 7-29-30 (46028)
সঞ্জয় উবাচ। 7-29-31x (4326)
অনুনীয় তু দাশার্হঃ পাণ্ডবং ৎবরিতোঽব্রবীৎ।
জহি প্রাগ্জ্যোতিষং ক্ষিপ্রং বাক্যশেষং চ মে শৃণু'॥ 7-29-31 (46029)
চতুর্মূর্তিরহং শশ্বল্লোকত্রাণার্থমুদ্যতঃ।
আত্মানং প্রবিভজ্যেহ লোকানাং হিতমাদধে॥ 7-29-32 (46030)
একা মূর্তিস্তপশ্চর্যাং কুরুতে মে ভুবি স্থিতা।
অপরা পশ্যতি জগৎকুর্বাণং সাধ্বসাধুনী॥ 7-29-33 (46031)
অপরা কুরুতে কর্ম মানুষং লোকমাশ্রিতা।
শেতে চতুর্থীং ৎবপরা নিদ্রাং বর্ষসহস্রিকীম্॥ 7-29-34 (46032)
যাঽসৌ বর্ষসহস্রান্তে মূর্তিরুত্তিষ্ঠতে মম।
বরার্হেভ্যো বরাঞ্শ্রেষ্ঠাংস্তস্মিন্কালে দদাতি সা॥ 7-29-35 (46033)
তং তু কালমনুপ্রাপ্তং বিদিৎবা পৃথিবী তদা।
অয়াচত বরং যন্মাং নরকার্থায় তচ্ছৃণু॥ 7-29-36 (46034)
দেবানাং দানবানাং চ অবধ্যস্তনয়োঽস্তু মে।
উপেতো বৈষ্ণবাস্ত্রেণ তন্মে ৎবং দাতুমর্হসি॥ 7-29-37 (46035)
এবং বরমহং শ্রুৎবা জগত্যাস্তনয়ে তদা।
অমোঘমস্ত্রং প্রায়চ্ছং বৈষ্ণবং পরমং পুরা॥ 7-29-38 (46036)
অবোচং চৈতদস্ত্রং বৈ হ্যমোঘং ভবতু ক্ষমে।
নরকস্যাভিরক্ষার্থং নৈনং কশ্চিদ্বধিষ্যতি॥ 7-29-39 (46037)
অনেনাস্ত্রেণ তে গুপ্তঃ সুতঃ পরবলার্দনঃ।
ভবিষ্যতি দুরাধর্ষঃ সর্বলোকেষু সর্বদা॥ 7-29-40 (46038)
তথেত্যুক্ৎবা গতা দেবী কৃতকামা মনস্বিনী।
স চাপ্যাসীদ্দুরাধর্ষো নরকঃ শত্রুতাপনঃ॥ 7-29-41 (46039)
তস্মাৎপ্রাগ্জ্যোতিষং প্রাপ্তং তদস্ত্রং পার্থ মামকম্।
নাস্যাবধ্যোঽস্তি লোকেষু সেন্দ্ররুদ্রেষু মারিষ॥ 7-29-42 (46040)
তন্ময়া ৎবৎকৃতে চৈতদন্যথৈবোপনির্মিতম্।
বিয়ুক্তং পরমাস্ত্রেণ জহি পার্থ মহাসুরম্॥ 7-29-43 (46041)
`অবধ্যোঽয়ং মহাস্ত্রেণ ভগদত্তঃ সুরাসুরৈঃ'।
বৈরিণং জহি দুর্ধর্ষং ভগদত্তং সুরদ্বিষম্।
যথাঽহং জঘ্নিবান্পূর্বং হিতার্থং নরকং তথা॥ 7-29-44 (46042)
সঞ্জয় উবাচ। 7-29-45x (4327)
এবমুক্তস্তদা পার্থঃ কেশবেন মহাত্মনা।
ভগদত্তং শিতৈর্বাণৈঃ সহসা সমবাকিরৎ॥ 7-29-45 (46043)
ততঃ পার্থো মহাবাহুরসম্ভ্রান্তো মহামনাঃ।
কুম্ভয়োরন্তরে নাগং নারাচেন সমার্পয়ৎ॥ 7-29-46 (46044)
স সমাসাদ্য তং নাগং বাণো বজ্র ইবাচলম্।
অভ্যগাৎসহ পুঙ্খেন বল্মীকমিব পন্নগঃ॥ 7-29-47 (46045)
স করী ভগদত্তেন প্রের্যমাণো মুহুর্মুহুঃ।
ন করোতি বচস্তস্য দরিদ্রস্যেব যোষিতা॥ 7-29-48 (46046)
স তু বিষ্টভ্য গাত্রাণি দন্তাভ্যামবনিং যয়ৌ।
নদন্নার্তস্বনং প্রাণানুৎসসর্জ মহাদ্বিপঃ॥ 7-29-49 (46047)
ততো গাণ্ডীবধন্বানমভ্যভাষত কেশবঃ।
অয়ং মহত্তরঃ পার্থ পলিতেন সমাবৃতঃ॥ 7-29-50 (46048)
বলীসঞ্ছন্ননয়নঃ শূরঃ পরমদ্রুর্জয়ঃ।
অক্ষ্ণোরুন্মীলনার্থায় বদ্ধপট্টো হ্যসৌ নৃপঃ॥ 7-29-51 (46049)
দেববাক্যাৎপ্রচিচ্ছেদ শরেণ ভৃশমর্জুনঃ।
ছিন্নমাত্রেংঽশুকে তস্মিন্রুদ্ধনেত্রো বভূব সঃ॥ 7-29-52 (46050)
তমোময়ং জগন্মেনে ভগদত্তঃ প্রতাপবান্।
ততশ্চন্দ্রার্ধবিম্বেন বাণেন নতপর্বণা॥ 7-29-53 (46051)
বিভেদ হৃদয়ং রাজ্ঞো ভগদত্তস্য পাণ্ডবঃ।
স ভিন্নহৃদয়ো রাজা ভগদত্তঃ কিরীটিনা॥ 7-29-54 (46052)
শরাসনং শরাংশ্চৈব গতাসুঃ প্রমুমোচ হ।
শিরসস্তস্য বিভ্রষ্টং পপাত চ বরাংশুকম্।
নালতাডনবিভ্রষ্টং পলাশং নলিনাদিব॥ 7-29-55 (46053)
স হেমমালী তপনীয়ভাণ্ডা
ৎপপাত নাগাদ্গিরিসন্নিকাশাৎ।
সুপুষ্পিতো মারুতবেগভগ্নো
মহীধরাগ্রাদিব কর্ণিকারঃ॥ 7-29-56 (46054)
নিহত্য তং নরপতিমিন্দ্রবিক্রমং
সস্বায়মিন্দ্রস্য তদৈন্দ্রিরাহবে।
ততোঽপরাংস্তব জয়কাঙ্ক্ষিণো নরান্
বভঞ্জ বায়ুর্বলবান্দ্রুমানিব॥ ॥ 7-29-57 (46055)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে একোনত্রিংশোঽধ্যায়ঃ॥ 29 ॥
Mahabharata - Drona Parva - Chapter Footnotes
5-29-33 একা মূর্তির্বদরিকাশ্রমে নারায়ণরূপা। অষরা পরমাত্মরূপা ॥ 5-29-34 অপরা রামকৃষ্ণাদিরূপা। অপরা জলশায়িনী॥ 5-29-48 যোষিতা ভাগুরিমতে টাপ্॥ 5-29-29 একোনত্রিংশোঽধ্যায়ঃ॥দ্রোণপর্ব - অধ্যায় 030
॥ শ্রীঃ ॥
7.30. অধ্যায়ঃ 030
Mahabharata - Drona Parva - Chapter Topics
অর্জুনয়ুদ্ধবর্ণনম্॥ 1 ॥Mahabharata - Drona Parva - Chapter Text
7-30-0 (46056)
সঞ্জয় উবাচ। 7-30-0x (4328)
প্রিয়মিন্দ্রস্য সততং সখায়মমিতৌজসম্।
হৎবা প্রাগ্জ্যোতিষং পার্থঃ প্রদক্ষিণমবর্তত॥ 7-30-1 (46057)
ততো গান্ধাররাজস্য সুতৌ পরপুরঞ্জয়ৌ।
অর্দেতামর্জুনং সঙ্খ্যে ভ্রাতরৌ বৃষকাচলৌ॥ 7-30-2 (46058)
তৌ সমেত্যার্জুনং বীরৌ পুরঃ পশ্চাচ্চ ধন্বিতৌ।
অবিধ্যেতাং মহাবেগৈর্নিশিতৈরাশুগৈর্ভৃশম্॥ 7-30-3 (46059)
বৃষকস্য হয়ান্সূতং ধনুশ্ছত্রং রথং ধ্বজম্।
তিলশো ব্যধমৎপার্থঃ সৌবলস্য শিতৈঃ শরৈঃ॥ 7-30-4 (46060)
ততোঽর্জুনঃ শরব্রাতৈর্জানাপ্রহরণৈরপি।
গান্ধারানাকুলাংশ্চক্রে সৌবলপ্রমুখান্পুনঃ॥ 7-30-5 (46061)
ততঃ পঞ্চশতান্বীরান্গান্ধারানুদ্যতায়ুধান্।
প্রাহিণোন্মৃত্যুলোকায় ক্রুদ্ধো বাণৈর্ধনঞ্জয়ঃ॥ 7-30-6 (46062)
হতাশ্বাত্তু রথাত্তূর্ণমবতীর্য মহাভুজঃ।
আরুরোহ রথং ভ্রাতুরন্যশ্চ ধনুরাদদে॥ 7-30-7 (46063)
তাবেকরথমারূঢৌ ভ্রাতরৌ বৃষকাচলৌ।
শরবর্ষেণ বীভৎসুমবিধ্যেতাং মুহুর্মুহুঃ॥ 7-30-8 (46064)
স্যালৌ তব মহাত্মানৌ রাজানৌ বৃষকাচলৌ।
ভৃশং বিজঘ্নতুঃ পার্থমিন্দ্রং বৃত্রবলাবিব॥ 7-30-9 (46065)
লব্ধলক্ষৌ তু গান্ধারাবহতাং পাণ্ডবং পুনঃ।
নৈদাঘবার্ষিকৌ মাসৌ লোকং ঘর্মাংশুভির্যথা॥ 7-30-10 (46066)
তৌ রথস্থৌ নরব্যাঘ্রৌ রাজানৌ বৃষকাচলৌ।
সংশ্চিষ্টাঙ্গৌ স্থিতৌ রাজঞ্জঘানৈকেষুণাঽর্জুনঃ॥ 7-30-11 (46067)
তৌ রথাৎসিংহসংকাশৌ লোহিতাক্ষৌ মহাভুজৌ।
রাজন্সম্পেততুর্বীরৌ সোদর্যাবেকলক্ষণৌ॥ 7-30-12 (46068)
তয়োর্ভূমিং গতৌ দেহৌ রথাদ্বন্ধুজনপ্রিয়ৌ।
যশো দশঃ দিশঃ পুণ্যং গময়িৎবা ব্যবস্থিতৌ॥ 7-30-13 (46069)
দৃষ্ট্বা বিনিহতৌ সঙ্খ্যে মাতুলাবপলায়িনৌ।
ভৃশং মুমুচুরশ্রূণি পুত্রাস্তব বিশাংপতে॥ 7-30-14 (46070)
নিহতৌ ভ্রাতরৌ দৃষ্ট্বা মায়াশতবিশারদঃ।
কৃষ্ণৌ সম্মোহন্মায়াং বিদধে শকুনিস্ততঃ॥ 7-30-15 (46071)
লগুডায়োগুডাশ্মানঃ শতঘ্ন্যশ্চ সশক্তয়ঃ।
গদাপরিঘনিস্ত্রিংশশূলমুদ্গরপট্টসাঃ॥ 7-30-16 (46072)
সকম্পনর্ষ্টিনখরা মুসলানি পরশ্বথাঃ।
ক্ষুরাঃ ক্ষুরপ্রনালীকা বৎসদন্তাস্থিসন্ধয়ঃ॥ 7-30-17 (46073)
চক্রাণি বিশিখাঃ প্রাসা বিবিধান্যায়ুধানি চ।
প্রপেতুঃ শতশো দিগ্ভ্যঃ প্রদিগ্ভ্যশ্চার্জুনং প্রতি॥ 7-30-18 (46074)
খরোষ্ট্রমহিষাঃ সিংহা ব্যাঘ্রাঃ সৃমরচিত্রকাঃ।
ঋক্ষাঃ সালাবৃকা গৃধ্রাঃ কপয়শ্চ সরীসৃপাঃ॥ 7-30-19 (46075)
বিবিধানি চ রক্ষাংসি ক্ষুধিতান্যর্জুনং প্রতি।
সঙ্ক্রুদ্ধান্যভ্যধাবন্ত বিবিধানি বয়াংসি চ॥ 7-30-20 (46076)
ততো দিব্যাস্ত্রবিচ্ছূরঃ কুন্তীপুত্রো ধনঞ্জয়ঃ।
বিসৃজন্নিষুজালানি সহসা তান্যতাডয়ৎ॥ 7-30-21 (46077)
তে হন্যমানাঃ শূরেণ প্রবরৈঃ সায়কৈর্দৃঢৈঃ।
বিরুবন্তো মহারাবান্বিনেশুঃ সর্বতো হতাঃ॥ 7-30-22 (46078)
ততস্তমঃ প্রাদুরভূদর্জুনস্য রথং প্রতি।
তস্মাচ্চ তমসো বচাঃ ক্রূরাঃ পার্থমভর্ৎসয়ন্॥ 7-30-23 (46079)
তত্তমো ভৈরবং ঘোরং ভয়কর্তৃ মহাহবে।
উত্তমাস্ত্রেণ মহতা জ্যৌতিষেণার্জুনোঽবধীৎ॥ 7-30-24 (46080)
হতে তস্মিঞ্জলৌঘাস্তু প্রাদুরাসন্ভয়ানকাঃ।
অম্ভসস্তস্য নাশার্থমাদিত্যাস্ত্রমথার্জুনঃ।
প্রায়ুঙ্ক্তাম্ভস্ততস্তেন প্রায়শোঽস্ত্রেণ শোষিতম্॥ 7-30-25 (46081)
এবং বহুবিধা মায়াঃ সৌবলস্য কৃতাঃ কৃতাঃ।
জঘানাস্ত্রবলেনাশু প্রহসন্নর্জুনোঽব্রবীৎ॥ 7-30-26 (46082)
`দুর্দ্যূতদেবিন্গান্ধারে নাক্ষান্ক্ষিপতি গাণ্ডিবম্।
জ্বলিতান্নিশিতাংস্তীক্ষ্ণাঞ্শরান্ক্ষিপতিগাণ্ডিবং'॥ 7-30-27 (46083)
তদা হতাসু মায়াসু ত্রস্তোঽর্জুনশরাহতঃ।
অপায়াঞ্জবনৈরশ্বৈঃ শকুনিঃ প্রাকৃতো যথা॥ 7-30-28 (46084)
ততোঽর্জুনোঽস্ত্রবিচ্ছৈঘ্র্যং দর্শয়ন্নাত্মনোঽরিষু।
অভ্যবর্ষচ্ছরৌধেণ কৌরবাণামনীকিনীম্॥ 7-30-29 (46085)
সা হন্যমানা পার্থেন তব পুত্রস্য বাহিনী।
দ্বৈধীভূতা মহারাজ গঙ্গেবাসাদ্য পর্বতম্॥ 7-30-30 (46086)
দ্রোণমেবান্বপদ্যন্ত কেচিত্তত্র নরর্ষভাঃ।
কেচিদ্দুর্যোধনং রাজন্নর্দ্যমানাঃ কিরীটিনা॥ 7-30-31 (46087)
নাপশ্যাম ততস্ৎবেনং সৈন্যে বৈ রজসাবৃতে।
গাণ্ডীবস্য চ নির্ঘোষঃ শ্রুতো দক্ষিণতো ময়া॥ 7-30-32 (46088)
শঙ্খদুন্দুভিনির্ঘোষং বাদিত্রাণাং চ নিঃস্বনম্।
গাণ্ডীবস্য তু নির্ঘোষো ব্যতিক্রম্যাস্পৃশদ্দিবম্॥ 7-30-33 (46089)
ততঃ পুনর্দক্ষিণতঃ সঙ্গ্রামশ্চিত্রয়োধিনাম্।
সুয়ুদ্ধং চার্জুনস্যাসীদহং দ্রোণমন্বিয়াম্॥ 7-30-34 (46090)
যৌধিষ্ঠিরাভ্যনীকানি প্রহরন্তি ততস্ততঃ।
নানাবিধান্যনীকানি পুত্রাণাং তব ভারত।
অর্জুনো ব্যধমৎকালে দিবীবাভ্রাণি মারুতঃ॥ 7-30-35 (46091)
তং বাসবমিবায়ান্তং ভূরিবর্ষং শরৌঘিণম্।
মহেষ্বাসা নরব্যাঘ্রা নোগ্রং কেচিদবারয়ন্॥ 7-30-36 (46092)
তে হন্যমানাঃ পার্থেন ৎবদীয়া ব্যথিতা ভৃশম্।
স্বানেব বহবো জঘ্নুর্বিদ্রবন্তস্ততস্ততঃ॥ 7-30-37 (46093)
তেঽর্জুনেন শরা মুক্তাঃ কঙ্কপত্রাস্তনুচ্ছিদঃ।
শলভা ইব সম্পেতুঃ সংবৃণ্বানা দিশো দশ॥ 7-30-38 (46094)
তুরগং রথিনং নাগং পদাতিমপি মারিষ।
বিনির্ভিদ্য ক্ষিতিং জগ্মুর্বল্মীকমিব পন্নগাঃ॥ 7-30-39 (46095)
ন চ দ্বিতীয়ং ব্যসৃজৎকুঞ্জরাশ্বনরেষু সঃ।
পৃথগেকশরারুগ্ণা নিপেতুস্তে গতাসবঃ॥ 7-30-40 (46096)
হতৈর্মনুষ্যৌর্দ্বিরদৈশ্চ সর্বতঃ
শরাভিসৃষ্টৈশ্চ হয়ৈর্নিপাতিতৈঃ।
তদাঽশ্বগোমায়ুবলাভিনাদিতং
বিচিত্রমায়োধশিরো বভূব তৎ॥ 7-30-41 (46097)
পিতা সুতং ত্যজতি সুহৃদ্বরং সুহৃৎ
তথৈব পুত্রঃ পিতরং শরাতুরঃ।
স্বরক্ষণে কৃতমতয়স্তদা জনা
সত্যজন্তি বাহানপি পার্থপীডিতাঃ॥ ॥ 7-30-42 (46098)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি
Mahabharata - Drona Parva - Chapter Footnotes
5-30-10 বর্ষশব্দোঽয়মৃতুবচনঃ। নিদাঘর্তুসম্বন্ধিনাবিত্যর্থঃ। ঘর্মাংশুভিস্তীক্ষ্ণকিরণৈঃ। লোকং ঘর্মোম্বুভির্যথা ইতি ক.ঙ.পাঠঃ॥ 5-30-17 কম্পনয়ষ্ট্যঃ। ক্ষুরা ক্ষুরাকৃতিফলকাঃ। ক্ষুরপ্রাস্তূগ্রমধ্যফলকাঃ। নালীকা নলিকয়া ক্ষেপ্যাঃ। বৎসদন্তা গোপোতকদন্তাকারফলকাঃ। অস্থিসন্ধয়োঽস্থিময়ফলকাঃ॥ 5-30-18 বিশিখাঃ ফণিত্রাকারফলকাঃ॥ 5-30-19 সূমরা গবয়াঃ। চিত্রকো ব্যাঘ্রভেদঃ। সালাবৃকাঃ শ্বানঃ॥ 5-30-32 এনমর্জুনম্॥ 5-30-41 শরাভিসৃষ্টৈর্বাণাভিহতৈঃ। আয়োধশিরো রণাঙ্গণম্॥ 5-30-30 ত্রিংশোঽধ্যায়ঃ॥দ্রোণপর্ব - অধ্যায় 031
॥ শ্রীঃ ॥
7.31. অধ্যায়ঃ 031
Mahabharata - Drona Parva - Chapter Topics
অশ্বত্থাম্না নীলস্য বধঃ॥ 1 ॥Mahabharata - Drona Parva - Chapter Text
7-31-0 (46099)
ধৃতরাষ্ট্র উবাচ। 7-31-0x (4329)
তেষ্বনীকেষু ভগ্নেষু পাণ্ডুপুত্রেণ সঞ্জয়। 5-31-1bচলিতানাং দ্রুতানাং চ কথমাসীন্মনাংসি বঃ॥ 7-31-1 (46100)
আনীকানাং প্রভগ্নানামবস্থানমপশ্যতাম্।
দুষ্করং প্রতিসন্ধানং তন্মমাচক্ষ্ব সঞ্জয়॥ 7-31-2 (46101)
সঞ্জয় উবাচ। 7-31-3x (4330)
তথাপি তব পুত্রস্য প্রিয়কামা বিশাম্পতে।
যশঃ প্রবীরা লোকেষু রক্ষন্তো দ্রোণমন্বয়ুঃ॥ 7-31-3 (46102)
সমুদ্যতেষু চাস্ত্রেষু সম্প্রাপ্তে চ যুধিষ্ঠিরে।
অকুর্বন্নার্যকর্মাণি ভৈরবে সত্যভীতবৎ॥ 7-31-4 (46103)
অন্তরং ভীমসেনস্য প্রাপতন্নমিতৌজসঃ।
সাত্যকেশ্চৈব বীরস্য ধৃষ্টদ্যুম্নস্য বা বিভো॥ 7-31-5 (46104)
দ্রোণং দ্রোণমিতি ক্রূরাঃ পাঞ্চালাঃ সমচোদয়ন্।
মা দ্রোণমিতি পুত্রাস্তে কুরূন্সর্বানচোদয়ন্॥ 7-31-6 (46105)
দ্রোণং দ্রোণমিতি হ্যেকে মা দ্রোণমিতি চাপরে।
কুরূণাং পাণ্ডবানাং চ দ্রোণদ্যূতমবতেত॥ 7-31-7 (46106)
যংয়ং প্রমথতে দ্রোণঃ পাঞ্চালানাং রথব্রজম্।
তত্রতত্র তু পাঞ্চাল্যো ধৃষ্টদ্যুম্নোঽভ্যবর্তত॥ 7-31-8 (46107)
তেষাং ভাগ্যবিপর্যাসৈঃ সঙ্গ্রামে ভৈরবে সতি।
বীরাঃ সমাসদন্বীরান্কুর্বন্তো ভৈরবং রবম্॥ 7-31-9 (46108)
অকম্পনীয়াঃ শত্রূণাং বভূবুস্তত্র পাণ্ডবাঃ।
অকম্পয়ন্ননীকানি স্মরন্তঃ ক্লেশমাত্মনঃ॥ 7-31-10 (46109)
তে ৎবমর্ষবশং প্রাপ্তা হীমন্তঃ সৎবচোদিতাঃ।
ত্যক্ৎবা প্রাণান্ন্যবর্তন্ত ঘ্নন্তো দ্রোণং মহাহবে॥ 7-31-11 (46110)
অয়াসমিব সম্পাতঃ শিলানামিব চাভবৎ।
দীব্যতাং তুমুলে যুদ্ধে প্রাণৈরমিততেজসাম্॥ 7-31-12 (46111)
নানুস্মরন্তি সঙ্গ্রামমপি বৃদ্ধাস্তথাবিধম্।
যে পূর্বদেবৈর্দেবানামপশ্যন্যুদ্ধমদ্ভুতম্॥ 7-31-13 (46112)
প্রাকম্পতেব পৃথিবী তস্মিন্বীরাবসাদনে।
নিবর্ততা বলৌঘেন মহতা ভারপীডিতা॥ 7-31-14 (46113)
ঘূর্ণতোঽপি বলৌঘস্য দিবং স্তব্ধ্বেব নিঃস্বনঃ।
অজাতশত্রোস্তৎসৈন্যমাবিবেশ সুভৈরবঃ॥ 7-31-15 (46114)
সমাসাদ্য তু পাণ্ডূনামনীকানি সহস্রশঃ।
দ্রোণেন চরতা সঙ্খ্যে প্রভগ্নানি শিতৈঃ শরৈঃ॥ 7-31-16 (46115)
তেষু প্রমথ্যমানেষু দ্রোণেনাদ্ভুতকর্মণা।
পর্যবরায়দাসাদ্য দ্রোণং সেনাপতিঃ স্বয়ম্॥ 7-31-17 (46116)
তদদ্ভুতমভূদ্যুদ্ধং দ্রোণপাঞ্চালয়োস্তথা।
নৈব তস্যোপমা কাচিদিতি মে নিশ্চিতা মতিঃ॥ 7-31-18 (46117)
ততো নীলোঽনলপ্রখ্যো দদাহ কুরুবাহিনীম্।
শরস্কুলিঙ্গশ্চাপার্চির্দিহন্কক্ষমিবানলঃ॥ 7-31-19 (46118)
তং দহন্তমনীকানি দ্রোণপুত্রঃ প্রতাপবান্।
পূর্বাভিভাষী সুশ্লক্ষ্ণং স্ময়মানোঽভ্যভাষত॥ 7-31-20 (46119)
নীল কিং বহুভির্দগ্ধৈস্তব যোধৈঃ সরার্চিষা।
ময়ৈকেন হি যুধ্যস্ব ক্রুদ্ধঃ প্রহর চাশু মাম্॥ 7-31-21 (46120)
তং পদ্মনিকরাকারং পদ্মপত্রনিভেক্ষণম্।
ব্যাকোশপদ্মাভমুখো নীলো বিব্যাধ সায়কৈঃ॥ 7-31-22 (46121)
তেনাপি বিদ্ধঃ সহসা দ্রৌণির্ভল্লৈঃ শিতৈস্ত্রিভিঃ।
ধনুর্ধ্বজং চ চ্ছত্রং চ দ্বিষতঃ সন্ন্যকৃন্তত॥ 7-31-23 (46122)
স প্লুতঃ স্যন্দনাত্তস্মান্নীলশ্চর্মবরাসিভৃৎ।
দ্রৌণায়নেঃ শিরঃ কায়াদ্ধর্তুমৈচ্ছৎপতত্ত্রিবৎ॥ 7-31-24 (46123)
তস্যোদ্যতাসেঃ সুনসং শিরঃ কায়াৎসকুণ্ডলম্।
ভল্লেনাপাহরদ্দ্রৌণিঃ স্ময়মান ইবানঘ॥ 7-31-25 (46124)
সম্পূর্ণচন্দ্রাভমুখঃ পদ্মপত্রনিভেক্ষণঃ।
প্রাংশুরুৎপলপত্রাভো নিহতো ন্যপতদ্ভুবি॥ 7-31-26 (46125)
ততঃ প্রবিব্যথে সেনা পাণ্ডবী ভৃশমাকুলা।
আচার্যপুত্রেণ হতে নীলে জ্বলিততেজসি॥ 7-31-27 (46126)
অচিন্তয়ংশ্চ তে সর্বে পাণ্ডবানাং মহারথাঃ।
কথং নো বাসবিস্ত্রায়াচ্ছত্রুভ্য ইতি মারিষ॥ 7-31-28 (46127)
দক্ষিণেন তু সেনায়াঃ কুরুতে কদনং বলী।
সংশপ্তকাবশেষস্য নারায়ণবলস্য চ॥ ॥ 7-31-29 (46128)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধে একত্রিংশোঽধ্যায়ঃ॥ 31 ॥
Mahabharata - Drona Parva - Chapter Footnotes
5-31-5 অন্তরং ছিদ্রম্। প্রাপতন্সৃতবন্তঃ॥ 5-31-7 পাণ্ডবান্যাম ইত্যেব মা দ্রোণমিতি চাপরে ইতি কঃ পাঠঃ॥ 5-31-9 সমাসদন্প্রতিগতবন্তঃ॥ 5-31-11 ন্যবর্তন্ত ভয়েভ্যো নিবৃত্তাঃ। সত্যচোদিতাঃ ইতি ক.ঘ.ঙ. পাঠঃ॥ 5-31-31 একত্রিংশোঽধ্যায়ঃ॥দ্রোণপর্ব - অধ্যায় 032
॥ শ্রীঃ ॥
7.32. অধ্যায়ঃ 032
Mahabharata - Drona Parva - Chapter Topics
সঙ্কুলয়ুদ্ধবর্ণনম্॥ 1 ॥Mahabharata - Drona Parva - Chapter Text
7-32-0 (46129)
সঞ্জয় উবাচ। 7-32-0x (4331)
প্রতিঘাতং তু সৈন্যস্য নামৃষ্যত বৃকোদরঃ।
সোঽভ্যাহনদ্গুরুং ষষ্ট্যা কর্ণং চ দশভিঃ শরৈঃ॥ 7-32-1 (46130)
তস্য দ্রোণঃ শিতৈর্বাণৈস্তীক্ষ্ণধারৈরজিহ্মগৈঃ।
জীবিতান্তমভিপ্রেপ্সুর্মর্মণ্যাশু জঘান হ॥ 7-32-2 (46131)
আনন্তর্যমভিপ্রেপ্সুঃ ষড্বিংশত্যা শমার্পয়ৎ।
কর্ণো দ্বাদশভির্বাণৈরশ্বত্থামা চ সপ্তভিঃ॥ 7-32-3 (46132)
ষঙ্ভির্দুর্যোধনো রাজা তত এনমথাকিরৎ।
ভীমসেনোঽপি তান্সর্বান্প্রত্যবিধ্যন্মহাবলঃ॥ 7-32-4 (46133)
দ্রোণং পঞ্চাশতেষূণাং কর্ণং চ দশভিঃ শরৈঃ।
দর্যোধনং দ্বাদশভির্দৌণিমষ্টাভিরাশুগৈঃ॥ 7-32-5 (46134)
আরাবং তুমুলং কুর্বন্নভ্যবর্তত তান্রণে।
তস্মিন্সন্ত্যতি প্রামান্মৃত্যুসাধারণীকৃতে॥ 7-32-6 (46135)
অজাতশত্রুস্তান্যোধান্ভীমং ত্রাতেত্যচোদয়ৎ।
তে যয়ুর্ভীমসেনস্য সমীপমমিতৌজসঃ॥ 7-32-7 (46136)
যুয়ুধানপ্রভৃতয়ো মাদ্রীপুত্রৌ চ পাণ্ডবৌ।
তে সমেত্য সুসংরব্ধাঃ সহিতাঃ পুরুষর্ষভাঃ॥ 7-32-8 (46137)
মহেষ্বাসবরৈর্গুপ্তা দ্রোণানীকং বিভিৎসবঃ।
সমাপেতুর্মহাবীর্যা ভীমপ্রভৃতয়ো রথাঃ॥ 7-32-9 (46138)
তান্প্রত্যগৃহ্ণাদব্যগ্রো দ্রোণোঽপি রথিনাং বরঃ।
মহারথানতিবলান্বীরান্সমরয়োধিনঃ॥ 7-32-10 (46139)
বাহ্যং মৃত্যুভয়ং কৃৎবা তাবকান্পাণ্ডবা যয়ুঃ।
সাদিনঃ সাদিনোঽব্যঘ্নংস্তথৈব রথিনো রথান্॥ 7-32-11 (46140)
অসিশক্ত্যৃষ্টিসঙ্ঘাতৈর্যুদ্ধমাসীৎপরশ্বথৈঃ।
প্রকৃষ্টমসিয়ুদ্ধং চ বভূব কটুকোদয়ম্॥ 7-32-12 (46141)
কুঞ্জরাণাং চ সম্পাতে যুদ্ধমাসীৎসুদারুণম্।
অপতৎকুঞ্জরাদন্যো হয়াদন্যস্ৎববাক্শিরাঃ॥ 7-32-13 (46142)
নরো বাণবিনির্ভিন্নো রথাদন্যশ্চ মারিষ।
তত্রান্যস্য চ সম্পর্দে পতিতস্য বিবর্মণঃ॥ 7-32-14 (46143)
শিরঃ প্রধ্বংসয়ামাস বক্ষস্যাক্রম্য কুঞ্জরঃ।
অপরাংশ্চাপরেঽমৃদ্রন্বারণাঃ পতিতান্নরান্॥ 7-32-15 (46144)
বিষাণৈশ্চাবনিং গৎবা ব্যভিন্দন্রথিনো বহূন্।
নরান্ত্রৈঃ কেচিদপরে বিষাণালগ্নসংশ্রয়ৈঃ॥ 7-32-16 (46145)
বভ্রমুঃ সমরে নাগা মৃদ্রন্তঃ শতশো নরান্।
কার্ষ্ণায়সতনুত্রাণান্নরাশ্বরথকুঞ্জরান্॥ 7-32-17 (46146)
পতিতান্পোথয়াঞ্চক্রুর্দ্বিপাঃ স্থূলনলানিব।
গৃধ্রপত্রাধিবাসাংসি শয়নানি নারধিপাঃ॥ 7-32-18 (46147)
হীমন্তঃ কালসম্পর্কাৎসুদুঃস্বান্যনুশেরতে।
হন্তি স্মাত্র পিতা পুত্রং রথেনাভ্যেত্য সংয়ুগে॥ 7-32-19 (46148)
পুত্রশ্চ পিতরং মোহান্নির্মর্যাদমবর্তত।
রথো ভগ্নো ধ্বজশ্ছিন্নশ্ছত্রমুর্ব্যোং নিপাতিতম্॥ 7-32-20 (46149)
যুগার্ধং চ্ছিন্নমাদায় প্রদুদ্রাব তথা হয়ঃ।
সাসির্বাহুর্নিপতিতঃ শিরশ্ছিন্নং সকুণ্ডলম্॥ 7-32-21 (46150)
গজেনাক্ষিপ্য বলিনা রথঃ সঞ্চূর্ণিতঃ ক্ষিতৌ।
রথিনা তাডিতো নাগো নারাচেনাপতৎক্ষিতৌ॥ 7-32-22 (46151)
সারোহশ্চাপতদ্বাজী গেজেনাভ্যাহতো ভৃশম্।
নির্মর্যাদং মহদ্যুদ্ধমবর্তত সুদারুণম্॥ 7-32-23 (46152)
হা তাত হা পুত্র সখে ক্বাসি তিষ্ঠ ক্ব ধাবসি।
প্রহরাহর জহ্মেনং স্মিতশ্বেডিতগর্জিতৈঃ।
ইত্যেবমুচ্চৈরত্যর্থং শ্রূয়ন্তে বিবিধা গিরঃ॥ 7-32-24 (46153)
নরস্যাশ্বস্য নাগ্স্য সমসঞ্জত শোণিতম্।
উপাশাম্যদ্রজো ভৌমং ভীরূন্কশ্মলমাবিশৎ॥ 7-32-25 (46154)
চক্রেণ চক্রমাসাদ্য বীরো বীরস্য সংয়ুগে।
অতীতেষুপথে কালে জহার গদয়া সিরঃ॥ 7-32-26 (46155)
অসীৎকেশপরামর্শো মুষ্টিয়ুদ্ধং চ দারুণম্।
নখৈর্দন্তৈশ্চ সূরাণামদ্বীপে দ্বীপমিচ্ছতাম্॥ 7-32-27 (46156)
তত্রাচ্ছিদ্যত শূরস্য সখঙ্গো বাহুরুদ্যতঃ।
সধুনশ্চাপরস্যাপি সশরঃ সাঙ্কুশস্তথা॥ 7-32-28 (46157)
আক্রোশদন্যমন্যোঽত্র তথাঽন্যো বিমুখোঽদ্রবৎ।
অন্যঃ প্রাপ্তস্য চান্যস্য শিরঃ কায়াদপাহরৎ॥ 7-32-29 (46158)
সশব্দমদ্রবচ্চান্যঃ শব্দাদন্যোঽত্রসদ্ভৃশম্।
স্বানন্যোঽথ পরানন্যো জঘান নিশিতৈঃ শরৈঃ॥ 7-32-30 (46159)
গিরিশৃঙ্গোপমশ্চাত্র নারাচেন নিপাতিতঃ।
মাতঙ্গো ন্যপতদ্ভূমৌ নদীরোধ ইবোষ্ণগে॥ 7-32-31 (46160)
তথৈব রথিনং নাগঃ ক্ষরন্গিরিরিবারুজন্।
অভ্যতিষ্ঠৎপদা ভূমৌ সহাশ্বং সহসারথিম্॥ 7-32-32 (46161)
শূরান্প্রহরতো দৃষ্ট্বা কৃতাশ্স্ত্রান্রুধিরোক্ষিতান্।
বহূনপ্যাবিশন্মোহো ভীরূন্হৃদয়দুর্বলান্॥ 7-32-33 (46162)
সর্বমাবিগ্নমভবন্ন প্রাজ্ঞায়ত কিঞ্চন।
সৈন্যেন রজসা ধ্বস্তং নির্মর্যাদমবর্তত॥ 7-32-34 (46163)
ততঃ সেনাপতিঃ শীঘ্রময়ং ক্রাল ইতি ব্রুবন্।
নিত্যাভিৎবরিতানেব ৎবরয়ামাস পাণ্ডবান্॥ 7-32-35 (46164)
কুর্বন্তঃ শাসনং তস্য পাণ্ডবা বাহুশালিনঃ।
সরো হংসা ইবাপেতুর্ঘ্নন্তো দ্রোণরথং প্রতি॥ 7-32-36 (46165)
গৃহ্ণীতাদ্রবতান্যোন্যং বিভীতা বিনিকৃন্তত।
ইত্যাসীত্তুমুলঃ শব্দো দুর্ধর্ষস্য রথং প্রতি॥ 7-32-37 (46166)
ততো দ্রোণঃ কৃপঃ কর্ণো দ্রৌণী রাজা জয়দ্রথঃ।
বিন্দানুবিন্দাবাবন্ত্যৌ শল্যশ্চৈতান্ন্যবারয়ন্॥ 7-32-38 (46167)
তে ৎবার্যধর্মসংরব্ধা দুর্নিবারা দুরাসদাঃ।
শরার্তা ন জহুর্দ্রোণং পাঞ্চালাঃ পাণ্ডবৈ সহ॥ 7-32-39 (46168)
ততো দ্রোণোঽতিসংক্রুদ্ধো বিসৃজঞ্শতশঃ শরান্।
চেদিপাঞ্চালপাণ্ডূনামকরোৎকদনং মহৎ॥ 7-32-40 (46169)
তস্য জ্যাতলনির্ঘোষঃ শুশ্রুবে দিক্ষং মারিষ।
বজ্রসংহ্রাদসঙ্কাশস্ত্রাসয়ন্মানবান্বহূন্॥ 7-32-41 (46170)
এতস্মিন্নন্তরে জিষ্ণুর্জিৎবা সংশপ্তকান্বহূন্।
অভ্যযাত্তত্র যত্রাসৌ দ্রোণঃ পাণ্ডূন্প্রমর্দতি॥ 7-32-42 (46171)
তাঞ্শরৌঘান্মহাবর্তাঞ্শোণিতোদান্মহাহদান্।
তীর্ণঃ সংশপ্তকান্হৎবা প্রত্যদৃশ্যত ফল্গুনঃ॥ 7-32-43 (46172)
তস্য কীর্তিমতো লক্ষ্ম সূর্যপ্রতিমতেজসঃ।
দীপ্যমানমপশ্যাম তেজসা বানরধ্বজম্॥ 7-32-44 (46173)
সংশপ্তকসমুদ্রং তমুচ্ছোষ্যাস্ত্রগভস্তিভিঃ।
স পাণ্ডবয়ুগান্তার্কঃ কুরূনপ্যভ্যতীতপৎ॥ 7-32-45 (46174)
প্রদদাহ কুরূন্সর্বানর্জুনঃ শস্ত্রতেজসা।
যুগান্তে সর্বভূতানি ধূমকেতুরিবোত্থিতঃ॥ 7-32-46 (46175)
তেন বাণসহস্রৌধৈর্গজাশ্বরথয়োধিনঃ।
তাড্যমানাঃ ক্ষিতিং জগ্মুর্মুক্তকেশাঃশরার্দিতাঃ॥ 7-32-47 (46176)
কেচিদার্তস্বনং চক্রুর্বিনেশুরপরে পুনঃ।
পার্থবাণহতাঃ কেচিন্নিপেতুর্বিগতাসবঃ॥ 7-32-48 (46177)
তেষামুৎপতিতান্কাংশ্চিৎপতিতাংশ্চ পরাঙ্মুখান্।
ন জঘানার্জুনো যোধান্যোধব্রতমনুস্মরন্॥ 7-32-49 (46178)
তে বিকীর্ণরথাশ্চিত্রাঃ প্রায়শশ্চ পরাঙ্মুখঃ।
কুরবঃ কর্ণকর্ণেতি হাহেতি চ বিচুক্রুশুঃ॥ 7-32-50 (46179)
তমাধিরথিরাক্রন্দং বিজ্ঞায় শরণৈষিণাম্।
মা ভৈষ্টেতি প্রতিশ্রুত্য যয়াবভিমুখোঽর্জুনম্॥ 7-32-51 (46180)
স ভারতরথশ্রেষ্ঠঃ সর্বভারতহর্ষণঃ।
প্রাদুশ্চক্রে তদাগ্নেয়মস্ত্রমস্ত্রবিদাং বারঃ॥ 7-32-52 (46181)
তস্য দীপ্তশরৌঘস্য দীপ্তচাপধরস্য চ।
`বারুণেন তদস্ত্রেণ বিধূয়াথ ধনঞ্জয়ঃ'।
শরৌঘাঞ্শরজালেন বিদুধাব ধনঞ্জয়ঃ॥ 7-32-53 (46182)
তথৈবাধিরথিস্তস্য বাণাজ্জ্বলিততেজসঃ।
অস্ত্রমস্ত্রেণ সংবার্য প্রাণদদ্বিসৃজঞ্শরান্॥ 7-32-54 (46183)
ধৃষ্টদ্যুম্নশ্চ ভীমশ্চ সাত্যকিশ্চ মহারথঃ।
বিব্যধুঃ কর্ণমাসাদ্য ত্রিভিস্ত্রিভিরজিহ্মগৈঃ॥ 7-32-55 (46184)
অর্জুনাস্ত্রং তু রাধেয়ঃ সংবার্য শরবৃষ্টিভিঃ।
তেষাং ত্রয়াণাং চাপানি চিচ্ছেদ বিশিখৈস্ত্রিভিঃ॥ 7-32-56 (46185)
তে নিকৃত্তায়ুঘাঃ শূরা নির্বিষা ভুজগা ইব।
রথশক্তীঃ সমুৎক্ষিপ্য ভৃশং সিংহা ইবানদন্॥ 7-32-57 (46186)
তা ভুজাগ্রৈর্মহাবেগা নিসৃষ্টা ভুজগোপমাঃ।
দীপ্যমানা মহাশক্ত্যো জগ্মুরাধিরথিং প্রতি॥ 7-32-58 (46187)
তা নিকৃত্য শরব্রাতৈস্ত্রিভিস্ত্রিভিরজিহ্মগৈঃ।
ননাদ বলবান্কর্ণঃ পার্থায় বিসৃজঞ্শরান্॥ 7-32-59 (46188)
অর্জুনশ্চাপি রাধেয়ং বিদ্ধ্বা সপ্তভিরাশুগৈঃ।
কর্ণাদবরজং বাণৈর্জঘান নিশিতৈঃ শরৈঃ॥ 7-32-60 (46189)
ততঃ শত্রুংজয়ং হৎবা পার্থঃ ষঙ্ভিরজিহ্মগৈঃ।
জহার সদ্যো ভল্লেন বিপাটস্য শিরো রথাৎ॥ 7-32-61 (46190)
পশ্যতাং ধার্তরাষ্ট্রাণামেকেনৈব কিরীটিনা।
প্রমুখে সূতপুত্রস্য সোদর্যা নিহতাস্ত্রয়ঃ॥ 7-32-62 (46191)
ততো ভীমঃ সমুৎপত্য স্বরথাদ্বৈনতেয়বৎ।
বরাসিনা কর্ণপক্ষাঞ্জধান দশ পঞ্চ চ॥ 7-32-63 (46192)
পুনস্তু রথমাস্থায় ধনুরাদায় চাপরম্।
বিব্যাধ দশভিঃ কর্ণং সূতমশ্বাংশ্চ পঞ্চভিঃ॥ 7-32-64 (46193)
ধৃষ্টদ্যুম্নোঽপ্যসিবরং চর্ম চাদায় ভাস্বরম্।
জঘান চন্দ্রবর্মাণং বৃহৎক্ষত্রং চ নৈষধম্॥ 7-32-65 (46194)
ততঃ স্বরথমাস্থায় পাঞ্চাল্যোঽন্যচ্চ কার্মুকম্।
আদায় কর্ণং বিব্যাধ ত্রিসপ্তত্যা নদন্রণে॥ 7-32-66 (46195)
শৈনেয়োঽপ্যন্যদাদায় ধনুরিন্দুসমদ্যুতিঃ।
সূতপুত্রং চতুঃষষ্ট্যা বিদ্ধ্বা সিংহ ইবানদৎ॥ 7-32-67 (46196)
ভল্লাভ্যাং সাধু মুক্তাভ্যাং ছিত্ৎবা কর্ণস্য কার্মুকম্।
পুনঃ কর্ণং ত্রিভির্বাণৈর্বাহ্বোরুরসি চার্পয়ৎ॥ 7-32-68 (46197)
ততো দুর্যোধনো দ্রোণো রাজা চৈব জয়দ্রথঃ।
নিম়জ্জমানং রাধেয়মুজ্জহ্রুঃ সাত্যকার্ণবাৎ॥ 7-32-69 (46198)
পত্ত্যশ্বরথমাতঙ্গাস্ৎবদীয়াঃ শতশোঽপরে।
কর্ণমেবাভ্যধাবন্ত ত্রাস্যমানাঃ প্রহারিণঃ॥ 7-32-70 (46199)
ধৃষ্টদ্যুম্নশ্চ ভীমশ্চ সৌভদ্রোঽর্জুন এব চ।
নকুলঃ সহদেবশ্চ সাত্যকিং জুগুপূ রণে॥ 7-32-71 (46200)
এবমেষ মহারৌদ্রঃ ক্ষয়ার্থং সর্বধন্বিনাম্।
তাবকানাং পরেষাং চ ত্যক্ৎবা প্রাণানভূদ্রণঃ॥
পদাতিরথনাগাশ্বা গজাশ্বরথপত্তিভিঃ।
রথিনো নাগপত্ত্যশ্বৈরথ পত্তীরথ দ্বিপৈঃ॥ 7-32-72 (46201)
অশ্বৈরশ্বা গজৈর্নাগা রথিনো রথিভিঃ সহ।
সংয়ুক্তাঃ সমদৃশ্যন্ত পত্তয়শ্চাপি পত্তিভিঃ॥
এবং সুকলিলং যুদ্ধমাসীৎক্রব্যাদহর্ষণম্।
মহদ্ভিস্তৈরভীতানাং যমরাষ্ট্রবিবর্ধনম্॥ 7-32-74 (46202)
ততো হতা নররথবাজিকুঞ্জরৈ
রনেকশো দ্বিপরথপত্তিবাজিনঃ।
গজৈর্গজা রথিভিরুদায়ুধা রথা।
হয়ৈর্হয়াঃ পত্তিগণৈশ্চ পত্তয়ঃ॥ 7-32-76 (46203)
রথৈর্দ্বিপা দ্বিরদবরৈর্মহাহয়া
হয়ৈর্নরা বররথিভিশ্চ বাজিনঃ।
নিরস্তজিহ্বাদশনেক্ষণাঃ ক্ষিতৌ
ক্ষয়ং গতাঃ প্রমথিতবর্মভূষণাঃ॥ 7-32-77 (46204)
তথা পরৈর্বহুকরণৈর্বরায়ুধৈ-
র্হতা গতাঃ প্রতিভয়দর্শনাঃ ক্ষিতিম্।
বিপোথিতা হয়গজপাদতাডিতা
ভৃশাকুলা রথমুখনেমিভিঃ ক্ষতাঃ॥ 7-32-78 (46205)
প্রমোদনে শ্বাপদপক্ষিরক্ষসাং
জনক্ষয়ে বর্ততি তত্র দারুণে।
মহাবলাস্তে কুপিতাঃ পরস্পরং
নিষূদয়ন্তঃ প্রবিচেরুরোজসা॥ 7-32-79 (46206)
ততো বলে ভৃশলুলিতে পরস্পরং
নিরীক্ষমাণে রুধিরৌঘসম্প্লুতে।
দিবাকরেঽস্তংগিরিমাস্থিতে শনৈ
রুভে প্রয়াতে শিবিরায় ভারত॥ ॥ 7-32-80 (46207)
ইতি শ্রীমন্মহাভারতে দ্রোণপর্বণি সংশপ্তকবধপর্বণি দ্বাদশদিবসয়ুদ্ধাবহারে দ্বাত্রিংশোঽধ্যায়ঃ॥ 32 ॥
Mahabharata - Drona Parva - Chapter Footnotes
5-32-6 মৃত্যুসাধারণীকৃতে মরণতুল্যাবস্থাং গমিতে॥ 5-32-12 কটুকস্য পরুষস্যোদয়ো যত্র॥ 5-32-16 অবিনং গৎবা অভিত্য। বিষাণালগ্নসংশ্রয়ৈঃ দন্তলগ্নৈকদেশৈঃ॥ 5-32-18 গৃধ্রপক্ষাধিবাসাংসি গৃধ্রপক্ষাস্তরণানি॥ 5-32-25 সমসজ্জত ঘনতামগমৎ॥ 5-32-26 অতীতঃ ইষুপথঃ শরাবকাশো যত্র॥ 5-32-27 দ্বীপমাশ্রয়ম্॥ 5-32-29 আক্রোশৎ আহূতবান্॥ 5-32-32 ক্ষরন্মদমিতি শেষঃ। রথিনং তথৈব সহসারথিং অর্থাদ্রথং চ পদা আরুজন্ ভূমৌ অভ্যতিষ্ঠদিত্যন্বয়ঃ॥ 5-32-37 বিভীতা অভীতাঃ। দুর্ধর্ষস্য দ্রোণস্য॥ 5-32-39 আর্যধর্মেণ সংরব্ধাঃ সোদ্যমাঃ॥ 5-32-53 বিদুধাব খণ্ডিতবান্॥ 5-32-61 বিঘাতস্য শির ইতি ক.পাঠঃ॥ 5-32-72 প্রাণাংস্ত্যক্ৎবা যুধ্যতামিতি শেষঃ॥ 5-32-75 অভীতানামভিমুখাগতানাং ভয়হীনানাং বা॥ 5-32-78 বহুকরণৈরনেকপ্রক্রিয়ৈঃ। রথমুখানাং রথমুখ্যানাং নেমিভিশ্চক্রান্তৈঃ॥ 5-32-32 দ্বাত্রিংশোঽধ্যায়ঃ॥দ্রোণপর্ব - অধ্যায় 033
॥ শ্রীঃ ॥
7.33. অধ্যায়ঃ 033
Mahabharata - Drona Parva - Chapter Topics
যুধিষ্ঠিরস্যাগ্রহণাৎ দুর্মনায়মানং দুর্যোধনং প্রতি দ্রোণেন কস্যচিন্মহারথস্য হননপ্রতিজ্ঞা॥ 1 ॥ সঞ্জয়েন ধৃতরাষ্ট্রং প্রতি সঙ্ক্ষেপতোঽভিমন্যুবধকথনম্॥ 2 ॥Mahabharata - Drona Parva - Chapter Text
7-33-0 (46208)
সঞ্জয় উবাচ। 7-33-0x (4332)
পূর্বমস্মাসু ভগ্নেষু ফল্গুগেনামিতৌজসা।
দ্রোণে চ মোঘসঙ্কল্পে রক্ষিতে চ যুধিষ্ঠিরে॥ 7-33-1 (46209)
সর্বে বিধ্বস্তকবচাস্তাবকা যুধি নির্জিতাঃ।
রজস্বলা ভৃশোদ্বিগ্না বীক্ষমাণা দিশো দশ॥ 7-33-2 (46210)
অবহারং ততঃ কৃৎবা ভারদ্বাজস্য সম্মতে।
লব্ধলক্ষৈঃ শরৈর্ভিন্না ভৃশাবহসিতা রণে॥ 7-33-3 (46211)
শ্লাঘমানেষু ভূতেষু ফল্গুনস্যামিতান্গুণান্।
কেশবস্য চ সৌহার্দে কীর্ত্যমানেঽর্জুনং প্রতি॥ 7-33-4 (46212)
অভিশস্তা ইবাভূবন্ধ্যানমূকৎবমাস্থিতাঃ।
ততঃ প্রভাতসময়ে দ্রোণং দ্রুয়োধনোঽব্রবীৎ॥ 7-33-5 (46213)
প্রণয়াদভিমানাচ্চ দ্বিষদ্বৃদ্ধ্যা চ দুর্মনাঃ।
শৃণ্বতাং সর্বয়োধানাং সংরব্ধো বাক্যকোবিদঃ॥ 7-33-6 (46214)
নূনং বয়ং বধ্যপক্ষে ভবতো দ্বিজসত্তম।
তথাহি নাগ্রহীঃ প্রাপ্তং সমীপেঽদ্য যুধিষ্ঠিরম্॥ 7-33-7 (46215)
ইচ্ছতস্তে ন মুচ্যেত চক্ষুঃপ্রাপ্তো রণে রিপুঃ।
জিঘৃক্ষতো রক্ষ্যমাণঃ সামরৈরপি পাণ্ডবৈঃ॥ 7-33-8 (46216)
বরং দত্ৎবা মম প্রীতঃ পশ্চাদ্বিকৃতবানসি।
আশাভঙ্গং ন কুর্বন্তি ভক্তস্যার্যাঃ কথঞ্চন॥ 7-33-9 (46217)
সঞ্জয় উবাচ। 7-33-10x (4333)
ততোঽপ্রীতস্তথোক্তঃ সন্ভারদ্বাজোঽব্রবীন্নৃপম্।
নার্হসে মাং তথা জ্ঞাতুং ঘটমানং তব প্রিয়ে॥ 7-33-10 (46218)
সসুরাসুরগন্ধর্বাঃ সয়ক্ষোরগরাক্ষসাঃ।
নালং লোকা রণে জেতুং পাল্যমানং কিরীটিনা॥ 7-33-11 (46219)
বিশ্বসৃগ্যত্র গোবিন্দঃ পৃতনানীস্তথাঽর্জুনঃ।
তত্র কস্য বলং ক্রামেদন্যত্র ত্র্যম্বকাৎপ্রভোঃ॥ 7-33-12 (46220)
সত্যং তাত ব্রবীম্যদ্য নৈতজ্জাৎবন্যথা ভবেৎ।
অদ্যৈকং প্রবরং কঞ্চিৎপাতয়িষ্যে মহারথম্॥ 7-33-13 (46221)
চক্রব্যূহং বিধাস্যামি যোঽভেদ্যস্ত্রিদশৈরপি।
যোগেন কেনচিদ্রাজন্নর্জুনস্ৎবপনীয়তাম্॥ 7-33-14 (46222)
ন হ্যজ্ঞাতমসাধ্যং বা তস্য সঙ্খ্যেঽস্তি কিঞ্চন।
তেন হ্যুপাত্তং সকলং সর্বজ্ঞানমিতস্ততঃ॥ 7-33-15 (46223)
দ্রোণেন ব্যাহৃতে ৎবেবং সংশপ্তকগণাঃ পুনঃ।
আহ্বয়ন্নর্জুনং সঙ্খ্যে দক্ষিণামভিতো দিশম্॥ 7-33-16 (46224)
ততোঽর্জুনস্যাথ পরৈঃ সার্ধং সমভবদ্রণঃ।
তাদৃশো যাদৃশো নান্যঃ শ্রুতো দৃষ্টোপি বা ক্বচিৎ। 7-33-17 (46225)
তত্র দ্রোণেন বিহিতো ব্যূহো রাজন্ব্যরোচত।
চরন্মধ্যন্দিনে সূর্যঃ প্রতপন্নিব দুর্দৃশঃ॥ 7-33-18 (46226)
তং চাভিমন্যুর্বচনাৎপিতুর্জ্যেষ্ঠস্য ভারত।
বিভেদ দুর্ভিদং সঙ্খ্যে চক্রব্যূহমনেকধা॥ 7-33-19 (46227)
স কৃৎবা দুষ্করং কর্ম হৎবা বীরান্সহস্রশঃ।
রাজপুত্রশতং হৎবা কৌসল্যং চ বৃহদ্বলম্॥ 7-33-20 (46228)
মহারথং শল্যপুত্রং পৌত্রং তে লক্ষ্মণং তথা।
ষট্সু বীরেষু সংসক্তো দৌঃশাসনিবশং গতঃ।
সৌভদ্রঃ পৃথিবীপাল জহৌ প্রাণান্পরন্তপ॥ 7-33-21 (46229)
বয়ং পরমসংহৃষ্টাঃ পাণ্ডবাঃ শোককর্শিতাঃ।
সৌভদ্রে নিহতে রাজন্নবহারমকুর্মহি॥ 7-33-22 (46230)
`জনমেজয় উবাচ। 7-33-23x (4334)
সমরোদ্যুক্তকর্মাণঃ কর্মভির্ব্যঞ্জিতশ্রমাঃ।
সকৃষ্ণাঃ পাণ্ডবাঃ পঞ্চ দেবৈরপি দুরাসদাঃ॥ 7-33-23 (46231)
শশ্বৎকর্মান্বয়ৈর্বুদ্ধ্যা প্রকৃত্যা যশসা শ্রিয়া।
ন ভূতো ভবিতা বাপি কৃষ্ণস্য সদৃশঃ পুমান্॥ 7-33-24 (46232)
সত্যধর্মতপোদানৈর্দ্বিজপূজাদিভির্গুণৈঃ।
সদেহস্ত্রিদিবং প্রাপ্তো রাজা কিল যুধিষ্ঠিরঃ॥ 7-33-25 (46233)
যুগান্তে চান্তকশ্চৈব জামদগ্ন্যশ্চ কীর্তিমান্।
রণস্থো ভীমসেনশ্চ কথ্যন্তে সদৃশাস্ত্রয়ঃ॥ 7-33-26 (46234)
প্রতিজ্ঞাকর্মদক্ষস্য রণে গাণ্ডীবধন্বনঃ।
উপমাং নাধিগচ্ছামি পার্থস্য সদৃশীং ক্ষিতৌ॥ 7-33-27 (46235)
গুরুবাৎসল্যমত্যন্তং নৈভৃত্যং বিনয়ো দমঃ।
নকুলে ৎবাভিরূপ্যং চ শৌর্যং চ নিয়তানি ষট্॥ 7-33-28 (46236)
শ্রুতমাধুর্যগাম্ভীর্যসত্ৎবরূপপরাক্রমৈঃ।
সদৃশো দেবয়োর্বীরঃ সহদেবঃ কিলাশ্বিনোঃ॥ 7-33-29 (46237)
যে চ কৃষ্ণে গুণাঃ স্ফীতাঃ পাণ্ডবেষু চ যে গুণাঃ।
অভিমন্যৌ কিলৈকস্থা দৃশ্যন্তে তে গুণাঃ শুভাঃ॥ 7-33-30 (46238)
যুধিষ্ঠিরস্য শৌর্যেণ কৃষ্ণস্য চরিতেন চ।
কর্মণা ভীমসেনস্য সদৃশং ভীমকর্মণঃ॥ 7-33-31 (46239)
ধনঞ্জয়স্য রূপেণ বিক্রমেণ শুভেন চ।
বিনয়ে সহদেবস্য সদৃশং নকুলস্য চ॥ 7-33-32 (46240)
অভিমন্যুং দ্বিজশ্রেষ্ঠ সৌভদ্রমপরাজিতম্।
শ্রোতুমিচ্ছামি কার্ৎস্ন্যেন কথমায়োধনে হতঃ॥ 7-33-33 (46241)
বৈশম্পায়ন উবাচ। 7-33-34x (4335)
অভিমন্যুং হতং শ্রুৎবা ধৃতরাষ্ট্রো জনাধিপঃ।
বিস্তরেণ মহারাজ পর্যপৃচ্ছৎস সঞ্জয়ম্'॥ 7-33-34 (46242)
ধৃতরাষ্ট্র উবাচ। 7-33-35x (4336)
পুত্রং পুরুষসিংহস্য সঞ্জয়াপ্রাপ্তয়ৌবনম্।
রণে বিনিহতং শ্রুৎবা ভৃশং মে দীর্যতে মনঃ॥ 7-33-35 (46243)
দারুণঃ ক্ষত্রধর্মোঽয়ং বিহিতো ধর্মকর্তৃভিঃ।
যত্র রাজ্যেপ্সবঃ শূরা বালে শস্ত্রমপাতয়ন্॥ 7-33-36 (46244)
বালমত্যন্তসুখিনং বিচরন্তমভীতবৎ।
কৃতাস্ত্রা বহবো জঘ্নুর্ব্রূহি গাবল্গণে কথম্॥ 7-33-37 (46245)
বিবিৎসতা রথানীকং সৌভদ্রেণামিতৌজসা।
বিক্রীডিতং যথা সঙ্খ্যে তন্মমাচক্ষ্ব সঞ্জয়॥ 7-33-38 (46246)
সঞ্জয় উবাচ। 7-33-39x (4337)
যন্মাং পৃচ্ছসি রাজেন্দ্র সৌভদ্রস্য নিপাতনম্।
তত্তে কার্ৎস্ন্যেন বক্ষ্যামি শৃণু রাজন্সমাহিতঃ॥ 7-33-39 (46247)
বিক্রীডিতং কুমারেণ যথানীকং বিভিৎসতা।
আরুগ্ণাশ্চ যথা বীরা দুঃসাধ্যাশ্চাপি বিপ্লুবে॥ 7-33-40 (46248)
দাবাগ্ন্যভিপরীতানাং ভূরিগুল্মতৃণদ্রুমে।
বনৌকসামিবারণ্যে ৎবদীয়ানামভূদ্ভয়ম্॥ ॥ 7-33-41 (46249)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়স্ত্রিংশোঽধ্যায়ঃ॥ 33 ॥
Mahabharata - Drona Parva - Chapter Footnotes
5-33-2 রজস্বলা ধূলিব্যাপ্তাঃ॥ 5-33-9 বিকৃতবানন্যথা কৃতবান্॥ 5-33-15 কলাভিঃ সহিতং সকলম্। ইতোঽস্মত্তঃ। ততোঽন্যতঃ॥ 5-33-21 ষট্সু দ্রোণদ্রৌণিকৃপকর্ণভোজশল্যেষু॥ 5-33-28 নৈভৃত্যং কৃতকর্তব্যাপ্রকাশনম্॥ 5-33-36 ধর্মকর্তৃভির্মন্বাদিভিঃ॥ 5-33-33 ত্রয়স্ত্রিংশোঽধ্যায়ঃ॥দ্রোণপর্ব - অধ্যায় 034
॥ শ্রীঃ ॥
7.34. অধ্যায়ঃ 034
Mahabharata - Drona Parva - Chapter Topics
দ্রোণেন পদ্মব্যূহরচনা॥ 1 ॥Mahabharata - Drona Parva - Chapter Text
7-34-0 (46250)
সঞ্জয় উবাচ। 7-34-0x (4338)
স্থিরো ভব মহারাজ শোকং ধারয় দুর্ধরম্।
মহান্তং বন্ধুনাশং তে কথয়িষ্যামি তচ্ছৃশু॥ 7-34-1 (46251)
পদ্মব্যূহো মহারাজ আচার্যেণাভিকল্পিতঃ।
তত্র পদ্মোপমাঃ সর্বে রাজানো বিনিবেশিতাঃ॥ 7-34-2 (46252)
কুমারা রাজলোকস্য নিক্ষিপ্তাঃ কেসরোপামাঃ।
কর্ণিকাস্থো মহারাজ তস্য দুর্যোধনোঽভবৎ॥ 7-34-3 (46253)
কৃতাভিসময়াঃ সর্বে সুবর্ণবিকৃতধ্বজাঃ।
রক্তাম্বরধরাঃ সর্বে সর্বে রক্তবিভূষণাঃ॥ 7-34-4 (46254)
সর্বে রক্তপতাকাশ্চ সর্বে বৈ হেমমালিনঃ।
চন্দনাগুরুদিগ্ধাঙ্গাঃ স্রগ্বিণঃ সূক্ষ্মবাসসঃ॥ 7-34-5 (46255)
সহিতাঃ পর্যধাবন্ত কার্ষ্ণি প্রতিয়ুয়ুৎসবঃ।
তেষাং দশসহস্রাণি বভূবুর্দৃঢধন্বিনাম্॥ 7-34-6 (46256)
পৌত্রং তব পুরস্কৃত্য লক্ষ্মণং প্রিয়দর্শনম্।
অন্যোন্যসমদুঃখাস্তে অন্যোন্যসমসাহসাঃ॥ 7-34-7 (46257)
অন্যোন্যং স্পর্ধমানাশ্চ অন্যোন্যস্য হিতে রতাঃ।
দুর্যোধনস্তু রাজেন্দ্র সৈন্যমধ্যে ব্যবস্থিতঃ॥ 7-34-8 (46258)
কর্ণদুঃশাসনকৃপৈর্বৃতো রাজা মহারথৈঃ।
দেবরাজোপমঃ শ্রীমাঞ্শ্বেতচ্ছত্রাভিসংবৃতঃ॥ 7-34-9 (46259)
চামরব্যজনাক্ষেপৈরুদয়ন্নিব ভাস্করঃ।
প্রমুখে তস্য সৈন্যস্য দ্রোণোঽবস্থিত নায়কঃ॥ 7-34-10 (46260)
সিন্ধুরাজস্তথাঽতিষ্ঠচ্ছ্রীমান্মেরুরিবাচলঃ।
সিন্ধুরাজস্য পার্শ্বস্থা অশ্বত্থামপুরোগমাঃ॥ 7-34-11 (46261)
সুতাস্তব মহারাজ ত্রিংশত্ত্রিদশসন্নিভাঃ।
গান্ধাররাজঃ কিতবঃ শল্যো ভূরিশ্রবাস্তথা॥ 7-34-12 (46262)
পার্শ্বতঃ সিন্ধুরাজস্য ব্যরাজন্ত মহারথাঃ।
ততঃ প্রববৃতে যুদ্ধং তুমুলং লোমহর্ষণম্।
তাবকানাং পরেষাং চ মৃত্যুং কৃৎবা নিবর্তনম্॥ ॥ 7-34-13 (46263)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে চতুস্ত্রিংশোঽধ্যায়ঃ॥ 34 ॥
Mahabharata - Drona Parva - Chapter Footnotes
5-34-2 চক্রব্যূহ ইতি ঝ.পাঠঃ॥ 5-34-10 প্রমুখেঽগ্রে। সৈন্যস্য নায়কো দ্রোণঃ। অবস্থিতেতিচ্ছন্দোনুরোধাদ্বিসর্গলোপঃ॥ 5-34-34 চতুস্ত্রিংশোঽধ্যায়ঃ॥দ্রোণপর্ব - অধ্যায় 035
॥ শ্রীঃ ॥
7.35. অধ্যায়ঃ 035
Mahabharata - Drona Parva - Chapter Topics
যুধিষ্ঠিরেণাভিমন্যুম্প্রতি পদ্মব্যূহভেদনচোদনা॥ 1 ॥Mahabharata - Drona Parva - Chapter Text
7-35-0 (46264)
সঞ্জয় উবাচ। 7-35-0x (4339)
তদনীকমনাধৃষ্টং ভারদ্বাজেন রক্ষিতম্।
পার্থাঃ সমভ্যবর্তন্ত ভীমসেনপুরোগমাঃ॥ 7-35-1 (46265)
সাত্যকিশ্চেকিতানশ্চ ধৃষ্টদ্যুম্নশ্চ পার্ষতঃ।
কুন্তিভোজশ্চ বিক্রান্তো দ্রুপদশ্চ মহারথঃ॥ 7-35-2 (46266)
আর্জুনিঃ ক্ষত্রধর্মা চ বৃহৎক্ষত্রশ্চ বীর্যবান্।
চেদিপো ধৃষ্টকেতুশ্চ মাদ্রীপুত্রৌ ঘটোৎকচঃ॥ 7-35-3 (46267)
যুধামন্যুশ্চ বিক্রান্তঃ শিখণ্ডী চাপরাজিতঃ।
উতক্তমৌজাশ্চ দুর্ধর্ষো বিরাটশ্চ মহারথঃ॥ 7-35-4 (46268)
দ্রৌপদেয়াশ্চ সংরব্ধাঃ শৈশুপালিশ্চ বীর্যবান্।
কেকয়াশ্চ মহাবীর্যাঃ সৃঞ্জয়াশ্চ সহস্রশঃ॥ 7-35-5 (46269)
এতে চান্যে চ সগণাঃ কৃতাস্ত্রা যুদ্ধদুর্মদাঃ।
সমভ্যধাবন্সহসা ভারদ্বাজং যুয়ুৎসবঃ॥ 7-35-6 (46270)
সমীপে বর্তমানাংস্তান্ভারদ্বাজোঽতিবীর্যবান্।
অসম্ভ্রান্তঃ শরৌঘেণ মহতা সমবারয়ৎ॥ 7-35-7 (46271)
মহৌঘঃ সলিলস্যেব গিরিমাসাদ্য দুর্ভিদম্।
দ্রোণং তে নাভ্যবর্তন্ত বেলামিব জলাশয়াঃ॥ 7-35-8 (46272)
পীড্যমানাঃ শরৈ রাজন্দ্রোণচাপবিনিঃসৃতৈঃ।
ন শেকুঃ প্রমুখে স্থাতুং ভারদ্বাজস্য পাণ্ডবাঃ॥ 7-35-9 (46273)
তদদ্ভুতমপশ্যাম দ্রোণস্য ভুজয়োর্বলম্।
যদেনং নাভ্যবর্তন্ত পাঞ্চালাঃ সৃঞ্জয়ৈঃ সহ॥ 7-35-10 (46274)
তমায়ান্তমভিক্রুদ্ধং দ্রোণং দৃষ্ট্বা যুধিষ্ঠিরঃ।
বহুধা চিন্তয়ামাস দ্রোণস্য প্রতিবারণম্॥ 7-35-11 (46275)
অশক্যং তু তমন্যেন দ্রোণং মত্ৎবা যুধিষ্ঠিরঃ।
অবিষহ্যং গুর ভারং সৌভদ্রে সমবাসৃজৎ॥ 7-35-12 (46276)
বাসুদেবাদনবরং ফল্গুনাচ্চামিতৌজসম্।
অব্রবীৎপরবীরঘ্নমভিমন্যুমিদং বচঃ॥ 7-35-13 (46277)
যুধিষ্ঠির উবাচ। 7-35-14x (4340)
এত্য নো নার্জুনো গর্হেদ্যথা তাত তথা কুরু।
দ্রোণানীকস্য ন বয়ং বিদ্মো ভেদং কথঞ্চন॥ 7-35-14 (46278)
ৎবং বাঽর্জুনো বা কৃষ্ণো বা ভিন্দ্যাৎপ্রদ্যুম্ন এব বা।
দ্রোণানীকং মহাবাহো পঞ্চমো নোপপদ্যতে॥ 7-35-15 (46279)
অভিমন্যো বরং তাত যাচে ৎবাং দাতুমর্হসি।
পিতৄণাং মাতুলানাং চ সৈন্যানাং চৈব সর্বশঃ॥ 7-35-16 (46280)
ধনঞ্জয়ো হি নস্তাত গর্হয়েদেত্য সংয়ুগাৎ।
ক্ষিপ্রমস্ত্রং সমাদায় দ্রোণানীকং বিশাতয়॥ 7-35-17 (46281)
অভিমন্যুরুবাচ। 7-35-18x (4341)
দ্রোণস্য দৃঢমত্যুগ্রমনীকপ্রবরং যুধি।
পিতৄণাং জয়মাকাঙ্ক্ষন্নবগাহেঽবিলম্বিতম্॥ 7-35-18 (46282)
উপদিষ্টো হি মে পিত্রা যোগোঽনীকবিশাতনে।
নোৎসহে হি বিনির্গন্তুমহং কস্যাঞ্চিদাপদি॥ 7-35-19 (46283)
যুধিষ্ঠির উবাচ। 7-35-20x (4342)
ভিন্ধ্যনীকং যুধাংশ্চেষ্ঠ দ্বারং সঞ্জনয়স্ব নঃ।
বয়ং ৎবাঽনুগমিষ্যামো যেন ৎবং তাত যাস্যসি॥ 7-35-20 (46284)
ধনঞ্জয়সমং যুদ্ধে ৎবাং বয়ং তাত সংয়ুতে।
প্রণিধায়ানুয়াস্যামো রক্ষন্তঃ সর্বতোমুখাঃ॥ 7-35-21 (46285)
ভীম উবাচ। 7-35-22x (4343)
অহং ৎবাঽনুগমিষ্যামি ধৃষ্টদ্যুম্নোঽথ সাত্যকিঃ।
পাঞ্চলাঃ কেকয়া মাৎস্যাস্তথা সর্বে প্রভদ্রকাঃ॥ 7-35-22 (46286)
সকৃদ্ভিন্নং ৎবয়া ব্যূহং তত্র তত্র পুনঃ পুনঃ।
বয়ং প্রধ্বংসয়িষ্যামো নিঘ্নামানা বরান্বরান্॥ 7-35-23 (46287)
অভিমন্যুরুবাচ। 7-35-24x (4344)
অহমেতৎপ্রবেক্ষ্যামি দ্রোণানীকং দুরাসদম্।
পতঙ্গ ইব সঙ্ক্রুদ্ধো জ্বলিতং জাতবেদসম্॥ 7-35-24 (46288)
তৎকর্মাদ্য করিষ্যামি হিতং যদ্বংশয়োর্দ্বয়োঃ।
মাতুলস্য চ যৎপ্রীতিং করিষ্যতি পিতুশ্চ মে॥ 7-35-25 (46289)
শিশুনৈকেন সঙ্গ্রমে কাল্যমানানি সঙ্ঘশঃ।
দ্রক্ষ্যন্তি সর্বভূতানি দ্বিষৎসৈন্যানি বৈ ময়া॥ 7-35-26 (46290)
নাহং পার্থেন জাতঃ স্যাং ন চ জাতঃ সুভদ্রয়া।
যদি মে সংয়ুগে কশ্চিজ্জীবিতো নাদ্য মুচ্যতে॥ 7-35-27 (46291)
যদি চৈকরথেনাহং সমগ্রং ক্ষত্রমণ্ডলম্।
ন করোম্যষ্টধা যুদ্ধে ন ভবাম্যর্জুনাত্মজঃ॥ 7-35-28 (46292)
যুধিষ্ঠির উবাচ। 7-35-29x (4345)
এবং তে ভাষমাণস্য বলং সৌভদ্র বর্ধতাম্।
যৎসমুৎসহসে ভেত্তুং দ্রোণানীকং দুরাসদম্॥ 7-35-29 (46293)
রক্ষিতং পুরুষব্যাঘ্রৈর্মহেষ্বাসৈর্মহাবলৈ।
সাধ্যরুদ্রমরুত্তুল্যৈর্বস্বগ্ন্যাদিত্যবিক্রমৈঃ॥ 7-35-30 (46294)
সঞ্জয় উবাচ। 7-35-31x (4346)
তস্য তদ্বচনং শ্রুৎবা স যন্তারমচোদয়ৎ॥ 7-35-31 (46295)
সুমিত্রাশ্বান্রণে ক্ষিপ্রং দ্রোণানীকায় চোদয়॥ ॥ 7-35-32 (46296)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োধশদিবসয়ুদ্ধে পঞ্চত্রিংশোঽধ্যায়ঃ॥ 35 ॥
Mahabharata - Drona Parva - Chapter Footnotes
5-35-16 মাতুলানাং সাত্যকিপ্রভৃতীনাম্॥ 5-35-19 যোগ উপায়ো যুক্তির্বা ॥ 5-35-21 প্রণিধায় প্রবিশ্য॥ 5-35-35 পঞ্চত্রিংশোঃঽধ্যায়ঃ॥দ্রোণপর্ব - অধ্যায় 036
॥ শ্রীঃ ॥
7.36. অধ্যায়ঃ 036
Mahabharata - Drona Parva - Chapter Topics
অভিমন্যুয়ুদ্ধবর্ণনম্॥ 1 ॥Mahabharata - Drona Parva - Chapter Text
7-36-0 (46297)
সঞ্জয় উবাচ। 7-36-0x (4347)
সৌভদ্রস্তদ্বচঃ শ্রুৎবা ধর্মরাজস্য ধীমতঃ।
অচোদয়ত যন্তারং দ্রোণানীকায় ভারত॥ 7-36-1 (46298)
তেন সঞ্চোদ্যমানস্তু যাহিয়াহীতি সারথিঃ।
প্রত্যুবাচ ততো রাজন্নভিমন্যুমিদং বচঃ॥ 7-36-2 (46299)
অতিভারোঽয়মায়ুষ্মন্নাহিতস্ৎবয়ি পাণ্ডবৈঃ।
সম্প্রধার্য ক্ষণং বুদ্ধ্যা ততস্ৎবং যোদ্ধুমর্হসি॥ 7-36-3 (46300)
আচার্যো হি কৃতী দ্রোণঃ পরমাস্ত্রে কৃতশ্রমঃ।
ৎবং তু বালঃ স বলবান্সঙ্গ্রামাণামকোবিদঃ॥ 7-36-4 (46301)
ততোঽভিমন্যুঃ প্রহসন্সারথিং বাক্যমব্রবীৎ।
সারথে কোন্বয়ং দ্রোণঃ সমগ্রং ক্ষত্রমেব বা॥ 7-36-5 (46302)
`ব্যবসায়ো হি মে যোদ্ধুং রণোৎসবসমুদ্যতঃ'।
ঐরাবতগতং শক্রং সহামরগণৈরহম্॥ 7-36-6 (46303)
অথবা রুদ্রমীশানং সর্বভূতগণার্চিতম্।
যোধয়েয়ং রণমুখে ন মে ক্ষত্রেঽদ্য বিস্ময়ঃ॥ 7-36-7 (46304)
`যচ্চৈতৎপশ্যসে সূত সয়োধাশ্বরথদ্বিপম্'।
তন্মমাদ্য দ্বিষৎসৈন্যং কলামর্হতি ষোডশীম্॥ 7-36-8 (46305)
অপি বিশ্বজিতং বিষ্ণুং মাতুলং প্রাপ্য সূতজ।
পিতরং চার্জুনং যুদ্ধে ন ভীর্মামুপয়াস্যতি॥ 7-36-9 (46306)
সঞ্জয় উবাচ। 7-36-10x (4348)
এবমপ্যুচ্যমানঃ স সারথিস্তং পুনঃ পুনঃ।
বীর তে তেন মা যুদ্ধমিতি সৌভদ্রমব্রবীৎ'॥ 7-36-10 (46307)
অভিমন্যুশ্চ তাং বাচং কদর্থীকৃত্য সারথেঃ।
যাহীত্যেবাব্রবীদেনং দ্রোণানীকায় মাচিরম্॥ 7-36-11 (46308)
ততঃ সন্নোদয়ামাস হয়ানাশু ত্রিহায়নান্।
নাতিহৃষ্টমনাঃ সূতো হেমভাণ্ডপরিচ্ছদান্॥ 7-36-12 (46309)
তে প্রেষিতাঃ সুমিত্রেণ দ্রোণানীকায় বাজিনঃ।
দ্রোণমভ্যদ্রবন্রাজন্মহাবেগা মহাবলাঃ॥ 7-36-13 (46310)
তমুদীক্ষ্য তথায়ান্তং সর্বে দ্রোণপুরোগমাঃ।
অভ্যবর্তন্ত কৌরব্যাঃ পাণ্ডবাশ্চ তমন্বয়ুঃ॥ 7-36-14 (46311)
সকর্ণিকারপ্রবরোচ্ছ্রিতধ্বজঃ
সুবর্ণবর্মাঽঽর্জুনিরর্জুনাদ্বরঃ।
যুয়ুৎসয়া দ্রোণমুখান্মহারথান্
সমাসদৎসিংহশিশুর্যথা দ্বিপান্॥ 7-36-15 (46312)
তে বিংশতিপদে যত্তাঃ সম্প্রহারং প্রচক্রিরে।
আসীদ্গাঙ্গ ইবাবর্তো মুহূর্তমুদধাবিব॥ 7-36-16 (46313)
শূরাণাং যুধ্যমানানাং নিঘ্নতামিতরেতরম্।
সঙ্গ্রামস্তুমুলো রাজন্প্রাবর্তত সুদারুণঃ॥ 7-36-17 (46314)
প্রবর্তমানে সঙ্গ্রামে তস্মিন্নতিভয়ঙ্করে।
দ্রোণস্য মিষতো ব্যূহং ভিত্ৎবা ব্যচরদার্জুনিঃ॥ 7-36-18 (46315)
`তদভেদ্যমনাধৃষ্যং দ্রোণানীকং সুদুর্জয়ম্।
ভিত্ৎবার্জুনিরসম্ভ্রান্তো বিবেশাচিন্ত্যবিক্রমঃ'॥ 7-36-19 (46316)
তং প্রবিষ্টং বিনিঘ্নন্তং শত্রুসঙ্ঘান্মহাবলম্।
হস্ত্যশ্বরথপত্ত্যৌঘাঃ পরিবব্রুরুদায়ুধাঃ॥ 7-36-20 (46317)
নানাবাদিত্রনিনদৈঃ ক্ষ্বেডিতোৎক্রুষ্টগর্জিতৈঃ।
হুঙ্কারৈঃ সিংহনাদৈশ্চ তিষ্ঠ তিষ্ঠেতি নিঃস্বনৈঃ॥ 7-36-21 (46318)
ঘোরৈর্হলহলাশব্দৈর্মাগাস্তিষ্ঠৈহি মামিতি।
অসাবহমমিত্রেতি প্রবদন্তো মুহুর্মুহুঃ॥ 7-36-22 (46319)
বৃংহিতৈঃ শিঞ্জিতৈর্হাসৈঃ করনেমিস্বনৈরপি।
সন্নাদয়ন্তো বসুধামভিদুদ্রুবুরার্জুনিম্॥ 7-36-23 (46320)
তেষামাপততাং বীরঃ শীঘ্রয়োধী মহাবলঃ।
ক্ষিপ্রাস্ত্রো ন্যবধীদ্রাজন্মর্মজ্ঞো মর্মভেদিভিঃ॥ 7-36-24 (46321)
তে হন্যমানা বিবশা নানালিঙ্গৈঃ শিতৈঃ শরৈঃ।
অভিপেতুঃ সুবহুশঃ শলভা ইব পাবকম্॥ 7-36-25 (46322)
ততস্তেষাং শরীরৈশ্চ শরীরাবয়বৈশ্চ সঃ।
সন্তংস্তার ক্ষিতিং ক্ষিপ্রং কুশৈর্বেদিমিবাধ্বরে॥ 7-36-26 (46323)
বদ্ধগোধাঙ্গুলিত্রাণান্সশরাসনসায়কান্।
সাসিচর্মাঙ্কুশাভীষূন্সতোমরপরশ্বথান্॥ 7-36-27 (46324)
সগদায়োগুডপ্রাসান্সর্ষ্টিতোমরপট্টসান্।
সভিণ্ডিপালপরিঘান্যশক্তিবরকম্পনান্॥ 7-36-28 (46325)
সপ্রতোদমহাশঙ্খান্সকুন্তান্সকচগ্রহান্।
সমুদ্গরক্ষেপণীয়ান্সপাশপরিঘোপলান্॥ 7-36-29 (46326)
সকেয়ূরাঙ্গদান্বাহূন্হৃদ্যগন্ধানুলেপনান্।
স়ঞ্চিচ্ছেদার্জুনির্বৃত্তাংস্ৎবদীয়ানাং সহস্রশঃ॥ 7-36-30 (46327)
তৈঃ স্ফুরদ্ভির্মহারাজ শুশুভে ভূঃ সুলোহিতৈঃ।
পঞ্চাস্যৈঃ পন্নগৈশ্ছিন্নৈর্গরুডেনেব মারিষ॥ 7-36-31 (46328)
সুনাসাননকেশান্তৈরব্রণৈশ্চারুকুণ্ডলৈঃ।
সন্দষ্টৌষ্ঠপুটৈঃ ক্রোধাৎক্ষরদ্ভিঃ শোণিতং বহু॥ 7-36-32 (46329)
সচারুমুকুটোষ্ণীষৈর্মণিরত্নবিভূষিতৈঃ।
বিনালনলিনাকারৈর্দিবাকরশশিপ্রভৈঃ॥ 7-36-33 (46330)
হিতপ্রিয়ংবদৈঃ কালে বহুভিঃ পুণ্যগন্ধিভিঃ।
দ্বিষচ্ছিরোভিঃ পৃথিবীং স বৈ তস্তার ফাল্গুনিঃ॥ 7-36-34 (46331)
গন্ধর্বনগরাকারান্বিধিবৎকল্পিতান্রথান্।
বীষামুখান্বিত্রিবেণূন্ন্যস্তদণ্ডকবন্ধুরান্॥ 7-36-35 (46332)
বিজঙ্ঘাকূবরাংস্তত্র বিনেমীংশ্র ব্যরানপি।
বিচক্রোপস্করোপস্থান্ভগ্নোপকরণানপি॥ 7-36-36 (46333)
`সমাস্থিতান্যোধবরৈর্দান্তাশ্বান্সাধুসারথীন্।
বিপতাকাধ্বজচ্ছত্রান্বিতূণীরায়ুধানপি॥ 7-36-37 (46334)
প্রপাতিতোপস্তরণান্হতয়োধান্সহস্রশঃ।
শরৈর্বিশকলীকুর্বন্দিক্ষু সর্বাস্বদৃশ্যত॥ 7-36-38 (46335)
পুনর্দ্বিপান্দ্বিপারোহান্বৈজয়ন্ত্যঙ্কুশধ্বজান্।
তূণান্বর্মাণ্যথো কক্ষ্যা গ্রৈবেয়াংশ্চ সকম্বলান্॥ 7-36-39 (46336)
ঘণ্টাঃ শুণ্ডাবিষাণাগ্রাঞ্ছত্রমালাঃ পদানুগান্।
শরৈর্নিশিতধারাগ্রৈঃ শাত্রবাণামশাতয়ৎ॥ 7-36-40 (46337)
বনায়ুজান্পার্বতীয়ান্কাম্ভোজানথ বাহ্লিকান্।
স্থিরবালধিকর্ণাক্ষাঞ্জবনান্সাধুবাহিনঃ॥ 7-36-41 (46338)
আরূঢাঞ্শিক্ষিতৈর্যোধৈঃ শক্ত্যৃষ্টিপ্রাসয়োধিভিঃ।
বিধ্বস্তচামরমুখান্বিপ্রবিদ্ধপ্রকীর্ণকান্॥ 7-36-42 (46339)
নিরস্তজিহ্বানয়নান্নিষ্কীর্ণান্ত্রয়কৃদ্ধনান্।
হতারোহাংশ্ছিন্নঘণ্টান্ক্রব্যাদগণমোদকান্॥ 7-36-43 (46340)
নিকৃত্তচর্মকবচাঞ্শকৃন্মূত্রাসৃগাপ্লুতান্।
নিপাতয়ন্নশ্ববরাংস্তাবকান্স ব্যরোচত।
একো বিষ্ণুরিবাচিন্ত্যং কৃৎবা কর্ম সুদুষ্করম্॥ 7-36-44 (46341)
তথা নির্মাথিতং তেন চতুরঙ্গবলং মহৎ।
যথাঽসুরবলং ঘোরং ত্র্যম্বকেন মহৌজসা॥ 7-36-45 (46342)
কৃৎবা কর্ম রণেঽসহ্যং পরৈরার্জুনিরাহবে।
অভিনচ্চ পদাত্যোঘাংস্ৎবদীয়ানেব সর্বশঃ॥ 7-36-46 (46343)
এবমেকেন তাং সেনাং সৌভদ্রেণ সিতৈঃ শরৈঃ।
ভৃশং বিপ্রহতাং দৃষ্ট্বা স্কন্দেনেবাসুরীং চমূম্॥ 7-36-47 (46344)
ৎবদীয়াস্তব পুত্রাশ্চ বীক্ষমাণা দিশো দশ।
সংশুষ্কাস্যাশ্চলন্নেত্রাঃ প্রস্বিন্না রোমহর্ষিণঃ॥ 7-36-48 (46345)
পলায়নকৃতোৎসাহা নিরুৎসাহা দ্বিষজ্জয়ে।
গোত্রনামভিরন্যোন্যং ক্রন্দন্তো জীবিতৈষিণঃ॥ 7-36-49 (46346)
হতান্পুত্রান্পিতৄন্ভ্রাতৄন্বন্ধূন্সম্বন্ধিনস্তথা।
প্রাতিষ্ঠন্ত সমুৎসৃজ্য ৎবরয়ন্তো হয়দ্বিপান্॥ ॥ 7-36-50 (46347)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে ষট্ত্রিংশোঽধ্যায়ঃ॥ 36 ॥
Mahabharata - Drona Parva - Chapter Footnotes
5-36-16 বিংশতিরিতি ব্যূহপর্যায়ঃ। তদুক্তং। বিংশত্যঙ্গতয়া ব্যূহো বিংশতির্ব্যপদিশ্যতে ইতি। বিংশতেঃ পদে রক্ষণে। পদং ব্যবসিতত্রাণস্থানলক্ষ্মাঙ্গ্রিবস্তুষ্বিত্যমরঃ। তং বিশন্তং ততো যত্তা ইতি ক। পাঠঃ। তে বিশন্তং মুদা যুক্তা ইতি ঘ.ঙ. পাঠঃ॥ 5-36-21 ক্ষ্বেডিতং ধ্বনিবিশেষঃ। উৎক্রুষ্টমাহ্বানম্। গার্জিতং হন্যন্তাং হন্যন্তামিতি বচঃ॥ 5-36-29 কচগ্রহোঽঙ্কুশঃ॥ 5-36-36 উপস্থো রথক্রোডঃ॥ 5-36-43 যকৃৎকালখণ্ডম্॥ 5-36-45 ব্যঙ্গং তব বলং মহৎ ইতি ঝ.পাঠঃ॥ 5-36-36 ষট্ত্রিংশোঽধ্যায়ঃ॥দ্রোণপর্ব - অধ্যায় 037
॥ শ্রীঃ ॥
7.37. অধ্যায়ঃ 037
Mahabharata - Drona Parva - Chapter Topics
অভিমন্যুপরাক্রমবর্ণনম্॥ 1 ॥Mahabharata - Drona Parva - Chapter Text
7-37-0 (46348)
সঞ্জয় উবাচ। 7-37-0x (4349)
তাং প্রভাগ্নাং চমূং দৃষ্ট্বা সৌভদ্রেণামিতৌজসা।
দুর্যোধনো ভৃশং ক্রুদ্ধঃ স্বয়ং সৌভদ্রমভ্যযাৎ॥ 7-37-1 (46349)
ততো রাজানমাবৃত্তং সৌভদ্রং প্রতি সংয়ুগে।
দৃষ্ট্বা দ্রোণোঽব্রবীদ্যোধান্পরীপ্সধ্বং নরাধিপম্॥ 7-37-2 (46350)
পুরাঽভিমন্যুর্লক্ষং নঃ পশ্যতাং হন্তি বীর্যবান্।
তমাদ্রবত মাভৈষ্ট ক্ষিপ্রং রক্ষত কৌরবম্। 7-37-3 (46351)
সঞ্জয় উবাচ। 7-37-4x (4350)
`এবমুক্তাস্ততস্তেন ভারদ্বাজেন ধীমতা'।
কৃতজ্ঞানবলোৎসেধাঃ সুহৃদো জিতকাশিনঃ।
ত্রাস্যমানা ভয়াদ্বীরং পরিবব্রুস্তবাত্মজম্॥ 7-37-4 (46352)
দ্রোণো দ্রৌণিঃ কৃপঃ কর্ণঃ কৃতবর্মা চ সৌবলঃ।
বৃহদ্বলো মদ্ররাজো ভূরির্ভূরিশ্রবাঃ শলঃ॥ 7-37-5 (46353)
পৌরবো বৃষসেনশ্চ বিসৃজন্তঃ শিতাঞ্শরান্।
সৌভদ্রং শরবর্ষেণ মহতা সমবাকিরন্॥ 7-37-6 (46354)
সম্মোহয়িৎবা তমথ দুর্যোধনমমোচয়ন্।
আস্যাদ্গ্রাসমিবাক্ষিপ্তং মমৃষে নার্জুনাত্মজঃ॥ 7-37-7 (46355)
তাঞ্শরৌঘেণ মহতা সাশ্বসূতান্মহারথান্।
বিমুখীকৃত্য সৌভদ্রঃ সিংহনাদমথানদৎ॥ 7-37-8 (46356)
তস্য নাদং ততঃ শ্রুৎবা সিংহস্যেবামিষৈষিণঃ।
নামৃষ্যন্ত সুসংরব্ধাঃ পুনর্দ্রোণমুখা রথাঃ॥ 7-37-9 (46357)
ত এনং কোষ্ঠকীকৃত্য রথবংশেন মারিষ।
ব্যসৃজন্নিষুজালানি নানালিঙ্গানি সঙ্ঘশঃ॥ 7-37-10 (46358)
তান্যন্তরিক্ষে চিচ্ছেদ পৌত্রস্তে নিশিতৈঃ শরৈঃ।
তাংশ্চৈব প্রতিবিব্যাধ তদদ্ভুতমিবাভবৎ॥ 7-37-11 (46359)
`ততো রথপদাত্যোঘাঃ কুঞ্জরাঃ সাদিনশ্চ হ'।
কোপিতাস্তেন শূরেণ শরৈরাশীবিষোপমৈঃ।
পরিবব্রুর্জিঘাংসন্তঃ সৌভদ্রমপরাজিতম্॥ 7-37-12 (46360)
সমুদ্রমিব পর্যস্তং ৎবদীয়ং তং বলার্ণবম্।
দধারৈকোঽর্জুনির্বাণৈর্বেলেবোদ্বৃত্তমর্ণবম্॥ 7-37-13 (46361)
শূরাণাং যুধ্যমানানাং নিঘ্নতামিতরেতরম্।
অভিমন্যোঃ পরেষাং চ নাসীৎকশ্চিৎপরাঙ্মুখঃ॥ 7-37-14 (46362)
তস্মিংস্তু ঘোরে সঙ্গ্রামে বর্তমানে ভয়ঙ্করে।
দুঃসহো নবভির্বাণৈরভিমন্যুমবিধ্যত॥ 7-37-15 (46363)
দুঃশানো দ্বাদশভিঃ কৃপঃ শারদ্বতস্ত্রিভিঃ।
দ্রোণস্তু সপ্তদশভিঃ শরৈরাশীবিষোপমৈঃ॥ 7-37-16 (46364)
বিবিংশতিস্তু সপ্তত্যা কৃতবর্মা চ সপ্তভিঃ।
বৃহদ্বলস্তথাঽষ্টাভিরশ্বত্থামা চ সপ্তভিঃ॥ 7-37-17 (46365)
ভূরিশ্রবাস্ত্রিভির্বাণৈর্মদ্রেশঃ ষঙ্ভিরাশুগৈঃ।
দ্বাভ্যাং শরাভ্যাং শকুনিস্ত্রিভির্দুর্যোধনো নৃপঃ॥ 7-37-18 (46366)
স তু তান্প্রতিবিব্যাধ ত্রিভিস্ত্রিভিরজিহ্মগৈঃ। 7-37-19 (46367)
নৃত্যন্নিব মহারাজ চাপহস্তঃ প্রতাপবান্॥ 7-37-19 (46368)
ততোঽভিমন্যুঃ সঙ্ক্রুদ্ধস্ত্রাস্যমানস্তবাত্মজৈঃ।
বিদর্শয়ন্বৈ সুমহচ্ছিক্ষৌরসকৃতং বলম্॥ 7-37-20 (46369)
গরুডানিলরংহোভির্যন্তুর্বাক্যকরৈর্হয়ৈঃ।
অভ্যদ্রবত তং কার্ষ্ণিমশ্মকেন্দ্রঃ কৃতৎবরঃ॥ 7-37-21 (46370)
অশ্বাশ্চাশ্মকমাদায় ৎবরমাণাঽভ্যহারয়ন্।
বিব্যাধ দশভির্বাণৈস্তিষ্ঠতিষ্ঠেতি চাব্রবীৎ॥ 7-37-22 (46371)
তস্যাভিমন্যুর্দশভির্হয়ান্সূতং ধ্বজং শরৈঃ।
বাহূ ধনুঃ শিরশ্চোর্ব্যাং স্ময়মানোঽভ্যপাতয়ৎ॥ 7-37-23 (46372)
ততস্তস্মিন্হতে বীরে সৌভদ্রেণাশ্মকেশ্বরে।
সঞ্চচাল বলং সর্বং পলায়নপরায়ণম্॥ 7-37-24 (46373)
ততঃ কর্ণঃ কৃপো দ্রোণো দ্রৌণির্গান্ধাররাট্ শলঃ।
শল্যো ভূরিশ্রবাঃ ক্রাথঃ সোমদত্তো বিবিংশতিঃ।
বৃষসেনঃ সুষেণশ্চ কুণ্ডভেদী প্রতর্দনঃ॥ 7-37-25 (46374)
বৃন্দারকো ললিত্থশ্চ প্রবাহুর্দীর্ঘলোচনঃ।
দুর্যোধনশ্চ সঙ্ক্রুদ্ধঃ শরবর্ষৈরবাকিরন্॥ 7-37-26 (46375)
সোঽতিবিদ্ধো মহেষ্বাসৈরভিমন্যুরজিহ্মগৈঃ।
শরমাদত্ত কর্ণায় বর্মকায়াবভেদিনম্॥ 7-37-27 (46376)
তস্য ভিত্ৎবা তনুত্রাণং দেহং নির্ভিদ্য চাশুগঃ।
প্রাবিশদ্ধরণীং বেগাদ্বল্মী কমিব পন্নগঃ॥ 7-37-28 (46377)
স তেনাতিপ্রহারেণ ব্যথিতো বিহ্বলন্নিব।
সঞ্চচাল রণে কর্ণঃ ক্ষিতিকম্পে যথাঽচলঃ॥ 7-37-29 (46378)
তথান্যৈর্নিশিতৈর্বাণৈঃ সুষেণং দীর্ঘলোচনম্।
কুণ্ডভেদিং চ সঙ্ক্রুদ্ধস্ত্রিভিস্ত্রীনবধীদ্বলী॥ 7-37-30 (46379)
কর্ণস্তং পঞ্চবিংশত্যা নারাচানাং সমার্পয়ৎ।
অশ্বত্থামা চ বিংশত্যা কৃতবর্মা চ সপ্তভিঃ॥ 7-37-31 (46380)
স শরাচিতসর্বাঙ্গঃ ক্রুদ্ধঃ শক্রাত্মজাত্মজঃ।
বিচরন্দদৃশে সৈন্যে পাশহস্ত ইবান্তকঃ॥ 7-37-32 (46381)
শল্যং চ শরবর্ষেণ সমীপস্থামবাকিরৎ।
উদক্রোশন্মহাবাহুস্তব সৈন্যানি ভীষয়ন্॥ 7-37-33 (46382)
ততঃ স বিদ্ধোঽস্ত্রবিদা মর্মভিদ্ভিরজিহ্মগৈঃ।
শল্যো রাজন্রথোপস্থে নিষসাদ মুমোহ চ॥ 7-37-34 (46383)
তং হি দৃষ্ট্বা তথা বিদ্ধং সৌভদ্রেণ যশাস্বিনা।
সম্প্রাদ্রবচ্চমূঃ সর্বা ভারদ্বাজস্য পশ্যতঃ॥ 7-37-35 (46384)
সম্প্রেক্ষ্য তং মহাবাহুং রুক্মপুঙ্খৈঃ সমাবৃতম্।
ৎবদীয়াঃ প্রপলায়ন্তে মৃগাঃ সিংহার্দিতা ইব॥ 7-37-36 (46385)
`সৌভদ্রশরনির্ভগ্নাঃ সমরেঽমরবিক্রমাঃ।
এবং শল্যো বিমৃদিতস্তব পৌত্রেণ ভারত'॥ 7-37-37 (46386)
স তু রণয়শসাঽভিপূজ্যমানঃ
পিতৃসুরচারণসিদ্ধয়ক্ষসঙ্গৈঃ
অবনিতলগতৈশ্চ ভূতসঙ্ঘৈ--
রতিবিবভৌ হুতভুগ্যথাঽঽজ্যসিক্তঃ॥ ॥ 7-37-38 (46387)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে সপ্তত্রিংশোঽধ্যায়ঃ॥ 37 ॥
Mahabharata - Drona Parva - Chapter Footnotes
5-37- ত্রাস্যমানাঃ পালয়িষ্যন্তঃ॥ 5-37- পর্যস্তং উৎক্রান্তমর্যাদম্॥ 5-37- শিক্ষৌরসকৃতং অভ্যাসকৃতং নিসর্গভবং চ॥দ্রোণপর্ব - অধ্যায় 038
॥ শ্রীঃ ॥
7.38. অধ্যায়ঃ 038
Mahabharata - Drona Parva - Chapter Topics
অভিমন্যুপরাক্রমবর্ণনম্॥ 1 ॥Mahabharata - Drona Parva - Chapter Text
7-38-0 (46388)
ধৃতরাষ্ট্র উবাচ। 7-38-0x (4351)
তথা প্রমথমানং তং মহেষ্বাসানজিহ্মগৈঃ।
আর্জুনিং মামকাঃ সঙ্খ্যে কে ৎবেনং সমবারয়ন্॥ 7-38-1 (46389)
সঞ্জয় উবাচ। 7-38-2x (4352)
শৃণু রাজন্কুমারস্য রণে বিক্রীডিতং মহৎ।
বিভিৎসতো রথানীকং ভারদ্বাজেন রক্ষিতম্॥ 7-38-2 (46390)
মদ্রেশং সাদিতং দৃষ্ট্বা সৌভদ্রেণাশুগৈ রণে।
শল্যাদবরজঃ ক্রুদ্ধ ক্রিন্বাণান্সমভ্যযাৎ॥ 7-38-3 (46391)
স বিদ্ধ্বা দশভির্বাণৈঃ সাশ্বয়ন্তারমার্জুনিম্।
উদক্রোশন্মহাশব্দং তিষ্ঠতিষ্ঠেতি চাব্রবীৎ॥ 7-38-4 (46392)
তস্যার্জুনিঃ শিরোগ্রীবং পাণিপাদং ধনুর্হয়ান্।
ছত্রং ধ্বজং নিয়ন্তারং ত্রিবেণুং চাপ্যুপস্করম্॥ 7-38-5 (46393)
চক্রং যুগং চ তূণীরং হ্যনুকর্ষং সায়কৈঃ।
পতাকাং চক্রগোপ্তারৌ সর্বোপকরণানি চ॥ 7-38-6 (46394)
লঘুহস্তঃ প্রচিচ্ছেদ দদৃশে তং ন কশ্চন।
স পপাত ক্ষিতৌ ক্ষীণঃ প্রবিদ্ধাভরণাম্বরঃ॥ 7-38-7 (46395)
বায়ুনেব মহাচৈত্যঃ সমূলং চিত্রবেদিকঃ।
অনুগাস্তস্য বিত্রস্তাঃ প্রাদ্রবন্সর্বতো দিশঃ॥ 7-38-8 (46396)
আর্জুনেঃ কর্ম তদ্দৃষ্ট্বা সম্প্রণেদুঃ সমন্ততঃ।
নাদেন সর্বভূতানি সাধুসাধ্বিতি ভারত॥ 7-38-9 (46397)
শল্যভ্রাতর্যথারুগ্ণে বহুশস্তস্য সৈনিকাঃ।
কুলাধিবাসনামানি শ্রাবয়ন্তোঽর্জুনাত্মজম্॥ 7-38-10 (46398)
অভ্যধাবন্ত সঙ্ক্রুদ্ধা বিবিধায়ুধপাণয়ঃ।
রথৈরশ্বৈর্গজৈশ্চান্যে পদ্ভিশ্চান্যে বলোৎকটাঃ॥ 7-38-11 (46399)
বাণশব্দেন মহতা রথনেমিস্বনেন চ।
হুংকারৈঃ ক্ষ্বেডিতোৎকৃষ্টৈঃ সিংহনাদৈঃ সগর্জিতৈঃ॥ 7-38-12 (46400)
জ্যাতলত্রস্বনৈরন্যে গর্জন্তোঽর্জুননন্দনম্।
ব্রুবন্তশ্চ ন নো জীবন্মোক্ষ্যসে জীবিতাদিতি॥ 7-38-13 (46401)
তাংস্তথা ব্রুবতো দৃষ্ট্বা সৌভদ্রঃ প্রহসন্নিব।
যো যোস্মৈ প্রাহরৎপূর্বং তং তং বিব্যাধ পত্রিভিঃ॥ 7-38-14 (46402)
সন্দর্শয়িষ্যন্নস্ত্রাণি বিচিত্রাণি লঘূনি চ।
আর্জুনিঃ সমরে শূরো মৃদুপূর্বময়ুধ্যত॥ 7-38-15 (46403)
বাসুদেবাদুপাত্তং যদস্ত্রং যচ্চ ধনঞ্জয়াৎ।
অদর্শয়ত তৎকার্ষ্ণিঃ কৃষ্ণাভ্যামবিশেষবৎ॥ 7-38-16 (46404)
দূরমস্য গুরুং ভারং সাধ্বসং চ পুনঃ পুনঃ।
সন্দধদ্বিসৃজংশ্চেষূন্নির্বিশেষমদৃশ্যত॥ 7-38-17 (46405)
চাপমণ্ডলমেবাস্য বিস্ফুরদ্দিক্ষ্বদৃশ্যত।
সুদীপ্তস্য শরৎকালে সবিতুর্মণ্ডলং যথা॥ 7-38-18 (46406)
জ্যাশব্দঃ শুশ্রুবে তস্য তলশব্দশ্চ দারুণঃ।
মহাশনিমুচঃ কালে পয়োদস্যেব নিঃস্বনঃ॥ 7-38-19 (46407)
হীমানমর্ষী সৌভদ্রো মানকৃৎপ্রিয়দর্শনঃ।
সম্মিমানয়িষুর্বীরানিষ্বস্ত্রৈশ্চাপ্যযুধ্যত॥ 7-38-20 (46408)
মৃদুর্ভূৎবা মহারাজ দারুণঃ সমপদ্যত।
বর্ষাভ্যতীতো ভগবাঞ্শরদীব দিবাকরঃ॥ 7-38-21 (46409)
শরান্বিচিত্রান্সুবহূন্রুক্মপুঙ্খাঞ্শিলাশিতান্।
মুমোচ শতশঃ ক্রুদ্ধো গভস্তীনিব ভাস্করঃ॥ 7-38-22 (46410)
ক্ষুরপ্রৈর্বৎসদন্তৈশ্চ বিপাঠেশ্চ মহায়শাঃ।
নারাচৈরর্ধচন্দ্রাভৈর্ভল্লৈরঞ্জলিকৈরপি॥ 7-38-23 (46411)
অবাকিরদ্রথানীকং ভারদ্বাজস্য পশ্যতঃ।
ততস্তৎসৈন্যমভবদ্বিমুখং শরপীডিতম্॥ ॥ 7-38-24 (46412)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে অষ্টত্রিংশোঽধ্যায়ঃ॥ 38 ॥
Mahabharata - Drona Parva - Chapter Footnotes
5-38-5 তল্পং ইতি পাঠে রথগতশয়্যাম্॥ 5-38-10 অধিবাসো নিবাসঃ॥ 5-38-16 অবিশেষবত্তুল্যমিত্যর্থঃ॥ 5-38-17 অস্য নিরস্য॥ 5-38-38 অষ্টত্রিংশোঽধ্যায়ঃ॥দ্রোণপর্ব - অধ্যায় 039
॥ শ্রীঃ ॥
7.39. অধ্যায়ঃ 039
Mahabharata - Drona Parva - Chapter Topics
দুশ্শাসনাভিমন্যুসমাগমঃ॥ 1 ॥Mahabharata - Drona Parva - Chapter Text
7-39-0 (46413)
ধৃতরাষ্ট্র উবাচ। 7-39-0x (4353)
দ্বৈধীভবতি মে চিত্তং শুচা তুষ্ট্যা চ সঞ্জয়।
মম পুত্রস্য যত্নৈন্যং সৌভদ্রঃ সমবারয়ৎ॥ 7-39-1 (46414)
বিস্তরেণৈব মে শংস সর্বং গাবল্গণে পুনঃ।
বিক্রীডিতং কুমারস্য স্কন্দস্যেবাসুরৈঃ সহ॥ 7-39-2 (46415)
সঞ্জয় উবাচ। 7-39-3x (4354)
হন্ত তে সম্প্রবক্ষ্যামি বিমর্দমতিদারুণম্।
একস্য চ বহূনাং চ যথাসীত্তুমুলো রণঃ॥ 7-39-3 (46416)
অভিমন্যুঃ কৃতোৎসাহঃ কৃতোৎসাহানরিন্দমান্।
রথস্থো রথিনঃ সর্বাংস্তাবকানভ্যবর্ষয়ৎ॥ 7-39-4 (46417)
দ্রোণং কর্ণং কৃপং শল্যং দ্রৌণিং ভোজং বৃহদ্বলম্॥
দুর্যোধনং সৌমদত্তিং শকুনিং চ মহাবলম্॥ 7-39-5 (46418)
নানানৃপান্নৃপসুতান্সৈন্যানি বিবিধানি চ।
অলাতচক্রবৎসর্বাংশ্চরন্বাণৈঃ সমার্পয়ৎ॥ 7-39-6 (46419)
নিঘ্নন্নমিত্রান্সৌভদ্রঃ পরমাস্ত্রৈঃ প্রতাপবান্।
অদর্শয়ত তেজস্বী দিক্ষু সর্বাসু ভারত॥ 7-39-7 (46420)
তদ্দৃষ্ট্বা চরিতং তস্য সৌভদ্রস্যামিতৌজসঃ।
সমকম্পন্ত সৈন্যানি ৎবদীয়ানি সহস্রশঃ॥ 7-39-8 (46421)
অথাব্রবীন্মহাপ্রাজ্ঞো ভারদ্বাজঃ প্রতাপবান্।
হর্ষেণোৎফুল্লনয়নঃ কৃপমাভাষ্য সৎবরম্॥ 7-39-9 (46422)
ঘটয়ন্নিব মর্মাণি পুত্রস্য তব ভারত।
অভিমন্যুং রণে দৃষ্ট্বা তদা রণবিশারদম্॥ 7-39-10 (46423)
দ্রোণ উবাচ। 7-39-11x (4355)
এষ গচ্ছতি সৌভদ্রঃ পার্থানাং প্রথিতো যুবা।
নন্দয়ন্সুহৃদঃ সর্বান্রাজানং চ যুধিষ্ঠিরম্॥ 7-39-11 (46424)
নকুলং সহদেবং চ ভীমসেনং চ পাণ্ডবম্।
বন্ধূন্সম্বন্ধিনশ্চান্যান্মধ্যস্থান্সুহৃদস্তথা॥ 7-39-12 (46425)
নাস্য যুদ্ধে সমং মন্যে কঞ্চিদন্যং ধনুর্ধরম্।
ইচ্ছন্হন্যাদিমাং সেনাং কিমর্থমপি নেচ্ছতি॥ 7-39-13 (46426)
সঞ্জয় উবাচ। 7-39-14x (4356)
দ্রোণস্য প্রীতিসংয়ুক্তং শ্রুৎবা বাক্যং তবাত্মজঃ।
আর্জুনিং প্রতি সঙ্ক্রুদ্ধো দ্রোণং দৃষ্ট্বা স্ময়ন্নিব॥ 7-39-14 (46427)
অথ দুর্যোধনঃ কর্ণমব্রবীদ্বাহ্লিকং নৃপঃ।
দুঃশাসনং মদ্ররাজং তাংস্তথাঽন্যান্মহারথান্॥ 7-39-15 (46428)
সর্বভূর্ধাভিষিক্তানামাচার্যো ব্রহ্মবিত্তমঃ।
অর্জুনস্য সুতং মূঢং নায়ং হন্তুমিহেচ্ছতি॥ 7-39-16 (46429)
ন হ্যস্য সমরে যুদ্ধ্যেদন্তকোঽপ্যাততায়িনঃ।
কিমঙ্গ পুনরেবান্যো মর্ত্যঃ সত্যং ব্রবীমি বঃ॥ 7-39-17 (46430)
অর্জুনস্য সুতং ৎবেষ শিষ্যৎবাদভিরক্ষতি।
শিষ্যাঃ পুত্রাশ্চ দয়িতাস্তদপত্যং চ ধর্মিণাম্॥ 7-39-18 (46431)
সংরক্ষ্যমাণো দ্রোণেন মন্যতে বীর্যমাত্মনঃ।
আত্মসম্ভাবিতো মূঢস্তং প্রমথ্নীত মাচিরম্॥ 7-39-19 (46432)
এবমুক্তাস্তু তে রাজ্ঞা সাৎবতীপুত্রমভ্যযুঃ।
সংরব্ধাস্তে জিঘাংসন্তো ভারদ্বাজস্য পশ্যতঃ॥ 7-39-20 (46433)
দুঃশাসনস্তু তচ্ছ্রুৎবা দুর্যোধনবচস্তদা।
অব্রবীৎকুরুশার্দূল দুর্যোধনমিদং বচঃ॥ 7-39-21 (46434)
অহমেনং হনিষ্যামি মহারাজ ব্রবীমি তে।
মিষতাং পাণ্ডু পুত্রাণাং পাঞ্চালানাং চ পশ্যতাম্॥ 7-39-22 (46435)
গ্রসিষ্যাম্যদ্য সৌভদ্রং যথা রাহুর্দিবাকরম্।
উৎক্রুশ্য চাব্রবীদ্বাক্যং কুরুরাজমিদং পুনঃ॥ 7-39-23 (46436)
শ্রুৎবা কৃষ্ণৌ ময়া গ্রস্তং সৌভদ্রমতিমানিনৌ।
গমিষ্যতঃ প্রেতলোকং জীবলোকান্ন সংশয়ঃ॥ 7-39-24 (46437)
তৌ চ শ্রুৎবা মৃতৌ ব্যক্তং পাণ্ডোঃ ক্ষেত্রোদ্ভবাঃ সুতাঃ।
একাহ্বা সসুহৃদ্বর্গাঃ ক্লৈব্যাদ্ধাস্যন্তি জীবিতম্॥ 7-39-25 (46438)
তস্মাদস্মিন্হতে শত্রৌ হতাঃ সর্বেঽহিতাস্তব।
শিবেন মাং ধ্যাহি রাজন্নেষ হন্মি রিপূংস্তব॥ 7-39-26 (46439)
সঞ্জয় উবাচ। 7-39-27x (4357)
এবমুক্ৎবাঽনদদ্রাজন্পুত্রো দুঃশাসনস্তব।
সৌভদ্রমভ্যযাৎক্রুদ্ধঃ শরবর্ষৈরবাকিরন্॥ 7-39-27 (46440)
তমতিক্রুদ্ধমায়ান্তং তব পুত্রমরিংদমঃ।
অভিমন্যুঃ শরৈস্তীক্ষ্ণৈঃ ষড্বিংশত্যা সমার্পয়ৎ॥ 7-39-28 (46441)
দুঃশাসনস্তু সঙ্ক্রুদ্ধঃ প্রভিন্ন ইব কুঞ্জরঃ।
অয়োধয়ত সৌভদ্রমভিমন্যুশ্চ তং রণে॥ 7-39-29 (46442)
তৌ মণ্ডলানি চিত্রাণি রথাভ্যাং সব্যদক্ষিণম্।
চরমাণাবয়ুধ্যেতাং রথশিক্ষাবিশারদৌ॥ 7-39-30 (46443)
অথ পণবমৃদঙ্গদুন্দুভীনাং
ক্রকচমহানকভেরিঝর্ঝরাণম্।
নিনদমতিভৃশং নরাঃ প্রচক্রু--
র্লবণজলোদ্ভবসিংহনাদমিশ্রম্॥ ॥ 7-39-31 (46444)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে একোনচৎবারিংশোঽধ্যায়ঃ॥ 39 ॥
Mahabharata - Drona Parva - Chapter Footnotes
5-39-17 অঙ্গেত্যসূয়ায়াম্॥ 5-39-18 ধর্মিণামিতি সোল্লুণ্ঠম্॥ 5-39-19 আত্মসংভাবিতঃ অহমেবেতি সম্ভাবনামারূঢঃ॥ 5-39-31 লবণজলোদ্ভবঃ শঙ্খঃ॥ 5-39-39 একোনচৎবারিংশোঽধ্যায়ঃ॥দ্রোণপর্ব - অধ্যায় 040
॥ শ্রীঃ ॥
7.40. অধ্যায়ঃ 040
Mahabharata - Drona Parva - Chapter Topics
অভিমন্যুনা কর্ণদুঃশাসনপরাজয়ঃ॥ 1 ॥Mahabharata - Drona Parva - Chapter Text
7-40-0 (46445)
সঞ্জয় উবাচ। 7-40-0x (4358)
`ততঃ সমভবদ্যুদ্ধং তয়োঃ পুরুষসিংহয়োঃ।
তস্মিন্কালে মহাবাহুঃ সৌভদ্রঃ পরবীরহা॥ 7-40-1 (46446)
সশরং কার্মুকং ছিত্ৎবা লাঘবেন ব্যপাতয়ৎ।
দুঃশাসনং শরৈস্তীক্ষ্ণৈঃ সংততক্ষ সমন্ততঃ'॥ 7-40-2 (46447)
শরবিক্ষতগাত্রং তু প্রত্যমিত্রমবস্থিতম্।
অভিমন্যুঃ স্ময়ন্ধীমান্দুঃশাসনমথাব্রবীৎ॥ 7-40-3 (46448)
দিষ্ট্যা পশ্যামি সঙ্গ্রমে মানিনং শূরমাগতম্।
নিষ্ঠুরং ত্যক্তধর্মাণমাক্রোশনপরায়ণম্॥ 7-40-4 (46449)
যৎসভায়াং ৎবয়া রাজ্ঞো ধৃতরাষ্ট্রস্য শৃণ্বতঃ।
কোপিতঃ পরুষৈর্বাক্যৈর্ধর্মরাজো যুধিষ্ঠিরঃ॥ 7-40-5 (46450)
জয়োন্মত্তেন ভীমশ্চ বহ্ববদ্ধং প্রভাষিতঃ।
অক্ষকূটং সমাশ্রিত্য সৌবলস্যাত্মনো বলম্॥ 7-40-6 (46451)
তত্ৎবয়েদমনুপ্রাপ্তং তস্য কোপান্মহাত্মনঃ।
পরবিত্তাপহারস্য কোধস্যাপ্রশমস্য চ॥ 7-40-7 (46452)
লোভস্য জ্ঞাননাশস্য দ্রোহস্যাত্যাহিতস্য চ।
পিতৄণাং মম রাজ্যস্য হরণস্যোগ্রধন্বিনাম্॥ 7-40-8 (46453)
তত্ৎবয়েদমনুপ্রাপ্তং প্রকোপাদ্বৈ মহাত্মনাম্।
স তস্যোগ্রমধর্মস্য ফলং প্রাপ্নুহি দুর্মতে॥ 7-40-9 (46454)
শাসিতাঽস্ম্যদ্য তে বাণৈঃ সর্বসৈন্যস্য পশ্যতঃ।
অদ্যাহমনৃণস্তস্য কোপস্য ভবিতা রণে॥ 7-40-10 (46455)
অমর্ষিতায়াঃ কৃষ্ণায়াঃ কাঙ্ক্ষিতস্য চ মে পিতুঃ।
অদ্য কৌরব্য ভীমস্য ভবিতাস্ম্যনৃণো যুধি।
ন হি মে মোক্ষ্যসে জীবন্যদি নোৎসৃজসে রণং॥ 7-40-11 (46456)
সঞ্জয় উবাচ। 7-40-12x (4359)
এবমুক্ৎবা মহাবাহুর্বাণং দুঃশাসনান্তকম্।
সংদধে পরবীরঘ্নঃ কালাগ্ন্যনিলবর্চসম্॥ 7-40-12 (46457)
তস্যোরস্তূর্ণমাসাদ্য জত্রুদেশে বিভিদ্য তম্।
জগাম সহ পুঙ্খেন বল্মীকমিব পন্নগঃ।
অথৈনং পঞ্চবিংশত্যা পুনরেব সমার্পয়ৎ॥ 7-40-13 (46458)
শরৈরগ্নিসমস্পর্শৈরাকর্ণসমচোদিতৈঃ।
স গাঢবিদ্ধো ব্যথিতো রথোপস্থ উপাবিশৎ।
দুঃশাসনো মহারাজ কশ্মলং চাবিশন্মহৎ॥
সারথিস্ৎবরমাণস্তু দুঃশাসনমচেতনম্।
রণমধ্যাদপোবাহ সৌভদ্রশরপীডিতম্॥ 7-40-14 (46459)
পাণ্ডবা দ্রৌপদেয়াশ্চ বিরাটশ্চ সমীক্ষ্য তম্।
পাঞ্চালাঃ কেকয়াশ্চৈব সিংহনাদমথানদন্॥ 7-40-16 (46460)
বাদিত্রাণি চ সর্বাণি নানালিঙ্গানি সর্বশঃ।
প্রাবাদয়ন্ত সংহৃষ্টাঃ পাণ্ডূনাং তত্র সৈনিকাঃ॥ 7-40-17 (46461)
অপশ্যন্স্ময়মানাশ্চ সৌভদ্রস্য বিচেষ্টিতম্।
অত্যন্তবৈরিণং দৃপ্তং দৃষ্ট্বা শত্রুং পরাজিতম্॥ 7-40-18 (46462)
ধর্মমারুতশক্রাণামশ্বিনোঃ প্রতিমাস্তথা।
ধারয়ন্তো ধ্বজাগ্রেষু দ্রৌপদেয়া মহারথাঃ॥ 7-40-19 (46463)
সাত্যকিশ্চেকিতানশ্চ ধৃষ্টদ্যুম্নশিখণ্ডিনৌ।
কেকয়া ধৃষ্টকেতুশ্চ মাৎস্যাঃ পাঞ্চালসৃঞ্জয়াঃ॥ 7-40-20 (46464)
পাণ্ডবাশ্চ মুদা যুক্তা যুধিষ্ঠিরপুরোগমাঃ।
অভ্যদ্রবন্ত ৎবরিতা দ্রোণানীকং বিভিৎসবঃ॥ 7-40-21 (46465)
ততোঽভবন্মহায়ুদ্ধং ৎবদীয়ানাং পরৈঃ সহ।
জয়মাকাঙ্ক্ষমাণানাং শূরাণামনিবর্তিনাম্॥ 7-40-22 (46466)
তথা তু বর্তমানে বৈ সঙ্গ্রামেঽতিভয়ংকরে।
দুর্যোধনো মহারাজ রাধেয়মিদমব্রবীৎ॥ 7-40-23 (46467)
পশ্য দুঃশাসনং বীরমভিমন্যুবশংগতম্।
প্রতপন্তমিবাদিত্যং নিঘ্নন্তং শাত্রবান্রণে। 7-40-24 (46468)
অথ চৈতে সুসংরব্ধাঃ সিংহা ইব বলোৎকটাঃ।
সৌভদ্রমুদ্যতাস্ত্রাতুমভ্যধাবন্ত পাণ্ডবাঃ॥ 7-40-25 (46469)
সঞ্জয় উবাচ। 7-40-26x (4360)
ততঃ কর্ণঃ শরৈস্তীক্ষ্ণৈরভিমন্যুং দুরাসদম্।
অভ্যবর্ষত সঙ্ক্রুদ্ধঃ পুত্রস্য হিতকৃত্তব॥ 7-40-26 (46470)
তস্য চানুচরাংস্তীক্ষ্ণৈর্বিব্যাঘ পরমেষুভিঃ।
অবজ্ঞাপূর্বকং শূরঃ সৌভদ্রস্য পরণাজিরে॥ 7-40-27 (46471)
অভিমন্যুস্তু রাধেয়ং ত্রিসপ্তত্যা শিলীমুখৈঃ।
অবিধ্যত্ৎবরিতো রাজন্দ্রোণং প্রেপ্সুর্মহামনাঃ॥ 7-40-28 (46472)
তং তথা নাশকৎকশ্চিদ্দোণাদ্বারয়িতুং রথী।
আরুজন্তং রথব্রাতান্বজ্রহস্তাত্মজাত্মজম্॥ 7-40-29 (46473)
ততঃ কর্ণো জয়প্রেপ্সুর্মানী সর্বধনুষ্মতাম্।
সৌভদ্রং শতশোঽবিধ্যদুত্তমাস্ত্রাণি দর্শয়ন্॥ 7-40-30 (46474)
সোঽস্ত্রৈরস্ত্রবিদাং শ্রেষ্ঠো রামশিষ্যঃ প্রতাপবান্।
সমরে শত্রুদুর্ধর্ষমভিমন্যুমপীডয়ৎ॥ 7-40-31 (46475)
স তথা পীড্যমানস্তু রাধেয়েনাস্ত্রবৃষ্টিভিঃ।
সমরেঽমরসঙ্কাশঃ সৌভদ্রো ন ব্যশীর্যত॥ 7-40-32 (46476)
ততঃ শিলাশিতৈস্তীক্ষ্ণৈর্ভল্লৈরানতপর্বভিঃ।
ছিত্ৎবা ধনূংষি শূরাণামার্জুনিঃ কর্ণমার্দয়ৎ॥ 7-40-33 (46477)
ধনুর্মণ্ডলনির্মুক্তৈঃ শরৈরাশীবিষোপমৈঃ।
সচ্ছত্রধ্বজয়ন্তারং সাশ্বমাশু স্ময়ন্নিব॥ 7-40-34 (46478)
কর্ণোঽপি চাস্য চিক্ষেপ বাণান্সন্নতপর্বণঃ।
অসম্ব্রান্তশ্চ তান্সর্বানগৃহ্ণাৎফল্গুনাত্মজঃ॥ 7-40-35 (46479)
ততো মুহূর্তাৎকর্ণস্য বাণেনৈকেন বীর্যবান্।
সধ্বজং কার্মুকং বীরশ্ছিত্ৎবা ভূমাবপাতয়ৎ॥ 7-40-36 (46480)
ততঃ কৃচ্ছ্রগতং কর্ণং দৃষ্ট্বা কর্ণাদনন্তরঃ।
সৌভদ্রমভ্যযাত্তূর্ণং দৃঢমুদ্যম্য কার্মুকম্॥ 7-40-37 (46481)
তত উচ্চুক্রুশুঃ পার্থাস্তেষাং চানুচরা জনাঃ।
বাদিত্রাণি চ সঞ্জঘ্নঃ সৌভদ্রং চাপি তুষ্টুবুঃ॥ ॥ 7-40-38 (46482)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে চৎবারিংশোঽধ্যায়ঃ॥ 40 ॥
Mahabharata - Drona Parva - Chapter Footnotes
5-40-8 অত্যাহিতস্য জীবানপেক্ষকর্মণঃ। সাহসস্যেতিয়াবৎ॥ 5-40-40 চৎবারিংশোঽধ্যায়ঃ॥দ্রোণপর্ব - অধ্যায় 041
॥ শ্রীঃ ॥
7.41. অধ্যায়ঃ 041
Mahabharata - Drona Parva - Chapter Topics
অভিমন্যুপরাক্রমবর্ণনম্॥ 1 ॥Mahabharata - Drona Parva - Chapter Text
7-41-0 (46483)
সঞ্জয় উবাচ। 7-41-0x (4361)
সোঽভ্যগচ্ছদ্ধনুষ্পাণির্জ্যাং বিকর্ষন্পুনঃ পুনঃ।
সচ্ছত্রধ্বজয়ন্তারং সাশ্বমাশু স্ময়ন্নিব॥ 7-41-1 (46484)
সোঽপিধ্যদ্দশভির্বাণৈরভিমন্যুং দুরাসদম্।
সচ্ছত্রধ্বজয়ন্তারং সাশ্বমাশু স্ময়ন্নিব॥ 7-41-2 (46485)
পিতৃপৈতামহং কর্ম কুর্বাণমতিমানুষম্।
দৃষ্ট্বার্দিতং শরৈঃ কার্ষ্মিং ৎবদীয়া হৃষিতাঽভবন্॥ 7-41-3 (46486)
তস্যাভিমন্যুরায়ম্য স্ময়ন্নেকেন পত্রিণা।
শিরঃ প্রচ্যাবয়ামাস তদ্রথাৎপ্রাপতদ্ভুবি॥ 7-41-4 (46487)
কর্ণিকারমিবাধূতং বাতেনাপতিতং নগাৎ।
`কর্ণানুজং চ সম্প্রেক্ষ্য তাবকা ব্যথিতাঽভবন্'।
ভ্রাতরং নিহতং দৃষ্ট্বা কর্ণশ্চাসীৎপরাঙ্মুখঃ॥ 7-41-5 (46488)
বিমুখীকৃত্য কর্ণং তু সৌভদ্রঃ কঙ্কপত্রিভিঃ।
অন্যানপি মহেষ্বাসাংস্তূর্ণমেবাভিদুদ্রুবে॥ 7-41-6 (46489)
ততস্তদ্বিততং সেন্যং হস্ত্যশ্বরথপত্তিমৎ।
ক্রদ্ধোঽভিমন্যুরভিনত্তিগ্মতেজা মহারথঃ॥ 7-41-7 (46490)
কর্ণস্তু বহুভির্বাণৈরর্দ্যমানোঽভিমন্যুনা।
অপায়াজ্জবনৈরশ্বৈস্ততোঽনীকমভিদ্রবৎ॥ 7-41-8 (46491)
`তিংষ্ঠ কর্ণ মহেষ্বাস কৃপ দুর্যোধনেতি চ।
দ্রোণস্য ক্রোশতো রাজংস্তদনীকমভজ্যত'॥ 7-41-9 (46492)
শলভৈরিব চাকাশং ধারাভিরিব পর্বতঃ।
অভিমন্যো শরৈশ্ছন্নং ন প্রাজ্ঞায়ত কিঞ্চন॥ 7-41-10 (46493)
তাবকানাং তু যোধানাং বধ্যতাং নিশিতৈঃ শরৈঃ।
অন্যত্র সৈন্ধবাদ্রাজন্ন স্ম কশ্চিদতিষ্ঠত॥ 7-41-11 (46494)
সৌভদ্রস্তু ততঃ শঙ্খং প্রধ্মায় পুরুষর্ষভঃ॥
শীঘ্রমভ্যপতৎসেনাং ভারতীং ভরতর্ষভ॥ 7-41-12 (46495)
স কক্ষেঽগ্নিরিবোৎসৃষ্টো নির্দহংস্তরসা রিপূন্।
মধ্যে ভারতসৈন্যানামার্জুনিঃ পর্যবর্তত॥ 7-41-13 (46496)
রথনাগাশ্বমনুজানর্দয়ন্নিশিতৈঃ শরৈঃ।
সম্প্রবিশ্যাকরোদ্ভূমিং কবন্ধগণসঙ্কুলাম্॥ 7-41-14 (46497)
সৌভদ্রচাপপ্রভবৈর্নিকৃত্তাঃ পরমেষুভিঃ।
স্বানেবাভিমুখান্ধ্নন্তঃ প্রাদ্রবঞ্জীবিতার্থিনঃ॥ 7-41-15 (46498)
তে ঘোরা রৌদ্রকর্মাণো বিপাঠা বহবঃ শিতাঃ।
নিঘ্ন্তো রথনাগাশ্বাঞ্জগ্মুরাশু বসুন্ধরাম্॥ 7-41-16 (46499)
সায়ুধাঃ সাঙ্গুলিত্রাণাঃ সগদাঃ সাঙ্গদা রণে।
দৃশ্যন্তে বাহবশ্চিন্না হেমাভারণভূষিতাঃ॥ 7-41-17 (46500)
শরাশ্চাপানি খঙ্গাশ্চ শরীরাণি শিরাংসি চ।
সকুণ্ডলানি স্রগ্বীণি ভূমাবাসন্সহস্রশঃ॥ 7-41-18 (46501)
সোপস্করৈরধিষ্ঠানৈরীষাদণ্ডকবন্ধুরৈঃ।
অক্ষৈর্বিমথিতৈশ্চক্রৈর্বহুধা পতিতৈর্যুগৈঃ॥ 7-41-19 (46502)
শক্তিচাপাসিভিশ্চৈব পতিতৈশ্চ মহাধ্বজৈঃ।
চর্মচাপশরৈশ্চৈব ব্যবকীর্ণৈঃ সমন্তততঃ॥ 7-41-20 (46503)
নিহতৈঃ ক্ষত্রিয়ৈরশ্বৈর্বারণৈশ্চ বিশাম্পতে।
অগম্যরূপা পৃথিবী ক্ষণেনাসীৎসুদারুণা॥ 7-41-21 (46504)
বধ্যতাং রাজপুত্রাণাং ক্রন্দতামিতরেতরম্।
প্রাদুরাসীন্মহাশব্দো ভীরূণাং ভয়বর্ধনঃ॥ 7-41-22 (46505)
স শব্দো ভরতশ্চেষ্ঠ দিশঃ সর্বা ব্যনাদয়ৎ॥
সৌভদ্রশ্চাদ্রবৎসেনাং ঘ্নন্বরাশ্বরথদ্বিপান্॥ 7-41-23 (46506)
কক্ষমগ্নিরিবোৎসৃষ্টো নির্দহংস্তরসা রিপূন্।
মধ্যে ভারতসৈন্যানামার্জুনিঃ প্রত্যদৃশ্যত॥ 7-41-24 (46507)
বিচরন্তং দিশঃ সর্বাঃ প্রদিশশ্চাপি ভারত।
তং তদা নানুপশ্যামঃ সৈন্যে চ রজসাঽঽবৃতে॥ 7-41-25 (46508)
আদদানং গজাশ্বানাং ণাং চায়ুংষি ভারত।
ক্ষমেন ভূয়ঃ পশ্যামঃ সূর্যং মধ্যংদিনে যথা॥ 7-41-26 (46509)
অভিমন্যুং মহারাজ প্রতপন্তং দ্বিষদ্গণান্।
স বাসবসমঃ সঙ্খ্যে বাসবস্যাত্মজাত্মজঃ॥ 7-41-27 (46510)
অভিমন্যুর্মহারাজ সৈন্যমধ্যে ব্যরোচত।
`যথা পুরা বহ্নিসুতঃ সুরসৈন্যেষু বীর্যবান্'॥ ॥ 7-41-28 (46511)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে একচৎবারিংশোঽধ্যায়ঃ॥ 41 ॥
দ্রোণপর্ব - অধ্যায় 042
॥ শ্রীঃ ॥
7.42. অধ্যায়ঃ 042
Mahabharata - Drona Parva - Chapter Topics
স়ঞ্জয়েন ধৃতরাষ্ট্রং প্রতি অভিমন্যুমনুগতানাং জয়দ্গথেন নিরোধকথনম্॥ 1 ॥ তথা জয়দ্গথস্য রুদ্রাৎ পাণ্ডবনিরোধরূপবরলাভকথনম্॥ 2 ॥Mahabharata - Drona Parva - Chapter Text
7-42-0 (46512)
ধৃতরাষ্ট্র উবাচ। 7-42-0x (4362)
বালমত্যন্তসুখিনং স্ববাহুবলদর্পিতম্।
যুদ্ধেষ্বকুশলং বীরং কুলপুত্রং তনুত্যজম্॥ 7-42-1 (46513)
গাহমানমনীকানি সদশ্বৈশ্চ ত্রিহায়নৈঃ।
অপি যৌধিষ্ঠিরাৎসৈন্যাৎকশ্চিদন্বপতদ্বলী॥ 7-42-2 (46514)
সঞ্জয় উবাচ। 7-42-3x (4363)
যুধিষ্ঠিরো ভীমসেনঃ শিখণ্ডী সাত্যকির্যমৌ।
ধৃষ্টদ্যুম্নো বিরাটশ্চ দ্রুপদশ্চ সঙ্কেকয়ঃ॥ 7-42-3 (46515)
ধৃষ্টকেতুশ্চ সংরব্ধো মাৎস্যাশ্চাভ্যপতন্রণে।
তেনৈব তু পথা যান্তঃ পিতরো মাতুলৈঃ সহ॥ 7-42-4 (46516)
অভ্যদ্রবন্পরীপ্সন্তো ব্যূঢানীকাঃ প্রহারিণঃ।
তান্দৃষ্ট্বা দ্রবতঃ শূরাংস্ৎবদীয়া বিমুখাঽভবন্॥ 7-42-5 (46517)
ততস্তদ্বিমুখং দৃষ্ট্বা তব সূনোর্মহদ্বলম্।
জামাতা তব তেজস্বী সংস্তম্ভয়িষুরাদ্রবৎ॥ 7-42-6 (46518)
সৈন্ধবস্য মহারাজ পুত্রো রাজা জয়দ্রথঃ।
স পুত্রগৃদ্ধিনঃ পার্থান্সহসৈন্যানবারয়ৎ॥ 7-42-7 (46519)
উগ্রধন্বা মহেষ্বাসো দিব্যমস্ত্রমুদীরয়ন্।
বার্ধক্ষত্রিরুপাসেধৎপ্রবণাদিব কুঞ্জরঃ॥ 7-42-8 (46520)
ধৃতরাষ্ট্র উবাচ। 7-42-9x (4364)
কতিভারমহং মন্যে সৈন্ধবে সঞ্জয়াহিতম্।
যদেকঃ পাণ্ডবান্ক্রুদ্ধান্পুপ্রেপ্সূনবারয়ৎ॥ 7-42-9 (46521)
অত্যদ্ভুতমহং মন্যে বলং শৌর্যং চ সৈন্ধবে।
তস্য প্রব্রূহি মে বীর্যং কর্ম চাগ্র্যং মহাত্মনঃ॥ 7-42-10 (46522)
কিং জপ্তং হুতমিষ্টং বা কিং সুতপ্তমথো তপঃ।
`দমো বা ব্রহ্মচর্যং বা সূত যচ্চাস্য সত্তম॥ 7-42-11 (46523)
দেবং কতমমারাধ্য বিষ্ণুমীশানমব্জজম্।
সিন্ধুরাট্ তনয়ে সক্তান্ক্রুদ্ধান্পার্থানবারয়ৎ॥ 7-42-12 (46524)
নৈবং কৃতং মহৎকর্ম ভীষ্মেণাজ্ঞাসিষং তথা'।
সিন্ধুরাজো হি যেনৈকঃ পাণ্ডবান্সমবারয়ৎ॥ 7-42-13 (46525)
সঞ্জয় উবাচ। 7-42-14x (4365)
দ্বীপদীহরণে যত্তদ্ভীমসেনেন নির্জিতঃ।
মানাৎস তপ্তবান্রাজা বরার্থী সুমহত্তপঃ॥ 7-42-14 (46526)
ইন্দ্রিয়াণীন্দ্রিয়ার্থেভ্যঃ প্রিয়েভ্যঃ সন্নিবর্ত্য সঃ।
ক্ষুৎপিপাসাতকপসহঃ কৃশো ধমনিসন্ততঃ॥ 7-42-15 (46527)
দেবমারাধয়চ্ছর্বং গৃণন্ব্রহ্ম সনাতনম্।
ভক্তানুকম্পী ভগবাংস্তস্য চক্রে ততো দয়াম্॥ 7-42-16 (46528)
স্বপ্নান্তেঽপ্যথ চৈবাহ হরঃ সিন্ধুপতেঃ সুতম্।
বরং বৃণীষ্ব প্রীতোঽস্মি জয়দ্রথ কিমিচ্ছসি॥ 7-42-17 (46529)
এবমুক্তস্তু শর্বেণ সিন্ধুরাজো জয়দ্রথঃ।
উবাচ প্রণতো রুদ্রং প্রাঞ্জলির্নিয়তাত্মবান্॥ 7-42-18 (46530)
পাণ্ডবেয়ানহং সঙ্খ্যে ভীমবীর্যপরাক্রমান্।
বারয়েয়ং রথেনৈকঃ সমস্তানিতি ভারত॥ 7-42-19 (46531)
এবমুক্তস্তু দেবেশো জয়দ্রথমথাব্রবীৎ।
দদামি তে বরং সৌম্য বিনা পার্থং ধনঞ্জয়ম্।
বারয়িষ্যসি সঙ্গ্রামে চতুরঃ পাণ্ডুনন্দনান্॥ 7-42-20 (46532)
`একাহমিতি রাজেন্দ্র তত্রৈবান্তরধীয়ত'।
এবমস্ৎবিতি দেবেশমুক্ৎবাবুদ্ধ্যত পার্থিবঃ॥ 7-42-21 (46533)
স তেন বরদানেন দিব্যেনাস্ৎবলেন চ।
একঃ সংবারয়ামাস পাণ্ডবানামনীকিনীম্॥ 7-42-22 (46534)
তস্য জ্যাতলঘোষেণ ক্ষত্রিয়ান্ভয়মাবিশৎ।
পরাংস্তু তব সৈন্যস্য হর্ষঃ পরমকোঽভবৎ॥ 7-42-23 (46535)
দৃষ্ট্বা তু ক্ষত্রিয়া ভারং সৈন্ধবে সর্বমাহিতম্।
উৎক্রুশ্যাভ্যদ্রবন্রাজন্যেন যৌধিষ্ঠিরং বলম্॥ ॥ 7-42-24 (46536)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে দ্বিচৎবারিংশোঽধ্যায়ঃ॥ 42 ॥
Mahabharata - Drona Parva - Chapter Footnotes
5-42-8 প্রবণান্নিম্নপ্রদেশং প্নাপ্য॥ 5-42-10 বলং সামর্থ্যম্। শৌর্যমুৎসাহঃ বীর্যং প্রভাবম্॥ 5-42-42 দ্বিচৎবারিংশোঽধ্যায়ঃ॥দ্রোণপর্ব - অধ্যায় 043
॥ শ্রীঃ ॥
7.43. অধ্যায়ঃ 043
Mahabharata - Drona Parva - Chapter Topics
জয়দ্রথেন রুদ্রবরাৎ ব্যূহপথং পিধায় পাণ্ডবাদিনিরোধঃ॥ 1 ॥Mahabharata - Drona Parva - Chapter Text
7-43-0 (46537)
সঞ্জয় উবাচ। 7-43-0x (4366)
যন্মাং পৃচ্ছসি রাজেন্দ্র সিন্ধুরাজস্য বিক্রমম্।
শৃণু তৎসর্বমাখ্যাস্যে যথা পাণ্ডূনয়োধয়ৎ॥ 7-43-1 (46538)
তমূহুর্বাজিনো বশ্যাঃ সৈন্ধবাঃ সাধুবাহিনঃ।
বিকুর্বাণা বৃহন্তোঽশ্বাঃ শ্বসনোপরংহসঃ॥ 7-43-2 (46539)
গন্ধর্বনগরাকারং বিধিবৎকল্পিতং রথম্।
তস্যাভ্যশোভয়ৎকেতুর্বারাহো রাজতো মহান্॥ 7-43-3 (46540)
শ্বেতশ্চত্রপতাকাভিশ্চামরব্যজনেন চ।
স বভৌ রাজলিঙ্গৈস্তৈস্তারাপতিরিবাম্বরে॥ 7-43-4 (46541)
মুক্তাবজ্রমণিস্বর্ণৈর্ভূষিতং তদয়স্ময়ম্।
বরূথং বিবভৌ তস্য জ্যোতির্ভিঃ খমিবাবৃতম্॥ 7-43-5 (46542)
স বিষ্ফার্য মহচ্চাপং কিরন্নিষুগণান্বহূন।
তৎকণ্ডং পূরয়ামাস যদার্জুনিরদারয়ৎ॥ 7-43-6 (46543)
স সাত্যকিং ত্রিভির্বাণৈরষ্টভিশ্চ বৃকোদরম্।
ধৃষ্টদ্যুম্নং তথা ষষ্ট্যা বিরাটং দশভিঃ শরৈঃ॥ 7-43-7 (46544)
দ্রুপদং পঞ্চভিস্তীক্ষ্ণৈঃ সপ্তভিশ্চ শিখণ্ডিনম্।
কেকয়ান্পঞ্চবিংশত্যা দ্রৌপদেয়াংস্ত্রিভিস্ত্রিভিঃ॥ 7-43-8 (46545)
যুধিষ্ঠিরং তু সপ্তত্যা ততঃ শেষানপানুদৎ।
ইষুজালেন মহতা তদদ্ভুতমিবাভবৎ॥ 7-43-9 (46546)
অথাস্য শিতপীতেন ভল্লেনাদিশ্য কার্মুকম্।
চিচ্ছেদ প্রহসন্রাজা ধর্মপুত্রঃ প্রতাপবান্॥ 7-43-10 (46547)
অক্ষ্ণোর্নিমেষমাত্রেণ সোঽন্যদাদায় কার্মুকম্।
বিব্যাধ দশভিঃ পার্থং তাংশ্চৈবান্যাংস্ত্রিভিস্ত্রিভিঃ॥ 7-43-11 (46548)
তত্তস্য লাঘবং জ্ঞাৎবা ভীমো ভল্লৈস্ত্রিভিস্ত্রিভিঃ।
ধনুর্ধ্বজং চ চ্ছত্রং চ ক্ষিতৌ ক্ষিপ্রমপাতয়ৎ॥ 7-43-12 (46549)
সোঽন্যদাদায় বলবান্সজ্জং কৃৎবা চ কার্মুকম্।
ভীমস্যাপাতয়ৎকেতুং ধনুরশ্বাংশ্চ মারিষ॥ 7-43-13 (46550)
স হতাশ্বাদবপ্লুত্য চ্ছিন্নধন্বা রথোত্তমাৎ।
সোত্যকেরাপ্লুতো যানং গির্যগ্রমিব কেসরী॥ 7-43-14 (46551)
ততস্ৎবদীয়াঃ সংহৃষ্টাঃ সাধুসাধ্বিতি বাদিনঃ।
সিন্ধুরাজস্য তৎকর্ম প্রেক্ষ্যাশ্রদ্ধেয়মদ্ভুতম্॥ 7-43-15 (46552)
সঙ্ক্রুদ্ধান্পাণ্ডবানেকো যদ্দধারাস্ত্রতেজসা।
তত্তস্য কর্ম ভূতানি সর্বাণ্যেবাভ্যপূজয়ন্॥ 7-43-16 (46553)
সৌভদ্রেণ হতৈঃ পূর্বং সোত্তরায়োধিভির্দ্বিপৈঃ।
পাণ্ডূনাং দর্শিতঃ পন্থাঃ সৈন্ধবেন নিবারিতঃ॥ 7-43-17 (46554)
যতমানাস্তু তে বীরা মাৎস্যপাঞ্চালকেকয়াঃ।
পাণ্ডবাশ্চান্বপদ্যন্ত প্রতিশেকুর্ন সৈন্ধবম্॥ 7-43-18 (46555)
যো যো হি যততে ভেত্তুং দ্রোণানীকং তবাহিতঃ।
তত্তমেব বরং প্রাপ্য সৈন্ধবঃ প্রত্যবারয়ৎ॥ ॥ 7-43-19 (46556)
ইতি শ্রীমন্মহাভারতে দ্রোণপর্বণি অভমন্যুবধপর্বণি ত্রয়োদশদিবসয়ুদ্ধে ত্রিচৎবারিংশোঽধ্যায়ঃ॥ 43 ॥
Mahabharata - Drona Parva - Chapter Footnotes
5-43-5 বরূথং রথবেষ্টনম্॥ 5-43-10 আদিশ্য এষ চ্ছিনদ্মীত্যুদ্দিশ্য॥ 5-43-43 ত্রিচৎবারিংশোঽধ্যায়ঃ॥দ্রোণপর্ব - অধ্যায় 044
॥ শ্রীঃ ॥
7.44. অধ্যায়ঃ 044
Mahabharata - Drona Parva - Chapter Topics
অভিমন্যুপরাক্রমবর্ণনম্॥ 1 ॥Mahabharata - Drona Parva - Chapter Text
7-44-0 (46557)
সঞ্জয় উবাচ। 7-44-0x (4367)
সৈন্ধবেন নিরুদ্ধেষু জয়গৃদ্ধিষু পাণ়্ডুষু।
সুঘোরমভবদ্যুদ্ধং ৎবদীয়ানাং পরৈঃ সহ॥ 7-44-1 (46558)
প্রবিশ্যাথার্জুনিঃ সেনাং সত্যসন্ধো দুরাসদঃ।
ব্যক্ষোভয়ত তেজস্বী মকরঃ সাগরং যথা॥ 7-44-2 (46559)
তং তথা শরবর্ষেণ ছাদয়ন্তমরিংদমম্।
যথা প্রধানাঃ সৌভদ্রমভ্যযুঃ কুরুসত্তমাঃ॥ 7-44-3 (46560)
তেষাং তস্য চ সম্মর্দো দারুণঃ সমপদ্যত।
সৃজতাং শরবর্ষাণি প্রসক্তমমিতৌজসাম্॥ 7-44-4 (46561)
রথব্রজেন সংরুদ্ধস্তৈরমিত্রৈস্তথাঽঽর্জুনিঃ।
বৃষসেনস্য যন্তারং হৎবা চিচ্ছেদ কার্মুকম্॥ 7-44-5 (46562)
তং চ বিব্যাধ বলবাংস্তস্য চাশ্বানজিহ্মগৈঃ।
বাতায়মানৈস্তৈরশ্বৈর্বিসংজ্ঞোঽপহৃতো রণাৎ॥ 7-44-6 (46563)
তেনান্তরেণাভিমন্যোর্যন্তাপাসারয়দ্রথম্।
রথব্রজাস্ততো হৃষ্টাঃ সাধুসাধ্বিতি চুক্রুশুঃ॥ 7-44-7 (46564)
তং সিংহমিব সঙ্ক্রুদ্ধং প্রমথ্নন্তং শরৈররীন্।
আরাদায়ান্তমভ্যেত্য বসাতীয়োঽভ্যযাদ্দ্রুতম্॥ 7-44-8 (46565)
সোঽভিমন্যুং শরৈঃ ষষ্ট্যা রুক্মপুঙ্কৈরবাকিরৎ।
অব্রবীচ্চ ন মে জীবঞ্জীবতো যুধি মোক্ষ্যসে॥ 7-44-9 (46566)
তময়স্ময়বর্মাণমিষুণা দূরপাতিনা।
বিব্যাধ হৃদি সৌভদ্রঃ স পপাত ব্যসুঃ ক্ষিতৌ॥ 7-44-10 (46567)
বসাতীয়ং হতং দৃষ্ট্বা ক্রুদ্ধাঃ ক্ষত্রিয়পুঙ্গবাঃ।
পরিবব্রুস্তদা রাজংস্তব পৌত্রং জিঘাংসবঃ॥ 7-44-11 (46568)
বিষ্ফারয়ন্তশ্চাপানি নানারূপাণ্যনেকশঃ।
তদ্যুদ্ধমভবদ্রৌদ্রং সৌভদ্রস্যারিভিঃ সহ॥ 7-44-12 (46569)
তেষাং শরান্সেষ্বসনাঞ্শরীরাণি শিরাংসি চ।
সকুণ্ডলানি স্রগ্বীণি ক্রুদ্ধশ্চিচ্ছেদ ফাল্গুনিঃ॥ 7-44-13 (46570)
সখঙ্গাঃ সাঙ্গুলিত্রাণাঃ সপট্টসপরশ্বথাঃ।
অদৃশ্যন্ত ভুজাশ্ছিন্না হেমাভরণভূষিতাঃ॥ 7-44-14 (46571)
স্রগ্ভিরাভরণৈর্বস্ত্রৈঃ পতিতৈর্বিবিধৈর্ধ্বজৈঃ।
বর্মভিশ্চর্মভির্হারৈর্মুকুটৈশ্ছত্রচামরৈঃ॥ 7-44-15 (46572)
উপস্করৈরধিষ্ঠানৈরীষাদণ্ডকবন্ধুরৈঃ।
অক্ষৈর্বিমথিতৈশ্চক্রৈর্ভগ্নৈশ্চ বহুধা যুগৈঃ॥ 7-44-16 (46573)
অনুকর্ষৈঃ পতাকাভিস্তথা সারথিবাজিভিঃ।
রথৈশ্চ ভগ্নৈর্নাগৈশ্চ হতৈঃ কীর্ণাভবন্মহী॥ 7-44-17 (46574)
নিহতৈঃ ক্ষত্রিয়ৈঃ শূরৈর্নানাজনপদেশ্বরৈঃ।
জয়গৃদ্ধৈর্বৃতা ভূমির্দারুণা সমপদ্যত॥ 7-44-18 (46575)
দিশো বিচরতস্তস্য সর্বাশ্চ প্রদিশস্তথা।
রণেঽভিমন্যোঃ ক্রুদ্ধস্য রূপমন্তরধীয়ত॥ 7-44-19 (46576)
কাঞ্চনং যদ্যদস্যাসীদ্বর্ম চাভরণানি চ।
ধনুষশ্চ শরাণাং চ তদপশ্যাম কেবলম্॥ 7-44-20 (46577)
তং তদা নাশকৎকশ্চিচ্চক্ষুর্ভ্যামভিবীক্ষিতুম্।
আদদানং শরৈর্যোধান্মধ্যে সূর্যমিব স্থিতম্॥ ॥ 7-44-21 (46578)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে চতুশ্চৎবারিংশোঽধ্যায়ঃ॥ 44 ॥
দ্রোণপর্ব - অধ্যায় 045
॥ শ্রীঃ ॥
7.45. অধ্যায়ঃ 045
Mahabharata - Drona Parva - Chapter Topics
অভিমন্যোঃ পরাক্রমঃ তেন দুর্যোধনপরাজয়ঃ॥ 1 ॥Mahabharata - Drona Parva - Chapter Text
7-45-0 (46579)
সঞ্জয় উবাচ। 7-45-0x (4368)
আদদানস্তু শূরাণামায়ুংষ্যভবদার্জুনিঃ।
অন্তকঃ সর্বভূতানাং প্রাণান্কাল ইবাগতে॥ 7-45-1 (46580)
স শক্র ইব বিক্রান্তঃ শক্রসূনোঃ সুতো বলী।
অভিমন্যুস্তদানীকং লোডয়ন্সমদৃশ্যত॥ 7-45-2 (46581)
প্রবিশ্যৈব তু রাজেন্দ্র ক্ষত্রিয়েন্দ্রান্তকোপমঃ।
সত্যশ্রবসমাদত্ত ব্যাঘ্রো মৃগমিবোল্বণঃ॥ 7-45-3 (46582)
সত্যশ্রবসি চাক্ষিপ্তে ৎবরমাণা মহারথাঃ।
প্রগৃহ্য বিপুলং শস্ত্রমভিমন্যুমুপাদ্রবন্॥ 7-45-4 (46583)
অহংপূর্বমহংপূর্বমিতি ক্ষত্রিয়পুঙ্গবাঃ।
স্পর্ধমানাঃ সমাজগ্মুর্জিঘাংসন্তোঽর্জুনাত্মজম্॥ 7-45-5 (46584)
ক্ষত্রিয়াণামনীকানি প্রদ্রুতান্যভিধাবতাম্।
জগ্রাহ তিমিরাসাদ্য ক্ষুদ্রমৎস্যানিবার্ণিবে॥ 7-45-6 (46585)
যে কেচন গতাস্তস্য সমীপমপলায়িনঃ।
ন তে প্রতিন্যবর্তন্ত সমুদ্রাদিব সিন্ধবঃ॥ 7-45-7 (46586)
মহাগ্রহগৃহীতেব বাতবেগভয়ার্দিতা।
সমকম্পত সা সেনা বিভ্রষ্টা নৌরিবার্ণবে॥ 7-45-8 (46587)
অথ রুক্মরথো নাম মদ্রেশ্বরসুতো বলী।
ত্রস্তামাশ্বাসয়ন্সেনামত্রস্তো বাক্যমব্রবীৎ॥ 7-45-9 (46588)
অলং ত্রাসেন বঃ শূরা নৈষ কশ্চিন্ময়ি স্থিতে।
অহমেনং গ্রীহষ্যামি জীবগ্রাহং ন সংশয়ঃ॥ 7-45-10 (46589)
এবমুক্ৎবা তু সৌভদ্রমভিদুদ্রাব বীর্যবান্।
সুকল্পিতেনোহ্যমানঃ স্যন্দনেন বিরাজতা॥ 7-45-11 (46590)
সোঽভিমন্যুং ত্রিভির্বাণৈর্বিদ্ধ্বা বক্ষস্যথানদৎ।
ত্রিভিশ্চ দক্ষিণে বাহৌ সব্যে চ নিশিতৈস্ত্রিভিঃ॥ 7-45-12 (46591)
স তস্যেষ্বসনং ছিত্ৎবা ফাল্গুনিঃ সব্যদক্ষিণৌ।
ভুজৌ শিরশ্চ স্বক্ষিভ্রু ক্ষিতৌ ক্ষিপ্রমপাতয়ৎ॥ 7-45-13 (46592)
দৃষ্ট্বা রুক্মরথং রুগ্ণং পুত্রং শল্যস্য মানিনম্।
জীবগ্রাহং জিঘৃক্ষন্তং সৌভদ্রেণ যশস্বিনা॥ 7-45-14 (46593)
সঙ্গ্রামদুর্মদা রাজন্রাজপুত্রাঃ প্রহারিণঃ।
বয়স্যাঃ শল্যপুত্রস্য সুবর্ণবিকৃতধ্বজাঃ॥ 7-45-15 (46594)
তালমাত্রাণি চাপানি বিকর্ষন্তো মহাবলাঃ।
আর্জুনিং শরবর্ষেণ সমন্তাৎপর্যবারয়ন্॥ 7-45-16 (46595)
শূরৈঃ নিক্ষাবলোপেতৈস্তরুণৈরত্যমর্ষণৈঃ।
দৃষ্ট্বৈকং সমরে শূরং সৌভদ্রমপরাজিতম্॥ 7-45-17 (46596)
ছাদ্যমানং শরব্রাতৈর্হৃষ্টো দুর্যোধনোঽভবৎ।
বৈবস্বতস্য ভবনং গতং হ্যেমমন্যত॥ 7-45-18 (46597)
সুবর্ণপুঙ্খৈরিষুভির্নানালিঙ্গৈঃ সুতেজনৈঃ।
অদৃশ্যমার্জুনিং চক্রুর্নিমেষাত্তে নৃপাত্মজাঃ॥ 7-45-19 (46598)
সসূতাশ্বধ্বজং তস্য স্যন্দনং তং চ মারিষ।
আচিতং সমপশ্যাম শ্বাবিধং শললৈরিব॥ 7-45-20 (46599)
স গাঢবিদ্ধঃ ক্রুদ্ধশ্চ তোত্রৈর্গজ ইবার্দিতঃ।
গান্ধর্বমস্ত্রমায়চ্ছদ্রথমায়াং চ ভারত॥ 7-45-21 (46600)
অর্জুনো তপস্তপ্ৎবা গন্ধর্বেভ্যো যদাহৃতম্।
তুম্বুরুপ্রমুখেভ্যো বৈ তেনামোহয়তাহিতান্॥ 7-45-22 (46601)
একধা শতধা রাজন্দৃশ্যতে স্ম সহস্রধা।
অলাতচক্রবৎসঙ্খ্যে ক্ষিপ্রমস্ত্রাণি দর্শয়ন্॥ 7-45-23 (46602)
রথচর্যাস্ত্রমায়াভির্মোহয়িৎবা পরন্তপঃ।
বিভেদ শতধা রাজঞ্শরীরাণি মহীক্ষিতাম্॥ 7-45-24 (46603)
প্রাণাঃ প্রাণভৃতাং সঙ্খ্যে প্রেষিতা নিশিতৈঃ শরৈঃ।
রাজন্প্রাপুরসুং লোকং শরীরাণ্যবনিং যয়ুঃ॥ 7-45-25 (46604)
ধনূংষ্যশ্বান্নিয়ন্তৄংশ্চ ধ্বজান্বাহূংশ্চ সাঙ্গদান্।
সিরাংসি চ শিতৈর্বাণৈস্তেষাং চিচ্ছেদ ফাল্গুনিঃ॥ 7-45-26 (46605)
চূতারামো যথা ভগ্নঃ পঞ্চবর্ষঃ ফলোপগঃ।
রাজপুত্রশতং তদ্বৎসৌভদ্রেণ নিপাতিতম্॥ 7-45-27 (46606)
ক্রুদ্ধাশীবিষসঙ্কাশান্সুকুমারান্সুখোচিতান্।
একেন নিহতান্দৃষ্ট্বা ভীতো দুর্যোধনোঽভবৎ॥ 7-45-28 (46607)
রথিনঃ কুঞ্জরানশ্বান্পদাতীংশ্চাবমর্দিতান্।
দৃষ্ট্বা দুর্যোধনঃ ক্ষিপ্রমুপায়াত্তমমর্ষিতঃ॥ 7-45-29 (46608)
তয়োঃ ক্ষণমিবাপূর্বঃ সঙ্গ্রামঃ সমপদ্যত।
অথাভবত্তে বিমুখঃ পুত্রঃ শরশতাহতঃ॥ ॥ 7-45-30 (46609)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিসয়ুদ্ধে পঞ্চৎবারিংশোঽধ্যায়ঃ॥ 45 ॥
Mahabharata - Drona Parva - Chapter Footnotes
5-45- আয়চ্ছৎপ্রয়ুক্তবান্। রথমায়াং দুর্লক্ষ্যাং রথশিক্ষাম্॥ 5-45- ফলোপগঃ ফলোন্মুখঃ॥ 5-45- পঞ্চচৎবারিংশোঽধ্যায়ঃ॥দ্রোণপর্ব - অধ্যায় 046
॥ শ্রীঃ ॥
7.46. অধ্যায়ঃ 046
Mahabharata - Drona Parva - Chapter Topics
অভিমন্যুনা দুর্যোধনসূনোর্লক্ষ্মণস্য বধঃ॥ 1 ॥Mahabharata - Drona Parva - Chapter Text
7-46-0 (46610)
ধৃতরাষ্ট্র উবাচ। 7-46-0x (4369)
যথা বদসি মে সূত একস্য বহুভিঃ সহ।
সঙ্গ্রামং তুমুলং ঘোরং জয়ং চৈব মহাত্মনঃ॥ 7-46-1 (46611)
অশ্রদ্ধেয়মিবাশ্চর্যং সৌভদ্রস্যাথ বিক্রমম্।
কিন্তু নাত্যদ্ভুতং তেষাং যেষাং ধর্মো ব্যপাশ্রয়ঃ॥ 7-46-2 (46612)
দুর্যোধনে চ বিমুখে রাজপুত্রশতে হতে।
সৌভদ্রে প্রতিপত্তিং কাং প্রত্যপদ্যন্ত মামকাঃ॥ 7-46-3 (46613)
সঞ্জয় উবাচ। 7-46-4x (4370)
সংশুষ্কাস্যাশ্চলন্নেত্রাঃ প্রস্বিন্না রোমহর্ষণাঃ।
পালয়নকৃতোৎসাহা নিরুৎসাহা দ্বিষ়জ্জয়ে॥ 7-46-4 (46614)
হতান্ভ্রাতৄন্পিতৄন্পুত্রান্সুহৃৎসম্বন্ধিবান্ধবান্।
উৎসৃজ্যোৎসৃজ্য সঞ্জগ্মুস্ৎবরয়ন্তো হয়দ্বিপান্॥ 7-46-5 (46615)
তান্প্রভগ্নাংস্তথা দৃষ্ট্বা দ্রোণো দ্রৌণির্বৃহদ্বলঃ।
কৃপো দুর্যোধনঃ কর্ণঃ কৃতবর্মাথ সৌবলঃ॥ 7-46-6 (46616)
অভ্যধাবন্সুসঙ্ক্রুদ্ধাঃ সৌভদ্রমপরাজিতম্।
তে তু পৌত্রেণ তে রাজন্প্রায়শো বিমুখীকৃতাঃ।
`সৌভদ্রেণ মহারাজ শক্রপ্রতিমতেজসা'॥ 7-46-7 (46617)
একস্তু সুখসংবৃদ্ধো বাল্যাদ্দর্পাচ্চ নির্ভয়ঃ।
ইষ্বস্ত্রবিন্মহাতেজা লক্ষ্মণোঽর্জুনিমভ্যযাৎ॥ 7-46-8 (46618)
তমন্বগেবাস্য পিতা পুত্রগৃদ্ধী ন্যবর্তত।
অনুদুর্যোধনং চান্যে ন্যবর্তন্ত মহারথাঃ॥ 7-46-9 (46619)
তং তেঽভিষিষিচুর্বাণৈর্মেঘা গিরিমিবাম্বুভিঃ।
স তু তান্প্রমমাথৈকো বিষ্বগ্বাতো যথাম্বুদান্॥ 7-46-10 (46620)
পৌত্রং তব চ দুর্ধর্ষং লক্ষ্মণং প্রিয়দর্শনম্।
পিতুঃ সমীপে তিষ্ঠন্তং শূরমুদ্যতকার্মুকম্॥ 7-46-11 (46621)
অত্যন্তসুখসংবৃদ্ধং ধনেশ্বরসুতোপমম্।
আসসাদ রণে কার্ষ্ণির্মত্তো মত্তমিব দ্বিপম্।
`সিংহশাবো বনে শশ্বৎপুণ্ডরীকশিশুং যথা'॥ 7-46-12 (46622)
লক্ষ্মণেন তু সঙ্গম্য সৌভদ্রঃ পরবীরহা।
শরৈঃ সুনিশিতৈস্তীক্ষ্ণৈর্বাহ্বোরুরসি চার্পয়ৎ॥ 7-46-13 (46623)
সঙ্ক্রুদ্ধৌ বৈ মহারাজ দণ্ডাহত ইবোরগঃ।
পৌত্রস্তব মহারাজ তব পৌত্রমভাষত॥ 7-46-14 (46624)
সুদৃষ্টঃ ক্রিয়তাং লোকো হ্যমুং লোকং গমিষ্যসি।
পশ্যতাং বান্ধবানাং ৎবাং নয়ামি যমসাদনম্॥ 7-46-15 (46625)
এবমুক্ৎবা ততো ভল্লং সৌভদ্রঃ পরবীরহা।
উদ্ববর্হ মহাবাহুর্নির্মুক্তোরগসন্নিভম্॥ 7-46-16 (46626)
স তস্য ভুজনির্মুক্তো লক্ষ্মণস্য সুদর্শনম্।
সুনসং সুভ্রু কেশান্তং শিরোঽহার্ষীৎসকুণ্ডলম্॥ 7-46-17 (46627)
`পৌত্রস্তু তব দুর্ধর্ষং লক্ষ্মণং প্রিয়দর্শনম্।
পিতুঃ সমীপে তিষ্ঠন্তং প্রাহিণোদ্যমসাদনম্॥ 7-46-18 (46628)
অত্যন্তসুখসংবৃদ্ধং ধনেশ্বরসুতোপমম্'।
লক্ষ্মণাং নিহতং দৃষ্ট্বা হাহেত্যুচ্চুক্রুশুর্জনাঃ॥ 7-46-19 (46629)
ততো দুর্যোধনঃ ক্রুদ্ধঃ প্রিয়ে পুত্রে নিপাতিতে।
হতৈনমিতি চুক্রোশ ক্ষত্রিয়ান্ক্ষত্রিয়র্ষভঃ॥ 7-46-20 (46630)
ততো দ্রোণঃ কৃপঃ কর্ণো দ্রোণপুত্রো বৃহদ্বলঃ।
কৃতবর্মা চ হার্দিক্যঃ ষড্রথাঃ পর্যবারয়ন্॥ 7-46-21 (46631)
তাংস্তু বিদ্ধা শিতৈর্বাণৈর্বিমুখীকৃত্য চার্জুনিঃ।
বেগেনাভ্যপতৎক্রুদ্ধঃ সৈন্ধবস্য মহদ্বলম্॥ 7-46-22 (46632)
আবব্রুস্তস্য পন্থানং গজানীকেন দংশিতাঃ।
কলিঙ্গাশ্চ নিষাদাশ্চ ক্রাথপুত্রশ্চ বীর্যবান্।
তৎপ্রসক্তমিবাত্যর্থং যুদ্ধমাসীদ্বিশাম্পতে॥ 7-46-23 (46633)
ততস্তৎকুঞ্জরানীকং ব্যধমদ্ধৃষ্টমার্জুনিঃ।
যথা বায়ুর্নিত্যগতির্জলদাঞ্শতশোঽম্বরে॥ 7-46-24 (46634)
ততঃ ক্রুদ্ধাঃ শরব্রাতৈ রাজানঃ সমবারয়ন্।
অথেতরে সন্নিবৃত্তাঃ পুনর্দ্রোণমুখা রথাঃ।
পরমাস্ত্রাণি ধুন্বানাঃ সৌভদ্রমভিদুদ্রুবুঃ॥ 7-46-25 (46635)
তান্নিবার্যার্জুনির্বাণৈঃ ক্রাথপুত্রময়োধয়ৎ।
শরৌঘেণাপ্রমেয়েণ ৎবরমাণো জিঘৌসয়া॥ 7-46-26 (46636)
সধনুর্বাণকেয়ূরৌ বাহূ সমুকুটং শিরঃ।
সচ্ছত্রধ্বজয়ন্তারং রথং চাশ্বান্ন্যপাতয়ৎ॥ 7-46-27 (46637)
কুলশীলশ্রুতিবলৈঃ কীর্ত্যা চাস্ত্রবলেন চ।
যুক্তে তস্মিন্হতে বীরাঃ প্রায়শো বিমুখাঽভবন্॥ ॥ 7-46-28 (46638)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে ষট্চৎবারিংশোঽধ্যায়ঃ॥ 46 ॥
Mahabharata - Drona Parva - Chapter Footnotes
5-46-3 প্রতিপত্তিং প্রতিবিধানম্॥ 5-46-10 বিষ্বগ্বাতোঽশেষদিগ্বাতঃ॥ 5-46-17 কেশান্তং কেশৈর্মনোহরম্। অন্তঃ প্রান্তেঽন্তিকে মধ্যে স্বরূপে চ মনোহরে ইত্যভিধানাৎ॥ 5-46-23 ধৃষ্টং প্রগল্ভম্॥ 5-46-46 ষট্চৎবারিংশোঽধ্যায়ঃ॥দ্রোণপর্ব - অধ্যায় 047
॥ শ্রীঃ ॥
7.47. অধ্যায়ঃ 047
Mahabharata - Drona Parva - Chapter Topics
অভিমন্যুপরাক্রমবর্ণনম্॥ 1 ॥Mahabharata - Drona Parva - Chapter Text
7-47-0 (46639)
ধৃতরাষ্ট্র উবাচ। 7-47-0x (4371)
তথা প্রবিষ্টং তরুণং সৌভদ্রমপরাজিতম্।
কুলানুরূপং কুর্বাণং সঙ্গ্রামেষ্বপরাজিতম্॥ 7-47-1 (46640)
আজানেয়ৈঃ সুবলিভির্যান্তমশ্বৈস্ত্রিহায়নৈঃ।
প্লবমানমিবাকাশে কে শূরাঃ সমবারয়ন্॥ 7-47-2 (46641)
সঞ্জয় উবাচ। 7-47-3x (4372)
অভিমন্যুঃ প্রবিশ্যৈতাংস্তাবকান্নিশিতৈঃ শরৈঃ।
অকরোৎপার্থিবান্সর্বান্বিমুখান্পাণ্ডুনন্দনঃ॥ 7-47-3 (46642)
তং তু দ্রোণঃ কৃপঃ কর্ণো দ্রৌণিশ্চ সবৃহদ্বলঃ।
কৃতবর্মা চ হার্দিক্যঃ ষড্রথাঃ পর্যবারয়ন্॥ 7-47-4 (46643)
দৃষ্ট্বা তু সৈন্ধবে ভারমতিমাত্রং সমাহিতম্।
সৈন্যং তব মহারাজ যুধিষ্ঠিরমুপাদ্রবৎ॥ 7-47-5 (46644)
সৌভদ্রমিতরে বীরমভ্যবর্ষঞ্শরাম্বুভিঃ।
তালমাত্রাণি চাপানি বিকর্ষন্তো মহাবলাঃ॥ 7-47-6 (46645)
তাংস্তু সর্বান্মহেষ্বাসান্সর্ববিদ্যাসু নিষ্ঠিতান্।
ব্যদৃষ্টম্ভয়দ্রণে বাণৈঃ সৌভদ্রঃ পরবীরহা॥ 7-47-7 (46646)
দ্রোণং পঞ্চাশতাবিধ্যদ্বিংশত্যা চ বৃহদ্বলম্।
অশীত্যা কৃতবর্মাণং কৃপং ষষ্ট্যা শিলীমুখৈঃ॥ 7-47-8 (46647)
রুক্মপুঙ্খৈর্মহাবেগৈরাকর্ণসমচোদিতৈঃ।
অবিধ্যদ্দশভির্বাণৈরশ্বত্থামানমার্জুনিঃ॥ 7-47-9 (46648)
কর্ণং চ কর্ণিনা কর্ণে পীতেন চ শিতেন চ।
ফাল্গুনির্দ্বিষতাং মধ্যে বিব্যাধ পরমেষুণা॥ 7-47-10 (46649)
পাতয়িৎবা কৃপস্যাশ্বাংস্তথোভৌ পার্ষ্ণিসারথী।
অথৈনং দশভির্বাণৈঃ প্রত্যবিধ্যৎস্তনান্তরে॥ 7-47-11 (46650)
ততো বৃন্দারকং বীরং কুরূণাং কীর্তিবর্ধনম্।
পুত্রাণাং তব বীরাণাং পশ্যতামবধীদ্বলী॥ 7-47-12 (46651)
তং দ্রৌণিঃ পঞ্চবিংশত্যা ক্ষুদ্রকাণাং সমার্পয়ৎ।
বরংবরমমিত্রাণামারুজন্তমভীতবৎ॥ 7-47-13 (46652)
স তু বাণৈঃ শিতৈস্তূর্ণং প্রত্যবিধ্যত মারিষ।
পশ্যতাং ধার্তরাষ্ট্রাণামশ্বত্থামানমার্জুনিঃ॥ 7-47-14 (46653)
ষষ্ট্যা শরাণাং তং দ্রৌণিস্তিগ্মধারৈঃ সুতেজনৈঃ।
উগ্রৈর্নাকম্পয়দ্বিদ্ধ্বা মৈনাকমিব পর্বতম্॥ 7-47-15 (46654)
স তু দ্রৌণিং ত্রিসপ্তত্যা হেমপুঙ্ঘৈরজিহ্মগৈঃ।
প্রত্যবিধ্যন্মহাতেজা বলবানপকারিণম্॥ 7-47-16 (46655)
তস্মিন্দ্রোণো বাণশতং পুত্রগৃদ্ধী ন্যপাতয়ৎ।
অশ্বত্থামা তথাঽষ্টৌ চ পরীপ্সন্পিতরং রণে॥ 7-47-17 (46656)
কর্ণো দ্বাবিংশতিং ভল্লান্কৃতবর্মা চ বিংশতিম্।
বৃহদ্বলস্তু পঞ্চাশৎকৃপঃ শারদ্বতো দশ॥ 7-47-18 (46657)
তাংস্তু প্রত্যবধীৎসর্বান্দশভির্দশভিঃ শরৈঃ।
তৈরর্দ্যমানঃ সৌভদ্রঃ সর্বতো নিশিতৈঃ শরৈঃ॥ 7-47-19 (46658)
তং কোসলানামধিপঃ কর্ণিনাঽতাডয়দ্ধৃদি।
স তস্যাশ্বান্ধ্বজং চাপং সূতং চাপাতয়ৎক্ষিতৌ॥ 7-47-20 (46659)
অথ কোসলরাজস্তু বিরথঃ খঙ্গ্রচর্মধৃৎ।
ইয়েষ ফাল্গুনেঃ কায়াচ্ছিরো হর্তুং সকুণ্ডলম্॥ 7-47-21 (46660)
স কোসলানামধিপং রাজপুত্রং বৃহদ্বলম্।
হৃদি বিব্যাধ বাণেন স ভিন্নহৃদয়োঽপতৎ॥ 7-47-22 (46661)
বভঞ্জ চ সহস্রাণি দশ রাজ্ঞাং মহাত্মনাম্।
সৃজতামশিবা বাচঃ খঙ্গকার্মুকধারিণাম্॥ 7-47-23 (46662)
তথা বৃহদ্বলং হৎবা সৌভদ্রো ব্যচরদ্রণে।
ব্যষ্টম্ভয়ন্মহেষ্বাসো যোধাংস্তব শরাম্বুভিঃ॥ ॥ 7-47-24 (46663)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রোয়দশদিবসয়ুদ্ধে সপ্তচৎবারিংশোঽধ্যায়ঃ॥ 47 ॥
দ্রোণপর্ব - অধ্যায় 048
॥ শ্রীঃ ॥
7.48. অধ্যায়ঃ 048
Mahabharata - Drona Parva - Chapter Topics
দ্রোণাদিভিঃ ষড্ভিরভিমন্যোর্বিরথীকরণম্॥ 1 ॥Mahabharata - Drona Parva - Chapter Text
7-48-0 (46664)
সঞ্জয় উবাচ। 7-48-0x (4373)
স কর্ণং কর্ণিনা কর্ণে পুনর্বিব্যাধ ফাল্গুনিঃ।
শরৈঃ পঞ্চাশতা চৈনমবিধ্যৎকোপয়ন্ভৃশম্॥ 7-48-1 (46665)
প্রতিবিব্যাধ রাধেয়স্তাবদ্ভিরথ তং পুনঃ।
শরৈরাচিতসর্বাঙ্গো বহ্বশোভত ভারত॥ 7-48-2 (46666)
কর্ণং চাপ্যকরোৎক্রুদ্ধো রুধিরোৎপীডবাহিনম্।
কর্ণোঽপি বিবভৌ শূরঃ শরৈশ্ছিন্নোঽসৃগাতপ্লুঃ।
`সন্ধানুগতপর্যন্তঃ শরদীব দিবাকরঃ'॥ 7-48-3 (46667)
তাবুভৌ শরচিত্রাঙ্গৌ রুধিরেণ সমুক্ষিতৌ।
বভূবতুর্মহাত্মানৌ পুষ্পিতাবিব কিংশুকৌ॥ 7-48-4 (46668)
অথ কর্ণস্য সচিবান্ষট্ শূরাংশ্চিত্রয়োধিনঃ।
সাশ্বসূতধ্বজরথান্সৌভদ্রো নিজঘান হ॥ 7-48-5 (46669)
তথেতরান্মহেষ্বাসান্দশভির্দশভিঃ শরৈঃ।
প্রত্যবিধ্যদসম্ভ্রান্তস্তদদ্ভুতমিবাভবৎ॥ 7-48-6 (46670)
মাগধস্য তথা পুত্রং হৎবা ষড্ভিরজিহ্মগৈঃ।
সাশ্বং সসূতং তরুণমশ্বকেতুমপাতয়ৎ॥ 7-48-7 (46671)
মার্তিকাবতকং ভোজং ততঃ কুঞ্জরকেতনম্।
ক্ষুরপ্রেণ সমুন্মথ্য ননাদ বিসৃজন্শরান্॥ 7-48-8 (46672)
তস্য দৌঃশাসনির্বিদ্ধ্বা চতুর্ভিশ্চতুরো হয়ান্।
সূতমেকেন বিব্যাধ দশভিশ্চার্জুনাত্মজম্॥ 7-48-9 (46673)
ততো দৌঃশাসনিং কার্ষ্ণির্বিদ্ধ্বা সপ্তভিরাশুগৈঃ।
সংরম্ভাদ্রক্তনয়নো বাক্যমুচ্চৈরথাব্রবীৎ॥ 7-48-10 (46674)
পিতা তবাহবং ত্যক্ৎবা গতঃ কাপুরুষো যথা।
দিষ্ট্যা ৎবমপি জানীষে যোদ্ধুং ন ৎবদ্য মোক্ষ্যসে॥ 7-48-11 (46675)
এতাবদুক্ৎবা বচনং কর্মারপরিমার্জিতম্।
নারাচং বিসসর্জাস্মৈ তং দ্রৌণিস্ত্রিভিরাচ্ছিনৎ॥ 7-48-12 (46676)
তস্যার্জুনির্ধ্বজং ছিত্ৎবা শল্যং ত্রিভিরতাডয়ৎ।
তং শল্যো নবভির্বাণৈর্গার্ধ্রপত্রৈরতাডয়ৎ॥ 7-48-13 (46677)
হৃদ্যসম্ভ্রান্তবদ্রাজংস্তদদ্ভুতমিবাভবৎ।
তস্যার্জুনির্ধ্বজং ছিত্ৎবা হৎবোভৌ পার্ষ্ণিসারথী॥ 7-48-14 (46678)
তং বিব্যাধায়সৈঃ ষড্ভিঃ সোপাক্রামদ্রথান্তরম্।
শত্রুঞ্জয়ং চন্দ্রকেতুং মেঘবেগং সুবর্চসম্॥ 7-48-15 (46679)
সূর্যভাসং চ পঞ্চৈতান্হৎবা বিব্যাধ সৌবলম্।
তং সৌবলস্ত্রিভির্বিদ্ধ্বা দুর্যোধনমথাব্রবীৎ॥ 7-48-16 (46680)
সর্ব এনং বিমথ্নীমঃ পুরৈকৈকং হিনস্তি নঃ।
অথাব্রবীৎপুনর্দ্রোণং কর্ণো বৈকর্তনো রণে॥ 7-48-17 (46681)
পুরা সর্বান্প্রমথ্নাতি ব্রূহ্যস্য বধম্মাশু নঃ।
ততো দ্রোণো মহেষ্বাসঃ সর্বাংস্তান্প্রত্যভাষত॥ 7-48-18 (46682)
অস্তি বাঽস্যান্তরং কিঞ্চিৎকুমারস্যাথ পশ্যত।
অন্বস্য পিতরং চাদ্য চরতঃ সর্বতো দিশম্॥ 7-48-19 (46683)
শীঘ্রতাং নরসিংহস্য পাণ্ডবেয়স্য পশ্যত।
ধনুর্মণ্ডলমেবাস্য রথমার্গেষু দৃশ্যতে॥ 7-48-20 (46684)
সংদধানস্য বিশিখাঞ্শীঘ্রং চৈব বিমুঞ্চতঃ।
আরুজন্নপি মে প্রাণান্মোহয়ন্নপি সায়কৈঃ॥ 7-48-21 (46685)
প্রহর্ষয়তি মাং ভূয়ঃ সৌভদ্রঃ পরবীরহা।
অতিমানং দধাত্যেষ সৌভদ্রো বিচরন্রণে॥ 7-48-22 (46686)
অন্তরং যস্য সংরব্ধা ন পশ্যন্তি মহারথাঃ।
অস্যতো লঘুহস্তস্য দিশঃ সর্বা মহেষুভিঃ।
ন বিশেষং প্রপশ্যামি রণে গাণ্ডীবধন্বনঃ॥ 7-48-23 (46687)
সঞ্জয় উবাচ। 7-48-24x (4374)
অথ কর্ণঃ পুনর্দ্রোণমাহার্জুনিশরাহতঃ।
স্থাতব্যমিতি তিষ্ঠামি পীড্যমানোঽভিমন্যুনা॥ 7-48-24 (46688)
তেজস্বিনঃ কুমারস্য শরাঃ পরমদারুণাঃ।
ক্ষিণ্বন্তি হৃদয়ং মেঽদ্য ঘোরাঃ পাবকতেজসঃ॥ 7-48-25 (46689)
তমাচার্যোঽব্রবীৎকর্ণং শনকৈঃ প্রহসন্নিব।
অভেদ্যমস্য কবচং যুবা চাশুপরাক্রমঃ॥ 7-48-26 (46690)
উপদিষ্টা ময়া চাস্য পিতুঃ কবচধারণা।
তামেষ নিখিলাং বেত্তি ধ্রুবং পরপুরঞ্জয়ঃ॥ 7-48-27 (46691)
শক্যং ৎবস্য ধনুশ্ছেত্তুং জ্যাং চ বাণৈঃ সমাহিতৈঃ।
অভীষূংশ্চ হয়াংশ্চৈব তথোভৌ পার্ষ্ণিসারথী॥ 7-48-28 (46692)
এতৎকুরু মহেষ্বাস রাধেয় যদি শক্যতে।
অথৈনং বিমুখীকৃত্য পশ্চাৎপ্রহরণং কুরু॥ 7-48-29 (46693)
সধনুষ্কো ন শক্যোঽয়মপি জেতুং সুরাসুরৈঃ।
বিরথং বিধনুষ্কং চ কুরুষ্বৈনং যদীচ্ছসি॥
`পুনঃ স্থিতেন কেনাপি দুঃশকো জেতুমার্জুনিঃ'॥ 7-48-30 (46694)
সঞ্জয় উবাচ। 7-48-31x (4375)
তদাচার্যবচঃ শ্রুৎবা কর্ণো বৈকর্তনস্ৎবরন্।
অস্যতো লঘুহস্তস্য পৃষ্ঠতো ধনুরাচ্ছিনৎ॥ 7-48-31 (46695)
অশ্বানস্যাবধীদ্দোণো গৌতমঃ পার্ষ্ণিসারথী।
শেষাস্তু চ্ছিন্নধন্বানং শরবর্ষৈরবাকিরন্॥ 7-48-32 (46696)
ৎবরমাণাস্ৎবরাকালে বিরথং ষণ্মহারথাঃ।
শরবর্ষৈরকরুণা বালমেকমবাকিরন্॥ 7-48-33 (46697)
স চ্ছিন্নধন্বা বিরথঃ স্বধর্মমনুপালয়ন্।
খঙ্গচর্মধরঃ শ্রীমানুৎপপাত বিহায়সা॥ 7-48-34 (46698)
মার্গৈঃ সকৌশিকাদ্যৈশ্চ লাঘবেন বলেন চ।
আর্জুনির্ব্যচরদ্য্বোম্নি ভৃশং বৈ পক্ষিরাডিব॥ 7-48-35 (46699)
ময়্যেব নিপতত্যেষ সাসিরিত্যূর্ধ্বদৃষ্টয়ঃ।
বিব্যধুস্তং মহেষ্বাসং সমরে ছিদ্রদর্সিনঃ॥ 7-48-36 (46700)
ক্ষুরপ্রেণ মহাতেজাস্ৎবরমাণঃ সপত্নজিৎ॥ 7-48-37 (46701)
রাধেয়ো নিশিতৈর্বাণৈর্ব্যধমচ্চর্ম চোত্তমম্॥ 7-48-38 (46702)
ব্যসিচর্মেষুপূর্ণাঙ্গঃ সোঽন্তরিক্ষাৎপুনঃ ক্ষিতিম্।
আস্থিতশ্চক্রমুদ্যম্য দ্রোণং ক্রুদ্ধোঽভ্যধাবত॥ 7-48-39 (46703)
স চক্ররেণূকজ্জ্বলশোভিতাঙ্গো
বভাবতীবোজ্জ্বলচক্রপাণিঃ।
রণেঽভিমন্যুঃ ক্ষণমাস রৌদ্রঃ
স বাসুদেবানুকৃতিং প্রকুর্বন্॥ 7-48-40 (46704)
স্রুতরুধিরকৃতৈকরাগবস্ত্রো
ভ্রুকুটিপুটাকুলিতোঽতিসিংহনাদঃ।
প্রভুরমিতবলো রণেঽভিমন্যু--
র্নৃপবরমধ্যগতো ভৃশং ব্যরাজৎ॥ ॥ 7-48-41 (46705)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে অষ্টচৎবারিংশোঽধ্যায়ঃ॥ 48 ॥
Mahabharata - Drona Parva - Chapter Footnotes
5-48-18 বধং বধোপায়ম্॥ 5-48-19 অণ্বপ্যস্যান্তরং হ্যদ্য ইতি ঝ.পাঠঃ॥ 5-48-35 কৌশিকং সর্বতোভদ্রম্॥ 5-48-48 অষ্টচৎবারিংশোঽধ্যায়ঃ॥দ্রোণপর্ব - অধ্যায় 049
॥ শ্রীঃ ॥
7.49. অধ্যায়ঃ 049
Mahabharata - Drona Parva - Chapter Topics
অভিমন্যুবধঃ॥ 1 ॥Mahabharata - Drona Parva - Chapter Text
7-49-0 (46706)
সঞ্জয় উবাচ। 7-49-0x (4376)
বিষ্ণোঃ স্বসুর্নন্দকরঃ স বিষ্ণ্বায়ুধভূষণঃ।
ররাজাতিরথঃ সঙ্খ্যে জনার্দন ইবাপরঃ॥ 7-49-1 (46707)
মারুতোদ্ধূতকেশান্তমুদ্যতারিবরায়ুধম্।
বপুঃ সমীক্ষ্য পৃথ্বীশা দুঃসমীক্ষ্যং সুরৈরপি॥ 7-49-2 (46708)
`যদি পাণিতলাদেতচ্চক্রং মুঞ্চেত ফাল্গুনিঃ।
বরদানান্মাতুলস্য বিষ্ণোশ্চক্রমিবাপতেৎ'॥ 7-49-3 (46709)
তচ্চক্রং ভৃশমুদ্বিগ্নাঃ সংচিচ্ছিদুরনেকধা।
মহারথস্ততঃ কার্ষ্মিঃ স জগ্রাহ মহাগদাম্॥ 7-49-4 (46710)
বিধনুঃস্যন্দনাসিস্তৈর্বিচক্রশ্চারিভিঃ কৃতঃ।
অভিমন্যুর্গদাপাণিরশ্বত্থামানমার্দয়ৎ॥ 7-49-5 (46711)
স গদামুদ্যতাং দৃষ্ট্বা জ্বলন্তীমশনীমিব।
অপাক্রামদ্রথোপস্থাদ্বিক্রমাংস্ত্রীন্নরর্ষভঃ॥ 7-49-6 (46712)
তস্যাশ্বান্গদয়া হৎবা তথোভৌ পার্ষ্ণিসারথী।
শরাচিতাঙ্গঃ সৌভদ্রঃ শ্বাবিদ্বৎসমদৃশ্যত॥ 7-49-7 (46713)
ততঃ সুবলদায়াদং কালিকেয়মপোথয়ৎ।
জঘান চাস্যানুচরান্গান্ধারান্সপ্তসপ্ততিম্॥ 7-49-8 (46714)
পুনশ্চৈব বসাতীয়াঞ্জঘান রথিনো দশ।
কেকয়ানাং রথান্সপ্ত হৎবা চ দশ কুঞ্জরান্।
দৌঃশাসনিরথং সাশ্বং গদয়া সমপোথয়ৎ॥ 7-49-9 (46715)
ততো দৌঃশসনিঃ ক্রুদ্ধো গদামুদ্যম্য মারিষ।
অভিদুদ্রাব সৌভদ্রং তিষ্ঠতিষ্ঠেতি চাব্রবীৎ॥ 7-49-10 (46716)
তাবুদ্যতগদৌ বীরাবন্যোন্যবধকাঙ্ক্ষিণৌ।
ভ্রাতৃব্যৌ সম্প্রজহাতে পুরেব ত্র্যম্বকান্ধকৌ॥ 7-49-11 (46717)
তাবন্যোন্যং গদাগ্রাভ্যামাহত্য পতিতৌ ক্ষিতৌ।
ইন্দ্রধ্বজাবিবোৎসৃষ্টৌ রণমধ্যে পরংতপৌ॥ 7-49-12 (46718)
দৌঃশাসনিরথোত্থায় কুরূণাং কীর্তিবর্ধনঃ।
উত্তিষ্ঠমানং সৌভদ্রং গদয়া মূর্ধ্ন্যতাডয়ৎ॥ 7-49-13 (46719)
গদাবেগেন মহতা ব্যায়ামেন চ মোহিতঃ।
বিচেতা ন্যপতদ্ভূমৌ সৌভদ্রঃ পরবীরহা॥ 7-49-14 (46720)
এবং বিনিহতো রাজন্নেকো বহুভিরাহবে।
ক্ষোভয়িৎবা চমূং সর্বাং নলিনীমিব কুঞ্জরঃ॥ 7-49-15 (46721)
অশোভত হতো বীরো ব্যাধৈর্বনগজো যথা।
তং তথা পতিতং শূরং তাবকাঃ পর্যবারয়ন্॥ 7-49-16 (46722)
দাবং দগ্ধ্বা যথা শান্তং পাবকং শিশিরাত্যযে।
বিমৃদ্ব্য নগশৃঙ্গাণি সন্নিবৃত্তমিবানিলম্॥ 7-49-17 (46723)
অস্তিং গতমিবাদিত্যং তপ্ৎবা ভারত বাহিনীম্।
উপপ্লুতং যথা সোমং সংশুষ্কমিব সাগস্ম্॥ 7-49-18 (46724)
পূর্ণচন্দ্রাভবদনং কাকপক্ষবৃতালিকম্।
তং ভূমৌ পতিতং দৃষ্ট্বা তাবকাস্তে মহারথাঃ।
মুদা পরময়া যুক্তাশ্চুক্রুশুঃ সিংহবন্মুহুঃ॥ 7-49-19 (46725)
আসীৎপরমকো হর্ষস্তাবকানাং বিশাম্পতে।
ইতরেষাং তু বীরাণাং নেত্রেভ্যঃ প্রাপতজ্জলম্॥ 7-49-20 (46726)
অন্তরিক্ষে চ ভূতানি প্রাক্রোশন্ত বিশাম্পতে।
দৃষ্ট্বা নিপতিতং বীরং চ্যুতং চন্দ্রমিবাম্বরাৎ॥ 7-49-21 (46727)
দ্রোণকর্ণমুখৈঃ ষড্ভির্ধার্তরাষ্ট্রৈর্মহারথৈঃ।
একোঽয়ং নিহতঃ শেতে নৈষ ধর্মো মতো হি নঃ॥ 7-49-22 (46728)
তস্মিন্বিনিহতে বীরে বহ্বশোভত মেদিনী।
দ্যৌর্যথা পূর্ণচন্দ্রেণ নক্ষত্রগণমালিনী॥ 7-49-23 (46729)
রুক্মপুঙ্খৈশ্চ সম্পূর্ণা রুধিরৌঘপরিপ্লুতা।
উত্তমাঙ্গৈশ্চ শূরাণাং ভ্রাজমানৈঃ সকুণ্ডলৈঃ॥ 7-49-24 (46730)
বিচিত্রৈশ্চ পরিস্তোমৈঃ পতাকাভিশ্চ সংবৃতা।
চামরৈশ্চ কুথাভিশ্চ প্রবিদ্ধৈশ্চাম্বরোত্তমৈঃ॥ 7-49-25 (46731)
রথাশ্বনরনাগানামলঙ্কারৈশ্চ সুপ্রভৈঃ।
খঙ্গৈঃ সুনিশিতৈঃ পীতৈর্নির্মুক্তৈর্ভুজগৈরিব॥ 7-49-26 (46732)
চাপৈশ্চ বিবিধৈশ্ছিন্নৈঃ শক্ত্যৃষ্টিপ্রাসকম্পনৈঃ।
বিবিধৈশ্চায়ুধৈশ্চান্যৈঃ সংবৃতা ভূরশোভত॥ 7-49-27 (46733)
`নিষ্টনদ্ভিরতীবান্যৈরুদ্বহদ্রুধিরস্রবৈঃ।
নরৈঃ পতদ্ভিঃ পতিতৈরবনী স্বধিকং বভৌ॥ 7-49-28 (46734)
বাজিভিশ্চাপি নির্জীবৈঃ শ্বসদ্ভিঃ শোণিতোক্ষিতৈঃ।
সারোহৈর্বিষমা ভূমিঃ সৌভদ্রেণ নিপাতিতৈঃ॥ 7-49-29 (46735)
সাঙ্কুশৈঃ সমহামাত্রৈঃ সর্বমায়ুধকেতুভিঃ।
পর্বতৈরিব বিধ্বস্তৈর্বিশিখৈর্মথিতৈর্গজৈঃ॥ 7-49-30 (46736)
পৃথিব্যানুকীর্ণৈশ্চ অশ্বসারথিয়োধিভিঃ।
হদৈরিব প্রক্ষুভিতৈর্হৃতনাগৈ রথোত্তমৈঃ॥ 7-49-31 (46737)
পদাতিসঙ্ঘৈশ্চ হতৈর্বিবিধায়ুধভূষণৈঃ।
ভীরূণাং ত্রাসজননী ঘোররূপাঽভবন্মহী॥ 7-49-32 (46738)
তং দৃষ্ট্বা পতিতং ভূমৌ চন্দ্রার্কসদৃশদ্যুতিম্।
তাবকানাং পরা প্রীতিঃ পাণ্ডূনাং চাভবদ্ব্যথা॥ 7-49-33 (46739)
অভিমন্যৌ হতে রাজঞ্শিশুকেঽপ্রাপ্তয়ৌবনে।
সম্প্রাদ্রবচ্চমূঃ সর্বা ধর্মরাজস্য পশ্যতঃ॥ 7-49-34 (46740)
দীর্যমাণং বলং দৃষ্ট্বা সৌভদ্রে বিনিপাতিতে।
অজাতশত্রুস্তান্বীরানিদং বচনমব্রবীৎ॥ 7-49-35 (46741)
স্বর্গমেষ গতঃ শূরো যো হতো ন পরাঙ্মুখঃ।
সংস্তম্ভয়ত মাভৈষ্ট বিজেষ্যামো রণে রিপূন্॥ 7-49-36 (46742)
ইত্যেবং স মহাতেজা দুঃখিতেভ্যো মহাদ্যুতিঃ।
ধর্মরাজো যুধাং শ্রেষ্ঠো ব্রুবন্দুঃখমপানুদৎ॥ 7-49-37 (46743)
যুদ্ধে হ্যাশীবিষাকারান্রাজপুত্রান্রণে রিপূন্।
পূর্বং নিহত্য সঙ্গ্রামে পশ্চাদার্জুনিরভ্যযাৎ॥ 7-49-38 (46744)
হৎবা দশসহস্রাণি কৌসল্যং চ মহারথম্।
কৃষ্ণার্জুনসমঃ কার্ষ্ণিঃ শক্রলোকং গতো ধ্রুবম্॥ 7-49-39 (46745)
রথাশ্বনরমাতঙ্গান্বিনিহত্য সহস্রশঃ।
অবিতৃপ্তঃ স সঙ্গ্রামাদশোচ্যঃ পুণ্যকর্মকৃৎ। 7-49-40 (46746)
গতঃ পুণ্যকৃতাং লোকাঞ্শাশ্বতান্পুণ্যনির্জিতান্॥ ॥ 7-49-41 (46747)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধে একোনপঞ্চাশত্তমোঽধ্যায়ঃ॥ 49 ॥
Mahabharata - Drona Parva - Chapter Footnotes
5-49-18 উপপ্লুতং রাহুগ্রস্তম্॥ 5-49-19 কাকপক্ষাবৃতাক্ষিকং ইতি ঝ পাঠঃ॥ 5-49-30 বিশাখোন্মথিতৈর্গজৈঃ ইতি ক.পাঠঃ॥ 5-49-31 ব্যশ্বসারথিয়োধিভিঃ ইতি ক.পাঠঃ॥ 5-49-49 একোনপঞ্চাশত্তমোঽধ্যায়ঃ॥দ্রোণপর্ব - অধ্যায় 050
॥ শ্রীঃ ॥
7.50. অধ্যায়ঃ 050
Mahabharata - Drona Parva - Chapter Topics
যুদ্ধভূমিবর্ণনম্॥ 1 ॥Mahabharata - Drona Parva - Chapter Text
7-50-0 (46748)
সঞ্জয় উবাচ। 7-50-0x (4377)
বয়ং তু প্রবরং হৎবা তেষাং তৈঃ শরপীডিতাঃ।
নিবেশায়াভ্যুপায়ামঃ সায়াহ্নে রুধিরোক্ষিতাঃ॥ 7-50-1 (46749)
নিরীক্ষমাণাস্তু বয়ং পরে চায়োধনং শনৈঃ।
অপয়াতা মহারাজ গ্লানিং প্রাপ্তা বিচেতসঃ॥ 7-50-2 (46750)
ততো নিশায়া দিবসস্য চাশিবঃ
শিবারুতৈঃ সন্ধিরবর্ততাদ্ভুতঃ।
কুশেশয়াপীডনিভে দিবাকরে
বিলম্বমানেঽস্তমুপেত্য পর্বতম্॥ 7-50-3 (46751)
বরাসিশক্ত্যৃষ্টিবরূথচর্মণাং
বিভূষণানাং চ সমাক্ষিপন্প্রভাঃ।
দিবং চ ভূমিং চ সমানয়ন্নিব
প্রিয়াং তনুং ভানুরুপৈতি পাবকম্॥ 7-50-4 (46752)
মহাভ্রকূটাচলশৃঙ্গসন্নিভৈ--
র্গজৈরনেকৈরিব বজ্রপাতিতৈঃ।
সবৈজয়ন্ত্যঙ্কুশবর্ময়ন্তৃভি--
র্নিপাতিতৈর্নষ্টগতিশ্চিতা ক্ষিতিঃ॥ 7-50-5 (46753)
হতেশ্বরৈশ্চূর্ণিতচক্রকূবরৈ--
র্হতাশ্বসূতৈর্বিপতাককেতুভিঃ।
মহারথৈর্ভূঃ শুশুভে বিচূর্ণিতৈঃ
পুরৈরিবামিত্রহতৈর্নরাধিপ॥ 7-50-6 (46754)
রথাশ্ববৃন্দৈঃ সহসাদিভির্হতৈঃ
প্রবিদ্ধভাণ্ডাভরণৈঃ পৃথগ্বিধৈঃ।
নিরস্তজিহ্বাদশনান্ত্রলোচনৈ--
র্ধরা বভৌ ঘোরবিরূপদর্শনা॥ 7-50-7 (46755)
প্রবিদ্ধবর্মাভণাম্বরায়ুধা
বিপন্নহস্ত্যশ্বরথানুগা নরাঃ।
মহার্হশয়্যাস্তরণোচিতাস্তদা
ক্ষিতাবনাথা ইব শেরতে হতাঃ॥ 7-50-8 (46756)
অতীব হৃষ্টাঃ শ্বশৃগালবায়সা
বকাঃ সুপর্ণাশ্চ বৃকাস্তরক্ষবঃ।
বয়াংস্যসৃক্পান্যথ রক্ষসাং গণাঃ
পিশাচসঙ্ঘাশ্চ সুদারুণা রণে॥ 7-50-9 (46757)
ৎবচো বিনির্ভিদ্য পিবন্বসামসৃক্
তথৈব মজ্জাঃ পিশিতানি চাশ্নুবন্।
বপাং বিলুম্পন্তি হসন্তি গান্তি চ
প্রকর্ষমাণাঃ কুণপান্যনেকশঃ॥ 7-50-10 (46758)
শরীরসঙ্ঘাটবহা হ্যসৃগ্জলা
রথোডুপা কুঞ্জরশৈলসঙ্কটা।
মনুষ্যশীর্ষোপলমাংসকর্দমা
প্রবিদ্ধনানাবিধশস্ত্রমালিনী॥ 7-50-11 (46759)
ভয়াবহা বৈতরণীব দুস্তরা
প্রবর্তিতা যোধবরৈস্তদা নদী।
উবাহ মধ্যেন রণাজিরে ভৃশং
ভয়াবহা দীনমৃতপ্রবাহিনী॥ 7-50-12 (46760)
পিবন্তি চ স্নান্তি চ যত্র দুর্দৃশাঃ
পিশাচসঙ্ঘাস্তু নদন্তি ভৈরবাঃ।
সুনন্দিতাঃ প্রণভৃতাং ক্ষয়ংকরাঃ
সমানভক্ষাঃ শ্বসৃগালপক্ষিণঃ॥ 7-50-13 (46761)
তথা তদায়োধনমুগ্রদর্শনং
নিশামুখে পিতৃপতিরাষ্ট্রবর্ধনম্।
নিরীক্ষমাণঃ শনকৈর্জহুর্নরাঃ
সমুত্থিতা নৃত্তকবন্ধসঙ্কুলম্॥ 7-50-14 (46762)
অপেতবিধ্বস্তমহার্হভূষণং
নিপাতিতং শক্রসমং মহাবলম্।
রণেঽভিমন্যুং দদৃশুস্তদা জনা
ব্যপোঢহব্যং সদসীব পাবকম্॥ ॥ 7-50-15 (46763)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রয়োদশদিবসয়ুদ্ধাবহারে পঞ্চাশত্তমোঽধ্যায়ঃ॥ 50 ॥
দ্রোণপর্ব - অধ্যায় 051
॥ শ্রীঃ ॥
7.51. অধ্যায়ঃ 051
Mahabharata - Drona Parva - Chapter Topics
যুধিষ্ঠিরস্যাভিমন্যুমনুশোচ্য বিলাপঃ॥ 1 ॥Mahabharata - Drona Parva - Chapter Text
7-51-0 (46764)
সঞ্জয় উবাচ। 7-51-0x (4378)
হতে তস্মিন্মহাবীর্যে সৌভদ্রে রথয়ূথপে।
বিমুক্তরথসন্নাহাঃ সর্বে নিক্ষিপ্তকার্মুকাঃ॥ 7-51-1 (46765)
উপোপবিষ্টা রাজানং পরিবার্য যুধিষ্ঠিরম্।
তদেব যুদ্ধং ধ্যায়ন্তঃ সৌভদ্রগতমানসাঃ॥ 7-51-2 (46766)
ততো যুধিষ্ঠিরো রাজা বিললাপ সুদুঃখিতঃ।
ততো যুধিষ্ঠিরো রাজা বিললাপ সুদুঃখিতঃ। 7-51-3 (46767)
অভিমন্যৌ হতে বীরে ভ্রাতুঃ পুত্রে মহারথে॥ 7-51-4 (46768)
যুধিষ্ঠির উবাচ। 7-51-4x (4379)
এনং জিৎবা কৃপং শল্যং রাজানং চ সুয়োধনম্।
দ্রোঁণং দ্রৌণিং মহেষ্বাসং তথৈবান্যান্মহারথান্॥ 7-51-4 (46769)
দ্রোণানীকমসম্বাধং মম প্রিয়চিকীর্ষয়া।
`হৎবা শত্রুগণান্বীরানেষ শেতে মহারথঃ॥ 7-51-5 (46770)
কৃতাস্ত্রয়ু দ্ধকুশলান্মহেষ্বাসান্মহাবলান্।
কুলশঃ পূণৈর্যুক্তাঞ্ছূরান্বিখ্যাতপৌরুষান্॥ 7-51-6 (46771)
দ্রোণেন র্প্রাহেতং ব্যূহমভেদ্যমমরৈরপি।
অদৃষ্টপূর্বমস্মাভিঃ পদ্মং চক্রায়ুধপ্রিয়ঃ'॥ 7-51-7 (46772)
ভিত্ৎবা মধ্যং প্রবিষ্টোঽসৌ গোমধ্যমিব কেসরী।
`বিক্রীডিতং রণে তেন নিঘ্নতা বৈ পরান্বরান্'॥ 7-51-8 (46773)
যস্য শূরা মহেষ্বাসাঃ প্রত্যনীকগতা রণে।
প্রভগ্না বিনিবর্তন্তে কৃতাস্ত্রা যুদ্ধদুর্মদাঃ॥ 7-51-9 (46774)
অত্যন্তশত্রুরস্মাকং যেন দুঃশাসনঃ শরৈঃ।
ক্ষিপ্রং হ্যভিমুখঃ সঙ্খ্যে বিসংজ্ঞো বিমুখীকৃতঃ॥ 7-51-10 (46775)
স তীর্ৎবা দুস্তরং বীরো দ্রোণানীকমহার্ণবম্।
প্রাপ্য দৌঃশাসনিং কার্ষ্ণিঃ প্রাপ্তো বৈবস্বতক্ষয়ম্॥ 7-51-11 (46776)
কথং দ্রক্ষ্যামি কৌন্তেয়ং সৌভদ্রে নিহতেঽর্জুনম্।
সুভদ্রাং বা মহাভাগাং প্রিয়ং পুত্রমপশ্যতীম্॥ 7-51-12 (46777)
`হতবৎসাং যথা ধেনুং তদ্দৃর্শনকৃতোন্মুখীম্'।
কিংস্বিদ্বক্ষ্যাম্যপেতার্থমক্লিষ্টমসমঞ্জসম্।
তাবুভৌ প্রতিবক্ষ্যামি হৃষীকেশধনঞ্জয়ৌ॥ 7-51-13 (46778)
অহমেব সুভদ্রায়াঃ কেশবার্জুনয়োরপি।
প্রিয়কামো জয়াকাঙ্ক্ষী কৃতবানিদমপ্রিয়ম্॥ 7-51-14 (46779)
ন লুব্ধো বুধ্যতে দোষাঁল্লোভান্মোহাৎপ্রবর্ততে।
মধুলিপ্সুর্হি নাপশ্যং প্রপাতমহমীদৃশম্॥ 7-51-15 (46780)
যো হি ভোজ্যে পুরস্কার্যো যানেষু শয়নেষু চ।
ভূষণেষু চ সোঽস্মাভির্বালো যুধি পুরস্কৃতঃ॥ 7-51-16 (46781)
কথং হি বালস্তরুণো যুদ্ধানামবিশারদঃ।
সদশ্ব ইব সম্বাধে বিষমে ক্ষেমমর্হতি॥ 7-51-17 (46782)
নো চেদ্ধি বয়মপ্যেনং মহীমনুশয়ীমহি।
বীভৎসোঃ কোপদীপ্তস্য দগ্ধাঃ কৃপণচক্ষুষা॥ 7-51-18 (46783)
অলুব্ধো মিতমান্হীমান্ক্ষমাবান্রূপবান্বলী।
বপুষ্মান্মানকৃদ্বীরঃ প্রিয়ঃ সত্যপরাক্রমঃ॥ 7-51-19 (46784)
যস্য শ্লাঘন্তি বিবুধাঃ কর্মাণ্যূর্জিতকর্মণঃ।
নিবাতকবচাঞ্জঘ্নে কালকেয়াংশ্চ বীর্যবান্॥ 7-51-20 (46785)
মহেন্দ্রশত্রবো যেন হিরণ্যপুরবাসিনঃ।
অক্ষ্ণোর্নিমেষমাত্রেণ পৌলোভাঃ সগণা হতাঃ॥ 7-51-21 (46786)
পরেভ্যোঽপ্যভয়ার্থিভ্যো যো দদাত্যভয়ং বিভুঃ।
তস্যাস্মাভির্ন শকিতস্ত্রাতুমপ্যাত্মজো বলী॥ 7-51-22 (46787)
ভয়ং তু সুমহৎপ্রাপ্তং ধার্তরাষ্ট্রান্মহাবলান্।
পার্থঃ পুত্রবধাৎক্রুদ্ধঃ কৌরবাঞ্শোষয়িষ্যতি॥ 7-51-23 (46788)
ক্ষুদ্রঃ ক্ষুদ্রসহায়শ্চ স্বপক্ষক্ষয়কারকঃ।
ব্যক্তং দুর্যোধনো দৃষ্ট্বা শোচন্হাস্যতি জীবিতং॥ 7-51-24 (46789)
ন মে জয়ঃ প্রীতিকরো ন রাজ্যং
ন চামরৎবং ন সুরৈঃ সলোকতা।
ইমং সমীক্ষ্যাপ্রতিবীর্যপৌরুষং
নিপাতিতং দেববরাত্মজাত্মজম্॥ ॥ 7-51-25 (46790)
ইতি শ্রীমন্মহাভারতে দ্রোণপর্বণি অভিমন্যুবধপর্বণি একপঞ্চাশত্তমোঽধ্যায়ঃ॥ 51 ॥
Mahabharata - Drona Parva - Chapter Footnotes
5-51-5 অসংবাধং অপ্রতীঘাতম্॥ 5-51-13 অসমঞ্জসময়ুক্তরূপম্॥ 5-51-17 সম্বাধে গহনে॥ 5-51-19 এনং অভিমন্যুং অনুচেন্ন মহীং শয়ীমহি তদা ক্রোধদীপ্তস্য বীভৎসোঃ কৃপণেনাবসন্নেন চক্ষুষা দগ্ধা ভবেমহীত্যন্বয়ঃ॥ 5-51-19 বপুষ্মাংস্তেজস্বী॥ 5-51-51 একপঞ্চাশত্তমোঽধ্যায়ঃ॥দ্রোণপর্ব - অধ্যায় 052
॥ শ্রীঃ ॥
7.52. অধ্যায়ঃ 052
Mahabharata - Drona Parva - Chapter Topics
যুধিষ্ঠিরাশ্বাসনায় ব্যাসেন তম্প্রতি অকম্পনোপাখ্যানকথনোপক্রমঃ॥ 1 ॥Mahabharata - Drona Parva - Chapter Text
7-52-0 (46791)
সঞ্জয় উবাচ। 7-52-0x (4380)
এবং বিলপমানে তু কুন্তীপুত্রে যুধিষ্ঠিরে।
কৃষ্ণদ্বৈপায়নস্তত্র আজগাম মহানৃষিঃ॥ 7-52-1 (46792)
অথ দৃষ্ট্বা মহাত্মানং পাণ্ডুপুত্রো যুধিষ্ঠিরঃ।
যুক্তাসনো দীনমনাঃ পূজাং চক্রে মহাত্মনঃ॥ 7-52-2 (46793)
অর্চয়িৎবা যথান্যায়মুপবিষ্টং যুধিষ্ঠিরঃ।
অব্রবীচ্ছোকসন্তপ্তো ভ্রাতুঃ পুত্রবধেন চ॥ 7-52-3 (46794)
অধর্ময়ুক্তৈর্বহুভিঃ পরিবার্য মহারথৈঃ।
যুধ্যমানো মহেষ্বাসৈঃ সৌভদ্রো নিহতো রণে॥ 7-52-4 (46795)
বালশ্চ বালবুদ্ধিশ্চ বীরশ্চ পরবীরহা।
অনুপায়েন সঙ্গ্রামে যুধ্যমানো বিনাশিতঃ॥ 7-52-5 (46796)
ময়া প্রোক্তঃ স সঙ্গ্রামে দ্বারং সঞ্জনয়স্ব নঃ।
প্রবিষ্টেঽভ্যন্তরে তস্মিন্সৈন্ধবেন নিবারিতাঃ॥ 7-52-6 (46797)
ননু নাম সমং যুদ্ধমেষ্টব্যং যুদ্ধজীবিভিঃ।
ইদং চৈবাসমং যুদ্ধমীদৃশং যৎকৃতং পরৈঃ॥ 7-52-7 (46798)
তেনাস্মি ভৃশসন্তপ্তঃ শোকবাষ্পসমাকুলঃ।
শমং নৈবাধিগচ্ছামি চিন্তয়ানঃ পুনঃ পুনঃ॥ 7-52-8 (46799)
সঞ্জয় উবাচ। 7-52-9x (4381)
তং তথা বিলপন্তং বৈ শোকব্যাকুলমানসম্।
উবাচ সান্ৎবয়ন্ব্যাসো যুধিষ্ঠিরমিদং বচঃ॥ 7-52-9 (46800)
ব্যাস উবাচ। 7-52-10x (4382)
যুধিষ্ঠির মহাপ্রাজ্ঞ সর্বশাস্ত্রবিশারদ।
ব্যসনেষু ন মুহ্যন্তি ৎবাদৃশা ভরতর্ষভ॥ 7-52-10 (46801)
স্বর্গমেষ গতঃ শূরঃ শত্রূন্হৎবা বহূন্রণে।
অবালসদৃশং কর্ম কৃৎবা বৈ পুরুষোত্তমঃ॥ 7-52-11 (46802)
অনতিক্রমণীয়ো বৈ বিধিরেষ যুধিষ্ঠির।
দেবদানবগন্ধর্বান্মূত্যুর্হরতি ভারত॥ 7-52-12 (46803)
যুধিষ্ঠির উবাচ। 7-52-13x (4383)
ইমে বৈ পৃথিবীপালাঃ শেরতে পৃথিবীতলে।
নিহতাঃ পৃতনামধ্যে মৃতসংজ্ঞা মহাবলাঃ॥ 7-52-13 (46804)
নাগায়ুতবলাশ্চান্যে বায়ুবেগবলাস্তথা।
ত এতে নিহতাঃ সঙ্খ্যে তুল্যরূপা নরৈর্নরাঃ॥ 7-52-14 (46805)
নৈষাং পশ্যামি হন্তারং প্রাণিনাং সংয়ুগে ক্বচিৎ।
বিক্রমেণোপসম্পন্নাস্তপোবলসমন্বিতাঃ॥ 7-52-15 (46806)
জেতব্যমিতি চান্যোন্যং যেষাং নিত্যং হৃদি স্থিতম্।
অথ চেমে হতাঃ প্রাজ্ঞাঃ শেরতে বিগতায়ুষঃ॥ 7-52-16 (46807)
মৃতা ইতি চ শব্দোয়ং বর্ততে চ ততোঽর্থবৎ।
ইমে মৃতা মহীপালাঃ প্রায়শো ভীমবিক্রমাঃ॥ 7-52-17 (46808)
নিশ্চেষ্টা নিরভীমানাঃ শূরাঃ শত্রুবশংগতাঃ।
রাজপুত্রাশ্চ সংরব্ধা বৈশ্বানরমুখং গতাঃ॥ 7-52-18 (46809)
অত্র মে সংশয়ঃ প্রাপ্তঃ কুতঃ সংজ্ঞা মৃতা ইতি।
কস্য মৃত্যুঃ কুতো মৃত্যুঃ কেন মৃত্যুরিমাঃ প্রজাঃ।
হরত্যমরসঙ্কাশ তন্মে ব্রূহি পিতামহ॥ 7-52-19 (46810)
সঞ্জয় উবাচ। 7-52-20x (4384)
তং তথা পরিপৃচ্ছন্তং কুন্তীপুত্রং যুধিষ্ঠিরম্।
আশ্বাসনমিদং বাক্যমুবাচ ভগবানৃষিঃ॥ 7-52-20 (46811)
ব্যাস উবাচ। 7-52-21x (4385)
অত্রাপ্যুদাহরন্তীমমিতিহাসং পুরাতনম্।
অকম্পনস্য কথিতং নারদেন পুরা নৃপ॥ 7-52-21 (46812)
স চাপি রাজা রাজেন্দ্র পুত্রব্যসনমুত্তমম্।
অপ্রসহ্যতমং লোকে প্রাপ্তবানিতি নঃ শ্রুতম্॥ 7-52-22 (46813)
তদহং সম্প্রবক্ষ্যামি মৃত্যোঃ প্রভবমুত্তমম্।
ততস্ৎবং মোক্ষ্যসে দুঃখাৎস্নেহবন্ধনসংশ্রয়াৎ॥ 7-52-23 (46814)
সমস্তপাপরাশিঘ্নং শৃণু কীর্তয়তো মম।
ধন্যমাখ্যানমায়ুষ্যং শোকঘ্নং পুষ্টিবর্ধনম্॥ 7-52-24 (46815)
পবিত্রমরিসঙ্ঘঘ্নং পঙ্গলানাং চ মঙ্গলম্।
যথৈব বেদাধ্যযনমুপাখ্যানমিদং তথা॥ 7-52-25 (46816)
শ্রবণীয়ং মহারাজ প্রাতর্নিত্যং নৃপোত্তমৈঃ।
পুত্রানায়ুষ্মতো রাজ্যমীহমানৈঃ শ্রিয়ং তথা॥ 7-52-26 (46817)
পুরা কৃতয়ুগে তাত আসীদ্রাজা হ্যকম্পনঃ।
স শত্রুবশমাপন্নো মধ্যে সঙ্গ্রামমূর্ধনি।
`যোধয়ামাস বলবান্বদ্ধশ্চাসীদকম্পনঃ'॥ 7-52-27 (46818)
তস্য পুত্রো হরির্নাম নারায়ণসমো বলে।
শ্রীমান্কৃতাস্ত্রো মেধাবী যুধি শক্রোপমো বলী॥ 7-52-28 (46819)
`স দৃষ্ট্বা পিতরং যুদ্ধে তদবস্থং মহাদ্যুতিঃ।
অচিন্তয়িৎবা মরণং শত্রুমধ্যং ততোঽবিশৎ॥ 7-52-29 (46820)
স শত্রুভিঃ পরিবৃতো বহুধা রণমূর্ধনি।
যোধয়ামাস তান্সর্বান্সর্বাস্ত্রকুশলো বলী॥ 7-52-30 (46821)
বর্ষন্বাণসহস্রাণি শত্রুষ্বমিতবিক্রমঃ।
পদাতিরথনাগাশ্বান্প্রমমাথ মহাবলঃ॥ 7-52-31 (46822)
স শরৈরাচিতশ্চক্রৈর্গদাভির্মুসলৈরপি।
মৃদ্গন্রথসহস্রাণি পদাতীন্বাজিবারণান্॥ 7-52-32 (46823)
পরানীকং বিভিদ্যাজৌ মোক্ষয়িৎবা চ তং নৃপম্।
পুনরেবাকরোদ্যুদ্ধং শত্রুমধ্যগতো বলী॥ 7-52-33 (46824)
ততস্তে রথিনঃ সর্বে সমেত্য পুনরাহবে।
জঘ্নুস্তং পরিবার্যৈকং তোমরৈরিব কুঞ্জরম্'॥ 7-52-34 (46825)
স কর্ম দুষ্করং কৃৎবা সঙ্গ্রামে শত্রুতাপনঃ।
শত্রুভির্নিহতঃ সঙ্খ্যে পৃতানায়াং যুধিষ্ঠির॥ 7-52-35 (46826)
দ্বিষদ্ভির্নিহতং দৃষ্ট্বা প্রিয়ং পুত্রমকম্পনঃ।
অমর্ষজনিতক্রোধ আহবাৎসহসাঽঽগতঃ॥ 7-52-36 (46827)
স রাজা প্রেতকৃত্যানি তস্য কৃৎবা শুচান্বিতঃ।
শোচন্নহনি রাত্রৌ চ নালভৎসুখমাত্মনঃ॥ 7-52-37 (46828)
তস্য শোকং বিদিৎবা তু পুত্রব্যসনসম্ভবম্।
আজগামাথ দেবর্ষির্নারদোঽস্য সমীপতঃ॥ 7-52-38 (46829)
স তু রাজা মহাভাগো দৃষ্ট্বা দেবর্ষিসত্তমম্।
পূজয়িৎবা যথান্যায়ং কথামকথয়ত্তদা॥ 7-52-39 (46830)
তস্য সর্বং সমাচষ্ট যথাবৃত্তং যুধিষ্ঠির।
শত্রুভির্বিজয়ং সঙ্খ্যে পুত্রস্য চ বধং তথা॥ 7-52-40 (46831)
অকম্পন উবাচ। 7-52-41x (4386)
মম পুত্রো মহাবীর্য ইন্দ্রবিষ্ণুসমদ্যুতিঃ।
শত্রুভির্বহুভিঃ সঙ্খ্যে পরাক্রম্য হতো বলী॥ 7-52-41 (46832)
শৃণু মে প্রাণিনাং চাপি মৃত্যুঃ প্রভবতে কিল।
ক এষ মৃত্যুর্ভগবন্কিংবীর্যবলপৌরুষঃ।
এতদিচ্ছামি তত্ৎবেন শ্রোতুং মতিমতাং বর॥ 7-52-42 (46833)
ব্যাস উবাচ। 7-52-43x (4387)
তস্য তদ্বচনং শ্রুৎবা নারদো বরদঃ প্রভুঃ।
আখ্যানমিদমাচষ্ট পুত্রশোকাপহং মহৎ॥ 7-52-43 (46834)
নারদ উবাচ। 7-52-44x (4388)
শৃণু রাজন্মহাবাহো আখ্যানং বহুবিস্তরম্।
যথাবৃত্তং শ্রুতং চৈব ময়াঽপি বসুধাধিপ॥ 7-52-44 (46835)
প্রজাঃ সৃষ্টা তদা ব্রহ্মা আদিসর্গে পিতামহঃ।
অসংহৃতং মহাতেজা দৃষ্ট্বা জগদিদং প্রভুঃ॥ 7-52-45 (46836)
তস্য চিন্তা সমুৎপন্না সংহারং প্রতি পার্থিব।
চিন্তয়ন্ন হ্যসৌ দেব সংহারং বসুধাধিপ॥ 7-52-46 (46837)
তস্য রোষান্মহারাজ মুখেভ্যোঽগ্নিরজায়ত।
তেন সর্বা দিশো ব্যাপ্তাঃ সান্তর্দেশা দিধক্ষতা॥ 7-52-47 (46838)
ততো দিবং ভুবং চৈব জ্বালামালাসমাকুলম্।
চারচরং জগৎসর্বং দদাহ ভগবান্প্রভুঃ॥ 7-52-48 (46839)
ততো হতানি ভূতানি চরাণি স্থাবরাণি চ।
মহতা ক্রোধবেগেন ত্রাসয়ন্নিব বীর্যবান্। 7-52-49 (46840)
ততো রুদ্রো জটী স্যাণুর্নিশাচরপতির্হরঃ।
জগাম শরণং দেবং ব্রহ্মাণং পরমেষ্ঠিনম্॥ 7-52-50 (46841)
তস্মিন্নাপতিতে স্থাণৌ প্রজানাং হিতকাম্যযা।
অব্রবীৎপরমো দেবো জ্বলন্নিব মহামুনিঃ॥ 7-52-51 (46842)
কিং কর্ম কামং কামার্হ কামাজ্জাতোঽসি পুত্রক।
করিষ্যামি প্রিয়ং সর্বং ব্রূহি স্থাণো যদিচ্ছসি॥ ॥ 7-52-52 (46843)
ইতি শ্রীমন্মহাভারতে দ্রোণপর্বণি অভিমন্যুবধপর্বণি দ্বিপঞ্চাশত্তমোঽধ্যায়ঃ॥ 52 ॥
Mahabharata - Drona Parva - Chapter Footnotes
5-52-6 দ্বারং সঞ্জনয়স্বেতি ময়া উক্ত ইতি সম্বন্ধঃ। নিবারিতঃ তমনুপ্রবিশন্ত ইতি শেষঃ॥ 5-52-19 কস্য মৃত্যুঃ ক ইতি শেষঃ॥ 5-52-47 খেভ্য ইতি পাঠে শ্রোত্রাদিচ্ছিদ্রেভ্যঃ॥ 5-52-52 দ্বিপঞ্চাশত্তমোঽধ্যায়ঃ॥দ্রোণপর্ব - অধ্যায় 053
॥ শ্রীঃ ॥
7.53. অধ্যায়ঃ 053
Mahabharata - Drona Parva - Chapter Topics
ব্রহ্মরুদ্রসংবাদঃ॥ 1 ॥ ব্রহ্মণা প্রজাসংহারায় মৃত্যুদেবীসর্জনম্॥ 2 ॥Mahabharata - Drona Parva - Chapter Text
7-53-0 (46844)
স্থাণুরুবাচ। 7-53-0x (4389)
প্রজাসর্গনিমিত্তং হি কৃতো যত্নস্ৎবয়া বিভো।
ৎবয়া সৃষ্টাশ্চ বৃদ্ধাশ্চ ভূতগ্রামাঃ পৃথগ্বিধাঃ॥ 7-53-1 (46845)
তাস্তবেহ পুনঃ ক্রোধাৎপ্রজা নশ্যন্তি সর্বশঃ।
তা দৃষ্ট্বা মম কারুণ্যং প্রসীদ ভগবন্প্রভো॥ 7-53-2 (46846)
ব্রহ্মোবাচ। 7-53-3x (4390)
সংহর্তুং ন চ মে কাম এতদেবং ভবেদিতি।
পৃথিব্যা হিতকামং তু ততো মাং মন্যুরাবিশৎ॥ 7-53-3 (46847)
ইয়ং সন্না তদা দেবী ভারার্তা সমচূচুদৎ।
সংহারার্থং মহাদেব ভারেণাভিহতা সতী॥ 7-53-4 (46848)
ততোঽহং নাধিগচ্ছামি বুদ্ধ্যা বহু বিচারয়ন্।
সংহারমপ্রমেয়স্য ততো মাং মন্যুরাবিশৎ॥ 7-53-5 (46849)
রুদ্র উবাচ। 7-53-6x (4391)
সংহারার্থং প্রসীদস্ব মারুষো বসুধাধিপ।
মা প্রজাঃ স্থাবরাশ্চৈব জঙ্গমাশ্চ ব্যনীনশঃ॥ 7-53-6 (46850)
তব প্রসাদাদ্ভগবন্নিদং বর্তেত্ত্রিধা জগৎ।
অনাগতমতীতং চ যচ্চ সম্প্রতি বর্ততে॥ 7-53-7 (46851)
ভগবন্ক্রোধসন্দীপ্তঃ ক্রোধাদগ্নিমবাসৃজৎ।
স দহত্যশ্মকূটানি দ্রুমাংশ্চ সরিতস্তথা॥ 7-53-8 (46852)
পল্বলানি চ সর্বাণি সর্বৈ চৈব তৃণোলপাঃ।
স্থাবরং জঙ্গমং চৈব নিঃশেষং কুরুতে জগৎ॥ 7-53-9 (46853)
তদেতদ্ভস্মসাদ্ভূতং জগৎস্থাবরজঙ্গমম্।
প্রসীদ ভগবন্স ৎবং রোষো ন স্যাদ্বরো মম॥ 7-53-10 (46854)
সর্বে হি সৃষ্টা নশ্যন্তি তব দেব কথংচন।
তস্মান্নিবর্ততাং তেজস্ৎবয়্যেবেদং প্রলীয়তাম্॥ 7-53-11 (46855)
উপায়মন্যং সম্পশ্য প্রজানাং হিতকাম্যযা।
যথেমে প্রাণিনঃ সর্বে নির্বর্তেরংস্তথা কুরু॥ 7-53-12 (46856)
অভাবং নেহ গচ্ছেয়ুরুৎসন্নজননাঃ প্রজাঃ।
ভবতা হি নিয়ুক্তোঽহং প্রানাং পালনে বিভা।
দয়া তে ন সমুৎপন্না প্রজাসু বিবুধেশ্বর॥ 7-53-13 (46857)
মা বিনশ্যেজ্জগন্নাথ জগৎস্থাবরজঙ্গমম্।
প্রসাদাভিমুখং দেবং তস্মাদেবং ব্রবীম্যহম্॥ 7-53-14 (46858)
নারদ উবাচ। 7-53-15x (4392)
শ্রুৎবা হি বচনং দেবঃ প্রজানাং হিতকারণে।
তেজঃ সন্ধারয়ামাস পুনরেবান্তরাত্মনি॥ 7-53-15 (46859)
ততোঽগ্নিমুপসংহৃত্য ভগবাঁল্লোকসৎকৃতঃ।
প্রবৃত্তং চ নিবৃত্তং চ কল্পয়ামাস বৈ প্রভুঃ॥ 7-53-16 (46860)
উপসংহরতস্তস্য তমগ্নিং রোষজং তথা।
প্রাদুর্বভূব বিশ্বেভ্যো গোভ্যোনারী মহাত্মনঃ॥ 7-53-17 (46861)
কৃষ্ণরক্তা তথা পিঙ্গা রক্তজিহ্বাস্যলোচনা।
কুণ্ডলাভ্যাং চ রাজেন্দ্র তপ্তাভ্যাং তপ্তভূষণা॥ 7-53-18 (46862)
সা নিঃসৃত্য তথা খেভ্যো দক্ষিণাং দিশমাশ্রিতা।
স্ময়মানা চ সাঽবেক্ষ্য দেবৌ বিশ্বেশ্বরাবুভৌ॥ 7-53-19 (46863)
`তাং তু তত্র তদা দেবীং ব্রহ্মা লোকপিতামহঃ।
উক্তবান্মধুরং বাক্যং সান্ৎবয়িৎবা পুনঃ পুনঃ'।
মৃত্যো ইতি মহীপাল জহি চেমাঃ প্রজা ইতি॥ 7-53-20 (46864)
ৎবং হি সংহারবুদ্ধ্যাঽথ প্রাদুর্ভূতা রুষো মম।
তস্মাৎসংহর সর্বাস্ৎবং প্রজাঃ সজডপণ্ডিতাঃ॥ 7-53-21 (46865)
অবিশেষেণ চৈব ৎবং প্রজাঃ সংহর ভামিনি।
মম ৎবং হি নিয়োগেন ততঃ শ্রেয়ো হ্যবাপ্স্যাসি॥ 7-53-22 (46866)
নারদ উবাচ। 7-53-23x (4393)
এবমুক্তা তু সা তেন মৃত্যুঃ কমললোচনা।
প্রারুদদ্ভৃশসংবিগ্না প্রাপতন্নশ্রুবিন্দবঃ॥ 7-53-23 (46867)
পাণিভ্যাং প্রতিজগ্রাহ তান্যশ্রূণি পিতামহঃ।
সর্বভূতহিতার্থায় তাং চাপ্যনুনয়ত্তদা॥ ॥ 7-53-24 (46868)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ত্রিপঞ্চাশত্তমোঽধ্যায়ঃ॥ 53 ॥
Mahabharata - Drona Parva - Chapter Footnotes
5-53-2 কারুণ্যং জাতমিতি শেষঃ॥ 5-53-5 অপ্রমেয়স্যানন্তস্য জগত ইতি শেষঃ। অহিংস্যস্যেতিবার্থঃ॥ 5-53-6 সংহারার্থং মারুষঃ রোষং মাকার্ষীঃ কিন্তু প্রসীদস্ব॥ 5-53-10 তব রোষো ন স্যাদিতি মম মহ্যং বরোঽস্ৎবিতি যোজনা॥ 5-53-13 উৎসন্নজননাঃ প্রক্ষীণসন্তানাঃ॥ 5-53-16 প্রবৃত্তং কর্ম সৃষ্টিহেতুম্। নিবৃত্তং কর্ম মোক্ষহেতুম্॥ 5-53-17 গোভ্য ইন্দ্রিয়চ্ছিদ্রেভ্যঃ॥ 5-53-19 দেবৌ ব্রহ্মরুদ্রৌ॥ 5-53-20 মরুণং মৃৎপ্রাণবিয়োগস্তমন্যস্যেচ্ছতীতি মৃত্যুরিত্মর্থঃ। ইতি আহেতি শেষঃ॥ 5-53-21 রুষো রোষাৎ॥ 5-53-53 ত্রিপঞ্চাশত্তমোঽধ্যায়ঃ॥দ্রোণপর্ব - অধ্যায় 054
॥ শ্রীঃ ॥
7.54. অধ্যায়ঃ 054
Mahabharata - Drona Parva - Chapter Topics
নারদেন মৃত্যুব্রহ্মসংবাদকথনেন অকম্পনস্য শোকপরিহরণম্॥ 1 ॥ ব্যাসেনাকম্পনোপাখ্যানকথনাৎ যুধিষ্ঠিরস্য শোকাপনোদনম্॥ 2 ॥Mahabharata - Drona Parva - Chapter Text
7-54-0 (46869)
নারদ উবাচ। 7-54-0x (4394)
বিনীয় দুঃকমবলা আত্মন্যেব প্রজাপতিম্।
উবাচ প্রাঞ্জলির্ভূৎবা লতেবাবর্জিতা পুনঃ॥ 7-54-1 (46870)
মৃত্যুরুবাচ। 7-54-2x (4395)
ৎবয়া সৃষ্টা কথং নারী ঈদৃশী বদতাং বর।
ক্রূরং কর্মাহিতং কুর্যাং মূঢেব পরিজানতী॥ 7-54-2 (46871)
বিভেম্যহমধর্মাদ্ধি প্রসীদ ভগবন্প্রভো।
প্রিয়ান্পুত্রান্বয়স্যাংশ্চ ভাতৃন্মাতৄঃ পিতৄন্পতীন্॥ 7-54-3 (46872)
অপধ্যাস্যন্তি যে দেব মৃতাংস্তেভ্যো বিভেম্যহম্।
কৃপণানাং হি রুদতাং যে পতন্ত্যশ্রুবিন্দবঃ॥ 7-54-4 (46873)
তেভ্যোঽহং ভগবন্ভীতা শরণং ৎবাঽহমাগতা।
যমস্য ভবনং দেব গচ্ছেয়ং ন সুরোত্তম॥ 7-54-5 (46874)
কায়েন বিনয়োপেতা মূর্ধ্নোদগ্রনখেন চ।
এতদিচ্ছাম্যহং কামং ৎবত্তো লোকপিতামহ॥ 7-54-6 (46875)
ইচ্ছেয়ং ৎবৎপ্রসাদাদ্ধি তপস্তপ্তুং প্রজেশ্বর।
প্রদিশেমং বরং দেব ৎবং মহ্যং ভগবন্প্রভো॥ 7-54-7 (46876)
ৎবয়া হ্যুক্তা গমিষ্যামি ধেনুকাশ্রমমুত্তমম্।
তত্র তপ্স্যে তপস্তীত্রং তবৈবারাধনে রতা॥ 7-54-8 (46877)
ন হি শক্ষ্যামি দেবেশ প্রাণান্প্রাণভৃতাং প্রিয়ান্।
হর্তুং বিলপমানানামধর্মাদভিরক্ষ মাম্॥ 7-54-9 (46878)
ব্রহ্মোবাচ। 7-54-10x (4396)
মৃত্যো সঙ্কল্পিতাঽসি ৎবং প্রজাসংহারহেতুনা।
গচ্ছ সংহর সর্বাস্ৎবং প্রজা মা তে বিচারণা॥ 7-54-10 (46879)
ভবিতা ৎবেতদেবং হি নৈতজ্জাৎবন্যথা ভবেৎ।
ভব ৎবনিন্দিতা লোকে কুরুষ্ব বচনং মম॥ 7-54-11 (46880)
নারদ উবাচ। 7-54-12x (4397)
এবমুক্তা ভগবতা প্রাঞ্জলিশ্চাপ্যবাঙ্মুখী।
সংহারে নাকরোদ্বুদ্ধিং প্রজানাং হিতকাম্যযা॥ 7-54-12 (46881)
তূষ্ণীমাসীত্তদা দেবঃ প্রজানামীশ্বরেশ্বরঃ।
প্রসাদং চাগমৎক্ষিপ্রমাত্মনৈব প্রজাপতিঃ॥ 7-54-13 (46882)
স্ময়মানশ্চ দেবেশো লোকান্সর্বানবেক্ষ্য চ।
লোকাস্ৎবাসন্যথাপূর্বং দৃষ্টাস্তেনাপমন্যুনা॥ 7-54-14 (46883)
নিবৃত্তরোষে তস্মিংস্তু ভগবত্যপরাজিতে।
সা কন্যাঽপি জগামাঽথ সমীপাত্তস্য ধীমতঃ॥ 7-54-15 (46884)
অপমৃত্যাপ্রতিশ্রুত্য প্রজাসংহরণং তদা।
ৎবরমাণা চ রাজেন্দ্র মৃত্যুর্ধেনুকমভ্যগাৎ॥ 7-54-16 (46885)
সা তত্র পরমং তীব্রং চচার ব্রতমুত্তমম্।
সা তদ হ্যেকপাদেন তস্থৌ পদ্মানি ষোডশ॥ 7-54-17 (46886)
পঞ্চ চাব্দানি কারুণ্যাৎপ্রজানাং তু হিতৈষিণী।
ইন্দ্রিয়াণীন্দ্রিয়ার্থেভ্যঃ প্রিয়েভ্যঃ সন্নিবর্ত্য সা॥ 7-54-18 (46887)
ততস্ৎবেকেন পাদেন পুনরন্যানি সপ্ত বৈ।
তস্থৌ পদ্মানি ষট্ চৈব সপ্ত চৈকং চ পার্থিবা॥ 7-54-19 (46888)
ততঃ পদ্মায়ুতং তাত মৃগৈঃ সহ চচার সা।
পুনর্গৎবা ততো নন্দাং পুণ্যাং শীতামলোদকাম্॥ 7-54-20 (46889)
অপ্সু বর্ষসহস্রাণি সপ্ত চৈকং চ সাঽনয়ৎ।
ধারয়িৎবা তু নিয়মং নন্দায়াং বীতকল্মষা॥ 7-54-21 (46890)
সা পূর্বং কৌশিকীং পুণ্যাং জগাম নিয়মৈধিতা।
তত্র বায়ুজলাহারা চচার নিয়মং পুনঃ॥ 7-54-22 (46891)
সপ্তগঙ্গাসু সা পুণ্যা কন্যা বেতসকেষু চ।
তপোবিশেষৈর্বহুভিঃ কর্ষয়দ্দেহমাত্মনঃ॥ 7-54-23 (46892)
ততো গৎবা তু সা গঙ্গাং মহামেরুং চ কেবলম্।
তস্থৌ চাশ্মেব নিশ্চেষ্টা প্রাণায়ামপরায়ণা॥ 7-54-24 (46893)
পুনর্হিমবতো মূর্ধ্নি যত্র দেবাঃ পুরাঽয়জন্।
তত্রাঙ্গুষ্ঠেন সা তস্থৌ নিখর্বংল পরমা শুভা॥ 7-54-25 (46894)
পুষ্করেষ্বথ গোকর্ণে নৈমিষে মলয়ে তথা।
অকর্শয়ৎস্বকং দেহং নিয়মৈর্মানসপ্রিয়ৈঃ॥ 7-54-26 (46895)
অনন্যদেবতা নিত্যং দৃঢভক্তা পিতামহে।
তস্থৌ পিতামহং চৈব তোষয়ামাস ধর্মতঃ॥ 7-54-27 (46896)
ততস্তামব্রবীৎপ্রীতো লোকানাং প্রভবোঽব্যযঃ।
সৌম্যেন মনসা রাজন্প্রীতঃ প্রীতমনাস্তদা॥ 7-54-28 (46897)
মৃত্যো কিমিদমত্যন্তং তপাংসি চরসীতি হ।
ততোঽব্রবীৎপুনর্মৃত্যুর্ভগবন্তং পিতামহম্॥ 7-54-29 (46898)
নাঽহং হন্যাং প্রজা দেব স্বস্থাশ্চাক্রোশতীস্তথা।
এতদিচ্ছামি সর্বেশ ৎবত্তো বরমহং প্রভো॥ 7-54-30 (46899)
অধর্মভয়ভীতাঽস্মি ততোঽহং তপ আস্থিতা।
ভীতায়াস্তু মহাভাগ প্রয়চ্ছাভয়মব্যয॥ 7-54-31 (46900)
আর্তা চানাগসী নারী যাচামি ভব মে গতিঃ।
তামব্রবীত্ততো দেবো ভূতভব্যভবিষ্যবিৎ॥ 7-54-32 (46901)
অধর্মো নাস্তি তে মৃত্যো সংহরন্ত্যা ইমাঃ প্রজাঃ।
ময়া চোক্তং মৃষা ভদ্রে ভবিতা ন কথঞ্চন॥ 7-54-33 (46902)
তস্মাৎসংহর কল্যাণি প্রজাঃ সর্বাশ্চতুর্বিধাঃ।
ধর্মঃ সনাতনশ্চ ৎবাং সর্বথা পাবয়িষ্যতি॥ 7-54-34 (46903)
লোকপালো যমশ্চৈব সহায়া ব্যাধয়শ্চ তে।
অহং চ বিবুধাশ্চৈব পুনর্দাস্যাম তে বরম্॥ 7-54-35 (46904)
যথা ৎবমেনসা মুক্তা বিরজাঃ খ্যাতিমেষ্যসি। 7-54-36 (46905)
নারদ উবাচ।
সৈবমুক্তা মহারাজ কৃতাঞ্জলিরিদং বিভুম্। 7-54-36x (4398)
পুনরেবাব্রবীদ্বাক্যং প্রসাদ্য শিরসা তদা।
যদ্যেবমেতৎকর্তব্যং ধর্মতো নাস্ত্যতো ভয়ম্॥ 7-54-37 (46906)
তবাজ্ঞা মূর্ধ্নি মে ন্যস্তা যত্তে বক্ষ্যামি তচ্ছৃণু।
লোভঃ ক্রোধোঽভ্যসূয়ের্ষ্যা দ্রোহো মোহশ্চ দেহিনাং॥ 7-54-38 (46907)
অহূশ্চান্যোন্যপরুষা দেহং ভিন্দ্যুঃ পৃথিগ্বধাঃ। 7-54-39 (46908)
ব্রহ্মোবাচ। 7-54-39x (4399)
তথা ভবিষ্যতে মৃত্যো সাধু সংহর ভোঃ প্রজাঃ।
অধর্মস্তে ন ভবিতা নাপধ্যাস্যাম্যহং শুভে॥ 7-54-39 (46909)
যান্যশ্রুবিন্দূনি করে মমাসং--
স্তে ব্যাধয়ঃ প্রাণিনামাত্মজাতাঃ।
তে মারয়িষ্যন্তি নরান্গতাসূ--
ন্নাধর্মস্তে ভবিতা মা স্ম ভৈষীঃ॥ 7-54-40 (46910)
নাধর্মস্তে ভবিতা প্রাণিনাং বৈ
ৎবং বৈ ধর্মস্ৎবং হি ধর্মস্য চেশা।
ধর্ম্যা ভূৎবা ধর্মনিত্যা ধরিত্রী
তস্মাৎপ্রাণান্সর্বথেমান্নিয়চ্ছ॥ 7-54-41 (46911)
`প্রাপ্তা তথা নো ভবিতা কদাচি--
দেবং ময়াদ্যৈব নিয়োজ্যসে ৎবম্'।
সর্বেষাং বৈ প্রাণিনাং কামরোষৌ
সন্ত্যজ্য ৎবং সংহরস্বেহ জীবান্।
যেষাং ধর্মাস্তে ভবিষ্যন্ত্যনন্তা
মিথ্যাবৃত্তং মারয়িষ্যত্যধর্মঃ॥ 7-54-42 (46912)
তেনাত্মানং পাবয়স্বাত্মনা ৎবং
পাপেঽঽত্মানং মজ্জয়িষ্যন্ত্যসত্যাৎ।
তস্মাৎকামং রোষমপ্যাগতং ৎবং
সন্ত্যজ্যান্তঃ সংহরস্বেতি জীবান্॥ 7-54-43 (46913)
নারদ উবাচ। 7-54-44x (4400)
সা বৈ ভীমা মৃত্যুসংজ্ঞোপদেশা--
চ্ছাপাদ্ভীতা বাঢমিত্যব্রবীত্তম্।
সা চ প্রাণং প্রাণিনামন্তকালে
কামক্রোধৌ ত্যজ্য হরত্যসক্তা॥ 7-54-44 (46914)
মৃত্যুস্ৎবেষাং ব্যাধয়স্তৎপ্রসূতা
ব্যাধী রোগো রুজ্যতে যেন জন্তুঃ।
সর্বেষাং চ প্রাণিনাং প্রায়ণান্তে
তস্মাচ্ছোকং মাকৃথা নিষ্ফলং ৎবম্॥ 7-54-45 (46915)
সর্বে দেবাঃ প্রাণিভিঃ প্রায়ণান্তে
গৎবা বৃত্তাঃ সন্নিবৃত্তাস্তথৈব।
এবং সর্বে প্রাণিনস্তত্র গৎবা
বৃত্তা দেবা মর্ত্যবদ্রাজসিংহ॥ 7-54-46 (46916)
বায়ুর্ভীমো ভীমনাদো মহৌজা
ভেত্তা দেহান্প্রাণিনাং সর্বগোঽসৌ।
নো বা বৃত্তিং কদাচি--
ৎপ্রাপ্নোত্যুগ্রোঽনন্ততেজোবিশিষ্টঃ॥ 7-54-47 (46917)
সর্বে দেবা মর্ত্যসংজ্ঞাবিশিষ্টা--
স্তস্মাৎপুত্রং মাশুচো রাজসিংহ।
স্বর্গং প্রাপ্তো মোদতে তে তনূজো
নিত্যং রম্যান্বীরলোকানবাপ্য॥ 7-54-48 (46918)
ত্যক্ৎবা দুঃখং সঙ্গতঃ পুণ্যকৃদ্ভি--
রেষা মৃত্যুর্দেবদিষ্টা প্রজানাম্।
প্রাপ্তে কালে সংহরন্তী যথাব--
ৎস্বয়ং কৃতা প্রাণহরা প্রজানাম্॥ 7-54-49 (46919)
আত্মানং বৈ প্রাণিনো ঘ্নন্তি সর্বে
নৈতান্মৃত্যুর্দণ্ডপাণির্হিনস্তি।
তস্মান্মৃতান্নানুশোচন্তি ধীরা
মৃত্যুং জ্ঞাৎবা নিশ্চয়ং ব্রহ্মসৃষ্টম্।
ইত্থং সৃষ্টিং দেবক্লৃপ্তাং বিদিৎবা
পুত্রান্নষ্টাচ্ছোকমাশু ত্যজস্ব॥ 7-54-50 (46920)
দ্বৈপায়ন উবাচ। 7-54-51x (4401)
এতচ্ছ্রুৎবার্থবদ্বাক্যং নারদেন প্রকাশিতম্।
উবাচাকম্পনো রাজা সখায়ং নারদং তথা॥ 7-54-51 (46921)
ব্যপেতশোকঃ প্রীতোঽস্মি ভগবন্নৃষিসত্তম।
শ্রুৎবেতিহাসং ৎবত্তস্তু কৃতার্থোঽস্ম্যভিবাদয়ে॥ 7-54-52 (46922)
তথোক্তো নারদস্তেন রাজ্ঞা দেবর্ষিসত্তমঃ।
জগাম নন্দনং শীঘ্রমশোকবনমাত্মনঃ॥ 7-54-53 (46923)
পুণ্যং যশস্যং স্বর্গ্যং চ ধন্যমায়ুষ্যমেব চ।
অস্যেতিহাসস্য সদা শ্রবণং শ্রাবণং তথা॥ 7-54-54 (46924)
এতদর্থপদং শ্রুৎবা তদা রাজা যুধিষ্ঠির।
ক্ষত্রধর্মং চ বিজ্ঞায় শূরাণাং চ পরাং গতিম্।
সম্প্রাপ্তোঽসৌ মহাবীর্যঃ স্বর্গলোকং মহারথঃ॥ 7-54-55 (46925)
অভিমন্যুঃ পরান্হৎবা প্রমুখে সর্বধন্বিনাম্।
যুধ্যমানো মহেষ্বাসো হতঃ সোঽভিমুখো রণে॥ 7-54-56 (46926)
অসিনা গদয়া শক্ত্যা ধনুষা চ মহারথঃ।
বিরজাঃ সোমসূনুঃ স পুনস্তত্র প্রলীয়তে॥ 7-54-57 (46927)
তস্মাৎপরাং ধৃতিং কৃৎবা ভ্রাতৃভিঃ সহ পাণ্ডব।
অপ্রমত্তঃ সুসন্নদ্ধঃ শীঘ্রং যোদ্ধুমুপাক্রম॥ ॥ 7-54-58 (46928)
ইতি শ্রীমন্মহাভারতে দ্রোণপর্বণি অভিমন্যুবধপর্বণি চতুঃপঞ্চাশোঽধ্যায়ঃ॥ 54 ॥
Mahabharata - Drona Parva - Chapter Footnotes
5-54-6 উদগ্রনখেন অঞ্জলিনা। বিনয়োপেতা শরণাগতাস্মীত্যর্থঃ॥ 5-54-14 অপমন্যুনা গতামর্ষেণেত্যর্থঃ॥ 5-54-16 অপ্রতিশ্রুত্যানঙ্গীকৃত্য॥ 5-54-17 পদ্মং শতং কোঠ্যো বর্ষাণি তানি ষোডশ পঞ্চ চ॥ 5-54-39 অন্যোন্যপরুষা বাগিতি শেষঃ॥ 5-54-45 প্রায়ণান্তে আয়ুষ্যকর্মণোঽবসানে॥ 5-54-46 সর্বে ইতি। দেবা ইন্দ্রিয়াণি। প্রাণিভিঃ জীবৈঃ) সহ। গৎবা তত্রৈব পরলোকে। বৃত্তা বৃত্তবন্তঃ। পুনর্ভূৎবা সন্নিবৃত্তা ভবন্তি। মর্ত্যভাবার্থা এব দেবা ইন্দ্রাদয়ঃ মর্ত্যবদেব গৎবা বৃত্তা ভবন্তি নতু নিবৃত্তা ভবন্তি মর্ত্যভাবায়। কর্মদেবা এব নিবর্তন্তে নৎবাজানদেবাস্তেষাং ক্রমমুক্তিয়োগ্যৎবাদিতি ভাবঃ॥ 5-54-48 সর্বেদেবা ইতি। মর্ত্যৎবং মরণধর্মৎবং ব্রহ্মাদীনামপি স্বাভাবিকমস্ত্যতোঽনর্থকঃ শোক ইত্যর্থঃ॥ 5-54-49 স্বয়মেব স্বস্য মৃত্যুঃ অথাপি জনানাং প্রাণহরা মৃত্যুর্জনাদন্যেতি কল্পনা কৃতা অনভিজ্ঞৈরিতি শেষঃ॥ 5-54-50 নষ্টাত জাতমিতি শেষঃ॥ 5-54-53 চতুঃপঞ্চাশত্তমোঽধ্যায়ঃ॥ 54 ॥দ্রোণপর্ব - অধ্যায় 055
॥ শ্রীঃ ॥
7.55. অধ্যায়ঃ 055
Mahabharata - Drona Parva - Chapter Topics
ব্যাসেন যুধিষ্ঠিরং প্রতি ষোডশরাজকীয়াখ্যানকথনপ্রারম্ভঃ॥ 1 ॥ নারদেন সৃঞ্জয়ম্প্রতি মরুত্তরাজচরিতকথনম্॥ 2 ॥Mahabharata - Drona Parva - Chapter Text
7-55-0 (46929)
সঞ্জয় উবাচ। 7-55-0x (4402)
শ্রুৎবা মৃত্যুসমুৎপত্তিং কর্মাণ্যনুপমানি চ।
ধর্মরাজঃ পুনর্বাক্যং প্রসাদ্যৈনমথাব্রবীৎ॥ 7-55-1 (46930)
যুধিষ্ঠির উবাচ। 7-55-2x (4403)
গুরবঃ পুণ্যকর্মাণঃ শক্রপ্রতিমবিক্রমাঃ।
পূর্বং রাজর্ষয়ো ব্রহ্মন্কিয়ন্তো মৃত্যুনা হতাঃ॥ 7-55-2 (46931)
ভূয় এব তু মাং তথ্যৈর্বচোভিরভিবৃংহয়।
রাজর্ষীণাং পুরাণানাং সমাশ্বাসয় কর্মভিঃ॥ 7-55-3 (46932)
কিয়ন্ত্যো দক্ষিণা দত্তাঃ কাশ্চ দত্তা মহাত্মভিঃ।
রাজর্ষিভিঃ পুণ্যকৃদ্ভিস্তদ্ভবান্প্রব্রবীতু মে॥ 7-55-4 (46933)
`ব্যাস উবাচ। 7-55-5x (4404)
অন্যেপি যজ্বনাং লোকা অন্যে চাপি তপস্বিনাম্।
ক্ষমাবতাং চ ত্রীংল্লোকাঞ্শূরা গচ্ছন্তি ভারত॥ 7-55-5 (46934)
ক্ষত্রিয়স্য তুং সঙ্গ্রামে শত্রূন্হৎবা হতস্য বা।
ফলমত্যন্তমিত্যাহুর্ধর্মশাস্ত্রবিদো জনাঃ॥ 7-55-6 (46935)
বেদবিদ্যাব্রতস্নাতা যজ্বানঃ পুত্রিণশ্চ যে।
তেভ্যঃ পরার্থ্যা যজ্বানো যজ্বভ্যশ্চ তনুত্যজঃ॥ 7-55-7 (46936)
স বীরো যজ্বনো নিত্যং ক্ষত্রিয়ানার্জুনির্গতঃ।
লোকান্পুণ্যতমানিষ্টানিতি বিদ্ধি বিশাম্পতে॥ 7-55-8 (46937)
সর্বেষাং নৃপসিংহানাং শৃণু যজ্ঞান্নৃপোত্তম।
তানতিক্রম্য গচ্ছন্তি স্বর্গকামাস্তনুত্যজঃ॥ 7-55-9 (46938)
যুধিষ্ঠির উবাচ। 7-55-10x (4405)
সর্বেষাং যজ্বনাং যজ্ঞং শ্রোতুমিচ্ছামি সুব্রত।
দক্ষিণাশ্চানুরূপেভ্যো দত্তা রাজর্ষিসত্তমৈঃ'॥ 7-55-10 (46939)
ব্যাস উবাচ। 7-55-11x (4406)
শৈব্যস্য নৃপতেঃ পুনঃ সৃঞ্জয়ো নাম নামতঃ।
সখায়ৌ তস্য চেবোভৌ ঋষী পর্বতনারদৌ॥ 7-55-11 (46940)
তৌ কদাচিদ্গৃহং তস্য প্রবিষ্টৌ তদ্দিদৃক্ষয়া।
বিধিবচ্চার্চিতৌ তেন প্রীতৌ তত্রোষতুঃ সুখম্॥ 7-55-12 (46941)
তং কদাচিৎসুখাসীনং তাভ্যাং সহ শুচিস্মিতা।
দুহিতাঽভ্যাগমৎকন্যা সৃঞ্জয়ং বরবর্ণিনী॥ 7-55-13 (46942)
তয়াঽভিবাদিতঃ কন্যামভ্যনন্দদ্যথাবিধি।
তৎসলিঙ্গাভিরাশীর্ভিরিষ্টাভিরভিতঃ স্থিতাম্॥ 7-55-14 (46943)
তাং নিরীক্ষ্যাব্রবীদ্বাক্যং পর্বতঃ প্রহসন্নিব।
কস্যেয়ং চঞ্চলাপাঙ্গী সর্বলক্ষণসম্মতা॥ 7-55-15 (46944)
উষা স্বিদ্ভাঃ স্বিদর্কস্য জ্বলনস্য শিখাপি বা।
শ্রীর্দ্দ্রিঃ কীর্তিংর্ধৃতিঃ ষুষ্টিঃ সিদ্ধিশ্চন্দ্রমসঃ প্রভা॥ 7-55-16 (46945)
সঞ্জয় উবাচ। 7-55-17x (4407)
এবং ব্রুবাণং দেবর্ষিং নৃপতিঃ সৃঞ্জয়োঽব্রবীৎ।
মমেয়ং ভগবন্কন্যা বর্যা বরমভীপ্সতি॥ 7-55-17 (46946)
নারদস্ৎবব্রবীদেনং দেহি মহ্যমিমাং নৃপ।
ভার্যার্থং সুমহচ্ছ্রেয়ঃ প্রাপ্তুং চেদিচ্ছসে নৃপ॥ 7-55-18 (46947)
দদানীত্যেবং সংহৃষ্টঃ সৃঞ্জয়ঃ প্রাহ নারদম্। 7-55-19 (46948)
ব্যাস উবাচ।
`এবমুক্তে নৃপতিনা ক্রোধপর্যাকুলেক্ষণঃ'।
পর্বতস্তু সুসঙ্ক্রুদ্ধো নারদং বাক্যমব্রবীৎ॥ 7-55-19x (4408)
পূর্বং মমৈব মনসা বিদ্ধি ভার্যাং বৃতামৃষে।
যস্মাদপাচরস্তস্মাৎস্বর্গং ন গচ্ছসি॥ 7-55-20 (46949)
এবমুক্তো নারদস্তং প্রত্যুবাচোত্তরং বচঃ।
মনোবাগ্বুদ্ধিসম্ভাষা সত্যং তোয়মথাগ্নয়ঃ॥ 7-55-21 (46950)
পাণিগ্রহমমন্ত্রাশ্চ প্রথিতং দারলক্ষণম্।
ন ৎবেষাং নিশ্চিতা নিষ্ঠা ৎবয়া সা মনসা স্মৃতা॥ 7-55-22 (46951)
`এবং বিদ্বাংস্তু মাং যস্মাদনুব্যাহৃতবানসি'।
তস্মাত্ৎবমপি ন স্বর্গং গমিষ্যসি ময়া বিনা।
অন্যোন্যমেবং শপ্ৎবা বৈ তস্থতুস্তত্র তৌ তদা॥ 7-55-23 (46952)
অথ সোঽপি নৃপো বিপ্রান্পানাচ্ছাদনভোজনৈঃ।
পুত্রকামঃ পরং শক্ত্যা যত্নাচ্চোপাচরচ্ছুচিঃ॥ 7-55-24 (46953)
তস্য প্রসন্না বিপ্রেন্দ্রাঃ কদাচিৎপুত্রদর্শিনঃ।
তপঃস্বাধ্যায়নিরতা বেদবেদাঙ্গপারগাঃ॥ 7-55-25 (46954)
সহিতা নারদং প্রাহুর্দেহ্যস্মৈ পুত্রমীপ্সিতম্।
তথেত্যুক্ৎবা দ্বিজৈরুক্তঃ সৃঞ্জয়ং নারদোঽব্রবীৎ॥ 7-55-26 (46955)
তুভ্যং প্রসন্না রাজর্ষে পুত্রমীপ্সন্তি ব্রাহ্মণাঃ।
বরং বৃণীষ্ব ভদ্রং তে যাদৃশং পুত্রমীপ্সিতম্॥ 7-55-27 (46956)
তথোক্তঃ প্রাঞ্জলী রাজা পুত্রং বব্রে গুণান্বিতম্।
যশস্বিনং কীর্তিমন্তং তেজস্বিনমরিন্দমম্॥ 7-55-28 (46957)
যস্য মূত্রং পুরীষং চ ক্লেদঃ স্বেদশ্চ কাঞ্চনম্।
`সর্বং ভবেৎপ্রসাদাদ্বৈ তাদৃশং তনয়ং বৃণে॥ 7-55-29 (46958)
ব্যাস উবাচ। 7-55-30x (4409)
তথা ভবিষ্যতীত্যুক্তে জজ্ঞে তস্যোপ্সিতঃ সুতঃ।
কাঞ্চনস্যাকরঃ শ্রীমান্প্রসাদাদ্বৈ সুকাঙ্ক্ষিতঃ॥ 7-55-30 (46959)
রুদিতস্য চ নেত্রাভ্যামপতত্তস্য নেত্রজম্।
মূত্রং পুরীষং স্বেদশ্চ সর্বং ভবতি কাঞ্চনম্'।
সুবর্ণষ্ঠীবিরিত্যেব তস্য নামাভবৎকৃতম্॥ 7-55-31 (46960)
তস্মিন্বরপ্রদানেন বর্ধয়ত্যমিতং ধনম্।
কারয়ামাস নৃপতিঃ সৌবর্ণং সর্বমীপ্সিতম্॥ 7-55-32 (46961)
গৃহপ্রাকারদুর্গাণি ব্রাহ্মণাবসথান্যপি।
শয়্যাসনানি যানানি স্থালীপিঠরভাজনম্॥ 7-55-33 (46962)
তস্য রাজ্ঞোঽপি যদ্বেশ্ম বাহ্যাশ্চোপস্করাশ্চ যে।
সর্বং তৎকাঞ্চনময়ং কালেন পরিবর্ধিতম্॥ 7-55-34 (46963)
অথ দস্যুগণাঃ শ্রুৎবা দৃষ্ট্বা চৈনং তথাবিধম্।
সম্ভূয় তস্য নৃপতেঃ সমারব্ধাশ্চিকীর্ষিতুম্॥ 7-55-35 (46964)
কেচিত্তত্রাব্রুবন্রাজ্ঞঃ পুত্রং গৃহ্ণীম বৈ স্বয়ম্।
সোঽস্যাকরঃ কাঞ্চনস্য তস্য যত্নং চরামহে॥ 7-55-36 (46965)
ততস্তে দস্যবো লুব্ধাঃ প্রবিশ্য নৃপতের্গৃহম্।
রাজপুত্রং তথাঽঽজহ্রুঃ সুবর্ণষ্ঠীবিনং বলাৎ॥ 7-55-37 (46966)
গৃহ্যৈনমনুপায়জ্ঞা নীৎবাঽরণ্যমচেতসঃ।
হৎবা বিশস্য চাপশ্যঁ ল্লুব্ধা বসু ন কিঞ্চন॥ 7-55-38 (46967)
তস্য প্রাণৈর্বিমুক্তস্য নষ্টং তৎকাঞ্চনং বরম্।
দস্যবশ্চ তদাঽন্যোন্যং জঘ্নুর্মূর্খা বিচেতসঃ॥ 7-55-39 (46968)
হৎবা পরস্পরং নষ্টাঃ কুমারং চাদ্ভুতং ভুবি।
অসম্ভাব্যং গতা ঘোরং নরকং দুষ্টকারিণঃ॥ 7-55-40 (46969)
তং দৃষ্ট্বা নিহতং পুত্রং বরদত্তং মহাতপাঃ।
বিললাপ সুদুঃখার্তো বহুধা করুণং নৃপঃ॥ 7-55-41 (46970)
বিলপন্তং নিশম্যাথ পুত্রশোকহতং নৃপম্।
প্রত্যদৃশ্যত দেবর্ষির্নারদস্তস্য সন্নিধৌ॥ 7-55-42 (46971)
উবাচ চৈনং দুঃখার্তং বিলপন্তমচেতসম্।
সৃঞ্জয়ং নারদো যদ্যত্তন্নিবোধ যুধিষ্ঠির॥ 7-55-43 (46972)
নারদ উবাচ। 7-55-44x (4410)
`ত্যজ শোকং মহারাজ বৈক্লব্যং ত্যজ বুদ্ধিমন্।
ন মৃতঃ শোচতো জীবেন্মুহ্যতো বা নরাধিপ॥ 7-55-44 (46973)
ত্যজ শোকং নৃপশ্রেষ্ঠ ন শোচন্তি ভবদ্বিধাঃ।
বীরো ভবান্মহারাজ জ্ঞানবৃদ্ধোঽপি মে মতঃ'।
কামানামবিতৃপ্তস্ৎবং সৃঞ্জয়েহ মরিষ্যসি॥ 7-55-45 (46974)
যস্য চৈতে বয়ং গেহে উষিতা ব্রহ্মবাদিনঃ।
আবিক্ষিতং মরুত্তং চ মৃতং সৃঞ্জয় শুশ্রুম॥ 7-55-46 (46975)
সংবর্তো যাজয়ামাস স্পর্ধয়া বৈ বৃহস্পতেঃ।
যস্মৈ রাজর্ষয়ে প্রাদাদ্ধনং স ভগবান্প্রভুঃ।
হৈমং হিমবতঃ পাদং যিয়ক্ষোর্বিবিধৈঃ সবৈঃ॥ 7-55-47 (46976)
যস্য সেন্দ্রামরগণা বৃহস্পতিপুরোগমাঃ।
দেবা বিশ্বসৃজঃ সর্বে যজনান্তে সমাসতে।
যজ্ঞবাটস্য সৌবর্ণাঃ সর্বে চাসন্পরিচ্ছদাঃ॥ 7-55-48 (46977)
যস্য সর্বং তদা হ্যন্নং মনোভিপ্রায়গং শুচি।
কামতো বুভুজুর্বিপ্রাঃ সর্বে চান্নার্থিনো দ্বিজাঃ।
পয়ো দধি ঘৃতং ক্ষৌদ্রং ভক্ষ্যং ভোজ্যং চ শোভনম্॥ 7-55-49 (46978)
যস্য যজ্ঞেষু সর্বেষু বাসাংস্যাভরণানি চ।
ঈপ্সিতান্যুপতিষ্ঠন্তে প্রহৃষ্টান্বেদপারগান্॥ 7-55-50 (46979)
মরুতঃ পরিবেষ্টারো মরুত্তস্যাভবন্গৃহে।
আবিক্ষিতস্য রাজর্ষের্বিশ্বেদেবাঃ সভাসদঃ॥ 7-55-51 (46980)
যস্য বীর্যবতো রাজ্ঞঃ সুবৃষ্ট্যা সস্যসম্পদঃ।
হবির্ভিস্তর্পিতা যেন সম্যক্ক্লৃপ্তৈর্দিবৌকসঃ॥ 7-55-52 (46981)
ঋষীণাং চ পিতৄণাং চ দেবানাং সুখজীবিনম্।
ব্রহ্মচর্যশ্রুতিমুখৈঃ সর্বৈর্দানৈশ্চ সর্বদা॥ 7-55-53 (46982)
শয়নাসনপানানি স্বর্ণরাশীশ্চ দুস্ত্যজাঃ।
তৎসর্বমমিতং বিত্তং দত্তং বিপ্রেভ্য ইচ্ছয়া॥ 7-55-54 (46983)
সোনুধ্যাতস্তু শক্রেণ প্রজাঃ কৃৎবা নিরাময়াঃ।
শ্রদ্দধানো জিতাঁল্লোকান্গতঃ পুণ্যদুহোঽক্ষয়ান্॥ 7-55-55 (46984)
সপ্রজঃ সনৃপামাত্যঃ সদারাপত্যবান্ধবঃ।
যৌবনেন সহস্রাব্দং মরুত্তো রাজ্যমন্বশাৎ॥ 7-55-56 (46985)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-55-57 (46986)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে পঞ্চপঞ্চাশত্তমোঽধ্যায়ঃ॥ 55 ॥
Mahabharata - Drona Parva - Chapter Footnotes
5-55-14 তৎসলিঙ্গাভিস্তস্যানুরূপাভিঃ। অভিতঃ পার্শ্বতঃ॥ 5-55-22 নৎবেষা নিশ্চিতা নিষ্ঠা মৈত্রী সপ্তপদী সতাং ইতি ঙ. পাঠঃ। নিষ্ঠা সপ্তমদী সতাং ইতি ঘ. পাঠঃ। সপ্তপদী স্মৃতা ইতি ঝ. পাঠঃ॥ 5-55-23 শপ্ৎবাবৈ তত্র বৎসরমূষতুঃ ইতি ক.পাঠঃ॥ 5-55-25 পুত্রমীপ্সবঃ ইতি ঘ.ঙ.ঝ.পাঠঃ॥ 5-55-26 দ্বিজৈরুক্ততো নারদস্তথেত্যুক্ৎবা সৃঞ্জয়মব্রবীদিত্যন্বয়ঃ॥ 5-55-29 ক্লেদঃ শ্লেষ্মাদিঃ॥ 5-55-31 সুবর্ণষ্ঠীবিরিত্যনেন গণ্ডূষাদিকমপি কাঞ্চনং ভবতীতি সূচিতম্॥ 5-55-35 চিকীর্ষিতুমপকারং কর্তুম্। কৄহিংসায়ামিত্যস্য রূপম্॥ 5-55-47 সবৈঃ যজ্ঞৈঃ॥ 5-55-57 চতুর্ভদ্রতরঃ ধর্মজ্ঞানবৈরাগ্যৈশ্বর্যাণি চৎবারি ভদ্রাণি। ধর্মার্থকামবলানীত্যন্যে তুভ্যং তব। অয়জ্বানমদক্ষিণ্যং পুত্রং অভিলক্ষ্য মানুতপ্যথাঃ হে শ্বৈত্য শ্বিত্যপুত্র ইতি উদাহরন্নারদঃ সৃঞ্জয়ং প্রতীতি ব্যাসবাক্যম্। অদাক্ষিণ্যং ইতি ঝ.পাঠঃ॥ 5-55-55 পঞ্চপঞ্চাশত্তমোঽধ্যায়ঃ॥দ্রোণপর্ব - অধ্যায় 056
॥ শ্রীঃ ॥
7.56. অধ্যায়ঃ 056
Mahabharata - Drona Parva - Chapter Topics
নারদেন সৃঞ্জয়ম্প্রতি সুহোত্রচরিত্রকীর্তনম্॥ 1 ॥Mahabharata - Drona Parva - Chapter Text
7-56-0 (46987)
নারদ উবাচ। 7-56-0x (4411)
সুহোত্রং নাম রাজানং মৃতং সৃঞ্জয় শুশ্রুম।
একবীরমশক্যং তমমরৈরভিবীক্ষিতুম্॥ 7-56-1 (46988)
যঃ প্রাপ্য রাজ্যং ধর্মেণ ঋৎবিঙ্মন্ত্রিপুরোহিতান্।
সম্মান্য চাত্মনঃ শ্রেয়ঃ পৃষ্ট্বা তেষাং মতে স্থিতঃ॥ 7-56-2 (46989)
প্রজানাং পালনং ধর্মো দানমিজ্যা দ্বিষজ্জয়ঃ।
এতৎসুহোত্রো বিজ্ঞায় ধর্ম্যমৈচ্ছদ্ধনাগমম্॥ 7-56-3 (46990)
ধর্মেণারাধয়ন্দেবান্বাণৈঃ শত্রূঞ্জয়ংস্তথা।
সর্বাণ্যপি চ ভূতানি স্বগুণৈরন্বরঞ্জয়ৎ॥ 7-56-4 (46991)
যো ভুক্ৎবেমাং বসুমতীং ম্লেচ্ছাটবিকবর্জিতাম্।
যস্মৈ ববর্ষ পর্জন্যো হিরণ্যং পরিবৎসরান্॥ 7-56-5 (46992)
হৈরণ্যাস্তত্র বাহিন্যঃ স্বৈরিণ্যো ব্যবহন্পুরা।
গ্রাহান্কর্কটকাংশ্চৈব মৎস্যাংশ্চ বিবিধান্বহূন্॥ 7-56-6 (46993)
কামান্বর্ষতি পর্জন্যো রূপ্যাণি বিবিধানি চ।
সৌবর্ণান্যপ্রমেয়াণি বাপ্যশ্চ ক্রোশসম্মিতাঃ॥ 7-56-7 (46994)
সহস্রং বামনান্কুব্জান্নক্রান্মকরকচ্ছপান্।
সৌবর্ণান্বিহিতান্দৃষ্ট্বা ততোঽস্ময়ত বৈ তদা॥ 7-56-8 (46995)
তৎসুবর্ণমপর্যন্তং রাজর্ষিঃ কুরুজাঙ্গলে।
ঈজানো বিততে যজ্ঞে ব্রাহ্মণেভ্যো হ্যমন্যত॥ 7-56-9 (46996)
সোঽশ্বমেধসহস্রেণ রাজসূয়শতেন চ।
পুণ্যৈঃ ক্ষত্রিয়যজ্ঞৈশ্চ প্রভূতবরদক্ষিণৈঃ॥ 7-56-10 (46997)
কাম্যনৈমিত্তিকাজস্রৈরিষ্ট্বেষ্টাং গতিমাপ্তবান্।
স চেন্মমার সৃঞ্জয় চতুর্ভদ্রতরস্ৎবয়া॥ 7-56-11 (46998)
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-56-12 (46999)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে ষট্পঞ্চাশত্তমোঽধ্যায়ঃ॥ 56 ॥
Mahabharata - Drona Parva - Chapter Footnotes
5-56-6 হৈরণ্যা হিরণ্ময়াঃ গ্রাহাদয়োঽপি। বাহিন্যো নদ্যঃ। স্বৈরিণ্যঃ সর্বজনোপভোগ্যাঃ॥ 5-56-56 ষট্পঞ্চাশত্তমোঽধ্যায়ঃ॥দ্রোণপর্ব - অধ্যায় 057
॥ শ্রীঃ ॥
7.57. অধ্যায়ঃ 057
Mahabharata - Drona Parva - Chapter Topics
নারদেন সৃঞ্জয়ম্প্রতি অঙ্গরাজগুণবর্ণনম্॥ 1 ॥Mahabharata - Drona Parva - Chapter Text
7-57-0 (47000)
নারদ উবাচ। 7-57-0x (4412)
অঙ্গং চ পৌরবং বীরং মৃতং সৃঞ্জয় শুশ্রুম।
সহস্রং যঃ সহস্রাণাং শ্বেতানশ্বানবাসৃজৎ॥ 7-57-1 (47001)
তস্যাশ্বমেধে রাজর্ষের্দেশাদ্দেশাৎসমীয়ুষাম্।
শিক্ষাক্ষরবিধিজ্ঞানাং নাসীৎসঙ্খ্যা বিপশ্চিতাম্॥ 7-57-2 (47002)
বেদবিদ্যাব্রতস্নাতা বদান্যাঃ প্রিয়দর্শনাঃ।
সুভিক্ষাচ্ছাদনগৃহাঃ সুশয়্যাসনভোজনাঃ॥ 7-57-3 (47003)
নটনর্তকগন্ধর্বৈঃ পূর্ণকৈর্বর্ধমানকৈঃ।
নিত্যোদ্যোগৈশ্চ ক্রীডদ্ভিস্তত্র স্ম পরিহর্ষিতাঃ॥ 7-57-4 (47004)
যজ্ঞে যজ্ঞে যথাকালং দক্ষিণাঃ সোঽত্যকালয়ৎ।
দ্বিপান্দশসহস্রাখ্যানদাৎকাঞ্চনসংবৃতান্॥ 7-57-5 (47005)
যঃ সহস্রং সহস্রাণি কন্যা হেমবিভূষিতাঃ॥
ধূর্যুজাশ্বগজারূঢাঃ সগৃহক্ষেত্রগোশতাঃ। 7-57-6 (47006)
শতং শতসহস্রাণি স্বর্ণমালানথর্ষভান্॥
গবাং সহস্রানুচরান্দক্ষিণামত্যকালয়ৎ। 7-57-7 (47007)
হেমশৃঙ্গ্যো রৌপ্যখুরাঃ সবৎসাঃ কাংস্যদোহনাঃ॥
দাসীদাসখরোষ্ট্রাংশ্চ প্রাদাদাজাবিকং বহু। 7-57-8 (47008)
রত্নানাং বিবিধানাং চ বিবিধাংশ্চান্নপর্বতান্॥
তস্মিন্সংবিততে যজ্ঞে দক্ষিণামত্যকালয়ৎ। 7-57-9 (47009)
তত্রাস্য গাথা গায়ন্তি যে পুরাণবিদো জনাঃ॥
`অঙ্গস্য যজমানস্য অপি বিষ্ণুপদে বয়ম্। 7-57-10 (47010)
অমাদ্যদিন্দ্রুঃ সোমেন দক্ষিণাভির্দ্বিজাতয়ঃ।
দেবমানুষগন্ধর্বাংশ্চাত্যরোচন্ত দক্ষিণাঃ'॥ 7-57-11 (47011)
অঙ্গস্য যজমানস্য স্বধর্মাধিগতাঃ শুভাঃ।
গুণোত্তরাস্তু ক্রতবস্তস্যাসন্সার্বকামিকাঃ॥ 7-57-12 (47012)
স চেন্মমার সৃঞ্জয় চতুর্ভদ্রতস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-57-13 (47013)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে সপ্তপঞ্চাশত্তমোঽধ্যায়ঃ॥ 57 ॥
Mahabharata - Drona Parva - Chapter Footnotes
5-57-2 রাজর্ষেঃ সর্বে দেবাঃ সমায়যুঃ ইতি ঢ.পাঠঃ॥ 5-57-4 পূর্ণকৈঃ স্বর্ণচূডৈঃ। বর্ধমানকৈঃ আরার্তিকহস্তৈঃ॥ 5-57-7 ধূর্যুজা রথাঃ॥ 5-57-57 সপ্তপঞ্চাশত্তমোঽধ্যায়ঃ॥দ্রোণপর্ব - অধ্যায় 058
॥ শ্রীঃ ॥
7.58. অধ্যায়ঃ 058
Mahabharata - Drona Parva - Chapter Topics
নারদেন সৃঞ্জয়ম্প্রতি শিবিবৈভবশংসনম্॥ 1 ॥Mahabharata - Drona Parva - Chapter Text
7-58-0 (47014)
নারদ উবাচ। 7-58-0x (4413)
শিবিমৌশীনরং চাপি মৃতং সৃঞ্জয় শুশ্রুম।
য ইমাং পৃথিবীং সর্বাং চর্মবৎপর্যবেষ্টয়ৎ॥ 7-58-1 (47015)
সাদ্রিদ্বীপার্ণববনাং রথঘোষেণ নাদয়ন্।
স শিবির্যষ্টুমন্বিচ্ছন্মুখ্যঃ সর্বসপত্নজিৎ॥ 7-58-2 (47016)
তেন যজ্ঞৈর্বহুবিধৈরিষ্টং পর্যাপ্তদক্ষিণৈঃ।
অবিহিংস্য জনানন্যানবাপ বসু পুষ্কলম্॥ 7-58-3 (47017)
সর্বমূর্ধাভিষিক্তানাং সম্মতঃ সোঽভবদ্যুধি।
অজয়চ্চাশ্বমেধৈর্যো বিজিত্য পৃথিবীমিমাম্॥ 7-58-4 (47018)
নিরর্গলৈর্বহুফলৈর্নিষ্ককোটিসহস্রদঃ।
`বিভর্তি দক্ষিণা যস্য গঙ্গায়াঃ স্রোত আবৃণোৎ'॥ 7-58-5 (47019)
হস্ত্যশ্বপশুভির্ধান্যৈর্মৃগৈর্গোজাবিভিস্তথা।
বিবিধৈঃ পৃথিবীং পুণ্যাং শিবির্ব্রাহ্মণসাৎকরোৎ॥ 7-58-6 (47020)
যাবত্যো বর্ষতো ধারা যাবত্যো দিবি তারকাঃ।
যাবত্যঃ সিকতা গাঙ্গ্যো যাবন্মেরোর্মহোপলাঃ॥ 7-58-7 (47021)
উদন্বতি চ যাবন্তি রত্নানি প্রাণিনোঽপি চ।
তাবতীরদদদ্গা বৈ শিবিরৌশীনরোঽধ্বরে॥ 7-58-8 (47022)
নোদ্যন্তারং ধুরস্তস্য কঞ্চিদন্যং প্রজাপতিঃ।
ভূতং ভব্যং ভবন্তং বা নাধ্যগচ্ছন্নরোত্তমম্॥ 7-58-9 (47023)
তস্যাসন্বিবিধা যজ্ঞাঃ সর্বকামৈঃ সমন্বিতাঃ।
হেময়ূপাসনগৃহা হেমপ্রাকারতোরণাঃ॥ 7-58-10 (47024)
শুচিস্বাদ্বন্নপানং চ ব্রাহ্মণাঃ প্রয়ুতায়ুতাঃ।
নানাভক্ষ্যৈঃ প্রিয়কথাঃ পয়োদধিমহাহদাঃ॥ 7-58-11 (47025)
তস্যাসন্যজ্ঞবাটেষু নদ্যঃ শুভ্রান্নপর্বতাঃ।
পিবত স্নাত খাদধ্বমিতি যত্রোচ্যতে জনৈঃ॥ 7-58-12 (47026)
যস্মৈ প্রাদাদ্বরং রুদ্রস্তুষ্টঃ পুণ্যেন কর্মণা।
অক্ষয়ং দদতো বিত্তং শ্রদ্ধা কীর্তিস্তথা ক্রিয়াঃ॥ 7-58-13 (47027)
যথোক্তমেব ভূতানাং প্রিয়ৎবং স্বর্গমুত্তমম্।
এতাঁল্লব্ধ্বা বরানিষ্টাঞ্শিবিঃ কালে দিবং গতঃ॥ 7-58-14 (47028)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-58-15 (47029)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে অষ্টপঞ্চাশত্তমোঽধ্যায়ঃ॥ 58 ॥
Mahabharata - Drona Parva - Chapter Footnotes
5-58-1 পর্যবেষ্টয়ৎ স্বাধীনামকরোৎ॥ 5-58-5 কোটিসহস্রশঃ ইতি ক.ঘ.ঙ.পাঠঃ॥ 5-58-9 তস্য শিবের্ধুরঃ কার্যভারস্য উয়ন্তারং বোঢারং প্রজ্ঞাপতিঃ স্রষ্টা স্বসৃষ্টৌ নাধ্যগচ্ছৎ॥ 5-58-13 দদতো রাজ্ঞো বিত্তাদিকমক্ষয়মস্ৎবিতি রুদ্রো বরং দদাবিতি সম্বন্ধঃ॥ 5-58-58 অষ্টপঞ্চাশত্তমোঽধ্যায়ঃ॥ 58 ॥দ্রোণপর্ব - অধ্যায় 059
॥ শ্রীঃ ॥
7.59. অধ্যায়ঃ 059
Mahabharata - Drona Parva - Chapter Topics
সৃঞ্জয়ম্প্রতি নারদেন রামমঙিমানুবর্ণনম্॥ 1 ॥Mahabharata - Drona Parva - Chapter Text
7-59-0 (47030)
নারদ উবাচ। 7-59-0x (4414)
রামং দাশরথিং চৈব মৃতং সৃঞ্জয় শুশ্রুম।
যং প্রজা অন্বমোদন্ত পিতা পুত্রমিবৌরসম্।
অসঙ্খ্যেয়া গুণা যস্মিন্নাসন্নমিততেজসি॥ 7-59-1 (47031)
যশ্চতুর্দশবর্ষাণি নিদেশাৎপিতুরচ্যুতঃ।
বনে বনিতয়া সার্ধমবসল্লক্ষ্মণাগ্রজঃ॥ 7-59-2 (47032)
জঘান চ জনস্থানে রাক্ষসান্মনুজর্ষভঃ।
তপস্বিনাং রক্ষণার্থং সহস্রাণি চতুর্দশ॥ 7-59-3 (47033)
তত্রৈব বসতস্তস্য রাবণো নাম রাক্ষসঃ।
জহার ভার্যাং বৈদেহীং সম্মোহ্যৈনং সহানুজম্॥ 7-59-4 (47034)
`রামো হৃতাং রাক্ষসেন ভার্যাং শ্রুৎবা জটায়ুষঃ।
আতুরঃ শোকসন্তপ্তো রামোঽগচ্ছদ্ধরীশ্বরম্॥ 7-59-5 (47035)
তেন রামঃ সুসঙ্গম্য বানরৈশ্চ মহাবলৈঃ।
আজগামোদধেঃ পারং সেতুং কৃৎবা মহার্ণবে॥ 7-59-6 (47036)
তত্র হৎবা তু পৌলস্ত্যান্সসুহৃদ্গণবান্ধবান্।
মায়াবিনং মহাঘোরং রাবণং লোককণ্টকম্'॥ 7-59-7 (47037)
সুরাসুরৈরবধ্যং তং দেবব্রাহ্মণকণ্টকম্।
জঘান স মহাবাহুঃ পৌলস্ত্যং সগণং রণে॥ 7-59-8 (47038)
`হৎবা তত্র রিপুং সঙ্খ্যে ভার্যযা সহ সঙ্গতঃ।
স চ লঙ্কেশ্বরং চক্রে ধর্মাত্মানং বিভীষণম্॥ 7-59-9 (47039)
ভার্যযা সহ সংয়ুক্তস্ততো বানরসেনয়া।
অয়োধ্যামাগতো বীরঃ পুষ্পকেণ বিরাজতা॥ 7-59-10 (47040)
তত্র রাজন্প্রবিষ্টঃ সন্নয়োধ্যায়াং মহায়শাঃ।
মাতৄর্বয়স্যান্সচিবানৃৎবিজঃ সপুরোহিতান্॥ 7-59-11 (47041)
শুশ্রূষমাণঃ সততং মন্ত্রিভিশ্চাভিষেচিতঃ।
বিসৃজ্য হরিরাজানং হনুমন্তং সহাঙ্গদম্॥ 7-59-12 (47042)
ভ্রাতরং ভরতং বীরং শত্রুঘ্নং চৈব লক্ষ্মণম্।
পূজয়ন্পরয়া প্রীত্যা বৈদেহ্যা চাভিপূজিতঃ॥ 7-59-13 (47043)
দশবর্ষসহস্রাণি দশবর্ষশতানি চ।
চতুঃসগারপর্যন্তাং পৃথিবীমন্বশাসত॥ 7-59-14 (47044)
অশ্বমেধশতৈরীজং ক্রতুভির্ভূরিদক্ষিণৈঃ।
যশ্চ বিপ্রপ্রসাদেন সর্বকামানবাপ্য চ'॥ 7-59-15 (47045)
সম্প্রাপ্য বিধিবদ্রাজ্যং সর্বভূতানুকম্পনঃ।
`সর্বদ্বীপানবষ্টভ্য প্রজা ধর্মেণ পালয়ন্'॥ 7-59-16 (47046)
স নির্গলং মুখ্যতমমশ্বমেধশতং প্রভুঃ।
আজহার সুরেশস্য হবিষা মুদমাহরন্।
অন্যৈশ্চ বিবিধৈর্যজ্ঞৈরীজে বহুগুণৈর্নৃপঃ॥ 7-59-17 (47047)
ক্ষুৎপিপাসেঽজয়দ্রামঃ সর্বরোগাংশ্চ দেহিনাম্।
সততং গুণসম্পন্নো দীপ্যমানঃ স্বতেজসা॥ 7-59-18 (47048)
অতিসর্বাণি ভূতানি রামো দাশরথির্বভৌ।
ঋষীণাং দেবতানাং চ মানুষাণাং চ সর্বশঃ।
পৃথিব্যাং সহ বাসোঽভূদ্রামে রাজ্যং প্রশাসতি॥ 7-59-19 (47049)
নাহীয়ত তদা প্রামঃ প্রাণিনাং ন তদা ব্যথা।
প্রাণাপানৌ সমাবাস্তাং রামে রাজ্যং প্রশাসতি॥ 7-59-20 (47050)
পর্যদীপ্যন্ত তেজাংসি তদাঽনর্থাশ্চ নাভবন্।
দীর্ঘায়ুষঃ প্রজাঃ সর্বা যুবা ন ম্রিয়তে তদা॥ 7-59-21 (47051)
বেদৈশ্চতুর্ভিঃ সুপ্রীতাঃ প্রাপ্নুবন্তি দিবৌকসঃ।
হব্যং কব্যং চ বিবিধং নিষ্পূর্তং হুতমেব চ॥ 7-59-22 (47052)
অদংশমশকা দেশা নষ্টব্যালসরীসৃপাঃ।
নাপ্যু প্রাণভৃতাং মৃত্যুর্নাকালে জ্বলনোঽদহৎ॥ 7-59-23 (47053)
অধর্মরুচয়ো লুব্ধা মূর্খা বা নাভবংস্তদা।
শিষ্টেষ্টপ্রাজ্ঞকর্মাণঃ সর্বে বর্ণাস্তদাঽভবন্॥ 7-59-24 (47054)
স্বধাং পূজাং চ রক্ষোভির্জনস্থানে প্রণাশিতাম্।
প্রাদান্নিহত্য রক্ষাংসি পিতৃদেবেভ্য ঈশ্বরঃ॥ 7-59-25 (47055)
সহস্রপুত্রাঃ পুরুষা দশবর্ষশতায়ুষঃ।
ন চ জ্যেষ্ঠাঃ কনিষ্ঠেভ্যস্তদা শ্রাদ্ধানি কুর্বতে॥ 7-59-26 (47056)
শ্যামো যুবা লোহিতাক্ষো মত্তমাতঙ্গবিক্রমঃ।
আজানুবাহুঃ সুভুজঃ সিংহস্কন্ধো মহাবলঃ॥ 7-59-27 (47057)
দশবর্ষসহস্রাণি দশবর্ষশতানি চ।
সর্বভূতমনঃকান্তো রামো রাজ্যমকারয়ৎ॥ 7-59-28 (47058)
রামো রামো রাম ইতি প্রজানামভবৎকথা।
রামভূতং জগদভূদ্রামে রাজ্যং প্রশাসতি॥ 7-59-29 (47059)
চতুর্বিধাঃ প্রজা রামঃ স্বর্গং নীৎবা দিবং গতঃ।
আত্মেচ্ছয়া প্রতিষ্ঠাপ্য রাজবংশমিহাষ্টধা॥ 7-59-30 (47060)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-59-31 (47061)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে একোনষষ্টিতমোঽধ্যায়ঃ॥ 59 ॥
Mahabharata - Drona Parva - Chapter Footnotes
5-59-17 স নিরর্গলজান্মুখ্যানশ্বমেধাঞ্শতং প্রভুঃ ইতি ঙ. পাঠঃ। আজহার মহাজজ্ঞং প্রজা ধর্মেণ পালয়ন্। নিরর্গলং সজারূথ্যমশ্বমেধং চ তং বিভুঃ ইতি ঝ. পাঠঃ। আজহার রমেশস্য ইতি ঙ. পাঠঃ॥ 5-59-19 পৃথিব্যাং মানুষাণাং প্রত্যক্ষা দেবাদয়ো বিচরন্তি পুণ্যাতিশয়াৎ॥ 5-59-20 প্রাণো বলম্॥ 5-59-22 নিষ্পূর্তং জঠীকারামাদি। হুতমিষ্ঠম্। সুপ্রীতা ব্রাহ্মণাঃ শাখপারগাঃ ইতি ঙ. পাঠঃ॥ 5-59-29 রামাদ্রামং জগদভূৎ ইতি ঘ.ঝ.পাঠঃ। তত্র রামং অভিরামম্॥ 5-59-59 একোনষষ্টিতমোঽধ্যায়ঃ॥ 59 ॥দ্রোণপর্ব - অধ্যায় 060
॥ শ্রীঃ ॥
7.60. অধ্যায়ঃ 060
Mahabharata - Drona Parva - Chapter Topics
নারদেন সৃঞ্জয়ম্প্রতি ভগীরথচরিত্রকথনম্॥ 1 ॥Mahabharata - Drona Parva - Chapter Text
7-60-0 (47062)
নারদ উবাচ। 7-60-0x (4415)
ভগীরথং চ রাজানং মৃতং সৃঞ্জয় শুশ্রুম।
`পরিত্রাণায় পূর্বেষাং যেন গঙ্গাঽবতারিতা॥ 7-60-1 (47063)
যস্যেন্দ্রো বাহুবীর্যেণ প্রীতো রাজ্ঞো মহাত্মনঃ।
সোঽশ্বমেধশতৈরীজে সমাপ্তবরদক্ষিণৈঃ॥ 7-60-2 (47064)
হবির্মন্ত্রান্নসম্পন্নৈর্দেবানামাদধৌ মুদম্'।
যেন ভাগীরথী গঙ্গা চয়নৈঃ কাঞ্চনৈশ্চিতা॥ 7-60-3 (47065)
যঃ সহস্রং সহস্রাণাং কন্যা হেমবিভূষিতাঃ।
রাজ্ঞশ্চ রাজপুত্রাংশ্চ ব্রাহ্মণেভ্যো হ্যমন্যত॥ 7-60-4 (47066)
সর্বা রথগতাঃ কন্যা রথাঃ সর্বে চতুর্যুজঃ।
রথেরথে শতং নাগাঃ সর্বে বৈ হেমমালিনঃ॥ 7-60-5 (47067)
সহস্রমশ্বাশ্চৈকৈকং গজানাং পৃষ্ঠতোঽন্বয়ুঃ।
অশ্বেঅশ্বে শতং গাবো গবাং পশ্চাদজাবিকম্॥ 7-60-6 (47068)
তেনাক্রান্তা জনৌঘেন দক্ষিণা ভূয়সীর্দদৎ।
উপহ্বরেঽতিব্যথিতা তস্যাঙ্কে নিষসাদ হ॥ 7-60-7 (47069)
তথা মাগীরথী গঙ্গা হ্যূর্ধ্বগা হ্যভবৎপুরা।
দুহিতৃৎবং গতা রাজ্ঞঃ পুত্রৎবমগমত্তদা॥ 7-60-8 (47070)
তাং তু গাথা জগুঃ প্রীতা গন্ধর্বাঃ সূর্যবর্চসঃ।
পিতৃদেবমনুষ্যাণাং শৃণ্বতাং বল্গুবাদিনঃ॥ 7-60-9 (47071)
ভগীরথং যজমানমৈক্ষ্বাকুং ভূরিদক্ষিণম্।
গঙ্গা সমুদ্রগা দেবী বব্রে পিতরমীশ্বরম্॥ 7-60-10 (47072)
তস্য সেন্দ্রৈঃ সুরগণৈর্দেবৈর্যজ্ঞঃ স্বলঙ্কৃতঃ।
সম্যক্পরিগৃহীতশ্চ শান্তবিঘ্নো নিরাময়ঃ॥ 7-60-11 (47073)
যো য ইচ্ছেত বিপ্রো বৈ যত্রয়ত্রাত্মনঃ প্রিয়ম্।
ভগীরথস্তদা প্রীতস্তত্রতত্রাদদদ্বশী॥ 7-60-12 (47074)
নাদেয়ং ব্রাহ্মণস্যাসীদ্যস্য যৎস্যাৎপ্রিয়ং ধনম্।
সোঽপি বিপ্রপ্রসাদেন ব্রহ্মলোকং গতো নৃপঃ॥ 7-60-13 (47075)
যেন যাতৌ মখমুখৌ দিশাশাবিহ পাদপাঃ।
তেনাবস্থাতুমিচ্ছন্তি তং গৎবা রাজমীশ্বরম্॥ 7-60-14 (47076)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-60-15 (47077)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে ষষ্টিতমোঽধ্যায়ঃ॥ 60 ॥
Mahabharata - Drona Parva - Chapter Footnotes
5-60-3 চয়নৈঃ কাঞ্চনৈশ্চিতা স্বর্ণেষ্টকময়ৈঃ ক্রৎবর্থস্যণ্ডিলৈর্ব্যাপ্তা চয়নৈরিষ্টকাসোপানৈর্বা কূলদ্বয়ে উদ্গমাৎসংগমপর্যন্তং নিচিতেতি বার্থঃ॥ 5-60-4 রাজ্ঞশ্চ রাজপুত্রাংশ্চাতিক্রম্যেতি শেষঃ। ব্রাহ্মণেভ্যঃ অমন্যত দত্তবান্॥ 5-60-7 যেন হেতুনা উপহ্বরে সমীপে ভূয়সীর্দক্ষিণা দদৎ রাজা আস্তে তেন হেতুনা গঙ্গা জনৌঘভারেণ আক্রান্তা বেত্রয়ষ্টিবত্তীরপ্রদেশে নতিং প্রাপ্তা সতী অতিব্যথিতাঽতস্তস্যাঙ্কে নিষসাদহ। দক্ষিণাভারেণ তীরপ্রদেশেঽবনতে প্রবাহাম্বু রাজ্ঞোঽঙ্কপর্যন্তমাগতমিত্যর্থঃ॥ 5-60-8 পুত্রৎবং নরকাত্ত্রাণকর্তৃৎবম্॥ 5-60-12 বশী যোগী যোগপ্রভাবাৎ। যো যত্র দেশে যৎ ইচ্ছেৎস তত্র প্রাপ্নু যাদিত্যর্থঃ॥ 5-60-14 যেঽনুয়াতা অভিমুখা দিংশমদ্যাপি পাদপাঃ। আনতাস্তস্থুরিচ্ছন্তস্তমন্বাগন্তুমীশ্বরম্ ইতি ক.পাঠঃ। অনেত্রাস্তস্থুঃ ইতি ক. ঙ. পাঠঃ॥ 5-60-60 ষষ্টিতমোঽধ্যায়ঃ॥দ্রোণপর্ব - অধ্যায় 061
