Kumbhaghonam Edition in Bangla Script
9. শল্যপর্ব
শল্যপর্ব - অধ্যায় 001
॥ শ্রীঃ ॥
9.1. অধ্যায়ঃ 001
Mahabharata - Shalya Parva - Chapter Topics
দুর্যোধনেন শল্যস্য সৈনাপত্যেঽভিষেচনপূর্বকং পুনর্যুদ্ধায় নির্যাণম্॥ 1 ॥ সঞ্জয়াচ্ছল্যদুর্যোধনাদিবধশ্রবণেন মূর্চ্ছিতস্য ধৃতরাষ্ট্রস্য বিদুরেণ সমাশ্বাসনম্॥ 2 ॥Mahabharata - Shalya Parva - Chapter Text
9-1-0 (60111)
শ্রীবেদব্যাসায় নমঃ॥ 9-1-0x (5079)
নারায়ণং নমস্কৃত্য নরং চৈব নরোত্তমম্।
দেবীং সরস্বতীং (ব্যাসং) চৈব ততো জয়মুদীরয়েৎ॥ 9-1-1 (60112)
জনমেজয় উবাচ। 9-1-2x (5080)
এবং নিপাতিতে কর্ণে সমরে সব্যসাচিনা।
অল্পাবশিষ্টাঃ কুরবঃ কিমকুর্বত বৈ দ্বিজ॥ 9-1-2 (60113)
বিদীর্যমাণং চ বলং দৃষ্ট্বা রাজা সুয়োধনঃ।
পাণ্ডবৈঃ প্রাপ্তকালং চ কিং প্রাপদ্যত কৌরবঃ॥ 9-1-3 (60114)
এতদিচ্ছাম্যহং শ্রোতুং তদাচক্ষ্ব দ্বিজোত্তম।
ন হি তৃপ্যামি পূর্বেষাং শৃণ্বানশ্চরিতং মহৎ॥ 9-1-4 (60115)
বৈশম্পায়ন উবাচ। 9-1-5x (5081)
ততঃ কর্ণে হতে রাজন্ধার্তরাষ্ট্রঃ সুয়োধনঃ।
ভৃশং শোকার্ণবে মগ্নো নিরাশঃ সর্বতোঽভবৎ॥ 9-1-5 (60116)
হাকর্ণ হাকর্ণ ইতি শোচমানো মুহুর্মুহুঃ।
কৃচ্ছ্রাৎস্বশিবিরং প্রায়াদ্বতশিষ্টৈর্নৃপৈঃ সহ॥ 9-1-6 (60117)
স সমাশ্বাস্যমানোঽপি হেতুভিঃ শাস্ত্রনিশ্চিতৈঃ।
রাজন্বিভূতিমিচ্ছদ্ভিঃ সূতপুত্রমনুস্মরন্॥ 9-1-7 (60118)
স দৈবং বলবন্মৎবা প্রভাতে বিমলে সতি।
সঙ্গ্রামে নিশ্চয়ং কৃৎবা পুনর্যুদ্বায় নির্যযৌ॥ 9-1-8 (60119)
শল্যং সেনাপতিং কৃৎবা বিধিবদ্রাজসত্তমম্।
রণায় নির্যযৌ রাজা হতশিষ্টৈর্নৃপৈঃ সহ॥ 9-1-9 (60120)
ততঃ সুতুমুলং যুদ্ধং কুরুপাণ্ডবসেনয়োঃ।
বভূব ভরতশ্রেষ্ঠ দেবাসুররণোপমম্॥ 9-1-10 (60121)
ততঃ শল্যো মহারাজ কৃৎবা কদনমাহবে।
পাণ্ডুসৈন্যেঽথ মধ্যাহ্নে ধর্মরাজেন পাতিতঃ॥ 9-1-11 (60122)
ততো দুর্যোধনো রাজা হতবন্ধূ রণাজিরাৎ।
অপসৃত্য হদং ঘোরং বিবেশ রিপুজাদ্ভুয়াৎ॥ 9-1-12 (60123)
অথাপরাহ্ণে তস্যাহ্নঃ পরিবার্য মহারথৈঃ।
হদাদাহূয় যুদ্বায় ভীমসেনেন পাতিতঃ॥ 9-1-13 (60124)
তস্মিংস্তু নিহতে বীরে মহেষ্বাসাস্ত্রয়ো রণে।
কৃতবর্মা কৃপো দ্রৌণির্জঘ্নুঃ পাণ্ডবসৈনিকান্॥ 9-1-14 (60125)
ততঃ পূর্বাহ্ণসময়ে শিবিরাদেত্য সঞ্জয়ঃ।
প্রবিবেশ পুরীং দীনো দুঃখশোকসমন্বিতঃ॥ 9-1-15 (60126)
স প্রবিশ্য পুরীং সূতো ভূজাবুচ্ছ্রিত্য দুঃখিতঃ।
বেপমানস্ততো রাজ্ঞঃ প্রবিপ্রেশ নিবেশনম্॥ 9-1-16 (60127)
ধাবতশ্চাপ্যপশ্যxxx তত্রত্যান্পুরুষর্ষভান্।
নষ্টচিত্তানিবোন্মত্তাঞ্শোকেন ভৃশদুঃখিতান্॥ 9-1-17 (60128)
দৃষ্ট্বৈব চ নরাঞ্শীঘ্রং ব্যাজহারাতিদুঃখিতঃ।
অহো বত বিপন্নোঽস্মি নিধনেন মহাত্মনঃ॥ 9-1-18 (60129)
অহো সুবলবান্কালো গতিশ্চ পরমা তথা।
শুক্রতুল্যবলাঃ সর্বে যত্রাহন্যন্ত পার্থিবাঃ॥ 9-1-19 (60130)
তং দৃষ্ট্বৈব পুরে রাজঞ্জনঃ সর্বঃ স্ম সঞ্জয়ম্।
প্ররুরোদ ভয়োদ্বিগ্নো হা রাজন্নিতি সুস্বরম্॥ 9-1-20 (60131)
আকুমারং নরব্যাঘ্র তৎপুরং বৈ সমন্ততঃ।
আর্তনাদং মহচ্চক্রে শ্রুৎবা বিনিহতং নৃপম্॥ 9-1-21 (60132)
তথা স বিহ্বলঃ সূতঃ প্রবিশ্য নৃপতিক্ষয়ম্।
দদর্শ নৃপতিশ্রেষ্ঠং প্রজ্ঞাচক্ষুষমীশ্বরম্॥ 9-1-22 (60133)
দৃষ্ট্বা চাসীনমনঘং সমন্তাৎপরিবারিতম্।
স্নুষামির্ভরতশ্রেষ্ঠ গান্ধার্যা বিদুরেণ চ।
তথাঽন্যৈশ্চ সুহৃদ্ভিশ্চ জ্ঞাতিমিশ্চ হিতৈষিভিঃ॥ 9-1-23 (60134)
তমেব চার্থং ধ্যায়ন্তং কর্ণস্য নিধনং প্রতি।
রুদন্নেবাব্রবীদ্বাক্যং রাজানং জনমেজয়॥ 9-1-24 (60135)
নাতিহৃষ্টমনাঃ সূতো বাষ্পসন্দিগ্ধয়া গিরা।
সঞ্জয়োঽহং নরব্যাঘ্র নমস্তে ভরতর্ষভ॥ 9-1-25 (60136)
মদ্রাধিপো হতঃ শল্যঃ শকুনিঃ সৌবলস্তথা।
উলূকঃ পুরুষব্যাঘ্র কৈতব্যো দৃঢবিক্রমঃ॥ 9-1-26 (60137)
সংশপ্তকা হতাঃ সর্বে কাম্ভোজাশ্চ শকৈঃ সহ।
ম্লেচ্ছাশ্চ পার্বতীয়াশ্চ যবনাশ্চ নিপাতিতাঃ॥ 9-1-27 (60138)
প্রাচ্যা হতা মহারাজ দাক্ষিণাত্যাশ্চ সর্বশঃ।
উদীচ্যাশ্চ হতাঃ সর্বে প্রতীচ্যাশ্চ নরোত্তমাঃ।
রাজানো রাজপুত্রাশ্চ সর্বে বিনিহতা নৃপ॥ 9-1-28 (60139)
কর্ণপুত্রো হতঃ শূরঃ সত্যসেনো মহাবলঃ॥ 9-1-29 (60140)
দুর্যোধনো হতো রাজা যয়োক্তং পাণ্ডবেন হ।
xxxxxx মহারাজ শেতে পাংসুষু রূষিতঃ॥ 9-1-30 (60141)
xxxxxx হতো xxx জঞ্শিখণ্ডী চাপরাজিতঃ।
উত্তমৌজ যুধামন্যুস্তথা সর্বে প্রভদ্রকাঃ॥ 9-1-31 (60142)
পাঞ্চালশ্চ নরব্যাঘ্র চেদয়শ্চ নিষূদিতাঃ।
তব পুত্রা হতাঃ সর্বে দ্রৌপদেয়াশ্চ ভারত॥ 9-1-32 (60143)
নরা বিনিহতাঃ সর্বে গজাশ্চ বিনিপাতিতাঃ।
রথিনত্র নরব্যাঘ্র হয়াশ্চ নিহতা যুধি॥ 9-1-33 (60144)
নিxxxx শিবিরং রাবংজাবকানাং কৃতং প্রভো।
পাণ্ডবানাং চ শূরাণাং সমাসাদ্য পরস্পরম্॥ 9-1-34 (60145)
xxxx স্রীশেষমভবজ্জগৎকালেন মোহিতম্।
সপ্ত পাণ়্ডবতঃ শিষ্টা ধার্তরাষ্ট্রাস্ত্রয়োরথাঃ॥ 9-1-35 (60146)
তে চৈব ভ্রাতরঃ পঞ্চ বাসুদেবোঽথ সাত্যকিঃ।
কৃপশ্চ কৃতবর্মা চ দ্রৌণিশ্চ জয়তাং বরঃ॥ 9-1-36 (60147)
এতে শেষা মহারাজ রথিনো নৃপসত্তম।
অক্ষৌহিণীনামষ্টানাং দশানাং চ ন সংশয়ঃ॥ 9-1-37 (60148)
এতে শেষা মহারাজ সর্বেঽন্যে নিধনং গতাঃ।
কালেন নিহতং সর্বং জগদ্বৈ ভরতর্ষভ।
দুর্যোধনং বৈ পুরতঃ কৃৎবা সর্বে নরা হতাঃ॥ 9-1-38 (60149)
বৈশম্পায়ন উবাচ। 9-1-39x (5082)
এতচ্ছ্রুৎবা বচঃ ক্রূরং ধৃতরাষ্ট্রো জনেশ্বরঃ।
নিপপাত স রাজেন্দ্রো গতসৎবো মহীতলে॥ 9-1-39 (60150)
তস্মিন্নিপতিতে বীরে বিদুরোঽপি মহায়শাঃ।
নিপপাত মহারাজ শোকব্যসনকর্শিতঃ॥ 9-1-40 (60151)
গান্ধারী চ মহাভাগা সর্বাশ্চ কুরুয়োষিতঃ।
পতিতাঃ সহসা ভূমৌ শ্রুৎবা ঘোরতরং বচঃ॥ 9-1-41 (60152)
নিঃসংজ্ঞং পতিতং ভূমৌ তদাঽঽসীদ্রাজমণ্ডলম্।
বিলাপমুক্তোপহতং চিত্রং ন্যস্তং পটে যথা॥ 9-1-42 (60153)
কৃচ্ছ্রেণ তু ততো রাজা ধৃতরাষ্ট্রো মহীপতিঃ।
শনৈরলভত প্রাণান্পুত্রব্যসনকর্শিতঃ॥ 9-1-43 (60154)
লব্ধ্বা তু স নৃপঃ প্রাণান্বেপমানঃ সুদুঃখিতঃ।
নিরীক্ষ্য চ দিশঃ সর্বাঃ ক্ষত্তারং বাক্যমব্রবীৎ॥ 9-1-44 (60155)
বিদ্ধি ক্ষত্তর্মহাপ্রাজ্ঞ ৎবং গতির্ভরতর্ষভ।
মমানাথস্য সুভৃশং পুত্রৈর্হীনস্য সর্বশঃ।
এবমুক্ৎবা ততো ভূয়ো বিসংজ্ঞো নিপপাত হ॥ 9-1-45 (60156)
তং তথা পতিতং দৃষ্ট্বা বান্ধবা যেঽস্য কেচন।
শীতৈস্তে সিষিচুস্তোয়ৈর্বিব্যজুর্ব্যজনৈরপি॥ 9-1-46 (60157)
স তু দীর্ঘেণ কালেন প্রত্যাশ্বস্তো নরাধিপঃ।
তূষ্ণীমাসীন্মহীপালঃ পুত্রব্যসনকর্শিতঃ॥ 9-1-47 (60158)
নিঃশ্বসঞ্জিহ্মগ ইব কুম্ভক্ষিপ্তোঽভবন্নৃপঃ॥ 9-1-48 (60159)
সঞ্জয়োঽপ্যরুদত্তত্র দৃষ্ট্বা রাজানমাতুরম্।
তথা সর্বাঃ স্ত্রিয়শ্চৈব গান্ধারী চ যশস্বিনী॥ 9-1-49 (60160)
ততো দীর্ঘেণ কালেন বিদুরং বাক্যমব্রবীৎ।
ধৃতরাষ্ট্রো নরশ্রেষ্ঠ মুহ্যমানো মুহুর্মুহুঃ॥ 9-1-50 (60161)
গচ্ছন্তু যোষিতঃ সর্বা গান্ধারী চ যশস্বিনী।
তথেমে সুহৃদঃ সর্বে মুহ্যতে মে মনো ভৃশম্॥ 9-1-51 (60162)
এবমুক্তস্ততঃ ক্ষত্তা তাঃ স্ত্রিয়ো ভরতর্ষভ।
বিসর্জয়ামাস শনৈর্মুহ্যমানঃ পুনঃপুনঃ॥ 9-1-52 (60163)
নিশ্চক্রমুস্ততঃ সর্বাঃ স্ত্রিয়ো ভরতসত্তম।
সুহৃদশ্চ তথা সর্বে দৃষ্ট্বা রাজানমাতুরম্॥ 9-1-53 (60164)
ততো নরপতিস্তত্র লব্ধ্বা সংজ্ঞাং পরন্তপঃ।
গতির্মে কো ভবেদদ্য ইতি চিন্তাসমাকুলঃ।
অপৃচ্ছৎসঞ্জয়ং তত্র রোদমানং ভৃশাতুরম্॥ 9-1-54 (60165)
প্রাঞ্জলিং সঞ্জয়ং দৃষ্ট্বা রোদমানং মুহুর্মুহুঃ।
জ্ঞাতীন্স্ত্রিয়োঽথ নির্যাপ্য প্রবিশ্য বিদুরঃপুনঃ॥ 9-1-55 (60166)
রাজানং শোচমানস্তু তং শোচন্তং মুহুর্মুহুঃ।
সমাশ্বাসয়ত ক্ষত্তা বচসা মধুরেণ চ॥ ॥ 9-1-56 (60167)
ইতি শ্রীমন্মহাভারতে কর্ণপর্বণি শল্যবধপর্বণি প্রথমোঽধ্যায়ঃ॥ 1 ॥
Mahabharata - Shalya Parva - Chapter Footnotes
9-1-12 অপরাহে অপরার্ধে॥ 9-1-41 বিলাপবুক্তোপহতং ইতি ঙ.পাঠঃ। বিলাপয়ুক্তং সুমহৎ ইতি ঘ. পাঠঃ॥ 9-1-1 প্রথমোঽধ্যায়ঃ॥শল্যপর্ব - অধ্যায় 002
॥ শ্রীঃ ॥
9.2. অধ্যায়ঃ 002
Mahabharata - Shalya Parva - Chapter Topics
ধৃতরাষ্ট্রেণ সঞ্জয়স্য পুরতো দুর্যোধনবচনানুস্মরণেন বিলাপঃ॥ 1 ॥Mahabharata - Shalya Parva - Chapter Text
9-2-0 (60168)
বৈশম্পায়ন উবাচ। 9-2-0x (5083)
বিসৃষ্টাস্বথ নারীষু ধৃতরাষ্ট্রোঽম্বিকাসুতঃ।
বিললাপ মহারাজ দুঃখাদ্দুঃখতরং গতঃ॥ 9-2-1 (60169)
সধূমমিব নিঃশ্বস্য করৌ ধুন্বন্পুনঃপুনঃ।
বহু সঞ্চিন্তয়িৎবা তু সঞ্জয়ং বাক্যমব্রবীৎ॥ 9-2-2 (60170)
ধৃতরাষ্ট্র উবাচ। 9-2-3x (5084)
অহো বত মহদ্দুঃখং যদহং পাণ্ডবান্রণে।
ক্ষেমিণশ্চাব্যযাংশ্চৈব ৎবত্তঃ সূত শৃণোমি বৈ॥ 9-2-3 (60171)
বজ্রসারময়ং নূনং হৃদয়ং সুদৃঢং মম।
যচ্ছ্রুৎবা নিহতান্পুত্রান্দীর্যতে ন সহস্রধা॥ 9-2-4 (60172)
চিন্তয়িৎবা বচস্তেষাং বালক্রীডাং চ সঞ্জয়।
অদ্য চৈব হতাঞ্শ্রুৎবা দীর্যতে মে ভৃশং মনঃ॥ 9-2-5 (60173)
অন্ধৎবাদ্যদি পুত্রাণাং ন মে রূপিনিদর্শনম্।
পুত্রস্নেহকৃতা প্রীতির্নিত্যমেতেষু ধারিতা॥ 9-2-6 (60174)
বালভাবমতিক্রম্য যৌবনস্থাংশ্চ তানহম্।
শ্রিয়ং প্রাপ্তাংশ্চ তাঞ্শ্রুৎবা হৃষ্ট আসং তদাঽনঘ॥ 9-2-7 (60175)
তানদ্য নিহতাঞ্শ্রুৎবা হতৈশ্বর্যান্হতৌজসঃ।
ন লভেয়ং ক্বচিচ্ছান্তিং পুত্রাধিভিরভিপ্লুতঃ॥ 9-2-8 (60176)
এহ্যেহি বৎস রাজেন্দ্র মমানাথস্য পুত্রক।
ৎবয়া হীনো মহাবাহো কাং নু যাস্যাম্যহং গতিম্॥ 9-2-9 (60177)
কথং ৎবং পৃথিবীপালাংস্ত্যক্ৎবা তাত সমাগতান্।
শেষে বিনিহতো ভূমৌ প্রাকৃতঃ কুনৃপো যথা॥ 9-2-10 (60178)
গতির্ভূৎবা মহারাজ জ্ঞাতীনাং সুহৃদাং তথা।
অন্ধং বৃদ্বং চ মাং বীর বিহায় ক্ব নু যাস্যসি॥ 9-2-11 (60179)
সা কৃপা সা চ তে প্রীতিঃ সা চ রাজসু মানিতা।
কথং ৎবং নিহতঃ পার্থৈঃ সংয়ুগেষ্বপরাজিতঃ॥ 9-2-12 (60180)
কো নু মামুত্থিতঃ কালে তাততাতেতি বক্ষ্যতি।
মহারাজেতি সততং লোকনাথেতি চাসকৃৎ॥ 9-2-13 (60181)
পরিষ্বজ্য চ কং কণ্ঠে স্নেহেন ক্লিন্নলোচনঃ।
অনুশাস্তাঽস্মি কৌরব্য তৎসাধু বদমে বচঃ॥ 9-2-14 (60182)
ননু নামাহমশ্রৌষং বচনং তব পুত্রক।
ভূয়সী মম পৃথ্বীয়ং তাত পার্থস্য নো তথা॥ 9-2-15 (60183)
ভগদত্তঃ কৃপঃ শল্য আবন্ত্যোঽথ জয়দ্রথঃ।
ভূরিশ্রবাঃ সোমদত্তো মহারাজশ্চ বাহ্লিকঃ॥ 9-2-16 (60184)
অশ্বত্থামা চ ভোজশ্চ মাগধশ্চ মহাবলঃ।
বৃহদ্বলশ্চ ক্রাথশ্চ শকুনিশ্চাপি সৌবলঃ॥ 9-2-17 (60185)
ম্লেচ্ছাশ্চ শতসাহস্রাঃ শকাশ্চ যবনৈঃ সহ।
সুদক্ষিণশ্চ কাম্ভোজস্ত্রিগর্তাধিপতিস্তথা॥ 9-2-18 (60186)
ভীষ্মঃ পিতামহশ্চৈব ভারদ্বাজোঽথ গৌতমঃ।
শ্রুতায়ুশ্চাশ্রুতায়ুশ্চ শতায়ুশ্চাপি বীর্যবান্॥ 9-2-19 (60187)
জলসন্ধোঽথার্ষ্যশৃঙ্গী রাক্ষসশ্চাপ্যলায়ুধঃ।
অলম্বুসো বীরবাহুঃ সুবাহুশ্চ মহারথঃ॥ 9-2-20 (60188)
এতে চান্যে চ বহবো রাজানো রাজসত্তম।
মদর্থং প্রহরিষ্যন্তি প্রাণাংস্ত্যক্ৎবা ধনানি চ॥ 9-2-21 (60189)
তেষাং মধ্যে স্থিতো যুদ্ধে ভ্রাতৃভিঃ পরিবারিতঃ।
যোধয়িষ্যাম্যহং পার্থান্পাঞ্চালাংশ্চৈব সর্বশঃ॥ 9-2-22 (60190)
চেদীংশ্চ নৃপশার্দূল দ্রৌপদেয়াংশ্চ সংয়ুগে।
সাত্যকিং কুন্তিভোজং চ রাক্ষসং চ ঘটোৎকচম্॥ 9-2-23 (60191)
একোঽপ্যেষাং মহারাজ সমর্থঃ সন্নিবারণে।
সমরে পাণ্ডবেয়ানাং সঙ্ক্রুদ্ধো হ্যভিধাবতাম্॥ 9-2-24 (60192)
কিং পুনঃ সহিতা বীরাঃ কৃতবৈরাশ্চ পাণ্ডবৈঃ।
অথবা সর্ব এবৈতে পাণ্ডবস্যানুয়ায়িভিঃ॥ 9-2-25 (60193)
যোৎস্যন্তে সহ রাজেন্দ্র হনিষ্যন্তি চ তান্মৃধে।
কর্ণ একো ময়া সার্ধং নিহনিষ্যতি পাণ্ডবান্॥ 9-2-26 (60194)
তে বৈ নৃপতয়ো বীরাঃ স্থাস্যন্তি মম শাসনে॥ 9-2-27 (60195)
যশ্চ তেষাং প্রণেতা বৈ বাসুদেবো মহাবলঃ।
ন স সন্নহ্যতে রাজন্নিতি মামব্রবীদ্বচঃ॥ 9-2-28 (60196)
এবং চ বদতঃ সূত বহুশো মম সন্নিধৌ।
যুক্তিতো হ্যনুপশ্যামি নিহতান্পাণ়্ডবান্রণে॥ 9-2-29 (60197)
তেষাং মধ্যে স্থিতা যত্র হন্যন্তে মম পুত্রকাঃ।
ব্যায়চ্ছমানাঃ সমরে কিমন্যদ্ভাগধেয়তঃ॥ 9-2-30 (60198)
ভীষ্মশ্চ নিহতো যত্র লোকনাথঃ প্রতাপবান্।
শিখণ়্ডিনং সমাসাদ্য মৃগেন্দ্র ইব জম্বুকম্॥ 9-2-31 (60199)
দ্রোণশ্চ ব্রাহ্মণো যত্র সর্বশস্ত্রাস্ত্রপারগঃ।
নিহতঃ পাণ্ডবৈঃ সঙ্খ্যে কিমন্যদ্ভাগধেয়তঃ॥ 9-2-32 (60200)
কর্ণশ্চ নিহতঃ সঙ্খ্যে দিব্যাস্ত্রজ্ঞো মহাবলঃ।
ভূরিশ্রবা হতো পত্র সোমদত্তশ্চ সংয়ুগে।
বাহ্লিকশ্চ মহারাজ কিমন্যদ্ভাগধেয়তঃ॥ 9-2-33 (60201)
ভগদত্তো হতো যত্র গজয়ুদ্ধবিশারদঃ।
জয়দ্রথশ্চ নিহতঃ কিমন্যদ্ভাগধেয়তঃ॥ 9-2-34 (60202)
সুদক্ষিণো হতো যত্র জলসন্ধশ্চ পৌরবঃ।
শ্রুতায়ুশ্চাশ্রুতায়ুশ্চ কিমন্যদ্ভাগধেয়তঃ॥ 9-2-35 (60203)
মহাবলস্তথা পাণ্ড্যঃ সর্বশস্ত্রভৃতাং বরঃ।
নিহতঃ পাণ্ডবৈঃ সঙ্খ্যে কিমন্যদ্ভাগধেয়তঃ॥ 9-2-36 (60204)
বৃহদ্বলো হতো যত্র মাগধশ্চ মহাবলঃ।
উগ্রায়ুধশ্চ বিক্রান্তঃ প্রতিমানং ধনুষ্মতাম্॥ 9-2-37 (60205)
আবন্ত্যো নিহতো যত্র ত্রৈগর্তশ্চ জনাধিপঃ।
সংশপ্তকাশ্চ নিহতাঃ কিমন্যদ্ভাগধেয়তঃ॥ 9-2-38 (60206)
অলম্বুসস্তথা রাজন্রাক্ষসশ্চাপ্যলায়ুধঃ।
আর্ষ্যশৃঙ্গিশ্চ নিহতঃ কিমন্যদ্ভাগধেয়তঃ॥ 9-2-39 (60207)
নারায়ণা হতা যত্র গোপালা যুদ্ধদুর্মদাঃ।
ম্লেচ্ছাশ্চ বহুসাহস্রাঃ কিমন্যদ্ভাগধেয়তঃ॥ 9-2-40 (60208)
শকুনিঃ সৌবলো যত্র কৈতব্যশ্চ মহাবলঃ।
নিহতঃ সবলো বীরঃ কিমন্যদ্ভাগধেয়তঃ॥ 9-2-41 (60209)
এতে চান্যে চ বহবঃ কৃতাস্ত্রা যুদ্ধদুর্মদাঃ।
রাজানো রাজপুত্রাশ্চ শূরাঃ পরিঘবাহবঃ।
নিহতা বহবো যত্র কিমন্যদ্ভাগধেয়তঃ॥ 9-2-42 (60210)
যত্র শূরা মহেষ্বাসাঃ কৃতাস্ত্রা যুদ্বদুর্মদাঃ।
বহবো নিহতাঃ সূত মহেন্দ্রসমবিক্রমাঃ॥ 9-2-43 (60211)
নানাদেশসমাবৃত্তাঃ ক্ষত্রিয়া যত্র সঞ্জয়।
নিহতাঃ সমরে সর্বে কিমন্যদ্ভাগধেয়তঃ॥ 9-2-44 (60212)
পুত্রাশ্চ মে বিনিহতাঃ পৌত্রাশ্চৈব মহাবলাঃ।
বয়স্যা ভ্রাতরশ্চৈব কিমন্যদ্ভাগধেয়তঃ॥ 9-2-45 (60213)
ভাগধেয়সমায়ুক্তো ধ্রুবমুৎপদ্যতে নরঃ।
যস্তু ভাগ্যসমায়ুক্তঃ স শুভং প্রাপ্নুয়ান্নরঃ॥ 9-2-46 (60214)
অহং বিয়ুক্তস্তৈর্ভাগ্যৈঃ পুত্রৈশ্চৈবেহ সঞ্জয়।
কথমদ্য ভবিষ্যামি বৃদ্ধঃ শত্রুবশং গতঃ॥ 9-2-47 (60215)
নান্যদত্র পরং মন্যে বনবাসাদৃতে প্রভো।
সোঽহং বনং গমিষ্যামি নির্বন্ধুর্জ্ঞাতিসংক্ষয়ে॥ 9-2-48 (60216)
ন হি মেঽন্যদ্ভবেচ্ছ্রেয়ো বনাভ্যুপগমাদৃতে।
ইমামবস্থাং প্রাপ্তস্য লূনপক্ষস্য সঞ্জয়॥ 9-2-49 (60217)
দুর্যোধনো হতো যত্র শল্যশ্চ নিহতো যুধি।
দুঃশাসনো বিবিংশশ্চ বিকর্ণশ্চ মহাবলঃ॥ 9-2-50 (60218)
কথং হি ভীমসেনস্য শ্রোষ্যেঽহং শব্দমুত্তমম্।
একেন সমরে যেন হতং পুত্রশতং মম॥ 9-2-51 (60219)
অসকৃদ্বদতস্তস্য দুর্যোধনবধেন চ।
দুঃখশোকাভিসন্তপ্তো ন শ্রোষ্যে পরুষা গিরঃ॥ 9-2-52 (60220)
বৈশম্পায়ন উবাচ। 9-2-53x (5085)
এবং স শোকসন্তপ্তঃ পার্থিবো হতবান্ধবঃ।
মুহুর্মুহুর্মুহ্যমানঃ পুত্রাধিভিরভিপ্লুতঃ॥ 9-2-53 (60221)
বিলপ্য সুচিরং কালং ধৃতরাষ্ট্রোঽম্বিকাসুতঃ।
দীর্ঘমুষ্ণং স নিঃশ্বস্য চিন্তয়িৎবা পরাভবম্॥ 9-2-54 (60222)
দুঃখেন মহতা রাজন্সন্তপ্তো ভরতর্ষভঃ।
পুনর্গাবল্গণিং সূতং পর্যপৃচ্ছদ্যথাতথম্॥ 9-2-55 (60223)
ধৃতরাষ্ট্র উবাচ। 9-2-56x (5086)
ভীষ্মদ্রোণৌ হতৌ শ্রুৎবা সূতপুত্রং চ পাতিতম্।
সেনাপতিং প্রণেতারং কমকুর্বত মামকাঃ॥ 9-2-56 (60224)
যং যং সেনাপ্রণেতারং যুধি কুর্বন্তি মামকাঃ।
অচিরেণৈব কালেন তং তং নিঘ্নন্তি পাণ্ডবাঃ॥ 9-2-57 (60225)
রণমূর্ধ্নি হতো ভীষ্মঃ পশ্যতাং বঃ কিরীটিনা।
এবমেব হতো দ্রোণঃ সর্বেষামেব পশ্যতাম্॥ 9-2-58 (60226)
এবমেব হতঃ কর্ণঃ সূতপুত্রঃ প্রতাপবান্।
সরাজকানাং সর্বেষাং পশ্যতাং বঃ কিরীটিনা॥ 9-2-59 (60227)
পূর্বমেবাহমুক্তো বৈ বিদুরেণ মহাত্মনা।
দুর্যোধনাপরাধেন প্রজেয়ং বিনশিষ্যতি॥ 9-2-60 (60228)
কেচিন্ন সম্যক্পশ্যন্তি মূঢাঃ সম্যগবেক্ষ্য চ।
তদিদং মম মূঢস্য তথাভূতং বচঃ স্ম তৎ॥ 9-2-61 (60229)
যদব্রবীৎস ধর্মাত্মা বিদুরো দীর্ঘদর্শিবান্।
তত্তথা সমনুপ্রাপ্তং বচনং সত্যবাদিনাঃ॥ 9-2-62 (60230)
দৈবোপহতচিত্তেন যন্ময়াঽনুষ্ঠিতং পুরা।
অনয়স্য ফলং তস্য ব্রূহি গাবল্গণে পুনঃ॥ 9-2-63 (60231)
কো বা মুখমনীকানামাসীৎকর্ণো নিপাতিতে।
অর্জুনং বাসুদেবং চ কো বা প্রত্যুদ্যযৌ রথী॥ 9-2-64 (60232)
কেঽরক্ষন্দক্ষিণং চক্রং মদ্ররাজস্য সংয়ুগে।
বামং চ যোদ্বুকামস্য কে বা বীরস্য পৃষ্ঠতঃ॥ 9-2-65 (60233)
কথং চ বঃ সমেতানাং মদ্ররাজো মহারথঃ।
নিহতঃ পাণ্ডবৈঃ সঙ্খ্যে পুত্রো বা মম সঞ্জয়॥ 9-2-66 (60234)
ব্রূহি সর্বং যথাতত্ৎবং ভরতানাং মহাক্ষয়ম্।
যথা চ নিহতঃ সঙ্খ্যে পুত্রো দুর্যোধনো মম॥ 9-2-67 (60235)
পাঞ্চালাশ্চ যথা সর্বে নিহতাঃ সপদানুগাঃ।
ধৃষ্টদ্যুম্নঃ শিখণ্ডী চ দ্রৌপদ্যাঃ পঞ্চ চাত্মজাঃ॥ 9-2-68 (60236)
পাণ্ডবাশ্চ যথা মুক্তাস্তথোভৌ মাধবৌ যুধি।
কৃপশ্চ কৃতবর্মা চ ভারদ্বাজস্য চাত্মজঃ॥ 9-2-69 (60237)
যদ্যথা যাদৃশং চৈব যুদ্ধং বৃত্তং চ সাম্প্রতম্।
অখিলং শ্রোতুমিচ্ছামি কুশলো হ্যসি সঞ্জয়॥ ॥ 9-2-70 (60238)
ইতি শ্রীমন্মহাভারতে কর্ণপর্বণি শল্যবধপর্বণি দ্বিতীয়োঽধ্যায়ঃ* ॥ 2 ॥* এতদনন্তরং ঝ.পাঠে একোঽধ্যায়োঽধিকো দৃশ্যতে।
Mahabharata - Shalya Parva - Chapter Topics
পার্থেন নিহতে কর্ণে পাণ্ডবভয়াৎপলায়মানাং সেনাং নিবর্ত্য দুর্যোধনস্য পুনর্যুদ্ধোদ্যমঃ॥ 1 ॥Mahabharata - Shalya Parva - Chapter Text
9-2-0 (60239)
[সঞ্জয় উবাচ। 9-2-0x (5087)
শৃণু রাজন্নবহিতো যথাবৃত্তো মহান্ক্ষয়ঃ।
কুরূণাং পাণ্ডবানাং চ সমাসাদ্য পরস্পরম্॥ 9-2-1 (60240)
নিহতে সূতপুত্রে তু পাণ্ডবেন মহাত্মনা।
বিদ্রুতেষু চ সৈন্যেষু সমানীতেষু চাসকৃৎ॥ 9-2-2 (60241)
ঘোরে মনুষ্যদেহানামাজৌ নরবরক্ষয়ে।
যত্তৎকর্ণে হতে পার্থঃ কসিংহনাদমথাকরোৎ॥ 9-2-3 (60242)
তদা তব সুতান্রাজন্প্রাবিশৎসুমহদ্ভয়ম্॥ 9-2-4 (60243)
ন সন্ধাতুমনীকানি ন চৈবাথ পরাক্রমে।
আসীদ্বুদ্ধির্হতে কর্ণে তব যোধস্য কস্যচিৎ॥ 9-2-5 (60244)
বণিজো নাবি ভিন্নায়ামগাধে বিপ্লুবা ইব।
অপারে পারমিচ্ছন্তো হতে দ্বীপে কিরীটিনা॥ 9-2-6 (60245)
সূতপুত্রো হতে রাজন্বিত্রস্তাঃ শরবিক্ষতাঃ।
অনাথা নাথমিচ্ছন্তো মৃগাঃ সিংহার্দিতা ইব॥ 9-2-7 (60246)
ভগ্নশৃঙ্গা ইব বৃষা শীর্ণদংষ্ট্রা ইবোরগাঃ।
প্রত্যুপায়াম সায়াহ্নে নির্জিতাঃ সব্যসাচিনা॥ 9-2-8 (60247)
হতপ্রবীরা বিধ্বস্তা নিকৃত্তা নিশিতৈঃ শরৈঃ।
সূতপুত্রে হতে রাজন্পুত্রাস্তে প্রাদ্রবংস্ততঃ॥ 9-2-9 (60248)
বিধ্বস্তকবচনাঃ সর্বে কান্দিশীকা বিচেতসঃ।
অন্যোন্যমভিনিঘ্নন্তো বীক্ষমাণা ভয়াদ্দিশঃ॥ 9-2-10 (60249)
মামেব নূনং বীভৎসুর্মামেব চ বৃকোদরঃ।
অভিয়াতীতি মন্বানাঃ পেতুর্মম্লুশ্চ ভারত॥ 9-2-11 (60250)
অশ্বানন্যে গজানন্যে রথানন্যে মহারথাঃ।
আরুহ্য জবসম্পন্নাঃ পাদাতান্প্রজহুর্ভয়াৎ॥ 9-2-12 (60251)
কুঞ্জরৈঃ স্যন্দনা ভগ্নাঃ সাদিনশ্চ মহারথৈঃ।
পদাতিসঙ্ঘাশ্চাশ্বৌঘৈঃ পলায়দ্ভির্ভৃশং হতাঃ॥ 9-2-13 (60252)
ব্যালতস্করসঙ্কীর্ণে সার্থহীনা যথা বনে।
তথা ৎবদীয়া নিহতে সূতপুত্রে পদাঽভবন্॥ 9-2-14 (60253)
হতারোহাস্তথা নাগাশ্ছিন্নহস্তাস্তথাঽপরে।
সর্বং পার্থময়ং লোকমপশ্যন্বৈ ভয়ার্দিতাঃ॥ 9-2-15 (60254)
তান্প্রেক্ষ্য দ্রবতঃ সর্বান্ভীমসেনভয়ার্দিতান্।
দুর্যোধনোঽথ স্বং সূতং হাহাকৃৎবৈবমব্রবীৎ॥ 9-2-16 (60255)
নাতিক্রমিষ্যতে পার্থো ধনুষ্পাণিমবস্থিতম্।
জঘনে যুধ্যমানং মাং তূর্ণমশ্বান্প্রচোদয়॥ 9-2-17 (60256)
সমরে যুধ্যমানং হি কৌন্তেয়ো মাং ধনঞ্জয়ঃ।
নোৎসহেতাপ্যতিক্রান্তুং বেলামিব মহার্ণবঃ॥ 9-2-18 (60257)
অদ্যার্জুনং সগোবিন্দং মানিনং চ বৃকোদরম্।
নিহত্য শিষ্টাঞ্শত্রূংশ্চ কর্ণস্যানৃণ্যমাপ্নুয়াম্॥ 9-2-19 (60258)
তচ্ছ্রুৎবা কুরুরাজস্য শূরার্যসদৃশং বচঃ।
সূতো হেমপরিচ্ছন্নাঞ্শনৈরশ্বানচোদয়ৎ॥ 9-2-20 (60259)
গজাশ্বরথহীনাস্তু পাদাতাশ্চৈব মারিষ।
পঞ্চবিংশতিসাহস্রাঃ প্রাদ্রবঞ্শনকৈরিব॥ 9-2-21 (60260)
তান্ভীমসেনঃ সঙ্ক্রুদ্ধো ধৃষ্টদ্যুম্নশ্চ পার্ষতঃ।
বলেন চতুরঙ্গেণ পরিক্ষিপ্যাহনচ্ছরৈঃ॥ 9-2-22 (60261)
প্রত্যযুধ্যংস্তু তে সর্বে ভীমসেনং সপার্ষতম্।
পার্থপার্ষতয়োশ্চান্যে জগৃহুস্তত্র নামনী॥ 9-2-23 (60262)
অক্রুধ্যত রণে ভীমস্তৈর্মৃধে প্রত্যবস্থিতৈঃ।
সোঽবতীর্য রথাত্তূর্ণং গদাপাণিরয়ুধ্যত॥ 9-2-24 (60263)
ন তান্রথস্থো ভূমিষ্ঠান্ধর্মাপেক্ষী বৃকোদরঃ।
যোধয়ামাস কৌন্তেয়ো ভুজবীর্যমুপাশ্রিতঃ॥ 9-2-25 (60264)
জাতরূপপরিচ্ছন্নাং প্রগৃহ্য মহতীং গদাম্।
ন্যবধীত্তাবকান্সর্বান্দণ্ডপাণিরিবান্তকঃ॥ 9-2-26 (60265)
পদাতয়ো হি সংরব্ধাস্ত্যক্তজীবিতবান্ধবাঃ।
ভীমমভ্যদ্রবন্সঙ্খ্যে পতঙ্গা ইব পাবকম্॥ 9-2-27 (60266)
আসাদ্য ভীমসেনং তে সংরব্ধা যুদ্ধদুর্মদাঃ।
বিনেদুঃ সহসা দৃষ্ট্বা ভূতগ্রামা ইবান্তকম্॥ 9-2-28 (60267)
শ্যেনবদ্ব্যচরদ্ভীমঃ খঙ্গেন গদয়া তথা।
পঞ্চবিংশতিসাহস্রাংস্তাবকানাং ব্যপোথয়ৎ॥ 9-2-29 (60268)
হৎবা তৎপুরুষানীকং ভীমঃ সত্যপরাক্রমঃ।
ধৃষ্টদ্যুম্নং পুরস্কৃত্য পুনস্তস্থৌ মহাবলঃ॥ 9-2-30 (60269)
ধনঞ্জয়ো রথানীকমন্বপদ্যত বীর্যবান্॥ 9-2-31 (60270)
মাদ্রীপুত্রৌ চ শকুনিং সাত্যকিশ্চ মহাবলঃ।
জবেনাভ্যপতন্হৃষ্টা ঘ্নন্তো দৌর্যোধনং বলম্॥ 9-2-32 (60271)
তস্যাশ্ববাহান্সুবহূংস্তে নিহত্য শিতৈঃ শরৈঃ।
তমন্বধাবংস্ৎবরিতাস্তত্র যুদ্ধমবর্তত॥ 9-2-33 (60272)
ততো ধনঞ্জয়ো রাজন্রথানীকমগাহত।
বিশ্রুতং ত্রিষু লোকেষু গাণ্ডীবং ব্যাক্ষিপন্ধনুঃ॥ 9-2-34 (60273)
কৃষ্ণসারথিমায়ান্তং দৃষ্ট্বা শ্বেতহয়ং রথম্।
অর্জুনং চাপি যোদ্বারং ৎবদীয়াঃ প্রাদ্রাবন্ভয়াৎ॥ 9-2-35 (60274)
বিপ্রহীনরথাশ্বাশ্চ শরৈশ্চ পরিবারিতাঃ।
পঞ্চবিংশতিসাহস্রাঃ পার্থমার্চ্ছন্পদাতয়ঃ॥ 9-2-36 (60275)
হৎবা তৎপুরুষানীকং পাঞ্চালানাং মহারথঃ।
ভীমসেনং পুরস্কৃত্য ন চিরাৎপ্রত্যদৃশ্যত॥ 9-2-37 (60276)
মহাধনুর্ধরঃ শ্রীমানমিত্রগণমর্দনঃ।
পুত্রঃ পাঞ্চালরাজস্য ধৃষ্টদ্যুম্নো মহায়শাঃ॥ 9-2-38 (60277)
পারাবতসবর্ণাশ্বং কোবিদারবরধ্বজম্।
ধৃষ্টদ্যুম্নং রণে দৃষ্ট্বা ৎবদীয়াঃ প্রাদ্রবন্ভয়াৎ॥ 9-2-39 (60278)
গান্ধাররাজং শ্রীঘ্রাস্ত্রমনুসৃত্য যশস্বিনৌ।
অচিরাৎপ্রত্যদৃশ্যেতাং মাদ্রীপুত্রৌ সসাত্যকী॥ 9-2-40 (60279)
চেকিতানঃ শিখণ্ডী চ দ্রৌপদেয়াশ্চ মারিষ।
হৎবা ৎবদীয়ং সুমহৎসৈন্যং শঙ্খানথাধমন্॥ 9-2-41 (60280)
তে সর্বে তাবকান্প্রেক্ষ্য দ্রবতো বৈ পরাঙ্মুখান্।
অভ্যধাবন্ত নিঘ্নন্তো বৃষাঞ্চিৎবা বৃষা ইব॥ 9-2-42 (60281)
সেনাবশেষং তং দৃষ্ট্বা তব পুত্রস্য পাণ্ডবঃ।
অবস্থিতং সব্যসাচী চুক্রোধ বলবন্নৃপ॥ 9-2-43 (60282)
তত এনং শরৈ রাজন্সহসা সমবাকিরৎ।
রজসা চোদ্গতেনাথ ন স্ম কিঞ্চন দৃশ্যতে॥ 9-2-44 (60283)
অন্ধকারীকৃতে লোকে শরীভূতে মহীতলে।
দিশঃ সর্বা মহারাজ তাবকাঃ প্রাদ্রবন্ভয়াৎ॥ 9-2-45 (60284)
ভজ্যমানেষু সর্বেষু কুরুরাজো বিশাম্পতে।
পরেষামাত্মনশ্চৈব সৈন্যে তে সমুপাদ্রবৎ॥ 9-2-46 (60285)
ততো দুর্যোধনঃ সর্বানাজুহাবাথ পাণ্ডবান্।
যুদ্ধায় ভরতশ্রেষ্ঠ দেবানিব পুরা বলিঃ॥ 9-2-47 (60286)
ত এনমভিগর্জন্তং সহিতাঃ সমুপাদ্রবন্।
নানাশস্ত্রসৃজঃ ক্রুদ্ধা ভর্ৎসয়ন্তো মুহুর্মুহুঃ॥ 9-2-48 (60287)
দুর্যোধনোঽপ্যসম্ভ্রান্তস্তানরীন্ব্যধমচ্ছরৈঃ॥ 9-2-49 (60288)
তত্রাদ্ভুতমপরশ্যাম তব পুত্রস্য পৌরুষম্।
যদেনং পাণ্ডবাঃ সর্বে ন শেকুরতিবর্তিতুম্॥ 9-2-50 (60289)
নাতিদূরাপয়াতং চ কৃতবুদ্ধি পলায়নে।
দুর্যোধনঃ স্বকং সৈন্যমপশ্যকদ্ভৃশবিক্ষতম্॥ 9-2-51 (60290)
ততোঽবস্থাপ্য রাজেন্দ্র কৃতবুদ্ধিস্তবাত্মজঃ।
হর্ষয়ন্নিব তান্যোধাংস্ততো বচনমব্রবীৎ॥ 9-2-52 (60291)
ন তং দেশং প্রপশ্যামি পৃথিব্যাং পর্বতেষু চ।
যত্র যাতান্ন বো হন্যুঃ পাণ্ডবাঃ কিং সৃতেন বঃ॥ 9-2-53 (60292)
স্বল্পং চৈব বলং তেষাং কৃষ্ণৌ চ ভৃশবিক্ষতৌ।
যদি সর্বেঽপি তিষ্ঠামো ধ্রুবং নো বিজয়ো ভবেৎ॥ 9-2-54 (60293)
বিপ্লয়াতাংস্তু বো ভিন্নান্পাণ্ডবাঃ কৃতকিল্পিষান্।
অনুসৃত্য হনিষ্যন্তি শ্রেয়োঃ ন সমরে বধঃ॥ 9-2-55 (60294)
সুখঃ সাঙ্গ্রামিকো মৃত্যুঃ ক্ষত্রধর্মেণ যুধ্যতাম্।
মৃতো দুঃখং ন জানীতে প্রেত্য চানন্ত্যমশ্নুতে॥ 9-2-56 (60295)
শৃণ্বন্তু ক্ষত্রিয়াঃ সর্বে যাবন্তোঽত্র সমাগতাঃ।
দ্বিষতো ভীমসেনস্য বশমেষ্যথ বিদ্রুতাঃ॥ 9-2-57 (60296)
পিতামহৈরাচরিতং ন ধর্মং হাতুমর্হথ।
নান্যৎকর্মাস্তি পাপীয়ঃ ক্ষত্রিয়স্য পলায়নাৎ॥ 9-2-58 (60297)
ন যুদ্বধর্মাচ্ছ্রেয়ান্হি পন্থাঃ স্বর্গস্য কৌরবাঃ।
সুচিরেণার্জিতাঁলোকান্সদ্যো যুদ্ধাৎসমশ্নুতে॥ 9-2-59 (60298)
তস্য তদ্বচনং রাজ্ঞঃ পূজয়িৎবা মহারথাঃ।
পুনরেবাভ্যবর্তন্ত ক্ষত্রিয়াঃ পাণ্ডবান্প্রতি।
পরাজয়মমৃষ্যন্ত কৃতচিত্তাশ্চ বিক্রমে॥ 9-2-60 (60299)
ততঃ প্রববৃতে যুদ্ধং পুনরেব সুদারুণম্।
তাবকানাং পরেষাং চ দেবাসুররণোপমম্॥ 9-2-61 (60300)
যুধিষ্ঠিরপুরোগাংশ্চ সর্বসৈন্যেন পাণ্ডবান্।
অন্বধাবন্মহারাজ পুত্রো দুর্যোধনস্তব॥] ॥ 9-2-62 (60301)
ইতি শ্রীমন্মহাভারতে শল্যপর্বণি শল্যবধপর্বণি অধ্যায়ঃ॥
Mahabharata - Shalya Parva - Chapter Footnotes
9-2-2 সধূমমিব অত্যুষ্ণিত্যর্থঃ॥ 9-2-14 পরিষ্বজ্য চ মাং কণ্ঠে স্নেহেন ক্লিন্নলোচনঃ। অনুশাধীতি কৌরব্য তৎসাধু বদ মে বচঃ ইতি ঝ.পাঠঃ॥ 9-2-37 প্রতিমানং কেতুভূতঃ॥ 9-2-61 কেচিৎসম্যক্প্রপশ্যন্তি মূঢাস্তু ন তথা পরে ইতি খ.পাঠঃ। সম্যগবেক্ষ্য নিপুণং বিভাব্যাপি মূঢাস্তথাভূতং তদ্বচঃ কেচিন্ন পশ্যন্তীতি সম্বন্ধঃ। তথাভূতং যথার্থম্॥ 9-2-2 দ্বিতীয়োঽধ্যায়ঃ॥শল্যপর্ব - অধ্যায় 003
॥ শ্রীঃ ॥
9.3. অধ্যায়ঃ 003
Mahabharata - Shalya Parva - Chapter Topics
কৃপেণ কর্ণবধদুঃখিতং দুর্যোধনং প্রতি স্বপরক্ষয়োর্দৌর্বল্যপ্রাবল্যাভিধানপূর্বকমুপায়ং প্রদর্শ্য সন্ধিবিধানম্॥ 1 ॥Mahabharata - Shalya Parva - Chapter Text
9-16-0 (60302)
সঞ্জয় উবাচ। 9-16-0x (5088)
শৃণু রাজন্নবহিতো যথাবৃত্তো মহান্ক্ষয়ঃ।
কুরূণাং পাণ্ডবানাং চ সমাসাদ্য পরস্পরম্॥ 9-16-1 (60303)
নিহতে সূতপুত্রে চ ফল্গুনেন মহাত্মনা।
বিদ্রুতেষু চ সৈন্যেষু সমানীতেষু চাসকৃৎ॥ 9-16-2 (60304)
বিমুখে তব পুত্রে চ শোকোপহতচেতসি।
ভৃশোদ্বিগ্নেষু সৈন্যেষু দৃষ্ট্বা পার্থস্য বিক্রমম্॥ 9-16-3 (60305)
ধ্যায়মানেষু যোধেষু দুঋখং প্রাপ্তেষু ভারত।
বলানাং মত্যমানানাং শ্রুৎবা নিনদমুত্তমম্॥ 9-16-4 (60306)
অভিজ্ঞানং নরেন্দ্রাণাং বিকৃতং প্রেক্ষ্য সংয়ুগে।
পতিতানবনীপালান্ধবজাংশ্চৈব মহাত্মনাম্।
রণে বিনিহতান্নাগান্দৃষ্ট্বা পত্তীংশ্চ ভারত॥ 9-16-5 (60307)
আয়োধনং মহাঘোরং রুদ্রস্যাক্রীডসন্নিভম্।
অপ্রখ্যাতিং গতানাং তু রাজ্ঞাং শতসহস্রশঃ॥ 9-16-6 (60308)
কৃপাবিষ্টঃ কৃপো দৃষ্ট্বা বয়ঃ শীলসমন্বিতঃ।
অব্রবীত্তত্র তেজস্বী সোঽভিসৃত্য জনাধিপম্।
দুর্যোধনমনুক্রোশাদ্বাক্যং বাক্যবিশারদঃ॥ 9-16-7 (60309)
দুর্যোধন নিবোধেয়ং যত্ৎবাং বক্ষ্যামি কৌরব।
শ্রুৎবা কুরু মহারাজ যদি তে রোচতেঽনঘ॥ 9-16-8 (60310)
ন যুদ্ধধর্মাচ্ছ্রেয়ান্বৈ পন্থা রাজেন্দ্র বিদ্যতে।
যং সমাশ্রিত্য যুধ্যন্তে ক্ষত্রিয়াঃ ক্ষত্রিয়র্ষভ॥ 9-16-9 (60311)
পুত্রো ভ্রাতা পিতা চৈব স্বস্রীয়ো মাতুলস্তথা।
সম্বন্ধিবান্ধবাশ্চৈব যোদ্বব্যাঃ ক্ষত্রজীবিন॥ 9-16-10 (60312)
বধে চৈব পরো ধর্মস্তথাঽধর্মঃ পলায়নে।
তে স্ম ঘোরাং সমাপন্না জীবিকাং জীবিতার্থিনঃ।
তদত্র প্রতিবক্ষ্যামি কিঞ্চিদেব হিতং বচঃ॥ 9-16-11 (60313)
হতে ভীষ্মে চ দ্রোণে চ কর্ণে চৈব মহারথে।
জয়দ্রথে চ নিহতে তব ভ্রাতৃষু চানঘ।
লক্ষ্মণে তব পুত্রে চ কিং শেষং পর্যুপাস্মহে॥ 9-16-12 (60314)
যেষু ভারং সমাসজ্য রাজ্যে মতিমকুর্মহি।
তে সন্ত্যজ্য তনূর্যাতাঃ শূরা ব্রহ্মবিদাং গতিম্॥ 9-16-13 (60315)
বয়ং ৎবিহ বিনাভূতা গুণবদ্ভির্মহারথৈঃ।
কৃপণং বর্তয়িষ্যামঃ পাতয়িৎবা নৃপান্বহূন্॥ 9-16-14 (60316)
সর্বৈরথ চ জীবদ্ভির্বীভৎসুরপরাজিতঃ।
কৃষ্ণনেত্রো মহাবাহুর্দেবৈরপি দুরাসদঃ॥ 9-16-15 (60317)
ইন্দ্রকার্মুকবজ্রাভমিন্দ্রকেতুমিবোচ্ছ্রিতম্।
বানরং কেতুমাসাদ্য সঞ্চচাল মহাচমূঃ॥ 9-16-16 (60318)
সিংহনাদেন ভীমস্য পাঞ্চজন্যস্বনেন চ।
গাণ্ডীবস্য চ নির্ঘোষাৎসম্মুহ্যন্তে মনাংসি নঃ॥ 9-16-17 (60319)
স্ফুরন্তীব মহাবিদ্যুন্মুষ্ণন্তী নয়নপ্রভাম্।
অলাতমিব চাবিদ্বং গাণ্ডবীং সমদৃশ্যত॥ 9-16-18 (60320)
জাম্বূনদবিচিত্রং চ ধূয়মানং মহদ্ধনুঃ।
দৃশ্যতে দিক্ষু স্রবাসু বিদ্যুদভ্রঘনেষ্বিব॥ 9-16-19 (60321)
উহ্যমানশ্চ কৃষ্ণেন বায়ুনেব বলাহকঃ।
তাবকং তদ্বলং রাজন্নর্জুনোঽস্ত্রবিশারদঃ।
গহনং শিশিরাপায়ে দদাহাগ্নিরিবোল্বণঃ॥ 9-16-20 (60322)
গাহমানমনীকানি মহেন্দ্রসদৃশপ্রভম্।
বিক্ষোভয়ন্তং সেনাং বৈ ত্রাসয়ন্তং চ পার্থিবান্।
ধনঞ্জয়মপশ্যাম নলিনীমিব কুঞ্জরম্॥ 9-16-21 (60323)
ত্রাসয়ন্তং তথা যোধান্ধনুর্ঘোষেণ পাংণ্ডবম্।
ভূয় এনমপশ্যাম সিংহং মৃগগণানিব॥ 9-16-22 (60324)
সর্বলোকমহেষ্বাসো বৃষভৌ সর্বধন্বিনাম্।
আমুক্তকবচৌ কৃষ্ণৌ লোকমধ্যে বিরেজতুঃ॥ 9-16-23 (60325)
অদ্য সপ্তদশাহানি বর্তমানস্য ভারত।
সঙ্গ্রামস্যাতিঘোরস্য যুধ্যতাং চাভিতো যুধি॥ 9-16-24 (60326)
বায়ুনেব বিধূতানি এব সৈন্যানি গচ্ছতা।
শরদম্ভোদজালানি বিশীর্যন্তে সমন্ততঃ॥ 9-16-25 (60327)
তাং নাবমিব পর্যস্তাং মজ্জমানাং মহার্ণবে।
তব সেনাং মহারাজ সব্যসাচী ব্যকম্পয়ৎ॥ 9-16-26 (60328)
ক্বনু তে সূতপুত্রোঽভূৎক্বনু দ্রোণঃ সহাত্মজঃ।
অহং ক্ব চ ক্ব চাত্মা তে হার্দিক্যশ্চ তথা ক্বনু॥ 9-16-27 (60329)
দুঃশাসনশ্চ তে ভ্রাতা ভ্রাতৃভিঃ সহিতঃ ক্বনু॥ 9-16-28 (60330)
বাণগোচরসম্প্রাপ্তং যুধ্যমানং জয়দ্রথম্।
সম্বন্ধিনস্তে ভ্রাতৄংশ্চ সাহয়ান্মাতুলাংস্তথা।
সর্বান্বিক্রম্য মিপতো লোকমাক্রম্য মূর্ধনি॥ 9-16-29 (60331)
জয়দ্রথো হতো রাজন্কিন্নু শেষমুপাস্মহে।
কো বেহ স পুমানাস্তে যো বিজেষ্যতি পাণ্ডবম্॥ 9-16-30 (60332)
তস্য চাস্ত্রাণি দিব্যানি বিদিতানি মহাত্মনঃ।
গাণ্ডীবস্য চ নির্ঘোষো ধৈর্যাণি হরতে হি নঃ॥ 9-16-31 (60333)
নষ্টচন্দ্রা যথা রাত্রিঃ সেনেয়ং হতনায়কা।
নাগভগ্নদ্রুমা শুষ্কা নদীব প্রতিভাতি মে॥ 9-16-32 (60334)
ধ্বজিন্যাং হতনেত্রায়াং যথেষ্টং শ্বেতবাহনঃ।
চরিষ্যতি মহারাজঃ কক্ষেষ্বগ্নিরিব জ্বলন্॥ 9-16-33 (60335)
সাত্যকেশ্চৈব যো বেগো ভীমসেনস্য চোভয়োঃ।
দারয়েত গিরীন্সর্বাঞ্শোষয়েচ্চৈব সাগরান্॥ 9-16-34 (60336)
উবাচ বাক্যং যদ্ভীমঃ সভামধ্যে বিশাম্পতে।
কৃতং তৎসফলং সর্বং ভূয়শ্চৈব করিষ্যতি॥ 9-16-35 (60337)
প্রমুখস্থে তদা কর্ণে বলং পাণ্ডবরক্ষিতম্।
দুরাসদং তদা গুপ্তং ব্যূঢং গাণ্ডীবধন্বনা॥ 9-16-36 (60338)
যুষ্মাভিস্তানি চীর্ণানি যান্যসাধূনি সাধুষু।
অকারণকৃতান্যেব তেষাং বঃ ফলমাগতম্॥ 9-16-37 (60339)
আত্মনোঽর্থে ৎবয়া লোকে যত্নতঃ সর্ব আহৃতঃ।
স তে সংশয়িতস্তাত আত্মা চ ভরতর্ষভ॥ 9-16-38 (60340)
রক্ষ দুর্যোধনাত্মানমাত্মা সর্বস্য ভাজনম্।
ভিন্নে হি ভাজনে তাত দিশো গচ্ছতি তদ্গতম্॥ 9-16-39 (60341)
হীয়মানেন বৈ সন্ধিঃ পর্যেষ্টব্যঃ সমেন বা।
বিগ্রহো বর্ধমানেন নীতিরেষা বৃহস্পতেঃ॥ 9-16-40 (60342)
তে বয়ং পাণ্ডুপুত্রেভ্যো হীনাঃ স্ম বলশক্তিতঃ।
অত্র তে পাণ্ডবৈঃ সার্ধং সন্ধিং মন্যে ক্ষমং প্রভো॥ 9-16-41 (60343)
ন জানীতে হি যঃ শ্রেয়ঃ শ্রেয়সশ্চাবমন্যতে।
স ক্ষিপ্রং ভ্রশ্যতে রাজ্যান্ন চ শ্রেয়োঽনুবিন্দতি॥ 9-16-42 (60344)
অণিপত্য হি রাজানং রাজ্যং যদি লভেমহি।
শ্রেয়ঃ স্যান্ন তু মৌঢ্যেন রাজন্গন্তুং পরাভবম্॥ 9-16-43 (60345)
বৈচিত্রবীর্যবচনাৎকৃপাশীলো যুধিষ্ঠিরঃ।
বিনিয়ুঞ্জীত রাজ্যে ৎবাং গোবিন্দবচনেন চ॥ 9-16-44 (60346)
`অজাতশত্রুঃ কৌরব্যো গুরুশুশ্রূষণে রতঃ।
ধৃতরাষ্ট্রস্য বচনং নাবমংস্যতি ধার্মিকঃ॥ 9-16-45 (60347)
কুর্বন্তি ভ্রাতরশ্চাস্য বচনং নাত্র সংশয়ঃ॥ 9-16-46 (60348)
যদ্ব্রূয়াদ্ধি হৃষীকেশো রাজানমপরাজিতম্।
অর্জুনো ভীমসেনশ্চ সর্বে কুর্যুরসংশয়ম্॥ 9-16-47 (60349)
নাতিক্রমিষ্যতে কৃষ্ণো বচনং পাণ্ডবস্য তু।
ধৃতরাষ্ট্রস্য মন্যেঽহং নাপি কৃষ্ণস্য পাণ্ডবঃ॥ 9-16-48 (60350)
এতৎক্ষমমহং মন্যে তব পার্থৈরবিগ্রহম্।
ন ৎবাং ব্রবীমি কার্পণ্যান্ন প্রাণপরিরক্ষণাৎ॥ 9-16-49 (60351)
পথ্যং রাজন্ব্রবীমি ৎবাং তৎপরাসুঃ স্মরিষ্যসি॥ 9-16-50 (60352)
ইতি বৃদ্ধো বিলপ্যৈতৎকৃপঃ শারদ্বতো বচঃ।
দীর্ঘমুষ্ণং চ নিঃশ্বস্যশুশোচ চ মুমোহ চ॥ ॥ 9-16-51 (60353)
ইতি শ্রীমন্মহাভারতে শল্যপর্বণি শল্যবধপর্বণি তৃতীয়োঽধ্যায়ঃ॥ 3 ॥
Mahabharata - Shalya Parva - Chapter Footnotes
9-16-12 শেষাস্ৎবাং পর্যুপাস্মহে ইতি ঙ.পাঠঃ॥ 9-16-15 কৃষ্ণো নেত্রং নেতা যস্য স তথা॥ 9-16-24 বর্তমানস্য সঙ্গ্রামস্য অভিতো বধ্যতাং বধ্যমানানাং চ অদ্য সপ্তদশাহানি জাতানীত্যন্বয়ঃ। জাতানীতি শেষঃ॥ 9-16-47 অর্জুনং ভীমসেনং চ ইতি ঝ. পাঠঃ। অসংশয়ং গতবৈরমিত্যর্থঃ॥ 9-16-48 বচনং কৌরবস্য তু ইতি ঝ. পাঠঃ॥ 9-16-3 তৃতীয়োঽধ্যায়ঃ॥শল্যপর্ব - অধ্যায় 004
॥ শ্রীঃ ॥
9.4. অধ্যায়ঃ 004
Mahabharata - Shalya Parva - Chapter Topics
দুর্যোধনেন কৃপম্প্রতি কারণকথনপূর্বকং সন্ধ্যনঙ্গীকরণম্॥ 1 ॥Mahabharata - Shalya Parva - Chapter Text
9-16-0 (60354)
সঞ্জয় উবাচ। 9-16-0x (5089)
এবমুক্তস্ততো রাজা গৌতমেন তপস্বিনা।
নিঃশ্বস্য দীর্ঘমুষ্ণং চ তূষ্ণীমাসীদ্বিশাম্পতে॥ 9-16-1 (60355)
ততো মুহূর্তং স ধ্যাৎবা তব পুত্রো মহামনাঃ।
কৃপং শারদ্বতং বাক্যমিত্যুবাচ পরন্তপঃ॥ 9-16-2 (60356)
যৎকিঞ্চিৎসুহৃদা বাচ্যং তৎসর্বং শ্রাবিতো হ্যহম্।
কৃতং চ ভবতা সর্বং প্রাণান্সন্ত্যজ্য যুধ্যতা॥ 9-16-3 (60357)
গাহমানমনীকানি যুধ্যমানং মহারথৈঃ।
পাণ্ডবৈরতিতেজোভির্লোকস্ৎবামনুদৃষ্টবান্॥ 9-16-4 (60358)
সুহৃদা যদিদং বাক্যং ভবতা শ্রাবিতো হ্যহম্।
ন মাং প্রীণাতি তৎসর্বং মুমূর্ষোরিব ভেষজম্॥ 9-16-5 (60359)
হেতুকারণসংয়ুক্তং হিতং বচনমুত্তমম্।
উচ্যমানং মহাবাহো ন মে বিপ্রাগ্র্য রোচনে॥ 9-16-6 (60360)
রাজ্যাদ্বিনিকৃতোঽস্মাভিঃকথং সোস্মাসু বিশ্বসেৎ॥ 9-16-7 (60361)
অক্ষদ্যূতে চ নৃপতির্জিতোঽস্মাভির্মহাধনঃ।
স কথং মম বাক্যানি শ্রদ্দধ্যাদ্ভূয় এব তু॥ 9-16-8 (60362)
তথা দূত্যেন সম্প্রাপ্তঃ কৃষ্ণঃ পার্থহিতে রতঃ।
প্রলব্ধশ্চ হৃষীকেশস্তচ্চ কর্মাবিচারিতম্।
স চ মে বচনং ব্রহ্মন্কথমেবাভিমন্যতে॥ 9-16-9 (60363)
বিললাপ চ যৎকৃষ্ণা সভামধ্যে সমেয়ুষী।
ন তন্মর্ষয়তে কৃষ্ণো ন রাজ্যহরণং তথা॥ 9-16-10 (60364)
একপ্রাণাবুভৌ কৃষ্ণাবন্যোন্যমভিসংশ্রিতৌ।
পুরা যচ্ছ্রুতমেবাসীদদ্য পশ্যামি তৎপ্রভো॥ 9-16-11 (60365)
স্বস্রীয়ং নিহতং দৃষ্ট্বা দুঃখং স্বপিতি কেশবঃ।
কৃতাগসো ব যং তস্য হিতং মে স কথং চরেৎ॥ 9-16-12 (60366)
অভিমন্যোর্বিনাশেন ন শর্ম লভতেঽর্জুনঃ।
স কথং মদ্ধিতে যত্নং প্রকরিষ্যতি যাচিতঃ॥ 9-16-13 (60367)
মধ্যমঃ পাণ্ডবস্তীক্ষ্ণো ভীমসেনো মহাবলঃ।
প্রতিজ্ঞাতং চ তেনোগ্রং ভজ্যেতাপি ন সন্নমেৎ॥ 9-16-14 (60368)
উভৌ তৌ বদ্ধনিস্ত্রিংশাবুভৌ চাবদ্ধকঙ্কটৌ।
কৃতবৈরাবুভৌ বীরৌ যমাবপি যমোপমৌ॥ 9-16-15 (60369)
ধৃষ্টদ্যুম্নঃ শিখণ্ডী চ কৃতবৈরৌ ময়া সহ।
তৌ কথং মদ্বিতে যত্নং কুর্যাতাং দ্বিজসত্তম॥ 9-16-16 (60370)
দুঃশাসনেন যৎকৃষ্ণা একবস্ত্রা রজস্বলা।
পরিক্লিষ্টা সভামধ্যে সর্বলোকস্য পশ্যতঃ॥ 9-16-17 (60371)
তথা বিবসনাং দীনাং স্মরন্ত্যদ্যাপি পাণ্ডবাঃ।
ন নিবারয়িতুং শক্যাঃ সঙ্গ্রামাত্তে পরন্তপাঃ॥ 9-16-18 (60372)
যদা চ দ্রৌপদী ক্লিষ্টা মদ্বিনাশায় দুঃখিতা।
উগ্রং তেপে তপঃ কৃষ্ণা ভর্তৄণামর্থসিদ্ধয়ে।
স্থণ্ডিলে নিত্যদা শেতে যাবদ্বৈরস্য যাতনম্॥ 9-16-19 (60373)
নিক্ষিপ্য মানং দর্পং চ বাসুদেবসহোদরা।
কৃষ্ণায়াঃ প্রেষ্যবদ্ভূৎবা শুশ্রূষাং কুরুতে সদা॥ 9-16-20 (60374)
ইতি সর্বং সমুন্নদ্ধং ন নির্বাতি কথঞ্চন।
অভিমন্যোর্বিনাশেন স সন্ধেয়ঃ কথং ময়া॥ 9-16-21 (60375)
কথং চ রাজা ভুক্ৎবেমাং পৃথিবীং সাগরাম্বরাম্।
পাণ্ডবানাং প্রসাদেন ভোক্ষ্যে রাজ্যমহং কথম্॥ 9-16-22 (60376)
উপর্যুপরি রাজ্ঞাং বৈ জ্বলিৎবা ভাস্করো যথা।
যুধিষ্ঠিরং কথং পঞ্চাদনুয়াস্যামি দাসবৎ॥ 9-16-23 (60377)
কথং ভুক্ৎবা স্বয়ং ভোগান্দত্ৎবা দায়াংশ্চ পুষ্কলান্।
কৃপণং বর্তয়িষ্যামি কৃপণৈঃ সহ জীবিকাম্॥ 9-16-24 (60378)
নাভ্যসূয়ামি তে বাক্যমুক্তং স্নিগ্ধং হিতং ৎবয়া॥
ন তু সন্ধিমহং মন্যে প্রাপ্তকালং কথঞ্চন। 9-16-25 (60379)
সুনীতমনুপশ্যামি সুয়ুদ্ধেন পরন্তপ॥ 9-16-26 (60380)
নায়ং ক্লীবায়িতুং কালঃ সংয়োদ্বুং কাল এব নঃ॥ 9-16-27 (60381)
ইষ্টং মে বহুভির্জজ্ঞৈর্দত্তা বিপ্রেষু দক্ষিণাঃ।
প্রাপ্তাঃ কামাঃ শ্রুতা বেদাঃ শত্রূণাং মূর্ধ্নি চ স্থিতম্॥ 9-16-28 (60382)
ভৃত্যা মে সুভৃতাস্তাত দীনশ্চাভ্যুদ্বৃতো জনঃ।
নোৎসাহেঽদ্য দ্বিজশ্রেষ্ঠ পাণ্ডবান্বক্তুমীদৃশম্॥ 9-16-29 (60383)
জিতানি পররাষ্ট্রাণি স্বরাষ্ট্রমনুপালিতম্।
ভুক্তাশ্চ বিবিধা ভোগাস্ত্রিবর্গঃ সেবিতো ময়া॥ 9-16-30 (60384)
পিতৄণাং গতমানৃণ্যং ক্ষত্রধর্মস্য চোভয়োঃ।