॥ শ্রীঃ ॥
7.61. অধ্যায়ঃ 061
Mahabharata - Drona Parva - Chapter Topics
নারদেন সঞ্জয়ম্প্রতি দিলীপপ্রভাববর্ণনম্॥ 1 ॥Mahabharata - Drona Parva - Chapter Text
7-61-0 (47078)
নারদ উবাচ। 7-61-0x (4416)
দিলীপং চাপি রাজেন্দ্র মৃতাং সৃঞ্জয় শুশ্রুম।
যস্য যজ্ঞশতেষ্বাসন্প্রয়ুতায়ুতশো দ্বিজাঃ॥ 7-61-1 (47079)
তন্ত্রজ্ঞানার্থসম্পন্না যজ্বানঃ পুত্রপৌত্রিণঃ।
`স্বচ্ছন্দাঃ পুণ্যগন্ধাশ্চ সুভক্ষা হেমমালিনঃ।
যস্য কর্মাণি ভূরিণি কথয়ন্তি মনীষিণঃ'॥ 7-61-2 (47080)
য ইমাং বসুসম্পূর্ণাং বসুধাং বসুধাধিপঃ।
ঈজানো বিততে যজ্ঞে ব্রাহ্মণেভ্যো হ্যমন্যত॥ 7-61-3 (47081)
`রাজানো বিততে যজ্ঞে উপহারানুপাহরন্'।
দিলীপস্য তু যজ্ঞেষু কৃতঃ পন্থা হিরণ্ময়ঃ।
তং ধর্ম ইব কুর্বাণাঃ সেন্দ্রা দেবাঃ সমাগমন্॥ 7-61-4 (47082)
সহস্রং যত্র মাতঙ্গা অগচ্ছন্পর্বতোপমাঃ।
সৌবর্ণং চাভবৎসর্বং সদঃ পরমভাস্বরম্॥ 7-61-5 (47083)
রসানাং চাভবন্কুল্যা ভক্ষ্যাণাং চাপি পর্বতাঃ।
সহস্রব্যামা নৃপতে যূপাশ্চাসন্হিরণ্ময়াঃ॥ 7-61-6 (47084)
চষালপ্রচষালৌ চ যস্য যূপে হিরণ্ময়ৌ।
নৃত্যন্ত্যপ্সরসো যত্র ষট্সহস্রাণি সপ্ত চ॥ 7-61-7 (47085)
যত্র বীণাং বাদয়তি প্রীত্যা বিশ্বাবসুঃ স্বয়ম্।
সর্বভূতান্যমন্যন্ত মম বাদয়তীতি তম্॥ 7-61-8 (47086)
রাগখাণ্ডবভোজ্যৈশ্চ মত্তাঃ পতিষু শেরতে॥ 7-61-9 (47087)
তদেতদদ্ভুতং মন্যে অন্যৈর্ন সদৃশং নৃপৈঃ।
যদপ্সু যুধ্যমানস্য চক্রে ন পরিপেততুঃ॥ 7-61-10 (47088)
রাজানং দৃঢধন্বানং দিলীপং সত্যবাদিনম্।
যেঽপশ্যন্ভূরিদক্ষিণ্যং তেঽপি স্বর্গজিতো নরাঃ॥ 7-61-11 (47089)
পঞ্চ শব্দা ন জীর্যন্তি দিলীপস্য নিবেশনে।
স্বাধ্যায়ঘোষো জ্যাঘোষঃ পিবতাশ্নীত খাদত॥ 7-61-12 (47090)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-61-13 (47091)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে একষষ্টিতমোঽধ্যায়ঃ॥ 61 ॥
Mahabharata - Drona Parva - Chapter Footnotes
5-61-2 তন্ত্র ক্রিয়া॥ 5-61-4 পন্থা হিরণ্ময়ঃ। হিরণ্ময়্যঃ স্রুচো ভবন্তীতি বিধিমার্গস্তত আরভ্য প্রবৃত্ত ইত্যর্থঃ॥ 5-61-9 রাগখণ্ডবং গুডোদনম্। পর্পটিকেতি বৈদর্ভাঃ। যদ্যোষা হেমসচ্ছন্না মত্তাঃ পথিষু শেরতে ইতি ঙ.ড.পাঠঃ। পথি সুশেরতে ইতি ক. পাঠঃ। রাগস্বাণ্ডবভোজ্যৈশ্চ মত্তাঃ পথিষু শেরতে ইতি ঘ.পাঠঃ॥ 5-61-10 অপ্সু ন পরিপেততুঃ ন মমজ্জতুঃ। যস্যাপ্যযুধ্যমানস্য চক্রে ন পরিমর্দনম্ ইতি ক. পাঠঃ॥ 5-61-61 একষষ্টিতমোঽধ্যায়ঃ॥দ্রোণপর্ব - অধ্যায় 062
॥ শ্রীঃ ॥
7.62. অধ্যায়ঃ 062
Mahabharata - Drona Parva - Chapter Topics
নারদেন সৃঞ্জয়ম্প্রতি মান্ধাতৃচরিতাভিধানম্॥ 1 ॥Mahabharata - Drona Parva - Chapter Text
7-62-0 (47092)
নারদ উবাচ। 7-62-0x (4417)
মান্ধতারং যৌবনাশ্বং মৃতং সৃঞ্জয় শুশ্রুম।
যং দেবাবশ্বিনৌ গর্ভে পিতুঃ পার্শ্বে চকর্ষতুঃ॥ 7-62-1 (47093)
মৃগয়াং বিচরন্রাজা তৃষিতঃ ক্লান্তবাহনঃ।
ধূমং দৃষ্ট্বাঽগমৎসত্রং পৃষদাজ্যমবাপ সঃ॥ 7-62-2 (47094)
তং দৃষ্ট্বা যুবনাশ্বস্য জঠরে রবিসন্নিভম্।
গর্ভং নিরূহতুর্দেবাবশ্বিনৌ ভিষজাং বরৌ॥ 7-62-3 (47095)
তং দৃষ্ট্বা পিতুরুৎসঙ্গে শয়ানং দেববর্চসম্।
অন্যোন্যমব্রুবন্দেবাঃ কময়ং ধাস্যতীতি বৈ॥ 7-62-4 (47096)
মামেবায়ং ধয়ৎবঙ্গ ইতি হ স্মাহ বাসবঃ।
ততোঙ্গুলিভ্যো হীন্দ্রস্য প্রাদুরাসীৎপয়োঽমৃতম্॥ 7-62-5 (47097)
মাং ধাস্যতীতি কারণ্যাদ্যদিন্দ্রো হ্যন্বকম্পয়ৎ।
তস্মাত্তু মান্ধাতেত্যেবং নাম তস্যাদ্ভুতং কৃতম্॥ 7-62-6 (47098)
ততস্তু ধারাং পয়সো ঘৃতস্য চ মহাত্মনঃ।
তস্যাস্যে যৌবনাশ্বস্য পাণিরিন্দ্রস্য চাস্রবৎ॥ 7-62-7 (47099)
অপিবৎপাণিমিন্দ্রস্য স চাপ্যহ্গাঽভ্যবর্ধত।
সোঽভবদ্দ্বাদশসমো দ্বাদশাহেন বীর্যবান্॥ 7-62-8 (47100)
ইমাং চ পৃথিবীং কৃৎস্নামেকাহ্না স ব্যজীজয়ৎ।
ধর্মাত্মা ধৃতিমান্বীরঃ সত্যসন্ধো জিতেন্দ্রিয়ঃ॥ 7-62-9 (47101)
জনমেজয়ং সুধন্বানং গয়ং পূরুং বৃহদ্রথম্।
অসিতং চ নৃগং চৈব মান্ধাতা মানবোঽজয়ৎ॥ 7-62-10 (47102)
উদেতি চ যতঃ সূর্যো যত্র চ প্রতিতিষ্ঠতি।
তৎসর্বং যৌবনাশ্বস্য মান্ধাতুঃ ক্ষেত্রমুচ্যতে॥ 7-62-11 (47103)
সোঽশ্বমেধশতৈরিষ্ট্বা রাজসূয়শতেন চ।
অদদদ্রোহিতান্মৎস্যান্ব্রাহ্মণেভ্যো বিশাম্পতে॥ 7-62-12 (47104)
হৈরণ্যান্যোজনোৎসেধানায়তাঞ্শতয়োজনম্।
বহুপ্রকারান্সুস্বাদূন্ভক্ষ্যভোজ্যান্নপর্বতান্॥ 7-62-13 (47105)
অতিরিক্তং ব্রাহ্মণেভ্যো ভুঞ্জানো হীয়তে জনঃ॥ 7-62-14 (47106)
ভক্ষ্যান্নপাননিচয়াঃ শুশুভুস্ৎবন্নপর্বতাঃ।
ঘৃতহদাঃ সূপপঙ্কা দধিফেনাং গুডোদকাঃ॥ 7-62-15 (47107)
রুরুধুঃ পর্বতান্নদ্যো মধুক্ষীরবহাঃ শুভাঃ।
দেবাসুরা নরা যক্ষা গন্ধর্বোরগপক্ষিণঃ॥ 7-62-16 (47108)
বিপ্রাস্তত্রাগতাশ্চাসন্বেদবেদাঙ্গপারগাঃ।
ব্রাহ্মণা ঋষয়শ্চাপি নাসংস্তত্রাবিপশ্চিতঃ॥ 7-62-17 (47109)
সমুদ্রান্তাং বসুমতীং বসুপূর্ণাং তু সর্বতঃ।
স তাং ব্রাহ্মণসাৎকৃৎবা জগাম স্বান্গৃহান্প্রতি॥ 7-62-18 (47110)
`রাজাঽপি বিবিধৈরিষ্ট্বা যজ্ঞৈর্বিবিধদক্ষিণৈঃ'।
গতঃ পুণ্যকৃতাং লোকান্ব্যাপ্য স্বয়শসা দিশঃ॥ 7-62-19 (47111)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-62-20 (47112)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে দ্বিষষ্টিতমোঽধ্যায়ঃ॥ 62 ॥
Mahabharata - Drona Parva - Chapter Footnotes
5-62-6 তস্মান্মান্ধাতরিত্যেবং ইতি ক.পাঠঃ॥ 5-62-8 দ্বাদশসমো দ্বাদশবার্ষিকঃ। শয় ইতি পাঠে দ্বাদশহস্তঃ। ব্যজীজয়দ্বিজিতবান্॥ 5-62-13 রোহিতান্ লোহিতভূপ্রদেশান্পদ্মরাগখনিমতো বা মৎস্যান্দেশবিশেষান্। হৈরণ্যান্ স্বর্ণাকরয়ুক্তান্। জনোৎসেধান্ জনেষু উৎসেধ উচ্ছ্রায়ো যেষাং তান্। মৎস্যদেশোৎপন্নে হি নদ্যাবদ্যাপি পরম্পরয়া পূর্বাপরৌ সমুদ্রৌ গচ্ছত ইতি তেষামুচ্ছ্রিতৎবং প্রসিদ্ধম্। রোহিতানশ্বান্ ইতি ক.ঙ.পাঠঃ॥ 5-62-14 অতিরিক্তমবশিষ্টং ভুঞ্জানো জন এব হীয়তে তৎবন্নমিত্যর্থঃ॥ 5-62-62 দ্বিষষ্টিতমোঽধ্যায়ঃ॥দ্রোণপর্ব - অধ্যায় 063
॥ শ্রীঃ ॥
7.63. অধ্যায়ঃ 063
Mahabharata - Drona Parva - Chapter Topics
নারদ উবাচ।Mahabharata - Drona Parva - Chapter Text
7-63-0 (47113)
নারদ উবাচ। 7-63-0x (4418)
যয়াতিং নাহুষং চৈব মৃতং সৃঞ্জয় শুশ্রুম।
`য ইমাং পৃথিবীং জিৎবা সসমুদ্রাং সপর্বতাম্॥ 7-63-1 (47114)
শম্যাপ্রাসেন নির্মায় বেদীঃ সন্নতদক্ষিণাঃ।
ঈজানঃ ক্রতুভিঃ পুণ্যৈঃ পর্যগচ্ছৎপ্রদক্ষিণম্'॥ 7-63-2 (47115)
রাজসূয়শতৈরিষ্ট্বা সোঽশ্বমেধশতেন চ।
পুণ্ডরীকসহস্রেণ বাজপেয়শতৈস্তথা॥ 7-63-3 (47116)
অতিরাত্রসহস্রেণ চাতুর্মাস্যৈশ্চ কামতঃ।
অগ্নিষ্টোমৈশ্চ বিবিধৈঃ সত্রৈশ্চ প্রাজ্যদক্ষিণৈঃ॥ 7-63-4 (47117)
অব্রাহ্মণানাং যদ্বিত্তং পৃথিব্যামস্তি কিঞ্চন।
তৎসর্বং পরিসঙ্খ্যায় ততো ব্রাহ্মণসাৎকরোৎ॥ 7-63-5 (47118)
সরস্বতী পুণ্যতমা নদীনাং
তথা সমুদ্রাঃ সরিতঃ সাদ্রয়শ্চ।
ঈজানায় পুণ্যতমায় রাজ্ঞে
ঘৃতং পয়ো দুদুহুর্নাহুষায়॥ 7-63-6 (47119)
ব্যূঢে দেবাসুরে যুদ্ধে কৃৎবা দেবসহায়তাম্।
চতুর্ধা ব্যভজৎসর্বাং চতুর্ভ্যঃ পৃথিবীমিমাম্॥ 7-63-7 (47120)
যজ্ঞৈর্নানাবিধৈরিষ্ট্বা প্রজামুৎপাদ্য চোত্তমাম্।
দেবয়ান্যাং চৌশনস্যাং শর্মিষ্ঠায়াং চ ধর্মতঃ॥ 7-63-8 (47121)
দেবারণ্যেষু সর্বেষু বিজহারামরোপমঃ।
আত্মনঃ কামচারেণ দ্বিতীয় ইব বারাবঃ॥ 7-63-9 (47122)
যদা নাভ্যগমচ্ছান্তিং কামানাং সর্ববেদবিৎ।
ততো গাথামিমাং গীৎবা সদারঃ প্রাবিশদ্বনম্॥ 7-63-10 (47123)
যৎপৃথিব্যাং ব্রীহিয়বং হিরণ্যং পশবঃ স্ত্রিয়ঃ।
নালমেকস্য তৎসর্বমিতি মৎবা শমং ব্রজেৎ॥ 7-63-11 (47124)
এবং কামান্পরিত্যজ্য যয়াতির্ধৃতিমেত্য চ।
পূরুং রাজ্যে প্রতিষ্ঠাপ্য প্রয়াতো বনমীশ্বরঃ॥ 7-63-12 (47125)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-63-13 (47126)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে ত্রিষষ্টিতমোঽধ্যায়ঃ॥ 63 ॥
Mahabharata - Drona Parva - Chapter Footnotes
5-63-4 প্রাজ্যদক্ষিণৈঃ বহুদক্ষিণৈঃ॥ 5-63-5 অব্রাহ্মণানাং ব্রাহ্মণদ্বেষিণাম্। ম্লেচ্ছানামিতি যাবৎ। পরিসঙ্ক্যায় অপহৃত্য॥ 5-63-7 চতুর্ভ্যঃ ঋৎবিগ্ভ্যঃ। প্রাচীদিগ্ঘোতুর্দক্ষিণাধ্বর্যোরিত্যাদিশ্রুতেঃ॥ 5-63-63 ত্রিষষ্টিতমোঽধ্যায়ঃ॥দ্রোণপর্ব - অধ্যায় 064
॥ শ্রীঃ ॥
7.64. অধ্যায়ঃ 064
Mahabharata - Drona Parva - Chapter Topics
নারদেন সৃঞ্জয়ম্প্রত্যম্বরীষবিভবাভিধানম্॥ 1 ॥Mahabharata - Drona Parva - Chapter Text
7-64-0 (47127)
নারদ উবাচ। 7-64-0x (4419)
নাভাগমম্বরীষং চ মৃতং সৃঞ্জয় শুশ্রুম।
যঃ সহস্রং সহস্রাণাং রাজ্ঞাং চৈকস্ৎবয়োধয়ৎ॥ 7-64-1 (47128)
জিগীষমাণাঃ সঙ্গ্রামে সমন্তাদ্বৈরিণোঽভ্যযুঃ।
অস্ত্রয়ুদ্ধবিদো ঘোরাঃ সৃজন্তশ্চাশিবা গিরঃ॥ 7-64-2 (47129)
বললাঘবশিক্ষাভিস্তেষাং সোঽস্ত্রবলেন চ।
ছত্রায়ুধধ্বজরথাংশ্ছিত্ৎবা প্রাসান্গতব্যথঃ॥ 7-64-3 (47130)
ত এনং মুক্তসন্নাহাঃ প্রার্থয়ঞ্জীবিতৈষিণঃ।
শরণ্যমীয়ুঃ শরণং তব স্ম ইতি বাদিনঃ॥ 7-64-4 (47131)
স তু তান্বশগান্কৃৎবা জিৎবা চেমাং বসুন্ধরাম্।
ঈজে যজ্ঞশতৈরিষ্টৈর্যথা শক্রস্তথাঽনঘঃ॥ 7-64-5 (47132)
বুভুজুঃ সর্বসম্পন্নমন্নমন্যে জনাঃ সদা।
তস্মিন্যজ্ঞে তু বিপ্রেন্দ্রাঃ সন্তৃপ্তাঃ পরমার্চিতাঃ॥ 7-64-6 (47133)
মোদকান্পূরিকাপূপান্স্বাদুপূর্ণাশ্চ শষ্কুলীঃ।
করম্ভান্পৃথুমৃদ্বীকা অন্নানি সুকৃতানি চ॥ 7-64-7 (47134)
সূপান্মৈরেয়কাপূপান্রাগষাডবপানকান্।
মৃষ্টান্নানি সুয়ুক্তানি মৃদূনি সুরভীণি চ॥ 7-64-8 (47135)
ঘৃতং মধু পয়স্তোয়ং দধীনি রসবন্তি চ।
ফলং মূলং সুস্বাদু দ্বিজাস্তত্রোপভুঞ্জতে॥ 7-64-9 (47136)
মদনীয়ানি পাপানি বিদিৎবা চাত্মনঃ সুখম্।
অপিবন্ত যথাকামং পানপা গীতবাদিতৈঃ॥ 7-64-10 (47137)
তত্র স্ম গাথা গায়ন্তি ক্ষীবা হৃষ্টাঃ পঠন্তি চ।
নাভাগস্তুতিসংয়ুক্তা ননৃতুশ্চ সহস্রশঃ॥ 7-64-11 (47138)
তেষু যজ্ঞেষ্বম্বরীষো দক্ষিণামত্যকালয়ৎ।
রাজ্ঞাং শতসহস্রাণি দশপ্রয়ুতয়াজিনাম্॥ 7-64-12 (47139)
হিরণ্যকবচান্সর্বাঞ্শ্বেতচ্ছত্রপ্রকীর্ণকান্।
হিরণ্যস্যন্দনারূঢান্সানুয়াত্রপরিচ্ছাদান্॥ 7-64-13 (47140)
ঈজানো বিততে যজ্ঞে দক্ষিণামত্যকালয়ৎ।
মূর্ধাভিষিক্তাংশ্চ নৃপান্রাজপুত্রশতানি চ॥ 7-64-14 (47141)
স দণ্ডকোশনিচয়ান্ব্রাহ্মণেভ্যো হ্যমন্যত।
নৈবং পূর্বে জনাশ্চক্রুর্ন করিষ্যন্তি চাপরে॥ 7-64-15 (47142)
যদম্বরীষো নৃপতিঃ করোত্যমিতদক্ষিণঃ।
ইত্যেবমনুমোদন্তে প্রীতা যস্য মহর্ষয়ঃ॥ 7-64-16 (47143)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-64-17 (47144)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে চতুঃষষ্টিতমোঽধ্যায়ঃ॥ 64 ॥
Mahabharata - Drona Parva - Chapter Footnotes
5-64-8 সূপাদ্যোরণ্ডকান্যূষান্ ইতি ক.ঙ.পাঠঃ॥ 5-64-10 মাদনীয়ানি মদকরাণি সুরাদীনি। পাপানি পাপহেতূনীতি জ্ঞাৎবাপি সুখলিপ্সবঃ পিবন্তীত্যর্থঃ। মদনীয়ানি পানানি বিদংশানাত্মনঃ প্রিয়ান্। পপুস্তত্র যথাকামং পানপা(কা) গীতকাঃ পরম্ ইতি ক.পাঠঃ)॥ 5-64-12 অত্যকালয়দ্দাতুং নিষ্কাসিতবান্। জিতা রাজান্ এব সোপস্করদক্ষিণাৎবেন দত্তাঃ। তেষাং রাজ্যানি তে রাজানশ্চ ব্রাহ্মণসাৎকৃতা ইত্যর্থঃ॥ 5-64-64 চতুঃষষ্ঠিতমোঽধ্যায়ঃ॥দ্রোণপর্ব - অধ্যায় 065
॥ শ্রীঃ ॥
7.65. অধ্যায়ঃ 065
Mahabharata - Drona Parva - Chapter Topics
নারদেন সৃঞ্জয়ম্প্রতি শশিবিন্দুয়শোনুবর্ণনম্॥ 1 ॥Mahabharata - Drona Parva - Chapter Text
7-65-0 (47145)
নারদ উবাচ। 7-65-0x (4420)
শশিবিন্দুং চ রাজানং মৃতং সৃঞ্জয় শুশ্রুম।
য ঈজে বিবিধৈর্যজ্ঞৈঃ শ্রীমান্সত্যপরাক্রমঃ॥ 7-65-1 (47146)
তস্য ভার্যাসহস্রাণাং শতমাসীন্মহাত্মনঃ।
একৈকস্যাং চ ভার্যায়াং সহস্রং তনয়াভবন্॥ 7-65-2 (47147)
তে কুমারাঃ পরাক্রান্তাঃ সর্বে নিয়ুতয়াজিনঃ।
রাজানঃ ক্রতুভির্মুখ্যৈরীজানা বেদপারগাঃ॥ 7-65-3 (47148)
হিরণ্যকবচাঃ সর্বে সর্বে চোত্তমধন্বিনঃ।
সর্বেঽশ্বমেধৈরীজানাঃ কুমারাঃ শাশিবিন্দবাঃ॥ 7-65-4 (47149)
তানশ্বমেধে রাজেন্দ্রো ব্রাহ্মণেভ্যোদদৎপিতা।
শতংশতং রথগজা একৈকং পৃষ্ঠতোঽন্বয়ুঃ॥ 7-65-5 (47150)
রাজপুত্রং তদা কন্যাস্তপনীয়স্বলঙ্কৃতাঃ।
কন্যাঙ্কন্যাং শতং নাগা নাগেনাগে শতং রথাঃ॥ 7-65-6 (47151)
রথেরথে শতং চাশ্বা বলিনো হেমমালিনঃ।
অশ্বেঅশ্বে গোসহস্রং গবাং পঞ্চাশদাবিকাঃ॥ 7-65-7 (47152)
এতদ্ধনমপর্যাপ্তমশ্বমেধে মহামস্বে।
শশিবিন্দুর্মহাভাগো ব্রাহ্মণেভ্যো হ্যমন্যত॥ 7-65-8 (47153)
বার্ক্ষাশ্চ যূপা যাবন্ত অশ্বমেধে মহামখে।
তে তথৈব পুনশ্চান্যে তাবন্তঃ কাঞ্চনাভবন্॥ 7-65-9 (47154)
ভক্ষ্যান্নপাননিচয়াঃ পর্বতাঃ ক্রোশমুচ্ছ্রিতাঃ।
তস্যাশ্বমেধে নির্বৃত্তে রাজ্ঞঃ শিষ্টাস্ত্রয়োদশ॥ 7-65-10 (47155)
তুষ্টপুষ্টজনাকীর্ণাং শান্তবিঘ্নামনাময়াম্। 7-65-11 (47156)
শশিবিন্দুরিমাং ভূমিং চিরং ভুক্ৎবা দিবং গতঃ॥ 7-65-11 (47157)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-65-12 (47158)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে পঞ্চষষ্টিতমোঽধ্যায়ঃ॥ 65 ॥
Mahabharata - Drona Parva - Chapter Footnotes
5-65- ত্রয়োদশাস্ত্র নিচয়াঃ শিষ্টাঃ॥ 5-65- পঞ্চষষ্টিতমোঽধ্যায়ঃ॥ 65 ॥দ্রোণপর্ব - অধ্যায় 066
॥ শ্রীঃ ॥
7.66. অধ্যায়ঃ 066
Mahabharata - Drona Parva - Chapter Topics
নারদেন সৃঞ্জয়ম্প্রতি গয়গুণানুবর্ণনম্॥ 1 ॥Mahabharata - Drona Parva - Chapter Text
7-66-0 (47159)
নারদ উবাচ। 7-66-0x (4421)
গয়ং চাধূর্তরজসং মৃতং সৃঞ্জয় শুশ্রুম।
যে বৈ বর্ষশত রাজা হুতশিষ্টাশনোঽভবৎ॥ 7-66-1 (47160)
তস্মৈ হ্যগ্নির্বরং প্রাদাত্ততো বব্রে বরং গয়ঃ।
তপসা ব্রহ্মচর্যেণ ব্রতেন নিয়মেন চ॥ 7-66-2 (47161)
গুরূণাং চ প্রসাদেন বেদানিচ্ছামি বেদিতুম্।
স্বধর্মেণাবিহিংস্যান্যান্ধনমিচ্ছামি চাক্ষয়ম্॥ 7-66-3 (47162)
বিপ্রেষু দদতশ্চৈব শ্রদ্ধা ভবতু নিত্যশঃ।
কন্যাসু চ সবর্ণাসু সুপ্রজস্ৎবং চ মে ভবেৎ॥ 7-66-4 (47163)
অন্নমোজো মহো মহ্যং ধর্মে মে রমতাং মনঃ।
অবিঘ্নং চাস্তু মে নিত্যং ধর্মকার্যেষু পাবক॥ 7-66-5 (47164)
তথা ভিষ্যতীত্যুক্ৎবা তত্রৈবান্তরধীয়ত।
গয়ো হ্যবাপ্য তৎসর্বং ধর্মেণারাধয়ঞ্জগৎ॥ 7-66-6 (47165)
স দর্শপূর্ণমাসাভ্যাং কালেষ্বাগ্রয়ণেন চ।
চাতুর্মাস্যৈশ্চ বিবিধৈর্যজ্ঞৈশ্চাবাপ্তদক্ষিণৈঃ॥ 7-66-7 (47166)
অয়জচ্ছ্রদ্ধয়া রাজা পরিসংবৎসরাঞ্শতম্।
গবাং শতসহস্রাণি শতমশ্বশতানি চ॥ 7-66-8 (47167)
শতং নিষ্কসহস্রাণি গবাং চাপ্যযুতানি ষট্।
উত্থায়োত্থায় সম্প্রাদাৎপরিসংবৎসরাঞ্শতম্॥ 7-66-9 (47168)
নক্ষত্রেষু চ সর্বেষু দদন্নক্ষত্রদক্ষিণাঃ।
ঈজে চ বিবিধৈর্যজ্ঞৈর্যথা সোমোঽঙ্গিরা যথা॥ 7-66-10 (47169)
সৌবর্ণাং পৃথিবীং কৃৎবা য ইমাং প্রমিশর্করাম্।
বিপ্রেভ্যঃ প্রাদদদ্রাজা সোঽশ্বমেধে মহামখে॥ 7-66-11 (47170)
জাম্বূনদময়া যূপাঃ সর্বে রত্নপরিচ্ছদাঃ।
গয়স্যাসন্সমৃদ্ধাস্তু সর্বভূতমনোহরাঃ॥ 7-66-12 (47171)
সর্বকামসমৃদ্ধং চ প্রাদাদন্নং গয়স্তদা।
ব্রাহ্মমেভ্যঃ প্রহৃষ্টেভ্যঃ সর্বভূতেভ্য এব চ॥ 7-66-13 (47172)
সসমুদ্রবনদ্বীপনদীনদবনেষু চ।
নগরেষু চ রাষ্ট্রেষু দিবি ব্যোম্নি চ যেঽবসন্॥ 7-66-14 (47173)
ভূতগ্রামাশ্চ বিবিধাঃ সন্তৃপ্তা যজ্ঞসম্পদা।
গয়স্য সদৃশো যজ্ঞো নাস্ত্যন্য ইতি তেঽব্রুবন্॥ 7-66-15 (47174)
ষট্ত্রিংশদ্যোজনায়ামা ত্রিংশদ্যোজনমায়তা।
পশ্চাৎপুরশ্চতুর্বিংশদ্বেদী হ্যাসীদ্ধিরণ্ময়ী॥ 7-66-16 (47175)
গয়স্য যজমানস্য মুক্তাবজ্রমণিস্তৃতা।
প্রাদাৎস ব্রাহ্মণেভ্যোঽথ বাসাংস্যাভরণানি চ॥ 7-66-17 (47176)
যথোক্তা দক্ষিণাশ্চান্যা বিপ্রেভ্যো ভূরিদক্ষিণঃ।
যত্র ভোজনশিষ্টস্য পর্বতাঃ পঞ্চবিংশতিঃ॥ 7-66-18 (47177)
কুল্যাশ্চ ক্ষীরবাহিন্যো রসানাং চাপভবংস্তদা।
বস্ত্রাভরণগন্ধানাং শারয়শ্চ পৃথগ্বিধাঃ॥ 7-66-19 (47178)
যস্য প্রভাবাচ্চ গয়স্ত্রিষু লোকেষু বিশ্রুতঃ।
বটশ্চাক্ষয়্যকরণঃ পুণ্যং ব্রহ্মসরশ্চ তৎ॥ 7-66-20 (47179)
স চেন্মমার স়ঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-66-21 (47180)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে ষট্ষষ্টিতমোঽধ্যায়ঃ॥ 66 ॥
Mahabharata - Drona Parva - Chapter Footnotes
5-66-1 গয়ং চামূর্তরয়সং ইতি ঘ. ঝ.পাঠঃ॥ 5-66-4 পাত্রেষু দদতঃ সামে শ্রদ্ধা ভবতু ইতি ক.ঙ.ড.পাঠঃ॥ 5-66-7 পৌর্ণমাসাভ্য ইতি ঘ. পাঠঃ॥ 5-66-10 নক্ষত্রবিহিতা দক্ষিণাঃ॥ 5-66-20 যস্য প্রসাদাদ্রায়ত্রী ত্রিষু লোকেষু বিশ্রুতা ইতি ক.পাঠঃ॥ 5-66-66 ষট্ষষ্টিতমোঽধ্যায়ঃ॥দ্রোণপর্ব - অধ্যায় 067
॥ শ্রীঃ ॥
7.67. অধ্যায়ঃ 067
Mahabharata - Drona Parva - Chapter Topics
নারদেন সৃঞ্জয়ম্প্রতি রন্তিদেবচরিত্রকীর্তনম্॥ 1 ॥Mahabharata - Drona Parva - Chapter Text
7-67-0 (47181)
নারদ উবাচ। 7-67-0x (4422)
সাঙ্কৃতিং রন্তিদেবং চ মৃতং সৃঞ্জয় শুশ্রুম।
যস্য দ্বিশতসাহস্রা আসন্সূদা মহাত্মনঃ॥ 7-67-1 (47182)
গৃহানভ্যাগতান্বিপ্রানতিথীন্পরিবেষকাঃ।
পক্বংপক্বং দিবারাত্রং বরান্নমমৃতোপমম্॥ 7-67-2 (47183)
ন্যায়েনাধিগতং বিত্তং ব্রাহ্মণেভ্যো হ্যমন্যত।
বেদানধীত্য ধর্মেণ যশ্চক্রে দ্বিষতো বশে॥ 7-67-3 (47184)
উপস্থিতাশ্চ পশবঃ স্বয়ং যং শংসিতব্রতম্।
বহবঃ স্বর্গমিচ্ছন্তো বিধিবৎসত্রয়াজিনম্॥ 7-67-4 (47185)
নদী মহানসাদ্যস্য প্রবৃতক্তা চর্মরাশিতঃ।
তস্মাচ্চর্মণ্বতী নাম খ্যাতা পুণ্যা সরিদ্বরা॥ 7-67-5 (47186)
ব্রাহ্মণেভ্যো দদন্নিষ্কান্সৌবর্ণান্স প্রভাবতঃ।
তুভ্যং নিষ্কং তুভ্যং নিষ্কমিতি হ স্ম প্রভাষতে॥ 7-67-6 (47187)
তুভ্যন্তুভ্যমিতি প্রাদান্নিষ্কান্নিষ্কান্সহস্রশঃ।
তত পুনঃ সমাশ্বাস্য নিষ্কানেব প্রয়চ্ছতি॥ 7-67-7 (47188)
অল্পং দত্তং ময়াঽদ্যেতি নিষ্ককোটিং সহস্রশঃ।
একাহ্না তাম্যতি ততঃ ক্বাদ্য বিপ্রা ইতি ব্রুবন্॥ 7-67-8 (47189)
দ্বিজপাণিবিয়োগেন দুঃখং মে শাশ্বতং মহৎ।
ভবিষ্যতি ন সন্দেহ এবং রাজাঽদদদ্বসু॥ 7-67-9 (47190)
সহস্রশশ্চ সৌবর্ণান্বৃষভান্গোশতানুগান্।
সাষ্টং শতং সুবর্ণানাং নিষ্কমাহুর্ধনং তথা॥ 7-67-10 (47191)
অধ্যর্ধমাসমদদদ্ব্রাহ্মণেভ্যঃ শতং সমাঃ।
অগ্নিহোত্রোপকরণং যজ্ঞোপকরণং চ যৎ॥ 7-67-11 (47192)
ঋষিভ্যঃ করকান্কুম্ভান্স্থালীঃ পিঠরমেব চ।
শয়নাসনায়ানানি প্রাসাদাংশ্চ গৃহাণি চ॥ 7-67-12 (47193)
বৃক্ষাংশ্চ বিবিধান্দদ্যাদন্নানি চ ধনানি চ।
সর্বং সৌবর্ণমেবাসীদ্রন্তিদেবস্য ধীমতঃ॥ 7-67-13 (47194)
তত্রাস্য গাথা গায়ন্তি যে পুরাণবিদো জনাঃ।
রন্তিদেবস্য তাং দৃষ্ট্বা সমৃদ্ধিমতিমানুষীম্॥ 7-67-14 (47195)
নৈতাদৃশং দৃষ্টপূর্বং কুবেরসদনেষ্বপি।
ধনং চ পূর্যমাণং নঃ কিং পুনর্মনুজেষ্বিতি॥ 7-67-15 (47196)
ব্যক্তং বস্বোকসারেয়মিত্যুচুস্তত্র বিস্মিতাঃ।
সাঙ্কৃতে রন্তিদেবস্য যাং রাত্রিমতিথির্বসেৎ॥ 7-67-16 (47197)
আলভ্যন্ত তদা গাবঃ সহস্রাণ্যেকবিংশতিঃ।
তত্র স্ম সূদাঃ ক্রোশন্তি সুমৃষ্টমণিকুণ্ডলাঃ॥ 7-67-17 (47198)
সূপং ভূয়িষ্ঠমশ্নীধ্বং নাদ্য মাংসং যথা পুরা।
রন্তিদেবস্য যৎকিঞ্চিৎসৌবর্ণমভবত্তদা॥ 7-67-18 (47199)
তৎসর্বং বিততে যজ্ঞে ব্রাহ্মণেভ্যো হ্যমন্যত।
প্রত্যক্ষং তস্য হব্যানি প্রতিগৃহ্ণন্তি দেবতাঃ॥ 7-67-19 (47200)
কব্যানি পিতরঃ কালে সর্বকামান্দ্বিজোত্তমাঃ।
স চেন্মমার সৃঞ্জয় চতুর্ভদ্রতরস্ৎবয়া॥ 7-67-20 (47201)
পুত্রাৎপুণ্ডতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-67-21 (47202)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে সপ্তষষ্টিতমোঽধ্যায়ঃ॥ 67 ॥
Mahabharata - Drona Parva - Chapter Footnotes
5-67-3 ন্যায়েনাধিগতং বিত্তং যেনাক্ষয়্যং ইতি ক.ঙ. পাঠঃ॥ 5-67-8 একান্হা দাস্যতি পুনঃ কোঽন্যস্তৎসম্প্রদাস্যতি ইতি ঘ.ঝ.পাঠঃ॥ 5-67-10 পারিভাষিকং নিষ্কমাহ সহস্রশ ইতি॥ 5-67-11 অধ্যর্ধমাসং পক্ষে পক্ষে ইত্যর্থঃ। শতং সমা ইতি বাক্যশেষাৎ॥ 5-67-15 ধনং চ পূর্ণমাসাদ্য ইতি ঘ.ঙ.পাঠঃ॥ 5-67-16 বস্বোকসারা সলোপ আর্ষঃ। কনকময়ানি ওকাংসি সারো যস্যাঃ সা তথা॥ 5-67-18 নাদ্যাশ্নীত যথা পুরা ইতি ক. পাঠঃ॥ 5-67-67 সপ্তষষ্টিতমোঽধ্যায়ঃ॥দ্রোণপর্ব - অধ্যায় 068
॥ শ্রীঃ ॥
7.68. অধ্যায়ঃ 068
Mahabharata - Drona Parva - Chapter Topics
নারদেন সৃঞ্জয়ম্প্রতি ভরতচরিতকথনম্॥ 1 ॥Mahabharata - Drona Parva - Chapter Text
7-68-0 (47203)
নারদ উবাচ। 7-68-0x (4423)
দৌষ্যন্তি ভরতং চাপি মৃতং সৃঞ্জয় শুশ্রুম।
কর্মাণ্যসুকরাণ্যন্যৈঃ কৃতবান্যঃ শিশুর্বনে॥ 7-68-1 (47204)
হিমাবদাতান্যঃ সিংহান্নখদংষ্ট্রায়ুধান্বলী।
নির্বীর্যাংস্তরসা কৃৎবা বিচকর্ষ ববন্ধ চ॥ 7-68-2 (47205)
ক্রূরাংশ্চোগ্রতরান্ব্যাঘ্রান্দমিৎবা চাকরোদ্বশে।
মনঃশিলা ইব শিলাঃ সংয়ুক্তা জতুরাশিভিঃ॥ 7-68-3 (47206)
ত্রায়লাদীংশ্চাতিবলবান্সুপ্রতীকান্গজানপি।
দংষ্ট্রাসু গৃহ্য বিমুখাঞ্শুষ্কাস্যানকরোদ্বশে॥ 7-68-4 (47207)
মহিষানপ্যতিবলো বলিনো বিচকর্ষ হ।
সিংহানাং চ সুদৃপ্তানাং শতান্যাকর্ষয়দ্বলাৎ॥ 7-68-5 (47208)
বলিনঃ সৃমরান্খঙ্গান্নানাসত্ৎবানি চাপ্যুত।
কৃচ্ছ্রপ্রাণান্বনে বদ্ধ্বা দময়িৎবাপ্যবাসৃজৎ॥ 7-68-6 (47209)
তং সর্বদমনেত্যাহুর্দ্বিজাস্তেনাস্য কর্মণা।
তং প্রত্যষেধজ্জননী মা সৎবানি ব্যনীনশঃ॥ 7-68-7 (47210)
সোঽশ্বমেধশতেনেজে যমুনামনু বীর্যবান্।
ত্রিশতৈশ্চ সরস্বত্যাং গঙ্গামনু চতুঃশতৈঃ॥ 7-68-8 (47211)
সৌঽশ্বমেধসহস্রেণ রাজসূয়শতেন চ।
পুনরীজে মহায়জ্ঞৈঃ সমাপ্তবরদক্ষিণৈঃ॥ 7-68-9 (47212)
অগ্নিষ্টোমাতিরাত্রাণামুক্থ্যবিশ্বজিতাং চ সঃ।
বাজপেয়সহস্রামাং সহস্রৈশ্চ সুসংবৃতৈঃ॥ 7-68-10 (47213)
ইষ্ট্বা শাকুন্তলো রাজা তর্পয়িৎবা দ্বিজান্ধনৈঃ।
সহস্রং যত্র পদ্মানাং কণ্বায় ভরতো দদৌ।
জাম্বূনদস্য শুদ্ধস্য কনকস্য মহায়শাঃ॥ 7-68-11 (47214)
যস্য যূপাঃ সতব্যামাঃ পরিণাহেন কাঞ্চনাঃ।
সমাগম্য দ্বিজৈঃ সার্ধে সেন্দ্রৈর্দেবৈঃ সমুচ্ছ্রিতাঃ॥ 7-68-12 (47215)
অলঙ্কৃতান্রাজমানান্সর্বরত্নৈর্মনোহরৈঃ।
হৈরণ্যান্দ্বিরদানশ্বান্রথানুষ্ট্রানজাবিকান্॥ 7-68-13 (47216)
দাসী দাসং ধনং ধান্যং গাঃ সবৎসাঃ পয়স্বিনীঃ।
গ্রামান্গৃহাংশ্চ ক্ষেত্রাণি বিবিধাংশ্চ পরিচ্ছদান্॥ 7-68-14 (47217)
কোটীশতায়ুতাংশ্চৈব ব্রাহ্মণেভ্যো হ্যমন্যত।
চক্রবর্তী হ্যদীনাত্মা জিতারির্হ্যজিতঃ পরৈঃ॥ 7-68-15 (47218)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-68-16 (47219)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে অষ্টষষ্টিতমোঽধ্যায়ঃ॥ 68 ॥
Mahabharata - Drona Parva - Chapter Footnotes
5-68-1 শুচির্বনে ইতি ক.ঙ.পাঠঃ॥ 5-68-3 ক্রুরানিতি। যথা মনঃশিলাময়াঃ শিলাঃ জতুরাশিভির্লাভাপুজ্জৈর্যুক্তাস্তৎসদৃশান্ রক্তবিন্দুয়ুক্তান্ রক্তপীতবর্ণান্ ব্যাঘ্রবিশেষান্ বশেঽকরোদিত্যর্থঃ। শিলাঃ প্রভুৎবাজ্জনকাশিনঃ ইতি ক. পাঠঃ॥ 5-68-12 ব্যামো হস্তচতুষ্টয়ম্। পরিণাহেন দৈর্ঘ্যেণ ॥ 5-68-68 অষ্টষষ্টিতমোঽধ্যায়ঃ॥দ্রোণপর্ব - অধ্যায় 069
॥ শ্রীঃ ॥
7.69. অধ্যায়ঃ 069
Mahabharata - Drona Parva - Chapter Topics
নারদেন সৃঞ্জয়ম্প্রতি পৃথুচরিব্রকথনম্॥ 1 ॥Mahabharata - Drona Parva - Chapter Text
7-69-0 (47220)
নারদ উবাচ। 7-69-0x (4424)
পুথুং বৈন্যং চ রাজানং মৃতং সৃঞ্জয় শুশ্রুম।
যমব্যষিঞ্চৎসম্মন্ত্র্য রাজসূয়ে মহর্ষয়ঃ॥ 7-69-1 (47221)
অয়ং নঃ প্রথয়িষ্যেত সর্বানিত্যভবৎপৃথুঃ।
ক্ষতান্নস্ত্রাস্যতে সর্বানত্যেবং ক্ষত্রিয়োঽভবৎ॥ 7-69-2 (47222)
পৃথুং বৈন্যং প্রজা দৃষ্ট্বা রক্তাঃ স্মেতি যদব্রুবন্।
ততো রাজেতি নামাস্য অনুরাগাদজায়ত॥ 7-69-3 (47223)
অকৃষ্টপচ্যা পৃথিবী আসীদ্বৈন্যস্য কামধুক্।
সর্বাঃ সমাদুঘা গাবঃ পুটকেপুটকে মধু॥ 7-69-4 (47224)
আসন্হিরণ্ময়া বৃক্ষাঃ সুখস্পর্শাঃ সুখাবহাঃ।
তেষাং চীরxx সংবীতাঃ প্রজাস্তেষ্বেব শেরতে॥ 7-69-5 (47225)
ফলান্যমৃতকল্পানি স্বাদূনি চ মধূনি চ।
তেষামাসীত্তদাঽঽহারো নিরাহারাশ্চ নাভবন্॥ 7-69-6 (47226)
অরোগাঃ সর্বসিদ্ধার্থা মনুষ্যা হ্যকুতোভয়াঃ।
ন্যবসন্ত যথাকামং বৃক্ষেষু চ গুহাসু চ॥ 7-69-7 (47227)
প্রবিভাগো ন রাষ্ট্রাণাং পুরাণাং চাভবত্তদা।
যথাসুখং যথাকামং তথৈতা মুদিতাঃ প্রজাঃ॥ 7-69-8 (47228)
তস্য সংস্তম্ভিতা হ্যাপঃ সমুদ্রমভিয়াস্যতঃ।
পর্বতাশ্চ দদুর্মার্গং ধ্বজভঙ্গশ্চ নাভবৎ॥ 7-69-9 (47229)
তং বনস্পতয়ঃ শৈলা দেবাসুরনরোরগাঃ।
সপ্তর্ষয়ঃ পুণ্যজনা গন্ধর্বাপ্সরসোঽপি চ।
পিতরশ্চ সুখাসীনমভিগম্যেদমব্রুবন্॥ 7-69-10 (47230)
সম্রাডসি ক্ষত্রিয়োঽসি রাজা গোপ্তা পিতাঽসি নঃ।
দেহ্যস্মভ্যং মহারাজ প্রভুঃ সন্নীপ্সিতান্বরান্।
যৈর্বয়ং শাশ্বতং তৃপ্তা বর্তয়িষ্যামহে সুখম্॥ 7-69-11 (47231)
`বিজ্ঞাপিতঃ প্রজাভিস্তু প্রজানাং হিতকাম্যযা।
ধনুর্গৃহ্য পৃষৎকাংশ্চ বসুধামাদ্রবদ্বলী॥ 7-69-12 (47232)
ততো বৈন্যভয়াদ্রাজন্গৌর্ভূৎবা প্রাদ্রবন্মহী।
তাং পৃথুর্ধনুরাদায় দ্রবন্তীমন্বসারয়ৎ॥ 7-69-13 (47233)
সা লোকান্ব্রহ্মলোকাদীন্গৎবা বৈন্যভয়ার্দিতা।
সা দদর্শাগ্রতো বৈন্যং কার্মুকোদ্যতপাণিকম্॥ 7-69-14 (47234)
জ্বলদ্ভির্বিশিখৈর্বাণৈর্দীপ্ততেজঃসমদ্যুতিম্।
মহায়োগং মহাত্মানং দুর্ধর্ষমমরৈরপি॥ 7-69-15 (47235)
অলভন্তী পরিত্রাণং বৈন্যমেবাভ্যপদ্যত।
কৃতাঞ্জলিপুটা রাজন্পূজ্যং লোকৈস্ত্রিভিস্তদা॥ 7-69-16 (47236)
উবাচ চৈনং নাধর্ম্যং স্ত্রীবধং কর্তুমর্হসি।
কথং ধারয়িতা চাসি প্রজা রাজন্ময়া বিনা॥ 7-69-17 (47237)
পৃথুরুবাচ। 7-69-18x (4425)
একস্যার্থায় যো হন্যাদাত্মনো বা পরস্য বা।
একং প্রাণান্বহূন্বাপি প্রাণিনাং নাস্তি পাতকং॥ 7-69-18 (47238)
যস্মিংস্তু নিহতে ভদ্রে বহবঃ সুখমেধতে।
তস্মিন্হতে ৎবধং নাস্তি পাতকং নোপভুজ্যতে॥ 7-69-19 (47239)
সোঽহং পালনিমিত্তং ৎবাং বধিষ্যামি বসুংধরে।
যদি চেদ্বচনাদদ্য ন করিষ্যসি মে প্রিয়ম্॥ 7-69-20 (47240)
ৎবাং নিহত্য তু বাণেন মচ্ছাসনপরাঙ্মুখীম্।
আত্মানং প্রথয়িৎবাঽহং প্রজা ধারয়িতা স্বয়ং॥ 7-69-21 (47241)
সুখং বচনমাস্থায় মম ধর্মভৃতাং বরে।
স়ঞ্জীবয় প্রজা নিত্যং শক্তা হ্যসি বসুন্ধরে॥ 7-69-22 (47242)
দুহিতৃৎবং চ মে গচ্ছ এবমেতন্মহাশরম্।
নিয়চ্ছেয়ং ৎবদর্থায় উদ্যতং ঘোরদর্শনম্॥ 7-69-23 (47243)
ভূমিরুবাচ। 7-69-24x (4426)
সর্বমেতন্মহারাজ বিধাস্যাসি পরন্তপ।
বৎসং ৎবং পশ্য রাজন্বৈ ক্ষরেয়ং যেন বৎসলা॥ 7-69-24 (47244)
সমাং তু কুরু সর্বজ্ঞ মাং তু ধর্মভৃতাং বর।
যথা বিষ্যন্দমানং বৈ ক্ষীরং সর্বত্র ভাবয়ে॥ 7-69-25 (47245)
নারদ উবাচ। 7-69-26x (4427)
তত উৎসারয়ামাস শিলাজালানি সর্বশঃ।
পৃথুর্বৈন্যস্তদা রাজা তেন শৈলা বিবর্ধিতাঃ॥ 7-69-26 (47246)
ন হি পূর্বনিসর্গে বৈ বিষমে বসুধাতলে।
প্রবিভাগঃ পুরাণাং বা গ্রামাণাং বা মহীপতে॥ 7-69-27 (47247)
ন সস্যানি ন গোরক্ষ্যং ন কৃষির্ন বণিক্পথঃ।
বৈন্যাৎপ্রভৃতি রাজেন্দর সর্বস্যৈতস্য সম্ভবঃ॥ 7-69-28 (47248)
যত্রয়ত্র চ সাম্যং তু ভূমাবাসীৎকিলানঘ।
তত্রতত্র প্রজাস্তাত নিবাসমভিরোচয়ন্।
কৃচ্ছ্রেণ চ মহারাজ ইত্যেবমনুশুশ্রুম॥ 7-69-29 (47249)
তথেত্যুক্ৎবা পুনর্বৈন্যো গৃহীৎবাঽঽজগবং ধনুঃ।
শরাংশ্চাপ্রতিমান্ঘোরাংশ্চিন্তয়িৎবাঽব্রবীন্মহীম্॥ 7-69-30 (47250)
পৃথুরুবাচ। 7-69-31x (4428)
এহ্যেহি বসুধে ক্ষিপ্রং ক্ষরৈভ্যঃ কাঙ্ক্ষিতং পয়ঃ।
মচ্ছসনাতিগাং বৈ ৎবাং প্রমথিষ্যাম্যহং শরৈঃ॥ 7-69-31 (47251)
নারদ উবাচ। 7-69-32x (4429)
তথোক্তা সাঽত্মনঃ শ্রেয়শ্চিন্তয়িৎবাঽব্রবীৎপৃথুম্। 7-69-32 (47252)
ভূমিরুবাচ।
বৎসং পাত্রাণি দোগ্ধৄংশ্চ ক্ষীরাণি চ সমাদিশ॥ 7-69-32x (4430)
ততো দাস্যাম্যহং ভদ্র সর্বং যস্য যথেপ্সিতম্।
দুহিতৃৎবে চ মাং বীর সঙ্কল্পয়িতুমর্হসি॥ 7-69-33 (47253)
নারদ উবাচ।' 7-69-34x (4431)
তথেত্যুক্ৎবা পৃথুঃ সর্বং বিধানমকরোদ্বশী।
ততো ভূতনিকায়াস্তাং বসুধাং দুদুহুস্তদা॥ 7-69-34 (47254)
তাং বনস্পতয়ঃ পূর্বং সমুত্তস্থুর্দুধুক্ষবঃ।
সাঽতিষ্ঠদ্বৎসলা বৎসং দোগ্ধৃপাত্রাণি চেচ্ছতী॥ 7-69-35 (47255)
বৎসোঽভূৎপুষ্পিতঃ সালঃ প্লক্ষো দোগ্ধাঽভবত্তদা।
ছিন্নপ্ররোহণং দুগ্ধং পাত্রমৌদুম্বরং শুভম্॥ 7-69-36 (47256)
উদয়ঃ পর্বতো বৎসো মেরুর্দোগ্ধা মহাগিরিঃ।
রত্নান্যোষধয়ো দুগ্ধং পাত্রমস্তময়ং তথা॥ 7-69-37 (47257)
`দেবানাং বৎস ইন্দ্রোঽভূৎপাত্রং দারুময়ং তথা'।
দোগ্ধা চ সবিতা দেবো দুগ্ধমূর্জস্করং প্রিয়ম্॥ 7-69-38 (47258)
অসুরা দুদুহুর্মায়াময়ঃপাত্রে তু তাং তদা।
দোগ্ধা দ্বিমূর্ধা তত্রাসীদ্বৎসশ্চাসীদ্বিরোচনঃ॥ 7-69-39 (47259)
কৃষিং চ সস্যং চ নরা দুদুহুঃ পৃথিবীতলে।
স্বায়ংভুবো মনুর্বৎসস্তেষাং দোগ্ধাঽভবৎপৃথুঃ॥ 7-69-40 (47260)
অলাবুপাত্রে চ তথা বিষং দুগ্ধা বসুন্ধরা।
ধৃতরাষ্ট্রোঽভবদ্দোগ্ধা তেষাং বৎসস্তু তক্ষকঃ॥ 7-69-41 (47261)
সপ্তর্ষিভির্ব্রহ্ম দুগ্ধা তথা চাক্লিষ্টকর্মভিঃ।
দোগ্ধা বৃহস্পতিঃ পাত্রং ছন্দো বৎসশ্চ সোমরাট্॥ 7-69-42 (47262)
অন্তর্ধানং চামপাত্রে দুগ্ধা পুণ্যজনৈর্বিরাট্।
দোগ্ধা বৈশ্রবণস্তেষাং বৎসশ্চাসীদ্বৃষধ্বজঃ॥ 7-69-43 (47263)
পুণ্যগন্ধান্পদ্মপাত্রে গন্ধর্বাপ্সরসোঽদুহন্।
বৎসশ্চিত্ররথস্তেষাং দোগ্ধা বিশ্বরুচিঃ প্রভুঃ॥ 7-69-44 (47264)
স্বধাং রজতপাত্রেষু দুদুহুঃ পিতরশ্চ তাম্।
বৎসো বৈবস্বতস্তেষাং যমো দোগ্ধান্তকস্তদা॥ 7-69-45 (47265)
এবং নিকায়ৈস্তৈর্দুগ্ধা পয়োঽভীষ্টং হি সা বিরাট্।
যৈর্বর্তয়ন্তি তে হ্যদ্য পাত্রৈর্বৎসৈশ্চ নিত্যশঃ॥ 7-69-46 (47266)
যজ্ঞৈশ্চ বিবিধৈরিষ্ট্বা পৃথুর্বৈন্যঃ প্রতাপবান্।
সন্তর্পয়িৎবা ভূতানি সর্বৈঃ কামৈর্মনঃপ্রিয়ৈঃ॥ 7-69-47 (47267)
হৈরণ্যানকরোদ্রাজা যে কেচিৎপার্থিবা ভুবি।
তান্ব্রাহ্মণেভ্যঃ প্রায়চ্ছদশ্বমেধে মহামখে॥ 7-69-48 (47268)
স ষষ্টিং গোসহস্রাণি ষষ্টিং নাগশতানি চ।
সৌবর্ণানকরোদ্রাজা ব্রাহ্মণেভ্যশ্চ তান্দদৌ॥ 7-69-49 (47269)
ইমাং চ পৃথিবীং সর্বাং মণিরত্নবিভূষিতাম্।
সৌবর্ণীমকরোদ্রাজা ব্রাহ্মণেভ্যশ্চ তাং দদৌ॥ 7-69-50 (47270)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরস্তুভ্যং মা পুত্রমনুতপ্যথাঃ।
অয়জ্বানমদক্ষিণ্যমভি শ্বৈত্যেত্যুদাহরৎ॥ ॥ 7-69-51 (47271)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে একোনসপ্ততিতমোঽধ্যায়ঃ॥ 69 ॥
Mahabharata - Drona Parva - Chapter Footnotes
5-69-1 ধ্বজভঙ্গস্তোরণাদিনা॥ 5-69-39 দ্বিমূর্ধা শুক্রোঽভূৎ ইতি ক.ঙ.ড.পাঠঃ॥ 5-69-43 বিরাট্ পৃথিবী। বৎসশ্চাসীৎকুবেরকঃ ইতি.পাঠঃ॥ 5-69-44 দোগ্ধা বসুরপি প্রভুঃ ইতি ক.ঙ.ড.পাঠঃ॥ 5-69-45 বৎসোঽত্র বৎসরস্তেষাং ক.ঙ.পাঠঃ॥ 5-69-46 নিবর্তয়ন্তি তে রুদ্রাদিষ্টে বৈন্যেন সর্বশঃ ইতি ক. পাঠঃ। যৈর্বর্তয়ন্তি তে তৃপ্তাদিষ্টে বৈন্যেন সর্বশঃ ইতি ঙ. পাঠঃ। যে বর্ষয়ন্তি তে পাত্রৈঃ বৎসৈর্দোগ্ধৈশ্চ নিত্যশঃ ইতি ঙ. পাঠঃ॥ 5-69-48 পার্থিবাঃ পৃথ্বীসংবন্ধিপদার্থাঃ॥ 5-69-69 একোনসপ্ততিতমোঽধ্যায়ঃ॥দ্রোণপর্ব - অধ্যায় 070
॥ শ্রীঃ ॥
7.70. অধ্যায়ঃ 070
Mahabharata - Drona Parva - Chapter Topics
সৃঞ্জয়ম্প্রতি নারদেন পরশুরামপ্রভাববর্ণনম্॥ 1 ॥Mahabharata - Drona Parva - Chapter Text
7-70-0 (47272)
নারদ উবাচ। 7-70-0x (4432)
রামো মহাতপাঃ শূরো বীরো লোকনমস্কৃতঃ।
জামদগ্ন্যোঽপ্যতিয়শা অবিতৃপ্তো মরিষ্যতি॥ 7-70-1 (47273)
যশ্চাস্ত্রমনুপর্যেতি ভূমিং কুর্বন্বিপাংসুলাম্।
নচাসীদ্বিক্রিয়া যস্য প্রাপ্য শ্রিয়মনুত্তমাম্॥ 7-70-2 (47274)
`জামদগ্ন্যো ন তে রাজন্কচ্চিচ্ছ্রোত্রমুপাগতঃ।
যেনৈকেন পুরা রাজন্ক্রুদ্ধেন হতবন্ধুনা॥ 7-70-3 (47275)
ভৃগুভিস্তাম্ভমানেন ত্রাহি রামেতি বিস্বরম্।
ত্রিঃসপ্তকৃৎবো ভূমির্যৎকৃতা নিঃক্ষত্রিয়া পুরা'॥ 7-70-4 (47276)
যঃ ক্ষত্রিয়ৈঃ পরামৃষ্টে বৎসে পিতরি চাব্রুবন্।
ততোঽবধীৎকার্তবীর্যমজিতং সমরে পরৈঃ॥ 7-70-5 (47277)
ক্ষত্রিয়াণাং চতুঃষষ্টিময়ুতানি সহস্রশঃ।
তদা মৃত্যোঃ সমেতানি একেন ধনুষাঽজয়ৎ॥ 7-70-6 (47278)
ব্রহ্মদ্বিষাং চাথ তস্মিন্হস্রাণি চতুর্দশ।
পুনরন্যান্নিজগ্রাহ দন্তকূরে জঘান হ॥ 7-70-7 (47279)
সহস্রং মুসলেনাহন্সহস্রমসিনাঽবধীৎ।
উদ্বন্ধনাৎসহস্রং চ সহস্রমুদকে কৃতম্॥ 7-70-8 (47280)
দন্তান্ভঙ্ক্ৎবা সহস্রস্য ভিন্নকর্ণাংস্তথাঽকরোৎ।
ততঃ সপ্তসহস্রাণাং কুটুধৃপমপায়যৎ॥ 7-70-9 (47281)
শিষ্টান্বধ্বা চ হৎবা বৈ তেষাং মৃর্ধ্নি বিভিদ্য চ।
গুণাবতীমুত্তরেণ খাণ্ডবাদ্দক্ষিণেন চ।
গির্যন্তে শতসাহস্রা হৈহয়াঃ সমরে হতাঃ॥ 7-70-10 (47282)
সরথাশ্বগজা বীরা নিহতাস্তত্র শেরতে।
পিতুর্বধামর্ষিতেন জামদগ্ন্যেন ধীমতা॥ 7-70-11 (47283)
নিজঘ্নে দশসাহস্রান্রামঃ পরশুনা তদা।
ন হ্যমৃষ্যত তা বাচো যাস্তৈর্ভৃশমুদীরিতাঃ॥ 7-70-12 (47284)
ভৃগৌ রামাভিধাবেতি যদাক্রন্দন্দ্বিজোত্তমাঃ।
ততঃ কাশ্মীরদরদান্কুন্তিক্ষুদ্রকমালবান্॥ 7-70-13 (47285)
অঙ্গবঙ্গকলিঙ্গাংশ্চ বিদেহাংস্তাম্রলিপ্তকান্।
রক্ষোবাহান্বীতিহোত্রাংস্ত্রিগর্তান্মার্তিকাবতান্॥ 7-70-14 (47286)
শিবীনন্যাংশ্চ রাজন্যান্দেশান্দেশান্সহস্রশঃ।
নিজঘান শিতৈর্বাণৈর্জামদগ্ন্যঃ প্রতাপবান্॥ 7-70-15 (47287)
কোটীশতসহস্রাণি ক্ষত্রিয়াণাং সহস্রশঃ।
ইন্দ্রগোপকবর্ণস্য বন্ধুজীবনিভস্য চ॥ 7-70-16 (47288)
রুধিরস্য পরীবাহৈঃ পূরয়িৎবা সরাংসি চ।
সর্বানষ্টাদশ দ্বীপান্বশমানীয় ভার্গবঃ॥ 7-70-17 (47289)
ঈজে ক্রতুশতৈঃ পুণ্যৈঃ সমাপ্তবরদক্ষিণৈঃ।
বেদীমষ্টনলোৎসেধাং সৌবর্ণাং বিধিনির্মিতাম্॥ 7-70-18 (47290)
সর্বরত্নশতৈঃ পূর্ণাং পতাকাশতমালিনীম্।
গ্রাম্যারণ্যৈঃ পশুগণৈঃ সম্পূর্ণাং চ মহীমিমাম্॥ 7-70-19 (47291)
রামস্য জামদগ্ন্যস্য প্রতিজগ্রাহ কশ্যপঃ।
ততঃ শতসহস্রাণি দ্বিপেন্দ্রান্হেমভূষণান্॥ 7-70-20 (47292)
নির্দস্যুং পৃথিবীং কৃৎবা শিষ্টেষ্টজনসঙ্কুলাম্।
কশ্যপায় দদৌ রামো হয়মেধে মহামখে॥ 7-70-21 (47293)
ত্রিঃসপ্তকৃৎবঃ পৃথিবীং কৃৎবা নিঃক্ষত্রিয়াং প্রভুঃ।
ইষ্ট্বা ক্রতুশতৈর্বীরো ব্রাহ্মণেভ্যো হ্যমন্যত॥ 7-70-22 (47294)
সপ্তদ্বীপাং বসুমতীং মারীচোঽগৃহ্ণত দ্বিজঃ।
রামং প্রোবাচ নির্গচ্ছ বসুধাতো মমাজ্ঞয়া॥ 7-70-23 (47295)
স কশ্যপস্য বচনাৎপ্রোৎসার্য সরিতাম্পতিম্।
ইষুপাতে যুধাং শ্রেষ্ঠঃ কুর্বন্ব্রাহ্মণশাসনম্॥ 7-70-24 (47296)
অধ্যাবসদ্গিরিশ্রেষ্ঠং মহেন্দ্রং পর্বতোত্তমম্।
এবং গুণশতৈর্যুক্তো ভৃগূণাং কীর্তিবর্ধনঃ॥ 7-70-25 (47297)
জামদগ্ন্যো হ্যতিয়শা মরিষ্যতি মহাদ্যুতিঃ।
ৎবয়া চতুর্ভদ্রতরঃ পুণ্যাৎপুণ্যতরস্তব॥ 7-70-26 (47298)
অয়জ্বানমদক্ষিণ্যং মা পুত্রমনুতপ্যথাঃ।
এতে চতুর্ভদ্রতরাস্ৎবয়া ভদ্রশতাধিকাঃ।
মৃতা নরবরশ্রেষ্ঠ মরিষ্যন্তি চ সৃঞ্জয়॥ ॥ 7-70-27 (47299)
ইতি শ্রীমন্মহাভারতে দ্রোণপর্বণি অভিমন্যুবধপর্বণি ষোডশরাজকীয়ে সপ্ততিতমোঽধ্যায়ঃ॥ 70 ॥
Mahabharata - Drona Parva - Chapter Footnotes
5-70-1 যে মৃতাস্তেঽতীতা যে বর্তমানাস্তেঽপি। মরিষ্যন্ত্যেবেত্যাহ রাম ইতি॥ 5-70-5 ক্ষত্রিয়ৈঃ কার্তবীর্যপুত্রৈঃ। অব্রুবন্নবিকত্থয়ন্॥ 5-70-6 মৃত্যোর্মৃত্যুমবধীকৃত্য॥ 5-70-7 তস্মিংস্তন্মধ্যে এব। দন্তক্রূরমিতি পাঠে তদ্দেশাধিপতিম্॥ 5-70-8 উদ্বন্ধনাদ্বৃক্ষশাখাবলম্বনাৎ॥ 5-70-9 কণধূমমপায়যৎ ইতি ক.ঙ.পাঠঃ॥ 5-70-12 তৈরাশ্রমবাসিভিঃ॥ 5-70-18 অষ্টনলেত্যত্র নলশব্দশ্চতুর্হস্তবচনঃ॥ 5-70-70 সপ্ততিতমোঽধ্যায়ঃ॥দ্রোণপর্ব - অধ্যায় 071
॥ শ্রীঃ ॥
7.71. অধ্যায়ঃ 071
Mahabharata - Drona Parva - Chapter Topics
যুধিষ্ঠিরং সমাশ্বাস্য স্বাশ্রমগমনম্॥ 1 ॥Mahabharata - Drona Parva - Chapter Text
7-71-0 (47300)
ব্যাস উবাচ। 7-71-0x (4433)
পুণ্যমাখ্যানমায়ুষ্যং শ্রুৎবা ষোডশরাজকম্।
অব্যাহরন্নরপতিস্তূষ্ণীমাসীৎস সৃঞ্জয়ঃ॥ 7-71-1 (47301)
তমব্রবীত্তদা দীনং নারদো ভগবানৃষিঃ।
কচ্চিন্ময়া ব্যাহৃতং যদ্ধৃদয়ে তৎস্থিতং তব॥ 7-71-2 (47302)
আহোস্বিদন্ততো নষ্টং শ্রাদ্ধং শূদ্রীপতাবিব।
স এবমুক্তঃ প্রত্যাহ প্রাঞ্জলিঃ সৃঞ্জয়স্তদা॥ 7-71-3 (47303)
পুত্রশোকাপহং শ্রুৎবা ধন্যমাখ্যানমুত্তমম্।
রাজর্ষীণাং পুরাণানাং যজ্বনাং দক্ষিণাবতাম্॥ 7-71-4 (47304)
বিস্ময়েন হৃতে শোকে তমসীবার্কতেজসা।
বিপাপ্মাঽস্ম্যব্যথোপেতো ব্রূহি কিং করবাণ্যহম্॥ 7-71-5 (47305)
নারদ উবাচ। 7-71-6x (4434)
দিষ্ট্যাপহতশোকস্ৎবং বৃণীষ্বেহ যদিচ্ছসি।
তত্তে সম্পৎস্যতে সর্বং ন মৃষাবাদিনো বয়ম্॥ 7-71-6 (47306)
সৃঞ্জয় উবাচ। 7-71-7x (4435)
পাবিতোঽহমনেনৈব প্রসন্নো যদ্ভবান্মম্।
প্রসন্নো যস্য ভগবান্ন তস্যাস্তীহ দুর্লভম্॥ 7-71-7 (47307)
নারদ উবাচ। 7-71-8x (4436)
পুনর্দদামি তে পুত্রং দস্যুভির্নিহতং বৃথা।
উদ্ধৃত্য নরকাৎকষ্টাৎপশুবৎপ্রোক্ষিতং যথা॥ 7-71-8 (47308)
ব্যাস উবাচ। 7-71-9x (4437)
প্রাদুরাসীত্ততঃ পুত্রঃ সৃঞ্জয়স্যাদ্ভুতপ্রভঃ।
প্রসন্নেনর্ষিণা দত্তঃ কুবেরতনয়োপমঃ॥ 7-71-9 (47309)
ততঃ সঙ্গম্য পুত্রেণ প্রীতিমানভবন্নৃপঃ।
ঈজে চ ক্রতুভিঃ পুণ্যৈঃ সমাপ্তবরদক্ষিণৈঃ॥ 7-71-10 (47310)
অকৃতার্থশ্চ ভীতশ্চ ন চ সন্নাহকোবিদঃ।
অয়জ্বাচানপত্যশ্চ ততোঽসৌ জীবিতঃ পুনঃ॥ 7-71-11 (47311)
শূরো বীরঃ কৃতার্থশ্চ প্রমথ্যারীন্সহস্রশঃ।
অভিমন্যুর্গতঃ স্বর্গং সঙ্গ্রামেঽভিমুখাহতঃ॥ 7-71-12 (47312)
ব্রহ্মচর্যেণ যাঁল্লোকান্প্রজয়া চ শ্রুতেন চ।
ইষ্টৈশ্চ ক্রতুভির্যান্তি তাংস্তে পুত্রোঽক্ষয়ান্গতঃ॥ 7-71-13 (47313)
বিদ্বাংসঃ কর্মভিঃ পুণ্যৈঃ স্বর্গমীহন্তি নিত্যশঃ।
ন তু স্বর্গাদয়ং লোকঃ কাম্যতে স্বর্গবাসিভিঃ॥ 7-71-14 (47314)
তস্মাৎস্বর্গগতং পুত্রমর্জুনস্য হতং রণে।
ন চেহানয়িতুং শক্যং কিঞ্চিদপ্রাপ্যমীহিতম্॥ 7-71-15 (47315)
যাং যোগিনো ধ্যানবিবিক্তদর্শনাঃ
প্রয়ান্তি যাং চোত্তময়জ্বিনো জনাঃ।
তপোভিরিদ্ধৈরনুয়ান্তি যাং তথা
তামক্ষয়াং তে তনয়ো গতো গতিম্॥ 7-71-16 (47316)
অন্তাৎপুনর্ভাবগতো বিরাজতে
রাজেব বীরো হ্যমৃতাত্মরশ্মিভিঃ।
তামৈন্দবীমাত্মতনুং দ্বিজোচিতাং
গতোঽভিমন্যুর্ন স শোকমর্হতি॥ 7-71-17 (47317)
এবং জ্ঞাৎবা স্থিরো ভূৎবা মা শুচো ধৈর্যমাপ্নুহি।
জীবন্হি পুরুষঃ শোচ্যো ন তু স্বর্গগতোঽনঘ॥ 7-71-18 (47318)
শোচতো হি মহারাজ অঘমেবাভিবর্ধতে।
তস্মাচ্ছোকং পরিত্যজ্য শ্রেয়সে প্রয়তেদ্বুধঃ॥ 7-71-19 (47319)
প্রহর্ষং প্রীতিমানন্দং প্রিয়মুৎসিক্তচিত্ততাম্।
এতদাহুর্বুধাঃ শৌচমশৌচং শোক উচ্যতে॥ 7-71-20 (47320)
এবং বিদ্বন্সমুত্তিষ্ঠ প্রয়তো ভব মা শুচঃ।
শ্রুতস্তে সম্ভবো মৃত্যোস্তপাংস্যনুপমানি চ॥ 7-71-21 (47321)
সর্বভূতসমৎবং চ ব্রহ্মণা চাপি চোদিতম্।
সৃঞ্জয়স্য তু পুত্রোঽসৌ মৃতঃ সঞ্জীবিতঃ শ্রুতঃ॥ 7-71-22 (47322)
এবং বিদ্বন্মহারাজ মা শুচঃ সাধয়াম্যহম্।
এতাবদুক্ৎবা ভগবাংস্তত্রৈবান্তরধীয়ত॥ 7-71-23 (47323)
বাগীশানে ভগবতি ব্যাসে ব্যভ্রনভঃপ্রভে।
গতে মতিমতাং শ্রেষ্ঠে সমাশ্বাস্য যুধিষ্ঠিরম্॥ 7-71-24 (47324)
পূর্বেষাং পার্থিবেন্দ্রাণআং মহেন্দ্রপ্রতিমৌজসাম্।
ন্যায়াধিগতবিত্তানাং তাং শ্রুৎবা যজ্ঞসম্পদম্॥ 7-71-25 (47325)
সম্পূজ্য মনসা বিদ্বান্বিশোকোঽভূদ্যুধিষ্ঠিরঃ।
পুনশ্চাচিন্তয়দ্দীনঃ কিংস্বিদ্বক্ষ্যে ধনঞ্জয়ম্॥ ॥ 7-71-26 (47326)
ইতি শ্রীমন্মহাভারতে দ্রোণপর্বণি অভিমন্যুবধপর্বণি একসপ্ততিতমোঽধ্যায়ঃ॥ 71 ॥
Mahabharata - Drona Parva - Chapter Footnotes
5-71-5 বিস্ময়েন পুণ্যাখ্যানশ্রবণজনিতচিত্তবিস্তারেণ॥ 5-71-15 নেহানিয়তিনা হ্যস্য কিং চিদব্যাপ্তমীহতে ইতি ক.পাঠঃ। ন চেহানয়িতুং শক্যং কিং চিরং প্রাপ্যমীহতা ইতি ঙ. পাঠঃ। নেহানেয়তিনা হ্যস্য কিঞ্চিদপ্রাপ্যমীশিতুঃ ইতি ড.পাঠঃ॥ 5-71-17 অন্তান্মরণাৎ। ভাবগতঃ সম্পৎপ্রাপ্তঃ। দ্বিজোচিতাং দ্বিজৈরভিমতাম্॥ 5-71-19 অধং দুঃখম্॥ 5-71-71 একসপ্ততিতমোঽধ্যায়ঃ॥দ্রোণপর্ব - অধ্যায় 072
॥ শ্রীঃ ॥
7.72. অধ্যায়ঃ 072
Mahabharata - Drona Parva - Chapter Topics
অভিমন্যুমনুশোচ্যার্জুনস্য বিলাপঃ॥ 1 ॥Mahabharata - Drona Parva - Chapter Text
7-72-0 (47327)
ধৃতরাষ্ট্র উবাচ। 7-72-0x (4438)
অথ সংশপ্তকৈঃ সার্ধং যুধ্যমানে ধনঞ্জয়ে।
অভিমন্যৌ হতে চাপি বালে বলবতাং বরে॥ 7-72-1 (47328)
মহর্ষিসত্তমে যাতে ব্যাসে স তু যুধিষ্ঠিরঃ।
পাণ্ডবাঃ কিমথাঽকার্ষুঃ শোকোপহতচেতসঃ॥ 7-72-2 (47329)
কথং সংশপ্তকেভ্যো বা নিবৃত্তো বানরধ্বজঃ।
কেন বা কথিতস্তস্য প্রশান্তঃ সুতপাবকঃ।
এতন্মে শংস তত্ৎবেন সর্বমেবেহ সঞ্জয়॥ 7-72-3 (47330)
সঞ্জয় উবাচ। 7-72-4x (4439)
শৃণু রাজন্যথা তেভ্যো নিবৃত্তঃ কৃষ্ণসারথিঃ।
ততঃ সর্বাণি সৈন্যানি দহন্কৃষ্ণগতির্যথা॥ 7-72-4 (47331)
সম্প্রয়াতেঽস্তমাদিত্যে সংধ্যাকাল উপস্থিতে।
অয়াতস্যাত্মশিবিরং নিমিত্তৈরঘশংসিভিঃ॥ 7-72-5 (47332)
যচ্চাসীন্মানসং তস্য যচ্চ কৃষ্ণেন ভাষিতম্।
যথা চ কথিতস্তস্য নিহতঃ সুতপাবকঃ।
বিস্তরেণৈব মে সর্বং ব্রুবতঃ শৃণু মারিষ'॥ 7-72-6 (47333)
তস্মিন্নহনি নির্বৃত্তে ঘোরে প্রাণভৃতাং ক্ষয়ে।
আদিত্যেঽস্তঙ্গতে শ্রীমান্সন্ধ্যাকাল উপস্থিতে॥ 7-72-7 (47334)
ব্যপয়াতেষু বাসায় সর্বেষু ভরতর্ষভ।
হৎবা সংশপ্তকব্রাতান্দিব্যৈরস্ত্রৈঃ কপিধ্বজঃ॥ 7-72-8 (47335)
প্রায়াৎস্বশিবিরং জিষ্ণুর্জৈত্রমাস্থায় তং রথম্।
গচ্ছন্নেব চ গোবিন্দং সাশ্রুকণ্ঠোঽভ্যভাষত॥ 7-72-9 (47336)
কিং তু মে হৃদয়ং ত্রস্তং বাক্ব সজ্জতি কেশব।
স্যন্দনে নাবতিষ্ঠামি গাত্রৈঃ সীদামি চাচ্যুত॥ 7-72-10 (47337)
অনিষ্টং চৈব মে শ্লিষ্টং হৃদয়ান্নাপসর্পতি।
ভুবিয়ে দিক্ষু চাত্যুগ্রা উৎপাতাস্ত্রাসয়ন্তি মাম্॥ 7-72-11 (47338)
বহুপ্রকারা দৃশ্যন্তে সর্ব এবাঘশংসিনঃ।
অপি স্বস্তি ভবেদ্রাজ্ঞঃ সামাত্যস্য গুরোর্মম॥ 7-72-12 (47339)
বাসুদেব উবাচ। 7-72-13x (4440)
ব্যক্তং শিবং সহভ্রাতুর্ধর্মরাজস্য পাণ্ডব।
মা শুচঃকিঞ্চিদেবান্যত্তত্রানিষ্টং ভবিষ্যতি॥ 7-72-13 (47340)
সঞ্জয় উবাচ। 7-72-14x (4441)
ততঃ সন্ধ্যামুপাস্যৈব বীরৌ বীরাবসাদনে।
কথয়ন্তৌ রণে বৃত্তং প্রয়াতৌ রথমাস্থিতৌ॥ 7-72-14 (47341)
ততঃ স্বশিবিরং প্রাপ্তৌ হতামিত্রৌ হতদ্বিষৌ।
বাসুদেবোঽর্জুনশ্চৈব কৃৎবা কর্ম সুদুষ্করম্॥ 7-72-15 (47342)
ধ্বস্তাকারমিবালেখ্যং সংবীক্ষ্য শিবিরং স্বকম্।
বীভৎসুরব্রবীৎকৃষ্ণমস্বস্থহৃদয়স্ততঃ॥ 7-72-16 (47343)
নদন্তি নাদ্য তূর্যাণি মঙ্গল্যানি জনার্দন।
মিশ্রা দুন্দুভিনির্ধোষৈঃ শঙ্খাশ্চাডম্বরৈঃ সহ॥ 7-72-17 (47344)
বীণা নৈবাদ্য বাদ্যন্তে শম্যাতালস্বনৈঃ সহ।
মঙ্গল্যানি চ গীতানি ন গায়ন্তি পঠন্তি চ॥ 7-72-18 (47345)
স্তুতিয়ুক্তানি রম্যাণি মমানীকেষু বন্দিনঃ।
যোধাশ্চাপি হি মাং দৃষ্ট্বা নিবর্তন্তে হ্যধোমুখাঃ॥ 7-72-19 (47346)
কর্মাণি চ যথাপূর্বং কৃৎবা নাভিবদন্তি মাম্।
অপি স্বস্তি ভবেদদ্য ভ্রাতৃভ্যো মম মাধব॥ 7-72-20 (47347)
ন হি শুদ্ধ্যতি মে ভাবো দৃষ্ট্বা স্বজনমাকুলম্।
অপি পাঞ্চালরাজস্য বিরাটস্য চ মানদ॥ 7-72-21 (47348)
সর্বেষাং চৈব যোধানাং সামগ্র্যং স্যান্মমাচ্যুত।
ন চ মামদ্য সৌভদ্রঃ প্রহৃষ্টো ভ্রাতৃভিঃ সহ।
রণাদায়ান্তমুচিতং প্রত্যুদ্যাতি হসন্নিব॥ 7-72-22 (47349)
সঞ্জয় উবাচ। 7-72-23x (4442)
এবং সঙ্কথয়ন্তৌ তৌ প্রবিষ্টৌ শিবিরং স্বকম্।
দদৃশাতে ভৃশাস্বস্থান্পাণ্ডবান্নষ্টচেতসঃ॥ 7-72-23 (47350)
দৃষ্ট্বা ভ্রাতৃংশ্চ পুত্রাংশ্চ বিমনা বানরধ্বজঃ।
অপশ্যংশ্চৈব সৌভদ্রমিদং বচনমব্রবীৎ॥ 7-72-24 (47351)
মুখবর্ণোঽপ্রসন্নো বঃ সর্বেষামেব লক্ষ্যতে।
ন চাভিমন্যুং পশ্যামি ন চ মাং প্রতিনন্দথ॥ 7-72-25 (47352)
ময়া শ্রুতশ্চ দ্রোণেন পদ্মব্যূহো বিনির্মিতঃ।
ন চ বস্তস্য ভেত্তাঽস্তি বিনা সৌভদ্রমর্ভকম্॥ 7-72-26 (47353)
ন চোপদিষ্টস্তস্যাসীন্ময়ানীকাদ্বিনির্গমঃ।
কচ্চিন্ন বালো যুষ্মাভিঃ পরানীকং প্রবেশিতঃ॥ 7-72-27 (47354)
ভিত্ৎবাঽনীকং মহেষ্বাসঃ পরেষাং বহুভির্যুধি।
কচ্চিন্ন নিহতঃ সঙ্খ্যে সৌভদ্রঃ পরবীরহা॥ 7-72-28 (47355)
লোহিতাক্ষং মহাবাহুং জাতং সিংহমিবাদ্রিষু।
উপেন্দ্রসদৃশং ব্রূত কথমায়োধনে হতঃ॥ 7-72-29 (47356)
সুকুমারং মহেষ্বাসং বাসবস্যাত্মজাত্মজম্।
সদা মম প্রিয়ং ব্রূত কথমায়োধনে হতঃ॥ 7-72-30 (47357)
সুভদ্রায়াঃ প্রিয়ং পুত্রং দ্রৌপদ্যাঃ কেশবস্য চ।
অম্বায়াশ্চ প্রিয়ং নিত্যং কোবধীৎকালমোহিতঃ॥ 7-72-31 (47358)
সদৃশো বৃষ্ণিবীরস্য কেশবস্য মহাত্মনঃ।
বিক্রমশ্রুতমাহাত্ম্যৈঃ কথমায়োধনে হতঃ॥ 7-72-32 (47359)
বার্ষ্ণেয়ীদয়িতং শূরং ময়া সততলালিতম্।
যদি পুত্রং ন পশ্যামি যাস্যামি যমসাদনম্॥ 7-72-33 (47360)
মৃদুকুঞ্চিতকেশান্তং বালং বালমৃগেক্ষণম্।
মত্তদ্বিরদবিক্রান্তং সিংহপোতমিবোদ্গতম্॥ 7-72-34 (47361)
স্মিতাভিভাষিণং দান্তং গুরুবাক্যকরং সদা।
বাল্যেঽপ্যতুলকর্মাণং প্রিয়বাক্যমমৎসরম্॥ 7-72-35 (47362)
মহোৎসাহং মহাবাহুং দীর্ঘরাজীবলোচনম্।
ভক্তানুকম্পিনং দান্তং ন চ নীচানুসারিণম্॥ 7-72-36 (47363)
কৃতজ্ঞং জ্ঞানসম্পন্নং কৃতাস্ত্রভনিবর্তিনম্।
যুদ্ধাভিনন্দিনং নিত্যং দ্বিষতাং ভয়বর্ধনম্॥ 7-72-37 (47364)
স্বেষাং প্রিয়হিতে যুক্তং পিতৄণাং জয়গৃদ্ধিনম্।
ন চ পূর্বং প্রহর্তারং সম্প্রমে নষ্টসম্ভ্রমম্।
যদি পুত্রং ন পশ্যামি যাস্যামি যমসাদনম্॥ 7-72-38 (47365)
রথেষু গণ্যমানেষু গণিতং তং মহারথম্।
ময়াঽধ্যর্ধগুণং সঙ্খ্যে তরুণং বাহুশালিনম্॥ 7-72-39 (47366)
প্রদ্যুম্নস্য প্রিয়ং নিত্যং কেশবস্য মমৈব চ।
যদি পুত্রং ন পশ্যামি যাস্যামি যমসাদনম্॥ 7-72-40 (47367)
সুনসং সুললাটান্তং স্বক্ষিভ্রূদশনচ্ছদম্।
অপশ্যতস্তদ্বদনং কা শান্তির্হৃদয়স্য মে॥ 7-72-41 (47368)
তন্ত্রীস্বনসুখং রম্যং পুংস্কোকিলসমধ্বনিম্।
অশৃণ্বতঃ স্বনং তস্য কা শান্তির্হৃদয়স্য মে॥ 7-72-42 (47369)
রূপং চাপ্রতিমং তস্য ত্রিদশৈশ্চাপি দুর্লভম্।
অপশ্যতো হি বীরস্য কা শান্তির্হৃদয়স্য মে॥ 7-72-43 (47370)
অভিবাদনদক্ষং তং পিতৄণাং বচনে রতম্।
নাদ্যাহং যদি পশ্যামি কা শান্তির্হৃদয়স্য মে॥ 7-72-44 (47371)
সুকুমারঃ সদা বীরো মহার্হশয়নোচিতঃ।
ভূমাবনাথবচ্ছেতে নূনং নাথবতাং বরঃ॥ 7-72-45 (47372)
শয়ানং সমুপাসন্তি যং পুরা পরমস্ত্রিয়ঃ।
তমদ্য বিপ্রবিদ্ধাঙ্গমুপাসন্ত্যশিবাঃ শিবাঃ॥ 7-72-46 (47373)
যঃ পুরা বোধ্যতে সুপ্তঃ সূতমাগধবন্দিভিঃ।
বোধয়ন্ত্যদ্য তং নূনং শ্বাপদা বিকৃতৈঃ স্বনৈঃ॥ 7-72-47 (47374)
ছত্রচ্ছায়াসমুচিতং তস্য তদ্বদনং শুভম্।
নূনমদ্য রজোধ্বস্তং রণরেণুঃ করিষ্যতি॥ 7-72-48 (47375)
হা পুত্রকাবিতৃপ্তস্য সততং পুত্রদর্শনে।
ভাগ্যহীনস্য কালেন যথা মে নীয়সে বলাৎ॥ 7-72-49 (47376)
সা চ সংয়মনী নূনং সদা সুকৃতিনাং গতিঃ।
স্বভাভির্মোহিতা রম্যা ৎবয়াঽত্যর্থং বিরাজতে॥ 7-72-50 (47377)
নূনং বৈবস্বতশ্চ ৎবাং বরুণশ্চ প্রিয়াতিথিম্।
শতক্রতুর্ধনেশশ্চ প্রাপ্তমর্চন্ত্যভীরুকম্॥ 7-72-51 (47378)
সঞ্জয় উবাচ। 7-72-52x (4443)
এবং বিলপ্য বহুধা ভিন্নপোতো বগিগ্যথা।
দুঃখেন মহতাঽবিষ্টো যুধিষ্ঠিরমপৃচ্ছত॥ 7-72-52 (47379)
`কথং ৎবয়ি চ ভীমে চ ধৃষ্টদ্যুম্নে চ জীবতি।
সাত্যকে শক্রবিক্রান্তে সৌভদ্রো নিহতঃ পরৈঃ'॥ 7-72-53 (47380)
কচ্চিৎস কদনং কৃৎবা পরেষাং কুরুনন্দন।
স্বর্গতোঽভিমুখঃ সঙ্খ্যে যুধ্যমানো নরর্ষভৈঃ॥ 7-72-54 (47381)
স নূনং বহুভির্যত্তৈর্যুধ্যমানো নরর্ষভৈঃ।
অসহায়ঃ সহায়ার্থী মামনুধ্যাতবান্ধ্রুবম্॥ 7-72-55 (47382)
পীড্যমানঃ শরৈর্বালস্তাত সাধ্বভিধাব মাম্।
ইতি বিপ্রলপন্মন্যে নৃশংসৈর্ভুবি পাতিতঃ॥ 7-72-56 (47383)
অথবা মৎপ্রসূতঃ স স্বস্রীয়ো মাধবস্য চ।
সুভদ্রায়াং চ সম্ভূতো ন চৈবং বক্তুমর্হতি॥ 7-72-57 (47384)
বজ্রসারময়ং নূনং হৃদয়ং সুদৃঢং মম।
অপশ্যতো দীর্ঘবাহুং রক্তাক্ষং যন্ন দীর্যতে॥ 7-72-58 (47385)
কথং বালে মহেষ্বাসা নৃশংসা মর্মভেদিনঃ।
স্বস্রীয়ে বাসুদেবস্য মম পুত্রেঽক্ষিপঞ্শরান্॥ 7-72-59 (47386)
যো মাং নিত্যমদীনাত্মা প্রত্যুদ্গম্যাভিনন্দতি।
উপয়ান্তং রিপূন্হৎবা সোঽদ্য মাং কিং ন পশ্যতি॥ 7-72-60 (47387)
নূনং স পাতিতঃ শেতে ধরণ্যাং রুধিরোক্ষিতঃ।
শোভয়ন্মেদিনীং গাত্রৈরাদিত্য ইব পাতিতঃ॥ 7-72-61 (47388)
সুভদ্রামনুশোচামি যা পুত্রমপলায়িনম্।
রণে বিনিহতং শ্রুৎবা শোকার্তা বৈ বিনঙ্ক্ষতি॥ 7-72-62 (47389)
সুভদ্রা বক্ষ্যতে কিং মামবিমন্যুমপশ্যতী।
দ্রৌপদীং চৈব দুঃখার্তাং কিং বা বক্ষ্যামি তামহম্॥ 7-72-63 (47390)
বজ্রসারময়ং নূনং হৃদয়ং যন্ন যাস্যতি।
সহস্রধা বধূং দৃষ্ট্বা রুদতীং শোককর্শিতাম্॥ 7-72-64 (47391)
হৃষ্টানাং ধার্তরাষ্ট্রাণাং সিংহনাদো ময়া শ্রুতঃ।
যুয়ুৎসুশ্চাপি কৃষ্ণেন শ্রুতো বীরানুপালভন্॥ 7-72-65 (47392)
অশক্নুবন্তঃ পার্থস্য বালং হৎবা মহাবলম্।
কিং ন লজ্জন্ত্যধর্মজ্ঞাঃ পার্থিবা দৃশ্যতাং বলম্॥ 7-72-66 (47393)
কিং তয়োর্বিপ্রিয়ং কৃৎবা কেশবার্জুনয়োর্মৃধে।
সিংহবন্নদথ প্রীতাঃ শোককাল উপস্থিতে॥ 7-72-67 (47394)
আগমিষ্যতি বঃ ক্ষিপ্রং ফলং পাপস্য কর্মণঃ।
অধর্মো হি কৃতস্তীব্রঃ কথং স্যাদফলশ্চিরম্॥ 7-72-68 (47395)
ইতি তান্পরিভাষন্বৈ বৈশ্যাপুত্রো মহামতিঃ।
অপায়াচ্ছস্ত্রমুৎসৃজ্য কোপদুঃখসমন্বিতঃ॥ 7-72-69 (47396)
কিমর্থমেতন্নাখ্যাতং ৎবয়া কৃষ্ণ রণে মম।
অধক্ষ্যং তানহং ক্রূরাংস্তদা সর্বান্মহারথান্॥ 7-72-70 (47397)
সঞ্জয় উবাচ। 7-72-71x (4444)
পুত্রশোকার্দিতং পার্থং ধ্যায়ন্তং সাশ্রুলোচনম্।
নিগৃহ্য বাসুদেবস্তং পুত্রাধিভিরভিপ্লুতম্।
মৈবমিত্যব্রবীৎকৃষ্ণস্তীব্রশোকসমন্বিতম্॥ 7-72-71 (47398)
সর্বেষামেষ বৈ পন্থাঃ শূরাণামনিবর্তিনাম্।
ক্ষত্রিয়াণাং বিশেষেণ যেষাং নঃ শস্ত্রজীবিকা॥ 7-72-72 (47399)
এষা বৈ যুধ্যমানানাং শূরাণামনিবর্তিনাম্।
বিহিতা সর্বশাস্ত্রজ্ঞৈর্গতির্মতিমতাং বর॥ 7-72-73 (47400)
ধ্রুবং হি যুদ্ধে মরণং শূরামামনিবর্তিনাম্।
গতঃ পুণ্যকৃতাং লোকানভিমন্যুর্ন সংশয়ঃ॥ 7-72-74 (47401)
এতচ্চ সর্ববীরাণাং কাঙ্ক্ষিতং ভরতর্ষভ।
সঙ্গ্রামেঽভিমুখা মৃত্যুং প্রাপ্নুয়ামেতি মানদ॥ 7-72-75 (47402)
স চ বীরান্রণে হৎবা রাজপুত্রান্মহাবলান্।
বীরৈরাকাঙ্ক্ষিতং মৃত্যুং সম্প্রাপ্তোঽভিমুখং রণে॥ 7-72-76 (47403)
মা শুচঃ পুরুষব্যাঘ্র পূর্বৈরেষ সনাতনঃ।
ধর্মকৃদ্ভিঃ কৃতো ধর্মঃ ক্ষত্রিয়াণাং রণে ক্ষয়ঃ॥ 7-72-77 (47404)
ইমে তে ভ্রাতরঃ সর্বে দীনা ভরতসত্তম।
ৎবয়ি শোকসমাবিষ্টে নৃপাশ্চ সুহৃদস্তব॥ 7-72-78 (47405)
এতাংশ্চ বচসা সাম্না সমাশ্বাসয় মানদ।
বিদিতং বেদিতব্যং তে ন শোকং কর্তুমর্হসি॥ 7-72-79 (47406)
সঞ্জয় উবাচ। 7-72-80x (4445)
এবমাশ্বাসিতঃ পার্থঃ কৃষ্ণেনাদ্ভুতকর্মণা।
ততোঽব্রবীত্তদা ভ্রাতৄন্সর্বান্পার্থঃ সগদ্গদম্॥ 7-72-80 (47407)
স দীর্ঘবাহুঃ পৃথ্বংসো দীর্ঘরাজীবলোচনঃ।
অভিমন্যুর্যথা বৃত্তঃ শ্রোতুমিচ্ছাম্যহং তথা॥ 7-72-81 (47408)
সনাগস্যন্দনহয়ান্সঙ্গ্রামে নিহতান্ময়া।
ক্ষিপ্রং দ্রক্ষ্যন্তি তে নূনং মম পুত্রং নিহত্য বৈ॥ 7-72-82 (47409)
কথং চ বঃ কৃতাস্ত্রাণাং সর্বেষাং শস্ত্রপাণিনাম্।
সৌভদ্রো নিধনং গচ্ছেদ্বজ্রিণাপি সমাগতঃ॥ 7-72-83 (47410)
যদ্যেবমহমজ্ঞাস্যমশক্তান্রক্ষণে মম।
সূনোঃ পাণ্ডবপাঞ্চালানগোপ্স্যং তং মহারণে॥ 7-72-84 (47411)
কথং চ বো রথস্যানাং শরবর্ষাণি মুঞ্চতাম্।
নীতোঽভিমন্যুর্নিধনং কদর্থীকৃত্য বঃ পরৈঃ॥ 7-72-85 (47412)
অহো বঃ পৌরুষং নাস্তি ন চ বোঽস্তি পরাক্রমঃ।
যত্রাভিমন্যুঃ সমরে পশ্যতাং বো নিপাতিতঃ॥ 7-72-86 (47413)
আত্মানমেব গর্হেয়ং যদহং বৈ সুদুর্বলান্।
যুষ্মানাজ্ঞায় নির্যাতো ভীরূনকৃতনিশ্চয়ান্॥ 7-72-87 (47414)
আহোস্বিদ্ভূষণার্থায় বর্মশস্ত্রায়ুধানি বঃ।
বাচস্তু বক্তুং সংসৎসু মম পুত্রমরক্ষতাম্॥ 7-72-88 (47415)
সঞ্জয় উবাচ। 7-72-89x (4446)
এবমুক্ৎবা ততো বাক্যমতিষ্ঠদ্বৈ বরাসিমান্।
ন স্মাশক্যত বীভৎসুঃ কেনচিৎপ্রসমীক্ষিতুম্॥ 7-72-89 (47416)
তমন্তকমিব ক্রুদ্ধং নিঃশ্বসন্তং মুহুর্মুহুঃ।
`মহেন্দ্রমিব তিষ্ঠন্তং বজ্রোদ্যতমহাভুজম্'।
পুত্রশোকাভিসন্তপ্তমশ্রুপূর্ণমুখং তদা॥ 7-72-90 (47417)
ন ভাষিতুং শক্নুবন্তি দ্রষ্টুং বা সুহৃদোঽর্জুনম্।
অন্যত্র বাসুদেবাদ্বা জ্যেষ্ঠাদ্বা পাণ্ডুনন্দনাৎ॥ 7-72-91 (47418)
সর্বাস্ববস্থাসু হিতাবর্জুনস্য মনোনুগৌ।
বহুমানাৎপ্রিয়ৎবাচ্চ তাবেনং বক্তমর্হতঃ॥ 7-72-92 (47419)
ততস্তং পুত্রশোকেন ভৃশং পীডিতমানসম্।
রাজীবলোচনং ক্রুদ্ধং রাজা বচনমব্রবীৎ॥ ॥ 7-72-93 (47420)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি দ্বিসপ্ততিতমোঽধ্যায়ঃ॥ 72 ॥
Mahabharata - Drona Parva - Chapter Footnotes
5-72-11 শ্লিষ্টমনুবদ্ধম্॥ 5-72-17 আডম্বরৈস্তূর্যরবৈঃ॥ 5-72-49 যথেতি কথমর্থে॥ 5-72-70 বাসুদেব উবাচ। কিমর্থমেতন্নাখ্যাতং ৎবয়া পার্থ রণে মম ইতি ট.পাঠঃ॥ 5-72-72 দ্বিসপ্ততিতমোঽধ্যায়ঃ॥দ্রোণপর্ব - অধ্যায় 073
॥ শ্রীঃ ॥
7.73. অধ্যায়ঃ 073
Mahabharata - Drona Parva - Chapter Topics
যুধিষ্ঠিরেণার্জুনম্প্রত্যভিমন্যুনিধনপ্রকারকথনম্॥ 1 ॥ অর্জুনেন সশপথং জয়দ্রথবধপ্রতিজ্ঞা॥ 2 ॥Mahabharata - Drona Parva - Chapter Text
7-73-0 (47421)
যুধিষ্ঠির উবাচ। 7-73-0x (4447)
ৎবয়ি যাতে মহাবাহো সংশপ্তকবলং প্রতি।
প্রয়ত্নমকরোত্তীব্রমাচার্যো প্রহণে মম॥ 7-73-1 (47422)
ব্যূঢানীকং ততো দ্রোণং যতমানং মহামৃধে।
প্রতিব্যূহ্য সহানীকাঃ প্রত্যরুধ্ম বয়ং বলাৎ॥ 7-73-2 (47423)
স বার্যমাণো রথিভির্ময়ি চাপি সুরক্ষিতে।
অস্মানভিজগামাশু পীডয়ন্নিশিতৈঃ শরৈঃ॥ 7-73-3 (47424)
তে পীড্যমানা দ্রোণেন দ্রোণানীকং ন শক্নুমঃ।
প্রতিবীক্ষিতুমপ্যাজৌ ভেত্তুং তৎকুত এব তু॥ 7-73-4 (47425)
ততস্তমপ্রতিরথমহং সৌভদ্রমব্রবম্।
দ্রোণানীকমিদং ভিন্দ্ধি দ্বারং সঞ্জনয়স্ব নঃ॥ 7-73-5 (47426)
স তথা চোদিতোঽস্মাভিঃ সদশ্ব ইব বীর্যবান্।
অসহ্যমপি তং ভারং বোঢুমেবোপচক্রমে॥ 7-73-6 (47427)
স তবাস্ত্রোপদেশেন বীর্যেণ চ সমন্বিতঃ।
প্রাবিশত্তদ্বলং বালঃ সুপর্ণ ইব সাগরম্॥ 7-73-7 (47428)
তেঽনুয়াতা বয়ং বীরং সাৎবতীপুত্রমাহবে।
প্রবেষ্টুকামাস্তেনৈব যেন স প্রাবিশচ্চমূম্॥ 7-73-8 (47429)
ততঃ সৈন্ধবকো রাজা ক্ষুদ্রস্তাত জয়দ্রথঃ।
বরদানেন রুদ্রস্য সর্বান্নঃ সমবারয়ৎ॥ 7-73-9 (47430)
ততো দ্রোণঃ কৃপঃ কর্ণো দ্রৌণিঃ কৌসল্য এব চ।
কৃতবর্মা চ সৌভদ্রং ষড্রথাঃ পর্যবারয়ন্॥ 7-73-10 (47431)
পরিবার্য তু তৈঃ সর্বৈর্যুধি বালো মহারথৈঃ।
যতমানঃ পরং শক্ত্যা বহুভির্বিরথীকৃতঃ॥ 7-73-11 (47432)
ততো দৌঃশাসনিঃ ক্ষিপ্রং তথা তৈর্বিরথীকৃতম্।
`সংশয়ং পরমং প্রাপ্তং পদাতিনমবস্থিতম্।
গদাহস্তোঽভ্যযাত্তূর্ণং জিঘাংসুরপরাজিতম্॥ 7-73-12 (47433)
গদিনং ৎবথ তং দৃষ্ট্বা বাসবস্যাত্মজাত্মজঃ।
স জগ্রাহ গদাং বীরো গদায়ুদ্ধবিশারদঃ॥ 7-73-13 (47434)
গদামণ্ডলমার্গস্থৌ সর্বক্ষত্রস্য পশ্যতঃ।
তৌ সম্প্রজগ্মতুর্বীরাবন্যোন্যস্যান্তরৈষণৌ॥ 7-73-14 (47435)
তাবন্যোন্যং গদাগ্রাভ্যাং তাডিতৌ যুদ্ধদুর্মদৌ।
ইন্দ্রধ্বজাবিবোৎসৃষ্টৌ গতসৎবৌ মহীংগতৌ॥ 7-73-15 (47436)
দৌঃশাসনিরথোত্থায় কুরূণাং কীর্তিবর্ধনঃ।
উত্তিষ্ঠমানং সৌভদ্রং গদয়া মূর্ধ্ন্যতাডয়ৎ॥ 7-73-16 (47437)
গদাবেগেন মহতা ব্যায়ামেন চ মোহিতঃ।
বিমনা ন্যপতদ্ভূমৌ সৌভদ্রঃ পরবীরহা॥ 7-73-17 (47438)
স তু হৎবা সহস্রাণি দ্বিপাশ্বরথপত্তিনাম্'।
রাজপুত্রশতং চাগ্র্যং বীরাংশ্চালক্ষিতান্বহূন্॥ 7-73-18 (47439)
বৃহদ্বলং চ রাজানং স্বর্গেণ সময়োজয়ৎ।
`গতঃ সুকৃতিনাং লোকান্যে চ স্বর্গজিতাং শুভাঃ॥ 7-73-19 (47440)
অদীনস্ত্রাসয়ঞ্ছত্রূন্নন্দয়িৎবা চ বান্ধবান্।
অসকৃন্নাম বিশ্রাব্য পিতৄণাং মাতুলস্য চ'॥ 7-73-20 (47441)
বীরো দিষ্টান্তমাপন্নঃ শোচয়ন্বান্ধবান্বহূন্।
`ততঃ স্ম শোকসন্তপ্তা ভবতাঽদ্য সমেয়ুষঃ'॥ 7-73-21 (47442)
এতাবদেব নির্বৃত্তমস্মাকং শোকবর্ধনম্।
স চৈবং পুরুষব্যাঘ্রঃ স্বর্গলোকমবাপ্তবান্॥ 7-73-22 (47443)
সঞ্জয় উবাচ। 7-73-23x (4448)
ততোঽর্জুনো বচঃ শ্রুৎবা ধর্মরাজেন ভাষিতম্।
হা পুত্র ইতি নিঃশ্বস্য ব্যথিতো ন্যপতদ্ভুবি॥ 7-73-23 (47444)
বিষণ্ণবদনাঃ সর্বে পরিবার্য ধনঞ্জয়ম্।
নেত্রৈরনিমিষৈর্দীনাঃ প্রত্যবৈক্ষন্পরস্পরম্॥ 7-73-24 (47445)
প্রতিলভ্য ততঃ সংজ্ঞাং বাসবিঃ ক্রোধমূর্চ্ছিতঃ।
কম্পমানো জ্বরেণেব নিঃশ্বসংশ্চ মুহুর্মুহুঃ॥ 7-73-25 (47446)
পাণিং পাণৌ বিনিষ্পিষ্য দন্তান্কটকটায়্য চ।
`ত্রিশিখাং ভ্রুকুটীং কৃৎবা ক্রোধসংরক্তলোচনঃ'।
উন্মত্ত ইব বিপ্রেক্ষন্নিদং বচনমব্রবীৎ॥ 7-73-26 (47447)
অর্জুন উবাচ। 7-73-27x (4449)
সত্যং বঃ প্রতিজানামি শ্বোঽস্মি হন্তাঽজয়দ্রথম্।
ন চেদ্বধভয়াদ্ভীতো ধার্তরাষ্ট্রান্প্রহাস্যতি॥ 7-73-27 (47448)
ন চাস্মাঞ্শরণং গচ্ছেৎকৃষ্ণং বা পুরুষোত্তমম্।
ভবন্তং বা মহারাজ শ্বোঽস্মি হন্তা জয়দ্রথম্॥ 7-73-28 (47449)
ধার্তরাষ্ট্রপ্রিয়করং ময়ি বিস্মৃতসৌহৃদম্।
পাপং বালবধে হেতুং শ্বোঽস্মি হন্তা জয়দ্রথম্॥ 7-73-29 (47450)
রক্ষমাণাশ্চ তং সঙ্খ্যে যে মাং যোৎস্যন্তি কেচন।
অপি দ্রোণকৃপৌ রাজঞ্ছাদয়িষ্যামি তাঞ্ছরৈঃ॥ 7-73-30 (47451)
যদ্যেতদেবং সঙ্গ্রামে ন কুর্যাং পুরুষর্ষভাঃ।
মা স্ম পুণ্যকৃতাং লোকান্প্রাপ্নুয়াং শূরসম্মতান্॥ 7-73-31 (47452)
যে লোকা মাতৃহন্তৄণাং যে চাপি পিতৃঘাতিনাম্।
গুরুদারগতানাং যে পিশুনানাং চ যে সদা॥ 7-73-32 (47453)
সাধূনসূয়তাং যে চ যে চাপি পরিবাদিনাম্।
যে চ নিক্ষেপহন্তৄণাং যে চ বিশ্বাসঘাতিনাম্॥ 7-73-33 (47454)
ভুক্তপূর্বাং স্ত্রিয়ং যে চ নিন্দতামঘশংসিনাম্।
ব্রহ্মঘ্নানাং চ যে লোকা যে চ গোঘাতিনামপি॥ 7-73-34 (47455)
পায়সং বা যবান্নং বা শাকং কৃসরমেব বা।
সংয়াবাপূপমাংসানি যে চ লোকা বৃথাশ্নতাম্।
তানন্হায়াধিগচ্ছেয়ং ন চেদ্ধন্যাং জয়দ্রথম্॥ 7-73-35 (47456)
বেদাধ্যায়িনমত্যর্থং সংশিতং বা দ্বিজোত্তমম্।
অবমন্যমানো যান্যাতি বৃদ্ধান্সাধূন্গুরূংস্তথা॥ 7-73-36 (47457)
স্পৃশতো ব্রাহ্মণং গাং চ পাদেনাগ্নিং চ যা ভবেৎ।
যাঽপ্সু শ্লেষ্ম পুরীষং চ মূত্রং বা মুঞ্চতাং গতিঃ।
তাং গচ্ছেয়ং গতিং কষ্টাং ন চেদ্ধন্যাং জয়দ্রথম্॥ 7-73-37 (47458)
নগ্নস্য স্নায়মানস্য যা চ বন্ধ্যাঽতিথের্গতিঃ।
উৎকোচিনাং মৃষোক্তীনাং বঞ্চকানাং চ যা গতিঃ॥ 7-73-38 (47459)
আত্মাপহারিণাং যা চ যা চ মিথ্যাভিশংসিনাম্।
ভৃত্যৈঃ সন্দৃশ্যমানানাং পুত্রদারাশ্রিতৈস্তথা॥ 7-73-39 (47460)
অসংবিভজ্য ক্ষুদ্রাণাং যা গতির্মিষ্টমশ্নতাম্।
তাং গচ্ছেয়ং গতিং ঘোরাং ন চেদ্ধন্যাং জয়দ্রথম্॥ 7-73-40 (47461)
সংশ্রিতং চাপি যস্ত্যক্ৎবা সাধুং তদ্বচনে রতম্।
ন বিভর্তি নৃসংসাত্মা নিন্দতে চোপকারিণম্॥ 7-73-41 (47462)
অর্হতে প্রাতিবেশ্যায় শ্রাদ্ধং যো ন দদাতি চ।
অনর্হেভ্যশ্চ যো দদ্যাদ্বৃষলীপতয়ে তথা॥ 7-73-42 (47463)
মদ্যপো ভিন্নমর্যাদঃ কৃতঘ্নো ভর্তৃনিন্দকঃ।
তেষাং গতিমিয়াং ক্ষিপ্রং ন চেদ্ধান্যাং জয়দ্রথম্॥ 7-73-43 (47464)
ভুঞ্জানানাং তু সব্যেন উৎসঙ্গে চাপি খাদতাম্।
পালাশমাসনং চৈব তিন্দুকৈর্দন্তধাবনম্॥ 7-73-44 (47465)
যে চাবর্জয়তাং লোকাঃ স্বপতাং চ তথোষসি।
শীতভীতাশ্চ যে বিপ্রা রণভীতাশ্চ ক্ষত্রিয়াঃ॥ 7-73-45 (47466)
এককূপোদকগ্রামে বেদধ্বনিবিবর্জিতে।
ষণ্মাসং তত্র বসতাং তথা শাস্ত্রং বিনিন্দতাম্॥ 7-73-46 (47467)
দিবামৈথুনিনাং চাপি দিবসেষু চ শেরতে।
অগারদাহিনাং চৈব গরদানাং চ যে মতাঃ॥ 7-73-47 (47468)
অগ্ন্যাতিথ্যবিহীনাশ্চ গোপানেষু চ বিঘ্নদাঃ।
রজস্বলাং সেবয়ন্তঃ কন্যাং শুল্কেন দায়িনঃ॥ 7-73-48 (47469)
যা চ বৈ বহুয়াজিনাং ব্রাহ্মণানাং শ্ববৃত্তিনাম্।
আস্যমৈথুনিকানাং চ যে দিবামৈথুনে রতাঃ॥ 7-73-49 (47470)
ব্রাহ্মণস্য প্রতিশ্রুত্য যো বৈ লোভাদ্দদাতি ন।
তেষাং গতিং গমিষ্যামি শ্বো ন হন্যাং জয়দ্রথম্॥ 7-73-50 (47471)
ধর্মাদপেতা যে চান্যে ময়া নাত্রানুকীর্তিতাঃ।
যে চানুকীর্তিতাস্তেষাং গতিং ক্ষিপ্রমবাপ্নুয়াম্॥ 7-73-51 (47472)
যদি ব্যুষ্টামিমাং রাত্রিং শ্বো ন হন্যাং জয়দ্রথম্।
ইমাং চাপ্যপরাং ভূয়ঃ প্রতিজ্ঞাং মে নিবোধত॥ 7-73-52 (47473)
যদ্যস্মিন্ন হত্তে পাপে সূর্যোঽস্তমুপয়াস্যতি।
ইহৈব সম্প্রবেষ্টাঽহং জ্বলিতং জাতবেদসম্॥ 7-73-53 (47474)
অসুরসুরমনুষ্যাঃ পক্ষিণো বোরগা বা
পিতৃরজনিচরা বা ব্রহ্মদেবর্ষয়ো বা।
চরমচরমপীদং যৎপরং চাপি তস্মা--
ত্তদপি মম রিপুং তং রক্ষিতুং নৈব শক্তাঃ॥ 7-73-54 (47475)
যদি বিশতি রসাতলং তদগ্র্যং
বিয়দপি দেবপুরং দিতেঃ পুরং বা।
তদপি শরশতৈরহং প্রভাতে
ভৃশমভিমন্যুরিপোঃ শিরোঽভিহর্তা॥ 7-73-55 (47476)
সঞ্জয় উবাচ। 7-73-56x (4450)
এবমুক্ৎবা বিচিক্ষেপ গাণ্ডীবং সব্যদক্ষিণম্।
তস্য সর্বমতিক্রম্য ধনুঃশব্দোঽস্পৃশদ্দিবম্॥ 7-73-56 (47477)
অর্জুনেন প্রতিজ্ঞাতে পাঞ্চজন্যং জনার্দনঃ।
প্রদধ্মৌ তত্র সঙ্ক্রুদ্ধো দেবদত্তং চ ফল্গুনঃ॥ 7-73-57 (47478)
স পাঞ্চজন্যোঽচ্যুতবক্ত্রবায়ুনা
ভৃশং সুপূর্ণোদরনিঃসৃতধ্বনিঃ।
জগৎসপাতালবিয়দ্দিগীশ্বরং
প্রকম্পয়ামাস যুগাত্যযে যথা॥ 7-73-58 (47479)
ততো বাদিত্রঘোষাশ্চ প্রাদুরাসন্সহস্রশঃ।
সিংহনাদশ্চ পাণ্ডূনাং প্রতিজ্ঞাতে মহাত্মনা॥ 7-73-59 (47480)
`প্রানৃত্যদিব গাণ্ডীবং শরাস্তূণীগতা মুদা।
নিরাক্রামন্নিব তদা স্বয়মেব মৃধৈষিণঃ॥ 7-73-60 (47481)
ভীমসেনঃ সুসংহৃষ্টঃ প্রত্যভাষত ভারত।
ধনঞ্জয়মভিপ্রেক্ষ্য হর্ষগদ্গদয়া গিরা॥ 7-73-61 (47482)
প্রতিজ্ঞোদ্ভবশব্দেন কৃষ্ণশঙ্খস্বনেন চ।
নিহতো ধার্তরাষ্ট্রোঽয়ং সানুবন্ধঃ সুয়োধনঃ॥ 7-73-62 (47483)
অথ মৃদিততমাগ্র্যদামমাল্যং
তব সুতশোকময়ং চ রোষজাতম্।
ব্যপনুদতি মহাপ্রভাবসেন--
ন্নরবর বাক্যমিদং মহার্থমিষ্টম্॥ 7-73-63 (47484)
সঞ্জয় উবাচ। 7-73-64x (4451)
অথ শঙ্খ্যৈশ্চ ভেরীভিঃ পণবৈঃ সৈনিকাস্তথা।
সসূতমাগধা জিষ্ণুং স্তুতিভিঃ সমপূজয়ন্॥ 7-73-64 (47485)
তদা ভীমং বলং সর্বে তেন নাদেন মোহিতম্।
তাবকং তন্মহারাজ বিষণ্ণং সমপদ্যত'॥ ॥ 7-73-65 (47486)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি ত্রিসপ্ততিতমোঽধ্যায়ঃ॥ 73 ॥
Mahabharata - Drona Parva - Chapter Footnotes
5-73-38 বন্ধ্যাপতেঃ ইতি ঙ. পাঠঃ। উৎক্রোশকানৃতানাং চ ইতি ক. পাঠঃ। উৎকোটিকানৃতানাং চ ইতি ট.ঙ.পাঠঃ॥ 5-73-39 আত্মাপহারিণাং আত্মানমন্যথা প্রকাশয়তাম্॥ 5-73-42 বৃষলী শূদ্রা কন্যাভাবে রজস্বলা বা॥ 5-73-55 দিতেরিতি। কার্যে কারণোপচারাদ্দৈত্যানামিত্যর্থঃ॥ 5-73-73 ত্রিসপ্ততিতমোঽধ্যায়ঃ॥দ্রোণপর্ব - অধ্যায় 074
॥ শ্রীঃ ॥
7.74. অধ্যায়ঃ 074
Mahabharata - Drona Parva - Chapter Topics
অর্জুনপ্রতিজ্ঞাশ্রবণচকিতস্য জয়দ্রথস্য দ্রোণতুর্যোধনাশ্যাসনম্॥ 1 ॥Mahabharata - Drona Parva - Chapter Text
7-74-0 (47487)
সঞ্জয় উবাচ। 7-74-0x (4452)
শ্রুৎবা তু তং মহাশব্দং পাণ্ডূনাং পুত্রগৃদ্ধিনাম্।
চারৈঃ প্রবেদিতস্ত্রস্তঃ সমুত্থায় জয়দ্রথঃ॥ 7-74-1 (47488)
শোকসম্মূঢহৃদয়ো দুঃখেনাভ্যাহতো ভৃশম্।
মজ্জমান ইবাগাধে বিপুলে শোকসাগরে।
জগাম সমিতিং রাজ্ঞাং সৈন্ধবো বিমৃশন্বহু॥ 7-74-2 (47489)
স তেষাং নরদেবানাং সকাশে পর্যদেবয়ৎ।
অভিমন্যুপিতুর্ভীতঃ সব্রীডো বাক্যমব্রবীৎ॥ 7-74-3 (47490)
যোঽসৌ পাণ্ডোঃ কিল ক্ষেত্রে জাতঃ শক্রেণ কামিনা।
স নিনীষতি দুর্বুদ্ধির্মাং কিলৈকং যমক্ষয়ম্॥ 7-74-4 (47491)
স্বস্তি বোঽস্তু গমিষ্যামি স্বগৃহং জীবিতেপ্সয়া। 7-74-5 (47492)
অথবাস্ত্রপ্রতিবলাস্ত্রাত মাং ক্ষত্রিয়র্ষভাঃ।
পার্থেন প্রার্থিতং বীরাস্তে সন্দত্ত মমাভয়ম্॥ 7-74-6 (47493)
দ্রোণদুর্যোধনকৃপাঃ কর্ণমদ্রেশবাহ্লিকাঃ।
দুঃশাসনাদয়ঃ শক্তাস্ত্রাতুমপ্যন্তকার্দিতম্॥ 7-74-7 (47494)
কিমঙ্গ পুনরেকেন ফল্গুনেন জিঘাংসতা।
ন ত্রাস্যন্তি ভবন্তো মাং সমস্তাঃ পতয়ঃ ক্ষিতেঃ॥ 7-74-8 (47495)
প্রতিজ্ঞাং পাণ্ডবেয়ানাং শ্রুৎবা মম মহদ্ভয়ম্।
সীদন্তি মম গাত্রাণি মুমূর্ষোরিব পার্থিবাঃ॥ 7-74-9 (47496)
বধো নূনং প্রতিজ্ঞাতো মম গাণ্ডীবধন্বনা।
তথাহি হৃষ্টাঃ ক্রোশন্তি শোককালেঽপি পাণ্ডবাঃ॥ 7-74-10 (47497)
তন্ন দেবা ন গন্ধর্বা নাসুরোরগরাক্ষসাঃ।
উৎসহন্তেঽন্যথা কর্তুং কুত এব নরাধিপাঃ॥ 7-74-11 (47498)
তস্মান্মামনুজানীত ভদ্রং বোঽস্তু নরর্ষভাঃ।
অদর্শনং গমিষ্যামি ন মাং দ্রক্ষ্যন্তি পাণ্ডবাঃ॥ 7-74-12 (47499)
সঞ্জয় উবাচ। 7-74-13x (4453)
এবং বিলপমানং তং ভয়াদ্ব্যাকুলচেতসম্।
আত্মকার্যগরীয়স্ৎবাদ্রাজা দুর্যোধনোঽব্রবীৎ॥ 7-74-13 (47500)
ন ভেতব্যং নরব্যাঘ্র কো হি ৎবাং পুরুষর্ষভ।
মধ্যে ক্ষত্রিয়বীরাণাং তিষ্ঠন্তং প্রার্থয়েদ্যুধি॥ 7-74-14 (47501)
`এতেষাং নরদেবানাং মত্তমাতঙ্গগামিনাম্।
সঙ্ঘাতমুপয়াতানামপি বিভ্যেৎপুরন্দরঃ'॥ 7-74-15 (47502)
অহং বৈকর্তনঃ কর্ণশ্চিত্রসেনো বিবিংশতিঃ।
ভূরিশ্রবাঃ শলঃ শল্যো বৃষসেনো দুরাসদঃ॥ 7-74-16 (47503)
পুরুমিত্রো জয়ো ভোজঃ কাম্ভোজশ্চ সুদক্ষিণঃ।
সত্যব্রতো মহাবাহুর্বিকর্ণো দুর্মুখশ্চ হ॥ 7-74-17 (47504)
দুঃশাসনঃ সুবাহুশ্চ কালিঙ্গশ্চাপ্যুদায়ুধঃ।
বিন্দানুবিন্দাবাবন্ত্যৌ দ্রোণো দ্রৌণিশ্চ সৌবলঃ॥ 7-74-18 (47505)
`মায়াবী বলবাঞ্ছূরো রাক্ষসশ্চাপ্যলম্বুসঃ'।
এতে চান্যে চ বহবো নানাজনপদেশ্বরাঃ।
সসৈন্যাস্ৎবাভিগোপ্স্যন্তি ব্যেতু তে মানসো জ্বরঃ॥ 7-74-19 (47506)
ৎবং চাপি রথিনাং শ্রেষ্ঠঃ স্বয়ং শূরোঽমিতদ্যুতে।
স কথং পাণ্ডবেয়েভ্যো ভয়ং পশ্যসি বৈন্ধব॥ 7-74-20 (47507)
অক্ষৌহিণ্যো মহাবীর্য মদীয়াস্তব রক্ষণে।
যত্তা যোৎস্যন্তি মাভৈস্ৎবং সৈন্ধব ব্যেতু তে ভয়ম্॥ 7-74-21 (47508)
সঞ্জয় উবাচ। 7-74-22x (4454)
এবমাশ্বাসিতো রাজন্পুত্রেণ তব সৈন্ধবঃ।
দুর্যোধনেন সহিতো দ্রোণং রাত্রাবুপাগমৎ॥ 7-74-22 (47509)
উপসঙ্গৃহ্য চরণৌ দ্রোণায় স বিশাম্পতিঃ।
উপোপবিশ্য প্রণতঃ পর্যপৃচ্ছদিদং বচঃ॥ 7-74-23 (47510)
নিমিত্তে দূরপাতিৎবে লঘুৎবে দৃঢবেধনে।
মম ব্রবীতু ভগবান্বিশেষং ফল্গুনস্য চ॥ 7-74-24 (47511)
বিদ্যাবিশেষমিচ্ছামি জ্ঞাতুমাচার্য তত্ৎবতঃ।
অর্জুনস্যাত্মনশ্চৈব যাথাতথ্যং প্রচক্ষ্ব মে॥ 7-74-25 (47512)
দ্রোণ উবাচ। 7-74-26x (4455)
সমমাচার্যকং তাত তব চৈবার্জুনস্য চ।
যোগাদ্দুঃখোষিতৎবাচ্চ তস্মাত্ৎবত্তোঽধিকোঽর্জুনঃ॥ 7-74-26 (47513)
ন তু তে যুধি সন্ত্রাসঃ কার্যঃ পার্থাৎকথঞ্চন।
অহং হি রক্ষিতা তাত ভয়াত্ৎবাং নাত্র সংশয়ঃ॥ 7-74-27 (47514)
ন হি মদ্বাহুগুপ্তস্য প্রভবন্ত্যমরা অপি।
ব্যূহয়িষ্যামি তং ব্যূহং যং পার্থো ন তরিষ্যতি॥ 7-74-28 (47515)
তস্মাদ্যুধ্যস্ব মাভৈস্ৎবং স্বধর্মমনুপালয়।
পিতৃপৈতামহং মার্গমনুয়াহি মহারথ॥ 7-74-29 (47516)
অধীতা বিধিবদ্বেদা অগ্নয়ঃ সুহুতাস্ৎবয়া।
ইষ্টং চ বহুভির্যজ্ঞৈর্ন তে মৃত্যুর্ভয়ঙ্করঃ॥ 7-74-30 (47517)
দুর্লভং মানুষৈর্মন্দৈর্মহাভাগ্যমবাপ্য তু।
ভুজবীর্যার্জিতাঁল্লোকান্দিব্যান্প্রাপ্স্যস্যনুত্তমান্॥ 7-74-31 (47518)
কুরবঃ পাণ্ডবাশ্চৈব বৃষ্ণয়োঽন্যে চ মানবাঃ।
অহং চ সহপুত্রেণ অধ্রুবা ইতি চিন্ত্যতাম্॥ 7-74-32 (47519)
পর্যায়েণ বয়ং সর্বে কালেন বলিনা হতাঃ।
পরলোকং গমিষ্যামঃ স্বৈঃস্বৈঃ কর্মভিরন্বিতাঃ॥ 7-74-33 (47520)
তপস্তপ্ৎবা তু যাঁল্লোকান্প্রাপ্নুবন্তি তপস্বিনঃ।
ক্ষত্রধর্মাশ্রিতাঃ বীরাঃ ক্ষত্রিয়াঃ প্রাপ্নুবন্তি তান্॥ 7-74-34 (47521)
এবমাশ্বাসিতো রাজা ভারদ্বাজেন সৈন্ধবঃ।
অপানুদদ্ভয়ং পার্থাদ্যুদ্ধায় চ মনো দধে॥ 7-74-35 (47522)
ততঃ প্রহর্ষঃ সৈন্যানাং তস্য চাসীদ্বিশাম্পতে।
বাদিত্রাণাং ধ্বনিশ্চোগ্রঃ সিংহনাদরবৈঃ সহ॥ ॥ 7-74-36 (47523)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি চতুঃসপ্ততিতমোঽধ্যায়ঃ॥ 74 ॥
Mahabharata - Drona Parva - Chapter Footnotes
5-74-4 কিলেত্যরুচৌ॥ 5-74-5 স্বগৃহাজ্জীবিতেপ্সয়া ইতি ঙ. পাঠঃ॥ 5-74-6 পার্থেন পার্থিবা বীরাস্তংদ্দদধ্বং মমাভয়ম্ ইতি ক.ট.পাঠঃ॥ 5-74-24 নিমিত্তে লক্ষ্যভেদনে॥ 5-74-26 যোগাদভ্যাসাৎ। দুঃখোচিতৎবাচ্চ ইতি ক.ট.ঙ.পাঠঃ॥ 5-74-30 মৃত্যুভবং ভয়ম্ ইতি ক.পাঠঃ॥ 5-74-74 চতুঃসপ্ততিতমোঽধ্যায়ঃ॥দ্রোণপর্ব - অধ্যায় 075
॥ শ্রীঃ ॥
7.75. অধ্যায়ঃ 075
Mahabharata - Drona Parva - Chapter Topics
শ্রীকৃষ্ণেনার্জুনম্প্রতি দ্রোণাদিভির্জয়দ্রথরক্ষণপ্রতিজ্ঞাদিকথনম্॥ 1 ॥Mahabharata - Drona Parva - Chapter Text
7-75-0 (47524)
সঞ্জয় উবাচ। 7-75-0x (4456)
প্রতিজ্ঞাতে তু পার্থেন সিন্ধুরাজবধে তদা।
বাসুদেবো মহাবাহুর্ধনঞ্জয়মভাষত॥ 7-75-1 (47525)
ভ্রাতৄণাং মতমজ্ঞায় ৎবয়া বাচা প্রতিশ্রুতম্।
সৈন্ধবং চাস্মি হন্তেতি তৎসাহসমিদং কৃতম্॥ 7-75-2 (47526)
অসম্মন্ত্র্য ময়া সার্ধমতিভারোঽয়মুদ্যতঃ।
কথং তু সর্বলোকস্য নাবহাস্যা ভবেমহি॥ 7-75-3 (47527)
ধার্তরাষ্ট্রস্য শিবিরে যে তু প্রণিহিতাশ্চরাঃ।
ত ইমে শীঘ্রমাগম্য প্রবৃত্তিং বেদয়ন্তি নঃ॥ 7-75-4 (47528)
ৎবয়া বৈ সম্প্রতিজ্ঞাতে সিন্ধুরাজবধে প্রভো।
সিংহনাদঃ সবাদিত্রঃ সুমহানিহ তৈঃ শ্রুতঃ॥ 7-75-5 (47529)
তেন শব্দেন বিত্রস্তা ধার্তরাষ্ট্রাঃ সসৈন্ধবাঃ।
নাকস্মাৎসিংহনাদোঽয়মিতি মৎবা ব্যবস্থিতাঃ॥ 7-75-6 (47530)
সুমহাঞ্শব্দসম্পাতঃ কৌরবাণাং মহাভুজ।
আসীন্নাগাশ্বপত্তীনাং রথঘোষশ্চ ভৈরবঃ॥ 7-75-7 (47531)
অভিমন্যোর্বধং শ্রুৎবা ধ্রুবমার্তো ধনঞ্জয়ঃ।
রাত্রৌ নির্যাস্যতি ক্রোধাতিতি মত্ৎবা ব্যবস্থিতাঃ॥ 7-75-8 (47532)
তৈশ্চারেভ্য ইয়ং কৃৎস্না শ্রুতা সত্যবতস্তব।
প্রতিজ্ঞা সিন্ধুরাজস্য বধে রাজীবলোচন॥ 7-75-9 (47533)
ততো বিমনসঃ সর্বে ত্রস্তাঃ ক্ষুদ্রমৃগা ইব।
আসন্সুয়োধনামাত্যাঃ স চ রাজা জয়দ্রথঃ॥ 7-75-10 (47534)
অথোত্থায় সহামাত্যৈর্দীনঃ স্বশিবিরাৎকিল।
অয়াৎসৌবীরসিন্ধূনামীশ্বরো রাজসংসদম্॥ 7-75-11 (47535)
স মন্ত্রকালে সংমন্ত্র্য সর্বাং নৈশ্রেয়সীং ক্রিয়াম্।
সুয়োধনমিদং বাক্যমব্রবীদ্রাজসংসদি॥ 7-75-12 (47536)
মামসৌ পুত্রহন্তেতি শ্বোঽভিয়াতা ধনঞ্জয়ঃ।
প্রতিজ্ঞাতো হি সেনায়া মধ্যে তেন বধো মম॥ 7-75-13 (47537)
তাং ন দেবা ন গন্ধর্বা নাসুরোরগরাক্ষসাঃ।
উৎসহন্তেঽন্যথা কর্তুং প্রতিজ্ঞাং সব্যসাচিনঃ॥ 7-75-14 (47538)
তে মাং রক্ষত সঙ্গ্রামে মা বো মূর্ধ্নি ধনঞ্জয়ঃ।
পদং কৃৎবাঽঽপ্নুয়াল্লক্ষ্যং যুক্তং প্রতিবিধীয়তাম্॥ 7-75-15 (47539)
অথ রক্ষা ন মে সম্যক্ক্রিয়তে কুরুনন্দন।
অনুজানীহি মাং রাজন্গমিষ্যামি গৃহান্প্রতি॥ 7-75-16 (47540)
এবমুক্তস্ৎববাক্শীর্ষো বিমনাঃ সসুয়োধনঃ।
শ্রুৎবা তং সময়ং তস্য ধ্যানমেবান্বপদ্যত॥ 7-75-17 (47541)
তমার্তমভিসম্প্রেক্ষ্য রাজা কিল স সৈন্ধবঃ।
মৃদু চাত্মহিতং চৈব সাপেক্ষমিদমুক্তবান্॥ 7-75-18 (47542)
নেহ পশ্যামি ভবতাং তথাবীর্যং ধনুর্ধরম্।
যোঽর্জুনস্যাস্ত্রমস্ত্রেণ প্রতিহন্যান্মহাহবে॥ 7-75-19 (47543)
বাসুদেবসহায়স্য গাণ্ডীবং ধুন্বতো ধনুঃ।
কোঽর্জুনস্যাগ্রতস্তিষ্ঠেৎসাক্ষাদপি শতক্রতুঃ॥ 7-75-20 (47544)
মহেশ্বরোঽপি পার্থেন শ্রূয়তে যোধিনঃ পুরা।
পদাতিনা মহাবীর্যো গিরৌ হিমবতি প্রভুঃ॥ 7-75-21 (47545)
দানবানাং সহস্রাণি হিরণ্যপুরবাসিনাম্।
জঘানৈকরথেনৈব দেবরাজপ্রচোদিতঃ॥ 7-75-22 (47546)
সমায়ুক্তো হি কৌন্তেয়ো বাসুদেবেন ধীমতা।
সামরানপি লোকাংস্ত্রীন্হন্যাদিতি মতির্মম॥ 7-75-23 (47547)
সোঽহমিচ্ছাম্যনুজ্ঞাতুং রক্ষিতুং বা মহাত্মনা।
দ্রোণেন সহপুত্রেণ বীরেণ যদি মন্যসে॥ 7-75-24 (47548)
শ্রীভগবানুবাচ। 7-75-25x (4457)
স রাজ্ঞা স্বয়মাচার্যো ভৃশমত্রার্থিতোঽর্জুন।
সংবিধানং চ বিহিতং রথাশ্চ কিল সজ্জিতাঃ॥ 7-75-25 (47549)
কর্ণো ভূরিশ্রবা দ্রৌণির্বৃষসেনশ্চ দুর্জয়ঃ।
কৃপশ্চ মদ্ররাজশ্চ ষডেতেঽস্য পুরোগমাঃ॥ 7-75-26 (47550)
শকটঃ পদ্মকশ্চার্ধো ব্যূহো দ্রোণেন নির্মিতঃ।
পদ্মকর্ণিকমধ্যস্থঃ সূচী পার্শ্বে জয়দ্রথঃ॥ 7-75-27 (47551)
স্থাস্যতে রক্ষিতে বীরৈঃ সিন্ধুরাট্ স সুদুর্মদঃ।
ধনুষ্যস্ত্রে চ বীর্যে চ প্রাণে চৈব তথৌরসে॥ 7-75-28 (47552)
অবিষহ্যতমা হ্যেতে নিশ্চিতাঃ পার্থ ষড্রথাঃ।
এতানজিৎবা সগণান্নৈব প্রাপ্যো জয়দ্রথঃ॥ 7-75-29 (47553)
তেষামেকৈকশো বীর্যং ষণ্ণাং ৎবমনুচিন্তয়।
সহিতা হি নরব্যাঘ্র ন শক্যা জেতুমঞ্জসা॥ 7-75-30 (47554)
ভূয়স্তু মন্ত্রয়িষ্যামি নীতিমাত্মহিতায় বৈ।
মন্ত্রজ্ঞৈঃ সচিবৈঃ সার্ধং সুহৃদ্ভিঃ কার্যসিদ্ধয়ে॥ ॥ 7-75-31 (47555)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি পঞ্চসপ্ততিতমোঽধ্যায়ঃ॥ 75 ॥
Mahabharata - Drona Parva - Chapter Footnotes
5-75-2 অশব্দো নিষেধে। অজ্ঞাৎবেত্যর্থঃ॥ 5-75-25 সংবিধানং প্রতিবিধানম্॥ 5-75-27 পদ্মব্যূহঃ পশ্চার্ধে পশ্চাদ্ভাগে যস্য। সূচী সূচীমুখো ব্যূহঃ॥ 5-75-75 পঞ্চসপ্ততিতমোঽধ্যায়ঃ॥দ্রোণপর্ব - অধ্যায় 076
॥ শ্রীঃ ॥
7.76. অধ্যায়ঃ 076
Mahabharata - Drona Parva - Chapter Topics
অর্জুনেন শ্রীকৃষ্ণম্প্রতি স্বসামর্থ্যকথনম্॥ 1 ॥Mahabharata - Drona Parva - Chapter Text
7-76-0 (47556)
অর্জুন উবাচ। 7-76-0x (4458)
ষড্রথান্ধার্তরাষ্ট্রস্য মন্যসে যান্বলাধিকান্।
তেষাং বীর্যং মমার্ধেন ন তুল্যমিতি মে মতিঃ॥ 7-76-1 (47557)
অস্ত্রমস্ত্রেণ সর্বেষামেতেষাং মধুসূদন।
ময়া দ্রক্ষ্যসি নির্ভিন্নং জয়দ্রথবধৈষিণা॥ 7-76-2 (47558)
দ্রোণস্য মিষতশ্চাহং সগণস্য বিপশ্চিতঃ।
মূর্ধানং সিন্ধুরাজস্য পাতয়িষ্যামি ভূতলে॥ 7-76-3 (47559)
যদি সাধ্যাশ্চ রুদ্রাশ্চ বসবশ্চ সহাশ্বিনঃ।
মরুতশ্চ সহেন্দ্রেণ বিশ্বেদেবাঃ সহেশ্বরাঃ॥ 7-76-4 (47560)
পিতরঃ সহগন্ধর্বাঃ সুপর্ণাঃ সাগরাদ্রয়ঃ।
দ্যৌর্বিয়ৎপৃথিবী চেয়ং দিশশ্চ সদিগীশ্বরাঃ॥ 7-76-5 (47561)
গ্রাম্যারণ্যানি ভূতানি স্থাবরাণি চরাণি চ।
ত্রাতারঃ সিন্ধুরাজস্য ভবন্তি মধুসূদন॥ 7-76-6 (47562)
তথাপি বাণৈর্নিহতং শ্বো দ্রষ্টাসি রণে ময়া।
সত্যেন চ শপে কৃষ্ণ তথৈবায়ুধমালভে॥ 7-76-7 (47563)
যস্য গোপ্তা মহেষ্বাসো দ্রোণঃ পাপস্য দুর্মতেঃ।
তমেব প্রথমং দ্রোণমভিয়াস্যামি কেশব॥ 7-76-8 (47564)
তস্মিন্যুদ্ধমিদং বদ্ধং মন্যতে স সুয়োধনঃ।
তস্মাত্তস্যৈব সেনাগ্রং ভিত্ৎবা যাস্যামি সৈন্ধবম্॥ 7-76-9 (47565)
দ্রষ্টাসি শ্বো মহেষ্বাসান্নারাচৈস্তিগ্মতেজিতৈঃ।
শৃঙ্গাণীব গিরের্বজ্রৈর্দার্যমাণান্ময়া যুধি॥ 7-76-10 (47566)
নরনাগাশ্বদেহেভ্যো বিস্রবিষ্যতি শোণিতম্।
পতদ্ধ্যঃ পতিতেভ্যশ্চ বিভিন্নেভ্যঃ শিতৈঃ শরৈঃ॥ 7-76-11 (47567)
গাণ্ডীবপ্রেষিতা বাণা মনোঽনিলসমা জবে।
নৃনাগাশ্বান্বিদেহাসূন্কর্তারশ্চ সহস্রশঃ॥ 7-76-12 (47568)
শক্রাদ্ভীষ্মাৎকৃপাদ্দ্রোণাদ্দেবাদ্রুদ্রাচ্চ যন্ময়া।
উপাত্তমস্ত্রং ঘোরং তদ্দষ্টারোঽত্র নরা যুধি॥ 7-76-13 (47569)
ব্রাহ্মেণাস্ত্রেণ চাস্ত্রাণি হন্যমানানি সংয়ুগে।
ময়া দ্রষ্টাঽসি সর্বেষাং সৈন্ধবস্যাভিরক্ষিণাম্॥ 7-76-14 (47570)
শরবেগসমুৎকৃত্তৈ রাজ্ঞাং কেশব মূর্ধভিঃ।
আস্তীর্যমাণাং পৃথিবীং দ্রষ্টাঽসি শ্বো ময়া যুধি॥ 7-76-15 (47571)
ক্রব্যাদাংস্তর্পয়িষ্যামি দ্রাবয়িষ্যামি শাত্রবান্।
সুহৃদো নন্দয়িষ্যামি প্রমথিষ্যামি সৈন্ধবম্॥ 7-76-16 (47572)
বহ্বাগস্কৃৎকুসংবন্ধী পাপদেশসমুদ্ভবঃ।
ময়া সৈন্ধবকো রাজা হতঃ স্বাঞ্শোচয়িষ্যতি॥ 7-76-17 (47573)
সর্বে ক্ষীরান্নভোক্তারঃ পাপাচারা রণাজিরে।
ময়া সরাজকা বাণৈর্হতা নশ্যন্তি সৈন্ধবাঃ॥ 7-76-18 (47574)
তথা প্রভাতে কর্তাঽস্মি যথা কৃষ্ণ সুয়োধনঃ।
নান্যং ধনুর্ধরং লোকে মংস্যতে মৎসমং যুধি॥ 7-76-19 (47575)
`গাণ্ডীবং চ ধনুর্দিব্যং যোদ্ধারং চ ধনঞ্জম্।
যন্তারং চ হৃষীকেশং কোঽতিবর্তেত সংয়ুগে'॥ 7-76-20 (47576)
তব প্রসাদাদ্ভগবন্কিংনাবাপ্তং রণে মম।
অবিষহ্যং হৃষীকেশ কিং জানন্মাং বিগর্হসে॥ 7-76-21 (47577)
যথা লক্ষ্ম স্থিরং চন্দ্রে সমুদ্রে চ যথা জলম্।
এবমেতাং প্রতিজ্ঞাং মে সত্যাং বিদ্ধি জনার্দন॥ 7-76-22 (47578)
মাবমংস্থা মমাস্ত্রাণি মাবমংস্থাশ্চ গাণ্ডিবম্।
মাবমংস্থা বলং বাহ্বোর্মাবমংস্থা ধনঞ্জয়ম্॥ 7-76-23 (47579)
গাণ্ডীবং চ ধনুর্দিব্যং যোদ্ধা চাহং নরর্ষভ।
ৎবং চ যন্তা হৃষীকেশ কিন্নু স্যাদজিতং ময়া॥ 7-76-24 (47580)
যথাভিয়ায় সঙ্গ্রমং ন জিতো বৈ জয়ামি চ।
তেন সত্যেন সঙ্গ্রামে হতং বিদ্ধি জয়দ্রথম্॥ 7-76-25 (47581)
`ৎবং চ মাধব সর্বং তত্তথা প্রতিবিধাস্যসি।
যথা রিপূণাং মিষতাং প্রমথিষ্যামি সৈন্ধবম্'॥ 7-76-26 (47582)
ধ্রুবং বৈ ব্রাহ্মণে সত্যং ধ্রুবা সাধুষু সন্নতিঃ।
শ্রীর্ধ্রুবাঽপি চ দক্ষেষু ধ্রুবো নারায়ণে জয়ঃ॥ 7-76-27 (47583)
সঞ্জয় উবাচ। 7-76-28x (4459)
এবমুক্ৎবা হৃষীকেশং স্বয়মাত্মানমাত্মনা।
সন্দিদেশার্জুনো নর্দন্বাসবিঃ কেশবং প্রভুম্॥ 7-76-28 (47584)
যথা প্রভাতাং রজনীং কল্পিতঃ স্যাদ্রথোত্তমঃ।
তথা কার্যং ৎবয়া কৃষ্ণ প্রতিজ্ঞা স্যাদ্যথা ধ্রুবা॥ ॥ 7-76-29 (47585)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি ষট্সপ্ততিতমোঽধ্যায়ঃ॥ 76 ॥
Mahabharata - Drona Parva - Chapter Footnotes
5-76-9 তস্মিন্ দ্রোণে। যুদ্ধং বদ্ধমিব বদ্ধং একান্তজয়েন স্থিরীকৃতম্ ॥ 5-76-76 ষট্সপ্ততিতমোঽধ্যায়ঃ॥দ্রোণপর্ব - অধ্যায় 077
॥ শ্রীঃ ॥
7.77. অধ্যায়ঃ 077
Mahabharata - Drona Parva - Chapter Topics
শ্রীকৃষ্ণেন সুভদ্রাসমাশ্বাসনম্॥ 1 ॥Mahabharata - Drona Parva - Chapter Text
7-77-0 (47586)
সঞ্জয় উবাচ। 7-77-0x (4460)
তাং নিশাং দুঃখশোকার্তৌ নিঃশ্বসন্তাবিবোরগৌ।
নিদ্রাং নৈবোপলেভাতে বাসুদেবধনঞ্জয়ৌ॥ 7-77-1 (47587)
নরনারায়ণৌ ক্রুদ্ধৌ জ্ঞাৎবা দেবাঃ সবাসবাঃ।
ব্যথিতাশ্চিন্তয়ামাসুঃ কিংস্বিদেতদ্ভবিষ্যতি॥ 7-77-2 (47588)
ববুশ্চ দারুণা বাতা রূক্ষা ঘোরাভিশংসিনঃ।
সকবন্ধস্তথাঽঽদিত্যে পরিঘঃ সমদৃশ্যত॥ 7-77-3 (47589)
শুষ্কাশন্যশ্চ নিষ্পেতুঃ সনির্ঘাতাঃ সবিদ্যুতঃ।
চচাল চাপি পৃথিবী সশৈলবনকাননা॥ 7-77-4 (47590)
চুক্ষুভুশ্চ মহারাজ সাগারা মকরালয়াঃ।
প্রতিস্রোতঃপ্রবৃত্তাশ্চ তথা গন্তুং সমুদ্রগাঃ॥ 7-77-5 (47591)
রথাশ্বনরনাগানাং প্রবৃত্তমধরোত্তরম্।
ক্রব্যাদানাং প্রমোদার্থং যমরাষ্ট্রবিবৃদ্ধয়ে॥ 7-77-6 (47592)
বাহনানি শকৃন্মূত্রে মুমুচূ রুরুদুশ্চ হ।
তান্দৃষ্ট্বা দারুণান্সর্বানুৎপাতাঁল্লোমহর্ষণান্॥ 7-77-7 (47593)
সর্বে তে ব্যথিতাঃ সৈন্যাস্ৎবদীয়া ভরতর্ষভা।
শ্রুৎবা মহাবলস্যোগ্রাং প্রতিজ্ঞাং সব্যসাচিনঃ॥ 7-77-8 (47594)
অথ কৃষ্ণং মহাবাহুরব্রবীৎপাকশাসনিঃ।
আশ্বাসয় সুভদ্রাং ৎবং ভগিনীং স্নুষয়া সহ॥ 7-77-9 (47595)
স্নুষাং চাস্যা বয়স্যাশ্চ বিশোকাঃ কুরু মাধব।
সাম্না সত্যেন যুক্তেন বচসাঽঽশ্বাসয় প্রভো॥ 7-77-10 (47596)
ততোঽর্জুনগৃহং গৎবা বাসুদেবঃ সুদুর্মনাঃ।
ভগিনীং পুত্রশোকার্তামাশ্বাসয়ত দুঃখিতাম্॥ 7-77-11 (47597)
বাসুদেব উবাচ। 7-77-12x (4461)
মা শোকং কুরু বার্ষ্ণেয়ি কুমারং প্রতি সস্নুষা।
সর্বেষাং প্রাণিনাং ভীরু নিষ্ঠৈষা কালনির্মিতা॥ 7-77-12 (47598)
কুলে জাতস্য বীরস্য ক্ষত্রিয়স্য বিশেষতঃ।
সদৃশং মরণং হ্যেতত্তব পুত্রস্য মা শুচঃ॥ 7-77-13 (47599)
দিষ্ট্যা মহারথো ধীরঃ পিতুস্তুল্যপরাক্রমঃ।
ক্ষাত্রেণ বিধিনা প্রাপ্তো বীরাভিলষিতাং গতিম্॥ 7-77-14 (47600)
জিৎবা সুবহুশঃ শত্রূন্প্রেষয়িৎবা চ মৃত্যবে।
গতঃ পুণ্যকৃতাং লোকান্সর্বকামদুহোঽক্ষয়ান্॥ 7-77-15 (47601)
তপসা ব্রহ্মচর্যেণ শ্রুতেন প্রজ্ঞয়াপি চ।
সন্তো যাং গতিমিচ্ছন্তি তাং প্রাপ্তস্তব পুত্রকঃ॥ 7-77-16 (47602)
বীরসূর্বীরপত্নী ৎবং বীরজা বীরবান্ধবা।
মা শুচস্তনয়ং ভদ্রে গতঃস পরমাং গতিম্॥ 7-77-17 (47603)
`স্বাধ্যায়যুক্তং ব্রাহ্মমী যাচিতারং
`স্বাধ্যায়যুক্তং ব্রাহ্মণী যাচিতারং
গৌর্বোঢারং ক্ষিপ্রগন্তারমশ্বা।
দাসং শূদ্রা কর্মকারং তু বৈশ্যা
শূরং সূতে ৎবদ্বিধা রাজপুত্রী'॥ 7-77-18 (47604)
প্রাপ্স্যতে চাপ্যসৌ পাপঃ সৈন্ধবো বালঘাতকঃ।
অধর্মস্যাস্য তু ফলং সসুহৃদ্গণবান্ধবঃ॥ 7-77-19 (47605)
ব্যুষ্টায়াং তু বরারোহে রজন্যাং পাপকর্মকৃৎ।
ন হি মোক্ষ্যতি পার্থাৎস প্রবিষ্টোঽপ্যমরাবতীম্॥ 7-77-20 (47606)
শ্বঃ শিরঃ পাদমূলং তে সৈন্ধবস্যাহৃতং ধ্রুবম্।
পদ্ধ্যাং প্রমথিতাসি ৎবং বিশোকা ভব মা রুদঃ॥ 7-77-21 (47607)
ক্ষত্রধর্মং পুরস্কৃত্য গতঃ শূরঃ সতাং গতিম্।
বয়ং চ প্রাপ্নুয়ামেহ যে চান্যে শস্ত্রজীবিনঃ॥ 7-77-22 (47608)
ব্যূঢোরস্কো মহাবাহুরনিবর্তী রিপুব্রজাৎ।
গতস্তব বরারোহে পুত্রঃ স্বর্গং জ্বরং জহি॥ 7-77-23 (47609)
অনুয়াতশ্চ পিতরং মাতৃপক্ষং চ বীর্যবান্।
সহস্রশো রিপূন্হৎবা হতঃ শূরো মহারথঃ॥ 7-77-24 (47610)
আশ্বাসয় স্নুষাং রাজ্ঞি মা শুচঃ ক্ষত্রিয়ে ভৃশম্।
শ্বঃ প্রিয়ং সুমহচ্ছ্রুৎবা বিশোকা ভব নন্দিনি॥ 7-77-25 (47611)
যৎপার্থেন প্রতিজ্ঞাতং তত্তথা ন তদন্যথা।
চিকীর্ষিতং হি তে ভর্তুর্ন ভবেজ্জাতু নিষ্ফলম্॥ 7-77-26 (47612)
যদি চ মনুজপন্নগাঃ পিশাচা
রজনিচচারাঃ পতগাঃ সুরাসুরাশ্চ।
রণগতমভিয়ান্তি সিন্ধুরাজং
ন স ভবিতা সহ তৈরপি প্রভাতে॥ ॥ 7-77-27 (47613)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি সপ্তসপ্ততিতমোঽধ্যায়ঃ॥ 77 ॥
Mahabharata - Drona Parva - Chapter Footnotes
5-77-27 অভিয়ান্তি রক্ষিষ্যন্তি॥ 5-77-77 সপ্তসপ্ততিতমোঽধ্যায়ঃ॥দ্রোণপর্ব - অধ্যায় 078
॥ শ্রীঃ ॥
7.78. অধ্যায়ঃ 078
Mahabharata - Drona Parva - Chapter Topics
অভিমন্যুমনুশোচ্য বিলপন্ত্যাঃ সুভদ্রায়াঃ কৃষ্ণেনাশ্বাসনম্॥ 1 ॥Mahabharata - Drona Parva - Chapter Text
7-78-0 (47614)
সঞ্জয় উবাচ। 7-78-0x (4462)
এতচ্ছ্রুৎবা বচস্তস্য কেশবস্য মহাত্মনঃ।
সুভদ্রা পুত্রশোকার্তা বিললাপ সুদুঃখিতা॥ 7-78-1 (47615)
হা পুত্রা মম মন্দায়াঃ কথমেত্যাসি সংয়ুগম্।
নিধনং প্রাপ্তবাংস্তাত পিতুস্তুল্যপরাক্রমঃ॥ 7-78-2 (47616)
কথমিন্দীবরশ্যামং সুদংষ্ট্রং চারুলোচনম্।
মুখং তে দৃশ্যতে বৎস গুণ্ঠিতং রণরেণুনা॥ 7-78-3 (47617)
নূনং শূরং নিপতিতং ৎবাং পশ্যন্ত্যনিবর্তিনম্।
সুশিরোগ্রীববাহ্বংসং ব্যূঢোরস্কং নতোদরম্॥ 7-78-4 (47618)
চারূপচিতসর্বাঙ্গং স্বক্ষং শস্ত্রক্ষতাচিতম্।
ভূতানি ৎবাং নিরীক্ষন্তে ভূমৌ চন্দ্রমিবোদিতম্॥ 7-78-5 (47619)
শয়নীয়ং পুরাঽধ্যুষ্য স্পর্ধ্যাস্তরণসংবৃতম্।
ভূমাবদ্য কথং শেষে বিপ্রবিদ্ধঃ সুখোচিতঃ॥ 7-78-6 (47620)
যোঽন্বাস্যত পুরা বীরো বরস্ত্রীভির্মহাভুজঃ।
কথমন্বাস্যতে সোঽদ্য শিবাভিঃ পতিতো মৃধে॥ 7-78-7 (47621)
যোঽস্তূয়ত পুরা হৃষ্টৈঃ সূতমাগধবন্দিভিঃ।
সোঽদ্য ক্রব্যাদ্গণৈর্ঘোরৈর্বিনদদ্ভিরুপাস্যেত॥ 7-78-8 (47622)
পাণ্ডবেষু চ নাথেষু বৃষ্ণিবীরেষু বা বিভো।
পাঞ্চালেষু চ বীরেষু হতঃ কেনাস্যনাথবৎ॥ 7-78-9 (47623)
`যত্র ৎবং কেশবে নাথে সত্যনাথো যথা হতঃ'।
অতৃপ্তদর্শনা পুত্র দর্শনস্য তবানঘ।
মন্দভাগ্যা গমিষ্যামি ব্যক্তমদ্য যমক্ষয়ম্॥ 7-78-10 (47624)
বিশালাক্ষং সুকেশান্তং চারুবাক্যং সুগন্ধি চ।
তব পুত্র কদা ভূয়ো মুখং দ্রক্ষ্যামি নির্ব্রণম্॥ 7-78-11 (47625)
ধিগ্বলং ভীমসেনস্য ধিক্পার্থস্য ধনুষ্মতাম্।
ধিগ্বীর্যং বৃষ্ণিবীরাণাং চাঞ্চালানাং চ ধিগ্বলং॥ 7-78-12 (47626)
ধিক্কেকয়াংস্তথা চেদীন্মৎস্যাংশ্চৈবাথ সৃঞ্জয়ান্।
যে ৎবাং রণগতং বীরং ন শেকুরভিরক্ষিতুম্॥ 7-78-13 (47627)
অদ্য পশ্যামি পৃথিবীং শূন্যামিব হতৎবিষম্।
অভিমন্যুমপশ্যন্তী শোকব্যাকুললোচনা॥ 7-78-14 (47628)
স্বস্রীয়ং বাসুদেবস্য পুত্রং গাণ্ডবীধন্বনঃ।
কথং ৎবাঽতিরথং বীরং দ্রক্ষ্যাম্যদ্য নিপাতিতম্॥ 7-78-15 (47629)
এহ্যেহি তৃষিতো বৎস স্তনৌ পূর্ণৌ পিবাশু মে।
অঙ্কমারুহ্য মন্দায়া হ্যতৃপ্তায়াশ্চ দর্শনে॥ 7-78-16 (47630)
হা বীর দৃষ্টো নষ্টশ্চ ধনং স্বপ্ন ইবাসি মে।
অহো হ্যনিত্যং মানুষ্যং জলবুদ্বুদচঞ্চলম্॥ 7-78-17 (47631)
ইমাং তে তরুণীং ভার্যাং তবাধিভিরভিপ্লুতাম্।
`উত্তরামুত্তমাং জাত্যা সুশীলাং প্রিয় ভাষিণীম্॥ 7-78-18 (47632)
শনকৈঃ পরিরভ্যৈনাং স্নুষাং মম যশস্বিনীম্।
সুকুমারীং বিশালাক্ষীং পূর্ণচন্দ্রনিভাননাম্॥ 7-78-19 (47633)
বালপল্লবতন্বঙ্গীং মত্তমাতঙ্গগামিনীম্।
বিম্বাধরোষ্ঠীমবলামভিমন্যো প্রহর্ষয়॥ 7-78-20 (47634)
ৎবয়া বিনা কথং পুত্র জীর্ণাং পতিতমানসাম্'।
ইমাং সন্ধারয়িষ্যামি বৃষভাদিব ধেনুকাম্॥ 7-78-21 (47635)
অহো হ্যকালে প্রস্থানং কৃতবানসি পুত্রক।
বিহায় ফলকালে মাং সুগৃদ্ধাং তব দর্শনে॥ 7-78-22 (47636)
নূনং গতিঃ কৃতান্তস্য প্রাজ্ঞৈরপি সুদুর্বিদা।
যত্র ৎবং কেশবে নাথে সঙ্গ্রামেঽনাথবদ্ধতঃ॥ 7-78-23 (47637)
যজ্বনাং দানশীলানাং ব্রাহ্মণানাং কৃতাত্মনাম্।
চরিতব্রহ্মচর্যাণাং পুণ্যতীর্থাবগাহিনাম্॥ 7-78-24 (47638)
কৃতজ্ঞানাং বদান্যানাং গুরুশুশ্রূষিণামপি।
সহস্রদক্ষিণানাং চ যা গতিস্তামবাপ্নুহি॥ 7-78-25 (47639)
যা গতির্যুধ্যমানানাং শূরাণামনিবর্তিনাম্।
হৎবারীন্নিহতানাং চ সঙ্গ্রামে তাং গতি ব্রজ॥ 7-78-26 (47640)
গোসহস্রপ্রদাতৄণাং ক্রতুদানাং চ যা গতিঃ।
নৈবেশিকং চাভিমতং দদতাং যা গতিঃ শুভা॥ 7-78-27 (47641)
ব্রাহ্মণেভ্যঃ শরণ্যেভ্যো নিধিং নিদধতাং চ যা।
যা চাপি ন্যস্তদণ্ডানাং তাং গতিং ব্রজ পুত্রক॥ 7-78-28 (47642)
ব্রহ্মচর্যেণ যাং যান্তি মুনয়ঃ সংশিতব্রতাঃ।
একপত্ন্যশ্চ যাং যান্তি তাং গতিং ব্রজ পুত্রক॥ 7-78-29 (47643)
রাজ্ঞা সুচরিতৈর্যা চ গতির্ভবতি শাশ্বতী।
চরমাশ্রমিণাং পুণ্যৈঃ সেবিতানাং পুরঃ স্থিতৈঃ॥ 7-78-30 (47644)
দীনানুকম্পিনাং যা চ সততং সংবিভাগিনাম্।
পৈশুন্যাচ্চ নিবৃত্তানাং তাং গতিং ব্রজ পুত্রক॥ 7-78-31 (47645)
ব্রতিনাং ধর্মশীলানাং গুরুশুশ্রূষিণামপি।
অমোঘাতিথিনাং যা চ তাং গতিং ব্রজ পুত্রক॥ 7-78-32 (47646)
কৃচ্ছ্রেষু যা ধারয়তামাত্মানং ব্যসনেষু চ।
গতিঃ শোকাগ্নিদগ্ধানাং তাং গতিং ব্রজ পুত্রক॥ 7-78-33 (47647)
মাতাপিত্রোশ্চ শুশ্রূষাং কল্পয়ন্তীহ যে সদা।
স্বদারনিরতানাং চ যা গতিস্তামবাপ্নুহি॥ 7-78-34 (47648)
ঋতুকালে স্বকাং ভার্যাং গচ্ছতাং যা মনীষিণাম্।
পরস্ত্রীভ্যো নিবৃত্তানাং তাং গতিং ব্রজ পুত্রক॥ 7-78-35 (47649)
সাম্না যে সর্বভূতানি পশ্যন্তি গতমৎসরাঃ।
নারুন্তুদানাং ক্ষমিণাং যা গতিস্তামবাপ্নুহি॥ 7-78-36 (47650)
মধুমাংসান্নিবৃত্তানাং মদাদ্দৃম্ভাত্তথাঽনৃতাৎ।
পরোপতাপাদন্যায়াত্তাং গতিং ব্রজ পুত্রক॥ 7-78-37 (47651)
হীমন্তঃ সর্বশাস্ত্রজ্ঞা জ্ঞানতৃপ্তা জিতেন্দ্রিয়াঃ।
যাং গতিং সাধবো যান্তি তাং গতিং ব্রজ পুত্রক॥ 7-78-38 (47652)
সঞ্জয় উবাচ। 7-78-39x (4463)
এবং বিলপতীং দীনাং সুভদ্রাং শোককর্শিতাম্।
অন্বপদ্যত পাঞ্চালী বৈরাটিসহিতাং তদা॥ 7-78-39 (47653)
সা প্রকামং রুদিৎবা চ বিলপ্য চ সুদুঃখিতা।
উন্মত্তবত্তদা রাজন্বিসংজ্ঞা পতিতা ক্ষিতৌ॥ 7-78-40 (47654)
সোপচারস্তু কৃষ্ণস্তাং দুঃখিতাং ভৃশদুঃখিতঃ।
সিক্ৎবাম্ভসা সমাশ্বাস্য তত্তদুক্ৎবা হিতং বচঃ॥ 7-78-41 (47655)
বিসংজ্ঞকল্পাং রুদতীমপবিদ্ধাং প্রবেপতীম্।
ভগিনীং পুণ্ডরীকাক্ষ ইদং বচনমব্রবীৎ॥ 7-78-42 (47656)
সুভদ্রে মা শুচঃ পুত্রং পাঞ্চাল্যাশ্বাসয়োত্তরাম্।
গতোঽভিমন্যুঃ প্রথিতাং গতিং ক্ষত্রিয়পুঙ্গবঃ॥ 7-78-43 (47657)
যে চান্যেঽপি কুলে সন্তি পুরুষা নো বরাননে।
সর্বে ন তে গতিং যান্তি যাঽভিমন্যোর্যশস্বিনঃ॥ 7-78-44 (47658)
কুর্যাম তদ্বয়ং কর্ম কুর্যুর্যুৎসুহৃদশ্চ নঃ।
কৃতবান্যাদৃগদ্যৈকস্তব পুত্রো মহারথঃ॥ 7-78-45 (47659)
সঞ্জয় উবাচ। 7-78-46x (4464)
এবমাশ্বাস্য ভগিনীং দ্রৌপদীমপি চোত্তরাম্।
পার্থস্যৈব মহাবাহুঃ পার্শ্বমাগাদরিন্দমঃ॥ 7-78-46 (47660)
ততোঽভ্যনুজ্ঞায় নৃপান্কৃষ্ণো বন্ধূংস্তথাঽর্জুনম্।
বিবেশান্তঃ পুরে রাজংস্তে চ জগ্মুঃ স্বমালয়ম্॥ ॥ 7-78-47 (47661)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি অষ্টসপ্ততিতমোঽধ্যায়ঃ॥ 78 ॥
Mahabharata - Drona Parva - Chapter Footnotes
5-78-27 নৈবেশিকং সোপকরণং গৃহম্। নৈবেশিকায়েতি পাঠে গৃহাশ্রমোন্মুখায় বিদ্যাব্রতস্নাতায়। অভিমতং বিবাহোপয়ুক্তম্॥ 5-78-28 ন্যস্তদণ্ডানাং নিরস্তাভিমানানাম্। দণ্ডো স্ত্রী লগুডে পুমানিত্যু পক্রম্য দমে যমেঽবিমানেচেতি মেদিনী॥ 5-78-29 একপত্ন্যঃ পতিব্রতাঃ॥ 5-78-78 অষ্টসপ্ততিতমোঽধ্যায়ঃ॥দ্রোণপর্ব - অধ্যায় 079
॥ শ্রীঃ ॥
7.79. অধ্যায়ঃ 079
Mahabharata - Drona Parva - Chapter Topics
শ্রীকৃষ্ণেন রাত্রাবর্জুনেন ত্র্যম্বকায় বলিপ্রদাপনম্॥ 1 ॥ কৃষ্ণদারুকসম্ভাষণম্॥ 2 ॥Mahabharata - Drona Parva - Chapter Text
7-79-0 (47662)
সঞ্জয় উবাচ। 7-79-0x (4465)
ততোঽর্জুনস্য ভবনং প্রবিশ্যাপ্রতিমং বিভুঃ।
স্পৃষ্ট্বাম্ভঃ পুণ্ডরীকাক্ষঃ স্থণ্ডিলে শুভলক্ষণে।
সন্তস্তার শুভাং শয়্যাং দর্ভৈর্বৈদূর্যসন্নিভৈঃ॥ 7-79-1 (47663)
ততো মাল্যেন বিধিবল্লাজৈর্গন্ধৈঃ সুমঙ্গলৈঃ।
অলঞ্চকার তাং শয়্যাং পরিবার্যায়ুধোত্তমৈঃ॥ 7-79-2 (47664)
ততঃ স্পৃষ্টোদকং পার্থং বিনীতপরিচারকম্।
নৈত্যকং দর্শয়াঞ্চক্রে নৈশং ত্রৈয়ম্বকং বলিম্॥ 7-79-3 (47665)
ততঃ প্রীতমনাঃ পার্থো গন্ধমাল্যৈশ্চ মাধবম্।
অলঙ্কৃত্যোপহারং তং নৈশং তস্মৈ ন্যবেদয়ৎ॥ 7-79-4 (47666)
সাধুসাধ্বিতি গোবিন্দঃ ফল্গুনং প্রত্যভাষত॥ 7-79-5 (47667)
সুপ্যতাং পার্থ ভদ্রং তে কল্যাণায় ব্রজাম্যহম্।
স্থাপয়িৎবা ততো দ্বাস্থান্গোপ্তৄংশ্চাত্তায়ুধান্নরান্॥ 7-79-6 (47668)
দারুকানুগতঃ শ্রীমান্বিবেশ শিবিরং স্বকম্।
শিশ্যে চ শয়নে শুভ্রে বহুকৃত্য বিচিন্তয়ন্॥ 7-79-7 (47669)
পার্থায় সর্বং ভগবাঞ্শোকদুঃখাপহং বিধিম্।
ব্যদধাৎপুণ্ডরীকাক্ষস্তেজোদ্যুতিবিবর্ধনম্॥ 7-79-8 (47670)
যোগমাস্থায় যুক্তাত্মা সর্বেষামীশ্বরেশ্বরঃ।
শ্রেয়স্কামঃ পৃথুয়শা বিষ্ণুর্জিষ্ণুপ্রিয়ঙ্করঃ॥ 7-79-9 (47671)
ন পাণ্ডবানাং শিবিরে কশ্চিৎসুষ্বাপ তাং নিশাম্।
প্রজাগরঃ সর্বজনং হ্যাবিবেশ বিশাম্পতে॥ 7-79-10 (47672)
পুত্রশোকাভিতপ্তেন প্রতিজ্ঞাতো মহাত্মনা।
শ্বঃ সিন্ধুরাজস্য বধঃ কার্যো গাণ্ডীবধন্বনা॥ 7-79-11 (47673)
তৎকথং নু মহাবাহুর্বাসবিঃ পরবীরহা।
প্রতিজ্ঞাং সফলাং কুর্যাদিতি তে সমচিন্তয়ন্॥ 7-79-12 (47674)
কষ্টং হীদং ব্যবসিতং পাণ্ডবেন মহাত্মনা।
পুত্রশোকাভিভূতেন প্রতিজ্ঞা মহতী কৃতা॥ 7-79-13 (47675)
ভ্রাতরশ্চাপি বিক্রান্তা বহুলানি বলানি চ।
ধৃতরাষ্ট্রস্য পুত্রেণ সর্বতঃ সন্নিবেশিতাঃ॥ 7-79-14 (47676)
স হৎবা সৈন্ধবং সঙ্খ্যে পুনরেতু জয়ী সুখী।
`হৎবা রিপুগণং সর্বং পারয়িৎবা মহাব্রতম্॥ 7-79-15 (47677)
যদ্যস্তি সুকৃতং কিঞ্চিদস্মাকং হন্তু সৈন্ধবম্।
জিৎবা সর্বান্রিপূন্পার্থস্ত্রাতু নোঽস্মান্মহাভয়াৎ॥ 7-79-16 (47678)
এবমাশংসমানাস্তে কেচিত্তস্থুরুপশ্রুতিম্।
শ্রুৎবা চেষ্টং সুমনসো ব্যক্তমাশংসিরে জয়ম্॥ 7-79-17 (47679)
ভবিতা নু কথং কৃত্যমিদমিত্যব্রুবঞ্জনাঃ'।
শ্বোঽহৎবা সিন্ধুরাজং বৈ ধূমকেতুং প্রবেক্ষ্যতি॥ 7-79-18 (47680)
ন শক্যমনৃতাং কর্তুং প্রতিজ্ঞাং বিজয়েন হি।
`মহদ্ধি সাহসং পার্থঃ কৃতবাচ্ছোকমোহিতঃ'॥ 7-79-19 (47681)
ধর্মপুত্রঃ কথং রাজা ভবিষ্যতি মৃতেঽর্জুনে।
তস্মিন্হি বিজয়ঃ কৃৎস্নঃ পাণ্ডবেন সমাহিতঃ॥ 7-79-20 (47682)
যদি নোঽস্তি কৃতং কিঞ্চিদ্যদি দত্তং হুতং যদি।
ফলেন তস্য সর্বস্য সব্যসাচী জয়ৎবরীন্॥ 7-79-21 (47683)
সঞ্জয় উবাচ। 7-79-22x (4466)
এবং কথয়তাং তেষাং জয়মাশংসতাং প্রভো।
কৃচ্ছ্রেণ মহতা রাজন্রজনী ব্যত্যবর্তত॥ 7-79-22 (47684)
তস্যা রজন্যা মধ্যে তু প্রতিবুদ্ধো জনার্দনঃ।
স্মৃৎবা প্রতিজ্ঞাং পার্থস্য দারুকং প্রত্যভাষত॥ 7-79-23 (47685)
অর্জুনেন প্রতিজ্ঞাতমার্তেন হতবন্ধুনা।
জয়দ্রথং বধিষ্যামি শ্বোভূত ইতি দারুক॥ 7-79-24 (47686)
তত্তু দুর্যোধনঃ শ্রুৎবা মন্ত্রিভির্মন্ত্রয়িষ্যতি।
যথা জয়দ্রথং পার্থো ন হন্যাদিতি সংয়ুগে॥ 7-79-25 (47687)
অক্ষৌহিণ্যো হি তাঃ সর্বা রক্ষিষ্যন্তি জয়দ্রথম্।
দ্রোণশ্চ সহপুত্রেণ সর্বাস্ত্রবিধিপারগঃ॥ 7-79-26 (47688)
একো বীরঃ সহস্রাক্ষো দৈত্যদানবদর্পহা।
সোঽপি তং নোৎসহেতাজৌ হন্তুং দ্রোণেন রক্ষিতম্॥ 7-79-27 (47689)
সোঽহং শ্বস্তৎকরিষ্যামি যথা কুন্তীসুতোঽর্জুনঃ।
অপ্রাপ্তেঽস্তং দিনকরে হনিষ্যতি জয়দ্রথম্॥ 7-79-28 (47690)
ন হি দারা ন মিত্রাণি জ্ঞাতয়ো ন চ বান্ধবাঃ।
কশ্চিদন্যঃ প্রিয়তরঃ কুন্তীপুত্রান্মমার্জুনাৎ॥ 7-79-29 (47691)
অনর্জুনমিমং লোকং মুহূর্তমপি দারুক।
উদীক্ষিতুং ন শক্তোঽহং ভবিতা ন চ তত্তথা॥ 7-79-30 (47692)
অহং বিজিত্য তান্সর্বান্সহসা সহয়দ্বিপান্।
অর্জুনার্থে হনিষ্যামি সকর্ণান্সসুয়োধনান্॥ 7-79-31 (47693)
শ্বো নিরীক্ষন্তু মে বীর্যং ত্রয়ো লোকা মহাহবে।
ধনঞ্জয়ার্থে সমরে পরাক্রান্তস্য দারুক॥ 7-79-32 (47694)
শ্বো নরেন্দ্রসহস্রাণি রাজপুত্রশতানি চ।
সাশ্বদ্বিপরথান্যাজৌ বিদ্রবিষ্যামি দারুক॥ 7-79-33 (47695)
শ্বস্তাং চক্রপ্রমথিতাং দ্রক্ষ্যসে নৃপবাহিনীম্।
ময়া ক্রুদ্ধেন সমরে পাণ্ডবার্থে নিপাতিতাম্॥ 7-79-34 (47696)
শ্বঃ সদেবাঃ সগন্ধর্বাঃ পিশাচোরগরাক্ষসাঃ।
জ্ঞাস্যন্তি লোকাঃ সর্বে মাং সুহৃদং সব্যসাচিনঃ॥ 7-79-35 (47697)
যস্তং দ্বেষ্টি স মাং দ্বেষ্টি যস্তং চানু স মামনু।
ইতি সঙ্কল্প্যতাং বুদ্ধ্যা শরীরার্ধং মমার্জুনঃ॥ 7-79-36 (47698)
যথা ৎবং মে প্রভাতায়ামস্যাং নিশি রথোত্তমম্।
কল্পয়িৎবা যথাশাস্ত্রমাদায় ব্রজ সংয়তঃ॥ 7-79-37 (47699)
গদাং কৌমোদকীং দিব্যাং শক্তিং চক্রং ধনুঃ শরান্।
আরোপ্য বৈ রথে সূত সর্বোপকরণানি চ॥ 7-79-38 (47700)
স্থানং চ কল্পয়িৎবাঽথ রথোপস্থে ধ্বজস্য মে।
বৈনতেয়স্য বীরস্য সমরে রথশোভিনঃ॥ 7-79-39 (47701)
ছত্রং জাম্বূনদৈর্জালৈরর্কজ্বলনসপ্রভৈঃ॥
বিশ্বকর্মকৃতৈর্দিব্যৈরশ্বানপি বিভূষয়॥ 7-79-40 (47702)
বলাহকং মেঘপুষ্পং শৈব্যং সুগ্রীবমেব চ।
যুক্ৎবা বাজিবরাংস্তত্র কবচী তিষ্ঠ দারুক॥ 7-79-41 (47703)
পাঞ্চজন্যস্য নির্ঘোষং পর্জন্যনিনদোপমম্।
শ্রুৎবা চ ভৈরবং নাদমুপেয়াস্ৎবং জবেন মাম্॥ 7-79-42 (47704)
একাহ্নাঽহমমর্ষং চ সর্বদুঃখানি চৈব হ।
ভ্রাতুঃ পৈতৃষ্বসেয়স্য ব্যপনেষ্যামি দারুক॥ 7-79-43 (47705)
সর্বোপায়ৈর্যতিষ্যামি যথা বীভৎসুরাহবে।
পশ্যতাং ধার্তরাষ্ট্রাণাং হনিষ্যতি জয়দ্রথম্॥ 7-79-44 (47706)
যস্যযস্য চ বীভৎসুর্বধে যত্নং করিষ্যতি।
আশংসেঽহং রণে তন্তং তত্রতত্র হনিষ্যতি॥ 7-79-45 (47707)
দারুক উবাচ। 7-79-46x (4467)
জয় এব ধ্রুবস্তস্য কুত এব পরাজয়ঃ।
যস্য ৎবং পুরুষব্যাঘ্র সারথ্যমুপজগ্মিবান্॥ 7-79-46 (47708)
এবং চৈতৎকরিষ্যামি যথা মামনুভাষসে।
সুপ্রভাতামিমাং রাত্রিং জয়ায় বিজয়স্য হি॥ ॥ 7-79-47 (47709)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি একোনাশীতিতমোঽধ্যায়ঃ॥ 79 ॥
Mahabharata - Drona Parva - Chapter Footnotes
5-79-3 লাজৈরক্ষতৈঃ॥ 5-79-4 তস্মৈ ত্র্যম্বকায়॥ 5-79-8 পার্থায় তাদর্থ্যে চতুর্থী। তেজঃ প্রতাপঃ॥ 5-79-13 মহাত্মনা ইত্যস্যানন্তরং স চ রাজা মহাবীর্যঃ পারয়ৎবর্জুনঃ স তাম্ ইত্যেকমর্ধ ঙ. চ.ঝ.ঞ. পুস্তকেষু অধিকং বর্ততে॥ 5-79-31 সহসা বলেন॥ 5-79-36 অনু অনুগতঃ॥ 5-79-79 একোনাশীতিতমোঽধ্যায়ঃ॥দ্রোণপর্ব - অধ্যায় 080
॥ শ্রীঃ ॥
7.80. অধ্যায়ঃ 080
Mahabharata - Drona Parva - Chapter Topics
অর্জুনস্য স্বপ্নে কৃষ্ণেন সহ কৈলাসগমনম্॥ 1 ॥ তথা স্তুত্যা রুদ্রপ্রসাদনম্॥ 2 ॥Mahabharata - Drona Parva - Chapter Text
7-80-0 (47710)
সঞ্জয় উবাচ। 7-80-0x (4468)
ধার্তরাষ্ট্রস্য তং মন্ত্রং স্মরন্নেব ধনঞ্জয়ঃ।
প্রতিজ্ঞামাত্মনো রক্ষন্মুমোহাচিন্ত্যবিক্রমঃ॥ 7-80-1 (47711)
তং তু শোকেন সন্তপ্তং স্বপ্নে কপিবরধ্বজম্।
আসসাদ মহাতেজা ধ্যায়ন্তং গরুডধ্বজঃ॥ 7-80-2 (47712)
প্রত্যুত্থানং চ কৃষ্ণস্য সর্বাবস্থাসু ফল্গুনঃ।
ন লোপয়তি ধর্মাত্মা ভক্ত্যা প্রেম্ণা চ সর্বদা॥ 7-80-3 (47713)
প্রত্যুত্থায় চ গোবিন্দং স্বং তস্মৈ চাসনং দদৌ।
ন চাসনে স্বয়ং বুদ্ধিং বীভৎসুর্ব্যদধাত্তদা॥ 7-80-4 (47714)
ততঃ কৃষ্ণো মহাতেজা জানঁল্লোকস্য নিশ্চয়ম্।
কুন্তীপুত্রমিদং বাক্যমাসীনঃ স্থিতমব্রবীৎ॥ 7-80-5 (47715)
মা বিষাদে মনঃ পার্থ কৃথাঃ কালো হি দুর্জয়ঃ।
কালঃ সর্বাণি ভূতানি নিয়চ্ছতি ভবাভবে॥ 7-80-6 (47716)
কিমর্থং চ বিষাদস্তে তদ্ব্রূহি দ্বিপদাং বর।
ন শোচ্যং বিদুষাং শ্রেষ্ঠ শোকঃ কার্যবিনাশনঃ॥ 7-80-7 (47717)
যত্তু কার্যং ভবেৎকার্যং কর্মণা তৎসমাচর।
হীনচেষ্টস্য যঃ শোকঃ স হি শত্রুর্ধনঞ্জয়॥ 7-80-8 (47718)
শোচন্নন্দয়তে শত্রূন্কর্শয়ত্যপি বান্ধবান্।
ক্ষীয়তে চ নরস্তস্মান্ন ৎবং শোচিতুমর্হসি॥ 7-80-9 (47719)
সঞ্জয় উবাচ। 7-80-10x (4469)
ইত্যুক্তো বাসুদেবেন বীভৎসুরপরাজিতঃ।
আবভাষে তদা বিদ্বানিদং বচনমর্থবৎ॥ 7-80-10 (47720)
ময়া প্রতিজ্ঞা মহতী জয়দ্রথবধে কৃতা।
শ্বোঽস্মি হন্তা দুরাত্মানং পুত্রঘ্নমিতি কেশব॥ 7-80-11 (47721)
মৎপ্রতিজ্ঞাবিঘাতার্থং ধার্তরাষ্ট্রৈঃ কিলাচ্যুত।
পৃষ্ঠতঃ সৈন্ধবঃ কার্যঃ সর্বৈর্গুপ্তো মহারথৈঃ॥ 7-80-12 (47722)
দশ চৈকা চ তাঃ কৃষ্ণ অক্ষৌহিণ্যঃ সুদুর্জয়াঃ।
হতাবশেষাস্তত্রেমা হন্ত মাধব সঙ্খ্যযা॥ 7-80-13 (47723)
তাভিঃ পরিবৃতঃ সঙ্খ্যে সর্বৈশ্চৈব মহারথৈঃ।
কথং শক্যেত সন্দ্রষ্টুং দুরাত্মা কৃষ্ণ সৈন্ধবঃ॥ 7-80-14 (47724)
প্রতিজ্ঞাপারণং চাপি ন ভবিষ্যতি কেশব।
প্রতিজ্ঞায়াং চ হীনায়াং কথং জীবতি মদ্বিধঃ॥ 7-80-15 (47725)
দুঃখাপায়স্য মে বীর বিকাঙ্ক্ষা পরিবর্ততে।
দ্রুতং চ যাতি সবিতা তত এতদ্ব্রবীম্যহম্॥ 7-80-16 (47726)
সঞ্জয় উবাচ। 7-80-17x (4470)
শোকস্থানং তু তচ্ছ্রুৎবা পার্থস্য দ্বিজকেতনঃ।
সংস্পৃশ্যাম্ভস্ততঃ কৃষ্ণঃ প্রাঙ্মুখঃ সমবস্থিতঃ॥ 7-80-17 (47727)
ইদং বাক্যং মহাতেজা বভাষে পুষ্করেক্ষণঃ।
হিতার্থং পাণ্ডুপুত্রস্য সৈন্ধবস্য বধে কৃতী॥ 7-80-18 (47728)
শ্রীভগবানুবাচ। 7-80-19x (4471)
পার্থ পাশুপতং নাম পরমাস্ত্রং সনাতনম্।
যেন সর্বান্মৃধে দেত্যাঞ্জঘ্নে দেবো মহেশ্বরঃ॥ 7-80-19 (47729)
যদি তদ্বিদিতং তেঽদ্য শ্বো হন্তাঽসি জয়দ্রথম্।
অথ জ্ঞাতং প্রপদ্যস্য মনসা বৃষভধ্বজম্॥ 7-80-20 (47730)
তং দেবং মনসা ধ্যাৎবা জোষমাস্স্ব ধনঞ্জয়।
ততস্তস্য প্রসাদাত্ৎবং ভক্ত্যা প্রাপ্স্যসি তন্মহৎ॥ 7-80-21 (47731)
সঞ্জয় উবাচ। 7-80-22x (4472)
ততঃ কৃষ্ণবচঃ শ্রুৎবা সংস্পৃশ্যাম্ভো ধনঞ্জয়ঃ।
ভূমাবাসীন একাগ্রো জগাম মনসা ভবম্॥ 7-80-22 (47732)
ততঃ প্রণিহিতো ব্রাহ্মে মুহূর্তে শুভলক্ষণে।
আত্মানমর্জুনোঽপশ্যদ্গনে সহকেশবম্॥ 7-80-23 (47733)
পুণ্যং হিমবতঃ পাদং মণিমন্তং চ পর্বতম্।
জ্যোতির্ভিশ্চ সমাকীর্ণং সিদ্ধচারণসেবিতম্॥ 7-80-24 (47734)
বায়ুবেগগতিঃ পার্থঃ খং ভেজে সহকেশবঃ।
কেশবেন গৃহীতঃ স দক্ষিণে বিভুনা ভুজে॥ 7-80-25 (47735)
প্রেক্ষমাণো বহূন্ভাবাঞ্জগামাদ্ভুতদর্শনান্।
উদীচ্যাং দিশি ধর্মাত্মা সোপশ্যচ্ছ্বেতপর্বতম্॥ 7-80-26 (47736)
কুবেরস্য বিরাহে চ নলিনীং পদ্মভূষিতাম্।
সরিচ্ছ্রেষ্ঠাং চ তাং গঙ্গাং বীক্ষমাণো বহূদকাম্॥ 7-80-27 (47737)
সদা পুষ্পফলৈর্বৃক্ষৈরুপেতাং স্ফটিকোপলাম্।
সিংহব্যাঘ্রসমাকীর্ণাং নানামৃগসমাকুলাম্॥ 7-80-28 (47738)
পুণ্যাশ্রমবতীং রম্যাং মনোজ্ঞাণ্ডজসেবিতাম্।
মন্দরস্য প্রদেশাংশ্চ কিন্নরোদ্গীতনাদিতান্॥ 7-80-29 (47739)
হেমরূপ্যময়ৈঃ শৃঙ্গৈর্নানৌষধিবিদীপিতান্।
তথা মন্দারবৃক্ষৈশ্চ পুষ্পিতৈরুপশোভিতান্। 7-80-30 (47740)
স্নিগ্ধাঞ্জনচয়াকারং সম্প্রাপ্তঃ কালপর্বতম্।
ব্রহ্মতুঙ্গং নদীশ্চান্যাস্তথা জনপদানপি॥ 7-80-31 (47741)
স তুঙ্গং শতশৃঙ্গং চ শর্যাতিবনমেব চ।
পুণ্যমশ্বশিরস্থানং স্থানমাথর্বণস্য চ॥ 7-80-32 (47742)
বৃষদংশং চ শৈলেন্দ্রং মহামন্দরমেব চ।
অপ্সরোভিঃ সমাকীর্ণং কিন্নরৈশ্চোপশোভিতম্॥ 7-80-33 (47743)
তস্মিঞ্শৈলে ব্রজন্পার্থঃ সকৃষ্ণঃ সমবৈক্ষত।
শুভৈঃ প্রস্রবণৈর্জুষ্টাং হেমধাতুবিভূষিতাম্॥ 7-80-34 (47744)
চন্দ্ররশ্মিপ্রকাশাঙ্গীং পৃথিবীং পুরমালিনীম্।
সমুদ্রাংশ্চাদ্ভুতাকারানপশ্যদ্বহুলাকরান্॥ 7-80-35 (47745)
বিয়দ্দ্যাং পৃথিবীং চৈব তথা বিষ্ণুপদং ব্রজন্।
বিস্মিতঃ সহ কৃষ্ণেন ক্ষিপ্তো বাণ ইবাভ্যগাৎ॥ 7-80-36 (47746)
গ্রহনক্ষত্রসোমানাং সূর্যাগ্ন্যোশ্চ সমৎবিষম্।
অপশ্যত তদা পার্থো জ্বলন্তমিব পর্বতম্॥ 7-80-37 (47747)
সমাসাদ্য তু তং শৈলং শৈলাগ্রে সমবস্থিতম্।
তপোনিত্যং মহাত্মানমপশ্যদ্বৄষভধ্বজম্। 7-80-38 (47748)
সহস্রমিব সূর্যাণাং দীপ্যমানং স্বতেজসা।
শূলিনং জটিলং গৌরং বল্কলাজিনবাসসম্॥ 7-80-39 (47749)
নয়নানাং সহস্রৈশ্চ বিচিত্রাঙ্গং মহৌজসম্।
পার্বত্যা সহিতং দেবং ভূতসঙ্ঘৈশ্চ ভাস্বরৈঃ॥ 7-80-40 (47750)
গীতবাদিত্রসন্নাদৈর্হাস্যলাস্যসমন্বিতম্।
বগ্লিতাস্ফোটিতোৎক্রুষ্টৈঃ পুণ্যৈর্গন্ধৈশ্চ সেবিতম্॥ 7-80-41 (47751)
স্তূয়মানং স্তবৈর্দিব্যৈর্ঋষিভির্ব্রহ্মবাদিভিঃ।
গোপ্তারং সর্বভূতানামীশানং বরদং শিবম্॥ 7-80-42 (47752)
বাসুদেবস্তু তং দৃষ্ট্বা জগাম শিরসা ক্ষিতিম্।
পার্থেন সহ ধর্মাত্মা গৃণন্ব্রহ্ম সনাতনম্॥ 7-80-43 (47753)
লোকাদিং বিশ্বকর্মাণমজমীশানমব্যযম্।
মনসঃ পরমং যোনিং খং বায়ুং জ্যোতিষাং নিধিম্॥ 7-80-44 (47754)
স্রষ্টারং বারিধারাণাং ভুবশ্চ প্রকৃতিং পরাম্।
দেবদানবয়ক্ষাণাং মানবানাং চ শাসকম্॥ 7-80-45 (47755)
যোগানাং চ পরং ধাম দৃষ্টং ব্রহ্মবিদাং নিধিম্।
চারচরস্য স্রষ্টারং প্রতিহর্তারমেব চ॥ 7-80-46 (47756)
কালকোপং মহাত্মানং শক্রসূর্যগুণোদয়ম্।
ববন্দতুস্তদা কৃষ্ণৌ বাঙ্মনোবুদ্ধিকর্মভিঃ॥ 7-80-47 (47757)
যং প্রপদ্যন্তি বিদ্বাংসঃ সূক্ষ্মাধ্যাত্মপদৈষিণঃ।
তমজং কারমাত্মানং জগ্মতুঃ শরণং ভবম্॥ 7-80-48 (47758)
অর্জুনশ্চাপি তং দেবং ভূয়ো ভূয়োঽপ্যবন্দত।
জ্ঞাৎবা তং সর্বভূতাদিং ভূতভব্যভবোদ্ভবম্॥ 7-80-49 (47759)
`শরণ্যং শরণং দেবমীশানং পরমেশ্বরম্।
জগাম জগতাং নাথমর্জুনঃ সজনার্দনঃ'॥ 7-80-50 (47760)
ততস্তাবাগতৌ দৃষ্ট্বা নরনারায়ণাবুভৌ।
সুপ্রসন্নমনাঃ শর্বঃ প্রোবাচ প্রহসন্নিব॥ 7-80-51 (47761)
স্বাগতং বাং নরশ্চেষ্ঠাবুত্তিষ্ঠেতাং গতক্লমৌ।
কিঞ্চ বামীপ্সিতং বীরৌ মনসঃ ক্ষিপ্রমুচ্যতাম্॥ 7-80-52 (47762)
যেন কার্যেণ সম্প্রাপ্তৌ যুবাং তৎসাধয়ামি কিম্।
ব্রিয়তামাত্মনঃ শ্রেয়স্তৎসর্বং প্রদদানি বাম্॥ 7-80-53 (47763)
সঞ্জয় উবাচ। 7-80-54x (4473)
ততস্তদ্বচনং শ্রুৎবা প্রত্যুত্থায় কৃতাঞ্জলী।
বাসুদেবার্জুনৌ শর্বং তুষ্টুবাতে মহামতী।
ভক্ত্যাস্তবেন দিব্যেন মহাত্মানাবনিন্দিতৌ॥ 7-80-54 (47764)
কৃষ্ণার্জুনাবূচতুঃ। 7-80-55x (4474)
নমো ভবায় শর্বায় রুদ্রায় বরদায় চ।
পশূনাং পতয়ে নিত্যমুগ্রায় চ কপর্দিনে॥ 7-80-55 (47765)
মহাদেবায় ভীমায় ত্র্যম্বকায় চ শান্তয়ে।
ঈশানায় মখঘ্নায় নমোঽস্ৎবন্ধকঘাতিনে॥ 7-80-56 (47766)
কুমারগুরবে তুভ্যং নীলগ্রীবায় বেধসে।
পিনাকিনে হবিষ্যায় সত্যায় বিভবে সদা॥ 7-80-57 (47767)
বিলোহিতায় ধ্রূম্রায় ব্যাধায়ানপরাজিতে।
নিত্যং নীলশিখণ্ডায় শূলিনে দিব্যচক্ষুষে॥ 7-80-58 (47768)
হোত্রে পোত্রে ত্রিনেত্রায় ব্যাধায় বসুরেতসে।
অচিন্ত্যায়াম্বিকাভর্ত্রে সর্বদেবস্তুতায় চ॥ 7-80-59 (47769)
বৃষধ্বজায় মুণ্ডায় জটিনে ব্রহ্মচারিণে।
তপ্যমানায় সলিলে ব্রহ্মণ্যায়াজিতায় চ॥ 7-80-60 (47770)
বিশ্বাত্মনে বিশ্বসৃজে বিশ্বমাবৃত্য তিষ্ঠতে।
নমোনমস্তে সেব্যায় ভূতানাং প্রভবে সদা॥ 7-80-61 (47771)
ব্রহ্মবক্ত্রায় সর্বায় শংকরায় শিবায় চ।
নমোস্তু বাচস্পতয়ে প্রজানাং পতয়ে নমঃ॥ 7-80-62 (47772)
`অভিগম্যায় কাম্যায় স্তুত্যায়ার্যায় সর্বদা।
নমোঽস্তু দেবদেবায় মহাভূতধরায় চ।
নমো বিশ্বস্য পতয়ে পত্তীনাং পতয়ে নমঃ'॥ 7-80-63 (47773)
নমো বিশ্বস্য পতয়ে মহতাং পতয়ে নমঃ।
নমঃ সহস্রশিরসে সহস্রভুজমৃত্যবে॥
সহস্রনেত্রপাদায় নমোঽসঙ্খ্যেয়কর্মণে। 7-80-64 (47774)
নমো হিরণ্যবর্ণায় হিরণ্যকবচায় চ।
ভক্তানুকম্পিনে নিত্যং সিধ্যতাং নো বরঃ প্রভো॥ 7-80-65 (47775)
সঞ্জয় উবাচ। 7-80-66x (4475)
এবং স্তুৎবা মহাদেবং বাসুদেবঃ সহার্জুনঃ।
প্রসাদয়ামাস ভবং তদা হ্যস্ত্রোপলব্ধয়ে॥ ॥ 7-80-66 (47776)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি অশীতিতমোঽধ্যায়ঃ॥ 80 ॥
Mahabharata - Drona Parva - Chapter Footnotes
5-80-7 ন শোচ্যং শোকো নাচরণীয়ঃ॥ 5-80-8 কার্যে কৃত্যং কার্যং করণীয়ং ভবেদিত্যন্বয়ঃ॥ 5-80-23 প্রণিহিতঃ সমাতিxxxx॥ 5-80-32 অথর্বণস্য মুনেঃ॥ 5-80-36 তথা চ ব্রজন্বিষ্ণুপদমাকাশমভ্যগাদিত্যন্বয়ঃ॥ 5-80-41 লাস্যং নৃত্তম্। বল্গিতমিতস্ততঃ প্রচারঃ। আস্ফোটিতং ভুজাডম্বরঃ। উক্ত্রুষ্টমুচ্চৈঃ স্বনিতম্॥ 5-80-44 বিশ্বং জগৎকর্ম প্রাপ্যং যস্য। ঈশানমপ্রতিহতেচ্ছম্। অব্যযমবিকারম্। মনসঃ পরমং প্রবৃত্তিনিবৃত্তিকারণম্। যোনিমুৎপত্তিস্থানং চ। জ্যোতিষাং তেজসাং নিধিমধিষ্ঠানম্॥ 5-80-46 যোগানাং যোগদর্শিনাং পরং ধাম পরমাশ্রয়ম্। দৃষ্টং সাক্ষাদ্ভূতং ব্রহ্মতত্ৎবং তদ্বিদাং নির্ধি রহস্যম্॥ 5-80-47 কালইব কোপো যস্য। শক্রস্য গুণা ঐশ্বর্যাদয়ঃ সূর্যস্য গুণাঃ প্রতাপাদয়ঃ তেষামুদয়ো যস্মাৎ। কালকেশং ইতি ক. পাঠঃ॥ 5-80-48 কারণাত্মানং কারণৈকস্বভাবম্॥ 5-80-55 ভাবঃ সর্বপ্রভুৎবাৎ। শর্বঃ সংহরণাৎ॥ 5-80-56 শান্তিঃ শমপ্রধানৎবাৎ॥ 5-80-57 হবিষ্যঃ হবিষ্যযোগ্যৎবাৎ। বিভুর্ব্যাপকৎবাৎ॥ 5-80-58 ব্যাধায় মৃগহননাৎ। দ্বিরুক্তির্দ্বিস্তথাকরণাৎ। অনাৎপ্রাণিনঃ পরাজয়তীতি অনপরাজিৎসর্বভূতোত্তমৎবাৎ। নীলশিখণ্ডো নীলকেশৎবাৎ॥ 5-80-59 হোতা দীক্ষিতঃ ভাবেন হবনশীলৎবাৎ। বসুরেতা অগ্নৌ রেতঃ ক্ষেপণাৎ॥ 5-80-60 মুণ্ডো দীক্ষিতৎবাৎ। ব্রহ্মচারী রেতোবিধারণাৎ॥ 5-80-61 ভূতানাং প্রাণিনাং প্রমথাদীনাম্॥ 5-80-62 ব্রহ্মবক্রো বেদপূর্ণমুখৎবাৎ। শিবো মোক্ষহেতুৎবাৎ। বাচস্পতির্বাঙ্যযপ্রবর্তনাৎ॥ 5-80-80 অশীতিতমোঽধ্যায়ঃ॥দ্রোণপর্ব - অধ্যায় 081
॥ শ্রীঃ ॥
7.81. অধ্যায়ঃ 081
Mahabharata - Drona Parva - Chapter Topics
অর্জুনেন স্বপ্নে শংকরাৎপাশুপতাস্ত্রমুপলক্ষ্য কৃষ্ণেনসহ পুনঃ শিবিরং প্রত্যাগমনম্॥ 1 ॥Mahabharata - Drona Parva - Chapter Text
7-81-0 (47777)
সঞ্জয় উবাচ। 7-81-0x (4476)
ততঃ পার্থঃ প্রসন্নাত্মা প্রাঞ্জলির্বৃষভধ্বজম্।
দদর্শোৎফুল্লনয়নঃ সমস্তং তেজসাং নিধিম্॥ 7-81-1 (47778)
তং চোপহারং সুকৃতং নৈশং নৈত্যকমাত্মনা।
দদর্শ ত্র্যম্বকাভ্যাশে বাসুদেবনিবেদিতম্॥ 7-81-2 (47779)
ততোঽভিপূজ্য মনসা কৃষ্ণং শর্বং চ পাণ্ডবঃ।
ইচ্ছাম্যহং দিব্যমস্ত্রমিত্যভাষত শঙ্করম্॥ 7-81-3 (47780)
ততঃ পার্থস্য বিজ্ঞায় বরার্থে বচনং তদা।
বাসুদেবার্জুনৌ দেবঃ স্ময়মানোঽভ্যভাষত॥ 7-81-4 (47781)
স্বাগতং বাং নরশ্রেষ্ঠৌ বিজ্ঞাতং মনসেপ্সিতম্।
যেন কামেন সম্প্রাপ্তৌ ভবদ্ধ্যাং তং দদাম্যহম্॥ 7-81-5 (47782)
সরোঽমৃতময়ং দিব্যমভ্যাশে শত্রুসূদনৌ।
তত্র মে তদ্ধনুর্দিব্যং শরশ্চ নিহিতঃ পুরা॥ 7-81-6 (47783)
যেন দেবারয়ঃ সর্বে ময়া যুধি নিপাতিতাঃ।
তত আনীয়তাং কৃষ্ণৌ সশরং ধনুরুত্তমম্॥ 7-81-7 (47784)
তথেত্যুক্ৎবা তু তৌ বীরৌ সর্বপারিষদৈঃ সহ।
প্রস্থিতৌ তৎসরো দিব্যং দিব্যৈশ্বর্যশতৈর্যুতম্॥ 7-81-8 (47785)
নির্দিষ্টং যদ্বৃষাঙ্কেণ পুণ্যং সর্বার্থসাধকম্।
তৌ জগ্মতুরসম্ভ্রান্তৌ নরনারায়ণাবৃষী॥ 7-81-9 (47786)
ততস্তৌ তৎসরো গৎবা সূর্যমণ্ডলসন্নিভম্।
নাগমন্তর্জলে ঘোরং দদৃশাতেঽর্জুনাচ্যুতৌ॥ 7-81-10 (47787)
দ্বিতীয়ং চাপরং নাগং সহস্রশিরসং বরম্।
বমন্তং বিপুলা জ্বালা দদৃশাতেঽগ্নিবর্চসম্॥ 7-81-11 (47788)
ততঃ কৃষ্ণশ্চ পার্থশ্চ সংস্পৃশ্যাম্ভঃ কৃতাঞ্জলী।
তৌ নাগাবুপতস্থাতে নমস্যন্তৌ বৃষধ্বজম্॥ 7-81-12 (47789)
গৃণন্তৌ বেদবিদ্বাংসৌ তদ্ব্রহ্ম শতরুদ্রিয়ম্।
অপ্রমেয়প্রমাণং তৌ গৎবা সর্বাত্মনা ভবম্॥ 7-81-13 (47790)
ততস্তৌ রুদ্রমাহাত্ম্যাদ্ধিৎবা রূপং মহোরগৌ।
ধনুর্বাণশ্চ শত্রুঘ্নং তদ্দ্বন্দ্বং সমপদ্যত॥ 7-81-14 (47791)
তৌ তজ্জগৃহতুঃ প্রীতৌ ধনুর্বাণং চ সুপ্রভম্।
আজহূতুর্মহাত্মানৌ দদতুশ্চ মহাত্মনে॥ 7-81-15 (47792)
ততঃ পাশ্বাদ্বৄষাঙ্কস্য ব্রহ্মচারী ন্যবর্তত।
পিঙ্গাক্ষস্তপসঃ ক্ষেত্রং বলবান্নীললোহিতঃ। 7-81-16 (47793)
স তদ্গৃহ্য ধনুঃশ্রেষ্ঠং তস্থৌ স্থানং সমাহিতঃ।
বিচকর্ষাথ বিধিবৎসশরং ধনুরুত্তমম্॥ 7-81-17 (47794)
তস্য মৌর্বী চ মুষ্টিং চ স্থানং চালক্ষ্য পাণ্ডবঃ।
শ্রুৎবা মন্ত্রং ভবপ্রোক্তং জগ্রাহাচিন্ত্যবিক্রমঃ॥ 7-81-18 (47795)
স সরস্যেব তং বাণং মুমোচাতিবলঃ প্রভুঃ।
চিক্ষেপ চ পুনর্বীরস্তস্মিন্সরসি তদ্ধনুঃ॥ 7-81-19 (47796)
ততঃ প্রীতং ভবং জ্ঞাৎবা স্মৃতিমানর্জুনস্তদা।
বরমারণ্যকে দত্তং দর্শনং শঙ্করস্য চ।
মনসা চিন্তয়ামাস তন্মে সম্পদ্যতাং ভব॥ 7-81-20 (47797)
তস্য তন্মতমাজ্ঞায় প্রীতঃ প্রাদাদ্বরং ভবঃ।
তচ্চ পাশুপতং ঘোরং প্রতিজ্ঞায়াশ্চ পারণম্॥ 7-81-21 (47798)
ততঃ পাশুপতং দিব্যমবাপ্য পুনরীশ্বরাৎ।
সংহৃষ্টরোমা দুর্ধর্ষঃ কৃতং কার্যমমন্যত॥ 7-81-22 (47799)
`ততোঽর্জুনহৃষীকৈশৌ পুনঃ পুনররিংদমৌ'।
ববন্দতুশ্চ সংহৃষ্টৌ শিরোভ্যাং তং মহেশ্বরম্॥ 7-81-23 (47800)
অনুজ্ঞাতৌ ক্ষণে তস্মিন্ভবেনার্জুনকেশবৌ।
প্রাপ্তৌ স্বশিবিরং বীরৌ মুদা পরময়া যুতৌ॥ 7-81-24 (47801)
তথা ভবেনানুমতৌ মহাসুরনিঘাতিনা।
ইদ্রাবীষ্ণূ যথা প্রীতৌ জম্ভস্য বধকাঙ্ক্ষিণৌ॥ ॥ 7-81-25 (47802)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি একাশীতিতমোঽধ্যায়ঃ॥ 81 ॥
Mahabharata - Drona Parva - Chapter Footnotes
5-81-2 আত্মনা সুকৃতং সূপকল্পিতম্॥ 5-81-14 দ্বন্দ্বং যুগলম্॥ 5-81-16 নীললোহিতঃ ভগবতোঽপরা তনুঃ॥ 5-81-17 স্থানং স্থাপনকম্ 5-81-18 জগ্রাহ মনসি কৃতবান্॥ 5-81-81 একাশীতিতমোঽধ্যায়ঃ॥দ্রোণপর্ব - অধ্যায় 082
॥ শ্রীঃ ॥
7.82. অধ্যায়ঃ 082
Mahabharata - Drona Parva - Chapter Topics
শ্রীকৃষ্ণস্য কৃতাহ্নিকং যুধিষ্ঠিরং প্রত্যাগমনম্॥ 1 ॥Mahabharata - Drona Parva - Chapter Text
7-82-0 (47803)
সঞ্জয় উবাচ। 7-82-0x (4477)
তয়োঃ সংবদতোরেব কৃষ্ণদারুকয়োস্তথা।
সাঽত্যগাদ্রজনী রাজন্নথ রাজা স্ম বোধ্যতে॥ 7-82-1 (47804)
পঠন্তি পাণিধ্বনিকা মাগধাঃ স্তবগায়কাঃ।
বৈতালিকাশ্চ সূতাশ্চ তুষ্টুবুঃ পুরুষর্ষভম্॥ 7-82-2 (47805)
নর্তকাশ্চাপ্যনৃত্যন্ত জগুর্গীতানি গায়কাঃ।
কুরুবংশস্তবার্থানি মধুরং রক্তকণ্ঠিনঃ॥ 7-82-3 (47806)
মৃদঙ্গা ঝর্ঝরা ভের্যঃ পণবানকগোমুখাঃ।
আডম্বরাশ্চ শঙ্খাশ্চ দুন্দুভ্যশ্চ মহাস্বনাঃ॥ 7-82-4 (47807)
এবমেতানি সর্বাণি তথান্যান্যপি ভারত।
বাদয়ন্তি স্ম সংহৃষ্টাঃ কুশলাঃ সাধুশিক্ষিতাঃ॥ 7-82-5 (47808)
স মেঘসমনির্ঘোষো মহাঞ্শব্দোঽস্পৃশদ্দিবম্।
পার্থিবপ্রবরং সুপ্তং যুধিষ্ঠিরমবোধয়ৎ॥ 7-82-6 (47809)
প্রতিবুদ্ধঃ সুখং সুপ্তো মহার্হে শয়নোত্তমে।
উত্থায়াবশ্যকার্যার্থং যয়ৌ স্নানগৃহং নৃপঃ॥ 7-82-7 (47810)
ততঃ শুক্লাম্বরাঃ স্নাতাস্তরুণাঃ শতমষ্ট চ।
স্নাপকাঃ কাঞ্চনৈঃ কুম্ভৈঃ পূর্ণৈঃ সমুপতস্থিরে॥ 7-82-8 (47811)
ভদ্রাসনে সূপবিষ্টঃ পরিধায়াম্বরং লঘু।
সস্নৌ চন্দনসংয়ুক্তৈঃ পানীয়ৈরভিমন্ত্রিতৈঃ॥ 7-82-9 (47812)
উৎসাদিতঃ কষায়েণ বলবদ্ভিঃ সুশিক্ষিতৈঃ।
আপ্লুতঃ সাধিবাসেন জলেন সসুগন্ধিনা॥ 7-82-10 (47813)
রাজহংসনিভং প্রাপ্য উষ্ণীষং শিথিলার্পিতম্।
জলক্ষয়নিমিত্তং বৈ বেষ্টয়ামাস মূর্ধনি॥ 7-82-11 (47814)
হরিণা চন্দনেনাঙ্গমুপলিপ্য মহাভুজঃ।
স্রগ্বী চাক্লিষ্টবসনঃ প্রাঙ্মুখঃ প্রাঞ্জলিঃ স্থিতঃ॥ 7-82-12 (47815)
`কৃৎবেন্দ্রিয়াণামৈকাগ্র্যং মনসশ্চ মহামনাঃ'।
জজাপ জপ্যং কৌন্তেয়ঃ সতাং মার্গমনুষ্ঠিতঃ।
তত্রাগ্নিশরণং দীপ্তং প্রবিবেশ বিনীতবৎ॥ 7-82-13 (47816)
সমিদ্ভিঃ স পবিত্রাভিরগ্নিমাহুতিভিস্তথা।
মন্ত্রপূতাভিরর্চিৎবা নিশ্চক্রাম গৃহাত্ততঃ॥ 7-82-14 (47817)
দ্বিতীয়াং পুরুষব্যাঘ্রঃ কক্ষ্যাং নির্গম্য পার্থিবঃ।
ততো বেদবিদো বৃদ্ধানপশ্যদ্ব্রাহ্মণর্ষভান্॥ 7-82-15 (47818)
দান্তান্বেদব্রতস্নাতান্স্নাতানবভৃথেষু চ।
সহস্রানুচরান্সৌরান্সহস্রং চাষ্ট চাপরান্॥ 7-82-16 (47819)
অক্ষতৈঃ সুমনোভিশ্চ বাচয়িৎবা মহাভুজঃ।
তান্দ্বিজান্মধুসর্পির্ভ্যাং ফলৈঃ শ্রেষ্ঠৈঃ সুমঙ্গলৈঃ॥ 7-82-17 (47820)
প্রাদাৎকাঞ্চনমেকৈকং নিষ্কং বিপ্রায় পাণ্ডবঃ।
অলঙ্কৃতং চাশ্বশতং বাসাংসীষ্টাশ্চ দক্ষিণাঃ॥ 7-82-18 (47821)
তথা গাঃ কপিলা দোগ্ধ্রীঃ সবৎসাঃ পাণ্ডুনন্দনঃ।
হেমশৃঙ্গা রৌপ্যখুরা দত্ৎবা তেভ্যঃ প্রদক্ষিণম্॥ 7-82-19 (47822)
স্বস্তিকান্বর্ধমানাংশ্চ নন্দ্যাবর্তাংশ্চ কাঞ্চনান্।
মাল্যং চ জলকুম্ভাংশ্চ জ্বলিতং চ হুতাশনম্॥ 7-82-20 (47823)
পূর্ণান্যক্ষতপাত্রাণি রুচকং রোচনাস্তথা।
স্বলঙ্কৃতাঃ শুভাঃ কন্যা দধিসর্পির্মধূদকম্॥ 7-82-21 (47824)
মঙ্গল্যান্পক্ষিণশ্চৈব যচ্চান্যদপি পূজিতম্।
দৃষ্ট্বা স্পৃষ্ট্বা চ কৌন্তেয়ো বাহ্যাং কক্ষ্যাং ততোঽগমৎ॥ 7-82-22 (47825)
ততস্তস্যাং নহাবাহোস্তিষ্ঠতঃ পরিচারকাঃ।
সৌবর্ণং সর্বতোভদ্রং মুক্তাবৈদূর্যমণ্ডিতম্॥ 7-82-23 (47826)
পরার্ধ্যাস্তরণাস্তীর্ণং সোত্তরচ্ছদমৃদ্ধিমৎ।
বিশ্বকর্মকৃতং দিব্যমুপজহ্রুর্বরাসনম্॥ 7-82-24 (47827)
তত্র তস্যোপবিষ্টস্য ভূষণানি মহাত্মনঃ।
উপাজহ্রুর্মহার্হাণি প্রেপ্যাঃ শুভ্রাণি সর্বশঃ॥ 7-82-25 (47828)
যুক্তাভরণবেষস্য কৌন্তেয়স্য মহাত্মনঃ।
রূপমাসীন্মহারাজ দ্বিষতাং শোকবর্ধনম্॥ 7-82-26 (47829)
চামরৈশ্চন্দ্ররশ্ম্যাভৈর্হেমদণ্ডৈঃ সুশোভনৈঃ।
দোধূয়মানৈঃ শুশুভে বিদ্যুদ্ভিরিব তোয়দঃ॥ 7-82-27 (47830)
সংস্তূয়মানঃ সূত্রৈশ্চ বন্দ্যমানশ্চ বন্দিভিঃ।
উপগীয়মানো গন্ধর্বৈরাস্তে স্ম কুরুনন্দনঃ॥ 7-82-28 (47831)
ততো মুহূর্তমাসীচ্চ বন্দিনাং নিনদো মহান্।
রথানাং নেমিঘোষশ্চ খুরঘোষশ্চ বাজিনাম্॥ 7-82-29 (47832)
হাদেন গজঘণ্টানাং শঙ্খানাং নিনদেন চ।
নরাণাং পদশব্দৈশ্চ কম্পতীব স্ম মেদিনী॥ 7-82-30 (47833)
ততঃ শুদ্ধান্তমাসাদ্য জানুভ্যাং ভূতলে স্থিতঃ।
শিরসা বন্দনীয়ং তমভিবাদ্য জনেশ্বরম্॥ 7-82-31 (47834)
কুণ্ডলী বদ্ধনিস্ত্রিংশঃ সন্নদ্ধকবচো যুবা।
অভিপ্রণম্য শিরসা দ্বাস্থো ধর্মাত্মজায় বৈ॥ 7-82-32 (47835)
ন্যবেদয়দ্ধৃষীকেশমুপয়ান্তং মহাত্মনে।
সোঽব্রবীৎপুরুষব্যাঘ্রঃ স্বাগতেনৈব মাধবঃ॥ 7-82-33 (47836)
`প্রবেশ্যতাং সমীপং মে কিমর্থং প্রবিলম্বসে'।
আসনং চ মধুঘ্নায় দীয়তাং পরমার্চিতম্।
ততঃ প্রবেশ্য বার্ষ্ণেয়মুপবেশ্য বরাসনে॥ 7-82-34 (47837)
সৎকৃত্য সৎকৃতস্তেন পর্যপৃচ্ছদ্যুধিষ্ঠিরঃ॥ ॥ 7-82-35 (47838)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি দ্ব্যশীতিতমোঽধ্যায়ঃ॥ 82 ॥
Mahabharata - Drona Parva - Chapter Footnotes
5-82-2 পাণিধ্বনিকা হস্তেন তালস্বনং কুর্বতে॥ 5-82-3 রক্তকণ্ঠিনো রঞ্জকস্বরাঃ॥ 5-82-4 ঝর্ঝরা ঝিল্লিকাঃ। ভের্যো বৃহঢ্ঢক্কাঃ। পণবা মুরজাঃ। আনকাঃ পটহাঃ। গোমুখাঃ ত্রাগডাঃ। আডম্বরাশ্চ ক্ষুদ্রপটহাঃ। দুন্দুভ্যো ঢক্কাঃ॥ 5-82-9 ভদ্রাসনে চতুঃসমাসনে॥ 5-82-10 কষায়েণ সর্বৌষধ্যাদিকল্কেন॥ 5-82-12 অক্লিষ্টমনুপহতং বসনং যস্য॥ 5-82-13 দীপ্তং জ্বলদগ্নিম্॥ 5-82-16 সৌরান্সূর্যোপাসকান্॥ 5-82-19 প্রদক্ষিণং কৃৎবেতি শেষঃ॥ 5-82-20 স্বস্তিকানালিঙ্গনানি। বর্ধমানান্ শরাবান্। নন্দ্যাবর্তান্সম্পুটিতাদ্যর্ঘপাত্রাণি॥ 5-82-21 রুচকং মাতুলুঙ্গকম্॥ 5-82-24 বিশ্বকর্মকৃতং বিশ্বকর্মপ্রণীতেন বিধিনা নির্মিতম্॥ 5-82-28 বন্দ্যমানঃ স্তূয়মানঃ। স্তুত্যর্থস্য বদে রূপম্॥ 5-82-31 শুদ্ধান্তং কক্ষ্যাভ্যন্তরম্॥ 5-82-82 দ্ব্যশীতিততমোঽধ্যায়ঃ॥দ্রোণপর্ব - অধ্যায় 083
॥ শ্রীঃ ॥
7.83. অধ্যায়ঃ 083
Mahabharata - Drona Parva - Chapter Topics
জয়দ্রথবধস্য দুষ্করৎবাশঙ্কিনো যুধিষ্ঠিরস্য কৃষ্ণেন সমাশ্বাসনম্॥ 1 ॥Mahabharata - Drona Parva - Chapter Text
7-83-0 (47839)
যুধিষ্ঠির উবাচ। 7-83-0x (4478)
সুখেন রজনী ব্যুষ্টা কচ্চিত্তে মধুসূদন।
কচ্চিজ্জ্ঞানানি সর্বাণি প্রসন্নানি তবাচ্যুত॥ 7-83-1 (47840)
সঞ্জায় উবাচ। 7-83-2x (4479)
বাসুদেবোঽপি তদ্যুক্তং প্রত্যুবাচ যুধিষ্ঠিরম্।
দর্শনাদেব তে সৌম্য ন কিঞ্চিদশুভং মম॥ 7-83-2 (47841)
সঞ্জয় উবাচ। 7-83-3x (4480)
ততশ্চ প্রকৃতীঃ ক্ষত্তা ন্যবেদয়দুপস্থিতাঃ।
অনুজ্ঞাতশ্চ রাজ্ঞা স প্রাবেশয়ত তং জনম্॥ 7-83-3 (47842)
বিরাটং ভীমসেনং চ ধৃষ্টদ্যুম্নং চ সাত্যকিম্।
চেদিপং ধৃষ্টকেতুং চ দ্রুপদং চ মহারথম্॥ 7-83-4 (47843)
শিখণ়্ডিনং যমৌ চৈব চেকিতানং সকেকয়ম্।
যুয়ুপ্সুং চৈব কৌরব্যং পাঞ্চাল্যং চোত্তমৌজসম্॥ 7-83-5 (47844)
যুধামন্যু সুবাহুং চ দ্রৌপদেয়াংশ্চ সর্বশঃ।
এতাংশ্চ সুহৃদশ্চান্যান্দর্শয়ামাস পাণ্ডবম্॥ 7-83-6 (47845)
অনুজ্ঞাতাশ্চ পার্থেন স্বাসীনা আসনেষু তে।
সর্বেষ্বথ পরার্ধ্যেষু যথার্হং বন্দ্য পাণ্ডবম্॥ 7-83-7 (47846)
একস্মিন্নাসনে বীরাবুপবিষ্টৌ মহাবলৌ।
কৃষ্ণশ্চ যুয়ুধানশ্চ বেদ্যামিব হুতাশনৌ॥ 7-83-8 (47847)
ততো যুধিষ্ঠিরস্তেষাং শৃণ্বতাং মধুসূদনম্।
অব্রবীৎপুণ্ডরীকাক্ষমাভাষ্য মধুরং বচঃ॥ 7-83-9 (47848)
একং ৎবাং বয়মাশ্রিত্য সহস্রাক্ষমিবামরাঃ।
প্রার্থয়ামো জয়ং যুদ্ধে শাশ্বতানি সুখানি চ॥ 7-83-10 (47849)
ৎবং হি রাজ্যবিনাশং চ দ্বিষদ্ভিশ্চ নিরাক্রিয়াম্।
ক্লেশাংশ্চ বিবিধান্কৃষ্ণ সর্বাংস্তানপি বেত্থ নঃ॥ 7-83-11 (47850)
ৎবয়ি সর্বেশ সর্বেষামস্মাকং ভক্তবৎসল।
সুখমায়ত্তমত্যর্থং যাত্রা চ মধুসূদন॥ 7-83-12 (47851)
স তথা কুরু বার্ষ্ণেয় যথা ৎবয়ি মনো মম।
অর্জুনস্য যথা সত্যা প্রতিজ্ঞা স্যাচ্চিকীর্ষিতা॥ 7-83-13 (47852)
স ভবাংস্তারয়ৎবস্মাদ্দুঃখামর্ষমহার্ণবাৎ।
পরাং তিতীর্ষতামদ্য প্লুবো নো ভব মাধব॥ 7-83-14 (47853)
নহি তৎকুরুতে যোধঃ কার্তবীর্যসমোঽপি যঃ।
যুধি যৎকুরুষে কৃষ্ণ সারথ্যং ৎবং সমাস্থিতঃ॥ 7-83-15 (47854)
যথৈব সর্বাস্বাপৎসু পাসি বৃষ্ণীঞ্জনার্দন।
তথৈবাস্মান্মহাবাহো বৃজিনাত্ত্রাতুমর্হসি॥ 7-83-16 (47855)
ৎবমগাধেঽপ্লবে মগ্নান্পাণ্ডবান্কুরুসাগরে।
সমুদ্ধর প্লুবো ভূৎবা শঙ্খচক্রগদাধর॥ 7-83-17 (47856)
নমস্তে দেবদেবেশ সনাতন বিশাতন।
বিষ্ণো জিষ্ণো হরে কৃষ্ণ বৈকুণ্ঠ পুরুষোত্তম॥ 7-83-18 (47857)
নারদস্ৎবাং সমাচখ্যৌ পুরাণমৃষিসত্তমম্।
বরদং শার্ঙ্গিণং শ্রেষ্ঠং তৎসত্যং কুরু মাধব॥ 7-83-19 (47858)
ইত্যুক্তঃ পুণ্ডরীকাক্ষো ধর্মরাজেন সংসদি।
তোয়মেঘস্বনো বাগ্মী প্রত্যুবাচ যুধিষ্ঠিরম্॥ 7-83-20 (47859)
বাসুদেব উবাচ। 7-83-21x (4481)
সামরেষ্বপি লোকেষু সর্বেষু ন তথাবিধঃ।
শরাসনধরঃ কশ্চিদ্যথা পার্থো ধনঞ্জয়ঃ॥ 7-83-21 (47860)
বীর্যবানস্ত্রসম্পন্নঃ পরাক্রান্তো মহাবলঃ।
যুদ্ধশৌণ্ডঃ সদামর্ষী তেজসা পরমো নৃণাম্॥ 7-83-22 (47861)
স যুবা বৃষভস্কন্ধো দীর্ঘবাহুর্মহাবলঃ।
সিংহর্ষভগতিঃ শ্রীমান্দ্বিষতস্তে হনিষ্যতি॥ 7-83-23 (47862)
অহং চ তৎকরিষ্যামি তথা কুন্তীসুতোঽর্জুনঃ।
ধার্তরাষ্ট্রস্য সৈন্যানি ধক্ষ্যত্যগ্নিরিবেন্ধনম্॥ 7-83-24 (47863)
অদ্য তং পাপকর্মাণং ক্ষুদ্রং সৌভদ্রঘাতিনম্।
অপুনর্দর্শনং মার্গমিষুভিঃ ক্ষেপ্স্যতেঽর্জুনঃ॥ 7-83-25 (47864)
তস্যাদ্য গৃধ্রাঃ শ্যেনাশ্চ চণ্ডগোমায়বস্তথা।
ভক্ষয়িষ্যন্তি মাংসানি যে চান্যে পুরুষাদকাঃ॥ 7-83-26 (47865)
যদ্যস্য দেবা গোপ্তারঃ সেন্দ্রাঃ সর্বে তথাঽপ্যসৌ।
রাজধানীং যমস্যাদ্য হতঃ প্রাপ্স্যতি দুর্মতিঃ॥ 7-83-27 (47866)
নিহত্য সৈন্ধবং জিষ্ণুরদ্য ৎবামুপয়াস্যতি।
বিশোকো বিজ্বরো রাজন্ভব শান্তি পুরস্কৃতঃ॥ ॥ 7-83-28 (47867)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি ত্র্যশীতিতমোঽধ্যায়ঃ॥ 83 ॥
Mahabharata - Drona Parva - Chapter Footnotes
5-83-11 নিরাক্রিয়ামপসারণম্॥ 5-83-12 যাত্রা স্থিতিঃ॥ 5-83-16 বৃজিনাৎ ব্যসনাৎ॥ 5-83-18 সনাতন অনাদিনিধন। বিশা তন সংহর্তঃ। কৃষ্ণ সংসারকর্ষক। পুরুষোত্তম পরমাত্মন্ ॥ 5-83-22 যুদ্ধশৌণ্ডঃ যুদ্ধপ্রবীণঃ॥ 5-83-83 ত্র্যশীতিতমোঽধ্যায়ঃ॥দ্রোণপর্ব - অধ্যায় 084
॥ শ্রীঃ ॥
7.84. অধ্যায়ঃ 084
Mahabharata - Drona Parva - Chapter Topics
জয়দ্রথম্প্রতি গচ্ছতাঽর্জুনেন যুধিষ্ঠিররক্ষণায় সাত্যকিম্প্রতি চোদনা॥ 1 ॥Mahabharata - Drona Parva - Chapter Text
7-84-0 (47868)
সঞ্জয় উবাচ। 7-84-0x (4482)
তথা তু বদতাং তেষাং প্রাদুরাসীদ্ধনঞ্জয়ঃ।
দিদৃক্ষুর্ভরতশ্রেষ্ঠং রাজানং সসুহৃদ্গণম্॥ 7-84-1 (47869)
তং প্রবিষ্টং শুভাং কক্ষ্যামভিবন্দ্যাগ্রতঃ স্যিতম্।
তমুত্থায়ার্জুনং প্রেম্ণা সস্বজে পাণ্ডবর্ষভঃ॥ 7-84-2 (47870)
মূর্ধ্নি চৈনমুপাঘ্রায় পরিষ্বজ্য চ বাহুনা।
আশিষঃ পরমাঃ প্রোচ্য স্ময়মানোঽভ্যভাষত॥ 7-84-3 (47871)
ব্যক্তমর্জুন সঙ্গ্রামে ধ্রুবস্তে বিজয়ো মহান্।
তাদৃগ্রূপা চ তে চ্ছায়া প্রসন্নশ্চ জনার্দনঃ॥ 7-84-4 (47872)
সঞ্জয় উবাচ। 7-84-5x (4483)
তমব্রবীত্ততো জিষ্ণুর্মহদাশ্চর্যমুত্তমম্।
দৃষ্টবানস্মি ভদ্রং তে কেশবস্য প্রসাদজম্॥ 7-84-5 (47873)
ততস্তৎকথয়ামাস যথাদৃষ্টং ধনঞ্জয়ঃ।
আশ্বাসনার্থং সুহৃদাং ত্র্যম্বকেণ সমাগমম্॥ 7-84-6 (47874)
ততঃ শিরোভিরবনিং স্পৃষ্ট্বা সর্বে চ বিস্মিতাঃ।
নমস্কৃত্য বৃষাঙ্কায় সাধুসাধ্বিত্যথাব্রুবন্॥ 7-84-7 (47875)
অনুজ্ঞাতাস্ততঃ সর্বে সুহৃদো ধর্মসূনুনা।
ৎবরমাণাঃ সুসন্নদ্ধা হৃষ্টা যুদ্ধায় নির্যযুঃ॥ 7-84-8 (47876)
অভিবাদ্য তু রাজানং যুয়ুধানাচ্যুতার্জুনাঃ।
হৃষ্টা বিনির্যযুস্তে বৈ যুধিষ্ঠিরনিবেশনাৎ॥ 7-84-9 (47877)
রথেনৈকেন দুর্ধর্ষৌ যুয়ুধানজনার্দনৌ।
জগ্মতুঃ সহিতৌ বীরাবর্জুনস্য নিবেশনম্॥ 7-84-10 (47878)
তত্র গৎবা হৃষীকেশঃ কল্পয়ামাস শাস্ত্রবিৎ।
রথং রথবরস্যাজৌ বানরর্ষভলক্ষণম্॥ 7-84-11 (47879)
স মেঘসমনির্ঘোষস্তপ্তকাঞ্চনসপ্রভঃ।
বভৌ রথবরঃ ক্লৃপ্তঃ শিশুর্দিবসকৃদ্যথা॥ 7-84-12 (47880)
ততঃ পুরুষশার্দূলঃ সজ্জং সর্বং ন্যবেদয়ৎ।
রথং পুরুষসিংহস্য সধ্বজং সুপতাকিনম্॥ 7-84-13 (47881)
স তু লোকবরঃ পুংসাং কিরীটী হেমবর্মভৃৎ।
চাপবাণধরো বাহং প্রদক্ষিণমবর্তত॥ 7-84-14 (47882)
তপোবিদ্যাবয়োবৃদ্ধৈঃ ক্রিয়াবদ্ভির্জিতেন্দ্রিয়ৈঃ।
স্তূয়মানো জয়াশীর্ভিরারুরোহ মহারথম্॥ 7-84-15 (47883)
জৈত্রৈঃ সাঙ্গ্রামিকৈর্মন্ত্রৈঃ পূর্বমেব রথোত্তমম্।
অভিমন্ত্রিতমর্চিষ্মানুদয়ং ভাস্করো যথা॥ 7-84-16 (47884)
স রথে রথিনাং শ্রেষ্ঠঃ কাঞ্চনে কাঞ্চনাবৃতঃ।
বিবভৌ বিমলোঽর্চিষ্মান্মেরাবিব দিবাকরঃ। 7-84-17 (47885)
অন্বারুরুহতুঃ পার্থং যুয়ুধানজনার্দনৌ।
শর্যাতের্যজ্ঞমায়ান্তং যথেন্দ্রং দেবমশ্বিনৌ॥ 7-84-18 (47886)
অথ জগ্রাহ গোবিন্দো রশ্মীন্রশ্মিবিদাংবরঃ।
মাতলির্বাসবস্যেব বৃত্রং হন্তুং প্রয়াস্যতঃ॥ 7-84-19 (47887)
স তাভ্যাং সহিতঃ পার্থো রথপ্রবরমাস্থিতঃ।
সহিতো বুধশুক্রাভ্যাং তমো নিঘ্নন্যথা শশী॥ 7-84-20 (47888)
সৈন্ধবস্য বধপ্রেপ্সুঃ প্রয়াতঃ শত্রুপূগহা।
সহাম্বুপতিমিত্রাভ্যাং যথেন্দ্রস্তারকাময়ে॥ 7-84-21 (47889)
ততো বাদিত্রনির্ঘোষৈর্মাঙ্গল্যৈশ্চ স্তবৈঃ শুভৈঃ।
প্রয়ান্তমর্জুনং বীরং মাগধাশ্চৈব তুষ্টুবুঃ॥ 7-84-22 (47890)
সজয়াশীঃ সপুণ্যাহঃ সূতমাগধনিঃস্বনঃ।
যুক্তো বাদিত্রঘোষেণ তেষাং রতিকরোঽভবৎ॥ 7-84-23 (47891)
তমনুপ্রবণো বায়ুঃ পুণ্যগন্ধবহঃ শুভঃ।
ববৌ সংহর্ষয়ন্পার্থং দ্বিষতশ্চাপি শোষয়ন্॥ 7-84-24 (47892)
ততস্তস্মিন্ক্ষণে রাজন্বিবিধানি শুভানি চ।
প্রাদুরাসন্নিমিত্তানি বিজয়ায় বহূনি চ॥ 7-84-25 (47893)
পাণ্ডবানাং ৎবদীয়ানাং বিপরীতানি মারিষ।
দৃষ্ট্বাঽর্জুনো নিমিত্তানি বিজয়ায় প্রদক্ষিণম্।
যুয়ুধানং মহেষ্বাসমিদং বচনমব্রবীৎ॥ 7-84-26 (47894)
যুয়ুধানাদ্য যুদ্ধে মে দৃশ্যতে বিজয়ো ধ্রুবঃ।
যথাহীমানি লিঙ্গানি দৃশ্যন্তে শিনিপুঙ্গব॥ 7-84-27 (47895)
সোঽহং তত্র গমিষ্যামি যত্র সৈন্ধবকো নৃপঃ।
যিয়াসুর্যমলোকায় মম বীর্যং প্রতীক্ষতে॥ 7-84-28 (47896)
যথা পরমকং কৃত্যং সৈন্ধবস্য বধো মম।
তথৈব সুমহৎকৃত্যং ধর্মরাজস্য রক্ষণম্॥ 7-84-29 (47897)
স ৎবমদ্য মহাবাহো রাজানং পরিপালয়।
যথৈব হি ময়া গুপ্তস্ৎবয়া গুপ্তো ভবেত্তথা॥ 7-84-30 (47898)
ন পশ্যামি চ তং লোকে যস্ৎবাং যুদ্ধে পরাজয়েৎ।
বাসুদেবসমং যুদ্ধে স্বয়মপ্যমরেশ্বরঃ॥ 7-84-31 (47899)
ৎবয়ি চাহং পরাশ্বস্তঃ প্রদ্যুম্নে বা মহারথে।
শক্নুয়াং সৈন্ধবং হন্তুমনপেক্ষো নরর্ষভ॥ 7-84-32 (47900)
ময়্যপেক্ষা ন কর্তব্যা গোপ্তাঽয়ং মম কেশবঃ।
রাজ্ঞ এব পরা গুপ্তিঃ কার্যা সর্বাত্মনা ৎবয়া॥ 7-84-33 (47901)
ন হি যত্র মহাবাহুর্বাসুদেবো ব্যবস্থিতঃ।
কিঞ্চিদ্ব্যাপদ্যতে তত্র যত্রাহমপি চ ধ্রুবম্॥ 7-84-34 (47902)
এবমুক্তস্তু পার্থেন সাত্যকিঃ পরবীরহা।
তথেত্যুক্ৎবাঽগমত্তত্র যত্র রাজা যুধিষ্ঠিরঃ॥ ॥ 7-84-35 (47903)
ইতি শ্রীমন্মহাভারতে দ্রোণপর্বণি প্রতিজ্ঞাপর্বণি চতুরশীতিতমোঽধ্যায়ঃ॥ 84 ॥
Mahabharata - Drona Parva - Chapter Footnotes
5-84-12 শিশুর্দিবসকৃৎ বালঃ সূর্যঃ॥ 5-84-18 যথা চ্যবনমশ্বিনৌ ইতি ক.ট.ড.পাঠঃ॥ 5-84-26 প্রদক্ষিণং ছন্দোনুবর্তিনম্॥ 5-84-33 অপেক্ষা অনুরোধঃ॥ 5-84-84 চতুরশীতিতমোঽধ্যায়ঃ॥দ্রোণপর্ব - অধ্যায় 085
॥ শ্রীঃ ॥
7.85. অধ্যায়ঃ 085
Mahabharata - Drona Parva - Chapter Topics
ধৃতরাষ্ট্রেণ পুত্রান্প্রতি শোচনপূর্বকং সঞ্জয়ম্প্রত্যভিমন্যুনিধনানন্তরীয়কয়ুদ্ধকথনচোদনা॥ 1 ॥Mahabharata - Drona Parva - Chapter Text
7-85-0 (47904)
ধৃতরাষ্ট্র উবাচ। 7-85-0x (4484)
শ্বোভূতে কিমকার্ষুস্তে দুঃখশোকসমন্বিতাঃ।
অভিমন্যৌ হতে তত্র কৈর্বাঽয়ুধ্যন্ত পাণ্ডবাঃ॥ 7-85-1 (47905)
জানন্তস্তস্য কর্মাণি কুরবঃ সব্যসাচিনঃ।
কথং তৎকিল্বিষং কৃৎবা নির্ভয়া ব্রূহি মামকাঃ॥ 7-85-2 (47906)
পুত্রশোকাভিসন্তপ্তং ক্রুদ্ধং মৃত্যুমিবান্তকম্।
আয়ান্তং পুরুষব্যাঘ্রং কথং দদৃশুরাহবে॥ 7-85-3 (47907)
কপিরাজধ্বনং সঙ্খ্যে বিধুন্বানং মহদ্ধনুঃ।
দৃষ্ট্বা পুত্রপরিদ্যূনং কিমকুর্বত মামকাঃ॥ 7-85-4 (47908)
কিন্তু সঞ্জয় সঙ্গ্রমে বৃত্তং দুর্যোধনং প্রতি।
পরিদেবো মহানদ্য শ্রূয়তে হি গৃহেগৃহে॥ 7-85-5 (47909)
ভূয়াঞ্শব্দানতীত্যান্যাঞ্শব্দঃ সৈন্ধববেশ্মনি।
পৌরাণিকানাং তূর্যাণাং শঙ্খদুন্দুভিঘোষবান্॥ 7-85-6 (47910)
সূতমাগধবন্দীনাং নর্তকানাং চ নিঃস্বনঃ।
সোঽদ্য ন শ্রূয়তে শব্দঃ সূত পুত্র যথা পুরা॥ 7-85-7 (47911)
শব্দো নানাবিধোঽভীষ্টমভবদ্যত্র মে শ্রুতঃ।
দীনানামদ্য তং শব্দং ন শৃণোমি সমীরিতম্॥ 7-85-8 (47912)
নিবেশনে সত্যধৃতেঃ সোমদত্তস্য সঞ্জয়।
আসীনোঽহং পুরা তাত শব্দমশ্রৌষমুত্তমম্॥ 7-85-9 (47913)
তদদ্য পুণ্যহীনোঽহমার্তস্বরনিনাদিতম্।
নিবেশনং গতোৎসাহং বিকৃতং তাত লক্ষয়ে॥ 7-85-10 (47914)
বিবিংশতের্দুর্মুখস্য চিত্রসেনবিকর্ণয়োঃ।
অন্যেষাং চ সুতানাং মে ন তথা শ্রূয়তে ধ্বনিঃ॥ 7-85-11 (47915)
ব্রাহ্মণআঃ ক্ষত্রিয়া বৈশ্যা যং শিষ্যাঃ পর্যুপাসতে।
দ্রোণপুত্রং মহেষ্বাসং পুত্রাণাং মে পরায়ণম্॥ 7-85-12 (47916)
বিতণ্ডালাপসংলাপৈর্দ্রুতবাদিত্রবাদিতৈঃ।
গীতৈশ্চ বিবিধৈরিষ্টৈ রমতে যো দিবানিশম্॥ 7-85-13 (47917)
উপাস্যমানো বহুভিঃ কুরুপাণ্ডবসাৎবতৈঃ।
শ্লক্ষ্ণস্তস্য গৃহে শব্দো নাদ্য দ্রৌণের্যথা পুরা॥ 7-85-14 (47918)
দ্রোণপুত্রং মহেষ্বাসং গায়না নর্তকাশ্চ যে।
অত্যর্থমুপতিষ্ঠন্তি তেষাং ন শ্রূয়তে ধ্বনিঃ॥ 7-85-15 (47919)
বিন্দানুবিন্দয়োঃ সায়ং শিবিরে যো মহাধ্বনিঃ।
শ্রূয়তে সোঽদ্য ন তথা কেকয়ানাং চ বেশ্মসু॥ 7-85-16 (47920)
নিত্যং প্রমুদিতানাং চ তালগীতস্বনো মহান্।
নৃত্যতাং শ্রূয়তে তাত গণানাং সোঽদ্য ন স্বনঃ॥ 7-85-17 (47921)
সপ্ততন্তূন্বিতন্বানা যাজকা যমুপাসতে।
সৌমদত্তিং শ্রুতনিধিং তেষাং ন শ্রূয়তে ধ্বনিঃ॥ 7-85-18 (47922)
জ্যাঘোষো ব্রহ্মঘোষশ্চ তোমরাসিরথধ্বনিঃ।
দ্রোণস্যাসীদবিরতো গৃহে তং ন শৃণোম্যহম্॥ 7-85-19 (47923)
নানাদেশসমুত্থানাং গীতানাং যোঽভবৎস্বনঃ।
বাদিত্রনাদিতানাং চ সোঽদ্য ন শ্রূয়তে মহান্॥ 7-85-20 (47924)
যদাপ্রভৃত্যুপপ্লুব্যাচ্ছান্তিমিচ্ছঞ্জনার্দনঃ।
আগতঃ সর্বভূতানামনুকম্পার্থমচ্যুতঃ॥ 7-85-21 (47925)
ততোঽহমব্রুবং সূত মন্দং দুর্যোধনং তদা।
বাসুদেবেন তীর্থেন পুত্র সংশাম্য পাণ্ডবৈঃ॥ 7-85-22 (47926)
কালপ্রাপ্তমহং মন্যে মা ৎবং দুর্যোধনাতিগাঃ।
`সংশাম্য ভ্রাতৃভিস্তৈস্তু ক্ষত্রিয়ানভিপালয়'॥ 7-85-23 (47927)
শমং চেদ্যাচমানং ৎবং প্রত্যাখ্যাস্যসি কেশবম্।
হিতার্থমভিজল্পন্তং ন তবাস্তি রণে জয়ঃ॥ 7-85-24 (47928)
প্রত্যাচষ্ট স দাশার্হমৃষভং সর্বধন্বিনাম্।
অনুনেয়ানি জল্পন্তমনয়ান্নান্বপদ্যত॥ 7-85-25 (47929)
`কর্ণদুঃশাসনমতঃ সৌবলস্য চ দুর্মতেঃ।
প্রত্যাখ্যাতো মহাবাহুঃকুলান্তকরণেন বৈ'॥ 7-85-26 (47930)
ততো দুঃশাসনস্যৈব কর্ণস্য চ মতং দ্বয়োঃ।
অন্ববর্তত মাং হিৎবা কৃষ্টঃ কালেন দুর্মতিঃ॥ 7-85-27 (47931)
ন হ্যহং যুদ্ধমিচ্ছামি বিদুরো দ্রোণ এব বা।
বাহ্লীকঃ সোমদত্তো বা ভীষ্মো দ্রৌণায়নিস্তথা॥ 7-85-28 (47932)
শলো ভূরিশ্রবাশ্চৈব পুরুমিত্রো বিবিংশতিঃ।
জয়ঃ কৃপো বা ধর্মাত্মা যে চান্যে মম বান্ধবাঃ॥ 7-85-29 (47933)
এতেষাং মতমাস্থায় যদি বৎস্যতি পুত্রকঃ।
এতেভ্যশ্চ মদূর্ধ্বং চ অভোক্ষ্যদ্বসুধামিমাম্॥ 7-85-30 (47934)
শ্লক্ষ্ণা মধুরসম্ভাষা জ্ঞাতিমধ্যে প্রিয়ংবদাঃ।
কুলীনাঃ সম্মতাঃ প্রাজ্ঞাঃ সুখং জীবন্তি মানবাঃ। 7-85-31 (47935)
ধর্মাপেক্ষী নরো নিত্যং সর্বত্র লভতে সুখম্।
প্রেত্যভাবে চ কল্যাণং প্রসাদং প্রতিপদ্যতে॥ 7-85-32 (47936)
অর্হাস্তে পৃথিবীং ভোক্তুং সমর্থাঃ সাধনেঽপি চ।
তেষামপি সমুদ্রান্তা পিতৃপৈতামহী মহী॥ 7-85-33 (47937)
`ন চ ৎবাঽভিভবিষ্যন্তি হিৎবা ধর্মং পৃথাত্মজাঃ।
নিয়ুজ্যমানাঃ স্থাস্যন্তি পাণ্ডবা ধর্মবর্ত্মনি॥ 7-85-34 (47938)
সন্তি মে জ্ঞাতয়স্তাত যেষাং শ্রোষ্যন্তি পাণ্ডবাঃ।
শল্যস্য সোমদত্তস্য ভীষ্মস্য চ মহাত্মনঃ॥ 7-85-35 (47939)
দ্রোণস্যাথ বিকর্ণস্য বাহ্লীকস্য কৃপস্য চ।
অন্যেষাং চৈব বৃদ্ধানাং ভরতানাং মহাত্মনাম্।
ৎবদর্থমব্রবং তাত ন জহুর্বচনানি তে॥ 7-85-36 (47940)
কং বা ৎবং মন্যসে তেষাং যস্ৎবাং ব্রূয়াদতোঽন্যথা।
কৃষ্ণো ন ধর্মং সঞ্জহ্যাৎসর্বে তে হি তদন্বয়াঃ॥ 7-85-37 (47941)
ময়াঽপি চোক্তাস্তে বীরা বচনং ধর্মসংহিতম্।
নান্যথা প্রকরিষ্যন্তি ধর্মাত্মানো হি পাণ্ডবাঃ॥ 7-85-38 (47942)
ইত্যহং বিলপন্সূত বহুশঃ পুত্রমুক্তবান্।
ন চ মে শ্রুতবান্মূঢো মন্যে কালস্য পর্যযম্॥ 7-85-39 (47943)
বৃকোদরার্জুনৌ যত্র বৃষ্ণিবীরশ্চ সাত্যকিঃ।
উত্তমৌজাশ্চ পাঞ্চাল্যো যুধামন্যুশ্চ দুর্জয়ঃ॥ 7-85-40 (47944)
ধৃষ্টদ্যুম্নশ্চ দুর্ধর্ষঃ শিখণ্ডী চাপরাজিতঃ।
অশ্মকাঃ কেকয়াশ্চৈব ক্ষত্রধর্মা চ সৌমকিঃ॥ 7-85-41 (47945)
চৈদ্যশ্চ চেকিতানশ্চ পুত্রঃ কাশ্যস্য চাভিভূঃ।
দ্রৌপদেয়া বিরাটশ্চ দ্রুপদশ্চ মহারথঃ॥ 7-85-42 (47946)
যমৌ চ পুরুষব্যাঘ্রৌ মন্ত্রী চ মধুসূদনঃ।
ক এতাঞ্জাতু যুধ্যেত লোকেঽস্মিন্বৈ জিজীবিষুঃ॥ 7-85-43 (47947)
দিব্যমস্ত্রং বিকুর্বাণান্প্রসহেদ্বা পরান্মম।
অন্যো দুর্যোধনাৎকার্ণাচ্ছকুনেশ্চাপি সৌবলাৎ।
দুঃশাসনচতুর্থানাং নান্যং পশ্যামি পঞ্চমম্॥ 7-85-44 (47948)
যেষাং বচনকৃৎস স্যাদ্বিষ্বক্সেনো রথে স্থিতঃ।
সন্নদ্ধশ্চার্জুনো যোদ্ধা তেষাং নাস্তি পরাজয়ঃ॥ 7-85-45 (47949)
তথা মম বিলাপানাং নায়ং দুর্যোধনঃ স্মরেৎ।
হতৌ হি পুরুষব্যাঘ্রৌ ভীষ্মদ্রোণৌ ৎবমাত্থ বৈ॥ 7-85-46 (47950)
তেষাং বিদুরবাক্যানামুক্তানাং দীর্ঘদর্শনাৎ।
দৃষ্ট্বেমাং ফলনির্বৃত্তিং মন্যে শোচন্তি পুত্রকাঃ॥ 7-85-47 (47951)
সেনাং দৃষ্ট্বাঽভিভূতাং মে শৈনেয়েনার্জুনেন চ।
শূন্যান্দৃষ্ট্বা রথোপস্থান্মন্যে শোচন্তি পুত্রকাঃ॥ 7-85-48 (47952)
হিমাত্যযে যথা কক্ষং শুষ্কং বাতেরিতো মহান্।
অগ্নির্দহেত্তথা সেনাং মামিকাং স ধনঞ্জয়ঃ॥ 7-85-49 (47953)
আচক্ষ্ব মম তৎসর্বং কুশলো হ্যসি সঞ্জয়।
যদোপয়াতাঃ সায়াহ্নে কৃৎবা পার্থস্য কিল্বিষং॥ 7-85-50 (47954)
অভিমন্যৌ হতে তাত কথমাসীন্মনো হি বঃ॥ 7-85-51 (47955)
ন জাতু তস্য কর্মাণি যুধি গাণ্ডীবধন্বনঃ।
অপকৃত্য মহত্তাত সোঢুং শক্ষ্যন্তি মামকাঃ॥ 7-85-52 (47956)
কিন্নুঃ দুর্যোধনঃ কৃত্যং কর্ণঃ কৃত্যং কিমব্রবীৎ।
দুঃশাসনঃ সৌবলশ্চ তেষামেবং গতে সতি॥ 7-85-53 (47957)
সর্বেষাং সমবেতানাং পুত্রাণাং মম সঞ্জয়।
যদ্বৃত্তং তাত সঙ্গ্রামে মন্দস্যাপনয়ৈর্ভৃশম্॥ 7-85-54 (47958)
লোভানুগস্য দুর্বুদ্ধেঃ ক্রোধেন বিকৃতাত্মনঃ।
রাজ্যকামস্য মূঢস্য রাগোপহতচেতসঃ।
দুর্নীতং বা সুনীতং বা তন্মমাচক্ষ্ব সঞ্জয়॥ ॥ 7-85-55 (47959)
ইতি শ্রীমন্মহাভারতে দ্রোণপর্বণি জয়দ্রথবধপর্বণি পঞ্চাশীতিতমোঽধ্যায়ঃ॥ 85 ॥
Mahabharata - Drona Parva - Chapter Footnotes
5-85-4 পুত্রপরিদ্যূনং পুত্রবধদুঃখিতম্॥ 5-85-13 স্বপক্ষস্থাপনহীনঃ প্রতিপক্ষে প্রতিক্ষেপো বিতণ্ডা। অলাপো ভাষণম্। সংলাপো মেথো ভাষণম্॥ 5-85-17 গণানাং সঙ্ঘানাম্॥ 5-85-22 তীর্থেন নিদানেন উপায়েন বা॥ 5-85-23 কালপ্রাপ্তং সময়োচিতম্॥ 5-85-25 অনুনেয়নি অনুকূলানি॥ 5-85-31 শ্লক্ষ্ণ ঋজবঃ॥ 5-85-33 সাধনে স্বীকরণে॥ 5-85-44 দিব্যমস্ত্রং বিকুর্বাণাঃ সংহরেয়ুররিংদমাঃ ইতি ক.ট.পাঠঃ॥ 5-85-47 দীর্ঘদর্শনাদনাগতানুসন্ধানাৎ॥ 5-85-52 মহদত্যর্থম্॥ 5-85-53 তেষাং মধ্যে॥ 5-85-55 রাগো মাৎসর্থং রাগস্তু মাৎসর্যে ইতি মেদিনী॥ 5-85-85 পঞ্চাশীতিতমোঽধ্যায়ঃ॥দ্রোণপর্ব - অধ্যায় 086
॥ শ্রীঃ ॥
7.86. অধ্যায়ঃ 086
Mahabharata - Drona Parva - Chapter Topics
সঞ্জয়েন ধৃতরাষ্ট্রোপালম্ভপূর্বকং যুদ্ধকথনোপক্রমঃ॥ 1 ॥Mahabharata - Drona Parva - Chapter Text
7-86-0 (47960)
সঞ্জয় উবাচ। 7-86-0x (4485)
হন্ত তে সম্প্রবক্ষ্যামি সর্বং প্রত্যক্ষদর্শিবান্।
শুশ্রূষস্ব স্থিরো ভূৎবা তব হ্যপনয়ো মহান্॥ 7-86-1 (47961)
গতোদকে সেতুবন্ধো যাদৃক্তাদৃগয়ং তব।
বিলাপো নিষ্ফলো রাজন্মা শুচো ভরতর্ষভ॥ 7-86-2 (47962)
অনতিক্রমণীয়োঽয়ং কৃতান্তস্যাদ্ভুতো বিধিঃ।
মা শুচো ভরতশ্রেষ্ঠ দিষ্টমেতৎপুরাতনম্॥ 7-86-3 (47963)
যদি ৎবং হি পুরা দ্যূতাৎকুন্তীপুত্রং যুধিষ্ঠিরম্।
নিবর্তয়েথাঃ পুত্রাংশ্চ ন ৎবাং ব্যসনমাব্রজেৎ॥ 7-86-4 (47964)
যুদ্ধকালে পুনঃ প্রাপ্তে তদৈব ভবতা যদি।
নিবর্তিতাঃ স্যুঃ সংরব্ধা ন ৎবাং ব্যসনমাব্রজেৎ॥ 7-86-5 (47965)
দুর্যোধনং চাবিধেয়ং বধ্নীয়াস্ৎবং পুরা যদি।
অবেক্ষ্য কৌরবান্রাজন্প্রাপ্স্যসে ৎবং মহদ্যশঃ॥ 7-86-6 (47966)
তত্তে বুদ্ধিব্যতীচারমুপলপ্স্যন্তি তজ্জনাঃ।
পাঞ্চালা বৃষ্ণয়ঃ সর্বে যে চান্যেঽপি নরাধিপাঃ॥ 7-86-7 (47967)
স কৃৎবা পিতৃকর্ম ৎবং পুত্রং সংস্থাপ্য সৎপথে।
বর্তেথা যদি ধর্মেণ ন ৎবাং ব্যসনমাব্রজেৎ॥ 7-86-8 (47968)
ৎবং তু প্রাজ্ঞতমো লোকে হিৎবা ধর্মং সনাতনম্।
দুর্যোধনস্য কর্ণস্য শকুনেশ্চান্বগা মতম্॥ 7-86-9 (47969)
তত্তে বিলপিতং সর্বং ময়া রাজন্নিশামিতম্।
অর্থে নিবিশমানস্য বিষমিশ্রং যথা মধু॥ 7-86-10 (47970)
ন তথা মন্যতে কৃষ্ণো ন চ রাজা যুধিষ্ঠিরঃ।
ন ভীষ্মো নৈব চ দ্রোণো যথা ৎবং মন্যসে নৃপ॥ 7-86-11 (47971)
ব্যজানীত যদা তু ৎবাং লুব্ধং ধর্মপ্রবাদিনম্।
তদাপ্রভৃতি কৃষ্মস্ৎবাং ন তথা বহুমন্যতে॥ 7-86-12 (47972)
পরুষাণ্যুচ্যমানাংশ্চ যথা পার্থানুপেক্ষসে।
তস্যানুবন্ধঃ প্রাপ্তস্ৎবাং পুত্রামাং রাজ্যকামুক॥ 7-86-13 (47973)
পিতৃপৈতামহং রাজ্যমপাবৃত্তং ৎবয়াঽনঘ।
অথ পার্থৈর্জিতাং কৃৎস্নাং পৃথিবীং প্রত্যপদ্যথাঃ॥ 7-86-14 (47974)
পাণ্ডুনা নির্জিতং রাজ্যং কৌরবাণাং যশস্তথা।
এতচ্চাপ্যধিকং ভূয়ঃ পাণ্ডবৈর্ধর্মচাখিভিঃ॥ 7-86-15 (47975)
তেষাং তত্তাদৃশং কর্ম ৎবামাসাদ্য সুনিষ্ফলম্।
যৎপিত্র্যাদ্ধংশিতা রাজ্যাত্ৎবয়েহামিষগৃদ্ধিনা॥ 7-86-16 (47976)
যৎপুনর্যুদ্ধকালে ৎবং পুত্রান্গর্হয়সে নৃপ।
বহুধা ব্যাহরন্দোষান্ন তদদ্যোপপদ্যতে॥ 7-86-17 (47977)
ন হি রক্ষন্তি রাজানো যুধ্যন্তো জীবিতং রণে।
চমূং বিগাহ্য পার্থানাং যুধ্যন্তে ক্ষত্রিয়র্ষভাঃ॥ 7-86-18 (47978)
যাং তু কৃষ্ণার্জুনৌ সেনাং যাং সাত্যকিবৃকোদরৌ।
রক্ষেরন্কো নু তাং যুধ্যেচ্চমূমন্যত্র কৌরবাৎ॥ 7-86-19 (47979)
যেষাং যোদ্ধা গুডাকেশো যেষাং মন্ত্রী জনার্দনঃ।
যেষাং চ সাত্যকির্যোদ্ধা যেষাং যোদ্ধা বৃকোদরঃ॥ 7-86-20 (47980)
কো হি তান্বিষহেদ্যোদ্ধুং মর্ত্যধর্মা ধনুর্ধরঃ।
অন্যত্র কৌরবেয়েভ্যো যে বা তেষাং পদানুগাঃ॥ 7-86-21 (47981)
যাবত্তু শক্যতে কর্তুমন্তরজ্ঞৈর্জনাধিপৈঃ।
ক্ষত্রধর্মরতৈঃ শূরৈস্তাবৎকুর্বন্তি কৌরবাঃ॥ 7-86-22 (47982)
যথা তু পুরুষব্যাঘ্রৈর্যুদ্ধং পরমসঙ্কটম্।
কুরূণাং পাণ্ডবৈঃ সার্ধং তৎসর্বং শৃণু তত্ৎবতঃ॥ ॥ 7-86-23 (47983)
ইতি শ্রীমন্মহাভারতে দ্রোণপর্বণি জয়দ্রথবধপর্বণি ষ়ডশীতিতমোঽধ্যায়ঃ॥ 86 ॥
Mahabharata - Drona Parva - Chapter Footnotes
5-86-17 তে তব বুদ্ধের্ব্যতিচারং বৈষম্যমুপলপ্স্যন্ত্যনুভবিষ্যন্তি॥ 5-86-13 অর্থে নিবিশমানানাং যথা পার্থানুপেক্ষসে ইতি ক.ট. পাঠঃ॥ 5-86-22 অন্তরজ্ঞৈরবসরবেদিভিঃ॥ 5-86-86 ষডশীতিতমোঽধ্যায়ঃ॥দ্রোণপর্ব - অধ্যায় 087
॥ শ্রীঃ ॥
7.87. অধ্যায়ঃ 087
Mahabharata - Drona Parva - Chapter Topics
দ্রোণেন শকটব্যূহনির্মাণম্॥ 1 ॥Mahabharata - Drona Parva - Chapter Text
7-87-0 (47984)
সঞ্জয় উবাচ। 7-87-0x (4486)
তস্যাং নিশায়াং ব্যুষ্টায়াং দ্রোণঃ শস্ত্রভৃতাং বরঃ।
স্বান্যনীকানি সর্বাণি প্রাক্রামদ্ব্যূহিতুং ততঃ॥ 7-87-1 (47985)
শূরাণাং গর্জতাং রাজন্সঙ্ক্রুদ্ধানামমর্ষিণাম্।
শ্রূয়ন্তে স্ম গিরশ্চিত্রাঃ পরস্পরবধৈষিণাম্॥ 7-87-2 (47986)
বিষ্ফার্য চ ধনূংষ্যন্যে জ্যাঃ পরে পরিমৃজ্য চ।
বিনিঃশ্বসন্তঃ প্রাক্রোশন্ক্বেদানীং স ধনঞ্জয়ঃ॥ 7-87-3 (47987)
বিকোশান্সুৎসরূনন্যে কৃতধারান্সমাহিতান্।
পীতানাকাশসঙ্কাশানসীন্কেচিচ্চ চিক্ষিপুঃ॥ 7-87-4 (47988)
চরন্তস্ৎবসিমার্গাংশ্চ ধনুর্মার্গাংশ্চ শিক্ষিতাঃ।
সঙ্গ্রামমনসঃ শূরা দৃশ্যন্তে স্ম সহস্রশঃ॥ 7-87-5 (47989)
সঘণ্টাশ্চন্দনাদিগ্ধাঃ স্বর্ণবজ্রবিভূষিতাঃ।
সমুৎক্ষিপ্য গদাশ্চান্যে পর্যপৃচ্ছন্ত পাণ্ডবম্। 7-87-6 (47990)
অন্যে বলমদোন্মত্তাঃ পরিঘৈর্বাহুশালিনঃ।
চক্রুঃ সম্বাধমাকাশমুচ্ছ্রিতেন্দ্রধ্বজোপমৈঃ॥ 7-87-7 (47991)
নানাপ্রহরণৈশ্চান্যে বিচিত্রস্রগলঙ্কৃতাঃ।
সঙ্গ্রামমনসঃ শূরাস্তত্রতত্র ব্যবস্থিতাঃ॥ 7-87-8 (47992)
ক্বার্জুনঃ ক্ব স গোবিন্দঃ ক্ব চ মানী বৃকোদরঃ।
ক্ব চ তে সুহৃদস্তেষামাহ্বয়ন্তে রণে তদা॥ 7-87-9 (47993)
ততঃ শঙ্খমুপাধ্মায় ৎবরয়ন্বাজিনঃ স্বয়ম্।
ইতস্ততস্তান্রচয়ন্দ্রোণশ্চরতি বেগিতঃ॥ 7-87-10 (47994)
তেষ্বনীকেষু সর্বেষু স্থিতেষ্বাহবনন্দিষু।
ভারদ্বাজো মহারাজ জয়দ্রথমথাব্রবীৎ॥ 7-87-11 (47995)
ৎবং চৈব সৌমদত্তিশ্চ কর্ণশ্চৈব মহারথঃ।
অশ্বত্থামা চ শল্যশ্চ বৃষসেনঃ কৃপস্তথা॥ 7-87-12 (47996)
শতং চাশ্বসহস্রাণাং রথানাময়ুতানি ষট্।
দ্বিরদানাং প্রভিন্নানাং সহস্রাণি চতুর্দশ॥ 7-87-13 (47997)
পদাতীনাং সহস্রাণি দংশিতান্যেকবিংশতিঃ।
গব্যূতিষু ত্রিমাত্রাসু মামনাসাদ্য তিষ্ঠত॥ 7-87-14 (47998)
তত্রস্থং ৎবাং ন সংসোঢুং শক্তা দেবাঃ সবাসবাঃ।
কিং পুনঃ পাণ্ডবাঃ সর্বে সমাশ্বসিহি সৈন্ধব॥ 7-87-15 (47999)
সঞ্জয় উবাচ। 7-87-16x (4487)
এবমুক্তঃ সমাশ্বস্তঃ সিন্ধুরাজো জয়দ্রথঃ।
সম্প্রায়াৎসহগান্ধারৈর্বৃতস্তৈশ্চ মহারথৈঃ।
বর্মিভিঃ সাদিভির্যত্তৈঃ প্রাসপাণিহয়স্থিতৈঃ॥ 7-87-16 (48000)
চামরাপীডিনঃ সর্বে জাম্বূনদবিভূষিতাঃ।
জয়দ্রথস্য রাজেন্দ্র হয়াঃ সাধুপ্রবাহিনঃ॥ 7-87-17 (48001)
তে চৈকসপ্তসাহস্রাস্ত্রিসাহস্রাশ্চ সৈন্ধবাঃ॥ 7-87-18 (48002)
মত্তানাং সুবিরূঢানাং হস্ত্যারোহৈর্বিশারদৈঃ।
হস্তিনাং ভীমরূপাণাং বর্মিণাং রৌদ্রকর্মিণাম্॥ 7-87-19 (48003)
অধ্যর্ধেন সহস্রেণ পুত্রো দুর্মর্ষণস্তব।
অগ্রতঃ সর্বসৈন্যানাং যোৎস্যমানো ব্যবস্থিতঃ॥ 7-87-20 (48004)
ততো দুঃশাসনশ্চৈব বিকর্ণশ্চ তবাত্মজৌ।
সিন্ধুরাজার্থসিদ্ধ্যর্থমগ্রানীকে ব্যবস্থিতৌ॥ 7-87-21 (48005)
দীর্ঘো দ্বাদশগব্যূতিঃ পশ্চার্ধে পঞ্চবিস্তৃতঃ।
ব্যূহস্তু চক্রশকটো ভারদ্বাজেন নির্মিতঃ॥ 7-87-22 (48006)
নানানৃপতিভির্বীরৈস্তত্রতত্র ব্যবস্থিতৈঃ।
রথাশ্বগজপত্ত্যোঘৈর্দ্রোণেন বিহিতঃ স্বয়ম্॥ 7-87-23 (48007)
পশ্চার্ধে তস্য পদ্মস্তু গর্ভব্যূহঃ পুনঃ কৃতঃ।
সূচীপদ্মস্য গর্ভস্থো গূঢো ব্যূহঃ কৃতঃ পুনঃ॥ 7-87-24 (48008)
এবমেতং মহাব্যূহং ব্যূহ্য দ্রোণো ব্যবস্থিতঃ।
সূচীমুখে মহেষ্বাসঃ কৃতবর্মা ব্যবস্থিতঃ॥ 7-87-25 (48009)
অনন্তরং চ কাম্ভোজো জলসন্ধশ্চ মারিষ।
দুর্যোধনশ্চ কর্ণশ্চ তদনন্তরমেব চ॥ 7-87-26 (48010)
ততঃ শতসহস্রাণি যোদানানমনিবর্তিনাম্।
ব্যবস্থিতানি সর্বাণি শকটে মুখরক্ষিণাম্॥ 7-87-27 (48011)
তেষাং চ পৃষ্ঠতো রাজা বলেন মহতা বৃতঃ।
জয়দ্রথস্ততো রাজা সূচীপার্শ্বে ব্যবস্থিতঃ॥ 7-87-28 (48012)
শকটস্য তু রাজেন্দ্র ভারদ্বাজো মুখে স্থিতঃ।
নাত্র তস্যাভবদ্ভোদো জুগোপৈনং ততঃ স্বয়ম্॥ 7-87-29 (48013)
শ্বেতবর্মাম্বরোষ্ণীষো ব্যূঢোরস্কো মহাভুজঃ।
ধনুর্বিস্ফারয়ন্দ্রোণস্তস্থৌ ক্রুদ্ধ ইবান্তকঃ।
`তস্য সৈন্যস্য সর্বস্য নেতা গোপ্তা চ বীর্যবান্'॥ 7-87-30 (48014)
তাকিনং শোণহয়ং বেদীকৃষ্ণাজিনধ্বজম্।
দ্রোণস্য রথমালোক্য প্রহৃষ্টাঃ কুরবোঽভবন্॥ 7-87-31 (48015)
সিদ্ধচারণসঙ্ঘানাং বিস্ময়ঃ সুমহানভূৎ।
দ্রোণেন বিহিতং দৃষ্ট্বা ব্যূহং ক্ষুব্ধার্ণবোপমম্॥ 7-87-32 (48016)
সশৈলসাগরবনাং নানাজনপদাকুলাম্।
গ্রসেদ্ব্যূহঃ ক্ষিতিং সর্বামিতি ভূতানি মেনিরে॥ 7-87-33 (48017)
বহুরথমনুজাশ্বপত্তিনাগং
প্রতিভয়নিঃস্বনমদ্ভুতানুরূপম্।
অহিতহৃদয়ভেদনং মহদ্বৈ
শকটমবেক্ষ্য কৃতং ননন্দ রাজা॥ ॥ 7-87-34 (48018)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিসয়ুদ্ধে সপ্তাশীতিতমোঽধ্যায়ঃ॥ 87 ॥
Mahabharata - Drona Parva - Chapter Footnotes
5-87-4 পীতান্ পায়িতোদকান্॥ 5-87-9 ক্বচেতি চকার ইত্যর্থে। ইত্যাহ্বয়ন্ত ইত্যন্বয়ঃ॥ 5-87-14 ত্রিমাত্রাসু ত্রিসখ্যাসু তিসৃষ্বিত্যর্থঃ॥ 5-87-22 পশ্চার্ধে পশ্চাদ্ভাগে পঞ্চগব্যূতিঃ। চক্রশকটঃ চক্রগর্ভঃ শকটঃ॥ 5-87-34 অদ্ভুতানুরূপমাশ্চর্যরূপং এতৎসময়যোগ্যং চ॥ 5-87-87 সপ্তাশীতিতমোঽধ্যায়ঃ॥ 87 ॥দ্রোণপর্ব - অধ্যায় 088
॥ শ্রীঃ ॥
7.88. অধ্যায়ঃ 088
Mahabharata - Drona Parva - Chapter Topics
অর্জুনস্য রণাঙ্গণপ্রবেশঃ॥ 1 ॥Mahabharata - Drona Parva - Chapter Text
7-88-0 (48019)
সঞ্জয় উবাচ। 7-88-0x (4488)
ব্যূঢেষু তব সৈন্যেষু সমুৎক্রুষ্টেষু মারিষ।
তাড্যমানাসু ভেরীষু মৃদঙ্গেষ্বানকেষু চ॥ 7-88-1 (48020)
অনীকানাং চ সংহ্রাদে বাদিত্রাণাং চ নিঃস্বনে।
প্রধ্মাপিতেষু শঙ্খেষু সন্নাদে রোমহর্ষণে॥ 7-88-2 (48021)
প্রগৃহীতেষু শস্ত্রেষু ভারতেষু যুয়ুৎসুষু।
রৌদ্রে মুহূর্তে সম্প্রাপ্তে সব্যসাচী ব্যদৃশ্যত॥ 7-88-3 (48022)
বলানাং বায়সানাং চ পুরস্তাৎসব্যসাচিনঃ।
পিশিতাসৃগ্ভুজাং সঙ্ঘাঃ প্রলীয়ন্তে সহস্রশঃ॥ 7-88-4 (48023)
মৃগাশ্চ ঘোরসন্নাদঃ শিবাশ্চাশিবদর্শনাঃ॥
দক্ষিণেন প্রয়াতানামস্মাকং নেদুরধ্বনি॥ 7-88-5 (48024)
`লোকক্ষয়ে মহারাজ যাদৃশাস্তাদৃশা হি তে।
অশিবা ধার্তরাষ্ট্রাণাং শিবাঃ পার্থস্য সংয়ুগে'॥ 7-88-6 (48025)
সনির্ঘাতা জ্বলন্ত্যশ্চ পেতুরুল্কাঃ সহস্রশঃ।
চচাল চ মহী কৃৎস্না ভয়ে ঘোরে সমুত্থিতে॥ 7-88-7 (48026)
বিষ্বগ্বাতাঃ সনীহারা রূক্ষাঃ শর্করকর্ষিণঃ।
ববুরায়াতি কৌন্তেয়ে সঙ্গ্রামে সমুপস্থিতে॥ 7-88-8 (48027)
নাকুলিশ্চ শতানীকো ধৃষ্টদ্যুম্নশ্চ পার্ষতঃ।
পাণ্ডবানামনীকানি প্রাজ্ঞৌ তৌ ব্যূহতুস্তদা॥ 7-88-9 (48028)
ততো রথসহস্রেণ দ্বিরদানাং শতেন চ।
ত্রিভিরশ্বসহস্রৈশ্চ পদাতীনাং শতৈঃ শতৈঃ॥ 7-88-10 (48029)
অধ্যর্ধমাত্রে ধনুষাং সহস্রে তনয়স্তব।
অগ্রতঃ সর্বসৈন্যানাং স্থিৎবা দুর্মর্ষণোঽব্রবীৎ॥ 7-88-11 (48030)
অদ্য গাণ্ডীবধন্বানং তপন্তং যুদ্ধদুর্মদম্।
অহমাবারয়িষ্যামি বেলেব মকরালয়ম্॥ 7-88-12 (48031)
অদ্য পশ্যন্তু সঙ্গ্রামে ধনঞ্জয়মমর্ষণম্।
বিষক্তং ময়ি দুর্ধর্ষং ভিন্নং কুম্ভমিবাশ্মনি॥ 7-88-13 (48032)
তিষ্ঠধ্বং রথিনো যূয়ং সঙ্গ্রামমভিকাঙ্ক্ষিণঃ।
যুধ্যামি সংহতানেতান্যশো মানং চ বর্ধয়ন্॥ 7-88-14 (48033)
এবং ব্রুবন্মহারাজ মহাত্মা স মহীপতিঃ।
মহেষ্বাসৈর্বৃতো রাজন্মহেষ্বাসো ব্যবস্থিতঃ॥ 7-88-15 (48034)
ততোঽর্জুনো মহারাজ মহাত্মা মহতাং পতিঃ।
মহারথসমাখ্যাতো মহেষ্বাসো ব্যবস্থিতঃ॥ 7-88-16 (48035)
কক্ষাগ্নিরিব দুঃস্পর্শঃ সবজ্র ইব বাসবঃ।
দণ্ডপাণিরিবাসহ্যো মৃত্যুঃ কালেন চোদিতঃ॥ 7-88-17 (48036)
শূলপাণিরিবাক্ষোভ্যো বরুণঃ পাশবানিব।
যুগান্তাগ্নিরিবার্চিষ্মান্দিধক্ষুঃ স্থাস্নুজঙ্গমম্॥ 7-88-18 (48037)
ক্রোধামর্ষবলোদ্ধূতো নিবাতকবচান্তকঃ।
যুদ্ধে জেতা স্থিতঃ সত্যে পারয়িষ্যন্মহাব্রতম্॥ 7-88-19 (48038)
আমুক্তকবচঃ খঙ্গী জাম্বূনদকিরীটভৃৎ।
শুভ্রমাল্যাম্বরধরঃ স্বঙ্গদশ্চারুকুণ়্ডলঃ॥ 7-88-20 (48039)
রথপ্রবরমাস্থায় নরো নারায়ণানুগঃ।
বিধুন্বন্গাণ্ডিবং সঙ্খ্যে বভৌ সূর্য ইবোদিতঃ॥ 7-88-21 (48040)
অগ্রানীকস্য সোঽধ্যর্ধ ইষুপাতে ধনঞ্জয়ঃ।
ব্যবস্থাপ্য রথং রাজঞ্শঙ্খং দধ্মৌ প্রতাপবান্॥ 7-88-22 (48041)
অথ কৃষ্ণোঽপ্যসম্ভ্রান্তঃ পার্থেন সহ মারিষ।
প্রাধ্মাপয়ৎপাঞ্চজন্যং শঙ্খপ্রবরমোজসা॥ 7-88-23 (48042)
তয়োঃ শঙ্খপ্রণাদেন তব সৈন্যে বিশাম্পতে।
আসন্সংহৃষ্টরোমাণঃ কম্পিতা গতচেতসঃ॥ 7-88-24 (48043)
যথা ত্রস্যন্তি ভূতানি সর্বাণ্যশনিনিঃস্বনাৎ।
তথা শঙ্খপ্রণাদেন বিত্রেসুস্তব সৈনিকাঃ॥ 7-88-25 (48044)
প্রসুস্রুবুঃ শকৃন্মূত্রং বাহনানি চ সর্বশঃ।
এবং সবাহনং সর্বমাবিগ্নমভবদ্বলম্॥ 7-88-26 (48045)
সীদন্তি স্ম নরা রাজঞ্শঙ্খশব্দেন মারিষ।
বিসংজ্ঞাশ্চাভবন্কেচিৎকেচিদ্রাজন্বিতত্রসুঃ॥ 7-88-27 (48046)
ততঃ কপির্মহানাদং সহভূতৈর্ধ্বজালয়ৈঃ।
অকরোদ্ব্যাদিতাস্যশ্চ ভীষয়ংস্তব সৈনিকান্॥ 7-88-28 (48047)
ততঃ শঙ্খাশ্চ ভের্যশ্চ মৃদঙ্গাশ্চানকৈঃ সহ।
পুনরেবাভ্যহন্যন্ত তব সৈন্যপ্রহর্ষণাঃ॥ 7-88-29 (48048)
নানাবাদিত্রসংহাদৈঃ ক্ষ্বেডিতাস্ফোটিতাকুলৈঃ।
সিংহনাদৈঃ সমুৎক্রুষ্টৈঃ সমাধূতৈর্মহারথৈঃ॥ 7-88-30 (48049)
তস্মিংস্তু তুমুলে শব্দে ভীরূণাং ভয়বর্ধনে।
অতীব হৃষ্টো দাশার্হমব্রবীৎপাকশাসনিঃ॥ ॥ 7-88-31 (48050)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে অষ্টাংশীতিতমোঽধ্যায়ঃ॥ 88 ॥
Mahabharata - Drona Parva - Chapter Footnotes
5-88-10 শতৈঃ শতৈর্দশসহস্রৈঃ॥ 5-88-30 সমাধূতৈঃ সঞ্চালিতৈঃ॥ 5-88-88 অষ্টাশীতিতমোঽধ্যায়ঃ॥দ্রোণপর্ব - অধ্যায় 089
॥ শ্রীঃ ॥
7.89. অধ্যায়ঃ 089
Mahabharata - Drona Parva - Chapter Topics
অর্জুনয়ুদ্ধবর্ণনম্॥ 1 ॥Mahabharata - Drona Parva - Chapter Text
7-89-0 (48051)
অর্জুন উবাচ 7-89-0x (4489)
চোদয়াশ্বান্হৃষীকেশ যত্র দুর্মর্ষণঃ স্থিতঃ।
এতদ্ভিত্ৎবা গজানীকং প্রবেক্ষ্যাম্যরিবাহিনীম্॥ 7-89-1 (48052)
সঞ্জয় উবাচ। 7-89-2x (4490)
এবমুক্তো মহাবাহুঃ কেশবঃ সব্যসাচিনা।
অচোদয়দ্ধয়াংস্তত্র যত্র দুর্মর্ষণঃ স্থিতঃ॥ 7-89-2 (48053)
স সম্প্রহারস্তুমুলঃ সম্প্রবৃত্তঃ সুদারুণঃ।
একস্য চ বহূনাং চ রথনাগনরক্ষয়ঃ॥ 7-89-3 (48054)
ততঃ সায়কবর্ষেণ পর্জন্য ইব বৃষ্টিমান্।
পরানবাকিরৎপার্থঃ পর্বতানিব নীরদঃ॥ 7-89-4 (48055)
তে চাপি রথিনঃ সর্বে ৎবরিতাঃ কৃতহস্তবৎ।
অবাকিরন্বাণজালৈস্তত্র কৃষ্ণধনঞ্জয়ৌ॥ 7-89-5 (48056)
ততঃ ক্রুদ্ধো মহাবাহুর্বার্যমাণঃ পরৈর্যুধি।
শিরাংসি রথিনাং পার্থঃ কায়েভ্যোঽপাহরচ্ছরৈঃ॥ 7-89-6 (48057)
উদ্ধান্তনয়নৈর্বক্রৈঃ সন্দষ্টৌষ্ঠপুটৈঃ শুভৈঃ।
সকুণ্ডলশিরস্ত্রাণৈর্বসুধা সমকীর্যত॥ 7-89-7 (48058)
পুণ্ডরীকবনানীব বিধ্বস্তানি সমন্ততঃ।
বিনিকীর্ণানি যোধানাং বদনানি চকাশিরে॥ 7-89-8 (48059)
সুবর্ণচিত্রাভরণাঃ সংসিক্তা রুধিরেণ চ।
সংসক্তা ইব দৃশ্যন্তে মেঘসঙ্ঘাঃ সবিদ্যুতঃ॥ 7-89-9 (48060)
শিরসাং পততাং রাজঞ্শব্দোঽভূদ্বসুধাতলে।
কালেন পরিপক্বানাং তালানাং পততামিব॥ 7-89-10 (48061)
কবন্ধ উত্থিতঃ কশ্চিদ্বিষ্ফার্য সশরং ধনুঃ।
কিঞ্চিৎখঙ্গং বিনিষ্কৃষ্য ভুজেনোদ্যম্য তিষ্ঠতি।
`গৃহীৎবাঽন্যস্য কেশেষু শিরো নৃত্যতি চাপরঃ'॥ 7-89-11 (48062)
পতিতানি ন জানন্তি শিরাংসি পুরুষর্ষভাঃ।
অমৃষ্যমাণাঃ সঙ্গ্রামে কৌন্তেয়ং জয়গৃদ্ধিনঃ॥ 7-89-12 (48063)
হয়ানামুত্তমাঙ্গৈশ্চ হস্তিহস্তৈশ্চ মেদিনী।
বাহুভিশ্চ শিরোভিশ্চ বীরাণাং সমকীর্যত॥ 7-89-13 (48064)
অয়ং পার্থঃ কুতঃ পার্থঃ পার্থোঽয়মিতি সর্বশঃ।
`তিষ্ঠ পার্থেহি মাং পার্থ ক্ব যাসীতি চ জল্পতাম্'।
তব সৈন্যেষু যোধানাং পার্থভূতমিবাভবৎ॥ 7-89-14 (48065)
অন্যোন্যমপি চাজঘ্নুরাত্মানমপি চাপরে।
পার্থভূতমমন্যন্ত জনাঃ কালেন মোহিতাঃ॥ 7-89-15 (48066)
নিষ্টনন্তঃ সরুধিরা বিসংজ্ঞা গাঢবেদনাঃ।
শয়ানা বহবো বীরাঃ কীর্তয়ন্তঃ স্ববান্ধবান্॥ 7-89-16 (48067)
সভিণ্ডিপালাঃ সপ্রাসাঃ সশক্ত্যৃষ্টিপরশ্বথাঃ।
সনির্ব্যূহাঃ সনিস্ত্রিংশাঃ সশরাসনতোমরাঃ॥ 7-89-17 (48068)
সবাণবর্মাভরণাঃ সগদাঃ সাঙ্গদা রণে।
মহাভুজগসঙ্কাশা বাহবঃ পরিঘোপমাঃ॥ 7-89-18 (48069)
উদ্বেষ্টন্তি বিচেষ্টন্তি সঞ্চেষ্টন্তি চ সর্বশঃ।
বেগং কুর্বন্তি সংরব্ধা নিকৃত্তাঃ পরমেষুভিঃ॥ 7-89-19 (48070)
যো যঃ স্ম সমরে পার্থং প্রতিসঞ্চরতে নরঃ।
তস্যতস্যান্তকো বাণঃ শরীরমুপসর্পতি॥ 7-89-20 (48071)
নৃত্যতো রথমার্গেষু ধনুর্ব্যায়চ্ছতস্তথা।
ন কশ্চিত্তত্র পার্থশ্চ দদৃশেঽন্তরমণ্বপি॥ 7-89-21 (48072)
যত্তস্য ঘটমানস্য ক্ষিপ্রং বিক্ষিপতঃ শরান্।
লাঘবাৎপাণ্ডুপুত্রস্য ব্যস্ময়ন্ত পরে জনাঃ॥ 7-89-22 (48073)
হস্তিনং হস্তিয়ন্তারমশ্বমাশ্বিকমেব চ।
অভিনৎফল্গুনো বাণৈ রথিনং চ সসারথিম্॥ 7-89-23 (48074)
আবর্তমানমাবৃত্তং যুধ্যমানং চ পাণ্ডবঃ।
প্রমুখে তিষ্ঠমানং চ ন কঞ্চিন্ন নিহন্তি সঃ॥ 7-89-24 (48075)
যথোদয়ন্বৈ গগনে সূর্যো হন্তি মহত্তমঃ।
তথাঽর্জুনো গজানীকমবধীৎকঙ্কপত্রিভিঃ॥ 7-89-25 (48076)
হস্তিভিঃ পতিতৈর্ভিন্নৈস্তব সৈন্যমদৃশ্যত।
অন্তকালে যথা ভূমির্ব্যবকীর্ণা মহীধরৈঃ॥ 7-89-26 (48077)
যথা মধ্যংদিনে সূর্যো দুষ্প্রেক্ষ্যঃ প্রাণিভিঃ সদা।
তথা ধনঞ্জয়ঃ ক্রুদ্ধো দুষ্প্রেক্ষ্যো যুধি শত্রুভিঃ॥ 7-89-27 (48078)
তত্তথা তব পুত্রস্য সৈন্যং যুধি পরন্তপ।
প্রভগ্নং দ্রুতমাবিগ্নমতীব শরপীডিতম্॥ 7-89-28 (48079)
মারুতেনেব মহতা মেঘানীকং ব্যদীর্যত।
প্রকাল্যমানং তৎসৈন্যং নাশকৎপ্রতিবীক্ষিতুম্॥ 7-89-29 (48080)
প্রতোদৈশ্চাপকোটীভির্হুংকারৈঃ সাধুবাহিতৈঃ।
কশাপার্ষ্ণ্যভিঘাতৈশ্চ বাগ্ভিরুগ্রাভিরেব চ॥ 7-89-30 (48081)
চোদয়ন্তো হয়াংস্তূর্ণং পলায়ন্তে স্ম তাবকাঃ।
সাদিনো রথিনশ্চৈব পত্তয়শ্চার্জুনার্দিতাঃ॥ 7-89-31 (48082)
পার্ষ্ণ্যঙ্গুষ্ঠাঙ্কুশৈর্নাগং চোদয়ন্তস্তথাঽপরে।
শরৈঃ সম্মোহিতাশ্চান্যে তমেবাভিমুখা যয়ুঃ॥ 7-89-32 (48083)
তব যোঘ হতোৎসাহা বিভ্রান্তমনসস্তদা॥ ॥ 7-89-33 (48084)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একোননবতিতমোঽধ্যায়ঃ॥ 89 ॥
Mahabharata - Drona Parva - Chapter Footnotes
5-89-17 নির্ব্যূহ আয়ুধবিশেষঃ॥ 5-89-20 প্রতিসঞ্চরতে প্রত্যুদ্রচ্ছতি॥ 5-89-22 যত্তস্যাবহিতস্য॥ 5-89-28 দ্রুতং বিদ্রুতম্। আবিগ্নং ভীতম্॥ 5-89-30 সাধুবাহিতৈঃ সুষ্ঠু ব্যাপারীতৈঃ॥ 5-89-89 একোননবতিতমোঽধ্যায়ঃ॥দ্রোণপর্ব - অধ্যায় 090
॥ শ্রীঃ ॥
7.90. অধ্যায়ঃ 090
Mahabharata - Drona Parva - Chapter Topics
অর্জুনেন দুঃশাসনপরাজয়ঃ॥ 1 ॥Mahabharata - Drona Parva - Chapter Text
7-90-0 (48085)
ধৃতরাষ্ট্র উবাচ। 7-90-0x (4491)
তস্মিন্প্রভগ্নে সৈন্যাগ্রে বধ্যমানে কিরীটিনা।
কেতু তত্র রণে বীরাঃ প্রত্যুদীয়ুর্ধনঞ্জয়ম্॥ 7-90-1 (48086)
আহোস্বিচ্ছকটব্যূহং প্রবিষ্টা মোঘনিশ্চয়াঃ॥
দ্রোণমাশ্রিত্য তিষ্ঠন্তি প্রাকারমকুতোভয়াঃ॥ 7-90-2 (48087)
সঞ্জয় উবাচ। 7-90-3x (4492)
তথাঽর্জুনেন সম্ভগ্নে তস্মিংস্তব বলেঽনঘ।
হতবীরে হতোৎসাহে পলায়নকৃতক্ষণে॥ 7-90-3 (48088)
পাকশাসনিনাঽভীক্ষ্ণং বধ্যমানে শরোত্তমৈঃ।
ন তত্র কশ্চিৎসঙ্গ্রামে শশাকার্জুনমীক্ষিতুম্॥ 7-90-4 (48089)
ততস্তব সুতো রাজন্দৃষ্ট্বা সৈন্যং তথাগতম্।
দুঃশাসনো ভৃশং ক্রুদ্ধো যুদ্ধায়ার্জুনমভ্যগাৎ॥ 7-90-5 (48090)
সকাঞ্চনবিচিত্রেণ কবচেন সমাবৃতঃ।
জাম্বূনদশিরস্ত্রাণঃ শূরস্তীব্রপরাক্রমঃ॥ 7-90-6 (48091)
নাগানীকেন মহতা গ্রসন্নিব মহীমিমাম্।
দুঃশাসনো মহারাজ সব্যসাচিনমাবৃণোৎ॥ 7-90-7 (48092)
হাদেন গজঘণ্টানাং শঙ্খানাং নিনদেন চ।
জ্যাক্ষেপনিনদৈশ্চৈব বিরাবেণ চ দন্তিনাম্॥ 7-90-8 (48093)
ভূর্দিশশ্চান্তরিক্ষং চ শব্দেনাসীৎসমাবৃতম্।
`যুবরাজো বলশ্লাঘী পিঙ্গলঃ প্রিয়দর্শনঃ'।
স মুহূর্তং প্রতিভয়ো দারুণঃ সমপদ্যত॥ 7-90-9 (48094)
তান্দৃষ্ট্বা পততস্তূর্ণমঙ্কুশৈরভিচোদিতান্।
ব্যালম্বহস্তান্সংরব্ধান্সপক্ষানিব পর্বতান্॥ 7-90-10 (48095)
সিংহনাদেন মহতা নরসিংহো ধনঞ্জয়ঃ।
`তদাচলঘনপ্রখ্যং পতাকাশতসঙ্কুলম্'।
গজানীকমমিত্রাণামভিতো ব্যধমচ্ছরৈঃ॥ 7-90-11 (48096)
মহোর্মিণমিবোদ্ধূতং শ্বসনেন মহার্ণবম্।
কিরীটী তদ্গজানীকং প্রাবিশন্মকরো যথা॥ 7-90-12 (48097)
খমাশ্রিত ইবাদিত্যঃ প্রতপন্স যুগক্ষয়ে।
দদৃশে দিক্ষু সর্বাসু পার্থঃ পরপুরঞ্জনঃ॥ 7-90-13 (48098)
খুরশব্দেন চাশ্বানাং নেমিঘোষেণ তেন চ।
তেন চোৎক্রুষ্টশব্দেন জ্যানিনাদেন তেন চ॥ 7-90-14 (48099)
নানাবাদিত্রশব্দেন পাঞ্চজন্যস্বনেন চ।
দেবদত্তস্য ঘোষেণ গাণ্ডীবনিনদেন চ।
মন্দবেগা নরা নাগা বভূবুস্তে বিচেতসঃ॥ 7-90-15 (48100)
শরৈরাশীবিষস্পর্শৈর্নির্ভিন্নাঃ সব্যসাচিনা।
তে গজাঃ সমসীদন্ত মগ্নাঃ পঙ্কার্ণবেষ্বিব॥ 7-90-16 (48101)
যুগপচ্চ সমাবিষ্টৈঃ শরৈর্গাণ্ডীবধন্বনঃ।
অনেকশতসাহস্রৈর্দ্রুমা মধুকরৈরিব।
`পুঙ্খাবশিষ্টৈর্বহুভিঃ শোণিতোৎপীডবাহিভিঃ'॥ 7-90-17 (48102)
আরাবং পরমং কৃৎবা বধ্যমানাঃ কিরীটিনা।
নিপেতুরনিশং ভূমৌ ছিন্নপক্ষা ইবাদ্রয়ঃ॥ 7-90-18 (48103)
অপরে দন্তবেষ্টেষু কুম্ভেষু চ কটেষু চ।
শরৈঃ সমর্পিতা নাগাঃ ক্রৌঞ্চবদ্ব্যনদন্মুহুঃ॥ 7-90-19 (48104)
গজস্কন্ধগতানাং চ পুরুষাণাং কিরীটিনা।
ছিদ্যন্তে চোত্তমাঙ্গানি ভুল্লৈঃ সন্নতপর্বভিঃ॥ 7-90-20 (48105)
সকুণ্ডলানাং পততাং শিরসাং ধরণীতলে।
পদ্মানামিব সঙ্ঘাতৈঃ পার্থশ্চক্রে নিবেদনম্॥ 7-90-21 (48106)
যন্ত্রবদ্ধা বিকবচা ব্রণার্তা রুধিরোক্ষিতাঃ।
ভ্রমৎসু যুধি নাগেষু মনুষ্যা বিললম্বিরে॥ 7-90-22 (48107)
কেচিদেকেন বাণেন সুয়ুক্তেন সুপত্রিণা।
দ্বৌ ত্রয়শ্চ বিনির্ভিন্না নিপেতুর্ধরণীতলে॥ 7-90-23 (48108)
অপরে মদসংরব্ধা মাতঙ্গাঃ পর্বতোপমাঃ।
সারোহা ন্যপতন্ভূমৌ দ্রুমবন্ত ইবাচলাঃ॥ 7-90-24 (48109)
মৌর্বী ধ্বজং ধনুশ্চৈব যুগমীষাং তথৈব চ।
রথিনাং কুট্টয়ামাস ভল্লৈঃ সন্নতপর্বভিঃ॥ 7-90-25 (48110)
ন সন্দধন্ন চাকর্ষন্ন বিমুঞ্চন্ন চোদ্বহন্।
মণ্ডলেনৈব ধনুষা নৃত্যন্পার্থঃ স্ম দৃশ্যতে॥ 7-90-26 (48111)
অতিবিদ্ধাশ্চ নারাচৈর্বমন্তো রুধিরং মুখৈঃ।
মুহূর্তান্ন্যপতন্নন্যে বারণা বসুধাতলে॥ 7-90-27 (48112)
উত্থিতান্যগণেয়ানি কবন্ধানি সমন্ততঃ।
অদৃশ্যন্ত মহারাজ তস্মিন্পরমসঙ্কুলে॥ 7-90-28 (48113)
সচাপাঃ সাঙ্গুলিত্রাণাঃ সখঙ্গাঃ সাঙ্গদা রণে।
অদৃশ্যন্ত ভুজাশ্ছিন্না হেমাভরণভূষিতাঃ॥ 7-90-29 (48114)
সূপস্করৈরধিষ্ঠানৈরীষাদণ্ডকবন্ধুরৈঃ।
চক্রৈর্বিমথিতৈরক্ষৈর্ভগ্নৈশ্চ বহুধা যুগৈঃ॥ 7-90-30 (48115)
চর্মচাপধরৈশ্চৈব ব্যবকীর্ণৈস্ততস্ততঃ।
স্রগ্ভিরাভরণৈর্বস্ত্রৈঃ পতিতৈশ্চ মহাধ্বজৈঃ॥ 7-90-31 (48116)
নিহতৈর্বারণৈরশ্বৈঃ ক্ষত্রিয়ৈশ্চ নিপাতিতৈঃ।
অদৃশ্যত মহী তত্র দারুণপ্রতিদর্শনা॥ 7-90-32 (48117)
এবং দুঃশাসনবলং বধ্যমানং কিরীটিনা।
সম্প্রাদ্রবন্মহারাজ ব্যথিতং সহনায়কম্॥ 7-90-33 (48118)
`এবং বলে দ্রুতে যাতে রাজপুত্রং মহারথম্।
বিব্যাধ দশভির্বাণৈস্তিষ্ঠতিষ্ঠেতি চাব্রবীৎ॥ 7-90-34 (48119)
জীবিতেন কথং গন্তা দুরুক্তং যাবদদ্য তে।
তদ্বাক্যসদৃশং কর্ম কুরু ৎবং যদি মন্যসে॥ 7-90-35 (48120)
এবমুক্ৎবা ততো রাজা পার্থঃ পার্থিবমর্দনঃ।
ভৃশং ক্রুদ্ধো মহারাজ অবিধ্যত্তনয়ং তব'॥ 7-90-36 (48121)
ততো দুঃশাসনস্ত্রস্তঃ সহানীকঃ শরার্দিতঃ।
দ্রোণং ত্রাতারমাকাঙ্ক্ষঞ্শকটব্যূহমভ্যগাৎ॥ ॥ 7-90-37 (48122)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে নবতিতমোঽধ্যায়ঃ॥ 90 ॥
Mahabharata - Drona Parva - Chapter Footnotes
5-90-3 পলায়নে কৃতঃ ক্ষণোঽবসরো যেন॥ 5-90-9 প্রতিভয়ো ভয়ঙ্করঃ। দারুণঃ ক্রূরঃ॥ 5-90-19 দন্তবেষ্টেষু দন্তমূলেষু। কটেষু কটিষু॥ 5-90-21 নিবেদনমুপাহারম্॥ 5-90-22 যন্ত্রবদ্ধা যন্ত্রৈরালিখিতাঃ॥ 5-90-90 নবতিতমোঽধ্যায়ঃ॥দ্রোণপর্ব - অধ্যায় 091
॥ শ্রীঃ ॥
7.91. অধ্যায়ঃ 091
Mahabharata - Drona Parva - Chapter Topics
অর্জুনস্য ব্যূহমুখস্থেন দ্রোণেন কঞ্চিৎকালং যুদ্ধ্বা তমপহায় ব্যূহপ্রবেশঃ॥ 1 ॥Mahabharata - Drona Parva - Chapter Text
7-91-0 (48123)
সঞ্জয় উবাচ। 7-91-0x (4493)
দুঃশসনবলং হৎবা সব্যসাচী মহারথঃ।
সিন্ধুরাজং পরীপ্সন্বৈ দ্রোণানীকমুপাদ্রবৎ॥ 7-91-1 (48124)
স তু দ্রোণং সমাসাদ্য ব্যূহস্য প্রমুখে স্থিতম্।
কৃতাঞ্জলিরিদং বাক্যং কৃষ্ণস্যানুমতেঽব্রবীৎ॥ 7-91-2 (48125)
শিবেন ধ্যাহি মাং ব্রহ্মন্স্বস্তি চৈব বদস্ব মে।
ভবৎপ্রসাদাদিচ্ছামি প্রবেষ্টং দুর্ভিদাং চমূম্॥ 7-91-3 (48126)
ভবান্পিতৃসমো মহ্যং ধর্মরাজসমোঽপি চ।
ধৌম্যকৃষ্ণসমশ্চৈব সত্যমেতদ্ব্রবীমি তে॥ 7-91-4 (48127)
অশ্বত্থামা যথা তাত রক্ষণীয়স্ৎবয়াঽনঘ।
তথাঽহমপি তে রক্ষ্যঃ সদৈব দ্বিজসত্তম॥ 7-91-5 (48128)
তব প্রসাদাদিচ্ছেয়ং সিন্ধুরাজানমাহবে।
নিহন্তুং দ্বিপদাং শ্রেষ্ঠ প্রতিজ্ঞাং রক্ষ মে প্রভো॥ 7-91-6 (48129)
সঞ্জয় উবাচ। 7-91-7x (4494)
এবমুক্তস্তদাঽঽচার্যঃ প্রত্যুবাচ স্ময়ন্নিব।
মামজিৎবা ন বীভৎসো শক্যো জেতুং জয়দ্রথঃ॥ 7-91-7 (48130)
এতাবদুক্ৎবা তং দ্রোণঃ শরব্রাতৈরবাকিরৎ।
সরথাশ্বধ্বজং তীক্ষ্ণৈঃ প্রহসন্বৈ সসারথিম্॥ 7-91-8 (48131)
ততোঽর্জুনঃ শরব্রাতান্দ্রোণস্যাবার্য সায়কৈঃ।
দ্রোণমভ্যর্দয়দ্বাণৈর্ঘোররূপৈর্হত্তরৈঃ॥ 7-91-9 (48132)
বিব্যাধ চ রণে দ্রোণমনুমান্য বিশাম্পতে।
ক্ষত্রধর্মং সমাস্থায় নবভিঃ সায়কৈঃ পুনঃ॥ 7-91-10 (48133)
তস্যেষূনিষুভিশ্ছিত্ৎবা দ্রোণো বিব্যাধ তাবুভৌ।
বিষাগ্নিজ্বলিতপ্রখ্যৈরিষুভিঃ কৃষ্ণপাণ্ডবৌ॥ 7-91-11 (48134)
ইয়েপ পাণ্ডবস্তস্য বাণৈশ্ছেত্তুং শরাসনম্।
তস্য চিন্তয়তস্ৎবেব ফল্গুনস্য মহাত্মনঃ॥ 7-91-12 (48135)
দ্রোণঃ শরৈরসম্ভ্রান্তো জ্যাং চিচ্ছেদাশু বীর্যবান্।
বিব্যাধ চ হয়ানস্য ধ্বজং সারথিমেব চ॥ 7-91-13 (48136)
অর্জুনং চ শরৈর্বীরঃ স্ময়মানোঽভ্যবাকিরৎ।
এতস্মিন্নন্তরে পার্থঃ সজ্যং কৃৎবা মহদ্ধনুঃ॥ 7-91-14 (48137)
বিশেষয়িষ্যন্নাচার্যং সর্বাস্ত্রবিদুষাং বরঃ।
মুমোচ ষট্শতান্বাণান্গৃহীৎবৈকমিব দ্রুতম্॥ 7-91-15 (48138)
পুনঃ সপ্তশতানন্যান্সহস্রং চানিবর্তিনঃ।
চিক্ষেপায়ুতশশ্চান্যাংস্তেঽঘ্নন্দ্রোণস্য তাং চমূম্॥ 7-91-16 (48139)
তৈঃ সম্যগস্তৈর্বলিনা কৃতিনা চিত্রয়োধিনা।
মনুষ্যবাজিমাতঙ্গা বিদ্ধাঃ পেতুর্গতাসবঃ॥ 7-91-17 (48140)
বিসূতাশ্বধ্বজাঃ পেতুঃ সঞ্ছিন্নায়ুধজীবিতাঃ।
রথিনো রথমুখ্যেভ্যঃ সহসা শরপীডিতাঃ॥ 7-91-18 (48141)
চূর্ণিতাক্ষিপ্তদগ্ধানাং বজ্রানিলহুতাশনৈঃ।
তুল্যরূপা গজাঃ পেতুর্গির্যগ্রাম্বুদবেশ্মনাম্॥ 7-91-19 (48142)
পেতুরশ্বসহস্রাণি প্রহতান্যর্জুনেষুভিঃ।
হংসা হিমবতঃ পৃষ্ঠে বারিবিপ্রহতা ইব॥ 7-91-20 (48143)
রথাশ্বদ্বিপপত্ত্যোঘাঃ সলিলৌঘা ইবাদ্ভুতাঃ।
যুগান্তাদিত্যরশ্ম্যাভৈঃ পাণ্ডবাস্ত্রশরৈর্হতাঃ॥ 7-91-21 (48144)
তং পাণ্ডবাদিত্যশরাংশুজালং
কুরুপ্রবীরান্যুধি নিষ্টপন্তম্।
স দ্রোণমেঘঃ শরবৃষ্টিবেগৈঃ
প্রাচ্ছাদয়ন্মেঘ ইবার্করশ্মীন্॥ 7-91-22 (48145)
অথাত্যর্থং বিসৃষ্টেন দ্বিষতামসুভোজিনা।
আজঘ্নে বক্ষসি দ্রোণো নারাচেন ধনঞ্জয়ম্॥ 7-91-23 (48146)
স বিহ্বলিতসর্বাঙ্গঃ ক্ষিতিকম্পে যথাঽচলঃ।
ধৈর্যমালম্ব্য বীভৎসুর্দ্রোণং বিব্যাধ পত্রিভিঃ॥ 7-91-24 (48147)
দ্রোণস্তু পঞ্চভির্বাণৈর্বাসুদেবমতাডয়ৎ।
অর্জুনং চ ত্রিসপ্তত্যা ধ্বজং চাস্য ত্রিভিঃ শরৈঃ॥ 7-91-25 (48148)
বিশেষয়িষ্যঞ্শিষ্যং চ দ্রোণো রাজন্পরাক্রমী।
অদৃশ্যমর্জুনং চক্রে নিমেষাচ্ছরবৃষ্টিভিঃ॥ 7-91-26 (48149)
প্রসক্তান্পততোঽদ্রাক্ষ্ম ভারদ্বাজস্য সায়কান্।
মণ্ডলীকৃতমেবাস্য ধনুশ্চাদৃশ্যতাদ্ভুতম্॥ 7-91-27 (48150)
তেঽভ্যযুঃ সমরে রাজন্বাসুদেবধনঞ্জয়ৌ।
দ্রোণসৃষ্টাঃ সুবহবঃ কঙ্কপত্রপরিচ্ছদাঃ॥ 7-91-28 (48151)
তত্রাদ্ভুতমপশ্যাম শিলানামিব সর্পণম্।
যদ্দ্রোণং তরসা পার্থো বৃদ্ধং বালোঽপি নাতরৎ॥ 7-91-29 (48152)
চিন্তয়ামাস বার্ষ্ণেয়ো দৃষ্ট্বা দ্রোণস্য বিক্রমম্।
নাতিবর্তিষ্যতে হ্যোনং বেলামিব মহার্ণবঃ॥ 7-91-30 (48153)
ততঃ পার্থং সমুদ্বিগ্নং লক্ষ্য চিন্তয়তেঽচ্যুতঃ।
দ্রোণস্য চাপি বিক্রান্তং দৃষ্ট্বা মধুনিষূদনঃ।
ইত্যব্রবীদ্বাসুদেবো ধনঞ্জয়মুদারধীঃ॥ 7-91-31 (48154)
পার্থপার্থ মহাবাহো ন নঃ কালাত্যযো ভবেৎ।
দ্রোণমুৎসৃজ্য গচ্ছামো ব্রাহ্মণোঽসৌ গতক্লমঃ॥ 7-91-32 (48155)
সঞ্জয় উবাচ। 7-91-33x (4495)
পার্থশ্চাপ্যব্রবীৎকৃষ্ণং যথেষ্টমিতি কেশবম্॥ 7-91-33 (48156)
ততঃ প্রদক্ষিণং কৃৎবা দ্রোণং প্রায়ান্মহাভুজম্।
পরিবৃত্তশ্চ বীভৎসুরগচ্ছদ্বিসৃজঞ্শরান্॥ 7-91-34 (48157)
ততোঽব্রবীৎস্বয়ং দ্রোণঃ ক্বেদং পাণ্ডব গম্যতে।
ননু নাম রণে শত্রুমজিৎবা ন নিবর্তসে॥ 7-91-35 (48158)
অর্জুন উবাচ। 7-91-36x (4496)
গুরুর্ভবান্ন মে শত্রুঃ শিষ্যঃ পুত্রসমোঽস্মি তে।
ন চাস্তি স পুমাঁল্লোকে যস্ৎবাং যুধি পরাজয়েৎ॥ 7-91-36 (48159)
সঞ্জয় উবাচ। 7-91-37x (4497)
এবং ব্রুবাণো বীভৎসুর্জয়দ্রথবধোৎসুকঃ।
ৎবরায়ুক্তো মহাবাহুস্ৎবৎসৈন্যং সমুপাদ্রবৎ॥ 7-91-37 (48160)
তং চক্ররক্ষৌ পাঞ্চাল্যৌ যুধামন্যূত্তমৌজসৌ।
অন্বয়াতাং মহাত্মানৌ বিশন্তং তাবকং বলম্॥ 7-91-38 (48161)
ততো জয়ো মহারাজ কৃতবর্মা চ সাৎবতঃ।
কাম্ভোজশ্চ শ্রুতায়ুশ্চ ধনঞ্জয়মবারয়ন্॥ 7-91-39 (48162)
তেষাং দশসহস্রাণি রথানামনুয়ায়িনাম্।
অভীষাহাঃ শূরসেনাঃ শিবয়োঽথ বসাতয়ঃ॥ 7-91-40 (48163)
মাবেল্লকা ললিত্থাশ্চ কেকয়া মদ্রকাস্তথা।
নারায়ণাশ্চ গোপালাঃ কাম্ভোজানাং চ যে গণাঃ॥ 7-91-41 (48164)
কর্ণেন বিজিতাঃ পূর্বং সঙ্গ্রামে শূরসম্মতাঃ।
ভারদ্বাজং পুরস্কৃত্য হৃষ্টাত্মানোঽর্জুনং প্রতি॥ 7-91-42 (48165)
পুত্রশোকাভিসন্তপ্তং ক্রুদ্ধং মৃত্যুমিবান্তকম্।
ত্যজন্তং তুমুলে প্রাণান্সন্নদ্ধং চিত্রয়োধিনম্॥ 7-91-43 (48166)
গাহমানমনীকানি মাতঙ্গমিব যূথপম্।
মহেষ্বাসং পরাক্রান্তং নরব্যাঘ্রমবারয়ন্॥ 7-91-44 (48167)
ততঃ প্রববৃতে যুদ্ধং তুমুলং রোমহর্ষণম্।
অন্যোন্যং বৈ প্রার্থয়তাং যোধানামর্জুনস্য চ॥ 7-91-45 (48168)
জয়দ্রথবধপ্রেপ্সুমায়ান্তং পুরুষর্ষভম্।
ন্যবারয়ন্ত সহিতাঃ ক্রিয়া ব্যাধিমিবোত্থিতং॥ ॥ 7-91-46 (48169)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশোদিসয়ুদ্ধে একনবতিততমোঽধ্যায়ঃ॥ 91 ॥
Mahabharata - Drona Parva - Chapter Footnotes
5-91-19 গির্যগ্রাম্বুদবেশ্মনাং বজ্রানিলহুতাশনৈঃ চূর্ণিতাক্ষিপ্তদগ্ধানাং ইতি যথাসঙ্খ্যেনান্বয়ঃ॥ 5-91-91 একনবতিতমোঽধ্যায়ঃ॥দ্রোণপর্ব - অধ্যায় 092
॥ শ্রীঃ ॥
7.92. অধ্যায়ঃ 092
Mahabharata - Drona Parva - Chapter Topics
অর্জুনেন শ্রুতায়ুধসুদক্ষিণয়োর্বধঃ॥ 1 ॥Mahabharata - Drona Parva - Chapter Text
7-92-0 (48170)
সঞ্জয় উবাচ। 7-92-0x (4498)
সন্নিরুদ্ধস্তু তৈঃ পার্থো মহাবলপরাক্রমঃ।
দ্রুতং সমনুয়াতশ্চ দ্রোণেন রথিনাং বরঃ॥ 7-92-1 (48171)
কিরন্নিষুগণাংস্তীক্ষ্ণান্স রশ্মীনিব ভাস্করঃ।
তাপয়ামাস তৎসৈন্যং দেহং ব্যাধিগণো যথা॥ 7-92-2 (48172)
অশ্বো বিদ্ধো রথশ্ছিন্নঃ সারোহঃ পাতিতো গজঃ।
ছত্রাণি চাপবিদ্ধানি রথাশ্চক্রৈর্বিনা কৃতাঃ॥ 7-92-3 (48173)
বিদ্রুতানি চ সৈন্যানি শরার্তানি সমন্ততঃ।
ইত্যাসীত্তুমুলং যুদ্ধং ন প্রাজ্ঞায়ত কিঞ্চন॥ 7-92-4 (48174)
তেষাং সংয়চ্ছতাং সঙ্খ্যে পরস্পরমজিহ্মগৈঃ।
অর্জুনো ধ্বজিনীং রাজন্নভীক্ষ্ণং সমকম্পয়ৎ॥ 7-92-5 (48175)
সত্যাং চিকীর্ষমাণস্তু প্রতিজ্ঞাং সত্যসঙ্গরঃ।
অভ্যদ্রবদ্রথশ্রেষ্ঠং শোণাশ্বং শ্বেতবাহনঃ॥ 7-92-6 (48176)
তং দ্রোণঃ পঞ্চবিংশত্যা মর্মভিদ্ভিরজিহ্মগৈঃ।
অন্তেবাসিনমাচার্যো মহেষ্বাসং সমার্পয়ৎ॥ 7-92-7 (48177)
তং তূর্ণমিব বীভৎসুঃ সর্বশস্ত্রভৃতাং বরঃ।
অভ্যধাবদিষূনস্যন্নিষুবেগবিঘাতকান্॥ 7-92-8 (48178)
তস্যাশু ক্ষিপতো ভল্লান্ভল্লৈঃ সন্নতপর্বভিঃ।
প্রত্যবিধ্যদমেয়াত্মা ব্রহ্মাস্ত্রং সমুদীরয়ন্॥ 7-92-9 (48179)
তদদ্ভুতমপশ্যাম দ্রোণস্যাচার্যকং যুধি।
যতমানো যুবা নৈনং প্রত্যবিধ্যদ্যদর্জুনঃ॥ 7-92-10 (48180)
ক্ষরন্নিব মহামেঘো বারিধারাঃ সহস্রশঃ।
দ্রোণমেঘঃ পার্থশৈলং ববর্ষ শরবৃষ্টিভিঃ॥ 7-92-11 (48181)
অর্জুনঃ শরবর্ষং তচ্ছরবর্ষেণ বীর্যবান্।
অবারয়দসম্ভ্রান্তো ন ৎবাচার্যমপীডয়ৎ॥ 7-92-12 (48182)
দ্রোণস্তু পঞ্চবিংশত্যা শ্বেতবাহনমার্দয়ৎ।
বাসুদেবং চ সপ্তত্যা বাহ্বোরুরসি চাশুগৈঃ॥ 7-92-13 (48183)
পার্থস্তু প্রহসন্ধীমানাচার্যং স শরৌঘিণম্।
বিসৃজন্তং শিতান্বাণানবারয়ত তং যুধি॥ 7-92-14 (48184)
অথ তৌ বধ্যমানৌ তু দ্রোণেন রথসত্তমৌ।
অবর্জয়েতাং দুর্ধর্ষং যুগান্তাগ্নিমিবোত্থিতম্॥ 7-92-15 (48185)
বর্জয়ন্নিশিতান্বাণান্দ্রোণচাপবিনিঃ সৃতান্।
কিরীটমালী কৌন্তেয়ো ভোজানীকমথাবিশৎ॥ 7-92-16 (48186)
সোঽন্তরা কৃতবর্মাণং কাম্ভোজং চ সুদক্ষিণম্।
অভ্যযাদ্বর্জয়ন্দ্রোণং মৈনাকমিব পর্বতম্॥ 7-92-17 (48187)
ততো ভোজো নরব্যাঘ্রো দুর্ধর্ষং কুরুসত্তমম্।
অবিধ্যত্তূর্ণমব্যগ্রো দশভিঃ কঙ্কপত্রিভিঃ॥ 7-92-18 (48188)
তমর্জুনঃ শতেনাজৌ রাজন্বিব্যাধ পত্রিণাম্।
পুনশ্চান্যৈস্ত্রিভির্বাণৈর্মোহয়ন্নিব সাৎবতম্॥ 7-92-19 (48189)
ভোজস্তু প্রহসন্পার্থং বাসুদেবং চ মাধবম্।
একৈকং পঞ্চবিংশত্যা সায়কানাং সমার্পয়ৎ॥ 7-92-20 (48190)
তস্যার্জুনো ধনুশ্ছিত্ৎবা বিয়াধৈনং ত্রিসপ্তভিঃ।
শরৈরগ্নিশিখাকারৈঃ ক্রুদ্ধাশীবিষসন্নিভৈঃ॥ 7-92-21 (48191)
অথান্যদ্ধনুরাদায় কৃতবর্মা মহারথঃ।
পঞ্চভিঃ সায়কৈস্তূর্ণং বিব্যাধোরসি ভারত॥ 7-92-22 (48192)
পুনশ্চ নিশিতৈর্বাণৈঃ পার্থং বিব্যাধ পঞ্চভিঃ।
তং পার্থো নবভির্বাণৈরাজঘান স্তনান্তরে॥ 7-92-23 (48193)
দৃষ্ট্বা বিষক্তং কৌন্তেয়ং কৃতবর্মরথং প্রতি।
চিন্তয়ামাস বার্ষ্ণেয়ো ন নঃ কালাত্যযো ভবেৎ॥ 7-92-24 (48194)
ততঃ কৃষ্ণোঽব্রবীৎপার্থং কৃতবর্মণি মা দয়াম্।
কুরু সম্বন্ধকং হিৎবা প্রমথ্যৈনং বিশাতয়॥ 7-92-25 (48195)
ততঃ স কৃতবর্মাণং মহোয়িৎবাঽর্জুনঃ শরৈঃ।
অভ্যগাজ্জবনৈরশ্বৈঃ কাম্ভোজানামনীকিনীম্॥ 7-92-26 (48196)
অমর্ষিতস্তু হার্দিক্যঃ প্রবিষ্টে শ্বেতবাহনে।
বিধুন্বন্সশরং চাপং পাঞ্চাল্যাভ্যাং সমাগতঃ॥ 7-92-27 (48197)
চক্ররক্ষৌ তু পাঞ্চাল্যাবর্জুনস্য পদানুগৌ।
পর্যবারয়দায়ান্তৌ কৃতবর্মা রথেষুভিঃ॥ 7-92-28 (48198)
তাববিধ্যত্ততো ভোজঃ কৃতবর্মা শিতৈঃ শরৈঃ।
ত্রিভিরেব যুধামন্যুং চতুর্ভিশ্চোত্তমৌজসম্॥ 7-92-29 (48199)
তাবপ্যেনং বিবিধতুর্দশভির্দশভিঃ শরৈঃ।
ত্রিভিরেব যুধামন্যুরুত্তগৌজাস্ত্রিভিস্তথা।
সঞ্চিচ্ছিদতুরপ্যস্য ধ্বজং কার্মুকমেব চ॥ 7-92-30 (48200)
অথান্যদ্ধনুরাদায় হার্দিক্যঃ ক্রোধমূর্চ্ছিতঃ।
কৃৎবা বিধনুষৌ বীরৌ শরবর্ষৈরবাকিরৎ॥ 7-92-31 (48201)
তাবন্যে ধনুষী সজ্যে কৃৎবা ভোজং বিজঘ্নতুঃ।
তেনান্তরেষু বীভৎসুর্বিবেশামিত্রবাহিনীম্॥ 7-92-32 (48202)
ন লেভাতে তু তৌ দ্বারং বারিতৌ কৃতবর্মণা।
ধার্তরাষ্ট্রেষ্বনীকেষু যতমানৌ নরর্ষভৌ॥ 7-92-33 (48203)
অনীকান্যর্দয়ন্যুদ্ধে ৎবরিতঃ শ্বেতবাহনঃ।
নাবধীৎকৃতবর্মাণং প্রাপ্তমপ্যরিসূদনঃ॥ 7-92-34 (48204)
তং দৃষ্ট্বা তু তথাঽঽয়ান্তংশূরো রাজা শ্রুতায়ুধঃ।
অভ্যদ্রবৎসুসঙ্ক্রুদ্ধো বিধুন্বানো মহদ্ধনুঃ॥ 7-92-35 (48205)
স পার্থং ত্রিভিরানর্চ্ছৎসপ্তত্যা চ জনার্দনম্।
ক্ষুরপ্রেণ সুতীক্ষ্ণেন পার্থকেতুমতাডয়ৎ॥ 7-92-36 (48206)
ততোঽর্জুনো নবত্যা তু শরাণাং নতপর্বণাম্।
আজঘান ভৃশং ক্রুদ্ধস্তোত্রৈরিব মহাদ্বিপম্॥ 7-92-37 (48207)
স তন্ন মমৃষে রাজন্পাণ্ডবেয়স্য বিক্রমম্।
অথৈনং সপ্তসপ্তত্যা নারাচানাং সমার্পয়ৎ॥ 7-92-38 (48208)
তস্যার্জুনো ধনুশ্ছিত্ৎবা শরাবাপং নিকৃত্য চ।
আজঘানোরসি ক্রুদ্ধঃ সপ্তভির্নতপর্বভিঃ॥ 7-92-39 (48209)
অথান্যদ্ধনুরাদায় স রাজা ক্রোধমূর্চ্ছিতঃ।
বাসবিং নবভির্বাণৈর্বাহ্বোরুরসি চার্পয়ৎ॥ 7-92-40 (48210)
ততোঽর্জুনঃ স্ময়ন্নেব শ্রুতায়ুধমরিন্দমঃ।
শরৈরনেকসাহস্রৈঃ পীডয়ামাস ভারত॥ 7-92-41 (48211)
অশ্বাংশ্চাস্যাবধীত্তূর্ণং সারথিং চ মহারথঃ।
বিব্যাধ চৈনং সপ্তত্যা নারাচানাং মহাবলঃ॥ 7-92-42 (48212)
হতাশ্বং রথমুৎসৃজ্য স তু রাজা শ্রুতায়ুধঃ।
অভ্যদ্রুবদ্রুণে পার্থং গদামুদ্যম্য বীর্যবান্॥ 7-92-43 (48213)
বরুণস্যত্মজো বীরঃ স তু রাজা শ্রুতায়ুধঃ।
পর্ণাশাজননী যস্য শীততোয়া মহানদী॥ 7-92-44 (48214)
তস্য মাতাঽব্রবীদ্রাজন্বরুণং পুত্রকারণাৎ।
অবধ্যোঽয়ং ভবেল্লোকে শত্রূণাং তনয়ো মম॥ 7-92-45 (48215)
বরুণস্ৎবব্রবীৎপ্রীতো দদাম্যস্মৈ বরং হিতম্।
দিব্যমস্ত্রং সুতস্তেঽয়ং যেনাবধ্যো ভবিষ্যতি॥ 7-92-46 (48216)
নাস্তি চাপ্যমরৎবং বৈ মনুষ্যস্য কথঞ্চন।
সর্বেণাবশ্যমর্তব্যং জাতেন সরিতাং বরে॥ 7-92-47 (48217)
দুর্ধর্ষস্ৎবেষ শত্রূণাং রণেষু ভবিতা সদা।
অস্ত্রস্যাস্য প্রভাবাদ্বৈ ব্যেতু তে মানসো জ্বরঃ॥ 7-92-48 (48218)
ইত্যুক্ৎবা বরুণঃ প্রাদাদ্গদাং মন্ত্রপুরস্কৃতাম্।
যামাসাদ্য দুরাধর্ষঃ সর্বলোকে শ্রুতায়ুধঃ॥ 7-92-49 (48219)
উবাচ চৈনং ভগবান্পুনরেব জলেশ্বরঃ।
অয়ুধ্যতি ন মোক্তব্যা সা ৎবয়্যেব পতেদিতি॥ 7-92-50 (48220)
হন্যাদেষা প্রতীপং হি প্রয়োক্তারমপি প্রভো।
ন চাকরোৎস তদ্বাক্যং প্রাপ্তে কালে শ্রুতায়ুধঃ॥ 7-92-51 (48221)
স তয়া বীরঘাতিন্যা জনার্দনমতাডয়ৎ।
প্রতিজগ্রাহ তাং কৃষ্ণঃ পীনেনাংসেন বীর্যবান্।
নাকম্পয়ত শৌরিং সা বিন্ধ্যং গিরিমিবানিলঃ॥ 7-92-52 (48222)
`ততোঽর্জুনঃ ক্ষুরপ্রাভ্যাং ভুজৌ পরিঘসন্নিভৌ।
চিচ্ছেদ পাণ়্ডবঃ শীঘ্রং জলেশ্বরসুতস্য বৈ॥ 7-92-53 (48223)
স জ্বলন্তী মহোল্কেব সমাসাদ্য জনার্দনম্'।
প্রত্যাগতা মহাবেগা কৃত্যেব দুরধিষ্ঠিতা॥ 7-92-54 (48224)
জঘান চাস্থিতং বীরং শ্রুতায়ুধমমর্ষণম্।
`স পপাত হতো ভূমৌ বিশিরা বিভুজো বলী।
সম্ভগ্ন ইব বাতেন বহুশাখো বনস্পতিঃ॥ 7-92-55 (48225)
সা বিস্ফুরন্তী জ্বলিতা বজ্রবেগসমা গদা'।
হৎবা শ্রুতায়ুধং বীরং ধরণীমন্বপদ্যত॥ 7-92-56 (48226)
গদাং নিবর্তিতাং দৃষ্ট্বা নিহতং চ শ্রুতায়ুধম্।
হাহাকারো মহাংস্তত্র সৈন্যানাং সমজায়ত।
স্বেনাস্ত্রেণ হতং দৃষ্ট্বা শ্রুতায়ুধমরিন্দমম্॥ 7-92-57 (48227)
অয়ুধ্যমানায় ততঃ কেশবায় নরাধিপ।
ক্ষিপ্তা শ্রুতায়ুধেনাথ তস্মাত্তমবধীদ্গদা॥ 7-92-58 (48228)
যথোক্তং বরুণেনাজৌ তথা স নিধনং গতঃ।
ব্যসুশ্চাপ্যপতদ্ভূমৌ প্রেক্ষতাং সর্বধন্বিনাম্॥ 7-92-59 (48229)
পতমানস্তু স বভৌ পর্ণাশায়াঃ প্রিয়ঃ সুতঃ।
সম্ভগ্ন ইব বাতেন বহুশাখো বনস্পতিঃ॥ 7-92-60 (48230)
ততঃ সর্বাণি সৈন্যানি সেনামুখ্যাশ্চ সর্বশঃ।
প্রাদ্রবন্ত হতং দৃষ্ট্বা শ্রুতায়ুধমরিন্দমম্॥ 7-92-61 (48231)
ততঃ কাম্ভোজরাজস্য পুত্রঃ শূরঃ সুদক্ষিণঃ।
অভ্যযাজ্জবনৈরশ্বৈঃ ফল্গুনং শত্রুসূদনম্॥ 7-92-62 (48232)
তস্য পার্থঃ শরান্সপ্ত প্রেষয়ামাস ভারত।
তে তং শূরং বিনির্ভিদ্য প্রাবিশন্ধরণীতলম্॥ 7-92-63 (48233)
সোঽতিবিদ্ধঃ শরৈস্তীক্ষ্ণৈর্গাণ্ডীবপ্রেষিতৈর্মৃধে।
অর্জুনং প্রতিবিব্যাধ দশভিঃ কঙ্কপত্রিভিঃ॥ 7-92-64 (48234)
বাসুদেবং ত্রিভির্বিদ্ধ্বা পুনঃ পার্থং চ পঞ্চভিঃ।
তস্য পার্থো ধনুশ্ছিত্ৎবা কেতুং চিচ্ছেদ মারিষ॥ 7-92-65 (48235)
ভল্লাভ্যাং ভৃশতীক্ষ্ণাভ্যাং তং চ বিব্যাধ পাণ্ডবঃ।
স তু পার্থং ত্রিভির্বিদ্ধ্বা সিংহনাদমথানদৎ॥ 7-92-66 (48236)
সর্বপারশবীং চৈব শক্তিং শূরঃ সুদক্ষিণঃ।
সঘণ্টাং প্রাহিণোদ্ধোরাং ক্রুদ্ধো গাণ্ডীবধন্বনে॥ 7-92-67 (48237)
সা জ্বলন্তী মহোল্কেব তমাসাদ্য মহারথম্।
সবিস্ফুলিঙ্গা নির্ভিদ্য নিপপাত মহীতলে॥ 7-92-68 (48238)
শক্যা ৎবভিহতো গাঢং মূর্চ্ছয়াঽভিপরিপ্লুতঃ।
সমাশ্বাস্য মহাতেজাঃ সৃক্বিণী পরিলেলিহন্॥ 7-92-69 (48239)
তং চতুর্দশভিঃ পার্থো নারাচৈঃ কঙ্কপত্রিভিঃ।
সাশ্বধ্বজধনুঃসূতং বিব্যাধাচিন্ত্যবিক্রমঃ॥ 7-92-70 (48240)
রথং চান্যৈঃ সুবহুভিশ্চক্রে বিশকলং শরৈঃ।
সুদক্ষিণং তং কাম্ভোজং মোঘসঙ্কল্পবিক্রমম্।
বিভেদ হৃদি বাণেন পৃথুধারেণ পাণ্ডবঃ॥ 7-92-71 (48241)
স ভিন্নবর্মা স্রস্তাঙ্গঃ প্রভ্রষ্টমুকুটাঙ্গদঃ।
পপাতাভিমুখঃ শূরো যন্ত্রমুক্ত ইব ধ্বজঃ॥ 7-92-72 (48242)
গিরেঃ শিখরজঃ শ্রীমান্সুশাখঃ সুপ্রতিষ্ঠিতঃ।
নির্ভগ্ন ইব বাতেন কর্ণিকারো হিমাত্যযে।
বিশীর্ণঃ পতিতো রাজা প্রসার্য বিপুলৌ ভুজৌ॥ 7-92-73 (48243)
শেতে স্ম নিহতো ভূমৌ কাম্ভোজাস্তরণোচিতঃ।
মহার্হাভরণোপেতঃ সানুমানিব পর্বতঃ॥ 7-92-74 (48244)
সুদর্শনীয়স্তাম্রাক্ষঃ কর্ণিনা স সুদক্ষিণঃ।
পুত্রঃ কাম্ভোজরাজস্য পার্থেন বিনিপাতিতঃ॥ 7-92-75 (48245)
ধারয়ন্নগ্নিসঙ্কাশাং শিরসা কাঞ্চনীং স্রজম্।
অশোভত মহাবাহুর্ব্যসুর্ভূমৌ নিপাতিতঃ॥ 7-92-76 (48246)
ততঃ সর্বাণি সৈন্যানি ব্যদ্রবন্ত সুতস্য তে।
হতং শ্রুতায়ুধং দৃষ্ট্বা কাম্ভোজং চ সুদক্ষিণম্॥ ॥ 7-92-77 (48247)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে দ্বিনবতিতমোঽধ্যায়ঃ॥ 92 ॥
Mahabharata - Drona Parva - Chapter Footnotes
5-92-15 তেষাং সংয়চ্ছতাং বিধারয়তাম্॥ 5-92-10 আচার্যকং শিক্ষাম্॥ 5-92-28 রথেষুভিঃ অদূরস্থায়িভির্বাণৈঃ॥ 5-92-54 কৃত্যা অভিচারদেবতা॥ 5-92-72 ধ্বজঃ শক্রধ্বজঃ॥ 5-92-92 দ্বিনবতিতমোঽধ্যায়ঃ॥দ্রোণপর্ব - অধ্যায় 093
॥ শ্রীঃ ॥
7.93. অধ্যায়ঃ 093
Mahabharata - Drona Parva - Chapter Topics
অর্জুনেন শ্রুতায়ুঃপ্রভৃতীনাং বধঃ॥ 1 ॥Mahabharata - Drona Parva - Chapter Text
7-93-0 (48248)
সঞ্জয় উবাচ। 7-93-0x (4499)
হতে সুদক্ষিণে রাজন্বীরে চৈব শ্রুতায়ুধে।
জবেনাভ্যদ্রবন্পার্থং কুপিতাঃ সৈনিকাস্তব॥ 7-93-1 (48249)
অভীষাহাঃ শূরসেনাঃ শিবয়োঽথ বসাতয়ঃ।
অভ্যবর্ষংস্ততো রাজঞ্শরবর্ষৈর্ধনঞ্জয়ম্॥ 7-93-2 (48250)
তেষাং ষষ্টিশতানন্যান্প্রামথ্নাৎপাণ্ডবঃ শরৈঃ।
তে স্ম ভীতাঃ পলায়ন্তে ব্যাঘ্রাৎক্ষুদ্রমৃগা ইব॥ 7-93-3 (48251)
তে নিবৃত্তাঃ পুনঃ পার্থং সর্বতঃ পর্যবারয়ন্।
রণে সপত্নান্নিঘ্নন্তং জিগীষন্তং পরান্যুধি॥ 7-93-4 (48252)
তেষামাপততাং তূর্ণং গাণ্ডীবপ্রেষিতৈঃ শরৈঃ।
শিরাংসি পাতয়ামাস বাহূংশ্চাপি ধনঞ্জয়ঃ॥ 7-93-5 (48253)
শিরোভিঃ পাতিতৈস্তত্র ভূমিরাসীন্নিরন্তরা।
অভ্রচ্ছায়েব চৈবাসীদ্ধ্বাঙ্ক্ষগৃধ্রবলৈর্যুধি॥ 7-93-6 (48254)
তেষু তূৎসাদ্যমানেষু ক্রোধামর্ষসমন্বিতৌ।
স্রুতায়ুশ্চাশ্রুতায়ুশ্চ ধনঞ্জয়ময়ুধ্যতাম্॥ 7-93-7 (48255)
বলিনৌ স্পর্ধিনৌ বীরৌ কুলজৌ বাহুশালিনৌ।
তাবেনং শরবর্ষাণি সব্যদক্ষিণমস্যতাম্॥ 7-93-8 (48256)
ৎবরায়ুক্তৌ মহরাজ প্রার্থয়ানৌ মহদ্যশঃ।
অর্জুনস্য বধপ্রেপ্সূ পুত্রার্থে তব ধন্বিনৌ॥ 7-93-9 (48257)
তাবর্জুনং সহস্রেণ পত্রিণাং নতপর্বণাম্।
পূরয়ামাসতুঃ ক্রুদ্ধৌ তটাকং জলদৌ যথা॥ 7-93-10 (48258)
শ্রুতায়ুশ্চ ততঃ ক্রুদ্ধস্তোমরেণ ধনঞ্জয়ম্।
আজঘান রথশ্রেষ্ঠঃ পীতেন নিশিতেন চ॥ 7-93-11 (48259)
সোঽতিবিদ্ধো বলবতা শত্রুণা শত্রুকর্শনঃ।
জগাম পরমং মোহং মোহয়ন্কেশবং রণে॥ 7-93-12 (48260)
এতস্মিন্নেব কালে তু সোঽশ্রুতায়ুর্মহারথঃ।
শূলেন ভৃশতীক্ষ্ণেন তাডয়ামাস পাণ্ডবম্॥ 7-93-13 (48261)
ক্ষতে ক্ষারং স হি দদৌ পাণ্ডবস্য মহাত্মনঃ।
পার্থোঽপি ভৃশসংবিদ্ধো ধ্বজয়ষ্টিং সমাশ্রিতঃ॥ 7-93-14 (48262)
ততঃ সর্বস্য সৈন্যস্য তাবকস্য বিশাম্পতে।
সিংহনাদো মহানাসীদ্ধতং মৎবা ধনঞ্জয়ম্॥ 7-93-15 (48263)
কৃষ্ণশ্চ ভৃশসন্তপ্তো দৃষ্ট্বা পার্থং বিচেতনম্।
আশ্বাসয়ৎসুহৃদ্যাভির্বাগ্ভিস্তত্র ধনঞ্জয়ম্॥ 7-93-16 (48264)
ততস্তৌ রথিনাং শ্রেষ্ঠৌ লব্ধলক্ষৌ ধনঞ্জয়ম্।
বাসুদেবং চ বার্ষ্ণেয়ং শরবর্ষৈঃ সমন্ততঃ॥ 7-93-17 (48265)
সচক্রকূবররথং সাশ্বধ্বজপতাকিনম্।
অদৃশ্যং চক্রতুর্যুদ্ধে তদদ্ভুতমিবাভবৎ॥ 7-93-18 (48266)
প্রত্যাশ্বস্তস্তু বীভৎসুঃ শনকৈরিব ভারত।
প্রেতরাজপুরং প্রাপ্য পুনঃ প্রত্যাগতো যথা॥ 7-93-19 (48267)
সঞ্ছন্নং শরজালেন রথং দৃষ্ট্বা সকেশবম্।
শত্রূ চাভিমুখৌ দৃষ্ট্বা দীপ্যমানাবিবানলৌ॥ 7-93-20 (48268)
প্রাদুশ্চক্রে ততঃ পার্থঃ শাক্রমস্ত্রং মহারথঃ।
তস্মাদাসন্সহস্রাণি শরাণাং নতপর্বণাম্॥ 7-93-21 (48269)
তে জঘ্নুস্তৌ মহেষ্বাসৌ তাভ্যাং মুক্তাংশ্চ সায়কান্।
বিচেরুরাকাশগতাঃ পার্থচাপবিনিঃসৃতাঃ॥ 7-93-22 (48270)
প্রতিহত্য সরাংস্তূর্ণং শরবেগেন পাণ্ডবঃ।
প্রতস্থে তত্রতত্রৈব যোধয়ন্বৈ মহারথান্॥ 7-93-23 (48271)
তৌ চ ফল্গুনবাণৌঘৈর্বিবাহুশিরসৌ কৃতৌ।
বসুধামন্বপদ্যেতাং বাতনুন্নাবিব দ্রুমৌ॥ 7-93-24 (48272)
শ্রুতায়ুষশ্চ নিধনং বধশ্চেবাশ্রুতায়ুষঃ।
লোকবিস্মাপনমভূৎসমুদ্রস্যেব শোষণম্॥ 7-93-25 (48273)
তয়োঃ পদানুগান্হৎবা পুনঃ পঞ্চশতং রথান্।
প্রত্যগাদ্ভারতীং সেনাং নিঘ্নন্পার্থো বরান্বরান্॥ 7-93-26 (48274)
শ্রুতায়ুষং চ নিহতং প্রেক্ষ্য চৈবাশ্রুতায়ুষম্।
নিয়তায়ুশ্চ সঙ্ক্রুদ্ধো দীর্ঘায়ুশ্চৈব ভারত॥ 7-93-27 (48275)
পুত্রৌ তয়োর্নরশ্রেষ্ঠৌ কৌন্তেয়ং প্রতি জগ্মতুঃ।
কিরন্তৌ বিবিধান্বাণান্পিতৃব্যসনকর্শিতৌ॥ 7-93-28 (48276)
তাবর্জুনো মুহূর্তেন শরৈঃ সন্নতপর্বভিঃ।
প্রৈষয়ৎপরমক্রুদ্ধো যমস্য সদনং প্রতি॥ 7-93-29 (48277)
লোডয়ন্তমনীকানি দ্বিপং পদ্মসরো যথা।
নাশক্নুবন্বারয়িতুং পার্থং ক্ষত্রিয়পুঙ্গবাঃ॥ 7-93-30 (48278)
অঙ্গাস্তু গজসঙ্ঘৈশ্চ পাণ্ডবং পর্যবারয়ন্।
ক্রুদ্ধাঃ সহস্রশো রাজঞ্শিক্ষিতা হস্তিসাদিনঃ॥ 7-93-31 (48279)
দুর্যোধনসমাদিষ্টাঃ কুঞ্জরৈঃ পর্বতোপমৈঃ।
প্রাচ্যাশ্চ দাক্ষিণাত্যাশ্চ কলিঙ্গপ্রমুখা নৃপাঃ॥ 7-93-32 (48280)
তেষামাপততাং শীঘ্রং গাণ্ডীবপ্রেষিতৈঃ শরৈঃ।
নিচকর্ত শিরাংস্যুগ্রো বাহূনপি সুভূষণান্॥ 7-93-33 (48281)
তৈঃ শিরোভির্মহী কীর্ণা বাহুভিশ্চ সহাঙ্গদৈঃ।
বভৌ কনকপাষাণা ভুজগৈরিব সংবৃতা॥ 7-93-34 (48282)
বাহবো বিশিখৈশ্ছিন্নাঃ শিরাংস্যুন্মথিতানি চ।
পতমানান্যদৃশ্যন্ত দ্রুমেভ্য ইব পক্ষিণঃ॥ 7-93-35 (48283)
শরৈঃ সহস্রশো বিদ্ধা দ্বিপাঃ প্রসৃতশোণিতাঃ।
অদৃশ্যন্তাদ্রয়ঃ কালে গৈরিকাম্বুস্রবা ইব॥ 7-93-36 (48284)
নিহতাঃ শেরতে স্মান্যে বীভৎসোর্নিশিতৈঃ শরৈঃ।
গজপৃষ্ঠগতা ম্লেচ্ছা নানাবিকৃতদর্শনাঃ॥ 7-93-37 (48285)
নানাবেষধরা রাজন্নানাশস্ত্রৌঘসংবৃতাঃ।
রুধিরেণানুলিপ্তাঙ্গা ভান্তি চিত্রৈঃ শরৈর্হতাঃ॥ 7-93-38 (48286)
শোণিতং নির্বমন্তি স্ম দ্বিপাঃ পার্থশরাহতাঃ।
সহস্রশশ্ছিন্নগাত্রাঃ সারোহাঃ সপদানুগাঃ॥ 7-93-39 (48287)
চুক্রুশুশ্চ নিপেতুশ্চ বভ্রমুশ্চাপরে দিশঃ।
ভৃশং ত্রস্তাশ্চ বহবঃ স্বানেব মমৃদুর্গজাঃ॥ 7-93-40 (48288)
সোত্তরায়ুধিনশ্চৈব দ্বিপাস্তীক্ষ্ণবিষোপমাঃ।
বিদন্ত্যসুরমায়াং যে সুঘোরা ঘোরচক্ষুষঃ॥ 7-93-41 (48289)
যবনাঃ পারদাশ্চৈব শকাশ্চ সহ বাহ্লিকৈঃ।
কাকবর্ণা দুরাচারাঃ স্ত্রীলোলাঃ কলহপ্রিয়াঃ॥ 7-93-42 (48290)
দ্রাবিডাস্তত্র যুধ্যন্তে মত্তমাতঙ্গবিক্রমাঃ।
গোয়োনিপ্রভবা ম্লেচ্ছাঃ কালকল্পাঃ প্রহারিণঃ॥ 7-93-43 (48291)
দার্বাতিসারা দরদাঃ পুণ্ড্রাশ্চৈব সহস্রশঃ।
তে ন শক্যাঃ স্ম সঙ্খ্যাতুং ব্রাতাঃ শতসহস্রশঃ॥ 7-93-44 (48292)
অভ্যবর্ষন্ত তে সর্বে পাণ্ডবং নিশিতৈঃ শরৈঃ।
অবাকিরংশ্চ তে ম্লেচ্ছা নানায়ুদ্ধবিশারদাঃ॥ 7-93-45 (48293)
তেষামপি সসর্জাশু শরবৃষ্টিং ধনঞ্জয়ঃ।
সৃষ্টিস্তথাবিধা হ্যাসীচ্ছলভানামিবায়তিঃ॥ 7-93-46 (48294)
অভ্রচ্ছায়ামিব শরৈঃ সৈন্যে কৃৎবা ধনঞ্জয়ঃ।
মুণ্ডার্ধমুণ্ডাঞ্জটিলানশুচীঞ্জটিলাননান্।
ম্লেচ্ছানশাতয়ৎসর্বান্সমেতানস্ত্রতেজসা॥ 7-93-47 (48295)
শরৈশ্চ শতশো বিদ্ধাস্তে সঙ্ঘা গিরিচারিণঃ।
প্রাদ্রবন্ত রণে ভীতা গিরিগহ্বরবাসিনঃ॥ 7-93-48 (48296)
গজাশ্বসাদিম্লেচ্ছানাং পতিতানাং শিতৈঃ শরৈঃ।
বকাঃ কঙ্কা বৃকা ভূমাবপিবন্রুধিরং মুদা॥ 7-93-49 (48297)
পত্ত্যশ্বরথনাগৈশ্চ প্রচ্ছন্নকৃতসঙ্ক্রমাম্।
শরবর্ষপ্লবাং ঘোরাং কেশশৈবলশাদ্বলাম্।
প্রাবর্তয়ন্নদীমুগ্রাং শোণিতৌঘতরঙ্গিণীম্॥ 7-93-50 (48298)
ছিন্নাঙ্গুলীক্ষুদ্রমৎস্যাং যুগান্তে কালসন্নিভাম্।
প্রাকরোদ্গজসম্বাধাং নদীমুত্তরশোণিতাম্॥ 7-93-51 (48299)
দেহেভ্যো রাজপুত্রাণাং নাগাশ্বরথসাদিনাম্।
যথা স্থলং চ নিম্নং চ ন স্যাদ্বর্ষতি বাসবে।
তথাঽঽসীৎপৃথিবী সর্বা শোণিতেন পরিপ্লুতা॥ 7-93-52 (48300)
ষট্সহস্রান্হয়ান্বীরান্পুনর্দশশতান্বরান্।
প্রাহিণোন্মৃত্যুলোকায় ক্ষত্রিয়ান্ক্ষত্রিয়র্ষভঃ॥ 7-93-53 (48301)
শরৈঃ সহস্রশো বিদ্ধা বিধিবৎকল্পিতা দ্বিপাঃ।
শেরতে ভূমিমাসাদ্য শৈলা বজ্রহতা ইব॥ 7-93-54 (48302)
স বাজিরথমাতঙ্গান্নিঘ্নন্ব্যচরদর্জুনঃ।
প্রভিন্ন ইব মাতঙ্গো মৃদ্গন্নলবনং যথা॥ 7-93-55 (48303)
ভুরিদ্রুমলতাগুল্মং শুষ্কেন্ধনতৃণোলপম্।
নির্দহেদনলোঽরণ্যং যথা বায়ুসমীরিতঃ॥ 7-93-56 (48304)
সেনারণ্যং তব তথা কৃষ্ণানিলসমীরিতঃ।
শরার্চিরদহৎক্রুদ্ধঃ পাণ্ডবোঽগ্নির্ধনঞ্জয়ঃ॥ 7-93-57 (48305)
শূন্যান্কুর্বন্রথোপস্থান্মানবৈঃ সংস্তরন্মহীম্।
প্রানৃত্যদিব সম্বাধে চাপহস্তো ধনঞ্জয়ঃ।
বজ্রকল্পৈঃ শরৈর্ভূমিং কুর্বন্নুত্তরশোণিতাম্॥ 7-93-58 (48306)
`ততঃ প্রাবর্তত নদী শোণিতৌঘতরঙ্গিণী।
নরাশ্বদ্বিপকায়েভ্যঃ পর্বতেভ্য ইবাপগা॥ 7-93-59 (48307)
অস্থিশর্করসম্বাধা ধ্বজবৃক্ষা রথহদা।
সঞ্ছিন্নশীর্ষপাণাণা হস্তিহস্তমহাগ্রহা॥ 7-93-60 (48308)
মাংসমজ্জাস্থিপঙ্কাঢ্যাং হতাশ্বমকরাকুলা।
উষ্ণীষফেনসঞ্ছন্না শরঘোরঝষাকুলা॥ 7-93-61 (48309)
রুদ্রস্যাক্রীডসদৃশীং ভূমিং কুর্বন্বিভীষণাম্'।
প্রাবিশদ্ভারতীং সেনাং সঙ্ক্রুদ্ধো বৈ ধনঞ্জয়ঃ॥ 7-93-62 (48310)
তং শ্রুতায়ুস্তথাম্বষ্ঠো ব্রজমানং ন্যবারয়ৎ॥ 7-93-63 (48311)
তস্যার্জুনঃ শরৈস্তীক্ষ্ণৈঃ কঙ্কপত্রপরিচ্ছদৈঃ।
ন্যপাতয়দ্ধয়াঞ্শীঘ্রং যতমানস্য মারিষ।
ধনুশ্চাস্যাপরৈশ্ছিত্ৎবা শরৈঃ পার্থো বিচক্রমে॥ 7-93-64 (48312)
অম্বষ্ঠস্তু গদাং গৃহ্য ক্রোধপর্যাকুলেক্ষণঃ।
আসসাদ রণে পার্থং কেশবং চ মহারথম্॥ 7-93-65 (48313)
ততঃ সম্প্রহরন্বীরো গদামুদ্যম্য ভারত।
রথমাবার্য গদয়া কেশবং সমতাডয়ৎ॥ 7-93-66 (48314)
গদয়া তাডিতং দৃষ্ট্বা কেশবং পরবীরহা।
অর্জুনোঽথ ভৃশং ক্রুদ্ধঃ সোঽম্বষ্ঠং প্রতি ভারত॥ 7-93-67 (48315)
ততঃ শরৈর্হেমপুঙ্খৈঃ সগদং রথিনাং বরম্।
ছাদয়ামাস সমরে মেঘঃ সূর্যমিবোদিতম্॥ 7-93-68 (48316)
অথাপরৈঃ শরৈশ্চাপি গদাং তস্য মহাত্মনঃ।
অচূর্ণয়ত্তদা পার্থস্তিদদ্ভুতমিবাভবৎ॥ 7-93-69 (48317)
অথ তাং পতিতাং দৃষ্ট্বা গৃহ্যান্যাং চ মহাগদাম্।
অর্জুনং বাসুদেবং চ পুনঃ পুনরতাডয়ৎ॥ 7-93-70 (48318)
তস্যার্জুনঃ ক্ষুরপ্রাভ্যাং সগদাবুদ্যতৌ ভুজৌ।
চিচ্ছেদেন্দ্রধ্বজাকারৌ শিরশ্চান্যেন পত্রিণা॥ 7-93-71 (48319)
স পপাত হতো রাজন্বসুধামনুনাদয়ন্।
ইন্দ্রধ্বজ ইবোৎসৃষ্টো যন্ত্রনির্মুক্তবন্ধনঃ॥ 7-93-72 (48320)
অম্বষ্ঠে তু তদা ভগ্নে তব সৈন্যমভজ্যত॥ 7-93-73 (48321)
রথানীকাবগাঢশ্চ বারণাশ্বশতৈর্বৃতঃ।
অদৃশ্যত পদা পার্থো ঘনৈঃ সূর্য ইবাবৃতঃ॥ 7-93-74 (48322)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্ধশদিবসয়ুদ্ধে ত্রিনবতিতমোঽধ্যায়ঃ॥ 93 ॥
Mahabharata - Drona Parva - Chapter Footnotes
5-93-43 গোয়োনিপ্রভবা নন্দিন্যাং জাতাঃ॥ 5-93-46 সৃষ্টিঃ সংসৃষ্টিঃ॥ 5-93-47 জটিলাননান্ জটিলানি রূঢশ্মশ্রূণ্যাননানি যেষাম্॥ 5-93-50 প্রচ্ছন্নেন প্রচ্ছাদনেন কৃতো রচিতঃ সঙ্কমো যস্যাম্॥ 5-93-51 উত্তরশোণিত্তাং শোণিতপ্রধানাম্॥ 5-93-53 হয়ান্ অশ্বারোহান্॥ 5-93-93 ত্রিনবতিতমোঽধ্যায়ঃ॥দ্রোণপর্ব - অধ্যায় 094
॥ শ্রীঃ ॥
7.94. অধ্যায়ঃ 094
Mahabharata - Drona Parva - Chapter Topics
অর্জুনাদ্ভীতেন দুর্যোধনেন দ্রোণমেত্য তদুপালম্ভপূর্বকং জয়দ্রথম্প্রতি শোচনম্॥ 1 ॥ দ্রোণেন দুর্যোধনস্য মন্ত্রোচ্চারণপূর্বকং কবচমাবধ্যার্জুনেন সহ যুদ্ধায় প্রেষণম্॥ 2 ॥Mahabharata - Drona Parva - Chapter Text
7-94-0 (48323)
সঞ্জয় উবাচ। 7-94-0x (4500)
ততঃ প্রবিষ্টে কৌন্তেয়ে সিন্ধুরাজজিঘাংসয়া।
দ্রোণানীকং বিনির্ভিদ্য ভোজানীকং চ দুস্তরম্॥ 7-94-1 (48324)
কাম্ভোজস্য চ দায়াদে হতে রাজন্সুদক্ষিণে।
শ্রুতায়ুষি চ বিক্রান্তে নিহতে সব্যসাচিনা॥ 7-94-2 (48325)
বিপ্রদ্রুতেষ্বনীকেষু বিধ্বস্তেষু সমন্ততঃ।
প্রভগ্নং স্ববলং দৃষ্ট্বা পুত্রস্তে দ্রোণমভ্যযাৎ॥ 7-94-3 (48326)
ৎবরন্নেকরথেনৈব সমেত্য দ্রোণমব্রবীৎ।
গতঃ স পুরুষব্যাঘ্রঃ প্রমথ্যৈতাং মহাচমূম্॥ 7-94-4 (48327)
অথ বুদ্ধ্যা সমীক্ষস্ব কিন্নু কার্যমনন্তরম্।
অর্জুনস্য বিঘাতায় দারুণেঽস্মিঞ্জনক্ষয়ে॥ 7-94-5 (48328)
যথা স পুরুষব্যাঘ্রো ন হন্যেত জয়দ্রথঃ।
তথা বিধৎস্ব ভদ্রং তে ৎবং হি নঃ পরমা গতিঃ॥ 7-94-6 (48329)
অসৌ ধনঞ্জয়াগ্নির্হি কোপমারুতচোদিতঃ।
সেনাকক্ষং দহতি মে বহ্নিঃ কক্ষমিবোত্থিতঃ॥ 7-94-7 (48330)
অতিক্রান্তে হি কৌন্তেয়ে ভিত্ৎবা সৈন্যং পরন্তপ।
জয়দ্রথস্য গোপ্তারঃ সংশয়ং পরমং গতাঃ॥ 7-94-8 (48331)
স্থিরা বুদ্ধির্নরেন্দ্রাণমাসীদ্ব্রহ্মবিদাং বর।
নাতিক্রমিষ্যতি দ্রোণং জাতু জীবন্ধনঞ্জয়ঃ॥ 7-94-9 (48332)
যোঽসৌ পাথো ব্যতিক্রান্তো মিষতস্তে মহাদ্যুতে।
সর্বং হ্যদ্যাতুরং মন্যে নেদমস্তি বলং মম॥ 7-94-10 (48333)
জানামি ৎবাং মহাভাগ পাণ্ডবানাং হিতে রতম্।
ততো মুহ্যামি চ ব্রহ্মন্কার্যবত্তাং বিচিন্তয়ন্॥ 7-94-11 (48334)
যথাশক্তি চ তে ব্রহ্মন্বর্ধয়ন্বৃত্তিমুত্তমাম্।
প্রীণামি চ যথাশক্তি তচ্চ ৎবং নাববুধ্যসে॥ 7-94-12 (48335)
অস্মান্ন ৎবং সদা ভক্তানিচ্ছস্যমিতবিক্রম।
পাণ্ডবান্সততং প্রীণাস্যাস্মাকং বিপ্রিয়ে রতান্॥ 7-94-13 (48336)
অস্মানেবোপজীবংস্ৎবমস্মাকং বিপ্রিয়ে রতঃ।
ন হ্যহং ৎবাং বিজানামি মধুদিগ্ধমিব ক্ষুরম্॥ 7-94-14 (48337)
`নহ্যহং ৎবাং বিজানামি সর্বং মণ্ডূকরাবিণম্'।
নাদাস্যচ্চেদ্বরং মহ্যং ভবান্পাণ্ডবনিগ্রহে।
নাবারয়িষ্যং গচ্ছন্তমহং সিন্ধুপতিং গৃহান্॥ 7-94-15 (48338)
ময়া ৎবাশংসমানেন ৎবত্তস্ত্রাণমবুদ্ধিনা।
আশ্বাসিতঃ সিন্ধুপতির্মোহাদ্দত্তশ্চ মৃত্যবে॥ 7-94-16 (48339)
যমদংষ্ট্রান্তরং প্রাপ্তো মুচ্যেতাপি হি মানবঃ।
নার্জুনস্য বশং প্রাপ্তো মুচ্যেতাজৌ জয়দ্রথঃ॥ 7-94-17 (48340)
স তথা কুরু শোণশ্ব যথা মুচ্যেত সৈন্ধবঃ।
মম চার্তপ্রলাপানাং মাক্রুধঃ পাহি সৈন্ধবম্॥ 7-94-18 (48341)
দ্রোণ উবাচ। 7-94-19x (4501)
নাভ্যসূয়ামি তে বাক্যমশ্বত্থাম্নাঽসি মে সমঃ।
সত্যং তু তে প্রবক্ষ্যামি তজ্জুষস্ব বিশাম্পতে॥ 7-94-19 (48342)
সারথিঃ প্রবরঃ কৃষ্ণঃ শীঘ্রাশ্চাস্য হয়োত্তমাঃ।
অল্পং চ বিবরং কৃৎবা পূর্ণং যাতি ধনঞ্জয়ঃ॥ 7-94-20 (48343)
কিং ন পশ্যসি বাণৌঘান্ক্রোশমাত্রে কিরীটিনঃ।
পশ্চাদ্রথস্য পতিতান্ক্ষিপ্তাঞ্শীঘ্রং হি গচ্ছতঃ॥ 7-94-21 (48344)
ন তাবং শীঘ্রয়ানেঽদ্য সমর্থো বয়সান্বিতঃ।
সেনামুখে চ পার্থানামেতদ্বলমুপস্থিতম্॥ 7-94-22 (48345)
যুধিষ্ঠিরশ্চ মে গ্রাহ্যো মিষতাং সর্বধন্বিনাম্।
এবং ময়া প্রতিজ্ঞাতং ক্ষত্রমধ্যে মহাভুজ॥ 7-94-23 (48346)
ধনঞ্জয়েন চোৎসৃষ্টো বর্ততে প্রমুখে নৃপ।
তস্মাদ্ব্যূহমুখং হিৎবা নাহং যাস্যামি ফল্গুনম্॥ 7-94-24 (48347)
তুল্যাভিজনকর্মাণং শত্রুমেকং সহায়বান্।
গৎবা যোধয় মা ভৈস্ৎবং ৎবং হ্যস্য জগতঃ পতিঃ॥ 7-94-25 (48348)
রাজা শূরঃ কৃতী দক্ষো বৈরমুৎপাদ্য পাণ্ডবৈঃ।
বীরঃ স্বয়ং প্রয়াহ্যাশু যত্র পার্থো ধনঞ্জয়ঃ॥ 7-94-26 (48349)
দুর্যোধন উবাচ। 7-94-27x (4502)
কথং ৎবামপ্যতিক্রান্তঃ সর্বশস্ত্রভৃতাং বরম্।
ধনঞ্জয়ো ময়া শক্য আচার্য প্রতিবাধিতুম্॥ 7-94-27 (48350)
অপি শক্যো রণে জেতুং বজ্রহস্তঃ পুরন্দরঃ।
নার্জুনঃ সমরে শক্যো জেতুং পরপুরঞ্জয়ঃ॥ 7-94-28 (48351)
যেন ভোজশ্চ হার্দিক্যো ভবাংশ্চ ত্রিদশোপমঃ।
অস্ত্রপ্রতাপেন জিতৌ শ্রুতায়ুশ্চ নিবর্হিতঃ॥ 7-94-29 (48352)
সুদক্ষিণশ্চ নিহতঃ স চ রাজা শ্রুতায়ুধঃ।
শ্রুতায়ুশ্চাশ্রুতায়ুশ্চ ভ্লেচ্ছাশ্চায়ুতশো হতাঃ॥ 7-94-30 (48353)
তং কথং পাণ্ডবং যুদ্ধে দহন্তমিব পাবকম্।
প্রতিয়োৎস্যামি দুর্ধর্ষং তন্মমাচক্ষ্ব সত্তম্। 7-94-31 (48354)
ক্ষমং চেন্মন্যসে যুদ্ধং মম তেনাদ্য শাধি মাম্।
পরবানস্মি ভবতঃ প্রেষ্যবদ্রক্ষ মে যশঃ॥ 7-94-32 (48355)
দ্রোণ উবাচ। 7-94-33x (4503)
সত্যং বদসি কৌরব্য দুরাধর্ষো ধনঞ্জয়ঃ।
অহং তু তৎকরিষ্যামি যথৈনং প্রসহিষ্যসি॥ 7-94-33 (48356)
অদ্ভুতং চাদ্য পশ্যন্তু লোকে সর্বধনুর্ধরাঃ।
বিষক্তং ৎবয়ি কৌন্তেয়ং বাসুদেবস্য পশ্যতঃ॥ 7-94-34 (48357)
এষ তে কবচং রাজংস্তথা বধ্নামি কাঞ্চনম্।
যথা ন বাণা নাস্ত্রাণি প্রহরিষ্যন্তি তে রণে॥ 7-94-35 (48358)
যদি ৎবাং সাসুরসুরাঃ সয়ক্ষোরগরাক্ষসাঃ।
যোধয়ন্তি ত্রয়ো লোকাঃ সনরা নাস্তি তে ভয়ম্॥ 7-94-36 (48359)
ন কৃষ্ণো ন চ কৌন্তেয়ো ন চান্যঃ শস্ত্রভৃদ্রণে।
শরানর্পয়িতুং কশ্চিৎকবচে তব শক্ষ্যতি॥ 7-94-37 (48360)
স ৎবং কবচমাস্থায় ক্রুদ্ধমদ্য রণেঽর্জুনম্।
ৎবরমাণঃ স্বয়ং যাহি ন ৎবাঽসৌ বিষহিষ্যতি॥ 7-94-38 (48361)
সঞ্জয় উবাচ। 7-94-39x (4504)
এবমুক্ৎবা ৎবরন্দ্রোণঃ স্পৃষ্ট্বাম্ভো বর্ম ভাস্বরম্।
আববন্ধাদ্ভুততমং জপন্মন্ত্রং যথাবিধি॥ 7-94-39 (48362)
রণে তস্মিন্সুমহতি বিজয়স্য সুতস্য তে।
বিসিষ্মাপয়িষুর্লোকান্বিদ্যযা ব্রহ্মবিত্তমঃ॥ 7-94-40 (48363)
দ্রোণ উবাচ। 7-94-41x (4505)
করোতু স্বস্তি তে ব্রহ্মা স্বস্তি কুর্বন্তু ব্রাহ্মণাঃ।
সরীসৃপাশ্চ যে শ্রেষ্ঠাস্তেভ্যস্তে স্বস্তি ভারত॥ 7-94-41 (48364)
যয়াতির্নহুষশ্চৈব ধুন্ধুমারো ভগীরথঃ।
তুভ্যং রাজর্ষয়ঃ সর্বে স্বস্তি কুর্বন্তু তে সদা॥ 7-94-42 (48365)
স্বস্তি তেঽস্ৎবেকপাদেভ্যো বহুপাদেভ্য এব চ।
স্বস্ত্যস্ৎবপাদকেভ্যশ্চ নিত্যং তব মহারণে॥ 7-94-43 (48366)
স্বাহা স্বধা শচী চৈব স্বস্তি কুর্বন্তু তে সদা।
লক্ষ্মীররুন্ধতী চৈব কুরুতাং স্বস্তি তেঽনঘ॥ 7-94-44 (48367)
অমিতো দেবলশ্চৈব বিশ্বামিত্রস্তথাঙ্গিরাঃ।
বসিষ্ঠঃ কশ্যপশ্চৈব স্বস্তি কুর্বন্তু তে নৃপ॥ 7-94-45 (48368)
ধাতা বিধাতা লোকেশো দিশশ্চ সদিগীশ্বরাঃ।
স্বস্তি তেঽদ্য প্রয়চ্ছন্তু কার্তিকেয়শ্চ ষণ্মুখঃ॥ 7-94-46 (48369)
`যেন দেবাঃ সকৃদ্ভগ্নাঃ সঙ্গ্রমে তারকাময়ে।
ধৃতাঃ স চ হতঃ শূরো হ্যবধ্যো দেবতাগণৈঃ॥ 7-94-47 (48370)
বিবস্বান্কুরুতাং স্বস্তি তথা বৈবস্বতো যমঃ।
পার্ষিদা বশগা যস্য স্বস্তি তুভ্যং প্রয়চ্ছতু'॥ 7-94-48 (48371)
দিগ্গজাশ্চৈব চৎবারঃ ক্ষিতিশ্চ গগনং গ্রহাঃ।
`দিশশ্চ বিদিশশ্চৈব সিদ্ধা লোকহিতে রতাঃ।
স্বস্তি কুর্বন্তু তে নিত্যং মন্ত্রেণানেন রস্তুতাঃ'॥ 7-94-49 (48372)
অধস্তাদ্ধরণীং যোঽসৌ সদা ধারয়তে নৃপ।
শেষশ্চ পন্নগশ্রেষ্ঠঃ স্বস্তি তুভ্যং প্রয়চ্ছতু॥ 7-94-50 (48373)
গান্ধারে যুধি বিক্রম্য নির্জিতে পাকশাসনেঃ।
পুরা বৃত্রেণ দৈত্যেন ভিন্নদেহাঃ সহস্রশঃ॥ 7-94-51 (48374)
হৃততেজোবলাঃ স্রবে তদা সেন্দ্রা দিবৌকসঃ।
ব্রহ্মাণং শরণং জগ্মুর্বৃত্রাদ্ভীতাং মহাসুরাৎ॥ 7-94-52 (48375)
দেবা ঊচুঃ। 7-94-53x (4506)
প্রমার্দিতানাং বৃত্রেণ দেবানাং দেবসত্তম।
গতির্ভব সুরশ্রেষ্ঠ ত্রাহি নো মহতো ভয়াৎ॥ 7-94-53 (48376)
অথ পার্শ্বে স্থিতং বিষ্ণুং শক্রাদীংশ্চ সুরোত্তমান্।
প্রাহ পথ্যমিদং বাক্যং বিষণ্ণান্সুরসত্তমান্॥ 7-94-54 (48377)
রক্ষ্যা মে সততং দেবাঃ সহেন্দ্রাঃ সদ্বিজাতয়ঃ।
ৎবষ্টুঃ সুদুর্ধরং তেজো যেন বৃত্রো বিনির্মিতঃ॥ 7-94-55 (48378)
ৎবষ্ট্রা পুরা তপস্তপ্ৎবা বর্ষায়ুতশতং তদা।
বৃত্রো বিনির্মিতো দেবাঃ প্রাপ্যানুজ্ঞাং মহেশ্বরাৎ॥ 7-94-56 (48379)
শংকরস্য প্রসাদাদ্বৈ হন্যাদ্দেবরিপুর্বলী।
নাগৎবা শংকরস্থানং ভগবান্দৃশ্যতে হরঃ॥ 7-94-57 (48380)
দৃষ্ট্বা জেষ্যথ বৃত্রং তং ক্ষিপ্রং গচ্ছত মন্দরম্।
যত্রাস্তে তপসাং যোনির্দক্ষয়জ্ঞবিনাশনঃ॥ 7-94-58 (48381)
পিনাকী সর্বভূতেশো ভগনেত্রনিপাতনঃ।
তে গৎবা সহিতা দেবা ব্রহ্মণা সহ মন্দরম্॥ 7-94-59 (48382)
অপশ্যংস্তেজসাং রাশিং সূর্যকোটিসমপ্রভম্।
সোঽব্রবীৎস্বাগতং দেবা ব্রূত কিং করবাণ্যহম্॥ 7-94-60 (48383)
অমোঘং দর্শনং মহ্যং কামপ্রাপ্তিরতোঽস্তু বঃ।
এবমুক্তাস্তু তে সর্বে প্রত্যুচূস্তং দিবৌকসঃ॥ 7-94-61 (48384)
হৃতৌজসাং নো বৃত্রেণ গতির্ভব দিবৌকসাম্।
মূর্তীরীক্ষস্ব নো দেব প্রহারৈর্জর্জরীকৃতাঃ।
শরণং ৎবাং প্রপন্নাঃ স্ম গতির্ভব মহেশ্বর॥ 7-94-62 (48385)
শর্বে উবাচ।
বিদিতং বো যথা দেবাঃ কৃত্যেয়ং সুমহাবলা। 7-94-63 (48386)
ৎবষ্টুস্তেজোভবা ঘোরা দুর্নিবার্যাঽকৃতাত্মভিঃ॥
অবশ্যং তু ময়া কার্যং সাহ্যং সর্বদিবৌকসাম্। 7-94-64 (48387)
মমেদং গাত্রজং শক্র কবচং গৃহ্য ভাস্বরম্॥
বধানানেন মন্ত্রেণ মানসেন সুরেশ্বর। 7-94-65 (48388)
বধায়াসুরমুখ্যস্য বৃত্রস্য সুরঘাতিনঃ॥ 7-94-66 (48389)
দ্রোণ উবাচ। 7-94-66x (4507)
ইত্যুক্ৎবা বরদঃ প্রাদাদ্বর্ম তন্মন্ত্রমেব চ।
স তেন বর্মণা গুপ্তঃ প্রায়াদ্বৃত্রচমূং প্রতি॥ 7-94-66 (48390)
নানাবিধৈশ্চ শস্ত্রৌঘৈঃ পাত্যমানৈর্মহারণে।
ন সন্ধিঃ শক্যতে ভেত্তুং বর্মবন্ধস্য তস্য তু॥ 7-94-67 (48391)
স তেন বর্মণা গুপ্তো বৃত্রং দেবরিপুং তদা।
জঘান সমরেঽভীতঃ শক্রো দেবাগ্রণীস্তদা॥ 7-94-68 (48392)
তং চ মন্ত্রময়ং বন্ধং বর্ম চাঙ্গিরসে দদৌ।
অঙ্গিরাঃ প্রাহ পুত্রস্য মন্ত্রজ্ঞস্য বৃহস্পতেঃ।
বৃহস্পতিরথোবাচ অগ্নিবেশ্যায় ধীমতে॥ 7-94-69 (48393)
অগ্নিবেশ্যো মম প্রাদাত্তেন বধ্নামি বর্ম তে।
তবাহ্য দেহরক্ষার্থং মন্ত্রেণ নৃপসত্তম॥ 7-94-70 (48394)
সঞ্জয় উবাচ। 7-94-71x (4508)
এবমুক্ৎবা ততো দ্রোণস্তব পুত্রং মহাদ্যুতিম্।
পুনরে বচঃ প্রাহ শনৈরাচার্যপুঙ্গবঃ॥ 7-94-71 (48395)
ব্রহ্মসূত্রেণ বধ্নামি কথচং তব ভারত।
হিরণ্যগর্ভেণ যথা বদ্ধং বিষ্ণোঃ পুরা রণে॥ 7-94-72 (48396)
যথা চ ব্রহ্মণা বদ্ধং সঙ্গ্রামে তারকাময়ে।
শক্রস্য কবচং দিব্যং তথা বধ্নাম্যহং তব॥ 7-94-73 (48397)
সঞ্জয় উবাচ। 7-94-74x (4509)
বদ্ধা তু কবচং তস্য মন্ত্রেণ বিধিপূর্বকম্।
প্রেষয়ামাস রাজানং যুদ্ধায় মহতে দ্বিজঃ॥ 7-94-74 (48398)
স সন্নদ্ধো মহাবাহুরাচার্যেণ মহাত্মনা।
`প্রস্থিতঃ সহসা রাজন্যত্র যাতো ধনঞ্জয়ঃ'॥ 7-94-75 (48399)
রথানাং চ সহস্রেণ ত্রিগর্তানাং প্রহারিণাম্।
তথা দন্তিসহস্রেণ মত্তানাং বীর্যশালিনাম্॥ 7-94-76 (48400)
অশ্বানাং নিয়ুতেনৈব তথাঽন্যৈশ্চ মহারথৈঃ।
বৃতঃ প্রায়ান্মহাবাহুরর্জুনস্য রথং প্রতি॥ 7-94-77 (48401)
নানাবাদিত্রঘোষেণ যথা বৈরোচনিস্তথা॥ 7-94-78 (48402)
ততঃ শব্দো মহানাসীৎসৈন্যানাং তব ভারত।
অগাধং প্রস্থিতং দৃষ্ট্বা সমুদ্রমিব কৌরবম্॥ ॥ 7-94-79 (48403)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে চতুর্নবতিতমোঽধ্যায়ঃ॥ 94 ॥
Mahabharata - Drona Parva - Chapter Footnotes
5-94-10 আতুরমনবস্পিতম্॥ 5-94-12 নাববুধ্যসে ন স্মরসি॥ 5-94-13 নেচ্ছসি নানুরুধ্যতে॥ 5-94-14 বচসা ললিতং সদা। হৃদয়েন ভৃশং তীক্ষ্ণং ইতি ক. পাঠঃ॥ 5-94-35 তে ৎবাম্॥ 5-94-49 চৎবার ঐরাবতবামনাঞ্জনসার্বভৌমাঃ॥ 5-94-56 অনুজ্ঞাং বরম্॥ 5-94-57 হন্যাদ্ধন্তুমর্হতি॥ 5-94-65 মানসেন মনসোচ্চারণীয়েন॥ 5-94-72 ব্রহ্মসূত্রেণ ব্রহ্মণা সূচিতেনো পদেশেন॥ 5-94-94 চতুর্নবতিতমোঽধ্যায়ঃ॥দ্রোণপর্ব - অধ্যায় 095
॥ শ্রীঃ ॥
7.95. অধ্যায়ঃ 095
Mahabharata - Drona Parva - Chapter Topics
রাজ্ঞাং দ্বন্দ্বীভূয় যুদ্ধায় সমাগমঃ॥ 1 ॥Mahabharata - Drona Parva - Chapter Text
7-95-0 (48404)
সঞ্জয় উবাচ। 7-95-0x (4510)
প্রবিষ্টয়োর্মহারাজ পার্থবার্ষ্ণেয়যো রণে।
দুর্যোধনে প্রয়াতে চ পৃষ্ঠতঃ পুরুষর্ষভে॥ 7-95-1 (48405)
জবেনাভ্যদ্রবন্দ্রোণং মহতা নিঃস্বনেন চ।
পাণ্ডবাঃ সোমকৈঃ সার্ধং ততো যুদ্ধমবর্তত॥ 7-95-2 (48406)
তদ্যুদ্ধমভবত্তীব্রং তুমুলং রোমহর্ষণম্।
কুরূণাং পাণ্ডবানাং চ ব্যূহস্য পুরতোঽদ্ভুতম্॥ 7-95-3 (48407)
রাজন্কদাচিন্নাস্মাভির্দৃষ্টং তাদৃঙ্ক চ শ্রুতম্।
যাদৃঙ্মধ্যগতে সূর্যে যুদ্ধমাসীদ্বিশাম্পতে॥ 7-95-4 (48408)
ধৃষ্টদ্যুম্নমুখাঃ পার্থা ব্যূঢানীকাঃ প্রহারিণঃ।
দ্রোণস্য সৈন্যং তে সর্বে শরবর্ষৈরবাকিরন্॥ 7-95-5 (48409)
বয়ং দ্রোণং পুরস্কৃত্য সর্বশস্ত্রভৃতাং বরম্।
পার্ষতপ্রমুখান্পার্থানভ্যবর্ষাম সায়কৈঃ॥ 7-95-6 (48410)
মহামেঘাবিবোদীর্ণৌ মিশ্রবাতৌ হিমাত্যযে।
সেনাগ্রে প্রচকাশেতে রুচিরে রথভূষিতে॥ 7-95-7 (48411)
সমেত্য তু মহাসেনে চক্রতুর্বেগমুত্তমম্।
জাহ্নবীয়মুনে নদ্যৌ প্রাবৃষীবোল্বণোদকে॥ 7-95-8 (48412)
নানাশস্ত্রপুরোবাতো দ্বিপাশ্বরথসংবৃতঃ।
গদাবিদ্যুন্মহারৌদ্রঃ সঙ্গ্রামজলদো মহান্॥ 7-95-9 (48413)
ভারদ্বাজানিলোদ্ভূতঃ শরধারাসহস্রবান্।
অভ্যবর্ষন্মহারৌদ্রং পাণ্ডুসেনাগ্নিমুদ্ধতম্॥ 7-95-10 (48414)
সমুদ্রমিব ঘর্মান্তে বিশন্ঘোরো মহানিলঃ।
ব্যক্ষোভয়দনীকানি পাণ্ডবানাং দ্বিজোত্তমঃ॥ 7-95-11 (48415)
তেঽপি সর্বপ্রয়ত্নেন দ্রোণমেব সমাদ্রবন্।
বিভিৎসন্তো মহাসেতুং বার্যোঘাঃ প্রবলা ইব॥ 7-95-12 (48416)
বারয়ামাস তান্দ্রোণো জলৌঘমচলো যথা।
পাণ্ডবান্সমরে ক্রুদ্ধান্পাঞ্চালাংশ্চ সকেকয়ান্॥ 7-95-13 (48417)
অথাপরে চ রাজানঃ পরিবৃত্য সমন্ততঃ।
মহাবলা রণে শূরাঃ পাঞ্চালানন্ববারয়ন্॥ 7-95-14 (48418)
ততো রণে নরব্যাঘ্রঃ পার্ষতঃ পাণ্ডবৈঃ সহ।
সঞ্জঘানাসকৃদ্দ্রোণং বিভিৎসুররিবাহিনীম্॥ 7-95-15 (48419)
যথৈব শরবর্ষাণি দ্রোণো বর্ষতি পার্ষতে।
তথৈব শরবর্ষাণি ধৃষ্টদ্যুম্নোঽপ্যবর্ষত॥ 7-95-16 (48420)
সনিস্ত্রিংশপুরোবাতঃ শক্তিপ্রাসর্ষ্টিসংবৃতঃ।
জ্যাবিদ্যুচ্চাপসংহাদো ধৃষ্টদ্যুম্নবলাহকঃ॥ 7-95-17 (48421)
শরধারাশ্মবর্ষাণি ব্যসৃজৎসর্বতো দিশম্।
নিঘ্নন্রথবরাশ্বৌঘান্প্লাবয়ামাস বাহিনীম্॥ 7-95-18 (48422)
যংয়মার্চ্ছচ্ছরৈর্দ্রোণঃ পাণ্ডবানাং রথব্রজম্।
ততস্ততঃ শরৈর্দ্রোণমপাকর্ষত পার্ষতঃ॥ 7-95-19 (48423)
তথা তু যতমানস্য দ্রোণস্য যুধি ভারত।
ধৃষ্টদ্যুম্নং সমাসাদ্য ত্রিধা সৈন্যমভিদ্যত॥ 7-95-20 (48424)
ভোজমেকেঽভ্যবর্তন্ত জলসন্ধং তথাঽপরে।
পাণ্ডবৈর্হন্যমানাশ্চ দ্রোণমেবাপরে যয়ুঃ॥ 7-95-21 (48425)
সঙ্ঘট্টয়তি সৈন্যানি দ্রোণস্তু রথিনাং বরঃ।
ব্যধমচ্চাপি তান্যস্য ধৃষ্টদ্যুম্নো মহারথঃ॥ 7-95-22 (48426)
ধার্তরাষ্ট্রাস্তথা ভূতা বধ্যন্তে পাণ্ডুসৃঞ্জয়ৈঃ।
অগোপাঃ পশবোঽরণ্যে বহুভিঃ শ্বাপদৈরিব॥ 7-95-23 (48427)
কালঃ স্ম গ্রসতে যোধান্ধৃষ্টদ্যুম্নেন মোহিতান্।
সঙ্গ্রামে তুমুলে তস্মিন্নিতি সম্মেনিরে জনাঃ॥ 7-95-24 (48428)
কুনৃপস্য যথা রাষ্ট্রং দুর্ভিক্ষব্যাধিতস্করৈঃ।
দ্রাব্যতে তদ্বদাপন্না পাণ্ডবৈস্তব বাহিনী॥ 7-95-25 (48429)
অর্করশ্মিবিমিশ্রেষু শস্ত্রেষু কবচেষু চ।
চক্ষূংষি প্রত্যহন্যন্ত সৈন্যেন রজসা তথা॥ 7-95-26 (48430)
ত্রিধা ভূতেষু সৈন্যেষু বধ্যমানেষু পাণ্ডবৈঃ।
অমর্ষিতস্ততো দ্রোণঃ পাঞ্চালান্ব্যধমচ্ছরৈঃ॥ 7-95-27 (48431)
মৃদ্গতস্তান্যনীকানি নিঘ্নতশ্চাপি সায়কৈঃ।
বভূব রূপং দ্রোণস্য কালাগ্নেরিব দীপ্যতঃ॥ 7-95-28 (48432)
রথং নাগং হয়ং চাপি পত্তিনশ্চ বিশাম্পতে।
একৈকেনেষুণা সঙ্খ্যে নির্বিভেদ মহারথঃ॥ 7-95-29 (48433)
পাণ়্ডবানাং তু সৈন্যেষু নাস্তি কশ্চিৎস ভারত।
দধার যো রণে বাণান্দ্রোণচাপচ্যুতান্প্রভো॥ 7-95-30 (48434)
তৎপচ্যমানমর্কেণ দ্রোণসায়কতাপিতম্।
বভ্রাম পার্ষতং সৈন্যং তত্রতত্রৈব ভারত॥ 7-95-31 (48435)
`হন্যমানং তু তৎসৈন্যং ভারদ্বাজেন সর্বতঃ।
শরৈরগ্নিশিখাকারৈর্দহ্যতে ভরতর্ষভ'॥ 7-95-32 (48436)
তথৈব পার্ষতেনাপি কাল্যমানং বলং তব।
অভবৎসর্বতো দীপ্তং শুষ্কং বনমিবাগ্নিনা॥ 7-95-33 (48437)
বাধ্যমানেষু সৈন্যেষু দ্রোণপার্ষতসায়কৈঃ।
ত্যক্ৎবা প্রাণান্পরং শক্ত্যা যুধ্যন্তে স্বর্গলিপ্সবঃ॥ 7-95-34 (48438)
তাবকানাং পরেষাং চ যুধ্যতাং ভরতর্ষভ।
নাসীৎকশ্চিন্মহারাজ যোঽত্যাক্ষীৎসংয়ুগং ভয়াৎ॥ 7-95-35 (48439)
ভীমসেনং তু কৌন্তেয়ং সোদর্যাঃ পর্যবারয়ন্।
বিবিংশতিশ্চিত্রসেনো বিকর্ণশ্চ মহারথঃ॥ 7-95-36 (48440)
বিন্দানুবিন্দাবাবন্ত্যৌ ক্ষেমধূর্তিশ্চ বীর্যবান্।
ত্রয়াণাং তব পুত্রাণাং ত্রয় এবানুয়ায়িনঃ॥ 7-95-37 (48441)
বাহ্লীকরাজস্তেজস্বী কুলপুত্রো মহারথঃ।
সহসেনঃ সহামাত্যো দ্রৌপদেয়ানবারয়ৎ॥ 7-95-38 (48442)
শৈব্যো গোবাসনো রাজা যোধৈর্দশশতাবরৈঃ।
কাশ্যস্যাভিভুবঃ পুত্রং পরাক্রান্তমবারয়ৎ॥ 7-95-39 (48443)
অজাতশত্রুং কৌন্তেয়ং জ্বলন্তমিব পাবকম্।
মদ্রাণামীশ্বরঃ শল্যো রাজা রাজানমাবৃণোৎ। 7-95-40 (48444)
দুঃশাসনস্ৎববস্থাপ্য স্বমনীকমমর্ষণঃ।
সাত্যকিং প্রয়যৌ ক্রুদ্ধঃ শূরো রথবরং যুধি॥ 7-95-41 (48445)
স্বকেনাহমনীকেন সন্নদ্ধঃ কবচাবৃতঃ।
চতুঃশতৈর্মহেষ্বাসৈশ্চেকিতানমবারয়ম্॥ 7-95-42 (48446)
শকুনিস্তু সহানীকো মাদ্রীপুত্রাববারয়ৎ।
গান্ধারকৈঃ সপ্তশতৈশ্চাপশক্ত্যসিপাণিভিঃ॥ 7-95-43 (48447)
বিন্দানুবিন্দাবাবন্ত্যৌ বিরাটং মৎস্যমার্চ্ছতাম্।
প্রাণাংস্তক্ৎবা মহেষ্বাসৌ মিত্রার্থেঽভ্যুদ্যতায়ুধৌ॥ 7-95-44 (48448)
শিখণ্ডিনং যাজ্ঞসেনিং রুন্ধানমপরাজিতম্।
বাহ্লীকঃ প্রতিসংয়ত্তঃ পরাক্রান্তমবারয়ৎ॥ 7-95-45 (48449)
ধৃষ্টদ্যুম্নং তু পাঞ্চাল্যং ক্রূরৈঃ সার্ধং প্রভদ্রকৈঃ।
আবন্ত্যঃ সহসৌবীরৈঃ ক্রুদ্ধরূপমবারয়ৎ॥ 7-95-46 (48450)
ঘটোৎকচং তথা শূরং রাক্ষসং ক্রূরকর্মিণম্।
অলামুধোঽদ্রবত্তূর্ণং ক্রুদ্ধমায়ান্তমাহবে॥ 7-95-47 (48451)
অলম্বুসং রাক্ষসেন্দ্রং কুন্তিভোজো মহারথঃ।
সৈন্যেন মহতা যুক্তঃ ক্রুদ্ধরূপমবারয়ৎ॥ 7-95-48 (48452)
সৈন্ধবঃ পৃষ্ঠতস্ৎবাসীৎসর্বসৈন্যস্য ভারত।
রক্ষিতঃ পরমেষ্বাসৈঃ কৃপপ্রভৃতিভী রথৈঃ॥ 7-95-49 (48453)
তস্যাস্তাং চক্ররক্ষৌ দ্বৌ সৈন্ধবস্য বৃহত্তমৌ।
দ্রৌণির্দক্ষিণতো রাজন্সূতপুত্রশ্চ বামতঃ॥ 7-95-50 (48454)
পৃষ্ঠগোপাস্তু তস্যাসন্সৌমদত্তিপুরোগমাঃ।
কৃপশ্চ বৃষসেনশ্চ শলঃ শল্যশ্চ দুর্জয়ঃ॥ 7-95-51 (48455)
নীতিমন্তো মহেষ্বাসাঃ সর্বে যুদ্ধবিশারদাঃ।
সৈন্ধবস্য বিধায়ৈবং রক্ষাং যুয়ুধিরে ততঃ॥ ॥ 7-95-52 (48456)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে পঞ্চনবতিতমোঽধ্যায়ঃ॥ 95 ॥
Mahabharata - Drona Parva - Chapter Footnotes
5-95-7 হিমাত্যযে শিশিরে। সেনাগ্রে প্রধানে সেনে॥ 5-95-18 প্লাবয়ামাস বিদ্রাবিতবান্॥ 5-95-19 অপাকর্ষত ব্যাবর্তিতবান্॥ 5-95-22 সঙ্ঘট্টয়তি সম্মেলয়তি॥ 5-95-39 কাশ্যস্য কাশিরাজস্য॥ 5-95-46 আবন্ত্যোঽন্যঃ॥ 5-95-95 পঞ্চনবতিতমোঽধ্যায়ঃ॥দ্রোণপর্ব - অধ্যায় 096
॥ শ্রীঃ ॥
7.96. অধ্যায়ঃ 096
Mahabharata - Drona Parva - Chapter Topics
রাজ্ঞাং দ্বন্দ্বয়ুদ্ধবর্ণনম্॥ 1 ॥Mahabharata - Drona Parva - Chapter Text
7-96-0 (48457)
সঞ্জয় উবাচ। 7-96-0x (4511)
রাজন্সঙ্গ্রামমাশ্চর্যং শৃণু কীর্তয়তো মম।
কুরূণাং পাণ্ডবানাং চ যথা যুদ্ধমবর্তত॥ 7-96-1 (48458)
ভারদ্বাজং সমাসাদ্য ব্যূহস্য প্রমুখে স্থিতম্।
অয়োধয়ন্রণে পার্থা দ্রোণানীকং বিভিৎসবঃ॥ 7-96-2 (48459)
রক্ষমাণঃ স্বথং ব্যূহং দ্রোণোঽপি সহ সৈনিকৈঃ।
অয়োধয়দ্রণে পার্থান্প্রার্থয়ানো মহদ্যশঃ॥ 7-96-3 (48460)
বিন্দানুবিন্দাবাবন্ত্যৌ বিরাটং দশভিঃ শরৈঃ।
অয়োধয়দ্রণে পার্থান্প্রার্থয়ানো মহদ্যশঃ॥ 7-96-4 (48461)
বিন্দানুবিন্দাবাবন্ত্যৌ বিরাটং দশভিঃ শরৈঃ।
পরাক্রান্তৌ পরাক্রম্য যোধয়ামাস সানুগৌ॥ 7-96-5 (48462)
তেষাং যুদ্ধং সমভবদ্দারুণং শোণিতোদকম্।
সিংহস্য দ্বিপমুখ্যাভ্যাং প্রভিন্নাভ্যাং যথা বনে॥ 7-96-6 (48463)
বাহ্লীকং রভসং যুদ্ধে যাজ্ঞসেনির্মহাবলঃ।
আজঘ্নে বিশিখৈস্তীক্ষ্ণৈর্ঘোরৈর্মর্মাস্থিভেদিভিঃ॥ 7-96-7 (48464)
বাহ্লীকো যাজ্ঞসেনিং তু হেমপুঙ্খৈঃ শিলাশিতৈঃ।
আজঘান ভৃশং ক্রুদ্ধো নবভির্নতপর্বভিঃ॥ 7-96-8 (48465)
তদ্যুদ্ধমভবদ্ধোরং শরশক্তিসমাকুলম্।
ভীরূণাং ত্রাসজননং শূরাণাং হর্ষবর্ধনম্॥ 7-96-9 (48466)
তাভ্যাং তত্র শরৈর্মুক্তৈরন্তরিক্ষং দিশস্তথা।
অভবৎসংবৃতং সর্বং ন প্রাজ্ঞায়ত কিঞ্চন॥ 7-96-10 (48467)
শৈব্যো গোবাসনো যুদ্ধে কাশ্যপুত্রং মহারথম্।
সসৈন্যো যোধয়ামাস গজঃ প্রতিগজং যথা॥ 7-96-11 (48468)
বাহ্লীকরাজঃ সঙ্ক্রুদ্ধো দ্রৌপদেয়ান্মহারথান্।
মনঃ পঞ্চেন্দ্রিয়াণীব শুশুভে যোধয়ন্রণে॥ 7-96-12 (48469)
অয়োধয়ংস্তে সুভৃশং তং শরৌঘৈঃ সমন্ততঃ।
ইন্দ্রিয়াণি যথা দেহং শশ্বদ্দেহবতাং বর॥ 7-96-13 (48470)
বার্ষ্ণেয়ং সাত্যকিং যুদ্ধে পুত্রো দুঃশাসনস্তব।
আজঘ্নে সায়কৈস্তীক্ষ্ণৈর্নবভির্নতপর্বভিঃ॥ 7-96-14 (48471)
সোঽতিবিদ্ধো বলবতা মহেষ্বাসেন ধন্বিনা।
ঈষন্মূর্চ্ছাং জগামাশু সাত্যকিঃ সত্যবিক্রমঃ॥ 7-96-15 (48472)
সমাশ্বস্তস্তু বার্ষ্ণেয়স্তব পুত্রং মহারথম্।
বিব্যাধ দশভিস্তূর্ণং সায়কৈঃ কঙ্কপত্রিভিঃ॥ 7-96-16 (48473)
তাবন্যোন্যং দৃঢং বিদ্ধাবন্যোন্যশরপীডিতৌ।
রজেতুঃ সমরে রাজন্পুষ্পিতাবিব কিংশুকৌ॥ 7-96-17 (48474)
অলম্বুসস্তু সঙ্ক্রুদ্ধঃ কৃন্তিভোজশরার্দিতঃ।
অশোভত ভৃশং লক্ষ্ম্যা পুষ্পাঢ্য ইব কিংশুকঃ॥ 7-96-18 (48475)
কুন্তিভোজং ততো রক্ষো বিদ্ধ্বা বহুভিরায়সৈঃ।
অনদদ্ভৈরবং নাদং বাহিন্যাঃ প্রমুখে তব॥ 7-96-19 (48476)
ততস্তৌ সমরে শূরৌ যোধয়ন্তৌ পরস্পরম্।
দদৃশুঃ সর্বসৈন্যানি শক্রজম্ভৌ যথা পুরা॥ 7-96-20 (48477)
শকুনিং রভসং যুদ্ধে কৃতবৈরং চ ভারত।
মাদ্রীপুত্রৌ চ সংরব্ধৌ শরৈশ্চার্দয়তাং ভৃশম্॥ 7-96-21 (48478)
তুমুলঃ স মহান্রাজন্প্রাবর্তত জনক্ষয়ঃ।
ৎবয়া সঞ্জনিতোঽত্যর্থং কর্ণেন চ বিবর্ধিতঃ॥ 7-96-22 (48479)
রক্ষিতস্তব পুত্রৈশ্চ ক্রোধমূলো হুতাশনঃ।
য ইমাং পৃথিবীং রাজন্দগ্ধুং সর্বাং সমুদ্যতঃ॥ 7-96-23 (48480)
শকুনিঃ পাণ্ডুপুত্রাভ্যাং কৃতঃ স বিমুখঃ শরৈঃ।
ন স্ম জানাতি কর্তব্যং যুদ্ধে কিঞ্চিৎপরাক্রমম্॥ 7-96-24 (48481)
বিমুখং চৈনমালোক্য মাদ্রীপুত্রৌ মহারথৌ।
ববর্ষতুঃ পুনর্বাণৈর্যথা মেঘৌ মহাগিরিম্॥ 7-96-25 (48482)
স বধ্যমানো বহুভিঃ শরৈঃ সন্নতপর্বভিঃ।
সম্প্রায়াজ্জবনৈরশ্বৈর্দ্রোণানীকায় সৌবলঃ॥ 7-96-26 (48483)
ঘটোৎকচস্তথা শূরং রাক্ষসং তমলামুধম্।
অভ্যযাদ্রভসং যুদ্ধে বেগমাস্থায় মধ্যমম্॥ 7-96-27 (48484)
তয়োর্যুদ্ধং মহারাজ চিত্ররূপমিবাভবৎ।
যাদৃশং হি পুরাবৃত্তং রামরাবণয়োর্মৃধে॥ 7-96-28 (48485)
ততো যুধিষ্ঠিরো রাজা মদ্ররাজানমাহবে।
বিদ্ধ্বা পঞ্চাশতা বাণৈঃ পুনর্বিব্যাধ সপ্তভিঃ॥ 7-96-29 (48486)
ততঃ প্রববৃতে যুদ্ধং তয়োরত্যদ্ভুতং নৃপ।
যথা পূর্বং মহদ্যুদ্ধং শম্বরামররাজয়োঃ॥ 7-96-30 (48487)
বিবিংশতিশ্চিত্রসেনো বিকর্ণশ্চ তবাত্মজঃ।
অয়োধয়ন্ভীমসেনং মহত্যা সেনয়া বৃতাঃ॥ ॥ 7-96-31 (48488)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ষণ্ণবতিতমোঽধ্যায়ঃ॥ 96 ॥
Mahabharata - Drona Parva - Chapter Footnotes
5-96-23 হুতাশনঃ প্রাবর্ততেত্যনুষজ্যতে॥ 5-96-96 ষণ্ণবতিতমোঽধ্যায়ঃ॥দ্রোণপর্ব - অধ্যায় 097
॥ শ্রীঃ ॥
7.97. অধ্যায়ঃ 097
Mahabharata - Drona Parva - Chapter Topics
দ্রোণধৃষ্টদ্যুম্নয়োর্যুদ্ধম্॥ 1 ॥Mahabharata - Drona Parva - Chapter Text
7-97-0 (48489)
সঞ্জয় উবাচ। 7-97-0x (4512)
তথা তস্মিন্প্রবৃত্তে তু সঙ্গ্রমে রোমহর্ষণে।
কৌরবেয়াংস্ত্রিধাভূতান্পাণ্ডবাঃ সমুপাদ্রবন্॥ 7-97-1 (48490)
জলসন্ধং মহাবাহুং ভীমসেনোঽভ্যবর্তত।
যুধিষ্ঠিরঃ সহানীকঃ কৃতবর্মাণমাহবে॥ 7-97-2 (48491)
কিরংস্তু শরবর্ষাণি রোচমান ইবাংশুমান্।
ধৃষ্টদ্যুম্নো মহারাজ দ্রোণমভ্যদ্রবদ্রণে॥ 7-97-3 (48492)
ততঃ প্রববৃতে যুদ্ধং ৎবরতাং সর্বধন্বিনাম্।
কুরূণাং পাণ্ডবানাং চ সঙ্ক্রুদ্ধানাং পরস্পরম্॥ 7-97-4 (48493)
সঙ্ক্ষয়ে তু তথাভূতে বর্তমানে মহাভয়ে।
দ্বন্দবীভূতেষু সৈন্যেষু যুধ্যমানেষ্বভীতবৎ॥ 7-97-5 (48494)
দ্রোণঃ পাঞ্চালপুত্রেণ বলী বলবতা সহ।
যদক্ষিপৎপৃষৎকৌঘাংস্তদদ্ভুতমিবাভবৎ॥ 7-97-6 (48495)
পুণ্ডরীকবনানীব বিধ্বস্তানি সমন্ততঃ।
চক্রাতে দ্রোণপাঞ্চাল্যৌ নৃণাং শীর্ষাণ্যনেকশঃ॥ 7-97-7 (48496)
বিনিকীর্ণানি বীরাণামনীকেষু সমন্ততঃ।
বস্ত্রাভরণশস্ত্রাণি ধ্বজবর্মায়ুধানি চ॥ 7-97-8 (48497)
তপনীয়তনুত্রাণাঃ সংসিক্তা রুধিরেণ চ।
কোবিদারা ইবাভান্তি পুষ্পিতাস্তত্র ভারত।
তাবকাঃ সমরে যোধাঃ পাণ্ডবেয়াশ্চ বিক্ষতাঃ॥ 7-97-9 (48498)
কুঞ্জরাশ্বনরান্যে পাতয়ন্তি স্ম পত্রিভিঃ।
তালমাত্রাণি চাপানি বিকর্ষন্তো মহারথাঃ॥ 7-97-10 (48499)
অসিচর্মাণি চাপানি শিরাংশি কবচানি চ।
বিপ্রকীর্যন্ত শূরাণাং সম্প্রহারে মহাত্মনাম্॥ 7-97-11 (48500)
উত্থিতান্যগণেয়ানি কবন্ধানি সমন্ততঃ।
অদৃশ্যন্ত মহারাজ তস্মিন্পরমসঙ্কুলে॥ 7-97-12 (48501)
গৃধ্রাঃ কঙ্কা বকাঃ শ্যেনা বায়সা জম্বুকাস্তথা।
বহুশঃ পিশিতাশাশ্চ তত্রাদৃশ্যন্ত মারিষ॥ 7-97-13 (48502)
ভক্ষয়ন্তশ্চ মাংসানি পিবন্তশ্চাপি শোণিতম্।
বিলুম্পমানাঃ কেশাংশ্চ মজ্জাশ্চ বহুধা নৃপ॥ 7-97-14 (48503)
আকর্ষন্তঃ শরীরাণি শরীরাবয়বাংস্তথা।
নরাশ্বগজসঙ্ঘানাং শিরাংশি চ ততস্ততঃ॥ 7-97-15 (48504)
কৃতাস্ত্রা রণশিক্ষাভির্দীক্ষিতা রণশালিনঃ।
রণে জয়ং প্রার্থয়ানা ভৃশং যুয়ুধিরে তদা॥ 7-97-16 (48505)
অসিমার্গান্বহুবিধান্বিচেরুঃ সৈনিকা রণে।
ঋষ্টিভিঃ শক্তিভিঃ প্রাসৈঃ শূলতোমরপট্টসৈঃ॥ 7-97-17 (48506)
গদাভিঃ পরিঘৈশ্চান্যৈরায়ুধৈশ্চ ভুজৈরপি।
অন্যোন্যং জঘ্নিরে ক্রুদ্ধা যুদ্ধরঙ্গতা নরাঃ॥ 7-97-18 (48507)
রথিনো রথিভিঃ সার্ধমশ্বারোহাশ্চ সাদিভিঃ।
মাতঙ্গা বরমাতঙ্গৈঃ পদাতাশ্চ পদাতিভিঃ॥ 7-97-19 (48508)
ক্ষীবা ইবান্যে চোন্মত্তা রঙ্গেষ্বিব চ বারণাঃ।
উচ্চুক্রুশুরথান্যোন্যং জঘ্নুরন্যোন্যমেব চ॥ 7-97-20 (48509)
বর্তমানে তথা যুদ্ধে নির্মর্যাদে বিশাম্পতে।
ধৃষ্টদ্যুম্নো হয়ানশ্চৈর্দ্রোণস্য ব্যত্যমিশ্রয়ৎ॥ 7-97-21 (48510)
তে হয়াঃ সাধ্বশোভন্ত মিশ্রিতা বাতরংহসঃ।
পারাবতসবর্ণাশ্চ রক্তশোণাশ্চ সংয়ুগে॥ 7-97-22 (48511)
পারাবতসবর্ণাস্তে রক্তশোণবিমিশ্রিতাঃ।
হয়াঃ শুশুভিরে রাজন্মেঘা ইব সবিদ্যুতঃ॥ 7-97-23 (48512)
ধৃষ্টদ্যুম্নস্তু সম্প্রেক্ষ্য দ্রোণমভ্যাশমাগতম্।
অসিচর্মাদদে বীরো ধনুরুৎসৃজ্য ভারত॥ 7-97-24 (48513)
চিকীর্ষুর্দুষ্করং কর্ম পার্ষতঃ পরবীরহা।
ঈষায়াঃ সমতিক্রম্য দ্রোণস্য রথমাবিশৎ॥ 7-97-25 (48514)
অতিষ্ঠদ্যুগমধ্যে স যুগসন্নহনেষু চ।
জঘনার্ধেষু চাশ্বানাং তৎসৈন্যান্যভ্যপূজয়ন্॥ 7-97-26 (48515)
খঙ্গেন চরতস্তস্য শোণাশ্বানধিতিষ্ঠতঃ।
ন দদার্শান্তরং দ্রোণস্তদদ্ভুতমিবাভবৎ॥ 7-97-27 (48516)
যথা শ্যেনস্য পতনং বনেষ্বামিষগৃদ্ধিনঃ।
তথৈবাসীদভীসারস্তস্য দ্রোণং জিঘাংসতঃ॥ 7-97-28 (48517)
ততঃ শরশতেনাস্য শতচন্দ্রং সমাক্ষিপৎ।
দ্রোণো দ্রুপদ পুত্রস্য খঙ্গং চ দশভিঃ শরৈঃ॥ 7-97-29 (48518)
হয়াংশ্চৈব চতুঃষষ্ট্যা শরাণাং জঘ্নিবান্বলী।
ধ্বজং ছত্রং চ ভল্লাভ্যাং তথা তৌ পার্ষ্ণিসারথী॥ 7-97-30 (48519)
অথাস্মৈ ৎবরিতো বাণমপরং জীবিতান্তকম্।
ধৃষ্টদ্যুম্নায় চিক্ষেপ বজ্রং বজ্রধরো যথা॥ 7-97-31 (48520)
তং চতুর্দশভিস্তীক্ষ্ণৈর্বাণৈশ্চিচ্ছেদ সাত্যকিঃ।
গ্রস্তমাচার্যমুখ্যেন ধৃষ্টদ্যুম্নং ব্যমোচয়ৎ॥ 7-97-32 (48521)
সিংহেনেব মৃগং গ্রস্তং নরসিংহেন মারিষ।
দ্রোণাদ্বৈ মোচয়ামাস পাঞ্চাল্যং শিনিপুঙ্গবঃ॥ 7-97-33 (48522)
সাত্যকিং প্রেক্ষ্য গোপ্তারং পাঞ্চাল্যং চ মহাহবে।
শরাণাং ৎবরিতো দ্রোণঃ ষড্বিংশত্যা সমার্পয়ৎ॥ 7-97-34 (48523)
ততো দ্রোণং শিনেঃ পৌত্রো গ্রসন্তমপি সৃঞ্জয়ান্।
প্রত্যবিধ্যচ্ছিতৈর্বাণৈঃ ষড্বিংশত্যা স্তনান্তরে॥ 7-97-35 (48524)
ততঃ সর্বে রথাস্তূর্ণং পাঞ্চাল্যা জয়গৃদ্ধিনঃ।
সাৎবতাভিসৃতে দ্রোণে ধৃষ্টদ্যুম্নমবাক্ষিপন্॥ ॥ 7-97-36 (48525)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে সপ্তনবতিতমোঽধ্যায়ঃ॥ 97 ॥
Mahabharata - Drona Parva - Chapter Footnotes
5-97-26 যুগসন্নহনেষু যুগবন্ধেষু॥ 5-97-36 অবাক্ষিৎ অপনীতবন্তঃ॥ 5-97-97 সপ্তনবতিতমোঽধ্যায়ঃ॥দ্রোণপর্ব - অধ্যায় 098
॥ শ্রীঃ ॥
7.98. অধ্যায়ঃ 098
Mahabharata - Drona Parva - Chapter Topics
দ্রোণসাত্যক্যোর্যুদ্ধম্॥ 1 ॥Mahabharata - Drona Parva - Chapter Text
7-98-0 (48526)
ধৃতরাষ্ট্র উবাচ। 7-98-0x (4513)
বাণে তস্মিন্নিকৃত্তে তু ধৃষ্টদ্যুম্নে চ মোক্ষিতে।
তেন বৃষ্ণিপ্রবীরেণ যুয়ুধানেন সঞ্জয়॥ 7-98-1 (48527)
অমর্ষিতো মহেষ্বাসঃ সর্বশস্ত্রভৃতাং বরঃ।
নরব্যাঘ্রং শিনেঃ পৌত্রং দ্রোণঃ কিমকরোদ্যুধি॥ 7-98-2 (48528)
সঞ্জয় উবাচ। 7-98-3x (4514)
সম্প্রস্রুতক্রোধবিষো ব্যাদিতাস্যশরাসনঃ।
তীক্ষ্ণধারেষুদশনঃ সিতনারাচদংষ্ট্রবান্॥ 7-98-3 (48529)
সংরম্ভামর্ষতাম্রাক্ষো মহোরগ ইব শ্বসন্।
নরবীরঃ প্রমুদিতঃ শোণৈরশ্বৈর্মহাজবৈঃ॥ 7-98-4 (48530)
উৎপতদ্ভিরিবাকাশে ক্রামদ্ভিরিব পর্বতম্।
রুক্মপুঙ্খাঞ্শরানস্যন্যুয়ুধানমুপাদ্রবৎ॥ 7-98-5 (48531)
শরপাতমহাবর্ষং রথঘোষবলাহকম্।
কার্মুকৈরাবৃতং রাজন্নারাচবহুবিদ্যুতম্॥ 7-98-6 (48532)
শক্তিখঙ্গাশনিধরং ক্রোধবেগসমুত্থিতম্।
দ্রোণমেঘমনাবার্যং হয়মারুতচোদিতম্॥ 7-98-7 (48533)
দৃষ্ট্বৈবাভিপতন্তং তং শূরঃ পরপুরঞ্জয়ঃ।
উবাচ সূতং শৈনেয়ঃ প্রহসন্যুদ্ধদুর্মদঃ॥ 7-98-8 (48534)
এনং বৈ ব্রাহ্মণং শূরং স্বকর্মণ্যনবস্থিতম্।
আশ্রয়ং ধার্তরাষ্ট্রস্য ধর্মরাজভয়াবহম্॥ 7-98-9 (48535)
শীঘ্রং প্রজবিতৈরশ্বৈঃ প্রত্যুদ্যাহি প্রহৃষ্টবৎ।
আচার্যং রাজপুত্রাণাং সততং শূরমানিনম্॥ 7-98-10 (48536)
সঞ্জয় উবাচ। 7-98-11x (4515)
`এবমুক্তস্ততঃ সূতঃ সাত্যকস্যাবহদ্রথম্'।
ততো রজতসঙ্কাশা মাধবস্য হয়োত্তমাঃ।
দ্রোণস্যাভিমুখাঃ শীঘ্রমগচ্ছন্বাতরংহসঃ॥ 7-98-11 (48537)
ততস্তৌ দ্রোণশৈনেয়ৌ যুয়ুধাতে পরন্তপৌ।
শরৈরনেকসাহস্রৈস্তাডয়ন্তৌ পরস্পরম্॥ 7-98-12 (48538)
ইষুজালাবৃতং ব্যোম চক্রতুঃ পুরুষর্ষভৌ।
পূরয়ামাসতুর্বীরাবুভৌ দশ দিশঃ শরৈঃ।
মেঘাবিবাতপাপায়ে ধারাভিরিতরেতরম্॥ 7-98-13 (48539)
ন স্ম সূর্যস্তদা ভাতি ন ববৌ চ সমীরণঃ।
হষুজালাবৃতং ঘোরমন্ধকারং সমন্ততঃ॥ 7-98-14 (48540)
অনাধৃষ্যমিবান্যেষাং শূরাণামভবত্তদা।
অন্ধকারীকৃতে লোকে দ্রোণশৈনেয়যোঃ শরৈঃ॥ 7-98-15 (48541)
তয়োঃ শীঘ্রাস্ত্রবিদুষোর্দ্রোণসাৎবতয়োস্তদা।
নান্তরং শরবৃষ্টীনাং দদৃশে নরসিংহয়োঃ॥ 7-98-16 (48542)
ইষূণাং সন্নিপাতেন শব্দো ধারাভিঘাতজঃ।
শুশ্রুবে শক্রমুক্তানামশনীনামিব স্বনঃ॥ 7-98-17 (48543)
নারাচৈর্ব্যতিবিদ্ধানাং শরাণাং রূপমাবভৌ।
আশীবিষবিদষ্টানাং সর্পাণামিব ভারত॥ 7-98-18 (48544)
তয়োর্জ্যাতলনির্ঘোষঃ শুশ্রুবে যুদ্ধশৌণ্ডয়োঃ।
অজস্রং শৈলশৃঙ্গাণাং বজ্রেণাহন্যতামিব॥ 7-98-19 (48545)
উভয়োস্তৌ রথৌ রাজংস্তে চাশ্বাস্তৌ চ সারথী।
রুক্মপুঙ্খৈঃ শরৈছন্নাশ্চিত্ররূপা বভুস্তদা॥ 7-98-20 (48546)
নির্মলানামজিহ্মানাং নারাচানাং বিশাম্পতে।
নির্মুক্তাশীবিপাভানাং সম্পাতোঽভূৎসুদারুণঃ॥ 7-98-21 (48547)
উভয়োঃ পতিতে ছত্রে তথৈব পতিতৌ ধ্বজৌ।
`নিকৃন্ততোঃ শরৈস্তীক্ষ্ণৈর্দ্রোণসাত্যকয়ো রণে'॥ 7-98-22 (48548)
উভৌ রুধিরসিক্তাঙ্গাবুভৌ চ বিজয়ৈষিণৌ।
স্রবদ্ভিঃ শোণিতং গাত্রৈঃ প্রস্রুতাবিব বারণৌ।
অন্যোন্যমভ্যবিধ্যেতাং জীবিতান্তকরৈঃ শরৈঃ॥ 7-98-23 (48549)
গর্জিতোৎকৃষ্টসন্নাদাঃ শঙ্খদুন্দুভিনিঃস্বনাঃ।
উপারমন্মহারাজ ব্যাজহার ন কশ্চন॥ 7-98-24 (48550)
তুষ্ণীংভূতান্যনৌকানি যোধা যুদ্ধাদুপারমন্।
দদর্শ দ্বৈরথং তাভ্যাং জাতকৌতূহলো জনঃ॥ 7-98-25 (48551)
রথিনো হস্তিয়ন্তারো হয়ারোহাঃ পদাতয়ঃ।
অবৈক্ষন্তাচলৈর্নেত্রৈঃ পরিবার্য নরর্ষভৌ॥ 7-98-26 (48552)
হস্ত্যনীকান্যতিষ্ঠন্ত তথানীকানি বাজিনাম্।
তথৈব রথবাহিন্যঃ প্রতিব্যূহ্য ব্যবস্থিতাঃ॥ 7-98-27 (48553)
মুক্তাবিদ্রুমচিত্রৈশ্চ মণিকাঞ্চনভূষিতৈঃ।
ধ্বজৈরাভরণৈশ্চিত্রৈঃ কবচৈশ্চ হিরণ্ময়ৈঃ॥ 7-98-28 (48554)
বৈজয়ন্তীপতাকাভিঃ পরিস্তোমাঙ্গকম্বলৈঃ।
বিমলৈর্নিশিতৈঃ শস্ত্রৈর্হয়ানাং চ প্রকীর্ণকৈঃ॥ 7-98-29 (48555)
জাতরূপময়ীভিশ্চ রাজতীভিশ্চ মূর্ধসু।
গজানাং কুম্ভমালাভির্দন্তবেষ্টৈশ্চ ভারত॥ 7-98-30 (48556)
সবলাকাঃ সখদ্যোতাঃ সৈরাবতশতহদাঃ।
অদৃশ্যন্তোষ্ণপর্যায়ে মেঘানামিব বাগুরাঃ॥ 7-98-31 (48557)
অপশ্যন্নস্মদীয়াশ্চ তে চ যৌধিষ্ঠিরাঃ স্থিতাঃ।
তদ্যুদ্ধং যুয়ুধানস্য দ্রোণস্য চ মহাত্মনঃ॥ 7-98-32 (48558)
বিমানাগ্রগতা দেবা ব্রহ্মসোমপুরোগমাঃ।
সিদ্ধচারণসঙ্খাশ্চ বিদ্যাধরমহোরগাঃ॥ 7-98-33 (48559)
`গন্ধর্বা দানবা যক্ষা রাক্ষসাপ্সরসঃ খগাঃ'।
গতপ্রত্যাগতাক্ষেপৈশ্চিতৈরস্ত্রবিঘাতিভিঃ।
বিবিধৈর্বিস্ময়ং জগ্মুস্তয়োঃ পুরুষসিংহয়োঃ॥ 7-98-34 (48560)
হস্তলাঘবমস্ত্রেষু দর্শয়ন্তৌ মহাবলৌ।
অন্যোন্যমভিবিধ্যেতাং শরৈস্তৌ দ্রোণসাত্যকী॥ 7-98-35 (48561)
ততো দ্রোণস্য দাশার্হঃ শরাংশ্চিচ্ছেদ সংয়ুগে।
পত্রিভিঃ সুদৃঢৈরাশু ধনুশ্চৈব মহাদ্যুতেঃ॥ 7-98-36 (48562)
নিমেষান্তরমাত্রেণ ভারদ্বাজোঽপরং ধনুঃ।
সজ্যং চকার তদপি চিচ্ছেদাস্য স সাত্যকিঃ॥ 7-98-37 (48563)
ততস্ৎবরন্পুনর্দ্রোণো ধনুর্হস্তো ব্যতিষ্ঠত।
সজ্যং সজ্যং ধনুশ্চাস্য চিচ্ছেদ নিশিথৈঃ শরৈঃ॥ 7-98-38 (48564)
এবমেকশতং ছিন্নং ধনুষাং দৃঢধন্বিনা।
ন চান্তরং তয়োর্দৃষ্টং সন্ধানে চ্ছেদনেঽপি চ॥ 7-98-39 (48565)
ততোঽস্য সংয়ুগে দ্রোণো দৃষ্ট্বা কর্মাতিমানুষম্।
যুয়ুধানস্য রাজেন্দ্র মনসৈতদচিন্তয়ৎ॥ 7-98-40 (48566)
এতদস্ত্রবলং রামে কার্তবীর্যে ধনঞ্জয়ে।
ভীষ্মে চ পুরুষব্যাঘ্রে যদিদং সাৎবতাং বরে॥ 7-98-41 (48567)
তং চাস্য মনসা দ্রোণঃ পূজয়ামাস বিক্রমম্।
লাঘবং বাসবস্যেব সম্প্রেক্ষ্য দ্বিজসত্তমঃ॥ 7-98-42 (48568)
তুতোষাস্ত্রবিদাং শ্রেষ্ঠস্তথা দেবাঃ সবাসবাঃ।
ন তামালক্ষয়ামাসুর্লঘুতাং শীঘ্রচারিণঃ॥ 7-98-43 (48569)
দেবাশ্চ যুয়ুধানস্য গন্ধর্বাশ্চ বিশাম্পতে।
সিদ্ধচারণসঙ্ঘাশ্চ বিদুর্দ্রোণস্য কর্ম তৎ॥ 7-98-44 (48570)
ততোঽন্যদ্ধনুরাদায় দ্রোণঃ ক্ষত্রিয়মর্দনঃ।
অস্ত্রৈরস্ত্রবিদাং শ্রেষ্ঠো যোধয়ামাস ভারত॥ 7-98-45 (48571)
তস্যাস্ত্রাণ্যস্ত্রমায়াভিঃ প্রতিহত্য স সাত্যকিঃ।
জঘান নিশিতৈর্বাণৈস্তদদ্ভুতমিবাভবৎ॥ 7-98-46 (48572)
তস্যাতিমানুষং কর্ম দৃষ্ট্বাঽন্যৈরসমং রণে।
যুক্তং যোগেন যোগজ্ঞাস্তাবকাঃ সমপূজয়ন্॥ 7-98-47 (48573)
যদস্ত্রমস্যতি দ্রোণস্তদেবাস্যতি সাত্যকিঃ।
তমাচার্যোঽথ সম্ভ্রান্তোঽয়োধয়চ্ছত্রুতাপনঃ॥ 7-98-48 (48574)
ততঃ ক্রুদ্ধো মহারাজ ধনুর্বেদস্য পারগঃ।
বধায় যুয়ুধানস্য দিব্যমস্ত্রমুদৈরয়ৎ॥ 7-98-49 (48575)
তদাগ্নেয়ং মহাঘোরং রিপুঘ্নমুপলক্ষ্য সঃ।
দিব্যমস্ত্রং মহেষ্বাসো বারুণং সমুদৈরয়ৎ॥ 7-98-50 (48576)
হাহাকারো মহানাসীদ্দৃষ্ট্বা দিব্যাস্ত্রধারিণৌ।
ন বিচেরুস্তদাঽঽকাশে ভূতান্যাকাশগান্যপি॥ 7-98-51 (48577)
অস্ত্রে তে বারুণাগ্নেয়ে যদা বাণৈঃ সমাহিতে।
ন যাবদভ্যপদ্যেতাং ব্যাবর্তদথ ভাস্করঃ॥ 7-98-52 (48578)
ততো যুধিষ্ঠিরো রাজা ভীমসেনশ্চ পাণ্ডবঃ।
নকুলঃ সহদেবশ্চ পর্যরক্ষন্ত সাত্যকিম্॥ 7-98-53 (48579)
ধৃষ্টদ্যুম্নমুখৈঃ সার্ধং বিরাটশ্চ সকেকয়ঃ।
মৎস্যাঃ সাল্বেয়সেনাশ্চ দ্রোণমাজগ্মুরঞ্জসা॥ 7-98-54 (48580)
দুঃশাসনং পুরস্কৃত্য রাজপুত্রাঃ সহস্রশঃ।
দ্রোণমভ্যুপপদ্যন্ত সপত্নৈঃ পরিবারিতম্॥ 7-98-55 (48581)
রজসা সংবৃতে লোকে শরজালসমাবৃতে॥
সর্বমাবিগ্নমভবন্ন প্রাজ্ঞায়ত কিঞ্চন। 7-98-56 (48582)
সৈন্যেন রজসা ধ্বস্তে নির্মর্যাদমবর্তত॥
`তেনান্তরেণ পার্থস্তু রণে জিৎবা মহারিপূন্। 7-98-57 (48583)
অতিক্রান্তস্তদা যুদ্ধং কৃৎবা পর্যবতস্থিবান্'॥
॥ 7-98-58 (48584)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে অষ্টনবতিতমোঽধ্যায়ঃ॥ 98 ॥
Mahabharata - Drona Parva - Chapter Footnotes
5-98-16 অন্তরমবচ্ছেদঃ॥ 5-98-27 রথবাহিন্যো রথসেনাঃ॥ 5-98-29 বৈজয়ন্তী বিলক্ষণাভিঃ পতাকাভিঃ। পরিস্তোমৈর্বর্ণকম্বলৈঃ। অঙ্গকম্বলৈঃ সূক্ষ্মকম্বলৈঃ॥ 5-98-31 ঐরাবতমিন্দ্রধনুঃ। ঐরাবতোভ্রমাতঙ্গৈ ইত্যুপক্রম্য নপুংসকং মহেন্দ্রস্য ঋজুদীর্ঘশরাসনে ইতি মেদিনী॥ উষ্ণস্য পর্যায়ে অপগমে বাগুরাঃ জালানি সমূহা ইতিয়াবৎ॥ 5-98-34 প্রত্যাগতং নিবর্তনম্। আক্ষেপঃ প্রহরণম্॥ 5-98-43 আলক্ষয়ামাসুর্লক্ষিতবন্তঃ॥ 5-98-44 বিদুর্নেত্যনুষজ্যতে॥ 5-98-47 যোগেন যুক্ত্যা॥ 5-98-52 ন যাবদভ্যপদ্যেতাং যাবদেব ন পরাভূতে। ব্যাবর্তৎ মধ্যাহ্নতঃ পরাবৃত্তোঽভূৎ॥ 5-98-98 অষ্টনবতিতমোঽধ্যায়ঃ॥দ্রোণপর্ব - অধ্যায় 099
॥ শ্রীঃ ॥
7.99. অধ্যায়ঃ 099
Mahabharata - Drona Parva - Chapter Topics
অর্জুনেন রণাঙ্কণে হয়াপ্যায়নায় শরৈঃ সরোনির্মাণম্॥ 1 ॥ তথা শরময়বেশ্মনির্মাণম্॥ 2 ॥Mahabharata - Drona Parva - Chapter Text
7-99-0 (48585)
সঞ্জয় উবাচ। 7-99-0x (4516)
`বর্তমানে তদা যুদ্ধে দ্রোণস্য সহ পাণ্ডুভিঃ'।
পরিবর্তমান আদিত্যে তত্র সূর্যে চ রশ্মিভিঃ।
রজসা কীর্যমাণাশ্চ মন্দীভূতাশ্চ কৌরবাঃ॥ 7-99-1 (48586)
তিষ্ঠতাং যুধ্যমানানাং পুনরাবর্ততামপি।
ভজ্যতাং জয়তাং চৈব জগাম তদহঃ শনৈঃ॥ 7-99-2 (48587)
তথা তেষু বিষক্তেষু সৈন্যেষু জয়গৃদ্ধিষু।
অর্জুনো বাসুদেবশ্চ সৈন্ধবায়ৈব জগ্মতুঃ॥ 7-99-3 (48588)
রথমার্গপ্রমাণং তু কৌন্তেয়ো নিশিতৈঃ শরৈঃ।
চকার যং চ পন্থানং যয়ৌ তেন জনার্দনঃ॥ 7-99-4 (48589)
যত্রয়ত্র রথো যাতি পাণ্ডবস্য মহাত্মনঃ।
তত্রতত্রৈব দীর্যন্তে সেনাস্তব বিশাম্পতে॥ 7-99-5 (48590)
রথশিক্ষাং তু দাশার্হো দর্শয়ামাস বীর্যবান্।
উত্তমাধমমধ্যানি মণ্ডলানি বিদর্শয়ন্॥ 7-99-6 (48591)
তে তু নামাঙ্কিতা বাণাঃ কালজ্বলনসন্নিভাঃ।
স্নায়ুনদ্ধাঃ সুপর্বাণঃ পৃথবো দীর্ঘগামিনঃ॥ 7-99-7 (48592)
বৈণবাশ্চায়সাশ্চোগ্রা গ্রসন্তো বিবিধানরীন্।
রুধিরং পতগৈঃ সার্ধং প্রাণিনাং পপুরাহবে॥ 7-99-8 (48593)
রথস্থিতোঽগ্রতঃ ক্রোশং যানস্যত্যর্জুনঃ শরান্।
রথে ক্রোশমতিক্রান্তে তস্য তে ঘ্নন্তি শাত্রবান্॥ 7-99-9 (48594)
তার্ক্ষ্যমারুতরংহোভির্বাজিভিঃ সাধুবাহিভিঃ।
যথাঽগচ্ছদ্ধৃষীকেশঃ কৃৎস্নং বিস্মাপয়ঞ্জগৎ॥ 7-99-10 (48595)
ন তথা গচ্ছতি রথস্তপনস্য বিশাম্পতে।
নেন্দ্রস্য ন তু রুদ্রস্য নাপি বৈশ্রবণস্য চ॥ 7-99-11 (48596)
নান্যস্য সমরে রাজন্গতপূর্বস্তথা রথঃ।
যথা যয়াবর্জুনস্য মনোভিপ্রায়শীঘ্রগঃ॥ 7-99-12 (48597)
প্রবিশ্য তু রণে রাজন্কেশবঃ পরবীরহা।
সেনামধ্যে হয়াংস্তূর্ণং চোদয়ামাস ভারত॥ 7-99-13 (48598)
ততস্তস্য রথৌঘস্য মধ্যং প্রাপ্য হয়োত্তমাঃ।
কৃচ্ছ্রেণরথমূহুস্তং ক্ষুৎপিপাসাসমন্বিতাঃ॥ 7-99-14 (48599)
ক্ষতাশ্চ বহুভিঃ শস্ত্রৈর্যুদ্ধশৌণ্ডৈরনেকশঃ।
মণ্ডলানি বিচিত্রাণি বিচেরুস্তে মুহুর্মুহুঃ॥ 7-99-15 (48600)
হতানাং বাজিনাগানাং রথানাং চ নরৈঃ সহ।
উপরিষ্টাদতিক্রান্তাঃ শৈলাভানাং সহস্রশঃ॥ 7-99-16 (48601)
`শ্রমেণ মহতা যুক্তাস্তে হয়া বাতরংহসঃ।
মন্দবেগগতা রাজন্সংবৃত্তাস্তত্র সংয়ুগে'॥ 7-99-17 (48602)
এতস্মিন্নন্তরে বীরাবাবন্ত্যৌ ভ্রাতরৌ নৃপ।
সহসেনৌ সমার্চ্ছেতাং পাণ্ডবং ক্লান্তবাহনম্॥ 7-99-18 (48603)
তাবর্জুনং চতুঃষষ্ট্যা সপ্তত্যা চ জনার্দনম্।
শরাণাং চ শতৈরশ্বানবিধ্যেতাং মুদান্বিতৌ॥ 7-99-19 (48604)
তাবর্জুনো মহারাজ নবভির্নতপর্বভিঃ।
আজঘান রণে ক্রুদ্ধো মর্মজ্ঞো মর্মভেদিভিঃ॥ 7-99-20 (48605)
ততস্তৌ তু শরৌঘেণ বীভৎসুং সহকেশবম্।
আচ্ছাদয়েতাং সংরব্ধৌ সিংহনাদং চ চক্রতুঃ॥ 7-99-21 (48606)
তয়োস্তু ধনুষী মুষ্টৌ ভল্লাভ্যাং শ্বেতবাহনঃ।
চিচ্ছেদ সমরে তূর্ণং ভূয় এব ধনঞ্জয়ঃ।
অথান্যৈর্বিশিখৈস্তূর্ণং ধ্বজৌ চ কনকোজ্জ্বলৌ॥ 7-99-22 (48607)
অথান্যে ধনুষী রাজন্প্রগৃহ্য সমরে তদা।
পাণ্ডবং ভৃশসঙ্ক্রুদ্ধাবর্দয়ামাসতুঃ শরৈঃ॥ 7-99-23 (48608)
তয়োস্তু ভৃশসঙ্ক্রুদ্ধঃ শরাভ্যাং পাণ্ডুনন্দনঃ।
ধনুষী চিচ্ছিদে তূর্ণং ভূয় এব ধনঞ্জয়ঃ॥ 7-99-24 (48609)
তথান্যৈর্বিশিখৈস্তূর্ণং রুক্মপুঙ্খৈঃ শিলাশিতৈঃ।
জঘানাশ্বাংস্তথা সূতৌ পার্ষ্ণী চ সপদানুগৌ॥ 7-99-25 (48610)
জ্যেষ্ঠস্য চ শিরঃ কায়াৎক্ষুরপ্রেণ ন্যকৃন্তত।
স পপাত হতঃ পৃথ্ব্যাং বাতরুগ্ণ ইব দ্রুমঃ॥ 7-99-26 (48611)
বিন্দং তু নিহতং দৃষ্ট্বা হ্যনুবিন্দঃ প্রতাপবান্।
হতাশ্বং রথমুৎসৃজ্য গদাং গৃহ্য মহাবলঃ॥ 7-99-27 (48612)
অভ্যবর্তত সঙ্গ্রামে ভ্রাতুর্বধমনুস্মরন্।
গদয়া রথিনাং শ্রেষ্ঠো নৃত্যন্নিব মহারথঃ॥ 7-99-28 (48613)
অনুবিন্দস্তু গদয়া ললাটে মধুসূদনম্।
স্পষ্ট্বা নাকম্পয়ৎক্রুদ্ধো মৈনাকমিব পর্বতম্॥ 7-99-29 (48614)
তস্যার্জুনঃ শরৈঃ ষড্ভির্গ্রীবাং পাদৌ ভুজৌ শিরঃ।
নিচকর্ত স সঞ্ছন্নঃ পপাতাদ্রিচয়ো যথা॥ 7-99-30 (48615)
ততস্তৌ নিহতৌ দৃষ্ট্বা তয়ো রাজন্পদানুগাঃ।
অভ্যদ্রুবন্ত সঙ্ক্রুদ্ধাঃ কিরন্তঃ শতশঃ শরান্॥ 7-99-31 (48616)
তানর্জুনঃ শরৈস্তূর্ণং নিহত্য ভরতর্ষভ।
ব্যরোচত যথা বহ্নির্দাবং দগ্ধ্বা হিমাত্যযে॥ 7-99-32 (48617)
তয়োঃ সেনামতিক্রম্য কৃচ্ছ্রাদিব ধনঞ্জয়ঃ।
বিবভৌ জলদং হিৎবা দিবাকর ইবোদিতঃ॥ 7-99-33 (48618)
তং দৃষ্ট্বা কুরবস্ত্রস্তাঃ প্রহৃষ্টাশ্চাভবন্পুনঃ।
অভ্যবর্তন্ত পার্থং চ সমন্তাদ্ভরতর্ষভ॥ 7-99-34 (48619)
শ্রান্তং চৈনং সমালক্ষ্য জ্ঞাৎবা দূরে চ সৈন্ধবম্।
সিংহনাদেন মহতা সর্বতঃ পর্যবারয়ন্॥ 7-99-35 (48620)
তাংস্তু দৃষ্ট্বা সুসংরব্ধানুৎস্ময়ন্পুরুষর্ভঃ।
শনকৈরিব দাশার্হমর্জুনো বাক্যমব্রবীৎ॥ 7-99-36 (48621)
শরার্দিতাশ্চ গ্লানাশ্চ হয়া দূরে চ সৈন্ধবঃ।
কিমিহানন্তরং কার্যং সাধিষ্ঠং তব রোচতে॥ 7-99-37 (48622)
ব্রূহি কৃষ্ণ যথাতত্ৎবং ৎবং হি প্রাজ্ঞতমঃ সদা।
ভবন্নেত্রা রণে শত্রূন্বিজেষ্যন্তীহ পাণ্ডবাঃ॥ 7-99-38 (48623)
মম ৎবনন্তরং কৃত্যং যদ্বৈ তত্ৎবং নিবোধ মে।
হয়ান্বিমুচ্য হি সুখং বিশল্যান্কুরু মাধব॥ 7-99-39 (48624)
সঞ্জয় উবাচ। 7-99-40x (4517)
এবমুক্তস্তু পার্থেন কেশবঃ প্রত্যুবাচ তম্।
মমাপ্যেতন্মতং পার্থ যদিতং তে প্রভাষিতম্॥ 7-99-40 (48625)
অর্জুন উবাচ। 7-99-41x (4518)
অহমাবারয়িষ্যামি সর্বসৈন্যানি কেশব।
ৎবমপ্যত্র যথান্যায়ং কুরু কার্যমনন্তরম্॥ 7-99-41 (48626)
সঞ্জয় উবাচ। 7-99-42x (4519)
সোঽবতীর্য রথোপস্থাদসম্ভ্রান্তো ধনঞ্জয়ঃ।
গাণ্ডীবং ধনুরাদায় তস্থৌ গিরিবিবাচলঃ)॥ 7-99-42 (48627)
তমভ্যধাবন্ক্রোশন্তঃ ক্ষত্রিয়া জয়কাঙ্ক্ষিণঃ।
ইদং ছিদ্রমিতি জ্ঞাৎবা ধরণীস্থং ধনঞ্জয়ম্॥ 7-99-43 (48628)
তমেকং রথবংশেন মহতা পর্যবারয়ন্।
বিকর্ষন্তশ্চ চাপানি বিসৃজন্তশ্চ সায়কান্॥ 7-99-44 (48629)
শস্ত্রাণি চ বিচিত্রাণি ক্রুদ্ধাস্তত্র ব্যদর্শয়ন্।
ছাদয়ন্তঃ শরৈঃ পার্থং মেঘা ইব দিবাকরম্॥ 7-99-45 (48630)
অভ্যদ্রবন্ত বেগেন ক্ষত্রিয়াঃ ক্ষত্রিয়র্ষভম্।
নরসিংহং রথোদারাঃ সিংহং মত্তা ইব দ্বিপাঃ॥ 7-99-46 (48631)
তত্র পার্থস্য ভুজয়োর্মহদ্বলমদৃশ্যত।
যৎক্রুদ্ধো বহুলাঃ সেনাঃ সর্বতঃ সমবারয়ৎ॥ 7-99-47 (48632)
অস্ত্রৈরস্ত্রাণি সংবার্য দ্বিষতাং সর্বতো বিভুঃ।
ইষুভির্বুভিস্তূর্ণং সর্বানেব সমাবৃণোৎ॥ 7-99-48 (48633)
তত্রান্তরিক্ষে বাণানাং প্রগাঢানাং বিশাম্পতে।
সঙ্ঘর্ষেণ মহার্চিষ্মান্পাবকঃ সমজায়ত॥ 7-99-49 (48634)
তত্রতত্র মহেষ্বাসৈঃ শ্বসদ্ভিঃ শোণিতোক্ষিতৈঃ।
হয়ৈর্নাগৈশ্চ সম্ভিন্নৈর্নদদ্ভিশ্চারিকর্শন॥ 7-99-50 (48635)
সংরব্ধৈশ্চারিভির্বীরৈঃ প্রার্থয়দ্ভির্জয়ং মৃধে।
একস্থৈর্বহুভিঃ ক্রুদ্ধৈরূষ্মেব সমজায়ত॥ 7-99-51 (48636)
শরোর্মিণং ধ্বজাবর্তং নাগনক্রং দুরত্যযম্।
পদাতিমৎস্যকলিলং শঙ্খদুন্দুভিনিঃস্বনম্॥ 7-99-52 (48637)
অসঙ্খ্যেয়মপারং চ রজো নীরমতীব চ।
উষ্ণীষকমঠং ছত্রপতাকাফেনমালিনম্॥ 7-99-53 (48638)
রথসাগরমক্ষোভ্যং মাতঙ্গাঙ্গশিলাচিতম্।
বেলাভূতস্তদা পার্থঃ পত্রিভিঃ সমবারয়ৎ॥ 7-99-54 (48639)
[ধৃতরাষ্ট্র উবাচ। 7-99-55x (4520)
অর্জুনে ধরণীং প্রাপ্তে হয়হস্তে চ কেশবে।
এতদন্তরমাসাদ্য কথং পার্থো ন ঘাতিতঃ॥ 7-99-55 (48640)
সঞ্জয় উবাচ। 7-99-56x (4521)
সদ্যঃ পার্থিব পার্থেন নিরুদ্ধাঃ সর্বপার্থিবাঃ।
রথস্থা ধরণীস্থেন বাক্যমচ্ছান্দসং যথা॥ 7-99-56 (48641)
স পার্থঃ পার্থিবান্সর্বান্ভূমিস্থোপি রথস্থিতান্।
একো নিবারয়ামাস লোভঃ সর্বগুণানিব॥] 7-99-57 (48642)
ততো জনার্দনঃ সঙ্খ্যে প্রিয়ং পুরুষসত্তমম্।
অসম্ভ্রান্তো মহাবাহুরর্জুনং বাক্যমব্রবীৎ॥ 7-99-58 (48643)
উদপানমিহাশ্বানাং নালমস্তি রণেঽর্জুন।
পরীপ্সন্তে জলং চেমে পেয়ং ন ৎববগাহনম্॥ 7-99-59 (48644)
ইদমস্তীত্যসম্ভ্রান্তো ব্রুবন্নস্ত্রেণ মেদিনীম্।
অভিহত্যার্জুনশ্চক্রে বাজিপানং সরঃ শুভম্॥ 7-99-60 (48645)
[হংসকারণ্ডবাকীর্ণং চক্রবাকোপশোভিতম্।
সুবিস্তীর্ণং প্রসন্নাম্ভঃ প্রফুল্লবরপঙ্কজম্॥ 7-99-61 (48646)
কূর্মমৎস্যগণাকীর্ণমগাধমৃষিসেবিতম্।
আগচ্ছন্নারদমুনির্দর্শনার্থং কৃতং ক্ষণাৎ॥] 7-99-62 (48647)
শরবংশং শরস্থূণং শরাচ্ছাদনমদ্ভুতম্।
শরবেশ্মাকরোৎপার্থস্ৎবষ্টেবাদ্ভুতকর্মকৃৎ॥ 7-99-63 (48648)
ততঃ প্রহস্য গোবিন্দঃ সাধুসাধ্বিত্যথাব্রবীৎ।
শরবেশ্মনি পার্থেন কৃতে তস্মিন্মহাত্মনা॥ ॥ 7-99-64 (48649)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একোনশততমোঽধ্যায়ঃ॥ 99 ॥
Mahabharata - Drona Parva - Chapter Footnotes
5-99-17 স্নায়ুনদ্ধাঃ সূক্ষ্মচর্মাগ্রগ্রথিতাঃ॥ 5-99-9 ক্রোশং কোশমুদ্দিশ্য॥ 5-99-25 সূতৌ সারথী। পাষ্ণীং পৃষ্ঠরক্ষৌ॥ 5-99-30 অদ্রিচয়ো নিরিশৃঙ্গম্॥ 5-99-49 প্রগাঢানাং ব্যবগাঢানাম্॥ 5-99-54 বেলাভূতো মর্যাদারূপঃ॥ 5-99-55 কুণ্ডলিতাস্ত্রয়ঃ শ্লোকাঃ ঝ. পাঠে এব বর্তন্তে॥ 5-99-59 অলং পর্যাপ্তম্॥ 5-99-60 অভিহত্য খাৎবা। দাজিপানং অশ্বপানীয়ম্॥ 5-99-61 হংসকারণ্ডবাকীর্ণমিত্যাদিয়োগ্যতয়া বর্ণনম্॥ কুণ্ডলিতৌ দ্বৌ শ্লোকৌ ঘ.ঝ.পাঠয়োরেব॥ 5-99-63 বংশঃ শালাধারকাষ্ঠম্। স্থূণা মধ্যস্তম্ভঃ॥ 5-99-99 একোনশততমোঽধ্যায়ঃ॥দ্রোণপর্ব - অধ্যায় 100
॥ শ্রীঃ ॥
7.100. অধ্যায়ঃ 100
Mahabharata - Drona Parva - Chapter Topics
শ্রীকৃষ্ণেনার্জুননির্মিতসরসি স্নাপনাদিনাঽঽপ্যায়িতানাং তুরগাণাং পুনা রথে যোজনম্॥ 1 ॥ পুনা রথমারূঢয়োঃ কৃষ্ণঃ র্জুনয়োর্জয়দ্রথম্প্রতি গমনম্॥ 3 ॥Mahabharata - Drona Parva - Chapter Text
7-100-0 (48650)
সঞ্জয় উবাচ। 7-100-0x (4522)
সলিলে জনিতে তস্মিন্কৌন্তেয়েন মহাত্মনা।
নিস্তারিতে দ্বিষৎসৈন্যে কৃতে চ শরবেশ্মনি॥ 7-100-1 (48651)
বাসুদেবো রথাত্তূর্ণমবতীর্য মহাদ্যুতিঃ।
মোচয়ামাস তুরগান্বিনুন্নান্কঙ্কপত্রিভিঃ॥ 7-100-2 (48652)
অদৃষ্টপূর্বং তদ্দৃষ্ট্বা সাধুবাদো মহানভূৎ।
সিদ্ধচারণসঙ্ঘানাং সৈনিকানাং চ সর্বশঃ॥ 7-100-3 (48653)
পদাতিনং তু কৌন্তেয়ং যুধ্যমানং মহারথাঃ।
নাশক্নুবন্বারয়িতুং তদদ্ভুতমিবাভবৎ॥ 7-100-4 (48654)
আপতৎসু রথৌঘেষু প্রভূতগজবাজিষু।
নাসম্ভ্রমত্তদা পার্থস্তদস্য পুরুষানতি॥ 7-100-5 (48655)
ব্যসৃজন্ত শরৌঘাংস্তে পাণ্ডবং প্রতি পার্থিবাঃ।
ন চাব্যথত ধর্মাত্মা বাসবিঃ পরবীরহা॥ 7-100-6 (48656)
শতানি শরজালানি গদাঃ প্রাসাংশ্চ বীর্যবান্।
আগতানগ্রসৎপার্থঃ সরিতঃ সাগরো যথা॥ 7-100-7 (48657)
অস্ত্রবেগেন মহতা পার্থো বাহুবলেন চ।
সর্বেষাং পার্থিবেন্দ্রাণামগ্রসত্তাঞ্শরোত্তমান্॥ 7-100-8 (48658)
তত্তু পার্থস্য বিক্রান্তং বাসুদেবস্য চোভয়োঃ।
অপূজয়ন্মহারাজ কৌরবা মহদদ্ভুতম্॥ 7-100-9 (48659)
কৌরবা ঊচুঃ। 7-100-10x (4523)
কিমদ্ভুততমং লোকে ভবিতাঽপ্যথবা হ্যভূৎ।
যদশ্বান্পার্থ গোবিন্দৌ পায়যামাসতূ রণে॥ 7-100-10 (48660)
ভয়ং বিপুলমস্মাসু তাবধত্তাং নরোত্তমৌ।
তেজো বিদধতুশ্চোগ্রং যৎসৈন্যং তাবকং বিভো।
`দধারৈকো রণে পার্থো বেলেবোদ্বৃত্তমর্ণবম্॥ 7-100-11 (48661)
পার্থস্য শরসঞ্ছন্নে তস্মিন্সদ্মনি ভারত।
আকাশমিব সম্প্রাপ্য বিচেরুস্তত্র পক্ষিণঃ॥ 7-100-12 (48662)
ন চৈনং যুধি তিষ্ঠন্তং সৈন্যেষু তব মারিষ।
অভ্যদ্রবৎসুসঙ্ক্রুদ্ধঃ পুমান্কশ্চিত্তু তাবকঃ॥ 7-100-13 (48663)
সর্বে বিমনসোঽভূবংস্তব যোধা বিশাম্পতে।
সম্প্রেক্ষ্য তত্র গোবিন্দং পাণ্ডবং চ ধনঞ্জয়ম্'॥ 7-100-14 (48664)
অথ স্ময়ন্হৃষীকেশঃ স্ত্রীমধ্য ইব ভারত।
অর্জুনেন কৃতে সঙ্খ্যে শরগর্ভগৃহে তদা॥ 7-100-15 (48665)
উপাবর্তয়দব্যগ্রস্তানশ্বান্পুষ্করেক্ষণঃ।
মিষতাং সর্বসৈন্যানাং ৎবদীয়ানাং বিশাম্পতে॥ 7-100-16 (48666)
`উপাবৃত্ত্যোত্থিতানশ্বান্পাণিভ্যাং পুষ্করেক্ষণঃ।
সম্মার্জয়ন্রণে রাজন্পশ্যতাং সর্বয়োধিনাম্'॥ 7-100-17 (48667)
তেষাং শ্রমং চ গ্লানিং চ বমথুং বেপথুং ব্রণান্।
সর্বং ব্যপানুদৎকৃষ্ণঃ কুশলো হ্যশ্বকর্মণি॥ 7-100-18 (48668)
শল্যানুদ্ধৃত্য পাণিভ্যাং পরিমৃজ্য চ তান্হয়ান্।
উপাবর্ত্য যথান্যায়ং পায়যামাস বারি সঃ॥ 7-100-19 (48669)
স তাঁল্লব্ধোদকান্স্নাতাঞ্জগ্ধান্নান্বিগতক্লমান্।
যোজয়ামাস সংহৃষ্টঃ পুনরেব রথোত্তমে॥ 7-100-20 (48670)
স তং রথবরং শৌরিঃ সর্বশস্ত্রভৃতাং বরঃ।
সমাস্থায় মহাতেজাঃ সার্জুনঃ প্রয়যৌ দ্রুতম্॥ 7-100-21 (48671)
`যোজয়িৎবা হয়াংস্তস্য বিধিদৃষ্টেন কর্মণা।
রণে চচার গোবিন্দস্তৃণীকৃত্য মহারথান্'॥ 7-100-22 (48672)
রথং রথবরস্যাজৌ যুক্তং লব্ধোদকৈর্হয়ৈঃ।
দৃষ্ট্বা কুরুবলশ্রেষ্ঠাঃ পুনর্বিমনসোঽভবন্॥ 7-100-23 (48673)
বিনিঃস্বসন্তস্তে রাজন্ভগ্নদংষ্ট্রা ইবোরগাঃ।
ঘিগহোঽতিগতঃ পার্থঃ কৃষ্ণশ্চেত্যব্রুবন্পৃথক্॥ 7-100-24 (48674)
তৎসৈন্যং সর্বতো দৃষ্ট্বা রোমহর্ষণমদ্ভুতম্।
ৎবরধ্বমিতি চাক্রন্দন্নৈতদস্তীতি চাবুবন্॥ 7-100-25 (48675)
সর্বক্ষত্রস্য মিষতো রথেনৈকেন দংশিতৌ।
বালঃ ক্রীডনকেনেব কদর্থীকৃত্য নো বলম্॥ 7-100-26 (48676)
ক্রোশতাং যতমানানামসংসক্তৌ পরন্তপৌ।
দর্শয়িৎবাঽত্মনো বীর্যং প্রয়াতৌ সর্বরাজসু॥ 7-100-27 (48677)
`যথা দেবাসুরে যুদ্ধে তৃণীকৃত্য চ দানবান্।
ইন্দ্রাবিষ্ণূ পুরা রাজঞ্জম্ভস্য বধকাঙ্ক্ষিণৌ'॥ 7-100-28 (48678)
তৌ প্রয়াতৌ পুনর্দৃষ্ট্বা তদাঽন্যে সৈনিকাব্রুবন্।
ৎবরধ্বং কুরবঃ সর্বে বধে কৃষ্ণকিরীটিনোঃ॥ 7-100-29 (48679)
রথং যুঙ্ক্ৎবা হি দাশার্হো মিষতাং সর্বধন্বিনাম্।
জয়দ্রথায় যাত্যেষ কদর্থীকৃত্য নো রণে॥ 7-100-30 (48680)
তত্র কেচিন্মিথো রাজন্সমভাষন্ত ভূমিপাঃ।
অদৃষ্টপূর্বং সঙ্গ্রামে তদৃষ্ট্বা মহদদ্ভুতম্॥ 7-100-31 (48681)
সর্বসৈন্যানি রাজা চ ধৃতরাষ্ট্রোঽত্যযং গতঃ।
দুর্যোধনাপরাঘেন ক্ষত্রং কৃৎস্না চ মেদিনী॥ 7-100-32 (48682)
বিলয়ং সমনুপ্রাপ্তা তচ্চ রাজা ন বুধ্যতে।
ইত্যেবং ক্ষত্রিয়াস্তত্র ব্রুবন্ত্যন্যে চ ভারত॥ 7-100-33 (48683)
সিন্ধুরাজস্য যৎকৃত্যং গতস্য যমসাদনম্।
তৎকরোতু বৃথাদৃষ্টির্ধার্তরাষ্ট্রোঽনুপায়বিৎ॥ 7-100-34 (48684)
ততঃ শীঘ্রতরং প্রায়াৎপাণ্ডবঃ সৈন্ধবং প্রতি।
বিবর্তমানে তিগ্মাংশৌ হৃষ্টৈঃ পীতোদকৈর্হয়ৈঃ॥ 7-100-35 (48685)
তং প্রয়ান্তং মহাবাহুং সর্বশস্ত্রভৃতাং বরম্।
নাশক্নুবন্বারয়িতুং যোধাঃ ক্রুদ্ধমিবান্তকম্॥ 7-100-36 (48686)
বিদ্রাব্য তু ততঃ সৈন্যং পাণ্ডবঃ শত্রুতাপনঃ।
যথা মৃগগণান্সিংহঃ সৈন্ধবার্থে ব্যলোডয়ৎ॥ 7-100-37 (48687)
গাহমানস্ৎবনীকানি তূর্ণমশ্বানচোদয়ৎ।
বলাকাভং তু দাশার্হঃ পাঞ্চজন্যং ব্যনাদয়ৎ॥ 7-100-38 (48688)
কৌন্তেয়েনাগ্রতঃ সৃষ্টা ন্যপতন্পৃষ্ঠতঃ শরাঃ।
তূর্ণাত্তূর্ণতরং হ্যশ্বাঃ প্রাবহন্বাতরংহসঃ॥ 7-100-39 (48689)
ততো নৃপতয়ঃ ক্রুদ্ধাঃ পরিবব্রুর্ধনঞ্জয়ম্।
ক্ষত্রিয়া বহবশ্চান্যে জয়দ্রথবধৈষিণম্॥ 7-100-40 (48690)
সৈন্যেষু বিপ্রয়াতেষু ধিষ্ঠিতং পুরুষর্ষভম্।
দুর্যোধনোঽৎবয়াৎপার্থং ৎবরমাণো মহাহবে॥ 7-100-41 (48691)
বাতোদ্ধূতপতাকং তং রথং জলদনিঃস্বনম্।
ঘোরং কপিধ্বজং দৃষ্ট্বা বিষণ্ণা রথিনোঽভবন্॥ 7-100-42 (48692)
দিবাকরেঽথ রজসা সর্বতঃ সংবৃতে ভৃশম্।
শরার্তাশ্চরণে যোধাঃ শেকুঃ কৃষ্ণৌ ন বীক্ষিতুম্॥ ॥ 7-100-43 (48693)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে শততমোঽধ্যায়ঃ॥ 100 ॥
Mahabharata - Drona Parva - Chapter Footnotes
5-100-5 পুরুষানতি পুরুষেভ্যোঽতিশয়ঃ। অসম্ভ্রমৎ। উপসর্গাৎপূর্বমার্ষোঽট্॥ 5-100-11 বিদধতুর্দর্শিতবন্তৌ॥ 5-100-16 উপাবর্তয়ৎপরিলোডিতবান্॥ 5-100-18 শ্রমং মনঃকায়খেদম্। গ্লানি বলাপচয়ম্। বমথুং ফেনোদ্রমম্॥ 5-100-39 প্রাবহন্ অত্যক্রামন্॥ 5-100-49 ধিষ্ঠিতং কিঞ্চিদবস্থিতম্॥ 5-100-100 শততমোঽধ্যায়ঃ॥দ্রোণপর্ব - অধ্যায় 101
॥ শ্রীঃ ॥
7.101. অধ্যায়ঃ 101
Mahabharata - Drona Parva - Chapter Topics
জয়দ্রথং যিয়াসোরর্জুনস্য দুর্যোধনেন নিরোধঃ॥ 1 ॥Mahabharata - Drona Parva - Chapter Text
7-101-0 (48694)
সঞ্জয় উবাচ। 7-101-0x (4524)
স্রংসন্ত ইব মজ্জানস্তাবকানাং ভয়ান্নৃপ।
তৌ দৃষ্ট্বা সমতিক্রান্তৌ বাসুদেবধনঞ্জয়ৌ॥ 7-101-1 (48695)
সর্বে তু প্রতিসংরব্ধা হীমন্তঃ সৎবচোদিতাঃ।
স্থিরীভূতা মহাত্মানঃ প্রত্যগচ্ছন্ধনঞ্জয়ম্॥ 7-101-2 (48696)
যে গতাঃ পাণ্ডবং যুদ্ধে রোষামর্ষসমন্বিতাঃ।
তেঽদ্যাপি ন নিবর্তন্তে সিন্ধবঃ সাগরাদিব॥ 7-101-3 (48697)
অসন্তস্তু ন্যবর্তন্ত বেদেভ্য ইব নাস্তিকাঃ।
নরকং ভজমানাস্তে প্রত্যপদ্যন্ত কিল্বিষম্॥ 7-101-4 (48698)
তাবতীত্য রথানীকং বিমুক্তৌ পুরুষর্ষভৌ।
দদৃশাতে যথা রাহোরাস্যান্মুক্তৌ প্রভাকরৌ॥ 7-101-5 (48699)
মৎস্যাবিব মহাজালং বিদার্য বিগতক্লমৌ।
তথা কৃষ্ণাবদৃশ্যেতাং সেনাজালং বিদার্য তৎ॥ 7-101-6 (48700)
বিমুক্তৌ শস্ত্রসম্বাধাদ্রোণানীকাৎসুদুর্ভিদাৎ।
অদৃশ্যেতাং মহাত্মানৌ কালসূর্যাবিবোদিতৌ॥ 7-101-7 (48701)
অস্ত্রসম্বাধনির্মুক্তৌ বিমুক্তৌ শস্ত্রসঙ্কটাৎ।
অদৃশ্যেতাং মহাত্মানৌ শত্রুসম্বাধকারিণৌ॥ 7-101-8 (48702)
বিমুক্তৌ জ্বলনস্পর্শান্মকরাস্যাজ্ঝষাবিব।
অক্ষোভয়েতাং সেনাং তৌ সমুদ্রং মকরাবিব॥ 7-101-9 (48703)
তাবকাস্তব পুত্রাশ্চ দ্রোণানীকস্থয়োস্তয়োঃ।
নৈতৌ তরিষ্যতো দ্রোণমিতি চক্রুস্তদা মতিম্॥ 7-101-10 (48704)
তৌ তু দৃষ্ট্বা ব্যতিক্রান্তৌ দ্রোণানীকং মহাদ্যুতী।
নাশশংসুর্মহারাজ সিন্ধুরাজস্য জীবিতম্॥ 7-101-11 (48705)
আশা বলবতী রাজন্সিন্ধুরাজস্য জীবিতে।
দ্রোণহার্দিক্যযোঃ কৃষ্ণৌ ন মোক্ষ্যেতে ইতি প্রভো॥ 7-101-12 (48706)
তামাশাং বিফলীকৃত্য সন্তীর্ণৌ তৌ পরন্তপৌ।
দ্রোণানীকং মহারাজ ভোজানীকং চ দুস্তরম্॥ 7-101-13 (48707)
অথ দৃষ্ট্বা ব্যতিক্রান্তৌ জ্বলিতাবিব পাবকৌ।
নিরাশাঃ সিন্ধুরাজস্য জীবিতং ন শশংসিরে॥ 7-101-14 (48708)
মিথশ্চ সমভাষেতামভীতৌ ভয়বর্ধনৌ।
জয়দ্রথবধে বাচস্তাস্তাঃ কৃষ্ণধনঞ্জয়ৌ॥ 7-101-15 (48709)
অসৌ মধ্যে কৃতঃ ষঙ্ভির্ধার্তরাষ্ট্রৈর্মহারথৈঃ।
চক্ষুর্বিষয়সম্প্রাপ্তো ন মে মোক্ষ্যতি সৈন্ধবঃ॥ 7-101-16 (48710)
যদ্যস্য সমরে গোপ্তা শক্রো দেবগণৈঃ সহ।
তথাপ্যেনং নিহংস্যাব ইতি কৃষ্ণাবভাষতাম্॥ 7-101-17 (48711)
ইতি কৃষ্ণৌ মহাবাহূ মিথঃ কথয়তাং তদা।
সিন্ধুরাজমবেক্ষন্তৌ ৎবৎপুত্রা বহু চুক্রুশুঃ॥ 7-101-18 (48712)
অতীত্য মরুধন্বানং প্রয়ান্তৌ তৃষিতৌ গজৌ।
পীৎবা বারি সমাশ্বস্তৌ তথৈবাস্তামরিন্দমৌ॥ 7-101-19 (48713)
ব্যাঘ্রসিংহগজাকীর্ণানতিক্রম্য চ পর্বতান্।
বণিজাবিব দৃশ্যেতাং হীনমৃত্যূ জরাতিগৌ॥ 7-101-20 (48714)
তথাহি মুখবর্ণোঽয়মনয়োরিতি মেনিরে।
তাবকা বীক্ষ্য মুক্তৌ তৌ বিক্রোশন্তি স্ম সর্বশঃ॥ 7-101-21 (48715)
দ্রোণাদাশীবিষাকারাজ্জ্বলিতাদিব পাবকাৎ।
অন্যেভ্যঃ পার্থিবেভ্যশ্চ ভাস্বন্তাবিব ভাস্করৌ॥ 7-101-22 (48716)
বিমুক্তৌ সাগরপ্রখ্যাদ্রোণানীকাদর্রিদমৌ।
অদৃশ্যেতাং মুদা যুক্তৌ সমুত্তীর্যার্ণবং যথা॥ 7-101-23 (48717)
অস্ত্রৌঘান্মহতো মুক্তৌ দ্রোণহার্দিক্যরক্ষিতাৎ।
রোচমানাবদৃশ্যেতামিন্দ্রাগ্ন্যোঃ সদৃশৌ রণে॥ 7-101-24 (48718)
উদ্ভিন্নরুধিরৌ কৃষ্ণৌ ভারদ্বাজস্য সায়কৈঃ।
শিতৈশ্চিতৌ ব্যরোচেতাং কর্ণিকারৈরিবাচলৌ॥ 7-101-25 (48719)
দ্রোণগ্রাহহূদান্মুক্তৌ শক্ত্যাশীবিষসঙ্কটাৎ।
অয়ঃশরোগ্রমকরাৎক্ষত্রিয়প্রবরাম্ভসঃ॥ 7-101-26 (48720)
জ্যাঘোষতলনির্হাদাদ্গদানিস্ত্রিংশবিদ্যুতঃ।
দ্রোণাস্ত্রমেঘান্নির্মুক্তৌ সূর্যেন্দূ তিমিরাদিব॥ 7-101-27 (48721)
বাহুভ্যামিব সন্তীর্ণৌ সিন্ধুষষ্ঠাঃ সমুদ্রগাঃ।
তপান্তে সরিতঃ পূর্ণা মহাগ্রাহসমাকুলাঃ॥ 7-101-28 (48722)
`মহাশৈলোচ্চয়াং ঘোরাং লঙ্ঘয়িৎবা মহানদীম্।
নিস্তীর্ণাবধ্বগৌ যদ্বত্তদ্বত্তৌ তারিতৌ রণে'॥ 7-101-29 (48723)
ইতি কৃষ্ণৌ মহেষ্বাসৌ প্রশস্তৌ লোকবিশ্রুতৌ।
সর্বভূতান্যমন্যন্ত দ্রোণাস্ত্রবলবারণাৎ॥ 7-101-30 (48724)
জয়দ্রথং সমীপস্থমবেক্ষন্তৌ জিঘাংসয়া।
রুরুং বনান্তে লিপ্সন্তৌ ব্যাঘ্রবত্তাবতিষ্ঠতাম্॥ 7-101-31 (48725)
যথা হি মুখবর্ণোঽয়মনয়োরিতি মেনিরে।
তব যোধা মহারাজ হতমেব জয়দ্রথম্॥ 7-101-32 (48726)
লোহিতাক্ষৌ মহাবাহূ সংয়ুক্তৌ কৃষ্ণপাণ্ডবৌ।
সিন্ধুরাজমভিপ্রেক্ষ্য হৃষ্টৌ ব্যনদতাং মুহুঃ॥ 7-101-33 (48727)
শৌরেরভীষুহস্তস্য পার্থস্য চ ধনুষ্মতঃ।
তয়োরাসীৎপ্রভা রাজন্সূর্যপাবকয়োরিব॥ 7-101-34 (48728)
হর্ষ এব তয়োরাসীদ্দ্রোণানীকপ্রমুক্তয়োঃ।
সমীপে সৈন্ধবং দৃষ্ট্বা শ্যেনয়োরামিষং যথা॥ 7-101-35 (48729)
তৌ তু সৈন্ধবমালোক্য বর্তমানমিবান্তিকে।
সহসা পেততুঃক্রুদ্ধৌ ক্ষিপ্রং শ্যেনাবিবামিপম্॥ 7-101-36 (48730)
তৌ দৃষ্ট্বা তু ব্যতিক্রান্তৌ হৃষীকেশধনঞ্জয়ৌ।
সিন্ধুরাজস্য রক্ষার্থং পরাক্রান্তঃ সুতস্তব॥ 7-101-37 (48731)
দ্রোণেনাবদ্ধকবচো রাজা দুর্যোধনস্ততঃ।
যয়াবেকরথেনাজৌ হয়সংস্করাবিৎপ্রভো॥ 7-101-38 (48732)
কৃষ্ণপার্থৌ মহেষ্বাসৌ ব্যতিক্রম্যাথ তে সুতঃ।
অগ্রতঃ পুণ্ডরীকাক্ষং প্রতীয়ায় নরাধিপ॥ 7-101-39 (48733)
ততঃ সর্বেষু সৈন্যেষু বাদিত্রাণি প্রহৃষ্টবৎ।
প্রাবাদ্যন্ত ব্যতিক্রান্তে তব পুত্রে ধনঞ্জয়ম্॥ 7-101-40 (48734)
সিংহনাদরবাশ্চাসঞ্শঙ্খশব্দবিমিশ্রিতাঃ।
দৃষ্ট্বা দুর্যোধনং তত্র কৃষ্ণয়োঃ প্রমুখে স্থিতম্॥ 7-101-41 (48735)
যে চ তে সিন্ধুরাজস্য গোপ্তারঃ পাবকোপমাঃ।
তে প্রাহৃষ্যন্ত সমরে দৃষ্ট্বা পুত্রং তব প্রভো॥ 7-101-42 (48736)
দৃষ্ট্বা দুর্যোধনং কৃষ্ণো ব্যতিক্রান্তং সহানুগম্।
অব্রবীদর্জুনং রাজন্প্রাপ্তকালমিদং বচঃ॥ ॥ 7-101-43 (48737)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একাধিকশততমোঽধ্যায়ঃ॥ 101 ॥
Mahabharata - Drona Parva - Chapter Footnotes
5-101-3 অমর্ষশ্চিরানুংবদ্ধঃ কোপঃ॥ 5-101-5 প্রভাকরৌ চন্দ্রাদিত্যৌ॥ 5-101-19 মরুধন্বানং মরুস্থলম্॥ 5-101-28 সিন্ধুঃ ষষ্ঠী যাসাম্। তাশ্চ শতদ্রুবিপাশেরাবতীচন্দ্রভাগাবিতস্তাঃ। এতাহি নিতান্তদুস্তরাঃ॥ 5-101-31 রুরুং নিপানে ইতি ট. পাঠঃ। রূরুন্নিপাতে ইতি ক. পাঠঃ॥ 5-101-39 অগ্রতঃ প্রমুখে॥ 5-101-101 একাধিকশততমোঽধ্যায়ঃ॥দ্রোণপর্ব - অধ্যায় 102
॥ শ্রীঃ ॥
7.102. অধ্যায়ঃ 102
Mahabharata - Drona Parva - Chapter Topics
দুর্যোধনে নিরুন্ধানে কৃষ্ণেন তদ্দুষ্কৃতানুস্মারণপূর্বকমর্জুনম্প্রতি তদ্বধচোদনা॥ 1 ॥ অর্জুনম্প্রতি দুর্যোধনস্য বীরবাদঃ॥ 2 ॥Mahabharata - Drona Parva - Chapter Text
7-102-0 (48738)
বাসুদেব উবাচ। 7-102-0x (4525)
দুর্যোধনমতিক্রান্তমেতং পশ্য ধনঞ্জয়।
আপদ্গতমিমং মন্যে নাস্ত্যস্য সদৃশো রথঃ॥ 7-102-1 (48739)
দূরপাতী মহেষ্বাসঃ কৃতাস্ত্রো যুদ্ধদুর্মদঃ।
দৃঢহস্তশ্চিত্রয়োধী ধার্তরাষ্ট্রো মহাবলঃ॥ 7-102-2 (48740)
অত্যন্তসুখসংবৃদ্ধো মানিতশ্চ মহারথৈঃ।
কৃতী চ সততং পার্থ নিত্যং দ্বেষ্টি চ পাণ্ডবান্॥ 7-102-3 (48741)
তেন যুদ্ধমহং মন্যে প্রাপ্তকালং তবানঘ।
অত্র নো দ্যূতমায়ত্তং বিজয়ায়েতরায় বা॥ 7-102-4 (48742)
অত্র ক্রোধবিষং পার্থ বিমুঞ্চ চিরসম্ভৃতম্॥
এষ মূলমনর্থানাং পাণ়্বানাং মহাত্মনাম্॥ 7-102-5 (48743)
সোঽয়ং প্রাপ্তস্তবাক্ষেপং পশ্য সাফল্যমাত্মনঃ।
কথং হি রাজা রাজ্যার্থী ৎবয়া গচ্ছেত সংয়ুগম্॥ 7-102-6 (48744)
দিষ্ট্যা ৎবিদানীং সম্প্রাপ্ত এষ তে বাণগোচরম্।
যথাঽয়ং জীবিতং জহ্যাত্তথা কুরু ধনঞ্জয়॥ 7-102-7 (48745)
ঐশ্বর্যমদসম্মূঢো নৈষ দুঃখমুপেয়িবান্।
ন চ তে সংয়ুগে বীর্যং জানাতি পুরুষর্ষভ॥ 7-102-8 (48746)
ৎবাং হি লোকাস্ত্রয়ঃ পার্থ সসুরাসুরমানবাঃ।
নোৎসহন্তে রণে জেতুং কিমুতৈকঃ সুয়োধনঃ॥ 7-102-9 (48747)
স দিষ্ট্যা সমনুপ্রাপ্তস্তব পার্থ রথান্তিকম্।
জহ্যেনং ৎবং মহাবাহো যথা বৃত্রং পুরন্দরঃ॥ 7-102-10 (48748)
এষ হ্যনর্থে সততং পরাক্রান্তস্তবানঘ।
নিকৃত্যা ধর্মরাজং চ দ্যূতে বঞ্চিতবানয়ম্॥ 7-102-11 (48749)
বহূনি সুনৃশংসানি কৃতান্যেতেন মানদ।
যুষ্মাসু পাপমতিনা অপাপেষ্বপি নিত্যদা॥ 7-102-12 (48750)
তমনার্যং সদা ক্রুদ্ধং পুরুষং কামরূপিণম্।
আর্যাং যুদ্ধে মতিং কৃৎবা জহি পার্থাবিচারয়ন্॥ 7-102-13 (48751)
নিকৃত্যা রাজ্যহরণং বনবাসং চ পাণ্ডব।
পরিক্লেশং চ কৃষ্ণায়া হৃদি কৃৎবা পরাক্রম॥ 7-102-14 (48752)
দিষ্ট্যৈষ তব বাণানাং গোচরে পরিবর্ততে।
প্রতিঘাতায় কার্যস্য দিষ্ট্যা চ যততেঽগ্রতঃ॥ 7-102-15 (48753)
দিষ্ট্যা জানাতি সঙ্গ্রামে যোদ্ধব্যং হি ৎবয়া সহ।
দিষ্ট্যা চ সফলাঃ পার্থ সর্বে কামা হ্যকামিতাঃ॥ 7-102-16 (48754)
তস্মাজ্জহি রণে পার্থ ধার্তরাষ্ট্রং কুলাধমম্।
যথেন্দ্রেণ হতঃ পূর্বং জম্ভো দেবাসুরে মৃধে॥ 7-102-17 (48755)
অস্মিন্হতে ৎবয়া সৈন্যমনাথং ভিদ্যতামিদম্।
বৈরস্য দিষ্ট্যা সহজং মূলং ছিন্ধি দুরাত্মনাম্॥ 7-102-18 (48756)
সঞ্জয় উবাচ। 7-102-19x (4526)
তং তথেত্যব্রবীৎপার্থঃ কৃত্যরূপমিদং মম।
সর্বমন্যদনাদৃত্য গচ্ছ যত্র সুয়োধনঃ॥ 7-102-19 (48757)
যেনৈতদ্দীর্ঘকালং নো ভুক্তং রাজ্যমকণ্টকম্।
অপ্যস্য যুধি বিক্রম্য চ্ছিন্দ্যাং মূর্ধানমাহবে॥ 7-102-20 (48758)
অপি তস্য হ্যনর্হায়াঃ পরিক্লেশস্য মাধব।
কৃষ্ণায়াঃ শক্নুয়াং গন্তুং পদং কেশপ্রধর্ষণে॥ 7-102-21 (48759)
`অপ্যহং তানি দুঃখানি পূর্ববৃত্তানি মাধব।
দুর্যোধনং রণে হৎবা প্রতিমোক্ষ্যে কথঞ্চন'॥ 7-102-22 (48760)
ইত্যেবংবাদিনৌ কৃষ্ণৌ হৃষ্টৌ শ্বেতান্হয়োত্তমান্।
প্রেষয়ামাসতুঃ সঙ্খ্যে প্রেপ্সন্তৌ তং নরাধিপম্॥ 7-102-23 (48761)
তয়োঃ সমীপং সম্প্রাপ্য পুত্রস্তে ভরতর্ষভ।
ন চকার ভয়ং প্রাপ্তে ভয়ে মহতি মারিষ॥ 7-102-24 (48762)
তদস্য ক্ষত্রিয়াঃ কর্ম সর্ব এবাভ্যপূজয়ন্।
যদর্জুনহৃষীকেশৌ প্রত্যুদ্যাতৌ ন্যবারয়ৎ॥ 7-102-25 (48763)
ততঃ সর্বস্য সৈন্যস্য তাবকস্য বিশাম্পতে।
মহানাদো হ্যভূত্তত্র দৃষ্ট্বা রাজানমাহবে॥ 7-102-26 (48764)
তস্মিঞ্জনসমুন্নাদে প্রবৃত্তে ভৈরবে সতি।
কদর্থীকৃত্য তে পুত্রঃ প্রত্যমিত্রমবারয়ৎ॥ 7-102-27 (48765)
আবারিতস্তু কৌন্তেয়স্তব পুত্রেণ ধন্বিনা।
সংরম্ভমগমদ্ভূয়ঃ স চ তস্মিন্পরন্তপঃ॥ 7-102-28 (48766)
তৌ দৃষ্ট্বা প্রতিসংরব্ধৌ দুর্যোধনধনঞ্জয়ৌ।
অভ্যবৈক্ষন্ত রাজানো ভীমরূপাঃ সমন্ততঃ॥ 7-102-29 (48767)
দৃষ্ট্বা তু পার্থং সংরব্ধং বাসুদেবং চ মারিষ।
প্রহসন্নেব পুত্রস্তে যোদ্ধুকামঃ সমাহ্বয়ৎ॥ 7-102-30 (48768)
ততঃ প্রহৃষ্টো দাশার্হঃ পাণ্ডবশ্চ ধনঞ্জয়ঃ।
ব্যক্রোশেতাং মহানাদং দধ্মতুশ্চাম্বুজোত্তমৌ॥ 7-102-31 (48769)
তৌ হৃষ্টরূপৌ সম্প্রেক্ষ্য কৌরবেয়াস্তু সর্বশঃ।
নিরাশাঃ সমপদ্যন্ত পুত্রস্য তব জীবিতে॥ 7-102-32 (48770)
শোকমাপুঃ পরং চৈব কুরবঃ সর্ব এব তে।
অমন্যন্ত চ পুত্রং তে বৈশ্বানরমুখে হুতম্॥ 7-102-33 (48771)
তথা তু দৃষ্ট্বা যোধাস্তে প্রহৃষ্টৌ কৃষ্ণপাণ্ডবৌ।
হতো রাজা হতো রাজেত্যূচিরে চ ভয়ার্দিতাঃ॥ 7-102-34 (48772)
জনস্য সন্নিনাদং তু শ্রুৎবা দুর্যোধনোঽব্রবীৎ।
ব্যেতু বো ভীরহং কৃষ্ণৌ প্রেষয়িষ্যামি মৃত্যবে॥ 7-102-35 (48773)
ইত্যুক্ৎবা সৈনিকান্সর্বাঞ্জয়াপেক্ষী নরাধিপঃ।
পার্থমাভাষ্য সংরম্ভাদিদং বচনমব্রবীৎ॥ 7-102-36 (48774)
পার্থ যচ্ছিক্ষিতং তেঽস্ত্রং দিব্যং পার্থিবমেব চ।
তদ্দর্শয় ময়ি ক্ষিপ্রং যদি জাতোঽসি পাণ়্ডুনা॥ 7-102-37 (48775)
যদ্বলং তব বীর্যং চ কেশবস্য তথৈব চ।
তৎকুরুষ্ব ময়ি ক্ষিপ্রং পশ্যামস্তব পৌরুষম্॥ 7-102-38 (48776)
অস্মৎপরোক্ষং কর্মাণি কৃতানি প্রবদন্তি তে।
স্বামিসৎকারয়ুক্তানি যানি তানীহ দর্শয়॥ ॥ 7-102-39 (48777)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে দ্ব্যদিকশততমোঽধ্যায়ঃ॥ 102 ॥
Mahabharata - Drona Parva - Chapter Footnotes
5-102-1 নাস্তীত্যর্জুনোত্তেজনম্॥ 5-102-6 আক্ষেপং শরগোচরম্॥ 5-102-15 কার্যস্য জয়দ্রথবধরূপস্য॥ 5-102-19 কৃত্যরূপমত্যন্তকরণীয়ম্॥ 5-102-29 পদং প্রতিপদম্। গন্তুং পদবীং কলহস্য চ ইতি ক. পাঠঃ॥ 5-102-39 স্বামিসৎকারো বীরপ্রধানোঽয়মিতি যদন্যৈঃ সৎকরণং তেন যুক্তানি যোগ্যতাং গতানি॥ 5-102-102 দ্ব্যধিকশততমোঽধ্যায়ঃ॥দ্রোণপর্ব - অধ্যায় 103
॥ শ্রীঃ ॥
7.103. অধ্যায়ঃ 103
Mahabharata - Drona Parva - Chapter Topics
অর্জুনেন দুর্যোধনপরাজয়ঃ॥ 1 ॥Mahabharata - Drona Parva - Chapter Text
7-103-0 (48778)
সঞ্জয় উবাচ। 7-103-0x (4527)
এবমুক্ৎবাঽর্জুনং রাজা ত্রিভির্মর্মাতিগৈঃ শরৈঃ।
অভ্যবিধ্যন্মহাবেগৈশ্চতুর্ভিশ্চতুরো হয়ান্॥ 7-103-1 (48779)
বাসুদেবং চ দশভিঃ প্রত্যবিধ্যৎস্তনান্তরে।
প্রতোদং চাস্য ভল্লেন চ্ছিত্ৎবা ভূমাবপাতয়ৎ॥ 7-103-2 (48780)
তং চতুর্দশভিঃ পার্থশ্চিত্রপুঙ্খৈঃ শিলাশিতৈঃ।
অবিধ্যত্তূর্ণমব্যগ্রস্তে চাভ্রশ্যন্ত বর্মণি॥ 7-103-3 (48781)
তেষাং নৈষ্ফল্যমালোক্য পুনর্নব চ পঞ্চ চ।
প্রাহিণোন্নিশিতান্বাণাংস্তে চাভ্রশ্যন্ত বর্মণঃ॥ 7-103-4 (48782)
অষ্টাবিংশাংস্তু তান্বাণানস্তান্বিপ্রেক্ষ্য নিষ্ফলান্।
অব্রবীৎপরবীরঘ্নঃ কৃষ্ণোঽর্জুনমিদং বচঃ॥ 7-103-5 (48783)
অদৃষ্টপূর্বং পশ্যামি শিলানামিব সর্পণম্।
ৎবয়া সম্প্রেষিতাঃ পার্থ নার্থং কুর্বন্তি পত্রিণঃ॥ 7-103-6 (48784)
কচ্চিদ্গাণ্ডীবজঃ প্রাণস্তথৈব ভরতর্ষভ।
মুষ্টিশ্চ তে যথা পূর্বং ভুজয়োশ্চ বলং তব॥ 7-103-7 (48785)
ন বা কচ্চিদয়ং কালঃ প্রাপ্তঃ স্যাদদ্য পশ্চিমঃ।
তব চৈবাস্য শত্রোশ্চ তন্মমাচক্ষ্ব পৃচ্ছতঃ॥ 7-103-8 (48786)
বিস্ময়ো মে মহান্পার্থ তব দৃষ্ট্বা শরানিমান্।
ব্যর্থান্নিপতিতান্সঙ্খে দুর্যোধনরথং প্রতি॥ 7-103-9 (48787)
বজ্রাশনিসমা ঘোরাঃ পরকায়াবভেদিনঃ।
শরাঃ কুর্বন্তি তে নার্থং পার্থ কাঽদ্য বিডম্বনা॥ 7-103-10 (48788)
অর্জুন উবাচ। 7-103-11x (4528)
দ্রোণেন নিয়তং কৃষ্ণ ধার্তরাষ্ট্রে নিদর্শিতম্।
অন্তে বিহিতমস্ত্রাণামেতৎকবচধারণম্॥ 7-103-11 (48789)
অস্মিন্নন্তর্হিতং কৃষ্ণ ত্রৈলোক্যমপি বর্মণি।
একো দ্রোণো হি বৈদৈতদহং তস্মাচ্চ সত্তমাৎ॥ 7-103-12 (48790)
ন শক্যমেতৎকবচং বাণৈর্ভেত্তুং কথঞ্চন।
অপি বজ্রেণ গোবিন্দ স্বয়ং মঘবতা যুধি॥ 7-103-13 (48791)
জানংস্ৎবমপি বৈ কৃষ্ণ মাং বিমোহয়সে কথম্।
যদ্বৃত্তং ত্রিষু লোকেষু যচ্চ কেশব বর্ততে॥ 7-103-14 (48792)
যথা ভবিষ্যদ্যচ্চৈব তৎসর্বং বিদিতং তব।
ন ৎবিদং বেদ বৈ কশ্চিদ্যথা ৎবং মধুসূদন॥ 7-103-15 (48793)
এষ দুর্যোধনঃ কৃষ্ণ দ্রোণেন বিহিতামিমাম্।
তিষ্ঠত্যভীতবৎসঙ্খ্যে বিভ্রৎকবচধারণাম্॥ 7-103-16 (48794)
যত্ৎবত্র বিহিতং কার্যং নৈষ তদ্বেত্তি মাধব।
স্ত্রীবদেষ বিভর্ত্যেতাং যুক্তাং কবচধারণাম্॥ 7-103-17 (48795)
পশ্য বাহ্বোশ্চ মে বীর্যং ধনুষশ্চ জনার্দন।
পরাজয়িষ্যে কৌরব্যং কবচেনাপি রক্ষিতম্॥ 7-103-18 (48796)
ইদমঙ্গিরসে প্রাদাদ্দেবেশো বর্ম ভাস্বরম্।
তস্মাদ্বৃহস্পতিঃ প্রাপ ততঃ প্রাপ পুরন্দরঃ॥ 7-103-19 (48797)
পুনর্দদৌ সুরপতির্মহ্যং বর্ম সসঙ্গ্রহম্।
দৈবং যদ্যস্য বর্মৈতদ্ব্রহ্মণা বা স্বয়ং কৃতম্।
নৈনং গোপ্স্যতি দুর্বুদ্ধিমদ্য বাণহতং ময়া॥ 7-103-20 (48798)
সঞ্জয় উবাচ। 7-103-21x (4529)
এবমুক্ৎবাঽর্জুনো বাণানভিমন্ত্র্য ব্যকর্ষয়ৎ।
মানবাস্ত্রেণ মানার্হস্তীক্ষ্ণাবরণভেদিনা॥ 7-103-21 (48799)
বিকৃষ্যমাণাংস্তেনৈব ধনুর্মধ্যগতাঞ্ছরান্।
তানস্যাস্ত্রেণ চিচ্ছেদ দ্রৌণিঃ সর্বাস্ত্রঘাতিনা॥ 7-103-22 (48800)
তান্নিকৃত্তানিষূন্দৃষ্ট্বা দূরতো ব্রহ্মবাদিনা।
ন্যবেদয়ৎকেশবায় বিস্মিতঃ শ্বেতবাহনঃ॥ 7-103-23 (48801)
নৈতদস্ত্রং ময়া শক্যং দ্বিঃ প্রয়োক্তুং জনার্দন।
অস্ত্রং মামেব হন্যাদ্ধি হন্যাচ্চাপি বলং মম॥ 7-103-24 (48802)
ততো দুর্যোধনঃ কৃষ্ণৌ নবভির্নবভিঃ শরৈঃ।
অবিধ্যত রণে রাজঞ্শরৈরাশীবিষোপমৈঃ॥ 7-103-25 (48803)
ভূয় এবাভ্যবর্ষচ্চ সমরে কৃষ্ণপাণ্ডবৌ।
শরবর্ষেণ মহতা ততোঽহৃষ্যন্ত তাবকাঃ।
চক্রুর্বাদিত্রনিনদান্সিংহনাদরবাংস্তথা॥ 7-103-26 (48804)
ততঃ ক্রুদ্ধো রণে পার্থঃ সৃক্বিণী পরিসংলিহন্।
নাপশ্যচ্চ ততোঽস্যাঙ্গং যন্ন স্যাদ্বর্মরক্ষিতম্॥ 7-103-27 (48805)
ততোঽস্য নিশিতৈর্বাণৈঃ সুমুক্তৈরন্তকোপমৈঃ।
হয়াংশ্চকার নির্দেহানুভৌ চ পার্ষ্ণিসারথী॥ 7-103-28 (48806)
ধনুরস্যাচ্ছিনত্তূর্ণং হস্তাবাপং চ বীর্যবান্।
রথং চ শকলীকর্তুং সব্যসাচী প্রচক্রমে॥ 7-103-29 (48807)
দুর্যোধনং চ বাণাভ্যাং তীক্ষ্ণাভ্যাং বিরথীকৃতম্।
আবিদ্ধ্যদ্ধস্ততলয়োরুভয়োরর্জুনস্তদা॥ 7-103-30 (48808)
[প্রয়ত্নজ্ঞো হি কৌন্তয়ো নখমাংসান্তরেষুভিঃ।
স বেদনাভিরাবিগ্নঃ পলায়নপরায়ণঃ॥] 7-103-31 (48809)
তং কৃচ্ছ্রামাপদং প্রাপ্তং দৃষ্ট্বা পরমধন্বিনঃ।
সমাপেতুঃ পরীপ্সন্তো ধনঞ্জয়শরার্দিতম্॥ 7-103-32 (48810)
তং রথৈর্বহুসাহস্রৈঃ কল্পিতৈঃ কুঞ্জরৈর্হয়ৈঃ।
পদাত্যোঘৈশ্চ সংরব্ধৈঃ পরিবব্রুর্ধনঞ্জয়ম্॥ 7-103-33 (48811)
অথ নার্জুনগোবিন্দৌ ন রথো বা ব্যদৃশ্যত।
অস্ত্রবর্ষেণ মহতা শরৌঘৈশ্চাপি সংবৃতৌ॥ 7-103-34 (48812)
ততোঽর্জুনোঽস্ত্রবীর্যেণ নিজঘ্নে তাং বরূথিনীম্।
তত্র ব্যঙ্গী কৃতাঃ পেতুঃ শতশোঽথ রথদ্বিপাঃ॥ 7-103-35 (48813)
তে হতা হন্যমানাশ্চ ন্যগৃহ্ণংস্তং রথোত্তমম্।
স রথঃ স্তম্ভিতস্তস্থৌ ক্রোশমাত্রে সমন্ততঃ॥ 7-103-36 (48814)
ততোঽর্জুনং বৃষ্ণিবীরস্ৎবরিতো বাক্যমব্রবীৎ।
ধনুর্বিষ্ফারয়াত্যর্থমহং ধ্মাস্যামি চাম্বুজম্॥ 7-103-37 (48815)
ততো বিষ্ফার্য বলবদ্গাণ্ডীবং জঘ্নিবান্রিপূন্।
মহতা শরবর্ষেণ তলশব্দেন চার্জুনঃ॥ 7-103-38 (48816)
পাঞ্চজন্যং চ বলবান্দধ্মৌ তারেণ কেশবঃ।
রজসা ধ্বস্তপক্ষ্মান্তঃ প্রস্বিন্নবদনো ভৃশম্॥ 7-103-39 (48817)
`তেনাচ্যুতোষ্ঠপুটপূরিতমারুতেন
শঙ্খান্তরোদরবিবৃদ্ধবিনিঃসৃতেন।
নাদেন সাসুরবিয়ৎসুরলোকপাল--
মুদ্বিগ্নমীশ্বর জগৎস্ফুটতীব সর্বম্'॥ 7-103-40 (48818)
তস্য শঙ্খস্য নাদেন ধনুষো নিঃস্বনেন চ।
নিঃসৎবাশ্চ সসৎবাশ্চ ক্ষিতৌ পেতুস্তদা জনাঃ॥ 7-103-41 (48819)
তৈর্বিমুক্তো রথো রেজে বায়্বীরিত ইবাম্বুদঃ।
জয়দ্রথস্য গোপ্তারস্ততঃ ক্ষুব্ধাঃ সহানুগাঃ॥ 7-103-42 (48820)
তে দৃষ্ট্বা সহসা পার্থং গোপ্তারঃ সৈন্ধবস্য তু।
চক্রুর্নাদান্মহেষ্বাসাঃ কম্পয়ন্তো বসুন্ধরাম্॥ 7-103-43 (48821)
বাণশব্দরবাংশ্চোগ্রান্বিমিশ্রাঞ্শঙ্খনিঃস্বনৈঃ।
প্রাদুশ্চক্রুর্মহাত্মানঃ সিংহনাদরবানপি॥ 7-103-44 (48822)
তং শ্রুৎবা নিনদং ঘোরং তাবকানাং সমুত্থিতম্।
প্রদধ্মতুঃ শঙ্খবরৌ বাসুদেবধনঞ্জয়ৌ॥ 7-103-45 (48823)
তেন শব্দেন মহতা পূরিতেয়ং বসুন্ধরা।
সশৈলা সার্ণবদ্বীপা সপাতালা বিশাম্পতে॥ 7-103-46 (48824)
স শব্দো ভরতশ্রেষ্ঠ ব্যাপ্য সর্বা দিশো দশ।
প্রতিসস্বান তত্রৈব কুরুপাণ্ডবয়োর্বলে॥ 7-103-47 (48825)
তাবকা রথিনস্তত্র দৃষ্ট্বা কৃষ্ণধনঞ্জয়ৌ।
সম্ভ্রমং পরমং প্রাপ্তাস্ৎবরমাণা মহারথাঃ॥ 7-103-48 (48826)
অথ কৃষ্ণৌ মহাভাগৌ তাবকা বীক্ষ্য দংশিতৌ।
অভ্যদ্রবন্ত সঙ্ক্রুদ্ধাস্তদদ্ভুতমিবাভবৎ॥ ॥ 7-103-49 (48827)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ত্র্যধিকশততমোঽধ্যায়ঃ॥ 103 ॥
Mahabharata - Drona Parva - Chapter Footnotes
5-103-7 গাণ্ডীবতো বাণাঃ ইতি ড.পাঠঃ। গণ্ডীবতঃ প্রাণা ইতি ক.ট.পাঠঃ॥ 5-103-17 যুক্তাং অন্যপ্রয়ুক্তাম্॥ 5-103-20 সসঙ্গ্রহং সোপদেশম্। দৈবং দৈবঃ কৃতম্॥ 5-103-28 নির্দেহান্ নিকৃত্তাবয়বান্॥ 5-103-31 নখমাংসান্তরে ইষুভিরাবিদ্ধ্যদিতি পূর্বেণান্বয়ঃ। সন্ধিরার্ষঃ। অয়ং শ্লোকঃ ঝ.পাঠ এবাস্তি॥ 5-103-36 ক্রোশমাত্রে সৈংধবতোর্থাৎ॥ 5-103-103 ত্র্যধিকশততমোঽধ্যায়ঃ॥দ্রোণপর্ব - অধ্যায় 104
॥ শ্রীঃ ॥
7.104. অধ্যায়ঃ 104
Mahabharata - Drona Parva - Chapter Topics
অর্জুনস্য ভূরিশ্রবঃপ্রভৃতিভিরষ্টভির্যুদ্ধম্॥ 1 ॥Mahabharata - Drona Parva - Chapter Text
7-104-0 (48828)
সঞ্জয় উবাচ। 7-104-0x (4530)
তাবকাস্ৎবভিসম্প্রেক্ষ্য বৃষ্ণ্যন্ধকরূদ্বহৌ।
সৎবরাস্তৌ জিঘাংসন্তস্তথৈব বিজয়ঃ পরান্॥ 7-104-1 (48829)
সুবর্ণচিত্রৈর্বৈয়াঘ্রৈঃ স্বনবদ্ভির্মহারথৈঃ।
দীপয়ন্তো দিশঃ সর্বা জ্বলদ্ভিরিব পাবকৈঃ॥ 7-104-2 (48830)
রুক্মপুঙ্খৈশ্চ দুষ্প্রেক্ষ্যৈঃ কার্মুকৈঃ পৃথিবীপতে।
কূজদ্ভিরতুলান্নাদন্রোষিতৈরুরগৈরিব॥ 7-104-3 (48831)
ভূরিশ্রবাঃ শলঃ কর্ণো বৃষসেনো জয়দ্রথঃ।
কৃপশ্চ মদ্ররাজশ্চ দ্রোণিশ্চ রথিনাং বরঃ॥ 7-104-4 (48832)
তে পিবন্ত ইবাকাশমশ্বৈরষ্টৌ মহারথাঃ।
ব্যরাজয়ন্দশ দিশো বৈয়ার্ঘ্রৈর্হেমচন্দ্রকৈঃ॥ 7-104-5 (48833)
তে দংশিতাঃ সুসংরব্ধা রথৈর্মেঘৌঘনিঃস্বনৈঃ।
সমাবৃণ্বন্দশ দিশঃ পার্থস্য নিশিতৈঃ শরৈঃ॥ 7-104-6 (48834)
কৌলূতকা হয়াশ্চিত্রা বহন্তস্তান্মহারথান্।
ব্যশোভন্ত তদা শীঘ্রা দীপয়ন্তো দিশো দশ॥ 7-104-7 (48835)
আজানেয়ৈর্মহাবেগৈর্নানাদেশসমুত্থিতৈঃ।
পার্বতীয়ৈর্নদীজৈশ্চ সৈন্ধবৈশ্চ হয়োত্তমৈঃ॥ 7-104-8 (48836)
কুরুয়োধবরা রাজংস্তব পুত্রং পরীপ্সবঃ।
ধনঞ্জয়রথং শীঘ্রং সর্বতঃ সমুপাদ্রবন্॥ 7-104-9 (48837)
তে প্রগৃহ্য মহাশঙ্খান্দধ্মুঃ পুরুষসত্তমাঃ।
পূরয়ন্তো দিবং রাজন্পৃথিবীং চ সসাগরাম্॥ 7-104-10 (48838)
তথৈব দধ্মতুঃ শঙ্খৌ বাসুদেবধনঞ্জয়ৌ।
প্রবরৌ সর্বদেবানাং সর্বশঙ্খবরৌ ভুবি॥ 7-104-11 (48839)
দেবদত্তং চ কৌন্তেয়ঃ পাঞ্চজন্যং চ কেশবঃ।
শব্দস্তু দেবদত্তস্য ধনঞ্জয়সমীরিতঃ॥ 7-104-12 (48840)
পৃথিবীং চান্তরিক্ষং চ দিশশ্চৈব সমাবৃণোৎ।
তথৈব পাঞ্চজন্যোঽপি বাসুদেবসমীরিতঃ॥ 7-104-13 (48841)
সর্বশব্দানতিক্রম্য পূরয়ামাস রোদসী।
তস্মিংস্তথা বর্তমানে দারুণে নাদসঙ্কুলে॥ 7-104-14 (48842)
ভীরূণাং ত্রাসজননে শূরাণাং হর্ষবর্ধনে।
প্রবাদিতাসু ভেরীষু ঝর্ঝরেষ্বানকেষু চ॥ 7-104-15 (48843)
মৃদঙ্গেষ্বপি রাজেন্দ্র বাদ্যমানেষ্বেনকশঃ।
মহারথসমাখ্যাতা দুর্যোধনহিতৈষিণঃ॥ 7-104-16 (48844)
অমৃষ্যমাণাস্তং শব্দং ক্রুদ্ধাঃ পরমধন্বিনঃ।
কর্ণাদয়ো মহেষ্বাসাস্ৎবৎসৈন্যপরিরক্ষিণঃ॥ 7-104-17 (48845)
অমর্ষিতা মহাশঙ্খান্দধ্মুর্বীরা মহারথাঃ।
কৃতে প্রতিকরিষ্যন্তঃ কেশবস্যার্জুনস্য চ॥ 7-104-18 (48846)
বভূব তব তৎসৈন্যং শঙ্খশব্দে সমীরিতে।
উদ্বিগ্নরথনাগাশ্বমস্বস্থমিব চাভিভোং॥ 7-104-19 (48847)
তৎপ্রহৃষ্টজনাবাধং ভেরীশঙ্খনিনাদিতম্।
বভূব ভৃশমুদ্বিগ্নং নির্ঘাতৈরিব সংবৃতম্॥ 7-104-20 (48848)
স শব্দঃ সুমহান্রাজন্দিশঃ সর্বা ব্যনাদয়ৎ।
ত্রাসয়ামাস তৎসৈন্যং যুগান্ত ইব সম্ভৃতঃ॥ 7-104-21 (48849)
ততো দুর্যোধনোঽষ্টৌ চ রাজানস্তে মহারথাঃ।
জয়দ্রথস্য রক্ষার্থং পাণ্ডবং পর্যবারয়ন্॥ 7-104-22 (48850)
ততো দ্রৌণিস্ত্রিসপ্তত্যা বাসুদেবমতাডয়ৎ।
অর্জুনং চ ত্রিভির্ভল্লৈর্ধ্বজমশ্বাংশ্চ পঞ্চভিঃ॥ 7-104-23 (48851)
তমর্জুনঃ পৃষৎকানাং শতৈঃ ষঙ্ভিরতাডয়ৎ।
অত্যর্থমিব সঙ্ক্রুদ্ধঃ প্রতিবিদ্ধে জনার্দনে॥ 7-104-24 (48852)
কর্ণং চ দশভির্বিদ্ধ্বা বৃষসেনং ত্রিভিস্তথা।
শল্যস্য সশরং চাপং মুষ্টৌ চিচ্ছেদ বীর্যবান্॥ 7-104-25 (48853)
গৃহীৎবা ধনুরন্যত্তু শল্যো বিব্যাধ পাণ্ডবম্।
ভূরিশ্রবাস্ত্রিভির্বাণৈর্হেমপুঙ্খৈঃ শিলাশিতৈঃ॥ 7-104-26 (48854)
কর্ণো দ্বাত্রিংশতা চৈব বৃষসেনশ্চ সপ্তভিঃ।
জয়দ্রথস্ত্রিসপ্তত্যা কৃপশ্চ দশভিঃ শরৈঃ।
মদ্রাজশ্চ দশভির্বিব্যধুঃ ফল্গুনং রণে॥ 7-104-27 (48855)
ততঃ শরাণাং ষষ্ট্যা তু দ্রৌণিঃ পার্থমবাকিরৎ।
বাসুদেবং চ বিংশত্যা পুনঃ পার্থং চ পঞ্চভিঃ॥ 7-104-28 (48856)
প্রহসংস্তু নরব্যাঘ্রঃ শ্বেতাশ্বঃ কৃষ্ণসারথিঃ।
প্রত্যবিধ্যৎস তান্সর্বান্দর্শয়ন্পাণিলাঘবম্॥ 7-104-29 (48857)
কর্ণং দ্বাদশভির্বিদ্ব্বা বৃষসেনং ত্রিভিঃ শরৈঃ।
শল্যস্য সশরং চাপং মুষ্টিদেশে ব্যকৃন্তত॥ 7-104-30 (48858)
সৌমদত্তিং ত্রিভির্বিদ্ব্বা শল্যং চ দশভিঃ শরৈঃ।
শিতৈরগ্নিশিখাকারৈর্দ্রৌণিং বিব্যাধ চাষ্টভিঃ॥ 7-104-31 (48859)
গৌতমং পঞ্চবিংশত্যা সৈন্ধবং চ শতেন হ।
পুনর্দ্রৌণিং চ সপ্তত্যা শরাণাং সোঽভ্যতাডয়ৎ॥ 7-104-32 (48860)
ভূরিশ্রবাস্তু সঙ্ক্রুদ্ধঃ প্রতোদং চিচ্ছিদে হরেঃ।
অর্জুনং চ ত্রিসপ্তত্যা বাণানামাজঘান হ॥ 7-104-33 (48861)
ততঃ শরশতৈস্তীক্ষ্ণৈস্তানরীন্শ্বেতবাহনঃ।
প্রত্যষেধদ্দ্রুতং ক্রুদ্ধো মহাবাতো ঘনানিব॥ ॥ 7-104-34 (48862)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে চতুরধিকশততমোঽধ্যায়ঃ॥ 104 ॥
Mahabharata - Drona Parva - Chapter Footnotes
5-104-2 বৈয়াঘ্রৈর্ব্যাঘ্রচর্মচিত্রৈঃ॥ 5-104-7 কৌলতকাঃ কুলূতদেশজাঃ পার্বতীয়সমানলক্ষণাঃ॥ 5-104-8 আজানেয়ৈঃ কুলীনৈঃ। নদীজৈর্নদীতীরজৈঃ॥ 5-104-104 চতুরধিকশততমোঽধ্যায়ঃ॥দ্রোণপর্ব - অধ্যায় 105
॥ শ্রীঃ ॥
7.105. অধ্যায়ঃ 105
Mahabharata - Drona Parva - Chapter Topics
সঞ্জয়েন রথানাং ধ্বজবর্ণনম্॥ 1 ॥Mahabharata - Drona Parva - Chapter Text
7-105-0 (48863)
ধৃতরাষ্ট্র উবাচ। 7-105-0x (4531)
ধ্বজান্বহুবিধাকারান্ভ্রাজমানানতিশ্রিয়া।
পার্থানাং মামকানাং চ তান্মমাচক্ষ্ব সঞ্জয়॥ 7-105-1 (48864)
সঞ্জয় উবাচ। 7-105-2x (4532)
ধ্বজান্বহুবিধাকারাঞ্শৃণু তেষাং মহাত্মনাম্।
রূপতো বর্ণতশ্চৈব নামতশ্চ নিবোধ মে॥ 7-105-2 (48865)
তেষাং তু রথমুখ্যানাং রথেষু বিবিধা ধ্বজাঃ।
প্রত্যদৃশ্যন্ত রাজেন্দ্র জ্বলিতা ইব পাবকাঃ॥ 7-105-3 (48866)
কাঞ্চনাঃ কাঞ্চনাপীডাঃ কাঞ্চনস্রগলঙ্কৃতাঃ।
কাঞ্চনানীব শৃঙ্গাণি কাঞ্চনস্য মহাগিরেঃ॥ 7-105-4 (48867)
অনেকবর্ণা বিবিধা ধ্বজাঃ পরমশোভনাঃ।
তে ধ্বজাঃ সংবৃতাস্তেষাং পতাকাভিঃ সমন্ততঃ।
নানাবর্ণবিরাণাভিঃ শুশুভুঃ সর্বতো বৃতাঃ॥ 7-105-5 (48868)
পতাকাশ্চ ততস্তাস্তু শ্বসনেন সমীরিতাঃ।
নৃত্যমানা ব্যদৃশ্যন্ত রঙ্গমধ্যে বিলাসিকাঃ॥ 7-105-6 (48869)
ইন্দ্রায়ুধসবর্ণাভাঃ পতাকা ভরতর্ষভ।
দোধূয়মানা রথিনাং শোভয়ন্তি মহারথান্॥ 7-105-7 (48870)
সিংহলাঙ্গূল উগ্রাস্যো ধ্বজো বানরলক্ষণঃ।
ধনঞ্জয়স্য সঙ্গ্রামে প্রত্যদৃশ্যত ভারত॥ 7-105-8 (48871)
স বানরধ্বজো রাজন্পতাকাভিরলঙ্কৃতঃ।
ত্রাসয়ামাস তৎসৈন্যং ধ্বজো গাণ্ডীবধন্বনঃ॥ 7-105-9 (48872)
তথৈব সিংহলাঙ্গূলং দ্রোণপুত্রস্য ভারত।
ধ্বজাঘ্রং সমপশ্যাম বালসূর্যসমপ্রভম্॥ 7-105-10 (48873)
কাঞ্চনং পবনোদ্ধূতং শক্রধ্বজসমপ্রভম্।
নন্দনং কৌরবেন্দ্রাণাং দ্রৌণের্লক্ষ্ম সমুচ্ছ্রিতম্॥ 7-105-11 (48874)
হস্তিকক্ষ্যা পুনর্হৈমী বভূবাধিরথের্ধ্বজঃ।
আহবে খং মহারাজ দদৃশে পূরয়ন্নিব॥ 7-105-12 (48875)
পতাকী কাঞ্চনঃ স্রগ্বী ধ্বজঃ কর্ণস্য সংয়ুগে।
নৃত্যতীব রথোপস্থে শ্বসনেন সমীরিতঃ॥ 7-105-13 (48876)
আচার্যস্য তু পাণ্ডূনাং ব্রাহ্মণস্য তপস্বিনঃ।
গোবৃষো গৌতমস্যাসীৎকৃপস্য সুপরিষ্কৃতঃ॥ 7-105-14 (48877)
স তেন ভ্রাজতে রাজন্গোবৃষেণ মহারথঃ।
ত্রিপুরঘ্নরথো যদ্বদ্গোবৃষেণ বিরাজতা॥ 7-105-15 (48878)
ময়ূরো বৃষসেনস্য কাঞ্চনো মণিরত্নবান্।
ব্যাহরিষ্যন্নিবাতিষ্ঠৎসেনাগ্রমুপশোভয়ন্॥ 7-105-16 (48879)
তেন তস্য রথো ভাতি ময়ূরেণ মহাত্মনঃ।
যথা স্কন্দস্য রাজেন্দ্র ময়ূরেণ বিরাজতা॥ 7-105-17 (48880)
মদ্ররাজস্য শল্যস্য ধ্বজাগ্রেঽগ্নিশিখামিব।
সৌবর্ণীং প্রতিপশ্যাম সীতামপ্রতিমাং শুভাম্॥ 7-105-18 (48881)
সা সীতা ভ্রাজতে তস্য রথমাস্থায় মারিষ।
সর্ববীজবিরূঢেব যথা সীতা শ্রিয়া বৃতা॥ 7-105-19 (48882)
বরাহঃ সিন্ধুরাজস্য রাজতোঽভিবিরাজতে।
ধ্বজাগ্রে লোহিতাঙ্গাভো হেমজালপরিষ্কৃতঃ॥ 7-105-20 (48883)
শুশুভে কেতুনা তেন রাজতেন জয়দ্রথঃ।
যথা দেবাসুরে যুদ্ধে পুরা পূষা স্ম শোভতে॥ 7-105-21 (48884)
সৌমদত্তেঃ পুনর্যূপো যজ্ঞশীলস্য ধীমতঃ।
ধ্বজঃ সূর্য ইবাভাতি সোমশ্চাত্র প্রদৃশ্যতে॥ 7-105-22 (48885)
স যূপঃ কাঞ্চনো রাজন্সৌমদত্তের্বিরাজতে।
রাজসূয়ে মখশ্রেষ্ঠে যথা যূপঃ সমুচ্ছ্রিতঃ॥ 7-105-23 (48886)
শলস্য তু মহারাজ রাজতো দ্বিরদো মহান্।
কেতুঃ কাঞ্চনচিত্রাঙ্গৈর্ময়ূরৈরুপশোভিতঃ॥ 7-105-24 (48887)
স কেতুঃ শোভয়ামাস সৈন্যং তে ভরতর্ষভ।
যথা শ্বেতো মহানাগো দেবরাজচমূং তথা॥ 7-105-25 (48888)
নাগো মণিময়ো রাজ্ঞো ধ্বজঃ কনকসংবৃতঃ।
কিঙ্কিণীশতসংহাদো ভ্রাজংশ্চিত্রো রথোত্তমে॥ 7-105-26 (48889)
ব্যভ্রাজত ভৃশং রাজন্পুত্রস্তব বিশাম্পতে।
ধ্বজেন মহতা সঙ্খ্যে কুরূণামৃষভস্তদা॥ 7-105-27 (48890)
নবৈতে তব বাহিন্যামুচ্ছ্রিতাঃ পরমধ্বজাঃ।
ব্যদীপয়ংস্তে পৃতনাং যুগান্তাদিত্যসন্নিভাঃ॥ 7-105-28 (48891)
দশমস্ৎবর্জুনস্যাসীদেক এব মহাকপিঃ।
অদীপ্যতার্জুনো যেন হিমবানিব শম্ভুনা॥ 7-105-29 (48892)
ততশ্চিত্রাণি শুভ্রাণি সুমহান্তি মহারথাঃ।
কার্মুকাণ্যাদদুস্তূর্ণমর্জুনার্থে পরন্তপাঃ॥ 7-105-30 (48893)
তথৈব ধনুরায়চ্ছৎপার্থঃ শত্রুবিনাশনঃ।
গাণ্ডীবং দিব্যকর্মা তদ্রাজন্দুর্মন্ত্রিতে তব॥ 7-105-31 (48894)
তবাপরাধাদ্রাজানো নিহতা বহুশো যুধি।
নানাদিগ্ভ্যঃ সমাহূতাঃ সহয়াঃ সরথদ্বিপাঃ॥ 7-105-32 (48895)
তেষামাসীদ্ব্যাতিক্ষেপো গজর্তামিতরেতরম্।
দুর্যোধনমুখানাং চ পাণ্ডূনামৃষভস্য চ॥ 7-105-33 (48896)
তত্রাদ্ভুতং পরং চক্রে কৌন্তেয়ঃ কৃষ্ণসারথিঃ।
যদেকো বহুভিঃ সার্ঘং সমাগচ্ছদভীতবৎ॥ 7-105-34 (48897)
অশোভত মহাবাহুর্গাণ্ডীবং বিক্ষিপন্ধনুঃ।
জিগীষুস্তান্নরব্যাঘ্রো জিঘাংসুশ্চ জয়দ্রথম্॥ 7-105-35 (48898)
তত্রার্জুনো নরব্যাঘ্রঃ শরৈর্মুক্তৈঃ সহস্রশঃ।
অদৃশ্যাংস্তাবকান্যোধান্প্রচক্রে শত্রুতাপনঃ॥ 7-105-36 (48899)
ততস্তেঽপি নরব্যাঘ্রাঃ পার্থং সর্বে মহারথাঃ।
অদৃশ্যং সমরে চক্রুঃ সায়কৌঘৈঃ সমন্ততঃ॥ 7-105-37 (48900)
সংবৃতে নরসিংহৈস্তু কূরূণামৃষভেঽর্জুনে।
মহানাসীৎসমুদ্ভূতস্তস্য সৈন্যস্য নিঃস্বনঃ॥ ॥ 7-105-38 (48901)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে পঞ্চাধিকশততমোঽধ্যায়ঃ॥ 105 ॥
Mahabharata - Drona Parva - Chapter Footnotes
5-105-2 রূপমাকারঃ॥ 5-105-10 ধ্বজাগ্রং ধ্বজমুখ্যম্॥ 5-105-11 কাঞ্চনম্ কাঞ্চনময়ম্॥ 5-105-16 ব্যাহরিষ্যন্বদিষ্যন্॥ 5-105-33 ব্যতিক্ষেপঃ অন্যোন্যাভিঘাতঃ॥ 5-105-105 পঞ্চাধিকশততমোঽধ্যায়ঃ॥দ্রোণপর্ব - অধ্যায় 106
॥ শ্রীঃ ॥
7.106. অধ্যায়ঃ 106
Mahabharata - Drona Parva - Chapter Topics
দ্রোণয়ুধিষ্ঠিরয়োর্যুদ্ধম্॥ 1 ॥Mahabharata - Drona Parva - Chapter Text
7-106-0 (48902)
ধৃতরাষ্ট্র উবাচ। 7-106-0x (4533)
অর্জুনে সৈন্ধবং প্রাপ্তে ভারদ্বাজেন সংবৃতাঃ।
পাঞ্চালাঃ কুরুভিঃ সার্ধং কিমকুর্বত স়ঞ্জয়॥ 7-106-1 (48903)
সঞ্জয় উবাচ। 7-106-2x (4534)
অপরাহ্ণে মহারাজ সঙ্গ্রমে রোমহর্ষণে।
পাঞ্চালানাং কুরূণাং চ দ্রোণদ্যূতমবর্তত॥ 7-106-2 (48904)
পাঞ্চালা হি জিঘাংসন্তো দ্রোণং সংহৃষ্টচেতসঃ।
অভ্যমুঞ্চন্ত গর্জন্তঃ শরবর্ষাণি মারিষ॥ 7-106-3 (48905)
ততস্তুল তুমুলস্তেষাং সঙ্গ্রামোঽবর্ততাদ্ভুতঃ।
পাঞ্চালানাং কুরূণাং চ ঘোরো দেবাসুরোপমঃ॥ 7-106-4 (48906)
সর্বে দ্রোণরথং প্রাপ্য পাঞ্চালাঃ পাণ্ডবৈঃ সহ।
তদনীকং বিভিৎসন্তো মহাস্ত্রাণি ব্যদর্শয়ন্॥ 7-106-5 (48907)
দ্রোণস্য রথপর্যন্তং রথিনো রথমাস্থিতাঃ।
কম্পয়ন্তোঽভ্যবর্তন্ত বেগমাস্থায় মধ্যমম্॥ 7-106-6 (48908)
তমভ্যযাদ্বৃহৎক্ষত্রঃ কেকয়ানাং মহারথঃ।
বিমুঞ্চন্নিশিতান্বাণান্মহেন্দ্রাশনিসন্নিভান্॥ 7-106-7 (48909)
তং তু প্রত্যুদ্যযৌ শীঘ্রং ক্ষেমধূর্তির্মহায়শাঃ।
বিমুঞ্চন্নিশিতান্বাণাঞ্শতশোঽথ সহস্রশঃ॥ 7-106-8 (48910)
ধৃষ্টকেতুশ্চ চেদীনামৃষভোঽতিবলোদিতঃ।
ৎবরিতোঽভ্যদ্রবদ্দ্রোণং মহেন্দ্রমিব শম্বরঃ॥ 7-106-9 (48911)
তমাপতন্তং সহসা ব্যাদিতাস্যমিবান্তকম্।
বীরধন্বা মহেষ্বাসস্ৎবরমাণঃ সমভ্যযাৎ॥ 7-106-10 (48912)
যুধিষ্ঠিরং মহারাজং জিগীষুং সমবস্থিতম্।
সহানীকং ততো দ্রোণো ন্যবারয়ত বীর্যবান্॥ 7-106-11 (48913)
নকুলং কুশলং যুদ্ধে পরাক্রন্তং পরাক্রমী।
অভ্যগচ্ছৎসমায়ান্তং বিকর্ণস্তে সুতঃ প্রভো॥ 7-106-12 (48914)
সহদেবং তথাঽঽয়ান্তং দুর্মুখঃ শত্রুকর্শনঃ।
শৈররনেকসাহস্রৈঃ সমবাকিরদাশুগৈঃ॥ 7-106-13 (48915)
সাত্যকিং তু নরব্যাঘ্রং ব্যাঘ্রদত্তস্ৎববারয়ৎ।
শরৈঃ সুনিশিতৈস্তীক্ষ্ণৈঃ কম্পয়ন্বৈ মুহুর্মুহুঃ॥ 7-106-14 (48916)
দ্রৌপদেয়ান্নরব্যাঘ্রান্মুঞ্চতঃ সায়কোত্তমান্।
সংরব্ধান্রথিনঃ শ্রেষ্ঠান্সৌমদত্তিরবারয়ৎ॥ 7-106-15 (48917)
ভীমসেনং তদা ক্রুদ্ধং ভীমরূপো ভয়ানকঃ।
প্রত্যবারয়দায়ান্তমার্শ্যশৃঙ্গির্মহাবলঃ॥ 7-106-16 (48918)
তয়োঃ সমভবদ্যুদ্ধং নররাক্ষসয়োর্মৃধে।
যাদৃগেব পুরাবৃত্তং রামরাবণয়োর্নৃপ॥ 7-106-17 (48919)
ততো যুধিষ্ঠিরো দ্রোণং নবত্যা নতপর্বণাম্।
আজঘ্নে ভরতশ্রেষ্ঠঃ সর্বমর্মসু ভারত॥ 7-106-18 (48920)
তং দ্রোণঃ পঞ্চবিংশত্যা নিজঘান স্তনান্তরে।
রোষিতো ভরতশ্রেষ্ঠ কৌন্তেয়েন যশস্বিনা॥ 7-106-19 (48921)
অদৃশ্যং সমরে চক্রে রাজানং সায়কোত্তমৈঃ।
সাশ্বসূতধ্বজং দ্রোণঃ পশ্যতাং সর্বধন্বিনাম্॥ 7-106-20 (48922)
তাঞ্শরান্দ্রোণমুক্তাংস্তু শরবর্ষেণ পাণ্ডবঃ।
অবারয়ত ধর্মাত্মা দর্শয়ন্পাণিলাঘবম্॥ 7-106-21 (48923)
ততো দ্রোণো ভৃশং ক্রুদ্ধো দর্মরাজস্য সংয়ুগে।
চিচ্ছেদ সমরে ধন্বী ধনুস্তস্য মহাত্মনঃ॥ 7-106-22 (48924)
অথৈনং ছিন্নধন্বানং ৎবরমাণো মহারথঃ।
শরৈরনেকসাহস্রৈঃ পূরয়ামাস সর্বতঃ॥ 7-106-23 (48925)
অদৃশ্যং বীক্ষ্য রাজানং ভারদ্বাজস্য সায়কৈঃ।
সর্বভূতান্যমন্যন্ত হতমেব যুধিষ্ঠিরম্॥ 7-106-24 (48926)
কেচিচ্চৈনমমন্যন্ত তথৈব বিমুখীকৃতম্।
হৃতো রাজেতি রাজেন্দ্র ব্রাহ্মণেন মহাত্মনা॥ 7-106-25 (48927)
স কৃচ্ছ্রং পরমং প্রাপ্তো ধর্মরাজো যুধিষ্ঠিরঃ।
ত্যক্ৎবা তৎকার্মুকং ছিন্নং ভারদ্বাজেন সংয়ুগে।
আদদেঽন্যদ্ধনুর্দিব্যং ভারঘ্নং বেগবত্তরম্॥ 7-106-26 (48928)
ততস্তান্সায়কাংস্তত্র দোণনুন্নান্সহস্রশঃ।
চিচ্ছেদ সমরে বীরস্তদদ্ভুতমিবাভবৎ॥ 7-106-27 (48929)
ছিত্ৎবা তু তাঞ্শরান্রাজক্রোধসংরক্তলোচনঃ।
শক্তং জগ্রাহ সমরে গিরীণামপি দারিণীম্।
স্বর্ণদণ্ডাং মহাঘোরামষ্টঘণ্টাং ভয়াবহাম্॥ 7-106-28 (48930)
সমুৎক্ষিপ্য চ তাং হৃষ্টো ননাদ বলবদ্বলী।
নাদেন সর্বভূতানি ত্রাসয়ন্নিব ভারত॥ 7-106-29 (48931)
শক্তিং সমুদ্যতাং দৃষ্ট্বা ধর্মরাজেন সংয়ুগে।
স্বস্তি দ্রোণায় সহসা সর্বভূতান্যথাব্রুবন্॥ 7-106-30 (48932)
সা রাজভুজনির্মুক্তা নির্মুক্তোরগসন্নিভা।
প্রজ্বালয়ন্তী গগনং দিশঃ সপ্রদিশস্তথা।
দ্রোণান্তিকমনুপ্রাপ্তা দীপ্তাস্যা পন্নগী যথা॥ 7-106-31 (48933)
তামাপতন্তীং সহসা দৃষ্ট্বা দ্রোণো বিশাম্পতে।
প্রাদুশ্চক্রৈ ততো ব্রাহ্মমস্ত্রমস্ত্রবিদাং বরঃ॥ 7-106-32 (48934)
তদস্ত্রং ভস্মসাৎকৃৎবা তাং শক্তিং ঘোরদর্শনাম্।
জগাম স্যন্দনং তূর্ণং পাণ্ডবস্য যশস্বিনঃ॥ 7-106-33 (48935)
ততো যুধিষ্ঠিরো রাজা দ্রোণাস্ত্রং তৎসমুদ্যতম্।
অশাময়ন্মহাপ্রাজ্ঞো ব্রহ্মাস্ত্রেণৈব মারিষ॥ 7-106-34 (48936)
বিদ্ব্বা তং চ রণে দ্রোণং পঞ্চভির্নতপর্বভিঃ।
ক্ষুরপ্রেণ সুতীক্ষ্ণেন চিচ্ছেদাস্য মহদ্ধনুঃ॥ 7-106-35 (48937)
তদপাস্য ধনুশ্ছিন্নং দ্রোণঃ ক্ষত্রিয়মর্দনঃ।
গদাং চিক্ষেপ সহসা ধর্মপুত্রায় মারিষ॥ 7-106-36 (48938)
তামাপতন্তীং সহসা গদাং দৃষ্ট্বা যুধিষ্ঠিরঃ।
গদামেবাগ্রহীৎক্রুদ্ধশ্চিক্ষেপ চ পরন্তপ॥ 7-106-37 (48939)
তে গদে সহসা মুক্তে সমাসাদ্য পরস্পরম্।
সঙ্ঘর্ষাৎপাবকং মুক্ৎবা সমেয়াতাং মহীতলে॥ 7-106-38 (48940)
ততো দ্রোণো ভৃশং ক্রুদ্ধো ধর্মরাজস্য মারিষ।
চতুর্ভির্নিশিতৈস্তীক্ষ্ণৈর্হয়াঞ্জঘ্নে শরোত্তমৈঃ॥ 7-106-39 (48941)
চিচ্ছেদৈকেন ভল্লেন ধনুশ্চেন্দ্রধ্বজোপমম্।
কেতুমেকেন চিচ্ছেদ পাণ্ডবং চার্দয়ত্ত্রিভিঃ॥ 7-106-40 (48942)
হতাশ্বাত্তুল রথাত্তূর্ণমবপ্লুত্য যুধিষ্ঠিরঃ।
তস্থাবূর্ধ্বভুজো রাজা ব্যায়ুধো ভরতর্ষভ॥ 7-106-41 (48943)
বিরথং তং সমালোক্য ব্যায়ুধং চ বিশেষতঃ।
দ্রোণো ব্যমোহয়চ্ছত্রূন্সর্বসৈন্যানি চাভিভো॥ 7-106-42 (48944)
মুঞ্চংশ্চেষুগণাংস্তীক্ষ্ণাঁল্লঘুহস্তো দৃঢব্রতঃ।
অভিদুদ্রাব রাজানং সিংহো মৃগমিবোল্বণঃ॥ 7-106-43 (48945)
তমভিদ্রুতমালোক্য দ্রোণেনামিত্রঘাতিনা।
হাহেতি সুমহাঞ্শব্দঃ পাণ্ডূনাং সমজায়ত॥ 7-106-44 (48946)
হৃতো রাজা হৃতো রাজা ভারদ্বাজেন মারিষ।
ইত্যাংসীৎসুমহাঞ্শব্দঃ পাণ্ডূসৈন্যস্য সর্বতঃ॥ 7-106-45 (48947)
ততস্ৎবরিতমারুহ্য সহদেবরথং নৃপঃ।
অপায়াজ্জবনৈরশ্বৈঃ কুন্তীপুত্রো যুধিষ্ঠিরঃ॥ ॥ 7-106-46 (48948)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ষডধিকশততমোঽধ্যায়ঃ॥ 106 ॥
Mahabharata - Drona Parva - Chapter Footnotes
5-106-2 দ্রোণে যুদ্ধমবর্তত ক. ঙ. পাঠঃ। ঘোরং যুদ্ধমবর্তত ইতি ট.পাঠঃ॥ 5-106-6 কম্পয়ন্তো ভুবমিতি শেষঃ॥ 5-106-15 সৌমদত্তিঃ শলঃ॥ 5-106-25 ইতো রাজেতি অমন্যন্তেত্যনুষঙ্গঃ॥ 5-106-106 ষ়ডধিকশততমোঽধ্যায়ঃ॥দ্রোণপর্ব - অধ্যায় 107
॥ শ্রীঃ ॥
7.107. অধ্যায়ঃ 107
Mahabharata - Drona Parva - Chapter Topics
সঙ্কুলয়ুদ্ধবর্ণনম্॥ 1 ॥Mahabharata - Drona Parva - Chapter Text
7-107-0 (48949)
সঞ্জয় উবাচ। 7-107-0x (4535)
বৃহৎক্ষত্রমথায়ান্তং কেকয়ং দৃঢবিক্রমম্।
ক্ষেমধূর্তির্মহারাজ বিব্যাধোরসি মার্গণৈঃ॥ 7-107-1 (48950)
বৃহৎক্ষত্রস্তু তং রাজা নবত্যা নতপর্বণাম্।
আজঘ্নে ৎবরিতো রাজন্দ্রোণানীকবিভিৎসয়া॥ 7-107-2 (48951)
ক্ষেমধূর্তিস্তু সঙ্ক্রুদ্ধঃ কেকয়স্য মহাত্মনঃ।
ধনুশ্চিচ্ছেদ ভল্লেন পীতেন নিশিতেন হ॥ 7-107-3 (48952)
অথৈনং ছিন্নধন্বানং শরেণানতপর্বণা।
বিব্যাধ সমরে তূর্ণং প্রবরং সর্বধন্বিনাম্॥ 7-107-4 (48953)
অথান্যদ্ধনুরাদায় বৃহৎক্ষত্রো হসন্নিব।
ব্যশ্বসূতরথং চক্রে ক্ষমদূর্তিং মহারথম্॥ 7-107-5 (48954)
ততোঽপরেণ ভল্লেন পীতেন নিশিতেন চ।
জহার নৃপতেঃ কায়াচ্ছিরোঽজ্বলিতকুণ়্ডলম্॥ 7-107-6 (48955)
তচ্ছিন্নং সহসা তস্য শিরঃ কুঞ্চিতমূর্ধজম্।
সকিরীটং মহীং প্রাপ্য বভৌ জ্যোতিরিবাম্বরাৎ॥ 7-107-7 (48956)
তং নিহত্য রণে হৃষ্টো বৃহৎক্ষত্রো মহারথঃ।
সহসাঽভ্যপতৎসৈন্যং তাবকং পার্থকারণাৎ॥ 7-107-8 (48957)
ধৃষ্টকেতুং তথাঽঽয়ান্তং দ্রোণহেতোঃ পরাক্রমী।
বীরধন্বা মহেষ্বাসো বারয়ামাস ভারত॥ 7-107-9 (48958)
তৌ পরস্পরমাসাদ্য শরদংষ্ট্রৌ তরস্বিনৌ।
শরৈরনেকসাহস্রেরন্যোন্যমভিজঘ্নতুঃ॥ 7-107-10 (48959)
তাবুভৌ নরশার্দূলৌ যুয়ুধাতে পরস্পরম্।
মহাবনে তীব্রমদৌ বারণাবিব যূথপৌ॥ 7-107-11 (48960)
গিরিগহ্বরমাসাদ্য শার্দূলাবিব রোষিতৌ।
যুয়ুধাতে মহাবীর্যৌ পরস্পরজিঘাংসয়া॥ 7-107-12 (48961)
তদ্যুদ্ধমাসীত্তুমুলং প্রেক্ষণীয়ং বিশাম্পতে।
সিদ্ধচারণসঙ্ঘানাং বিস্ময়াদ্ভুতদর্শনম্॥ 7-107-13 (48962)
বীরধন্বা ততঃ ক্রুদ্ধো ধৃষ্টকেতোঃ শরাসনম্।
দ্বিধা চিচ্ছেদ ভল্লেন প্রহসন্নিব ভারত॥ 7-107-14 (48963)
তদুৎসৃজ্য ধনুচ্ছিন্নং চেদিরাজো মহারথঃ।
শক্তিং জগ্রাহ বিপুলাং হেমদণ্ডাময়স্ময়ীম্॥ 7-107-15 (48964)
তাং তু শক্তিং মহাবীর্যাং দোর্ভ্যামায়স্য ভারত।
চিক্ষেপ সহসা যত্তো বীরধন্বরথং প্রতি॥ 7-107-16 (48965)
তয়া তু বীরঘাতিন্যা শক্ত্যা ৎবভিহতো ভৃশম্।
নির্ভিন্নহৃদয়স্তূর্ণং নিপপাত রথান্মহীম্॥ 7-107-17 (48966)
তস্মিন্বিনিহতে বীরে ত্রৈগর্তানাং মহারথে।
বলং তেঽভজ্যত বিভো পাণ্ডবেয়ৈঃ সমন্ততঃ॥ 7-107-18 (48967)
সহদেবে ততঃ ষষ্টিং সায়কান্দুর্মুখোঽক্ষিপৎ।
ননাদ চ মহানাদং তর্জয়ন্পাণ্ডবং রণে॥ 7-107-19 (48968)
মাদ্রেয়স্তু ততঃ ক্রুদ্ধো দুর্মুখং চ শিতৈঃ শরৈঃ।
ভ্রাতা ভ্রাতরমায়ত্তো বিব্যাধ প্রহসন্নিব॥ 7-107-20 (48969)
তং রণে রভসং দৃষ্ট্বা সহদেবং মহাবলম্।
দুর্মুখো নবভির্বাণৈস্তাডয়ামাস ভারত॥ 7-107-21 (48970)
দুর্মুখস্য তু ভল্লেন চ্ছিত্ৎবা কেতুং মহাবলঃ।
জঘান চতুরো বাহাংশ্চতুর্ভির্নিশিতৈঃ শরৈঃ॥ 7-107-22 (48971)
অথাপরেণ ভল্লেন পীতেন নিশিতেন হ।
চিচ্ছেদ সারথেঃ কায়াচ্ছিরো জ্বলিতকুণ্ডলম্॥ 7-107-23 (48972)
ক্ষুরপ্রেণ চ তীক্ষ্ণেন কৌরব্যস্য মহদ্ধনুঃ।
সহদেবো রণে ছিত্ৎবা তং চ বিব্যাধ পঞ্চভিঃ॥ 7-107-24 (48973)
হতাশ্বং তু রথং ত্যক্ৎবা দুর্মুখো বিমনাস্তদা।
আরুরোহ রথং রাজন্নিরমিত্রস্য ভারত॥ 7-107-25 (48974)
সহদেবস্ততঃ ক্রুদ্ধো নিরমিত্রং মহাহবে।
জঘান পৃথুধারেণ ভল্লেন পরবীরহা॥ 7-107-26 (48975)
স পপাত রথোপস্থান্নিরমিত্রো জনেশ্বরঃ।
ত্রিগর্তরাজস্য সুতো ব্যথয়ংস্তব বাহিনীম্॥ 7-107-27 (48976)
তং তু হৎবা মহাবাহুঃ সহদেবো ব্যরোচত।
যথা দাশরথী রামঃ খরং হৎবা মহাবলম্॥ 7-107-28 (48977)
হাহাকারো মহানাসীত্ত্রিগর্তানাং জনেশ্বর।
রাজপুত্রং হতং দৃষ্ট্বা নিরমিত্রং মহারথম্॥ 7-107-29 (48978)
নকুলস্তে সুতং রাজন্বিকর্ণং পৃথুলোচনম্।
মুহূর্তাজ্জিতবাঁল্লোকে তদদ্ভুতমিবাভবৎ॥ 7-107-30 (48979)
সাত্যকিং ব্যাঘ্রদত্তস্তু শরৈঃ সন্নতপর্বভিঃ।
চক্রেঽদৃশ্যং সাশ্বসূতং সধ্বজং পৃতনান্তরে॥ 7-107-31 (48980)
তান্নিবার্য শরাঞ্শূরঃ শৈনেয়ঃ কৃতহস্তবৎ।
সাশ্বসূতধ্বজং বাণৈর্ব্যাঘ্রদত্তমপাতয়ৎ॥ 7-107-32 (48981)
কুমারে নিহতে তস্মিন্মাগধস্য সুতে প্রভো।
মাগধাঃ সর্বতো যত্তা যুয়ুধানমুপাদ্রবন্॥ 7-107-33 (48982)
বিসৃজন্তঃ শরাংশ্চৈব তোমরাংশ্চ সহস্রশঃ।
মিণ্ডিপালাংস্তথা প্রাসান্মুদ্রান্মুসলানপি॥
অয়োধয়ন্রণে শূরাঃ সাৎবতং যুদ্ধদুর্মদম্॥ 7-107-34 (48983)
তাংস্তু সর্বান্স বলবান্সাত্যকির্যুদ্ধদুর্মদঃ।
নাতিকৃচ্ছ্রাদ্ধসন্নেব বিজিগ্যে পুরুষর্ষভঃ॥ 7-107-35 (48984)
মাগধান্দ্রবতো দৃষ্ট্বা হতশেষান্সমন্ততঃ।
বলং তেঽভজ্যত বিভো যুয়ুধানশরার্দিতম্॥ 7-107-36 (48985)
নাশয়িৎবা রণে সৈন্যং ৎবদীয়ং তু সমন্ততঃ।
বিধুন্বানো ধনুঃশ্রেষ্ঠং ব্যভ্রাজত মহায়শাঃ॥ 7-107-37 (48986)
ভজ্যমানং বলং রাজন্সাৎবতেন মহাত্মনা।
নাভ্যবর্তত যুদ্ধায় ত্রাসিতং দীর্ঘবাহুনা॥ 7-107-38 (48987)
ততো দ্রোণো ভৃশং ক্রুদ্ধঃ সহসোদ্বৃত্য চক্ষুষী।
সাত্যকিং সত্যকর্মাণং স্বয়মেবাভিদুদ্রুবে॥ ॥ 7-107-39 (48988)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে সপ্তাধিকশততমোঽধ্যায়ঃ॥ 107 ॥
দ্রোণপর্ব - অধ্যায় 108
॥ শ্রীঃ ॥
7.108. অধ্যায়ঃ 108
Mahabharata - Drona Parva - Chapter Topics
দ্রৌপদেয়ৈঃ শলবধঃ॥ 1 ॥ ভীমসেনেনালম্বুসপরাজয়ঃ॥ 2 ॥Mahabharata - Drona Parva - Chapter Text
7-108-0 (48989)
সঞ্জয় উবাচ। 7-108-0x (4536)
দ্রৌপদেয়ান্মহেষ্বাসান্সৌমদত্তির্মহায়শাঃ।
একৈকং পঞ্চভির্বিদ্ব্বা পুনর্বিব্যাধ সপ্তভিঃ॥ 7-108-1 (48990)
তে পীডিতা ভৃশং তেন রৌদ্রেণ সহসা বিভো।
প্রমূঢা নৈব বিবিদুর্মৃধে কৃত্যং স্ম কিংচন॥ 7-108-2 (48991)
নাকুলিশ্চ শতানীকঃ সৌমদত্তিং নরর্ষভম্।
দ্বাভ্যাং বিদ্ব্বাঽনদদ্বৃষ্টঃ শরাভ্যাং শত্রুকর্শনঃ॥ 7-108-3 (48992)
তথেতরে রণে যত্তাস্ত্রিভিস্ত্রিভিরজিহ্মগৈঃ।
বিব্যধুঃ সমরে তূর্ণং সৌমদত্তিমমর্ষণম্॥ 7-108-4 (48993)
স তান্প্রতি মহারাজ পঞ্চ চিক্ষেপ সায়কান্।
একৈকং হৃদি চাজঘ্নে একৈকেন মহায়শাঃ॥ 7-108-5 (48994)
ততস্তে ভ্রাতরঃ পঞ্চ শরৈর্বিদ্ধা মহাত্মনা।
পরিবার্য রণে বীরং বিব্যধুঃ সায়কৈর্ভৃশম্॥ 7-108-6 (48995)
অর্জুনিস্তু হয়াংস্তস্য চতুর্ভির্নিশিতৈঃ শরৈঃ।
প্রেষয়ামাস সঙ্ক্রুদ্ধো যমস্য সদনং প্রতি॥ 7-108-7 (48996)
ভৈমসেনির্ধনুশ্ছিত্ৎবা সৌমদত্তের্মহাত্মনঃ।
ননাদ বলবন্নাদং বিব্যাধ চ শিতৈঃ শরৈঃ॥ 7-108-8 (48997)
যৌধিষ্ঠিরির্ধ্বজং তস্য চ্ছিত্ৎবা ভূমাবপাতয়ৎ।
নাকুলিশ্চাথ যন্তারং রথনীডাদপাহরৎ॥ 7-108-9 (48998)
সাহদেবিস্তু তং জ্ঞাৎবা ভ্রাতৃভির্বিমুখীকৃতম্।
ক্ষুরপ্রেণ শিরো রাজন্নিচকর্ত মহাত্মনঃ॥ 7-108-10 (48999)
তচ্ছিরো ন্যপতদ্ভূতৌ তপনীয়বিভূষিতম্।
অভাসয়দ্রুণোদ্দেশং বালসূর্যসমপ্রভম্॥ 7-108-11 (49000)
সৌমদত্তেঃ শিরো দৃষ্ট্বা নিপতত্তন্মহাত্মনঃ।
বিত্রস্তাস্তাবকা রাজন্প্রদুদ্রুবুরনেকধা॥ 7-108-12 (49001)
অলম্বুসস্তু সমরে ভীমসেনং মহাবলম্।
যোধয়ামস সঙ্ক্রুদ্ধো লক্ষ্মণং রাবণির্যথা॥ 7-108-13 (49002)
সম্প্রয়ুদ্ধৌ রমে দৃষ্ট্বা তাবুভৌ নররাক্ষসৌ।
বিস্ময়ঃ সর্বভূতানাং ভয়ং চাসীৎসুদারুণম্॥ 7-108-14 (49003)
আর্শ্যশৃঙ্গিং ততো ভীমো নবভির্নিশিতৈঃ শরৈঃ।
বিব্যাধ প্রহসন্রাজন্রাক্ষসেন্দ্রমমর্ষণম্॥ 7-108-15 (49004)
তদ্রক্ষঃ সমরে বিদ্ধং কৃৎবা নাদং ভয়াবহম্।
অভ্যদ্রবত্ততো ভীমং যে চ তস্য পদানুগাঃ॥ 7-108-16 (49005)
স ভীমং পঞ্ছভির্বিদ্ব্বা শরৈঃ সন্নতপর্বভিঃ।
ভৈমান্পরিজঘানাশু রথাংস্ত্রিশতমাহবে।
পুনশ্চতুঃশতান্হৎবা ভীমং বিব্যাধ পত্রিণা॥ 7-108-17 (49006)
সোঽতিবিদ্ধস্তথা ভীমো রাক্ষসেন মহাবলঃ।
নিষসাদ রথোপস্থে মূর্চ্ছয়াঽভিপরিপ্লুতঃ॥ 7-108-18 (49007)
প্রতিলভ্য ততঃ সংজ্ঞাং মারুতিঃ ক্রোধমূর্চ্ছিতঃ।
বিকৃষ্য কার্মুকং ঘোরং ভারসাধনমুত্তমম্।
অলম্বুসং শরৈস্তীক্ষ্ণৈরর্দয়ামাস সর্বতঃ॥ 7-108-19 (49008)
স বিদ্ধো বহুভির্বাণৈর্নীলাঞ্জনচয়োপমঃ।
শুশুভে সর্বতো রাজন্প্রফুল্ল ইব কিংশুকঃ॥ 7-108-20 (49009)
স বধ্যমানঃ সমরে ভীমচাপচ্যুতৈঃ শরৈঃ।
স্মরন্ভ্রাতৃবধং চৈব পাণ্ডবেন মহাত্মনা।
ঘোরং রূপমথো কৃৎবা ভীমসেনমভাষত॥ 7-108-21 (49010)
তিষ্ঠেদানীং রণে পার্থ পশ্য মেঽদ্য পরাক্রমম্॥
বাকো নাম সুদুর্বুদ্ধে রাক্ষসপ্রবরো বলী। 7-108-22 (49011)
পরোক্ষং মম তদ্বৃত্তং যদ্ধাতা মে হতস্ৎবয়া॥ 7-108-23 (49012)
সঞ্জয় উবাচ। 7-108-24x (4537)
এবমুক্ৎবা ততো ভীমমন্তর্ধানং গতস্তদা।
মহতা শরবর্ষেণ ভৃশং তং সমবাকিরৎ॥ 7-108-24 (49013)
ভীমস্তু সমরে রাজন্নদৃশ্যে রাক্ষসে তদা।
আকাশং পূরয়ামাস শরৈঃ সন্নতপর্বভিঃ॥ 7-108-25 (49014)
স বধ্যমানো ভীমেন নিমেষাদ্রথমাস্থিতঃ।
জগাম ধরণীং চৈব ক্ষুদ্রঃ খং সহসাঽগমৎ॥ 7-108-26 (49015)
উচ্চাবচানি রূপাণি চকার সুবহূনি চ।
অণুর্বৃহৎপুনঃ স্থূলো নাদান্মুঞ্চন্নিবাম্বুদঃ॥ 7-108-27 (49016)
[নিপেতুর্গগনাচৎচৈব শরধারাঃ সহস্রশঃ।
শক্তয়ঃ কণপাঃ প্রাসাঃ শূলপট্টসতোমরাঃ॥ 7-108-28 (49017)
শতঘ্ন্যঃ পরিঘাশ্চৈব ভিণ়্ডিপালাঃ পরশ্বথাঃ।
শিলাঃ খঙ্ঘা গুডাশ্চৈব ঋষ্টীর্বজ্রাণি চৈব হ॥ 7-108-29 (49018)
সা রাক্ষসবিসৃষ্টা তু শস্ত্রবৃষ্টিঃ সুদারুণা।
জঘান পাণ্ডুপুত্রস্য সৈনিকান্রণমূর্ধনি॥] 7-108-30 (49019)
উচ্চাবচাস্তথা বাচো ব্যাজহার সমন্ততঃ।
তেন পাণ্ডবসৈন্যানাং সূদিতা যুধি বারণাঃ॥ 7-108-31 (49020)
হয়াশ্চ বহবো রাজন্পত্তয়শ্চ তথা পুনঃ।
রথেভ্যো রথিনঃ পেতুস্তস্য নুন্নাঃ স্ম সায়কৈঃ॥ 7-108-32 (49021)
শোণিতোদাং রথাবর্তাং হস্তিগ্রাহসমাকুলাম্।
ছত্রহংসাং কর্দমিনীং বাহুপন্নগসঙ্কুলাম্॥ 7-108-33 (49022)
নদীং প্রবর্তয়ামাস রক্ষোগণসমাকুলাম্।
বহন্তীং বহুধা রাজংশ্চেদিপাঞ্চালসৃঞ্জয়ান্॥ 7-108-34 (49023)
তং তথা সমরে রাজন্বিচরন্তমভীতবৎ।
পাণ্ডবা ভৃশসংবিগ্নাঃ প্রাপশ্যংস্তস্য বিক্রমম্॥ 7-108-35 (49024)
তাবকানাং তু সৈন্যানাং প্রহর্ষঃ সমজায়ত।
বাদিত্রনিনদশ্চোগ্রঃ সুমহান্রোমহর্ষণঃ॥ 7-108-36 (49025)
তং শ্রুৎবা নিনদং ঘোরং তব সৈন্যস্য পাণ্ডবঃ।
নামৃষ্যত যথা নাগস্তলশব্দং সমীরিতম্॥ 7-108-37 (49026)
ততঃ ক্রোধাভিতাম্রাক্ষো নির্দহন্নিব পাবকঃ।
সন্দধে ৎবাষ্ট্রমস্ত্রং স স্বয়ং ৎবষ্টেব মারুতিঃ॥ 7-108-38 (49027)
ততঃ শরসহস্রাণি প্রাদুরাসন্সমন্ততঃ।
তৈঃ শরৈস্তব সৈন্যস্য বিদ্রবঃ সুমহানভূৎ॥ 7-108-39 (49028)
তদস্ত্রং প্রেরিতং তেন ভীমসেনেন সংয়ুগে।
রাক্ষসস্য মহামায়াং হৎবা রাক্ষসমার্দয়ৎ॥ 7-108-40 (49029)
স বধ্যমানো বহুধা ভীমসেনেন রাক্ষসঃ।
সন্ত্যজ্য সমরে ভীমং দ্রোণানীকমুপাদ্রবৎ॥ 7-108-41 (49030)
তস্মিংস্তু নির্জিতে রাজন্রাক্ষসেন্দ্রে মহাত্মনা।
অনাদয়ন্সিংহনাদৈঃ পাণ্ডবাঃ সর্বতো দিশম্॥ 7-108-42 (49031)
অপূজয়ন্মারুতিং চ সংহৃষ্টাস্তে মহাবলম্।
প্রহাদমিব দৈতেয়া যথা শক্রং মরুদ্গণাঃ॥ ॥ 7-108-43 (49032)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে অষ্টাধিকশততমোঽধ্যায়ঃ॥ 108 ॥
Mahabharata - Drona Parva - Chapter Footnotes
5-108-12 সৌমদত্তেঃ শলস্য॥ 5-108-27 বৃহৎ বৃহন্॥ 5-108-28 কুণ্ডলিতঃ পাঠো ঙ. ঝ.ঞ. পুস্তকেষু দৃশ্যতে॥ 5-108-29 ঋষ্টীঃ ঋষ্টয়ঃ॥ 5-108-108 অষ্টাধিকশততমোঽধ্যায়ঃ॥দ্রোণপর্ব - অধ্যায় 109
॥ শ্রীঃ ॥
7.109. অধ্যায়ঃ 109
Mahabharata - Drona Parva - Chapter Topics
ঘটোৎকচেনালম্বুসবধঃ॥ 1 ॥Mahabharata - Drona Parva - Chapter Text
7-109-0 (49033)
সঞ্জয় উবাচ। 7-109-0x (4538)
`কিরন্তং শরবর্ষাণি রোষাদ্দোণং মহাহবে।
বিত্রাসয়ন্তং তাং সেনাং কৌন্তেয়ানাং মহীপতে॥ 7-109-1 (49034)
দৃষ্ট্বা ততো মহেষ্বাসো নিঘ্নন্তং চ রথান্ভৃশম্।
ঘটোৎকচো মহাবাহূ রণায়াভিজগাম হ॥ 7-109-2 (49035)
পিশাচবদনৈর্যুক্তং রথং কাঞ্চনভূষিতম্।
সমাস্থায় মহারাজ নানাপ্রহরণৈর্যুতঃ॥ 7-109-3 (49036)
দংশিতস্তপনীয়েন কবচেন সুবর্চসা।
ভূষণৈরাচিতাঙ্গশ্চ নদন্নিব চ তোয়দঃ॥ 7-109-4 (49037)
হৈডিম্বেয়ঃ সুসঙ্ক্রুদ্ধো দ্রোণমভ্যদ্রবদ্বলী।
তমভ্যধাবদায়ান্তং ক্রদ্ধরূপলম্বুসঃ॥ 7-109-5 (49038)
ঋক্ষচর্মপরিক্ষিপ্তং রথমাস্থায় দংশিতঃ।
রক্তোষ্ঠঃ সধনুষ্পাণিঃ প্রাংশুঃ কল্প ইব স্থিতঃ॥ 7-109-6 (49039)
ক্ষিপঞ্ছতঘ্নীর্বিপুলা মুসলোপমতোমরান্।
মুসণ্ঠীর্বহুলাশ্চৈব ত্রিশূলানপি পট্টসান্॥ 7-109-7 (49040)
কর্পরাঞ্ছতধারাংশ্চ পিনাকান্বিবিধাংস্তথা।
চক্রাণি চ ক্ষুরপ্রাণি ক্ষেপণীশ্চ কটঙ্কটান্॥ 7-109-8 (49041)
নারায়ান্বিবিধানস্যন্সকঙ্কোলূকবায়সান্।
চিক্ষেপ ধনুরাদায় নিনদন্ভৈরবান্রবান্॥ 7-109-9 (49042)
তং রৌদ্রং ক্রূরমায়ান্তং দৃষ্ট্বা কালমিবাগতম্।
প্রাদ্রবদ্ভয়সংবিগ্না রাজন্পাণ্ডববাহিনী॥ 7-109-10 (49043)
সাত্যকিস্তু রথব্যাঘ্রো দৃষ্ট্বা তং রাক্ষসং যুধি।
অভ্যযাদমরপ্রখ্যো ভ্রাময়িৎবা মহদ্ধনুঃ॥ 7-109-11 (49044)
অভ্যদ্রবচ্চ তদ্রক্ষস্তিষ্ঠতিষ্ঠেতি চাব্রবীৎ।
অলম্বুসং রাক্ষসেন্দরং সোঽস্ত্রবর্ষৈরবাকিরৎ॥ 7-109-12 (49045)
ততঃ পাণ্ডবসৈন্যানি বিদ্রুতান্যথ ভারত।
নিরীক্ষ্যাভ্যদ্রবত্তূর্ণং ৎবরমাণো ঘটোৎকচঃ॥ 7-109-13 (49046)
চিক্ষেপ চ গদাশক্তীস্তোমরানথ পট্টসান্।
হেমচিত্রৎসরূনুগ্রান্খঙ্গানাকাশসপ্রভান্॥ 7-109-14 (49047)
অন্যোন্যমরাদালোক্য রাক্ষসৌ তৌ মহাবলৌ।
ভৈরবং নদতুর্নাদান্সতোয়াবিব তোয়দৌ॥ 7-109-15 (49048)
ততঃ প্রববৃতে যুদ্ধং ঘোরং রাক্ষসসিংহয়োঃ।
যাদৃগেব পুরা বৃত্তং রামরাবণয়োর্মৃধে॥ 7-109-16 (49049)
স শক্তীশ্চ পিনাকাংশ্চ বজ্রান্খঙ্গান্পরশ্বথান্।
অন্যোন্যমভিসঙ্ক্রুদ্ধৌ তদা ব্যসৃজতামুভৌ॥ 7-109-17 (49050)
আকৃষ্যমাণে ধনুষি তয়োর্বাহুবলেন চ।
যন্ত্রেণেব তদা রাজন্ভৃশং নাদান্প্রচক্রতুঃ॥ 7-109-18 (49051)
অলম্বুসস্ততশ্চক্রং কৃতান্তজ্বলনপ্রভম্।
ঘটোৎকচায় চিক্ষেপ যত্নমাস্থায় বীর্যবান্॥ 7-109-19 (49052)
তদ্ভৈমসেনিঃ সম্প্রেক্ষ্য চক্রং বেগবদন্তরে।
গদয়া তাডয়ামাস তদ্দীর্ণং শতধাঽভবৎ॥ 7-109-20 (49053)
ততোঽগ্নিচূর্ণৈঃ সহসা চক্রঘাতবিনিঃসৃতৈঃ।
দংশকৈরিব সা সেনা পতদ্ভির্ভৃশসংকুলা॥ 7-109-21 (49054)
ততঃ প্রতিহতে চক্রে স বীরো রোষসংকুলঃ।
প্রাহিণোত্তরসা শূলং শক্তীর্দশশতং তদা॥। 7-109-22 (49055)
জ্বলন্তীশ্চ কিরন্তীশ্চ জ্বালামালাঃ সমন্ততঃ।
যুগান্তোল্কানিভাস্তীক্ষ্ণা হেমদণ্ডা মহাস্বনাঃ॥ 7-109-23 (49056)
তাশ্চাপতন্তীঃ সম্প্রেক্ষ্য রাক্ষসস্য ঘটোৎকচঃ।
অর্ধচন্দ্রৈঃ প্রচিচ্ছেদ নারাচৈঃ কঙ্কপত্রিভিঃ॥ 7-109-24 (49057)
ততো রোষপরীতাঙ্গঃ প্রমুমোচ স রাক্ষসঃ।
শরবর্ষং মহাঘোরং ঘটোৎকচরথং প্রতি'॥ 7-109-25 (49058)
তয়োঃ প্রতিভয়ং যুদ্ধমাসীদ্রাক্ষসসিংহয়োঃ।
কুর্বতোর্বিবিধা মায়াঃ শক্রশম্বরয়োরিব॥ 7-109-26 (49059)
অলম্বুসো ভৃশং ক্রুদ্ধো ঘটোৎকচমতাডয়ৎ॥ 7-109-27 (49060)
তয়োর্যুদ্ধং সমভবদ্রক্ষোগ্রামণিমুখ্যযোঃ।
যাদৃগেব পুরা বৃত্তং রামরাবণয়োঃ প্রভো॥ 7-109-28 (49061)
ঘটোৎকচস্তু বিংশত্যা নারাচানাং স্তনান্তরে।
অলম্বুসমথো বিদ্ধা সিংহবদ্ব্যনদন্মুহুঃ॥ 7-109-29 (49062)
তথৈবালম্বুসো রাজন্হৈডিম্বিং যুদ্ধদুর্মদম্।
বিদ্ব্বা বিদ্বৃঽনদদ্বৃষ্টঃ পূরয়ন্খং সমন্ততঃ॥ 7-109-30 (49063)
তথা তৌ ভৃশসঙ্ক্রুদ্ধৌ রাক্ষসেন্দ্রৌ মহাবলৌ।
নির্বিশেষময়ুধ্যেতাং মায়াভিরিতরেতরম্॥ 7-109-31 (49064)
মায়াশতসৃজৌ নিত্যং মোহয়ন্তৌ পরস্পরম্।
মায়ায়ুদ্ধেষু কুশলৌ মায়ায়ুদ্ধময়ুধ্যতাম্॥ 7-109-32 (49065)
যাংয়াং ঘটোৎকচো যুদ্ধে মায়াং দর্শয়তে নৃপ।
তাং তামলম্বুসো রাজন্মায়যৈব নিজঘ্নিবান্॥ 7-109-33 (49066)
তং তথা যুধ্যমানং তু মায়ায়ুদ্ধবিশারদম্।
অলম্বুসং রাক্ষসেন্দ্রং দৃষ্ট্বাঽক্রুধ্যন্ত পাণ্ডবাঃ॥ 7-109-34 (49067)
ত এনং ভৃশসংবিগ্নাঃ সর্বতঃ প্রবরা রথৈঃ।
অভ্যদ্রবন্ত সঙ্কুদ্ধা ভীমসেনাদয়ো নৃপ॥ 7-109-35 (49068)
ত এনং কোষ্ঠকীকৃত্য রথবংশেন মারিষ।
সর্বতো ব্যকিরন্বাণৈরুল্কাভিরিব কুঞ্জরম্॥ 7-109-36 (49069)
স তেষামস্ত্রবেগং তং প্রতিহত্যাস্ত্রমায়যা।
তস্মাদ্রথব্রজান্মুক্তো বনদাহাদিব দ্বিপঃ॥ 7-109-37 (49070)
স বিষ্ফার্য অনুর্ধোরমিন্দ্রাশনিসমস্বনম্।
মারুতিং পঞ্চবিংশত্যা ভৈমসেনিং চ পঞ্চভিঃ॥ 7-109-38 (49071)
যুধিষ্ঠিরং ত্রিভির্বিদ্ধা সহদেবং চ সপ্তভিঃ।
নকুলং চ ত্রিসপ্তত্যা দ্রোপদেয়াংশ্চ মারিষ।
পঞ্চভিঃপঞ্চভির্বিদ্ধ্বা ঘোরং নাদং ননাদ হ॥ 7-109-39 (49072)
তং ভীমসেনো নবভিঃ সহদেবস্তু পঞ্চভিঃ।
যুধিষ্ঠিরঃ শতেনৈব রাক্ষসং প্রত্যবিধ্যত।
নকুলস্তু চতুঃষষ্ট্যা দ্রৌপদেয়াস্ত্রিভিস্ত্রিভিঃ॥ 7-109-40 (49073)
হৈডিম্বো রাক্ষসং বিদ্ধ্বা যুদ্ধে পঞ্চাশতা শরৈঃ।
পুনর্বিব্যাধ সপ্তত্যা ননাদ চ মহাবলঃ॥ 7-109-41 (49074)
তস্য নাদেন মহতা কম্পিতেয়ং বসুন্ধরা।
সপর্বতবনা রাজন্সপাদপজলাশয়া॥ 7-109-42 (49075)
সোঽতিবিদ্ধো মহেষ্বাসৈঃ সর্বতস্তৈর্মহারথৈঃ।
প্রতিবিব্যাধ তান্সর্বান্পঞ্চভিঃ পঞ্চভিঃ শরৈঃ॥ 7-109-43 (49076)
তং ক্রুদ্ধং রাক্ষসং যুদ্ধে প্রতিক্রুদ্ধস্তু রাক্ষসঃ।
হৈডিম্বো ভরতশ্রেষ্ঠ শরৈর্বিব্যাধ সপ্তভিঃ॥ 7-109-44 (49077)
সোঽতিবিদ্ধো বলবতা রাক্ষসেন্দ্রো মহাবলঃ।
ব্যসৃজৎসায়কাংস্তূর্ণং রুক্মপুঙ্খাঞ্শিলাশিতান্॥ 7-109-45 (49078)
তে শর়া নতপর্বাণো ভৈমসেনিবিনির্ভিদঃ।
রুষিতাঃ পন্নগা যদ্বদ্যোধমুখ্যানুপাগমন্॥ 7-109-46 (49079)
ততস্তে পাণ্ডবা রাজন্সমন্তান্নিশিতাঞ্শরান্।
প্রেষয়ামাসুরুদ্বিগ্না হৈডিম্বশ্চ ঘটোৎকচঃ॥ 7-109-47 (49080)
স বিধ্যমানঃ সমরে পাণ্ডবৈর্জিতকাশিভিঃ।
`*নাভ্যপদ্যত কর্তব্যমার্শ্যশৃঙ্গির্মহাবলঃ॥ 7-109-48 (49081)
ঘটোৎকচং মহারাজ শরবর্ষৈরবাকিরৎ।
দগ্ধাদ্রিকূটসদৃশং তমঞ্জনচয়োপরমম্॥ 7-109-49 (49082)
ঘটোৎকচোঽপ্যসম্ভ্রান্তঃ শরবর্ষং মহত্তরম্।
অলম্বুসবধপ্রেপ্সুর্মুমোচাগ্নিরিব জ্বলন্॥ 7-109-50 (49083)
অলম্বুসবধাচ্চোগ্রাদ্ধটোৎকচবধাদপি।
শরাঃ প্রাদুর্ভবন্তি স্ম দ্বিরেফা ইব শাখিনঃ॥ 7-109-51 (49084)
অভ্রচ্ছায়েব রচিতা বাণৈস্তত্র নরেশ্বর।
ন স্ম বিজ্ঞায়তে কিঞ্চিদন্ধকারে কৃতে শরৈঃ॥ 7-109-52 (49085)
তত আকর্ণমুক্তেন ভল্লেন চ ঘটোৎকচঃ।
অলম্বুসস্য চিচ্ছেদ শিরো যন্তুর্মহাবলঃ॥ 7-109-53 (49086)
ততোঽপরৈর্বেগবদ্ভিঃ ক্ষুরৈস্তস্য ঘটোৎকচঃ।
অক্ষমীষাং যুগং চৈব চিচ্ছেদ যুধি তাডয়ন্॥ 7-109-54 (49087)
অবস্কন্দ্য রথাত্তূর্ণং কৈর্মীরঃ ক্রোধমূর্চ্ছিতঃ।
তস্মিন্মায়াময়ং ঘোরমস্ত্রবর্ষং ববর্ষ হ॥ 7-109-55 (49088)
ঘটোৎকচোঽপ্যাশু রথাৎপ্রস্কন্দ্য স তমেব চ।
মায়াস্ত্রেণৈব মায়াস্ত্রং ব্যধমৎসমরে রিপোঃ॥ 7-109-56 (49089)
হৈডিম্বেনার্দ্যমানস্তু যুধি সোঽলম্বুসোঽদ্রবৎ।
অন্তর্হিতো মহারাজ ঘটোৎকচময়োধয়ৎ॥ 7-109-57 (49090)
অন্তর্ধানগতং দৃষ্ট্বা তত্রতত্র ঘটোৎকচঃ।
গদয়া তাডয়ামাস বেগবত্যা মহাবলঃ॥ 7-109-58 (49091)
উৎপপাত ততো ব্যোম্নি প্রহারপরিপীডিতঃ।
অলম্বুসো রাক্ষসেন্দ্রঃ সহসা পক্ষিরাডিব॥ 7-109-59 (49092)
ঘটোৎকচোঽপ্যসম্ভ্রান্তঃ খঙ্গপাণিরথোৎপতৎ।
ততো বেগেন মহতা বিবর্ষিষুরিবাম্বুদঃ॥ 7-109-60 (49093)
তমাপতন্তং সম্প্রেক্ষ্য কৈর্মীরী রাক্ষসোত্তমঃ।
অভিদুদ্রাব বেগেন সিংহঃ সিংহমিব স্থিতম্॥ 7-109-61 (49094)
দক্ষিণেনাসিমুদ্যম্য বক্ষঃ প্রচ্ছাদ্য বর্মণা।
অভিদুদ্রাব বেগেন বেগবন্তং ঘটোৎকচঃ॥ 7-109-62 (49095)
তাবুভৌ বেগসংরব্ধাবলম্বুসঘটোৎকচৌ।
অন্যোন্যস্য তথৈবোরূ সমাজঘ্নতুরঞ্জসা॥ 7-109-63 (49096)
অন্যোন্যস্যাভিঘাতেন তয়ো রাক্ষসসিংহয়োঃ।
শৈলেনাভিহতস্যেব শৈলস্যাভূন্মহাস্বনঃ॥ 7-109-64 (49097)
ততোঽপসৃত্য সহসা পুনরাপেততুর্ভৃশম্।
চরন্তাবসিমার্গাংস্তান্বিবিধান্রাক্ষসোত্তমৌ॥ 7-109-65 (49098)
তয়োর্গাত্রেষু পতিতাবসী ভিন্নৌ নিপেততুঃ।
বেগোৎসৃষ্টে মঘবতা বজ্রে শৈলতটেষ্বিব॥ 7-109-66 (49099)
ততঃ সৈন্যানি দদৃশুস্তদ্যুদ্ধমতিদারুণম্।
যুদ্ধং তয়ো রাক্ষসয়োরামিষে শ্যেনয়োরিব॥ 7-109-67 (49100)
ততো লোহিতরক্তাক্ষাবুভৌ তৌ রাক্ষসোত্তমৌ।
তথৈক্ষ্যেতাং তু শার্দূলৌ সন্ধ্যারক্তাবিবাম্বুদৌ॥ 7-109-68 (49101)
চক্রাতে শ্যেনবচ্চৈব মণ্ডলানি সহস্রশঃ।
উভৌ নিস্ত্রিংশহস্তৌ তৌ সপক্ষাবিব পক্ষিণৌ॥ 7-109-69 (49102)
ভ্রাময়িৎবা তু তং খঙ্গং পাণ্ডোঃ কির্মীরনন্দনঃ।
চিক্ষেপাস্য শিরো হর্তুং স চ তস্য ঘটোৎকচঃ॥ 7-109-70 (49103)
তাবসী যুগপদ্দীপ্তৌ সমেত্য বিপুলৌ ভুবি।
পতিতৌ তৌ তু বাহুভ্যাং রাক্ষসৌ সমসজ্জতাম্॥ 7-109-71 (49104)
শীর্ষাঘাতাংসধাতৈশ্চ পরস্পরমথাহতৌ।
পুনর্বিমিশ্রিতৌ বীরৌ ব্যায়ুধ্যেতে মুহুর্মুহুঃ॥ 7-109-72 (49105)
ভৈমসেনিরথোৎক্ষিপ্য সমাবিধ্য পুনঃ পুনঃ।
নিষ্পিপেষ ক্ষিতৌ ক্ষিপ্রং পূর্ণকুম্ভমিবাশ্মনি॥ 7-109-73 (49106)
বললাঘবসম্পন্নঃ সম্পন্নো বিক্রমেণ চ।
ভৈমসেনিরথ ক্রুদ্ধঃ সর্বসৈন্যস্য পশ্যতঃ॥ 7-109-74 (49107)
অসৃক্ক্ষরিতসর্বাঙ্গশ্চূর্ণিতাস্থিবিভূষণঃ।
ঘটোৎকচেন নিষ্পিষ্টো হতঃ সালকটঙ্কটঃ॥ 7-109-75 (49108)
পাণ্ডবানাং ততঃ সেনা তং দৃষ্ট্বা বিনিপাতিতম্।
ননাদ সুমহানাদং হর্ষবেগসমাপ্লুতা॥ 7-109-76 (49109)
ততস্তু নিপপাতাশু গতাসুর্ভুবি রাক্ষসঃ।
শিখরং পর্বতস্যেব বজ্রবেগেন পাতিতম্॥ 7-109-77 (49110)
পততা তেন মহতা রথিনাং দন্তিনাং দশ।
তব সৈন্যে মহারাজ নিহতাঃ সুবৃহত্তয়া॥ 7-109-78 (49111)
ততো ঘটোৎকচো হৎবা তদ্রক্ষো বৃত্রসন্নিভম্।
পুনঃ স রথমাস্থায় বিজিগীষুর্ননাদহ'॥ 7-109-79 (49112)
ততঃ সুমনসঃ পার্থা হতে তস্মিন্নিশাচরে।
চুক্রুশুঃ সিংহনাদাংশ্চ বাসাংস্যাদুধুবুশ্চ হ॥ 7-109-80 (49113)
তাবকাশ্চ হতং দৃষ্ট্বা রাক্ষসেন্দ্রং মহাবলম্।
অলম্বুসং তথা শূরা বিশীর্ণমিব পর্বতম্।
হাহাকারমকার্ষুশ্চ সৈন্যানি ভরতর্ষভ॥ 7-109-81 (49114)
জনাশ্চ তদ্দদৃশিরে রক্ষঃ কৌতূহলান্বিতাঃ।
যদৃচ্ছয়া নিপতিতং ভূমাবঙ্গারকং যথা॥ 7-109-82 (49115)
ঘটোৎকচস্তু তদ্ধৎবা রক্ষো বলবতাং বরম্।
মুমোচ বলবন্নাদং বলং হৎবেব বাসবঃ॥ 7-109-83 (49116)
স পূজ্যমানঃ পিতৃভিঃ সবান্ধবৈ--
র্ঘটোৎকচঃ কর্মণি দুষ্করে কৃতে।
রিপুং নিহত্যাভিননন্দ বৈ তদা
হ্যলম্বুসং পক্বমলম্বুষং যথা॥ 7-109-84 (49117)
ততো নিনাদঃ সুমহান্সমুত্থিতঃ
সশঙ্খনানাবিধবাণঘোষবান্।
নিশম্য তং প্রত্যনদংস্তু পাণ্ডবা--
স্ততো ধ্বনির্ভুবনমথাঽস্পৃশদ্ভৃশম্॥ 7-109-85 (49118)
`ততোঽভিগম্য রাজানং ধর্মপুত্রং যুধিষ্ঠিরম্।
স্বকর্মাবেদয়ন্মূর্ধ্না প্রাঞ্জলির্নিপপাত হ॥ 7-109-86 (49119)
মূর্ধ্ন্যুপাঘ্রায় তং জ্যেষ্ঠঃ পরিষ্বজ্য চ পাণ্ডবঃ।
প্রিতোঽস্মীত্যব্রবীদ্রাজন্হর্ষাদুৎফুল্ললোচনঃ॥ 7-109-87 (49120)
ঘটোৎকচেন নিষ্পিষ্টে হতে সালকটঙ্কটে।
বভূবুর্মুদিতাঃ সর্বে হতে তস্মিন্নিশাচরে'॥ ॥ 7-109-88 (49121)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে নবাধিকশততমোঽধ্যায়ঃ॥ 109 ॥
Mahabharata - Drona Parva - Chapter Footnotes
5-109-1 রক্ষোগ্রামণিমুখ্যযোঃ রক্ষঃপতিপ্রঘানয়োঃ॥ 5-109-* নাভ্যপদ্যতেত্যারভ্য বিজিগীষুর্ননাদহেতি 79 তমশ্লোকপর্যন্তং বিদ্যমানানাং শ্লোকানাং স্থানে অধোলিখিতাঃ সার্ধষট্শ্লোকা এব ঝ.পুস্তকে সন্তি। মর্ত্যধর্মমনুপ্রাপ্তঃ কর্তব্যং নান্বপদ্যত। ততঃসমরশৌণ্ডো বৈ ভৈমসেনির্মহাবলঃ॥ সমীক্ষ্য তদবস্থং তং বধায়াস্য মনো দধে। বেগং চক্রে মহান্তং চ রাক্ষসেন্দ্রথং প্রতি॥ দগ্ধাদ্রিকূটশৃঙ্গাভং ভিন্নাঞ়্জনচয়োপমম্। রথাদ্রথমভিদ্রুত্য ক্রুদ্ধো হৈডিম্বিরাক্ষিপৎ॥ উদ্ববর্হ রথাচ্চাপি পন্নাগং গরুডো যথা। সমুৎক্ষিপ্য চ বাহুভ্যামাবিদ্ব্য চ পুনঃ পুনঃ॥ নিষ্পিপেষ ক্ষিতৌ ক্ষিপ্রং পূর্ণকুম্ভমিবাশ্মনি। বললাঘবসম্পন্নঃ সম্পন্নো বিক্রমেণ চ॥ ভৈমসেনী রণে ক্রুদ্ধঃ সর্বসৈন্যান্যভীষয়ৎ। স বিষ্ফারিতসর্বাঙ্গশ্চূর্ণিতাস্থির্বিভীষণঃ॥ ঘটোৎকচেন বীরেণ হতঃ সালকটঙ্কটঃ। 5-109-15 ভুবনং স্বর্লোকম্॥ 5-109-109 নবাধিকশততমোঽধ্যায়ঃ॥দ্রোণপর্ব - অধ্যায় 110
॥ শ্রীঃ ॥
7.110. অধ্যায়ঃ 110
Mahabharata - Drona Parva - Chapter Topics
রণাঙ্কণো পাঞ্চজন্যস্বনে শ্রুতে অশ্রুতেচ গাণ্ডীবঘোষে অর্জুনস্য বিপদমাশঙ্কমানেন যুধিষ্ঠিরেণ সাত্যকিম্প্রতি অর্জুনবৃত্তান্তপরিজ্ঞানায় গমনচোদনা॥ 1 ॥Mahabharata - Drona Parva - Chapter Text
7-110-0 (49122)
ধৃতরাষ্ট্র উবাচ। 7-110-0x (4539)
ভারদ্বাজং কথং যুদ্ধে যুয়ুধানো ন্যবারয়ৎ।
সঞ্জয়াচক্ষ্ব তত্ৎবেন পরং কৌতূহলং হি মে॥ 7-110-1 (49123)
সঞ্জয় উবাচ। 7-110-2x (4540)
শৃণু রাজন্মহাপ্রাজ্ঞ সঙ্গ্রামং রোমহর্ষণম্।
দ্রোণস্য পাণ্ডবৈঃ সার্ধং যুয়ুধানপুরোগমৈঃ॥ 7-110-2 (49124)
বধ্যমানং বলং দৃষ্ট্বা যুয়ুধানেন মারিষ।
অভ্যদ্রবৎস্বয়ং দ্রোণঃ সাত্যকিং সত্যবিক্রমম্॥ 7-110-3 (49125)
তমাপতন্তং সহসা ভারদ্বাজং মহারথম্।
সাত্যকিঃ পঞ্চবিংশত্যা ক্ষুদ্রকাণাং সমার্পয়ৎ॥ 7-110-4 (49126)
দ্রোণোঽপি যুধি বিক্রান্তো যুয়ুধানং সমাহিতঃ।
অবিধ্যৎপঞ্চভিস্তূর্ণং হেমপুঙ্খৈঃ শরৈঃ শিতৈঃ॥ 7-110-5 (49127)
তে বর্ম ভিত্ৎবা সুদৃঢং দ্বিষৎপিশিতভোজনাঃ।
অভ্যযুর্ধরণীং রাজন্বল্মীকমিব পন্নগাঃ॥ 7-110-6 (49128)
দীর্ঘবাহুরভিক্রুদ্ধস্তোত্রার্দিত ইব দ্বিপঃ।
দ্রোণং পঞ্চাশতাঽবিধ্যন্নারাচৈরগ্নিসন্নিভৈঃ॥ 7-110-7 (49129)
ভারদ্বাজো রণে বিদ্ধো যুয়ুধানেন সৎবরম্।
সাত্যকিং বহুভির্বাণৈর্যতমানমবিধ্যত॥ 7-110-8 (49130)
ততঃ ক্রুদ্ধো মহেষ্বাসো ভূয় এব মহাবলঃ।
সাৎবতং পীডয়ামাস ব্রাতেন নতপর্বণাম্॥ 7-110-9 (49131)
স বধ্যমানঃ সমরে ভারদ্বাজেন সাত্যকিঃ।
নান্বপদ্যত কর্তব্যং কিঞ্চিদেব বিশাম্পতে॥ 7-110-10 (49132)
বিষণ্ণবদনশ্চাপি যুয়ুধানোঽভবন্নৃপ।
ভারদ্বাজং রণে দৃষ্ট্বা বিসৃজন্তং শিতাঞ্শরান্॥ 7-110-11 (49133)
তং তু সম্প্রেক্ষ্য তে পুত্রাঃ সৈনিকাশ্চ বিশাম্পতে।
প্রহৃষ্টমনসো ভূৎবা সিংহবদ্ব্যনদন্মুহুঃ॥ 7-110-12 (49134)
তং শ্রুৎবা নিনদং ঘোরং পীড্যমানং চ মাধবম্।
যুধিষ্ঠিরোঽব্রবীদ্রাজা সর্বসৈন্যানি ভারত॥ 7-110-13 (49135)
এষ বৃষ্ণিবরো বীরঃ সাত্যকিঃ সত্যবিক্রমঃ।
গ্রস্যতে যুধি বীরেণ ভানুমানিব রাহুণা।
অভিদ্রবত গচ্ছধ্বং সাত্যকির্যত্র যুধ্যতে॥ 7-110-14 (49136)
অভিদ্রবত গচ্ছদ্বং সাত্যকির্যত্র যুধ্যতে॥
ধৃষ্টদ্যুম্নং চ পাঞ্চাল্যমিদমাহ জনাধিপঃ।
`দ্রোণং বারয় সুক্ষিত্রং সাত্যকিং মাবধীদ্দ্বিজঃ'॥ 7-110-15 (49137)
অভিদ্রব দ্রুতং দ্রোণং কিমু তিষ্ঠসি পার্পত।
ন পশ্যসি ভয়ং দ্রোণাদ্ধোরং নঃ সমুপস্থিতম্॥ 7-110-16 (49138)
অসৌ দ্রোণো মহেষ্বাসো যুয়ুধানেন সংয়ুগে।
ক্রীডতে সূত্রবদ্ধেন পক্ষিণা বালকো যথা॥ 7-110-17 (49139)
তত্রৈব সর্বে গচ্ছন্তু ভীমসেনপুরোগমাঃ।
ৎবয়ৈব সহিতাঃ সর্বে যুয়ুধানরথং প্রতি॥ 7-110-18 (49140)
পৃষ্ঠতোঽনুগমিষ্যামি ৎবামহং সহসৈনিকঃ।
সাত্যকিং মোক্ষয়স্বাদ্য যমদংষ্ট্রান্তরং গতম্॥ 7-110-19 (49141)
সঞ্জয় উবাচ। 7-110-20x (4541)
এবমুক্ৎবা ততো রাজা সর্বসৈন্যেন ভারত।
অভ্যদ্রবদ্রণে দ্রোণং যুয়ুধানস্য কারণাৎ॥ 7-110-20 (49142)
তত্রারাবো মহানাসীদ্দ্রোণমেকং যুয়ুৎসতাম্।
পাণ্ডবানাং চ ভদ্রং তে সৃঞ্জয়ানাং চ সর্বশঃ॥ 7-110-21 (49143)
তে সমেত্য নরব্যাঘ্রা ভারদ্বাজং মহারথম্।
অভ্যবর্ষঞ্শরৈস্তীক্ষ্ণৈঃ কঙ্কবর্হিণবাজিতৈঃ॥ 7-110-22 (49144)
স্ময়ন্নেব তু তান্বীরান্দ্রোণঃ প্রত্যগ্রহীৎস্বয়ম্।
অতিথীনাগতান্যদ্বৎসলিলেনাসনেন চ॥ 7-110-23 (49145)
তর্পিতাস্তে শরৈস্তস্য ভারদ্বাজস্য ধন্বিনঃ।
আতিথেয়ং গৃহং প্রাপ্য তর্প্যন্তেঽতিথয়ো যথা॥ 7-110-24 (49146)
ভারদ্বাজং চ তে সর্বে ন শেকুঃ প্রতিবীক্ষিতুম্।
মধ্যন্দিনমনুপ্রাপ্তং সহস্রাংশুমিব প্রভো॥ 7-110-25 (49147)
তাংস্তু সর্বান্মহেষ্বাসান্দ্রোণঃ শস্ত্রভৃতাং বরঃ।
অতাপয়চ্ছরব্রাতৈর্গভস্তিভিরিবাংশুমান্॥ 7-110-26 (49148)
বধ্যমানা মহারাজ পাণ্ডবাঃ সৃঞ্জয়াস্তথা।
ত্রাতারং নাধ্যগচ্ছন্ত পঙ্কমগ্না ইব দ্বিপাঃ॥ 7-110-27 (49149)
দ্রোণস্য চ ব্যদৃশ্যন্ত বিসর্পন্তো মহাশরাঃ।
গভস্তয় ইবার্কস্য প্রতপন্তঃ সমন্ততঃ॥ 7-110-28 (49150)
তস্মিন্দ্রোণেন নিহতাঃ পাঞ্চালাঃ পঞ্চবিংশতিঃ।
মহারথাঃ সমাখ্যাতা ধৃষ্টদ্যুম্নস্য সম্মতাঃ॥ 7-110-29 (49151)
পাণ্ডূনাং সর্বসৈন্যেষু পাঞ্চালানাং তথৈব চ।
দ্রোণং স্ম দদৃশুঃ শূরং বিনিঘ্নন্তং বরান্বরান্॥ 7-110-30 (49152)
কেকয়ানাং শতং হৎবা বিদ্রাব্য চ সমন্ততঃ।
দ্রোণস্তস্থৌ মহারাজ ব্যাদিতাস্য ইবান্তকঃ॥ 7-110-31 (49153)
পাঞ্চালান্সৃঞ্জয়ান্মৎস্যান্কেকয়াংশ্চ নরাধিপ।
দ্রোণোঽজয়ন্মহাবাহুঃ শতশোঽথ সহস্রশঃ॥ 7-110-32 (49154)
তেষাং সমভবচ্ছব্দো বিদ্ধানাং দ্রোণসায়কৈঃ।
বনৌকসামিবারণ্যে ব্যাপ্তানাং ধৃমকেতুনা॥ 7-110-33 (49155)
তত্র দেবাঃ সগন্ধর্বাঃ পিতরশ্চাব্রুবন্নৃপ।
এতে দ্রবন্তি পাঞ্চালাঃ পাণ্ডবাশ্চ সসৈনিকাঃ॥ 7-110-34 (49156)
তং তথা সমরে দ্রোণং নিঘ্নন্তং সৌমকান্রণে।
ন চাপ্যভিয়যুঃ কেচিদপরে নৈব বিব্যধুঃ॥ 7-110-35 (49157)
বর্তমানে তথা রৌদ্রে তস্মিন্বীরবরক্ষয়ে।
অশৃণোৎসহসা পার্থঃ পাঞ্চজন্যস্য নিঃস্বনম্॥ 7-110-36 (49158)
পূরিতে বাসুদেবেন শঙ্খরাজে মহাত্মনা।
যুধ্যমানেষু বীরেষু সৈন্ধবস্যাভিরক্ষিষু॥ 7-110-37 (49159)
নদৎসু ধার্তরাষ্ট্রেষু বিজয়স্য রথং প্রতি।
গাণ্ডীবস্য চ নির্ঘোষে বিপ্রনষ্টে সমন্ততঃ॥ 7-110-38 (49160)
কশ্মলাভিহতো রাজা চিন্তয়ামাস পাণ্ডবঃ।
ন নূনং স্বস্তি পার্থায় যথা নদতি শঙ্খরাট্॥ 7-110-39 (49161)
কৌরবাশ্চ যথা হৃষ্টা বিনদন্তি মুহুর্মুহুঃ।
`ব্যক্তমদ্য বিনশ্যন্তি সর্বলোকমহারথাঃ'॥ 7-110-40 (49162)
এবং সঞ্চিন্তয়িৎবা তু ব্যাকুলেনান্তরাত্মনা।
অজতাশত্রুঃ কৌন্তেয়ঃ সাৎবতং প্রত্যভাষত॥ 7-110-41 (49163)
বাষ্পগদ্গদয়া বাচা মুহ্যমানো মুহুর্মুহুঃ।
কৃত্যস্যানন্তরাপেক্ষী শৈনেয়ং শিনিপুঙ্গবম্॥ 7-110-42 (49164)
যুধিষ্ঠির উবাচ। 7-110-43x (4542)
যঃ স ধর্মঃ পুরা দৃষ্টঃ সদ্ভিঃ শৈনেয় শাশ্বতঃ।
সাম্পরায়ে সুহৃৎকৃত্যে তস্য কালোঽয়মাগতঃ॥ 7-110-43 (49165)
সর্বেষ্বপি চ যোধেষু চিন্তয়ঞ্শিনিপুঙ্গব।
ৎবত্তঃ সুহৃত্তমং কঞ্চিন্নাভিজানামি সাত্যকে॥ 7-110-44 (49166)
যো হি প্রীতমনা নিত্যং যশ্চ নিত্যমনুব্রতঃ।
স কার্যে সাম্পরায়ে তু নিয়োজ্য ইতি মে মতিঃ॥ 7-110-45 (49167)
যথা চ কেশবো নিত্যং পাণ্ডবানানং পরায়ণম্।
তথা ৎবমপি বার্ষ্ণেয় কৃষ্ণতুল্যপরাক্রমঃ॥ 7-110-46 (49168)
সোঽহং ভারং সমাধাস্যে ৎবয়ি তং বোঢুমর্হসি।
অভিপ্রায়ং চ মে নিত্যং ন বৃথা কর্তুমর্হসি॥ 7-110-47 (49169)
স ৎবং ভ্রাতুর্বয়স্যস্য গুরোরপি চ সংয়ুগে।
কুরু কৃচ্ছ্রে সহায়ার্থমর্জুনস্য নরর্ষভ॥ 7-110-48 (49170)
ৎবং হি সত্যব্রতঃ শূরো মিত্রাণামভয়ঙ্করঃ।
লোকে বিখ্যায়সে বীর কর্মভিঃ সত্যবাগিতি॥ 7-110-49 (49171)
যো হি শৈনেয় মিত্রার্থে যুধ্যমানস্ত্যজেত্তনুম্।
পৃথিবীং চ দ্বিজাতিভ্যো যো দদ্যাৎস সমো ভবেৎ॥ 7-110-50 (49172)
শ্রুতাশ্চ বহবোঽস্মাভী রাজানো যে দিবং গতাঃ।
দত্ৎবেমাং পৃথিবীং কৃৎস্নাং ব্রাহ্মণেভ্যো যথাবিধি॥ 7-110-51 (49173)
`দীয়মানা চ বহুভির্দাস্যতে চ মুহুর্মহী।
ন হি কশ্চিদ্রণে প্রাণান্মিত্রার্থে ত্যক্তবানিহ'॥ 7-110-52 (49174)
এবং ৎবামপি ধর্মাত্মন্প্রয়াচেঽহং কৃতাঞ্জলিঃ।
পৃথিবীদানতুল্যং স্যাদধিকং বা ফলং বিভো॥ 7-110-53 (49175)
এক এব সদা কৃষ্ণো মিত্রাণামভয়ঙ্করঃ।
রণে সন্তজতি প্রাণান্দ্বিতীয়স্ৎবং চ সাত্যকে॥ 7-110-54 (49176)
বিক্রান্তস্য চ বীরস্য যুদ্ধে প্রার্থয়তো যশঃ।
শূর এব সহায়ঃ স্যান্নেতরঃ প্রাকৃতো জনঃ॥ 7-110-55 (49177)
ঈদৃশে তু পরামর্দে বর্তমানস্য মাধব।
ৎবদন্যো হি রণে গোপ্তা বিজয়স্য ন বিদ্যতে॥ 7-110-56 (49178)
শ্লাঘন্নেব হি কর্মাণি শতশস্তব পাণ্ডবঃ।
মম সঞ্চনয়ন্হর্ষং পুনঃ পুনরকীর্তয়ৎ॥ 7-110-57 (49179)
লঘুহস্তশ্চিত্রয়োধী তথা লঘুপরাক্রমঃ।
প্রাজ্ঞঃ সর্বাস্ত্রবিচ্ছূরো মুহ্যতে ন চ সংয়ুগে॥ 7-110-58 (49180)
মহাস্কন্ধো মহোরস্কো মহাবাহুর্মহাহনুঃ।
মহাবলো মহাবীর্যঃ স মহাত্মা মহারথঃ॥ 7-110-59 (49181)
শিষ্যো মম সখা চৈব প্রিয়োঽস্যাহং প্রিয়শ্চ মে।
যুয়ুধানঃ সহায়ো মে প্রমথিষ্যতি কৌরবান্॥ 7-110-60 (49182)
অস্মদর্থং চ রাজেন্দ্র সন্নহ্যেদ্যদি কেশবঃ।
রামো বাপ্যনিরুদ্ধো বা প্রদ্যুম্নো বা মহারথঃ॥ 7-110-61 (49183)
গদো বা মারণো বাপি সাম্বো বা সহ বৃষ্ণিভিঃ।
সহায়ার্থং মহারাজ সঙ্গ্রামোত্তমমূর্ধনি॥ 7-110-62 (49184)
তথাপ্যহং নরব্যাঘ্রং শৈনেয়ং সত্যবিক্রমম্।
সাহায়্যে বিনিয়োক্ষ্যামি নাস্তি মেঽন্যোহি তৎসমঃ॥ 7-110-63 (49185)
ইতি দ্বৈতবনে তাত মামুবাচ ধনঞ্জয়ঃ।
পরোক্ষে ৎবদ্গুণাংস্তথ্যান্কথয়ন্নার্যসংসদি॥ 7-110-64 (49186)
তস্য ৎবমেবং সঙ্কল্পং ন বৃথা কর্তুমর্হসি।
ধনঞ্জয়স্য বার্ষ্ণেয় মম ভীমস্য চোভয়োঃ॥ 7-110-65 (49187)
যচ্চাপি তীর্থানি চরন্নগচ্ছং দ্বারকাং প্রতি।
তত্রাহমপি তে ভক্তিমর্জুনং প্রতি দৃষ্টবান্॥ 7-110-66 (49188)
ন তন্সৌহৃদনন্যেপু ময়া শৈনেয় লক্ষিতম্।
যথা ৎবমস্মান্ভজসে বর্তমানানুপপ্লবে॥ 7-110-67 (49189)
সোঽভিজাত্যা চ ভক্ত্যা চ সখ্যস্যাচার্যকস্য চ।
সৌহৃদস্য চ বীর্যস্য কুলীনৎবস্য মাধব॥ 7-110-68 (49190)
সত্যস্য চ মহাবাহো অনুকম্পার্থমেব চ।
অনুরূপং মহেপ্বাস কর্ম ৎবং কর্তুমর্হসি॥ 7-110-69 (49191)
সুয়োধনো হি সহসা গতো দ্রোণেন দংশিতঃ।
পূর্বমেবানুয়াতাস্তে কৌরবাণাং মহারথাঃ॥ 7-110-70 (49192)
সুমহান্নিনদশ্চৈব শ্রূয়তে বিজয়ং প্রতি।
স শৈনেয় জবেনাশু গন্তুমর্হসি মানদ॥ 7-110-71 (49193)
ভীমসেনো বয়ং চৈব সংয়ত্তাঃ সহসৈনিকাঃ।
দ্রোণমাবারয়িষ্যামো যদি ৎবাং প্রতিয়োৎস্যতে॥ 7-110-72 (49194)
পশ্য শৈনেয় সৈন্যানি দ্রবমাণানি সংয়ুগে।
মহান্তং চরণে শব্দং দীর্যমাণাং চ ভারতীম্॥ 7-110-73 (49195)
মহামারুতবেগেন সমুদ্রমিব পর্বসু।
ধার্তরাষ্টবলং তাত বিক্ষিপ্তং সব্যসাচিনা॥ 7-110-74 (49196)
রথৈর্বিপরিধাবদ্ভির্মনুষ্যৈশ্চ হয়ৈশ্চ হ।
সৈন্যং রজঃসমুদ্ভূতমেতৎসম্পরিবর্ততে॥ 7-110-75 (49197)
সংবৃতঃ সিন্ধুসৌবীরৈর্নখরপ্রাসয়োধিভিঃ।
অত্যন্তোপচিতৈঃ শূরৈঃ ফল্গুনঃ পরবীরহা॥ 7-110-76 (49198)
নৈতদ্বলমসংবার্যং শক্যো জেতুং জয়দ্রথঃ।
এতে হি সৈন্ধবস্যার্থে সর্বে সন্ত্যক্তজীবিতাঃ॥ 7-110-77 (49199)
শরশক্তিধ্বজবরং হয়নাগসমাকুলম্।
পশ্যৈতদ্ধার্তরাষ্ট্রাণামনীকং সুদুরাসদম্॥ 7-110-78 (49200)
শৃণু দুন্দুভিনির্ঘোষং শঙ্খশব্দাংশ্চ পুষ্কলান্।
সিংহনাদরবাংশ্চৈব রথনেমিস্বনাংস্তথা॥ 7-110-79 (49201)
নাগানাং শৃণু শব্দং চ পত্তীনাং চ সহস্রশঃ।
সাদিনাং দ্রবতাং চৈব শৃণু কম্পয়তাং মহীম্॥ 7-110-80 (49202)
পুরস্তাৎসৈন্ধবানীকং দ্রোণানীকং চ পৃষ্ঠতঃ।
বহুৎবাদ্ধি নরব্যাঘ্র দেবেন্দ্রমপি পীডয়েৎ॥ 7-110-81 (49203)
অপর্যন্তে বলে মগ্নো জহ্যাদপি চ জীবিতম্।
তস্মিংশ্চ নিহতে যুদ্ধে কথং জীবেত মাদৃশঃ॥ 7-110-82 (49204)
সর্বথা সমনুপ্রাপ্তঃ সুকৃচ্ছ্রং ৎবয়ি জীবতি।
শ্যামো যুবা গুডাকেশো দর্শনীয়শ্চ পাণ্ডবঃ॥ 7-110-83 (49205)
লঘ্বস্ত্রশ্চিত্রয়োধী চ প্রবিষ্টস্যাত ভারতীম্।
সূর্যোদয়ে মহাবাহুর্দিবসশ্চাতিবর্ততে॥ 7-110-84 (49206)
তন্ন জানামি বার্ষ্ণেয় যদি জীবতি বা ন বা।
কুরূণাং চাপি তৎসৈন্যং সাগরপ্রতিমং মহৎ॥ 7-110-85 (49207)
এক এব চ বীভৎসুঃ প্রবিষ্টস্তাত ভারতীম্।
অবিপহ্যাং মহাবাহুঃ সুরৈরপি মহাহবে॥ 7-110-86 (49208)
ন হি মে বর্ততে বুদ্ধিরদ্য যুদ্ধে কথঞ্চন।
দ্রোণোঽপি রভসো যুদ্ধে মম পীডয়তে বলম্॥ 7-110-87 (49209)
প্রত্যক্ষং তে মহাবাহো যথাঽসৌ চরতি দ্বিজঃ।
যুগপচ্চ সমেতানাং কার্যাণাং ৎবং বিচক্ষণঃ।
মহার্থং লঘুসংয়ুক্তং কর্তুমর্হসি মানদ॥ 7-110-88 (49210)
তস্য মে সর্বকার্যেষু কার্যমেতন্মতং মহৎ।
অর্জুনস্য পরিত্রাণাং কর্তব্যমিতি সংয়ুগে॥ 7-110-89 (49211)
নাহং শোচামি দাশার্হং গোপ্তারং জগতঃ পতিম্।
স হি শক্তো রণে তাত ত্রীঁল্লোকানপি সঙ্গতান্॥ 7-110-90 (49212)
বিজেতুং পুরুষব্যাঘ্রঃ সত্যমেতদ্ব্রবীমি তে।
কিম্পুনর্ধার্তরাষ্ট্রস্য বলমেতৎসুদুর্বলম্॥ 7-110-91 (49213)
অর্জুনস্ৎবেষ বার্ষ্ণেয় পীডিতো বহুভির্যুধি।
প্রজহ্যাৎসমরে প্রাণাংস্তস্মাদ্বিন্দামি কশ্মলম্॥ 7-110-92 (49214)
তস্য ৎবং পদবীং গচ্ছ গচ্ছেয়ুস্ৎবাদৃশা যথা।
তাদৃশস্যেদৃশে কালে মাদৃশেনাভিনোদিতঃ॥ 7-110-93 (49215)
রণে বৃষ্ণিপ্রবীরাণাং দ্বাবেবাতিরথৌ স্মৃতৌ।
প্রদ্যুম্নশ্চ মহাবাহুস্ৎবং চ সাৎবত বিশ্রুতঃ॥ 7-110-94 (49216)
অস্ত্রে নারায়ণসমঃ সঙ্কর্ষণসমো বলে।
বীরতায়াং নরব্যাঘ্র ধনঞ্জয়সমো হ্যসি॥ 7-110-95 (49217)
ভীষ্মদ্রোণাবতিক্রম্য সর্বয়ুদ্ধবিশারদম্।
ৎবামেব পুরুষব্যাঘ্রং লোকে সন্তঃ প্রচক্ষতে॥ 7-110-96 (49218)
`সদেবাসুরগন্ধর্বান্সকিন্নরমহোরগান্।
যোধয়েচ্চ জগৎসর্বং বিজয়েত রিপূন্বহূন্॥ 7-110-97 (49219)
ইতি ব্রুবন্তি লোকেষু জনাস্তব গুণাংস্তথা।
সমাগমেষু সর্বেষু পৃথগেব চ সর্বদা'।
নাশক্যং বিদ্যতে লোকে সাত্যকেরিতি মাধব॥ 7-110-98 (49220)
তত্ৎবাং যদভিবক্ষ্যামি তৎকুরুষ্ব মহাবল॥ 7-110-99 (49221)
সম্ভাবনা হি লোকস্য মম পার্থস্য চোভয়োঃ।
নান্যথা তাং মহাবাহো সম্প্রকর্তুমিহার্হসি॥ 7-110-100 (49222)
পরিত্যজ্য প্রিয়ান্প্রাণান্রণে চর বিভীতবৎ।
ন হি শৈনেয় দাশার্হা রণে রক্ষন্তি জীবিতম্॥ 7-110-101 (49223)
অয়ুদ্ধমনবস্থানং সঙ্গ্রামে চ পলায়নম্।
ভীরূণামসতাং মার্গে নৈষ দাশার্হসেবিতঃ॥ 7-110-102 (49224)
তবার্জুনো গুরুস্তাত ধর্মাত্মা শিনিপুঙ্গচ।
বাসুদেবো গুরুশ্চাপি তব পার্থস্য ধীমতঃ॥ 7-110-103 (49225)
কারণদ্বয়মেতদ্ধি জানংস্ৎবামহমব্রুবম্।
মাবমংস্থা বচো মহ্যং গুরুস্তব গুরোর্হ্যহম্॥ 7-110-104 (49226)
বাসুদেবমতং চৈব মম চৈবার্জুনস্য চ।
সত্যমেতন্ময়োক্তং তে যাহি যত্র ধনঞ্জয়ঃ॥ 7-110-105 (49227)
এতদ্বচনমাজ্ঞায় মম সত্যপরাক্রম।
প্রবিশৈতদ্বলং তাত ধার্তরাষ্ট্রস্য দুর্মতেঃ॥ 7-110-106 (49228)
প্রবিশ্য চ যথান্যায়ং সঙ্গম্য চ মহারথৈঃ।
যথার্হমাত্মনঃ কর্ম রণে সাৎবত দর্শয়॥ ॥ 7-110-107 (49229)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে দশাধিকশততমোঽধ্যায়ঃ॥ 110 ॥
Mahabharata - Drona Parva - Chapter Footnotes
5-110-29 তস্মিন্নবসরে॥ 5-110-42 কৃত্যস্য জয়দ্রথবধস্যানন্তরাপেক্ষী অবিঘ্নাকাঙ্ক্ষী॥ 5-110-43 যঃ স ধর্মো মৈত্রীলক্ষণঃ। সাম্পরায়ে আপৎকালে॥ 5-110-47 বয়স্যস্য স্রিগ্ধস্য। সহায়ার্থং সহায়রূপপ্রয়োজনম্॥ 5-110-67 উপপ্লুবে বিমর্দে॥ 5-110-68 সখ্যাদেরনুরূপমিত্যনেনান্বয়ঃ॥ 5-110-69 সত্যস্যাঙ্গীকারস্য। অনুকম্পার্থমর্জুনানুপালননিমিত্তম্॥ 5-110-79 শ্রূয়তে হি রণং প্রতি ইতি ক.পাঠঃ॥ 5-110-88 মহার্থং মহান্তমর্থম্। লঘুসংয়ুক্তমবিলম্বসম্পন্নম্॥ 5-110-101 বিভীতবদভীতঃ॥ 5-110-102 অনবস্থানমস্থৈর্যম্॥ 5-110-110 দশাধিকশততমোঽধ্যায়ঃ॥দ্রোণপর্ব - অধ্যায় 111
॥ শ্রীঃ ॥
7.111. অধ্যায়ঃ 111
Mahabharata - Drona Parva - Chapter Topics
অর্জুনম্প্রতি গচ্ছেতি যুধিষ্ঠিরচোদিতেন সাত্যকিনা তম্প্রতি স্বস্যার্জুনেন তদ্রক্ষণায় নিয়োগাভিধানপূর্বকং স্বেন তস্যাপরিত্যাজ্যৎবকথনম্॥ 1 ॥ যুধিষ্ঠিরেণ ভীমাদিভিঃ স্বস্য রক্ষণকথনপূর্বকং পুনঃ সাত্যকেরর্জুনম্প্রতি গমনে নিয়োজনম্॥ 2 ॥Mahabharata - Drona Parva - Chapter Text
7-111-0 (49230)
সঞ্জয় উবাচ। 7-111-0x (4543)
প্রীতিয়ুক্তং চ হৃদ্যং চ মাননীয়ং চ সর্বশঃ।
কালয়ুক্তং চ চিত্রং চ স্বধিয়া চাভিভাষিতম্॥ 7-111-1 (49231)
ধর্মরাজস্য তদ্বাক্যং নিশ্যম্য শিনিপুঙ্গবঃ।
সাত্যকির্ভরতশ্রেষ্ঠ প্রত্যুবাচ যুধিষ্ঠিরম্॥ 7-111-2 (49232)
শ্রুতং তে গদতো বাক্যং সর্বমেতন্ময়াঽচ্যুত।
ন্যায়যুক্তং চ সত্যং চ ফল্গুনার্থে যশস্করম্॥ 7-111-3 (49233)
এবংবিধে তথা কালে মাদৃশং প্রেক্ষ্য সত্তম।
বক্তুমর্হসি রাজেন্দ্র যথা পার্থং তথৈব মাম্॥ 7-111-4 (49234)
ন মে ধনঞ্জয়স্যার্থে প্রাণা রক্ষ্যাঃ কথঞ্চন।
ৎবৎপ্রয়ুক্তঃ পুনরহং কিং নকুর্যাং মহাহবে॥ 7-111-5 (49235)
লোকত্রয়ং যোধয়েয়ং সদেবাসুরমানুষম্।
ৎবৎপ্রয়ুক্তো নরেন্দ্রেন্দ্র কিম্পুনস্তান্সুদুর্বলান্॥ 7-111-6 (49236)
সুয়োধনবলং ৎবদ্য যোধয়িষ্যে সমন্ততঃ।
বিজেষ্যে চ রণে রাজন্সত্যমেতদ্ব্রবীমি তে॥ 7-111-7 (49237)
কুশল্যহং কুংশলিনং সমাসাদ্য ধনঞ্জয়ম্।
হতে জয়দ্রথে রাজন্পুনরেষ্যামি তেঽন্তিকম্॥ 7-111-8 (49238)
অবশ্যং তু ময়া সর্বং বিজ্ঞাপ্যস্ৎবং নরাধিপ।
বাসুদেবস্য যদ্বাক্যং ফল্গুনস্য চ ধীমতঃ॥ 7-111-9 (49239)
দৃঢং ৎবভিহিতশ্চাহমর্জুনেন পুনঃপুনঃ।
মধ্যে সর্বস্য সৈন্যস্য বাসুদেবস্য শৃণ্বতঃ॥ 7-111-10 (49240)
অদ্য মাধব রাজানমপ্রমত্তোঽনুপালয়।
আর্যাং যুদ্ধে মতিং কৃৎবা যাবদ্ধন্মি জয়দ্রথম্॥ 7-111-11 (49241)
ৎবয়ি চাহং মহাবাহো প্রদ্যুম্নে বা মহারথে।
নৃপং নিক্ষিপ্য গচ্ছেয়ং নিরপেক্ষো জয়দ্রথম্॥ 7-111-12 (49242)