ন ধ্রুবং সুখমস্তীহ কুতো রাষ্ট্রং কুতো যশঃ।
ইহ কীর্তির্বিচেতব্যা সা চ যুদ্বেন নান্যথা॥ 9-16-31 (60385)
বৃথা চ যৎক্ষত্রিয়স্য নিধনং তদ্বিগর্হিতম্।
অধর্মঃ সুমহানেষ যচ্ছয়্যামরণং গৃহে॥ 9-16-32 (60386)
অরণ্যে যো বিমুচ্যেত সঙ্গ্রামে বা তনুং নৃপঃ।
ক্রতূনাহৃত্য মহতো মহিমানং স গচ্ছতি॥ 9-16-33 (60387)
কৃপণং বিলপন্নার্তো জরয়াঽভিপরিপ্লুতঃ।
ম্রিয়তে রুদতাং মধ্যে জ্ঞাতীনাং ন স পূরুষঃ॥ 9-16-34 (60388)
ত্যক্ৎবা তু বিবিধান্ভোগান্প্রাপ্তানাং পরমাং গতিম্।
অপীদানীং সুয়ুদ্ধেন গচ্ছেয়ং যৎসলোকতাম্॥ 9-16-35 (60389)
শূরাণামার্যবৃত্তানাং সঙ্ক্রামেষ্বনিবর্তিনাম্।
ধীমতাং সত্যসন্ধানাং সর্বেষাং ক্রতুয়াজিনাম্।
শস্ত্রাবভৃথপূতানাং ধ্রুবো বাসস্ত্রিবিষ্টপে॥ 9-16-36 (60390)
মুদা নূনং প্রপশ্যন্তি যুদ্বে হ্যপ্সরসাং গণাঃ॥ 9-16-37 (60391)
পশ্যন্তি নূনং পিতরঃ পূজিতান্সুরসংসদি।
অপ্সরোভিঃ পরিবৃতান্মোদমানাংস্ত্রিবিষ্টপে॥ 9-16-38 (60392)
পন্থানমমরৈর্যান্তং শূরৈশ্চৈবানিবর্তিভিঃ।
অপি তৎসঙ্গতং মার্গং বয়মধ্যারুহেমহি॥ 9-16-39 (60393)
পিতামহেন বৃদ্বেন তথাঽচার্যেণ ধীমতা।
জয়দ্রথেন কর্ণেন তথা দুঃশাসনেন চ॥ 9-16-40 (60394)
ঘটমানা মদর্থেঽস্মিন্হতাঃ শূরা জনাধিপাঃ।
শেরতে লোহিতাক্তাঙ্গাঃ পৃথিব্যাং শরবিক্ষতাঃ॥ 9-16-41 (60395)
উত্তমাস্ত্রবিদঃ শূরা যথোক্তক্রতুয়াজিনঃ।
ত্যক্ৎবা প্রাণান্যথান্যায়মিন্দ্রসদ্মসু ধিষ্ঠিতঃ॥ 9-16-42 (60396)
তৈঃ স্বয়ং রচিতো মার্গো দুর্গমো হি পুনর্ভবেৎ।
সম্পতদ্ভির্মহাবেগৈরিতো যাস্যামি সদ্গতিম্॥ 9-16-43 (60397)
যে মদর্থে হতাঃ শূরাস্তেষাং কৃতমনুস্মরন্।
ঋণং তৎপ্রতিয়ুঞ্জানো ন রাজ্যে মন আদধে॥ 9-16-44 (60398)
পাতয়িৎবা বয়স্যাংশ্চ ভ্রাতৃনথ পিতামহান্।
জীবিতং যদি রক্ষেয়ং লোকো মাং গর্হয়েদ্ব্রুবম্॥ 9-16-45 (60399)
কীদৃশং চ ভবেদ্রাজ্যং মম হীনস্য বন্ধুভিঃ।
সখিভিশ্চ বিশেষেণ প্রণিপত্য চ পাণ্ডবম্॥ 9-16-46 (60400)
সোঽহমেতাদৃশং কৃৎবা জগতোঽস্য পরাভবম্।
সুয়ুদ্ধেন হতঃ স্বর্গং প্রাপ্সামি ন তদন্যথা॥ 9-16-47 (60401)
সঞ্জয় উবাচ। 9-16-48x (5090)
এং দুর্যোধনেনোক্তে সর্বে সম্পূজ্য তদ্বচঃ।
সাধুসাধ্বিতি রাজানং ক্ষত্রিয়াঃ সম্বভাষিরে॥ 9-16-48 (60402)
পরাজয়মশোচন্তঃ কৃতচিত্তাশ্চ বিক্রমে।
সর্বে সুনিশ্চিতা যোদ্ধুমুদগ্রমনসোঽভবন্॥ 9-16-49 (60403)
ততো বাহান্সমাশ্বাস্য সর্বে যুদ্ধাভিনন্দিনঃ।
ঊনে দ্বিয়োজনে গৎবা প্রত্যতিষ্ঠন্ত কৌরবাঃ॥ 9-16-50 (60404)
আকাশে বিদ্রুমে পুণ্যে প্রস্থে হিমবতঃ শুভে।
অরুণাং সরস্বতীং প্রাপ্য পপুঃ সস্নুশ্চ তেজলম্॥ 9-16-51 (60405)
তব পুত্রকৃতোৎসাহাঃ পর্যবর্তন্ত তে ততঃ।
পর্যবস্থাপ্য চাত্মানমন্যোন্যেন পুনস্তদা।
সর্বে রাজন্ন্যবর্তন্ত ক্ষত্রিয়াঃ কালচোদিতাঃ॥ ॥ 9-16-52 (60406)
ইতি শ্রীমন্মহাভারতে শল্যপর্বণি শল্যবধপর্বণি চতুর্থোঽধ্যায়ঃ॥ 4 ॥
Mahabharata - Shalya Parva - Chapter Footnotes
9-16-11 পুরা যচ্ছান্তমেবাসীৎ ইতি ক. পাঠঃ। পুরা যঃ শন্তমো নাসীদদ্য পশ্যামি তং কথম্ ইতি ঙ.পাঠঃ॥ 9-16-15 উরশ্ছদঃ কঙ্কটক ইত্যমরঃ॥ 9-16-32 বিপ্রবন্মরণং গৃহে ইতি ক.পাঠঃ। বিণ্মূত্রমরণং গৃহে ইতি ঙ. পাঠঃ॥ 9-16-4 চতুর্থোঽধ্যায়ঃ॥শল্যপর্ব - অধ্যায় 005
॥ শ্রীঃ ॥
9.5. অধ্যায়ঃ 005
Mahabharata - Shalya Parva - Chapter Topics
দুর্যোধনেন কৃপম্প্রতি কারণকথনপূর্বকং সন্ধ্যনঙ্গীকরণম্॥ 1 ॥Mahabharata - Shalya Parva - Chapter Text
9-16-0 (60407)
সঞ্জয় উবাচ। 9-16-0x (5091)
এবমুক্তস্ততো রাজা গৌতমেন তপস্বিনা।
নিঃশ্বস্য দীর্ঘমুষ্ণং চ তূষ্ণীমাসীদ্বিশাম্পতে॥ 9-16-1 (60408)
ততো মুহূর্তং স ধ্যাৎবা তব পুত্রো মহামনাঃ।
কৃপং শারদ্বতং বাক্যমিত্যুবাচ পরন্তপঃ॥ 9-16-2 (60409)
যৎকিঞ্চিৎসুহৃদা বাচ্যং তৎসর্বং শ্রাবিতো হ্যহম্।
কৃতং চ ভবতা সর্বং প্রাণান্সন্ত্যজ্য যুধ্যতা॥ 9-16-3 (60410)
গাহমানমনীকানি যুধ্যমানং মহারথৈঃ।
পাণ্ডবৈরতিতেজোভির্লোকস্ৎবামনুদৃষ্টবান্॥ 9-16-4 (60411)
সুহৃদা যদিদং বাক্যং ভবতা শ্রাবিতো হ্যহম্।
ন মাং প্রীণাতি তৎসর্বং মুমূর্ষোরিব ভেষজম্॥ 9-16-5 (60412)
হেতুকারণসংয়ুক্তং হিতং বচনমুত্তমম্।
উচ্যমানং মহাবাহো ন মে বিপ্রাগ্র্য রোচনে॥ 9-16-6 (60413)
রাজ্যাদ্বিনিকৃতোঽস্মাভিঃ কথং সোস্মাসু বিশ্বসেৎ॥ 9-16-7 (60414)
অক্ষদ্যূতে চ নৃপতির্জিতোঽস্মাভির্মহাধনঃ।
স কথং মম বাক্যানি শ্রদ্দধ্যাদ্ভূয় এব তু॥ 9-16-8 (60415)
তথা দূত্যেন সম্প্রাপ্তঃ কৃষ্ণঃ পার্থহিতে রতঃ।
প্রলব্ধশ্চ হৃষীকেশস্তচ্চ কর্মাবিচারিতম্।
স চ মে বচনং ব্রহ্মন্কথমেবাভিমন্যতে॥ 9-16-9 (60416)
বিললাপ চ যৎকৃষ্ণা সভামধ্যে সমেয়ুষী।
ন তন্মর্ষয়তে কৃষ্ণো ন রাজ্যহরণং তথা॥ 9-16-10 (60417)
একপ্রাণাবুভৌ কৃষ্ণাবন্যোন্যমভিসংশ্রিতৌ।
পুরা যচ্ছ্রুতমেবাসীদদ্য পশ্যামি তৎপ্রভো॥ 9-16-11 (60418)
স্বস্রীয়ং নিহতং দৃষ্ট্বা দুঃখং স্বপিতি কেশবঃ।
কৃতাগসো বয়ং তস্য হিতং মে স কথং চরেৎ॥ 9-16-12 (60419)
অভিমন্যোর্বিনাশেন ন শর্ম লভতেঽর্জুনঃ।
স কথং মদ্ধিতে যত্নং প্রকরিষ্যতি যাচিতঃ॥ 9-16-13 (60420)
মধ্যমঃ পাণ্ডবস্তীক্ষ্ণো ভীমসেনো মহাবলঃ।
প্রতিজ্ঞাতং চ তেনোগ্রং ভজ্যেতাপি ন সন্নমেৎ॥ 9-16-14 (60421)
উভৌ তৌ বদ্ধনিস্ত্রিংশাবুভৌ চাবদ্ধকঙ্কটৌ।
কৃতবৈরাবুভৌ বীরৌ যমাবপি যমোপমৌ॥ 9-16-15 (60422)
ধৃষ্টদ্যুম্নঃ শিখণ্ডী চ কৃতবৈরৌ ময়া সহ।
তৌ কথং মদ্ধিতে যত্নং কুর্যাতাং দ্বিজসত্তম॥ 9-16-16 (60423)
দুঃশাসনেন যৎকৃষ্ণা একবস্ত্রা রজস্বলা।
পরিক্লিষ্টা সভামধ্যে সর্বলোকস্য পশ্যতঃ॥ 9-16-17 (60424)
কথা বিবসনাং দীনাং স্মরন্ত্যদ্যাপি পাণ্ডবাঃ।
ন নিবারয়িতুং শক্যাঃ সঙ্গ্রামত্তে পরন্তপাঃ॥ 9-16-18 (60425)
যদা চ দ্রৌপদী ক্লিষ্টা মদ্বিনাশায় দুঃখিতা।
উগ্রং তেপে তপঃ কৃষ্ণা ভর্তৄণামর্থসিদ্ধয়ে।
স্থণ্ডিলে নিত্যদা শেতে যাবদ্বৈরস্য যাতনম্॥ 9-16-19 (60426)
নিক্ষিপ্য মানং দর্পং চ বাসুদেবসহোদরা।
কৃষ্ণায়াঃ প্রেষ্যবদ্ভূৎবা শুশ্রূষাং কুরুতে সদা॥ 9-16-20 (60427)
ইতি সর্বং সমুন্নদ্ধং ন নির্বাতি কথঞ্চন।
অভিমন্যোর্বিনাশেন স সন্ধেয়ঃ কথং ময়া॥ 9-16-21 (60428)
কথং চ রাজা ভুক্ৎবেমাং পৃথিবীং সাগরাম্বরাম্।
পাণ্ডবানাং প্রসাদেন ভোক্ষ্যে রাজ্যমহং কথম্॥ 9-16-22 (60429)
উপর্যুপরি রাজ্ঞাং বৈ জ্বলিৎবা ভাস্করো যথা।
যুধিষ্ঠিরং কথং পঞ্চাদনুয়াস্যামি দাসবৎ॥ 9-16-23 (60430)
কথং ভুক্ৎবা স্বয়ং ভোগান্দত্ৎবা দায়াংশ্চ পুষ্কলান্।
কৃপণং বর্তয়িষ্যামি কৃপণৈঃ সহ জীবিকাম্॥ 9-16-24 (60431)
নাভ্যসূয়ামি তে বাক্যমুক্তং স্নিগ্ধং হিতং ৎবয়া॥ 9-16-25 (60432)
ন তু সন্ধিমহং মন্যে প্রাপ্তকালং কথঞ্চন।
সুনীতমনুপশ্যামি সুয়ুদ্ধেন পরন্তপ॥ 9-16-26 (60433)
নায়ং ক্লীবায়িতুং কালঃ সংয়োদ্ধুং কাল এব নঃ॥ 9-16-27 (60434)
ইষ্টং মে বহুভির্যজ্ঞৈর্দত্তা বিপ্রেষু দক্ষিণাঃ।
প্রাপ্তাঃ কামাঃ শ্রুতা বেদাঃ শত্রূণাং মূর্ধ্নিং চ স্থিতম্॥ 9-16-28 (60435)
ভৃত্যা মে সুভৃতাস্তাত দীনশ্চাভ্যৃদ্ভৃতো জনঃ।
নোৎসহেঽদ্য দ্বিজশ্রেষ্ঠ পাণ্ডবান্বক্তুমীদৃশম্॥ 9-16-29 (60436)
জিতানি পররাষ্ট্রাণি স্বরাষ্ট্রমনুপালিতম্।
ভুক্তাশ্চ বিবিধা ভোগাস্ত্রিবর্গঃ সেবিতো ময়া॥ == ॥ 9-16-30 (60437)
ইতি শ্রীমন্মহাভারতে
Mahabharata - Shalya Parva - Chapter Footnotes
9-16-1 9-16- 9-16- 9-16- 9-16- 9-16- 9-16- 9-16- 9-16- 9-16- 9-16-শল্যপর্ব - অধ্যায় 006
॥ শ্রীঃ ॥
9.6. অধ্যায়ঃ 006
Mahabharata - Shalya Parva - Chapter Topics
দুর্যোধনেন শল্যস্য সৈনাপত্যেঽমিষেচনম্॥ 1 ॥ কৃষ্ণেন যুধিষ্ঠিরম্প্রতি শল্যবধবিধানম্॥ 2 ॥Mahabharata - Shalya Parva - Chapter Text
9-6-0 (60438)
সঞ্জয় উবাচ। 9-6-0x (5092)
এতচ্ছ্রুৎবা বচো রাজ্ঞো মদ্ররাজঃ প্রতাপবান্।
দুর্যোধনং তদা রাজন্বাক্যমেতদুবাচ হ॥ 9-6-1 (60439)
দুর্যোধন মহাবাহো শৃণু বাক্যবিদাং বর।
যাবেতৌ মন্যসে কৃষ্ণৌ রথস্থৌ রথিনাংবরৌ।
ন মে তুল্যাবুভাবেতৌ বাহুবীর্যে কথঞ্চন॥ 9-6-2 (60440)
উদ্যতাং পৃথিবীং সর্বাং সসুরাসুরমানবাম্।
যোধয়েয়ং রণমুখে সঙ্ক্রুদ্ধঃ কিমু পাণ্ডবান্॥ 9-6-3 (60441)
বিজেষ্যামি রণে পার্থান্সোমকাংশ্চ সমাগতান্।
অহং সেনাপ্রমেতা তে ভবিষ্যামি ন সংশয়ঃ॥ 9-6-4 (60442)
তং চ ব্যূহং বিধাস্যামি ন ক (ত) রিষ্যন্তি যং পরে।
ইতি সত্যং ব্রবীম্যেষ দুর্যোধন ন সংশয়ঃ॥ 9-6-5 (60443)
`অদ্যৈবাহং রণে সর্বান্পাঞ্চালান্সহ পাণ্ডবৈঃ।
নিহনিষ্যামি বা রাজন্স্বর্গং যাস্যামি বা হতঃ॥ 9-6-6 (60444)
অদ্য পশ্যন্তু মাং লোকা বিচরন্তমভীতবৎ॥ 9-6-7 (60445)
অদ্য পাণ্ডুসুতাঃ সর্বে বাসুদেবঃ সসাত্যকিঃ।
পাঞ্চালাশ্চেদয়শ্চৈব দ্রৌপদেয়াশ্চ সর্বশঃ।
ধৃষ্টদ্যুম্নঃ শিখণ্ডী চ সর্বে চাপি প্রভদ্রকাঃ॥ 9-6-8 (60446)
বিক্রমং মম পশ্যন্তু ধনুষশ্চ মহদ্বলম্।
লাঘবং চাস্ত্রবীর্যং চ ভুজয়োশ্চ বলং যুধি॥ 9-6-9 (60447)
অদ্য পশ্যন্তু মে পার্থাঃ সিদ্ধাশ্চ সহ চারণৈঃ।
যাদৃশং মে বলং বাহ্বোঃ সম্পদস্ত্রেষু যা চ মে॥ 9-6-10 (60448)
অদ্য মে বিক্রমং দৃষ্ট্বা পাণ্ডবানাং মহারথাঃ।
প্রতীকারপরা ভূৎবা চেষ্টন্তে বিবিধাঃ ক্রিয়াঃ॥ 9-6-11 (60449)
অদ্য সৈন্যানি পাণ্ডূনাং দ্রাবয়িষ্যে সমন্ততঃ॥ 9-6-12 (60450)
দ্রোণভীষ্মাবতি বিমো সূতপুত্রং চ সংয়ুগে।
বিচরিষ্যে রণমুখে প্রিয়ার্থং তব কৌরব॥ 9-6-13 (60451)
সঞ্জয় উবাচ। 9-6-14x (5093)
এবমুক্তস্ততো রাজা মদ্রাধিপতিমঞ্জসা।
অভ্যষিঞ্চত সেনায়া মধ্যে ভরতসত্তম।
বিধিনা শাস্ত্রদৃষ্টেন ক্লিষ্টরূপো বিশাম্পতে॥ 9-6-14 (60452)
অভিষিক্তে ততস্তস্মিন্সিংহনাদো মহানভূৎ।
তব সৈন্যেঽভ্যবাদ্যন্ত বাদিত্রাণি চ ভারত॥ 9-6-15 (60453)
হৃষ্টাশ্চাসংস্তথা যোধা মদ্রকাশ্চ মহারথাঃ।
তুষ্টুবুশ্চৈব রাজানং শল্যমাহবশোভিনম্॥ 9-6-16 (60454)
জয় রাজংশ্চিরং জীব জহি শত্রূন্সমাগতান্।
তব বাহুবলং প্রাপ্য ধার্তরাষ্ট্রো মহাবলঃ।
নিখিলাং পৃথিবীং সর্বাং প্রশাস্তু নিহতদ্বিষম্॥ 9-6-17 (60455)
ৎবং হি শক্তো রণে জেতুং সসুরাসুরমানবান্।
মর্ত্যধর্মাণ ইহ তু কিমু সৃঞ্জয়সোমকান্॥ 9-6-18 (60456)
এবং সম্পূজ্যমানস্তু মদ্রাণামধিপো বলী।
হর্ষং প্রাপ তদা বীরো দুরাপমকৃতাত্মভিঃ॥ 9-6-19 (60457)
সঞ্জয় উবাচ। 9-6-20x (5094)
অভিষিক্তে তথা শল্যে তব সৈন্যেষু মানদ।
ন কর্ণব্যসনং কিঞ্চিন্মেনিরে তত্র ভারত॥ 9-6-20 (60458)
হৃষ্টাঃ সুমনসশ্চৈব বভূবুস্তত্র সৈনিকাঃ।
মেনিরে নিহতান্পার্থান্মদ্ররাজবশঙ্গতান্॥ 9-6-21 (60459)
প্রহর্ষং প্রাপ্য সেনা তু তাবকী ভরতর্ষভ।
তাং রাত্রিং সুখিতা সুপ্তা হর্ষচিত্তা চ সাভবৎ॥ 9-6-22 (60460)
সৈন্যস্য তব তং শব্দং শ্রুৎবা রাজা যুধিষ্ঠিরঃ।
বার্ষ্ণেয়মব্রবীদ্বাক্যং সর্বক্ষত্রস্য পশ্যতঃ॥ 9-6-23 (60461)
মদ্ররাজঃ কৃতঃ শল্যো ধার্তরাষ্ট্রেণ মাঘব।
সেনাপতির্মহেষ্বাসঃ সর্বসৈন্যেষু পূজিতঃ॥ 9-6-24 (60462)
এতজ্জ্ঞাৎবা যথাভূতং কুরু মাধব যৎক্ষমম্।
ভবান্নেতা চ গোপ্তা চ বিধৎস্ব যদনন্তরম্॥ 9-6-25 (60463)
তমব্রবীন্মহারাজ বাসুদেবো জনাধিপম্।
আর্তায়নিমহং জানে যথাতত্ৎবেন ভারত॥ 9-6-26 (60464)
বীর্যবাংশ্চ মহাতেজা মহাত্মা চ বিশেষতঃ।
কৃতী চ চিত্রয়োধী চ সংয়ুক্তো লাঘবেন চ॥ 9-6-27 (60465)
যাদৃগ্ভীষ্মস্তথা দ্রোণো যাদৃক্কর্ণশ্চ সংয়ুগে।
তাদৃশৃস্তদ্বিশিষ্টো বা মদ্ররাজো মতো মম॥ 9-6-28 (60466)
যুধ্যমানস্য তস্যাহং চিন্তয়ানশ্চ ভারত।
যোদ্ধারং নাধিগচ্ছামি তুল্যরূপং জনাধিপ॥ 9-6-29 (60467)
শিখণ়্ড্যর্জুনভীমানাং সাৎবতস্য চ ভারত।
ধৃষ্টদ্যুম্নস্য চ তথা বলেনাভ্যধিকো রণে॥ 9-6-30 (60468)
মদ্ররাজো মহারাজঃ সিংহদ্বিরদবিক্রমঃ।
বিচরিষ্যত্যভীঃ কালে কালঃ ক্রুদ্ধঃ প্রজাস্বিব॥ 9-6-31 (60469)
তস্যাদ্য ন প্রপশ্যামি প্রতিয়োদ্ধারমাহনে।
ৎবামৃতে পুরুষব্যাঘ্র শার্দূলসমবিক্রমম্॥ 9-6-32 (60470)
স ৎবমেকো হি লোকেঽস্মিন্নান্যস্ৎবত্তঃ পুমান্ভবেৎ।
মদ্ররাজং রণে ক্রুদ্ধং যো হন্যাৎকুরুনন্দন॥ 9-6-33 (60471)
অহন্যহনি যুধ্যন্তং ক্ষোভয়ন্তং বলং তব।
তস্মাজ্জহি রণে শল্যং মঘবানিব শম্বরম্॥ 9-6-34 (60472)
সৌতেঃ পশ্চাদসৌ বীরো ধার্তরাষ্ট্রেণ সৎকৃতঃ।
তবৈব হি জয়ো নূনং হতে মদ্রেশ্বরে যুধি। 9-6-35 (60473)
তস্মিন্হতে হতং সর্বং ধার্তরাষ্ট্রবলং মহৎ॥
এতচ্ছ্রুৎবা মহারাজ বচনং মম সাম্প্রতম্। 9-6-36 (60474)
প্রত্যুদ্যাহি রণে পার্থ মদ্ররাজং মহারথম্॥
জহি চৈনং মহাবাহো বাসবো নমুচিং যথা॥ 9-6-37 (60475)
ন চৈবাত্র দয়া কার্যা মাতুলোঽয়ং মমেতি বৈ।
ক্ষত্রবর্ম পুরস্কৃত্য জহি মদ্রজনেশ্বরম্॥ 9-6-38 (60476)
দ্রোণভীষ্মার্ণবং তীর্ৎবা কর্ণপাতালসম্ভবম্।
মা নিমজ্জস্ব সগণঃ শল্যমাসাদ্য গোষ্পদম্। 9-6-39 (60477)
যচ্চ তে তপসো বীর্যং যচ্চ ক্ষাত্রং বলং তব।
তদ্দর্শয় রণে সর্বং জহি চৈনং মহারথম্॥ 9-6-40 (60478)
সঞ্জয় উবাচ। 9-6-41x (5095)
এতাবদুক্ৎবা বচনং কেশবঃ পরবীরহা।
জগাম শিবিরং সায়ং পূজ্যমানোঽথ পাণ্ডবৈঃ॥ 9-6-41 (60479)
কেশবে তু তদা যাতে ধর্মপুত্রো যুধিষ্ঠিরঃ।
বিসৃজ্য সর্বান্ভ্রাতৄংশ্চ পাঞ্চালানথ সোমকান্।
সুষ্বাপ রজনীং তাং তু বিশল্য ইব কুঞ্জরঃ॥ 9-6-42 (60480)
তে চ সর্বে মহেষ্বাসাঃ পাঞ্চালাঃ পাণ্ডবাস্তথা।
কর্ণস্য নিধনে হৃষ্টাঃ সুষুপুস্তাং নিশাং তদা॥ 9-6-43 (60481)
গতজ্বরং মহেষ্বাসং তীর্ণপারং মহারথম্।
বভূব পাণ্ডবেয়ানাং সৈন্যং চ মুদিতং নিশি।
সূতপুত্রস্য নিধনাজ্জয়ং লব্ধ্বা চ মারিষ॥ ॥ 9-6-44 (60482)
ইতি শ্রীমন্মহাভারতে কর্ণপর্বণি শল্যবধপর্বণি ষষ্ঠোঽধ্যায়ঃ॥ 6 ॥
Mahabharata - Shalya Parva - Chapter Footnotes
9-6-14 ক্লিষ্টরূপঃ পরাজয়নিশ্চয়াৎ॥ 9-6-18 মর্ত্যধর্মাণঃ মর্ত্যধর্মণঃ॥ 9-6-6 ষষ্ঠোঽধ্যায়ঃ॥শল্যপর্ব - অধ্যায় 007
॥ শ্রীঃ ॥
9.7. অধ্যায়ঃ 007
Mahabharata - Shalya Parva - Chapter Topics
উভয়সৈন্যানাং ব্যূহরচনাপূর্বকং দ্বন্দ্বীভূয় যুদ্ধায় নির্গমনম্॥ 1 ॥Mahabharata - Shalya Parva - Chapter Text
9-7-0 (60483)
সঞ্জয় উবাচ। 9-7-0x (5096)
ব্যতীতায়াং রজন্যাং তু রাজা দুর্যোধনস্তদা।
অব্রবীত্তাবকান্সর্বান্সন্নহ্যন্তাং মহারথাঃ॥ 9-7-1 (60484)
রাজ্ঞশ্চ মতমাজ্ঞায় সমনহ্যত সা চমূঃ।
অয়োজয়ন্রথাংস্তূর্ণং পর্যধাবংস্তথা পরে॥ 9-7-2 (60485)
অকল্প্যন্ত চ মাতঙ্গাঃ সমনহ্যন্ত পত্তয়ঃ।
হয়ানাস্তরণোপেতাংশ্চক্রুরন্যে সহস্রশঃ॥ 9-7-3 (60486)
বাদিত্রাণাং চ নিনদঃ প্রাদুরাসীদ্বিশাম্পতে।
যোধানাং সৈন্যমুখ্যানামন্যোন্যং প্রতিগর্জতাম্॥ 9-7-4 (60487)
ততো বলানি সর্বাণি হতশিষ্টানি ভারত।
সন্নদ্ধানি ব্যদৃশ্যন্ত মৃত্যুং কৃৎবা নিবর্তনম্॥ 9-7-5 (60488)
শল্যং সেনাপতিং কৃৎবা মদ্ররাজং মহারথাঃ।
প্রবিভজ্য বলং সর্বমনীকেষু ব্যবস্থিতাঃ॥ 9-7-6 (60489)
ততঃ সর্বে সমাগম্য পুত্রেণ তব সৈনিকাঃ।
কৃপশ্চ কৃতবর্মা চ দ্রৌণিঃ শল্যোঽথ সৌবলঃ।
অন্যে চ পার্থিবাঃ শেষাঃ সময়ং চক্রুরাদৃতাঃ॥ 9-7-7 (60490)
`অদ্যাচার্যসুতো দ্রৌণির্নৈকো যুধ্যেত শত্রুভিঃ'।
ন ন একেন যোদ্ধব্যং কথঞ্চিদপি পাণ্ডবৈঃ॥ 9-7-8 (60491)
যো হ্যেকঃ পাণ্ডবৈর্যুধ্যেদ্যো বা যুধ্যন্তমুৎসৃজেৎ।
স পঞ্চভির্ভবেদ্যুক্তঃ পাতকৈশ্চোপপাতকৈঃ।
অন্যোন্যং পরিরক্ষদ্ভির্যোদ্ধব্যং সহিতৈশ্চ নঃ॥ 9-7-9 (60492)
এবং তে সময়ং কৃৎবা সর্বে তত্র মহারথাঃ।
মদ্ররাজং পুরস্কৃত্য তূর্ণমভ্যদ্রবন্পরান্॥ 9-7-10 (60493)
তথৈব পাণ্ডবা রাজন্ব্যূহ্য সৈন্যং মহারণে।
অভ্যযুঃ কৌরবান্যুদ্ধে যোৎস্যমানাঃ সমন্ততঃ॥ 9-7-11 (60494)
ততো বলং সমভবৎক্ষুব্ধার্ণবসমস্বনম্।
সমুদ্ভূতার্ণবাকারমুদীর্ণরথকুঞ্জরম্॥ 9-7-12 (60495)
ধৃতরাষ্ট্র উবাচ। 9-7-13x (5097)
দ্রোণস্য চৈব ভীষ্মস্য রাধেয়স্য চ মে শ্রুতম্।
পাতনং শংস মে ভূয়ঃ শল্যস্যাথ সুতস্য মে॥ 9-7-13 (60496)
কথং রণে হতঃ শল্যো ধর্মরাজেন সঞ্জয়।
ভীমেন চ মহাবাহুঃ পুত্রো দুর্যোধনো মম॥ 9-7-14 (60497)
সঞ্জয় উবাচ। 9-7-15x (5098)
ক্ষয়ং মনুষ্যদেহানাং তথা নাগাশ্বসঙ্ক্ষয়ম্।
শৃণু রাজন্স্থিরো ভূৎবা সঙ্গ্রামং শংসতো মম॥ 9-7-15 (60498)
আশা বলবতী রাজন্পুত্রাণাং তেঽভবত্তদা॥ 9-7-16 (60499)
হতে দ্রোণে চ ভীষ্মে চ সূতপুত্রে চ পাতিতে।
শল্যঃ পার্থান্রণে সর্বান্নিহনিষ্যতি মারিষ॥ 9-7-17 (60500)
তামাশাং হৃদয়ে কৃৎবা সমাশ্বস্য চ ভারত।
মদ্ররাজং চ সমরে সমাশ্রিত্য মহারথম্।
নাথবন্তং তদাঽঽত্মানমমন্যত সুতস্তব॥ 9-7-18 (60501)
যদা কর্ণে হতে পার্থাঃ সিংহনাদং প্রচক্রিরে।
তদা রাজন্ধার্তরাষ্ট্রান্প্রবিবেশ মহদ্ভয়ম্॥ 9-7-19 (60502)
তান্সমাশ্বাস্য তু তদা মদ্ররাজঃ প্রতাপবান্।
ব্যূহ্য ব্যূহং মহারাজ সর্বতোভদ্রমৃদ্ধিমৎ॥ 9-7-20 (60503)
প্রত্যুদ্যযৌ রণে পার্থান্মদ্ররাজঃ প্রতাপবান্।
বিধূন্বন্কার্মুকং চিত্রং ভারঘ্নং বেগবত্তরম্।
রথপ্রবরমাস্থায় সৈন্ধবাশ্বং মহারথঃ॥ 9-7-21 (60504)
তস্য সূতো মহারাজ রথস্থোঽশোভয়দ্রথম্।
স তেন সংবৃতো বীরো রথেনামিত্রকর্শনঃ।
তস্থৌ শূরো মহারাজ পুত্রাণাং তে ভয়প্রণুৎ॥ 9-7-22 (60505)
প্রয়াণে মদ্ররাজোঽভূন্মুখং ব্যূহস্য দংশিতঃ।
মদ্রকৈঃ সহিতো বীরৈঃ কর্ণপুত্রৈশ্চ দুর্জয়ৈঃ॥ 9-7-23 (60506)
সব্যেঽভূৎকৃতবর্মা চ ত্রিগর্তৈঃ পরিবারিতঃ।
গৌতমো দক্ষিণে পার্শ্বে শকৈশ্চ যবনৈঃ সহ॥ 9-7-24 (60507)
অশ্বত্থামা পৃষ্ঠতোঽভূৎকাম্ভোজৈঃ পরিবারিতঃ।
দুর্যোধনোঽভবন্মধ্যে রক্ষিতঃ কুরুপুঙ্গবৈঃ॥ 9-7-25 (60508)
হয়ানীকেন মহতা সৌবলশ্চাপি সংবৃতঃ।
প্রয়যৌ সর্বসৈন্যেন কৈতব্যশ্চ মহারথঃ॥ 9-7-26 (60509)
পাণ্ডবাশ্চ মহেষ্বাসা ব্যূহ্য সৈন্যমরিন্দমাঃ।
ত্রিধাভূতা মহারাজ তব সৈন্যমুপাদ্রবন্॥ 9-7-27 (60510)
ধৃষ্টদ্যুম্নঃ শিখণ্ডী চ সাত্যকিস্চ মহারথঃ।
শল্যস্য বাহিনীং হন্তুমভিদুদ্রুবুরাহবে॥ 9-7-28 (60511)
ততো যুধিষ্ঠিরো রাজা স্বেনানীকেন সংবৃতঃ।
শল্যমেবাভিদুদ্রাব জিঘাংসুর্ভরতর্ষভঃ॥ 9-7-29 (60512)
হার্দিক্যং চ মহেষ্বাসমর্জুনঃ শত্রুপূগহা।
সংশপ্তকগণাংশ্চৈব বেগিতোঽভিবিদুদ্রুবে॥ 9-7-30 (60513)
গৌতমং ভীমসেনো বৈ সোমকাশ্চ মহারথাঃ।
অভ্যদ্রবন্ত রাজেনদ্র জিঘাংসন্তঃ পরান্যুধি॥ 9-7-31 (60514)
মাদ্রীপুত্রৌ তু শকুনিমুলূকং চ মহারথম্।
সসৈন্যৌ সহসৈন্যৌ তাবুপতস্থতুরাহবে॥ 9-7-32 (60515)
তথৈবায়ুতশো যোধাস্তাবকাঃ পাণ্ডবান্রণে।
অভ্যবর্তন্ত সঙ্ক্রুদ্ধা বিবিধায়ুধপাণয়ঃ॥ 9-7-33 (60516)
ধৃতরাষ্ট্র উবাচ। 9-7-34x (5099)
হতে ভীষ্মে হমেষ্বাসে দ্রোণে কর্ণে জয়দ্রথে।
কুরুষ্বল্পাবশিষ্টেষু পাণ্ডবেষু চ সংয়ুগে॥ 9-7-34 (60517)
সংরব্ধেষু চ পার্থেষু পরাক্রান্তেষু সঞ্জয়।
মামকানাং পরেষাং চ কিং শিষ্টমভবদ্বলম্॥ 9-7-35 (60518)
সঞ্জয় উবাচ। 9-7-36x (5100)
যথা বয়ং পরে রাজন্যুদ্ধায় সমুপস্থিতাঃ।
যাবচ্চাসীদ্বলং শিষ্টং সঙ্গ্রামে তন্নিবোধ মে॥ 9-7-36 (60519)
একাদশ সহস্রাণি রথানাং ভরতর্ষভ।
দশ দন্তিসহস্রাণি সপ্ত চৈব শতানি চ॥ 9-7-37 (60520)
পূর্ণে শতসহস্রে দ্বে হয়ানাং তত্র ভারত।
পত্তিকোট্যস্তথা তিস্রো বলমেতত্তবাভবৎ॥ 9-7-38 (60521)
রথানাং ষট্সহস্রাণি ষট্সহস্রাশ্চ কুঞ্জরাঃ।
দশ চাশ্বসহস্রাণি পত্তিকোটী চ ভারত॥ 9-7-39 (60522)
এতদ্বলং পাণ্ডবানামভবচ্ছেষমাহবে।
এত এব সমাজগ্মুর্যুদ্বায় ভরতর্ষভ॥ 9-7-40 (60523)
এবং বিভজ্য রাজেন্দ্র মদ্ররাজমতে স্থিতাঃ।
পাণ্ডবান্প্রত্যুদীয়াম জয়গৃদ্ধাঃ প্রমন্যবঃ॥ 9-7-41 (60524)
তথৈব পাণ়্ডবাঃ শূরাঃ সমরে জিতকাশিনঃ।
উপয়াতা নরব্যাঘ্রাঃ পাঞ্চালাশ্চ যশস্বিনঃ॥ 9-7-42 (60525)
এবমেতে বলৌঘেন পরস্পরবধৈষিণঃ।
উপয়াতা নরব্যাঘ্রাঃ পূর্বাং সন্ধ্যাং প্রতি প্রভো॥ 9-7-43 (60526)
ততঃ প্রববৃতে যুদ্ধং ঘোররূপং ভয়ানকম্।
তাবকানাং পরেষাং চ নিঘ্নতামিতরেতরম্॥ ॥ 9-7-44 (60527)
ইতি শ্রীমন্মহাভারতে শল্যপর্বণি শল্যবধপর্বণি সপ্তমোঽধ্যায়ঃ॥ 7 ॥
Mahabharata - Shalya Parva - Chapter Footnotes
9-7-39 পত্তিকোটী ইতি দ্বিবচনম্॥ 9-7-7 সপ্তমোঽধ্যায়ঃ॥শল্যপর্ব - অধ্যায় 008
॥ শ্রীঃ ॥
9.8. অধ্যায়ঃ 008
Mahabharata - Shalya Parva - Chapter Topics
অষ্টাদশদিবসয়ুদ্ধারভ্যঃ॥ 1 ॥ সঙ্কুলয়ুদ্ধম্॥ 2 ॥Mahabharata - Shalya Parva - Chapter Text
9-8-0 (60528)
সঞ্জয় উবাচ। 9-8-0x (5101)
ততঃ প্রববৃতে যুদ্ধং কুরূণাং ভয়বর্ধনম্।
সৃঞ্জয়ৈঃ সহ রাজেন্দ্র ঘোরং দেবাসুরোপমম্॥ 9-8-1 (60529)
নরা রথা গজৌঘাশ্চ বাজিনশ্চ সহস্রশঃ।
বাজিনশ্চ পরাক্রান্তাঃ সমাজগ্মুঃ পরস্পরম্॥ 9-8-2 (60530)
গজানাং ভীমরূপাণাং দ্রবতাং নিঃস্বনো মহান্।
অশ্রূয়ত যথা কালে জলদানাং নভস্তলে॥ 9-8-3 (60531)
নাগৈরভ্যাহতাঃ কেচিৎসরথা রথিনোঽপতন্।
ব্যদ্রবন্ত রণে ভীতা দ্রাব্যমাণা মদোৎকটৈঃ॥ 9-8-4 (60532)
হয়ৌঘান্পাদরক্ষাংশ্চ রথিনস্তত্র শিক্ষিতাঃ।
শরৈঃ সম্প্রেষয়ামাসুঃ পরলোকায় ভারত॥ 9-8-5 (60533)
সাদিনঃ শিক্ষিতা রাজন্পরিবার্য মহারথান্।
বিচরন্তো রণেঽভ্যঘ্নন্প্রাসশক্ত্যৃষ্টিভিস্তথা॥ 9-8-6 (60534)
ধন্বিনঃ পুরুষাঃ কেচিৎপরিবার্য মহারথান্।
একং বহব আসাদ্য প্রৈষয়ন্যমসাদনম্॥ 9-8-7 (60535)
নাগান্রথবরাংশ্চান্যে পরিবার্য মহারথাঃ।
সোত্তরা যুধি নির্জঘ্নুর্দ্রবমাণং মহারথম্॥ 9-8-8 (60536)
তথা চ রথিনং ক্রুদ্ধং বিকিরন্তং শরান্বহূন্।
নাগা জঘ্নুর্মহারাজ পরিবার্য সমন্ততঃ॥ 9-8-9 (60537)
নাগা নাগমভিদ্রুত্য রথী চ রথিনং রণে।
শক্তিতোমরনারাচৈর্নিজঘ্নুস্তত্র ভারত॥ 9-8-10 (60538)
পাদাতানবমৃদ্গন্তো রথবারণবাজিনঃ।
রণমধ্যে ব্যদৃশ্যন্ত কুর্বন্তো মহদাকুলম্॥ 9-8-11 (60539)
হয়াশ্চ পর্যধাবন্ত চামরৈরুপশোভিতাঃ।
হংসা হিমবতঃ প্রস্থে পিবন্ত ইব মেদিনীম্॥ 9-8-12 (60540)
তেষাং তু বাজিনাং ভূমিঃ খুরৈশ্চিত্রা বিশাম্পতে।
অশোভত যথা নারী করজৈঃ ক্ষতবিক্ষতা॥ 9-8-13 (60541)
বাজিনাং খুরশব্দেন রথনেমিস্বনেন চ।
পত্তীনাং চাপি শব্দেন নাগানাং বৃংহিতেন চ॥ 9-8-14 (60542)
বাদিত্রাণাং চ ঘোষেণ শঙ্খানাং নিনদেন চ।
অভবন্নাদিতা ভূমির্নির্ঘাতৈরিব ভারত॥ 9-8-15 (60543)
ধনুষাং কূজমানানাং শস্ত্রৌঘানাং চ পাত্যতাম্।
কবচানাং প্রভাভিশ্চ ন প্রাজ্ঞায়ত কিঞ্চন॥ 9-8-16 (60544)
বহবো বাহবশ্ছিন্না নাগরাজকরোপমাঃ।
উদ্বেষ্টন্তে বিচেষ্টন্তে বেগং কুর্বন্তি দারুণম্॥ 9-8-17 (60545)
শিরসাং চ মহারাজ পততাং ধরণীতলে।
চ্যুতানামিব তালেভ্যঃ ফলানাং শ্রূয়তে স্বনঃ॥ 9-8-18 (60546)
শিরোভিঃ পতিতৈর্ভাতি রুধিরার্দ্রৈর্বসুন্ধরা।
তপনীয়নিভৈঃ কালে নলিনৈরিব ভারত॥ 9-8-19 (60547)
উদ্বৃত্তনয়নৈস্তৈস্তু গতসৎবৈঃ সুবিক্ষতৈঃ।
ব্যভ্রাজত মহী রাজন্পুণ্ডরীকৈরিবাবৃতা॥ 9-8-20 (60548)
বাহুভিশ্চন্দনাদিগ্ধৈঃ সকেয়ূরৈর্মহারধনৈঃ।
পতিতৈর্ভাতি রাজেন্দ্র মহাশক্রধ্বজৈরিব॥ 9-8-21 (60549)
ঊরুভিশ্চ নরেন্দ্রাণাং বিনিকৃত্তৈর্মহাহবে।
হস্তিহস্তোপমৈর্জজ্ঞে সংবৃতং তদ্রণাঙ্কণম্॥ 9-8-22 (60550)
কবন্ধংশতসঙ্কীর্ণং ছত্রচামরসঙ্কুলম্।
সেনাবনং তচ্ছুশুভে বনং পুষ্পাচিতং যথা॥ 9-8-23 (60551)
তত্র যোধা মহারাজ বিচরন্তো হ্যভীতবৎ।
দৃশ্যন্তে রুধিরাক্তাঙ্গাঃ পুষ্পিতা ইব কিংশুকাঃ॥ 9-8-24 (60552)
মাতঙ্গাশ্চাপ্যদৃশ্যন্ত শরতোমরপীডিতাঃ।
পতন্তস্তত্র তবৈব ছিন্নাভ্রাসদৃশা রণে॥ 9-8-25 (60553)
গজানীকং মহারাজ বধ্যমানং মহাত্মভিঃ।
ব্যদীর্যত দিশঃ সর্বা বাতনুন্না ধনা ইব॥ 9-8-26 (60554)
তে গজা ধনসঙ্কাশাঃ পেতুরুর্ব্যাং সমন্ততঃ।
বজ্রনুন্না ইব বভুঃ পর্বতা যুগসঙ্ক্ষয়ে॥ 9-8-27 (60555)
হয়ানাং সাদিভিঃ সার্ধং পতিতানাং মহীতলে।
রাশয়ঃ স্ম প্রদৃশ্যন্তে গিরিমাত্রাংস্ততস্ততঃ॥ 9-8-28 (60556)
সঞ্জজ্ঞে রণভূমৌ তু পরলোকবহা নদী।
শোণিতোদা রথাবর্তা ধ্বজবৃক্ষাস্থিশর্করা॥ 9-8-29 (60557)
ভুজনক্রা ধনুঃস্রোতা হস্তিশৈলা হয়োপলা।
মেদোমজ্জাকর্দমিনী ছত্রহংসা গদোডুপা॥ 9-8-30 (60558)
কবচোষ্ণীষসঞ্ছন্না পতাকারুচিরদ্রুমা।
চক্রচক্রাবলীজুষ্টা ত্রিবেণূরগসংবৃতা॥ 9-8-31 (60559)
শূরাণাং হর্ষজননী ভীরূণাং ভয়বর্ধনী।
প্রাবর্তত নদী রৌদ্রা কুরুসৃঞ্জয়সঙ্গমে॥ 9-8-32 (60560)
তাং নদীং পরলোকায় বহন্তীমতিভৈরবাম্।
তেরুর্বাহননৌভিস্তে শূরাঃ পরিঘবাহবঃ॥ 9-8-33 (60561)
বর্তমানে তদা যুদ্ধে নির্মর্যাদে বিশাম্পতে।
চতুরঙ্গক্ষয়ে ঘোরে যুদ্ধে দেবাসুরোপমে॥ 9-8-34 (60562)
ব্যাক্রোশন্বান্ধবানন্যে তত্র তত্র পরন্তপ।
ক্রোশদ্ভির্দয়িতৈরন্যে ভয়ার্তা ন নিবর্তিরে॥ 9-8-35 (60563)
নির্মর্যাদে তথা যুদ্ধে বর্তমানে ভয়ানকে।
অর্জুনো ভীমসেনশ্চ মোহয়াঞ্চক্রতুঃ পরান্॥ 9-8-36 (60564)
সা বধ্যমানা মহতী সেনা তব নরাধিপ।
অমুহ্যত্তত্র তত্রৈব যোষিন্মদবশাদিব॥ 9-8-37 (60565)
মোহয়িৎবা চ তাং সেনাং ভীমসেনধনঞ্জয়ৌ।
দধ্মতুর্বারিজৌ তত্র সিংহনাদাংশ্চ চক্রতুঃ॥ 9-8-38 (60566)
শ্রুৎবৈব তু মহাশব্দং ধৃষ্টদ্যুম্নশিখণ্ডিনৌ।
ধর্মরাজং পুরস্কৃত্য মদ্ররাজমভিদ্রুতৌ॥ 9-8-39 (60567)
তত্রাশ্চর্যমপশ্যাম ঘোররূপং মহদ্ভয়ম্।
শল্যেন সঙ্গতাঃ শূরা যদয়ুধ্যন্ত ভাগশঃ॥ 9-8-40 (60568)
মাদ্রীপুত্রৌ তু রভসৌ কৃতাস্ত্রৌ যুদ্ধদুর্মদৌ।
অভ্যযাতাং ৎবরায়ুক্তৌ জিগীষন্তৌ বলং তব॥ 9-8-41 (60569)
ততোঽভ্যাবর্তত বলং তাবকং ভরতর্ষভ।
শরৈঃ প্রণুন্নং বহুধা পাণ্ডবৈর্জিতকাশিভিঃ॥ 9-8-42 (60570)
বধ্যমানা চমূঃ সা তু পুত্রাণাং প্রেক্ষতাং তব।
ভেজে দশ দিশো রাজন্প্রণুন্না শরবৃষ্টিভিঃ॥ 9-8-43 (60571)
হাহাকারো মহাঞ্জজ্ঞে যোধানাং তত্র ভারত।
তিষ্ঠতিষ্ঠেতি চাপ্যাসীদ্দ্রাবিতানাং মহাত্মনাম্॥ 9-8-44 (60572)
ক্ষত্রিয়াণাং তথাঽন্যোন্যং সংয়ুগে জয়মিচ্ছতাম্।
প্রাদ্রবন্নেব সম্ভগ্নাঃ পাণ্ডবৈস্তব সৈনিকাঃ॥ 9-8-45 (60573)
ত্যক্ৎবা যুদ্ধে প্রিয়ান্পুত্রান্ভ্রাতৄনথ পিতামহান্।
মাতুলান্ভাগিনেয়াংশ্চ বয়স্যানপি ভারত॥ 9-8-46 (60574)
হয়ান্দ্বিপাংস্ৎবরয়ন্তো যোধা জগ্মুঃ সমন্ততঃ।
আত্মত্রাণকৃতোৎসাহাস্তাবকা ভরতর্ষভ॥ ॥ 9-8-47 (60575)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে অষ্টমোঽধ্যায়ঃ॥ 8 ॥
Mahabharata - Shalya Parva - Chapter Footnotes
9-8-35 ন নিবর্তিরে ন নিবর্তিতাঃ॥ 9-8-8 অষ্টমোঽধ্যায়ঃ॥শল্যপর্ব - অধ্যায় 009
॥ শ্রীঃ ॥
9.9. অধ্যায়ঃ 009
Mahabharata - Shalya Parva - Chapter Topics
নকুকেন কর্ণপুত্রাণাং ত্রয়াণাং মারণম্॥ 1 ॥Mahabharata - Shalya Parva - Chapter Text
9-9-0 (60576)
সঞ্জয় উবাচ। 9-9-0x (5102)
তৎপ্রভগ্নং বলং দৃষ্ট্বা মদ্ররাজঃ প্রতাপবান্।
উবাচ সারথিং তূর্ণং চোদয়াশ্বান্মহাজবান্॥ 9-9-1 (60577)
এষ তিষ্ঠতি বৈ রাজা পাণ্ডুপুত্রো যুধিষ্ঠিরঃ।
ছত্রেণ ধ্রিয়মাণেন পাণ্ডুরেণ বিরাজতা॥ 9-9-2 (60578)
অত্র মাং প্রাপয় ক্ষিপ্রং পশ্য মে সারথে বলম্।
ন সমর্থা হি মে পার্থাঃ স্থাতুমদ্য পুরো যুধি॥ 9-9-3 (60579)
এবমুক্তস্ততঃ প্রায়ান্মদ্ররাজস্য সারথিঃ।
যত্রা রাজা সত্যসন্ধো ধর্মপুত্রো যুধিষ্ঠিরঃ॥ 9-9-4 (60580)
আপতন্তং চ সহসা পাণ্ডবানাং মহদ্বলম্।
দধারৈকো রণে শল্যো বেলোদ্বৃত্তমিবার্ণবম্॥ 9-9-5 (60581)
পাণ্ডবানাং বলৌঘস্তু শল্যমাসাদ্য মারিষ।
ব্যতিষ্ঠত তদা যুদ্বে সিন্ধোর্বেগ ইবাচলম্॥ 9-9-6 (60582)
মদ্ররাজং তু সমরে দৃষ্ট্বা যুদ্ধায় ধিষ্ঠিতম্।
কুরবঃ সন্ন্যবর্তন্ত মৃত্যুং কৃৎবা নিবর্তনম্॥ 9-9-7 (60583)
তেষু রাজন্নিবৃত্তেষু ব্যূঢানীকেষু সর্বশঃ।
প্রাবর্তত মহারৌদ্রঃ সঙ্গ্রামঃ শোণিতোদকঃ॥ 9-9-8 (60584)
সমার্চ্ছচ্চিত্রসেনং তু নকুলো যুদ্ধদুর্মদঃ।
তৌ পরস্পরমাসাদ্য চিত্রকার্মুকধারিণৌ॥ 9-9-9 (60585)
মেঘাবিব যথোদ্বৃত্তৌ দক্ষিণোত্তরবর্ষিণৌ।
শরতোয়ৈঃ সিষিচতুস্তৌ পরস্পরমাহবে॥ 9-9-10 (60586)
নান্তরং তত্র পশ্যামঃ পাণ্ডবস্যেতরস্য চ।
উভৌ কৃতাস্ত্রৌ বলিনৌ রথচর্যাবিশারদৌ।
পরস্পরবধে যত্তৌ ছিদ্রান্বেষণতৎপরৌ॥ 9-9-11 (60587)
চিত্রসেনস্তু ভল্লেন পীতেন নিশিতেন চ।
নকুলস্য মহারাজ মুষ্টিদেশেঽচ্ছিনদ্ধনুঃ॥ 9-9-12 (60588)
অথৈনং ছিন্নধন্বানং রুক্মপুঙ্খৈঃ শিলাশিতৈঃ।
ত্রিভিঃ শরৈরসম্ভ্রান্তো ললাটে বৈ সমার্পয়ৎ॥ 9-9-13 (60589)
হয়াংশ্চাস্য শরৈস্তীক্ষ্ণৈঃ প্রেষয়ামাস মৃত্যবে।
তথা ধ্বজং সারথিং চ ত্রিভিস্ত্রিভিরপাতয়ৎ॥ 9-9-14 (60590)
স শত্রুভুজনির্মুক্তৈর্ললাটস্থৈস্ত্রিভিঃ শরৈঃ।
নকুলঃ শুশুভে রাজংস্ত্রিশৃঙ্গ ইব পর্বতঃ॥ 9-9-15 (60591)
স চ্ছিন্নধন্বা বিরথঃ খঙ্গমাদায় চর্ম চ।
রথাদবাতরদ্বীরঃ শৈলাগ্রাদিব কেসরী॥ 9-9-16 (60592)
পদ্মামাপততস্তস্য শস্বৃষ্টিং সমাসৃজৎ।
নকুলোঽপ্যগ্রসত্তাং বৈ চর্মণা লঘুবিক্রমঃ॥ 9-9-17 (60593)
চিত্রসেনরথং প্রাপ্য চিত্রয়োধী জিতশ্রমঃ।
আরুরোহ মহাবাহুঃ সর্বসৈন্যস্য পশ্যতঃ॥ 9-9-18 (60594)
সকুণ্ডলং সমুকুটং সুনসং স্বায়তেক্ষণম্।
চিত্রসেনশিরঃ কায়াদপাহরত পাণ্ডবঃ॥ 9-9-19 (60595)
স পপাত রথাত্তস্মাদ্দিবাকরসমদ্যুতিঃ॥ 9-9-20 (60596)
চিত্রসেনশিরস্তত্তু দৃষ্ট্বা তত্র মহারথাঃ।
সাধুবাদস্বনাংশ্চক্রুঃ সিংহনাদাংশ্চ পুষ্কলান্॥ 9-9-21 (60597)
বিশস্তং ভ্রাতরং দৃষ্ট্বা কর্ণপুত্রৌ মহারথৌ।
সুশর্মা সত্যসেনশ্চ মুঞ্চন্তৌ বিবিধাঞ্শরান্॥ 9-9-22 (60598)
ততোঽভ্যধাবতাং তূর্ণং পাণ্ডবং রথিনাং বরম্।
জিঘাংসন্তৌ যথা নাগং ব্যাঘ্রৌ রাজন্মহাবনে॥ 9-9-23 (60599)
তাবভ্যেত্য মহাবাহূ দ্বাবপ্যতিমহারথৌ।
শরৌষান্সম্যগস্যন্তৌ জীমূতৌ সলিলং যথা॥ 9-9-24 (60600)
স শরৈঃ সর্বতো বিদ্ধঃ প্রহৃষ্ট ইব পাণ্ডবঃ।
অন্যৎকার্মুকমাদায় রথমারুহ্য বেগবান্।
অতিষ্ঠত রণে বীরঃ ক্রুদ্ধরূপ ইবান্তকঃ॥ 9-9-25 (60601)
তস্য তৌ ভ্রাতরৌ রাজঞ্শরৈঃ সন্নতপর্বভিঃ।
রথং বিশকলীকর্তুং সমারব্ধৌ বিশাম্পতে॥ 9-9-26 (60602)
ততঃ প্রহস্য নকুলশ্চতুর্ভিশ্চতুরো রণে।
জঘান নিশিতৈর্বাণৈঃ সত্যসেনস্য বাজিনঃ॥ 9-9-27 (60603)
ততঃ সন্ধায় নারচং রুক্মপুঙ্খং শিলাশিতম্।
ধনুশ্চিচ্ছেদ রাজেন্দ্র সত্যসেনস্য পাণ্ডবঃ॥ 9-9-28 (60604)
অথান্যং রথমাস্থায় ধনুরাদায় চাপরম্।
সত্যসেনঃ সুশর্মা চ পাণ্ডবং পর্যধাবতাম্॥ 9-9-29 (60605)
অবিধ্যত্তাবসম্ভ্রান্তৌ মাদ্রীপুত্রঃ প্রতাপবান্।
দ্বাভ্যাং দ্বাভ্যাং মহারাজ শরাভ্যাং রণমূর্ধনি॥ 9-9-30 (60606)
সুশর্মা তু ততঃ ক্রুদ্ধঃ পাণ্ডবস্য মহদ্ধনুঃ।
চিচ্ছেদ প্রহসন্যুদ্ধে ক্ষুরপ্রেণ মহারথঃ॥ 9-9-31 (60607)
অথান্যদ্ধনুরাদায় নকুলঃ ক্রোধমূচ্ছিতঃ।
সুশর্মাণং পঞ্চভির্বিদ্ধ্বা ধ্বজমেকেন চিচ্ছিদে॥ 9-9-32 (60608)
সত্যসেনস্য স ধনুর্হস্তাবপং চ মারিষ।
চিচ্ছেদ তরসা যুদ্ধে তত উচ্চুক্রুশুর্জনাঃ॥ 9-9-33 (60609)
অথান্যদ্ধনুরাদায় বেগঘ্নং ভারসাধনম্।
শরৈঃ সঞ্ছাদয়ামাস সমন্তাৎপাণ্ডুনন্দনম্॥ 9-9-34 (60610)
সন্নিবার্য তু তান্বাণান্নকুলঃ পরবীরহা।
সত্যসেনসুশর্মাণৌ দ্বাভ্যাং দ্বাভ্যামবিধ্যত॥ 9-9-35 (60611)
তাবেনং প্রত্যবিধ্যেতাং পৃথক্পৃথগজিহ্মগৈঃ।
সারথিং চাস্য রাজেন্দ্র শিতৈর্বিব্যধতুঃ শরৈঃ॥ 9-9-36 (60612)
সত্যসেনো রথেষাং তু নকুলস্য ধনুস্তথা।
পৃথক্ শরাভ্যাং চিচ্ছেদ কৃতহস্তঃ প্রতাপবান্॥ 9-9-37 (60613)
স রথেঽতিরথস্তিষ্ঠন্রথশক্তিং পরামৃশৎ॥
স্বর্ণদণ্ডামকুণ্ঠাগ্রাং তৈলধৌতাং সুনির্মলাম্। 9-9-38 (60614)
লেলিহানামিব বিমো নাগকন্যাং মহাবিষাম্॥ 9-9-39 (60615)
সমুদ্যম্য চ চিক্ষেপ সত্যসেনস্য সংয়ুগে॥ 9-9-40 (60616)
সা তস্য হৃদয়ং গত্যা বিভেদ শতধা নৃপ।
স পবাত রথাদ্ভূমিং যতসৎবোঽল্পত্তেতনঃ॥ 9-9-41 (60617)
ভ্রাতরং নিহতং দৃষ্ট্বা সুশর্মা ক্রোধমূর্চ্ছিতঃ।
অভ্যবর্ষচ্ছরৈস্তূর্ণং পাদাতং পাণ্ডুনন্দনম্॥ 9-9-42 (60618)
চতুর্ভিশ্চতুরো বাহান্ধ্বজং ছিত্ৎবা চ পঞ্চভিঃ।
ত্রিভির্বৈ সারথিং হৎবা কর্ণপুত্রো ননাদ হ॥ 9-9-43 (60619)
নকুলং বিরথং দৃষ্ট্বা দ্রৌপদেয়ো মহারথম্।
সুতসোমোঽভিদুদ্রাব পরীপ্সন্পিতরং রণে॥ 9-9-44 (60620)
ততোঽধিরুহ্য নকুলঃ সুতসোমস্য তং রথম্।
শুশুভে ভরতশ্রেষ্ঠো গিরিস্য ইব কেসরী॥ 9-9-45 (60621)
অন্যৎকার্মুকমাদায় সুশর্মাণময়োধয়ৎ॥ 9-9-46 (60622)
তত্র তৌ শরবর্ষাভ্যাং সমাসাদ্য পরস্পরম্।
পরস্পরবধে যত্নং চক্রতুঃ সুমহারথৌ॥ 9-9-47 (60623)
সুশর্মা তু তঃ ক্রুদ্ধঃ পাণ্ডবং বিশিখৈস্ত্রিভিঃ।
সুতসোমং তু বিংশত্যা বাহ্বোরুরসি চার্পয়ৎ॥ 9-9-48 (60624)
ততঃ ক্রুদ্ধো মহারাজ নকুলঃ পরবীরহা।
শরৈস্তস্য দিশঃ সর্বাশ্ছাদয়ামাস বীর্যবান্॥ 9-9-49 (60625)
ততো গৃহীৎবা তীক্ষ্ণাগ্রমর্ধচন্দ্রং সুতেজনম্।
আকর্ণপূর্ণং চিক্ষেপ কর্ণপুত্রায় সংয়ুগে॥ 9-9-50 (60626)
তস্য তেন শিরঃ কায়াজ্জহার নৃপসত্তম।
পশ্যতাং সর্বসৈন্যানাং তদদ্ভুতমিবাভবৎ॥ 9-9-51 (60627)
স হতঃ প্রাপতদ্রাজন্নকুলেন মহাত্মনা।
নদীপেxxxxxxxণস্তীরজঃ পাদপো মহান্॥ 9-9-52 (60628)
কর্ণপুত্রবচং দৃষ্ট্বা নকুলস্য চ বিক্রমম্।
প্রদুদ্রাব ভবাৎসেনা তাবকী ভরতর্বভ॥ 9-9-53 (60629)
তাং তু সেনাং মহারাজ্ঞ মদ্ররাজঃ প্রতাপবান্।
xxxxxx শূরঃ সেনাপতিররিন্দমঃ॥ 9-9-54 (60630)
xxxxxx ব্যবস্যাপ্য চ বাহিনীম্।
xxxxxxx ভূশং কৃৎবা ধনুঃশব্দং চ দারুণম্॥ 9-9-55 (60631)
xxxxxx সগরে রাজন্রাংক্ষেতা দৃঢধন্বনা।
প্রত্যুদ্যযুশ্চ তাংস্তে তু সমন্তাদ্বিগতব্যথাঃ॥ 9-9-56 (60632)
মদ্ররাজং মহেষ্বাসং পরিবার্য সমন্ততঃ।
স্থিতা রাজন্মহাসেনা যোদ্বুকামা সমন্ততঃ॥ 9-9-57 (60633)
সাত্যকির্ভীমসেনশ্চ মাদ্রীপুত্রৌ চ পাণ্ডবৌ।
যুধিষ্ঠিরং পুরস্কৃত্য হীনিষেবমরিন্দমম্॥ 9-9-58 (60634)
পরিবার্য রণে বীরাঃ সিংহনাদং প্রচক্রিরে।
বাণশঙ্খরবাংস্তীব্রান্ক্ষ্বেলাশ্চ বিবিধা দধুঃ॥ 9-9-59 (60635)
তথৈব তাবকাঃ সর্বে মদ্রাধিপতিমঞ্জসা।
পরিবার্য সুসংরব্ধাঃ পুনর্যুদ্ধমরোচয়ন্॥ 9-9-60 (60636)
ততঃ প্রববৃতে যুদ্ধং ভীরূণাং ভয়বর্ধনম্।
তাবকানাং পরেষাং চ মৃত্যুং কৃৎবা নিবর্তনম্॥ 9-9-61 (60637)
যথা দেবাসুরং যুদ্ধং পূর্বমাসীদ্বিশাম্পতে।
অভীতানাং তথাঽঽসীত্তদ্যমরাষ্ট্রবিবর্ধনম্॥ 9-9-62 (60638)
ততঃ কপিধ্বজো রাজন্হৎবা সংশপ্তকান্রণে।
অভ্যদ্রবত তাং সেনাং কৌরবীং পাণ্ডুনন্দনঃ॥ 9-9-63 (60639)
তথৈব পাণ্ডবাঃ সর্বে ধৃষ্টদ্যুম্নপুরোগমাঃ।
অভ্যধাবন্ততাং সেনাং বিসৃজন্তঃ শিতাঞ্শরান্॥ 9-9-64 (60640)
পাণ্ডবৈরবকীর্ণানাং সম্মোহঃ সমজায়ত।
ন চ জজ্ঞুস্ৎবনীকানি দিশো বা বিদিশস্তথা॥ 9-9-65 (60641)
আপূর্যমাণা নিশিতৈঃ শরৈঃ পাণ্ডবচোদিতৈঃ।
হতপ্রবীরা বিধ্বস্তা বার্যমাণা সমন্ততঃ।
কৌরব্যবধ্যত চমূঃ পাণ্ডুপুত্রৈর্মহারথৈঃ॥ 9-9-66 (60642)
তথৈব পাণ্ডবং সৈন্যং শরৈ রাজন্সমন্ততঃ।
রণেঽহন্যত পুত্রৈস্তে শতশোঽথ সহস্রশঃ॥ 9-9-67 (60643)
তে সেনে ভৃশসন্তপ্তে বধ্যমানে পরস্পরম্।
ব্যাকুলে সমপদ্যেতাং বর্ষাসু সরিতাবিব॥ 9-9-68 (60644)
আবিবেশ ততস্তীব্রং তাবকানাং মহদ্ভয়ম্।
পাণ্ডবানাং চ রাজেন্দ্র তথাভূতে মহাহবে॥ ॥ 9-9-69 (60645)
ইতি শ্রীমন্মহাভারতেয়থা শল্যপর্বণি শল্যবধপর্বণি অষ্টাদশদিবসয়ুদ্ধে নবমোঽধ্যায়ঃ॥ 9 ॥
Mahabharata - Shalya Parva - Chapter Footnotes
9-9-9 চিত্রসেনঃ কর্ণপুত্রঃ॥ 9-9-9 নবমোঽধ্যায়ঃ॥ 9 ॥শল্যপর্ব - অধ্যায় 010
॥ শ্রীঃ ॥
9.10. অধ্যায়ঃ 010
Mahabharata - Shalya Parva - Chapter Topics
সঙ্কুলয়ুদ্ধম্॥ 1 ॥Mahabharata - Shalya Parva - Chapter Text
9-10-0 (60646)
সঞ্জয় উবাচ। 9-10-0x (5103)
তস্মিন্বিলুলিতে সৈন্যে বধ্যমানে পরস্পরম্।
দ্রবমাণেষু যোধেষু বিদ্রবৎসু চ দন্তিষু॥ 9-10-1 (60647)
কূজতাং স্তনতাং চৈব পদাতীনাং মহাহবে।
নিহতেষু মহারাজ হয়েষু বহুধা তদা॥ 9-10-2 (60648)
প্রক্ষয়ে দারুণে ঘোরে সংহারে সর্বদেহিনাম্।
নানাশস্ত্রসমাবাপে ব্যতিষক্তরথদ্বিপে॥ 9-10-3 (60649)
হর্ষণে যুদ্ধশৌণ্ডানাং ভীরূণাং ভয়বর্ধনে।
গাহমানেষু যোধেষু পরস্পরবধৈষিষু॥ 9-10-4 (60650)
প্রাণাদানে মহাঘোরে বর্তমানে দুরোদরে।
সঙ্গ্রামে ঘোররূপে তু যমরাষ্ট্রবিবর্ধনে॥ 9-10-5 (60651)
পাণ্ডবাস্তাবকং সৈন্যং ব্যধমন্নিশিতৈঃ শরৈঃ।
তথৈব তাবকা যোধা জঘ্নুঃ পাণ্ডবসৈনিকান্॥ 9-10-6 (60652)
তস্মিংস্তথা বর্তমানে যুদ্ধে ভীরুভয়াবহে।
পূর্বাহ্ণে চাপি সম্প্রাপ্তে ভাস্করোদয়নং প্রতি॥ 9-10-7 (60653)
লব্ধলক্ষাঃ পরে রাজন্রক্ষিতাস্তু মহাত্মনা।
অয়োধয়ংস্তব বলং মৃত্যুং কৃৎবা নিবর্তনম্॥ 9-10-8 (60654)
বলিভিঃ পাণ্ডবৈর্দৃপ্তৈর্লৈব্ধলক্ষৈঃ প্রহারিভিঃ।
কৌরব্যসীদৎপৃতনা মৃগীবাগ্নিবয়াকুলা॥ 9-10-9 (60655)
তাং দৃষ্ট্বা সীদতীং সেনাং পঙ্কে গামিব দুর্বলাম্।
উজ্জিহীর্ষুস্তদা শল্যঃ প্রায়াৎপাণ্ডুসুতান্প্রতি॥ 9-10-10 (60656)
মদ্ররাজঃ সুসঙ্ক্রুদ্ধো গৃহীৎবা ধনুরুত্তমম্।
অভ্যদ্রবত সঙ্গ্রামে পাণ্ডবানাততায়িনঃ॥ 9-10-11 (60657)
পাণ্ডবা অপি ভূপাল সমরে জিতকাশিনঃ।
মদ্ররাজং সমাসাদ্য বিভিদুর্নিশিতৈঃ শরৈঃ॥ 9-10-12 (60658)
ততঃ শরশতৈস্তীক্ষ্ণৈর্মদ্ররাজো মহারথঃ।
অর্দয়ামাস তাং সেনাং ধর্মরাজস্য পশ্যতঃ॥ 9-10-13 (60659)
প্রাদুরাসন্নিমিত্তানি নানারূপাণ্যনেকশঃ।
চচাল শব্দং কুর্বাণা মহী চাপি সপর্বতা॥ 9-10-14 (60660)
[সদণ্ডশূলা দীপ্তাগ্রা দীর্যমাণাঃ সমন্ততঃ।]
উল্কা ভূমিং দিবঃ পেতুরাহত্য রবিমণ্ডলম্॥ 9-10-15 (60661)
মৃগাশ্চ মহিষাশ্চাপি পক্ষিণশ্চ বিশাম্পতে।