জানীষে হি রণে দ্রোণং কুরুষু শ্রেষ্ঠসম্মতম্।
প্রতিজ্ঞা চাপি তে নিত্যং শ্রুতা দ্রোণস্য মাধব॥ 7-111-13 (49243)
গ্রহমে ধর্মরাজস্য ভারদ্বাজোঽপি গৃধ্যতি।
শক্তশ্চাপি রণে দ্রোণো নিগ্রহীতুং যুধিষ্ঠিরম্॥ 7-111-14 (49244)
এবং ৎবয়ি সমাঘায় ধর্মরাজং নরোত্তমম্।
অহমদ্য গমিষ্যামি সৈন্ধবস্য বধায় হি॥ 7-111-15 (49245)
`স ৎবমদ্য রণে যত্তো রক্ষ মাধব পাণ্ডবম্।
রক্ষেণে ধর্মরাজস্য ধ্রুবো হি বিজয়ো মম'॥ 7-111-16 (49246)
জয়দ্রথং চ হৎবাঽহং দ্রুতমেষ্যামি মাধব।
ধর্মরাজং ন চেদ্দ্রোণো নিগৃহ্ণীয়াদ্রণে বলাৎ॥ 7-111-17 (49247)
নিগৃহীতে নরশ্রেষ্ঠে ভারদ্বাজেন মাধব।
সৈন্ধবস্য বধো ন স্যান্মমাপ্রীতিস্তথা ভবেৎ॥ 7-111-18 (49248)
এবঙ্গতে নরশ্রেষ্ঠে পাণ্ডবে সত্যবাদিতি।
অস্মাকং গমনং ব্যক্তং বনং প্রতি ভবেৎপুনঃ॥ 7-111-19 (49249)
সোঽয়ং মম জয়ো ব্যক্তং ব্যর্থ এব ভবিষ্যতি।
যদি দ্রোণো রণে ক্রুদ্ধো নিগৃহ্ণীয়াদ্যুধিষ্ঠিরম্॥ 7-111-20 (49250)
স ৎবমদ্য মহাবাহো প্রিয়ার্থং মম মাধব।
জয়ার্থং চ যশোর্থং চ রক্ষ রাজানমাহবে॥ 7-111-21 (49251)
স ভবান্ময়ি নিক্ষেপো নিক্ষিপ্তঃ সব্যসাচিনা।
ভারদ্বাজাদ্ভয়ং নিত্যং মন্যমানেন বৈ প্রভো॥ 7-111-22 (49252)
তস্যাপি চ মহাবাহো নিত্যং পশ্যামি সংয়ুগে।
নান্যং হি প্রতিয়োদ্ধারং রৌক্মিণেয়াদৃতে প্রভো॥ 7-111-23 (49253)
মাং চাপি মন্যতে যুদ্ধে ভারদ্বাজস্য ধীমতঃ।
সোঽহং সংভাবনানং চৈতামাচার্যবচনং চ তৎ।
পৃষ্ঠতো নোৎসহে কর্তুং ৎবাং বা ত্যক্তুং মহীপতে॥ 7-111-24 (49254)
আচার্যো লঘুহস্তৎবাদভেদ্যকবচাবৃতঃ।
উপলভ্য রণে ক্রীডেদ্যথা শকুনিনা শিশুঃ॥ 7-111-25 (49255)
যদি কার্ষ্ণির্ধনুষ্পাণিরিহ স্যান্মকরধ্বজঃ।
তস্মৈ ৎবাং বিসৃজেয়ং বৈ স ৎবাং রক্ষেদ্যথাঽর্জুনঃ॥ 7-111-26 (49256)
কুরু ৎবমাত্মনো গুপ্তিং কস্তে গোপ্তা গতে ময়ি।
যঃ প্রতীয়াদ্রমে দ্রোণং যাবদ্গচ্ছামি পাণ্ডবম্॥ 7-111-27 (49257)
মা চ তে ভয়মদ্যাস্তু রাজন্নর্জুনসম্ভবম্।
ন স জাতু মহাবাহুর্ভারমুদ্যম্য সীদতি॥ 7-111-28 (49258)
যে চ সৌবীরকা যোধাস্তথা সৈন্ধবপৌরবাঃ।
উদীচ্যা দাক্ষিণাত্যাশ্চ যে চান্যেঽপি মহারথাঃ॥ 7-111-29 (49259)
যে চ কর্ণমুখা রাজন্রথোদারাঃ প্রকীর্তিতঃ।
এতেঽর্জুনস্য ক্রুদ্ধস্য কলাং নার্হন্তি ষোডশীম্॥ 7-111-30 (49260)
উদ্যুক্তাঃ পৃথিবীপাল সসুরাসুরমানুষাঃ।
সরাক্ষসগণা রাজন্সকিন্নরমহোরগাঃ॥ 7-111-31 (49261)
জঙ্গমস্থাবরৈঃ সার্ধং নালং পার্থস্য সংয়ুগে।
এবং জ্ঞাৎবা মহারাজ ব্যেতু তে ভীর্ধনঞ্জয়ে॥ 7-111-32 (49262)
এবং বীরৌ মহেষ্বাসৌ কৃষ্ণৌ সত্যপরাক্রমৌ।
ন তত্র কর্মণো ব্যাপৎকথংচিদপি বিদ্যতে। 7-111-33 (49263)
দৈবং কৃতাস্ত্রতাং যোগমমর্ষং শৌর্যমাহবে।
কৃতজ্ঞতাং দয়াং চৈব ভ্রাতুস্ৎবমনুচিন্তয়॥ 7-111-34 (49264)
ময়ি চাপি সহায়ে তে গচ্ছমানেঽর্জুনং প্রতি।
দ্রোণে চিত্রাস্ত্রতাং সহ্খ্যে রাজংস্ৎবমনুচিন্তয়॥ 7-111-35 (49265)
আচার্যো হি ভৃশং রাজন্নিগ্রহে তব গৃধ্যতি।
প্রতিজ্ঞামাত্মনো রক্ষন্সত্যাং কর্তুং চ ভারত॥ 7-111-36 (49266)
কুরুষ্বাদ্যাত্মনো গুপ্তিং কস্তে গোপ্তা গতে ময়ি।
যস্যাহং প্রত্যযাৎপার্থং গচ্ছেয়ং ফল্গুনং প্রতি॥ 7-111-37 (49267)
ন হ্যহং ৎবাং মহারাজ অনিক্ষিপ্য মহাহবে।
ক্বচিদ্যাস্যামি কৌরব্য সত্যমেতদ্ব্রবীমি তে॥ 7-111-38 (49268)
`ন পশ্যামি রথং কঞ্চিদ্যস্তে গোপ্তা ভবেদিহ।
শক্তং যং মন্যসে রাজন্গোপ্তারং প্রতি পাণ্ডব'॥ 7-111-39 (49269)
এতদ্বিচার্য বহুশো বুদ্ধ্যা বুদ্ধিমতাং বর।
দৃষ্ট্বা শ্রেয়ঃ পরং বুদ্ধ্যা ততো রাজন্প্রশাধি মাম্॥ 7-111-40 (49270)
যুধিষ্ঠির উবাচ। 7-111-41x (4544)
এবমেতন্মহাবাহো যথা বদসি মাধব।
ন তু মে শুদ্ধ্যতে ভাবঃ শ্বেতাশ্বং প্রতি মারিষ॥ 7-111-41 (49271)
করিষ্যে পরমং যত্নমাত্মনো রক্ষণে হ্যহম্।
গচ্ছ ৎবং সমনুজ্ঞাতো যত্র যাতো ধনঞ্জয়ঃ॥ 7-111-42 (49272)
আত্মসংরক্ষণং সঙ্খ্যে গমনং চার্জুনং প্রতি।
বিচার্যৈতৎস্বয়ং বুদ্ধ্যা গমনং তত্র রোচয়ে॥ 7-111-43 (49273)
স ৎবমাতিষ্ঠ যানায় যত্র যাতো ধনঞ্জয়ঃ।
মমাপি রক্ষণং ভীমঃ করিষ্যতি মহাবলঃ॥ 7-111-44 (49274)
পার্ষতশ্চ সসোদর্যঃ পার্থিবাশ্চ মবাহলাঃ।
দ্রৌপদেয়াশ্চ মাং তাত রক্ষিষ্যন্তি ন সংশয়ঃ॥ 7-111-45 (49275)
কেকয়া ভ্রাতরঃ পঞ্চ রাক্ষসশ্চ ঘটোৎকচঃ।
বিরাটো দ্রুপদশ্চৈব শিখণ্ডী চ মহারথঃ॥ 7-111-46 (49276)
ধৃষ্টকেতুশ্চ বলবান্কুন্তিভোজশ্চ মাতুলঃ।
নকুলঃ সহদেবশ্চ পাঞ্চালাঃ সৃঞ্জয়াস্তথা।
এতে সমাহিতাস্তাত রক্ষিষ্যন্তি ন সংশয়ঃ॥ 7-111-47 (49277)
ন দ্রোণঃ সহ সৈন্যেন কৃতবর্মা চ সংয়ুগে।
সমাসাদয়িতুং শক্তো ন চ মাং ধর্ষয়িষ্যতি॥ 7-111-48 (49278)
ধৃষ্টদ্যুম্নশ্চ সমরে দ্রোণং ক্রুদ্ধং পরন্তপঃ।
বারয়িষ্যতি বিক্রম্য বেলেব মকরালয়ম্॥ 7-111-49 (49279)
যত্র স্থাস্যতি সঙ্গ্রামে পার্ষতঃ পরবীরহা।
ন দ্রোণস্য বলং তাত ক্রমেত্তত্র কথঞ্চন॥ 7-111-50 (49280)
এষ দ্রোণবিনাশায় সমুৎপন্নো হুতাশনাৎ।
কবচী স শরী খঙ্গী ধন্বী চ বরভূষণঃ॥ 7-111-51 (49281)
`এষ দ্রোণং রণে ক্রুদ্ধং বারয়েত স বৈ প্রভো।
পাঞ্চালঃ সহিতৈঃ সর্বৈঃ পাণ্ডবানাং চ ধন্বিভিঃ'॥ 7-111-52 (49282)
বিক্রুধং গচ্ছ শৈনেয় মা কার্ষীর্ময়ি সম্ভ্রমম্।
ধৃষ্টদ্যুম্নো রণে ক্রুদ্ধং দ্রোণমাবারয়িষ্যতি॥ ॥ 7-111-53 (49283)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একাদশাধিকশততমোঽধ্যায়ঃ॥ 111 ॥
Mahabharata - Drona Parva - Chapter Footnotes
5-111-15 এবমীদৃশ্যামপি কার্যগতৌ। সমাধায় নিক্ষিপ্য॥ 5-111-19 এবঙ্গতে গ্রহণং প্রাপ্তে। অস্মাকং চিন্তিতং ব্যক্তং ব্যর্থমেব ভবেদ্যুধি ইতি. ক.খ.ঙ.পাঠঃ॥ 5-111-27 যাবদ্রচ্ছামি গমিষ্যামি॥ 5-111-28 অর্জুনসম্ভবমর্জুনবিষয়ম্॥ 5-111-34 দৈবমমানুষতাম্। যোগমভিজ্ঞানম্॥ 5-111-38 ক্বচিৎকস্মিংশ্চিৎ অনিক্ষিপ্যেত্যন্বয়ঃ॥ 5-111-40 দৃষ্ট্বা নিশ্চিত্য॥ 5-111-44 আতিষ্ঠ প্রক্রমস্ব॥ 5-111-47 মাতুলঃ পুরুজিৎ॥ 5-111-53 ময়ি মামধিকৃত্য। সম্ভ্রমমুদ্বেগম্॥ 5-111-111 একাদশাধিকশততমোঽধ্যায়ঃ॥দ্রোণপর্ব - অধ্যায় 112
॥ শ্রীঃ ॥
7.112. অধ্যায়ঃ 112
Mahabharata - Drona Parva - Chapter Topics
সাত্যকেঃ যুধিষ্ঠিররক্ষণে ভীমং নিয়োজ্যার্জুনদর্শনায় প্রস্থানম্॥ 1 ॥Mahabharata - Drona Parva - Chapter Text
7-112-0 (49284)
সঞ্জয় উবাচ। 7-112-0x (4545)
ধর্মরাজস্য তদ্বাক্যং নিশম্য শিনিপুঙ্গবঃ।
স পার্থাদ্ভয়মাশংসন্পরিত্যাগান্মহীপতেঃ॥ 7-112-1 (49285)
অপবাদং হ্যাত্মনশ্চ লোকাদ্রক্ষন্বিশেষতঃ।
ন মাং ভীতমিতি ব্রূয়াৎপ্রয়ান্তং ফল্গুনং প্রতি॥ 7-112-2 (49286)
নিশ্চিত্য বহুধৈবং স সাত্যকির্যুদ্ধদুর্মদঃ।
নাতিব্যক্তমিবাভাষ্য ধর্মরাজং মহায়শাঃ॥ 7-112-3 (49287)
শোকগদ্গদয়া বাচা শোকোপহতচেতনঃ।
যথেদানীমিতি ধ্যাৎবা ধর্মরাজমথাব্রবীৎ॥ 7-112-4 (49288)
কৃতাং চেন্মন্যসে রক্ষাং স্বস্তি তেঽস্তু বিশাম্পতে।
অনুয়াস্যামি বীভৎসুং করিষ্যে বচনং তব॥ 7-112-5 (49289)
ন হি মে পাণ্ডবাৎকশ্চিত্ত্রিষু লোকেষু বিদ্যতে।
যো মে প্রিয়তরো রাজন্সত্যমেতদ্ব্রবীমি তে॥ 7-112-6 (49290)
তস্যাহং পদবীং যাস্যে সন্দেশাত্তব মানদ।
ৎবৎকৃতে ন চ মে কিঞ্চিদকর্তব্যং কথঞ্চন॥ 7-112-7 (49291)
যথা হি মে গুরোর্বাক্যং বিশিষ্টং দ্বিপদাং বর।
তথা তবাপি বচনং বিশিষ্টতরমেব মে॥ 7-112-8 (49292)
প্রিয়ে হি তব বর্তেতে ভ্রাতরৌ কৃষ্ণপাণ্ডবৌ।
তয়োঃ প্রিয়ে স্থিতং চৈব বিদ্ধি মাং রাজপুঙ্গব॥ 7-112-9 (49293)
তবাজ্ঞাং শিরসা গৃহ্য পাণ্ডবার্থমহং প্রভো।
ভিত্ৎবেদং দুর্ভিদং সৈন্যং প্রয়াস্যে নরপুঙ্গব॥ 7-112-10 (49294)
দ্রণানীকং বিশাম্যেষ ক্রুদ্ধো ঝষ ইবার্ণবম্।
তত্র যাস্যামি যত্রাসৌ রাজন্রাজা জয়দ্রথঃ॥ 7-112-11 (49295)
যত্র সেনান্তমাশ্রিত্য ভীতস্তিষ্ঠতি পাণ্ডবাৎ।
গুপ্তো রথবরশ্রেষ্ঠৈর্দ্রৌণিকর্ণকৃপাদিভিঃ॥ 7-112-12 (49296)
ইতিস্ত্রিয়োজনং মন্যে তমধ্বানং বিশাম্পতে।
যত্র তিষ্ঠতি পার্থোঽসৌ জয়দ্রথবধোদ্যতঃ॥ 7-112-13 (49297)
ত্রিয়োজনগতস্যাপি তস্য যাস্যাভ্যহং পদম্।
আসৈন্ধববধাদ্রাজন্সুদৃঢেনান্তরাত্মনা॥ 7-112-14 (49298)
অনাদিষ্টস্তু গুরুণা কো নু যুধ্যেত মানবঃ।
আদিষ্টস্তু যথা রাজন্কো ন যুধ্যেত মাদৃশঃ॥ 7-112-15 (49299)
অভিজানামি তং দেশমিতঃ পূর্ণং ত্রিয়োজনম্।
যত্র তিষ্ঠতি রাজাঽসৌ সৈন্ধবো বালঘাতকঃ॥ 7-112-16 (49300)
সাগরপ্রতিমং সৈন্যং গর্জন্তমিব সাগরম্।
হলশক্তিগদাপ্রাসচর্মখঙ্গর্ষ্টিতোমরম্।
ইষ্বস্ত্রবরসম্বাধং ক্ষোভয়িৎবা ব্রজাম্যহম্॥ 7-112-17 (49301)
যদেতৎকুঞ্জরানীকং সহস্রমনুপশ্যসি।
কুলমাঞ্জনকং নাম যত্রৈতে বীর্যশালিনঃ॥ 7-112-18 (49302)
আস্থিতা বহুভির্ম্লেচ্ছৈর্যুদ্ধশৌণ্ডৈঃ প্রহারিভিঃ।
নাগা নগনিভা রাজন্ক্ষরন্ত ইব তোয়দাঃ॥ 7-112-19 (49303)
নৈতে জাতু নিবর্তেরন্প্রেষিতা হস্তিসাদিভিঃ।
অন্যত্র হি বধাদেষাং নাস্তি রাজন্পরাজয়ঃ॥ 7-112-20 (49304)
অথ যান্রথিনো রাজন্সহস্রমনুপশ্যসি।
এতে রুক্মরথা নাম রাজপুত্রা মহারথাঃ॥ 7-112-21 (49305)
রথেষ্বস্ত্রেষু নিপুণা নাগেষু চ বিশাম্পতে।
ধনুর্বেদে গতাঃ পারং মুষ্টিয়ুদ্ধে চ কোবিদাঃ॥ 7-112-22 (49306)
গদায়ুদ্ধবিশেষজ্ঞা নিয়ুদ্ধকুশলাস্তথা।
খঙ্গপ্রহরণে যুক্তাঃ সম্পাতে চাসিচর্মণোঃ॥ 7-112-23 (49307)
শূরাশ্চ কৃতবিদ্যাশ্চ স্পর্ধন্তে চ পরস্পরম্।
নিত্যং হি সমরে রাজন্বিজিগীষন্তি মানবান্॥ 7-112-24 (49308)
কর্ণেন বিহিতা রাজন্দুঃশাসনমনুব্রতাঃ।
এতাংস্তু বাসুদেবোঽপি রথোদারান্প্রশংসতি॥ 7-112-25 (49309)
সততং প্রিয়কামাশ্চ কর্ণস্যৈতে বশে স্থিতাঃ।
তস্যৈব বচনাদ্রাজন্নিবৃত্তাঃ শ্বেতবাহনাৎ॥ 7-112-26 (49310)
তে ন ক্লান্তা ন চ শ্রান্তা দৃঢাবরণকার্মুকাঃ।
মদর্থেঽধিষ্ঠিতা নূনং ধার্তরাষ্ট্রস্য শাসনাৎ॥ 7-112-27 (49311)
এতান্প্রমথ্য সঙ্গ্রামে প্রিয়ার্থং তব কৌরব।
প্রয়াস্যামি ততঃ পশ্চাৎপদবীং সব্যসাচিনঃ॥ 7-112-28 (49312)
যাংস্ৎবেতানপরান্রাজন্নাগান্সপ্তশতানিমান্।
প্রেক্ষসে বর্মসঞ্ছন্নান্কিরাতৈঃ সমধিষ্ঠিতান্॥ 7-112-29 (49313)
কিরাতরাজো যান্প্রাদাদ্গৃহীতঃ সব্যসাচিনা।
স্বলঙ্কৃতাংস্তদা প্রেষ্যানিচ্ছঞ্জীবিতমাত্মনঃ॥ 7-112-30 (49314)
আসন্নেতে পুরা রাজংস্তব কর্মকরা দৃঢম্।
ৎবামেবাদ্য যুয়ুৎসন্তে পশ্য কালস্য পর্যযম্॥ 7-112-31 (49315)
এষামেতে মহামাত্রাঃ কিরাতা যুদ্ধদুর্মদাঃ।
হস্তিশিক্ষাবিদশ্চৈব সর্বে চৈবাগ্নিয়োনয়ঃ॥ 7-112-32 (49316)
এতে বিনির্জিতাঃ সঙ্খ্যে সঙ্গ্রামে সব্যসাচিনা।
মদর্থমদ্য সংয়ত্তা দুর্যোধনবশানুগাঃ॥ 7-112-33 (49317)
এতান্হৎবা শরৈ রাজন্কিরাতান্যুদ্ধদুর্মদান্।
সৈন্ধবস্য বধে যত্তমনুয়াস্যামি পাণ্ডবম্॥ 7-112-34 (49318)
যে ৎবেতে সুমহানাগ অঞ্জনস্য কুলোদ্ভবাঃ।
কর্কশাশ্চ বিনীতাশ্চ প্রভিন্নকরটামুখাঃ॥ 7-112-35 (49319)
জাম্বূনদময়ৈঃ সর্বৈর্বর্মভিঃ সুবিভূষিতাঃ।
লব্ধলক্ষা রণে রাজন্নৈরাবণসমা যুধি॥ 7-112-36 (49320)
আস্থিতা দস্যুভিস্তীক্ষ্ণৈঃ শূরৈরুত্তমপার্বতৈঃ।
কর্কশৈঃ প্রবরৈর্যোধৈঃ কাষ্ণার্যসতনুচ্ছদৈঃ॥ 7-112-37 (49321)
সন্তি গোয়োনয়শ্চাত্র সন্তি বানরয়োনয়ঃ।
অনেকয়োনয়শ্চান্যে তথা মানুষয়োনয়ঃ॥ 7-112-38 (49322)
অনীকমসতামেতদ্ভূম্রবর্ণমুদীর্যতে।
ম্লেচ্ছানাং পাপকর্তৄণাং হিমদুর্গনিবাসিনাম্॥ 7-112-39 (49323)
এতদ্দুর্যোধনো লব্ধ্বা সমগ্রং রাজমণ্ডলম্।
কৃপং চ সৌমদত্তিং চ দ্রোণং চ রথিনাং বরম্॥ 7-112-40 (49324)
সিন্ধুরাজং তথা কর্ণমবমন্যত পাণ্ডবান্।
কৃতার্থমথ চাত্মানং মন্যতে কালচোদিতঃ॥ 7-112-41 (49325)
তে তু সর্বেঽদ্য সম্প্রাপ্তা মম নারাচগোচরম্।
নভবিষ্যন্তি কৌন্তেয় যদ্যপি স্যুর্মনোজবাঃ॥ 7-112-42 (49326)
তেন সংভাবিতা নিত্যং পরবীর্যোপজীবিনা।
বিনাশমুপয়াস্যন্তি মচ্ছরৌঘনিপীডিতাঃ॥ 7-112-43 (49327)
যে ৎবেতে রথিনো রাজন্দৃশ্যন্তে কাঞ্চনধ্বজাঃ।
এতে দুর্বারণা নাম কাম্ভোজা যদি তে শ্রুতাঃ॥ 7-112-44 (49328)
শূরাশ্চ কৃতবিদ্যাশ্চ ধনুর্বেদে চ নিষ্ঠিতাঃ।
সংহতাশ্চ ভৃশং হ্যেতে অন্যোন্যস্য হিতৈষিণঃ॥ 7-112-45 (49329)
অক্ষৌহিণ্যশ্চ সংরব্ধা ধার্তরাষ্ট্রস্য ভারত।
যত্তা মদর্থে তিষ্ঠন্তি কুরুবীরাভিরক্ষিতাঃ॥ 7-112-46 (49330)
অপ্রমত্তা মহারাজ মামেব প্রত্যুপস্থিতাঃ।
তানহং প্রমথিষ্যামি তৃণানীব হুতাশনঃ॥ 7-112-47 (49331)
তস্মাৎসর্বানুপাসঙ্গান্সর্বোপকরণানি চ।
রথে কুর্বন্তু মে রাজন্যথাবদ্রথকল্পকাঃ॥ 7-112-48 (49332)
অস্মিংস্তু কিল সম্মর্দে গ্রাহ্যং বিবিধমায়ুধম্।
যথোপদিষ্টমাচার্যৈঃ কার্যঃ পঞ্চগুণো রথঃ॥ 7-112-49 (49333)
কাম্ভোজৈর্হি সমেষ্যামি তীক্ষ্ণৈরাশীবিষোপমৈঃ।
নানাশস্ত্রসমাবায়ৈর্বিবিধায়ুধয়োধিভিঃ॥ 7-112-50 (49334)
কিরাতৈশ্চ সমেষ্যামি বিষকল্পৈঃ প্রহারিভিঃ।
লালিতৈঃ সততং রাজ্ঞা দুর্যোধনহিতৈষিভিঃ॥ 7-112-51 (49335)
শকৈশ্চাপি সমেষ্যামি শক্রতুল্যপরাক্রমৈঃ।
অগ্নিকল্পৈর্যুরাধর্ষৈঃ প্রদীপ্তৈরিব পাবকৈঃ॥ 7-112-52 (49336)
তথাঽন্যৈর্বিবিধৈর্যোধৈঃ কালকল্পৈর্দুরাসদৈঃ।
সমেষ্যামি রণে রাজন্বহুভির্যুদ্ধদুর্মদৈঃ॥ 7-112-53 (49337)
`ত্রিয়োজনগতস্যাপি পদবীং সব্যসাচিনঃ।
যাস্যামি রথিনাং শ্রেষ্ঠং প্রবরং চ ধনুষ্মতাম্॥ 7-112-54 (49338)
সূর্যোদয়গতস্যাহং পাণ্ডবস্য গতিং চরন্।
অপরাহ্ণগতে সূর্যে গমিষ্যামি ন সংশয়ঃ'॥ 7-112-55 (49339)
তস্মাদ্বৈ বাজিনো মুখ্যান্বিশ্রুতাঞ্শুভলক্ষণৈঃ।
উপাবৃত্তাংশ্চ পীতাংশ্চ পুনর্যুঞ্জন্তু মে রথে॥ 7-112-56 (49340)
সঞ্জয় উবাচ। 7-112-57x (4546)
তস্য সর্বানুপাসঙ্গান্সর্বোপকরণানি চ।
রথে চাস্থাপয়দ্রাজা শস্ত্রাণি বিবিধানি চ॥ 7-112-57 (49341)
ততস্তান্সর্বতোমুক্তান্সদশ্বাংশ্চতুরো জনাঃ।
রসবৎপায়যামাসুঃ পানং মদসমীরণম্॥ 7-112-58 (49342)
পীতোপবৃত্তান্স্নাতাংশ্চ জগ্ধান্নান্সমলঙ্কৃতান্।
বিনীতশল্যাংস্তুরগাংশ্চতুরো হেমমালিনঃ॥ 7-112-59 (49343)
তান্যুক্তান্রুক্মবর্ণাভান্বিনীতাঞ্শীঘ্রগামিনঃ।
সংহৃষ্টমনসো ব্যগ্রান্বিধিবৎকল্পিতান্রথে॥ 7-112-60 (49344)
মহাধ্বজেন সিংহেন হেমকেসরমালিনা।
সংবৃতে কেতকৈর্হৈর্মৈর্মণিবিদ্রুমচিত্রিতৈঃ॥ 7-112-61 (49345)
পাণ্ডুরাভ্রপ্রকাশাভিঃ পতাকাভিরলঙ্কৃতে।
হেমদণ্ডোচ্ছ্রিতচ্ছত্রে বহুশস্ত্রপরিচ্ছদে।
যোজয়ামাস বিধিবদ্ধেমভাণ্ডবিভূষিতান্॥ 7-112-62 (49346)
দারুকস্যানুজো ভ্রাতা সূতস্তস্য প্রিয়ঃ সখা।
ন্যবেদয়দ্রথং যুক্তং বাসবস্যেব মাতলিঃ॥ 7-112-63 (49347)
ততঃ স্নাতঃ শুচির্ভূৎবা কৃতকৌতুকমঙ্গলঃ।
স্নাতকানাং সহস্রস্য স্বর্ণনিষ্কানথো দদৌ॥ 7-112-64 (49348)
আশীর্বাদৈঃ পরিষ্বক্তঃ সাত্যকিঃ শ্রীমতাং বরঃ।
ততঃ সমধুপর্কাম্ভঃ পীৎবা কৈরাতকং মধু॥ 7-112-65 (49349)
লোহিতাক্ষো বভৌ তত্র মদবিহ্বললোচনঃ।
আলভ্য বীরকাংস্যং চ হর্ষেণ মহতাঽন্বিতঃ॥ 7-112-66 (49350)
দ্বিগুণীকৃততেজোভিঃ প্রজ্বলন্নিব পাবকঃ।
উৎসঙ্গে ধনুরাদায় সশরং রথিনাং বরঃ॥ 7-112-67 (49351)
`আশীর্বাদৈঃ পরিষ্বক্তঃ সাত্যকিঃ শ্রীমতাং বরঃ'।
কৃতস্বস্ত্যযনো বিপ্রৈঃ কবচী সমলঙ্কৃতঃ॥ 7-112-68 (49352)
লাজৈর্গন্ধৈস্তথা মাল্যৈঃ কন্যাভিশ্চাভিনন্দিতঃ।
যুধিষ্ঠিরস্য চরণাবভিবাদ্য কৃতাঞ্জলিঃ॥ 7-112-69 (49353)
তেন মূর্ধন্যুপাঘ্রাতঃ কৃতস্বস্যযনোঽপি চ।
আশিষো বিবিধাঃ শ্রুৎবা ধর্মরাজমুখেরিতাঃ।
হর্ষেণ মহতা যুক্ত আরুরোহ মহারথম্॥ 7-112-70 (49354)
ততস্তে বাজিনো হৃষ্টাঃ সুপুষ্টা বাতরংহসঃ।
অজয়্যা জৈত্রমূহুস্তং বিকুর্বাণাঃ স্ম সৈন্ধবাঃ।
যথা শক্ররথং রাজন্নূহুস্তে হরয়ঃ পুরা॥ 7-112-71 (49355)
তথৈব ভীমসেনোঽপি ধর্মরাজেন পূজিতঃ।
প্রায়াৎসাত্যকিনা সার্ধমভিবাদ্য যুধিষ্ঠিরম্॥ 7-112-72 (49356)
তৌ দৃষ্ট্বা প্রবিবিক্ষন্তৌ তব সেনামরিংদমৌ।
সংয়ত্তাস্তাবকাঃ সর্বে তস্থুর্দ্রোণপুরোগমাঃ॥ 7-112-73 (49357)
সন্নদ্ধমনুগচ্ছন্তং দৃষ্ট্বা ভীমং স সাত্যকিঃ।
অভিনন্দ্যাব্রবীদ্বীরস্তদা হর্ষকরং বচঃ॥ 7-112-74 (49358)
ৎবং ভীম রক্ষ রাজানমেতৎকার্যতমং হি তে।
অহং ভিত্ৎবা প্রবেক্ষ্যামি কালপক্বমিদং বলম্॥ 7-112-75 (49359)
আয়ত্যাং চ তদাৎবে চ শ্রেয়ো রাজ্ঞোঽভিরক্ষণম্।
জানীষে মম বীর্যং ৎবং তব চাহমরিন্দম।
তস্মাদ্ভীম নিবর্তস্ব মম চেদিচ্ছসি প্রিয়ম্॥ 7-112-76 (49360)
সঞ্জয় উবাচ। 7-112-77x (4547)
তথোক্তঃ সাত্যকিং প্রাহ ব্রজ ৎবং কার্যসিদ্ধয়ে।
অহং রাজ্ঞঃ করিষ্যামি রক্ষাং পুরুষসত্তম॥ 7-112-77 (49361)
এবমুক্তঃ প্রত্যুবাচ ভীমসেনং স মাধবঃ।
গচ্ছ গচ্ছ ধ্রুবং পার্থ ধ্রুবো হি বিজয়ো মম॥ 7-112-78 (49362)
যন্মে স্নিগ্ধোঽনুরক্তশ্চ ৎবমদ্য বশমাস্থিতঃ।
নিমিত্তানি চ ধন্যানি যথা ভীম বদন্তি মাং॥ 7-112-79 (49363)
নিহতে সৈন্ধবে পাপে পাণ্ডবেন মহাত্মনা।
পরিষ্বজিষ্যে রাজানং ধর্মাত্মানং যুধিষ্ঠিরম্।
`অপ্রমাদশ্চ তে কার্যো দ্রোণং প্রতি মহারথম্'॥ 7-112-80 (49364)
সঞ্চয় উবাচ। 7-112-81x (4548)
এতাবদুক্ৎবা ভীমং তু বিসৃজ্য চ মহায়শাঃ।
সম্প্রৈক্ষত্তাবকং সৈন্যং ব্যাঘ্রো মৃগগণানিব॥ 7-112-81 (49365)
তং দৃষ্ট্বা প্রবিবিক্ষন্তং সৈন্যং তব জনাধিপ।
ভূয় এবাভবন্মূঢং সুভৃশং চাপ্যকম্পত॥ 7-112-82 (49366)
ততঃ প্রয়াতঃ সহসা তব সৈন্যং স সাত্যকিঃ।
দিদৃক্ষুরর্জুনং রাজন্ধর্মরাজস্য শাসনাৎ ॥ ॥ 7-112-83 (49367)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে দ্বাদশাধিকশততমোঽধ্যায়ঃ॥ 112 ॥
Mahabharata - Drona Parva - Chapter Footnotes
5-112-2 তে মাং ভীতমিতি ব্রূয়ুরয়ান্তং ইতি ঝ. পাঠঃ॥ 5-112-14 আসৈন্ধববধাৎ সৈন্ধববধাৎপ্রাগেব॥ 5-112-17 হলাদিতোমরান্তমার্শ আদ্যজন্তম্॥ 5-112-23 সম্পাতে বিহরণে॥ 5-112-30 তদা দিগ্বিজয়ে॥ 5-112-35 অঞ্জনস্য বরুণোপবাহ্যস্য॥ 5-112-35 তেন দুর্যোধনেন। 5-112-43 সম্ভাবিতঃ সম্বর্ধিতাঃ॥ 5-112-49 পঞ্চগুণঃ পঞ্চগুণস্নমগ্রীকঃ॥ 5-112-50 নানাশস্ত্রাণাং সমাবায়ঃ সমূহো যেষু॥ 5-112-56 পীতাঃ পায়িতপেয়াঃ॥ 5-112-61 কেতকৈঃ কুন্দঘটিতশলাকাভিঃ॥ 5-112-64 স্বর্ণনিষ্কান্ দীনারান্॥ 5-112-65 ততঃ সমধুপর্কার্হঃ পীৎবা কৈলাতকং মধু ইতি ঝ.ঞ.পাঠঃ। কৈলাবতং মধু ইতি ঙ.পাঠঃ॥ 5-112-76 আয়ত্যামুত্তরকালে। তদাৎবে তৎক্ষণে॥ 5-112-112 দ্বাদশাধিকশততমোঽধ্যায়ঃ॥দ্রোণপর্ব - অধ্যায় 113
॥ শ্রীঃ ॥
7.113. অধ্যায়ঃ 113
Mahabharata - Drona Parva - Chapter Topics
অর্জুনং গচ্ছতঃ সাত্যকেঃ কৃতবর্মণাসহ যুদ্ধম্॥ 1 ॥Mahabharata - Drona Parva - Chapter Text
7-113-0 (49368)
সঞ্জয় উবাচ। 7-113-0x (4549)
প্রয়াতে তব সৈন্যং তু যুয়ুধানে যুয়ুৎসয়া।
ধর্মরাজো মহারাজ স্বেনানীকেন সংবৃতঃ।
প্রায়াদ্দ্রোণরথং প্রেপ্সুর্যুয়ুধানস্য পৃষ্ঠতঃ॥ 7-113-1 (49369)
ততঃ পাঞ্চালরাজস্য পুত্রঃ সমরদুর্মদঃ।
`প্রয়াতে মাধবে রাজন্নিদং বচনমব্রবীৎ'॥ 7-113-2 (49370)
প্রাক্রোশৎপাণ্ডবানীকে বসুদানশ্চ পার্থিবঃ।
আগচ্ছত প্রহরত দ্রুতং বিপরিধাবত॥ 7-113-3 (49371)
যথা সুখেন গচ্ছেত সাত্যকির্যুদ্ধদুর্মদঃ।
মহারথা হি বহবো যতিষ্যন্তেঽস্য নির্জয়ে॥ 7-113-4 (49372)
সঞ্জয় উবাচ। 7-113-5x (4550)
`সেনাপতিবচঃ শ্রুৎবা পাণ্ডবেয়াঃ সমন্ততঃ।
অভ্যুদ্যযুর্মহারাজ তব সৈন্যং সমন্ততঃ॥ 7-113-5 (49373)
জহি প্রহর গৃহ্ণীহি বিধ্য বিদ্রব চাদ্রব'।
ইতি ব্রুবন্তৌ বেগেন নিপেতুস্তে মহারথাঃ॥ 7-113-6 (49374)
বয়ং প্রতিজিগীষন্তস্তত্র তান্সমভিদ্রুতাঃ।
`বাণশঙ্খরবান্কৃৎবা বিমিশ্রান্বাদ্যনিস্বনৈঃ॥ 7-113-7 (49375)
যুয়ুধানরথং দৃষ্ট্বা তাবকা অভিদুদ্রুবুঃ'।
ততঃ শব্দো মহানাসীদ্যুয়ুধানরথং প্রতি॥ 7-113-8 (49376)
আকীর্যমাণা ধাবন্তী তব পুত্রস্য বাহিনী।
সাৎবতেন মহারাজ শতধাঽভিব্যশীর্যত॥ 7-113-9 (49377)
তস্যাং বিদীর্যমাণায়াং শিনেঃ পুত্রো মহারথঃ।
সপ্তবীরান্মহেষ্বাসানগ্রানীকেষ্বপোথয়ৎ॥ 7-113-10 (49378)
অথান্যানপি রাজেন্দ্র নানাজনপদেশ্বরান্।
শরৈরনলসঙ্কাশৈর্নিন্যে বীরান্যমক্ষয়ম্॥ 7-113-11 (49379)
শতমেকেন বিব্যাধ শতেনৈকং চ পত্রিণাম্।
দ্বিপারোহান্দ্বিপাংশ্চৈব হয়ারোহান্হয়াংস্তথা।
রথিনঃ সাশ্বসূতাংশ্চ জঘানেশঃ পশূনিব॥ 7-113-12 (49380)
তং তথাঽদ্ভুতকর্মাণং শরসম্পাতবর্ষিণম্।
ন কেচনাভ্যধাবন্বৈ সাত্যকিং তব সৈনিকাঃ॥ 7-113-13 (49381)
তে ভীতা মৃদ্যমানাশ্চ প্রমৃষ্টা দীর্ঘবাহুনা।
আয়োধনং জহুর্বীরা দৃষ্টা তমতিমানিনম্॥ 7-113-14 (49382)
তমেকং বহুধা পশ্যন্মোহিতাস্তস্য তেজসা॥ 7-113-15 (49383)
রথৈর্বিমথিতৈশ্চৈব ভগ্ননীডৈশ্চ মারিষ।
চক্রৈর্বিমথিতৈশ্ছত্রৈর্ধ্বজৈশ্চ বিনিপাতিতৈঃ॥ 7-113-16 (49384)
অনুকর্ষৈঃ পতাকাভিঃ শিরস্ত্রাণৈঃ সকাঞ্চনৈঃ।
বাহুভিশ্চন্দনাদিগ্ধৈঃ সাঙ্গদৈশ্চ বিশাম্পতে॥ 7-113-17 (49385)
হস্তিহস্তোপমৈশ্চাপি ভুজঙ্গাভোগসন্নিভৈঃ।
ঊরুভিঃ পৃথিবী চ্ছন্না মনুজানাং নরাধিপ॥ 7-113-18 (49386)
শশাঙ্কুসন্নিভৈশ্চৈব বদনৈশ্চারুকুণ্ডলৈঃ।
পতিতৈর্ঋষভাক্ষাণাং বভৌ ভারত মেদিনী॥ 7-113-19 (49387)
গজৈশ্চ বহুধা ছিন্নৈঃ শয়ানৈঃ পর্বতোপমৈঃ।
ররাজাতিভৃশং ভূমির্বিকীর্ণৈরিব পর্বতৈঃ॥ 7-113-20 (49388)
তপনীয়ময়ৈর্যোক্ত্রৈর্মুক্তাজালবিভূষিতৈঃ।
উরশ্ছদৈর্বিচিত্রৈশ্চ ব্যশোভন্ত তুরঙ্গমাঃ।
গতসৎবা মহীং প্রাপ্য প্রমৃষ্টা দীর্ঘবাহুনা॥ 7-113-21 (49389)
নানাবিধানি সৈন্যানি তব হৎবা তু সাৎবতঃ।
প্রবিষ্টস্তাবকং সৈন্যং দ্রাবয়িৎবা চমূং ভৃশম্॥ 7-113-22 (49390)
ততস্তেনৈব মার্গেণ যেন যাতো ধনঞ্জয়ঃ।
ইয়েষ সাত্যকির্গন্তুং ততো দ্রোণেন বারিতঃ॥ 7-113-23 (49391)
ভারদ্বাজং সমাসাদ্য যুয়ুধানশ্চ সাত্যকিঃ।
ন ন্যবর্তত সঙ্ক্রুদ্ধো বেলামিব জলাশয়ঃ॥ 7-113-24 (49392)
নিবার্য তু রণে দ্রোণো যুয়ুধানং মহারথম্।
বিব্যাধ নিশিতৈর্বাণৈঃ পঞ্চভির্মর্মভেদিভিঃ॥ 7-113-25 (49393)
সাত্যকিস্তু রণে দ্রোণং রাজন্বিব্যাধ সপ্তভিঃ।
হেমপুঙ্ঘৈঃ শিলাধৌতৈঃ কঙ্কবর্হিণবাজিতৈঃ॥ 7-113-26 (49394)
ষং ষড্ভিঃ সায়কৈর্দ্রোণঃ সাশ্বয়ন্তারমার্দয়ৎ।
স তং ন মমৃষে দ্রোণং যুয়ুধানো মহারথঃ॥ 7-113-27 (49395)
সিংহনাদং ততঃ কৃৎবা দ্রোণং বিব্যাধ সাত্যকিঃ।
দশভিঃ সায়কৈশ্চান্যৈঃ ষড্ভিরষ্টাভিরেব চ॥ 7-113-28 (49396)
যুয়ুধানঃ পুনর্দ্রোণং বিব্যাধ দশভিঃ শরৈঃ।
একেন সারথিং চাস্য চতুর্ভিশ্চতুরো হয়ান্।
ধ্বজমেকেন বাণেন বিব্যাধ যুধি মারিষ॥ 7-113-29 (49397)
তং দ্রোণঃ সাশ্বয়ন্তারং সরথধ্বজমাশুগৈঃ।
ৎবরন্প্রাচ্ছাদয়দ্বাণৈঃ শলভানামিব ব্রজৈঃ॥ 7-113-30 (49398)
তথৈব যুয়ুধানোঽপি দ্রোণং বহুভিরাশুগৈঃ।
`প্রাচ্ছাদয়দসম্ভ্রান্তস্ৎবরমাণো মহারথঃ॥ 7-113-31 (49399)
দ্রোণস্তু পরমক্রুদ্ধঃ সাত্যকিং পরবীরহা।
অবাক্রিচ্ছিতৈর্বাণৈর্বাসুদেবপরাক্রমম্॥ 7-113-32 (49400)
তং তথা শরজালেন প্রচ্ছাদ্য মহতা পুনঃ।
দ্রোণঃ প্রহস্য শৈনেয়মিদং বচনমব্রবীৎ'॥ 7-113-33 (49401)
তবাচার্যো রণং হিৎবা গতঃ কাপুরুষো যথা।
যুধ্যমানং চ মাং হিৎবা প্রদক্ষিণমবর্তত॥ 7-113-34 (49402)
ৎবং হি মে যুধ্যতো নাদ্য জীবন্যাস্যসি মাধব।
যদি মাং ৎবং রণে হিৎবা ন যাস্যাচার্যবদ্দ্রুতম্॥ 7-113-35 (49403)
সাত্যকিরুবাচ। 7-113-36x (4551)
ধনঞ্জয়স্য পদবীং ধর্মরাজস্য শাসনাৎ।
গচ্ছামি স্বস্তি তে ব্রহ্মন্ন মে কালাত্যযো ভবেৎ॥ 7-113-36 (49404)
আচার্যানুগতো মার্গঃ শিষ্যৈরন্বাস্যতে সদা।
তস্মাদেব ব্রজাম্যাশু যথা মে স গুরুর্গতঃ॥ 7-113-37 (49405)
সঞ্জয় উবাচ। 7-113-38x (4552)
এতাবদুক্ৎবা শৈনেয় আচার্যং পরিবর্জয়ন্।
প্রয়াতঃ সহসা রাজন্সারথিং চেদমব্রবীৎ॥ 7-113-38 (49406)
দ্রোণঃ করিষ্যতে যত্নং সর্বথা মম বারণে।
যত্তো যাহি রণে সূত শৃণু চেদং বচঃ পরম্॥ 7-113-39 (49407)
এতদালোক্যতে সৈন্যমাবন্ত্যানাং মহাপ্রভম্।
অস্যানন্তরতস্ৎবেতদ্দাক্ষিণাত্যং মহদ্বলম্॥ 7-113-40 (49408)
তদনন্তরমেতচ্চ বাহ্লিকানাং মহদ্বলম্।
বাহ্লিকাভ্যাশতো যুক্তং কর্ণস্য চ মহদ্বলম্॥ 7-113-41 (49409)
অন্যোন্যেন হি সৈন্যানি ভিন্নান্যেতানি সারথে।
অন্যোন্যং সমুপাশ্রিত্য ন ত্যক্ষ্যন্তি রণাজিরম্॥ 7-113-42 (49410)
এতদন্তরমাসাদ্য চোদয়াশ্বান্প্রহৃষ্টবৎ।
মধ্যমং জবমাস্থায় বহ মামত্র সারথে॥ 7-113-43 (49411)
বাহ্লিকা যত্র দৃশ্যন্তে নানাপ্রহরণোদ্যতাঃ।
দাক্ষিণাত্যাশ্চ বহবঃ সূতপুত্রপুরোগমাঃ॥ 7-113-44 (49412)
হস্ত্যশ্বরথসম্বাধং যচ্চানীকং বিলোক্যতে।
নানাদেশসমুত্থৈশ্চ পদাতিভিরধিষ্ঠিতম্॥ 7-113-45 (49413)
`*ততঃ শক্যো মহাব্যূহো ভেত্তুং স সহসা রণে।
তং দেশং ৎবরিতা যামো মৃদ্গ্রন্তো যুধি শাত্রবান্॥ 7-113-46 (49414)
তত্রৈতে সম্প্রহৃষ্টৎবান্নাস্মান্প্রতি যুয়ুৎসবঃ॥ 7-113-47 (49415)
অয়ুধ্যমানো বহুভিরেকং প্রাপ্য সুদুর্বলম্।
বলং প্রমথ্য গচ্ছামি মিষতাং সর্বধন্বিনাম্॥ 7-113-48 (49416)
মধ্যতো যাহি যত্রোগ্রং কর্ণস্য সুমহদ্বলম্।
যত্রৈতে পরমক্রুদ্ধা দাক্ষিণাত্যা মহারথাঃ।
এতান্বিজিত্য সঙ্গ্রামে ততো যামো ধনঞ্জয়ম্॥ 7-113-49 (49417)
সঞ্জয় উবাচ। 7-113-50x (4553)
যুয়ুধানবচঃ শ্রুৎবা যুয়ুধানস্য সারথিঃ।
যথোক্তমগমদ্রাজন্বর্জয়ন্দ্রোণমাহবে'॥ 7-113-50 (49418)
তং দ্রোণোঽনুয়যৌ ক্রুদ্ধো বিকিরন্বিশিখান্বহূন্।
যুয়ুধানং মহাভাগং গচ্ছন্তমনিবর্তিনম্॥ 7-113-51 (49419)
স চ সৈন্যং মহদ্ভিত্ৎবা দাক্ষিণাত্যবলং চ তৎ।
কর্ণস্য সৈন্যং সুমহদভিহত্য শিতৈঃ শরৈঃ॥ 7-113-52 (49420)
প্রাবিশদ্ভারতীং সেনামপর্যন্তাং স সাত্যকিঃ।
সাত্যকো হি ততঃ সৈন্যং দ্রাবয়ন্স সমন্ততঃ॥ 7-113-53 (49421)
প্রবিষ্টে যুয়ুধানে তু সৈনিকেষু দ্রুতেষু চ।
অমর্ষী কৃতবর্মা তু সাত্যকিং পর্যবারয়ৎ॥ 7-113-54 (49422)
তমাপতন্তং বিশিখৈঃ ষড্ভিরাহত্য সাত্যকিঃ।
চতুর্ভিশ্চতুরোঽস্যাশ্বানাজঘানাশু বীর্যবান্॥ 7-113-55 (49423)
ততঃ পুনঃ ষোডশভির্নতপর্বভিরাশুগৈঃ।
সাত্যকিঃ কৃতবর্মাণং প্রত্যবিধ্যৎস্তনান্তরে॥ 7-113-56 (49424)
স তাড্যমানো বিশিখৈর্বহুভিস্তিগ্মতেজনৈঃ।
সাৎবতেন মহারাজ কৃতবর্মা ন চক্ষমে॥ 7-113-57 (49425)
স বৎসন্দতং সন্ধায় তিগ্মাংশ্বনলসপ্রভম্।
আকৃষ্য রাজন্নাকর্ণাদ্বিব্যাধোরসি সাত্যকিম্॥ 7-113-58 (49426)
স তস্য দেহাবরণং ভিত্ৎবা দেহং চ সায়কঃ।
সপুঙ্খপত্রঃ পৃথিবীং বিবেশ রুধিরোক্ষিতঃ॥ 7-113-59 (49427)
অথাস্য বহুভির্বাণৈরচ্ছিনৎপরমাস্ত্রবিৎ।
স মার্গণগণং রাজন্কৃতবর্মা শরাসনম্॥ 7-113-60 (49428)
বিব্যাধ চ রণে রাজন্সাত্যকিং সত্যবিক্রমম্।
দশভির্বিশিখৈস্তীক্ষ্ণৈরভিক্রুদ্ধঃ স্তনান্তরে॥ 7-113-61 (49429)
ততঃ প্রশীর্ণে ধনুষি শক্ত্যা শক্তিমতাং বরঃ।
জঘান দক্ষিণং বহুং সাত্যকিঃ কৃতবর্মণঃ॥ 7-113-62 (49430)
ততোঽন্যৎসুদৃঢং চাপং পূর্ণমায়ম্য সাত্যকিঃ।
ব্যসৃজদ্বিশিখাংস্তূর্ণং শতশোঽথ সহস্রশঃ॥ 7-113-63 (49431)
সরথং কৃতবর্মাণং সমন্তাৎপর্যবারয়ৎ।
ছাদয়িৎবা রণে রাজন্হার্দিক্যং স তু সাত্যকিঃ।
অথাস্য ভল্লেন শিরঃ সারথেঃ সমকৃন্তত॥ 7-113-64 (49432)
স পপাত হতঃ সূতো হার্দিক্যস্য মহারথাৎ।
ততস্তে যন্তৃরহিতাঃ প্রাদ্রবংস্তুরগা ভৃশম্॥ 7-113-65 (49433)
অথ ভোজস্তু সম্ভ্রান্তো নিগৃহ্য তুরগামন্স্বয়ম্।
তস্থৌ বীরো ধনুষ্পাণিস্তৎসৈন্যান্যভ্যপূজয়ন্॥ 7-113-66 (49434)
স মুহূর্তমিবাশ্বাস্য সদশ্বান্সমনোদয়ৎ।
ব্যপেত ভীরমিত্রাণামাবহৎসুমহদ্ভয়ম্॥ 7-113-67 (49435)
সাত্যকিশ্চাত্যগাত্তস্মাৎস তু ভীমমুপাদ্রবৎ॥ 7-113-68 (49436)
যুয়ুধানোঽপি রাজেন্দ্র ভোজানীকাদ্বিনিঃসৃতঃ।
প্রয়যৌ ৎবরিতস্তূর্ণং কাম্ভোজানাং মহাচমূম্॥ 7-113-69 (49437)
স তত্র বহুভিঃ শূরৈঃ সন্নিরুদ্ধো মহারথৈঃ।
ন চচাল তদা রাজন্সাত্যকিঃ সত্যবিক্রমঃ॥ 7-113-70 (49438)
সন্ধায় চ চমূং দ্রোণো ভোজে ভারং নিবেশ্য চ।
অভ্যধাবদ্রণে যত্তো যুয়ুধানং যুয়ুৎসয়া॥ 7-113-71 (49439)
তথা তমনুধাবন্তং যুয়ুধানস্য পৃষ্ঠতঃ।
ন্যবারয়ন্ত সংহৃষ্টাঃ পাণ্ডুসৈন্যে ব্রৃহত্তমাঃ।
সমাসাদ্য তু হার্দিক্যং রথানাং প্রবরং রথম্॥ 7-113-72 (49440)
পাঞ্চালা বিগতোৎসাহা ভীমসেনপুরোগমাঃ।
বিক্রম্য বারিতা রাজন্বীরেণ কৃতবর্মণা॥ 7-113-73 (49441)
যতমানাংশ্চ তান্সর্বানীষদ্বিগতচেতসঃ।
অভিতস্তাঞ্শরৌঘেণ ক্লান্তবাহানকারয়ৎ॥ 7-113-74 (49442)
নিগৃহীতাস্তু ভোজেন ভোজানীকেপ্সবো রণে।
অতিষ্ঠন্নার্যবদ্বীরাঃ প্রার্থয়ন্তো মহদ্যশঃ।
`হার্দিক্যং সমরে যত্তা ন শেকুঃ প্রতিবীক্ষিতুম্'॥ ॥ 7-113-75 (49443)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ত্রয়োধশাধিকশততমোঽধ্যায়ঃ॥ 2 ॥
Mahabharata - Drona Parva - Chapter Footnotes
5-113-12 ঈশো রুদ্রঃ॥ 5-113-19 ঋষোভস্যেবাক্ষীণি যেষাম্॥ 5-113-35 ৎবংহি ৎবমপি॥ 5-113-42 ভিন্নানি পৃথগ্ভূতানি॥ 5-113-* এতদাদি পঞ্চশ্লোকানাং স্থানে অধো লিখিত একএব শ্লোকঃ ঝ. পুস্তকেঽস্তি। এতাবদুক্ৎবা যন্তারং ব্রাহ্মণং পরিবর্জয়ন্। মধ্যতো যাহি যচ্চোগ্রং কর্ণস্য চ মহদ্বলম্॥ 5-113-58 জিহ্মাগানিলসন্নিভম্ ইতি। ঝ. পাঠঃ॥ 5-113-71 সন্ধায় যথাস্থানমানীয়॥ 5-113-75 আর্যবৎকুলীনবৎ। কুলীনৎবাদিতিয়াবৎ॥ 5-113-113 ত্রয়োদশাধিকরশথতমোঽধ্যায়ঃ॥দ্রোণপর্ব - অধ্যায় 114
॥ শ্রীঃ ॥
7.114. অধ্যায়ঃ 114
Mahabharata - Drona Parva - Chapter Topics
ধৃতরাষ্ট্রস্য স্বসৈন্যপরাজয়শ্রবণেন শোচনম্॥ 1 ॥ সঞ্জয়েন তদুপালম্ভপূর্বকং কৃতবর্মপরাক্রমকথনম্॥ 2 ॥Mahabharata - Drona Parva - Chapter Text
7-114-0 (49444)
ধৃতরাষ্ট্র উবাচ। 7-114-0x (4554)
এবং বহুগুণং সৈন্যমেবং প্রবিচিতং বলম্।
ব্যূঢমেবং যথান্যায়মেবং বহু চ সঞ্জয়॥ 7-114-1 (49445)
নিত্যং পূজিতমস্মাভিরভিকামং চ নঃ সদা।
প্রৌঢমত্যদ্ভুতাকারং পুরস্তাদ্দৃষ্টবিক্রমম্॥ 7-114-2 (49446)
নাতিবৃদ্বমবালং চ নাকৃশং নাতিপীবরম্।
লঘুবৃত্তায়তপ্রায়ং সারগাত্রমনাময়ম্॥ 7-114-3 (49447)
আত্তসন্নাহসঞ্ছন্নং বহুশস্ত্রপরিচ্ছদম্।
শস্ত্রগ্রহণবিদ্যাসু বহ্বীষু পরিনিষ্ঠিতম্॥ 7-114-4 (49448)
আরোহে পর্যবস্কন্দে সরণে সান্তরপ্লুতে।
সম্যক্প্রহরণে যানে ব্যপয়ানে চ কোবিদম্॥ 7-114-5 (49449)
নাগেষ্বশ্বেষু বহুশো রথেষু চ পরীক্ষিতম্।
`চর্মনিস্ত্রিংশয়ুদ্ধে চ নিয়ুদ্ধে চ বিশারদম্'।
পরীক্ষ্য চ যথান্যায়ং বেতনেনোপপাদিতম্॥ 7-114-6 (49450)
ন গোষ্ঠ্যা নোপকারেণ ন সম্বন্ধনিমিত্ততঃ।
নানাহূতং নাপ্যভৃতং মম সৈন্যং বভূব হ॥ 7-114-7 (49451)
কুলীনার্যজনোপেতং তুষ্টপুষ্টমনুদ্ধতম্।
কৃতমানোপচারং চ যশস্বি চ মনস্বি চ॥ 7-114-8 (49452)
সচিবৈশ্চাপরৈর্মুখ্যৈর্বহুভিঃ পুণ্যকর্মভিঃ।
লোকপালোপমৈস্তাত পালিতং নরসত্তমৈঃ॥ 7-114-9 (49453)
বহুভিঃ পার্থিবৈর্গুপ্তমস্মৎপ্রিয়চিকীর্ষুভিঃ।
অস্মানভিসৃতৈঃ কামাৎসবলৈঃ সপদানুগৈঃ॥ 7-114-10 (49454)
মহোদধিমিবাপূর্ণমাপগাভিঃ সমন্ততঃ।
অপক্ষৈঃ পক্ষিসঙ্কাশৈ রথৈরশ্বৈশ্চ সংবৃতম্॥ 7-114-11 (49455)
প্রভিন্নকরটৈশ্চৈব দ্বিরদৈরাবৃতং মহৎ।
যদহন্যত মে সৈন্যং কিমন্যদ্ভাগধেয়তঃ॥ 7-114-12 (49456)
যোধাক্ষয়্যজলং ভীমং বাহনোর্মিতরঙ্গিণম্।
ক্ষেপণ্যসিগদাশক্তিশরপ্রাসঝষাকুলম্॥ 7-114-13 (49457)
ধ্বজভূষণসম্বাধরত্নোপলসুসঞ্চিতম্।
বাহনৈরভিধাবদ্ভির্বায়ুবেগবিকম্পিতম্॥ 7-114-14 (49458)
দ্রোণগম্ভীরপাতালং কৃতবর্মমহাহদম্।
জলসন্ধমহাগ্রাহং কর্মচন্দ্রোদয়োদ্ধতম্॥ 7-114-15 (49459)
গতে সৈন্যার্ণবং ভিত্ৎবা তরসা পাণ্ডবর্ষভে।
সঞ্জয়ৈকরথেনৈব যুয়ুধানে চ মামকম্॥ 7-114-16 (49460)
তত্র শেষং ন পশ্যামি প্রবিষ্টে সব্যসাচিনি।
সাৎবতে চ রথোদারে মম সৈন্যস্য সঞ্জয়॥ 7-114-17 (49461)
তৌ তত্র সমতিক্রান্তৌ দৃষ্ট্বাঽতীব তরস্বিনৌ।
সিন্ধুরাজং তু সম্প্রেক্ষ্য গাণ্ডীবস্য চ গোচরম্॥ 7-114-18 (49462)
কিং নু বা কুরবঃ কৃত্যং বিদধুঃ কালচোদিতাঃ।
দারুণৈকায়নেঽকালে কথং বা প্রতিপেদিরে॥ 7-114-19 (49463)
গ্রস্তান্হি কৌরবান্মন্যে মৃত্যুনা তাত সঙ্গতান্।
বিক্রমোঽপি রণে তেষাং ন তথা দৃশ্যতে হি বৈ॥ 7-114-20 (49464)
অক্ষতৌ সংয়ুগে তত্র প্রবিষ্টৌ কৃষ্ণপাণ্ডবৌ।
ন চ বারয়িতা কশ্চিত্তয়োরস্তীহ সঞ্জয়॥ 7-114-21 (49465)
ভৃতাশ্চ বহবো যোধাঃ পরীক্ষ্যৈব মহারথাঃ।
বেতনেন যথায়োগং প্রিয়বাদেন চাপরে॥ 7-114-22 (49466)
অসৎকারভৃতস্তাত মম সৈন্যে ন বিদ্যতে।
কর্মণা হ্যনুরূপেণ লভ্যতে ভক্তবেতনম্॥ 7-114-23 (49467)
ন চ যোধোঽভবৎকশ্চিন্মম সৈন্যে তু সঞ্জয়।
অল্পদানভৃতস্তাত তথা চাভৃতকো নরঃ॥ 7-114-24 (49468)
পূজিতো হি যথাশক্ত্যা দানমানাসনৈর্ময়া।
তথা পুত্রৈশ্চ মে তাত জ্ঞাতিভিশ্চ সবান্ধবৈঃ॥ 7-114-25 (49469)
তে চ প্রাপ্যৈব সঙ্গ্রামে নির্জিতাঃ সব্যসাচিনা।
শৈনেয়েন পরামৃষ্টাঃ কিমন্যদ্ভাগধেয়তঃ॥ 7-114-26 (49470)
রক্ষ্যতে যশ্চ সঙ্গ্রামে যে চ সঞ্জয় রক্ষিণঃ।
একঃ সাধারণঃ পন্থার রক্ষ্যস্য সহ রক্ষিভিঃ॥ 7-114-27 (49471)
অর্জুনং সমরে দৃষ্ট্বা সৈন্ধবস্যাগ্রতঃ স্থিতম্।
পুত্রো মম ভৃশং মূঢঃ কিং কার্যং প্রত্যপদ্যত॥ 7-114-28 (49472)
সাত্যকিং চ রণে দৃষ্ট্বা প্রবিশন্তমভীতবৎ।
কিং নু দুর্যোধনঃ কৃত্যং প্রাপ্তকালমমন্যত॥ 7-114-29 (49473)
সর্বশস্ত্রাতিগৌ সেনাং প্রবিষ্টৌ রথিসত্তমৌ।
দৃষ্ট্বা কাং বৈ ধৃতিং যুদ্ধে প্রত্যপদ্যন্ত মামকাঃ॥ 7-114-30 (49474)
দৃষ্ট্বা কৃষ্ণং তু দাশার্হমর্জুনার্থে ব্যবস্থিতম্।
শিনীনামৃষভং চৈব মন্যে শোচন্তি পুত্রকাঃ॥ 7-114-31 (49475)
দৃষ্টা সেনাং ব্যতিক্রান্তাং সাৎবতেনার্জুনেন চ।
পলায়মানাংশ্চ কুরূন্মন্যে শোচন্তি পুত্রকাঃ॥ 7-114-32 (49476)
বিদ্রুতান্রথিনো দৃষ্ট্বা নিরুৎসাহান্দ্বিষজ্জয়ে।
পলায়নকৃতোৎসাহান্মন্যে শোচন্তি পুত্রকাঃ॥ 7-114-33 (49477)
শূন্যান্কৃতান্রথোপস্থান্সাৎবতেনার্জুনেন চ।
হতাংশ্চ যোধান্সংদৃশ্য মন্যে শোচন্তি পুত্রকাঃ॥ 7-114-34 (49478)
ব্যশ্বনাগরথান্দৃষ্ট্বা তত্র বীরান্সহৃস্রশঃ।
ধাবমানান্রণে ব্যগ্রামন্যন্যে শোচন্তি পুত্রকাঃ॥ 7-114-35 (49479)
মহানাগান্বিদ্রবতো দৃষ্ট্বাঽর্জুনশরাহতান্।
পতিতান্পততশ্চান্যান্মন্যে শোচন্তি পুত্রকাঃ॥ 7-114-36 (49480)
বিহীনাংশ্চ কৃতানশ্বান্বিরথাংশ্চ কৃতান্নরান্।
তত্র সাত্যকিপার্থাভ্যাং মন্যে শোচন্তি পুত্রকাঃ॥ 7-114-37 (49481)
হয়ৌঘান্নিহতান্দৃষ্ট্বা দ্রবমাণাংস্ততস্ততঃ।
রণে মাধবপার্থাভ্যাং মন্যে শোচন্তি পুত্রকাঃ॥ 7-114-38 (49482)
পত্তিসঙ্ঘান্রণে দৃষ্ট্বা ধাবমানাংশ্চ সর্বশঃ।
নিরাশা বিজয়ে সর্বে মন্যে শোচন্তি পুত্রকাঃ॥ 7-114-39 (49483)
দ্রোণস্য সমতিক্রান্তাবনীকমপরাজিতৌ।
ক্ষণেন দৃষ্ট্বা তৌ বীরৌ মন্যে শোচন্তি পুত্রকাঃ॥ 7-114-40 (49484)
সম্মূঢোঽস্মি ভৃশং তাত শ্রুৎবা কৃষ্ণধনঞ্জয়ৌ।
প্রবিষ্টৌ মামকং সৈন্যং সাৎবতেন সহাচ্যুতৌ॥ 7-114-41 (49485)
তস্মিন্প্রবিষ্টে পৃতনাং শিনীনাং প্রবরে রথে।
ভোজানীকং ব্যতিক্রান্তে কিমকুর্বত কৌরবাঃ॥ 7-114-42 (49486)
তথা দ্রোণেন সমরে নিগৃহীতেষু পাণ্ডুষু।
কথং যুদ্ধমভূত্তত্র তন্মমাচক্ষ্ব সঞ্জয়॥ 7-114-43 (49487)
দ্রোণো হি বলবান্শ্রেষ্ঠঃ কৃতাস্ত্রো যুদ্ধদুর্মদঃ।
পাঞ্চালাস্তং মহেষ্বাসং প্রত্যযুধ্যন্কথং রণে॥ 7-114-44 (49488)
বদ্ধবৈরাস্ততো দ্রোণে ধনঞ্জয়জয়ৈষিণঃ।
ভারদ্বাজসুতস্তেষু দৃঢবৈরো মহারথঃ॥ 7-114-45 (49489)
অর্জুনশ্চাপি যচ্চক্রে সিন্ধুরাজবধং প্রতি।
তন্মে সর্বং সমাচক্ষ্ব কুশলো হ্যসি সঞ্জয়॥ 7-114-46 (49490)
সঞ্জয় উবাচ। 7-114-47x (4555)
আত্মাপরাধাৎসম্ভূতং ব্যসনং ভরতর্ষভ।
প্রাপ্য প্রাকৃতবদ্বীর ন ৎবং শোচিতুমর্হসি॥ 7-114-47 (49491)
পুরা যদুচ্যসে প্রাজ্ঞৈঃ সুহৃদ্ভির্বিদুরাদিভিঃ।
মা হার্ষীঃ পাণ্ডবান্রাজন্নিতি তন্ন ৎবয়া শ্রুতম্॥ 7-114-48 (49492)
সুহৃদাং হিতকামানাং বাক্যং যো ন শৃণোতি হ।
স মহদ্ব্যসনং প্রাপ্য শোচতে বৈ যথা ভবান্॥ 7-114-49 (49493)
যাচিতোঽসি পুরা রাজন্দাশার্হেণ শমং প্রতি।
ন চ তং লব্ধবান্কামং ৎবত্তঃ কৃষ্ণো মহায়শাঃ॥ 7-114-50 (49494)
তব নির্গুণতাং জ্ঞাৎবা পক্ষপাতং সুতেষু চ।
দ্বৈধীভাবং তথা ধর্মে পাণ্ডবেষু চ মৎসরম্॥ 5-114-52 তব জিহ্মমভিপ্রায়ং বিদিৎবা পাণ্ডবান্প্রতি।
আর্তপ্রলাপাংশ্চ বহূন্মনুজাধিপ সত্তম॥ 7-114-51 (49495)
সর্বলোকস্য তত্ৎবজ্ঞঃ সর্বলোকেশ্বরঃ প্রভুঃ।
বাসুদেবস্ততো যুদ্ধং কুরূণামকরোন্মহৎ॥ 7-114-53 (49496)
আত্মাপরাধাৎসুমহান্প্রাপ্তস্তে বিপুলঃ ক্ষয়ঃ।
নৈনং দুর্যোধনে দোষং কর্তুমর্হসি মানদ॥ 7-114-54 (49497)
ন হি তৈ সুকৃতং কিঞ্চিদাদৌ মধ্যে চ ভারত।
দৃশ্যতে পৃষ্ঠতশ্চৈব ৎবন্মূলো হি পরাজয়ঃ॥ 7-114-55 (49498)
তস্মাদদ্য স্থিরো ভূৎবা জ্ঞাৎবা লোকস্য নির্ণয়ম্।
শৃণু যুদ্ধং যথাবৃত্তং ঘোরং দেবাসুরোপমম্॥ 7-114-56 (49499)
প্রবিষ্টে তব সৈন্যং তু শৈনেয়ে সত্যবিক্রমে।
ভীমসেনমুখাঃ পার্থাঃ প্রতীয়ুর্বাহিনীং তব॥ 7-114-57 (49500)
আগচ্ছতস্তান্সহসা ক্রুদ্ধরূপান্সহানুগান্।
দধারৈকো রণে পাণ্ডূন্কৃতবর্মা মহারথঃ॥ 7-114-58 (49501)
যথোদ্বৃত্তং বারয়তে বেলা বৈ সলিলার্ণবম্।
পাণ্ডুসৈন্যং তথা সঙ্খ্যে হার্দিক্যঃ সমবারয়ৎ॥ 7-114-59 (49502)
তত্রাদ্ভুতমপশ্যাম হার্দিক্যস্য পরাক্রমম্।
যদেনং সহিতাঃ পার্থা নাতিচক্রমুরাহবে॥ 7-114-60 (49503)
ততো ভীমস্ত্রিভির্বিদ্ধ্বা কৃতবর্মাণমাশুগৈঃ।
শঙ্খং দধ্মৌ মহাবাহুর্হর্ষুয়ন্সর্বপাণ্ডবান্॥ 7-114-61 (49504)
সহদেবস্তু বিংশত্যা ধর্মরাজশ্চ পঞ্চভিঃ।
শতেন নকুলশ্চাপি হার্দিক্যং সমবিধ্যত॥ 7-114-62 (49505)
দ্রৌপদেয়াস্ত্রিসপ্তত্যা সপ্তভিশ্চ ঘটোৎকচঃ।
ধৃষ্টদ্যুম্নস্ত্রিভিশ্চাপি কৃতবর্মাণমার্দয়ৎ॥ 7-114-63 (49506)
বিরাটো দ্রুপদশ্চৈব যাজ্ঞসেনিশ্চ পঞ্চভিঃ।
শিখণ্ডী চৈব হার্দিক্যং বিদ্ধ্বা পঞ্চভিরাশুগৈঃ॥ 7-114-64 (49507)
পুনর্বিব্যাধ বিংশত্যা সায়কানাং হসন্নিব।
কৃতবর্মা ততো রাজন্সর্বতস্তান্মহারথান্॥ 7-114-65 (49508)
একৈকং পঞ্চভির্বিদ্ধ্বা ভীমং বিব্যাধ সপ্তভিঃ।
ধনুর্ধ্বজং চাস্য তদা রথাদ্ভূমাবপাতয়ৎ॥ 7-114-66 (49509)
অথৈনং ছিন্নধন্বানং ৎবরমাণো মহারথঃ।
আজঘানোরসি ক্রুদ্ধঃ সপ্তত্যা নিশিতৈঃ শরৈঃ॥ 7-114-67 (49510)
স গাঢবিদ্ধো বলবান্হার্দিক্যস্য শরোত্তমৈঃ।
চচাল রথমধ্যস্থঃ ক্ষিতিকম্পে যথাঽচলঃ॥ 7-114-68 (49511)
ভীমসেনং তথা দৃষ্ট্বা ধর্মরাজপুরোগমাঃ।
বিসৃজন্তঃ শরান্রাজন্কৃতবর্মাণমার্দয়ন্॥ 7-114-69 (49512)
তং তথা কোষ্ঠকীকৃত্য রথবংশেন মারিষ।
বিব্যধুঃ সায়কৈর্হৃষ্টা রক্ষার্থং মারুতের্মৃধে॥ 7-114-70 (49513)
প্রতিলভ্য ততঃ সংজ্ঞাং ভীমসেনো মহাবলঃ।
শক্তিং জগ্রাহ সমরে হেমদণ্ডাময়স্মায়ীম্॥ 7-114-71 (49514)
চিক্ষেপ চ রথাত্তূর্ণং কৃতবর্মরথং প্রতি।
সা ভীমভুজনির্মুক্তা নির্মুক্তোরগসন্নিভা॥ 7-114-72 (49515)
কৃতবর্মাণমভিতঃ প্রজজ্বাল সুদারুণা।
তামাপতন্তীং সহসা যুগান্তাগ্নিসমপ্রভাম্॥ 7-114-73 (49516)
দ্বাভ্যাং শরাভ্যাং হার্দিক্যো নিজঘান দ্বিধা তদা।
সা ছিন্না পতিতা ভূমৌ শক্তিঃ কনকভূষণা॥ 7-114-74 (49517)
দ্যোতয়ন্তী দিশো রাজন্মহোল্কেব নভশ্চ্যুতা।
শক্তিং বিনিহতাং দৃষ্ট্বা ভীমশ্চুক্রোধ বৈ ভৃশম্॥ 7-114-75 (49518)
ততোঽন্যদ্ধনুরাদায় বেগবৎসুমহাস্বনম্।
ভীমসেনো রণে ক্রুদ্ধো হার্দিক্যং সমবারয়ৎ॥ 7-114-76 (49519)
অথৈনং পঞ্চভির্বাণৈরাজঘান স্তনান্তরে।
ভীমো ভীমবলো রাজংস্তব দুর্মন্ত্রিতেন চ॥ 7-114-77 (49520)
ভোজস্তু ক্ষতসর্বাঙ্গো ভীমসেনেন মারিষ।
রক্তাশোক ইবোৎফুল্লো ব্যভ্রাজত রণাজিরে॥ 7-114-78 (49521)
ততঃ ক্রুদ্ধস্ত্রিভির্বাণৈর্ভীমসেনং হসন্নিব।
অভিহত্য দৃঢং যুদ্ধে তান্সর্বান্প্রত্যবিধ্যত॥ 7-114-79 (49522)
ত্রিভিস্ত্রিভির্মহেষ্বাসো যতমানান্মহারথান্।
তেঽপি তং প্রত্যবিধ্যন্ত সপ্তভিঃ সপ্তভিঃ শরৈঃ॥ 7-114-80 (49523)
শিখণ্ডিনস্ততঃ ক্রুদ্ধঃ ক্ষুরপ্রেণ মহারথঃ।
ধনুশ্চিচ্ছেদ সামরে প্রহসন্নিব সাৎবতঃ॥ 7-114-81 (49524)
শিখণ্ডী তু ততঃ ক্রুদ্ধশ্ছিন্নে ধনুষি সৎবরঃ।
অসিং জগ্রাহ সমরে শতচন্দ্রং চ ভাস্বরম্॥ 7-114-82 (49525)
ভ্রাময়িৎবা মহচ্চর্ম চামীকরবিভূষিতম্।
তমসিং প্রেষয়ামাত কৃতবর্মরথং প্রতি॥ 7-114-83 (49526)
স তস্য সশরং চাপং ছিত্ৎবা রাজন্মহানসিঃ।
অভ্যগাদ্ধরণীং রাজংশ্চ্যুতং জ্যোতিরিবাম্বরাৎ॥ 7-114-84 (49527)
এতস্মিন্নেব কালে তু ৎবরমাণং মহারথাঃ।
বিব্যধুঃ সায়কৈর্গাঢং কৃতবর্মাণমাহবে॥ 7-114-85 (49528)
অথান্যদ্ধনুরাদায় ত্যক্ৎবা তচ্চ মহদ্ধনুঃ।
বিশীর্ণং ভরতশ্রেষ্ঠ হার্দিক্যঃ পরবীরহা॥ 7-114-86 (49529)
বিব্যাধ পাণ্ডবান্যুদ্ধে ত্রিভিস্ত্রিভিরজিহ্মগৈঃ।
শিখণ্ডিনং চ বিব্যাধ ত্রিভিঃ পঞ্চভিরেব চ॥ 7-114-87 (49530)
ধনুরন্যৎসমাদায় শিখণ্ডী তু মহায়শাঃ।
অবারয়ৎকূর্মনখৈরাশুগৈর্হৃদিকাত্মজম্॥ 7-114-88 (49531)
ততঃ ক্রুদ্ধো রণে রাজন্হৃদিকস্যাত্মসম্ভবঃ।
অভিদুদ্রাব বেগেন যাজ্ঞসেনিং মহারথম্॥ 7-114-89 (49532)
ভীষ্মস্য সমরে রাজন্মৃত্যোর্হেতুং মহাত্মনঃ।
বিদর্শয়ন্বলং শূরঃ শার্দূল ইব কুঞ্জরম্॥ 7-114-90 (49533)
তৌ দিশাগজসঙ্কাশৌ জ্বলিতাবিব পাবকৌ।
সমাপেততুরন্যোন্যং শরসঙ্ঘৈররিন্দমৌ॥ 7-114-91 (49534)
বিধুন্বানৌ ধনুঃশ্রেষ্ঠে সন্দধানৌ চ সায়কান্।
বিসৃজন্তৌ চ শতশো গভস্তীনিব ভাস্করৌ॥ 7-114-92 (49535)
তাপয়ন্তৌ শরৈস্তীক্ষ্ণৈরন্যোন্যং তৌ মহারথৌ।
যুগান্তপ্রতিমৌ বীরৌ রেজতুর্ভাস্করাবিব॥ 7-114-93 (49536)
কৃতবর্মা চ সমরে যাজ্ঞসেনিং মহারথম্।
বিদ্ধ্বেষুভিস্ত্রিসপ্তত্যা পুনর্বিব্যাধ সপ্তভিঃ॥ 7-114-94 (49537)
স গাঢবিদ্ধো ব্যথিতো রথোপস্থ উপাবিশৎ।
বিসৃজ্য সশরং চাপং মূর্চ্ছয়াঽভিপরিপ্লুতঃ॥ 7-114-95 (49538)
তং বিষণ্ণং রণে দৃষ্ট্বা তাবকাঃ পুরুষর্ষভ।
হার্দিক্যং পূজয়ামাসুর্বাসাংস্যাদুধুবুশ্চ হ॥ 7-114-96 (49539)
শিখণ্ডিনং তথা জ্ঞাৎবা হার্দিক্যশরপীডিতম্।
অপোবাহ রণাদ্যন্তা ৎবরমাণো মহারথম্॥ 7-114-97 (49540)
সাদিতং তু রথোপস্থে দৃষ্ট্বা পার্থাঃ শিখণ্ডিনম্।
পরিবব্রূ রথৈস্তূর্ণং কৃতবর্মাণমাহবে॥ 7-114-98 (49541)
তত্রাদ্ভুতং পরং চক্রে কৃতবর্মা মহারথঃ।
যদেকঃ সমরে পার্থান্বারয়ামাস সানুগান্॥ 7-114-99 (49542)
পার্থাঞ্জিৎবাঽজয়চ্চেদীন্পাঞ্চালান্সৃঞ্জয়ানপি।
কেকয়াংশ্চ মহাবীর্যান্কৃতবর্মা মহারথঃ॥ 7-114-100 (49543)
তে বধ্যমানাঃ সমরে হার্দিক্যেন স্ম পাণ্ডবাঃ।
ইতশ্চেতশ্চ ধাবন্তো নৈব চক্রুর্ধৃতিং রণে॥ 7-114-101 (49544)
জিৎবা পাণ্ডুসুতান্যুদ্ধে ভীমসেনপুরোগমান্।
হার্দিক্যঃ সমরেঽতিষ্ঠদ্বিধূম ইব পাবকঃ॥ 7-114-102 (49545)
তে দ্রাব্যমাণাঃ সমরে হার্দিক্যেন মহারথাঃ।
বিমুখাঃ সমপদ্যন্ত শরবৃষ্টিভিরার্দিতাঃ॥ ॥ 7-114-103 (49546)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে চতুর্দশাধিকশততমোঽধ্যায়ঃ॥ 114 ॥
Mahabharata - Drona Parva - Chapter Footnotes
5-114-1 বহুগুণং বহবো গুণাঃ শৌর্যাদয়ঃ সংধ্যাদয়ো বা যস্মিন্। বলং প্রবলম্॥ 5-114-2 নঃ অভিকামমনুরক্তম্॥ 5-114-3 লঘুনো মনোজ্ঞস্য বৃত্তস্যায়তনমায়াসঃ প্রায়ঃ প্রচুরং যত্র। সারগাত্রং নিবিডাবয়বম্॥ 5-114-5 পর্যবস্কন্দে অবরোহণে। সরণে প্রসরণে। সান্তরপ্লুতে প্লুবনান্তরীতায়াং গতৌ। ব্যপয়ানেঽপসরণে॥ 5-114-6 বেতনেন দিনমাসবর্ষদেয়েন ধনেন॥ 5-114-7 গোষ্ঠ্যা সংলাপমাত্রেণ॥ 5-114-13 বাহনান্যেবোর্মিতরঙ্গপরম্পরা বিদ্যতে যত্র। ক্ষেপণ্যো যন্ত্রাণি॥ 5-114-14 রত্নৈরুপলৈশ্চ সুসঞ্চিতং সুষ্ঠুসঞ্ছাদিতম্। বাহনাভিধাবনান্যেব বায়ুবেগতয়া রূপিতানি॥ 5-114-17 মম সৈন্যস্য সেষমিত্যন্বয়ঃ॥ 5-114-19 দারুণৈকায়নে অতিভীষণেঽনন্যগতিকে। অকালে অতীতে সময়ে॥ 5-114-23 লভ্যতে সৈন্যেনার্থাৎ॥ 5-114-30 ধৃতিং ধারণাম্॥ 5-114-35 ব্যগ্রাননেকাগ্রান্। অব্যগ্রান্ পলায়নৈকমনস ইতি বা॥ 5-114-51 নির্গুণতাং গুণবৈষম্যম্। দ্বৈধীভাবমনিশ্চয়ম্॥ 5-114-54 সুমহান্ বিপুল ইতি পর্যায়াভ্যাং মহত্ৎবোদ্রেকঃ॥ 5-114-56 নির্ণয়ং নিয়তস্বভাবম্॥ 5-114-65 সর্বতঃ সর্বান্॥ 5-114-74 দ্বিধা স্থানদ্বয়ে॥ 5-114-88 কূর্মনখৈঃ কূর্মনখাকৃতিফলকৈঃ॥ 5-114-114 চতুর্দশাধিকশততমোঽধ্যায়ঃ॥দ্রোণপর্ব - অধ্যায় 115
॥ শ্রীঃ ॥
7.115. অধ্যায়ঃ 115
Mahabharata - Drona Parva - Chapter Topics
সাত্যকিনা জলসন্ধস্য বধঃ॥ 1 ॥Mahabharata - Drona Parva - Chapter Text
7-115-0 (49547)
সঞ্জয় উবাচ। 7-115-0x (4556)
শৃণুষ্বৈকমনা রাজন্যন্মাং ৎবং পরিপৃচ্ছসি।
দ্রাব্যমাণে বলে তস্মিন্হার্দিক্যেন মহাত্মনা॥ 7-115-1 (49548)
লজ্জয়াবনতে চাপি পরিহৃষ্টে চ তাবকে।
দ্বীপো য আসীৎপাণ্ডূনামগাধে গাধমিচ্ছতাম্॥ 7-115-2 (49549)
শ্রুৎবা স নিনদং ভীমং তাবকানাং মহাহবে।
শৈনেয়স্ৎবরিতো রাজন্কৃতবর্মাণমভ্যযাৎ॥ 7-115-3 (49550)
উবাচ সারথিং তত্র ক্রোধামর্ষসমন্বিতঃ।
হার্দিক্যাভিমুখং সূত কুরু মে রথমুত্তমম্॥ 7-115-4 (49551)
কুরুতে কদনং পশ্য পাণ্ডুসৈন্যে হ্যমর্ষিতঃ।
এনং জিৎবা পুনঃ সূত যাস্যামি বিজয়ং প্রতি॥ 7-115-5 (49552)
এবমুক্তে তু বচনে সূতস্তস্য মহামতে।
নিমেষান্তরমাত্রেণ কৃতবর্মাণমভ্যযাৎ॥ 7-115-6 (49553)
কৃতবর্মা তু হার্দিক্যঃ শৈনেয়ং নিশিতৈঃ শরৈঃ।
অবাকিরৎসুসংক্রুদ্ধস্ততোঽক্রুদ্ধ্যৎস সাত্যকিঃ॥ 7-115-7 (49554)
অথাশু নিশিতং ভল্লুং শৈনেয়ঃ কৃতবর্মণঃ।
প্রেষয়ামাস সমরে শরাংশ্চ চতুরোঽপরান্॥ 7-115-8 (49555)
তে তস্য জঘ্নিরে বাহান্ভল্লেনাস্যাচ্ছিনদ্ধনুঃ।
পৃষ্ঠরক্ষং তথা সূতমবিধ্যন্নিশিতৈঃ শরৈঃ॥ 7-115-9 (49556)
ততস্তং বিরথং কৃৎবা সাত্যকিঃ সত্যবিক্রমঃ।
সেনামস্যার্দয়ামাস শরৈঃ সন্নতপর্বভিঃ॥ 7-115-10 (49557)
অভজ্যতাথ পৃতনা শৈনেয়শরপীডিতা।
`পলায়নকৃতোৎসাহা ভ্রমন্তী তত্রতত্র হ'।
ততঃ প্রায়াৎস ৎবরিতঃ সাত্যকিঃ সত্যবিক্রমঃ॥ 7-115-11 (49558)
শৃণু রাজন্যদকরোত্তব সৈন্যেষু বীর্যবান্।
অতীত্য স মহারাজ দ্রোণানীকমহার্ণবম্॥ 7-115-12 (49559)
পরাজিত্য তু সংহৃষ্টঃ কৃতবর্মাণমাহবে।
যন্তারমব্রবীচ্ছূরঃ শনৈর্যাহীত্যসম্ভ্রমম্॥ 7-115-13 (49560)
দৃষ্ট্বা তু তব তৎসৈন্যং রথাশ্বদ্বি পসঙ্কুলম্।
পদাতিজনসম্পূর্ণমব্রবীৎসারথিং পুনঃ॥ 7-115-14 (49561)
যদেতন্মেঘসঙ্কাশং দ্রোণানীকস্য সব্যতঃ।
সুমহৎকুঞ্জরানীকং যস্য রুক্মরথো মুখম্॥ 7-115-15 (49562)
এতে হি বহবঃ সূত দুর্নিবার্যাশ্চ সংয়ুগে।
দুর্যোধনসমাদিষ্টা মদর্থে ত্যক্তজীবিতাঃ॥ 7-115-16 (49563)
রাজপুত্রা মহেষ্বাসাঃ সর্বে বিক্রান্তয়োধিনঃ।
`ন চাজিৎবা রণে হ্যেতাঞ্শক্যঃ প্রাপ্তুং জয়দ্রথঃ॥ 7-115-17 (49564)
নাপি সূত ময়া পার্থঃ শক্যঃ প্রাপ্তুং কথঞ্চন।
এতে তিষ্ঠন্তি সহিতাঃ সর্ববিদ্যাসু নিষ্ঠিতাঃ'॥ 7-115-18 (49565)
ত্রিগর্তানাং রথোদারাঃ সুবর্ণবিকৃতধ্বজাঃ।
মামেবাভিমুখা বীরা যোৎস্যমানা ব্যবস্থিতাঃ॥ 7-115-19 (49566)
অত্র মাং প্রাপয় ক্ষিপ্রমশ্বাংশ্চোদয় সারথে।
ত্রিগর্তৈঃ সহ যোৎস্যামি ভারদ্বাজস্য পশ্যতঃ॥ 7-115-20 (49567)
সঞ্জয় উবাচ। 7-115-21x (4557)
ততঃ প্রায়াচ্ছনৈঃ সূতঃ সাৎবতস্য মতে স্থিতঃ।
রথেনাদিত্যবর্ণেন ভাস্বরেণ পতাকিনা॥ 7-115-21 (49568)
তমূহুঃ সারথের্বশ্যা বল্গমানা হয়োত্তমাঃ।
বায়ুবেগসমাঃ সঙ্খ্যে কুন্দেন্দুরজতপ্রভাঃ॥ 7-115-22 (49569)
আপতন্তং রণে তং তু শঙ্খবর্ণৈর্হয়োত্তমৈঃ।
পরিববুস্ততঃ শূরা গজানীকেন সর্বতঃ।
কিরন্তো বিবিধাংস্তীক্ষ্ণান্সায়কাঁল্লঘুবেধিনঃ॥ 7-115-23 (49570)
সাৎবতোঽপি শিতৈর্বাণৈর্গজানীকময়োধয়ৎ।
পর্বতানিব বর্ষেণ তপান্তে জলদো মহান্॥ 7-115-24 (49571)
বজ্রাশনিসমস্পর্শৈর্বধ্যমানাঃ শরৈর্গজাঃ।
প্রাদ্রবন্রণমুৎসৃজ্য শিনিবীরসমীরিতৈঃ॥ 7-115-25 (49572)
শীর্ণদন্তা বিরুধিরা ভিন্নমস্তকপিণ্ডিকাঃ।
বিশীর্ণকর্ণাস্যকরা বিনিয়ন্তৃপতাকিনঃ॥ 7-115-26 (49573)
সম্ভিন্নবর্মঘণ্টাশ্চ বিনিকৃত্তমহাধ্বজাঃ।
হতারোহা দিশো রাজন্ভেজিরে ভ্রষ্টকম্বলাঃ॥ 7-115-27 (49574)
রুবন্তো বিবিধান্নাদাঞ্জলদোপমনিঃস্বনাঃ।
নারচৈর্বৎসদন্তৈশ্চ ভল্লৈরঞ্জলিকৈস্তথা॥ 7-115-28 (49575)
ক্ষুরপ্রৈরর্ধচন্দ্রৈশ্চ সাৎবতেন বিদারিতাঃ।
ক্ষরন্তোঽসৃক্তথা মূত্রং পুরীষং চ প্রদুদ্রুবুঃ।
বভ্রুমুশ্চস্খলুশ্চান্যে পেতুর্মম্লুস্তথাঽপরে॥ 7-115-29 (49576)
এবং তৎকুঞ্জরানীকং যুয়ুধানেন পীডিতম্।
শরৈরগ্ন্যর্কসঙ্কাশৈঃ প্রদুদ্রাব সমন্ততঃ॥ 7-115-30 (49577)
তস্মিন্হতে গজানীকে জলসন্ধো মহাবলঃ।
যত্তঃ সম্প্রাপয়ন্নাগং রজতাশ্বরথং প্রতি॥ 7-115-31 (49578)
রুক্মবর্মধরঃ শূরস্তপনীয়াঙ্গদঃ শুচিঃ।
কুণ্ডলী মকুটী খঙ্গী রক্তচন্দনরূষিতঃ॥ 7-115-32 (49579)
শিরসা ধারয়ন্দীপ্তাং তপনীয়ময়ীং স্রজম্।
উরসা ধারয়ন্নিষ্কং কণ্ঠসূত্রং চ ভাস্বরম্॥ 7-115-33 (49580)
চাপং চ রুক্মবিকৃতং বিধুন্বন্গজমূর্ধনি।
অশোভত মহারাজ সবিদ্যুদিব তোয়দঃ॥ 7-115-34 (49581)
তমাপতন্তং সহসা মাগধস্য গজোত্তমম্।
সাত্যকির্বারয়ামাস বেলেব মকরালয়ম্॥ 7-115-35 (49582)
নাগং নিবারিতং দৃষ্ট্বা শৈনেয়স্য শরোত্তমৈঃ।
অক্রুধ্যত রণে রাজঞ্জলসন্ধো মহাবলঃ॥ 7-115-36 (49583)
ততঃ ক্রুদ্ধো মহারাজ মার্গণৈর্ভারসাধনৈঃ।
অবিধ্যত শিনেঃ পৌত্রং জলসন্ধো মহোরসি॥ 7-115-37 (49584)
ততোঽপরেণ ভল্লেন পীতেন নিশিতেন চ।
অস্যতো বৃষ্ণিবীরস্য নিচকর্ত শরাসনম্॥ 7-115-38 (49585)
সাত্যকিং ছিন্নধন্বানাং প্রহসন্নিব ভারত।
অবিধ্যন্মাগধো বীরঃ পঞ্চভির্নিশিতৈঃ শরৈঃ॥ 7-115-39 (49586)
স বিদ্ধো বহুভির্বাণৈর্জলসন্ধেন বীর্যবান্।
নাকম্পত মহাবাহুস্তদদ্ভুতমিবাভবৎ॥ 7-115-40 (49587)
অচিন্তয়ন্বৈ স শরান্নাত্যর্থং সম্ভ্রমাদ্বলী।
ধনুরন্যৎসমাদায় তিষ্ঠতিষ্ঠেত্যুবাচ হ॥ 7-115-41 (49588)
এতাবদুক্ৎবা শৈনেয়ো জলসন্ধং মহোরসি।
বিব্যাধ ষষ্ট্যা সুভৃশং শরাণাং প্রহসন্নিব॥ 7-115-42 (49589)
ক্ষুরপ্রেণ সুতীক্ষ্ণেন মুষ্টিদেশে মহদ্ধনুঃ।
জলসন্ধস্য চিচ্ছেদ বিব্যাধ চ ত্রিভিঃ শরৈঃ॥ 7-115-43 (49590)
জলসন্ধস্তু তত্ত্যক্ৎবা সশরং বৈ শরাসনম্।
তোমরং ব্যসৃজত্তূর্ণং সাত্যকিং প্রতি মারিষ॥ 7-115-44 (49591)
স নির্ভিদ্য ভুজং সব্যং মাধবস্য মহারণে।
অভ্যগাদ্ধরণীং ঘোরঃ শ্বসন্নিব মহোরগঃ॥ 7-115-45 (49592)
নির্ভিন্নে তু ভুজে সব্যে সাত্যকিঃ সত্যবিক্রমঃ।
ত্রিংশদ্ভির্বিশিখৈস্তীক্ষ্ণৈর্জলসন্ধমতাডয়ৎ॥ 7-115-46 (49593)
প্রগৃহ্য তু ততঃ খঙ্গং জলসন্ধো মহাবলঃ।
আর্ষভং চর্ম চ মহচ্ছতচন্দ্রকসঙ্কুলম্।
আবিধ্য চ ততঃ খঙ্গং সাৎবতায়োৎসসর্জ হ॥ 7-115-47 (49594)
শৈনেয়স্য ধনুশ্ছিত্ৎবা স খঙ্গো ন্যপতন্মহীম্।
অলাতচক্রবচ্চৈব ব্যরোচত মহীং গতঃ॥ 7-115-48 (49595)
অথান্যদ্ধনুরাদায় সর্বকায়াবদারণম্।
`জলসন্ধমভিপ্রেক্ষ্য উৎস্ময়িৎবা চ মাধবঃ'॥ 7-115-49 (49596)
শালস্কন্ধপ্রতীকাশমিন্দ্রাশনিসমস্বনম্।
বিষ্ফার্য বিব্যধে ক্রুদ্ধো জলসন্ধং শরেণ হ॥ 7-115-50 (49597)
ততঃ সাভরণৌ বাহূ ক্ষুরাভ্যাং মাধবোত্তমঃ।
সাঙ্গদৌ জলসন্ধস্য চিচ্ছেদ প্রহসন্নিব॥ 7-115-51 (49598)
তৌ বাহূ পরিঘপ্রখ্যৌ পেততুর্গজসত্তমাৎ।
বসুন্ধরাধরাদ্ধষ্টৌ পঞ্চশীর্ষাবিবোরগৌ॥ 7-115-52 (49599)
ততঃ সুদংষ্ট্রং সুহনু চারুকুণ্ডলমণ্ডিতম্।
ক্ষুরেণাস্য তৃতীয়েন শিরশ্চিচ্ছেদ সাত্যকিঃ॥ 7-115-53 (49600)
তৎপাতিতশিরোবাহুকবন্ধং ভীমদর্শনম্।
দ্বিরদং জলসন্ধস্য রুধিরেণাভ্যষিঞ্চত॥ 7-115-54 (49601)
জলসন্ধং নিহত্যাজৌ ৎবরমাণস্তু সাৎবতঃ।
বিমানং পাতয়ামাস গজস্কন্ধাদ্বিশাংপতে॥ 7-115-55 (49602)
রুধিরেণাবসিক্তাঙ্গৌ জলসন্ধস্য কুঞ্জরঃ।
বিলম্বমানমবহৎসংশ্লিষ্টং পরমাসনম্॥ 7-115-56 (49603)
শরার্দিতঃ সাৎবতেন মর্দমানঃ স্ববাহিনীম্।
ঘোরমার্তস্বরং কৃৎবা বিদুদ্রাব মহাগজঃ॥ 7-115-57 (49604)
হাহাকারো মহানাসীত্তব সৈন্যস্য মারিষ।
জলসন্ধং হতং দৃষ্ট্বা বৃষ্ণীনামৃপভেণ তু॥ 7-115-58 (49605)
বিমুখাশ্চাভ্যধাবন্ত তব যোধাঃ সমন্ততঃ।
পলায়নকৃতোৎসাহা নিরুৎসাহা দ্বিষঞ্জয়ে॥ 7-115-59 (49606)
এতস্মিন্নন্তরে রাজন্দ্রোণঃ শস্ত্রভৃতাং বরঃ।
`সন্ন্যস্য ভারং সুমহৎকৃতবর্মণি ভারত॥ 7-115-60 (49607)
অভ্যযাজ্জবনৈরশ্বৈর্যুয়ুধানং মহারথম্।
স হি পার্থান্রণে যত্তান্দধারৈকো মহাবলঃ'॥ 7-115-61 (49608)
তমুদীর্ণং তথা দৃষ্ট্বা শৈনেয়ং কুরুপুঙ্গবাঃ।
দ্রোণেনৈব সহ ক্রুদ্ধা সাত্যকিং সমুপাদ্রবন্॥ 7-115-62 (49609)
ততঃ প্রববৃতে যুদ্ধং কুরূণাং সাৎবতস্য চ।
দ্রোণস্য চ রণে রাজন্ঘোরং দেবাসুরোপমম্॥ ॥ 7-115-63 (49610)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে পঞ্চদশাধিকশততমোঽধ্যায়ঃ॥ 115 ॥
Mahabharata - Drona Parva - Chapter Footnotes
5-115-23 দ্রোণo 5-115-26 পিণ্ডিক্রা গণ্ডঃ॥ 5-115-33 কণ্ঠসূত্রং হারম্॥ 5-115-47 ততো গ্রহণানন্তরম্। আবিধ্য ভ্রাময়িৎবা॥ 5-115-52 বসুন্ধরাধরাৎ পর্বতাম্॥ 5-115-115 পঞ্চদশাধিকশততমোঽধ্যায়॥দ্রোণপর্ব - অধ্যায় 116
॥ শ্রীঃ ॥
7.116. অধ্যায়ঃ 116
Mahabharata - Drona Parva - Chapter Topics
সাত্যকিনা দুর্যোধনকৃতবর্মণোঃ পরাজয়ঃ॥ 1 ॥Mahabharata - Drona Parva - Chapter Text
7-116-0 (49611)
সঞ্জয় উবাচ। 7-116-0x (4558)
`সাৎবতস্য রণে কর্ম দৃষ্ট্বা যোদ্ধুং মহারথাঃ।
অমৃষ্যমাণাঃ সংয়ত্তাঃ শৈনেয়ং সমুপাদ্রবন্'॥ 7-116-1 (49612)
তে কিরন্তঃ শরব্রাতান্সর্বে যত্তাঃ প্রহারিণঃ।
ৎবরমাণা মহারাজ যুয়ুধানময়োধয়ন্॥ 7-116-2 (49613)
তং দ্রোণঃ সপ্তসপ্ত্যা জঘান নিশিতৈঃ শরৈঃ।
দুর্মর্ষণো দ্বাদশভির্দুঃসহো দশভিঃ শরৈঃ॥ 7-116-3 (49614)
বিকর্ণশ্চাপি নিশিতৈস্ত্রিংশদ্ভিঃ কঙ্কপত্রিভিঃ।
বিব্যাধ মার্গণৈস্তূর্ণং বামপার্শ্বে স্তনান্তরে॥ 7-116-4 (49615)
দুর্মুখো দশভির্বাণৈস্তথা দুঃশাসনোঽষ্টভিঃ।
চিত্রসেনশ্চ শৈনেয়ং দ্বাভ্যাং বিব্যাধ মারিষ॥ 7-116-5 (49616)
দুর্যোধনশ্চ মহতা শরবর্ষেণ মাধবম্।
অপীডয়দ্রমে রাজঞ্শূরাশ্চান্যে মহারথাঃ॥ 7-116-6 (49617)
সর্বতঃ প্রতিবিদ্ধস্তু তব পুত্রৈর্মহারথৈঃ।
`স তুদ্যমানশ্চ তদা সর্বতঃ কুরুপুঙ্গবৈঃ'॥ 7-116-7 (49618)
তান্প্রত্যবিধ্যদ্বার্ষ্ণেয়ঃ পৃথক্পৃথগজিহ্মগৈঃ।
`সাত্যকিঃ পুণ্ডরীকাক্ষো হ্যস্ত্রেষু পরিনিষ্ঠিতঃ'॥ 7-116-8 (49619)
ভারদ্বাজং ত্রিভির্বাণৈর্দুঃসহং নবভিঃ শরৈঃ।
বিকর্ণং পঞ্চবিংশত্যা চিত্রসেনং চ সপ্তভিঃ॥ 7-116-9 (49620)
দুর্মর্ষণং দ্বাদশভিরষ্টাভিশ্চ বিবিংশতিম্।
সত্যব্রতং চ নবভির্বিজয়ং দশভিঃ শরৈঃ॥ 7-116-10 (49621)
`দুর্যোধনং ত্রিভির্বিদ্ধ্বা সুপুঙ্খৈস্তিগ্মতেজনৈঃ'।
ততো রুক্মাঙ্গদং চাপং বিধুন্বানো মহারথঃ।
অভ্যযাৎসাত্যকিস্তূর্ণং পুত্রং তব মহারথম্॥ 7-116-11 (49622)
রাজানং সর্বলোকস্য সর্বলোকমহারথম্।
শরৈরভ্যহনদ্গাঢং ততো যুদ্ধমভূত্তয়োঃ॥ 7-116-12 (49623)
বিমুঞ্চতৌ শরাংস্তীক্ষ্ণান্সন্দধানৌ চ সায়কান্।
অদৃশ্যং সমরেঽন্যোন্যং চক্রতুস্তৌ মহারথৌ॥ 7-116-13 (49624)
সাত্যকিঃ কুরুরাজেন নির্বিদ্ধো বহ্বশোভত।
অস্রবদ্রুধিরং ভূরি স্বরসং চন্দনো যথা॥ 7-116-14 (49625)
সাৎবতেন চ বাণৌধৈর্নির্বিদ্ধস্তনয়স্তব।
শাতকুম্ভময়াপীডো বভৌ যূপ ইবোচ্ছ্রিতঃ॥ 7-116-15 (49626)
মাধবস্তু রমে রাজন্কুরুরাজস্য ধন্বিনঃ।
ধনুশ্চিচ্ছেদ সমরে ক্ষুরপ্রেণ হসন্নিব॥ 7-116-16 (49627)
অথৈনং ছিন্নধন্বানং শরৈর্বহুভিরাচিনোৎ।
নির্ভিন্নশ্চ শরৈস্তেন দ্বিষতা ক্ষিপ্রকারিণা।
নামৃষ্যত রণে রাজা শত্রোর্বিজয়লক্ষণম্॥ 7-116-17 (49628)
অথান্যদ্ধনুরাদায় হেমপৃষ্ঠং দুরাসদম্।
বিব্যাধ সাত্যকিং তূর্ণং সায়কানাং শতেন হ॥ 7-116-18 (49629)
সোঽতিবিদ্ধো বলবতা তব পুত্রেণ ধন্বিনা।
অমর্ষবশমাপন্নস্তব পুত্রমপীডয়ৎ॥ 7-116-19 (49630)
পীডিতং নৃপতিং দৃষ্ট্বা তব পুত্রং মহারথাঃ।
সাত্যকিং শরবর্ষেণ ছাদয়ামাসুরোজসা॥ 7-116-20 (49631)
স চ্ছাদ্যমানো বহুভিস্তব পুত্রৈর্মহারথৈঃ।
একৈকং পঞ্চভির্বিদ্ধ্বা পুনর্বিব্যাধ সপ্তভিঃ।
দুর্যোধনং ব ৎবরিতো বিব্যাধাষ্টভিরাশুগৈঃ॥ 7-116-21 (49632)
প্রহসংশ্চাস্য চিচ্ছেদ কার্মুকং রিপুভীষণম্।
নাগং মণিময়ং চৈব শরৈর্ধ্বজমপাতয়ৎ॥ 7-116-22 (49633)
হৎবা তু চতুরো বাহাংশ্চতুর্ভির্নিশিতৈঃ শরৈঃ।
সারথিং পাতয়ামাস ক্ষুরপ্রেণ মহায়শাঃ॥ 7-116-23 (49634)
এতস্মিন্নন্তরে চৈব কুরুরাজং মহারথম্।
অবারিকচ্ছরৈর্হৃষ্টো বহুভির্মর্মভেদিভিঃ॥ 7-116-24 (49635)
স বিধ্যমানঃ সমরে শৈনেয়স্য শরোত্তমৈঃ।
প্রাদ্রবৎসহসা রাজন্পুত্রো দুর্যোধনস্তব।
আপ্লুতশ্চ ততো যানং চিত্রসেনস্য ধন্বিনঃ॥ 7-116-25 (49636)
হাহাভূতং জগচ্চাসীদ্দৃষ্ট্বা রাজানমাহবে।
গ্রস্যমানং সাত্যকিনা খে মোমমিব রাহুণা॥ 7-116-26 (49637)
তং তু শব্দমথ শ্রুৎবা কৃতবার্মা মহারথঃ।
অভ্যযাৎসহসা তত্র যত্রাস্তে মাধবঃ প্রভুঃ॥ 7-116-27 (49638)
বিধুন্বানো ধনুঃ শ্রেষ্ঠং চোদয়ংশ্চৈব বাজিনঃ।
ভর্ৎসয়ন্সারথিং চাগ্রে যাহিয়াহীতি সৎবরম্॥ 7-116-28 (49639)
তমাপতন্তং সম্প্রেক্ষ্য ব্যাদিতাস্যমিবান্তকম্।
যুয়ুধানো মহারাজ যন্তারমিদমব্রবীৎ॥ 7-116-29 (49640)
কৃতবর্মা রথেনৈষ দ্রুতমাপততে শরী।
প্রত্যুদ্যাহি রথেনৈনং প্রবরং সর্বধন্বিনাম্॥ 7-116-30 (49641)
`প্রয়াহি সৎবরং সূত রথেন রথসত্তমম্।
নিহনিষ্যামি তং সঙ্খ্যে বৃষ্ণিবীরমরিন্দমম্'॥ 7-116-31 (49642)
ততঃ প্রজবিতাশ্বেন রথেন রথিনাংবরঃ।
আসসাদ রণে ভোজং প্রতিমানং ধনুষ্মতাম্॥ 7-116-32 (49643)
ততো গভস্তিমৎপ্রখ্যৌ জ্বলিতাবিব পাবকৌ।
সমেয়াতাং নরব্যাঘ্রৌ ব্যাঘ্রাবিব তরস্বিনৌ॥ 7-116-33 (49644)
কৃতবর্মা তু শৈনেয়ং ষড্বিংশত্যা সমার্পয়ৎ।
নিশিতৈঃ সায়কৈস্তীক্ষ্ণৈর্যন্তারং চাস্য পঞ্চভিঃ॥ 7-116-34 (49645)
চতুরশ্চতুরো বাহাংশ্চতুর্ভিঃ পরমেষুভিঃ।
অবিধ্যৎসাধুদান্তান্বৈ সৈন্ধবান্সাৎবতস্য হি॥ 7-116-35 (49646)
রুক্মধ্বজো রুক্মপৃষ্ঠং মহদ্বিষ্ফার্য কার্মুকম্।
রুক্মাঙ্গদী রুক্মবর্মা রুক্মপুঙ্খৈরবারয়ৎ॥ 7-116-36 (49647)
ততোঽশীতিং শিনেঃ পৌত্রঃ সায়কান্কৃতবর্মণে।
প্রাহিণোত্ৎবরয়া যুক্তো দ্রষ্টুকামো ধনঞ্জয়ম্॥ 7-116-37 (49648)
সোঽতিবিদ্ধো বলবতা শত্রুণা শত্রুতাপনঃ।
সমকম্পতঃ দুর্ধর্ষঃ ক্ষিতিকম্পে যথাঽচলঃ॥ 7-116-38 (49649)
ত্রিষষ্ট্যা চতুরোঽস্যাশ্বান্সপ্তভিঃ সারথিং তথা।
বিব্যাধ নিশিতৈস্তূর্ণং সাত্যকিঃ সত্যবিক্রমঃ॥ 7-116-39 (49650)
`হতাশ্বসূতে তু রথে স্থিতায় শিনিপুঙ্গবঃ'।
সুবর্ণপুঙ্খং বিশিখং সমাদায় চ সাত্যকিঃ।
ব্যসৃজত্তং মহাজ্বালং সঙ্ক্রুদ্ধমিব পন্নগম্॥ 7-116-40 (49651)
সোঽবিধ্যৎকৃতবর্মাণং যমদণ্ডোপমঃ শরঃ।
জাম্বূনদবিচিত্রং চ বর্ম নির্ভিদ্য ভানুমৎ।
অভ্যগাদ্ধরণীমুগ্রো রুধিরেণ সমুক্ষিতঃ॥ 7-116-41 (49652)
সঞ্জাতরুধিরশ্চাজৌ সাৎবতেষুভিরর্দিতঃ।
সশরং ধনুরুৎসৃজ্য ন্যপতৎস্যন্দনোত্তমাৎ॥ 7-116-42 (49653)
স সিংহদংষ্ট্রো জানুভ্যাং পতিতোঽমিতবিক্রমঃ।
শরার্দিতঃ সাত্যকিনা রথোপস্থে নরর্ষভঃ॥ 7-116-43 (49654)
সহস্রবাহুসদৃশমক্ষোভ্যমিব সাগরম্।
নিবার্য কৃতবর্মাণং সাত্যকিঃ প্রয়যৌ ততঃ॥ 7-116-44 (49655)
`ন হি তস্য শরোঽপার্থঃ কথঞ্চিদপি পার্থিব।
দিদৃক্ষুঃ স হি বেগেন প্রায়াদ্যত্র ধনঞ্জয়ঃ॥ 7-116-45 (49656)
স শক্ত্যা ক্ষত্রিয়ৈস্তত্র নিরুদ্ধো বলবত্তরঃ।
যুয়ুধে সাৎবতো রাজন্দিদৃক্ষুঃ পাণ্ডুনন্দনম্'॥ 7-116-46 (49657)
খঙ্গশক্তিধনুঃকীর্ণাং গজাশ্বরথসঙ্কুলাম্।
প্রবর্তিতোগ্ররুধিরাং শতশঃ ক্ষত্রিয়র্ষভৈঃ॥ 7-116-47 (49658)
প্রেক্ষতাং সর্বসৈন্যানাং মধ্যেন শিনিপুঙ্গবঃ।
অভ্যগাদ্বাহিনীং হিৎবা বৃত্রহেবাসুরীং চমূম্॥ 7-116-48 (49659)
সমাশ্বস্য চ হার্দিক্যো গৃহ্য চান্যন্মহদ্ধনুঃ।
তস্থৌ স তত্র বলবান্বারয়ন্যুধি পাণ্ডবান্॥ ॥ 7-116-49 (49660)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে পোডশাধিকশততমোঽধ্যায়ঃ॥ 116 ॥
Mahabharata - Drona Parva - Chapter Footnotes
5-116-11 রুক্মাঙ্গদং চাপি ইতি ঙ.পাঠঃ॥ 5-116-14 চন্দনো রক্তচন্দনঃ॥ 5-116-43 দংষ্ট্রাশ্চতস্রো যস্য স্যুর্দশনেভ্যঃ সমুচ্ছ্রিতাঃ। সিংহদংষ্ট্রঃ স গদিতশ্চতুর্দংষ্ট্রশ্চ সূরিভিঃ॥ 5-116-116 ষোডশাধিকশততমোঽধ্যায়ঃ॥দ্রোণপর্ব - অধ্যায় 117
॥ শ্রীঃ ॥
7.117. অধ্যায়ঃ 117
Mahabharata - Drona Parva - Chapter Topics
সাত্যকিপরাক্রমবর্ণনম্॥ 1 ॥Mahabharata - Drona Parva - Chapter Text
7-117-0 (49661)
সঞ্জয় উবাচ। 7-117-0x (4559)
কাল্যমানেষু সৈন্যেষু শৈনেয়েন ততস্ততঃ।
ভারদ্বাজঃ শরব্রাতৈর্মর্মভিদ্ভিরবাকিরৎ॥ 7-117-1 (49662)
স সম্প্রহারস্তুমুলো দ্রোণসাৎবতয়োরভূৎ।
পশ্যতাং সর্বসৈন্যানাং বলিবাসবয়োরিব॥ 7-117-2 (49663)
ততো দ্রোণঃ শিনেঃ পৌত্রং চিত্রৈঃ সর্বায়সৈঃ শরৈঃ।
ত্রিভিরাশীবিপাকারৈর্ললাটে সমবিধ্যত॥ 7-117-3 (49664)
তৈর্ললাটার্পিতৈর্বাণৈর্যুয়ুধানস্ৎবজিহ্মগৈঃ।
ব্যরোচত মহারাজ ত্রিশৃঙ্গ ইব পর্বতঃ॥ 7-117-4 (49665)
ততোঽস্য বাণানপরানিন্দ্রাশনিসমস্বনান্।
ভারদ্বাজোঽন্তরপ্রেক্ষী প্রেষয়ামাস সংয়ুগে॥ 7-117-5 (49666)
তান্দ্রোণচাপনির্মুক্তান্দাশার্হঃ পততঃ শরান্।
দ্বাভ্যাংদ্বাভ্যাং সুপুঙ্খাভ্যাং চিচ্ছেদ পরমাস্ত্রবিৎ॥ 7-117-6 (49667)
তামস্য লঘুতাং দ্রোণঃ সমবেক্ষ্য বিশাম্পতে।
প্রহস্য সহসাঽবিধ্যত্ত্রিংশতাং শিনিপুঙ্গবম্॥ 7-117-7 (49668)
পুনঃ পঞ্চশতেষূণাং শিতেন চ সমার্পয়ৎ।
লঘুতাং যুয়ুধানস্য লাঘবেন বিশেষয়ন্॥ 7-117-8 (49669)
সমুৎপতন্তি বল্মীকাদ্যথা ক্রুদ্ধা মহোরগাঃ।
তথা দ্রোণরথাদ্রাজন্নাপতন্তি তনুচ্ছিদঃ॥ 7-117-9 (49670)
তথৈব যুয়ুধানেন সৃষ্টাঃ সতসহস্রশঃ।
অবাকিরন্দ্রোণরথং শরা রুধিরভোজনাঃ॥ 7-117-10 (49671)
লাঘবাদ্দিজমুখ্যস্য সাৎবতস্য চ মারিষ।
বিশেষং নাধ্যগচ্ছাম সমাবাস্তাং নরর্ষভৌ॥ 7-117-11 (49672)
সাত্যকিস্তু ততো দ্রোণং নবভির্নতপর্বভিঃ।
আজঘান ভৃশং ক্রুদ্ধো ধ্বজং চ নিশিতৈঃ শরৈঃ॥ 7-117-12 (49673)
সারথিং চ শতেনৈব ভারদ্বাজস্য পশ্যতঃ।
লাঘবং যুয়ুধানস্য দৃষ্ট্বা দ্রোণো মহারথঃ॥ 7-117-13 (49674)
সপ্তত্যা সারথিং বিদ্ব্বা তুরঙ্গাংশ্চ ত্রিভিস্ত্রিভিঃ।
ধ্বজমেকেন চিচ্ছেদ মাধবস্য রথে স্থিতম্॥ 7-117-14 (49675)
অথাপরেণ ভল্লেন হেমপুঙ্খেন পত্রিণা।
ধনুশ্চিচ্ছেদ সমরে মাধবস্য মহাত্মনঃ॥ 7-117-15 (49676)
সাত্যকিস্তু ততঃ ক্রুদ্ধো ধনুস্ত্যক্ৎবা মহারথঃ।
গদাং জগ্রাহ মহতীং ভারদ্বাজায় চাক্ষিপৎ॥ 7-117-16 (49677)
তামাপতন্তীং সহসা পট্টবদ্ধাময়স্ময়ীম্।
ন্যবারয়চ্ছরৈর্দ্রোণো বহুভির্বহুরূপিভিঃ॥ 7-117-17 (49678)
অথান্যদ্ধনুরাদায় সাত্যকিঃ সত্যবিক্রমঃ।
বিব্যাধ বহুভির্বীরং ভারদ্বাজং শিলাশিতৈঃ॥ 7-117-18 (49679)
স বিদ্বা সমরে দ্রোণং সিংহনাদমমুঞ্চত।
তং বৈ ন মৃমষে দ্রোণঃ সিংহনাদং মহাত্মনঃ॥ 7-117-19 (49680)
ততঃ শক্তিং রণে দ্রোণো রুক্মদণ্ডাময়স্ময়ীম্।
তরসা প্রেষয়ামাস মাধবস্য রথং প্রতি॥ 7-117-20 (49681)
অনাসাদ্য তু শৈনেয়ং সা শক্তিঃ কালসন্নিভা।
ভিত্ৎবা রথং জগামোগ্না ধরণীং দারুণস্বনা॥ 7-117-21 (49682)
ততো দ্রোণং শিনেঃ পৌত্রো রাজন্বিব্যাধ পত্রিণা।
দক্ষিণং ভুজমাসাদ্য পীডয়ন্ভরতর্ষভ॥ 7-117-22 (49683)
দ্রোণোঽপি সমরে রাজন্মাধবস্য মহদ্ধনুঃ।
অর্ধচন্দ্রেণ চিচ্ছেদ রথশক্ত্যা চ সারথিম্॥ 7-117-23 (49684)
মুমোহ সারথিস্তস্য রথশক্ত্যা সমাহতঃ।
স রথোপস্থমাসাদ্য মুহূর্তং সন্ন্যষীদত॥ 7-117-24 (49685)
চকার সাত্যকী রাজংস্তত্র কর্মাতিমানুষম্।
অয়োধয়চ্চ যদ্দ্রোণং রশ্মীঞ্জগ্রাহ চ স্বয়ম্॥ 7-117-25 (49686)
ততঃ শরশতেনৈব যুয়ুধানো মহারথঃ।
অবিধ্যদ্ব্রাহ্মণং সঙ্খ্যে হৃষ্টরূপো বিশাম্পতে॥ 7-117-26 (49687)
তস্য দ্রোণঃ শরান্পঞ্চ প্রেষয়ামাস ভারত।
তে ঘোরাঃ কবচং ভিত্ৎবা পপুঃ শোণিতমাহবে॥ 7-117-27 (49688)
নির্বিদ্ধস্তু শরৈর্ঘোরৈরক্রুদ্ধ্যৎসাত্যকির্ভৃশম্।
সায়কান্ব্যসৃজচ্চাপি বীরো রুক্মরথং প্রতি॥ 7-117-28 (49689)
ততো দ্রোণস্য যন্তারং নিপাত্যৈকেষুণা ভুবি।
অশ্বান্ব্যদ্রাবয়দ্বাণৈর্হতসূতাংস্ততস্ততঃ॥ 7-117-29 (49690)
স রথঃ প্রদ্রুতঃ সঙ্খ্যে মণ্ডলানি সহস্রশঃ।
চকার রাজতো রাজন্ভ্রাজমান ইবাংশুমান্॥ 7-117-30 (49691)
অভিদ্রবত গৃহ্ণীত হয়ান্দ্রোণস্য ধাবত।
ইতি স্ম চুক্রুশুঃ সর্বে রাজপুত্রাঃ সরাজকাঃ॥ 7-117-31 (49692)
তে সাত্যকিমপাস্যাশু রাজন্যুধি মহারথাঃ।
যতো দ্রোণস্ততঃ সর্বে সহসা সমুপাদ্রবন্॥ 7-117-32 (49693)
তান্দৃষ্ট্বা প্রদ্রুতান্সঙ্খ্যে সাৎবতেন শরার্দিতান্।
প্রভগ্নং পুনরেবাসীত্তব সৈন্যং সমাকুলম্॥ 7-117-33 (49694)
ব্যূহস্যৈব পুনর্দ্বারং গৎবা দ্রোণো ব্যবস্থিতঃ।
বাতায়মানৈস্তৈরশ্বৈর্নীতো বৃষ্ণিশরার্দিতৈঃ॥ 7-117-34 (49695)
পাণ্ডুপাঞ্চালসম্ভিন্নং ব্যূহমালোক্য বীর্যবান্।
শৈনেয়ে নাকরোদ্যত্নং ব্যূহমেবাভ্যরক্ষত॥ 7-117-35 (49696)
নিবার্য পাণ়্ডুপাঞ্চালান্দ্রোণাগ্নিঃ প্রদহন্নিব।
তস্থৌ ক্রোধেধ্মসন্দীপ্তঃ কালসূর্য ইবোদ্যতঃ॥ ॥ 7-117-36 (49697)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে সপ্তদশাধিকশততমোঽধ্যায়ঃ॥ 117 ॥
Mahabharata - Drona Parva - Chapter Footnotes
5-117-23 রথশক্ত্যা কেতকপত্রাকারমুখয়া শক্ত্যা॥ 5-117-117 সপ্তদশাধিকশততমোঽধ্যায়ঃ॥দ্রোণপর্ব - অধ্যায় 118
॥ শ্রীঃ ॥
7.118. অধ্যায়ঃ 118
Mahabharata - Drona Parva - Chapter Topics
সাত্যকিনা সুদর্শননাম্নো রাজ্ঞো বধঃ॥ 1 ॥Mahabharata - Drona Parva - Chapter Text
7-118-0 (49698)
সঞ্জয় উবাচ। 7-118-0x (4560)
দ্রোণং স জিৎবা পুরুষপ্রবীর--
স্তথৈব হার্দিক্যমুখাংস্ৎবদীয়ান্।
প্রহস্য সূতং বচনং বভাষে
শিনিপ্রবীরঃ কুরুপুঙ্গবাগ্র্য॥ 7-118-1 (49699)
নিমিত্তমাত্রং বয়মদ্য সূত
দগ্ধা রথাঃ কেশবফল্গুনাভ্যাম্।
হতান্নিহন্মেহ নরর্ষভেণ
বয়ং সুরেশাত্মসমুদ্ভবেত॥ 7-118-2 (49700)
সঞ্জয় উবাচ। 7-118-3x (4561)
তমেবমুক্ৎবা শিনিপুঙ্গবস্তদা
মহামৃধে সোঽগ্র্যধনুর্ধরোঽরিহা।
কিরন্সমন্তাৎসহসা শরান্বলী
সমাপতচ্ছয়েন ইবামিষাশয়া॥ 7-118-3 (49701)
তং যান্তমশ্বৈঃ শশিশঙ্খবর্ণৈ--
র্বিগাহ্য সৈন্যং পুরুষপ্রবীরম্।
নাশক্নুবন্বারয়িতুং সমন্তা--
দাদিত্যরশ্মিপ্রতিমং রথাগ্র্যম্॥ 7-118-4 (49702)
অসহ্যবিক্রান্তমদীনসৎবং
সর্বে গণা ভারত যে ৎবদীয়াঃ।
সহস্রনেত্রপ্রতিমপ্রভাবং
দিবীব সূর্যং জলদব্যপায়ে॥ 7-118-5 (49703)
অমর্ষপূর্ণস্ৎবতিচিত্রয়োধী
শরাসনী কাঞ্চনবর্মধারী।
সুদর্শনঃ সাত্যকিমাপতন্তং
ন্যবারয়দ্রাজবরঃ প্রসহ্য॥ 7-118-6 (49704)
তয়োরভূদ্ভারতসম্প্রহারঃ
সুদারুণস্তং সমতিপ্রশংসন্।
যোধাস্ৎবদীয়াশ্চ হি সোমকাশ্চ
বৃত্রেন্দ্রয়োর্যুদ্ধমিবামরৌঘাঃ॥ 7-118-7 (49705)
শরৈঃ সুতীক্ষ্ণৈঃ শতশোঽভ্যবিধ্য--
ৎসুদর্শনঃ সাৎবতমুখ্যমাজৌ।
অনাগতানেব তু তান্পৃষৎকাং--
শ্চিচ্ছেদ রাজঞ্শিনিপুঙ্গবোঽপি॥ 7-118-8 (49706)
তথৈব শক্রপ্রতিমোঽপি সাত্যকিঃ
সুদর্শনে যান্ক্ষিপতি স্ম সায়কান্।
দ্বিধা ত্রিধা তানকরোৎসুদর্শনঃ
শরোত্তমৈঃ স্যন্দনবর্যমাস্থিতঃ॥ 7-118-9 (49707)
তান্বীক্ষ্য বাণান্নিহতাংস্তদানীং
সুদর্শনঃ সাত্যকিবাণবেগৈঃ।
ক্রোধাদ্দিধক্ষন্নিব তিগ্মতেজাঃ
শরানমুঞ্চত্তপনীয়চিত্রান্॥ 7-118-10 (49708)
পুনঃ স বাণৈস্ত্রিভিরগ্নিকল্পৈ--
রাকর্ণপূর্ণৈর্নিশিতৈঃ সুপুঙ্খৈঃ।
বিব্যাধ দেহাবরণং বিভিদ্য
তে সাত্যকেরাবিবিশুঃ শরীরম্॥ 7-118-11 (49709)
তথৈব তস্যাবনিপালপুত্রঃ
সন্ধায় বাণৈরপরৈর্জ্বলদ্ভিঃ।
আজঘ্নিবাংস্তান্রজতপ্রকাশাং--
শ্চতুর্ভিরশ্বাংশ্চতুরঃ প্রসহ্য॥ 7-118-12 (49710)
তথা তু তেমাভিহতস্তরস্বী
নপ্তা শিনেরিন্দ্রসমানবীর্যঃ।
সুদর্শনস্যেষুগণৈঃ সুতীক্ষ্ণৈ--
র্হয়ান্নিহত্যাশু ননাদ নাদম্॥ 7-118-13 (49711)
অথাস্য সূতস্য শিরো নিকৃত্য
ভল্লেন শক্রাশনিসন্নিভেন।
সুদর্শনস্যাপি শিনিপ্রবীরঃ
ক্ষুরেণ কালানলসন্নিভেন॥ 7-118-14 (49712)
সকুণ্ডলং পূর্ণশশিপ্রকাশং
ভ্রাজিষ্ণু বক্ত্রং বিচকর্ত দেহাৎ।
যথা পুরা বজ্রধরঃ প্রসহ্য
বলস্য সঙ্খ্যেঽতিবলস্য রাজন্॥ 7-118-15 (49713)
নিহত্য তং পার্থিবপুত্রপৌত্রং
রণে যদূনামৃষভস্তরস্বী।
মুদা সমেতঃ পরয়া মহাত্মা
ররাজ রাজন্সুররাজকল্পঃ॥ 7-118-16 (49714)
ততো যয়াবর্জুনমেব বীরো
নিবার্য সৈন্যং তব মার্গণৌঘৈঃ।
সদশ্বয়ুক্তেন রথেন রাজঁ--
ল্লোকং বিসিস্মাপয়িষুর্নৃবীরঃ॥ 7-118-17 (49715)
তত্তস্য বিস্মাপয়নীয়মগ্র্য--
মপূজয়ন্যোধবরাঃ সমেতাঃ।
প্রবর্তমানানিষুগোচরেঽরী--
ন্দদাহ বাণৈর্হুতভুগ্যথৈব॥ ॥ 7-118-18 (49716)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে অষ্টাদশাধিকশততমোঽধ্যায়ঃ॥ 118 ॥
দ্রোণপর্ব - অধ্যায় 119
॥ শ্রীঃ ॥
7.119. অধ্যায়ঃ 119
Mahabharata - Drona Parva - Chapter Topics
সাত্যকিপরাক্রমবর্ণনম্॥ 1 ॥Mahabharata - Drona Parva - Chapter Text
7-119-0 (49717)
`সঞ্জয় উবাচ। 7-119-0x (4562)
নির্জিত্য কৃতবর্মাণং ভারদ্বাজং চ সংয়ুগে।
স সাত্যকিঃ সত্যধৃতির্মহাত্মা শিনিপুঙ্গবঃ॥ 7-119-1 (49718)
*দুর্যোধনং চ নির্জিত্য শূরং চৈব সুয়োধনম্।
জলসন্ধং নিহত্যাজৌ শূরসেনং চ পার্থিবম্॥ 7-119-2 (49719)
ম্লেচ্ছাংশ্চ বহুধা রাজন্কাশ্যপুত্রং চ সংয়ুগে।
নিষাদাংস্তঙ্কণাংশ্চৈব কলিঙ্গান্মগধানপি॥ 7-119-3 (49720)
কেকয়াঞ্ছূরসেনাংশ্চ তথা পর্বতবাসিনঃ।
কাম্ভোজান্যবনাংশ্চৈব বসাতীংশ্চ শিবীনপি॥ 7-119-4 (49721)
কোসলান্মগধাংশ্চৈব যাতুধানান্সতিত্তিরান্।
এতাংশ্চান্যান্রণে হৎবাঽগচ্ছদ্যুদ্ধে স সাত্যকিঃ॥ 7-119-5 (49722)
রুধিরৌঘনদীং ঘোরাং কেশশৈবালশাদ্বলাম্।
শক্তিগ্রাহসমাকীর্ণাং ছত্রহংসোপশোভিতাম্॥ 7-119-6 (49723)
দুস্তরাং ভীরুভির্নিত্যং শূরলোকপ্রবাহিনীম্।
প্রবর্ত্য হৃষিতো রাজন্পুনর্যন্তারমব্রবীৎ॥ 7-119-7 (49724)
ধ্বজনাগাশ্বকলিলং শরশক্ত্যূর্মিমালিনম্'।
খঙ্কমৎস্যং গদাগ্রাহং শূরায়ুধমহাস্বনম্॥ 7-119-8 (49725)
প্রাণাপহারিণং রৌদ্রং বাদিত্রোদ্ধুষ্টনাদিতম্।
শূরাণাং সুখসংস্পর্শমস্পৃশ্যমথ ভীরুণাম্।
তীর্ণাঃ স্ম দুস্তরং তাত দ্রোণানীকমহার্ণবম্॥ 7-119-9 (49726)
জলসন্ধবলেনাজৌ পুরুষাদৈরিবাবৃতম্।
অতোঽন্যৎপৃতনাশেষং মন্যে কুনদিকামিব॥ 7-119-10 (49727)
তর্তব্যামল্পসলিলাং চোদয়াশ্বানসম্ভ্রমম্।
হস্তপ্রাপ্তমহং মন্যে সাম্প্রতং সব্যসাচিনম্॥ 7-119-11 (49728)
নির্জিত্য দুর্ধরং দ্রোণং সপদানুগমাহবে।
হার্দিক্যং যোধবর্যং চ মন্যে প্রাপ্তং ধনঞ্জয়ম্॥ 7-119-12 (49729)
ন হি মে জায়তে ত্রাসো দৃষ্ট্বা সৈন্যান্যনেকশঃ।
বহ্নেরিব প্রদীপ্তস্য বনে শুষ্কতৃণালয়ম্॥ 7-119-13 (49730)
পশ্য পাণ্ডবমুখ্যেন যাতাং ভূমিং কিরীটিনা।
পত্ত্যশ্বরথনাগৌঘৈঃ পতিতৈর্বিষমীকৃতাম্॥ 7-119-14 (49731)
দ্রবতে তদ্যথা সৈন্যং তেন ভগ্নং মহাত্মনা।
রথৈর্বিপরিধাবদ্ভির্গজৈরশ্বৈশ্চ সারথে।
কৌশেয়ারুণসংকাশমেতদুদ্বূয়তে রজঃ॥ 7-119-15 (49732)
অভ্যাশস্থমহং মন্যে শ্বেতাশ্বং কৃষ্ণসারথিম্॥ 7-119-16 (49733)
শ্রূয়তে হ্যেষ নির্ঘোষো জলদস্যেব গর্জতঃ।
বিষ্ফার্যমাণস্য রণে গাণ্ডীবস্যামিতৌজসঃ॥ 7-119-17 (49734)
অভ্যাশস্থমহং মন্যে সৈন্ধবস্য কিরীটিনম্।
তাদৃশঃ শ্রূয়তে শব্দঃ সৈন্যানাং সাগরোপমঃ॥ 7-119-18 (49735)
যাদৃশানি নিমিত্তানি মম প্রাদুর্ভবন্তি বৈ।
অনস্তংগত আদিত্যে হন্তা সৈন্ধবমর্জুনঃ॥ 7-119-19 (49736)
শনৈর্বিস্রম্ভয়ন্নশ্বান্যাহি যত্রারিবাহিনী॥ 7-119-20 (49737)
যত্রৈতে সতলত্রামাঃ সুয়োধনপুরোগমাঃ।
দংশিতাঃ ক্রূরকর্মাণঃ কাম্ভোজা যুদ্ধদুর্মদাঃ॥ 7-119-21 (49738)
শরবাণাসনধরা যবনাশ্চ প্রহারিণঃ।
শকাঃ কিরাতা দরদা বর্বরাস্তাম্রলিপ্তকাঃ॥ 7-119-22 (49739)
অন্যে চ বহবো ম্লেচ্ছা বিবিধায়ুধপাণয়ঃ।
মামেবাভিমুখাঃ সর্বে তিষ্ঠন্তি সমরার্থিনঃ॥ 7-119-23 (49740)
এতান্সরথনাগাশ্বান্নিহত্যাজৌ সপত্তিনঃ।
ইদং দুর্গং মহাঘোরং তীর্ণমেবোপধারয়॥ 7-119-24 (49741)
সূত উবাচ। 7-119-25x (4563)
ন সম্ভ্রমো মে বার্ষ্ণেয় বিদ্যতে সত্যবিক্রম।
যদ্যপি স্যাত্তব ক্রুদ্ধো জামদগ্ন্যোঽগ্রতঃ স্থিতঃ॥ 7-119-25 (49742)
দ্রোণো বা রথিনাং শ্রেষ্ঠঃ কৃপো মদ্রেশ্বরোঽপি বা।
তথাপি সম্ভ্রামো ন স্যাত্ৎবামাশ্রিত্য মহাভুজ॥ 7-119-26 (49743)
ৎবয়া সুবহবো যুদ্ধে নির্জিতাঃ শত্রুসূদন।
দংশিতাঃক্রূরকর্মাণঃ কাম্ভোজা যুদ্ধদুর্মদাঃ॥ 7-119-27 (49744)
শরবাণাসনধরা যবনাশ্চ প্রহারিণঃ।
শকাঃ কিরাতা দরদা বর্বরাস্তাম্রলিপ্তকাঃ।
অন্যে চ বহবো ম্লেচ্ছা বিবিধায়ুধপাণয়ঃ॥ 7-119-28 (49745)
ন চ মে সম্ভ্রমঃ কশ্চিদ্ভূতপূর্বঃ কথঞ্চন।
কিমুতৈতৎসমাসাদ্য ধীরং সংয়ুগগোষ্পদম্॥ 7-119-29 (49746)
আয়ুষ্মন্কতরেণ ৎবাং প্রাপয়ামি ধনঞ্জয়ম্।
কেভ্যঃ ক্রুদ্ধোঽসি বার্ষ্ণেয় কান্স্বিন্মৃত্যুরুপস্থিতঃ॥ 7-119-30 (49747)
কেষাং সঙ্ঘমনীকস্য হন্তুমুৎসহতে মনঃ।
কেৎবাং যুধি পরাক্রান্তং কালান্তকয়মোপমম্॥ 7-119-31 (49748)
দৃষ্ট্বা বিক্রমসম্পন্নং বিদ্রবিষ্যন্তি সংয়ুগে।
কেষাং বৈবস্বতো রাজা স্মরতেঽদ্য মহাভুজ॥ 7-119-32 (49749)
সাত্যকিরুবাচ। 7-119-33x (4564)
মুণ্ডানেতান্হনিষ্যামি দানবানিব বাসবঃ।
প্রতিজ্ঞাং পারয়িষ্যামি কাম্ভোজানেব মাং বহ॥ 7-119-33 (49750)
xxxxxকদনং কৃৎবা ক্ষিপ্রং যাস্যামি পাণ্ডবম্॥ 7-119-34 (49751)
xxxxxযন্তি মে বীর্যং কৌরবাঃ সসুয়োধনাঃ।
xxxxxxনাকে হতে সূত সর্বসৈন্যেষু চাসকৃৎ॥ 7-119-35 (49752)
অদ্য কৌরবসৈন্যস্য দীর্ঘমাণস্য সংয়ুগে।
শ্রুৎবা বিরাবং বহুধা সন্তপ্স্যতি সুয়োধনঃ॥ 7-119-36 (49753)
অদ্য পাণ্ডবমুখ্যস্য শ্বেতাশ্বস্য মহাত্মনঃ।
আচার্যককৃতং মার্গং দর্শয়িষ্যামি সংয়ুগে॥ 7-119-37 (49754)
অদ্য মদ্বাণনিহতান্যোধমুখ্যান্সহস্রশঃ।
দৃষ্ট্বা দুর্যোধনো রাজা পশ্চাত্তাপং গমিষ্যতি॥ 7-119-38 (49755)
অদ্য মে ক্ষিপ্রহস্তস্য ক্ষিপতঃ সায়কোত্তমান্।
অলাতচক্রপ্রতিমং ধনুর্দ্রক্ষ্যন্তি কৌরবাঃ॥ 7-119-39 (49756)
মৎসায়কচিতাঙ্গানাং রুধিরং স্রবতাং মুহুঃ।
সৈনিকানাং বধং দৃষ্ট্বা সন্তপ্স্যতি সুয়োধনঃ॥ 7-119-40 (49757)
অদ্য মে ক্রুদ্ধরূপস্য নিঘ্নতশ্চ বরান্বরান্।
দ্বিফল্গুনামিমং লোকং মংস্যতেঽদ্য সুয়োধনঃ॥ 7-119-41 (49758)
অদ্য রাজসহস্রাণি নিহতানি ময়া রণে।
দৃষ্ট্বা দুর্যোধনো রাজা সন্তপ্স্যতি মহামৃধে॥ 7-119-42 (49759)
অদ্য স্নেহং চ ভক্তিং চ পাণ্ডবেষু মহাত্মসু।
হৎবা রাজসহস্রাণি দর্শয়িষ্যামি রাজসু॥ 7-119-43 (49760)
বলং বীর্যং কৃতজ্ঞৎবং মম জ্ঞাস্যন্তি কৌরবাঃ॥ 7-119-44 (49761)
সঞ্জয় উবাচ। 7-119-45x (4565)
এবমুক্তস্তদা সূতঃ শিক্ষিতান্সাধুবাহিনঃ।
শশাঙ্কসন্নিকাশান্বৈ বাজিনো ব্যনুদদ্ভৃশম্॥ 7-119-45 (49762)
তে পিবন্ত ইবাকাশং যুয়ুধানং হয়োত্তমাঃ।
প্রাপয়ন্যবনাঞ্শনীঘ্রং মনঃ পবনরংহসঃ॥ 7-119-46 (49763)
সাত্যকিং তে সমাসাদ্য পৃতনাস্বনিবর্তিনম্।
বহবো লঘুহস্তাশ্চ শরবর্ষৈরবাকিরন্॥ 7-119-47 (49764)
তেষামিষূনথাস্ত্রাণি বেগবান্নতপর্বভিঃ।
অচ্ছিনৎসাত্যকী রাজন্নৈনং তে প্রাপ্নুবঞ্শরাঃ॥ 7-119-48 (49765)
রুক্মপুঙ্খৈঃ সুনিশিতৈর্গার্ধ্রপত্রৈরজিহ্মগৈঃ।
উচ্চকর্ত শিরাংস্যুগ্রো যবনানাং ভুজানপি॥ 7-119-49 (49766)
শৈক্যায়সানি বর্মাণি কাংস্যানি চ সমন্ততঃ।
ভিত্ৎবা দেহাংস্তথা তেষাং শরা জগ্মুর্মহীতলম্॥ 7-119-50 (49767)
তে হন্যমানা বীরেণ ম্লেচ্ছাঃ সাত্যকিনা রণে।
শতশোঽভ্যপতংস্তত্র ব্যসবো বসুধাতলে॥ 7-119-51 (49768)
সুপূর্ণায়তমুক্তৈস্তানব্যবচ্ছিন্নপিণ্ডিতৈঃ।
পঞ্চ ষট্ সপ্ত চাষ্টৌ চ ভিভেদ যবনাঞ্শরৈঃ॥ 7-119-52 (49769)
কাম্ভোজানাং সহস্রৈশ্চ শকানাং চ বিশাম্পতে।
শবরাণাং কিরাতানাং বর্বরাণাং তথৈব চ॥ 7-119-53 (49770)
অগম্যরূপাং পৃথিবীং মাংসশোণিতকর্দমাম্।
কৃতবাংস্তত্র শৈনেয়ঃ ক্ষপয়ংস্তাবকং বলম্॥ 7-119-54 (49771)
দস্যূনাং সশিরস্ত্রাণৈঃ শিরোভির্লূনমূর্ধদৌঃ।
দীর্ঘকূর্চৈর্মহী কীর্ণা বিবর্হৈরণ্ডজৈরিব॥ 7-119-55 (49772)
রুধিরোক্ষিতসর্বাঙ্গৈস্তৈস্তদায়োধনং বভৌ।
কবন্ধৈঃ সংবৃতং সর্বং তাম্রাভ্রৈঃ খমিবাবৃতম্॥ 7-119-56 (49773)
বজ্রাশনিসমস্পর্শৈঃ সুপর্বভিরজিহ্মগৈঃ।
তে সাৎবতেন নিহতাঃ সমাবব্রুর্বসুন্ধরাম্॥ 7-119-57 (49774)
`তেষামস্ত্রাণি বাণাংশ্চ শৈনেয়ো নতপর্বভিঃ।
নিচকর্ত মহারাজ যবনানাং শিরোধরাঃ॥ 7-119-58 (49775)
তে শরা নতপর্বাণো যুয়ুধানপ্রচোদিতাঃ।
হিৎবা দেহাংস্তথা তেষাং পতন্তি স্ম মহীতলে॥ 7-119-59 (49776)
তে হন্যমানা বীরাস্তু বৃষ্ণিবীরেণ সংয়ুগে।
শস্ত্রাহতাঃ পতন্ত্যুর্ব্যাং কাম্ভোজাঃ সপদানুগাঃ॥ 7-119-60 (49777)
কাম্ভোজানাং ভুজৈশ্ছিন্নৈর্যবনানাং চ ভারত।
তত্রতত্র মহী ভাতি পঞ্চাস্যৈরিব পন্নগৈঃ'॥ 7-119-61 (49778)
অল্পাবশিষ্টাঃ সম্ভগ্নাঃ কৃচ্ছ্রপ্রাণা বিচেতসঃ।
জিতাঃ সঙ্খ্যে মহারাজ যুয়ুধানেন দংশিতাঃ॥ 7-119-62 (49779)
পার্ষ্ণিভিশ্চ কশাভিশ্চ তাডয়ন্তস্তুরঙ্গমান্।
জবমুত্তমমাস্থায় সর্বতঃ প্রাদ্রবন্ভয়াৎ॥ 7-119-63 (49780)
কাম্ভোজসৈন্যং বিদ্রাব্য দুর্জয়ং যুধি ভারত।
যবনানাং চ তৎসৈন্যং শকানাং চ মহদ্বলম্॥ 7-119-64 (49781)
ততঃ স পুরুষব্যাঘ্রঃ সাত্যকিঃ সত্যবিক্রমঃ।
প্রহৃষ্টস্তাবকাঞ্জিৎবা সূতং যাহীত্যচোদয়ৎ॥ 7-119-65 (49782)
তত্তস্য সমরে কর্ম দৃষ্ট্বাঽন্যৈরকৃতং পুরা।
চারণাঃ সহগন্ধর্বাঃ পূজয়াঞ্চক্রিরে ভৃশম্॥ 7-119-66 (49783)
তং যান্তং পৃষ্ঠগোপ্তারমর্জুনস্য বিশাম্পতে।
চারণাঃ প্রেক্ষ্য সংহৃষ্টাস্ৎবদীয়াশ্চাভ্যপূজয়ন্॥ ॥ 7-119-67 (49784)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একোনবিংশত্যধিকশততমোঽধ্যায়ঃ॥ 119 ॥
Mahabharata - Drona Parva - Chapter Footnotes
5-119-* এতদাদিসার্ধসপ্তশ্লোকস্থানে বক্ষ্যমাণঃ সার্ধএব শ্লোকঃ ঝ.পুস্তকেঽস্তি। সঞ্জয় উবাচ। ততঃ স সাত্যকির্ধামীন্মহাত্মা বৃষ্ণিপুঙ্গবঃ। সুদর্শনং নিহত্যাজৌ যন্তারং পুনরব্রবীৎ॥ রথাশ্বনাগকলিলং শরশত্তয়ূর্মিমালিনম্। 5-119-20 বিস্রম্ভয়ন্ আশ্বাসয়ন্॥ 5-119-33 পারয়িষ্যামি সমাপয়িষ্যামি॥ 5-119-50 বৈক্যায়সানি শোণিতায়োময়ানি॥ 5-119-52 সুপূর্ণয়তমুক্তৈরাকর্ণজ্যোৎসৃষ্টৈঃ। অব্যবচ্ছিন্নপিণ্ডিতৈরনবচ্ছিন্নসংহতৈঃ॥ 5-119-119 একোনবিংশত্যধিকশততমোঽধ্যায়ঃ॥দ্রোণপর্ব - অধ্যায় 120
॥ শ্রীঃ ॥
7.120. অধ্যায়ঃ 120
Mahabharata - Drona Parva - Chapter Topics
সাত্যকিয়ুদ্ধবর্ণনম্॥Mahabharata - Drona Parva - Chapter Text
7-120-0 (49785)
সঞ্জয় উবাচ। 7-120-0x (4566)
জিৎবা যবনকাম্ভোজান্যুয়ুধানস্ততোঽর্জুনম্।
জগাম তব সৈন্যস্য মধ্যেন রথিনাং বরঃ॥ 7-120-1 (49786)
শরদংষ্ট্রো নরব্যাঘ্রো বিচিত্রকবচচ্ছবিঃ।
মৃগং ব্যাঘ্র ইবাজিঘ্রংস্তব সৈন্যমভীষয়ৎ॥ 7-120-2 (49787)
স রথেন চরন্মার্গান্ধনুরুদ্ধাময়দ্ভৃশম্।
রুক্মপৃষ্ঠং মহাবেগং রুক্মচন্দ্রকসঙ্কুলম্॥ 7-120-3 (49788)
রুক্মাঙ্গদশিরস্ত্রাণো রুক্মবর্মসমাবৃতঃ।
রুক্মধ্বজধনুঃ শূরো মেরুশৃঙ্গমিবাবভৌ॥ 7-120-4 (49789)
সধনুর্মণ্ডলঃ সঙ্খ্যে তেজোভাসুররশ্মিবান্।
শরদীবোদিতঃ সূর্যো নৃসূর্যো বিররাজ হ॥ 7-120-5 (49790)
বৃষভস্কন্ধবিক্রান্তো বৃষভাক্ষো নরর্ষভঃ।
তাবকানাং বভৌ মধ্যে গবাং মধ্যে যথা বৃষঃ॥ 7-120-6 (49791)
মত্তদ্বিরদসঙ্কাশং মত্তদ্বিরদগামিনম্।
প্রভিন্নমিব মাতঙ্গং যূথমধ্যে ব্যবস্থিতম্॥ 7-120-7 (49792)
ব্যাধা ইব জিঘাংসন্তস্ৎবদীয়াঃ সমুপাদ্রবন্।
`সাত্যকিং সমরে রাজন্পরিবব্রুস্তবাত্মজাঃ'॥ 7-120-8 (49793)
দ্রোণানীকমতিক্রান্তং ভোজানীকং চ দুস্তরম্।
জলসন্ধার্ণবং তীর্ৎবা কাম্ভোজানাং চ বাহিনীম্॥ 7-120-9 (49794)
হার্দিক্যমকরান্মুক্তং তীর্ণং বৈ সৈন্যসাগরম্।
পরিবব্রুঃ সুসঙ্ক্রুদ্বাস্ৎবদীয়াঃ সাত্যকিং রথাঃ॥ 7-120-10 (49795)
দুর্যোধনশ্চিত্রসেনো দুঃশাসনবিবিংশতী।
শকুনির্দুঃসহশ্চৈব যুবা দুর্ধর্ষণঃ ক্রথঃ॥ 7-120-11 (49796)
অন্যে চ বহবঃ শূরাঃ শস্ত্রবন্তো দুরাসদাঃ।
পৃষ্ঠতঃ সাত্যকিং যান্তমন্বধাবন্নমর্ষিণঃ॥ 7-120-12 (49797)
অথ শব্দো মহানাসীত্তব সৈন্যস্য মারিষ।
মারুতোদ্ধূতবেগস্য সাগরস্যেব পর্বণি॥ 7-120-13 (49798)
তানভিদ্রবতঃ সর্বান্সমীক্ষ্য শিনিপুঙ্গবঃ।
শনৈর্যাহীতি যন্তারমব্রবীৎপ্রহসন্নিব॥ 7-120-14 (49799)
ইদমেতি সমুদ্ধূতং ধার্তরাষ্ট্রবলং মহৎ।
মামেবাভিমুখং তূর্ণং গজাশ্বরথপত্তিমৎ।
নাদয়দ্বৈ দিশঃ সর্বা রথঘোষেণ সারথে॥ 7-120-15 (49800)
পৃথিবীং চান্তরিক্ষং চ কম্পয়ন্সাগরানপি।
এতদ্বলার্ণবং সূত বারয়িষ্যে মহারণে।
পৌর্ণমাস্যামিবোদ্ধূতং বেলেব মকরালয়ম্॥ 7-120-16 (49801)
পশ্য মে সূত বিক্রান্তমিন্দ্রস্যেব মহামৃধে।
এষ সৈন্যানি শত্রূণাং বিধমামি শিতৈঃ শরৈঃ॥ 7-120-17 (49802)
নিহতানাহবে পশ্য পদাত্যশ্বরথদ্বিপান্।
মচ্ছরৈরগ্নিসঙ্কাশৈর্বিদ্ধদেহান্সহস্রশঃ॥ 7-120-18 (49803)
ইত্যেবং ব্রুবতস্তস্য সাত্যকেরমিতৌজসঃ।
সমীপে সৈনিকাস্তে তু শীঘ্রমীয়ুর্যুয়ুৎসবঃ।
জহ্যাদ্রবস্ব তিষ্ঠেতি পশ্যপশ্যেতি বাদিনঃ॥ 7-120-19 (49804)
তানেবং ব্রুবতো বীরান্সাত্যকির্নিশিতৈঃ শরৈঃ।
জঘানং ত্রিশতানশ্বান্কুঞ্জরাংশ্চ চতুঃশতান্।
`লধ্বস্ত্রশ্চিত্রয়োধী চ প্রহরঞ্শিনিপুঙ্গবঃ'॥ 7-120-20 (49805)
স সম্প্রহারস্তুমুলস্তস্য তেষাং চ ধন্বিনাম্।
দেবাসুররণপ্রখ্যঃ প্রাবর্তত জনক্ষয়ঃ॥ 7-120-21 (49806)
মেঘজালনিভং সৈন্যং তব পুত্রস্য মারিষ।
প্রত্যগৃহ্ণাচ্ছিনেঃ পৌত্রঃ শরৈরাশীবিষোপমৈঃ॥ 7-120-22 (49807)
প্রচ্ছাদ্যমানঃ সমরে শরজালৈঃ স বীর্যবান্।
অসম্ভ্রমন্মহারাজ তাবকানবধীদ্বহূন্॥ 7-120-23 (49808)
আশ্চর্যং তত্র রাজেন্দ্র সুমহদ্দৃষ্টবানহম্।
ন মোঘঃ সায়কঃ কশ্চিৎসাত্যকেরভবৎপ্রভো॥ 7-120-24 (49809)
রথনাগাশ্বকলিলঃ পদাত্যূর্মিসমাকুলঃ।
শৈনেয়বেলামাসাদ্য স্থিতঃ সৈন্যমহার্ণবঃ॥ 7-120-25 (49810)
সম্ভ্রান্তনরনাগাশ্বমাবর্তত মুহুর্মুহুঃ।
তৎসৈন্যমিষুভিস্তেন বধ্যমানং সমন্ততঃ।
বভ্রাম তত্রতত্রৈব গাবঃ শীতার্দিতা ইব॥ 7-120-26 (49811)
পদাতিনং রথং নাগং সাদিনং তুরগং তথা।
অবিদ্বং তত্র নাদ্রাক্ষং যুয়ুধানস্য সায়কৈঃ॥ 7-120-27 (49812)
ন তাদৃক্কদনং রাজন্কৃতবাংস্তত্র ফল্গুনঃ।
যাদৃক্ক্ষয়মনীকানামকরোৎসাত্যকির্নৃপ॥ 7-120-28 (49813)
অত্যর্জুনং শিনেঃ পৌত্রো যুধ্যতে পুরুষর্ষভঃ।
বীতভীর্লাঘবোপেতঃ কৃতিৎবং সম্প্রদর্শয়ন্॥ 7-120-29 (49814)
ততো দুর্যোধনো রাজা সাৎবতস্য ত্রিভিঃ শরৈঃ।
বিব্যাধ সূতং নিশিতৈশ্চতুর্ভিশ্চতুরো হয়ান্॥ 7-120-30 (49815)
সাত্যকিং চ ত্রিভির্বিদ্ব্বা পুনরষ্টাভিরেব চ।
দুঃশাসনঃ ষোডশভির্বিব্যাধ শিনিপুঙ্গবম্॥ 7-120-31 (49816)
শকুনিঃ পঞ্চবিংশত্যা চিত্রসেনশ্চ পঞ্চভিঃ।
দুঃসহঃ পঞ্চদশভির্বিব্যাধোরসি সাত্যকিম্॥ 7-120-32 (49817)
উৎস্ময়ন্বৃষ্ণিশার্দূলস্তথা বাণৈঃ সমাহতঃ।
তানবিধ্যন্মহারাজ সর্বানেব ত্রিভিস্ত্রিভিঃ॥ 7-120-33 (49818)
গাঢবিদ্ধানরীন্কৃৎবা মার্গণৈঃ সোঽতিতেজনৈঃ।
শৈনেয়ঃ শ্যেনবৎসঙ্খ্যে ব্যচরল্লঘুবিক্রমঃ॥ 7-120-34 (49819)
সৌবলস্য ধনুশ্ছিত্ৎবা হস্তাবাপং নিকৃত্য চ।
দুর্যোধনং ত্রিভির্বাণৈরভ্যবিধ্যৎস্তনান্তরে॥ 7-120-35 (49820)
চিত্রসেনং শতেনৈব দশভির্দুঃসহং তথা।
দুঃশাসনং তু বিংশত্যা বিব্যাধ শিনিপুঙ্গবঃ॥ 7-120-36 (49821)
অথান্যদ্ধনুরাদায় শ্যালস্তব বিশাম্পতে।
অষ্টাভিঃ সাত্যকিং বিদ্ব্বা পুনর্বিব্যাধ পঞ্চভিঃ॥ 7-120-37 (49822)
দুঃশাসনশ্চ দশভির্দুঃসহশ্চ ত্রিভিঃ শরৈঃ।
দুর্মুখশ্চ দ্বাদশভী রাজন্বিব্যাধ সাত্যকিম্॥ 7-120-38 (49823)
দুর্যোধনস্ত্রিসপ্তত্যা কিদ্ব্বা ভারত মাধবম্।
ততোস্য নিশিতৈর্বাণৈস্ত্রিভির্বিব্যাধ সারথিম্॥ 7-120-39 (49824)
তান্সর্বান্সহিতাঞ্শূরান্যতমানান্মহারথান্।
পঞ্চভিঃ পঞ্চভির্বাণৈঃ পুনর্বিব্যাধ সাত্যকিঃ॥ 7-120-40 (49825)
ততঃ স রথিনাং শ্রেষ্ঠস্তব পুত্রস্য সারথিম্।
আজঘানাশু ভল্লেন স হতো ন্যপতদ্ভুবি॥ 7-120-41 (49826)
পতিতে সারথৌ তস্মিংস্তব পুত্ররথঃ প্রভো।
বাতায়মানৈস্তৈরশ্বৈরপানীয়ত সঙ্গরাৎ॥ 7-120-42 (49827)
ততস্তব সুতো রাজন্সৈনিকাশ্চ বিশাম্পতে।
রাজ্ঞো রথমভিপ্রেক্ষ্য বিদ্রুতাঃ শতশোঽভবন্॥ 7-120-43 (49828)
বিদ্রুতং তত্র তৎসৈন্যং দৃষ্ট্বা ভারত সাত্যকিঃ।
অবাকিরচ্ছরৈস্তীক্ষ্ণৈ রুক্মপুঙ্খৈঃ শিলাশিতৈঃ॥ 7-120-44 (49829)
বিদ্রাব্য সর্বসৈন্যানি তাবকানি সহস্রশঃ।
প্রয়যৌ সাত্যকী রাজঞ্শ্বেতাশ্বস্য রথং প্রতি॥ 7-120-45 (49830)
`তং প্রয়ান্তং মহাবাহুং তাবকাঃ প্রেক্ষ্য মারিষ।
দৃষ্টং চাদৃষ্টবৎকৃৎবা ক্রিয়ামন্যাময়োজয়ন্'॥ 7-120-46 (49831)
তং শরানাদদানং চ রক্ষমাণং চ সারথিম্।
আত্মানং পালয়ানং চ তাবকাঃ সমপূজয়ন্॥ ॥ 7-120-47 (49832)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে বিংশত্যধিকশততমোঽধ্যায়ঃ॥ 120 ॥
দ্রোণপর্ব - অধ্যায় 121
॥ শ্রীঃ ॥
7.121. অধ্যায়ঃ 121
Mahabharata - Drona Parva - Chapter Topics
সাত্যকিয়ুদ্ধবর্ণনম্॥ 1 ॥Mahabharata - Drona Parva - Chapter Text
7-121-0 (49833)
ধৃতরাষ্ট্র উবাচ। 7-121-0x (4567)
সম্প্রদ্য মহৎসৈন্যং যান্তং শৈনেয়মর্জুনম্।
নির্হীকা মম তে পুত্রাঃ কিমকুর্বত সঞ্জয়॥ 7-121-1 (49834)
কথং বৈষাং তদা যুদ্ধে ধৃতিরাসীন্মুমূর্ষতাম্।
শৈনেয়চরিতং দৃষ্ট্বা যাদৃশং সব্যসাচিনঃ॥ 7-121-2 (49835)
কিং নু বক্ষ্যন্তি তে ক্ষাত্রং সৈন্যমধ্যে পরাজিতাঃ।
কথং নু সাত্যকির্যুদ্ধে ব্যতিক্রান্তো মহায়শাঃ॥ 7-121-3 (49836)
কথং চ মম পুত্রাণাং জীবতাং তত্র সঞ্জয়।
শৈনেয়োঽভিয়যৌ যুদ্ধে তন্মমাচক্ষ্ব সঞ্জয়॥ 7-121-4 (49837)
অত্যদ্ভুতমিদং তাত ৎবৎসকাশাচ্ছৃণোম্যহম্।
একস্য বহুভিঃ সার্ধং শত্রুভিস্তৈর্মহারথৈঃ॥ 7-121-5 (49838)
বিপরীতমহং মন্যে মন্দভাগ্যং সুতং প্রতি।
যত্রাবধ্যন্ত সমরে সাৎবতেন মহারথাঃ॥ 7-121-6 (49839)
একস্য হি ন পর্যাপ্তং যৎসৈন্যং তস্য সঞ্জয়।
ক্রুদ্ধস্য যুয়ুধানস্য সর্বে তিষ্ঠন্তু পাণ়্ডবাঃ॥ 7-121-7 (49840)
নির্জিত্য সমরে দ্রোণং কৃতিনং চিত্রয়োধিনম্।
যথা পশুগণান্সিংহস্তদ্বদ্ধন্তা সুতান্মম॥ 7-121-8 (49841)
কৃতবর্মাদিভিঃ শূরৈর্যত্তৈর্বহুভিরাহবে।
যুয়ুধানো ন শকিতো হন্তুং যৎপুরুষর্ষভঃ॥ 7-121-9 (49842)
নৈতদীদৃশকং যুদ্ধং কৃতবাংস্তত্র ফল্গুনঃ।
যাদৃশং কৃতবান্যুদ্ধং শিনের্নপ্তা মহায়শাঃ॥ 7-121-10 (49843)
স়ঞ্জয় উবাচ। 7-121-11x (4568)
তব দুর্মন্ত্রিতে রাজন্দুর্যোধনকৃতেন চ।
শৃণুষ্বাবহিতো ভূৎবা যত্তে বক্ষ্যামি ভারত॥ 7-121-11 (49844)
তে পুনঃ সন্ন্যবর্তন্ত কৃৎবা সংশপথান্মিথঃ।
পরাং যুদ্ধে মতিং ক্রূরাং তব পুত্রস্য শাসনাৎ॥ 7-121-12 (49845)
ত্রীণি সাদিসহস্রাণি দুর্যোধনপুরোগমাঃ।
শককাম্ভোজবালহ্লীকা যবনাঃ পারদাস্তথা॥ 7-121-13 (49846)
কুলিন্দাস্তঙ্কণাম্বষ্ঠাঃ পৈশাচাশ্চ সবর্বরাঃ।
পার্বতীয়াশ্চ রাজেন্দ্র ক্রুদ্ধাঃ পাষাণপাণয়ঃ।
অভ্যদ্রবন্ত শৈনেয়ং শলভাঃ পাবকং যথা॥ 7-121-14 (49847)
যুক্তাশ্চ পার্বতীয়ানাং রথাঃ পাষাণয়োধিনাম্।
শূরাঃ পঞ্চশতং রাজঞ্শৈনেয়ং সমুপাদ্রবন্॥ 7-121-15 (49848)
ততো রথসহস্রেণ মহারথশতেন চ।
দ্বিরদানাং সহস্রেণ দ্বিসাহস্রৈশ্চ বাজিভিঃ॥ 7-121-16 (49849)
শরবর্ষাণি মুঞ্চন্তো বিবিধানি মহারথাঃ।
অভ্যদ্রবন্ত শৈনেয়মসঙ্খ্যেয়াশ্চ পত্তয়ঃ॥ 7-121-17 (49850)
তাংশ্চ সঞ্চোদয়ন্সর্বান্ঘ্নতৈনমিতি ভারত।
দুঃশাসনো মহারাজ সাত্যকিং পর্যবারয়ৎ॥ 7-121-18 (49851)
তত্রাদ্ভুতমপশ্যাম শৈনেয়চরিতং মহৎ।
যদেকো বহুভিঃ সার্ধমসম্ভ্রান্তময়ুধ্যত॥ 7-121-19 (49852)
অবধীচ্চ রথানীকং দ্বিরদানাং চ তদ্বলম্।
সাদিনশ্চৈব তান্সর্বান্দস্যূনপি চ সর্বশঃ॥ 7-121-20 (49853)
তত্র চক্রৈর্বিমথিতৈর্ভগ্নৈশ্চ পরমায়ুধৈঃ।
অক্ষৈশ্চ বহুধা ভগ্নৈরীষাদণ্ডকবন্ধুরৈঃ॥ 7-121-21 (49854)
কুঞ্জরৈর্মথিতৈশ্চাপি ধ্বজৈশ্চ বিনিপাতিতৈঃ।
বর্মভিশ্চ তথাঽনীকৈর্ব্যবকীর্ণা বসুন্ধরা॥ 7-121-22 (49855)
স্রগ্ভিরাভরণৈর্বস্ত্রৈরনুকর্ষৈশ্চ মারিষ।
সঞ্ছন্না বসুধা তত্র দ্যৌর্গ্রহৈরিব ভারত॥ 7-121-23 (49856)
গিরিরূপধরৈশ্চাপি পতিতৈশ্চ মহাগজৈঃ।
`ম্লেচ্ছস্থিতৈর্মহারাজ ভিন্নাঞ্জনচয়োপমৈঃ॥ 7-121-24 (49857)
মৃগৈর্মন্দ্রৈশ্চ ভদ্রৈশ্চ মৃগমন্দ্রৈস্তথাঽপরৈঃ।
ভদ্রৈর্মন্দ্রমৃগৈশ্চৈব মৃগভদ্রৈস্তথৈব চ॥ 7-121-25 (49858)
ভদ্রমন্দ্রৈশ্চৈব তথা তথা ভদ্রমৃগৈরপি।
তত্রতত্র ধরা কীর্ণা শয়ানৈঃ পর্বতোপমৈঃ'॥ 7-121-26 (49859)
অঞ্জনস্য কুলে জাতা বামনস্য চ ভারত।
সুপ্রতীককুলে জাতা মহাপদ্মকুলে তথা॥ 7-121-27 (49860)
ঐরাবতকুলে চৈব তথাঽন্যেষু কুলেষু চ।
জাতা দন্তিবরা রাজঞ্শেরতে বহবো হতাঃ॥ 7-121-28 (49861)
বনায়ুজান্পার্বতীয়ান্কাম্ভোজান্বাহ্লিকানপি।
তথা হয়বরান্রাজন্নিজঘ্নে তত্র সাত্যকিঃ॥ 7-121-29 (49862)
নানাদেশসমুত্থাংশ্চ নানাজাতীংশ্চ দন্তিনঃ।
নিজঘ্নে তত্র শৈনেয়ঃ শতশোঽথ সহস্রশঃ॥ 7-121-30 (49863)
তেষু প্রকাল্যমানেষু দস্যূন্দুঃশাসনোঽব্রবীৎ।
নিবর্তধ্বমধর্মজ্ঞা যুধ্যধ্বং কিং সৃতেন বঃ॥ 7-121-31 (49864)
তাংশ্চাতিভগ্নাসন্সম্প্রেক্ষ্য পুত্রো দুঃশাসনস্তব।
পাষাণয়োধিনঃ শূরান্পার্বতীয়ানচোদয়ৎ॥ 7-121-32 (49865)
অশ্ময়ুদ্ধেষু কুশলা নৈতঞ্জানাপি সাত্যকিঃ।
অশ্ময়ুদ্ধমজানন্তং হতৈনং যুদ্ধকামুকম্॥ 7-121-33 (49866)
তথৈব কুরবঃ সর্বে নাশ্ময়ুদ্ধবিশারদাঃ।
অভিদ্রবত মাভৈষ্ট ন বঃ প্রাপ্স্যতি সাত্যকিঃ॥ 7-121-34 (49867)
তে পার্বতীয়া রাজানঃ সর্বে পাষাণয়োধিনঃ।
অভ্যদ্রবন্ত শৈনেয়ং রাজানমিব মন্ত্রিণঃ॥ 7-121-35 (49868)
ততো গজশিরঃপ্রখ্যৈরুপলৈঃ শৈলবাসিনঃ।
উদ্যতৈর্যুয়ুধানস্য পুরতস্তস্থুরাহবে॥ 7-121-36 (49869)
ক্ষেরণীয়ৈস্তথাপ্যন্যে সাৎবতস্য বধৈষিণঃ।
চোদিতাস্তব পুত্রেণ সর্বতো রুরুধুর্দিশঃ॥ 7-121-37 (49870)
তেষামাপততামেব শিলায়ুদ্ধং চিকীর্ষতাম্।
সাত্যকিঃ প্রতিসন্ধায় নিশিতান্প্রাহিণোচ্ছরান্॥ 7-121-38 (49871)
তামশ্মবৃষ্টিং তুমুলাং পার্বতীয়ৈঃ সমীরিতাম্।
চিচ্ছেদোরগসংকাশৈর্নারাচৈঃ শিনিপুঙ্গবঃ॥ 7-121-39 (49872)
তৈরশ্মচূর্ণৈর্দীপ্যদ্ভিঃ খদ্যোতানামিব ব্রজৈঃ।
প্রায়ঃ সৈন্যান্যহন্যন্ত হাহাভূতানি মারিষ॥ 7-121-40 (49873)
ততঃ পঞ্চশতং শূরাঃ সমুদ্যতমহাশিলাঃ।
নিকৃত্তবাহবো রাজন্নিপেতুর্ধরণীতলে॥ 7-121-41 (49874)
সাৎবতস্য চ ভল্লেন নিষ্পিষ্টৈস্তৈস্তথাঽদ্রিভিঃ।
ন্যপতন্নিহতা ম্লেচ্ছাস্তত্রতত্র গতাসবঃ॥ 7-121-42 (49875)
তে হন্যমানাঃ সমরে সাৎবতেন মহাত্মনা।
অশ্মবৃষ্টিং মহাঘোরাং পাতয়ন্তি স্ম সাৎবতে॥ 7-121-43 (49876)
পাষাণয়োধিনঃ শূরান্যতমানানবস্থিতান্।
ন্যবধীদ্বহুসাহস্রাংস্তদদ্ভুতমিবাভবৎ॥ 7-121-44 (49877)
ততঃ পুনর্বস্তমুখৈরশ্মবৃষ্টীঃ সমন্ততঃ।
অধোবস্তৈঃ স্থূলবস্তৈর্দরদৈঃ খসতঙ্কণৈঃ॥ 7-121-45 (49878)
লম্বকৈশ্চ কুণিন্দৈশ্চ ক্ষিপ্তাঃ ক্ষিপ্তাশ্চ সাত্যকিঃ।
নারাচৈঃ প্রতিচিচ্ছেদ প্রতিপত্তিবিশারদঃ॥ 7-121-46 (49879)
অদ্রীণাং ভিদ্যমানানামন্তরিক্ষে শিতৈঃ শরৈঃ।
শব্দেন প্রাদ্রবন্সঙ্খ্যে রথাশ্বগজপত্তয়ঃ॥ 7-121-47 (49880)
অশ্মচূর্ণৈরবাকীর্ণা মনুষ্যগজবাজিনঃ।
নাশক্নুবন্নবস্থাতুং ভ্রমরৈরিব দংশিতাঃ॥ 7-121-48 (49881)
হতশিষ্টাঃ সরুধিরা ভিন্নমস্তকপিণ়্ডিকাঃ।
`বিভিন্নশিরসো রাজন্দন্তৈশ্ছিন্নৈশ্চ দন্তিনঃ।
নির্ধূতৈশ্চ করৈর্নাগা ব্যঙ্গাশ্চ শতশঃ কৃতাঃ॥ 7-121-49 (49882)
হৎবা পঞ্চশতং যোধাংস্তৎক্ষণেনৈব মারিষ।
ব্যচরৎপৃতনামধ্যে শৈনেয়ঃ কৃতহস্তবৎ॥ 7-121-50 (49883)
কুঞ্জরাঃ সন্ন্যবর্তন্ত যুয়ুধানেন মোহিতাঃ॥ 7-121-51 (49884)
অশ্মনাং ভিদ্যমানানাং সায়কৈঃ শ্রূয়তে ধ্বনিঃ।
পদ্মপত্রেষুধারাণাং পতন্তীনামিব ধ্বনিঃ'॥ 7-121-52 (49885)
ততঃ শব্দঃ সমভবত্তব সৈন্যস্য মারিষ।
মাধবেনার্দ্যমানস্য সাগরস্যেব পর্বণি॥ 7-121-53 (49886)
তং শব্দং তুমুলং শ্রুৎবা দ্রোণো যন্তারমব্রবীৎ।
এষ সূত রণে ক্রুদ্ধঃ সাৎবতানাং মহারথঃ॥ 7-121-54 (49887)
দারয়ন্বহুধা সৈন্যং রণে চরতি কালবৎ।
যত্রৈষ শব্দস্তুমুলস্তত্র সূত রথং নয়॥ 7-121-55 (49888)
পাষাণয়োধিভির্নূনং যুয়ুধানঃ সমাগতঃ।
তথাহি রথিনঃ সর্বে হিয়ন্তে বিদ্রুতৈর্হয়ৈঃ॥ 7-121-56 (49889)
বিশস্ত্রকবচা রুগ্ণাস্তত্রতত্র পতন্তি চ।
ন শক্নুবন্তি যন্তারঃ সংয়ন্তুং তুমুলে হয়ান্॥ 7-121-57 (49890)
সঞ্জয় উবাচ। 7-121-58x (4569)
ইত্যেতদ্বচনং শ্রুৎবা ভারদ্বাজস্য সারথিঃ।
প্রত্যুবাচ ততো দ্রোণং সর্বশস্ত্রভৃতাং বরম্॥ 7-121-58 (49891)
সৈন্যং দ্রবতি চায়ুষ্মন্কৌরবেয়ং সমন্ততঃ।
পশ্য যোধান্রণে ভগ্নান্ধাবতো বৈ ততস্ততঃ॥ 7-121-59 (49892)
ইমে চ সংহতাঃ শূরাঃ পাঞ্চালাঃ পাণ্ডবৈঃ সহ।
ৎবামেব হি জিঘাংসন্ত আদ্রবন্তি সমন্ততঃ॥ 7-121-60 (49893)
অত্র কার্যং সমাধৎস্ব প্রাপ্তকালমরিন্দম।
স্বানে বা গমনে বাপি দূরং যাতশ্চ সাত্যকিঃ॥ 7-121-61 (49894)
সঞ্চয় উবাচ। 7-121-62x (4570)
তথৈবং বদতস্তস্য ভারদ্বাজস্য সারথেঃ।
প্রত্যদৃশ্যত শৈনেয়ো নিঘ্নন্বহুবিধান্রথান্॥ 7-121-62 (49895)
তে বধ্যমানাঃ সমরে যুয়ুধানেন তাবকাঃ।
যুয়ুধানরথং ত্যক্ৎবা দ্রোণানীকায় দুদ্রুবুঃ॥ 7-121-63 (49896)
যৈস্তু দুঃশাসনঃ সার্ধং রথৈঃ পূর্বং ন্যবর্তত।
তে ভীতাস্ৎবভ্যধাবন্ত সর্বে দ্রোণরথং প্রতি॥ ॥ 7-121-64 (49897)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একবিংশত্যধিকশততমোঽধ্যায়ঃ॥ 121 ॥
Mahabharata - Drona Parva - Chapter Footnotes
5-121-11 দুর্যোধনস্য কৃতেন কর্মণা॥ 5-121-12 মতিং কৃৎবেত্যন্বয়ঃ॥ 5-121-25 মৃগমন্দ্রাদয়ো গজবিশেষাঃ॥ 5-121-27 বামনস্য যমোপবাহ্যস্য। সুপ্রতীকস্য ঈশোপবাহ্যস্য। মহাপদ্মস্য কুমুদস্য কুলে॥ 5-121-28 অন্যেষু কুলেষু পুণ্ডরীকপুষ্পদন্তসার্বভৌমীয়েষু॥ 5-121-37 ক্ষেপণীয়ৈঃ শস্ত্রৈঃ॥ 5-121-45 ততঃ পুনর্ব্যাত্তমুখাস্তেঽশ্মবৃষ্টীঃ সমন্ততঃ। অয়োহস্তাঃ শূলহস্তা দরদাস্তঙ্কণাঃ খসাঃ। লম্পকাশ্চ কুলিন্দাশ্চ চিক্ষিপুস্তাংশ্চ সাত্যকিঃ। ইতি ঝ.ঞ.ঘ.পাঠঃ॥ 5-121-47 অদ্রীণাং প্রস্তরাণাম্॥ 5-121-121 একবিংশত্যধিকশততমোঽধ্যায়ঃ॥দ্রোণপর্ব - অধ্যায় 122
॥ শ্রীঃ ॥
7.122. অধ্যায়ঃ 122
Mahabharata - Drona Parva - Chapter Topics
সাত্যকিভয়াৎপলায়মানস্য দুশ্শাসনস্য দ্রোণেনোপালম্ভঃ॥ 1 ॥ দ্রোণধৃষ্টদ্যুম্নয়োর্যুদ্ধম্॥ 2 ॥Mahabharata - Drona Parva - Chapter Text
7-122-0 (49898)
সঞ্জয় উবাচ। 7-122-0x (4571)
দুঃশাসনরথং দৃষ্ট্বা সমীপে পর্যবস্থিতম্।
ভারদ্বাজস্ততো বাক্যং দুঃশাসনমথাব্রবীৎ॥ 7-122-1 (49899)
দুঃশাসন রথাঃ সর্বে কস্মাচ্চৈতে প্রবিদ্রুতাঃ।
কচ্চিৎক্ষেমং তু নৃপতেঃ কচ্চিজ্জীবতি সৈন্ধবঃ॥ 7-122-2 (49900)
রাজপুত্রো ভবানত্র রাজভ্রাতা মহারথঃ।
কিমর্থং দ্রবতে যুদ্ধে যৌবরাজ্যমবাপ্য চ॥ 7-122-3 (49901)
দাসী জিতাঽসি দ্যূতে ৎবং যথা কামচরী ভব।
বাসসাং বাহিকা রাজ্ঞো ভ্রাতুর্জ্যেষ্ঠস্য মে ভব॥ 7-122-4 (49902)
ন সন্তি পতয়ঃ সর্বে তেঽদ্য ষণ্ঢতিলৈঃ সমাঃ।
দুঃশাসনৈবং কস্মাত্ৎবং পূর্বমুক্ৎবা পলায়সে॥ 7-122-5 (49903)
স্বয়ং বৈরং মহৎকৃৎবা পাঞ্চালৈঃ পাণ্ডবৈঃ সহ।
একং সাত্যকিমাসাদ্য কথং ভীতোঽসি সংয়ুগে॥ 7-122-6 (49904)
ন জানীষে পুরা ৎবং তু গৃহ্ণন্নক্ষান্দুরোদরে।
শরা হ্যেতে ভবিষ্যন্তি দারুণাশীবিষোপমাঃ॥ 7-122-7 (49905)
অপ্রিয়াণাং হি বচনং পাণ্ডবস্য বিশেষতঃ।
দ্রৌপদ্যাশ্চ পরিক্লেশস্ৎবন্মূলো হ্যভবৎপুরা॥ 7-122-8 (49906)
ক্ব তে মানশ্চ দর্পশ্চ ক্ব তে বীর্যং ক্ব গর্জিতম্।
আশীবিষসমান্পার্থান্কোপয়িৎবা ক্ব যাস্যসি॥ 7-122-9 (49907)
শোচ্যেয়ং ভারতী সেনা রাজ্যং চৈব সুয়োধনঃ।
যস্য ৎবং কর্কশো ভ্রাতা পলায়নপরায়ণঃ॥ 7-122-10 (49908)
ননু নাম ৎবয়া বীর দার্যমাণা ভয়ার্দিতা।
স্ববাহুবলমাস্থায় রক্ষিতব্যা হ্যনীকিনী॥ 7-122-11 (49909)
স ৎবমদ্য রণং হিৎবা ভীতো হর্ষয়সে পরান্।
বিদ্রুতে ৎবয়ি সৈন্যস্য নায়কে শত্রুমূদন।
কোঽন্যঃ স্থাস্যতি সঙ্গ্রামে ভীতো ভীতে ব্যপাশ্রয়ে॥ 7-122-12 (49910)
একেন সাৎবতেনাদ্য যুধ্যমানস্য তেন বৈ।
পলায়নে তব মতিঃ সঙ্গ্রামাদ্ধি প্রবর্ততে॥ 7-122-13 (49911)
যদা গাণ্ডীবধন্বানং ভীমসেনং চ কৌরব।
যমৌ চ দ্রক্ষ্যসি রণে তদা বৈ কিং করিষ্যসি॥ 7-122-14 (49912)
যুধি ফল্গুনবাণানাং মূর্যাগ্নিসমবর্চসাম্।
ন তুল্যাঃ সাত্যকিশরা যেভ্যো ভীতঃ পলায়সে॥ 7-122-15 (49913)
ৎবরিতো বীর গচ্ছ ৎবং গান্ধার্যুদরমাবিশ।
পৃথিব্যাং ধাবমানস্য নান্যৎপশ্যামি জীবনম্॥ 7-122-16 (49914)
যদি তাবৎকৃতা বুদ্ধিঃ পলায়নপরায়ণা।
পৃথিবী ধর্মরাজায় শমেনৈব প্রদীয়তাম্॥ 7-122-17 (49915)
যাবৎফল্গুননারাচা নির্মুক্তোরগসন্নিভাঃ।
নাবিশন্তি শরীরং তে তাবৎসংশাম্য পাণ্ডবৈঃ॥ 7-122-18 (49916)
যাবত্তে পৃথিবীং পার্থা হৎবা ভ্রাতৃশতং রণে।
নাক্ষিপন্তি মহাত্মানস্তাবৎসংশাম্য পাণ্ডবৈঃ॥ 7-122-19 (49917)
যাবন্ন ক্রুধ্যতে রাজা ধর্মপুত্রো যুধিষ্ঠিরঃ।
কৃষ্ণশ্চ সমরশ্লাঘী তাবৎসংশাম্য পাণ্ডবৈঃ॥ 7-122-20 (49918)
যাবদ্ভীমো মহাবাহুর্বিগাহ্য মহতীং চমূম্।
সোদরাংস্তে ন মৃদ্রাতি তাবৎসংশাম্য পাণ্ডবৈঃ॥ 7-122-21 (49919)
পূর্বমুক্তশ্চ তে ভ্রাতা ভীষ্মেণাসৌ সুয়োধনঃ।
অজেয়াঃ পাণ্ডবাঃ সঙ্খ্যে সৌম্য সংশাম্য তৈঃ সহ॥ 7-122-22 (49920)
`ময়া শমবতা চোক্তো রক্ষ শেষং সুয়োধন।
সংশাম্য পার্থৈস্ৎবং রক্ষ বীর সর্বান্মহীক্ষিতঃ'॥ 7-122-23 (49921)
ন চ তৎকৃতবান্মন্দস্তব ভ্রাতাং সুয়োধনঃ।
স যুদ্ধে ধৃতিমাস্থায় যত্তো যুধ্যস্ব পাণ্ডবৈঃ॥ 7-122-24 (49922)
তবাপি শোণিতং ভীমঃ পাস্যতীতি ময়া শ্রুতম্।
তচ্চাপ্যবিতথং তস্য তত্তথৈব ভবিষ্যতি॥ 7-122-25 (49923)
কিং ভীমস্য ন জানাসি বিক্রমং ৎবং সুবালিশ।
যত্ৎবয়া বৈরমারব্ধং সংয়ুগে প্রপলায়িনা॥ 7-122-26 (49924)
গচ্ছ তূর্ণং রথেনৈব যত্র তিষ্ঠতি সাত্যকিঃ।
ৎবয়া হীনং বলং হ্যেতদ্বিদ্রবিষ্যতি ভারত॥
আত্মার্থং যোধয় রণে সাত্যকিং সত্যবিক্রমম্॥ 7-122-27 (49925)
সঞ্জয় উবাচ। 7-122-28x (4572)
এবমুক্তস্তব সুতো নাব্রবীৎকিঞ্চিদপ্যসৌ।
শ্রুতং চাশ্রুতবৎকৃৎবা প্রায়াদ্যেন স সাত্যকিঃ॥ 7-122-28 (49926)
সৈন্যেন মহতা যুক্তো ম্লেচ্ছানামনিবর্তিনাম্।
আসাদ্য চ রণে যত্তো যুয়ুধানময়োধয়ৎ॥ 7-122-29 (49927)
দ্রোণোঽপি রথিনাং শ্রেষ্ঠঃ পাঞ্চালান্পাণ্ডবাংস্তথা।
অভ্যদ্রবত সঙ্ক্রুদ্ধৌ জবমাস্থায় মধ্যমম্॥ 7-122-30 (49928)
প্রবিশ্য চ রণে দ্রোণঃ পাণ্ডবানাং বরূথিনীম্।
দ্রাবয়ামাস যোধান্বৈ শতশোঽথ সহস্রশঃ॥ 7-122-31 (49929)
ততো দ্রোণো মহারাজ নাম বিশ্রাব্য সংয়ুগে।
পাণ্ডুপাঞ্চালমৎস্যানাং প্রচক্রে কদনং মহৎ॥ 7-122-32 (49930)
তং জয়ন্তমনীকানি ভারদ্বাজং ততস্ততঃ।
পাঞ্চালপুত্রো দ্যুতিমান্বীরকেতুঃ সমভ্যযাৎ॥ 7-122-33 (49931)
স দ্রোণং পঞ্চভির্বিদ্ব্বা শরৈঃ সন্নতপর্বভিঃ।
ধ্বজমেকেন বিব্যাধ সারথিং চাস্য সপ্তভিঃ॥ 7-122-34 (49932)
তত্রাদ্ভুতং মহারাজ দৃষ্ট্বানস্মি সংয়ুগে।
যদ্দ্রোণো রভসং যুদ্ধে পাঞ্চাল্যং নাত্যবর্তত॥ 7-122-35 (49933)
সন্নিরুদ্ধং রমে দ্রোণং পাঞ্চলা বীক্ষ্য মারিষ।
আবব্রুঃ সর্বতো রাজন্ধর্মপুত্রজয়ৈষিণঃ॥ 7-122-36 (49934)
তে শরৈরগ্নিসংকাশৈস্তোমরৈশ্চ মহাধনৈঃ।
শস্ত্রৈশ্চ বিবিধৈ রাজন্দ্রোণমেকমবাকিরন্॥ 7-122-37 (49935)
নিবার্য তান্বাণগণান্দ্রোণো রাজন্সমন্ততঃ।
মহাজলধরান্ব্যোম্নি মাতরিশ্বেব চাবভৌ॥ 7-122-38 (49936)
ততঃ শরং মহাঘোরং মূর্যপাবকসন্নিভম্।
সন্দধে পরবীরঘ্নো বীরকেতো রথং প্রতি॥ 7-122-39 (49937)
স ভিত্ৎবা তু শরো রাজন্পাঞ্চালকুলনন্দনম্।
অভ্যগাদ্ধরণীং তূর্ণং লোহিতার্দ্রো জ্বলন্নিব॥ 7-122-40 (49938)
ততোঽপতদ্রথাত্তূর্ণং পাঞ্চালকুলনন্দনঃ।
পর্বতাগ্রাদিব মহাংশ্চম্পকো বায়ুপীডিতঃ॥ 7-122-41 (49939)
তস্মিন্হতে মহেষ্বাসে রাজপুত্রে মহাবলে।
পাঞ্চালাস্ৎবরিতা দ্রোণং সমন্তাৎপর্যবারয়ন্॥ 7-122-42 (49940)
চিত্রকেতুঃ সুধন্বা চ চিত্রবর্মা চ ভারত।
তথা চিত্ররথশ্চৈব ভ্রাতৃব্যসনকর্শিতাঃ॥ 7-122-43 (49941)
অভ্যদ্রবন্ত সহিতা ভারদ্বাজং যুয়ুৎসবঃ।
মুঞ্চন্তঃ শরবর্ষাণি তপান্তে জলদা ইব॥
`অদৃশ্যং সমরে চক্রুর্ভারদ্বাজং সুধন্বিনঃ'॥ 7-122-44 (49942)
স বধ্যমানো বহুধা রাজপুত্রৈর্মহারথৈঃ।
ক্রোধমাহারয়ত্তেষামভাবায় দ্বিজর্ষভঃ॥ 7-122-45 (49943)
ততঃ শরময়ং জালং দ্রোণস্তেষামবাসৃজৎ।
তে হন্যমানা দ্রোণস্য শরৈরাকর্ণচোদিতৈঃ।
কর্তব্যং নাভ্যজানন্বৈ কুমারা রাজসত্তম॥ 7-122-46 (49944)
তান্বিমূঢান্রণে দ্রোণঃ প্রহসন্নিব ভারত।
ব্যশ্বসূতরথাংশ্চক্রে কুমারান্কুপিতো রণে॥ 7-122-47 (49945)
অথাপরৈঃ সুনিশিতৈর্ভল্লৈস্তেষাং মহায়শাঃ।
পুষ্পাণীব বিবান্বায়ুঃ সোত্তমাঙ্গান্যপাতয়ৎ॥ 7-122-48 (49946)
তে রথেভ্যো হতাঃ পেতুঃ ক্ষিতৌ রাজন্সুবর্চসঃ।
দেবাসুরে পুরা যুদ্ধে যথা দৈতেয়দানবাঃ॥ 7-122-49 (49947)
তান্নিহত্য রণে রাজন্ভারদ্বাজঃ প্রতাপবান্।
কার্মুকং ভ্রাময়ামাস হেমপৃষ্ঠং দুরাসদম্॥ 7-122-50 (49948)
`তদস্য ভ্রাজতে রাজন্মেঘমধ্যে তডিদ্যথা'॥ 7-122-51 (49949)
পাঞ্চালান্নিহতান্দৃষ্ট্বা দেবকল্পান্মহারথান্।
ধৃষ্টদ্যুম্নো ভৃশোদ্বিগ্নো নেত্রাভ্যাং পাতয়ঞ্জলম্।
অভ্যবর্তত সঙ্গারমে ক্রুদ্ধো দ্রোণরথং প্রতি॥ 7-122-52 (49950)
ততো হাহেতি সহসা নাদঃ সমভবন্নৃপ।
পাঞ্চাল্যেন রণে দৃষ্ট্বা দ্রোণমাবারিতং শরৈঃ॥ 7-122-53 (49951)
সে চ্ছাদ্যমানো বহুধা পার্ষতেন মহাত্মনা।
ন বিব্যথে ততো দ্রোণঃ স্ময়ন্নেবান্বয়ুধ্যত॥ 7-122-54 (49952)
ততো দ্রোণং মহারাজ পাঞ্চাল্যঃ ক্রোধমূর্চ্ছিতঃ।
আজঘানোরসি ক্রুদ্ধো নবত্যা নতপর্বণাম্॥ 7-122-55 (49953)
স গাঢবিদ্ধো বলিনা ভারদ্বাজো মহায়শাঃ।
নিষসাদ রথোপস্থে কশ্মলং চ জগাম হ॥ 7-122-56 (49954)
তং বৈ তথাগতং দৃষ্ট্বা ধৃষ্টদ্যুম্নঃ পরাক্রমী।
চাপমুৎসৃজ্য শীঘ্রং তু অসিং জগ্রাহ বীর্যবান্॥ 7-122-57 (49955)
অবপ্লুত্য রথাচ্চাপি ৎবরিতঃ স মহারথঃ।
আরুরোহ রথং তূর্ণং ভারদ্বাজস্য মারিষ।
হর্তুমিচ্ছঞ্শিরঃ কায়াৎক্রোধসংরক্রলোচনঃ॥ 7-122-58 (49956)
প্রত্যাশ্বস্তস্ততো দ্রোণো ধনুর্গৃহ্য মহারবম্।
আসন্নমাগতং দৃষ্ট্বা ধৃষ্টদ্যুম্নং জিঘাংসয়া॥ 7-122-59 (49957)
শরৈর্বৈতস্তিকৈ রাজন্বিব্যাধাসন্নবেধিভিঃ।
যোধয়ামাস সমরে ধৃষ্টদ্যুম্নং মহারথম্॥ 7-122-60 (49958)
তে হি বৈতস্তিকা নাম শরা আমন্নয়োধিনঃ।
দ্রোণস্য বিহিতা রাজন্যৈর্ধৃষ্টদ্যুম্নমাক্ষিণোৎ॥ 7-122-61 (49959)
স বধ্যমানো বহুভিঃ সায়কৈস্তৈর্মহাবলঃ।
অবপ্লুত্য রথাত্তূর্ণং ভগ্নবেগঃ পরাক্রমী॥ 7-122-62 (49960)
আরুহ্য স্বরথং বীরঃ প্রগৃহ্য চ মহদ্ধনুঃ।
বিব্যাধ সমরে দ্রোণং ধৃষ্টদ্যুম্নো মহারথঃ॥ 7-122-63 (49961)
দ্রোণশ্চাপি মহারাজ শরৈর্বিব্যাধ পার্ষতম্॥ 7-122-64 (49962)
তদদ্ভুতমভূদ্যুদ্ধং দ্রোণপাঞ্চালয়োস্তদা।
ত্রৈলোক্যকাঙ্ক্ষিণোরাসীচ্ছক্রপ্রহ্লাদয়োরিব॥ 7-122-65 (49963)
মণ্ডলানি বিচিত্রাণি যমকানীতরাণি চ।
চরন্তৌ যুদ্ধমার্গজ্ঞৌ ততক্ষতুরথেষুভিঃ॥ 7-122-66 (49964)
মোহয়ন্তৌ মনাংস্যাজৌ যোধানাং দ্রোণপার্ষতৌ।
সৃজন্তৌ শরবর্ষাণি বর্ষাস্বিব বলাহকৌ।
ছাদয়ন্তৌ মহাত্মানৌ শরৈর্ব্যোম দিশো মহীম্॥ 7-122-67 (49965)
তদদ্ভুতং তয়োর্যুদ্ধং ভূতসঙ্ঘা হ্যপূজয়ন্।
ক্ষত্রিয়াশ্চ মহারাজ যে চান্যে তব সৈনিকাঃ॥ 7-122-68 (49966)
অবশ্যং সমরে দ্রোণো দৃষ্টদ্যুম্নেন সঙ্গতঃ।
বশমেষ্যতি নো রাজন্পাঞ্চালা ইতি চুক্রুশুঃ॥ 7-122-69 (49967)
দ্রোণস্তু ৎবরিতো যুদ্ধে ধৃষ্টদ্যুম্নস্য সারথেঃ।
শিরঃ প্রচ্যাবয়ামাস ফলং পক্বং তরোরিব॥ 7-122-70 (49968)
ততস্তু প্রদ্রুতা বাহা রাজংস্তস্য মহাত্মনঃ॥ 7-122-71 (49969)
তেষু প্রদ্রবমাণেষু পাঞ্চালান্সৃঞ্জয়াংস্তথা।
অয়োধয়দ্রণে দ্রোণস্তত্রতত্র পরাক্রমী॥ 7-122-72 (49970)
বিজিত্য পাণ্ডুপাঞ্চালান্ভারদ্বাজঃ প্রতাপবান্।
স্বং ব্যূহং পুনরাস্থায় স্থিতোঽভবদরিন্দমঃ।
ন চৈনং পাণ়্ডবা যুদ্ধে জেতুমুৎসেহিরে প্রভো॥ ॥ 7-122-73 (49971)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে দ্বাবিংশত্যধিকশততমোঽধ্যায়ঃ॥ 122 ॥
Mahabharata - Drona Parva - Chapter Footnotes
5-122-48 বিশেষেণ বাতীতি বিবান্। পুষ্পাণীব বনাদ্বায়ুঃ ইতি ট.পাঠঃ। পুষ্পাণীব বিচন্বন্হি ইতি ঝ.ঞ. পাঠঃ॥ 5-122-61 দ্রোণস্য বিবিধা রাজন্ ইতি ট. পাঠঃ। দ্রোণস্য বিদিতা ইতি ক. পাঠঃ॥ 5-122-122 দ্বাবিংশত্যধিকশততমোঽধ্যায়ঃ॥ 122 ॥দ্রোণপর্ব - অধ্যায় 123
॥ শ্রীঃ ॥
7.123. অধ্যায়ঃ 123
Mahabharata - Drona Parva - Chapter Topics
সাত্যকিনা দুঃশাসনপরাজয়ঃ॥ 1 ॥Mahabharata - Drona Parva - Chapter Text
7-123-0 (49972)
সঞ্জয় উবাচ। 7-123-0x (4573)
ততো দুঃশাসনো রাজঞ্শৈনেয়ং সমুপাদ্রবৎ।
কিরঞ্শরসহস্রাণি পর্জন্য ইব বৃষ্টিমান্॥ 7-123-1 (49973)
স বিদ্ব্বা সাত্যকিং ষষ্ট্যা তথা ষোডশভিঃ শরৈঃ।
নাকম্পয়ৎস্থিতং যুদ্ধে মৈনাকমিব পর্বতম্॥ 7-123-2 (49974)
তং তু দুঃশাসনঃ শূরঃ সায়কৈরাবৃণোদ্ভৃশম্।
রথব্রাতেন মহতা নানাদেশোদ্ভবেন চ॥ 7-123-3 (49975)
সর্বতো ভরতশ্রেষ্ঠ বিসৃজন্সায়কান্বহূন্।
পর্জন্য ইব ঘোষেণ নাদয়ন্বৈ দিশো দশ॥ 7-123-4 (49976)
তমাপতন্তমালোক্য সাত্যকিঃ কৌরবং রণে।
অভিদ্রুত্য মহাবাহুশ্ছাদয়ামাস সায়কৈঃ॥ 7-123-5 (49977)
তে ছাদ্যমানা বাণৌঘৈর্দুঃশাসনপুরোগমাঃ।
প্রাদ্রবন্সমরে ভীতাস্তব সৈন্যস্য পশ্যতঃ॥ 7-123-6 (49978)
তেষু দ্রবৎসু রাজেন্দ্র পুত্রো দুঃশানস্তব।
তস্থৌ ব্যপেতভী রাজন্সাত্যকিং চার্দয়চ্ছরৈঃ॥ 7-123-7 (49979)
চতুর্ভির্বাজিনস্তস্য সারথিং চ ত্রিভিঃ শরৈঃ।
সাত্যকিং চ শতেনাজৌ বিদ্ধ্বা নাদং মুমোচ সঃ॥ 7-123-8 (49980)
ততঃ ক্রুদ্ধো মহারাজ মাধবস্তস্য সংয়ুগে।
রথং সূতং ধ্বজং তং চ চক্রেঽদৃশ্যমজিহ্মগৈঃ॥ 7-123-9 (49981)
স তু দুঃশাসনং শূরং সায়কৈরাবৃণোদ্ভৃশম্।
মশকং সমনুপ্রাপ্তমূর্ণনাভিরিবোর্ণয়া॥ 7-123-10 (49982)
ৎবরন্সমাবৃণোদ্বাণৈর্দুঃশাসনমমিত্রজিৎ॥
দৃষ্ট্বা দুঃশাসনং রাজা তথা শরশতাচিতম্। 7-123-11 (49983)
ত্রিগর্তাংশ্চোদয়ামাস যুয়ুধানরথং প্রতি॥ 7-123-12 (49984)
তেঽগচ্ছন্যুয়ুধানস্য সমীপং ক্রুরকর্মণঃ।
ত্রিগর্তানাং ত্রিসাহস্রা রথা যুদ্ধবিশারদাঃ॥ 7-123-13 (49985)
তে তু তং রথবংশেন মহতা পর্যবারয়ন্।
স্থিরাং কৃৎবা মতিং যুদ্ধে ভূৎবা সংশপ্তকা মিথঃ॥ 7-123-14 (49986)
তেষাং প্রয়তমানানাং শরবর্ষাণি মুঞ্চতাম্।
যোধান্পঞ্চশতান্মুখ্যানগ্র্যানীকে ব্যপোথয়ৎ॥ 7-123-15 (49987)
তেঽপতন্নিহতাস্তূর্ণং শিনিপ্রবরসায়কৈঃ।
মহামারুতবেগেন ভগ্না ইব নগাদ্দ্রুমাঃ॥ 7-123-16 (49988)
নাগৈশ্চ বহুধা চ্ছিন্নৈর্ধ্বজৈশ্চৈব বিশাম্পতে।
হয়ৈশ্চ কনকাপীডৈঃ পতিতৈস্তত্র মেদিনী॥ 7-123-17 (49989)
শৈনেয়শরসঙ্কৃত্তৈঃ শোণিতৌঘপরিপ্লুতৈঃ।
অশোভত মহারাজ কিংশুকৈরিব পুষ্পিতৈঃ॥ 7-123-18 (49990)
তে বধ্যমানাঃ সমরে যুয়ুধানেন তাবকাঃ।
ত্রাতারং নাধ্যগচ্ছন্ত পঙ্কমগ্না ইব দ্বিপাঃ॥ 7-123-19 (49991)
ততস্তে পর্যবর্তন্ত সর্বে দ্রোণরথং প্রতি।
ভয়াৎপতগরাজস্য গর্তানীব মহোরগাঃ॥ 7-123-20 (49992)
হৎবা পঞ্চশতান্যোধাঞ্ছরৈরাশীবিষোপমৈঃ।
প্রায়াৎস শনকৈর্বীরো ধনঞ্জয়রথং প্রতি॥ 7-123-21 (49993)
তং প্রয়ান্তং নরশ্রেষ্ঠং পুত্রো দুঃশাসনস্তব।
বিব্যাধ নবভিস্তূর্ণং শরৈঃ সন্নতপর্বভিঃ॥ 7-123-22 (49994)
স তু তং প্রতিবিব্যাধ পঞ্চভির্নিশিতৈঃ শরৈঃ।
রুক্মপুঙ্খৈর্মহেষ্বাসো গার্ধ্রপত্রৈরজিহ্মগৈঃ॥ 7-123-23 (49995)
সাত্যকিং তু মহারাজ প্রহসন্নিব ভারত।
দুঃশাসনস্ত্রিভির্বিদ্ধ্বা পুনর্বিব্যাধ পঞ্চভিঃ॥ 7-123-24 (49996)
শৈনেয়স্তব পুত্রং তু হৎবা পঞ্চভিরাশুগৈঃ।
ধনুশ্চাস্য রণে ছিত্ৎবা বিস্ময়ন্নর্জুনং যয়ৌ॥ 7-123-25 (49997)
ততো দুঃশাসনঃ ক্রুদ্ধো বৃষ্ণিবীরায় গচ্ছতে।
সর্বপারশবীং শক্তিং বিসসর্জ জিঘাংসয়া॥ 7-123-26 (49998)
তাং তু শক্তিং তদা ঘোরাং তব পুত্রস্য সাত্যকিঃ।
চিচ্ছেদ শতধা রাজন্নিশিতৈঃ কঙ্কপত্রিভিঃ॥ 7-123-27 (49999)
অথান্যদ্ধনুরাদায় পুত্রস্তব জনেশ্বর।
সাত্যকিং চ শরৈর্বিদ্ধ্বা সিংহনাদং ননাদ চ॥ 7-123-28 (50000)
সাত্যকিস্তু রণে ক্রুদ্ধো মোহয়িৎবা সুতং তব।
শরৈরগ্নিশিখাকারৈরাজঘান স্তনান্তরে॥ 7-123-29 (50001)
ত্রিভিরেব মহাভাগঃ শরৈঃ সন্নতপর্বভিঃ।
সর্বায়সৈস্তীক্ষ্ণবক্ত্রৈঃ পুনর্বিব্যাধ চাষ্টভিঃ॥ 7-123-30 (50002)
দুঃশাসনস্তু বিংশত্যা সাত্যকিং প্রত্যবিধ্যত।
সাৎবতোঽপি মহারাজ তং বিব্যাধ স্তনান্তরে॥ 7-123-31 (50003)
ত্রিভিরেব মহাভাগঃ শরৈঃ সন্নতপর্বভিঃ।
ততোঽস্য বাহান্নিশিতৈঃ শরৈর্জঘ্নে মহারথঃ॥ 7-123-32 (50004)
সারথিং চ সুরাঙ্ক্রুদ্ধঃ শরৈঃ সন্নতপর্বভিঃ।
ধনুরেকেন ভল্লেন হস্তাবাপং চ পঞ্চভিঃ॥ 7-123-33 (50005)
ধ্বজং চ রথশক্তিং চ ভল্লাভ্যাং পরমস্ত্রিবিৎ।
চিচ্ছেদ বিশিখৈস্তীক্ষ্ণৈস্তথোভৌ পার্ষ্ণিসারথী॥ 7-123-34 (50006)
স চ্ছিন্নধন্বা বিরথো হতাশ্বো হতসারথিঃ।
ত্রিগর্তসেনাপতিনা স্বরথেনাপবাহিতঃ॥ 7-123-35 (50007)
তমভিদ্রুত্য শৈনেয়ো মুহূর্তমিব ভারত।
ন জঘান মহাবাহুর্ভীমসেনবচঃ স্মরন্॥ 7-123-36 (50008)
ভীমসেনেন তু বধঃ সুতানাং তব ভারত।
প্রতিজ্ঞাতঃ সভামধ্যে সর্বেষামেব সংয়ুগে॥ 7-123-37 (50009)
ততো দুঃশাসনং জিৎবা সাত্যকিঃ সংয়ুগে প্রভো।
জগাম ৎবরিতো রাজন্যেন যাতো ধনঞ্জয়ঃ॥ ॥ 7-123-38 (50010)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ত্রয়োবিংশত্যধিকশততমোঽধ্যায়ঃ॥ 123 ॥
দ্রোণপর্ব - অধ্যায় 124
॥ শ্রীঃ ॥
7.124. অধ্যায়ঃ 124
Mahabharata - Drona Parva - Chapter Topics
সঙ্কুলয়ুদ্ধবর্ণনম্॥ 1 ॥Mahabharata - Drona Parva - Chapter Text
7-124-0 (50011)
ধৃতরাষ্ট্র উবাচ। 7-124-0x (4574)
কিং তস্যাং মম সেনায়াং নাসন্কেচিন্মহারথাঃ।
যে তথা সাত্যকিং যান্তং নৈবাঘ্নন্নাপ্যবারয়ন্॥ 7-124-1 (50012)
একো হি সমরে কর্ম কৃতবান্সত্যবিক্রমঃ।
শক্রতুল্যবলো যুদ্ধে মহেন্দ্রো দানবেষ্বিব॥ 7-124-2 (50013)
অথবা শূন্যমাসীত্তদ্যেন যাতঃ স সাত্যকিঃ।
হতভূয়িষ্ঠমথবা যেন যাতঃ স সাত্যকিঃ॥ 7-124-3 (50014)
যৎকৃতং বৃষ্ণিবীরেণ কর্ম শংসসি মে রণে।
নৈতদুৎসহতে কর্তুং কর্ম শক্রোঽপি সঞ্জয়॥ 7-124-4 (50015)
অশ্রদ্ধেয়মচিন্ত্যং চ কর্ম তস্য মহাত্মনঃ।
বৃষ্ণ্যন্ধকপ্রবীরস্য শ্রুৎবা মে ব্যথিতং মনঃ॥ 7-124-5 (50016)
ন সন্তি তস্মাৎপুত্রা মে যথা সঞ্জয় ভাষসে।
একো বৈ বহুলাঃ সেনাঃ প্রামৃদ্গাৎসত্যবিক্রমঃ॥ 7-124-6 (50017)
কথং চ যুধ্যমানানামপক্রান্তী মহাত্মনাম্।
একো বহূনাং শৈনেয়স্তন্মমাচক্ষ্ব সঞ্জয়॥ 7-124-7 (50018)
সঞ্জয় উবাচ। 7-124-8x (4575)
রাজন্সেনাসমুদ্যোগো রথনাগাশ্বপত্তিমান্।
অতুল্যস্তব সেনায়াং যুগান্তসদৃশোঽভবৎ॥ 7-124-8 (50019)
আহূতেষু সমূহেষু তব সৈন্যস্য মানদ।
নাস্তি লোকে সমঃ কশ্চিৎসমূহ ইতি মে মতিঃ॥ 7-124-9 (50020)
তত্রব দেবাস্ৎবভাষন্ত চারণাশ্চ সমাগতাঃ।
এতদন্তাঃ সমূহা বৈ ভবিষ্যন্তি মহীতলে॥ 7-124-10 (50021)
ন চ বৈ তাদৃশো ব্যূহ আসীৎকশ্চিদ্বিশাম্পতে।
যাদৃগ্জয়দ্রথবধে দ্রোণেন বিহিতোঽভবৎ॥ 7-124-11 (50022)
`উদ্ধৃতা পৃথিবী নূনং যুদ্ধহেতোঃ সমাগতৈঃ।
ইতি তত্র জনাশ্চাহুর্দৃষ্টা তাং জনসংসদম্'॥ 7-124-12 (50023)
চণ্ডবাতবিভিন্নানাং সমুদ্রাণামিব স্বনঃ।
রণেঽভবদ্বলৌঘানামন্যোন্যমভিধাবতাম্॥ 7-124-13 (50024)
পার্থিবানাং সমেতানাং বহূন্যাসন্নরোত্তম।
ৎবদ্বলে প্রাণ্ডবানাং চ সহস্রাণি শতানি চ॥ 7-124-14 (50025)
সংরব্ধানাং প্রবীরাণাং সমরে দৃঢকর্মণাম্।
তত্রাসীৎসুমহাশব্দস্তুমুলো রোমহর্ষণঃ॥ 7-124-15 (50026)
`পাণ়্ডবানাং কুরূণাং চ গর্জতামিতরেতরম্।
ক্ষ্বেলাঃ কিলকিলাশব্দাস্তত্রাসন্বৈ সহস্রশঃ॥ 7-124-16 (50027)
ভেরীশব্দাশ্চ তুমুলা বাণশব্দাশ্চ ভারত।
অন্যোন্যং নিঘ্নতাং চৈব নরাণাং শুশ্রুবে স্বনঃ'॥ 7-124-17 (50028)
অথাক্রন্দন্ভীসমেনো ধৃষ্টদ্যুম্নশ্চ মারিষ।
নকুলঃ সহদেবশ্চ ধর্মরাজশ্চ পাণ্ডবঃ॥ 7-124-18 (50029)
আগচ্ছত প্রহরত দ্রুতং বিপরিধাবত।
প্রবিষ্টাবরিসেনাং হি বীরৌ মাধবপাণ্ডবৌ॥ 7-124-19 (50030)
যথা সুখেন গচ্ছেতাং জয়দ্রথবধং প্রতি।
তথা প্রকুরুত ক্ষিপ্রমিতি সৈন্যান্যচোদয়ন্॥ 7-124-20 (50031)
তয়োরভাবে কুরবঃ কৃতার্থাঃ স্যুর্বয়ং জিতাঃ॥ 7-124-21 (50032)
`যত্র যাতৌ মহাত্মানৌ তূর্ণং পরপুরঞ্জয়ৌ'।
তে যূয়ং সহিতা ভূৎবা তূর্ণমেব বলার্ণবম্।
ক্ষোভয়ধ্বং মহাবেগাঃ পবনঃ সাগরং যথা॥ 7-124-22 (50033)
ভীমসেনেন তে রাজন্পাঞ্চাল্যেন চ নোদিতাঃ।
আজঘ্নুঃ কৌরবান্সঙ্খ্যে ত্যক্ৎবাঽসূনাত্মনঃ প্রিয়ান্॥ 7-124-23 (50034)
ইচ্ছন্তো নিধনং যুদ্ধে শস্ত্রৈরুত্তমতেজসঃ।
স্বর্গেপ্সবো মিত্রকার্যে নাভ্যনন্দন্ত জীবিতম্॥ 7-124-24 (50035)
তথৈব তাবকা রাজন্প্রার্থয়ন্তো মহদ্যশঃ।
আর্যাং যুদ্ধে মতিং কৃৎবা যুদ্ধায়ৈবাবতস্থিরে॥ 7-124-25 (50036)
তস্মিন্সুতুমুলে যুদ্ধে বর্তমানে ভয়াবহে।
জিৎবা সর্বাণি সৈন্যানি প্রায়াৎসাত্যকিরর্জুনং ॥ 7-124-26 (50037)
কবচানাং প্রভাস্তত্র সূর্যরশ্মিবিরাজিতাঃ।
দৃষ্টীঃ সঙ্খ্যে সৈনিকানাং প্রতিজঘ্নুঃ সমন্ততঃ।
`ধ্বজশস্ত্রপ্রতিহতা লোকান্সমবদীপয়ন্॥ 7-124-27 (50038)
চণ্ডবাতোদ্ধতান্মেঘান্বিকিরন্রশ্মিমানিব।
তথা তব মহৎসৈন্যং তদ্ব্যরোচত তাপয়ন্॥ 7-124-28 (50039)
সম্প্রহৃষ্টঃ স সহসা তব সৈন্যার্ণবং প্রতি।
লোলয়ন্সর্বতো গৎবা সমুদ্রং মকরো যথা॥ 7-124-29 (50040)
তত্র রাজন্মহানাসীৎসঙ্গ্রামো ভীতিবর্ধনঃ।
পাণ্ডবস্য মহাবাহো তাবকানাং চ দারুণঃ॥ 7-124-30 (50041)
রুদ্রস্যাক্রীডসঙ্কাশঃ সংহারঃ সর্বদেহিনাম্।
ততঃ শব্দো মহানাসীৎপ্রায়াদ্যত্র ধনঞ্চয়ঃ॥ 7-124-31 (50042)
তত্র স্ম কদনং ঘোরং বর্ততে পাণ্ডুপূর্বজ।
অর্জুনস্য মহাবাহোস্তাবকানাং চ ধন্বিনাম্॥ 7-124-32 (50043)
মধ্যে ভারতসৈন্যস্য মাধবস্য মহারণে।
দ্রোণস্যাপি পরৈঃ সার্ধং ব্যূহদ্বারে সুদারুণম্॥ 7-124-33 (50044)
এবমেষ ক্ষয়ো বৃত্তঃ পৃথিব্যাং পৃথিবীপতে।
ক্রুদ্ধেঽর্জুনে তথা দ্রোণে সাৎবতে চ মহারথে'॥ 7-124-34 (50045)
তথা প্রয়তমানানাং পাণ্ডবানাং মহাত্মনাম্।
দুর্যোধনো মহারাজন্ব্যগাহত মহদ্বলম্॥ 7-124-35 (50046)
স সন্নিপাতস্তুমুলস্তেষাং তস্য চ ভারত।
অভবৎসর্বভূতানামভাবকরণো মহান্॥ 7-124-36 (50047)
ধৃতরাষ্ট্র উবাচ। 7-124-37x (4576)
তথা যাতেষু সৈন্যেষু তথা কৃচ্ছ্রগতঃ স্বয়ম্।
কচ্চিদ্দুর্যোধনঃ সূত নাকার্ষীৎপৃষ্ঠতো রণম্॥ 7-124-37 (50048)
একস্য চ বহূনাং চ সন্নিপাতো মহাহবে।
বিশেষতো নরপতের্বিষমঃ প্রতিভাতি মে॥ 7-124-38 (50049)
সোঽত্যন্তসুখসংবৃদ্ধো লক্ষ্ম্যা লোকস্য চেশ্বরঃ।
একো বহূন্সমাসাদ্য কচ্চিন্নাসীৎপরাঙ্মুখঃ॥ 7-124-39 (50050)
সঞ্জয় উবাচ। 7-124-40x (4577)
রাজন্সঙ্গ্রামমাশ্চর্যং তব পুত্রস্য ভারত।
একস্য বহুভিঃ সার্ধং শৃণুষ্ব গদতো মম॥ 7-124-40 (50051)
দুর্যোধনেন সমরে পৃতনা পাণ্ডবী রণে।
নলিনী দ্বরিদেনেব সমন্তাৎপ্রতিলোডিতা॥ 7-124-41 (50052)
ততস্তাং প্রহতাং সেনাং দৃষ্ট্বা পুত্রেণ তে নৃপ।
ভীমসেনপুরোগাস্তং পাঞ্চালাঃ সমুপাদ্রুবন্॥ 7-124-42 (50053)
স ভীমসেনং দশভিঃ শরৈর্বিব্যাধ পাণ্ডবম্।
ত্রিভিস্ত্রিভির্যমৌ বীরৌ ধর্মরাজং চ সপ্তভিঃ॥ 7-124-43 (50054)
বিরাটদ্রুপদৌ ষদ্ভিঃ শতেন চ শিখণ্ডিনম্।
ধৃষ্টদ্যুম্নং চ বিংশত্যা দ্রৌপদেয়াংস্ত্রিভিস্ত্রিভিঃ॥ 7-124-44 (50055)
শতশশ্চাপরান্যোধান্সদ্বিপাংশ্চ রথান্রণে।
শরৈরবচকর্তোগ্রৈঃ ক্রুদ্ধোঽন্তক ইব প্রজাঃ॥ 7-124-45 (50056)
ন সন্দধদ্বিমুঞ্চন্বা মণ্ডলীকৃতকার্মুকঃ।
অদৃশ্যত রিপূন্নিঘ্নঞ্ছিক্ষয়াঽস্তবলেন চ॥ 7-124-46 (50057)
তস্য তান্নিঘ্নতঃ শত্রূন্হেমপৃষ্ঠং মহদ্ধনুঃ।
অজস্রং মণ্ডলীভূতং দদৃশুঃ সমরে জনাঃ॥ 7-124-47 (50058)
ততো যুধিষ্ঠিরো রাজা ভল্লাভ্যামচ্ছিনদ্ধনুঃ।
তব পুত্রস্য কৌরব্য যতমানস্য সংয়ুগে॥ 7-124-48 (50059)
বিব্যাধ চৈনং দশভিঃ সম্যগস্তৈঃ শরোত্তমৈঃ।
বর্ম চাশু সমাসাদ্য তে ভিত্ৎবা ক্ষিতিমাবিশন্॥ 7-124-49 (50060)
ততঃ প্রমুদিতাঃ পার্থাঃ পরিবব্রুর্যুধিষ্ঠিরম্।
যথা বৃত্রবধে দেবাঃ পুরা শক্রং মহর্ষয়ঃ॥ 7-124-50 (50061)
ততোঽন্যদ্ধনুরাদায় তব পুত্রঃ প্রতাপবান্।
তিষ্ঠেতিষ্ঠেতি রাজানং ব্রুবন্পাণ্ডবমভ্যযাৎ॥ 7-124-51 (50062)
তমায়ান্তমভিপ্রেক্ষ্য তব পুত্রং মহামৃধে।
প্রত্যুদ্যযুঃ সমুদিতাঃ পাঞ্চালা জয়গৃদ্ধিনঃ॥ 7-124-52 (50063)
তান্দ্রোণঃ প্রতিজগ্রাহ পরীপ্সন্যুধি পাণ্ডবম্।
চণ্ডবাতোদ্ধুতান্মেঘান্গিরিরম্বুমুচো যথা॥ 7-124-53 (50064)
তত্র রাজন্মহানাসীৎসঙ্গ্রামো রোমহর্ষণঃ।
পাণ্ডবানাং মহাবাহো তাবকানাং চ সংয়ুগে॥ 7-124-54 (50065)
রুদ্রস্যাক্রীডসদৃশঃ সংহারঃ সর্বদেহিনাম্॥ 7-124-55 (50066)
ততঃ শব্দো মহানাসীদ্যাতো যেন ধনঞ্জয়ঃ।
অতীব সর্বশব্দেভ্যো রোমহর্ষকরঃ প্রভো॥ 7-124-56 (50067)
অর্জুনস্য মহাবাহো তাবকানাং চ ধন্বিনাম্।
মধ্যে ভারতসৈন্যস্য মাধবস্য মহারণে।
দ্রোণস্যাপি পরৈঃ সার্ধং ব্যূহদ্বারে মহারণে॥ 7-124-57 (50068)
এবমেষ ক্ষয়ো বৃত্তঃ পৃথিব্যাং পৃথিবীপতে।
ক্রুদ্ধেঽর্জুনে তথা দ্রোণে সাৎবতে চ মহারথে॥ ॥ 7-124-58 (50069)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে চতুর্বিংশত্যধিকশততমোঽধ্যায়ঃ॥ 124 ॥
Mahabharata - Drona Parva - Chapter Footnotes
5-124-9 অনীকেষু সমূহেষু ইতি ক.খ.পাঠঃ॥ 5-124-39 লক্ষ্ম্যেতি বিশেষণে তৃতীয়া॥ 5-124-125 চতুর্বিংশত্যধিকশততমোঽধ্যায়ঃ॥দ্রোণপর্ব - অধ্যায় 125
॥ শ্রীঃ ॥
7.125. অধ্যায়ঃ 125
Mahabharata - Drona Parva - Chapter Topics
দ্রোণপরাক্রমবর্ণনম্॥ 1 ॥Mahabharata - Drona Parva - Chapter Text
7-125-0 (50070)
সঞ্জয় উবাচ। 7-125-0x (4578)
অপরাহ্ণে মহারাজ সঙ্গ্রামঃ সুমহানভূৎ।
পর্জন্যসমনির্ঘোষঃ পুনর্দ্রোণস্য সোমকৈঃ॥ 7-125-1 (50071)
শোণাশ্বং রথমাস্থায় নরবীরঃ সমাহিতঃ।
সমরেঽভ্যদ্রবৎপাণ্ডূঞ্জবমাস্থায় মধ্যমম্॥ 7-125-2 (50072)
তব প্রিয়হিতে যুক্তো মহেষ্বাসো মহাবলঃ।
চিত্রপুঙ্খৈঃ শিতৈর্বাণৈঃ কলশোত্তমসম্ভবঃ।
`জঘান সোমকান্রাজন্সৃঞ্জয়ান্কেকয়ানপি'॥ 7-125-3 (50073)
বরান্বরান্হি যোধানাং বিচিন্বন্নিব ভারত।
আক্রীডত রমে রাজন্ভারদ্বাজঃ প্রতাপবান্॥ 7-125-4 (50074)
তমভ্যযাদ্বৃহৎক্ষত্রঃ কেকয়ানাং মহারথঃ।
ভাতৄণাং নৃপ পঞ্চানাং শ্রেষ্ঠঃ সমরকর্কশঃ॥ 7-125-5 (50075)
বিমুঞ্চন্বিশিখাংস্তীক্ষ্ণানাচার্যং ভৃশমার্দয়ৎ।
মহামেঘো যথা বর্ষং বিমুঞ্চন্গন্ধমাদনে॥ 7-125-6 (50076)
তস্য দ্রোণো মহারাজ স্বর্ণপুঙ্খাঞ্শিলাশিতান্।
প্রেষয়ামাস সঙ্ক্রুদ্ধ- সায়কান্দশ পঞ্চ চ॥ 7-125-7 (50077)
তাংস্তু দ্রোণবিনির্মুক্তান্ক্রুংদ্ধাশীবিষসন্নিভান্।
একৈকং পঞ্চভির্বাণৈর্যুধি চিচ্ছেদ হৃষ্টবৎ॥ 7-125-8 (50078)
তদস্য লাঘবং দৃষ্ট্বা প্রহস্য দ্বিজপুঙ্গবঃ।
প্রেষয়ামাস বিশিখানষ্টৌ সন্নতপর্বণঃ॥ 7-125-9 (50079)
তান্দৃষ্ট্বা পততস্তূর্ণং দ্রোণচাপচ্যুতাঞ্শরান্।
অবারয়চ্ছরৈরেব তাবদ্ভির্নিশিতৈর্মৃধে॥ 7-125-10 (50080)
ততোঽভবন্মহারাজ তব সৈন্যস্য বিস্ময়ঃ।
বৃহৎক্ষত্রেণ তৎকর্ম কৃতং দৃষ্ট্বা সুদুষ্করম্॥ 7-125-11 (50081)
ততো দ্রোণো মহারাজ বৃহৎক্ষত্রং বিশেষয়ন্।
প্রাদুশ্চক্রে রণে দিব্যং ব্রাহ্মমস্ত্রং সুদুর্জয়ম্॥ 7-125-12 (50082)
কৈকেয়োঽস্ত্রং সমালোক্য মুক্তং দ্রোণেন সংয়ুগে।
ব্রহ্মাস্ত্রেণৈব রাজেন্দ্র ব্রাহ্মমস্ত্রমশাতয়ৎ॥ 7-125-13 (50083)
ততোঽস্ত্রে নিহতে ব্রাহ্মে বৃহৎক্ষত্রস্তু ভারত।
বিব্যাধ ব্রাহ্মণং ষষ্ট্যা স্বর্ণপুঙ্খৈঃ শিলাশিতৈঃ॥ 7-125-14 (50084)
তং দ্রোণো দ্বিপদাং শ্রেষ্ঠো নারাচেন সমার্পয়ৎ।
স তস্য কবচং ভিত্ৎবা প্রাবিশদ্ধরণীতলম্॥ 7-125-15 (50085)
কৃষ্ণসর্পো যথা মুক্তো বল্মীকং নৃপসত্তম।
তথাঽত্যগান্মহীং বাণো ভিত্ৎবা কৈকেয়মাহবে॥ 7-125-16 (50086)
সোঽতিবিদ্ধো মহারাজ কৈকেয়ো দ্রোণসায়কৈঃ।
ক্রোধেন মহতাঽঽবিষ্টো ব্যাবৃত্য নয়নে শুভে॥ 7-125-17 (50087)
দ্রোণং বিব্যাধ সপ্তত্যা স্বর্ণপুঙ্খৈঃ শিলাশিতৈঃ।
সারথিং চাস্য বাণেন ভৃশং মর্মস্বতাডয়ৎ॥ 7-125-18 (50088)
দ্রোণস্তু বহুভির্বিদ্ধো বৃহৎক্ষত্রেণ মারিষ।
অসৃজদ্বিশিখাংস্তীক্ষ্ণান্কৈকেয়স্য রথং প্রতি॥ 7-125-19 (50089)
ব্যাকুলীকৃত্য তং দ্রোণো বৃহৎক্ষত্রং মহারথম্।
অশ্বাংশ্চতুর্ভিরন্যবধীচ্চতুরোঽস্য পতত্ত্রিভিঃ॥ 7-125-20 (50090)
সূতং চৈকেন বাণেন রথনীডাদপাতয়ৎ।
দ্বাভ্যাং ধ্বজং চ চ্ছত্রং চ চ্ছিত্ৎবা ভূমাবপাতয়ৎ॥ 7-125-21 (50091)
ততঃ সাধুবিসৃষ্টেন নারাচেন দ্বিজর্ষভঃ।
হৃদ্যবিধ্যদ্বৃহৎক্ষত্রং স চ্ছিন্নহৃদয়োঽপতৎ॥ 7-125-22 (50092)
বৃহৎক্ষত্রে হতে রাজন্কেকয়ানাং মহারথে।
শৈশুপালিরভিক্রুদ্ধো যন্তারমিদমব্রবীৎ॥ 7-125-23 (50093)
সারথে যাহি যত্রৈষ দ্রোণস্তিষ্ঠতি দংশিতঃ।
বিনিঘ্নন্কেকয়ান্সর্বান্পাঞ্চালানাং চ বাহিনীং॥ 7-125-24 (50094)
তস্য তদ্বচনং শ্রুৎবা সারথী রথিনাং বরম্।
দ্রোণায় প্রাপয়ামাস কাম্ভোজৈর্জবনৈর্হয়ৈঃ॥ 7-125-25 (50095)
ধৃষ্টকেতুশ্চ চেদীনামৃষভোঽতিবলোদিতঃ।
বধায়াভ্যদ্রবদ্দ্রোণং পতঙ্গ ইব পাবকম্॥ 7-125-26 (50096)
সোঽবিধ্যত তদা দ্রোণং ষষ্ট্যা সাশ্বরথধ্বজম্।
পুনশ্চান্যৈঃ সর়ৈস্তীক্ষ্ণৈঃ সুপ্তং ব্যাঘ্রং তুদন্নিব॥ 7-125-27 (50097)
তস্য দ্রোণো ধনুর্মধ্যে ক্ষুরপ্রেণ শিতেন চ॥
চকর্ত গার্ধ্রপত্রেণ যতমানস্য শুষ্মিণঃ॥ 7-125-28 (50098)
অথান্যদ্ধনুরাদায় শৈশুপালির্মহারথঃ।
বিব্যাধ সায়কৈর্দ্রোণং কঙ্কবর্হিণবাজিতৈঃ॥ 7-125-29 (50099)
তস্য দ্রোণো হয়ান্হৎবা চতুর্ভিশ্চতুরঃ শরৈঃ।
সারথেশ্চ শিরঃ কায়াচ্চকর্ত প্রহসন্নিব॥ 7-125-30 (50100)
অথৈনং পঞ্চবিংশত্যা সায়কানাং সমার্পয়ৎ॥ 7-125-31 (50101)
অবপ্লুত্য রথাচ্চৈদ্যো গদামাদায় সৎবরঃ।
ভারদ্বাজায় চিক্ষেপ রুপিতামিব পন্নগীম্॥ 7-125-32 (50102)
তামাপতন্তীমালোক্য কালরাত্রিমিবোদ্যতাম্।
অশ্মসারময়ীং গুর্বীং তপনীয়বিভূষিতাম্।
শরৈরনেকসাহস্রৈর্ভাদ্বাজোঽচ্ছিনচ্ছিতৈঃ॥ 7-125-33 (50103)
সা ছিন্না বহুভির্বাণৈভারদ্বাজেন মারিষ।
গদা পপাত কৌরব্য নাদয়ন্তী ধরাতলম্॥ 7-125-34 (50104)
গদাং বিনিহতাং দৃষ্ট্বা ধৃষ্টকেতুরমর্ষণঃ।
তোমরং ব্যসৃজদ্বীরঃ শক্তিং চ কন কোজ্জ্বলাম্॥ 7-125-35 (50105)
তোমরং পঞ্চভির্ভিত্ৎবা শক্তিং চিচ্ছেদ পঞ্চভিঃ।
তৌ জগ্মতুর্মহীং ছিন্নৌ সর্পাবিব গরুত্মতা॥ 7-125-36 (50106)
ততোঽস্য বিশিখং তীক্ষ্ণং বধায় বধকাঙ্ক্ষিণঃ।
প্রেষয়ামাস সমরে ভারদ্বাজঃ প্রতাপবান্॥ 7-125-37 (50107)
স তস্য কবচং ভিত্ৎবা হৃদয়ং চামিতৌজসঃ।
অভ্যগাদ্ধরণীং বাণো হংসঃ পদ্মবনং যথা॥ 7-125-38 (50108)
পতঙ্গং হি গ্রসেচ্চাষো যথা ক্ষুদ্রং বুভুক্ষিতঃ।
তথা দ্রোণোঽগ্রসচ্ছূরো ধৃষ্টকেতুং মহাহবে॥ 7-125-39 (50109)
নিহতে চেদিরাজে তু তৎখণ্ডং পিত্র্যমাবিশৎ।
অমর্ষবশমাপন্নঃ পুত্রোঽস্য পরমাস্ত্রবিৎ॥ 7-125-40 (50110)
তমপি প্রহসন্দ্রোণঃ শরৈর্নিত্যে যমক্ষয়ম্।
মহাব্যাঘ্রো মহারণ্যে মৃগশাবং যথা বলী॥ 7-125-41 (50111)
তেষু প্রক্ষীয়মাণেষু পাণ্ডবেয়েষু ভারত।
জরাসন্ধসুতো বীরঃ স্বয়ং দ্রোণমুপাদ্রবৎ॥ 7-125-42 (50112)
স তু দ্রোণং মহাবাহুঃ শরধারাভিরাহবে।
অদৃশ্যমকরোত্তূর্ণং জলদো ভাস্করং যথা॥ 7-125-43 (50113)
তস্য তল্লাঘবং দৃষ্ট্বা দ্রোণঃ ক্ষত্রিয়মর্দনঃ।
ব্যসৃজৎসায়কাংস্তূর্ণং শতশোঽথ সহস্রশঃ॥ 7-125-44 (50114)
ছাদয়িৎবা রমে দ্রোণং রথস্থং রথিনাং বরম্।
জারাসন্ধিং জঘানাশু মিষতাং সর্বধন্বিনাম্॥ 7-125-45 (50115)
যোয়ো বিধীয়তে খণ্ডস্তংতং দ্রোণোঽন্তকোপমঃ।
আদত্ত সর্বভূতানি প্রাপ্তে কালে যথান্তকঃ॥ 7-125-46 (50116)
ততো দ্রোণো মহারাজ নাম বিশ্রাব্য সংয়ুগে।
শরৈরনেকসাহস্রৈঃ পাণ্ডবেয়ান্সমাবৃণোৎ॥ 7-125-47 (50117)
তে তু নামাঙ্কিতা বাণা দ্রোণেনাস্তাঃ শিলাশিতাঃ।
নরান্নাগান্হয়াংশ্চৈব নিজঘ্নুঃ শতশো মৃধে॥ 7-125-48 (50118)
তে বধ্যমানা দ্রোণেন শক্রেণেব মহাসুরাঃ।
সমকম্পন্ত পাঞ্চালা গাবঃ শীতার্দিতা ইব॥ 7-125-49 (50119)
ততো নিষ্টানকো ঘোরঃ পাণ্ডবানামজায়ত।
দ্রোণেন বধ্যমানেষু সৈন্যেষু ভরতর্ষভ॥ 7-125-50 (50120)
প্রতাপ্যমানাঃ সূর্যেণ হন্যমানাশ্চ সায়কৈঃ।
অন্বপদ্যন্ত পাঞ্চালাস্তদা সন্ত্রস্তচেতসঃ॥ 7-125-51 (50121)
মোহিতা বাণজালেন ভারদ্বাজেন সংয়ুগে।
ঊরুগ্রাহগৃহীতানাং পাঞ্চালানাং মহারথাঃ॥ 7-125-52 (50122)
চেদয়শ্চ মহারাজ সৃঞ্জয়াঃ কাশিকোসলাঃ।
অভ্যদ্রবন্ত সংহৃষ্টা ভারদ্বাজং যুয়ুৎসয়া॥ 7-125-53 (50123)
ব্রুবন্তশ্চ রণেঽন্যোন্যং চেদিপাঞ্চালসৃঞ্জয়াঃ।
হত দ্রোণং হত দ্রোণমিতি তে দ্রোণমভ্যযুঃ॥ 7-125-54 (50124)
যতন্তঃ পুরুপব্যাঘ্রাঃ সর্বশক্ত্যা মহাদ্যুতিম্।
নিনীপবো রণে দ্রোণং যমস্য সদনং প্রতি॥ 7-125-55 (50125)
যতমানাংস্তু তান্বীরান্ভারদ্বাজঃ শিলীমুখৈঃ।
যমায় প্রেপয়ামাস চেদিমুখ্যান্বিশেপতঃ॥ 7-125-56 (50126)
তেষু প্রক্ষীয়মাণেষু চেদিমুখ্যেষু সর্বশঃ।
পাঞ্চলাঃ সমকম্পন্ত দ্রোণসায়কপীডিতাঃ॥ 7-125-57 (50127)
প্রাক্রোশন্ভীমসেনং তে ধৃষ্টদ্যুম্নং চ ভারত।
দৃষ্ট্বা দ্রোণস্য কর্মাণি তথারূপাণি মারিষ॥ 7-125-58 (50128)
ভীম উবাচ। 7-125-59x (4579)
ব্রাহ্মণেন তপো নূনং চরিতং দুশ্চরং মহৎ।
তথা হি যুধি সঙ্ক্রুদ্ধো দহতি ক্ষত্রিয়র্পভান্॥ 7-125-59 (50129)
ধর্মো যুদ্ধং ক্ষত্রিয়স্য ব্রাহ্মণস্য পরং তপঃ।
তপস্বী কৃতবিদ্যশ্চ প্রেক্ষিতেনাপি নির্দহেৎ॥ 7-125-60 (50130)
দ্রোণাগ্নিমস্ত্রসংস্পর্শং প্রবিষ্টাঃ ক্ষত্রিয়র্পভাঃ।
বহবো দুস্তরং ঘোরং যত্রাদহ্যন্ত ভারত॥ 7-125-61 (50131)
যথাবলং যথোৎসাহং যথাসৎবং মহাদ্যুতিঃ।
মোহয়ন্সর্বভূতানি দ্রোণো হন্তি বলানি নঃ॥ 7-125-62 (50132)
সঞ্জয় উবাচ। 7-125-63x (4580)
তস্য তদ্বচনং শ্রুৎবা ক্ষত্রধর্মা ব্যবস্থিতঃ।
অর্ধচন্দ্রেণ চিচ্ছেদ দ্রোণস্য সশরং ধনুঃ॥ 7-125-63 (50133)
স সংরব্ধতরো ভূৎবা দ্রোণঃ ক্ষত্রিয়মর্দনঃ॥ 7-125-64 (50134)
অন্যৎকার্মুকমাদায় ভাস্বরং বেগবত্তরম্।
তত্রাধায় শরং তীক্ষ্ণং পরানীকবিশাতনম্॥ 7-125-65 (50135)
আকর্ণপূর্ণমাচার্যো বলবানভ্যবাসৃজৎ।
স হৎবা ক্ষত্রধর্মাণং জগাম ধরণীতলম্॥ 7-125-66 (50136)
স ভিন্নহৃদয়ো বাহান্ন্যপতন্মেদিনীতলে।
ততঃ সৈন্যান্যকম্পন্ত ধৃষ্টদ্যুম্নসুতে হতে॥ 7-125-67 (50137)
অথ দ্রোণং সমারোহচ্চেকিতানো মহাবলঃ।
স দ্রোণং দশভির্বিদ্ধ্বা প্রত্যবিদ্ধ্যৎস্তনান্তরে॥ 7-125-68 (50138)
চতুর্ভিঃ সারথিং চাস্য চতুর্ভিশ্চতুরো হয়ান্।
তমাচার্যস্ত্রিভির্বাণৈর্বাহ্বোরুরসি চার্দয়ৎ॥ 7-125-69 (50139)
ধ্বজং সপ্তভিরুন্মথ্য যন্তারমবধীত্ত্রিভিঃ।
তস্য সূতে হতে তেঽশ্বা রথমাদায় বিদ্রুতাঃ॥ 7-125-70 (50140)
সমরে শরসংবীতা ভারদ্বাজেন মারিষ।
চেকিতানরথং দৃষ্ট্বা হতাশ্বং হতসারথিম্॥ 7-125-71 (50141)
তান্সমেতান্রণে শূরাংশ্চেদিপাঞ্চালসৃঞ্জয়ান্।
সমন্তাদ্দ্রাবয়ন্দ্রোণো বহ্বশোভত মারিষ॥ 7-125-72 (50142)
আকর্ণপলিতঃ শ্যামো বয়সাঽশীতিপঞ্চকঃ।
রণে পর্যচরদ্দ্রোণো বৃদ্ধঃ ষোডশবর্ষবৎ॥ 7-125-73 (50143)
অথ দ্রোণং মহারাজ বিচরন্তমভীতবৎ।
বজ্রহস্তমমন্যন্ত শত্রবঃ শত্রুসূদনম্॥ 7-125-74 (50144)
ততোঽব্রবীন্মহাবাহুর্দ্রুপদো বুদ্ধিমান্নৃপ।
লুব্ধোঽয়ং ক্ষত্রিয়ান্হন্তি ব্যাঘ্রঃ ক্ষুদ্রমৃগানিব॥ 7-125-75 (50145)
কৃচ্ছ্রান্দুর্যোধনো লোকান্পাপঃ প্রাপ্স্যতি দুর্মতিঃ।
যস্য লোভাদ্বিনিহতাঃ সমরে ক্ষত্রিয়র্ষভাঃ॥ 7-125-76 (50146)
শতশঃ শেরতে ভূমৌ নিকৃত্তা গোবৃষা ইব।
রুধিরেণ পরীতাঙ্গাঃ শ্বশৃগালাদনীকৃতাঃ॥ 7-125-77 (50147)
সঞ্জয় উবাচ। 7-125-78x (4581)
এবমুক্ৎবা মহারাজ দ্রুপদোঽক্ষৌহিণীপতিঃ।
পুরস্কৃত্য রণে পার্থান্দ্রোণমভ্যদ্রবদ্দ্রুতম্॥ ॥ 7-125-78 (50148)
ইতি শ্রীমন্মহাভারতে দ্রোণপর্বণি জয়দ্রথবধপর্বমি চতুর্দশদিবসয়ুদ্ধে পঞ্চবিংশত্যধিকশততমোঽধ্যায়ঃ॥ 125 ॥
Mahabharata - Drona Parva - Chapter Footnotes
5-125-50 নিষ্টানকঃ কষ্টস্বনঃ॥ 5-125-52 ঊরুগ্রাহঃ ঊরুস্তম্ভঃ॥ 5-125-73 আকর্ণমুপাগতং পলিতং কেশাদেঃ শৌক্ল্যং যস্য। বয়সা কালপিণ্ডসংয়োগেন। অশীতিপঞ্চকঃ চতুঃশতাব্দঃ॥ 5-125-125 পঞ্চবিংশত্যধিকশততমোঽধ্যায়ঃ॥দ্রোণপর্ব - অধ্যায় 126
॥ শ্রীঃ ॥
7.126. অধ্যায়ঃ 126
Mahabharata - Drona Parva - Chapter Topics
অর্জুনবৃত্তান্তপরিজ্ঞানায় সাত্যকিং প্রেষিতবতা যুধিষ্ঠিরেণ পুনস্তয়োর্বৃত্তান্তপরিজ্ঞানায় ভীমসেনস্য তত্র গমনচোদনা॥ 1 ॥Mahabharata - Drona Parva - Chapter Text
7-126-0 (50149)
সঞ্জয় উবাচ। 7-126-0x (4582)
ব্যূহেষ্বালোড্যমানেষু পাণ্ডবানাং ততস্ততঃ।
সুদূরমন্বয়ুঃ পার্থাঃ পাঞ্চালাঃ সহ সোমকৈঃ॥ 7-126-1 (50150)
বর্তমানে তথা রৌদ্রে সঙ্গ্রামে রোমহর্ষণে।
সঙ্ক্ষয়ে জগতস্তীব্রে যুগান্ত ইব ভারত॥ 7-126-2 (50151)
দ্রোণে যুধি পরাক্রান্তে নর্দমানে মুহুর্মুহুঃ।
পাঞ্চালেষু চ ক্ষীণেষু বধ্যমানেষু পাণ্ডুষু॥ 7-126-3 (50152)
নাপশ্যচ্ছরণং কঞ্চিদ্বর্মরাজো যুধিষ্ঠিরঃ।
চিন্তয়ামাস রাজেন্দ্র কথমেতদ্ভবিষ্যতি॥ 7-126-4 (50153)
ততো বিক্ষ্য দিশঃ সর্বাঃ সব্যসাচিদিদৃক্ষয়া।
যুধিষ্ঠিরো দদর্শাথ নৈব পার্থং ন মাধবম্॥ 7-126-5 (50154)
সোঽপশ্যন্নরশার্দূলং বানরর্ষভলক্ষণম্।
গাণ়্ডীবস্য চ নির্ঘোষমশৃণ্বন্ব্যথিতেন্দ্রিয়ঃ॥ 7-126-6 (50155)
অপশ্যন্সাত্যকিং চাপি বৃষ্ণীনাং প্রবরং রথম্।
চিন্তয়াভিপরীতাঙ্গো ধর্মরাজো যুধিষ্ঠিরঃ।
নাধ্যগচ্ছত্তদা শান্তি তাবপশ্যন্নরোত্তমৌ॥ 7-126-7 (50156)
লোকোপক্রোশভীরুৎবাদ্বর্মরাজো মহামনাঃ।
অচিন্তয়ন্মহাবাহুঃ শৈনেয়স্য রথং প্রতি॥ 7-126-8 (50157)
পদবীং প্রেষিতশ্চৈব ফল্গুনস্য ময়া রণে।
শৈনেয়ঃ সাত্যকিঃ সত্যো মিত্রাণামভয়ঙ্করঃ॥ 7-126-9 (50158)
তদিদং হ্যেকমেবাসীদ্দ্দ্বিধা জাতং মমাঽদ্য বৈ।
সাত্যকিশ্চ হি বিজ্ঞেয়ঃ পাণ্ডবশ্চ ধনঞ্জয়ঃ॥ 7-126-10 (50159)
সাত্যকিং প্রেষয়িৎবা তু পাণ্ডবস্য পদানুগম্।
সাৎবতস্যাপি কং যুদ্ধে প্রেষয়িষ্যে পদানুগম্॥ 7-126-11 (50160)
পরিষ্যামি প্রয়ত্নেন ভ্রাতুরন্বেষণং যদি।
যুয়ুধানমনন্বিষ্য লোকো মাং গর্হয়িষ্যতি॥ 7-126-12 (50161)
ভ্রাতুরন্বেষণং কৃৎবা ধর্মপুত্রো যুধিষ্ঠিরঃ।
পরিত্যজতি বার্ষ্ণেয়ং সাত্যকিং সত্যবিক্রমম্॥ 7-126-13 (50162)
লোকাপবাদভীরুৎবাৎসোঽহং পার্থং বৃকোদরম্।
পদবীং প্রেষয়িষ্যামি মাধবস্য মহাত্মনঃ॥ 7-126-14 (50163)
যথৈব চ মম প্রীতিরর্জুনে শত্রুমূদনে।
তথৈব বৃষ্ণিবীরেঽপি সাৎবতে যুদ্ধদুর্মদে॥ 7-126-15 (50164)
অতিভারে নিয়ুক্তশ্চ ময়া শৈনেয়নন্দনঃ।
স তু মিত্রোপরোধেন গৌরবাত্তু মহাবলঃ।
প্রবিষ্টো ভারতীং সেনাং মকরঃ সাগরং যথা॥ 7-126-16 (50165)
অসৌ হি শ্রূয়তে শব্দঃ শূরাণামনিবর্তিনাম্।
মিথঃ সংয়ুধ্যমানানং বৃষ্ণিবীরেণ ধীমতা॥ 7-126-17 (50166)
প্রাপ্তকালং সুবলবন্নিশ্চিতং বহুধা হি মে।
তত্রৈব পাণ্ডবেয়স্য ভীমসেনস্য ধন্বিনঃ।
গমনং রোচতে মহ্যং যত্র যাতৌ মহারথৌ॥ 7-126-18 (50167)
ন চাপ্যসহ্যং ভীমস্য বিদ্যতে ভুবি কিঞ্চিন॥ 7-126-19 (50168)
শক্তো হ্যেষ রণে যত্তঃ পৃথিব্যাং সর্বধন্বিনাম্।
স্ববাহুবলমাস্থায় প্রতিব্যূহিতুমঞ্জসা॥ 7-126-20 (50169)
যস্য বাহুবলং সর্বে সমাশ্রিত্য মহাত্মনঃ।
বনবাসান্নিবৃত্তাঃ স্ম ন চ যুদ্ধেষু নির্জিতাঃ॥ 7-126-21 (50170)
ইতো গতে ভীমসেনে সাৎবতং প্রতি পাণ়্ডবে।
সনাথৌ ভবিতারৌ হি যুধি সাৎবতফল্গুনৌ॥ 7-126-22 (50171)
কামং ৎবশোচনীয়ৌ তৌ রণে সাৎবতফল্গুনৌ।
রক্ষিতৌ বাসুদেবেন স্বয়ং শস্ত্রবিশারদৌ॥ 7-126-23 (50172)
অবশ্যং তু ময়া কার্যমাত্মনঃ শোকনাশনম্।
তস্মাদ্ভীমং নিয়োক্ষ্যামি সাৎবতস্য পদানুগম্॥ 7-126-24 (50173)
ততঃ প্রতিকৃতং মন্যে বিধানং সাত্যকিং প্রতি॥
এবং নিশ্চিত্য মনসা ধর্মপুত্রো যুধিষ্ঠিরঃ। 7-126-25 (50174)
যন্তারমব্রবীদ্রাজা ভীমং প্রতি নয়স্ব মাম্॥ 7-126-26 (50175)
ধর্মরাজবচঃ শ্রুৎবা সারথির্হয়কোবিদঃ।
রথং হেমপরিষ্কারং ভীমান্তিকমুপানয়ৎ॥ 7-126-27 (50176)
ভীমসেনমনুজ্ঞাপ্য প্রাপ্তকালমচিন্তয়ৎ।
কশ্মলং প্রাবিশদ্রাজা বহু তত্র সমাদিশৎ॥ 7-126-28 (50177)
স কশ্মলসমাবিষ্টো ভীমমাহূয় পার্থিবঃ।
অব্রবীদ্বচনং রাজন্কুন্তীপুত্রো যুধিষ্ঠিরঃ। 7-126-29 (50178)
অব্রবীদ্বচনং রাজন্কুন্তীপুত্রো যুধিষ্ঠিরঃ॥
যঃ সদেবান্সগন্ধর্বান্দৈত্যাংশ্চৈকরথোঽজয়ৎ। 7-126-30 (50179)
তস্য লক্ষ্ম ন পশ্যামি ভীমসেনানুজস্য তে॥ 7-126-31 (50180)
সঞ্জয় উবাচ।
ততোঽব্রবীদ্ধর্মরাজং ভীমসেনস্তথাগতম্।
নৈবাদ্রাক্ষং নচাশ্রৌষং তব কশ্মলমীদৃশম্॥ 7-126-31x (4583)
পুরাতিদুঃখদীর্ণানাং ভবান্গতিরভূদ্ধি নঃ।
উত্তিষ্ঠোত্তিষ্ঠ রাজেন্দ্র শাধি কিং করবাণি তে॥ 7-126-32 (50181)
ন হ্যসাধ্যমকার্যং বা বিদ্যতে মম মানদ।
আজ্ঞাপয় কুরুশ্রেষ্ঠ মা চ শোকে মনঃ কৃথাঃ॥ 7-126-33 (50182)
সঞ্জয় উবাচ। 7-126-34x (4584)
তমব্রবীদশ্রুপূর্ণঃ কৃষ্ণসর্প ইব শ্বসন্।
ভীমসেনমিদং বাক্যং প্রম্লানবদনো নৃপঃ॥ 7-126-34 (50183)
শ্রূয়তে পাঞ্চজন্যস্য যথা শঙ্খস্য নিস্বনঃ।
পূরিতো বাসুদেবেন সংরব্ধেন যশস্বিনা॥ 7-126-35 (50184)
নূনমদ্য হতঃ শেতে তব ভ্রাতা ধনঞ্জয়ঃ।
তস্মিন্বিনিহতে নূনং যুধ্যতেঽসৌ জনার্দনঃ॥ 7-126-36 (50185)
যস্য সৎববতো বীর্যং হ্যুপজীবন্তি পাণ্ডবাঃ।
যং ভয়েষ্বভিগচ্ছন্তি সহস্রাক্ষমিবামরাঃ॥ 7-126-37 (50186)
স শূরঃ সৈন্ধবপ্রেপ্সুরন্বয়াদ্ভারতীং চমূম্।
তস্য বৈ গমনং বিদ্মো ভীম নাবর্তনং পুনঃ॥ 7-126-38 (50187)
শ্যামো যুবা গুডাকেশো দর্শনীয়ো মহারথঃ।
ব্যূঢোরস্কো মহাবাহুর্মত্তদ্বিরদবিক্রমঃ॥ 7-126-39 (50188)
চকোরনেত্রস্তাম্রাস্যো দ্বিষতাং ভয়বর্ধনঃ।
`মম প্রিয়হিতার্থং চ শক্রলোকাদিহাগতঃ॥ 7-126-40 (50189)
বৃদ্ধোপসেবী ধৃতিমান্কৃতজ্ঞঃ সত্যসঙ্গরঃ।
প্রবিষ্টো মহতীং সেনামপর্যন্তাং ধনঞ্জয়ঃ॥ 7-126-41 (50190)
প্রবিষ্টে চ চমূং ঘোরামর্জুনে শত্রুনাশনে।
প্রেষিতঃ সাৎবতো বীরঃ ফল্গুনস্য পদানুগঃ॥ 7-126-42 (50191)
তস্যাভিগমনং জানে ভীম নাবর্তনং পুনঃ'।
তদিদং মম ভদ্রং তে শোকস্থানমরিন্দম॥ 7-126-43 (50192)
অর্জুনার্থে মহাবাহো সাৎবতস্য চ কারণাৎ।
বর্ধতে হবিষেবাগ্নিরিধ্যমানঃ পুনঃ পুনঃ॥ 7-126-44 (50193)
তস্য লক্ষ্ম ন পশ্যামি তেন বিন্দামি কশ্মলম্।
তং বিদ্ধি পুরুষব্যাঘ্রং সাৎবতং চ মহারথম্॥ 7-126-45 (50194)
স তং মহারথং পশ্চাদনুয়াতস্তবানুজম্।
তমপশ্যন্মহাবাহুমদং বিন্দামি কশ্মলম্॥ 7-126-46 (50195)
`অথৈনং পুনরাচক্ষ্ব লোহিতাক্ষং সকেশবম্।
দৃষ্ট্বা কুশলিনং পার্থং সৈন্ধবান্তে সসাত্যকিম্॥ 7-126-47 (50196)
সংবিদং মম কুর্যাস্ৎবং সিংহনাদেন পাণ্ডব॥ 7-126-48 (50197)
নূনং বিনিহতঃ শূরঃ সব্যাসাচী পরন্তপ'।
পার্থে তস্মিন্হতে চৈব যুধ্যতে গরুডধ্বজঃ॥ 7-126-49 (50198)
সহয়ো নাস্য বৈ কশ্চিত্তেন বিন্দামি কশ্মলম্।
তস্মাৎকৃষ্ণো রণে নূনং যুধ্যতে যুদ্ধকোবিদঃ॥ 7-126-50 (50199)
ন হি মে শুধ্যতে ভাবস্তয়োরেব পরন্তপ।
স তত্র গচ্ছ কৌন্তেয় যত্র যাতো ধনঞ্জয়ঃ॥ 7-126-51 (50200)
সাত্যকিশ্চ মহাবীর্যঃ কর্তব্যং যদি মন্যসে।
বচনং মম ধর্মজ্ঞ ভ্রাতা জ্যেষ্ঠো ভবামি তে॥ 7-126-52 (50201)
ন মেঽর্জুনস্তথা জ্ঞেয়ো জ্ঞাতব্যঃ সাত্যকির্যথা॥ 7-126-53 (50202)
চিকীর্ষুর্মৎপ্রিয়ং পার্থ স যাতঃ সব্যসাচিনঃ।
পদবীং দুর্গমাং ঘোরামগম্যামকৃতাত্মভিঃ॥ 7-126-54 (50203)
দৃষ্ট্বা কুশলিনৌ কৃষ্ণৌ সাৎবতং চৈব সাত্যকিম্।
সংবিদং চৈব কুর্যাস্ৎবং সিংহনাদেন পাণ়্ডব॥ ॥ 7-126-55 (50204)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ষড্বিংশত্যধিকশততমোঽধ্যায়ঃ॥ 126 ॥
Mahabharata - Drona Parva - Chapter Footnotes
5-126-6 বানরর্ষভলক্ষণং বানরপ্রধানধ্বজম্। বরবানরকেতনমিতি পাঠো বা॥ 5-126-9 সত্যো দৃঢপ্রতিজ্ঞঃ॥ 5-126-25 সাত্যকিম্প্রতি প্রতিবিধানং কৃতমিত্যন্বয়ঃ॥ 5-126-40 চকোরনেত্রো রক্তান্তায়তনয়নঃ। তাম্রাস্যো রক্তগৌরমুখঃ॥ 5-126-126 ষড্বিংশত্যধিকশততমোঽধ্যায়ঃ॥ 126 ॥দ্রোণপর্ব - অধ্যায় 127
॥ শ্রীঃ ॥
7.127. অধ্যায়ঃ 127
Mahabharata - Drona Parva - Chapter Topics
কতিচন ধার্তরাষ্ট্রান্নিহত্য নির্গচ্ছতা ভীমেন স্বপথং নিরুন্ধানস্য দ্রোণস্য রথভঞ্জনম্॥ 1 ॥Mahabharata - Drona Parva - Chapter Text
7-127-0 (50205)
ভীমসেন উবাচ। 7-127-0x (4585)
ব্রহ্মেশানেন্দ্রবরুণানবহদ্যঃ পুরা রথঃ।
তমাস্থায় গতৌ কৃষ্ণৌ ন তয়োর্বিদ্যতে ভয়ম্॥ 7-127-1 (50206)
তবাজ্ঞাং শিরসা বিভ্রদেষ গচ্ছামি মা শুচঃ।
সমেত্য তান্নরব্যাঘ্রাস্তব দাস্যামি সংবিদম্॥ 7-127-2 (50207)
সঞ্জয় উবাচ। 7-127-3x (4586)
এতাবদুক্ৎবা প্রয়যৌ পরিদায় যুধিষ্ঠিরম্।
ধৃষ্টদ্যুম্নায় বলবান্সুহৃদ্ভ্যশ্চ পুনঃপুনঃ।
ধৃষ্টদ্যুম্নং চেদমাহ ভীমসেনো মহাবলঃ॥ 7-127-3 (50208)
বিদিতং তে মহাবাহো যথা দ্রোণো মহারথঃ।
গ্রহণে ধর্মরাজস্য সর্বোপায়েন বর্ততে॥ 7-127-4 (50209)
ন চ মে গমনে কৃত্যং তাদৃক্পার্ষত বিদ্যতে।
যাদৃশং রক্ষণে রাজ্ঞঃ কার্যমাত্যযিকং হি নঃ॥ 7-127-5 (50210)
এবমুক্তোঽস্মি পার্থেন প্রতিবক্তুং ন চোৎসহে।
প্রয়াস্যে তত্র যত্রাসৌ মুমূর্ষুঃ সৈন্ধবঃ স্থিতঃ॥ 7-127-6 (50211)
ধর্মরাজস্য বচনে স্থাতব্যমবিশঙ্কয়া।
যাস্যামি পদবীং ভ্রাতুঃ সাৎবতস্য চ ধীমতঃ॥ 7-127-7 (50212)
সোঽদ্য যত্তো রণে রার্থং পরিরক্ষ যুধিষ্ঠিরম্।
এতদ্ধি সর্বকার্যাণাং পরমং কৃৎসমাহবে॥ 7-127-8 (50213)
তমব্রবীন্মহারাজ ধৃষ্টদ্যুম্নো বৃকোদরম্।
ঈপ্সিতং তে করিষ্যামি গচ্ছ পার্থাবিচারয়ন্॥ 7-127-9 (50214)
নাহৎবা সমরে দ্রোণো ধৃষ্টদ্যুম্নং কথঞ্চন।
নিগ্রহং ধর্মরাজস্য প্রকরিষ্যতি সংয়ুগে॥ 7-127-10 (50215)
সঞ্জয় উবাচ। 7-127-11x (4587)
ততো নিক্ষিপ্য রাজানং ধৃষ্টদ্যুম্নে চ পাণ্ডবম্।
অভিবাদ্য গুরুং জ্যেষ্ঠং প্রয়যৌ যেন ফল্গুনঃ॥ 7-127-11 (50216)
পরিষ্বক্তশ্চ কৌন্তেয়ো ধর্মরাজেন মারুতিঃ।
আঘ্রাতশ্চ তথা মূর্ধ্নি শ্রাবিতশ্চাশিষঃ শুভাঃ॥ 7-127-12 (50217)
[কৃৎবা প্রদক্ষিণান্বিপ্রানর্চিতাংস্তুষ্টমানসান্।
আলভ্য মঙ্গলান্যষ্টৌ পীৎবা কৈরাতকং মধু॥ 7-127-13 (50218)
দ্বিগুণদ্রবিণো বীরো মদরক্তান্তলোচনঃ।
বিপ্রৈঃ কৃতস্বস্ত্যযনো বিজয়োৎপাদসূচিতঃ॥ 7-127-14 (50219)
পশ্যন্নেবাত্মনো বুদ্ধিং বিজয়ানন্দকারিণীম্।
অনুলোমানিলৈশ্চাশু প্রদর্শিতজয়োদয়ঃ॥ 7-127-15 (50220)
ভীমসেনো মহাবাহুঃ কবচী শুভকুণ্ডলী।
সগদঃ সতলত্রাণঃ সশরী রথিনাং বরঃ।
রথমারুহ্য নির্যুক্তং সর্বোপকরণান্বিতম্'॥ 7-127-16 (50221)
তস্য কার্ষ্ণায়সং বর্ম হেমচিত্রং মহর্দ্ধিমৎ।
বিবভৌ সর্বতঃ শ্লিষ্টং সবিদ্যুদিব তোয়দঃ॥ 7-127-17 (50222)
পীতরক্তাসিতসিতৈর্বাসৌভিশ্চ সুবেষ্টিতঃ।
কণ্ঠসূত্রেণ বিবভৌ সেন্দ্রায়ুধ ইবাম্বুদঃ॥ 7-127-18 (50223)
প্রয়াতে ভীমসেনে তু তব সৈন্যং যুয়ুৎসয়া।
পাঞ্চজন্যরবো ঘোরঃ পুনরাসীদ্বিশাম্পতে॥ 7-127-19 (50224)
তং শ্রুৎবা নিনদং ঘোরং ত্রৈলোক্যত্রাসনং মহৎ।
পুনর্ভীমং মহাবাহুং ধর্মপুত্রোঽভ্যভাষত॥ 7-127-20 (50225)
এষ বৃষ্ণিপ্রবীরেণ ধ্মাতঃ সলিলজো ভৃশম্।
পৃথিবীং চান্তরিক্ষং চ বিনাদয়তি শঙ্খরাট্॥ 7-127-21 (50226)
নূনং ব্যসনমাপন্নে সুমহৎসব্যসাচিনি।
কুরুভির্যুধ্যতে সার্ধং সর্বৈশ্চক্রগদাধরঃ॥ 7-127-22 (50227)
নূনমার্যা মহৎকুন্তী পাপং ব্যসনমীদৃশম্।
দ্রৌপদী চ সুভদ্রা চ পশ্যন্তি সহ বন্ধুভিঃ।
তদ্ভীম ৎবরয়া যুক্তো যাহি যত্র ধনঞ্জয়ঃ॥ 7-127-23 (50228)
মুহ্যতীব হি মে চিত্তং ধনঞ্জয়দিদৃক্ষয়া।
দিশশ্চ প্রদিশঃ পার্থ সাৎবতস্য চ কারণাৎ॥ 7-127-24 (50229)
গচ্ছগচ্ছেতি গুরুণা সোঽনুজ্ঞাতো বৃকোদরঃ।
ততঃ পাণ্ডুসুতো রাজন্ভীমসেনঃ প্রতাপবান্॥ 7-127-25 (50230)
বদ্ধগোধাঙ্গুলিত্রাণঃ প্রগৃহীতশরাসনঃ।
জ্যেষ্ঠেন প্রহিতো ভ্রাত্রা ভ্রাতা ভ্রাতুঃ প্রিয়ঙ্করঃ॥ 7-127-26 (50231)
আহত্য দুন্দুভিং ভীমঃ শঙ্খং প্রধ্মাপ্য চাসকৃৎ।
বিনদ্য সিংহনাদেন জ্যাং বিকর্ষন্পুনঃপুনঃ॥ 7-127-27 (50232)
তেন শব্দেন বীরাণাং পাতয়িৎবা মনাংস্যুত।
দর্শয়ন্ঘোরমাত্মানমমিত্রান্সহসাঽভ্যযাৎ॥ 7-127-28 (50233)
তমূহুর্জবনা দান্তা বিরুবন্তো হয়োত্তমাঃ।
বিশোকেন সুসংয়ত্তা মনোমারুতরংহসঃ॥ 7-127-29 (50234)
আরুজন্বিরুজন্পার্থো জ্যাং বিকর্ষংশ্চ পাণিনা।
সম্প্রকর্ষন্বিকর্ষংশ্চ সেনাগ্রং সমলোডয়ৎ॥ 7-127-30 (50235)
তং প্রয়ান্তং মহাবাহুং পাঞ্চালাঃ সহসোমকাঃ।
পৃষ্ঠতোঽনুয়যুঃ শূরা মঘবন্তমিবামরাঃ॥ 7-127-31 (50236)
তং সমেত্য মহারাজ তাবকাঃ পর্যবারয়ন্।
দুঃশাসনশ্চিত্রসেনঃ কুণ্ডভেদী বিবিংশতিঃ॥ 7-127-32 (50237)
দুর্মুখো দুঃসহশ্চৈব বিকর্ণশ্চ শলস্তথা।
বিন্দানুবিন্দৌ সুমুখো দীর্ঘবাহুঃ সুদর্শনঃ॥ 7-127-33 (50238)
বৃন্দারকঃ সুহস্তশ্চ সুষেণো দীর্ঘলোচনঃ।
অভয়ো রৌদ্রকর্ণা চ সুবর্মা দুর্বিমোচনঃ॥ 7-127-34 (50239)
শোভন্তো রথিনাং শ্রেষ্ঠাঃ সহসৈন্যপদানুগাঃ।
সংয়ত্তাঃ সমরে বীরা ভীমসেনমুপাদ্রবন্॥ 7-127-35 (50240)
তৈঃ সমন্তাদ্বৃতঃ শূরৈঃ সমরেষু মহারথঃ।
তান্সমীক্ষ্য তু কৌন্তেয়ো ভীমসেনঃ পরাক্রমী।
অভ্যবর্তত বেগেন সিংহঃ ক্ষুদ্রমৃগানিব॥ 7-127-36 (50241)
তে মহাস্ত্রাণি দিব্যানি তত্র বীরা অদর্শয়ন্।
ছাদয়ন্তঃ শরৈর্ভীমং মেঘাঃ সূর্যমিবোদিতম্॥ 7-127-37 (50242)
ততঃ ক্রুদ্ধো মহারাজ ভীমসেনঃ পরাক্রমী।
অগ্রতঃ স্যন্দনানীকং শরবর্ষৈরবাকিরৎ॥ 7-127-38 (50243)
তে বধ্যমানাঃ সমরে তব পুত্রা মহারথাঃ।
ভীমং ভীমবলা যুদ্ধে যোধয়ন্তি জয়ৈষিণঃ॥ 7-127-39 (50244)
ততো দুঃশাসনঃ ক্রুদ্ধো রথশক্তিং সমাক্ষিপৎ।
সর্বপারসবীং তীক্ষ্ণাং জিঘাংসুঃ পাণ্ডুনন্দনম্॥ 7-127-40 (50245)
আপতন্তীং মহাশক্তিং তব পুত্রপ্রণোদিতাম্।
দ্বিধা চিচ্ছেদ তাং ভীমস্তদদ্ভুতমিবাভবৎ॥ 7-127-41 (50246)
অথান্যৈর্বিশিখৈস্তীক্ষ্ণৈঃ সঙ্ক্রুদ্ধঃ কুণ্ডভেদিনম্।
সুষেণং দীর্ঘনেত্রং চ ত্রিভিস্ত্রীনবধীদ্বলী॥ 7-127-42 (50247)
ততো বৃন্দারকং বীরং কুরূণাং কীর্তিবর্ধনম্।
পুত্রাণাং তব বীরাণাং যুধ্যতামবধীৎপুনঃ॥ 7-127-43 (50248)
অভয়ং রৌদ্রকর্মাণং দুর্বিমোচনমেব চ।
ত্রিভিস্ত্রীনবধীদ্ভীমঃ পুনরেব সুতাংস্তব॥ 7-127-44 (50249)
বধ্যমানা মহারাজ পুত্রাস্তব বলীয়সা।
ভীমং প্রহরতাং শ্রেষ্ঠং সমন্তাৎপর্যবারয়ন্॥ 7-127-45 (50250)
তে শরৈর্ভীমকর্মাণং ববর্ষুঃ পাণ্ডবং যুধি।
মেঘা ইবাতপাপায়ে ধারাভির্ধরণীধরম্॥ 7-127-46 (50251)
স তদ্বাণময়ং বর্ষমশ্মবর্ষমিবাচলঃ।
প্রতীচ্ছন্পাণ্ডুদায়াদো ন প্রাব্যথত শত্রুহা॥ 7-127-47 (50252)
বিন্দানুবিন্দৌ সহিতৌ সুবর্মাণং চ তে সুতম্।
প্রহসন্নেব কৌন্তেয়ঃ শরৈর্নিন্যং যমক্ষয়ম্॥ 7-127-48 (50253)
ততঃ সুদর্শনং বীরং পুত্রং তে ভরতর্ষভ।
বিব্যাধ সমরে তূর্ণং স পপাত মমার চ॥ 7-127-49 (50254)
সোঽচিরেণৈব কালেন তদ্রথানীকমাশুগৈঃ।
দিশঃ সর্বাঃ সমালোক্য ব্যধমৎপাণ্ডুনন্দনঃ॥ 7-127-50 (50255)
ততো বৈ রথঘোষেণ গর্জিতেন মৃগা ইব।
ভজ্যমানাশ্চ সমরে তব পুত্রা বিশাম্পতে।
প্রাদ্রবন্সহসা সর্বে ভীমসেনভয়র্দিতাঃ॥ 7-127-51 (50256)
অনুয়ায়াচ্চ কৌন্তেয়ঃ পুত্রাণাং তে মহদ্বলম্।
বিব্যাধ সমরে রাজন্কৌরবেয়ান্সমন্ততঃ॥ 7-127-52 (50257)
বধ্যমানা মহারাজ ভীমসেনেন তাবকাঃ।
ত্যক্ৎবা ভীমং রণাজ্জগ্মুশ্চোদয়ন্তো হয়োত্তমান্। 7-127-53 (50258)
তাংস্তু নির্জিত্য সমরে ভীমসেনো মহাবলঃ।
সিংহনাদরবং চক্রে বাহুশব্দং চ পাণ্ডবঃ॥ 7-127-54 (50259)
*মহান্তং তলশব্দং চ কৃৎবা দ্রোণান্তিকং যয়ৌ।
তমাবারয়দাচার্যো বেলেবোদ্বৃত্তমর্ণবম্॥ 7-127-55 (50260)
তস্য দ্রোণো রথং রাজঞ্ছাদয়ামাস সংয়ুগে।
সাশ্বসূতধ্বজং তূর্ণং তদদ্ভুতমিবাভবৎ॥ 7-127-56 (50261)
ললাটেঽতাডয়চ্চৈনং নারাচেন স্ময়ন্নিব।
ঊর্ধ্বরশ্মিরিবাদিত্যো বিবভৌ তত্র পাণ্ডবঃ॥ 7-127-57 (50262)
স মন্যমানস্ৎবাচার্যো মমায়ং ফল্গুনো যথা।
ভীমঃ করিষ্যতে পূজামিত্যুবাচ বৃকোদরম্॥ 7-127-58 (50263)
ভীমসেন ন তে শক্যং প্রবেষ্টুমরিবাহিনীম্।
মামনির্জিত্য সমরে শত্রুমদ্য মহাবল॥ 7-127-59 (50264)
যদি তে সানুজঃ কৃষ্ণঃ প্রবিষ্টোঽনুমতে মম।
অনীকং ন তু শক্যং মে প্রবেষ্টুমিহ বৈ ৎবয়া॥ 7-127-60 (50265)
সঞ্জয় উবাচ। 7-127-61x (4588)
অথ ভীমস্তু তচ্ছ্রুৎবা গুরোর্বাক্যমশেষতঃ।
ক্রুদ্ধঃ প্রোবাচ বৈ দ্রোণং রক্ততাম্রেক্ষণঃ শ্বসন্॥ 7-127-61 (50266)
তবার্জুনো নানুমতে ব্রহ্বন্ধো রমাজিরম্।
প্রবিষ্টঃ স হি দুর্ধর্ষঃ শক্রস্যাপি বিশেদ্বলম্॥ 7-127-62 (50267)
যেন ৎবং পরমাং পূজাং কুর্বতা মানিতো হ্যসি।
নার্জুনোঽহং ঘৃণী বিপ্র ভীমসেনোঽস্মি তে রিপুঃ॥ 7-127-63 (50268)
পিতা নস্ৎবং গুরুর্বন্ধুস্তদা পুত্রা হি র্তে বয়ম্।
ইতি মন্যামহে সর্বে ভবন্তং প্রণতাঃ স্থিতাঃ॥ 7-127-64 (50269)
তদদ্য বিপরীতং তে বদতোঽস্মাসু দৃশ্যতে।
যদি শত্রুং ৎবমাত্মানং মন্যসে তত্তথাঽস্ৎবিহ।
এষ তে সদৃশং কর্ম শত্রোর্ভীমঃ করিষ্যতি॥ 7-127-65 (50270)
সঞ্জয় উবাচ। 7-127-66x (4589)
অথোদ্ধাম্য গদাং বীরঃ কালদণ্ডমিবান্তকঃ।
দ্রোণায়াবাসৃজদ্রাজন্স রথাদবপুপ্লুবে॥ 7-127-66 (50271)
সাশ্বসূতধ্বজং যানং দ্রোণস্যাপোথয়ত্তদা।
তদদ্ভুতমপশ্যাম পাণ্ডবেয়স্য বিক্রমম্॥ 7-127-67 (50272)
দ্রোণং তু বিরথং কৃৎবা ভীমসেনো মহাবলঃ।
অভ্যবর্তত সৈন্যানি তাবকানি সমন্ততঃ॥ 7-127-68 (50273)
স মৃদ্রংস্তরসা যোধান্বায়ুর্বৃক্ষানিবৌজসা।
বিচচার রণে রাজন্বায়ুতুল্যপরাক্রমঃ॥ 7-127-69 (50274)
নির্জিতস্তু তদা তেন পাণ্ডবেন মহাত্মনা।
অন্যং তু রথমাতিষ্ঠদ্দ্রোণঃ প্রহরতাং বরঃ॥ ॥ 7-127-70 (50275)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে সপ্তবিংশত্যধিকশততমোঽধ্যায়ঃ॥ 127 ॥
Mahabharata - Drona Parva - Chapter Footnotes
5-127-1 সংবিদং জ্ঞাপনম্॥ 5-127- আত্যযিকং অতিশয়িতম্॥ 5-127- ইদং শ্লোকত্রয়ং ঝ. পুস্তক এব বর্ততে। অনলো গোহিরণ্যং চ দূর্বাগোরোচনামৃতম্। অক্ষতং দধি চেত্যষ্টৌ মঙ্গলানি প্রচক্ষতে॥ 5-127- বিজয়োৎপাদসূচিতঃ সূচিতবিজয়োৎপাদঃ॥ 5-127- রথমারুহ্য প্রয়যাবিতি পূর্বেণান্বয়ঃ॥ 5-127- আহ কুন্তী নূনমার্যা পাপমদ্য নিদর্শনম্। দ্রোপদ্রী চ সুভদ্রা চ পশ্যন্ত্যৌ সহ বন্ধুভিঃ। ইতি ঝ. পাঠঃ॥ 5-127- আরুজন্ কৃন্তন্। বিরুজন্বিষ্যন্। বিকর্ষন্ অত্যর্থং কর্ষন্। সম্প্রকর্ষন্ সম্যক্প্রকর্ষেণ বিলিখন্। বিকর্ষন্ বিক্ষিপন্॥ 5-127-* ইয়ং কথা ঝ. পাঠে পূর্বাধ্যায়ে 37 তমশ্লোকাদনন্তরং কথিতাস্তি।দ্রোণপর্ব - অধ্যায় 128
॥ শ্রীঃ ॥
7.128. অধ্যায়ঃ 128
Mahabharata - Drona Parva - Chapter Topics
পুনর্দ্রোণরথান্ভঙ্ক্ৎবা গচ্ছতো ভীমস্যার্জুনদর্শনেন সিংহনাদঃ॥ 1 ॥ তচ্ছ্রবণেন যুধিষ্ঠিরস্য হর্ষোদয়ঃ॥ 2 ॥Mahabharata - Drona Parva - Chapter Text
7-128-0 (50276)
সঞ্জয় উবাচ। 7-128-0x (4590)
সমুত্তীর্ণং রথানীকং পাণ্ডবং বিহসন্রণে।
বিবারয়িষুরাচার্যঃ শরবর্ষৈরবাকিরৎ॥ 7-128-1 (50277)
পিবন্নিব শরৌঘাংস্তান্দ্রোণচাপপরিচ্যুতান্।
সোঽভ্যদ্রবত সোদর্যান্মোহয়ন্বলমায়যা॥ 7-128-2 (50278)
তং মৃধে বেগমাস্থায় পরং পরমধন্বিনঃ।
চোদিতাস্তব পুত্রৈশ্চ সর্বতঃ পর্যবারয়ন্॥ 7-128-3 (50279)
স তৈস্তু সংবৃতো ভীমঃ ক্রোধেন প্রদহন্নিব।
উদ্যচ্ছন্স গদাং তেভ্যঃ সুঘোরাং সিংহবন্নদন্।
অবাসৃজচ্চ বেগেন শত্রুপক্ষবিনাশিনীম্॥ 7-128-4 (50280)
ইন্দ্রাশনিরিবেন্দ্রেণ প্রবিদ্ধা সংহতাত্মনা।
প্রামথ্নাৎসা মহারাজ সৈনিকাংস্তব সংয়ুগে॥ 7-128-5 (50281)
ঘোষেণ মহতা রাজন্পূরয়ন্তীব মেদিনীম্।
জ্বলন্তী তেজসা ভীমা ত্রাসয়ামাস তে সুতান্॥ 7-128-6 (50282)
তাং পতন্তীং মহাবেগাং দৃষ্ট্বা তেজোভিসংবৃতাম্।
প্রাদ্রবংস্তাবকাঃ সর্বে নদন্তো বৈরবান্রবান্॥ 7-128-7 (50283)
সিংহনাদমসহ্যং হি শ্রুৎবা ভীমস্য সংয়ুগে।
প্রাপতন্মুনুজাস্ত্রস্তা রথেভ্যো রথিনস্তদা॥ 7-128-8 (50284)
তে হন্যমানা ভীমেন গদাহস্তেন তাবকাঃ।
প্রাদ্রবন্ত রণে ভীতা ব্যাঘ্রঘ্রাতা মৃগা ইব॥ 7-128-9 (50285)
স তান্বিদ্রাব্য কৌন্তেয়ঃ সঙ্খ্যেঽমিত্রান্দুরাসদান্।
সুপর্ণ ইব বেগেন পক্ষিরাডত্যগাচ্চমূম্॥ 7-128-10 (50286)
তথা তু বিপ্রকুর্বাণং রথয়ূথপয়ূথপম্।
ভারদ্বাজো মহারাজ ভীমসেনং সমভ্যযাৎ॥ 7-128-11 (50287)
ভীমং তু সমরে দ্রোণো বারয়িৎবা শরোর্মিভিঃ।
অকরোৎসহসা নাদং ষাণ্ডূনাং ভয়মাদধৎ॥ 7-128-12 (50288)
তদ্যুদ্ধমাসীৎসুমহদ্ধোরং দেবাসুরোপমম্।
দ্রোণস্য চ মহারাজ ভীমস্য চ মহাত্মনঃ॥ 7-128-13 (50289)
যদা তু বিশিখৈস্তীক্ষ্ণৈর্দ্রোণচাপবিনিঃসৃতৈঃ।
বধ্যন্তে সমরে বীরাঃ শতশোঽথ সহস্রশঃ॥ 7-128-14 (50290)
ততো রথাদবপ্লুত্য বেগমাস্থায় পাণ্ডবঃ।
নিমীল্য নয়নে রাজন্পদাতির্দ্রোণমভ্যযাৎ॥ 7-128-15 (50291)
অংসে শিরো ভীমসেনঃ করৌ কৃৎবোরসি স্থিরৌ।
বেগমাস্থায় বলবান্মনোনিলগরুত্মতাম্॥ 7-128-16 (50292)
যথা হি গোবৃষো বর্ষং প্রতিগৃহ্ণাতি লীলয়া।
তথা ভীমো নরব্যাঘ্রঃ শরবর্ষং সমগ্রহীৎ॥ 7-128-17 (50293)
স বধ্যমানঃ সমরে রথং দ্রোণস্য মারিষ।
ঈষায়াং পাণিনা গৃহ্য প্রচিক্ষেপ মহাবলঃ॥ 7-128-18 (50294)
দ্রোণস্তু সৎবরো রাজন্ক্ষিপ্তো ভীমেন সংয়ুগে।
`দদৃশে তাবকৈর্যোধৈর্বিস্ময়োৎফুল্ললোচনৈঃ।
পরিহৃত্য রথং দ্রোণশ্চূর্ণিতং তং মহীতলে'॥ 7-128-19 (50295)
রথমন্যং সমারুহ্য ব্যূহদ্বারং যয়ৌ পুনঃ।
তমায়ান্তং তথা দৃষ্ট্বা ভগ্নোৎসাহং গুরুং তদা॥ 7-128-20 (50296)
গৎবা বেগাৎপুনর্ভীমো ধুরং গৃহ্য রথস্য তু।
তমপ্যতিরথং ভীমশ্চিক্ষেপ ভৃশরোষিতঃ॥ 7-128-21 (50297)
এবমষ্টৌ রথাঃ ক্ষিপ্তা ভীমসেনেন লীলয়া॥ 7-128-22 (50298)
ব্যদৃশ্যত নিমেষেণ পুনঃ স্বরথমাস্থিতঃ।
দৃশ্যতে তাবকৈর্যোধৈর্বিস্ময়োৎফুল্ললোচনৈঃ॥ 7-128-23 (50299)
তস্মিন্ক্ষণে তস্য যন্তা তূর্ণমশ্বানচোদয়ৎ।
ভীমসেনস্য কৌরব্য তদদ্ভুতমিবাভবৎ॥ 7-128-24 (50300)
ততঃ স্বরথমাস্থায় ভীমসেনো মহাবলঃ।
অভ্যদ্রবত বেগেন তব পুত্রস্য বাহিনীম্॥ 7-128-25 (50301)
স মৃদ্গন্ক্ষত্রিয়ানাজৌ বাতো বৃক্ষানিবোদ্ধতঃ।
অগচ্ছদ্দারয়ন্সেনাং সিন্ধুবেগো নগানিব॥ 7-128-26 (50302)
ভোজানীকং সমাসাদ্য হার্দিক্যেনাভিরক্ষিতম্।
প্রমথ্য তরসা বীরস্তদপ্যতিবলোঽভ্যযাৎ॥ 7-128-27 (50303)
সন্ত্রাসয়ন্ননীকানি তলশব্দেন পাণ্ডবঃ।
অজয়ৎসর্বসৈন্যানি শার্দূল ইব গোবৃষান্॥ 7-128-28 (50304)
ভোজানীকমতিক্রম্য দরদানাং চ বাহিনীম্।
তথা ম্লেচ্ছগণানন্যান্বহূন্যুদ্ধবিশারদান্॥ 7-128-29 (50305)
সাত্যকিং চৈব সম্প্রেক্ষ্য যুধ্যমানং মহারথম্।
রথেন যত্তঃ কৌন্তেয়ো বেগেন প্রয়যৌ তদা॥ 7-128-30 (50306)
ভীমসেনো মহারাজ দ্রষ্টুকামো ধনঞ্জয়ম্।
অতীত্য সমরে যোধাংস্তাবকান্পাণ্ডুনন্দনঃ॥ 7-128-31 (50307)
সোঽপশ্যদর্জুনং তত্র যুধ্যমানং মহারথম্।
সৈন্ধবস্য বধার্থং হি পরাক্রান্তং পরাক্রমী॥ 7-128-32 (50308)
তং দৃষ্ট্বা পুরুষব্যাঘ্রশ্চুক্রোশ মহতো রবান্।
প্রাবৃট্কালে মহারাজ নর্দন্নিব বলাহকঃ॥ 7-128-33 (50309)
তং তস্য নিনদং ঘোরং পার্থঃ শুশ্রাব নর্দতঃ।
বাসুদেবশ্চ কৌরব্য ভীমসেনস্য সংয়ুগে॥ 7-128-34 (50310)
তৌ শ্রুৎবা যুগপদ্বীরৌ নিনদং তস্য শুষ্মিণঃ।
পুনঃ পুনঃ প্রাণদতাং দিদৃক্ষন্তৌ বৃকোদরম্॥ 7-128-35 (50311)
ততঃ পার্থো মহানাদং মুঞ্চন্বৈ মাধবশ্চ হ।
অভ্যযাতাং মহারাজ নর্দন্তৌ গোবৃষাবিব॥ 7-128-36 (50312)
ভীমসেনরবং শ্রুৎবা ফল্গুনস্য চ ধন্বিনঃ।
অপ্রীয়ত মহারাজ ধর্মপুত্রো যুধিষ্ঠিরঃ॥ 7-128-37 (50313)
বিশোকশ্চাভবদ্রাজা শ্রুৎবা তং নিনদং তয়োঃ।
ধনঞ্জয়স্য সমরে জয়মাশাস্তবান্বিভিঃ॥ 7-128-38 (50314)
তথা তু নর্দমানে বৈ ভীমসেনে মদোৎকটে।
স্মিতং কৃৎবা মহাবাহুর্ধর্মপুত্রো যুধিষ্ঠিরঃ॥ 7-128-39 (50315)
হৃদ্গতং মনসা প্রাহ ধ্যাৎবা ধর্মভৃতাং বরঃ।
দত্তা ভীম ৎবয়া সংবিৎকৃতং গুরুবচস্তথা॥ 7-128-40 (50316)
ন হি তেষাং জয়ো যুদ্ধে যেষাং দ্বেষ্টাঽসি পাণ্ডব।
দিষ্ট্যা জীবতি সঙ্গ্রমে সব্যসাচী ধনঞ্জয়ঃ॥ 7-128-41 (50317)
দিষ্ট্যা চ কুশলী বীরঃ সাত্যকিঃ সত্যবিক্রমঃ।
দিষ্ট্যা শৃণোমি গর্জন্তৌ বাসুদেবধনঞ্জয়ৌ॥ 7-128-42 (50318)
যেন শক্রং রণে জিৎবা তর্পিতো হব্যবাহনঃ।
স হন্তা দ্বিষতাং সঙ্খ্যে দিষ্ট্যা জীবতি ফল্গুনঃ॥ 7-128-43 (50319)
যস্য বাহুবলং সর্বে বয়মাশ্রিত্য জীবিতাঃ।
স হন্তা রি পুসৈন্যানাং দিষ্ট্যা জীবতি ফল্গুনঃ॥ 7-128-44 (50320)
নিবাতকবচা যেন দেবৈরপি সুদুর্জয়াঃ।
নির্জিতা ধনুষৈকেন দিষ্ট্যা পার্থঃ স জীবতি॥ 7-128-45 (50321)
কৌরবান্সহিতান্সর্বান্গোগ্রহার্থে সমাগতান্।
যোঽজয়ন্মৎস্যনগরে দিষ্ট্যা পার্থঃ স জীবতি॥ 7-128-46 (50322)
কালকেয়সহস্রাণি চতুর্দশ মহারণে।
যোঽবধীদ্ভুজবীর্যেণ দিষ্ট্যা পার্থঃ স জীবতি॥ 7-128-47 (50323)
গন্ধর্বরাজং বলিনং দুর্যোধনকৃতে চ বৈ।
জিতবান্যোঽস্ত্রবীর্যেণ দিষ্ট্যা পার্থঃ স জীবতি॥ 7-128-48 (50324)
কিরীটমালী বলবাঞ্ছেতাশ্বঃ কৃষ্ণসারথিঃ।
মম প্রিয়শ্চ সততং দিষ্ট্যা পার্থঃ স জীবতি॥ 7-128-49 (50325)
পুত্রশোকাভিসন্তপ্তশ্চিকীর্ষন্কর্ম দুষ্করম্।
জয়দ্রথবধান্বেষী প্রতিজ্ঞাং কৃতবান্হি যঃ।
কচ্চিৎস সৈন্ধবং সঙ্খ্যে হনিষ্যতি ধনঞ্জয়ঃ॥ 7-128-50 (50326)
কচ্চিত্তীর্ণপ্রতিজ্ঞং হি বাসুদেবেন রক্ষিতম্।
অনস্তমিত আদিত্যে সমেষ্যাম্যহমর্জুনম্॥ 7-128-51 (50327)
কচ্চিৎসৈন্ধবকো রাজা দুর্যোধনহিতে রতঃ।
নন্দয়িষ্যত্যমিত্রান্হি ফল্গুনেন নিপাতিতঃ॥ 7-128-52 (50328)
কচ্চিদ্দুর্যোধনো রাজা ফল্গুনেন নিপাতিতম্।
দৃষ্ট্বা সৈন্ধবকং সঙ্খ্যে শমমস্মাসু ধাস্যতি॥ 7-128-53 (50329)
দৃষ্ট্বা বিনিহতান্ভ্রাতৄন্ভীমসেনেন সংয়ুগে।
কচ্চিদ্দুর্যোধনো মন্দঃ শমমস্মাসু যাস্যতি॥ 7-128-54 (50330)
দৃষ্ট্বা চান্যান্মহায়োধান্পাতিতান্ধরণীতলে।
কচ্চিদ্দুর্যোধনো মন্দঃ পশ্চাত্তাপং গমিষ্যতি॥ 7-128-55 (50331)
শেষস্য রক্ষণার্থং চ সন্ধাস্যতি সুয়োধনঃ॥
এবং বহুবিধং তস্য রাজ্ঞশ্চিন্তয়তস্তদা। 7-128-56 (50332)
কৃপয়াঽভিপরীতস্য ঘোরং যুদ্ধমবর্তত॥ ॥ 7-128-57 (50333)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে অষ্টাবিংশত্যধিকশততমোঽধ্যায়ঃ॥ 128 ॥
Mahabharata - Drona Parva - Chapter Footnotes
5-128-24 ভীমসেনস্য কমেন্তি শেষঃ॥ 5-128-128 অষ্টাবিংশত্যধিকশততমোঽধ্যায়ঃ॥দ্রোণপর্ব - অধ্যায় 129
॥ শ্রীঃ ॥
7.129. অধ্যায়ঃ 129
Mahabharata - Drona Parva - Chapter Topics
ভীমেন কর্ণপরাজয়ো দুঃশলবধশ্চ॥ 1 ॥Mahabharata - Drona Parva - Chapter Text
7-129-0 (50334)
ধৃতরাষ্ট্র উবাচ। 7-129-0x (4591)
নিনদন্তং তথা তং তু ভীমসেনং মহাবলম্।
মেঘস্তনিতনির্ঘোষং কে বীরাঃ পর্যবারয়ন্॥ 7-129-1 (50335)
ন হি পশ্যাম্যহং তং বৈ ত্রিষু লোকেষু কঞ্চন।
ক্রুদ্ধস্য ভীমসেনস্য যস্তিষ্ঠেদগ্রতো রণে॥ 7-129-2 (50336)
গদাং যুয়ুৎসমানস্য কালস্যেবেহ সঞ্চয়।
ন হি পশ্যাম্যহং যুদ্ধে যস্তিষ্ঠেদগ্রতঃ পুমান্॥ 7-129-3 (50337)
রথং রথেন যো হন্যাৎকুঞ্জরং কুঞ্চরেণ চ।
কস্তস্য সমরে স্থাতা সাক্ষাদপি পুরন্দরঃ॥ 7-129-4 (50338)
ক্রুদ্ধস্য ভীমসেনস্য মম পুত্রাঞ্জিঘাংসতঃ।
দুর্যোধনহিতে যুক্তাঃ সমতিষ্ঠন্ত কেঽগ্রতঃ॥ 7-129-5 (50339)
ভীমসেনদবাগ্নেস্তু মম পুত্রাংস্তৃণোলপম্।
প্রধক্ষ্যতো রণমুখে কেঽতিষ্ঠন্নগ্রতো নরাঃ॥ 7-129-6 (50340)
কাল্যমানাংস্তু পুত্রান্মে দৃষ্ট্বা ভীমস্য সংয়ুগে।
কালেনেব প্রজাঃ সর্বাঃ কে ভীমং পর্যবারয়ন্॥ 7-129-7 (50341)
ন মেঽর্জুনাদ্ভয়ং তাদৃক্কৃষ্ণান্নাপি চ সাৎবতাৎ।
হুতভুগ্জন্মনো নৈব যাদৃগ্ভীমাদ্ভয়ং মম॥ 7-129-8 (50342)
ভীমবহ্নেঃ প্রদীপ্তস্য মম পুত্রান্দিধক্ষতঃ।
কে শূরাঃ পর্যবর্তন্ত তন্মমাচক্ষ্ব সঞ্জয়॥ 7-129-9 (50343)
সঞ্চয় উবাচ। 7-129-10x (4592)
তথা তু নর্দমানং তং ভীমসেনং মহাবলম্।
তুমুলেনৈব শব্দেন কর্ণোঽপ্যভ্যদ্রবদ্বলী॥ 7-129-10 (50344)
ব্যাক্ষিপন্সুমহচ্চাপমতিমাত্রমমর্ষণঃ।
কর্ণঃ সুয়ুদ্ধমাকাঙ্ক্ষন্দর্শয়িষ্যন্বলং মৃধে॥ 7-129-11 (50345)
রুরোধ মার্গং ভীমস্য বাতস্যেব মহীরুহঃ।
ভীমোঽপি দৃষ্ট্বা সাবেগং পুরো বৈকর্তনং স্থিতম্॥ 7-129-12 (50346)
চুকোপ বলবদ্বীরশ্চিক্ষেপাস্য শিলাশিতান্।
তান্প্রত্যগৃহ্ণাৎকর্ণোঽপি প্রতীপং প্রাপয়চ্ছরান্॥ 7-129-13 (50347)
ততস্তু সর্বয়োধানাং যতনাং প্রেক্ষতাং তদা।
প্রাবেপন্নিব গাত্রাণি কর্ণভীমসমাগমে॥ 7-129-14 (50348)
রথিনাং সাদিনাং চৈব তয়োঃ শ্রুৎবা তলস্বনম্।
ভীমসেনস্য নিনদং শ্রুৎবা ঘোরং রণাজিরে॥ 7-129-15 (50349)
খং চ ভূমিং চ সংরুদ্ধাং মেনিরে ক্ষত্রিয়র্ষভাঃ।
পুনর্ঘোরেণ নাদেন পাণ্ডবস্য মহাত্মনঃ॥ 7-129-16 (50350)
সমরে সর্বয়োধানাং ধনূংষ্যভ্যপতন্ক্ষিতৌ।
শস্ত্রাণি ন্যপতন্দোর্ভ্যঃ কেষাঞ্চিচ্চাসবোঽদ্রবন্॥ 7-129-17 (50351)
বিত্রস্তানি চ সর্বাণি শকৃন্মূত্রং প্রসুস্রুবুঃ।
বাহনানি চ সর্বাণি বভূবুর্বিমনাংসি চ॥ 7-129-18 (50352)
প্রাদুরাসন্নিমিত্তানি ঘোরাণি সুবহূন্যুত।
গৃধ্রকঙ্কবলৈশ্চাসীদন্তরিক্ষং সমাবৃতম্॥ 7-129-19 (50353)
তস্মিন্সুতুমুলে রাজন্কর্ণভীমসমাগমে।
ততঃ কর্ণস্তু বিংশত্যা শরাণাং ভীমমার্দয়ৎ॥ 7-129-20 (50354)
বিব্যাধ চাস্য ৎবরিতঃ সূতং পঞ্চভিরাশুগৈঃ।
প্রহস্য ভীমসেনোঽপি কর্ণং প্রত্যাদ্রবদ্রণে॥ 7-129-21 (50355)
সায়কানাং চতুঃ ষষ্ট্যা ক্ষিপ্রকারী মহায়শাঃ।
তস্য কর্ণো মহেষ্বাসঃ সায়কাংশ্চতুরোঽক্ষিপৎ॥ 7-129-22 (50356)
অসম্প্রাপ্তাংশ্চ তান্ভীমঃ সায়কৈর্নতপর্বভিঃ।
চিচ্ছেদ বহুধা রাজন্দর্শয়ন্পাণিলাঘবম্॥ 7-129-23 (50357)
তং কর্ণশ্চাদয়ামাস শরব্রাতৈরনেকশঃ।
সঞ্ছাদ্যমানঃ কর্ণেন বহুধা পাণ়্ডুনন্দনঃ॥ 7-129-24 (50358)
চিচ্ছেদ চাপং কর্ণস্য মুষ্টিদেশে মহারথঃ।
বিব্যাধ চৈনং বহুভিঃ সায়কৈর্নতপর্বভিঃ॥ 7-129-25 (50359)
অথান্যদ্ধনুরাদায় সঞ্যং কৃৎবা চ সূতজঃ।
বিব্যাধ সমরে ভীমং ভীমকর্মা মহারথঃ॥ 7-129-26 (50360)
তস্য বীমো ভৃশং ক্রুদ্ধস্ত্রীঞ্শরান্নতপর্বণঃ।
নিচখানোরসি ক্রুদ্ধঃ সূতপুত্রস্য বেগতঃ॥ 7-129-27 (50361)
তৈঃ কর্ণোঽরাজত শরৈরুরোমধ্যগতৈঃ সদা।
মহীধর ইবোদগ্রস্ত্রিশৃঙ্গো ভরতর্ষভ॥ 7-129-28 (50362)
সুস্রাব চাস্য রুধিরং বিদ্ধস্য পরমেষুভিঃ।
ধাতুপ্রস্যন্দিনঃ শৈলাদ্যথা গৈরিকধাতবঃ॥ 7-129-29 (50363)
কিঞ্চিদ্বিচলিতঃ কর্ণঃ সুপ্রহারাভিপীডিতঃ।
আকর্ণপূর্ণমাকৃষ্য ভীমং বিব্যাধ সায়কৈঃ॥ 7-129-30 (50364)
চিক্ষেপ চ পুনর্বাণাঞ্শতশোঽথ সহস্রশঃ।
স শরৈরর্দিতস্তেন কর্ণেন দৃঢধন্বিনা।
ধনুর্জ্যামচ্ছিনত্তূর্ণং ভীমস্তস্য ক্ষুরেণ হ॥ 7-129-31 (50365)
সারথিং চাস্য ভল্লেন রথনীডাদপাতয়ৎ।
বাহাংশ্চ চতুরস্তস্য ব্যসূংশ্চক্রে মহারথঃ॥ 7-129-32 (50366)
হতাশ্বাত্তু রথাৎকর্ণঃ সমাপ্লুত্য বিশাম্পতে।
স্যন্দনং বৃষসেনস্য তূর্ণমাপুপ্লুবে ভয়াৎ॥ 7-129-33 (50367)
নির্জিত্য তু রণে কর্ণং ভীমসেনঃ প্রতাপবান্।
ননাদ বলবান্নাদং পর্জন্যনিনদোপমম্॥ 7-129-34 (50368)
তস্য তং নিনদং শ্রুৎবা প্রহৃষ্টোঽভূদ্যুধিষ্ঠিরঃ।
কর্ণং পরাজিতং মৎবা ভীমসেনেন সংয়ুগে॥ 7-129-35 (50369)
সমন্তাচ্ছঙ্খনিনদং পাণ্ডুসেনাঽকরোত্তদা।
শত্রুসেনাধ্বনিং শ্রুৎবা তাবকা হ্যনদন্ভৃশম্॥ 7-129-36 (50370)
স শঙ্খবাণনিনদৈর্হর্ষাদ্রাজা স্ববাহিনীম্।
চক্রে যুধিষ্ঠিরঃ সঙ্খ্যে হর্ষনাদৈশ্চ সঙ্কুলাম্॥
গাণ্ডীবং ব্যাক্ষিপৎপার্থঃ কৃষ্ণোঽপ্যব্জমবাদয়ৎ 7-129-37 (50371)
তমন্তর্ধায় নিনদং ভীমস্য নদতো ধ্বনিঃ।
অশ্রূয়ত তদা রাজন্সর্বসৈন্যেষু দারুণঃ॥ 7-129-38 (50372)
ততো ব্যায়চ্ছতামস্ত্রৈঃ পৃথক্পৃথগজিহ্মগৈঃ।
মৃদুপূর্বং তু রাধেয়ো দৃঢপূর্বং তু পাণ্ডবঃ॥ 7-129-39 (50373)
`ভীমোঽপি চ মহারাজ বৈকর্তনমুপাদ্রবৎ।
আসুরে তু মহাসৈন্যে তারকং পাবকির্যথা॥ 7-129-40 (50374)
তয়োরেবং মহদ্যুদ্ধমভবদ্ভীমকর্ণয়োঃ।
তং ভীমসেনো মহতা শরবর্ষেণ বারয়ন্॥ 7-129-41 (50375)
বিব্যাধ সারথিং চাস্য হয়াংশ্চ চতুরঃ শরৈঃ।
ধ্বজং চাস্য পতাকাং চ ভল্লৈঃ সন্নতপর্বভিঃ।
রথং চ চক্ররক্ষৌ চ ভীমশ্চিচ্ছেদ মারিষ॥ 7-129-42 (50376)
কর্ণোঽপি রথিনাং শ্রেষ্ঠো ভীমসেনেন কম্পিতঃ।
খঙ্গচর্মধরো রাজন্ভীমমভ্যদ্রবদ্বলী॥ 7-129-43 (50377)
ভীমশ্চিচ্ছেদ খঙ্গং চ চর্মণা সহ মারিষ॥ 7-129-44 (50378)
দৃষ্ট্বা কর্ণং চ পার্থেন বাধিতং বহুভিঃ শরৈঃ।
দুর্যোধনো মহারাজ দুশ্শলং প্রত্যভাষত।
কর্ণং কৃচ্ছ্রগতং পশ্য শীঘ্রং যানং প্রয়চ্ছহ॥ 7-129-45 (50379)
সঞ্জয় উবাচ। 7-129-46x (4593)
এবমুক্তস্ততো রাজ্ঞা দুশ্শলঃ সমুপাদ্রবৎ।
দুশ্শলস্য রথং কর্ণশ্চারুরোহ মহারথঃ॥ 7-129-46 (50380)
তৌ পার্থঃ সহসা গৎবা বিব্যাধ দশভিঃ শরৈঃ।
পুনশ্চ কর্ণং বিদ্ধ্বাঽপি দুশ্শলস্য শিরোঽহরৎ॥ 7-129-47 (50381)
দুশ্শলং নিহতং দৃষ্ট্বা ভীমসেনেন মারিষ।
তস্যৈব ধনুরাদায় কর্ণো বিব্যাধ পাণ্ডবম্॥ 7-129-48 (50382)
অন্যোন্যং সমরে বীরৌ যুয়ুধাতে মহাবলৌ।
শত্রুঘ্নৌ শত্রুমধ্যে তু বলবজ্রভৃতাবিব॥ 7-129-49 (50383)
ভীমো বিদ্ধা হয়াংশ্চৈব সারথিং চ পুনঃ পুনঃ।
কর্ণমভ্যদ্রবৎপার্থঃ প্রহসংশ্চ মহাবলঃ॥ 7-129-50 (50384)
ততো ব্যায়চ্ছমানস্য ভীমসেনস্য সংয়ুগে।
তৎসৈন্যং কলিলীভূতং ন প্রাজ্ঞায়ত কিঞ্চন॥ ॥ 7-129-51 (50385)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একোনত্রিংশদধিকশততমোঽধ্যায়ঃ॥ 129 ॥
Mahabharata - Drona Parva - Chapter Footnotes
5-129-1 যুয়ুৎসমানস্য ব্যাপারয়তঃ॥ 5-129- সাবেগং সৎবরম্॥ 5-129- সংরুদ্ধামেকতামাপন্নাম্॥ 5-129- ব্যায়চ্ছতাং প্রহরতাম্॥ 5-129- একোনত্রিংশদধিকশততমোঽধ্যায়ঃ॥ 129 ॥দ্রোণপর্ব - অধ্যায় 130
॥ শ্রীঃ ॥
7.130. অধ্যায়ঃ 130
Mahabharata - Drona Parva - Chapter Topics
দ্রোণদুর্যোধনসংবাদো দুর্যোধনয়ুদ্ধং চ॥ 1 ॥Mahabharata - Drona Parva - Chapter Text
7-130-0 (50386)
সঞ্জয় উবাচ। 7-130-0x (4594)
তস্মিন্বিলুলিতে সৈন্যে সৈন্ধবায়ার্জুনে গতে।
সাৎবতে ভীমসেনে চ পুত্রস্তে দ্রোণমভ্যযাৎ।
ৎবরন্নেকরথেনৈব বহু কৃত্যং বিচিন্তয়ন্॥ 7-130-1 (50387)
স রথস্তব পুত্রস্য ৎবরয়া পরয়া যুতঃ।
তূর্ণমভ্যদ্রবদ্দ্রোণং মনোমারুতবেগবান্॥ 7-130-2 (50388)
`ইহ দৃষ্ট ইতো নষ্টঃ সরথঃ প্রাদ্রবন্নৃপঃ।
মুহূর্তাদিব পুত্রস্তে দ্রোণমাসাদ্য মারিষ'।
সসম্ভ্রমামিদং বাক্যমব্রবীৎকুরনন্দনঃ॥ 7-130-3 (50389)
অর্জুনো ভীমসেনশ্চ সাত্যকিশ্চাপরাজিতঃ।
বিজিত্য সর্বসৈন্যানি সুমহান্তি মহারথাঃ॥ 7-130-4 (50390)
সম্প্রাপ্তাঃ সিন্ধুরাজস্য সমীপমনিবারিতাঃ।
ব্যায়চ্ছন্তি চ তত্রাপি সর্ব এবাপরাজিতাঃ॥ 7-130-5 (50391)
যদি তাবদ্রণে পার্থো ব্যতিক্রান্তো মহারথঃ।
কথং সাত্যকিভীমাভ্যাং ব্যতিক্রান্তোঽসি মানদ॥ 7-130-6 (50392)
আশ্চর্যভূতো লোকেঽস্মিন্সমুদ্রস্যেব শোষণম্।
নির্জয়স্তব বিপ্রাগ্র্য সাৎবতেনার্জুনেন চ।
তথৈব ভীমসেনেন লোকঃ সংবদতে ভৃশম্॥ 7-130-7 (50393)
কথং দ্রোণো জিতঃ সঙ্খ্যে ধনুর্বেদস্য পারগঃ।
ইত্যেবং ব্রুবতে যোধা অশ্রদ্ধেয়মিদং তব॥ 7-130-8 (50394)
নাশ এব তু মে নূনং মন্দভাগ্যস্য সংয়ুগে।
যত্র ৎবাং পুরুষব্যাঘ্রং ব্যতিক্রান্তাস্ত্রয়ো রথাঃ॥ 7-130-9 (50395)
দ্রোণ উবাচ। 7-130-10x (4595)
এবং গতে তু কৃত্যেঽস্মিন্ব্রূহি যত্তে বিবক্ষিতম্।
যদ্গতং গতমেবেদং শেষং চিন্তয় মানদ॥ 7-130-10 (50396)
দুর্যোধন উবাচ। 7-130-11x (4596)
যৎকৃত্যং সিন্ধুরাজস্য প্রাপ্তকালমনন্তরম্।
তৎসংবিধীয়তাং ক্ষিপ্রং সাধু সঞ্চিন্ত্য নো দ্বিজ॥ 7-130-11 (50397)
দ্রোণ উবাচ। 7-130-12x (4597)
চিন্ত্যং বহুবিধং তাত যৎকৃত্যং তচ্ছৃণুষ্ব মে।
ত্রয়ো হি সমতিক্রান্তাঃ পাণ্ডবানাং মহারথাঃ॥ 7-130-12 (50398)
যাবত্তেষাং ভয়ং পশ্চাত্তাবদেষাং পুরঃসরম্।
তদ্গরীয়স্তরং মন্যে যত্র কৃষ্ণধনঞ্জয়ৌ॥ 7-130-13 (50399)
সা পুরস্তাচ্চ পশ্চাচ্চ গৃহীতা ভারতী চমূঃ।
তত্র কৃত্যমহং মন্যে সৈন্ধবস্যাভিরক্ষণম্॥ 7-130-14 (50400)
স নো রক্ষ্যতমস্তাত ক্রুদ্ধাদ্ভীতো ধনঞ্জয়াৎ।
গতৌ চ সৈন্ধবং ভীমৌ যুয়ুধানবৃকোদরৌ॥ 7-130-15 (50401)
সম্প্রাপ্তং তদিদং দ্যূতং যত্তচ্ছকুনিবুদ্ধিজম্।
ন সভায়াং জয়ো বৃত্তো নাপি তত্র পরাজয়ঃ।
ইহ নো গ্লহমানানামদ্য তাবজ্জয়াজয়ৌ॥ 7-130-16 (50402)
যান্স্ম তান্গ্লহতে ঘোরাঞ্ছকুনিঃ কুরুসংসদি।
অক্ষান্স মন্যমানঃ প্রাক্শরাস্তে হি দুরাসদাঃ॥ 7-130-17 (50403)
যত্র তে বহবস্তাত কৌরবেয়া ব্যবস্থিতাঃ।
সেন্নাং দুরোদরং বিদ্ধি শরানক্ষান্বিশাম্পতে।
গ্লহং চ সৈন্ধবং রাজংস্তত্র দ্যূতস্য নিশ্চয়ঃ॥ 7-130-18 (50404)
সৈন্ধবে তু মহদ্দ্যূংত সমাসক্তং পরৈঃ সহ।
অত্র তে ধ্রুবমায়ত্তো জয়ো বাঽজয় এব বা॥ 7-130-19 (50405)
অত্র সর্বে মহারাজ ত্যক্ৎবা জীবিতমাত্মনঃ।
সৈন্ধবস্য রণে রক্ষাং বিধিবৎকর্তুমর্হথ।
তত্র নো গ্লহমানানাং ধ্রুবৌ জয়পরাজয়ৌ॥ 7-130-20 (50406)
যত্র তে পরমেষ্বাসা যত্তা রক্ষন্তি সৈন্ধবম্।
তত্র গচ্ছ স্বয়ং শীঘ্রং তাংশ্চ রক্ষস্ব রক্ষিণঃ॥ 7-130-21 (50407)
ইহৈব ৎবহমাসিষ্যে প্রেষয়িষ্যামি চাপরান্।
নিরোৎস্যামি চ পাঞ্চালান্সহিতান্পাণ্ডুসৃঞ্জয়ৈঃ॥ 7-130-22 (50408)
সঞ্জয় উবাচ। 7-130-23x (4598)
ততো দুর্যোধনোঽগচ্ছত্তূর্ণমাচার্যশাসনাৎ।
উদ্যম্যাত্মানমুগ্রায় কর্মণে স পদানুগঃ॥ 7-130-23 (50409)
চক্ররক্ষৌ তু পাঞ্চাল্যৌ যুধামন্যূত্তমৌজসৌ।
বাহ্যেন সেনামভ্যেত্য জগ্মতুঃ সব্যসাচিনম্॥ 7-130-24 (50410)
যৌ তু পূর্বং মহারাজ বারিতৌ কৃতবর্মণা।
প্রবিষ্টে ৎবর্জুনে রাজংস্তব সৈন্যং যুয়ুৎসয়া॥ 7-130-25 (50411)
পার্শ্বে ভিত্ৎবা চমূং বীরৌ প্রবিষ্টৌ তব বাহিনীম্।
পার্শ্বেন সৈন্যমায়ান্তৌ কুরুরাজো দদর্শ হ॥ 7-130-26 (50412)
তাভ্যাং দুর্যোধনঃ সার্ধমকরোৎসঙ্খ্যমুত্তমম্।
ৎবরিতস্ৎবরমাণাভ্যাং ভ্রাতৃভ্যাং ভারতো বলী॥ 7-130-27 (50413)
তাবেনমভ্যদ্রবতামুভাবুদ্যতকার্মুকৌ।
মহারথসমাখ্যাতৌ ক্ষত্রিয়প্রবরৌ যুধি॥ 7-130-28 (50414)
তমবিধ্যদ্যুধামন্যুস্ত্রিংশতা কঙ্কপত্রিভিঃ।
বিংশত্যা সারথিং চাস্য চতুর্ভিশ্চতুরো হয়ান্॥ 7-130-29 (50415)
দুর্যোধনো যুধামন্যোর্ধ্বজমেকেষুণাঽচ্ছিনৎ।
একেন কার্মুকং চাস্য চকর্ত তনয়স্তব॥ 7-130-30 (50416)
সারথিং চাস্য ভল্লেন রথনীডাদপাহরৎ।
ততোঽবিধ্যচ্ছরৈস্তীক্ষ্ণৈশ্চতুর্ভিশ্চতুরো হয়ান্॥ 7-130-31 (50417)
যুধামন্যুশ্চ সঙ্ক্রুদ্ধঃ সরাংস্ত্রিংশতমাহবে।
ব্যসৃজত্তব পুত্রস্য ৎবরমাণঃ স্তনান্তরে॥ 7-130-32 (50418)
তথোত্তমৌজাঃ সঙ্ক্রুদ্ধঃ শরৈর্হেমবিভূষিতৈঃ।
অবিধ্যৎসারথিং চাস্য প্রাহিণোদ্যমসাদনম্॥ 7-130-33 (50419)
দুর্যোধনোঽপি রাজেন্দ্র পাঞ্চাল্যস্যৌত্তমৌজসঃ।
জঘান চতুরোঽস্যাশ্চানুভৌ তৌ পার্ষ্ণিসারথী॥ 7-130-34 (50420)
উত্তমৌজা হতাশ্বস্তু হতসূতশ্চ সংয়ুগে।
আরুরোহ রথং ভ্রাতুর্যুধামন্যোরভিৎবরন্॥ 7-130-35 (50421)
স রথং প্রাপ্য তং ভ্রাতুর্দুর্যোধনহয়াঞ্শরৈঃ।
বহুভিস্তাডয়ামাস তে হতাঃ প্রাপতন্ভুবি॥ 7-130-36 (50422)
হয়েষু পতিতেষ্বস্য চিচ্ছেদ পরমেষুণা।
যুধামন্যুর্ধনুঃ শীঘ্রং শরাবাপং চ সংয়ুগে।
`অবিধ্যৎসারথিং চাস্য প্রাহিণোদ্যমসাদনম্'॥ 7-130-37 (50423)
হতাশ্বসূতাৎসরথাদবতীর্য নরাধিপঃ।
গদামাদায় তে পুত্রঃ পাঞ্চল্যাবভ্যধাবত॥ 7-130-38 (50424)
তমাপতন্তং সম্প্রেক্ষ্য ক্রুদ্ধং কুরুপতিং তদা।
অবপ্লুতৌ রথোপস্থাদ্যুধামন্যূত্তমৌজসৌ॥ 7-130-39 (50425)
ততঃ স হেমচিত্রং তং গদয়া স্যন্দনং গতী।
সঙ্ক্রুদ্ধঃ পোথয়ামাস সাশ্বসূতধ্বজং নৃপ॥ 7-130-40 (50426)
`এতদীদৃশকং পুত্রস্তবাকার্ষীজ্জনাধিপ।
গদয়া গদিনাং শ্রেষ্ঠঃ সর্বলোকমহারথঃ'॥ 7-130-41 (50427)
ভঙ্ক্ৎবা রথং স পুত্রস্তে হতাশ্বো হতসারথিঃ।
মদ্ররাজরথং তূর্ণমারুরোহ পরন্তপঃ॥ 7-130-42 (50428)
পাঞ্চালানাং ততো মুখ্যৌ রাজপুত্রৌ মহারথৌ।
রথাবন্যৌ সমারুহ্য বীভৎসুমভিজগ্মুতঃ॥ ॥ 7-130-43 (50429)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ত্রিংশদধিকশততমোঽধ্যায়ঃ॥ 130 ॥
Mahabharata - Drona Parva - Chapter Footnotes
5-130-17 তান্প্রসিদ্ধান্ যানক্ষান্। অক্ষান্ মন্যমানঃ প্রাগ্ গ্লহতেস্ম ইত্যন্বয়ঃ॥ 5-130-18 যত্র সভায়াম। দূরোদরং দ্যূতকারিণম্॥ 5-130-20 জয়পরাজয়ৌ জয়ঃ পরাজয়ো বেত্যর্থঃ॥ 5-130-130 ত্রিংশদধিকশততমোঽধ্যায়ঃ॥দ্রোণপর্ব - অধ্যায় 131
॥ শ্রীঃ ॥
7.131. অধ্যায়ঃ 131
Mahabharata - Drona Parva - Chapter Topics
ভীমেন কর্ণস্য পরাজয়ঃ॥ 1 ॥Mahabharata - Drona Parva - Chapter Text
7-131-0 (50430)
সঞ্জয় উবাচ। 7-131-0x (4599)
বর্তমানে মহারাজ সঙ্গ্রামে রোমহর্ষণে।
ব্যাকুলেষু চ সর্বেষু পীড্যমানেষু সর্বশঃ॥ 7-131-1 (50431)
রাধেয়ো ভীমমানর্চ্ছ যুদ্ধায় ভরতর্ষভ।
যথা নাগো বনে নাগং মত্তো মত্তমভিদ্রবেৎ॥ 7-131-2 (50432)
`ততো ব্যায়চ্ছতামস্ত্রৈঃ পৃথক্পৃথগরিন্দমৌ।
মৃদুপূর্বং চ রাধেয়ো দৃঢপূর্বং চ পাণ্ডবঃ'॥ 7-131-3 (50433)
ধৃতরাষ্ট্র উবাচ। 7-131-4x (4600)
যৌ তৌ কর্ণশ্চ ভীমশ্চ সম্প্রয়ুদ্ধৌ মহাবলৌ।
অর্জুনস্য রথোপান্তে কীদৃশঃ সোঽভবদ্রণঃ॥ 7-131-4 (50434)
পূর্বং হি নির্জিতঃ কর্ণো ভীমসেনেন সংয়ুগে।
কথং ভূয়ঃ স রাধেয়ো ভীমমাগান্মহারথঃ॥ 7-131-5 (50435)
ভীমো বা সূততনয়ং প্রত্যুদ্যাতঃ কথং রণে।
মহারথসমাখ্যাতং পৃথিব্যাং প্রবরং রথম্॥ 7-131-6 (50436)
ভীষ্মদ্রোণাবতিক্রম্য ধর্মরাজো যুধিষ্ঠিরঃ।
নান্যতো ভয়মাদত্ত বিনা কর্ণান্মহারথাৎ॥ 7-131-7 (50437)
ভয়াদ্যস্য মহাবাহো ন শেতে বহুলাঃ সমাঃ।
চিন্তয়ন্নিত্যশো বীর্যং রাধেয়স্য মহাত্মনঃ।
তং কথং সূতপুত্রং তু ভীমোঽয়োধয়তাহবে॥ 7-131-8 (50438)
ব্রহ্মণ্যং বীর্যসম্পন্নং সমরেষ্বনিবর্তিনম্।
কথং কর্ণং যুধাং শ্রেষ্ঠং যোধয়ামাস পাণ্ডবঃ॥ 7-131-9 (50439)
যৌ তৌ সমীয়তুর্বীরৌ বৈকর্তনবৃকোদরৌ।
কথং তাবত্র যুধ্যেতাং মহাবলপরাক্রমৌ॥ 7-131-10 (50440)
ভ্রাতৃৎবং দর্শিতং পূর্বং ঘৃণী চাপি স সূতজঃ।
কথং ভীমেন যুয়ুধে কুন্ত্যা বাক্যমনুস্মরন্॥ 7-131-11 (50441)
ভীমো বা সূতপুত্রেণ স্মরন্বৈরং পুরা কৃতম্।
অয়ুধ্যত কথং শূরঃ কর্ণেন সহ সংয়ুগে॥ 7-131-12 (50442)
আশাস্তে চ সদা সূতপুত্রে দুর্যোধনো মম।
কর্ণো জেষ্যতি সঙ্গ্রামে সমস্তান্পাণ্ডবানিতি॥ 7-131-13 (50443)
জয়াশা যত্র পুত্রস্য মম মন্দস্য সংয়ুগে।
স কথং ভীমকর্মাণং ভীমসেনময়োধয়ৎ॥ 7-131-14 (50444)
যং সমাসাদ্য পুত্রৈর্মে কৃতং বৈরং মহারথৈঃ।
তং সূততনয়ং তাত কথং ভীমো হ্যযোধয়ৎ॥ 7-131-15 (50445)
অনেকান্বিপ্রকারাংশ্চ সূতপুত্রসমুদ্ভবান্।
স্মরমাণঃ কথং ভীমো যুয়ুধে সূতসূনুনা॥ 7-131-16 (50446)
যোঽজয়ৎপৃথিবীং সর্বাং রথেনৈকেন বীর্যবান্।
তং সূততনয়ং যুদ্ধে কথং ভীমো হ্যযোধয়ৎ॥ 7-131-17 (50447)
যো জাতঃ কুণ্ডলাভ্যাং চ কবচেন সহৈব চ।
তং সূতপুত্রং সমরে ভীমঃ কথময়োধয়ৎ॥ 7-131-18 (50448)
`অস্ত্রহেতোঃ পুরা তাত ভার্গবং সমপূজয়ৎ।
তস্য প্রসাদাদ্ব্রহ্মাস্ত্রং লব্ধবাংশ্চ ভৃগূত্তমাৎ'॥ 7-131-19 (50449)
যথা তয়োর্যুদ্ধমভূদ্যশ্চাসীদ্বিজয়ী তয়োঃ।
তন্মমাচক্ষ্ব তত্ৎবেন কুশলো হ্যসি সঞ্জয়॥ 7-131-20 (50450)
সঞ্চয় উবাচ। 7-131-21x (4601)
ভীমসেনস্তু রাধেয়মুৎসৃজ্য রথিনাং বরম্।
ইয়েষ গন্তুং যত্রাস্তাং বীরৌ কৃষ্ণধনঞ্চয়ৌ॥ 7-131-21 (50451)
তং প্রয়ান্তমভিদ্রুত্য রাধেয়ঃ কঙ্কপত্রিভিঃ।
অভ্যবর্ষন্মহারাজ মেঘো বৃষ্ট্যেব পর্বতম্॥ 7-131-22 (50452)
ফুল্লতা পঙ্কজেনেব বক্ত্রেণ বিহসন্বলী।
আজুহাব রণে যান্তং ভীমমাধিরথিস্তদা॥ 7-131-23 (50453)
কর্ণ উবাচ।
ভীমাহিতৈস্তব রণঃ স্বপ্নেঽপি ন বিভাবিতঃ। 7-131-24 (50454)
তদ্দর্শয়সি কস্মান্মে পৃষ্ঠং পার্থদিদৃক্ষয়া॥
কুন্ত্যাঃ পুত্রস্য সদৃশং নেদং পাণ্ডবনন্দন। 7-131-25 (50455)
তেন মামভিতঃ স্থিৎবা শরবর্ষৈরবাকির॥ 7-131-26 (50456)
সঞ্জয় উবাচ।
ভীমসেনস্তদাহ্বানং কর্ণান্নামর্ষয়দ্যুধি।
অর্ধমণ্ডলমাবৃত্য সূতপুত্রময়োধয়ৎ॥ 7-131-26x (4602)
অবক্রগামিভির্বাণৈরভ্যবর্ষন্মহায়শাঃ।
দংশিতং দ্বৈরথে যত্তং সর্বশস্ত্রবিশারদম্॥ 7-131-27 (50457)
বিধিৎসুঃ কলহস্যান্তং জিঘাংসুঃ কর্ণমক্ষিণোৎ॥ 7-131-28 (50458)
হৎবা তস্যানুগাংস্তং চ হন্তুকামো মহাবলঃ।
তস্মৈ ব্যসৃজদুগ্রাণি বিবিধানি পরন্তপঃ।
অমর্ষাৎপাণ্ডবঃ ক্রুদ্ধঃ শরবর্ষাণি মারিষ॥ 7-131-29 (50459)
তস্য তানীষুবর্ষাণি মত্তদ্বিরদগামিনঃ।
সূতপুত্রোঽস্ত্রমায়াভিরগ্রসৎপরমাস্ত্রবিৎ॥ 7-131-30 (50460)
স যথাবন্মহাবাহুর্বিদ্যযা বৈ সুপূজিতঃ।
আচার্যবন্মহেষ্বাসঃ কর্ণঃ পর্যচরদ্বলী॥ 7-131-31 (50461)
যুধ্যমানং তু সংরম্ভাদ্ভীমসেনং হসন্নিব।
অভ্যপদ্যত কৌন্তেয়ং কর্ণো রাজন্বৃকোদরম্॥ 7-131-32 (50462)
তন্নামৃষ্যত কৌন্তেয়ঃ কর্ণস্য স্মিতমাহবে।
যুধ্যমানেষু বীরেষু পশ্যৎসু চ সমন্ততঃ॥ 7-131-33 (50463)
তং ভীমসেনঃ সঙ্গ্রাপ্তং বৎসদন্তৈঃ স্তনান্তরে।
বিব্যাধ বলবান্ক্রুদ্ধস্তোত্রৈরিব মহাদ্বিপম্॥ 7-131-34 (50464)
পুনশ্চ সূতপুত্রং তু স্বর্ণপুঙ্খৈঃ শিলাশিতৈঃ।
সুমুক্তৈশ্চিত্রবর্মাণং নির্বিভেদ ত্রিসপ্তভিঃ॥ 7-131-35 (50465)
কর্ণো জাম্বূনদৈর্জালৈঃ সঞ্ছন্নান্বাতরংহসঃ।
হয়ান্বিব্যাধ ভীমস্য পঞ্চভিঃ পঞ্চভিঃ শরৈঃ॥ 7-131-36 (50466)
ততো বাণময়ং জলং ভীমসেনরথং প্রতি।
কর্ণেন বিহিতং রাজন্নিমেষার্ধাদদৃশ্যত॥ 7-131-37 (50467)
সরথঃ সধ্বজস্তত্র সসূতঃ পাণ্ডবস্তদা।
প্রাচ্ছাদ্যত মহারাজ কর্ণচাপচ্যুতৈঃ শরৈঃ॥ 7-131-38 (50468)
তস্য কর্ণশ্চতুঃষষ্ট্যা ব্যধমৎকবচং দৃঢম্।
ক্রুদ্ধশ্চাপ্যহনৎপার্থং নারাচৈর্মর্মভেদিভিঃ॥ 7-131-39 (50469)
ততোঽচিন্ত্য মহাবাহুঃ কর্ণকার্মুকনিঃসৃতান্।
সমাশ্লিষ্যদসম্ভ্রান্তঃ সূতপুত্রং বৃকোদরঃ॥ 7-131-40 (50470)
স কর্ণচাপপ্রভবানিষূনাশীবিষোপমান্।
বিভ্রদ্ভীমো মহারাজ ন জগাম ব্যথাং রণে॥ 7-131-41 (50471)
ততো দ্বাত্রিংশতা ভল্লৈর্নিশিতৈস্তিগ্মতেজনৈঃ।
বিব্যাধ সমরে কর্ণং ভীমসেনঃ প্রতাপবান্॥ 7-131-42 (50472)
অয়ত্নেনৈব তং কর্ণঃ শরৈর্ভৃশমবাকিরৎ।
ভীমসেনং মহাবাহুং সৈন্ধবস্য বধৈষিণম্॥ 7-131-43 (50473)
মৃদুপূর্বং তু রাধেয়ো ভীমমাজাবয়োধয়ৎ।
ক্রোধপূর্বং তথা ভীমঃ পূর্ববৈরমনুস্মরন্॥ 7-131-44 (50474)
তং ভীমসেনো নামৃষ্যদবমানমমর্ষণঃ।
স তস্মৈ ব্যসৃজত্তূর্ণং শরবর্ষমমিত্রহা॥ 7-131-45 (50475)
তে শরাঃ প্রেষিতাস্তেন ভীমসেনেন সংয়ুগে।
নিপেতুঃ সর্বতো বীরে কূজন্ত ইব পক্ষিণঃ॥ 7-131-46 (50476)
হেমপুঙ্খা মহাবেগা ভীমসেনধনুশ্চ্যুতাঃ।
প্রাচ্ছাদয়ংস্তে রাধেয়ং শলভা ইব পাবকম্॥ 7-131-47 (50477)
কর্ণস্তু রথিনাং শ্রেষ্ঠশ্ছাদ্যমানঃ সমন্ততঃ।
রাজন্ব্যসৃজদুগ্রাণি শরবর্ষাণি ভারত॥ 7-131-48 (50478)
তস্য তানশনিপ্রখ্যানিষূন্সমরশোভিনঃ।
চিচ্ছেদ বহুভির্ভল্লৈরসম্প্রাপ্তান্বৃকোদরঃ॥ 7-131-49 (50479)
পুনশ্চ শরবর্ষেণ চ্ছাদয়ামাস ভারত।
কর্ণো বৈকর্তনো যুদ্ধে ভীমসেনমরিন্দমঃ॥ 7-131-50 (50480)
তত্র ভারত ভীমং তু দৃষ্টবন্তঃ স্ম সায়কৈঃ।
সমাচিততনুং সঙ্খ্যে শ্বাবিধং শললৈরিব॥ 7-131-51 (50481)
হেমপুঙ্খাঞ্ছিলাধৌতান্কর্ণচাপচ্যুতাঞ্ছরান্।
দধার সমরে বীরঃ স্বরশ্মীনিব রশ্মিমান্'॥ 7-131-52 (50482)
রুধিরোক্ষিতসর্বাঙ্গো ভীমসেনো ব্যরাজত।
সমৃদ্ধকুসুমাপীডো বসন্তেঽশোকবৃক্ষবৎ॥ 7-131-53 (50483)
তত্তু ভীমো মহাবাহোঃ কর্ণস্য চরিতং রণে।
নামৃষ্যত মহাবাহুঃ ক্রোধাদুদ্বৃত্তলোচনঃ॥ 7-131-54 (50484)
স কর্ণং পঞ্চবিংশত্যা নারাচানাং সমার্পয়ৎ।
মহীধরমিব শ্বেতং গূঢপাদৈর্বিষোল্বণৈঃ॥ 7-131-55 (50485)
পুনরেব চ বিব্যাধ ষঙ্ভিরষ্টাভিরেব চ।
মর্মস্বমরবিক্রান্তঃ সূতপুত্রং তনুত্যজম্॥ 7-131-56 (50486)
পুনরন্যেন বাণেন ভীমসেনঃ প্রতাপবান্।
চিচ্ছেদ কার্মুকং তূর্ণং কর্ণস্য প্রহসন্নিব॥ 7-131-57 (50487)
জঘান চতুরশ্চাশ্বান্সূতং চ ৎবরিতঃ শরৈঃ।
নারাচৈরর্করশ্ম্যাভৈঃ কর্ণং বিব্যাধ চোরসি॥ 7-131-58 (50488)
তে জগ্মুর্ধরণীমাশু কর্ণং নির্ভিদ্য পত্রিণঃ।
যথা জলধরং ভিত্ৎবা দিবাকরমরীচয়ঃ॥ 7-131-59 (50489)
স বৈক্লব্যং মহৎপ্রাপ্য চ্ছিন্নধন্বা শরাহতঃ।
তথা পুরুষমানী স লজ্জামুৎসৃজ্য ভারত।
ভীমসেনভয়াৎকর্ণঃ প্রত্যপায়াদ্রথান্তরম্॥ ॥ 7-131-60 (50490)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একত্রিংশদধিকশততমোঽধ্যায়ঃ॥ 131 ॥
Mahabharata - Drona Parva - Chapter Footnotes
5-131-11 পূর্বমুদ্যোগে দর্শিতমুদ্ভাবিবং ভ্রাতূৎবং কুন্ত্যা বাক্যং চ চতুর্ণমবধ্যৎবলক্ষণং চানুস্মরন্নিত্যন্বয়ঃ॥ 5-131-25 অভিতঃ সম্মুখে॥ 5-131-131 একত্রিংশদধিকশততমোঽধ্যায়ঃ॥দ্রোণপর্ব - অধ্যায় 132
॥ শ্রীঃ ॥
7.132. অধ্যায়ঃ 132
Mahabharata - Drona Parva - Chapter Topics
ভীমকর্ণয়োর্যুদ্ধম্॥ 1 ॥Mahabharata - Drona Parva - Chapter Text
7-132-0 (50491)
ধৃতরাষ্ট্র উবাচ। 7-132-0x (4603)
[স্বয়ং শিষ্যো মহেশস্য ভৃগূত্তমধনুর্ধরঃ।
শিষ্যৎবং প্রাপ্তবান্কর্ণস্তস্য তুল্যোঽস্ত্রবিদ্যযা॥ 7-132-1 (50492)
তদ্বিশিষ্টোঽপি বা কর্ণঃ শিষ্যঃ শিষ্যগুণৈর্যুতঃ।
কুন্তীপুত্রেণ ভীমেন নির্জিতঃ স তু লীলয়া॥] 7-132-2 (50493)
যস্মিঞ্জয়াশা মহতী পুত্রাণাং মম সঞ্জয়।
তং ভীমাদ্বিমুখং দৃষ্ট্বা কিন্নু দুর্যোধনোঽব্রবীৎ॥ 7-132-3 (50494)
কথং চ যুয়ুধে ভীমো বীর্যশ্লাঘী মহাবলঃ॥ 7-132-4 (50495)
কর্ণো বা সমরে তাত কিমকার্ষীদতঃ পরম্।
ভীমসেনং রণে দৃষ্ট্বা জ্বলন্তমিব পাবকম্॥ 7-132-5 (50496)
সঞ্জয় উবাচ। 7-132-6x (4604)
রথমন্যং সমাস্থায় বিধিবৎকল্পিতং পুনঃ।
অভ্যযাৎপাণ্ডবং কর্ণো বাতোদ্ধূত ইবার্ণবঃ॥ 7-132-6 (50497)
ক্রুদ্ধমাধিরথিং দৃষ্ট্বা পুত্রাস্তব বিশাম্পতে।
ভীমসেনমমন্যন্ত বৈশ্বানরমুখে হুতম্॥ 7-132-7 (50498)
চাপশব্দং ততঃ কৃৎবা তলশব্দং চ ভৈরবম্।
অভ্যদ্রবত রাধেয়ো ভীমসেনরথং প্রতি॥ 7-132-8 (50499)
পুনরেব তয়ো রাজন্ঘোর আসীৎসমাগমঃ।
বৈকর্তনস্য শূরস্য ভীমস্য চ মহাত্মনঃ॥ 7-132-9 (50500)
সংরব্ধৌ হি মহাবাহূ পরস্পরবধৈষিণৌ।
অন্যোন্যভীক্ষাঞ্চক্রাতে দহন্তাবিব লোচনৈঃ॥ 7-132-10 (50501)
ক্রোধরক্রেক্ষণৌ তীব্রৌ নিঃশ্বসন্তাবিবোরগৌ।
শূরাবন্যোন্যমাসাদ্য ততক্ষতুররিন্দমৌ॥ 7-132-11 (50502)
ব্যাঘ্রাবিব সুসংরব্ধৌ শ্যেনাবিব চ শীঘ্রগৌ।
শরভাবিব সঙ্ক্রুদ্ধৌ যুয়ুধাতে পরস্পরম্॥ 7-132-12 (50503)
ততো ভীমঃ স্মরন্ক্লেশানক্ষদ্যূতে বনেঽপি চ।
বিরাটনগরে চৈব দুঃখং প্রাপ্তমরিন্দমঃ॥ 7-132-13 (50504)
রাষ্ট্রাণাং স্ফীতরত্নানাং হরণং চ তবাত্মজৈঃ।
সততং চ পরিক্লেশান্সপুত্রেণ ৎবয়া কৃতান্॥ 7-132-14 (50505)
দগ্ধুমৈচ্ছশ্চ যঃ কুন্তীং সপুত্রাং ৎবমনাগসম্।
কৃষ্ণায়াশ্চ পরিক্লেশং সভামধ্যে দুরাত্মভিঃ॥ 7-132-15 (50506)
কেশপক্ষগ্রহং চৈব দুঃশাসনকৃতং তথা।
পরুষাণি চ বাক্যানি কর্ণোনোক্তানি ভারত॥ 7-132-16 (50507)
পতিমন্যং পরীপ্সস্ব ন সন্তি পতয়স্তব।
পতিতা নরকে পার্থাঃ সর্বে ষণ্ডতিলোপমাঃ॥ 7-132-17 (50508)
সমক্ষং তব কৌরব্য যদূচুঃ কৌরবাস্তদা।
দাসীভাবেন কৃষ্ণাং চ ভোক্তুকামাঃ সুতাস্তব॥ 7-132-18 (50509)
যচ্চাপি তান্প্রব্রজতঃ কৃষ্ণাজিননিবাসিনঃ।
পরুষাণ্যুক্তবান্কর্ণঃ সভায়াং সন্নিধৌ তব॥ 7-132-19 (50510)
তৃণীকৃত্য চ যৎপার্থাংস্তব পুত্রো ববল্গ হ।
বিষমস্থান্সমস্থো হি সংরব্ধো গতচেতনঃ॥ 7-132-20 (50511)
বাল্যাৎপ্রভৃতি চারিঘ্নঃ স্বানি দুঃখানি চিন্তয়ন্।
নিরবিদ্যত ধর্মাত্মা জীবিতেন বৃকোদরঃ॥ 7-132-21 (50512)
ততো বিষ্ফার্য সুমহদ্ধেমপৃষ্ঠং দুরাসদম্।
চাপং ভরতশার্দূলস্ত্যক্তাত্মা কর্ণমভ্যযাৎ॥ 7-132-22 (50513)
স সায়কয়ৈর্জালৈর্ভীমঃ কর্ণরথং প্রতি।
ভানুমদ্ভিঃ শিলাধৌতৈর্ভানোঃ প্রাচ্ছাদয়ৎপ্রভাং 7-132-23 (50514)
ততঃ প্রহস্যাধিরথিস্তূর্ণমস্যঞ্শিতাঞ্শরান্।
ব্যধমদ্ভীমসেনস্য শরজালানি পত্রিভিঃ॥ 7-132-24 (50515)
মহারথো মহাবাহুর্মহাবাণৈর্মহাবলঃ।
বিব্যাধাধিরথির্ভীমং নবভির্নিশিতৈস্তদা॥ 7-132-25 (50516)
স তোত্রৈরিব মাতঙ্গো বার্যমাণঃ পতত্ত্রিভঃ।
অভ্যধাবদসম্ভ্রান্তঃ সূতপুত্রং বৃকোদরঃ॥ 7-132-26 (50517)
তমাপতন্তং বেগেন রভসং পাণ্ডবর্ষভম্।
কর্ণঃ প্রত্যুদ্যযৌ যুদ্ধে মত্তো মত্তমিব দ্বিপম্॥ 7-132-27 (50518)
ততঃ প্রধ্যাপ্য জলজং ভেরীশতসমস্বনম্।
অক্ষুভ্যত বলং হর্ষাদুদ্ধূত ইব সাগরঃ॥ 7-132-28 (50519)
তদুদ্ধূতং বলং দৃষ্ট্বা নাগাশ্বরথপত্তিমৎ।
ভীমঃ কর্ণং সমাসাদ্য চ্ছাদয়ামাস সায়কৈঃ॥ 7-132-29 (50520)
অশ্বানৃক্ষসবর্ণাংশ্চ হংসবর্ণৈর্হয়োত্তমৈঃ।
ব্যামিশ্রয়দ্রণে কর্ণঃ পাণ্ডবং ছাদয়ঞ্ছরৈঃ॥ 7-132-30 (50521)
ঋক্ষবর্ণান্হয়ান্কর্কৈর্মিশ্রান্মারুতরংহসঃ।
নিরীক্ষ্য তব পুত্রাণাং হাহাকৃতমভূদ্বলম্॥ 7-132-31 (50522)
তে হয়া বহ্বশোভন্ত মিশ্রিতা বাতরংহসঃ।
সিতাসিতা মহারাজ যথা ব্যোম্নি বলাহকাঃ॥ 7-132-32 (50523)
সংরব্ধৌ ক্রোধতাম্রাক্ষৌ প্রেক্ষ্য কর্ণবৃকোদরৌ।
সন্ত্রস্তাঃ সমকম্পন্ত ৎবদীয়ানাং মহারথাঃ॥ 7-132-33 (50524)
যমরাষ্ট্রোপমং ঘোরমাসীদায়োধনং তয়োঃ।
দুর্দর্শং ভরতশ্রেষ্ঠ প্রেতরাজপুত্রং যথা॥ 7-132-34 (50525)
সমাজমিব তচ্চিত্রং প্রেক্ষমাণা মহারথাঃ।
নালক্ষয়ঞ্জয়ং ব্যক্তমেকস্যৈব মহারণে॥ 7-132-35 (50526)
তয়োঃ প্রৈক্ষন্ত সম্মর্দং সন্নিকৃষ্টং মহাস্ত্রয়োঃ।
তব দুর্মন্ত্রিতে রাজন্সপুত্রস্য বিশাম্পতে॥ 7-132-36 (50527)
ছাদয়ন্তৌ হি শত্রুঘ্নাবন্যোন্যং সায়কৈঃ শিতৈঃ।
শরজালাবৃতং ব্যোম চক্রাতেঽদ্ভুতবিক্রমৌ॥ 7-132-37 (50528)
তাবন্যোন্যং জিঘাংসন্তৌ শরৈস্তীক্ষ্ণৈর্মহারথৌ।
প্রেক্ষণীয়তরাবাস্তাং বৃষ্টিমন্তাবিবাম্বুদৌ॥ 7-132-38 (50529)
সুবর্ণবিকৃতান্বাণান্বিমুঞ্চন্তাবরিন্দমৌ।
ভাস্বরং ব্যোম চক্রাতে মহোল্কাভিরিব প্রভো॥ 7-132-39 (50530)
তাভ্যাং মুক্তাঃ শরা রাজন্গার্ধ্রপত্রাশ্চকাশিরে।
শ্রেণ্যঃ শরদি মত্তানাং সারসনামিবাম্বরে॥ 7-132-40 (50531)
সংসক্তং সূতপুত্রেণ দৃষ্ট্বা ভীমমরিন্দমম্।
অতিভারমমন্যেতাং ভীমে কৃষ্ণধনঞ্জয়ৌ॥ 7-132-41 (50532)
তত্রাধিরথিভীমাভ্যাং শরৈর্মুক্তৈর্দৃঢং হতাঃ।
ইষুপাতমতিক্রম্য পেতুরশ্বনরদ্বিপাঃ॥ 7-132-42 (50533)
পতদ্ভিঃ পতিতৈশ্চান্যৈর্গতাসুভিরনেকশঃ।
কৃতো রাজন্মহারাজ পুত্রাণাং তে জনক্ষয়ঃ॥ 7-132-43 (50534)
মনুপ্যাশ্বগজানাং চ শরীরৈর্গতজীবিতৈঃ।
ক্ষণেন ভূমিঃ সঞ্জজ্ঞে সংবৃতা ভরতর্ষভ॥ ॥ 7-132-44 (50535)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে দ্বাত্রিংশদধিকরশততমোঽধ্যায়ঃ॥ 132 ॥
Mahabharata - Drona Parva - Chapter Footnotes
5-132-1 কুণ্ডলিতৌ দ্বৌ শ্লোকৌ ঝ. পুস্তকে এব বর্তেতে। ভৃগূত্তমধনুর্ধরো রামঃ॥ 5-132-31 কর্কৈঃ শ্বেতৈরশ্বৈঃ॥ 5-132-35 সমাজং রঙ্গং। একস্যৈব কস্যচিৎ নান্যস্য॥ 5-132-132 দ্বাত্রিংশদধিকশততমোঽধ্যায়ঃ॥দ্রোণপর্ব - অধ্যায় 133
॥ শ্রীঃ ॥
7.133. অধ্যায়ঃ 133
Mahabharata - Drona Parva - Chapter Topics
ভীমেন কর্ণসহকারিণো দুর্জয়স্য বধঃ॥ 1 ॥Mahabharata - Drona Parva - Chapter Text
7-133-0 (50536)
ধৃতরাষ্ট্র উবাচ। 7-133-0x (4605)
অত্যদ্ভুতমহং মন্যে ভীমসেনস্য বিক্রমম্।
যৎকর্ণং যোধয়ামাস সমরে লঘুবিক্রমঃ॥ 7-133-1 (50537)
ত্রিদশানপি বা যুক্তান্সর্বশস্ত্রধরান্যুধি।
বারয়েদ্যো রণে কর্ণঃ সয়ক্ষাসুরমানুষান্॥ 7-133-2 (50538)
স কথং পাণ্ডবং যুদ্ধে ভ্রাজমানমিব শ্রিয়া।
নাতরৎসংয়ুগে তাত তন্মমাচক্ষ্ব সঞ্জয়॥ 7-133-3 (50539)
কথং চ যুদ্ধং সম্ভূতং তয়োঃ প্রাণদুরোদরে।
অত্র মন্যে সমায়ত্তো জয়ো বাঽজয় এব চ॥ 7-133-4 (50540)
কর্ণং প্রাপ্য রণে সূত মম পুত্রঃ সুয়োধনঃ।
জেতুমুৎসহতে পার্থান্সগোবিন্দান্সসাৎবতান্॥ 7-133-5 (50541)
শ্রুৎবা তু নির্জিতং কর্ণমসকৃদ্ভীমকর্মণা।
ভীমসেনেন সমরে মোহ আবিশতীব মাম্॥ 7-133-6 (50542)
বিনষ্টান্কৌরবান্মন্যে মম পুত্রস্য দুর্নয়ৈঃ।
নহি কর্ণো মহেষ্বাসান্পার্থাঞ্জেষ্যতি সঞ্জয়॥ 7-133-7 (50543)
কৃতবান্যানি যুদ্ধানি কর্ণঃ পাণ্ডুসুতৈঃ সহ।
সর্বত্র পাণ্ডবাঃ কর্ণমজয়ংস্তে রণাজিরে॥ 7-133-8 (50544)
অজেয়াঃ পাণ্ডবাস্তাত দেবৈরপি সবাসবৈঃ।
ন চ তদ্বুধ্যতে মন্দঃ পুত্রো দুর্যোধনো মম॥ 7-133-9 (50545)
ধনং ধনেশ্বরস্যেব হৃৎবা পার্থস্য মে সুতঃ।
মধুপ্রেপ্সুরিবাবুদ্ধিঃ প্রপাতং নাববুধ্যতে॥ 7-133-10 (50546)
নিকৃত্যা নিকৃতিপ্রজ্ঞো রাজ্যং হৃৎবা মহাত্মনাম্।
জিতমিত্যেব মন্বানঃ পাণ্ডবানবমন্যতে॥ 7-133-11 (50547)
পুত্রস্নেহাভিভূতেন ময়া চাপ্যকৃতাত্মনা।
ধর্মে স্থিতা মহাত্মানো নিকৃতাঃ পাণ্ডুনন্দনাঃ॥ 7-133-12 (50548)
শমকামঃ সসোদর্যো দীর্ঘপ্রেক্ষী যুধিষ্ঠিরঃ।
অশক্ত ইতি মৎবা তু মম পুত্রৈর্নিরাকৃতঃ॥ 7-133-13 (50549)
তানি দুঃখান্যনেকানি বিপ্রকারাংশ্চ সর্বশঃ।
হৃদি কৃৎবা মহাবাহুর্ভীমোঽয়ুধ্যত সূতজম্॥ 7-133-14 (50550)
তস্মান্মে সঞ্জয় ব্রূহি কর্ণভীমৌ যথা রণে।
অয়ুধ্যেতাং যুধাংশ্রেষ্ঠৌ পরস্পরবধৈষিণৌ॥ 7-133-15 (50551)
সঞ্জয় উবাচ। 7-133-16x (4606)
শৃণু রাজন্যথাবৃত্তং সঙ্গ্রামং কর্ণভীময়োঃ।
পরস্পরবধপ্রেপ্স্বোর্বনকুঞ্জরয়োরিব॥ 7-133-16 (50552)
রাজন্বৈকর্তনো ভীমং ক্রুদ্ধঃ ক্রুদ্ধমরিন্দমম্।
পরাক্রান্তং পরাক্রম্য বিব্যাধ ত্রিংশতা শরৈঃ॥ 7-133-17 (50553)
মহাবেগৈঃ প্রসন্নাগ্রৈঃ শাতকুম্ভপরিষ্কৃতৈঃ।
নাতরদ্ভরতশ্রেষ্ঠ ভীমং বৈকর্তনঃ শরৈঃ॥ 7-133-18 (50554)
তস্যাস্যতো ধনুর্ভীমশ্চকর্ত বিশিখৈস্ত্রিভিঃ।
রথনীডাচ্চ যন্তারং ভল্লেনাপাতয়ৎক্ষিতৌ॥ 7-133-19 (50555)
স কাঙ্ক্ষন্ভীমসেনস্য বধং বৈকর্তনো ভৃশম্।
শক্তিং কনকবৈদূর্যচিত্রদণ্ডাং পরামৃশৎ॥ 7-133-20 (50556)
প্রগৃহ্য চ মহাশক্তিং কালরাত্রিমিবাপরাম্।
সমুৎক্ষিপ্য চ রাধেয়ঃ সন্ধায় চ মহাবলঃ।
চিক্ষেপ ভীমসেনায় জীবিতান্তকরীমিব॥ 7-133-21 (50557)
শক্তিং বিসৃজ্য রাধেয়ঃ পুরন্দর ইবাশনিম্।
ননাদ সুমহানাদং বলবান্সূতনন্দনঃ॥ 7-133-22 (50558)
তং চ নাদং ততঃ শ্রুৎবা পুত্রাস্তে হর্ষিতাঽভবন্॥ 7-133-23 (50559)
শক্তিং বিয়তি চিচ্ছেদ ভীমঃ সপ্তভিরাশুগৈঃ॥ 7-133-24 (50560)
ছিত্ৎবা শক্তিং ততো ভীমো নির্মুক্তোরগসন্নিভাম্।
মার্গমাণামিব প্রাণান্সূতপুত্রস্য মারিষ॥ 7-133-25 (50561)
প্রাহিণোৎকৃতসংরম্ভঃ শরান্বর্হিণবাসসঃ।
স্বর্ণপুঙ্খাঞ্শিলাধৌতান্যমদণ্ডোপমান্মৃধে॥ 7-133-26 (50562)
কর্ণোঽপ্যন্যদ্ধনুর্গৃহ্য হেমপৃষ্ঠং দুরাসদম্।
বিকৃষ্য তন্মহচ্চাপং ব্যসৃজৎসায়কাংস্তদা॥ 7-133-27 (50563)
তান্পাণ্ডুপুত্রশ্চিচ্ছেদ নবভির্নতপর্বভিঃ।
বসুষেণেন নির্মুক্তান্নব রাজন্মহাশরান্।
ছিত্ৎবা ভীমো মহারাজ নাদং সিংহ ইবানদৎ॥ 7-133-28 (50564)
তৌ বৃষাবিব নর্দন্তৌ বলিনৌ বাসিতান্তরে।
শার্দূলাবিব চান্যোন্যমামিষার্থেঽভ্যগর্জতাম্॥ 7-133-29 (50565)
অন্যোন্যং প্রজিহীর্ষন্তাবন্যোন্যস্যান্তরৈষিণৌ।
অন্যোন্যমভিবীক্ষন্তৌ গোষ্ঠেষ্বিব মহর্ষভৌ॥ 7-133-30 (50566)
মহাগজাবিবসাদ্য বিষাণাগ্রৈঃ পরস্পরম্।
শরৈঃ পূর্ণায়তোৎসৃষ্টৈরন্যোন্যমভিজঘ্নতুঃ॥ 7-133-31 (50567)
নির্দহন্তৌ মহারাজ শস্ত্রবৃষ্ট্যা পরস্পরম্।
অন্যোন্যমভিবীক্ষন্তৌ কোপাদ্বিবৃতলোচনৌ॥ 7-133-32 (50568)
প্রহসন্তৌ তথাঽন্যোন্যং ভর্ৎসয়ন্তৌ মুহুর্মুহুঃ।
শঙ্খশব্দং চ কুর্বাণৌ যুয়ুধাতে পরস্পরম্॥ 7-133-33 (50569)
তস্য ভীমঃ পুনশ্চাপং মুষ্টৌ চিচ্ছেদ মারিষ।
শঙ্খবর্ণাংশ্চ তানশ্বান্বাণৈর্নিন্যে যমক্ষয়ম্।
সারথিং চ তথাপ্যস্য রথনীডাদপাতয়ৎ॥ 7-133-34 (50570)
ততো বৈকর্তনঃ কর্ণশ্চিন্তাং প্রাপ দুরত্যযাম্।
স চ্ছাদ্যমানঃ সমরে হতাশ্বো হতসারথিঃ।
মোহিতঃ শরজালেন কর্তব্যং নাভ্যপদ্যত॥ 7-133-35 (50571)
তথা কৃচ্ছ্রগতং দৃষ্ট্বা কর্ণং দুর্যোধনো নৃপঃ।
বেপমান ইব ক্রোধাদ্ব্যাদিদেশাথ দুর্জয়ম্॥ 7-133-36 (50572)
গচ্ছ দুর্জয় রাধেয়ং পুরা গ্রসতি পাণ্ডবঃ।
জহি তূবরকং ক্ষিপ্রং কর্ণস্য বলমাদধৎ॥ 7-133-37 (50573)
এবমুক্তস্তথেত্যুক্ৎবা তব পুত্রং তবাত্মজঃ।
অভ্যদ্রবদ্ভীমসেনং ব্যাসক্তং বিকিরঞ্ছরৈঃ॥ 7-133-38 (50574)
স ভীমং নবভির্বাণৈরশ্বানষ্টভিরার্দয়ৎ।
ষঙ্ভিঃ সূতং ত্রিভিঃ কেতং পুনস্তং চাপি সপ্তভিঃ॥ 7-133-39 (50575)
ভীমসেনোঽপি সঙ্ক্রুদ্ধঃ সাশ্বয়ন্তারমাশুগৈঃ।
দুর্জয়ং ভিন্নমর্মাণমনয়দ্যমসাদনম্॥ 7-133-40 (50576)
বাঢং হতং ক্ষিতৌ ক্ষুণ্ণং বেষ্টমানং যথোরগম্।
রুদন্নার্তস্তব সুতং কর্ণশ্চক্রে প্রদক্ষিণম্॥ 7-133-41 (50577)
স তু তং বিরথং কৃৎবা স্ময়ন্নত্যন্তবৈরিণম্।
সমাচিনোদ্বাণগণৈঃ শতঘ্নীভিশ্চ শঙ্কুভিঃ॥ 7-133-42 (50578)
তথাপ্যতিরথঃ কর্ণো ভিদ্যমানোঽস্য সায়কৈঃ।
ন জহৌ সমরে ভীমং ক্রুদ্ধরূপং পরন্তপঃ॥ ॥ 7-133-43 (50579)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ত্রয়স্ত্রিংশদধিকশততমোঽধ্যায়ঃ॥ 133 ॥
Mahabharata - Drona Parva - Chapter Footnotes
5-133-4 প্রাণদুরোদরে প্রাণদ্যুতে॥ 5-133-133 ত্রয়স্ত্রিংশদধিকশততমোঽধ্যায়ঃ॥দ্রোণপর্ব - অধ্যায় 134
॥ শ্রীঃ ॥
7.134. অধ্যায়ঃ 134
Mahabharata - Drona Parva - Chapter Topics
ভীমেন পরাজিতস্য কর্ণস্য পলায়নম্॥ 1 ॥Mahabharata - Drona Parva - Chapter Text
7-134-0 (50580)
সঞ্জয় উবাচ। 7-134-0x (4607)
সর্বথা বিরথঃ কর্ণঃ পুনর্ভীমেন নির্জিতঃ।
রথমন্যং সমাস্থায় পুনর্বিব্যাধ পাণ্ডবম্॥ 7-134-1 (50581)
মহাগজাবিবাসাদ্য বিষাণাগ্রৈঃ পরস্পরম্।
শরৈঃ পূর্ণায়তোৎসৃষ্টৈরন্যোন্যমভিজঘ্নতুঃ॥ 7-134-2 (50582)
অথ কর্ণঃ শরব্রাতৈর্ভীমসেনং সমার্পয়ৎ।
ননাদ চ মহানাদং পুনর্বিব্যাধ চোরসি॥ 7-134-3 (50583)
তং ভীমো দশভির্বাণৈঃ প্রত্যবিধ্যদজিহ্মগৈঃ।
পুনর্বিব্যাধ সপ্তত্যা শরাণাং নতপর্বণাম্॥ 7-134-4 (50584)
কর্ণস্তু নবভির্ভীমং ভিত্ৎবা রাজংস্তনান্তরে।
ধ্বজমেকেন বিব্যাধ বিশোকং চ ত্রিভিঃ শরৈঃ॥ 7-134-5 (50585)
সায়কানাং ততঃ পার্থস্ত্রিষষ্ট্যা প্রত্যবিধ্যত।
তোত্রৈরিব মহানাগং কশাভিরিব বাজিনম্॥ 7-134-6 (50586)
সোঽতিবিদ্ধো মহারাজ পাণ্ডবেন যশস্বিনা।
সৃক্বিণী লেলিহন্বীরঃ ক্রোধরক্তান্তলোচনঃ॥ 7-134-7 (50587)
ততঃ শরং মহারাজ সর্বকায়াবদারণম্।
প্রাহিণোদ্ভীমসেনায় বলায়েন্দ্র ইবাশনিম্॥ 7-134-8 (50588)
স নির্ভিদ্য রণে পার্থং সূতপুত্রধনুশ্চ্যুতঃ।
অগচ্ছদ্দারয়ন্ভূমিং চিত্রপুঙ্খঃ শিলীমুখঃ॥ 7-134-9 (50589)
ততো ভীমো মহাবাহুঃ ক্রোধসংরক্তলোচনঃ।
বজ্রকল্পাং চতুষ্কিষ্কুং গুর্বী রুক্মাঙ্গদাং গদাম্।
প্রাহিণোত্মূতপুত্রায় ষডস্রামবিচারয়ন্॥ 7-134-10 (50590)
তয়া জঘানাধিরথেঃ সদশ্বান্সাধুবাহিনঃ।
গদয়া ভারতঃ ক্রুদ্ধো বজ্রেণেন্দ্র ইবাসুরান্॥ 7-134-11 (50591)
ততো ভীমো মহাবাহুঃ ক্ষুরাভ্যাং ভরতর্ষভ।
ধ্বজমাঘিরথেশ্ছিত্ৎবা সূতমভ্যহনচ্ছরৈঃ॥ 7-134-12 (50592)
হতাশ্বসূতমুৎসৃজ্য স রথং পতিতধ্বজম্।
বিষ্ফারয়ন্ধনুঃ কর্ণস্তস্থৌ ভারত দুর্মনাঃ॥ 7-134-13 (50593)
তত্রাদ্ভুতমপশ্যাম রাধেয়স্য পরাক্রমম্।
বিরথো রথিনাং শ্রেষ্ঠো বারয়ামাস যদ্রিপুম্॥ 7-134-14 (50594)
বিরথং তং নরশ্রেষ্ঠং দৃষ্ট্বাঽঽধিরথিমাহবে।
দুর্যোধনস্ততো রাজন্নভ্যভাষত দুর্মুখম্॥ 7-134-15 (50595)
এষ দুর্মুখ রাধেয়ো ভীমেন বিরথীকৃতঃ।
তং রথেন নরশ্রেষ্ঠ সম্পাদয় মহারথম্॥ 7-134-16 (50596)
ততো দুর্যোধনবচঃ শ্রুৎবা ভারত দুর্মুখঃ।
ৎবরমাণোঽভ্যযাৎকর্ণং ভীমং চাবারয়চ্ছরৈঃ॥ 7-134-17 (50597)
দুর্মুখং প্রেক্ষ্য সঙ্গ্রামে সূতপুত্রপদানুগম্।
বায়ুপুত্রঃ প্রহৃষ্টোঽভূৎসৃক্বিণী পরিসংলিহন্॥ 7-134-18 (50598)
ততঃ কর্ণং মহারাজ বারয়িৎবা শিলীমুখৈঃ।
দুর্মুখায় রথং তূর্ণং প্রেষয়ামাস পাণ্ডবঃ॥ 7-134-19 (50599)
তস্মিন্ক্ষণে মহারাজ নবভির্নতপর্বভিঃ।
সুমুখৈর্দুর্মুখং ভীমঃ শরৈর্নিন্যে যমক্ষয়ম্॥ 7-134-20 (50600)
ততস্তমেবাধিরথিঃ স্যন্দনং দুর্মুখে হতে।
আস্থিতঃ প্রবভৌ রাজন্দীপ্যমান ইবাংশুমান্॥ 7-134-21 (50601)
শয়ানং ভিন্নমর্মাণং দুর্মুখং শোণিতোক্ষিতম্।
দৃষ্ট্বা কর্ণোঽশ্রুপূর্ণাক্ষো মুহূর্তং নাভ্যবর্তত॥ 7-134-22 (50602)
তং গতাসুমতিক্রম্য কৃৎবা কর্ণঃ প্রদক্ষিণম্।
দীর্ঘমুষ্ণং শ্বসন্বীরো ন কিঞ্চিৎপ্রত্যপদ্যত॥ 7-134-23 (50603)
তস্মিংস্তু বিবরে রাজন্নারাচান্গার্ধবাসসঃ।
প্রাহিণোৎসূতপুত্রায় ভীমসেনশ্চতুর্দশ॥ 7-134-24 (50604)
তে তস্য কবচং ভিত্ৎবা স্বর্ণচিত্রং মহোজসঃ।
হেমপুঙ্খা মহারাজ ব্যশোভন্ত দিশো দশ॥ 7-134-25 (50605)
অপিবন্সূত পুত্রস্য শোণিতং রক্তভোজনাঃ।
ক্রুদ্ধা ইব মনুষ্যেন্দ্র ভুজঙ্গাঃ কালচোদিতাঃ॥ 7-134-26 (50606)
প্রসর্পমাণা মেদিন্যাং তে ব্যরোচন্ত মার্গণাঃ।
অর্ধপ্রবিষ্টাঃ সংরব্ধা বিলানীব মহোরগাঃ॥ 7-134-27 (50607)
তং প্রত্যবিধ্যদ্রাধেয়ো জাম্বূনদবিভূষিতৈঃ।
চতুর্দশভিরত্যুগ্রৈর্নারাচৈরবিচারয়ন্॥ 7-134-28 (50608)
তে ভীমসেনস্য ভুজং সব্যং নির্ভিদ্য পত্রিণঃ।
প্রাবিশন্মেদিনীং ভীমাঃ ক্রৌঞ্চং পত্ররথা ইব॥ 7-134-29 (50609)
তে ব্যরোচন্ত নারাচাঃ প্রবিশন্তো বসুন্ধরাম্।
গচ্ছত্যস্তং দিনকরে দীপ্যমানা ইবাংশবঃ॥ 7-134-30 (50610)
স নির্ভিন্নো রণে ভীমো নারাচৈর্মর্মভেদিভিঃ।
সুস্রাব রুধিরং ভূরি পর্বতঃ সলিলং যথা॥ 7-134-31 (50611)
স ভীমস্ত্রিভিরায়স্তঃ সূতপুত্রং পতত্রিভিঃ।
সুপর্ণবেগৈর্বিব্যাধ সারথিং চাস্য সপ্তভিঃ॥ 7-134-32 (50612)
স বিহ্বলো মহারাজ কর্ণো ভীমশরাহতঃ।
প্রাদ্রবজ্জবনৈরশ্বৈ রণং হিৎবা মহাভয়াৎ॥ 7-134-33 (50613)
ভীমসেনস্তু বিষ্ফার্য চাপং হেমপরিষ্কৃতম্।
আহবেঽতিরথোঽতিষ্ঠজ্জ্বলন্নিব হুতাশনঃ॥ ॥ 7-134-34 (50614)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে চতুস্ত্রিংশদধিকশততমোঽধ্যায়ঃ॥ 134 ॥
Mahabharata - Drona Parva - Chapter Footnotes
5-134-10 ততঃ শৈক্যাং চতুষ্কিষ্কুং ইতি ক.খ.ঙ.পাঠঃ॥ 5-134-32 সুষ্ঠু পর্ণানাং পত্রাণাং বেগো যেষাম্॥ 32 ॥ 5-134-134 চতুস্ত্রিংশদধিকশততমোঽধ্যায়ঃ॥দ্রোণপর্ব - অধ্যায় 135
॥ শ্রীঃ ॥
7.135. অধ্যায়ঃ 135
Mahabharata - Drona Parva - Chapter Topics
ভীমেন দুর্মর্ষণাদিদুর্যোধনানুজানাং পঞ্চানাং হননম্॥ 1 ॥Mahabharata - Drona Parva - Chapter Text
7-135-0 (50615)
ধৃতরাষ্ট্র উবাচ। 7-135-0x (4608)
দৈবমেব পরং মন্যে ধিক্পৌরুষমনর্থকম্।
যত্রাধিরথিরায়ত্তৌ নাতরৎপাণ্ডবং রণে॥ 7-135-1 (50616)
কর্ণঃ পার্থান্সগোবিন্দাঞ্জেতুমুৎসহতে রণে।
ন চ কর্ণসমং লোকে পশ্যামি কঞ্চন।
ইতি দুর্যোধনস্যাহমশ্রৌষং জল্পতো মুহুঃ॥ 7-135-2 (50617)
কর্ণো হি বলবাঞ্ছূরো দৃঢধন্বা জিতক্লমঃ।
ইতি মামব্রবীৎসূত মন্দো দুর্যোধনঃ পুরা॥ 7-135-3 (50618)
বসুষেণসহায়ং মাং নালং দেবাঽপি সংয়ুগে।
কিং নু পাণ্ডুসুতা রাজন্গতসৎবা বিচেতসঃ॥ 7-135-4 (50619)
তত্র তং নির্জিতং দৃষ্ট্বা ভুজঙ্গমিব নির্বিষম্।
যুদ্ধাৎকর্ণমপক্রান্তং কিংস্বিদ্দুর্যোধনোঽব্রবীৎ॥ 7-135-5 (50620)
অহো দুর্মুখমেবৈকং যুদ্ধানামবিশারদম্।
প্রাবেশয়দ্ধুতবহং পতঙ্গমিব মোহিতঃ॥ 7-135-6 (50621)
অশ্বত্থামা মদ্ররাজঃ কৃপঃ কর্ণশ্চ সঙ্গতাঃ।
ন শক্ত্যাঃ প্রমুখে স্থাতুং নূনং ভীমস্য সঞ্জয়॥ 7-135-7 (50622)
তেঽপি চাস্য মহাঘোরং বলং নাগায়ুতোপমম্।
জানন্তো ব্যবসায়ং চ ক্রূরং মারুততেজসঃ॥ 7-135-8 (50623)
কিমর্থং ক্রূরকর্মাণং যমকালান্তকোপমম্।
বলসংরম্ভবীর্যজ্ঞাঃ কোপয়িষ্যন্তি সংয়ুগে॥ 7-135-9 (50624)
কর্ণস্ৎবেকো মহাবাহুঃ স্ববাহুবলদর্পিতম্।
ভীমসেনমনাদৃত্য রণেঽয়ুধ্যত সূতজঃ॥ 7-135-10 (50625)
যোঽজয়ৎসমরে কর্ণং পুরন্দর ইবাসুরম্।
ন স পাণ্ডুসুতো জেতুং শক্যঃ কেনচিদাহবে॥ 7-135-11 (50626)
দ্রোণং যঃ সম্প্রমথ্যৈকঃ প্রবিষ্টো মম বাহিনীম্।
ভীমো ধনঞ্জয়ান্বেষী কস্তমার্চ্ছেজ্জিজীবিষু॥ 7-135-12 (50627)
কো হি সঞ্জয় ভীমস্য স্থাতুমুৎসহতেঽগ্রতঃ।
উদ্যতাশনিহস্তস্য মহেন্দ্রস্যেব দানবঃ॥ 7-135-13 (50628)
প্রেতরাজপুরং প্রাপ্য নিবর্তেতাপি মানবঃ।
ন ভীমসেনং সম্প্রাপ্য নিবর্তেত কদাচন॥ 7-135-14 (50629)
পতঙ্গা ইব বহ্নিং তে প্রাবিশন্নল্পচেতসঃ।
যে ভীমসেনং সঙ্ক্রুদ্ধমন্বধাবন্বিমোহিতাঃ॥ 7-135-15 (50630)
যত্তৎসভায়াং ভীমেন মম পুত্রবধাশ্রয়ম্।
উক্তং সংরম্ভিণোগ্রেণ কুরূণাং শৃণ্বতাং তদা॥ 7-135-16 (50631)
তন্নূনমভিসঞ্চিন্ত্য দৃষ্ট্বা কর্ণং চ নির্জিতম্।
দুঃশাসনঃ সহ ভ্রাত্রা ভয়াদ্ভীমাদুপারমৎ॥ 7-135-17 (50632)
যশ্চ সঞ্জয় দুর্বুদ্ধিরব্রবীৎসমিতৌ মুহুঃ।
কর্ণো দুঃশাসনোঽহং চ জেষ্যামো যুধি পাণ্ডবান্॥ 7-135-18 (50633)
স নূনং বিরথং দৃষ্ট্বা কর্ণং ভীমেন নির্জিতম্।
প্রত্যাখ্যানাচ্চ কৃষ্ণস্য ভৃশং তপ্যতি পুত্রকঃ॥ 7-135-19 (50634)
দৃষ্ট্বা ভ্রাতৄন্হতান্সঙ্খ্যে ভীমসেনেন দংশিতান্।
আত্মাপরাধাৎসম্মূঢো নূনং তপ্যতি পুত্রকঃ॥ 7-135-20 (50635)
কো হি জীবিতমন্বিচ্ছন্প্রতীপং পাণ্ডবং ব্রজেৎ।
ভীমং ভীমায়ুধং ক্রুদ্ধং সাক্ষাৎকালমিব স্থিতম্॥ 7-135-21 (50636)
বডবামুখমধ্যস্থো মুচ্যেতাপি হি মানবঃ।
ন ভীমমুখসম্প্রাপ্তো মুচ্যেদিতি মতির্মম॥ 7-135-22 (50637)
ন পার্থা ন চ পঞ্চালা ন চ কেশবসাত্যকী।
জানতে যুধি সংরব্ধা জীবিতং পরিরক্ষিতুম্॥ 7-135-23 (50638)
অহো মম সুতানাং হি বিপন্নং সূত জীবিতম্॥ 7-135-24 (50639)
সঞ্জয় উবাচ। 7-135-25x (4609)
যস্ৎবং শোচসি কৌরব্য বর্তমানে মহাভয়ে।
ৎবমস্য জগতো মূলং বিনাশস্য ন সংশয়ঃ॥ 7-135-25 (50640)
স্বয়ং বৈরং মহৎকৃৎবা পুত্রাণাং বচনে স্থিতঃ।
উচ্যমানো ন গৃহ্ণীষে মর্ত্যঃ পথ্যমিবৌষধম্॥ 7-135-26 (50641)
স্বয়ং পীৎবা মহারাজ কালকূটং সুদুর্জরম্।
তস্যেদানীং ফলং কৃৎস্নমবাপ্নুহি নরোত্তম॥ 7-135-27 (50642)
যত্তু কুৎসয়সে যোধান্যুধ্যমানান্মহাবলান্।
তত্র তে বর্তয়িষ্যামি যথা যুদ্ধমবর্তত॥ 7-135-28 (50643)
দৃষ্ট্বা কর্ণং তু পুত্রাস্তে ভীমসেনপরাজিতম্।
নামৃষ্যন্ত মহেষ্বাসাঃ সোদর্যাঃ পঞ্চ ভারত॥ 7-135-29 (50644)
দুর্মর্ষণো দুঃসহশ্চ দুর্মদো দুর্ধরো জয়ঃ।
পাণ্ডবং চিত্রসন্নাহাস্তং প্রতীপমুপাদ্রবন্॥ 7-135-30 (50645)
তে সমন্তান্মহাবাহুং পরিবার্য বৃকোদরম্।
দিশঃ শরৈঃ সমাবৃণ্বঞ্শলভানামিব ব্রজৈঃ॥ 7-135-31 (50646)
আগচ্ছতস্তান্সহসা কুমারান্দেবরূপিণঃ।
প্রতিজগ্রাহ সমরে ভীমসেনো হসন্নিব॥ 7-135-32 (50647)
তব দৃষ্ট্বা তু তনয়ান্দুর্মর্ষণপুরোগমান্।
অভ্যবর্তত রাধেয়ো ভীমসেনং মহাবলম্॥ 7-135-33 (50648)
বিসৃজন্বিশিখাংস্তীক্ষ্ণান্স্বর্ণপুঙ্খাংঞ্ছিলাশিতান্।
তং তু ভীমোঽভ্যযাত্তূর্ণং বার্যমাণঃ সুতৈস্তব॥ 7-135-34 (50649)
কুরবস্তু ততঃ কর্ণং পরিবার্য সমন্ততঃ।
অবাকিরন্ভীমসেনং শরৈঃ সন্নতপর্বভিঃ॥ 7-135-35 (50650)
তান্বাণৈঃ পঞ্চবিংশত্যা সাশ্বান্রাজন্নরর্ষভান্।
সসূতান্ভীমধনুষো ভীমো নিন্যে যমক্ষয়ম্॥ 7-135-36 (50651)
প্রাপতন্স্যন্দনেভ্যস্তে সার্ধং সূতৈর্গতাসবঃ।
চিত্রপুষ্পধরা ভগ্না বাতেনেব মহাদ্রুমাঃ॥ 7-135-37 (50652)
তত্রাদ্ভুতমপশ্যাম ভীমসেনস্য বিক্রমম্।
সংবার্যাধিরথিং বাণৈর্যজ্জঘান তবাত্মজান্॥ 7-135-38 (50653)
স বার্যমাণো ভীমেন শিতৈর্বাণৈঃ সমন্ততঃ।
সূতপুত্রো মহারাজ ভীমসেনমবৈক্ষত॥ 7-135-39 (50654)
তং ভীসসেনঃ সংরম্ভাৎক্রোধসংরক্তলোচনঃ।
বিষ্ফার্য সুমহচ্চাপং মুহুঃ কর্ণমবৈক্ষত॥ ॥ 7-135-40 (50655)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে পঞ্চত্রিংশদধিকশততমোঽধ্যায়ঃ॥ 135 ॥
Mahabharata - Drona Parva - Chapter Footnotes
5-135-9 যমঃ সংয়মনব্যাপারঃ কালঃ কলনব্যাপরঃ অন্তকো মারণব্যাপারঃ তদুপমম্॥ 5-135-135 পঞ্চত্রিংশদধিকশততমোঽধ্যায়ঃ॥দ্রোণপর্ব - অধ্যায় 136
॥ শ্রীঃ ॥
7.136. অধ্যায়ঃ 136
Mahabharata - Drona Parva - Chapter Topics
ভীমেন চিত্রোপচিত্রাদিদুর্যোধনানুজবধঃ॥ 1 ॥Mahabharata - Drona Parva - Chapter Text
7-136-0 (50656)
সঞ্জয় উবাচ। 7-136-0x (4610)
তবাত্মজাংস্তু পতিতান্দৃষ্ট্বা কর্ণঃ প্রতাপবান্।
ক্রোধেন মহতাঽঽবিষ্টো নির্বিণ্ণোঽভূৎস জীবিতো॥ 7-136-1 (50657)
আগস্কৃতমিবাত্মানং মেনে চাধিরথিস্তদা।
যৎপ্রত্যক্ষং তব সুতা ভীমেন নিহতা রণে॥ 7-136-2 (50658)
ভীমসেনস্ততঃ ক্রুদ্ধঃ কর্ণস্য নিশিতাঞ্শরান্।
নিচখান্ স সম্ভ্রান্তঃ পূর্ববৈরমনুস্মরন্॥ 7-136-3 (50659)
স ভীমং পঞ্চভির্বিদ্ধ্বা রাধেয়ঃ প্রহসন্নিব।
পুনর্বিব্যাধ সপ্তত্যা স্বর্ণপুঙ্খৈঃ শিলাশিতৈঃ॥ 7-136-4 (50660)
অবিচিন্ত্যাথ তান্বাণান্কর্ণেনাস্তান্বৃকোদরঃ।
রণে বিব্যাধ রাধেয়ং শরেণানতপর্বণা॥ 7-136-5 (50661)
পুনশ্চ বিশিখৈস্তীক্ষ্ণৈর্বিদ্ধ্বা মর্মসু পঞ্চভিঃ।
ধনুশ্চিচ্ছেদ ভল্লেন সূত পুত্রস্য মারিষ॥ 7-136-6 (50662)
অথান্যদ্ধনুরাদায় কর্ণো ভারত দুর্মনাঃ।
ইষুভিশ্ছাদয়ামাস মীমসেনং পরন্তপঃ॥ 7-136-7 (50663)
তস্য ভীমো হয়ান্হৎবা বিনিহত্য চ সারথিম্।
প্রজহাস মহাহাসং কৃতপ্রতিকৃতং মহৎ॥ 7-136-8 (50664)
ইষুভিঃ কার্মুকং চাস্য চকর্ত পুরুষর্ষভঃ।
তৎপপাত মহারাজ স্বর্ণপৃষ্ঠং মহাস্বনম্॥ 7-136-9 (50665)
অবারোহদ্রথাত্তস্মাদথ কর্ণো মহারথঃ।
গদাং গৃহীৎবা সমরে ভীমায় প্রাহিণোদ্রুষা॥ 7-136-10 (50666)
তামাপতন্তীমালক্ষ্য ভীমসেনো মহাগদাম্।
শরৈরবারয়দ্রাজন্সর্বসৈন্যস্য পশ্যতঃ॥ 7-136-11 (50667)
ততো বাণসহস্রাণি প্রেষয়ামাস পাণ্ডবঃ।
সূতপুত্রবধাকাঙ্ক্ষী ৎবরমাণঃ পরাক্রমী॥ 7-136-12 (50668)
তানিষূনিষুভিঃ কর্ণো বারয়িৎবা মহামৃধে।
কবচং ভীমসেনস্য পাটয়ামাস সায়কৈঃ॥ 7-136-13 (50669)
অথৈনং পঞ্চবিংশত্যা নারাচানাং সমার্পয়ৎ।
পশ্যতাং সর্বসৈন্যানাং তদদ্ভুতমিবাভবৎ॥ 7-136-14 (50670)
ততো ভীমো মহাবাহুর্নবভির্নতপর্বভিঃ।
প্রেষয়ামাস সঙ্ক্রুদ্ধঃ সূতপুত্রস্য মারিষ॥ 7-136-15 (50671)
তে তস্য কবচং ভিত্ৎবা তথা বাহুং চ দক্ষিণম্।
অভ্যযুর্ধরণীং তীক্ষ্ণা বল্মীকমিব পন্নগাঃ॥ 7-136-16 (50672)
স চ্ছাদ্যমানো বাণৌধৈর্ভীমসেনধনুশ্চ্যুতৈঃ।
পুনরেবাভবৎকর্ণো ভীমসেনাৎপরাঙ্মুখঃ॥ 7-136-17 (50673)
তং পরাঙ্মুখমালোক্য পদাতিং সূতনন্দনম্।
কৌন্তেয়শরসঞ্ছন্নং রাজা দুর্যোধনোঽব্রবীৎ॥ 7-136-18 (50674)
ৎবরধ্বং সর্বতো যত্তা রাধেয়স্য রথং প্রতি।
ততস্তব সুতা রাজঞ্শ্রুৎবা ভ্রাতুর্বচো দ্রুতম্॥ 7-136-19 (50675)
অভ্যযুঃ পাণ্ডবং যুদ্ধে বিসৃজন্তঃ শিলীমুখান্।
চিত্রোপচিত্রশ্চিত্রাক্ষশ্চারুচিত্রঃ শরাসনঃ॥ 7-136-20 (50676)
চিত্রায়ুধশ্চিত্রবর্মা সমরে চিত্রয়োধিনঃ।
তানাপতত এবাশু ভীমসেনো মহারথঃ॥ 7-136-21 (50677)
একৈকেন শরেণাজৌ পাতয়ামাস তে সুতান্।
তে হতা ন্যপতন্ভূমৌ বাতরূগ্ণা ইব দ্রুমাঃ॥ 7-136-22 (50678)
দৃষ্ট্বা বিনিহতান্পুত্রাংস্তব রাজন্মহারথান্।
অশ্রুপূর্ণমুখঃ কর্ণঃ ক্ষত্তুঃ সস্মার তদ্বচঃ॥ 7-136-23 (50679)
রথং চান্যং সমাস্থায় বিধিবৎকল্পিতং পুনঃ।
অভ্যযাৎপাণ্ডবং যুদ্ধে ৎবরমাণঃ পরাক্রমী॥ 7-136-24 (50680)
তাবন্যোন্যং শরৈর্ভিত্ৎবা স্বর্ণপুঙ্খৈঃ শিলাশিতৈঃ।
ব্যভ্রাজেতাং যথা মেঘৌ সংস্যূতৌ সূর্যরশ্মিভিঃ॥ 7-136-25 (50681)
ষট্ত্রিংশদ্ভিস্ততো ভল্লৈর্নিশিতৈস্তিগ্মতেজনৈঃ।
ব্যধমৎকবনং ক্রুদ্ধঃ সূতপুত্রস্য পাণ্ডবঃ॥ 7-136-26 (50682)
সূতপুত্রোঽপি কৌন্তেয়ং শরৈঃ সন্নতপর্বভিঃ।
পঞ্চাশতা মহাবাহুর্বিব্যাধ ভরতর্ষভ॥ 7-136-27 (50683)
রক্তচন্দনদিগ্ধাঙ্গৌ শরৈঃ কৃতমহাব্রণৌ।
শোণিতাক্তৌ ব্যরাজেতাং কালসূর্যাবিবোদিতৌ॥ 7-136-28 (50684)
তৌ শোণিতোক্ষিতৈর্গাত্রৈঃ শরৈশ্ছিন্নতনুচ্ছদৌ।
বিবৃতাঙ্গৌ ব্যরাজেতাং নির্মুক্তাবিব পন্নগৌ॥ 7-136-29 (50685)
`ক্রোধাগ্নিতেজসা দিপ্তৌ সংরম্ভাদ্রক্তলোচনৌ।
ব্যভ্রাজেতাং মহারাজ বিধূমাবিব পাবকৌ'॥ 7-136-30 (50686)
ব্যাঘ্রাবিব নরব্যাঘ্রৌ দংষ্ট্রাভিরিতরেতরম্।
শরধারাসৃজৌ বীরৌ মেঘাবিব ববর্ষতুঃ॥ 7-136-31 (50687)
বারণাবিব চান্যোন্যং বিষাণাভ্যামরিন্দমৌ।
নির্ভিন্দন্তৌ স্বগাত্রাণি সায়কৈশ্চারু রেজতুঃ॥ 7-136-32 (50688)
নাদয়ন্তৌ প্রহর্ষন্তৌ বিক্রীডন্তৌ পরস্পরম্।
মণ্ডলানি বিকুর্বাণৌ রথাভ্যাং রথিষূত্তমৌ॥ 7-136-33 (50689)
বৃষাবিবাথ নর্দন্তৌ বলিনৌ বাসিতান্তরে।
সিংহাবিব পরাক্রান্তৌ নরসিংহৌ মহাবলৌ॥ 7-136-34 (50690)
পরস্পরং বীক্ষমাণৌ ক্রোধসংরক্তলোচনৌ।
যুয়ুধাতে মহাবীর্যৌ শক্রবৈরোচনী যথা॥ 7-136-35 (50691)
ততো ভীমো মহাবাহুর্বাহুভ্যাং বিক্ষিপন্ধনুঃ।
ব্যরাজত রণে রাজন্সবিদ্যুদিব তোয়দঃ॥ 7-136-36 (50692)
সনেমিঘোষস্তনিতশ্চাপবিদ্যুচ্ছরাম্বুভিঃ।
ভীমসেনমহামেঘঃ কর্ণপর্বতমাবৃণোৎ॥ 7-136-37 (50693)
ততঃ শরসহস্রেণ সম্যগস্তেন ভারত।
পাণ্ডবো ব্যকিরৎকর্ণং ভীমো ভীমপরাক্রমঃ॥ 7-136-38 (50694)
তত্রাপশ্যংস্তব সুতা ভীমসেনস্য বিক্রমম্।
সুপুঙ্খৈঃ কঙ্কবাসোভির্যৎকর্ণং ছাদয়ঞ্শরৈঃ॥ 7-136-39 (50695)
স নন্দয়ন্রণে পার্থং কেশবং চ যশস্বিনম্।
সাত্যকিং চক্ররক্ষৌ চ ভীমঃ কর্ণময়োধয়ৎ॥ 7-136-40 (50696)
বিক্রমং ভুজয়োর্বীর্যং ধৈর্যং চ বিদিতাত্মনঃ।
পুত্রাস্তব মহারাজ দৃষ্ট্বা বিমনসোঽভবন্॥ ॥ 7-136-41 (50697)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ষট্ত্রিংশদধিকশততমোঽধ্যায়ঃ॥ 136 ॥
Mahabharata - Drona Parva - Chapter Footnotes
5-136-10 অবারোহদবাতরৎ॥ 5-136-20 চিত্রোপচিত্রঃ চিত্রশ্চাসাবুপচিত্রশ্চেতি চিত্রোপচিত্রঃ॥ 5-136-136 ষট্ত্রিংশদধিকশততমোঽধ্যায়ঃ॥দ্রোণপর্ব - অধ্যায় 137
॥ শ্রীঃ ॥
7.137. অধ্যায়ঃ 137
Mahabharata - Drona Parva - Chapter Topics
Mahabharata - Drona Parva - Chapter Text
7-137-0 (50698)
॥ 7-137-53 (50751)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি
Mahabharata - Drona Parva - Chapter Footnotes
5-137-1 5-137- 5-137- 5-137- 5-137- 5-137- 5-137- 5-137- 5-137- 5-137- 5-137- 5-137-দ্রোণপর্ব - অধ্যায় 138
॥ শ্রীঃ ॥
7.138. অধ্যায়ঃ 138
Mahabharata - Drona Parva - Chapter Topics
Mahabharata - Drona Parva - Chapter Text
7-16-0 (50752)
॥ 7-16-29 (50781)
ইতি শ্রীমন্মহাভারতে দ্রোণপর্বণি দ্রোণাভিষেকপর্বণি
Mahabharata - Drona Parva - Chapter Footnotes
5-16-1 5-16- 5-16- 5-16- 5-16- 5-16- 5-16- 5-16- 5-16- 5-16- 5-16- 5-16-দ্রোণপর্ব - অধ্যায় 139
॥ শ্রীঃ ॥
7.139. অধ্যায়ঃ 139
Mahabharata - Drona Parva - Chapter Topics
ভীমকর্ণয়ুদ্ধবর্ণনম্॥ 1 ॥Mahabharata - Drona Parva - Chapter Text
7-139-0 (50782)
সঞ্জয় উবাচ। 7-139-0x (4613)
ততঃ কর্ণো মহারাজ ভীমং বিদ্ধা ত্রিভিঃ শূরৈঃ।
`পুনশ্চ ষড্ভিস্তীক্ষ্ণাগ্রৈরবিধ্যৎকঙ্কপত্রিভিঃ'।
মুমোচ শরবর্ষাণি বিচিত্রাণি বহূনি চ॥ 7-139-1 (50783)
বধ্যমানো মহাবাহুঃ সূতপুত্রেণ পাণ্ডবঃ।
ন বিব্যথে ভীমসেনো ভিদ্যমান ইবাচলঃ॥ 7-139-2 (50784)
স কর্ণং কর্ণিনা কর্ণে পীতেন নিশিতেন চ।
বিব্যাধ সুভৃশং সঙ্খ্যে তৈলধৌতেন মারিষ॥ 7-139-3 (50785)
স কুণ্ডলং মহচ্চারু কর্ণস্যাপাতয়দ্ভুবি।
তপনীয়ং মহারাজ দীপ্তং জ্যোতিরিবাম্বরাৎ॥ 7-139-4 (50786)
অথাপরেণ ভল্লেন সূতপুত্রং স্তনান্তরে।
আজঘান ভৃশং ক্রুদ্ধো হসন্নিব বৃকোদরঃ॥ 7-139-5 (50787)
পুনরস্য ৎবরন্ভীপো নারাচান্দশ ভারত।
রণে প্রৈষীন্মহাবাহুর্নির্মুক্তাশীবিষোপমান্॥ 7-139-6 (50788)
তে ললাটং বিনির্ভিদ্য সূতপুত্রস্য ভারত।
বিবিশুশ্চোদিতাস্তেন বল্মীকমিব পন্নগাঃ॥ 7-139-7 (50789)
ললাটস্থৈস্ততো বাণৈঃ সূতপুত্রো ব্যরোচত।
নীলোৎপলময়ীং মালাং ধারয়ন্বৈ যথা পুরা॥ 7-139-8 (50790)
সোঽতিবিদ্ধো ভৃশং কর্ণঃ পাণ্ডবেন তরস্বিনা।
রথকূবরমালম্ব্য ন্যমীলয়ত লোচনে॥ 7-139-9 (50791)
স মুহূর্তাৎপুনঃ সংজ্ঞাং লেভে কর্ণঃ পরন্তপঃ।
রুধিরোক্ষিতসর্বাঙ্গঃ ক্রোধমাহারয়ৎপরম্॥ 7-139-10 (50792)
ততঃ ক্রুদ্ধো রণে কর্ণঃ পীডিতো দৃঢধন্বনা।
বেগং চক্রে মহাবেগো ভীমসেনরথং প্রতি॥ 7-139-11 (50793)
তস্মৈ কর্ণঃ শতং রাজন্নিষূণাং গার্ধ্রবাসসাম্।
অমর্ষী বলবান্ক্রুদ্ধঃ প্রেষয়ামাস ভারত॥ 7-139-12 (50794)
ততঃ প্রাসৃজদুগ্রাণি শরবর্ষাণি পাণ্ডবঃ।
সমরে তমনাদৃত্য তস্য বীর্যমচিন্তয়ন্॥ 7-139-13 (50795)
কর্ণস্ততো মহারাজ পাণ্ডবং নবভিঃ শরৈঃ।
আজঘানোঽসি ক্রুদ্ধঃ ক্রুদ্ধরূপং পরন্তপ॥ 7-139-14 (50796)
তাবুভৌ নরশার্দূলৌ শার্দূলাবিব দংষ্ট্রিণৌ।
`শরদংষ্ট্রৌ সমাসাদ্য ততক্ষতুররিন্দমৌ'।
জিমূতাবিব চান্যোন্যং প্রববর্ষতুরাহবে॥ 7-139-15 (50797)
তলশব্দরবৈশ্চৈব ত্রাসয়েতাং পরস্পরম্।
শরজালৈশ্চ বিবিধৈস্ত্রাসয়ামাসতুর্মৃধে॥ 7-139-16 (50798)
অন্যোন্যং সমরে ক্রুদ্ধৌ কৃতপ্রতিকৃতৈষিণৌ।
ততো ভীমো মহাবাহুঃ সূতপুত্রস্য ভারত॥ 7-139-17 (50799)
ক্ষুরপ্রেণ ধনুশ্ছিত্ৎবা ননাদ পরবীরহা।
তদপাস্য ধনুশ্ছিন্নং সূতপুত্রো মহারথঃ॥ 7-139-18 (50800)
অন্যৎকার্মুকমাদত্ত ভারঘ্নং বেগবত্তরম্।
তদপ্যথ নিমেষার্ধাচ্চিচ্ছেদাস্য বৃকোদরঃ॥ 7-139-19 (50801)
তৃতীয়ং চ চতুর্থং চ পঞ্চমং ষষ্ঠমেব হি।
সপ্তমং চাষ্টমং চৈব নবমং দশমং তথা॥ 7-139-20 (50802)
একাদশং দ্বাদশং চ ত্রয়োধশমথাপি চ।
চতুর্দশং পঞ্চদশং ষোডশং চ বৃকোদরঃ॥ 7-139-21 (50803)
তথা সপ্তদশং বেগাদষ্টাদশমথাপি বা।
বহূনি ভীমশ্চিচ্ছেদ কর্ণস্যৈবং ধনূংষি হি।
নিমেষার্ধাত্ততঃ কর্ণো ধনুর্হস্তো ব্যতিষ্ঠত॥ 7-139-22 (50804)
দৃষ্ট্বা স কুরুসৌবীরসিন্ধুবীরবলক্ষয়ম্।
স বর্মধ্বজশস্ত্রৈশ্চ পতিতৈঃ সংবৃতাং মহীম্॥ 7-139-23 (50805)
`রথৈর্বিমথিতৈর্ভল্লৈরশ্বৈশ্চান্যৈঃ প্রবল্গিতৈঃ।
ভ্রষ্টশ্রীকৈর্নরবরৈঃ পাংসুকুণ্ঠিতমূর্ধজৈঃ'॥ 7-139-24 (50806)
হস্ত্যশ্বরথদেহাংশ্চ গতাসূন্প্রেক্ষ্য সর্বশঃ।
সূতপুত্রস্য সংরম্ভাদ্দীপ্তং বপুরজায়ত॥ 7-139-25 (50807)
স বিষ্ফার্য মহচ্চাপং কার্তস্বরবিভূষিতম্।
ভীমং প্রৈক্ষত রাধেয়ো ঘোরং ঘোরেণ চক্ষুষা॥ 7-139-26 (50808)
ততঃ ক্রুদ্ধঃ শরানস্যন্সূতপুত্রো ব্যরো চত।
মধ্যন্দিনগতোঽর্চিষ্মাঞ্শরদীব দিবাকরঃ॥ 7-139-27 (50809)
মরীচিবিকচস্যেব রাজন্ভানুমতো বপুঃ।
আসীদাধিরথের্ঘোরং বপুঃ শরশতাচিতম্॥ 7-139-28 (50810)
করাভ্যামাদদানস্য সন্দধানস্য চাশুগান্।
কর্ষতো মুঞ্চতো বাণান্নান্তরং দদৃশে রণে॥ 7-139-29 (50811)
অগ্নিচক্রোপমং ঘোরং মণ্ডলীকৃতমায়ুধম্।
কর্ণস্যাসীন্মহীপাল সব্যং দক্ষিণমস্যতঃ॥ 7-139-30 (50812)
স্বর্ণপুঙ্খাঃ সুনিশিতাঃ কর্মচাপচ্যুতাঃ শরাঃ।
প্রাচ্ছাদয়ন্মহারাজ দিশঃ সূর্য ইবাংশুভিঃ॥ 7-139-31 (50813)
ততঃ কনকপুঙ্খানাং শরাণাং নতপর্বণাম্।
ধনুশ্চ্যুতানাং বিয়তি দদৃশে বহুধা ব্রজঃ॥ 7-139-32 (50814)
বাণাসনাদাধিরথেঃ প্রভবন্তি স্ম সায়কাঃ।
শ্রেণীকৃতা ব্যরোচন্ত রাজন্ক্রৌঞ্চা ইবাম্বরে॥ 7-139-33 (50815)
গার্ধ্রপত্রাঞ্শিলাধৌতান্কার্তস্বরবিভূষিতান্।
মহাবেগান্প্রদীপ্তাগ্রান্মুমোচাধিরথিঃ শরান্॥ 7-139-34 (50816)
তে তু চাপবলোদ্ধূতাঃ শাতকুম্ভবিভূষিতাঃ।
অজস্রমপতন্বাণা ভীমসেনরথং প্রতি॥ 7-139-35 (50817)
তে ব্যোম্নি রুক্মবিকৃতা ব্যকাশন্ত সহস্রশঃ।
শলভানামিব ব্রাতাঃ শরাঃ কর্ণসমীরিতাঃ॥ 7-139-36 (50818)
চাপাদাধিরথের্মুক্তাঃ প্রপতন্তশ্চকাশিরে।
একো দীর্ঘ ইবাত্যর্থমাকাশে সংস্থিতঃ শরঃ॥ 7-139-37 (50819)
পর্বতং বারিধারাভিচ্ছাদয়ন্নিব তোয়দঃ।
কর্ণঃ প্রাচ্ছাদয়ৎক্রুদ্ধো ভীমং সায়কবৃষ্টিভিঃ॥ 7-139-38 (50820)
তত্র ভারত ভীমস্য বলং বীর্যং পরাক্রমম্।
ব্যবসায়ং চ পুত্রাস্তে দদৃশুঃ সহসৈনিকাঃ॥ 7-139-39 (50821)
তাং সমুদ্রমিবোদ্ভূতাং শরবৃষ্টিং সমুত্থিতাম্।
অচিন্তয়িৎবা ভীমস্তু ক্রুদ্ধঃ কর্ণমুপাদ্রবৎ॥ 7-139-40 (50822)
রুক্মপৃষ্ঠং মহচ্চাপং ভীমস্যাসীদ্বিশাম্পতে।
আকর্ষান্মণ্ডলীভূতং শক্রচাপমিবাপরম্।
তস্মাচ্ছরাঃ প্রাদুরাসন্পূরয়ন্ত ইবাম্বরম্॥ 7-139-41 (50823)
সুবর্ণপুঙ্খৈর্ভীমেন সায়কৈর্নতপর্বভিঃ।
গগনে রচিতা মালা কাঞ্চনীব ব্যরোচতং॥ 7-139-42 (50824)
ততো ব্যোম্নি বিষক্তানি শরজালানি ভাগশঃ।
আহতানি ব্যশীর্যন্ত ভীমসেনস্য পত্রিভিঃ॥ 7-139-43 (50825)
কর্ণস্য শরজালৌঘৈর্ভীমসেনস্য চোভয়োঃ।
অগ্নিস্ফুলিঙ্গসংস্পর্শৈরঞ্জোগতিভিরাহবে।
তৈস্তৈঃ কনকপুঙ্খানাং দ্যৌরাসীৎসংবৃতা ব্রজৈঃ॥ 7-139-44 (50826)
ন স্ম সূর্যস্তদা ভাতি ন স্ম বাতি সমীরণঃ।
শরজালাবৃতে ব্যোম্নি ন প্রাজ্ঞায়ত কিঞ্চন॥ 7-139-45 (50827)
স ভিমং ছাদয়ন্বাণৈঃ সূতপুত্রঃ পৃথগ্বিধৈঃ।
উপারোহদনাদৃত্য তস্য বীর্যং মহাত্মনঃ॥ 7-139-46 (50828)
তয়োর্বিসৃজতোস্তত্র শরজালানি মারিষ।
বায়ুভূতান্যদৃশ্যন্ত সংসক্তানীতরেতরম্॥ 7-139-47 (50829)
অন্যোন্যশরসংসম্পর্শাত্তয়োর্মনুজসিংহয়োঃ।
আকাশে ভরতশ্রেষ্ঠ পাবকঃ সমজায়ত॥ 7-139-48 (50830)
তথা কর্ণঃ শিতান্বাণান্কর্মারপরিমার্জিতান্।
সুবর্ণবিকৃতান্ক্রুদ্ধঃ প্রাহিণোদ্বধকাঙ্ক্ষয়া॥ 7-139-49 (50831)
তানন্তরিক্ষে বিশিখৈস্ত্রিধৈকৈকমশাতয়ৎ।
বিশেষয়ন্সূতপুত্রং ভীমস্তিষ্ঠেতি চাব্রবীৎ॥ 7-139-50 (50832)
পুনশ্চাসৃজদুগ্রাণি শরবর্ষাণি পাণ্ডবঃ।
অমর্ষী বলবান্ক্রুদ্ধৌ দিধক্ষন্নিব পাবকঃ॥ 7-139-51 (50833)
ততশ্চটচটাশব্দো গোধাঘাতাদভূত্তয়োঃ॥ 7-139-52 (50834)
তলশব্দশ্চ সুভহান্সিংহনাদশ্চ ভৈরবঃ।
রথনেমিনিনাদশ্চ জ্যাশব্দশ্চৈব দারুণঃ॥ 7-139-53 (50835)
যোধা ব্যুপারমন্যুদ্ধাদ্দিদৃক্ষন্তঃ পরাক্রমম্।
কর্ণপাণ্ডবয়ো রাজন্পরস্পরবধৈষিণোঃ॥ 7-139-54 (50836)
দেবর্ষিসিদ্ধগন্ধর্বাঃ সাধুসাধ্বিত্যপূজয়ন্।
মুমুচুঃ পুষ্পবর্ষং চ বিদ্যাধরগণাস্তথা॥ 7-139-55 (50837)
ততো ভীমো মহাবাহুঃ সংরম্ভী দৃঢবিক্রমঃ।
অস্ত্রৈরস্ত্রাণি সংবার্য শরৈর্বিব্যাধ সূতজম্॥ 7-139-56 (50838)
কর্ণোঽপি ভীমসেনস্য নিবার্যেষূন্মহাবলঃ।
প্রাহিণোন্নব নারাচানাশীবিষসমান্রণে॥ 7-139-57 (50839)
তাবদ্ভিরথ তান্ভীমো ব্যোম্নি চিচ্ছেদ পত্রিভিঃ।
নারাচান্সূত পুত্রস্য তিষ্ঠতিষ্ঠেতি চাব্রবীৎ॥ 7-139-58 (50840)
ততো ভীমো মহাবাহুঃ শরং ক্রুদ্ধান্তকোপমম্।
মুমোচাধিরথের্বীরো যমদণ্ডমিবাপরম্॥ 7-139-59 (50841)
তমাপতন্তং চিচ্ছেদ রাধেয়ঃ প্রহসন্নিব।
ত্রিভিঃ শরৈঃ শরং রাজন্পাণ্ডবস্য প্রতাপবান্॥ 7-139-60 (50842)
পুনশ্চাসৃজদুগ্রাণি শরবর্ষাণি পাণ্ডবঃ।
তস্য তান্যাদদে কর্ণঃ সর্বাণ্যস্ত্রাণ্যভীতবৎ।
যুধ্যমানস্য ভীমস্য সূতপুত্রোঽস্ত্রমায়যা॥ 7-139-61 (50843)
তস্যেষুধী ধনুর্জ্যাং চ বাণৈঃ সন্নতপর্বভিঃ।
রশ্মীন্যোক্ত্রাণি চাশ্বানাং ক্রুদ্ধঃ কর্ণোঽচ্ছিনন্মৃধে। 7-139-62 (50844)
তস্যাশ্বাংশ্চ পুনর্হৎবা সূতং বিব্যাধ পঞ্চভিঃ।
সোপসৃত্য দ্রুতং সূতো যুধামন্যো রথং যয়ৌ॥ 7-139-63 (50845)
বিহসন্নিব ভীমস্য ক্রুদ্ধঃ কালানলদ্যুতিঃ।
ধ্বজং চিচ্ছেদ রাধেয়ঃ পতাকাং চ ব্যপাতয়ৎ॥ 7-139-64 (50846)
স বিধন্বা মহাবাহুরথ শক্তিং পরামৃশৎ।
তাং ব্যবাসৃজদাবিধ্য ক্রুদ্ধঃ কর্ণরথং প্রতি॥ 7-139-65 (50847)
তামাধিরথিরায়স্তঃ শক্তিং কাঞ্চনভূষণাম্।
আপতন্তীং মহোল্কাভাং চিচ্ছেদ দশভিঃ শরৈঃ॥ 7-139-66 (50848)
সাঽপতদ্দৃশধা ছিন্না কর্ণস্য নিশিতৈঃ শরৈঃ।
অস্যতঃ সূতপুত্রস্য মিত্রার্থে চিত্রয়োধিনঃ॥ 7-139-67 (50849)
স চর্মাদত্ত কৌন্তেয়ো জাতরূপপরিষ্কৃতম্।
খঙ্গং চান্যতরপ্রেপ্সুর্জয়ং মরণমেব বা॥ 7-139-68 (50850)
তদস্য তরসা ক্রুদ্ধো ব্যধমচ্চর্ম সুপ্রভম্।
শরৈর্বহুভিরত্যুগ্রৈঃ প্রহসন্নিব ভারত॥ 7-139-69 (50851)
স বিচর্মা মহারাজ বিরথঃ ক্রোধমূর্চ্ছিতঃ।
অসিং প্রাসৃজদাবিধ্য ৎবরন্কর্ণরথং প্রতি॥ 7-139-70 (50852)
স ধনুঃ সূতপুত্রস্য সজ্যং ছিত্ৎবা মহানসিঃ।
পপাত ভুবি রাজেন্দ্র ক্রুদ্ধঃ সর্প ইবাম্বরাৎ॥ 7-139-71 (50853)
ততঃ প্রহস্যাধিরথিরন্যদাদায় কার্মুকম্।
শত্রুঘ্নং সমরে ক্রুদ্ধো দৃঢজ্যং বেগবত্তরম্॥ 7-139-72 (50854)
ব্যায়চ্ছৎস শরান্কর্ণঃ কুন্তীপুত্রজিঘাংসয়া।
সহস্রশো মহারাজ রুক্মপুঙ্খান্সুতেজনান্॥ 7-139-73 (50855)
স বধ্যমানো বলবান্কর্ণচাপচ্যুতৈঃ শরৈঃ।
বৈহায়সং প্রাক্রমদ্ধৈ কর্ণস্য রথমাবিশৎ॥ 7-139-74 (50856)
স তস্য চরিতং দৃষ্ট্বা সঙ্গ্রামে বিজয়ৈষিণঃ।
ধ্বজালয়স্থো রাধেয়ো ভীমসেনমবঞ্চয়ৎ॥ 7-139-75 (50857)
তমদৃষ্ট্বা রথোপস্থে নিলীনং ব্যথিতেন্দ্রিয়ম্।
ধ্বজমস্য সমারুহ্য তস্মৈ ভীমো মহীতলে॥ 7-139-76 (50858)
তদস্য কুরবঃ সর্বে চাণাশ্চাভ্যপূজয়ন্।
যদিয়েষ রথাৎকর্ণং হর্তুং তার্ক্ষ্য ইবোরগম্॥ 7-139-77 (50859)
স চ্ছিন্নধন্বা বিরথঃ স্বধর্মমনুপালয়ন্।
স্বরথং পৃষ্ঠতঃ কৃৎবা যুদ্ধায়ৈব ব্যবস্থিতঃ॥ 7-139-78 (50860)
তদ্বিচিন্ত্য স রাধেয়স্তত এনং সমভ্যযাৎ।
সংরম্ভাৎপাণ্ডবং সঙ্খ্যে যুদ্ধায় সমুপস্থিতম্॥ 7-139-79 (50861)
তৌ সমেতৌ মহারাজ স্পর্ধমানৌ মহাবলৌ।
জীমূতাবিব ঘর্মান্তে গর্জমানৌ নরর্ষভৌ॥ 7-139-80 (50862)
তয়োরাসীৎসংপ্রহারঃ ক্রুদ্ধয়োর্নরসিংহয়োঃ।
অমৃষ্যমাণয়োঃ সঙ্খ্যে দেবদানবয়োরিব॥ 7-139-81 (50863)
ক্ষীণশস্ত্রস্তু কৌন্তেয়ঃ কর্ণেন সমভিদ্রুতঃ।
দৃষ্ট্বাঽর্জুনহতান্নাগান্পতিতান্পর্বতোপমান্।
রথমার্গবিঘাতার্থং ব্যায়ুধঃ প্রবিবেশ হ॥ 7-139-82 (50864)
হস্তিনাং ব্রজমাসাদ্য রথদুর্গং প্রবিশ্য চ।
পাণ্ডবো জীবিতাকাঙ্ক্ষী রাধেয়ং নাভ্যবর্তত॥ 7-139-83 (50865)
ব্যবস্থানমথাকাঙ্ক্ষন্ধনঞ্জয়শরৈর্হতম্।
উদ্যম্য কুঞ্জরং পার্থস্তস্থৌ পরপুরঞ্জয়ঃ॥ 7-139-84 (50866)
মহৌষধিসমায়ুক্তং হনূমানিব পর্বতম্।
তমস্য বিশিখৈঃ কর্ণো ব্যধমৎকুঞ্জরং পুনঃ॥ 7-139-85 (50867)
হস্ত্যঙ্গান্যথ কর্ণায় প্রাহিণোৎপাণ্ডুনন্দনঃ।
চক্রাণ্যশ্চাংস্তথা চান্যদ্যদ্যৎপশ্যতি ভূতলে॥ 7-139-86 (50868)
তত্তদাদায় চিক্ষেপ ক্রুদ্ধঃ কর্ণায় পাণ্ডবঃ।
তদস্য সর্বং চিচ্ছেদ ক্ষিপ্তংক্ষিপ্তং শিতৈঃ শরৈঃ॥ 7-139-87 (50869)
ভীমোঽপি মুষ্টিমুদ্যম্য বজ্রগর্ভং সুদারুণম্।
হন্তুমৈচ্ছৎসূতপুত্রং সংস্পরন্নর্জুনং ক্ষণাৎ॥ 7-139-88 (50870)
শক্তোঽপি নাবধীৎকর্ণং সমর্থঃ পাণ্ডুনন্দনঃ।
রক্ষমাণঃ প্রতিজ্ঞাং তাং যা কৃতা সব্যসাচিনা॥ 7-139-89 (50871)
তমেবং ব্যাকুলং ভীমং ভূয়োভূয়ঃ শিতৈঃ শরৈঃ।
মূর্চ্ছয়াভিপরীতাঙ্গমকরোৎসূতনন্দনঃ॥ 7-139-90 (50872)
ব্যায়ুধং নাবধীচ্চৈনং কর্ণঃ কুন্ত্যা বচঃ স্মরন্।
ধনুষোগ্রেণ তং কর্ণঃ সোঽভিদ্রুত্য পরামৃশৎ॥ 7-139-91 (50873)
ধনুষা স্পৃষ্টমাত্রেণ ক্রুদ্ধঃ সর্প ইব শ্বসন্।
আচ্ছিদ্য স ধনুস্তস্য কর্ণং মূর্ধন্যতাডয়ৎ॥ 7-139-92 (50874)
তাডিতো ভীমসেনেন ক্রোধাদারক্তলোচনঃ।
বিহসন্নিব রাধেয়ো বাক্যমেতদুবাচ হ॥ 7-139-93 (50875)
পুনঃ পুনস্তূবরক মূঢ ঔদরিকেতি চ।
অকৃতাস্ত্রক মা যোৎসীর্বাল সঙ্গ্রামকাতর॥ 7-139-94 (50876)
যত্র ভোজ্যং বহুবিধং ভক্ষ্যং পেয়ং চ পাণ্ডব।
তত্র ৎবং দুর্মতে যোগ্যো ন যুদ্ধেষু কদাচন॥ 7-139-95 (50877)
মূলপুষ্পফলাহারো ব্রতেষু নিয়মেষু চ।
উচিতস্ৎবং বনে ভীম ন ৎবং যুদ্ধবিশারদঃ॥ 7-139-96 (50878)
ক্ব যুদ্বং ক্ব মুনিৎবং চ বনং গচ্ছ বৃকোদর।
ন ৎবং যুদ্ধোচিতস্তাত বনবাসরতির্ভবান্॥ 7-139-97 (50879)
সূদান্ভৃত্যজনান্দাসাংস্ৎবং গৃহে ৎবরয়ন্ভৃশম্।
যোগ্যস্তাডয়িতুং ক্রোধাদ্ভোজনার্থং বৃকোদর॥ 7-139-98 (50880)
মুনির্ভূৎবাঽথবা ভীম ফলান্যাদৎস্ব দুর্মতে।
বনায় ব্রজ কৌন্তেয় ন ৎবং যুদ্ধবিশারদঃ॥ 7-139-99 (50881)
ফলমূলাশনে শক্তস্ৎবং তথাঽতিথিপূজনে।
ন ৎবাং শস্ত্রসমুদ্যোগে যোগ্যং মন্যে বৃকোদর॥ 7-139-100 (50882)
`সঞ্জয় উবাচ। 7-139-101x (4614)
এবং তং বিরথং দৃষ্ট্বা স্মৃৎবা কর্ণোঽব্রবীদ্বচঃ'॥ 7-139-101 (50883)
কৌমারে যানি বৃত্তানি বিপ্রিয়াণি বিশাম্পতে।
তানি সর্বাণি চাপ্যেব রূক্ষাণ্যশ্রাবয়দ্ভৃশম্॥ 7-139-102 (50884)
অথৈনং তত্র সংলীনমস্পৃশদ্ধনুষা পুনঃ।
প্রহসংশ্চ পুনর্বাক্যং ভীমমাহ বৃষস্তদা॥ 7-139-103 (50885)
যোদ্ধব্যং মারিষান্যত্র ন যোদ্ধব্যং চ মাদৃশৈঃ।
মাদৃশৈর্যুধ্যমানানামেতচ্চান্যচ্চ বিদ্যতে॥ 7-139-104 (50886)
গচ্ছ বা যত্র তৌ কৃষ্ণৌ তৌ ৎবাং রক্ষিষ্যতো রণে।
গৃহং বা গচ্ছ কৌন্তেয় কিং তে যুদ্ধেন বালক॥ 7-139-105 (50887)
সঞ্জয় উবাচ। 7-139-106x (4615)
কর্ণস্য বচনং শ্রুৎবা ভীমসেনোঽতিদারুণম্।
উবাচ কর্ণং প্রহসন্সর্বেষাং শৃণ্বতাং বচঃ॥ 7-139-106 (50888)
জিতস্ৎবমসকৃদ্দুষ্ট কত্থসে কিং বৃথাত্মনা।
জয়াজয়ৌ মহেন্দ্রস্য লোকে দৃষ্টৌ পুরাতনৈঃ॥ 7-139-107 (50889)
মল্লয়ুদ্ধং ময়া সার্ধং কুরু দুষ্কুলসম্ভব।
মহাবলো মহাভোগী কীচকো নিহতো যথা।
তথা ৎবাং ঘাতয়িষ্যামি পশ্যৎসু সর্বরাজসু॥ 7-139-108 (50890)
ভীমস্য মতমাজ্ঞায় কর্ণো বুদ্ধিমতাং বরঃ।
বিররাম রণাত্তস্মাৎপশ্যতাং সর্বধন্বিনাম্॥ 7-139-109 (50891)
এবং তং বিরথং কৃৎবা কর্ণো রাজন্ব্যকত্থয়ৎ।
প্রসুখে বৃষ্ণিসিংহস্য পার্থস্য চ মহাত্মনঃ॥ 7-139-110 (50892)
তং ব্রুবাণং তু ভীমঃ স কাঙ্ক্ষন্ভীমপরাক্রমঃ।
ন চাকার্ষীন্মৃতং স্মৃৎবা হ্যর্জুনস্য মহাবলম্॥ 7-139-111 (50893)
তস্য কার্মুকমারুজ্য বভঞ্জাশুপরাক্রমী॥ 7-139-112 (50894)
ততো দৃষ্ট্বা মহারাজ বাসুদেবো মহাদ্যুতিঃ।
অর্জুনার্জুন পশ্যেমং ভীমং কর্ণেন বাধিতম্॥ 7-139-113 (50895)
সঞ্জয় উবাচ। 7-139-114x (4616)
এবমুক্তস্তদা পার্থঃ কেশবেন মহাত্মনা।
ভীমসেনং তথাভূতং ক্রোধসংরক্তলোচনঃ।
অমর্ষবশমাপন্নো নির্দহন্নিব চক্ষুষা'॥ 7-139-114 (50896)
ততো রাজঞ্শিলাধৌতাঞ্শরাঞ্শাখামৃগধ্বজঃ।
প্রাহিণোৎসূতপুত্রায় কেশবেন প্রচোদিতঃ॥ 7-139-115 (50897)
ততঃ পার্থভুজোৎসৃষ্টাঃ শরাঃ কনকভূষণাঃ।
গাণ্ডীবপ্রভবাঃ কর্ণং হংসাঃ ক্রৌঞ্চমিবাবিশন্॥ 7-139-116 (50898)
স ভুজঙ্গৈরিবাবিষ্টৈর্গাণ্ডীবপ্রেষিতৈঃ শরৈঃ।
ভীমসেনাদপাসেধৎসূতপুত্রং ধনঞ্জয়ঃ॥ 7-139-117 (50899)
স চ্ছিন্নধন্বা ভীমেন ধনঞ্জয়শরাহতঃ।
কর্ণো ভীমাদপায়াসীদ্রথেন মহতা দ্রুতম্॥ 7-139-118 (50900)
ভীমোঽপি সাত্যকের্বাহং সমারুহ্য নরর্ষভঃ।
অন্বয়াদ্ধাতরং সঙ্খ্যে পাণ্ডবং সব্যসাচিনম্॥ 7-139-119 (50901)
ততঃ কর্ণং সমুদ্দিশ্য ৎবরমাণো ধনঞ্চয়ঃ।
নারাচং ক্রোধতাম্রাক্ষঃ প্রৈষীন্মৃত্যুমিবান্তকঃ॥ 7-139-120 (50902)
স গরুত্মানিবাকশে প্রার্থয়ন্ভুজগোত্তমম্।
নারাচোঽভ্যপতৎকর্ণং তূর্ণং গাণ্ডীবচোদিতঃ॥ 7-139-121 (50903)
তমন্তরিক্ষে নারাচং দ্রৌণিশ্চিচ্ছেদ পত্রিণা।
ধনঞ্জয়ভয়াৎকর্ণমুজ্জিহীর্ষন্মহারথঃ॥ 7-139-122 (50904)
ততো দ্রৌণিং চতুঃষষ্ট্যা বিব্যাধ কুপিতোঽর্জুনঃ।
শিলীমুখৈর্মহারাজ মাগাস্তিষ্ঠেতি চাব্রবীৎ॥ 7-139-123 (50905)
স তু মত্তগজাকীর্ণমনীকং রথসঙ্কুলম্।
তূর্ণমভ্যাবিশদ্দ্রৌণির্ধনঞ্জয়শরার্দিতঃ॥ 7-139-124 (50906)
ততঃ সুবর্ণপৃষ্ঠানাং চাপানাং কূজতাং রণে।
শব্দং গাণ্ডীবঘোষেণ কৌন্তেয়োঽভ্যভবদ্বলী॥ 7-139-125 (50907)
ধনঞ্জয়স্তথাঽঽয়ান্তং পৃষ্ঠতো দ্রৌণিমভ্যগাৎ।
নাতিদীর্ঘমিবাধ্বানং শরৈঃ সন্ত্রাসয়ন্বলম্॥ 7-139-126 (50908)
বিদার্য দেহান্নারাচৈর্নরবারণবাজিনাম্।
কঙ্কবর্হিণবাসোভির্বলং ব্যধমদর্জুনঃ॥ 7-139-127 (50909)
তদ্বলং ভরতশ্রেষ্ঠ সবাজিদ্বিপমানবম্।
পাকশাসনিরায়ত্তঃ পার্থঃ স নিজঘান হ॥ ॥ 7-139-128 (50910)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একোনচৎবারিংশদধিকশততমোঽধ্যায়ঃ॥ 139 ॥
Mahabharata - Drona Parva - Chapter Footnotes
5-139-46 উপারোহৎসন্নিকর্ষমগাৎ॥ 5-139-47 বায়ুভূতানি বাতোদ্ভূতান্যতিবেগবন্তি বা॥ 5-139-74 বৈহায়সমাকাশম্॥ 5-139-75 লয়মঙ্গসঙ্কোচম্॥ 5-139-87 তদ্রথাদিসাধনম্॥ 5-139-88 বজ্রগর্ভমন্তর্বিহিতাঙ্গুষ্ঠম্॥ 5-139-89 সমর্থঃ সমীচীনার্থো ধর্মাপেক্ষীতি যাবৎ॥ 5-139-94 তূবরকঃ পুংশ্চিহ্নরহিতঃ ষণ্ড ইতিয়াবৎ। তূবরোঽশ্মশ্রুপুরুষে ইত্যুপক্রম্য পুরুষব্যঞ্জনত্যক্তো ইতি মেদিনী। ঔদরিকো বহ্বাশী॥ 5-139-96 ব্রতেষু নিয়মেষু আগন্তুকেষু॥ 5-139-103 সংলীনং সঙ্কুচিতাঙ্গম্॥ 5-139-110 ব্যকত্থয়ৎ ভর্ৎসিতবান্॥ 5-139-139 একোনচৎবারিংশদধিকশততমোঽধ্যায়ঃ॥দ্রোণপর্ব - অধ্যায় 140
॥ শ্রীঃ ॥
7.140. অধ্যায়ঃ 140
Mahabharata - Drona Parva - Chapter Topics
সাত্যকিনা অলম্বুসদধঃ॥ 1 ॥Mahabharata - Drona Parva - Chapter Text
7-140-0 (50911)
ধৃতরাষ্ট্র উবাচ। 7-140-0x (4617)
`দাতব্যমদ্য মন্যেঽহং পাণ্ডবানাং স্বকং পুনঃ।
ন বিগ্রহো হি বলিনা শ্রেয়সে স্যাদ্যথাতথা॥ 7-140-1 (50912)
পাদয়োঃ প্রণতেনাপি ভুক্ৎবাঽপ্যুচ্ছিষ্টমপ্যরেঃ।
অতোঽন্যদ্বাপি কৃৎবৈব জীব্যং লোকে নরেণ বৈ॥ 7-140-2 (50913)
জীবতৈব পরো লোকঃ সাধ্যতে চৈব সর্বথা।
অজীবতস্তথৈবাসীন্ন সুখং ন পরা গতিঃ॥ 7-140-3 (50914)
বিনাশে সর্বথোৎপন্নে ন বালো বুধ্যতে ক্রিয়াম্।
মিথ্যাভিমানদগ্ধো হি ন বুদ্ধ্যেত কৃতাকৃতে'॥ 7-140-4 (50915)
অহন্যহনি মে দীপ্তং যশঃ পততি সঞ্জয়।
হতা মে বহবো যোধা মন্যে কালস্য পর্যযম্॥ 7-140-5 (50916)
ধনঞ্জয়ঃ সুসঙ্ক্রদ্ধঃ প্রবিষ্টো মামকং বলম্।
রক্ষিতং দ্রৌণিকর্ণাভ্যামপ্রবেশ্যং সুরৈরপি॥ 7-140-6 (50917)
তাভ্যামূর্জিতবীর্যাভ্যামাপ্যায়িতপরাক্রমঃ।
সহিতঃ কৃষ্ণভীমাভ্যাং শিনীনামৃষভেণ চ॥ 7-140-7 (50918)
তদাপ্রভৃতি মাং শোকো দহত্যগ্নিরিবাশয়ম্।
গ্রস্তানিব প্রপশ্যামি ভূমিপালান্সসৈন্ধবান্॥ 7-140-8 (50919)
অপ্রিয়ং সুমহৎকৃৎবা সিন্ধুরাজঃ কিরীটিনঃ।
`ক্রুদ্ধস্য দেবরাজস্য শক্রস্যেব মহাদ্যুতেঃ'।
চক্ষুর্বিষয়মাপন্নঃ কথং জীবিতমাপ্নুয়াৎ॥ 7-140-9 (50920)
অনুমানাচ্চ পশ্যামি নাস্তি সঞ্জয় সৈন্ধবঃ।
যুদ্ধং তু তদ্যথাবৃত্তং তন্মমাচক্ষ্ব তত্ৎবতঃ॥ 7-140-10 (50921)
যচ্চ বিক্ষোভ্য মহতীং সেনামালোড্য চাসকৃৎ।
একঃ প্রবিষ্টঃ সঙ্ক্রুদ্ধো নলিনীমিব কুঞ্জরঃ॥ 7-140-11 (50922)
তস্য মে বৃষ্ণিবীরস্য ব্রূহি যুদ্ধং যথাতথম্।
ধনঞ্জয়ার্থে যত্তস্য কুশলো হ্যসি সঞ্জয় ॥ 7-140-12 (50923)
সঞ্জয় উবাচ। 7-140-13x (4618)
তথা তু বৈকর্ত নপীডিতং তং
ভীমং প্রয়ান্তং পুরুষপ্রবীরম্।
সমীক্ষ্য রাজন্নরবীরমধ্যে
শিনিপ্রবীরোঽনুয়যৌ রথেন॥ 7-140-13 (50924)
নদন্যথা বজ্রধরস্তপান্তে
জ্বলন্যথা জলদান্তে চ সূর্যঃ।
নিঘ্নন্নমিত্রান্ধনুষা দৃঢেন
স কম্পয়ংস্তব পুত্রস্য সেনাম্॥ 7-140-14 (50925)
তং যান্তমশ্বৈ রজতপ্রকাশৈ--
রায়োধনে বীরতরং নদন্তম্।
নাশক্নুবন্বারয়িতুং ৎবদীয়াঃ
সর্বে রথা ভারত মাধবাগ্র্যম্॥ 7-140-15 (50926)
অমর্ষপূর্ণস্ৎবনিবৃত্তয়োধী
শরাসনী কাঞ্চনবর্মধারী।
অলম্বুসঃ সাত্যকিং মাধবাগ্র্য--
মবারয়দ্রাজবরোঽভিপত্য॥ 7-140-16 (50927)
তয়োরভূদ্ভারত সম্প্রহারো
যথাবিধো নৈব বভূব কশ্চিৎ।
প্রেক্ষন্ত এবাহবশোভিনৌ তৌ
যোধাস্ৎবদীয়াশ্চ পরে চ সর্বে॥ 7-140-17 (50928)
আবিধ্যদেনং দশভিঃ পৃষৎকৈ--
রলম্বুসো রাজবরঃ প্রসহ্য।
অনাগতানেব তু তান্পৃষৎকাং--
শ্চিচ্ছেদ বাণৈঃ শিনিপুঙ্গবোঽপি॥ 7-140-18 (50929)
পুনঃ স বাণৈস্ত্রিভিরগ্নিকল্পৈ--
রাকর্ণপূর্ণৈর্নিশিতৈঃ সপুঙ্খৈঃ।
বিব্যাধ দেহাবরণং বিদার্য
তে সাত্যকেরাবিবিশুঃ শরীরম্॥ 7-140-19 (50930)
তৈঃ কায়মস্যাগ্ন্যনিলপ্রভাবৈ--
র্বিদার্য বাণৈর্নিশিতৈর্জ্বলদ্ভিঃ।
আজঘ্নিবাংস্তান্রজতপ্রকাশা--
নশ্বাংশ্চতুর্ভিশ্চতুরঃ প্রসহ্য॥ 7-140-20 (50931)
তথা তু তেনাভিহতস্তরস্বী
নপ্তা শিনেশ্চক্রধরপ্রভাবঃ।
অলম্বুসস্যোত্তমবেগবদ্ভি--
রশ্বাংশঅচতুর্ভির্নিজঘান বাণৈঃ॥ 7-140-21 (50932)
অথাস্য সূতস্য শিরো নিকৃত্য
ভল্লেন কালানলসন্নিভেন।
সকুণ্ডলং পূর্মশশিপ্রকাশং
ভ্রাজিষ্ণু বক্ত্রং নিচকর্ত দেহাৎ॥ 7-140-22 (50933)
নিহত্য তং পার্থিবপুত্রপৌত্রং
সঙ্খ্যে যদূনামৃষভঃ প্রমাথী।
ততোঽন্বয়াদর্জুনমেব বীরঃ
সৈন্যানি রাজংস্তব সন্নিবার্য॥ 7-140-23 (50934)
অন্বাগতং বৃষ্ণিবীরং সমীক্ষ্য
তথারিমধ্যে পরিবর্তমানম্।
ঘ্নন্তং কুরূণামিষুভির্বলানি
পুনঃপুনর্বায়ুমিবাভ্রপূগান্॥ 7-140-24 (50935)
ততোঽবহন্সৈন্ধবাঃ সাধুদান্তা
গোক্ষীরকুন্দেন্দুহিমপ্রকাশাঃ।
সুবর্ণজালাবততাঃ সদশ্বা
যতোয়তঃ কাময়তে নৃসিংহঃ॥ 7-140-25 (50936)
অথাত্মজাস্তে সহিতাঽভিপেতু--
রন্যে চ যোধাস্ৎবরিতাস্ৎবদীয়াঃ।
কৃৎবা মুখং ভারতয়োধমুখ্যং
দুঃশাসনং ৎবৎসুতমাজমীঢ॥ 7-140-26 (50937)
তে সর্বতঃ সম্পরিবার্য সঙ্খ্যে
শৈনেয়মাজঘ্নুরনীকসাহাঃ।
স চাপি তান্প্রবরঃ সাৎবতানাং
ন্যবারয়দ্বাণজালেন বীরঃ॥ 7-140-27 (50938)
নিবার্য তাংস্তূর্ণমমিত্রঘাতী
নপ্তা শিনেঃ পত্রিভিরগ্নিকল্পৈঃ।
দুঃশাসনস্যাভিজঘান বাহা--
ঞ্জবীয়সস্তন্মনসোঽপি বাণৈঃ॥ 7-140-28 (50939)
ততোঽর্জুনো হর্ষমবাপ সঙ্খ্যে
কৃষ্ণশ্চ দৃষ্ট্বা পুরুষপ্রবীরম্॥ ॥ 7-140-29 (50940)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে চৎবারিংশদধিকশততমোঽধ্যায়ঃ॥ 140 ॥
Mahabharata - Drona Parva - Chapter Footnotes
5-140-17 প্রেক্ষন্তঃ প্রেক্ষকাঃ। বভূবেত্যেতৎ বহুবচনতয়া পরিণতমনুষজ্যতে॥ 5-140-18 প্রসহ্য অনাদৃত্য॥ 5-140-140 চৎবারিংশদধিকশততমোঽধ্যায়ঃ॥দ্রোণপর্ব - অধ্যায় 141
॥ শ্রীঃ ॥
7.141. অধ্যায়ঃ 141
Mahabharata - Drona Parva - Chapter Topics
সাত্যকেরর্জুনদর্শনং ভূরিশ্রবসা সমাগমশ্চ॥ 1 ॥Mahabharata - Drona Parva - Chapter Text
7-141-0 (50941)
সঞ্জয় উবাচ। 7-141-0x (4619)
তমুদ্যতং মহাবাহুং দুঃশাসনরথং প্রতি।
ৎবরিতং ৎবরণীয়েষু ধনঞ্জয়জয়ৈষিণম্॥ 7-141-1 (50942)
ত্রিগর্তানাং মহেষ্বাসাঃ সুবর্ণবিকৃতধ্বজাঃ।
সেনাসমুদ্রমাবিষ্টমনন্তং পর্যবারয়ন্॥ 7-141-2 (50943)
অথৈনং রথবংশেন সর্বতঃ সন্নিবার্য তে।
অবাকিরঞ্ছরব্রাতৈঃ ক্রুদ্ধাঃ পরমধন্বিনঃ॥ 7-141-3 (50944)
অজয়দ্রাজপুত্রাংস্তান্ভ্রাজমানান্মহারণে।
একঃ পঞ্চাশতং শত্রূন্সাত্যকিঃ সত্যবিক্রমঃ॥ 7-141-4 (50945)
সম্প্রাপ্য ভারতীমধ্যং তলঘোষসমাকুলম্।
অসিশক্তিগদাপূর্ণমপ্লুবং সাগরং যথা॥ 7-141-5 (50946)
`অথৈনমনুবৃত্তাস্তু ত্রিগর্তাঃ সহিতাঃ পুনঃ।
তীব্রেণ রথবংশেন মহতা পর্যবারয়ন্।
বিকর্ষন্তোঽতিমাত্রাণি চাপানি ভরতর্ষভ'॥ 7-141-6 (50947)
তত্রাদ্ভুতমপশ্যাম শৈনেয়চরিতং রণে।
প্রতীচ্যাং দিশি তং দৃষ্ট্বা প্রাচ্যাং পশ্যামি লাঘবাৎ॥ 7-141-7 (50948)
উদীচীং দক্ষিণাং প্রাচীং প্রতীচীং বিদিশস্তথা।
পুনর্মধ্যগতো বীর আহবে যুদ্ধদুর্মদঃ॥ 7-141-8 (50949)
একঃ পর্যচরন্রঙ্গে বহুধা স মহাবলঃ।
নৃত্যন্নিবাচরচ্ছূরো যথা রথশতং তথা॥ 7-141-9 (50950)
তদ্দৃষ্ট্বা চরিতং তস্য সিংহবিক্রান্তগামিনঃ।
ত্রিগর্তাঃ সন্ন্যবর্তন্ত সন্তপ্তাঃ স্বজনং প্রতি॥ 7-141-10 (50951)
তমন্যে শূরসেনানাং শূরাঃ সঙ্খ্যে ন্যবারয়ন্।
নিয়চ্ছন্তঃ শরব্রাতৈর্মত্তং দ্বিপমিবাঙ্কুশৈঃ॥ 7-141-11 (50952)
তৈর্ব্যবাহরদার্যাত্মা মুহূর্তাদেব সাত্যকিঃ।
ততঃ কলিঙ্গৈর্যুয়ুধে সোঽচিন্ত্যবলবিক্রমঃ॥ 7-141-12 (50953)
তাং চ সেনামতিক্রম্য কলিঙ্গানাং দুরত্যযাম্।
অথ পার্থং মহাবাহুর্ধনঞ্জয়মুপাসদৎ॥ 7-141-13 (50954)
তরন্নিব জলে শ্রান্তো যথা স্থলমুপেয়িবান্।
তং দৃষ্ট্বা পুরুষব্যাঘ্রং যুয়ুধানঃ সমাশ্বসৎ॥ 7-141-14 (50955)
তমায়ান্তমভিপ্রেক্ষ্য কেশবঃ পার্থমব্রবীৎ।
অসাবায়াতি শৈনেয়স্তব পার্থ পদানুগঃ॥ 7-141-15 (50956)
এষ শিষ্যঃ সখা চৈব তব সত্যপরাক্রমঃ।
সর্বান্যোধাংস্তৃণীকৃত্য বিজিগ্যে পুরুষর্ষভঃ॥ 7-141-16 (50957)
এষ কৌরবয়োধানাং কৃৎবা ঘোরমুপদ্রবম্।
তব প্রাণৈঃ প্রিয়তমঃ কিরীটিন্নেতি সাত্যকিঃ॥ 7-141-17 (50958)
এষ দ্রোণং তথা ভোজং কৃতবর্মাণমেব চ।
কদর্থীকৃত্য বিশিখৈঃ ফল্গুনাভ্যেতি সাত্যকিঃ॥ 7-141-18 (50959)
ধর্মরাজপ্রিয়ান্বেষী হৎবা যোধান্বরান্বরান্।
শূরশ্চৈব কৃতাস্ত্রশ্চ ফল্গুনাভ্যেতি সাত্যকিঃ॥ 7-141-19 (50960)
কৃৎবা সুদুষ্করং কর্ম সৈন্যমধ্যে মহাবলঃ।
তব দর্শনমন্বিচ্ছন্পাণ্ডবাভ্যেতি সাত্যকিঃ॥ 7-141-20 (50961)
বহূনেকরথেনাজৌ যোধয়িৎবা মহারথান্।
আচার্যপ্রমুখান্পার্থ প্রয়াত্যেষ স সাত্যকিঃ॥ 7-141-21 (50962)
স্ববাহুবলমাশ্রিত্য বিদার্য চ বরূথিনীম্।
প্রেষিতো ধর্মরাজেন পার্থৈষোঽভ্যেতি সাত্যকিঃ॥ 7-141-22 (50963)
প্রিয়ঃ শিষ্যশ্চ তে পার্থ ৎবয়া তুল্যপরাক্রমঃ।
বিদ্রাব্যং মহতীং সেনামেষ হ্যায়াতি সাত্যকিঃ॥ 7-141-23 (50964)
যস্য নাস্তি সমো যোধঃ কৌরবেষু কথঞ্চন।
সোঽয়মায়াতি কৌন্তেয় সাত্যকির্যুদ্ধদুর্মদঃ॥ 7-141-24 (50965)
কুরুসৈন্যাদ্বিমুক্তো বৈ সিংহো মধ্যাদ্গবামিব।
নিহত্য বহুলাঃ সেনাঃ পার্থৈষোঽব্যেতি সাত্যকিঃ॥ 7-141-25 (50966)
এষ রাজসহস্রাণাং বক্ত্রৈঃ পঙ্কজসন্নিভৈঃ।
আস্তীর্য বসুধাং পার্থ ক্ষিপ্রমায়াতি সাত্যকিঃ॥ 7-141-26 (50967)
এষ দুর্যোধনং জিৎবা ভ্রাতৃভিঃ সহিতং রণে।
নিহত্য জলসন্ধং চ ক্ষিপ্রমায়াতি সাত্যকিঃ॥ 7-141-27 (50968)
রুধিরৌঘবতীং কৃৎবা নদীং শোণিতকর্দমাম্।
তৃণবদ্ব্যস্য কৌরব্যানেষ হ্যায়াতি সাত্যকিঃ॥ 7-141-28 (50969)
সঞ্জয় উবাচ। 7-141-29x (4620)
ততঃ প্রহৃষ্টঃ কৌন্তেয়ঃ কেশবং বাক্যমব্রবীৎ।
ন মে প্রিয়ং মহাবাহো যন্মামভ্যেতি সাত্যকিঃ॥ 7-141-29 (50970)
ন হি জানামি বৃত্তান্তং ধর্মরাজস্য কেশব।
সাৎবতেন বিহীনঃ স যদি জীবতি বা ন বা॥ 7-141-30 (50971)
এতেন হি মহাবাহো রক্ষিতব্যঃ স পার্থিবঃ।
তমেষ কথমুৎসৃজ্য মম কৃষ্ণ পদানুগঃ॥ 7-141-31 (50972)
রাজা দ্রোণায় চোৎসৃষ্টঃ সৈন্ধবশ্চানিপাতিতঃ।
প্রত্যুদ্যাতি চ শৈনেয়মেষ ভূরিশ্রবা রণে॥ 7-141-32 (50973)
সোঽয়ং গুরুতরো ভারঃ সৈন্ধবার্থে সমাহিতঃ।
জ্ঞাতব্যশ্চ হি মে রাজা রক্ষিতব্যশ্চ সাত্যকিঃ॥ 7-141-33 (50974)
জয়দ্রথশ্চ হন্তব্যো লম্বতে চ দিবাকরঃ।
শ্রান্তশ্চৈষ মহাবাহুরল্পপ্রাণশ্চ সাম্প্রতম্॥ 7-141-34 (50975)
পরিশ্রান্তা হয়াশ্চাস্য হয়যন্তা চ মাধব।
ন চ ভূরিশ্রবাঃ শ্রান্তঃ সসহায়শ্চ কেশব॥ 7-141-35 (50976)
অপীদানীং ভবেদস্য ক্ষেমমস্মিন্সমাগমে।
কচ্চিন্ন সাগরং তীর্ৎবা সাত্যকিঃ সত্যবিক্রমঃ।
গোষ্পদং প্রাপ্য সীদেত মহৌজাঃ শিনিপুঙ্গবঃ॥ 7-141-36 (50977)
অপি কৌরবমুখ্যেন কৃতাস্ত্রেণ মহাত্মনা।
সমেত্য ভূরিশ্রবসা স্বস্তিমান্সাত্যকির্ভবেৎ॥ 7-141-37 (50978)
ব্যতিক্রমমিমং মন্যে ধর্মরাজস্য কেশব।
আচার্যাদ্ভয়মুৎসৃজ্য যঃ প্রৈষয়ত সাত্যকিম্॥ 7-141-38 (50979)
গ্রহণং ধর্মরাজস্য খগঃ শ্যেন ইবামিষম্।
নিত্যমাশংসতে দ্রোণঃ কচ্চিৎস্যাৎকুশলী নৃপঃ॥ ॥ 7-141-39 (50980)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একচৎবারিংশদধিকশততমোঽধ্যায়ঃ॥ 141 ॥
Mahabharata - Drona Parva - Chapter Footnotes
5-141-1 তুরণীয়েষু কৃত্যেষু॥ 5-141-141 একচৎবারিংশদধিকশততমোঽধ্যায়ঃ॥দ্রোণপর্ব - অধ্যায় 142
॥ শ্রীঃ ॥
7.142. অধ্যায়ঃ 142
Mahabharata - Drona Parva - Chapter Topics
সাত্যকিভূরিশ্রবসোর্যুদ্ধম্॥ 1 ॥ সাত্যকিশিরচ্ছেদায়োন্নমিতস্য স্বঙ্গভৃতো ভূরিশ্রবোভুজস্যার্জুনেন সঞ্ছেদঃ॥ 2 ॥Mahabharata - Drona Parva - Chapter Text
7-142-0 (50981)
সঞ্জয় উবাচ। 7-142-0x (4621)
তমাপতন্তং সম্প্রেক্ষ্য সাৎবতং যুদ্ধদুর্মদম্।
ক্রোধাদ্ভূরিশ্রবা রাজন্সহসা সমুপাদ্রবৎ॥ 7-142-1 (50982)
তমব্রবীন্মহারাজ কৌরব্যঃ শিনিপুঙ্গবম্।
অদ্য প্রাপ্তোঽপি দিষ্ট্যা মে চক্ষুর্বিষয়মিত্যুত॥ 7-142-2 (50983)
চিরাভিলষিতং কামমহং প্রাপ্স্যামি সংয়ুগে।
ন হি মে মোক্ষ্যসে জীবন্যদি নোৎসৃজসে রণম্॥ 7-142-3 (50984)
অদ্য ৎবাং সমরে হৎবা নিত্যং শূরাভিমানিনম্।
নন্দয়িষ্যামি দাশার্হ কুরুরাজং সুয়োধনম্॥ 7-142-4 (50985)
অদ্য মদ্বাণনির্দগ্ধং পতিতং ধরণীতলে।
দ্রক্ষ্যতস্ৎবাং রণে বীরৌ সহিতৌ কেশবার্জুনৌ॥ 7-142-5 (50986)
অদ্য ধর্মসুতো রাজা শ্রুৎবা ৎবাং নিহতং ময়া।
সব্রীডো ভবিতা সদ্যো যেনাসীহ প্রবেশিতঃ॥ 7-142-6 (50987)
অদ্য মে বিক্রমং পার্থো বিজ্ঞাস্যতি ধনঞ্জয়ঃ।
ৎবয়ি ভূমৌ বিনিহতে শয়ানে রুধিরোক্ষিতে॥ 7-142-7 (50988)
চিরাভিলষিতো হ্যেষ ৎবয়া সহ সমাগমঃ।
পুরা দেবাসুরে যুদ্ধে শক্রস্য বলিনা যথা॥ 7-142-8 (50989)
অদ্য যুদ্ধং মহাঘোরং তব দাস্যামি সাৎবত।
ততো জ্ঞাস্যসি তত্ৎবেন মদ্বীর্যবলপৌরুষম্॥ 7-142-9 (50990)
অদ্য সংয়মনীং যাতা ময়া ৎবং নিহতো রণে।
যথা রামানুজেনাজৌ রাবণির্লক্ষ্মণেন হ॥ 7-142-10 (50991)
অদ্য কৃষ্ণশ্চ পার্থশ্চ ধর্মরাজশ্চ মাধব।
হতে ৎবয়ি নিরুৎসাহারণং ত্যক্ষ্যন্ত্যসংশয়ম্॥ 7-142-11 (50992)
অদ্য তেঽপচিতিং কৃৎবা শিতৈর্মাধব সায়কৈঃ।
তৎস্ত্রিয়ো নন্দয়িষ্যামি যে ৎবয়া নিহতা রণে॥ 7-142-12 (50993)
মচ্চক্ষুর্বিষয়ে প্রাপ্তো ন ৎবং মাধব মোক্ষ্যসে।
সিংহস্য বিষয়ং প্রাপ্তো যথা ক্ষুদ্রমৃগস্তথা॥ 7-142-13 (50994)
সঞ্জয় উবাচ। 7-142-14x (4622)
যুয়ুধানস্তু তং রাজন্প্রত্যুবাচ হসন্নিব।
কৌরবেয় ন সন্ত্রাসো বিদ্যতে মম সংয়ুগে॥ 7-142-14 (50995)
নাহং ভীষয়িতুং শক্যো বাঙ্মাত্রেণ তু কেবলম্।
স মাং নিহন্যাৎসঙ্গ্রামে যো মাং কুর্যান্নিরায়ুধম্॥ 7-142-15 (50996)
সমাস্তু শাশ্বতীর্হন্যাদ্যো মাং হন্যাদ্ধি সংয়ুগে।
কিং বৃথোক্তেন বহুনা কর্মণা তৎসমাচর॥ 7-142-16 (50997)
শারদস্যেব মেঘস্য গর্জিতং নিষ্ফলং হিতে।
শ্রুৎবা ৎবদ্গর্জিতং বীর হাস্যং হি মম জায়তে॥ 7-142-17 (50998)
চিরকালেপ্সিতং লোকে যুদ্ধমদ্যাস্তু কৌরব।
ৎবরতে মে মতিস্তাত তব যুদ্ধাভিকাঙ্ক্ষিণী।
নাহৎবাঽহং নিবর্তিষ্যে ৎবামদ্য পুরুষাধম॥ 7-142-18 (50999)
সঞ্জয় উবাচ। 7-142-19x (4623)
অন্যোন্যং তৌ তথা বাগ্ভিস্তক্ষন্তৌ নরপুঙ্গবৌ।
জিঘাংসূ পরমক্রুদ্ধভিজঘ্নতুরাহবে॥ 7-142-19 (51000)
সমেতৌ তৌ মহেষ্বাসৌ শুষ্মিণৌ স্পর্ধিনৌ রণে।
দ্বিরদাবিব সঙ্ক্রুদ্ধৌ বাসিতার্থে মদোৎকটৌ॥ 7-142-20 (51001)
ভূরিশ্রবাঃ সাত্যকিশ্চ ববর্ষতুররিন্দমৌ।
শরবর্ষাণি ঘোরাণি মেঘাবিব পরস্পরম্॥ 7-142-21 (51002)
সৌমদত্তিস্তু শৈনেয়ং প্রচ্ছাদ্যেষুভিরাশুগৈঃ।
জিঘাংসুর্ভরতশ্রেষ্ঠ বিব্যাধ নিশিতৈঃ শরৈঃ॥ 7-142-22 (51003)
দশভিঃ সাত্যকিং বিদ্ধ্বা সৌমদত্তিরথাপরান্।
মুমোচ নিশিতান্বাণাঞ্জিঘাংসুঃ শিনিপুঙ্গবং॥ 7-142-23 (51004)
তানস্য বিশিখাংস্তীক্ষ্ণানন্তরিক্ষে বিশাম্পতে।
অপ্রাপ্তানস্ত্রমায়াভিরগ্রসৎসাত্যকিঃ প্রভো॥ 7-142-24 (51005)
তৌ পৃথক্শস্ত্রবর্ষাভ্যামবর্ষেতাং পরস্পরম্।
উত্তমাভিজনৌ বীরৌ কুরুবৃষ্মিয়শস্করৌ॥ 7-142-25 (51006)
তৌ নখৈরিব শার্দূলৌ দন্তৈরিব মহাদ্বিপৌ।
রথশক্তিভিরন্যোন্যং বিশিখৈশ্চাপ্যকৃন্ততাম্॥ 7-142-26 (51007)
নির্ভিদন্তৌ হি গাত্রাণি বিক্ষরন্তৌ চ শোণিতম্।
ব্যষ্টম্ভয়েতামন্যোন্যং প্রাণদ্যূতাভিদেবিনৌ॥ 7-142-27 (51008)
এবমুত্তমকর্মাণৌ কুরুবৃষ্ণিয়শস্করৌ।
পরস্পরময়ুধ্যেতাং বারণাবিব যূথপৌ॥ 7-142-28 (51009)
তাবদীর্ঘেণ কালেন ব্রহ্মলোকপুরস্কৃতৌ।
যিয়াসন্তৌ পরং স্থানমন্যোন্যং সঞ্জগর্জতুঃ॥ 7-142-29 (51010)
সাত্যকিঃ সৌমদত্তিশ্চ শরবৃষ্ট্যা পরস্পরম্।
হৃষ্টবদ্ধার্তরাষ্ট্রাণাং পশ্যতামভ্যবর্ষতাম্॥ 7-142-30 (51011)
সম্প্রৈক্ষন্ত জনাস্তৌ তু যুধ্যমানৌ যুধাম্পতী।
যূথপৌ বাসিতাহেতোঃ প্রয়ুদ্ধাবিব কুঞ্জরৌ॥ 7-142-31 (51012)
`ভূয়োভূয়ঃ শরৈ রাজংস্তক্ষন্তৌ ক্রোধমূর্চ্ছিতৌ।
অয়ুধ্যেতাং মহারঙ্গে বনে কেসরিণাবিব॥ 7-142-32 (51013)
মর্মজ্ঞাবিব সঙ্ক্রুদ্ধৌ জিঘাংসন্তৌ জগর্জতুঃ।
বিমর্দন্তাবথান্যোন্যং বলবজ্রধরাবিব॥ 7-142-33 (51014)
অথান্যোন্যং পতাকাশ্চ রথোপকরণানি চ।
সঞ্চিচ্ছিদতুরায়ান্তৌ বাণৈঃ সন্নতপর্বভিঃ॥ 7-142-34 (51015)
পুনশ্চ শরবর্ষাভ্যামন্যোন্যমভিবর্ষতাম্।
উভৌ তু জঘ্নতুস্তূর্ণমিতরেতরসারথী'॥ 7-142-35 (51016)
অন্যোন্যস্য হয়ান্হৎবা ধনুষী বিনিকৃত্য চ।
বিরথাবসিয়ুদ্ধায় সমেয়াতাং মহারণে॥ 7-142-36 (51017)
আর্ষভে চর্মণী চিত্রে প্রগৃহ্য বিপুলে শুভে।
বিকোশৌ চাপ্যসী কৃৎবা সমরে তৌ বিচেরতুঃ॥ 7-142-37 (51018)
চরন্তৌ বিবিধান্মার্গান্মণ্ডলানি চ ভাগশঃ।
মুহুরাজঘ্নতুঃ ক্রুদ্ধাবন্যোন্যমরিমর্দনৌ।
সখঙ্গৌ চিত্রবর্মাণৌ সনিষ্কাঙ্গদভূষণৌ॥ 7-142-38 (51019)
ভ্রান্তমুদ্ধান্তমাবিদ্ধমাপ্লুতং বিপ্লুতং সৃতম্।
সম্পাতং সমুদীর্ণং চ দর্শয়ন্তৌ যশস্বিনৌ॥ 7-142-39 (51020)
অসিভ্যাং সম্প্রজহাতে পরস্পরমরিন্দমৌ।
উভৌ ছিদ্রৈষিণৌ বীরাবুভৌ চিত্রং ববল্গতুঃ॥ 7-142-40 (51021)
দর্শয়ন্তাবুভৌ শিক্ষাং লাঘবং সৌষ্ঠবং তথা।
রণে রণকৃতাং শ্রেষ্ঠাবন্যোন্যং পর্যকর্ষতাম্॥ 7-142-41 (51022)
মুহূর্তমিব রাজেন্দ্র সমাহত্য পরস্পরম্।
পশ্যতাং সর্বসৈন্যানাং বীরাবাশ্বসতাং পুনঃ॥ 7-142-42 (51023)
অসিভ্যাং চর্মণী চিত্রে শতচন্দ্রে নরাধিপ।
নিকৃত্য পুরুষব্যাঘ্রৌ বাহুয়ুদ্ধং প্রচক্রতুঃ॥ 7-142-43 (51024)
ব্যূঢোরস্কৌ দীর্ঘভুজৌ নিয়ুদ্ধকুশলাবুভৌ।
বাহুভিঃ সমসজ্জেতামায়সৈঃ পরিধৈরিব॥ 7-142-44 (51025)
তয়ো রাজন্ভুজাঘাতনিগ্রহপ্রগ্রহাস্তথা।
শিক্ষাবলসমুদ্ভূতাঃ সর্বয়োধপ্রহর্ষণাঃ॥ 7-142-45 (51026)
তয়োর্নৃবরয়ো রাজন্সমরে যুধ্যমানয়োঃ।
ভীমোঽভবন্মহাশব্দো বজ্রপর্বতয়োরিব॥ 7-142-46 (51027)
দ্বিপাবিব বিষাণাগ্রৈঃ শৃঙ্গৈরিব মহর্ষভৌ।
ভুজয়োক্রাববন্ধৈশ্চ শিরোভ্যাং চাবঘাতনৈঃ॥ 7-142-47 (51028)
পাদাবকর্ষসন্ধানৈস্তোমরাঙ্কশলাসনৈঃ।
পাদোদরবিবন্ধৈশ্চ ভূমাবুদ্ধমণৈস্তথা॥ 7-142-48 (51029)
গতপ্রত্যাগতাক্ষেপৈঃ পাতনোত্থানসম্পুতৈঃ।
যুয়ুধাতে মহাত্মানৌ কুরুসাৎবতপুঙ্গবৌ॥ 7-142-49 (51030)
দ্বাত্রিংশৎকারণানি স্যুর্যানি যুদ্ধানি ভারত।
তান্যদর্শয়তাং তত্র যুধ্যমানৌ মহাবলৌ॥ 7-142-50 (51031)
ক্ষীণায়ুধে সাৎবতে যুধ্যমানে
ততোঽব্রবীদর্জুনং বাসুদেবঃ।
পশ্যস্বৈনং বিরথং যুধ্যমানং
রণে বরং সর্বধনুর্ধরাণাম্॥ 7-142-51 (51032)
`সিন্ধুরাজবধে সক্তং পার্থং কৃষ্ণোঽব্রবীৎপুনঃ।
সীদন্তং সাত্যকিং পশ্য পার্থৈনং পরিরক্ষ চ'॥ 7-142-52 (51033)
প্রবিষ্টো ভারতীং ভিত্ৎবা তব পাণ্ডব পৃষ্ঠতঃ।
যোধিতশ্চ মহাবীর্যৈঃ সর্বৈর্ভারত ভারতৈঃ॥ 7-142-53 (51034)
ধার্তরাষ্ট্রাশ্চ যে মুখ্যা যে চ মুখ্যা মহারথাঃ।
নিহতা বৃষ্ণিবীরেণ শতশোঽথ সহস্রশঃ॥ 7-142-54 (51035)
পরিশ্রান্তং যুধাং শ্রেষ্ঠং সম্প্রাপ্তো ভূরিদক্ষিণঃ।
যুদ্ধাকাঙ্ক্ষী সমায়ান্তং নৈতৎসমমিবার্জুন॥ 7-142-55 (51036)
ততো ভূরিশ্রবাঃ ক্রুদ্ধঃ সাত্যকিং যুদ্ধদুর্মদঃ।
উদ্যম্যাভ্যাহনদ্রাজন্মত্তো মত্তমিব দ্বিপম্॥ 7-142-56 (51037)
ততো জলদনির্ঘোষঃ সমীপে নৃপসত্তম।
হাহাকারো মহানাসীৎসৈন্যানাং ভরতর্ষভ।
যদুদ্যম্য মহাবাহুঃ সাত্যকিং ন্যহনদ্ভুবি॥ 7-142-57 (51038)
রথস্থয়োর্দ্বয়োর্যুদ্ধে ক্রুদ্ধয়োর্যোধমুখ্যযোঃ।
কেশবার্যুনয়ো রাজন্সমরে প্রেক্ষমাণয়োঃ॥ 7-142-58 (51039)
অথ কৃষ্ণো মহাবাহুরর্জুনং প্রত্যভাষত।
পশ্য বৃষ্ণ্যন্ধকব্যাঘ্রং সৌমদত্তিবশং গতম্॥ 7-142-59 (51040)
পরিশ্রান্তং গতং ভূমৌ কৃৎবা কর্ম সুদুষ্করম্।
তবান্তেবাসিনং বীরং পালয়ার্জুন সাত্যকিম্॥ 7-142-60 (51041)
ন বশং যজ্ঞশীলস্য গচ্ছেদেষ বরোঽর্জুন।
ৎবৎকৃতে পুরুষব্যাঘ্র তদাঽঽশু ক্রিয়তাং বিভো॥ 7-142-61 (51042)
সঞ্জয় উবাচ। 7-142-62x (4624)
স সিংহ ইব মাতঙ্গং বিকর্ষন্ভূরিদক্ষিণঃ।
ব্যরোচত কুরুশ্রেষ্ঠঃ সাৎবতপ্রবরং যুধি॥ 7-142-62 (51043)
অথাব্রবীদ্ধৃষ্টমনা বাসুদেবং ধনঞ্জয়ঃ।
পশ্য বৃষ্ণিপ্রবীরেণ ক্রীডন্তং কুরুপুঙ্গবম্।
মহাদ্বিপেনেব বনে মত্তেন হরিয়ূথপম্॥ 7-142-63 (51044)
`মামেব চ মহাবাহো পরিয়ান্তি মহারথাঃ।
যথাশক্তি যতন্তো মাং যোধয়ন্তো জনার্দন॥ 7-142-64 (51045)
ধ্রুবং চ যোধয়াম্যেতাঞ্ছিদ্রান্বেষণতৎপরান্।
রক্ষামি সাত্যকিং চৈব সৌমদত্তিবশং গতম্॥ 7-142-65 (51046)
অপ্রাপ্তোঽয়ং ময়া কৃষ্ম হন্তুং ভূরিশ্রবা রণে।
অন্যেন তু সমাসক্তং মম নোৎসহতে মনঃ॥ 7-142-66 (51047)
অবশ্যং চ ময়া কৃষ্ণ বৃষ্ণিবীরস্য রক্ষণম্।
মদর্থং যুধ্যমানস্য কার্যং প্রাণৈরপি প্রভো॥ 7-142-67 (51048)
অধর্মো বাঽস্তু ধর্মো বা মম মাধব মাধবঃ।
পরেণ নিহতো মা স্ম প্রাণান্হাসীন্মহারথঃ॥ 7-142-68 (51049)
সঞ্জয় উবাচ। 7-142-69x (4625)
এবমুক্ৎবাঽর্জুনঃ কৃষ্ণং পরানাশু শিতৈঃ শরৈঃ।
ছাদয়ামাস সঙ্ক্রুদ্ধঃ পরে চাপি ধনঞ্জয়ম্॥ 7-142-69 (51050)
এবং স্ম যুধ্যতে বীরঃ সাত্যকিং চ মুহুর্মুহুঃ।
প্রেক্ষতে স্ম নরব্যাঘ্রো ভূরিশ্রবসমেব চ'॥ 7-142-70 (51051)
তথা তু কৃষ্যমাণং তং দৃষ্ট্বা সাত্যকিমাহবে।
বাসুদেবস্তদা বাক্যং ভূয়োঽপ্যর্জুনমব্রবীৎ॥ 7-142-71 (51052)
পশ্য বৃষ্ণ্যন্ধকব্যাঘ্রং সৌমদত্তিবংশং গতম্।
তব শিষ্যং মহাবাহো ধনুষ্যনবমং ৎবয়া॥ 7-142-72 (51053)
অনিত্যো বিক্রমঃ পার্থ যত্র ভূরিশ্রবা রণে।
বিশেষয়তি বার্ষ্ণেয়ং সাত্যকিং সত্যবিক্রমম্॥ 7-142-73 (51054)
`বহুভির্মহারথৈরেষ পরাক্রান্তৈর্যুয়ুৎসুভিঃ।
যুদ্ধ্বা ভৃশং পরিশ্রান্তঃ ক্ষীণায়ুধরপরিচ্ছদঃ'॥ 7-142-74 (51055)
সঞ্জয় উবাচ। 7-142-75x (4626)
এবমুক্তো মহারাজ বাসুদেবেন পাণ্ডবঃ।
মনসা পূজয়ামাস ভূরিশ্রবসমাহবে॥ 7-142-75 (51056)
বিকর্ষন্সাৎবতাং শ্রেষ্ঠং ক্রীডমান ইবাহবে।
স হর্ষয়তি মাং ভূয়ঃ কুরূণাং নন্দিবর্ধনঃ॥ 7-142-76 (51057)
প্রবরং বৃষ্ণিবীরাণাং যন্নিহন্ত্যেষ সাত্যকিম্।
মহাদ্বিপমিবারণ্যে কর্ষন্নিব হরির্ভৃশম্॥ 7-142-77 (51058)
এবং তু মনসা রাজন্পার্থঃ সম্পূজ্য কৌরবম্।
`অয়ুধ্যতারিভির্বীরস্তং চ সম্প্রেক্ষতে মুহুঃ'॥ 7-142-78 (51059)
অথ কোশাদ্বিনিষ্কৃষ্য খঙ্গং ভূরিশ্রবাঃ শিতম্।
মূর্ধজেষু চ জগ্রাহ পদা চোরস্যাতাডয়ৎ।
`আক্রম্য চাপ্যথোদ্যম্য সহাসিং সুভুজো ভুজম্॥ 7-142-79 (51060)
শুশুভে স ভুজস্তস্য তপনীয়বিভূষণঃ।
মধ্যে রথসমূহস্য ইন্দ্রধ্বজ ইবোচ্ছ্রিতঃ॥ 7-142-80 (51061)
হাহাকৃতমভূৎসর্বং পাণ্ডবানাং মহদ্বলম্।
তাবকাশ্চ মুদা যুক্তাঃ সিংহনাদং বিচুক্রুশুঃ॥ 7-142-81 (51062)
নিমীলিতাক্ষাস্ৎবভবঞ্জনাঃ সঙ্গ্রামভীরবঃ।
তথা ভূরিশ্রবোগ্রস্তে সাৎবতে নষ্টবিক্রমে॥ 7-142-82 (51063)
বাসুদেবং মহাবাহুরর্জুনঃ প্রত্যভাষত।
সৈন্ধবে সক্তদৃষ্টিৎবান্ন তং পশ্যামি মাধবম্॥ 7-142-83 (51064)
এষ ৎবসুকরং কর্ম যাদবার্থে করোম্যহম্।
মম শিষ্যো মমার্থায় যুধ্যতে মম শত্রুভিঃ।
তং কৃষ্ণ মোক্ষয়িষ্যামি দাবাৎসিংহশিশুং যথা'॥ 7-142-84 (51065)
সঞ্জয় উবাচ। 7-142-85x (4627)
ইত্যুক্ৎবা বচনং কুর্বন্বাসুদেবস্য পাণ্ডবঃ।
ততঃ ক্ষুরপ্রং নিশিতং গাণ্ডীবে সময়োজয়ৎ॥ 7-142-85 (51066)
পার্থবাহুবিসৃষ্টঃ স মহোল্কেব নভশ্চ্যুতা।
সখঙ্গং যজ্ঞশীলস্য বাহুং দক্ষিণমচ্ছিনৎ॥ ॥ 7-142-86 (51067)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে দ্বিচৎবারিংশদধিকশততমোঽধ্যায়ঃ॥ 142 ॥
Mahabharata - Drona Parva - Chapter Footnotes
5-142-2 উতাত্যর্থম্॥ 5-142-16 শাশ্বতীঃ সমাঃ সর্বকালম্। তুরবধারণে। নিত্যমেব অসৌ হন্যাৎ। জয় এব তস্যেত্যর্থঃ॥ 5-142-29 ব্রহ্মলোকপুরস্কৃতৌ ব্রাহ্মণসমূহ সৎকৃতৌ॥ 5-142-45 ভুজাঘাতো ভুজস্ফোটঃ। নিগ্রহো হস্তধারণম্। প্রগ্রহো গলহস্তকঃ॥ 5-142-47 ভুজয়োক্ত্রাববন্ধৈর্বাহুপাশবেষ্টনৈঃ। অবঘাতনৈস্তাডনৈঃ॥ 5-142-48 পাদশব্দঃ প্রত্যেকং সম্বধ্যতে। পাদাবকর্ষৈশ্চরণাবকর্ষণৈঃ। পাদসন্ধানৈশ্চরণচ্ছন্দিতকৈঃ। তোমরৈরতিস্ফোটনৈঃ। অঙ্কুশৈরবলুঞ্চনৈঃ। পাদোদরবিবন্ধৈঃ পাদাভ্যামুদরক্রোডীকরণৈঃ। উদ্ভ্রমণৈঃ পরিবর্তনৈঃ॥ 5-142-49 গতৈর্গমনৈঃ প্রত্যাগতৈরাবর্তনৈঃ। আক্ষেপৈরাস্ফালনৈঃ। পাতনৈর্ভূমিপ্রাপণৈঃ উত্থানৈঃ উৎপতনৈঃ। সম্প্লুতৈঃ বিষ্ফারানুবন্ধৈঃ॥ 5-142-55 সমর নুরূপম্॥ 5-142-56 অভ্যাহনদাস্ফালিতবান্॥ 5-142-142 দ্বিচৎবারিশদধিকশততমোঽধ্যায়ঃ॥দ্রোণপর্ব - অধ্যায় 143
॥ শ্রীঃ ॥
7.143. অধ্যায়ঃ 143
Mahabharata - Drona Parva - Chapter Topics
অর্জুনচ্ছিন্নভুজস্য ভূরিশ্রবসঃ তদুপালম্ভপূর্বকং প্রায়োপবেশঃ॥ 1 ॥ সাত্যকিনা ভূরিশ্রবশ্শিরশ্ছেদঃ॥ 2 ॥Mahabharata - Drona Parva - Chapter Text
7-143-0 (51068)
সঞ্জয় উবাচ। 7-143-0x (4628)
স বাহুর্ন্যপতদ্ভূমৌ সখঙ্গঃ সশুভাঙ্গদঃ।
আদধজ্জীবলোকস্য দুঃখমদ্ভুতমুত্তমঃ।
`যন্ত্রমুক্তো মহেন্দ্রস্য ধ্বজো বৃত্তোৎসবো যথা'॥ 7-143-1 (51069)
প্রহরিষ্যন্হৃতো বাহুরদৃশ্যতে কিরীটিনা।
বেগেন ন্যপতদ্ভূমৌ পঞ্চাস্য ইব পন্নগঃ॥ 7-143-2 (51070)
স মোঘং কৃতমাত্মানং দৃষ্ট্বা পার্থেন কৌরবঃ।
উৎসৃজ্য সাত্যকিং ক্রোধাদ্গ্রর্হয়ামাস পাণ্ডবম্॥ 7-143-3 (51071)
`স বিবাহুর্মহারাজ একপক্ষ ইবাণ্ডজঃ।
একচক্রো রথো যদ্বদ্ধরণীমাস্থিতো নৃপঃ।
উবাচ পাণ্ডবং চৈব সর্বক্ষত্রস্য পশ্যতঃ॥ 7-143-4 (51072)
ভূরিশ্রবা উবাচ। 7-143-5x (4629)
নৃশংসং বত কৌন্তেয় কর্মেদং কৃতবানসি।
অপশ্যতো বিষক্তস্য যন্মে ৎবং বাহুমচ্ছিনঃ॥ 7-143-5 (51073)
যেষু যেষু নরঃ পার্থ বর্ততে সুসমাহিতঃ।
আশু তচ্ছীলতামেতি তদিদং দৃশ্যতে ৎবয়ি॥ 7-143-6 (51074)
কিং নু বক্ষ্যসি রাজানং ধর্মপুত্রং যুধিষ্ঠিরম্
কিং কুর্বাণো ময়া সঙ্খ্যে হতো ভূরিশ্রবা ইতি॥ 7-143-7 (51075)
ইদমিন্দ্রেণ তে সাক্ষাদুপদিষ্টং মহাত্মনা।
অস্ত্রং রুদ্রেণ বা পার্থ দ্রোণেনাথ কৃপেণ বা॥ 7-143-8 (51076)
ননু নামাস্ত্রধর্মজ্ঞস্ৎবং লোকেঽভ্যধিকঃ পরৈঃ।
সোঽয়ুধ্যমানস্য কথং রণে প্রহৃতবানসি॥ 7-143-9 (51077)
ন প্রমত্তায় ভীতায় বিরথায় প্রয়াচতে।
ব্যসনে বর্তমানায় প্রহরন্তি মনীষিণঃ॥ 7-143-10 (51078)
ইদং তু নীচাচরিতমসৎপুরুষসেবিতম্।
কথমাচরিতং পার্থ পাপকর্ম সুদুষ্করম্॥ 7-143-11 (51079)
আর্যেণ সুকরং ৎবাহুরার্যকর্ম ধনঞ্জয়।
অনার্যকর্ম ৎবার্যেণ সুদুষ্করতমং ভুবি॥ 7-143-12 (51080)
কথং হি রাজবংশ্যস্ৎবং কৌরবেয়ো বিশেষতঃ।
ক্ষত্রধর্মাদপক্রান্তঃ সুবৃত্তশ্চারিতব্রতঃ॥ 7-143-13 (51081)
`অল্পস্তবাপরাধোঽত্র ন ৎবাং তাত বিগর্হয়ে।
বার্ষ্ণেয়াপশদং প্রাপ্য ক্ষুদ্রং কৃতমিদং ৎবয়া'॥ 7-143-14 (51082)
ইদং তু যদতিক্ষুদ্রং বার্ষ্ণেয়ার্থে কৃতং ৎবয়া।
বাসুদেবমতং নূনং নৈতত্ৎবয়্যুপপদ্যতে॥ 7-143-15 (51083)
কো হি নাম প্রমত্তায় পরেণ সহ যুধ্যতে।
ঈদৃশং ব্যসনং দদ্যাদ্যো ন কৃষ্ণসখো ভবেৎ॥ 7-143-16 (51084)
ব্রাত্যাঃ সঙ্ক্লিষ্টকর্মাণঃ প্রকৃত্যৈব চ গর্হিতাঃ।
বৃষ্ণ্যন্ধকাঃ কথং পার্থ প্রমাণং ভবতা কৃতাঃ॥ 7-143-17 (51085)
সঞ্জয় উবাচ। 7-143-18x (4630)
এবমুক্তো রণে পার্থো ভূরিশ্রবসমব্রবীৎ।
ব্যক্তং হি জীর্যমাণোঽপি বুদ্ধিং জরয়তে নরঃ।
অনর্থকমিদং সর্বং যত্ৎবয়া ব্যাহৃতং প্রভো॥ 7-143-18 (51086)
জানন্নেব হৃষীকেশং গর্হসে মাং চ পাণ্ডবম্।
সঙ্গামাণাং হি ধর্মজ্ঞঃ সর্বশাস্ত্রার্থপারগঃ॥ 7-143-19 (51087)
ন চাধর্মমহং কুর্যাং জানংশ্চৈব হি মুহ্যসে॥ 7-143-20 (51088)
যুধ্যন্তে ক্ষত্রিয়াঃ শত্রূন্স্বৈঃস্বৈঃ পরিবৃতা নরাঃ।
ভ্রাতৃভিঃ পিতৃভিঃ পুত্রৈস্তথা সম্বন্ধিবান্ধবৈঃ।
বয়স্যৈরথ মিত্রৈশ্চ স্ববাহুবলমাশ্রিতাঃ॥ 7-143-21 (51089)
স কথং সাত্যকিং শিষ্যং সুখসম্বন্ধিমেব চ।
অস্মদর্থে চ যুধ্যন্তং ত্যক্ৎবা প্রাণান্সুদুস্ত্যজান্॥ 7-143-22 (51090)
মম বাহুং রণে রাজন্দক্ষিণং যুদ্ধদুর্মদম্।
*ৎবয়া নিকৃষ্যমাণং চ দৃষ্টবানস্মি নিষ্ক্রিয়ম্॥ 7-143-23 (51091)
ন চ ৎবং রক্ষিতব্যো হি একো রণগতেন হি।
যো যস্য যুধ্যতেঽর্থায় সংরক্ষ্যো নরাধিপ।
তৈ রক্ষ্যমাণৈঃ স নৃপো রক্ষিতব্যো মহামৃধে॥ 7-143-24 (51092)
যদ্যহং সাত্যকিং দৃষ্ট্বা তূষ্ণীমাসিষ্য আহবে।
ততস্তেন বিয়োগশ্চ প্রাপ্যং নরকমেব চ॥ 7-143-25 (51093)
রক্ষিতব্যো ময়া যস্মাত্তস্মাল্লব্ধো ময়া স চ।
যশশ্চৈব স্বপক্ষেভ্যঃ ফলং মিত্রস্য রক্ষণাৎ॥ 7-143-26 (51094)
যচ্চ মাং গর্হসে রাজন্কৃষ্ণেন সহ সঙ্গতম্।
কস্তেন সঙ্গমং নেচ্ছেত্তত্র তে বুদ্ধিবিভ্রমঃ॥ 7-143-27 (51095)
আবদ্ধকবচস্যেহ রথমারুহ্য তিষ্ঠতঃ।
সর্বায়ুধৈরুপেতস্য প্রতিয়োদ্ধৃপ্রতীক্ষিণঃ॥ 7-143-28 (51096)
অস্মিন্রথগজানীকে হয়পত্তিসমাকুলে।
সিংহনাদোদ্ধতরবে গম্ভীরে সৈন্যসাগরে॥ 7-143-29 (51097)
স্বৈশ্চাপি সমুপেতস্য বিক্রান্তস্য তথা রণে।
সাত্যকেন কথং যোগ্যঃ সঙ্গ্রামস্তে ভবিষ্যতি॥ 7-143-30 (51098)
বহুভিঃ সহ সঙ্গম্য নির্জিত্য চ মহারথান্।
শ্রান্তশ্চ শ্রান্তবাহশ্চ ক্ষীণসর্বায়ুধস্ৎবয়া।
সমেতঃ সাত্যকিঃ সঙ্খ্যে নির্জিতশ্চ মহারথঃ॥ 7-143-31 (51099)
ঈদৃশং সাত্যকিং সঙ্খ্যে নির্জিত্য চ মহারথম্।
অধিকৎবং বিজানীপে স্ববীর্যবশমাগতম্॥ 7-143-32 (51100)
ইচ্ছসি ৎবং শিরস্তস্য অসিনা হর্তুমাহবে।
তথা কৃচ্ছ্রগতং দৃষ্ট্বা সাত্যকিং কঃ ক্ষমিষ্যতি।
একস্যৈকেন হি কথং সঙ্গ্রামঃ সম্ভবিষ্যতি॥ 7-143-33 (51101)
ৎবং তু গর্হয় চাত্মানং স্বধর্মং যো ন রক্ষসি।
কথং রক্ষিষ্যসে বীর যে বৈ ৎবাং সংশ্রিতা জনাঃ॥ 7-143-34 (51102)
আত্তশস্ত্রস্য হি রণে বৃষ্ণিপুত্রং জিঘাংসতঃ।
ছিন্নবান্যদহং বাহুং নৈতল্লোকবিগর্হিতম্॥ 7-143-35 (51103)
ন্যস্তশস্ত্রস্য হি পুনর্বিকলস্য বিবর্মণঃ।
অভিমন্যোর্বধং তাত ধার্মিকঃ কো নু পূজয়েৎ॥ 7-143-36 (51104)
সঞ্জয় উবাচ। 7-143-37x (4631)
এবমুক্তো মহার্বাহুর্যূপকেতুর্মহায়শাঃ।
যুয়ুধানং সমুৎসৃজ্য রণে প্রায়মুপাবিশৎ॥ 7-143-37 (51105)
শরানাস্তীর্য সব্যেন পাণিনা পুণ্যলক্ষণঃ।
যিয়াসুর্ব্রহ্মলোকায় প্রাণান্প্রাণেষ্বথাজুহোৎ॥ 7-143-38 (51106)
সূর্যে চক্ষুঃ সমাধায় প্রসন্নং সলিলে মনঃ।
ধ্যায়ন্মহোপনিষদং যোগয়ুক্তোঽভবন্মুনিঃ॥ 7-143-39 (51107)
ততস্তে সর্বসেনাসু জনাঃ কৃষ্ণধনঞ্জয়ৌ।
গর্হয়ামাসুরপ্যেতৌ শশংসুর্ভূরিদক্ষিণম্॥ 7-143-40 (51108)
নিন্দ্যমানৌ তথা কৃষ্ণৌ নোচতুঃ কিঞ্চিদপ্রিয়ম্।
ততঃ প্রশস্যমানশ্চ নাহৃষ্যদ্যূপকেতনঃ॥ 7-143-41 (51109)
তাংস্তথাবাদিনো রাজন্পুত্রাংস্তব ধনঞ্জয়ঃ।
অমূষ্যমাণো মনসা তেষাং তস্য চ ভাষিতম্॥ 7-143-42 (51110)
অসঙ্ক্রুদ্ধমনা বাচঃ স্মারয়ন্নিব ভারত।
উবাচ পাণ্ডুতনয়ঃ সাক্ষেপমিব ফল্গুনঃ॥ 7-143-43 (51111)
মম সর্বেঽপি রাজানো জানন্ত্যেতন্মহাব্রতম্।
ন শক্যো মামকো হন্তুং যো মে স্যাদ্বাণগোচরে॥ 7-143-44 (51112)
যূপকেতুং সমীক্ষ্যৈতন্ন মাং গর্হিতুমর্হথ।
ন হি ধর্মমবিজ্ঞায় যুক্তং গর্হয়িতুং পরম্॥ 7-143-45 (51113)
ন্যস্তশস্ত্রস্য বালস্য বিরথস্য বিবর্মণঃ।
`নাভিমন্যোর্বধং যূয়ং গর্হয়ধ্বং কুতস্তদা॥ 7-143-46 (51114)
দুর্যোধনস্য ক্ষুদ্রস্য অপ্রমাণে চ তিষ্ঠতঃ।
সৌমদত্তেরথং সাধুঃ সর্বসাহায়্যকারিণঃ॥ 7-143-47 (51115)
অস্মদীয়া ময়া রক্ষ্যাঃ প্রাণবাধ উপস্থিতে।
যে মে প্রত্যক্ষতো বীরা হন্যেরন্নিতি মে মতিঃ॥ 7-143-48 (51116)
সাত্যকশ্চ বশং নীতঃ কৌরবেণ মহাত্মনা।
ততো ময়ৈতচ্চরিতং প্রতিজ্ঞারক্ষণং প্রতি॥ 7-143-49 (51117)
সঞ্জয় উবাচ। 7-143-50x (4632)
পুনশ্চ কৃপয়াঽঽবিষ্টো বহু তত্তদ্বিচিন্তয়ন্।
উবাচ চৈনং কৌরব্যমর্জুনঃ শোকপীডিতঃ॥ 7-143-50 (51118)
ধিগস্তু ক্ষত্রধর্মং তু যত্র ৎবং পুরুষেশ্বরঃ।
অবস্থামীদৃশীং প্রাপ্তঃ শরণ্যঃ শরণপ্রদঃ॥ 7-143-51 (51119)
নাতিভারঃ কৃতান্তস্য বিদ্যতে কুরুনন্দন।
যত্র ৎবং পুরুষব্যাঘ্রঃ প্রাপ্তঃ পাপামিমাং দশাম্॥ 7-143-52 (51120)
নাত্মনঃ সুকৃতস্যাস্য ফলং বৈ নৃপসত্তম।
যত্র ৎবং কুরুশার্দূল প্রাপ্তঃ পাপামিমাং দশাম্॥ 7-143-53 (51121)
রৌরবং নরকং ভীমং গমিষ্যতি সুয়োধনঃ।
যৎকৃতে নরশার্দূলঃ প্রাপ্তঃ পাপামিমাং দশাম্॥ 7-143-54 (51122)
কো হি নাম পুমাঁল্লোকে মাদৃশঃ পুরুষোত্তম।
প্রহরেত্ৎবদ্বিধে ৎবদ্য প্রতিজ্ঞা যদি নো ভবেৎ'॥ 7-143-55 (51123)
এবমুক্তঃ স পার্থেন শিরসা ভূমিমস্পৃশৎ।
পাণিনা চৈব সব্যেন প্রাহিণোদস্য দক্ষিণম্॥ 7-143-56 (51124)
এতৎপার্থস্য তু বচস্ততঃ শ্রুৎবা মহাদ্যুতিঃ।
যুপকেতুর্মহারাজ তূষ্ণীমাসীদবাঙ্মুখঃ॥ 7-143-57 (51125)
অর্জুন উবাচ। 7-143-58x (4633)
যা প্রীতির্ধর্মরাজে মে ভীমে চ বলিনাং বরে।
নকুলে সহদেবে চ সা মে ৎবয়ি শলাগ্রজ॥ 7-143-58 (51126)
ময়া ৎবং সমনুজ্ঞাতঃ কৃষ্ণেন চ মহাত্মনা।
গচ্ছ পুণ্যকৃতাং লোকাঞ্ছিবিরৌশীনরো যথা॥ 7-143-59 (51127)
বাসুদেব উবাচ। 7-143-60x (4634)
যে লোকা মম বিমলাঃ সকৃদ্বিভাতা
ব্রহ্মাদ্যৈঃ সুরবৃষভৈরপীষ্যমাণাঃ।
তান্ক্ষিপ্রং ব্রজ সততাগ্নিহোত্রয়াজি--
ন্মত্তুল্যো ভব গরুডোত্তমাঙ্গয়ানঃ॥ 7-143-60 (51128)
সঞ্জয় উবাচ। 7-143-61x (4635)
`ধনঞ্জয়ে ব্রুবত্যেবং ঘৃণয়া চ পরিপ্লুতে।
অবাঙ্মুখা বভূবুশ্চ সৈনিকাঃ সর্ব এব তে॥ 7-143-61 (51129)
মুহূর্তাদিব বিশ্রম্য সাত্যকিঃ ক্রোধমূর্চ্ছিতঃ।
অমর্ষবশমাপন্নঃ সৌমদত্তিনিরাকৃতঃ'॥ 7-143-62 (51130)
উত্থিতঃ স তু শৈনেয়ো বিমুক্তঃ সৌমদত্তিনা।
সঙ্গমাদায় চিচ্ছিৎসুঃ শিরস্তস্য মহাত্মনঃ॥ 7-143-63 (51131)
নিহতং পাণ্ডুপুত্রেণ প্রসক্তং ভূরিদক্ষিণম্।
ইয়েষ সাত্যকির্হন্তুং শলাগ্রজমকল্মষম্॥ 7-143-64 (51132)
নিকৃত্তভুজমাসীনং ছিন্নহস্তমিব দ্বিপম্।
ক্রোশতাং সর্বসৈন্যানাং নিন্দ্যমানঃ সুদুর্মনাঃ॥ 7-143-65 (51133)
বার্যমাণঃ স কৃষ্ণেন পার্থেন চ মহাত্মনা।
ভীমেন চক্রক্ষাভ্যামশ্বত্থাম্না কৃপেণ চ॥ 7-143-66 (51134)
কর্ণেন বৃষসেনেন সৈন্ধবেন তথৈব চ।
বিক্রোশতাং চ সৈন্যানামবধীত্তং ধৃতব্রতম্॥ 7-143-67 (51135)
প্রায়োপবিষ্টস্য রণে পার্থেন চ্ছিন্নবাহুনঃ।
সাত্যকিঃ কৌরবেয়স্য খঙ্গেনাপাহরচ্ছিরঃ॥ 7-143-68 (51136)
নাভ্যনন্দন্ত তং সৈন্যাঃ সাত্যকিং তেন কর্মণা।
অর্জুনেন হতং পূর্বং যজ্জঘান কুরূদ্বহম্॥ 7-143-69 (51137)
সহস্রাক্ষসমং চৈব সিদ্ধচারণমানবাঃ।
ভূরিশ্রবসমালোক্য যুদ্ধে প্রায়গতং হতম্॥ 7-143-70 (51138)
অপূজয়ন্ত তং দেবা বিস্মিতাস্তেঽস্য কর্মভিঃ।
পক্ষবাদাংশ্চ সুবহূন্প্রাবদংস্তব সৈনিকাঃ॥ 7-143-71 (51139)
ন বার্ষ্ণেয়স্যাপরাধো ভবিতব্যং হি তত্তথা।
তস্মান্মন্যুর্ন বঃ কার্যঃ ক্রোধো দুঃখতরো নৃণাম্॥ 7-143-72 (51140)
হন্তব্যশ্চৈষ বীরেণ নাত্র কার্যা বিচারণা।
বিহিতো হ্যস্য ধাত্রৈব মৃত্যুঃ সাত্যকিরাহবে॥ 7-143-73 (51141)
`মর্তব্যমেব সর্বেণ চরমং পূর্বমেব বা।
মন্যধ্বং মৃত ইত্যেষ মাভূদ্বো বুদ্ধিলাঘবম্॥ 7-143-74 (51142)
তস্মিন্হতে মহাবাহৌ যূপকেতৌ মহাত্মনি।
ধিগেনমিতি চাক্রন্দন্ক্ষত্রিয়াঃ ক্রোধমূর্চ্ছিতাঃ॥ 7-143-75 (51143)
অন্যে ন যুক্তমিত্যেব ভবিতব্যং তথেতি চ।
কেচিদাসন্বিমনসঃ কেচিদ্দুঃখসমন্বিতাঃ'॥ 7-143-76 (51144)
সাত্যকিরুবাচ। 7-143-77x (4636)
ন হন্তব্যো ন হন্তব্য ইতি মন্দাঃ প্রভাষত।
ধর্মবাদৈরধর্মিষ্ঠা ধর্মকঞ্চুকমাস্থিতাঃ॥ 7-143-77 (51145)
যদা বালঃ সুভদ্রায়াঃ সুতঃ শস্ত্রনিনাকৃতঃ।
যুষ্মাভির্নিহতো যুদ্ধে তদা ধর্মঃ ক্ব বো গতঃ॥ 7-143-78 (51146)
ময়া ৎবেতৎপ্রতিজ্ঞাতং ক্ষেপে কস্মিংশ্চিদেব হি।
`শ্রুৎবা তৎসর্বভাবেন গর্হয়ধ্বং ন চার্জুনম্।
শৃণুধ্বং সর্বমেবেহ শ্রুৎবা গর্হথ মানবাঃ'॥ 7-143-79 (51147)
যো মাং নিষ্পিষ্য সঙ্গ্রমে জীবন্হন্যাৎপদা রুষা।
স মে বধ্যো ভবেচ্ছত্রুর্যদ্যপি স্যান্মুনিব্রতঃ॥ 7-143-80 (51148)
চেষ্টমানং প্রতীঘাতে সভুজং মাং সচক্ষুষঃ।
মন্যধ্বং মৃত ইত্যেবমেতদ্বো বুদ্ধিলাঘবম্॥ 7-143-81 (51149)
যুক্তো হ্যস্য প্রতীঘাতঃ কৃতো মে কুরুপুঙ্গবাঃ॥ 7-143-82 (51150)
যত্তু পার্থেন মাং দৃষ্ট্বা প্রতিজ্ঞামভিরক্ষতা।
সখঙ্গোঽস্য হৃতো বাহুরেতেনৈবাস্মি বঞ্চিতঃ॥ 7-143-83 (51151)
ভবিতব্যং হি যদ্ভাবি দৈবং চেষ্টয়তে হি তৎ।
সোয়ং হতো বিমর্দেঽস্মিন্কিমত্রাধর্মচেষ্টিতম্॥ 7-143-84 (51152)
অপি চাপং পুরা গীতঃ শ্লোকো বাল্মীকিনা ভুবি।
ন হন্তব্যাঃ স্ত্রিয় ইতি যদ্ব্রবীষি প্লবঙ্গম॥ 7-143-85 (51153)
সর্বকালং মনুষ্যেণ ব্যবসায়বতা সদা।
পীডাকরমমিত্রাণাং যৎস্যাৎকর্তব্যমেব তৎ।
অনুষ্ঠিতং ময়া তচ্চ কস্মাদ্গর্হথ মূঢবৎ॥ 7-143-86 (51154)
সঞ্চয় উবাচ। 7-143-87x (4637)
এবমুক্তে মহারাজ সর্বে কৌরবপুঙ্গবাঃ।
ন স্ম কিংচিদভাষন্ত মনসা সমপূজয়ন্॥ 7-143-87 (51155)
মন্ত্রভিপূতস্য মহাধ্বরেষু
যশস্বিনো ভূরিসহস্রদস্য।
মুনেরিবারণ্যগতস্য তস্য
ন তত্র কশ্চিদ্বধমভ্যনন্দৎ॥ 7-143-88 (51156)
সুনীলকেশং বরদস্য তস্য
সূরস্য পারাবতলোহিতাক্ষম্।
অশ্বস্য মেধ্যস্য শিরো নিকৃত্তং
ন্যস্তং হবির্ধানমিবান্তরেণ॥ 7-143-89 (51157)
স তেজসা শস্ত্রকৃতেন পূতো
মহাহবে দেহবরং বিসৃজ্য।
আক্রামদূর্ধ্বং বরদো বরার্হো
ব্যাবৃত্ত্য ধর্মেণ পরেম রোদসী॥ ॥ 7-143-90 (51158)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ত্রিচৎবারিংশদধিকশততমোঽধ্যায়ঃ॥ 143 ॥
Mahabharata - Drona Parva - Chapter Footnotes
5-143-5 বিষক্তস্যান্যাসক্তস্য॥ 5-143-6 যেষুয়েষু সৎস্বসৎসু বা॥ 5-143-* এতদাদি 35 ত্তমশ্লোকপর্যন্তং বিদ্যমানানাং শ্লোকানাং স্থানে অধোলিখিতাঃ শ্লোকাঃ ঝ. পুস্তকে সন্তি। নচাত্মা রক্ষিতব্যো বৈ রাজন্রণগতেন হি। যো যস্য যুজ্যতেঽর্থেষু স বৈ রক্ষ্যো নরাধিপ॥ 1 ॥ তৈ রক্ষ্যমাণৈঃ স নৃপো রক্ষিতব্যো মহামৃধে। যদ্যহং সাত্যকিং পশ্যে বধ্যমানং মহারণে॥ 2 ॥ ততস্তস্য বিয়োগেন পাপং মেঽনর্থতো ভবেৎ। রক্ষিতশ্চ ময়া যস্মাত্তস্মাৎক্রুধ্যসি কিং ময়ি॥ 3 ॥ যচ্চ মে গর্হসে রাজন্নন্যেন সহ সঙ্গতম্। অহং ৎবয়া বিনিকৃতস্তত্র মে বুদ্ধিবিভ্রমঃ॥ 4 ॥ কবচং ধুন্বতস্তুভ্যং রথং চারোহতঃ স্বয়ম্। ধনুর্জ্যাং কর্ষতশ্চৈব যুধ্যতঃ সহ শত্রুভিঃ॥ 5 ॥ এবং রথগজাকীর্ণে হয়পত্তিসমাকুলে। সিংহনাদোদ্ভতরবে গম্ভীরে সৈন্যসাগরে॥ 6 ॥ স্বৈঃ পরৈশ্চ সমেতেভ্যঃ সাৎবতেন চ সঙ্গমে। একস্যৈকেন হি কথং সঙ্গ্রমঃ সম্ভবিষ্যতি॥ 7 ॥ বহুভিঃ সহ সঙ্গম্য নির্জিত্য চ মহারথান্। শ্রান্তশ্চ শ্রান্তবাহশ্চ বিমনাঃ শস্ত্রপীডিতঃ॥ 8 ॥ ঈদৃশং সাত্যকিং সংখ্যে নির্জিত্য চ মহারথম্। অধিকৎবং বিজানীষে স্ববীর্যবশমাগতম্॥ 9 ॥ যদিচ্ছসি শিরশ্চাস্য অসিনা হন্তুমাহবে। তথা কৃচ্ছ্রগতং চৈব সাত্যকিং কঃ ক্ষমিষ্যতি॥ 10 ॥ ৎবং বৈ বিগর্হয়াত্মানমাত্মানং যো ন রক্ষসি। কথং করিষ্যসে বীর যো বা ৎবাং সংশ্রয়েজ্জনঃ॥ 11 ॥ 5-143-23 দক্ষিণং বাহুং তৎস্থনীয়ম্॥ 5-143-37 প্রায়ং আমরণানশনং প্রারব্ধবান্॥ 5-143-38 প্রাণানসূন্ প্রাণেষুবায়ুষু অজুহোদাহিতবান্॥ 5-143-39 প্রসন্নমকল্পমষম্॥ 5-143-49 স কথং চ বধং নীতঃ ইতি ঙ. পাঠঃ। সঃ সাত্যকিঃ বধসুদ্দিস্যেতি শেষঃ॥ 5-143-52 নাতিহারঃ কৃতান্তস্যেতি ঠ.পাঠঃ। অতিহারঃ পরিহারঃ॥ 5-143-56 দক্ষিণং কৃত্তমাত্মনঃ পাণিং অস্যার্জুনস্য সমীপে প্রাহিণোৎ প্রহিতবান্॥ 5-143-60 যে লোকা ইতি শ্লোকঃ ঝ.ঘ.ঞ. পুস্তকেষ্বেবাস্তি। সকৃদ্বিভাতাঃ সহপ্রকাশাঃ। গরুডস্যোত্তমাঙ্গেন পৃষ্ঠেন যানং যস্য॥ 5-143-64 প্রসক্তমন্যাসক্তম্॥ 5-143-79 ক্ষেপে নিন্দামাম্। জীবন্নিতি দ্বিতীয়ার্থে প্রথমা॥ 5-143-85 ন হন্তব্যা ইত্যর্থং ঘ.ঙ.ঝ.ঞ. পাঠেষ্বেবাস্তি॥ 5-143-89 বরদস্যার্থিতার্থপ্রদাতুঃ। হবির্ধানমন্তরেণ হবির্গৃহস্য মধ্যে॥ 5-143-143 ত্রিচৎবারিংশদধিকশততমোঽধ্যায়ঃ॥দ্রোণপর্ব - অধ্যায় 144
॥ শ্রীঃ ॥
7.144. অধ্যায়ঃ 144
Mahabharata - Drona Parva - Chapter Topics
সঞ্জয়েন ধৃতরাষ্ট্রম্প্রতি সাত্যকেঃ ভূরিশ্রবসা পরাভবকারণকথনম্॥ 1 ॥ তথা যাদবানাং প্রশংসনম্॥ 2 ॥Mahabharata - Drona Parva - Chapter Text
7-144-0 (51159)
ধৃতরাষ্ট্র উবাচ। 7-144-0x (4638)
অজিতো দ্রোণরাধেয়বিকর্ণকৃতবর্মভিঃ।
`যশ্চৈবোৎসহতে বেতুং সমস্তং মামকং বলম'।
তীর্ণঃ সৈন্যার্ণবং বীরঃ প্রতিশ্রুত্য যুধিষ্ঠিরে॥ 7-144-1 (51160)
স কথং কৌরবেয়েণ সমরেষ্বনিবারিতঃ।
নিগৃহ্য ভূরিশ্রবসা বলাদ্ভুবি নিপাতিতঃ॥ 7-144-2 (51161)
সঞ্জয় উবাচ। 7-144-3x (4639)
শৃণু রাজন্নিহোৎপত্তিং শৈনেয়স্য যথা পুরা।
যথা চ ভূরিশ্রবসো যত্র তে সংশয়ো নৃপ॥ 7-144-3 (51162)
`ব্রহ্মণস্ৎবভবৎপুত্রো মানসোঽত্রির্মহাতপাঃ'।
অত্রেঃ পুত্রোঽভবৎসোমঃ সোমস্য তু বুধঃ স্মৃতঃ॥ 7-144-4 (51163)
বুধস্যৈলো মহাবাহুঃ পুত্র আসীৎপুরূরবাঃ।
পুরূরবস আয়ুস্তু আয়ুষো নহুষঃ সুতঃ॥ 7-144-5 (51164)
নহুষস্য যয়াতিস্তু রাজা দেবর্ষিসম্মতঃ।
যয়াতের্দেবয়ান্যাং তু যদুর্জ্যেষ্ঠোঽভবৎসুতঃ॥ 7-144-6 (51165)
যদোরভূদন্ববায়ে আজমীঢ ইতি স্মৃতঃ।
যাদবস্তস্য তু সুতঃ শূরস্ত্রৈলোক্যসম্মতঃ॥ 7-144-7 (51166)
শূরস্য শৌরির্নৃবরো বসুদেবো মহায়শাঃ।
ধনুষ্যনবরঃ শূরঃ কার্তবীর্যসমো যুধি।
ধনুষ্যনবরঃ শূরঃ কার্তবীর্যসমো যুধি।
তদ্বার্যশ্চাপি তত্রৈব কুলে শিনিরভূন্নৃপ॥ 7-144-8 (51167)
এতস্মিন্নেব কালে তু দেবকস্য মহাত্মনঃ।
দুহিতঃ স্বয়ংবরে রাজন্সর্বক্ষত্রসমাগমে॥ 7-144-9 (51168)
তত্র বৈ দেবকীং দেবীং বসুদেবার্থমাশু বৈ।
নির্জিৎব পার্থিবান্সর্বান্রথমারোপয়চ্ছিনিঃ॥ 7-144-10 (51169)
তাং দৃষ্ট্বা দেবকীং শূরো রথস্থাং পুরুষর্ষভঃ।
নামৃষ্যত মহাতেজাঃ সোমদত্তঃ শিনের্নৃপ॥ 7-144-11 (51170)
তয়োর্যুদ্ধমভূদ্রাজন্দিনার্ধং চিত্রমুদ্ভতম্।
বাহুয়ুদ্ধং সুবলিনোঃ প্রসক্তং পুরুষর্ষভঃ॥ 7-144-12 (51171)
শিনিনা সোমদত্তস্তু প্রসহ্য ভুবি পাতিতঃ।
অসিমুদ্যম্য কেশেষু প্রগৃহ্য চ পদা হতঃ॥ 7-144-13 (51172)
মধ্যে রাজসহস্রাণাং প্রেক্ষকাণাং সমন্ততঃ।
কৃপয়া চ পুনস্তেন স জীবেতি বিসর্জিতঃ॥ 7-144-14 (51173)
তদবস্থঃ কৃতস্তেন সোমদত্তোঽথ মারিষ।
প্রাসাদয়ন্মহাদেবমমর্ষবশমাস্থিতঃ॥ 7-144-15 (51174)
তস্য তুষ্টো মহাদেবো বরাণাং বরদঃ প্রভুঃ।
বরেণ চ্ছন্দয়ামাস স তু বব্রে বরং নৃপঃ॥ 7-144-16 (51175)
পুত্রমিচ্ছামি ভগবন্যো নিপাত্য শিনেঃ সুতম্।
মধ্যে রাজসহস্রাণাং পদা হন্যাচ্চ সংয়ুগে॥ 7-144-17 (51176)
তস্য তদ্বচনং শ্রুৎবা সোমদত্তস্য পার্থিব।
এবমস্ৎবিতি তত্রোক্ৎবা স দেবোঽন্তরধীয়ত।
স তেন বরদানেন লব্ধবান্ভূরিদক্ষিণম্॥ 7-144-18 (51177)
অপাতয়চ্চ সমরে সৌমদত্তিঃ শিনেঃ সুতম্।
পশ্যতাং সর্বসৈন্যানাং পদা চৈনমতাডয়ৎ॥ 7-144-19 (51178)
এতত্তে কথিতং রাজন্যন্মাং ৎবং পরিপৃচ্ছসি।
ন হি শক্যো রণে জেতুং সাৎবতো মনুজর্ষভৈঃ॥ 7-144-20 (51179)
লব্ধলক্ষ্যাশ্চ সঙ্গ্রামে বহুশশ্চিত্রয়োধিনঃ।
দেবদানবগন্ধর্বান্বিজেতারো হ্যবিস্মিতাঃ।
স্ববীর্যবিজয়ে যুক্তা নৈতে পরপরিগ্রহাঃ॥ 7-144-21 (51180)
ন তুল্যং বৃষ্ণিভিরিহ দৃশ্যতে কিঞ্চন প্রভো।
ভূতং ভব্যং ভবিষ্যচ্চ বলেন ভরতর্ষভ॥ 7-144-22 (51181)
ন জ্ঞাতিমবমন্যন্তে বৃদ্ধানাং শাসনে রতাঃ॥ 7-144-23 (51182)
ন দেবাসুরগন্ধর্বা ন যক্ষোরগরাক্ষসাঃ।
জেতারো বৃষ্ণিবীরাণাং কিং পুনর্মানবা রণে॥ 7-144-24 (51183)
ব্রহ্মদ্রব্যে গুরুদ্রব্যে জ্ঞাতিস্বে চাপ্যহিংসকাঃ।
এতেষাং রক্ষিতারশ্চ যে স্যুঃ কস্যাঞ্চিদাপদি॥ 7-144-25 (51184)
অর্থবন্তো ন চোৎসিক্তা ব্রহ্মণ্যাঃ সত্যবাদিনঃ।
সমর্থান্নাবমন্যন্তে দীনানভ্যুদ্বরন্তি চ॥ 7-144-26 (51185)
নিত্যং দেবপরা দান্তাস্ত্রাতারশ্চাবিকত্থনাঃ।
তেন বৃষ্ণিপ্রবীরাণাং চক্রং ন প্রতিহন্যতে॥ 7-144-27 (51186)
অপি মেরুং বহেৎকশ্চিত্তরেদ্বা মকরালয়ম্।
ন তু বৃষ্ণিপ্রবীরাণাং সমেত্যান্তং ব্রজেন্নৃপ॥ 7-144-28 (51187)
এতত্তে সর্বমাখ্যাতং যত্র তে সংশয়ঃ প্রভো।
কুরুরাজ নরশ্রেষ্ঠ তব ব্যপনয়ো মহান্॥ ॥ 7-144-29 (51188)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে চতুশ্চৎবারিংশদধিকশততমোঽধ্যায়ঃ॥ 144 ॥
Mahabharata - Drona Parva - Chapter Footnotes
5-144-21 পরপগ্রহাঃ রিপরাধীনাঃ॥ 21 ॥ 5-144-27 চক্রং প্রতাপঃ॥ 5-144-144 চতুশ্চৎবারিংশদধিকশততমোঽধ্যায়ঃ॥দ্রোণপর্ব - অধ্যায় 145
॥ শ্রীঃ ॥
7.145. অধ্যায়ঃ 145
Mahabharata - Drona Parva - Chapter Topics
কৃষ্ণার্জুনয়োঃ সংবাদঃ কর্ণসাত্যক্যোর্যুদ্ধং চ॥ 1 ॥Mahabharata - Drona Parva - Chapter Text
7-145-0 (51189)
ধৃতরাষ্ট্র উবাচ। 7-145-0x (4640)
তদবস্থে হে তস্মিন্ভূরিশ্রবসি কৌরবে।
যথা ভূয়োঽভবদ্যুদ্ধং তন্মমাচক্ষ্ব সঞ্জয়॥ 7-145-1 (51190)
সঞ্জয় উবাচ। 7-145-2x (4641)
ভূরিশ্রবসি সঙ্ক্রান্তে পরলোকায় ভারত।
বাসুদেবং মহাবাহুরর্জুনঃ সমচূচুদৎ॥ 7-145-2 (51191)
অর্জুন উবাচ। 7-145-3x (4642)
চোদয়াশ্বান্ভৃশং কৃষ্ণ যতো রাজা জয়দ্রথঃ।
[শ্রূয়তে পুণ্ডরীকাক্ষ ত্রিষু ধর্মেষু বর্ততে।]
প্রতিজ্ঞাং সফলাং চাপি কর্তুমর্হসি মেঽনঘ॥ 7-145-3 (51192)
অস্তমেতি মহাবাহো ৎবরমাণো দিবাকরঃ॥ 7-145-4 (51193)
এতদ্ধি পুরুষব্যাঘ্র মহদব্যুদ্যতং ময়া।
কার্যং সংরক্ষ্যতে চৈষ কুরুসেনামহারথৈঃ॥ 7-145-5 (51194)
যথা নাভ্যেতি সূর্যোঽস্তং যথা সত্যং ভবেদ্বচঃ।
চোদয়াশ্বাংস্তথা কৃষ্ণ যথা হন্যাং জয়দ্রথম্॥ 7-145-6 (51195)
`ততঃ কৃষ্ণো মহাবাহুরশ্বান্রজতসন্নিভান্।
হয়জ্ঞশ্চোদয়ামাস জয়দ্রথবধং প্রতি॥ 7-145-7 (51196)
তং প্রয়ান্তমমোঘেষুমুৎপতদ্ভিরিবাশুগৈঃ।
ৎবরমাণা মহারাজ সেনামুখ্যাঃ সমাদ্রবন্॥ 7-145-8 (51197)
দুর্যোধনশ্চ কর্ণশ্চ বৃষসেনোঽথ মদ্ররাট্।
অশ্বত্থামা কৃপশ্চৈব স্বয়মেব চ সৈন্ধবঃ॥ 7-145-9 (51198)
সমাসাদ্য চ বীভৎসুঃ সৈন্ধবং সমুপস্থিতম্।
নেত্রাভ্যাং ক্রোধদীপ্তাভ্যাং সম্প্রৈক্ষন্নির্দহন্নিব'॥ 7-145-10 (51199)
যথাগ্নিরিন্ধনেদ্ধৌ বৈ ক্রোধেন্ধনসমীরিতঃ।
সৈন্ধবস্য মুখং ত্যক্ৎবা কর্ণঃ সাৎবতমভ্যযাৎ॥ 7-145-11 (51200)
উপায়ান্তং* তু রাধেয়ং দৃষ্ট্বা পার্থো মহারথঃ।
প্রহসন্দেবকীপুত্রমিদং বচনমব্রবীৎ॥ 7-145-12 (51201)
এষ প্রয়াত্যাধিরথিঃ সাত্যকেঃ স্যন্দনং প্রতি।
ন মৃষ্যতি হতং নূনং ভূরিশ্রবসমাহবে॥ 7-145-13 (51202)
যত্র যাত্যেষ তত্র ৎবং চোদয়াশ্বাঞ্জনার্দন।
ন সৌমদত্তিপদবীং গময়েৎসাত্যকিং বৃষঃ॥ 7-145-14 (51203)
সঞ্জয় উবাচ। 7-145-15x (4643)
এবমুক্তো মহাবাহুঃ কেশবঃ সব্যসাচিনা।
প্রত্যুবাচ মহাতেজাঃ কালয়ুক্তমিদং বচঃ॥ 7-145-15 (51204)
অলমেষ মহাবাহুঃ কর্ণায়ৈকোঽপি পাণ্ডব।
কিং পুনর্দ্রৌপদেয়াভ্যাং সহিতঃ সাৎবতর্ষভঃ॥ 7-145-16 (51205)
ন চ তাবৎক্ষমঃ পার্থ তব কর্ণেন সঙ্গরঃ।
প্রজ্বলন্তী মহোল্কেব তিষ্ঠত্যস্মিন্হি বাসবী।
ৎবদর্থং পূজ্যমানৈষা রক্ষ্যতে পরবীরহন্॥ 7-145-17 (51206)
`ন কর্ণং প্রাকৃতং মন্যে তেন যোদ্ধুং ন সাম্প্রতম্।
যঃ কর্ণো বলবানেষ শক্তোঽস্মাঞ্জেতুমোজসা॥ 7-145-18 (51207)
কর্ণস্যৈষ মহান্দোষো যদ্দূয়েন পদেপদে।
প্রমাদাচ্চ ঘৃণিৎবাচ্চ তেন শোচিতি মে মনঃ'॥ 7-145-19 (51208)
অতঃ কর্ণঃ প্রয়াৎবত্র সাৎবতস্য যথা তথা।
অহং জ্ঞাস্যামি কৌন্তেয় কালমস্য দুরাত্মনঃ॥ 7-145-20 (51209)
যত্রৈনং বিশিখৈস্তীক্ষ্ণৈঃ পাতয়িষ্যসি ভূতলে।
তদা গন্তাসি পার্থ ৎবং তেন যোদ্ধুং দুরাত্মনা॥ 7-145-21 (51210)
ধৃতরাষ্ট্র উবাচ। 7-145-22x (4644)
যোঽসৌ কর্ণেন বীরস্য বার্ষ্ণেয়স্য সমাগমঃ।
হতে তু ভূরিশ্রবসি তদ্যুদ্ধমভবৎকথম্॥ 7-145-22 (51211)
সাত্যকিশ্চাপি বিরথঃ কং সমারূঢবান্রথম্।
চক্ররক্ষৌ চ পাঞ্চাল্যৌ তন্মমাচক্ষ্ব সঞ্জয়॥ 7-145-23 (51212)
সঞ্জয় উবাচ। 7-145-24x (4645)
হন্ত তে কথয়িষ্যামি যথাবৃত্তং মহারণে।
পশ্যতাং সর্বসৈন্যানাং কেশবার্যুনয়োরপি।
শুশ্রূষস্ব স্থিরো ভূৎবা দুরাচরিতমাত্মনঃ॥ 7-145-24 (51213)
xxমেব হি কৃষ্ণস্য মনোগতমিদং প্রভো।
বিজেতব্যো যথা বীরঃ সাত্যকিঃ সৌমদত্তিনা॥ 7-145-25 (51214)
অতীতানাগতে রাজন্স হি বেত্তি জনার্দনঃ।
ততঃ সূতং সমাহূয় দারুকং সংদিদেশ হ। 7-145-26 (51215)
রথো মে যুজ্যতাং কল্যমিতি রাজন্মহাবালঃ॥
ন হি দেবা ন গন্ধর্বা ন যক্ষোরগরাক্ষসাঃ।
মানবা বাঽপি জেতারঃ কৃষ্ণয়োঃ সন্তি কেচন। 7-145-27 (51216)
পিতামহপুরোগাশ্চ দেবাঃ সিদ্ধাশ্চ তং বিদুঃ।
তয়োঃ প্রভাবমতুলং শৃণু যুদ্ধং তু তত্তথা॥ 7-145-28 (51217)
সাত্যকিং বিরথং দৃষ্ট্বা কর্ণং চাভ্যুদ্যতং রণে।
দধ্মৌ শঙ্খং মহানাদমার্ষভেণাথ মাধবঃ॥ 7-145-29 (51218)
দারুকোঽবেত্য সন্দেশং শ্রুৎবা শঙ্খস্য চ স্বনম্।
রথমন্বানয়ত্তস্মৈ সুপর্ণোচ্ছ্রিতকেতনম্॥ 7-145-30 (51219)
স কেশবস্যানুমতে রথং দারুকসংয়ুতম্।
আরুরোহ শিনেঃ পৌত্রো জ্বলনাদিত্যসন্নিভম্॥ 7-145-31 (51220)
কামগৈঃ শৈব্যসুগ্রীবমেঘপুষ্পবলাহকৈঃ।
হয়োদগ্রৈর্মহাবেগৈর্হেমভাণ্ডবিভূষিতৈঃ॥ 7-145-32 (51221)
যুক্তং সমারুহ্য চ তং বিমানপ্রতিমং রথম্।
অভ্যদ্রবত রাধেয়ং প্রবপন্সায়কান্বহূন্॥ 7-145-33 (51222)
চক্ররক্ষাবপি তদা যুধামন্যূত্তমৌজসৌ।
ধনঞ্জয়রথং হিৎবা রাধেয়ং প্রত্যুদীয়তুঃ॥ 7-145-34 (51223)
রাধেয়োঽপি মহারাজ শরবর্ষং সমুৎসৃজন্।
অভ্যদ্রবৎসুসঙ্ক্রুদ্ধো রণে শৈনেয়মচ্যুতম্॥ 7-145-35 (51224)
নৈব দৈবং ন গান্ধর্বং নাসুরং ন চ রাক্ষসম্।
তাদৃশং ভুবি নো যুদ্ধং দিবি বা শ্রুতমিত্যুত।
উপারসত তৎসৈন্যং সরথাশ্বনরদ্বিপম্॥ 7-145-36 (51225)
তয়োর্দৃষ্ট্বা মহারাজ কর্ম সম্মূঢচেতসঃ।
সর্বে চ সমপশ্যন্ত তদ্যুদ্ধমতিমানুষম্॥ 7-145-37 (51226)
তয়োর্নৃবরয়ো রাজন্সারথ্যং দারুকস্য চ॥ 7-145-38 (51227)
গতপ্রত্যাগতাবৃত্তৈর্মণ্ডলৈঃ সন্নিবর্তনৈঃ।
সারথেস্তু রথস্থস্য কাশ্যপেয়স্য বিস্মিতাঃ॥ 7-145-39 (51228)
নভস্তলগতাশ্চৈব দেবগান্ধর্বদানবাঃ।
অতীবাবহিতা দ্রষ্টুং কর্ণশৈনেয়যো রণম্॥ 7-145-40 (51229)
মিত্রার্থে তৌ পরাক্রান্তৌ শুষ্মিণৌ স্পর্ধিনৌ রমে॥ 7-145-41 (51230)
কর্ণশ্চামরসঙ্কাশো যুয়ুধানশ্চ সাত্যকিঃ।
অন্যোন্যং তৌ মহারাজ শরবর্ষৈরবর্ষতাম্॥ 7-145-42 (51231)
প্রমমাথ শিনেঃ পৌত্রং কর্ণঃ সায়কবৃষ্টিভিঃ।
অমৃষ্যমাণো নিধনং কৌরব্যজলসন্ধয়োঃ॥ 7-145-43 (51232)
কর্ণঃ শোকসমাবিষ্টো মহোরগ ইব শ্বসন্।
স শৈনেয়ং রণে ক্রুদ্ধঃ প্রদহন্নিব চক্ষুষা।
অভ্যধাবত বেগেন পুনঃপুনররিন্দম॥ 7-145-44 (51233)
তং তু সক্রোধমালোক্য সাত্যকিঃ প্রত্যযুধ্যত।
মহতা শরবর্ষেণ গজং প্রতিগজো যথা॥ 7-145-45 (51234)
তৌ সমেতৌ নরব্যাঘ্রৌ ব্যাঘ্রাবিব তরস্বিনৌ।
অন্যোন্যং সন্ততক্ষাতে রণেঽনুপমবিক্রমৌ॥ 7-145-46 (51235)
ততঃ কর্ণং শিনেঃ পৌত্রঃ সর্বপারসবৈঃ শরৈঃ।
বিভেদ সর্বগাত্রেষু পুনঃপুনররিন্দম॥ 7-145-47 (51236)
সারথিং চাস্য ভল্লেন রথনীডাদপাতয়ৎ।
অশ্বাংশ্চ চতুরঃ শ্বেতান্নিজঘান শিতৈঃ শরৈঃ॥ 7-145-48 (51237)
ছিত্ৎবা ধ্বজং রথং চৈব শতধা পুনর্ষর্ষভ।
চকার বিরথং কর্ণং তব পুত্রস্য পশ্যতঃ॥ 7-145-49 (51238)
ততো বিমনসো রাজংস্তাবকাস্তে মহারথাঃ।
বৃষসেনঃ কর্ণসুতঃ শল্যো মদ্রাধিপস্তথা। 7-145-50 (51239)
দ্রোণপুত্রশ্চ শৈনেয়ং সর্বতঃ পর্যবারয়ন্॥
ততঃ পর্যাকুলং সর্বং ন প্রাজ্ঞায়ত কিংচন॥ 7-145-51 (51240)
তথা সাত্যকিনা বীরে বিরথে সূতজে কৃতে।
হাহাকারস্ততো রাজন্সর্বসৈন্যেষ্বভূন্মহান্॥ 7-145-52 (51241)
কর্ণোঽপি বিরথো রাজন্সাৎবতেন কৃতঃ শরৈঃ।
দুর্যোধনরথং তূর্ণমারুরোহ বিনিঃশ্বসন্॥ 7-145-53 (51242)
মানয়ংস্তব পুত্রস্য বাল্যাৎপ্রভৃতি সৌহৃদম্।
কৃতাং রাজ্যপ্রদানেন প্রতিজ্ঞাং পরিপালয়ন্॥ 7-145-54 (51243)
তথা তু বিরথং কর্ণং পুত্রাংশ্চ পরিপালয়ন্॥
দুঃশাসনমুখান্বীরান্নাবধীৎসাত্যকির্বশী॥ 7-145-55 (51244)
রক্ষন্প্রতিজ্ঞাং ভীমেন পার্থেন চ পুরাকৃতাম্।
বিরথান্বিহ্বলাংশ্চক্রে ন তু প্রাণৈর্ব্যযোজয়ৎ॥ 7-145-56 (51245)
ভীমসেনেন তু বদঃ পুত্রাণাং তে প্রতিশ্রুতঃ।
অনুদ্যূতে চ পার্থেন বধঃ কর্ণস্য সংশ্রুতঃ॥ 7-145-57 (51246)
বধে ৎবকুর্বন্যত্নং তে তস্য কর্ণমুখাস্তদা।
নাশক্নুবংস্ততো হন্তুং সাত্যকিং প্রবরা রথাঃ॥ 7-145-58 (51247)
দ্রৌণিশ্চ কৃতবর্মা চ তথৈবান্যে মহারথাঃ।
নির্জিতা ধনুষৈকেন শতশঃ ক্ষত্রিয়র্ষভাঃ।
কাঙ্ক্ষতা পরলোকং চ ধর্মরাজস্য চ প্রিয়ম্॥ 7-145-59 (51248)
কৃষ্ণয়োঃ সদৃশো বীর্যে সাত্যকিঃ শত্রুতাপনঃ।
জিতবান্সর্বসৈন্যানি তাবকানি হসন্নিব॥ 7-145-60 (51249)
কৃষ্ণো বাঽপি ভবেল্লোকে পার্থো বাঽপি ধনুর্ধরঃ।
শৈনেয়ো বা নরব্যাঘ্র চতুর্থস্তু ন বিদ্যতে॥ 7-145-61 (51250)
ধৃতরাষ্ট্র উবাচ। 7-145-62x (4646)
অজয়্যং বাসুদেবস্য রথমাস্থায় সাত্যকিঃ।
বিরথং কৃতবান্কর্ণং বাসুদেবসমো যুধি।
দারুকেণ সমায়ুক্তঃ স্ববাহুবলদর্পিতঃ॥ 7-145-62 (51251)
কচ্চিদন্যং সমারূঢঃ সাত্যকিঃ শত্রুতাপনঃ।
এতদিচ্ছাম্যহং শ্রোতুং কুশলো হ্যসি ভাষিতুম্।
অসহ্যং তমহং মন্যে তন্মমাচক্ষ্ব সঞ্জয়॥ 7-145-63 (51252)
সঞ্জয় উবাচ। 7-145-64x (4647)
শৃণু রাজন্যথাবৃত্তং রথমন্যং মহামতিঃ।
দারুকস্যানুজস্তূর্ণং কল্পনাবিদিকল্পিতম্॥ 7-145-64 (51253)
আয়সৈঃ কাঞ্চনৈশ্চাপি পট্টৈঃ সন্নদ্ধকূবরম্।
তারাসহস্রখচিতং সিংহধ্বজপতাকিনম্॥ 7-145-65 (51254)
অশ্বৈর্বাতজবৈর্যুক্তং হেমভাণ্ডপরিচ্ছদৈঃ।
সৈন্ধবৈরিন্দুসঙ্কাশৈঃ সর্বশব্দাতিগৈর্দৃঢৈঃ॥ 7-145-66 (51255)
চিত্রকাঞ্চনসন্নাহৈর্বাজিমুখ্যৈর্বিশাম্পতে।
ঘণ্টাজালাকুলরবং শক্তিতোমরবিদ্যুতম্॥ 7-145-67 (51256)
যুক্তং সাঙ্গ্রামিকৈর্দ্রব্যৈর্বহুশস্ত্রপরিচ্ছদৈঃ।
রথং সম্পাদয়ামাস মেঘগম্ভীরনিঃস্বনম্॥ 7-145-68 (51257)
তং সমারুহ্য শৈনেয়স্তব সৈন্যমুপাদ্রবৎ।
দারুকোঽপি যথাকামং প্রয়যৌ কেশবান্তিকম্॥ 7-145-69 (51258)
কর্ণস্যাপি রথং রাজঞ্শঙ্খগোক্ষীরপাণ্ডুরৈঃ।
চিত্রকাঞ্চনসন্নাহৈঃ সদশ্বৈর্বেগবত্তরৈঃ॥ 7-145-70 (51259)
হেমকক্ষ্যাধ্বজোপেতং ক্লৃপ্তয়ন্ত্রপতাকিনম্।
অগ্র্যং রথং সুয়ন্তারং বহুশস্ত্রপরিচ্ছদম্।
উপাজহ্রুস্তমাস্থায় কর্ণোঽপ্যভ্যদ্রবদ্রিপূন্॥ 7-145-71 (51260)
এতত্তে সর্বমাখ্যাতং যন্মাং ৎবং পরিপৃচ্ছসি।
ভূয়শ্চাপি নিবোধেমং তবাপন্নয়জং ক্ষয়ম্॥ 7-145-72 (51261)
একত্রিংশত্তব সুতা ভীমসেনেন পাতিতাঃ।
দুর্মুখং প্রমুখে কৃৎবা সততং চিত্রয়োধিনম্॥ 7-145-73 (51262)
শতশো নিহতাঃ শূরাঃ সাৎবতেনার্জুনেন চ।
ভীষ্মং প্রমুখতঃ কৃৎবা ভগদত্তং চ ভারত।
এবমেষ ক্ষয়ো বৃত্তো রাজন্দুর্মন্ত্রিতে তব॥ ॥ 7-145-74 (51263)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে পঞ্চৎবারিংশদধিকশততমোঽধ্যায়ঃ॥ 145 ॥
Mahabharata - Drona Parva - Chapter Footnotes
5-145-3 হেপুণ্ডরীকাক্ষ স জয়দ্রথস্ত্রিষু ধর্মেষু বর্ততে ইতি শ্রূয়তে কে পুনস্তে ত্রয়ো ধর্মাঃ। অত্রোচ্যতে। যদি যুধ্যমানো হন্যতে তদা তূর্ণং স্বর্গপ্রাপ্তিরেব তস্য ধর্মঃ। অথ পলায়মানো হন্যতে তদা নরকপ্রাপ্তিরেব তস্য ধর্মঃ। অথ মদ্ভয়াৎস্বদেশং গচ্ছতি তদা যশঃশরীরনাশ এব তস্য ধর্মঃ। যাবদসৌ যুদ্ধাভিমুখঃ প্রথমধর্মে তিষ্ঠতি তাবদেব হন্তুমুচিতঃ অতঃ শীঘ্রমশ্বাংশ্চোদয়েতি। কুণ্ডলিতোঽয়ং শ্লোকার্ধঃ ঝ.পুস্তক এব দৃশ্যতে॥ 5-145-7 হয়জ্ঞঃ হয়হৃদয়জ্ঞঃ॥ 5-145-8 আশুগৈঃ মারুতৈঃ॥ 5-145-14 বৃষঃ কর্ণঃ॥ 5-145-* ইত আরভ্য উত্তরাধ্যায়স্থ--মন্দরশ্মিঃ সহস্রাংশুরস্তঙ্গিরিমুপাদ্রবৎ ইতি 25 তমশ্লোকপর্যন্তং বিদ্যমানাঃ শ্লোকঃ ঝ. পুস্তকে জয়দ্রথবধাদনন্তরং বর্তন্তে। 5-145-17 বাসবী শক্তিরিতি শেষঃ॥ 5-145-20 যথা প্রয়াতি তথা প্রয়াৎবিতি যোজ্যম্। জ্ঞাস্যমি জ্ঞাপয়িষ্যামি॥ 5-145-21 যত্র কালে॥ 5-145-25 পূর্বং পূর্বেদ্যুঃ॥ 5-145-26 কল্যং প্রাতঃ॥ 5-145-29 আর্ষভেণ স্বার্থে তদ্বিতঃ। ঋষভস্বরেণ॥ 5-145-39 কাশ্যপেয়স্য দারুকস্য॥ 5-145-57 অনুদ্যূতে পুনর্দ্যূতে॥ 5-145-145 পঞ্চচৎবারিংশদধিকশততমোঽধ্যায়ঃ॥দ্রোণপর্ব - অধ্যায় 146
॥ শ্রীঃ ॥
7.146. অধ্যায়ঃ 146
Mahabharata - Drona Parva - Chapter Topics
অর্জুনেন কর্ণেংপ্রতি তৎকুতভীমগর্হণাতিতিক্ষয়া তদ্গর্হণপূর্বকং তৎসুতবধপ্রতিজ্ঞা॥ 1 ॥ কর্ণদুর্যোধনসংবাদঃ সঙ্কুলয়ুদ্ধং চ॥ 2 ॥Mahabharata - Drona Parva - Chapter Text
7-146-0 (51264)
ধৃতরাষ্ট্র উবাচ। 7-146-0x (4648)
তথা গতেষু শূরেষু তেষাং মম চ সঞ্জয়।
কিংস্বিদ্ভীমার্জুনৌ চৈব সাত্যকিশ্চাকরোত্তদা॥ 7-146-1 (51265)
সঞ্জয় উবাচ। 7-146-2x (4649)
বিরথো ভীমসেনো বৈ কর্ণবাক্শল্যপীডিতঃ।
অমর্ষবশমাপন্নঃ ফল্গুনং বাক্যমব্রবীৎ॥ 7-146-2 (51266)
পুনঃপুনস্তূবরক মূঢ ঔদরিকেতি চ।
অকৃতাস্ত্রক মা যোৎসীর্বাল সঙ্গ্রামকাতর॥ 7-146-3 (51267)
ইতি মামব্রবীৎকর্ণঃ পশ্যতস্তে ধনঞ্জয়।
এবং বক্তা চ মে বধ্যস্তেন চোক্তস্তথা হ্যহম্॥ 7-146-4 (51268)
এতদ্ব্রতং মহাবাহো ৎবয়া সহ কৃতং ময়া।
তথৈতন্মম কৌন্তেয় যথা তব ন সংশয়ঃ॥ 7-146-5 (51269)
তদ্বধায় নরশ্রেষ্ঠ স্মরৈতদ্বচনং মম।
যথা ভবতি তৎসত্যং তথা কুরু ধনঞ্জয়॥ 7-146-6 (51270)
তচ্ছ্রুৎবা বচনং তস্য ভীমস্যামিতবিক্রমঃ।
ততোঽর্জুনোঽব্রবীৎকর্ণং কিঞ্চিদভ্যেত্য সংয়ুগে॥ 7-146-7 (51271)
কর্ণকর্ণ বৃথাদৃষ্টে সূতপুত্রাত্মসংস্তুত।
অধর্মবুদ্ধে শৃণু মে যত্ৎবাং বক্ষ্যামি সাম্প্রতম্॥ 7-146-8 (51272)
দ্বাবেবং কর্ণ শূরাণাং রণে দৃষ্টৌ জয়াজয়ৌ।
তৌ চাপ্যনিত্যৌ রাধেয় বাসবস্যাপি যুধ্যতঃ॥ 7-146-9 (51273)
`রণমুৎসৃজ্য নির্লজ্জ গচ্ছসে চ পুনঃ পুনঃ।
মাহাত্ম্যং পশ্য ভীমস্য কর্ম জন্ম কুলে তথা।
নোক্তবান্পরুষং যত্ৎবাং পলায়নপরায়ণম্॥ 7-146-10 (51274)
ভূয়স্ৎবমপি সঙ্গম্যং সকৃদেব যদৃচ্ছয়া।
বিরথং কৃতবান্বীরং পাণ্ডবং সূতদায়দ॥ 7-146-11 (51275)
কুলস্য সদৃশং চাপি রাধেয় কৃতবানসি।
নৈকান্তসিদ্ধিঃ সঙ্গ্রামে বাসবস্যাপি বিদ্যতে'॥ 7-146-12 (51276)
মুমূর্ষুর্যুয়ুধানেন বিরথো বিকলেন্দ্রিয়ঃ।
মদ্বধ্যস্ৎবমিতি জ্ঞাৎবা জিৎবা জীবন্বিসর্জিতঃ॥ 7-146-13 (51277)
যদৃচ্ছয়া রণে ভীমং যুধ্যমানং মহাবলম্।
কথঞ্চিদ্বিরথং কৃৎবা যত্ৎবং রূক্ষমভাষথাঃ।
অধর্মস্ৎবেষ সুমহাননার্যচরিতং চ তৎ॥ 7-146-14 (51278)
নারিং জিৎবাঽতিকত্থন্তে ন চ জল্পন্তি দুর্বচঃ।
ন চ কঞ্চন নিন্দন্তি সন্তঃ শূরা নরর্ষভাঃ॥ 7-146-15 (51279)
ৎবং তু প্রাকৃতবিজ্ঞানস্তত্তদ্বদসি সূতজ।
বহ্ববদ্ধমকর্ণ্যং চ চাপলাদপরীক্ষিতম্॥ 7-146-16 (51280)
যুধ্যমানং পরাক্রান্তং শূরমার্যব্রতে রতম্।
যদবোচোঽপ্রিয়ং ভীমং নৈতৎসত্যং বচস্তব।
পশ্যতাং সর্বসৈন্যানাং কেশবস্য মমৈব চ॥ 7-146-17 (51281)
বিরথো ভীমসেনেন কৃতোঽসি বহুশো রণে।
ন চ ৎবাং পরুষং কিঞ্চিদুক্তবান্পাণ্ডুনন্দনঃ॥ 7-146-18 (51282)
যস্মাত্তু বহু রূক্ষং চ শ্রাবিতস্তে বৃকোদরঃ।
পরোক্ষং যচ্চ সৌভদ্রো যুষ্মাভির্বহুভির্হতঃ।
তস্মাদস্যাবলেপস্য সদ্যঃ ফলমবাপ্নুহি॥ 7-146-19 (51283)
ৎবয়া তস্য ধনুশ্ছিন্নমাত্মনাশায় দুর্মতে।
তস্মাদ্বধ্যোঽসি মে মূঢ সভৃত্যসুতবান্ধবঃ॥ 7-146-20 (51284)
কুরু ৎবং সর্বকৃত্যানি মহত্তে ভয়মাগতম্।
হন্তাঽস্মি বৃষসেনং তে প্রেক্ষমাণস্য সংয়ুগে॥ 7-146-21 (51285)
যে চান্যেঽপ্যুপয়াস্যন্তি বুদ্ধিমোহেন মাং নৃপাঃ।
তাংশ্চ সর্বান্হনিষ্যামি সত্যেনায়ুধমালভে॥ 7-146-22 (51286)
ৎবাং চ মূঢাকৃতপ্রজ্ঞমতিমানিনমাহবে।
দৃষ্ট্বা দুর্যোধনো মন্দো ভৃশং তপ্স্যতি পাতিতম্॥ 7-146-23 (51287)
সঞ্জয় উবাচ। 7-146-24x (4650)
অর্জুনেন প্রতিজ্ঞাতে বধে কর্ণসুতস্য তু।
মহান্সুতুমুলঃ শব্দো বভূব রথিনাং তদা॥ 7-146-24 (51288)
তস্মিন্নাকুলসঙ্গ্রামে বর্তমানে মহাভয়ে।
মন্দরশ্মিঃ সহস্রাংশুরস্তঙ্গিরিমুপাদ্রবৎ॥ 7-146-25 (51289)
ততো দুর্যোধনো রাজা রাধেয়ং ৎবরিতোঽব্রবীৎ।
অর্জুনং প্রেক্ষ্য সংয়াতং জয়দ্রথবধং প্রতি॥ 7-146-26 (51290)
`অমানুষাণি কর্মাণি কুর্বন্তৌ ভরতর্ষভ।
সাত্যকিং ভীমসেনং চ যত্তৌ তৌ দর্শয়ন্নিব॥ 7-146-27 (51291)
অয়ং স বৈকর্তন যুদ্ধকালো
বিদর্শয়স্বাত্মবলং মহাত্মন্।
যথা ন বধ্যেত রণেঽর্জুনেন
জয়দ্রথঃ কর্ণ তথা কুরুষ্ব॥ 7-146-28 (51292)
অল্পাবশেষো দিবসো হি সাম্প্রতং
নিবারয়েহাদ্য রিপুং শরৌঘৈঃ।
দিনক্ষয়ং প্রাপ্য নরপ্রবীর
ধ্রুবো হি নঃ কর্ণ জয়ো ভবিষ্যতি॥ 7-146-29 (51293)
সৈন্ধবে রক্ষ্যমাণে তু সূর্যস্যাস্তমনং প্রতি।
মিথ্যাপ্রতিজ্ঞঃ কৌন্তেয়ঃ প্রবেক্ষ্যতি হুতাশনম্॥ 7-146-30 (51294)
অনর্জুনায়াং চ ভুবি মুহূর্তমপি মানদ।
জীবিতুং নোৎসহেরন্বৈ ভ্রাতরোঽস্য সহানুগাঃ॥ 7-146-31 (51295)
পাণ্ডবেষু বিনষ্টেষু সশৈলবনকাননাম্।
বসুন্ধরামিমাং কর্ণ ভোক্ষ্যামো মহতকণ্টকাম্॥ 7-146-32 (51296)
দৈবেনোপহতঃ পার্থো বিপরীতশ্চ মানদ।
কার্যাকার্যমজানানঃ প্রতিজ্ঞাং কৃতবান্রণে॥ 7-146-33 (51297)
নূনমাত্মবিনাশায় পাণ্ডবেন কিরীটিনা।
মিথ্যাপ্রতিজ্ঞৈব কৃতা জয়দ্রথবধং প্রতি॥ 7-146-34 (51298)
কথং জীবতি দুর্ধর্ষে ৎবপি রাধেয় ফল্গুনঃ।
অনস্তঙ্গত আদিত্যে হন্যাৎসৈন্ধবকং নৃপম্॥ 7-146-35 (51299)
রক্ষিতং মদ্ররাজেন কৃপেণ চ মহাত্মনা।
জয়দ্রথং রণমুখে কথং হন্যাদ্ধনঞ্জয়ঃ॥ 7-146-36 (51300)
দ্রৌণিনা রক্ষ্যমাণং চ ময়া দুঃশাসনেন চ।
কথং প্রাপ্স্যতি বীভৎসুঃ সৈন্ধবং কালচোদিতঃ॥ 7-146-37 (51301)
যুধ্যন্তে বহবঃ শূরা লম্বতে চ দিবাকরঃ।
শঙ্কে জয়দ্রথং পার্থো নৈব প্রাপ্স্যতি মানদ॥ 7-146-38 (51302)
স ৎবং কর্ণ ময়া সার্ধং শূরৈশ্চান্যৈর্মহারথৈঃ।
দ্রৌণিনা ৎবং হি সহিতো মদ্রেশেন কৃপেণ চ।
যুধ্যস্ব যত্নমাস্থায় পরং পার্থেন সংয়ুগে॥ 7-146-39 (51303)
এবমুক্তস্তু রাধেয়স্তব পুত্রেণ মারিষ।
দুর্যোধনমিদং বাক্যং প্রত্যুবাচ কুরূত্তমম্॥ 7-146-40 (51304)
দৃঢলক্ষ্যেণ বীরেণ ভীমসেনেন ধন্বিনা।
ভৃশং ভিন্নতনুঃ সঙ্খ্যে শরজালৈরনেকশঃ॥ 7-146-41 (51305)
স্থাতব্যমিতি তিষ্ঠামি রণে সম্প্রতি মানদ।
নাঙ্গমিঙ্গতি কিঞ্চিন্মে সন্তপ্তস্য মহেষুভিঃ।
যোৎস্যামি তু যথাশক্ত্যা ৎবদর্থং জীবিতং মম॥ 7-146-42 (51306)
`তত্তথা প্রয়তিষ্যেঽহং পরং শক্ত্যাxxxxসুয়োধন'।
যথা পাণ্ডবমুখ্যোঽসৌ ন হনিষ্যাতি সৈন্ধবম্॥ 7-146-43 (51307)
ন হি মে যুধ্যমানস্য সায়কানস্যতঃ শিতান্।
সৈন্ধবং প্রাপ্স্যতে বীরঃ সব্যসাচী ধনঞ্জয়ঃ॥ 7-146-44 (51308)
যত্তু ভক্তিমতা কার্যং সততং হিতকাঙ্ক্ষিণা।
তৎকরিষ্যামি কৌরব্য জয়ো দৈবে প্রতিষ্ঠিতঃ॥ 7-146-45 (51309)
সৈন্ধবার্থে পরং যত্নং করিষ্যাম্যদ্য সংয়ুগে।
ৎবৎপ্রিয়ার্থং মহারাজ জয়ো দৈবে প্রতিষ্ঠিতঃ॥ 7-146-46 (51310)
অদ্য যোৎস্যেঽর্জুমহং পৌরুষং স্বং ব্যপাশ্রিতঃ।
ৎবদর্থে পুরুষব্যাঘ্র জয়ো দৈবে প্রতিষ্ঠিতঃ॥ 7-146-47 (51311)
অদ্য যুদ্ধং কুরুশ্রেষ্ঠ মম পার্থস্য চোভয়োঃ।
পশ্যন্তু সর্বসৈন্যানি দারুণং রোমহর্ষণম্॥ 7-146-48 (51312)
সঞ্জয় উবাচ। 7-146-49x (4651)
কর্ণকৌরবয়োরেবং রণে সংভাষমাণয়োঃ।
অর্জুনো নিশিতৈর্বাণৈর্জঘান তব বাহিনীম্॥ 7-146-49 (51313)
চিচ্ছেদ নিশিতৈর্বাণৈঃ শূরাণামনিবর্তিনাম্॥ 7-146-50 (51314)
ভুজান্পরিঘসঙ্কাশান্হস্তিহস্তোপমান্রণে।
শিরাংসি চ মহাবাহুশ্চিচ্ছেদ নিশিতৈঃ শরৈঃ॥ 7-146-51 (51315)
হস্তিহস্তান্দ্বিপস্কন্ধান্রথাক্ষাংশ্চ সমন্ততঃ।
শোণিতাক্তান্হয়ারোহান্গৃহীতপ্রাসতোমরান্॥ 7-146-52 (51316)
ক্ষুরৈশ্চিচ্ছেদ বীভৎসুর্দ্বিধৈকৈকং ত্রিধৈব চ।
হয়ান্বারণমুখ্যাংশ্চ পদাতীংশ্চ সমন্ততঃ।
ধ্বজাংশ্ছত্রাণি চাপানি চামরাণি শিরাংসি চ॥ 7-146-53 (51317)
কক্ষমগ্নিরিবোদ্ধূতঃ প্রাদহত্তব বাহিনীম্।
অচিরেণ মহীং পার্থশ্চকার রুধিরোত্তরাম্॥ 7-146-54 (51318)
হতভূয়িষ্ঠয়োধং তৎকৃৎবা তব বলং বলী।
আসসাদ দুরাধর্ষঃ সৈন্ধবং সত্যবিক্রমঃ॥ 7-146-55 (51319)
বীভৎসুর্ভীমসেনেন সাৎবতেন চ রক্ষিতঃ।
প্রবভৌ ভরতশ্রেষ্ঠ জ্বলন্নিব হুতাশনঃ॥ 7-146-56 (51320)
তং তথাঽবস্থিতং দৃষ্ট্বা ৎবদীয়া বীরসংমতাঃ।
নামৃষ্যন্ত মহেষ্বাসাঃ পাণ্ডবং পুরুষর্ষভাঃ॥ 7-146-57 (51321)
দুর্যোধনশ্চ কর্ণশ্চ বৃষসেনোঽথ মদ্ররাট্।
অশ্বত্থামা কৃপশ্চৈব স্বয়মেব চ সৈন্ধবঃ॥ 7-146-58 (51322)
সন্নদ্ধাঃ সৈন্ধবস্যার্থে সমাবৃণ্বন্কিরীটিনম্।
নৃত্যন্তং রথমার্গেষু ধনুর্জ্যাতলনিঃস্বনৈঃ॥ 7-146-59 (51323)
সঙ্গ্রামকোবিদং পার্থং সর্বে যুদ্ধবিশারদাঃ।
অভীতাঃ পর্যবর্তন্ত ব্যাদিতাস্যমিবান্তকম্॥ 7-146-60 (51324)
সৈন্ধবং পৃষ্ঠতঃ কৃৎবা জিঘাংসন্তোঽচ্যুতার্জুনৌ।
সূর্যাস্তমনমিচ্ছন্তো লোহিতায়তি ভাস্করে॥ 7-146-61 (51325)
তে ভুজৈর্ভোগিভোগাভৈর্ধনূংষ্যানম্য সায়কান্।
মুমুচুঃসূর্যরশ্ম্যাভাঞ্ছতশঃ ফল্গুনং প্রতি॥ 7-146-62 (51326)
ততস্তানস্যমানাংশ্চ কিরীটী যুদ্ধদুর্মদঃ।
দ্বিধা ত্রিধাঽষ্টধৈকৈকং ছিত্ৎবা বিব্যাধ তান্রথান্॥ 7-146-63 (51327)
সিংহলাঙ্গূলকেতুস্তু দর্শয়ন্বীর্যমাত্মনঃ।
শারদ্বতীসুতো রাজন্নর্জুনং প্রত্যবারয়ন্॥ 7-146-64 (51328)
স বিদ্বা দশভিঃ পার্থং বাসুদেবং চ সপ্তভিঃ।
অতিষ্ঠদ্রথমার্গেষু সৈন্ধবং প্রতিপালয়ন্॥ 7-146-65 (51329)
অথৈনং কৌরবশ্রেষ্ঠাঃ সর্ব এব মহারথাঃ।
মহতা রথবংশেন সর্বতঃ প্রত্যবারয়ন্॥ 7-146-66 (51330)
বিষ্ফারয়ন্তশ্চাপানি বিসৃজন্তশ্চ সায়কান্।
সৈন্ধবং পর্যরক্ষন্ত শাসনাত্তনয়স্য তে॥ 7-146-67 (51331)
ততঃ পার্থস্য শূরস্য বাহ্বোর্বলমদৃশ্যত।
ইষূণামক্ষয়ৎবং চ ধনুষো গাণ্ডিবস্য চ॥ 7-146-68 (51332)
অস্ত্রৈরস্ত্রাণি সংবার্য দ্রৌণেঃ শারদ্বতস্য চ।
একৈকং দশভির্বাণৈঃ সর্বানেব সমার্পয়ৎ॥ 7-146-69 (51333)
তং দ্রৌণিঃ পঞ্চবিংশত্যা বৃষসেনশ্চ সপ্তভিঃ।
দুর্যোধনশ্চ বিংশত্যা কর্ণশল্যৌ ত্রিভিস্ত্রিভিঃ॥ 7-146-70 (51334)
ত এনমভিগর্জন্তো বিধ্যন্তশ্চ পুনঃপুনঃ।
বিধুন্বন্তশ্চ চাপানি সর্বতঃ প্রত্যবারয়ন্॥ 7-146-71 (51335)
শ্লিষ্টং চ সর্বতশ্চক্রূ রথমণ্ডলমাশু তে।
সূর্যাস্তমনমিচ্ছন্তস্ৎবরমাণা মহারথাঃ॥ 7-146-72 (51336)
ত এনমভিনর্দন্তৌ বিধুন্বানা ধনূংষি চ।
সিষিচুর্মার্গণৈস্তীক্ষ্ণৈর্গিরিং মেঘা ইবাম্বুভিঃ॥ 7-146-73 (51337)
তে মহাস্ত্রাণি দিব্যানি তত্র রাজন্ব্যদর্শয়ন্।
ধনঞ্জয়স্য গাত্রে তু শূরাঃ পরিঘবাহবঃ॥ 7-146-74 (51338)
`নিবার্য তাঞ্শরব্রাতৈর্দিব্যান্যস্ত্রাণি দর্শয়ন্'।
হতভূয়িষ্ঠয়োধং তৎকৃৎবা তব বলং বলী।
আসসাদ দুরাধর্ষঃ সৈন্ধবং সত্যবিক্রমঃ॥ 7-146-75 (51339)
তং কর্ণঃ সংয়ুগে রাজন্প্রত্যবারয়দাশুগৈঃ।
মিষতো ভীমসেনস্য সাৎবতস্য চ ভারত॥ 7-146-76 (51340)
তং পার্থো দশভির্বাণৈঃ প্রত্যবিধ্যদ্রাণাজিরে।
সূতপূত্রং মহাবাহুঃ সর্বসৈন্যস্য পশ্যতঃ॥ 7-146-77 (51341)
সাৎবতশ্চ ত্রিভির্বাণৈঃ কর্ণং বিব্যাধ মারিষ।
ভীমসেনস্ত্রিভিশ্চৈব পুনঃ পার্থশ্চ সপ্তভিঃ॥ 7-146-78 (51342)
তান্কর্ণঃ প্রতিবিব্যাধ ষষ্ট্যাষষ্ট্যা মহারথঃ।
তদ্যুদ্ধমভবদ্রাজন্কর্ণস্য বহুভিঃ সহ॥ 7-146-79 (51343)
তত্রাদ্ভূতমপশ্যাম সূতপুত্রস্য মারিষ।
যদেকঃ সমরে ক্রুদ্ধস্ত্রীন্রথান্পর্থবারয়ৎ॥ 7-146-80 (51344)
ফল্গুনস্তু মহাবাহুঃ কর্ণং বৈকর্তনং রণে।
সায়কানাং শতেনৈব সর্বমর্মস্বতাডয়ৎ॥ 7-146-81 (51345)
রুধিরোক্ষিতসর্বাঙ্গঃ সূতপুত্রঃ প্রতাপবান্।
শরৈঃ পঞ্চাশতা বীরঃ ফল্গুনং প্রত্যবিধ্যত॥ 7-146-82 (51346)
তস্য তল্লাঘবং দৃষ্ট্বা নামৃষ্যত রণেঽর্জুনঃ।
তস্য পার্থো ধনুশ্ছিত্ৎবা বিব্যাধৈনং স্তনান্তরে।
সায়কৈর্নবভির্বীরস্ৎবরমাণো ধনঞ্জয়ঃ॥ 7-146-83 (51347)
অথান্যদ্ধনুরাদায় সূতপুত্রঃ প্রতাপবান্।
সায়কৈরষ্টসাহস্রৈশ্ছাদয়ামাস পাণ্ডবম্॥ 7-146-84 (51348)
তাং বাণবৃষ্টিমতুলাং কর্ণচাপসমুত্থিতাম্।
ব্যধমৎসায়কৈঃ পার্থঃ শলভানিব মারুতঃ॥ 7-146-85 (51349)
ছাদয়ামাস চ তদা সায়কৈরর্জুনো রণে।
পশ্যতাং সর্পয়োধানাং দর্শয়ন্পাণিলাঘবম্॥ 7-146-86 (51350)
বধার্থং চাস্য সমরে সায়কং সূর্যবর্চসম্।
চিক্ষেপ ৎবরয়া যুক্তস্ৎবরাকালে ধনঞ্জয়ঃ॥ 7-146-87 (51351)
তমাপতন্তং বেগেন দ্রৌণিশ্চিচ্ছেদ সায়কম্।
অর্ধচন্দ্রেণ তীক্ষ্ণেন স চ্ছিন্নঃ প্রাপতদ্ভূবি॥ 7-146-88 (51352)
কর্ণোঽপি দ্বিষতাং হন্তা ছাদয়ামাস ফল্গুনম্।
সায়কৈর্বহুসাহস্রৈঃ কৃতপ্রতিকৃতেপ্সয়া॥ 7-146-89 (51353)
তৌ বৃষাবিব নর্দন্তৌ নরসিংহৌ মহারথৌ।
সায়কৈস্তু প্রতিচ্ছন্নং চক্রতুঃ খমজিহ্মগৈঃ॥ 7-146-90 (51354)
অদৃশ্যৌ চ শরৌথৈস্তৌ নিঘ্ন্তাবিতরেতরম্।
কর্ণ পার্থোঽস্তি তিষ্ঠৎবং কর্ণোঽহং তিষ্ঠ ফল্গুন্ন॥ 7-146-91 (51355)
ইত্যেবং তর্জয়ন্তৌ তৌ বাক্শল্যৈস্তু পরস্পরম্।
বিধ্যেতাং সমরে বীরৌ চিত্রং লঘু চ সুষ্ঠু চ॥ 7-146-92 (51356)
প্রেক্ষণীয়ৌ চাভবতাং সর্বয়োধসমাগমে।
প্রশস্যামানৌ সমরে সিদ্ধচারণপন্নগৈঃ॥ 7-146-93 (51357)
অয়ুধ্যেতাং মহারাজ পরস্পরবধৈষিণৌ।
ততো দুর্যোধনো রাজংস্তাবকানভ্যভাষত॥ 7-146-94 (51358)
যত্নাদ্রক্ষত রাধেয়ং নাহৎবা সমরেঽর্জুনম্।
নিবর্তিষ্যতি রাধেয়ো ন বাঽজিৎবাঽদ্য ফল্গুনং॥ 7-146-95 (51359)
এতস্মিন্ন্তরে রাজন্দৃষ্ট্বা কর্ণস্য বিক্রমম্।
আকর্ণমুক্তৈরিষুভিঃ কর্ণস্য চতুরো হয়ান্।
অনয়ৎপ্রেতলোকায় চতুর্ভিঃ শ্বেতবাহনঃ॥ 7-146-96 (51360)
সারথিং চাস্য ভল্লেন রথনীডাদপাতয়ৎ।
ছাদয়ামাস স শরৈস্তব পুত্রস্য পশ্যতঃ॥ 7-146-97 (51361)
সঞ্ছাদ্যমানঃ সমরে হতাশ্বো হতসারথিঃ।
মোহিতঃ শরজালেন কর্তব্যং নাভ্যপদ্যত॥ 7-146-98 (51362)
তং তথা বিরথং দৃষ্ট্বা রথমারোপ্য তং তদা।
অশ্বত্থামা মহারাজ ভূয়োঽর্জুনময়োধয়ৎ॥ 7-146-99 (51363)
মদ্ররাজশ্চ কৌন্তেয়মবিধ্যত্ত্রিংশতা শরৈঃ।
`আবব্রেঽর্জুনমার্গং চ শরজালেন ভারত'॥ 7-146-100 (51364)
শারদ্বতস্তু বিংশত্যং বাসুদেবং সমার্পয়ৎ।
ধনঞ্জয়ং দ্বাদশভিরাজঘান শিলীমুখৈঃ॥
চতুর্ভিঃ সিন্ধুরাজশ্চ বৃষসেনশ্চ সপ্তভিঃ।
পৃথক্পৃথঙ্মহারাজ বিব্যধুঃ কৃষ্ণপাণ্ডবৌ॥ 7-146-101 (51365)
তথৈব তান্প্রত্যবিধ্যৎকুন্তীপুত্রো ধনঞ্জয়ঃ।
দ্রোণপুত্রং চতুঃষষ্ট্যা মদ্ররাজং শতেন চ॥
সৈন্ধবং দশভির্বাণৈর্বৃষসেনং ত্রিভিঃ শরৈঃ।
শারদ্বতং চ বিংশত্যা বিদ্ব্বা পার্থো ননাদ হ॥ 7-146-102 (51366)
তে প্রতিজ্ঞাপ্রতীঘাতমিচ্ছন্তঃ সব্যসাচিনঃ।
সহিতাস্তাবকাস্তূর্ণমভিপেতুর্ধনঞ্জয়ম্॥ 7-146-103 (51367)
অথার্জুনঃ সর্বতো বারুণাস্ত্রং
প্রাদুশ্চক্রে ত্রাসয়ন্ধার্তরাষ্ট্রান্।
তং প্রত্যুদীয়ঃ কুরুবঃ পাণ্ডুপুত্রং
রথৈর্মহার্হৈঃ শরবর্ষং সৃজন্তঃ॥ 7-146-104 (51368)
ততস্তু তস্মিংস্তুমলে সমুত্থিতে
সুদারুণে ভারতমোহনীয়ে।
নো মুহ্যত প্রাপ্য স রাজপুত্রঃ
কিরীটমালী ব্যসৃজচ্ছরৌঘান্॥ 7-146-105 (51369)
বধপ্রেপ্সুঃ সব্যসাচী কুরূণাং
স্মরন্ক্লেশান্দ্বাদশবর্ষবৃত্তান্।
গাণ্ডীবমুক্তৈরিষুভির্মহাত্মা
সর্বা দিশো ব্যাবৃণোদপ্রমেয়ঃ॥ 7-146-106 (51370)
প্রদীপ্তোল্কমভবচ্চান্তরিক্ষং
মৃতেষু দেহেষ্বপতন্বয়াংসি।
যৎপিঙ্গলজ্যেন কিরীটমালী
ক্রুদ্ধো রিপূনাজগবেন হন্তি॥ 7-146-107 (51371)
ততঃ কিরীটি মহতা মহায়শাঃ
শরাসনেনাস্য শরাননীকজিৎ।
হয়প্রবেকোত্তমনাগঘূর্ণিতা--
ন্কুরুপ্রবীরানিষুভির্ব্যাপাতয়ৎ॥ 7-146-108 (51372)
গদাশ্চ গুর্বীঃ পরিঘানয়স্ময়া--
নসীংশ্চ শক্তীশ্চ রণে নরাধিপাঃ।
মহান্তি শস্ত্রাণি চ ভীমদর্শনাঃ
প্রগৃহ্য পার্থং সহসাঽভিদুদ্রুবুঃ॥ 7-146-111 (51373)
ততো যুগান্তাভ্রসমস্বনং মহ--
ন্মহেন্দ্রচাপপ্রতিমং চ গাণ্ডিবম্।
চকর্ষ দোর্ভ্যোং বিহসন্ভৃশং যয়ৌ
দহংস্ৎবহীয়ান্যমরাষ্ট্রবর্ধনঃ॥ 7-146-112 (51374)
স তানুদীর্ণান্সরথান্সবারণা--
ন্পদাতিসঙ্ঘাংশ্চ মহাধনুর্ধরঃ।
বিপন্নসর্বায়ুধজীবিতান্রণে
চকার বীরো যমরাষ্ট্রবর্ধনান্॥ ॥ 7-146-113 (51375)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ষট্চৎবারিংশদধিকশততমোঽধ্যায়ঃ॥ 146 ॥
Mahabharata - Drona Parva - Chapter Footnotes
5-146-33 উপহতো মোহিতঃ। বিপরীতোঽন্যথাভূতপ্রকৃতিঃ॥ 5-146-41 দৃঢলক্ষ্যেণ দৃঢপ্রহারেণ॥ 5-146-45 প্রতিষ্ঠিতঃ অধীনঃ॥ 5-146-106 সর্বর্তোদারমস্ত্রং ইতি। ক.খ.ট.পাঠঃ। সর্বতঃ সারমস্ত্রং ইতি ঙ. পাঠঃ॥ 5-146-107 প্রাপ্য যুদ্ধমিতি শেষঃ॥ 5-146-110 আস্য সমন্ততঃ ক্ষিপ্ৎবা॥ 5-146-146 ষট্চৎবারিংশদধিকচততমোঽধ্যায়ঃ॥দ্রোণপর্ব - অধ্যায় 147
॥ শ্রীঃ ॥
7.147. অধ্যায়ঃ 147
Mahabharata - Drona Parva - Chapter Topics
অল্পশেষে দিবসে তিরোহিতে চ জয়দ্রথে কৃষ্ণেনান্ধকারসর্জনেন সূর্যবিম্বপিধানম্॥ 1 ॥ অদৃশ্যমানে ভানৌ জয়দ্রথে চ নিঃশঙ্কমাত্মানমাবিষ্কুর্বতি অর্জুনেন কৃষ্ণচোদনয়া তচ্ছিরশ্ছেদঃ॥ 2 ॥ কৃষ্ণেনার্জুনম্প্রতি জয়দ্রথশিরঃ বূতলে ন নিপাতনীয়মিত্যুক্তে তেন তম্প্রতি তৎকারণকথনপ্রার্থনা॥ 3 ॥Mahabharata - Drona Parva - Chapter Text
7-147-0 (51376)
সঞ্জয় উবাচ। 7-147-0x (4652)
শ্রুৎবা নিনাদং ধনুষশ্চ তস্য
বিস্পষৃমুৎকষ্টমিবান্তকস্য।
শক্রাশনিস্ফোটসমং সুঘোরং
বিকৃষ্যমাণস্য ধনঞ্জয়েন॥ 7-147-1 (51377)
ত্রাসোদ্বিগ্নং তথোদ্ধান্তং ৎবদীয়ং তদ্বলং নৃপ।
যুগান্তবাতসঙ্ক্ষুব্ধং চলদ্বীচিতরঙ্গিতম্।
প্রলীনমীনমকরং সাগরাম্ভ ইবাভবৎ॥ 7-147-2 (51378)
`মধ্যন্দিনগতং সূর্যমাপতন্তমিবাম্বরে।
ন শেকুঃ সর্বভূতানি পাণ্ডবং প্রতিবীক্ষিতুম্'॥ 7-147-3 (51379)
স রণে ব্যচরৎপার্থঃ প্রেক্ষ্যমাণো ধনঞ্জয়ঃ।
যুগপদ্দিক্ষু সর্বাসু সর্বাণ্যস্ত্রাণি দর্শয়ন্॥ 7-147-4 (51380)
আদদানং মহারাজ সন্দধানং চ পাণ্ডবম্।
উৎকর্ষন্তং সৃজন্তং চ ন স্ম পশ্যাম লাঘবাৎ॥ 7-147-5 (51381)
[ততঃ ক্রুদ্ধো মহাবাহুরৈন্দ্রমস্ত্রং দুরাসদম্।
প্রাদুশ্চক্রে মহারাজ ত্রাসয়ন্সর্বভারতান্॥ 7-147-6 (51382)
ততঃ শরাঃ প্রাদুরাসন্দিব্যাস্ত্রপ্রতিমন্ত্রিতাঃ।
প্রদীপাশ্চ শিখিমুখাঃ শতশোঽথ সহস্রশঃ॥ 7-147-7 (51383)
আকর্ণপূর্ণনির্মুক্তৈরগ্ন্যর্কাংশুনিভৈঃ শরৈঃ।
নভোঽভবত্তদ্দুষ্প্রেক্ষ্যমুল্কাভিরিব সংবৃতম্॥ 7-147-8 (51384)
ততঃ শস্ত্রান্ধকারং তৎকৌরবৈঃ সমুদীরিতম্।
অশক্যং মনসাঽপ্যন্যৈঃ পাণ্ডবঃ সম্ভ্রমন্নিব॥ 7-147-9 (51385)
নাশয়ামাস বিক্রম্য শরৈর্দিব্যাস্ত্রমন্ত্রিতৈঃ।
নৈশং তমোংশুভিঃ ক্ষিপ্রং দিনাদাবিব ভাস্করঃ॥ 7-147-10 (51386)
ততস্তু তাবকং সৈন্যং দীপ্তৈঃ শরগভস্তিভিঃ।
আক্ষিপৎপল্বলাম্বূনি নিদাঘার্ক ইব প্রভুঃ॥ 7-147-11 (51387)
ততো দিব্যাস্ত্রবিদুষা প্রহিতাঃ সায়কাংশবঃ।
সমাপ্লবন্দ্বিষৎসৈন্যং লোকং ভাগোরিবাংশবঃ॥ 7-147-12 (51388)
অথাপরে সমুৎসৃষ্টা বিশিখাস্তিগ্মতেজসঃ।
হৃদয়ান্যাশু বীরাণাং বিবিশুঃ প্রিয়বন্ধুবৎ॥ 7-147-13 (51389)
য এনমীয়ুঃ সমরে ৎবদ্যোধাঃ শূরমানিনঃ।
শলভা ইব তে দীপ্তমগ্নিং প্রাপ্য যয়ুঃ ক্ষয়ম্॥ 7-147-14 (51390)
এবং স মৃদ্রঞ্শত্রূণাং জীবিতানি যশাংসি চ।
পার্থশ্চচার সঙ্গ্রামে মৃত্যুর্বিগ্রহবানিব॥ 7-147-15 (51391)
স কিরীটানি বস্ত্রাণি সাঙ্গদান্বিপুলান্ভুজান্।
সকুণ্ডলয়ুগান্কর্ণান্কেষাঞ্চিদহরচ্ছরৈঃ॥ 7-147-16 (51392)
সতোমরান্গজস্থানাং সপ্রাসান্হয়সাদিনাম্।
সচর্মণঃ পদাতীনাং রথিনাং চ সধন্বনঃ।
সপ্রতোদান্নিয়ন্তৄণাং বাহূংশ্চিচ্ছেদ পাণ্ডবঃ॥ 7-147-17 (51393)
প্রদীপ্তোগ্রশরার্জিষ্মান্বভৌ তত্র ধনঞ্জয়ঃ।
সবিস্ফুলিঙ্গাগ্রশিখো জ্বলন্নিব হুতাশনঃ॥ 7-147-18 (51394)
তং দেবরাজপ্রতিমং সর্বশস্ত্রভৃতাং বরম্।
যুগপদ্দিক্ষু সর্বাসু রথস্থং পুরুষর্ষভম্॥ 7-147-19 (51395)
নিক্ষিপন্তং মহাস্ত্রাণি প্রেক্ষণীয়ং ধনঞ্জয়ম্।
নৃত্যন্তং রথমার্গেষু ধনুর্জ্যাতলনাদিনম্॥ 7-147-20 (51396)
নিরীক্ষিতুং ন শেকুস্তে যত্নবন্তোঽপি পার্থিবাঃ।
মধ্যন্দিনগতং সূর্যং প্রতপন্তমিবাম্বরে॥ 7-147-21 (51397)
দীপ্তোগ্রসম্ভৃতশরঃ কিরীটী বিররাজ হ।
বর্ষাস্বিবোদীর্ণজলঃ সেন্দ্রধন্বাম্বুদো মহান্॥ 7-147-22 (51398)
মহাস্ত্রসংপ্লুবে তস্মিঞ্জিষ্ণুনা সম্প্রবর্তিতে।
সুদুস্তরে মহাঘোরে মমজ্জুর্যোধপুঙ্গবাঃ॥ 7-147-23 (51399)
উৎকৃত্তবদনৈর্দেহৈঃ শরীরৈঃ কৃত্তবাহুভিঃ।
ভুজৈশ্চ পাণিনির্মুক্তৈঃ পাণিভির্ব্যঙ্গুলীকৃতৈঃ॥ 7-147-24 (51400)
কৃত্তাগ্রহস্তৈঃ করিভিঃ কৃত্তদন্তৈর্মদোৎকটৈঃ।
হয়ৈশ্চ বিধুরগ্রীবৈ রথৈশ্চ শকলীকৃতৈঃ॥ 7-147-25 (51401)
নিকৃত্তান্ত্রৈঃ কৃত্তপাদৈস্তথাঽন্যৈঃ কৃত্তসন্ধিভিঃ।
নিশ্চেষ্টৈর্বিস্ফুরদ্ভিশ্চ শতশোঽথ সহস্রশঃ॥ 7-147-26 (51402)
মৃত্যোরাঘাতললিতং তৎপার্থায়োধনং মহৎ।
অপশ্যাম মহীপাল ভীরূণাং ভয়বর্ধনম্॥ 7-147-27 (51403)
আক্রীডমিব রুদ্রস্য পুরাভ্যর্দয়তঃ পশূন্।
গজানাং ক্ষুরনির্মুক্তৈঃ করৈঃ সভুজগেব ভূঃ॥ 7-147-28 (51404)
ক্বজিদ্বভৌ স্রগ্বিণীব বক্ত্রপদ্মৈঃ সমাচিতা।
বিচিত্রোষ্ণীষমুকুটৈঃ কেয়ূরাঙ্গদকুণ্ডলৈঃ॥ 7-147-29 (51405)
স্বর্ণচিত্রতনুত্রৈশ্চ ভাণ্ডৈশ্চ গজবাজিনাম্।
কিরীটশতসঙ্গীর্ণা তত্র তত্র সমাচিতা।
বিরাজ ভৃশং চিত্রা মহী নববধূরিব॥ 7-147-30 (51406)
মজ্জামেদঃকর্দমিনীং শোণিতৌঘতরঙ্গিণীম্।
মর্মাস্থিভিরগাধাং চ কেশশৈবলশাদ্বলাম্॥ 7-147-31 (51407)
শিরোবাহূপলতটাং রুগ্ণক্রোডাস্থিসঙ্কটাম্।
চিত্রধ্বজপতাকাঢ্যাং ছত্রাচাপোর্মিমালিনীম্॥ 7-147-32 (51408)
বিগতাসুমহাকায়াং গজদেহাভিসঙ্কুলাম্।
রথোডুপশতাকীর্ণাং হয়সঙ্ঘাতরোধসম্॥ 7-147-33 (51409)
রথচক্রয়ুগেষাক্ষকূবরৈরতিদুর্গমাম্।
প্রাসাসিশক্তিপরশুবিশিখাহিদুরাসদাম্॥ 7-147-34 (51410)
বলকঙ্কুমহানক্রাং গোমায়ুমকরোৎকটাম্।
গৃঘ্রোদগ্রমহাগ্রাহাং শিবাবিরুতভৈরবাম্॥ 7-147-35 (51411)
নৃত্যৎপ্রেতপিশাচাদ্যৈর্ভূতাকীর্ণাং সহস্রশঃ।
গতাসুয়োধনিশ্চেষ্টশরীরশতবাহিনীম্॥ 7-147-36 (51412)
মহাপ্রতিভয়াং রৌদ্রাং ঘোরাং বৈতরণীমিব।
নদীং প্রবর্তয়ামাস ভীরূণাং ভয়বর্ধিনীম্॥ 7-147-37 (51413)
তং দৃষ্ট্বা তস্য বিক্রান্তমন্তকস্যেব রূপিণঃ।
অভূতপূর্বং কুরুষু ভয়মাগাদ্রণাজিরে॥ 7-147-38 (51414)
তত আদায় বীরাণামস্ত্রৈরস্ত্রাণি পাণ্ডবঃ।
আত্মানং রৌদ্রমাচষ্ট রৌদ্রকর্মণ্যধিষ্ঠিতঃ॥ 7-147-39 (51415)
ততো রথবরান্রাজন্নত্যতিক্রামদর্জুনঃ॥] 7-147-40 (51416)
মধ্যন্দিনগতং সূর্যং প্রতপন্তমিবাম্বরে।
ন শেকুঃ সর্বভূতানি পাণ্ডবং প্রতিবীক্ষিতুম্॥ 7-147-41 (51417)
প্রসৃতাংস্তস্য গাণ্ডীবাচ্ছরব্রাতান্মহাত্মনঃ।
সঙ্গ্রামে সম্প্রপশ্যামো হংসপঙ্ক্তিরিবাম্বরে॥ 7-147-42 (51418)
বিনিবার্য স বীরাণামস্ত্রৈরস্ত্রাণি সর্বতঃ।
দর্শয়ন্রৌদ্রমাত্মানমুগ্রে কর্মণি ধিষ্ঠিতঃ॥ 7-147-43 (51419)
স তান্রথবরান্রাজন্নত্যাক্রামত্তদাঽর্জুনঃ।
মোহয়ন্নিব নারাচৈর্জয়দ্রথবধেপ্সয়া॥ 7-147-44 (51420)
বিসৃজন্দিক্ষু সর্বাসু শরানচ্যুতসারথিঃ।
সরথো ব্যচরত্তূর্ণং প্রেক্ষণীয়ো ধনঞ্জয়ঃ॥ 7-147-45 (51421)
ভ্রমন্ত ইব শূরস্য শরব্রাতাঃ মহাত্মনঃ।
অদৃশ্যন্তান্তরিক্ষস্থাঃ শতশোঽথ সহস্রশঃ॥ 7-147-46 (51422)
আদদানং মহেষ্বাসং সন্দধানং চ সায়কম্।
বিসৃজন্তং চ কৌন্তেয়ং নানুপশ্যাম বৈ তদা॥ 7-147-47 (51423)
তথা সর্বা দিশো রাজন্সর্বাংশ্চ রথিনো রণে।
আকুলীকৃত্য কৌন্তেয়ো জয়দ্রথমুপাদ্রবৎ।
বিব্যাধ চ চতুঃষষ্ট্যা শরাণাং নতপর্বণাম্॥ 7-147-48 (51424)
[সৈন্ধবাভিমুখং যান্তং যোধাঃ সম্প্রেক্ষ্য পাণ্ডবম্।
ন্যবর্তন্ত রণাদ্বীরা নিরাশাস্তস্য জীবিতে॥ 7-147-49 (51425)
যো যোঽভ্যধাবদাক্রন্দে তাবকঃ পাণ্ডবং রণে।
তস্যতস্যান্তগা বাণাঃ শরীরে ন্যপতন্প্রভো॥ 7-147-50 (51426)
কবন্ধসঙ্কুলং চক্রে তব সৈন্যং মহারথঃ।
অর্জুনো জয়তাং শ্রেষ্ঠঃ শরৈরগ্ন্যংশুসন্নিভৈঃ॥ 7-147-51 (51427)
এবং তত্তব রাজেন্দ্র চতুরঙ্গবলং তদা।
ব্যাকুলীকৃত্য কৌন্তেয়ো জয়দ্রথমুপাদ্রবৎ॥ 7-147-52 (51428)
দ্রৌণিং পঞ্চাশতাঽবিধ্যদ্বৃষসেনং ত্রিভিঃ শরৈঃ।
কৃপায়মাণঃ কৌন্তেয়ঃ কৃপং নবভিরার্দয়ৎ॥ 7-147-53 (51429)
শল্যং ষোডশভির্বাণৈঃ কর্ণং দ্বাত্রিংশতা শরৈঃ।
সৈন্ধবং তু চতুঃষষ্ট্যা বিদ্ব্বা সিংহ ইবানদৎ॥] 7-147-54 (51430)
সৈন্ধবস্তু তথা বিদ্ধঃ শরৈর্গাণ্ডীবধন্বনা।
ন চক্ষমে সুসঙ্ক্রুদ্ধস্তোত্রার্দিত ইব দ্বিপঃ॥ 7-147-55 (51431)
স বরাহধ্বজস্তূর্ণং গার্ধ্রপত্রানজিহ্মগান্।
ক্রুদ্ধাশীবিষসঙ্কাশান্কর্মারপরিমার্জিতান্॥ 7-147-56 (51432)
আকর্ণপূর্ণাংশ্চিক্ষেপ ফল্গুনস্য রথং প্রতি।
ত্রিভিস্তু বিদ্বা গোবিন্দং নারাচৈঃ ষড্ভিরর্জুনম্॥ 7-147-57 (51433)
অষ্টভির্বাজিনোঽবিধ্যদ্ধ্বজং চৈকেন পত্রিণা।
`ভূয়শ্চৈবার্জুনং সঙ্খ্যে শরবর্ষৈরবাকিরৎ'॥ 7-147-58 (51434)
স বিক্ষিপ্যার্জুনস্তূর্ণং সৈন্ধবপ্রহিতাঞ্শরান্।
যুগপত্তস্য চিচ্ছেদ শরাভ্যাং সৈন্ধবস্য হ।
সারথেশ্চ শিরঃ কায়াদ্ব্বজং চ সমলঙ্কৃতম্॥ 7-147-59 (51435)
স চ্ছিন্নয়ষ্টিঃ সুমহান্ধনঞ্জয়শরাহতঃ।
বরাহঃ সিন্ধুরাজস্য পপাতেন্দুসমপ্রভঃ॥ 7-147-60 (51436)
আদিত্যং প্রেক্ষমাণস্তু বীভৎসুঃ সৃক্বিণী লিহন্।
অপশ্যন্নান্তরং তস্য রক্ষিভিঃ সংবৃতস্য বৈ॥ 7-147-61 (51437)
অভবক্ত্রোধরক্তাক্ষো ব্যাত্তানন ইবান্তকঃ।
অথাব্রবীদ্বাসুদেবঃ কুন্তীপুত্রং ধনঞ্জয়ম্॥ 7-147-62 (51438)
নৈব শক্যস্ৎবয়া হন্তুং নির্ব্যাজং ভরতর্ষভ।
স্রক্ষ্যাম্যহমুপায়ং তমাদিত্যস্যাপবারণে।
ততোঽস্তং গতমাদিত্যং মংস্যতে সিন্ধুরাডিহ॥ 7-147-63 (51439)
ততোঽস্য বিস্ময়ঃ পার্থ হর্ষশ্চৈব ভবিষ্যতি।
আত্মজীবিতলাভাচ্চ প্রতিজ্ঞায়াশ্চ নাশনাৎ॥ 7-147-64 (51440)
অস্তঙ্গতমিবাদিত্যং দৃষ্ট্বা মোহেন বালিশঃ।
ন হি শক্ষ্যত্যথাঽঽত্মানং রক্ষিতুং হর্ষসম্ভবাৎ॥ 7-147-65 (51441)
এতস্মিন্নেব কালে তু প্রহর্তব্যং ধনঞ্জয়।
জয়দ্রথস্য ক্ষুদ্রস্য সবিদুর্দর্শনার্থিনঃ॥ 7-147-66 (51442)
সঞ্জয় উবাচ। 7-147-67x (4653)
এবমুক্ৎবা ততঃ পার্থং ক্ষিপ্রমেবাহরৎপ্রভাম্।
জনার্দনেন সৃষ্টং বৈ তম আদিত্যনাশনম্॥ 7-147-67 (51443)
পার্থস্য বলমজ্ঞানাত্তমো দৃষ্ট্বা সুদুঃখিতম্।
অভবংস্তাবকা যোধা হর্ষসঙ্কুলচেতসঃ॥ 7-147-68 (51444)
তে প্রহৃষ্টা রণে রাজন্নপশ্যন্সৈনিকা রবিম্।
উন্নাম্য বক্ত্রাণি তদা স চ রাজা জয়দ্রথঃ॥ 7-147-69 (51445)
বীক্ষমাণে ততস্তস্মিন্সিন্ধুরাজে দিবাকরম্।
উন্নময়্য শিরোগ্রীবাং বীক্ষতে সূর্যমণ্ডলম্।
তস্য শীঘ্রং পৃষৎকেন কায়াচ্ছীর্ষমপাহর॥ 7-147-70 (51446)
কেশবেনৈবমুক্তঃ সন্নমর্ষাদ্রক্তলোচনঃ।
উদ্ববর্হ শরং তীক্ষ্ণমমরৈরপি দুঃসহম্॥ 7-147-71 (51447)
এবং তূণীশয়ং ঘোরমিন্দ্রাশনিসমপ্রভম্।
বর্মভেদিনমত্যর্থং গন্ধমাল্যার্চিতং সদা।
বিসসর্জ ততস্তূর্ণং সৈন্ধবস্য রথং প্রতি॥ 7-147-72 (51448)
স তু গাণ্ডীবনির্মুক্তঃ শরঃ শ্যেন ইবাশুনঃ।
শকুন্তমিব বৃক্ষাগ্রাৎসৈন্ধবস্যাহরচ্ছিরঃ॥ 7-147-73 (51449)
প্রপতিষ্যতি শীর্ষে তু কৃষ্ণোঽর্জুনমথাব্রবীৎ।
পার্থ পার্থ শিরো হ্যেতদ্যথা নেয়ান্মহীতলম্।
তথা কুরু কুরুশ্রেষ্ঠ বক্ষ্যে তস্যাপি কারণম্॥ 7-147-74 (51450)
শ্রুৎবা তু বচনং তস্য ৎবরমাণোঽস্ত্রমায়যা।
তথাঽহরচ্ছিরস্তস্য শরৈরূর্ধ্বং ধনঞ্জয়ঃ।
দুর্হৃদামপহর্ষায় সুহৃদাং হর্ষণায় চ॥ 7-147-75 (51451)
তির্যগূর্ধ্বমধশ্চৈব পুনরূর্ধ্বমথাপি চ।
দীর্ঘকালমবাক্বৈব সম্প্রক্রীডন্নিবার্জুনঃ॥ 7-147-76 (51452)
তৎসৈন্যং সর্বতোপশ্যন্মহদাশ্চর্যমদ্ভুতম্।
প্রাপয়ৎস শিরো যস্মাদ্যোধয়ন্নেব পার্থিবান্॥ 7-147-77 (51453)
শরৈঃ কন্দুকবৎকৃৎবা তস্যালোকায় পাণ্ডবঃ।
স্যমন্তপঞ্চকাদ্বাহ্যে শিরস্তদহরচ্ছরৈঃ॥ 7-147-78 (51454)
জয়দ্রথস্যার্জুনবাণনালং
মুখারবিন্দং রুধিরাম্বুসিক্তম্।
দৃষ্টং নরৈশ্চোপরিবর্তমানং
বিদ্যাধরোৎসৃষ্টমিবৈকপদ্মম্॥ 7-147-79 (51455)
স দেবশত্রূনিব দেবরাজঃ
কিরীটমালী ব্যধমৎসপত্নান্।
যথা তমাংস্যভ্যুদিতস্তমোঘ্নঃ
পূর্ণাং প্রতিজ্ঞাং স সমাপ্য বীরঃ॥ 7-147-80 (51456)
অথাব্রবীৎকেশবং পাণ্ডবেয়ঃ
কিয়ন্তমধ্যবানমিদং হরামি।
কিমর্থমেতন্ন নিপাত্যমুর্ব্যাং
ক্ব চ প্রয়াতব্যমিদং চ শংস।
শক্নোম্যহং যত্র ভবান্ব্রবীতি 7-147-81 (51457)
7-147-81f"
তং ভূমিদেশং চ শিরো বিনেতুম্॥ ॥
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে সপ্তচৎবারিংশদধিকশততমোঽধ্যায়ঃ॥ 147 ॥
Mahabharata - Drona Parva - Chapter Footnotes
5-147-6 কুণ়্ডলিতঃ পাঠো ঝ. পুস্তক এবাস্তি॥ 5-147-49 কুণ্ডলিতঃ পাঠঃ ঝ.পুস্তক এব বিদ্যতে॥ 5-147-67 উক্তা সৃষ্টং তমঃ কর্তৃ প্রভামহরদিত্যন্বয়ঃ॥ 5-147-68 বলং সৈন্যং কর্তৃ॥ 5-147-147 সপ্তচৎবারিংশদধিকশততমোঽধ্যায়ঃ॥ 5-147-* অথাব্রবীদিত্যাদীনাং বীক্ষতে সূর্যমণ্ডলং ইত্যন্তানাং শ্লোকানাং স্থানে অধোলিখিতাঃ শ্লোকাঃ ঙ.পুস্তকে বর্তন্তে। অনস্তমিত আদিত্যে অতান্নির্জিত্য সৈন্ধবঃ। ন শক্যোহন্তুমিত্যেবং মন্যমানো জনার্দনঃ॥ 1 ॥ সস্মার চক্রং দৈত্যারির্হরিশ্চক্রং সুদর্শনম্। তদাদিদেশ ভগবান্স্মৃতমাত্রমুপস্থিতম্॥ 2 ॥ অস্তং গতমিবাদিত্যং তমসা চ্ছাদয়েতি চ। তত্তথোক্তং ভগবতা তমো ভূৎবা বিশাম্পতে॥ 3 ॥ অন্ধং তম ইবাজ্ঞানামাদিত্যস্যাহরৎপ্রভাম্। উন্নময়্য শিরোগ্রীবামপশ্যৎসৈন্ধবো রবিম্॥ 4 ॥ অথার্জুনং হৃষীকেশঃ শোকপূর্ণমথাধ্রবীৎ। পশ্য কৌন্তেয় সিন্ধূনামধিপং পাপকারিণম্॥ 5 ॥ এষ তিষ্ঠতি মধ্যে বৈ স্যন্দনস্য ধনঞ্জয়।দ্রোণপর্ব - অধ্যায় 148
॥ শ্রীঃ ॥
7.148. অধ্যায়ঃ 148
Mahabharata - Drona Parva - Chapter Topics
কৃষ্ণেনার্জুনং প্রতি সৈন্ধবমূর্ধ্নো ধরণ্যামনিপাতনীয়ৎবে কারণাভিধানম্॥ 1 ॥ কৃষ্ণাজ্ঞয়াঽর্জুনেন স্যমন্তপঞ্চকে সন্ধ্য মুপাসমানস্য বৃদ্ধক্ষত্রস্যোৎসঙ্গে জয়দ্রথশিরসো নিপাতনম্॥ 2 ॥ উত্তিষ্ঠমানস্য তস্যোৎসঙ্গাচ্ছিরসি ধরণৌ পতিতে বৃদ্ধ ক্ষত্রমূর্ধ্নো বিদারণম্॥ 3 ॥Mahabharata - Drona Parva - Chapter Text
7-148-0 (51458)
সঞ্জয় উবাচ। 7-148-0x (4654)
এবস্মিন্নেব কালে তু ৎবরমাণে দিবাকরে।
অব্রবীৎপাণ্ডবং তত্র ৎবরমাণো জনার্দনঃ॥ 7-148-1 (51459)
পার্থ পার্থ শিরো হ্যেনদ্যৎকৃতে ন পতেদ্ভুবি।
শ্রূয়তাং তদ্যথাবৃত্তং কারণং সৈন্ধবং *প্রতি॥ 7-148-2 (51460)
বৃদ্ধক্ষত্রঃ সৈন্ধবস্য পিতা জগতি বিশ্রুতঃ।
স চ ঘোরেণ তপসা দৈন্ধবং প্রাপ্তবান্সুতম্॥ 7-148-3 (51461)
জয়দ্রথমমিত্রঘ্নং বাগুবাচাশরীরিণী।
নৃপমন্তর্হিতা বাণী মেঘদুন্দুভিনিঃস্বনা॥ 7-148-4 (51462)
তবাত্মজো মনুষ্যেন্দ্র কুলশীলদমাদিভিঃ।
গুণৈর্ভবিষ্যতি বিভো সদৃশো বংশয়োর্দ্বয়োঃ।
ক্ষত্রিয়প্রবরো লোকে নিত্যং শূরাভিসৎকৃতঃ॥ 7-148-5 (51463)
শিরশ্ছেৎস্যতি সঙ্ক্রুদ্ধঃ শত্রুশ্চালক্ষিতো ভুবি॥ 7-148-6 (51464)
এতচ্ছ্রুৎবা সিন্ধুরাজো ধ্যাৎবা চিরমরিন্দমঃ।
জ্ঞাতীন্সর্বানুবাচেদং পুত্রস্নেহাভিচোদিতঃ॥ 7-148-7 (51465)
সঙ্গ্রামে যুধ্যমানস্য বহতো মহতীং ধুরম্।
ধরণ্যাং মম পুত্রস্য পাতয়িষ্যতি যঃ শিরঃ॥ 7-148-8 (51466)
তস্যাপি শতধা মূর্ধা ফলিষ্যতি ন সংশয়ঃ।
`যদি চেদস্তি মে লাভস্তপসো বা দমস্য বা'॥ 7-148-9 (51467)
এবমুক্ৎবা ততো রাজ্যে স্থাপয়িৎবা জয়দ্রথম্।
বৃদ্ধক্ষত্রো বনং যাতস্তপশ্চোগ্রং সমাস্থিতঃ॥ 7-148-10 (51468)
সোঽয়ং তপ্যতি তেজস্বী তপো ঘোরং দুরাসদম্।
স্যমন্তপঞ্চকাদস্মাদ্বহির্বানরকেতন॥ 7-148-11 (51469)
তস্মাজ্জয়দ্রথস্য ৎবং শিরশ্ছিত্ৎবা মহামৃধে।
দিব্যেনাস্ত্রেণ রিপুহন্ঘোরেণাদ্ভুতকর্মণা॥ 7-148-12 (51470)
সকুণ্ডলং সিন্ধুপতেঃ প্রভঞ্জনসুতানুজ।
উৎসঙ্গে পাতয়স্বাস্য বৃদ্ধক্ষত্রস্য ভারত॥ 7-148-13 (51471)
অথ ৎবমস্য মূর্ধানং পাতয়িষ্যসি ভূতলে।
তবাপি শতধা মূর্ধা ফলিষ্যতি ন সংশয়ঃ॥ 7-148-14 (51472)
যথা চেদং ন জানীয়াৎস রাজা তপসি স্থিতঃ।
তথা কুরু কুরুশ্রেষ্ঠ দিব্যমস্ত্রমুপাশ্রিতঃ॥ 7-148-15 (51473)
ন হ্যসাধ্যমকার্যং বা বিদ্যতে তব কিঞ্চন।
সমস্তেষ্বপি লোকেষু ত্রিষু বাসবনন্দন॥ 7-148-16 (51474)
`যথৈতৎসৈন্ধবশিরঃ শরৈরেব ধনঞ্জয়।
বৃদ্ধক্ষত্রে পতত্যেব তথা নীতির্বিধীয়তাম্'॥ 7-148-17 (51475)
সঞ্জয় উবাচ। 7-148-18x (4655)
ততঃ সুমহদাশ্চর্যং তত্রাপশ্যাম ভারত।
স্যমন্তপঞ্চকাদ্বাহ্যং শিরো যদ্ব্যহরত্ততঃ॥ 7-148-18 (51476)
এতস্মিন্নেব কালে তু বৃদ্ধক্ষত্রো মহীপতিঃ।
সন্ধ্যামুপাস্তে তেজস্বী সম্বন্ধী তব মারিষ॥ 7-148-19 (51477)
উপাসীনস্য তস্যাথ কৃষ্ণকেশং সকুণ্ডলম্।
সিন্ধুরাজস্য মূর্ধানমুৎসঙ্গে সমপাতয়ৎ॥ 7-148-20 (51478)
তস্যোৎসঙ্গে নিপতিতং শিরস্তচ্চারুকুণ্ডলম্।
বৃদ্ধক্ষত্রস্য নৃপতেরলক্ষিতমরিন্দম॥ 7-148-21 (51479)
কৃতজপ্যস্য তস্যাথ বৃদ্ধক্ষত্রস্য ভারত।
প্রোত্তিষ্ঠতস্তৎসহসা শিরোঽগচ্ছদ্বরাতলম্॥ 7-148-22 (51480)
ততস্তস্য নরেন্দ্রস্য পুত্রমূর্ধনি ভূতলে।
গতে তস্যাপি শতধা মূর্ধাঽগচ্ছদরিন্দম॥ 7-148-23 (51481)
ততঃ সর্বাণি সৈন্যানি বিস্ময়ং জগ্মুরুত্তমম্।
বাসুদেবশ্চ বীভৎসুং প্রশশংস মহারথম্॥ 7-148-24 (51482)
`ততো দৃষ্ট্বা বিনিহতং সিন্ধুরাজং জয়দ্রথম্।
কর্মণা তেন পার্থস্য বিস্মিতাঃ সর্বদেবতাঃ॥ 7-148-25 (51483)
সর্বদা সমরে যস্য গোপ্তা নিত্যং জনার্দনঃ।
কথং তস্য জয়ো ন স্যাদিতি ভূতানি মেনিরে॥ 7-148-26 (51484)
এতদর্থং শিরস্তস্য ব্যাপয়ামাস পাণ্ডবঃ।
স্যমন্তপঞ্চকাদ্বাহ্যং শরৈরেব যথাক্রমম্॥ 7-148-27 (51485)
কৃৎবা তচ্চ মহৎকর্ম নিহত্য চ জয়দ্রথম্।
অস্ত্রং পাশুপতং পার্থঃ সংহর্তুমুপচক্রমে॥ 7-148-28 (51486)
সংহরত্যপি কৌন্তেয়ে তদস্ত্রং তত্র ভারত।
ববৌ শীতঃ সুগন্ধশ্চ পবনো হ্লাদয়ন্নিব॥ 7-148-29 (51487)
সংহারং চ প্রমোক্ষং চ দৃষ্ট্বা তত্র দিবৌকসঃ।
বিস্ময়ং পরমং জগ্মুঃ প্রশশংসুশ্চ পাণ্ডবম্॥ 7-148-30 (51488)
এবমস্ত্রেণ তান্বীরো যোধয়িৎবা ধনঞ্জয়ঃ।
জয়দ্রথশিরঃ পশ্চাদ্ব্যাপয়ামাস পাণ্ডবঃ॥ 7-148-31 (51489)
তচ্ছিরশ্চ্যাবমানং তু দদৃশুস্তাবকা যুধি।
শল্যকর্ণকৃপা রাজন্মোহিতাঃ সব্যসাচিনা॥ 7-148-32 (51490)
শিরসি চ্যাবিতে তস্য শরৈরাশীবিষোপমৈঃ।
পশ্চাৎকায়োঽপতদ্ভূমিং শোচয়ন্সর্বপার্থিবান্॥ 7-148-33 (51491)
দৃষ্ট্বা তু নিহতং সঙ্খ্যে সিন্ধুরাজং মহারথম্।
পুত্রাণাং তব নেত্রেভ্যো দুঃখাদাস্রং প্রবর্তত'॥ 7-148-34 (51492)
ততো বিনিহতে রাজন্সিন্ধুরাজে কিরীটিনা।
তমস্তদ্বাসুদেবেন সংহৃতং ভরতর্ষভ॥ 7-148-35 (51493)
পশ্চাজ্জ্ঞাতং মহীপাল তব পুত্রৈঃ সহানুগৈঃ।
বাসুদেবপ্রয়ুক্তেয়ং মায়েতি নৃপসত্তম॥ 7-148-36 (51494)
এবং স নিহতো রাজন্পার্থেনামিততেজসা।
অক্ষৌহিণীরষ্ট হৎবা জামাতা তব সৈন্ধবঃ॥ 7-148-37 (51495)
হতং জয়দ্রথং দৃষ্ট্বা তব পুত্রা নরাধিপ।
দুঃখাদশ্রূণি মুমুচুর্নিরাশাশ্চাভবঞ্জয়ে॥ 7-148-38 (51496)
ততো জয়দ্রথে রাজন্হতে পার্থেন কেশবঃ।
দধ্মৌ শঙ্খং মহাবাহুরর্জুনশ্চ পরন্তপঃ॥ 7-148-39 (51497)
ভীমশ্চ বৃষ্ণিসিংহশ্চ যুধামন্যুশ্চ ভারত।
উত্তমৌজাশ্চ বিক্রান্তঃ শঙ্খান্দধ্মুঃ পৃথক্পৃথক্॥ 7-148-40 (51498)
শ্রুৎবা মহান্তং তং শব্দং ধর্মরাজো যুধিষ্ঠিরঃ।
সৈন্ধনং নিহতং মেনে ফল্গুনেন মহাত্মনা॥ 7-148-41 (51499)
ততো বাদিত্রঘোষেণ স্বান্যোধান্পর্যহর্ষয়ৎ।
অভ্যবর্তত সঙ্গ্রামে ভারদ্বাজং যুয়ুৎসয়া॥ 7-148-42 (51500)
ততঃ প্রববৃতে রাজন্নস্তং গচ্ছতি ভাস্করে।
দ্রোণস্য সোমকৈঃ সার্ধং সঙ্গ্রামো রোমহর্ষণঃ॥ 7-148-43 (51501)
তে তু সর্বে প্রয়ত্নেন ভারদ্বাজং জিঘাংসবঃ।
সৈন্ধবে নিহতে রাজন্নয়ুধ্যন্ত মহারথাঃ॥ 7-148-44 (51502)
পাণ্ডবাস্তু জয়ং লব্ধ্বা সৈন্ধবং বিনিহত্য চ।
অয়োধয়ংস্তু তে দ্রোণং জয়োঽন্মত্তাস্ততস্ততঃ॥ 7-148-45 (51503)
অর্জুনোঽপি ততো যোধাংস্তাবকান্রথসত্তমান্।
অয়োধয়ন্মহাবাহুর্হৎবা সৈন্ধবকং নৃপম্॥ ॥ 7-148-46 (51504)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিসয়ুদ্ধে অষ্টচৎবারিংশদধিকশততমোঽধ্যায়ঃ॥ 148 ॥
Mahabharata - Drona Parva - Chapter Footnotes
5-148-* 147 তমাধ্যায়ে আদিত্যং প্রেক্ষমাণস্তু ইত্যাদি 61 তমশ্লোকমারভ্য 148 তমাধ্যায়ে শ্রূয়তাং তদ্যথাবৃত্তং কারণং সৈন্ধবং প্রতীতি 2 তীয়শ্লোকপর্যন্তং বিদ্যমানানাং 23 বিংশতিশ্লোকানাং স্থানে গ.ঘ.ঙ.ঝ.পুস্তকেষু অধোলিখিতাঃ 45 শ্লোকা দৃশ্যন্তে। এতস্মিন্নেব কালে তু দ্রুতং গচ্ছতি ভাস্করে। অব্রবীৎপাণ্ডবং রাজংস্ৎবরমাণো জনার্দনঃ॥ 1 ॥ এষ মধ্যে কৃতঃ ষড্ভিঃ পার্থ বীরৈর্মহারথৈঃ। জীবিতেপ্সুর্মহাবাহো ভীতস্তিষ্ঠতি সৈন্ধবঃ॥ 2 ॥ এতাননির্জিত্য রণে ষড্রথান্পুরুষর্ষভ। ন শক্যঃ শৈন্ধবো হন্তুং যতো নির্ব্যাজমর্জুন॥ 3 ॥ যোগমত্র বিধাস্যামি সূর্যস্যাবরণং প্রতি। অস্তং গত ইতি ব্যক্তং দ্রক্ষ্যত্যেকঃ স সিন্ধুরাট্॥ 4 ॥ হর্ষেণ জীবিতাকাঙ্ক্ষী বিনাশার্থং তব প্রভো। ন গোপ্স্যতি দুরাচারঃ স আত্মানং কথঞ্চন॥ 5 ॥ তত্র চ্ছিদ্রে প্রহর্তব্যং ৎবয়াস্ত কুরুসত্তম। ব্যপেক্ষা নৈব কর্তব্যা গতোঽস্তমিতি ভাস্করঃ॥ 6 ॥ এবমস্ৎবিতি বীভৎসুঃ কেশবং প্রত্যভাষত। ততোঽসৃজত্তমঃ কৃষ্ণঃ সূর্যস্যাবরণং প্রতি॥ 7 ॥ যোগী যোগেন সংয়ুক্তো যোগিনামীশ্বরো হরিঃ॥ 8 ॥ সৃষ্টে তমসি কৃষ্ণেন গতোঽস্তমিতি ভাস্করঃ। ৎবদীয়া জহৃষুর্যোধাঃ পার্থনাশান্নরাধিপ॥ 9 ॥ তে প্রহৃষ্টা রণে রাজন্নাপশ্যন্সৈনিকা রবিম্। উন্নাম্য বক্ত্রাণি তদা স চ রাজা জয়দ্রথঃ॥ 10 ॥ বীক্ষমাণে ততস্তস্মিন্সিন্ধুরাজে দিবাকরম্। পুনরেবাব্রবীৎকৃষ্ণো ধনঞ্জয়মিদং বচঃ॥ 11 ॥ পশ্য সিন্ধুপতিং বীরং প্রেক্ষমাণং দিবাকরম্। ভয়ং হি বিপ্রমুচ্যৈতত্ৎবত্তো ভরতসত্তম॥ 12 ॥ অয়ং কালো মহাবাহো বধায়াস্য দুরাত্মনঃ। ছিন্ধি মূর্ধানমস্যাশু কুরু সাফল্যমাত্মনঃ॥ 13 ॥ ইত্যেবং কেশবোনোক্তঃ পাণ্ডুপুত্রঃ প্রতাপবান্। ন্যবধীত্তাবকং সৈন্যং শরৈরর্কাগ্নিসন্নিভৈঃ॥ 14 ॥ কৃপং বিব্যাধ বিংশত্যা কর্ণং পঞ্চাশতা শরৈঃ। শল্যং দুর্যোধনং চৈব ষড্ভিঃ ষড্ভিরতাডয়ৎ॥ 15 ॥ বৃষসেনং তথাষ্টাভিঃ ষষ্ট্যা সৈন্ধবমেব চ। তথৈব স মহাবাহুস্ৎবদীয়ান্পাণ্ডুনন্দনঃ। গাঢং বিদ্ধ্বা শরৈ রাজঞ্জয়দ্রথমুপাদ্রবৎ॥ 16 ॥ তং সমীপস্থিতং দৃষ্ট্বা লেলিহানমিবানলম্। জয়দ্রথস্য গোপ্তারঃ সংশয়ং পরমং গতাঃ॥ 17 ততঃ সর্বে মহারাজ তব যোধা জয়ৈষিণঃ। সিষিচুঃ শরধারাভিঃ পাকশাসনিমাহবে॥ 18 সঞ্ছাদ্যমানঃ কৌন্তেয়ঃ শরজালৈরনেকশঃ। অক্রুধ্যৎস মহাবাহুরজিতঃ কুরুনন্দনঃ॥ 19 ॥ ততঃ শরময়ং জালং তুমুলং পাকশাসনিঃ। ব্যসৃজৎপুরুষব্যাঘ্রস্তব সৈন্যজিঘাংসয়া॥ 20 ॥ তে হন্যমানা বীরণে যোধা রাজন্রণে তব। প্রজহুঃ সৈন্ধবং ভীতা দ্বৌ সমং নাপ্যধাবতাম্॥ 21 ॥ তত্রাদ্ভুতমপশ্যাম কুন্তীপুত্রস্য বিক্রমম্। তাদৃঙ্গ ভাবী ভূতো বা যচ্চকার মহায়শাঃ॥ 22 ॥ দ্বিপান্দ্বিপগতাংশ্চৈব হয়ান্হয়গতানপি। তথা স রথিনশ্চৈব ন্যহন্রুদ্রঃ পশূনিব॥ 23 ॥ ন তত্র সমরে কশ্চিন্ময়া দৃষ্টো নরাধিপ। গজো বাজী নরো বাপি যো ন পার্থশরাহতঃ॥ 24 ॥ রজসা তমসা চৈব যোধাঃ সঞ্ছন্নচক্ষুষঃ। কশ্মলং প্রাবিশন্ঘোরং নান্বজানন্পরস্পরম্॥ 25 ॥ তে শরৈর্ভিন্নমর্মাণঃ সৈনিকাঃ পার্থচোদিতৈঃ। বভ্রমুশ্চস্খলুঃ পেতুঃ সেদুর্মম্লুশ্চ ভারত॥ 26 ॥ তস্মিংন্মহাভীষণকে প্রজানামিব সঙ্ক্ষয়ে। রণে মহতি দুষ্পারে বর্তমানে সুদারুণে॥ 27 ॥ শোণিতস্য প্রসেকেন শীঘ্রৎবাদনিলস্য চ। অশাম্যত্তদ্রজো ভৌমমসৃক্সিক্তে ধরাতলে॥ 28 ॥ আনাভি নিরমজ্জংশ্চ রথচক্রাণি শোণিতে। মত্তা বেগবতা রাজংস্তাবকানাং রণাঙ্গণে॥ 29 ॥ হস্তিনশ্চ হতারোহা দারিতাঙ্গাঃ সহস্রশঃ। স্বান্যনীকানি মৃদ্গন্ত আর্তনাদাঃ প্রদুদ্রুবুঃ॥ 30 ॥ হয়াশ্চ পতিতারোহাঃ পত্তয়শ্চ নরাধিপ। প্রদুদ্রুবুর্ভয়াদ্রাজন্ধনঞ্জয়শরাহতাঃ॥ 31 ॥ মুক্তকেশা বিকবচাঃ ক্ষরন্তঃ ক্ষতজং ক্ষতৈঃ। প্রাপলায়ন্ত সন্ত্রস্তাস্ত্যক্ৎবা রণশিরো জনাঃ॥ 32 ॥ ঊরুগ্রাহগৃহীতাশ্চ কেচিত্তত্রাভবন্ভূবি। হতানাং চাপরে মধ্যে দ্বিরদানাং নিলিল্যিরে॥ 33 ॥ এবং তব বলং রাজন্দ্রাবয়িৎবা ধনঞ্জয়ঃ। ন্যবধীৎসায়কৈর্ঘোরৈঃ সিন্ধুরাজস্য রক্ষিণঃ॥ 34 ॥ দ্রৌণিং কৃপং কর্ণশল্যৌ বৃষসেনং সুয়োধনম্। ছাদয়ামাস তীব্রেণ শরজালেন পাণ্ডবঃ॥ 35 ॥ ন গৃহ্ণন্নক্ষিপরন্রাজন্মুঞ্চন্নাপি চ সন্দধৎ। অদৃশ্যতার্জুনঃ সঙ্খ্যে শীঘ্রাস্ত্রৎবাৎকথঞ্চন॥ 36 ॥ ধনুর্মণ্ডলমেবাস্য দৃশ্যতে স্মাস্যতঃ সদা। সায়কাশ্চ ব্যদৃশ্যন্ত নিশ্চরন্তঃ সমন্ততঃ॥ 37 ॥ কর্ণস্য তু ধনুশ্ছিত্ৎবা বৃষসেনস্য চৈব হ। শল্যস্য সূতং ভল্লেন রথনীডাদপাতয়ৎ॥ 38 ॥ গাঢবিদ্ধাবুভৌ কৃৎবা শরৈঃ স্বস্রীয়মাতুলৌ। অর্জুনো জয়তাং শ্রেষ্ঠো দ্রৌণিশারদ্বতৌ রণে॥ 39 ॥ এবং তান্ব্যাকুলীকৃত্য ৎবদীয়ানাং মহারথান্। উজ্জহার শরং ঘোরং পাণ্ডবোঽনলসন্নিভম্॥ 40 ॥ ইন্দ্রাশনিসমপ্রখ্যং দিব্যমস্ত্রাভিমন্ত্রিতম্। সর্বভারসহং শশ্বদ্গ্রন্ধমাল্যার্চিতং মহৎ॥ 41 ॥ বজ্রেণাস্ত্রেণ সংয়োজ্য বিধিবৎকুরুনন্দনঃ। সমাদধন্মহাবাহুর্গাণ্ডীবে ক্ষিপ্রমর্জুনঃ॥ 42 ॥ তস্মিন্সন্ধীয়মানে তু শরে জ্বলনতেজসি। অন্তরিক্ষে মহানাদো ভূতানামভবন্নৃপ॥ 43 ॥ অব্রবীচ্চ পুনস্তত্র ৎবরমাণো জনার্দনঃ। ধনঞ্জয় শিরশ্ছিন্ধি সৈন্ধবস্য দুরাত্মনঃ॥ 44 ॥ অস্তং মহীধরশ্রেষ্ঠং যিয়াসতি দিবাকরঃ। শৃণুষ্বৈতচ্চ বাক্যং মে জয়দ্রথবধং পর্তি॥ 45 ॥দ্রোণপর্ব - অধ্যায় 149