অপসব্যং তদা চক্রুঃ সেনাং তে বহুশো নৃপ॥ 9-10-16 (60662)
[ভৃগুসূনুধরাপুত্রৌ শশিজেন সমন্বিতৌ।
চরমং পাণ্ডুপুত্রাণাং পুরস্তাৎসর্বভূভুজাম্॥ 9-10-17 (60663)
শস্ত্রাগ্রেষ্বভবজ্জ্বালা নেত্রাণ্যাহত্য বর্ষতী।
শিরঃ স্বলীয়ন্ত ভৃশং কাকোলূকাশ্চ কেতুষু]॥ 9-10-18 (60664)
ততস্তদ্যুদ্ধমত্যুগ্রমভবৎসহচারিণাম্।
তথা সর্বাণ্যনীকানি সন্নিপত্য জনাধিপ॥ 9-10-19 (60665)
অভ্যঘ্নৎকৌরবো রাজা পাণ্ডবানামনীকিনীম্।
শল্যস্তু শরবর্ষেণ বর্ষন্নিব সহস্রদৃক্॥ 9-10-20 (60666)
অভ্যবর্ষত ধর্মাত্মা কুন্তীপুত্রং যুধিষ্ঠিরম্।
ভীমসেনং শরৈশ্চাপি রুক্মপুঙ্খৈঃ শিলাশিতৈঃ॥ 9-10-21 (60667)
দ্রৌপদেয়াংস্তথা সর্বান্মাদ্রীপুত্রৌ চ পাণ্ডবৌ।
ধৃষ্টদ্যুম্নং চ শৈনেয়ং শিখণ্ডিনমথাপি চ॥ 9-10-22 (60668)
একৈকং দশভির্বাণৈর্বিব্যাধ স মহাবলঃ।
ততোঽসৃজদ্বাণবর্ষং ঘর্মান্তে মঘবানিব॥ 9-10-23 (60669)
ততঃ প্রভদ্রকা রাজন্সোমকাশ্চ সহস্রশঃ।
পতিতাঃ পাত্যমানাশ্চ দৃশ্যন্তে শল্যসায়কৈঃ॥ 9-10-24 (60670)
ভ্রমরাণামিব ব্রাতাঃ শলভানামিব ব্রজাঃ।
হাদিন্য ইব মেঘেভ্যঃ শল্যস্য ন্যপতঞ্শরাঃ॥ 9-10-25 (60671)
দ্বিরদাস্তুরগাশ্চার্তাঃ পত্তয়ো রথিনস্তথা।
শল্যস্য বাণৈরপতন্বভ্রমুর্ব্যনদংস্তথা॥ 9-10-26 (60672)
আবিষ্ট ইব মদ্রেশো মন্যুনা পৌরুষেণ চ।
প্রাচ্ছাদয়দরীন্সঙ্খ্যে কালসৃষ্ট ইবান্তকঃ।
বিনর্দমানো মদ্রেশো মেঘহাদো মহাবলঃ॥ 9-10-27 (60673)
সা বধ্যমানা শল্যেন পাণ্ডবানামনীকিনী।
অজাতশত্রুং কৌন্তেয়মভ্যধাবদ্যুধিষ্ঠিরম্॥ 9-10-28 (60674)
তাং সম্মর্দ্য শতৈঃ সঙ্খ্যে লঘুহস্তঃ শিতৈঃ শরৈঃ।
বাণবর্ষেণ মহতা যুধিষ্ঠিরমতাডয়ৎ॥ 9-10-29 (60675)
তমাপতন্তং জাত্যশ্বৈঃ ক্রুদ্ধো রাজা যুধিষ্ঠিরঃ।
অবারয়চ্ছরৈস্তীক্ষ্ণৈর্মহাদ্বিপমিবাঙ্কুশৈঃ॥ 9-10-30 (60676)
তস্য শল্যঃ শরং ঘোরং মুমোচাশীবিষোপমম্।
সোঽভ্যবিধ্যন্মহাত্মানং বেগেনাভ্যপতচ্চ গাম্॥ 9-10-31 (60677)
ততো বৃকোদরঃ ক্রুদ্ধঃ শল্যং বিব্যাধ সপ্তভিঃ।
পঞ্চভিঃ সহদেবস্তু নকুলো দশভিঃ শরৈঃ॥ 9-10-32 (60678)
দ্রৌপদেয়াশ্চ শত্রুঘ্নং শূরমার্তায়নিং শরৈঃ।
অভ্যবর্ষন্মহারাজ মেঘা ইব মহীধস্ম্॥ 9-10-33 (60679)
ততো দৃষ্ট্বা বার্যমাণং শল্যং পার্থৈঃ সমন্ততঃ।
কৃতবর্মা কৃপশ্চৈব সঙ্ক্রুদ্ধাবভ্যধাবতাম্॥ 9-10-34 (60680)
উলূকশ্চ মহাবীর্যঃ শকুনিংশ্চাপি সৌবলঃ।
সমাগম্যাথ শনকৈরশ্বত্থামা মহাবলঃ।
তব পুত্রাশ্চ কার্ৎস্ন্যেন জুগুপুঃ শল্যমাহবে॥ 9-10-35 (60681)
ভীমসেনং ত্রিভির্বিদ্ধা কৃতবর্মা শিলীমুখৈঃ।
বাণবর্ষেণ মহতা ক্রুদ্ধরূপমবারয়ৎ।
ধৃষ্টদ্যুম্নং ততঃ ক্রুদ্ধো বাণবর্ষৈরপীডয়ৎ॥ 9-10-36 (60682)
দ্রৌপদেয়াংশ্চ শকুনির্যমৌ চ দ্রৌণিরভ্যযাৎ॥ 9-10-37 (60683)
দুর্যোধনো যুধাংশ্রেষ্ঠ আহবে কেশবার্জুনৌ।
সমভ্যযাদুগ্রতেজাঃ শরৈশ্চাপ্যহনদ্বলী॥ 9-10-38 (60684)
এবং দ্বন্দ্বশতান্যাসংস্ৎবদীয়ানাং পরৈঃ সহ।
ঘোররূপাণি চিত্রাণি তত্রতত্র বিশাম্পতে॥ 9-10-39 (60685)
ঋক্ষবর্ণাঞ্জঘানাশ্বান্ভোজো ভীমস্য সংয়ুগে।
সোঽবতীর্য রথোপস্থাদ্ধতাশ্বাৎপাণ্ডুনন্দনঃ।
কালো দণ্ডমিবোদ্যম্য গদাপাণিরয়ুধ্যত॥ 9-10-40 (60686)
প্রমুখে সহদেবস্য জঘানাশ্বান্স মদ্ররাট্।
ততঃ শল্যস্য তনয়ং সহদেবোঽসিনাবধীৎ॥ 9-10-41 (60687)
গৌতমঃ পুনরাচার্যো ধৃষ্টদ্যুম্নময়োধয়ৎ।
অসম্ভ্রান্তমসম্ভ্রান্তো যত্নবান্যত্নবত্তরম্॥ 9-10-42 (60688)
দ্রৌপদেয়াংস্তথা বীরানেকৈকং দশভিঃ শরৈঃ।
অবিদ্ধ্যদাচার্যসুতো নাতিক্রুদ্ধো হসন্নিব॥ 9-10-43 (60689)
[পুনশ্চ ভীমসেনস্য জঘানাশ্বাংস্তথাঽঽহবে।
সোঽবতীর্য রথাত্তূর্ণং হতাশ্বঃ পাণ্ডুনন্দনঃ॥ 9-10-44 (60690)
কালো দণ়্ডমিবোদ্যম্য গদাং ক্রুদ্ধো মহাবলঃ।
পোথয়ামাস তুরগান্রথং চ কৃতবর্মণঃ।
কৃতবর্মা ৎববপ্লুত্য রথাত্তস্মাদপাক্রমৎ॥] 9-10-45 (60691)
শল্যোঽপি রাজন্সঙ্ক্রুদ্ধো নিঘ্নন্সোমকপাণ্ডবান্।
পুনরেব শিতৈর্বাণৈর্যুধিষ্ঠিরমপীডয়ৎ॥ 9-10-46 (60692)
তস্য ভীমো রণে ক্রুদ্ধঃ সন্দশ্য দশনচ্ছদম্।
বিনাশায়াভিসন্ধায় গদামাদায় বীর্যবান্॥ 9-10-47 (60693)
যমদণ্ডপ্রতীকাশাং কালরাত্রিমিবোদ্যতাম্।
গজবাজিমনুষ্যাণাং দেহান্তকরণীমতি॥ 9-10-48 (60694)
হেমপট্টপরিক্ষিপ্তামুল্কাং প্রজ্বলিতামিব।
শৈক্যাং ব্যালীমিবাত্যুগ্রাং বজ্রকল্পাময়োময়ীম্॥ 9-10-49 (60695)
চন্দনাগুরুপঙ্কাক্তাং প্রমদামীপ্সিতামিব।
বসামেদোপদিগ্ধাঙ্গীং জিহ্বাং বৈবস্বতীমিব॥ 9-10-50 (60696)
পটুঘণ্টাশতরবাং বাসবীমশনীমিব।
নির্মুক্তাশীবিষাকারাং পৃক্তাং গজমদৈরপি॥ 9-10-51 (60697)
ত্রাসনীং সর্বভূতানাং স্বসৈন্যপরিহর্ষিণীম্।
মনুষ্যলোকে বিখ্যাতাং গিরিশৃঙ্গবিদারণীম্॥ 9-10-52 (60698)
যয়া কৈলাসভবনে মহেশ্বরসখং বলী।
আহ্বয়ামাস কৌন্তেয়ঃ সঙ্ক্রুদ্ধমলকাধিপম্॥ 9-10-53 (60699)
যয়া মায়াময়ান্দৃপ্তান্সুবহূন্ধনদালয়ে।
জঘান গুহ্যকান্ক্রুদ্ধো মন্দারার্থে মহাবলঃ।
নিবার্যমাণো বহুভির্দ্রৌপদ্যাঃ প্রিয়মাস্থিতঃ॥ 9-10-54 (60700)
তাং বজ্রমণিরত্নৌঘকল্মাষাং বজ্রগৌরবাম্।
সমুদ্যম্য মহাবাহুঃ শল্যমভ্যপতদ্রণে॥ 9-10-55 (60701)
গদয়া যুদ্ধকুশলস্তয়া দারুণনাদয়া।
পোথয়ামাস শল্যস্য চতুরোঽশ্বান্মহাজবান্॥ 9-10-56 (60702)
ততঃ শল্যো রণে ক্রুদ্ধঃ পীনে বক্ষসি তোমরম্।
নিচখান নদন্বীরোবর্ম ভিত্ৎবা চ সোভ্যযাৎ॥ 9-10-57 (60703)
বৃকোদরস্ৎবসম্ভ্রান্তস্তমেবোদ্ধৃত্য তোমরম্।
যন্তারং মদ্ররাজস্য নির্বিভেদ তদা হৃদি॥ 9-10-58 (60704)
স ভিন্নবর্মা রুধিরং বমন্বিত্রস্তমানসঃ।
পপাতাভিমুখো ভীমং মদ্ররাজস্ৎবপাক্রমৎ॥ 9-10-59 (60705)
কৃতপ্রতিকৃতং দৃষ্ট্বা শল্যো বিস্মিতমানসঃ।
গদামাশ্রিত্য ধর্মাত্মা প্রত্যমিত্রমবৈক্ষত॥ 9-10-60 (60706)
ততঃ সুমনসঃ পার্থা ভীমসেনমপূজয়ন্।
তে দৃষ্ট্বা কর্ম সঙ্গ্রামে ঘোরমক্লিষ্টকর্মণঃ॥ ॥ 9-10-61 (60707)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে দশমোঽধ্যায়ঃ॥ 10 ॥
Mahabharata - Shalya Parva - Chapter Footnotes
9-10-17 ভৃগ্বিতি। সর্বভূভুজাং কৃৎস্নপৃথ্বীপতীনাং পাণ্ডুপুত্রাণাং পাণ্ডবানাং চরমং বিলোমগণনয়া প্রথমং যুধিষ্ঠিরমভিলক্ষ্য শক্রভৌমবুধাঃ সপ্তমস্থানে বলাবহাঃ আসন্। এতচ্চ সর্বভূভুজামিতি ফলস্য জনকমিত্যর্থঃ॥ 9-10-18 আহত্য স্পৃষ্ট্বা। বর্ষতী ভুবি পতন্তী॥ 9-10-49 পরিক্ষিপ্তাং পরিচ্ছন্নাম্॥ 9-10-51 বাসবীমৈন্দ্রীম্। রাসনীমিতি পাঠে শব্দবতীম্॥ 9-10-53 মহেশ্বরসখং কুবেরম্॥ 9-10-10 দশমোঽধ্যায়ঃ॥শল্যপর্ব - অধ্যায় 011
॥ শ্রীঃ ॥
9.11. অধ্যায়ঃ 011
Mahabharata - Shalya Parva - Chapter Topics
শল্যভীময়োর্গদায়ুদ্ধম্॥ 1 ॥Mahabharata - Shalya Parva - Chapter Text
9-11-0 (60708)
সঞ্জয় উবাচ। 9-11-0x (5104)
পতিতং প্রেক্ষ্য যন্তারং শল্যঃ শৈক্যায়সীং গদাম্।
আদায় তরসা রাজংস্তস্থৌ গিরিরিবাচলঃ॥ 9-11-1 (60709)
তং দীপ্তমিব কালাগ্নিং পাশহস্তমিবান্তকম্।
সশৃঙ্গমিব কৈলাসং সবজ্রমিব বাসবম্॥ 9-11-2 (60710)
সশূলমিব হর্যক্ষং সচক্রমিব চক্রিণম্।
সশক্তিমিব সেনান্যং বনে মত্তমিব দ্বিপম্।
জবেনাভ্যপতদ্ভীমঃ প্রগৃহ্য মহতীং গদাম্॥ 9-11-3 (60711)
ততঃ শঙ্খপ্রণাদশ্চ তূর্যাণাং চ সহস্রশঃ।
সিংহনাদশ্চ সঞ্জজ্ঞে শূরাণাং হর্ষবর্ধনঃ॥ 9-11-4 (60712)
প্রৈক্ষন্ত সর্বতস্তৌ হি যোধা মত্তাবিব দ্বিপৌ।
তাবকাশ্চাপরে চৈব সাধুসাধ্বিত্যপূজয়ন্॥ 9-11-5 (60713)
ন হি মদ্রাধিপাদন্যো রামাদ্বা যদুনন্দনাৎ।
সোঢুমুৎসহতে বেগং ভীমসেনস্য সংয়ুগে॥ 9-11-6 (60714)
তথা মদ্রাধিপস্যাপি গদাবেগং মহাত্মনঃ।
সোঢুমুৎসহতে নান্যঃ পুমান্যুধি বৃকোদরাৎ॥ 9-11-7 (60715)
তৌ বৃষাবিব নর্দন্তৌ মণ্ডলানি বিচেরতুঃ।
আবর্তিতৌ গদাহস্তৌ মদ্ররাজবৃকোদরৌ॥ 9-11-8 (60716)
মণ্ডলাবর্তমার্গেষু গদাবিহরণেষু চ।
নির্বিশেষমভূদ্যুদ্ধং তয়োঃ পুরুষসিংহয়োঃ॥ 9-11-9 (60717)
তপ্তহেমময়ৈঃ শুভ্রৈর্বভূব ভয়বর্ধিনী।
অগ্নিজ্বালৈরিবাবদ্ধা পট্টৈঃ শল্যস্য সা গদা॥ 9-11-10 (60718)
তথৈব চরতো মার্গান্মণ্ডলেষু মহাত্মনঃ।
বিদ্যুদভ্রগ্রতীকাশা ভীমস্য শুশুভে গদা॥ 9-11-11 (60719)
তাডিতা মদ্ররাজেন ভীমস্য গদয়া গদা।
দহ্যমানেব খে রাজন্সাঽসৃজৎপাবকার্চিষঃ॥ 9-11-12 (60720)
তথা ভীমেন শল্যস্য তাডিতা গদয়া গদা।
অঙ্গারবর্ষং মুমুচে তদদ্ভুতমিবাভবৎ॥ 9-11-13 (60721)
দন্তৈরিব মহানাগৌ শৃঙ্গৈরিব মহর্ষভৌ।
তৌ বিরেজতুরন্যোন্যং গদাগ্রাভ্যাং পরিক্ষতৌ॥ 9-11-14 (60722)
তৌ গদাভিহতৈর্গাত্রৈঃ ক্ষণেন রুধিরোক্ষিতৌ।
প্রেক্ষণীয়তরাবাস্তাং পুষ্পিতাবিব কিংশুকৌ॥ 9-11-15 (60723)
গদয়া মদ্ররাজস্য সব্যদক্ষিণমাহতঃ।
ভীমসেনো মহাবাহুর্ন চচালাচলো যথা॥ 9-11-16 (60724)
তথা ভীমগদাবেগৈস্তাড্যমানো মুহুর্মুহুঃ।
শল্যো ন বিব্যথে রাজন্দন্তিনেব মহাগিরিঃ॥ 9-11-17 (60725)
শুশ্রুবে দিক্ষু সর্বাসু তয়োঃ পুরুষসিংহয়োঃ।
গদানিপাতসংহাদো বজ্রয়োরিব নিঃস্বনঃ॥ 9-11-18 (60726)
নিবৃত্য তু মহাবীর্যৌ সমুচ্ছ্রিতমহাগদৌ।
পুনরন্তরমার্গস্থৌ পণ্ডলানি বিচেরতুঃ॥ 9-11-19 (60727)
অথাভ্যেত্য পদান্যষ্টৌ সন্নিপাতোঽভবত্তয়োঃ।
উদ্যম্য লোহদণ়্ডাভ্যামতিমানুষকর্মণোঃ॥ 9-11-20 (60728)
পোথয়ন্তৌ তদাঽন্যোন্যং মণ্ডলানি বিচেরতুঃ।
ক্রিয়াবিশেষং কৃতিনৌ দর্শয়ামাসতুস্তদা॥ 9-11-21 (60729)
অভ্যুদ্যতগদৌ বীরৌ সশৃঙ্গাবিব পর্বতৌ।
তাবাজঘ্নতুরন্যোন্যং মণ্ডলানি বিচেরতুঃ॥ 9-11-22 (60730)
ক্রিয়াবিশেষকৃতিনৌ রণভূমিতলেঽচলৌ।
তৌ পরস্পরসংরম্ভাদ্গদাভ্যাং সুভৃশাহতৌ॥ 9-11-23 (60731)
যুগপৎপেততুর্বীরাবুভাবিন্দ্রবলী ইব।
উভয়ঃ সেনয়োর্যোধাস্তদা হাহাকৃতাভবন্॥ 9-11-24 (60732)
ভৃশং মর্মস্বভিহতাবুভাবাস্তাং সুবিহ্বলৌ॥ 9-11-25 (60733)
ততঃ স্বরথমারোপ্য মদ্রাণামৃষভং রণে।
অপোবাহ কৃপঃ শল্যং তূর্ণমায়োধনাদথ॥ 9-11-26 (60734)
ক্ষীববদ্বিহ্বলৎবাত্তু নিমেষাৎপুনরুত্থিতঃ।
ভীমসেনো গদাপাণিঃ সমাহ্বয়ত মদ্রপম্॥ 9-11-27 (60735)
ততস্তু তাবকাঃ শূরা নানাশস্ত্রসমায়ুতাঃ।
নানাবাদিত্রশব্দেন পাণ্ডুসেনাময়োধয়ন্॥ 9-11-28 (60736)
ভুজাবুচ্ছ্রিত্য শস্ত্রং চ শব্দেন মহতা ততঃ।
অভ্যদ্রবন্মহারাজ দুর্যোধনপুরোগমাঃ॥ 9-11-29 (60737)
তদনীকমভিপ্রেক্ষ্য ততস্তে পাণ্ডুনন্দনাঃ।
প্রয়যুঃ সিংহনাদেন দুর্যোধনবধেপ্সয়া॥ 9-11-30 (60738)
তেষামাপততাং তূর্ণং পুত্রস্তে ভরতর্ষভ।
প্রাপ্তেন চেকিতানং বৈ বিব্যাধ হৃদয়ে ভৃশম্॥ 9-11-31 (60739)
পপাত রথোপস্থে তব পুত্রেণ পাতিতঃ।
রুধিরৌঘপরিক্লিন্নঃ প্রবিশ্য বিপুলং তমঃ॥ 9-11-32 (60740)
চেকিতানং হতং দৃষ্ট্বা পাণ্ডবেয়া মহারথাঃ।
অসক্তমভ্যবর্ষন্ত শরবর্ষাণি ভাগশঃ॥ 9-11-33 (60741)
তাবকানামনীকেষু পাণ্ডবা জিতকাশিনঃ।
ব্যচরন্ত মহারাজ প্রেক্ষণীয়াঃ সমন্ততঃ॥ 9-11-34 (60742)
কৃপশ্চ কৃতবর্মা চ সৌবলশ্চ মহারথঃ।
অয়োধয়ন্ধর্মরাজং মদ্ররাজপুরস্কৃতাঃ॥ 9-11-35 (60743)
ভারদ্বাজস্য হন্তারং ভূরিবীর্যপরাক্রমম্।
দুর্যোধনো মহারাজ ধৃষ্টদ্যুম্নময়োধয়ৎ॥ 9-11-36 (60744)
ত্রিসাহস্রাস্তথা রাজংস্তব পুত্রেণ চোদিতাঃ।
অয়োধয়ন্ত বিজয়ং জৈগর্তানাং মহারথাঃ॥ 9-11-37 (60745)
বিজয়ে ধৃতসঙ্কল্পাঃ সমরে ত্যক্তজীবিতাঃ।
প্রাবিশংস্তাবকা রাজন্হংসা ইব মহৎসরঃ॥ 9-11-38 (60746)
ততো যুদ্ধমভূদ্ধোরং পরস্পরবধৈষিণাম্।
অন্যোন্যবধসংয়ুক্তমন্যোন্যপ্রীতিবর্ধনম্॥ 9-11-39 (60747)
তস্মিন্প্রবৃত্তে সঙ্গ্রামে রাজন্বীরবরক্ষয়ে।
অনিলেনেরিতং ঘোরমুত্তস্থৌ পার্থিবং রজঃ॥ 9-11-40 (60748)
শ্রবণান্নামধেয়ানাং পার্থিবানাং চ কীর্তনাৎ।
পরস্পরং বিজানীমস্তদায়ুধ্যন্নভীতবৎ॥ 9-11-41 (60749)
তদ্রজঃ পুরুষব্যাঘ্র শোণিতেন প্রশামিতম্।
দিশশ্চ বিমলা জাতাস্তস্মিন্রজসি নাশিতে॥ 9-11-42 (60750)
তথা প্রবৃত্তে সঙ্গ্রামে ঘোররূপে ভয়ানকে।
তাবকানাং পরেষাং চ নাসীৎকশ্চিৎপরাঙ্মুখঃ॥ 9-11-43 (60751)
ব্রহ্মলোকপরা ভূৎবা প্রার্থয়ন্তো জয়ং যুধি।
সুয়ুদ্ধেন পরাক্রান্তা নরাঃ স্বর্গমভীপ্সবঃ॥ 9-11-44 (60752)
ভর্তৃপিণ্ডবিমোক্ষার্থং ভর্তৃকার্যবিনিশ্চিতাঃ।
স্বর্গসংসক্তমনসো যোধা যুয়ুধিরে তদা॥ 9-11-45 (60753)
নানারূপাণি শস্ত্রাণি বিসৃজন্তো মহারথাঃ।
অন্যোন্যমভিগর্জন্তঃ প্রহরন্তঃ পরস্পরম্॥ 9-11-46 (60754)
হত বিধ্যত গৃহ্ণীত প্রহরধ্বং নিকৃন্তত।
ইতি স্ম বাচঃ শ্রূয়ন্তে তবতেষাং চ বৈ বলে॥ 9-11-47 (60755)
ততঃ শল্যো মহারাজ ধর্মপুত্রং যুধিষ্ঠিরম্।
বিব্যাধ নিশিতৈর্বাণৈর্হন্তুকামো মহারথম্॥ 9-11-48 (60756)
তস্য পার্থো মহারাজ নারাচান্বৈ চতুর্দশ।
মর্মাণ্যুদ্দিশ্য মর্মজ্ঞো নিচখান হসন্নিব॥ 9-11-49 (60757)
আবার্য পাণ্ডবং বাণৈর্হন্তুকামো মহাবলঃ।
বিব্যাধ সমরে ক্রুদ্ধো বহুভিঃ কঙ্কপত্রিভিঃ॥ 9-11-50 (60758)
অথ মদ্রো মহারাজ শরেণানতপর্বণা।
যুধিষ্ঠিরং সমাজঘ্নে সর্বসৈন্যস্য পশ্যতঃ॥ 9-11-51 (60759)
ধর্মরাজোঽপি সঙ্ক্রুদ্ধো মদ্ররাজং মহাবলঃ।
বিব্যাধ নিশিতৈর্বাণৈঃ কঙ্কবর্হিণবাজিতৈঃ॥ 9-11-52 (60760)
চন্দ্রসেনং চ সপ্তত্যা সূতং চ নবভিঃ শরৈঃ।
দ্রুমসেনং চতুঃষষ্ট্যা নিজঘান মহারথঃ॥ 9-11-53 (60761)
চক্ররক্ষে হতে শল্যঃ পাণ্ডবেন মহাত্মনা।
নিজঘান ততো রাজংশ্চেদীন্বৈ প়ঞ্চবিংশতিম্॥ 9-11-54 (60762)
সাত্যকিং পঞ্চবিংশত্যা ভীমসেনং চ পঞ্চভিঃ।
মাদ্রীপুত্রৌ শতেনাজৌ বিব্যাধ নিশিতৈঃ শরৈঃ॥ 9-11-55 (60763)
এবং বিচরতস্তস্য সঙ্গ্রামে রাজসত্তম।
সম্প্রৈষয়চ্ছিতান্পার্থঃ শরানাশীবিষোপমান্॥ 9-11-56 (60764)
ধ্বজাঘ্রং চাস্য সমরে কুন্তীপুত্রো যুধিষ্ঠিরঃ।
প্রমুখে বর্তমানস্য ভল্লেনাপাহরদ্রথাৎ॥ 9-11-57 (60765)
পাণ্ডুপুত্রেণ বৈ তস্য কেতুং ছিন্নং মহাত্মনা।
নিপতন্তমপশ্যাম গিরিশৃঙ্গমিবাহতম্॥ 9-11-58 (60766)
ধ্বজং নিপতিতং দৃষ্ট্বা পাণ়্ডবং চ ব্যবস্থিতম্।
সঙ্ক্রুদ্ধো মদ্ররাজোঽভূচ্ছরবর্ষং মুমোচ হ॥ 9-11-59 (60767)
শল্যঃ সায়কবর্ষেণ পর্জন্য ইব বৃষ্টিমান্।
অভ্যবর্ষদমেয়াত্মা ক্ষত্রিয়ান্ক্ষত্রিয়র্ষভঃ॥ 9-11-60 (60768)
সাত্যকিং ভীমসেনং চ মাদ্রীপুত্রৌ চ পাণ্ডবৌ।
একৈকং প়ঞ্চভির্বিদ্ধ্বা যুধিষ্ঠিরমপীডয়ৎ॥ 9-11-61 (60769)
ততো বাণময়ং জালং বিততং পাণ্ডবোরসি।
অপশ্যাম মহারাজ মেঘজালমিবোদ্গতম্॥ 9-11-62 (60770)
তস্য শল্যো রণে ক্রুদ্ধঃ শরৈঃ সন্নতপর্বভিঃ।
দিশঃ সঞ্ছাদয়ামাস প্রদিশশ্চ মহারথঃ॥ 9-11-63 (60771)
ততো যুধিষ্ঠিরো রাজা বাণজালেন পীডিতঃ।
বভূব হৃতবিক্রান্তো জম্ভো বৃত্রহণা যথা॥ ॥ 9-11-64 (60772)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে একাদশোঽধ্যায়ঃ॥ 11 ॥
Mahabharata - Shalya Parva - Chapter Footnotes
9-11-3 হর্যক্ষং রুদ্রম্॥ 9-11-10 শুভ্রৈদীংপ্তিমদ্ধিঃ॥ 9-11-11 একাদশোঽধ্যায়ঃ॥শল্যপর্ব - অধ্যায় 012
॥ শ্রীঃ ॥
9.12. অধ্যায়ঃ 012
Mahabharata - Shalya Parva - Chapter Topics
শল্যপরাক্রমবর্ণনম্॥ 1 ॥Mahabharata - Shalya Parva - Chapter Text
9-12-0 (60773)
সঞ্জয় উবাচ। 9-12-0x (5105)
পীডিতে ধর্মরাজে তু মদ্ররাজেন মারিষ।
সাত্যকির্ভীমসেনশ্চ মাদ্রীপুত্রৌ চ পাণ্ডবৌ।
পরিবার্য রথৈঃ শল্যং পীডয়ামাসুরাহবে॥ 9-12-1 (60774)
তমেকং বহুভির্দৃষ্ট্বা পীড্যমানং মহারথৈঃ।
সাধুবাদো মহাঞ্জজ্ঞে সিদ্ধাশ্চাসন্প্রহর্ষিতাঃ॥ 9-12-2 (60775)
আশ্চর্যমিত্যভাষন্ত মুনয়শ্চাপি সঙ্গতাঃ॥ 9-12-3 (60776)
ভীমসেনো রণে শল্যং শল্যভূতং পরাক্রমে।
একেন বিদ্ধ্বা বাণেন পুনর্বিব্যাধ সপ্তভিঃ॥ 9-12-4 (60777)
সাত্যকিশ্চ শতেনৈনং ধর্মপুত্রপরীপ্সয়া।
মদ্রেশ্বরমবাকীর্য সিংহনাদমথানদৎ॥ 9-12-5 (60778)
নকুলঃ পঞ্চভিশ্চৈনং সহদেবশ্চ প়ঞ্চভিঃ।
বিদ্ধ্বা তং তু পুনস্তূর্ণং ততো বিব্যাধ সপ্তভিঃ॥ 9-12-6 (60779)
স তু শূরো রণে যত্তঃ পীডিতস্তৈর্মহারথৈঃ।
বিকৃষ্য কার্মুকং ঘোরং ভারঘ্নং বেগবত্তরম্॥ 9-12-7 (60780)
সাত্যকিং পঞ্চবিংশত্যা শল্যো বিব্যাধ মারিষ।
ভীমসেনং তু সপ্তত্যা নকুলং সপ্তভিস্তথা॥ 9-12-8 (60781)
ততঃ স বিশিখং চাপং সহদেবস্য ধন্বিনঃ।
ছিত্ৎবা ভল্লেন সমরে বিব্যাধৈনং ত্রিসপ্তভিঃ॥ 9-12-9 (60782)
সহদেবস্তু সমরে মাতুলং ভূরিবর্চসম্।
সজ্যমন্যদ্ধনুঃ কৃৎবা পঞ্চভিঃ সমতাডয়ৎ।
শরৈরাশীবিষাকারৈর্জ্বলজ্জ্বলনসন্নিভৈঃ॥ 9-12-10 (60783)
সারথিং চাস্য সমরে শরেণানতপর্বণা।
বিব্যাধ ভৃশসঙ্ক্রুদ্ধস্তং বৈ ভূয়স্ত্রিভিঃ শরৈঃ॥ 9-12-11 (60784)
ভীমসেনস্তু সপ্তত্যা সাত্যকির্নবভিঃ শরৈঃ।
ধর্মরাজস্তথা ষষ্ট্যা গাত্রে শল্যং সমার্পয়ৎ॥ 9-12-12 (60785)
ততঃ শল্যো মহারাজ নির্বিদ্ধস্তৈর্মহারথৈঃ।
সুস্রাব রুধিরং গাত্রৈর্গৈরিকং পর্বতো যথা॥ 9-12-13 (60786)
তাংশ্চ সর্বান্মহেষ্বাসান্পঞ্চভিঃ পঞ্চভিঃ শরৈঃ।
বিব্যাধ তরসা রাজংস্তদদ্ভুতমিবাভবৎ॥ 9-12-14 (60787)
ততোঽপরেণ ভল্লেন ধর্মপুত্রস্য মারিষ।
ধনুশ্চিচ্ছেদ সমরে সজ্জয়ং স সুমহারথঃ॥ 9-12-15 (60788)
অথান্যদ্ধনুরাদায় ধর্মপুত্রো যুধিষ্ঠিরঃ।
সাশ্বসূতধ্বজরথং শল্যং প্রাচ্ছাদয়চ্ছরৈঃ॥ 9-12-16 (60789)
স চ্ছাদ্যমানঃ সমরে ধর্মপুত্রস্য সায়কৈঃ।
যুধিষ্ঠিরমথাবিধ্যদ্দশভির্নিশিতৈঃ শরৈঃ॥ 9-12-17 (60790)
সাত্যকিস্তু ততঃ ক্রুদ্ধো ধর্মপুত্রে শরার্দিতে।
মদ্রাণামধিপং শূরং শরৈর্বিব্যাধ পঞ্চভিঃ॥ 9-12-18 (60791)
স সাত্যকেঃ প্রচিচ্ছেদ ক্ষুরপ্রেণ মহদ্ধনুঃ।
ভীমসেনমুখাংস্তাংশ্চ ত্রিভিস্ত্রিভিরতাডয়ৎ॥ 9-12-19 (60792)
তস্য ক্রুদ্ধো মহারাজ সাত্যকিঃ সত্যবিক্রমঃ।
তোমরং প্রেষয়ামাস স্বর্ণদণ্ডং মহারণে॥ 9-12-20 (60793)
ভীমসেনোঽথ নারাচং জ্বলন্তমিব পন্নগম্।
নকুলঃ সমরে শক্তিং সহদেবো গদাং শুভাম্।
ধর্মরাজঃ শতঘ্নীং চ জিঘাংসুঃ শল্যমাহবে॥ 9-12-21 (60794)
তানাপতত এবাশু পঞ্চানাং বৈ ভুজচ্যুতান্।
বারয়ামাস সমরে শস্ত্রসঙ্ঘৈঃ স মদ্ররাট্॥ 9-12-22 (60795)
সাত্যকিপ্রহিতং শল্যো ভল্লৈশ্চিচ্ছেদ তোমরম্।
প্রহিতং ভীমসেনেন শরং কনকভূষণম্॥ 9-12-23 (60796)
দ্বিধা চিচ্ছেদ সমরে কৃতহস্তঃ প্রতাপবান্।
নকুলপ্রেষিতাং শক্তিং হেমদণ্ডাং ভয়াবহাম্॥ 9-12-24 (60797)
গদাং চ সহদেবেন শরৌঘৈঃ সমবারয়ৎ।
শরাভ্যাং চ শতঘ্নীং তাং রাজ্ঞশ্চিচ্ছেদ ভারত॥ 9-12-25 (60798)
পশ্যতাং পাণ্ডুপুত্রাণাং সিংহনাদং ননাদ চ।
নামৃষ্যত্তত্র শৈনেয়ঃ শত্রোর্বিজয়মাহবে॥ 9-12-26 (60799)
অথান্যদ্ধনুরাদায় সাত্যকিঃ ক্রোধমূর্চ্ছিতঃ।
দ্বাভ্যাং মদ্রেশ্বরং বিদ্বা সারথিং চ ত্রিভিঃ শরৈঃ॥ 9-12-27 (60800)
ততঃ শল্যো রণে রাজন্সর্বাংস্তান্দশভিঃ শরৈঃ।
বিব্যাধ ভৃশসঙ্ক্রুদ্ধস্তোত্রৈরিব মহাদ্বিপান্॥ 9-12-28 (60801)
তে বার্যমাণাঃ সমরে মদ্ররাজ্ঞা মহারথাঃ।
ন শেকুঃ সম্মুখে স্থাতুং তস্য শত্রুনিষূদনাঃ॥ 9-12-29 (60802)
ততো দুর্যোধনো রাজা দৃষ্ট্বা শল্যস্য বিক্রমম্।
নিহতান্পাণ্ডবান্মেনে পাঞ্চালানথ সৃঞ্জয়ান্। 9-12-30 (60803)
`তথাবিধং মহারাজ মদ্ররাজস্য বিক্রমম্।
অসহ্যং মানবৈর্যুদ্ধে তদ্বভূব নরর্ষভ॥' 9-12-31 (60804)
ততো রাজন্মহাবাহুর্ভীমসেনঃ প্রতাপবান্।
সন্ত্যজ্য মনসা প্রাণান্মদ্রাধিপময়োধয়ৎ॥ 9-12-32 (60805)
নকুলঃ সহদেবশ্চ সাত্যকিশ্চ মহারথঃ।
পরিবার্য তদা শল্যং সমন্তাদ্ব্যকিরঞ্শরৈঃ॥ 9-12-33 (60806)
স চতুর্ভির্মহেষ্বাসৈঃ পাণ্ডবানাং মহারথঃ।
বৃতস্তান্যোধয়ামাস মদ্ররাজঃ প্রতাপবান্॥ 9-12-34 (60807)
তস্য ধর্মসুতো রাজন্ক্ষুরপ্রেণ মহাহবে।
চক্ররক্ষং জঘানাশু মদ্ররাজস্য পার্থিবঃ॥ 9-12-35 (60808)
তস্মিংস্তু নিহতে শূরে চক্ররক্ষে মহারথে।
মদ্ররাজোঽপি বলবান্সৈনিকানাবৃণোচ্ছরৈঃ॥ 9-12-36 (60809)
সমাবৃতাংস্ততস্তাংস্তু রাজন্বীক্ষ্য স্বসৈনিকান্।
চিন্তয়ামাস সমরে ধর্মপুত্রো যুধিষ্ঠিরঃ॥ 9-12-37 (60810)
কথং নু ন ভবেৎসত্যং তন্মাধববচো মহৎ।
অপি ক্রুদ্ধো রণে রাজন্ক্ষপয়েত বলং মম॥ 9-12-38 (60811)
`অহং মদ্ধাতরশ্চৈব সাত্যকিশ্চ মহারথঃ।
পাঞ্চালাঃ সৃঞ্জয়াশ্চৈব ন শক্তাস্ম হি মদ্রপম্॥ 9-12-39 (60812)
নিহনিষ্যতি চৈবাদ্য মাতুলোঽস্মান্মহাবলঃ।
গোবিন্দবচনং সত্যং কথং ভবতি কিন্ৎবিদম্॥ 9-12-40 (60813)
ততঃ সরথনাগাশ্বা পাণ্ডবাঃ পাণ্ডুপূর্বজ।
মদ্ররাজং সমাসেদুঃ পীডয়ন্তঃ সমন্ততঃ॥ 9-12-41 (60814)
নানাশস্ত্রৌঘবহুলাং শস্ত্রবৃষ্টিং সমুদ্যতাম্।
ব্যধমৎসমরে রাজা মহাভ্রাণীব মারুতঃ॥ 9-12-42 (60815)
ততঃ কনকপুঙ্খাং তাং শল্যক্ষিপ্তাং বিয়দ্গতাম্।
শরবৃষ্টিমপশ্যাম শলভানামিবায়তিম্॥ 9-12-43 (60816)
তে শরা মদ্ররাজেন প্রেষিতা রণমূর্ধনি।
সম্পতন্তঃ স্ম দৃশ্যন্তে শলভানাং ব্রজা ইব॥ 9-12-44 (60817)
মদ্ররাজধনুর্মুক্তৈঃ শরৈঃ কনকভূষণৈঃ।
নিরন্তরমিবাকাশং সম্বভূব জনাধিপ॥ 9-12-45 (60818)
ন পাণ্ডবানাং নাস্মাকং তত্র কিঞ্চিদ্ব্যদৃশ্যত।
বাণান্ধকারে মহতি কৃতে তত্র মহাহবে॥ 9-12-46 (60819)
মদ্ররাজেন বলিনা লাঘবাচ্ছরবৃষ্টিভিঃ।
চাল্যমানং তু তং দৃষ্ট্বা পাণ্ডবানাং বলার্ণবম্।
বিস্ময়ং পরমং জগ্মুর্দেবগন্ধর্বদানবাঃ॥ 9-12-47 (60820)
স তু তান্সর্বতো যত্তাঞ্শরৈঃ সঞ্ছাদ্য মারিষ।
ধর্মরাজমবচ্ছাদ্য সিংহবদ্ব্যনদন্মুহুঃ॥ 9-12-48 (60821)
তে চ্ছন্নাঃ সমরে তেন পাণ্ডবানাং মহারথাঃ।
নাশক্নুবংস্তদা যুদ্ধে প্রত্যুদ্যাতুং মহারথম্॥ 9-12-49 (60822)
ধর্মরাজপুরোগাস্তু ভীমসেনমুখা রথাঃ।
নিজঘ্নুঃ সমরে শূরংশল্যমাহবশোভিনম্॥ ॥ 9-12-50 (60823)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে দ্বাদশোঽধ্যায়ঃ॥ 12 ॥
Mahabharata - Shalya Parva - Chapter Footnotes
9-12-25 সহদেবেন প্রেষিতামিতি পূর্বস্মাৎসম্বধ্যতে॥ 9-12-27 সারথিং চ বিব্যাধেত্যুত্তরস্মাদপকৃষ্যতে॥ 9-12-38 কথন্নু সমরে শক্যং--নহি ক্রুদ্ধো রণে ইতি ঝ.পাঠঃ॥ 9-12-12 দ্বাদশোঽধ্যায়ঃ॥শল্যপর্ব - অধ্যায় 013
॥ শ্রীঃ ॥
9.13. অধ্যায়ঃ 013
Mahabharata - Shalya Parva - Chapter Topics
সঙ্কুলয়ুদ্ধম্॥ 1 ॥Mahabharata - Shalya Parva - Chapter Text
9-13-0 (60824)
সঞ্জয় উবাচ। 9-13-0x (5106)
অর্জুনো দ্রৌণিনা বিদ্ধো যুদ্ধে বহুভিরায়সৈঃ।
তস্য চানুচরৈঃ শূরৈস্ত্রিগর্তানাং মহারথৈঃ॥ 9-13-1 (60825)
দ্রৌণিং বিব্যাধ সমরে ত্রিভিরেব শিলীমুখৈঃ।
তথেতরান্মহেষ্বাসান্দ্বাভ্যাং দ্বাভ্যাং ধনঞ্জয়ঃ।
ভূয়শ্চৈব মহারাজ শরবর্ষৈরবাকিরৎ॥ 9-13-2 (60826)
শরকণ্টকিতাস্তে তু তাবকা ভরতর্ষভ।
ন জহুঃ পার্থমাসাদ্য তাড্যমানাঃ শিতৈঃ শরৈঃ॥ 9-13-3 (60827)
অর্জুনং রথবংশেন দ্রোণপুত্রপুরোগমাঃ।
পরিবার্য মুদা যুক্তা যোধয়ন্তশ্চকাশিরে॥ 9-13-4 (60828)
তৈস্তু ক্ষিপ্তাঃ শরা রাজন্কার্তস্বরবিভূষিতাঃ।
অর্জুনস্য রথোপস্থং পূরয়ামাসুরঞ্জসা॥ 9-13-5 (60829)
তথা কৃষ্ণৌ মহেষ্বাসৌ বৃষভৌ সর্বধন্বিনাম্।
বিব্যধুশ্চ শরৈর্ঘোরৈঃ প্রহৃষ্টা যুদ্ধদুর্মদাঃ॥ 9-13-6 (60830)
কূবরং রথচক্রাণি ঈষা যোক্ত্রাণি বা বিভো।
যুগং চৈবানুকর্ষং চ শরভূতমভূত্তদা॥ 9-13-7 (60831)
নৈতাদৃশং দৃষ্টপূর্বং রাজন্নেব চ নঃ শ্রুতম্।
যাদৃশং তত্র পার্থস্য তাবকাঃ সম্প্রচক্রিরে॥ 9-13-8 (60832)
স রথঃ সর্বতো ভাতি চিত্রপুঙ্খৈঃ শিতৈঃ শরৈঃ।
উল্কাশতৈঃ সম্প্রদীপ্তং বিমানমিব ভূতলে॥ 9-13-9 (60833)
ততোঽর্জুনো মহারাজ শরৈঃ সন্নতপর্বভিঃ।
অবাকিরত্তাং পৃতনাং মেঘো ধৃষ্ট্যেব পর্বতম্॥ 9-13-10 (60834)
তে বধ্যমানাঃ সমরে পার্থনামাঙ্কিতৈঃ শরৈঃ।
পার্থভূতমমন্যন্ত প্রেক্ষমাণাস্তথাবিধম্॥ 9-13-11 (60835)
কোপোদ্ধূতশরজ্বালো ধনুঃশব্দানিলো মহান্।
সৈন্যেন্ধনং দদাহাশু তাবকং পার্থপাবকঃ॥ 9-13-12 (60836)
চক্রাণাং পততাং চাপি যুগানাং চ ধরাতলে।
তূণীরাণাং পতাকানাং ধ্বজানাং চ রথৈঃ সহ॥ 9-13-13 (60837)
ঈষাণামনুকর্ষাণাং ত্রিবেণূনাং চ ভারত।
অক্ষাণামথ যোক্ত্রাণাং প্রতোদানাং চ রাশয়ঃ॥ 9-13-14 (60838)
শিরসাং পততাং চাপি কুণ্ডলোষ্ণীষধারিণাম্।
ভুজানাং চ মহাভাগ স্কন্ধানাং চ সমন্ততঃ॥ 9-13-15 (60839)
ছত্রাণাং ব্যজনৈঃ সার্ধং মকুটানাং চ রাশয়ঃ।
সমদৃশ্যন্ত পার্থস্য রথমার্গেষু ভারত॥ 9-13-16 (60840)
অগম্যরূপা পৃথিবী মাংসশোণিতকর্দমা।
ভীরূণাং ত্রাসজননী শূরাণাং হর্ষবর্ধিনী।
বভূব ভরতশ্রেষ্ঠ রুদ্রস্যাক্রীডনং যথা॥ 9-13-17 (60841)
হৎবা তু সমরে পার্থঃ সহস্রে দ্বে পরন্তপঃ।
রথানাং সবরূথানং বিধূমোঽগ্নিরিব জ্বলন্॥ 9-13-18 (60842)
যথা হি ভগবানগ্নির্জগদ্দগ্ধ্বা চরাচরম্।
বিধূমো দৃশ্যতে রাজংস্তথা পার্থো ধন়ঞ্জয়ঃ॥ 9-13-19 (60843)
দ্রৌণিস্তু সমরে দৃষ্ট্বা পাণ্ডবস্য পরাক্রমম্।
রথেনাতিপতাকেন পাণ্ডবং প্রত্যবারয়ৎ॥ 9-13-20 (60844)
তাবুভৌ পুরুষব্যাঘ্রৌ শ্বেতাশ্বৌ ধন্বিনাং বরৌ।
সমীয়তুস্তদাঽন্যোন্যং পরস্পরবধৈষিণৌ॥ 9-13-21 (60845)
তয়োরাসীন্মহারাজ বাণবর্ষং সুদারুণম্।
জীমূতয়োর্যথা বৃষ্টিস্তপান্তে ভরতর্ষভ॥ 9-13-22 (60846)
অন্যোন্যস্পর্ধিনৌ তৌ তু শরৈঃ সন্নতপর্বভিঃ।
ততক্ষতুস্তদাঽন্যোন্যং শৃঙ্গাভ্যাং বৃষভাবিব॥ 9-13-23 (60847)
তয়োর্যুদ্ধং মহারাজ চিরং সমমিবাভবৎ।
শস্ত্রাণাং সঙ্গমশ্চৈব ঘোরস্তত্রাভবৎপুনঃ॥ 9-13-24 (60848)
ততোঽর্জুনং দ্বাদশভী রুক্মপুঙ্খৈঃ সুতেজনৈঃ।
বাসুদেবং চ দশভির্দ্রৌণির্বিব্যাধ ভারত॥ 9-13-25 (60849)
ততঃ প্রহস্য বীভৎসুর্ব্যাক্ষিপদ্গাণ্ডিবং ধনুঃ।
মানয়িৎবা মুহূর্তং তু গুরুপুত্রং মহাহবে॥ 9-13-26 (60850)
ব্যশ্বসূতরথং চক্রে সব্যসাচী পরন্তপঃ।
মৃদুপূর্বং ততশ্চৈনং পুনঃপুনরতাডয়ৎ॥ 9-13-27 (60851)
হতাশ্বে তু রথে তিষ্ঠন্দ্রোণপুত্রস্ৎবয়স্ময়ম্।
মুসলং পাণ্ডুপুত্রায় চিক্ষেপ পরিঘোপমম্॥ 9-13-28 (60852)
তমাপতন্তং সহসা হেমপট্টবিভূষিতম্।
চিচ্ছেদ সপ্তধা বীরঃ পার্থঃ শত্রুনিবর্হণঃ॥ 9-13-29 (60853)
স চ্ছিন্নং মুসলং দৃষ্ট্বা দ্রৌণিঃ পরমকোপনঃ।
আদদে পরিঘং ঘোরং নগেন্দ্রশিখরোপমম্।
চিক্ষেপ চৈব পার্থায় দ্রৌণির্যুদ্ধবিশারদঃ॥ 9-13-30 (60854)
তমন্তকমিব ক্রুদ্দং পরিঘং প্রেক্ষ্য পাণ্ডবঃ।
অর্জুনস্ৎবরিতো জঘ্নে পঞ্চভিঃ সায়কোত্তমৈঃ॥ 9-13-31 (60855)
স চ্ছিন্নঃ পতিতো ভূমৌ পার্থবাণৈর্মহাহবে।
দারয়ন্পৃথিবীন্দ্রাণাং মনঃ সব্দেন ভারত॥ 9-13-32 (60856)
ততোঽপরৈস্ত্রিভির্ভল্লৈর্দ্রৌণিং বিব্যাধ পাণ়্ডবঃ॥ 9-13-33 (60857)
সোঽতিবিদ্ধো বলবতা পার্থেন সুমহাত্মনা।
নাকম্পত তদা দ্রৌণিঃ পৌরুষেষু ব্যবস্থিতঃ॥ 9-13-34 (60858)
সুরথং চ ততো রাজন্ভারদ্বাজো মহারথম্।
অবাকিরচ্ছরব্রাতৈঃ সর্বক্ষত্রস্য পশ্যতঃ॥ 9-13-35 (60859)
ততস্তু সুরথোঽপ্যাজৌ পাঞ্চালানাং মহারথঃ।
রথেন মেঘঘোষেণ দ্রৌণিমেবাভ্যধাবত॥ 9-13-36 (60860)
বিকর্ষন্বৈ ধনুঃশ্রেষ্ঠং সর্বভারসহং দৃঢম্।
জ্বলনাশীবিষনিভৈঃ শরৈশ্চৈনমবাকিরৎ॥ 9-13-37 (60861)
সুরথং তং ততঃ ক্রুদ্ধমাপতন্তং মহারথম্।
চুকোপ সমরে দ্রৌণির্দণ্ডাহত ইবোরগঃ॥ 9-13-38 (60862)
ত্রিশিখাং ভ্রুকুটীং কৃৎবা সৃক্বিণী পরিসংলিহন্।
উদ্বীক্ষ্য সুরথং রোষাদ্ধনুর্জ্যামবমৃজ্য চ।
মুমোচ তীক্ষ্ণং নারাচং যমদণ্ডোপমদ্যুতিম্॥ 9-13-39 (60863)
স তস্য হৃদয়ং ভিত্ৎবা প্রবিবেশাতিবেগিতঃ।
শক্তাশনিরিবোৎসৃষ্টো বিদার্য ধরণীতলম্॥ 9-13-40 (60864)
ততঃ স পতিতো ভূমৌ নারাচেন সমাহতঃ।
বজ্রেণ চ যথা শৃঙ্গং পর্বতস্যেব দীর্যতঃ॥ 9-13-41 (60865)
তস্মিন্বিনিহতে বীরে দ্রোণপুত্রঃ প্রতাপবান্।
আরুরোহ রথং তূর্ণং তমেব রথিনাং বরঃ॥ 9-13-42 (60866)
ততঃ সজ্জো মহারাজ দ্রৌণিরাহবদুর্মদঃ।
অর্জুনং যোধয়ামাস সংশপ্তকবৃতো রণে॥ 9-13-43 (60867)
তত্র যুদ্ধং মহচ্চাসীদর্জুনস্য পরৈঃ সহ।
মধ্যন্দিনগতে সূর্যে যমরাষ্ট্রবিবর্ধনম্॥ 9-13-44 (60868)
তত্রাশ্চর্যমপশ্যাম দৃষ্ট্বা তেষাং পরাক্রমম্।
যদেকো যুগপদ্বীরান্সময়োধয়দর্জুনঃ॥ 9-13-45 (60869)
বিমর্দঃ সুমহানাসীদর্জুনস্য পরৈঃ সহ।
শতক্রতোর্যথাপূর্বং মহত্যা দৈত্যসেনয়া॥ ॥ 9-13-46 (60870)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে ত্রয়োদশোঽধ্যায়ঃ॥ 13 ॥
শল্যপর্ব - অধ্যায় 014
॥ শ্রীঃ ॥
9.14. অধ্যায়ঃ 014
Mahabharata - Shalya Parva - Chapter Topics
সঙ্কুলয়ুদ্ধম্॥ 1 ॥Mahabharata - Shalya Parva - Chapter Text
9-14-0 (60871)
সঞ্জয় উবাচ। 9-14-0x (5107)
দুর্যোধনো মহারাজ ধৃষ্টদ্যুম্নশ্চ পার্ষতঃ।
চক্রতুঃ সুমহদ্যুদ্ধং শরশক্তিসমাকুলম্॥ 9-14-1 (60872)
ততো রাজন্সমাপেতুঃ শরধারাঃ সহস্রশঃ।
অম্বুদানাং যথা কালে জলধারাঃ সমন্ততঃ॥ 9-14-2 (60873)
রাজা চ পার্ষতং বিদ্ধ্বা শরৈঃ পঞ্চভিরাশুগৈঃ।
দ্রোণহন্তারমুগ্রেষুং পুনর্বিব্যাধ সপ্তভিঃ॥ 9-14-3 (60874)
ধৃষ্টদ্যুম্নস্তু সমরে বলবান্দৃঢবিক্রমঃ।
সপ্তত্যা বিশিখানাং বৈ দুর্যোধনমপীডয়ৎ॥ 9-14-4 (60875)
পীডিতং বীক্ষ্য রাজানং সোদর্যা ভরতর্ষভ।
মহত্যা সেনয়া সার্ধং পরিবব্রুঃ স্ম পার্ষতম্॥ 9-14-5 (60876)
স তৈঃ পরিবৃতঃ শূরঃ সর্বতোঽতিরথৈ র্ভৃশম্।
ব্যচরৎসমরে রাজন্দর্শয়ন্নস্ত্রলাঘবম্॥ 9-14-6 (60877)
শিখণ্ডী কৃতবর্মাণং গৌতমং চ মহারথম্॥
প্রভদ্রকৈঃ সমায়ুক্তো যোধয়ামাস ধন্বিনৌ॥ 9-14-7 (60878)
তত্রাপি সুমহদ্যুদ্ধং ঘোররূপং বিশাম্পতে।
প্রাণান্সন্তজতাং যুদ্ধে প্রাণদ্যূতাভিদেবনে॥ 9-14-8 (60879)
শল্যঃ সায়কবর্ষাণি বিমুঞ্জন্সর্বতোদিশম্।
পাণ্ডবান্পীডয়ামাস সসাত্যকিবৃকোদরান্॥ 9-14-9 (60880)
তথা তৌ তু যমৌ যমতুল্যপরাক্রমৌ।
যোধয়ামাস রাজেন্দ্র বীর্যেণাস্ত্রবলেন চ॥ 9-14-10 (60881)
শল্যসায়কনুন্নানাং পাণ্ডবানাং মহামৃধে।
ত্রাতারং নাধ্যগচ্ছন্ত কেচিত্তত্র মহারথাঃ॥ 9-14-11 (60882)
ততস্তু নকুলঃ শূরো ধর্মরাজে প্রপীডিতে।
অভিদুদ্রাব বেগেন মাতুলং মাদ্রিনন্দনঃ॥ 9-14-12 (60883)
সঞ্ছাদ্য সমরে বীরং নকুলঃ পরবীরহা।
বিব্যাধ চৈনং দশভিঃ স্ময়মানঃ স্তনান্তরে॥ 9-14-13 (60884)
সর্বপারসবৈর্বাণৈঃ কর্মারপরিমার্জিতৈঃ।
স্বর্ণপুঙ্খৈঃ শিলাধৌতৈর্ধনুর্যন্ত্রপ্রচোদিতৈঃ॥ 9-14-14 (60885)
শল্যস্তু পীডিতস্তেন স্বস্রীয়েণ হি মাতুলঃ।
নকুলং পীডয়ামাস পত্রিভির্নতপর্বভিঃ॥ 9-14-15 (60886)
ততো যুধিষ্ঠিরো রাজা ভীমসেনোঽথ সাত্যকিঃ।
সহদেবশ্চ মাদ্রেণো মদ্ররাজমুপাদ্রবন্॥ 9-14-16 (60887)
তানাপতত এবাশু পূরয়াণান্রথস্বনৈঃ।
দিশশ্চ বিদিশশ্চৈব কম্পয়ানাংশ্চ মেদিনীম্।
প্রতিজগ্রাহ সমরে সেনাপতিরমিত্রজিৎ॥ 9-14-17 (60888)
যুধিষ্ঠিরং ত্রিভির্বিদ্ধ্বা ভীমসেনং চ পঞ্চভিঃ।
সাত্যকিং চ শতেনাজৌ সহদেবং ত্রিভিঃ শরৈঃ॥ 9-14-18 (60889)
ততস্তু সশরং চাপং নকুলস্য মহাত্মনঃ।
মদ্রেশ্বরঃ ক্ষুরপ্রেণ মধ্যে চিচ্ছেদ মারিষ॥ 9-14-19 (60890)
তদপাস্য ধনুশ্ছিন্নং ততঃ শল্যস্য সায়কৈঃ।
অথান্যদ্ধনুরাদায় মাদ্রীপুত্রো মহারথঃ।
মদ্ররাজরথং তূর্ণং পূরয়ামাস পত্রিভিঃ॥ 9-14-20 (60891)
যুধিষ্ঠিরস্তু মদ্রেশং সহদেবশ্চ মারিষ।
দশভির্দশভির্বাণৈরুরস্যেনমবিধ্যতাম্॥ 9-14-21 (60892)
ভীমসেনস্তু তং ষষ্ট্যা সাত্যকির্দশভিঃ শরৈঃ।
মদ্ররাজমভিদ্রুত্য জঘ্নতুঃ xxঙ্কপত্রিভিঃ॥ 9-14-22 (60893)
মদ্ররাজস্ততঃ ক্রুদ্ধঃ সাত্যকিং নবভিঃ শরৈঃ।
বিব্যাধ ভূয়ঃ সপ্তত্যা শরাণাং নতপর্বণাম্॥ 9-14-23 (60894)
অথাস্য সশরং চাপং মুষ্টৌ চিচ্ছেদ মারিষ।
হয়াংশ্চ চতুরঃ সঙ্খ্যে প্রেষয়ামাস মৃত্যবে॥ 9-14-24 (60895)
বিরথং সাত্যকিং কৃৎবা মদ্ররাজো মহারথঃ।
বিশিখানাং শতেনৈনমাজঘান সমন্ততঃ॥ 9-14-25 (60896)
মাদ্রীপুত্রং চ সংরব্ধো ভীমসেনং চ পাণ্ডবম্।
যুধিষ্ঠিরং চ কৌরব্য বিব্যাধ দশভিঃ শরৈঃ॥ 9-14-26 (60897)
তত্রাদ্ভুতমপশ্যাম মদ্ররাজস্য পৌরুষম্।
যদেনং সহিতাঃ পার্থা নাভ্যবর্তন্ত সংয়ুগে॥ 9-14-27 (60898)
অথান্যং রথমাস্থায় সাত্যকিঃ সত্যবিক্রমঃ।
পীডিতান্পাণ্ডবান্দৃষ্ট্বা মদ্ররাজবশং গতান্।
অভিদুদ্রাব বেগেন মদ্রাণামধিপং বলাৎ॥ 9-14-28 (60899)
আপতন্তং রথং তস্য শল্যঃ সমিতিশোভনঃ।
প্রত্যুদ্যযৌ রথেনৈব মত্তো মত্তমিব দ্বিপম্॥ 9-14-29 (60900)
স সন্নিপাতস্তুমুলো বভূবাদ্ভুতদর্শনঃ।
সাত্যকেশ্চৈব শূরস্য মদ্রাণামধিপস্য চ।
যাদৃশো বৈ পুরা বৃত্তঃ শম্বরামররাজয়োঃ॥ 9-14-30 (60901)
সাত্যকিঃ প্রেক্ষ্য সমরে মদ্ররাজমবস্থিতম্।
বিব্যাধ দশভির্বাণৈস্তিষ্ঠতিষ্ঠেতি চাব্রবীৎ॥ 9-14-31 (60902)
মদ্ররাজস্তু সুভৃশং বিদ্ধস্তেন মহাত্মনা।
সাত্যকিং প্রতিবিব্যাধ চিত্রপুঙ্খৈঃ শিতৈঃ শরৈঃ॥ 9-14-32 (60903)
ততঃ পার্থা মহেষ্বাসাঃ সাৎবতাঽভিসৃতং নৃপম্।
অভ্যবর্তন্রথৈস্তূর্ণং মাতুলং বধকাঙ্ক্ষয়া॥ 9-14-33 (60904)
তত আসীৎপরামর্দস্তুমুলঃ শোণিতোদকঃ।
শূরাণাং যুধ্যমানানাং সিংহানামিব নর্দতাম্॥ 9-14-34 (60905)
তেষামাসীন্মহারাজ ব্যধিক্ষেপঃ পরস্পরম্।
সিংহানামামিষেপ্সূনাং কূজতামিব সংয়ুগে॥ 9-14-35 (60906)
তেষাং বাণসহস্রৌঘৈরাকীর্ণা বসুধাঽভবৎ।
অন্তরিক্ষং চ সহসা বাণভূতমভূত্তদা॥ 9-14-36 (60907)
শরান্ধকারং সহসা কৃতং তেন সমন্ততঃ।
অভ্রচ্ছায়েব সঞ্জজ্ঞে শরৈর্মুক্তৈর্মহাত্মভিঃ॥ 9-14-37 (60908)
তত্র রাজঞ্শরৈর্মুক্তৈর্নির্মুক্তৈরিব পন্নৈগঃ।
স্বর্ণপুঙ্খৈঃ প্রকাশদ্ভির্ব্যরোচন্ত দিশস্তদা॥ 9-14-38 (60909)
তত্রাদ্ভুতং পরং চক্রে শল্যঃ শত্রুনিবর্হণঃ।
যদেকঃ সমরে শূরো যোধয়ামাস বৈ বহূন্॥ 9-14-39 (60910)
মদ্ররাজভুজোৎসৃষ্টৈঃ কঙ্কবর্হিণবাজিতৈঃ।
সম্পতদ্ভিঃ শরৈর্ঘোরৈরবাকীর্যত মেদিনী॥ 9-14-40 (60911)
তত্র শল্যরথং রাজন্বিচরন্তং মহাহবে।
অপশ্যাম যথাপূর্বং শক্রস্যাসুরসংক্ষয়ে॥ ॥ 9-14-41 (60912)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে চতুর্দশোঽধ্যায়ঃ॥ 14 ॥
শল্যপর্ব - অধ্যায় 015
॥ শ্রীঃ ॥
9.15. অধ্যায়ঃ 015
Mahabharata - Shalya Parva - Chapter Topics
শল্যযুধিষ্ঠিরয়োর্যুদ্ধম্॥ 1 ॥Mahabharata - Shalya Parva - Chapter Text
9-15-0 (60913)
সঞ্জয় উবাচ। 9-15-0x (5108)
ততঃ সেনা তব বিভো মদ্ররাজপুরস্কৃতা।
পুনরভ্যদ্রবৎপার্থান্বেগেন মহতা রণে॥ 9-15-1 (60914)
পীডিতাস্তাবকাঃ সর্বে প্রধাবন্তো রণোৎকটাঃ।
ক্ষণেন চৈব পার্থাংস্তে বহুৎবাৎসমলোডয়ন্॥ 9-15-2 (60915)
তে বধ্যমানাঃ সমরে পাণ্ডবা নাবতস্থিরে।
ক্ষণেনৈব মহারাজ পশ্যতোঃ কৃষ্ণপার্থয়োঃ॥ 9-15-3 (60916)
ততো ধনঞ্জয়ঃ ক্রুদ্ধঃ কৃপং সহ পদানুগৈঃ।
অবাকিরচ্ছরৌঘেণ কৃতবর্মাণমেব চ॥ 9-15-4 (60917)
শকুনিং সহদেবস্তু সহসৈন্যমবাকিরৎ।
নকুলঃ পার্শ্বতঃ স্থিৎবা মদ্ররাজময়োধয়ৎ॥ 9-15-5 (60918)
দ্রৌপদেয়া নরেন্দ্রাশ্চ ভূয়িষ্ঠান্সমবারয়ন্।
দ্রোণপুত্রং চ পাঞ্চাল্যঃ শিখণ্ডী সমবারয়ৎ॥ 9-15-6 (60919)
ভীমসেনস্তু রাজানং গদাপাণিরবারয়ৎ।
শল্যং তু সহ সৈন্যেন কুন্তীপুত্রো যুধিষ্ঠিরঃ॥ 9-15-7 (60920)
ততঃ সমভবদ্যুদ্ধং সংসক্তং তত্রতত্র হ।
তাবকানাং পরেষাং চ সঙ্গ্রামেষ্বনিবর্তিনাম্॥ 9-15-8 (60921)
তত্র পশ্যামহে কর্ম শল্যস্যাতিমহদ্রণে।
যদেকঃ সর্বসৈন্যানি পাণ্ডবানাময়োধয়ৎ॥ 9-15-9 (60922)
ব্যদৃশ্যত তদা শল্যো যুধিষ্ঠিরসমীপতঃ।
ক্রূরশ্চন্দ্রমসোঽভ্যাশে শনৈশ্চর ইব গ্রহঃ॥ 9-15-10 (60923)
পীডয়িৎবা তু রাজানং শরৈরাশীবিষোপমৈঃ।
অভ্যধাবৎপুনর্ভীমং শরবর্ষৈরবাকিরৎ॥ 9-15-11 (60924)
তস্য তল্লাঘবং দৃষ্ট্বা তথৈব চ কৃতাস্ত্রতাম্।
অপূজয়ন্ননীকানি পরেষাং তাবকানি চ॥ 9-15-12 (60925)
পীড্যমানাস্তু শল্যেন পাণ্ডবা ভৃশাবিক্ষতাঃ।
প্রাদ্রবন্ত রণং হিৎবা ক্রোশমানে যুধিষ্ঠিরে॥ 9-15-13 (60926)
বধ্যমানেষ্বনীকেষু মদ্ররাজেন পাণ্ডবঃ।
অমর্ষবশমাপন্নো ধর্মরাজো যুধিষ্ঠিরঃ॥ 9-15-14 (60927)
ততঃ পৌরুষমাস্থায় মদ্ররাজমতাডয়ৎ।
জয়ো বাঽস্তু বধো বেতি কৃতবুদ্ধির্মহারথঃ॥ 9-15-15 (60928)
সমাহূয়াব্রবীৎসর্বান্ভ্রাতৄন্কৃষ্ণং চ পাণ্ডবঃ॥ 9-15-16 (60929)
ভীষ্মো দ্রোণশ্চ কর্ণশ্চ যে চান্যে পৃথিবীক্ষিতঃ।
কৌরবার্থে পরাক্রান্তাঃ সঙ্গ্রামে নিধনং গতাঃ।
যথাভাগং যথোৎসাহং ভবন্তঃ কৃতপৌরুষাঃ॥ 9-15-17 (60930)
ভাগোঽবশিষ্ট একোঽয়ং মম শল্যো মহারথঃ।
সোঽহমদ্য যুধা জেতুমাশংসে মদ্রকাধিপম্॥ 9-15-18 (60931)
তত্র যন্মানসং মহ্যং তৎসর্বং নিগদামি বঃ।
চক্ররক্ষাবিমৌ বীরৌ মম মাদ্রবতীসুতৌ॥ 9-15-19 (60932)
অজেয়ৌ বাসবেনাপি সমরে শূরসম্মতৌ।
সাধ্বিমৌ মাতুলং যুদ্ধে ক্ষত্রধর্মপুরস্কৃতৌ॥ 9-15-20 (60933)
মদর্থে প্রতিয়ুধ্যেতাং মানার্হৌ সত্যসঙ্গরৌ।
মাং বা শল্যো রণে হন্তা তং বাঽহং ভদ্রমস্তু বঃ।
ইতি সত্যামিমাং বাণীং লোকবীরা নিবোধত॥ 9-15-21 (60934)
যোৎস্যেঽহং মাতুলেনাদ্য ক্ষাত্রধর্মেণ পার্থিবাঃ।
স্বমংশমভিসন্ধায় বিজয়ায়েতরায় বা॥ 9-15-22 (60935)
তস্য মেঽপ্যধিকং শস্ত্রং সর্বোপকরণানি চ।
সংয়ুজ্যন্তাং রথে ক্ষিপ্রং শাস্ত্রবদ্রথয়োজকৈঃ॥ 9-15-23 (60936)
শৈনেয়ো দক্ষিণং চক্রং ধৃষ্টদ্যুম্নস্তথোত্তরম্।
পৃষ্ঠগোপো ভবৎবদ্য মম পার্থো ধনঞ্জয়ঃ॥ 9-15-24 (60937)
পুরঃসরো মমাদ্যাস্তু ভীমঃ শস্ত্রভৃতাং বরঃ।
এবমভ্যধিকঃ শল্যাদ্ভবিষ্যামি মহামৃধে॥ 9-15-25 (60938)
এবমুক্তাস্তথা চক্রুস্তদা রাজ্ঞঃ প্রিয়ৈষিণঃ॥ 9-15-26 (60939)
ততঃ প্রহর্ষঃ সৈব্যানাং পুনরাসীত্তদাঃ মৃধে।
পাঞ্চালানাং সোমকানাং মাৎস্যানাং চ বিশেষতঃ॥ 9-15-27 (60940)
প্রতিজ্ঞাতং চ সঙ্গ্রামে ধর্মরাজস্য পূজয়ন্।
ততঃ শঙ্খাংশ্চ ভেরীশ্চ শতশশ্চৈব পুষ্করান্।
অবাদয়ন্ত পাঞ্চালাঃ সিংহনাদাংশ্চ নেদিরে॥ 9-15-28 (60941)
তেঽভ্যধাবন্ত সংরব্ধা মদ্ররাজং তরস্বিনম্।
মহতা হর্ষজেনাথ নাদেন কুরুপুঙ্গবাঃ॥ 9-15-29 (60942)
হাদেন গজঘণ্টানাং শঙ্খানাং নিনদেন চ।
তূর্যশব্দেন মহতা নাদয়ন্তশ্চ মেদিনীম্॥ 9-15-30 (60943)
তান্প্রত্যগৃহ্ণাৎপুত্রস্তে মদ্ররাজশ্চ বীর্যবান্।
মহামেঘানিব বহূঞ্শৈলাবস্তোদয়াবুভৌ॥ 9-15-31 (60944)
শল্যস্তু সমরশ্লাঘী ধর্মরাজমরিন্দমম্।
ববর্ষ শরবর্ষেণ শম্বরং মঘবা ইব॥ 9-15-32 (60945)
তথৈব কুরুরাজোঽপি প্রগৃহ্য রুচিরং ধনুঃ।
দ্রোণোপদেশান্বিবিধান্দর্শয়ানো মহামনাঃ।
ববর্ষ শরবর্ষাণি চিত্রং লঘু চ সুষ্ঠু চ॥ 9-15-33 (60946)
ন চাস্য বিবরং কশ্চিদ্দদর্শ চরতো রণে॥ 9-15-34 (60947)
তাবুভৌ বিবিধৈর্বাণৈস্ততক্ষাতে পরস্পরম্।
শার্দূলাবামিষপ্রেপ্সূ পরাক্রান্তাবিবাহবে॥ 9-15-35 (60948)
ভীমস্তু তব পুত্রেণ যুদ্ধশৌণ্ডেন সঙ্গতঃ॥ 9-15-36 (60949)
পাঞ্চাল্যঃ সাত্যকিশ্চৈব মাদ্রীপুত্রৌ চ পাণ্ডবৌ।
শকুনিপ্রমুখান্বীরান্প্রত্যগৃহ্ণন্সমন্ততঃ॥ 9-15-37 (60950)
তদাসীত্তুমুলং যুদ্ধং পুনরেব জয়ৈষিণাম্।
তাবকানাং পরেষাং চ রাজন্দুর্মন্ত্রিতে তব॥ 9-15-38 (60951)
দুর্যোধনস্তু ভীমস্য শরেণানতপর্বণা।
চিচ্ছেদাদিশ্য সঙ্গ্রামে ধ্বজং হেমপরিষ্কৃতম্॥ 9-15-39 (60952)
স কিঙ্কিণীকজালেন মহতা চারুদর্শনঃ।
পপাত রুচিরঃ সিংহো ভীমসেনস্য পশ্যতঃ॥ 9-15-40 (60953)
পুনশ্চাস্য ধনুশ্চিত্রং গজরাজকরোপমম্।
ক্ষুরেণ শিতধারেণ প্রচকর্ত নরাধিপঃ॥ 9-15-41 (60954)
স চ্ছিন্নধন্বা তেজস্বী রথশক্ত্যা সুতং তব।
বিভেদোরসি বিক্রম্য স রথোপস্থ আবিশৎ॥ 9-15-42 (60955)
তস্মিন্মোহমনুপ্রাপ্তে পুনরেব বৃকোদরঃ।
যন্তুরেব শিরঃ কায়াৎক্ষুরপ্রেণাহরত্তদা॥ 9-15-43 (60956)
হতসূতা হয়াস্তস্য রথমাদায় ভারত।
ব্যদ্রবন্ত দিশো রাজন্হাহাকারস্তদাঽভবৎ॥ 9-15-44 (60957)
তমভ্যধাবংস্ত্রাণার্থং দ্রোণপুত্রো মহারথঃ।
কৃপশ্চ কৃতবর্মাং চ পুত্রং তে হি পরীপ্সবঃ॥ 9-15-45 (60958)
তস্মিন্বিলুলিতে সৈন্যে ত্রস্তাংস্তস্য পদানুগান্।
গাণ্ডীবধন্বা বিস্ফার্য ধনুস্তানহনচ্ছরৈঃ॥ 9-15-46 (60959)
যুধিষ্ঠিরস্তু মদ্রেশমভ্যধাবদমর্ষিতঃ।
স্বয়ং সন্নোদয়ন্নশ্বান্দন্তবর্ণান্মনোজবান্॥ 9-15-47 (60960)
তত্রাশ্চর্যপমশ্যাম কুন্তীপুত্রে যুধিষ্ঠিরে।
পুরা ভূৎবা মৃদুর্দান্তো যত্তদা দারুণোঽভবৎ॥ 9-15-48 (60961)
বিবৃতাক্ষশ্চ কৌন্তেয়ো বেপমানশ্চ মন্যুনা।
চিচ্ছেদ যোধান্নিশিতৈঃ শরৈঃ শতসহস্রশঃ॥ 9-15-49 (60962)
যাংয়াং প্রত্যুদ্যযৌ সেনাং তাংতাং জ্যেষ্ঠঃ স পাণ্ডবঃ।
শরৈরপাতয়দ্রাজন্গিরীন্বজ্রৈরিবোত্তমৈঃ॥ 9-15-50 (60963)
সাশ্বসূতধ্বজরথান্রথিনঃ পাতয়ন্বহূন্।
অক্রীডদেকো বলবান্পবনস্তোয়দানিব॥ 9-15-51 (60964)
সাশ্বারোহাংশ্চ তুরগান্পত্তীংশ্চৈব সহস্রধা।
ব্যপোথয়ত সঙ্গ্রামে ক্রুদ্ধো রুদ্রঃ পশূনিব॥ 9-15-52 (60965)
শূন্যমায়োধনং কৃৎবা শরবর্ষৈঃ সমন্ততঃ।
অভ্যদ্রবত মদ্রেশং তিষ্ঠতিষ্ঠেতি চাব্রবীৎ॥ 9-15-53 (60966)
তস্য তচ্চরিতং দৃষ্ট্বা সংগ্রামে ভীমকর্মণঃ।
বিত্রেসুস্তাবকাঃ সর্বে শল্যস্ৎবেনং সমভ্যযাৎ॥ 9-15-54 (60967)
ততস্তৌ ভৃশসঙ্ক্রুদ্ধৌ প্রধ্মায় সলিলোদ্ভবৌ।
সমাহূয় তদাঽন্যোন্যং ভর্ৎসয়ন্তৌ সমীয়তুঃ॥ 9-15-55 (60968)
শল্যস্তু শরবর্ষেণ পীডয়ামাস পাণ্ডবম্।
মদ্ররাজং তু কৌন্তেয়ঃ শরবর্ষৈরবাকিরৎ॥ 9-15-56 (60969)
অদৃশ্যেতাং তদা রাজন্কঙ্কপত্রিভিরাচিতৌ।
উদ্ভিন্নরুধিরৌ শূরৌ মদ্ররাজয়ুধিষ্ঠিরৌ।
পুষ্পিতাবিব রেজাতে বনে শাল্মলিকিংশুকৌ॥ 9-15-57 (60970)
দীব্যমানৌ মহাত্মানৌ প্রাণদ্যূতেন দুর্মদৌ।
দৃষ্ট্বা সর্বাণি সৈন্যানি নাধ্যবস্যংস্তয়োর্জয়ম্॥ 9-15-58 (60971)
হৎবা মদ্রাধিপং পার্থো ভোক্ষ্যতেঽদ্য বসুন্ধরাম্।
শল্যো বা পাণ্ডবং হৎবা দদ্যাদ্দুর্যোধনায় গাম্॥ 9-15-59 (60972)
ইতীব নিশ্চয়ো নাভূদ্যোধানাং তত্র ভারত।
প্রদক্ষিণমভূৎসর্বং ধর্মরাজস্য যুধ্যতঃ॥ 9-15-60 (60973)
ততঃ শরশতং শল্যো মুমোচাশু যুধিষ্ঠিরে।
ধনুশ্চাস্য শিতাগ্রেণ বাণেন নিরুকৃন্তত॥ 9-15-61 (60974)
সোঽন্যৎকার্মুকমাদায় শল্যং শরশতৈস্ত্রিভিঃ।
অবিধ্যৎকার্মুকং চাস্য ক্ষুরেণ নিরকৃন্তত॥ 9-15-62 (60975)
অথাস্য নিজঘানাশ্বাংশ্চতুরো নতপর্বভিঃ।
দ্বাভ্যামতিশিতাগ্রাভ্যামুভৌ তৎপার্ষ্ণিসারথী॥ 9-15-63 (60976)
ততোঽস্য দীপ্যমানেন পীতেন নিশিতেন চ।
প্রমুখে বর্তমানস্য ভল্লেনাপাহরদ্বৃজম্॥ 9-15-64 (60977)
ততঃ প্রভগ্নং তৎসৈন্যং দৌর্যোধনমরিন্দম॥ 9-15-65 (60978)
ততো মদ্রাধিপং দ্রৌণিরভ্যধাবত্তথা কৃতম্।
আরোপ্য চৈনং স্বরথং ৎবরমাণঃ প্রদুদ্রুবে॥ 9-15-66 (60979)
মুহূর্তমিব তৌ গৎবা নর্দমানে যুধিষ্ঠিরে।
গৎবা ততো মদ্রপতিরন্যং স্যন্দনমাস্থিতঃ॥ 9-15-67 (60980)
বিধিবৎকল্পিতং শুভ্রং মহাম্বুদনিনাদিনম্।
সজ্জয়ন্ত্রোপকরণং দ্বিষতাং রোমহর্ষণম্॥ 9-15-68 (60981)
তথান্যদ্ধনুরাদায় বলবান্বেগবত্তরম্॥
যুধিষ্ঠিরং মদ্রপতির্ভিত্ৎবা সিংহ ইবানদৎ॥ 9-15-69 (60982)
ততঃ স শরবর্ষেণ পর্জন্য ইব বৃষ্টিমান্।
অভ্যবর্ষদমেয়াত্মা ক্ষত্রিয়ান্ক্ষত্রিয়র্ষভঃ॥ 9-15-70 (60983)
সাত্যকিং দশভির্বিদ্ধ্বা ভীমসেনং ত্রিভিঃ শরৈঃ।
সহদেবং ত্রিভির্বিদ্ধা যুধিষ্ঠিরমপীডয়ৎ॥ 9-15-71 (60984)
তাংস্তানন্যান্মহেষ্বাসান্সাশ্বান্সরথকূবরান্।
অর্দয়ামাস বিশিখৈরুল্কাভিরিব কুঞ্জরান্॥ 9-15-72 (60985)
কুঞ্জরান্কুঞ্জরারোহানশ্বপ্রয়ায়িনঃ।
রথাংশ্চ রথিভিঃ সার্ধং জঘান রথিনাং বরঃ॥ 9-15-73 (60986)
বাহূংশ্চিচ্ছেদ তরসা সায়ুধান্কেতনানি চ।
চকার চ মহীং যোধৈঃ স্তীর্ণাং বেদীং কুশৈরিব॥ 9-15-74 (60987)
তথা তমরিসৈন্যানি ঘ্নন্তং মৃত্যুমিবান্তকম্।
পরিবব্রুর্ভৃশং ক্রুদ্ধাঃ পাণ্ডুপাঞ্চালসোমকাঃ॥ ॥ 9-15-75 (60988)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে পঞ্চদশোঽধ্যায়ঃ॥ 15 ॥
Mahabharata - Shalya Parva - Chapter Footnotes
9-15-42 রথশক্ত্যা রথস্থয়া শক্ত্যা॥ 9-15-50 যাং যামভ্যগমৎসেনাং তাং তাং ব্যনীনশৎ। ন্যপাতয়ত কৌন্তেয়ো গিরীন্বজ্র ইবোত্তমান্। ইতি ক.খ.পাঠঃ॥ 9-15-67 মুহূর্তমিব তান্হৎবা নর্দমীনে যুধিষ্ঠিরে ইতি ক.খ.পাঠঃ॥ 9-15-15 পঞ্চদশোঽধ্যায়ঃ॥শল্যপর্ব - অধ্যায় 016
॥ শ্রীঃ ॥
9.16. অধ্যায়ঃ 016
Mahabharata - Shalya Parva - Chapter Topics
যুধিষ্ঠিরেণ শল্যশল্যানুজয়োর্বধঃ॥ 1 ॥Mahabharata - Shalya Parva - Chapter Text
9-16-0 (60989)
সঞ্জয় উবাচ। 9-16-0x (5109)
তং ভীমসেনশ্চ শিনেশ্চ নপ্তা
মাদ্যাশ্চ পুত্রৌ পুরুষপ্রবীরৌ।
সমাগতং ভীমবলেন রাজ্ঞা
পর্যাপুরন্যোন্যমথাহ্বয়ন্ত॥ 9-16-1 (60990)
ততস্তু শূরাঃ সমরে নরেন্দ্র
নরেশ্বরং প্রাপ্য যুধাং বরিষ্ঠম্।
আবার্য চৈনং সমরে নৃবীরা
জঘ্নুঃ শিতৈঃ পত্রিভিরুগ্রবেগৈঃ॥ 9-16-2 (60991)
সংরক্ষিতো ভীমসেনেন রাজা
মাদ্রীসুতাভ্যামথ মাধবেন।
মদ্রাধিপং পত্রিভিরুগ্রবেগৈঃ
স্তনান্তরে ধর্মসুতো নিজঘ্নে॥ 9-16-3 (60992)
ততো রণে তাবকানাং রথৌঘাঃ
সমীক্ষ্য মদ্রাধিপতিং শরার্তম্।
পর্যাবব্রুঃ প্রবরাঃ সর্বয়োধা
দুর্যোধনস্যানুমতে পুরস্তাৎ॥ 9-16-4 (60993)
ততো দ্রুতং মদ্রজনাধিপো রণে
যুধিষ্ঠিরং সপ্তভিরভ্যবিদ্ব্যৎ।
তং চাপি পার্থৌ নবভিঃ পৃষৎকৈ--
র্বিব্যাধ রাজংস্তুমুলে মহাত্মা॥ 9-16-5 (60994)
আকর্ণপূর্ণায়তসম্প্রয়ুক্তৈঃ
শরৈস্তদা সংয়তি তৈলধৌতৈঃ।
অন্যোন্যমাচ্ছাদয়তাং মহারথৌ
মদ্রাধিপশ্চাপি যুধিষ্ঠিরশ্চ॥ 9-16-6 (60995)
ততস্তু তূর্ণং সমরে মহারথৌ
পরস্পরস্যান্তরমীক্ষমাণৌ।
শরৈর্ভৃশং বিব্যধতুর্নৃপোত্তমৌ
মহবলৌ শত্রুভিরপ্রধৃষ্যৌ॥ 9-16-7 (60996)
তয়োর্ধনুর্জ্যাতলনিঃস্বনো মহা--
ন্মহেন্দ্রবজ্রাশনিতুল্যনিঃ স্বনঃ।
পরস্পরং বাণগণৈর্মহাত্মনোঃ
প্রবর্ষতোর্মদ্রপপাণ্ডুবীরয়োঃ॥ 9-16-8 (60997)
তৌ চেরতুর্ব্যাঘ্রশিশুপ্রকাশৌ
মহাবনেষ্বামিষগৃদ্বিনাবিব।
বিষাণিনৌ নাগবরাবিবোভৌ
ততক্ষতুঃ সংয়তি জাতদর্পৌ॥ 9-16-9 (60998)
ততস্তু মদ্রাধিপতির্মহাত্মা
যুধিষ্ঠিরং ভীমবলং প্রসহ্য।
বিব্যাধ বীরং হৃদয়েঽতিবেগং
শরেণ সূর্যাগ্নিসমপ্রভেণ॥ 9-16-10 (60999)
ততোঽতিবিদ্ধোঽথ যুধিষ্ঠিরোঽপি
সুসম্প্রয়ুক্তেন শরেণ রাজন্।
জঘান মদ্রাধিপতিং মহাত্মা
মুদং চ লেভে বৃষভঃ কুরূণাম্॥ 9-16-11 (61000)
ততো মুহূর্তাদিব পার্থিবেন্দ্রো
লব্ধ্বা সংজ্ঞাং ক্রোধসংরক্তনেত্রঃ।
শরেণ পার্থং ৎবরিতো জঘান
সহস্রনেত্রপ্রতিমপ্রভাবঃ॥ 9-16-12 (61001)
ৎবরংস্ততো ধর্মসুতো মহাত্মা
শল্যস্য কোপান্নবভিঃ পৃষৎকৈঃ।
ভিত্ৎবা হ্যুরস্তপনীয়ং চ বর্ম
জঘান ষড্ভিস্ৎবপরৈঃ পৃষৎকৈঃ॥ 9-16-13 (61002)
ততস্তু মদ্রাধিপতিঃ প্রকৃষ্টং
ধনুর্বিকৃষ্য ব্যসৃজৎপৃষৎকান্।
দ্বাভ্যাং শরাভ্যাং চ তথৈব রাজ্ঞ--
শ্চিচ্ছেদ চাপং কুরুপুঙ্গবস্য॥ 9-16-14 (61003)
নবং ততোঽন্যৎসমরে প্রগৃহ্য
রাজা ধনুর্ধোরতরং মহাত্মা।
শল্যং তু বিব্যাধ শরৈঃ সমন্তা--
দ্যথা মহেন্দ্রো নমুচিং শিতাগ্রৈঃ॥ 9-16-15 (61004)
ততস্তু শল্যো নবভিঃ পৃষৎকৈ--
র্ভীমস্য রাজ্ঞশ্চ যুধিষ্ঠিরস্য।
নিকৃত্য রৌক্মে পটুবর্মণী তয়ো--
র্বিদাস্যামাস ভুজৌ মহাত্মা॥ 9-16-16 (61005)
ততোঽপরেণ জ্বলনার্কতেজসা
ক্ষুরেণ রাজ্ঞো ধনুরুন্মমাথ।
কৃপশ্চ তস্যৈব জঘান সূতং
ষড্ভিঃ শরৈঃ সোঽভিমুখঃ পপাত॥ 9-16-17 (61006)
মদ্রাধিপশ্চাপি যুধিষ্ঠিরস্য
শরৈশ্চতুর্ভির্নিজঘান বাহান্।
বাহাংশ্চ হৎবা ব্যকরোন্মহাত্মা
যোধক্ষয়ং ধর্মসুতস্য রাজ্ঞঃ॥ 9-16-18 (61007)
`যদদ্ভুতং কর্ম ন শক্যমন্যৈঃ
সুদুঃসহং তৎকৃতবন্তমেকম্।
শল্যো নরেন্দ্রঃ সবিষণ্ণভাবা--
দ্বিচিন্তয়ামাস মৃদঙ্গকেতুঃ॥ 9-16-19 (61008)
কিমেতদিন্দ্রাবরজস্য বাক্যং
মোঘং ভবত্যদ্য বিধের্বলেন।
জহীতি শল্যং হ্যবদত্তদাঽঽজৌ
ন লোকনাথস্য বচোঽন্যথা স্যাৎ॥' 9-16-20 (61009)
তথা কৃতে রাজনি ভীমসেনো
মদ্রাধিপস্যাথ ততো মহাত্মা।
ছিত্ৎবা ধনুর্বেগবতা শরেণ
দ্বাভ্যামবিধ্যৎসুভৃশং নরেন্দ্রম্॥ 9-16-21 (61010)
তথাপরেণাস্য জহার যন্তুঃ
কায়াচ্ছিরঃ সংহননীয়মধ্যাৎ।
জঘান চাশ্বাংশ্চতুরঃ সুশীঘ্রং
তথা ভৃশং কুপিতো ভীমসেনঃ॥ 9-16-22 (61011)
তমগ্রণীঃ সর্বধনুর্ধরাণা--
মেকং চরন্তং সমরেঽতিবেগম্।
ভীমঃ শতেন ব্যকিরচ্ছরাণাং
মাদ্রীপুত্রঃ সহদেবস্তথৈব॥ 9-16-23 (61012)
তৈঃ সায়কৈর্মোহিতং বীক্ষ্য শল্যং
ভীমঃ শরৈরস্য চকর্ত বর্ম।
স ভীমসেনেন নিকৃত্তবর্মা
মদ্রাধিপশ্চর্ম সহস্রতারম্॥ 9-16-24 (61013)
প্রগৃহ্য খঙ্গং চ রথান্মহাত্মা
প্রস্কন্দ্য কুন্তীসুতমভ্যধাবৎ।
ছিত্ৎবা রথেষাং নকুলস্য সোঽথ
যুধিষ্ঠিরং ভীমবলোঽভ্যধাবৎ॥ 9-16-25 (61014)
তং চাপি রাজানমথোৎপতন্তং
ক্রুদ্ধং যথৈবান্তকমাপতন্তম্।
ধৃষ্টদ্যুম্নো দ্রৌপদেয়াঃ শিখণ্ডী
শিনেশ্চ নপ্তা সহসা পরীয়ুঃ॥ 9-16-26 (61015)
অথাস্য চর্মাপ্রতিমং ন্যকৃন্ত--
দ্ভীমো মহাত্মা নবভিঃ পৃষৎকৈঃ।
খঙ্গং চ ভল্লৈর্নিচকর্ত মুষ্টৌ
নদন্প্রহৃষ্টস্তব সৈন্যমধ্যে॥ 9-16-27 (61016)
তৎকর্ম ভীমস্য সমীক্ষ্য হৃষ্টা--
স্তে পাণ্ডবানাং প্রবরা রথৌঘাঃ।
নাদং চ চক্রুর্ভৃশমুৎস্ময়ন্তঃ
শঙ্খাংশ্চ দধ্মুঃ শশিসন্নিকাশান্॥ 9-16-28 (61017)
তেনাথ শব্দেন বিভীষণেন
তথাঽভিতপ্তং বলমপ্রধৃষ্যম্।
স্বেদাভিভূতং রুধিরোক্ষিতাঙ্গং
বিসঞ্জ্ঞকল্পং চ তদা বিষণ্ণম্॥ 9-16-29 (61018)
স মদ্ররাজঃ সহসা বিকীর্ণো
ভীমাগ্রগৈঃ পাণ্ডবয়োধমুখ্যৈঃ।
যুধিষ্ঠিরস্যাভিমুখং জবেন
সিংহো যথা মৃগহেতোঃ প্রয়াতঃ॥ 9-16-30 (61019)
স ধর্মরাজো নিহতাশ্বসূতঃ
ক্রোধেন দীপ্তো জ্বলনপ্রকাশঃ।
দৃষ্ট্বা চ মদ্রাধিপতিং স্ম তূর্ণং
সমভ্যধাবত্তমরিং বলেন॥ 9-16-31 (61020)
গোবিন্দবাক্যং ৎবরিতং বিচিন্ত্য
দধ্রে মতিং শল্যবিনাশনায়।
স ধর্মরাজো নিহতাশ্বসূতো
রথে তিষ্ঠঞ্শক্তিমথান্বকর্ষৎ॥ 9-16-32 (61021)
তচ্চxx শল্যস্য নিশাম্য কর্ম
তমাত্মনো ভাগমথাবশিষ্টম্।
কৃৎবা মনঃ শল্যবধে মহাত্মা
যথোক্তমিন্দ্রাবরজস্য চক্রে॥ 9-16-33 (61022)
স ধর্মরাজো মণিহেমদণ্ডাং
জগ্রাহ শক্তিং কনকপ্রকাশাম্।
নেত্রে চ দীপ্তে সহসা বিবৃত্য
মদ্রাধিপং ক্রুদ্ধমনা নিরৈক্ষৎ॥ 9-16-34 (61023)
নিরীক্ষিতো ধর্মসুতেন রাজ্ঞা
ষূতাত্মনা নির্হৃতকল্মষেণ।
আসীন্ন যদ্ভস্মসান্মদ্ররাজ--
স্তদদ্ভুতং মে প্রতিভাতি রাজন্॥ 9-16-35 (61024)
ততস্তু শক্তিং রচিরোগ্রদণ্ডাং
মণিপ্রবেকোজ্জ্বলিতাং প্রদীপ্তাম্।
চিক্ষেপ বেগাৎসুভৃশং মহাত্মা
মদ্রাধিপায় প্রবরঃ কুরূণাম্॥ 9-16-36 (61025)
দীপ্তামথৈনাং প্রহিতাং বলেন
সবিস্ফুলিঙ্গাং সহসাপতন্তীম্।
প্রৈক্ষন্ত সর্বে কুরবঃ সমেতা
দিবো যুগান্তে মহতীমিবোল্কাম্॥ 9-16-37 (61026)
তাং কালরাত্রীমিব পাশহস্তাং
যমস্য ধাত্রীমিব চোগ্ররূপাম্।
স ব্রহ্মদণ্ডপ্রতিমামমোধাং
সসর্জ যত্তো যুধি ধর্মরাজঃ॥ 9-16-38 (61027)
গন্ধস্রগগ্র্যাসনপানভোজনৈ--
রভ্যর্চিতাং পাণ্ডুসুতৈঃ প্রয়ত্নাৎ।
সাংবর্তকাগ্নিপ্রতিমাং জ্বলন্তীং
কৃত্যামথর্বাঙ্গিরসীমিবোগ্রাম্॥ 9-16-39 (61028)
ঈশানহেতোঃ প্রতিনির্মিতাং তাং
ৎবষ্ট্রা রিপূণামসুদেহভক্ষ্যাম্।
ভূম্যন্তরিক্ষদ্যুজলাশ্রয়াণি
প্রসহ্য ভূতানি নিহন্তুমীশাম্॥ 9-16-40 (61029)
ঘণ়্টাপতাকাং মণিবজ্রভূষাং
বৈদূর্যচিত্রাং তপনীয়দণ্ডাম্।
ৎবষ্ট্রা প্রয়ত্নান্নিয়মেন ক্লৃপ্তাং
ব্রহ্মদ্বিষামন্তকরীমমাঘাম্॥ 9-16-41 (61030)
বলপ্রয়ত্নাদনিরোধবেগাং
মন্ত্রৈশ্চ ঘোরৈরপি পূরয়িৎবা।
সসর্জ মার্গেণ চ তাং খগানাং
বধায় মদ্রাধিপতেস্তদানীম্॥ 9-16-42 (61031)
হতো হ্যসাবিত্যভিগর্জমানো
রুদ্রোঽন্ধকায়ান্তকরং যথেষুম্।
প্রসার্য বাহুং সুদৃঢং সুপাণিং
ক্রোধেন নৃত্যন্নিব ধর্মরাজঃ॥ 9-16-43 (61032)
`স্ফুরৎপ্রভামণ্ডলিনোংশুজালৈ--
র্ধর্মাত্মনো মদ্রবিনাশকালে।
পুরত্রয়প্রোৎসরণে পুরস্তা--
ন্মাহেশ্বরং রূপমভূত্তদানীম্॥ 9-16-44 (61033)
আবর্তনাকুঞ্চিতবাহুদণ্ডঃ
সন্ধ্যাবিহারী তনুবৃত্তমধ্যঃ।
বিশালবক্ষা ভগবান্হরো যথা
সুদুর্নিরীক্ষ্যোঽভবদর্জুনাগ্রজঃ'॥ 9-16-45 (61034)
তাং সর্বশক্ত্যা প্রহিতাং সুশক্তিং
যুধিষ্ঠিরেণাপ্রতিবার্যবীর্যাম্।
প্রতিগ্রহায়াভিননন্দ শল্যঃ
সম্যগ্ঘুতামগ্নিরিবাজ্যধারাম্॥ 9-16-46 (61035)
সা তস্য বর্মাভিবিদার্য শুভ্র--
মুরো বিশালং চ তথৈব ভিত্ৎবা।
বিবেশ গাং তোয়মিবাপ্রসক্তা
যশো বিশালং নৃপতের্হরন্তী॥ 9-16-47 (61036)
নাসাক্ষিকর্ণাস্যবিনিঃ সৃতেন
প্রস্যন্দতা চ ব্রণসম্ভবেন।
সংসিক্তগাত্রো রুধিরেণ সোঽভূ--
ৎক্রৌঞ্চো যথা স্কন্দহতো মহাদ্রিঃ॥ 9-16-48 (61037)
প্রসার্য বাহূ চ রথাদ্গতো গাং
সঞ্ছিন্নবর্মা কুরুনন্দনেন।
মহেন্দ্রবাহপ্রতিমো মহাত্মা
বজ্রাহতং শৃঙ্গমিবাচলস্য॥ 9-16-49 (61038)
ততো নিপতিতঃ সোঽভূদিন্দ্রধ্বজ ইবোচ্ছ্রিতঃ।
বাহূ প্রসার্যাভিমুখো ধর্মরাজস্য মদ্ররাট্।
স তথা ভিন্নসর্বাঙ্গো রুধিরেণ সমুক্ষিতঃ॥ 9-16-50 (61039)
প্রত্যুদ্গত ইব প্রেম্ণা ভূম্যা স নরপুঙ্গবঃ।
প্রিয়যা কান্তয়া কান্তঃ পতমান ইবোরসি॥ 9-16-51 (61040)
চিরং ভুক্ৎবা বসুমতীং প্রিয়াং কান্তামিব প্রভুঃ।
সর্বৈরঙ্গৈঃ সমাশ্লিষ্য প্রসুপ্ত ইব চাভবৎ॥ 9-16-52 (61041)
ধর্ম্যে ধর্মাত্মনা যুদ্বে নিহতো ধর্মসূনুনা।
সম্যক্স্ফীত ইবোৎসৃষ্টঃ প্রশান্তোঽগ্নিরিবাধ্বরে॥ 9-16-53 (61042)
শক্ত্যা বিভিন্নহৃদয়ং বিপ্রবিদ্ধায়ুধধ্বজম্।
সংশান্তমপি মদ্রেশং লক্ষ্মীর্নৈব বিমুঞ্চতি॥ 9-16-54 (61043)
ততো যুধিষ্ঠিরশ্চাপমাদায়েন্দ্রধনুষ্প্রভম্।
ব্যধমদ্দ্বিষতঃ সঙ্খ্যে খগরাডিব পন্নগান্।
দেহান্সুনিশিতৈর্ভল্লৈ রিপূণাং নাশয়ন্ক্ষণাৎ॥ 9-16-55 (61044)
ততঃ পার্থস্য বাণৌঘৈরাবৃতাঃ সৈনিকাস্তব।
নিমীলিতাক্ষাঃ ক্ষিণ্বন্তি ভৃশমন্যোন্যকর্শিতাঃ।
ক্ষরন্তো রুধিরং দেহৈর্বিশস্ত্রায়ুধজীবিতাঃ॥ 9-16-56 (61045)
ততঃ শল্যে নিপতিতে মদ্ররাজানুজো যুবা।
ভ্রাতুস্তুল্যো গুণৈঃ সর্বৈ রথী পাণ্ডবমভ্যযাৎ॥ 9-16-57 (61046)
বিব্যাধ চ নরশ্রেষ্ঠো নারাচৈর্বহুভিস্ৎবরন্।
হতস্যাপচিতিং ভ্রাতুশ্চিকীষুর্যুদ্ধদুর্মদঃ॥ 9-16-58 (61047)
তং বিব্যাধাশুগৈঃ ষ়ড্ভির্ধর্মরাজস্ৎবরন্নিব।
কার্মুকং চাস্য চিচ্ছেদ ক্ষুরাভ্যাং ধ্বজমেব চ॥ 9-16-59 (61048)
ততোঽস্য দীপ্যমানেন সুদৃঢেন শিতেন চ।
প্রমুখে বর্তমানস্য ভল্লেনাপাহরচ্ছিরঃ॥ 9-16-60 (61049)
সকুণ্ডলং তদ্দদৃশে পতমানং শিরো রথাৎ।
পুণ্যক্ষয়মনুপ্রাপ্য পতন্স্বর্গাদিব চ্যুতঃ॥ 9-16-61 (61050)
তস্যাপকৃত্তশীর্ষং তু শরীরং পতিতং রথাৎ।
রুধিরেণাবসিক্তাঙ্গং দৃষ্ট্বা সৈন্যমভজ্যত॥ 9-16-62 (61051)
বিচিত্রকবচে তস্মিন্হতে মদ্রনৃপানুজে।
হাহাকারং প্রকুর্বাণাঃ কুরবোঽভিপ্রদুদ্রুবুঃ॥ 9-16-63 (61052)
শল্যানুজং হতং দৃষ্ট্বা তাবকাস্ত্যক্তজীবিতাঃ।
বিত্রেসুঃ পাণ্ডবভয়াৎপ্রবিধ্বস্তাস্তদা ভৃশম্॥ 9-16-64 (61053)
তাংস্তথা ভজ্যমানাংস্তু কৌরবান্ভরতর্ষভ।
শিনের্নপ্তাঽকিরন্বাণৈরভ্যবর্তত সাত্যকিঃ॥ 9-16-65 (61054)
তমায়ান্তং মহেষ্বাসং দুষ্প্রসহ্যং দুরাসদম্।
হার্দিক্যস্ৎবরিতো রাজন্প্রত্যগৃহ্ণাদভীতবৎ॥ 9-16-66 (61055)
তৌ সমেতৌ মহাত্মানৌ বার্ষ্ণেয়ৌ বরবাজিনৌ।
হার্দিক্যঃ সাত্যকিশ্চৈব সিংহাবিব বলোৎকটৌ॥ 9-16-67 (61056)
ইষুভির্বিমলাভাসৈশ্ছাদয়ন্তৌ পরস্পরম্।
অর্চির্ভিরিব সূর্যস্য দিবাকরসমপ্রভৌ॥ 9-16-68 (61057)
চাপমার্গবলোদ্বূতান্মার্গণান্বৃষ্ণিসিংহয়োঃ।
আকাশগানপশ্যাম পতঙ্গানিব শীঘ্রগান্॥ 9-16-69 (61058)
সাত্যকিং দশভির্বিদ্ধ্বা হয়াংশ্চাস্য ত্রিভিঃ শরৈঃ।
চাপমেকেন চিচ্ছেদ হার্দিক্যো নতপর্বণা॥ 9-16-70 (61059)
তন্নিকৃত্তং ধনুঃশ্রেষ্ঠমপাস্য শিনিপুঙ্গবঃ।
অন্যদাদত্ত বেগেন ধনুর্জলদনিঃস্বনম্॥ 9-16-71 (61060)
তদাদায় ধনুঃশ্রেষ্ঠং বরিষ্ঠঃ সর্বধন্বিনাম্।
হার্দিক্যং দশভির্বাণৈঃ প্রত্যবিধ্যৎস্তনান্তরে॥ 9-16-72 (61061)
ততো যুগং রথেষাং চ চ্ছিত্ৎবা ভল্লৈঃ সুসংয়তৈঃ।
অশ্বাংস্তস্যাবধীত্তূর্ণমুভৌ চ পার্ষ্ণিসারথী॥ 9-16-73 (61062)
হার্দিক্যং বিরথং দৃষ্ট্বা কৃপঃ শারদ্বতঃ প্রভো।
অপোবাহ ততঃ ক্ষিপ্রং রথমারোপ্য বীর্যবান্॥ 9-16-74 (61063)
মদ্ররাজে হতে রাজন্বিরথে কৃতবর্মণি।
দুর্যোধনবলং সর্বং পুনরাসীৎপরাঙ্মুখম্॥ 9-16-75 (61064)
স্ব পরে নান্ববুধ্যন্ত সৈন্যেন রজসা বৃতে।
বলং তু হতভূয়িষ্ঠং ত্রস্তমাসীৎপরাঙ্মুখম্॥ 9-16-76 (61065)
ততো মুহূর্তাত্তেঽপশ্যন্রজো ভৌমং সমুত্থিতম্।
বিবিধৈঃ শোণিতস্রাবৈঃ প্রশান্তং পুরুষর্ষভ॥ 9-16-77 (61066)
ততো দুর্যোধনো দৃষ্ট্বা ভগ্নং স্ববলমন্তিকাৎ।
জবেনাপততঃ পার্থানেকঃ সর্বানবারয়ৎ॥ 9-16-78 (61067)
পাণ্ডবান্সরথান্দৃষ্ট্বা ধৃষ্টদ্যুম্নং চ পার্ষতম্।
আনর্ত্তং চ দুরাধর্ষং শিতৈর্বাণৈরবারয়ৎ॥ 9-16-79 (61068)
তং পরে নাভ্যবর্তন্ত মর্ত্যা মৃত্যুমিবাগতম্।
অথান্যং রথমাস্থায় হার্দিক্যোঽপি ন্যবর্তত॥ 9-16-80 (61069)
ততো যুধিষ্ঠিরো রাজা ৎবরমাণো মহারথঃ।
চতুর্ভির্নিজঘানাশ্বান্পত্রিভিঃ কৃতবর্মণঃ।
বিব্যাধ গৌতমং চাপি ষ়ড্ভির্ভল্লৈঃ সুতেজনৈঃ॥ 9-16-81 (61070)
অশ্বত্থামাঃ ততো রাজ্ঞা হতাশ্বং বিরথীকৃতম্।
তমপোবাহ হার্দিক্যং স্বরথেন যুধিষ্ঠিরাৎ॥ 9-16-82 (61071)
ততঃ শারদ্বতঃ ষড্ভিঃ প্রত্যবিধ্যদ্যুধিষ্ঠিরম্।
বিব্যাধ চাশ্বান্নিশিতৈস্তস্যাষ্টাভিঃ শিলীমুখৈঃ॥ 9-16-83 (61072)
এবমেতন্মহারাজ যুদ্ধশেষমবর্তত।
তব দুর্মন্ত্রিতে রাজন্সহপুত্রস্য ভারত॥ 9-16-84 (61073)
তস্মিন্মহেষ্বাসধরে বিশস্তে
সঙ্গ্রামমধ্যে কুরুপুঙ্গবেন।
পার্থাঃ সমেতাঃ পরমপ্রহৃষ্টাঃ
শঙ্খান্প্রদধ্মুর্হতমীক্ষ্য শল্যম্॥ 9-16-85 (61074)
যুধিষ্ঠিরং চ প্রশশংসুরাজৌ
পুরা সুরা বৃত্রবধে যথেন্দ্রম্।
চক্রুশ্চ নানাবিধবাদ্যশব্দা--
ন্নিনাদয়ন্তো বসুধাং সমন্তাৎ॥ ॥ 9-16-86 (61075)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে ষোডশোঽধ্যায়ঃ॥ 16 ॥
Mahabharata - Shalya Parva - Chapter Footnotes
9-16-22 সংহননীয়ো দৃঢসন্ধিকো মধ্যো যস্য তস্মাৎকায়াৎ॥ 9-16-47 তোয়মিব সুপ্রবেশাঙ্গাম্। অপ্রসক্তঃ অপ্রতিহতা। নৃপতেঃ শল্যস্য॥ 9-16-16 ষোডশোঽধ্যায়ঃ॥শল্যপর্ব - অধ্যায় 017
॥ শ্রীঃ ॥
9.17. অধ্যায়ঃ 017
Mahabharata - Shalya Parva - Chapter Topics
সঙ্কুলয়ুদ্ধম্॥ 1 ॥Mahabharata - Shalya Parva - Chapter Text
9-17-0 (61076)
সঞ্জয় উবাচ। 9-17-0x (5110)
শল্যেঽথ নিহতে রাজন্মদ্ররাজপদানুগাঃ।
রথাঃ সপ্তশতা বীরা দুদ্রুবুর্মহতো বলাৎ॥ 9-17-1 (61077)
দুর্যোধনস্তু দ্বিরদমারুহ্যাচলসন্নিভম্।
ছত্রেণ ধ্রিয়মাণেন বীজ্যমানশ্চ চামরৈঃ।
ন গন্তব্যং ন গন্তব্যমিতি মদ্রানবারয়ৎ॥ 9-17-2 (61078)
দুর্যোধনেন তে বীরা বার্যমাণাঃ পুনঃ পুনঃ।
যুধিষ্ঠিরং জিঘাংসন্তঃ পাণ্ডূনাং প্রাবিশন্বলম্॥ 9-17-3 (61079)
তে তু শূরা মহারাজ কৃতচিত্তাশ্চ যোধনে।
ধনুঃশব্দং মহৎকৃৎবা সহায়ুধ্যন্ত পাণ্ডবৈঃ॥ 9-17-4 (61080)
শ্রুৎবা চ নিহতং শল্যং ধর্মপুত্রং চ পীডিতম্।
মদ্ররাজপ্রিয়ে যুক্তৈর্মদ্রকাণাং মহারথৈঃ॥ 9-17-5 (61081)
আজগাম ততঃ পার্থো গাণ্ডীবং বিক্ষিপন্ধনুঃ।
পূরয়ন্রথঘোষেণ দিশঃ সর্বা মহারথঃ॥ 9-17-6 (61082)
ততোঽর্জুনশ্চ ভীমশ্চ মাদ্রীপুত্রৌ চ পাণ্ডবৌ।
সাত্যকিশ্চ নরব্যাঘ্রো দ্রৌপদেয়াশ্চ সর্বশঃ॥ 9-17-7 (61083)
ধৃষ্টদ্যুম্নঃ শিখণ্ডী চ পাঞ্চালাঃ সহ সোমকৈঃ।
যুধিষ্ঠিরং পরীপ্সন্তঃ সমন্তাৎপর্যবারয়ন্॥ 9-17-8 (61084)
তে সমন্তাৎপরিবৃতাঃ পাণ্ডবৈঃ পুরুষর্ষভৈঃ।
ক্ষোভয়ন্তি স্ম তাং সেনাং মকরাঃ সাগরং যথা।
বৃক্ষানিব মহাবাতাঃ কম্পয়ন্তি স্ম তাবকাঃ॥ 9-17-9 (61085)
পুরোবাতেন গঙ্গেব--ক্ষোভ্যমাণা মহানদী।
অক্ষোভ্যত তদা রাজন্পাণ্ডূনাং ধ্বজিনী ততঃ॥ 9-17-10 (61086)
প্রস্কন্দ্য সেনাং মহতীং মহাত্মানো মহারথাঃ।
বহবশ্চুক্রুশুস্তত্র ক্ব স রাজা যুধিষ্ঠিরঃ।
ভ্রাতরো বাঽস্য তে শূরা দৃশ্যন্তে নেহ কেচন॥ 9-17-11 (61087)
ধৃষ্টদ্যুম্নোঽথ শৈনেয়ো দ্রৌপদেয়াশ্চ সর্বশঃ।
পাঞ্চালাশ্চ মহাবীর্যাঃ শিখণ্ডী চ মহারথঃ॥ 9-17-12 (61088)
এবং তান্বাদিনঃ শূরান্দ্রৌপদেয়া মহারথাঃ।
অভ্যঘ্নন্যুয়ুধানশ্চ মদ্ররাজপদানুগান্॥ 9-17-13 (61089)
চক্রৈর্বিমথিতৈঃ কেচিৎকেচিচ্ছিন্নৈর্মহাধ্বজৈঃ।
সম্প্রদৃশ্যন্ত সমরে তাবকা নিহতাঃ পরৈঃ॥ 9-17-14 (61090)
আলোক্য পাণ্ডবান্যুদ্ধে যোধা রাজন্সমন্ততঃ।
বার্যমাণা যয়ুর্বেগাৎপুত্রেণ তব ভারত॥ 9-17-15 (61091)
দুর্যোধনশ্চ তান্বীরান্বারয়ামাস সান্ৎবয়ন্।
ন চাস্য শাসনং কেচিত্তত্র চক্রুর্মহারথাঃ॥ 9-17-16 (61092)
ততো গান্ধাররাজস্য পুত্রঃ শকুনিরব্রবীৎ।
দুর্যোধনং মহারাজ বচনং বচনক্ষমম্॥ 9-17-17 (61093)
কিং নঃ সম্প্রেক্ষমাণানাং মদ্রাণাং হন্যতে বলম্।
ন যুক্তমেতৎসমরে ৎবয়ি তিষ্ঠতি ভারত॥ 9-17-18 (61094)
সহিতৈর্নাম যোদ্ধব্যমিত্যেষ সময়ঃ কৃতঃ।
অথ কস্মাৎস্মরন্নেব ঘ্নতো মর্ষয়সে নৃপ॥ 9-17-19 (61095)
দুর্যোধন উবাচ। 9-17-20x (5111)
বার্যমাণা ময়া পূর্বং নৈতে চক্রুর্বচো মম।
এতে বিনিহতাঃ সর্বে প্রস্কন্নাঃ পাণ্ডুবাহিনীম্॥ 9-17-20 (61096)
শকুনিরুবাচ। 9-17-21x (5112)
ন ভর্তুঃ শাসনং বীরা রণে কুর্বন্ত্যমর্ষিতাঃ।
অলং ক্রোদ্বুমথৈতেষাং নায়ং কাল উপেক্ষিতুম্॥ 9-17-21 (61097)
যামঃ সর্বেঽত্র সম্ভূয় সবাজিরথকুঞ্জরাঃ।
পরিত্রাতুং মহেষ্বাসান্মদ্ররাজপদানুগান্॥ 9-17-22 (61098)
অন্যোন্যং পরিরক্ষামো যত্নেন মহতা নৃপ।
এবং সর্বেঽনুসঞ্চিন্ত্য প্রয়যুর্যত্র সৈনিকাঃ॥ 9-17-23 (61099)
সঞ্জয় উবাচ। 9-17-24x (5113)
এবমুক্তস্তদা রাজা বলেন মহতা বৃতঃ।
প্রয়যৌ সিংহনাদেন কম্পয়ন্নিব মেদিনীম্॥ 9-17-24 (61100)
হত বিধ্যত গৃহ্ণীত প্রহরধ্বং নিকৃন্তত।
ইত্যাসীত্তুমুলঃ শব্দস্তব সৈন্যস্য ভারত॥ 9-17-25 (61101)
পাণ্ডবাস্তু রণে দৃষ্ট্বা মদ্ররাজপদানুগান্।
সহিতানভ্যবর্তন্তং গুল্মমাস্থায় মধ্যমম্॥ 9-17-26 (61102)
তে মুহূর্তাদ্রণে বীরা হস্তাহস্তি বিশাম্পতে।
নিহতাঃ প্রত্যদৃশ্যন্ত মদ্ররাজপদানুগাঃ॥ 9-17-27 (61103)
ততো নঃ সম্প্রয়াতানাং হতা মদ্রাস্তরস্বিনঃ।
হৃষ্টাঃ কিলকিলাশব্দমকুর্বন্সহিতাঃ পরে॥ 9-17-28 (61104)
অথোত্থিতানি রুণ্ডানি সমদৃশ্যন্ত সর্বশঃ।
পপাত মহতী চোল্কা মধ্যেনাদিত্যমণ্ডলম্॥ 9-17-29 (61105)
রথৈর্ভগ্নয়ুগাক্ষৈশ্চ নিহতৈশ্চ মহারথৈঃ।
অশ্বৈর্নিপাতিতৈশ্চৈব সঞ্ছন্নাঽভূদ্বসুন্ধরা॥ 9-17-30 (61106)
বাতায়মানৈস্তুরগৈর্যুগাসক্তৈস্ততস্ততঃ।
অকৃষ্যন্ত মহারাজ যোধাস্তত্র রণাজিরে॥ 9-17-31 (61107)
ভগ্নচক্রান্রথান্কেচিদহরংস্তুরগা রণে।
রথার্ধং কেচিদাদায় দিশো দশ বিবভ্রমুঃ।
তত্রতত্র ব্যদৃশ্যন্ত যোক্ত্রৈঃ শ্লিষ্টাঃ স্ম বাজিনঃ॥ 9-17-32 (61108)
রথিনঃ পতমানাশ্চ দৃশ্যন্তে স্ম নরোত্তমাঃ।
গগনাৎপ্রচ্যুতাঃ সিদ্ধাঃ পুণ্যানামিব সঙ্ক্ষয়ে॥ 9-17-33 (61109)
নিহতেষু চ শূরেষু মদ্ররাজানুগেষু বৈ।
অস্মানাপততশ্চাপি দৃষ্ট্বা পার্থা মহারথাঃ॥ 9-17-34 (61110)
অভ্যবর্তন্ত বেগেন জয়গৃদ্ধাঃ প্রহারিণঃ।
বাণশব্দরবান্কৃৎবা বিমিশ্রাঞ্শঙ্খনিঃস্বনৈঃ॥ 9-17-35 (61111)
অস্মাংস্তু পুনরাসাদ্য লব্ধলক্ষাঃ প্রহারিণঃ।
শরাসনানি ধুন্বানাঃ সিংহনাদান্প্রচুক্রুশুঃ॥ 9-17-36 (61112)
ততো হতমভিপ্রেক্ষ্য মদ্ররাজবলং মহৎ।
মদ্ররাজং চ সমরে দৃষ্ট্বা শূরং নিপাতিতম্।
দুর্যোধনবলং সর্বং পুনরাসীৎপরাঙ্মুখম্॥ 9-17-37 (61113)
বধ্যমানং মহারাজ পাণ্ডবৈর্জিতকাশিভিঃ।
দিশো ভেজেঽথ সম্ভ্রান্তং ত্রাসিতং দৃঢধন্বিভিঃ॥ ॥ 9-17-38 (61114)
ইতি শ্রীমন্মহাভারতে শল্যবপর্বণি শল্যবধপর্বণি অষ্টাদশদিবসয়ুদ্ধে সপ্তদশোঽধ্যায়ঃ॥ 17 ॥
Mahabharata - Shalya Parva - Chapter Footnotes
9-17-20 প্রস্কন্নাঃ প্রপন্নাঃ॥ 9-17-17 সপ্তদশোঽধ্যায়ঃ॥শল্যপর্ব - অধ্যায় 018
॥ শ্রীঃ ॥
9.18. অধ্যায়ঃ 018
Mahabharata - Shalya Parva - Chapter Topics
সঙ্কুলয়ুদ্ধম্॥ 1 ॥Mahabharata - Shalya Parva - Chapter Text
9-18-0 (61115)
সঞ্জয় উবাচ। 9-18-0x (5114)
পাতিতে যুধি দুর্ধর্ষে মদ্ররাজে মহারথে।
তাবকাস্তব পুত্রাশ্চ প্রায়শো বিমুখাঽভবন্॥ 9-18-1 (61116)
বণিজো নাবি ভিন্নায়াং যথাগাধে মহার্ণবে।
অপারে পারমিচ্ছন্তো হতে শূরে মহাত্মনি॥ 9-18-2 (61117)
মদ্ররাজে মহারাজ বিত্রস্তাঃ শরবিক্ষতাঃ।
অনাথা নাথমিচ্ছন্তো মৃগাঃ সিংহার্দিতা ইব॥ 9-18-3 (61118)
বৃষা যথা ভগ্নশৃঙ্গাঃ শীর্ণদন্তা যথা গজাঃ।
মধ্যাহ্নে প্রত্যপায়াম নির্জিতাঽজাতশত্রুণা॥ 9-18-4 (61119)
ন সংস্থাতুমনীকানি ন চ রাজন্পরাক্রমে।
আসীদ্বুদ্ধির্হতে শল্যে তব যোধস্য কস্যচিৎ॥ 9-18-5 (61120)
ভীষ্মে দ্রোণে চ নিহতে সূতপুত্রে চ পাতিতে।
যদ্দুঃখং তব যোধানাং ভয়ং চাসীদ্বিশাম্পতে॥ 9-18-6 (61121)
তদ্ভয়ং স চ নঃ শোকো ভূয় এবাভ্যবর্তত।
নিরাশাশ্চ জয়ে রাজন্হতে শল্যে মহারথে॥ 9-18-7 (61122)
হতপ্রবীরা বিধ্বস্তা নিকৃত্তাশ্চ শিতৈঃ শরৈঃ।
মদ্ররাজে হতে রাজন্যোধাস্তে প্রাদ্রবন্ভয়াৎ॥ 9-18-8 (61123)
অশ্বানন্যে গজানন্যে রথানন্যে মহারথাঃ।
আরুহ্য জবসম্পন্না পাদাতাঃ প্রাদ্রবংস্তথা॥ 9-18-9 (61124)
দ্বিসাহস্রাশ্চ মহাতঙ্গা গিরিরূপাঃ প্রহারিণঃ।
xxপ্রাদ্রবন্হতে শল্যে অঙ্কুশাঙ্গুষ্ঠনোদিতাঃ॥ 9-18-10 (61125)
তে রণাদ্ভরতশ্রেষ্ঠ তাবকাঃ প্রাদ্রবন্দিশঃ।
ধাবতশ্চাপ্যপশ্যাম শ্বসমানাঞ্শরাহতান্॥ 9-18-11 (61126)
তান্প্রভগ্নান্হতান্দৃষ্ট্বা হতোৎসাহান্পরাজিতান্।
অভ্যবর্তন্ত পাঞ্চালাঃ পাণ্ডবাশ্চ জয়ৈষিণঃ॥ 9-18-12 (61127)
বাণশব্দরবাশ্চাপি সিংহনাদাশ্চ পুষ্কলাঃ।
শঙ্খশব্দশ্চ শূরাণাং দারুণঃ সমপদ্যত॥ 9-18-13 (61128)
দৃষ্ট্বা তু কৌরবং সৈন্যং ভয়ত্রস্তং প্রবিদ্রুতম্।
অন্যোন্যং সমভাষন্ত পাঞ্চালাঃ পাণ্ডবৈঃ সহ॥ 9-18-14 (61129)
অদ্য রাজা সত্যধৃতির্হতামিত্রো যুধিষ্ঠিরঃ।
অদ্য দুর্যোধনো হীনো দীপ্তয়া নৃপতিশ্রিয়া॥ 9-18-15 (61130)
অদ্য শ্রুৎবা হতং পুত্রং ধৃতরাষ্ট্রো জনেশ্বরঃ।
নিঃসংজ্ঞঃ পতিতো ভূমৌ কিল্বিষং প্রতিপৎস্যতে॥ 9-18-16 (61131)
অদ্য জানাতি বীভৎসুং সমর্থং স্বধন্বিনাম্।
অদ্যাত্মানং চ দুর্মেধা গর্হয়িষ্যতি পাপকৃৎ॥ 9-18-17 (61132)
অদ্য ক্ষত্তুর্বচঃ সত্যং স্মরতাং ব্রুবতো হিতম্।
অদ্যপ্রভৃতি পার্থং চ প্রেষ্যভূত ইবাচরন্।
বিজানাতু নৃপো দুঃখং যৎপ্রাপ্তং পাণ্ডুনন্দনৈঃ॥ 9-18-18 (61133)
অদ্য কৃষ্ণস্য মাহাত্ম্যং বিজানাতু মহীপতিঃ।
অদ্যার্জুনধনুর্ঘোষং ঘোরং জানাতু সংয়ুগে॥ 9-18-19 (61134)
অত্ত্রাণাং চ বলং সর্বং বাহ্বোশ্চ বলমাহবে।
`পুত্রাণাং চ বধং ঘোরং ভীমেন শ্রোষ্যতে নৃপঃ'॥ 9-18-20 (61135)
অদ্য জ্ঞাস্যতি ভীমস্য বলং ঘোরং মহাত্মনঃ।
হতে দুর্যোধনে যুদ্ধে শক্রেণেব তু শম্বরে॥ 9-18-21 (61136)
যৎকৃতং ভীমসেনেন দুঃশাসনবধে তদা।
কোঽন্যঃ কর্তাঽস্তি তল্লোকে ঋতে ভীমান্মহাবলাৎ। 9-18-22 (61137)
অদ্য জ্যেষ্ঠস্য জানীতাং পাণ্ডবস্য পরাক্রমম্।
মদ্ররাজং হতং শ্রুৎবা দেবৈরপি সুদুঃসহম্॥ 9-18-23 (61138)
অদ্য জ্ঞাস্যতি সঙ্গ্রামে মাদ্রীপুত্রৌ সুদুঃসহৌ।
নিহতে সৌবলে বীরে গান্ধারেষু চ সর্বশঃ॥ 9-18-24 (61139)
xxxx ন তেষাং স্যাদ্যেষাং যোদ্ধা ধনঞ্জয়ঃ।
xxxxx ধৃষ্টদ্যুম্নশ্চ পার্ষতঃ॥ 9-18-25 (61140)
xxxx পঞ্চ মাদ্রীপুত্রৌ চ পাণ্ডবৌ।
শিখণ্ডী চ মহেষ্বাসো রাজা চৈব যুধিষ্ঠিরঃ॥ 9-18-26 (61141)
যেষাং চ জগতো নাথো নাথঃ কৃষ্ণো জনার্দনঃ।
কথং তেষাং জয়ো ন স্যাদ্যেষাং ধর্মো ব্যপাশ্রয়ঃ॥ 9-18-27 (61142)
`লাভস্তেষাং জয়স্তেষাং কুতস্তেষাং পরাভবঃ।
যেষাং নাথো হৃষীকেশঃ সর্বলোকবিভুর্হরিঃ'॥ 9-18-28 (61143)
ভীষ্মং দ্রোণং চ কর্ণং চ মদ্ররাজানমেব চ।
তথাঽন্যান্নৃপতীন্বীরাঞ্শতশোঽথ সহস্রশঃ॥ 9-18-29 (61144)
কোঽন্যঃ শক্তো রণে জেতুমৃতে পার্থাদ্যুধিষ্ঠিরাৎ।
যস্য নাথো হৃষীকেশঃ সদা সত্যযশোনিধিঃ॥ 9-18-30 (61145)
ইত্যেবং বদমানাস্তে হর্ষেণ মহতা যুতাঃ।
প্রভগ্নাংস্তাবকান্যোধান্সংহৃষ্টাঃ পৃষ্ঠতোঽন্বয়ুঃ॥ 9-18-31 (61146)
ধনঞ্জয়ো রথানীকমভ্যবর্তত বীর্যবান্।
মাদ্রীপুত্রৌ চ শকুনিং সাত্যকিশ্চ মহারথঃ॥ 9-18-32 (61147)
তান্প্রেক্ষ্য দ্রবতঃ সর্বান্ভীমসেনভয়ার্দিতান্।
দুর্যোধনস্তদা সূতমব্রবীদ্বিস্ময়ন্নিব॥ 9-18-33 (61148)
মামতিক্রমতে পার্থো ধনুষ্পাণিমবস্থিতম্।
জঘনে সর্বসৈন্যানাং শনৈরশ্বান্প্রচোদয়॥ 9-18-34 (61149)
জঘনে যুধ্যমানং হি কৌন্তেয়ো মাং ন সংশয়ঃ।
নোৎসহেদভ্যতিক্রান্তুং বেলামিব মহোদধিঃ॥ 9-18-35 (61150)
পশ্য সৈন্যং মহৎসূত পাণ্ডবৈঃ সমভিদ্রুতম্।
সৈন্যরেণুং সমুদ্ভূতং পশ্য চৈনং সমন্ততঃ॥ 9-18-36 (61151)
সিংহনাদাংশ্চ সমুদ্ভূতং পশ্য চৈনং সমন্ততঃ॥
তস্মাদ্যাহি শনৈঃ সূত জঘনং পরিপালয়॥ 9-18-37 (61152)
ময়ি স্থিতে চ সমরে নিরুদ্ধেষু চ পাণ্ডুষু।
পুনরাবর্ততে তূর্ণং মামকং বলমোজসা॥ 9-18-38 (61153)
তচ্ছ্রুৎবা তব পুত্রস্য শূরস্য সদৃশং বচঃ।
সারথির্হেমসঞ্ছন্নাঞ্শরৈরশ্বানচোদয়ৎ॥ 9-18-39 (61154)
গজাশ্বরথিভির্হীনাস্ত্যক্তাত্মানঃ পদাতয়ঃ।
একবিংশতিসাহস্রাঃ সংয়ুগায়াবতস্থিরে॥ 9-18-40 (61155)
নানাদেশসমুদ্ভূতা নানারঞ্জিতবাসসঃ।
অবস্থিতাস্তদা যোধাঃ প্রার্থয়ন্তো মহদ্যশঃ॥ 9-18-41 (61156)
তেষামাপততাং তত্র সংহৃষ্টানাং পরস্পরম্।
সম্মর্দঃ সুমহাঞ্চজ্ঞে ঘোররূপো ভয়ানকঃ॥ 9-18-42 (61157)
ভীমসেনং তদা রাজন্ধৃষ্টদ্যুম্নং চ পার্ষতম্।
বলেন চতুরঙ্গেণ নানাদেশ্যানবারয়ৎ॥ 9-18-43 (61158)
ভীমমেবাভ্যবর্তন্ত রণেঽন্যে তু পদাতয়ঃ।
প্রক্ষ্বেড্যাস্ফোট্য সংহৃষ্টা বীরলোকং যিয়াসবঃ॥ 9-18-44 (61159)
আসাদ্য ভীমসেনং তু সংরব্ধা যুদ্ধদুর্মদাঃ।
ধার্তরাষ্ট্রা বিনেদুর্হি নান্যামকথনয়ন্কথাম্।
পরিবার্য রণে ভীমং নিজঘ্নুস্তে সমন্ততঃ॥ 9-18-45 (61160)
স বধ্যমানঃ সমরে পদাতিগণসংবৃতঃ।
ন চচাল ততঃ স্থানান্মৈনাক ইব পর্বতঃ॥ 9-18-46 (61161)
তে তু ক্রুদ্ধা মহারাজ পাণ্ডবস্য মহারথম্।
নিগ্রহীতুং প্রবৃত্তা হি যোধাংশ্চান্যানবারয়ন্॥ 9-18-47 (61162)
অক্রুধ্যত রণে ভীমস্তৈস্তদা পর্যবস্থিতৈঃ।
সোঽবতীর্য রথাত্তূর্ণং পদাতিঃ সমবস্থিতঃ॥ 9-18-48 (61163)
জাতরূপপ্রতিচ্ছন্নাং প্রগৃহ্য মহতীং গদাম্।
অবধীত্তাবকান্যোধান্দণ্ডপাণিরিবান্তকঃ॥ 9-18-49 (61164)
রথাশ্ববিপ্রহীণাংস্তু তান্ভীমো গদয়া বলী।
একবিংশতিসাহস্রান্পদাতীন্সমপোথয়ৎ॥ 9-18-50 (61165)
হৎবা তৎপুরুষানীকং ভীমঃ সত্যপরাক্রমঃ।
ধৃষ্টদ্যুম্নং পুরস্কৃত্য ন চিরাৎপ্রত্যদৃশ্যত॥ 9-18-51 (61166)
পাদাতা নিহতা ভূমৌ শিশ্যিরে রুধিরোক্ষিতঃ।
সম্ভগ্না ইব বাতেন কর্ণিকারাঃ সুপুষ্পিতাঃ॥ 9-18-52 (61167)
নানাশস্ত্রসমায়ুক্তা নানাকুণ্ডলধারিণঃ।
নানাজাত্যা হতাস্তত্র নাদেশসমাগতাঃ॥ 9-18-53 (61168)
পতাকাধ্বজসঞ্ছন্নং পদাতীনাং মহদ্বলম্।
নিকৃত্তং বিবভৌ রৌদ্রং ঘোররূপং ভয়াবহম্॥ 9-18-54 (61169)
যুধিষ্ঠিরপুরোগাশ্চ সহসৈন্যা মহারথাঃ।
অভ্যধাবন্মহাত্মানং পুত্রং দুর্যোধনং তব॥ 9-18-55 (61170)
তে সর্বে তাবকান্দৃষ্ট্বা মহেষ্বাসান্পরাঙ্মুখান্।
নাভ্যবর্তন্ত তে পুত্রং বেলামিব মহোর্ময়ঃ॥ 9-18-56 (61171)
তদদ্ভুতমপশ্যাম তব পুত্রস্য পৌরুষম্।
যদেকং সহিতাঃ পার্থা ন শেকুরতিবর্তিতুম্॥ 9-18-57 (61172)
নাতিদূরাপয়াতং তু কৃতবুদ্বি পলায়নে।
দুর্যোধনঃ স্বকং সৈন্যমব্রবীদ্ভৃশবিক্ষতম্॥ 9-18-58 (61173)
ন তং দেশং প্রপশ্যামি পৃথিব্যাং পর্বতেষু চ।
যত্র যাতান্ন বা হন্যুঃ পাণ্ডবাঃ কিং সৃতেন বঃ॥ 9-18-59 (61174)
অল্পং চ বলমেতেষাং কৃষ্ণৌ চ ভৃশবিক্ষতৌ।
যদি সর্বেঽত্র তিষ্ঠামো ধ্রুবং নো বিজয়ো ভবেৎ॥ 9-18-60 (61175)
বিপ্রয়াতাংস্তু বো ভিন্নান্পাণ্ডবাঃ কৃতবিপ্রিয়াঃ।
অনুয়ায় হনিষ্যন্তি শ্রেয়ান্নঃ সমরে বধঃ॥ 9-18-61 (61176)
শৃণ্বন্তু ক্ষত্রিয়াঃ সর্বে যাবন্তোঽত্র সমাগতাঃ।
যদা শূরং চ ভীরুং চ মারয়ত্যন্তকঃ সদা॥ 9-18-62 (61177)
কো নু মূঢো ন যুধ্যেত পুরুষঃ ক্ষত্রিয়ো ধ্রুবম্।
শ্রেয়ান্নো ভীমসেনস্য ক্রুদ্ধস্যাভিমুখে স্থিতঃ॥ 9-18-63 (61178)
সুখঃ সাঙ্গ্রামিকো মৃত্যুর্দুঃখো ব্যাধিজরাদিভিঃ।
মর্ত্যেনাবশ্যমর্তব্যং গৃহেষ্বপি কদাচন॥ 9-18-64 (61179)
যুধ্যতঃ ক্ষত্রধর্মেণ মৃত্যুরেষ সনাতনঃ।
হৎবেহ সুখমাপ্নোতি হতঃ প্রেত্য মহৎফলম্॥ 9-18-65 (61180)
ন যুদ্ধধর্মাচ্ছ্রেয়ান্বৈ পন্থাঃ স্বর্গস্য কৌরবাঃ।
অচিরেণৈব তাঁল্লোকান্হতো যুদ্ধে সমশ্নুতে॥ 9-18-66 (61181)
শ্রুৎবা তদ্বচনং তস্য পূজয়িৎবা চ পার্থিবাঃ।
পুনরেবাভ্যবর্তন্ত পাণ্ডবানাততায়িনঃ॥ 9-18-67 (61182)
তানাপতত এবাশু ব্যূঢানীকাঃ প্রহারিণঃ।
প্রত্যুদ্যযুস্তদা পার্থা জয়গৃদ্ধাঃ প্রমন্যবঃ॥ 9-18-68 (61183)
ধনঞ্জয়ো রথেনাজাবভ্যবর্তত বীর্যবান্।
বিশ্রুতং ত্রিষু লোকেষু ব্যাক্ষিপন্গাণ্ডিবং ধনুঃ॥ 9-18-69 (61184)
মাদ্রীপুত্রৌ চ শকুনিং সাত্যকিশ্চ মহাবলঃ।
জবেনাভ্যপতন্হৃষ্টা যত্তা বৈ তাবকং বলম্॥ ॥ 9-18-70 (61185)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে অষ্টাদশোঽধ্যায়ঃ॥ 18 ॥
Mahabharata - Shalya Parva - Chapter Footnotes
9-18-34 ন মাতেক্রমতে পাথঃ ইতি ঙ. পাঠঃ। ন মানসস্যতে ইতি ক.পাঠঃ॥ 9-18-18 অষ্টাদশোঽধ্যায়ঃ॥শল্যপর্ব - অধ্যায় 019
॥ শ্রীঃ ॥
9.19. অধ্যায়ঃ 019
Mahabharata - Shalya Parva - Chapter Topics
সাত্যকিনা সাল্ববধঃ॥ 1 ॥Mahabharata - Shalya Parva - Chapter Text
9-19-0 (61186)
সঞ্জরা উবাচ। 9-19-0x (5115)
সন্নিবৃত্তেষু সৈন্যেষু সাল্বো ম্লেচ্ছগণাধিপঃ।
অভ্যদ্রবৎসুসঙ্ক্রুদ্ধঃ পাণ্ডবানাং মহদ্বলম্॥ 9-19-1 (61187)
আস্থায় সুমহানাগং প্রভিন্নং পর্বতোপমম্।
সপ্তমৈরাবতপ্রখ্যমমিত্রগণমর্দনম্॥ 9-19-2 (61188)
যোঽসৌ মহান্ভদ্রকুলপ্রসূতঃ
সুপূজিতো ধার্তরাষ্ট্রেণ নিত্যম্।
সুকল্পিতঃ শাস্ত্রবিনিশ্চয়জ্ঞৈঃ
সদৌপবাহ্যঃ সমরেষু রাজন্॥ 9-19-3 (61189)
ঐরাবতং দৈত্যগণান্বিমৃদ্র--
ঞ্শক্রো যথা সঞ্জনয়ন্ভয়ানি।
তমাস্থিতো রাজবরো বভূব
যথোদয়স্থঃ সবিতা ক্ষপান্তে॥ 9-19-4 (61190)
স তেন নাগপ্রবরেণ রাজ--
ন্নভ্যুদ্যযৌ পাণ্ডুসুতান্সমেতান্।
শিতৈঃ পৃষৎকৈর্বিদদার বেগৈ--
র্মহেন্দ্রবজ্রপ্রতিমৈঃ সুঘোরৈঃ॥ 9-19-5 (61191)
ততঃ শরান্বৈ সৃজতো মহারণে
যোধাংশ্চ রাজন্নয়তো যমালয়ম্।
নাস্যানত্রং দদৃশুঃ স্বে পরে বা
যথা পুরা বজ্রধরস্য দৈত্যাঃ॥ 9-19-6 (61192)
তে পাণ্ডবাঃ সোমকাঃ সৃঞ্জয়াশ্চ
তমেকনাগং দদৃশুঃ সমন্তাৎ।
সহস্রশো বৈ বিচরন্তমেকং
যথা মহেন্দ্রস্য গজং সমীপে॥ 9-19-7 (61193)
সন্দ্রাব্যমাণং তু বলং পরেষাং
পরেতকল্পং বিবভৌ সমন্ততঃ।
নৈবাবতস্থে সমরে ভৃশং ভয়া--
দ্বিমৃদ্যমানং তু পরস্পরং তদা॥ 9-19-8 (61194)
ততঃ প্রভগ্না সহসা মহাচমূঃ
সা পাণ্ডবী তেন নরাধিপেন।
দিশশ্চতস্রঃ সহসা বিধাবিতা
গজেন্দ্রবেগং তমপারয়ন্তী॥ 9-19-9 (61195)
দৃষ্ট্বা চ তাং বেগবতা প্রভগ্নাং
সর্বে ৎবদীয়া যুধি যোধমুখ্যাঃ।
অপূজয়ংস্তে তু নরাধিপং তং
দধ্মুশ্চ শঙ্খাঞ্শশিসন্নিকাশান্॥ 9-19-10 (61196)
শ্রুৎবা নিনাদং ৎবথ কৌরবাণাং
হর্ষাদ্বিমুক্তং সহ শঙ্খশব্দৈঃ।
সেনাপতিঃ পাণ্ডবসৃঞ্জয়ানাং
পাঞ্চালপুত্রো মমৃষে ন কোপাৎ॥ 9-19-11 (61197)
ততস্তু তং বৈ দ্বিরদং মহাত্মা
প্রত্যুদ্যযৌ ৎবরমাণো জয়ায়।
জম্ভো যথা শক্রসমাগমে বৈ
নাগেন্দ্রমৈরাবণমিন্দ্রবাহ্যম্॥ 9-19-12 (61198)
তমাপতন্তং সহসা তু দৃষ্ট্বা
পাঞ্চালপুত্রং যুধি রাজসিংহঃ।
তং বৈ দ্বিপং প্রেষয়ামাস তূর্ণং
বধায় রাজন্দ্রুপদাত্মজস্য॥ 9-19-13 (61199)
স তং দ্বিপেন্দ্রং সহসাপতন্ত--
মবিধ্যদগ্নিপ্রতিমৈঃ পৃষৎকৈঃ।
কর্মারধৌতৈর্নিশিতৈর্জ্বলদ্ভি--
র্নারাচমুখ্যৈস্ত্রিভিরুগ্রবেগৈঃ॥ 9-19-14 (61200)
ততোঽপরান্পঞ্চশতান্মহাত্মা
নারাচমুখ্যান্বিসসর্জ কুম্ভে।