॥ শ্রীঃ ॥
7.149. অধ্যায়ঃ 149
Mahabharata - Drona Parva - Chapter Topics
অর্জুনেন নিজশরাহতিমোহিতং কৃপম্প্রতি শোচনম্॥ 1 ॥ সার্জুনেন কৃষ্ণেন যুধিষ্ঠিরমেত্য জয়দ্রথবধকথনম্॥ 2 ॥ ভীমাদীনাং যুধিষ্ঠিরসমীপসমাগমনম্॥ 3 ॥Mahabharata - Drona Parva - Chapter Text
7-149-0 (51505)
ধৃতরাষ্ট্র উবাচ। 7-149-0x (4656)
তস্মিন্বিনিহতে বীরে সৈন্ধবে সব্যসাচিনা।
মামকা যদকুর্বন্ত তন্মমাচক্ষ্ব সঞ্জয়॥ 7-149-1 (51506)
`পশ্যতাং সর্বসৈন্যানাং মামকানাং মহারণে।
অহন্যত কথং যুদ্ধে সৈন্ধবঃ সব্যসাচিনা॥ 7-149-2 (51507)
কথং দ্রৌণিকৃপৈর্গুপ্তঃ কর্ণেন চ মহারণে।
ফল্গুনাগ্নিমুখং ঘোরং প্রবিষ্টঃ সাধু সৈন্ধবঃ॥ 7-149-3 (51508)
তস্মিন্হতে মহেষ্বাসে মন্দাত্মা স সুয়োধনঃ।
ভ্রাতৃবিঃ সহিতঃ সূত কিমকার্ষীদনন্তরম্'॥ 7-149-4 (51509)
সঞ্জয় উবাচ। 7-149-5x (4657)
সৈন্ধবং নিহতং দৃষ্ট্বা রণে পার্থেন ভারত।
অমর্ষবশমাপন্নঃ কৃপঃ শারদ্বতস্ততঃ॥ 7-149-5 (51510)
মহতা শরবর্ষেণ পাণ্ডবং সমবাকিরৎ।
দ্রৌণিশ্চাভ্যদ্রবদ্রাজন্রথমাস্থায় ফল্গুনম্॥ 7-149-6 (51511)
তাবেতৌ রথিনাং শ্রেষ্ঠৌ রথাভ্যাং রথসত্তমৌ।
উভাবুভয়তস্তীক্ষ্ণৈর্বিশিখৈরভ্যবর্ষতাম্॥ 7-149-7 (51512)
স তথা শরবর্ষাভ্যাং সুমহদ্ধ্যাং মহাভুজঃ।
পীড্যমানঃ পরামার্তিমগমদ্রথিনাং বরঃ॥ 7-149-8 (51513)
সোঽজিঘাংসুর্গুরুং সঙ্খ্যে গুরোস্তনয়মেব চ।
চকারাচার্যকং তত্র কুন্তীপুত্রো ধনঞ্জয়ঃ॥ 7-149-9 (51514)
অস্ত্রৈরস্ত্রাণি সংবার্য দ্রৌণেঃ শারদ্বতস্য চ।
মন্দবেগানিষূংস্তাভ্যামজিঘাংসুরবাসৃজৎ॥ 7-149-10 (51515)
তেন নাতিভৃশং ত্রস্তৌ বিশিখৈর্ভৃশপীডিতৌ।
বহুৎবাত্তু পরামার্তিং শরাণাং তাবগচ্ছতাম্॥ 7-149-11 (51516)
অথ শারদ্বতো রাজন্কৌন্তেয়শরপীডিতঃ।
অবাসীদদ্রথোপস্থে মূর্চ্ছামভিজগাম হ॥ 7-149-12 (51517)
বিহ্বলং তমভিজ্ঞায় ভর্তারং শরপীডিতম্।
হতোঽয়মিতি চ জ্ঞাৎবা সারথিস্তমপাবহৎ॥ 7-149-13 (51518)
তস্মিন্ভগ্নে মহারাজ কৃপে শারদ্বতে যুধি।
অশ্বত্থামাপ্যপায়াসীৎপাণ্ডবেয়াদ্রথান্তরম্॥ 7-149-14 (51519)
দৃষ্ট্বা শারদ্বতং পার্থো মূর্চ্ছিতং শরপীডিতম্।
ধিগ্ধিঙ্মামিতি চৈবোক্ৎবা কৃপণং পর্যদেবয়ৎ।
অশ্রুপূর্ণমুখো দীনো বচনং চেদমব্রবীৎ॥ 7-149-15 (51520)
পশ্যন্নিদং মহাপ্রাজ্ঞঃ ক্ষত্তা রাজানমুক্তবান্।
কুলান্তকরণে পাপে জাতমাত্রে সুয়োধনে॥ 7-149-16 (51521)
নীয়তাং পরলোকায় সাধ্বয়ং কুলপাংসনঃ।
অস্মাদ্ধি কুরুমুখ্যানাং মহদুৎপৎস্যতে ভয়ম্॥ 7-149-17 (51522)
তদিদং সমনুপ্রাপ্তং বচনং সত্যবাদিনঃ।
তৎকৃতে হ্যদ্য পশ্যামি শরতল্পগতং গুরুম্॥ 7-149-18 (51523)
ধিগস্তু ক্ষাত্রমাচারং ধিগস্তু বলপৌরুষম্।
কো হি ব্রাহ্মণমাচার্যমভিদ্রুহ্যেত মাদৃশঃ॥ 7-149-19 (51524)
ঋষিপুত্রো মমাচার্যো দ্রোণস্য পরমঃ সখা।
এষ শেতে রথোপস্থে কৃপো মদ্বাণপীডিতঃ॥ 7-149-20 (51525)
অকাময়ানেন ময়া বিশিখৈরর্দিতো ভৃশম্।
অবসীদন্রথোপস্থে প্রাণান্পীডয়তীব মে॥ 7-149-21 (51526)
পুত্রশোকাভিতপ্তেন শরৈরভ্যর্দিতেন চ।
অভ্যস্তো বহুভির্বাণৈর্দশধর্মগতেন বৈ॥ 7-149-22 (51527)
`শরার্দিতঃ স হি ময়া প্রেক্ষমাণো মহাদ্যুতিঃ'।
শোচয়ত্যেষ নিয়তং ভূয়ঃ পুত্রবধাদ্ধি মাম্।
কৃপণং স্বরথে সন্নং পশ্য কৃষ্ণ যথাগতম্॥ 7-149-23 (51528)
উপাকৃত্য তু বৈ বিদ্যামাচার্যেভ্যো নরর্ষভাঃ।
প্রয়চ্ছন্তীহ যে কামান্দেবৎবমুপয়ান্তি তে॥ 7-149-24 (51529)
যে চ বিদ্যামুপাদায় গুরুভ্যঃ পুরুষাধমাঃ। 7-149-25 (51530)
ঘ্নন্তি তানেব দুর্বৃত্তাস্তে বৈ নিরয়গামিনঃ॥ 7-149-25 (51531)
তদিদং নরকায়াদ্য কৃতং কর্ম ময়া ধ্রুবম্।
আচার্যং শরবর্ষেণ রথে সাদয়তা কৃপম্॥ 7-149-26 (51532)
যত্তৎপূর্বমুপাকুর্বন্নস্ত্রং মামব্রবীৎকৃপঃ।
ন কথঞ্চন কৌরব্য প্রহর্তব্যং গুরাবিতি॥ 7-149-27 (51533)
তদিদং বচনং সাধোরাচার্যস্য মহাত্মনঃ।
নানুষ্ঠিতং তমেবাজৌ বিশিখৈরভিবর্ষতা॥ 7-149-28 (51534)
নমস্তস্মৈ সুপূজ্যায় গৌতমায়াপলায়িনে।
ধিগস্তু মম বার্ষ্ণেয় যদস্মৈ প্রহরাম্যহম্॥ 7-149-29 (51535)
সঞ্জয় উবাচ। 7-149-30x (4658)
তথা বিলপমানে তু সব্যসাচিনি তং প্রতি।
*ততো রাজন্হৃষ্টীকেশঃ সংঙ্গামশিরসি স্থিতম্।
তীর্ণপ্রতিজ্ঞং বীভৎসুং পরিষ্বজ্যৈনমব্রবীৎ॥ 7-149-30 (51536)
দিষ্ঠ্যা সম্পাদিতা জিষ্ণো প্রতিজ্ঞা মহতী ৎবয়া।
দিষ্ট্যা বিনিহতঃ পাপো বৃদ্ধক্ষত্রঃ সহাত্মজঃ॥ 7-149-31 (51537)
ধার্তরাষ্ট্রবলং প্রাপ্য দেবসেনাপি ভারত।
সীদেত সমরে জিষ্ণো নাত্র কার্যা বিচারণা॥ 7-149-32 (51538)
ন তং পশ্যামি লোকেষু চিন্তয়ন্পুরুষং ক্বচিৎ।
ৎবদৃতে পুরুষব্যাঘ্র য এতদ্যোধয়েদ্বলম্॥ 7-149-33 (51539)
মহাপ্রভাবা বহবস্ৎবয়া তুল্যাধিকাপি বা।
সমেতাঃ পৃথিবীপালা ধার্তরাষ্ট্রস্য কারণাৎ॥ 7-149-34 (51540)
তে ৎবাং প্রাপ্য রণে ক্রুদ্ধা নাভ্যবর্তন্ত দংশিতাঃ।
তব বীর্যং বলং চৈব রুদ্রশক্রান্তকোপমম্॥ 7-149-35 (51541)
নেদৃশং শক্নুয়াৎকশ্চিদ্রমে কর্তুং পরাক্রমম্।
যাদৃশং কৃতবানদ্য ৎবমেকঃ শত্রুতাপনঃ॥ 7-149-36 (51542)
এবমেব হতে কর্ণে সানুবন্ধে দুরাত্মনি।
বর্ধয়িষ্যামি ভূয়স্ৎবাং বিজিতারিং হতদ্বিষম্॥ 7-149-37 (51543)
তমর্জুনঃ প্রত্যুবাচ প্রসাদাত্তব মাধব।
প্রতিজ্ঞেয়ং ময়া তীর্ণা বিবুধৈরপি দুস্তরা॥ 7-149-38 (51544)
অনাশ্চার্যো জয়স্তেষাং যেষাং নাথোঽসি কেশব।
ৎবৎপ্রসাদান্মহীং কৃৎস্নাং সংপ্রাপ্স্যতি যুধিষ্ঠিরঃ॥ 7-149-39 (51545)
তবৈষ ভারো ধার্ষ্ণেয় তবৈব বিজয়ঃ প্রভো।
বর্ধনীয়াস্তব বয়ং প্রেষ্যাশ্চ মধুসূদন॥ 7-149-40 (51546)
এবমুক্তস্ততঃ কৃষ্ণঃ শনকৈর্বাহয়ন্হয়ান্।
দর্শয়ামাস পার্থায় ক্রূরমায়োধনং মহৎ॥ 7-149-41 (51547)
শ্রীকৃষ্ণ উবাচ। 7-149-42x (4659)
প্রার্থয়ন্তো জয়ে যুদ্ধে প্রথিতং চ মহদ্যশঃ।
পৃথিব্যাং শেরতে শূরাঃ পার্থিবাস্ৎবচ্ছরৈর্হতাঃ॥ 7-149-42 (51548)
বিকীর্ণশস্ত্রাভরণা বিপন্নাশ্বরথদ্বিপাঃ।
সঞ্ছিন্নভিন্নমর্মাণো বৈক্লব্যং পরমং গতাঃ॥ 7-149-43 (51549)
সসৎবা গতসৎবাশ্চ প্রভয়া পরয়া যুতাঃ।
সজীবা ইব লক্ষ্যন্তে গতসৎবা নরাধিপাঃ॥ 7-149-44 (51550)
তেষাং শরৈঃ স্বর্ণপুঙ্খৈঃ শস্ত্রৈশ্চ বিবিধৈঃ শিতৈঃ।
বাহনৈরায়ুধৈশ্চৈব সম্পূর্ণাং পশ্য মেদিনীম্॥ 7-149-45 (51551)
বর্মভিশ্চর্মভির্হারৈঃ শিরোভিশ্চ সকুণ্ডলৈঃ।
উষ্ণীষৈর্মকুটৈঃ স্রগ্ভিশ্চূডামণিভিরম্বরৈঃ॥ 7-149-46 (51552)
কণ্ঠসূত্রৈরঙ্গদৈশ্চ নিষ্কৈরপি চ সপ্রভৈঃ।
অন্যৈশ্চাভরণৈশ্চিত্রৈর্ভাতি ভারত মেদিনী॥ 7-149-47 (51553)
[অনুকর্ষৈরুপাসঙ্গৈঃ পতাকাভির্ধ্বজৈস্তথা।
উপস্করৈরধিষ্ঠানৈরীষাদণ্ডকবন্ধুরৈঃ॥ 7-149-48 (51554)
চক্রৈঃ প্রমথিতৈশ্চিত্রৈরক্ষৈশ্চ বহুধা রণে।
যুগৈর্যোক্ত্রৈঃ কলাপৈশ্চ ধনুর্ভিঃ সায়কৈস্তথা॥ 7-149-49 (51555)
পরিস্তোমৈঃ কুথাভিশ্চ পরিঘৈরঙ্কুশৈস্তথা।
শক্তিভির্ভিণ্ডিপালৈশ্চ তূণৈঃ শূলৈঃ পরশ্বথৈঃ॥ 7-149-50 (51556)
প্রাসৈশ্চ তোমরৈশ্চৈব কুন্তৈর্যষ্টিভিরেব চ।
শতঘ্নীভির্ভুশুণ্ডীভিঃ খঙ্গৈঃ পরশুভিস্তথা॥ 7-149-51 (51557)
মুসলৈর্মুদ্গরৈশ্চৈব গদাভিঃ কুণপৈস্তথা।
সুবর্ণবিকৃতাভিশ্চ কশাভির্ভরতর্ষভ॥ 7-149-52 (51558)
ঘণ্টাভিশ্চ গজেন্দ্রাণাং ভাণ্ডৈশ্চ বিবিধৈরপি।
স্রগ্ভিশ্চ নানাভরণৈর্বস্ত্রৈশ্চৈব মহাধনৈঃ।
অপবিদ্ধৈর্বভৌ ভূমির্গ্রহৈর্দ্যৌরিব শারদী॥ 7-149-53 (51559)
পৃথিব্যাং পৃথিবীহেতোঃ পৃথিবীপতয়ো হতাঃ।
পৃথিবীমুপগুহ্যাঙ্গৈঃ সুপ্তাঃ কান্তামিব প্রিয়াম্॥ 7-149-54 (51560)
ইমাংশ্চ গিরিকূটাভান্নাগানৈরাবতোপমান্।
ক্ষরতঃ শোণিতং ভূরি শস্ত্রচ্ছেদদরীমুখৈঃ।
দরীমুখৈরিব গিরীন্গৈরিকাম্বুপরিস্রবান্॥ 7-149-55 (51561)
তাংশ্চ বাণহতান্বীর পশ্য নিষ্টনতঃ ক্ষিতৌ।
হয়াংশ্চ পতিতান্পশ্য স্বর্ণভাণ্ডবিভূষিতান্॥ 7-149-56 (51562)
গন্ধর্বনগরাকারান্রথাংশ্চ নিহতেশ্বরান্।
ছিন্নধ্বজপতাকাক্ষান্বিচক্রান্হতসারথীন্॥ 7-149-57 (51563)
নিকৃত্তকূবরয়ুগান্ভগ্নেষান্বন্ধুরান্প্রভো।
পশ্য পার্থ হয়ান্ভূমৌ বিমানোপমদর্শনান্॥ 7-149-58 (51564)
পত্তীংশ্চ নিহতান্বীর শতশোঽথ সহস্রশঃ।
ধনুর্ভৃতশ্চর্মভৃতঃ শয়ানান্রুধিরোক্ষিতান্॥ 7-149-59 (51565)
মহীমালিঙ্গ্য সর্বাঙ্গৈঃ পাংসুধ্বস্তশিরোরুহান্।
পশ্য যোধান্মহাবাহো ৎবচ্ছরৈর্ভিন্নবিগ্রহান্॥ 7-149-60 (51566)
নিপাতিতদ্বিপরথাজিসঙ্কুল--
মসৃগ্বসাপিশিতসমৃদ্ধকর্দমম্।
নিশাচরশ্ববৃকপিশাচমোদনং
মহীতলং নরবর পশ্য দুর্দৃশম্॥ 7-149-61 (51567)
ইদংমহত্ৎবয়্যুপপদ্যতে প্রভো
রণাজিরে কর্ম যশোঽভিবর্ধনম্।
শতক্রতৌ চাপি চ দেবসত্তমে
মহাহবে জঘ্নুষি দৈত্যদানবান্॥] 7-149-62 (51568)
সঞ্জয় উবাচ। 7-149-63x (4660)
এবং সন্দর্শয়ন্কৃষ্ণো রণভূমিং কিরীটিনে।
স্বৈঃ সমেতঃ সমুদিতৈঃ পাঞ্চজন্যং ব্যনাদয়ৎ॥ 7-149-63 (51569)
`সাত্যকিঃ পার্থমভ্যায়াদ্ভীমসেনশ্চ পাণ্ডবঃ।
যুধামন্যূত্তমৌজৌ চ পাঞ্চালস্যাত্মজাবুভৌ॥ 7-149-64 (51570)
তে নিবার্য শরৈর্দ্রৌণিং কর্ণং চ সহ ভূমিপৈঃ।
আগচ্ছন্রথিনশ্চৈব যত্র রাজা যুধিষ্ঠিরঃ'॥ 7-149-65 (51571)
স দর্শয়ন্নেব কিরীটিনেঽরিহা
জনার্দনস্তামরিভূমিমঞ্জসা।
অজাতশত্রুং সমুপেত্য পাণ্ডবং
নিবেদয়ামাস হতং জয়দ্রথম্॥ ॥ 7-149-66 (51572)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একোনপঞ্চাশদধিকশততমোঽধ্যায়ঃ॥ 149 ॥
Mahabharata - Drona Parva - Chapter Footnotes
5-149-9 অজিঘাংসুর্হন্তমনিচ্ছন্। আচার্যকং গুরোঃ সম্মানম্॥ 5-149-12 অবাসীদদবসন্নঃ॥ 5-149-16 ইদং কুলক্ষয়গুরুদ্রোহাদিকম্॥ 5-149-18 শরতল্পগতং শরপঞ্জরগতম্॥ 5-149-22 অভ্যস্তোঽসকৃন্নিহতঃ। দশধর্মগতেন দুরবস্থাগতেন॥ 5-149-23 শোচয়তি শোকং কারয়তি। এষ দ্রোণঃ। ভূয়োঽধিকং পুত্রবধাৎ॥ 5-149-24 উপাকৃত্য অধীত্য॥ 5-149-27 উপাকুর্বন্ আধ্যাপয়ন্॥ 5-149-* ততো রাজন্হৃষীকেশ ইত্যাদি মহাপ্রভাবা বহবস্ৎবয়া তুল্যাধিকাপি বা ইত্যন্তাঃ সার্ধচৎবারঃ শ্লোকাঃ ঝ. পুস্তকে 146 তমাধ্যায়স্য 25 তমশ্লোকাদুপরি বিদ্যন্তে। 5-149-48 কুণ্ডলিতাঃ শ্লোকাঃ ঝ.পুস্তক এব দৃশ্যন্তে॥ 5-149-149 একোনপঞ্চাশদধিকশততমোঽধ্যায়ঃ॥দ্রোণপর্ব - অধ্যায় 150
॥ শ্রীঃ ॥
7.150. অধ্যায়ঃ 150
Mahabharata - Drona Parva - Chapter Topics
যুধিষ্ঠিরেণ স্বাভিবাদকানাং কৃষ্ণভীমার্জুনসাত্যকীনামালিঙ্গনাদিনা সৎকারঃ॥ 1 ॥ কৃষ্ণয়ুধিষ্ঠিরয়োঃ সংলাপঃ॥ 2 ॥Mahabharata - Drona Parva - Chapter Text
7-150-0 (51573)
সঞ্জয় উবাচ। 7-150-0x (4661)
ততো রাজানমভ্যেত্য ধর্মপুত্রং যুধিষ্ঠিরম্।
ববন্দে সম্প্রহৃষ্টাত্মা হতে পার্থেন সৈন্ধবে॥ 7-150-1 (51574)
দিষ্ট্যা বর্ধসি রাজেন্দ্র হতশত্রুর্নরোত্তম।
দিষ্ট্যা নিস্তীর্ণবাংশৈব প্রতিজ্ঞামনুজস্তব॥ 7-150-2 (51575)
স ৎবেবমুক্তঃ কৃষ্ণেন হৃষ্টঃ পরপুরঞ্জয়ঃ।
ততো যুধিষ্ঠিরো রাজা রথাদাপ্লুত্য ভারত।
পর্যষ্বজত্তদা কৃষ্ণাবানন্দাশ্রুপরিপ্লুতঃ॥ 7-150-3 (51576)
প্রমৃজ্য বদনং শুভ্রং পুণ্ডরীকসমপ্রভম্।
অব্রবীদ্বাসুদেবং চ পাণ্ডবং চ ধনঞ্জয়ম্॥ 7-150-4 (51577)
প্রিয়মেতদুপশ্রুত্য ৎবত্তঃ পুষ্করলোচন।
নান্তং গচ্ছামি হর্ষস্য তিতীর্ষুরুদধেরিব॥ 7-150-5 (51578)
অত্যদ্ভুতমিদং কৃষ্ণ কৃতং পার্থেন ধীমতা।
দিষ্ট্যা পশ্যামি সঙ্গ্রামে তীর্ণভারৌ মহারথৌ॥ 7-150-6 (51579)
দিষ্ট্যা চ নিহতঃ পাপঃ সৈন্ধবঃ পুরুষাধমঃ।
`দিষ্ট্যা শত্রুগণাশ্চৈব নিমগ্নাঃ শোকসাগরে'॥ 7-150-7 (51580)
কৃষ্ণ দিষ্ট্যা মম প্রীতির্মহতী প্রতিপাদিতা।
ৎবয়া গুপ্তেন গোবিন্দ ঘ্নতা পাপং জয়দ্রথম্॥ 7-150-8 (51581)
কিন্তু নাত্যদ্ভুতং তেষাং যেষাং নস্ৎবং সমাশ্রয়ঃ।
ন তেষাং দুষ্কৃতং কিঞ্চিত্ত্রিষু লোকেষু বিদ্যতে।
সর্বলোকগুরুর্যেষাং ৎবং নাথো মধুসূদন॥ 7-150-9 (51582)
ৎবৎপ্রসাদাদ্ধি গোবিন্দ বয়ং জেষ্যামহে রিপূন্।
`যথা পুরা প্রসাদাত্তে দানবান্পাকশাসনঃ॥ 7-150-10 (51583)
পৃথিব্যা বিজয়ো বাপি ত্রৈলোক্যবিজয়োঽপি বা।
ধ্রুবো হি তেষাং বার্ষ্ণেয় যেষাং তুষ্টোঽসি মানদ॥ 7-150-11 (51584)
ন তেষাং বিদ্যতে পাপং সঙ্গ্রামে বা পরাজয়ঃ।
ত্রিদশেশ্বর নাথস্ৎবং যেষাং তুষ্টোঽসি মাধব॥ 7-150-12 (51585)
ৎবৎপ্রসাদাদ্ধৃষীকেশ শক্রঃ সুরগণেশ্বরঃ।
ত্রৈলোক্যবিজয়ং শ্রীমান্প্রাপ্তবান্রণমূর্ধনি॥ 7-150-13 (51586)
তব চৈব প্রসাদেন ত্রিদশাস্ত্রিদশেশ্বরাঃ।
অমরৎবং গতাঃ কৃষ্ণ লোকাংশ্চাশ্নুবতেঽক্ষয়ান্'॥ 7-150-14 (51587)
স্থিতঃ সর্বাত্মনা নিত্যং প্রিয়েষু চ হিতেষু চ।
ৎবাং চৈবাস্মাভিরাশ্রিত্য কৃতঃ শস্ত্রসমুদ্যমঃ।
সুরৈরিবাসুরবধে শক্রং শক্রানুজাহবে॥ 7-150-15 (51588)
অসংভাব্যমিদং কর্ম দেবৈরপি জনার্দন।
ৎবদ্বুদ্ধিবলবীর্যেণ কৃতবানেষ ফল্গুনঃ॥ 7-150-16 (51589)
বাল্যাৎপ্রভৃতি তে কৃষ্ণ কর্মাণি শ্রুতবানহম্।
অমানুষাণি দিব্যানি মহান্তি চ বহূনি চ।
তদৈবাজ্ঞাসিষং শত্রূন্হতান্প্রাপ্তাং চ মেদিনীম্॥ 7-150-17 (51590)
ৎবৎপ্রসাদসমুত্থেন বিক্রমেণারিসূদন।
সুরেশৎবং গতঃ শক্রো হৎবা দৈত্যান্সহস্রশঃ॥ 7-150-18 (51591)
ৎবৎপ্রসাদাদ্বৃষীকেশ জগৎস্থাবরজঙ্গমম্।
স্ববর্ত্মনি স্থিতং বীর জপরহোমেষু বর্ততে॥ 7-150-19 (51592)
একার্ণবমিদং পূর্বং সর্বমাসীত্তমোময়ম্।
ৎবৎপ্রসাদান্মাহাবাহো জগৎপ্রাপ্তং নরোত্তম॥ 7-150-20 (51593)
স্রষ্টারং সর্বলোকানাং পরমাত্মানমব্যযম্।
যে পশ্যন্তি হৃষীকেশ ন তে মুহ্যন্তি কর্হিচিৎ॥ 7-150-21 (51594)
পুরাণং পরমং দেবং দেবদেবং সনাতনম্।
যে প্রপন্নাঃ সুরগুরুং ন তে মুহ্যন্তি কর্হিচিৎ॥ 7-150-22 (51595)
অনাদিনিধনং দেবং লোককর্তারমব্যযম্।
যে ভক্তাস্ৎবাং হৃষীকেশ দুর্গাণ্যতিতরন্তি তে॥ 7-150-23 (51596)
পরং পুরাণং পুরুষং পরাণাং পরমং চ যৎ।
প্রপদ্যতস্তৎপরমং পরা ভূতির্বিধীয়তে॥ 7-150-24 (51597)
গায়ন্তি চতুরো বেদা যশ্চ দেবেষু গীয়তে।
তং প্রপদ্য মহাত্মানং ভূতিমশ্নাম্যনুত্তমাম্॥ 7-150-25 (51598)
পরমেশ পরেশেশ তির্যগীশ নরেশ্বর।
সর্বেশ্বরেশ্বরেশেন নমস্তে পুরুষোত্তম॥ 7-150-26 (51599)
ৎবমীশেশেশ্বরেশান প্রভো বর্ধস্ব মাধব।
প্রভবাপ্যয সর্বস্য সর্বাত্মন্পৃথুলোচন॥ 7-150-27 (51600)
ধনঞ্জয়সখা যশ্চ ধনঞ্জয়হিতশ্চ যঃ।
ধনঞ্জয়স্য গোপ্তা তং প্রপদ্য সুখমেধতে॥ 7-150-28 (51601)
[মার্কণ্ডেয়ঃ পুরাণর্ষিশ্চরিতজ্ঞস্তবানঘ।
মাহাত্ম্যমনুভাবং পুরা ফীর্তিতবান্মুনিঃ॥ 7-150-29 (51602)
অসিতো দেবলশ্চৈব নারদশ্চ মহাতপাঃ।
পিতামহশ্চ মে ব্যাসস্ৎবামাহুর্বিধিমুত্তমম্॥ 7-150-30 (51603)
ৎবং তেজস্ৎবং পরং ব্রহ্ম ৎবং সত্যং ৎবং মহত্তপঃ।
ৎবং শ্রেয়স্ৎবং যশশ্চাগ্র্যং কারণং জগতস্তথা॥ 7-150-31 (51604)
ৎবয়া সৃষ্টমিদং সর্বং জগৎস্থাবরজঙ্গমম্।
প্রলয়ে সমনুপ্রাপ্তে ৎবাং বৈ নিবিশতে পুনঃ॥ 7-150-32 (51605)
অনাদিনিধনং দেবং বিশ্বস্যেশং জগৎপতে।
ধাতারমজমব্যক্তমাহুর্বেদবিদো জনাঃ॥ 7-150-33 (51606)
ভূতাত্মানং মহাত্মানমনন্তং বিশ্বতোমুখম্।
অপি দেবা ন জানন্তি গুহ্যমাদ্যং জগৎপতিম্।
নারায়ণং পরং দেবং পরমাত্মানমীশ্বরম্॥ 7-150-34 (51607)
জ্ঞানয়োনিং হরিং বিষ্ণুং মুমুক্ষূণাং পরায়ণম্।
পরং পুরাণং পুরুষং পুরাণানাং পরং চ যৎ॥ 7-150-35 (51608)
এবমাদিগুণানাং তে কর্মণাং দিবি চেহ চ।
অতীতভূতভব্যানাং সঙ্খ্যাতাঽত্র ন বিদ্যতে॥ 7-150-36 (51609)
সর্বতো রক্ষণীয়াঃ স্ম শক্রেণেব দিবৌকসঃ।
যৈস্ৎবং সর্বগুণোপেতঃ সুহৃন্ন উপপাদিতঃ॥ 7-150-37 (51610)
ইত্যেবং ধর্মরাজেন হরিরুক্তো মহায়শাঃ।
অনুরূপমিদং বাক্যং প্রত্যুবাচ জনার্দনঃ॥ 7-150-38 (51611)
ভবতা তপসোগ্রেণ ধর্মেণ পরমেণ চ।
সাধুৎবাদার্জবাচ্চৈব হতঃ পাপো জয়দ্রথঃ॥ 7-150-39 (51612)
অয়ং চ পুরুষব্যাঘ্র ৎবদনুধ্যানসংবৃতঃ।
হৎবা যোধসহস্রাণি ন্যহঞ্জিষ্ণুর্জয়দ্রথম্॥ 7-150-40 (51613)
কৃতিৎবে বাহুবীর্যে চ তথৈবাসম্ভ্রমেঽপি চ।
শীঘ্রতামোধবুদ্ধিৎবে নাস্তি পার্থসমঃ ক্বচিৎ॥ 7-150-41 (51614)
তদয়ং ভরতশ্রেষ্ঠ ভ্রাতা তেঽদ্য যদর্জুনঃ।
সৈন্যক্ষয়ং রণে কৃৎবা সিন্ধুরাজশিরোঽহরৎ॥ 7-150-42 (51615)
ততো ধর্মসুতো জিষ্ণুং পরিষ্বজ্য বিশাম্পতে।
প্রমৃজ্য বদনং তস্য পর্যাশ্বাসয়ত প্রভুঃ॥ 7-150-43 (51616)
অতীব সুমহৎকর্ম কৃতবানসি ফল্গুন।
অসহ্যং চাবিষহ্যং চ দেবৈরপি সবাসবৈঃ॥ 7-150-44 (51617)
দিষ্টা নিস্তীর্ণভারোঽসি হতারিশ্চাসি শত্রুহন্।
দিষ্ট্যা সত্যা প্রতিজ্ঞেয়ং কৃতা হৎবা জয়দ্রথম্॥ 7-150-45 (51618)
এবমুক্ৎবা গুডাকেশং ধর্মরাজো মহায়শাঃ।
পস্পর্শ পুণ্যগন্ধেন পৃষ্ঠে হস্তেন পার্থিবাঃ॥] 7-150-46 (51619)
সঞ্জয় উবাচ। 7-150-47x (4662)
এবমুক্তৌ মহাত্মানাবুভৌ কেশবপাণ্ডবৌ।
তাবব্রূতাং তদা কৃষ্ণৌ রাজানং পৃথিবীপতিম্॥ 7-150-47 (51620)
তব কোপাগ্নিনা দগ্ধঃ পাপো রাজঞ্জয়দ্রথঃ।
উত্তীর্ণং চাপি সুমহদ্ধার্তরাষ্ট্রবলং রণে॥ 7-150-48 (51621)
যুধিষ্ঠির উবাচ। 7-150-49x (4663)
হন্যন্তে নিহতাশ্চৈব বিনঙ্ক্ষ্যন্তি চ কেশব।
তব ক্রোধহতা হ্যেতে কৌরবাঃ শত্রুসূদন॥ 7-150-49 (51622)
ৎবাং হি চক্ষুর্হণং বীর কোপয়িৎবা সুয়োধনঃ।
সমিত্রবন্ধুঃ সমরে প্রাণাংস্ত্যক্ষ্যতি দুর্মতিঃ॥ 7-150-50 (51623)
তব ক্রোধহতঃ পূর্বং দেবৈরপি সুদুর্জয়ঃ।
শরতল্পগতঃ শেতে ভীষ্মঃ কুরুপিতামহঃ॥ 7-150-51 (51624)
দুর্লভো বিজয়স্তেষাং সম্প্রামে রিপুঘাতিনাম্।
যাতা মৃত্যুবশং তে বৈ যেষাং ক্রুদ্ধোঽপি মাধব॥ 7-150-52 (51625)
রাজ্যং প্রাণাঃ শ্রিয়ঃ পুত্রাঃ সৌখ্যানি বিবিধানি চ।
অচিরাত্তস্য নশ্যন্তি যেষাং ক্রুদ্ধোঽসি মানদ॥ 7-150-53 (51626)
ভগবানুবাচ। 7-150-54x (4664)
বিনষ্টান্কৌরবান্মন্যে সপুত্রপশুবান্ধবান্।
রাজধর্মপরে নিত্যং ৎবয়ি ক্রুদ্ধে পরন্তপ॥ 7-150-54 (51627)
সঞ্জয় উবাচ। 7-150-55x (4665)
ততো ভীমো মহাবাহুঃ সাত্যকিশ্চ মহারথঃ।
অভিবাদ্য গুরুং জ্যেষ্ঠং মার্গণৈঃ ক্ষতবিক্ষতৌ।
ক্ষিতাবাস্তাং মহেষ্বাসৌ পাঞ্চাল্যপরিবারিতৌ॥ 7-150-55 (51628)
তৌ দৃষ্ট্বা মুদিতো বীরৌ প্রাঞ্জলী চাগ্রতঃ স্থিতৌ।
অভ্যনন্দত কৌন্তেয়স্তাবুভৌ ভীমসাত্যকী॥ 7-150-56 (51629)
দিষ্ট্যা পশ্যামি বা শূরৌ বিমুক্তৌ সৈন্যসাগরাৎ।
দ্রোণগ্রাহদুরাধর্ষাদ্ধার্দিক্যমকরালয়াৎ॥ 7-150-57 (51630)
দিষ্ট্যা বিনির্জিতাঃ সঙ্খ্যে পৃথিব্যাং সর্বপার্থিবাঃ।
যুবাং বিজয়িনৌ চাপি দিষ্ট্যা পশ্যামি সংয়ুগে॥ 7-150-58 (51631)
দিষ্ট্যা দ্রোণো জিতঃ সঙ্খ্যে হার্দিক্যশ্চ মহাবলঃ।
দিষ্ট্যা বিকর্ণিভিঃ কর্ণোরণে নীতঃ পরাভবম্॥ 7-150-59 (51632)
বিমুখশ্চ কৃতঃ শল্যো যুবাভ্যাং পুরুষর্ষভৌ।
দিষ্ট্যা যুবাং কুশলিনৌ সঙ্গ্রামাৎপুনরাগতৌ।
পশ্যামি রথিনাং শ্রেষ্ঠাবুভৌ যুদ্ধবিশারদৌ॥ 7-150-60 (51633)
মম বাক্যকরৌ বীরৌ মম গৌরবয়ন্ত্রিতৌ।
সৈন্যার্ণবং সমুত্তীর্ণৌ দিষ্ট্যা পশ্যামি বামহম্॥ 7-150-61 (51634)
সমরশ্লাঘিনৌ বীরৌ সমরেষ্বপরাজিতৌ।
মম বাক্যসমৌ চৈব দিষ্ট্যা পশ্যামি বামহম্॥ 7-150-62 (51635)
ইত্যুক্ৎবা পাণ্ডবো রাজন্যুয়ুধানবৃকোদরৌ।
সস্বজে পুরুষব্যাঘ্রৌ হর্ষাদ্বাষ্পং মুপোচ হ॥ 7-150-63 (51636)
ততঃ প্রমুদিতং সর্বং বলমাসীদ্বিশাম্পতে।
পাণ্ডবানাং রণে হৃষ্টং যুদ্ধায় তু মনো দধে॥ ॥ 7-150-64 (51637)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে প়ঞ্চাশদধিকশততমোঽধ্যায়ঃ॥ 150 ॥
Mahabharata - Drona Parva - Chapter Footnotes
5-150-8 গুপ্তেন অর্জুনেনেতি শেষঃ॥ 8 ॥ 5-150-15 শক্রানুজেতি কৃষ্ণং প্রতি সম্বোধনম্॥ 5-150-25 চতুরশ্চৎবারঃ॥ 5-150-27 ৎবমিতি। হেঈশেশ রুদ্রাদ্যারাধ্য। ঈশ্বরা রাজানস্তেষামপীশানো ধর্মঃ। তদেতৎক্ষত্রস্য ক্ষত্রং যদ্ধর্ম ইতি শ্রুতেস্তস্যাপি প্রভো। ধর্মস্য প্রভুরচ্যুত ইতি স্মৃতেঃ॥ 5-150-28 সখা বয়স্যঃ। হিতঃ প্রিয়কৃৎ। গোপ্তা দুঃখনিবারকঃ॥ 5-150-29 কুণ্ডলিতঃ পাঠঃ ঝ. পুস্তক এব দৃশ্যতে॥ 5-150-48 উত্তীর্ণং লঙ্ঘিতম্॥ 5-150-50 চক্ষুর্হণং ক্রোধদৃষ্টিমাত্রেণ হন্তারম্॥ 5-150-150 পঞ্চাশদধিকশততমোঽধ্যায়ঃ॥দ্রোণপর্ব - অধ্যায় 151
॥ শ্রীঃ ॥
7.151. অধ্যায়ঃ 151
Mahabharata - Drona Parva - Chapter Topics
সৈন্ধববধদুঃখিতেন দুর্যোধনেন দ্রোণমেত্য আত্মোপালম্ভপূর্বকং পরিশোচনম্॥ 1 ॥Mahabharata - Drona Parva - Chapter Text
7-151-0 (51638)
সঞ্জয় উবাচ। 7-151-0x (4666)
সৈন্ধবে নিহতে রাজন্পুত্রস্তব সুয়োধনঃ।
[অশ্রুপূর্ণমুখো দীনো নিরুৎসাহো দ্বিষজ্জয়ে॥ 7-151-1 (51639)
দুর্মনা নিঃশ্বসন্দুষ্টো ভগ্নদংষ্ট্র ইবোরগঃ।
আগস্কৃৎসর্বলোকস্য পুত্রস্তেঽর্তিং পরামগাৎ॥ 7-151-2 (51640)
দৃষ্ট্বা তৎকদনং ঘোরং স্ববলস্য কৃতং মহৎ।
জিষ্ণুনা ভীমসেনেন সাৎবতেন চ সংয়ুগে॥ 7-151-3 (51641)
স বিবর্ণঃ কৃশো দীনো বাষ্পবিপ্লুতলোচনঃ।]
অমন্যতার্জুনসমো ন যোদ্ধা ভুবি বিদ্যতে॥ 7-151-4 (51642)
ন দ্রোণো ন চ রাধেয়ো নাশ্বত্থামা কৃপো ন চ।
পার্থস্য সম্মখে স্থাতুং পর্যাপ্তা ইতি মারিষ॥ 7-151-5 (51643)
নির্জিত্য হি রণে পার্থঃ সর্বান্মম মহারথান্।
অবধীৎসৈন্ধবং সঙ্খ্যে ন চ কশ্চিদবারয়ৎ॥ 7-151-6 (51644)
সর্বথা হতমেবেদং কৌরবাণাং মহদ্বলম্।
ন হ্যস্য বিদ্যতে ত্রাতা সাক্ষাদপি পুরন্দরঃ॥ 7-151-7 (51645)
যমুপাশ্রিত্য সঙ্গ্রামে কৃতঃ শস্ত্রসমুদ্যমঃ।
স কর্ণো নির্জিতঃ সঙ্খ্যে হতশ্চৈব জয়দ্রথঃ॥ 7-151-8 (51646)
`পরুষাণি সভামধ্যে প্রোক্তবান্যো হি পাণ্ডবান্।
স কর্ণো নির্জিতঃ সঙ্খ্যে সৈন্ধবশ্চ নিপাতিতঃ॥ 7-151-9 (51647)
যস্য বীর্যং সমাশ্রিত্য শমং যাচন্তমচ্যুতম্।
তৃণবত্তমহং মন্যে স কর্ণো নির্জিতো যুধি॥ 7-151-10 (51648)
এবং ক্লান্তমনা রাজন্নুপায়াদ্রোণমীক্ষিতুম্।
আগস্কৃৎসর্বলোকস্য পুত্রস্তে ভরতর্ষভ॥ 7-151-11 (51649)
ততস্তৎসর্বমাচখ্যৌ কুরূণাং বৈশসং মহৎ।
পরান্বিজয়তশ্চাপি ধার্তরাষ্ট্রান্নিমজ্জতঃ॥ 7-151-12 (51650)
দুর্যোধন উবাচ। 7-151-13x (4667)
পশ্য মূর্ধাভিষিক্তানামাচার্য কদনং মহৎ।
কৃৎবা প্রমুখতঃ শূরং ভীষ্মং মম পিতামহম্॥ 7-151-13 (51651)
তং নিহত্য প্রলুব্ধোঽয়ং শিখণ্ডী পূর্ণমানসঃ।
পাঞ্চাল্যৈঃ সহিতঃ সর্বৈঃ সেনাগ্রমভিবর্ততে॥ 7-151-14 (51652)
অপরশ্চাপি দুর্ধর্ষঃ শিষ্যস্তে সব্যসাচিনা।
অক্ষৌহিণীঃ সপ্ত হৎবা হতো রাজা জয়দ্রথঃ॥ 7-151-15 (51653)
অস্মদ্বিজয়কামানাং সুহৃদামুপকারিণাম্।
গন্তাঽস্মি কথমানৃণ্যং গতানাং যমসাদনম্॥ 7-151-16 (51654)
যে মদর্থং পরীপ্সন্তে বসুধাং বসুধাধিপাঃ।
তে হিৎবা বসুধৈশ্বর্যং বসুধামধিশেরতে॥ 7-151-17 (51655)
সোঽহং কাপুরুষঃ ক-ৎবা মিত্রাণাং ক্ষয়মীদৃশম্।
অশ্বমেধসহস্রেণ পাবিতুং ন সমুৎসহে॥ 7-151-18 (51656)
মম লুব্ধস্য পাপস্য তথা ধর্মাপচায়িনঃ।
ব্যায়ামেন জিগীষন্তঃ প্রাপ্তা বৈবস্বতক্ষয়ম্॥ 7-151-19 (51657)
কথং পতিতবৃত্তস্য পৃথিবী সুহৃদাং দ্রুহঃ।
বিবরং নাশকদ্দাতুং মম পার্থিবসংসদি॥ 7-151-20 (51658)
যোঽহং রুধিরসিক্তাঙ্গং রাজ্ঞাং মধ্যে পিতামহম্।
শয়ানং নাশকং ত্রাতুং ভীষ্মমায়োধনে হতম্॥ 7-151-21 (51659)
তং মামনার্যপুরুষং মিত্রদ্রুহমধার্মিকম্।
কিং বক্ষ্যতি হি দুর্ধর্ষঃ সমেত্য পরলোকজিৎ॥ 7-151-22 (51660)
জলসন্ধং মহেষ্বাসং পশ্য সাত্যকিনা হতম্।
মদর্থমুদ্যতং শূরং প্রাণাংস্ত্যক্ৎবা মহারথম্॥ 7-151-23 (51661)
কাম্ভোজং নিহতং দৃষ্ট্বা তথালম্বুসমেব চ।
অন্যান্বহূংশ্চ সুহৃদো জীবিতার্থোঽদ্য কো মম॥ 7-151-24 (51662)
ব্যায়চ্ছন্তো হতাঃ শূরা মদর্থে যে পরাঙ্মুখাঃ।
যতমানাঃ পরং শক্ত্যা বিজেতুমহিতান্মম॥ 7-151-25 (51663)
তেষাং গৎবাঽহমানৃণ্যমদ্য শক্ত্যা পরন্তপ।
তর্পয়িষ্যামি তানেব জলেন যমুনামনু॥ 7-151-26 (51664)
সত্যং তে প্রতিজানামি সর্বশস্ত্রভৃতাং বর।
ইষ্টাপূর্তেন চ শপে বীর্যেণ চ সুতৈরপি॥ 7-151-27 (51665)
নিহত্য তান্রমে সর্বান্পাঞ্চালান্পাণ্ডবৈঃ সহ।
সান্তিং লব্ধাঽস্মি তেষাং বা রণে গন্তা সলোকতাম্ 7-151-28 (51666)
সোঽহং তত্র গমিষ্যামি যত্র তে পুরুষর্ষভাঃ।
হতা মদর্থে সঙ্গ্রামে যুধ্যমানাঃ কিরীটিনা॥ 5-151-30 ন হীদানীং সহায়া মে পরীপ্সন্ত্যনুপস্কৃতাঃ।
শ্রেয়ো হি পাণ্ডূন্মন্যন্তে ন তথাস্মান্মহাভুজ॥ 7-151-29 (51667)
স্বয়ং হি মৃত্যুর্বিহিতঃ সত্যসন্ধেন সংয়ুগে।
ভবানুপেক্ষাং কুরুতে শিষ্যৎবাদর্জুনস্য হি॥ 7-151-31 (51668)
অতো বিনিহতাঃ সর্বে যেঽস্মজ্জয়চিকীর্ষবঃ।
কর্ণমেব তু পশ্যামি সম্প্রত্যস্মজ্জয়ৈষিণম্॥ 7-151-32 (51669)
যো হি মিত্রমবিজ্ঞায় যাথাতথ্যেন মন্দধীঃ।
মিত্রার্থে যোজয়ত্যেনং তস্য সোঽর্থোঽবসীদতি॥ 7-151-33 (51670)
তাদৃগ্রূপং কৃতমিদং মম কার্যং সুহৃত্তমৈঃ।
মোহাল্লুব্ধস্য পাপস্য জিহ্মস্য ধনমীহতঃ॥ 7-151-34 (51671)
যৌ মে যুদ্ধস্য কৃত্যস্য জিহ্মাচারৈঃ সমীয়তুঃ।
হতো জয়দ্রথশ্চৈব সৌমদত্তিশ্চ বির্যবান্।
অভীষাহাঃ শূরসেনাঃ শিবয়োঽথ বসাতয়ঃ॥ 7-151-35 (51672)
সোঽহমদ্য গমিষ্যামি যত্র তে পুরুষর্ষভাঃ।
হতা মদর্থে সঙ্গ্রামে যুধ্যমানাঃ কিরীটিনা॥ 7-151-36 (51673)
ন হি মে জীবিতেনার্থস্তানৃতে পুরুষর্ষভান্।
আচার্যঃ পাণ্ডুপুত্রাণামনুজানাতু নো ভবান্॥ ॥ 7-151-37 (51674)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে একপঞ্চাশদধিকশততমোঽধ্যায়ঃ॥ 151 ॥
Mahabharata - Drona Parva - Chapter Footnotes
5-151-1 আর্তিমিতি চ্ছেদঃ॥ 5-151- প্রলুব্ধঃ প্রকৃষ্টো লুব্ধকস্তদ্বদ্বঞ্চকৎবাৎ॥ 5-151- ধর্মাপচায়িনঃ ধর্মক্ষেপকস্য॥ 5-151- আচার্যঃ পাণ্ডুপুত্রাণামিত্যপালম্ভঃ॥ 5-151- একপঞ্চাশদধিকশততমোঽধ্যায়ঃ॥ 151 ॥দ্রোণপর্ব - অধ্যায় 152
॥ শ্রীঃ ॥
7.152. অধ্যায়ঃ 152
Mahabharata - Drona Parva - Chapter Topics
দ্রোণেন সোপালম্ভং দুর্যোধনাশ্বাসনপূর্বকং রণায় নির্যাণম্॥ 1 ॥Mahabharata - Drona Parva - Chapter Text
7-152-0 (51675)
ধৃতরাষ্ট্র উবাচ। 7-152-0x (4668)
সিন্ধুরাজে হতে তাত সমরে সব্যসাচিনা।
তথৈব ভূরিশ্রবসি কিমাসীদ্বো মনস্তদা॥ 7-152-1 (51676)
দুর্যোধনেন চ দ্রোণস্তথোক্তঃ কুরসংসদি।
কিমুক্তবান্পরং তস্মাত্তন্মমাচক্ষ্ব সঞ্জয়॥ 7-152-2 (51677)
সঞ্জয় উবাচ। 7-152-3x (4669)
নিষ্টানকো মহানাসীৎসৈন্যানাং তব ভারত।
সৈন্ধবং নিহতং দৃষ্ট্বা ভূরিশ্রবসমেব চ॥ 7-152-3 (51678)
মন্ত্রিতং তব পুত্রস্য তে সর্বমবমেনিরে।
যেন মন্ত্রৈণ নিহতাঃ শতশঃ ক্ষত্রিয়র্ষভাঃ॥ 7-152-4 (51679)
দ্রোণস্তু তদ্বচঃ শ্রুৎবা পুত্রস্য তব দুর্মনাঃ।
মুহূর্তমিব চ ধ্যাৎবা ভৃশমার্তোঽভ্যভাষত॥ 7-152-5 (51680)
দ্রোণ উবাচ। 7-152-6x (4670)
দুর্যোধন কিমেবং মাং বাক্শরৈরুপকৃন্তসি।
অজয়্যং সততং সঙ্খ্যে ব্রুবাণং সব্যসাচিনম্॥ 7-152-6 (51681)
এতেনবার্জুনং জ্ঞাতুমলং কৌরব সংয়ুগে।
যচ্ছিখণ্ড্যবধীদ্ভীষ্মং পাল্যমানঃ কিরীটিনা॥ 7-152-7 (51682)
অবধ্যং নিহতং দৃষ্ট্বা সংয়ুগে দেবদানবৈঃ।
তদৈবাজ্ঞাসিষমহং নেয়মস্তীতি ভারতী॥ 7-152-8 (51683)
যং পুংসাং ত্রিষু লোকেষু সর্বশূরমমংস্ম হি।
তস্মিন্নিপতিতে ভীষ্মে কং শেষং পর্যুপাস্মহে॥ 7-152-9 (51684)
যান্স্ম তান্গ্লহতে তাত শকুনিঃ কুরুসংসদি।
অক্ষান্ন তেঽক্ষা নিশিতা বাণাস্তে শত্রুতাপনাঃ। 7-152-10 (51685)
`অক্ষাংস্তু মন্যসে বাণাঞ্ছোভমানাঞ্ছিতাঞ্শরান্'
ত এতে ঘ্নন্তি নস্তাত বিশিখাঃ পার্থচোদিতাঃ।
তাংস্তদাঽঽখ্যায়মানস্ৎবং বিদুরেণ ন বুদ্ধবান্॥ 7-152-11 (51686)
যাস্তা বিলপতশ্চাপি বিদুরস্য মহাত্মনঃ।
ধীরস্য বাচো নাশ্রৌষীঃ ক্ষেমায় বদতঃ শিবাঃ॥ 7-152-12 (51687)
তদিদং বর্ততে ঘোরমাগতং বৈশসং মহৎ।
তস্যাবমানাদ্বাক্যস্য দুঃশাসনকৃতেন চ॥ 7-152-13 (51688)
যোঽবমন্য বচঃ পথ্যং সুহৃদামাপ্তকারিণাম্।
স্বমতং কুরুতে মূঢঃ স শোচ্যো নচিরাদিব॥ 7-152-14 (51689)
যচ্চ নঃ প্রেক্ষমাণানাং কৃষ্ণামানায়্য তৎসভাম্।
অনর্হন্তীং কুলে জাতাং সর্বধর্মানুচারিণীম্॥ 7-152-15 (51690)
তস্যাধর্মস্য গান্ধারে ফলং প্রাপ্তমিদং মহৎ।
নোচেৎপাপং পরে লোকে ৎবমৃচ্ছেথাস্ততোঽধিকম্॥ 7-152-16 (51691)
যচ্চ তান্পাণ্ডবান্দ্যূতে বিষমেণ বিজিত্য হ।
প্রাব্রাজয়স্তদাঽরণ্যে রৌরবাজিনবাসসঃ॥ 7-152-17 (51692)
পুত্রাণামিব চৈতেষাং ধর্মমাচরতাং সদা।
দ্রুহ্যেৎকো নু নরো লোকে মদন্যো ব্রাহ্মণব্রুবঃ॥ 7-152-18 (51693)
পাণ্ডবানাময়ং কোপস্ৎবয়া শকুনিনা সহ।
আহৃতো ধৃতরাষ্ট্রস্য সম্মতে কুরু সংসদি॥ 7-152-19 (51694)
দুঃশাসনেন সংয়ুক্তঃ কর্ণেন পরিবর্ধিতঃ।
ক্ষত্তুর্বাক্যমনাদৃত্য ৎবয়াঽব্যস্তঃ পুনঃ পুনঃ॥ 7-152-20 (51695)
`স হি নঃ ক্রোধবৃক্ষশ্চ কৃতমূলো মহাত্মনাম্।
তস্য পুষ্পফলে রাজন্নুপভুঙ্ক্ষ্ব মহাবল'॥ 7-152-21 (51696)
যত্তাঃ সর্বে পরাভূতাঃ পর্যবারয়তার্জুনম্।
সিন্ধুরাজানমাশ্রিত্য স বো মধ্যে কথং হতঃ॥ 7-152-22 (51697)
কথং ৎবয়ি চ কর্ণে চ কৃপে শল্যে চ জীবতি।
অশ্বত্থাম্নি চ কৌরব্য নিধনং সৈন্ধবোঽগমৎ॥ 7-152-23 (51698)
যুধ্যন্তঃ সর্বরাজানস্তেজস্বিন উপাসতে।
সিন্ধুরাজং পরিত্রাতুং বো মধ্যে কথং হতঃ॥ 7-152-24 (51699)
ময়্যেব হি বিশেষেণ তথা দুর্যোধন ৎবয়ি।
আশংসত পরিত্রাণমর্জুনাৎস মহীপতিঃ॥ 7-152-25 (51700)
ততস্তস্মিন্পরিত্রাণমলব্ধবতি ফল্গুনাৎ।
ন কিঞ্চিদনুপশ্যামি জীবিতস্থানমাত্মনঃ॥ 7-152-26 (51701)
মজ্জন্তমিব চাত্মানং ধৃষ্টদ্যুম্নস্য সংয়ুগে।
পশ্যাম্যহৎবা পাঞ্চালান্সহ তেন শিখণ্ডিনা॥ 7-152-27 (51702)
তন্মাং কিমভিতপ্যন্তং বাক্শরৈরেব কৃন্তসি।
অশক্তঃ সিন্ধুরাজস্য ভূৎবা ত্রাণায় ভারত॥ 7-152-28 (51703)
সৌবর্ণং সত্যসন্ধস্য ধ্বজমক্লিষ্টকর্মণঃ।
অপশ্যন্যুধি ভীষ্মস্য কথমাশংসসে জয়ম্॥ 7-152-29 (51704)
মধ্যে মহারথানাং কিং শেষং তত্র মন্যসে।
হতো ভূরিশ্রবাশ্চৈব কিং শেষং তত্র মন্যসে॥ 7-152-30 (51705)
কৃপ এব চ দুর্ধর্ষো যদি জীবতি পার্থিব।
যো নাগাৎসিন্ধুরাজস্য বর্ত্ম তং পূজয়াম্যহম্॥ 7-152-31 (51706)
যত্রাপশ্যং হতং ভীষ্মং পশ্যতস্তেঽনুজস্য বৈ।
দুঃশাসনস্য কৌরব্য কুর্বাণং কর্ম দুষ্করম্॥ 7-152-32 (51707)
অবধ্যকল্পং সঙ্গ্রামে দেবৈরপি সবাসবৈঃ।
ন তে বসুন্ধরাঽস্তীতি তদাহং চিন্তয়ে নৃপ॥ 7-152-33 (51708)
ইমানি পাণ্ডবানাং চ সৃজ্জয়ানাং চ ভারত।
অনীকান্যাদ্রবন্তে মাং সহিতান্যদ্য ভারত॥ 7-152-34 (51709)
নাহৎবা সর্বপাঞ্চলান্কবচস্য বিমোক্ষণম্।
কর্তাঽস্মি সমরে কর্ম ধার্তরাষ্ট্র হিতং তব॥ 7-152-35 (51710)
রাজন্ব্রূয়াঃ সুতং মে ৎবমশ্বত্থামানমাহবে।
ন সোমকাঃ প্রমোক্তব্যা জীবিতং পরিরক্ষতা॥ 7-152-36 (51711)
যচ্চ পিত্রাঽনুশিষ্টোঽসি তদ্বচঃ পরিপালয়।
আনৃশংস্যে দমে সত্যে চার্জবে চ স্থিরো ভব॥ 7-152-37 (51712)
ধর্মার্থকামকুশলো ধর্মার্থাবপ্যপীডয়ন্।
ধর্মপ্রধানকার্যাণি কুর্যাশ্চেতি পুনঃ পুনঃ॥ 7-152-38 (51713)
চক্ষুর্মনোভ্যাং সন্তোষ্যা বিপ্রাঃ পূজ্যাশ্চ শক্তিতঃ।
ন চৈষাং বিপ্রিয়ং কার্যং তে হি বহ্নিশিখোপমাঃ॥ 7-152-39 (51714)
এষ ৎবহমনীকানি প্রবিশাম্যরিসূদন।
রণায় মহতে রাজংস্ৎবয়া বাক্শরপীডিতঃ॥ 7-152-40 (51715)
ৎবং চ দুর্যোধন বলং যদি শক্তোঽসি পালয়।
রাত্রাবপি চ যোদ্ধব্যাঃ সংরব্ধাঃ কুরুসৃঞ্জয়াঃ॥ 7-152-41 (51716)
এবমুক্ৎবা ততঃ প্রায়াদ্দ্রোণঃ পাণ্বসৃঞ্জয়ান্।
মুষ্ণন্ক্ষত্রিয়তেজাংসি নক্ষত্রাণামিবাংশুমান্॥ ॥ 7-152-42 (51717)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে দ্বিপঞ্চাশদধিকশততমোঽধ্যায়ঃ॥ 152 ॥
Mahabharata - Drona Parva - Chapter Footnotes
5-152-3 নিষ্টানকঃ সব্যথঃ শব্দঃ॥ 5-152-8 ইয়ং সেনা নাস্তীত্যস্য নষ্টেত্যর্থঃ॥ 5-152-10 গ্লহতে পাতয়তি॥ 5-152-16 নোচেদিতি। পরেলোকেঽধিকঃ পাপিনাং ক্লেশ ইহৎবল্পেনৈব ভোগেন নিস্তার ইতি ভাবঃ॥ নেহ চেৎপরলোকে যৎপাপমিচ্ছেত্ততোঽধিকম্ ইতি ক. পাঠঃ। ন ভবেৎপরলোকে যত্তপ্তমিচ্ছেত্ততোঽধিকম্। ইতি খ. পাঠঃ। নোচেৎপাপং পরং লোকে ৎবং মন্যেথাস্ততোঽধিকম্ ইতি ঙ.পাঠঃ। নেহ বৈ পরলোকায় পাপমিচ্ছেত পার্থিবঃ ইতি ট.ঙ.পাঠঃ॥ 5-152-20 অভ্যস্ত আবর্তিতঃ॥ 5-152-22 যস্তু শর্বাদ্বরং লব্ধ্বা পর্যবারয়দর্জুনম্। সিন্ধুরাজঃ সমাশ্রিত্য স বো মধ্যে কথং হতঃ ইতি ক.খ.পাঠঃ। যত্তাঃ সর্বে পুরা ভূৎবা অর্জুনং পর্যবারয়ন্। সিন্ধুরাজাঃ সমাশ্রিত্য স বো মধ্যে কথং হতঃ ইতি ট.পাঠঃ। যত্তৎসর্বে পরং ভূৎবা পর্যবারয়তার্জুনম্। সিন্ধুরাজানমাশ্রিত্য স বো মধ্যে কথং হতঃ ইতি ঙ. পাঠঃ। যত্তৎসর্বে পরাভূয় পর্যবারয়তার্জুনিম্। সিন্ধুরাজানমাশ্রিত্য স বো মধ্যে কথং হতঃ ইতি ঙ. পাঠঃ॥ 5-152-27 পশ্যাম্যহং বৈ পাঞ্চালান্সহ তেন শিখণ্ডিনা ইতি ক.ট.ঙ.পাঠঃ। ধৃষ্টদ্যুম্নস্য কিল্পিষে ইতি ঝ.পাঠঃ॥ 5-152-152 দ্বিপঞ্চাশদধিকশততমোঽধ্যায়ঃ॥দ্রোণপর্ব - অধ্যায় 153
॥ শ্রীঃ ॥
7.153. অধ্যায়ঃ 153
Mahabharata - Drona Parva - Chapter Topics
দুর্যোধনেন কর্ণংপ্রতি জয়দ্রথবধে দ্রোণস্য পার্থপক্ষপাতাদৌদাসীন্যস্য হেতুৎবেঽভিহিতে কর্ণেন তন্নিরাকরণপূর্বকং দৈবস্যৈব তত্র হেতুৎবকথনম্॥ 1 ॥ রাত্রিয়ুদ্ধারম্ভঃ॥ 2 ॥Mahabharata - Drona Parva - Chapter Text
7-153-0 (51718)
সঞ্জয় উবাচ। 7-153-0x (4671)
ততো দুর্যোধনো রাজা দ্রোণেনৈবং প্রচোদিতঃ।
অমর্ষবশমাপন্নো যুদ্ধায়ৈব মনো দধে।
অব্রবীচ্চ তদা কর্ণং পুত্রো দুর্যোধনস্তব॥ 7-153-1 (51719)
পশ্য কৃষ্ণসহায়েন পাণ্ডবেন কিরীটিনা।
আচার্যবিহিতং ব্যূহং ভিত্ৎবা দেবৈঃ সুদুর্ভিদম্॥ 7-153-2 (51720)
তব ব্যায়চ্ছমানস্য দ্রোণস্য চ মহাত্মনঃ।
মিষতাং যোধমুখ্যানাং সৈন্ধবো বিনিপাতিতঃ॥ 7-153-3 (51721)
পশ্য রাধেয় পৃথ্বীশাঃ পৃথিব্যাং প্রবরা যুধি।
পার্থেনৈকেন নিহতাঃ সিংহেনেবেতরে মৃগাঃ॥ 7-153-4 (51722)
মম ব্যায়চ্ছমানস্য সমরে শত্রুসূদন।
অল্পাবশেষং সৈন্যং মে কৃতং শক্রাত্মজেন হ॥ 7-153-5 (51723)
কথং বৈ যুধ্যমানস্য দ্রোণস্য যুধি ফল্গুনঃ।
ভিন্দ্যাৎসুদুর্ভিদং ব্যূহং যতমানোঽপি সংয়ুগে॥ 7-153-6 (51724)
প্রতিজ্ঞায়া গতঃ পারং হৎবা সৈন্ধবমর্জুনঃ॥ 7-153-7 (51725)
পশ্য রাধেয় পৃথ্বীশান্পৃথিব্যাং পাতিতান্বহূন্।
পার্থেন নিহতান্সঙ্খ্যে মহেন্দ্রোপমবিক্রমান্॥ 7-153-8 (51726)
অনিচ্ছতঃ কথং বীর দ্রোণস্য যুধি পাণ্ডবঃ।
ভিন্দ্যাৎসুদুর্ভিদং ব্যৃহং যতমানস্য শুপ্মিণঃ॥ 7-153-9 (51727)
দয়িতঃ ফল্গুনো নিত্যমাচার্যস্য মহাত্মনঃ।
ততোঽস্য দত্তবান্দ্বারময়ুদ্ধেনৈব শত্রুহন্॥ 7-153-10 (51728)
অভয়ং সিন্ধুরাজায় দত্ৎবা দ্রোণঃ পরন্তপঃ।
প্রাদাৎকিরীটিনে দ্বারং পশ্যন্নির্গুণতাং ময়ি॥ 7-153-11 (51729)
যদ্যদাস্যদনুজ্ঞাং বৈ পূর্বমেব গৃহান্প্রতি।
প্রম্থাতুং সিন্ধুরাজস্য ন ভবেজ্জীবিতক্ষয়ঃ॥ 7-153-12 (51730)
জয়দ্রথো জীবিতার্থী গচ্ছমানো গৃহান্প্রতি।
ময়াঽনার্যেণ সংরুদ্ধো দ্রোণাৎপ্রাপ্যাভয়ং রণে॥ 7-153-13 (51731)
`রক্ষামি সৈন্ধবং যুদ্ধে নৈনং প্রাপ্স্যতি ফল্গুনঃ।
মম সৈন্যবিনাশায় রুদ্ধো বিপ্রেণ সৈন্ধবঃ॥ 7-153-14 (51732)
তস্য মে মন্দভাগ্যস্য যতমানস্য সংয়ুগে।
হতানি সর্বসৈন্যানি হতো রাজা জয়দ্রথঃ॥ 7-153-15 (51733)
পশ্য যোধবরান্কর্ণ শতশোঽথ সহস্রশঃ।
পার্থনামাঙ্কিতৈর্বাণৈঃ সর্বে নীতা যমক্ষয়ম্॥ 7-153-16 (51734)
কথমেকরথেনাজৌ বহূনাং নঃ প্রপশ্যতাম্।
বিপন্নঃ সৈন্ধবো রাজা যোধাশ্চৈব সহস্রশঃ'॥ 7-153-17 (51735)
অদ্য মে ভ্রাতরঃ ক্ষীণাশ্চিত্রসেনাদয়ো রণে।
ভামসনং সমাসাদ্য পশ্যতাং নোদুরাত্মনাম্॥ 7-153-18 (51736)
কর্ণ উবাচ। 7-153-19x (4672)
আচার্যং মা বিগর্হস্ব শক্ত্যাঽসৌ যুধ্যতে দ্বিজঃ।
যথাবলং যথোৎসাহং ত্যক্ৎবা জীবিতমাত্মনঃ॥ 7-153-19 (51737)
যদ্যেনং সমতিক্রম্য প্রবিষ্টঃ শ্বেতবাহনঃ।
নাত্র সূক্ষ্মোঽপি দোষঃস্যাদাচার্যস্য কথঞ্চন॥ 7-153-20 (51738)
কৃতী দক্ষো যুবা শূরঃ কৃতাস্ত্রো লঘুবিক্রমঃ।
দিব্যাস্ত্রয়ুক্তমাস্থায় রথং বানরলক্ষণম্॥ 7-153-21 (51739)
কৃষ্ণেন চ গৃহীতাশ্বমভেদ্যকচাবৃতঃ।
গাণ্ডীবমজরং দিব্যং ধনুরাদায় বীর্যবান্॥ 7-153-22 (51740)
প্রবর্ষন্নিশিতান্বাণান্বাহুদ্রবিণদর্পিতঃ।
যদর্জুনোঽভ্যযাদ্দ্রোণমুপপন্নং হি তস্য তৎ॥ 7-153-23 (51741)
আচার্যঃ স্থবিরো রাজঞ্শীঘ্রয়ানে তথাঽক্ষমঃ।
বাহুব্যায়ামচেষ্টায়ামশক্তস্তু নরাধিপ॥ 7-153-24 (51742)
তেনৈবমভ্যতিক্রান্তঃ শ্বেতাশ্বঃ কৃষ্ণসারথিঃ।
তস্য দোষং ন পশ্যামি দ্রোণস্যানেন হেতুনা॥ 7-153-25 (51743)
অজয়্যান্পাণ্ডবান্মন্যে দ্রোণোনাস্ত্রবিদা মৃধে।
তথা হ্যেনমতিক্রম্য প্রবিষ্টঃ শ্বেতবাহনঃ॥ 7-153-26 (51744)
সততং চেষ্টমানানাং নিকৃত্যা বিক্রমেণ চ।
দৈবাদিষ্টোঽন্যথাভাবো ন মন্যে বিদ্যতে ক্বচিৎ॥ 7-153-27 (51745)
যতো নো যুধ্যমানানাং পরং শক্ত্যা সুয়োধন।
সৈন্ধবো নিহতো যুদ্ধে দৈবমত্র পরং স্মৃতম্॥ 7-153-28 (51746)
পরং যত্নং কুর্বতাং চ ৎবয়া সার্ধং রণাজিরে।
হৎবাঽস্মাকং পৌরুষং বৈ দৈবং পশ্চাৎকরোতি নঃ॥ 7-153-29 (51747)
দৈবোপসৃষ্টপুরুষো যৎকর্ম কুরুতে ক্বচিৎ।
কৃতং কৃতং হি তত্তস্যট দৈবেন বিনিপাত্যতে॥ 7-153-30 (51748)
যৎকর্তব্যং মনুষ্যেণ ব্যবসায়বতা সদা।
তৎকার্যমবিশঙ্কেন সিদ্ধির্দৈবে প্রতিষ্ঠিতা॥ 7-153-31 (51749)
নিকৃত্যা বঞ্চিতাঃ পার্থা বিষয়োগৈশ্চ ভারত।
দগ্ধা জতুগৃহে চাপি দ্যূতেন চ পরাজিতাঃ॥ 7-153-32 (51750)
রাজনীতিং সমাশ্রিত্য প্রহিতাশ্চৈব কাননম্।
যত্নেন চ কৃতং তত্তদ্দৈবেন বিনিপাতিতম্॥ 7-153-33 (51751)
যুধ্যস্ব যত্নমাস্থয় দৈবং কৃৎবা নিরর্থকম্।
যততস্তব তেষাং চ দৈবং মার্গেণ যাস্যতি॥ 7-153-34 (51752)
ন তেষাং মতিপূর্বং হি সুকৃতং দৃশ্যতে ক্বচিৎ।
দুষ্কৃতং তব বা বীর বুদ্ধ্যা হীনং কুরূদ্বহ॥ 7-153-35 (51753)
দৈবং প্রমাণং সর্বস্য সুকৃতস্যেতরস্য বা।
অনন্যকর্ম দৈবং হি জাগর্তি স্বপতামপি।
`তেন যুক্তো হি পুরুষঃ কার্যাকার্যে নিয়ুজ্যতে'॥ 7-153-36 (51754)
বহূনি তব সৈন্যানি যোধাশ্চ বহবস্তব।
ন তথা পাণ্ডুপুত্রাণামেবং যুদ্ধমবর্তত॥ 7-153-37 (51755)
তৈরল্পৈর্বহবো যূয়ং ক্ষয়ং নীতাঃ প্রহারিণঃ।
শঙ্কে দৈবস্য তৎকর্ম পৌরুষং যেন নাশিতম্॥ 7-153-38 (51756)
সঞ্জয় উবাচ। 7-153-39x (4673)
এবং সংভাষমাণানাং বহু তত্তজ্জনাধিপ।
পাণ্ডবানামনীকানি সমদৃশ্যন্ত সংয়ুগে॥ 7-153-39 (51757)
ততঃ প্রববৃতে যুদ্ধং ব্যতিষক্তরথদ্বিপম্।
তাবকানাং পরৈঃ সার্ধং রাজন্দুর্মন্ত্রিতে তব॥ ॥ 7-153-40 (51758)
ইতি শ্রীমন্মহাভারতে দ্রোণপর্বণি জয়দ্রথবধপর্বণি চতুর্দশদিবসয়ুদ্ধে ত্রিপঞ্চাশদধিকশততমোঽধ্যায়ঃ॥ 153 ॥
Mahabharata - Drona Parva - Chapter Footnotes
5-153-12 যদ্যদাস্যৎ দদ্যাচ্চেদিত্যর্থঃ। সিন্ধুরাজস্য নাভবিধ্যজ্জনক্ষয় ইতি ঝ. পাঠঃ॥ 5-153-27 অন্যথাভাবঃ পরাজয়ো দৈবাদিষ্টঃ। নতু দ্রোণাপরাধজ ইতি ভাবঃ॥ দৈবদৃষ্ট্যাঽন্যথাভাবো ন মন্যুর্বিদ্যতে ক্বচিৎ ইতি ক. পাঠঃ। দৈবদিষ্টান্যথাভাবো ন মন্যুর্বিদ্যতে ক্বচিৎ ইতি খ.পাঠঃ॥ 5-153-30 দৈবোপসৃষ্টো দুর্দৈবপ্রস্তঃ॥ 5-153-35 তেষাং জয়হেতুঃ সুকৃতং তব বা পরাজয়হেতুঃ দুষ্কৃতং নাস্তীত্যাহ। ন তেষামিতি॥ 5-153-153 ত্রিষঞ্চাশদধিকশততমোঽধ্যায়ঃ॥দ্রোণপর্ব - অধ্যায় 154
॥ শ্রীঃ ॥
7.154. অধ্যায়ঃ 154
Mahabharata - Drona Parva - Chapter Topics
যুধিষ্ঠিরেণ দুর্যোধনপরাজয়ঃ॥ 1 ॥Mahabharata - Drona Parva - Chapter Text
7-154-0 (51759)
সঞ্জয় উবাচ। 7-154-0x (4674)
তদুদীর্ণং রথাশ্বৌঘং বলং তব জনাধিপ।
পাণ্ডুসেনামতিক্রম্য যোধয়ামাস সর্বতঃ॥ 7-154-1 (51760)
পাঞ্চালাঃ কুরবশ্চৈব যোধয়ন্তঃ পরস্পরম্।
যমরাষ্ট্রায় মহতে পরলোকায় দীক্ষিতাঃ॥ 7-154-2 (51761)
শূরাঃ শূরৈঃ সমাগম্য শরতোমরশক্তিভিঃ।
বিব্যধুঃ সমরেঽন্যোন্যং নিন্যুশ্চৈব যমক্ষয়ম্॥ 7-154-3 (51762)
রথিনাং রথিভিঃ সার্ধং রুধিরস্রাবদারুণম্।
প্রাবর্তত মহদ্যুদ্ধং নিঘ্নতামিতরেতরম্॥ 7-154-4 (51763)
বারণাশ্চ মহারাজ সমাসাদ্য পরস্পরম্।
বিষাণৈর্দারয়ামাসুঃ সুসঙ্ক্রুদ্ধা মদোৎকটাঃ॥ 7-154-5 (51764)
হয়ারোহান্হয়ারোহাঃ প্রাসশক্তিপরশ্বথৈঃ।
বিভিদুস্তুমুলে যুদ্ধে প্রার্থয়ন্তো মহদ্যশঃ॥ 7-154-6 (51765)
পত্তয়শ্চ মহাবাহো শতশঃ শস্ত্রপাণয়ঃ।
অন্যোন্যমার্দয়ন্রাজন্নিত্যং যত্তাঃ পরাক্রমে॥ 7-154-7 (51766)
গোত্রাণাং নামধেয়ানাং কুলানাং চৈব মারিষ।
শ্রবণাদ্ধি বিজানীমঃ পাঞ্চালান্কুরুভিঃ সহ॥ 7-154-8 (51767)
তেঽন্যোন্যং সমরে যোধাঃ শরশক্তিপরশ্বথৈঃ।
প্রৈষয়ন্পরলোকায় বিচরন্তো হ্যভীতবৎ॥ 7-154-9 (51768)
শরৈর্দশ দিশো রাজংস্তেষাং মুক্তৈঃ সহস্রশঃ।
ন ভ্রাজন্তে যথা পূর্বং ভাস্করস্য চ নাশনাৎ॥ 7-154-10 (51769)
তথা প্রয়ুধ্যমানেষু পাণ্ডবেয়েষু ভারত।
দুর্যোধনো মহারাজ ব্যবাগাহত তদ্বলম্॥ 7-154-11 (51770)
সৈন্ধবস্য বধেনৈব ভৃশং দুঃখসমন্বিতঃ।
মর্তব্যমিতি সংচিন্ত্য প্রাবিশচ্চ দ্বিষদ্বলম্॥ 7-154-12 (51771)
নাদয়ন্রথঘোষেণ কম্পয়ন্নিব মেদিনীম্।
অভ্যবর্তত পুত্রস্তে পাণ্ডবানামনীকিনীম্॥ 7-154-13 (51772)
স সন্নিপাতস্তুমুলস্তস্য তেষাং চ ভারত।
অভবৎসর্বসৈন্যানামভাবকরমো মহান্॥ 7-154-14 (51773)
`ধৃতরাষ্ট্র উবাচ। 7-154-15x (4675)
তথা হতেষু সৈন্যেষু তথা কৃচ্ছ্রগতঃ স্বয়ম্।
কচ্চিদ্দুর্যোধনঃ সূত নাকার্ষীৎপৃষ্ঠতো রণম্॥ 7-154-15 (51774)
একস্য চ বহুনাং চ সন্নিপাতো মহানভূৎ।
বিশেষতো হি নৃপতের্বিষমং প্রতিভাতি মে॥ 7-154-16 (51775)
সোঽত্যন্তসুখসংবৃদ্ধো রক্ষ্যো লোকস্য চেশ্বরঃ।
একো বহূন্সমাসাদ্য কচ্চিন্নাসীৎপরাঙ্মুখঃ॥ 7-154-17 (51776)
দ্রোণঃ কর্ণঃ কৃপশ্চৈব কৃতবর্মা চ সাৎবতঃ।
নাবারয়ন্কথং যুদ্ধে রাজানং রাজ্যকাঙ্ক্ষিণঃ॥ 7-154-18 (51777)
সর্বোপায়ৈর্হি যুদ্ধেষু রক্ষিতব্যো মহীপতিঃ।
এষা নীতিঃ পরা যুদ্ধে দৃষ্টা তত্র মনীষিভিঃ॥ 7-154-19 (51778)
প্রবিষ্টে বৈ মম সুতে পরেষাং বৈ মহদ্বলম্।
মামকা রথিনাং শ্রেষ্ঠাঃ কিমকুর্বত স়ঞ্জয়॥ 7-154-20 (51779)
সঞ্জয় উবাচ। 7-154-21x (4676)
রাজন্সঙ্গ্রামমাশ্চর্যং পুত্রস্য তব ভারত।
একস্য চ বহূনাং চ শৃণু মে ব্রুবতো ধ্রুবম্॥ 7-154-21 (51780)
দ্রোণেন বার্যমাণোঽসৌ কর্ণেন চ কৃপেণ চ।
প্রাবিশৎপাণ্ডবীং সেনাং মকরঃ সাগরং যথা॥ 7-154-22 (51781)
কিরন্নিষুসহস্রাণি তত্রতত্র তথাতথা।
পাঞ্চালান্পাণ্ডবাংশ্চৈব বিব্যাধ নিশিতৈঃ শরৈঃ॥ 7-154-23 (51782)
যথোদয়গতঃ সূর্যো রশ্মিভির্নাশয়েত্তমঃ।
তথা পুত্রস্তব বলং নাশয়ত্তন্মহাবলঃ'॥ 7-154-24 (51783)
যথা মধ্যন্দিনে সূর্যং প্রতপন্তং গভস্তিভিঃ।
তথা তব সুতং মধ্যে প্রতপন্তং শরার্চিভিঃ।
ন শেকুর্ভারতং যুদ্ধে পাণ্ডবাঃ সমুদীক্ষিতুম্॥ 7-154-25 (51784)
পলায়নকৃতোৎসাহা নিরুৎসাহা দ্বিষজ্জয়ে।
পর্যধাবন্ত পাঞ্চালা বধ্যমানা মহাত্মনা॥ 7-154-26 (51785)
রুক্মপুঙ্খৈঃ প্রসন্নাগ্রৈস্তব পুত্রেণ ধন্বিনা।
অর্দ্যমানাঃ শরৈস্তূর্ণং ন্যপতন্পাণ্ডুসৈনিকাঃ॥ 7-154-27 (51786)
`ব্যদ্রবংশ্চ ভয়াদ্যোধা দৃষ্ট্বা তং পরমাহবে।
ব্যাত্তাননমিব প্রাপ্তমন্তকং প্রাণহারিণম্'॥ 7-154-28 (51787)
ন তাদৃশং রমে কর্ম কৃতবন্তস্তু তাবকাঃ।
যাদৃশং কৃতবান্রাজা পুত্রস্তব বিশাম্পতে॥ 7-154-29 (51788)
পুত্রেণ তব সা সেনা পাণ্ডবী মথিতা রণে।
নলিনী দ্বিরদেনেব সমন্তাৎফুল্লপঙ্কজা॥ 7-154-30 (51789)
ক্ষীণতোয়ানিলার্কাভ্যাং হতৎবিডিব পদ্মিনী।
বভূব পাণ্ডবী সেনা তব পুত্রস্য তেজসা॥ 7-154-31 (51790)
পাণ্ডুসেনাং হতাং দৃষ্ট্বা তব পুত্রেণ ভারত।
ভীমসেনপুরোগাস্তু পাঞ্চালাঃ সমুপাদ্রবন্॥ 7-154-32 (51791)
স ভীমসেনং দশভির্মাদ্রীপুত্রৌ ত্রিভিস্ত্রিভিঃ।
বিরাটদ্রুপদৌ ষড্ভিঃ শতেন চ শিখণ্ডিনম্॥ 7-154-33 (51792)
ধৃষ্টদ্যুম্নং চ সপ্তত্যা ধর্মপুত্রং চ সপ্তভিঃ।
কেকয়াংশ্চৈব চেদীংশ্চ বহুভির্নিশিতৈঃ শরৈঃ॥ 7-154-34 (51793)
সাৎবতং পঞ্চভির্বিদ্ধা দ্রৌপদেয়াংস্ত্রিভিস্ত্রিভিঃ।
ঘটোৎকচং চ সমরে বিদ্ধ্বা সিংহ ইবানদৎ॥ 7-154-35 (51794)
শতশশ্চাপরান্যোধান্সদ্বিপাংশ্চ মহারণে।
শরৈরবচকর্তোগ্রৈঃ ক্রুদ্ধোঽন্তক ইব প্রজাঃ॥ 7-154-36 (51795)
সা তেন পাণ্ডবী সেনা বধ্যমানা শিলীমুখৈঃ।
তব পুত্রেণ সঙ্গ্রামে বিদুদ্রাব নরাধিপ॥ 7-154-37 (51796)
তং তপন্তমিবাদিত্যং কুরুরাজং মহাহবে।
নাশকন্বীক্ষিতুং রাজন্পাণ্ডুপুত্রস্য সৈনিকাঃ॥ 7-154-38 (51797)
ততো যুধিষ্ঠিরো রাজা কুপিতো রাজসত্তম।
অভ্যধাবৎকুরুপতিং তব পুত্রং জিঘাংসয়া॥ 7-154-39 (51798)
তাবুভৌ যুধি কৌরব্যৌ সমীয়তুররিন্দমৌ।
স্বার্থহেতোঃ পরাক্রান্তৌ দুর্যোধনয়ুধিষ্ঠিরৌ॥ 7-154-40 (51799)
ততো দুর্যোধনঃ ক্রুদ্ধঃ শরৈঃ সন্নতপর্বভিঃ।
বিব্যাধ দশভিস্তূর্ণং ধ্বজং চিচ্ছেদ চেষুণা॥ 7-154-41 (51800)
ইন্দ্রসেনং ত্রিভিশ্চৈব ললাটে জঘ্নিবান্নৃপ।
সারথিং দয়িতং রাজ্ঞঃ পাণ্ডবস্য মহাত্মনঃ॥ 7-154-42 (51801)
ধনুশ্চ পুনরন্যেন চকর্তাস্য মহারথঃ।
চতুর্ভিশ্চতুরশ্চৈব বাণৈর্বিব্যাধ বাজিনাঃ॥ 7-154-43 (51802)
ততো যুধিষ্ঠিরঃ ক্রুদ্ধো নিমেষাদিব কার্মুকম্।
অন্যদাদায় বেগেন কৌরবং প্রত্যবারয়ৎ॥ 7-154-44 (51803)
তস্য তান্নিঘ্নতঃ শত্রূন্রুক্মপৃষ্ঠং মহদ্ধনুঃ।
ভল্লাভ্যাং পণ্ডবো জ্যেষ্ঠস্ত্রিধা চিচ্ছেদ মারিষ॥ 7-154-45 (51804)
বিব্যাধ চৈনং দশভিঃ সম্যগস্তৈঃ শিতৈঃ শরৈঃ।
মর্ম ভিত্ৎবা তু তে সর্বে সংলগ্নাঃ ক্ষিতিমাবিশন্॥ 7-154-46 (51805)
ততঃ পরিবৃতা যোধাঃ পরিবব্রুর্যুধিষ্ঠিরম্।
বৃত্রেণ সহ যুধ্যন্তং যদ্বদ্দেবাঃ শতক্রতুম্॥ 7-154-47 (51806)
ততো যুধিষ্ঠিরো রাজা তব পুত্রস্য মারিষ।
শরং চ সূর্যরশ্ম্যাভমত্যুগ্রমনিবারণম্।
হা হতোঽসীতি রাজানমুক্ৎবাঽমুঞ্চদ্যুধিষ্ঠিরঃ॥ 7-154-48 (51807)
স তেনাকর্ণমুক্তেন বিদ্ধো বাণেন কৌরবঃ।
নিষসাদ রথোপস্থে ভৃশং সম্মূঢচেতনঃ॥ 7-154-49 (51808)
ততঃ পাঞ্চাল্যসেনানাং ভৃশমাসীদ্রবো মহান্।
হতো রাজেতি রাজেন্দ্র মুদিতানাং সমন্ততঃ॥ 7-154-50 (51809)
বাণশব্দরবশ্চোগ্রঃ শুশ্রুবে তত্র মারিষ।
অথ দ্রোণো দ্রুতং তত্র প্রত্যদৃশ্যত সংয়ুগে॥ 7-154-51 (51810)
হৃষ্টো দুর্যোধনশ্চাপি দৃঢমাদায় কার্মুকম্।
তিষ্ঠতিষ্ঠেতি রাজানং ব্রুবন্পাণ্ডবমভ্যযাৎ॥ 7-154-52 (51811)
প্রত্যুদ্যযুস্তং ৎবরিতাঃ পাঞ্চালা জয়গৃদ্ধিনঃ।
তান্দ্রোণঃ প্রতিজগ্রাহ পরীপ্সন্কুরুসত্তমম্।
চণ্ডবাতঃ সমুদ্বূতো মেঘানম্বুমুচো যথা॥ 7-154-53 (51812)
ততো রাজন্মহানাসীৎসঙ্গ্রামো ভূরিবর্ধনঃ।
তাবকানাং পরেষাং চ সমেতানাং যুয়ুৎসয়া॥ ॥ 7-154-54 (51813)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে চতুঃপঞ্চাশদধিকশততমোঽধ্যায়ঃ॥ 154 ॥
Mahabharata - Drona Parva - Chapter Footnotes
5-154-8 গোত্রং পিত্রাদি নাম শৈনেয় সাত্যকে ইত্যাদি। কুলং পাণ্ড্যপাঞ্চাল্যেত্যাদি॥ 5-154-46 সম্যগস্তৈঃ দৃঢং প্রক্ষিপ্তৈঃ॥ 5-154-51 বাণশব্দরবো বাণশব্দসহিতো রবঃ প্রাণিশব্দঃ॥ 5-154-54 ভূরিবর্ধনো বহুচ্ছেদনঃ॥ 5-154-154 চতুঃপঞ্চাশদধিকশততমোঽধ্যায়ঃ॥দ্রোণপর্ব - অধ্যায় 155
॥ শ্রীঃ ॥
7.155. অধ্যায়ঃ 155
Mahabharata - Drona Parva - Chapter Topics
দ্রোণয়ুদ্ধবর্ণনম্॥ 1 ॥Mahabharata - Drona Parva - Chapter Text
7-155-0 (51814)
ধৃতরাষ্ট্র উবাচ। 7-155-0x (4677)
যত্তদা প্রাবিশৎপাণ্ডূনাচার্যঃ কুপিতো বলী।
উক্তা দুর্যোধনং মন্দং মম শাস্ত্রাতিগং সুতম্॥ 7-155-1 (51815)
প্রবিশ্য বিচরন্তং চ রথে শূরমবস্থিতম্।
কথং দ্রোণং মহেষ্বাসং পাণ্ডবাঃ পর্যবারয়ন্॥ 7-155-2 (51816)
কেঽরক্ষন্দক্ষিণং চক্রমাচার্যস্য মহাহবে।
কে চোত্তরমরক্ষন্ত নিঘ্নতঃ শাস্ত্রবান্বহূন্॥ 7-155-3 (51817)
কে চাস্য পৃষ্ঠতোঽন্বাসন্বীরা বীরস্য যোধিনঃ।
কে পুরস্তাদবর্তন্ত রথিনস্তস্য শত্রবঃ॥ 7-155-4 (51818)
মন্যে তানস্পৃশচ্ছীতমতিবেলমনার্তবম্।
মন্যে তে সমবেপন্ত গাবো বৈ শিশিরে যথা॥ 7-155-5 (51819)
যৎপ্রাবিশন্মহেষ্বাসঃ পাঞ্চালানপরাজিতঃ।
নৃত্যন্স রথমার্গেষু সর্বশস্ত্রভৃতাং বরঃ॥ 7-155-6 (51820)
নির্দহন্সর্বসৈন্যানি পাঞ্চালানাং রথর্ষভঃ।
ধূমকেতুরিব ক্রুদ্ধঃ কথং মৃত্যুমুপেয়িবান্॥ 7-155-7 (51821)
সঞ্জয় উবাচ। 7-155-8x (4678)
সায়াহ্নে সৈন্ধবং হৎবা রাজ্ঞা পার্থঃ সমেত্য চ।
সাত্যকিশ্চ মহেষ্বাসো দ্রোণমেবাভ্যধাবতাম্॥ 7-155-8 (51822)
তথা যুধিষ্ঠিরস্তূর্ণং ভীমসেনশ্চ পাণ্ডবঃ।
পৃথক্চমূভ্যাং সংয়ত্তৌ দ্রোণমেবাভ্যধাবতাম্॥ 7-155-9 (51823)
তথৈব নকুলো ধীমান্সহদেবশ্চ দুর্জয়ঃ।
ধৃষ্টদ্যুম্নঃ শতানীকো বিরাটশ্চ সকেকয়ঃ।
মাৎস্যাঃ সাল্বাঃ সসেনাশ্চ দ্রোণমেব যয়ুর্যুধি॥ 7-155-10 (51824)
দ্রুপদশ্চ তথা রাজা পাঞ্চালৈরভিরক্ষিতঃ।
ধৃষ্টদ্যুম্নপিতা রাজন্দ্রোণমেবাভ্যবর্তত॥ 7-155-11 (51825)
দ্রৌপদেয়া মহেষ্বাসা রাক্ষসশ্চ ঘটোৎকচঃ।
সসৈন্যাস্তে ন্যবর্তন্ত দ্রোণমেব মহাদ্যুতিম্॥ 7-155-12 (51826)
প্রভদ্রকাশ্চ পাঞ্চালাঃ ষট্সহস্রাঃ প্রহারিণঃ।
দ্রোণমেবাভ্যবর্তন্ত পুরস্কৃত্য শিখণ্ডিনম্॥ 7-155-13 (51827)
তথেতরে নরব্যাঘ্রাঃ পাণ্ডবানাং মহারথাঃ।
সহিতাঃ সন্ন্যবর্তন্ত দ্রোণমেব দ্বিজর্ষভম্॥ 7-155-14 (51828)
তেষু শূরেষু যুদ্ধায় গতেষু ভরতর্ষভ।
বভূব রজনী ঘোরা ভীরূণাং ভয়বর্ধিনী॥ 7-155-15 (51829)
যোধানামশিবা রৌদ্রা রাজন্নন্তকগামিনী।
কুঞ্জরাশ্বমনুষ্যাণাং প্রাণান্তকরণী তদা॥ 7-155-16 (51830)
তস্যাং রজন্যাং ঘোরায়াং নদন্ত্যঃ সর্বতঃ শিবাঃ।
ন্যবেদয়ন্ভয়ং ঘোরং সজ্বালকবলৈর্মুখৈঃ॥ 7-155-17 (51831)
উলূকাশ্চাপ্যদৃশ্যন্ত শংসন্তো বিপুলং ভয়ম্।
বিশেষতঃ কৌরবাণাং ধ্বজিন্যামতিদারুণাঃ॥ 7-155-18 (51832)
ততঃ সৈন্যেষু রাজেন্দ্র শব্দঃ সমভবন্মহান্।
ভেরীশব্দেন মহতা মৃদঙ্গানাং স্বনেন চ॥ 7-155-19 (51833)
গজানাং বৃংহিতৈশ্চাপি তুরঙ্গাণাং চ হেষিতৈঃ।
খুরশব্দনিপাতৈশ্চ তুমুলঃ সর্বতোঽভবৎ॥ 7-155-20 (51834)
ততঃ সমভবদ্যুদ্ধং সন্ধ্যায়ামতিদারুণম্।
দ্রোণস্য চ মহারাজ সৃঞ্জয়ানাং চ সর্বশঃ॥ 7-155-21 (51835)
তমসা চাবৃতে লোকে ন প্রাজ্ঞায়ত কিঞ্চন।
সৈন্যেন রজসা চৈব সমন্তাদুত্থিতেন হ॥ 7-155-22 (51836)
নরস্যাশ্বস্য নাগস্য সমসজ্জত শোণিতম্।
নাপশ্যাম রজো ভৌমং কশ্মলেনাভিসংবৃতাঃ॥ 7-155-23 (51837)
রাত্রৌ বংশবনস্যেব দহ্যমানস্য পর্বতে।
ঘোরশ্চটচটাশব্দঃ শস্ত্রাণাং পততামভূৎ॥ 7-155-24 (51838)
মৃদঙ্গানকনির্হ্রাদৈর্ঝর্ঝরৈঃ পটহৈস্তথা।
ফেৎকারৈর্হেষিতৈঃ শব্দৈঃ সর্বমৈবাকুলং বভৌ॥ 7-155-25 (51839)
নৈব স্বে ন পরে রাজন্প্রাজ্ঞায়ন্ত তমোবৃতে।
উন্মত্তমিব তৎসর্বং বভূব রজনীমুখে॥ 7-155-26 (51840)
ভৌমং রজোঽথ রাজেন্দ্র শোণিতেন প্রণাশিতম্।
শাতকৌম্ভৈশ্চ কবচৈর্ভূষণৈশ্চ তমোঽনশৎ॥ 7-155-27 (51841)
ততঃ সা ভারতী সেনা মণিহেমবিভূষিতা।
দ্যৌরিবাসীৎসনক্ষত্রা রজন্যাং ভরতর্ষভ॥ 7-155-28 (51842)
গোমায়ুবলসঙ্ঘুষ্টা শক্তিধ্বজসমাকুলা।
বারণাভিরুতা ঘোরা ক্ষ্বেডিতোৎক্রুষ্টনাদিতা॥ 7-155-29 (51843)
তত্রাভবন্মহাশব্দস্তুমুলো রোমহর্ষণঃ।
সমাবৃণ্বন্দিশঃ সর্বা মহেন্দ্রাশনিনিঃস্বনঃ॥ 7-155-30 (51844)
সা নিশীথে মহারাজ সেনাঽদৃশ্যত ভারতী।
অঙ্গদৈঃ কুণ্ডলৈর্নিষ্কৈঃ শস্ত্রৈশ্চৈবাবভাসিতা॥ 7-155-31 (51845)
তত্র নাগা রথাশ্চৈব জাম্বূনদবিভূষিতাঃ।
নিশায়াং প্রত্যদৃশ্যন্ত মেঘা ইব সবিদ্যুতঃ॥ 7-155-32 (51846)
ঋষ্টিশক্তিগদাবাণমুসলপ্রাসপট্টসাঃ।
সম্পতন্তো ব্যদৃশ্যন্ত ভ্রাজমানা ইবাগ্নয়ঃ॥ 7-155-33 (51847)
দুর্যোধনপুরোবাতাং রথনাগবলাহকাম্।
বাদিত্রঘোষস্তনিতাং চাপবিদ্যুদ্ব্বজৈর্বৃতাম্॥ 7-155-34 (51848)
দ্রোণপাণ্ডবপর্জন্যাং খঙ্গশক্তিগদাশনিম্।
শরধারাস্ত্রপবনাং শস্ত্রপাতোষ্মসঙ্কুলাম্॥ 7-155-35 (51849)
ঘোরাং বিস্মাপনীমুগ্রাং জীবিতচ্ছিদমপ্লুবাম্।
তাং প্রাবিশন্নতিভয়াং নদীং যুদ্ধচিকীর্ষবঃ॥ 7-155-36 (51850)
তস্মিন্রাত্রিমুখে ঘোরে মহাশব্দনিনাদিতে।
ভীরূণাং ত্রাসজননে শূরাণাং হর্ষবর্ধনে॥ 7-155-37 (51851)
রাত্রিয়ুদ্ধে মহাঘোরে বর্তমানে সুদারুণে।
দ্রোণমভ্যদ্রুবন্ক্রুদ্ধাঃ সহিতাঃ পাণ্ডুসৃঞ্জয়াঃ॥ 7-155-38 (51852)
যে যে প্রমুখতো রাজন্নাবর্তন্ত মহারথাঃ।
তান্সর্বান্বিমুখাংশ্চক্রে কাংশ্চিন্নিন্যে যমক্ষয়ম্॥ 7-155-39 (51853)
তানি নাগসহস্রাণি রথানাময়ুতানি চ।
পদাতিহয়সঙ্ঘানাং প্রয়ুতান্যর্বুদানি চ।
দ্রোণেনৈকেন নারাচৈর্নির্ভিন্নানি নিশামুখে॥ ॥ 7-155-40 (51854)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে পঞ্চপঞ্চাশদধিকশততমোঽধ্যায়ঃ॥ 155 ॥
Mahabharata - Drona Parva - Chapter Footnotes
5-155-1 শাস্ত্রাতিগং শাস্ত্রমাজ্ঞা॥ 5-155-7 ধূমকেতুরগ্নিঃ ॥ 5-155-14 সন্ন্যবর্তন্ত সম্মুখং নিতরামবর্তন্ত॥ 5-155-155 পঞ্চপঞ্চাশদধিকশততমোঽধ্যায়ঃ॥দ্রোণপর্ব - অধ্যায় 156
॥ শ্রীঃ ॥
7.156. অধ্যায়ঃ 156
Mahabharata - Drona Parva - Chapter Topics
ভীমেন দুর্মদদুষ্কর্ণাদিবধঃ॥ 1 ॥Mahabharata - Drona Parva - Chapter Text
7-156-0 (51855)
ধৃতরাষ্ট্র উবাচ। 7-156-0x (4679)
তস্মিন্প্রবিষ্টে দুর্ধর্ষে সৃঞ্জয়ানমিতৌজসি।
অমৃষ্যমাণে সংরব্ধে কা বোঽভূদ্বৈ মতিস্তদা॥ 7-156-1 (51856)
দুর্যোধনং তথা পুত্রমুক্ৎবা শাস্ত্রাতিগং মম।
যৎপ্রাবিশদমেয়াত্মা কিং পার্থঃ প্রত্যপদ্যত॥ 7-156-2 (51857)
নিহতে সৈন্ধবে বীরে ভূরিশ্রবসি চৈব হ।
যদাঽভ্যগান্মহাতেজাঃ পাঞ্চালানপরাজিতঃ॥ 7-156-3 (51858)
কিমমন্যত দুর্ধর্ষে প্রবিষ্টে শত্রুতাপনে।
দুর্যোধনস্তু কিং কৃত্যং প্রাপ্তকালমমন্যত॥ 7-156-4 (51859)
কে চ তং বরদং বীরমন্বয়ুর্দ্বিজসত্তমম্।
কে চাস্য পৃষ্ঠতোঽগচ্ছন্বীরাঃ শূরস্য যুধ্যতঃ।
কে পুরস্তাদবর্তন্ত নিঘ্নন্তঃ শাস্ত্রবান্রণে॥ 7-156-5 (51860)
মন্যেঽহং পাণ্ডবান্সর্বান্ভারদ্বাজশরার্দিতান্।
শিশিরে কম্পমানা বৈ কৃশা গাব ইব প্রভো॥ 7-156-6 (51861)
প্রবিশ্য স মহেষ্বাসঃ পাঞ্চালানরিমর্দনঃ।
কথং নু পুরুষব্যাঘ্রঃ পঞ্চৎবমুপজগ্মিবান্॥ 7-156-7 (51862)
সর্বেষু যোধেষু চ সঙ্গতেষু
রাত্রৌ সমেতেষু মহারথেষু।
সংলোড্যমানেষু পৃথগ্বলেষু
কে বস্তদানীং মতিমন্ত আসন্॥ 7-156-8 (51863)
হতাংশ্চৈব বিষক্তাংশ্চ পরাভূতাংশ্চ শংসসি।
রথিনো বিরথাংশ্চৈব কৃতান্যুদ্ধেষু মামকান্॥ 5-156-10 তেষাং সংলোড্যমানানাং পাণ্ডবৈর্হতচেতসাম্।
অন্ধে তমসি মগ্নানামভবৎকা মতিস্তদা॥ 7-156-9 (51864)
প্রহৃষ্টাংশ্চাপ্যুদগ্রাংশ্চ সন্তুষ্টাংশ্চৈব পাণ্ডবান্।
শংসসীহাপ্রহৃষ্টাংশ্চ বিভ্রষ্টাংশ্চৈব মামকান্॥ 7-156-11 (51865)
কথমেষাং তদা তত্র পার্থানামপলায়িনাম্।
প্রকাশমভবদ্রাত্রৌ কথং কুরুষু সঞ্জয়॥ 7-156-12 (51866)
সঞ্জয় উবাচ। 7-156-13x (4680)
রাত্রিয়ুদ্ধে তদা রাজন্বর্তমানে সুদারুণে।
দ্রোণমভ্যদ্রবন্সর্বে পাণ্ডবাঃ সহ সোমকৈঃ॥ 7-156-13 (51867)
ততো দ্রোণঃ কেকয়াংশ্চ ধৃষ্টদ্যুম্নস্য চাত্মজান্।
সম্প্রৈষয়ৎপ্রেতলোকং সর্বানিষুভিরাশুগৈঃ॥ 7-156-14 (51868)
তস্য প্রমুখতো রাজন্যেঽবর্তন্ত মহারথাঃ।
তান্সর্বান্প্রেষয়ামাস পিতৃলোকং স ভারত॥ 7-156-15 (51869)
প্রমথ্নন্তং তদা বীরান্ভারদ্বাজং মহারথম্।
অভ্যবর্তত সঙ্ক্রুদ্ধঃ শিবী রাজা প্রতাপবান্॥ 7-156-16 (51870)
তমাপতন্তং সম্প্রেক্ষ্য পাণ্ডবানাং মহারথম্।
বিব্যাধ দশভির্দ্রোণঃ সর্বপারশবৈঃ শিতৈঃ॥ 7-156-17 (51871)
তং শিবিঃ প্রতিবিব্যাধ ত্রিংশতা নিশিতৈঃ শরৈঃ।
সারথিং চাস্য ভুল্লেন স্ময়মানো ন্যপাতয়ৎ॥ 7-156-18 (51872)
তস্য দ্রোণো হয়ান্হৎবা সারথিং চ মহাত্মনঃ।
অথাঽস্য সশিরস্ত্রাণং শিরঃ কায়াদপাহরৎ॥ 7-156-19 (51873)
ততোঽস্য সারথিং ক্ষিপ্রমন্যং দুর্যোধনোঽদিশৎ।
স তেন সঙ্গৃহীতাশ্বঃ পুনরভ্যদ্রবদ্রিপূন্॥ 7-156-20 (51874)
কলিঙ্গানামনীকেন কালিঙ্গস্য সুতো রণে।
পূর্বং পিতৃবধাৎক্রুদ্ধৌ ভীমসেনমুপাদ্রবৎ॥ 7-156-21 (51875)
স ভীমং পঞ্চভির্বিদ্ধ্বা পুনর্বিব্যাধ সপ্তভিঃ।
বিশোকং ত্রিভিরানর্চ্ছদ্বজমেকেন পত্রিণা॥ 7-156-22 (51876)
কলিঙ্গানাং তু তং শূরং ক্রুদ্ধং ক্রুদ্ধো বৃকোদরঃ।
রথাদ্রথমভিদ্রুত্য মুষ্টিনাঽভিজঘান হ॥ 7-156-23 (51877)
তস্য মুষ্টিহতস্যাজৌ পাণ্ডবেন বলীয়সা।
সর্বাণ্যস্থীনি সহসা প্রাপতন্বৈ পৃথক্পৃথক্॥ 7-156-24 (51878)
`তস্মিন্হতে তদা তেন সিংহনাদো মহানভূৎ।
পাঞ্চালানাং মহারাজ সাধুসাধ্বিতি পাণ্ডবম্'॥ 7-156-25 (51879)
তং কর্ণো ভ্রাতরশ্চাস্য নামৃষ্যন্ত পরন্তপ।
তে ভীমসেনং নারাচৈর্জঘ্নুরাশীবিষোপমৈঃ॥ 7-156-26 (51880)
ততঃ শত্রুরথং ত্যক্ৎবা ভীমো দ্রুমরথং গতঃ।
দ্রুমং চাস্যন্তমনিশং মুষ্টিনা সমপোথয়ৎ॥ 7-156-27 (51881)
`যথা কাচমণির্ন্যস্তো মুষ্টিনৈকেন লীলয়া।
স হতঃ সর্বথা চূর্ণো রক্তমেবোদপদ্যত॥ 7-156-28 (51882)
তথা চূর্ণমভূত্তত্র কর্ণভ্রাতা দ্রুমস্তথা'।
স তদা পাণ়্ডুপুত্রেণ বলিনাঽভিহতোঽপতৎ॥ 7-156-29 (51883)
তং নিহত্য মহারাজ ভীমসেনো মহাবলঃ।
জয়রাতরথং প্রাপ্য মুহুঃ সিংহ ইবানদৎ॥ 7-156-30 (51884)
জয়রাতং তু চরণে গৃহ্য ভীমো মহাবলঃ।
সূতং চাস্য মহাবাহুর্গৃহ্য রাজংস্তথৈব চ॥ 7-156-31 (51885)
পাদয়োর্গৃহ্য তৌ বীরৌ ভীমঃ কর্ণস্য পশ্যতঃ।
ভূমাবাবিদ্ধ্য জঘ্নে স তৌ চ প্রাণৈর্ব্যযুজ্যতাম্॥ 7-156-32 (51886)
কর্ণস্তু পাণ্ডবে শক্তিং কাঞ্চনীং সমবাসৃজৎ।
ততস্তামেব জগ্রাহ প্রহসন্পাণ্ডুনন্দনঃ॥ 7-156-33 (51887)
কর্ণায়ৈব চ দুর্ধর্ষশ্চিক্ষেপাজৌ বৃকোদরঃ।
তামাপতন্তীং চিচ্ছেদ শকুনিস্তৈলপায়িনা॥ 7-156-34 (51888)
এতৎকৃৎবা মহৎকর্ম রণেঽদ্ভুতপরাক্রমঃ।
পুনঃ স্বরথমাস্থায় দুদ্রাব তব বাহিনীম্॥ 7-156-35 (51889)
তমায়ান্তং জিঘাংসন্তং ভীমং ক্রুদ্ধমিবান্তকম্।
ন্যবারয়ন্মহাবাহুং তব পুত্রা বিশাম্পতে।
মহতা শরবর্ষেণ চ্ছাদয়ন্তো মহারথাঃ॥ 7-156-36 (51890)
দুর্মদস্য ততো ভীমঃ প্রহসন্নিব সংয়ুগে।
সারথিং চ হয়াংশ্চৈব শরৈর্নিন্যে যমক্ষয়ম্॥ 7-156-37 (51891)
দুর্মদস্তু ততো যানং দুষ্কর্ণস্যাবচক্রমে।
তাবেকরথমারূঢৌ ভ্রাতরৌ পরতাপনৌ। 7-156-38 (51892)
সঙ্গ্রামশিরসো মধ্যে ভীমং দ্বাবপ্যধাবতাম্।
যথাম্বুপতিমিত্রৌ হি তারকং দৈত্যসত্তমম্॥ 7-156-39 (51893)
ততস্তু দুর্মদশ্চৈব দুষ্কর্ণশ্চ তবাত্মজৌ।
রথমেকং সমারুহ্য ভীমং বাণৈরবিধ্যতাম্॥ 7-156-40 (51894)
ততঃ কর্ণস্য মিষতো দ্রৌণের্দুর্যোধনস্য চ।
কৃপস্য সোমদত্তস্য বাহ্লীকস্য চ পাণ্ডবঃ॥ 7-156-41 (51895)
দুর্মদস্য চ বীরস্য দুষ্কর্ণস্য চ তং রথম্।
পাদপ্রহারেণ ধরাং প্রাবেশয়দরিন্দমঃ॥ 7-156-42 (51896)
ততঃ সুতৌ তে বলিনৌ শূরৌ দুষ্কর্ণদুর্মদৌ।
মুষ্টিনাঽঽহত্য সঙ্ক্রুদ্ধৌ মমর্দ চরণেন হ॥ 7-156-43 (51897)
ততো হাহাকৃতে সৈন্যে দৃষ্ট্বা ভীমং নৃপাঽব্রুবন্।
রুদ্রোঽয়ং ভীমরূপেণ ধার্তরাষ্ট্রেষু যুধ্যতি॥ 7-156-44 (51898)
এবমুক্ৎবা পলায়ন্তে সর্বে ভারত পার্থিবাঃ।
বিসংজ্ঞা বাহয়ন্বাহান্ন চ দ্বৌ সহ ধাবতঃ॥ 7-156-45 (51899)
ততো বলে ভৃশলুলিতে নিশামুখে
সুপূজিতো নৃপবৃষভৈর্বৃকোদরঃ।
মহাবলঃ কমলবিবুদ্ধলোচনো
যুধিষ্ঠিরং নৃপতিমপূজয়দ্বলী॥ 7-156-46 (51900)
ততো যমৌ দ্রুপদবিরাটকেকয়া
যুধিষ্ঠিরশ্চাপি পরাং মুদং যয়ুঃ।
বৃকোদরং ভৃশমনুপূজয়ংশ্চ তে
যথান্ধকে প্রতিনিহতে হরং সুরাঃ॥ 7-156-47 (51901)
ততঃ সুতাস্তে বরুণাত্মজোপমা
রুপান্বিতাঃ সহ গুরুণা মহাত্মনা।
বৃকোদরং সরথপদাতিকুঞ্জরা
যুয়ুৎসবো ভৃশমভিপর্যবারয়ন্॥ 7-156-48 (51902)
`ততো যমৌ দ্রুপদসুতাঃ সসৈনিকা
যুধিষ্ঠিরদ্রুপদবিরাটসাৎবতাঃ।
ঘটোৎকচো জয়বিজয়ৌ দ্রুমো বৃকঃ
সসৃঞ্জয়াস্তব তনয়ানবারয়ন্'॥ 7-156-49 (51903)
ততোঽভবত্তিমিরঘনৈরিবাবৃতে
মহাভয়ে ভয়দমতীব দারুণম্।
নিশামুখে বৃকবলগৃধ্রমোদনং
মহাত্মনা নৃপবর যুদ্ধমদ্ভুতম্॥ ॥ 7-156-50 (51904)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে ষট্পঞ্চাশদধিকশততমোঽধ্যায়ঃ॥ 156 ॥
Mahabharata - Drona Parva - Chapter Footnotes
5-156-1 গাবঃ গাঃ॥ 5-156- কমলবিবুদ্ধলোচনো বিলসৎপদ্মনেত্রঃ॥ 5-156- গুরুণা দ্রোণেন॥ 5-156- তিমিরাণ্যেব ঘনাস্তৈঃ॥ 5-156- ষট্পঞ্চাশদধিকশততমোঽধ্যায়ঃ॥ 156 ॥দ্রোণপর্ব - অধ্যায় 157
॥ শ্রীঃ ॥
7.157. অধ্যায়ঃ 157
Mahabharata - Drona Parva - Chapter Topics
সাত্যকিনা সোমদত্তপরাজয়ঃ॥ 1 ॥ অশ্বত্থামঘটোৎকচয়ুদ্ধমশ্বত্থামপরাক্রমশ্চ॥ 2 ॥Mahabharata - Drona Parva - Chapter Text
7-157-0 (51905)
সঞ্জয় উবাচ। 7-157-0x (4681)
প্রায়োপবিষ্টে তু হতে পুত্রে সাত্যকিনা তদা।
সোমদত্তো ভৃশং ক্রুদ্ধঃ সাত্যকিং বাক্যমব্রবীৎ॥ 7-157-1 (51906)
ক্ষত্রধর্মঃ পরো দৃষ্টো যস্তু দেবৈর্মহাত্মভিঃ।
তং ৎবং সাৎবত সন্তজ্য দস্যুধর্মে কথং রতঃ॥ 7-157-2 (51907)
পরাঙ্মুখায় দীনায় ন্যস্তশস্ত্রায় যাচতে।
ক্ষত্রধর্মরতঃ প্রাজ্ঞঃ কথং নু প্রহরেদ্রণে॥ 7-157-3 (51908)
দ্বাবেব কিল বৃষ্ণীনাং তত্র খ্যাতৌ মহারথৌ।
প্রদ্যুম্নশ্চ মহাবাহুস্ৎবং চৈব যুধি সাৎবত॥ 7-157-4 (51909)
কথং প্রায়োপবিষ্টায় পার্থেন চ্ছিন্নবাহবে।
নৃশংসং বত দীনং চ তাদৃশং কৃতবানসি॥ 7-157-5 (51910)
কর্মমস্তস্য দুর্বৃত্ত ফলং প্রাপ্নুহি সংয়ুগে।
অদ্য ছেৎস্যামি তে মূঢ শিরো বিক্রম্য পত্রিণা॥ 7-157-6 (51911)
শপে সাৎবত পুত্রাভ্যামিষ্টেন সুকৃতেন চ।
অনতীতামিমাং রাত্রিং যদি ৎবাং বীরমানিনম্॥ 7-157-7 (51912)
অরক্ষ্যমাণং পার্থেন জিষ্ণুনা সসুতানুজম্।
ন হন্যাং নরকে ঘোরে পতেয়ং বৃষ্ণিপাংসন॥ 7-157-8 (51913)
এবমুক্ৎবা সুসঙ্ক্রুদ্ধঃ সোমদত্তো মহাবলঃ।
দধ্মৌ শঙ্খং চ তারেণ সিংহনাদং ননাদ চ॥ 7-157-9 (51914)
ততঃ কমলপত্রাক্ষঃ সিংহদংষ্ট্রো দুরাসদঃ।
সাত্যকির্ভৃশসঙ্ক্রুদ্ধঃ সোমদত্তমথাব্রবীৎ॥ 7-157-10 (51915)
কৌরবেয় ন মে ত্রাসঃ কথঞ্চিদপি বিদ্যতে।
ৎবয়া সার্ধমথান্যৈশ্চ যুধ্যতো হৃদি কশ্চন॥ 7-157-11 (51916)
যদি সর্বেণ সৈন্যেন গুপ্তো মাং যোধয়িষ্যসি।
তথাপি ন ব্যথা কাচিত্ৎবয়ি স্যান্মম কৌরব॥ 7-157-12 (51917)
যুদ্ধসারেণ বাক্যেন অসতাং সম্মতেন চ।
নাহং ভীষয়িতুং শক্যঃ ক্ষত্রবৃত্তে স্থিতস্ৎবয়া॥ 7-157-13 (51918)
যদি তেঽস্তি যুয়ুৎসাঽদ্য ময়া সহ নরাধিপ।
নির্দয়ো নিশিতৈর্বাণৈঃ প্রহর প্রহরামি তে॥ 7-157-14 (51919)
হতো ভূরিশ্রবা বীরস্তব পুত্রো মহারথঃ।
শলশ্চৈব মহারাজ ভ্রাতৃব্যসনকর্ষিতঃ॥ 7-157-15 (51920)
ৎবাং চাপ্যদ্য বধিষ্যামি সহপুত্রং সবান্ধবম্।
তিষ্ঠেদানীং রণে যত্তঃ কৌরবোঽসি মহারথঃ॥ 7-157-16 (51921)
যস্মিন্দানং দমঃ শৌচমহিংসা হীর্ধৃতিঃ ক্ষমা।
অনপায়ানি সর্বাণি নিত্যং রাজ্ঞি যুধিষ্ঠিরে॥ 7-157-17 (51922)
মৃদঙ্গকেতোস্তস্য ৎবং তেজসা নিহতঃ পুরা।
সকর্ণসৌবলঃ সঙ্খ্যে বিনাশমুপয়াস্যসি॥ 7-157-18 (51923)
শপেঽহং কৃষ্ণচরণৈরিষ্টাপূর্তেন চৈব হ।
যদি ৎবাং সসুতং পাপং ন হন্যাং যুধি রোষিতঃ॥ 7-157-19 (51924)
অপয়াস্যসি চোত্ত্যক্ৎবা রণং মুক্তো ভবিষ্যসি॥ 7-157-20 (51925)
এবমাভাষ্য চান্যোন্যং ক্রোধসংরক্তলোচনৌ।
প্রবৃত্তৌ শরসম্পাতং কর্তুং পুরুষসত্তমৌ॥ 7-157-21 (51926)
ততো রথসহস্রেণ নাগানাময়ুতেন চ।
দুর্যোধনঃ সোমদত্তং পরিবার্য ব্যবস্থিতঃ॥ 7-157-22 (51927)
শকুনিশ্চ সুসঙ্ক্রুদ্ধঃ সর্বশস্ত্রভৃতাং বরঃ।
পুত্রপৌত্রৈঃ পরিবৃতো ভ্রাতৃভিশ্চেন্দ্রবিক্রমৈঃ।
শ্যালস্তব মহাবাহুর্বজ্রসংহননো যুবা॥ 7-157-23 (51928)
সাগ্রং শতসহস্রং তু হয়ানাং তস্য ধীমতঃ।
সোমদত্তং মহেষ্বাসং সমন্তাৎপর্যরক্ষত॥ 7-157-24 (51929)
রক্ষ্যমাণশ্চ বলিভিশ্ছাদয়ামাস সাত্যকিম্।
তং ছাদ্যমানং বিশিখৈর্দৃষ্ট্বা সন্নতপর্বভিঃ॥ 7-157-25 (51930)
ধৃষ্টদ্যুম্নোঽভ্যযাৎক্রুদ্ধঃ প্রগৃহ্য মহতীং চমূম্।
`অভ্যরক্ষন্মহাবাহুঃ সাৎবতং সত্যবিক্রমম্'॥ 7-157-26 (51931)
চণ্ডবাতাভিসৃষ্টানামুদধীনামিব স্বনঃ।
আসীদ্রাজন্বলৌঘানামন্যোন্যমভিনিঘ্নতাম্॥ 7-157-27 (51932)
বিব্যাধ সোমদত্তস্তু সাৎবতং নবভিঃ শরৈঃ।
সাত্যকির্নবভিশ্চৈনমবধীৎকুরুপুঙ্গবম্॥ 7-157-28 (51933)
সোঽতিবিদ্ধো বলবতা সমরে দৃঢধন্বিনা।
রথোপস্থং সমাসাদ্য মুমোহ গতচেতনঃ॥ 7-157-29 (51934)
তং বিমূঢং সমালক্ষ্য সারথিস্ৎবরয়াঽন্বিতঃ।
অপোবাহ রণাদ্বীরং সোমদত্তং মহারথম্॥ 7-157-30 (51935)
তং বিসংজ্ঞং সমালক্ষ্য যুয়ুধানশরার্দিতম্।
অভ্যদ্রবত্ততো দ্রোণো যদুবীরজিঘাংসয়া॥ 7-157-31 (51936)
তমায়ান্তমভিপ্রেক্ষ্য যুধিষ্ঠিরপুরোগমাঃ।
পরিবব্রুর্মহাত্মানং পরীপ্সন্তো যদূত্তমম্॥ 7-157-32 (51937)
ততঃ প্রববৃতে যুদ্ধং দ্রোণস্য সহ পাণ্ডবৈঃ।
বলেরিব সুরৈঃ পূর্বং ত্রৈলোক্যজয়কাঙ্ক্ষয়া॥ 7-157-33 (51938)
ততঃ সায়কজালেন পাণ্ডবানীকমাবৃণোৎ।
ভারদ্বাজো মহাতেজা বিব্যাধ চ যুধিষ্ঠিরম্॥ 7-157-34 (51939)
সাত্যকিং দশভির্বাণৈর্বিংশত্যা পার্ষতং শরৈঃ।
ভীমসেনং চ নবভির্নকুলং পঞ্চভিস্তথা॥ 7-157-35 (51940)
সহদেবং তথাঽষ্টাভিঃ শতেন চ শিখণ্ডিনম্।
দ্রৌপদেয়ান্মহাবাহুঃ পঞ্চভিঃ পঞ্জভিঃ শরৈঃ॥ 7-157-36 (51941)
বিরাটং মৎস্যমষ্টাভির্দ্রুপদং দশভিঃ শরৈঃ।
যুধামন্যুং ত্রিভিঃ ষড্ভিরুত্তমৌজসমাহবে।
অন্যাংশ্চ সৈনিকান্বিদ্ব্বা যুধিষ্ঠিরমুপাদ্রবৎ॥ 7-157-37 (51942)
তে বধ্যমানা দ্রোণেন পাণ্ডুপুত্রস্য সৈনিকাঃ।
প্রাদ্রবন্বৈ ভয়াদ্রাজন্সার্তনাদা দিশো দশ॥ 7-157-38 (51943)
কাল্যমানং তু তৎসৈন্যং দৃষ্ট্বা দ্রোণেন ফল্গুনঃ।
কিঞ্চিদাগতসংরম্ভো গুরুং পার্থোঽভ্যযাদ্দ্রুতম্॥ 7-157-39 (51944)
দৃষ্ট্বা দ্রোণং তু বীভৎসুমভিধাবন্তমাহবে।
সন্ন্যবর্তত তৎসৈন্যং পুনর্যৌধিষ্ঠিরং বলম্॥ 7-157-40 (51945)
ততো যুদ্ধমভূদ্ভূয়ো ভারদ্বাজস্য পাণ্ডবৈঃ॥ 7-157-41 (51946)
দ্রোণস্তব সুতৈ রাজন্সর্বতঃ পরিবারিতঃ।
ব্যধমৎপাণ্ডুসৈন্যানি তূলরাশিমিবানলঃ॥ 7-157-42 (51947)
তং জ্বলন্তমিবাদিত্যং দীপ্তানলসমদ্যুতিম্।
রাজন্ননিশমত্যন্তং দৃষ্ট্বা দ্রোণং শরার্চিষম্॥ 7-157-43 (51948)
মণ্ডলীকৃতধন্বানং তপন্তমিব ভাস্করম্।
দহন্তমহিতান্সৈন্যে নৈনং কশ্চিদবারয়ৎ॥ 7-157-44 (51949)
যোয়ো হি প্রমুখে তস্য তস্থৌ দ্রোণস্য পুরূষঃ।
তস্যতস্য শিরশ্ছিত্ৎবা যয়ুর্দ্রোণশরাঃ ক্ষিতিম্॥ 7-157-45 (51950)
এবং সা পাণ্ডবী সেনা বধ্যমানা মহাত্মনা।
প্রদুদ্রাব পুনর্ভীতা পশ্যতঃ সব্যসাচিনঃ॥ 7-157-46 (51951)
সম্প্রভগ্নং বলং দৃষ্ট্বা দ্রোণেন নিশি ভারত।
গোবিন্দমব্রবীজ্জিষ্ণুর্গচ্ছ দ্রোণরথং প্রতি॥ 7-157-47 (51952)
ততো রজতগোক্ষীরকুন্দেন্দুসদৃশপ্রভান্।
চোদয়ামাস দাশার্হো হয়ান্দ্রোণরথং প্রতি॥ 7-157-48 (51953)
ভীমসেনোঽপি তং দৃষ্ট্বা যান্তং দ্রোণায় ফল্গুনম্।
স্বসারথিমুবাচেদং দ্রোণানীকায় মাং বহ॥ 7-157-49 (51954)
সোঽপি তস্য বচঃ শ্রুৎবা বিশোকোঽবহয়দ্বয়ান্।
পৃষ্ঠতঃ সত্যসন্ধস্য জিষ্ণোর্ভরতসত্তম॥ 7-157-50 (51955)
তৌ দৃষ্ট্বা ভ্রাতরৌ যত্তৌ দ্রোণানীকমভিদ্রুতৌ।
পাঞ্চালাঃ সৃঞ্জয়া মাৎস্যাশ্চেদিকারূশকোসলাঃ।
অন্বগচ্ছন্মহারাজ কেকয়াশ্চ মহারথাঃ॥ 7-157-51 (51956)
ততো রাজন্নভূদ্বোরঃ সঙ্গ্রামো রোমহর্ষণঃ॥ 7-157-52 (51957)
বীভৎসুর্দক্ষিণং পার্শ্বমুত্তরং চ বৃকোদরঃ।
মহদ্ভ্যাং রথবৃন্দাভ্যাং বলং জগৃহতুস্তব॥ 7-157-53 (51958)
তৌ দৃষ্ট্বা পুরুষব্যাঘ্রৌ ভীমসেনধনঞ্জয়ৌ।
ধৃষ্টদ্যুম্নোঽভ্যযাদ্রাজন্সাত্যকিশ্চ মহাবলঃ॥ 7-157-54 (51959)
চণ্ডবাতাভিপন্নানামুদধীনামিব স্বনঃ।
আসীদ্রাজন্বলৌঘানাং তদাঽন্যোন্যমভিঘ্নতাং 7-157-55 (51960)
সৌমদত্তিবধাৎক্রুদ্ধো দৃষ্ট্বা সাত্যকিমাহবে।
দ্রৌণিরভ্যদ্রবদ্রাজন্বধায় কৃতনিশ্চয়ঃ॥ 7-157-56 (51961)
তমাপতন্তং সম্প্রেক্ষ্য শৈনেয়স্য রথং প্রতি।
ভৈমসেনিঃ সুসঙ্ক্রুদ্ধঃ প্রত্যমিত্রমবারয়ৎ॥ 7-157-57 (51962)
কার্ষ্ণায়সং মহাঘোরমৃক্ষচর্মপরিচ্ছদম্।
মহান্তং রথমাস্থায় ত্রিংশন্নল্বান্তরান্তরম্॥ 7-157-58 (51963)
বিক্ষিপ্তয়ন্ত্রসন্নাহং মহামেঘৌঘনিঃস্বনম্।
যুক্তং গজনিভৈর্বাহৈর্ন হয়ৈর্নাপি বারণৈঃ॥ 7-157-59 (51964)
বিক্ষিপ্তপক্ষচরণবিবৃতাক্ষেণ কূজতা।
ধ্বজেনোচ্ছ্রিতদণ্ডেন গৃধ্ররাজেন রাজিতম্॥ 7-157-60 (51965)
লোহিতার্দ্রপতাকং তু আন্ত্রমালাবিভূষিতম্।
অষ্টচক্রসমায়ুক্তমাস্থায় বিপুলং রথম্॥ 7-157-61 (51966)
শূলমুদ্গরধারিণ্যা শৈলপাদপহস্তয়া।
রক্ষসাং ঘোররূপাণামক্ষৌহিণ্যা সমাবৃতঃ॥ 7-157-62 (51967)
তমুদ্যতমহাচাপং নিশাম্য ব্যথিতা নৃপাঃ।
যুগান্তকালসময়ে দণ্ডহস্তমিবান্তকম্॥ 7-157-63 (51968)
ততস্তং গিরিশৃঙ্গাভং ভীমরূপং ভয়াবহম্।
দংষ্ট্রাকরালোগ্রমুখং শঙ্কুকর্ণং মহাহনুম্॥ 7-157-64 (51969)
ঊর্ধ্বকেশং বিরূপাক্ষং দীপ্তাস্যং নিম্নিতোদরম্।
মহাশ্বভ্রগলদ্বারং কিরীটচ্ছন্নমূর্ধজম্॥ 7-157-65 (51970)
ত্রাসনং সর্বভূতানাং ব্যাত্তাননভিবান্তকম্।
বীক্ষ্য দীপ্তমিবায়ান্তং রিপুবিক্ষোভকারিণম্॥ 7-157-66 (51971)
তমুদ্যতমহাচাপং রাক্ষসেন্দ্রং ঘটোৎকচম্।
ভয়ার্দিতা প্রচুক্ষোভ পুত্রস্য তব বাহিনী।
বায়ুনা ক্ষোভিতাবর্তা গঙ্গেবোর্ধ্বতরঙ্গিণী॥ 7-157-67 (51972)
ঘটোৎকচপ্রয়ুক্তেন সিংহনাদেন ভীষিতাঃ।
প্রসুস্রুবুর্গজা মূত্রং বিব্যথুশ্চ নরা ভৃশম্॥ 7-157-68 (51973)
ততোঽশ্মবৃষ্টিরত্যর্থমাসীত্তত্র সমন্ততঃ।
সন্ধ্যাকালাধিকবলৈঃ প্রয়ুক্তা রাক্ষসৈঃ ক্ষিতৌ॥ 7-157-69 (51974)
আয়সানি চ চক্রাণি ভুশুণ্ড্যঃ প্রাসতোমরাঃ।
পতন্ত্যবিরতাঃ শূলাঃ শতঘ্ন্যঃ পট্টসাস্তথা॥ 7-157-70 (51975)
তদুগ্রমতিরৌদ্রং চ দৃষ্ট্বা যুদ্ধং নরাধিপাঃ।
তনয়াস্তব কর্ণশ্চ ব্যথিতাঃ প্রাদ্রবন্দিশঃ॥ 7-157-71 (51976)
তত্রৈকোঽস্ত্রবলশ্লাঘী দ্রৌণির্মানী ন বিব্যথে।
ব্যধমচ্চ শরৈর্মায়াং ঘটোৎকচবিনির্ভিতাম্॥ 7-157-72 (51977)
বিহতায়াং তু মায়ায়ামমর্ষী স ঘটোৎকচঃ।
বিসসর্জ শরান্ঘোরাংস্তেঽশ্বত্থামানমাবিশন্।
ভুজঙ্গা ইব বেগেন বল্মীকং ক্রোধমূর্চ্ছিতাঃ॥ 7-157-73 (51978)
তে শরা রুধিরাক্তাঙ্গা ভিত্ৎবা শারদ্বতীসুতম্।
বিবিশুর্ধরণীং শীঘ্রা রুক্মপুঙ্খাঃ শিলাশিতাঃ॥ 7-157-74 (51979)
অশ্বত্থামা তু সঙ্ক্রুদ্ধো লঘুহস্তঃ প্রতাপবান্।
ঘটোৎকচমভিক্রুদ্ধং বিভেদ দশভিঃ শরৈঃ॥ 7-157-75 (51980)
ঘটোৎকচোঽতিবিদ্ধস্তু দ্রোণপুত্রেণ মর্মসু।
চক্রং শতসহস্রারমগৃহ্ণাদ্ব্যথিতো ভৃশম্॥ 7-157-76 (51981)
ক্ষুরান্তং বালসূর্যাভং মণিবজ্রবিভূষিতম্।
অশ্বত্থাম্নি স চিক্ষেপ ভৈমসেনির্জিঘাংসয়া॥ 7-157-77 (51982)
বেগেন মহতা গচ্ছদ্বিক্ষিপ্তং দ্রৌণিনা শরৈঃ।
অভাগ্যস্যেব সঙ্কল্পস্তন্মোঘমপতদ্ভুবি॥ 7-157-78 (51983)
ঘটোৎকচস্ততস্তূর্ণং দৃষ্ট্বা চক্রং নিপাতিতম্।
দ্রৌণিং প্রাচ্ছাদয়দ্বাণৈঃ স্বর্ভানুরিব ভাস্করম্॥ 7-157-79 (51984)
ঘটোৎকচসুতঃ শ্রীমান্ভিন্নাঞ্জনচয়োপমঃ।
রুরোধ দ্রৌণিমায়ান্তং প্রভঞ্জনমিবাদ্রিরাট্॥ 7-157-80 (51985)
পৌত্রেণ ভীমসেনস্য শরৈরঞ্জনপর্বণা।
বভৌ মেঘেন ধারাভির্গিরির্মেরুরিবাবৃতঃ॥ 7-157-81 (51986)
অশ্বত্থামা ৎবসম্ভ্রান্তো রুদ্রোপেন্দ্রেন্দ্রবিক্রমঃ।
ধ্বজমেকেন বাণেন চিচ্ছেদাঞ্জনপর্বণঃ॥ 7-157-82 (51987)
দ্বাভ্যাং তু রথয়ন্তারৌ ত্রিভিশ্চাস্য ত্রিবেণুকম্।
ধনুরেকেন চিচ্ছেদ চতুর্ভিশ্চতুরো হয়ান্॥ 7-157-83 (51988)
বিরথস্যোদ্যতং হস্তাদ্ধেমবিন্দুভিরাচিতম্।
বিশিখেন সতীক্ষ্ণেন খঙ্গমস্য দ্বিধাঽকরোৎ॥ 7-157-84 (51989)
গদা হেমাঙ্গদা রাজংস্তূর্ণং হৈডিম্বিসূনুনা।
ভ্রাম্যোৎক্ষিপ্তাশরৈঃসাপি দ্রৌণিনাভ্যাহতাঽপতৎ॥ 7-157-85 (51990)
ততোঽন্তরিক্ষমুৎপ্লুত্য কালমেঘ ইবোন্নদন্।
ববর্ষাঞ্জনপর্বা স দ্রুমবর্ষং নভস্তলাৎ॥ 7-157-86 (51991)
ততো মায়াধরং দ্রৌণির্ঘটোৎকচসুতং দিবি।
মার্গণৈরভিবিব্যাধ ধনং সূর্য ইবাংশুভিঃ॥ 7-157-87 (51992)
সোঽবতীর্য পুরস্তস্থৌ রথে হেমবিভূষিতে।
মহীগত ইবাত্যুগ্রঃ শ্রীমানঞ্জনপর্বতঃ॥ 7-157-88 (51993)
তময়স্ময়বর্মাণং দ্রৌণির্ভীমাত্মজাত্মজম্।
জঘানাঞ্জনপর্বাণং মহেশ্বর ইবান্ধকম্॥ 7-157-89 (51994)
অথ দৃষ্ট্বা হতং পুত্রমশ্বত্থাম্না মহাবলম্।
দ্রৌণেঃ সকাশমভ্যেত্য রোষাৎপ্রস্ফুরিতাধরঃ॥ 7-157-90 (51995)
প্রাহ বাক্যমসম্ভ্রান্তো বীরং শারদ্বতীসুতম্।
দহন্তং পাণ্ডবানীকং বনমগ্নিমিবোচ্ছ্রিতম্॥ 7-157-91 (51996)
ঘটোৎকচ উবাচ। 7-157-92x (4682)
তিষ্ঠতিষ্ঠ ন মে জীবন্দ্রোণপুত্র গমিষ্যসি।
ৎবামদ্য নিহনিষ্যামি ক্রৌঞ্চমগ্নিসুতো যথা॥ 7-157-92 (51997)
অশ্বত্থামোবাচ। 7-157-93x (4683)
গচ্ছ বৎস সহান্যৈস্ৎবং যুধ্যস্বামরবিক্রম।
ন হি পুত্রেণ হৈডিম্ব পিতা ন্যায়্যঃ প্রবাধিতুম্॥ 7-157-93 (51998)
কামং খলু ন রোষো মে হৈডিম্বে বিদ্যতে ৎবয়ি।
কিং তু রোষান্বিতো জন্তুর্হন্যাদাত্মানমপ্যুত॥ 7-157-94 (51999)
সঞ্জয় উবাচ। 7-157-95x (4684)
শ্রুৎবৈতৎক্রোধতাম্রাক্ষঃ পুত্রশোকসমন্বিতঃ।
অশ্বত্থামানমায়স্তো ভৈমসেনিরভাষত॥ 7-157-95 (52000)
কিমহং কাতরো দ্রৌণে পৃথগ্জন ইবাহবে॥
যন্মাং ভীষয়সে বাগ্ভিরসদেতদ্বচস্তব॥ 7-157-96 (52001)
ভীমাৎখলু সমুৎপন্নঃ কুরূণাং বিপুলে কুলে।
পাণ্ডবানামহং পুত্রঃ সমরেষ্বনিবর্তিনাম্॥ 7-157-97 (52002)
রক্ষসামধিরাজোঽহং দশগ্রীবসমো বলে।
তিষ্ঠতিষ্ঠ ন মে জীবন্দ্রোণপুত্র গমিষ্যসি॥ 7-157-98 (52003)
যুদ্ধশ্রদ্ধামহং তেঽদ্য বিনেষ্যামি রণাজিরে॥ 7-157-99 (52004)
ইত্যুক্ৎবা ক্রোধতাম্রাক্ষো রাক্ষসঃ সুমহাবলঃ।
দ্রৌণিমভ্যদ্রবৎক্রুদ্ধো গজেন্দ্রমিব কেসরী॥ 7-157-100 (52005)
রথাক্ষমাত্রৈরিষুভিরভ্যবর্ষদ্ধটোৎকচঃ।
রথিনামৃষভং দ্রৌণিং ধারাভিরিব তোয়দঃ॥ 7-157-101 (52006)
শরবৃষ্টিং শরৈর্দ্রৌণিরপ্রাপ্তাং তাং ব্যশাতয়ৎ।
ততোন্তরিক্ষে বাণানাং সঙ্গ্রামোঽন্য ইবাভবৎ॥ 7-157-102 (52007)
অথাস্ত্রসম্মর্দকৃতৈর্বিস্ফুলিঙ্গৈস্তদা বভৌ।
বিভাবরীমুখে ব্যোম খদ্যোতৈরিব চিত্রিতম্॥ 7-157-103 (52008)
নিশাম্য নিহতাং মায়াং দ্রৌণিনা রণমানিনা।
ঘটোৎকচস্ততো মায়াং সসর্জান্তর্হিতঃ পুনঃ॥ 7-157-104 (52009)
সোঽভবদ্গিরিরত্যুচ্চঃ শিখরৈস্তরুসঙ্কটৈঃ।
শূলপ্রাসাসিমুসলজলপ্রস্রবণো মহান্॥ 7-157-105 (52010)
তমঞ্জনগিরিপ্রখ্যং দ্রৌণির্দৃষ্ট্বা মহীধরম্।
প্রপতদ্ভিশ্চ বহুভিঃ শস্ত্রসঙ্ঘৈর্ন বিব্যথে॥ 7-157-106 (52011)
ততো হসন্নিব দ্রৌণির্বজ্রমস্ত্রমুদৈরয়ৎ।
স তে নাস্ত্রৈণ শৈলেন্দ্রঃ ক্ষিপ্তঃ ক্ষিপ্রং ব্যনশ্যত॥ 7-157-107 (52012)
ততঃ স তোয়দো ভূৎবা নীলঃ সেন্দ্রায়ুধো দিবি।
অশ্মবৃষ্টিভিরত্যুগ্রো দ্রৌণিমাচ্ছাদয়দ্রণে॥ 7-157-108 (52013)
অথ সন্ধায় বায়ব্যমস্ত্রমস্ত্রবিদাং বরঃ।
ব্যধমদ্দ্রোণতনয়ো নীলমেঘং সমুত্থিতম্॥ 7-157-109 (52014)
স মার্গণগণৈর্দ্রৌণির্দিশঃ প্রচ্ছাদ্য সর্বশঃ।
শতং রথসহস্রাণাং জঘান দ্বিপদাং বরঃ॥ 7-157-110 (52015)
স দৃষ্ট্বা পুনরায়ান্তং রথেনায়তকার্মুকম্।
ঘটোৎকচমসম্ভ্রান্তং রাক্ষসৈর্বহুভির্বৃতম্॥ 7-157-111 (52016)
সিংহশার্দূলসদৃশৈর্মত্তদ্বিরদবিক্রমৈঃ।
গজস্থৈশ্চ রথস্থৈশ্চ বাজিপৃষ্ঠগতৈরপি॥ 7-157-112 (52017)
বিকৃতাস্যশিরোগ্রীবৈর্হিডিম্বানুচরৈঃ সহ।
পৌলস্ত্যৈর্যাতুধানৈশ্চ তামসৈশ্চেন্দ্রবিক্রমৈঃ॥ 7-157-113 (52018)
নানাশস্ত্রধরৈর্বীরৈর্নানাকবচভূষণৈঃ।
মহাবলৈর্ভীমরবৈঃ সংরম্ভোদ্বৃত্তলোচনৈঃ॥ 7-157-114 (52019)
উপস্থিতৈস্ততো যুদ্ধে রাক্ষসৈর্যুদ্ধদুর্মদৈঃ।
বিষণ্ণমভিসম্প্রেক্ষ্য পুত্রং তে দ্রৌণিরব্রবীৎ॥ 7-157-115 (52020)
তিষ্ঠ দুর্যোধনাদ্য ৎবং ন কার্যঃ সম্ভ্রমস্ৎবয়া।
সহৈভির্ভ্রাতৃভির্বীরৈঃ পার্থিবৈশ্চেন্দ্রবিক্রমৈঃ॥ 7-157-116 (52021)
নিহনিষ্যাম্যমিত্রাংস্ত ন তবাস্তি পরাজয়ঃ।
সত্যং তে প্রতিজানামি পর্যাশ্বাসয় বাহিনীম্॥ 7-157-117 (52022)
দুর্যোধন উবাচ 7-157-118x (4685)
ন ৎবেতদদ্ভুতং মন্যে যত্তে মহদিদং মনঃ।
অস্মাসু চ পরা ভক্তিস্তব গৌতমিনন্দন॥ 7-157-118 (52023)
সঞ্জয় উবাচ। 7-157-119x (4686)
অশ্বত্থামানমুক্ৎবৈবং ততঃ সৌবলমব্রবীৎ।
বৃতং রথসহস্রেণ হয়ানাং রণশোভিনাম্॥ 7-157-119 (52024)
ষষ্ট্যা রথসহস্রৈশ্চ প্রয়াহি ৎবং ধনঞ্জয়ম্।
কর্ণশ্চ বৃষসেনশ্চ কৃপো নীলস্তথৈব চ॥ 7-157-120 (52025)
উদীচ্যাঃ কৃতবর্মা চ পুরুমিত্রঃ সুতাপনঃ।
দুঃশাসনো নিকুম্ভশ্চ কুণ্ডভেদী পরাক্রমঃ॥ 7-157-121 (52026)
পূরঞ্জয়ো দৃঢরথঃ পতাকী হেমকম্পনঃ।
শল্যারুণীন্দ্রসেনাশ্চ সঞ্জয়ো বিজয়ো জয়ঃ॥ 7-157-122 (52027)
কমলাক্ষঃ পরক্রাথী জয়বর্মা সুদর্শনঃ।
এতে ৎবামনুয়াস্যন্তি পত্তীনাময়ুতানি ষট্॥ 7-157-123 (52028)
জহি ভীমং যমৌ চোভৌ ধর্মরাজং চ মাতুল।
অসুরানিব দেবেন্দ্রো জয়াশা মে ৎবয়ি স্থিতা॥ 7-157-124 (52029)
দারিতান্দ্রৌণিনা বাণৈর্ভৃশং বিক্ষতবিগ্রহান্।
জহি মাতুল কৌন্তেয়ানসুরানিব পাবকিঃ॥ 7-157-125 (52030)
সঞ্জয় উবাচ। 7-157-126x (4687)
এবমুক্তো যয়ৌ শীঘ্রং পুত্রেণ তব সৌবলঃ।
পিপ্রীষুস্তে সুতান্রাজন্দিধক্ষুশ্চৈব পাণ্ডবান্॥ 7-157-126 (52031)
অথ প্রববৃতে যুদ্ধং দ্রৌণিরাক্ষসয়োর্মৃধে।
বিভাবর্যাং সুতুমুলং শক্রপ্রহ্লাদয়োরিব॥ 7-157-127 (52032)
ততো ঘটোৎকচো বাণৈর্দশভির্গৌতমীসুতম্।
জঘানোরসি সঙ্ক্রুদ্ধৌ বিষাগ্নিপ্রতিমৈর্দৃঢৈঃ॥ 7-157-128 (52033)
স তৈরভ্যাহতো গাঢং শরৈর্ভীমসুতেরিতৈঃ।
চচাল রথমধ্যস্থো বাতোদ্ধূত ইব দ্রুমঃ॥ 7-157-129 (52034)
ভূয়শ্চাঞ্জলিকেনাথ মার্গণেন মহাপ্রভম্।
দ্রৌণিহস্তস্থিতং চাপং চিচ্ছেদাশু ঘটোৎকচঃ॥ 7-157-130 (52035)
ততোঽন্যদ্দ্রৌণিরাদয় ধনুর্ভারসহং মহৎ।
ববর্ষ বিশিখাংস্তীক্ষ্ণান্বারিধারা ইবাম্বুদঃ॥ 7-157-131 (52036)
ততঃ শারদ্বতীপুত্রঃ প্রেষয়ামাস ভারত।
সুবর্ণপুঙ্খাঞ্ছত্রুঘ্নান্খচরান্খচরং প্রতি॥ 7-157-132 (52037)
তদ্বাণৈরর্দিতং যূথং রক্ষসাং পীনবক্ষসাম্।
সিংহৈরিব বভৌ মত্তং গজানামাকুলং কুলম্॥ 7-157-133 (52038)
বিধম্য রাক্ষসান্বাণৈঃ সাশ্বসূতরথদ্বিপান্।
দদাহ ভগবান্বহ্নির্ভূতানীব যুগক্ষয়ে॥ 7-157-134 (52039)
স দগ্ধ্বাঽক্ষৌহিণীং বামৈর্নৈর্ঋতীং রুরুচে নৃপ।
পুরেব ত্রিপুরং দগ্ধ্বা দিবি দেবো মহেশ্বরঃ॥ 7-157-135 (52040)
যুগান্তে সর্বভূতানি দগ্ধ্বেব বসুরুল্বণঃ।
ররাজ জয়তাং শ্রেষ্ঠো দ্রোণপুত্রস্তবাহিতান্॥ 7-157-136 (52041)
ততো ঘটোৎকচঃ ক্রুদ্ধো রক্ষসাং ভীমকর্মণাম্।
দ্রৌণিং হতেতি মহতীং চোদয়ামাস তাং চমূম্॥ 7-157-137 (52042)
ঘটোৎকচস্য তামাজ্ঞাং প্রতিগৃহ্যাথ রাক্ষসাঃ।
দংষ্ট্রোজ্জ্বলা মহাবক্ত্রা ঘোররূপা ভয়ানকাঃ॥ 7-157-138 (52043)
ব্যাত্তাননা ঘোরজিহ্বাঃ ক্রোধতাম্রেক্ষণা ভৃশম্।
সিংহনাদেন মহতা নাদয়ন্তো বসুন্ধরাম্॥ 7-157-139 (52044)
হন্তুমভ্যদ্রবন্দ্রৌণিং নানাপ্রহরণায়ুধাঃ।
শক্তীঃ শতঘ্নীঃ পরিঘানশনীঃ শূলপট্টশান্॥ 7-157-140 (52045)
খঙ্গান্গদাভিণ্ডিপালান্মুসলানি পরশ্বথান্।
প্রাসানসীংস্তোমরাংশ্চ কণপান্কম্পনাঞ্ছিতান্॥ 7-157-141 (52046)
স্থূলান্ভুশুণ্ড্যশ্মগদাস্থূণান্কার্ষ্ণ্যায়সাংস্তথা।
মুদ্গরাঁশ্চ মহাঘোরান্সমরে শত্রুদারণান্॥ 7-157-142 (52047)
দ্রৌণিমূর্ধন্যসন্ত্রস্তা রাক্ষসা ভীমবিক্রমাঃ।
চিক্ষিপুঃ ক্রোধতাম্রাক্ষাঃ শতশোঽথ সহস্রশঃ॥ 7-157-143 (52048)
তচ্ছস্ত্রবর্ষং সুমহদ্দ্রোণপুত্রস্য মূর্ধনি।
পতমানং সমীক্ষ্যাঽথ যোধাস্তে ব্যথিতাঽভবন্॥ 7-157-144 (52049)
দ্রোণপুত্রস্তু বিক্রান্তস্তদ্বর্ষং ঘোরমুচ্ছ্রিতম্।
শরৈর্বিধ্বংসয়ামাস বজ্রকল্পৈঃ শিলাশিতৈঃ॥ 7-157-145 (52050)
ততোঽন্যৈর্বিশিখৈস্তূর্ণং স্বর্ণপুঙ্খৈর্মহামনাঃ।
নিজঘ্নে রাক্ষসান্দ্রৌণির্দিব্যাস্ত্রপ্রতিমন্ত্রিতৈঃ॥ 7-157-146 (52051)
তদ্বাণৈরর্দিতং যূথং রক্ষসাং পীনবক্ষসাম্।
সিংহৈরিব বভৌ মত্তং গজানামাকুলং কুলম্॥ 7-157-147 (52052)
তে রাক্ষসাঃ সুসঙ্ক্রুদ্ধা দ্রোণপুত্রেণ তাডিতাঃ।
ক্রুদ্ধাঃ স্ম প্রাদ্রবন্দ্রৌণিং জিঘাংসন্তো মহাবলঃ॥ 7-157-148 (52053)
তত্রাদ্ভুতমিমং দ্রৌণির্দর্শয়ামাস বিক্রমম্।
অশক্যং কর্তুমন্যেন সর্বভূতেষু ভারত॥ 7-157-149 (52054)
যদেকো রাক্ষসীং সেনাং ক্ষণাদ্দ্রৌণির্মহাস্ত্রবিৎ।
দদাহ জ্বলিতৈর্বাণৈ রাক্ষসেন্দ্রস্য পশ্যতঃ॥ 7-157-150 (52055)
স হৎবা রাক্ষসানীকং ররাজ দ্রৌণিরাহবে।
যুগান্তে সর্বভূতানি সংবর্তক ইবানলঃ॥ 7-157-151 (52056)
তং দহন্তমনীকানি শরৈরাশীবিষোপমৈঃ।
তেষু রাজসহস্রেষু পাণ্ডবেয়েষু ভারত॥ 7-157-152 (52057)
নৈনং নিরীক্ষিতুং কশ্চিদশক্নোদ্দ্রৌণিমাহবে।
ঋতে ঘটোৎকচাদ্বীরাদ্রাক্ষসেন্দ্রান্মহাবলাৎ॥ 7-157-153 (52058)
স পুনর্ভরতশ্রেষ্ঠ ক্রোধাদুদ্ধান্তলোচনঃ।
তলং তলেন সংহত্য সন্দশ্য দশনচ্ছদম্॥ 7-157-154 (52059)
স্ব সূতমব্রবীৎক্রুদ্ধো দ্রোণপুত্রায় মাং বহ।
স যয়ৌ ঘোররূপেণ সুপতাকেন ভাস্বতা॥ 7-157-155 (52060)
দ্বৈরথং দ্রোণপুত্রেণ পুনরপ্যরিসূদনঃ।
স বিনদ্য মহানাদং সিংহবদ্ভীমবিক্রমঃ॥ 7-157-156 (52061)
চিক্ষেপাবিদ্ধ্য সঙ্গ্রামে দ্রোণপুত্রায় রাক্ষসঃ।
অষ্টঘণ্টাং মহাঘোরামশনিং দেবনির্মিতাম্॥ 7-157-157 (52062)
তামবপ্লুত্য জগ্রাহ দ্রৌণির্ন্যস্য রথে ধনুঃ।
চিক্ষেপ চৈনাং তস্যৈব স্যন্দনাৎসোঽবপ্লুপ্লুবে॥ 7-157-158 (52063)
সাশ্বসূতধ্বজং যানং ভস্ম কৃৎবা মহাপ্রভা।
বিবেশ বসুধাং ভিত্ৎবা সাঽশনির্ভৃশদারুণা॥ 7-157-159 (52064)
দ্রৌণেস্তৎকর্ম দৃষ্ট্বা তু সর্বভূতান্যপূজয়ন্।
যদপ্লুত্য জগ্রাহ ঘোরাং শঙ্করনির্মিতাম্॥ 7-157-160 (52065)
ধৃষ্টদ্যুম্নরথং গৎবা ভৈমসেনিস্ততো নৃপ।
ধনুর্ঘোরং সমাদায় মহদিন্দ্রায়ুধোপমম্।
মুমোচ নিশিতান্বাণান্পুনর্দ্রৌণের্মহোরসি॥ 7-157-161 (52066)
ধৃষ্টদ্যুম্নস্ৎবসম্ভ্রান্তো মুমোচাশীবিষোপমান্।
সুবর্ণপুঙ্খান্বিশিখান্দ্রোণপুত্রস্য বক্ষসি॥ 7-157-162 (52067)
ততো মুমোচ নারাচান্দ্রৌণিস্তাংশ্চ সহস্রশঃ।
তাবপ্যগ্নিশিখপ্রখ্যৈর্জুঘ্নতুস্তস্য মার্গণান্॥ 7-157-163 (52068)
অতিতীব্রং মহদ্যুদ্ধং তয়োঃ পুরুষসিংহয়োঃ।
যোধানং প্রীতিজননং দ্রৌণেশ্চ ভরতর্ষভ॥ 7-157-164 (52069)
ততো রথসহস্রেণ দ্বিরদানাং শতৈস্ত্রিভিঃ।
ষড্ভির্বাজিসহস্রৈশ্চ ভীমস্তং দেশমাগমৎ॥ 7-157-165 (52070)
ততো ভীমাত্মজং রক্ষো ধৃষ্টদ্যুম্নং চ সানুগম্।
অয়োধয়ত ধর্মাত্মা দ্রৌণিরক্লিষ্টবিক্রমঃ॥ 7-157-166 (52071)
তত্রাদ্ভুততমং দ্রৌণির্দর্শয়ামাস বিক্রমম্।
অশক্যং কর্তুমন্যেন সর্বভূতেষু ভারত॥ 7-157-167 (52072)
নিমেষান্তরমাত্রেণ সাশ্বসূতরথদ্বিপাম্।
অক্ষৌহিণীং রাক্ষসানাং শিতৈর্বাণৈরশাতয়ৎ॥ 7-157-168 (52073)
মিষতো ভীমসেনস্য হৈডিম্বেঃ পার্ষতস্য চ।
যময়োর্ধর্মপুত্রস্য বিজয়স্যাচ্যুতস্য চ॥ 7-157-169 (52074)
প্রগাঢমঞ্জোগতিভির্নারাচৈরভিতাডিতাঃ।
নিপেতুর্দ্বিরদা ভূমৌ সশৃঙ্গা ইব পর্বতাঃ॥ 7-157-170 (52075)
নিকৃত্তৈর্হস্তিহস্তৈশ্চ বিচলদ্ভিরিতস্ততঃ।
ররাজ বসুধা কীর্ণা বিসর্পদ্ভিরিবোরগৈঃ॥ 7-157-171 (52076)
ক্ষিপ্তৈঃ কাঞ্চনদণ্ডৈশ্চ নৃপচ্ছত্রৈঃ ক্ষিতির্বভৌ।
দ্যৌরিবোদিতচন্দ্রার্কা গ্রহাকীর্ণা যুগক্ষয়ে॥ 7-157-172 (52077)
প্রবৃদ্ধধ্বজমণ্ডূকাং ভেরীবিস্তীর্ণকচ্ছপাম্॥
ছত্রহংসাবলীজুষ্টাং ফেনচামরমালিনীম্॥ 7-157-173 (52078)
কঙ্কগৃঘ্রমহাগ্রাহাং নৈকায়ুধঝষাকুলাম্।
বিস্তীর্ণগজপাষাণাং হতাশ্বমকরাকুলাম্॥ 7-157-174 (52079)
রথক্ষিপ্তমহাবপ্রাং পতাকারুচিরদ্রুমাম্।
শরমীনাং মহারৌদ্রাং প্রাসশক্ত্যৃষ্টিডুণ্ডুভাম্॥ 7-157-175 (52080)
মজ্জামাংসমহাপঙ্কাং কবন্ধাবর্জিতোডুপাম্।
কেশশৈবলকল্মাষাং ভীরূণাং কশ্মলাবহাম্॥ 7-157-176 (52081)
নাগেন্দ্রহয়যোধানাং শরীরব্যযসম্ভবাম্।
শোণিতৌঘমহাঘোরাং দ্রৌণিঃ প্রাবর্তয়ন্নদীম্॥ 7-157-177 (52082)
যোধার্তরবনির্ঘোষাং ক্ষতজোর্মিসমাকুলাম্।
প্রয়ান্তীং সুমহাঘোরাং যমরাষ্ট্রমহোদধিম্॥ 7-157-178 (52083)
নিহত্য রাক্ষসান্বাণৈর্দ্রৌণির্হৈডিম্বিমার্দয়ৎ।
পুনরপ্যতিসঙ্ক্রুদ্ধঃ সবৃকোদরপার্ষতান্॥ 7-157-179 (52084)
স নারাচগণৈঃ পার্থান্দ্রৌণির্বিদ্ধা মহাবলঃ।
জঘান সুরথং নাম দ্রুপদস্য সুতং বিভুঃ॥ 7-157-180 (52085)
পুনঃ শত্রুঞ্জয়ং নাম দ্রুপদস্যাত্মজং রণে।
বলানীকং জয়ানীকং জয়াশ্বং চাভিজঘ্নিবান্॥ 7-157-181 (52086)
শ্রুতাহ্বয়ং চ রাজানং দ্রৌণির্নিন্যে যমক্ষয়ম্।
ত্রিভিশ্চান্যৈঃ শরৈস্তীক্ষ্ণৈঃ সুপুঙ্খৈর্হেমমালিনম্॥ 7-157-182 (52087)
জঘান স পৃষধ্রং চ চন্দ্রসেনং চ মারিষ।
কুন্তিভোজসুতাংশ্চাসৌ দশভির্দশ জঘ্নিবান্॥ 7-157-183 (52088)
অস্বত্থামা সুসঙ্ক্রুদ্ধঃ সন্ধায়োগ্রমজিহ্মগম্।
মুমোচাকর্ণপূর্ণেন ধনুষা শরমুত্তমম্।
যমদণ্ডোপমং ঘোরমুদ্দিশ্যাশু ঘটোৎকচম্॥ 7-157-184 (52089)
স ভিত্ৎবা হৃদয়ং তস্য রাক্ষসস্য মহাশরঃ।
বিবেশ বসুধাং শীঘ্রং সপুঙ্খঃ পৃথিবীপতে॥ 7-157-185 (52090)
তং হতং পতিতং জ্ঞাৎবা ধৃষ্টদ্যুম্নো মহারথঃ।
দ্রৌণেঃ সকাশাদ্রাজেন্দ্র ব্যপনিন্যে রথোত্তমম্॥ 7-157-186 (52091)
ততঃ পরাঙ্মুখনৃপং সৈন্যং যৌধিষ্ঠিরং নৃপ।
পরাজিত্য রণে বীরো দ্রোণপুত্রো ননাদ হ।
পূজিতঃ সর্বভূতেষু তব পুত্রৈশ্চ ভারত॥ 7-157-187 (52092)
অথ শরশতভিন্নকৃত্তদেহৈ--
র্হতপতিতৈঃ ক্ষণদাচরৈঃ সমন্তাৎ।
নিধনমুপগতৈর্মহী কৃতাঽভূ--
দ্গিরিশিখরৈরিব দুর্গমাঽতিরৌদ্রা॥ 7-157-188 (52093)
তং সিদ্ধগন্ধর্বপিশাচসঙ্ঘা
নাগাঃ সুপর্ণাঃ পিতরো বয়াংসি।
রক্ষোগণা ভূতগণাশ্চ দ্রৌণি--
মপূজয়ন্নপ্সরসঃ সুরাশ্চ॥ ॥ 7-157-189 (52094)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে সপ্তপঞ্চাশদধিকশততমোঽধ্যায়ঃ॥ 157 ॥
Mahabharata - Drona Parva - Chapter Footnotes
5-157-9 তারেণোচ্চস্বরেণ॥ 5-157-19 কৃষ্ণচরণৈঃ কৃষ্ণয়োশ্চরণৈঃ॥ 5-157-40 দ্রোণমভিধাবন্তং বীভৎসুং দৃষ্ট্বা যৌধিষ্ঠিরং বলং তৎসৈন্যং দ্রোণসৈন্যম্প্রতি পুনঃ সন্ন্যবর্ততেতি সম্বন্ধঃ॥ 5-157-58 কার্ষ্ণায়সং তীক্ষ্ণলোহময়ম্॥ 5-157-59 ন হয়ৈর্নাপি বারণৈর্গজৈঃ কিন্তু পিশাচৈঃ॥ 5-157-93 গচ্ছ বৎসেতি পুত্রেণেতি চ ভীমসেনসম্বন্ধাৎ। প্রবাধিতুং মনঃ--খেদমুৎপাদয়িতুম্॥ 5-157-94 আত্মানমপি হন্যাৎকিমু পুত্রমতো জীবনার্থী ৎবং নিবর্তস্বেতি ভাবঃ॥ 5-157-95 আয়স্তঃ কোপিতঃ॥ 5-157-132 শারদ্বতী কৃপী। কচরান্বাণান্। খচরং রাক্ষসম্॥ 5-157-136 বসুরুল্বণঃ অগ্নিঃ প্রলয়কালিকঃ॥ 5-157-157 সপ্তপঞ্চাশদধিকশততমোঽধ্যায়ঃ॥দ্রোণপর্ব - অধ্যায় 158
॥ শ্রীঃ ॥
7.158. অধ্যায়ঃ 158
Mahabharata - Drona Parva - Chapter Topics
ভীমেনঃ বাহ্লীকবধঃ॥ 1 ॥ তথা দুর্যোধনানুজদশকস্য শকুনিভ্রাতৃপঞ্চকস্য চ বধঃ॥ 2 ॥Mahabharata - Drona Parva - Chapter Text
7-158-0 (52095)
সঞ্জয় উবাচ। 7-158-0x (4688)
দ্রুপদস্যাত্মজান্দৃষ্ট্বা কুন্তিভোজসুতাংস্তথা।
দ্রোণপুত্রেণ নিহতান্রাক্ষসাংশ্চ সহস্রশঃ॥ 7-158-1 (52096)
যুধিষ্ঠিরো ভীমসেনো ধৃষ্টদ্যুম্নশ্চ পার্ষতঃ।
যুয়ুধানশ্চ সংয়ত্তা যুদ্ধায়ৈব মনো দধুঃ॥ 7-158-2 (52097)
সোমদত্তঃ পুনঃ ক্রুদ্ধো দৃষ্ট্বা সাত্যকিমাহবে।
মহতা শরবর্ষেণ চ্ছাদয়ামাস ভারত॥ 7-158-3 (52098)
ততঃ সমভবদ্যুদ্ধমতীব ভয়বর্ধনম্।
ৎবদীয়ানাং পরেষাং চ ঘোরং বিজয়কাঙ্ক্ষিণাম্॥ 7-158-4 (52099)
তং দৃষ্ট্বা সমুপায়ান্তং রুক্মপুঙ্খৈঃ শিলাশিতৈঃ।
দশভিঃ সাৎবতস্যার্থে ভীমো বিব্যাধ সায়কৈঃ॥ 7-158-5 (52100)
সোমদত্তোঽপি তং বীরং শতেন প্রত্যবিধ্যত।
সাৎবতস্ৎবভিসংক্রুদ্ধঃ পুত্রাধিভিরভিপ্লুতম্॥ 7-158-6 (52101)
বৃদ্ধং বৃদ্ধগুণৈর্যুক্তং যয়াতিমিব নাহুষম্।
বিব্যাধ দশভিস্তীক্ষ্ণৈঃ শরৈর্বজ্রনিপাতনৈঃ।
শক্ত্যা চৈনং বিনির্ভিদ্য পুনর্বিব্যাধ সপ্তভিঃ॥ 7-158-7 (52102)
ততস্তু সাত্যকেরর্থে ভীমসেনো নবং দৃঢম্।
মুমোচ পরিঘং ঘোরং সোমদত্তস্য মূর্ধনি॥ 7-158-8 (52103)
সাৎবতোঽপ্যগ্নিসঙ্কাশং মুমোচ শরমুত্তমম্।
সোমদত্তোরসি ক্রুদ্ধঃ সুপত্রং নিশিতং যুধি॥ 7-158-9 (52104)
যুগপৎপেততুর্বীর ঘোরৌ পরিঘমার্গণৌ।
শরীরে সোমদত্তস্য স পপাত মহারথঃ॥ 7-158-10 (52105)
ব্যামোহিতে তুনয়ে বাহ্লীকস্তমুপাদ্রবৎ।
বিসৃজঞ্ছরবর্ষাণি কালবর্ষীব তোয়দঃ॥ 7-158-11 (52106)
ভীমোঽথ সাৎবতস্যার্থে বাহ্লীকং নবভিঃ শরৈঃ।
প্রাতিপেয়ং মহাত্মানং বিব্যাধ রণমূর্ধনি॥ 7-158-12 (52107)
প্রাতিপেয়স্তু সঙ্ক্রুদ্ধঃ শক্তিং ভীমস্য বক্ষসি।
নিচখান মহাবাহুঃ পুরন্দর ইবাশনিম্॥ 7-158-13 (52108)
স তথাঽভিহতো ভীমশ্চকম্পে চ মুমোহ চ।
প্রাপ্য চেতশ্চ বলবান্গদামস্মৈ সসর্জ হ॥ 7-158-14 (52109)
সা পাণ্ডবেন প্রহিতা বাহ্লীকস্য শিরোঽহরৎ।
স পপাত হতঃ পৃথ্ব্যাং বজ্রাহত ইবাদ্রিরাট্॥ 7-158-15 (52110)
তস্মিন্বিনিহতে বীরে বাহ্লীকে পুরুষর্ষভ।
পুত্রাস্তেঽভ্যর্দয়ন্ভীমং দশ দাশরথেঃ সমাঃ॥ 7-158-16 (52111)
নাগদত্তো দৃঢরথো মহাবাহুরয়োভুজঃ।
দৃঢঃ সুহস্তো বিরজাঃ প্রমাথ্যুগ্রোঽনুয়ায়্যপি॥ 7-158-17 (52112)
তান্দৃষ্ট্বা চুক্রুধে ভীমো জগৃহে ভারসাধনান্।
একমেকং সমুদ্দিশ্য পাতয়ামাস মর্মসু॥ 7-158-18 (52113)
তে বিদ্ধা ব্যসবঃ পেতুঃ স্যন্দনেভ্যো হতৌজসঃ।
চণ্ডবাতপ্রভগ্নাস্তু পর্বতাগ্রান্মহীরুহাঃ॥ 7-158-19 (52114)
নারাচৈর্দশভির্ভীমস্তান্নিহত্য তবাত্মজান্।
কর্ণস্য দয়িতং পুত্রং বৃষসেনমবাকিরৎ॥ 7-158-20 (52115)
ততো বৃকরথো নাম ভ্রাতা কর্ণস্য বিশ্রুতঃ।
জঘান ভীমং নারাচৈস্তমপ্যভ্যদ্রবদ্বলী॥ 7-158-21 (52116)
ততঃ সপ্তরথান্বীরঃ শ্যালানাং তব ভারত।
নিহত্য ভীমো নারাচৈঃ শতচন্দ্রমপোথয়ৎ॥ 7-158-22 (52117)
অমর্ষয়ন্তো নিহতং শতচন্দ্রং মহারথম্।
শকুনের্ভ্রাতরো বীরা গবাক্ষঃ শরভো বিভুঃ॥ 7-158-23 (52118)
সুভগো ভানুদত্তশ্চ শূরাঃ পঞ্চ মহারথাঃ।
অভিদ্রুত্য শরৈস্তীক্ষ্ণৈর্ভীমসেনমতাডয়ন্॥ 7-158-24 (52119)
স তাড্যমানো নারাচৈর্বৃষ্টিবেগৈরিবাচলঃ।
জঘান পঞ্চভির্বাণৈঃ পঞ্চৈবাতিরথান্বলী॥ 7-158-25 (52120)
তান্দৃষ্ট্বা নিহতান্বীরান্বিচেলুর্নৃপসত্তমাঃ॥ 7-158-26 (52121)
ততো যুধিষ্ঠিরঃ ক্রুদ্ধস্তবানীকমশাতয়ৎ॥
মিষতঃ কুম্ভয়োনেস্তু পুত্রাণাং তব চানঘ॥ 7-158-27 (52122)
অম্বষ্ঠান্মালবাঞ্ছূরাংস্ত্রিগর্তান্সশিবীনপি।
প্রাহিণোন্মৃত্যুলোকায় ক্রুদ্ধো যুদ্ধে যুধিষ্ঠিরঃ॥ 7-158-28 (52123)
অভীষাহাঞ্ছূরসেনান্বাহ্লীকান্সবসাতিকান্।
নিহত্য পৃথিবীং রাজা চক্রে শোণিতকর্দমাম্॥ 7-158-29 (52124)
যৌধেয়ান্মালবান্রাজন্মদ্রকাণাং গণান্যুধি।
প্রাহিণোন্মৃত্যুলোকায় শূরান্বাণৈর্যুধিষ্ঠিরঃ॥ 7-158-30 (52125)
হতাহরত গৃহ্ণীত বিধ্যত ব্যবকৃন্তত।
ইত্যাসীত্তুমুলঃ শব্দো যুধিষ্ঠিররথং প্রতি॥ 7-158-31 (52126)
সৈন্যানি দ্রাবয়ন্তং তং দ্রোণো দৃষ্ট্বা যুধিষ্ঠিরম্।
চোদিতস্তব পুত্রেণ সায়কৈরভ্যবাকিরৎ॥ 7-158-32 (52127)
দ্রোণস্তু পরমক্রুদ্ধো বায়ব্যাস্ত্রেণ পার্থিবম্।
বিব্যাধ সোঽপি তদ্দিব্যমস্ত্রমস্ত্রেণ জঘ্নিবান্॥ 7-158-33 (52128)
তস্মিন্বিনিহতে চাস্ত্রে ভারদ্বাজো যুধিষ্ঠিরে।
বারুণং যাম্যমাগ্নেয়ং ৎবাষ্ট্রং সাবিত্রমেব চ।
চিক্ষেপ পরমক্রুদ্ধো জিঘাংসুঃ পাণ্ডুনন্দনম্॥ 7-158-34 (52129)
ক্ষিপ্তানি ক্ষিপ্যমাণানি তানি চাস্ত্রাণি ধর্মজঃ।
জঘানাস্ত্রৈর্মহাবাহুঃ কুম্ভয়োনেরবিত্রসন্॥ 7-158-35 (52130)
সত্যাং চিকীর্ষমাণস্তু প্রতিজ্ঞাং কুম্ভসম্ভবঃ॥ 7-158-36 (52131)
প্রাদুশ্চক্রেঽস্ত্রমৈন্দ্রং বৈ প্রাজাপত্যং চ ভারত।
জিঘাংসুর্ধর্মতনয়ং তব পুত্রহিতে রতঃ॥ 7-158-37 (52132)
পতিঃ কুরূণাং গজসিংহগামী
বিশালবক্ষাঃ পৃথুলোহিতাক্ষঃ।
প্রাদুশ্চকারাস্ত্রমহীনতেজা
মাহেন্দ্রমস্ত্রং স জঘান তেন॥ 7-158-38 (52133)
বিহন্যমানেষ্বস্ত্রেষু দ্রোণঃ ক্রোধসমন্বিতঃ।
যুধিষ্ঠিরবধং প্রেপ্সুর্ব্রাহ্মমস্ত্রমুদৈরয়ৎ॥ 7-158-39 (52134)
ততো নাজ্ঞাসিষং কিঞ্চিদ্ধোরেণ তমসাঽঽবৃতে।
সর্বভূতানি চ পরং ত্রাসং জগ্মুর্মহীপতে॥ 7-158-40 (52135)
ব্রহ্মাস্ত্রমুদ্যতং দৃষ্ট্বা কুন্তীপুত্রো যুধিষ্ঠিরঃ।
ব্রহ্মাস্ত্রেণৈব রাজেন্দ্র তদস্ত্রং প্রত্যবারয়ৎ॥ 7-158-41 (52136)
ততঃ সৈনিকমুখ্যাস্তে প্রশশংসুর্নরর্ষভৌ।
দ্রোণপার্থৌ মহেষ্বাসৌ সর্বয়ুদ্ধবিশারদৌ॥ 7-158-42 (52137)
ততঃ প্রমুচ্য কৌন্তেয়ং দ্রোণো দ্রুপদবাহিনীম্।
ব্যধমৎক্রোধতাম্রাক্ষো বায়ব্যাস্ত্রেণ ভারত॥ 7-158-43 (52138)
তে হন্যমানা দ্রোণেন পাঞ্চালাঃ প্রাদ্রবন্ভয়াৎ।
পশ্যতো ভীমসেনস্য পার্থস্য চ মহাত্মনঃ॥ 7-158-44 (52139)
ততঃ কিরীটী ভীমশ্চ সহসা সন্ন্যবর্ততাম্।
মহদ্ধ্যাং রথবংশাভ্যাং পরিগৃহ্য বলং তদা॥ 7-158-45 (52140)
বীভৎসুর্দক্ষিণং পার্শ্বমুত্তরং চ বৃকোদরঃ।
ভারদ্বাজং শরৌঘাভ্যাং মহদ্ভ্যামভ্যবর্ষতাম্॥ 7-158-46 (52141)
কেকয়াঃ সৃঞ্জয়াশ্চৈব পাঞ্চালাশ্চ মহৌজসঃ।
অন্বগচ্ছন্মহারাজ মাৎস্যাশ্চ সহ সাৎবতৈঃ॥ 7-158-47 (52142)
ততঃ সা ভারতী সেনা বধ্যমানা কিরীটিনা।
তমসা নিদ্রয়া চৈব পুনরেব ব্যদীর্যত॥ 7-158-48 (52143)
দ্রোণেন বার্যমাণাস্তে স্বয়ং তব সুতেন চ।
নাশক্যন্ত মহারাজ যোধা বারয়িতুং তদা॥ ॥ 7-158-49 (52144)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে অষ্টপঞ্চাশদধিকশততমোঽধ্যায়ঃ॥ 158 ॥
Mahabharata - Drona Parva - Chapter Footnotes
5-158-12 প্রাতিপেয়ং প্রতীপপুত্রম্॥ 5-158-38 পতিঃ কুরূণাং যুধিষ্ঠিরঃ। মাহেন্দ্রমন্যৎস জঘানেতি ঝ.পাঠঃ॥ 5-158-158 অষ্টপঞ্চাশদধিকশততমোঽধ্যায়ঃ॥দ্রোণপর্ব - অধ্যায় 159
॥ শ্রীঃ ॥
7.159. অধ্যায়ঃ 159
Mahabharata - Drona Parva - Chapter Topics
কর্ণেন পাণ্ডবহননং প্রতিজানানমাত্মানমধিক্ষিপতঃ কৃপস্য জিহ্বাচ্ছেদপ্রতিজ্ঞানম্॥ 1 ॥Mahabharata - Drona Parva - Chapter Text
7-159-0 (52145)
সঞ্জয় উবাচ। 7-159-0x (4689)
উদীর্যমাণং তদ্দৃষ্ট্বা পাণ্ডবানাং মহদ্বলম্।
অবিষহ্যং চ মন্বানঃ কর্ণং দুর্যোধনোঽব্রবীৎ॥ 7-159-1 (52146)
অয়ং স কালঃ সম্প্রাপ্তো মিত্রাণাং মিত্রবৎসল।
ত্রায়স্ব সমরে কর্ণ সর্বান্যোধান্মহারথান্॥ 7-159-2 (52147)
পাঞ্চালৈর্মৎস্যকৈকেয়ৈঃ পাণ্ডবৈশ্চ মহারথৈঃ।
বৃতান্সমন্তাৎসহ্ক্রুদ্ধৈর্নিঃ শ্বসদ্ভিরিবোরগৈঃ॥ 7-159-3 (52148)
এতে নদন্তি সংহৃষ্টাঃ পাণ্ডবা জিতকাশিনঃ।
শক্রোপমাশ্চ বহবঃ পাঞ্চালানাং রথব্রজাঃ॥ 7-159-4 (52149)
কর্ণ উবাচ। 7-159-5x (4690)
পরিত্রাতুমিহ প্রাপ্তো যদি পার্থং পুরন্দরঃ।
তমপ্যাশু পরাজিত্য ততো হন্তাঽস্মি পাণ্ডবম্॥ 7-159-5 (52150)
সত্যং তে প্রতিজানামি সমাশ্বসিহি ভারত।
হন্তাস্মি পাণ্ডুতনয়ান্পাঞ্চালাংশ্চ সমাগতান্॥ 7-159-6 (52151)
জয়ং তে প্রতিদাস্যামি বাসবস্যেব পাবকিঃ।
প্রিয়ং তব ময়া কার্যমিতি জীবামি পার্থিব॥ 7-159-7 (52152)
সর্বেষামেব পার্থানাং ফল্গুনো বলবত্তরঃ।
তস্যামোঘাং বিমোক্ষ্যামিশক্তিং শক্রবিনির্মিতাং॥ 7-159-8 (52153)
তস্মিন্হতে মহেষ্বাসে ভ্রাতরস্তস্য মানদ।
তব বশ্যা ভবিষ্যন্তি বনং যাস্যন্তি বা পুনঃ॥ 7-159-9 (52154)
ময়ি জীবতি কৌরব্য বিষাদং মা কৃথাঃ ক্বচিৎ।
অহং জেষ্যামি সমরে সহিতান্সর্বপাণ্ডবান্॥ 7-159-10 (52155)
পাঞ্চালান্কেকয়াংশ্চৈব বৃষ্ণীংশ্চাপি সমাগতান্।
বাণৌঘৈঃ শকলীকৃত্য তব দাস্যামি মেদিনীম্॥ 7-159-11 (52156)
সঞ্জয় উবাচ। 7-159-12x (4691)
এবং ব্রুবাণং কর্ণং তু কৃপঃ শারদ্বতোঽব্রবীৎ।
স্ময়ন্নিব মহাবাহুঃ সূতপুত্রমিদং বচঃ॥ 7-159-12 (52157)
শোভনং শোভনং কর্ণ সনাথঃ কুরুপুঙ্গবঃ।
ৎবয়া নাথেন রাধেয় বচসা যদি সিধ্যতি॥ 7-159-13 (52158)
বহুশঃ কত্থসে কর্ণ কৌরবস্য সমীপতঃ।
ন তু তে বিক্রমঃ কশ্চিদ্দৃশ্যতে ফলমেব বা॥ 7-159-14 (52159)
সমাগমঃ পাণ্ডুসুতৈর্দৃষ্টস্তে বহুশো যুধি।
সর্বত্র নির্জিতশ্চাসি পাণ্ডবৈঃ সূতনন্দন॥ 7-159-15 (52160)
হিয়মাণে তদা কর্ণ গন্ধর্বৈর্ধৃতরাষ্ট্রজে।
তদাঽয়ুধ্যন্ত সৈন্যানি ৎবমেকোঽগ্রেঽপলায়িথাঃ॥ 7-159-16 (52161)
বিরাটনগরে চাপি সমেতাঃ সর্বকৌরবাঃ।
পার্থেন নির্জিতা যুদ্ধে ৎবং চ কর্ণ সহানুজঃ॥ 7-159-17 (52162)
একস্যাপ্যসমর্থস্ৎবং ফল্গুনস্য রণাজিরে।
কথমুৎসহসে জেতুং সকৃষ্ণান্সর্বপাণ্ডবান্॥ 7-159-18 (52163)
অব্রুবন্কর্ণ যুধ্যস্ব কত্থসে বহু সূতজ।
অনুক্ৎবা বিক্রমেদ্যস্তু তদ্বৈ সৎপুরুষব্রতম্॥ 7-159-19 (52164)
গর্জিৎবা সূতপুত্র ৎবং শারদাভ্র ইবাজলঃ।
নিষ্ফলো দৃশ্যসে কর্ণ তচ্চ রাজা ন বুধ্যতে॥ 7-159-20 (52165)
তাবদ্গর্জস্ব রাধেয় যাবৎপার্থং ন পশ্যসি।
আরাৎপার্থং হি তে দৃষ্ট্বা দুর্লভং গর্জিতং পুনঃ॥ 7-159-21 (52166)
ৎবমনাসাদ্য তান্বাণান্ফল্গুনস্য বিগর্জসি।
পার্থসায়কবিংদ্ধস্য দুর্লভং গর্জিতং তব॥ 7-159-22 (52167)
বাহুভিঃ ক্ষত্রিয়াঃ শূরা বাগ্ভিঃ শূরা দ্বিজাতয়ঃ।
ধনুষা ফল্গুনঃ শূরঃ কর্ণঃ শূরো মনোরথৈঃ।
তোষিতো যেন রুদ্রোঽপি কঃ পার্থং প্রতিঘাতয়েৎ॥ 7-159-23 (52168)
এবং সংরুষিতস্তেন তদা শারদ্বতেন হ।
কর্ণঃ প্রহরতাং শ্রেষ্ঠঃ কৃপং বাক্যমথাব্রবীৎ॥ 7-159-24 (52169)
শূরা গর্জন্তি সততং প্রাবৃষীব বলাহকাঃ।
ফলং চাশু প্রয়চ্ছন্তি বীজমুপ্তমনূষরে॥ 7-159-25 (52170)
দোষমত্র ন পশ্যামি শূরাণাং রণমূর্ধনি।
তত্তদ্বিকত্থমানানাং ভারং চোদ্বহতাং মৃধে॥ 7-159-26 (52171)
যং ভারং পুরুষো বোঢুং মনসা হি ব্যবস্যতি।
দৈবমস্য ধ্রুবং তত্র সাহায়্যায়োপপদ্যতে॥ 7-159-27 (52172)
ব্যবসায়দ্বিতীয়োঽহং মনসা ভারমুদ্বহন্।
হৎবা পাণ্ডুসুতানাজৌ সকৃষ্ণান্সহসাৎবতান্।
গর্জামি যদ্যহং বিপ্র তব কিং তত্র নশ্যতি॥ 7-159-28 (52173)
বৃথা শূরা ন গর্জন্তি সজলা ইব তোয়দাঃ।
সামর্থ্যমাত্মনো জ্ঞাৎবা ততো গর্জন্তি পণ্ডিতাঃ॥ 7-159-29 (52174)
সোঽহমদ্য রণে যত্তৌ সহিতৌ কৃষ্মপাণ্ডবৌ।
উৎসহামি রণে জেতুং ততো গর্জামি গৌতম॥ 7-159-30 (52175)
পশ্য ৎবং গর্জিতস্যাস্য ফলং মে বিপ্র সানুগান্।
হৎবা পাণ্ডুসুতানাজৌ সহকৃষ্ণান্সসাৎবতান্।
দুর্যোধনায় দাস্যামি পৃথিবীং হতকণ্টকাম্॥ 7-159-31 (52176)
কৃপ উবাচ। 7-159-32x (4692)
মনোরথপ্রলাপা মে ন গ্রাহ্যাস্তব সূতজ॥ 7-159-32 (52177)
সদা ক্ষিপসি বৈ কৃষ্ণৌ ধর্মরাজং চ পাণ্ডবম্।
ধ্রুবস্তত্র জয়ঃ কর্ণ যত্র যুদ্ধবিশারদৌ॥ 7-159-33 (52178)
দেবগন্ধর্বয়ক্ষাণাং মনুষ্যোরগরক্ষসাম্।
দংশিতানামপি রণে অজেয়ৌ কৃষ্ণপাণ্ডবৌ॥ 7-159-34 (52179)
ব্রহ্মণ্যঃ সত্যবাগ্দান্তো গুরুদৈবতপূজকঃ।
নিত্যং ধর্মরতশ্চৈব কৃতাস্ত্রশ্চ বিশেষতঃ॥ 7-159-35 (52180)
ধৃতিমাংশ্চ কৃতজ্ঞশ্চ ধর্মপুত্রো যুধিষ্ঠিরঃ।
ভ্রাতরশ্চাস্য বলিনঃ সর্বাস্ত্রেষু কৃতশ্রমাঃ॥ 7-159-36 (52181)
গুরুবৃত্তিরতাঃ প্রাজ্ঞা ধর্মনিত্যা যশস্বিনঃ।
সম্বন্ধিনশ্চেন্দ্রবীর্যাঃ স্বনুর্তাঃ প্রহারিণঃ॥ 7-159-37 (52182)
ধৃষ্টদ্যুম্নঃ শিখণ্ডী চ দৌর্মুখির্জনমেজয়ঃ।
চন্দ্রসেনো রুদ্রসেনঃ কীর্তিধর্মা ধ্রুবো ধরঃ॥ 7-159-38 (52183)
বসুচন্দ্রো দামচন্দ্রঃ সিংহচন্দ্রঃ সুতেজনঃ।
দ্রুপদস্য তথা পুত্রা দ্রুপদশ্চ মহাস্ত্রবিৎ॥ 7-159-39 (52184)
যেষামর্থায় সংয়ত্তো মৎস্যরাজঃ সহানুজঃ।
শতানীকঃ সূর্যদত্তঃ শ্রুতানীকঃ শ্রুতধ্বজঃ॥ 7-159-40 (52185)
বলানীকো জয়ানীকো জয়াশ্বো রথবাহনঃ।
চন্দ্রোদয়ঃ সমরথো বিরাটভ্রাতরঃ শুভাঃ॥ 7-159-41 (52186)
যমৌ চ দ্রৌপদেয়াশ্চ রাক্ষসশ্চ ঘটোৎকচঃ।
যেষামর্থায় যুধ্যন্তে ন তেষাং বিদ্যতে ক্ষয়ঃ॥ 7-159-42 (52187)
এতে চান্যে চ বহবো গণাঃ পাণ্ডুসুতস্য বৈ॥ 7-159-43 (52188)
কামং খলু জগৎসর্বং সদেবাসুরমানুষম্।
সয়ক্ষরাক্ষসগণং সভূতভুজগদ্বিপম্।
নিঃশেষমস্ত্রবীর্যেণ কুর্বাতে ভীমফল্গুনৌ॥ 7-159-44 (52189)
যুধিষ্ঠিরশ্চ পৃথিবীং নির্দহেদ্ধোরচক্ষুষা॥ 7-159-45 (52190)
অপ্রমেয়বলঃ শৌরির্যেষামর্থে চ দংশিতঃ।
কথং তান্সংয়ুগে কর্ণ জেতুমুৎসহসে পরান্॥ 7-159-46 (52191)
মহানপনয়স্ৎবেষ নিত্যং হি তব সূতজ।
যস্ৎবমুৎসহসে যোদ্ধুং সমরে শৌরিণা সহ॥ 7-159-47 (52192)
সঞ্জয় উবাচ। 7-159-48x (4693)
এবমুক্তস্তু রাধেয়ঃ প্রহসন্ভরতর্ষভ।
অব্রবীচ্চ তদা কর্ণো গুরং শারদ্বতং কৃপম্॥ 7-159-48 (52193)
সত্যমুক্তং ৎবয়া ব্রহ্মন্পাণ্ডবান্প্রতি যদ্বচঃ।
এতে চান্যে চ বহবো গুণাঃ পাণ্ডুসুতেষু বৈ॥ 7-159-49 (52194)
অজয়্যাশ্চ রণে পার্থা দেবৈরপি সবাসবৈঃ।
সদৈত্যযক্ষগন্ধর্বৈঃ পিশাচোরগরাক্ষসৈঃ॥ 7-159-50 (52195)
তথাপি পার্থাঞ্জেষ্যামি শক্ত্যা বাসবদত্তয়া।
মম হ্যমোঘা দত্তেয়ং শক্তিঃ শক্রেণ বৈ দ্বিজ।
এতয়া নিহনিষ্যামি সব্যসাচিনমাহবে॥ 7-159-51 (52196)
হতে তু পাণ্ডবে কৃষ্ণে ভ্রাতরশ্চাস্য সোদরাঃ।
অনর্জুনা ন শক্ষ্যন্তি মহীং ভোক্তুং কথঞ্চন॥ 7-159-52 (52197)
তেষু নষ্টেষু সর্বেষু পৃথিবীয়ং সসাগরা।
অয়ত্নাৎকৌরবেন্দ্রস্য বশে স্থাস্যতি গৌতম্॥ 7-159-53 (52198)
সুনীতৈরিহ সর্বার্থাঃ সিধ্যন্তে নাত্র সংশয়ঃ।
এতমর্থমহং জ্ঞাৎবা ততো গর্জামি গৌতম॥ 7-159-54 (52199)
ৎবং তু বিপ্রশ্চ বৃদ্ধশ্চ অশক্তশ্চাপি সংয়ুগে।
কৃতস্নেহশ্চ পার্থেষু মোহান্মামবমন্যসে॥ 7-159-55 (52200)
যদ্যেবং বক্ষ্যসে ভূয়ো মমাপ্রিয়মিহ দ্বিজ।
ততস্তে খঙ্গমুদ্যম্য জিহ্বাং ছেৎস্যামি দুর্মতে॥ 7-159-56 (52201)
যচ্চাপি পাণ্ডবান্বিপ্র স্তোতুমিচ্ছসি সংয়ুগে।
ভীষয়ন্সর্বসৈন্যানি কৌরবেয়াংশ্চ দুর্মতে॥ 7-159-57 (52202)
অত্রাপি শৃণু মে বাক্যং যথাবদ্ব্রুবতো দ্বিজ।
দুর্যোধনশ্চ দ্রোণশ্চ শকুনির্দুর্মুখো জয়ঃ॥ 7-159-58 (52203)
দুঃশাসনো বৃষসেনো মদ্রাজস্ৎবমেব চ।
সোমদত্তশ্চ ভূরিশ্চ তথা দ্রৌণির্বিবিংশতিঃ॥ 7-159-59 (52204)
তিষ্ঠেয়ুর্দংশিতা যত্রা সর্বে যুদ্ধবিশারদাঃ।
জয়েদেতান্নরঃ কো নু শক্রতুল্যবলোঽপ্যরিঃ॥ 7-159-60 (52205)
শূরাশ্চ হি কৃতাস্ত্রাশ্চ বলিনঃ স্বর্গলিপ্সবঃ।
ধর্মজ্ঞা যুদ্ধকুশলা হন্যুর্যুদ্ধে সুরানপি॥ 7-159-61 (52206)
এতে স্থাস্যন্তি সঙ্গ্রামে পাণ্ডবানাং বধার্থিনঃ।
জয়মাকাঙ্ক্ষমাণা হি কৌরবেয়স্য দংশিতাঃ॥ 7-159-62 (52207)
দৈবায়ত্তমহং মন্যে জয়ং সুবলিনামপি।
যত্র ভীষ্মো মহাবাহুঃ শেতে শরশতাচিতঃ॥ 7-159-63 (52208)
বিকর্ণশ্চিত্রসেনশ্চ বাহ্লীকোঽথ জয়দ্রথঃ।
ভূরিশ্রবা জয়শ্চৈব জলসন্ধঃ সুদক্ষিণঃ॥ 7-159-64 (52209)
শলশ্চ রথিনাং শ্রেষ্ঠো ভগদত্তশ্চ বীর্যবান্।
এতে চান্যে চ রাজানো দেবৈরপি সুদুর্জয়াঃ॥ 7-159-65 (52210)
নিহতাঃ সমরে শূরাঃ পাণ্ডবৈর্বলবত্তরাঃ।
কিমন্যদ্দৈবসংয়োগান্মন্যসে পুরুষাধম॥ 7-159-66 (52211)
যাংশ্চ তাংস্তৌষি সততং দুর্যোধনরিপূন্দ্বিজ।
তেষামপি হতাঃ শূরাঃ শতশোঽথ সহস্রশঃ॥ 7-159-67 (52212)
ক্ষীয়ন্তে সর্বসৈন্যানি কুরূণাং পাণ্ডবৈঃ সহ।
প্রভাবং নাত্র পাশ্যামি পাণ্ডবানাং কথঞ্চন॥ 7-159-68 (52213)
যস্তান্বলবতো নিত্যং মন্যসে ৎবং দ্বিজাধম।
যতিষ্যেঽহং যথাশক্তি যোদ্ধুং তৈঃ সহ সংয়ুগে।
দুর্যোধনহিতার্থায় জয়ো দৈবে প্রতিষ্ঠিতঃ॥ ॥ 7-159-69 (52214)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে একোনষষ্ট্যধিকশততমোঽধ্যায়ঃ॥ 159 ॥
দ্রোণপর্ব - অধ্যায় 160
॥ শ্রীঃ ॥
7.160. অধ্যায়ঃ 160
Mahabharata - Drona Parva - Chapter Topics
কৃপগর্হণাতিতিক্ষয়া কর্ণবধায়াক্ষ্যুত্তিষ্ঠতোঽশ্বত্থাম্নঃ কৃপদুর্যোধনাক্ষ্যাং নিবারণম্॥ 1 ॥ অর্জুনেন কর্ণপরাজয়ো দুর্যোধনেন রণায় দ্রৌণিচোদনা চ॥ 2 ॥Mahabharata - Drona Parva - Chapter Text
7-160-0 (52215)
সঞ্জয় উবাচ। 7-160-0x (4694)
তথা পরুষিতং দৃষ্ট্বা সূতপুত্রেণ মাতুলম্।
খঙ্গমুদ্যম্য বেগেন দ্রৌণিরভ্যপতদ্দ্রুতম্॥ 7-160-1 (52216)
ততঃ পরমসঙ্ক্রুদ্ধঃ সিংহো মত্তমিব দ্বিপম্।
প্রেক্ষতঃ কুরুরাজস্য দ্রৌণিঃ কর্ণং সমভ্যযাৎ॥ 7-160-2 (52217)
অশ্বত্থামোবাচ। 7-160-3x (4695)
যদর্যুনগুণাংস্তথ্যান্কীর্তয়ানং নরাধম।
শূরং দ্বেষাৎসুদুর্বুদ্ধে ৎবং ভর্ৎসয়সি মাতুলম্॥ 7-160-3 (52218)
বিকত্থমানঃ শৌর্যেণ সর্বলোকধনুর্ধরম্॥
দর্পোৎসেধগৃহীতোঽদ্য ন কঞ্চিদ্গণয়ন্মৃধে॥ 7-160-4 (52219)
ক্ব তে বীর্যং ক্ব চাস্ত্রাণি যং ৎবাং নির্জিত্য সংয়ুগে।
গাণ্ডীবধন্বা হতবান্প্রেক্ষতস্তে জয়দ্রথম্॥ 7-160-5 (52220)
যেন সাক্ষান্মহাদেবো যোধিতঃ সমরে পুরা।
তমিচ্ছসি বৃথা জেতুং সূতাধম মনোরথৈঃ॥ 7-160-6 (52221)
যং হি কৃষ্ণেন সহিতং সর্বশস্ত্রভৃতাং বরম্।
জেতুং ন শক্তাঃ সহিতাঃ সেন্দ্রা অপি সুরাসুরাঃ॥ 7-160-7 (52222)
লোকৈকবীরমজিতমর্জুনং সূত সংয়ুগে।
কিং পুনস্ৎবং সুদুর্বুদ্ধে সহৈভির্বসুধাধিপৈঃ॥ 7-160-8 (52223)
কর্ণ পশ্য সুদুর্বুদ্ধে তিষ্ঠেদানীং নরাধম।
এষ তেঽদ্য শিরঃ কায়াদুদ্ধরামি সুদুর্মতে॥
সঞ্জয় উবাচ। 7-160-9 (52224)
তমুদ্যতং তু বেগেন রাজা দুর্যোধনঃ স্বয়ম্।
ন্যবারয়ন্মহাতেজাঃ কৃপশ্চ দ্বিপদাং বরঃ॥ 7-160-10 (52225)
কর্ণ উবাচ। 7-160-11x (4696)
শূরোঽয়ং সমরশ্লাঘী দুর্মতিশ্চ দ্বিজাধমঃ।
আসাদয়তু মদ্বীর্যং মুঞ্চেমং কুরুসত্তম॥ 7-160-11 (52226)
অশ্বত্থামোবাচ। 7-160-12x (4697)
তৈবতৎক্ষম্যতেঽস্মাভিঃ সূতাত্মজ সুদুর্মতে।
দর্পমুৎসিক্তমেতত্তে ফল্গুনো নাশয়িষ্যতি॥ 7-160-12 (52227)
দুর্যোধন উবাচ। 7-160-13x (4698)
অশ্বত্থামন্প্রসীদস্ব ক্ষন্তুমর্হসি মানদ।
কোপঃ খলু ন কর্তব্যঃ সূতপুত্রং কথঞ্চন॥ 7-160-13 (52228)
ৎবয়ি কর্ণে কৃপে দ্রোণে মদ্ররাজেঽথ সৌবলে।
মহৎকার্যং সমাসক্তং প্রসীদ দ্বিজসত্তম॥ 7-160-14 (52229)
এতে হ্যভিমুখাঃ সর্বে রাধেয়েন যুয়ুৎসবঃ।
আয়ান্তি পাণ্ডবা ব্রহ্মন্নাহ্বয়ন্তঃ সমন্ততঃ॥ 7-160-15 (52230)
সঞ্জয় উবাচ। 7-160-16x (4699)
প্রসাদ্যমানস্তু ততো রাজ্ঞা দ্রৌণির্মহামনাঃ।
প্রসসাদ মহারাজ ক্রোধবেগসমন্বিতঃ॥ 7-160-16 (52231)
ততঃ কৃপোঽপ্যুবাচেদমাচার্যঃ সুমহামনাঃ।
সৌম্যস্বভাবাদ্রাজনেন্দ্র ক্ষিপ্রমাগতমার্দবঃ॥ 7-160-17 (52232)
কৃপ উবাচ। 7-160-18x (4700)
তবৈতৎক্ষম্যতেঽস্মাভিঃ সূতাত্মজ সুদুর্মতে।
দর্পমুৎসিক্তমেতত্তে ফল্গুনো নাশয়িষ্যতি॥ 7-160-18 (52233)
সঞ্জয় উবাচ। 7-160-19x (4701)
ততস্তে পাণ্ডবা রাজন্পাঞ্চালাশ্চ যশস্বিনঃ।
আজগ্মুঃ সহিতাঃ কর্ণং তর্জয়ন্তঃ সমন্ততঃ॥ 7-160-19 (52234)
কর্ণোঽপি রথিনাং শ্রেষ্ঠশ্চাপমুদ্যম্য বীর্যবান্।
কৌরবাগ্র্যৈঃ পরিবৃতঃ শক্রো দেবগণৈরিব।
পর্যতিষ্ঠত তেজস্বী স্ববাহুবলমাশ্রিতঃ॥ 7-160-20 (52235)
ততঃ প্রববৃতে যুদ্ধং কর্ণস্য সহ পাণ্ডবৈঃ।
ভীষণং সুমহারাজ সিংহনাদবিরাজিতম্॥ 7-160-21 (52236)
ততস্তে পাণ্ডবা রাজন্পাঞ্চালাশ্চ যশস্বিনঃ।
দৃষ্ট্বা কর্ণং মহাবাহুমুচ্চৈঃ শব্দমথানদন্॥ 7-160-22 (52237)
অয়ং কর্ণঃ কুতঃ কর্ণস্তিষ্ঠ কর্ণ মহারণে।
যুধ্যস্ব সহিতোঽস্মাভির্দুরাত্মন্পুরুষাধম॥ 7-160-23 (52238)
অন্যে তু দৃষ্ট্বা রাধেয়ং ক্রোধরক্রেক্ষণাঽব্রুবন্।
হন্যতাময়মুৎসিক্তঃ সূতপুত্রোঽল্পচেতনঃ।
সর্বৈঃ পার্থিবশার্দূলৈর্নানেনার্থোঽস্তি জীবতা। 7-160-24 (52239)
অত্যন্তবৈরী পার্থানাং সততং পাপপূরুষঃ।
এষ মূলমনর্থানাং দুর্যোধনমতে স্থিতঃ॥ 7-160-25 (52240)
ঘ্নতৈনমিতি জল্পন্তঃ ক্ষত্রিয়াঃ সমুপাদ্রবন্।
মহতা শরবর্ষেণ চ্ছাদয়ন্তো মহারথাঃ।
বধার্থং সূতপুত্রস্য পাণ্ডবেয়েন চোদিতাঃ॥ 7-160-26 (52241)
তাংস্তু সর্বাংস্তথা দৃষ্ট্বা ধাবমানান্মহারথান্।
ন বিব্যথে সূতপুত্রো ন চ ত্রাসমগচ্ছত॥ 7-160-27 (52242)
দৃষ্ট্বা সাগস্কল্পং তমুদ্ধূতং সৈন্যসাগরম্।
পিপ্রীষুস্তব পুত্রাণাং সঙ্গ্রামেষ্বপরাজিতঃ॥ 7-160-28 (52243)
সায়কৌধেন বলবান্ক্ষিপ্রকারী মহাবলঃ।
বারয়ামাস তৎসৈন্যং সমন্তাদ্ভরতর্পভ॥ 7-160-29 (52244)
ততস্তু শরবর্ষেণ পার্থিবাস্তমবারয়ন্।
ধনুম্পি তে বিধুন্বানাঃ শতশোঽথ সহস্রশঃ।
অয়োধয়ন্ত রাধেয়ং শক্রং দৈত্যগণা ইব॥ 7-160-30 (52245)
শরবর্পং তু তৎকর্ণঃ পার্থিবৈঃ সমুদীরিতম্।
শরবর্ষেণ মহতা সমন্তাদ্ব্যকিরৎপ্রভো॥ 7-160-31 (52246)
তদ্যুদ্ধমভবত্তেষাং কৃতপ্রতিকৃতৈষিণাম্।
যথা দেবাসুরে যুদ্ধে শক্রস্য সহ দানৈবঃ॥ 7-160-32 (52247)
তত্রাদ্ভুতমপশ্যাম সূতপুত্রস্য লাঘবম্।
যদেনং সর্বতো যত্তা নাপ্নুবন্তি পরে যুধি॥ 7-160-33 (52248)
নিবার্য চ শরৌঘাংস্তান্পার্থিবানাং মহারথঃ।
যুগেষ্বীষাসু চ্ছত্রেষু ধ্বজেষু চ হয়েষু চ।
আত্মনামাঙ্কিতান্ঘোরান্রাধেয়ঃ প্রাহিণোচ্ছরান্॥ 7-160-34 (52249)
ততস্তে ব্যাকুলীভূতা রাজানঃ কর্ণপীডিতাঃ।
বভ্রুমুস্তত্র তত্রৈব গাবঃ শীতার্দিতা ইব॥ 7-160-35 (52250)
হয়ানাং বধ্যমানানাং গজানাং রথিনাং তথা।
তত্রতত্রাভ্যবেক্ষাম সঙ্ঘান্কর্ণেন তাডিতান্॥ 7-160-36 (52251)
শিরোভিঃ পতিতৈ রাজন্বাহুভিশ্চ সমন্ততঃ।
আস্তীর্ণা বসুধা সর্বা শূরাণামনিবর্তিনাম্॥ 7-160-37 (52252)
হতৈশ্চ হন্যমানৈশ্চ নিষ্টনদ্ভিশ্চ সর্বশঃ।
বভূবায়োধনং রৌদ্রং বৈবস্বতপুরোপমম্॥ 7-160-38 (52253)
ততো দুর্যোধনো রাজা দৃষ্ট্বা কর্ণস্য বিক্রমম্।
অশ্বত্থামানমাসাদ্য বাক্যমেতদুবাচ হ॥ 7-160-39 (52254)
যুধ্যতেঽসৌ রণে কর্ণো দংশিতঃ সর্বপার্থিবৈঃ॥ 7-160-40 (52255)
পশ্যৈতাং দ্রবতীং সেনাং কর্ণসায়কপীডিতাম্।
কার্তিকেয়েন বিধ্বস্তামাসুরীং পৃতনামিব॥ 7-160-41 (52256)
দৃষ্ট্বৈতাং নির্জিতাং সেনাং রণে কর্ণেন ধীমতা।
অভিয়াত্যেষ বীভৎসুঃ সূতপুত্রজিঘাংসয়া॥ 7-160-42 (52257)
তদ্যথা প্রেক্ষমাণানাং সূতপুত্রং মহারথম্।
ন হন্যাৎপাণ্ডবঃ সঙ্খ্যে তথা নীতির্বিধীয়তাং॥ 7-160-43 (52258)
ততো দ্রৌণিঃ কৃপঃ শল্যো হার্দিক্যশ্চ মহারথঃ।
প্রত্যুদ্যযুস্তদা পার্থং সূতপুত্রপরীপ্সয়া।
আয়ান্তং বীক্ষ্য কৌন্তেয়ং শক্রং দৈত্যচমূমিব॥ 7-160-44 (52259)
বীভৎসুরপি রাজেন্দ্র পাঞ্চালৈরভিসংবৃতঃ।
প্রত্যুদ্যযৌ তদা কর্ণং যথা বৃত্রং শতক্রতুঃ॥ 7-160-45 (52260)
ধৃতরাষ্ট্র উবাচ। 7-160-46x (4702)
সংরব্ধং ফল্গুনং দৃষ্ট্বা কালান্তকয়মোপমম্।
কর্ণো বৈকর্তনঃ সূত প্রত্যপদ্যৎকিমুত্তরম্॥ 7-160-46 (52261)
যো হ্যস্পর্ধত পার্থেন নিত্যমেব মহারথঃ।
আশংসতে চ বীভৎসুং যুদ্ধে জেতুং সুদারুণম্॥ 7-160-47 (52262)
স তু তং সহসা প্রাপ্তং নিত্যমত্যন্তবৈরিণম্।
কর্ণো বৈকর্তনঃ সূত কিমুত্তরমপদ্যত॥ 7-160-48 (52263)
সঞ্জয় উবাচ। 7-160-49x (4703)
আয়ান্তং পাণ্ডব দৃষ্ট্বা গজং প্রতিগজো যথা।
অসম্ভ্রান্তো রণে কর্ণঃ প্রত্যুদীয়াদ্ধনঞ্জয়ম্॥ 7-160-49 (52264)
তমাপতন্তং বেগেন বৈকর্তনমজিহ্মগৈঃ।
ছাদয়ামাস পার্থোঽথ কর্ণস্তু বিজয়ং শরৈঃ॥ 7-160-50 (52265)
স কর্ণং শরজালেন চ্ছাদয়ামাস পাণ়্ডবঃ।
ততঃ কর্ণঃ সুসংরব্ধঃ শরৈস্ত্রিভিরবিধ্যত॥ 7-160-51 (52266)
তস্য তল্লাঘবং পার্থো নামৃষ্যত মহাবলঃ॥ 7-160-52 (52267)
তস্মৈ বাণাঞ্শিলাধৌতান্প্রসন্নাগ্রানজিহ্মগান্।
প্রাহিণোৎসূতপুত্রায় ত্রিশতং শত্রুতাপনঃ॥ 7-160-53 (52268)
বিব্যাধ চৈনং সংরব্ধো বাণেনৈকেন বীর্যবান্।
সব্যে ভুজাগ্রে বলবান্নারাচেন হসন্নিব॥ 7-160-54 (52269)
তস্য বিদ্ধস্য বাণেন করাচ্চাপং পপাত হ॥ 7-160-55 (52270)
পুনরাদায় তচ্চাপং নিমেষার্ধান্মহাবলঃ।
ছাদয়ামাস বাণৌঘৈঃ ফল্গুনং কৃতহস্তবৎ॥ 7-160-56 (52271)
শরবৃষ্টিং তু তাং মুক্তাং সূতপুত্রেণ ভারত।
ব্যধমচ্ছরবর্ষেণ স্ময়ন্নিব ধনঞ্জয়ঃ॥ 7-160-57 (52272)
তৌ পরস্পরমাসাদ্য শরবর্ষেণ পার্থিব।
ছাদয়েতাং মহেষ্বাসৌ কৃতপ্রতিকৃতৈষিণৌ॥ 7-160-58 (52273)
তদদ্ভুতং মহদ্যুদ্ধং কর্ণপাণ্ডবয়োর্মৃধে।
ক্রুদ্ধয়োর্বাসিতাহেতোর্বন্যযোর্গজয়োরিব॥ 7-160-59 (52274)
ততঃ পার্থো মহেষ্বাসো দৃষ্ট্বা কর্ণস্য বিক্রমম্।
মুষ্টিদেশে ধনুস্তস্য চিচ্ছেদ ৎবরয়াঽন্বিতঃ॥ 7-160-60 (52275)
অশ্বাংশ্চ চতুরো ভল্লৈরনয়দ্যমসাদনম্।
সারথেশ্চ শিসঃ কায়াদহরচ্ছত্রুতাপনঃ॥ 7-160-61 (52276)
অথৈনং ছিন্নধন্বানং হতাশ্বং হতসারথিম্।
বিব্যাধ সায়কৈঃ পার্থশ্চতুর্ভিঃ পাণ্ডুনন্দনঃ॥ 7-160-62 (52277)
হতাশ্বাত্তু রথাত্তূর্ণমবপ্লুত্য নরর্ষভঃ।
আরুরোহ রথং তূর্ণং কৃপস্য শরপীডিতঃ॥ 7-160-63 (52278)
স নুন্নোঽর্জুনবাণৌঘৈরাচিতঃ শল্যকো যথা।
জীবিতার্থমভিপ্রেপ্সুঃ কৃপস্য রথমারুহৎ॥ 7-160-64 (52279)
রাধেয়ং নির্জিতং দৃষ্ট্বা তাবকা ভরতর্ষভ।
ধনঞ্জয়শরৈর্নুন্নাঃ প্রাদ্রবন্ত দিশো দশ॥ 7-160-65 (52280)
দ্রবতস্তান্সমালোক্য রাজা দুর্যোধনো নৃপ।
নিবর্তয়ামাস তদা বাক্যমেতদুবাচ হ॥ 7-160-66 (52281)
অলং দ্রুতেন বঃ শূরাস্তিষ্ঠধ্বং ক্ষত্রিয়র্ষভাঃ।
এষ পার্থবধায়াহং স্বয়ং গচ্ছামি সংয়ুগে।
অহং পার্থান্হনিষ্যামি সপাঞ্চালান্সসোমকান্॥ 7-160-67 (52282)
অদ্য মে যুধ্যমানস্য সহ গাণ্ডীবধন্বনা।
দ্রক্ষ্যন্তি বিক্রমং পার্থাঃ কালস্যেব যুগক্ষয়ে॥ 7-160-68 (52283)
অদ্য মদ্বাণজালানি বিমুক্তানি সহস্রশঃ।
দ্রক্ষ্যন্তি সমরে যোধাঃ শলভানামিবায়তীঃ॥ 7-160-69 (52284)
অদ্য বাণময়ং বর্ষং সৃজতো মম ধন্বিনঃ।
জীমূতস্যেব ঘর্মান্তে দ্রক্ষ্যন্তি যুধি সৈনিকাঃ॥ 7-160-70 (52285)
জেষ্যাম্যদ্য রণে পার্থং সায়কৈর্নতপর্বভিঃ।
তিষ্ঠধ্বং সমরে শূরা ভয়ং ত্যজত ফল্গুনাৎ॥ 7-160-71 (52286)
ন হি মদ্বীর্যমাসাদ্য ফল্গুনঃ প্রসহিষ্যতি।
যথা বেলাং সমাসাদ্য সাগরো মকরালয়ঃ॥ 7-160-72 (52287)
ইত্যুক্ৎবা প্রয়যৌ রাজা সৈন্যেন মহতা বৃতঃ।
ফল্গুনং প্রতিদুর্ধর্ষঃ ক্রোধাৎসংরক্তলোচনঃ॥ 7-160-73 (52288)
তং প্রয়ান্তং মহাবাহুং দৃষ্ট্বা শারদ্বতস্তদা।
অশ্বত্থামানমাসাদ্য বাক্যমেতদুবাচ হ॥ 7-160-74 (52289)
এষ রাজা মহাবাহুরমর্ষী ক্রোধমূর্চ্ছিতঃ।
পতঙ্গবৃত্তিমাস্থায় ফল্গুনং যোদ্ধুমিচ্ছতি॥ 7-160-75 (52290)
যাবন্নঃ পশ্যমানানাং প্রাণান্পার্থেন সংগতঃ।
ন জহ্যাৎপুরুষব্যাঘ্রস্তাবদ্বারয় কৌরবম্॥ 7-160-76 (52291)
যাবৎফল্গুনবাণানাং গোচরং নাদ্য গচ্ছতি।
কৌরবঃ পার্থিবো বীরস্তাবদ্বারয় সংয়ুগে॥ 7-160-77 (52292)
যাবৎপার্থশরৈর্ঘোরৈর্নির্মুক্তোরগসন্নিভৈঃ।
ন ভস্মীক্রিয়তে রাজা তাবদ্যুদ্ধান্নিবার্যতাম্॥ 7-160-78 (52293)
অয়ুক্তমিব পশ্যামি তিষ্ঠৎস্বস্মাসু মানদ।
স্বয়ং যুদ্ধায় যদ্রাজা পার্থং যাত্যসহায়বান্॥ 7-160-79 (52294)
দুর্লভং জীবিতং মন্যে কৌরব্যস্য কিরীটিনা।
যুধ্যমানস্য পার্থেন শার্দূলেনেব হস্তিনঃ॥ 7-160-80 (52295)
মাতুলেনৈবমুক্তস্তু দ্রৌণিঃ শস্ত্রভৃতাং বরঃ।
দুর্যোধনমিদং বাক্যং ৎবরিতঃ সমভাষত॥ 7-160-81 (52296)
ময়ি জীবতি গান্ধারে ন যুদ্ধং গন্তুমর্হসি।
মামনাদৃত্য কৌরব্য তব নিত্যং হিতৈষিণম্॥ 7-160-82 (52297)
ন হি সম্ভ্রমঃ কার্যঃ পার্থস্য বিজয়ং প্রতি।
অহমাবারয়িষ্যামি পার্থং তিষ্ঠ সুয়োধন॥ 7-160-83 (52298)
দুর্যোধন উবাচ। 7-160-84x (4704)
আচার্যঃ পাণ্ডুপুত্রান্বৈ পুত্রবৎপরিরক্ষতি।
ৎবমপ্যুপেক্ষাং কুরুষে তেষু নিত্যং দ্বিজোত্তম্॥ 7-160-84 (52299)
মম বা মন্দভাগ্যৎবান্মন্দস্তে বিক্রমো যুধি।
ধর্মরাজপ্নিয়ার্থং বা দ্রৌপদ্যা বা ন বিদ্ম তৎ॥ 7-160-85 (52300)
ধিগস্তু মম লুব্ধস্য যৎকৃতে সর্ববান্ধবাঃ।
সুখার্হাঃ পরমং দুঃখং প্রাপ্নুবন্ত্যপরাজিতাঃ॥ 7-160-86 (52301)
কো হি শস্ত্রবিদাং মুখ্যো মহেশ্বরসমো যুধি।
শত্রুং ন ক্ষপয়েচ্ছক্তো যো ন স্যাদ্গৌতমীসুতঃ॥ 7-160-87 (52302)
অশ্বত্থামন্প্রসীদস্ব নাশয়ৈতান্মমাহিতান্।
তবাস্ত্রগোচরে শক্তাঃ স্থাতুং দেবা ন দানবাঃ॥ 7-160-88 (52303)
পাঞ্চালান্সোমকাংশ্চৈব জহি দ্রৌণে সহানুগান্।
বয়ং শেষান্হনিষ্যামস্ৎবয়ৈব পরিরক্ষিতাঃ॥ 7-160-89 (52304)
এতে হি সোমকা বিপ্র পাঞ্চালাশ্চ যশস্বিনঃ।
মম সৈন্যেষু সঙ্ক্রুদ্ধা বিচরন্তি দবাগ্নিবৎ॥ 7-160-90 (52305)
তান্বারয় মহাবাহো কেকয়াংশ্চ নরোত্তম।
পুরা কুর্বন্তি নিঃশেষং রক্ষ্যমাণাঃ কিরীটিনা॥ 7-160-91 (52306)
অশ্বত্থামংস্ৎবরায়ুক্তো যাহি শীঘ্রমরিন্দম।
আদৌ বা যদি বা পশ্চাত্তবেদং কর্ম মারিষ॥ 7-160-92 (52307)
ৎবমুৎপন্নো মহাবাহো পাঞ্চালানাং বধং প্রতি।
করিষ্যসি জগৎসর্বমপাঞ্চালং কিলোদ্যতঃ॥ 7-160-93 (52308)
এবং সিদ্ধাঽব্রুবন্বাচো ভবিষ্যতি চ তত্তথা।
তস্মাত্ৎবং পুরুষব্যাঘ্র পাঞ্চালাঞ্জহি সানুগান্॥ 7-160-94 (52309)
ন তেঽস্ত্রগোচরে শক্তাঃ স্থাতুং দেবাঃ সবাসবাঃ।
কিমু পার্থাঃ সপাঞ্চালাঃ সত্যমেতদ্ব্রবীমি তে॥ 7-160-95 (52310)
ন ৎবাং সমর্থাঃ সঙ্গ্রামে পাণ্ডবাঃ সহ সোমকৈঃ।
বলাদ্যোধয়িতুং বীর সত্যমেতদ্ব্রবীমি তে॥ 7-160-96 (52311)
গচ্ছগচ্ছ মহাবাহো ন নঃ কালাত্যযো ভবেৎ।
ইয়ং হি দ্রবতে সেনা পার্তসায়কপীডিতা॥ 7-160-97 (52312)
শক্তো হ্যসি মহাবাহো দিব্যেন স্বেন তেজসা।
নিগ্রহে পাণ্ডুপুত্রাণাং পাঞ্চালানাং চ মানদ॥ ॥ 7-160-98 (52313)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে ষষ্ট্যধিকশততমোঽধ্যায়ঃ॥ 160 ॥
Mahabharata - Drona Parva - Chapter Footnotes
5-160-4 কঞ্চিদ্ধনুর্ধরং নগণয়ন্নিত্যন্বয়ঃ॥দ্রোণপর্ব - অধ্যায় 161
॥ শ্রীঃ ॥
7.161. অধ্যায়ঃ 161
Mahabharata - Drona Parva - Chapter Topics
দ্রৌণিধৃষ্টদ্যুম্নয়োর্যুদ্ধম্। দ্রৌণিপরাক্রমঃ॥ 1 ॥Mahabharata - Drona Parva - Chapter Text
7-161-0 (52314)
সঞ্জয় উবাচ। 7-161-0x (4705)
দুর্যোধনেনৈবমুক্তো দ্রৌণিরাহবদুর্মদঃ।
চকারারিবধে যত্নমিন্দ্রো দৈত্যবধে যথা।
প্রত্যুবাচ মহাবাহুস্তব পুত্রমিদং বচঃ॥ 7-161-1 (52315)
সত্যমেতন্মহাবাহো যথা বদসি কৌরব।
প্রিয়া হি পাণ্ডবা নিত্যং মম চাপি পিতুশ্চ মে॥ 7-161-2 (52316)
তথৈবাবাং প্রিয়ৌ তেষাং ন তু যুদ্ধে কুরূদ্বহ।
শক্তিতস্তাত যুধ্যামস্ত্যক্ৎবা প্রাণানভীতবৎ॥ 7-161-3 (52317)
অহং কর্ণশ্চ শল্যশ্চ কৃপো হার্দিক্য এব চ।
নিমেষাৎপাণ্ডবীং সেনাং ক্ষপয়েম নৃপোত্তম॥ 7-161-4 (52318)
তে চাপি কৌরবীং সেনাং নিমেষার্ধাৎকুরূদ্বহ।
ক্ষপয়েয়ুর্মহাবাহো ন স্যাম যদি সংয়ুগে॥ 7-161-5 (52319)
যুধ্যাম পাণ্ডবাচ্ছক্ত্যা তে চাপ্যস্মান্যথাবলম্।
তেজস্তেজঃ সমাসাদ্য প্রশমং যাতু ভারত॥ 7-161-6 (52320)
অশক্ত্যা তরসা জেতুং পাণ্ডবানামনীকিনী।
জীবৎসু পাণ্ডুপুত্রেষু তদ্ধি সত্যং ব্রবীমি তে॥ 7-161-7 (52321)
আত্মার্থং যুধ্যমানাস্তে সমর্থাঃ পাণ্ডুনন্দনাঃ।
কিমর্থং তব সৈন্যানি ন হনিষ্যন্তি ভারত॥ 7-161-8 (52322)
ৎবং তু লুব্ধতমো রাজন্নিকৃতিজ্ঞশ্চ কৌরব।
সর্বাভিশঙ্কী মানী চ ততোঽস্মানভিশঙ্কসে॥ 7-161-9 (52323)
মন্যে ৎবং কুৎসিতো রাজন্পাপাত্মা পাপপূরুষঃ।
অন্যানপি স নঃ ক্ষুদ্র শঙ্কসে পাপভাবিতঃ॥ 7-161-10 (52324)
অহং তু যত্নমাস্থায় ৎবদর্থে ত্যক্তজীবিতঃ।
এষ গচ্ছামি সঙ্গ্রামং ৎবৎকৃতে কুরুনন্দন।
যোৎস্যেঽহং শত্রুভিঃ সার্ধং জেষ্যামি চ বরান্বরান্॥ 7-161-11 (52325)
পাঞ্চালৈঃ সহ যোৎস্যামি সোমকৈঃ কেকয়ৈস্তথা।
পাণ্ডবেয়ৈশ্চ সঙ্গ্রামে ৎবৎপ্রিয়ার্থমরিন্দম॥ 7-161-12 (52326)
অদ্য মদ্বাণনির্দগ্ধাঃ পাঞ্চালাঃ সোমকাস্তথা।
সিংহেনেবার্দিতা গাবো বিদ্রবিষ্যন্তি সর্বশঃ॥ 7-161-13 (52327)
অদ্য ধর্মসুতো রাজা দৃষ্ট্বা মম পরাক্রমম্।
অশ্বত্থামময়ং লোকং মংস্যতে সহ সোমকৈঃ॥ 7-161-14 (52328)
আগমিষ্যতি নির্বেদং ধর্মপুত্রো যুধিষ্ঠিরঃ।
দৃষ্ট্বা বিনিহতান্সঙ্খ্যে পাঞ্চালান্সোমকৈঃ সহ॥ 7-161-15 (52329)
যে মাং যুদ্ধেঽভিয়োৎস্যন্তি তান্হনিষ্যামি ভারত।
ন হি তে বীর মোক্ষ্যন্তে মদ্বাহ্বন্তরমাগতাঃ॥ 7-161-16 (52330)
এবমুক্ৎবা মহাবাহুঃ পুত্রং দুর্যোধনং তব।
অভ্যবর্তত যুদ্ধায় ত্রাসয়ন্সর্বধন্বিনঃ।
চিকীর্ষুস্তব পুত্রাণাং প্রিয়ং প্রাণভৃতাং বরঃ॥ 7-161-17 (52331)
ততোঽব্রবীৎসকৈকেয়ান্পাঞ্চালান্গৌতমীসুতঃ॥ 7-161-18 (52332)
প্রহরধ্বমিতঃ সর্বে মম গাত্রে মহারথাঃ।
স্থিরীভূতাশ্চ যুধ্যধ্বং দর্শয়ন্তোঽস্ত্রলাঘবম্॥ 7-161-19 (52333)
এবমুক্তাস্তু তে সর্বে শস্ত্রবৃষীরপাতয়ন্।
দ্রৌণিং প্রতি মহারাজ জলং জলধরা ইব॥ 7-161-20 (52334)
তান্নিহত্য শরান্দ্রৌণির্দশ বীরানপোথয়ৎ।
প্রমুখে পাণ্ডুপুত্রাণাং ধৃষ্টদ্যুম্নস্য চ প্রভো॥ 7-161-21 (52335)
তে হন্যমানাঃ সমরে পাঞ্চালাঃ সোমকাস্তথা।
পরিত্যজ্য রণে দ্রৌণিং ব্যদ্রবন্ত দিশো দশ॥ 7-161-22 (52336)
তান্দৃষ্ট্বা দ্রবতঃ শূরান্পাঞ্চালান্সহসোমকান্।
ধৃষ্টদ্যুম্নো মহারাজ দ্রৌণিমভ্যদ্রবদ্রণে॥ 7-161-23 (52337)
ততঃ কাঞ্চনচিত্রাণাং সজলাম্বুদনাদিনাম্।
বৃতঃ শতেন শূরাণাং রথানামনিবর্তিনাম্॥ 7-161-24 (52338)
পুত্রঃ পাঞ্চালরাজস্য ধৃষ্টদ্যুম্নো মহারথঃ।
দ্রৌণিমিত্যব্রবীদ্বাক্যং দৃষ্ট্বা যোধান্নিপাতিতান্॥ 7-161-25 (52339)
আচার্যপুত্র ভদ্রং তে কিমন্যৈর্নিহতৈস্তব।
সমাগচ্ছ ময়া সার্ধং যদি শূরোঽসি সংয়ুগে।
অহং ৎবাং নিহনিষ্যামি তিষ্ঠেদানীং মমাগ্রতঃ॥ 7-161-26 (52340)
ততস্তমাচার্যসুতং ধৃষ্টদ্যুম্নঃ প্রতাপবান্।
মর্মভিদ্ভিঃ শরৈস্তীক্ষ্ণৈর্জঘান ভরতর্ষভ॥ 7-161-27 (52341)
তে তু পঙ্ক্তীকৃতা দ্রৌণিং শরা বিবিশুরাশুগাঃ।
রুক্মপুঙ্খাঃ প্রসন্নাগ্রাঃ সর্বকায়াবদারণাঃ।
মধ্বর্থিন ইবোদ্দামা ভ্রমরাঃ পুষ্পিতং দ্রুমম্॥ 7-161-28 (52342)
সোঽতিবিদ্ধো ভৃশং ক্রুদ্ধঃ পদাক্রান্ত ইবোরগঃ।
মানী দ্রৌণিরসম্ভ্রান্তো বাণপাণিরভাষত॥ 7-161-29 (52343)
ধৃষ্টদ্যুম্ন স্থিরো ভূৎবা মুহূর্তং প্রতিপালয়।
যাবত্ৎবাং নিশিতৈর্বাণৈঃ প্রেষয়ামি যমক্ষয়ম্॥ 7-161-30 (52344)
দ্রৌণিরেবমথাভাষ্য পার্ষতং পরবীরহা।
ছাদয়ামাস বাণৌঘৈঃ সমন্তাল্লুঘুহস্তবৎ॥ 7-161-31 (52345)
স বাধ্যমানঃ সমরে দ্রৌণিনা যুদ্ধদুর্মদঃ।
দ্রৌণিং পাঞ্চালতনয়ো বাগ্ভিরাতর্জয়ত্তদা॥ 7-161-32 (52346)
ন জানীষে প্রতিজ্ঞাং মে বিপ্রোৎপত্তিং তথৈব চ।
দ্রোণং হৎবা কিল ময়া হন্তব্যস্ৎবং সুদুর্মতে॥ 7-161-33 (52347)
ততস্ৎবাঽহং ন হন্ম্যদ্য দ্রোণে জীবতি সংয়ুগে॥ 7-161-34 (52348)
ইমাং তু রজনীং প্রাপ্তামপ্রভাতাং সুদুর্মতে।
নিহত্য পিতরং তেঽদ্য ততস্ৎবামপি সংয়ুগে।
নেষ্যামি প্রেতলোকায় হ্যেতন্মে মনসি স্থিতম্॥ 7-161-35 (52349)
যস্তে পার্থেষু বিদ্বেষো যা ভক্তিঃ কৌরবেষু চ।
তাং দর্শয় স্থিরো ভূৎবা ন মে জীবন্বিমোক্ষ্যসে॥ 7-161-36 (52350)
যো হি ব্রাহ্মণ্যমুৎসৃজ্য ক্ষত্রধর্মরতো দ্বিজঃ।
স বধ্যঃ সর্বলোকস্য যথা ৎবং পুরুষাধমঃ॥ 7-161-37 (52351)
ইত্যুক্তঃ পরুষং বাক্যং পার্ষতেন দ্বিজোত্তমঃ।
ক্রোধমাহারয়ত্তীব্রং তিষ্ঠতিষ্ঠেতি চাব্রবীৎ॥ 7-161-38 (52352)
নির্দহন্নিব চক্ষুর্ভ্যাং পার্ষতং সোঽভ্যবৈক্ষত।
ছাদয়ামাস চ শরৈর্নিঃশ্বসন্পন্নগো যথা॥ 7-161-39 (52353)
স চ্ছাদ্যমানঃ সমরে দ্রৌণিনা রাজসত্তম।
সর্বপাঞ্চালসেনাভিঃ সংবৃতো রথসত্তমঃ॥ 7-161-40 (52354)
নাকম্পত মহাবাহুঃ স্ববীর্যং সমুপাশ্রিতঃ।
সায়কাংশ্চৈব বিবিধানশ্বত্থাম্নি মুমোচ হ॥ 7-161-41 (52355)
তৌ পুনঃ সন্ন্যবর্তেতাং প্রাণদ্যূতপণে রণে।
নিপীডয়ন্তৌ বাণৌঘৈঃ পরস্পরমমর্ষিণৌ।
উৎসৃজন্তৌ মহেষ্বাসৌ শরবৃষ্টীঃ সমন্ততঃ॥ 7-161-42 (52356)
দ্রৌণিপার্ষতয়োর্যুদ্ধং ঘোররূপং ভয়ানকম্।
দৃষ্ট্বা সম্পূজয়ামাসুঃ সিদ্ধচারণবাদিকাঃ॥ 7-161-43 (52357)
শরৌঘৈঃ পূরয়ন্তৌ তাবাকাশং চ দিশস্তথা।
অলক্ষ্যৌ সময়ুধ্যেতাং মহৎকৃৎবা শরৈস্তমঃ॥ 7-161-44 (52358)
নৃত্যমানাবিব রণে মণ্ডলীকৃতকার্মুকৌ।
পরস্পরবধে যত্তৌ সর্বভূতভয়ঙ্করৌ॥ 7-161-45 (52359)
অয়ুধ্যেতাং মহাবাহূ চিত্রং লঘু চ সুষ্ঠু চ।
সম্পূজ্যমানৌ সমরে যোধমুখ্যৈঃ সহস্রশঃ॥ 7-161-46 (52360)
তৌ প্রবুদ্ধৌ রণে দৃষ্ট্বা বনে বন্যৌ গজাবিব।
উভয়োঃ সেনয়োর্হর্ষস্তুমুলঃ সমপদ্যত॥ 7-161-47 (52361)
সিংহনাদরবাশ্চাসন্দধ্মুঃ শঙ্খাংশ্চ সৈনিকাঃ।
বাদিত্রাণ্যভ্যবাদ্যন্ত শতশোঽথ সহস্রশঃ॥ 7-161-48 (52362)
তস্মিংস্তু তুমুলে যুদ্ধে ভীরুণাং ভয়বর্ধনে।
মুহূর্তমপি তদ্যুদ্ধং সমরূপং তদাঽভবৎ॥ 7-161-49 (52363)
ততো দ্রৌণির্মহারাজ পার্ষতস্য মহাত্মনঃ।
ধ্বজং ধনুস্তথা ছত্রমুভৌ চ পার্ষ্ণিসারথী।
সূতমশ্বাংশ্চ চতুরো নিহত্যাভ্যদ্রবদ্রণে॥ 7-161-50 (52364)
পাঞ্চালাংশ্চৈব তান্সর্বান্বাণৈঃ সন্নতপর্বভিঃ।
ব্যদ্রাবয়দমেয়াত্মা শতশোঽথ সহস্রশঃ॥ 7-161-51 (52365)
ততস্তু বিব্যথে সেনা পাণ্ডবী ভরতর্ষভ।
দৃষ্ট্বা দ্রৌণের্মহৎকর্ম বাসবস্যেব সংয়ুগে॥ 7-161-52 (52366)
শতেন চ শতং হৎবা পাঞ্চালানাং মহারথঃ।
ত্রিভিশ্চ নিশিতৈর্বাণৈর্হৎবা ত্রীন্বৈ মহারথান্॥ 7-161-53 (52367)
দ্রৌণির্দ্রুপদপুত্রস্য ফল্গুনস্য চ পশ্যতঃ।
নাশয়ামাস পাঞ্চালান্ভূয়িষ্ঠং যে ব্যবস্থিতাঃ॥ 7-161-54 (52368)
তে বধ্যমানাঃ পাঞ্চালাঃ সমরে সহ সৃঞ্জয়ৈঃ।
অগচ্ছন্দ্রৌণিমুৎসৃজ্য বিপ্রকীর্ণরথধ্বজাঃ॥ 7-161-55 (52369)
স জিৎবা সমরে শত্রূন্দ্রোণপুত্রো মহারথঃ।
ননাদ সুমহানাদং তপান্তে জলদো যথা॥ 7-161-56 (52370)
স নিহত্য বহূঞ্ছূরানশ্বত্থামা ব্যরোচত।
যুগান্তে সর্বভূতানি ভস্ম কৃৎবেব পাবকঃ॥ 7-161-57 (52371)
সম্পূজ্যমানো যুধি কৌরবেয়ৈ--
র্নির্জিত্য সঙ্খ্যেঽরিগণান্সহস্রশঃ।
ব্যরোচত দ্রোণসুতঃ প্রতাপবা--
ন্যথা সুরেন্দ্রোঽরিগণান্নিহত্য বৈ॥ ॥ 7-161-58 (52372)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে একষষ্ট্যধিকশততমোঽধ্যায়ঃ॥ 161 ॥
Mahabharata - Drona Parva - Chapter Footnotes
5-161-9 নিকৃতির্বঞ্চনম্॥ 5-161-43 বাদিকাঃ বন্দিনঃ॥ 5-161-161 একষষ্ট্যধিকশততমোঽধ্যায়ঃ॥দ্রোণপর্ব - অধ্যায় 162
॥ শ্রীঃ ॥
7.162. অধ্যায়ঃ 162
Mahabharata - Drona Parva - Chapter Topics
সঙ্কুলয়ুদ্ধবর্ণনম্॥ 1 ॥Mahabharata - Drona Parva - Chapter Text
7-162-0 (52373)
সঞ্জয় উবাচ। 7-162-0x (4706)
ততো যুধিষ্ঠিরশ্চৈব ভীমসেনশ্চ পাণ্ডবঃ।
দ্রোণপুত্রং মহারাজ সমন্তাৎপর্যবারয়ন্॥ 7-162-1 (52374)
ততো দুর্যোধনো রাজা ভারদ্বাজেন সংবৃতঃ।
অভ্যযাৎপাণ্ডবান্সঙ্খ্যে ততো যুদ্ধমবর্তত।
ঘোররূপং মহারাজ ভীরূণাং ভয়বর্ধনম্॥ 7-162-2 (52375)
অম্বষ্ঠান্মালবান্বঙ্গাঞ্ছিবীংস্ত্রৈগর্তকানপি।
প্রাহিণোন্মৃত্যুলোকায় গণান্ক্রুদ্ধো বৃকোদরঃ॥ 7-162-3 (52376)
অভীষাহাঞ্ছূরসেনান্ক্ষত্রিয়ান্যুদ্ধদুর্মদান্।
নিকৃত্ত্য পৃথিবীং চক্রে ভীমঃ শোণিতকর্দমাম্॥ 7-162-4 (52377)
যৌধেয়ানদ্রিজান্রাজন্মদ্রকান্মালবানপি।
প্রাহিণোন্মৃত্যুলোকায় কিরীটী নিশিতৈঃ শরৈঃ॥ 7-162-5 (52378)
প্রগাঢমঞ্চোগতিভির্নারাচৈরভিতাডিতাঃ।
নিপেতুর্দ্বিরদা ভূমৌ দ্বিশৃঙ্গা ইব পর্বতাঃ॥ 7-162-6 (52379)
নিকৃত্তৈর্হস্তিহস্তৈশ্চ চেষ্টমানৈরিতস্ততঃ।
ররাজ বসুধাঽঽকীর্ণা বিসর্পদ্ভিরিবোরগৈঃ॥ 7-162-7 (52380)
ক্ষিপ্তৈঃ কনকচিত্রৈশ্চ নৃপচ্ছত্রৈঃ ক্ষিতির্বভৌ।
দ্যৌরিবাদিত্যচন্দ্রাদ্যৈর্গ্রহৈঃ কীর্ণা যুগক্ষয়ে॥ 7-162-8 (52381)
হত প্রহরতাভীতা বিধ্যত ব্যবকৃন্তত।
ইত্যাসীত্তুমুলঃ শব্দঃ শোণাশ্বস্য রথং প্রতি॥ 7-162-9 (52382)
দ্রোণস্তু পরমক্রুদ্ধো বায়ব্যাস্ত্রেণ সংয়ুগে।
ব্যধমত্তান্মহবায়ুর্মেঘানিব দুরত্যযঃ॥ 7-162-10 (52383)
তে হন্যমানা দ্রোণেন পাঞ্চালাঃ প্রাদ্রবন্ভয়াৎ।
পশ্যতো ভীমসেনস্য পার্থস্য চ মহাত্মনঃ॥ 7-162-11 (52384)
ততঃ কিরীটি ভীমশ্চ সহসা সন্ন্যবর্ততাম্।
মহতা রথবংশেন পরিগৃহ্য বলং মহৎ॥ 7-162-12 (52385)
বীভৎসুর্দক্ষিণং বার্শ্বমুত্তরং তু বৃকোদরঃ।
ভারদ্বাজং শরৌঘাভ্যাং মহদ্ভামভ্যবর্ষতাম্॥ 7-162-13 (52386)
তৌ তথা সৃঞ্জয়াশ্চৈব পাঞ্চালাশ্চ মহৌজসঃ।
অন্বগচ্ছন্মহারাজ মাৎস্যৈশ্চ সহ সোমকৈঃ॥ 7-162-14 (52387)
তথৈব তব পুত্রস্য রথোদারাঃ প্রহারিণঃ।
মহত্যা সেনয়া রাজঞ্জগ্মুর্দ্রোণরথং প্রতি॥ 7-162-15 (52388)
ততঃ সা ভারতী সেনা হন্যমানা কিরীটিনা।
তমসা নিদ্রয়া চৈব পুনরেব ব্যদীর্যত॥ 7-162-16 (52389)
দ্রোণেন বার্যমাণাস্তে স্বয়ং তব সুতেন চ।
নাশক্যন্ত মহারাজ যোধা বারয়িতুং তদা॥ 7-162-17 (52390)
সা পাণ্ডুপুত্রস্য শরৈর্দীর্যমাণা মহাচমূঃ।
তমসা সংবৃতে লোকে ব্যদ্রবৎসর্বতোমুখী॥ 7-162-18 (52391)
উৎসৃজ্য শতশো বাহাংস্তত্র কেচিন্নরাধিপাঃ।
প্রাদ্রবন্ত মহারাজ ভয়াবিষ্টাঃ সমন্ততঃ॥ ॥ 7-162-19 (52392)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে দ্বিষষ্ট্যধিকশততমোঽধ্যায়ঃ॥ 162 ॥
দ্রোণপর্ব - অধ্যায় 163
॥ শ্রীঃ ॥
7.163. অধ্যায়ঃ 163
Mahabharata - Drona Parva - Chapter Topics
সাত্যকিনা সোমদত্তবধঃ॥ 1 ॥ দ্রোণয়ুধিষ্ঠিরয়ুদ্ধম্॥ 2 ॥Mahabharata - Drona Parva - Chapter Text
7-163-0 (52393)
সঞ্জয় উবাচ। 7-163-0x (4707)
সোমদত্তং তু সম্প্রেক্ষ্য বিধুন্বানং মহদ্ধনুঃ।
সাত্যকিঃ প্রাহ যন্তারং সোমদত্তায় মাং বহ॥ 7-163-1 (52394)
ন হ্যহৎবা রণে শত্রুং সোমদত্তং মহাবলম্।
নিবর্তিষ্যে রণাৎসূত সত্যমেতদ্বচো মম॥ 7-163-2 (52395)
ততঃ সম্প্রৈষয়দ্যন্তা সৈন্ধবাংস্তান্মনোজবান্।
তুরঙ্গামাঞ্ছঙ্খবর্ণান্সর্বশব্দাতিগান্রণে॥ 7-163-3 (52396)
তেঽবহন্যুয়ুধানং তু মনোমারুতরংহসঃ।
যথেন্দ্রং হরয়ো রাজন্পুরা দৈত্যবধোদ্যতম্॥ 7-163-4 (52397)
তমাপতন্তং সম্প্রেক্ষ্য সাৎবতং রভসং রণে।
সোমদত্তো মহাবাহুরসম্ভ্রান্তো ন্যবর্তত॥ 7-163-5 (52398)
বিমুঞ্চঞ্ছরবর্ষাণি পর্জন্য ইব বৃষ্টিমান্।
ছাদয়ামাস শৈনেয়ং জলদো ভাস্করং যথা॥ 7-163-6 (52399)
অসম্ভ্রান্তশ্চ সমরে সাত্যকিঃ কুরুপুঙ্গবম্।
ছাদয়ামাস বাণৌঘৈঃ সমন্তাদ্ভরতর্ষভ॥ 7-163-7 (52400)
সোমদত্তস্তুতং ষষ্ট্যা বিব্যাধোরসি মাধবম্।
সাত্যকিশ্চাপি তং রাজন্নবিধ্যৎসায়কৈঃ শিতৈঃ॥ 7-163-8 (52401)
তাবন্যোন্যং শরৈঃ কৃত্তৌ ব্যরাজেতাং নরর্ষভৌ।
সুপুষ্পৌ পুষ্পসময়ে পুষ্পিতাবিব কিংশকৌ॥ 7-163-9 (52402)
রুধিরোক্ষিতসর্বাঙ্গৌ কুরুবৃষ্ণিয়শস্করৌ।
পরস্পরমবেক্ষেতাং দহন্তাবিব লোচনৈঃ॥ 7-163-10 (52403)
রথমণ্ডলমার্গেষু চরন্তাবরিমর্দনৌ।
ঘোররূপৌ হিতাবাস্তাং বৃষ্টিমন্তাবিবাম্বুদৌ॥ 7-163-11 (52404)
শরসম্ভিন্নগাত্রৌ তু সর্বতঃ শখলীকৃতৌ।
শ্বাবিধাবিব রাজেন্দ্র দৃশ্যেতাং শরবিক্ষতৌ॥ 7-163-12 (52405)
সুবর্ণপুঙ্খৈরিষুভিরাচিতৌ তৌ ব্যরাজতাম্।
খদ্যোতৈরাবৃতৌ রাজন্প্রাবৃষীব বনস্পতী॥ 7-163-13 (52406)
সম্প্রদীপিতসর্বাঙ্গৌ সায়কৈস্তৈর্মহারথৌ।
অদৃশ্যেতাং রণে ক্রুদ্ধাবুল্কাভিরিব কুঞ্জরৌ॥ 7-163-14 (52407)
ততো যুধি মহারজ সোমদত্তো মহারথঃ।
অর্ধচন্দ্রেম চিচ্ছেদ মাধবস্য মহদ্ধনুঃ॥ 7-163-15 (52408)
অথৈনং পঞ্চবিংশত্যা সায়কানাং সমার্পয়ৎ।
ৎবরমাণস্ৎবরাকালে পুনশ্চ দশভিঃ শরৈঃ॥ 7-163-16 (52409)
অথান্যদ্ধনুরাদায় সাত্যকির্বেগবত্তরম্।
পঞ্চভিঃ সায়কৈস্তূর্ণং সোমদত্তমবিধ্যত॥ 7-163-17 (52410)
ততোঽপরেণ ভল্লেন ধ্বজং চিচ্ছেদ কাঞ্চনম্।
বাহ্লীকস্য রণে রাজন্সাত্যকিঃ প্রহসন্নিব॥ 7-163-18 (52411)
সোমদত্তস্ৎবসম্ভ্রান্তো দৃষ্ট্বা কেতুং নিপাতিতম্।
শৈনেয়ং পঞ্চবিংশত্যা সায়কানাং সমাচিনোৎ॥ 7-163-19 (52412)
সাৎবতোঽপি রণে ক্রুদ্ধঃ সোমদত্তস্য ধন্বিনঃ।
ধনুশ্ছিচ্ছেদ ভল্লেন ক্ষুরপ্রেণ শিতেন হ॥ 7-163-20 (52413)
অথৈনং রুক্মপুঙ্খানাং শতেন নতপর্বণাম্।
আচিনোদ্বহুধা রাজন্ভগ্নদংষ্ট্রমিব দ্বিপম্॥ 7-163-21 (52414)
অথান্যদ্ধনুরাদায় সোমদত্তো মহারথঃ।
সাত্যকিং ছাদয়ামাস শরবৃষ্ট্যা মহাবলঃ॥ 7-163-22 (52415)
সোমদত্তং তু সঙ্ক্রুদ্ধো রণে বিব্যাধ সাত্যকিঃ।
সাত্যকিং শরজালেন সোমদত্তোঽপ্যপীডয়ৎ॥ 7-163-23 (52416)
দশভিঃ সাৎবতস্যার্থে ভীমোঽহন্বাহ্লিকাত্মজম্।
সোমদত্তোপ্যসম্ভ্রান্তো ভীমমার্চ্ছচ্ছিতৈঃ শরৈঃ॥ 7-163-24 (52417)
ততস্তু সাৎবতস্যার্থে ভীমসেনো নবং দৃঢম্।
মুমোচ পরিঘং ঘোরং সোমদত্তস্য বক্ষসি॥ 7-163-25 (52418)
তমাপতন্তং বেগেন পরিঘং ঘোরদর্শনম্।
দ্বিধা চিচ্ছেদ সমরে প্রহসন্নিব কৌরবঃ॥ 7-163-26 (52419)
স পপাত দ্বিধা চ্ছিন্ন আয়সঃ পরিঘো মহান্।
মহীধরস্যেব মহচ্ছিখরং বজ্রদারিতম্॥ 7-163-27 (52420)
ততস্তু সাত্যকী রাজন্সোমদত্তস্য সংয়ুগে।
ধনুশ্চিচ্ছেদ ভল্লেন হস্তাবাপং চ পঞ্চভিঃ॥ 7-163-28 (52421)
ততশ্চতুর্ভিশ্চ শরৈস্তূর্ণং তাংস্তুরগোত্তমান্।
সমীপং প্রেষয়ামাস প্রেতরাজস্য ভারত॥ 7-163-29 (52422)
সারথেশ্চ শিরঃ কায়াদ্ভল্লেন নতপর্বণা।
জহার নরশার্দূলঃ প্রহসঞ্ছিনিপুঙ্গবঃ॥ 7-163-30 (52423)
ততঃ শরং মহাঘোরং জ্বলন্তমিব পাবকম্।
মুমোচ সাৎবতো রাজন্স্বর্ণপুঙ্গং শিলাশিতম্॥ 7-163-31 (52424)
স বিমুক্তো বলবতা শৈনেয়েন শরোত্তমঃ।
ঘোরস্তস্যোরসি বিভো নিপপাতাশু ভারত॥ 7-163-32 (52425)
সোঽতিবিদ্ধো মহারাজ সাৎবতেন মহারথঃ।
সোমদত্তো মহাবাহুর্নিপপাত মমার চ॥ 7-163-33 (52426)
তং দৃষ্ট্বা নিহতং তত্র সোমদত্তং মহারথাঃ।
মহতা শরবর্ষেণ যুয়ুধানমুপাদ্রবন্॥ 7-163-34 (52427)
ছাদ্যমানং শরৈর্দৃষ্ট্বা যুয়ুধানং যুধিষ্ঠিরঃ।
পাণ্ডবাশ্চ মহারাজ সহ সর্বৈঃ প্রভদ্রকৈঃ।
মহত্যা সেনয়া সার্ধং দ্রোণানীকমুপাদ্রবন্॥ 7-163-35 (52428)
ততো যুধিষ্ঠিরঃ ক্রুদ্ধস্তাবকানাং মহাবলম্।
শরৈর্বিদ্রাবয়ামাস ভারদ্বাজস্য পশ্যতঃ॥ 7-163-36 (52429)
সৈন্যানি দ্রাবয়ন্তং তু দ্রোণো দৃষ্ট্বা যুধিষ্ঠিরম্।
অভিদুদ্রাব বেগেন ক্রোধসংরক্তলোচনঃ॥ 7-163-37 (52430)
ততঃ সুনিশিতৈর্বাণৈঃ পার্থং বিব্যাধ সপ্তভিঃ।
যুধিষ্ঠিরোঽপি সঙ্ক্রুদ্ধঃ প্রতিবিব্যাধ পঞ্চভিঃ॥ 7-163-38 (52431)
সোঽতিবিদ্ধো মহাবাহুঃ সৃক্বিণী পরিসংলিহন্।
যুধিষ্ঠিরস্য চিচ্ছেদ ধ্বজং কার্মুকমেব চ॥ 7-163-39 (52432)
স চ্ছিন্নধন্বা ৎবরিতস্ৎবরাকালে নৃপোত্তমঃ।
অন্যদাদত্ত বেগেন কার্মুকং সমরে দৃঢম্॥ 7-163-40 (52433)
ততঃ শরসহস্রেণ দ্রোণং বিব্যাধ পার্থিবঃ।
সাশ্বসূতধ্বজরথং তদদ্ভুতমিবাভবৎ॥ 7-163-41 (52434)
ততো মুহূর্তং ব্যথিতঃ শরপাতপ্রপীডিতঃ।
নিষসাদ রথোপস্থে দ্রোণো ভরতসত্তম॥ 7-163-42 (52435)
প্রতিলভ্য ততঃ সংজ্ঞাং মুহূর্তাদ্দ্বিজসত্তমঃ।
ক্রোধেন মহতাঽঽবিষ্টো বায়ব্যাস্ত্রমবাসৃজৎ॥ 7-163-43 (52436)
অসম্ভ্রান্তস্ততঃ পার্থো বায়ব্যেনৈব বীর্যবান্।
তদস্ত্রমস্ত্রেণ রণে স্তম্ভয়ামাস ভারত॥ 7-163-44 (52437)
চিচ্ছেদ চ ধনুর্দীর্ঘং ব্রাহ্মণস্য চ পাণ্ডবঃ।
ততোঽন্যদ্ধনুরাদত্ত দ্রোণঃ ক্ষত্রিয়মর্দনঃ।
তদপ্যস্য শিতৈর্ভল্লৈশ্চিচ্ছেদ কুরুপুঙ্গবঃ॥ 7-163-45 (52438)
ততোঽব্রবীদ্বাসুদেবঃ কুন্তীপুত্রং যুধিষ্ঠিরম্॥ 7-163-46 (52439)
যুধিষ্ঠির মহাবাহো যত্ৎবাং বক্ষ্যামি তচ্ছ্রণু।
উপারমস্ব যুদ্ধে ৎবং দ্রোণাদ্ভরতসত্তম॥ 7-163-47 (52440)
যততে হি সদা দ্রোণো গ্রহণে তব সংয়ুগে।
নানুরূপমহং মন্যে যুদ্ধমস্য ৎবয়া সহ॥ 7-163-48 (52441)
যোঽস্য সৃষ্টো বিনাশায় স এবৈনং হনিষ্যতি।
পরিবর্জ্য গুরুং যাহি যত্র রাজা সুয়োধনঃ॥ 7-163-49 (52442)
রাজা রাজ্ঞা হি যোদ্ধব্যো নারাজ্ঞা যুদ্ধমিষ্যতে।
তত্র ৎবং গচ্ছ কৌন্তেয় হস্ত্যশ্বরথসংবৃতঃ॥ 7-163-50 (52443)
যাবন্মাত্রেণ চ ময়া সহায়েন ধনঞ্জয়ঃ।
ভীমশ্চ রথশার্দূলো যুধ্যতে কৌরবৈঃ সহ॥ 7-163-51 (52444)
বাসুদেববচঃ শ্রুৎবা ধর্মরাজো যুধিষ্ঠিরঃ।
মুহূর্তং চিন্তয়িৎবা তু ততো দারুণমাহবম্॥ 7-163-52 (52445)
প্রায়াদ্দ্রুতমমিত্রঘ্নো যত্র ভীমো ব্যবস্থিতঃ।
বিনিঘ্নংস্তাবকান্যোধান্ব্যাদিতাস্য ইবান্তকঃ॥ 7-163-53 (52446)
রথঘোষেণ মহতা নাদয়ন্বসুধাতলম্।
পর্জন্য ইব ধর্মান্তে নাদয়ন্বৈ দিশো দশ।
ভীমস্য নিঘ্নতঃ শত্রূন্পার্ষ্ণিং জাগ্রহ পাণ্ডবঃ॥ 7-163-54 (52447)
দ্রোণোঽপি পাণ্ডুপাঞ্চালান্ব্যধমদ্রজনীমুখে।
`নাদয়ংস্তলঘোষেণ তব সৈন্যানি মারিষ'॥ ॥ 7-163-55 (52448)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে ত্রিষষ্ট্যধিকশততমোঽধ্যায়ঃ॥ 163 ॥
Mahabharata - Drona Parva - Chapter Footnotes
5-163-18 বাহ্লীকস্য সোমদত্তস্য॥ 5-163-163 ত্রিষষ্ঠ্যধিকশততমোঽধ্যায়ঃ॥দ্রোণপর্ব - অধ্যায় 164
॥ শ্রীঃ ॥
7.164. অধ্যায়ঃ 164
Mahabharata - Drona Parva - Chapter Topics
সেনাদ্বয়ে দীপোদ্যোxxxনম্॥ 1 ॥Mahabharata - Drona Parva - Chapter Text
7-164-0 (52449)
সঞ্জয় উবাচ। 7-164-0x (4708)
বর্তমানে যথা যদ্ধে ঘোররূপে ভয়াবহে।
তমসা সংবৃতে লোকে রজসা চ মহীপতে॥ 7-164-1 (52450)
নাপশ্যন্ত রণে যোধাঃ পরস্পরমবস্থিতাঃ।
অনুমানেন সংজ্ঞাভির্যুদ্ধং তদ্ববৃধে মহৎ॥ 7-164-2 (52451)
নরনাগাশ্বমথনং পরমং রোমহর্ষণম্।
দ্রোণকর্ণকৃপা বীরা ভীমপার্ষতসাত্যকাঃ।
অন্যোন্যং ক্ষোভয়ামাসুঃ সৈন্যানি নৃপসত্তম॥ 7-164-3 (52452)
বধ্যমানানি সৈন্যানি সমন্তাত্তৈর্মহারথৈঃ।
তমসা সংবৃতে চৈব সমন্তাদ্বিপ্রদুদ্রুবুঃ॥ 7-164-4 (52453)
তে সর্বতো বিদ্রবন্তো যোধা বিধ্বস্তচেতনাঃ।
অহন্যন্ত মহারাজ ধাবমানাশ্চ সংয়ুগে॥ 7-164-5 (52454)
মহারথসহস্রাণি জঘ্নুরন্যোন্যমাহবে।
অন্যে তমসি মূঢানি পুত্রস্য তব মন্ত্রিতে॥ 7-164-6 (52455)
ততঃ সর্বাণি সৈন্যানি সেনাগোপাশ্চ ভারত।
ব্যমুহ্যন্ত রণে তত্র তমসা সংবৃতে সতি॥ 7-164-7 (52456)
ধৃতরাষ্ট্র উবাচ। 7-164-8x (4709)
তেষাং সংলোড্যমানানাং পাণ্ডবৈর্বিহতৌজসাম্।
অন্ধে তমসি মগ্নানামাসীৎকিং বো মনস্তদা॥ 7-164-8 (52457)
কথং প্রকাশস্তেষাং বা মম সৈন্যস্য বা পুনঃ।
বভূব লোকে তমসা তথা সঞ্জয় সংবৃতে॥ 7-164-9 (52458)
সঞ্জয় উবাচ। 7-164-10x (4710)
ততঃ সর্বাণি সৈন্যানি হতশিষ্টানি যানি বৈ।
সেনাগোপ্তৄনথাদিশ্য পুনর্ব্যূহমকল্পয়ৎ॥ 7-164-10 (52459)
দ্রোণঃ পুরস্তাজ্জঘনে তু শল্য--
স্তথা দ্রৌণিঃ কৃতবর্মা সৌবলশ্চ।
স্বয়ং তু সর্বাণি বলানি রাজ--
ন্রাজাঽভ্যযাদ্গোপয়ন্বৈ নিশায়াম্॥ 7-164-11 (52460)
উবাচ সর্বাংশ্চ পদাতিসঙ্ঘা--
ন্দুর্যোধনঃ পার্থিবসান্ৎবপূর্বম্।
উৎসৃজ্য সর্বে পরমায়ুধানি
গৃহ্ণীত হস্তৈর্জ্বলিতান্প্রদীপান্॥ 7-164-12 (52461)
তে চোদিতাঃ পার্থিবসত্তমেন
ততঃ প্রহৃষ্টা জগৃহুঃ প্রদীপান্॥ 7-164-13 (52462)
দেবর্ষিগন্ধর্বসুরর্ষিসঙ্ঘা
বিদ্যাধরাশ্চাপ্সরসাং গণাশ্চ।
নাগাঃ সয়ক্ষোরগকিন্নরাশ্চ
হৃষ্টা দিবিস্থা জগৃহুঃ প্রদীপান্॥ 7-164-14 (52463)
দিগ্ধৈর্বতেভ্যশ্চ সমাপতন্তো--
ঽদৃশ্যন্ত দীপাঃ সসুগন্ধিতৈলাঃ।
বিশেষতো নারদপর্বতাভ্যাং
সম্বোধ্যমানাঃ কুরুপাণ্ডবার্থম্॥ 7-164-15 (52464)
সা ভূয় এব ধ্বজিনী বিভক্তা
ব্যরোচতাগ্নিপ্রভয়া নিশায়াম্।
মহাধনৈরাভরণৈশ্চ দিব্যৈঃ
শস্ত্রৈশ্চ দীপ্তৈরপি সম্পতদ্ভিঃ॥ 7-164-16 (52465)
রথেরথে পঞ্চ বিদীপকাস্তু
প্রদীপকাস্তত্র গজে ত্রয়শ্চ।
প্রত্যশ্বমেকশ্চ মহাপ্রদীপঃ
কৃতাস্তু তৈঃ পাণ্ডবৈঃ কৌরবেয়ৈঃ॥ 7-164-17 (52466)
ক্ষণেন সর্বে বিহিতাঃ প্রদীপা
ব্যাদীপয়ন্তো ধ্বজিনীং তবাসু॥ 7-164-18 (52467)
সর্বাস্তু সেনা ব্যতিসেব্যমানাঃ
পদাতিভিঃ পাবকতৈলহস্তৈঃ।
প্রকাশ্যমানা দদৃশুর্নিশায়াং
যথান্তরিক্ষে জলদাস্তডিদ্ভিঃ॥ 7-164-19 (52468)
প্রকাশিতায়াং তু ততো ধ্বজিন্যাং
দ্রোণোঽগ্নিকল্পঃ প্রতপন্সপত্নান্।
ররাজ রাজেন্দর সুবর্ণবর্মা
মধ্যং গতঃ সূর্য ইবাংশুমালী॥ 7-164-20 (52469)
জাম্বূনদেষ্বাভরণেষু চৈব
নিষ্কেষু শুদ্ধেষু শরাসনেষু।
পীতেষু শস্ত্রেষু চ পাবকস্য
প্রতিপ্রভাস্তত্র তদা বভূবুঃ॥ 7-164-21 (52470)
গদাশ্চ শৈক্যাঃ পরিঘাশ্চ শুভ্রা
রথেষু শক্ত্যশ্চ বিবর্তমানাঃ।
প্রতিপ্রভারশ্মিভিরাজমীঢ
পুনঃপুনঃ সঞ্জনয়ন্তি দীপান্॥ 7-164-22 (52471)
ছত্রাণি বালব্যজনানি খঙ্গা
দীপ্তা মহোল্কাশ্চ তথৈব রাজন্।
ব্যাঘূর্ণমানাশ্চ সুবর্ণমালা
ব্যায়চ্ছতাং তত্র তদা বিরেজুঃ॥ 7-164-23 (52472)
শস্ত্রপ্রভাভিশ্চ বিরাজমানং
দীপপ্রভাভিশ্চ তদা বলং তৎ।
প্রকাশিতং চাভরণপ্রভাভি--
র্ভৃশং প্রকাশং নৃপতে বভূব॥ 7-164-24 (52473)
পীতানি শস্ত্রাণ্যসৃগুক্ষিতানি
বীরাবধূতানি তনুচ্ছদানি।
দীপ্তাং প্রভাং প্রাজনয়ন্ত তত্র
তপাত্যযে বিদ্যুদিবান্তরিক্ষে॥ 7-164-25 (52474)
প্রকম্পিতানামভিধাতবেগৈ--
রভিঘ্নতাং চাপততাং জবেন।
বক্রাণ্যকাশন্ত তদা নরাণাং
বায়্বীরিতানীব মহাম্বুজানি॥ 7-164-26 (52475)
মহাবনে দারুময়ে প্রদীপ্তে
যথা প্রভা ভাস্করস্যাপি নশ্যেৎ।
তথা তদাঽঽসীদ্বজিনী প্রদীপ্তা
মহাভয়া ভারত ভীমরূপা॥ 7-164-27 (52476)
তৎসংপ্রদীপ্তাং বলমস্মদীয়ং
নিশাম্য পার্থাস্ৎবরিতাস্তথৈব।
সর্বেষু সৈন্যেষু পদাতিসঙ্ঘা--
নচোদয়ংস্তেঽপি চক্রুঃ প্রদীপান্॥ 7-164-28 (52477)
গজেগজে সপ্ত কৃপাঃ প্রদীপা
রথেরথে চৈব দশ প্রদীপাঃ।
দ্বাবশ্বপৃষ্ঠে পরিপার্শ্বতোঽন্যে
ধ্বজেষু চান্যে জঘনেষু চান্যে॥ 7-164-29 (52478)
সেনাসু সর্বাসু চ পার্শ্বতোঽন্যে
পশ্চাৎপুরস্তাচ্চ সমন্ততশ্চ।
মধ্যে তথাঽন্যে জ্বলিতাগ্নিহস্তা
ব্যদীপয়ন্পাণ্ডুসুতস্য সেনাম্॥ 7-164-30 (52479)
মধ্যে তথাঽন্যে জ্বলিতাগ্নিহস্তাঃ
সেনাদ্বয়েঽপি স্ম নরা বিচেরুঃ॥ 7-164-31 (52480)
সর্বেষু সৈন্যেষু পদাতিসঙ্ঘা
বিমিশ্রিতা হস্তিরথাশ্ববৃন্দৈঃ।
ব্যদীপয়ংস্তে ধ্বজিনীং প্রদীপ্তা--
স্তথা বলং পাণ্ডবেয়াভিগুপ্তম্॥ 7-164-32 (52481)
তেন প্রদীপ্তেন তথা প্রদীপ্তং--
বলং তবাসীদ্বলবদ্বলেন।
ভাঃ কুর্বতা ভানুমতা গ্রহেণ
দিবাকরেণাগ্নিরিবাভিগুপ্তঃ॥ 7-164-33 (52482)
তয়োঃ প্রভাঃ পৃথিবীমন্তরিক্ষং
সর্বা ব্যতিক্রম্য দিশশ্চ বৃদ্ধাঃ।
তেন প্রকাশেন ভৃশং প্রকাশং
বভূব তেষাং তব চৈব সৈন্যম্॥ 7-164-34 (52483)
তেন প্রকাশেন দিবং গতেন
সম্বোধিতা দেবগণাশ্চ রাজন্।
গন্ধর্বয়ক্ষাসুরসিদ্ধসঙ্ঘাঃ
সমাগমন্নপ্সরসশ্চ সর্বাঃ॥ 7-164-35 (52484)
তদ্দেবগন্ধর্বসমাকুলং চ
যক্ষাসুরেন্দ্রাপ্সরসাং গণৈশ্চ।
হতৈশ্চ শূরৈর্দিবমারুহদ্ভি--
রায়োধনং দিব্যকল্পং বভূব॥ 7-164-36 (52485)
রথাশ্বনাগাকুলদীপদীপ্তং
সংরব্ধয়োধং হতবিদ্রুতাশ্বম্।
মহদ্বলং ব্যূঢরথাশ্বনাগং
সুরাসুরব্যূহসমং বভূব॥ 7-164-37 (52486)
তচ্ছক্তিসঙ্ঘাকুলচণ়্ডবাতং
মহারথাভ্রং গজবাজিঘোষম্।
শস্ত্রৌগবর্ষং রুধিরাম্বুধারং
নিশি প্রবৃত্তং রথদুর্দিনং তৎ॥ 7-164-38 (52487)
তস্মিন্মহাগ্নিপ্রতিমো মহাত্মা
সন্তাপংয়ন্পাণ্ডবান্বিপ্রমুখ্যঃ।
গভস্তিভির্মধ্যগতো যথাঽর্কো
বর্ষাত্যযে তদ্বদভূন্নরেন্দ্র॥ ॥ 7-164-39 (52488)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে চতুঃষষ্ঠ্যধিকশততমোঽধ্যায়ঃ॥ 164 ॥
Mahabharata - Drona Parva - Chapter Footnotes
5-164-6 অন্ধে আন্ধ্যহেতৌ॥ 5-164-8 বো যুষ্মৎসম্বন্ধিনাং মনঃ কিং কিংবিধম্। কাতরং ধৃষ্টং বেত্যর্থঃ॥ 5-164-10 তত ইতি। দ্রোণ ইত্যপকৃয়তে। তেষাং সৈন্যানাং ব্যূহমিধ্যাহৃত্য যোজ্যম্॥ 5-164-14 দেবর্ষীতি। ভুবি পদাতিভির্দীপেষু গৃহীতেষু দিবিস্থা দেবা অপি দীপান্ জগৃহুর্যুদ্ধোৎসবপ্রেক্ষকাঃ॥ 5-164-164 চতুঃষষ্ঠ্যধিকশততমোঽধ্যায়ঃ॥দ্রোণপর্ব - অধ্যায় 165
॥ শ্রীঃ ॥
7.165. অধ্যায়ঃ 165
Mahabharata - Drona Parva - Chapter Topics
সঙ্কুলয়ুদ্ধম্॥ 3 ॥Mahabharata - Drona Parva - Chapter Text
7-165-0 (52489)
সঞ্জয় উবাচ। 7-165-0x (4711)
প্রকাশিতে তদা লোকে রজসা তমসাবৃতে।
সমাজগ্মুরথো বীরাঃ পরস্পরবধৈষিণঃ॥ 7-165-1 (52490)
তে সমেত্য রণে রাজঞ্শস্ত্রপ্রাসাসিধারিণঃ।
পরস্পরমুদৈক্ষন্ত পরস্পরকৃতাগসঃ॥ 7-165-2 (52491)
প্রদীপানাং সহস্রৈশ্চ দীপ্যমানৈঃ সমন্ততঃ।
রত্নাচিতৈঃ স্বর্ণদণ্ডৈর্গন্ধতৈলাবসিঞ্চিতৈঃ॥ 7-165-3 (52492)
দেবগন্ধর্বদীপাদ্যৈঃ প্রভাভিরধিকোজ্জ্বলৈঃ।
বিররাজ তদা ভূমির্গ্রহৈর্দ্যৌরিব ভারত॥ 7-165-4 (52493)
উল্কাশতৈঃ প্রজ্বলিতৈ রণভূমির্ব্যরাজত।
দহ্যমানেব লোকানামভাবে চ বসুন্ধরা॥ 7-165-5 (52494)
ব্যদীপ্যন্ত দিশঃ সর্বাঃ প্রদীপৈস্তৈঃ সমন্ততঃ।
বর্ষাপ্রদোষে খদ্যোতৈর্বৃতা বৃক্ষা ইবাবভুঃ॥ 7-165-6 (52495)
অসজ্জন্ত ততো বীরা বিরেষ্বেব পৃথক্পৃথক্।
নাগা নাগৈঃ সমাজগ্মুস্তুরগা হয়সাদিভিঃ।
রথা রথবরৈরেব সমজগ্মুর্মুদা যুতাঃ॥ 7-165-7 (52496)
তস্মিন্রাত্রিমুখে ঘোরে তব পুত্রস্য শাসনাৎ।
চতুরঙ্গস্য সৈন্যস্য সম্পাতশ্চ মহারনভূৎ॥ 7-165-8 (52497)
ততোঽর্জুনো মহারাজ কৌরবাণামনীকিনীম্।
ব্যধমত্ৎবরয়া যুক্তঃ ক্ষপয়ন্সর্বপার্থিবান্॥ 7-165-9 (52498)
ধৃতরাষ্ট্র উবাচ। 7-165-10x (4712)
তস্মিন্প্রবিষ্টে সংরব্ধে মম পুত্রস্য বাহিনীম্।
অমৃষ্যমাণে দুর্ধর্ষে কথমাসীন্মনো হি বঃ॥ 7-165-10 (52499)
কিমকুর্বত সৈন্যানি প্রবিষ্টে পরষীডনে।
দুর্যোধনশ্চ কিং কৃত্যং প্রাপ্তকালমমন্যত॥ 7-165-11 (52500)
কে চৈনং সমরে বীরং প্রত্যুদ্যযুররিন্দমাঃ।
দ্রোণং চ কে ব্যরক্ষন্ত প্রবিষ্টে শ্বেতবাহনে॥ 7-165-12 (52501)
কেঽরক্ষন্দক্ষিণং চক্রং কে চ দ্রোণস্য সব্যতঃ।
কে পৃষ্ঠতশ্চাপ্যভবন্বীরা বীরান্বিনিঘ্নতঃ।
কে পুরস্তাদগচ্ছন্ত নিঘ্নন্তঃ শাস্ত্রবান্রণে॥ 7-165-13 (52502)
যৎপ্রাবিশন্মহেষ্বাসঃ পাঞ্চালনাপরাজিতাঃ।
নৃত্যন্নিব নরব্যাঘ্রো রথমার্গেষু বীর্যবান্॥ 7-165-14 (52503)
যো দদাহ শরৈর্দ্রোণঃ পাঞ্চালানাং রথব্রজান্।
ধূমকেতুরিব ক্রুদ্ধঃ কথং মৃত্যুমুপেয়িবান্॥ 7-165-15 (52504)
অব্যগ্রানেব হি পরান্কথয়স্যপরাজিতান্।
হৃষ্টানুদীর্ণান্সঙ্গ্রামে ন তথা সূত মামকান্॥ 7-165-16 (52505)
হতাংশ্চৈব বিদীর্ণাংশ্চ বিপ্রকীর্ণাংশ্চ শংসসি।
রথিনো বিরথাংশ্চৈব কৃতান্যুদ্বেষু মামকান্॥ 7-165-17 (52506)
সঞ্জয় উবাচ। 7-165-18x (4713)
দ্রোণস্য মতমাজ্ঞায় যোদ্বুকামস্য তাং নিশাম্।
দুর্যোধনো মহারাজ বশ্যান্ভ্রাতৄনুবাচ হ॥ 7-165-18 (52507)
কর্ণং চ বৃষসেনং চ মদ্ররাজং চ কৌরব।
দুর্ধর্ষং দীর্ঘবাহুং চ যে চ তেষাং পদানুগাঃ॥ 7-165-19 (52508)
দ্রোণং যত্তাঃ পরাক্রান্তাঃ সর্বে রক্ষন্তু পৃষ্ঠতঃ।
হার্দিক্যো দক্ষিণং চক্রং শল্যশ্চৈবোত্তরং তথা॥ 7-165-20 (52509)
ত্রিগর্তানাং চ যে শূরা হতশিষ্টা মহারথাঃ।
তাংশ্চৈব পুরতঃ সর্বান্পুত্রস্তে সমচোদয়ৎ॥ 7-165-21 (52510)
দুর্যোধন উবাচ। 7-165-22x (4714)
আচার্যো হি সুসংয়ত্তো ভৃশং যত্তাশ্চ পাণ্ডবাঃ।
তং রক্ষত সুসংয়ত্তা নিঘ্নন্তং শাস্ত্রবান্রণে॥ 7-165-22 (52511)
দ্রোণো হি বলবান্যুদ্ধে ক্ষিপ্রহস্তঃ প্রতাপবান্।
নির্জয়েত্ত্রিদশান্যুদ্ধে কিমু পার্থান্সসোমকান্॥ 7-165-23 (52512)
তে যূয়ং সহিতাঃ সর্বে ভৃশং যত্তা মহারথাঃ।
দ্রোণং রক্ষত পাঞ্চালাদ্ধৃষ্টদ্যুম্নান্মহারথাৎ॥ 7-165-24 (52513)
পাণ়্ডবীয়েষু সৈন্যেষু ন তং পশ্যাম কঞ্চন।
যো যোধয়েদ্রণে দ্রোণং ধৃষ্টদ্যুম্নাদৃতে পুমান্॥ 7-165-25 (52514)
তস্মাৎসর্বাত্মনা মন্যে ভারদ্বাজস্য রক্ষণম্।
সুগুপ্তঃ পাণ্ডবান্হন্যাৎসৃঞ্জয়াংশ্চ সসোমকান্॥ 7-165-26 (52515)
সৃঞ্জয়েষ্বথ সর্বেষু নিহতেষু চমূমুখে।
ধৃষ্টদ্যুম্নং রমে দ্রৌণির্হনিষ্যতি ন সংশয়ঃ॥ 7-165-27 (52516)
তথাঽর্জুনং চ রাধেয়ো হনিষ্যতি মহারথঃ।
ভীমসেনমহং চাপি যুদ্ধেজেষ্যামি দীক্ষিতঃ।
শেষাংশ্চ পাণ্ডবান্যোধাঃ প্রসভং হীনতেজসঃ॥ 7-165-28 (52517)
সোয়ং মম জয়ো ব্যক্তো দীর্ঘকালং ভবিষ্যতি।
তস্মাদ্রক্ষত সঙ্গ্রামে দ্রোণমেব মহারথম্॥ 7-165-29 (52518)
ইত্যুক্ৎবা ভরতশ্রেষ্ঠ পুত্রো দুর্যাধনস্তব।
ব্যাদিদেশ তথা সৈন্যং তস্মিংস্তমসি দারুণে॥ 7-165-30 (52519)
ততঃ প্রববৃতে যুদ্ধং রাত্রৌ ভরতসত্তম।
উভয়োঃ সেনয়োর্ঘোরং পরস্পরজিগীষয়া॥ 7-165-31 (52520)
অর্জুনঃ কৌরবং সৈন্যমর্জুনং চাপি কৌরবাঃ।
নানাশস্ত্রসমাবায়ৈরন্যোন্যং সমপীডয়ন্॥ 7-165-32 (52521)
দ্রৌণিঃ পাঞ্চালরাজং চ ভারদ্বাজশ্চ সৃঞ্জয়ান্।
ছাদয়াংচক্রিরে সঙ্খ্যে শরৈঃ সন্নতপর্বভিঃ॥ 7-165-33 (52522)
পাণ্ডুপাঞ্চালসৈন্যানাং কৌরবাণাং চ ভারত।
আসীন্নিষ্টানকো ঘোরো নিঘ্নতামিতরেতরম্॥ 7-165-34 (52523)
নৈবাস্মাভিস্তথা পূর্বৈর্দৃষ্টপূর্বং তথাবিধম্।
যুদ্ধং যাদৃশমেবাসীত্তাং রাত্রি সুভয়াবহম্॥ ॥ 7-165-35 (52524)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে পঞ্চষষ্ট্যধিকশততমোঽধ্যায়ঃ॥ 165 ॥
দ্রোণপর্ব - অধ্যায় 166
॥ শ্রীঃ ॥
7.166. অধ্যায়ঃ 166
Mahabharata - Drona Parva - Chapter Topics
কৃতবর্মণা যুধিষ্ঠিরপরাজয়ঃ॥ 1 ॥Mahabharata - Drona Parva - Chapter Text
7-166-0 (52525)
সঞ্জয় উবাচ। 7-166-0x (4715)
বর্তমানে তদা রৌদ্রে রাত্রিয়ুদ্ধে বিশাম্পতে।
সর্বভূতক্ষয়করে ধর্মপুত্রো যুধিষ্ঠিরঃ॥ 7-166-1 (52526)
অব্রবীৎপাণ্ডবাংশ্চৈব পাঞ্চালাংশ্চৈব সোমকান্।
অভিদ্রবত সংয়াত দ্রোণমেব জিঘাংসয়া॥ 7-166-2 (52527)
রাজ্ঞস্তে বচনাদ্রাজন্পাঞ্চালাঃ সৃঞ্জয়াস্তথা।
দ্রোণমেবাভ্যবর্তন্ত নদন্তো ভৈরবান্রবান্॥ 7-166-3 (52528)
তান্বয়ং প্রতিগর্জন্তঃ প্রত্যুদ্যাতাঃ স্ম হর্ষিতাঃ।
যথাশক্তি যথোৎসাহং যথাসৎবং চ সংয়ুগে॥ 7-166-4 (52529)
কৃতবর্মা তু হার্দিক্যো যুধিষ্ঠিরমুপাদ্রবৎ।
দ্রোণং প্রতি সমায়ান্তং মত্তো মত্তমিব দ্বিপম্॥ 7-166-5 (52530)
শৈনেয়ং শরবর্ষাণি বিকিরন্তং সমন্ততঃ।
অভ্যযাৎকৌরবো রাজন্ভূরিঃ সঙ্গ্রামমূর্ধনি॥ 7-166-6 (52531)
সহদেবমথায়ান্তং দ্রোণপ্রেপ্সুং মহারথম্।
কর্ণো বৈকর্তনো রাজন্বারয়ামাস পাণ়্ডবম্॥ 7-166-7 (52532)
ভীমসেনমথায়ান্তং ব্যাদিতাস্যামিবান্তকম্।
স্বয়ং দুর্যোধনো রাজা প্রতীপং মৃত্যুমাব্রজৎ॥ 7-166-8 (52533)
নকুলং চ যুধাং শ্রেষ্ঠং সর্বয়ুদ্ধবিশারদম্।
শকুনিঃ সৌবলো রাজন্বারয়ামাস সৎবরঃ॥ 7-166-9 (52534)
শিখণ্ডিনমথায়ান্তং রথেন রথিনাং বরম্।
কৃপঃ শারদ্বতো রাজন্বারয়ামাস সংয়ুগে॥ 7-166-10 (52535)
প্রতিবিন্ধ্যমথায়ান্তং ময়ূরসদৃশৈর্হয়ৈঃ।
দুঃশাসনো মহারাজ যত্তো যত্তমবারয়ৎ॥ 7-166-11 (52536)
ভৈমসেনিমথায়ান্তং মায়াশতবিশারদম্।
অশ্বত্থামা মহারাজ রাক্ষসং প্রত্যষেধয়ৎ॥ 7-166-12 (52537)
দ্রুপদং বৃষসেনস্তু সসৈন্যং সপদানুগম্।
বারয়ামাস সমরে দ্রোণপ্রেপ্সুং মহারথম্॥ 7-166-13 (52538)
বিরাটং দ্রুতমায়ান্তং দ্রোণস্য নিধনং প্রতি।
মদ্ররাজঃ সুসঙ্ক্রুদ্ধো বারয়ামাস ভারত॥ 7-166-14 (52539)
শতানীকমথায়ান্তং নাকুলিং রভসং রণে।
চিত্রসেনো রুরোধাশু শরৈর্দ্রোণপরীপ্সয়া॥ 7-166-15 (52540)
অর্জুনং চ যুধাংশ্রেষ্ঠং প্রাদ্রবন্তং মহারথম্।
অলায়ুধো মহারাজ রাক্ষসেন্দ্রো ন্যবারয়ৎ॥ 7-166-16 (52541)
তথা দ্রোণং মহেষ্বাসং নিঘ্নন্তং শাত্রবান্রণে।
ধৃষ্টদ্যুম্নোঽথ পাঞ্চাল্যো হৃষ্টরূপমবারয়ৎ॥ 7-166-17 (52542)
তথাঽন্যান্পাণ্ডুপুত্রাণাং সমায়াতান্মহারথান্।
তাবকা রথিনো রাজন্বারয়ামাসুরোজসা॥ 7-166-18 (52543)
গজারোহা গজৈস্তূর্ণং সন্নিপত্য মহামৃধে।
যোধয়ন্তঃ স্ম দৃশ্যন্তে শতশোঽথ সহস্রশঃ॥ 7-166-19 (52544)
নিশীথে তুরগা রাজন্দ্রাবয়ন্তঃ পরস্পরম্।
সমদৃশ্যন্ত বেগেন পক্ষবন্তো যথাঽদ্রয়ঃ॥ 7-166-20 (52545)
সাদিনঃ সাদিভিঃ সার্ধং প্রাসশক্ত্যৃষ্টিপাণয়ঃ।
সমাগচ্ছন্মহারাজ বিনদন্তঃ পৃথক্পৃথক্॥ 7-166-21 (52546)
নরাস্তু বহবস্তত্র সমাজগ্মুঃ পরস্পরম্।
গাদাভির্মুসলৈশ্চৈব নানাশস্ত্রৈশ্চ সংয়ুগে॥ 7-166-22 (52547)
কৃতবর্মা তু হার্দিক্যো ধর্মপুত্রং যুধিষ্ঠিরম্।
বারয়ামাস সঙ্ক্রুদ্ধো বেলেবোদ্বৃত্তমর্ণবম্॥ 7-166-23 (52548)
যুধিষ্ঠিরস্তু হার্দিক্যং বিদ্ব্বা পঞ্চভিরাশুগৈঃ।
পুনর্বিব্যাধ বিংশত্যা তিষ্ঠতিষ্ঠেতি চাব্রবীৎ॥ 7-166-24 (52549)
কৃতবর্মা তু সঙ্ক্রুদ্ধো ধর্মপুত্রস্য মারিষ।
ধনুশ্চিচ্ছেদ ভল্লেন তং চ বিব্যাধ সপ্তভিঃ॥ 7-166-25 (52550)
অথান্যদ্ধনুরাদায় ধর্মপুত্রো মহারথঃ।
হার্দিক্যং দশভির্বাণৈর্বাহ্বোরুরসি চার্পয়ৎ॥ 7-166-26 (52551)
মাধবস্তু রণে বিদ্ধো ধর্মপুত্রেণ মারিষ।
প্রাকম্পত চ রোষেণ সপ্তভিশ্চার্দয়চ্ছরৈঃ॥ 7-166-27 (52552)
তস্য পার্থো ধনুশ্ছিত্ৎবা হস্তাবাপং নিকৃত্য চ।
প্রাহিণোন্নিশিতান্বাণান্পঞ্চ রাজঞ্ছিলাশিতান্॥ 7-166-28 (52553)
তে তস্য কবচং ভিত্ৎবা হেমচিত্রং মহাধনম্।
প্রাবিশন্ধরণীং ভিত্ৎবা বল্মীকমিব পন্নগাঃ॥ 7-166-29 (52554)
অক্ষ্ণোর্নিমেষমাত্রেণ সোঽন্যদাদায় কার্মুকম্।
বিব্যাধ পাণ্ডবং ষষ্ট্যা সূতং চ নবভিঃ শরৈঃ॥ 7-166-30 (52555)
তস্য শক্তিমমেয়াত্মা পাণ্ডবো ভুজগোপমাম্।
চিক্ষেপ ভরশ্রেষ্ঠ রথে ন্যস্য মহদ্ধনুঃ॥ 7-166-31 (52556)
সা হেমচিত্রা মহতী পাণ্ডবেয়েন প্রেরিতা।
নির্ভিদ্য দক্ষিণং বাহুং প্রাবিশদ্ধরণীতলম্॥ 7-166-32 (52557)
এতস্মিন্নেব কালে তু গৃহ্য পার্থঃ পুনর্ধনুঃ।
হার্দিক্যং ছাদয়ামাস শরৈঃ সন্নতপর্বভিঃ॥ 7-166-33 (52558)
ততস্তু সমরে শূরো বৃষ্ণীনাং প্রবরো রথী।
ব্যশ্চসূতরথং চক্রে নিমেষার্ধাদ্যুধিষ্ঠিরম্॥ 7-166-34 (52559)
ততস্তু পাণ্ডবো জ্যেষ্ঠঃ খঙ্গং চর্ম সমাদদে।
তদস্য নিশিতৈর্বাণৈর্ব্যধমন্মাধবো রণে॥ 7-166-35 (52560)
তোমরং তু ততো গৃহ্য স্বর্ণদণ্ডং দুরাসদম্।
প্রৈষয়ৎসমরে তূর্ণং হার্দিক্যস্য যুধিষ্ঠিরঃ॥ 7-166-36 (52561)
তমাপতন্তং সহসা ধর্মরাজভুজচ্যুতম্।
দ্বিধা চিচ্ছেদ হার্দিক্যঃ কৃতহস্তঃ স্ময়ন্নিব॥ 7-166-37 (52562)
ততঃ শরশতেনাজৌ ধর্মপুত্রমবাকিরৎ।
কবচং চাস্য সঙ্ক্রুদ্ধঃ শরৈস্তীক্ষ্ণৈরদারয়ৎ॥ 7-166-38 (52563)
হার্দিক্যশরসঞ্ছন্নং কবচং তন্মহাধনম্।
ব্যশীর্যত রণে রাজংস্তারাজালমিবাম্বরাৎ॥ 7-166-39 (52564)
স চ্ছিন্নধন্বা বিরথঃ শীর্ণবর্মা শরার্দিতঃ।
অপায়াসীদ্রণাত্তূর্ণং ধর্মপুত্রো যুধিষ্ঠিরঃ॥ 7-166-40 (52565)
কৃতবর্মা তু নির্জিত্য ধর্মাত্মানং যুধিষ্ঠিরম্।
পুনর্দ্রোণস্য জুগুপে চক্রমেব মহাত্মনঃ॥ ॥ 7-166-41 (52566)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে ষট্ষষ্ট্যধিকশততমোঽধ্যায়ঃ॥ 166 ॥
Mahabharata - Drona Parva - Chapter Footnotes
5-166-12 ভৈমসেনিং ঘটোৎকচম্॥ 5-166-27 মাধবঃ কৃতবর্মা॥ 5-166-166 ষট্ষষ্ঠ্যধিকশততমোঽধ্যায়ঃ॥দ্রোণপর্ব - অধ্যায় 167
॥ শ্রীঃ ॥
7.167. অধ্যায়ঃ 167
Mahabharata - Drona Parva - Chapter Topics
সাত্যকিনা ভূরিনাম্নো রাজ্ঞো বধঃ॥ 1 ॥ দ্রৌণিনা ঘটোৎকচপরাজয়ঃ॥ 2 ॥ ভীমেন দুর্যোধনপরাভবঃ॥ 3 ॥Mahabharata - Drona Parva - Chapter Text
7-167-0 (52567)
সঞ্জয় উবাচ। 7-167-0x (4716)
ভূরিস্তু সমরে রাজঞ্শৈনেয়ং রথিনাং বরম্।
আপতন্তমপাসেধৎপ্রয়াণাদিব কুঞ্জরম্॥ 7-167-1 (52568)
অথৈনং সাত্যকিঃ ক্রুদ্ধঃ পঞ্চভির্নিশিতৈঃ শরৈঃ।
বিব্যাধ হৃদয়ে তস্য প্রাস্রবত্তস্য শোণিতম্॥ 7-167-2 (52569)
তথৈব কৌরবো যুদ্ধে শৈনেয়ং যুদ্ধদুর্মদম্।
দশিভির্নিশিতৈস্তীক্ষ্ণৈরবিধ্যত ভুজান্তরে॥ 7-167-3 (52570)
তাবন্যোন্যং মহারাজ ততক্ষাতে শরৈর্ভৃশম্।
ক্রোধসংরক্তনয়নৌ ক্রোধাদ্বিষ্ফার্য কার্মুকে॥ 7-167-4 (52571)
তয়োরাসীন্মহারাজ শস্ত্রবৃষ্টিঃ সুদারুণা।
ক্রুদ্ধয়োঃ সায়কমুচোর্যমান্তকনিকাশয়োঃ॥ 7-167-5 (52572)
তাবন্যোন্যং শরৈঃ রাজন্সঞ্ছাদ্য সমবস্থিতৌ।
মুহূর্তং চৈব তদ্যুদ্ধং সমরূপমিবাভাবৎ॥ 7-167-6 (52573)
ততঃ ক্রুদ্ধো মহারাজ শৈনেয়ঃ প্রহসন্নিব।
ধনুশ্চিচ্ছেদ সমরে কৌরব্যস্য মহাত্মনঃ॥ 7-167-7 (52574)
অথৈনং ছিন্নধন্বানং নবভির্নিশিতৈঃ শরৈঃ।
বিব্যাধ হৃদয়ে তূর্ণং তিষ্ঠতিষ্ঠেতি চাব্রবীৎ॥ 7-167-8 (52575)
সোঽতিবিদ্ধো বলবতা শত্রুণা শত্রুতাপনঃ।
ধনুরন্যৎসমাদায় সাৎবতং প্রত্যবিধ্যত॥ 7-167-9 (52576)
স বিদ্ধ্বা সাৎবতং বাণৈস্ত্রিভিরেব বিশাম্পতে।
ধনুশ্চিচ্ছেদ ভল্লেন সুতীক্ষ্ণেন হসন্নিব॥ 7-167-10 (52577)
ছিন্নধন্বা মহারাজ সাত্যকিঃ ক্রোধমূর্চ্ছিতঃ।
প্রজহার মহাবেগাং শক্তিং তস্য মহোরসি॥ 7-167-11 (52578)
স তু শক্ত্যা বিভিন্নাঙ্গো নিপপাত রথোত্তমাৎ।
লোহিতাঙ্গ ইবাকাশাদ্দীপ্তরশ্মির্যদৃচ্ছয়া॥ 7-167-12 (52579)
তং তু দৃষ্ট্বা হতং শূরমশ্বত্থামা মহারথঃ।
অভ্যধাবত বেগেন শৈনেয়ং প্রতি সংয়ুগে॥ 7-167-13 (52580)
তিষ্ঠতিষ্ঠেতি চাভাষ্য শৈনেয়ং স নরাধিপ।
অভ্যবর্ষচ্ছরৌঘেণ মেরুং বৃষ্ট্যা যথাম্বুদঃ॥ 7-167-14 (52581)
তমাপতন্তং সংরব্ধং শৈনেয়স্য রথং প্রতি।
ঘটোৎকচোঽব্রবীদ্রাজন্নাহং মুক্ৎবা মহারথঃ॥ 7-167-15 (52582)
তিষ্ঠতিষ্ঠ ন মে জীবন্দ্রোণপুত্র গমিষ্যসি।
এষ ৎবাং নিহনিষ্যামি মহিষং মৃগরাডিব॥ 7-167-16 (52583)
যুদ্ধশ্রদ্ধামহং তেঽদ্য বিনেষ্যামি রণাজিরে।
ইত্যুক্ৎবা ক্রোধতাম্রাক্ষো রাক্ষসঃ পরবীরহা।
দ্রোণিমভ্যদ্রবৎক্রুদ্ধো গজেন্দ্রমিব কেসরী॥ 7-167-17 (52584)
রথাক্ষমাত্রৈরিষুভিরভ্যবর্ষদ্ধটোৎকচঃ।
রথিনামৃষভং দ্রৌণিং ধারাভিরিব তোয়দঃ॥ 7-167-18 (52585)
শরবৃষ্টিং তু তাং প্রাপ্তাং শরৈরাশীবিষোপমৈঃ।
শাতয়ামাস সমরে তরসা দ্রৌণিরুৎস্ময়ন্॥ 7-167-19 (52586)
ততঃ শরশতৈস্তীক্ষ্ণৈর্মর্মভেদিভিরাশুগৈঃ।
সমাচিনোদ্রাক্ষসেন্দ্রং ঘটোৎকচমরিন্দমম্॥ 7-167-20 (52587)
স শরৈরাচিতস্তেন রাক্ষসো রণমূর্ধনি।
ব্যকাশত মহারাজ শ্বাবিচ্ছললতো যথা॥ 7-167-21 (52588)
ততঃ ক্রোধসমাবিষ্টো ভৈমসেনিঃ প্রতাপবান্।
শরৈরবচকর্তোগ্রৈর্দ্রৌণিং বজ্রাশনিপ্রভৈঃ॥ 7-167-22 (52589)
ক্ষুরপ্রৈরর্ধচন্দ্রৈশ্চ নারাচৈঃ সশিলীমুখৈঃ।
বরাহকর্ণৈর্নালীকৈর্বিকর্ণৈশ্চাভ্যবীবৃষৎ॥ 7-167-23 (52590)
তাং শস্ত্রবৃষ্টিমতুলাং বজ্রাশনিসমস্বনাম্।
পতন্তীমুপরি ক্রুদ্ধো দ্রৌণিরব্যথিতেন্দ্রিয়ঃ॥ 7-167-24 (52591)
সুদুঃসহাং শরৈর্ঘোরৈর্দিব্যাস্ত্রপ্রতিমন্ত্রিতৈঃ।
ব্যধমৎসুমহাতেজা মহাভ্রাণীব মারুতঃ॥ 7-167-25 (52592)
ততোঽন্তরিক্ষে বাণানাং সঙ্গ্রামোঽন্য ইবাভবৎ।
ঘোররূপো মহারাজ যোধানাং হর্ষবর্ধনঃ॥ 7-167-26 (52593)
ততোঽস্ত্রসন্ধর্ষকৃতৈর্বিস্ফুলিঙ্গৈঃ সমন্ততঃ।
বমৌ নিশামুখে ব্যোম খদ্যোতৈরিব সংবৃতম্॥ 7-167-27 (52594)
স মার্গণগণৈর্দ্রৌণির্দিশঃ প্রচ্ছাদ্য সর্বতঃ.
প্রিয়ার্থং তব পুত্রাণাং রাক্ষসং সমবাকিরৎ॥ 7-167-28 (52595)
ততঃ প্রববৃতে যুদ্ধং দ্রৌণিরাক্ষসয়োর্মৃধে।
বিগাঢে রজনীমধ্যে শক্রপ্রহ্লাদয়োরিব॥ 7-167-29 (52596)
ততো ঘটোৎকচো বাণৈর্দশভির্দ্রৌণিমাহবে।
জঘানোরসি সঙ্ক্রুদ্ধঃ কালজ্বলনসন্নিভৈঃ॥ 7-167-30 (52597)
স তৈরভ্যায়তৈর্বিদ্ধো রাক্ষসেন মহাবলঃ।
চচাল সমরে দ্রৌণির্বাতনুন্ন ইব দ্রুমঃ॥ 7-167-31 (52598)
স মোহং সমরে প্রাপ্তো ধ্বজয়ষ্টিং সমাশ্রিতঃ॥ 7-167-32 (52599)
ততো হাহাকৃতং সৈন্যং তব সর্বং জনাধিপ।
হতং স্ম মেনিরে সর্বে দ্রোণসূনুং জনাধিপাঃ॥ 7-167-33 (52600)
তং তু দৃষ্ট্বা তথাবস্থমশ্বত্থামানমাহবে।
পাঞ্চালাঃ সৃঞ্জয়াশ্চৈব সিংহনাদং প্রচক্রিরে॥ 7-167-34 (52601)
প্রতিলভ্য ততঃ সংজ্ঞামশ্বত্থামা মহাবলঃ।
ধনুঃ প্রপীড্য বামেন করেণামিত্রকর্শনঃ॥ 7-167-35 (52602)
মুমোচাকর্ণপূর্ণেন ধনুষা শরমুত্তমম্।
যমদণ়্ডোপমং ঘোরমুদ্দিশ্যাশু ঘটোৎকচম্॥ 7-167-36 (52603)
স ভিত্ৎবা হৃদয়ং তস্য রাক্ষসস্য শরোত্তমঃ।
বিবেশ বসুধামুগ্রঃ সপুঙ্খঃ পৃথিবীপতে॥ 7-167-37 (52604)
সোঽতিবিদ্ধো মহারাজ রথোপস্থ উপাবিশৎ।
রাক্ষসেন্দ্রঃ পুবলবান্দ্রৌণিনা রণশালিনা॥ 7-167-38 (52605)
দৃষ্ট্বা বিমূঢং হৈডিম্বং সারথিস্তু রণাজিরাৎ।
দ্রৌণেঃ সকাশাৎসম্ভ্রান্তস্ৎবপনিন্যেৎবরান্বিতঃ॥ 7-167-39 (52606)
তথা তু সমরে বিদ্ধ্বা রাক্ষসেন্দ্রং ঘটোৎকচম্।
ননাদ সুমহানাদং দ্রোণপুত্রো মহারথঃ॥ 7-167-40 (52607)
পূজিতস্তব পুত্রৈশ্চ সর্বয়োধৈশ্চ ভারত।
বপুষাঽতিপ্রজজ্বাল মধ্যাহ্ন ইব ভাস্করঃ॥ 7-167-41 (52608)
ভীমসেনং তু যুধ্যন্তং ভারদ্বাজরথং প্রতি।
স্বয়ং দুর্যোধনো রাজা প্রত্যবিধ্যচ্ছিতৈঃ শরৈঃ॥ 7-167-42 (52609)
তং ভীমসেনো দশভিঃ শরৈর্বিব্যাধ মারিষ।
দুর্যোধনোঽপি বিংশত্যা শরাণাং প্রত্যবিধ্যত॥ 7-167-43 (52610)
তৌ সায়কৈরবচ্ছিন্নাবদৃশ্যেতাং রণাজিরে।
মেঘজালসমাচ্ছন্নৌ নভসীবেন্দুভাস্করৌ॥ 7-167-44 (52611)
অথ দুর্যোধনো রাজা ভীমং বিব্যাধ পত্রিভিঃ।
পঞ্চভির্ভরতশ্রেষ্ঠ তিষ্ঠতিষ্ঠেতি চাব্রবীৎ॥ 7-167-45 (52612)
তস্য ভীমো ধনুশ্ছিত্ৎবা ধ্বজং চ দশভিঃ শরৈঃ।
বিব্যাধ কৌরবশ্রেষ্ঠং নবত্যা নতপর্বণাম্॥ 7-167-46 (52613)
ততো দুর্যোধনঃ ক্রুদ্ধো ভনুরন্যন্মহত্তরম্।
গৃহীৎবা ভরতশ্রেষ্ঠো ভীমসেনং শিতৈঃ শরৈঃ।
অপীডয়দ্রণমুখে পশ্যতাং সর্বধন্বিনাম্॥ 7-167-47 (52614)
তান্নিহত্য শরান্ভীমো দুর্যোধনধনুশ্চ্যুতান্।
কৌরবং পঞ্চবিংশত্যা ক্ষুদ্রকাণাং সমার্পয়ৎ॥ 7-167-48 (52615)
দুর্যোধনস্তু সঙ্ক্রুদ্ধো ভীমসেনস্য মারিষ।
ক্ষুরপ্রেণ ধনুশ্ছিত্ৎবা দশভিঃ প্রত্যবিধ্যত॥ 7-167-49 (52616)
অথান্যদ্ধনুরাদায় ভীমসেনো মহাবলঃ।
বিব্যাধ নৃপতিং তূর্ণং সপ্তভির্নিশিতৈঃ শরৈঃ॥ 7-167-50 (52617)
তদপ্যস্য ধনুঃ ক্ষিপ্রং চিচ্ছেদ লঘুহস্তবৎ।
দ্বিতীয়ং চ তৃতীয়ং চ চতুর্থং পঞ্চমং তথা॥ 7-167-51 (52618)
আত্তমাত্তং মহারাজ ভীমস্য ধনুরাচ্ছিনৎ।
তব পুত্রো মহারাজ জিতকাশী মদোৎকটঃ॥ 7-167-52 (52619)
স তথা ভিদ্যমানেষু কার্মুকেষু পুনঃ পুনঃ।
শক্তিং চিক্ষেপ সমরে সর্বপারশবীং শুভাম্॥ 7-167-53 (52620)
মৃত্যোরিব স্বসারং হি দীপ্তাং বহ্নিশিখামিব।
সীমন্তমিব কুর্বন্তীং নভসোঽগ্নিসমপ্রভাম্॥ 7-167-54 (52621)
অপ্রাপ্তামেব তাং শক্তিং ত্রিধা চিচ্ছেদ কৌরবঃ।
পশ্যতঃ সর্বলোকস্য ভীমস্য চ মহাত্মনঃ॥ 7-167-55 (52622)
ততো ভীমো মহারাজ গদাং গুর্বীং মহাপ্রভাম্।
চিক্ষেপাবিধ্য বেগেন দুর্যোধনরথং প্রতি॥ 7-167-56 (52623)
ততঃ সা সহসা বাহাংস্তব পুত্রস্য সংয়ুগে।
সারথিং চ গদা গুর্বী মমর্দাস্য রথং পুনঃ॥ 7-167-57 (52624)
পুত্রস্তু তব রাজেন্দ্র ভীমাদ্ভীতঃ প্রণশ্য চ।
আরুরোহ রথং চান্যং নন্দকস্য মহাত্মনঃ॥ 7-167-58 (52625)
ততো ভীমো হতং মৎবা তব পুত্রং মহারথম্।
সিংহনাদং মহচ্চক্রে তর্জয়ন্নিশি কৌরবান্॥ 7-167-59 (52626)
তাবকাঃ সৈনিকাশ্চাপি মেনিরে নিহতং নৃপম্।
ততোঽতিচুক্রুশুঃ সর্বে তে হাহেতি সমন্ততঃ॥ 7-167-60 (52627)
তেষাং তু নিনদং শ্রুৎবা ত্রস্তানাং সর্বয়োধিনাম্।
ভীমসেনস্য নাদং চ শ্রুৎবা রাজন্মহাত্মনঃ॥ 7-167-61 (52628)
ততো যুধিষ্ঠিরো রাজা হতং মৎবা সুয়োধনম্।
অভ্যবর্তত বেগেন যত্র পার্থো বৃকোদরঃ॥ 7-167-62 (52629)
পাঞ্চলাঃ কেকয়া মাৎস্যাঃ সৃঞ্জয়াশ্চ বিশাম্পতে।
সর্বোদ্যোগেনাভিজগ্মুদ্রোণমেব যুয়ুৎসয়া॥ 7-167-63 (52630)
তত্রাসীৎসুমহদ্যুদ্ধং দ্রোণস্যাথ পরৈঃ সহ।
ঘোরে তমসি মগ্নানাং নিঘ্নতামিতরেতরম্॥ ॥ 7-167-64 (52631)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে সপ্তষষ্ট্যধিক শততমোঽধ্যায়ঃ॥ 167 ॥
Mahabharata - Drona Parva - Chapter Footnotes
5-167-1 প্রয়াণাদ্যানস্থানাৎ। প্রবণাদিতি পাঠে প্রবণং প্রকৃষ্টং বনং জলম্॥ 5-167-2 তস্য সাত্যকেঃ। তস্য তস্মাদ্ধৃদয়াৎ॥ 5-167-12 লোহিতাঙ্গঃ কুজঃ। যদৃচ্ছয়া দৈবেনেত্যভূতোপমা॥ 5-167-16 মহিষমসুরম্। মহিষং ষণ্মুখো যথা ইতি ঘ.ঙ.ঝ.পাঠঃ॥ 5-167-21 শ্বাবিচ্ছল্যকঃ। শললতঃ শললীভিঃ॥ 5-167-58 প্রণশ্য নিলীনো ভূৎবা॥ 5-167-167 সপ্তষষ্ট্যধিকশততমোঽধ্যায়ঃ॥ 167 ॥দ্রোণপর্ব - অধ্যায় 168
॥ শ্রীঃ ॥
7.168. অধ্যায়ঃ 168
Mahabharata - Drona Parva - Chapter Topics
কর্ণেন সহদেবস্য পরাজয়পূর্বকমবহেলনম্॥ 1 ॥ শল্যেন বিরাটপরাজয়ঃ॥ 2 ॥ অর্জুনেনালায়ুধপরাজয়ঃ॥ 3 ॥Mahabharata - Drona Parva - Chapter Text
7-168-0 (52632)
সঞ্জয় উবাচ। 7-168-0x (4717)
সহদেবমথায়ান্তং দ্রোণপ্রেপ্তুং বিশাম্পতে।
কর্ণো বৈকর্তনো যুদ্ধে বারয়ামাস ভারত॥ 7-168-1 (52633)
সহদেবস্তু রাধেয়ং বিদ্ধ্বা নবভিরাশুগৈঃ।
পুনর্বিব্যাধ দশভির্বিশিখৈর্নতপর্বভিঃ॥ 7-168-2 (52634)
তং কর্ণঃ প্রতিবিব্যাধ শতেন নতপর্বণাম্।
সজ্যং চাস্য ধনুঃ শীঘ্রং চিচ্ছেদ লঘুহস্তবৎ॥ 7-168-3 (52635)
ততোঽন্যদ্ধনুরাদায় মাদ্রীপুত্রঃ প্রতাপবান।
কর্ণং বিব্যাধ বিংশত্যা তদদ্ভুতমিবাভবৎ॥ 7-168-4 (52636)
তস্য কর্ণো হয়ান্হৎবা শরৈঃ সন্নতপর্বভিঃ।
সারথিং চাস্য ভল্লেন দ্রুতং নিন্যে যমক্ষয়ম্॥ 7-168-5 (52637)
বিরথঃ সহদেবস্তু খঙ্গং চর্ম সমাদদে।
তদপ্যস্য শরৈঃ কর্ণো ব্যধমৎপ্রহসন্নিব॥ 7-168-6 (52638)
অথ গুর্বীং মহাঘোরাং হেমচিত্রাং মহাগদাম্।
প্রেষয়ামাস সঙ্ক্রুদ্ধো বৈকর্তনরথং প্রতি॥ 7-168-7 (52639)
তামাপতন্তীং সহসা সহদেবপ্রচোদিতাম্।
ব্যষ্টম্ভয়চ্ছরৈঃ কর্ণো ভূমৌ চৈনামপাতয়ৎ॥ 7-168-8 (52640)
গদাং বিনিহতাং দৃষ্ট্বা সহদেবস্ৎবরান্বিতঃ।
শক্তিং চিক্ষেপ কর্ণায় তামপ্যস্যাচ্ছিনচ্ছরৈঃ॥ 7-168-9 (52641)
সসম্ভ্রমং ততস্তূর্ণমবপ্লুত্য রথোত্তমাৎ।
সহদেবো মহারাজ দৃষ্ট্বা কর্ণং ব্যবস্থিতম্॥ 7-168-10 (52642)
রথচক্রং প্রগৃহ্যাজৌ মুমোচাধিরথং প্রতি।
তদাপতদ্বৈ সহসা কালচক্রমিবোদ্যতম্।
শরৈরনেকসাহস্রৈরাচ্ছিনৎসূতনন্দনঃ॥ 7-168-11 (52643)
তস্মিংস্তু নিহতে চক্রে সূতজেন মহাত্মনা।
ঈষাদণ্ডকয়োক্রাংশ্চ যুগানি বিবিধানি চ॥ 7-168-12 (52644)
হস্ত্যঙ্গানি তথাশ্বাংশ্চ মৃতাংশ্চ পুরুষান্বহূন্।
চিক্ষেপ কর্ণমুদ্দিশ্য কর্ণস্তান্ব্যধমচ্ছরৈঃ॥ 7-168-13 (52645)
স নিরায়ুধমাত্মানং জ্ঞাৎবা মাদ্রবতীসুতঃ।
বার্যমাণস্তু বিশিখৈঃ সহদেবো রণং জহৌ॥ 7-168-14 (52646)
তমভিদ্রুত্য রাধেয়ো মুহূর্তাদ্ভরতর্ষভ।
অব্রবীৎপ্রহসন্বাক্যং সহদেবং বিশাম্পতে॥ 7-168-15 (52647)
মা যুধ্যস্ব রণেঽধীর বিশিষ্টৈ রথিভিঃ সহ। 7-168-16 (52648)
সদৃশৈর্যুধ্য মাদ্রেয় বচো মে মা বিশঙ্কিথাঃ॥
অথৈনং ধনুষোগ্রেণ তুদন্ভূয়োঽব্রবীদ্বচঃ॥ 7-168-17 (52649)
এষোঽর্জুনো রণে তূর্ণং যুধ্যতে কুরুভিঃ সহ।
তত্র গচ্ছস্ব মাদ্রেয় গৃহং বা যদি মন্যসে॥ 7-168-18 (52650)
এবমুক্ৎবা তু তং কর্ণো রথেন রথিনাং বরঃ।
প্রায়াৎপাঞ্চালপাণ্ডূনাং সৈন্যানি প্রদহন্নিব॥ 7-168-19 (52651)
বধং প্রাপ্তং তু মাদ্রেয়ং নাবধীৎসমরেঽরিহা।
কুন্ত্যাঃস্মৃৎবা বচো রাজন্সত্যসন্ধো মহায়শাঃ॥ 7-168-20 (52652)
সহদেবস্ততো রাজন্বিমনাঃ শরপীডিতঃ।
কর্ণবাক্শরতপ্তশ্চ জীবিতান্নিরবিদ্যত॥ 7-168-21 (52653)
আরুরোহ রথং চাপি পাঞ্চাল্যস্য মহাত্মনঃ।
জনমেজয়স্য সমরে ৎবরায়ুক্তো মহারথঃ॥ 7-168-22 (52654)
বিরাটং সহসেনং তু দ্রোণার্থে দ্রুতমাগতম্।
মদ্ররাজঃ শরৌঘেণ চ্ছাদয়ামাস ধন্বিনম্॥ 7-168-23 (52655)
তয়োঃ সমভবদ্যুদ্ধং সমরে দৃঢধন্বিনোঃ।
যাদৃশং হ্যভবদ্রাজঞ্জম্ভবাসবয়োঃ পুরা॥ 7-168-24 (52656)
মদ্ররাজো মহারাজ বিরাটং বাহিনীপতিম্।
আজঘ্নে ৎবরিতস্তূর্ণং শতেন নতপর্বণাম্॥ 7-168-25 (52657)
প্রতিবিব্যাধ তং রাজন্নবভির্নিশিতৈ শরৈঃ।
পুনশ্চৈনং ত্রিসপ্তত্যা ভূয়শ্চৈব শতেন তু॥ 7-168-26 (52658)
তস্য মদ্রাধিপো হৎবা চতুরো রথবাজিনঃ।
সূতং ধ্বজং চ সমরে শরাভ্যাং সন্ন্যপাতয়ৎ॥ 7-168-27 (52659)
হতাশ্বাত্তুং রথাত্তূর্ণমবপ্লুত্য মহারথঃ।
তস্থৌ বিষ্ফারয়ংশ্চাপং বিমুঞ্চংশ্চ শিতাঞ্ছরান্॥ 7-168-28 (52660)
শতানীকস্ততো দৃষ্ট্বা ভ্রাতরং হতবাহনম্।
রথেনাভ্যপতত্তূর্ণং সর্বলোকস্য পশ্যতঃ॥ 7-168-29 (52661)
শতানীকমথায়ান্তং মদ্রারাজো মহামৃধে।
বিশিখৈর্বহুভির্বিদ্ধ্বা ততো নিন্যে যমক্ষয়ম্॥ 7-168-30 (52662)
তস্মিংস্তু নিহতে বীরে বিরাটো রথসত্তমঃ।
আরুরোহ রথং তূর্ণং তমেব ধ্বজমালিনম্॥ 7-168-31 (52663)
ততো বিষ্ফার্য নয়নে ক্রোধাদ্দ্বিগুণবিক্রমঃ।
মদ্ররাজরথং তূর্ণং ছাদয়ামাস পত্রিভিঃ॥ 7-168-32 (52664)
ততো মদ্রাধিপঃ ক্রুদ্ধঃ শরেণানতপর্বণা।
আজঘানোরসি দৃঢং বিরাটং বাহিনীপতিম্॥ 7-168-33 (52665)
সোঽতিবিদ্ধো মহারাজ রথোপস্থ উপাবিশৎ।
কশ্মলং চাবিশত্তীব্রং বিরাটো ভরতর্ষভ।
সারথিস্তমপোবাহ সমরে শরবিক্ষতম্॥ 7-168-34 (52666)
ততঃ সা মহতী সেনা প্রাদ্রবন্নিশি ভারত।
বধ্যমানা শরশতৈঃ শল্যেনাহবশোভিনা॥ 7-168-35 (52667)
তাং দৃষ্ট্বা বিদ্রুতাং সেনাং বাসুদেবধনঞ্জয়ৌ।
প্রয়াতৌ তত্র রাজেন্দ্র যত্র শল্যো ব্যবস্থিতঃ॥ 7-168-36 (52668)
তৌ তু প্রত্যুদ্যযৌ রাজন্রাক্ষসেন্দ্রো হ্যলায়ুধঃ।
অষ্টচক্রসমায়ুক্তমাস্থায় প্রবরং রথম্॥ 7-168-37 (52669)
তুরঙ্গমমুখৈর্যুক্তং পিশাচৈর্ঘোরদর্শনৈঃ।
লোহিতার্দ্রপতাকং তং রক্তমাল্যবিভূষিতম্।
কার্ষ্ণায়সময়ং ঘোরমৃক্ষচর্মসমাবৃতম্॥ 7-168-38 (52670)
রৌদ্রেণ চিত্রপক্ষেণ বিবৃতাক্ষেণ কূজতা।
ধ্বজেনোচ্ছ্রিতদণ্ডেন গৃধ্ররাজেন রাজতা।
স বভৌ রাক্ষসো রাজন্ভিন্নাঞ্জনচয়োপমঃ॥ 7-168-39 (52671)
রুরোধার্জুনমায়ান্তং প্রভঞ্জনমিবাদ্রিরাট্।
কিরন্বাণগণান্রাজঞ্শতশোঽর্জুনমূর্ধনি॥ 7-168-40 (52672)
অতিতীব্রং মহাদ্যুদ্ধং নররাক্ষসয়োস্তদা।
দ্রষ্টৄণাং প্রীতিজননং সর্বেষাং তত্র ভারত।
গৃধ্রকাকবলোলূককঙ্কগোমায়ুহর্ষণম্॥ 7-168-41 (52673)
তমর্জুনঃ শতেনৈব পত্রিণাং সমতাডয়ৎ।
নবভিশ্চ শিতৈর্বাণৈর্ধ্বজং চিচ্ছেদ ভারত॥ 7-168-42 (52674)
সারথিং চ ত্রিভির্বাণৈস্ত্রিভিরেব ত্রিবেণুকম্।
ধনুরেকেন চিচ্ছেদ চতুর্ভিশ্চতুরো হয়ান্॥ 7-168-43 (52675)
পুনঃ সজ্যং কৃতং চাপং তদপ্যস্য দ্বিধাঽচ্ছিনৎ।
বিরথস্যোদ্যতং খঙ্গং শরেণাস্য দ্বিধাঽকরোৎ॥ 7-168-44 (52676)
অথৈনং নিশিতৈর্বাণৈশ্চতুর্ভির্ভরতর্ষভ।
পার্থোঽবিধ্যদ্রাক্ষসেন্দ্রং স বিদ্বঃ প্রাদ্রবদ্ভয়াৎ॥ 7-168-45 (52677)
তং বিজিত্যার্জুনস্তূর্ণং দ্রোণান্তিকমুপায়যৌ।
কির়ঞ্শরগণান্রাজন্নরবারণবাজিষু॥ 7-168-46 (52678)
বধ্যমানা মহারাজ পাণ্ডবেন যশস্বিনা।
সৈনিকা ন্যপতন্নুর্ব্যাং বাতনুন্না ইব দ্রুমাঃ॥ 7-168-47 (52679)
তেষু তূৎসাদ্যমানেষু ফল্গুনেন মহাত্মনা।
সম্প্রাদ্রবদ্বলং সর্বং পুত্রাণাং তে বিশাম্পতে॥ ॥ 7-168-48 (52680)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে অষ্টষষ্ট্যধিকশততমোঽধ্যায়ঃ॥ 168 ॥
দ্রোণপর্ব - অধ্যায় 169
॥ শ্রীঃ ॥
7.169. অধ্যায়ঃ 169
Mahabharata - Drona Parva - Chapter Topics
সঙ্কুলয়ুদ্ধম্॥ 1 ॥Mahabharata - Drona Parva - Chapter Text
7-169-0 (52681)
সঞ্জয় উবাচ। 7-169-0x (4718)
শতানীকং শরৈস্তূর্ণং নির্দহন্তং চমূং তব।
চিত্রসেনস্তব সুতো বারয়ামাস ভারত॥ 7-169-1 (52682)
নাকুলিশ্চিত্রসেনং তু বিদ্ধ্বা পঞ্চভিরাশুগৈঃ।
স তু তং প্রতিবিব্যাধ দশভির্নিশিতৈঃ শরৈঃ॥ 7-169-2 (52683)
চিত্রসেনো মহারাজ শতানীকং পুনর্যুধি।
নবভির্নিশিতৈর্বাণৈরাজঘান স্তনান্তরে॥ 7-169-3 (52684)
নাকুলিস্তস্য বিশিখৈর্বর্ম সন্নতপর্বভিঃ।
গাত্রাৎসঞ্চাবয়ামাস তদদ্ভুতমিবাভবৎ॥ 7-169-4 (52685)
সোপেতবর্মা পুত্রস্তে বিররাজ ভৃশং নৃপ।
উৎসৃজ্য কালে রাজেন্দ্র নির্মোকমিব পন্নগঃ॥ 7-169-5 (52686)
ততোঽস্য নিশিতৈর্বাণৈর্ধ্বজং চিচ্ছেদ নাকুলিঃ।
ধনুশ্চৈব মহারাজ যতমানস্য সংয়ুগে॥ 7-169-6 (52687)
স চ্ছিন্নধন্বা সমরে বিবর্মা চ মহারথঃ।
ধনুরন্যন্মহারাজ জগ্রাহারিবিদারণম্॥ 7-169-7 (52688)
ততস্তূর্ণং চিত্রসেনো নাকুলিং নবভিঃ শরৈঃ।
বিব্যাধ সমরে ক্রুদ্ধো ভরতানাং মহারথঃ॥ 7-169-8 (52689)
শতানীকোঽথ সঙ্ক্রুদ্ধশ্চিত্রসেনস্য মারিষ।
জঘান চতুরো বাহান্সারথিং চ নরোত্তমঃ॥ 7-169-9 (52690)
অবপ্লুত্য রথাত্তস্মাচ্চিত্রসেনো মহারথঃ।
নাকুলিং পঞ্চবিংশত্যা শরাণামার্দয়দ্বলী॥ 7-169-10 (52691)
তস্য তৎকুর্বতঃ কর্ম নকুলস্য সুতো রণে।
অর্ধচন্দ্রেণ চিচ্ছেদ চাপং রত্নবিভূষিতম্॥ 7-169-11 (52692)
স চ্ছিন্নধন্বা বিরথো হতাশ্বো হতসারথিঃ।
আরুরোহ রথং তূর্ণং হার্দিক্যস্য মহাত্মনঃ॥ 7-169-12 (52693)
দ্রুপদং তু সহানীকং দ্রোণপ্রেপ্সুং মহারথম্।
বৃষসেনোঽভ্যযাত্তূর্ণং কিরঞ্শরশতৈস্তদা॥ 7-169-13 (52694)
যজ্ঞসেনস্তু সমরে কর্ণপুত্রং মহারথম্।
ষষ্ট্যা শরাণাং বিব্যাধ বাহ্বোরুরসি চানঘ॥ 7-169-14 (52695)
বৃষসেনস্তু সঙ্ক্রুদ্ধো যজ্ঞসেনং রথে স্থিতম্।
বহুভিঃ সায়কৈস্তীক্ষ্ণৈরাজঘান স্তনান্তরে॥ 7-169-15 (52696)
তাবুভৌ শরনুন্নাঙ্গৌ শরকণ্টকিতৌ রণে।
ব্যভ্রাজেতাং মহারাজ শ্বাবিধৌ শললৈরিব॥ 7-169-16 (52697)
রুক্মপুঙ্খৈঃ প্রসন্নাগ্রৈঃ শরৈশ্ছিন্নতনুচ্ছদৌ।
রুধিরৌঘপরিক্লিন্নৌ ব্যভ্রাজেতাং মহামৃধে॥ 7-169-17 (52698)
তপনীয়নিভৌ চিত্রৌ কল্পবৃক্ষাবিবাদ্ভুতৌ।
কিংশুকাবিব চোৎফুল্লৌ ব্যকাশেতাং রণাজিরে॥ 7-169-18 (52699)
বৃষসেনস্ততো রাজন্দ্রুপদং নবভিঃ শরৈঃ।
বিদ্ধ্বা বিব্যাধ সপ্তত্যা পুনরন্যৈস্ত্রিভিস্ত্রিভিঃ॥ 7-169-19 (52700)
ততঃ শরসহস্রাণি বিমুঞ্চন্বিবভৌ তদা।
কর্ণপুত্রো মহারাজ বর্ষমাণ ইবাম্বুদঃ॥ 7-169-20 (52701)
[দ্রুপদস্তু ততঃ ক্রুদ্ধো বৃষসেনস্য কার্মুকম্।
দ্বিধা চিচ্ছেদ ভল্লেন পীতেন নিশিতেন চ॥ 7-169-21 (52702)
সোঽন্যৎকার্মুকমাদায় রুক্মবদ্ধং নবং দৃঢম্।
তূণাদাকৃষ্য বিমলং ভল্লং পীতং শিতং দৃঢম্॥ 7-169-22 (52703)
কার্মুকে যোজয়িৎবা তং দ্রুপদং সন্নিরীক্ষ্য চ।
আকর্ণপূর্ণং মুমুচে ত্রাসয়ন্সর্বসোমকান্॥ 7-169-23 (52704)
হৃদয়ং তস্য ভিত্ৎবা চ জগাম বসুধাতলম্।
কশ্মলং প্রাবিশদ্রাজা বৃষসেনশরাহতঃ॥ 7-169-24 (52705)
সারথিস্তমপোবাহ স্মরন্সারথিচেষ্টিতম্।
তস্মিন্প্রভগ্নে রাজেন্দ্র পাঞ্চালানাং মহারথে॥] 7-169-25 (52706)
ততস্তু দ্রুপদানীকং শরৈশ্ছিন্নতনুচ্ছদম্।
সম্প্রাদ্রবদ্রণাদ্রাজন্নিশীথে ভৈরবে সতি॥ 7-169-26 (52707)
প্রদীপৈরপরিত্যক্তৈর্জ্বলদ্ভিস্তৈঃ সমন্ততঃ।
ব্যরাজদ্বসুধা তত্র বীতাভ্রা দ্যৌরিব গ্রহৈঃ॥ 7-169-27 (52708)
তথাঙ্গদৈর্নিপতিতৈর্ব্যরাজত বসুন্ধরা।
প্রাবৃট্কালে মহারাজ বিদ্যুদ্ভিরিব তোয়দঃ॥ 7-169-28 (52709)
ততঃ কর্ণসুতাত্ত্রস্তাঃ সোমকা বিপ্রদুদ্রুবুঃ।
যথেন্দ্রভয়বিত্রস্তা দানবাস্তারকাময়ে॥ 7-169-29 (52710)
তেনার্দ্যমানাঃ সমরে দ্রবমাণাশ্চ সোমকাঃ।
ব্যরাজন্ত মহারাজ প্রদীপৈরবভাসিতাঃ॥ 7-169-30 (52711)
তাংস্তু নির্জিত্য সমরে কর্ণপুত্রো ব্যরোচত।
মধ্যন্দিনমনুপ্রাপ্তো ঘর্মাংশুরিব ভারত॥ 7-169-31 (52712)
তেষু রাজসহস্রেষু তাবকেষু পরেষু চ।
এক এব জ্বলংস্তস্থৌ বৃষসেনঃ প্রতাপবান্॥। 7-169-32 (52713)
স বিজিত্য রণে শূরান্সোমকানাং মহারথান্।
জগাম ৎবরিতস্তত্র যত্র রাজা যুধিষ্ঠিরঃ॥ 7-169-33 (52714)
প্রতিবিন্ধ্যমথ ক্রুদ্ধং প্রদহন্তং রণে রিপূন্।
দুঃশাসনস্তব সুতঃ প্রত্যগচ্ছন্মহারথঃ॥ 7-169-34 (52715)
তয়োঃ সমাগমো রাজংশ্চিত্ররূপো বভূব হ।
ব্যপেতজলদে ব্যোম্নি বুধভাস্করয়োরিব॥ 7-169-35 (52716)
প্রতিবিন্ধ্যং তু সমরে কুর্বাণাং কর্ম দুষ্করম্।
`অপূজয়ন্মহারাজ তব সৈন্যে মহারথাঃ'।
দুঃশাসনস্ত্রিভির্বাণৈর্ললাটে সমবিধ্যত॥ 7-169-36 (52717)
সোঽতিবিদ্ধো বলবতা তব পুত্রেণ ধন্বিনা।
বিররাজ মহাবাহুঃ সশৃঙ্গ ইব পর্বতঃ॥ 7-169-37 (52718)
দুঃশাসনং তু সমরে প্রতিবিন্ধ্যো মহারথঃ।
নবভিঃ সায়কৈর্বিদ্ধা পুনর্বিব্যাধ সপ্তভিঃ॥ 7-169-38 (52719)
তত্র ভারত পুত্রস্তে কৃতবান্কর্ম দুষ্করম্।
প্রতিবিন্ধ্যহয়ানুগ্রৈঃ পাতয়ামাস সায়কৈঃ॥ 7-169-39 (52720)
সারথিং চাস্য ভল্লেন ধ্বজং চ সমপাতয়ৎ।
রথং চ তিলশো রাজন্ব্যধমত্তস্য ধন্বিনঃ॥ 7-169-40 (52721)
পতাকাশ্চ সতূণীরা রশ্মীন্যোক্রাণি চ প্রভো।
চিচ্ছেদ তিলশঃ ক্রুদ্ধঃশরৈঃ সন্নতপর্বভিঃ॥ 7-169-41 (52722)
বিরথঃ স তু ধর্মাত্মা ধনুষ্পাণিরবস্থিতঃ।
অয়োধয়ত্তব সুতং কিরঞ্শরশতান্বহূন্॥ 7-169-42 (52723)
ক্ষুরপ্রেণ ধনুস্তস্য চিচ্ছেদ তনয়স্তব।
অথৈনং দশভির্বাণেশ্ছিন্নধন্বানমার্দয়ৎ॥ 7-169-43 (52724)
তং দৃষ্ট্বা বিরথং তত্র ভ্রাতরোঽস্য মহারথাঃ।
অন্ববর্তন্ত সঙ্গ্রামে মহত্যা সেনয়া সহ॥ 7-169-44 (52725)
আপ্লুতঃ স ততো যানং সুতসোমস্য ভাস্বরম্।
ধনুর্গৃহ্য মহারাজ বিব্যাধ তনয়ং তব॥ 7-169-45 (52726)
ততস্তু তাবকাঃ সর্বে পরিবার্য সুতং তব।
অভ্যবর্তন্ত বেগেন মহত্যা সেনয়া বৃতাঃ॥ 7-169-46 (52727)
ততঃ প্রববৃতে যুদ্ধং তব তেষাং চ ভারত।
নিশীথে দারুণে কালে যমরাষ্ট্রবিবর্ধনম্॥ ॥ 7-169-47 (52728)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে একোনসপ্তত্যধিকশততমোঽধ্যায়ঃ॥ 169 ॥
Mahabharata - Drona Parva - Chapter Footnotes
5-169-1 কুণ্ডলিতাঃ পঞ্চ শ্লোকাঃ ঘ.ঙ.ঝ.পুস্তকেষ্বেব সন্তি॥দ্রোণপর্ব - অধ্যায় 170
॥ শ্রীঃ ॥
7.170. অধ্যায়ঃ 170
Mahabharata - Drona Parva - Chapter Topics
নকুলকৃপাভ্যাং শকুনিশিখণ্ডিপরাজয়ঃ॥ 1 ॥Mahabharata - Drona Parva - Chapter Text
7-170-0 (52729)
সঞ্চয় উবাচ। 7-170-0x (4719)
নকুলং রভসং যুদ্ধে নিঘ্নন্তং বাহিনীং তব।
অভ্যযাৎসৌবলঃ ক্রুদ্ধস্তিষ্ঠতিষ্ঠেতি চাব্রবীৎ॥ 7-170-1 (52730)
কৃতবৈরৌ তু তৌ বীরাবন্যোন্যবধকাঙ্ক্ষিণৌ।
শরৈঃ পূর্ণায়তোৎসৃষ্টৈরন্যোন্যমভিজঘ্নতুঃ॥ 7-170-2 (52731)
যথৈব নকুলো রাজঞ্শরবর্ষাণ্যমুঞ্চত।
তথৈব সৌবলশ্চাপি শিক্ষাং সন্দর্শয়ন্যুধি॥ 7-170-3 (52732)
তাবুভৌ সমরে শূরৌ শরকণ্টকিনৌ তদা।
ব্যরাজেতাং মহারাজ শ্বাবিধৌ শললৈরিব॥ 7-170-4 (52733)
রুক্মপুঙ্খৈরজিহ্মাগ্রৈঃ শরৈশ্ছিন্নতনুচ্ছদৌ।
রুধিরৌঘপরিক্লিন্নৌ ব্যভ্রাজেতাং মহামৃধে॥ 7-170-5 (52734)
তপনীয়নিভৌ চিত্রো কল্পবৃক্ষাবিব দ্রুমৌ।
কিংশুকাবিব চোৎফুল্লৌ প্রকাশেতে রণাজিরে॥ 7-170-6 (52735)
তাবুভৌ সমরে শূরৌ শরকণ্টকিনৌ তদা।
ব্যরাজেতাং মহারান্কণ্টকৈরিব শাল্মলী॥ 7-170-7 (52736)
সুজিহ্মং প্রেক্ষমাণৌ চ রাজন্বিবৃতলোচনৌ।
ক্রোধসংরক্তনয়নৌ নির্দহন্তৌ পরস্পরম্॥ 7-170-8 (52737)
শ্যালস্তু তব সঙ্ক্রুদ্ধো মাদ্রীপুত্রং হসন্নিব।
কর্ণিনৈকেন বিব্যাধ হৃদয়ে নিশিতেন হ॥ 7-170-9 (52738)
নকুলস্তু ভৃশং বিদ্বঃ শ্যালেন তব ধন্বিনা।
নিষসাদ রথোপস্থে কশ্মলং চাবিশন্মহৎ॥ 7-170-10 (52739)
অত্যন্তবৈরিণাং দৃপ্তং দৃষ্ট্বা শত্রুং তথাঽঽগতম্।
ননাদ শকুনী রাজংস্তপান্তে জলদো যথা॥ 7-170-11 (52740)
প্রতিলভ্য ততঃ সংজ্ঞাং নকুলঃ পাণ্ডুনন্দনঃ।
অভ্যযাৎসৌবলং ভূয়ো ব্যাত্তানন ইবান্তকঃ॥ 7-170-12 (52741)
সঙ্ক্রুদ্ধঃ শকুনিং ষষ্ট্যা বিব্যাধ ভরতর্ষভ।
পুনশ্চৈনং শতেনৈব নারাচানাং স্তনান্তরে॥ 7-170-13 (52742)
অথাস্য সশরং চাপং মৃষ্টিদেশেঽচ্ছিনত্তদা।
ধ্বজং চ ৎবরিতং ছিত্ৎবা রথাদ্ভূমাবপাতয়ৎ॥ 7-170-14 (52743)
বিশিখেন চ তীক্ষ্ণেন পীতেন নিশিতেন চ।
ঊরূ নির্ভিদ্য চৈকেন নকুলঃ পাণ্ডুনন্দনঃ।
শ্যেনং সপক্ষং ব্যাধেন পাতয়ামাস তং তদা॥ 7-170-15 (52744)
সোঽতিবিদ্ধো মহারাজ রথোপস্থ উপাবিশৎ।
ধ্বজয়ষ্টিং পরিক্লিশ্য কামুকঃ কামিনীং যথা॥ 7-170-16 (52745)
তং বিসংজ্ঞং নিপতিতং দৃষ্ট্বা শ্যালং তবানঘ।
অপোবাহ রথেনাশু সারথির্ধ্বজিনীমুখাৎ॥ 7-170-17 (52746)
ততঃ সঞ্চুক্রুশুঃ পার্থা যে চ তেষাং পদানুগাঃ॥ 7-170-18 (52747)
নির্জিত্য চ রণে শত্রুং নকুলঃ শত্রুতাপনঃ।
অব্রবীৎসারথিং ক্রুদ্ধো দ্রোণানীকায়ং মাং বহ॥ 7-170-19 (52748)
তস্য তদ্বচনং শ্রুৎবা মাদ্রীপুত্রস্য সারথিঃ।
প্রায়াত্তেন তদা রাজন্যত্র দ্রোণো ব্যবস্থিতঃ॥ 7-170-20 (52749)
শিখণ্ডিনং তু সমরে দ্রোণপ্রেপ্সুং বিশাম্পতে।
কৃপঃ শারদ্বতো যত্তঃ প্রত্যগচ্ছৎস বেগিতঃ॥ 7-170-21 (52750)
গৌতমং দ্রুতমায়ান্তং দ্রোণানীকমরিন্দমম্।
বিব্যাধ নবভির্ভল্লৈঃ শিখণ্ডী প্রহসন্নিব॥ 7-170-22 (52751)
তমাচার্যো মহারাজ বিদ্ধা পঞ্চভিরাশুগৈঃ॥
পুনর্বিব্যাধ বিংশত্যা পুত্রাণাং প্রিয়কৃত্তব॥ 7-170-23 (52752)
মহদ্যুদ্ধং তয়োরাসীদ্ধোররূপং ভয়ানকম্॥
যথা দেবাসুরে যুদ্ধে শম্বরামররাজয়োঃ॥ 7-170-24 (52753)
শরজালাবৃতং ব্যোম চক্রতুস্তৌ মহারথৌ।
মেঘাবিব তপাপায়ে বীরৌ সমরদুর্মদৌ।
প্রকৃত্যা ঘোররূপং তদাসীদ্ধোরতরং পুনঃ॥ 7-170-25 (52754)
রাত্রিশ্চ ভরতশ্রেষ্ঠ যোধানাং যুদ্ধশালিনাম্।
কালরাত্রিনিভা হ্যাসীদ্ধোররূপা ভয়ানকা॥ 7-170-26 (52755)
শিখণ্ডী তু মহারাজ গৌতমস্য মহদ্ধনুঃ।
অর্ধচন্দ্রেণ চিচ্ছেদ সজ্যং সবিশিখং তদা॥ 7-170-27 (52756)
তস্য ক্রুদ্ধঃ কৃপো রাজঞ্শক্তিং চিক্ষেপ দারুণাম্।
স্বর্ণদণ্ডামকুণ্ঠাগ্রাং কর্মারপরিমার্জিতাম্॥ 7-170-28 (52757)
তামাপতন্তীং চিচ্ছেদ শিখণ্ডী বহুভিঃ শরৈঃ।
সাপতন্মেদিনীং কৃত্তা ভাসয়ন্তী মহাপ্রভা॥ 7-170-29 (52758)
অথান্যদ্ধনুরাদায় গৌতমো রথিনাং বারঃ।
প্রাচ্ছাদয়চ্ছিতৈর্বাণৈর্মহারাজ শিখণ্ডিনম্॥ 7-170-30 (52759)
স চ্ছাদ্যমানঃ সমরে গৌতমেন যশস্বিনা।
ন্যষীদত রথোপস্থে শিখণ্ডী রথিনাং বরঃ॥ 7-170-31 (52760)
সীদন্তং চৈনমালোক্য কৃপঃ শারদ্বতো যুধি।
আজঘ্নে বহুভির্বাণৈর্জিঘাংসন্নিব ভারত॥ 7-170-32 (52761)
বিমুখং তু রণে দৃষ্ট্বা যাজ্ঞসেনিং মহারথম্।
পাঞ্চালাঃ সোমকাশ্চৈব পরিবব্রুঃ সমন্ততঃ॥ 7-170-33 (52762)
তথৈব তব পুত্রাশ্চ পরিবব্রুর্দ্বিজোত্তমম্।
মহত্যা সেনয়া সার্ধং ততো যুদ্ধমবর্তত॥ 7-170-34 (52763)
রথানাং চ রণে রাজন্নন্যোন্যমভিধাবতাম্।
বভূব তুমুলঃ শব্দো মেঘানাং গর্জতামিব॥ 7-170-35 (52764)
দ্রবতাং সাদিনাং চৈব গজানাং চ বিশাম্পতে।
অন্যোন্যমভিতো রাজন্ক্রূরমায়োধনং বভৌ॥ 7-170-36 (52765)
পত্তীনাং দ্রবতাং চৈব পাদশব্দেন মেদিনী।
অকম্পত মহারাজ ভয়ত্রস্তেব চাঙ্গনা॥ 7-170-37 (52766)
রথিনো রথমারুহ্য প্রদ্রুতা বেগবত্তরম্।
অগৃহ্ণন্বহবো রাজঞ্শলভান্বায়সা ইব॥ 7-170-38 (52767)
তথা গজান্প্রভিন্নাংশ্চ সম্প্রভিন্না মহাগজাঃ।
তস্মিন্নেব পদে যত্তা নিগৃহ্ণন্তি স্ম ভারত॥ 7-170-39 (52768)
সাদী সাদিনমাসাদ্য পত্তয়শ্চ পদাতিনম্।
সমাসাদ্য রণেঽন্যোন্যং সংরব্ধা নাতিচক্রমুঃ॥ 7-170-40 (52769)
ধাবতাং দ্রবতাং চৈব পুনরাবর্ততামপি।
বভূব তত্র সৈন্যানাং শব্দঃ সুবিপুলো নিশি॥ 7-170-41 (52770)
দীপ্যমানাঃ প্রদীপাশ্চ রথবারণবাজিষু।
অদৃশ্যন্ত মহারাজ মহোল্কা ইব খাচ্চ্যুতাঃ॥ 7-170-42 (52771)
সা নিশা ভরতশ্রেষ্ঠ প্রদীপৈরবভাসিতা।
দিবসপ্রতিমা রাজন্বভূব রণমূর্ধনি॥ 7-170-43 (52772)
আদিত্যেন যথা ব্যাপ্তং তমো লোকে প্রণশ্যতি।
তথা নষ্টং তমো ঘোরং দীপৈর্দীপ্তৈরিতস্ততঃ॥ 7-170-44 (52773)
দিবং চ পৃথিবীং চৈব দিশশ্চ প্রদিশস্তথা।
রজসা তমসা ব্যাপ্তা দ্যোতিতাঃ প্রভয়া পুনঃ॥ 7-170-45 (52774)
অস্ত্রাণাং কবচনানাং চ মণীনাং চ মহাত্মনাম্।
অন্তর্দধুঃ প্রভাঃ সর্বা দীপৈস্তৈরবভাসিতাঃ॥ 7-170-46 (52775)
তস্মিন্কোলাহলে যুদ্ধে বর্তমানে নিশামুখে।
ন কিঞ্চিদ্বিদুরাত্মানময়মস্মীতি ভারত॥ 7-170-47 (52776)
অবধীৎসমরে পুত্রং পিতা ভরতসত্তম।
পুত্রশ্চ পিতরং মোহাৎসখায়ং চ সখা তথা।
স্বস্রীয়ং মাতুলশ্চাপি স্বস্রীয়শ্চাপি মাতুলম্॥ 7-170-48 (52777)
স্বে স্বান্পরে পরাংশ্চাপি নিজঘ্নুরিতরেতরম্।
নির্মর্যাদমভূদ্যুদ্ধং রাত্রৌ ভীরুভয়ানকম্॥ ॥ 7-170-49 (52778)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে সপ্তত্যধিকশততমোঽধ্যায়ঃ॥ 170 ॥
Mahabharata - Drona Parva - Chapter Footnotes
5-169-15 ঊরূ ইতি। মণ্ডলং চরতঃ শকুনের্দ্বাবূরূ একেনৈব বাণেন বিভেদ যথা খে শ্যেনাং পক্ষাভ্যাং সহিতং বামদক্ষিণগামিনং পাতয়েদেবমিতি লুপ্তোপমা। ব্যাধেন বাণেন। বিধ্যত্যনেনেতি ব্যাধো বাণঃ॥ 5-170-16 পরিক্লিশ্য ক্লেশেন ধ্বজয়ষ্টিং শ্রিত ইতি শেষঃ॥ 5-170-38 প্রদুতা রথিনো বেগবত্তরং রথমারুহ্য তৎপতিমগৃহ্ণন্॥ 5-170-170 সপ্তত্যধিকশততমোঽধ্যায়ঃ॥দ্রোণপর্ব - অধ্যায় 171
॥ শ্রীঃ ॥
7.171. অধ্যায়ঃ 171
Mahabharata - Drona Parva - Chapter Topics
দ্রোণধৃষ্টদ্যুম্নাদীনাং সঙ্কুলয়ুদ্ধম্॥ 1 ॥Mahabharata - Drona Parva - Chapter Text
7-171-0 (52779)
সঞ্জয় উবাচ। 7-171-0x (4720)
তস্মিন্সুতুমুলে যুদ্ধে বর্তমানে ভয়াবহে।
ধৃষ্টদ্যুম্নো মহারাজ দ্রোণমেবাভ্যবর্তত॥ 7-171-1 (52780)
সন্দধানো ধনুঃশ্রেষ্ঠং জ্যাং বিকুর্ষন্পুনঃ পুনঃ।
অভ্যদ্রবত দ্রোণস্য রথং রুক্মবিভূষিতম্॥ 7-171-2 (52781)
ধৃষ্টদ্যুম্নমথায়ান্তং দ্রোণস্যান্তচিকীর্ষয়া।
পরিবব্রুর্মহারাজ পাঞ্চালাঃ পাণ্ডবৈঃ সহ॥ 7-171-3 (52782)
তথা পরিবৃতং দৃষ্ট্বা দ্রোণমাচার্যসত্তমম্।
পুত্রাস্তে সর্বতো যত্তা ররক্ষুর্দ্রোণমাহবে॥ 7-171-4 (52783)
বলার্ণবৌ ততস্তৌ তু সমেয়াতাং নিশামুখে।
গাতোদ্ধূতৌ ক্ষুব্ধসৎবৌ ভৈরবৌ সাগরাবিব॥ 7-171-5 (52784)
ততো দ্রোণং মহারাজ পাঞ্চাল্যঃ পঞ্চভিঃ শরৈঃ।
বিব্যাধ হৃদয়ে তূর্ণং সিংহনাদং ননাদ চ॥ 7-171-6 (52785)
তং দ্রোণঃ পঞ্চবিংশত্যা বিদ্ধা ভারত সংয়ুগে।
চিচ্ছেদান্যেন ভল্লেন ধনুরস্য মহাস্বনম্॥ 7-171-7 (52786)
ধৃষ্টদ্যুম্নস্তু নির্বিদ্ধো দ্রোণেন ভরতর্ষভ।
উৎসসর্জ ধনুস্তূর্ণং সন্দশ্য দশনচ্ছদম্॥ 7-171-8 (52787)
ততঃ ক্রুদ্ধো মহারাজ ধৃষ্টদ্যুম্নঃ প্রতাপবান্।
আদদেঽন্যদ্ধনুঃশ্রেষ্ঠং দ্রোণস্যান্তচিকীর্ষয়া॥ 7-171-9 (52788)
বিকৃষ্য চ ধনুশ্চিত্রমাকর্ণাৎপরবীরহা।
দ্রোণস্যানৎকরং ঘোরং ব্যসৃজৎসায়কং ততঃ॥ 7-171-10 (52789)
স বিসৃষ্টো বলবতা শরো ঘোরো মহামৃধে।
ভাসয়ামাস তৎসৈন্যং দিবাকর ইবোদিতঃ॥ 7-171-11 (52790)
তং তু দৃষ্ট্বা শরং ঘোরং দেবগন্ধর্বমানবাঃ।
স্বস্ত্যস্তু সমরে রাজন্দ্রোণায়েত্যব্রুবন্বচঃ॥ 7-171-12 (52791)
তং তু সায়কমায়ান্তমাচার্যস্য রথং প্রতি।
কর্ণো দ্বাদশধআ রাজংশ্চিচ্ছেদ কৃতহস্তবৎ॥ 7-171-13 (52792)
স চ্ছিন্নো বহুধা রাজন্সূতপুত্রেণ ধন্বিনা।
নিপপাত শরস্তূর্ণং নির্বিষো ভুজগো যথা॥ 7-171-14 (52793)
`ছিত্ৎবা তু সমরে বাণং শরৈঃ সন্নতপর্বভিঃ'।
ধৃষ্টদ্যুম্নং ততঃ কর্ণো বিব্যাধ দশভিঃ শরৈঃ॥ 7-171-15 (52794)
পঞ্চভির্দ্রোণপুত্রস্তু স্বয়ং দ্রোণস্তু সপ্তভিঃ।
শল্যশ্চ দশভির্বাণৈস্ত্রিভির্দুঃশাসনস্তথা॥ 7-171-16 (52795)
দুর্যোধনস্তু বিংশত্যা শকুনিশ্চাপি পঞ্চভিঃ।
পাঞ্চাল্যং ৎবরয়াঽবিধ্যন্সর্ব এব মহারথাঃ॥ 7-171-17 (52796)
স বিদ্ধঃ সপ্তভির্ঘোরৈর্দ্রোণস্যার্থে মহাহবে।
সর্বানসম্ভ্রমাদ্রাজ প্রত্যবিদ্ধ্যত্ত্রিভিস্ত্রিভিঃ।
দ্রোণং দ্রৌণিং চ কর্ণং চ বিব্যাধ চ তবাত্মজম্॥ 7-171-18 (52797)
তে ভিন্না ধন্বিনা তেন ধৃষ্টদ্যুম্নং পুনর্মৃধে।
বিব্যধুঃ পঞ্চভিস্তূর্ণমেকৈকো রথিনাং বরঃ॥ 7-171-19 (52798)
দ্রুমসেনস্তু সঙ্ক্রুদ্ধো রাজন্বিব্যাধ পত্রিণা।
ত্রিভিশ্চান্যৈঃ শরৈস্তূর্ণং তিষ্ঠ তিষ্ঠেতি চাব্রবীৎ॥ 7-171-20 (52799)
স তু তং প্রতিবিব্যাধ ত্রিভিস্তীক্ষ্ণৈরজিহ্মগৈঃ।
স্বর্ণপুঙ্খৈঃ শিলাধৌতৈঃ প্রাণান্তকরমৈর্যুধি॥ 7-171-21 (52800)
ভল্লেনান্যেন তু পুনঃ সুবর্ণোজ্জ্বলকুণ্ডলম্।
নিচকর্ত শিরঃ কায়াদ্দ্রুমসেনস্য বীর্যবান্॥ 7-171-22 (52801)
তচ্ছিরো ন্যপতদ্ভূমৌ সন্দষ্টৌষ্ঠপুটং রণে।
মহাবাতসমুদ্ধূতং পক্বং তালফলং যথা॥ 7-171-23 (52802)
তান্স বিদ্ধা পুনর্যোধান্বীরঃ সুনিশিতৈঃ শরৈঃ।
রাধেয়স্যাচ্ছিনদ্ভল্লৈঃ কার্মুকং চিত্রয়োধিনঃ॥ 7-171-24 (52803)
ন তু তন্মমৃষে কর্ণো ধনুষশ্ছেদনং তথা।
নিকর্তনমিবাত্যুগ্রং লাঙ্গূলস্য মহাহরিঃ॥ 7-171-25 (52804)
সোঽন্যদ্ধনুঃ সমাদায় ক্রোধরক্তেক্ষণঃ শ্বসন্।
অভ্যদ্রবচ্ছরৌঘৈস্তং ধৃষ্টদ্যুম্নং মহাবলম্॥ 7-171-26 (52805)
দৃষ্ট্বা কর্ণং তু সংরব্ধং তে বীরাঃ ষড্রথর্ষভাঃ।
পাঞ্চাল্যপুত্রং ৎবরিতাঃ পরিবব্রুর্জিঘাংসয়া॥ 7-171-27 (52806)
ষণ্ণাং যোধপ্রবীরাণাং তাবকানাং পুরস্কৃতম্।
মৃত্যোরাস্যমনুপ্রাপ্তং ধৃষ্টদ্যুম্নমমমংস্মহি॥ 7-171-28 (52807)
পতস্মিন্নেব কালে তু দাশার্হো বিকিরঞ্ছরান্।
ধৃষ্টদ্যুম্নং পরাক্রান্তং সাত্যকিঃ প্রত্যপদ্যত॥ 7-171-29 (52808)
তমায়ান্তং মহেষ্বাসং সাত্যকিং যুদ্ধদুর্মদম্।
রাধেয়ো দশভির্বাণৈঃ প্রত্যবিধ্যদজিহ্মগৈঃ॥ 7-171-30 (52809)
তং সাত্যকির্মহারাজ বিব্যাধ দশভিঃ শরৈঃ।
পশ্যতাং সর্ববীরাণাং মা গাস্তিষ্ঠেতি চাব্রবীৎ॥ 7-171-31 (52810)
স সাত্যকেস্তু বলিনঃ কর্ণস্য চ মহাত্মনঃ।
আসীৎসমাগমো রাজন্বলিবাসবয়োরিব॥ 7-171-32 (52811)
ত্রাসয়ন্রথঘোষেণ ক্ষত্রিয়ান্ক্ষত্রিয়র্ষভঃ।
রাজীবলোচনং কর্ণং সাত্যকিঃ প্রত্যবিধ্যত॥ 7-171-33 (52812)
কম্পয়ন্নিব ঘোষেণ ধনুষো বসুধাং বলী।
সূতপুত্রো মহারাজ সাত্যকিং প্রত্যযোধয়ৎ॥ 7-171-34 (52813)
বিপাঠকর্ণিনারাচৈর্বৎসদন্তৈঃ ক্ষুরৈরপি।
কর্ণঃ শরশতৈশ্চাপি শৈনেয়ং প্রত্যনিদ্ব্যত॥ 7-171-35 (52814)
তথৈব যুধ্যমানোঽপি বৃষ্ণীনাং প্রবরো যুধি।
অভ্যবর্ষচ্ছরৈঃ কর্ণং তদ্যুদ্ধমভবৎসমম্॥ 7-171-36 (52815)
তাবকাশ্চ মহারাজ কর্ণপুত্রশ্চ দংশিতঃ।
সাত্যকিং বিব্যধুস্তূর্ণ সমন্তান্নিশিতৈঃ শরৈঃ॥ 7-171-37 (52816)
অস্ত্রৈরস্ত্রাণি সংবার্য তেষাং কর্ণস্য বা বিভো।
অবিদ্ব্যৎসাত্যকিঃ ক্রুদ্ধো বৃষসেনং স্তনান্তরে॥ 7-171-38 (52817)
তেন বাণেন নির্বিদ্ধো বৃষসেনো বিশাম্পতে।
ন্যপতৎস রথে মূঢো ধনুরুৎসৃজ্য বীর্যবান্॥ 7-171-39 (52818)
ততঃ কর্ণো হতং মৎবা বৃষসেনং মহারথম্।
পুত্রশোকাভিসন্তপ্তঃ সাত্যকিং প্রত্যপীডয়ৎ॥ 7-171-40 (52819)
পীড্যমানস্তু কর্ণেন যুয়ুধানো মহারথঃ।
বিব্যাধ বহুভিঃ কর্ণং ৎবরমাণঃ পুনঃপুনঃ॥ 7-171-41 (52820)
স কর্ণং দশভির্বিদ্ধ্বা বৃষসেনং চ সপ্তভিঃ।
স হস্তাবাপধনুষী তয়োশ্চিচ্ছেদ সাৎবতঃ॥ 7-171-42 (52821)
তাবন্যে ধনুষী সজ্জে কৃৎবা শত্রুভয়ঙ্করে॥
যুয়ুধানমাবিধ্যেতাং সমন্তান্নিশিতৈঃ শরৈঃ॥ 7-171-43 (52822)
বর্তমানে তু সঙ্গ্রমে তস্মিন্বীরবরক্ষয়ে।
অতীব শুশ্রুবে রাজন্গাণ্ডীবস্য মহাস্বনঃ॥ 7-171-44 (52823)
শ্রুৎবা তু রথনির্ঘোষং গাণ্ডীবস্য চ নিঃস্বনম্।
সূতপুত্রোঽব্রবীদ্রাজন্দুর্যোধনমিদং বচঃ॥ 7-171-45 (52824)
এষ সর্বাং চমূং হৎবা মুখ্যাংশ্চৈব নরর্ষভান্।
পৌরবাংশ্চ মহেষ্বাসো বিক্ষিপন্নুত্তমং ধনুঃ॥ 7-171-46 (52825)
পার্থো বিজয়তে তত্র গাণ্ডীবনিনদো মহান্।
শ্রূয়তে রথঘোষশ্চ বাসবস্যেব নর্দতঃ॥ 7-171-47 (52826)
করোতি পাণ্ডবো ব্যক্তং কর্মৌপয়িকমাত্মনঃ।
এষা বিদার্যতে রাজন্বহুধা ভারতী চমূঃ॥ 7-171-48 (52827)
বিপ্রকীর্ণান্যনীকানি ন হি তিষ্ঠন্তি কর্হিচিৎ।
বাতেনেব সমুদ্ধূতমভ্রজালং বিদীর্যতে॥ 7-171-49 (52828)
সব্যসাচিনমাসাদ্য ভিন্না নৌরিব সাগরে॥ 7-171-50 (52829)
দ্রবতাং যোধমুখ্যানাং গাণ্ডীবপ্রেষিতৈঃ শরৈঃ।
বিদ্ধানাং শতশো রাজঞ্শ্রূয়তে নিঃস্বনো মহান্॥ 7-171-51 (52830)
শৃণু দুন্দুভিনির্ঘোষমর্জুনস্য রথং প্রতি।
নিশীথে রাজশার্দূল স্তনয়িত্নোরিবাম্বরে॥ 7-171-52 (52831)
হাহাকাররবাংশ্চৈব সিংহনাদাংশ্চ পুষ্কলান্।
শৃণু শব্দান্বহুবিধানর্জুনস্য রথং প্রতি॥ 7-171-53 (52832)
অয়ং মধ্যে স্থিতোঽস্মাকং সাত্যকিঃ সাৎবতাং বরঃ।
ইহ চেল্লভ্যতে লক্ষ্যং কৃৎস্নাঞ্জেষ্যামহে পরান্॥ 7-171-54 (52833)
এষ পাঞ্চালরাজস্য পুত্রো দ্রোণেন সঙ্গতঃ।
সর্বতঃ সংবৃতো যোধৈঃ শূরৈশ্চ রথসত্তমৈঃ॥ 7-171-55 (52834)
সাত্যকিং যদি হন্যাম ধৃষ্টদ্যুম্নং চ পার্ষতম্।
অসংশয়ং মহারাজ ধ্রুবো নো বিজয়ো ভবেৎ॥ 7-171-56 (52835)
সৌভদ্রবদিমৌ বীরৌ পরিবার্য মহারথৌ।
প্রয়তায়ো মহারাজ নিহন্তুং বৃষ্ণিপার্ষতৌ॥ 7-171-57 (52836)
সব্যসাচী পুরোঽভ্যেতি দ্রোণানীকায় ভারত।
সংসক্তং সাত্যকিং জ্ঞাৎবা বহুভিঃ কুরুপুঙ্গবৈঃ॥ 7-171-58 (52837)
তত্র গচ্ছন্তু বহবঃ প্রবরা রথসত্তমাঃ।
যাবৎপার্থো ন জানাতি সাত্যকিং বহুভির্বৃতম্॥ 7-171-59 (52838)
তে ৎবরধ্বং তথা শূরাঃ শরাণাং মোক্ষণে ভৃশম্।
যথা ৎবিহ ব্রজত্যেষ পরলোকায় মাধবঃ।
তথা কুরু মহারাজ সুনীত্যা সুপ্রয়ুক্তয়া॥ 7-171-60 (52839)
কর্ণস্য মতমাস্থায় পুত্রস্তে প্রাহ সৌবলম্।
যথেন্দ্রঃ সমরে রাজন্প্রাহ বিষ্ণুং যশস্বিনম্॥ 7-171-61 (52840)
বৃতঃ সহস্রৈর্দশভির্গজানামনিবর্তিনাম্।
রথৈশ্চ দশসাহস্রৈস্তূর্ণং যাহি ধনঞ্জয়ম্। 7-171-62 (52841)
দুঃশাসনো দুর্বিষহঃ সুবাহুর্দুঃ প্রধর্ষণঃ।
এতে ৎবামনুয়াস্যন্তি পত্তিভির্বহুভির্বৃতাঃ॥ 7-171-63 (52842)
জহি কৃষ্ণৌ মহাবাহো ধর্মরাজং চ মাতুল।
নকুলং সহদেবং চ ভীমসেনং তথৈব চ॥ 7-171-64 (52843)
দেবানামিব দেবেন্দ্রে জয়াশা ৎবয়ি মে স্থিতা।
জহি মাতুল কৌন্তেয়ানসুরানিব পাবকিঃ॥ 7-171-65 (52844)
এবমুক্তো যয়ৌ পার্থান্পুত্রেণ তব সৌবলঃ।
মহত্যা সেনয়া সার্ধং সহ পুত্রৈশ্চ তে বিভো॥ 7-171-66 (52845)
প্রিয়ার্থং তব পুত্রাণাং দিধক্ষুঃ পাণ্ডুনন্দনান্।
ততঃ প্রববৃতে যুদ্ধং তাবকানাং পরৈঃ সহ॥ 7-171-67 (52846)
প্রয়াতে সৌবলে রাজন্পাণ্ডবানামনীকিনীম্।
বলেন মহতা যুক্তাঃ সূতপুত্রস্তু সাৎবতম্॥ 7-171-68 (52847)
অভ্যযাত্ৎবরিতো যুদ্ধে কিরঞ্শরশতান্বহূন্।
তথৈব পার্থিবাঃ সর্বে সাত্যকিং পর্যবারয়ন্॥ 7-171-69 (52848)
ভারদ্বাজস্ততো গৎবা ধৃষ্টদ্যুম্নরথং প্রতি।
মহদ্যুদ্ধং তদাসীত্তুং দ্রোণস্য নিশি ভারত।
ধৃষ্টদ্যুম্নেন বীরেণ পাঞ্চালৈশ্চ সহাদ্ভুতম্॥ ॥ 7-171-70 (52849)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে একসপ্তত্যধিকশততমোঽধ্যায়ঃ॥ 171 ॥
Mahabharata - Drona Parva - Chapter Footnotes
5-171-20 দ্যুমৎসেন ইতি পাঠান্তরম্॥ 5-171-25 হরিঃ সিংহঃ॥ 5-171-27 ষড্রথর্ষভাঃ দুর্যোধনদুঃশসাসনদ্রোণকর্ণশল্যশকুনয়ঃ॥ 5-171-48 ঔপয়িকং যুক্তম্॥ 5-171-54 ইহ সাত্যকিরূপং লক্ষ্যং লভ্যতেচেৎ। অয়ং বশীক্রিয়তেচেদিত্যর্থঃ॥ 5-171-60 মাধবো মধুবংশজঃ সাত্যকিঃ॥ 5-171-65 পাবিকঃ স্কন্দঃ॥ 5-171-171 একসপ্তত্যধিকশততমোঽধ্যায়ঃ॥দ্রোণপর্ব - অধ্যায় 172
॥ শ্রীঃ ॥
7.172. অধ্যায়ঃ 172
Mahabharata - Drona Parva - Chapter Topics
সঙ্কুলয়ুদ্ধম্॥ 1 ॥ ধৃষ্টদ্যুম্নাদীনাং হর্ষাৎসিংহনাদঃ॥ 2 ॥Mahabharata - Drona Parva - Chapter Text
7-172-0 (52850)
সঞ্জয় উবাচ। 7-172-0x (4721)
ততস্তে প্রাদ্রবন্সর্বে ৎবরিতা যুদ্ধদুর্মদাঃ।
অমৃষ্যমাণাঃ সংরব্ধা যুয়ুধানরথং প্রতি॥ 7-172-1 (52851)
তে রথৈঃ কল্পিতৈ রাজন্হেমরূপ্যবিভূষিতৈঃ।
সাদিভিশ্চ গজৈশ্চৈব পরিবব্রুঃ সমন্ততঃ॥ 7-172-2 (52852)
অথৈনং কোষ্ঠকীকৃত্য সর্বতস্তে মহারথাঃ।
সিংহনাদাংস্ততশ্চক্রুস্তর্জয়ন্তি স্ম সাত্যকিম্॥ 7-172-3 (52853)
তেঽভ্যবর্ষঞ্ছরৈস্তীক্ষ্ণৈঃ সাত্যকিং সত্যবিক্রমম্।
ৎবরমাণা মহাবীরা মাধবস্য বধৈষিণঃ॥ 7-172-4 (52854)
তান্দৃষ্ট্বা পততস্তূর্ণং শৈনেয়ঃ পরবীরহা।
প্রত্যগৃহ্ণান্মহাবাহুঃ প্রমুঞ্চন্বিশিখান্বহূন্॥ 7-172-5 (52855)
তত্র বীরো মহেষ্বাসঃ সাত্যকির্যুদ্ধদুর্মদঃ।
নিচকর্ত শিরাংস্যুগ্রৈঃ শরৈঃ সন্নতপর্বভিঃ॥ 7-172-6 (52856)
হস্তিহস্তান্হয়গ্রীবা বাহূনপি চ সায়ুধান্।
ক্ষুরপ্রৈঃ শাতয়ামাস তাবকানাং স মাধবঃ॥ 7-172-7 (52857)
পতিতৈশ্চামরৈশ্চৈব শ্বেতচ্ছত্রৈশ্চ ভারত।
বভূব ধরণী পূর্ণা নক্ষত্রৈর্দ্যৌরিব প্রভো॥ 7-172-8 (52858)
এতেষাং যুয়ুধানেন যুধ্যতাং যুধি ভারত।
বভূব তুমুলঃ শব্দঃ প্রেতানাং ক্রন্দতামিব॥ 7-172-9 (52859)
তেন শব্দেন মহতা পূরিতাঽভূদ্বসুন্ধরা।
রাত্রিঃ সমভবচ্চৈব তীব্ররূপা ভয়াবহা॥ 7-172-10 (52860)
দীর্যমাণং বলং দৃষ্ট্বা যুয়ুধানশরাহতম্।
শ্রুৎবা চ বিপুলং নাদং নিশীথে রোমহর্ষণে॥ 7-172-11 (52861)
সুতস্তবাব্রবীদ্রাজন্সারথিংরথিনাং বরঃ।
যত্রৈষ শব্দস্তত্রাশ্বাংশ্চোদয়েতি পুনঃপুনঃ॥ 7-172-12 (52862)
তেন সঞ্চোদ্যমানস্তু ততস্তাংস্তুরগোত্তমান্।
সূতঃ সঞ্চোদয়ামাস যুয়ুধানরথং প্রতি॥ 7-172-13 (52863)
ততো দুর্যোধনঃ ক্রুদ্ধো দৃঢধন্বা জিতক্লমঃ।
শীঘ্রহস্তশ্চিত্রয়োধী যুয়ুধানমুপাদ্রবৎ॥ 7-172-14 (52864)
ততঃ পূর্ণায়তোৎসৃষ্টৈঃ শরৈঃ শোণিতভোজনৈঃ।
দুর্যোধনং দ্বাদশভির্মাধবঃ প্রত্যবিধ্যত॥ 7-172-15 (52865)
দুর্যোধনস্তেন তথা পূর্বমেবার্দিতঃ শরৈঃ।
শৈনেয়ং দশভির্বাণৈঃ প্রত্যবিধ্যদমর্ষিতঃ॥ 7-172-16 (52866)
ততঃ সমভবদ্যুদ্ধং তুমুলং ভরতর্ষভ।
পাঞ্চালানাং চ সর্বেষাং ভরতানাং চ দারুণম্॥ 7-172-17 (52867)
শৈনেয়স্তু রণে ক্রুদ্ধস্তব পুত্রং মহারথম্।
সায়কানামশীত্যা তু বিব্যাধোরসি ভারত॥ 7-172-18 (52868)
ততোঽস্য বাহান্সমরে শরৈর্নিন্যে যমক্ষয়ম্।
সারথিং চ রথাত্তূর্ণং পাতয়ামাস পত্রিণা॥ 7-172-19 (52869)
হতাশ্বে তু রথেঽতিষ্ঠন্পুত্রস্তব বিশাম্পতে।
মুমোচ নিশিতান্বাণাঞ্শৈনেয়স্য রথং প্রতি॥ 7-172-20 (52870)
শরান্পঞ্ছসতাংস্তস্মৈ শৈনেয়ঃ কৃতহস্তবৎ।
চিচ্ছেদ সমরে রাজন্প্রেষিতাংস্তনয়েন তে॥ 7-172-21 (52871)
অথাপরেণ ভল্লেন মুষ্টিদেশে মহদ্ধনুঃ।
চিচ্ছেদ তরসা যুদ্ধে তব পুত্রস্য মাধব॥ 7-172-22 (52872)
বিরথো বিধনুষ্কশ্চ সর্বলোকেশ্বরঃ প্রভুঃ।
আরুরোহ রথং তূর্ণং ভাস্বরং কৃতবর্মণঃ॥ 7-172-23 (52873)
দুর্যোধনে পরাবৃত্তে শৈনেয়স্তব বাহিনীম্।
দ্রাবয়ামাস বিশিখৈর্নিশামধ্যে বিশাম্পতে॥ 7-172-24 (52874)
শকুনিশ্চার্জুনং রাজন্পরিবার্য সমন্ততঃ।
রথৈরনেকসাহস্রৈর্গজৈশ্চাপি সহস্রশঃ।
তথা হয়সহস্রৈশ্চ নানাশস্ত্রৈরবাকিরৎ॥ 7-172-25 (52875)
তে মহাস্ত্রাণি সর্বাণি বিকিরন্তোঽর্জুনং প্রতি।
অর্জুনং যোধয়ন্তি স্ম ক্ষত্রিয়াঃ কালচোদিতাঃ॥ 7-172-26 (52876)
তান্যর্জুনঃ সহস্রাণি রথবারণবাজিনাম্।
প্রত্যবারয়দায়স্তঃ প্রকুর্বন্বিপুলং ক্ষয়ম্॥ 7-172-27 (52877)
ততস্তু সমরে শূরঃ শকুনিঃ সৌবলস্তদা।
বিব্যাধ নিশিতৈর্বাণৈরর্জুনং প্রহসন্নিব॥ 7-172-28 (52878)
পুনশ্চৈব শতেনাস্য সংরুরোধ মহারথম্॥ 7-172-29 (52879)
তমর্জুনস্তু বিংশত্যা বিব্যাধ যুধি ভারত।
অথেতরান্মহেষ্বাসাংস্ত্রিভিস্ত্রিভিরবিধ্যত॥ 7-172-30 (52880)
নিবার্য তান্বাণগণৈর্যুধি রাজন্ধনঞ্জয়ঃ।
জঘান তাবকান্যোধান্বজ্রপাণিরিবাসুরান্॥ 7-172-31 (52881)
ভুজৈশ্ছিন্নৈর্মহীপাল হস্তিহস্তোপমৈর্মৃধে।
সমাকীর্ণা মহী ভাতি পঞ্চাস্যৈরিব পন্নগৈঃ॥ 7-172-32 (52882)
শিরোভিঃ সকিরীটৈশ্চ সুনসৈশ্চারুকুণ্ডলৈঃ।
সন্দষ্টৌষ্ঠপুটৈঃ ক্রুদ্ধৈস্তথৈবোদ্বৃত্তলোচনৈঃ॥ 7-172-33 (52883)
নিষ্কচূডামণিধরৈঃ ক্ষত্রিয়াণাং পিয়ংবদৈঃ।
পঙ্কজৈরিব বিন্যস্তৈঃ পর্বতৈর্বিবভৌ মহী॥ 7-172-34 (52884)
কৃৎবা তৎকর্ম বীভৎসুরুগ্রমুগ্রপরাক্রমঃ।
বিব্যাধ শকুনিং ভূয়ঃ পঞ্চভির্নতপর্বভিঃ॥ 7-172-35 (52885)
অতাডয়দুলূকং চ ত্রিভিরেব তথা শরৈঃ।
উলূকং পুনরাজঘ্নে ত্রিভিরেব মহায়শাঃ॥ 7-172-36 (52886)
স তু তেন সমাবিদ্ধ ক্রোধাদ্দ্বিগুণবিক্রমঃ।
শরৈরনেকসাহস্রৈঃ সোঽর্জুনং প্রত্যবিধ্যত॥ 7-172-37 (52887)
তমুলূকস্তথা বিদ্ধা বাসুদেবমতাডয়ৎ।
ননাদ চ মহানাদং পূরয়ন্নিব মেদিনীম্॥ 7-172-38 (52888)
অর্জুনঃ শকুনেশ্চাপং সায়কৈরচ্ছিনদ্রণে।
নিন্যে চ চতুরো বাহান্যমস্য সদনং প্রতি॥ 7-172-39 (52889)
ততো রথাদবপ্লুত্য সৌবলো ভরতর্ষভ।
উলূকস্য রথং তূর্ণমারুরোহ বিশাম্পতে॥ 7-172-40 (52890)
তাবেকরথমারূঢৌ পিতাপুত্রৌ মহারথৌ।
পার্থং সিষিচতুর্বাণৈর্গিরিং মেঘাবিবাম্বুভিঃ॥ 7-172-41 (52891)
তৌ তু বিদ্ধা মহারাজ পাণ্ডবো নিশিতৈঃ শরৈঃ।
বিদ্রাবয়ংস্তব চমূং শতশো ব্যধমচ্ছরৈঃ॥ 7-172-42 (52892)
অনিলেন যথাঽভ্রাণি বিচ্ছিন্নানি সমন্ততঃ।
বিচ্ছিন্নানি তথা রাজন্বলান্যাসন্বিশাম্পতে॥ 7-172-43 (52893)
তদ্বলং ভরতশ্চেষ্ঠ বধ্যমানং তদা নিশি।
প্রদুদ্রাব দিশঃ সর্বা বীক্ষমাণং ভয়ার্দিতম্॥ 7-172-44 (52894)
উৎসৃজ্য বাহান্সমরে চোদয়ন্তস্তথাঽপরে।
সম্ভ্রান্তাঃ পর্যধাবন্ত তস্মিংস্তমসি দারুণে॥ 7-172-45 (52895)
বিজিত্য সমরে যোধাংস্তাবকান্ভরতর্ষভ।
দধ্মতুর্মুদিতৌ শঙ্খৌ বাসুদেবধনঞ্জয়ৌ॥ 7-172-46 (52896)
ধৃষ্টদ্যুম্নো মহারাজ দ্রোণং বিদ্ধা ত্রিভিঃ শরৈঃ।
চিচ্ছেদ ধনুষস্তূর্ণং জ্যাং শরেণ শিতেন হ॥ 7-172-47 (52897)
তন্নিধায় ধনুর্ভূমৌ দ্রোণঃ ক্ষত্রিয়মর্দনঃ।
আদদেঽন্যদ্ধনুঃ শূরো বেগবৎসারবত্তরম্॥ 7-172-48 (52898)
ধৃষ্টদ্যুম্নং ততো দ্রোণো বিদ্ধা সপ্তভিরাশুগৈঃ।
সারথিং পঞ্চভির্বাণৈ রাজন্বিব্যাধ সংয়ুগে॥ 7-172-49 (52899)
তং নিবার্য শরৈস্তূর্ণং ধৃষ্টদ্যুম্নো মহারথঃ।
ব্যধমৎকৌরবীং সেনামাসুরীং মঘবানিব॥ 7-172-50 (52900)
বধ্যমানে বলে তস্মিংস্তব পুত্রস্য মারিষ।
প্রাবর্তত নদী ঘোরাং শোণিতৌঘতরঙ্গিণী॥ 7-172-51 (52901)
উভয়োঃ সেনয়োর্মধ্যে নরাধদ্বিপবাহিনী।
তথা বৈতরণী রাজন্যতরাজুপুরং প্রতি॥ 7-172-52 (52902)
দ্রাবয়িৎবা তু তৎসৈন্যং ধৃষ্টদ্যুম্নঃ প্রতাপবান্।
অভ্যরাজত তেজস্বী শক্রো দেবগণেষ্বিব॥ 7-172-53 (52903)
অথ দধ্মুর্মহাশঙ্খান্ধৃষ্টদ্যুম্নশিখণ্ডিনৌ।
যমৌ চ যুয়ুধানশ্চ পাণ্ডক্য বৃকোদরঃ॥ 7-172-54 (52904)
জিৎবা রথসহস্রাণি তাবকানাং মহারথাঃ।
সিংহনাদরবাংশ্চক্রুঃ পাণ়্ডবা জিতকাশিনঃ॥ 7-172-55 (52905)
পশ্যতস্তব পুত্রস্য কর্ণস্য চ রণোৎকটাঃ।
তথা দ্রোণস্য শূরস্য দ্রৌণেশ্চৈব বিশাম্পতে॥ ॥ 7-172-56 (52906)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে দ্বিসপ্তত্যধিকশততমোঽধ্যায়ঃ॥ 172 ॥
দ্রোণপর্ব - অধ্যায় 173
॥ শ্রীঃ ॥
7.173. অধ্যায়ঃ 173
Mahabharata - Drona Parva - Chapter Topics
দ্রোণকর্ণয়োঃ সাত্যকিধৃষ্টদ্যুম্নাক্ষ্যাং যুদ্ধম্॥ 1 ॥Mahabharata - Drona Parva - Chapter Text
7-173-0 (52907)
সঞ্জয় উবাচ। 7-173-0x (4722)
বিদ্রুতং স্ববলং দৃষ্ট্বা বধ্যমানং মহাত্মভিঃ।
ক্রোধেন মহতাঽবিষ্টঃ পুত্রস্তব বিশাম্পতে॥ 7-173-1 (52908)
অভ্যেত্য সহসা কর্ণং দ্রোণং চ জয়তাং বরম্।
অমর্ষবশমাপন্নো বাক্যজ্ঞো বাক্যমব্রবীৎ॥ 7-173-2 (52909)
ভবদ্ধ্ভামিহ সঙ্গ্রামঃ ক্রুদ্ধাভ্যাং সম্প্রবর্তিতঃ।
আহবে নিহতং দৃষ্ট্বা সৈন্ধবং সব্যসাচিনা॥ 7-173-3 (52910)
নিহন্যমানাং পাণ়্ডূনাং বলেন মম বাহিনীম্।
ভূৎবা তদ্বিজয়ে শক্তাবশক্তাবিব পশ্যতঃ॥ 7-173-4 (52911)
যদ্যহং ভবতোস্ত্যাজ্যো ন বাচ্যোঽস্মি তদৈব হি।
আবাং পাণ্ডুসুতান্সঙ্খ্যে জেষ্যাব ইতি মানদৌ॥ 7-173-5 (52912)
তদৈবাহং বচঃ শ্রুৎবা ভবদ্ধ্যামনুসম্পতম্।
নাকরিষ্যমিদং পার্থৈর্বৈরং যোধবিনাশনম্॥ 7-173-6 (52913)
যদি নাহং পরিত্যাজ্যো ভবদ্ভ্যাং পুরুষর্ষভৌ॥
যুধ্যতামনুরূপেণ বিক্রমেণ সুবিক্রমৌ॥ 7-173-7 (52914)
বাক্প্রতোদেন তৌ বীরৌ প্রণুন্নৌ তনয়েন তে।
প্রাবর্তয়েতাং সঙ্গ্রামং ঘট্টিতাবিব পন্নগৌ॥ 7-173-8 (52915)
ততস্তৌ রথিনাং শ্রেষ্ঠৌ সর্বলোকধনুর্ধরৌ।
শৈনেয়প্রমুখান্পার্থানভিদুদ্রুবৎ রণে॥ 7-173-9 (52916)
তথৈব সহিতাঃ পার্থাঃ সর্বসৈন্যেন সংবৃতাঃ।
অভ্যবর্তন্ত তৌ বীরৌ নর্দমানৌ মুহুর্মুহুঃ॥ 7-173-10 (52917)
অথ দ্রোণো মহেষ্বাসো দশভিঃ শিনিপুঙ্গবম্।
অবিধ্যত্ৎবরিতং ক্রুদ্ধঃ সর্বশস্ত্রভৃতাং বরঃ॥ 7-173-11 (52918)
কর্ণশ্চ দশভির্বাণৈঃ পুত্রশ্চ তব সপ্তভিঃ।
দশভির্বৃষসেনশ্চ সৌবলশ্চাপি সপ্তভিঃ।
এতে কৌরব সঙ্ক্রন্দে শৈনেয়ং পর্যবাকিরন্॥ 7-173-12 (52919)
দৃষ্ট্বা চ সমরে দ্রোণং নিঘ্নন্তং পাণ্ডবীং চমূম্।
বিব্যধুঃ সোমকাস্তূর্ণং সমন্তাচ্ছরবৃষ্টিভিঃ॥ 7-173-13 (52920)
তত্র দ্রোণোঽহরৎপ্রাণান্ক্ষত্রিয়াণাং বিশাম্পতে।
রশ্মিভির্ভাস্করো রাজংস্তমাংসীব সমন্ততঃ॥ 7-173-14 (52921)
দ্রোণেন বধ্যমানানাং পাঞ্চালানাং বিশাম্পতে।
শুশ্রুবে তুমুলঃ শব্দঃ ক্রোশতামিতরেতরম্॥ 7-173-15 (52922)
পুত্রানন্যে পিতৄনন্যে ভ্রাতৄনন্যে চ মাতুলান্।
ভাগিনেয়ান্বয়স্যাংশ্চ তথা সম্বন্ধিবান্ধবান্।
উৎসৃজ্যোৎসৃজ্য গচ্ছন্তি ৎবরিতা জীবিতেপ্সবঃ॥ 7-173-16 (52923)
অপরে মোহিতা মোহাত্তমেবাভিমুখা যয়ুঃ।
পাণ্ডবানাং রণে যোধাঃ পরলোকং গতাঃ পরে॥ 7-173-17 (52924)
সা তথা পাণ়্বী সেনা পীড্যমানা মহাত্মনা।
নিশি সম্প্রাদ্রবদ্রাজন্নুৎসৃজ্যোল্কাঃ সহস্রশঃ॥ 7-173-18 (52925)
পশ্যতো ভীমসেনস্য বিজয়স্যাচ্যুতস্য চ।
যয়মোর্ধর্মপুত্রস্য পার্ষতস্য চ পশ্যতঃ॥ 7-173-19 (52926)
তমসা সংবৃতে লোকে ন প্রাজ্ঞায়ত কিঞ্চন।
কৌরবাণাং প্রকাশেন দৃশ্যন্তে বিদ্রুতাঃ পরে॥ 7-173-20 (52927)
দ্রবমাণং তু তৎসৈন্যং দ্রোণকর্ণৌ মহারথৌ।
জঘ্নতুঃ পৃষ্ঠতো রাজন্কিরন্তৌ সায়কান্বহূন্॥ 7-173-21 (52928)
পাঞ্চালেষু প্রভগ্নেষু ক্ষীয়মাণেষু সর্বতঃ।
জনার্দনো দীনমানাঃ প্রত্যভাষত ফল্গুনম্॥ 7-173-22 (52929)
দ্রোণকর্ণৌ মহেষ্বাসাবেতৌ পার্ষতসাত্যকী।
পাঞ্চালাংশ্চৈব সহিতৌ জঘ্নতুঃ সায়কৈর্ভৃশম্॥ 7-173-23 (52930)
এতয়োঃ শরবর্ষেণ প্রভগ্না নো মহারথাঃ।
বার্যমাণাপি কৌন্তেয় পৃতনা নাবতিষ্ঠতে॥ 7-173-24 (52931)
তাং তু বিদ্রবতীং দৃষ্ট্বা ঊচতুঃ কেশবার্জুনৌ।
মা বিদ্রবত বিত্রস্তা ভয়ং ত্যজত পাণ্ডবাঃ॥ 7-173-25 (52932)
তাবাবাং সর্বসৈন্যৈশ্চ ব্যূহৈঃ সম্যগুদায়ুধৈঃ।
দ্রোণং চ সূতপুত্রং চ প্রয়তাবঃ প্রবাধিতুম্॥ 7-173-26 (52933)
এতৌ হি বলিনৌ শূরৌ কৃতাস্ত্রৌ জিতকাশিনৌ।
উপেক্ষিতৌ বলং তূর্ণং নাশয়েতাং নিশামিমাম্॥ 7-173-27 (52934)
সঞ্জয় উবাচ।
তয়োঃ সংবদতোরেবং ভীমকর্মা মহাবলঃ। 7-173-28 (52935)
আয়াদ্বৃকোদরঃ শীঘ্রং পুনরাবর্ত্য বাহিনীম্॥
বৃকোদরমথায়ান্তং দৃষ্ট্বা তত্র জনার্দনঃ। 7-173-29 (52936)
পুনরেবাব্রবীদ্রাজন্হর্ষয়ন্নিব পাণ্ডবম্॥
এষ ভীমো রণশ্লাঘী বৃতঃ সোমকপাণ্ডবৈঃ। 7-173-30 (52937)
অভ্যবর্তত বেগেন দ্রোণকর্ণৌ মহারথৌ॥
এতেন সহিতো যুদ্ধ্য পাঞ্চালৈশ্চ মহারথৈঃ। 7-173-31 (52938)
আশ্বাসনার্থং সৈন্যানাং সর্বেষাং পাণ়্ডুনন্দন॥
ততস্তৌ পুরুষব্যাঘ্রাবুভৌ মাধবপাণ্ডবৌ। 7-173-32 (52939)
দ্রোণকর্ণৌ সমাসাদ্য ধিষ্ঠিতৌ রণমূর্ধনি॥ 7-173-33 (52940)
সঞ্জয় উবাচ।
ততস্তৎপুনরাবৃত্তং যুধিষ্ঠিরবলং মহৎ।
ততো দ্রোণশ্চ কর্ণশ্চ পরান্মমৃদতুর্যুধি॥ 7-173-33x (4723)
স সম্প্রহারস্তুমুলো নিশি প্রত্যভবন্মহান্।
যথা সাগরয়ো রাজংশ্চন্দ্রোদয়বিরুদ্ধয়োঃ॥ 7-173-34 (52941)
তত উৎসৃজ্য পাণিভ্যাং প্রদীপাংস্তব বাহিনী।
যুয়ুধে পাণ্ডবৈঃ সার্ধমুন্মত্তবদসঙ্কুলা॥ 7-173-35 (52942)
রজসা তমসা চৈব সংবৃতে ভৃশদারুণে।
কেবলং নামগোত্রেণ প্রায়ুধ্যন্ত জয়ৈষিণঃ॥ 7-173-36 (52943)
অশ্রূয়ন্ত হি নামানি শ্রাব্যমাণানি পার্থিবৈঃ।
প্রহরদ্ভির্মহারাজ স্বয়ংবর ইবাহবে॥ 7-173-37 (52944)
নিঃশব্দমাসীৎসহসা পুনঃ শব্দো মহানভূৎ।
ক্রুদ্ধানাং যুধ্যমানানাং জীয়তাং জয়তামপি॥ 7-173-38 (52945)
যত্রয়ত্র স্ম দৃশ্যন্তে প্রদীপাঃ কুরুসত্তম।
তত্রতত্র স্ম শূরাস্তে নিপতন্তি পতঙ্গবৎ॥ 7-173-39 (52946)
তথা সংয়ুধ্যমানানাং বিগাঢাঽঽসীন্মহানিশা।
পাণ্ডবানাং চ রাজেন্দ্র কৌরবাণাং চ সর্বশঃ॥ ॥ 7-173-40 (52947)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে ত্রিসপ্তত্যধিকশততমোঽধ্যায়ঃ॥ 173 ॥
Mahabharata - Drona Parva - Chapter Footnotes
5-173-8 ঘট্টিতৌ মর্দিতৌ॥ 5-173-12 সঙ্ক্রন্দে যুদ্ধে॥ 5-173-23 সাত্যকী ইতি দ্বিতীয়ান্তম্॥ 5-173-173 ত্রিসপ্তত্যধিকশততমোঽধ্যায়ঃ॥দ্রোণপর্ব - অধ্যায় 174
॥ শ্রীঃ ॥
7.174. অধ্যায়ঃ 174
Mahabharata - Drona Parva - Chapter Topics
কর্ণং যুয়ুৎসোরর্জুনস্য কৃষ্ণেন সহেতুকথনং তেন যুদ্ধনিষেধঃ॥ 1 ॥ কৃষ্ণার্জুনচোদনয়া ঘটোৎকচস্য কর্ণেন সহ রণারম্ভঃ॥ 2 ॥Mahabharata - Drona Parva - Chapter Text
7-174-0 (52948)
সঞ্জয় উবাচ। 7-174-0x (4724)
ততঃ কর্ণো রণে দৃষ্ট্বা পার্ষতং পরবীরহা।
আজঘানরোসি শরৈর্দশভির্মর্মভেদিভিঃ॥ 7-174-1 (52949)
প্রতিবিব্যাধ তং তূর্ণং ধৃষ্টদ্যুম্নোপি মারিষ।
দশভিঃ সায়কৈর্হৃষ্টস্তিষ্ঠতিষ্ঠেতি চাব্রবীৎ॥ 7-174-2 (52950)
তাবন্যোন্যং শরৈঃ সঙ্খ্যে সঞ্ছাদ্য সুমহারথৈঃ।
পুনঃ পূর্ণায়তোৎসৃষ্টৈর্বিব্যধাতে পরস্পরম্॥ 7-174-3 (52951)
ততঃ পাঞ্চালমুখ্যস্য ধৃষ্টদ্যুম্নস্য সংয়ুগে।
সারথিং চতুরশ্চাশ্বান্কর্ণো বিব্যাধ সায়কৈঃ॥ 7-174-4 (52952)
কার্মুকপ্রবরং চাপি প্রচিচ্ছেদ শিতৈঃ শরৈঃ।
সারথিং চাস্য ভল্লেন রথনীডাদপাতয়ৎ॥ 7-174-5 (52953)
ধৃষ্টদ্যুম্নস্তু বিরথো হতাশ্বো হতসারথিঃ।
গৃহীৎবা পরিঘং ঘোরং কর্ণস্যাশ্বানপীডয়ৎ॥ 7-174-6 (52954)
বিদ্ধশ্চ বহুভিস্তেন শরৈরাশীবিষোপমৈঃ।
ততো যুধিষ্ঠিরানীকং পদ্ধ্যামেবান্বপদ্যত॥ 7-174-7 (52955)
আরুরোহ রথং চাপি সহদেবস্য মারিষ।
প্রয়াতুকামঃ কর্ণায় বারিতো ধর্মসূনুনা॥ 7-174-8 (52956)
কর্ণস্তু সুমহাতেজাঃ সিংহনাদবিমিশ্রিতম্।
ধনুঃশব্দং মহচ্চক্রে দধ্মৌ তারেণ চাম্বুজম্॥ 7-174-9 (52957)
দৃষ্ট্বা বিনির্জিতং যুদ্ধে পার্ষতং তে মহারথাঃ।
অমর্ষবশমাপন্নাঃ পাঞ্চালাঃ সহসোমকাঃ॥ 7-174-10 (52958)
সূতপুত্রবধার্থায় শস্ত্রাণ্যাদায় সর্বশঃ।
প্রয়যুঃ কর্ণমুদ্দিশ্য মৃত্যুং কৃৎবা নিবর্তনম্॥ 7-174-11 (52959)
কর্ণস্যাপি রথে বাহানন্যান্সূতোঽভ্যযোজয়ৎ।
শঙ্খবর্ণান্মহাবেগান্সৈন্ধবান্সাধুবাহিনঃ॥ 7-174-12 (52960)
লব্ধলক্ষস্তু রাধেয়ঃ পঞ্চালানাং মহারথান্।
অভ্যপীডয়দায়স্তঃ শরৈর্মেঘ ইবাচলম্॥ 7-174-13 (52961)
সা পীড্যমানা কর্ণেন পাঞ্চালানাং মহাচমূঃ।
সম্প্রাদ্রবৎসুসন্ত্রস্তা সিংহেনেবার্দিতা মৃগী॥ 7-174-14 (52962)
পতিতাস্তুরগেভ্যশ্চ গজেভ্যশ্চ মহীতলে।
রথেভ্যশ্চ নরাস্তূর্ণমদৃশ্যন্ত ততস্ততঃ॥ 7-174-15 (52963)
ধাবমানস্য যোধস্য ক্ষুরপ্রৈঃ স মহামৃধে।
বাহূ চিচ্ছেদ বৈ কর্ণঃ শিরশ্চৈব সকুণ্ডলম্॥ 7-174-16 (52964)
ঊরূ চিচ্ছেদ চান্যস্য গজস্থস্য বিশাম্পতে।
বাজিপৃষ্ঠগতস্যাপি ভূমিষ্ঠস্য চ মারিষ॥ 7-174-17 (52965)
নাজ্ঞাসিষুর্ধাবমানা বহবশ্চ মহারথাঃ।
সঞ্ছিন্নান্যাত্মগাত্রাণি বাহনানি চ সংয়ুগে॥ 7-174-18 (52966)
তে বধ্যমানাঃ সমরে পাঞ্চালাঃ সৃঞ্জয়ৈঃ সহ।
তৃণপ্রস্পন্দনাচ্চাপি সূতপুত্রং স্ম মেনিরে॥ 7-174-19 (52967)
অপি স্বং সমরে যোধং ধাবমানং বিচেতসম্।
কর্ণমেবাভ্যমন্যন্ত ততো ভীতা দ্রবন্তি তে॥ 7-174-20 (52968)
তান্যনীকানি ভগ্নানি দ্রবমাণানি ভারত।
অভ্যদ্রবদ্দ্রুতং কর্ণঃ পৃষ্ঠতো বিকিরঞ্ছরান্॥ 7-174-21 (52969)
অবেক্ষমাণাস্ৎবন্যোন্যং সুসম্মূঢা বিচেতসঃ।
নাশক্নুবন্নবস্থাতুং কাল্যমানা মহাত্মনা॥ 7-174-22 (52970)
কর্ণেনাভ্যাহতা রাজন্পাঞ্চালাঃ পরমেষুভিঃ।
দ্রোণেন চ দিশঃ সর্বা বীক্ষমাণাঃ প্রদুদ্রুবুঃ॥ 7-174-23 (52971)
ততো যুধিষ্ঠিরো রাজা স্বসৈন্যং প্রেক্ষ্য বিদ্রুতম্।
অপয়ানে মনঃ কৃৎবা ফল্গুনং বাক্যমব্রবীৎ॥ 7-174-24 (52972)
পশ্য কর্ণং মহেষ্বাসং ধনুষ্পাণিমবস্থিতম্।
নিশীথে দারুণে কালে তপন্তমিব ভাস্করম্॥ 7-174-25 (52973)
কর্ণসায়কনুন্নানাং ক্রোশতামেষ নিঃস্বনঃ।
অনিশং শ্রূয়তে পার্থ ৎবদ্বন্ধূনামনাথবৎ॥ 7-174-26 (52974)
যথা বিসৃজতশ্চাস্য সন্দধানস্য চাশুগান্।
পশ্যামি নান্তরং পার্থ ক্ষপয়িষ্যতি নো ধ্রুবম্॥ 7-174-27 (52975)
যদত্রানন্তরং কার্যং প্রাপ্তকাল চ পশ্যসি।
কর্ণস্য বধসংয়ুক্তং তৎকুরুষ্ব ধনঞ্জয়॥ 7-174-28 (52976)
এবমুক্তো মহারাজ পার্থঃ কৃষ্ণমথাব্রবীৎ।
ভীতঃ কুন্তীসুতো রাজা রাধেয়স্যাদ্য বিক্রমাৎ॥ 7-174-29 (52977)
এবং গতে প্রাপ্তকালং কর্ণানীকে পুনঃ পুনঃ।
ভবান্ব্যবস্যতু ক্ষিপ্রং দ্রবতে হি বরূথিনী॥ 7-174-30 (52978)
দ্রোণসায়কনুন্নানাং ভগ্নানাং মধুসূদন।
কর্ণেন ত্রাস্যমানানামবস্থানং ন বিদ্যতে॥ 7-174-31 (52979)
পশ্যামি চ তথা কর্ণং বিচরন্তমভীতবৎ।
দ্রবমাণান্রথোদারান্কিরন্তং নিশিতৈঃ শরৈঃ॥ 7-174-32 (52980)
নৈনং শক্ষ্যামি সংসোঢুং চরন্তং রণমূর্ধনি।
প্রত্যক্ষং বৃষ্ণিশার্দূল পাদস্পর্শমিবোরগঃ॥ 7-174-33 (52981)
স সবাংস্তত্র যাৎবাশু যত্র কর্ণো মহারথঃ।
অহমেনং হনিষ্যামি মাং বৈষ মধুসূদন॥ 7-174-34 (52982)
শ্রীবাসুদেব উবাচ। 7-174-35x (4725)
পশ্যামি কর্ণং কৌন্তেয় দেবরাজমিবাহবে।
বিচরন্তং নরব্যাঘ্রমতিমানুষবিক্রমম্॥ 7-174-35 (52983)
নৈতস্যান্যোঽস্তি সঙ্গ্রামে প্রত্যুদ্যাতা ধনঞ্জয়।
ঋতে ৎবাং পুরুষব্যাঘ্র রাক্ষসাদ্বা ঘটোৎকচাৎ॥ 7-174-36 (52984)
ন তু তাবদহং মন্যে প্রাপ্তকালং তবানঘ।
সমাগমং মহাবাহো সূতপুত্রেণ সংয়ুগে॥ 7-174-37 (52985)
দীপ্যমানা মহোল্কেব তিষ্ঠত্যস্য হি বাসবী।
ৎবদর্থং হি মহাবাহো সূতপুত্রেণ সংয়ুগে॥ 7-174-38 (52986)
রক্ষ্যতে শক্তিরেষা হি রৌদ্রাং রূপং বিভর্তি চ।
ঘটোৎকচস্তু রাধেয়ং প্রত্যুদ্যাতু মহাবলঃ॥ 7-174-39 (52987)
স হি ভীমেন বলিনা জাতঃ সুরপরাক্রমঃ।
তস্মিন্নস্ত্রাণি দিব্যানি রাক্ষসান্যাসুরাণি চ॥ 7-174-40 (52988)
সততং চানুরক্তো বো হিতৈষী চ ঘটোৎকচঃ।
বিজেষ্যতি রণে কর্ণমিতি মে নাত্র সংশয়ঃ॥ 7-174-41 (52989)
সঞ্জয় উবাচ। 7-174-42x (4726)
এবমুক্তো মহাবাহুঃ পার্থঃ পুষ্করলোচনঃ।
আজুহাবাথ তদ্রক্ষস্তচ্চাসীৎপ্রাদুরপ্রতঃ॥ 7-174-42 (52990)
কবচী সশরঃ খঙ্গী সধন্বা চ বিশাম্পতে।
অভিবাদ্য ততঃ কৃষ্ণং পাণ্ডবং চ ধনঞ্জয়ম্।
অব্রবীচ্চ তদা কৃষ্ণময়মস্ম্যনুশাধি মাম্॥ 7-174-43 (52991)
ততস্তং মেঘসঙ্কাশং দীপ্তাস্যং দীপ্তকুণ্ডলম্।
অভ্যভাষত হৈডিম্বিং দাশার্হঃ প্রহসন্নিব॥ 7-174-44 (52992)
বাসুদেব উবাচ। 7-174-45x (4727)
ঘটোৎকচ বিজানীহি যত্ৎবাং বক্ষ্যামি পুত্রক।
প্রাপ্তো বিক্রমকালোঽয়ং তব নান্যস্য কস্যাচিৎ।
স ৎবং নিমজ্জতাং যুদ্ধে বন্ধূনাং বান্ধবো ভব॥ 7-174-45 (52993)
যাবন্তি চ তবাস্ত্রাণি সন্তি মায়াশ্চ রাক্ষসীঃ।
`অদ্যৈব সময়স্তেষাং মায়ানাং চৈব রাক্ষস'॥ 7-174-46 (52994)
পশ্য কর্ণেন হৈডিম্বে পাণ্ডবানামনীকিনীম্।
কাল্যমানাং রণে তাত সিংহনেবেতরান্মৃগান্॥ 7-174-47 (52995)
এষ কর্ণো মহেষ্বাসো মতিমান্দৃঢবিক্রমঃ।
পাণ্বানামনীকেষু নিহন্তি ক্ষত্রিয়র্ষভান্॥ 7-174-48 (52996)
কিরন্তঃ শরবর্ষাণি মহান্তি দৃঢধন্বিনঃ।
ন শক্নুবন্ত্যবস্থাতুং পীড্যমানাঃ শরার্চিষা॥ 7-174-49 (52997)
নিশীথে সূতপুত্রেণ শরবর্ষেণ পীডিতাঃ।
এতে দ্রবন্তি পাঞ্চালাঃ সিংহেনেবার্দিতা মৃশাঃ॥ 7-174-50 (52998)
এতস্যৈবং প্রবৃদ্ধস্য সূতপুত্রস্য সংয়ুগে।
নিষেদ্ধা বিদ্যতে নান্যস্ৎবামৃতে ভীমবিক্রম॥ 7-174-51 (52999)
স ৎবং কুরু মহাবাহো কর্ম যুক্তমিহাত্মনঃ।
মাতুলানাং পিতৄণাং চ তেসজোঽস্ত্রবলস্য চ॥ 7-174-52 (53000)
এতদর্থে হি হৈডিম্বে পুত্রানিচ্ছন্তি মানবাঃ।
কথং নস্তারয়েদ্দুঃখাৎস ৎবং তারয় বান্ধবান্॥ 7-174-53 (53001)
ইচ্ছন্তি পিতরঃ পুত্রান্স্বার্থহেতোর্ঘটোৎকচ।
হহলোকাৎপরে লোকে তারয়িষ্যন্তি যে হিতাঃ॥ 7-174-54 (53002)
তব হ্যত্র বলং ভীমং মায়াশ্চ তব দুস্তরাঃ।
সঙ্ক্রামে যুধ্যমানস্য সততং ভীমনন্দন॥ 7-174-55 (53003)
পাণ্ডবানাং প্রভগ্নানাং কর্ণেন নিশি সায়কৈঃ।
মজ্জতাং ধার্তরাষ্ট্রেষু ভব পারং পরন্তপ॥ 7-174-56 (53004)
রাত্রৌ হি রাক্ষসা ভূয়ো ভবন্ত্যমিতবিক্রমাঃ।
বলবন্তঃ সুদুর্ধর্ষাঃ শূরা বিক্রান্তচারিণঃ॥ 7-174-57 (53005)
জহি কর্ণং হমেষ্বাসং নিশীথে মায়যা রণে।
পার্থা দ্রোণং বধিষ্যন্তি ধৃষ্টদ্যুম্নপুরোগমাঃ॥ 7-174-58 (53006)
সঞ্জয় উবাচ। 7-174-59x (4728)
কেশবস্য বচঃ শ্রুৎবা বীভৎসুরপি রাক্ষসম্।
অভ্যভাষত কৌরব্য ঘটোৎকচমরিন্দমম্॥ 7-174-59 (53007)
ঘটোৎকচ ভবাংশ্চৈব দীর্ঘবাহুশ্চ সাত্যকিঃ।
মতৌ মে সর্বসৈন্যেষু ভীমসেনশ্চ পাণ্ডবঃ॥ 7-174-60 (53008)
তদ্ভবান্যাতু কর্ণেন দ্বৈরথং যুধ্যতাং নিশি।
সাত্যকিঃ পৃষ্ঠগোপস্তে ভবিষ্যতি মহারথঃ॥ 7-174-61 (53009)
জহি কর্ণং রণে শূরং সাৎবতেন সহায়বান্।
যথেন্দ্রস্তারকং পূর্বং স্কন্দেন সহ জঘ্নিবান্॥ 7-174-62 (53010)
ঘটোৎকচ উবাচ। 7-174-63x (4729)
`এবমেব মহাবাহো যথা বদসি মাং প্রভো।
ৎবয়া নিয়ুক্তো গচ্ছামি কর্ণস্য বধকাঙ্ক্ষয়া'॥ 7-174-63 (53011)
অলমেবাস্মি কর্ণায় দ্রোণায়ালং চ ভারত।
অন্যেষাং ক্ষত্রিয়াণাং চ কৃতাস্ত্রাণাং মহাত্মনাম্॥ 7-174-64 (53012)
অদ্য দাস্যামি সঙ্গ্রামং সূতপুত্রায় তং নিশি।
যং জনাঃ সম্প্রবক্ষ্যন্তি যাবদ্ভূমির্ধরিষ্যতি॥ 7-174-65 (53013)
ন চাত্র শূরান্মোক্ষ্যামি ন ভীতান্ন কৃতাঞ্জলীন্।
সর্বানেব বধিষ্যামি রাক্ষসং ধর্মমাস্থিতঃ॥ 7-174-66 (53014)
সঞ্জয় উবাচ। 7-174-67x (4730)
এবমুক্ৎবা মহাবাহুর্হৈডিম্বিঃ পরবীরহা।
অভ্যযাত্তুমুলে কর্ণং তব সৈন্যং বিভীষয়ন্॥ 7-174-67 (53015)
তমাপতন্তং সঙ্ক্রুদ্ধং দীপ্তাস্যং দীপ্তমূর্ধজম্।
প্রহসন্পুরুষব্যাঘ্রঃ প্রতিজগ্রাহ সূতজঃ॥ 7-174-68 (53016)
তয়োঃ সমভবদ্যুদ্ধং কর্ণরাক্ষসয়োর্নিশি।
গর্জতো রাজশার্দূল শক্রপ্রহ্লাদয়োরিব॥ ॥ 7-174-69 (53017)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে চতুঃসপ্তত্যধিকশততমোঽধ্যায়ঃ॥ 174 ॥
Mahabharata - Drona Parva - Chapter Footnotes
5-174-13 আয়স্তঃ প্রয়ত্নবান্॥ 5-174-174 চতুঃসপ্তত্যধিকশততমোঽধ্যায়ঃ॥দ্রোণপর্ব - অধ্যায় 175
॥ শ্রীঃ ॥
7.175. অধ্যায়ঃ 175
Mahabharata - Drona Parva - Chapter Topics
ঘটোৎকচেন জটাসুরসুতবধঃ॥ 1 ॥Mahabharata - Drona Parva - Chapter Text
7-175-0 (53018)
সঞ্জয় উবাচ। 7-175-0x (4731)
দৃষ্ট্বা ঘটোৎকচং রাজন্সূতপুত্ররথং প্রতি।
আয়ান্তং তু তথায়ুক্তং জিঘাংসুং কর্ণমাহবে।
অব্রবীত্তত্র পুত্রস্তে দুঃশাসনমিদং বচঃ॥ 7-175-1 (53019)
এতদ্রক্ষো রণে তূর্ণং দৃষ্ট্বা কর্ণস্য বিক্রমম্।
অভিয়াতি দ্রুতং কর্ণং তদ্বারয় মহারথম্॥ 7-175-2 (53020)
বৃতঃ সৈন্যেন মহতা যাহি যত্র মহাবলঃ।
কর্ণো বৈকর্তনো যুদ্ধে রাক্ষসেন যুয়ুৎসতি॥ 7-175-3 (53021)
রক্ষ কর্ণং রণে যত্তো বৃতঃ সৈন্যেন মানদ।
মা কর্ণং রাক্ষসো ঘোরঃ প্রমাদান্নাশয়িষ্যতি॥ 7-175-4 (53022)
এতস্মিন্নন্তরে রাজঞ্জটাসুরসুতো বলী।
দুর্যোধনমুপাগম্য প্রাহ প্রহরতাং বরঃ॥ 7-175-5 (53023)
দুর্যোধন তবামিত্রান্প্রখ্যাতান্যুদ্ধদুর্মদান্।
পাণ্ডবান্হন্তুমিচ্ছামি ৎবয়াঽঽজ্ঞপ্তঃ সহানুগান্॥ 7-175-6 (53024)
জটাসুরো মম পিতা রক্ষসাং গ্রামণীঃ পুরা।
প্রয়ুজ্য কর্ম রক্ষোঘ্নং ক্ষুদ্রৈঃ পার্থৈর্নিপাতিতঃ॥ 7-175-7 (53025)
তস্যাপচিতিমিচ্ছামি শত্রুশোণিতপূজয়া।
শত্রুমাংসৈশ্চ রাজেন্দ্র মামনুজ্ঞাতুমর্হসি॥ 7-175-8 (53026)
তমব্রবীত্ততো রাজা প্রীয়মাণঃ পুনঃপুনঃ।
দ্রোণকর্মাদিভিঃ সার্ধং পর্যাপ্তোঽহং দ্বিষদ্বধে॥ 7-175-9 (53027)
ৎবং তু গচ্ছ ময়াঽঽজ্ঞপ্তো জহি যুদ্ধে ঘটোৎকচম্।
রাক্ষসং ক্রূরকর্মাণং রক্ষোমানুষসম্ভবম্॥ 7-175-10 (53028)
পাণ্ডবানাং হিতং নিত্যং হস্ত্যশ্বরথঘাতিনম্।
বৈহায়সগতং যুদ্ধে প্রেষয়ের্যমসাদনম্॥ 7-175-11 (53029)
তথেত্যুক্ৎবা মহাকায়ঃ সমাহূয় ঘটোৎকচম্।
জাটাসুরির্ভৈমসেনিং নানাশস্ত্রৈরবাকিরৎ॥ 7-175-12 (53030)
অলম্বলং চ কর্ণং চ কুরুসৈন্যং চ দুস্তরম্।
হৈডিম্বিঃ প্রমমাথৈকো মহাবাতোম্বুদানিব॥ 7-175-13 (53031)
ততো মায়াবলং দৃষ্ট্বা রক্ষস্তূর্ণমলম্বলঃ।
ঘটোৎকচং শরব্রাতৈর্নানালিঙ্গৈঃ সমার্পয়ৎ॥ 7-175-14 (53032)
বিদ্ধা চ বহুভির্বাণৈর্ভৈমসেনিং মহাবলঃ।
ব্যদ্রাবয়চ্ছরব্রাতৈঃ পাণ্ডবানামনীকিনীম্॥ 7-175-15 (53033)
তেন বিদ্রাব্যমাণানি পাণ্ডুসৈন্যানি ভারত।
নিশীথে বিপ্রকীর্যন্তে বাতনুন্না ঘনা ইব॥ 7-175-16 (53034)
ঘটোৎকচশরৈর্নুন্না তথৈব তব বাহিনী।
নিশীথে প্রাদ্রবদ্রাজন্নুৎসৃজ্যোল্কাঃ সহস্রশঃ॥ 7-175-17 (53035)
অলম্বলস্ততঃ ক্রুদ্ধো ভৈমসেনিং মহামৃধে।
আজঘ্নে দশভির্বাণৈস্তোত্রৈরিব মহাদ্বিপম্॥ 7-175-18 (53036)
তিxশস্তস্য সংবাহং সূতং সর্বায়ুধানি চ।
ঘটোৎকচঃ প্রচিচ্ছেদ প্রণদংশ্চাতিদারুণম্॥ 7-175-19 (53037)
ততঃ কর্ণং শরব্রাতৈঃ কুরূনন্যান্সহস্রশঃ।
অলম্বলং চাভ্যবর্ষন্মেঘো মেরুমিবাচলম্॥ 7-175-20 (53038)
ততঃ সঞ্চুক্ষুভে সৈন্যং কুরূণাং রাক্ষসার্দিতম্।
উপর্যুপরি চান্যোন্যং চতুরঙ্গং মমর্দ হ॥ 7-175-21 (53039)
জাটাসুরির্মহারাজ বিরথো হতসারথিঃ।
ঘটোৎকচং রণে ক্রুদ্ধো মুষ্টিনাঽভ্যহনদ্দৃঢম্॥ 7-175-22 (53040)
মুষ্টিনাঽভ্যাহতস্তেন প্রচচাল ঘটোৎকচঃ।
ক্ষিতিকম্পে যথা শৈলঃ সবৃক্ষস্তৃণগুল্মবান্॥ 7-175-23 (53041)
ততঃ স পরিঘাভেন দ্বিট্সঙ্ঘঘ্নেন বাহুনা।
জাটাসুরিং ভৈমসেনিরবধীন্মুষ্টিনা ভৃশম্॥ 7-175-24 (53042)
তং প্রমথ্য ততঃ ক্রুদ্ধস্তূর্ণং হৈডিম্বিরাক্ষিপৎ।
দোর্ভ্যামিন্দ্রধ্বজাভাভ্যাং নিষ্পিপেষ চ ভূতলে॥ 7-175-25 (53043)
জাটাসুরির্মোক্ষয়িৎবা আত্মানং চ ঘটোৎকচাৎ।
পুনরুত্থায় বেগেন ঘটোৎকচমুপাদ্রাবৎ॥ 7-175-26 (53044)
অলম্বলোঽপি বিক্ষিপ্য সমুৎক্ষিপ্য চ রাক্ষসম্।
ঘটোৎকচং রণে রোষান্নিষ্পিপেষ চ ভূতলে॥ 7-175-27 (53045)
তয়ো সমভবদ্যুদ্ধং গর্জতোরতিকায়যোঃ।
ঘটোৎকচালম্বলয়োস্তুমুলং রোমহর্ষণম্॥ 7-175-28 (53046)
বিশেষয়ন্তাবন্যোন্যং মায়াভিরতিমায়িনৌ।
যুয়ুধাতে মহাবীর্যাবিন্দ্রবৈরোচনাবিব॥ 7-175-29 (53047)
পাবকাম্বুনিধী ভূৎবা পুনর্গরুডতক্ষকৌ।
পুনর্মেঘমহাবত্তৌ পুনর্বজ্রমহাচলৌ॥ 7-175-30 (53048)
পুনঃ কুঞ্জরশার্দূলৌ পুনঃ স্বর্ভানুভাস্করৌ।
এবং মায়াশতসৃজাবন্যোন্যবধকাঙ্ক্ষিণৌ।
ভৃশং চিত্রময়ুধ্যেতামলম্বলঘটোৎকচৌ॥ 7-175-31 (53049)
পরিঘৈশ্চ গদাভিশ্চ প্রাসমুদ্ররপট্টসৈঃ।
মুসলৈঃ পর্বতাগ্রৈশ্চ তাবন্যোন্যং বিজঘ্নতুঃ॥ 7-175-32 (53050)
হয়াভ্যাং চ গজাভ্যাং চ রথাভ্যাং চ পদাতিভিঃ।
যুয়ুধাতে মহামায়ৌ রাক্ষসপ্রবরৌ যুধি॥ 7-175-33 (53051)
ততো ঘটোৎকচো রাজন্নলম্বলবধেপ্সয়া।
উৎপতাত ভৃশং ক্রুদ্ধঃ শ্যেনবন্নিপপাত চ॥ 7-175-34 (53052)
গৃহীৎবা চ মহাকায়ং রাক্ষসেন্দ্রমলম্বলম্।
উদ্যম্য ন্যবধীদ্ভূমৌ ময়ং বিষ্ণুরিবাহবে॥ 7-175-35 (53053)
ততো ঘটোৎকচঃ খঙ্গমুদ্বৃত্যাদ্ভুতদর্শনম্।
রৌদ্রস্য কায়াদ্বি শিরো ভীমং বিকৃতদর্শনম্॥ 7-175-36 (53054)
স্ফুরতস্তস্য সমরে নদতশ্চাতিভৈরবম্।
নিচকর্ত মহারাজ শত্রোমিতবিক্রমঃ॥ 7-175-37 (53055)
শিরস্তচ্চাপি সঙ্গৃহ্য কেশেষু রুধিরোক্ষিতম্।
যয়ৌ ঘটোৎকচস্তূর্ণং দুর্যোধনরথং প্রতি॥ 7-175-38 (53056)
`দ্রোণকর্ণকৃপান্যোধানতীত্য সুমহাবলঃ'।
অভ্যেত্য চ মহাবাহুঃ স্ময়মানঃ স রাক্ষসঃ॥ 7-175-39 (53057)
শিরো রথেঽস্য নিক্ষিপ্য বিকৃতাননমূর্ধজম্।
প্রাণদদ্ভৈরবং নাদং প্রাবৃষীব বলাহকঃ॥ 7-175-40 (53058)
অব্রবীচ্চ ততো রাজন্দুর্যোধনমিদং বচঃ॥ 7-175-41 (53059)
এষ তে নিহতো বন্ধুস্ৎবয়া দৃষ্টোঽস্য বিক্রমঃ।
পুনর্দ্রষ্টাসি কর্ণস্য নিষ্ঠামেতাং তথাঽঽত্মনঃ॥ 7-175-42 (53060)
স্বধর্মমর্থং কামং চ ত্রিতয়ং যোঽভিবাঞ্ছতি।
রিক্তপাণির্ন পশ্যেত রাজানং ব্রাহ্মণং স্ত্রিয়ম্।
তিষ্ঠস্ব তাবৎসুপ্রীতো যাবৎকর্ণং বধাম্যহম্॥ 7-175-43 (53061)
সঞ্জয় উবাচ। 7-175-44x (4732)
এবমুক্ৎবা ততঃ প্রায়াৎকর্ণং প্রতি নরেশ্বরঃ।
কিরঞ্ছরগণাংস্তীক্ষ্ণান্রুষিতো রণমূর্ধনি॥ 7-175-44 (53062)
ততঃ সমভবদ্যুদ্ধং ঘোররূপং ভয়ানকম্।
বিস্মাপনং মহারাজ নররাক্ষসয়োর্মৃধে॥ ॥ 7-175-45 (53063)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে পঞ্চসপ্তত্যধিকশততমোঽধ্যায়ঃ॥ 175 ॥
Mahabharata - Drona Parva - Chapter Footnotes
5-175-8 অপচিনিং নিষ্কৃতিম্॥ 5-175-42 নিষ্ঠাং নাশম্॥ 5-175-175 পঞ্চসপ্তত্যধিকশততমোঽধ্যায়ঃ॥দ্রোণপর্ব - অধ্যায় 176
॥ শ্রীঃ ॥
7.176. অধ্যায়ঃ 176
Mahabharata - Drona Parva - Chapter Topics
কর্ণঘটোৎকচয়োর্যুদ্ধম্॥ 1 ॥Mahabharata - Drona Parva - Chapter Text
7-176-0 (53064)
ধৃতরাষ্ট্র উবাচ। 7-176-0x (4733)
যত্তদ্বৈকর্তনঃ কর্ণো রাক্ষসশ্চ ঘটোৎকচঃ।
নিশীথে সমসজ্জেতাং তদ্যুদ্ধমভবৎকথম্॥ 7-176-1 (53065)
কীদৃশং চাভবদ্রূপং তস্য ঘোরস্য রক্ষসঃ।
যেন বৈকর্তনঃ কর্ণঃ সঙ্গ্রামে তেন নির্জিতঃ॥ 7-176-2 (53066)
রথশ্চ কীদৃশস্তস্য মায়াঃ সর্বায়ুধানি চ।
কিম্প্রমাণা হয়াস্তস্য রথকেতুর্ধনুস্তথা॥ 7-176-3 (53067)
কীদৃশং বর্ম চৈবাস্য শিরস্ত্রাণং চ কীদৃশম্।
পৃষ্টস্ৎবমেতদাচক্ষ্ব কুশলো হ্যসি সঞ্জয়॥ 7-176-4 (53068)
সঞ্জয় উবাচ। 7-176-5x (4734)
লোহিতোক্ষো মহাকায়স্তাম্রাস্যো নিম্নিতোদরঃ।
ঊর্ধ্বরোমা হরিশ্মশ্রুঃ শঙ্কুকর্ণো মহাহনুঃ॥ 7-176-5 (53069)
আকর্ণদারিতাস্যশ্চ তীক্ষ্ণদংষ্ট্রঃ করালবান্।
সুদীর্ঘতাম্রজিহ্বোষ্ঠো লম্বভ্রূঃ স্থূলনাসিকঃ॥ 7-176-6 (53070)
নীলাঙ্গো লোহিতগ্রীবো গিরিবর্ষ্মা ভয়ঙ্করঃ।
মহাকায়ো মহাবাহুর্মহাশীর্ষো মহাবলঃ॥ 7-176-7 (53071)
বিকৃতঃ পরুষস্পর্শো বিকচোদ্বৃদ্ধপিণ্ডকঃ।
স্থূলস্ফিগ্গূঢনাভিশ্চ শিথিলোপচয়ো মহান্॥ 7-176-8 (53072)
তথৈব হস্তাভরণী মহামায়োঽঙ্গদী তথা।
উরসাঽধারয়ন্নিষ্কমগ্নিমালাং যথাঽচলঃ॥ 7-176-9 (53073)
তস্য হেমময়ং চিত্রং বহুরূপাঙ্গশভিতম্।
তোরণপ্রতিমং শুভ্রং কিরীটং মূর্ধ্ন্যশোভত॥ 7-176-10 (53074)
কুণ্ডলে বালসূর্যাভে মালাং হেমময়ীং শুভাম্।
ধারয়ন্বিপুলং কাংস্যং কবচং চ মহাপ্রভম্।
তারাজালনিভং রাজন্পূর্ণচন্দ্রসমপ্রভম্॥ 7-176-11 (53075)
কণ্ঠসূত্রং মহচ্চাপি তপনীয়মধারয়ৎ।
স তেন বিভ্রাজত বৈ সবিদ্যুদিব তোয়দঃ॥ 7-176-12 (53076)
কিঙ্কিণীশতনির্ঘোপং রক্তধ্বজপতাকিনম্।
ঋক্ষচর্মাবনদ্বাঙ্গং নল্বমাত্রং মহারথম্॥ 7-176-13 (53077)
সর্বায়ুধবরোপেতমাস্থিতং ধ্বজমালিনম্।
অষ্টচক্রসমায়ুক্তং মেঘগম্ভীরনিঃস্বনম্॥ 7-176-14 (53078)
মত্তমাতঙ্গসঙ্কাশা লোহিতাক্ষা বিভীপণাঃ।
কালবর্ণাসমায়ুক্তা বলবন্তঃ শতং হয়াঃ॥ 7-176-15 (53079)
বহন্তো রাক্ষসং ঘোরং বালবন্তো জিতশ্রমাঃ।
বিপুলাভিঃ সটাভিস্তে হেষমাণা মুহুর্মুহুঃ॥ 7-176-16 (53080)
মুখৈর্নানাবিধাকারৈর্বগবন্তো হয়োত্তমাঃ।
রথেঽস্য যুক্তা গকর্জন্তোঽবহংস্তে রাক্ষসাধিপম্॥ 7-176-17 (53081)
রাক্ষসোঽস্য বিরূপাক্ষঃ সূতো দীপ্তাস্যকুণ্ডলঃ।
`ঘোররূপো মহাকায়ঃ করালো বিকৃতাননঃ'।
রশ্মিভিঃ সূর্যরশ্ম্যাহ্বৈঃ সঞ্জগ্রাহ হয়ান্রণে॥ 7-176-18 (53082)
স তেন সহিতস্তস্থাবরুণেন যথা রবিঃ।
সংসক্ত ইব চাভ্রেণ যথাঽদ্রির্মহতা মহান্॥ 7-176-19 (53083)
দিবস্পৃক্সুমহান্কেতুঃ স্যন্দনেঽস্য সমুচ্ছ্রিতঃ।
রক্তোত্তমাঙ্গঃ ক্রব্যাদো গৃধ্রঃ পরমভীষণঃ॥ 7-176-20 (53084)
বাসবাশনিনির্ঘোষং দৃঢজ্যমতিবিক্ষিপন্।
ব্যক্তং কিষ্কুপরীণাহং দ্বাদশারত্নি কার্মুকম্॥ 7-176-21 (53085)
রথাক্ষমাত্রৈরিপুভিঃ সর্বাঃ প্রচ্ছাদয়ন্দিশঃ।
তস্যাং বীরাপহারিণ্যাং নিশায়াং কর্ণমভ্যযাৎ॥ 7-176-22 (53086)
তস্য বিক্ষিপতশ্চাপং রথে বিষ্টভ্য তিষ্ঠতঃ।
অশ্রূয়ত ধনুর্ঘোষো বিস্ফূর্জিতমিবাশনেঃ॥ 7-176-23 (53087)
তেন বিত্রাস্যমানানি তব সৈন্যানি ভারত।
সমকম্পন্ত সর্বাণি সিন্ধোরিব মহোর্ময়ঃ॥ 7-176-24 (53088)
তমাপতন্তং সম্প্রেক্ষ্য বিরূপাক্ষং বিভীষণম্।
উৎস্ময়ন্নিব রাধেয়স্ৎবরমাণোঽভ্যবারয়ৎ॥ 7-176-25 (53089)
ততঃ কর্ণোঽভ্যযাদেনমস্যন্নস্যন্তমন্তিকাৎ।
মাতঙ্গ ইব মাতঙ্গং যূথর্ষভমিবর্ষভঃ॥ 7-176-26 (53090)
স সন্নিপাতস্তুমুলস্তয়োরাসীদ্বিশাম্পতে।
কর্ণরাক্ষসয়ো রাজন্নিন্দ্রশম্বরয়োরিব॥ 7-176-27 (53091)
তৌ প্রগৃহ্য মহাবেগে ধনুষী ভীমনিঃস্বনে।
প্রাচ্ছাদয়েতামন্যোন্যং তক্ষমাণৌ মহেষুভিঃ॥ 7-176-28 (53092)
ততঃ পূর্ণায়তোৎসৃষ্টৈরিষুভির্নতপর্বভিঃ।
ন্যবারয়েতামন্যোন্যং কাংস্যে নির্ভিদ্য বর্মণী॥ 7-176-29 (53093)
তৌ নখৈরিব শার্দূলৌ দন্তৈরিব মহাদ্বিপৌ।
রথশক্তিভিরন্যোন্যং বিশিখৈশ্চ ততক্ষতুঃ॥ 7-176-30 (53094)
সঞ্ছিন্দন্তৌ চ গাত্রাণি সন্দধানৌ চ সায়কান্।
দহন্তৌ চ শরোল্কাভির্দুষ্প্রেক্ষ্যৌ চ বভূবতুঃ॥ 7-176-31 (53095)
তৌ তু বিক্ষতসর্বাঙ্গৌ রুধিরৌঘপরিপ্লুতৌ।
বিভ্রাজেতাং যথা বারি স্রবন্তৌ গৈরিকাচলৌ॥ 7-176-32 (53096)
তৌ শরাগ্রবিনুন্নাঙ্গৌ নির্ভিন্দন্তৌ পরস্পরম্।
নাকম্পয়েতামন্যোন্যং যতমানৌ মহাদ্যুতী॥ 7-176-33 (53097)
তৎপ্রবৃত্তং নিশায়ুদ্ধং চিরং সমমিবাভবৎ।
প্রাণয়োর্দীব্যতো রাজন্কর্ণরাক্ষসয়োর্মৃধে॥ 7-176-34 (53098)
তস্য সন্দধতস্তীক্ষ্ণাঞ্ছরাংশ্চাসক্তমস্যতঃ।
ধনুর্ঘোষেণ বিত্রস্তাঃ স্বে পরে চ তদাঽভবন্॥ 7-176-35 (53099)
ঘটোৎকচং যদা কর্ণো বিশেষয়তি নো নৃপ।
ততঃ প্রাদুষ্করোদ্দিব্যমস্ত্রমস্ত্রবিদাং বরঃ॥ 7-176-36 (53100)
কর্ণেন সন্ধিতং দৃষ্ট্বা দিব্যমস্ত্রং ঘটোৎকচঃ।
প্রাদুশ্চক্রে মহামায়াং রাক্ষসীং পাণ্ডুনন্দনঃ॥ 7-176-37 (53101)
শূলমুদ্গরধারিণ্যা শৈলপাদপহস্তয়া।
রক্ষসাং ঘোররূপাণাং মহত্যা সেনয়া বৃতঃ॥ 7-176-38 (53102)
তমুদ্যতমহাচাপং দৃষ্ট্বা তে ব্যথিতা নৃপাঃ।
ভূতান্তকমিবায়ান্তং কালদণ্ডোগ্রধারিণম্॥ 7-176-39 (53103)
ঘটোৎকচপ্রয়ুক্তেন সিংহনাদেন ভীষিতাঃ।
প্রসুস্রুবুর্গজা মূত্রং বিব্যধুশ্চ নরা ভৃশম্॥ 7-176-40 (53104)
ততোঽশ্মবৃষ্টিরত্যুগ্রা মহত্যাসীৎসমন্ততঃ।
অর্ধরাত্রেঽধিকবলৈর্বিমুক্তা রক্ষসাং বলৈঃ॥ 7-176-41 (53105)
আয়সানি চ চক্রাণি ভুশুণ়্ড্যঃ শক্তিতোমরাঃ।
পতন্ত্যবিরলাঃ শূলাঃ শতঘ্ন্যঃ পট্টসাস্তথা॥ 7-176-42 (53106)
তদুগ্রমতিরৌদ্রং চ দৃষ্ট্বা যুদ্ধং নরাধিপ।
পুত্রাশ্চ তব যোধাশ্চ ব্যথিতা বিপ্রদুদ্রুবুঃ॥ 7-176-43 (53107)
তত্রৈকোঽস্তবলশ্লাঘী কর্ণো মানী ন বিব্যথে।
ব্যধমচ্চ শরৈর্মায়াং তাং ঘটোৎকচনির্মিতাম্॥ 7-176-44 (53108)
মায়ায়াং তু প্রহীণায়ামমর্ষাচ্চ ঘটোৎকচঃ।
বিসসর্জ শরান্ধোরান্সূত পুত্রং ত আবিশন্॥ 7-176-45 (53109)
ততস্তে রুধিরাভ্যক্তা ভিত্ৎবা কর্ণং মহাহবে।
বিবিশুর্ধরণীং বাণাঃ সঙ্ক্রুদ্ধা ইব পন্নগাঃ॥ 7-176-46 (53110)
সূতপুত্রস্তু সঙ্ক্রদ্ধো লঘুহস্তঃ প্রতাপবান্।
ঘটোৎকচমতিক্রম্য বিভেদ দশভিঃ শরৈঃ॥ 7-176-47 (53111)
ঘটোৎকচো বিনির্ভিন্নঃ সূতপুত্রেণ মর্মসু।
চক্রং দিব্যং সহস্রারমগৃহ্ণাদ্ব্যথিতো ভৃশম্॥ 7-176-48 (53112)
ক্ষুরান্তং বালসূর্যাভং মণিরত্নবিভূষিতম্।
চিক্ষেপাধিরথেঃ ক্রুদ্ধো ভৈমসেনির্জিঘাংসয়া॥ 7-176-49 (53113)
প্রবিদ্বমতিবেগেন বিক্ষিপ্তং কর্ণসায়কৈঃ।
অভাগ্যস্যেব সঙ্কল্পস্তন্মোঘমপতদ্ভুবি॥ 7-176-50 (53114)
ঘটোৎকচস্তু সঙ্ক্রুদ্ধো দৃষ্ট্বা চক্রং নিপাতিতম্।
কর্ণং প্রাচ্ছাদয়দ্বাণৈঃ স্বর্ভানুরিব ভাস্করম্॥ 7-176-51 (53115)
সূতপুত্রস্ৎবসম্ভ্রান্তো রুদ্রোপেন্দ্রেন্দ্রবিক্রমঃ।
ঘটোৎকচরথং তূর্ণং ছাদয়ামাস পত্রিভিঃ॥ 7-176-52 (53116)
ঘটোৎকচেন ক্রুদ্ধেন গদা হেমাঙ্গদা তদা।
ক্ষিপ্তা ভ্রাম্য শরৈঃ সাঽপি কর্ণেনাভ্যাহতাঽপতৎ॥ 7-176-53 (53117)
ততোঽন্তরিক্ষমুৎপত্য কালমেঘ ইবোন্নদন্।
প্রববর্ষ মহাকায়ো দ্রুমবর্ষং নভস্তলাৎ॥ 7-176-54 (53118)
ততো মায়াবিনং কর্ণো ভীমসেনসুতং দিবি।
মার্গণৈরভিবিব্যাধ ঘনং সূর্য ইবাংশুভিঃ॥ 7-176-55 (53119)
তস্য সর্বান্হয়ান্হৎবা সঞ্ছিদ্য শতধা রথম্।
অভ্যবর্ষচ্ছরৈঃ কর্ণঃ পর্জন্য ইব বৃষ্টিমান্॥ 7-176-56 (53120)
ন চাস্যাসীদনির্ভিন্নং গাত্রে দ্ব্যঙ্গুলমন্তরম্।
সোঽদৃশ্যত মুহূর্তেন শ্বাবিচ্ছললিতো যথা॥ 7-176-57 (53121)
ন হয়ান্ন রথং তস্য ন ধ্বজং ন ঘটোৎকচম্।
দৃষ্টবন্তঃ স্ম সমরে শরৌঘৈরভিসংবৃতম্॥ 7-176-58 (53122)
স তু কর্ণস্য তদ্দিব্যমস্ত্রমস্ত্রেণ শাতয়ন্।
মায়ায়ুদ্ধেন মায়াবী সূতপুত্রময়োধয়ৎ॥ 7-176-59 (53123)
সোঽয়োধয়ত্তদা কর্ণং মায়যা লাঘবেন চ।
অলক্ষ্যমাণানি দিবি শরজালানি চাপতন্॥ 7-176-60 (53124)
ভৈমসেনির্মহামায়ো মায়যা কুরুসত্তম।
বিচচার মহাকায়ো মোহয়ন্নিব ভারত॥ 7-176-61 (53125)
স তু কৃৎবা বিরূপাণি বদনান্যশুভানি চ।
অগ্রসৎসূতপুত্রস্য দিব্যান্যস্ত্রাণি মায়যা॥ 7-176-62 (53126)
পুনশ্চাপি মহাকায়ঃ সঞ্ছিন্নঃ শতধা রণে।
গতসৎবো নিরুৎসাহঃ পতিতঃ খাদ্ব্যদৃশ্যত॥ 7-176-63 (53127)
তং হতং মন্যমানাঃ স্ম প্রাণদন্কুরুপুঙ্গবাঃ।
অথ দেহৈর্নবৈরন্যৈর্দিক্ষু সর্বাস্বদৃশ্যত॥ 7-176-64 (53128)
পুনশ্চাপি মহাকায়ঃ শতশীর্ষঃ শতোদরঃ।
ব্যদৃশ্যত মহাবাহুর্মৈনাক ইব পর্বতঃ॥ 7-176-65 (53129)
অঙ্গুষ্ঠমাত্রো ভূৎবা চ পুনরেব স রাক্ষসঃ।
সাগরোর্মিরিবোদ্বূতস্তির্যগূর্ধ্বমবর্তত॥ 7-176-66 (53130)
বসুধাং দারয়িৎবা চ পুনরপ্যু ন্যমজ্জত।
অদৃশ্যত তদা তত্র পুনরুন্মজ্জিতোঽন্যতঃ॥ 7-176-67 (53131)
সোঽবতীর্য পুনস্তস্থৌ রথে হেমপরিষ্কৃতে।
ক্ষিতিং খং চ দিশশ্চৈব মায়যাঽভ্যেত্য দংশিতঃ॥ 7-176-68 (53132)
গৎবা কর্ণরথাভ্যাশং ব্যচরৎকুণ্ডলাননঃ।
প্রাহ বাক্যমসম্ভ্রান্তঃ সূতপুত্রং বিশাম্পতে॥ 7-176-69 (53133)
তিষ্ঠেদানীং ক্ব মে জীবন্সূতপুত্র গমিষ্যসি।
যুদ্ধশ্রদ্ধামহং তেঽদ্য বিনেষ্যামি রমাজিরে॥ 7-176-70 (53134)
ইত্যুক্ৎবা রোষতাম্রাক্ষং রক্ষঃ ক্রূরপরাক্রমম্।
উৎপপাতান্তরিক্ষং চ জহাস চ সুবিস্তরম্।
কর্ণমভ্যহনচ্চৈব গজেন্দ্রমিব কেসরী॥ 7-176-71 (53135)
রথাক্ষমাত্রেরিষুভিরভ্যবর্ষদ্ধটোৎকচঃ। 7-176-72 (53136)
শরবৃষ্টিং চ তাং কর্ণো দূরাৎপ্রাপ্তামশাতয়ৎ॥ 7-176-73 (53137)
দৃষ্ট্বা চ বিহতাং মায়াং কর্ণেন ভরতর্ষভ।
ঘটোৎকচস্ততো মায়াং সসর্জান্তর্হিতঃ পুনঃ॥ 7-176-74 (53138)
সোঽভবদ্গিরিরত্যুচ্চঃ শিখরৈস্তরুসঙ্কটৈঃ।
শূলপ্রাসাসিমুসলজলপ্রস্রবণো মহান্॥ 7-176-75 (53139)
তমঞ্জনচয়প্রখ্যং কর্ণো দৃষ্ট্বা মহীধরম্।
প্রপাতৈরায়ুধান্যুগ্রাণ্যুদ্বহন্তং ন চুক্ষুভে॥ 7-176-76 (53140)
স্ময়ন্নিব ততঃ কর্ণো দিব্যমস্ত্রমুদৈরয়ৎ।
ততঃ সোঽস্রেণ শৈলেন্দ্রো বিক্ষিপ্তো বৈ ব্যনশ্যত॥ 7-176-77 (53141)
ততঃ স তোয়দো ভূৎবা নীলঃ সেন্দ্রায়ুধো দিবি।
অশ্মবৃষ্টিভিরত্যুগ্রঃ সূতপুত্রমবাকিরৎ॥ 7-176-78 (53142)
অথ সন্ধায় বায়ব্যমস্ত্রমস্ত্রবিদাং বরঃ।
ব্যধমৎকালমেঘং তং কর্ণো বৈকর্তনো বৃষঃ॥ 7-176-79 (53143)
স মার্গণগণৈঃ কর্ণো দিশঃ প্রচ্ছাদ্য সর্বশঃ।
জঘানাস্ত্রং মহারাজ ঘটোৎকচসমীরিতম্॥ 7-176-80 (53144)
ততঃ প্রহস্য সমরে ভৈমসেনির্মহাবলঃ।
প্রাদুশ্চক্রে মহামায়াং কর্ণং প্রতি মহারথম্॥ 7-176-81 (53145)
স দৃষ্ট্বা পুনরায়ান্তং রথেন রথিনাং বরম্।
ঘটোৎকচমসম্ভ্রান্তং রাক্ষসৈর্বহুভির্বৃতম্॥ 7-176-82 (53146)
সিংহশার্দূলসদৃশৈর্মত্তমাতঙ্গবিক্রমৈঃ।
গজস্থৈশ্চ রথস্থৈশ্চ বাজিপৃষ্ঠগতৈস্তথা। 7-176-82 (53147)
নানাশস্ত্রধরৈর্ঘোরৈর্নানাকবচভূষণৈঃ॥
বৃতং ঘটোৎকচং ক্রূরৈর্মরুদ্ভিরিব বাসবম্। 7-176-83 (53148)
দৃষ্ট্বা কর্ণো মহেষ্বাসো যোধয়ামাস রাক্ষসম্॥
ঘটোৎকচস্ততঃ কর্ণং বিদ্ধা পঞ্চভিরাশুগৈঃ। 7-176-84 (53149)
ননাদ ভৈরবং নাদং ভীষয়ন্সর্বপার্থিবান্॥
ভূয়শ্চাঞ্জলিকেনাথ স মার্গণগণং মহৎ। 7-176-85 (53150)
কর্ণহস্তস্থিতং চাপং চিচ্ছেদাশু ঘটোৎকচঃ॥
অথান্যদ্ধনুরাদায় দৃঢং ভারসহং মহৎ। 7-176-86 (53151)
বিচকর্ষ বলাৎকর্ণ ইন্দ্রায়ুধমিবোচ্ছ্রিতম্॥
ততঃ কর্ণো মহারাজ প্রেষয়ামাস সায়কান্। 7-176-87 (53152)
সুবর্ণপুঙ্খাঞ্ছত্রুঘ্নান্খেচরান্রাক্ষসান্প্রতি॥
তদ্বাণৈরর্দিতং যূথং রক্ষসাং পীনবক্ষসাম্। 7-176-88 (53153)
সিংহেনেবার্দিতং বন্যং গজানামাকুলং কুলম্॥
বিধম্য রাক্ষসান্বাণৈঃ সাশ্বসূতগজান্বিভুঃ। 7-176-89 (53154)
দদাহ ভগবান্বহ্নির্ভূতানীব যুগক্ষয়ে॥
স হৎবা রাক্ষসীং সেনাং শুশুভে সূতনন্দনঃ। 7-176-90 (53155)
পুরেব ত্রিপুরং দগ্ধ্বা দিবি দেবো মহেশ্বরঃ॥
তেষু রাজসহস্রেষু পাণ্ডবেয়েষু মারিষ। 7-176-91 (53156)
নৈনং নিরীক্ষিতুমপি কশ্চিচ্ছক্নোতি পার্থিব॥
ঋতে ঘটোৎকচাদ্রাজন্রাক্ষসেন্দ্রান্মহাবলাৎ। 7-176-92 (53157)
ভীমবীর্যবলোপেতাৎক্রুদ্ধ্দ্বৈবস্বতাদিব॥
তস্য ক্রুদ্ধস্য নেত্রাভ্যাং পাবকঃ সমজায়ত। 7-176-93 (53158)
মহোল্কাভ্যাং যথা রাজন্সার্জিষঃ স্নেহবিন্দবঃ॥
তলং তলেন সংহত্য সন্দশ্য দশনচ্ছদম্। 7-176-94 (53159)
রথমাস্থায় চ পুনর্মায়যা নির্মিতং তদা॥
যুক্তং গজনিভৈর্বাহৈঃ পিশাচবদনৈঃ খরৈঃ। 7-176-95 (53160)
স সূতমব্রবীৎক্রুদ্ধঃ সূতপুত্রায় মাং বহ॥ 7-176-96 (53161)
স যয়ৌ ঘোররূপেণ রথেন রথিনাং বরঃ।
দ্বৈরথং সূতপুত্রেণ পুনরেব বিশাম্পতে॥
স চিক্ষেপ পুনঃ ক্রুদ্ধঃ সুতপুত্রায় রাক্ষসঃ। 7-176-97 (53162)
অষ্টচক্রাং মহাঘোরামশনিং রুদ্রনির্মিতাম্॥ 7-176-98 (53163)
দ্বিয়োজনসমুৎসেধাং যোজনায়ামবিস্তরাম্।
আয়সীং নিচিতাং শূলৈঃ কদম্বমিব কেশরৈঃ॥ 7-176-99 (53164)
তামবপ্লুত্য জগ্রাহ কর্ণো ন্যস্য মহদ্ধনুঃ।
চিক্ষেপ চৈনাং তস্যৈব স্যন্দনাৎসোঽবপুপ্লুবে॥ 7-176-100 (53165)
সাশ্বসূতধ্বজং যানং ভস্ম কৃৎবা মহাপ্রভা।
বিবেশ বসুধাং ভিত্ৎবা সুরাস্তত্র বিসিস্মিয়ুঃ॥ 7-176-101 (53166)
কর্ণং তু সর্বভূতানি পূজয়ামাসুরঞ্জসা।
যদপ্লুত্য জগ্রাহ দেবসৃষ্টাং মহাশনিম্॥ 7-176-102 (53167)
এবং কৃৎবা রণে কর্ণ আরুরোহ রথং পুনঃ।
ততো মুমোচ নারাচান্সূতপুত্রঃ পরন্তপঃ॥ 7-176-103 (53168)
অশক্যং কর্তুমন্যেন সর্বভূতেষু মানদ।
যদকার্ষীত্তদা কর্ণঃ সঙ্গ্রামে ভীমদর্শনে॥ 7-176-104 (53169)
স হন্যমানো নারাচৈর্ধারাভিরিব পর্বতঃ।
গন্ধর্বনগরাকারঃ পুনরন্তরধীয়ত॥ 7-176-105 (53170)
এবং স বৈ মহাকায়ো মায়যা লাঘবেন চ।
অস্ত্রাণি তানি দিব্যানি জঘান রিপুসূদনঃ॥ 7-176-106 (53171)
নিহন্যমানেষ্বস্ত্রেষু মায়যা তেন রক্ষসা।
অসম্ভ্রান্তস্তদা কর্ণস্তদ্রক্ষঃ প্রত্যযুধ্যত॥ 7-176-107 (53172)
ততঃ ক্রুদ্ধো মহারাজ ভৈমসেনির্মহাবলঃ।
চকার বহুধাঽঽত্মানং ভীষয়াণো মহারথান্॥ 7-176-108 (53173)
ততো দিগ্ভ্যঃ সমাপেতুঃ সিংহব্যাঘ্রতরক্ষবঃ।
অগ্নিজিহ্বাশ্চ ভুজগা বিহগাশ্চাপ্যযোমুখাঃ॥ 7-176-109 (53174)
স কীর্যমাণো বিশিখৈঃ কর্ণচাপচ্যুতৈঃ শরৈঃ।
নাগরাডিব দুষ্প্রেক্ষ্যস্তত্রৈবান্তরধীয়ত॥ 7-176-110 (53175)
রাক্ষসাশ্চ পিশাচাশ্চ যাতুধানাস্তথৈব চ।
শালাবৃকাশ্চ বহবো বৃকাশ্চ বিকৃতাননাঃ॥ 7-176-111 (53176)
তে কর্ণং ক্ষপয়িষ্যন্তঃ সর্বতঃ সমুপাদ্রবন্।
অথৈনং বাগ্ভিরুগ্রাভিস্ত্রাসয়াঞ্চিক্রিরে তদা॥ 7-176-112 (53177)
উদ্যতৈর্বহুভির্ঘোরৈরায়ুধৈঃ শোণিতোক্ষিতৈঃ।
তেষামনেকৈরেকৈকং কর্ণো বিব্যাধ সায়কৈঃ॥ 7-176-113 (53178)
প্রতিহত্য তু তাং মায়াং দিব্যেনাস্ত্রেণ রাক্ষসীম্।
আজঘান হয়ানস্য শরৈঃ সন্নতপর্বভিঃ॥ 7-176-114 (53179)
তে ভগ্না বিক্ষতাঙ্গাশ্চ ভিন্নপৃষ্ঠাশ্চ সায়কৈঃ।
বসুধামন্বপদ্যন্ত পশ্যতস্তস্য রক্ষসঃ॥ 7-176-115 (53180)
স ভগ্নমায়ো হৈডিম্বিঃ কর্ণং বৈকর্তনং তদা।
এষ তে বিদধে মৃত্যুমিত্যুক্ৎবান্তরধীয়ত॥ ॥ 7-176-116 (53181)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে ষট্সপ্তত্যধিকশততমোঽধ্যায়ঃ॥ 176 ॥
Mahabharata - Drona Parva - Chapter Footnotes
5-176-5 নিম্নিতোদরঃ নিম্নিতং পৃষ্ঠবংশসংলগ্নমশনহীনস্যেবোদরং যস্যেত্যর্থঃ॥ 5-176-6 করালবান্ উন্নতদন্তচতুষ্কঃ॥ 5-176-8 বিকচশ্চাসাবুদ্বৃপিণ্ডো দৃঢাঙ্গঃ কো মূর্ধা যস্য স বিকচোদ্বৃদ্ধপিণ্ডকঃ। শিথিলোপচয়ঃ স্ফিক্প্রদেশে এব শিথিলঃ শ্লথ উপচয়ো বৃদ্ধির্যস্য॥ 5-176-13 নল্বো হস্তচতুঃশতম্॥ 5-176-29 বিষ্কুর্হস্তস্তন্মিতঃ পরীণাহো বিস্তারো যস্য। অরত্নির্নিরষ্টমাংশঃ করঃ॥ 5-176-30 রথঃ স্যন্দনদেহয়োরিতি কোশাদ্দেহানুকূলশক্তিমদ্ভিরিতি বা॥ 5-176-35 তস্য ঘটোৎকচস্যা। আসক্তমন্যোন্যসংসক্তং যথাস্যাত্তথাশরানস্যতঃ॥ 5-176-94 উল্কাভ্যাং সজর্রসমিশ্রোল্মুকাভ্যাম্। ততো হি দীপ্তস্য সর্জরসস্য কণাঃ সস্নেহৎবাৎসার্চিষ এব পতন্তীতি প্রসিদ্ধম্॥ 5-176-176 ষট্সপ্তত্যধিকশততমোঽধ্যায়ঃ॥দ্রোণপর্ব - অধ্যায় 177
॥ শ্রীঃ ॥
7.177. অধ্যায়ঃ 177
Mahabharata - Drona Parva - Chapter Topics
বকাদিবন্ধুবধাদ্ভীমে চিরবৈরিণা অলায়ুধরাক্ষসেন সুয়োধনাদায়োধনাক্ষ্যনুজ্ঞামুপলক্ষ্য ঘটোৎকচং প্রত্যভিগমনম্॥ 1 ॥Mahabharata - Drona Parva - Chapter Text
7-177-0 (53182)
সঞ্জয় উবাচ। 7-177-0x (4735)
তস্মিংস্তথা বর্তমানে কর্ণরাক্ষসয়োর্মৃধে।
অলায়ুধো রাক্ষসেন্দ্রো বীর্যবানভ্যবর্তত॥ 7-177-1 (53183)
মহত্যা সেনয়া যুক্তো দুর্যোধনমুপাগমৎ।
রাক্ষসানাং বিরূপাণাং সহস্রৈঃ পরিবারিতঃ।
নানারূপধরৈর্বীরৈঃ পূর্ববৈরমনুস্মরন্॥ 7-177-2 (53184)
তস্য জ্ঞাতির্হি বিক্রান্তো ব্রাহ্মণাদো বকো হতঃ।
কির্ণীরশ্চ মহাতেজা হিডিম্বশ্চ সখা তদা॥ 7-177-3 (53185)
স দীর্ঘকালাধ্যুপিতং পূর্ববৈরমনুস্মরন্।
বিজ্ঞায়ৈতন্নিশায়ুদ্ধং জিঘাংসুর্ভীমমাহবে॥ 7-177-4 (53186)
স মত্ত ইব মাতঙ্গঃ সঙ্ক্রুদ্ব ইব চোরগঃ।
দুর্যোধনমিদং বাক্যমব্রবীদ্যুদ্বলালসঃ॥ 7-177-5 (53187)
বিদিতং তে মহারাজ যথা ভীমেন রাক্ষসাঃ।
হিডিম্ববককির্মীরা নিহতা মম বান্ধবাঃ॥ 7-177-6 (53188)
পরামর্শশ্চ কন্যায়া হিডিম্বায়াঃ কৃতঃ পুরা।
কিমন্যদ্রাক্ষসানন্যানস্মাংশ্চ পরিভূয় হ॥ 7-177-7 (53189)
তমহং সগণং রাজন্সবাজিরথকুঞ্জরম্।
হৈডিম্বিং চ সহামাত্যং হন্তুমভ্যাগতঃ স্বয়ম্॥ 7-177-8 (53190)
অদ্য কুন্তীসুতান্সর্বান্বাসুদেবপুরোগমান্।
হৎবা সম্ভক্ষয়িষ্যামি সর্বৈরনুচরৈঃ সহ॥ 7-177-9 (53191)
নিবারয় বলং সর্বং বয়ং যোৎস্যাম পাণ্ডবান্॥ 7-177-10 (53192)
তস্যৈতদ্বচনং শ্রুৎবা হৃষ্টো দুর্যোধনস্তদা।
প্রতিপূজ্যাব্রবীদ্বাক্যং ভ্রাতৃভিঃ পরিবারিতঃ॥ 7-177-11 (53193)
ৎবাং পুরস্কৃত্য সগণং বয়ং যোৎস্যামহে পরান্।
ন হি বৈরান্তমনসঃ স্থাস্যন্তি মম সৈনিকাঃ॥ 7-177-12 (53194)
এবমস্ৎবিতি রাজানমুক্ৎবা রাক্ষসপুঙ্গবঃ।
অভ্যযাত্ৎবরিতো ভৈমিং সহিতঃ পুরুষাদকৈঃ॥ 7-177-13 (53195)
দীপ্যমানেন বপুষা রথেনাদিত্যবর্চসা।
তাদৃশেনৈব রাজেন্দ্র যাদৃশেন ঘটোৎকচঃ॥ 7-177-14 (53196)
তস্যাপ্যতুলনির্ঘোপো বহুতোরণচিত্রিতঃ।
ঋক্ষচর্মাবনদ্বাঙ্গো নল্বমাত্রো মহারথঃ॥ 7-177-15 (53197)
তস্যাপি তুরগাঃ শীঘ্রা হস্তিকায়াঃ খরস্বনাঃ।
শতং যুক্তা মহাকায়া মাংসশোণিতভোজনাঃ॥ 7-177-16 (53198)
তস্যাপি রথনির্ঘোপো মহামেঘরবোপমঃ।
স্যাপি সুমহচ্চাপং দৃঢজ্যং কনকোজ্জ্বলম্॥
তস্যাপ্যক্ষসমা বাণা রুক্ম পুঙ্খাঃ শিলাশিতাঃ।
সোঽপি বীরো মহাবাহুর্যথৈব স ঘটোৎকচঃ॥ 7-177-17 (53199)
তস্যাপি গোমায়ুবলাভিগুপ্তো
বভূব কেতুর্জ্বলনার্কতুল্যঃ।
স চাপি রূপেণ ঘটোৎকচস্য
শ্রীমত্তমো হ্যন্তকসন্নিকাশঃ॥ 7-177-19 (53200)
দীপ্তাঙ্গদো দীপ্তকিরীটমালী
বদ্ধস্রগুষ্ণীষনিবদ্ধখঙ্গঃ।
গদী ভুশুণ্ডী মুসলী হলী চ
শরাসনী বারণতুল্যবর্ষ্মা॥ 7-177-20 (53201)
রথেন তেনানলবর্চসা তদা
বিদ্রাবয়ন্পাণ্ডববাহিনীং তাম্।
ররাজ সহ্খ্যে পরিবর্তমানো
বিদ্যুন্মালী মেঘ ইবান্তরিক্ষে॥ 7-177-21 (53202)
তে চাপি সর্বপ্রবরা নরেন্দ্রা
মহাবলা বর্মিমশ্চর্মিণশ্চ।
হর্ষান্বিতা যুয়ুধুস্তস্য রাজন্
সমন্ততঃ পাণ্ডবয়োধবীরাঃ॥ ॥ 7-177-22 (53203)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে সপ্তসপ্তত্যধিকশততমোঽধ্যায়ঃ॥ 177 ॥
দ্রোণপর্ব - অধ্যায় 178
॥ শ্রীঃ ॥
7.178. অধ্যায়ঃ 178
Mahabharata - Drona Parva - Chapter Topics
ভীমালায়ুধয়োর্যুদ্ধম্॥ 1 ॥Mahabharata - Drona Parva - Chapter Text
7-178-0 (53204)
সঞ্জয় উবাচ। 7-178-0x (4736)
তমাগতমভিপ্রেক্ষ্য ভীমকর্মাণমাহবে।
হর্ষমাহারয়াঞ্চক্রুঃ কুরবঃ সর্ব এব তে॥ 7-178-1 (53205)
তথৈব তব পুত্রাস্তে দুর্যোধনপুরোগমাঃ।
অপ্লুবাঃ প্লবমাসাদ্য তর্তুকামা ইবার্ণবম্॥ 7-178-2 (53206)
পুনর্জাতমিবাত্মানং মন্বানাঃ পুরুষর্ষভাঃ।
অলায়ুধং রাক্ষসেন্দ্রং স্বাগতেনাভ্যপূজয়ন্॥ 7-178-3 (53207)
তস্মিংস্ৎবমানুষে যুদ্ধে বর্তমানে মহাভয়ে।
কর্ণরাক্ষসয়োর্নক্তং দারুণপ্রতিদর্শনে॥ 7-178-4 (53208)
`ন দ্রৌণির্ন কৃপদ্রোণৌ ন শল্যো ন চ মাধবঃ।
এক এব তু তেনাসীদ্যোদ্ধা কর্ণো রণে বৃষা'॥ 7-178-5 (53209)
উপপ্রৈক্ষন্ত পাঞ্চালাঃ স্ময়মানাঃ সরাজকাঃ।
ব্যভ্রমংস্তাবকাশ্চাপি ঘূর্ণমানাস্ততস্ততঃ॥ 7-178-6 (53210)
চুক্রুশুর্নেদমস্তীতি দ্রোণদ্রৌণিকৃপাদয়ঃ।
তৎকর্ম দৃষ্ট্বা সম্ভ্রান্তা হৈডিম্বস্য রণাজিরে॥ 7-178-7 (53211)
সর্বমাবিগ্নমভবদ্ধাহাভূতমচেতনম্।
তব সৈন্যং মহারাজ নিরাশং কর্ণজীবিতে॥ 7-178-8 (53212)
দুর্যোধনস্তু সম্প্রেক্ষ্য কর্ণমার্তিং পরাং গতম্।
অলায়ুধং রাক্ষসেন্দ্রং সমাহূয়েদমব্রবীৎ॥ 7-178-9 (53213)
এষ বৈকর্তনঃ কর্ণো হৈডিম্বেন সমাগতঃ।
কুরুতে কর্ম সুমহদ্যদস্যোপয়িকং মৃধে॥ 7-178-10 (53214)
পশ্যৈতান্পার্থিবাঞ্শূরান্নিহতান্ভৈমসেনিনা।
নানাশস্ত্রৈরভিহতান্পাদপানিব দন্তিনা॥ 7-178-11 (53215)
তবৈষ ভারঃ সমরে জ্ঞাতিমধ্যে ময়া কৃতঃ।
তবৈবানুমতে বীর তং বিক্রম্য নিবর্হয়॥ 7-178-12 (53216)
পুরা বৈকর্তনং কর্ণমেষ পাপো ঘটোৎকচঃ।
মায়াবলং সমাশ্রিত্য কর্ষয়ত্যরিকর্শন॥ 7-178-13 (53217)
এবমুক্তঃ স রাজ্ঞা তু রাক্ষসো ভীমবিক্রমঃ।
তথেত্যুক্ৎবা মহাবাহুর্ঘটোৎকচমুপাদ্রবৎ॥ 7-178-14 (53218)
ততঃ কর্ণং সমুৎসৃজ্য ভৈমসেনিরপি প্রভো।
প্রত্যমিত্রমুপায়ান্তমর্দয়ামাস মার্গণৈঃ॥ 7-178-15 (53219)
তয়োঃ সমভবদ্যুদ্ধং ক্রুদ্ধয়ো রাক্ষসেন্দ্রয়োঃ।
মত্তয়োর্বাসিতাহেতোর্দীপয়োরিব কাননে॥ 7-178-16 (53220)
রক্ষসা বিপ্রমুক্তস্তু কর্ণোঽপি রথিনাং বরঃ।
অভ্যদ্রবদ্ভীমসেনং রথেনাদিত্যবর্চসা॥ 7-178-17 (53221)
তমায়ান্তমনাদৃত্য দৃষ্ট্বা গ্রস্তং ঘটোৎকচম্।
অলায়ুধেন সমরে সিংহেনেব গবাং পতিম্॥ 7-178-18 (53222)
রথেনাদিত্যবপুষা ভীমঃ প্রহরতাং বরঃ।
কিরঞ্ছরৌঘান্প্রয়যাবলায়ুধরথং প্রতি॥ 7-178-19 (53223)
তমায়ান্তমভিপ্রেক্ষ্য স তদাঽলায়ুধঃ প্রভো।
ঘটোৎকচং সমুৎসৃজ্য ভীমসেনং সমাহ্বয়ৎ॥ 7-178-20 (53224)
তং ভীমঃ সহসাঽভ্যেত্য রাক্ষসান্তকরঃ প্রভো।
সগণং রাক্ষসেন্দ্রং তং শরবর্ষৈরবাকিরৎ॥ 7-178-21 (53225)
তথৈবালায়ুধো রাজঞ্শিলাধৌতৈরজিহ্মগৈঃ।
অভ্যবর্ষত কৌন্তেয়ং পুনঃপুনররিন্দম॥ 7-178-22 (53226)
তথা তে রাক্ষসাঃ সর্বে ভীমসেনমুপাদ্রবন্।
নানাপ্রহরণা ভীমাস্ৎবৎসুতানাং জয়ৈষিণঃ॥ 7-178-23 (53227)
স তাড্যমানো বহুভির্ভীমসেনো মহাবলঃ।
পঞ্চভিঃ পঞ্চভিঃ সর্বাংস্তানবিধ্যচ্ছিতৈঃ শরৈঃ॥ 7-178-24 (53228)
তে বধ্যমানা ভীমেন রাক্ষসাঃ ক্রূরবুদ্ধয়ঃ।
বিনেদুস্তুমুলান্নাদান্দুদ্রুবুস্তে দিশো দশ॥ 7-178-25 (53229)
তাংস্ত্রাস্যমানান্ভীমেন দৃষ্ট্বা রক্ষো মবহালম্।
অভিদুদ্রাব বেগেন শরৈশ্চৈনমবাকিরৎ॥ 7-178-26 (53230)
তং ভীমসেনঃ সমরে তীক্ষ্ণাগ্রৈরক্ষিণোচ্ছরৈঃ॥ 7-178-27 (53231)
অলায়ুধস্তু তানস্তান্ভীমেন বিশিখান্রণে।
চিচ্ছেদ কাংশ্চিৎসমরে ৎবরয়া কাংশ্চিদগ্রহীৎ॥ 7-178-28 (53232)
স তং দৃষ্ট্বা রাক্ষসেন্দ্রং ভীমো ভীমপরাক্রমঃ।
গদাং চিক্ষেপ বেগেন বজ্রপাতোপমাং তদা॥ 7-178-29 (53233)
তামাপতন্তীং বেগেন গদাং জ্বালাকুলাং ততঃ।
গদয়া তাডয়ামাস সা গদা ভীমমাব্রজৎ॥ 7-178-30 (53234)
স রাক্ষসেন্দ্রং কৌন্তেয়ঃ শরবর্ষৈরবাকিরৎ।
তানপ্যস্যাকরোন্মোঘান্রাক্ষসো নিশিতৈঃ শরৈঃ॥ 7-178-31 (53235)
তে চাপি রাক্ষসাঃ সর্বে রজন্যাং ভীমরূপিণঃ।
শাসনাদ্রাক্ষসেন্দ্রস্য নিজঘ্নূ রথকুঞ্জরান্॥ 7-178-32 (53236)
পাঞ্চালাঃ সৃঞ্জয়াশ্চৈব বাজিনঃ পরমদ্বিপাঃ।
ন শান্তিং লেভিরে তত্র রাক্ষসৈর্ভৃশপীডিতাঃ॥ 7-178-33 (53237)
তং তু দৃষ্ট্বা মহাঘোরং বর্তমানং মহাহবম্।
অব্রবীৎপুণ্ডরীকাক্ষো ধনঞ্জয়মিদং বচঃ॥ 7-178-34 (53238)
পশ্য ভীমং মহাবাহুং রাক্ষসেন্দ্রবশং গতম্।
পদমস্যানুগচ্ছ ৎবং মা বিচারয় পাণ্ডব॥ 7-178-35 (53239)
ধৃষ্টদ্যুম্নঃ শিখণ্ডী চ যুধামন্যূত্তমৌজসৌ।
সহিতৌ দ্রৌপদেয়াশ্চ কর্ণং যান্তু মহারথাঃ॥ 7-178-36 (53240)
নকুলঃ সহদেবশ্চ যুয়ুধানশ্চ বীর্যবান্।
ইতরান্রাক্ষসান্ঘ্নন্তু শাসনাত্তব পাণ্ডব॥ 7-178-37 (53241)
ৎবমপীমাং মহাবাহো চমূং দ্রোণপুরস্কৃতাম্।
মারয়স্ব নরব্যাঘ্র মহদ্ধি ভয়মাগতম্॥ 7-178-38 (53242)
এবমুক্তে তু কৃষ্ণেন যথোদ্দিষ্টা মহারথাঃ।
জগ্মুর্বৈকর্তনং কর্ণং রাক্ষসাংশ্চৈব তান্রণে॥ 7-178-39 (53243)
অথ পূর্ণায়তোৎসৃষ্টৈঃ শরৈরাশীবিষোপমৈঃ।
ধনুশ্চিচ্ছেদ ভীমস্য রাক্ষসেন্দ্রঃ প্রতাপবান্॥ 7-178-40 (53244)
হয়াংশ্চাস্য শিতৈর্বাণৈঃ সারথিং চ মহাবলঃ।
জঘান মিষতঃ সঙ্খ্যে ভীমসেনস্য রাক্ষসঃ॥ 7-178-41 (53245)
সোঽবতীর্য রথোপস্থাদ্ধতাশ্বো হতসারথিঃ।
তস্মৈ গুর্বীং গদাং ঘোরাং বিনদন্নুৎসসর্জ হ॥ 7-178-42 (53246)
ততস্তাং ভীমনির্ঘোষামাপতন্তীং মহাগদাম্।
গদয়া রাক্ষসো ঘোরো নিজঘান ননাদ চ॥ 7-178-43 (53247)
তদ্দৃষ্ট্বা রাক্ষসেন্দ্রস্য ঘোরং কর্ম ভয়াবহম্।
ভীমসেনঃ প্রহৃষ্টাত্মা গদামাশু পরামৃশৎ॥ 7-178-44 (53248)
তয়োঃ সমভবদ্যুদ্ধং তুমুলং নররক্ষসোঃ।
গদানিপাতসংহাদৈর্ভুবং কম্পয়তোর্ভৃশম্॥ 7-178-45 (53249)
গদাবিমুক্তৌ তৌ ভূয়ঃ সমাসাদ্যেতরেতরম্।
মুষ্টিভির্বজ্রসংহাদৈরন্যোন্যমভিজঘ্নতুঃ॥ 7-178-46 (53250)
রথচক্রৈর্যুগৈরক্ষৈরধিষ্ঠানৈরুপস্করৈঃ।
যথাসন্নমুপাদায় নিজঘ্নতুরমর্ষণৌ॥ 7-178-47 (53251)
তৌ বিক্ষরন্তৌ রুধিরং সমাসাদ্যেতরেতরম্।
মত্তাবিব মহানাগৌ চকৃপাতে পুনঃ পুনঃ॥ 7-178-48 (53252)
তাবপশ্যদ্বৃষীকেশঃ পাণ্ডবানাং হিতে রতঃ।
স ভীমসেনরক্ষার্থং হৈডিম্বিং পর্যচোদয়ৎ॥ ॥ 7-178-49 (53253)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে অষ্টসপ্তত্যধিকশততমোঽধ্যায়ঃ॥ 178 ॥
Mahabharata - Drona Parva - Chapter Footnotes
5-178-5 মাধবঃ কৃতবর্মা॥ 5-178-7 ইদমস্মৎসৈন্যম্॥ 5-178-178 অষ্টসপ্তত্যধিকশততমোঽধ্যায়ঃ॥দ্রোণপর্ব - অধ্যায় 179
॥ শ্রীঃ ॥
7.179. অধ্যায়ঃ 179
Mahabharata - Drona Parva - Chapter Topics
ঘটোৎকচেনাঽলায়ুধবধঃ॥ 1 ॥Mahabharata - Drona Parva - Chapter Text
7-179-0 (53254)
সঞ্জয় উবাচ। 7-179-0x (4737)
সংদৃশ্য সমরে ভীমং রক্ষসা গ্রস্তমন্তিকাৎ।
বাসুদেবোঽব্রবীদ্রাজন্ঘটোৎকচমিদং বচঃ॥ 7-179-1 (53255)
পশ্য ভীমং মহাবাহো রক্ষসা গ্রস্তমাহবে।
পশ্যতাং সর্বসৈন্যানাং তব চৈব মহাদ্যুতে॥ 7-179-2 (53256)
স কর্ণং ৎবং সমুৎসৃজ্য রাক্ষসেন্দ্রমলায়ুধম্।
জহি ক্ষিপ্রং মহাবাহো পশ্চাৎকর্ণং বধিষ্যসি॥ 7-179-3 (53257)
স বার্ষ্ণেয়বচঃ শ্রুৎবা কর্ণমুৎসৃজ্য বীর্যবান্।
যুয়ুধে রাক্ষসেন্দ্রেণ বকভ্রাত্রা ঘটোৎকচঃ॥ 7-179-4 (53258)
তয়োঃ সুতুমুলং যুদ্ধং বভূব নিশি রক্ষসোঃ।
অলায়ুধস্য চৈবোগ্রং হেডিম্বেশ্চাপি ভারত॥ 7-179-5 (53259)
অলায়ুধস্য যোধাংশ্চ রাক্ষসান্ভীমদর্শনান্।
বেগেনাপততঃ শূরান্প্রগৃহীতশরাসনান্॥ 7-179-6 (53260)
আত্তায়ুধঃ সুসঙ্ক্রুদ্ধো যুয়ুধানো মহারথঃ।
নকুলঃ সহদেবশ্চ চিচ্ছিদুর্নিশিতৈঃ শরৈঃ॥ 7-179-7 (53261)
সর্বাংশ্চ সমরে রাজন্কিরীটী ক্ষত্রিয়র্ষভান্।
পরিচিক্ষেপ বীভৎসুঃ সর্বতঃ প্রকিরঞ্ছরান্॥ 7-179-8 (53262)
কর্ণশ্চ সমরে রাজন্ব্যদ্রাবয়ত পার্থিবান্।
ধৃষ্টদ্যুম্নশিখণ্ড্যাদীন্পাঞ্চালানাং পহারথান্॥ 7-179-9 (53263)
তান্বধ্যমানান্দৃষ্ট্বাঽথ ভীমো ভীমপরাক্রমঃ।
অভ্যযাত্ৎবরিতঃ কর্ণং বিশিখান্প্রকিরন্রণে॥ 7-179-10 (53264)
ততস্তেঽপ্যায়যুর্হৎবা রাক্ষসান্যত্র সূতজঃ।
নকুলঃ সহদেবশ্চ সাত্যকিশ্চ মহারথঃ।
তে কর্ণে যোধয়ামাসুঃ পাঞ্চালা দ্রোণমেব তু॥ 7-179-11 (53265)
অলায়ুধস্তু সঙ্ক্রুদ্ধো ঘটোৎকচমরিন্দমম্।
পরিঘেণাতিকায়েন তাডয়ামাস মূর্ধনি॥ 7-179-12 (53266)
স তু তেন প্রহারেণ ভৈমসেনির্মহাবলঃ।
ঈষন্মূর্ছিতমাত্মানমস্তম্ভয়ত বীর্যবান্॥ 7-179-13 (53267)
ততো দীপ্তাগ্নিসঙ্কাশাং শতঘণ্টামলঙ্কৃতাম্।
চিক্ষেপ তস্মৈ সমরে গদাং কাঞ্চনভূষিতাম্॥ 7-179-14 (53268)
সা হয়াংশ্চ রথং চাস্য সারথিং চ মহাস্বনা।
চূর্ণয়ামাস বেগেন বিসৃষ্টা ভীমকর্মণা॥ 7-179-15 (53269)
স ভগ্নহয়চক্রাক্ষাদ্বিশীর্ণধ্বজকূবরাৎ।
উৎপপাত রথাত্তূর্ণং মায়ামাস্থায় রাক্ষসীম্॥ 7-179-16 (53270)
স সমাস্থায় মায়াং তু ববর্ষ রুধিরং বহু।
বিদ্যুদ্বিভ্রাজিতং চাসীত্তুমুলাভ্রাকুলং নভঃ॥ 7-179-17 (53271)
ততো বজ্রনিপাতাশ্চ সাশনিস্তনয়িত্নবঃ।
মহাংশ্চটচটাশব্দস্তত্রাসীচ্চ মহাহবে॥ 7-179-18 (53272)
তাং প্রেক্ষ্য মহতীং মায়াং রাক্ষসো রাক্ষসস্য চ।
ঊর্ধ্বমুৎপত্য হৈডিম্বিস্তাং মায়াং মায়যাঽবধীৎ॥ 7-179-19 (53273)
সোঽভিবীক্ষ্য হতাং মায়াং মায়াবী মায়যৈব হি।
অশ্মবর্ষং সুতুমুলং বিসসর্জ ঘটোৎকচে॥ 7-179-20 (53274)
অশ্মবর্ষং স তং ঘোরং শরবর্ষেণ বীর্যবান্।
দিক্ষু বিধ্বংসয়ামাস তদদ্ভুতমিবাভবৎ॥ 7-179-21 (53275)
ততো নানাপ্রহরণৈরন্যোন্যমভিবর্ষতাম্।
আয়সৈঃ পরিঘৈঃ শূলৈর্গদামুসলমুদ্গরৈঃ॥ 7-179-22 (53276)
পিনাকৈঃ করবালৈশ্চ তোমরপ্রাসকম্পনৈঃ।
নারাচৈর্নিশিতৈর্ভল্লৈঃ শরৈশ্চক্রৈঃ পরশ্বথৈঃ॥ 7-179-23 (53277)
অয়োগুডৈর্ভিণ্ডিপালৈর্গোশীর্ষোলূখলৈরপি।
উৎপাটিতৈর্মহাশাখৈর্বিবিধৈর্জগতীরুহৈঃ॥ 7-179-24 (53278)
শমীপীলূকদম্বৈশ্চ চম্পকৈশ্চৈব ভারত।
ইঙ্গুদৈর্বদরীভিশ্চ কোবিদারৈশ্চ পুষ্পিতৈঃ॥ 7-179-25 (53279)
পলাশৈশ্চারিমেদৈশ্চ প্লুক্ষন্যগ্রোধপিপ্পলৈঃ।
মহদ্ভিঃ সমরে তস্মিন্ন্যোন্যমভিজঘ্নতুঃ॥ 7-179-26 (53280)
বিপুলৈঃ পর্বতাগ্রৈশ্চ নানাধাতুভিরাচিতৈঃ।
তেষাং শব্দো মহানাসীদ্বজ্রাণাং ভিদ্যতামিব॥ 7-179-27 (53281)
যুদ্ধং সমভবদ্ধোরং ভৈম্যলায়ুধয়োর্নৃপ।
হরীন্দ্রয়োর্যথা রাজন্বালিসুগ্রীবয়োঃ পুরা॥ 7-179-28 (53282)
তৌ যুদ্ধ্বা বিবিধৈর্ঘোরৈরায়ুধৈর্বিশিখৈস্তথা।
উৎসৃজ্য চ শিতৌ খঙ্খাগবন্যোমভিপেততুঃ॥ 7-179-29 (53283)
তাবন্যোন্যমভিদ্রুত্য কেশেষু সুমহাবলৌ।
ভুজাভ্যাং পর্যগৃহ্ণীতাং মহাকায়ৌ মহাবলৌ॥ 7-179-30 (53284)
তৌ স্বিন্নগাত্রৌ প্রস্বেদং সুস্রুবাতে জনাধিপ।
রুধিরং চ মহাকায়াবতিবৃষ্টাবিবাম্বুদৌ॥ 7-179-31 (53285)
অথাভিপত্য বেগেন সমুদ্ধাম্য চ রাক্ষসম্।
বলেনাক্ষিপ্য হৈডিম্বিশ্চকর্তাস্য শিরো মহৎ॥ 7-179-32 (53286)
সোঽপহৃত্য শিরস্তস্য কুণ্ডলাভ্যাং বিভূপিতম্।
তদা সুতুমুলং নাদং ননাদ সুমহাবলঃ॥ 7-179-33 (53287)
হতং দৃষ্ট্বা মহাকায়ং বকজ্ঞাতিমরিন্দমম্।
পাঞ্চালাঃ পাণ্ডবাশ্চৈব সিংহনাদান্বিনেদিরে॥ 7-179-34 (53288)
ততো ভেরীসহস্রাণি শঙ্খানাময়ুতানি চ।
অবাদয়ন্পাণ্ডবেয়া রাক্ষসে নিহতে যুধি॥ 7-179-35 (53289)
অতীব সা নিশা তেষাং বভূব বিজয়াবহা।
বিদ্যোতমানা বিবভৌ সমন্তাদ্দীপমালিনী॥ 7-179-36 (53290)
অলায়ুধস্য তু শিরো ভৈমসেনির্মহাবলঃ।
দুর্যোধনস্য প্রমুখে চিক্ষেপ গতচেতসঃ॥ 7-179-37 (53291)
অথ দুর্যোধনো রাজা দৃষ্ট্বা হতমলায়ুধম্।
বভূব পরমোদ্বিগ্নঃ সহ সৈন্যেন ভারত॥ 7-179-38 (53292)
তেন হ্যস্য প্রতিজ্ঞাতং ভীমসেনমহং যুধি।
হন্তেতি স্বয়মাগম্য স্মরতা বৈরমুত্তমম্॥ 7-179-39 (53293)
ধ্রুবং স তেন হন্তব্য ইত্যমন্যত পার্থিবঃ।
জীবিতং চিরকালং ভ্রাতৄণাং চাপ্যমন্যত॥ 7-179-40 (53294)
স তং দৃষ্ট্বা বিনিহতং ভীমসেনাত্মজেন বৈ।
প্রতিজ্ঞাং ভীমসেনস্য পূর্ণামেবাভ্যমন্যত॥ ॥ 7-179-41 (53295)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে একোনাশীত্যধিকশততমোঽধ্যায়ঃ॥ 179 ॥
Mahabharata - Drona Parva - Chapter Footnotes
5-179-28 হরীন্দ্রয়োঃ সিংহমুখ্যযোঃ॥ 5-179-179 একোনাশীত্যধিকশততমোঽধ্যায়ঃ॥দ্রোণপর্ব - অধ্যায় 180
॥ শ্রীঃ ॥
7.180. অধ্যায়ঃ 180
Mahabharata - Drona Parva - Chapter Topics
কর্ণেন ঘটোৎকচবধঃ॥ 1 ॥Mahabharata - Drona Parva - Chapter Text
7-180-0 (53296)
সঞ্জয় উবাচ। 7-180-0x (4738)
নিহত্যালায়ুধং রক্ষঃ প্রহৃষ্টাত্মা ঘটোৎকচঃ।
ননাদ বিবিধান্নাদান্বাহিন্যা প্রমুখে তব॥ 7-180-1 (53297)
তস্য তং তুমুলং শব্দং শ্রুৎবা হৃদয়কম্পনম্।
তাবকানাং মহারাজ ভয়মাসীৎসুদারুণম্॥ 7-180-2 (53298)
অলায়ুধবিষক্তং তু ভৈমসেনিং মহাবলম্।
দৃষ্ট্বা কর্ণো মহাবাহুঃ পাঞ্চালান্সমুপাদ্রবৎ॥ 7-180-3 (53299)
দশভির্দশভির্বাণৈর্ধৃষ্টদ্যুম্নশিখণ্ডিনৌ।
দৃঢৈঃ পূর্ণায়তোৎসৃষ্টৈর্বিভেদ নতপর্বভিঃ॥ 7-180-4 (53300)
ততঃ পরমনারাচৈর্যুধামন্যূত্তমৌজসৌ।
সাত্যকিং চ রথোদারং কম্পয়মাস মার্গণৈঃ॥ 7-180-5 (53301)
তেষামপ্যস্যতাং সঙ্খ্যে সর্বেষাং সব্যদক্ষিণম্।
মণ্ডলান্যেব চাপানি ব্যদৃশ্যন্ত জনাধিপ॥ 7-180-6 (53302)
তেষাং জ্যাতলনির্ঘোষো রথনেমিস্বনশ্চ হ।
মেঘানামিব ঘর্মান্তে বভূব তুমুলো নিশি॥ 7-180-7 (53303)
জ্যানেমিঘোষস্তনয়িত্নুমান্বৈ
ধনুস্তটিন্মণ্ডলকেতুশৃঙ্গঃ।
শরৌঘবর্ষাকুলবৃষ্টিমাংশ্চ
সঙ্ক্রামমেঘঃ স বভূব রাজন্॥ 7-180-8 (53304)
তদদ্ভুতং শৈল ইবাপ্রকম্পো
বর্ষং মহাশৈলসমানসারঃ।
বিধ্বংসয়ামাস রণে নরেনদ্র
বৈকর্তনঃ শত্রুগণাবমর্দী॥ 7-180-9 (53305)
ততোঽতুলৈর্বজ্রনিপাতকল্পৈঃ
শিতৈঃ শরৈঃ কাঞ্চনচিত্রপুঙ্খৈঃ।
শত্রূন্ব্যপোহৎসমরে মহাত্মা
বৈকর্তনঃ পুত্রহিতে রতস্তে॥ 7-180-10 (53306)
সঞ্ছিন্নভিন্নধ্বজিনশ্চ কেচি--
ৎকেচিচ্ছরৈরর্দিতভিন্নদেহাঃ।
কেচিদ্বিসূতা বিহয়াশ্চ কেচি--
দ্বৈকর্তনেনাশু কৃতা বভূবুঃ॥ 7-180-11 (53307)
অবিন্দমানাস্ৎবথ শর্ম সঙ্খ্যে
যৌধিষ্ঠিরং তে বলমভ্যপদ্যন্।
তান্প্রেক্ষ্য ভগ্নান্বিমুখীকৃতাংশ্চ
ঘটোৎকচো রোষমতীব চক্রে॥ 7-180-12 (53308)
আস্থায় তং কাঞ্চনরত্নচিত্রং
রথোত্তমং সিংহবৎসন্ননাদ।
বৈকর্তনং কর্ণমুপেত্য চাপি
বিব্যাধ বজ্রপ্রতিমৈঃ পৃষৎকৈঃ॥ 7-180-13 (53309)
তৌ কর্ণিনারাচশিলীমুখৈশ্চ
নালীকদণ্ডাসনবৎসদন্তৈঃ।
বরাহকর্ণৈঃ সবিপাঠশৃঙ্গৈ-
ক্ষুরপ্রবর্ষৈশ্চ বিনেদতুঃ খম্॥ 7-180-14 (53310)
তদ্বাণধারাবৃতমন্তরিক্ষং
তির্যগ্গতাভিঃ সমরে ররাজ।
সুবর্ণপুঙ্খজ্বলিতপ্রভাভি--
র্বিচিত্রপুষ্পাভিরিব প্রজাভিঃ॥ 7-180-15 (53311)
সমাহিতাবপ্রতিমপ্রভাবা--
বন্যোন্যমাজঘ্নতুরুত্তমাস্ত্রৈঃ।
তয়োর্হি বীরোত্তময়োর্ন কশ্চি--
দ্দদর্শ তস্মিন্সমরে বিশেষম্॥ 7-180-16 (53312)
অতীব তচ্চিত্রমতুল্যরূপং
বভূব যুদ্ধং রবিভীমসূন্বোঃ।
সমাকুলং শস্ত্রনিপাতঘোরং
দিবীব রাহ্বংশুমতোঃ প্রমত্তম্॥ 7-180-17 (53313)
সঞ্জয় উবাচ। 7-180-18x (4739)
ঘটোৎকচং যদা কর্ণো ন বিশেষয়তে নৃপ।
ততঃ প্রাদুশ্চকারোগ্রমত্ত্রমস্ত্রবিদাং বরঃ॥ 7-180-18 (53314)
তেনাস্ত্রেণাবধীত্তস্য রথং সহয়সারথিম্।
বিরথশ্চাপি হৈডিম্বিঃ ক্ষিপ্রমন্তরধীয়ত॥ 7-180-19 (53315)
ধৃতরাষ্ট্র উবাচ। 7-180-20x (4740)
তস্মিন্নন্তর্হিতে তূর্ণং কুটয়োধিনি রাক্ষসে।
মামকৈঃ প্রতিপন্নং যত্তন্মমাচক্ষ্ব সঞ্জয়॥ 7-180-20 (53316)
সঞ্জয় উবাচ। 7-180-21x (4741)
অন্তর্হিতং রাক্ষসেন্দ্রং বিদিৎবা
সম্প্রাক্রোশন্কুরবঃ সর্ব এব।
কথং নায়ং রাক্ষসঃ কূটয়োধী
হন্যাৎকর্ণং সমরেঽদৃশ্যমানঃ॥ 7-180-21 (53317)
ততঃ কর্ণো লঘুচিত্রাস্ত্রয়োধী
সর্বা দিশঃ প্রাবৃণোদ্বাণজালৈঃ।
ন বৈ কিঞ্চিৎপ্রাপতত্তত্র ভূতং
তমোভূতে সায়কৈরন্তরিক্ষে॥ 7-180-22 (53318)
নৈবাদদানো ন চ সন্দধানো
ন চেষুধীস্পৃশমানঃ কারগ্রৈঃ।
অদৃশ্যদ্বৈ লাঘবাৎসূতপুত্রঃ
সর্বং বাণৈশ্ছাদয়ানোঽন্তরিক্ষম্॥ 7-180-23 (53319)
ততো মায়াং দারুণামন্তরিক্ষে
ঘোরাং ভীমাং বিহিতাং রাক্ষসেন।
অপশ্যাম লোহিতাভ্রপ্রকাশাং
দেদীপ্যন্তীমগ্নিশিখামিবোগ্রাম্॥ 7-180-24 (53320)
ততস্তস্যাং বিদ্যুতঃ প্রাদুরাস--
ন্নুল্কাশ্চাপি জ্বলিতাঃ কৌরবেন্দ্র।
ঘোপশ্চাস্যঃ প্রাদুরাসীৎসুঘোরঃ
সহস্রশো নদতাং দুন্দুভীনাম্॥ 7-180-25 (53321)
ততঃ শরাঃ প্রাপতন্রুক্মপুঙ্খাঃ
শক্ত্যৃষ্টিপ্রাসমুসলান্যায়ুধানি।
পরশ্বথাস্তৈলধৌতাশ্চ খঙ্গাঃ
প্রদীপ্তাগ্রাস্তোমরাঃ পট্টসাশ্চ॥ 7-180-26 (53322)
ময়ূখিনঃ পরিঘা লোহবদ্ধা
গদাশ্চিত্রাঃ শিতধারাশ্চ শূলাঃ।
গুর্ব্যো গদা হেমপট্টাবনদ্ধাঃ
শতঘ্ন্যশ্চ প্রাদুরাসন্সমন্তাৎ॥ 7-180-27 (53323)
মহাশিলাশ্চাপতংস্তত্রতত্র
সহস্রশঃ সাশনয়শ্চ বজ্রাঃ।
চক্রাণি চানেকশতক্ষুরাণি
প্রাদুর্বভূবুর্জ্বলনপ্রভাণি॥ 7-180-28 (53324)
তাং শক্তিপাষাণপরশ্বথানাং
প্রাসাসিবজ্রাশনিমুদ্গরাণাম্।
বৃষ্টিং বিশালাং জ্বলিতাং পতন্তীং
কর্ণঃ শরৌঘৈর্ন শশাক হন্তুম্॥ 7-180-29 (53325)
শরাহতানাং পততাং হয়ানাং
বজ্রাহতানাং চ তথা গজানাম্।
শিলাহতানাং চ মহারথানাং
মহান্নিনাদঃ পততাং বভূব॥ 7-180-30 (53326)
সুভীমনানাবিধশস্ত্রপাতৈ--
র্ঘটোৎকচেনাভিহতং সমন্তাৎ।
দৌর্যোধনং বৈ বলমার্তরূপ--
মাবর্তমানং দদৃশে ভ্রমত্তৎ॥ 7-180-31 (53327)
হাহাকৃতং সম্পরিবর্তমানং
সংলীয়মানং চ বিষণ্ণরূপম্।
তে ৎবার্যভাবাৎপুরুষপ্রবীরাঃ
পরাঙ্মুখা নো বভূবুস্তদানীম্॥ 7-180-32 (53328)
তাং রাক্ষসীং ভীমরূপাং সুঘোরাং
বৃষ্টিং মহাশস্ত্রময়ীং পতন্তীম্।
দৃষ্ট্বা বলৌঘাংশ্চ নিপাত্যমানা--
ন্মহদ্ভয়ং তব পুত্রান্বিবেশ॥ 7-180-33 (53329)
শিবাশ্চ বৈশ্বানরদীপ্তজিহ্বাঃ
সুভীমনাদাঃ শতশো নদন্তীঃ।
রক্ষোগণান্নর্দতশ্চাপি বীক্ষ্য
নরেন্দ্র যোধা ব্যথিতা বভূবুঃ॥ 7-180-34 (53330)
তে দীপ্তজিহ্বানলতীক্ষ্ণদংষ্ট্রা
বিভীষণাঃ শৈলনিকাশকায়াঃ।
নভোগতাঃ শক্তিবিষক্তহস্তা
মেঘা ব্যমুঞ্চন্নিব বৃষ্টিমুগ্রাম্॥ 7-180-35 (53331)
তৈরাহতাস্তে শরশক্তিশূলৈ--
র্গদাভিরুগ্রৈঃ পরিঘৈশ্চ দীপ্তৈঃ।
বজ্রৈঃ পিনাকৈরশনিপ্রহারৈঃ
শতঘ্নিচক্রৈর্ভথিতাশ্চ পেতুঃ॥ 7-180-36 (53332)
শূলা ভুশুণ্ড্যোঽশ্মগুডাঃ শতঘ্ন্যঃ
স্থূলাশ্চ কার্ষ্ণায়সপট্টনদ্বাঃ।
তেঽবাকিরংস্তব পুত্রস্য সৈন্যং
ততো রৌদ্রং কশ্মলং প্রাদুরাসীৎ॥ 7-180-37 (53333)
বিকীর্ণান্ত্রা বিহতৈরুত্তমাঙ্গৈঃ
সম্ভগ্নাঙ্গঃ শিশ্যিরে তত্র শূরাঃ।
ছিন্না হয়াঃ কুঞ্জরাশ্চাপি ভগ্না
ন মুচ্যন্তে যাচমানাঃ সুভীতাঃ॥ 7-180-38 (53334)
এবং মহচ্ছস্ত্রবর্ষং সৃজন্ত--
স্তে যাতুধানা ভুবি ঘোররূপাঃ।
মায়াঃ সৃষ্টাস্তত্র ঘটোৎকচেন
নামুঞ্চন্বৈ যাচমানং ন ভীতম্॥ 7-180-39 (53335)
তস্মিন্ঘোরে কুরুবীরাবমর্দে
কালোৎসৃষ্টে ক্ষত্রিয়াণামভাবে।
তে বৈ ভগ্নাঃ সহসা ব্যদ্রবন্ত
প্রাক্রোশন্তঃ কৌরবাঃ সর্ব এব॥ 7-180-40 (53336)
পলায়ধ্বং কুরবো নৈতদস্তি
সেন্দ্রা দেবা ঘ্নন্তি নঃ পাণ্ডবার্থে।
তথা তেষাং মজ্জতাং ভারতানাং
তস্মিন্দ্বীপঃ সূতপুত্রো বভূব॥ 7-180-41 (53337)
তস্মিন্সঙ্ক্রন্দে তুমুলে বর্তমানে
সৈন্যে ভগ্নে লীয়মানে কুরূণাম্।
অন্নীকানাং প্রবিভাগে প্রকাশে
ন জ্ঞায়ন্তে কুরবো নেতরে চ॥ 7-180-42 (53338)
নির্মর্যাদে বিদ্রবে ঘোররূপে
সর্বা দিশঃ প্রেক্ষমাণাঃ স্ম শূন্যাঃ।
তাং শস্ত্রবৃষ্টিমুরসা গাহমানং
কর্ণং স্মৈকং তত্র রাজন্নপশ্যন্॥ 7-180-43 (53339)
ততো বাণৈরাবৃণোদন্তরিক্ষং
দিব্যাং মায়াং যোধয়ন্রাক্ষসস্য।
হীমান্কুর্বন্দুষ্করং চার্যকর্ম
নৈবামুহ্যৎসংয়ুগে সূতপুত্রঃ॥ 7-180-44 (53340)
ততো ভীতাঃ সমুদৈক্ষন্ত কর্ণং
রাজন্সর্বে সৈন্ধবা বাহ্লিকাশ্চ।
অসম্মোহং পূজয়ন্তোঽস্য সঙ্খ্যে
সম্পশ্যন্তো বিজয়ং রাক্ষসস্য॥ 7-180-45 (53341)
তেনোৎসৃষ্টা চক্রয়ুক্তা শতঘ্নী
সমং সর্বাংশ্চতুরোঽশ্বাঞ্জঘান।
তে জানুভির্জগতীমন্বপদ্য--
ন্গতাসবো নির্দশনাক্ষিজিহ্বাঃ॥ 7-180-46 (53342)
ততো হতাশ্বাদবরুহ্য যানা--
দন্তর্মনাঃ কুরুষু প্রাদ্রুবৎসু।
দিব্যে চাস্ত্রে মায়যা বধ্যমানে
নৈবামুহ্যচ্চিন্তয়ন্ৎপ্রাপ্তকালম্॥ 7-180-47 (53343)
ততোঽব্রুবন্কুরবঃ সর্ব এব
কর্ণং দৃষ্ট্বা ঘোররূপাং চ মায়াম্।
শক্ত্যা রক্ষো জহি কর্ণাদ্য তূর্ণং
নশ্যন্ত্যেতে কুরবো ধার্তরাষ্ট্রাঃ॥ 7-180-48 (53344)
করিষ্যতঃ কিঞ্চ নো ভীমপার্থৌ
তপন্তমেনং জহি পাপং নিশীথে।
যো নঃ সঙ্গ্রামাদ্ধোররূপাদ্বিমুচ্যে--
ৎস নঃ পার্থান্সবালান্যোধয়েত॥ 7-180-49 (53345)
তস্মাদেনং রাক্ষসং ঘোররূপং
শক্ত্যা জহি ৎবং দত্তয়া বাসবেন।
মা কৌরবাঃ সর্ব এবেন্দ্রকল্পা
রাত্রিয়ুদ্ধে কর্ণ নেশুঃ সয়োধাঃ॥ 7-180-50 (53346)
স বধ্যমানো রক্ষসা বৈ নিশীথে
দৃষ্ট্বা রাজংস্ত্রাস্যমানং বলং চ।
মহচ্ছ্রুৎবা নিনদং কৌরবাণাং
মতিং দধ্রে শক্তিমোক্ষায় কর্ণঃ॥ 7-180-51 (53347)
স বৈ ক্রুদ্ধঃ সিংহ ইবাত্যমর্ষী
নামর্ষয়ন্প্রতিঘাতং রণেঽসৌ।
শক্তিং শ্রেষ্ঠাং বৈজয়ন্তীমসহ্যাং
সমাদদে তস্য বধং চিকীর্ষন্॥ 7-180-52 (53348)
যাঽসৌ রাজন্নিহিতা বর্ষপূগা--
ন্বধায়াজৌ সৎকৃতা ফল্গুনস্য।
যাং বৈ প্রাদাৎসূত পুত্রায় শক্রঃ
শক্তিং শ্রেষ্ঠাং কুণ্ডলাভ্যাং নিমায়॥ 7-180-53 (53349)
তাং বৈ শক্তিং লেলিহানাং প্রদীপ্তাং
পাশৈর্যুক্তামন্তকস্যেব জিহ্বাম্।
মৃত্যোঃ স্বসারং জ্বলিতামিবোল্কাং
বৈকর্তনঃ প্রাহিণোদ্রাক্ষসায়॥ 7-180-54 (53350)
তামুত্তমাং পরকায়াবহন্ত্রীং
দৃষ্ট্বা শক্তিং বাহুসংস্থাং জ্বলন্তীম্।
ভীতং রক্ষো বিপ্রদুদ্রাব রাজন্
কৃৎবাঽঽত্মানং বিন্ধ্যতুল্যপ্রমাণম্॥ 7-180-55 (53351)
দৃষ্ট্বা শক্তিং কর্ণবাহ্বন্তরস্থাং
নেদুর্ভূতান্যন্তরিক্ষে নরেন্দ্র।
ববুর্বাতাস্তুমুলাশ্চাপি রাজ--
ন্সনির্ঘাতা চাশনির্গাং জগাম॥ 7-180-56 (53352)
সা তাং মায়াং ভস্ম কৃৎবা জ্বলন্তী
ভিত্ৎবা গাঢং হৃদয়ং রাক্ষসস্য।
ঊর্ধ্বং যয়ৌ দীপ্যমানা নিশায়াং
নক্ষত্রাণামন্তরাণ্যাবিবেশ॥ 7-180-57 (53353)
স নির্ভিন্নো বিবিধৈরস্ত্রপূগৈ--
র্দিব্যৈর্নাগৈর্মানুষৈ রাক্ষসৈশ্চ।
নদন্নাদান্বিবিধান্ভৈরবাংশ্চ
প্রাণানিষ্টাংস্ত্যাজিতঃ শক্রশক্ত্যা॥ 7-180-58 (53354)
ইদং চান্যচ্চিত্রমাশ্চর্যরূপং
চকারাসৌ কর্ম শত্রুক্ষয়ায়।
তস্মিন্কালে শক্তিনির্ভিন্নমর্মা
বভৌ রাজঞ্শৈলমেঘপ্রকাশঃ॥ 7-180-59 (53355)
ততোঽন্তরিক্ষাদপতদ্গতাসুঃ
স রাক্ষসেন্দ্রো ভুবি ভিন্নদেহঃ।
অবাক্শিরাঃ স্তব্ধগাত্রো বিজিহ্বো
ঘটোৎকচো মহদাস্থায় রূপম্॥ 7-180-60 (53356)
স তদ্রূপং ভৈরবং ভীমকর্মা
ভীমং কৃৎবা ভৈমসেনিঃ পপাত।
হতোঽপ্যেবং তব সৈন্যৈকদেশ--
মপোথয়ৎস্বেন দেহেন রাজন্॥ 7-180-61 (53357)
পতদ্রক্ষঃ স্বেন কায়েন তূর্ণ--
মতিপ্রমাণেন বিবর্ধতা চ।
প্রিয়ং কুর্বন্পাণ্ডবানাং গতাসু--
রক্ষৌহিণীং তব তূর্ণং জঘান॥ 7-180-62 (53358)
ততো মিশ্রাঃ প্রাণদন্সিংহনাদৈ--
র্ভের্যঃ শঙ্খা মুরজাশ্চানকাশ্চ।
দগ্ধাং মায়াং নিহতং রাক্ষসং চ
দৃষ্ট্বা হৃষ্ট্বাঃ প্রাণদন্কৌরবেয়াঃ॥ 7-180-63 (53359)
ততঃ কর্ণঃ কুরুভিঃ পূজ্যমানো
যথা শক্রো বৃত্রবধে মরুদ্ভিঃ।
অন্বারূঢস্তব পুত্রস্য যানং
হৃষ্টশ্চাপি প্রাবিশত্তৎস্বসৈন্যম্॥ ॥ 7-180-64 (53360)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে অশীত্যধিকশততমোঽধ্যায়ঃ॥ 180 ॥
Mahabharata - Drona Parva - Chapter Footnotes
5-180-8 কেতুশৃঙ্গঃ ধ্বজশিখরঃ॥ 5-180-15 তির্যগ্গতাভিরিষুপঙ্ক্তিভিরিতি শেষঃ॥ 5-180-20 প্রতিপন্নং কর্তব্যৎবেন জ্ঞাতমনুষ্ঠিতং চ॥ 5-180-23 অদৃশ্যাৎ অদৃশ্যত॥ 5-180-43 উরসা হার্দবলেন॥ 5-180-180 অশীত্যধিকশততমোঽধ্যায়ঃ॥দ্রোণপর্ব - অধ্যায় 181
॥ শ্রীঃ ॥
7.181. অধ্যায়ঃ 181
Mahabharata - Drona Parva - Chapter Topics
ঘটোৎকচনিধনাৎসর্বেষু শোচৎসু হর্ষাদাত্মানং পরিষ্বজমানং কৃষ্ণং প্রত্যর্জুনেন হর্ষঙেতুপ্রশ্নঃ॥ 1 ॥ কৃষ্ণেন তদভিধানপূর্বকং কর্ণপ্রভাবপ্রশংসনম্॥ 2 ॥Mahabharata - Drona Parva - Chapter Text
7-181-0 (53361)
`ধৃতরাষ্ট্র উবাচ। 7-181-0x (4742)
তস্মিন্হতে মহামায়ে মহাতেজসি রাক্ষসে।
অমর্ষিতাঃ পাণ্ডবেয়াঃ কিমকুর্বন্মহারণে॥ 7-181-1 (53362)
মর্দিতাশ্চ ভৃশং যুদ্ধে কিমকুর্বন্ত সঞ্জয়॥ 7-181-2 (53363)
যে চ তেঽভ্যদ্রবন্দ্রোণং ব্যূঢানীকং প্রহারিণঃ।
সৃঞ্জয়াঃ সহ পাঞ্চালৈস্তেঽরুর্বন্কিং মহারণে॥ 7-181-3 (53364)
সৌমদত্তিবধাদ্দ্রোণমায়ত্তং সৈন্ধবস্য চ।
অমর্ষাজ্জীবিতং ত্যক্ৎবা গাহমানং বরূথিনীম্॥ 7-181-4 (53365)
জৃম্ভমাণমিব ব্যাঘ্রং ব্যাত্তাননমিবান্তকম্।
কথং প্রত্যুদ্যযুর্দ্রোণমজয়্যং কুরুসৃঞ্জয়াঃ॥ 7-181-5 (53366)
আচার্যং যে চ রক্ষন্তি দুর্যোধনপুরোগমাঃ।
দ্রৌণিকর্ণকৃপাস্তাত তে হ্যকুর্বন্কিমাহবে॥ 7-181-6 (53367)
ভারদ্বাজং জিঘাংসন্তৌ সব্যসাচিবৃকোদরৌ।
আর্চ্ছতাং মামকান্যুদ্ধে কথং সঞ্জয় শংস মে॥ 7-181-7 (53368)
সিন্ধুরাজবধেনেমে ঘটোৎকচবধেন তে।
অমর্ষিতাশ্চ সঙ্ক্রুদ্ধা রণং চক্রুঃ কথং যুধি'॥ 7-181-8 (53369)
সঞ্জয় উবাচ। 7-181-9x (4743)
হৈডিম্বিং নিহতং দৃষ্ট্বা বিশীর্ণমিব পর্বতম্।
বভূবুঃ পাণ্ডবাঃ সর্বে শোকবাষ্পাকুলেক্ষণাঃ॥ 7-181-9 (53370)
বাসুদেবস্তু হর্ষেণ মহতাঽভিপরিপ্লুতঃ।
ননাদ সিংহবন্নাদং ব্যথয়ন্নিব ভারত॥ 7-181-10 (53371)
হতং ঘটোৎকচং জ্ঞাৎবা বাসুদেবঃ প্রতাপবান্।
বিনদ্য চ মহানাদং পর্যষ্বজত ফল্গুনম্॥ 7-181-11 (53372)
স বিনদ্য মহানাদমভীশূন্সন্নিয়ম্য চ।
ননর্ত হর্ষসংবীতো বাতোদ্ধূত ইব দ্রুমঃ॥ 7-181-12 (53373)
ততঃ পরিষ্বজ্য পুনঃ পার্থমাস্ফোট্য চাসকৃৎ।
রথোপস্থগতো ধীমান্প্রাণদৎপুনরচ্যুতঃ॥ 7-181-13 (53374)
প্রহৃষ্টমনসং জ্ঞাৎবা বাসুদেবং মহাবলঃ।
অর্জুনোঽথাব্রবীদ্রাজন্নাতিহৃষ্টমনা ইব॥ 7-181-14 (53375)
অতিহর্ষোঽয়মস্থানে তবাদ্য মধুসূদন।
শোকস্থানে তু সম্প্রাপ্তে হৈডিম্বস্য বধেন তু॥ 7-181-15 (53376)
বিমুখানীহ সৈন্যানি হতং দৃষ্ট্বা ঘটোৎকচম্।
বয়ং চ ভৃশমুদ্বিগ্না হেডিম্বেস্তু নিপাতনাৎ॥ 7-181-16 (53377)
নৈতৎকারণমল্পং হি ভবিষ্যতি জনার্দন।
তদদ্য শংস মে পৃষ্টঃ সত্যং সত্যবতাং বর॥ 7-181-17 (53378)
যদ্যেতন্ন রহস্যং তে বক্তুমর্হস্যরিন্দম।
ধৈর্যস্য বিকৃতিং ব্রূহি ৎবমদ্য মধুসূদন॥ 7-181-18 (53379)
সমুদ্রস্যেব সংশোষং মেরোরিব বিসর্পণম্।
তথৈতদদ্য মন্যেঽহং তব কর্ম জনার্দন॥ 7-181-19 (53380)
বাসুদেব উবাচ। 7-181-20x (4744)
অতিহর্ষমিমং প্রাপ্তং শৃণু মে ৎবং ধনঞ্জয়।
অতীব মনসঃ সদ্যঃ প্রসাদকরমুত্তমম্॥ 7-181-20 (53381)
শক্তিং ঘটোৎকচেনেমাং ব্যংসয়িৎবা মহাদ্যুতে।
কর্ণং নিহতমেবাজৌ বিদ্ধি সদ্যো ধনঞ্জয়॥ 7-181-21 (53382)
শক্তিহস্তং পুনঃ কর্ণং কো লোকেঽস্তি পুমানিহ।
য এনমভিতস্তিষ্ঠেৎকার্তিকেয়মিবাহবে॥ 7-181-22 (53383)
দিষ্ট্যাঽপনীতকবচো দিষ্ট্যাঽপহৃতকুণ্ডলঃ।
দিষ্ট্যা সা ব্যংসিতা শক্তিরমোঘাঽস্য ঘটোৎকচে॥ 7-181-23 (53384)
যদি হি স্যাৎসকবচস্তথৈব স্যাৎসকুণ্ডলঃ।
সামরানপি লোকাংস্ত্রীনেকঃ কর্ণো জয়েদ্রণে॥ 7-181-24 (53385)
বাসবো বা কুবেরো বা বরুণো বা জলেশ্বরঃ।
যমো বা নোৎসহেৎকর্ণং রণে প্রতিসমাসিতুম্॥ 7-181-25 (53386)
গাণ্ডীবমুদ্যম্য ভবাংশ্চক্রং চাহং সুদর্শনম্।
ন শক্তৌ স্বো রণে জেতুং তথায়ুক্তং নরর্ষভম্॥ 7-181-26 (53387)
ৎবদ্ধিতার্থং তু শক্রেণ মায়াপহৃতকুণ্ডলঃ।
বিহীনকবচশ্চায়ং কৃতঃ পরপুরঞ্জয়ঃ॥ 7-181-27 (53388)
উৎকৃত্য কবচং যস্মাৎকুণ্ডলে বিমলে চ তে।
প্রাদাচ্ছক্রায় বৈ কর্ণস্তস্মাদ্বৈকর্তনঃ স্মৃতঃ॥ 7-181-28 (53389)
আশিবিষ ইব ক্রুদ্বঃ স্তম্ভিতো মন্ত্রতেজসা।
তথাঽদ্য ভাতি কর্ণো মে শান্তজ্বাল ইবানলঃ॥ 7-181-29 (53390)
যদাপ্রভৃতি কর্ণায় শক্তির্দত্তা মহাত্মনা।
বাসবেন মহাবাহো ক্ষিপ্তা যাঽসৌ ঘটৎকচে॥ 7-181-30 (53391)
কুণ্ডলাভ্যাং নিমায়াথ দিব্যেন কবচেন চ।
তাং প্রাপ্যামন্যত বৃষা সততং ৎবাং হতং রণে॥ 7-181-31 (53392)
এবং গতোঽপি শক্যোঽয়ং হতুং নান্যেন কেনচিৎ।
ঋতে ৎবাং পুরুষব্যাঘ্র শপে সত্যেন চানঘ॥ 7-181-32 (53393)
ব্রহ্মণ্যঃ সত্যবাদী চ সপস্বী নিয়তব্রতঃ।
রিপুষ্বপি দয়াবাংশ্চ তস্মাৎকর্ণো বৃষা স্মৃতঃ॥ 7-181-33 (53394)
যুদ্ধশৌণ্ডো মহাবাহুর্নিত্যোদ্যতশরাসনঃ।
কেসরীব বনে নর্দন্মত্তমাতঙ্গয়ূথপান্।
বিমর্দন্রথশার্দূলান্রাজতে রণমূর্ধনিxxx॥ 7-181-34 (53395)
মধ্যংগত ইবাদিত্যো যো ন শক্যো নিরীক্ষিতুম্।
ৎবদীয়ৈঃ পুরুষব্যাঘ্র যোধমুখ্যৈর্মহাৎসভিঃ॥ 7-181-35 (53396)
শরজালসহস্রাংশুঃ শরদীব দিxxxx॥ 7-181-36 (53397)
তপান্তে জলদো যদ্বচ্ছরধারাঃ ক্ষরন্মুহুঃ।
দিব্যাস্ত্রজলদঃ কর্ণঃ পর্জন্য ইব বৃষ্টিমান্॥ 7-181-37 (53398)
ত্রিদশৈরপি চাস্যদ্ভিঃ শরবর্ষং সমন্ততঃ।
অশক্যস্তদয়ং জেতুং স্রবদ্ভির্মাংসশোণিতম্॥ 7-181-38 (53399)
কবচেন বিহীনশ্চ কুণ্ডলাভ্যাং চ পাণ্ডব।
সোঽদ্য মানুষতাং প্রাপ্তো বিমুক্তঃ শক্রদত্তয়া॥ 7-181-39 (53400)
একো হি যোগোঽস্য ভবেদ্বধায়
চ্ছিদ্রে হ্যেনং স্বপ্রমত্তঃ প্রমত্তম্।
কৃচ্ছ্রং প্রাপ্তং রথচক্রে বিমগ্নে
হন্যাঃ পূর্বং ৎবং তু সংজ্ঞাং বিচার্য॥ 7-181-40 (53401)
ন হ্যুদ্যতাস্ত্রং যুধি হন্যাদজয়্য--
মপ্যেকবীরো বলভিৎসবজ্রঃ॥ 7-181-41 (53402)
জরাসন্ধশ্চেদিরাজো মহাত্মা
মহাবাহুশ্চৈকলব্যো নিষাদঃ।
একৈকশো নিহতাঃ সর্ব এতে
যোগৈস্তৈস্তৈস্ৎবদ্ধিতার্থং ময়ৈব॥ 7-181-42 (53403)
অথাপরে নিহতা রাক্ষসেন্দ্রা
হিডিম্বকির্মীরবকপ্রধানাঃ।
অলায়ুধঃ পরচক্রাবমর্দী
ঘটোৎকচশ্চোগ্রকর্মা তরস্বী॥ ॥ 7-181-43 (53404)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে একাশীত্যধিকশততমোঽধ্যায়ঃ॥ 181 ॥
Mahabharata - Drona Parva - Chapter Footnotes
5-181-18 ধৈর্যস্য বৈকৃতং ইতি ঝ. পাঠে অস্মৎপক্ষক্ষয়েণ তব হর্ষোঽস্মদ্ধৈর্যবিনাশক ইত্যর্থখঃ॥ 5-181-31 কুণ্ডলাভ্যাং নিমায় বিনিময়ং কৃৎবা॥ 5-181-33 বৃষা ধর্মপ্রধানঃ॥ 5-181-37 পর্জন্যইব বৃষ্টিমান্। নেতা নেতৃভিরস্যদ্ভিঃ শরবর্ষাণি বর্ষতাম্। সোঽদ্য মানুষতামিত্যাদি ক.ট.ড.পাঠঃ॥ 5-181-181 একাশীত্যধিকশততমোঽধ্যায়ঃ॥দ্রোণপর্ব - অধ্যায় 182
॥ শ্রীঃ ॥
7.182. অধ্যায়ঃ 182
Mahabharata - Drona Parva - Chapter Topics
শ্রীকৃষ্ণেনার্জুনম্প্রতি জরাসন্ধাদিপরাক্রমকথনপূর্বকং তেষাং দুর্জয়তয়া পূর্বমেব স্বেনোপায়ৈর্হননকথনম্॥ 1 ॥Mahabharata - Drona Parva - Chapter Text
7-182-0 (53405)
অর্জুন উবাচ। 7-182-0x (4745)
কথমস্মদ্ধিতার্থং তে কৈশ্চ যোগৈর্জনার্দন।
জরাসন্ধপ্রভৃতয়ো ঘাতিতাঃ পৃথিবীশ্বরাঃ॥ 7-182-1 (53406)
বাসুদেব উবাচ। 7-182-2x (4746)
জরাসন্ধশ্চেদিরাজো নৈষাদিশ্চ মহাবলঃ।
যদি স্যুর্ন হতাঃ পূর্বমিদানীং স্যুর্ভয়ঙ্করাঃ॥ 7-182-2 (53407)
দুর্যোধনস্তানবশ্যং বৃণুয়াদ্রথসত্তমান্।
তেঽস্মাসু নিত্যবিদ্বিষ্টাঃ সংশ্রয়েয়ুশ্চ কৌরবান্॥ 7-182-3 (53408)
তে হি বীরা মহেষ্বাসাঃ কৃতাস্ত্রা দৃঢয়োধিনঃ।
ধার্তরাষ্ট্রচমূং কৃৎস্নাং রক্ষেয়ুরমরা ইব॥ 7-182-4 (53409)
সূতপুত্রো জরাসন্ধশ্চেদিরাজো নিষাদজঃ।
সুয়োধনং সমাশ্রিত্য তপেরন্পৃথিবীমিমাম্॥ 7-182-5 (53410)
যোগৈরভিহতা যৈস্তে তন্মে শৃণু ধনঞ্জয়।
অজয়্যা হি বিনা যোগৈর্মৃধে তে দৈবতৈরপি॥ 7-182-6 (53411)
একৈকো হি পৃথক্ তেষাং সমস্তাং রিপুবাহিনীম্।
যোধয়েৎসমরে পার্থ লোকপালাভিরক্ষিতাম্॥ 7-182-7 (53412)
জরাসন্ধো হি রুষিতো রৌহিণেয়প্রধর্ষিতঃ।
অস্মদ্বধার্থং চিক্ষেপ গদাং বৈ সর্বঘাতিনীম্॥ 7-182-8 (53413)
সীমন্তমিব কুর্বাণা নভসঃ পাবকপ্রভা।
অদৃশ্যতাপতন্তী সা শক্রুমুক্তা যথাঽশনিঃ॥ 7-182-9 (53414)
তামাপতন্তীং দৃষ্ট্বৈব গদাং রোহিণিনন্দনঃ।
প্রতিঘাতার্থমস্ত্রং বৈ স্থূণাকর্ণমবাসৃজৎ॥ 7-182-10 (53415)
অস্ত্রবেগপ্রতিহতা সা গদা প্রাপতদ্ভুবি।
দারয়ন্তী ধরাং দেবীং কম্পয়ন্তীব পর্বতান্॥ 7-182-11 (53416)
তত্র সা রাক্ষসী ঘোরা জরানাম্নী সুবিক্রমা।
সন্দধে সা হি সঞ্জাতং জরাসন্ধমরিন্দমম্॥ 7-182-12 (53417)
দ্বাভ্যাং জাতো হি মাতৃভ্যামর্ধদেহঃ পৃথক্পৃথক্।
জরয়া সন্ধিতো যস্মাজ্জরাসন্ধস্ততোঽভবৎ॥ 7-182-13 (53418)
সা তু ভূমিং গতা পার্থ হতা সসুতবান্দবা।
গদয়া তেন চাস্ত্রেণ স্থূণাকর্ণেন রাক্ষসী॥ 7-182-14 (53419)
বিনাভূতঃ স গদয়া জরাসন্ধো মহামৃধে।
নিহতো ভীমসেনেন পশ্যতস্তে ধনঞ্জয়॥ 7-182-15 (53420)
যদি হি স্যাদ্গদাপাণির্জরাসন্ধঃ প্রতাপবান্।
সেন্দ্রা দেবা ন তং হন্তুং রণে শক্তা নরোত্তম॥ 7-182-16 (53421)
ৎবদ্ধিতার্থং চ নৈষাদিরঙ্গুষ্ঠেন বিয়োজিতঃ।
দ্রোণেনাচার্যকং কৃৎবা ছদ্মনা সত্যবিক্রমঃ॥ 7-182-17 (53422)
স তু বদ্ধাঙ্গুলিত্রাণো নৈষাদির্দৃঢবিক্রমঃ।
অতিমানী বচনরো বভৌ রাম ইবাপরঃ॥ 7-182-18 (53423)
একলব্যং হি সাঙ্গুষ্ঠমশক্তা দেবদানবাঃ।
সরাক্ষসোরগাঃ পার্থ বিজেতুং যুধি কর্হিচিৎ॥ 7-182-19 (53424)
কিমু মানুষমাত্রেণ শক্যঃ স্যাৎপ্রতিবীক্ষিতুম্।
দৃঢমুষ্টিঃ কৃতী নিত্যমস্যমানো দিবানিশম্॥ 7-182-20 (53425)
ৎবদ্ধিতার্থং তু স ময়া হতঃ সঙ্গ্রামমূর্ধনি॥ 7-182-21 (53426)
চেদিরাজশ্চ বিক্রান্তঃ প্রত্যক্ষং নিহতস্তব।
স চাপ্যশক্যঃ সঙ্গ্রামে জেতুং সর্বসুরাসুরৈঃ॥ 7-182-22 (53427)
বধার্থং তস্য জাতোঽহমন্যেষাং চ সুরদ্বিষাম্।
ৎবৎসহায়ো নরব্যাঘ্র লোকানাং হিতকাম্যযা॥ 7-182-23 (53428)
হিডিম্ববককির্মীরা ভীমসেনেন পাতিতাঃ।
রাবণেন সমপ্রাণা ব্রহ্ময়জ্ঞবিনাশনাঃ॥ 7-182-24 (53429)
হতস্তথৈব মায়াবী হৈডিম্বেনাপ্যলায়ুধঃ।
হৈডিম্বশ্চাপ্যুপায়েন শক্ত্যা কর্ণেন ঘাতিতঃ॥ 7-182-25 (53430)
যদি হ্যেনং নাহনিষ্যৎকর্ণঃ শক্ত্যা মহামৃধে।
ময়াং বধ্যোঽভবিষ্যৎস ভৈমসেনির্ঘটোৎকচঃ।
ময়া ন নিহতঃ পূর্বমেষ যুষ্মৎপ্রিয়েপ্সয়া॥ 7-182-26 (53431)
এষ হি ব্রাহ্মণদ্বেষী যজ্ঞদ্বেষী চ রাক্ষসঃ।
ধর্মস্য লোপ্তা পাপাত্মা তস্মাদেব নিপাতিতঃ।
ব্যংসিতা চাপ্যূপায়েন শক্রদত্তা ময়াঽনঘ॥ 7-182-27 (53432)
যেহি ধর্মস্য লোপ্তারো বধ্যাস্তে মম পাণ্ডব।
ধর্মসংস্থাপনার্থং হি প্রতিজ্ঞৈষা মমাব্যযা॥ 7-182-28 (53433)
ব্রহ্ম সত্যং দমঃ শৌচং ধর্মো হীঃ শ্রীর্ধৃতিঃ ক্ষমা।
যত্র তত্র রমে নিত্যমহং সত্যেন তে শপে॥ 7-182-29 (53434)
ন বিষাদস্ৎবয়া কার্যঃ কর্ণং বৈকর্তনং প্রতি।
উপদেক্ষ্যাম্যুপায়ং তে যেন তং প্রসহিষ্যসি॥ 7-182-30 (53435)
সুয়োধনং চাপি রণে হনিষ্যতি বৃকোদরঃ।
তস্যাপি চ বধোপায়ং বক্ষ্যামি তব পাণ্ডব॥ 7-182-31 (53436)
বর্ধতে তুমুলস্ৎবেষ শব্দঃ পচরমূং প্রতি।
বিদ্রবন্তি চ সৈন্যানি ৎবদীয়ানি দিশো দশ॥ 7-182-32 (53437)
লব্ধলক্ষ্যা হি কৌরব্যা বিধমন্তি চমূং তব।
দহত্যেষ চ বঃ সৈন্যং দ্রোণঃ প্রহরতাং বরঃ॥ ॥ 7-182-33 (53438)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে দ্ব্যশীত্যধিকথততমোঽধ্যায়ঃ॥ 182 ॥
Mahabharata - Drona Parva - Chapter Footnotes
5-182-1 যোগৈরুপায়ৈঃ॥ 5-182- রৌক্মিণেয়প্রধর্ষিতঃ ইতি ক.ঙ.পাঠঃ॥ 5-182- ব্যংসিতা ব্যর্থীকৃতা শক্তিরিতি শেষঃ॥ 5-182-দ্ব্যশীত্যধিকশততমোঽধ্যায়ঃ॥ 182 ॥দ্রোণপর্ব - অধ্যায় 183
॥ শ্রীঃ ॥
7.183. অধ্যায়ঃ 183
Mahabharata - Drona Parva - Chapter Topics
ধৃতরাষ্ট্রেণ সঞ্জয়ম্প্রতি কর্ণেন অর্জুনে শক্তেরমোক্ষণকারণপ্রশ্নে সঞ্জয়েন সাত্যকিম্প্রতি কৃষ্ণোক্ততদুত্তরকথনম্॥ 1 ॥Mahabharata - Drona Parva - Chapter Text
7-183-0 (53439)
ধৃতরাষ্ট্র উবাচ। 7-183-0x (4747)
একবীরবধে মোঘা শক্তিঃ সূতাত্মজে যদা।
কস্মাৎসর্বান্সমুৎসৃজ্য স তাং পার্থে ন মুক্তবান্॥ 7-183-1 (53440)
তস্মিন্হতে হতা হি স্যুঃ সর্বে পাণ্ডবসৃঞ্জয়াঃ।
একবীরবধে কস্মাদ্যুদ্ধে ন জয়মাদধে॥ 7-183-2 (53441)
আহূতো ন নিবর্তেয়মিতি তস্য মহাব্রতম্।
স্বয়ং মার্গয়িতব্যঃ স সূতপুত্রেণ ফল্গুনঃ॥ 7-183-3 (53442)
ততো দ্বৈরথমানীয় ফল্গুনং শক্তদত্তয়া।
জঘান ন বৃষা কস্মাত্তন্মমাচক্ষ্ব সঞ্জয়॥ 7-183-4 (53443)
নূনং বুদ্ধিবিহীনশ্চাপ্যসহায়শ্চ মে সুতঃ।
শত্রুভির্ব্যংসিতঃ পাপঃ কথং নু স জয়েদরীন্॥ 7-183-5 (53444)
যা হ্যস্য পরমা শক্তির্জয়স্য চ পরায়ণম্।
সা শখ্তির্বাসুদেবেন ব্যংসিতা চ ঘটোৎকচে॥ 7-183-6 (53445)
কুণের্যথা হস্তগতং হিয়েদ্বিল্বং বলীয়সা।
তথা শক্তিরমোঘা সা মোঘীভূতা ঘটোৎকচে॥ 7-183-7 (53446)
যথা বরাহস্য শুনশ্চ যুধ্যতো--
স্তয়োরভাবে শ্বপচস্য লাভঃ।
মন্যে বিদ্বন্বাসুদেবস্য তদ্ব--
দ্যুদ্ধে লাভঃ কর্ণহৈডিম্বয়োর্বৈ॥ 7-183-8 (53447)
ঘটোৎকচো যদি হন্যাদ্বি কর্ণং
পরো লাভঃ স ভবেৎপাণ্ডবানাম্।
বৈকর্তনো বা যদি তং নিহন্যা--
ত্তথাপি কৃত্যং শক্তিনাশাৎকৃতং স্যাৎ॥ 7-183-9 (53448)
ইতি প্রাজ্ঞঃ প্রজ্ঞয়ৈতদ্বিচিন্ত্য
ঘটোৎকচং সূতপুত্রেণ যুদ্ধে।
অঘাতয়দ্বাসুদেবো নৃসিংহঃ
প্রিয়ং কুর্বন্পাণ্ডবানাং হিতং চ॥ 7-183-10 (53449)
সঞ্জয় উবাচ। 7-183-11x (4748)
এতচ্চিকীর্ষিতং জ্ঞাৎবা কর্ণে মধুনিহা নৃপ।
নিয়োজয়ামাস তদা দ্বৈরথে রাক্ষসেশ্বরম্॥ 7-183-11 (53450)
ঘটোৎকচং মহাবীর্যং মহাবুদ্ধির্জনার্দনঃ।
অমোঘায়া বিঘাতার্থং রাজন্দুর্মন্ত্রিতে তব॥ 7-183-12 (53451)
তদৈব কৃতকার্যা হি বয়ং স্যাম কুরূদ্বহ।
ন রক্ষেদ্যদি কৃষ্ণস্তং পার্থং কর্ণান্মহারথাৎ॥ 7-183-13 (53452)
সাশ্বধ্বজরথঃ সঙ্ক্যে ধৃতরাষ্ট্র পতেদ্ভুবি।
বিনা জনার্দনং পার্থো যোগানামীশ্বরং প্রভুম্॥ 7-183-14 (53453)
তৈস্তৈরুপায়ৈর্বহুভী রক্ষ্যমাণঃ স পার্থিব।
জয়ত্যভিমুখঃ শত্রূন্পার্থঃ কৃষ্ণেন পালিতঃ॥ 7-183-15 (53454)
সবিশেষং ৎবমেয়াত্মা কৃষ্ণো রক্ষেন্ন ফল্গুনম্।
হন্যাৎক্ষিপ্রং হি কৌন্তেয়ং শক্তির্বৃক্ষমিবাশনিঃ॥ 7-183-16 (53455)
ধৃতরাষ্ট্র উবাচ। 7-183-17x (4749)
বিরোধী চ কুমন্ত্রী চ প্রাজ্ঞমানী মমাত্মজঃ।
যস্যৈষ সমতিক্রান্তো বধোপায়ো জয়ং প্রতি॥ 7-183-17 (53456)
স বা কর্ণো মহাবুদ্ধিঃ সর্বশস্ত্রভৃতাং বরঃ।
ন মুক্তবান্কথং সূত তামমোঘাং ধনঞ্জয়ে॥ 7-183-18 (53457)
তবাপি সমতিক্রান্তমেতদ্গাবল্গণে কথম্।
এতমর্থং মহাবুদ্ধে যত্ৎবয়া নাববোধিতঃ॥ 7-183-19 (53458)
সঞ্জয় উবাচ। 7-183-20x (4750)
দুর্যোধনস্য শকুনের্মম দুঃশাসনস্য চ।
রাত্রৌ রাত্রৌ ভবত্যেষা নিত্যমেব বিকত্থনা॥ 7-183-20 (53459)
শ্বঃ সর্বসৈন্যানুৎসৃজ্য জহি কর্ণ ধনঞ্জয়ম্।
প্রেষ্যবৎপাণ্ডুপাঞ্চালানুপভোক্ষ্যামহে ততঃ॥ 7-183-21 (53460)
অথবা নিহতে পার্থং পাণ্ডবান্যতমং ততঃ।
স্থাপয়েদ্যদি বার্ষ্ণেয়স্তস্মাৎকৃষ্ণো হি হন্যতাম্॥ 7-183-22 (53461)
কৃষ্ণো হি মূলং পাণ্ডূনাং পার্থঃ স্কন্ধ ইবোদ্গতঃ।
শাখা ইবেতরে পার্থাঃ পাঞ্চালাঃ পত্রসংজ্ঞিতাঃ॥ 7-183-23 (53462)
কৃষ্ণাশ্রয়াঃ কৃষ্ণবলাঃ কৃষ্ণনাথাশ্চ পাণ্ডবাঃ।
কৃষ্ণঃ পরায়ণং চৈষাং জ্যোতিষামিব চন্দ্রমাঃ॥ 7-183-24 (53463)
তস্মাৎপর্ণানি শাখাশ্চ স্কন্ধং চোৎসৃজ্য সূতজ।
কৃষ্ণং হি বিদ্বি পাণ্ডূনাং মূলং সর্বত্র সর্বদা॥ 7-183-25 (53464)
হন্যাদ্যদি হি দাশার্হং কর্ণো যাদবনন্দনম্।
কৃৎস্না বসুমতী রাজন্বশে তস্য ন সংশয়ঃ॥ 7-183-26 (53465)
যদি হি স নিহতঃ শয়ীত ভূমৌ
যদুকুলপাণ্ডবনন্দনো মহাত্মা।
ননু তব বসুধা নরেন্দ্র সর্বা
সগিরিসমুদ্রবনা বশং ব্রজেত॥ 7-183-27 (53466)
সা তু বুদ্ধিঃ কৃতাঽপ্যেবং জাগ্রতি ত্রিদশেশ্বরে।
অপ্রমেয়ে হৃষীকেশে যুদ্ধকালে ৎবমুহ্যত॥ 7-183-28 (53467)
অর্জুনং চাপি রাধেয়াৎসদা রক্ষতি কেশবঃ।
ন হ্যেনমৈচ্ছৎপ্রমুখে সৌতেঃ স্থাপয়িতুং রণে॥ 7-183-29 (53468)
অন্যাংশ্চাস্মৈ রথোদারানুপাস্থাপয়দচ্যুতঃ।
অমোঘাং তাং কথং শক্তিং মোঘাং কুর্যামিতি প্রভো॥ 7-183-30 (53469)
যশ্চৈবং রক্ষতে পার্থং কর্ণাৎকৃষ্ণো মহামনাঃ।
আত্মানং স কথং রাজন্ন রক্ষেৎপুরুপোত্তমঃ॥ 7-183-31 (53470)
পরিচিন্ত্য তু পশ্যামি চক্রায়ুধমরিন্দমম্।
ন সোঽস্তি ত্রিষু লোকেষু যো জয়েত জনার্দনম্॥ 7-183-32 (53471)
সঞ্জয় উবাচ। 7-183-33x (4751)
ততঃ কৃষ্ণং মহাবাহুং সাত্যকিঃ সত্যবিক্রমঃ।
পপ্রচ্ছ রথশার্দূলঃ কর্ণং প্রতি মহারথঃ॥ 7-183-33 (53472)
অয়ং চ প্রত্যযঃ কর্ণে শক্তিশ্চামিতবিক্রমা।
কিমর্থং সূতপুত্রেণ ন মুক্তা ফল্গুনে তু সা॥ 7-183-34 (53473)
বাসুদেব উবাচ। 7-183-35x (4752)
দুঃশাসনশ্চ কর্ণশ্চ শকুনিশ্চ মসৈন্ধবঃ।
সততং মন্ত্রয়ন্তি স্ম দুর্যোধনপুরোগমাঃ। 7-183-35 (53474)
কর্ণকর্ণ মহেষ্বাস রণেঽমিতপরাক্রম।
নান্যস্য শক্তিরেষা তে মোক্তব্যা জয়তাং বর॥ 7-183-36 (53475)
ঋতে মহারথাৎকর্ণ কুন্তীপুত্রাদ্বনঞ্জয়াৎ।
স হি তেষামতিয়শা দেবানামিব বাসবঃ॥ 7-183-37 (53476)
তস্মিন্বিনিহতে পার্থে পাণ্ডবাঃ সৃঞ্জয়ৈঃ সহ।
ভবিষ্যন্তি গতাত্মানঃ সুরা ইব নিরগ্নয়ঃ॥ 7-183-38 (53477)
তথেতি চ প্রতিজ্ঞাতং কর্ণেন শিনিপুঙ্গব।
হৃদি নিত্যং চ কর্ণস্য বধো গাণ্ডীবধন্বনঃ॥ 7-183-39 (53478)
অহমেব তু রাধেয়ং মোহয়ামি যুধাংবর।
ততো নাবাসৃজচ্ছক্তিং পাণ্ডবে শ্বেতবাহনে॥ 7-183-40 (53479)
ফল্গুনস্য হি সা মৃত্যুরিতি চিন্তয়তোঽনিশম্।
ন নিদ্রা ন চ মে হার্ষো মনসোঽস্তি যুধাংবর॥ 7-183-41 (53480)
ঘটোৎকচে ব্যংসিতাং তু দৃষ্ট্বা তাং শিনিপুঙ্গব।
মৃত্যোরাস্যান্তরান্মুক্তং পস্যাম্যদ্য ধনঞ্জয়ম্॥ 7-183-42 (53481)
ন পিতা ন চ মে মাতা ন যূয়ং ভ্রাতরস্তথা।
ন চ প্রাণাস্তথা রক্ষ্যা যথা বীভৎসুরাহবে॥ 7-183-43 (53482)
ত্রৈলোক্যরাজ্যাদ্যৎকিঞ্চিদ্ভবেদন্যৎসুদুর্লভম্।
নেচ্ছেয়ং সাৎবতাহং তদ্বিনা পার্থং ধনঞ্জয়ম্॥ 7-183-44 (53483)
অতঃ প্রহর্ষঃ সুমহান্যুয়ুধানাদ্য মেঽভবৎ।
মৃতং প্রত্যাগতমিব দৃষ্ট্বা পার্থং ধনঞ্জয়ম্॥ 7-183-45 (53484)
অতশ্চ প্রহিতো যুদ্ধে ময়া কর্ণায় রাক্ষসঃ।
ন হ্যন্যঃ সমরে রাত্রৌ শক্তঃ কর্ণং প্রবাধিতুম্॥ 7-183-46 (53485)
সঞ্জয় উবাচ। 7-183-47x (4753)
ইতি সাত্যকয়ে প্রাহ তদা দেবকিনন্দনঃ।
ধনঞ্জয়হিতে যুক্তস্তৎপ্রিয়ে সততং রতঃ॥ ॥ 7-183-47 (53486)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে ত্র্যশীত্যধিকশততমোঽধ্যায়ঃ॥ 183 ॥
Mahabharata - Drona Parva - Chapter Footnotes
5-183-7 হিয়েৎ হিয়েত॥ 5-183-11 এতৎপ্রকৃতশক্ত্যার্জুনহননম্॥ 5-183-17 সবিশেষাত্ৎবমোঘায়াঃ কৃষ্ণোঽরক্ষত পাণ্ডবম ইতি ঝ. পাঠঃ। এষ কৃৎস্নঃ জয়ম্প্রতি অর্জুনস্যেত্যর্থঃ॥ 5-183-38 নিরগ্নয়োঽগ্নিংবিনা মুখহীনা ইবেত্যর্থঃ॥ 5-183-47 হিতে আমুষ্মিকে শ্রেয়সি। প্রিয়ে ঐহিকে কল্যাণে॥ 5-183-183 ব্যশীত্যধিকশততমোঽধ্যায়ঃ॥দ্রোণপর্ব - অধ্যায় 184
॥ শ্রীঃ ॥
7.184. অধ্যায়ঃ 184
Mahabharata - Drona Parva - Chapter Topics
কর্ণশক্তের্ঘটোৎকচবধেন বৈফল্যাদ্ধৃতরাষ্ট্রেণ শোচনম্॥ 1 ॥ যুধিষ্ঠিরেণ কৃষ্ণে ঘটোৎকচকৃতোপকারনিবেদনপূর্বকং শোচন॥ 2 ॥ ব্যাসেন ক্রোধাৎকর্ণজিঘাংসয়া গচ্ছন্তং যুধিষ্ঠিরমেত্য সমাশ্বাসনেন তং নিবর্ত্য পুনরন্তর্ধানম্॥ 3 ॥Mahabharata - Drona Parva - Chapter Text
7-184-0 (53487)
ধৃতরাষ্ট্র উবাচ। 7-184-0x (4754)
কর্ণদুর্যোধনাদীনাং শকুনেঃ সৌবলস্য চ।
অপনীতং মহত্তাত তব চৈব বিশেষতঃ॥ 7-184-1 (53488)
যদি জানীথ তাং শক্তিমেকঘ্নীং সততং রণে।
অনিবার্যামসহ্যাং চ দেবৈরপি সবাসবৈঃ॥ 7-184-2 (53489)
সা কিমর্থং তু কর্ণেন প্রবৃত্তে সমরে পুরা।
ন দেবকীসুতে মুক্তা ফল্গুনে বাঽপি সঞ্জয়॥ 7-184-3 (53490)
সঞ্জয় উবাচ। 7-184-4x (4755)
সঙ্গ্রামাদ্বিনিবৃত্তানাং সর্বেষাং নো বিশাম্পতে।
রাত্রৌ কুরুকুলশ্রেষ্ঠ মন্ত্রোঽয়ং সমজায়ত॥ 7-184-4 (53491)
প্রভাতমাত্রে শ্বোভূতে কেশবায়ার্জুনায় বা।
শক্তিরেষা হি মোক্তব্যা কর্ণকর্ণেনি নিত্যশঃ॥ 7-184-5 (53492)
ততঃ প্রভাতসময়ে রাজন্কর্ণস্য দৈবতৈঃ।
অন্যেষাং চৈব যোধানাং সা বুদ্ধির্নাশ্যতে পুনঃ॥ 7-184-6 (53493)
দৈবমেব পরং মন্যে যৎকর্ণো হস্তসংস্থয়া।
ন জঘান রণে পার্থং কৃষ্ণং বা দেবকীসুতম্॥ 7-184-7 (53494)
তস্য হস্তস্থিতা শক্তিঃ কালরাত্রিরিবোদ্যতা।
দৈবোপহতবুদ্ধিৎবান্ন তাং কর্ণো বিমুক্তবান্॥ 7-184-8 (53495)
কৃষ্ণে বা দেবকীপুত্রে মোহিতো দেবমায়যা।
পার্থে বা শক্রকল্পে বৈ বধার্থং বাসবীং প্রভো॥ 7-184-9 (53496)
ধৃতরাষ্ট্র উবাচ। 7-184-10x (4756)
দৈবেনোপহতা যূয়ং স্ববুদ্ধ্যা কেশবস্য চ।
গতা হি বাসবী হৎবা তৃণভূতং ঘটোৎকচম্॥ 7-184-10 (53497)
কর্ণশ্চ মম পুত্রাশ্চ সর্বে চান্যে চ পার্থিবাঃ।
তেন বৈ দুষ্প্রণীতেন গতা বৈবস্বতক্ষয়ম্॥ 7-184-11 (53498)
ভূয় এব তু মে শংস যথা যুদ্ধমবর্তত।
কৃরূণাং পাণ্ডবানাং চ হৈডিম্বৌ নিহতে তদা॥ 7-184-12 (53499)
যে চ তেঽভ্যদ্রবন্দ্রোণং ব্যূঢানীকাঃ প্রহারিণঃ।
সৃঞ্জয়াঃ সহ পাঞ্চালৈস্তেঽপ্যকুর্বন্কথং রণম্॥ 7-184-13 (53500)
সৌমদত্তের্বধাদ্দ্রোণমায়ান্তং সৈন্ধবস্য চ।
অমর্ষাজ্জীবিতং ত্যক্ৎবা গাহমানং বরূথিনীম্॥ 7-184-14 (53501)
জৃম্ভমাণমিব ব্যাঘ্রং ব্যাত্তাননমিবান্তকম্।
কথং প্রত্যুদ্যযুর্দ্রোণমস্যন্তং পাণ্ডুসৃঞ্জয়াঃ॥ 7-184-15 (53502)
আচার্যং যে চ তেঽরক্ষন্দুর্যোধনপুরোগমাঃ।
দ্রৌণিকর্ণকৃপাস্তাত তে বাঽকুর্বন্কিমাহবে॥ 7-184-16 (53503)
ভারদ্বাজং জিঘাংসন্তৌ সব্যসাচিবৃকীদরৌ।
সমার্চ্ছন্মামকা যুদ্ধে কথং সঞ্জয় শংস মে॥ 7-184-17 (53504)
সিন্ধুরাজবধেনেমে ঘটোৎকচবধেন তে।
অমর্পিতাঃ সুসঙ্ক্রুদ্ধা রণং চক্রুঃ কথং নিশি॥ 7-184-18 (53505)
সঞ্জয় উবাচ। 7-184-19x (4757)
হতে ঘটোৎকচে রাজন্কর্ণেন নিশি রাক্ষসে।
প্রণদৎসু চ হৃষ্টেষু তাবকেষু যুয়ুৎসুষু॥ 7-184-19 (53506)
আপতৎসু চ বেগেন বধ্যমানে বলেঽপি চ।
বিগাঢায়াং রজন্যাং চ রাজা দৈন্যং পরং গতঃ॥ 7-184-20 (53507)
অব্রবীচ্চ মহাবাহুর্ভীমসেনমিদং বচঃ।
আবারয় মহাবাহো ধার্তরাষ্ট্রস্য বাহিনীম্॥ 7-184-21 (53508)
হৈডিম্বেশ্চৈব ঘাতেন মোহো মামাবিশন্মহান্।
এবং ভীমং সমাদিশ্য স্বরথে সমুপাবিশৎ॥ 7-184-22 (53509)
অশ্রুপূর্ণমুখো রাজা নিঃশ্বসংশ্চ পুনঃপুনঃ।
কশ্মলং প্রাবিশদ্ধোরং দৃষ্ট্বা কর্ণস্য বিক্রমম্॥ 7-184-23 (53510)
তং তথা ব্যথিতং দৃষ্ট্বা কৃষ্ণো বচনমব্রবীৎ॥ 7-184-24 (53511)
মা ব্যথাং কুরু কৌন্তেয় নৈতত্ৎবয়্যুপপদ্যতে।
বৈক্লব্যং ভরতশ্রেষ্ঠ যথা প্রাকৃতপূরুষে॥ 7-184-25 (53512)
উত্তিষ্ঠ রাজন্যুধ্বস্ব বহ গুর্বীং ধুরং বিভো।
ৎবয়ি বৈক্লব্যমাপন্নে সংশয়ো বিজয়ে ভবেৎ॥ 7-184-26 (53513)
শ্রুৎবা কৃষ্ণস্য বচনং ধর্মরাজো যুধিষ্ঠিরঃ।
বিমৃজ্য নেত্রে পাণিভ্যাং কৃষ্ণং বচনমব্রবীৎ॥ 7-184-27 (53514)
বিদিতা মে মহাবাহো ধর্মাণাং পরমা গতিঃ।
ব্রহ্মহত্যাফলং তস্য যঃ কৃতং নাববুধ্যতে॥ 7-184-28 (53515)
অস্মাকং হি বনস্থানাং হৈডিম্বেন মহাৎসনা।
বালেনাপি সতা তেন কৃতং সাহ্যং জনার্দন॥ 7-184-29 (53516)
অস্ত্রহেতোর্গতং জ্ঞাৎবা পাণ্ডবং স্বেতবাহনম্।
অসৌ কৃষ্ণ মহেষ্বাসঃ কাম্যকে মামুপস্থিতঃ॥ 7-184-30 (53517)
উষিতশ্চ সহাস্মাভির্যাবন্নাসীদ্ধনঞ্জয়ঃ।
গন্ধমাদনয়াত্রায়াং দুর্গেভ্যশ্চ স্ম তারিতাঃ।
পাঞ্চালী চ পরিশ্রান্তা পৃষ্ঠেনোঢা মহাত্মনা॥ 7-184-31 (53518)
আরম্ভাংশ্চৈব যুদ্ধানাং যদেষ কৃতবান্প্রভো।
মদর্থে দুষ্করং কর্ম কৃতং তেন মহাহবে॥ 7-184-32 (53519)
স্বভাবাদ্যা চ মে প্রীতিঃ সহদেবে জনার্দন।
সৈব মে দ্বিগুণা প্রীতী রাক্ষসেন্দ্রে ঘটোৎকচে॥ 7-184-33 (53520)
ভক্তশ্চ মেহাবাহুঃ প্রিয়োঽস্যাহং প্রিয়শ্চ মে।
তেন বিন্দামি বার্ষ্ণেয় কশ্মলং শোকতাপিতাঃ॥ 7-184-34 (53521)
পশ্য সৈন্যানি বার্ষ্ণেয় দ্রাব্যমাণানি কৌরবৈঃ।
দ্রোণকর্ণৌ তু সংয়ত্তৌ পশ্য যুদ্ধে মহারথৌ॥ 7-184-35 (53522)
নিশীথে পাণ্ডবং সৈন্যমাভ্যাং মাধব মর্দিতম্।
গজাভ্যামিব মত্তাভ্যাং যথা নলবনং মহৎ॥ 7-184-36 (53523)
অনাদৃত্য বলং বাহ্বোর্ভীমসেনস্য মাধব।
চিত্রাস্ত্রতাং চ পার্থস্য বিক্রমন্তে চ কৌরবাঃ॥ 7-184-37 (53524)
এষ দ্রোণশ্চ কর্ণশ্চ রাজা চৈব সুয়োধনঃ।
নিহত্য রাক্ষসং যুদ্ধে হৃষ্টা নর্দন্তি সংয়ুগে॥ 7-184-38 (53525)
কথং বাঽসমাসু জীবৎসু ৎবয়ি চৈব জনার্দন।
হৈডিম্বিঃ প্রাপ্তবান্মৃত্যং সূতপুত্রেণ সঙ্গতঃ॥ 7-184-39 (53526)
কদর্থীকৃত্য নঃ সর্বান্পশ্যতঃ সব্যসাচিনঃ।
নিহতো রাক্ষসঃ কৃষ্ণ ভৈমসেনির্মহাবলঃ॥ 7-184-40 (53527)
যদাঽভিমন্যুর্নিহতো ধার্তরাষ্ট্রৈর্দুরাত্মভিঃ।
নাসীত্তত্র রণে কৃষ্ণ সব্যসাচী মহারথঃ॥ 7-184-41 (53528)
নিরুদ্বাশ্চ বয়ং সর্বে সৈন্ধবেন দুরাত্মনা।
নিমিত্তমভবদ্দ্রোণঃ সপুত্রস্তত্র কর্মণি॥ 7-184-42 (53529)
উপদিষ্টো বধোপায়ঃ কর্ণস্য গুরুণা স্বয়ম্।
ব্যায়চ্ছতশ্চ খঙ্গেন দ্বিধা খঙ্গং চকার হ॥ 7-184-43 (53530)
ব্যসনে বর্তমানস্য কৃতবর্মা নৃশংসবৎ।
অশ্বাঞ্জঘান সহসা তথোভৌ পার্ষ্ণিসারথী।
তথেতরে মহেষ্বাসাঃ সৌভদ্রং যুধ্যপাতয়ন্॥ 7-184-44 (53531)
অল্পে চ কারণে কৃষ্ণ হতো গাণ্ডীবধন্বনা।
সৈন্ধবো যাদবশ্রেষ্ঠ তচ্চ নাতিপ্রিয়ং মম॥ 7-184-45 (53532)
যদি শত্রুবধো ন্যায়্যো ভবেৎকর্তুং হি পাণ্ডবৈঃ।
কর্ণদ্রোণৌ রণে পূর্বং হন্তব্যাবিতি মে মতিঃ॥ 7-184-46 (53533)
এতৌ হি মূলং দুঃখানামস্মাকং পুরুষর্ষভ।
এতৌ রণে সমাসাদ্য সমাশ্বস্তঃ সুয়োধনঃ॥ 7-184-47 (53534)
যত্র বধ্যো ভবেদ্দ্রোণঃ সূতপুত্রশ্চ সানুগঃ।
তত্রাবধীন্মহাবাহুঃ সৈন্ধবং দূরবাসিনম্॥ 7-184-48 (53535)
অবশ্যং তু ময়া কার্যঃ সূতপুত্রস্য নিগ্রহঃ।
ততো যাস্যাম্যহং বীর স্বয়ং কর্ণজিঘাংসয়া॥ 7-184-49 (53536)
ভীমসেনো মহাবাহুর্দ্রোণানীকেন সঙ্গতঃ॥ 7-184-50 (53537)
এবমুক্ৎবা যয়ৌ তূর্ণং ৎবরমাণো যুধিষ্ঠিরঃ।
স বিষ্ফার্য মহচ্চাপং শঙ্খং প্রধ্মাপ্য ভৈরবম্॥ 7-184-51 (53538)
ততো রথসহস্রেণ গজানাং চ শতৈস্ত্রিভিঃ।
বাজিভিঃ পঞ্চসাহস্রৈঃ পাঞ্চালৈঃ সপ্রভদ্রকৈঃ।
বৃতঃ শিখণ্ডী তবরিতো রাজানং পৃষ্ঠতোঽন্বয়াৎ॥ 7-184-52 (53539)
ততো ভেরীঃ সমাজঘ্নুঃ পণবানকগোমুখান্।
শহ্খশব্দরবাংশ্চৈব পাণিশব্দাংশ্চ দংশিতাঃ।
পাঞ্চালাঃ পাণ্ডবাশ্চৈব যুধিষ্ঠিরপুরোগমাঃ॥ 7-184-53 (53540)
ততোঽব্রবীন্মহাবাহুর্বাসুদেবো ধনঞ্জয়ম্॥ 7-184-54 (53541)
এষ প্রয়াতি ৎবরিতঃ ক্রোধাবিষ্টো যুধিষ্ঠিরঃ।
জিঘাংসুঃ সূতপুত্রস্য তস্যোপেক্ষা ন যুজ্যতে॥ 7-184-55 (53542)
এবমুক্ৎবা হৃষীকেশঃ শীঘ্রমশ্বানচোদয়ৎ।
দূরং প্রয়ান্তং রাজানমন্বগচ্ছজ্জনার্দনঃ॥ 7-184-56 (53543)
তং দৃষ্ট্বা সহসা যান্তং ভূতপুত্রজিঘাংসয়া।
শোকোপহতসঙ্কল্পং দহ্যমানমিবাগ্নিনা।
অভিগম্যাব্রবীদ্ব্যাসো ধর্মপুত্রং যুধিষ্ঠিরম্॥ 7-184-57 (53544)
ব্যাস উবাচ। 7-184-58x (4758)
কর্ণমাসাদ্য সঙ্গ্রামে দিষ্ট্যা জীবতি ফল্গুনঃ॥ 7-184-58 (53545)
সব্যসাচিবধাকাঙ্ক্ষী শক্তিং রক্ষিতবান্হি সঃ।
ন চাগাদ্দ্বৈরথং জিষ্ণুর্দিষ্ট্যা তেন মহারণে॥ 7-184-59 (53546)
সৃজেতাং স্পর্ধিনাবেতৌ দিব্যান্যস্ত্রাণি সর্বশঃ।
বধ্মানেষু চাস্ত্রেষু পীডিতঃ সূতনন্দনঃ॥ 7-184-60 (53547)
বাসবীং সমরে শক্তিং ধ্রুবং মুঞ্চেদ্যুধিষ্ঠির।
ততো ভবেত্তে ব্যসনং ঘোরং ভরতসত্তম॥ 7-184-61 (53548)
দিষ্ট্যা রক্ষো হতং যুদ্ধে সূতপুত্রেণ মানদ।
বাসবীং কারণং কৃৎবা কালেনোপহতো হ্যসৌ॥ 7-184-62 (53549)
তবৈব কারণাদ্রক্ষো নিহতং তাত সংয়ুগে।
মা ক্রুধো ভরতশ্রেষ্ঠ মা চ শোকে মনঃ কৃথাঃ॥ 7-184-63 (53550)
প্রাণিনামিহ সর্বেষামেষা নিষ্ঠা যুধিষ্ঠির।
ভ্রাতৃভিঃ সহিতঃ সর্বৈঃ পার্থিবৈশ্চ মহাত্মভিঃ॥ 7-184-64 (53551)
কৌরবান্সমরে রাজন্প্রতিয়ুধ্যস্ব ভারত।
পঞ্চমে দিবসে তাত পৃথিবী তে ভবিষ্যতি॥ 7-184-65 (53552)
নিত্যং চ পুরুষব্যাঘ্র ধর্মমেবানুচিন্তয়।
আনৃশংস্যং তপো দানং ক্ষমাং সত্যং চ পাণ্ডব॥ 7-184-66 (53553)
সেবেথাঃ পরমপ্রীতো যতো ধর্মস্ততো জয়ঃ।
ইত্যুক্ৎবা পাণ্ডবং ব্যাসস্তত্রৈবান্তরধীয়ত॥ ॥ 7-184-67 (53554)
ইতি শ্রীমন্মহাভারতে দ্রোণপর্বণি ঘটোৎকচবধপর্বণি চতুর্দশরাত্রিয়ুদ্ধে চতুরশীত্যধিকশততমোঽধ্যায়ঃ॥ 184 ॥
Mahabharata - Drona Parva - Chapter Footnotes
5-184-1 মহৎ জয়ালম্বনমমোঘশক্তিরূপমিতি শেষঃ। অপনীতং না শিতম্। মহদপনীতং অন্যায় ইতি বা॥ 5-184-11 দুষ্প্রণীতেন দুর্ন যেন॥ 5-184-32 অভিজ্ঞশ্চৈবেতি ঝ. পাঠঃ॥ 5-184-184 চতুরশীত্যধিকশততমোধ্যায়ঃ॥দ্রোণপর্ব - অধ্যায় 185
॥ শ্রীঃ ॥
7.185. অধ্যায়ঃ 185
Mahabharata - Drona Parva - Chapter Topics
নিদ্রোপদ্রুতানাং সৈন্যানামর্জুনাজ্ঞয়া স্বাপেন শ্রান্তিমপনীয় চন্দ্রোদয়ানন্তরং যুদ্ধারম্ভঃ॥ 1 ॥Mahabharata - Drona Parva - Chapter Text
7-185-0 (53555)
সঞ্জয় উবাচ। 7-185-0x (4759)
ব্যাসেনৈবমথোক্তস্তু ধর্মরাজো যুধিষ্ঠিরঃ।
স্বয়ং কর্ণবধাদ্বীরো নিবৃত্তো ভরতর্ষভ॥ 7-185-1 (53556)
ঘটোৎকচে তু নিহতে সূতপুত্রেণ তা নিশাম্।
দুঃখামর্ষবশং প্রাপ্তো ধর্মরাজো যুধিষ্ঠিরঃ॥ 7-185-2 (53557)
দৃষ্ট্বা ভীমেন মহতীং বার্যমাণাং চমূং তব।
ধৃষ্টদ্যুম্নমুবাচেদং কুম্ভয়োনিং নিবারয়॥ 7-185-3 (53558)
ৎবং হি দ্রোণবিনাশায় সমুৎপন্নো হুতাশনাৎ।
সশরঃ কবচী খঙ্গী ধন্বী চ পরতাপনঃ।
অভিদ্রব রণে হৃষ্টো মা চ তে ভীঃ কথঞ্চন॥ 7-185-4 (53559)
জনমেজয়ঃ শিখণ্ডী চ দৌর্মুখিশ্চ যশোধরঃ।
অভিদ্রবন্তু সংহৃষ্টাঃ কুম্ভয়োনিং সমন্ততঃ॥ 7-185-5 (53560)
নকুলঃ সহদেবশ্চ দ্রৌপদেয়াঃ প্রভদ্রকাঃ।
দ্রুপদশ্চ বিরাটশ্চ পুত্রভাতৃসমন্বিতৌ॥ 7-185-6 (53561)
সাত্যকিঃ কেকয়াশ্চৈব পাণ্ডবশ্চ ধনঞ্জয়ঃ।
অভিদ্রবন্তু বেগেন কুম্ভয়োনিবধেপ্সয়া॥ 7-185-7 (53562)
তথৈব রথিনঃ সর্বে হস্ত্যশ্বং যচ্চ কিঞ্চন।
পদাতাশ্চ রণে দ্রোণং পাতয়ন্তু মহারথম্॥ 7-185-8 (53563)
তথাঽঽজ্ঞপ্তাস্তু তে সর্বে পাণ্ডবেন মহাত্মনা।
অভ্যদ্রবন্ত বেগেন কুম্ভয়োনিবধেপ্সয়া॥ 7-185-9 (53564)
আগচ্ছতস্তান্সহসা সর্বোদ্যোগেন পাণ্ডবান্।
প্রতিজগ্রাহ সমরে দ্রোণঃ শস্ত্রভৃতাং বরঃ॥ 7-185-10 (53565)
ততো দুর্যোধনো রাজা সর্বোদ্যোগেন পাণ্ডবান্।
অভ্যদ্রবৎসুসঙ্ক্রুদ্ধ ইচ্ছন্দ্রোণস্য জীবিতম্॥ 7-185-11 (53566)
ততঃ প্রববৃতে যুদ্ধং শ্রান্তবাহনসৈনিকম্।
পাণ্ডবানাং কুরূণাং চ গর্জতামিতরেতরম্॥ 7-185-12 (53567)
নিদ্রান্ধাস্তে মহারাজ পরিশ্রান্তাশ্চ সংয়ুগে।
নাভ্যপদ্যন্ত সমরে কাঞ্চিচ্চেষ্টাং মহারথাঃ॥ 7-185-13 (53568)
ত্রিয়ামা রজনী চৈষা ঘোররূপা ভয়ানকা।
সহস্রয়ামপ্রতিমা বভূব প্রাণহারিণী॥ 7-185-14 (53569)
বধ্যতাং চ তথা তেষাং ক্ষতানাং চ বিশেষতঃ।
ঘোরা রাত্রিঃ সমাজজ্ঞে নিদ্রান্ধানাং বিশেষতঃ॥ 7-185-15 (53570)
সর্বে হ্যাসন্নিরুৎসাহাঃ ক্ষত্রিয়া দীনচেতসঃ।
তব চৈব পরেষাং চ গতাস্ত্রা বিগতেষবঃ॥ 7-185-16 (53571)
তে তদা পারয়ন্তশ্চ ভ্রমন্তশ্চ বিশেষতঃ।
স্বধর্মমনুপশ্যন্তো ন জহুঃ স্বামনীকিনীম্॥ 7-185-17 (53572)
অস্ত্রাণ্যন্যে সমুৎসৃজ্য নিদ্রান্ধাঃ শেরতে জনাঃ।
রথেষ্বন্যে গজেষ্বন্যে হয়েষ্বন্যে চ ভারত॥ 7-185-18 (53573)
নিদ্রান্ধা নো বুবুধিরে কাঞ্চিচ্চেষ্টাং নরাধিপ।
তানন্যে সমরে যোধাঃ প্রেষয়ন্তি যমক্ষয়ম্॥ 7-185-19 (53574)
স্বপ্নায়মানাংস্ৎবপরে পরানতিবিচেতসঃ।
আত্মানং সমরে জঘ্নুঃ স্বানেব চ পরানপি॥ 7-185-20 (53575)
নানাবাচো বিমুঞ্চন্তো নিদ্রান্ধাস্তে মহারণে॥ 7-185-21 (53576)
অস্মাকং চ মহারাজ পরেভ্যো বহবো জনাঃ।
যোদ্ধব্যমিতি তিষ্ঠন্তো নিদাসংরক্তলোচনাঃ॥ 7-185-22 (53577)
সংসর্পন্তো রণে কেচিন্নিদ্রান্ধাস্তে তথাপরান্।
জঘ্রুঃ শূরা রণে শূরাংস্তস্মিংস্তমসি দারুণে॥ 7-185-23 (53578)
হন্যমানমথাত্মাবনং পরৈশ্চ বহবো জনাঃ।
নাভ্যজানন্ত সমরে নিদ্রয়া মোহিতা ভৃশম্॥ 7-185-24 (53579)
তেষামেতাদৃশীং চেষ্টাং বিজ্ঞায় পুরুষর্ষভঃ।
উবাচ বাক্যং বীভৎসুরুচ্চৈঃ সন্নাদয়ন্দিশঃ॥ 7-185-25 (53580)
শ্রান্তা ভবন্তো নিদ্রান্ধাঃ সর্ব এব সবাহনাঃ।
তমসা চ বৃতে সৈন্যে রজসা বহুলেন চ॥ 7-185-26 (53581)
তে যূয়ং যদি মন্যধ্বমুপারমত সৈনিকাঃ।
নিমীলয়ত চাত্রৈব রণভূমৌ মুহূর্তকম্॥ 7-185-27 (53582)
ততো বিনিদ্রা বিশ্রান্তাশ্চন্দ্রমস্যুদিতে পুনঃ।
সংসাধয়িষ্যথান্যোন্যং স্বর্গায় কুরুপাণ্ডবাঃ॥ 7-185-28 (53583)
তদ্বচঃ সর্বধর্মজ্ঞা ধার্মিকস্য বিশাম্পতে।
অরোচয়ন্ত সৈন্যানি তথা চান্যোন্যমব্রুবন্॥ 7-185-29 (53584)
চুক্রুশুঃ কর্ণকর্ণেনি তথা দুর্যোধনেতি চ।
উপারমত পাণ্ডূনাং বিরতা হি বরূথিনী॥ 7-185-30 (53585)
তথা বিক্রোশমানস্য ফল্গুনস্য ততস্ততঃ।
উপারমত পাণ্ডূনাং সেনা তব চ ভারত॥ 7-185-31 (53586)
তামস্য বাচং দেবাশ্চ ঋষয়শ্চ মহাত্মনঃ।
সর্বসৈন্যানি চাক্ষুদ্রাং প্রহৃষ্টাঃ প্রত্যপূজয়ন্॥ 7-185-32 (53587)
তৎসম্পূজ্য বচোঽক্রূরং সর্বসৈন্যানি ভারত।
মুহূর্তমস্বপন্রাজঞ্শ্রান্তানি ভরতর্ষভ॥ 7-185-33 (53588)
সা তু সম্প্রাপ্য বিশ্রামং ধ্বজিনী তব ভারত।
সুখমাপ্তবতী বীরমর্জুনং প্রত্যপূজয়ৎ॥ 7-185-34 (53589)
ৎবয়ি বেদাস্তথাস্ত্রাণি ৎবয়ি বুদ্ধিপরাক্রমৌ।
ধর্মস্ৎবয়ি মহাবাহো দয়া ভূতেষু চানঘ॥ 7-185-35 (53590)
যচ্চাশ্বস্তাস্তবেচ্ছামঃ শর্ম পার্থ তদস্তু তে।
মনসশ্চ প্রিয়ানর্থান্বীর ক্ষিপ্রমবাপ্নুহি॥ 7-185-36 (53591)
ইতি তে তং নরব্যাঘ্রং প্রশংসন্তো মহারথাঃ।
নিদ্রয়া সমবাক্ষিপ্তাস্তূষ্ণীমাসন্বিশাম্পতে॥ 7-185-37 (53592)
`বীরা বারণকুম্ভেষু সুষুপুর্যুদ্ধকর্শিতাঃ।
রাত্রৌ রতিপরিশ্রান্তাঃ কামিনীনাং কুচেষ্বিব'॥ 7-185-38 (53593)
অশ্বপৃষ্ঠেষু চাপ্যন্যে রথনীডেষু চাপরে।
গজস্কন্ধগতাশ্চান্যে শেরতে চাপরে ক্ষিতৌ॥ 7-185-39 (53594)
সায়ুধাঃ সগদাশ্চৈব সখঙ্গাঃ সপরশ্বথাঃ।
সপ্রাসকবচাশ্চান্যে নরাঃ সুপ্তাঃ পৃথক্পৃথক্॥ 7-185-40 (53595)
গজাস্তে পন্নগাভোগৈর্হস্তৈর্ভূরেণুগুণ্ঠিতৈঃ।
নিদ্রান্ধা বসুধাং চক্রুর্ঘ্রাণনিঃ শ্বাসশীতলাম্॥ 7-185-41 (53596)
সুপ্তাঃ শুশুভিরে তত্র নিঃশ্বসন্তো মহীতলে।
বিকীর্ণা গিরয়ো যদ্বন্নিঃশ্বসদ্ভির্মহোরগৈঃ॥ 7-185-42 (53597)
সমাং চ বিষমাং চক্রুঃ খুরাগ্রৈর্বিকৃতাং মহীম্।
হয়াঃ কাঞ্চনয়োক্ত্রাস্তে কেসরালম্বিভির্যুগৈঃ।
সুষুপুস্তত্র রাজেন্দ্র যুক্তা বাহেষু সর্বশঃ॥ 7-185-43 (53598)
এবং হয়াশ্চ নাগাশ্চ যোধাশ্চ ভরতর্পভ।
যুদ্ধাদ্বিরম্য সুষুপুঃ শ্রমেণ মহতাঽন্বিতাঃ॥ 7-185-44 (53599)
তত্তথা নিদ্রয়া ভগ্নং তদ্বভৌ নিঃস্বনং বলম্।
কুশলৈঃ শিল্পিভির্ন্যস্তং পটে চিত্রমিবাদ্ভুতম্॥ 7-185-45 (53600)
তে ক্ষত্রিয়াঃ কুণ্ডলিনো যুবানঃ
পরস্পরং সায়কবিক্ষতাঙ্গাঃ।
কুম্ভেষু লীনাঃ সুষুপুর্গজানাং
কুচেষু লগ্না ইব কামিনীনাম্॥ 7-185-46 (53601)
ততঃ কুমুদনাথেন কামিনীগণ্ডপাণ্ডুনা।
নেত্রানন্দেন চন্দ্রেণ মাহেন্দ্রী দিগলঙ্কৃতা॥ 7-185-47 (53602)
দশশতাক্ষককুব্দরিনিঃসৃতঃ
কিরণকেসরভাসুরপিঞ্জরঃ।
তিমিরবারণবৃথবিদারণঃ
সমুদিয়াদুদয়াচলকেসরী॥ 7-185-48 (53603)
হরবৃষোত্তমগাত্রসমদ্যুতিঃ
স্মরশরাসনপূর্ণসমপ্রভঃ।
নববধৃস্মিতচারুমনোহরঃ
প্রবিসৃতঃ কুমুদাকরবান্ধবঃ॥ 7-185-49 (53604)
ততো মুহূর্তাদ্ভগবান্পুরস্তাচ্ছশলক্ষণঃ।
অরুণং দর্শয়ামাস গ্রসঞ্জ্যোতিঃ প্রভাং প্রভুঃ॥ 7-185-50 (53605)
অরুণস্য তু তস্যানু জাতরূপসমপ্রভম্।
রশ্মিজালং মহচ্চন্দ্রো মন্দং মন্দমবাসৃজৎ॥ 7-185-51 (53606)
উৎসারয়ন্তঃ প্রভয়া তমস্তে চন্দ্ররশ্ময়ঃ।
পর্যগচ্ছঞ্ছনৈঃ সর্বা দিশঃ খং চ ক্ষিতিং তথা॥ 7-185-52 (53607)
ততো মুহূর্তাদ্ভুবনং জ্যোতির্ভূতমিবাভবৎ।
অপ্রখ্যমপ্রকাশং চ জগামাশু তমস্তথা॥ 7-185-53 (53608)
প্রতিপ্রকাশিতে লোকে দিবাভূতে নিশাকরে।
বিচেরুর্ন বিচেরুশ্চ রাজন্নক্তঞ্চরাস্ততঃ॥ 7-185-54 (53609)
বোধ্যমানং তু তৎসৈন্যং রাজংশ্চন্দ্রস্য রশ্মিভিঃ।
বুবুধে শতপত্রাণাং বনং সূর্যাংশুভির্যথা॥ 7-185-55 (53610)
যথা চন্দ্রোদয়োদ্ধূতঃ ক্ষুভিতঃ সাগরোঽভবৎ।
তথা চন্দ্রোদয়োদ্ধূতঃ ক্ষুভিতশ্চ বলার্ণবঃ॥ 7-185-56 (53611)
ততঃ প্রববৃতে যুদ্ধং পুনরেব বিশাম্পতে।
লোকে লোকবিনাশায় পরং লোকমভীপ্সতাম্॥ ॥ 7-185-57 (53612)
ইতি শ্রীমন্মহাভারতে দ্রোণপর্বণি দ্রোণবধপর্বণি চতুর্দশরাত্রিয়ুদ্ধে পঞ্চাশীত্যধিকশততমোঽধ্যায়ঃ॥ 185 ॥
Mahabharata - Drona Parva - Chapter Footnotes
5-185-28 সঙ্গ্রামমিতি ঝ.পাঠঃ॥ 5-185-185 পঞ্চাশীত্যধিকশততমোঽধ্যায়ঃ॥দ্রোণপর্ব - অধ্যায় 186
॥ শ্রীঃ ॥
7.186. অধ্যায়ঃ 186
Mahabharata - Drona Parva - Chapter Topics
দুর্যোধনোপালম্ভকোপিতেন দ্রোণেন পার্থদুর্যোধনপ্রশংসাধিক্ষেপপূর্বকং রণায় নিঃসরণম্॥ 1 ॥Mahabharata - Drona Parva - Chapter Text
7-186-0 (53613)
সঞ্জয় উবাচ। 7-186-0x (4760)
ততো দুর্যোধনো দ্রোমমভিগম্যাব্রবীদিদম্।
অমর্ষবশমাপন্নো জনয়ন্হর্ষতেজসী॥ 7-186-1 (53614)
দুর্যোধন উবাচ। 7-186-2x (4761)
ন মর্ষণীয়াঃ সঙ্গ্রামে বিশ্রমন্তঃ শ্রমান্বিতাঃ।
সপত্না গ্লানমনসো লব্ধলক্ষা বিশেষতঃ॥ 7-186-2 (53615)
যত্তু মর্ষিতমস্মাভির্ভবতঃ প্রিয়কাম্যযা।
ত এতে পরিবিশ্রান্তাঃ পাণ্ডবা বলবত্তরাঃ॥ 7-186-3 (53616)
সর্বথা পরিহীনাঃ স্ম তেজসা চ বলেন চ।
ভবতা পাল্যমানাস্তে বিবর্ধন্তে পুনঃপুনঃ॥ 7-186-4 (53617)
দিব্যান্যস্ত্রাণি সর্বাণি ব্রাহ্মাদীনি চ যানি হ।
তানি সর্বামি তিষ্ঠন্তি ভবত্যেব বিশেষতঃ॥ 7-186-5 (53618)
ন পাণ্ডবেয়া ন বয়ং নান্যে লোকে ধনুর্ধরাঃ।
যুধ্যমানস্য তে তুল্যাঃ সত্যমেতদ্ব্রবীমি তে॥ 7-186-6 (53619)
সসুরাসুরগন্ধর্বানিমাঁলোকান্দ্বিজোত্তম।
সর্বাস্ত্রবিদ্ভবান্হন্যাদ্দিব্যৈরস্ত্রৈর্ন সংশয়ঃ॥ 7-186-7 (53620)
স ভবান্মর্ষয়ত্যেনাংস্তব তুল্যানবেত্য চ।
শিষ্যৎবং বা পুরস্কৃত্য মম বা মন্দভাগ্যতাম্॥ 7-186-8 (53621)
সঞ্জয় উবাচ। 7-186-9x (4762)
এবমুদ্ধর্ষিতো দ্রোণঃ কোপিতশ্চ সুতেন তে।
সমন্যুরব্রবীদ্রাজন্দুর্যোধনমিদং বচঃ॥ 7-186-9 (53622)
স্থবিরঃ সন্পরং শক্ত্যা ঘটে দুর্যোধনাহবে।
অতঃ পরং ময়া কার্যং ক্ষুদ্রং বিজয়গৃদ্ধিনা।
অনস্ত্রবিদয়ং সর্বো হন্তব্যোঽস্ত্রবিদা জনঃ॥ 7-186-10 (53623)
যদ্ভবান্মন্যতে চাপি শুভং বা যদি বাঽশুভম্।
তদ্বৈ কর্তাঽস্মি কৌরব্য বচনাত্তব নান্যথা॥ 7-186-11 (53625)
নিহত্য সর্বপাঞ্চালান্যুদ্ধে কৃৎবা পরাক্রমম্।
বিমোক্ষ্যে কবচং রাজন্সত্যেনায়ুধমালভে॥ 7-186-12 (53626)
মন্যসে যচ্চ কৌন্তেয়মর্জুনং শ্রান্তমাহবে।
তস্য বীর্যং মহাবাহো শৃণু সত্যেন কৌরব॥ 7-186-13 (53627)
তং ন দেবা ন গন্ধর্বা ন যক্ষা ন চ রাক্ষসাঃ।
উৎসহন্তে রণে জেতুং কুপিতং সব্যসাচিনম্॥ 7-186-14 (53628)
খাণ্ডবে যেন ভগবান্প্রত্যুদ্যাতঃ সুরেশ্বরঃ।
সায়কৈর্বারিতশ্চাপি বর্ষমাণো মহাত্মনা॥ 7-186-15 (53629)
যক্ষা নাগাস্তথা দৈত্যা যে চান্যে বলগর্বিতাঃ।
নিহতাঃ পুরুষেন্দ্রেণ তচ্চাপি বিদিতং তব॥ 7-186-16 (53630)
গন্ধর্বা ঘোষয়াত্রায়াং চিত্রসেনাদয়ো জিতাঃ।
যূয়ং তৈর্হ্রিয়মাণাশ্চ মোক্ষিতা দৃঢধন্বনা॥ 7-186-17 (53631)
নিবাতকবচাশ্চাপি দেবানাং শত্রবস্তথা।
সুরৈরবধ্যাঃ সঙ্গ্রামে তেন বীরেণ নির্জিতাঃ॥ 7-186-18 (53632)
দানবানাং সহস্রাণি হিরণ্যপুরবাসিনাম্।
বিজিগ্যে পুরুষব্যাঘ্রঃ স শক্যো মানুষৈঃ কথম্॥ 7-186-19 (53633)
প্রত্যক্ষং চৈব তে সর্বং যথা বলমিদং তব।
ক্ষপিতং পাণ্ডুপুত্রেণ চেষ্টতাং নো বিশাম্পতে॥ 7-186-20 (53634)
সঞ্জয় উবাচ। 7-186-21x (4763)
তং তদাঽভিপ্রশংসন্তমর্জুনং কুপিতস্তদা।
দ্রোণং তব সুতো রাজন্পুনরেবেদমব্রবীৎ॥ 7-186-21 (53635)
অহং দুঃশাসনঃ কর্ণঃ শকুনির্মাতুলশ্চ মে।
হনিষ্যামোঽর্জুনং সঙ্খ্যে দ্বিধা কৃৎবাঽদ্য ভারতীম্।
`তিষ্ঠ স ৎবং মহাবাহো নিত্যং শিষ্যঃ প্রিয়স্তব'॥ 7-186-22 (53636)
তস্য তদ্বচনং শ্রুৎবা ভারদ্বাজো হসন্নিব।
অন্ববর্তত রাজানং স্বস্তি তেঽস্ৎবিতি চাব্রবীৎ॥ 7-186-23 (53637)
কো হি গাণ্ডীবধন্বানং জ্বলন্তমিব তেজসা।
অক্ষয়ং ক্ষপয়েৎকশ্চিৎক্ষত্রিয়ঃ ক্ষত্রিয়র্ষভম্॥ 7-186-24 (53638)
তং ন বিত্তপতির্নেন্দ্রো ন যমো ন জলেশ্বরঃ।
নাসুরোরগরক্ষাংসি ক্ষপয়েয়ুঃ সহায়ুধম্॥ 7-186-25 (53639)
মূঢাস্ৎবেতানি ভাষন্তে যানীমান্যাত্থ ভারত।
যুদ্ধে হ্যর্জুনমাসাদ্য স্বস্তিমান্কো ব্রজেদ্গৃহান্॥ 7-186-26 (53640)
ৎবং তু সর্বাভিশঙ্কিৎবান্নিষ্ঠুরঃ পাপনিশ্চয়ঃ।
শ্রেয়সস্ৎবদ্ধিতে যুক্তাংস্তত্তদ্বক্তুমিহেচ্ছসি॥ 7-186-27 (53641)
গচ্ছ ৎবমপি কৌন্তেয়মাত্মার্থে জহি মাচিরম্।
ৎবমপ্যাশংসসে যোদ্ধুং কুলজঃ ক্ষত্রিয়ো হ্যসি॥ 7-186-28 (53642)
ইমান্কিং ক্ষত্রিয়ান্সর্বান্ঘাতয়িষ্যস্যনাগসঃ।
ৎবস্য মূলং বৈরস্য তস্মাদাসাদয়ার্জুনম্॥ 7-186-29 (53643)
এষ তে মাতুলঃ প্রাজ্ঞঃ ক্ষত্রধর্মমনুব্রতঃ।
দুর্দ্যুতদেবী গান্ধারে প্রয়াৎবর্জুনমাহবে॥ 7-186-30 (53644)
এষোঽক্ষকুশলো জিহ্মো দ্যূতকৃৎকিতবঃ শঠঃ।
দেবিতা নিকৃতিপ্রজ্ঞো যুধি জেষ্যতি পাণ্ডবান্॥ 7-186-31 (53645)
ৎবয়া কথিতমত্যর্থং কর্ণেন সহ হৃষ্টবৎ।
অসকৃচ্ছূন্যবন্মোহাদ্বৃতরাষ্ট্রস্য শৃণ্বতঃ॥ 7-186-32 (53646)
অহং চ তাত কর্ণশ্চ ভ্রাতা দুঃশানশ্চ মে।
পাণ্ডুপুত্রান্হনিষ্যামঃ সহিতাঃ সমরে ত্রয়ঃ॥ 7-186-33 (53647)
ইতি তে কত্থমানস্য শ্রুতং সংসদিসংসদি।
অনুতিষ্ঠ প্রতিজ্ঞাং তাং সত্যবাগ্ভব তৈঃ সহ॥ 7-186-34 (53648)
এষ তে পাণ্ডবঃ শত্রুরবিশঙ্কোঽগ্রতঃ স্থিতঃ।
ক্ষত্রধর্মমবেক্ষস্ব শ্লাঘ্যস্তব বধো জয়াৎ॥ 7-186-35 (53649)
দত্তং ভুক্তমধীতং চ প্রাপ্তমৈশ্বর্যমীপ্সিতম্।
কৃতকৃত্যোঽনৃণশ্চাসি মা ভৈর্যুধ্যস্ব পাণ্ডবম্॥ 7-186-36 (53650)
ইত্যুক্ৎবা সমরে দ্রোণো ন্যবর্তত যতঃ পরে।
দ্বৈধীকৃত্য ততঃ সেনাং যুদ্ধং সমভবত্তদা॥ ॥ 7-186-37 (53651)
ইতি শ্রীমন্মহাভারতে দ্রোণপর্বণি দ্রোণবধপর্বণি চতুর্দশরাত্রিয়ুদ্ধে ষডশীত্যধিকশততমোঽধ্যায়ঃ॥ 186 ॥
দ্রোণপর্ব - অধ্যায় 187
॥ শ্রীঃ ॥
7.187. অধ্যায়ঃ 187
Mahabharata - Drona Parva - Chapter Topics
দ্রোণেন দ্রুপদবিরাটাদীনাং বধঃ॥ 1 ॥ ভীমেন নিষ্ঠুরভাষণেন ধৃষ্টদ্যুম্নমুদ্যোজ্য দ্রোণানীকাভিগমনম্॥ 2 ॥ চতুর্দশরাত্রিয়ুদ্ধসমাপ্তিঃ॥ 3 ॥Mahabharata - Drona Parva - Chapter Text
7-187-0 (53652)
সঞ্জয় উবাচ। 7-187-0x (4764)
ত্রিভাগমাত্রেষায়াং রাত্র্যাং যুদ্ধমবর্তত।
কুরূণাং পাণ্ডবানাং চ সংহৃষ্টানাং বিশাম্পতে॥ 7-187-1 (53653)
অথ চন্দ্রপ্রভাং মুষ্ণন্নাদিত্যস্য পুরঃসরঃ।
অরুণোঽভ্যুদয়াঞ্চক্রে তাম্রীকৃর্বন্নিবাম্বরম্॥ 7-187-2 (53654)
`প্রকাশমকরোদ্ব্যোম জগৎসংরঞ্জয়ন্নিব'।
প্রাচ্যাং দিশি সহস্রাংশোররুণেনারুণীকৃতম্।
তাপনীয়ং যথা চক্রং ভ্রাজতে রবিমণ্ডলম্॥ 7-187-3 (53655)
ততো রথাশ্বাংশ্চ মনুষ্যযানা--
ন্যুৎসৃজ্য সর্বে কুরুপাণ্ডুয়োধাঃ।
দিবাকরস্যাভিমুখং জপন্তঃ
সন্ধ্যাগতাঃ প্রাঞ্জলয়ো বভূবুঃ॥ 7-187-4 (53656)
ততো দ্বৈধীকৃতে সৈন্যে দ্রোণঃ সোমকপাণ্ডবান্।
অভ্যদ্রবৎসপাঞ্চালান্দুর্যোধনপুরোগমঃ॥ 7-187-5 (53657)
দ্বৈধীকৃতান্কুরূন্দৃষ্ট্বা মাধবোঽর্জুনমব্রবীৎ।
সপত্নান্সব্যতঃ কুর্যাঃ সব্যসাচিন্নিমান্কুরূন্॥ 7-187-6 (53658)
স মাধবমনুজ্ঞায় কুরুষ্বেতি ধনঞ্জয়ঃ।
দ্রোণকর্ণৌ মহেষ্বাসৌ সব্যতঃ পর্যবর্তত॥ 7-187-7 (53659)
অভিপ্রায়ং তু কৃষ্ণস্য জ্ঞাৎবা পরপুরঞ্জয়ঃ।
আজিশীর্ষগতং পার্থং ভীমসেনোঽভ্যুবাচ হ॥ 7-187-8 (53660)
ভীমসেন উবাচ। 7-187-9x (4765)
অর্জুনার্জুন বীভৎসো শৃণুষ্বৈতদ্বচো মম।
যদর্থং ক্ষত্রিয়া সূতে তস্য কালোঽয়মাগতঃ॥ 7-187-9 (53661)
অস্মিংশ্চেদাগতে কালে শ্রেয়ো ন প্রতিপৎস্যসে।
অসম্ভাবিতরূপস্ৎবং সুনৃশংসং করিষ্যসি॥ 7-187-10 (53662)
সত্যশ্রীধর্ময়শসাং বীর্যেণানৃণ্যমাপ্নুহি।
ভিন্ধ্যনীকং যুধাংশ্রেষ্ঠ প্রতিজ্ঞাং সফলাং কুরু॥ 7-187-11 (53663)
সঞ্জয় উবাচ। 7-187-12x (4766)
স সব্যসাচী ভীমেন চোদিতঃ কেশবেন চ।
কর্ণদ্রোণাবতিক্রম্য সমন্তাৎপর্যবারয়ৎ॥ 7-187-12 (53664)
তমাজিশীর্ষমায়ান্তং দহন্তং ক্ষত্রিয়র্ষভান্।
পরাক্রান্তং পরাক্রম্য ততঃ ক্ষত্রিয়পুঙ্গবাঃ।
নাশক্নুবন্বারয়িতুং বর্ধমানমিবানলম্॥ 7-187-13 (53665)
অথ দুর্যোধনঃ কর্ণঃ শকুনিশ্চাপি সৌবলঃ।
অভ্যবর্ষঞ্ছরব্রাতৈঃ কুন্তীপুত্রং ধনঞ্জয়ম্॥ 7-187-14 (53666)
তেষামস্ত্রাণি সর্বেষামুত্তমাস্ত্রবিদাং বরঃ।
কদর্থীকৃত্য রাজেন্দ্র শরবর্ষৈরবাকিরৎ॥ 7-187-15 (53667)
অস্ত্রৈরস্ত্রাণি সংবার্য লঘুহস্তো ধনঞ্জয়ঃ।
সর্বানবিধ্যন্নিশিতৈর্দশভির্দশভিঃ শরৈঃ॥ 7-187-16 (53668)
উদ্ধূতা রজসো বৃষ্টিঃ শরবৃষ্টিস্তথৈব চ।
তমশ্চ ঘোরং শব্দশ্চ তদা সমভবন্মহান্॥ 7-187-17 (53669)
ন দ্যৌর্ন ভূমির্ন দিশঃ প্রাজ্ঞায়ন্ত তথাগতে।
সৈন্যেন রজসা মূঢং সর্বমন্ঘমিবাভবৎ॥ 7-187-18 (53670)
নৈব তে ন বয়ং রাজন্প্রাজ্ঞাসিষ্ম পরস্পরম্।
`শব্দমাত্রেণ জানীমো বয়ং তে চ পরস্পরম্'।
উদ্দেশেন হি তেন স্ম সময়ুধ্যন্ত পার্থিবাঃ॥ 7-187-19 (53671)
বিরথা রথিনো রাজন্সমাসাদ্য পরস্পরম্।
কেশেষু সমসজ্জন্ত কবচেষু ভুজেষু চ॥ 7-187-20 (53672)
হতাশ্বা হতসূতাশ্চ নিশ্চেষ্টা রথিনো হতাঃ।
জীবন্ত ইব তত্র স্ম ব্যদৃশ্যন্ত ভয়ার্দিতাঃ॥ 7-187-21 (53673)
হতান্গজান্সমাশ্লিষ্য পর্বতানিব বাজিনঃ।
গতসৎবা ব্যদৃশ্যন্ত তথৈব সহ সাদিভিঃ॥ 7-187-22 (53674)
ততস্ৎবভ্যবসৃত্যৈব সঙ্গ্রামাদুত্তরাং দিশম্।
আতিষ্ঠদাহবে দ্রোণো বিধূমোঽগ্নিরিব জ্বলন্॥ 7-187-23 (53675)
তমাজিশীর্ষাদেকান্তমপক্রান্তং নিশম্য তু।
সমকম্পন্ত সৈন্যানি পাণ্ডবানাং বিশাম্পতে॥ 7-187-24 (53676)
ভ্রাজমানং শ্রিয়া যুক্তং জ্বলন্তমিব তেজসা।
দ্রোণং দৃষ্ট্বা পরে ত্রেসুশ্চেরুর্মম্লুশ্চ ভারত॥ 7-187-25 (53677)
আহ্বয়ন্তং পরানীকং প্রভিন্নমিব বারণম্।
নৈনমাশংসিরে জেতুং দানবা বাসবং যথা॥ 7-187-26 (53678)
কেচিদাসন্নিরুৎসাহাঃ কেচিৎক্রুদ্ধা মনস্বিনঃ।
বিস্মিতাশ্চাভবন্কেচিৎকেচিদ্বৃষ্টাঽভবন্যুধি॥ 7-187-27 (53679)
হস্তৈর্হস্তাগ্রমপরে প্রত্যপিম্পন্নরাধিপাঃ।
অপরে দশনৈরোষ্ঠানদশন্ক্রোধমূর্চ্ছিতাঃ॥ 7-187-28 (53680)
ব্যাক্ষিপন্নায়ুধান্যন্যে মমৃদুশ্চাপরে ভুজান্।
অন্যে চান্বপতন্দ্রোণং ত্যক্তাত্মানো মহৌজসঃ॥ 7-187-29 (53681)
পাঞ্চালাস্তু বিশেষেণ দ্রোণসায়কপীডিতাঃ।
সমসজ্জন্ত রাজেন্দ্র সমরে ভৃশবেদনাঃ॥ 7-187-30 (53682)
ততো বিরাটদ্রুপদৌ দ্রোণং প্রতি যয়ূ রণে।
তথা চরন্তং সঙ্গ্রামে ভৃশং সমরদুর্জয়ম্॥ 7-187-31 (53683)
দ্রুপদস্য ততঃ পৌত্রাস্ত্রয় এব বিশাম্পতে।
চেদয়শ্চ মহেষ্বাসা দ্রোণমেবাভ্যযুর্যুধি॥ 7-187-32 (53684)
তেষাং দ্রুপদপৌত্রাণাং ত্রয়াণাং নিশিতৈঃ শরৈঃ।
ত্রিভির্দ্রোণোঽহরৎপ্রাণাংস্তে হতা ন্যপতন্ভুবি॥ 7-187-33 (53685)
ততো দ্রোণোঽজয়দ্যুদ্ধে চেদিকৈকেয়সৃঞ্জয়ান্।
মাৎস্যাংশ্চৈবাজয়ৎকৃৎস্নান্ভারদ্বাজো মহারথান্॥ 7-187-34 (53686)
ততস্তু দ্রুপদঃ ক্রোধাচ্ছরবর্ষমবাসৃজৎ।
দ্রোণং প্রতি মহারাজ বিরাটশ্চৈব সংয়ুগে॥ 7-187-35 (53687)
তং নিহত্যেষুবর্ষং তু দ্রোণঃ ক্ষত্রিয়মর্দনঃ।
তৌ শরৈশ্ছাদয়ামাস বিরাটদ্রুপদাবুভৌ॥ 7-187-36 (53688)
দ্রোণেন চ্ছাদ্যমানৌ তু ক্রুদ্ধৌ সঙ্গ্রামমূর্ধনি।
দ্রোণং শরৈর্বিব্যধতুঃ পরমং ক্রোধমাস্থিতৌ॥ 7-187-37 (53689)
তত দ্রোণো মহারাজ ক্রোধামর্ষসমন্বিতঃ।
ভল্লাভ্যাং ভৃশতীক্ষ্ণাভ্যাং চিচ্ছেদ ধনুষী তয়োঃ॥ 7-187-38 (53690)
ততো বিরাটঃ কুপিতঃ সমরে তোমরান্দশ।
দশ চিক্ষেপ চ শরান্দ্রোণস্য বধকাঙ্ক্ষয়া॥ 7-187-39 (53691)
শক্তিং চ দ্রুপদো ঘোরামায়সীং স্বর্ণভূষিতাম্।
চিক্ষেপ ভুজগেন্দ্রাভাং ক্রুদ্ধো দ্রোণরথং প্রতি॥ 7-187-40 (53692)
ততো ভল্লৈঃ সুনিশিতৈশ্ছিত্ৎবা তাংস্তোমারান্দশ।
শক্তিং কনকবৈদূর্যাং দ্রোণশ্চিচ্ছেদ সায়কৈঃ॥ 7-187-41 (53693)
ততো দ্রোণঃ সুপীতাভ্যাং ভল্লাভ্যামরিমর্দনঃ।
দ্রুপদং চ বিরাটং চ প্রেষয়ামাস মৃত্যবে॥ 7-187-42 (53694)
হতে বিরাটে দ্রুপদে কেকয়েষু তথৈব চ।
তথৈব চেদিমাৎস্যেষু পাঞ্চালেষু তথৈব চ॥ 7-187-43 (53695)
হতেষু ত্রিষু বীরেষু দ্রুপদস্য চ নপ্তৃষু।
দ্রোণস্য কর্ম তদ্দৃষ্ট্বা কোপদুঃখসমন্বিতঃ।
শশাপ রথিনাং মধ্যে ধৃষ্টদ্যুম্নো মহামনাঃ॥ 7-187-44 (53696)
ইষ্টাপূর্তাত্তথা ক্ষাত্রাদ্ব্রাহ্মণ্যাচ্চ স নশ্যতু।
দ্রোণো যস্যাদ্য মুচ্যেত যং বা দ্রোণঃ পরাভবেৎ॥ 7-187-45 (53697)
ইতি তেষাং প্রতিশ্রুত্য মধ্যে সর্বধনুষ্মতাম্।
আয়াদ্দ্রোণং সহানীকাঃ পাঞ্চাল্যঋ পরবীরহা॥ 7-187-46 (53698)
পাঞ্চালাস্ৎবেকতো দ্রোণভ্যঘ্নন্পাণ্ডবৈঃ সহ।
দুর্যোধনশ্চ কর্ণশ্চ শকুনিশ্চাপি সৌবলঃ।
সোদর্যাশ্চ যথা মুখ্যাস্তেঽরক্ষন্দ্রোণমাহবে॥ 7-187-47 (53699)
রক্ষ্যমাণং তথা দ্রোণং সর্বৈস্তৈস্তু মহারথৈঃ।
যতমানাস্তু পাঞ্চালা ন শেকুঃ প্রতিবীক্ষিতুম্॥ 7-187-48 (53700)
তত্রাক্রুধ্যদ্ভীমসেনো ধৃষ্টদ্যুম্নস্য মারিষ।
স এনং বাগ্ভিরুগ্রাভিস্ততক্ষ পুরুষর্ষভঃ॥ 7-187-49 (53701)
ভীমসেন উবাচ। 7-187-50x (4767)
দ্রুপদস্য কুলে জাতঃ সর্বাস্ত্রেষ্বস্ত্রবিত্তমঃ।
কঃ ক্ষত্রিয়ো মন্যমানঃ প্রেক্ষেতারিমবস্থিতম্॥ 7-187-50 (53702)
পিতৃপুত্রবধং প্রাপ্য পুংস্ৎবং কো বা প্রহর্ষয়েৎ।
বিশেষতস্তু শপথং শপিৎবা রাজসংসদি॥ 7-187-51 (53703)
এষ বৈশ্বানর ইব সমিদ্ধঃ স্বেন তেজসা।
শরচাপেন্ধনো দ্রোণঃ ক্ষত্রং দহতি তেজসা॥ 7-187-52 (53704)
পুরা করোতি নিঃশেষাং পাণ্ডবানামনীকিনীম্।
স্থিতাঃ পশ্যত মে কর্ম দ্রোণমেব ব্রজাম্যহম্॥ 7-187-53 (53705)
ইত্যুক্ৎবা প্রাবিশৎক্রুদ্ধো দ্রোণানীকং বৃকোদরঃ।
শরৈঃ পূর্ণায়তোৎসৃষ্টৌর্দ্রাবয়ংস্তব বাহিনীম্॥ 7-187-54 (53706)
ধৃষ্টদ্যুম্নোঽপি পাঞ্চাল্যঃ প্রবিশ্য মহতীং চমূম্।
আসসাদ রণে দ্রোণং তদাসীত্তুমুলং মহৎ॥ 7-187-55 (53707)
নৈব নস্তাদৃশং যুদ্ধং দৃষ্টপূর্বং ন চ শ্রুতম্।
যথা সূর্যোদয়ে রাজন্সমুৎপিঞ্জোঽভবন্মহান্॥ 7-187-56 (53708)
সংসক্তান্যেব চাদৃশ্যন্রথবৃন্দানি মারিষ।
হতানি চ বিকীর্ণানি সরীরাণি শরীরিণাম্॥ 7-187-57 (53709)
কেচিদন্যত্র গচ্ছন্তঃ পথি চান্যৈরুপদ্রুতাঃ।
বিমুখাঃ পৃষ্ঠতশ্চান্যে তাড্যন্তে পার্শ্বতঃ পরে॥ 7-187-58 (53710)
তথা সংসক্তয়ুদ্ধং তদভবদ্ভৃশদারুণম্।
অথ সন্ধ্যাগতঃ সূর্যঃ ক্ষণেন সমপদ্যত॥ ॥ 7-187-59 (53711)
ইতি শ্রীমন্মহাভারতে দ্রোণপর্বণি দ্রোণবধপর্বণি চতুর্দশরাত্রিয়ুদ্ধে সপ্তাশীত্যধিকশততমোঽধ্যায়ঃ॥ 187 ॥
Mahabharata - Drona Parva - Chapter Footnotes
5-187-1 ত্রিভাগমাত্রশেষায়াং মুহূর্তত্রয়াবশিষ্টায়াম্। তত্র সূর্যোদয়োত্তরং ত্রয়োদশ্যাং দ্রোণস্য নাশঃ। ত্রয়োদশ্যাং শুক্লয়ি যুদ্ধারম্ভস্য--হেমন্তে প্রথমেমাসে শুক্লপক্ষে ত্রয়োদশীম্। প্রবৃত্তং ভারতং যুদ্ধমিতি ভারতসাবিত্র্যামুক্তস্য চোপপত্তিঃ সিধ্যতি॥ 5-187-44 শশাপ শপথং কৃতবান্॥ 5-187-45 ইষ্টং যাগহোমাদি। আপূর্তং ক্ষেত্রারামাদি। ক্ষাত্রং দ্রুপদকুলোৎপন্নৎবাৎ। ব্রাহ্মণ্যং যাজোপয়াজয়োর্ব্রাহ্মণয়েস্তপসা ব্রাহ্মণরূপাদগ্নেশ্চ জাতৎবাৎ। এতৎসর্বং তস্য নশ্যতু। যস্য শত্রুর্দ্রোণো মুচ্যেত মরণং ন প্রাপ্নুয়াৎ। যং বা মাং বা. দ্রোণো যদি পরাভবেদিতি॥ 5-187-187 সপ্তাশীত্যাধিকশততমোঽধ্যায়ঃ॥দ্রোণপর্ব - অধ্যায় 188
॥ শ্রীঃ ॥
7.188. অধ্যায়ঃ 188
Mahabharata - Drona Parva - Chapter Topics
পঞ্চদশদিবসয়ুদ্ধারম্ভঃ॥ 1 ॥ সঙ্কুলয়ুদ্ধম্। নকুলেন দুর্যোধনপরাজয়ঃ॥ 2 ॥Mahabharata - Drona Parva - Chapter Text
7-188-0 (53712)
সঞ্জয় উবাচ। 7-188-0x (4768)
তে তথৈব মহারাজ দংশিতা রণমূর্ধনি।
সন্ধ্যাগতং সহস্রাংশুমাদিত্যমুপতস্থিরে॥ 7-188-1 (53713)
উদিতে তু সহস্রাংশৌ তপ্তকাঞ্চনসপ্রভে।
প্রকাশিতেষু লোকেষু পুনর্যুদ্ধমবর্তত॥ 7-188-2 (53714)
দ্বন্দ্বানি তত্র যান্যাসন্সংসক্তানি পুরোদয়াৎ।
তান্যেবাভ্যুদিতে সূর্যে সমসজ্জন্ত ভারত॥ 7-188-3 (53715)
রথৈর্হয়া হয়ৈর্নাগাঃ পাদাতৈশ্চাপি কুঞ্জরাঃ।
হয়ৈর্হয়াঃ সমাজগ্মুঃ পাদাতাশ্চ পদাতিভিঃ॥ 7-188-4 (53716)
রথা রথৈরিভৈর্নাগাস্তথৈব ভরতর্ষভ।
সংসক্তাশ্চ বিয়ুক্তাশ্চ যোধাঃ সন্ন্যপতন্রণে॥ 7-188-5 (53717)
তে রাত্রৌ কৃতকর্মাণঃ শ্রান্তাঃ সূর্যস্য তেজসা।
ক্ষুৎপিপাসাপরীতাঙ্গা বিসংজ্ঞা বহবোঽভবন্॥ 7-188-6 (53718)
শঙ্খবেরীমৃদঙ্গানাং কুঞ্জরাণাং চ গর্জতাম্।
বিষ্ফারিতবিকৃষ্টানাং কার্মুকাণাং চ কূজতাম্॥ 7-188-7 (53719)
শব্দঃ সমভবদ্রাজন্দিবিস্পৃগ্ভরতর্ষভ।
দ্রবতাং চ পদাতীনাং শস্ত্রাণাং পততামপি॥ 7-188-8 (53720)
হয়ানাং হেষতাং চাপি রথানাং চ নিবর্ততাম্।
ক্রোশতাং গর্জতাং চৈব তদাসীত্তুমুলং মহৎ॥ 7-188-9 (53721)
বিবৃদ্ধস্তুমুলঃ শব্দো দ্যামগচ্ছন্মহাংস্তদা।
নানায়ুধনিকৃত্তানাং চেষ্টতামাতুরঃ স্বনঃ॥ 7-188-10 (53722)
ভূমাবশ্রূয়ত মহাংস্তদাঽঽসীৎকৃপণং মহৎ।
পততাং পাত্যমানানাং পত্ত্যশ্বরথদন্তিনাম্॥ 7-188-11 (53723)
তেষু সর্বেষ্বনীকেষু ব্যতিষক্তেষ্বনেকশঃ।
স্বে স্বাঞ্জঘ্নুঃ পরে স্বাংশ্চ স্বান্পরেষাং পরে পরান্। 7-188-12 (53724)
বীরবাহুবিসৃষ্টাশ্চ যোধেষু চ গজেষু চ।
রাশয়ঃ প্রত্যদৃশ্যন্ত বাসসাং নেজনেষ্বিব॥ 7-188-13 (53725)
উদ্যতপ্রতিপিষ্টানাং খঙ্গানাং বীরবাহুভিঃ।
স এব শব্দস্তদ্রূপো বাসসাং নিজ্যতামিব॥ 7-188-14 (53726)
অর্ধাসিভিস্তথা খঙ্গৈস্তোমরৈঃ সপরশ্বথৈঃ।
নিকৃষ্টয়ুদ্ধং সংসক্তং মহদাসীৎসুদারুণম্॥ 7-188-15 (53727)
গজাশ্বকায়প্রভবাং নরদেহপ্রবাহিনীম্।
শস্ত্রমৎস্যসুসম্পূর্ণাং মাংসশোণিতকর্দমাম্॥ 7-188-16 (53728)
আর্তনাদস্বনবতীং পতাকাশস্ত্রফেনিলাম্।
নদীং প্রাবর্তয়ন্বীরাঃ পরলোকৌঘগামিনীম্॥ 7-188-17 (53729)
শরশক্ত্যর্দিতা ক্লান্তা রাত্রিমূঢাৎপচেতসঃ।
বিষ্টভ্য সর্বগাত্রাণি ব্যতিষ্ঠন্গজবাজিনঃ॥ 7-188-18 (53730)
সংশুষ্কবদনা বীরাঃ শিরোভিশ্চারুকুণ্ডলৈঃ।
যুদ্ধোপকরণৈশ্চান্যৈস্তত্রতত্র চকাশিরে॥ 7-188-19 (53731)
ক্রব্যাদসঙ্ঘৈরাকীর্ণং মৃতৈরর্ধমৃতৈরপি।
নাসীদ্রথপথস্তত্র সর্বমায়োধনং প্রতি॥ 7-188-20 (53732)
মঞ্জৎসু চক্রেষু রথান্সৎবমাস্থায় বাজিনঃ।
কথঞ্চিদবহন্শ্রান্তা বেপমানাঃ শরার্দিতাঃ।
কুলসৎববলোপেতা বাজিনো বারণোপমাঃ॥ 7-188-21 (53733)
বিহ্বলং তূর্ণমুদ্ধান্তং সভয়ং ভারতাতুরম্।
বলমাসীত্তদা সর্বমৃতে দ্রোণার্জুনাবুভৌ॥ 7-188-22 (53734)
তাবেবাস্তাং নিলয়নং তাবার্তায়নমেব চ।
তাবেবান্যে সমাসাদ্য জগ্মুর্বৈবস্বতক্ষয়ম্॥ 7-188-23 (53735)
আবিগ্নমভবৎসর্বং কৌরবাণাং মহদ্বলম্।
পাঞ্চালানাং চ সংসক্তং ন প্রাজ্ঞায়ত কিঞ্চন॥ 7-188-24 (53736)
অন্তকাক্রীডসদৃশং ভীরূণাং ভয়বর্ধনম্।
পৃথিব্যাং রাজবংশ্যানামুত্থিতে মহতি ক্ষয়ে॥ 7-188-25 (53737)
ন তত্র কর্ণং দ্রোণং বা নার্জুনং ন যুধিষ্ঠিরম্।
ন ভীমসেনং ন যমৌ ন পাঞ্চাল্যং ন সাত্যকিম্॥ 7-188-26 (53738)
ন চ দুঃশাসনং দ্রৌণিং ন দুর্যোধনসৌবলৌ।
ন কৃপং মদ্ররাজং চ কৃতবর্মাণমেব চ॥ 7-188-27 (53739)
ন চান্যান্নৈব চাত্মানং ন ক্ষিতিং ন দিশস্তথা।
পশ্যাম রাজন্সংসক্তান্সৈন্যেন রজসা ধৃতান্॥ 7-188-28 (53740)
সম্ভ্রান্তে তুমুলে ঘোরে রজোমেঘে সমুত্থিতে।
ত্রিয়ামামিব সংপ্রাপ্তামমন্যন্ত নিশাচরাঃ॥ 7-188-29 (53741)
ন জ্ঞায়ন্তে কৌরবেয়া ন পাঞ্চালা ন পাণ্ডবাঃ।
ন দিশো দ্যৌর্ন চোর্বী চ ন সমং বিষমং তথা॥ 7-188-30 (53742)
হস্তসংস্পর্শমাপন্নান্পরানপ্যথবা স্বকান্।
ন্যপাতয়ংস্তদা যুদ্ধে নরাঃ স্ম বিজয়ৈষিণঃ॥ 7-188-31 (53743)
উদ্ধূতৎবাত্তু রজসঃ প্রসেকাচ্ছোণিতস্য চ।
প্রাশাম্যত রজো ভৌমং শীঘ্রৎবাদনিলস্য চ॥ 7-188-32 (53744)
তত্র নাগা হয়া যোধা রথিনোঽথ পদাতয়ঃ।
পারিজাতবনানীব ব্যরোচন্রুধিরোক্ষিতাঃ॥ 7-188-33 (53745)
ততো দুর্যোধনঃ কর্ণো দ্রোণো দুঃশাসনস্তথা।
পাণ্ডবৈঃ সমসজ্জন্ত চতুর্ভিশ্চতুরো রথাঃ॥ 7-188-34 (53746)
দুর্যোধনঃ সহ ভ্রাত্রা যমাভ্যাং সমসজ্জত।
বৃকোদরেণ রাধেয়ো ভারদ্বাজেন চার্জুনঃ॥ 7-188-35 (53747)
তদ্ধোরং মহদাশ্চর্যং যুদ্ধং দৈবাসুরোপমম্।
রথর্ষভাণামুগ্রাণাং সন্নিপাতমমানুষম্॥ 7-188-36 (53748)
রথমার্গৈর্বিচিত্রৈস্তৈর্বিচিত্ররথসঙ্কুলম্।
অপশ্যন্রথিনো যুদ্ধং বিচিত্রং চিত্রয়োধিনাম্॥ 7-188-37 (53749)