স তৈস্তু বিদ্ধঃ পরমদ্বিপো রণে
তদা পরাবৃত্য ভৃশং প্রদুদ্রুবে॥ 9-19-15 (61201)
তং নাগরাজং সহসা প্রণুন্নং
বিদ্রাব্যমাণং বিনিবর্ত্য সাল্বঃ।
তোত্রাঙ্কুশৈঃ প্রেষয়ামাস তূর্ণং
পাঞ্চালরাজস্য সুতং প্রদিশ্য॥ 9-19-16 (61202)
দৃষ্ট্বা পতন্তং সহসা তু নাগং
ধৃষ্টদ্যুম্নঃ স্বরথাচ্ছীঘ্রমেব।
গদাং প্রগৃহ্যোগ্রজবেন বীরো
ভূমিং প্রপন্নো ভয়বিহ্বলাঙ্গঃ॥ 9-19-17 (61203)
স তং রথং হেমবিভূষিতাঙ্গং
সাশ্বং সসূতং সহসা বিমৃদ্য।
উৎক্ষিপ্য হস্তেন নদন্মহাদ্বিপো
বিপোথয়ামাস বসুন্ধরাতলে॥ 9-19-18 (61204)
পাঞ্চালরাজস্য সুতং চ দৃষ্ট্বা
তদার্দিতং নাগবরেণ তেন।
তমভ্যধাবৎসহসা জবেন
ভীমঃ শিখণ্ডী চ শিনেশ্চ নপ্তা॥ 9-19-19 (61205)
শরৈশ্চ বেগং সহসা নিগৃহ্য
তস্যাভিতো ব্যাপততো গজস্য।
স সঙ্গৃহীতো রথিভির্গজো বৈ
চচাল তৈর্বার্যমাণশ্চ সঙ্খ্যে॥ 9-19-20 (61206)
ততঃ পৃষৎকান্প্রববর্ষ রাজা
সূর্যো যথা রশ্মিজালং সমন্তাৎ।
তৈরাশুগৈর্বধ্যমানা রথৌঘাঃ
প্রদুদ্রুবুঃ সহিতাস্তত্রতত্র॥ 9-19-21 (61207)
তৎকর্ম সাল্বস্য সমীক্ষ্য সর্বে
পাঞ্চালপুত্রা নৃপ সৃঞ্জয়াশ্চ।
হাহাকারৈর্নাদয়ন্তি স্ম যুদ্ধে
দ্বিপং সমন্তাদ্রুরুধুর্নরাগ্র্যাঃ॥ 9-19-22 (61208)
পাঞ্চালপুত্রস্ৎবরিতস্তু শূরো
গদাং প্রগৃহ্যাচলশৃঙ্গকল্পাম্।
সসম্ভ্রমং ভারত শত্রুঘাতী
জবেন বীরোঽনুসসার নাগম্॥ 9-19-23 (61209)
ততস্তু নাগং ধরণীধরাভং
মদং স্রবন্তং জলদপ্রকাশম্।
গদাং সমাতিধ্য ভৃশং জঘান
পাঞ্চালরাজস্য সুতস্তরস্বী॥ 9-19-24 (61210)
স ভিন্নকুম্ভঃ সহসা বিনদ্য
মুখাৎপ্রভূতং ক্ষতজং বিমুঞ্চন্।
পপাত নাগো ধরমীধরাভঃ
ক্ষিতিপ্রকম্পাচ্চলিতো যথাঽদ্রিঃ॥ 9-19-25 (61211)
নিপাত্যমানে তু তদা গজেন্দ্রে
হাহাকৃতে তব পুত্রস্য সৈন্যে।
স সাল্বরাজস্য শিনিপ্রবীরো
জহার ভল্লেন শিরঃ শিতেন॥ 9-19-26 (61212)
হৃতোত্তমাঙ্গো যুধি সাৎবতেন
পপাত ভূমৌ সহ নাগরাজ্ঞা।
যথাঽদ্রিশৃঙ্গং সুমহৎপ্রণুন্নং
বজ্রেণ দেবাধিপচোদিতেন॥ ॥ 9-19-27 (61213)
ইতি শ্রীমন্মহাভারতে শল্যবধপর্বণি শল্যবধপর্বণি অষ্টাদশদিবসয়ুদ্ধে একোনবিংশোঽধ্যায়ঃ॥ 19 ॥
শল্যপর্ব - অধ্যায় 020
॥ শ্রীঃ ॥
9.20. অধ্যায়ঃ 020
Mahabharata - Shalya Parva - Chapter Topics
সাত্যকিনা কৃতবর্মপরাজয়ঃ॥ 1 ॥Mahabharata - Shalya Parva - Chapter Text
9-20-0 (61214)
সঞ্জয় উবাচ। 9-20-0x (5116)
তস্মিংস্তু নিহতে শূরে সাল্বে সমিতিশোভনে।
তবাভজ্যদ্বলং বেগাদ্বাতেনেব মহাদ্রুমঃ॥ 9-20-1 (61215)
তৎপ্রভগ্নং বলং দৃষ্ট্বা কৃতবর্মা মহারথঃ।
দধার সমরে শূরঃ শত্রুসৈন্যং মহাবলঃ॥ 9-20-2 (61216)
সন্নিবৃত্তাস্তু তে শূরা দৃষ্ট্বা সাৎবতমাহবে।
শৈলোপমং স্থিরং রাজন্কীর্যমাণং শরৈর্যুধি॥ 9-20-3 (61217)
ততঃ প্রববৃতে যুদ্ধং কুরূণাং পাণ্ডবৈঃ সহ।
নিবৃত্তানাং মহারাজ মৃত্যুং কৃৎবা নিবর্তনম্॥ 9-20-4 (61218)
তত্রাশ্চর্যমভূদ্যুদ্বং সাৎবতস্য পরৈঃ সহ।
যদেকো বারয়ামাস পাণ্ডুসেনাং দুরাসদাম্॥ 9-20-5 (61219)
তেষামন্যোন্যসুহৃদাং কৃতে কর্মণি দুষ্করে।
সিংহনাদঃ প্রহৃষ্টানাং দিবিস্পৃক্সুমহানভূৎ॥ 9-20-6 (61220)
তেন শব্দেন বিত্রস্তান্পাঞ্চালান্ভরতর্ষভ।
শিনের্নপ্তা মহাবাহুরন্বপদ্যত সাত্যকিঃ॥ 9-20-7 (61221)
স সমাসাদ্য রাজানং ক্ষেমধূর্তিং মহাবলম্।
সপ্তভির্নিশিতৈর্বাণৈরনয়দ্যমসাদনম্॥ 9-20-8 (61222)
তমায়ান্তং মহাবাহুং প্রবপন্তং শিতাঞ্শরান্।
জবেনাভ্যপতদ্বীমান্হার্দিক্যঃ শিনিপুঙ্গবম্॥ 9-20-9 (61223)
তৌ সিংহাবিব নর্দন্তৌ ধন্বিনৌ রথিনাং বরৌ।
অন্যোন্যমভিধাবন্তৌ শস্ত্রপ্রবরধারিণৌ॥ 9-20-10 (61224)
পাণ্ডবাঃ সহপাঞ্চালা যোধাশ্চান্যে নৃপোত্তমাঃ।
প্রেক্ষকাঃ সমপদ্যন্ত তয়োঃ পুরুষসিংহয়োঃ॥ 9-20-11 (61225)
নারাচৈর্বৎসদন্তৈশ্চ বৃষ্ণ্যন্ধকমহারথৌ।
অভিজঘ্নতুরন্যোন্যং প্রহৃষ্টাবিব কুঞ্চরৌ॥ 9-20-12 (61226)
চরন্তৌ বিবিধান্মার্গান্হার্দিক্যশিনিপুঙ্গবৌ।
মুহুরন্তর্দধাতে তৌ বাণবৃষ্ট্যা পরস্পরম্॥ 9-20-13 (61227)
চাপবেগবলোদ্বূতান্মার্গণান্বৃষ্ণিসিংহয়োঃ।
আকাশে সমপশ্যাম পতঙ্গানিব শীঘ্রগান্॥ 9-20-14 (61228)
তমেকং সত্যকর্মাণমাসাদ্য হৃদিকাত্মজঃ।
অবিধ্যন্নিশিতৈর্বাণৈশ্চতুর্ভিশ্চতুরো হয়ান্॥ 9-20-15 (61229)
স দীর্ঘবাহুঃ সঙ্ক্রুদ্ধস্তোত্রার্দিত ইব দ্বিপঃ।
অষ্টভিঃ কৃতবর্মাণমবিধ্যৎপরমেষুভিঃ॥ 9-20-16 (61230)
ততঃ পূর্ণায়তোৎসৃষ্টৈঃ কৃতবর্মা শিলাশিতৈঃ।
সাত্যকিং ত্রিভিরাহত্য ধনুরেকেন চিচ্ছিদে॥ 9-20-17 (61231)
নিকৃত্তং তদ্ধনুঃশ্রেষ্ঠমপাস্য শিনিপুঙ্গবঃ।
অন্যদাদত্ত বেগেন শৈনেয়ঃ সশরং ধনুঃ॥ 9-20-18 (61232)
তদাদায় ধনুঃশ্রেষ্ঠং বরিষ্ঠঃ সর্বধন্বিনাম্।
আরোপ্য চ ধনুঃ শীঘ্রং মহাবীর্যো মহাবলঃ॥ 9-20-19 (61233)
অমৃষ্যমাণো ধনুষশ্ছেদনং কৃতবর্মণা।
কুপিতোঽতিরথঃ শীঘ্রং কৃতবর্মাণমভ্যযাৎ॥ 9-20-20 (61234)
ততঃ সুনিশিতৈর্বাণৈর্দশভিঃ শিনিপুঙ্গবঃ।
জঘান সূতং চাশ্বাংশ্চ ধ্বজং চ কৃতবর্মণঃ॥ 9-20-21 (61235)
ততো রাজন্মহেষ্বাসঃ কৃতবর্মা মহারথঃ।
হতাশ্বসূতং সম্প্রেক্ষ্য রথং হেমপরিষ্কৃতম্॥ 9-20-22 (61236)
রোষেণ মহতাঽঽবিষ্টঃ শূলমুদ্যম্য মারিষ।
চিক্ষেপ ভুজবেগেন জিঘাংসুঃ শিনি পুঙ্গবম্॥ 9-20-23 (61237)
তচ্ছূলং সাৎবতো হ্যাজৌ নির্ভিদ্য নিশিতৈঃ শরৈঃ।
চূর্ণিতং পাতয়ামাস মোহয়ন্নিব মাধবম্।
ততোঽপরেণ ভল্লেন হৃদ্যেনং সমতাডয়ৎ॥ 9-20-24 (61238)
সুয়ুদ্বে যুয়ুধানেন হতাশ্বো হতসারথিঃ।
কৃতবর্মা কৃতাস্ত্রেণ ধরমীমন্বপদ্যত॥ 9-20-25 (61239)
তস্মিন্সাত্যকিনা বীরে দ্বৈরথে বিরথীকৃতে।
সমপদ্যত সর্বেষাং সৈন্যানাং সুমহদ্ভয়ম্॥ 9-20-26 (61240)
পুত্রাণাং তব চাত্যর্থং বিষাদঃ সমজায়ত।
হতসূতে হতাশ্বে তু বিরথে কৃতবর্মণি॥ 9-20-27 (61241)
হতাশ্বং চ সমালক্ষ্য হতসূতমরিন্দম।
অভ্যধাবৎকৃপো রাজঞ্জিঘাংসুঃ শিনিপুঙ্গবম্॥ 9-20-28 (61242)
তমারোপ্য রথোপস্থে মিষতাং সর্বধন্বিনাম্।
অপোবাহ মহাবাহুং তূর্ণমায়োধনাদপি॥ 9-20-29 (61243)
শৈনেয়েঽধিষ্ঠিতে রাজন্বিরথে কৃতবর্মণি।
দুর্যোধনবলং সর্বং পুনরাসীৎপরাঙ্মুখম্॥ 9-20-30 (61244)
তৎপরে নান্ববুধ্যন্ত সৈন্যেন রজসা বৃতাঃ।
তাবকাঃ প্রদ্রুতা রাজন্দুর্যোধনমৃতে নৃপম্॥ 9-20-31 (61245)
দুর্যোধনস্তু সম্প্রেক্ষ্য ভগ্নং স্ববলমন্তিকাৎ।
জবেনাভ্যপতত্তূর্ণং সর্বাংশ্চৈকো ন্যবারয়ৎ॥ 9-20-32 (61246)
পাণ্ডূংশ্চ সর্বান্সঙ্ক্রুদ্ধো ধৃষ্টদ্যুম্নং চ পার্ষতম্।
শিখণ্ডিনং দ্রৌপদেয়ান্পাঞ্চালানাং চ যে গণাঃ॥ 9-20-33 (61247)
কেকয়ান্সোমকাংশ্চৈব সৃঞ্জয়াংশ্চৈব মারিষ।
অসম্ভ্রমং দুরাধর্ষঃ শিতৈর্বাণৈরবাকিরৎ॥ 9-20-34 (61248)
অতিষ্ঠদাহবে যত্তঃ পুত্রস্তব মহাবলঃ।
যথা যজ্ঞে মহানগ্নির্মন্ত্রপূতঃ প্রকাশতে।
তথা দুর্যোধনো রাজা সঙ্গ্রামে সর্বতোঽভবৎ॥ 9-20-35 (61249)
তং পরে নাভ্যবর্তন্ত মর্ত্যা মৃত্যুমিবাহবে।
অথান্যং রথমাস্থায় হার্দিক্যঃ সমপদ্যত॥ ॥ 9-20-36 (61250)
ইতি শ্রীমন্মহাভারতে শল্যপর্বমি শল্যবধপর্বণি অষ্টাদশদিবসয়ুদ্ধে বিংশোঽধ্যায়ঃ॥ 20 ॥
Mahabharata - Shalya Parva - Chapter Footnotes
9-20-3 সাৎবতং কৃতবর্মাণম্॥ 9-20-20 বিংশোঽধ্যায়ঃ॥শল্যপর্ব - অধ্যায় 021
॥ শ্রীঃ ॥
9.21. অধ্যায়ঃ 021
Mahabharata - Shalya Parva - Chapter Topics
সঙ্কুলয়ুদ্ধম্॥ 1 ॥Mahabharata - Shalya Parva - Chapter Text
9-21-0 (61251)
সঞ্জয় উবাচ। 9-21-0x (5117)
পুত্রস্তু তে মহারাজ রথস্থো রথিনাং বরঃ।
দুরুৎসহো বভৌ যুদ্ধে যথা রুদ্রঃ প্রতাপবান্॥ 9-21-1 (61252)
তস্য বাণসহস্রৈস্তু প্রচ্ছন্না হ্যভবন্মহী।
পরাংশ্চ সিষিচে বাণৈর্ধারাভিরিব পর্বতান্॥ 9-21-2 (61253)
ন চ সোঽস্তি পুমান্কশ্চিৎপাণ্ডবানাং বলার্ণবে।
হয়ো গজো রথো বাঽপি যঃ স্যাদ্বাণৈরবিক্ষতঃ॥ 9-21-3 (61254)
যং যং হি সমরে যোধং প্রপশ্যামি বিশাম্পতে।
স স বাণৈশ্চিতোঽভূদ্বৈ পুত্রেণ তব ভারত॥ 9-21-4 (61255)
যথা সৈন্যেন রজসা সমুদ্ভূতেন বাহিনী।
প্রত্যদৃশ্যত সঞ্ছন্না তথা বাণৈর্মহাত্মনঃ॥ 9-21-5 (61256)
বাণভূতামপশ্যাম পৃথিবীং পৃথিবীপতে।
দুর্যোধনেন প্রকৃতাং ক্ষিপ্রহস্তেন ধন্বিনা॥ 9-21-6 (61257)
তেষু যোধসহস্রেষু তাবকেষু পরেষু চ।
নাস্তি দুর্যোধনসমঃ পুমানিতি মতির্মম॥ 9-21-7 (61258)
তত্রাদ্ভুতমপশ্যাম তব পুত্রস্য বিক্রমম্।
যদেকং সহিতাঃ পার্থা নাভ্যবর্তন্ত ভারত॥ 9-21-8 (61259)
যুধিষ্ঠিরং শতেনাজৌ বিব্যাধ ভরতর্ষভ।
ভীমসেনং চ সপ্তত্যা সহদেবং চ পঞ্চভিঃ॥ 9-21-9 (61260)
নকুলং চ চতুঃষষ্ট্যা ধৃষ্টদ্যুম্নং চ পঞ্চভিঃ।
পঞ্চভির্দ্রৌপদেয়াংশ্চ ত্রিভির্বিব্যাধ সাত্যকিম্॥ 9-21-10 (61261)
ধনুশ্চিচ্ছেদ ভল্লেন সহদেবস্য মারিষ।
তদপাস্য ধনুশ্ছিন্নং মাদ্রীপুত্রঃ প্রতাপবান্॥ 9-21-11 (61262)
অভ্যদ্রবত রাজানং প্রগৃহ্যান্যন্মহদ্ধনুঃ।
ততো দুর্যোধনং সঙ্খ্যে বিব্যাধ দশভিঃ শরৈঃ॥ 9-21-12 (61263)
নকুলস্তু ততো বীরো রাজানং নবভিঃ শরৈঃ।
ঘোররূপৈর্মহেষ্বাসো বিব্যাধ চ ননাদ চ॥ 9-21-13 (61264)
সাত্যকিশ্চৈব রাজানং শরেণানতপর্বণা।
দ্রৌপদেয়াস্ত্রিসপ্তত্যা ধর্মরাজশ্চ পঞ্চভিঃ।
অশীত্যা ভীমসেনশ্চ শরৈ রাজানমার্পয়ন্॥ 9-21-14 (61265)
সমন্তাৎকীর্যমাণস্তু বাণসঙ্ঘৈর্মহাত্মভিঃ।
ন চচাল মহারাজ সর্বসৈন্যস্য পশ্যতঃ॥ 9-21-15 (61266)
লাঘবাৎসৌষ্ঠবাচ্চাপি বীর্যাচ্চাপি মহাত্মনঃ।
অতি সর্বাণি ভূতানি দদৃশুঃ সর্বপার্থিবাঃ॥ 9-21-16 (61267)
ধার্তরাষ্ট্রা হি রাজেন্দ্র যোধাস্তু স্বল্পমন্তরম্।
অপশ্যমানা রাজানং পর্যবর্তন্ত দংশিতাঃ॥ 9-21-17 (61268)
তেষামাপততাং ঘোরস্তুমুলঃ সমপদ্যত।
ক্ষুব্ধস্য হি সমুদ্রস্য প্রাবৃট্কালে যথা স্বনঃ॥ 9-21-18 (61269)
সমাসাদ্য রণে তে তু রাজানমপরাজিতম্।
প্রত্যুদ্যযুর্মহেষ্বাসাঃ পাণ্ডবানাততায়িনঃ॥ 9-21-19 (61270)
ভীমসেনং রণে ক্রুদ্ধো দ্রোণপুত্রো ন্যবারয়ৎ।
তয়োর্বাণৈর্মহারাজ প্রমুক্তৈঃ সর্বতোদিশম্।
নাজ্ঞায়ন্ত রণে বীরা ন দিশঃ প্রদিশস্তথা॥ 9-21-20 (61271)
তাবুভৌ ক্রূরকর্মাণাবুভৌ ভারতদুঃসহৌ।
ঘোররূপময়ুধ্যেতাং কৃতপ্রতিকৃতৈষিণৌ॥ 9-21-21 (61272)
ত্রাসয়ন্তৌ দিশঃ সর্বা জ্যাক্ষেপকঠিনৎবচৌ।
শকুনিস্তু রণে বীরো যুধিষ্ঠিরমপীডয়ৎ॥ 9-21-22 (61273)
তস্যাশ্বাংশ্চতুরো হৎবা সুবলস্য সুতো বিভো।
নাদং চকার বলবৎসর্বসৈন্যানি কম্পয়ন্॥ 9-21-23 (61274)
এতস্মিন্নন্তরে বীরং রাজানমপরাজিতম্।
অপোবাহ রথেনাজৌ সহদেবঃ প্রতাপবান্॥ 9-21-24 (61275)
অথান্যং রথমাস্থায় ধর্মপুত্রো যুধিষ্ঠিরঃ।
শকুনিং নবভির্বিদ্ধ্বা পুনর্বিব্যাধ পঞ্চভিঃ।
ননাদ চ মহানাদং প্রবরঃ সর্বধন্বিনাম্॥ 9-21-25 (61276)
তদ্যুদ্ধমভবচ্চিত্রং ঘোররূপং চ মারিষ।
প্রেক্ষতাং প্রীতিজননং সিদ্ধচারণসেবিতম্॥ 9-21-26 (61277)
উলূকস্তু মহেষ্বাসং নকুলং যুদ্ধদুর্মদম্।
অভ্যবর্ষদমেয়াত্মা শরবর্ষৈঃ সমন্ততঃ॥ 9-21-27 (61278)
তথৈব নকুলঃ শূরঃ সৌবলস্য সুতং রণে।
শরবর্ষেণ মহতা সমন্তাৎপর্যবারয়ৎ॥ 9-21-28 (61279)
তৌ তত্র সমরে বীরৌ কুলপুত্রৌ মহারথৌ।
যোধয়ন্তাবপশ্যেতাং কৃতপ্রতিকৃতৈষিণৌ॥ 9-21-29 (61280)
তথৈব কৃতবর্মাণং শৈনেয়ঃ শত্রুতাপনঃ।
যোধয়ঞ্শুশুভে রাজন্বলিং শক্র ইবাহবে॥ 9-21-30 (61281)
দুর্যোধনো ধনুশ্ছিত্ৎবা ধৃষ্টদ্যুম্নস্য সংয়ুগে।
অথৈনং ছিন্নধন্বানং বিব্যাধ নিশিতৈঃ শরৈঃ॥ 9-21-31 (61282)
ধৃষ্টদ্যুম্নোঽপি সমরে প্রগৃহ্য পরমায়ুধম্।
রাজানং যোধয়ামাস পশ্যতাং সর্বধন্বিনাম্॥ 9-21-32 (61283)
তয়োর্যুদ্ধং মহচ্চাসীৎসঙ্গ্রামে ভরতর্ষভ।
প্রভিন্নয়োর্যথা সক্তং মত্তয়োর্বনহস্তিনোঃ॥ 9-21-33 (61284)
গৌতমস্তু রণে ক্রুদ্ধো দ্রৌপদেয়ান্মহাবালান্।
বিব্যাধ বহুভিঃ শূরঃ শরৈঃ সন্নতপর্বভিঃ॥ 9-21-34 (61285)
তস্য তৈরভবদ্যুদ্ধমিন্দ্রিয়ৈরিব দেহিনঃ।
ঘোররূপমসংবার্যং নির্মর্যাদমবর্তত॥ 9-21-35 (61286)
তে চ সম্পীডয়ামাসুরিন্দ্রিয়াণীব বালিশম্।
স চ তান্প্রতিসংরব্ধঃ প্রত্যযোধয়দাহবে॥ 9-21-36 (61287)
এবং চিত্রমভূদ্যুদ্ধং তস্য তৈঃ সহ ভারত।
উত্থায়োত্থায় হি যথা দেহিনামিন্দ্রিয়ৈর্বিভো॥ 9-21-37 (61288)
নরাশ্চৈব নরৈঃ সার্ধং দন্তিনো দন্তিভিস্তথা।
হয়া হয়ৈঃ সমাসক্তা রথিনো রথিভিঃ সহ॥ 9-21-38 (61289)
সঙ্কুলং চাভবদ্ভূয়ো ঘোররূপং বিশাম্পতে॥ 9-21-39 (61290)
ইদং চিত্রমিদং ঘোরমিদং রৌদ্রমিতি প্রভো।
যুদ্ধান্যাসন্মহারাজ ঘোরাংণি চ বহূনি চ॥ 9-21-40 (61291)
তে সমাসাদ্য সমরে পরস্পরমরিন্দমাঃ।
ব্যনদংশ্চৈব জঘ্নুশ্চ সমাতাদ্য মহাহবে॥ 9-21-41 (61292)
তেষাং পত্রসমুদ্ভূতং রজস্তীব্রমদৃশ্যত।
বাতেন চোদ্ধতং রাজন্ধাবদ্ভিশ্চাশ্বসাদিভিঃ॥ 9-21-42 (61293)
রথনেমিসমুদ্ভূতং নিঃশ্বাসৈশ্চাপি দন্তিনাম্।
রজঃ সন্ধ্যাভ্রকলিলং দিবাকরপথং যয়ৌ॥ 9-21-43 (61294)
রজসা তেন সম্পৃক্তো ভাস্করো নিষ্প্রভঃ কৃতঃ।
সঞ্ছাদিতাঽভবদ্ভূমিস্তে চ শূরা মহারথাঃ॥ 9-21-44 (61295)
মুহূর্তাদিব সংবৃত্তং নীরজস্কং সমন্ততঃ।
বীরশোণিতসিক্তায়াং ভূমৌ ভরতসত্তম॥ 9-21-45 (61296)
উপাশাম্যত্ততস্তীব্রং তদ্রজো ঘোরদর্শনম্॥ 9-21-46 (61297)
ততোঽপশ্যমহং ভূয়ো দ্বন্দ্বয়ুদ্ধানি ভারত।
যথাপ্রাণং যথাশ্রেষ্ঠং মধ্যাহ্নে বৈ সুদারুণম্॥ 9-21-47 (61298)
বর্মণাং তত্র রাজেন্দ্র ব্যদৃশ্যন্তোজ্জ্বলাঃ প্রভাঃ।
শব্দশ্চ তুমুলঃ সঙ্খ্যে শরাণাং পততামভূৎ
মহাবেণুবনস্যেব দহ্যমানস্য পর্বতে॥ ॥ 9-21-48 (61299)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে একবিংশোঽধ্যায়ঃ॥ 21 ॥
Mahabharata - Shalya Parva - Chapter Footnotes
9-21-42 পত্রং বাহনম্॥ 9-21-21 একবিংশোঽধ্যায়ঃ॥শল্যপর্ব - অধ্যায় 022
॥ শ্রীঃ ॥
9.22. অধ্যায়ঃ 022
Mahabharata - Shalya Parva - Chapter Topics
সঙ্কুলয়ুদ্ধম্॥ 1 ॥Mahabharata - Shalya Parva - Chapter Text
9-22-0 (61300)
সঞ্জয় উবাচ। 9-22-0x (5118)
বর্তমানে তদা যুদ্ধে ঘোররূপে ভয়ানকে।
অভজ্যত বলং তত্র তব পুত্রস্য পাণ্ডবৈঃ॥ 9-22-1 (61301)
তাংস্তু সর্বানয়ন্তেন সন্নিবার্য মহারথাঃ।
পুত্রাস্তে যোধয়ামাসুঃ পাণ্ডবানামনীকিনীম্॥ 9-22-2 (61302)
নিবৃত্তাঃ সহসা যোধাস্তব পুত্রজয়ৈপিণঃ।
সন্নিবৃত্তেষু তেষ্বেবং যুদ্ধমাসীৎসুদারুণম্।
তাবকানাং পরেষাং চ দেবাসুররণোপভম্॥ 9-22-3 (61303)
পরেষাং তাবকানাং চ নাসীৎকশ্চিৎপরাঙ্মুখঃ॥ 9-22-4 (61304)
অনুমানেন যুধ্যন্তে সঞ্জ্ঞাভিশ্চ পরস্পরম্।
তেষাং ক্ষয়ো মহানাসীদ্যুধ্যতামিতরেতরম্॥ 9-22-5 (61305)
ততো যুধিষ্ঠিরো রাজা ক্রোধেন মহতা যুতঃ।
জিগীষমাণঃ সঙ্গ্রামে ধার্তরাষ্ট্রান্সরাজকান্॥ 9-22-6 (61306)
ত্রিভিঃ শারদ্বতং বিদ্ব্বা রুক্মপুঙ্খৈঃ শিলাশিতৈঃ।
চতুর্ভির্নিজঘানাশ্বান্কল্যাণান্কৃতবর্মণঃ॥ 9-22-7 (61307)
অশ্বত্থামা তু হার্দিক্যমপোবাহ যশস্বিনম্।
অথ শারদ্বতোঽষ্টাভিঃ প্রত্যবিধ্যদ্যুধিষ্ঠিরম্॥ 9-22-8 (61308)
ততো দুর্যোধনো রাজা রথান্সপ্তশতান্রণে।
প্রৈষয়দ্যত্র রাজাঽসৌ ধর্মপুত্রো যুধিষ্ঠিরঃ॥ 9-22-9 (61309)
তে রথা রথিভির্যুক্তা মনোমারুতরংহসঃ।
অভ্যদ্রবন্ত সঙ্গ্রামে কৌন্তেয়স্য রথং প্রতি॥ 9-22-10 (61310)
তে সমন্তান্মহারাজ পরিবার্য যুধিষ্ঠিরম্।
অদৃশ্যং সায়কৈশ্চক্রুর্মেঘা ইব দিবাকরম্॥ 9-22-11 (61311)
তং দৃষ্ট্বা ধর্মরাজানং কৌরবেয়ৈস্তথাবৃতম্।
নামৃষ্যন্ত সুসংরব্ধাঃ শিখণ্ডিপ্রমুখা রথাঃ॥ 9-22-12 (61312)
রথৈরশ্ববরৈর্যুক্তৈঃ কিঙ্কিণীজালসংবৃতৈঃ।
আজগ্মুরথ রক্ষন্তঃ কুন্তীপুত্রং যুধিষ্ঠিরম্॥ 9-22-13 (61313)
ততঃ প্রববৃতে রৌদ্রঃ সঙ্গ্রামঃ শোণিতোদকঃ।
পাণ্ডবানাং কুরূণাং চ যমরাষ্ট্রবিবর্ধনঃ॥ 9-22-14 (61314)
রথান্সপ্তশতান্হৎবা কুরূণামাততায়িনাম্।
পাণ্ডবাঃ সহ পাঞ্চালৈঃ পুনরেবাভ্যবারয়ন্॥ 9-22-15 (61315)
তত্র যুদ্ধং মহচ্চাসীত্তব পুত্রস্য পাণ্ডবৈঃ।
ন চ তত্তাদৃশং দৃষ্টং নৈব চাপি পরিশ্রুতম্॥ 9-22-16 (61316)
বর্তমানে তদা যুদ্ধে নির্মর্যাদে সমন্ততঃ।
বধ্যমানেষু যোধেষু তাবকেষ্বিতরেষু চ॥ 9-22-17 (61317)
বিনদৎসু চ যোধেষু শঙ্খবর্যৈশ্চ পূরিতৈঃ।
উৎক্রুষ্টৈঃ সিংহনাদৈশ্চ গর্জিতৈশ্চৈব ধন্বিনাম্॥ 9-22-18 (61318)
অতিপ্রবৃত্তে যুদ্ধে চ ছিদ্যমানেষু মর্মসু।
ধাবমানেষু যোধেষু জয়গৃদ্ধিষু মারিষ॥ 9-22-19 (61319)
সংহারে সর্বতো জাতে পৃথিব্যাং শোকসম্ভবে।
বহ্নীনামুত্তমস্ত্রীণাং সীমন্তোদ্ধরণে কৃতে॥ 9-22-20 (61320)
নির্মর্যাদে মহায়ুদ্ধে বর্তমানে সুদারুণে।
প্রাদুরাসন্বিনাশায় তদোৎপাতাঃ সুদারুণাঃ॥ 9-22-21 (61321)
চচাল শব্দং কুর্বাণা সপর্বতবনা মহী।
সদণ্ডাঃ সোল্মুকা রাজন্কীর্যমাণাঃ সমন্ততঃ॥ 9-22-22 (61322)
উল্কাঃ পেতুর্দিবো ভূমাবাহত্য রবিমণ্ডলম্।
বিষ্বগ্বাতাঃ প্রাদুরাসন্নীচৈঃ শর্করবর্ষিণঃ॥ 9-22-23 (61323)
অশ্রূণি মুমুচুর্নাগা বেপথুং চাস্পৃশন্ভৃশম্।
এতান্ধোরাননাদৃত্য সমুৎপাতান্সুদারুণান্॥ 9-22-24 (61324)
পুনর্যুদ্ধায় সংয়ত্তাঃ ক্ষত্রিয়াস্তস্থুরব্যথাঃ।
রমণীয়ে কুরুক্ষেত্রে পুণ্যে স্বর্গং যিয়াসবঃ॥ 9-22-25 (61325)
ততো গান্ধাররাজস্য পুত্রঃ শকুনিরব্রবীৎ।
যুধ্যধ্বমগ্রতো যাবৎপৃষ্ঠতো হন্মি পাণ্ডবান্॥ 9-22-26 (61326)
ততো নঃ সম্প্রায়াতানাং মদ্রয়োধাস্তরস্বিনঃ।
হৃষ্টাঃ কিলাকিলাশব্দমকুর্বত পরে তথা॥ 9-22-27 (61327)
অস্মাংস্তু পুনরাসাদ্য লব্ধলক্ষা দুরাসদাঃ।
শরাসনানি ধুন্বন্তঃ শরবর্ষৈরবাকিরন্॥ 9-22-28 (61328)
ততো হতং পরৈস্তত্র মদ্ররাজবলং তদা।
দুর্যোধনবলং দৃষ্ট্বা পুনরাসীৎপরাঙ্মুখম্॥ 9-22-29 (61329)
গান্ধাররাজস্তু পুনর্বাক্যমাহ ততো বলী।
নিবর্তধ্বমধর্মজ্ঞা যুধ্যধ্বং কিং সৃতেন বঃ॥ 9-22-30 (61330)
অনীকং দশসাহস্রমশ্বানাং ভরতর্ষভ।
আসীদ্গান্ধাররাজস্য বিশালপ্রাসয়োধিনাম্॥ 9-22-31 (61331)
বলেন তেন বিক্রম্য বর্তমানে জনক্ষয়ে।
পৃষ্ঠতঃ পাণ্ডবানীকমভ্যঘ্নন্নিশিতৈঃ শরৈঃ॥ 9-22-32 (61332)
তদভ্রমিব বাতেন ক্ষিপ্যমাণং সমন্ততঃ।
অভজ্যত মহারাজ পাণ্ডূনাং সুমহদ্বলম্॥ 9-22-33 (61333)
ততো যুধিষ্ঠিরঃ প্রেক্ষ্য ভগ্নং স্ববলমন্তিকাৎ।
অভ্যনোদয়দব্যগ্রঃ সহদেবং মহাবলম্॥ 9-22-34 (61334)
অসৌ সুবলপুত্রো নো জঘনং পীড্য দংশিতঃ।
সৈন্যানি সূদয়ত্যেষ পশ্য পাণ্ডব দুর্মতিঃ॥ 9-22-35 (61335)
গচ্ছ ৎবং দ্রৌপদেয়ৈশ্চ শকুনিং সৌবলং জহি।
রথানীকমহং ধক্ষ্যে পাঞ্চালসহিতোঽনঘ॥ 9-22-36 (61336)
গচ্ছন্তু কুঞ্জরাঃ সর্বে বাজিনশ্চ সহ ৎবয়া।
পাদাতাশ্চ ত্রিসাহস্রাঃ শকুনিং তৈর্বৃতো জহি॥ 9-22-37 (61337)
ততো গজাঃ সপ্তশতাশ্চাপপাণিভিরাস্থিতাঃ।
পঞ্চ চাশ্বসহস্রাণি সহদেবশ্চ বীর্যবান্॥ 9-22-38 (61338)
পাদাতাশ্চ ত্রিসাহস্রা দ্রৌপদেয়াশ্চ সর্বশঃ।
রণে হ্যভ্যদ্রবংস্তে তু শকুনিং যুদ্ধদুর্মদম্॥ 9-22-39 (61339)
ততস্তু সৌবলো রাজন্নভ্যতিক্রম্য পাণ্ডবান্।
জঘান পৃষ্ঠতঃ সেনাং জয়গৃদ্বঃ প্রতাপবান্॥ 9-22-40 (61340)
অশ্বারোহাস্তু সংরব্ধাঃ পাণ্ডবানাং তরস্বিনাম্।
প্রাবিশন্সৌবলানীকমভ্যতিক্রম্য তান্রথান্॥ 9-22-41 (61341)
তে তত্র সাদিনঃ শূরাঃ সৌবলস্য মহদ্বলম্।
রণমধ্যে ব্যতিষ্ঠন্ত শরবর্ষৈরবাকিরন্॥ 9-22-42 (61342)
তদুদ্যতগদাপ্রাসমকাপুরুষসেবিতম্।
প্রাবর্তত মহদ্যুদ্ধং রাজন্দুর্মন্ত্রিতে তব॥ 9-22-43 (61343)
উপারমন্ত জ্যাশব্দাঃ প্রেক্ষকা রথিনোঽভবন্।
ন হি স্বেষাং পরেষাং বা বিশেষঃ প্রত্যদৃশ্যত॥ 9-22-44 (61344)
শূরবাহুবিসৃষ্টানাং শক্তীনাং ভরতর্ষভ।
জ্যোতিষামিব সম্পাতমপশ্যন্কুরুপাণ্ডবাঃ॥ 9-22-45 (61345)
ঋষ্টিভির্বিমলাভিশ্চ তত্রতত্র বিশাম্পতে।
সম্পতন্তীভিরাকাশমাবৃতং বহ্বশোভত॥ 9-22-46 (61346)
প্রাসানাং পততাং রাজন্রূপমাসীৎসমন্ততঃ।
শলভানামিবাকাশে তদা ভরতসত্তম॥ 9-22-47 (61347)
রুধিরোক্ষিতসর্বাঙ্গা বিপ্রবিদ্ধৈর্নিয়ন্তৃভিঃ।
হয়াঃ পরিপতন্তিস্ম শতশোঽথ সহস্রশঃ॥ 9-22-48 (61348)
অন্যোন্যং পরিপিষ্টাশ্চ সমাসাদ্য পরস্পরম্।
সুবিক্ষতাঃ স্ম দৃশ্যন্তে বমন্তো রুধিরং মুখৈঃ॥ 9-22-49 (61349)
ততোঽভবত্তমো ঘোরং সৈন্যেন রজসা বৃতম্।
তানপাক্রমতোঽদ্রাক্ষং তস্মাদ্দেশাদরিন্দম॥ 9-22-50 (61350)
অশ্বান্রাজন্মনুষ্যাংশ্চ রজসা সংবৃতে সতি।
ভূমৌ নিপতিতাশ্চান্যে বমন্তো রুধিরং বহু॥ 9-22-51 (61351)
কেশাকেশি সমালগ্না ন শেকুশ্চেষ্টিতুং নরাঃ।
অন্যোন্যমশ্বপৃষ্ঠেভ্যো বিকর্ষন্তো মহাবলাঃ॥ 9-22-52 (61352)
মল্লা ইব সমাসাদ্য নিজঘ্নুরিতরেতরম্।
অশ্বৈশ্চ ব্যপকৃষ্যন্ত বহবোঽত্র গতাসবঃ॥ 9-22-53 (61353)
ভূমৌ নিপতিতাশ্চান্যে বহবো বিজয়ৈষিণঃ।
তত্রতত্র ব্যদৃশ্যন্ত পুরুষাঃ শূরমানিনঃ॥ 9-22-54 (61354)
রক্তোক্ষিতৈশ্ছিন্নভুজৈরবকৃষ্টশিরোরুহৈঃ।
ব্যদৃশ্যত মহী কীর্ণা শতশোঽথ সহস্রশঃ॥ 9-22-55 (61355)
দূরং ন শক্যং তত্রাসীদ্গন্তুমশ্বেন কেনচিৎ।
সাশ্বারোহৈর্হতৈরশ্বৈরাবৃতে বসুধাতলে॥ 9-22-56 (61356)
রুধিরোক্ষিতসন্নাহৈরাত্তশস্ত্রৈরুদায়ুধৈঃ।
নানাপ্রহরণৈর্ঘোরৈঃ পরস্পরবধৈষিভিঃ।
সুসন্নিকৃষ্টে সঙ্গ্রামে হতভূয়িষ্ঠসৈনিকে॥ 9-22-57 (61357)
স মুহূর্তং ততো যুদ্ধ্বা সৌবলোঽথ বিশাম্পতে।
ষট্সাহস্রৈর্হয়ৈঃ শিষ্টেরপায়াচ্ছকুনিস্ততঃ॥ 9-22-58 (61358)
তথৈব পাণ্ডবানীকং রুধিরেণ সমুক্ষিতম্।
ষট্সাহস্রৈর্হয়ৈঃ শিষ্টেরপায়াচ্ছ্রান্তবাহনম্॥ 9-22-59 (61359)
অশ্বারোহাশ্চ পাণ্ডূনামব্রুবন্রুধিরোক্ষিতাঃ।
সুসন্নিকৃষ্টে সঙ্গ্রামে ভূয়িষ্ঠে ত্যক্তজীবিতাঃ॥ 9-22-60 (61360)
ন হি শক্যং রথৈর্যোদ্ধুং কুত এব মহাগজৈঃ।
রথানেব রথা যান্তু কুঞ্জরাঃ কুঞ্জরানপি॥ 9-22-61 (61361)
প্রতিয়াতো হি শকুনিঃ স্বমনীকমবস্থিতঃ।
ন পুনঃ সৌবলো রাজা যোদ্ধুমভ্যাগমিষ্যতি॥ 9-22-62 (61362)
ততস্তু দ্রৌপদেয়াশ্চ তে চ মত্তা মহাদ্বিপাঃ।
প্রয়যুর্যত্র পাঞ্চাল্যো ধৃষ্টদ্যুম্নো মহারথঃ॥ 9-22-63 (61363)
সহদেবোঽপি কৌরব্য রজোমেঘে সমুত্থিতে।
একাকী প্রয়যৌ তত্র যত্র রাজা যুধিষ্ঠিরঃ॥ 9-22-64 (61364)
ততস্তেষু প্রয়াতেষু শকুনিঃ সৌবলঃ পুনঃ।
পার্শ্বতোঽভ্যহনৎক্রুদ্ধো ধৃষ্টদ্যুম্নস্য বাহিনীম্॥ 9-22-65 (61365)
তৎপুনস্তুমুলং যুদ্ধং প্রাণাংস্ত্যক্ৎবাঽভ্যবর্তত।
তাবকানাং পরেষাং চ পরস্পরবধৈষিণাম্॥ 9-22-66 (61366)
তে চান্যোন্যমবৈক্ষন্ত তস্মিন্বীরসমাগমে।
যোধাঃ পর্যপতন্রাজঞ্শতশোঽথ সহস্রশঃ॥ 9-22-67 (61367)
অসিভিশ্ছিদ্যমানানাং শিরসাং লোকসংক্ষয়ে।
প্রাদুরাসীন্মহাঞ্শব্দস্তালানাং পততামিব॥ 9-22-68 (61368)
বিমুক্তানাং শরীরাণাং ছিন্নানাং পততাং ভুবি।
সায়ুধানাং চ বাহূনামূরূণাং চ বিশাম্পতে।
আসীৎকটকটাশব্দঃ সুমহান্রোমহর্ষণঃ॥ 9-22-69 (61369)
নিঘ্নন্তো নিশিতৈঃ শস্ত্রৈর্ভ্রাতৄন্পুত্রান্সখীনপি।
যোধাঃ পরিপতন্তি স্ম যথাঽঽমিষকৃতে খগাঃ॥ 9-22-70 (61370)
অন্যোন্যং প্রতিসংরব্ধাঃ সমাসাদ্য পরস্পরম্।
অহম্পূর্বমহম্পূর্বমিতি নিঘ্নন্সহস্রশঃ॥ 9-22-71 (61371)
সংয়াতেনাসনভ্রষ্টৈরশ্বারোহৈর্গতাসুভিঃ।
হয়াঃ পরিপতন্তি স্ম শতশোঽথ সহস্রশঃ॥ 9-22-72 (61372)
স্ফুরতাং প্রতিপিষ্টানামশ্বানাং শীঘ্রগামিনাম্।
স্তনতাং চ মনুষ্যাণাং সন্নদ্ধানাং বিশাম্পতে॥ 9-22-73 (61373)
শক্ত্যৃষ্টিপ্রাসশব্দশ্চ তুমুলঃ সমপদ্যত।
ভিন্দতাং পরমর্মাণি রাজন্দুর্মন্ত্রিতে তব॥ 9-22-74 (61374)
শ্রমাভিভূতাঃ সংরব্ধা শ্রান্তবাহাঃ পিপাসবঃ।
বিক্ষতাশ্চ শিতৈঃ শস্ত্রৈরভ্যবর্ন্তত তাবকাঃ॥ 9-22-75 (61375)
মত্তা রুধিরগন্ধেন বহবোঽত্র বিচেতসঃ।
জঘ্নুঃ পরান্স্বকাংশ্চৈব প্রাপ্তান্প্রাপ্তাননন্তরান্॥ 9-22-76 (61376)
বহবশ্চ গতপ্রাণাঃ ক্ষত্রিয়া জয়গৃদ্বিনঃ।
ভূমাবভ্যপতন্রাজঞ্শরবৃষ্টিভিরাবৃতাঃ॥ 9-22-77 (61377)
বৃকগৃধ্রশৃগালানাং তুমুলে মোদনেঽহনি।
আসীদ্বলক্ষয়ো ঘোরস্তব পুত্রস্য পশ্যতঃ॥ 9-22-78 (61378)
নরাশ্বকায়ৈঃ সঞ্ছন্না ভূমিরাসীদ্বিশাম্পতে।
রুধিরোদকচিত্রা চ ভীরূণাং ভয়বর্ধিনী॥ 9-22-79 (61379)
অসিভিঃ পট্টসৈঃ শূলৈস্তক্ষমাণাঃ পুনঃপুনঃ।
তাবকাঃ পাণ়্বেয়াশ্চ ন ন্যবর্তন্ত ভারত॥ 9-22-80 (61380)
প্রহরন্তো যথাশক্তি যাবৎপ্রাণস্য ধারণম্।
যোধাঃ পরিপতন্তি স্ম বমন্তো রুধিরং মুখৈঃ॥ 9-22-81 (61381)
শিরো গৃহীৎবা কেশেষু কবন্ধঃ স প্রদৃশ্যতে।
উদ্যম্য চ শিতং খঙ্গং রুধিরেণ পরিপ্লুতম্॥ 9-22-82 (61382)
তথোত্থিতেষু বহুষু কবন্ধেষু নরাধিপ।
তথা রুধিরগন্ধেন যোধাঃ কশ্মলমাবিশন্॥ 9-22-83 (61383)
মন্দীভূতে ততঃ শব্দে পাণ্ডবানাং মহদ্বলম্।
অল্পাবশিষ্টৈস্তুরগৈরভ্যবর্তত সৌবলঃ॥ 9-22-84 (61384)
ততোঽভ্যধাবংস্ৎবরিতাঃ পাণ্ডবা জয়গৃদ্বিনঃ।
পদাতয়শ্চ নাগাশ্চ সাদিনশ্চোদ্যতায়ুধাঃ॥ 9-22-85 (61385)
কোষ্ঠকীকৃত্য চাপ্যেনং পরিক্ষিপ্য চ সর্বশঃ।
শস্ত্রৈর্নানাবিধৈর্জঘ্নুর্যুদ্বপারং তিতীর্ষবঃ॥ 9-22-86 (61386)
ৎবদীয়াস্তাংস্তু সম্প্রেক্ষ্য সর্বতঃ সমভিদ্রুতান্।
রথাশ্বপত্তিদ্বিরদাঃ পাণ্ডবানভিদুদ্রুবুঃ॥ 9-22-87 (61387)
কেচিৎপদাতয়ঃ পদ্ভির্মুষ্টিভিশ্চ পরস্পরম্।
নিজঘ্নুঃ সমরে শূরাঃ ক্ষীণশস্ত্রাস্ততোঽপতন্॥ 9-22-88 (61388)
রথেভ্যো রথিনঃ পেতুর্দ্বিপেভ্যো হস্তিসাদিনঃ।
বিমানেভ্যো দিবো ভ্রষ্টাঃ সিদ্বাঃ পুণ্যক্ষয়াদিব॥ 9-22-89 (61389)
এবমন্যোন্যমায়ত্তা যোধা জঘ্নুর্মহাহবে।
পিতৄন্ভ্রাতৄন্বয়স্যাংশ্চ পুত্রানপি তথা পরে॥ 9-22-90 (61390)
এবমাসীদমর্যাদং যুদ্বং ভরতসত্তম।
প্রাসাসিবাণকলিলং বর্তমানে সুদারুণে॥ ॥ 9-22-91 (61391)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে দ্বাবিংশোঽধ্যায়ঃ॥ 22 ॥
শল্যপর্ব - অধ্যায় 023
॥ শ্রীঃ ॥
9.23. অধ্যায়ঃ 023
Mahabharata - Shalya Parva - Chapter Topics
অর্জুনেন দুর্যোধনাগর্হণপূর্বকং তৎসেনানিবর্হণম্॥ 1 ॥Mahabharata - Shalya Parva - Chapter Text
9-23-0 (61392)
সঞ্জয় উবাচ। 9-23-0x (5119)
অল্পাবশিষ্টে সৈন্যে তু পাণ্ডবৈর্নিহতে বলে।
অশ্বৈঃ সপ্তসহস্রৈস্তু উপাবর্তত সৌবলঃ॥ 9-23-1 (61393)
স যাৎবা বাহিনীং তূর্ণং চোদয়ানঃ স্বকান্যুধি।
যুধ্যধ্বমিতি সংহৃষ্টাঃ পুনঃপুনররিন্দমাঃ॥ 9-23-2 (61394)
অপৃচ্ছৎক্ষত্রিয়াংস্তত্র ক্ব নু রাজা মহাবলঃ।
শকুনেস্তদ্বচঃ শ্রুৎবা তমূচুর্ভরতর্ষভ॥ 9-23-3 (61395)
অসৌ তিষ্ঠতি কৌরব্যো রণমধ্যে মহাবলঃ।
যত্রৈতৎসুমহচ্ছত্রং পূর্ণচন্দ্রসমপ্রভম্॥ 9-23-4 (61396)
যত্র তে সতনুত্রাণা রথাস্তিষ্ঠন্তি দংশিতাঃ।
যত্রৈষ তুমুলঃ শব্দঃ পর্জন্যনিনদোপমঃ॥ 9-23-5 (61397)
তত্র গচ্ছ দ্রুতং রাজংস্ততো দ্রক্ষ্যসি কৌরবম্।
এবমুক্তস্তু তৈর্যোধৈঃ শকুনিঃ সৌবলস্তদা॥ 9-23-6 (61398)
প্রয়যৌ তত্র যত্রাস্তে পুত্রস্তব নরাধিপ।
সর্বতঃ সংবৃতো বীরৈঃ সমরে চিত্রয়োধিভিঃ॥ 9-23-7 (61399)
ততো দুর্যোধনং দৃষ্ট্বা রথানীকে ব্যবস্থিতম্।
স রথাংস্তাবকান্সর্বান্হর্ষয়ঞ্শকুনিস্ততঃ॥ 9-23-8 (61400)
দুর্যোধনমিদং বাক্যং হৃষ্টরূপো বিশাম্পতে।
কৃতকার্যমিবাত্মানং মন্যমানোঽব্রবীন্নৃপম্॥ 9-23-9 (61401)
জহি রাজন্রথানীকমশ্বাঃ সর্বে জিতা ময়া।
নাত্যক্ৎবা জীবিতং সঙ্খ্যে শক্যো জেতুং যুধিষ্ঠিরঃ॥ 9-23-10 (61402)
হতে তস্মিন্রথানীকে পাণ্ডবেনাভিপালিতে।
গজানেতান্হনিষ্যামঃ পদাতীংশ্চেতরাংস্তথা॥ 9-23-11 (61403)
শ্রুৎবা তু বচনং তস্য তাবকা জয়গৃদ্বিনঃ।
জবেনাভ্যপতন্হৃষ্টাঃ পাণ্ডবানামনীকিনীম্॥ 9-23-12 (61404)
বদ্বনিস্ত্রিংশহস্তাশ্চ প্রগৃহীতশরাসনাঃ।
শরাসনানি ধূন্বানাঃ সিংহনাদান্প্রচক্রিরে॥ 9-23-13 (61405)
ততো জ্যাতলনির্ধোষঃ পুনরাসীদ্বিশাম্পতে।
প্রাদুরাসীচ্ছরাণাং চ সুমুক্তানাং সুদারুণঃ॥ 9-23-14 (61406)
তান্সমীপগতান্দৃষ্ট্বা জনানুদ্যতকার্মুকান্।
উবাচ দেবকীপুত্রং কুন্তীপুত্রো ধনঞ্জয়ঃ॥ 9-23-15 (61407)
চোদয়াশ্বানসম্ভ্রান্তঃ প্রবিশৈতদ্বলার্ণবম্।
অন্তমদ্য গমিষ্যামি শত্রূণাং নিশিতৈঃ শরৈঃ॥ 9-23-16 (61408)
অষ্টাদশ দিনান্যদ্য যুদ্ধস্যাস্য জনার্দন।
বর্তমানস্য মহতঃ সমাসাদ্য পরস্পরম্॥ 9-23-17 (61409)
অনন্তকল্পা ধ্বজিনী ভূৎবা হ্যেষাং মহাত্মনাম্।
ক্ষয়মদ্য গতা যুদ্ধে পশ্য দৈবং যথাবিধম্॥ 9-23-18 (61410)
সমুদ্রকল্পং চ বলং ধার্তরাষ্ট্রস্য মাধব।
অস্মনাসাদ্য সঞ্জাতং গোষ্পদোপমমচ্যুত॥ 9-23-19 (61411)
হতে ভীষ্মে ধীর্মমাসীচ্ছমঃ স্যাদিতি মাধব।
ন চ তৎকৃতবান্মূঢো ধার্তরাষ্ট্রঃ সুবালিশঃ॥ 9-23-20 (61412)
উক্তং ভীষ্মেণ যদ্বাক্যং হিতং তথ্যং চ মাধব।
তচ্চাপি নাসৌ কৃতবান্বীতবুদ্ধিঃ সুয়োধনঃ॥ 9-23-21 (61413)
তস্মিংস্তু নিহতে ভীষ্মে প্রচ্যুতে পৃথিবীপতৌ।
ন জানে কারণং কিন্তু যেন যুদ্ধমবর্তত॥ 9-23-22 (61414)
মূঢাংস্তু সর্বথা মন্যে ধার্তরাষ্ট্রান্সুবালিশান্।
পতিতে শন্তনোঃ পুত্রে যেঽকার্যুঃ সংয়ুগং পুনঃ॥ 9-23-23 (61415)
অনন্তরং চ নিহতে দ্রোণে ব্রহ্মবিদাং বরে।
রাধেয়ে চ বিকর্ণে চ নৈব শাম্যতি বৈশসম্॥ 9-23-24 (61416)
অল্পাবশিষ্টে সৈন্যেঽস্মিন্সূতপুত্রে চ পাতিতে।
সপুত্রে বৈ নরব্যাঘ্রে নৈব শাম্যতি বৈশসম্॥ 9-23-25 (61417)
শ্রুতায়ুষি হতে বীরে জলসন্ধে চ মাগধে।
শ্রুতায়ুধে চ নৃপতৌ নৈব শাম্যতি বৈশসম্॥ 9-23-26 (61418)
ভূরিশ্রবসি শল্যে চ সাল্যে চৈব জনার্দন।
আবন্ত্যেষু চ বীরেষু নৈব শাম্যতি বৈশসম্॥ 9-23-27 (61419)
জয়দ্রথে চ নিহতে রাক্ষসে চাপ্যলায়ুধে।
বাহ্লিকে সোমদত্তে চ নৈব শাম্যতি বৈশসম্॥ 9-23-28 (61420)
ভগদত্তে হতে শূরে কাম্ভোজে চ সুদারুণে।
দুঃশাসনে চ নিহতে নৈব শাম্যতি বৈশসম্॥ 9-23-29 (61421)
দৃষ্ট্বা বিনিহতাঞ্শূরান্পৃথঙ্মাণ়্ডলিকান্নৃপান্।
বলিনশ্চ রণে কৃষ্ণ নৈব শাম্যতি বৈশসম্॥ 9-23-30 (61422)
অক্ষৌহিণীপতীন্দৃষ্ট্বা ভীমসেননিপাতিতান্।
মোহাদ্বা যদি বা লোভান্নৈব শাম্যতি বৈশসম্॥ 9-23-31 (61423)
`হতপ্রবীরাং বিধ্বস্তাং দৃষ্ট্বা চেমাং চমূং রণে।
অলম্বলে চ নিহতে নৈব শাম্যতি বৈশসম্॥ 9-23-32 (61424)
ভ্রাতৄন্বিনিহতান্দৃষ্ট্বা বয়স্যান্মাতুলানপি।
পুত্রান্বিনিহতান্দৃষ্ট্বা নৈব শাম্যতি বৈশসম্'॥ 9-23-33 (61425)
কো নু রাজকুলে জাতঃ কৌরবেষু বিশেষতঃ।
নিরর্থকং মহদ্বৈরং কুর্যাদন্যঃ সুয়োধনাৎ॥ 9-23-34 (61426)
গুণতোঽভ্যধিকাঞ্জ্ঞাৎবা বলতঃ শৌর্যতোপি বা।
অমূঢঃ কো নু যুধ্যেত জানন্প্রাজ্ঞো হিতাহিতম্॥ 9-23-35 (61427)
কিন্নু তস্য মনো হ্যাসীত্ৎবয়োক্তস্য হিতং বচঃ।
প্রশমে পাণ্ডবৈঃ সার্ধং সোন্যস্য শৃণুয়াৎকথম্॥ 9-23-36 (61428)
যেন শান্তনবো ভীষ্মো দ্রোণো বিদুর এব চ।
প্রত্যাখ্যাতাঃ শংমস্যার্থে কিন্নু তস্যাদ্য ভেষজম্॥ 9-23-37 (61429)
মৌর্খ্যাদ্যেন পিতা বৃদ্বঃ প্রত্যাখ্যাতো জনার্দন।
তথা মাতা হিতং বাক্যং ভাষমাণা হিতৈষিণী॥ 9-23-38 (61430)
প্রত্যাখ্যাতা হ্যসৎকৃত্য স কস্মৈ রোচয়েদ্বচঃ।
কুলান্তকরণো ব্যক্তং জাত এষ জনার্দন॥ 9-23-39 (61431)
তথাস্য দৃশ্যতে চেষ্টা নীতিশ্চৈব বিশাম্পতে।
নৈষ দাস্যতি নো রাজ্যমিতি মে মতিরচ্যুত॥ 9-23-40 (61432)
উক্তোঽহং বহুশস্তাত বিদুরেণ মহাত্মনা।
ন জীবন্দাস্যতে ভাগং ধার্তরাষ্ট্রঃ সুয়োধনঃ॥ 9-23-41 (61433)
যাবৎপ্রাণা ধরিষ্যন্তি ধার্তরাষ্ট্রস্য দুর্মতেঃ।
তাবদ্যুষ্মাস্বপাপেষু প্রচরিষ্যতি পাপকম্॥ 9-23-42 (61434)
ন চ যুক্তোঽন্যথা জেতুমৃতে যুদ্ধেন মাধব।
ইত্যব্রবীৎসদা মাং হি বিদুরঃ সত্যদর্শনঃ॥ 9-23-43 (61435)
তৎসর্বমদ্য জানামি ব্যবসায়ং দুরাত্মনঃ।
যদুক্তং বচনং তেন বিদুরেণ মহাত্মনা॥ 9-23-44 (61436)
যো হি শ্রুৎবা বচঃ পথ্যং জামদগ্ন্যাদ্যথাতথম্।
অবামন্যত দুর্বুদ্ধির্ধ্রুবং নাশমুখে স্থিতঃ॥ 9-23-45 (61437)
উক্তং হি বহুভিঃ সিদ্ধৈর্জাতমাত্রে সুয়োধনে।
এনং প্রাপ্য দুরাত্মানং ক্ষয়ং ক্ষত্রং গমিষ্যতি॥ 9-23-46 (61438)
তদিদং বচনং তেষাং নিরুক্তং বৈ জনার্দন।
ক্ষয়ং যাতা হি রাজানো দুর্যোধনকৃতে ভৃশম্॥ 9-23-47 (61439)
সোঽদ্য সর্বান্রণে যোধান্নিহনিষ্যামি মাধব॥ 9-23-48 (61440)
ক্ষত্রিয়েষু হতেষ্বাশু শূন্যে চ শিবিরে কৃতে।
বধায় চাত্মনোঽস্মাভিঃ সংয়ুগং রোচয়িষ্যতি॥ 9-23-49 (61441)
তদন্তং হি ভবেদ্বৈরমনুমানেন মাধব।
এবং পশ্যামি বার্ষ্ণেয় চিন্তয়ন্প্রজ্ঞয়া স্বয়া।
বিদুরস্য চ বাক্যেন চেষ্টয়া চ দুরাত্মনঃ॥ 9-23-50 (61442)
তস্মাদ্যাহি চমূং বীর যাবদ্বন্মি শিতৈঃ শরৈঃ।
দুর্যোধনং মহাবাহো বাহিনীং চাস্য সংয়ুগে॥ 9-23-51 (61443)
ক্ষেমমদ্য করিষ্যামি ধর্মরাজস্য মাধব।
হৎবৈতদ্দুর্বলং সৈন্যং ধার্তরাষ্ট্রস্য পশ্যতঃ॥ 9-23-52 (61444)
সঞ্জয় উবাচ। 9-23-53x (5120)
অভীশুহস্তো দাশার্হস্তথোক্তঃ সব্যসাচিনা।
তদ্বলৌঘমমিত্রাণামভীতঃ প্রাবিশদ্বলাৎ॥ 9-23-53 (61445)
শরাসনবনং ঘোরং শক্তিকণ্টকসঙ্কুলম্।
গদাপরিঘপাষাণং রথনাগমহাদ্রুমম্॥ 9-23-54 (61446)
হয়পত্তিলতাকীর্ণং গাহমানো মহায়শাঃ।
ব্যচরত্তত্র গোবিন্দো রথেনাতিপতাকিনা॥ 9-23-55 (61447)
তে হয়াঃ পাণ্ডুরা রাজন্বহন্তোঽর্জুনমাহবে।
দিক্ষু সর্বাস্বদৃশ্যন্ত দাশার্হেণ প্রচোদিতাঃ॥ 9-23-56 (61448)
ততঃ প্রায়াদ্রথেনাজৌ সব্যসাচী পরন্তপঃ।
কিরঞ্শরশতাংস্তীক্ষ্ণান্বারিধারা ঘনো যথা॥ 9-23-57 (61449)
প্রাদুরাসীন্মহাঞ্শব্দঃ শরাণাং নতপর্বণাম্।
ইষুভিশ্ছাদ্যমানানাং সমরে সব্যসাচিনা॥ 9-23-58 (61450)
অসজ্জন্তস্তনুত্রেষু শরৌঘাঃ প্রাপতন্ভুবি।
ইন্দ্রাশনিসমস্পর্শা গাণ্ডীবপ্রেষিতাঃ শরাঃ॥ 9-23-59 (61451)
নরান্নাগান্সমাহত্য হয়াংশ্চাপি বিশাম্পতে।
অপতন্ত রণে বাণাঃ পতঙ্গা ইব ঘোষিণঃ॥ 9-23-60 (61452)
আসীৎসর্বমবচ্ছন্নং গাণ্ডীবপ্রেষিতৈঃ শরৈঃ।
ন প্রাজ্ঞায়ন্ত সমরে দিশো বা প্রদিশোপি বা॥ 9-23-61 (61453)
সর্বমাসীজ্জগৎপূর্ণং পার্থনামাঙ্কিতৈঃ শরৈঃ।
রুক্মপুঙ্খৈস্তৈলধৌতৈঃ কর্মারপরিমার্জিতৈঃ॥ 9-23-62 (61454)
তে দহ্যমানাঃ পার্থেন পাবকেনেব কুঞ্জরাঃ।
পার্থং ন প্রাজহুর্ঘারা বধ্যমানাঃ শিতৈঃ শরৈঃ॥ 9-23-63 (61455)
শরচাপধরঃ পার্থঃ প্রজ্বলন্নিব ভাস্করঃ।
দদাহ সমরে যোধান্কক্ষমগ্নিরিব জ্বলন্॥ 9-23-64 (61456)
যথা বনান্তে বনপৈর্বিসৃষ্টঃ
কক্ষং দহেৎকৃষ্ণগতিঃ সুঘোষঃ।
ভূরিদ্রুমং শুষ্কলতাবিতানং
ভৃশং সমৃদ্ধো জ্বলনঃ প্রতাপী॥ 9-23-65 (61457)
এবং স নারাচগণম্প্রতাপী
শরার্চিরুচ্চাবচতিগ্মতেজাঃ।
দদাহ সর্বাং তব পুত্রসেনা--
মমৃষ্যমাণস্তরসা তরস্বী॥ 9-23-66 (61458)
তস্যেষবঃ প্রাণহরাঃ সুমুক্তা
নাসজ্জন্বৈ বর্মসু রুক্মপুঙ্খাঃ।
ন চ দ্বিতীয়ং প্রমুমোচ বাণং
নরে হয়ে বা পরমদ্বিপে বা॥ 9-23-67 (61459)
অনেকরূপাকৃতিভির্হি বাণৈ--
র্মহারথানীকমনুপ্রবিশ্য।
স এব একস্তব পুত্রস্য সেনাং
জঘান দৈত্যানিব বজ্রপাণিঃ॥ ॥ 9-23-68 (61460)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে ত্রয়োবিংশোঽধ্যায়ঃ॥ 23 ॥
Mahabharata - Shalya Parva - Chapter Footnotes
9-23-42 পাপকং প্রচরিষ্যতি আচরিষ্যতি ধার্তরাষ্ট্র ইতি শেষঃ॥ 9-23-23 ত্রয়োবিংশোঽধ্যায়ঃ॥শল্যপর্ব - অধ্যায় 024
॥ শ্রীঃ ॥
9.24. অধ্যায়ঃ 024
Mahabharata - Shalya Parva - Chapter Topics
ধৃষ্টদ্যুম্নপরাজিতেন দুর্যোধনেনাশ্বারোহণেন পলায়নম্॥ 1 ॥ অশ্বত্থামাদিভিস্তদন্বেষণম্॥ 2 ॥Mahabharata - Shalya Parva - Chapter Text
9-24-0 (61461)
সঞ্জয় উবাচ। 9-24-0x (5121)
যুধ্যতাং যতমানানাং শূরাণামনিবর্তনাম্।
সঙ্কল্পমকরোন্মোঘং গাণ্ডীবেন ধনঞ্জয়ঃ॥ 9-24-1 (61462)
ইন্দ্রাশনিসমস্পর্শানবিষহ্যান্মহৌজসঃ।
বিসৃজন্দৃশ্যতে বাণান্ধারা মুঞ্চন্নিবাম্বুদঃ॥ 9-24-2 (61463)
তৎসৈন্যং ভরতশ্রেষ্ঠ বধ্যমানং কিরীটিনা।
সম্প্রদুদ্রাব সঙ্গ্রামাত্তব পুত্রস্য পশ্যতঃ॥ 9-24-3 (61464)
পিতৄন্ভ্রাতৄন্পরিত্যজ্য বয়স্যানপি চাপরে॥ 9-24-4 (61465)
হতধুর্যা রথাঃ কেচিদ্ধতসূতাস্তথা পরে।
ভগ্নাক্ষয়ুগচক্রেষাঃ কেচিদাসন্বিশাম্পতে॥ 9-24-5 (61466)
অন্যেষাং সায়কাঃ ক্ষীণাস্তথাঽন্যে বাণপীডিতাঃ।
অক্ষতা যুগপৎকেচিৎপ্রাদ্রবন্ভয়পীডিতাঃ॥ 9-24-6 (61467)
কেচিৎপুত্রানুপাদায় হতভূয়িষ্ঠবান্ধবাঃ।
বিচুক্রুশুঃ পিতৄংস্ৎবন্যে সহায়ানপরে পুনঃ॥ 9-24-7 (61468)
বান্ধবাংশ্চ নরব্যাঘ্র ভ্রাতৄন্সম্বন্ধিনস্তথা।
দুদ্রুবুঃ কেচিদুৎসৃজ্য তত্রতত্র বিশাম্পতে॥ 9-24-8 (61469)
বহবোঽত্র ভৃশং বিদ্ধা মুহ্যমানা মহারথাঃ।
নিঃশ্বসন্তি স্ম দৃশ্যন্তে পার্থবাণহতা নরাঃ॥ 9-24-9 (61470)
তানন্যে রথমারোপ্য হ্যাশ্বাস্য চ মুহূর্তকম্।
বিশ্রান্তাশ্চ বিতৃষ্ণাশ্চ পুনর্যুদ্ধায় জগ্মিরে॥ 9-24-10 (61471)
তানপাস্য গতাঃ কেচিৎপুনরেব যুয়ুৎসবঃ।
কুর্বন্তস্তব পুত্রস্য শাসনং যুদ্ধদুর্মদাঃ॥ 9-24-11 (61472)
পানীয়মপরে পীৎবা পর্যাশ্বাস্য চ বাহনম্।
বর্মাণি চ সমারোপ্য কেচিদ্ভরতসত্তম॥ 9-24-12 (61473)
সমাশ্বাস্যাপরে ভ্রাতৄন্নিক্ষিপ্য শিবিরেঽপি চ।
পুত্রানন্যে পিতৄনন্যে পুনর্যুদ্ধমরোচয়ন্॥ 9-24-13 (61474)
সজ্জয়িৎবা রথান্কেচিদ্যথামুখ্যং বিশাম্পতে।
আবৃত্য পাণ্ডবানীকং পুনর্যুদ্ধমরোচয়ন্॥ 9-24-14 (61475)
তে শূরাঃ কিঙ্কিণীজালৈঃ সমাচ্ছন্না বভাসিরে।
ত্রৈলোক্যবিজয়ে যুক্তা যথা দৈতেয়দানবাঃ॥ 9-24-15 (61476)
আগম্য সহসা কেচিদ্রথৈঃ স্বর্ণবিভূষিতৈঃ।
পাণ্ডবানামনীকেষু ধৃষ্টদ্যুম্নময়োধয়ন্॥ 9-24-16 (61477)
ধৃষ্টদ্যুম্নোঽপি পাঞ্চাল্যঃ শিখণ্ডী চ মহারথঃ।
নাকুলিস্তু শতানীকো রথানীকময়োধয়ন্॥ 9-24-17 (61478)
পাঞ্চাল্যস্তু ততঃ ক্রুদ্ধঃ সৈন্যেন মহতা বৃতঃ।
অভ্যদ্রবৎসুসঙ্ক্রুদ্ধস্তাবকান্হন্তুমুদ্যতঃ॥ 9-24-18 (61479)
ততস্ৎবাপততস্তস্য তব পুত্রো জনাধিপ।
বাণসঙ্ঘাননেকান্বৈ প্রেষয়ামাস ভারত॥ 9-24-19 (61480)
ধৃষ্টদ্যুম্নস্ততো রাজংস্তব পুত্রেণ ধন্বিনা।
নারাচৈরর্ধনারাচৈর্বহুভিঃ ক্ষিপ্রকারিভিঃ॥ 9-24-20 (61481)
বৎসদন্তৈশ্চ বাণৈশ্চ কর্মারপরিমার্জিতৈঃ।
অশ্বাংশ্চ চতুরো হৎবা বাহ্বোরুরসি চার্পিতঃ॥ 9-24-21 (61482)
সোঽতিবিদ্ধো মহেষ্বাসস্তোত্রার্দিত ইব দ্বিপঃ।
তস্যাশ্বাংশ্চতুরো বাণৈঃ প্রেষয়ামাস মৃত্যবে।
সারথেশ্চাস্য ভল্লেন শিরঃ কায়াদপাহরৎ॥ 9-24-22 (61483)
ততো দুর্যোধনো রাজা পৃষ্ঠমারুহ্য বাজিনঃ।
অপাক্রামদ্বতরথো নাতিদূরমরিন্দমঃ॥ 9-24-23 (61484)
দৃষ্টা তু হতবিক্রান্তং স্বমনীকং মহাবলঃ।
তব পুত্রো মহারাজ প্রয়যৌ যত্র সৌবলঃ॥ 9-24-24 (61485)
ততো রথেষু ভগ্নেষু ত্রিসাহস্রা মহাদ্বিপাঃ।
পাণ্ডবান্রথিনঃ সর্বান্সমন্তাৎপর্যবারয়ন্॥ 9-24-25 (61486)
তে বৃতাঃ সমরে পঞ্চ গজানীকেন ভারত।
অশোভন্ত মহারাজ গ্রহাস্তারাগণৈরিব॥ 9-24-26 (61487)
ততোঽর্জুনো মহারাজ লব্ধলক্ষৌ মহাভুজঃ।
বিনির্যযৌ রথেনৈব শ্বেতাশ্বঃ কৃষ্ণসারথিঃ॥ 9-24-27 (61488)
তৈঃ সমন্তাৎপরিবৃতঃ কুঞ্জরৈঃ পর্বতোপমৈঃ।
নারাচৈর্বিমলৈস্তীক্ষ্ণৈর্গজানীকময়োধয়ৎ॥ 9-24-28 (61489)
তত্রৈকবাণনিহতানপশ্যাম মহাগজান্।
পতিতান্পাত্যমানাংশ্চ নির্ভিন্নান্সব্যসাচিনা॥ 9-24-29 (61490)
ভীমসেনস্তু তান্দৃষ্ট্বা নাগান্মত্তগজোপমঃ।
করেণাদায় মহতীং গদামভ্যপতদ্বলী।
অথাপ্লুত্য রথাত্তূর্ণং দণ্ডপাণিরিবান্তকঃ॥ 9-24-30 (61491)
তমুদ্যতগদং দৃষ্ট্বা পাণ্ডবানাং মহারথম্।
বিত্রেসুস্তাবকাঃ সৈন্যাঃ শকৃন্মূত্রং চ সুস্রুবুঃ॥ 9-24-31 (61492)
আবিগ্নং চ বলং সর্বং গদাহস্তে বৃকোদরে॥ 9-24-32 (61493)
গদয়া ভীমসেনেন ভিন্নকুম্ভান্নিপাতিতান্।
ধাবমানানপশ্যাম কুঞ্জরান্পর্বতোপমান্॥ 9-24-33 (61494)
প্রাদ্রবন্কুঞ্জরাস্তে তু ভীমসেনগদাহতাঃ।
পেতুরার্তস্বরং কৃৎবা ছিন্নপক্ষা ইবাদ্রয়ঃ॥ 9-24-34 (61495)
প্রভিন্নকুম্ভাংস্তু বহূন্দ্রবমাণানিতস্ততঃ।
পতমানাংশ্চ সম্প্রেক্ষ্য বিত্রেসুস্তব সৈনিকাঃ॥ 9-24-35 (61496)
যুধিষ্ঠিরোঽপি সঙ্ক্রুদ্ধো মাদ্রীপুত্রৌ চ পাণ্ডবৌ।
গার্ধ্রপত্রৈঃ শিতৈর্বাণৈর্জঘ্নুর্বৈ গজয়োধিনঃ॥ 9-24-36 (61497)
ধৃষ্টদ্যুম্নস্তু সমরে পারজিত্য নরাধিপম্।
অপক্রান্তে তব সুতে হয়পৃষ্ঠে সমাশ্রিতে॥ 9-24-37 (61498)
দৃষ্ট্বা চ পাণ্ডবান্সর্বান্কুঞ্চরৈঃ পরিবারিতান্।
ধৃষ্টদ্যুম্নো মহারাজ সহসা সমুপাদ্রবৎ॥ 9-24-38 (61499)
পুত্রঃ পাঞ্চালরাজস্য জিঘাংসুঃ কুঞ্জরান্যযৌ।
অদৃষ্ট্বা তু রথানীকে দুর্যোধনমরিন্দমম্॥ 9-24-39 (61500)
অশ্বত্থামা কৃপশ্চৈব কৃতবর্মা চ সাৎবতঃ।
অপৃচ্ছন্ক্ষত্রিয়াংস্তত্র ক্ব নু দুর্যোধনো গতঃ॥ 9-24-40 (61501)
তেঽপশ্যমানা রাজানং বর্তমানে জনক্ষয়ে।
মন্বানা নিহতং তত্র তব পুত্রং মহারথাঃ।
বিবর্ণবদনা ভূৎবা পর্যপৃচ্ছন্ত তে সুতম্॥ 9-24-41 (61502)
আহুঃ কেচিদ্বতে সূতে প্রয়াতো যত্র সৌবলঃ।
হিৎবা পাঞ্চালরাজস্য তদনীকং দুরুৎসহম্॥ 9-24-42 (61503)
অপরে ৎবব্রুবংস্তত্র ক্ষত্রিয়া ভৃশবিক্ষতাঃ।
দুর্যোধনেন কিং কার্যং দ্রক্ষ্যধ্বং যদি জীবতি।
যুধ্যধ্বং সহিতাঃ সর্বে কিং বো রাজা করিষ্যতি॥ 9-24-43 (61504)
তে ক্ষত্রিয়াঃ ক্ষতৈর্গাত্রৈর্হতভূয়িষ্ঠবাহনাঃ।
শরৈঃ সম্পীড্যমানাস্তু নাতিব্যক্তমথাব্রুবন্॥ 9-24-44 (61505)
ইদং সর্বং বলং হন্মো যেন স্ম পরিবারিতাঃ।
এতে সর্বে গজান্হৎবা উপয়ান্তি স্ম পাণ্ডবাঃ॥ 9-24-45 (61506)
শ্রুৎবা তু বচনং তেষামশ্বত্থামা মহাবলঃ।
ভিত্ৎবা পাঞ্চালরাজস্য তদনীকং দুরুৎসহম্॥ 9-24-46 (61507)
কৃপশ্চ কৃতবর্মা চ প্রয়যৌ যত্র সৌবলঃ।
রথানীকং পরিত্যজ্য শূরাঃ সুদৃঢধন্বিনঃ॥ 9-24-47 (61508)
ততস্তেষু প্রয়াতেষু ধৃষ্টদ্যুম্নপুরস্কৃতাঃ।
আয়যুঃ পাণ্ডবা রাজন্বিনিঘ্নন্তঃ স্ম তাবকান্॥ 9-24-48 (61509)
দৃষ্ট্বা তু তানাপততঃ সম্প্রহৃষ্টান্মহারথান্।
পরাক্রান্তাস্ততো বীরা নিরাশা জীবিতে তদা॥ 9-24-49 (61510)
বিবর্ণমুখভূয়িষ্ঠমভবত্তাবকং বলম্।
পরিক্ষীণায়ুধান্দৃষ্ট্বা তানহং পরিবারিতান্॥ 9-24-50 (61511)
রাজন্বলেন ত্র্যঙ্গেন ত্যক্ৎবা জীবিতমাত্মনঃ।
আত্মনা পঞ্চমোঽয়ুধ্যং পাঞ্চালস্য বলেন হ॥ 9-24-51 (61512)
তস্মিন্দেশে ব্যবস্থায় যত্র শারদ্বতঃ স্থিতঃ।
সম্প্রদ্রুতা বয়ং পঞ্চ কিরীটিশরপীডিতাঃ॥ 9-24-52 (61513)
ধৃষ্টদ্যুম্নং মহারৌদ্রং তত্র নাভূদ্রণো মহান্।
জিতাস্তেন বয়ং সর্বে ব্যপয়াম রণাত্ততঃ॥ 9-24-53 (61514)
অথাপশ্যং সাত্যকিং তমুপায়াতং মহারথম্।
রথৈশ্চতুঃ শতৈর্বীরো মামভ্যদ্রবদাহবে॥ 9-24-54 (61515)
ধৃষ্টদ্যুম্নাদহং মুক্তঃ কঞ্ছিছ্রান্তবাহনাৎ।
পতিতো মাধবানীকং দুষ্কৃতী নরকং যথা॥ 9-24-55 (61516)
তত্র যুদ্ধমভূদ্ধোরং মুহূর্তমতিদারুণম্॥ 9-24-56 (61517)
সাত্যকিস্তু মহাবাহুর্মম হৎবা পরিচ্ছদম্।
জীবগ্রাহমগৃহ্ণান্মাং মূর্চ্ছিতং পতিতং ভুবি॥ 9-24-57 (61518)
ততো মুহূর্তাদিব তদ্গজানীকমবিধ্যত।
গদয়া ভীমসেনেন নারাচৈরর্জুনেন চ॥ 9-24-58 (61519)
অভিপিষ্টৈর্মহানাগৈঃ সমন্তাৎপর্বতোপমৈঃ।
নাতিপ্রসিদ্ধৈব গতিঃ পাণ্ডবানামজায়ত॥ 9-24-59 (61520)
রথমার্গং ততশ্চক্রে ভীমসেনো মহাবলঃ।
পাণ্ডবানাং মহারাজ ব্যপাকর্ষন্মহাগজান্॥ 9-24-60 (61521)
অশ্বত্থামা কৃপশ্চৈব কৃতবর্মা চ সাৎবতঃ।
অপশ্যন্তো রথানীকে দুর্যোধনসমরিন্দমম্।
রাজানং মৃগয়ামাসুস্তব পুত্রং মহারথম্॥ 9-24-61 (61522)
পরিত্যজ্য চ পাঞ্চাল্যং প্রয়াতা যত্র সৌবলঃ।
রাজ্ঞোঽদর্শনসংবিগ্না বর্তমানো জনক্ষয়ে॥ ॥ 9-24-62 (61523)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে চতুর্বিংশোঽধ্যায়ঃ॥ 24 ॥
Mahabharata - Shalya Parva - Chapter Footnotes
9-24-4 সম্প্রদুদ্রাবেতি পূর্বস্থং সম্প্রদুদ্রুবুরিতি বিপরিণামেন সম্বধ্যতে॥ 9-24-24 চতুর্বিংশোঽধ্যায়ঃ॥শল্যপর্ব - অধ্যায় 025
॥ শ্রীঃ ॥
9.25. অধ্যায়ঃ 025
Mahabharata - Shalya Parva - Chapter Topics
ভীমেনাবশিষ্টানাং দুর্যোধনানুজানাং বধঃ॥ 1 ॥Mahabharata - Shalya Parva - Chapter Text
9-25-0 (61524)
সঞ্জয় উবাচ। 9-25-0x (5122)
গজানীকে হতে তস্মিন্পাণ্ডুপুত্রেণ ভারত।
বধ্যমানে বলে চৈব ভীমসেনেন সংয়ুগে॥ 9-25-1 (61525)
চরন্তং চ প্রপশ্যামো ভীমসেনমরিন্দমম্।
দণ্ডহস্তং যথা ক্রুদ্বমন্তকং প্রাণহারিণম্॥ 9-25-2 (61526)
সমেত্য সমরে রাজন্হতশেষাঃ সুতাস্তব।
অদৃশ্যমানে কৌরব্যে পুত্রে দুর্যোধনে তব।
সোদর্যাঃ সহিতা ভূৎবা ভীমসেনমুপাদ্রবন্॥ 9-25-3 (61527)
শ্রুতর্বা সঞ্জয়শ্চৈব জয়ৎসেনঃ শ্রুতান্তকঃ।
দুর্বিমোচনকশ্চৈব তথা দুর্বিষহো বলী॥ 9-25-4 (61528)
দুর্মর্ষণঃ সুজাতশ্চ জৈত্রো ভূরিবলো রবিঃ।
ইত্যেতে সহিতা ভূৎবা তব পুত্রাঃ সমন্ততঃ।
ভীমসেনমভিদ্রুত্য রুরুধুঃ সর্বতো দিশম্॥ 9-25-5 (61529)
ততো ভীমো মহারাজ স্বরথং পুনরাস্থিতঃ।
মুমোচ নিশিতান্বাণান্পুত্রাণাং তব মর্মসু॥ 9-25-6 (61530)
তে কীর্যমাণা ভীমেন পুত্রাস্তব মহারণে।
ভীমসেনমুপাসেদুঃ প্রবাতা ইব কুঞ্জরম্॥ 9-25-7 (61531)
ততঃ ক্রুদ্ধো রণে ভীমঃ শিরো দুর্মর্ষণস্য হ।
ক্ষুরপ্রেণ প্রমথ্যাশু পাতয়ামাস ভূতলে॥ 9-25-8 (61532)
ততোঽপরেণ ভল্লেন সর্বাবরণভেদিনা।
শ্রুতান্তমবধীদ্বীমস্তব পুত্রং মহারথঃ॥ 9-25-9 (61533)
জয়ৎসেনং ততো বিদ্বা নারাচেন হসন্নিব।
পাতয়ামাস কৌরব্যং রথোপস্থাদরিন্দমঃ।
স পপাত রথাদ্রাজন্ভূমৌ তূর্ণং মমার চ॥ 9-25-10 (61534)
শ্রুতর্বা তু ততো ভীমং ক্রুদ্ধো বিব্যাধ মারিষ।
শতেন গৃঘ্রবাজানাং শরাণাং নতপর্বণাম্॥ 9-25-11 (61535)
ততঃ ক্রুদ্ধো রণে ভীমো জৈত্রং ভূরিবলং রবিম্।
ত্রীনেতাংস্ত্রিভিরানর্চ্ছদ্বিষাগ্নিপ্রতিমৈঃ শরৈঃ॥ 9-25-12 (61536)
তে হতা ন্যপতন্ভূমৌ স্যন্দনেভ্যো মহারথাঃ।
বসন্তে পুষ্পশবলা নিকৃত্তা ইব কিংশুকাঃ॥ 9-25-13 (61537)
ততোঽপরেণ ভল্লেন তীক্ষ্ণেন চ পরন্তপঃ।
দুর্বিমোচনমাহত্য প্রেষয়ামাস মৃত্যবে॥ 9-25-14 (61538)
স হতঃ প্রাপতদ্ভূমৌ স্বরথাদ্রথিনাং বরঃ।
গিরেস্তু কূটজো ভগ্নো মারুতেনেব পাদপঃ॥ 9-25-15 (61539)
দুষ্প্রধর্ষং ততশ্চৈব সুজাতং চ সুতং তব।
একৈকং ন্যহনৎসঙ্খ্যে দ্বাভ্যাংদ্বাভ্যাং চমূমুখে।
তৌ শিলীমুখবিদ্ধাঙ্গৌ পেততূ রথসত্তমৌ॥ 9-25-16 (61540)
ততঃ পতন্তং সমরে অভিবীক্ষ্য সুতং তব।
ভল্লেন পাতয়ামাস ভীমো দুর্বিপহং রণে॥ 9-25-17 (61541)
স পপাত হতো বাহাৎপশ্যতাং সর্বধন্বিনাম্॥ 9-25-18 (61542)
দৃষ্ট্বা তু নিহতান্ভ্রাতৄন্বহূনেকেন সংয়ুগে।
অমর্ষধশমাপসঃ শ্রুতর্বা ভীমমভ্যযাৎ॥ 9-25-19 (61543)
বিক্ষিপন্সুমহচ্চাপং কার্তখরবিভূষিতম্।
বিমৃজন্সায়কাংশ্চৈব বিষাগ্নিপ্রতিমান্বহূন্॥ 9-25-20 (61544)
স তু রাজন্ধনুশ্ছিত্ৎবা পাণ্ডবস্য মহামৃধে।
অথৈনং ছিন্নধন্বানং বিংশত্যা সমবাকিরৎ॥ 9-25-21 (61545)
ততোঽন্যদ্ধনুরাদায় ভীমসেনো মহাবলঃ।
অবাকিরত্তব সুতং তিষ্ঠতিষ্ঠেতি চাব্রবীৎ॥ 9-25-22 (61546)
মহদাসীত্তয়োর্যুদ্ধং চিত্ররূপং ভয়ানকম্।
বাদৃশং সমরে পূর্বং তম্ভবাসবয়োর্যুধি॥ 9-25-23 (61547)
তয়োস্তত্র শিতৈর্গুক্তৈর্যমদণ্ডনিভৈঃ শরৈঃ।
সমাচ্ছকাধারা সর্বা ৎবং দিশো বিদিশস্তথা॥ 9-25-24 (61548)
অতঃ শ্রুতর্বা সঙ্ক্রুদ্ধো ধনুরাদায় সায়কৈঃ।
ভীমসেনং রণে রাজন্বাহ্বোরুরসি চার্পয়ৎ॥ 9-25-25 (61549)
সোঽতিবিদ্ধো মহারাজ তব পুত্রেণ ধন্বিনা।
ভীমঃ সঞ্চুক্ষুভে ক্রুদ্ধঃ পর্বণীব মহোদধিঃ॥ 9-25-26 (61550)
ততো ভীমো রুষাবিষ্টঃ পুত্রস্য তব মারিষ।
সারথিং চতুরশ্চাশ্বাঞ্শরৈর্নিন্যে যমক্ষয়ম্॥ 9-25-27 (61551)
বিরথং তং সমালক্ষ্য বিশিখৈর্লোমবাহিভিঃ।
অবাকিরদমেয়াত্মা দর্শয়ন্পাণিলাঘবম্॥ 9-25-28 (61552)
শ্রুতর্বা বিরথো রাজন্নাদদে খঙ্গচর্মণী।
অথাস্যাদদতঃ খহ্গং শতচন্দ্রং চ ভানুমৎ।
ক্ষুরপ্রেণং শিরঃ কায়াৎপাতয়ামাস পাণ্ডবঃ॥ 9-25-29 (61553)
ছিন্নোত্তমাঙ্গস্য ততঃ ক্ষুরপ্রেণ মহাত্মনা।
পপাত কায়ঃ স্বরথাদ্বসুধামনুনাদয়ন্॥ 9-25-30 (61554)
তস্মিন্নিপতিতে বীরে তাবকা ভয়মোহিতাঃ।
অভ্যদ্রবন্ত সঙ্গ্রামে ভীমসেনং যুয়ুৎসবঃ॥ 9-25-31 (61555)
তানাপতত এবাশু হতশেষাদ্বলার্ণবাৎ।
দংশিতান্প্রতিজগ্রাহ ভীমসেনঃ প্রতাপবান্॥ 9-25-32 (61556)
তে তু তং বৈ সমাসাদ্য পরিবব্রুঃ সমন্ততঃ॥ 9-25-33 (61557)
ততস্তু সংবৃতো ভীমস্তাবকান্নিশিতৈঃ শরৈঃ।
পীডয়ামাস তান্সর্বান্সহস্রাক্ষ ইবাসুরান্॥ 9-25-34 (61558)
ততঃ পঞ্চশতান্হৎবা সবরূথান্মহারথান্।
জঘান কুঞ্জরানীকং পুনঃ সপ্তশতং যুধি॥ 9-25-35 (61559)
হৎবা শতসহস্রাণি পত্তীনাং পরমেষুভিঃ।
বাজিনাং চ শতান্যষ্টৌ পাণ্ডবঃ স্ম বিরাজতে॥ 9-25-36 (61560)
ভীমসেনস্তু কৌন্তেয়ো হৎবা যুদ্ধে সুতাংস্তব।
মেনে কৃতার্থমাত্মানং সফলং জন্ম চ প্রভো॥ 9-25-37 (61561)
তং তথা যুধ্যমানং চ বিনিঘ্নন্তং চ তাবকান্।
ঈক্ষিতুং নোৎসহন্তে স্ম তব সৈন্যা নরাধিপ॥ 9-25-38 (61562)
বিদ্রাব্য চ কুরূন্সর্বাংস্তাংশ্চ হৎবা পদানুগান্।
দোর্ভ্যাং শব্দং ততশ্চক্রে ত্রাসয়ানো মহাদ্বিপান্॥ 9-25-39 (61563)
হতভূয়িষ্ঠয়োধা তু তব সেনা বিশামম্পতে।
কিঞ্চিচ্ছেষা মহারাজ কৃপণং সমপদ্যত॥ ॥ 9-25-40 (61564)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে পঞ্চবিংশোঽধ্যায়ঃ॥ 25 ॥
Mahabharata - Shalya Parva - Chapter Footnotes
9-25-7 প্রবণাদিব কুঞ্জরমিতি ঝ.পাঠঃ॥ 9-25-25 পঞ্চবিংশোঽধ্যায়ঃ॥শল্যপর্ব - অধ্যায় 026
॥ শ্রীঃ ॥
9.26. অধ্যায়ঃ 026
Mahabharata - Shalya Parva - Chapter Topics
কৃষ্ণার্জুনয়োঃ সংবাদঃ॥ 1 ॥ সঙ্কুলয়ুদ্ধম্॥ 2 ॥ ভীমেন সুদর্শননাম্নো দুর্যোধনানুজস্য বধঃ॥ 3 ॥Mahabharata - Shalya Parva - Chapter Text
9-26-0 (61565)
সঞ্জয় উবাচ। 9-26-0x (5123)
দুর্যোধনো মহারাজ সুদর্শশ্চাপি তে সুতঃ।
হতশেষৌ তদা সঙ্খ্যে বাজিমধ্যে ব্যবস্থিতৌ॥ 9-26-1 (61566)
ততো দুর্যোধনং দৃষ্ট্বা বাজিমধ্যে ব্যবস্থিতম্।
উবাচ দেবকীপুত্রঃ কুন্তীপুত্রং ধনঞ্জয়ম্॥ 9-26-2 (61567)
শত্রবো হতভূয়িষ্ঠা জ্ঞাতয়ঃ পরিপালিতাঃ।
গৃহীৎবা সঞ্জয়ং চাসৌ নিবৃত্তঃ শিনিপুঙ্গবঃ॥ 9-26-3 (61568)
পরিশ্রান্তশ্চ নকুলঃ সহদেবশ্চ ভারত।
যোধয়িৎবা রণে পাপান্ধার্তরাষ্ট্রান্সহানুগান্॥ 9-26-4 (61569)
দুর্যোধনমতিক্রম্য ত্রয় এতে ব্যবস্থিন্তাঃ।
কৃপশ্চ কৃতবর্মা চ দ্রৌণিশ্চৈব মহারথঃ॥ 9-26-5 (61570)
অসৌ তিষ্ঠতি পাঞ্চাল্যঃ শ্রিয়া পরময়া যুতঃ।
দুর্যোধনবলং হৎবা সহ সর্বৈঃ প্রভদ্রকৈঃ॥ 9-26-6 (61571)
অসৌ দুর্যোধনঃ পার্থ বাজিমধ্যে ব্যবস্থিতঃ।
ছত্রেণ ধ্রিয়ামণেন প্রেক্ষমাণো মুহুর্মুহুঃ॥ 9-26-7 (61572)
প্রতিব্যূহ্য বলং সর্বং রণমধ্যে ব্যবস্থিতঃ।
এনং হৎবা শিতৈর্বাণৈঃ কৃতকৃত্যো ভবিষ্যসি॥ 9-26-8 (61573)
গজানীকং হতং দৃষ্ট্বা ৎবাং চ প্রাপ্তমরিন্দম।
যাবন্ন বিদ্রবন্ত্যেতে তাবজ্জহি সুয়োধন্সম্॥ 9-26-9 (61574)
যাতু কশ্চিত্তুং পাঞ্চাল্যং ক্ষিপ্রমাগম্যতামিতি।
পরিশ্রান্তবলস্তাত নৈষ মুচ্যেত কিল্বিষী॥ 9-26-10 (61575)
হৎবা তব বলং সর্বং সঙ্গ্রমে ধৃতরাষ্ট্রজঃ।
জিতান্পাণ্ডুসুতান্প্রৎবা রূপং ধারয়তে মহৎ॥ 9-26-11 (61576)
নিহতং স্ববলং দৃষ্ট্বা পীডিতং চাপি পাণ্ডবৈঃ।
ধ্রুবমেষ্যতি সঙ্গ্রমে বধায়ৈবাত্মনো নৃপঃ॥ 9-26-12 (61577)
এবমুক্তঃ ফল্গুনস্তু কৃষ্ণং বচনমব্রবীৎ।
ধৃতরাষ্ট্রসুতাঃ সর্বে হতা ভীমেন মাধব।
যাবেতাবাস্থিতৌ কৃষ্ণ তাবদ্য নভবিষ্যতঃ॥ 9-26-13 (61578)
হতো ভীষ্মো হতো দ্রোণঃ কর্ণো বৈকর্তনো হতঃ।
মদ্ররাজো হতঃ শল্যো হতঃ কৃষ্ণ জয়দ্রথঃ॥ 9-26-14 (61579)
হয়াঃ পঞ্চশতাঃ শিষ্টাঃ শকুনেঃ সৌবলস্য চ।
রথানাং তু শতে শিষ্টে দ্বে এব তু জনার্দন।
দন্তিনাং চ শতং সাগ্রং ত্রিসাহস্রাঃ পদাতয়ঃ॥ 9-26-15 (61580)
অশ্বত্থামা কৃপশ্চৈব ত্রিগর্তাধিপতিস্তথা।
উলূকঃ শকুনিশ্চৈব কৃতবর্মা চ সাৎবতঃ॥ 9-26-16 (61581)
এতদ্বলমভূচ্ছেষং ধার্তরাষ্ট্রস্য মাধব।
মোক্ষো ন নূনং কালাত্তু বিদ্যতে ভুবি কস্যচিৎ॥ 9-26-17 (61582)
তথা বিনিহতে সৈন্যে পশ্য দুর্যোধনং স্থিতম্।
অদ্যাহ্না হি মহারাজো হতামিত্রো ভবিষ্যতি।
ন হি মে মোক্ষ্যতে কশ্চিৎপরেষামিহ চিন্তয়ে॥ 9-26-18 (61583)
যে ৎবদ্য সমরং কৃষ্ণ ন হাস্যন্তি মদোৎকটাঃ।
তান্বৈ সর্বান্হনিষ্যামি যদ্যপি স্যুরমানুষাঃ॥ 9-26-19 (61584)
অদ্য যুদ্ধে সমুৎপন্নং দীর্ঘং রাজ্ঞঃ প্রজাগরম্।
অপনেষ্যামি গান্ধারিং ঘাতয়িৎবা শিতৈঃ শরৈঃ॥ 9-26-20 (61585)
নিকৃত্যা বৈ দুরাচারো যানি রত্নানি সৌবলঃ।
সভায়ামহরদ্দ্যূতে পুনস্তান্যাহরাম্যহম্॥ 9-26-21 (61586)
অদ্য বেৎস্যন্তি মচ্ছক্তিং সর্বা নাগপুরে স্ত্রিয়ঃ।
শ্রুৎবা পতীংশ্চ পুত্রাংশ্চ পাণ্ডবৈর্নিহতান্যুধি॥ 9-26-22 (61587)
সমাপ্তমদ্য বৈ কর্ম সর্বং কৃষ্ণ ভবিষ্যতি।
অদ্য দুর্যোধনো দীপ্তাং শ্রিয়ং প্রাণাংশ্চ মোক্ষ্যতি॥ 9-26-23 (61588)
নাপয়াতি ভয়াৎকৃষ্ণ সঙ্গ্রামাদ্যদি চেন্মম।
নিহতং বিদ্ধি বার্ষ্ণেয় ধার্তরাষ্ট্রং সুবালিশম্॥ 9-26-24 (61589)
মম হ্যেতদপর্যাপ্তং বাজিবৃন্দমরিন্দম।
সোঢুং জ্যাতলনির্ঘোষং যাহি যাবন্নিহন্ম্যহম্॥ 9-26-25 (61590)
সঞ্জয় উবাচ। 9-26-26x (5124)
এবমুক্তস্তু দাশার্হঃ পাণ্ডবেন যশস্বিনা।
অচোদয়দ্ধায়ন্রাজন্দুর্যোধনবলং প্রতি॥ 9-26-26 (61591)
তদনীকমভিপ্রেক্ষ্য ত্রয়ঃ সজ্জা মহারথাঃ।
ভীমসেনোঽকর্জুনশ্চৈব সহদেবশ্চ মারিষ।
প্রয়যুঃ সিংহনাদেন দুর্যোধনজিঘাংসয়া॥ 9-26-27 (61592)
তান্প্রেক্ষ্য সহিতান্সর্বাঞ্জবেনোদ্যতকার্মুকান্।
সৌবলোঽভ্যদ্রবদ্যুদ্ধে পাণ্ডবানাততায়িনঃ॥ 9-26-28 (61593)
সুদর্শনস্ৎব মতো ভীমসেনং সমভ্যযাৎ।
সুশর্মা শকুনিশ্চৈব যুয়ুধাতে কিরীটিনা॥ 9-26-29 (61594)
সহদেবং তব সুতো হয়পৃষ্ঠগতোঽভ্যযাৎ॥ 9-26-30 (61595)
ততো হি যত্নতঃ ক্ষিপ্রং তবং পুত্রো জনাধিপ।
প্রাসেন সহদেবস্য শিরসি প্রাহরদ্ভৃশম্॥ 9-26-31 (61596)
সোপাবিশদ্রথোপস্থে তব সুত্রেণ তাডিতঃ।
রুধিরাপ্লুতসর্বাঙ্গ আশীবিষ ইব শ্বসন্॥ 9-26-32 (61597)
প্রতিলভ্য ততঃ সঞ্জ্ঞাং সহদেবো বিশাম্পতে।
দুর্যোধনং শরৈস্তীক্ষ্ণৈঃ সঙ্ক্রুদ্ধঃ সমবাকিরৎ॥ 9-26-33 (61598)
পার্থোঽপি যুধি বিক্রম্য কুন্তীপুত্রো ধনঞ্জয়ঃ।
শূরাণামশ্বপৃষ্ঠেভ্যঃ শিরাংসি নিচকর্ত হ॥ 9-26-34 (61599)
তদনীকং তদা পার্থো ব্যধমদ্বহুভিঃ শরৈঃ।
পাতয়িৎবা হয়ান্সর্বাংস্ত্রিগর্তানাং রথান্যযৌ॥ 9-26-35 (61600)
ততস্তে সহিতা ভূৎবা ত্রিগর্তানাং মহারথাঃ।
অর্জুনং বাসুদেবং চ শরবর্ষৈরবাকিরন্॥ 9-26-36 (61601)
সত্যকর্মাণমাক্ষিপ্য ক্ষুরপ্রেণ মহায়শাঃ।
ততোঽস্য স্যন্দনস্যেষাং চিচ্ছিদে পাণ্ডুনন্দনঃ॥ 9-26-37 (61602)
শিলাশিতেন চ বিভো ক্ষুরপ্রেণ মহায়শাঃ।
শিরশ্চিচ্ছেদ সহসা তপ্তকুণ্ডলভূষণম্॥ 9-26-38 (61603)
সত্যেষুমথ চাদত্ত যোধানাং মিষতাং ততঃ।
যথা সিংহো বনে রাজন্মৃগং পরি বুভুক্ষিতঃ॥ 9-26-39 (61604)
তং নিহত্য ততঃ পার্থঃ সুশর্মাণং ত্রিভিঃ শরৈঃ।
বিদ্ধ্বা তানহনৎসর্বান্রথান্রুক্মবিভূওষিতান্॥ 9-26-40 (61605)
ততঃ প্রায়াত্ৎবরন্পার্থো দীর্ঘকালং সুসংবৃতম্।
মুঞ্জন্ক্রোধবিষং তীক্ষ্ণং প্রস্থলাধিপতিং প্রতি॥ 9-26-41 (61606)
তমর্জুনঃ পৃষৎকানাং শতেন ভরতর্ষভ।
পূরয়িৎবা ততো বাহান্প্রাহরত্তস্য ধন্বিনঃ॥ 9-26-42 (61607)
ততঃ শরং সমাদায় যমদণ্ডোপমং তদা।
সুশর্মাণং সমুদ্দিশ্য চিক্ষেপাশু হসন্নিব॥ 9-26-43 (61608)
স শরঃ প্রেষিতস্তেন ক্রোধদীপ্তেন ধন্বিনা।
সুশর্মাণং সমাসাদ্য বিভেদ হৃদয়ং রণে॥ 9-26-44 (61609)
স গতাসুর্মহারাজ পপাত ধরণীতলে।
নন্দয়ন্পাণ্ডবান্সর্বান্ব্যথয়ংশ্চাপি তাবকান্॥ 9-26-45 (61610)
সুশর্মাণং রণে হৎবা পুত্রানস্য মহারথান্।
সপ্ত চাষ্টৌ চ ত্রিংশচ্চ সায়কৈরনয়ৎক্ষয়ম্॥ 9-26-46 (61611)
ততোঽস্য নিশিতৈর্বাণৈঃ সর্বান্হৎবা পদানুগান্।
অভ্যগাদ্ভারতীং সেনাং হতশেষাং মহারথঃ॥ 9-26-47 (61612)
ভীমস্তু সমরে ক্রুদ্ধঃ পুত্রং তব জনাধিপ।
সুদর্শনমদৃশ্যন্তং শরৈশ্চক্রে হসন্নিব॥ 9-26-48 (61613)
ততোঽস্য প্রহসন্ক্রুদ্ধঃ শিরঃ কায়াদপাহরৎ।
ক্ষুরপ্রেণ সুতীক্ষ্ণেন স হতঃ প্রাপতদ্ভুবি॥ 9-26-49 (61614)
তস্মিংস্তু নিহতে বীরে ততস্তস্য পদানুগাঃ।
পরিবব্রূ রমে ভীমং কিরন্তো বিবিধাঞ্শরান্॥ 9-26-50 (61615)
ততস্তু নিশিতৈর্বাণৈস্তবানীকং বৃকোদরঃ।
ইন্দ্রাশনিসমস্পর্শৈঃ সমন্তাৎপর্যবাকিরৎ॥ 9-26-51 (61616)
ততঃ ক্ষণেন তদ্ভীমো ন্যহনদ্ভরতর্ষভ॥ 9-26-52 (61617)
তেষু তূৎসাদ্যমানেষু সেনাধ্যক্ষা মহারথাঃ।
ভীমসেনং সমাসাদ্য ততোঽয়ুধ্যন্ত ভারত॥ 9-26-53 (61618)
স তান্সর্বাঞ্শরৈর্ঘোরৈরবাকিরত পাণ্ডবঃ।
তথৈব তাবকা রাজন্পাণ্ডবেয়ান্মহারথান্।
শরবর্ষেণ মহতা সমন্তাৎপর্যবারয়ন্॥ 9-26-54 (61619)
ব্যাকুলং তদভূৎসর্বং পাণ্ডবানাং পরৈঃ সহ।
তাবকানাং চ সমরে পাণ্ডবেংয়ৈর্যুয়ুৎসতাম্॥ 9-26-55 (61620)
তত্র যোধাস্তদা পেতুঃ পরস্পরসমাহতাঃ।
উভয়োঃ সেনয়ো রাজন্সংশোচন্তঃ স্ম বান্ধবান্॥ ॥ 9-26-56 (61621)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে ষড্বিংশোঽধ্যায়ঃ॥ 26 ॥
Mahabharata - Shalya Parva - Chapter Footnotes
9-26-17 মোক্ষো নূনং কালসৃষ্টঃ ইতি ক.পাঠঃ॥ 9-26-26 ষড্বিংশোঽধ্যায়ঃ॥শল্যপর্ব - অধ্যায় 027
॥ শ্রীঃ ॥
9.27. অধ্যায়ঃ 027
Mahabharata - Shalya Parva - Chapter Topics
সহদেবেন শকুন্যুলূকয়োর্বধঃ॥ 1 ॥Mahabharata - Shalya Parva - Chapter Text
9-27-0 (61622)
সঞ্জয় উবাচ। 9-27-0x (5125)
তস্মিন্প্রবৃত্তে সঙ্গ্রামে গজবাজিনরশ্রো
শকুনিঃ সৌবলো রাজন্সহদেবং xxxxxxযাৎ॥ 9-27-1 (61623)
ততোঽস্যাপততস্তূর্ণং সহদেবঃ পতাপবান্।
শরৌঘান্প্রেষয়ামাস পতঙ্গানিব শীঘ্রগান্।
উলূকং চ রণে রাজন্বিব্যাধ দশভিঃ শরৈঃ॥ 9-27-2 (61624)
শকৃনিশ্চ মহারাজ ভীমং বিদ্ধ্বা ত্রিভিঃ শরৈঃ।
নবত্যা নিশিতৈর্বাণৈঃ সহদেবমবাকিরৎ॥ 9-27-3 (61625)
তে শূরাঃ সমরে রাজন্সমাসাদ্য পরস্পরম্।
বিব্যধুর্নিশিতৈর্বাণৈঃ কঙ্কবর্হিণবাজিতৈঃ।
স্বর্ণপুঙ্খৈঃ শিলধৌতৈরাকর্ণপ্রহিতৈঃ শরৈঃ॥ 9-27-4 (61626)
তেষাং চাপগুণোৎসৃষ্টা শরবৃষ্টির্বিশাম্পতে।
আচ্ছাদয়দ্দিশঃ সর্বা ধারাভিরিব তোয়দঃ॥ 9-27-5 (61627)
ততঃ ক্রুদ্ধো রণে ভীমঃ সহদেবশ্চ ভারত।
চেরতুঃ কদনং সঙ্খ্যে কুর্বন্তৌ সুমহাবলৌ॥ 9-27-6 (61628)
তাভ্যাং শরশতৈশ্ছনং তদ্বলং তব ভারত।
সান্ধকারমিবাকাশমভবত্তত্রতত্র হ॥ 9-27-7 (61629)
অশ্বৈর্বিপরিধাবদ্ভিঃ শরচ্ছন্নৈর্বিশাম্পতে।
তত্রতত্র কৃতো মার্গো বিকর্ষদ্ভির্হতান্বহূন্॥ 9-27-8 (61630)
নিহতানাং হয়ানাং চ সহৈব হয়সাদিভিঃ।
বর্মভির্বিনিকৃত্তৈশ্চ প্রাসৈশ্ছিন্নৈশ্চ মারিষ॥ 9-27-9 (61631)
ঋষ্টিভিঃ শক্তিভিশ্চৈব সাসিপ্রাসপরশ্বথৈঃ।
সঞ্ছন্না পৃথিবী জজ্ঞে কুসুমৈঃ শবলা ইব॥ 9-27-10 (61632)
যোধাস্তত্র মহারাজ সমাসাদ্য পরস্পরম্।
ব্যচরন্ত রণে ক্রুদ্ধা বিনিঘ্নন্তঃ পরস্পরম্॥ 9-27-11 (61633)
উদ্বৃত্তনয়নৈ রোষাৎসন্দষ্টৌষ্ঠপুটৈর্মুখৈঃ।
সকুণ্ডলৈর্মহী চ্ছন্না পদ্মকিঞ্চল্কসন্নিভৈঃ॥ 9-27-12 (61634)
ভুজৈশ্ছিন্নৈর্মহারাজ নাগরাজকরোপমৈঃ।
সাঙ্গদৈঃ সতনুত্রৈশ্চ সাসিপ্রাসপরশ্বথৈঃ॥ 9-27-13 (61635)
কবন্ধৈরুত্থিতৈশ্ছিন্নৈর্নৃত্যদ্ভিশ্চাপরৈর্যুধি।
ক্রব্যাদগণসঞ্ছন্না ঘোরাঽভূৎপৃথিবী বিভো॥ 9-27-14 (61636)
অল্পাবশিষ্টে সৈন্যে তু কৌরবেয়ান্মহাহবে।
প্রহৃষ্টাঃ পাণ্ডবা ভূৎবা নিন্যিরে যমসাদনম্॥ 9-27-15 (61637)
এতস্মিন্নন্তরে শূরঃ সৌবলেয়ঃ প্রতাপবান্।
প্রাসেন সহদেবস্য শিরসি প্রাহরদ্ভৃশম্॥ 9-27-16 (61638)
স বিহ্বলো মহারাজ রথোপস্থ উপাবিশৎ॥ 9-27-17 (61639)
সহদেবং তথা দৃষ্ট্বা ভীমসেনঃ প্রতাপবান্।
সর্বসৈন্যানি সঙ্ক্রুদ্ধো বারয়ামাস ভারত॥ 9-27-18 (61640)
নির্বিভেদ চ নারাচৈঃ শতশোঽথ সহস্রশঃ।
স নির্ভিদ্যাকরোচ্চৈব সিংহনাদমরিন্দমঃ॥ 9-27-19 (61641)
তেন শভ্দেন বিত্রস্তাঃ সর্বে সহয়বারণাঃ।
প্রাদ্রবন্সহসা ভীতাঃ শকুনেশ্চ পদানুগাঃ॥ 9-27-20 (61642)
প্রভগ্নানথ তান্দৃষ্ট্বা রাজা দুর্যোধনোঽব্রবীৎ।
নিবর্তধ্বমধর্মজ্ঞা যুধ্যধ্বং কিং সৃতেন বঃ॥ 9-27-21 (61643)
ইহ কীর্তি সমাধায় প্রেত্য লোকান্সমশ্নুতে।
প্রাণাঞ্জহাতি যো ধীরো যুদ্ধে পৃষ্ঠমদর্শয়ন্॥ 9-27-22 (61644)
এবমুক্তাস্তু তে রাজ্ঞা সৌবলস্য পদানুগাঃ।
পাণ্ডবানভ্যবর্তন্ত মৃত্যুং কৃৎবা নিবর্তনম্॥ 9-27-23 (61645)
দ্রবদ্ভিস্তত্র রাজেন্দ্র কৃতঃ শব্দোঽতিদারুণঃ।
ক্ষুব্ধসাগরসঙ্কাশঃ ক্ষুভিতৈঃ সর্বতো দিশম্॥ 9-27-24 (61646)
তাংস্ততঃ পুরতো দৃষ্ট্বা সৌবলস্য পদানুগান্।
প্রত্যুদ্যযুর্মহারাজ পাণ্ডবা বিজয়োদ্যতাঃ॥ 9-27-25 (61647)
প্রত্যাশ্বস্য চ দুর্ধর্ষঃ সহদেবো বিশাম্পতে।
শকুনিং দশভির্বিদ্ধ্বা হয়াংশ্চাস্য ত্রিভিঃ শরৈঃ।
ধনুশ্চিচ্ছেদ চ শরৈঃ সৌবলস্য হসন্নিব॥ 9-27-26 (61648)
অথান্যদ্ধনুরাদায় শকুনির্যুদ্ধদুর্মদঃ।
বিব্যাধ নকুলং ষষ্ট্যা ভীমসেনং চ সপ্তাভিঃ॥ 9-27-27 (61649)
উলূকোঽপি মহারাজ ভীমং বিব্যাধ সপ্তভিঃ।
সহদেবং চ সপ্তত্যা পরীপ্সন্পিতরং রণে॥ 9-27-28 (61650)
তং ভীমসেনঃ সমরে বিব্যাধ নবভিঃ শরৈঃ।
শকুনিং চ চতুঃষষ্ট্যা পার্শ্বস্থাংশ্চ ত্রিভিস্ত্রিভিঃ॥ 9-27-29 (61651)
তে হন্যমানা ভীমেন নারাচৈস্তৈলপায়িতৈঃ।
সহদেবং রণে ক্রুদ্ধাশ্ছাদয়ঞ্শরবৃষ্টিভিঃ।
পর্বতং বারিধারাভিঃ সবিদ্যুত ইবাম্বুদাঃ॥ 9-27-30 (61652)
ততোঽস্যাপততঃ শূরঃ সহদেবঃ প্রতাপবান্।
উলূকস্য মহারাজ ভল্লেনাপাহরচ্ছিরঃ॥ 9-27-31 (61653)
স জগাম রথাদ্ভূমিং সহদেবেন পাতিতঃ।
রুধিরাপ্লুতসর্বাঙ্গো নন্দয়ন্পাণ্ডবান্যুধি॥ 9-27-32 (61654)
পুত্রং তু নিহতং দৃষ্ট্বা শকুনিস্তত্র ভারত।
সাশ্রুকণ্ঠো বিনিঃশ্বস্য ক্ষত্তুর্বাক্যমনুস্মরন্॥ 9-27-33 (61655)
চিন্তয়িৎবা মুহূর্তং স বাষ্পপূর্ণেক্ষণঃ শ্বসন্।
সহদেবং সমাসাদ্য ত্রিভির্বিব্যাধ সায়কৈঃ॥ 9-27-34 (61656)
তানপাস্য শরান্মুক্তাঞ্শরসঙ্ঘৈঃ প্রতাম্পবান্।
সহদেবো মহারাজ ধনুশ্চিচ্ছেদ সংয়ুগে॥ 9-27-35 (61657)
ছিন্নে ধনুষি রাজেন্দ্র শকুনিঃ সৌবলস্তদা।
প্রগৃহ্য বিপুলং খঙ্গং সহদেবায় প্রাহিণোৎ॥ 9-27-36 (61658)
তমাপতন্তং সহসা ঘোররূপং বিশাম্পতে।
দ্বিধা চিচ্ছেদ সমরে সৌবলস্য হসন্নিব॥ 9-27-37 (61659)
অসিং দৃষ্ট্বা দ্বিধা চ্ছিন্নং প্রগৃহ্য মহতীং গদাম্।
প্রাহিণোৎসহদেবায় সা মোঘা ন্যপতদ্ভুবি॥ 9-27-38 (61660)
ততঃ শক্তিং মহাঘোরাং কালরাত্রীমিবোদ্যতাম্।
প্রেষয়ামাস সক্রুদ্ধঃ পাণ্ডবং প্রতি সৌবলঃ॥ 9-27-39 (61661)
তামাপতন্তীং সহসা শরৈঃ কনকভূষণৈঃ।
ত্রিধা চিচ্ছেদ সমরে সহদেবো হসন্নিব॥ 9-27-40 (61662)
সা পপাত ত্রিধা চ্ছিন্না ভূমৌ কনকভূষণা।
শীর্যমাণা যথা দীপ্তা গগনাদ্বৈ শতহদা॥ 9-27-41 (61663)
শক্তিং বিনিহতাং দৃষ্ট্বা সৌবলং চ ভয়ার্দিতম্।
দুদ্রুবুস্তাবকাঃ সর্বে ভয়ে জাতে সসৌবলাঃ॥ 9-27-42 (61664)
অথোৎক্রুষ্টং মহচ্চাসীৎপাণ্ডবৈর্জিতকাশিভিঃ।
ধার্তরাষ্ট্রাস্ততঃ সর্বে প্রায়শো বিমুখাঽভবন্॥ 9-27-43 (61665)
তান্বৈ বিমনসো দৃষ্ট্বা মাদ্রীপুত্রঃ প্রতাপবান্।
শরৈরনেকসাহস্রৈর্বারয়ামাস সংয়ুগে॥ 9-27-44 (61666)
ততো গান্ধারকৈর্গুপ্তং পুষ্টৈরশ্বৈর্জয়ে ধৃতম্।
আসসাদ রমে যান্তং সহদেবোঽথ সৌবলম্॥ 9-27-45 (61667)
স্বমংশমবশিষ্টং তং সংস্মৃত্য শকুনিং নৃপ।
রথেন কাঞ্চনাঙ্গেন সহদেবঃ সমভ্যযাৎ॥ 9-27-46 (61668)
অধিজ্যং বলবৎকৃৎবা ব্যাক্ষিপন্সুমহদ্ধনুঃ।
স সৌবলমভিদ্রুত্য গার্ধ্রপত্রৈঃ শিলাশিতৈঃ॥ 9-27-47 (61669)
ভৃশমভ্যহন্ৎকুদ্ধস্তোত্রৈরিব মহাদ্বিপম্।
উবাচ চৈনং মেধাবী বিগৃহ্য স্মারয়ন্নিব॥ 9-27-48 (61670)
ক্ষত্রধর্মে স্থিরো ভূৎবা যুধ্যস্ব পুরুষো ভব।
যত্তদা ভাষসে মূঢ গৃহ্ণন্নক্ষান্সভাতলে।
ফলমদ্য প্রপদ্যস্ব কর্মণস্তস্য দুর্মতে॥ 9-27-49 (61671)
নিহতাস্তে দুরাত্মানো যেঽস্মানবহসন্পুরা।
দুর্যোধনঃ কুলাঙ্গারঃ শিষ্টস্ৎবং চাস্য মাতুলঃ॥ 9-27-50 (61672)
অদ্য তে নিহনিষ্যামি ক্ষুরেণোন্মথিতং শিরঃ।
বৃক্ষাৎফলমিবাবিদ্বং লগুডেন প্রমাথিনা॥ 9-27-51 (61673)
এবমুক্ৎবা মহারাজ সহদেবো মহাবলঃ।
সঙ্ক্রুদ্ধো রণশার্দূলো বেগেনাভিজগাম তম্॥ 9-27-52 (61674)
অভিগম্য সুদুর্ধর্ষঃ সহদেবো যুধাং পতিঃ।
বিকৃষ্য বলবচ্চাপং ক্রোধেন প্রজ্বলন্নিব॥ 9-27-53 (61675)
শকুনিং দশভির্বিদ্ধ্বা চতুর্ভিশ্চাস্য বাজিনঃ।
ছত্রং ধ্বজং ধনুশ্চাস্য চ্ছিত্ৎবা সিংহ ইবানদৎ॥ 9-27-54 (61676)
ছিন্নধ্বজধনুশ্ছত্রঃ সহদেবেন সৌবলঃ।
কৃতো বিদ্ধশ্চ বহুভিঃ সর্বমর্মসু সায়কৈঃ॥ 9-27-55 (61677)
ততো ভূয়ো মহারাজ সহদেবঃ প্রতাপবান্।
শকুনেঃ প্রেষয়ান্মাস শরবৃষ্টিং দুরাসদাম্॥ 9-27-56 (61678)
ততস্তু ক্রুদ্ধঃ সুবলস্য পুত্রো
মাদ্রীসুতং সহদেবং বিমর্দে।
প্রাসেন জাম্বূনদভূষণেন
জিঘাংসুরেকোঽভিপপাত শীঘ্রম্॥ 9-27-57 (61679)
মাদ্রীসুতস্তস্য সমুদ্যতং তং
প্রাসং সুবৃত্তৌ চ ভুজৌ রণাগ্রে।
ভল্লৈস্ত্রিভির্যুগপৎসঞ্চকর্ত
ননাদ চোচ্চৈস্তরসাঽঽজিমধ্যে॥ 9-27-58 (61680)
তস্যাশুকারী সুসমাহিতেন
সুবর্ণপুঙ্খেন দৃঢায়সেন।
ভল্লেন সর্বাবরণাতিগেন
শিরঃ শরীরাৎপ্রমমাথ ভূয়ঃ॥ 9-27-59 (61681)
শরেণ কার্তস্বরভূষিতেন
দিবাকরাভেণ সুসংহিতেন।
হৃতোত্তমাঙ্গো যুধি পাণ্ডবেন
পপাত ভূমৌ সুবলস্য পুত্রঃ॥ 9-27-60 (61682)
স তচ্ছিরো বেগবতা শরেণ
সুবর্ণপুঙ্খেন শিলাশিতেন।
প্রাবেরয়ৎকুপিতঃ পাণ্ডুপুত্রো
যত্তৎকুরূণামনয়স্য মূলম্॥ 9-27-61 (61683)
ভুজৌ সুবৃত্তৌ প্রচকর্ত বীরঃ
পশ্চাৎকবন্ধং রুধিরাবসিক্তম্।
বিস্পন্দমানং নিপপাত ঘোরং
রথোত্তমাৎপার্থিব পার্থিবস্য॥ 9-27-62 (61684)
হৃতোত্তমাঙ্গং শকুনিং সমীক্ষ্য
ভূমৌ শয়ানং রুধিরার্দ্রগাত্রম্।
যোধাস্ৎবদীয়া ভয়নষ্টসৎবা
দিশঃ প্রজগ্মুঃ প্রগৃহীতশস্ত্রাঃ॥ 9-27-63 (61685)
প্রবিদ্রুতাঃ শুষ্কমুখা বিসঞ্জ্ঞা
গাণ্ডীবঘোষেণ সমাহতাশ্চ।
ভয়ার্দিতা ভগ্নরথাশ্বনাগাঃ
পদাতয়শ্চৈব সধার্তরাষ্ট্রাঃ॥ 9-27-64 (61686)
ততো রথাচ্ছকুনিং পাতয়িৎবা
মুদান্বিতা ভারত পাণ্ডবেয়াঃ
শঙ্কান্প্রদধ্যুঃ সমরেঽতিহৃষ্টাঃ
সকেশবাঃ সৈনিকান্হর্ষয়ন্তঃ॥ 9-27-65 (61687)
তং চাপি সর্বে প্রতিপূজয়ন্তো
দৃষ্ট্বা ব্রুবাণাঃ সহদেবমাজৌ।
দিষ্ট্যা হতো নৈকৃতিকো মহাত্মা
সহাত্মজো বীর রণে ৎবয়েতি॥ ॥ 9-27-66 (61688)
ইতি শ্রীমন্মহাভারতে শল্যপর্বণি শল্যবধপর্বণি অষ্টাদশদিবসয়ুদ্ধে সপ্তবিংশোঽধ্যায়ঃ॥ 27 ॥
Mahabharata - Shalya Parva - Chapter Footnotes
9-27-7 অলঙ্কৃতমিবাকাশং ইতি ক.পাঠঃ॥ 9-27-49 যত্তদা হৃষ্যসে মৃঢ গ্লহন্নক্ষৈঃ ইতি ঝ.পাঠঃ॥ 9-27-27 সপ্তবিংশোঽধ্যায়ঃ॥শল্যপর্ব - অধ্যায় 028
॥ শ্রীঃ ॥
9.28. অধ্যায়ঃ 028
Mahabharata - Shalya Parva - Chapter Topics
হতাবশিষ্টে বলে পাণ্ডবৈর্নিহতে দুর্যোধনেন পলায়নে নির্ধারণম্॥ 1 ॥Mahabharata - Shalya Parva - Chapter Text
9-28-0 (61689)
স়ঞ্জয় উবাচ। 9-28-0x (5126)
ততঃ ক্রুদ্ধা মহারাজ সৌবলস্য পদানুগাঃ।
ত্যক্ৎবা জীবিতমাক্রন্দে পাণ্ডবান্পর্যবারয়ন্॥ 9-28-1 (61690)
তানর্জুনঃ প্রত্যগৃহ্ণাৎসহদেবজয়ে ধৃতঃ।
ভীমসেনশ্চ তেজস্বী ক্রুদ্ধাশীবিষদর্শনঃ॥ 9-28-2 (61691)
শক্ত্যৃ-ষ্টিপ্রাসহস্তানাং সহদেবং জিঘাংসতাম্।
সঙ্কল্পমকরোন্মোঘং গাণ্ডীবেন ধনঞ্জয়ঃ॥ 9-28-3 (61692)
সঙ্গৃহীতায়ুধান্বাহূন্যোধানামভিধাবতাম্।
ভল্লৈশ্চিচ্ছেদ বীভৎসুঃ শিরাংস্যপি হয়ানপি॥ 9-28-4 (61693)
তে হয়াঃ প্রত্যপদ্যন্ত বসুধাং বিগতাসবঃ।
চরতা লোকবীরেণ প্রহতাঃ সব্যসাচিনা॥ 9-28-5 (61694)
ততো দুর্যোধনো রাজা দৃষ্ট্বা স্ববলসঙ্ক্ষয়ম্।
হতশেষান্সমানীয় ক্রুদ্ধো রথগণান্বহূন্॥ 9-28-6 (61695)
কুঞ্জরাংশ্চ হয়াংশ্চৈব পাদাতাংশ্চ সমন্ততঃ।
উবাচ দুঃখিতান্সর্বান্ধার্তরাষ্ট্র ইদং বচঃ॥ 9-28-7 (61696)
সমাসাদ্য রণে সর্বান্পাণ্ডবান্সসুহৃদ্গণান্।
পাঞ্চাল্যং চাপি সবলং হৎবা শীঘ্রং ন্যবর্তত॥ 9-28-8 (61697)
তস্য তে শিরসা গৃহ্য বচনং যুদ্ধদুর্মদাঃ।
অভ্যুদ্যযূ রণে পার্থাংস্তব পুত্রস্য শাসনাৎ॥ 9-28-9 (61698)
তানভ্যাপততঃ শীঘ্রং হতশেষান্মহারণে।
শরৈরাশীবিষাকারৈঃ পাণ্ডবাঃ সমবাকিরন্॥ 9-28-10 (61699)
তৎসৈন্যং ভরতশ্রেষ্ঠ মুহূর্তেন মহাত্মভিঃ।
অবধ্যত রণং প্রাপ্য ত্রাতারং নাভ্যবিন্দত॥ 9-28-11 (61700)
পলায়মানং তু ভয়ান্নাবতিষ্ঠতি দংশিতম্।
অশ্বৈর্বিপরিধাবদ্ভিঃ সৈন্যেন রজসা বৃতে॥ 9-28-12 (61701)
ন প্রাজ্ঞায়ন্ত সমরে দিশঃ সপ্রদিশস্তথা।
ততস্তু পাণ্ডবানীকান্নিঃসৃত্য বহবো জনাঃ॥ 9-28-13 (61702)
অভ্যঘ্নংস্তাবকান্যুদ্ধে মুহূর্তাদিব ভারত।
ততো নিঃশেষমভবত্তৎসন্যং তব ভারত॥ 9-28-14 (61703)
অক্ষৌহিণ্যঃ সমেতাস্তু তব পুত্রস্য ভারত।
একাদশ হতা যুদ্ধে তাঃ প্রভো পাণ্ডুসৃঞ্জয়ৈঃ॥ 9-28-15 (61704)
তেষু রাজসহস্রেষু তাবকেষু মহাত্মসু।
একো দুর্যোধনো রাজন্নদৃশ্যত ভৃশং ক্ষতঃ॥ 9-28-16 (61705)
ততো বীক্ষ্য দিশঃ সর্বা দৃষ্ট্বা শূন্যাং চ মেদিনীম্।
বিহীনঃ সর্বয়োধৈশ্চ পাণ্ডবান্বীক্ষ্যং সংয়ুগে॥ 9-28-17 (61706)
মুদিতান্সর্বতঃ সিদ্ধান্নর্দমানান্সমন্ততঃ।
বাণশব্দরবাংশ্চৈব শ্রুৎবা তেষাং মহাত্মনাম্॥ 9-28-18 (61707)
দুর্যোধনো মহারাজ কশ্মলেনাভিসংবৃতঃ।
অপয়ো মনশ্চক্রে বিহীনবলবাহনঃ॥ ॥ 9-28-19 (61708)
ইতি শ্রীমন্মহাভারতে শল্যপর্বণি হ্রদপ্রবেশপর্বণি অষ্টাদশদিবসয়ুদ্ধে অষ্টাবিংশোঽধ্যায়ঃ॥ 28 ॥
শল্যপর্ব - অধ্যায় 029
॥ শ্রীঃ ॥
9.29. অধ্যায়ঃ 029
Mahabharata - Shalya Parva - Chapter Topics
পাণ্ডবৈর্নিহতসহায়স্য দুর্যোধনস্য গদামাদায় হদং প্রতি প্রস্থানম্॥ 1 ॥ সঞ্জয়সংহারায়াসিমুদ্যচ্ছতা সাত্যকিনা ব্যাসবচনাত্তদ্বিমোচনম্॥ 2 ॥ হাস্তিনপুরং গচ্ছতঃ সঞ্জয়স্য মধ্যেমার্গং দুর্যোধনদর্শনম্॥ 3 ॥ তেন তস্মিন্ধৃতরাষ্ট্রায় স্ববৃত্তান্তনিবেদনচোদনপূর্বকং হদং প্রবিশ্য মায়যা জলস্তম্ভনম্॥ 4 ॥ তত্রাগতৈর্দ্রৌণিকৃপকৃতবর্মভিঃ সঞ্জয়াদ্দুর্যোধনস্য হদপ্রবেশং বিজ্ঞায় বিলপ্য পুনঃ শিবিরগমনম্॥ 5 ॥ ততো বৃদ্ধপরিজনৈর্যুয়ুৎসুনা চ রাজদারাণাং নগরপ্রাপণম্॥ 6 ॥Mahabharata - Shalya Parva - Chapter Text
9-29-0 (61709)
ধৃতরাষ্ট্র উবাচ। 9-29-0x (5127)
নিহতে মামকে সৈন্যে নিঃশেষে শিবিরে কৃতে।
পাণ্ডবানাং বলে সূত কিন্নু শেষমভূত্তদা॥ 9-29-1 (61710)
এতন্মে পৃচ্ছতো ব্রূহি কুশলো হ্যসি সঞ্জয়।
যচ্চ দুর্যোধনো মানী কৃতবাংস্তনয়ো মম।
বলক্ষয়ং তথা দৃষ্ট্বা স একঃ পৃথিবীপতিঃ॥ 9-29-2 (61711)
সঞ্জয় উবাচ। 9-29-3x (5128)
রথানাং দ্বে সহস্রে তু সপ্ত নাগশতানি চ।
পঞ্চ চাশ্বসহস্রাণি পত্তীনাময়ুতানি চ॥ 9-29-3 (61712)
এতচ্ছেষমভূদ্রাজন্পাণ্ডবানাং মহদ্বলম্।
পরিগৃহ্য হি যদ্যুদ্ধে ধৃষ্টদ্যুম্নো ব্যবস্থিতঃ॥ 9-29-4 (61713)
একাকী ভরতশ্রেষ্ঠ ততো দুর্যোধনো নৃপঃ।
নাপশ্যৎসমরে কঞ্চিৎসহায়ং রথিনাং বরঃ॥ 9-29-5 (61714)
নর্দমানান্পরান্দৃষ্ট্বা স্ববলস্য চ সঙ্ক্ষয়ম্।
দৃষ্ট্বা ভরতশার্দূলঃ কশ্মলেনাভিসংবৃতঃ।
হতং স্বহয়মুৎসৃজ্য প্রাঙ্মুখঃ প্রাদ্রাবদ্ভয়াৎ॥ 9-29-6 (61715)
একাদশচমূভর্তা পুত্রো দুর্যোধনস্তব।
গদামাদায় তেজস্বী পদাতিঃ প্রস্থিতো হদম্॥ 9-29-7 (61716)
নাতিদূরং ততো গৎবা পদ্ভ্যামেব নরাধিপঃ।
সস্মার বচনং ক্ষত্রুর্ধর্মশীলস্য ধীমতঃ॥ 9-29-8 (61717)
ইদং নূনং মহাপ্রাজ্ঞো বিদুরো দৃষ্ট্বান্পুরা।
মহদ্ব্সনমস্মাকং ক্ষত্রিয়াণাং চ সর্বশঃ॥ 9-29-9 (61718)
এবং বিচিন্তয়ানস্তু প্রবিবিক্ষুর্হদং নৃপঃ।
দুঃখসন্তপ্তহৃদয়ো দৃষ্ট্বা রাজন্বলক্ষয়ম্॥ 9-29-10 (61719)
`দশৈকাক্ষৌহিণীভর্তা তদা দুর্যোধনোঽপি সন্।
প্রাপ্তবান্ব্যসনং তীব্রং দৈবং হি বলবত্তরম্'॥ 9-29-11 (61720)
পাণ্ডবাস্তু মহারাজ ধৃষ্টদ্যুম্নপুরোগমাঃ।
অভ্যদ্রবন্ত সঙ্ক্রুদ্ধাস্তব রাজন্বলং প্রতি॥ 9-29-12 (61721)
শক্ত্যৃষ্টিপ্রাসহস্তানাং বলানামভিগর্জতাম্।
সঙ্কল্পমকরোন্মোঘং গাণ্ডীবেন ধনঞ্জয়ঃ॥ 9-29-13 (61722)
তান্হৎবা নিশিতৈর্বাণৈঃ সামাত্যান্সহ বন্ধুভিঃ।
রথে শ্বেতহয়ে তিষ্ঠন্নর্জুনো বহ্বশোভত॥ 9-29-14 (61723)
সুবলস্য হতে পুত্রে সবাজিরথকুঞ্জরে।
মহাবনমিব চ্ছিন্নমভবত্তাবকং বলম্॥ 9-29-15 (61724)
অনেকশতসাহস্রে বলে দুর্যোধনস্য হ।
নান্যো মহারথো রাজঞ্জীবমানো ব্যদৃশ্যত॥ 9-29-16 (61725)
দ্রোণপুত্রাদৃতে বীরাত্তথৈব কৃতবর্মণঃ।
কৃপাচ্চ গৌতমাদ্রাজন্পার্থিবাচ্চ তবাত্মজাৎ॥ 9-29-17 (61726)
ধৃষ্টদ্যুম্নস্তু মাং দৃষ্ট্বা হসন্সাত্যকিমব্রবীৎ।
কিমনেন গৃহীতেন নানেনার্থোঽস্তি জীবতা॥ 9-29-18 (61727)
ধৃষ্টদ্যুম্নবচঃ শ্রুৎবা শিনের্নপ্তা মহারথঃ।
উদ্যম্য নিশিতং খঙ্গং হন্তুং মামুদ্যতস্তদা॥ 9-29-19 (61728)
তমাগম্য মহাপ্রাজ্ঞঃ কৃষ্ণদ্বৈপায়নোঽব্রবীৎ।
মুচ্যতাং সঞ্জয়ো জীবন্ন হন্তব্যঃ কথঞ্চন॥ 9-29-20 (61729)
দ্বৈপায়নবচঃ শ্রুৎবা শিনের্নপ্তা কৃতাঞ্জলিঃ।
ততো মামব্রবীন্মুক্ৎবা স্বস্তি সঞ্জয় সাধয়॥ 9-29-21 (61730)
অনুজ্ঞাতস্ৎবহং তেন ন্যস্তবর্মা নিরায়ুধঃ।
প্রাতিষ্ঠং যেন নগরং সায়াহ্নে রুধিরোক্ষিতঃ॥ 9-29-22 (61731)
ক্রোশমাত্রমপক্রান্তং গদাপাণিমবস্থিতম্।
একং দুর্যোধনং রাজন্নপশ্যং ভৃশবিক্ষতম্॥ 9-29-23 (61732)
স তু মামশ্রুপূর্ণাক্ষো নাশক্নোদভিবীক্ষিতুম্।
উপপ্রৈক্ষত মাং দৃষ্ট্বা তথা দীনমবস্থিতম্॥ 9-29-24 (61733)
তং চাহমপি শোচন্তং দৃষ্ট্বৈকাকিনমাহবে।
মুহূর্তং নাশকং বক্তুমতিদুঃখপরিপ্লুতঃ॥ 9-29-25 (61734)
`যস্য মূর্ধাভিষিক্তানাং সহস্রমণিমৌলিনাম্।
আহৃত্য চ করং সর্বং স্বস্য বেশ্ম সমাগতম্॥ 9-29-26 (61735)
চতুঃসাগরপর্যন্তা পৃথিবী রত্নভূষিতা।
কর্ণেনৈকেন যস্যার্থে করমাহারিতা পুরা॥ 9-29-27 (61736)
যস্যাজ্ঞা পররাষ্ট্রেষু কর্ণেনৈব প্রসারিতা।
নাভবদ্যস্য শস্ত্রেষু খেদো রাজ্ঞঃ প্রশাসতঃ॥ 9-29-28 (61737)
আসীনো হাস্তিনপুরে ক্ষেমং রাজ্যমকণ্টকম্।
অন্বপালয়দৈশ্বর্যাৎকুবেরমপি নাস্মরৎ॥ 9-29-29 (61738)
ভবনাদ্ভবনং রাজন্প্রয়াতুং পৃথিবীপতে।
দেবালয়প্রদেশে চ পন্থা যস্য হিরণ্ময়ঃ॥ 9-29-30 (61739)
পতাকাবৃতসূর্যাংশুতোরণোচ্ছ্রিতশোভিতাঃ।
প্রয়াণে পৃথিবীভর্তুর্ধন্যানামভবন্গৃহাঃ॥ 9-29-31 (61740)
আরুহ্যৈরাবতপ্রখ্যং নাগমিন্দ্রসমো বলী।
বিভূত্যা সুমহত্যা যঃ প্রয়াতি পৃথিবীপতে॥ 9-29-32 (61741)
তং ভৃশক্ষতসর্বাঙ্গং পদ্ধ্যামেব ধরাতলে।
তিষ্ঠন্তমেকং দৃষ্ট্বা তু মমাভূৎক্লেশ উত্তমঃ॥ 9-29-33 (61742)
তস্য চৈবংবিধস্যাদ্য জগন্নাথস্য ভূপতে।
আপদপ্রতিমৈবাভূদ্বলীয়ান্বিধিরেব হি'॥ 9-29-34 (61743)
ততোঽস্মৈ তদহং সর্বমুক্তবান্গ্রহণং তদা।
দ্বৈপায়নপ্রসাদাচ্চ জীবতো মোক্ষমাহবে॥ 9-29-35 (61744)
স মুহূর্তমিব ধ্যাৎবা প্রতিলভ্য চ চেতনাম্।
ভ্রাতৄংশ্চ সর্বসৈন্যানি পর্যপৃচ্ছত মাং ততঃ॥ 9-29-36 (61745)
তস্মৈ তদহমাচক্ষে সর্বং প্রত্যক্ষদর্শিবান্।
ভ্রাতৄশ্চ নিহতান্সর্বান্সৈন্যং চ বিনিপাতিতম্॥ 9-29-37 (61746)
ত্রয়ঃ কিল রথাঃ শিষ্টাস্তাবকানাং নরাধিপ।
ইতি প্রস্থানকালে মাং কৃষ্ণদ্বৈপায়নোঽব্রবীৎ॥ 9-29-38 (61747)
স দীর্ঘমিব নিঃশ্বস্য প্রত্যবেক্ষ্য পুনঃ পুনঃ।
অসৌ মাং পাণিনা স্পৃষ্ট্বা পুত্রস্তে পর্যভাষত॥ 9-29-39 (61748)
ৎবদন্যো নেহ সঙ্গ্রামে কশ্চিজ্জীবতি সঞ্জয়।
দ্বিতীয়ং নেহ পশ্যামি সসহায়াশ্চ পাণ়্ডবাঃ॥ 9-29-40 (61749)
ব্রূয়াঃ সঞ্জয় রাজানং পজ্ঞাচক্ষুষমীশ্বরম্।
দুর্যোধনস্তব সুতঃ প্রবিষ্টো হদমিত্যুত॥ 9-29-41 (61750)
সুহৃদ্ভিস্তাদৃশৈর্হীনঃ পুত্রৈর্ভ্রাতৃভিরেব চ।