যতমানাঃ পরাক্রান্তাঃ পরস্পরজিগীষবঃ।
জীমূতা ইব ঘর্মান্তে শরবর্ষৈরবাকিরন্॥ 7-188-38 (53750)
তে রথান্সূর্যসঙ্কাশানাস্থিতাঃ পুরুষর্ষভাঃ।
অশোভন্ত যথা মেঘাঃ শারদাশ্চলবিদ্যুতঃ॥ 7-188-39 (53751)
যোধাস্তে তু মহারাজ ক্রোধামর্ষসমন্বিতাঃ।
স্পর্ধিনশ্চ মহেষ্বাসাঃ কৃতয়ত্না ধনুর্ধরাঃ।
অভ্যগচ্ছংস্তথাঽন্যোন্যং মত্তা গজবৃষা ইব॥ 7-188-40 (53752)
ন নূনং দেহভেদোঽস্তি কালে রাজন্ননাগতে।
যত্র সর্বে ন যুগপদ্ব্যশীর্যন্ত মহারথাঃ॥ 7-188-41 (53753)
বাহুভিশ্চপরণৈশ্চিন্নৈঃ শিরোভিশ্চ সকুণ্ডলৈঃ।
কার্মুকৈর্বিশিখৈঃ প্রাসৈঃ খঙ্গৈঃ পরশুপট্টসৈঃ॥ 7-188-42 (53754)
নালীকৈঃ ক্ষুদ্রনারাচৈর্নখরৈঃ শক্তিতোমরৈঃ।
অন্যৈশ্চ বিবিধাকারৈর্ধৌতৈঃ প্রহরণোত্তমৈঃ॥ 7-188-43 (53755)
বিচিত্রৈর্বিবিধাকারৈঃ শরীরাবরণৈরপি।
বিচিত্রৈশ্চ রথৈর্ভগ্নৈর্হতৈশ্চ গজবাজিভিঃ॥ 7-188-44 (53756)
শূন্যৈশ্চৈব নগাকারৈর্হতয়োধধ্বজৈ রথৈঃ।
অমনুষ্যৈর্হয়ৈস্ত্রস্তৈঃ কৃষ্যমাণৈস্ততস্ততঃ॥ 7-188-45 (53757)
বাতায়মানৈরসকৃদ্ধতবীরৈরলংকৃতৈঃ।
ব্যজনৈঃ কঙ্কটৈশ্চৈব ধ্বজৈশ্চ বিনিপাতিতৈঃ॥ 7-188-46 (53758)
ছত্রৈরাভরণৈর্বস্ত্রৈর্মাল্যৈশ্চ সসুগন্ধিভিঃ।
হারৈঃ কিরীটৈর্মুকুটৈরুষ্ণীষৈঃ কিঙ্কিণীগণৈঃ॥ 7-188-47 (53759)
উরস্থৈর্মণিভির্নিষ্কৈশ্চূডামণিভিরেব চ।
আসীদায়োধনং তত্র নভস্তারাগণৈরিব॥ 7-188-48 (53760)
ততো দুর্যোধনস্যাসীন্নকুলেন সমাগমঃ।
অমর্ষিতেন ক্রুদ্ধস্য ক্রুদ্ধেনামর্ষিতস্য চ॥ 7-188-49 (53761)
অপসব্যং চকারাথ মাদ্রীপুত্রস্তবাত্মজম্।
কিরঞ্ছরশতৈর্হৃষ্টস্তত্র নাদো মহানভূৎ॥ 7-188-50 (53762)
অপসব্যং কৃতং সঙ্খ্যে ভ্রাতৃব্যেনাত্যমর্ষিণা।
নামৃষ্যত তমপ্যাজৌ প্রতিচক্রে পরন্তপঃ।
পুত্রস্তব মহারাজ রাজা দুর্যোধনো দ্রুতম্॥ 7-188-51 (53763)
ততঃ প্রতিচিকীর্ষন্তমপসব্যং তু তে সুতম্।
ন্যবারয়ত তেজস্বী নকুলশ্চিত্রমার্গবিৎ॥ 7-188-52 (53764)
স সর্বতো নিবার্যৈনং শরজালেন পীডয়ন্।
বিমুখং নকুলশ্চক্রে তৎসৈন্যাঃ সমপূজয়ন্॥ 7-188-53 (53765)
তিষ্ঠতিষ্ঠেতি নকুলো বভাষে তনয়ং তব।
সংস্মৃত্য সর্বদুঃখানি তব দুর্মন্ত্রিতং চ তৎ॥ ॥ 7-188-54 (53766)
ইতি শ্রীমন্মহাভারতে দ্রোণপর্বণি দ্রোণবধপর্বণি চতুর্দশরাত্রিয়ুদ্ধে অষ্টাশীত্যধিকশততমোঽধ্যায়ঃ॥ 188 ॥
Mahabharata - Drona Parva - Chapter Footnotes
5-188-12 স্বে কৌরবাঃ স্বান্ স্বভৃত্যান্পরে পাণ্ডবাঃ স্বান্ স্বভৃত্যান্। স্বে ইত্যনুবর্ততে। পরেষাং পাণ্ডবানাং স্বান্ স্বে কৌরবাঃ পরেষাং পাণ্ডবানাং পরান্ কৌরবান্ পরে পাণ্ডবা জঘ্নুরিত্যন্বয়ঃ। পরেষামিত্যুভয়ত্র সম্বধ্যতে। স্বপরবিভাগো বক্তুঃ সঞ্জয়স্যানুরোধাৎ॥ 5-188-13 নিজ্যন্তে প্রক্ষাল্যন্তে বাসাংসি যেষু তে প্রদেশা নেজনানি তেষু যথা বাসসাং রাশয়ো ভবন্ত্যেবমুদ্যতানাং প্রতিকূলং পিষ্টানাং চ খঙ্গানাং রাশয়ঃ প্রত্যদৃশ্যন্ত। নিজ্যতাং ক্ষালনৈঃ উদ্যম্যোদ্যম্য শিলায়াং স্ফাল্যমানানাম্। স্লোকদ্বয়ম্॥ 5-188-14 নিজ্যন্তে প্রক্ষাল্যন্তে বাসাংসি যেষু তে প্রদেশা নেজনানি তেষু যথা বাসসাং রাশয়ো ভবন্ত্যেবমুদ্যতানাং প্রতিকূলং পিষ্টানাং চ খঙ্গানাং রাশয়ঃ প্রত্যদৃশ্যন্ত। নিজ্যতাং ক্ষালনৈঃ উদ্যম্যোদ্যম্য শিলায়াং স্ফাল্যমানানাম্। স্লোকদ্বয়ম্॥ 5-188-15 অর্ধাসিভিরেকধারৈঃ॥ 5-188-23 নিলয়নমাশ্রয়ঃ। আর্তায়নং আর্তানাং ভয়বারণং স্বীয়ানাম্। শত্রূণাং তু তাবেব মৃত্যুকরাবিত্যর্থঃ॥ 5-188-34 চতুরশ্চৎবারঃ॥ 5-188-35 ভ্রাত্রা দুঃশাসনেন॥ 5-188-188 অষ্টাশীত্যধিকশততমোঽধ্যায়ঃ॥দ্রোণপর্ব - অধ্যায় 189
॥ শ্রীঃ ॥
7.189. অধ্যায়ঃ 189
Mahabharata - Drona Parva - Chapter Topics
দ্রোণার্জুনাদীনাং সঙ্কুলয়ুদ্ধম্॥ 1 ॥Mahabharata - Drona Parva - Chapter Text
7-189-0 (53767)
সঞ্জয় উবাচ। 7-189-0x (4769)
ততো দুঃশাসনঃ ক্রুদ্ধঃ সহদেবমুপাদ্রবৎ।
রথবেগেন তীব্রেণ কম্পয়ন্নিব মেদিনীম্॥ 7-189-1 (53768)
তস্যাপতত এবাশু ভল্লেনামিত্রকর্শনঃ।
মাদ্রীপুত্রঃ শিরো যন্তুঃ সশিরস্ত্রাণমচ্ছিনৎ॥ 7-189-2 (53769)
নৈনং দুঃশাসনঃ সূতং নাপি কশ্চন সৈনিকঃ।
কৃত্তোত্তমাঙ্গমাশুৎবাৎসহদেবেন বুদ্ধবান্॥ 7-189-3 (53770)
যদা ৎবসঙ্গৃহীতৎবাৎপ্রয়ান্ত্যশ্বা যথাসুখম্।
ততো দুঃশাসনঃ সূতং বুবুধে গতচেতসম্॥ 7-189-4 (53771)
স হয়ান্সন্নিগৃহ্যাজৌ স্বয়ং হয়বিশারদঃ।
যুয়ুধে রথিনাং শ্রেষ্ঠো লঘু চিত্রং চ সুষ্ঠু চ॥ 7-189-5 (53772)
তদস্যাপূজয়ন্কর্ম স্বে পরে চাপি সংয়ুগে।
হতসূতরথেনাজৌ ব্যচরদ্যদভীতবৎ॥ 7-189-6 (53773)
সহদেবস্তু তানশ্বাংস্তীক্ষ্ণৈর্বাণৈরবাকিরৎ।
পীড্যমানাঃ শরৈশ্চাশু প্রাদ্রবংস্তে ততস্ততঃ॥ 7-189-7 (53774)
স রশ্মিষু বিষক্তৎবাদুৎসর্জ শরাসনম্।
ধনুষা কর্ম কুর্বংস্তু রশ্মীংশ্চ পুনরুৎসৃজৎ॥ 7-189-8 (53775)
ছিদ্রেষ্বেতেষু তং বাণৈর্মাদ্রীপুত্রোঽভ্যবাকিরৎ।
পরীপ্সংস্ৎবৎসুতং কর্ণস্তদন্তরমবাপতৎ॥ 7-189-9 (53776)
বৃকোদরস্ততঃ কর্ণং ত্রিভির্ভল্লৈঃ সমাহিতঃ।
আকর্ণপূর্ণৈরভ্যঘ্নদ্বাহ্বোরুরসি চানদৎ॥ 7-189-10 (53777)
স নিবৃত্তস্ততঃ কর্ণঃ সঙ্ঘট্টিত ইবোরগঃ।
ভীমমাবারয়ামাস বিকিরন্নিশিতাঞ্ছরান্।
ততোঽভূত্তুমুলং যুদ্ধং ভীমরাধেয়যোস্তদা॥ 7-189-11 (53778)
তৌ বৃষাবিব নর্দন্তৌ বিবৃত্তনয়নাবুভৌ।
বেগেন মহতাঽন্যোন্যং সংরব্ধাবভিপেততুঃ॥ 7-189-12 (53779)
অভিসংশ্লিষ্টয়োস্তত্র তয়োরাহবশৌণ্ডয়োঃ।
বিচ্ছিন্নশরপাতৎবাদ্গদায়ুদ্ধমবর্তত॥ 7-189-13 (53780)
গদয়া ভীমসেনস্তু কর্ণস্য রথকূবরম্।
বিভেদ শতধা রাজংস্তদদ্ভুতমিবাভবৎ॥ 7-189-14 (53781)
ততো ভীমস্য রাধেয়ো গদামাবিধ্য বীর্যবান্।
অবাসৃজদ্রথে তাং তু বিভেদ গদয়া গদাম্॥ 7-189-15 (53782)
ততো ভীমঃ পুনর্গুর্বীং চিক্ষেপাধিরথের্গদাম্।
তাং গদাং বহুভিঃ কর্ণঃ সুপুঙ্খৈঃ সুপ্রবেজিতৈঃ॥ 7-189-16 (53783)
প্রত্যবিধ্যৎপুনশ্চান্যৈঃ সা ভীমং পুনরাব্রজৎ।
ব্যালীব মন্ত্রাভিহতা কর্ণবাণৈরভিদ্রুতা॥ 7-189-17 (53784)
তস্যাঃ প্রতিনিপাতেন ভীমস্য বিপুলো ধ্বজঃ।
পপাত সারথিশ্চাস্য মুমোহ চ গদাহতঃ॥ 7-189-18 (53785)
স কর্ণং সায়কানষ্টৌ ব্যসৃজৎক্রোধমূর্চ্ছিতঃ।
তৈস্তস্য নিশিতৈস্তীক্ষ্ণৈর্ভীমসেনো মহাবলঃ॥ 7-189-19 (53786)
চিচ্ছেদ পরবীরঘ্নঃ প্রহসন্নিব ভারত।
ধ্বজং শরাসনং চৈব শরাবাপং চ ভারত॥ 7-189-20 (53787)
কর্ণোঽপ্যন্যদ্ধনুর্গৃহ্য হেমপৃষ্ঠং দুরাসদম্।
ততঃ পুনস্তু রাধেয়ো হয়ানস্য রথেষুভিঃ।
ঋক্ষবর্ণাঞ্জঘানাশু তথোভৌ পার্ষ্ণিসারথী॥ 7-189-21 (53788)
স বিপন্নরথো ভীমো নকুলস্যাপ্লুতো রথম্।
হরির্যথা গিরেঃ শৃঙ্গং সমাক্রমদরিন্দমঃ॥ 7-189-22 (53789)
তথা দ্রোণার্জুনৌ চিত্রময়ুধ্যেতাং মহারথৌ।
আচার্যশিষ্যৌ রাজেন্দ্র কৃতপ্রতিকৃতৌ যুধি॥ 7-189-23 (53790)
লঘুসন্ধানয়োগাভ্যাং রথয়োশ্চ রণেন চ।
মোহয়ন্তৌ মনুষ্যাণাং চক্ষূংষি চ মনাংসি চ॥ 7-189-24 (53791)
উপারমন্ত তে সর্বে যোধাঽস্মাকং পরে তথা।
বিচিত্রান্পৃতনামধ্যে রথমার্গানুদীর্য তৌ। 7-189-25 (53792)
অন্যোন্যমপসব্যং চ কর্তুং বীরৌ তদেষতুঃ॥ 7-189-26 (53793)
পরাক্রমং তয়োর্যোধা দদৃশুস্তে সুবিস্মিতাঃ॥ 7-189-27 (53794)
তয়োঃ সমভবদ্যুদ্ধং দ্রোণপাণ্ডবয়োর্মহৎ।
আমিষার্থে মহারাজ গগনে শ্যেনয়োরিব॥ 7-189-28 (53795)
যদ্যচ্চকার দ্রোণস্তু কুন্তীপুত্রজিগীষয়া।
তত্তৎপ্রতিজঘানাশু প্রহসংস্তস্য পাণ্ডবঃ॥ 7-189-29 (53796)
যদা দ্রোণো ন শক্নোতি পাণ্ডবং স্ম বিশেষিতুম্।
ততঃ প্রাদুশ্চকারাস্ত্রমস্ত্রমার্গবিশারদঃ॥ 7-189-30 (53797)
ঐন্দ্রং পাশুপতং ৎবাষ্ট্রং বায়ব্যমথ বারুণম্।
মুক্তংমুক্তং দ্রোণচাপাত্তজ্জঘান ধনঞ্জয়ঃ॥ 7-189-31 (53798)
অস্ত্রাণ্যস্ত্রৈর্যদা তস্য বিধিবদ্ধন্তি পাণ্ডবঃ।
ততোঽস্ত্রৈঃ পরমৈর্দিব্যৈর্দ্রোণঃ পার্থমবাকিরৎ॥ 7-189-32 (53799)
যদ্যদস্ত্রং স পার্থায় প্রয়ুঙ্ক্তে বিজিগীষয়া।
তস্যতস্য বিঘাতায় তত্তদ্ধি কুরুতেঽর্জুনঃ॥ 7-189-33 (53800)
স বধ্যমানেষ্বস্ত্রেষু দিব্যেষ্বপি যথাবিধি।
অর্জুনেনার্জুনং দ্রোণো মনসৈবাভ্যপূজয়ৎ॥ 7-189-34 (53801)
মেনে চাত্মানমধিকং পৃথিব্যামধি ভারত।
তেন শিষ্যেণ সর্বেভ্যঃ শস্ত্রবিদ্ভ্য পরন্তপঃ॥ 7-189-35 (53802)
বার্যমাণস্তু পার্থেন তথা মধ্যে মহাত্মনাম্।
যতমানোঽর্জুনং প্রীত্যা প্রীয়তে স্মার্জুনেন সঃ॥ 7-189-36 (53803)
ততোঽন্তরিক্ষে দেবাশ্চ গন্ধর্বাশ্চ সহস্রশঃ।
ঋষয়ঃ সিদ্ধসঙ্ঘাশ্চ ব্যতিষ্ঠন্ত দিদৃক্ষয়া॥ 7-189-37 (53804)
তদপ্সরোভিরাকীর্ণং যক্ষগন্ধর্বসঙ্কুলম্।
শ্রীমদাকাশমভবদ্ভূয়ো মেঘাকুলং যথা॥ 7-189-38 (53805)
তত্রাস্মান্তর্হিতা বাচো ব্যচরন্ত পুনঃ পুনঃ।
দ্রোণপার্থস্তবোপেতা ব্যশ্রূয়ন্ত নরাধিপ॥ 7-189-39 (53806)
বিসৃজ্যমানেষ্বস্ত্রেষু জ্বালয়স্তু দিশো দশ।
অব্রুবংস্তত্র সিদ্ধাশ্চ ঋষয়শ্চ সমাগতাঃ॥ 7-189-40 (53807)
নৈবেদং মানুষং যুদ্ধং নাসুরং ন চ রাক্ষসম্।
ন দৈবং ন চ গান্ধর্বং ব্রাহ্মণং ধ্রুবমিদং পরম্॥ 7-189-41 (53808)
বিচিত্রমিদমাশ্চর্যং ন নো দৃষ্টং ন চ শ্রুতম্।
অতি পাণ্ডবমাচার্যো দ্রোণং চাপ্যতি পাণ্ডবঃ॥ 7-189-42 (53809)
নানয়োরন্তরং শক্যং দ্রষ্টুমন্যেন কেনচিৎ॥ 7-189-43 (53810)
যদি রুদ্রো দ্বিধাকৃত্য যুধ্যেতাত্মানমাত্মনা।
তত্র শক্যোপমা কর্তুমন্যত্র তু ন বিদ্যতে॥ 7-189-44 (53811)
জ্ঞানমেকস্থমাচার্যে জ্ঞানং যোগশ্চ পাণ্ডবে।
শৌর্যমেকস্থমাচার্যে বলং শৌর্যং চ পাণ্ডবে। 7-189-45 (53812)
নেমৌ শক্যৌ মহেষ্বাসৌ যুদ্ধে ক্ষপয়িতুং পরৈঃ।
ইচ্ছমানৌ পুনরিমৌ হন্যেতাং সামরং জগৎ॥ 7-189-46 (53813)
ইত্যব্রুবন্মহারাজ দৃষ্ট্বা তৌ পুরুষর্ষভৌ।
অন্তর্হিতানি ভূতানি প্রকাশানি চ সর্বশঃ॥ 7-189-47 (53814)
`যদা দ্রোণং মহারাজ বিশেষয়তি পাণ্ডবঃ'।
ততো দ্রোণো ব্রাহ্মমস্ত্রং প্রাদুশ্চক্রে মহামতিঃ॥ 7-189-48 (53815)
`তদস্ত্রং সংহিতং রাজন্ধোররূপং মহাহবে'।
সন্তাপয়দ্রণে পার্থং ভূতান্যন্তর্হিতানি চ॥ 7-189-49 (53816)
ততশ্চচাল পৃথিবী সপর্বতবনদ্রুমা।
`সরিতশ্চ প্রতিস্রোতঃ প্রবহুর্বৈ ক্ষণান্তরম্'।
ববৌ চ বিষমো বায়ুঃ সাগরাশ্চাপি চুক্ষুভুঃ॥ 7-189-50 (53817)
ততস্ত্রাসো মহানাসীৎকুরুপাণ্ডবসেনয়োঃ।
সর্বেষাং চৈব ভূতানামুদ্যতেঽস্ত্রে মহাত্মনা॥ 7-189-51 (53818)
ততঃ পার্থোঽপ্যসম্ভ্রান্তস্তদস্ত্রং প্রতিজঘ্নিবান্।
ব্রহ্মাস্ত্রেণৈব রাজেন্দ্র ততঃ সর্বমশীশমৎ॥ 7-189-52 (53819)
যদা ন গম্যতে পারং তয়োরন্যতরস্য বা।
ততঃ সঙ্কুলয়ুদ্ধেন তদ্যুদ্ধং ব্যাকুলীকৃতম্॥ 7-189-53 (53820)
নাজ্ঞায়ত ততঃ কিঞ্চিৎপুনরেব বিশাম্পতে।
প্রবৃত্তে তুমুলে যুদ্ধে দ্রোণপাণ্ডবয়োর্নৃপ॥ 7-189-54 (53821)
`দ্রোণো মুক্ৎবা রণে পার্থং পাঞ্চালানন্বধাবত।
অর্জুনোপি রণে দ্রোণং ত্যক্ৎবা প্রাদ্রবয়ৎকুরূন্॥ 7-189-55 (53822)
শরৌঘৈরথ তাভ্যাং তু ছায়াভূতং মহামৃধে।
তুমলং প্রবভৌ রাজন্সর্বস্য জগতো ভয়ম্'॥ 7-189-56 (53823)
শরজালৈঃ সমাকীর্ণে মেঘজালৈরিবাম্বরে।
নাপতচ্চ ততঃ কশ্চিদন্তরিক্ষচরস্তদা॥ ॥ 7-189-57 (53824)
ইতি শ্রীমন্মহাভারতে দ্রোণপর্বণি দ্রোণবধপর্বণি পঞ্চদশদিসয়ুদ্ধে একোননবত্যধিকশততমোঽধ্যায়ঃ॥ 189 ॥
Mahabharata - Drona Parva - Chapter Footnotes
5-189-45 জ্ঞানমেকস্থমিতি আচার্যো জ্ঞানস্য শৌর্যস্য চাবধিরিত্যর্থঃ। অর্জুনস্তু যোগেন বলেন চাধিকঃ। কৃষ্ণসারথিগাণ্ডীবদিব্যরথধ্বজবুদ্ভ্যাদিভির্যৌবনেন চ যুক্তৎবাৎ। তথাচ যোগবলাভ্যাং মার্চার্যসাম্যং প্রাপ্ত ইত্যর্থঃ॥ 5-189-57 নাপতৎ বাণৈরন্তরিক্ষস্য পূরিতৎবাদিতি ভাবঃ॥ 5-189-189 একোননবত্যধিকশততমোঽধ্যায়ঃ॥দ্রোণপর্ব - অধ্যায় 190
॥ শ্রীঃ ॥
7.190. অধ্যায়ঃ 190
Mahabharata - Drona Parva - Chapter Topics
সাত্যকিদুর্যোধনাদীনাং সঙ্কুলয়ুদ্ধবর্ণনম্॥ 1 ॥Mahabharata - Drona Parva - Chapter Text
7-190-0 (53825)
সঞ্জয় উবাচ। 7-190-0x (4770)
তস্মিংস্তথা বর্তমানে গজাশ্বনরসংক্ষয়ে।
দুঃশাসনো মহারাজ ধৃষ্টদ্যুম্নময়োধয়ৎ॥ 7-190-1 (53826)
স তু রুক্মরথাসক্তো দুঃশাসনশরার্দিতঃ।
অমর্ষাত্তব পুত্রস্য শরৈর্বাহানবাকিরৎ॥ 7-190-2 (53827)
ক্ষণেন স রথস্তস্য সধ্বজঃ সহসারথিঃ।
নাদৃশ্যত মহারাজ পার্ষতস্য শরৈশ্চিতঃ॥ 7-190-3 (53828)
দুঃশাসনস্তু রাজেন্দ্র পাঞ্চাল্যস্য মহাত্মনঃ।
নাশকৎপ্রমুখে স্থাতুং শরজালপ্রপীডিতঃ॥ 7-190-4 (53829)
স তু দুঃশাসনং বাণৈর্বিমুখীকৃত্য পার্ষতঃ।
কির়ঞ্ছরসহস্রাণি দ্রোণমেবাভ্যযাদ্রণে॥ 7-190-5 (53830)
অভ্যপদ্যত হার্দিক্যঃ কৃতবর্মা ৎবনন্তরম্।
সোদর্যাণাং ত্রয়শ্চৈব ত এনং পর্যবারয়ন্॥ 7-190-6 (53831)
তং যমৌ পৃষ্ঠতোঽন্বৈতাং রক্ষন্তৌ পুরুষর্ষভৌ।
দ্রোণায়াভিমুখং যান্তং দীপ্যমানমিবানলম্॥ 7-190-7 (53832)
সম্প্রহারমকুর্বংস্তে সর্বে চ সুমহারথাঃ।
অমর্ষিতাঃ সত্ৎববন্তঃ কৃৎবা মরণমগ্রতঃ॥ 7-190-8 (53833)
শুদ্ধাত্মানঃ শুদ্ধবৃত্তা রাজন্স্বর্গপুরস্কৃতাঃ।
আর্যং যুদ্ধমকুর্বন্ত পরস্পরজিগীষবঃ॥ 7-190-9 (53834)
শুক্লাভিজনকর্মাণো মতিমন্তো জনাধিপ।
ধর্ময়ুদ্ধময়ুধ্যন্ত প্রেপ্সন্তো গতিমুত্তমাম্॥ 7-190-10 (53835)
ন তত্রাসীদধর্মিষ্ঠমশস্তং যুদ্ধমেব চ।
নাত্র কর্ণী ন নালীকো ন লিপ্তো ন চ বস্তিকঃ॥ 7-190-11 (53836)
ন সূচী কপিশো নৈব ন গবাস্থির্গজাস্থিজঃ।
ন চূলী বলিশস্তত্র ন যমী নাপি পাচকঃ।
ইষুরাসীন্ন সংশ্লিষ্টো ন পূতির্ন চ জিহ্মগঃ॥ 7-190-12 (53837)
ঋজূন্যেব বিশুদ্ধানি সর্বে শস্ত্রাণ্যধারয়ন্।
সুয়ুদ্ধেন পরাঁল্লোকানীপ্সন্তঃ কীর্তিমেব চ॥ 7-190-13 (53838)
তদাসীত্তুমুলং যুদ্ধং সর্বদোষবিবর্জিতম্।
চতুর্ণাং তব যোধানাং তৈস্ত্রিভিঃ পাণ্ডবৈঃ সহ॥ 7-190-14 (53839)
ধৃষ্টদ্যুম্নস্তু তান্দৃষ্ট্বা তব রাজন্রথর্ষভান্।
যমাভ্যাং বারিতান্বীরাঞ্ছীঘ্রাস্ত্রো দ্রোণমভ্যযাৎ॥ 7-190-15 (53840)
নিবারিতাস্তু তে বীরাস্তয়োঃ পুরুষসিংহয়োঃ।
সমসজ্জন্ত চৎবারো বাতাঃ পর্বতয়োরিব॥ 7-190-16 (53841)
দ্বাভ্যাং দ্বাভ্যাং যমৌ সার্ধং রথাভ্যাং রথপুঙ্গবৌ।
সমাসক্তৌ ততো দ্রোণং ধৃষ্টদ্যুম্নোঽভ্যবর্তত॥ 7-190-17 (53842)
দৃষ্ট্বা দ্রোণায় পাঞ্চাল্যং ব্রজন্তং যুদ্ধদুর্মদম্।
যমাভ্যাং তাংশ্চ সংসক্তাংস্তদন্তরমুপাদ্রবৎ॥ 7-190-18 (53843)
দুর্যোধনো মহারাজ কিরঞ্ছোণিতভোজনান্।
তং সাত্যকিঃ শীঘ্রতরং পুনরেবাভ্যবর্তত॥ 7-190-19 (53844)
তৌ পরস্পরমাসাদ্য সমীপে কুরুমাধবৌ।
হসমানৌ নৃশার্দূলাবভীতৌ সমসজ্জতাম্॥ 7-190-20 (53845)
বাল্যবৃত্তানি সর্বাণি প্রীয়মাণৌ বিচিন্ত্য তৌ।
অন্যোন্যং প্রেক্ষমাণৌ চ স্ময়মানৌ পুনঃপুনঃ॥ 7-190-21 (53846)
অথ দুর্যোধনো রাজা সাত্যকিং সমভাষত।
প্রিয়ং সখায়ং সততং গর্হয়ন্বৃত্তমাত্মনঃ॥ 7-190-22 (53847)
ধিক্ ক্রোধং ধিক্সখে লোভং ধিঙ্মোহং ধিগমর্ষিতম্।
ধিগস্তু ক্ষাত্রমাচারং ধিগস্তু বলমৌরসম্॥ 7-190-23 (53848)
যত্র মামভিসন্ধৎসে ৎবাং চাহং শিনিপুঙ্গব।
ৎবং হি প্রাণৈঃ প্রিয়তরো মমাহং চ সদা তব॥ 7-190-24 (53849)
স্মরামি তানি সর্বাণি বাল্যবৃত্তানি যানি নৌ।
তানি সর্বাণি জীর্ণানি সাম্প্রতং নো রণাজিরে।
কিমন্যৎক্রোধলোভাভ্যাং যুদ্ধমেবাদ্য সাৎবত॥ 7-190-25 (53850)
তং তথাবাদিনং তত্র সাত্যকিঃ প্রত্যভাষত।
প্রহসন্বিশিখাংস্তীক্ষ্ণানুদ্যম্য পরমাস্ত্রবিৎ॥ 7-190-26 (53851)
নেয়ং সভা রাজপুত্র নাচার্যস্য নিবেশনম্।
যত্র ক্রীডিতমস্মাভিস্তদা রাজন্সমাগতৈঃ॥ 7-190-27 (53852)
দুর্যোধন উবাচ। 7-190-28x (4771)
ক্ব সা ক্রীডা গতাঽস্মাকং বাল্যে বৈ শিনিপুঙ্গব।
ক্ব চ যুদ্ধমিদং ভূয়ঃ কালো হি দুরতিক্রমঃ॥ 7-190-28 (53853)
কিন্তু নো বিদ্যতে কৃত্যং ধনেন ধনলিপ্সয়া।
যত্র যুধ্যামহে সর্বে ধনলোভাৎসমাগতাঃ॥ 7-190-29 (53854)
সঞ্জয় উবায়। 7-190-30x (4772)
তং তথাবাদিনং তত্র রাজানং মাধবোঽব্রবীৎ।
এবং বৃত্তং সদা ক্ষাত্রং যুধ্যন্তীহ গুরূনপি॥ 7-190-30 (53855)
যদি তেঽহং প্রিয়ো রাজঞ্জহি মাং মা চিরং কৃথাঃ।
ৎবৎকৃতে সুকৃতাংল্লোকান্গচ্ছেয়ং ভরতর্ষভ॥ 7-190-31 (53856)
যা তে শক্তির্বলং যচ্চ তৎক্ষিপ্রং ময়ি দর্শয়।
নেচ্ছামি তদহং দ্রষ্টুং মিত্রাণাং ব্যসনং মহৎ॥ 7-190-32 (53857)
ইত্যেবং ব্যক্তমাভাষ্য প্রতিভাষ্য চ সাত্যকিঃ।
অভ্যযাত্তূর্ণমব্যগ্রো দয়াং নাকুরুতাত্মনি॥ 7-190-33 (53858)
তমায়ান্তং মহাবাহুং প্রত্যগৃহ্ণাত্তবাত্মজঃ।
শরৈশ্চাবাকিরদ্রাজঞ্শৈনেয়ং তনয়স্তব॥ 7-190-34 (53859)
ততঃ প্রববৃতে যুদ্ধং কুরুমাধবসিংহয়োঃ।
অন্যোন্যং ক্রুদ্ধয়োর্ঘোরং যথা দ্বিরদসিংহয়োঃ॥ 7-190-35 (53860)
ততঃ পূর্ণায়তোৎসৃষ্টৈঃ সাৎবতং যুদ্ধদুর্মদম্।
দুর্যোধনঃ প্রত্যবিধ্যৎকুপিতো দশভিঃ শরৈঃ॥ 7-190-36 (53861)
তং সাত্যকিঃ প্রত্যবিধ্যত্তথৈবাবাকিরচ্ছরৈঃ।
পঞ্চাশতা পুনশ্চাজৌ ত্রিংশতা দশভিশ্চ হ॥ 7-190-37 (53862)
সাত্যকিং তু রণে রাজন্প্রহসংস্তনয়স্তব।
আকর্ণপূর্ণৈর্নিশিতৈর্বিব্যাধ ত্রিংশতা শরৈঃ॥ 7-190-38 (53863)
ততোঽস্য সশরং চাপং ক্ষুরপ্রেণ দ্বিধাঽচ্ছিনৎ॥ 7-190-39 (53864)
সোঽন্যৎকার্মুকমাদায় লঘুহস্তস্ততো দৃঢম্।
সাত্যকির্ব্যসৃজচ্চাপি শরশ্রেণীং সুতস্য তে॥ 7-190-40 (53865)
তামাপতন্তীং সহসা শরশ্রেণীং জিঘাংসয়া।
চিচ্ছেদ বহুধা রাজা তত উচ্চুক্রুশুর্জনাঃ॥ 7-190-41 (53866)
সাত্যকিং চ ত্রিসপ্তত্যা পীডয়ামাস বেগিতঃ।
স্বর্ণপুঙ্খৈঃ শিলাধৌতৈরাকর্ণাপূর্ণনিঃসৃতৈঃ॥ 7-190-42 (53867)
তস্য সন্দধতশ্চেষু সংহিতেষু চ কার্মুকম্।
আচ্ছিনৎসাত্যকিস্তূর্ণং শরৈশ্চৈবাপ্যবীবিধৎ॥ 7-190-43 (53868)
স গাঢবিদ্ধো ব্যথিতঃ প্রত্যপায়াদ্রথান্তরে।
দুর্যোধনো মহারাজ দাশার্হশরপীডিতঃ॥ 7-190-44 (53869)
সমাশ্বস্য তু পুত্রস্তে সাত্যকিং পুনরভ্যযাৎ।
বিসৃজন্নিষুজালানি যুয়ুধানরথং প্রতি॥ 7-190-45 (53870)
তথৈব সাত্যকির্বাণান্দুর্যোধনরথং প্রতি।
সততং বিসৃজন্রাজংস্তৎসঙ্কুলমবর্তত॥ 7-190-46 (53871)
তত্রেষুভিঃ ক্ষিপ্যমাণৈঃ পতদ্ভিশ্চ শরীরিষু।
অগ্নেরিব মহাকক্ষৈঃ শব্দঃ সমভবন্মহান্॥ 7-190-47 (53872)
তয়োঃ শরসহস্রৈশ্চ সঞ্ছন্নং বসুধাতলম্।
অগম্যরূপং চ শরৈরাকাশং সমপদ্যত॥ 7-190-48 (53873)
তত্রাপ্যধিকমালক্ষ্য মাধবং রথসত্তমম্।
ক্ষিপ্রমভ্যপতৎকর্ণঃ পরীপ্সংস্তনয়ং তব॥ 7-190-49 (53874)
ন তু তং মর্ষয়ামাস ভীমসেনো মহাবলঃ।
সোঽভ্যযাত্ৎবরিতঃ কর্ণং বিসৃজন্সায়কান্বহূন্॥ 7-190-50 (53875)
তস্য কর্ণঃ শিতান্বাণান্প্রতিহন্য হসন্নিব।
ধনুঃ শরাংশ্চ চিচ্ছেদ সূতং চাভ্যহনচ্ছরৈঃ॥ 7-190-51 (53876)
ভীমসেনস্তু সঙ্ক্রুদ্ধো গদামাদায় পাণ্ডবঃ।
ধ্বজং ধনুশ্চ সূতং চ সম্মমর্দাহবে রিপোঃ॥ 7-190-52 (53877)
রথচক্রং চ কর্ণস্য বভঞ্জ স মহাবলঃ।
ভগ্নয়ক্রে রথেঽতিষ্ঠদকম্পঃ শৈলরাডিব॥ 7-190-53 (53878)
একচক্রং রথং তস্য তমূহুঃ সুচিরং হয়াঃ।
একচক্রমিবার্কস্য রথং সপ্ত হয়া যথা॥ 7-190-54 (53879)
অমৃষ্যমাণঃ কর্ণস্তু ভীমসেনময়ুধ্যত।
বিবিধৈরিষুজালৈশ্চ নানাশস্ত্রৈশ্চ সংয়ুগে॥ 7-190-55 (53880)
ভীমসেনস্তু সঙ্ক্রুদ্ধঃ সূতপুত্রময়োধয়ৎ।
তস্মিংস্তথা বর্তমানে ক্রুদ্ধো ধর্মসুতোঽব্রবীৎ।
পাঞ্চালানাং নরব্যাঘ্রান্মাৎস্যাংশ্চ পুরুষর্ষভান্॥ 7-190-56 (53881)
যে নঃ প্রাণাঃ শিরো যে চ যে নো যোধা মহারথাঃ।
ত এতে ধার্তরাষ্ট্রেষু বিষক্তাঃ পুরুষর্ষভান্॥ 7-190-57 (53882)
যে নঃ প্রাণাঃ শিরো যে চ যে নো যোধা মহারথাঃ।
ত এতে ধার্তরাষ্ট্রেষু বিষক্তাঃ পুরুষর্ষভাঃ॥ 7-190-58 (53883)
কিং তিষ্ঠত যথা মূঢাঃ সর্বে বিগতচেতসঃ।
তত্র গচ্ছত যত্রৈতে যুধ্যন্তে মামকা রথাঃ॥ 7-190-59 (53884)
ক্ষত্রধর্মং পুরস্কৃত্য সর্ব এব গতজ্বরাঃ।
জয়ন্তো বধ্যমানাশ্চ গতিমিষ্টাং গমিষ্যথ॥ 7-190-60 (53885)
তে রাজ্ঞা চোদিতা বীরা যোৎস্যমানা মহারথাঃ।
চতুর্ধা বাহিনীং কৃৎবা ৎবরিতা দ্রোণমভ্যযুঃ॥ 7-190-61 (53886)
পাঞ্চালাস্ৎবেকতো দ্রোণমভ্যঘ্নন্নিশিতৈঃ শরৈঃ।
ভীমসেনপুরোগাশ্চাপ্যেকতঃ পর্যবারয়ন্॥ 7-190-62 (53887)
আসংস্তু পাণ্ডুপুত্রাণাং ত্রয়ো জিহ্মা মহারথাঃ।
যমৌ চ ভীমসেনশ্চ প্রাক্রোশংস্তে ধনঞ্জয়ম্॥ 7-190-63 (53888)
অভিদ্রবার্জুন ক্ষিপ্রং কুরূন্দ্রোণাদপানুদ।
তত এনং হনিষ্যন্তি পাঞ্চালা হতরক্ষিণম্॥ 7-190-64 (53889)
কৌরবেয়াংস্ততঃ পার্থঃ সসা সমুপাদ্রবৎ।
পাঞ্চালানেব তু দ্রোণো ধৃষ্টদ্যুম্নপুরোগমান্।
মমর্দুস্তরসা বীরাঃ পঞ্চমেঽহনি ভারত॥ ॥ 7-190-65 (53890)
ইতি শ্রীমন্মহাভারতে দ্রোণপর্বণি পঞ্চদশদিবসয়ুদ্ধে নবত্যধিকশততমোঽধ্যায়ঃ॥ 190 ॥
Mahabharata - Drona Parva - Chapter Footnotes
5-190-6 ত্রয়ো ধৃষ্টদ্যুম্নোঽন্যৌ দ্বৌ চ॥ 5-190-10 শুক্লঃ শুদ্ধোঽভিজনো বংশো যেষাং তে স্বয়ং শোধিতকর্মাণশ্চ॥ 5-190-11 অশস্তমপ্রশস্যম্। প্রশস্যৎবমাহ নাত্রেতি। কর্ণী বিলোমকণ্টকদ্বয়যুক্তঃ। সহি উদ্দ্রিয়মাণোঽন্ত্রাণ্যুদ্ধরতি। নালীকঃ অল্পৎবাদ্দেহমগ্রঃ সন্ দুরুদ্ধরঃ। ন লিপ্তো বিষেণেতি শেষঃ। বস্তিকঃ শল্যদণ্ডসন্ধৌ শিথিলস্তস্যোদ্ধরণে শল্যং বস্তিমধ্যে মজ্জতি দণ্ডমাত্রং নিঃ--সরতি। (অন্যে বস্তক ইতি পঠিৎবা শৃঙ্গঘটিত ইতি ব্যাচখ্যুঃ)॥ 5-190-20 হিংসমানাবিতি ক.খ.পাঠঃ॥ 5-190-33 অভ্যযাত্তূর্ণমব্যগ্রো নিরপেক্ষো বিশাম্পতে ক.খ.পাঠঃ॥ 5-190-190 নবত্যধিকশততমোঽধ্যায়ঃ॥দ্রোণপর্ব - অধ্যায় 191
॥ শ্রীঃ ॥
7.191. অধ্যায়ঃ 191
Mahabharata - Drona Parva - Chapter Topics
কৃষ্ণেন যুধিষ্ঠিরম্প্রতি দ্রোণজয়ে তস্য শস্ত্রন্যাসস্য তত্রচাশ্বত্থামবধশ্রবণস্য হেতুৎবকথনম্॥ 1 ॥ ভীমেনাশ্বত্থামনাম্নি গজে নিহতে যুধিষ্ঠিরেণ কৃষ্ণচোদনয়া দ্রোণম্প্রতি তদ্বিবক্ষয়া অশ্বত্থামা হত ইতি কথনম্॥ 2 ॥Mahabharata - Drona Parva - Chapter Text
7-191-0 (53891)
সঞ্জয় উবাচ। 7-191-0x (4773)
পাঞ্চালানাং ততো দ্রোণোঽপ্যকরোৎকদনং মহৎ।
যথা ক্রুদ্ধো রণে শক্রো দানবানাং ক্ষয়ং পুরা॥ 7-191-1 (53892)
দ্রোণাস্ত্রেণ মহারাজ বধ্যমানাঃ পরে যুধি।
নাত্রসন্ত রণে দ্রোণৎসৎববন্তো মহারথাঃ॥ 7-191-2 (53893)
যুধ্যমানা মহারাজ পাঞ্চালাঃ সৃঞ্জয়াস্তথা।
দ্রোণমেবাভ্যযুর্যুদ্ধে যোধয়ন্তো মহারথাঃ॥ 7-191-3 (53894)
তেষাং তু চ্ছাদ্যমানানাং পাঞ্চালানাং সমন্ততঃ।
অভবদ্ভৈরবো নাদো বধ্যতাং শরবৃষ্টিভিঃ॥ 7-191-4 (53895)
বধ্যমানেষু সঙ্গ্রামে পাঞ্চালেষু মহাত্মনা।
উদীর্যমাণে দ্রোণাস্ত্রে পাণ়্ডবান্ভয়মাবিশৎ॥ 7-191-5 (53896)
দৃষ্ট্বাঽশ্বনরয়োধানাং বিপুলং চ ক্ষয়ং যুধি।
পাণ়্ডবেয়া মহারাজ নাশশংসুর্জয়ং তদা॥ 7-191-6 (53897)
কচ্চিদ্দ্রোণো ন নঃ সর্বান্ক্ষপয়েৎপরমাস্ত্রবিৎ।
সমিদ্ধঃ শিশিরাপায়ে দহন্কক্ষমিবানলঃ॥ 7-191-7 (53898)
ন চৈনং সংয়ুগে কশ্চিৎসমর্থঃ প্রতিবীক্ষিতুম্।
ন চৈনমর্জুনো জাতু প্রতিয়ুধ্যেত ধর্মবিৎ॥ 7-191-8 (53899)
ত্রস্তান্কুন্তীসুতান্দৃষ্ট্বা দ্রোণসায়কপীডিতান্।
মতিমাঞ্শ্রেয়সে যুক্তঃ কেশবোঽর্জুনমব্রবীৎ॥ 7-191-9 (53900)
নৈষ যুদ্ধেন সঙ্গ্রামে জেতুং শক্যঃ কথঞ্চন।
সধনুর্ধন্বিনাং শ্রেষ্ঠো দেবৈরপি সবাসবৈঃ॥ 7-191-10 (53901)
ন্যস্তশস্ত্রস্তু সঙ্গারমে শক্যো হন্তুং ভবেন্নৃভিঃ।
আস্থীয়তাং জয়ে যোগো ধর্মমুৎসৃজ্য পাণ্ডবাঃ।
যথা ন সংয়ুগে সর্বান্নিহন্যাদ্রুক্মবাহনঃ॥ 7-191-11 (53902)
অশ্বত্থাম্নি হতে নৈষ যুধ্যেদিতি মতির্মম।
তং হতং সংয়ুগে কশ্চিদস্মৈ শংসতু মানবঃ॥ 7-191-12 (53903)
এতন্নারোচয়দ্রাজন্কুন্তীপুত্রো ধনঞ্জয়ঃ।
অন্যে ৎবরোচয়ন্সর্বে কৃচ্ছ্রেণ তু যুধিষ্ঠিরঃ॥ 7-191-13 (53904)
ততো ভীমো মহাবাহুরনীকেষু মহাগজম্।
জঘান গদয়া রাজন্নশ্বত্থামানমিত্যুত।
পরপ্রমথনং ঘোরং মালবস্যেন্দ্রবর্মণঃ॥ 7-191-14 (53905)
ভীমসেনস্তু সব্রীডমুপেত্য দ্রোণমাহবে।
অশ্বত্থামা হত ইতি শব্দমুচ্চৈশ্চকার হ॥ 7-191-15 (53906)
অশ্বত্থামেতি হি গজঃ খ্যাতো নাম্না হতোঽভবৎ।
কৃৎবা মনসি তং ভীমো মিথ্যা ব্যাহৃতবাংস্তদা॥ 7-191-16 (53907)
ভীমসেনবচঃ শ্রুৎবা দ্রোণস্তৎপরমাপ্রিয়ম্।
মনসা সন্নাগাত্রোঽভূদ্যথা সৈকতমম্ভসি॥ 7-191-17 (53908)
শঙ্কমানঃ স তন্মিথ্যা বীর্যজ্ঞঃ স্বসুতস্য বৈ।
হতঃ স ইতি চ শ্রুৎবা নৈব ধৈর্যাদকম্পত॥ 7-191-18 (53909)
স লব্ধ্বা চেতনাং দ্রোণঃ ক্ষণেনৈব সমাশ্বসৎ।
অনুচিন্ত্যাত্মনঃ পুত্রমবিষহ্যমরাতিভিঃ॥ 7-191-19 (53910)
স পার্ষতমভিদ্রুত্য জিঘাংসুর্মৃত্যুমাত্মনঃ।
অবাকিরৎসহস্রেণ তীক্ষ্ণানাং কঙ্কপত্রিণাম্॥ 7-191-20 (53911)
তং বিংশতিসহস্রাণি পাঞ্চালানাং নরর্ষভাঃ।
যথা চরন্তং সঙ্গ্রামে সর্বতোঽবাকিরঞ্ছরৈঃ॥ 7-191-21 (53912)
শরৈস্তৈরাচিতং দ্রোণং নাপশ্যাম মহারথম্।
ভাস্করং জলদৈ রুদ্ধং বর্ষাস্বিব বিশাম্পতে॥ 7-191-22 (53913)
বিধূয় তান্বাণগণান্পাঞ্চালানাং মহারথঃ।
প্রাদুশ্চক্রে ততো দ্রোণো ব্রাহ্মমস্ত্রং পরন্তপঃ॥ 7-191-23 (53914)
বধায় তেষাং শূরাণাং পাঞ্চালানামমর্ষিতঃ।
ততো ব্যরোচত দ্রোণো বিনিঘ্নন্সর্বসৈনিকান্॥ 7-191-24 (53915)
শিরাংস্যাপাতয়চ্চাপি পাঞ্চালানাং মহামৃধে।
তথৈব পরিঘাকারান্বাহূন্কনকভূষণান্॥ 7-191-25 (53916)
তে বধ্যমানাঃ সমরে ভারদ্বাজেন পার্থিবাঃ।
মেদিন্যামন্বকীর্যন্ত বাতনুন্না ইব দ্রুমাঃ॥ 7-191-26 (53917)
কুঞ্জরাণাং চ পততাং হয়ৌঘানাং চ ভারত।
অগম্যরূপা পৃথিবী মাংসশোণিতকর্দমা॥ 7-191-27 (53918)
হৎবা বিংশতিসাহস্রান্পাঞ্চালানাং রথব্রজান্।
অতিষ্ঠদাহবে দ্রোণো বিধূমোঽগ্নিরিব জ্বলন্॥ 7-191-28 (53919)
তথৈব চ পুনঃ ক্রুদ্ধো ভারদ্বাজঃ প্রতাপবান্।
বসুদানস্য ভল্লেন শিরঃ কায়াদপাহরৎ॥ 7-191-29 (53920)
পুনঃ পঞ্চশতান্মাৎস্যান্ষট্সহস্রাংশ্চ সৃঞ্জয়ান্।
হস্তিনাময়ুতং হৎবা জঘানাশ্বায়ুতং পুনঃ॥ 7-191-30 (53921)
ক্ষত্রিয়াণামভাবায় দৃষ্ট্বা দ্রোণমবস্থিতম্।
ঋষয়োঽভ্যাগতাস্তূর্ণং হব্যবাহপুরোগমাঃ॥ 7-191-31 (53922)
বিশ্বামিত্রো জমদগ্নির্ভরদ্বাজোঽথ গৌতমঃ।
বসিষ্ঠঃ কশ্যপোঽত্রিশ্চ ব্রহ্মলোকং নিনীষবঃ॥ 7-191-32 (53923)
সিকতাঃ পৃশ্নয়ো গর্গা বালখিল্যা মরীচিপাঃ।
ভৃগবোঽঙ্গিরসশ্চৈব সূক্ষ্মাশ্চান্যে মহর্ষয়ঃ॥ 7-191-33 (53924)
ত এনমব্রুবন্সর্বে দ্রোণমাহরবশোভিনম্।
অধর্মতঃ কৃতং যুদ্ধং সময়ো নিধনস্য তে॥ 7-191-34 (53925)
ন্যস্যায়ুধং রণে দ্রোণ সমীক্ষাস্মানবস্থিতান্।
নাতঃ ক্রূরতরং কর্ম পুনঃ কর্তুমিহার্হসি॥ 7-191-35 (53926)
বেদবেদাঙ্গবিদুষঃ সত্যধর্মরতস্য তে।
ব্রাহ্মণস্য বিশেষেণ তবৈতন্নোপপদ্যতে॥ 7-191-36 (53927)
ত্যজায়ুধমমোধেষো তিষ্ঠ বর্ত্মনি শাশ্বতে।
পরিপূর্ণশ্চ কালস্তে বস্তুং লোকেঽদ্য মানুষে॥ 7-191-37 (53928)
ব্রহ্মাস্ত্রেণ ৎবয়া দগ্ধা অনস্ত্রজ্ঞা নরা ভুবি।
যদেতদীদৃশং বিপ্র কৃতং কর্ম ন সাধু তৎ॥ 7-191-38 (53929)
ন্যস্যায়ুধং রণে বিপ্র দ্রোণ মা ৎবং চিরং কৃথাঃ।
মা পাপিষ্ঠতরং কর্ম করিষ্যসি পুনর্দ্বিজ॥ 7-191-39 (53930)
ইতি তেষাং বচঃ শ্রুৎবা ভীমসেনবচঃ স্মরন্।
ধৃষ্টদ্যুম্নং চ সম্প্রেক্ষ্য রণে স বিমনাঽভবৎ॥ 7-191-40 (53931)
সন্দিহ্যমানো ব্যথিতঃ কুন্তীপুত্রং যুধিষ্ঠিরম্।
অহতং বা হতং বেতি পপ্রচ্ছ সুতমাত্মনঃ॥ 7-191-41 (53932)
স্থিরা বুদ্ধির্হি দ্রোণস্য ন পার্থো বক্ষ্যতেঽনৃতম্।
ত্রয়াণামপি লোকানামৈশ্বর্যার্থে কথঞ্চন॥ 7-191-42 (53933)
তস্মাত্তং পরিপপ্রচ্ছ নান্যং কঞ্ছিদ্দ্বিজর্ষভঃ।
তস্মিংস্তস্য হি সত্যাশা বাল্যাৎপ্রভৃতি পাণ্ডবে॥ 7-191-43 (53934)
ততো নিষ্পাণ্ডবামুর্বীং করিষ্যন্তং যুধাম্পতিম্।
দ্রোণং জ্ঞাৎবা ধর্মরাজং গোবিন্দো ব্যথিতোঽব্রবীৎ॥ 7-191-44 (53935)
যদ্যর্ধদিবসং দ্রোণো যুধ্যতে মন্যুমাস্থিতঃ।
সত্যং ব্রবীমি তে সেনা বিনাশং সমুপৈষ্যতি॥ 7-191-45 (53936)
স ভবাংস্ত্রাতু নো দ্রোণাৎসত্যাজ্জ্যায়োঽনৃতং বচঃ।
অনৃতং জীবিতস্যার্থে বদন্ন স্পৃশ্যতেঽনৃতৈঃ॥ 7-191-46 (53937)
তয়োঃ সংবদতোরেবং ভীমসেনোঽব্রবীদিদম্॥ 7-191-47 (53938)
শ্রুৎবৈবং তু মহারাজ বধোপায়ং মহাত্মনঃ।
গাহমানস্য তে সেনাং মালবস্যেন্দ্রবর্মণঃ॥ 7-191-48 (53939)
অশ্বত্থামেতি বিখ্যাতো গজঃ শক্রগজোপমঃ।
নিহতো যুধি বিক্রম্য ততোঽহং দ্রোণমব্রুবম্॥ 7-191-49 (53940)
অশ্বত্থামা হতো ব্রহ্মন্নিবর্তস্বাহবাদিতি।
নূনং নাশ্রদ্দধদ্বাক্যমেষ মে পুরুষর্ষভঃ॥ 7-191-50 (53941)
স ৎবং গোবিন্দবাক্যানি মানয়স্ব জয়ৈষিণঃ।
দ্রোণায় নিহতং শংস রাজঞ্শারদ্বতীসুতম্॥ 7-191-51 (53942)
ৎবয়োক্তে নৈব যুধ্যেত জাতু রাজন্দ্বিজর্ষভঃ।
সত্যবাগিতি লোকেঽস্মিন্ভবান্খ্যাতো জনাধিপ॥ 7-191-52 (53943)
তস্য তদ্বচনং শ্রুৎবা কৃষ্ণবাক্যপ্রচোদিতঃ।
ভাবিৎবাচ্চ মহারাজ বক্তুং সমুপচক্রমে॥ 7-191-53 (53944)
তমতথ্যভয়ে মগ্নো জয়ে সক্তো যুধিষ্ঠিরঃ।
`অশ্বত্থামা হতি শব্দমুচ্চৈশ্চকার হ'।
অব্যক্তমব্রবীদ্রাজন্হতঃ কুঞ্জর ইত্যুত॥ 7-191-54 (53945)
তস্য পূর্বং রথঃ পৃথ্ব্যাশ্চতুরঙ্গুলমুচ্ছ্রিতঃ।
বভূবৈবং চ তেনোক্তে তস্য বাহাঃ স্পৃশন্মহীম্॥ 7-191-55 (53946)
যুধিষ্ঠিরাত্তু তদ্বাক্যং শ্রুৎবা দ্রোণো মহারথঃ।
পুত্রব্যসনসন্তপ্তো নিরাশো জীবিতেঽভবৎ॥ 7-191-56 (53947)
আগস্কৃতমিবাত্মানং পাণ্ডবানাং মহাত্মনাম্।
ঋষিবাক্যেন মন্বানঃ শ্রুৎবা চ নিহতং সুতম্॥ 7-191-57 (53948)
বিচেতাঃ পরমোদ্বিগ্নো ধৃষ্টদ্যুম্নমবেক্ষ্য চ।
যোদ্ধুং নাশক্নুবদ্রাজন্যথাপূর্বমরিন্দমঃ॥ ॥ 7-191-58 (53949)
ইতি শ্রীমন্মহাভারতে দ্রোণপর্বণি দ্রোণবধপর্বণি পঞ্চদশদিবসয়ুদ্ধে একনবত্যধিকশততমোঽধ্যায়ঃ॥ 191 ॥
Mahabharata - Drona Parva - Chapter Footnotes
5-191-51 জয়ৈষিণ ইত্যস্য গোবিন্দবাক্যানীত্যত্রৈকদেশে গোবিন্দেঽন্বয়ঃ॥ 5-191-191 একনবত্যধিকশততমোঽধ্যায়ঃ॥ 191 ॥দ্রোণপর্ব - অধ্যায় 192
॥ শ্রীঃ ॥
7.192. অধ্যায়ঃ 192
Mahabharata - Drona Parva - Chapter Topics
অশ্বত্থামবধশ্রবণনির্বিণ্ণদ্রোণমারণায় ধৃষ্টদ্যুম্নসমুদ্যমঃ॥ 1 ॥ দ্রোণগ্রস্তস্য ধৃষ্টদ্যুম্নস্য সাত্যকিনা বিমোচনম্॥ 2 ॥Mahabharata - Drona Parva - Chapter Text
7-192-0 (53950)
সঞ্জয় উবাচ। 7-192-0x (4774)
তং দৃষ্ট্বা পরমোদ্বিগ্নং শোকোপহতচেতসম্।
পাঞ্চালরাজস্য সুতো ধৃষ্টদ্যুম্নঃ সমাদ্রবৎ॥ 7-192-1 (53951)
য ইষ্ট্বা মনুজেন্দ্রেণ দ্রুপদেন মহামখে।
লব্ধো দ্রোণবিনাশায় সমিদ্ধাদ্ধব্যবাহনাৎ॥ 7-192-2 (53952)
স ধনুর্জৈত্রমাদায় ঘোরং জলদনিঃস্বনম্।
দৃঢজ্যমজরং দিব্যং শরং চাশীবিষোপমম্॥ 7-192-3 (53953)
সন্দধে কার্মুকে তস্মিংস্ততস্তমনলোপমম্।
দ্রোণং জিঘাংস্তুঃ পাঞ্চাল্যো মহাজ্বালমিবানলম্॥ 7-192-4 (53954)
তস্য রূপং শরস্যাসীদ্ধনুর্জ্যামণ্ডলান্তরে।
দ্যোততো ভাস্করস্যেব ঘনান্তে পরিবেষিণঃ॥ 7-192-5 (53955)
পার্ষতেন পরামৃষ্টং জ্বলন্তমিব তদ্ধনুঃ।
অন্তকালমনুপ্রাপ্তং মেনিরে বীক্ষ্য সৈনিকাঃ॥ 7-192-6 (53956)
তমিষুং সংহতং তেন ভারদ্বাজঃ প্রতাপবান্।
দৃষ্ট্বাঽমন্যত দেহস্য কালপর্যায়মাগতম্॥ 7-192-7 (53957)
ততঃ প্রয়ত্নমাতিষ্ঠদাচার্যস্তস্য বারমে।
ন চাস্যাস্ত্রাণি রাজেন্দ্র পাদুরাসন্মহাত্মনঃ॥ 7-192-8 (53958)
তস্য ৎবহানি চৎবারি ক্ষপা চৈকাঽস্যতো গতা।
তস্য চাহ্নস্ত্রিভাগেন ক্ষয়ং জগ্মুঃ পতত্রিণঃ॥ 7-192-9 (53959)
স শরক্ষয়মাসাদ্য পুত্রশোকেন চার্দিতঃ।
বিবিধানাং চ দিব্যামানমস্ত্রাণামপ্রসাদতঃ॥ 7-192-10 (53960)
উৎস্রষ্টুকামঃ শস্ত্রাণি ঋষিবাক্যপ্রচোদিতঃ।
তেজসা পূর্যমাণশ্চ যুয়ুধে ন যথা পুরা॥ 7-192-11 (53961)
ভূয়শ্চান্যৎসমাদায় দিব্যমাঙ্গিরসং ধনুঃ।
শরাংশ্চ ব্রহ্মদণ্ডাভান্ধৃষ্টদ্যুম্নময়োধয়ৎ॥ 7-192-12 (53962)
ততস্তং শরবর্ষেণ মহতা সমবাকিরৎ।
ব্যশাতয়চ্চ সঙ্ক্রুদ্ধো ধৃষ্টদ্যুম্নমমর্ষণম্॥ 7-192-13 (53963)
শরাংশ্চ শতধা তস্য দ্রোণশ্চিচ্ছেদ সায়কৈঃ।
ধ্বজং ধনুশ্চ নিশিতৈঃ সারথিং চাপ্যপাতয়ৎ॥ 7-192-14 (53964)
ধৃষ্টদ্যুম্নঃ প্রহস্যান্যৎপুনরাদায় কার্মুকম্।
শিতেন চৈনং বাণেন প্রত্যবিধ্যৎস্তনান্তরে॥ 7-192-15 (53965)
সোঽতিবিদ্ধো মহেষ্বাসোঽসম্ভ্রান্ত ইব সংয়ুগে।
ভল্লেন শিতধারেণ চিচ্ছেদাস্য পুনর্ধনুঃ॥ 7-192-16 (53966)
যচ্চাস্য বাণবিকৃতং ধনূংষি চ বিশাম্পতে।
সর্বং চিচ্ছেদ দুর্ধর্ষো গদাং খঙ্গং চ বর্জয়ন্॥ 7-192-17 (53967)
ধৃষ্টদ্যুম্নং চ বিব্যাধ নবভির্নিশিতৈঃ শরৈঃ।
জীবিতান্তকরৈঃ ক্রুদ্ধঃ শিলাধৌতৈঃ পরন্তপঃ॥ 7-192-18 (53968)
ধৃষ্টদ্যুম্নোঽথ তস্যাশ্বান্খরথাশ্বৈর্মহারথঃ।
ব্যামিশ্রয়দমেয়াত্মা ব্রাহ্মমস্ত্রমুদীরয়ন্॥ 7-192-19 (53969)
তে মিশ্রা বহ্বশোভন্ত জবনা বাতরংহসঃ।
পারাবতসবর্ণাশ্চ শোণাশ্চ ভরতর্ষভ॥ 7-192-20 (53970)
যথা সবিদ্যুতো মেঘা নদন্তো জলদাগমে।
তথা রেজুর্মহারাজ মিশ্রিতা রণমূর্ধনি॥ 7-192-21 (53971)
ঈষাবন্ধং চক্রবন্ধং রথবন্ধং তথৈব চ।
প্রাণাশয়দমেয়াত্মা ধৃষ্টদ্যুম্নস্য স দ্বিজঃ॥ 7-192-22 (53972)
স চ্ছিন্নধন্বা পাঞ্চাল্যো নিকৃত্তধ্বজসারথিঃ।
উত্তমামাপদং প্রাপ্য গদাং বীরঃ পরামৃশৎ॥ 7-192-23 (53973)
তামস্য বিশিখৈস্তীক্ষ্ণৈঃ ক্ষিপ্যমাণাং মহারথঃ।
নিজঘানঃ শরৈর্দ্রোণঃ ক্রুদ্ধঃ সত্যপরাক্রমঃ॥ 7-192-24 (53974)
তাং তু দৃষ্ট্বা নরব্যাঘ্রো দ্রোণেন নিহতাং শরৈঃ।
বিমলং খঙ্গমাদত্ত শতচন্দ্রং চ ভানুমৎ॥ 7-192-25 (53975)
অসংশয়ং তথাভূতঃ পাঞ্চাল্যঃ সাধ্বমন্যত।
বধমাচার্যমুখ্যস্য প্রাপ্তকালং মহাত্মনঃ॥ 7-192-26 (53976)
ততঃ স রথনীডস্থং স্বরথস্য রথেপয়া।
অগচ্ছদসিমুদ্যম্য শতচন্দ্রং চ ভানুমৎ॥ 7-192-27 (53977)
চিকীর্ষুর্দুষ্করং কর্ম ধৃষ্টদ্যুম্নো মহারথঃ।
ইয়েষ বক্ষো ভেত্তুং স ভারদ্বাজস্য সংয়ুগে॥ 7-192-28 (53978)
সোঽতিষ্ঠদ্যুগমধ্যে বৈ যুগসন্নহনেষু চ।
জঘনার্ধেষু চাশ্বানাং তৎসৈন্যাঃ সমপূজয়ন্॥ 7-192-29 (53979)
তিষ্ঠতো যুগপালীপু শোণানপ্যধিতিষ্ঠতঃ।
নাপশ্যদন্তরং দ্রোণস্তদদ্ভুতমিবাভবৎ॥ 7-192-30 (53980)
ক্ষিপ্রং শ্যেনস্য চরতো যথৈবামিষগৃদ্ধিনঃ।
তদ্বদাসীদভীসারো দ্রোমপার্ষতয়ো রণে॥ 7-192-31 (53981)
তস্য পারাবতানশ্বান্রথশক্ত্যা পরাভিনৎ।
সর্বানেকৈকশো দ্রোণো রক্তানশ্বান্বিবর্জয়ন্॥ 7-192-32 (53982)
তে হতা ন্যপতন্ভূমৌ ধৃষ্টদ্যুম্নস্য বাজিনঃ।
শোণাস্তু পর্যমুচ্যন্ত রথবন্ধাদ্বিশাম্পতে॥ 7-192-33 (53983)
তান্হয়ান্নিহতান্দৃষ্ট্বা দ্বিজাগ্র্যেণ স পার্ষতঃ।
নামৃষ্যত যুধাং শ্রেষ্ঠো যাজ্ঞসেনির্মহারথঃ॥ 7-192-34 (53984)
বিরথঃ স গৃহীৎবা তু খঙ্গং খঙ্গভৃতাং বরঃ।
দ্রোণমভ্যপতদ্রাজন্বৈনতেয় ইবোরগম্॥ 7-192-35 (53985)
তস্য রূপং বভৌ রাজন্ভারদ্বাজং জিঘাংসতঃ।
যথা রূপং পুরা বিষ্ণোর্হিরণ্যকশিপোর্বধে॥ 7-192-36 (53986)
স তদা বিবিধান্মর্গান্প্রবরাংশ্চৈকবিংশতিম্।
দর্শয়ামাস কৌরব্য পার্ষতো বিচরন্রণে॥ 7-192-37 (53987)
ভ্রান্তুমুদ্ধান্তমাবিদ্ধমাপ্লুতং প্রসৃতং সৃতম্।
পরিবৃত্তং নিবৃত্তং চ খঙ্গং চর্ম চ ধারয়ন্॥ 7-192-38 (53988)
সম্পাতং সমুদীর্ণং চ দর্শয়ামাস পার্ষতঃ।
ভারতং কৌশিকং চৈব সাৎবতং চৈব শিক্ষয়া। 7-192-39 (53989)
দর্শয়ন্ব্যচরদ্যুদ্ধে দ্রোণস্যান্তচিকীর্ষয়া॥
চরতস্তস্য তান্মর্গান্বিচিত্রান্খঙ্গচর্মিণঃ।
ব্যস্ময়ন্ত রণে যোধা দেবতাশ্চ সমাগতাঃ॥ 7-192-40 (53990)
ততঃ শরসহস্রেণ শতচন্দ্রমপাতয়ৎ।
চর্ম খঙ্গং চ সম্বাধে ধৃষ্টদ্যুম্নস্য স দ্বিজঃ॥ 7-192-41 (53991)
যে তু বৈতস্তিকা নাম শরা আসন্নয়োধিনঃ।
নিকৃষ্টয়ুদ্ধে দ্রোণস্য নান্যেষাং সন্তি তে শরাঃ॥ 7-192-42 (53992)
ঋতে শারদ্বতাৎপর্থাদ্দ্রৌণের্বৈকর্তনাত্তথা।
প্রদ্যুম্নয়ুয়ুধানাভ্যামভিমন্যোশ্চ ভারত॥ 7-192-43 (53993)
অথাস্যেষু সমাধত্ত দৃঢং পরমসম্মতম্।
অন্তেবাসিনমাচার্যো জিঘাংসুঃ পুত্রসম্মিতম্॥ 7-192-44 (53994)
তং শরৈর্দশভিস্তীক্ষ্ণৈশ্চিচ্ছেদ শিনিপুঙ্গবঃ।
পশ্যতস্তব পুত্রস্য কর্ণস্য চ মহাত্মনঃ।
গ্রস্তমাচার্যমুখ্যেন ধৃষ্টদ্যুম্নমমোচয়ৎ॥ 7-192-45 (53995)
চরন্তং রথমার্গেষু সাত্যকিং সত্যবিক্রমম্।
দ্রোণকর্মান্তরগতং কৃপস্যাপি চ ভারত।
অপশ্যেতাং মহাত্মানৌ বিষ্বক্সেনধনঞ্জয়ৌ॥ 7-192-46 (53996)
অপূজয়েতাং বার্ষ্ণেয়ং ব্রুবাণৌ সাধুসাধ্বিতি।
দিব্যান্যস্ত্রাণি সর্বেষাং যুধি নিঘ্ন্তমচ্যুতম্॥ 7-192-47 (53997)
ধনঞ্জয়স্ততঃ কৃষ্ণমব্রবীৎপশ্য কেশব।
আচার্যরথমুখ্যানাং মধ্যে ক্রীডন্মধূদ্বহঃ॥ 7-192-48 (53998)
আনন্দয়তি মাং ভূয়ঃ সাত্যকিঃ পরবীরহা।
মাদ্রীপুত্রৌ চ ভীমং চ রাজানং চ যুধিষ্ঠিরম্॥ 7-192-49 (53999)
যচ্ছিক্ষয়াঽনুদ্ধতঃ সন্রণে চরতি সাত্যকিঃ।
মহারথানুপক্রীডন্বৃষ্ণীনাং কীর্তিবর্ধনঃ॥ 7-192-50 (54000)
তমেতে প্রতিনন্দন্তি সিদ্ধাঃ সৈন্যাশ্চ বিস্মিতাঃ।
অজয়্যং সমরে দৃষ্ট্বা সাধুসাধ্বিতি সাত্যকিম্।
যোধাশ্চোভয়তঃ সর্বে কর্মভিঃ সমপূজয়ন্॥ ॥ 7-192-51 (54001)
ইতি শ্রীমন্মহাভারতে দ্রোণপর্বণি দ্রোণবধপর্বণি পঞ্চদশদিবসয়ুদ্ধে দ্বিনবত্যধিকশততমোঽধ্যায়ঃ॥ 192 ॥
Mahabharata - Drona Parva - Chapter Footnotes
5-192-38 খঙ্ঘং চর্ম চ ধারয়ন্ভ্রান্তাদিত্রয়োদশবিধং সঞ্চরণং দর্শয়ামাসেতি সম্বন্ধঃ॥ 5-192-41 সম্বাধে রণসঙ্কটে॥ 5-192-42 বৈতস্তিকাঃ বিতস্তিপ্রমাণাঃ॥ 5-192-192 দ্বিনবত্যধিকশততমোঽধ্যায়ঃ॥দ্রোণপর্ব - অধ্যায় 193
॥ শ্রীঃ ॥
7.193. অধ্যায়ঃ 193
Mahabharata - Drona Parva - Chapter Topics
দ্রোণধৃষ্টদ্যুম্নয়োর্যুদ্ধম্॥ 1 ॥ দ্রোণেন সোপালম্ভভীমবচঃ শ্রবণেন শস্ত্রন্যাসপূর্বকং যোগেন শীরত্যাগঃ॥ 2 ॥ শরীরার্ন্নির্গচ্ছতস্তেজোরূপস্য দ্রোণস্য সঞ্জয়াদিভিঃ পঞ্চভিরেবাবলোকনম্॥ 3 ॥ ধৃষ্টদ্যুম্নেন দ্রোণশিরশ্ছেদঃ॥ 4 ॥Mahabharata - Drona Parva - Chapter Text
7-193-0 (54002)
সঞ্চয় উবাচ। 7-193-0x (4775)
[সাৎবতস্য* তু তৎকর্ম দৃষ্ট্বা দুর্যোধনাদয়ঃ।
শৈনেয়ং সর্বতঃ ক্রুদ্ধা বারয়ামাসুরঞ্জসা॥ 7-193-1 (54003)
কৃপকর্ণৌ চ সমরে পুত্রাশ্চ তব মারিষ॥
শৈনেয়ং ৎবরয়াঽভ্যেত্য বিনিঘ্নন্নিশিতৈঃ শরৈঃ॥ 7-193-2 (54004)
যুধিষ্ঠিরস্ততো রাজা মাদ্রীপুত্রৌ চ পাণ্ডবৌ।
ভীমসেনশ্চ বলবান্সাত্যকিং পর্যবারয়ন্॥ 7-193-3 (54005)
কর্ণশ্চ শরবর্ষেণ গৌতমশ্চ মহারথঃ।
দুর্যোধনাদয়স্তে চ শৈনেয়ং পর্যবারয়ন্॥ 7-193-4 (54006)
তাং বৃষ্টিং সহসা রাজন্নুত্থিতাং ঘোররূপিণীম্।
বারয়ামাস শৈনেয়ো যোধয়ংস্তান্মহারথান্॥ 7-193-5 (54007)
তেষামস্ত্রাণি দিব্যানি সংহিতানি মহাত্মনাম্।
বারয়ামাস বিধিবদ্দিব্যৈরস্ত্রৈর্মহামৃধে॥ 7-193-6 (54008)
ক্রূরমায়োধনং জজ্ঞে তস্মিন্রাজসমাগমে।
রুদ্রস্যেব হি ক্রুদ্ধস্য নিঘ্নতস্তান্পশূন্পুরা॥ 7-193-7 (54009)
হস্তানামুত্তমাঙ্গানাং কার্মুকাণাং চ ভারত।
ছত্রাণাং চাপবিদ্ধানাং চামরাণাং চ সঞ্চয়ৈঃ।
রাশয়ঃ স্ম ব্যদৃশ্যন্ত তত্রতত্র রণাজিরে॥ 7-193-8 (54010)
ভগ্নচক্রৈ রথৈশ্চাপি পাতিতৈশ্চ মহাধ্বজৈঃ।
সাদিভিশ্চ হতৈঃ শূরৈঃ সঙ্কীর্ণা বসুধাঽভবৎ॥ 7-193-9 (54011)
বাণপাতনিকৃত্তাস্তু যোধাস্তে কুরুসত্তম।
চেষ্টন্তো বিবিধাশ্চেষ্টা ব্যদৃশ্যন্ত মহাহবে॥ 7-193-10 (54012)
বর্তমানে তথা যুদ্ধে ঘোরে দেবাসুরোপমে।
অব্রবীৎক্ষত্রিয়াংস্তত্র ধর্মরাজো যুধিষ্ঠিরঃ॥ 7-193-11 (54013)
অভিদ্রবত সংয়ত্তাঃ কুম্ভয়োনিং মহারথাঃ।
এষো হি পার্পতো বীরো ভারদ্বাজেন সঙ্গতঃ॥ 7-193-12 (54014)
ঘটতে চ যথাশক্তি ভারদ্বাজস্য নাশনে।
যাদৃশানি হি রূপাণি দৃশ্যন্তেঽস্য মহারণে॥ 7-193-13 (54015)
অদ্য দ্রোণং রণে ক্রুদ্ধো ঘাতয়িষ্যতি পার্পতঃ।
তে যূয়ং সহিতা ভূৎবা যুধ্যধ্বং কুম্ভসম্ভবম্। 7-193-14 (54016)
যুধিষ্ঠিরসমাজ্ঞপ্তাঃ সৃঞ্জয়ানাং মহারথাঃ।
অভ্যদ্রবন্ত সংয়ত্তা ভারদ্বাজজিঘাংসবঃ॥ 7-193-15 (54017)
তান্সমাপততঃ সর্বান্ভারদ্বাজো মহারথঃ।
অভ্যবর্তত বেগেন মর্তব্যমিতি নিশ্চিতঃ॥ 7-193-16 (54018)
প্রয়াতে সত্যসন্ধে তু সমকম্পত মেদিনী।
ববুর্বাতাঃ সনির্ঘাতাস্ত্রাসয়ানা বরূথিনীম্॥ 7-193-17 (54019)
পপাত মহতী চোল্কা আদিত্যান্নিশ্চরন্ত্যুত।
দীপয়ন্তী উভে সেনে শংসন্তীব মহদ্ভয়ম্॥ 7-193-18 (54020)
জজ্বলুশ্চৈব শস্ত্রাণি ভারদ্বাজস্য মারিষ।
রথাঃ স্বনন্তি চাত্যর্থং হয়াশ্চাশ্রূণ্যবাসৃজন্॥ 7-193-19 (54021)
হতৌজা ইব চাপ্যাসীদ্ভারদ্বাজো মহারথঃ।
প্রাস্ফুরন্নয়নং চাস্য বামবাহুস্তথৈব চ॥ 7-193-20 (54022)
বিমনাশ্চাভবদ্যুদ্ধে দৃষ্ট্বা পার্ষতমগ্রতঃ॥ 7-193-21 (54023)
ঋষীণাং ব্রহ্মবাদানাং স্বর্গস্য গমনং প্রতি।
সুয়ুদ্ধেন ততঃ প্রাণানুৎস্রষ্টুমুপচক্রমে॥] 7-193-22 (54024)
ততশ্চতুর্দিশং সৈন্যৈর্দ্রুপদস্যাভিসংবৃতঃ।
নির্দহন্ক্ষত্রিয়ব্রাতান্দ্রোণঃ পর্যচরদ্রণে॥ 7-193-23 (54025)
হৎবা বিংশতিসাহস্রান্ক্ষত্রিয়ানরিমর্দনঃ।
দশায়ুতানি করিণামবধীদ্বিশিখৈঃ শিতৈঃ॥ 7-193-24 (54026)
সোঽতিষ্ঠদাহবে যত্তো বিধূমোঽগ্নিরিব জ্বলন্।
ক্ষত্রিয়াণামভাবায় ব্রাহ্মমস্ত্রং সমাস্থিতঃ॥ 7-193-25 (54027)
পাঞ্চাল্যং বিরথং ভীমো হতসর্বায়ুধং বলী।
সুবিপণ্ণং মহাত্মানং ৎবরমাণঃ সমভ্যযাৎ॥ 7-193-26 (54028)
ততঃ স্বরথমারোপ্য পাঞ্চাল্যমরিমর্দনঃ।
অব্রবীদভিসম্প্রেক্ষ্য দ্রোণমস্যন্তমন্তিকাৎ॥ 7-193-27 (54029)
ন ৎবদন্য ইহাচার্যং যোদ্ধুমুৎসহতে পুমান্।
ৎবরস্ব প্রাগ্বধায়ৈব ৎবয়ি ভারঃ সমাহিতঃ॥ 7-193-28 (54030)
স তথোক্তো মহাবাহুঃ সর্বভারসহং ধনুঃ।
অভিপত্যাদদে ক্ষিপ্রমায়ুধপ্রবরং দৃঢম্॥ 7-193-29 (54031)
সংরব্ধশ্চ শরানস্যন্দ্রোণং দুর্বারণং রণে।
বিবারয়িপুরাচার্যং শরবর্ষৈরবাকিরৎ॥ 7-193-30 (54032)
তৌ ন্যবারয়তাং শ্রেষ্ঠৌ সংরব্ধৌ রণশোভিনৌ।
উদীরয়েতাং ব্রাহ্মাণি দিব্যান্যস্ত্রাণ্যনেকশঃ॥ 7-193-31 (54033)
স মহাস্ত্রৈর্মহারাজ দ্রোণমাচ্ছাদয়দ্রণে।
নিহত্য সর্বাণ্যস্ত্রাণি ভারদ্বাজস্য পার্ষতঃ॥ 7-193-32 (54034)
স বসাতীঞ্শিবীংস্চৈব বাহ্লীকান্কৌরবানপি।
রক্ষিষ্যমাণান্সঙ্গ্রামে দ্রোণং ব্যধমদচ্যুতঃ॥ 7-193-33 (54035)
ধৃষ্টদ্যুম্নস্তথা রাজন্গভস্তিভিরিবাংশুমান্।
বভৌ প্রচ্ছাদয়ন্নাশাঃ শরজালৈঃ সমন্ততঃ॥ 7-193-34 (54036)
তস্য দ্রোণো ধনুশ্ছিত্ৎবা বিদ্ধ্বা চৈনং শিলীমুখৈঃ।
মর্মাণ্যভ্যহনদ্ভূয়ঃ স ব্যথাং পরমামগাৎ॥ 7-193-35 (54037)
ততো ভীমো দৃঢক্রোধো দ্রোণস্যাশ্লিষ্য তং রথম্।
শনকৈরিব রাজেন্দ্র দ্রোণং বচনমব্রবীৎ॥ 7-193-36 (54038)
যদি নাম ন যুধ্যেরঞ্শিক্ষিতা ব্রহ্মবন্ধবঃ।
স্বকর্মভিরসন্তুষ্টা ন স্ম ক্ষত্রং ক্ষয়ং ব্রজেৎ॥ 7-193-37 (54039)
অহিংসাং সর্বভূতেষু ধর্মং জ্যায়স্তরং বিদুঃ।
তস্য চ ব্রাহ্মণো মূলং ভবাংশ্চ ব্রহ্মবিত্তমঃ॥ 7-193-38 (54040)
শ্বপাকবন্ম্লেচ্ছগণান্হৎবা চান্যান্পৃথগ্বিধান্।
`ভরন্তি হি সুতান্দারাংস্তদ্বদজ্ঞানমোহিতাঃ'॥ 7-193-39 (54041)
অজ্ঞানান্মূঢবদ্ব্রহ্মন্পুত্রদারধনেপ্সয়া।
একস্যার্থে বহূন্হৎবা পুত্রস্যাধর্মবিদ্যযা।
স্বকর্মস্থান্বিকর্মস্থো ন ব্যপত্রপসে কথম্॥ 7-193-40 (54042)
`আচারহীন নির্লজ্জ ব্রহ্মবন্ধো বরায়ুধ।
ইদানীং তিষ্ঠ দুর্বুদ্ধে ন মে জীবন্বিমোক্ষ্যসে॥ 7-193-41 (54043)
যস্যার্থে শস্ত্রমাদায় যমপেক্ষ্য চ জীবসি।
স চাদ্য পতিতঃ শেতে পৃষ্টেনাবেদিতস্তবঃ॥ 7-193-42 (54044)
`স বৈ চ নিহতঃ শেতে তব পুত্রঃ সুমন্দধীঃ'।
ধর্মরাজস্য তদ্বাক্যং নাভিশঙ্কিতুমর্হসি॥ 7-193-43 (54045)
এবমুক্তস্ততো দ্রোণো ভীমেনোৎসৃজ্য তদ্বনুঃ।
`সন্ন্যাসায় শরীরস্য যোক্ষ্যমাণঃ স বৈ দ্বিজঃ'।
সর্বাণ্যস্ত্রাণি ধর্মাত্মা হাতুকামোঽভ্যভাপত॥ 7-193-44 (54046)
`কর্ণং দুর্যোধনং রাজংস্ৎবরমাণঃ পরাক্রমম্'।
কর্ণকর্ণ মহেষ্বাস কৃপ দুর্যোধনেতি চ॥ 7-193-45 (54047)
সঙ্গ্রামে ক্রিয়তাং যত্নো ব্রবীম্যেষ পুনঃপুনঃ।
পাণ্ডবেভ্যঃ শিবং বোস্তু শস্ত্রমভ্যুৎসৃজাম্যহম্।
ইতি তত্র মহারাজ প্রাক্রোশদ্দ্রৌণিমেব চ॥ 7-193-46 (54048)
উৎসৃজ্য চ রণে শস্ত্রং রথোপস্থে নিবিশ্য চ।
অভয়ং সর্বভূতানাং প্রদদৌ যোগমীয়িবান্॥ 7-193-47 (54049)
তস্য তচ্ছিদ্রনাজ্ঞায় ধৃষ্টদ্যুম্নঃ প্রতাপবান্।
সশরং তদ্বনুর্ঘোরং সন্ন্যস্যাথ রথে ততঃ।
খঙ্গী রথাদবপ্লুত্য সহসা দ্রোণমভ্যযাৎ॥ 7-193-48 (54050)
`প্রদ্রুতে ৎবথ দ্রোণায় ধৃষ্টদ্যুম্নে মহারথে'।
হাহাকৃতানি ভূতানি মানুষাণীতরাণি চ॥ 7-193-49 (54051)
দ্রোণং তথাগতং দৃষ্ট্বা ধৃষ্টদ্যুম্নবশং গতম্।
হাহাকারং ভৃশং চক্রুরহো ধিগিতি চাবুবন্॥ 7-193-50 (54052)
দ্রোণোঽপি শস্ত্রাণ্যুৎসৃজ্য পরমং সাঙ্খ্যমাস্থিতঃ।
তথোক্ৎবা যোগমাস্থায় জ্যোতির্ভূতো মহাতপাঃ॥ 7-193-51 (54053)
পুরাণং পুরুষং বিষ্ণুং জগাম মনসা পরম্।
মুখং কিঞ্চিৎসমুন্নাম্য বিষ্টব্যোরস্তথাগ্রতঃ॥ 7-193-52 (54054)
নিমীলিতাক্ষঃ সৎবস্থো নিক্ষিপ্য হৃদি ধারণাম্।
ওমিত্যেকাক্ষরং ব্রহ্ম জ্যোতির্ভূতো মহাতপাঃ॥ 7-193-53 (54055)
স্মরিৎবা দেবদেবেশমক্ষরং পরমং প্রভুম্।
দিবমাক্রামদাচার্যঃ সাক্ষাৎসদ্ভির্দুরাক্রমাম্॥ 7-193-54 (54056)
`মূর্ধানং তস্য নির্ভিদ্য জ্যোতী রাজন্মহাত্মনঃ।
জগাম পরমং স্থানং দেহং ন্যস্য রথোত্তমে'॥ 7-193-55 (54057)
দ্বৌ সূর্যাবিতি নো বুদ্ধিরাসীত্তস্মিংস্তথাগতে।
একরূপমিবাভাসীজ্যোতির্ভিঃ পূরিতং নভঃ॥ 7-193-56 (54058)
সমপদ্যত চোল্কাভং দ্রোণস্য নিধনে তদা।
নিমেষমাত্রেণ চ তজ্জ্যোতিরন্তরধীয়ত॥ 7-193-57 (54059)
আসীৎকিলকিলাশব্দঃ প্রহৃষ্টানাং দিবৌকসাম্।
ব্রহ্মলোকগতে দ্রোণে ধৃষ্টদ্যুম্নে চ মোহিতে॥ 7-193-58 (54060)
বয়মেব তদাঽদ্রাক্ষ্ম পঞ্চ মানুষয়োনয়ঃ।
যোগয়ুক্তং মহাত্মানং গচ্ছন্তং পরমাং গতিম্॥ 7-193-59 (54061)
অহং ধনঞ্জয়ঃ পার্থঃ কৃপঃ শারদ্বতো দ্বিজঃ।
বাসুদেবশ্চ বার্ষ্ণেয়ো ধর্মপুত্রশ্চ পাণ্ডবঃ॥ 7-193-60 (54062)
অন্যে তু সর্বে নাপশ্যন্ভারদ্বাজস্য ধীমতঃ।
মহিমানং মহারাজ যোগয়ুক্তস্য গচ্ছতঃ।
ব্রহ্মলোকং মহদ্দিব্যং দেবগুহ্যং হি তৎপরম্॥ 7-193-61 (54063)
গতিং পরমিকাং প্রাপ্তমজানন্তো নৃয়োনয়ঃ।
নাপশ্যন্গচ্ছমানং হি তং সার্ধমৃষিপুঙ্গবৈঃ।
আচার্যং যোগমাস্থায় ব্রহ্মলোকমরিন্দমম্॥ 7-193-62 (54064)
বিতুন্নাঙ্গং শরব্রাতৈরন্যস্তায়ুধমসৃক্ক্ষরম্।
বিকৃষ্য পার্ষতঃ খঙ্গং ক্রোধামর্ষবশং গতঃ।
দৃশ্যমানঃ সর্বভূতৈঃ কেশপক্ষে পরামৃশৎ॥ 7-193-63 (54065)
তস্য মূর্ধানমালম্ব্য গতসৎবস্য দেহিনঃ।
কিঞ্চিদব্রুবতঃ কায়াদ্বিচকর্তাসিনা শিরঃ॥ 7-193-64 (54066)
হর্ষেণ মহতা মহতা যুক্তো ভারদ্বাজে নিপাতিতে।
সিংহনাদরবং চক্রে ভ্রাময়ন্খঙ্গমাহবে॥ 7-193-65 (54067)
আকর্ণপলিতঃ শ্যামো বয়সাঽশীতিপঞ্চকঃ।
ৎবৎকৃতে ব্যচরৎসঙ্খ্যে স তু ষোডশবর্ষবৎ॥ 7-193-66 (54068)
উক্তবাশ্চ মহাবাহুঃ কুন্তীপুত্রো ধনঞ্জয়ঃ।
জীবন্তমানয়াচার্যং মা বধীর্দ্রুপদাত্মজ॥ 7-193-67 (54069)
ন হন্তব্যো ন হন্তব্য ইতি তে সৈনিকাশ্চ হ।
উৎক্রোশন্নর্জুনশ্চৈব সানুক্রোশস্তমাব্রজৎ॥ 7-193-68 (54070)
ক্রোশমানেঽর্জুনে চৈব পার্থিবেষু চ সর্বশঃ।
ধৃষ্টদ্যুম্নোঽবধীদ্দ্রোণং রথতল্পে নরর্ষভম্॥ 7-193-69 (54071)
শোণিতেন পরিক্লিন্নো রথাদ্ভূমিমথাপতৎ।
লোহিতাঙ্গ ইবাদিত্যো দুর্ধর্ষঃ সমপদ্যত॥ 7-193-70 (54072)
এবং তং নিহতং সঙ্খ্যে দদৃশে সৈনিকো জনঃ।
ধৃষ্টদ্যুম্নস্তু তদ্রাজন্ভারদ্বাজশিরোঽহরৎ॥ 7-193-71 (54073)
তাবকানাং মহেষ্বাসঃ প্রমুখে তৎসমাক্ষিপৎ।
তে তু দৃষ্ট্বা শিরো রাজন্ভারদ্বাজস্য তাবকাঃ॥ 7-193-72 (54074)
পলায়নকৃতোৎসাহা দুদ্রুবঃ সর্বতোদিশম্।
দ্রোণস্তু দিবমাস্থায় নক্ষত্রপথমাবিশৎ॥ 7-193-73 (54075)
অহমেব তদাঽদ্রাক্ষং দ্রোণস্য নিধনং নৃপ।
ঋষেঃ প্রসাদাৎকৃষ্মস্য সত্যবত্যাঃ সুতস্য চ॥ 7-193-74 (54076)
বিধূমামিহ সংয়ান্তীমুল্কাং প্রজ্বলিতামিব।
অপশ্যাম দিবং স্তব্ধ্বা গচ্ছন্তং তং মহাদ্যুতিম্॥ 7-193-75 (54077)
হতে দ্রোণে নিরুৎসাহাঃ কুরুপাণ্ডবসৃঞ্জয়াঃ।
অভ্যদ্রবন্মহাবেগাস্ততঃ সৈন্যং ব্যদীর্যত॥ 7-193-76 (54078)
নিহতা হতভূয়িষ্ঠাঃ সঙ্গ্রামে নিশিতৈঃ শরৈঃ।
তাবকা নিহতে দ্রোণে গতাসব ইবাভবন্॥ 7-193-77 (54079)
পরাজয়মথাবাপ্য পরত্র চ মহদ্ভয়ম্।
উভয়েনৈব তে হীনা ব্যনিন্দন্মতিমাত্মনঃ॥ 7-193-78 (54080)
অন্বিচ্ছন্তঃ শরীরং তু ভারদ্বাজস্য পার্থিবাঃ।
নান্বগচ্ছন্মহারাজ কবন্ধায়ুতসঙ্কুলে॥ 7-193-79 (54081)
`পতিতে ৎবথ সংরব্ধে সেনায়াং তত্র ভারত।
উদিষ্ঠন্কবন্ধানাং সহস্রাণ্যেকবিংশতিঃ॥ 7-193-80 (54082)
শোণিতেন পরিক্লিন্না রণভূমিশ্চ ভারত।
লোহিতার্দ্র ইবাদিত্যো দুর্দর্শশ্চাভবত্তদা'॥ 7-193-81 (54083)
পাণ্ডবাস্তু জয়ং লব্ধ্বা পরত্র চ মহদ্যশঃ।
বাণশঙ্খরবাংশ্চক্রুঃ সিংহনাদাংশ্চ পুষ্কলান্॥ 7-193-82 (54084)
ভীমসেনস্ততো রাজন্ধৃষ্টদ্যুম্নশ্চ পার্ষতঃ।
বরূথিন্যামনৃত্যেতাং পরিষ্বজ্য পরস্পরম্॥ 7-193-83 (54085)
অব্রবীচ্চ তদা ভীমঃ পার্ষতং শত্রুতাপনম্।
ভূয়োঽহং ৎবাং পরিষ্বজ্য পরিবক্ষ্যামি পার্ষত।
সূতপুত্রে হতে পাপে ধার্তরাষ্ট্রে চ সংয়ুগে॥ 7-193-84 (54086)
এতাবদুক্ৎবা ভীমস্তু হর্ষেণ মহতা যুতঃ।
বাহুশব্দেন পৃথিবীং কম্পয়ামাস পাণ্ডবঃ॥ 7-193-85 (54087)
তস্য শব্দেন বিত্রস্তাঃ প্রাদ্রবংস্তাবকা যুধি।
ক্ষত্রধর্মং সমুৎসৃজ্য পলায়নপরায়ণাঃ॥ 7-193-86 (54088)
পাণ্ডবাস্তু জয়ং লব্ধা হৃষ্টা হ্যাসন্বিশাম্পতে।
অরিক্ষয়ং চ সঙ্গ্রামে তেন তে সুখমাপ্নুবন্॥ ॥ 7-193-87 (54089)
ইতি শ্রীমন্মহাভারতে দ্রোণপর্বণি দ্রোণবধপর্বণি পঞ্চদশদিবসয়ুদ্ধে ত্রিনবত্যধিকশততমোঽধ্যায়ঃ॥ 193 ॥
Mahabharata - Drona Parva - Chapter Footnotes
5-193-12 এষো হীতি সন্ধিরার্ষঃ॥ 5-193-22 ব্রহ্মবাদানাং বেদতুল্যানাং বচনানাম্। দ্বিতীয়ার্থে ষষ্ঠী। শ্রুত্যেতি শেষঃ॥ 5-193-* কুণ্ডলিতাঃ 22 শ্লোকাঃ ঝপুস্তকএব দৃশ্যন্তে। 5-193-42 পৃষ্ঠেন ৎবয়া পৃষ্ঠেন যুধিষ্ঠিরেণ আবেদিতঃ হত ইতি নিবেদিতঃ॥ 5-193-78 পরত্র চ মহদ্ভয়মিতি পলায়নস্য পরলোকবিরুদ্ধৎবাৎ। উভয়েন লোকদ্বয়েন হীনা রহিতাঃ॥ 5-193-193 ত্রিনবত্যধিকশততমোঽধ্যায়ঃ॥দ্রোণপর্ব - অধ্যায় 194
॥ শ্রীঃ ॥
7.194. অধ্যায়ঃ 194
Mahabharata - Drona Parva - Chapter Topics
দৃর্যোধনচোদনয়া কৃপেণ দ্রোণবধং শ্রাবিতস্যাশ্বত্থাম্নঃ কোপোদয়ঃ॥ 1 ॥Mahabharata - Drona Parva - Chapter Text
7-194-0 (54090)
সঞ্জয় উবাচ। 7-194-0x (4776)
ততো দ্রোণে হতে রাজন্কুরবঃ শস্ত্রপীডিতাঃ।
হতপ্রবীরা বিধ্বস্তা ভৃশং শোকপরায়ণাঃ॥ 7-194-1 (54091)
উদীর্ণাংশ্চ পরান্দৃষ্ট্বা হর্ষমাণান্পুনঃ পুনঃ।
অশ্রুপূর্ণেক্ষণাস্ত্রস্তা দীনাস্ৎবাসন্বিশাম্পতে॥ 7-194-2 (54092)
বিচেতসো হতোৎসাহাঃ কশ্মলাভিহতৌজসঃ।
আর্তস্বরেণ মহতা পুত্রং তে পর্যবারয়ন্॥ 7-194-3 (54093)
বেষণ্ণবদনা দীনা বীক্ষমাণা দিশো দশ।
অশ্রুকণ্ঠা যথা দৈত্যা হিরণ্যাক্ষে পুরা হতে॥ 7-194-4 (54094)
স তৈঃ পরিবৃতো রাজা ত্রস্তৈঃ ক্ষুদ্রমৃগৈরিব।
অশক্নুবন্নবস্থাতুমপায়াত্তনয়স্তব॥ 7-194-5 (54095)
ক্ষুৎপিপাসাপরিম্লানাস্তে যোধাস্তব ভারত।
আদিত্যেনেব সন্তপ্তা ভৃশং বিমনসোঽভবন্॥ 7-194-6 (54096)
ভাস্করস্যেব পতনং সমুদ্রস্যেব শোষণম্।
বিপর্যাসং যথা মেরোর্বাসবস্যেব নির্জয়ম্॥ 7-194-7 (54097)
অপ্রেক্ষণীয়ং তদ্দৃষ্ট্বা ভারদ্বাজস্য পাতনম্।
ত্রস্তরূপতরা রাজন্কৌরবাঃ প্রাদ্রবন্ভয়াৎ॥ 7-194-8 (54098)
গান্ধাররাজঃ শকুনিস্ত্রস্তস্ত্রস্ততরৈঃ সহ।
হতং রুক্মরথং শ্রুৎবা প্রাদ্রবৎসহিতো রথৈঃ॥ 7-194-9 (54099)
বরূথিনীং বেগবতীং বিদ্রুতাং সপতাকিনীম্।
পরিগৃহ্য মহাসেনাং সূতপুত্রোঽপয়াদ্ভয়াৎ॥ 7-194-10 (54100)
রথনাগাশ্বকলিলাং পুরস্কৃত্য তু বাহিনীম্।
মদ্রাণামীশ্বরঃ শল্যো বীক্ষমাণোঽপয়াদ্ভয়াৎ॥ 7-194-11 (54101)
হতপ্রবীরৈর্ভূয়িষ্ঠৈর্ধ্বজৈর্বহুপতাকিভিঃ।
বৃতঃ শারদ্বতোঽগচ্ছৎকষ্টঙ্কষ্টমিতি ব্রুবন্॥ 7-194-12 (54102)
ভোজনীকেন শিষ্টেন কলিঙ্গারট্টবাহ্লিকৈঃ।
কৃতবর্মা বৃতো রাজন্প্রায়াৎসুজবনৈর্হয়ৈঃ॥ 7-194-13 (54103)
পদাতিগণসংয়ুক্তস্ত্রস্তো রাজন্ভয়ার্দিতঃ।
উলূকঃ প্রাদ্রবত্তত্র দৃষ্ট্বা দ্রোণং নিপাতিতম্॥ 7-194-14 (54104)
দর্শনীয়ো যুবা চৈব শৌর্যেণ কৃতলক্ষণঃ।
দুঃশাসনো ভৃশোদ্বিগ্নঃ প্রাদ্রবদ্গজসংবৃতঃ॥ 7-194-15 (54105)
রথানাময়ুতং গৃহ্য ত্রিসাহস্রং চ দন্তিনাম্।
বৃষসেনো যয়ৌ তূর্ণং দৃষ্ট্বা দ্রোণং নিপাতিতম্॥ 7-194-16 (54106)
গজাশ্বরথসংয়ুক্তো বৃতশ্চৈব পদাতিভিঃ।
দুর্যোধনো মহারাজ প্রায়াত্তত্র মহারথঃ॥ 7-194-17 (54107)
সংশপ্তকগণাদ্গৃহ্য হতশেষান্কিরীটিনা।
সুশর্মা প্রাদ্রাবদ্রাজন্দৃষ্ট্বা দ্রোণং নিপাতিতম্॥ 7-194-18 (54108)
গজান্রথান্সমারুহ্য ব্যুদস্য চ হয়াঞ্জনাঃ।
প্রাদ্রবন্সর্বতঃ সঙ্খ্যে দৃষ্ট্বা রুক্মরথং হতম্॥ 7-194-19 (54109)
ৎবরয়ন্তঃ পিতৄনন্যে ভ্রাতৄনন্যেঽথ মাতুলান্।
পুত্রানন্যে বয়স্যাংশ্চ প্রাদ্রবন্কুরবস্তদা॥ 7-194-20 (54110)
চোদয়ন্তশ্চ সৈন্যানি স্বস্ত্রীয়াংশ্চ তথাঽপরে।
সম্বন্ধিনস্তথাঽন্যে চ প্রাদ্রবন্ত দিশো দশ॥ 7-194-21 (54111)
প্রকীর্ণকেশা বিধ্বস্তা ন দ্বাবেকত্র ধাবতঃ।
নেদমস্তীতি মন্বানা হতোৎসাহা হতৌজসঃ॥ 7-194-22 (54112)
উৎসৃজ্য কবচানন্যে প্রাদ্রবংস্তাবকা বিভো।
অন্যোন্যং তে সমাক্রোশন্যৈনিকা ভরতর্ষভ॥ 7-194-23 (54113)
তিষ্ঠতিষ্ঠেতি ন চ তে স্বয়ং তত্রাবতস্থিরে।
ধুর্যানুন্মুচ্য চ রথাদ্ধতসূতাৎস্বলঙ্কৃতান্।
অধিরুহ্য হয়ান্যোধাঃ ক্ষিপ্রং পদ্ভিরচোদয়ন্॥ 7-194-24 (54114)
দ্রমাণে তথা সৈন্যে ত্রস্তরূপে হতৌজসি।
প্রতিস্রোত ইব গ্রাহো দ্রোণপুত্রঃ পরানিয়াৎ॥ 7-194-25 (54115)
তস্যাসীৎসুমহদ্যুদ্ধং শিখণ্ডিপ্রমুখৈর্গণৈঃ।
প্রভদ্রকৈশ্চ পাঞ্চালৈশ্চেদিভিশ্চ সকেকয়ৈঃ॥ 7-194-26 (54116)
হৎবা বহুবিধাঃ সেনাঃ পাণ্ডূনাং যুদ্ধদুর্মদঃ।
কথঞ্চিৎসঙ্কটান্মুক্তো মত্তদ্বিরদবিক্রমঃ॥ 7-194-27 (54117)
দ্রবমাণং বলং দৃষ্ট্বা পলায়নকৃতক্ষণম্।
দুর্যোধনং সমাসাদ্য দ্রোণপুত্রোঽব্রবীদিদম্॥ 7-194-28 (54118)
কিমিয়ং দ্রবতে সেনা ত্রস্তরূপেব ভারত।
দ্রবমাণাং চ রাজেন্দ্র নাবস্থাপয়সে রণে॥ 7-194-29 (54119)
ৎবং চাপি ন যথা পূর্বং প্রকৃতিস্থো নরাধিপ।
কর্ণপ্রভৃতয়শ্চেমে নাবতিষ্ঠন্তি পার্থিব॥ 7-194-30 (54120)
অন্যেষ্বপি চ যুদ্ধেষু নৈব সেনাঽদ্রবত্তদা।
কচ্চিৎক্ষেমং মহাবাহো তব সৈন্যস্য ভারত॥ 7-194-31 (54121)
কস্পিন্নিদং হতে রাজন্রথসিংহে বলং তব।
এতামবস্থাং সংপ্রাপ্তং তন্মমাচক্ষ্ব কৌরব॥ 7-194-32 (54122)
তত্তু দুর্যোধনঃ শ্রুৎবা দ্রোণপুত্রস্য ভাষিতম্।
ঘোরমপ্রিয়মাখ্যাতুং নাশক্নোৎপার্থিবর্ষভঃ॥ 7-194-33 (54123)
ভিন্না নৌরিব তে পুত্রো মগ্নঃ শোকমহার্ণবে।
বাষ্পেণাপিহিতো দৃষ্ট্বা দ্রোণপুত্রং রথে স্থিতম্॥ 7-194-34 (54124)
ততঃ শারদ্বতং রাজা সব্রীডমিদমব্রবীৎ।
শংসাত্র ভদ্রং তে সর্বং যথা সৈন্যমিদং দ্রুতম্॥ 7-194-35 (54125)
অথ শারদ্বতো রাজন্নার্তিমার্চ্ছন্পুনঃপুনঃ।
শশংস দ্রোণপুত্রায় যথা দ্রোণো নিপাতিতঃ॥ 7-194-36 (54126)
কৃপ উবাচ। 7-194-37x (4777)
বয়ং দ্রোণং পুরস্কৃত্য পৃথিব্যাং প্রবরং রথম্।
প্রাবর্তয়াম সঙ্গ্রামং পাঞ্চালৈরেব কেবলম্॥ 7-194-37 (54127)
ততঃ প্রবৃত্তে সঙ্গ্রমে বিমিশ্রাঃ কুরুসোমকাঃ।
অন্যোন্যমভিগর্জন্তঃ শস্ত্রৈর্দেহানপাতয়ন্॥ 7-194-38 (54128)
বর্তমানে তথা যুদ্ধে ক্ষীয়মাণেষু সংয়ুগে।
ধার্তরাষ্ট্রেষু সঙ্ক্রুদ্ধঃ পিতা তেঽস্ত্রমুদৈরয়ৎ॥ 7-194-39 (54129)
ততো দ্রোণো ব্রাহ্মমস্ত্রং বিকুর্বাণো নরর্ষভঃ।
ব্যহনচ্ছাত্রবান্ভল্লৈঃ শতশোঽথ সহস্রশঃ॥ 7-194-40 (54130)
পাণ্ডবাঃ কেকয়া মাৎস্যাঃ পাঞ্চালাশ্চ বিশেষতঃ।
সঙ্খ্যে দ্রোণরথং প্রাপ্য ব্যনশন্কালচোদিতাঃ॥ 7-194-41 (54131)
সহস্রং নরসিংহানাং দ্বিসাহস্রং চ দন্তিনাম্।
দ্রোণো ব্রহ্মাস্ত্রয়োগেন প্রেষয়ামাস মৃত্যবে॥ 7-194-42 (54132)
আকর্ণপলিতশ্যামো বয়সাঽশীতিপঞ্চকঃ।
রণে পর্যচরদ্দ্রোণো বৃদ্ধঃ ষোডশবর্ষবৎ॥ 7-194-43 (54133)
ক্লিশ্যমানেষু সৈন্যেষু বধ্যমানেষু রাজসু।
অমর্ষবশমাপন্নাঃ পাঞ্চালা বিমুখাঽভবন্॥ 7-194-44 (54134)
তেষু কিঞ্চিৎপ্রভগ্নেষু বিমুখেষু সপত্নজিৎ।
দিব্যমস্ত্রং বিকুর্বাণো বভূবার্ক ইবোদিতঃ॥ 7-194-45 (54135)
স মধ্যং প্রাপ্য পাণ্ডূনাং শররশ্মিঃ প্রতাপবান্।
মধ্যং গত ইবাদিত্যো দুষ্প্রেক্ষ্যস্তে পিতাঽভবৎ॥ 7-194-46 (54136)
তে দহ্যমানা দ্রোণেন সূর্যেণেব বিরাজতা।
দগ্ধবীর্যা নিরুৎসাহা বভূবুর্গতচেতসাঃ॥ 7-194-47 (54137)
তান্দৃষ্ট্বা পীডিতান্বাণৈর্দ্রোণেন মধুসূদনঃ।
জয়ৈষী পাণ্ডুপুত্রাণামিদং বচনমব্রবীৎ॥ 7-194-48 (54138)
নৈষ জাতু নরৈঃ শক্যো জেতুং শস্ত্রভৃতাং বরঃ।
অপি বৃত্রহণা সঙ্খ্যে রথয়ূথপয়ূথপঃ॥ 7-194-49 (54139)
তে যূয়ং ধর্মমুৎসৃজ্য জয়ং রক্ষত পাণ্ডবাঃ।
যথা বঃ সংয়ুগে সর্বান্ন হন্যাদ্রুক্মবাহনঃ॥ 7-194-50 (54140)
অশ্বত্থাম্নি হতে নৈষ যুধ্যেদিতি মতির্মম।
হতং তং সংয়ুগে কশ্চিদাখ্যাৎবস্মৈ মৃষা নরঃ॥ 7-194-51 (54141)
এতন্নারোচয়দ্বাক্যং কুন্তীপুত্রো ধনঞ্জয়ঃ।
অরোচয়ংস্তু সর্বেঽন্যে কৃচ্ছ্রেণ তু যুধিষ্ঠিরঃ॥ 7-194-52 (54142)
ভীমসেনস্তু সব্রীডমব্রবীৎপিতরং তব।
অশ্বত্থামা হত ইতি তং নাবুধ্যত তে পিতা॥ 7-194-53 (54143)
স শঙ্কমানস্তন্মিথ্যা ধর্মরাজমপৃচ্ছত।
হতং বাঽপ্যহতং বাঽঽজৌ ৎবাং পিতা পুত্রবৎসলঃ॥ 7-194-54 (54144)
তমতথ্যভয়ে মগ্নো জয়ে সক্তো যুধিষ্ঠিরঃ।
অশ্বত্থামানমায়োধে হতং দৃষ্ট্বা মহাগজম্॥ 7-194-55 (54145)
ভীমেন গিরিবর্ষ্মাণং মালবস্যেন্দ্রবর্মণঃ।
উপসৃত্য তদা দ্রোণমুচ্চৈরিদমুবাচ হ॥ 7-194-56 (54146)
যস্যার্থে শস্ত্রমাদৎসে যমবেক্ষ্য চ জীবসি।
পুত্রস্তে দয়িতো নিত্যং সোশ্বত্থামা নিপাতিতঃ॥ 7-194-57 (54147)
শেতে বিনিহতো ভূমৌ বনে সিংহশিশুর্যথা॥ 7-194-58 (54148)
জানন্নপ্যনৃতস্যাথ দোষান্স দ্বিজসত্তমম্।
অব্যক্তমব্রবীদ্রাজা হতঃ কুঞ্জর ইত্যুত॥ 7-194-59 (54149)
স ৎবাং নিহতমাক্রন্দে শ্রুৎবা সন্তাপতাপিতঃ।
নিয়ম্য দিব্যান্যস্ত্রাণি নায়ুধ্যত যথা পুরা॥ 7-194-60 (54150)
তং দৃষ্ট্বা পরমোদ্বিগ্নং শোকাতুরমচেতসম্।
পাঞ্চালরাজস্য সুতঃ ক্রুরকর্মা সমাদ্রবৎ॥ 7-194-61 (54151)
তং দৃষ্ট্বা পরমোদ্বিগ্নং শোকাতুরমচেতসম্।
দিব্যান্যস্ত্রাণ্যথোৎসৃজ্য রণে প্রায়মুপাবিশৎ॥ 7-194-62 (54152)
ততোঽস্য কেশান্সব্যেন গৃহীৎবা পাণিনা তদা।
পার্ষতঃ ক্রোশমানানাং বীরাণামচ্ছিনচ্ছিরঃ॥ 7-194-63 (54153)
ন হন্তব্যো ন হন্তব্য ইতি তে সর্বতোঽব্রুবন্।
তথৈব চার্জুনো বাহাদবরুহ্যৈনমাদ্রবৎ॥ 7-194-64 (54154)
উদ্যম্য ৎবরিতো বাহুং ব্রুবাণশ্চ পুনঃপুনঃ।
জীবন্তমানয়াচার্যং মাবধীরিতি ধর্মবিৎ॥ 7-194-65 (54155)
তথা নিবার্যমাণেন কৌরবৈরর্জুনেন চ।
হত এব নৃশংসেন পিতা তব নরর্ষভ॥ 7-194-66 (54156)
সৈনিকাশ্চ ততঃ সর্বে প্রাদ্রবন্ত ভয়ার্দিতাঃ।
বয়ং চাপি নিরুৎসাহা হতে পিতরি তেঽনঘ॥ 7-194-67 (54157)
সঞ্জয় উবাচ। 7-194-68x (4778)
তচ্ছ্রুৎবা দ্রোণপুত্রস্তু নিধনং পিতুরাহবে।
ক্রোধমাহারয়ত্তীব্রং দণ্ডাহত ইবোরগঃ॥ 7-194-68 (54158)
ততঃ ক্রুদ্ধো রণে দ্রৌণির্ভৃশং জজ্বাল মারিষ।
যথেন্ধনং মহৎপ্রাপ্য প্রাজ্বলদ্ধব্যবাহনঃ॥ 7-194-69 (54159)
তলং তলেন নিষ্পিষ্য দন্তৈর্দন্তানুপাস্পৃশৎ।
নিঃশ্বসন্নুরগো যদ্বল্লোহিতাক্ষোঽভবত্তদা॥ ॥ 7-194-70 (54160)
ইতি শ্রীমন্মহাভারতে দ্রোণপর্বণি নারায়ণাস্ত্রমোক্ষপর্বণি পঞ্চদশদিবসয়ুদ্ধে চতুর্নবত্যধিকশততমোঽধ্যায়ঃ॥ 194 ॥
দ্রোণপর্ব - অধ্যায় 195
॥ শ্রীঃ ॥
7.195. অধ্যায়ঃ 195
Mahabharata - Drona Parva - Chapter Topics
ধৃতরাষ্ট্রেণ সঞ্জয়ম্প্রতি দ্রোণবধশ্রাবিণাশ্বত্থাম্না কিমুক্তমিতি প্রশ্নঃ॥ 1 ॥Mahabharata - Drona Parva - Chapter Text
7-195-0 (54161)
ধৃতরাষ্ট্র উবাচ। 7-195-0x (4779)
অধর্মেণ হতং শ্রুৎবা ধৃষ্টদ্যুম্নেন সঞ্জয়।
ব্রাহ্মণং পিতরং বৃদ্ধমশ্বত্থামা কিমব্রবীৎ॥ 7-195-1 (54162)
মানবং বারুণাগ্নেয়ং ব্রাহ্মমস্ত্রং চ বীর্যবান্।
ঐন্দ্রং নারায়ণং চৈব যস্মিন্নিত্যং প্রতিষ্ঠিতম্॥ 7-195-2 (54163)
তমধর্মেণ ধর্মিষ্ঠং ধৃষ্টদ্যুম্নেন সংয়ুগে।
শ্রুৎবা নিহতমাচার্যং সোঽশ্বত্থামা কিমব্রবীৎ॥ 7-195-3 (54164)
যেন রামাদবাপ্যেহ ধনুর্বেদং মহাত্মনা।
প্রোক্তান্যস্ত্রাণি দিব্যানি পুত্রায় গুণকাঙ্ক্ষিণা॥ 7-195-4 (54165)
একমেব হি লোকেঽস্মিন্নাত্মতো গুণবত্তরম্।
ইচ্ছন্তি পুরুষাঃ পুত্রং লোকে নান্যং কথঞ্চন॥ 7-195-5 (54166)
আচার্যাণাং ভবন্ত্যেব রহস্যানি মহাত্মনাম্।
তানি পুত্রায় বা দদ্যুঃ শিষ্যায়ানুগতায় বা॥ 7-195-6 (54167)
স শিষ্যঃ প্রাপ্য তৎসর্বং সবিশেষং চ সঞ্জয়।
শূরঃ শারদ্বতীপুত্রঃ সঙ্খ্যে দ্রোণাদনন্তরঃ॥ 7-195-7 (54168)
রামস্য তু সমঃ শস্ত্রে পুরন্দরসমো যুধি।
কার্তবীর্যসমো বীর্যে বৃহস্পতিসমো মতৌ ॥ 7-195-8 (54169)
মহীধরসমঃ স্থৈর্যে তেজসাঽগ্নিসমো যুবা।
সমুদ্র ইব গাম্ভীর্যে ক্রোধে চাশীবিষোপমঃ॥ 7-195-9 (54170)
স রথী প্রথমো লোকে দৃঢধন্বা জিতক্লমঃ।
শীঘ্রোঽনিল ইবাক্রন্দে চরন্ক্রুদ্ধ ইবান্তকঃ॥ 7-195-10 (54171)
অস্যতা যেন সঙ্গ্রামে ধরণ্যভিনিপীডিতা।
`মেঘস্তনিতনির্ঘোষং কম্পতে ভয়বিহ্বলাঃ'।
যো ন ব্যথতি সঙ্গ্রমে বীরঃ সত্যপরাক্রমঃ॥ 7-195-11 (54172)
বেদস্নাতো ব্রতস্নাতো ধনুর্বেদে চ পারগঃ।
মহোদধিরিবাক্ষোভ্যো রামো দাশরথির্যথা॥ 7-195-12 (54173)
তমধর্মেণ ধর্মিষ্ঠং ধৃষ্টদ্যুম্নেন সংয়ুগে।
শ্রুৎবা নিহতমাচার্যমশ্বত্থামা কিমব্রবীৎ॥ 7-195-13 (54174)
ধৃষ্টদ্যুম্নস্য যো মৃত্যুঃ সৃষ্টস্তেন মহাত্মনা।
যথা দ্রোণস্য পাঞ্চাল্যো যজ্ঞসেনসুতোঽভবৎ॥ 7-195-14 (54175)
তং নৃশংসেন পাপেন ক্রূরেণাদীর্ঘদর্শিনা।
শ্রুৎবা নিহতমাচার্যমশ্বত্থামা কিমব্রবীৎ॥ ॥ 7-195-15 (54176)
ইতি শ্রীমন্মহাভারতে দ্রোণপর্বণি নারায়ণাস্ত্রমোক্ষপর্বণি পঞ্চদশদিবসয়ুদ্ধে পঞ্চনবত্যধিকশততমোঽধ্যায়ঃ॥ 195 ॥
Mahabharata - Drona Parva - Chapter Footnotes
5-195-4 পুত্রায় গুরুকাঙ্ক্ষিণে ইতি .ক.ঝ.পাঠঃ॥ 5-195-195 পঞ্চনবত্যধিকশততমোঽধ্যায়ঃ॥দ্রোণপর্ব - অধ্যায় 196
॥ শ্রীঃ ॥
7.196. অধ্যায়ঃ 196
Mahabharata - Drona Parva - Chapter Topics
অশ্বত্থাম্না সক্রোধং যুধিষ্ঠিরাদ্যুপালভ্যঃ॥ 1 ॥ তথা দ্রোণস্য নারায়ণাস্ত্রলাভপ্রকারাদিকথনপূর্বকং তেন পাণ্ডবাদিবধ প্রতিজ্ঞানম্॥ 2 ॥Mahabharata - Drona Parva - Chapter Text
7-196-0 (54177)
সঞ্জয় উবাচ। 7-196-0x (4780)
ছদ্মনা নিহতং শ্রুৎবা পিতরং পাপকর্মণা।
বাষ্পেণাপূর্যত দ্রৌণী রোষেণ চ নরর্ষভ॥ 7-196-1 (54178)
তস্য ক্রুদ্ধস্য রাজেন্দ্র বপুর্দীপ্তমদৃশ্যত।
অন্তকস্যেব ভূতানি জিহীর্ষোঃ কালপর্যযে॥ 7-196-2 (54179)
অশ্রূপুর্ণে ততো নেত্রে ব্যপমৃজ্য পুনঃ পুনঃ।
উবাচ কোপান্নিঃশ্বস্য দুর্যোধনমিদং বচঃ॥ 7-196-3 (54180)
পিতা মম যথা ক্ষুদ্রৈর্ন্যস্তশস্ত্রো নিপাতিতঃ।
ধর্মধ্বজবতা পাপং কৃতং তদ্বিদিতং মম।
অনার্যং সুনৃশংসং চ ধর্মপুত্রস্য মে শ্রুতম্॥ 7-196-4 (54181)
যুদ্ধেষ্বপি প্রবৃত্তানাং ধ্রুবং জয়পরাজয়ৌ।
দ্বয়মেতদ্ভবেদ্রাজন্বধস্তত্র প্রশস্যতে॥ 7-196-5 (54182)
ন্যায়বৃত্তো বধো যস্তু সংঙ্গ্রামে যুধ্যতো ভবেৎ।
ন স দুঃখায় ভবতি তথা দৃষ্টো হি স দ্বিজৈঃ॥ 7-196-6 (54183)
গতঃ স বীরলোকায় পিতা মম ন সংশয়ঃ।
ন শোচ্যঃ পুরুষব্যাঘ্র যস্তদা নিধনং গতঃ॥ 7-196-7 (54184)
যত্তু ধর্মপ্রবৃতঃ সন্কেশগ্রহণমাপ্তবান্।
পশ্যতাং সর্বসৈন্যানাং তন্মে মর্মাণি কৃন্ততি॥ 7-196-8 (54185)
ময়ি জীবতি যত্তাতঃ কেশগ্রহমবাপ্তবান্।
কথমন্যে করিষ্যন্তি পুত্রেভ্যঃ পুত্রিণঃ স্পৃহাম্॥ 7-196-9 (54186)
কামাৎক্রোধাদবিজ্ঞানাদ্বর্ষাদ্বাল্যেন বা পুনঃ।
বিধর্মকাণি কুর্বন্তি তথা পরিভবন্তি চ॥ 7-196-10 (54187)
তদিদং পার্ষতেনেহ মহদাধর্মিকং কৃতম্।
অবজ্ঞায় চ মাং নূনং নৃশংসেন দুরাত্মনা॥ 7-196-11 (54188)
তস্যানুবন্ধং দ্রষ্টাঽসৌ ধৃষ্টদ্যুম্নঃ সুদারুণম্।
অকার্যং পরমং কৃৎবা মিথ্যাবাদী চ পাণ্ডবঃ॥ 7-196-12 (54189)
যো হ্যসৌ ছদ্মনাঽঽচার্যং শস্ত্রং সন্ন্যাসয়ত্তদা।
তস্যাদ্য ধর্মরাজস্য ভূমিঃ পাস্যতি শোণিতম্॥ 7-196-13 (54190)
শপে সত্যেন কৌরব্য ইষ্টাপূর্তেন চৈব হ।
অহৎবা সর্বপাঞ্চালাঞ্জীবেয়ং ন কথঞ্চন॥ 7-196-14 (54191)
সর্বোপায়ৈর্যতিষ্যামি পাঞ্চালানামহং বধে।
ধৃষ্টদ্যুম্নং চ সমরে হন্তাঽহং পাপকারিণম্॥ 7-196-15 (54192)
কর্মণা যেন তেনেহ মৃদুনা দারুণেন চ।
পাঞ্চালানাং বধং কৃৎবা শান্তিং লব্ধাস্মি কৌরব॥ 7-196-16 (54193)
যদর্থং পুরুষব্যাঘ্র পুত্রানিচ্ছন্তি মানবাঃ।
প্রেত্য চেহ চ সম্প্রাপ্তাত্ত্রায়ন্তে মহতো ভয়াৎ॥ 7-196-17 (54194)
পিত্রা তু মম সাঽবস্থা প্রাপ্তা নির্বন্ধুনা যথা।
ময়ি শৈলপ্রতীকাশে পুত্রে শিষ্যে চ জীবতি॥ 7-196-18 (54195)
ধিঙ্মমাস্ত্রাণি দিব্যানি ধিগ্বাহূ ধিক্পরাক্রমম্।
যং স্ম দ্রোণঃ সুতং প্রাপ্য কেশগ্রহমবাপ্তবান্॥ 7-196-19 (54196)
স তথাহং করিষ্যাসি যথা ভরতসত্তম।
পরলোকগতস্যাপি ভবিষ্যাম্যনৃণঃ পিতুঃ॥ 7-196-20 (54197)
আর্যেণ হি ন বক্তব্যা কদাচিৎস্তুতিরাত্মনঃ।
পিতুর্বধমমৃষ্যংস্তু বক্ষ্যাম্যদ্যেহ পৌরুষম্॥ 7-196-21 (54198)
অদ্য পশ্যন্তু মে বীর্যং পাণ্ডবাঃ সজনার্দনাঃ।
মৃদ্গতঃ সর্বসৈন্যানি যুগান্তমিব কুর্বতঃ॥ 7-196-22 (54199)
ন হি দেবা ন গন্ধর্বা নাসুরা ন চ রাক্ষসাঃ।
অদ্য শক্তা রণে জেতুং রথস্থং মাং নরর্ষভাঃ॥ 7-196-23 (54200)
মদন্যো নাস্তি লোকেঽস্মিন্নর্জুনাদ্বাঽস্ত্রবিৎক্বচিৎ।
অহং হি জ্বলতাং মধ্যে ময়ূখানামিবাংশুমান্।
প্রয়োক্তা দেবসৃষ্টানামস্ত্রাণাং পৃতনাগতঃ॥ 7-196-24 (54201)
ভৃশমিষ্বসনাদদ্য মৎপ্রয়ুক্তা মহাহবে।
দর্শয়ন্তঃ শরা বীর্যং প্রমথিষ্যন্তি পাণ্ডবান্॥ 7-196-25 (54202)
অদ্য সর্বা দিশো রাজন্ধারাভিরিব সঙ্কুলাঃ।
আবৃতাঃ পত্রিভিস্তীক্ষ্ণৈর্দ্রষ্টারো মামকৈরিহ॥ 7-196-26 (54203)
বিকিরঞ্ছরজালানি সর্বতো ভৈরবস্বনান্।
শত্রূন্নিপাতয়িষ্যামি মহাবাত ইব দ্রুমান্॥ 7-196-27 (54204)
ন হি জানাতি বীভৎসুস্তদস্ত্রং ন জনার্দনঃ।
ন ভীমসেনো ন যমৌ ন চ রাজা যুধিষ্ঠিরঃ॥ 7-196-28 (54205)
ন পার্ষতো দুরাত্মাঽসৌ ন শিখণ্ডী ন সাত্যকিঃ।
যদিদং ময়ি কৌরব্য সকল্যং সনিবর্তনম্॥ 7-196-29 (54206)
নারায়ণায় মে পিত্রা প্রণম্য বিধিপূর্বকম্।
উপহারঃ পুরা দত্তো ব্রহ্মরূপ উপস্থিতঃ॥ 7-196-30 (54207)
তং স্বয়ং প্রতিগৃহ্যাথ ভগবান্স বরং দদৌ।
বব্রে পিতা মে পরমমস্ত্রং নারায়ণং ততঃ॥ 7-196-31 (54208)
অথৈনমব্রবীদ্রাজন্ভাগবান্দেবসত্তমঃ।
ভবিতা ৎবৎসমো নান্যঃ কশ্চিদ্যুধি নরঃ ক্বচিৎ॥ 7-196-32 (54209)
ন ৎবিদং সহসা ব্রহ্মন্প্রয়োক্তব্যং কথঞ্চন।
ন হ্যেতদস্ত্রমন্যত্র বধাচ্ছত্রোর্নিবর্ততে॥ 7-196-33 (54210)
ন চৈতচ্ছক্যতে জেতুং কো ন বধ্যেত বৈ প্রভো।
অবধ্যমপি হন্যাদ্বি তস্মান্নৈতৎপ্রয়োজয়েৎ॥ 7-196-34 (54211)
অথ সঙ্খ্যে রথস্যৈব শস্ত্রাণাং চ বিসর্জনম্।
প্রয়াচনং চ শত্রূণাং গমনং শরণস্য চ॥ 7-196-35 (54212)
এতে প্রশমনে যোগা মহাস্ত্রস্য পরন্তপ।
সর্বথা পীডিতো হিংস্যাদবধ্যান্পীডয়ন্রণে॥ 7-196-36 (54213)
তজ্জগ্রাহ পিতা মহ্যমব্রবীচ্চৈব স প্রভুঃ।
ৎবং বধিষ্যসি সর্বাণি শস্ত্রবর্ষাণ্যনেকশঃ।
অনেনাস্ত্রেণ সঙ্গ্রামে তেজসা চ জ্বলিষ্যসি॥ 7-196-37 (54214)
এবমুক্ৎবা স ভগবান্দিবমাচক্রমে প্রভুঃ।
এতন্নারায়ণাদস্ত্রং তৎপ্রাপ্তং পিতৃবন্ধুনা॥ 7-196-38 (54215)
তেনাহং পাণ্ডবাংশ্চৈব পাঞ্চালান্মাৎস্যকেকয়ান্।
বিদ্রাবয়িষ্যামি রণে শচীপতিরিবাসুরান্॥ 7-196-39 (54216)
যথায়থাঽহমিচ্ছেয়ং তথা ভূৎবা শরা মম।
নিপতেয়ুঃ সপত্নেষু বিক্রমৎস্বপি ভারত॥ 7-196-40 (54217)
যথেষ্টমশ্মবর্ষেণ প্রবর্ষিষ্যে রণে স্থিতঃ।
অয়োমুখৈশ্চ বিহগৈর্দ্রাবয়িষ্যে মহারথান্॥ 7-196-41 (54218)
পরশ্বথাংশ্চ নিশিতানুৎস্রক্ষ্যেঽহমসংশয়ম্॥ 7-196-42 (54219)
সোঽহং নারায়ণাস্ত্রেণ মহতা শত্রুতাপনঃ।
শত্রূন্বিধ্বংসয়িষ্যামি কদর্থীকৃত্য পাণ্ডবান্॥ 7-196-43 (54220)
মিত্রব্রহ্মগুরুদ্রোহী জাল্মকঃ সুবিগর্হিতঃ।
পাঞ্চালাপশদশ্চাদ্য ন মে জীবন্বিমোক্ষ্যতে॥ 7-196-44 (54221)
তচ্ছ্রুৎবা দ্রোণপুত্রস্য পর্যবর্তত বাহিনী।
ততঃ সর্বে মহাশঙ্খান্দধ্মুঃ পুরুষসত্তমাঃ।
ভেরীশ্চাভ্যহনন্হৃষ্টা ডিণ্ডিভাংশ্চ সহস্রশঃ॥ 7-196-45 (54222)
তথা ননাদ বসুধা খুরনেমিপ্রপীডিতা।
স শব্দস্তুমুলঃ খং দ্যাং পৃথিবীং চ ব্যনাদয়ৎ॥ 7-196-46 (54223)
তং শব্দং পাণ্ডবাঃ শ্রুৎবা পর্জন্যনিনদোপমম্।
সমেত্য রথিনাং শ্রেষ্ঠাঃ সহিতাশ্চাপ্যমন্ত্রয়ন্॥ 7-196-47 (54224)
তথোক্ৎবা দ্রোণপুত্রস্তু বার্যুপস্পৃশ্য ভারত।
প্রাদুশ্চকার তদ্দিব্যমস্ত্রং নারায়ণং তদা॥ ॥ 7-196-48 (54225)
ইতি শ্রীমন্মহাভারতে দ্রোণপর্বণি নারায়ণাস্ত্রমোক্ষপর্বণি পঞ্চদশদিবসয়ুদ্ধে ষণ্ণবত্যধিকশততমোঽধ্যায়ঃ॥ 196 ॥
Mahabharata - Drona Parva - Chapter Footnotes
5-196-4 ধর্মধ্বজবতা দাম্ভিকেন। তৎ অনৃতবচনরূপং পাপম্। অনার্যং নীচয়োগ্যং কর্ম॥ 5-196-10 বাল্যেন চাপকেন। বিধর্মকাণি ধর্মবিরুদ্ধানি॥ 5-196-12 অনুবন্ধং ফলম্। পাণ্ডবশ্চ অনুবন্ধং দ্রষ্টেত্যনুষজ্যতে॥ 5-196-24 ময়ূখানাং ময়ূখবতাম্॥ 5-196-29 কল্যঃ প্রয়োগঃ। নিবর্তনমুপসংহারঃ॥ 5-196-30 ব্রহ্মরূপো বেদরূপঃ। বৈদিকৈর্মন্ত্রৈঃ স্তুতবানিত্যর্থঃ॥ 5-196-34 শক্যতে জ্ঞাতুং কেন বধ্যেদিতি প্রভো ইতি ঝ. পাঠঃ। তত্র কেন প্রত্যস্ত্রেণ বধ্যেৎ বধ্যেত ইতি জ্ঞাতুমিত্যর্থঃ॥ 5-196-35 রথস্যৈব বিসর্জনম্। শস্ত্রাণামপি বিসর্জনং চ। প্রয়াচনং মাবধীরিতি যাচনং। শরণস্য গমনং ৎবমেব শরণং ন ইতি কীর্তনং চ॥ 5-196-36 পীডিতঃ পীডিতং শস্ত্রান্তরেণ বাধিতম্। পুংস্ৎবমার্ষম্॥ 5-196-38 পিতৃবন্ধুনা ময়া॥ 5-196-44 জাল্মকো মূর্খ॥ 5-196-196 ষণ্ণবত্যধিকশততমোঽধ্যায়ঃ॥দ্রোণপর্ব - অধ্যায় 197
॥ শ্রীঃ ॥
7.197. অধ্যায়ঃ 197
Mahabharata - Drona Parva - Chapter Topics
কুরুসেনাহরবশ্রবণভীতেন যুধিষ্ঠিরেণ পলায়িতসেনাপ্রতিনিবর্তকপ্রশ্নে অর্জুনেন তৎকথনপূর্বকং দ্রোণবধোপেক্ষণাদাত্মোপালম্ভঃ॥ 1 ॥Mahabharata - Drona Parva - Chapter Text
7-197-0 (54226)
সঞ্জয় উবাচ। 7-197-0x (4781)
প্রাদুর্ভূতে ততস্তস্মিন্নস্ত্রে নারায়ণে প্রভো।
প্রাবাৎসপৃষতো বায়ুরনভ্রে স্তনয়িত্নুমান্॥ 7-197-1 (54227)
চচাল পৃথিবী চাপি চুক্ষুভে চ মহোদধিঃ।
প্রতিস্রোতঃ প্রবৃত্তাশ্চ গন্তুং তত্র সমুদ্রগাঃ॥ 7-197-2 (54228)
শিখরাণি ব্যশীর্যন্ত গিরীণাং তত্র ভারত।
অপসব্যং মৃগাশ্চৈব পাণ্ডুসেনাং প্রচক্রিরে॥ 7-197-3 (54229)
তমসা তাবকীর্যন্ত সূর্যশ্চ কলুষোঽভবৎ।
সম্পতন্তি চ ভূতানি ক্রব্যাদানি প্রহৃষ্টবৎ॥ 7-197-4 (54230)
দেবদানবগন্ধর্বাস্ত্রস্তাস্ৎবাসন্বিশাম্পতে।
কথঙ্খথাঽভবত্তীব্রা দৃষ্ট্বা তদ্ব্যাকুলং মহৎ॥ 7-197-5 (54231)
ব্যথিতাঃ সর্বরাজানস্ত্রস্তাশ্চাসন্বিশাম্পতে।
তদ্দৃষ্ট্বা ঘোররূপং বৈ দ্রৌণেরস্ত্রং ভয়াবহম্॥ 7-197-6 (54232)
ধৃতরাষ্ট্র উবাচ। 7-197-7x (4782)
নিবর্তিতেষু সৈন্যেষু দ্রোণপুত্রেণ সংয়ুগে।
ভৃশং শোকাভিতপ্তেন পিতুর্বধমমৃষ্যতা॥ 7-197-7 (54233)
কুরূনাপততো দৃষ্ট্বা ধৃষ্টদ্মুম্নস্য রক্ষণে।
কো মন্ত্রঃ পাণ্ডবেষ্বাসীত্তন্মমাচক্ষ্ব সঞ্জয়॥ 7-197-8 (54234)
সঞ্জয় উবাচ। 7-197-9x (4783)
প্রাগেব বিদ্রুতান্দৃষ্ট্বা ধার্তরাষ্ট্রান্যুধিষ্ঠিরঃ।
পুনশ্চ তুমুলং শব্দং শ্রুৎবাঽর্জুনমথাব্রবীৎ॥ 7-197-9 (54235)
যুধিষ্ঠির উবাচ। 7-197-10x (4784)
আচার্যে নিহতে দ্রোণে ধৃষ্টদ্যুম্নেন সংয়ুগে।
নিহতে বজ্রহস্তেন যথা বৃত্রে মহাসুরে॥ 7-197-10 (54236)
নাশংসন্তো জয়ং যুদ্ধে দীনাত্মানো ধনঞ্জয়।
আত্মত্রাণে মতিং কৃৎবা প্রাদ্রবন্কুরবো রণাৎ॥ 7-197-11 (54237)
কেচিদ্বান্তৈ রথৈস্তূর্ণং নিহতৈঃ পাষ্ণিয়ন্তৃভিঃ।
বিপতাকধ্বজচ্ছত্রৈঃ পার্থিবাঃ শীর্ণকূবরৈঃ॥ 7-197-12 (54238)
ভগ্ননীডৈরাকুলাশ্বৈঃ প্রারুহ্যান্যান্বিচেতসঃ।
ভীতাঃ পাদৈর্হয়ান্কেচিত্ৎবরয়ন্তঃ স্বয়ং রথান্॥ 7-197-13 (54239)
ভগ্নাক্ষয়ুগচক্রৈশ্চ ব্যাকৃষ্যন্ত সমন্ততঃ।
রথান্বিশীর্ণানুৎসৃজ্য পদ্ভিঃ কেচিচ্চ বিদ্রুতাঃ॥ 7-197-14 (54240)
হয়পৃষ্ঠগতাশ্চান্যে কৃষ্যন্তেঽর্ধচ্যুতাসনাঃ।
গজস্কন্ধেষু সংস্যূতা নারাচৈশ্চলিতাসনাঃ॥ 7-197-15 (54241)
শরার্তৈর্বিদ্রুতৈর্নাগৈর্হৃতাঃ কেচিদ্দিশো দশ।
বিশস্ত্রকবচনাশ্চান্যে বাহনেভ্যঃ ক্ষিতিং গতাঃ॥ 7-197-16 (54242)
সঞ্ছিন্না নেমিভিশ্চৈব মৃদিতাশ্চ হয়দ্বিপৈঃ।
ক্রোশন্তস্তাত পুত্রেতি পলায়ন্তে পরে ভয়াৎ॥ 7-197-17 (54243)
নাভিজানন্তি চান্যোন্যং কশ্মলাভিহতৌজসঃ।
পুত্রান্পিতৄন্সখীন্ভ্রাতৄন্সমারোপ্য দৃঢক্ষতান্॥ 7-197-18 (54244)
জলেন ক্লেদয়ন্ত্যন্যে বিমুচ্য কবচনান্যপি।
`পলায়নপরাশ্চান্যে যোধাঃ শতসহস্রশঃ'॥ 7-197-19 (54245)
অবস্থাং তাদৃশীং প্রাপ্য হতে দ্রোণে দ্রুতং বলম্।
পুনরাবর্তিতং কেন যদি জানাসি শংস মে॥ 7-197-20 (54246)
হয়ানাং হেষতাং শব্দঃ কুঞ্জরাণাং চ বৃংহতাম্।
রথনেমিস্বনৈশ্চাত্র বিমিশ্রঃ শ্রূয়তে মহান্॥ 7-197-21 (54247)
এতে শব্দা ভৃশং তীব্রাঃ প্রবৃত্তাঃ কুরুসাগরে।
মুমুর্মুহুরুদীর্যন্তে কম্পয়ন্ত্যপি মামকান্॥ 7-197-22 (54248)
য এষ তুমুলঃ শব্দঃ শ্রূয়তে রোমহর্ষণঃ।
সেন্দ্রানপ্যেষ লোকাংস্ত্রীন্গ্রসেদিতি মতির্মম॥ 7-197-23 (54249)
মন্যে বজ্রধরস্যৈষ নিনাদো ভৈরবস্বনঃ।
দ্রোণে হতে কৌরবার্যং ব্যক্তমভ্যেতি বাসবঃ॥ 7-197-24 (54250)
প্রহৃষ্টরোমকূপাঃ স্মঃ সংবিগ্নরথকুঞ্জরাঃ।
ধনঞ্জয় গুরুং শ্রুৎবা তত্র নাদং সুভীষণম্॥ 7-197-25 (54251)
ক এষ কৌরবান্দীর্ণানবস্থাপ্য মহারথঃ।
নিবর্তয়তি যুদ্ধার্থং মৃধে দেবেশ্বরো যথা॥ 7-197-26 (54252)
অর্জুন উবাচ। 7-197-27x (4785)
উদ্যম্যাত্মানমুগ্রায় কর্মণে বীর্যমাস্থিতাঃ।
ধমন্তি কৌরবাঃ শঙ্খান্যস্য বীর্যং সমাশ্রিতাঃ॥ 7-197-27 (54253)
যত্র তে সংশয়ো রাজন্ন্যস্তশস্ত্রে গুরৌ হতে।
ধার্তরাষ্ট্রানবস্থাপ্য ক এষ নদতীতি হি॥ 7-197-28 (54254)
হীমন্তং তং মহাবাহুং মত্তদ্বিরদগামিনম্।
`ইন্দ্রবিষ্মুসমং বীর্যে কোপেঽন্তকমিব স্থিতম্॥ 7-197-29 (54255)
বৃহস্পতিসমং বুদ্ধ্যা নীতিমন্তং মহারথম্'।
আখ্যাস্যাম্যুগ্রকর্মাণং কুরূণামভয়ঙ্করম্॥ 7-197-30 (54256)
যস্মিঞ্জাতে দদৌ দ্রোণো গবাং দশশতং ধনম্।
ব্রাহ্মণেভ্যো মহার্হেভ্যঃ সোঽশ্বত্থামৈষ গর্জতি॥ 7-197-31 (54257)
জাতমাত্রেণ বীরেণ যেনোচ্চৈঃ শ্রবসা যথা।
হেষতা কম্পিতা ভূমির্লোকাশ্চ সকলাস্ত্রয়ঃ॥ 7-197-32 (54258)
তচ্ছ্রুৎবান্তর্হিতং ভূতং নাম তস্যাকরোত্তদা।
অশ্বত্থামেতি সোঽদ্যৈষ শূরো নদতি পাণ্ডব॥ 7-197-33 (54259)
যো হ্যনাথ ইবাক্রম্য পার্ষতেন হতস্তথা।
কর্মণা সুনৃশংসেন তস্য নাথো ব্যবস্থিতঃ॥ 7-197-34 (54260)
গুরুং মে যত্র পাঞ্চাল্যঃ কেশপক্ষে পরামৃশৎ।
তন্ন জাতুং ক্ষমেদ্দ্রৌণির্জানন্পৌরুষমাত্মনঃ॥
`স হি তেনৈব নঃ সর্বান্ক্ষপয়েদিতি মে মতিঃ'॥ 7-197-35 (54261)
উপচীর্ণো গুরুর্মিথ্যা ভবতা রাজ্যকারণাৎ।
ধর্মজ্ঞেন সতা নাম সোঽধর্মঃ সুমহান্কৃতঃ॥ 7-197-36 (54262)
চিরং স্থাস্যতি চাকীর্তিস্ত্রৈলোক্যে সচরাচরে।
রামে বালিবধাদ্যদ্বদেবং দ্রোণে নিপাতিতে॥ 7-197-37 (54263)
সর্বধর্মোপপন্নোঽয়ং স মে শিষ্যশ্চ পাণ্ডবঃ।
নায়ং বক্ষ্যতি মিথ্যেতি প্রত্যযং কৃতবাংস্ৎবয়ি॥ 7-197-38 (54264)
স সত্যকঞ্চুকং নাম প্রবিষ্টেন ততোঽনৃতম্।
আচার্য উক্তো ভবতা হতঃ কুঞ্জর ইত্যুত॥ 7-197-39 (54265)
ততঃ শস্ত্রং সমুৎসৃজ্য নির্মমো গতচেতনঃ।
আসীৎসুবিহ্বলো রাজন্যথা দৃষ্টস্ৎবয়া বিভুঃ॥ 7-197-40 (54266)
স তু শোকসমাবিষ্টো বিমুখঃ পুত্রবৎসলঃ।
শাশ্বতং ধর্মমুৎসৃজ্য গুরুঃ শিষ্যেণ ঘাতিতঃ॥ 7-197-41 (54267)
ন্যস্তশস্ত্রমধর্মেণ ঘাতয়িৎবা গুরুং ভবান্।
রক্ষৎবিদানীং সামাত্যো যদি শক্তোসি পার্ষতম্॥ 7-197-42 (54268)
গ্রস্তমাচার্য পুত্রেণ ক্রুদ্ধেন হতবন্ধুনা।
সর্বে বয়ং পরিত্রাতুং ন শক্ষ্যামোঽদ্য পার্ষতম্॥ 7-197-43 (54269)
সৌহার্দং সর্বভূতেষু যঃ করোত্যতিমানুষঃ।
সোঽদ্য কেশগ্রহং শ্রুৎবা পিতুর্ধক্ষ্যতি নো রণে॥ 7-197-44 (54270)
বিক্রোশমানে হি ময়ি ভৃশমাচার্যগৃদ্বিনি।
অপাকীর্য স্বয়ং ধর্মং শিপ্যেণ নিহতো গুরুঃ॥ 7-197-45 (54271)
যদা গতং বয়ো ভূয়ঃ শিষ্টমল্পতরং চ নঃ।
তস্যেদানীং বিরোধোঽয়মধর্মোঽয়ং কৃতো মহান্॥ 7-197-46 (54272)
পিতেব নিত্যং সৌহার্দাৎপিতেব হি চ ধর্মতঃ।
সোঽল্পকালস্য রাজ্যস্য কারমাদ্বাতিতো গুরুঃ॥ 7-197-47 (54273)
ধৃতরাষ্ট্রেণ ভীষ্মায় দ্রোণায় চ বিশাম্পতে।
বিসৃষ্টা পৃথিবী সর্বা সহ পুত্রৈশ্চ তৎপরৈঃ॥ 7-197-48 (54274)
সম্প্রাপ্য তাদৃশীং বৃত্তিং সৎকৃতঃ সততং পরৈঃ।
অব্রবীৎসততং পুত্রান্মামেবাভ্যধিকং গুরুঃ॥ 7-197-49 (54275)
অবেক্ষমাণস্ৎবাং মাং চ ন্যস্তাস্ত্রশ্চাহবে হতঃ।
ন ৎবেনং যুধ্যমানং বৈ হন্যাদপি শতক্রতুঃ॥ 7-197-50 (54276)
তস্যাচার্যস্য বৃদ্ধস্য দ্রোহো নিত্যোপকারিণঃ।
কৃতো হ্যনার্যৈরস্মাভীর রাজ্যার্থে লুব্ধবুদ্ধিভিঃ॥ 7-197-51 (54277)
অহো বত মহৎপাপং কৃতং কর্ম সুদারুণম্।
যদ্রাজ্যসুখলোভেন দ্রোণোঽয়ং সাধুঘাতিতঃ॥ 7-197-52 (54278)
পুত্রান্ভ্রাতৄন্পিতৄন্দারাঞ্জীবিতং চৈব বাসবিঃ।
ত্যজেৎসর্বং মম প্রেম্ণা জানাত্যেবং হি মে গুরুঃ॥ 7-197-53 (54279)
স ময়া রাজ্যকামেন হন্যমানো হ্যুপেক্ষিতঃ।
তস্মাদর্বাক্শিরা রাজন্প্রাপ্তোঽস্মি নরকং প্রভো॥ 7-197-54 (54280)
ব্রাহ্মণং বৃদ্ধমাচার্যং ন্যস্তশস্ত্রং মহামুনিম্।
ঘাতয়িৎবাঽদ্য রাজ্যার্থে মৃতং শ্রেয়ো ন জীবিতম্॥ ॥ 7-197-55 (54281)
ইতি শ্রীমন্মহাভারতে দ্রোণপর্বণি নারায়ণাস্ত্রমোক্ষপর্বণি পঞ্চদশদিবসয়ুদ্ধে সপ্তনবত্যধিকশততমোঽধ্যায়ঃ॥ 197 ॥
Mahabharata - Drona Parva - Chapter Footnotes
5-197-1 সপৃষতঃ সজলবিন্দুঃ। অনভ্রে অপ্রাবৃষিকালে॥ 5-197-5 কথঙ্কথা কথং কর্তব্যং কথং কর্তব্যমিত্যেবংশব্দঃ॥ 5-197-8 রক্ষণে মন্ত্রঃ ক আসীদিতি সম্বন্ধঃ॥ 5-197-30 ব্যাঘ্রাস্যমুগ্রকর্মাণমিতি ঝ.পাঠঃ॥ 5-197-31 যস্মিন্নিতি দশশতামেত্যনেন সর্বগোধনং দদাবিতি জ্ঞেয়ম্। অন্যথা একধেন্বর্থং দ্রুপদং প্রতি দ্রোণগমনস্যাসম্ভবঃ। যদ্বা ভাবিনীং সম্পদমভিলক্ষ্যৈতদ্দানং দ্রষ্টব্যম্। পুত্রোৎপত্তিকালে তস্য নির্ধনৎবোক্তেঃ॥ 5-197-39 সত্যকঞ্জুকং সত্যাভাসমনৃতম্॥ 5-197-53 বাসবিরর্জুনঃ॥ 5-197-197 সপ্তনবত্যধিকশততমোঽধ্যায়ঃ॥দ্রোণপর্ব - অধ্যায় 198
॥ শ্রীঃ ॥
7.198. অধ্যায়ঃ 198
Mahabharata - Drona Parva - Chapter Topics
সাধিক্ষেপমশ্বত্থামতো যুধিষ্ঠিরং ভীষয়ন্তং পার্থংপ্রতি ভীমেন সামর্ষমাত্মবলবর্ণনাদিপূর্বকং স্বেনাশ্বত্থামাদিবিজয়প্রতিজ্ঞানম্॥ 1 ॥ ধৃষ্টদ্যুম্নেনাপ্যর্জুনং প্রতি সক্রোধং ক্ষাত্রধর্মাদিকথনপূর্বকং স্বকৃতদ্গ্রোণবধস্য ধার্মিকৎবকথনম্॥ 2 ॥Mahabharata - Drona Parva - Chapter Text
7-198-0 (54282)
সঞ্জয় উবাচ। 7-198-0x (4786)
অর্জুনস্য বচঃ শ্রুৎবা নোচুস্তত্র মহারথাঃ।
অপ্রিয়ং বা প্রিয়ং বাঽপি মহারাজ ধনঞ্জয়ম্॥ 7-198-1 (54283)
ততঃ ক্রুদ্ধো মহাবাহুর্ভীমসেনোঽভ্যভাষত।
কুৎসয়ন্নিব কৌন্তেয়মর্জুনং ভরতর্ষভ॥ 7-198-2 (54284)
মুনির্যথাঽরণ্যগতো ভাষতে ধর্মসংহিতম্।
ন্যস্তদণ্ডো যথা পার্থং ব্রাহ্মণঃ সংশিতব্রতঃ॥ 7-198-3 (54285)
ক্ষতত্রাতা ক্ষতাজ্জীবন্ক্ষন্তা স্ত্রীষ্বপি সাধুষু।
ক্ষত্রিয়ঃ ক্ষিতিমাপ্নোতি ক্ষিপ্রং ধর্মং যশঃ শ্রিয়ঃ॥ 7-198-4 (54286)
স ভবান্ক্ষত্রিয়গুণৈর্যুক্তঃ সর্বৈঃ কুলোদ্বহঃ।
অবিপশ্চিদ্যথা বাচং ব্যাহরন্নাদ্য শোভসে॥ 7-198-5 (54287)
পরাক্রমস্তে কৌন্তেয় শক্রস্যেব শচীপতেঃ।
ন চাতিবর্তসে ধর্মং বেলামিব মহোদধিঃ॥ 7-198-6 (54288)
ন পূজয়েত্ৎবাং কোন্বদ্য যত্ত্রয়োদশবার্ষিকম্।
অমর্ষং পৃষ্ঠতঃ কৃৎবা ধর্মমেবাভিকাঙ্ক্ষসে॥ 7-198-7 (54289)
দিষ্ট্যা তাত মনস্তেঽদ্য স্বধর্মমনুবর্ততে।
আনৃশংস্যে চ তে দিষ্ট্যা বুদ্ধিঃ সততমচ্যুত॥ 7-198-8 (54290)
যত্তু ধর্মপ্রবৃত্তস্য হৃতং রাজ্যমধর্মতঃ।
দ্রৌপদী চ পরামৃষ্টা সভামানীয় শত্রুভিঃ॥ 7-198-9 (54291)
বনং প্রব্রাজিতাশ্চাস্ম বল্কলাজিনবাসসঃ।
অনর্হমাণাস্তং ভাবং ত্রয়োদশ সমাঃ পরৈঃ॥ 7-198-10 (54292)
`বহূনি ক্ষাম্য শত্রূণাং সত্যধর্মরতা বয়ম্।
তথা তন্মর্ষয়িৎবা তু যথা তে উৎপথে স্থিতাঃ'॥ 7-198-11 (54293)
এতান্যমর্ষস্থানানি মর্ষিতানি ৎবয়াঽঘন।
ক্ষত্রধর্মপ্রসক্তেন সর্বমেতদনুষ্ঠিতম্॥ 7-198-12 (54294)
তমধর্মমপাকৃষ্টং স্মৃৎবাঽদ্য সহিতস্ৎবয়া।
সানুবন্ধান্হনিষ্যামি ক্ষুদ্রান্রাজ্যহরানহম্॥ 7-198-13 (54295)
ৎবয়া হি কথিতং পূর্বং যুদ্ধায়াভ্যাগতা বয়ম্।
ঘটামহে যথাশক্তি ৎবং তু নোঽদ্য জুগুপ্সসে॥ 7-198-14 (54296)
স্বধর্মং নেচ্ছসে জ্ঞাতুং বৃথা বচনমেব তে।
ভয়ার্দিতানামস্মাকং বাচা মর্মাণি কৃন্তসি॥ 7-198-15 (54297)
বপন্ব্রণে ক্ষারমিব ক্ষতানাং শত্রুকর্শন।
বিদীর্যতে মে হৃদয়ং ৎবয়া বাক্শল্যপীডিতম্॥ 7-198-16 (54298)
অধর্মমেন বিপুলং ধার্মিকঃ সন্ন বুধ্যসে।
যত্ৎবমাত্মানমস্মাংশ্চ প্রশংস্যান্ন প্রশংসসি॥ 7-198-17 (54299)
বাসুদেবে স্থিতে চাপি দ্রোণপুত্রং প্রশংসসি।
যঃ কলাং ষোডশীং পূর্ণাং ধনঞ্জয় ন তেঽর্হতি॥ 7-198-18 (54300)
স্বয়মেবাত্মনো দোষান্ব্রুবাণঃ কিং ন লজ্জসে॥ 7-198-19 (54301)
`মম নাগায়ুতং পার্থ বলং বাহ্বোর্বিধীয়তে'।
দারয়েয়ং মহীং ক্রোধাদ্বিকিরেয়ং চ পর্বতান্॥ 7-198-20 (54302)
আবিধ্যৈতাং গদাং গুর্বী ভীমাং কাঞ্চনমালিনীম্।
গিরিপ্রকাশান্ক্ষিতিজান্ভঞ্জেয়মনিলো যথা॥ 7-198-21 (54303)
দ্রাবয়েয়ং শরৈশ্চাপি সেন্দ্রান্দেবান্সমাগতান্।
সরাক্ষসগণান্পার্থ সাসুরোরগমানবান্॥ 7-198-22 (54304)
স ৎবমেবংবিধং জানন্ভ্রাতরং মাং নরর্ষভ।
দ্রোণপুত্রাদ্ভয়ং কর্তুং নার্হস্যমিতবিক্রম॥ 7-198-23 (54305)
অথবা তিষ্ঠ বীভৎসো সহ সর্বৈঃ সহোদরৈঃ।
অহমেনং গদাপাণির্জেষ্যাম্যেকো মহাহবে॥ 7-198-24 (54306)
ততঃ পাঞ্চালরাজস্য পুত্রঃ পার্থমথাব্রবীৎ।
সঙ্ক্রুদ্ধমিব নর্দন্তং হিরণ্যকশিপুর্হরিম্॥ 7-198-25 (54307)
ধৃষ্টদ্যুম্ন উবাচ। 7-198-26x (4787)
বীভৎসো বিপ্রকর্মাণি বিহিতানি মনীষিভিঃ।
যাজনাধ্যাপনে দানং যথা যজ্ঞপ্রতিগ্রহৌ॥ 7-198-26 (54308)
ষষ্ঠমধ্যযনং নাম তেষাং কস্মিন্প্রতিষ্ঠিতঃ।
হতো দ্রোণো ময়া হ্যেবং কিং মাং পার্থ বিগর্হসে॥ 7-198-27 (54309)
অপক্রান্তঃ স্বধর্মাচ্চ ক্ষাত্রধর্মং ব্যপাশ্রিতঃ।
অধর্মেণ হতস্তস্মাদস্ত্রেণ ক্ষুদ্রকর্মকৃৎ॥ 7-198-28 (54310)
তথা মায়াং প্রয়ুঞ্জানমসহ্যং ব্রাহ্মণব্রুবম্।
প্রতিমায়ী নিহন্যাদ্যো ন যুক্তং পার্থ তত্র কিম্॥ 7-198-29 (54311)
তস্মিংস্তথা ময়া শস্তে যদি দ্রৌণায়নী রুষা।
কুরুতে ভৈরবং নাদং তত্র কিং মম হীয়তে॥ 7-198-30 (54312)
ন চাদ্ভুতমিদং মন্যে যদ্দ্রৌণিশ্চাত্র গর্জতি।
ঘাতয়িষ্যতি কৌরব্যান্পরিত্রাতুমশক্নুবন্॥ 7-198-31 (54313)
যচ্চ মাং ধার্মিকো ভূৎবা ব্রবীষি গুরুঘাতিনম্।
তদর্থমহমুৎপন্নঃ পাঞ্চাল্যস্য সুতোঽনলাৎ॥ 7-198-32 (54314)
যস্য কার্যমকার্যং বা যুধ্যতঃ স্যাৎসমং রণে।
তং কথং ব্রাহ্মণং ব্রূয়াঃ ক্ষত্রিয়ং বা ধনঞ্জয়॥ 7-198-33 (54315)
যো হ্যনস্ত্রবিদো হন্যাদ্ব্রহ্মাস্ত্রৈঃ ক্রোধমূর্চ্ছিতঃ।
সর্বোপায়ৈর্ন স কথং বধ্যঃ পুরুষসত্তম॥ 7-198-34 (54316)
বিশেষাৎপিতৃহন্তা মে ন স বধ্যঃ কথং ময়া।
যোঽয়ং পাপঃ সুদুর্মেধা বান্ধবান্যুধি জঘ্নিবান্।
তস্য বিপ্রব্রুববধে কথং পাপং ভবেন্মম'॥ 7-198-35 (54317)
বিধর্মিণং ধর্মবিদ্ভিঃ প্রোক্তং তেষাং বিষোপমম্।
জানন্ধর্মার্থতত্ৎবজ্ঞ কিং মামর্জুন গর্হসে॥ 7-198-36 (54318)
নৃশংসঃ স ময়াঽঽক্রম্য রথ এব নিপাতিতঃ।
তন্মামনিন্দ্যং বীভৎসো কিমর্থং নাভিনন্দসে॥ 7-198-37 (54319)
কালানলসমং পার্থ জ্বলার্কবিষোপমম্।
ভীমং দ্রোণশিরশ্ছিন্নং ন প্রশংসসি মে কথম্॥ 7-198-38 (54320)
যোঽসৌ মমৈব নান্যস্য বান্ধবান্যুধি জঘ্নিবান্।
ছিত্ৎবাঽপি তস্য মূর্ধানং নৈবাস্মি বিগতজ্বরেঃ॥ 7-198-39 (54321)
তচ্চ মে কৃন্ততে মর্ম যন্ন তস্য শিরো ময়া।
নিষাদবিষয়ে ক্ষিপ্তং জয়দ্রথশিরো যথা॥ 7-198-40 (54322)
অথাবধশ্চ শত্রূণামধর্মঃ শ্রূয়তেঽর্জুন।
ক্ষত্রিয়স্য হি ধর্মোঽয়ং হন্যাদ্ধন্যেত বা পুনঃ॥ 7-198-41 (54323)
স শত্রুর্নিহতঃ সঙ্খ্যে ময়া ধর্মেণ পাণ্ডব।
যথা ৎবয়া হতঃ শূরো ভগদত্তঃ পিতুঃ সখা॥ 7-198-42 (54324)
পিতামহং রণে হৎবা মন্যসে ধর্মমাত্মনঃ।
ময়া শত্রৌ হতে কস্মাৎপাপে ধর্মং ন মন্যসে॥ 7-198-43 (54325)
সম্বন্ধাবনতং পার্থ ন মাং ৎবং বক্তুমর্হসি।
স্বগাত্রকৃতসোপানং নিষণ্ণমিব দন্তিনম্॥ 7-198-44 (54326)
ক্ষমামি তে সর্বমেব বাগ্ব্যতিক্রমমর্জুন।
দ্রৌপদ্যা দ্রৌপদেয়ানাং কৃতে নান্যেন হেতুনা॥ 7-198-45 (54327)
কুলক্রমাগতং বৈরং মমাচার্যেণ বিশ্রুতম্।
তথা জানাত্যযং লোকো ন যূয়ং পাণ্ডুনন্দনাঃ॥ 7-198-46 (54328)
নানৃতী পাণ্ডবো জ্যেষ্ঠো নাহং বাঽধার্মিকোঽর্জুন।
`ন ক্ষত্রিয় ইতি প্রাহুর্যো ন হন্তি রণাজিরে॥ 7-198-47 (54329)
পিতরং বা গুরুং বাঽপি জিঘাংসু পুত্রশিষ্যযোঃ।
জিহ্মেন বাঽপ্যজিহ্মেন হন্যাদেবাবিচারয়ন্॥ 7-198-48 (54330)
ইত্যুক্তং ব্রহ্মণা পূর্বং ক্ষত্রিয়াণাং দ্বিষদ্বধে।
তস্মাচ্ছিষ্যেণ নিহতঃ শত্রুর্মে ব্রাহ্মণব্রুবঃ॥ 7-198-49 (54331)
যঃ ক্ষত্রিয়সুতো হন্যাৎপিতরং বা গুরুং চ বা।
অনিষ্টং ক্ষত্রিয়ো হন্যাৎস বৈ ক্ষত্রিয় উচ্যতে'।
শিষ্যদ্রোহী হতঃ পাপো যুধ্যস্ব বিজয়স্তব॥ ॥ 7-198-50 (54332)
ইতি শ্রীমন্মহাভারতে দ্রোণপর্বণি নারায়ণাস্ত্রমোক্ষপর্বণি অষ্টনবত্যধিকশততমোঽধ্যায়ঃ॥ 198 ॥
Mahabharata - Drona Parva - Chapter Footnotes
5-198-25 হিরণ্যকশিপুং হরিরিতি ক.খ.পাঠঃ॥ 5-198-198 অষ্টনবত্যধিকশততমোঽধ্যায়ঃ॥দ্রোণপর্ব - অধ্যায় 199
॥ শ্রীঃ ॥
7.199. অধ্যায়ঃ 199
Mahabharata - Drona Parva - Chapter Topics
সাত্যকিনিষ্ঠুরভাষণরুষ্টেন ধৃষ্টদ্যুম্নেন সমর্মোদ্ধাটনং তদ্গর্হণম্॥ 1 ॥ ধৃষ্টদ্যুম্নজিঘাংসয়া গদামুদ্যম্যাপততঃ সাত্যকেঃ কৃষ্ণচোদিতেন ভীমেন নিবারণম্॥ 2 ॥ সর্বেষাং পুনর্যুদ্ধোদ্যমঃ॥ 3 ॥Mahabharata - Drona Parva - Chapter Text
7-199-0 (54333)
ধৃতরাষ্ট্র উবাচ। 7-199-0x (4788)
সাঙ্গা বেদা যথান্যায়ং যেনাধীতা মহাত্মনা।
যস্মিন্সাক্ষাদ্ধনুর্বেদো হীনিষেবে প্রতিষ্ঠিতঃ॥ 7-199-1 (54334)
যস্য প্রসাদাৎকুর্বন্তি কর্মাণি পুরুষর্ষভাঃ।
অমানুষাণি সঙ্গ্রামে দেবৈরসুকরাণি চ॥ 7-199-2 (54335)
তস্মিন্নাক্রুশ্যতি দ্রোণে সমক্ষং পাপকর্মণা।
নীচং কর্ম কৃতং তেন ক্ষুদ্রেণ গুরুঘাতিনা॥ 7-199-3 (54336)
নামর্ষং তত্র কুর্বন্তি ধিক্ক্ষাত্রং ধিগমর্ষিতাম্॥ 7-199-4 (54337)
পার্থাঃ সর্বে চ রাজানঃ পৃথিব্যাং যে ধনুর্ধরাঃ।
শ্রুৎবা কিমাহুঃ পাঞ্চাল্যং তন্মমাচক্ষ্ব সঞ্জয়॥ 7-199-5 (54338)
সঞ্জয় উবাচ। 7-199-6x (4789)
শ্রুৎবা দ্রুপদপুত্রস্য তা বাচঃ ক্রূরকর্মণঃ।
তূষ্ণীং বভূবূ রাজানঃ সর্ব এব বিশাম্পতে॥ 7-199-6 (54339)
অর্জুনস্তু কটাক্ষেণ জিহ্মং বিপ্রেক্ষ্য পার্ষতম্।
সবাষ্পমতিনিঃশ্বস্য ধিগ্ধিগিত্যেব চাব্রবীৎ॥ 7-199-7 (54340)
যুধিষ্ঠিরশ্চ ভীমশ্চ যমৌ কৃষ্ণস্তথাঽপরে।
আসন্সুব্রীডিতা রাজন্সাত্যকিস্ৎবব্রবীদিদম্॥ 7-199-8 (54341)
নেহাস্তি পুরুষঃ কশ্চিদ্য ইমং পাপপূরুষম্।
ভাষমাণমকল্যাণং শীঘ্রং হন্যান্নরাধমম্॥ 7-199-9 (54342)
এতে ৎবাং পাণ্ডবাঃ সর্বে কুৎসয়ন্তি বিবিৎসয়া।
কর্মণা তেন পাপেন শ্বপাকং ব্রাহ্মণা ইব॥ 7-199-10 (54343)
এতৎকৃৎবা মহৎপাপং নিন্দিতঃ সর্বসাধুভিঃ।
ন লজ্জসে কথং বক্তুং সমিতিং প্রাপ্য শোভনাম্॥ 7-199-11 (54344)
কথং চ শতধা জিহ্বা ন তে মূর্ধা চ দীর্যতে।
গুরুমাক্রোশতঃ ক্ষুদ্র ন চাধর্মেণ পাত্যসে॥ 7-199-12 (54345)
বাচ্যস্ৎবমসি পার্থৈশ্চ সর্বৈশ্চান্ধকবৃষ্ণিভিঃ।
যৎকর্ম কলুষং কৃৎবা শ্লাঘসে জনসংসদি॥ 7-199-13 (54346)
অকার্যং তাদৃশং কৃৎবা পুনরেব গুরুং ক্ষিপন্।
বধ্যস্ৎবং ন ৎবয়ার্থোঽস্তি মুহূর্তমপি জীবতা॥ 7-199-14 (54347)
কস্ৎবেতদ্ব্যবসেৎপায়ং ৎবদন্যঃ পুরুষাধম।
নিগৃহ্য কেশেষু বধং গুরোর্ধর্মাত্মনঃ সতঃ॥ 7-199-15 (54348)
সপ্তাবরে তথা পূর্বে বান্ধবাস্তে নিমঞ্জিতাঃ।
যশসা চ পরিত্যক্তাস্ৎবাং প্রাপ্য কুলপাংসনম্॥ 7-199-16 (54349)
উক্তবাংশ্চাপি যৎপার্থে ভীষ্মং প্রতি নরর্ষভ।
তথান্তো বিহিতস্তেন স্বয়মেব মহাত্মনা॥ 7-199-17 (54350)
তস্যাপি তব সোদর্যো নিহন্তা পাপকৃত্তমঃ।
নান্যঃ পাঞ্চালপুত্রেভ্যো বিদ্যতে ভুবি পাপকৃৎ॥ 7-199-18 (54351)
স চাপি সৃষ্টঃ পিত্রা তে ভীষ্মস্যান্তকরঃ কিল।
শিখণ্ডী রক্ষিতস্তেন স চ মৃত্যুর্মহাত্মনঃ॥ 7-199-19 (54352)
পাঞ্চালাশ্চলিতা ধর্মাৎক্ষুদ্রা মিত্রগুরুদ্রুহঃ।
ৎবাং প্রাপ্য সহসোদর্যং ধিক্কৃতং সর্বসাধুভিঃ॥ 7-199-20 (54353)
পুনশ্চেদীদৃশীং বাচং মৎসমীপে বদিষ্যসি।
শিরস্তে পোথয়িষ্যামি গদয়া বজ্রকল্পয়া॥ 7-199-21 (54354)
ৎবাং চ ব্রহ্মহণং দৃষ্ট্বা জনঃ সূর্যমবেক্ষতে।
ব্রহ্মহত্যা হি তে পাপং প্রায়শ্চিত্তার্থমাত্মনঃ॥ 7-199-22 (54355)
পাঞ্চালক সুদুর্বৃত্ত মমৈব গুরুমগ্রতঃ।
গুরোর্গুরুং চ ভূয়োঽপি ক্ষিপন্নৈব হি লজ্জসে॥ 7-199-23 (54356)
তিষ্ঠতিষ্ঠ সহস্বৈকং গদাপাতমিমং মম।
তব চাপি সহিষ্যেঽহং গদাপাতাননেকশঃ॥ 7-199-24 (54357)
সাৎবতেনৈবমাক্ষিপ্তঃ পার্ষতঃ পরুষাক্ষরম্।
সংরব্ধং সাত্যকিং প্রাহ সঙ্ক্রুদ্ধঃ প্রহসন্নিব॥ 7-199-25 (54358)
ধৃষ্টদ্যুম্ন উবাচ। 7-199-26x (4790)
শ্রূয়তেশ্রূয়তে চেতি ক্ষম্যতে চেতি মাধব।
সদাঽনার্যোঽশুভঃ সাধুং পুরুষং ক্ষেপ্তুমিচ্ছতি॥ 7-199-26 (54359)
ক্ষমা প্রশস্যতে লোকে ন তু পাপোঽর্হতি ক্ষমাম্।
ক্ষমাবন্তং হি পাপাত্মা জিতোঽয়মিতি মন্যতে॥ 7-199-27 (54360)
স ৎবং ক্ষুদ্রসমাচারো নীচাত্মা পাপনিশ্চয়ঃ।
আকেশাগ্রান্নখাগ্রাচ্চ বক্তব্যো বক্তুমিচ্ছসি॥ 7-199-28 (54361)
`বরং হি তে মৃতিঃ পাপ ন চ তে চিত্তমীদৃশম্।
শ্রোতুং বক্তব্যতামূলং নীচাচারাশ্চ মানবাঃ।
পরান্ক্ষিপন্তি দোষেণ স্বেষু দোষেষ্বদৃষ্টয়ঃ'॥ 7-199-29 (54362)
যঃ স ভূরিশ্রবাশ্ছিন্নভুজঃ প্রায়গতস্ৎবয়া।
বার্যমাণেন হি হতস্ততঃ পাপতরং নু কিম্॥ 7-199-30 (54363)
প্রেষমাণো ময়া দ্রোণো দিব্যেনাস্ত্রেণ সংয়ুগে।
বিসৃষ্টশস্ত্রো নিহতঃ কিং তত্র কুর দুষ্কৃতম্॥ 7-199-31 (54364)
অয়ুধ্যমানং যস্ৎবাজৌ তথা প্রায়গতং মুনিম্।
ছিন্নবাহুং পরৈর্হন্যাৎসাত্যকে স কথং বদেৎ॥ 7-199-32 (54365)
নিহত্য ৎবাং পদা ভূমৌ স বিকর্ষতি বীর্যবান্।
কিং তদা ন নিহংস্যেনং ভূৎবা পুরুষসত্তমঃ॥ 7-199-33 (54366)
ৎবয়া পুনরনার্যেণ পূর্বং পার্থেন নির্জিতঃ।
যদা তদা হতঃ শূরঃ সৌমদত্তিঃ প্রতাপবান্॥ 7-199-34 (54367)
যত্রয়ত্র তু পাণ্ডূনাং দ্রোণো দ্রাবয়তে চমূম্।
কিরঞ্ছরসহস্রাণি তত্রতত্র প্রয়াম্যহম্॥ 7-199-35 (54368)
স ৎবমেবংবিধং কৃৎবা কর্ম চণ্ডালবৎস্বয়ম্।
বক্তুমর্হসি বক্তব্যঃ কস্মাত্ৎবং পরুষাণ্যথ॥ 7-199-36 (54369)
কর্তা ৎবং কর্মণো হ্যস্য নাহং বৃষ্ণিকুলাধম।
পাপানাং চ ৎবমাবাসঃ কর্মণাং মা পুনর্বদ॥ 7-199-37 (54370)
জোষমাস্ব ন মাং ভূয়ো বক্তুমর্হস্যতঃ পরম্।
অধরোত্তরমেতদ্বি যন্মাং ৎবং বক্তুমর্হসি॥ 7-199-38 (54371)
অথ বক্ষ্যসি মাং মৌর্খ্যাদ্ভূয়ঃ পরুষমীদৃশম্।
গময়িষ্যামি বাণৈস্ৎবাং যুধি বৈবস্বতক্ষয়ম্॥ 7-199-39 (54372)
ন চৈব মূর্খ ধর্মেণ কেবলেনৈব শক্যতে।
তেষামপি হ্যধর্মেণ চেষ্টিতং শৃণু যাদৃশম্॥ 7-199-40 (54373)
বঞ্চিতঃ পাণ্ডবঃ পূর্বমধর্মেণ যুধিষ্ঠিরঃ।
দ্রৌপদী চ পরিক্লিষ্টা তথাঽধর্মেণ সাত্যকে॥ 7-199-41 (54374)
প্রব্রাজিতা বনং সর্বে পাণ্ডবাঃ সহ কৃষ্ণয়া।
সর্বস্বমপকৃষ্টং চ তথাঽধর্মেণ বালিশ॥ 7-199-42 (54375)
অধর্মেণাপকৃষ্টশ্চ মদ্ররাজঃ পরৈরিতঃ।
অধর্মেণ তথা বালঃ সৌভদ্রো বিনিপাতিতঃ॥ 7-199-43 (54376)
ইতোঽপ্যধর্মেণ হতো ভীষ্মঃ পরপুরঞ্জয়ঃ।
ভূরিশ্রবা হ্যধর্মেণ ৎবয়া ধর্মবিদা হতঃ॥ 7-199-44 (54377)
এবং পরৈরাচরিতং পাণ্ডবেয়ৈশ্চ সংয়ুগে।
রক্ষমাণৈর্জয়ং বীরৈর্ধর্মজ্ঞৈরপি সাৎবত॥ 7-199-45 (54378)
দুর্জ্ঞেয়ঃ স পরো ধর্মস্তথাঽধর্মশ্চ দুর্বিদঃ।
যুধ্যস্ব কৌরবৈঃ সার্ধং মা গাঃ পিতৃনিবেশনম্॥ 7-199-46 (54379)
সঞ্জয় উবাচ। 7-199-47x (4791)
এবমাদীনি বাক্যানি ক্রূরাণি পরুষাণি চ।
শ্রাবিতঃ সাত্যকিঃ শ্রীমানাকম্পিত ইবাভবৎ॥ 7-199-47 (54380)
তচ্ছ্রুৎবা ক্রোধতাম্রাক্ষঃ সাত্যকিস্ৎবাদদে গদাম্।
বিনিঃ শ্বস্য যথা সর্পঃ প্রণিধায় রথে ধনুঃ॥ 7-199-48 (54381)
ততোঽভিপত্য পাঞ্চাল্যং সংরম্ভেণেদমব্রবীৎ।
ন ৎবাং বক্ষ্যামি পরুষং হনিষ্যে ৎবাং বধক্ষমম্॥ 7-199-49 (54382)
তমাপতন্তং সহসা মহাবলমমর্ষণম্।
পাঞ্চাল্যায়াভিসঙ্ক্রুদ্ধমন্তকায়ান্তকোপমম্॥ 7-199-50 (54383)
চোদিতো বাসুদেবেন ভীমসেনো মহাবলঃ।
অবপ্লুত্য রথাত্তূর্ণং বাহুভ্যাং সমবারয়ৎ॥ 7-199-51 (54384)
দ্রবমাণং তথা ক্রুদ্ধং সাত্যকিং পাণ্ডবো বলী।
প্রস্পন্দমানমাদায় জগাম বলিনং বলাৎ॥ 7-199-52 (54385)
স্থিৎবা বিষ্টভ্য চরণৌ ভীমেন শিনিপুঙ্গবঃ।
নিগৃহীতঃ পদে ষষ্ঠে বলেন বলিনাং বরঃ॥ 7-199-53 (54386)
অবরুহ্য রথাত্তূর্ণং ধ্রিয়মাণং বলীয়সা।
উবাচ শ্লক্ষ্ণয়া বাচা সহদেবো বিশাম্পতে॥ 7-199-54 (54387)
অস্মাকং পুরুষব্যাঘ্র মিত্রমন্যন্ন বিদ্যতে।
পরমন্ধকবৃষ্ণিভ্যঃ পাঞ্চলেভ্যশ্চ মারিষ॥ 7-199-55 (54388)
তথৈবান্ধকবৃষ্ণীনাং তথৈব চ বিশেষতঃ।
কৃষ্ণস্য চ তথাঽস্মত্তো মিত্রমন্যন্ন বিদ্যতে॥ 7-199-56 (54389)
পাঞ্চালানাং চ বার্ষ্ণেয় সমুদ্রান্তাং বিচিন্বতাম্।
নান্যদস্তি পরং মিত্রং যথা পাণ্ডববৃষ্ণয়ঃ॥ 7-199-57 (54390)
স ভবানীদৃশং মিত্রং মন্যতে চ যথা ভবান্।
ভবন্তশ্চ যথাঽস্মাকং ভবতাং চ তথা বয়ম্॥ 7-199-58 (54391)
স এবং সর্বধর্মজ্ঞ মিত্রধর্মমনুস্মরন্।
নিয়চ্ছ মন্যুং পাঞ্চাল্যাৎপ্রশাম্য শিনিপুঙ্গবা॥ 7-199-59 (54392)
পার্ষতস্য ক্ষম ৎবং বৈ ক্ষমতাং পার্ষতশ্চ তে।
বয়ং ক্ষময়িতারশ্চ কিমন্যত্র শমাদ্ভবেৎ॥ 7-199-60 (54393)
প্রশাম্যমানে শৈনেয়ে সহদেবেন মারিষ।
পাঞ্চালরাজস্য সুতঃ প্রহসন্নিদমব্রবীৎ॥ 7-199-61 (54394)
মুঞ্চমুঞ্চ শিনেঃ পৌত্রং ভীম যুদ্ধমদান্বিতম্।
আসাদয়তু মামেষ ধরাধরমিবানিলঃ॥ 7-199-62 (54395)
যাবদস্য শিতৈর্বাণৈঃ সংরম্ভং বিনয়াম্যহম্।
যুদ্ধশ্রুদ্ধাং চ কৌন্তেয় জীবিতং চাস্য সংয়ুগে॥ 7-199-63 (54396)
কিং নু শক্যং ময়া কর্তুং যৎকার্যমিদমুচ্যতাম্।
সুমহৎপাণ্ডুপুত্রাণামায়ান্ত্যেতে হি কৌরবাঃ॥ 7-199-64 (54397)
অথবা ফল্গুনঃ সর্বান্বারয়িষ্যতি সংয়ুগে।
অহমপ্যস্য মূর্ধানং পাতয়িষ্যামি সায়কৈঃ॥ 7-199-65 (54398)
মন্যতে চ্ছিন্নবাহুং মাং ভূরিশ্রবসমাহবে।
উৎসৃজৈনমহং চৈনমেষ বা মাং হনিষ্যতি॥ 7-199-66 (54399)
শৃণ্বন্পাঞ্চালবাক্যানি সাত্যকিঃ সর্পবচ্ছ্বসন্।
ভীমবাহ্বন্তরে সক্তো বিস্ফুরত্যনিশং বলী॥ 7-199-67 (54400)
তৌ বৃষাবিব নর্দন্তৌ বলিনৌ বাহুশালিনৌ।
ৎবরয়া বাসুদেবশ্চ ধর্মরাজশ্চ মারিষ।
যত্নেন মহতা বীরৌ বারয়ামাসতুস্ততঃ॥ 7-199-68 (54401)
নিবার্য পরমেষ্বাসৌ কোপসংরক্তলোচনৌ।
যুয়ুৎসূনপরান্সঙ্খ্যে প্রতীয়ুঃ ক্ষত্রিয়র্ষভাঃ॥ ॥ 7-199-69 (54402)
ইতি শ্রীমন্মহাভারতে দ্রোণপর্বণি নারায়ণাস্ত্রমোক্ষপর্বণি পঞ্চদশদিবসয়ুদ্ধে একোনদ্বিশততমোঽধ্যায়ঃ॥ 199 ॥
দ্রোণপর্ব - অধ্যায় 200
॥ শ্রীঃ ॥
7.200. অধ্যায়ঃ 200
Mahabharata - Drona Parva - Chapter Topics
দ্রোণমারণরুষ্টেনাশ্বত্থাম্না বৈরিসেনায়াং নারায়ণাস্ত্রপ্রয়োগঃ॥ 1 ॥ অস্ত্রতেজসা পীড্যমানানাং কৃষ্ণবচনাৎ যানাবরোহণশস্ত্রন্যাসাদিনা আত্মরক্ষণম্॥ 2 ॥ ভীমে একস্মিন্নেব শস্ত্রধারণেন প্রতিয়ুধ্যমানে সতি তন্মস্তকেঽস্ত্রস্য প্রজ্বলনম্॥ 3 ॥Mahabharata - Drona Parva - Chapter Text
7-200-0 (54403)
সঞ্জয় উবচ। 7-200-0x (4792)
ততঃ স কদনং চক্রে রিপূণাং দ্রোণনন্দনঃ।
যুগান্তে সর্বভূতানাং কালসৃষ্ট ইবান্তকঃ॥ 7-200-1 (54404)
ধ্বজদ্রুমং শস্ত্রশৃঙ্গং হতনাগমহাশিলম্।
অশ্বকিম্পুরুষাকীর্ণং শরাসনলতাবৃতম্॥ 7-200-2 (54405)
ক্রব্যাদপক্ষিসঙ্ঘুষ্টং ভূতয়ক্ষণাকুলম্।
নিহত্য শাত্রবান্ভল্লৈঃ সোঽচিনোদ্দেহপর্বতম্॥ 7-200-3 (54406)
ততো বেগেন মহতা বিনদ্য স নরর্ষভঃ।
প্রতিজ্ঞাং শ্রাবয়ামাস পুনরেব তবাত্মজম্॥ 7-200-4 (54407)
যদত্র চ্ছদ্মনাঽঽচার্যং ধর্মকঞ্চুকমাস্থিতঃ।
মুঞ্চ শস্ত্রমিতি প্রাহ কুন্তীপুত্রো যুধিষ্ঠিরঃ॥ 7-200-5 (54408)
তস্মাৎসম্পশ্যতস্তস্য দ্রাবয়িষ্যানি বাহিনীম্।
বিদ্রাব্যসর্বান্হন্তাঽস্মি জাল্মং পাঞ্চাল্যমেব তু॥ 7-200-6 (54409)
সর্বানেতান্হনিষ্যামি যদি যোৎস্যন্তি মাং রণে।
সত্যং তে প্রতিজানামি পরিবর্তয় বাহিনীম্॥ 7-200-7 (54410)
তচ্ছ্রুৎবা তব পুত্রস্তু বাহিনীং পর্যবর্তয়ৎ।
সিংহনাদেন মহতা ব্যপোহ্য সুমহদ্ভয়ম্॥ 7-200-8 (54411)
ততঃ সমাগমো রাজন্কুরুপাণ্ডবসেনয়োঃ।
পুনরেবাভবত্তীব্রঃ পূর্ণসাগরয়োরিব॥ 7-200-9 (54412)
সংরব্ধা হি স্থিরীভূতা দ্রোণ পুত্রেণ কৌরবাঃ।
উদগ্রাঃ পাণ্ডুপাঞ্চালা দ্রোণস্য নিধনেন চ॥ 7-200-10 (54413)
তেষাং পরমহৃষ্টানাং জয়মাত্মনি পশ্যতাম্।
সংরব্ধানাং মহাবেগঃ প্রাদুরাসীদ্বিশাম্পতে॥ 7-200-11 (54414)
যথা শিলোচ্চয়ে শৈলঃ সাগরৈঃ সাগরো যথা।
প্রতিহন্যেত রাজেন্দ্র তথাঽসন্কুরুপাণ্ডবাঃ॥ 7-200-12 (54415)
`চুক্ষুভে পৃথিবী সর্বা দিশশ্চ প্রতিসস্বনুঃ।
সম্ভ্রান্তান্যপি ভূতানি জলজান্যপি মারিষ।
তে চ সর্বে তদা যোধাঃ সম্প্রহৃষ্টা যুয়ুৎসবঃ'॥ 7-200-13 (54416)
ততঃ শঙ্খসহস্রাণি ভেরীণাময়ুতানি চ।
অবাদয়ন্ত সংহৃষ্টাঃ কুরুপাণ্ডবসৈনিকাঃ॥ 7-200-14 (54417)
যথা নির্মথ্যমানস্য সাগরস্য তু নিঃস্বনঃ।
অভবত্তব সৈন্যস্য সুমহানদ্ভুতোপমঃ॥ 7-200-15 (54418)
`বর্তমানে তথা শব্দে রৌদ্রে তস্মিন্ভয়ানকে।
সম্পতৎসু রথৌঘেষু তব তেষাং চ ভারত'॥ 7-200-16 (54419)
প্রাদুশ্চক্রে ততো দ্রৌণিরস্ত্রং নারায়ণং তদা।
অভিসন্ধায় পাণ্ডূনাং পাঞ্চালানাং চ বাহিনীং॥ 7-200-17 (54420)
প্রাদুরাসংস্ততো বাণা দীপ্তাগ্রাঃ খে সহস্রশঃ।
পাণ্ডবান্ক্ষপয়িষ্যন্তো দীপ্তাস্যঃ পন্নগা ইব॥ 7-200-18 (54421)
তে দিশঃ খং চ সৈন্যং চ সমাবৃণ্বন্মহাহবে।
মুহূর্তাদ্ভাস্করস্যেব লোকে রাজন্গভস্তয়ঃ॥ 7-200-19 (54422)
তথাঽপরে দ্যোতমানা জ্যোতীংষীবামলাম্বরে।
প্রাদুরাসন্মহারাজ কার্ষ্ণায়সময়া গুডাঃ॥ 7-200-20 (54423)
চতুশ্চক্রা দ্বিচক্রাশ্চ শতঘ্নো বহুলা গদাঃ।
চক্রাণি চ ক্ষুরান্তানি মণ্ডলানীব ভাস্বতঃ॥ 7-200-21 (54424)
শস্ত্রাকৃতিভিরাকীর্ণমতীব পুরুষর্ষভ।
দৃষ্ট্বান্তরিক্ষমাবিগ্নাঃ পাণ্ডুপাঞ্চালসৃঞ্জয়াঃ॥ 7-200-22 (54425)
যথায়থা হ্যযুধ্যন্ত পাণ্ডবানাং মহারথাঃ।
তথাতথা তদস্ত্রং বৈ ব্যবর্ধত জনাধিপ॥ 7-200-23 (54426)
বধ্যমানাস্তদাঽস্ত্রেণ তেন নারায়ণেন বৈ।
দহ্যমানাঽনলেনেব সর্বতোঽভ্যর্দিতা রণে॥ 7-200-24 (54427)
যথা হি শিশিরাপায়ে দহেৎকক্ষং হুতাশনঃ।
তথা তদস্ত্রং পাণ্ডূনাং দদাহ ধ্বজিনীং প্রভো॥ 7-200-25 (54428)
আপূর্যমাণেনাস্ত্রেণ সৈন্যে ক্ষীয়তি চ প্রভো।
জগাম পরমং ত্রাসং ধর্মপুত্রো যুধিষ্ঠিরঃ॥ 7-200-26 (54429)
দ্রবমাণং তু তৎসৈন্যং দৃষ্ট্বা বিগতচেতনম্।
মধ্যস্থতাং চ পার্থস্য ধর্মপুত্রোঽব্রবীদিদম্॥ 7-200-27 (54430)
ধৃষ্টদ্যুম্ন পলায়স্ব সহ পাঞ্চালসেনয়া।
সাত্যকে ৎবং চ গচ্ছস্ব বৃষ্ণ্যন্ধকবৃতো মহান্॥ 7-200-28 (54431)
বাসুদেবোঽপি ধর্মাত্মা করিষ্যত্যাত্মনঃ ক্ষমম্।
শ্রেয়ো হ্যুপদিশত্যেষ লোকস্য কিমুতাত্মনঃ॥ 7-200-29 (54432)
সঙ্গ্রামস্তু ন কর্তব্যঃ সর্বসৈন্যান্ব্রবীমি বঃ।
অহং হি সহ সোদর্যৈঃ প্রবেক্ষ্যে হব্যবাহনম্॥ 7-200-30 (54433)
ভীষ্মদ্রোণার্ণবং তীর্ৎবা সঙ্গ্রামে ভীরুদুস্তরে।
বিমজ্জিষ্যামি সলিলে সগণো দ্রৌণিগোষ্পদে॥ 7-200-31 (54434)
কামঃ সম্পদ্যতামস্য বীভৎসোরাশু মাং প্রতি।
কল্যাণবৃত্তিরাচার্যো ময়া যুধি নিপাতিতঃ॥ 7-200-32 (54435)
যেন বালঃ স সৌভদ্রো যুদ্ধানামবিশারদঃ।
সমর্থৈর্বহুভিঃ ক্রূরৈর্ঘাতিতো নাভিপালিতঃ॥ 7-200-33 (54436)
যেন বিব্রুবতী প্রশ্নং তথা কৃষ্ণা সভাং গতা।
উপেক্ষিতা সপুত্রেণ দাসীভাবং নিয়চ্ছতী॥ 7-200-34 (54437)
`রক্ষণে চ মহান্যত্নঃ সৈন্ধবস্য কৃতো যুধি।
অর্জুনস্য বিঘাতার্থং প্রতিজ্ঞা যেন রক্ষিতা॥ 7-200-35 (54438)
ব্যূহদ্বারি বয়ং চৈব ধৃতা যেন জিগীষবঃ।
বারিতং চ মহৎসৈন্যং প্রবিশত্তদ্যথাবলম্'॥ 7-200-36 (54439)
জিঘাংসুর্ধার্তরাষ্ট্রশ্চ শ্রান্তেষ্বন্যেষু ফল্গুনম্।
কবচেন তথা গুপ্তো রক্ষার্থং সৈন্ধবস্য চ॥ 7-200-37 (54440)
যেন ব্রহ্মাস্ত্রবিদুষা পাঞ্চালাঃ সত্যজিন্মুখাঃ।
কুর্বাণা মজ্জয়ে যত্নং সমূলা বিনিপাতিতাঃ॥ 7-200-38 (54441)
`গ্রহণে চ পরো যত্নঃ কৃতস্তেন যথা মম।
বিদিতং সর্বমেবৈতদ্ভবতাং সর্বয়োধিনাম্'॥ 7-200-39 (54442)
যেন প্রব্রাজ্যমানাশ্চ রাজ্যাদ্বয়মধর্মতঃ।
নিবার্যমাণেনাস্মাভিরনুগন্তুং তদেষিতাঃ॥ 7-200-40 (54443)
`বনবাসান্নিবৃত্তানাং সময়ে চ তথা কৃতে।
স্নেহশ্চ দর্শিতো নিত্যং প্রত্যক্ষং বো মহারথাঃ'॥ 7-200-41 (54444)
যোঽসাবত্যন্তমস্মাসু কুর্বাণঃ সৌহৃদং পরম্।
হতস্তদর্থে মরণং গমিষ্যামি সবান্ধবঃ॥ 7-200-42 (54445)
সঞ্জয় উবাচ। 7-200-43x (4793)
এবং ব্রুবতি কৌন্তেয়ে দাশার্হস্ৎবরিতস্ততঃ।
নিবার্য সৈন্যং বাহুভ্যামিদং বচনমব্রবীৎ॥ 7-200-43 (54446)
শীঘ্রং ন্যস্যত শস্ত্রাণি বাহেভ্যশ্চাবরোহত।
এষ যোগোঽত্র বিহিতঃ প্রতিঘাতে মহাত্মনঃ॥ 7-200-44 (54447)
দ্বিপাশ্বস্যন্দনেভ্যশ্চ ক্ষিতিং সর্বেঽবরোহত।
এবমেতন্ন বো হন্যাদস্ত্রং ভূমৌ নিরায়ুধান্॥ 7-200-45 (54448)
যথায়থা হি যুধ্যন্তে যোধা হ্যস্ত্রমিদং প্রতি।
তথাতথা ভবন্ত্যেতে কৌরবা বলবত্তরাঃ॥ 7-200-46 (54449)
নিক্ষেপ্স্যন্তি চ শস্ত্রাণি বাহনেভ্যোঽবরুহ্য যে।
যেঽঞ্জলিং কুর্বতে বীর নমস্তি চ বিবাহনাঃ।
তান্নৈতদস্ত্রং সঙ্গ্রামে নিহনিষ্যতি মানবান্॥ 7-200-47 (54450)
যে ৎবেতৎপ্রতিয়োৎস্যন্তি মনসাঽপীহ কেচন।
নিহনিষ্যতি তান্সর্বান্রসাতলগতানপি॥ 7-200-48 (54451)
তে বচস্তস্য তচ্ছ্রুৎবা বাসুদেবস্য ভারত।
ঈষুঃ সর্বে সমুৎস্রষ্টুং মনোভিঃ করণেন চ॥ 7-200-49 (54452)
তত উৎস্রষ্টুকামাংস্তানস্ত্রাণ্যালক্ষ্য পাণ্ডবঃ।
ভীমসেনোঽব্রবীদ্রাজন্নিদং সংহর্ষয়ন্বচঃ॥ 7-200-50 (54453)
ন কথঞ্চন শস্ত্রাণি মোক্তব্যানীহ কেনচিৎ।
অহমাবারয়িষ্যামি দ্রোণপুত্রাস্ত্রমাশুগৈঃ॥ 7-200-51 (54454)
গদয়াঽপ্যনয়া গুর্ব্যা হেমবিগ্রহয়া রণে।
কালবৎপ্রহরিষ্যামি দ্রৌণেরস্ত্রং বিশাতয়ন্॥ 7-200-52 (54455)
ন হি মে বিক্রমে তুল্যঃ কশ্চিদস্তি পুমানিহ।
যথৈব সবিতুস্তুল্যং জ্যোতিরন্যন্ন বিদ্যতে॥ 7-200-53 (54456)
পশ্যতেমৌ হি মে বাহূ নাগরাজকরোপমৌ।
সমর্থৌ পর্বতস্যাপি শৈশিরস্য নিপাতনে॥ 7-200-54 (54457)
নাগায়ুতসমপ্রাণো হ্যহমেকো নরেষ্বিহ।
শক্রো যথাঽপ্রতিদ্বন্দ্বো দিবি দেবেষু বিশ্রুতঃ॥ 7-200-55 (54458)
অদ্য পশ্যত মে বীর্যং বাহ্বোঃ পীনাংসয়োর্যুধি।
জ্বলমানস্য দীপ্তস্য দ্রৌণেরস্ত্রস্য বারণে॥ 7-200-56 (54459)
যদি নারায়ণাস্ত্রস্য প্রতিয়োদ্বা ন বিদ্যতে।
অদ্যৈতৎপ্রতিয়োৎস্যামি পশ্যৎসু কুরুপাণ্ডুপু॥ 7-200-57 (54460)
অর্জুনার্জুন বীভৎসো ন ন্যস্যং গাণ্ডিবং ৎবয়া।
শশাঙ্কস্যেব তে পঙ্কো নৈর্মল্যং পাতয়িষ্যতি॥ 7-200-58 (54461)
অর্জুন উবাচ। 7-200-59x (4794)
ভীম নারায়ণাস্ত্রে মে গোষু চ ব্রাহ্মণেষু চ।
এতেষু গাণ্ডিবং ন্যস্যমেতদ্ধি ব্রতমুত্তমম্॥ 7-200-59 (54462)
এবমুক্তস্ততো ভীমো দ্রোণপুত্রমরিন্দমম্।
অভ্যযান্মেঘঘোষেণ রথেনাদিত্যবর্চসা॥ 7-200-60 (54463)
`কম্পয়ন্মেদিনীং সর্বাং ত্রাসয়ংশ্চ চমূং তব।
শঙ্খশব্দং মহৎকৃৎবা ভুজশব্দং চ পাণ্ডবঃ॥ 7-200-61 (54464)
তস্য শঙ্খস্বনং শ্রুৎবা বাহুশব্দং চ তাবকাঃ।
সমন্তাৎকোষ্ঠকীকৃত্য শরব্রাতৈরবাকিরন্'॥ 7-200-62 (54465)
স এনমিষুজালেন লঘুৎবাচ্ছীঘ্রবিক্রমঃ।
নিমেষমাত্রেণাসাদ্য কুন্তীপুত্রোঽভ্যবাকিরৎ॥ 7-200-63 (54466)
ততো দ্রৌণিঃ প্রহস্যৈনং দ্রবন্তমভিভাষ্য চ।
অবাকিরৎপ্রদীপ্তাগ্রৈঃ শরৈস্তৈরভিমন্ত্রিতৈঃ॥ 7-200-64 (54467)
পন্নগৈরিব দীপ্তাস্যৈর্বমদ্ভির্জ্বলনং রণে।
অবকীর্ণোঽভবৎপার্থঃ স্ফুলিঙ্গৈরিব কাঞ্চনৈঃ॥ 7-200-65 (54468)
তস্য রূপমভূদ্রাজন্ভীমসেনস্য সংয়ুগে।
খদ্যোতৈরাবৃতস্যেব পর্বতস্য দিনক্ষয়ে॥ 7-200-66 (54469)
তদস্ত্রং দ্রোণপুত্রস্য তস্মিন্প্রতিসমস্যতি।
অবর্ধত মহারাজ যথাঽগ্নিরনিলোদ্ধতঃ॥ 7-200-67 (54470)
বিবর্ধমানমালক্ষ্য তদস্ত্রং ভীমবিক্রমম্।
পাণ্ডুসৈন্যমৃতে ভীমং সুমহদ্ভয়মাবিশৎ॥ 7-200-68 (54471)
ততঃ শস্ত্রাণি তে সর্বে সমুৎসৃজ্য মহীতলে।
অবারোহন্রথেভ্যশ্চ হস্ত্যশ্বেভ্যশ্চ সর্বশঃ॥ 7-200-69 (54472)
তেষু নিক্ষিপ্তশস্ত্রেষু বাহনেভ্যশ্চ্যুতেষু চ।
তদস্ত্রবীর্যং বিপুলং ভীমমূর্ধন্যথাপতৎ॥ 7-200-70 (54473)
হাহাকৃতানি ভূতানি পাণ্ডবাশ্চ বিশেষতঃ।
ভীমসেনমপশ্যন্ত তেজসা সংবৃতং তথা॥ ॥ 7-200-71 (54474)
ইতি শ্রীমন্মহাভারতে দ্রোণপর্বণি নারায়ণাস্ত্রমোক্ষপর্বণি পঞ্চদশদিবসয়ুদ্ধে দ্বিশততমোঽধ্যায়ঃ॥ 200 ॥
Mahabharata - Drona Parva - Chapter Footnotes
5-200-20 গুডাঃ গোলাঃ হলা ইতি ক. ক. পাঠঃ॥ 5-200-40 অস্মাভিরস্মদীয়ৈর্বিদুরাদিভির্নিবার্যমাণেন নিষিধ্যমানেনাপি তদ্বনমনুগন্তুং প্রবেষ্টুমেষিতা অনুমতা নতু প্রতিষিদ্ধা ইত্যর্থঃ॥ 5-200-200 দ্বিশততমোঽধ্যায়ঃ॥দ্রোণপর্ব - অধ্যায় 201
॥ শ্রীঃ ॥
7.201. অধ্যায়ঃ 201
Mahabharata - Drona Parva - Chapter Topics
নারয়ণাস্ত্রেণাবেষ্টিতে ভীমে কৃষ্ণার্জুনাশ্যাং হস্ততঃ শস্ত্রাপকর্ষণপূর্বকং রথাদবরোপিতে সত্যস্ত্রস্য প্রশমনম্॥ 1 ॥ ততঃ সঙ্কুলয়ুদ্ধম্॥ 2 ॥Mahabharata - Drona Parva - Chapter Text
7-201-0 (54475)
সঞ্জয় উবায়। 7-201-0x (4795)
ভীমসেনং সমাকীর্ণং দৃষ্ট্বাঽস্ত্রেণ ধনঞ্জয়ঃ।
তেজসঃ প্রতিঘাতার্থং বারুণেন সমাবৃণোৎ॥ 7-201-1 (54476)
নালক্ষয়ত তৎকশ্চিদ্বারুণাস্ত্রেণ সংবৃতম্।
অর্জুনস্য লঘুৎবাচ্চ সংবৃতৎবাচ্চ তেজসঃ॥ 7-201-2 (54477)
সাশ্বসূতরথো ভীমো দ্রোণপুত্রাস্ত্রসংবৃতঃ।
অগ্নাবগ্নিরিব ন্যস্তো জ্বালামালী সুদুর্দৃশঃ॥ 7-201-3 (54478)
যথা রাত্রিক্ষয়ে রাজঞ্জ্যোতীষ্যস্তগিরিং প্রতি।
সমাপেতুস্তথা বাণা ভীমসেনরথং প্রতি॥ 7-201-4 (54479)
স হি ভীমো রথশ্চাস্য হয়াঃ সূতশ্চ মারিষ।
সংবৃতা দ্রোণপুত্রেণ পাবকান্তর্গতাঽভবন্॥ 7-201-5 (54480)
যথা জগ্ধ্বা জগৎকৃৎস্নং সময়ে সচরাচরম্।
গচ্ছেদ্বহ্নির্বিভোরাস্যং তথাঽস্ত্রং ভীমমাবৃণোৎ॥ 7-201-6 (54481)
সূর্যমগ্নিঃ প্রবিষ্টঃ স্যাদ্যথা চাগ্নিং দিবাকরঃ।
তথা প্রবিষ্টং তত্তেজো ন আজ্ঞায়ত পাণ্ডবঃ॥ 7-201-7 (54482)
`তদস্ত্রং ভীমহুঙ্কারাদপয়াতি পুনঃপুনঃ।
পুনঃ পুনস্তমায়াতি হুংকারাত্তং বিমুঞ্চতি।
ততো দেবাঃ সগন্ধর্বা ভীমং দৃষ্ট্বা সুবিস্মিতাঃ'॥ 7-201-8 (54483)
বিকীর্ণমস্ত্রং তদ্দৃষ্ট্বা তথা ভীমরথং প্রতি।
উদীর্যমাণং দ্রৌণিং চ নিষ্প্রতিদ্বন্দ্বমাহবে॥ 7-201-9 (54484)
সর্বসৈন্যং চ পাণ্ডূনাং ন্যস্তশস্ত্রমচেতনম্।
যুধিষ্ঠিরপুরোগাংশ্চ বিমুখাংস্তান্মহারথনান্॥ 7-201-10 (54485)
অর্জুনো বাসুদেবশ্চ ৎবরমাণৌ মহাদ্যুতী।
অবপ্লুত্য রথাদ্বীরৌ ভীমমাদ্রবতাং ততঃ॥ 7-201-11 (54486)
ততস্তদ্দ্রোণপুত্রস্য তেজোঽস্ত্রবলসম্ভবম্।
বিগাহ্য তৌ সুবলিনৌ মায়যাঽবিশতাং তথা॥ 7-201-12 (54487)
ন্যস্তশস্ত্রৌ ততস্তৌ তু নাদহৎসোঽস্ত্রজোঽনলঃ।
বারুণাস্ত্রপ্রয়োগাচ্চ বীর্যবত্ৎবাচ্চ কৃষ্ণয়োঃ॥ 7-201-13 (54488)
ততশ্চকৃষতুর্ভীমং সর্বশস্ত্রায়ুধানি চ।
নারায়ণাস্ত্রশান্ত্যর্থং নরনারায়ণৌ বলাৎ॥ 7-201-14 (54489)
আকৃষ্যমাণঃ কৌন্তেয়ো নদত্যেব মহারবম্।
বর্ধতে চৈব তদ্বোরং দ্রৌণেরস্ত্রং সুদুর্জয়ম্॥ 7-201-15 (54490)
তমব্রবীদ্বাসুদেবঃ কিমিদং পাণ্ডুনন্দন।
বার্যমাণোঽপি কৌন্তেয় যদ্যুদ্বান্ন নিবর্তসে॥ 7-201-16 (54491)
যদি যুদ্বেন জেয়াঃ স্যুরিমে কৌরবনন্দনাঃ।
বয়মপ্যত্র যুধ্যেম তথা চেমে নরর্ষভাঃ॥ 7-201-17 (54492)
রথেভ্যস্ৎববতীর্ণাঃ স্ম সর্ব এব হি তাবকাঃ।
তস্মাত্ৎবমপি কৌন্তেয় রথাত্তূর্ণমপাক্রম॥ 7-201-18 (54493)
এবমুক্ৎবা তু তং কৃষ্ণো রথাদ্ভূমিমবর্তয়ৎ।
নিঃশ্বসন্তং যথা নাগং ক্রোধসংরক্তলোচনম্॥ 7-201-19 (54494)
যদাঽপকৃষ্টঃ স রথান্ন্যাসিতশ্চায়ুধং ভুবি।
ততো নারায়ণাস্ত্রং তৎপ্রশান্তং শত্রুতাপনম্॥ 7-201-20 (54495)
সঞ্জয় উবাচ। 7-201-21x (4796)
তস্মিন্প্রশান্তে বিধিনা তেন তেজসি দুঃসহে।
বভূবুর্বিমলাঃ সর্বা দিশঃ প্রদিশ এব চ॥ 7-201-21 (54496)
প্রববুশ্চ শিবা বাতাঃ প্রশান্তা মৃগপক্ষিণঃ।
বাহনানি চ হৃষ্টানি প্রশান্তেঽস্ত্রে সুদুর্জয়ে॥ 7-201-22 (54497)
ব্যপোঢে চ ততো ঘোরে তস্মিংস্তেজসি ভারত।
বভৌ ভীমো নিশাপায়ে ধীমান্সূর্য ইবোদিতঃ॥ 7-201-23 (54498)
হতশেষং বলং তত্তু পাণ্ডবানামতিষ্ঠত।
অস্ত্রব্যুপরমাদ্বৃষ্টং তব পুত্রজিঘাংসয়া॥ 7-201-24 (54499)
ব্যবস্থিতে বলে তস্মিন্নেস্ত্রে প্রতিহতে তথা।
দুর্যোধনো মহারাজ দ্রোণপুত্রমথাব্রবীৎ॥ 7-201-25 (54500)
অশ্বত্থামন্পুনঃ শীঘ্রমস্ত্রমেতৎপ্রয়োজয়।
অবস্থিতা হি পাঞ্চালাঃ পুনরেতে জয়ৈষিণঃ॥ 7-201-26 (54501)
অশ্বত্থামা তথোক্তস্তু তব পুত্রেণ মারিষ।
সুদীনমভিনিঃ শ্বস্য রাজানমিদমব্রবীৎ॥ 7-201-27 (54502)
নৈতদাবর্ততে রাজন্নস্ত্রং দ্বির্নোপপদ্যতে।
আবৃতং হি নিবর্তেত প্রয়োক্তারং ন সংশয়ঃ॥ 7-201-28 (54503)
এষ চাস্ত্রপ্রতীঘাতং বাসুদেবঃ প্রয়ুক্তবান্।
`অস্য তু হ্যেষ বৈ দাতা মানুষেষু ন বিদ্যতে॥ 7-201-29 (54504)
পরাবরজ্ঞো লোকানাং ন তদস্তি ন বেত্তি যৎ।
তদেতদস্ত্রং প্রশমং যাতং কৃষ্ণস্য মন্ত্রিতৈঃ'॥ 7-201-30 (54505)
দ্বিবিধো বিহিতঃ সঙ্খ্যে বধঃ শস্ত্রোর্জনাধিপ।
পরাজয়ো বা মৃত্যুর্বা শ্রেয়ান্মৃত্যুর্ন নির্জয়ঃ॥ 7-201-31 (54506)
বিজিতাশ্চারয়ো হ্যোতে শস্ত্রোৎসর্গান্মৃতোপমাঃ॥ 7-201-32 (54507)
দুর্যোধন উবাচ। 7-201-33x (4797)
আচার্যপুত্র যদ্যেতদ্দ্বিরস্ত্রং ন প্রয়ুজ্যতে।
অন্যৈর্গুরুঘ্না বধ্যন্তামস্ত্রৈরস্ত্রবিদাং বর॥ 7-201-33 (54508)
ৎবয়ি শস্ত্রাণি দিব্যানি ত্র্যম্বকে চামিতৌজসি।
`ঘ্নতৈতান্সুমহাবীর্য শাত্রবান্যুদ্বকোবিদঃ'।
ইচ্ছতো ন হি তে মুচ্যেৎসঙ্ক্রুদ্ধো হি পুরন্দরঃ॥ 7-201-34 (54509)
ধৃতরাষ্ট্র উবাচ। 7-201-35x (4798)
তস্মিন্নস্ত্রে প্রতিহতে দ্রোণে চোপধিনা হতে।
তথা দুর্যোধনেনোক্তো দ্রৌণিঃ কিমকরোৎপুনঃ॥ 7-201-35 (54510)
দৃষ্ট্বা পার্থাংশ্চ সঙ্গ্রামে যুদ্ধায় সমুপস্থিতান্।
নারায়ণাস্ত্রনির্মুক্তাংশ্চরতঃ পৃতনামুখে॥ 7-201-36 (54511)
সঞ্জয় উবাচ। 7-201-37x (4799)
জানন্পিতুঃ স নিধনং সিংহলাঙ্গূলকেতনঃ।
সক্রোধো ভয়মুৎসৃজ্য সোঽভিদুদ্রাব পার্ষতম্॥ 7-201-37 (54512)
অভিদ্রুত্য চ বিংশত্যা ক্ষুদ্রকাণাং নরর্ষভ।
পঞ্চভিশ্চাতিবেগেন বিব্যাধ পুরুষর্ষভঃ॥ 7-201-38 (54513)
ধৃষ্টদ্যুম্নস্ততো রাজঞ্জ্বলন্তমিব পাবকম্।
দ্রোণপুত্রং ত্রিষষ্ট্যা তু রাজন্বিব্যাধ পত্রিণাম্॥ 7-201-39 (54514)
সারথিং চাস্য বিংশত্যা স্বর্ণপুঙ্খৈঃ শিলাশিতৈঃ।
হয়াংশ্চ চতুরোঽবিধ্যচ্চতুর্ভির্নিশিতৈঃ শরৈঃ॥ 7-201-40 (54515)
বিদ্ব্বা বিদ্বাঽনদদ্দ্রৌণিং কম্পয়ন্নিব মেদিনীম্।
আদদে সর্বলোকস্য প্রাণানিব মহারণে॥ 7-201-41 (54516)
পার্ষতস্তু বলী রাজন্কৃতাস্ত্রঃ কৃতনিশ্চয়ঃ।
দ্রৌণিমেবাভিদুদ্রাব মৃত্যুং কৃৎবা নিবর্তনম্॥ 7-201-42 (54517)
ততো বাণময়ং বর্ষং দ্রোণপুত্রস্য মূর্ধনি।
অবাসৃজদমেয়াত্মা পাঞ্চাল্যো রথিনাংবরঃ॥ 7-201-43 (54518)
তং দ্রৌণিঃ সমরে ক্রুদ্ধং ছাদয়ামাস পত্রিভিঃ।
বিব্যাধ চৈনং দশভিঃ পিতুর্বধমনুস্মরন্॥ 7-201-44 (54519)
দ্বাভ্যাং চ সুবিসৃষ্টাভ্যাং ক্ষুরাভ্যাং ধ্বজকার্মুকে।
ছিত্ৎবা পাঞ্চালরাজস্য দ্রৌণিরন্যৈঃ সমার্দয়ৎ॥ 7-201-45 (54520)
ব্যশ্বসূতরথং চৈনং দ্রৌণিশ্চক্রে মহাহাবে।
তস্য চানুচরান্সর্বান্ক্রুদ্ধঃ প্রাদ্রাবয়চ্ছরৈঃ॥ 7-201-46 (54521)
ততঃ প্রদুদ্রুবে সৈন্যং পাঞ্চালানাং বিশাম্পতে।
সম্ভ্রান্তরূপমার্তং চ ন পরস্পরমৈক্ষত॥ 7-201-47 (54522)
দৃষ্ট্বা তু বিমুখান্যোধান্ধৃষ্টদ্যুম্নং চ পীডিতম্।
শৈনেয়োঽচোদয়ত্তূর্ণং রথং দ্রৌণিরথং প্রতি॥ 7-201-48 (54523)
অষ্টভির্নিশিতৈর্বাণৈরশ্বত্থামানমার্দয়ৎ।
বিংশত্যা পুনরাহত্য নানারূপৈরমর্ষণঃ।
বিব্যাধ চ তথা সূতং চতুর্ভিশ্চতুরো হয়ান্॥ 7-201-49 (54524)
[ধনুর্ধ্বজং* ; সংয়ত্তশ্চিচ্ছেদ কৃতহস্তবৎ।
স সাশ্বং ব্যধমচ্চাপি রথং হেমপরিষ্কৃতম্।
হৃদি বিব্যাধ সমরে ত্রিংশতা সায়কৈর্ভৃশম্॥ 7-201-50 (54525)
এবং স পীডিতো রাজন্নশ্বত্থামা মহাবালঃ।
শরজালৈঃ পরিবৃতঃ কর্তব্যং নান্বপদ্যত॥ 7-201-51 (54526)
এবং গতে গুরোঃ পুত্রে তব পুত্রো মহারথঃ।
কৃপকর্ণাদিভিঃ সার্ধং শরৈঃ সাৎবতমাবৃণোৎ॥ 7-201-52 (54527)
দুর্যোধনস্তু বিংশত্যা কৃপঃ শারদ্বতস্ত্রিভিঃ।
কৃতবর্মাঽথ দশভিঃ কর্ণঃ পঞ্চাশতা শরৈঃ॥ 7-201-53 (54528)
দুঃশাসনঃ শতেনৈব বৃষসেনশ্চ সপ্তভিঃ।
সাত্যকিং বিব্যধুস্তূর্ণং সমন্তান্নিশিতৈঃ শরৈঃ॥ 7-201-54 (54529)
ততঃ স সাত্যকী রাজন্সর্বানেব মহারথান্।
বিরথান্বিমুখাংশ্চৈব ক্ষণেনৈবাকরোন্নৃপ॥ 7-201-55 (54530)
অশ্বত্থামা তু সম্প্রাপ্য চেতনাং ভরতর্ষভ।
চিন্তয়ামাস দুঃখার্তো নিঃশ্বসংশ্চ পুনঃপুনঃ॥ 7-201-56 (54531)
অথো রথান্তরং দ্রৌণিঃ সমারুহ্য পরন্তপঃ।
সাত্যকিং বারয়ামাস কিরঞ্শরশতান্বহূন্॥ 7-201-57 (54532)
তমাপতন্তং সম্প্রেক্ষ্য ভারদ্বাজসুতং রণে।
বিরথং বিমুখং চৈব পুনশ্চক্রে মহারথঃ॥ 7-201-58 (54533)
ততস্তে পাণ্ডবা রাজন্দৃষ্ট্বা সাত্যকিবিক্রমম্।
শঙ্খশব্দান্ভৃশং চক্রুঃ সিংহনাদাংশ্চ নেদিরে॥ 7-201-59 (54534)
এবং তং বিরথং কৃৎবা সাত্যকিঃ সত্যবিক্রমঃ।
জঘান বৃষসেনস্য ত্রিসাহস্রান্মহারথান্॥ 7-201-60 (54535)
অয়ুতং দন্তিনাং সার্ধং কৃপস্য নিজঘান সঃ।
পঞ্চায়ুতানি চাশ্বানাং শকুনের্নিজঘান হ॥ 7-201-61 (54536)
ততো দ্রৌণির্মহারাজ রথমারুহ্য বীর্যবান্।
সাত্যকিং প্রতি সঙ্ক্রুদ্ধঃ প্রয়যৌ তদ্বধেপ্সয়া। 7-201-62 (54537)
পুনস্তমাগতং দৃষ্ট্বা শনেয়ো নিশিতৈঃ শরৈঃ।
অদারয়ৎক্রুরতরৈঃ পুনঃপুনররিন্দম॥] 7-201-63 (54538)
সোঽতিবিদ্ধো মহেষ্বাসো নানালিঙ্গৈরমর্ষণঃ।
যুয়ুধানেন বৈ দ্রৌণিঃ প্রহসন্বাক্যমব্রবীৎ॥ 7-201-64 (54539)
শৈনেয়াব্যুপপত্তিং তে জানাম্যাচার্যঘাতিনি।
ন চৈনং ত্রাস্যসি ময়া গ্রস্তমাত্মানমেব চ॥ 7-201-65 (54540)
শপেত্মনাঽহং শৈনেয় সত্যেন তপসা তথা।
অহৎবা সর্বপাঞ্চালান্যদি শান্তিমহং লভে॥ 7-201-66 (54541)
যদ্বলং পাণ্ডবেয়ানাং বৃষ্ণীনামপি যদ্বলম্।
ক্রিয়তাং সর্বমেবেহ নিহনিষ্যামি সোমকান্॥ 7-201-67 (54542)
এবমুক্ৎবাঽর্করম্যাভং সুতীক্ষ্ণং তং শরোত্তমম্।
ব্যসৃজৎসাৎবতে দ্রৌণির্বজ্রং বৃত্রে যথা হরিঃ॥ 7-201-68 (54543)
স তং নির্ভিদ্য তেনাস্তঃ সায়কঃ শরাবরম্।
বিবেশ বসুধাং ভিত্ৎবা শ্বসন্বিলমিবোরগঃ॥ 7-201-69 (54544)
স ভিন্নকবচঃ শূরস্তোত্রার্দিত ইব দ্বিপঃ।
বিমুচ্য সশরং চাপং ভূরিব্রণপরিস্রবঃ॥ 7-201-70 (54545)
সীদন্রুধিরসিক্তশ্চ রথোপস্থ উপাবিশৎ।
সূতেনাপহৃতস্তূর্ণং দ্রোণপুত্রাদ্রথান্তরম্॥ 7-201-71 (54546)
অথান্যেন সুপুঙ্খেন শরেণানতপর্বণা।
আজঘান ভ্রবোর্মধ্যে ধৃষ্টদ্যুম্নং পরন্তপঃ॥ 7-201-72 (54547)
স পূর্বমতিবিদ্ধশ্চ ভৃশং পস্চাচ্চ পীডিতঃ।
সসদাথ চ পাঞ্চাল্যো ব্যপাশ্রয়ত চ ধ্বজম্॥ 7-201-73 (54548)
তং নাগমিব সিংহেন দৃষ্ট্বা রাজঞ্শরার্দিতম্।
জবেনাভ্যদ্রবঞ্ছূরাঃ পঞ্চ পাণ়্ডবতো রথাঃ॥ 7-201-74 (54549)
কিরীটী ভীমসেনশ্চ বৃদ্বক্ষত্রশ্চ পৌরবঃ।
যুবরাজশ্চ চেদীনাং মালবশ্চ সুদর্শনঃ॥ 7-201-75 (54550)
এতে হাহাকৃতাঃ সর্বে প্রগৃহীতশরাসনাঃ।
বীরং দ্রৌণায়নিং বীরাঃ সর্বতঃ পর্যবারয়ন্॥ 7-201-76 (54551)
তে বিংশতিপদে যত্তা গুরুপুত্রমমর্ষণম্।
পঞ্চভিঃ পঞ্চভির্বাণৈরভ্যঘ্নন্সর্বতঃ সমম্॥ 7-201-77 (54552)
আশীবিষাভৈর্বিংশত্যা পঞ্চভিস্তু শিতৈঃ শরৈঃ।
চিচ্ছেদ যুগপদ্দ্রৌণিঃ পঞ্চবিংশতিসায়কান্॥ 7-201-78 (54553)
সপ্তভিস্তু শিতৈর্বাণৈঃ পৌরবং দ্রৌণিরার্দয়ৎ।
মালবং ত্রিভিরেকেন পার্থং ষ়ড্ভির্বৃকোদরম্। 7-201-79 (54554)
ততস্তে বিব্যধুঃ সর্বে দ্রৌণিং রাজন্মহারথাঃ।
যুগপচ্চ পৃথক্চৈব রুক্মপুঙ্খৈঃ শিলাশিতৈঃ॥ 7-201-80 (54555)
যুবরাজশ্চ বিংশত্যা দ্রৌণিং বিব্যাধ পত্রিভিঃ।
পার্থশ্চ পুনরষ্টাভিস্তথা সর্বে ত্রিভিস্ত্রিভিঃ॥ 7-201-81 (54556)
ততোঽর্জুনং ষড্ভিরথাজঘান
দ্রৌণায়নির্দশভির্বাসুদেবম্।
ভীমং দশার্ধৈর্যুবারজং চতুর্ভি-
র্দ্বাভ্যাং দ্বাভ্যাং মালবং পৌরবং চ॥ 7-201-82 (54557)
সূতং বিদ্ব্বাঃ ভীমসেনস্য ষড্ভি--
র্দ্বাভ্যাং বিদ্ব্বা কার্মুকং চ ধ্বজং চ।
পুনঃ পার্থং শরবর্ষেণ বিদ্ব্বা
দ্রৌণির্ঘোরং সিংহনাদং ননাদ॥ 7-201-83 (54558)
তস্যাস্যতস্তান্নিশিতান্পীতধারা--
ন্দ্রৌণেঃ শরান্পৃষ্ঠতশ্চাগ্রতশ্চ।
ধরা বিয়দ্দ্যৌঃ প্রদিশো দিশশ্চ
চ্ছন্না বাণৈরভবন্ধোররূপৈঃ॥ 7-201-84 (54559)
আসন্নস্য স্বরথং তীব্রতেজাঃ
সুদর্শনস্যেন্দ্রকেতুপ্রকাশৌ।
ভুজৌ শিরশ্চেন্দ্রসমানবীর্য--
স্ত্রিভিঃ শরৈর্যুগপৎসঞ্চকর্ত॥ 7-201-85 (54560)
স পৌরবং রথশক্ত্যা নিহত্য
চ্ছিত্ৎবা রথং তিলশশ্চাস্য বাণৈঃ।
ছিত্ৎবা চ বাহূ বরচন্দনাক্তৌ
ভল্লেন কায়াচ্ছির উচ্চকর্ত॥ 7-201-86 (54561)
যুবানমিন্দীবরদামবর্ণং
চেদিপ্রভুং যুবরাজং প্রসহ্য।
বাণৈস্ৎবরাবাঞ্জ্বলিতাগ্নিকল্পৈ--
র্বিদ্ব্বা প্রাদান্মৃত্যেব সাশ্বসূতম্॥ 7-201-87 (54562)
[*মালবং পৌরবং চৈব যুবরাজং চ চেদিপম্।
দৃষ্ট্বা সমক্ষং নিহতং দ্রোণপুত্রোণ পাণ্ডবঃ।
ভীমসেনো মহাবাহুঃ ক্রোধমাহারয়ৎপরম্॥ 7-201-88 (54563)
ততঃ শরশতৈস্তীক্ষ্ণৈঃ সঙ্ক্রুদ্ধাশীবিষোপমৈঃ।
ছাদয়ামাস সমরে দ্রোণপুত্রং পরন্তপঃ॥ 7-201-89 (54564)
ততো দ্রৌণির্মহাতেজাঃ শরবর্ষং নিহত্য তম্।
বিব্যাধ নিশিতৈর্বাণৈর্ভীমসেনমমর্ষণঃ॥ 7-201-90 (54565)
ততো ভীমো মহাবাহুদ্রৌণের্যুধি মহাবলঃ।
ক্ষুরপ্রেণ ধনুশ্ছিত্ৎবা দ্রৌণিং বিব্যাধ পত্রিণা॥ 7-201-91 (54566)
তদপাস্য ধনুশ্ছিন্নং দ্রোণপুত্রো মহামনাঃ।
অন্যৎকার্মুকমাদায় ভীমং বিব্যাধ পত্রিভিঃ॥ 7-201-92 (54567)
তৌ দ্রৌণিভীমৌ সমরে পরাক্রান্তৌ মহাবলৌ।
অবর্ষতাং শরবর্ষং বৃষ্টিমন্তাবিবাম্বুদৌ॥ 7-201-93 (54568)
ভীমনামাঙ্কিতা বাণাঃ স্বর্ণপুঙ্খাঃ শিলাশিতাঃ।
দ্রৌণিং সঞ্ছাদয়ামাসুর্ঘনৌঘা ইব ভাস্করম্॥ 7-201-94 (54569)
তথৈব দ্রৌণিনির্মুক্তৈর্ভীমঃ সন্নতপর্বভিঃ।
অবাকীর্যত স ক্ষিপ্রং শরৈঃ শতসহস্রশঃ॥ 7-201-95 (54570)
স চ্ছাদ্যমানঃ সমরে দ্রৌণিনা রণশালিনা।
ন বিব্যথে মহারাজ তদদ্ভুতমিবাভবৎ॥ 7-201-96 (54571)
ততো ভীমো মহাবাহুঃ কার্তস্বরবিভূষিতান্।
নারাচান্দশ সম্প্রৈষীদ্যমদণ্ডনিভাঞ্ছিতান্॥ 7-201-97 (54572)
তে জত্রুদেশমাসাদ্য দ্রোণপুত্রস্য মারিষ।
নির্ভিদ্য বিবিশুস্তূর্ণং বল্মীকমিব পন্নগাঃ॥ 7-201-98 (54573)
সোঽতিবিদ্ধো ভৃশং দ্রৌণিঃ পাণ্ডবেন মহাত্মনা।
ধ্বজয়ষ্টিং সমাসাদ্য ন্যমীলয়ত লোচনে॥ 7-201-99 (54574)
স মুহূর্তাৎপুনঃ সংজ্ঞাং লব্ধ্বা দ্রৌণির্নরাধিপ।
ক্রোধং পরমমাতস্থৌ সমরে রুধিরোক্ষিতঃ॥ 7-201-100 (54575)
দৃঢং সোঽভিহতস্তেন পাণ্ডবেন মহাত্মনা।
বেগং চক্রে মহাবাহুর্ভীমসেনরথং প্রতি॥ 7-201-101 (54576)
তত আকর্ণপূর্ণানাং শরাণাং তিগ্মতেজসাম্।
শতমাশীবিষাভানাং প্রেষয়ামাস ভারত॥ 7-201-102 (54577)
ভীমোঽপি সমরশ্লাঘী তস্য বীর্যমচিন্তয়ৎ।
তূর্ণং প্রাসৃজদুগ্রাণি শরবর্ষাণি পাণ্ডবঃ॥ 7-201-103 (54578)
ততো দ্রৌণির্মহারাজ চ্ছিত্ৎবাঽস্য বিশিখৈর্ধনুঃ।
আজঘানোরসি ক্রুদ্ধঃ পাণ্ডবং নিশিতৈঃ শরৈঃ॥ 7-201-104 (54579)
ততোঽন্যদ্ধনুরাদায় ভীমসেনো হ্যমর্ষণঃ।
বিব্যাধ নিশিতৈর্বাণৈর্দ্রৌণিং পঞ্চভিরাহবে॥ 7-201-105 (54580)
জীমূতাবিব ঘর্মান্তে তৌ শরৌঘপ্রবর্ষিণৌ।
অন্যোন্যক্রোধতাম্রাক্ষৌ ছাদয়ামাসতুর্যুধি॥ 7-201-106 (54581)
তলশব্দৈস্ততো ঘোরৈস্ত্রাসয়ন্তৌ পরস্পরম্।
অয়ুধ্যেতাং সুসংরব্ধৌ কৃতপ্রতিকৃতৈষিণৌ॥ 7-201-107 (54582)
ততো বিষ্ফার্য সুমহচ্চাপং রুক্মবিভূষিতম্।
ভীমং প্রৈক্ষত স দ্রৌণিঃ শরানস্যন্তমন্তিকাৎ।
শরদ্যহর্মধ্যগতো দ্রীপ্তার্চিরিব ভাস্করঃ॥ 7-201-108 (54583)
আদদনাস্য বিশিখান্সন্দধানস্য চাশুগান্।
বিকর্ষতো মুঞ্চতশ্চ নান্তরং দদৃশুর্জনাঃ॥ 7-201-109 (54584)
অলাতচক্রপ্রতিমং তস্য মণ্ডলমায়ুধম্।
দ্রৌণেরাসীন্মহারাজ বাণান্বিসৃজতস্তদা॥ 7-201-110 (54585)
ধনুশ্চ্যুতাঃ শরাস্তস্য শতশোঽথ সহস্রশঃ।
আকাশে প্রত্যদৃশ্যন্ত শলভানামিবায়তীঃ॥ 7-201-111 (54586)
তে তু দ্রৌণিবিনির্মুক্তাঃ শরা হেমবিভূষিতাঃ।
অজস্রমন্বকীর্যন্ত ঘোরা ভীমরথং প্রতি॥ 7-201-112 (54587)
তত্রাদ্ভুতকমপশ্যাম ভীমসেনস্য বিক্রমম্।
বলং বীর্যং প্রভাবং চ ব্যবসায়ং চ ভারত॥ 7-201-113 (54588)
তাং স মেঘাদিবোদ্ভূতাং বাণবৃষ্টিং সমন্ততঃ।
জলবৃষ্টিং মহাঘোরাং তপান্ত ইব চিন্তয়ন্॥ 7-201-114 (54589)
দ্রোণপুত্রবধপ্রেপ্সুর্ভীমো ভীমপরাক্রমঃ।
অমুঞ্চচ্ছরবর্ষাণি প্রাবৃষীব বলাহকঃ॥ 7-201-115 (54590)
তদ্রুক্মপৃষ্টং ভীমস্য ধনুর্ঘারং মহারণে।
বিকৃষ্যমাণং বিবভৌ শক্রচাপমিবাপরম্॥ 7-201-116 (54591)
তস্মাচ্ছরাঃ প্রাদুরাসঞ্ছতশোঽথ সহস্রশঃ।
সঞ্ছাদয়ন্তঃ সমরে দ্রৌণিমাহবশোভিনম্॥ 7-201-117 (54592)
তয়োর্বিসৃজতোরেবং শরজালানি মারিষ।
বায়ুরপ্যন্তরা রাজন্নাশক্নোৎপ্রতিসর্পিতুম্॥ 7-201-118 (54593)
তথা দ্রৌণির্মহারাজ শরান্হেমবিভূষিতান্।
তৈলধৌতান্প্রসন্নাগ্রান্প্রাহিণোদ্বধকাঙ্ক্ষয়া॥ 7-201-119 (54594)
তানন্তরিক্ষে বিশিখৈস্ত্রিধৈকৈকমশাতয়ৎ
বিশেষয়ন্দ্রোণসুতং তিষ্ঠতিষ্ঠেতি চাব্রবীৎ॥ 7-201-120 (54595)
পুনশ্চ শরবর্ষাণি ঘোরাণ্যুগ্রাণি পাণ্ডবঃ।
ব্যসৃজদ্বলবানক্রুদ্ধো দ্রোণপুত্রবধেপ্সয়া॥ 7-201-121 (54596)
ততোঽস্ত্রমায়যা তূর্ণং শরবৃষ্টিং নিবার্য তাম্।
ধনুশ্চিচ্ছেদ ভীমস্য দ্রোণপুত্রো মহাস্ত্রবিৎ।
শরৈশ্চৈনং সুবহুভিঃ ক্রুদ্ধঃ সঙ্খ্যে পরাভিনৎ॥ 7-201-122 (54597)
স ছিন্নধন্বা বলবান্রথশক্তিং সুদারুণাম্॥
বেগেনাবিধ্য চিক্ষেপ দ্রোণপুত্ররথং প্রতি॥ 7-201-123 (54598)
তামাপতন্তীং সহসা মহোল্কাভাং শিতৈঃ শরৈঃ।
চিচ্ছেদ সমরে দ্রৌণির্দর্শয়ন্পাণিলাঘবম্॥ 7-201-124 (54599)
এতস্মিন্নন্তরে ভীমো দৃঢমাদায় কার্মুকম্।
দ্রৌণিং বিব্যাধ বিশিখৈঃ স্ময়মানো বৃকোদরঃ॥ 7-201-125 (54600)
ততো দ্রৌণির্মহারাজ ভীমসেনস্য সারথিম্।
ললাটে দারয়ামাস শরেণানতপর্বণা॥ 7-201-126 (54601)
সোঽতিবিদ্ধো বলবতা দ্রোণপুত্রেণ সারথিঃ।
ব্যামোহমগমদ্রাজন্রশ্মীনুৎসৃজ্য বাজিনাং॥ 7-201-127 (54602)
ততোঽশ্বাঃ প্রাদ্রবংস্তূর্ণং মোহিতে রথসারথৌ।
ভীমসেনস্য রাজেনদ্র্ পশ্যতাং সর্বধন্বিনাম্॥ 7-201-128 (54603)
তং দৃষ্ট্বা প্রদ্রুতৈরশ্বৈরপকৃষ্টং রণাজিরাৎ।
দধ্মৌ প্রমুদিতঃ শঙ্খং বৃহন্তমপরাজিতঃ॥ 7-201-129 (54604)
ততঃ সর্বে চ পাঞ্চালা ভীমসেনশ্চ পাণ়্ডবঃ।
ধৃষ্টদ্যুম্নরথং ত্যক্ৎবা ভীতাঃ সম্প্রাদ্রবন্দিশঃ॥ 7-201-130 (54605)
তান্প্রভগ্নাংস্ততো দ্রৌণিঃ পৃষ্ঠতো বিকিরঞ্শরান্।
অভ্যবর্তত বেগেন কালয়ন্পাণ্ডুবাহিনীম্॥ 7-201-131 (54606)
তে বধ্যমানাঃ সমরে দ্রোণপুত্রেণ পার্থিবাঃ।
দ্রোণপুত্রভয়াদ্রাজন্দিশঃ সর্বাশ্চ ভেজিরে॥ ॥ 7-201-132 (54607)
ইতি শ্রীমন্মহাভারতে দ্রোণপর্বণ নারায়ণাস্ত্রমোক্ষপর্বণি পঞ্চদশদিবসয়ুদ্ধে একাধিকদ্বিশততমোঽধ্যায়ঃ॥ 201 ॥
Mahabharata - Drona Parva - Chapter Footnotes
5-201-* এতদাদি 14 শ্লোকাঃ ঝ. পুস্ত এব দৃশ্যন্তে। 5-201-* এতদাদি 42 শ্লোকাঃ ঝ. পাঠ এব সন্তি।দ্রোণপর্ব - অধ্যায় 202
॥ শ্রীঃ ॥
7.202. অধ্যায়ঃ 202
Mahabharata - Drona Parva - Chapter Topics
নারায়ণাস্ত্রে বিফলীকৃতে পুনরশ্বত্থাম্নাঽঽগ্নেয়াস্ত্রপ্রয়োগঃ॥ 1 ॥ তস্যাপি পার্থেন ব্যর্থীকরণে দূয়মানেন দ্রৌণিনা শস্ত্রন্যাসপূর্বকং রণাঙ্কণান্নির্গমনম্॥ 2 ॥ নির্গচ্ছতা চ তেন যদৃচ্ছাসমাগতং ব্যাসং প্রতি নিজাস্ত্রবৈফল্যকারণপ্রশ্নঃ॥ 3 ॥ ব্যাসেন কৃষ্ণার্জুনয়োর্নরনারায়ণাত্মকৎবে কথিতে প্রতিনিবৃত্তেন দ্রৌণিনা সেনাবহারঃ॥ 4 ॥Mahabharata - Drona Parva - Chapter Text
7-202-0 (54608)
সঞ্জয় উবাচ। 7-202-0x (4800)
তৎপ্রভগ্নং বলং দৃষ্ট্বা কুন্তীপুত্রো ধনঞ্জয়ঃ।
ন্যবারয়দমেয়াত্মা দ্রোণপুত্রজয়েপ্সয়া॥ 7-202-1 (54609)
ততস্তে সৈনিকা রাজন্সর্বে তত্রাবতস্থিরে।
সংস্থাপ্যমানা যত্নেন গোবিন্দেনার্জুনেন চ॥ 7-202-2 (54610)
এক এব চ বীভৎসুঃ সোমকাবয়বৈঃ সহ।
মাৎস্যৈরন্যৈশ্চ সংধায় কৌরবান্সন্ন্যবর্তত॥ 7-202-3 (54611)
ততো দ্রুতমতিক্রম্য সিংহলাঙ্গূলকেতনম্।
সব্যসাচী মহেষ্বাসমশ্বত্থামানমব্রবীৎ॥ 7-202-4 (54612)
য শক্তির্যচ্চ বিজ্ঞানং যদ্বীর্যং যচ্চ পৌরুষম্।
ধার্তরাষ্ট্রেষু যা প্রীতির্দেষোঽস্মাসু চ যচ্চ তে॥ 7-202-5 (54613)
যচ্চ ভূয়োঽস্তি তেজস্তে তৎসর্বং ময়ি দর্শয়।
স এব দ্রোণহন্তা তে দর্পং ছেৎস্যতি পার্ষতঃ॥ 7-202-6 (54614)
কালানলসমপ্রখ্যং দ্বিষামন্তকোপমম্।
সমাসাদয় পাঞ্চাল্যং মাং চাপি সহকেশবম্।
দর্পং নাশয়িতাস্ম্যদ্য তবোদ্বৃত্তস্য সংয়ুগে॥ 7-202-7 (54615)
ধৃতরাষ্ট্র উবাচ। 7-202-8x (4801)
আচার্যপুত্রো মানার্হো বলবাংশ্চাপি সঞ্জয়।
প্রীতির্ধনঞ্জয়ে চাস্য প্রিয়শ্চাপি মহাত্মনঃ॥ 7-202-8 (54616)
ন ভূতপূর্বং বীভৎসোর্বাক্যং পরুষমীদৃশম্॥
অথ কস্মাৎস কৌন্তেয়ঃ সখায়ং রূক্ষমুক্তবান্॥ 7-202-9 (54617)
সঞ্জয় উবাচ। 7-202-10x (4802)
যুবরাজে হতে চৈব বৃদ্বক্ষত্রে চ পৌরবে।
ইষ্বস্ত্রবিধিসম্পন্নে মালবে চ সুদর্শনে॥ 7-202-10 (54618)
ধৃষ্টদ্যুম্নে সাত্যকৌ চ ভীমে চাপি পারজিতে।
যুধিষ্ঠিরস্য তৈর্বাক্যৈর্মর্মণ্যপি চ ঘট্টিতে। 7-202-11 (54619)
অন্তর্ভেদে চ সঞ্জাতে দুঃখং সংস্মৃত্য চ প্রভো।
অভূতপূর্বো বীভৎসোর্দুঃখান্মন্যুরজায়ত॥ 7-202-12 (54620)
তস্মাদনর্হমশ্লীলমপ্রিয়ং দ্রোণিমুক্তবান্।
মান্যমাচার্যতনয়ং রূক্ষং কাপুরুষং যথা॥ 7-202-13 (54621)
এবমুক্তঃ শ্বসন্ক্রোধান্মহেষ্বাসতমো নৃপ।
পার্থেন পরুষং বাক্যং সর্বমর্মভিদা গিরা॥ 7-202-14 (54622)
দ্রৌণিশ্চুকোপ পার্থায় কৃষ্ণায় চ বিশেষতঃ।
স তু যত্তো রথে স্থিৎবা বার্যুপস্পৃশ্য বীর্যবান্॥ 7-202-15 (54623)
দেবৈরপি সুদুর্ধর্ষমস্ত্রমাগ্নেয়মাদদে।
দৃশ্যাদৃশ্যানরিগণানুদ্দিশ্যাচার্যনন্দনঃ॥ 7-202-16 (54624)
সোঽভিমন্ত্র্য শরং দীপ্তং বিধূমমিব পাবকম্।
সর্বতঃ ক্রোধমাবিশ্য চিক্ষেপ পরবীরহা॥ 7-202-17 (54625)
ততস্তুমুলমাকাশে শরবর্ষমজায়ত।
পাবকার্চিপরীতং তৎপার্থমেবাভিপুপ্লুবে॥ 7-202-18 (54626)
উল্কাশ্চ গগনাৎপেতুর্দিশশ্চ ন চকাশিরে।
তমশ্চ সহসা রৌদ্রং চমূমবততার তাম্॥ 7-202-19 (54627)
রক্ষাংসি চ পিশাচাশ্চ বিনেদুরতিসঙ্গতাঃ।
ববুশ্চাশিশিরা বাতাঃ সূর্যো নৈব ততাপ চ॥ 7-202-20 (54628)
বায়সাশ্চাপি চাক্রন্দন্দিক্ষু সর্বাসু ভৈরবম্।
রুধিরং চাপি বর্ষন্তো নিনেদুস্তোয়দা দিবি॥ 7-202-21 (54629)
পক্ষিণঃ পশবো গাবো বিনেদুশ্চাপি সুব্রতাঃ।
পরমং প্রয়তাত্মানো ন শান্তিমুপলেভিরে॥ 7-202-22 (54630)
ভ্রান্তসর্বমহাভূতমাবর্তিতদিবাকরম্।
ত্রৈলোক্যমভিসন্তপ্তং জ্বরাবিষ্টমিবাভবৎ॥ 7-202-23 (54631)
অস্ত্রতেজোভিসন্তপ্তা নাগা ভূমিশয়াস্তথা।
নিঃশ্বসন্তঃ সমুৎপেতুস্তেজো ঘোরং মুমুক্ষবঃ॥ 7-202-24 (54632)
জলজানি চ সৎবানি দহ্যমানানি ভারত।
ন শান্তিমুপজগ্মুর্হি তপ্যমানৈর্জলাশয়ৈঃ॥ 7-202-25 (54633)
দিগ্ভ্যঃ প্রদিগ্ভ্যঃ খাদ্ভূমেঃ সর্বতঃ শরবৃষ্টয়ঃ।
উচ্চাবচা নিপেতুর্বৈ গরুডানিলরংহসঃ॥ 7-202-26 (54634)
তৈঃ শরৈর্দ্রোণপুত্রস্য বজ্রবেগৈঃ সমাহতাঃ।
প্রদগ্ধা রিপবঃ পেতুরগ্নিদগ্ধা ইব দ্রুমাঃ॥ 7-202-27 (54635)
দহ্যমানা মহানাগাঃ পেতুরুর্ব্যাং সমন্ততঃ।
নদন্তো ভৈরবান্নাদাঞ্চলদোপমনিস্বনান্॥ 7-202-28 (54636)
অপরে প্রদ্রুতা নাগা ভয়ত্রস্তা বিশাম্পতে।
ত্রেসুর্দিশো যথা পূর্বং বনে দাবাগ্নিসংবৃতাঃ॥ 7-202-29 (54637)
দ্রুমাণাং শিখরাণীব দাবদগ্ধানি মারিষ।
অশ্ববৃন্দান্যদৃশ্যন্ত রথবৃন্দানি ভারত।
অপতন্ত রথৌঘাশ্চ তত্রতত্র সহস্রশঃ॥ 7-202-30 (54638)
তৎসৈন্যং ভয়সংবিগ্নং দদাহ যুধি ভারত।
যুগান্তে সর্বভূতানি সংবর্তক ইবানলঃ॥ 7-202-31 (54639)
দৃষ্ট্বা তু পাণ্ডবীং সেনাং দহ্যমানাং মহাহবে।
প্রহৃষ্টাস্তাবকা রাজন্সিংহনাদান্বিনেদিরে॥ 7-202-32 (54640)
ততস্তূর্যসহস্রাণি নানালিঙ্গানি ভারত।
তূর্ণমাজঘ্নিরে হৃষ্টাস্তাবকা জিতকাশিনঃ॥ 7-202-33 (54641)
কৃৎস্না হ্যক্ষৌহিণী রাজন্সব্যসাচী চ পাণ্ডবঃ।
তমসা সংবৃতে লোকে নাদৃশ্যন্ত মহাহবে॥ 7-202-34 (54642)
নৈব নস্তাদৃশং রাজন্দৃষ্টপূর্বং ন চ শ্রুতম্।
যাদৃশং দ্রোণপুত্রেণ সৃষ্টমস্ত্রমমর্ষিণা॥ 7-202-35 (54643)
অর্জুনস্তু মহারাজ ব্রাহ্মমস্ত্রমুদৈরয়ৎ।
সর্বাস্ত্রপ্রতিঘাতার্থং বিহিতং পদ্ময়োনিনা॥ 7-202-36 (54644)
ততো মুহূর্তাদিব তত্তমো ব্যুপশশাম হ।
প্রববৌ চানিলঃ শীতো দিশশ্চ বিমলা বভুঃ॥ 7-202-37 (54645)
তত্রাদ্ভুতমপশ্যাম কৃৎস্নামক্ষৌহিণীং হতাম্।
অনভিজ্ঞেয়রূপাং চ প্রদগ্ধামস্ত্রতেজসা॥ 7-202-38 (54646)
ততো বীরৌ মহেষ্বাসৌ বিমুক্তৌ কেশবার্জুনৌ।
সহিতৌ প্রত্যদৃশ্যেতাং নভসীব তমোনুদৌ।
ততো গণ্ডীবধনন্বা চ কেশবশ্চাক্ষতাবুভৌ॥ 7-202-39 (54647)
সপতাকধ্বজহয়ঃ সানুকর্ষবরায়ুধঃ।
প্রবভৌ সরথো যুক্তস্তাবকানাং ভয়ঙ্করঃ॥ 7-202-40 (54648)
ততঃ কিলকিলাশব্দঃ শঙ্খভেরীস্বনৈঃ সহ।
পাণ্ডবানাং প্রহৃষ্টানাং ক্ষণেন সমজায়ত॥ 7-202-41 (54649)
হতাবিতি তয়োরাসীৎসেনয়োরুভয়োর্মতিঃ।
তরসাঽভ্যাগতৌ দৃষ্ট্বা সহিতৌ কৈশবার্জুনৌ॥ 7-202-42 (54650)
তাবক্ষতৌ প্রমুদিতৌ দধ্মতুর্বারিজোত্তমৌ।
দৃষ্ট্বা প্রমুদিতান্পার্থাংস্ৎবদীয়া ব্যথিতাঽভবন্॥ 7-202-43 (54651)
বিমুক্তৌ চ মহাত্মানৌ দৃষ্ট্বা দ্রৌণিঃ সুদুঃখিতঃ।
মুহূর্তং চিন্তয়ামাস কিন্ৎবেতদিতি মারিষ॥ 7-202-44 (54652)
চিন্তয়িৎবা তু রাজেন্দ্র ধ্যানশোকপরায়ণঃ।
নিঃশ্বসন্দীর্ঘমুষ্ণং চ বিমনাশ্চাভবত্ততঃ॥ 7-202-45 (54653)
সঞ্জয় উবাচ। 7-202-46x (4803)
ততো দ্রৌণির্ধনুস্ত্যক্ৎবা রথাৎপ্রস্কন্দ্য বেগিতঃ।
ধিগ্ধিক্সর্বমিদং মিথ্যেত্যুক্ৎবা সম্প্রাদ্রবদ্রণাৎ॥ 7-202-46 (54654)
ততঃ স্নিগ্ধাম্বুদাভাসং বেদাবাসমকল্মষম্।
বেদব্যাসং সরস্বত্যাবাসং ব্যাসং দদর্শ হ॥ 7-202-47 (54655)
তং দ্রৌণিরগ্রতো দৃষ্ট্বা স্থিতং কুরুকুলোদ্বহম্।
সন্নকণ্ঠোঽব্রবীদ্বাক্যমভিবাদ্য সুদীনবৎ॥ 7-202-48 (54656)
ভোভো মায়া যদৃচ্ছা বা দৈবং বা কিমিদং ভবেৎ।
অস্ত্রং ৎবিদং কথং মিথ্যা মম কশ্চ ব্যতিক্রমঃ॥ 7-202-49 (54657)
অধরোত্তরমেতদ্বা লোকানাং বা পরাভবঃ।
যদিমৌ জীবতঃ কৃষ্ণৌ কালো হি দুরতিক্রমঃ॥ 7-202-50 (54658)
নাসুরা ন চ গন্ধর্বা ন পিশাচা ন রাক্ষসাঃ।
ন সর্পা যক্ষপতগা ন মনুষ্যাঃ কথঞ্চন॥ 7-202-51 (54659)
উৎসহন্তেঽন্যথা কর্তুমেতদস্ত্রং ময়েরিতম্।
তদিদং কেবলং হৎবা শান্তমক্ষৌহিণীং জ্বলৎ॥ 7-202-52 (54660)
সর্বঘানি ময়া মুক্তমস্ত্রং পরমদারুণম্।
কেনেমৌ মর্ত্যধর্মাণৌ নাধাক্ষীৎকেশবার্জুনৌ॥ 7-202-53 (54661)
এতৎপ্রব্রূহি ভগবন্ময়া পৃষ্টো যথাতথম্।
শ্রোতুমিচ্ছামি তত্ৎবেন সর্বমেতন্মহামুনে॥ 7-202-54 (54662)
ব্যাস উবাচ। 7-202-55x (4804)
মহান্তমেবমর্থং মাং যং ৎবং পৃচ্ছসি বিস্ময়াৎ।
তং প্রবক্ষ্যামি তে সর্বং সমাধায় মনঃ শৃণু॥ 7-202-55 (54663)
যোঽসৌ নারায়ণো নাম পূর্বেষামপি পূর্বজঃ।
`আদিদেবো জগন্নাথো লোককর্তা স্বয়ং প্রভুঃ॥ 7-202-56 (54664)
আদ্যঃ সর্বস্য লোকস্য অনাদিনিধনোঽচ্যুতঃ।
ব্যাকুর্বতে যস্য তত্ৎবং শ্রুতয়ো মুনয়শ্চ হ॥ 7-202-57 (54665)
অতোঽজয়্যঃ সর্বভূতৈর্মনসাঽপি জগৎপতিঃ।
তস্মাদিমং জেতুকাম অজ্ঞানতমসা বৃতঃ॥ 7-202-58 (54666)
মা শুচঃ পুরুষব্যাঘ্র বিদ্বি তদ্বদিহার্জুনম্।
তস্য শক্তিরসৌ পার্থাস্তস্মাচ্ছোকমিমং ত্যজ॥ 7-202-59 (54667)
বিশ্বেশ্বরোঽয়ং লোকাদিঃ পরমাত্মা হ্যধোক্ষজঃ।
সহস্রসংহিতাদংশাদেকাংশোঽয়মজায়ত॥ 7-202-60 (54668)
দেবানাং হিতকামার্থং লোকানাং চৈব সত্তমঃ'।
অজায়ত চ কার্যার্থং পুত্রো ধর্মস্য বিশ্বকৃৎ॥ 7-202-61 (54669)
স তপস্তীব্রমাতস্থে শিশিরং গিরিমাস্থিতঃ।
ঊর্ধ্ববাহুর্মহাতেজা জ্বলনাদিত্যসন্নিভঃ॥ 7-202-62 (54670)
ষষ্টিং বর্ষসহস্রাণি তাবন্ত্যেব শতানি চ।
অশোষয়ত্তদাঽঽত্মানং বায়ুভক্ষোঽম্বুজেক্ষণঃ॥ 7-202-63 (54671)
অথাপরং তপস্তপ্ৎবা দ্বিস্ততোঽন্যৎপুনর্মহৎ।
দ্যাবাপৃথিব্যোর্বিবরং তেজসা সমপূরয়ৎ॥ 7-202-64 (54672)
স তেন তপসা তাত ব্রহ্মভূতো যদাঽভবৎ।
ততো বিশ্বেশ্বরং যোনিং বিশ্বস্য জগতঃ পতিম্।
দদর্শ ভৃশদুর্ধর্ষং সর্বদেবৈরভিষ্টুতম্॥ 7-202-65 (54673)
অণীয়াংসমণুভ্যশ্চ বৃহদ্ভ্যশ্চ বৃহত্তমম্।
রুদ্রমীশানবৃষভং হরং শংভুং কপর্দিনম্॥ 7-202-66 (54674)
চেকিতানং পরাং যোনিং তিষ্ঠতো গচ্ছতশ্চ হ।
দুর্বারণং সুদুর্ধর্ষং দুর্নিরীক্ষ্যং দুরাসদম্।
অতিমন্যুং মহাত্মানং সর্বভূতপ্রচেতসম্॥ 7-202-67 (54675)
দিব্যং চাপমিষুধী চাদদানং
হিরণ্যবর্মাণমনন্তবীর্যম্।
পিনাকিনং বজ্রিণং দীপ্তশূলং
পরশ্বথিং গদিনং চায়তাসিম্॥ 7-202-68 (54676)
বভ্রূজটামণ্ডলচন্দ্রমৌলিং
ব্যাঘ্রাজিনং পরিঘিণং দণ্ডপাণিম্।
শুভাঙ্গদং নাগয়জ্ঞোপবীতং
বিশ্বৈর্গণৈঃ শোভিতং ভূতসঙ্ঘৈঃ।
একীভূতং তপসাং সন্নিধানং
বচোধিকৈঃ সুষ্টুতমিষ্টবাগ্ভিঃ॥ 7-202-69 (54677)
জলং দিশং খং ক্ষিতিং চন্দ্রসূর্যৌ
হুতাশবায়ুপ্রতিমং সুরেশম্।
নালং দ্রষ্টুং যং জনা ভিন্নবৃত্তা
ব্রহ্মদ্বিষঘ্নমমৃতস্য যোনিম্॥ 7-202-70 (54678)
যং পশ্যন্তি ব্রাহ্মণাঃ সাধুবৃত্তাঃ
ক্ষীণে পাপে মনসা বীতশোকাঃ।
তন্নিষ্ঠাত্মা তপসা ধর্মমীড্যং
তদ্ভক্ত্যা বৈ বিশ্বরূপং দদর্শ॥ 7-202-71 (54679)
দৃষ্ট্বা চৈনং বাড্মনোবুদ্ধিদেহৈঃ
সংহৃষ্টাত্মা মুমুদে বাসুদেবঃ॥ 7-202-72 (54680)
অক্ষমালাপরিক্ষিপ্তং জ্যোতিষাং পরমং নিধিম্।
রুদ্রং নারায়ণো দৃষ্ট্বা ববন্দে বিশ্বসম্ভবম্॥ 7-202-73 (54681)
বরদং পৃথুচার্বঙ্গ্যা পার্বত্যা সহিতং প্রভুম্।
ক্রীডমানং মহাত্মানং ভূতসঙ্ঘগণৈর্বৃতম্॥ 7-202-74 (54682)
অজমীশানমব্যক্তং কারণাত্মানমচ্যুতম্।
অভিবাদ্যাথ রুদ্রায় সদ্যোঽন্ধকনিপাতিনে।
পদ্মাক্ষস্তং বিরুপাক্ষমভিতুষ্টাব ভক্তিমান্॥ 7-202-75 (54683)
শ্রীনারায়ণ উবাচ। 7-202-76x (4805)
ৎবৎসম্ভূতা ভূতকৃতো বরেণ্য
গোসারোঽস্য ভুবনস্যাদিদেব।
আবিশ্যেমাং ধরণীং যেঽভ্যরক্ষন্
পুরা পুরাণীং তব দেব সৃষ্টিম্॥
সুরাসুরান্নাগরক্ষঃপিশাচা--
ন্নরান্সুপর্ণানথ গন্ধর্বয়ক্ষান্। 7-202-76 (54684)
পৃথগ্বিধান্ভূতসঙ্ঘাংশ্চ বিশ্বাং--
স্ৎবৎসম্ভূতান্বিদ্ম সর্বাংস্তথৈব॥ 7-202-77 (54685)
ঐন্দ্রং যাম্যং বারুণং বৈত্তপাল্যং
পৈত্রং ৎবাষ্ট্রং কর্ম সৌম্যং চ তুভ্যম্॥ 7-202-78 (54686)
রূপং জ্যোতিঃ শব্দ আকাশবায়ুঃ
স্পর্শঃ স্বাদ্যং সলিলং গন্ধ উর্বী।
কালো ব্রহ্মা ব্রহ্ম চ ব্রাহ্মণাশ্চ
ৎবৎসম্ভূতাঃ স্থাস্নু চরিষ্ণু চেদম্॥ 7-202-79 (54687)
অদ্ভ্যঃ স্তোকা যান্তি যথা পৃথক্ৎবং
তাথিশ্চৈক্যং সংক্ষয়ে যান্তি ভূয়ঃ।
এবং বিদ্বান্প্রভবং চাপ্যযং চ
ৎবসম্ভূতং তব সায়ুজ্যমেতি॥ 7-202-80 (54688)
দিব্যামৃতৌ মানসৌ দ্বৌ সুপর্ণা--
ববাক্শাখঃ পিপ্পলঃ সপ্তগোপ্তঃ।
বাচশ্চার্থা দেবতাঃ লোকপালা
লোকানন্যে যে পুরা ধারয়িৎবা।
গতা হি তেভ্যঃ পরমং তৎপরং চ
ৎবৎসম্ভূতাস্তে চ তেভ্যঃ পরস্ৎবম্॥ 7-202-81 (54689)
ভূতং ভব্যং ভবিতা চাপ্রধৃষ্যং
ৎবৎসম্ভূতা ভুবনানীহ বিশ্বা।
ভক্তং চ মাং ভজমানং ভজস্ব
প্রীত্যা মাং বৈ লোকপিতামহেশ॥ 7-202-82 (54690)
আত্মানং ৎবমাত্মনো ন ব্যবোধং
বিদ্বানেবং গচ্ছি ব্রহ্ম শুক্রম্।
অস্তৌষং ৎবাং তব সংমানমিচ্ছ--
নিচিন্বন্বৈ সদৃশং দেববর্য।
সুদুর্লভান্দেহি পরান্মমেষ্টা--
নভিষ্টুতঃ প্রবিকার্ষীশ্চ মায়াম্॥ 7-202-83 (54691)
ব্যাস উবাচ। 7-202-84x (4806)
তস্মৈ বরানচিন্ত্যাত্মা দেবদেবঃ পিনাকধৃৎ।
বিষ্ণবে দেবমুখ্যায় প্রায়চ্ছদৃষিসংস্তুতঃ॥ 7-202-84 (54692)
শ্রীভগবানুবাচ। 7-202-85x (4807)
মৎপ্রসাদান্মনুষ্যেষু দেবগন্ধর্বয়োনিষু।
অপ্রমেয়বলাত্মা ৎবং নারায়ণ ভবিষ্যসি॥ 7-202-85 (54693)
ন চ ৎবাং প্রসহিষ্যন্তি দেবাসুরমহোরগাঃ।
ন পিশাচা ন গন্ধর্বা ন যক্ষা ন চ রাক্ষসাঃ॥ 7-202-86 (54694)
ন সুপর্ণাস্তথা নাগা ন চ বিশ্বে বিয়োনিজাঃ।
ন কশ্চিত্ৎবাং চ দেবোঽপি সমরেষু বিজেষ্যতি॥ 7-202-87 (54695)
ন শস্ত্রেণ ন বজ্রেণ নাগ্নিনা ন চ বারিণা।
ন চার্দ্রেণ ন শুষ্কেণ ত্রসেন স্থাবরেণ চ॥ 7-202-88 (54696)
ন হস্তেন ন পাদেন ন কাষ্ঠেন ন লোষ্টুনা।
কশ্চিত্তব রুজাং কর্তা মৎপ্রসাদাৎকথঞ্চন।
অপি বৈ সমরং গৎবা ভবিষ্যসি মমাধিকঃ॥ 7-202-89 (54697)
এবমাদীন্বরাঁল্লব্ধ্বা প্রসাদাদথ শূলিনঃ।
স এষ দেবশ্চরতি মায়যা মোহয়ঞ্জগৎ॥ 7-202-90 (54698)
তস্যৈব তপসা জাতো নরো নাম মহামুনিঃ।
তুল্যমেতেন দেবেন তং জানীহ্যর্জুনং সদা॥ 7-202-91 (54699)
তাবেতৌ পূর্বদেবানাং পরমোপচিতাদৃষী।
লোকয়াত্রাবিধানার্থং দানবানাং বধায় চ।
ধর্মসংস্থাপনার্থায় সঞ্জায়েতে যুগেয়ুগে॥ 7-202-92 (54700)
তথৈব কর্মণা কৃৎস্নং মহতস্তপরসোঽপি চ।
তেজো বাগ্ভিশ্চ বিদ্বংস্ৎবং জাতো রুদ্রান্মহামতে॥ 7-202-93 (54701)
স ভবান্দেববৎপ্রাজ্ঞো জ্ঞাৎবা ভবময়ং জগৎ।
অবাকর্ষস্ৎবমাত্মানং নিয়মৈস্তৎপ্রিয়েপ্সয়া॥ 7-202-94 (54702)
শুভ্রমত্র হবিঃ কৃৎবা মহাপুরুষবিগ্রহম্।
ঈজিবাংস্ৎবং জপৈর্হোমৈরুপহারৈশ্চ মানদ॥ 7-202-95 (54703)
স তথা পূজ্যমানস্তে পূর্বদেবোঽপ্যতূতুষৎ।
পুষ্কলাংশ্চ বরান্প্রাদাত্তব বিদ্বন্হৃদি স্থিতান্॥ 7-202-96 (54704)
জন্মকর্মতপোয়োগাস্তয়োস্তব চ পুষ্কলাঃ।
তাভ্যাং লিঙ্গেঽর্চিতো দেবস্ৎবয়াঽর্চায়াং যুগেয়ুগে।
দেবদেবস্ৎবচিন্ত্যাত্মা অজেয়ো বিষ্ণুসম্ভবঃ॥ 7-202-97 (54705)
সর্বরূপং ভবং জ্ঞাৎবা লিঙ্গে যোঽর্চয়তি প্রভুম্।
আত্ময়োগাশ্চ তস্মিন্বৈ শাস্ত্রয়োগাশ্চ শাশ্বতাঃ॥ 7-202-98 (54706)
এবং দেবা যজন্তো হি সিদ্ধাশ্চ পরমর্ষয়ঃ।
প্রার্থয়ন্তে পরং লোকে স্থাণুমেব চ শাশ্বতম্॥ 7-202-99 (54707)
[স এষ* রুদ্রভক্তশ্চ কেশবো রুদ্রসম্ভবঃ।]
কৃষ্ণ এব হি যষ্টব্যো যজ্ঞৈশ্চৈব সনাতনঃ॥ 7-202-100 (54708)
সর্বভূতভবং জ্ঞাৎবা লিঙ্গমর্চতি যঃ প্রভোঃ।
তস্মিন্নভ্যধিকাং প্রীতিং করোতি বৃষভধ্বজঃ॥ 7-202-101 (54709)
সঞ্জয় উবাচ। 7-202-102x (4808)
তস্য তদ্বচনং শ্রুৎবা দ্রোণপুত্রো মহারথঃ।
নমশ্চকার রুদ্রায় বহুমেনে চ কেশবম্॥ 7-202-102 (54710)
হষ্টরোমা চ বশ্যাত্মা সোঽভিবাদ্য মহর্ষয়ে।
বরূথিনীমভিপ্রেক্ষ্য হ্যবহারমকারয়ৎ॥ 7-202-103 (54711)
ততঃ প্রত্যবহারোঽভূৎপাণ্ডবানাং বিশাম্পতে।
কৌরবাণাং চ দীনানাং দ্রোণে যুধি নিপাতিতে॥ 7-202-104 (54712)
যুদ্ধং কৃৎবা দিনান্পঞ্চ দ্রোণো হৎবা বরূথিনীম্।
ব্রহ্মলোকং গতো রাজন্ব্রাহ্মণো বেদপারগঃ॥ ॥ 7-202-105 (54713)
ইতি শ্রীমন্মহাভারতে দ্রোণপর্বণি নারায়ণাস্ত্রমোক্ষপর্বণি পঞ্চদশদিবসয়ুদ্ধে দ্ব্যধিকদ্বিশততমোঽধ্যায়ঃ॥ 202 ॥
Mahabharata - Drona Parva - Chapter Footnotes
5-202-2 রাজন্নৈব তত্রাবতস্থিরে ইতি ট. পাঠঃ॥ 5-202-3 সোমকাবয়বৈঃ সোমকানামবয়বরূপৈর্মাণ্ডলিকৈঃ॥ 5-202-7 উদ্বৃত্তস্য উচ্ছাস্ত্রবর্তিনঃ॥ 5-202-10 যুবরাজে চেদিপতৌ॥ 5-202-12 অন্তর্ভেদে হৃদয়বৈক্লব্যে। দুঃখং পুত্রবধাদিজম্॥ 5-202-13 অশ্লীলং জুগুপ্সিতম্। অপ্রিয়ং পরুষম্॥ 5-202-21 ক্রব্যাদাশ্চাপি চাক্রন্দন্ ইতি ট.পাঠঃ॥ 5-202-22 প্রয়তাত্মানো যোগিনোঽপি সমাধিচ্যুতা বভূবুরিত্যর্থঃ॥ 5-202-23 আবর্তিতদিবাকরং বিশ্বং সর্বং ভ্রমতীবেত্যমন্যতেত্যর্থঃ॥ 5-202-24 ত্রেসুঃ শব্দং চক্রুঃ। যথা বনে ইতি সম্বন্ধঃ॥ 5-202-29 যুগান্তে প্রলয়ে। সংবর্তকঃ সংহারকঃ॥ 5-202-31 তমোনুদৌ চন্দ্রসূর্যৌ॥ 5-202-39 তয়োর্বিষয়ে॥ 5-202-42 বেদানাং ব্যাসং শাখাপ্রশাখাভেদেন বিভাজকম্। সরস্বত্যা অগ্নোপবেদস্মৃত্যাদিরূপায়াং আবাসম্। ব্যাসমিতি পাঠে বিস্তারম্। আবাসং চ সরস্বত্যাঃ স বৈ ব্যাস দদর্শহ ইতি ক.গ.ট.পাঠঃ॥ 5-202-47 কুরবো ধৃতরাষ্ট্রাদ্যাস্তেষাং কুলোদ্বহম্॥ 5-202-48 মায়া নষ্টয়োরপ্যনষ্টৎবেন দর্শনম্। যদৃচ্ছা অস্ত্রশক্তোরনিয়মঃ॥ 5-202-49 অধরোত্তরং বিপরীতম্॥ 5-202-50 শিশিরং গিরিং হিমাচলম্॥ 5-202-62 যোগী বিশ্বস্যেতি ক.খ.গ.পাঠঃ। পতিং পালয়িতারম্॥ 5-202-65 ঈশানানাং ব্রহ্মাদীনামপি বৃষভং শ্রেষ্ঠম্। কপর্দিনং জটাজূটবন্তম্॥ 5-202-66 চেকিতানং চেতয়তম্। তিষ্ঠতঃ 5-202-67 স্থাবরস্যা। গচ্ছতো জঙ্গমস্য। দুর্বারণং দুর্নিষেধম্। অতিমন্যুং তীব্রকোপং দুষ্টেষু॥ 5-202-68 পরশ্বথিং পরশ্বথবন্তম্॥ 5-202-76 ভূতকৃতঃ প্রজাপতয়ঃ॥ 5-202-78 এন্দ্রং ইন্দ্রদৈবত্যং কর্ম তুভ্যং ৎবদর্থমেব। সর্বেষাং দেবানাং নাম্না ৎবমেব তর্পণীয় ইত্যর্থঃ॥ 5-202-79 আকাশ ইতি লুপ্তবিভক্তিকম্। স্বাদ্যং রসঃ। ব্রহ্ম বেদাঃ যজ্ঞাশ্চ। স্থাস্নু স্থাবরম্। চরিষ্ণু জঙ্গমম্॥ 5-202-80 অদ্ভ্যাঃ সমুদ্রেভ্যঃ স্তোকাঃ বর্ষবিন্দবঃ। সংক্ষয়ে প্লয়ে একার্ণবে॥ 5-202-83 অভিষ্টুতো যানকার্ষীরিহ ৎবম্ ইতি ক.খ.পাঠঃ॥ 5-202-84 ঋষিণা নারায়ণেন সংস্তুতঃ॥ 5-202-87 বিয়োনিজাঃ সিংহব্যাঘ্রাদয়ঃ। নাগান বিশ্বে বিশ্বয়োনয়ঃ ইতি ক.খ.পাঠঃ॥ 5-202-88 ত্রসেন জঙ্গমেন॥ 5-202-89 গৎবা প্রাপ্য॥ 5-202-92 পূর্বদেবানাং ব্রহ্মবিষ্ণুরুদ্রাণাং মধ্যে এতৌ বিষ্ণুরূপিণাবৃষী নরনারায়ণৌ পরমোপচিতাবত্যন্ততপঃ সম্পন্নৌ॥ 5-202-94 দেববৎ নারায়ণবৎ। অবাকর্ষঃ অবমতং কৃশং কৃতবানস্যাত্মানং শীরম্॥ 5-202-95 শুভ্রং দীপ্তিতম্। শুভভৌর্বং নবং কৃৎবেতি ক.খ.গ.পাঠঃ॥ 5-202-98 আত্ময়োগাত্তমীশানং শাস্ত্রয়োগাচ্চ শাশ্বতমিতি ক.খ.গ.পাঠঃ॥ 5-202-103 মহর্ষয়ে ব্যাসায়॥ 5-202-202 দ্ব্যধিকদ্বিশততমোঽধ্যায়ঃ॥দ্রোণপর্ব - অধ্যায় 203
॥ শ্রীঃ ॥
7.203. অধ্যায়ঃ 203
Mahabharata - Drona Parva - Chapter Topics
ইতরালক্ষিতং পুরতঃ স্বানুকূলং যুধ্যমানং শূলপাণিং কঞ্চন পুরুষপ্রবরমবলোকয়তা পার্থেন স ক ইতি যদৃচ্ছাসমাগতং ব্যাসং প্রতি প্রশ্নঃ॥ 1 ॥ তেন তম্প্রতি তস্য তস্য পশুপতিৎবোক্ত্যা শতরুদ্রীয়পঠনেন সবিস্তরং তদ্গুণগণবর্ণনম্॥ 2 ॥Mahabharata - Drona Parva - Chapter Text
7-203-0 (54714)
ধৃতরাষ্ট্র উবাচ। 7-203-0x (4809)
তস্মিন্নতিরথে দ্রোণে নিহতে তত্র সঞ্জয়।
মামকাঃ পাণ্ডবাশ্চৈব কিমকুর্বন্নতঃ পরম্॥ 7-203-1 (54715)
সঞ্জয় উবাচ। 7-203-2x (4810)
তস্মিন্নতিরথে দ্রোণে নিহতে পার্ষতেন বৈ।
কৌরবেষু চ ভগ্নেষু কুন্তীপুত্রো ধনঞ্জয়ঃ॥ 7-203-2 (54716)
দৃষ্ট্বা সুমহদাশ্চর্যমাত্মনো বিজয়াবহম্।
মুনিং স্নিগ্ধাম্বুদাভাসং বেদব্যাসমকল্মষম্।
যদৃচ্ছয়াঽঽগতং ব্যাসং পপ্রচ্ছ ভরতর্ষভ॥ 7-203-3 (54717)
অর্জুন উবাচ। 7-203-4x (4811)
সঙ্গ্রামে ন্যহনং শত্রূঞ্শরৌঘৈর্বিমলৈরহম্।
অগ্রতো লক্ষয়ে যান্তং পুরুষং পাবকপ্রভম্॥ 7-203-4 (54718)
জ্বলন্তং শূলমুদ্যম্য যাং দিশং প্রতিপদ্যতে।
তস্যাং দিশি বিদীর্যন্তে শত্রবো মে মহামুনে॥ 7-203-5 (54719)
তেন ভগ্নানরীন্সর্বান্মদ্ভগ্নান্মন্যতে জনঃ।
তেন ভগ্নানি সৈন্যানি পৃষ্ঠতোঽনুব্রজাম্যহম্॥ 7-203-6 (54720)
ভগবংস্তন্মমাচক্ষ্ব কো বৈ স পুরুষোত্তমঃ।
শূলপাণির্ময়া দৃষ্টস্তেজসা সূর্যসন্নিভঃ॥ 7-203-7 (54721)
ন পদ্ভ্যাং স্পৃশতে ভূমিং ন চ শূলং বিমুঞ্চতি।
শূলাচ্ছূলসহস্রাণি নিষ্পেতুস্তস্য তেজসা॥ 7-203-8 (54722)
ব্যাস উবাচ। 7-203-9x (4812)
প্রজাপতীনাং প্রথমং তৈজসং পুরুষং প্রভুম্।
ভুবনং ভূর্ভুবং দেবং তেজসাং প্রবরং প্রভুম্॥ 7-203-9 (54723)
ঈশানং বরদং পার্থ দৃষ্টবানসি শঙ্করম্।
তং গচ্ছ শরণং দেবং বরদং ভুবনেশ্বরম্॥ 7-203-10 (54724)
মহাদেবং মহাত্মানমীশানং জটিলং বিভুম্।
ত্র্যক্ষং মহাভুজং রুদ্রং শিখিনং চীবরাসসম্॥ 7-203-11 (54725)
মহাদেবং হরং স্থাণুং বরদং ভুবনেশ্বরম্।
জগৎপ্রধানমজিতং জগৎপ্রীতিমধীশ্বরম্॥ 7-203-12 (54726)
জগদ্যোনিং জগদ্বীজং জয়িনং জগতো গতিম্।
বিশ্বাত্মানং বিশ্বসৃজং বিশ্বমূর্তিং যশস্বিনম্॥ 7-203-13 (54727)
বিশ্বেশ্বরং বিশ্বনরং কর্মণামীশ্বরং প্রভুম্।
শংভুং স্বয়ংভুং ভূতেশং ভূতভব্যভবোদ্ভবম্॥ 7-203-14 (54728)
যোগং যোগেশ্বরং সর্বং সর্বলোকেশ্বরেশ্বরম্।
সর্বশ্রেষ্ঠং জগচ্ছ্রেষ্ঠং বরিষ্ঠং পরমেষ্ঠিনম্॥ 7-203-15 (54729)
লোকত্রয়বিধাতারমেকং লোকত্রয়াশ্রয়ম্।
শুদ্ধাত্মানং ভবং ভীমং শশাঙ্ককৃতশেখরম্॥ 7-203-16 (54730)
শাশ্বতং ভূধরং দেবং সর্ববাগীশ্বরেশ্বরম্।
সুদুর্জয়ং জগন্নাথং জন্মমৃত্যুজরাতিগম্॥ 7-203-17 (54731)
জ্ঞানাত্মানং জ্ঞানগম্যং জ্ঞানশ্রেষ্ঠং সুদুর্বিদম্।
দাতারং চৈব ভক্তানাং প্রসাদবিহিতান্বরান্॥ 7-203-18 (54732)
তস্য পারিষদা দিব্যা রূপৈর্নানাবিধৈর্বিভোঃ।
বামনা জটিলা মুণ্ডা হস্বগ্রীবা মহোদরাঃ॥ 7-203-19 (54733)
মহাকায়া মহোৎসাহা মহাকর্ণাস্তথাঽপরে।
আননৈর্বিকৃতৈঃ পাদৈঃ পার্থ বেষৈশ্চ বৈকৃতৈঃ॥ 7-203-20 (54734)
ঈদৃশৈঃ স মহাদেবঃ পূজ্যমানো মহেশ্বরঃ।
স শিবস্তাত তেজস্বী প্রসাদাদ্যাতি তেঽগ্রতঃ॥ 7-203-21 (54735)
তস্মিন্ঘোরে সদা পার্থ সঙ্গ্রামে রোমহর্ষণে।
দ্রৌণিকর্ণকৃপৈর্গুপ্তাং মহেষ্বাসৈঃ প্রহারিভিঃ॥ 7-203-22 (54736)
কস্তাং সেনাং তদা পার্থ মনসাঽপি প্রধর্ষয়েৎ।
ঋতে দেবান্মহেষ্বাসাদ্বহুরূপান্মহেশ্বরাৎ॥ 7-203-23 (54737)
স্থাতুমুৎসহতে কশ্চিন্ন তস্মিন্নগ্রতঃ স্থিতে।
ন হি ভূতং সমং তেন ত্রিষু লোকেষু বিদ্যতে॥ 7-203-24 (54738)
গন্ধেনাপি হি সঙ্গ্রামে তস্য ক্রুদ্ধস্য শত্রবঃ।
বিসংজ্ঞা হতভূয়িষ্ঠা বেপন্তি চ পতন্তি চ॥ 7-203-25 (54739)
তস্মৈ নমস্তু কুর্বন্তো দেবাস্তিষ্ঠন্তি বৈ দিবি।
যে চান্যে মানবা লোকে যে চ স্বর্গজিতো নরাঃ॥ 7-203-26 (54740)
যে ভক্তা বরদং দেব শিবং রুদ্রমুমাপতিম্।
অনন্যভাবেন সদা সর্বেশং সমুপাসতে॥ 7-203-27 (54741)
`সঙ্গ্রামেষু জয়ং প্রাপ্য পালয়ন্তি মহীমিমাম্'।
ইহ লোকে সুখং প্রাপ্য তে যান্তি পরমাং গতিম্॥ 7-203-28 (54742)
নমস্কুরুষ্ব কৌন্তেয় তস্মৈ শান্তায় বৈ সদা।
রুদ্রায় শিতিকণ্ঠায় কনিষ্ঠায় সুবর্চসে॥ 7-203-29 (54743)
কপর্দিনে করালায় হর্যক্ষবরদায় চ।
যাম্যায়াব্যক্তকেশায় সদ্বৃত্তে শঙ্করায় চ॥ 7-203-30 (54744)
কাম্যায় হরিনেত্রায় স্থাণবে পুরুষায় চ॥ 7-203-31 (54745)
`নমো বৃক্ষায় সেনান্যে মধ্যমায় নমোনমঃ'।
হরিকেশায় মুণ্ডায় কৃশায়োত্তারণায় চ।
ভাস্কারয় সুতীর্থায় দেবদেবায় রংহসে॥ 7-203-32 (54746)
বহুরূপায় সর্বায় প্রিয়ায় প্রিয়বাসসে।
উষ্ণীষিণে সুবক্ত্রায় সহস্রাক্ষায় মীঢুষে॥ 7-203-33 (54747)
গিরিশায় প্রশান্তায় পতয়ে চীরবাসসে।
হিরণ্যবাহবে রাজন্নুগ্রায় পতয়ে দিশাম্॥ 7-203-34 (54748)
পর্জন্যপতয়ে চৈব ভূতানাং পতয়ে নমঃ।
বৃক্ষাণাং পতয়ে চৈব গবাং চ পতয়ে নমঃ॥ 7-203-35 (54749)
বৃক্ষৈরাবৃতকায়ায় সেনান্যে মধ্যমায় চ।
স্রুবহস্তায় দেবায় ধন্বিনে ভার্গবায় চ॥ 7-203-36 (54750)
বহুরূপায় বিশ্বস্য পতয়ে মুঞ্চবাসসে।
সহস্রশিরসে চৈব সহস্রচরণায় চ।
সহস্রবাহবে চৈব সহস্রবদনায় চ॥ 7-203-37 (54751)
শরণং গচ্ছ কৌন্তেয় বরদং ভুবনেশ্বরম্।
উমাপতিং বিরূপাক্ষং দক্ষয়জ্ঞনিবর্হণম্॥ 7-203-38 (54752)
প্রজানাং পতিমব্যগ্রং ভূতানাং পতিমব্যযম্।
কপর্দিনং বৃষাবর্তং বৃষনাভং বৃষধ্বজম্॥ 7-203-39 (54753)
বৃষদর্পং বৃষপতিং বৃষশৃঙ্গং বৃষর্ষভম্।
বৃষাঙ্গং বৃষভোদারং বৃষভং বৃষভেক্ষণম্॥ 7-203-40 (54754)
বৃষায়ুধং বৃষশরং বৃষভূতং বৃষেশ্বরম্।
মহোদরং মহাকায়ং দ্বীপিচর্মনিবাসিনম্॥ 7-203-41 (54755)
লোকেশং বরদং পুণ্যং ব্রহ্মণ্যং ব্রাহ্মণপ্রিয়ম্।
ত্রিশূলপাণিং বরদং খঙ্গচর্মধরং প্রভুম্॥ 7-203-42 (54756)
পিনাকিনং খঙ্ঘধরং লোকানাং পতিমীশ্বরম্।
প্রপদ্যে শরণং দেবং শরণ্যং চীরবাসসম্॥ 7-203-43 (54757)
নমস্তস্মৈ সুরেশায় গণানাং পতয়ে নমঃ।
সুবাসসে নমস্তুভ্যং সুব্রতায় সুধন্বিনে॥ 7-203-44 (54758)
ধনুর্ধরায় দেবায় প্রিয়ধন্বায় ধন্বিনে।
ধন্বন্তরায় ধনুষে ধন্বাচার্যায় তে নমঃ॥ 7-203-45 (54759)
উগ্রায়ুধায় দেবায় নমঃ সুরবরায় চ।
নমোস্তু বহুরূপায় নমোস্তু বহুধন্বিনে॥ 7-203-46 (54760)
নমোস্তু স্থাণবে নিত্যং নমস্তস্মৈ তপস্বিনে।
নমোস্তু ত্রিপুরঘ্নায় ভগঘ্নায় চ বৈ নমঃ। 7-203-47 (54761)
বনস্পতীনাং পতয়ে নরাণাং পতয়ে নমঃ।
মাতৄণাং পতয়ে চৈব গণানাং পতয়ে নমঃ॥ 7-203-48 (54762)
গবাং চ পতয়ে নিত্যং যজ্ঞানাং পতয়ে নমঃ।
অপাং চ পতয়ে নিত্যং দেবানাং পতয়ে নমঃ॥ 7-203-49 (54763)
পূষ্ণো দন্তবিনাশায় ত্র্যক্ষায় বরদায় চ।
নীলকণ্ঠায় পিঙ্গায় স্বর্ণকেশায় বৈ নমঃ॥ 7-203-50 (54764)
কর্মাণি যানি দিব্যানি মহাদেবস্য ধীমতঃ।
তানি তে কীর্তয়িষ্যামি তথাপ্রজ্ঞং যথাশ্রুতম্॥ 7-203-51 (54765)
ন সুরা নাসুরা লোকে ন গন্ধর্বা ন রাক্ষসাঃ।
সুখমেধন্তি কুপিতে তস্মিন্নপি গুরাগতাঃ॥ 7-203-52 (54766)
দক্ষস্য যজমানস্য বিধিবৎসংভৃতং পুরা।
বিব্যাধ কুপিতো যজ্ঞং নির্দয়স্ৎবভবত্তদা।
ধনুষা বাণমুৎসৃজ্য সঘোষং বিননাদ চ॥ 7-203-53 (54767)
তেন শর্ম কুতঃ শান্তিং লেভিরে স্ম সুরাস্তদা।
বিদ্রুতে সহসা যজ্ঞে কুপিতে চ মহেশ্বরে॥ 7-203-54 (54768)
তেন জ্যাতলঘোষেণ সর্বে লোকাঃ সমাকুলাঃ।
বভূবুর্বশগাঃ পার্থ নিপেতুশ্চ সুরাসুরাঃ॥ 7-203-55 (54769)
আপশ্চুক্ষুভিরে সর্বাশ্চকম্পে চ বসুন্ধরা।
পর্বতাশ্চ ব্যশীর্যন্ত দিশো নাগাশ্চ মোহিতাঃ॥ 7-203-56 (54770)
অন্ধেন তমসা লোকা ন প্রাকাশন্ত সংবৃতাঃ।
জঘ্নিবান্সহ সূর্যেণ সর্বেষাং জ্যোতিষাং প্রভাঃ॥ 7-203-57 (54771)
চুক্ষুভুর্ভয়ভীতাশ্চ শান্তিং চক্রুস্তথৈব চ।
ঋষয়ঃ সর্বভূতানামাত্মনশ্চ সুখৈষিণঃ॥ 7-203-58 (54772)
পূষাণমভ্যদ্রবত শঙ্করঃ প্রহসন্নিব।
পুরোডাশং ভক্ষয়তো দশনান্বৈ ব্যশাতয়ৎ॥ 7-203-59 (54773)
ততো নিশ্চক্রমুর্দেবা বেপমানা ভয়ার্দিতাঃ॥ 7-203-60 (54774)
পুনশ্চ সন্দধে দীপ্তান্দেবানাং নিশিতাঞ্শরান্।
সধূমান্সস্ফুলিঙ্গাংশ্চ বিদ্যুত্তোয়দসন্নিভান্॥ 7-203-61 (54775)
তং দৃষ্ট্বা তু সুরাঃ সর্বে প্রণিপত্য মহেশ্বরম্।
রুদ্রস্য যজ্ঞভাগং চ বিশিষ্টং তে ৎবকল্পয়ন্॥ 7-203-62 (54776)
ভয়েন ত্রিদশা রাজঞ্ছরণং চ প্রপেদিরে।
তেন চৈবাতিকোপেন স যজ্ঞঃ সন্ধিতস্তদা।
ভগ্নাশ্চাপি সুরা আসন্ভীতাশ্চাদ্যাপি তং প্রতি॥ 7-203-63 (54777)
অসুরাণাং পুরাণ্যাসংস্ত্রীণি বীর্যবতাং দিবি।
আয়সং রাজতং চৈব সৌবর্ণং পরমং মহৎ॥ 7-203-64 (54778)
সৌবর্ণং কমলাক্ষস্য তারকাক্ষস্য রাজতম্।
তৃতীয়ং তু পুরং তেষাং বিদ্যুন্মালিন আয়সম্।
ন শক্তস্তানি মঘবান্ভেত্তুং সর্বায়ুধৈরপি॥ 7-203-65 (54779)
অথ সর্বে সুরা রুদ্রং জগ্মুঃ শরণমর্দিতাঃ।
তে তমূচুর্মহাত্মানং সর্বে দেবাঃ সবাসবাঃ॥ 7-203-66 (54780)
ব্রহ্মদত্তবরা হ্যেতে ঘোরাস্ত্রিপুরবাসিনঃ।
পীডয়ন্ত্যধিকং লোকং যস্মাত্তে বরদর্পিতাঃ॥ 7-203-67 (54781)
ৎবদৃতে দেবদেবেশ নান্যঃ শক্তঃ কথঞ্চন।
হন্তুং দৈত্যান্মহাদেব জহি তাংস্ৎবং সুরদ্বিপঃ॥ 7-203-68 (54782)
রুদ্র রৌদ্রা ভবিষ্যন্তি পশবঃ সর্বকর্মসু।
নিপাতয়িষ্যসে চৈতানসুরান্ভুবনেশ্বর॥ 7-203-69 (54783)
স তথোক্তস্তথেত্যুক্ৎবা দেবানাং হিতকাম্যযা।
গন্ধমাদনবিন্ধ্যৌ চ কৃৎবা বংশধ্বজৌ হরঃ॥ 7-203-70 (54784)
পৃথ্বীং সসাগরবনাং রথং কৃৎবা তু শঙ্করঃ।
অক্ষং কৃৎবা তু নাগেন্দ্রং শেষং নাম ত্রিলোচনঃ॥ 7-203-71 (54785)
চক্রে কৃৎবা তু চন্দ্রার্কৌ দেবদেবঃ পিনাকধৃৎ।
অণী কৃৎবৈলপত্রং চ পুষ্পদন্তং চ ত্র্যম্বকঃ॥ 7-203-72 (54786)
যূপং কৃৎবা তু মলয়মবনাহং চ তক্ষকম্॥ 7-203-73 (54787)
যোক্ত্রাঙ্গানি চ সৎবানি কৃৎবা শর্বঃ প্রতাপবান্।
বেদান্কৃৎবাঽথ চতুরশ্চতুরশ্বান্মহেশ্বরঃ॥ 7-203-74 (54788)
উপদেবান্খলীনাংশ্চ কৃৎবা লোকত্রয়েশ্বরঃ।
গায়ত্রীং প্রগ্রহং কৃৎবা সাবিত্রীং চ মহেশ্বরঃ॥ 7-203-75 (54789)
কৃৎবোংকারং প্রতোদং চ ব্রহ্মাণং চৈব সারথিম্।
গাণ্ডীবং মন্দরং কৃৎবা গুণং কৃৎবা তু বাসুকিম্॥ 7-203-76 (54790)
বিষ্ণুং শরোত্তমং কৃৎবা শল্যমগ্নিং তথৈব চ।
বায়ুং কৃৎবাঽথ বাজাভ্যাং পুঙ্খে বৈবস্বতং যমম্॥ 7-203-77 (54791)
বিদ্যুৎকৃৎবাঽথ নিশ্রাণং মেরুং কৃৎবাঽথ বৈ ধ্বজম্।
আরুহ্য স রথং দিব্যং সর্বদেবময়ং শিবঃ॥ 7-203-78 (54792)
ত্রিপুরস্য বধার্থায় স্থাণুঃ প্রহরতাং বরঃ।
অসুরাণামন্তকরঃ শ্রীমানতুলবিক্রমঃ॥ 7-203-79 (54793)
স্তূয়মানঃ সুরৈঃ পার্থ ঋষিভিশ্চ তপোধনৈঃ।
স্থানং মাহেশ্বরং কৃৎবা দিব্যমপ্রতিমং প্রভুঃ।
অতিষ্ঠৎস্থাণুভূতঃ স সহস্রং পরিবৎসরান্॥ 7-203-80 (54794)
যদা ত্রীণি সমেতানি অন্তরিক্ষে পুরাণি চ।
ত্রিপর্বণা ত্রিশল্যেন তদা তানি বিভেদ সঃ॥ 7-203-81 (54795)
পুরাণি ন চ তং শেকুর্দানবাঃ প্রতিবীক্ষিতুম্।
শরং কালাগ্নিসংয়ুক্তং বিষ্ণুসোমসমায়ুতম্॥ 7-203-82 (54796)
পুরাণি দগ্ধবন্তং তং দেবী যাতা প্রবীক্ষিতুম্।
`দেব্যাঃ স্বয়ংবরে বৃত্তং শৃণুষ্বান্যদ্ধনঞ্জয়'॥ 7-203-83 (54797)
বালমঙ্কগতং কৃৎবা স্বয়ং পঞ্চশিখং পুনঃ।
উমা জিজ্ঞাসমানা বৈ কোয়মিত্যব্রবীৎসুরান্॥ 7-203-84 (54798)
অসূয়তশ্চ শক্রস্য বজ্রেণ প্রহরিষ্যতঃ।
বাহুং সবজ্রং তং তস্য ক্রুদ্ধস্যাস্তম্ভয়ৎপ্রভুঃ।
[প্রহস্য* ভগবাংস্তূর্ণং সর্বলোকেশ্বরো বিভুঃ॥ 7-203-85 (54799)
ততঃ স স্তম্ভিতভুজঃ শক্রো দেবগণৈর্বৃতঃ।
জগাম সসুরস্তূর্ণং ব্রহ্মাণং প্রভুমব্যযম্॥ 7-203-86 (54800)
তে তং প্রণম্য শিরসা প্রোচুঃ প্রাঞ্জলয়স্তদা॥ 7-203-87 (54801)
কিমপ্যঙ্কগতং ব্রহ্মন্পার্বত্যা ভূতমদ্ভুতম্।
বালরূপধরং দৃষ্ট্বা নাস্মাভিরভিলক্ষিতঃ॥ 7-203-88 (54802)
তস্মাত্ৎবাং প্রষ্টুমিচ্ছামো নির্জিতা যেন বৈ বয়ম্।
অয়ুধ্যতা হি বালেন লীলয়া সপুরংদরাঃ॥ 7-203-89 (54803)
তেষাং তদ্বচনং শ্রুৎবা ব্রহ্মা ব্রহ্মবিদাং বরঃ।
ধ্যাৎবা স শংভুং ভগবান্বালং চামিততেজসম্।
উবাচ ভগবান্ব্রহ্মা শক্রাদীংশ্চ সুরোত্তমান্॥ 7-203-90 (54804)
চরাচরস্য জগতঃ প্রভুঃ স ভগবান্হরঃ।
তস্মাৎপরতরং নান্যৎকিঞ্চিদস্তি মহেশ্বরাৎ॥ 7-203-91 (54805)
যো দৃষ্টো হ্যুময়া সার্ধং যুষ্মাভিরমিতদ্যুতিঃ।
স পার্বত্যাঃ কৃতে শর্বঃ কৃতবান্বালরূপতাম্॥ 7-203-92 (54806)
তে ময়া সহিতা যূয়ং প্রাপদ্যধ্বং তমেব হি]।
স এষ ভগবান্দেবঃ সর্বলোকেশ্বরঃ প্রভুঃ॥ 7-203-93 (54807)
ন সম্ববুধিরে চৈনং দেবাস্তং ভুবনেশ্বরম্।
সপ্রজাপতয়ঃ সর্বে বালার্কসদৃশপ্রভম্॥ 7-203-94 (54808)
অথাভ্যেত্য ততো ব্রহ্মা দৃষ্ট্বা স চ মহেশ্বরম্।
অয়ং শ্রেষ্ঠ ইতি জ্ঞাৎবা ববন্দে তং পিতামহঃ॥ 7-203-95 (54809)
[ব্রহ্মোবাচ। 7-203-96x (4813)
ৎবং যজ্ঞো ভুনস্যাস্য ৎবং গতিস্ৎবং পরায়ণম্।
ৎবং ভবস্ৎবং মহাদেবস্ৎবং ধাম পরমং পদম্॥ 7-203-96 (54810)
ৎবয়া সর্বমিদং ব্যাপ্তং জগৎস্থাবরজঙ্গমম্॥ 7-203-97 (54811)
ভগবন্ভূতভব্যেশ লোকনাথ জগৎপতে।
প্রসাদং কুরু শক্রস্য ৎবয়া ক্রোধার্দিতস্য বৈ॥ 7-203-98 (54812)
ব্যাস উবাচ। 7-203-99x (4814)
পদ্ময়োনিবচঃ শ্রুৎবা ততঃ প্রীতো মহেশ্বরঃ
প্রসাদাভিমুখো ভূৎবা অট্টহাসমথাকরোৎ॥] 7-203-99 (54813)
ততঃ প্রসাদয়ামাসুরুমাং রুদ্রং চ তে সুরাঃ।
অভবচ্চ পুনর্বাহুর্যথাপ্রকৃতি বজ্রিণঃ॥ 7-203-100 (54814)
তেষাং প্রসন্নো ভগবান্সপত্নীকো বৃষধ্বজঃ।
দেবানাং ত্রিদশশ্রেষ্ঠো দক্ষয়জ্ঞবিনাশনঃ॥ 7-203-101 (54815)
স বৈ রুদ্রঃ স চ শিবঃ সোঽগ্নিঃ সর্বশ্চ সর্ববিৎ।
স চেন্দ্রশ্চৈব বায়ুশ্চ সোঽশ্বিনৌ চ স বিদ্যুতঃ॥ 7-203-10 (54816)
স ভবঃ স চ পর্জন্যো মহাদেবঃ সনাতনঃ।
স চন্দ্রমাঃ স চেশানঃ স সূর্যো বরুণশ্চ সঃ॥ 7-203-10 (54817)
স কালঃ সোঽন্তকো মৃত্যুঃ স যমো রাত্র্যহানি তু।
মাসার্ধমাসা ঋতবঃ সন্ধ্যে সংবৎসরশ্চ সঃ॥ 7-203-10 (54818)
ধাতা চ স বিধাতা চ বিশ্বাত্মা বিশ্বকর্মকৃৎ।
সর্বামাং দেবতানাং চ ধারয়ত্যবপুর্বপুঃ॥ 7-203-10 (54819)
সর্বদেবৈঃ স্তুতো দেবঃ সৈকধা বহুধা চ সঃ।
শতধা সহস্রধা চৈব ভূয়ঃ শতসহস্রধাঃ॥ 7-203-10 (54820)
দ্বে তনূ তস্য দেবস্য বেদজ্ঞা ব্রাহ্মণা বিদুঃ।
ঘোরা চান্যা শিবা চান্যা তে তনূ বহুধা পুনঃ॥ 7-203-10 (54821)
ঘোরা তু যাতুধানস্য সোঽগ্নির্বিষ্ণুঃ স ভাস্করঃ।
সৌম্যাতু পুনরেবাস্য আপো জ্যোতীংষি চন্দ্রমাঃ॥ 7-203-10 (54822)
বেদাঃ সাঙ্গোপনিষদঃ পুরাণাধ্যাত্মনিশ্চয়াঃ।
যদত্র পরমং গুহ্যং স বৈ দেবো মহেশ্বরঃ॥
ঈদৃশশ্চ মহাদেবো ভূয়াংশ্চ ভগবানজঃ। 7-203-10 (54823)
ন হি সর্বে ময়া শক্যা বক্তুং ভগবতো গুণাঃ॥
অপি বর্ষসহস্রেণ সততং পাণ়্ডুনন্দন।
সর্বৈর্গ্রহৈর্গৃহীতান্বৈ সর্বপাপসমন্বিতান্॥ 7-203-10 (54824)
স মোচয়তি সুপ্রীতঃ শরণ্যঃ শরণাগতান্।
আয়ুরারোগ্যমৈশ্বর্যং বিত্তং কামাংশ্চ পুষ্কলান্॥ 7-203-112 (54825)
স দদাতি মনুষ্যেভ্যঃ স চৈবাক্ষিপতে পুনঃ।
সেন্দ্রাদিষু চ দেবেষু তস্য চৈশ্বর্যমুচ্যতে॥ 7-203-113 (54826)
স চৈব বেত্তি লোকেষু মনুষ্যাণাং শুভাশুভে।
ঐশ্বর্যাচ্চৈব কামানামীশ্বরশ্চ স উচ্যতে॥ 7-203-114 (54827)
মহেশ্বরশ্চ মহতাং ভূতানামীশ্বরশ্চ সঃ।
বহুভির্বহুধা রূপৈর্বিশ্বং ব্যাপ্নোতি বৈ জগৎ॥ 7-203-115 (54828)
তস্য দেবস্য যদ্বক্ত্রং সমুদ্রে তদধিষ্ঠিতম্।
ব়ডবামুখেতি বিখ্যাতং পিবত্তোয়ময়ং হবিঃ॥ 7-203-116 (54829)
এষ চৈব শ্মশানেষু দেবো বসতি নিত্যশঃ।
যজন্ত্যেনং জনাস্তত্র বীরস্থান ইতীশ্বরম্॥ 7-203-117 (54830)
অস্য দীপ্তানি রূপাণি ঘোরাণি চ বহূনি চ।
লোকে যান্যস্য পূজ্যন্তে মনুষ্যাঃ প্রবদন্তি চ॥ 7-203-118 (54831)
নামধেয়ানি লোকেষু বহূন্যস্য যথার্থবৎ।
নিরুচ্যন্তে মহত্ৎবাচ্চ বিভুৎবাৎকর্মণস্তথা॥ 7-203-119 (54832)
বেদে চাস্য সমাম্নাতং শতরুদ্রিয়মুত্তমম্।
নাম্না চানন্তরুদ্রেতি হ্যুপস্থানং মহাত্মনঃ॥ 7-203-120 (54833)
স কামানাং প্রভুর্দেবো যে দিব্যা যে চ মানুষাঃ।
স বিভুঃ স প্রভুর্দেবোবিশ্বং ব্যাপ্নোতি বৈ মহৎ॥ 7-203-121 (54834)
জ্যেষ্ঠং ভূতং বদন্ত্যেনং ব্রাহ্মণা মনুয়স্তথা।
প্রথমো হ্যেষ দেবানাং মুখাদস্যানলোঽভবৎ॥ 7-203-122 (54835)
সর্বথা যৎপশূন্পাতি তৈশ্চ যদ্রমতে পুনঃ।
তেষামধিপতির্যচ্চ তস্মাৎপশুপতিঃ স্মৃতঃ॥ 7-203-123 (54836)
দিব্যং চ ব্রহ্মচর্যেণ লিঙ্গমস্য যথাস্থিতম্।
মহয়ত্যেষ লোকাংশ্চ মহেশ্বর ইতি স্মৃতঃ॥ 7-203-124 (54837)
ঋষয়শ্চৈব দেবাশ্চ গন্ধর্বাপ্যরসস্তথা।
লিঙ্গমস্যার্চয়ন্তি স্ম তচ্চাপ্যূর্ধ্বং সমাস্থিতম্॥ 7-203-125 (54838)
পূজ্যমানে ততস্তস্মিন্মোদতে স মহেশ্বরঃ।
সুখী প্রীতশ্চ ভবতি প্রহৃষ্টশ্চৈব শঙ্করঃ॥ 7-203-126 (54839)
যদস্য বহুধা রূপং ভূতভব্যভবস্থিতম্।
স্থাবরং জঙ্গমং চৈব বহুরূপস্ততঃ স্মৃতঃ॥ 7-203-127 (54840)
একাক্ষো জাজ্বলন্নাস্তে সর্বতোক্ষিময়োঽপি বা।
ক্রোধাদ্যশ্চাবিশল্লোকাংস্তস্মাৎসর্ব ইতি স্মৃতঃ॥ 7-203-128 (54841)
ধূম্ররূপং চ যত্তস্য ধূর্জটিস্তেন চোচ্যতে।
বিশ্বে দেবাশ্চ যত্তস্মিন্বিশ্বরূপস্ততঃ স্মৃতঃ॥ 7-203-129 (54842)
তিস্রো দেবীর্যদা চৈব ভজতে ভুবনেশ্বরঃ।
দ্যামপঃ পৃথিবীং চৈব ত্র্যম্বকশ্চ ততঃ স্মৃতঃ॥ 7-203-130 (54843)
সমেধয়তি যন্নিত্যং সর্বার্থান্সর্বকর্মসু।
শিবমিচ্ছন্মনুষ্যাণাং তস্মাদেষ শিবঃ স্মৃতঃ॥ 7-203-131 (54844)
সহস্রাক্ষোঽয়ুতাক্ষো বা সর্বতোক্ষিময়োঽপি বা।
যচ্চ বিশ্বং মহৎপাতি মহাদেবস্ততঃ স্মৃতঃ॥ 7-203-132 (54845)
মহৎপূর্বং স্থিতো যচ্চ প্রাণোৎপত্তিস্থিতশ্চ যৎ।
স্থিতলিঙ্গশ্চ যন্নিত্যং তস্মাৎস্থাণুরিতি স্মৃতঃ॥ 7-203-133 (54846)
[সূর্যাচন্দ্রমসোর্লোকে প্রকাশন্তে রুচশ্চ যাঃ।
তাঃ কেশসংজ্ঞিতাস্ত্র্যক্ষে ব্যোমকেশস্ততঃ স্মৃতঃ॥ 7-203-134 (54847)
ভূতং ভব্যং ভবিষ্যং চ সর্বং জগদশেষতঃ।
ভব এব ততো যস্মাদ্ভূতভব্যভবোদ্ভবঃ॥ 7-203-135 (54848)
কপিঃ শ্রেষ্ঠ ইতি প্রোক্তো ধর্মশ্চ বৃষ উচ্যতে।
স দেবদেবো ভগবান্কীর্ত্যতেঽতো বৃষাকপিঃ॥ 7-203-136 (54849)
ব্রহ্মাণমিন্দ্রং বরুণং যমং ধনদমেব চ।
নিগৃহ্য হরতে যস্মাত্তস্মাদ্বর ইতি স্মৃতঃ॥ 7-203-137 (54850)
নিমীলিতাভ্যাং নেত্রাভ্যাং বলাদ্দেবো মহেশ্বরঃ।
ললাটে নেত্রমসৃজত্তেন ত্র্যক্ষঃ স উচ্যতে॥] 7-203-138 (54851)
বিষমস্থঃ শরীরেষু সমশ্চ প্রাণিনামিহ।
স বায়ুর্বিষমস্থেষু প্রাণোঽপানঃ শরীরিষু॥ 7-203-139 (54852)
পূজয়েদ্বিগ্রহং যস্তু লিঙ্গং চাপি মহাত্মনঃ।
লিঙ্গং পূজয়িতা নিত্যং মহতীং শ্রিয়মশ্নুতে॥ 7-203-140 (54853)
ঊরুভ্যামর্ধমাগ্নেয়ং সোমোঽর্ধং চ শিবা তনুঃ।
আত্মনোঽর্ধং তথা চাগ্নিঃ সোমোর্ধং পুনরুচ্যতে॥ 7-203-141 (54854)
তৈজসী মহতী দীপ্তা দেবেভ্যোঽস্য শিবা তনুঃ।
ভাস্বতী মানুষেষ্বস্য তনুর্ঘোরাঽগ্নিরুচ্যতে॥ 7-203-142 (54855)
ব্রহ্মচর্যং চরত্যেষ শিবা যাঽস্য তনুস্তয়া।
যাঽস্য ঘোরতরা মূর্তিঃ সর্বানত্তি তয়েশ্বরঃ॥ 7-203-143 (54856)
যন্নির্দহতি যত্তীক্ষ্ণো যদুগ্রো যৎপ্রতাপবান্।
মাংসশোণিতমজ্জাদো যত্ততো রুদ্র উচ্যতে॥ 7-203-144 (54857)
এষ দেবো মহাদেবো যোঽসৌ পার্থ তবাগ্রতঃ।
সঙ্গ্রামে শাস্ত্রবান্নিঘ্নংস্ৎবয়া দৃষ্টঃ পিনাকধৃত॥ 7-203-145 (54858)
সিন্ধুরাজবধার্থায় প্রতিজ্ঞাতে ৎবয়াঽনঘ।
কৃষ্ণেন দর্শিতঃ স্বপ্নে যস্তু শৈলেন্দ্রমূর্ধনি॥ 7-203-146 (54859)
এষ বৈ ভগবান্দেবঃ সঙ্গ্রামে যাতি তেঽগ্রতঃ।
যেন দত্তানি তেঽস্ত্রাণি যৈস্ৎবয়া দানবা হতাঃ॥ 7-203-147 (54860)
ধন্যং যশস্যমায়ুষ্যং পুণ্যং বেদৈশ্চ সম্মিতম্।
দেবদেবস্য তে পার্থ ব্যাখ্যাতং শতরুদ্রিয়ম্। 7-203-148 (54861)
সর্বার্থসাধনং পুণ্যং সর্বকিল্বিষনাশনম্।
সর্বপাপপ্রশমনং সর্বদুঃখভয়াপহম্॥ 7-203-149 (54862)
চতুর্বিধমিদং স্তোত্রং যঃ শৃণোতি নরঃ সদা।
বিজিত্য শত্রূন্সর্বান্স রুদ্রলোকে মহীয়তে॥ 7-203-150 (54863)
চরিতং মহাত্মনো নিত্যং সাঙ্গ্রামিকমিদং স্মৃতম্।
পঠন্বৈ শতরুদ্রীয়ং শৃণ্বংশ্চ সততোত্থিতঃ॥ 7-203-151 (54864)
ভক্তো বিশ্বেশ্বরং দেবং মানুষেষু চ যঃ সদা।
বরান্কামান্স লভতে প্রসন্নে ত্র্যম্বকে নরঃ॥ 7-203-152 (54865)
গচ্ছ যুধ্যস্ব কৌন্তেয় ন তবাস্তি পরাজয়ঃ।
গস্য মন্ত্রী চ গোপ্তা চ পার্শ্বস্থো হি জনার্দনঃ॥ 7-203-153 (54866)
সঞ্জয় উবাচ। 7-203-154x (4815)
এবমুক্ৎবাঽর্জুনং সঙ্খ্যে পরাশরসুতস্তদা।
জগাম ভরতশ্রেষ্ঠ যথাগতমরিন্দম॥ 7-203-154 (54867)
`বেশংপায়ন উবাচ। 7-203-155x (4816)
এতদাখ্যায় বৈ সূতো রাজ্ঞঃ সর্বং তু সঞ্জয়ঃ।
প্রয়াতঃ শিবিরায়ৈব দ্রষ্টুং কর্ণস্য বৈশসম্॥ 7-203-155 (54868)
যুদ্ধং কৃৎবা মহদ্ধোরং পঞ্চাহানি মহাবলঃ।
ব্রাহ্মণো নিহতো রাজন্ব্রহ্মলোকমবাপ্তবান্॥ 7-203-156 (54869)
স্বধীতে যৎফলং বেদে তদস্মিন্নপি পর্বণি।
ক্ষত্রিয়াণামভীরূণাং যুক্তমত্র মহদ্যশঃ॥ 7-203-157 (54870)
য ইদং পঠতে পর্ব শৃণুয়াদ্বাঽপি নিত্যশঃ।
স মুচ্যতে মহাপাপৈঃ কৃতৈর্ঘোরৈশ্চ কর্মভিঃ॥ 7-203-158 (54871)
যজ্ঞাবাপ্তির্ব্রাহ্মণস্যেহ নিত্যং
ঘোরে যুদ্ধে ক্ষত্রিয়াণাং যশশ্চ।
শেষৌ বর্ণৌ কামমিষ্টং লভেতে
পুত্রান্পৌত্রান্নিত্যমিষ্টাংস্তথৈব॥ ॥ 7-203-159 (54872)