পাণ্ডবৈশ্চ হৃতে রাজ্যে কো নু জীবেত মাদৃশঃ॥ 9-29-42 (61751)
আচক্ষীথাঃ সর্বমিদং মাং চ মুক্তং মহাহবাৎ।
আস্মিংস্তোয়হদে গুপ্তং জীবন্তং ভৃশবিক্ষতম্॥ 9-29-43 (61752)
এবমুক্ৎবা মহারাজ প্রাবিশত্তং মহাহদম্।
অস্তম্ভয়ত তোয়ং চ মায়যা মনুজাধিপঃ॥ 9-29-44 (61753)
তস্মিন্হদং প্রবিষ্টে তু ত্রীন্রথাঞ্শ্রান্তবাহনান্।
অপশ্যং সহিতানেকস্তং দেশং সমুপেয়ুষঃ॥ 9-29-45 (61754)
কৃপং শারদ্বতং বীরং দ্রৌণিং চ রথিনাং বরম্।
ভোজং চ কৃতবর্মাণং সহিতাঞ্শরবিক্ষতান্॥ 9-29-46 (61755)
তে সর্বং মামভিপ্রেক্ষ্য তূর্ণমশ্বাননোদয়ন্।
উপয়ায় তু মামূচুর্দিষ্ট্যা জীবসি সঞ্জয়॥ 9-29-47 (61756)
অপৃচ্ছংশ্চৈব মাং সর্বে পুত্রং তব জনাধিপম্।
কচ্চিদ্দুর্যোধনো রাজা স নো জীবতি সঞ্জয়॥ 9-29-48 (61757)
আখ্যাতবানহং তেভ্যস্তদা কুশলিনং নৃপম্।
তচ্চৈব সর্বমাচক্ষং যন্মাং দুর্যোধনোঽব্রবীৎ॥ 9-29-49 (61758)
হদং চৈবাহমাচক্ষং যং প্রবিষ্টো নরাধিপঃ।
অশ্বত্থামা তু তদ্রাজন্নিশম্য বচনং মম॥ 9-29-50 (61759)
তং হদং বিপুলং প্রেক্ষ্য করুণং পর্যদেবয়ৎ।
অহো ধিক্স ন জানাতি জীবতোঽস্মান্নরাধিপ।
পর্যাপ্তা হি বয়ং তেন সহ যোধয়িতুং পরান্॥ 9-29-51 (61760)
তে তু তত্র চিরং কালং বিলপ্য চ মহারথাঃ।
প্রাদ্রবন্রথিনাং শ্রেষ্ঠা দৃষ্ট্বা পাণ্ডুসুতান্রণে॥ 9-29-52 (61761)
তে তু মাং রথমারোপ্য কৃপস্য সুপরিষ্কৃতম্।
সেনানিবেশমাজগ্মুর্হতশেষাস্ত্রয়ো রথাঃ॥ 9-29-53 (61762)
তত্র গুল্মাঃ পরিক্ষিপ্তাঃ সূর্যে চাস্তমিতে সতি।
সর্বে বিচুক্রুশুঃ শ্রুৎবা পুত্রাণাং তব সংক্ষয়ম্॥ 9-29-54 (61763)
ততো বৃদ্ধা মহারাজ যোষিতাং রক্ষিণো নরাঃ।
রাজদারানুপাদায় পয়যুর্নগরং প্রতি॥ 9-29-55 (61764)
তত্র বিক্রোশমানানাং রুদতীনাং চ সর্বশঃ।
প্রাদুরাসীন্মহাঞ্শব্দঃ শ্রুৎবা তদ্বলসঙ্ক্ষয়ম্॥ 9-29-56 (61765)
ততস্তা যোষিতো রাজন্রুদন্ত্যো বৈ মুহুর্মুহুঃ।
কুরর্য ইব শব্দেন নাদয়ন্ত্যো মহীতলম্॥ 9-29-57 (61766)
আজঘ্নুঃ করজৈশ্চাপি পাণিভিশ্চ শিরাংস্যুত।
লুলুচুশ্চ তদা কেশান্ক্রোশন্ত্যস্তত্রতত্র হ॥ 9-29-58 (61767)
হাহাকারবিনাদিন্যো বিনিঘ্নন্ত্য উরাংসি চ।
শোচন্ত্যস্তত্র রুরুদুঃ ক্রন্দমানা বিশাম্পতে॥ 9-29-59 (61768)
ততো দুর্যোধনামাত্যাঃ সাশ্রুকণ্ঠা ভৃশাতুরাঃ।
রাজদারানুপামন্ত্র্য প্রয়যুর্নগরং প্রতি॥ 9-29-60 (61769)
বেত্রব্যাসক্তহস্তাশ্চ দ্বারাধ্যক্ষা বিশাম্পতে।
শয়নীয়ানি শুভ্রাণি স্পর্ধ্যাস্তরণবন্তি চ।
সমাদায় যয়ুস্তূর্ণং নগরং দাররক্ষিণঃ॥ 9-29-61 (61770)
আস্থায়াশ্বতরীয়ুক্তান্স্যন্দনানপরে পুনঃ।
স্বান্স্বান্দারানুপাদায় প্রয়যুর্নগরং প্রতি॥ 9-29-62 (61771)
অদৃষ্টপূর্বা যা নার্যো ভাস্করেণাপি বেশ্মসু।
দদৃশুস্তা মহারাজ জনা যাতাঃ পুরং প্রতি॥ 9-29-63 (61772)
তাঃ স্ত্রিয়ো ভরতশ্রেষ্ঠ সৌকুমার্যসমন্বিতাঃ।
প্রয়যুর্নগরং তূর্ণং হতস্বপতিবান্ধবাঃ॥ 9-29-64 (61773)
আগোপালাবিপালেভ্যো দ্রবন্তো নগরং প্রতি।
যয়ুর্মনুষ্যাঃ সম্ভ্রান্তা ভীমসেনভয়ার্দিতাঃ॥ 9-29-65 (61774)
অপিচৈষাং ভয়ং তীব্রং পার্থেভ্যোঽভূৎসুদারুণম্।
প্রেক্ষমাণাস্তদাঽন্যোন্যমাধাবন্নগরং প্রতি॥ 9-29-66 (61775)
তস্মিংস্তথা বর্তমানে বিদ্রবে ভৃশদারুণে।
যুয়ুৎসুঃ শোকসম্মূঢঃ প্রাপ্তকালমচিন্তয়ৎ॥ 9-29-67 (61776)
জিতো দুর্যোধনঃ সঙ্খ্যে পাণ্ডবৈর্ভীমবিক্রমৈঃ।
একাদশচমূভর্তা ভ্রাতরশ্চাস্য সূদিতাঃ॥ 9-29-68 (61777)
হতাশ্চ কুরবঃ সর্বে ভীষ্মদ্রোণপুরঃ সরাঃ।
অহমেকো বিমুক্তস্তু ভাগ্যযোগাদ্যদৃচ্ছয়া॥ 9-29-69 (61778)
বিদ্রুতানি চ সর্বাণি শিবিরাদ্বৈ সমন্ততঃ।
[ইতস্ততঃ পলায়ন্তে হতনাথা হতৌজসঃ॥ 9-29-70 (61779)
অদৃষ্টপূর্বা দুঃখার্তা ভয়ব্যাকুললোচনাঃ।
হরিণা ইব বিত্রস্তা বীক্ষমাণা দিশো দশ]॥ 9-29-71 (61780)
দুর্যোধনস্য সচিবা যে কেচিদবশেষিতাঃ।
রাজদারানুপাদায় প্রয়যুর্নগরং প্রতি।
প্রাপ্তকালমহং মন্যে প্রবেশং তৈঃ সহ প্রভো॥ 9-29-72 (61781)
যুধিষ্ঠিরমনুজ্ঞায় বাসূদেবং তথৈব চ।
এতমর্থং মহাবাহুরুভয়োঃ সন্ন্যবেদয়ৎ॥ 9-29-73 (61782)
তস্য প্রীতোঽভবদ্রাজা নিত্যং করুণবেদিতা।
পরিষ্বজ্য মহাবাহুর্বৈশ্যাপুত্রং ব্যসর্জয়ৎ॥ 9-29-74 (61783)
ততঃ স রথমাস্থায় দ্রুতমশ্বানচোদয়ৎ।
সংবাহয়িতবাংশ্চাপি রাজদারান্পুরং প্রতি॥ 9-29-75 (61784)
তৈশ্চৈব সহিতঃ ক্ষিপ্রমস্তং গচ্ছতি ভাস্করে।
প্রবিষ্টো হাস্তিনপুরং বাষ্পকণ্ঠোঽশ্রুলোচনঃ॥ 9-29-76 (61785)
অপশ্যত মহাপ্রাজ্ঞং বিদুরং সাশ্রুলোচনম্।
রাজ্ঞঃ সমীপান্নিষ্ক্রান্তং শোকোপহতচেতসম্॥ 9-29-77 (61786)
তমব্রবীৎসত্যধৃতিঃ প্রণতং ৎবগ্রতঃ স্থিতম্॥ 9-29-78 (61787)
বিদুর উবাচ। 9-29-79x (5129)
দিষ্ট্যা কুরুক্ষয়ে বৃত্তে অস্মিংস্ৎবং পুত্র জীবসি।
বিনা রাজ্ঞঃ পর্বেশার্দ্বৈ কিমসি ৎবমিহাগতঃ।
এতদ্বৈ কারণং সর্বং বিস্তরেণ নিবেদয়॥ 9-29-79 (61788)
যুয়ুৎসুরুবাচ। 9-29-80x (5130)
নিহতে শকুনৌ তত্র সজ্ঞাতিসুতবান্ধবে।
হতশেষপরীবারো রাজা দুর্যোধনস্ততঃ।
স্বকং স হয়মুৎসৃজ্য প্রাঙ্মুখঃ প্রাদ্রবদ্ভয়াৎ॥ 9-29-80 (61789)
অপক্রান্তে তু নৃপতৌ স্কন্ধাবারনিবেশনাৎ।
ভয়ব্যাকুলিতং সর্বং প্রাদ্রাবন্নগরং প্রতি॥ 9-29-81 (61790)
ততো রাজ্ঞঃ কলত্রাণি ভ্রাতৄণাং চাস্য সর্বতঃ।
বাহনেষু সমারোপ্য অধ্যক্ষাঃ প্রাদ্রাবন্ভয়াৎ॥ 9-29-82 (61791)
ততোঽহং সমনুজ্ঞাপ্য রাজানং সহকেশবম্।
প্রবিষ্টো হাস্তিনপুরং রক্ষন্লোকস্য বাচ্যতাম্॥ 9-29-83 (61792)
সঞ্জয় উবাচ। 9-29-84x (5131)
এতচ্ছ্রুৎবা তু বচনং বৈশ্যাপুত্রেণ ভাষিতম্।
প্রাপ্তকালমিতি জ্ঞাৎবা বিদুরঃ সর্বধর্মবিৎ।
অপূজয়দমেয়াত্মা যুয়ুৎসুং বাক্যমব্রবীৎ॥ 9-29-84 (61793)
প্রাপ্তকালমিদং সর্বং ব্রুবতা ভরতক্ষয়ে।
[রক্ষিতঃ কুলধর্মশ্চ সানুক্রোশতয়া ৎবয়া॥ 9-29-85 (61794)
দিষ্ঠ্যা ৎবামিহ সঙ্গ্রাম দস্মাদ্বীরক্ষয়াৎপুরম্।
সমাগতমপশ্যাম হ্যংশুমন্তমিব প্রজাঃ॥ 9-29-86 (61795)
অন্ধস্যং নৃপতের্যষ্টির্লুব্ধস্যাদীর্ঘদর্শিনঃ।
বহুশো যাচ্যমানস্য দৈবোপহতচেতসঃ।
ৎবমেকো ব্যসনার্তস্য ধ্রিয়সে পুত্র সর্বথা]॥ 9-29-87 (61796)
অদ্য ৎবমিহ বিশ্রান্তঃ শ্বোঽভিগন্তা যুধিষ্ঠিরম্।
এতাবদুক্ৎবা বচনং বিদুরঃ সাশ্রুলোচনঃ।
যুয়ুৎসুং সমনুজ্ঞাপ্য প্রবিবেশ নৃপক্ষয়ম্॥ 9-29-88 (61797)
[পৌরজানপদৈর্দুঃখাদ্ধাহেতি ভৃশনাদিতম্।
নিরানন্দং গতশ্রীকং হৃতারামমিবাশয়ম্।
শূন্যরূপমপধ্বস্তং দুঃখাদ্দুঃখতরোঽভবৎ॥ 9-29-89 (61798)
বিদুরঃ সর্বধর্মজ্ঞো বিক্লবেনান্তরাত্মনা।
বিবেশ নগরে রাজন্নিশশ্বাস শনৈঃ শনৈঃ॥ 9-29-90 (61799)
যুয়ুৎসুরপি তাং রাত্রিং স্বগৃহে ন্যবসত্তদা।
বন্দ্যমানঃ স্বকৈশ্চাপি নাভ্যনন্দৎসুদুঃখিতঃ।
চিন্তয়ানঃ ক্ষয়ং তীব্রং ভরতানাং পরস্পরম্॥ ॥ 9-29-91 (61800)
ইতি শ্রীমন্মহাভারতে শল্যপর্বণি হ্রদপ্রবেশপর্বণি অষ্টাদশদিবসয়ুদ্ধে একোনত্রিংশোঽধ্যায়ঃ॥ 29 ॥
Mahabharata - Shalya Parva - Chapter Footnotes
9-29-38 হতো দুর্যোধন ইতি ক.পাঠঃ॥ 9-29-39 অহমেকোঽবশিষ্টস্তু ইতি ক.পাঠঃ॥ 9-29-29 একোনত্রিংশোঽধ্যায়ঃ॥শল্যপর্ব - অধ্যায় 030
॥ শ্রীঃ ॥
9.30. অধ্যায়ঃ 030
Mahabharata - Shalya Parva - Chapter Topics
কৃপদ্গৌণিকৃতবর্মসু হৃদমেত্য দুর্যোধনেন ভাপমাণেষু তত্র যদৃচ্ছোপাগতৈর্ব্যাধৈস্তদ্দর্শনম্॥ 1 ॥ ব্যাধনিবেদনেন সপরিবারৈঃ পাণ়্ডবৈর্হ্রদং প্রত্যাগমনম্॥ 2 ॥ তদ্দর্শনেন কৃপাদিভির্দুর্যোধনাভ্যনুজ্ঞানেন দূরস্থন্যগ্নোধতরুমেত্য তন্মূলে উপবেশনম্॥ 3 ॥ দুর্যোধনেন পুনর্জলস্তম্ভনেন হ্রদপ্রবেশনম্॥ 4 ॥Mahabharata - Shalya Parva - Chapter Text
9-30-0 (61902)
`সঞ্জয় উবাচ। 9-30-0x (5133)
মুহূর্তাদিব রাজেন্দ্র সর্বং শূন্যমদৃশ্যত।
মত্তবারণসংঘুষ্টং শিবিরং বিদ্রুতে বলে॥ 9-30-1 (61903)
যত্র শব্দেন মহতা নান্ববুধ্যন্মহারথাঃ।
তত্র শব্দং ন শৃণুমো মনুষ্যস্যাপি কস্যচিৎ'॥ 9-30-2 (61904)
ধৃতরাষ্ট্র উবাচ। 9-30-3x (5134)
হতেষু সর্বসৈন্যেষু পাণ্ডুপুত্রৈ রণাজিরে।
মামকাশ্চাবশিষ্টাস্তে কিমকুর্বত সঞ্জয়॥ 9-30-3 (61905)
কৃতবর্মা কৃপশ্চৈব দ্রোণপুত্রশ্চ বীর্যবান্।
দুর্যোধনশ্চ মন্দাত্মা রাজা কিমকরোত্তদা॥ 9-30-4 (61906)
সঞ্জয় উবাচ। 9-30-5x (5135)
সম্প্রাদ্রুবৎসু দারেষু ক্ষত্রিয়াণাং মহাত্মনাম্।
বিদ্রুতে শিবিরে শূন্যে ভৃশোদ্বিগ্নাস্ত্রয়ো রথাঃ॥ 9-30-5 (61907)
নিশম্য পাণ্ডুপুত্রাণাং তদা বৈজয়িনাং স্বনম্।
বিদ্রুতং শিবিরং দৃষ্ট্বা সায়াহ্নে রাজগৃদ্বিনঃ।
স্থানং নারোচয়ংস্তত্র ততস্তে হদমভ্যযুঃ॥ 9-30-6 (61908)
যুধিষ্ঠিরোঽপি ধর্মাত্মা ভ্রাতৃভিঃ সহিতো রণে।
হৃষ্টঃ পর্যপতদ্রাজন্দুর্যোধনবধেপ্সয়া॥ 9-30-7 (61909)
মার্গমাণাস্তু সঙ্ক্রুদ্ধাস্তব পুত্রং জয়ৈষিণঃ।
যত্নতোঽন্বেষমাণাস্তে নৈবাপশ্যঞ্জনাধিপম্॥ 9-30-8 (61910)
যদা দুর্যোধনো যুদ্ধং ত্যক্ৎবা পদ্ভ্যাং পরাক্রমমৎ।
তং হদং প্রাবিশচ্চাপি বিষ্টভ্যাপঃ স্বমায়যা॥ 9-30-9 (61911)
যদা তু পাণ্ডবাঃ সর্বে সুপরিশ্রান্তবাহনাঃ।
ততঃ স্বশিবিরং প্রাপ্য ব্যতিষ্ঠন্ত সসৈনিকাঃ॥ 9-30-10 (61912)
ততঃ কৃপশ্চ দ্রৌণিশ্চ কৃতবর্মা চ সাৎবতঃ।
সন্নিবিষ্টেষু পার্থেষু প্রয়যুস্তং হদং শনৈঃ॥ 9-30-11 (61913)
তে তং হদং সমাসাদ্য যত্র শেতে জনাধিপঃ।
অভ্যভাষন্ত দুর্ধর্ষং রাজানং সুপ্তমম্ভসি॥ 9-30-12 (61914)
রাজন্নুত্তিষ্ঠ যুধ্যস্ব সহাস্মাভির্যুধিষ্ঠিরম্।
জিৎবা বা পৃথিবীং ভুঙ্ক্ষ্ব হতো বা স্বর্গমাপ্নুহি॥ 9-30-13 (61915)
তেষামপি বলং সর্বং হতং দুর্যোধন ৎবয়া।
প্রতিবিদ্ধাশ্চ ভূয়িষ্ঠং যে শিষ্টাস্তত্র সৈনিকাঃ॥ 9-30-14 (61916)
ন তে বেগং বিষহিতুং শক্তাস্তব বিশাম্পতে।
অস্মাভিরপি গুপ্তস্য তস্মাদুত্তিষ্ঠ ভারত॥ 9-30-15 (61917)
দুর্যোধন উবাচ। 9-30-16x (5136)
দিষ্ট্যা পশ্যামি বো মুক্তানীদৃশাৎপুরুষক্ষয়াৎ।
পাণ্ডুকৌরবসম্মর্দাজ্জীবমানান্নরর্ষভান্॥ 9-30-16 (61918)
বিজেষ্যামো বয়ং সর্বে বিশ্রান্তা বিগতক্লমাঃ।
ভবন্তশ্চ পরিশ্রান্তা বয়ং চ ভৃশবিক্ষতাঃ।
উদীর্ণং চ বলং তেষাং তেন যুদ্ধং ন রোচয়ে॥ 9-30-17 (61919)
ন ৎবেতদদ্ভুতং বীরা যদ্বো মহদিদং মনঃ।
অস্মাসু চ পরা শক্তির্ন তু কালঃ পরাক্রমে॥ 9-30-18 (61920)
বিশ্রম্যৈকাং নিশামদ্য ভবদ্ভিঃ সহিতো রণে।
প্রতিয়োৎস্যাম্যহং শত্রূঞ্শ্বো ন স্যাচ্চ শ্রমো মম॥ 9-28-19 (61921)
সঞ্জয় উবাচ। 9-28-20x (5137)
এবমুক্তোঽব্রবীদ্দ্রৌণী রাজানং যুদ্ধদুর্মদম্।
উত্তিষ্ঠ রাজন্ভদ্রং তে বিজেষ্যামো বয়ং পরান্॥ 9-28-20 (61922)
ইষ্টাপূর্তেন দানেন সত্যেন চ জপেন চ।
শপে রাজন্যথা হ্যদ্য নিহনিষ্যামি সোমকান্॥ 9-28-21 (61923)
মা স্ম যজ্ঞকৃতাং প্রীতিমাপ্নুয়াং সজ্জনোচিতাম্।
যদীমাং রজনীং ব্যুষ্টাং ন হি হন্মি পরান্রণে॥ 9-30-22 (61924)
নাহৎবা সর্বপাঞ্চালান্বিমোক্ষ্যে কবচং বিভো।
উত্তিষ্ঠ ৎবং ব্রবীম্যেতত্তন্মে শৃণু জনাধিপ॥ 9-30-23 (61925)
তেষু সম্বাষমাণেষু ব্যাধাস্তং দেশমায়যুঃ।
মাংসভারপরিশ্রান্তাঃ পানীয়ার্থং যদৃচ্ছয়া॥ 9-30-24 (61926)
তে হি নিত্যং মহারাজ ভীমসেনস্য লুব্ধকাঃ।
মাংসভারানুপাজহ্নুর্ভক্ত্যা পরময়া বিভো॥ 9-30-25 (61927)
তে তত্র ধিষ্ঠিতাস্তেষাং সর্বং তদ্বচনং রহঃ।
দুর্যোধনবচশ্চৈব শুশ্রুবুঃ সঙ্গতা মিথঃ॥ 9-30-26 (61928)
তেঽপি সর্বে মহেষ্বাসা অয়ুদ্ধার্থিনি কৌরবে।
নির্বন্ধং পরমং চক্রুস্তদা বৈ যুদ্ধকাঙ্ক্ষিণঃ॥ 9-30-27 (61929)
তাংস্তথা সমুদীক্ষ্যাথ কৌরবাণাং মহারথান্।
অয়ুদ্ধমনসং চৈব রাজানং স্থিতমম্ভসি॥ 9-30-28 (61930)
তেষাং শ্রুৎবা চ সংবাদং রাজ্ঞশ্চ সলিলে সতঃ।
ব্যাধা হ্যজানন্রাজেন্দ্র সলিলস্থং সুয়োধনম্॥ 9-30-29 (61931)
তে পূর্বং পাণ্ডুপুত্রেণ পৃষ্টা হ্যাসন্সুতং তব।
যদৃচ্ছোপগতাস্তত্র রাজানং পরিমার্গতা॥ 9-30-30 (61932)
ততস্তে পাণ্ডুপুত্রস্য স্মৃৎবা তদ্ভাষিতং তদা।
অন্যোন্যমব্রুবন্রাজন্মৃগব্যাধাঃ শনৈরিব॥ 9-30-31 (61933)
দুর্যোধনং খ্যাপয়ামো ধনং দাস্যতি পাণ্ডবঃ।
সুব্যক্তমিহ নঃ খ্যাতো হদে দুর্যোধনোনৃপঃ॥ 9-30-32 (61934)
তস্মাদ্গচ্ছামহে সর্বে যত্র রাজা যুধিষ্ঠিরঃ।
আখ্যাতুং সলিলে সুপ্তং দুর্যোধনমমর্ষণম্॥ 9-30-33 (61935)
ধৃতরাষ্ট্রাত্মজং তস্মৈ ভীমসেনায় ধীমতে।
শয়ানং সলিলে সর্বে কথয়ামো ধনুর্ভৃতে॥ 9-30-34 (61936)
স নো দাস্যতি সুপ্রীতো ধনানি বহুলান্যুত।
কিং নো মাংসেন শুষ্কেণ পরিক্লিষ্টেন শোষিণা॥ 9-30-35 (61937)
এবমুক্ৎবা তু তে ব্যাধাঃ সম্প্রহৃষ্টা ধনার্থিনঃ।
মাংসভারানুপাদায় প্রয়যুঃ শিবিরং প্রতি॥ 9-30-36 (61938)
পাণ়্ডবাশ্চ মহারাজ লব্ধলক্ষাঃ প্রহারিণঃ।
অপশ্যমানাঃ সমরে দুর্যোধনমবস্থিতম্॥ 9-30-37 (61939)
নিকৃতিজ্ঞস্য পাপস্য তস্যাভিগমনেপ্সয়া।
চারান্সম্প্রেষয়ামাসুঃ সমন্তাত্তদ্রণাজিরে॥ 9-30-38 (61940)
আগম্য তু ততঃ সর্বে নষ্টং দুর্যোধনং নৃপম্।
ন্যবেদয়ন্ত সহিতা ধর্মরাজস্য সৈনিকাঃ॥ 9-30-39 (61941)
তেষাং তদ্বচনং শ্রুৎবা চারাণাং ভরতর্ষভ।
চিন্তামভ্যগমত্তীব্রাং নিশশ্বাস চ পার্থিবঃ॥ 9-30-40 (61942)
`অরিশেষে জীবতি তু সন্দিগ্ধো বিজয়ো ভবেৎ।
রাজ্যং লভে কথং তদ্বি পূজিতং বিজয়াদিভিঃ'॥ 9-30-41 (61943)
অথ স্থিতানাং পাণ্ডূনাং দীনানাং ভরতর্ষভ।
তস্মাদ্দেশাদপক্রম্য ৎবরিতা লুব্ধকা বিভো॥ 9-30-42 (61944)
আজগ্মুঃ শিবিরং হৃষ্টা দৃষ্ট্বা দুর্যোধনং নৃপম্।
বার্যমাণাঃ প্রবিষ্টাশ্চ ভীমসেনস্য পশ্যতঃ॥ 9-30-43 (61945)
তে তু পাণ্ডবমাসাদ্য ভীমসেনং মহাবলম্।
তস্মৈ তৎসর্বমাচখ্যুর্যদ্বৃত্তং যচ্চ বৈ শ্রুতম্॥ 9-30-44 (61946)
ততো বৃকোদরো রাজন্দত্ৎবা তেষাং ধনং বহু।
ধর্মরাজায় তৎসর্বমাচচক্ষে পরন্তপঃ॥ 9-30-45 (61947)
অসৌ দুর্যোধনো রাজন্বিজ্ঞাতো মম লুব্ধকৈঃ।
সংস্তভ্য সলিলং শেতে যস্যার্থে পরিতপ্যসে॥ 9-30-46 (61948)
তদ্বচো ভীমসেনস্য প্রিয়ং শ্রুৎবা বিশাম্পতে।
অজাতশত্রুঃ কৌন্তেয়ো হৃষ্টোঽভূৎসহ সোদরৈঃ॥ 9-30-47 (61949)
তং চ শ্রুৎবা মহেষ্বাসং প্রবিষ্টং সলিলহদে।
ক্ষিপ্রমেব ততোঽগচ্ছন্পুরস্কৃত্য জনার্দনম্॥ 9-30-48 (61950)
ততঃ কিলকিলাশব্দঃ প্রাদুরাসীদ্বিশাম্পতে।
পাণ্ডবানাং প্রহৃষ্টানাং পাঞ্চালানাং চ সর্বশঃ॥ 9-30-49 (61951)
সিংহনাদাংস্ততশ্চক্রুঃ ক্ষ্বেডাশ্চ ভরতর্ষভ।
ৎবরিতাঃ ক্ষত্রিয়া রাজন্নুদক্রোশন্পরস্পরম্॥ 9-30-50 (61952)
জ্ঞাতঃ পাপো ধার্তরাষ্ট্রো দৃষ্টশ্চেত্যসকৃদ্রণে।
প্রাক্রোশন্সোমকাস্তত্র হৃষ্টরূপাঃ সমন্ততঃ॥ 9-30-51 (61953)
তেষামাশু প্রয়াতানাং রথানাং তত্র বেগিনাম্।
বভূব তুমুলঃ শব্দো দিবস্পৃক্ পৃথিবীপতে॥ 9-30-52 (61954)
দুর্যোধনং পরীপ্সন্তস্তত্রতত্র যুধিষ্ঠিরম্।
অন্বয়ুস্ৎবরিতাস্তে বৈ রাজানং শ্রান্তবাহনাঃ॥ 9-30-53 (61955)
অর্জুনো ভীমসেনশ্চ মাদ্রীপুত্রৌ চ পাণ্ডবৌ।
ধৃষ্টদ্যুম্নশ্চ পাঞ্চাল্যঃ শিখণ্ডী চাপরাজিতঃ॥ 9-30-54 (61956)
উত্তমৌজা যুধামন্যুঃ সাত্যকিশ্চ মহারথঃ।
পাঞ্চালানাং চ যে শিষ্টা দ্রৌপদেয়াশ্চ ভারত।
হয়াশ্চ সর্বে নাগাশ্চ শতশশ্চ পদাতয়ঃ॥ 9-30-55 (61957)
ততঃ প্রাপ্তো মহারাজ ধর্মরাজঃ প্রতাপবান্।
দ্বৈপায়নহদং ঘোরং যত্র দুর্যোধনোঽভবৎ॥ 9-30-56 (61958)
শীতামলজলং হৃদ্যং দ্বিতীয়মিব সাগরম্।
মায়যা সলিলং স্তভ্য যত্রাভূত্তে স্থিতঃ সুতঃ॥ 9-30-57 (61959)
অত্যদ্ভুতেন বিধিনা দৈবয়োগেন ভারত।
সলিলান্তর্গতঃ শেতে দুর্দর্শঃ কস্যচিৎপ্রভো। 9-30-58 (61960)
মানুষস্য মনুষ্যেন্দ্র গদাহস্তো জনাধিপঃ॥ 9-30-59 (61961)
ততো দুর্যোধনো রাজা সলিলান্তর্গতো বসন্।
শুশ্রুবে তুমুলং শব্দং জলদোপমনিঃস্বনম্॥ 9-30-59 (61962)
যুধিষ্ঠিরশ্চ রাজেন্দ্র তং হদং সহ সোদরৈঃ।
আজগাম মহারাজ তব পুত্রবধায় বৈ॥ 9-30-60 (61963)
মহতা শঙ্খনাদেন রথনেমিস্বনেন চ।
ঊর্ধ্বং ধুন্বন্মহারেণুং কম্পয়ংশ্চাপি মেদিনীম্॥ 9-30-61 (61964)
যৌধিষ্ঠিরস্য সৈন্যস্য শ্রুৎবা শব্দং মহারথাঃ।
কৃতবর্মা কৃপো দ্রৌণী রাজানমিদমব্রুবন্॥ 9-30-62 (61965)
ইমে হ্যায়ান্তি সংহৃষ্টাঃ পাণ্ডবা জিতকাশিনঃ।
অপয়াস্যামহে তাবদনুজানাতু নো ভবান্॥ 9-30-63 (61966)
দুর্যোধনস্তু তচ্ছ্রুৎবা তেষাং তত্র তরস্বিনাম্।
তথেত্যুক্ৎবা হদং তং বৈ মায়যাঽস্তম্ভয়ৎপ্রভো॥ 9-30-64 (61967)
তে ৎবনুজ্ঞাপ্য রাজানং ভৃশং শোকপরায়ণাঃ।
জগ্মুর্দূরে মহারাজ কৃপপ্রভৃতয়ো রথাঃ॥ 9-30-65 (61968)
তে গৎবা দূরমধ্বানং ন্যগ্রোধং প্রেক্ষ্য মারিষ।
ন্যবিশন্ত ভৃশং শ্রান্তাশ্চিন্তয়ন্তো নৃপং প্রতি॥ 9-30-66 (61969)
বিষ্টভ্য সলিলং সুপ্তো ধার্তরাষ্ট্রো মহাবলঃ।
পাণ্ডবাশ্চাপি সম্প্রাপ্তাস্তং দেশং যুদ্ধমীপ্সবঃ॥ 9-30-67 (61970)
কথং নু যুদ্ধং ভবিতা কথং রাজা ভবিষ্যতি।
কথং নু পাণ্ডবা রাজন্প্রতিপৎস্যন্তি কৌরবম্॥ 9-30-68 (61971)
ইত্যেবং চিন্তয়ানাস্তু রথেভ্যোঽশ্বান্বিমুচ্য তে।
তত্রাসাঞ্চক্রিরে রাজন্কৃপপ্রভৃতয়ো রথাঃ॥ ॥ 9-30-69 (61972)
ইতি শ্রীমন্মহাভারতে শল্যপর্বণি হ্রদপ্রবেশপর্বণি অষ্টাদশদিবসয়ুদ্ধে ত্রিংশোঽধ্যায়ঃ॥ 30 ॥
Mahabharata - Shalya Parva - Chapter Footnotes
9-30-18 অস্মাসু চ পরা ভক্তির্দর্শিতা কার্যগৌরবাৎ। ইতি ঙ. পাঠঃ॥ 9-30-22 যজ্ঞকৃতাং প্রীতি যজ্ঞাদিজস্য পুণ্যস্য ফলম্॥ 9-30-39 নষ্টং অদৃশ্যৎবং গতং লীনমিত্যর্থঃ॥ 9-30-30 ত্রিংশোঽধ্যায়ঃ॥শল্যপর্ব - অধ্যায় 031
॥ শ্রীঃ ॥
9.31. অধ্যায়ঃ 031
Mahabharata - Shalya Parva - Chapter Topics
যুধিষ্ঠিরেণ হদস্থং দুর্যোধনং প্রতি নিষ্ঠুরোক্তিভিঃ সন্তর্জনম্॥ 1 ॥ যুধিষ্ঠিরদুর্যোধনয়োঃ সংবাদঃ॥ 2 ॥Mahabharata - Shalya Parva - Chapter Text
9-31-0 (61973)
সঞ্জয় উবাচ। 9-31-0x (5138)
ততস্তেষ্বপয়াতেষু রথেষু ত্রিষু পাণ্ডবাঃ।
তং হদং প্রত্যপদ্যন্ত যত্র দুর্যোধনোঽভবৎ॥ 9-31-1 (61974)
আসাদ্য চ কুরুশ্রেষ্ঠ তদা দ্বৈপায়নং হদম্।
স্তম্ভিতং ধার্তরাষ্ট্রেণ দৃষ্ট্বা তং সলিলাশয়ম্॥ 9-31-2 (61975)
বাসুদেবমিদং বাক্যমব্রবীৎকুরুনন্দনঃ।
পশ্যেমাং ধার্তরাষ্ট্রেণ মায়ামপ্সু প্রয়োজিতাম্॥ 9-31-3 (61976)
বিষ্টভ্য সলিলং শেতে নাস্য মানুষতো ভয়ম্।
দৈবীং মায়ামিমাং কৃৎবা সলিলান্তর্গতো হ্যযম্॥ 9-31-4 (61977)
নিকৃত্যা নিকৃতিপ্রজ্ঞো ন মে জীবন্বিমোক্ষ্যতে।
যদ্যস্য সমরে সাহ্যং কুরুতে বজ্রভৃৎস্বয়ম্।
তথাপ্যেনং হতং যুদ্ধে লোকা দ্রক্ষ্যন্তি মাধব॥ 9-31-5 (61978)
বাসুদেব উবাচ। 9-31-6x (5139)
মায়াবিন ইমাং মায়াং মায়যা জহি ভারত।
মায়াবী মায়যা বধ্যঃ সত্যমেতদ্যুধিষ্ঠির॥ 9-31-6 (61979)
ক্রিয়াভ্যুপায়ৈর্বহুভির্ভায়ামপ্সু প্রয়োজ্য চ।
জহি ৎবং ভরতশ্রেষ্ঠ মায়াত্মানং সুয়োধনম্॥ 9-31-7 (61980)
ক্রিয়াভ্যুপায়ৈরিন্দ্রেণ নিহতা দৈত্যদানবাঃ।
ক্রিয়াভ্যুপায়ৈর্বলিভির্বলির্বদ্ধো মহাত্মনা॥ 9-31-8 (61981)
ক্রিয়াভ্যুপায়পূর্বং বৈ হিরণ্যাক্ষো মহাসুরঃ।
হিরণ্যকশিপুশ্চৈব ক্রিয়যৈব নিষূদিতৌ॥ 9-31-9 (61982)
বৃত্রশ্চ নিহতো রাজন্ক্রিয়যৈব মহাবলঃ।
তথা পৌলস্ত্যতনয়ো রাবণো নাম রাক্ষসঃ।
রামেণ নিহতো রাজন্সানুবন্ধঃ সহানুগঃ॥ 9-31-10 (61983)
ক্রিয়যা যোগমাস্থায় তথা ৎবমপি বিক্রম॥ 9-31-11 (61984)
ক্রিয়াভ্যুপায়ৈর্নিহতৌ ময়া রাজন্পুরাতনৌ।
তারকশ্চ মহাদৈত্যো বিপ্রচিত্তিশ্চ বীর্যবান্॥ 9-31-12 (61985)
বাতাপিরিল্বলশ্চৈব ত্রিশিরাশ্চ তথা বিভো।
সুন্দোপসুন্দাবসুরৌ ক্রিয়যৈব নিষূদিতৌ॥ 9-31-13 (61986)
ক্রিয়াভ্যুপায়ৈরিন্দ্রেণ ত্রিদিবং ভুজ্যতে বিভো।
ক্রিয়া বলবতী রাজন্নান্যৎকিংচিদ্যুধিষ্ঠির॥ 9-31-14 (61987)
দৈত্যাশ্চ দানবাশ্চৈব রাক্ষসাঃ পার্থিবাস্তথা।
ক্রিয়াভ্যুপায়ৈর্নিহতাঃ ক্রিয়াং তস্মাৎসমাচর॥ 9-31-15 (61988)
সঞ্জয় উবাচ। 9-31-16x (5140)
ইত্যুক্তো বাসুদেবেন পাণ্ডবঃ সংশিতব্রতঃ।
জলস্থং তং মহারাজ তব পুত্রং মহাবলম্।
অভ্যভাষত কৌন্তেয়ঃ প্রহসন্নিব ভারত॥ 9-31-16 (61989)
সুয়োধন কিমর্থোঽয়মারম্ভোঽপ্সু কৃতস্ৎবয়া।
সর্বং ক্ষত্রং ঘাতয়িৎবা স্বকুলং চ বিশাম্পতে॥ 9-31-17 (61990)
জলাশয়ং প্রবিষ্টোঽদ্য বাঞ্ছঞ্জীবিতমাত্মনঃ।
উত্তিষ্ঠ রাজন্যুধ্যস্ব সহাস্মাভিঃ সুয়োধন॥ 9-31-18 (61991)
স তে দর্পো নরশ্রেষ্ঠ স চ মানঃ ক্ব তে গতঃ।
যস্ৎবং সংস্তভ্য সলিলং ভীতো রাজন্ব্যবস্থিতঃ॥ 9-31-19 (61992)
সর্বে ৎবাং শূর ইত্যেবং জনা জল্পন্তি সংসদি।
ব্যর্থং তদ্ভবতো মন্যে শৌর্যং সলিলশায়িনঃ॥ 9-31-20 (61993)
উত্তিষ্ঠ রাজন্যুধ্যস্ব ক্ষত্রিয়োঽসি কুলোদ্ভবঃ।
কৌরবেয়ো বিশেষেণ কুলং জন্ম চ সংস্মর॥ 9-31-21 (61994)
স কথং কৌরবে বংশে প্রশংসঞ্জন্ম চাত্মনঃ।
যুদ্বাত্ত্রস্ততরস্তোয়ং প্রবিশ্য প্রতিতিষ্ঠসি॥ 9-31-22 (61995)
অয়ুদ্ধেন ব্যবস্থানং নৈষ ধর্মঃ সনাতনঃ॥ 9-31-23 (61996)
অনার্যজুষ্টমস্বর্গ্যং রণে রাজন্পলায়নম্।
কথং পারমগৎবা হি যুদ্ধে ৎবং বৈ জিজীবিষুঃ॥ 9-31-24 (61997)
ইমান্নিপতিতান্দৃষ্ট্বা পুত্রান্ভ্রাতৄন্পিতৄংস্তথা।
সম্বন্ধিনো বয়স্যাংশ্চ মাতুলান্বান্ধবাংস্তথা।
ঘাতয়িৎবা কথং তাত হদে তিষ্ঠতি সাম্প্রতম্॥ 9-31-25 (61998)
শূরমানী ন শূরস্ৎবং মৃষা বদসি ভারত।
শূরোঽহমিতি দুর্বুদ্ধে সর্বলোকস্য শৃণ্বতঃ॥ 9-31-26 (61999)
ন হি শূরাঃ পলায়ন্তে শত্রূন্দৃষ্ট্বা কথঞ্চন।
ব্রূহি বা ৎবং যয়া বৃত্ত্যা শূর ত্যজসি সঙ্গরম্॥ 9-31-27 (62000)
স ৎবমুত্তিষ্ঠ যুধ্যস্ব বিহায় ভয়মাত্মনঃ।
ঘাতয়িৎবা সর্বসৈন্যং ভ্রাতৄংশ্চৈব সুয়োধন॥ 9-31-28 (62001)
নেদানীং জীবিতে বুদ্ধিঃ কার্যা ধর্মচিকীর্ষয়া।
ক্ষত্রধর্মমুপাশ্রিত্য ৎবদ্বিধেন সুয়োধন॥ 9-31-29 (62002)
যত্তু কর্ণমুপাশ্রিত্য শকুনিং চাপি সৌবলম্।
দুঃশাসনং চ মোহাত্ৎবমাত্মানং নাববুদ্ধবান্॥ 9-31-30 (62003)
তৎপাপং সুমহৎকৃৎবা প্রতিয়ুধ্যস্ব ভারত।
কথং হি ৎবদ্বিধো মোহাদ্রোচয়েত পলায়নম্॥ 9-31-31 (62004)
ক্ব তে তৎপৌরুষং যাতং ক্ব চ মানঃ সুয়োধন।
ক্ব চ বিক্রান্ততা যাতা ক্ব চ বিস্ফূর্জিতং মহৎ॥ 9-31-32 (62005)
ক্ব তে কৃতাস্ত্রতা যাতা কিং নু শেষে জলাশয়ে।
স ৎবমুত্তিষ্ঠ যুধ্যস্ব ক্ষত্রধর্মেণ ভারত॥ 9-31-33 (62006)
অস্মাংস্তু বা পরাজিত্য প্রশাধি পৃথিবীমিমাম্।
অথবা নিহতোস্মাভির্ভূমৌ স্বপ্স্যসি ভারত॥ 9-31-34 (62007)
এষ তে পরমো ধর্মঃ সৃষ্টো ধাত্রা মহাত্মনা।
তং কুরুষ্ব যথাতথ্যং পৌরুষে স্ব ব্যবস্থিতঃ॥ 9-31-35 (62008)
সঞ্জয় উবাচ। 9-31-36x (5141)
এবমুক্তো মহারাজ ধর্মপুত্রেণ ধীমতা।
সলিলস্থস্তব সুত ইদং বচনমব্রবীৎ॥ 9-31-36 (62009)
নৈতচ্চিত্রং মহারাজ যদ্ভীঃ প্রাণিনমাবিশেৎ।
ন চ প্রাণভয়াদ্ভীতো ব্যপয়াতোঽস্মি ভারত॥ 9-31-37 (62010)
অরথশ্চানিষঙ্গী চ নিহতঃ পার্ষ্ণিসারথিঃ।
একশ্চাপ্যগণঃ সঙ্খ্যে প্রত্যাশ্বাসমরোচয়ম্॥ 9-31-38 (62011)
ন প্রাণহেতোর্ন ভয়াশ্চ বিষাদাদ্বিশাম্পতে।
ইদমম্ভঃ প্রবিষ্টোঽস্মি শ্রমাত্ৎবিদমনুষ্ঠিতম্॥ 9-31-39 (62012)
ৎবং চাশ্বসিহি কৌন্তেয় যে চাপ্যনুগতাস্তব।
অহমুত্থায় বঃ সর্বান্প্রতিয়োৎস্যামি সংয়ুগে॥ 9-31-40 (62013)
যুধিষ্ঠির উবাচ। 9-31-41x (5142)
আশ্বস্তা এব সর্বে স্ম চিরং ৎবাং মৃগয়ামহে।
তদিদানীং সমুত্তিষ্ঠ যুধ্যস্বেহ সুয়োধন॥ 9-31-41 (62014)
হৎবা বা সমরে পার্থান্স্ফীতং রাজ্যমবাপ্নুহি।
নিহতো বা রণেঽস্মাভির্বীরলোকমবাপ্স্যসি॥ 9-31-42 (62015)
দুর্যোধন উবাচ। 9-31-43x (5143)
যদর্থং রাজ্যমিচ্ছামি কুরূণাং কুরুনন্দন।
ত ইমে নিহতাঃ সর্বে ভ্রাতরো মে জনেশ্বর॥ 9-31-43 (62016)
ক্ষীণরত্নাং চ পৃথিবীং হতক্ষত্রিয়পুঙ্গবাম্।
ন হ্যুৎসহাম্যহং ভোক্তুং বিধবামিব যোষিতম্॥ 9-31-44 (62017)
অদ্যাপি ৎবহমাশংসে ৎবাং বিজেতুং যুধিষ্ঠির।
ভঙ্ক্ৎবা পাঞ্চালপাণ্ডূনামুৎসাহং ভরতর্ষভ॥ 9-31-45 (62018)
ন ৎবিদানীমহং মন্যে কার্যং যুদ্ধেন কর্হিচিৎ।
দ্রোণে কর্ণে চ সংশান্তে নিহতে চ পিতামহে॥ 9-31-46 (62019)
অস্ৎবিদানীমিয়ং রাজন্কেবলা পৃথিবী তব।
অসহায়ো হি কো রাজা রাজ্যমিচ্ছেৎপ্রশাসিতুম্॥ 9-31-47 (62020)
সুহৃদস্তাদৃশান্হৎবা পুত্রান্ভ্রাতৄন্পিতৄনপি।
ভবদ্ভিশ্চ হৃতে রাজ্যে কো নু জীবেত মাদৃশঃ॥ 9-31-48 (62021)
অহং বনং গমিষ্যামি হ্যজিনৈঃ প্রতিবাসিতঃ।
রতির্হি নাস্তি মে রাজ্যে হতপক্ষস্য ভারত॥ 9-31-49 (62022)
হতবান্ধবভূয়িষ্ঠা হতাশ্বা হতকুঞ্জরা।
এষা তে পৃথিবী রাজন্ভুঙ্ক্ষৈনাং বিগতজ্বরঃ॥ 9-31-50 (62023)
বনমেব গমিষ্যামি বসানো মৃগচর্মণী।
ন হি মে নির্জনস্যাস্তি জীবিতেঽদ্য স্পৃহা বিভো॥ 9-31-51 (62024)
গচ্ছ ৎবং ভুঙ্ক্ষ রাজেন্দ্র পৃথিবীং নিহতেশ্বরাম্।
হতয়োধাং নষ্টরত্নাং শীর্ণক্ষত্রাং যথাসুখম্॥ 9-31-52 (62025)
[সঞ্জয় উবাচ। 9-31-53x (5144)
দুর্যোধনং তব সুতং সলিলস্থং মহায়শাঃ।
শ্রুৎবা তু করুণং বাক্যমভাষত যুধিষ্ঠিরঃ॥] 9-31-53 (62026)
যুধিষ্ঠির উবাচ। 9-31-54x (5145)
আর্তপ্রলাপান্মা তাত সলিলস্থঃ প্রভাষথাঃ।
নৈতন্মনসি মে রাজন্বাশিতং শকুনেরিব॥ 9-31-54 (62027)
যদি বাপি সমর্থঃ স্যাস্ৎবং দানায় সুয়োধন।
নাহমিচ্ছেয়মবনিং ৎবয়া দত্তাং প্রশাসিতুম্॥ 9-31-55 (62028)
অধর্মেণ ন গৃহ্ণীয়াং ৎবয়া দত্তাং মহীমিমাম্।
ন হি ধর্মঃ স্মৃতো রাজন্ক্ষত্রিয়স্য প্রতিগ্রহঃ॥ 9-31-56 (62029)
ৎবয়া দত্তাং ন চেচ্ছেয়ং পৃথিবীমখিলামহম্।
ৎবাং তু যুদ্ধে বিনির্জিত্য ভোক্তাঽস্মি বসুধামিমাম্॥ 9-31-57 (62030)
অনীশ্বরশ্চ পৃথিবীং কথং ৎবং দাতুমিচ্ছসি।
ৎবয়েয়ং পৃথিবী রাজন্কিং ন দত্তা তদৈব হি॥ 9-31-58 (62031)
ধর্মতো যাচমানানাং প্রশমার্থং কুলস্য নঃ।
বার্ষ্ণেয়ং প্রথমং রাজন্প্রত্যাখ্যায় মহাবালম্॥ 9-31-59 (62032)
কিমিদানীং দদাসি ৎবং কো হি তে জিত্তবিভ্রমঃ।
অভিয়ুক্তস্তু কো রাজা দাতুমিচ্ছেদ্ধি মেদিনীং॥ 9-31-60 (62033)
ন ৎবমদ্য মহীং দাতুমীশঃ কৌরবনন্দন।
আচ্ছেত্তুং বা বলাদ্রাজন্স কথং দাতুমিচ্ছসি॥ 9-31-61 (62034)
মাং তু নির্জিত্য সঙ্গ্রামে পালয়েমাং বসুন্ধরাম্।
সূচ্যগ্রেণাপি যদ্ভূমেরপি ভিদ্যেত ভারত॥ 9-31-62 (62035)
তন্মাত্রমপি তন্মহ্যং ন দদাতি পুরা ভবান্।
স কথং পৃথিবীমেতাং প্রদদাসি বিশাম্পতে॥ 9-31-63 (62036)
সূচ্যগ্রং নাত্যজঃ পূর্বং স কথং ত্যজসি ক্ষিতিম্॥ 9-31-64 (62037)
এবমৈশ্বর্যমাসাদ্য প্রশাস্য পৃথিবীমিমাম্।
কো হি মূঢো ব্যবস্যেত শত্রোর্দাতুং বসুন্ধরাম্॥ 9-31-65 (62038)
ৎবং তু কেবলমৌর্খ্যেণ বিমূঢো নাববুধ্যসে।
পৃথিবীং দাতুকামোঽপি জীবংস্ৎবং নৈব মোক্ষ্যসে॥ 9-31-66 (62039)
অস্মান্বা ৎবং পরাজিত্য প্রশাধি পৃথিবীমিমাম্।
অথবা নিহতোঽস্মাভির্ব্রজ লোকাননুত্তমান্॥ 9-31-67 (62040)
আবয়োর্জীবতো রাজন্ময়ি চ ৎবয়ি চ ধ্রুবম্।
সংশয়ঃ সর্বভূতানাং বিজয়ে নৌ ভবিষ্যতি॥ 9-31-68 (62041)
জীবিতং ৎবয়ি দুষ্প্রাপং ময়ি যৎপরিবর্ততে।
জীবয়েয়মহং কামং ন তু ৎবং জীবিতুং ক্ষমঃ॥ 9-31-69 (62042)
দহনে হি কৃতো যত্নস্ৎবয়াঽস্মাসু বিশেষতঃ।
আশীবিষৈর্বিষৈশ্চাপি জলে জাপি প্রবেশনৈঃ।
ৎবয়া বিনিকৃতা রাজন্রাজ্যস্য হরণেন চ॥ 9-31-70 (62043)
অপ্রিয়াণাং চ বচনৈর্দ্রৌপদ্যাঃ কর্ষণেন চ।
এতস্মাৎকারণাৎপাপ জীবিতং ন বিদ্যতে॥ 9-31-71 (62044)
উত্তিষ্ঠোত্তিষ্ঠ যুধ্যস্ব যুদ্ধে শ্রেয়ো ভবিষ্যতি॥ 9-31-72 (62045)
এবং তু বিবিধা বাচো জয়যুক্তাঃ পুনঃপুনঃ।
কীর্তয়ন্তি স্ম তে বীরাস্তত্রতত্র জনাধিপ॥ ॥ 9-31-73 (62046)
ইতি শ্রীমন্মহাভারতে শল্যপর্বণি হ্রদপ্রবেশপর্বণি অষ্টাদশদিবসয়ুদ্ধে একত্রিংশোঽধ্যায়ঃ॥ 31 ॥
Mahabharata - Shalya Parva - Chapter Footnotes
9-31-7 কিয়াভ্যুপায়ৈঃ শত্রুকিয়ানুরূপৈঃ প্রতীকারৈর্ঘর্ম্যৈরধর্ম্যৈর্বেত্যর্থঃ। এতেতু চ্ছলকারিণশ্ছলৈরেব হন্তব্যা ইতি ভাবঃ। মায়যৈব সুয়োধনং ইতি ক.পাঠঃ॥ 9-31-11 বিক্রম বিক্রমং কুরুষ্ব ক্রিয়যা যোগমাস্থায় হতস্ৎবাষ্ট্রোঽপি বিক্রমাৎ ইতি ক.পাঠঃ॥ 9-31-12 ক্রিয়াভ্যুপায়ৈর্নিহতো ময়ো নাম মহাসরঃ। ইতি ক.পাঠঃ॥ 9-31-27 হে শূরেতি সাধিক্ষেপসম্বোধনম্। যয়া বৃত্ত্যা নিমিত্তভূতয়া। বানপ্রস্থৎবেন বা ন্যস্তশস্ত্রৎবেন বা ক্লীবৎবেন বা ৎবং সঙ্গরং ত্যজসি তাং বৃত্তিং ব্রূহি। ন ৎবং বানপ্রস্থোঽসি রাজ্যার্থিবাৎ। নাপি ন্যস্তশস্ত্রো গদাধারিৎবাৎ। পরিশেষাত ক্লীবোঽস্মীতি মা ভাষস্ব। যুদ্ধং কুর্বিতি ভাবঃ॥ 9-31-32 পৌরুষং যত্নঃ। বিক্রান্ততা শৌর্যম্। বিস্ফূর্জিতং গর্জনম্॥ 9-31-49 হতাপত্যস্য ভারত ইতি ক.পাঠঃ॥ 9-31-52 নিহতৎবিষমিতি ক.ঙ.পাঠঃ॥ 9-31-31 একত্রিংশোঽধ্যায়ঃ॥শল্যপর্ব - অধ্যায় 032
॥ শ্রীঃ ॥
9.32. অধ্যায়ঃ 032
Mahabharata - Shalya Parva - Chapter Topics
যুধিষ্ঠিরকটুভাষণরুষ্টেন সুয়োধনেন গদয়াসহ হদাদুত্থানম্॥ 1 ॥ যুধিষ্ঠিরদুর্যোধনয়োঃ সংবাদঃ॥ 2 ॥Mahabharata - Shalya Parva - Chapter Text
9-32-0 (62047)
ধৃতরাষ্ট্র উবাচ। 9-32-0x (5146)
এবং সন্তর্জ্যমানস্তু মম পুত্রো মহীপতিঃ।
প্রকৃত্যা মন্যুমান্বীরঃ কথমাসীৎপরন্তপঃ॥ 9-32-1 (62048)
ন হি সন্তর্জনা তেন শ্রুতপূর্বা কথঞ্চন।
রাজভাবেন মান্যশ্চ সর্বলোকস্য সোঽভবৎ॥ 9-32-2 (62049)
[যস্যাতপত্রচ্ছায়াপি স্বকা ভানোস্তথা প্রভা।
খেদায়ৈবাভিমানিৎবাৎসহেৎসৈবং কথং গরিঃ॥] 9-32-3 (62050)
ইয়ং চ পৃথিবী সর্বা সম্লেচ্ছাটবিকা ভৃশম্।
প্রসাদাদ্ভ্রিয়তে যস্য প্রত্যক্ষং তব সঞ্জয়॥ 9-32-4 (62051)
স তথা তর্জ্যমানস্তু পাণ্ডুপুত্রৈর্বিশেষতঃ।
বিহীনশ্চ স্বকৈর্ভৃত্যৈর্নির্জিতে চাবৃতো ভৃশম্॥ 9-32-5 (62052)
স শ্রুৎবা কটুকা বাচো জয়যুক্তাঃ পুনঃপুনঃ।
কিমব্রবীৎপাণ্ডবেয়াংস্তন্মমাচক্ষ্ব সঞ্জয়॥ 9-32-6 (62053)
সঞ্জয় উবাচ। 9-32-7x (5147)
তর্জ্যমানস্তদা রাজন্নুদকস্থস্তবাত্মজঃ।
যুধিষ্ঠিরেণ রাজেন্দ্র ভ্রাতৃভিঃ সহিতেন হ॥ 9-32-7 (62054)
শ্রুৎবা স কটুকা বাচো বিষমস্থো নরাধিপঃ।
দীর্ঘমুষ্ণং চ নিঃশ্বস্য সলিলস্থঃ পুনঃপুনঃ॥ 9-32-8 (62055)
সলিলান্তর্গতো রাজা ধুন্বন্হস্তৌ পুনঃপুনঃ।
মনশ্চকার যুদ্ধায় রাজানং চাভ্যভাষত॥ 9-32-9 (62056)
যূয়ং সসুহৃদঃ পার্থাঃ সর্বে সরথবাহনাঃ।
অহমেকঃ পরিদ্যূনো বিরথো হতবাহনঃ॥ 9-32-10 (62057)
আত্তশস্ত্রৈ রথোপেতৈর্বহুভিঃ পরিবাস্তিঃ।
কথমেকঃ পদাতিঃ সন্নশস্ত্রো যোদ্ধুমুৎসহ॥ 9-32-11 (62058)
একৈকশশ্চ মাং যূয়ং যোধয়ধ্বং যুধিষ্ঠির।
ন হ্যেকো বহুভির্বীরৈর্ন্যায়্যো যোধয়িতুং যুধি॥ 9-32-12 (62059)
বিশেষতো বিকবচঃ শ্রান্তশ্চাপৎসমাশ্রিতঃ।
ভৃশং বিক্ষতগাত্রশ্চ শ্রান্তবাহনসৈনিকঃ॥ 9-32-13 (62060)
ন মে ৎবত্তো ভয়ং রাজন্ন চ পার্থাদ্বৃকোদরাৎ।
ফল্গুনাদ্বাসুদেবাদ্বা পাঞ্চালেভ্যোঽথবা পুনঃ॥ 9-32-14 (62061)
যমাভ্যাং যুয়ুধানাদ্বা যে চান্যে তব সৈনিকাঃ।
একঃ সর্বানহং ক্রুদ্ধো বারয়িষ্যে যুধি স্থিতঃ॥ 9-32-15 (62062)
ধর্মমূলা সতাং কীর্তির্মনুষ্যাণাং জনাধিপ।
ধর্মং চৈবেহ কীর্তিং চ পালয়ন্প্রব্রবীম্যহম্॥ 9-32-16 (62063)
অহমুত্থায় সর্বান্বৈ প্রতিয়োৎস্যামি সংয়ুগে।
অন্বভ্যাশং গতান্সর্বান্নিহনিষ্যামি ভারত॥ 9-32-17 (62064)
অদ্য বঃ সরথান্সাশ্বানশস্ত্রো বিরথোঽপি সন্।
নক্ষত্রাণীব সর্বাণি সবিতা রাত্রিসংক্ষয়ে॥ 9-32-18 (62065)
তেজসা নাশয়িষ্যামি স্থিরীভবত পাণ়্ডবাঃ।
অদ্যানৃণ্যং গমিষ্যামি ক্ষত্রিয়াণাং যশস্বিনাং॥ 9-32-19 (62066)
বাহ্লীকদ্রোণভীষ্মাণাং কর্ণস্য চ মহাত্মনঃ।
জয়দ্রথস্য শূরস্য ভগদত্তস্য চোভয়োঃ॥ 9-32-20 (62067)
মদ্ররাজস্য শল্যস্য ভূরিশ্রবস এব চ।
পুত্রাণাং ভরতশ্রেষ্ঠ শকুনেঃ সৌবলস্য চ॥ 9-32-21 (62068)
মেত্রাণাং সুহৃদাং চৈব বান্ধবানাং তথৈব চ।
প্রানৃণ্যমদ্য গচ্ছামি হৎবা ৎবাং ভ্রাতৃভিঃ সহ॥ 9-32-22 (62069)
সঞ্জয় উবাচ। 9-32-23x (5148)
এতাবদুক্ৎবা বচনং বিররাম জনাধিপঃ।
`সলিলান্তর্গতঃ শ্রীমান্পুত্রো দুর্যোধনস্তব॥' 9-32-23 (62070)
যুধিষ্ঠির উবাচ। 9-32-24x (5149)
দিষ্ট্যা ৎবমপি জানীষে ক্ষত্রধর্মং সুয়োধন।
দিষ্ট্যা তে বর্ততে বুদ্ধির্যুদ্ধায়ৈব মহাভুজ॥ 9-32-24 (62071)
দিষ্ট্যা শূরোঽসি গান্ধারে দিষ্ট্যা জানাসি সঙ্গরম্।
যস্ৎবমেকো হি নঃ সর্বান্সঙ্গরে যোদ্ভুমিচ্ছসি॥ 9-32-25 (62072)
এক একেন সঙ্গম্য যত্তে সম্মতমায়ুধম্।
তত্ৎবমাদায় যুধ্যস্ব প্রেক্ষকাস্তে বয়ং স্থিতাঃ॥ 9-32-26 (62073)
অয়মিষ্টং চ তে কামং বীর ভূয়ো দদাম্যহম্।
হৎবৈকং ভব নো রাজা হতো বা স্বর্গমাপ্নুহি॥ 9-32-27 (62074)
দুর্যোধন উবাচ। 9-32-28x (5150)
একশ্চেদ্যোদ্ভুমাক্রন্দে বরোঽদ্য মম দীয়তাম্।
আয়ুধানামিয়ং চাপি মতা মে সতং গদা॥ 9-32-28 (62075)
ভ্রাতণাং ভবতামেকঃ শক্যং মাং যোঽভিমন্যতে।
পদাতির্গদয়া সঙ্খ্যে স যুধ্যতু ময়া সহ॥ 9-32-29 (62076)
বৃত্তানি রথয়ুদ্ধানি বিচিত্রামি পদেপদে।
ইদমেকং গদায়ুদ্ধং ভবৎবদ্যাদ্ভুতং মহৎ॥ 9-32-30 (62077)
অন্নানামপি পর্যায়ং কর্তুমিচ্ছন্তি মানবাঃ।
যুদ্ধানামপি পর্যায়ো ভবৎবনুমতে তব॥ 9-32-31 (62078)
গদয়া ৎবাং মহাবাহো বিজেষ্যামি সহানুজম্।
পাঞ্চালান্সৃঞ্জয়াংশ্চৈব যে চান্যে তব সৈনিকাঃ।
ন হি মে সম্ভ্রামো জাতু শক্রাদপি যুধিষ্ঠির॥ 9-32-32 (62079)
যুধিষ্ঠির উবাচ। 9-32-33x (5151)
উত্তিষ্ঠোত্তিষ্ঠ গান্ধারে মাং যোধয় সুয়োধন।
এক একেন সঙ্গম্য সংয়ুগে গদয়া বলী॥ 9-32-33 (62080)
পুরুষো ভব গান্ধারে যুধ্যস্ব সুসমাহিতঃ।
অদ্য তে জীবিতং নাস্তি যদীন্দ্রোপি তবাশ্রয়ঃ॥ 9-32-34 (62081)
সঞ্জয় উবাচ। 9-32-35x (5152)
এতৎস নরশার্দূলো নামৃষ্যত তবাত্মজঃ।
সলিলান্তর্গতঃ শ্বভ্রে মহানাগ ইব শ্বসন্॥ 9-32-35 (62082)
তথাঽসৌ বাক্প্রতোদেন তুদ্যমানঃ পুনঃপুনঃ।
বচো ন মমৃষে রাজন্নুত্তমাশ্বঃ কশামিব॥ 9-32-36 (62083)
সঙ্ক্ষোভ্য সলিলং বেগাদ্গদামাদায় বীর্যবান্।
অদ্রিসারময়ীং গুর্বীং কাঞ্চনাঙ্গদভূষণাম্।
অন্তর্জলাৎসমুত্তস্থৌ নাগেন্দ্র ইব নিঃশ্বসন্॥ 9-32-37 (62084)
স ভিত্ৎবা স্তম্ভিতং তোয়ং স্কন্ধে কৃৎবায়সীং গদাম্।
উদতিষ্ঠত পুত্রস্তে প্রতপন্রশ্মিবানিব॥ 9-32-38 (62085)
ততঃ শৈক্যায়সীং গুর্বী জাতরূপপরিষ্কৃতাম্।
গদাং পরামৃশদ্ধীমান্ধার্তরাষ্ট্রো মহাবলঃ॥ 9-32-39 (62086)
গদাহস্তং তু তং দৃষ্ট্বা সশৃঙ্গমিব পর্বতম্।
প্রজানামিব সঙ্ক্রুদ্ধং শূলপাণিমিব স্থিতম্॥ 9-32-40 (62087)
*সগদো ভারতো ভাতি প্রতপন্ভাস্করো যথা*॥ 9-32-41 (62088)
তমুত্তীর্ণং মহাবাহুং গদাহস্তমরিন্দমম্।
মেনিরে সর্বভূতানি দণ্ডপাণিমিবান্তকম্॥ 9-32-42 (62089)
বজ্রহস্তং যথা শক্রং শূলহস্তং যথা হরম্।
দদৃশুঃ শর্বপাঞ্চালাঃ পুত্রং তব জনাধিপ॥ 9-32-43 (62090)
তমুত্তীর্ণং তু সম্প্রেক্ষ্য সমহৃষ্যন্ত সর্বশঃ।
পাঞ্চালাঃ পাণ্ডবেয়াশ্চ তেঽন্যোন্যস্য তলান্দদুঃ॥ 9-32-44 (62091)
অবহাসং তু তং মৎবা পুত্রো দুর্যোধনস্তব।
উদ্বৃত্য নয়নে ক্রুদ্ধো দিধক্ষুরিব পাণ্ডবান্॥ 9-32-45 (62092)
ত্রিশিখাং ভ্রুকুটীং কৃৎবা সন্দষ্টদশনচ্ছদঃ।
প্রত্যুবাচ ততস্তান্বৈ পাণ্ডবান্সহ কেশবান্॥ 9-32-46 (62093)
দুর্যোধন উবাচ। 9-32-47x (5153)
অস্যাবহাসস্য ফলং প্রতিমোক্ষ্যথ পাণ্ডবাঃ।
গমিষ্যথ হতাঃ সদ্যঃ সপাঞ্চালা যমক্ষয়ম্॥ 9-32-47 (62094)
উত্থিন্তশ্চ জলাত্তস্মাৎপুত্রো দুর্যোধনস্তব।
অতিষ্ঠত গদাপাণী রুধিরেণ সমুক্ষিতঃ॥ 9-32-48 (62095)
তস্য শোণিতদিগ্ধস্য সলিলেন সমুক্ষিতম্।
শরীরং স্ম তদা ভাতি স্রবন্নিব মহীধারঃ॥ 9-32-49 (62096)
তমুদ্যতগদং বীরং মেনিরে তত্র পাণ্ডবাঃ।
বৈবস্বতমিব ক্রুদ্ধং শূলপাণিমিব স্থিতম্॥ 9-32-50 (62097)
স মেঘনিনদো হর্ষান্নর্দন্নিব চ গোবৃষঃ।
আজুহাব ততঃ পার্থান্গদয়া যুধি বীর্যবান্॥ 9-32-51 (62098)
দুর্যোধন উবাচ। 9-32-52x (5154)
একৈকেন চ মাং যূয়মাসীদত যুধিষ্ঠির।
ন হ্যেকো বহুভির্ন্যায়্যো বীরো যোধয়িতুং যুধি॥ 9-32-52 (62099)
ন্যস্তবর্মা বিশেষেণ শ্রান্তশ্চাপ্সু পরিপ্লুতঃ।
ভৃশং বিক্ষতগাত্রশ্চ হতবাহনসৈনিকঃ॥ 9-32-53 (62100)
[অবশ্যমেব যোদ্বব্যং সর্বৈরেব ময়া সহ।
যুক্তং ৎবয়ুক্তমিত্যেতদ্বেৎসি ৎবং চৈব সর্বদা]॥ 9-32-54 (62101)
যুধিষ্ঠির উবাচ। 9-32-55x (5155)
মা ভূদিয়ং তব প্রজ্ঞা কথমেকং সুয়োধন।
যদাঽভিমন্যুং বহবো জঘ্নুর্যুধি মহারথাঃ॥ 9-32-55 (62102)
[ক্ষত্রধর্মং ভৃশং ক্রূরং নিরপেক্ষং সুনির্ঘৃণম্।
অন্যথা তু কথং হন্যুরভিমন্যুং তথাগতম্॥ 9-32-56 (62103)
সর্বে ভবন্তো ধর্মজ্ঞাঃ সর্বে শূরাস্তনুত্যজঃ।
ন্যায়েন যুধ্যতাং প্রোক্তা শক্রলোকগতিঃ পরা॥ 9-32-57 (62104)
যদ্যেকস্তু ন হন্তব্যো বহুভির্ধর্ম এব তু।
তদাঽভিমন্যুং বহবো নিজঘ্নুস্ৎবন্মতে কথম্॥ 9-32-58 (62105)
সর্বো বিমৃশতে জন্তুঃ কৃচ্ছ্রস্থো ধর্মদর্শনম্।
পদস্থঃ পিহিতং দ্বারং পরলোকস্য পশ্যতি॥] 9-32-59 (62106)
আমুঞ্চ কবচং বীর মূর্ধজান্যময়স্ব চ।
যচ্চান্যদপি তে নাস্তি তদপ্যাদৎস্ব ভারত॥ 9-32-60 (62107)
ইমমেকং চ তে কামং বীর ভূয়ো দদাম্যহম্।
পঞ্চানাং পাণ়্ডবেয়ানাং যেন ৎবং যোদ্ধুমিচ্ছসি॥ 9-32-61 (62108)
তং হৎবা বৈ ভবারাজা হতো বা স্বর্গমাপ্নুহি।
ঋতে চ জীবিতাদ্বীর যুদ্ধে কিং কুর্ম তে প্রিয়ম্॥ 9-32-62 (62109)
সঞ্জয় উবাচ। 9-32-63x (5156)
ততস্তব সুতো রাজন্বর্ম জগ্রাহ কাঞ্চনম্।
বিচিত্রং চ শিরস্ত্রাণং জাম্বূনদপরিষ্কৃতম্॥ 9-32-63 (62110)
সোঽববদ্বশিরস্ত্রাণঃ শুভকাঞ্চনবর্মভৃৎ।
ররাজ রাজন্পুত্রস্তে কাঞ্চনঃ শৈলরাডিব॥ 9-32-64 (62111)
সন্নদ্ধঃ সগতো রাজন্সজ্জঃ সঙ্গ্রামমূর্ধনি।
অব্রবীৎপাণ়্ডবান্সর্বান্পুত্রো দুর্যোধনস্তব॥ 9-32-65 (62112)
ভ্রাতৄণাং ভবতামেকো যুধ্যতাং গদয়া ময়া।
সহদেবেন বা যোৎস্যে ভীমেন নকুলেন বা॥ 9-32-66 (62113)
অথবা ফল্গুনেনাদ্য ৎবয়া বা ভরতর্ষভ।
যোৎস্যেঽহং সঙ্গরং প্রাপ্য বিজেষ্যে চ রণাজিরে॥ 9-32-67 (62114)
অহমদ্য গমিষ্যামি বৈরস্যান্তং সুদুর্গমম্।
গদয়া পুরুষব্যাঘ্র হেমপট্টনিবদ্ধয়া॥ 9-32-68 (62115)
গদায়ুদ্ধে ন মে কশ্চিৎসদৃশোঽস্তীতি চিন্তয়ে।
গদয়া বো হনিষ্যামি সর্বানেব সমাগতান্॥ 9-32-69 (62116)
ন মে সমর্থাঃ সর্বে বৈ যোদ্ধুং ন্যায়েন কেচন।
ন যুক্তমাত্মনা বক্তুমেবং গর্বোদ্ধতং বচঃ।
অথবা সফলং হ্যেতৎকরিষ্যে ভবতাং পুরঃ॥ 9-32-70 (62117)
অস্মিন্মহূর্তে সত্যং বা মিথ্যা বৈ তদ্ভবিষ্যতি।]
গৃহ্ণাতু চ গদাং যো বৈ যোৎস্যতেঽদ্য ময়া সহ॥ ॥ 9-32-71 (62118)
ইতি শ্রীমন্মহাভারতে শল্যপর্বণি দ্বাত্রিংশোঽধ্যায়ঃ॥ 32 ॥
Mahabharata - Shalya Parva - Chapter Footnotes
9-32-3 আতপত্রেণ দুর্যোধনঃ সূর্যাদ্রক্ষিত ইত্যেষ প্রবাদোঽপি যস্য ন স ইতি ভাবঃ॥ 9-32-10 পরিদ্যূনঃ পরিশ্রান্তঃ॥ 9-32-27 নঃ অস্মাকং পঞ্চানাং মধ্যে একমপি হৎবা ৎবং রাজা ভবেত্যন্বয়ঃ॥ 9-32-34 অদ্য তে জীবিতং নাস্তি যদ্যপি ৎবং মনোজবঃ ইতি ক.ঙ.পাঠঃ॥ 9-32-56 ক্ষত্রধর্মং অস্তীতি শেষঃ। ধর্মোঽস্ত্রী পুণ্যআচারে ইতি মেদিনী॥ 9-32-32 দ্বাত্রিংশোঽধ্যায়ঃ॥শল্যপর্ব - অধ্যায় 033
॥ শ্রীঃ ॥
9.33. অধ্যায়ঃ 033
Mahabharata - Shalya Parva - Chapter Topics
যুধিষ্ঠিরেণ দুর্যোধনম্প্রতি স্বেষ্বন্যতমপরাজয়েনাপি তস্য রাজ্যপ্রাপ্তিবচনে কৃষ্ণেন তম্প্রতি সকোপং ভীমেনাপি দুর্যোধনপ রাজয়ে স্বস্য সংশয়োক্তিঃ॥ 1 ॥ ভীমেন কৃষ্ণম্প্রতি স্বসামর্থ্যপ্রকথনপূর্বকং স্বেন দুর্যোধনবধস্য সুকরৎবে কথিতে কৃষ্ণাদিভিস্তৎপ্রশংসনম্॥ 2 ॥ ভীমদুর্যোধনয়োর্বীরবাদপুর্বকং যুদ্ধোদ্যমঃ॥ 3 ॥Mahabharata - Shalya Parva - Chapter Text
9-33-0 (62119)
সঞ্জয় উবাচ। 9-33-0x (5157)
এবং দুর্যোধনে রাজন্গর্জমানে মুহুর্মুহুঃ।
যুধিষ্ঠিরস্য সঙ্ক্রুদ্ধো বাসুদেবোঽব্রবীদিদম্॥ 9-33-1 (62120)
যদী নাম হ্যযং যূদ্ধে বরয়েত্ৎবাং যুধিষ্ঠির।
অর্জুনং নকুলং চৈব সহদেবমথাপি বা॥ 9-33-2 (62121)
কিমিদং সাহসং রাজংস্ৎবয়া ব্যাহৃতমীদৃশম্।
একমেব নিহত্যাজৌ ভব রাজা কুরুষ্বিতি॥ 9-33-3 (62122)
এতেন হি কৃতা যোগ্যা বর্ষাণীহ ত্রয়োদশ।
আয়সে পুরুষে রাজন্ভীমসেনজিঘাংসয়া॥ 9-33-4 (62123)
কথং নাম ভবেৎকার্যমস্মাদ্বি ভরতর্ষভ।
সাহসং কৃতবাংস্ৎবং তু হ্যনুক্রোশান্নৃপোত্তম॥ 9-33-5 (62124)
নান্যমস্যানুপশ্যামি প্রতিয়োদ্ধারমাহবে।
ঋতে বৃকোদরাৎপার্থাৎস চ নাতিকৃতশ্রমঃ॥ 9-33-6 (62125)
তদিদং দ্যূতমারব্ধং পুনরেব যথা পুরা।
বিষমং শকুনেশ্চৈব তব চৈব বিশেষতঃ॥ 9-33-7 (62126)
বলী ভীমঃ সমর্থশ্চ কৃতী রাজা সুয়োধনঃ।
বলবান্বা কৃতী বেতি কৃতী রাজন্বিশিষ্যতে॥ 9-33-8 (62127)
সোঽয়ং রাজংস্ৎবয়া শত্রুঃ সমে পথি নিবেশিতঃ।
ন্যস্তশ্চাত্মা সুবিষমে কৃচ্ছ্রমাপাদিতা বয়ম্॥ 9-33-9 (62128)
কোঽনু সর্বান্বিনির্জিত্য শত্রূনেকেন বৈরিণা।
[কৃচ্ছ্রপ্রাপ্তেন চ তথা হারয়েদ্রাজ্যমাগতম্।]
পাতিতশ্চৈকবাণেন শোচয়েদেবমাহবে॥ 9-33-10 (62129)
ন হি পশ্যামি তং লোকে যোঽদ্য দুর্যোধনং রণে।
গদাহস্তং বিজেতুং বৈ শক্তঃ স্যাদমরোপি হি॥ 9-33-11 (62130)
ফল্গুনো বা ভবান্বাথ মাদ্রীপুত্রাবথাপি বা।
ন সমর্থানহং মন্যে গদাহস্তস্য সংয়ুগে॥ 9-33-12 (62131)
ন ৎবং ভীমো ন নকুলঃ সহদেবোঽথ ফল্গুনঃ।
জেতুং ন্যায়েন শক্তো বৈ কৃতী রাজা সুয়োধনঃ॥ 9-33-13 (62132)
স কথং বদসে শত্রুং যুধ্যস্ব গদয়েতি হি।
একং চ নো নিহত্যাজৌ ভব রাজেতি ভারত॥ 9-33-14 (62133)
বৃকোদরং সমাসাদ্য সংশয়ো বৈ জয়ে হি নঃ।
ন্যায়তো যুধ্যমানানাং কৃতী হ্যেষ মহাবলঃ॥ 9-33-15 (62134)
[নূনং ন রাজ্যভাগেষা পাণ্ডোঃ কুন্ত্যাশ্চ সন্ততিঃ।
অত্যন্তবনবাসায় সৃষ্টা ভৈক্ষ্যায় বা পুনঃ॥] 9-33-16 (62135)
ভীমসেন উবাচ। 9-33-17x (5158)
মধুসূদন মাকার্ষীবিষাদং যদুনন্দন।
অদ্য পারং গমিষ্যামি বৈরস্য ভৃশদুর্গমম্॥ 9-33-17 (62136)
অহং সুয়োধনং সঙ্খ্যে হনিষ্যামি ন সংশয়ঃ।
বিজয়ো বৈ ধ্রুবঃ কৃষ্ণ ধর্মরাজস্য দৃশ্যতে॥ 9-33-18 (62137)
অধ্যর্ধেন গুণেনেয়ং গদা গুরুতরী মম।
ন তথা ধার্তরাষ্ট্রস্য মাকার্ষীর্মাধব ব্যথাম্॥ 9-33-19 (62138)
অনয়া গদয়ানাহং সংয়ুগে যোদ্ধুমুৎসহে।
ভবন্তঃ প্রেক্ষকাঃ সর্বে মম সন্তু জনার্দন॥ 9-33-20 (62139)
সামরানপি লোকাংস্ত্রীন্নানাশস্ত্রধরান্যুধি।
যোধয়েয়ং রণে কৃষ্ণ কিমুতাদ্য সুয়োধনম্॥ 9-33-21 (62140)
সঞ্জয় উবাচ। 9-33-22x (5159)
তথা সম্ভাষমাণং তু বাসুদেবো বৃকোদরম্।
হৃষ্টঃ সম্পূজয়ামাস বচনং চেদমব্রবীৎ॥ 9-33-22 (62141)
ৎবামাশ্রিত্য মহাবাহো ধর্মরাজো যুধিষ্ঠিরঃ।
নিহতারিঃ স্বকাং দীপ্তাং শ্রিয়ং প্রাপ্নোত্যসংশয়ম্॥ 9-33-23 (62142)
ৎবয়া বিনিহতাঃ সর্বে ধৃতরাষ্ট্রসুতা রণে।
রাজানো রাজপুত্রাশ্চ নাগাশ্চ বিনিপাতিতাঃ॥ 9-33-24 (62143)
কলিঙ্গা মাগধাঃ প্রাচ্যা গান্ধারাঃ কুরবস্তথা।
ৎবামাসাদ্য মহায়ুদ্ধে নিহতাঃ পাণ্ডুনন্দন॥ 9-33-25 (62144)
হৎবা দুর্যোধনং চাপি প্রয়চ্ছোর্বীং সসাগরাম্।
ধর্মরাজায় কৌন্তেয় যথা বিষ্ণুঃ শচীপতেঃ॥ 9-33-26 (62145)
ৎবাং চ প্রাপ্য রণে পাপো ধার্তরাষ্ট্রো বিনঙ্ক্ষ্যতি।
ৎবমস্য সক্থিনী ভংক্ৎবা প্রতিজ্ঞাং পালয়িষ্যসি॥ 9-33-27 (62146)
যত্নেন হ ৎবয়া পাপো যোদ্ধব্যো ধৃতরাষ্ট্রজঃ।
কৃতী চ বলবাংশ্চৈব যুদ্ধশৌণ্ডশ্চ নিত্যদা॥ 9-33-28 (62147)
ততস্তু সাত্যকী রাজন্পূজয়ামাস পাণ্ডবম্।
বিবিধাভিশ্চ তং বাগ্ভির্ভিমসেনং জনেশ্বর॥ 9-33-29 (62148)
পাঞ্চালাঃ পাণ্ডবেয়াশ্চ ধর্মরাজপুরোগমাঃ।
তদ্বচো ভীমসেনস্য সর্ব এবাভ্যপূজয়ন্॥ 9-33-30 (62149)
ততো ভীমবলো ভীমো যুধিষ্ঠিরমথাব্রবীৎ।
সৃঞ্জয়ৈঃ সহ তিষ্ঠন্তং তপন্তমিব ভাস্করম্॥ 9-33-31 (62150)
অহমেতেন সঙ্গম্য সংয়ুগে যোদ্ধুমুৎসহে।
ন হি শক্তো রণে জেতুং মামেষ পুরুষাধমঃ॥ 9-33-32 (62151)
অদ্য ক্রোধং বিমোক্ষ্যামি নিহিতং হৃদয়ে ভৃশম্।
সুয়োধনে ধার্তরাষ্ট্রে খাণ্ডবেঽগ্নিমিবার্জুনঃ॥ 9-33-33 (62152)
শল্যমদ্যোদ্ধরিষ্যামি তব পাণ্ডব হৃচ্ছয়ম্।
নিহতে গদয়া পাপে অদ্য রাজন্সুখী ভব॥ 9-33-34 (62153)
অদ্য কীর্তিময়ীং মালাং প্রিতমোক্ষ্যে তবানঘ।
প্রাণাঞ্শ্রিয়ং চ রাজ্যং চ মোক্ষ্যতেঽদ্য সুয়োধনঃ॥ 9-33-35 (62154)
রাজা চ ধৃতরাষ্ট্রোঽদ্য শ্রুৎবা পুত্রং ময়া হতম্।
স্মরিষ্যত্যশুভং কর্ম যত্তচ্ছকুনিবুদ্ধিজম্॥ 9-33-36 (62155)
ইত্যুক্ৎবা ভরতশ্রেষ্ঠো গদামুদ্যম্য বীর্যবান্।
উদতিষ্ঠত যুদ্ধায় শক্রো বৃত্রমিবাহ্বয়ন্॥ 9-33-37 (62156)
[তদাহ্বানমমৃষ্যন্বৈ তব পুত্রোঽতিবীর্যবান্।
প্রত্যুপস্থিত এবাশু মত্তো মত্তমিব দ্বিপম্॥ 9-33-38 (62157)
গদাহস্তং তব সুতং যুদ্ধায় সমুপস্থিতম্।
দদৃশুঃ পাণ্ডবাঃ সর্বে কৈলাসমিব শৃঙ্গিণম্]॥ 9-33-39 (62158)
তমেকাকিনমাসাদ্য ধার্তরাষ্ট্রং মহাবলম্।
বিয়ূথমিব মাতঙ্গং সমহৃষ্যন্ত পাণ্ডবাঃ॥ 9-33-40 (62159)
[ন সম্ভ্রমো ন চ ভয়ং ন চ গ্লানির্ন চ ব্যথা।
আসীদ্দুর্যোধনস্যাপি স্থিতঃ সিংহ ইবাহবে]॥ 9-33-41 (62160)
সমুদ্যতগদং দৃষ্ট্বা কৈলাসমিব শৃঙ্গিয়াম্।
ভীমসেনস্তদা রাজন্দুর্যোধনমথাব্রবীৎ॥ 9-33-42 (62161)
রাজ্ঞাপি ধৃতরাষ্ট্রেণ ৎবয়া চাস্মাসু যৎকৃতম্।
স্মর তদ্দুষ্কৃতং কর্মং যদ্ভূতং বারণাবতে। 9-33-43 (62162)
দ্রৌপদী চ পরামৃষ্টা সমামধ্যে রজস্বলা।
দ্যূতে চ বঞ্চিতো রাজা শকূনের্বুদ্ধিলাঘবাৎ॥ 9-33-44 (62163)
যানি চান্যানি দুষ্টাত্মন্পাপানি কৃতবানসি।
অনাগাসু চ পার্থেষু তস্য পশ্য মহৎফলম্॥ 9-33-45 (62164)
ৎবৎকৃতে নিহতঃ শেতে শরতল্পে মহায়শাঃ।
যাঙ্গেয়ো ভরতশ্রেষ্ঠঃ সর্বেষাং নঃ পিতামহঃ॥ 9-33-46 (62165)
হতো দ্রোণশ্চ কর্ণশ্চ ইতঃ শল্যঃ প্রতাপবান্।
বৈরাগ্নেরাদিকর্তা চ শকুনির্নিহতো রণে॥ 9-33-47 (62166)
ভ্রাতরস্তে হতাঃ শূরাঃ পুত্রাশ্চ সহসৈনিকাঃ।
রাজানশ্চ হতাঃ শূরাঃ সমরেষ্বনিবর্তিনঃ॥ 9-33-48 (62167)
এতে চান্যে চ নিহতা বহবঃ ক্ষত্রিয়র্ষভাঃ।
প্রাতিকামী তথা পাপো দ্রৌপদ্যাঃ ক্লেশকৃদ্ধতঃ॥ 9-33-49 (62168)
অবশিষ্টস্ৎবমেবৈকঃ কুলঘ্নোঽধমপূরুষঃ।
ৎবামপ্যদ্য হনিষ্যামি গদয়া নাত্র সংশয়ঃ॥ 9-33-50 (62169)
অদ্য তেঽহং রণে দর্পং সর্বং নাশয়িতা নৃপ।
রাজ্যাশাং বিপুলাং চাপি পাণ্ডবেষু চ দুষ্কৃতম্॥ 9-33-51 (62170)
দুর্যোধন উবাচ। 9-33-52x (5160)
কিং কত্থিতেন বহুনা যুধ্যস্বাদ্য ময়া সহ।
অদ্য তেঽহং বিনেষ্যামি যুদ্ধশ্রদ্ধাং বৃকোদর॥ 9-33-52 (62171)
কিং ন পশ্যসি মাং পাপ গদায়ুদ্ধে ব্যবস্থিতম্।
হিমবচ্ছিখরাকারাং প্রগৃহ্য মহতীং গদাম্॥ 9-33-53 (62172)
গদিনং কোঽদ্য মাং পাপ হন্তুমুৎসহতে রিপুঃ।
ন্যায়তো যুধ্যমানশ্চ দেবেষ্বপি পুরন্দরঃ॥ 9-33-54 (62173)
মা বৃথা গর্জ কৌন্তেয় শারদাভ্রমিবাজলম্।
দর্শয়স্ব বলং যুদ্ধে যাবন্নাসূন্নিহন্মি তে॥ 9-33-55 (62174)
তস্য তদ্বচনং শ্রুৎবা পাণ্ডবাঃ সহসৃঞ্জয়াঃ।
সর্বে সম্পূজয়ামাসুস্তদ্বচো বিজিগীষবঃ॥ 9-33-56 (62175)
উন্মত্তমিব মাতঙ্গং তলশব্দেন মানবাঃ।
ভূয়ঃ সংহর্ষয়ামাসূ রাজন্দুর্যোধনং দ্বিষঃ॥ 9-33-57 (62176)
বৃংহন্তি কুঞ্জরাস্তত্র হয়া হেষন্তি চাসকৃৎ।
শস্ত্রাণি সম্প্রদীপ্যন্তে পাণ্ডবানাং জয়ৈষিণাম্॥ ॥ 9-33-58 (62177)
ইতি শ্রীমন্মহাভারতে শল্যপর্বণি হ্রদপ্রবেশপর্বণি ত্রয়স্ত্রিংশোঽধ্যায়ঃ॥ 33 ॥
Mahabharata - Shalya Parva - Chapter Footnotes
9-33-4 যোগ্যা অভ্যাসঃ। যোগ্যঃ প্রবীণেত্যাদ্যুপক্রম্য স্ত্র্যভ্যাসার্কয়োষিতোরিতি মেদিনী॥ 9-33-7 শকুনেশ্চ তব চ যথাপুরা তথৈবেদমিতি সম্বন্ধঃ॥ 9-33-10 পণিৎবা চৈকপাণেন রোচয়েদেব মাহবম্ ইতি ঝ.পাঠঃ॥ 9-33-33 ত্রয়স্ত্রিংশোঽধ্যায়ঃ॥শল্যপর্ব - অধ্যায় 034
॥ শ্রীঃ ॥
9.34. অধ্যায়ঃ 034
Mahabharata - Shalya Parva - Chapter Topics
xxxxxxxxxx॥ 1 ॥ তস্মিন্পাণ্ঢবাদিভিরর্চিতোপবিষ্টে পুনর্গদায়ুদ্ধারম্ভঃ॥ 2 ॥Mahabharata - Shalya Parva - Chapter Text
9-16-0 (62178)
সঞ্জয় উবাচ। 9-16-0x (5161)
xxxxxxxxxxxসুসংবৃত্তে সুদারুণে।
xxxxxxxxxxx পাণ্ডবেষু মহাত্মসু॥ 9-16-1 (62179)
ততস্তালধ্বজকে রামস্তয়োর্যুদ্ধ উপস্থিতে।
শ্রুৎবা তচ্ছিষ্যযো রাজন্নাজগাম হলায়ুধঃ॥ 9-16-2 (62180)
তং দৃষ্ট্বা পরমপ্রীতাঃ পাণ্ডবাঃ সহকেশবাঃ।
উপগম্যোপসঙ্গৃহ্য বিধিবৎপ্রত্যপূজয়ন্॥ 9-16-3 (62181)
পূজয়িৎবা ততঃ পশ্চাদিদং বচনমব্রুবন্।
শিষ্যযোঃ কৌশলং যুদ্ধে পশ্য রামেতি পার্থিব॥ 9-16-4 (62182)
অব্রবীচ্চ তদা রামো দৃষ্ট্বা কৃষ্ণং সপাণ্ডবম্।
দুর্যোধনং চ কৌরব্যং গদাপাণিমবস্থিতম্॥ 9-16-5 (62183)
রাম উবাচ। 9-16-6x (5162)
চৎবারিংশদহান্যদ্য দ্বে চ মে নিঃসৃতস্য বৈ।
পুষ্যেণ সম্প্রয়াতোঽস্মি শ্রবণে পুনরাগতঃ।
শিষ্যযোর্বৈ গদায়ুদ্ধং দ্রুষ্টুকামোঽস্মি মাধব॥ 9-16-6 (62184)
ততো যুধিষ্ঠিরো রাজা পরিষ্বজ্য হলায়ুধম্।
স্বাগতং কুশলং চাস্মৈ পর্যপৃচ্ছদ্যথাতথম্॥ 9-16-7 (62185)
কৃষ্ণৌ চাপি মহেষ্বাসাবভিবাদ্য হলায়ুধম্।
সস্বজাতে পরিপ্রীতৌ প্রীয়মাণৌ যশস্বিনৌ॥ 9-16-8 (62186)
মাদ্রীপুত্রৌ তথা শূরৌ দ্রৌপদ্যাঃ পঞ্চ চাত্মজাঃ।
অভিবাদ্য স্থিতা রাজন্রৌহিণেয়ং মহাবলম্॥ 9-16-9 (62187)
ভীমসেনোঽথ বলবান্পুত্রস্তব জনাধিপ।
তথৈব চোদ্যতগদৌ পূজয়ামাসতুর্বলম্॥ 9-16-10 (62188)
স্বাগতেন চ তে তত্র প্রতিপূজ্য পুনঃপুনঃ।
পশ্য যুদ্ধং মহাবাহো ইতি তে রামমব্রুবন্॥ 9-16-11 (62189)
এবমুচুর্মহাত্মানং রৌহিণেয়ং নরাধিপাঃ॥ 9-16-12 (62190)
পরিষ্বজ্য তদা রামঃ পাণ্ডবান্সহ সৃঞ্জয়ান্।
অপৃচ্ছৎকুশলং সর্বান্পার্থিবাংশ্চামিতৌজসঃ।
তথৈব তে সমাসাদ্য পপ্রচ্ছুস্তমনাময়ম্॥ 9-16-13 (62191)
প্রত্যভ্যর্চ্য হলী সর্বান্ক্ষত্রিয়াংশ্চ মহাত্মনঃ।
কৃৎবা কুশলসম্প্রশ্নং সংবিদং চ যথাবয়ঃ॥ 9-16-14 (62192)
জনার্দনং সাত্যকিং চ প্রেম্ণা সম্পরিষস্বজে।
মূর্ধ্নি চৈতাবুপাঘ্রায় কুশলং পর্যপৃচ্ছত॥ 9-16-15 (62193)
তৌ চ তং বিধিবদ্রাজন্পূজয়ামাসতুর্গুরুম্।
ব্রহ্মাণামিব দেবেশমিন্দ্রোপেন্দ্রৌ মুদান্বিতৌ॥ 9-16-16 (62194)
ততোঽব্রবীদ্ধর্মসুতো রৌহিণেয়মরিন্দমম্।
ইদং ভ্রাত্রোর্মহায়ুদ্ধং পশ্য রামেতি ভারত॥ 9-16-17 (62195)
তেষাং মধ্যে মহাবাহুঃ শ্রীমান্কেশবপূর্বজঃ।
ন্যবিশৎপরমপ্রীতঃ পূজ্যমানো মহারথৈঃ॥ 9-16-18 (62196)
স বভৌ রাজমধ্যস্থো নীলবাসাঃ সিতপ্রভঃ।
দিবীব নক্ষত্রগণৈঃ পরিবীতো নিশাকরঃ॥ 9-16-19 (62197)
ততস্তয়োঃ সন্নিপাতস্তুমুলো রোমহর্ষণঃ।
আসীদন্তকরো রাজন্বৈরস্যান্তং বিধিৎসতোঃ॥ ॥ 9-16-20 (62198)
ইতি শ্রীমন্মহাভারতে শল্যপর্বণি হ্রদপ্রবশপর্বণি অষ্টাদশদিবসয়ুদ্ধে চতুস্ত্রিংশোঽধ্যায়ঃ॥ 34 ॥
শল্যপর্ব - অধ্যায় 035
॥ শ্রীঃ ॥
9.35. অধ্যায়ঃ 035
Mahabharata - Shalya Parva - Chapter Topics
জনমেজয়েন বৈশম্পায়নম্প্রতি বলরামস্য তীর্থয়াত্রাপ্রকারপ্রশ্নঃ॥ 1 ॥ তেন তম্প্রতি তৎকথনমুপক্রম্য প্রভাসতীর্থস্য তৎপদবাচ্যৎবে হেতুকথনম্॥ 2 ॥Mahabharata - Shalya Parva - Chapter Text
9-35-0 (62199)
জনমেজয় উবাচ। 9-35-0x (5163)
পূর্বমেব যদা রামস্তস্মিন্যুদ্ধ উপস্থিতে।
আমন্ত্র্য কেশবং যাতো বৃষ্ণিভিঃ সহিতঃ প্রভুঃ॥ 9-35-1 (62200)
সাহায়্যং ধার্তরাষ্ট্রস্য ন চ কর্তাঽস্মি কেশব।
ন চৈব পাণ্ডুপুত্রাণাং গমিষ্যামি যথাগতম্॥ 9-35-2 (62201)
এবমুক্ৎবা তদা রামো যাতঃ শত্রুনিবর্হণঃ।
তস্য চাগমনং ভূয়ো ব্রহ্মঞ্শং সিতুমর্হসি॥ 9-35-3 (62202)
আখ্যাহি মে বিস্তরশঃ কথং রাম উপস্থিতঃ।
কথং চ দৃষ্টবান্যুদ্ধং কুশলো হ্যসি সত্তম॥ 9-35-4 (62203)
বৈশম্পায়ন উবাচ। 9-35-5x (5164)
উপপ্লাব্যে নিবিষ্টেষু পাণ্ডবেষু মহাত্মসু।
প্রেষিতো ধৃতরাষ্ট্রস্য সমীপং মধুসূদনঃ॥ 9-35-5 (62204)
শমং প্রতি মহাবাহো হিতার্থং সর্বদেহিনাম্॥
স গৎবা হাস্তিনপুরং ধৃতরাষ্ট্রং সমেত্য চ। 9-35-6 (62205)
উক্তবান্বচনং পথ্যং হিতং চৈব বিশেষতঃ॥ 9-35-7 (62206)
ন চ তৎকৃতবান্রাজা যথাঽখ্যাতং হি তৎপুরা॥ 9-35-8 (62207)
অনবাপ্য শমং তত্র কৃষ্ণঃ পুরুষসত্তমঃ।
আগচ্ছত মহাবাহুরুপপ্লাব্যং জনাধিপ॥ 9-35-9 (62208)
ততঃ প্রত্যাগতঃ কৃষ্ণো ধার্তরাষ্ট্রবিসর্জিতঃ।
আজগাম নরব্যাঘ্রঃ পাণ্ডবানামনীকিনীম্।
যথোক্তং চ যথাবৃত্তং গৎবা পাণ্ডবমব্রবীৎ॥ 9-35-10 (62209)
ন কুর্বন্তি বচো মহ্যং কুরবঃ কালনোদিতাঃ।
নির্গচ্ছধ্ব পাণ্ডবেয়াঃ পুষ্যেণ সহিতা ময়া॥ 9-35-11 (62210)
ততো বিভজ্যমানেষু বলেষু বলিনাং বরঃ।
প্রোবাচ ভ্রাতরং কৃষ্ণং রৌহিণেয়ো মহামনাঃ॥ 9-35-12 (62211)
তেষামপি মহাবাহো সাহায়্যং মধুসূদন।
ক্রিয়তামিতি তৎকৃষ্ণো নাস্য চক্রে বচস্তদা॥ 9-35-13 (62212)
ততো মন্যুপরীতাত্মা জগাম যদুনন্দনঃ।
তীর্থয়াত্রাং হলধরঃ সরস্বত্যাং মহায়শাঃ।
মৈত্রনক্ষত্রয়োগে স্ম সহিতঃ সর্বয়াদবৈঃ॥ 9-35-14 (62213)
আশ্রয়ামাস ভোজস্তু দুর্যোধনমরিন্দমঃ।
যুয়ুধানেন সহিতো বাসুদেবস্তু পাণ্ডবান্॥ 9-35-15 (62214)
রৌহিণেয়ে গতে শূরে পুষ্যেণ মধুসূদনঃ।
পাণ্ডবেয়ান্পুরস্কৃত্য যয়াবভিমুখঃ কূরূন্॥ 9-35-16 (62215)
গচ্ছন্নেব পথিস্থস্তু রামঃ প্রেষ্যানুবাচ হ।
সম্ভারাংস্তীর্থয়াত্রায়াং সর্বোপকরণানি চ॥ 9-35-17 (62216)
আনয়ধ্বং দ্বারকায়া অগ্নীন্বৈ যাজকাংস্তথা।
সুবর্ণরজনং চৈব ধৈনূর্বাসাংসি বাজিনঃ॥ 9-35-18 (62217)
কুঞ্জরাংশ্চ রথাংশ্চৈব খরোষ্ট্রং বাহনানি চ।
ক্ষিপ্রমানীয়তাং সর্বং তীর্থহেতোঃ পরিচ্ছদম্॥ 9-35-19 (62218)
প্রতিস্রোতঃ সরস্বত্যা গচ্ছধ্বং শীঘ্রগামিনঃ।
ঋৎবিজশ্চানয়ধ্বং বৈ শতশশ্চ দ্বিজর্ষভান্॥ 9-35-20 (62219)
এবং সন্দিশ্য তু প্রেষ্যান্বলদেবো মহাবলঃ।
তীর্থয়াত্রাং যয়ৌ রাজন্কুরূণাং বৈশসে তদা॥ 9-35-21 (62220)
সরস্বত্যাঃ প্রতিস্রোতঃ সমুদ্রাদভিজগ্মিবান।
রামো যদূত্তমঃ শ্রীমাংস্তীর্থয়াত্রামনুস্মরন্॥ 9-35-22 (62221)
ঋৎবিগ্ভিশ্চ সুহৃদ্ভিশ্চ যথাঽন্যৈর্দ্বিজসত্তমৈঃ।
রথৈর্গজৈস্তথাঽশ্বৈশ্চ প্রেষ্যৈশ্চ ভরতর্ষভ।
গোখরোষ্ট্রপ্রয়ুক্তৈশ্চ যানৈশ্চ বহুভির্বৃতঃ॥ 9-35-23 (62222)
শ্রান্তানাং ক্লান্তবপুষাং শিশূনাং বিপুলায়ুষাম্।
দেশেদেশে তু দেয়ানি দানানি বিবিধানি চ॥ 9-35-24 (62223)
অর্চায়ৈ চার্থিনাং রাজন্ক্লৃপ্তানি বহুশস্তথা।
তানি যানীহ দেশেষু প্রতীক্ষন্তি স্ম ভারত॥ 9-35-25 (62224)
বুভুক্ষিতানামর্থায় ক্লৃপ্তমন্নং সমন্ততঃ॥ 9-35-26 (62225)
যোয়ো যত্র দ্বিজো ভোজ্যং ভোক্তুং কাময়তে তদা।
তস্যতস্য তু তত্রৈবমুপজহ্রুস্তদা নৃষ॥ 9-35-27 (62226)
তত্রতত্র স্থিতা রাজন্রৌহিণেয়স্য শাসনাৎ।
ভক্ষ্যপেয়স্য কুর্বন্তি রাশীংস্তত্র সমন্ততঃ॥ 9-35-28 (62227)
বাসাংসি চ মহার্হাণি পর্যঙ্কাস্তরণানি চ।
পূজার্থং তত্র ক্লৃপ্তানি বিপ্রাণাং সুখমিচ্ছতাম্॥ 9-35-29 (62228)
যত্র যঃ স্বপতে বিপ্রো যো বা জাগর্তি ভারত।
তত্রতত্রৈব সর্বস্য ক্লৃপ্তং সর্বমপশ্যত॥ 9-35-30 (62229)
যথাসুখং জনঃ সর্বো যাতি তিষ্ঠতি বৈ তদা।
যাতুকামস্য যানানি পানানি তৃষিতস্য চ॥ 9-35-31 (62230)
বুভুক্ষিতস্য চান্নানি স্বাদূনি ভরতর্ষভ।
উপজহ্রুর্নরাস্তত্র বস্ত্রাণ্যাভরণানি চ॥ 9-35-32 (62231)
স পন্থাঃ প্রবভৌ রাজন্সর্বস্যৈব সুখাবহঃ।
স্বর্গোপমস্তদা বীর নরাণাং তত্র গচ্ছতাম্॥ 9-35-33 (62232)
নিত্যপ্রমুদিতোপেতঃ স্বাদুভক্ষ্যো জলান্বিতঃ।
বিপণ্যাপণপণ্যানং নানাজনশতৈর্বৃতঃ।
নানাদ্রুমলতোপেতো নানারত্নবিভূষিতঃ॥ 9-35-34 (62233)
ততো মহাত্মা নিয়তো মনস্বিনাং
পুণ্যেষু তীর্থেষু বসূনি রাজন্।
দদৌ দ্বিজেভ্যঃ ক্রতুদক্ষিণাশ্চ
যদুপ্রবীরো হলভৃৎপ্রতীতঃ॥ 9-35-35 (62234)
দোগ্ধ্রীশ্চ ধেনূশ্চ সহস্রশো বৈ
সুবাসসঃ কাঞ্চনবদ্ধশৃঙ্গীঃ।
হয়াংশ্চ নানাবিধদেশজাতান্
যানানি দাসাংশ্চ শুভান্দ্বিজেভ্যঃ॥ 9-35-36 (62235)
রত্নানি মুক্তামণিবিদ্রুমং চা--
প্যগ্র্যং সুবর্ণং রজতং সুশুন্দ্বম্।
অয়স্ময়ং তাম্রময়ং চ ভাণ্ডং
দদৌ দ্বিজাতিপ্রবরেষু রামঃ॥ 9-35-37 (62236)
এবং স বিত্তং প্রদদৌ মহাত্মা
সরস্বতীতীর্থগতেষু ভূরি।
যয়ৌ ক্রমেণাপ্রতিমপ্রভাব--
স্ততঃ কুরুক্ষেত্রমুদারবৃত্তঃ॥ 9-35-38 (62237)
জনমেজয় উবাচ। 9-35-39x (5165)
সারস্বতানাং তীর্থানাং গুণোৎপত্তিং বদস্ব মে।
ফলং চ দ্বিপদাং শ্রেষ্ঠ কর্ম নির্বৃত্তিমেব চ॥ 9-35-39 (62238)
যথাক্রমেণ ভগবংস্তীর্থানামনুপূর্বশঃ।
ব্রূহি ব্রহ্মবিদাং শ্রেষ্ঠ পরং কৌতূহলং হি মে॥ 9-35-40 (62239)
বৈশম্পায়ন উবাচ। 9-35-41x (5166)
তীর্থানাং চ ফলং রাজন্গুণোৎপত্তিং চং সর্বশঃ।
ময়োচ্যমানং বৈ পুণ্যং শৃণু রাজেন্দ্র কৃৎস্নশঃ॥ 9-35-41 (62240)
পূর্বং মহারাজ যদুপ্রবীর
ঋৎবিক্সুহৃদ্বিপ্রগণৈশ্চ সার্ধম্।
পুণ্যং প্রভাসং সমুপাজগাম
যত্রোডুরাঢ্যক্ষ্মণা ক্ষীয়মাণঃ॥ 9-35-42 (62241)
বিমুক্তশাপঃ পুনরাপ্য তেজঃ
সর্বং জগদ্ভাসয়তে নরেন্দ্র।
এতত্তু তীর্থপ্রবরং পৃথিব্যাং
প্রভাসনাত্তস্য ততঃ প্রভাসঃ॥ ॥ 9-35-43 (62242)
ইতি শ্রীমন্মহাভারতে শল্যপর্বণি হ্রদপ্রবেশপর্বণি অষ্টদশদিবসয়ুদ্ধে পঞ্চত্রিংশোঽধ্যায়ঃ॥ 35 ॥
Mahabharata - Shalya Parva - Chapter Footnotes
9-35-14 মৈত্রনক্ষত্রয়োগে অনুরাধায়াং॥ 9-35-15 ভোজঃ কৃতবর্মা॥ 9-35-16 পুষ্যেণ হি পাণ্ডবেভ্যঃ প্রয়াণং অনুরাধাতস্তীর্থয়াত্রার্থমিতি বিবেকঃ॥ 9-35-34 বিপণিঃ পাণ্যবীথিকা। আপণা হট্টাঃ। পণ্যানি বিক্রেয়দ্রব্যাণি॥ 9-35-35 কৃতদক্ষিণাশ্চেতি ক.ঙ.পাঠঃ॥ 9-35-39 গুণান্ রমণীয়ৎবাদীন্। উৎপত্তিং সম্ভবম্। কর্মনির্বৃত্তিং তীর্থয়াত্রাবিদিসিদ্ধম্। নিবৃত্তিমপি কর্মণাম্ ইতি ক.ঙ.পাঠঃ॥ 9-35-40 যথাকমেণ তীর্থকমাপেক্ষয়া অনুপূর্বশঃ গুণোৎপত্ত্যাদিক্রমাপেক্ষয়া॥ 9-35-43 প্রভাসঃ প্রভাসৎবম্॥ 9-35-35 পঞ্চত্রিংশোঽধ্যায়ঃ॥শল্যপর্ব - অধ্যায় 036
॥ শ্রীঃ ॥
9.36. অধ্যায়ঃ 036
Mahabharata - Shalya Parva - Chapter Topics
চন্দ্রে স্বভার্যাস্বশ্বিন্যাদিদংক্ষপুত্রীষু ইতরোপেক্ষণেন রোহিণ্যামেবাসক্তে দক্ষেণ রোষাচ্চন্দ্রে যক্ষ্মপ্রক্ষেপঃ॥ 1 ॥ দেবৈ প্রসাদিতদক্ষবচনাচ্চন্দ্রেণ প্রভাসতীর্থনিমজ্জনেন ক্ষয়রোগপরিহরণম্॥ 2 ॥ বলভদ্রেণ তত্তীর্থে মজ্জনাদি॥ 3 ॥Mahabharata - Shalya Parva - Chapter Text
9-36-0 (62243)
জনমেজয় উবাচ। 9-36-0x (5167)
কিমর্থং ভগবান্সোমো যক্ষ্মণা সমগৃহ্যত।
কথং চ তীর্থপ্রবরে তস্মিংশ্চন্দ্রো ন্যমজ্জত॥ 9-36-1 (62244)
কথমাপ্লুত্য তস্মিংস্তু পুনরাপ্যায়িতঃ শশী।
এতন্মে সর্বমাচক্ষ্ব বিস্তরেণ মহামুনে॥ 9-36-2 (62245)
বৈশম্পায়ন উবাচ। 9-36-3x (5168)
দক্ষস্য তনয়াস্তাত প্রাদুরাসন্বিশাম্পতে।
স সপ্তবিংশতিং কন্যা দক্ষ সোমায় বৈ দদৌ॥ 9-36-3 (62246)
নক্ষত্রয়োগনিরতাঃ সঙ্খ্যানার্থং চ তাভবন্।
পত্ন্যো বৈ তস্য রাজেন্দ্র সোমস্য শুভকর্মণঃ॥ 9-36-4 (62247)
তাস্তু সর্বা বিশালাক্ষ্যো রূপেণাপ্রতিমাঽভবন্।
অত্যরিচ্যত তাসাং তু রোহিণী রুপসম্পদা॥ 9-36-5 (62248)
ততস্তস্যাং স ভগবান্প্রীতিং চক্রে নিশাকরঃ।
সাঽস্য হৃদ্যা বভূবাথ তস্মাত্তাং বুভুজে সদা॥ 9-36-6 (62249)
ততস্তাঃ কুপিতাঃ সর্বা নক্ষত্রাখ্যা মহাত্মনঃ।
তা গৎবা পিতরং প্রাহুঃ প্রজাপতিমতন্দ্রিতাঃ॥ 9-36-7 (62250)
সোমো বসতি নাস্মাসু রোহিণীং ভজতে সদা।
তা বয়ং সহিতাঃ সর্বাস্ৎবৎসকাশে প্রজেশ্বর।
বৎস্যামো নিয়তাহারাস্তপশ্চরণতৎপরাঃ॥ 9-36-8 (62251)
শ্রুৎবা তাসাং তু বচনং দক্ষঃ সোমমথাব্রবীৎ।
সমং বর্তস্ব সর্বাসু মা ৎবাঽধর্মো মহান্স্পৃশেৎ॥ 9-36-9 (62252)
তাস্তু সর্বাঽব্রবীদ্দক্ষো গচ্ছধ্বং শশিনোন্তিকম্।
সমং বৎস্যতি সর্বাসু চন্দ্রমা মম শাসনাৎ॥ 9-36-10 (62253)
বিসৃষ্টাস্তাস্তথা জগ্মুঃ শীতাশোর্ভবনং শুভাঃ।
তথাঽপি সোমো ভগবান্পুনরেব মহীপতে।
রোহিণ্যা সার্ধমবসৎপ্রীয়মাণো মুহুর্মুহুঃ॥ 9-36-11 (62254)
ততস্তাঃ সহিতাঃ সর্বা ভূয়ঃ পিতরমব্রুবন্॥ 9-36-12 (62255)
সোমো বসতি নাস্মাসু নাকরোদ্বচনং তব।
তব শুশ্রূষণে যুক্তা বৎস্যামো হি তবান্তিকে॥ 9-36-13 (62256)
তাসাং তদ্বচনং শ্রুৎবা দক্ষঃ সোমমথাব্রবীৎ।
সমং বর্তস্ব সর্বাসু মা ৎবাং শপ্স্যে বিরোচন॥ 9-36-14 (62257)
অনাদৃত্য তু তদ্বাক্যং দক্ষস্য ভগবাঞ্শশী।
রোহিণ্যা সার্ধমবসত্ততস্তাঃ কুপিতাঃ পুনঃ॥ 9-36-15 (62258)
গৎবা চ পিতরং প্রাহুঃ প্রণম্য শিরসা তদা।
সোমো বসতি নাস্মাসু তস্মান্নঃ শরণং ভব॥ 9-36-16 (62259)
রোহিণ্যামেব ভগবান্সদা বসতি চন্দ্রমাঃ।
ন ৎবদ্বচো গণয়তি নাস্মাসু স্নেহমিচ্ছতি॥ 9-36-17 (62260)
তস্মান্নস্ত্রাহি সর্বা বৈ যথা নঃ সোম আবিশেৎ।
তচ্ছ্রুৎবা ভগবান্ক্রুদ্ধো যক্ষ্মাণং পৃথিবীপতে॥ 9-36-18 (62261)
সসর্জ রোষাৎসোমায় স চোডুপতিমাবিশৎ।
স যক্ষ্মণাঽভিভূতাত্মাক্ষীয়তাহরহঃ শশী॥ 9-36-19 (62262)
যত্নং চাপ্যকরোদ্রাজন্মোক্ষার্থং তস্য যক্ষ্মণঃ।
ইষ্ট্বেষ্টিভির্মহারাজ বিবিধাভির্নিশাকরঃ॥ 9-36-20 (62263)
ন চামুচ্যত শাপাদ্বৈ ক্ষয়ং চৈবাধিগচ্ছতি।
ক্ষীয়মাণে ততঃ সোমে ওষধ্যো ন প্রজজ্ঞিরে॥ 9-36-21 (62264)
নিরাস্বাদরসাঃ সর্বা হতবীর্যাশ্চ সর্বশঃ।
ওষধীনাং ক্ষয়ে জাতে প্রাণিনামপি সঙ্ক্ষয়ঃ॥ 9-36-22 (62265)
কৃশাশ্চাসন্প্রজাঃ সর্বাঃ ক্ষীয়মাণে নিশাকরে।
ততো দেবাঃ সমাগম্য সোমমূচুর্মহীপতে॥ 9-36-23 (62266)
কিমিদং ভবতো রূপমীদৃশং সম্প্রকাশতে।
কারণং ব্রূহি নঃ সর্বং যেনেদং তে মহদ্ভয়ম্॥ 9-36-24 (62267)
শ্রুৎবা তু কারণং ৎবত্তো বিধাস্যামস্ততো বয়ম্।
এবমুক্তঃ প্রত্যুবাচ সর্বাংস্তাঞ্শশলক্ষণঃ॥ 9-36-25 (62268)
শাপস্য কারমং চৈব যক্ষ্মাণং চ তথাঽঽত্মনঃ।
দেবাস্তস্য বচঃ শ্রুৎবা গৎবা দক্ষমথাঽব্রুবন্॥ 9-36-26 (62269)
প্রসীদ ভগবন্সোমে শাপোঽয়ং বিনিবর্ত্যতাম্।
অসৌ হি চন্দ্রমাঃ ক্ষীণঃ কিঞ্চিচ্ছেষো হি লক্ষ্যতে॥ 9-36-27 (62270)
ক্ষয়াচ্চৈবাস্য দেবেশ প্রজাশ্চৈব গতাঃ ক্ষয়ম্।
বীরুদোষধয়শ্চৈব বীজানি বিবিধানি চ।
তথা নরা লোকগুরো প্রসাদং কর্তুমর্হসি॥ 9-36-28 (62271)
এবমুক্তস্ততো দেবান্প্রাহ বাক্যং প্রজাপতিঃ।
নৈতচ্ছক্যং মম বচো ব্যাবর্তয়িতুমঞ্জসা॥ 9-36-29 (62272)
হেতুনা তু মহাভাগা নিবর্তিষ্যতি কেনচিৎ।
সমং বর্ততু সর্বাসু শশী ভার্যাসু নিত্যশঃ॥ 9-36-30 (62273)
সরস্বত্যা বরে তীর্থে নিমজ্জঞ্শশলক্ষণঃ।
পুনর্বর্ধিষ্যতে দেবাস্তদ্বৈ সত্যং বচো মম॥ 9-36-31 (62274)
মাসার্ধং চ ক্ষয়ং সোমো নিত্যমেব গমিষ্যতি।
মাসার্ধং তু পুনর্বৃদ্বিং সত্যমেতদ্বচো মম॥ 9-36-32 (62275)
সমুদ্রং পশ্চিমং গৎবা সরস্বত্যব্ধিসঙ্গমম্।
আরাধয়তু দেবেশং ততঃ কান্তিমবাপ্স্যতি॥ 9-36-33 (62276)
সরস্বতীং ততঃ সোমঃ স জগামর্ষিশাসনাৎ।
প্রভাসং প্রথমং তীর্থং সরস্বত্যা জগাম হ॥ 9-36-34 (62277)
অমাবাস্যাং মহাতেজাস্তত্রামজ্জন্মহাদ্যুতিঃ।
লোকান্প্রভাসয়ামাস শীতাংশুৎবমবাপ চ॥ 9-36-35 (62278)
দেবাস্তু সর্বে রাজেন্দ্র প্রসাদং প্রাপ্য পুষ্কলম্।
সোমেন সহিতা ভূৎবা দক্ষস্য প্রমুখেঽভবন্॥ 9-36-36 (62279)
ততঃ প্রজাপতিঃ সর্বা বিসসর্জাথ দেবতাঃ।
সোমং চ ভগবান্প্রীতো ভূয়ো বচনমব্রবীৎ॥ 9-36-37 (62280)
মাবমংস্থাঃ স্ত্রিয়ঃ পুত্র মা চ বিপ্রান্কদাচন।
গচ্ছ যুক্তঃ সদা ভূৎবা কুরু বৈ শাসনং মম॥ 9-36-38 (62281)
স বিসৃষ্টো মহারাজ জগামাথ স্বমালয়ম্।
প্রজাশ্চ মুদিতা ভূৎবা ঈজিরে চ যথা পুরা॥ 9-36-39 (62282)
এবং তে সর্বমাখ্যাতং যথা শপ্তো নিশাকরঃ।
প্রভাসং চ যথা তীর্থং তীর্থানাং প্রবরং মহৎ॥ 9-36-40 (62283)
অমাবাস্যাং মহারাজ নিত্যশঃ শশলক্ষণঃ।
স্নাৎবাহ্যাপ্যায়তে শ্রীমান্প্রভাসে তীর্থউত্তমে॥ 9-36-41 (62284)
অতশ্চৈতৎপ্রজানন্তি প্রভাসমিতি ভূমিপ।
প্রভাং হি পরমাং লেভে তস্মিংশ্চামজ্জ্য চন্দ্রমাঃ॥ 9-36-42 (62285)
`লোকান্প্রভাসয়ামাস পুপোষ চ বপুস্তথা।
তত্র স্নাৎবা হলীরামো দৎবা প্রীতোঽথ দক্ষিণাঃ'॥ 9-36-43 (62286)
ততস্তু চমসোদ্ভেদমভীতস্ৎবগমদ্বলী।
চমসোদ্ভেদ ইত্যেবং যং জনাঃ কথয়ন্ত্যুত॥ 9-36-44 (62287)
তত্র দত্ৎবা চ দানানি বিশিষ্টানি হলায়ুধঃ।
উষিৎবা রজনীমেকাং স্নাৎবা চ বিধিবত্তদা॥ 9-36-45 (62288)
উদপানমথাগচ্ছত্ৎবরাবান্কেশবাগ্রজঃ।
আদ্যং স্বস্ত্যযনং চৈব তত্রাবাপ্য মহাবলঃ॥ 9-36-46 (62289)
স্নিগ্ধৎবাদোষধীনাং চ ভূমেশ্চ জনমেজয়।
জানন্তি সিদ্ধা রাজেন্দ্র নিগূঢাং তাং সরস্বতীম্॥ ॥ 9-36-47 (62290)
ইতি শ্রীমন্মহাভারতে শল্যপর্বণি হ্রদপ্রবেশপর্বণি অষ্টাদশদিবসয়ুদ্ধে ষট্ত্রিংশোঽধ্যায়ঃ॥ 36 ॥
Mahabharata - Shalya Parva - Chapter Footnotes
9-36-9 ৎবা ৎবাং অধর্মঃ মা স্মৃশেৎ॥ 9-36-14 বিরোচন হে বিশেষেণ রোচমান। ৎবাং মাশপ্স্যে। তব রোচনাং শাপেন ন হরামি তথা যতস্বেত্যর্থঃ॥ 9-36-38 গচ্ছয়তঃ ইতি ক.পাঠঃ॥ 9-36-36 ষটত্রিংশোঽধ্যায়ঃ॥শল্যপর্ব - অধ্যায় 037
॥ শ্রীঃ ॥
9.37. অধ্যায়ঃ 037
Mahabharata - Shalya Parva - Chapter Topics
একতদ্বিতত্রিতনামকানাং বিপ্রাণাং কথা॥ 1 ॥Mahabharata - Shalya Parva - Chapter Text
9-37-0 (62291)
বৈশম্পায়ন উবাচ। 9-37-0x (5169)
তস্মান্নদীগতং চাপি হ্যুদপানং যশস্বিনঃ।
ত্রিতস্য চ মহারাজ জগামাথ হলায়ুধঃ॥ 9-37-1 (62292)
তত্র দত্ৎবা বহুদ্রব্যং পূজয়িৎবা তথা দ্বিজান্।
উপস্পৃশ্য চ তত্রৈব প্রহৃষ্টো মুসলায়ুধঃ॥ 9-37-2 (62293)
তত্র ধর্মপরো হ্যাসীত্ত্রিতঃ স সুমহাতপাঃ।
কূপে চ বসতা তেন সোমঃ পীতো মহাত্মনা॥ 9-37-3 (62294)
তত্র চৈনং সমুৎসৃজ্য ভ্রাতরৌ জগ্মতুর্গৃহান্।
ততস্তৌ বৈ শশাপাথ ত্রিতো ব্রাহ্মণসত্তমঃ॥ 9-37-4 (62295)
জনমেজয় উবাচ। 9-37-5x (5170)
উদপানং কথং ব্রহ্মন্কথং চ সুমহাতপাঃ।
পতিতঃ কিং চ সন্ত্যক্তো ভ্রাতৃভ্যাং দ্বিজসত্তম॥ 9-37-5 (62296)
কূপে কথং চ হিৎবৈনং ভ্রাতরৌ জগ্মতুর্গৃহান্।
কথং চ যাজয়ামাস পপৌ সোমং চ বৈ কথম্।
এতদাচক্ষ্ব মে ব্রহ্মন্শ্রোতব্যং যদি মন্যসে॥ 9-37-6 (62297)
বৈশম্পায়ন উবাচ। 9-37-7x (5171)
আসন্পূর্বয়ুগে রাজন্মুনয়ো ভ্রাতরস্ত্রয়ঃ।
একতশ্চ দ্বিতশ্চৈব ত্রিতশ্চাদিত্যসন্নিভাঃ॥ 9-37-7 (62298)
সর্বে প্রজাপতিসমাঃ প্রজাবন্তস্তথৈব চ।
ব্রহ্মলোকজিতাঃ সর্বে তপসা ব্রহ্মবাদিনঃ॥ 9-37-8 (62299)
তেষাং তু তপসা প্রীতো নিয়মেন দমেন চ।
অভবদ্গৌতমো নিত্যং পিতা ধর্মরতঃ সদা॥ 9-37-9 (62300)
স তু দীর্ঘেণ কালেন তেষাং প্রীতিমবাপ্য চ।
জগাম ভগবান্স্থানমনুরূপমিবাত্মনঃ॥ 9-37-10 (62301)
রাজানস্তস্য যে হ্যাসন্যাজ্যা রাজন্মহাত্মনঃ।
তে সর্বে স্বর্গতে তস্মিংস্তস্য পুত্রানপূজয়ন্॥ 9-37-11 (62302)
তেষাং তু কর্মণা রাজংস্তথা চাধ্যযনেন চ।
ত্রিতঃ স শ্রেষ্ঠতাং প্রাপ যথৈবাস্য পিতা তথা॥ 9-37-12 (62303)
তথা সর্বে মহাভাগা মুনয়ঃ পুণ্যলক্ষণাঃ।
অপূজয়ন্মহাভাগং যথাস্য পিতরং তথা॥ 9-37-13 (62304)
কদাচিদ্বি ততো রাজন্ভ্রাতরাবেকতদ্বিতৌ।
যজ্ঞার্থং চক্রতুশ্চিন্তাং তথা বিত্তার্থমেব চ॥ 9-37-14 (62305)
তয়োর্বুদ্ধিঃ সমভবত্ত্রিতং গৃহ্য পরন্তপ।
যাজ্যান্সর্বানুপাদায় প্রতিগৃহ্য পশূংস্ততঃ।
সোমং পাস্যামহে হৃষ্টাঃ প্রাপ্য যজ্ঞং মহাফলম্॥ 9-37-15 (62306)
চক্রুশ্চৈবং তথা রাজন্ভ্রাতরস্ত্রয় এব চ।
যথা তে তু পরিক্রম্য যাজ্যান্সর্বান্পশূন্প্রতি।
যাজয়িৎবা ততো যাজ্যাঁল্লব্ধ্বা তু সুবহূন্পশূন্॥ 9-37-16 (62307)
যাজ্যেন কর্মণা তেন প্রতিগৃহ্য বিধানতঃ।
প্রাচীং দিশং মহাত্মান আজগ্মুস্তে মহর্ষয়ঃ॥ 9-37-17 (62308)
ত্রিতস্তেষাং মহারাজ পুরস্তাদ্যাতি হৃষ্টবৎ।
একতশ্চ দ্বিতশ্চৈব পৃষ্ঠতঃ কালয়ন্পশূন্॥ 9-37-18 (62309)
তয়োশ্চিন্তা সমভবদেকতস্য দ্বিতস্য চ।
কথং চ স্যুরিমা গাব আবাভ্যাং হি বিনা ত্রিতম্॥ 9-37-19 (62310)
তাবন্যোন্যং সমাভাষ্য একতশ্চ দ্বিতশ্চ হ।
যদূচতুর্মিথঃ পাপৌ তন্নিবোধ জনেশ্বর॥ 9-37-20 (62311)
ত্রিতো যজ্ঞেষু কুশলস্তথা বেদেষু নিষ্ঠিতঃ।
ততস্ত্রিতো বহুতরং গাবঃ সমুপলপ্স্যতে॥ 9-37-21 (62312)
তদাবাং সহিতৌ ভূৎবা গাঃ প্রকাল্য ব্রজাবহে।
ত্রিতোঽপি গচ্ছতাং কামমাবাভ্যাং বৈ বিনাকৃতাঃ॥ 9-37-22 (62313)
বৈশম্পায়ন উবাচ। 9-37-23x (5172)
তেষামাগচ্ছতাং রাত্রৌ পথিস্থানাং বৃকোঽভবৎ।
তত্র কূপো বিদূরেঽভূৎসরস্বত্যাস্তটে মহান্॥ 9-37-23 (62314)
অথং ত্রিতো বৃকং দৃষ্ট্বা পথি তিষ্ঠন্তমগ্রতঃ।
তদ্ভ্যাদপসর্পন্বৈ তস্মিন্কূপে পপাত হ।
অগাধে সুমহাঘোরে সর্বভূতভয়ঙ্করে॥ 9-37-24 (62315)
ত্রিতস্ততো মহারাজ কূপস্থো মুনিসত্তমঃ।
আর্তনাদং ততশ্চক্রে তৌ তু শুশ্রুবতুর্মুনী॥ 9-37-25 (62316)
ত জ্ঞাৎবা পতিতং কূপে ভ্রাতরাবেকতদ্বিতৌ।
বৃকত্রাসাচ্চ লোভাচ্চ সমুৎসৃজ্য প্রজগ্মতুঃ॥ 9-37-26 (62317)
ভ্রাতৃভ্যাং পশুলুব্ধাভ্যামুৎসৃষ্টঃ স মহাতপাঃ।
উদপানে তদা রাজন্নির্জলে পাংসুপংবৃতে॥ 9-37-27 (62318)
ত্রিত আত্মানমালক্ষ্য কূপে বীরুত্তৃণাবৃতে।
নিমগ্নং ভরতশ্রেষ্ঠ নরকে দুষ্কৃতী যথা॥ 9-37-28 (62319)
ততো হ্যচিন্তয়ৎপ্রাজ্ঞো মৃতভূতো হ্যসোমপঃ।
সোমঃ কথং তু পাতব্য ইহস্থেন ময়া ভবেৎ॥ 9-37-29 (62320)
স এবমভিসঞ্চিন্ত্য তস্মিন্কূপে মহাতপাঃ।
দদর্শ বীরুধং তত্র লম্বমানাং যদৃচ্ছয়া॥ 9-37-30 (62321)
পাংসুগ্রস্তে ততঃ কূপে ন্যখনৎসলিলং মুনিঃ।
অগ্নীন্সঙ্কল্পয়ামাস হোতৄনাত্মানমেব চ॥ 9-37-31 (62322)
ততস্তাং বীরুধং সোমং সঙ্কল্প সুমহাতপাঃ।
ঋচো জয়ূংষি সামানি মনসা চিন্তয়ন্মুনিঃ॥ 9-37-32 (62323)
গ্রাবাণঃ শর্করাঃ কৃৎবা প্রচক্রেঽভিষবং নৃপ।
আজ্যং চ সলিলং চক্রে ভাগাংশ্চ ত্রিদিবৌকসাম্॥ 9-37-33 (62324)
সোমস্যাভিষবস্যাগ্রে প্রবৃত্তস্তুমুলো ধ্বনিঃ।
স চাবিশদ্দিবং রাজন্স্বরশ্চৈব ত্রিতস্ত বৈ॥ 9-37-34 (62325)
সমবাপ চ তং যজ্ঞাং যথোক্তং ব্রহ্মবাদিভিঃ॥ 9-37-35 (62326)
বর্তমানে মহায়জ্ঞে ত্রিতস্য সুমহাত্মনঃ।
আবিগ্নং ত্রিদিবং সর্বং কারমং চ ন বুধ্যতে॥ 9-37-36 (62327)
ততঃ সুতুমুলং শব্দং শুশ্রাবাথ বৃহস্পতিঃ।
শ্রুৎবা চৈবাব্রবীৎসর্বান্দেবান্দেবপুরোহিতঃ॥ 9-37-37 (62328)
ত্রিতস্য বর্ততে যজ্ঞস্তত্র গচ্ছামহে সুরাঃ।
স হি ক্রুদ্ধঃ সৃজেদন্যান্দেবানপি মহাতপাঃ॥ 9-37-38 (62329)
তচ্ছ্রুৎবা বচনং তস্য সহিতাঃ সর্বদেবতাঃ।
প্রয়যুস্তত্র যত্রাস্তে ত্রিতয়জ্ঞশ্চ বর্ততে॥ 9-37-39 (62330)
তে তত্র গৎবা বিবুধাস্তং কূপং যত্র স ত্রিতঃ।
দদৃশুস্তং মহাত্মানং দীক্ষিতং যজ্ঞকর্মসু॥ 9-37-40 (62331)
দৃষ্ট্বা চৈনং মহাত্মানং শ্রিয়া পরময়া যুতম্।
ঊচুশ্চৈনং মহাভাগং প্রাপ্তা ভাগার্থিনো বয়ম্॥ 9-37-41 (62332)
অথাব্রবীদৃষির্দেবান্পশ্যধ্বং মাং দিবৌকসঃ।
অস্মিন্প্রতিভয়ে কূপে নিমগ্নং নষ্টচেতসম্॥ 9-37-42 (62333)
ততস্ত্রিতো মহারাজ ভাগাংস্তেষাং যথাবিধি।
মন্ত্রয়ুক্তান্সমদদাত্তেন প্রীতাস্তদাঽভবন্॥ 9-37-43 (62334)
ততো যথাবিধি প্রাপ্তান্ভাগান্প্রাপ্য দিবৌকসঃ।
প্রীতাত্মানো দদুস্তস্মৈ বরান্যান্মনসেচ্ছতি॥ 9-37-44 (62335)
স তু বব্রে লবরং দেবাংস্ত্রাতুমর্হথ মামিতঃ।
যশ্চাম্ভোপস্পৃশেৎকূপে স সোমপগতিং লভেৎ॥ 9-37-45 (62336)
তত্র চোর্মিমতী রাজন্নুৎপপাত সরস্বতী।
তয়োৎক্ষিপ্তস্ত্রিতস্তস্থৌ পূজয়ংস্ত্রিদিবৌকসঃ॥ 9-37-46 (62337)
তথেতি চোক্ৎবা বিবুধা জগ্মূ রাজন্যথাঽঽগতাঃ।
ত্রিতশ্চাভ্যাগমৎপ্রীতঃ স্বমেব নিলয়ং তদা॥ 9-37-47 (62338)
ক্রুদ্ধস্তু স সমাসাদ্য তাবৃষী ভ্রাতরৌ তদা।
উবাচ পরুষং বাক্যং শশাপ চ মহাতপাঃ॥ 9-37-48 (62339)
পশুলুব্ধৌ যুবাং যস্মান্মামুৎসৃজ্য প্রধাবিতৌ।
তস্মাদ্বৃকাকৃতী রৌদ্রৌ দংষ্ট্রিণাবভিতশ্চরৌ॥ 9-37-49 (62340)
ভবিতারৌ ময়া শপ্তৌ পাপেনানেন কর্মণা।
প্রসবশ্চৈব যুবয়োর্গোলাঙ্গূলর্ক্ষবানরাঃ॥ 9-37-50 (62341)
ইত্যুক্তেন তদা তেন ক্ষণাদেব বিশাম্পতে।
তথাভূতাবদৃশ্যেতাং বচনাৎসত্যবাদিনঃ॥ 9-37-51 (62342)
তত্রাপ্যমিতবিক্রান্তঃ স্পৃষ্ট্বা তোয়ং হলায়ুধঃ।
দত্ৎবাচ বিবিধান্দেয়ান্পূজয়িৎবা চ বৈ দ্বিজান্॥ 9-37-52 (62343)
উদপানং চ তং বীক্ষ্য প্রশস্য চ পুনঃপুনঃ।
নদীগতমদীনাত্মা প্রাপ্তো বিনশনং তদা॥ ॥ 9-37-53 (62344)
ইতি শ্রীমন্মহাভারতে শল্যপর্বণি হ্রদপ্রবেশপর্বণি সপ্তত্রিংশোঽধ্যায়ঃ॥ 37 ॥
Mahabharata - Shalya Parva - Chapter Footnotes
9-37-6 যাজয়ামাস স্বার্থে ণিচ্ যাগং কৃতবান্॥ 9-37-8 সর্বে প্রজাপতিসুতাঃ প্রজাপতয় এব চ ইতি ক.পাঠঃ॥ 9-37-16 পশূন্প্রতিপশ্বর্থম্। দক্ষিণার্থা গাঃ প্রাপ্তুমিত্যর্থঃ॥ 9-37-18 ত্রিতশ্চাকালয়ন্পশূন্ ইতি ক.পাঠঃ॥ 9-37-23 পথিস্থানে বৃকোঽভবদিতি ক.ঙ.পাঠঃ॥ 9-37-45 যশ্চেহোপস্পৃশেদিতি ঝ.পাঠঃ॥ 9-37-37 সপ্তত্রিংশোঽধ্যায়ঃ॥শল্যপর্ব - অধ্যায় 038
॥ শ্রীঃ ॥
9.38. অধ্যায়ঃ 038
Mahabharata - Shalya Parva - Chapter Topics
বলভদ্রস্য সরস্বতীতীরস্থানানাতীর্থয়াত্রাপ্রকারবর্ণনম্॥ 1 ॥ তত্তত্তীর্থমহিমানুবর্ণনং চ॥ 2 ॥Mahabharata - Shalya Parva - Chapter Text
9-38-0 (62345)
বৈশম্পায়ন উবাচ। 9-38-0x (5173)
ততো বিনশনং রাজন্নাজগাম হলায়ুধঃ।
শূদ্রাভীরান্প্রতি দ্বেষাদ্যত্র নষ্টা সরস্বতী।
তস্মাত্তামৃষয়ো নিত্যং প্রাহুর্বিনশনেতি চ॥ 9-38-1 (62346)
তত্রাপ্যুপস্পৃশ্য বলঃ সরস্বত্যাং মহাবলঃ।
সুভূমিকং ততোঽগচ্ছৎসরস্বত্যাস্তটে বরে॥ 9-38-2 (62347)
তত্র চাপ্সরসঃ শুভ্রা নিত্যকালমতন্দ্রিতাঃ।
ক্রীডাভির্বিমলাভিশ্চ ক্রীডন্তি বিমলাননাঃ॥ 9-38-3 (62348)
তত্র দেবাঃ সগন্ধর্বা মাসিমাসি জনেশ্বর।
অভিগচ্ছন্তি তত্তীর্থং পুণ্যং ব্রাহ্মণসেবিতম্॥ 9-38-4 (62349)
তত্র নৃত্যন্তি গন্ধর্বাস্তথৈবাপ্সরসাং গণাঃ।
সমেত্য সহিতা রাজন্যথাপ্রাপ্তং যথাসুখম্॥ 9-38-5 (62350)
তত্র মোদন্তি দেবাশ্চ পিতরশ্চ সবীরুধঃ।
পুণ্যৈঃ পুষ্পৈঃ সদা দিব্যৈঃ কীর্যমাণাঃ পুনঃ পুনঃ॥ 9-38-6 (62351)
আক্রীডভূমিঃ সা রাজংস্তাসামপ্সরসাং শুভা।
সুভূমিকেতি বিখ্যাতা সরস্বত্যাস্তটে বরে॥ 9-38-7 (62352)
তত্র স্নাৎবা চ দত্ৎবা চ বসু বিপ্রেষু মাধবঃ।
শ্রুৎবা গীতং চ তদ্দিব্যং বাদিত্রাণাং চ নিঃস্বনম্॥ 9-38-8 (62353)
শয়্যাশ্চ বিপুলা দৃষ্ট্বা দেবগন্ধর্বরক্ষসাম্।
গন্ধর্বাণাং ততস্তীর্থমাগচ্ছদ্রোহিণীসুতঃ॥ 9-38-9 (62354)
বিশ্বাবসুমুখাস্তত্র গন্ধর্বাপ্সরসাং গণাঃ।
নৃত্তবাদিত্রগীতং চ কুর্ন্বতি সুমনোরমম্॥ 9-38-10 (62355)
তত্র দত্ৎবা হলধরো বিপ্রেভ্যো বিবিধং বসু।
অজাবিকং গোখরোষ্ট্রং সুবর্ণং রজতং তথা॥ 9-38-11 (62356)
ভোজয়িৎবা দ্বিজান্কামৈঃ সন্তর্প্য চ মহাধনৈঃ।
প্রয়যৌ সহিতো বিপ্রৈঃ স্তূয়মানশ্চ মাধবঃ॥ 9-38-12 (62357)
তস্মাদ্গন্ধর্বতীর্থাচ্চ মহাবাহুররিন্দমঃ।
গর্গস্রোতো মহাতীর্থমাজগামৈককুণ্ডলী॥ 9-38-13 (62358)
তত্র গর্গেণ বৃদ্ধেন তপসা ভাবিতাত্মনা।
কালজ্ঞানগতিশ্চৈব জ্যোতিষাং চ ব্যতিক্রমঃ॥ 9-38-14 (62359)
উৎপাতা দারুণাশ্চৈক শুভাশ্চ জনমেজয়।
সরস্বত্যাঃ শুভে তীর্থে বিদিতা বৈ মহাত্মনা॥ 9-38-15 (62360)
তস্য নাম্না চ তত্তীর্থং গর্গস্রোত ইতি স্মৃতম্॥ 9-38-16 (62361)
তত্র গর্গং মহাভাগমৃষয়ঃ সুব্রতা নৃপ।
উপাসাঞ্চক্রিরে নিত্যং কালজ্ঞানং প্রতি প্রভো॥ 9-38-17 (62362)
তত্র গৎবা মহারাজ বলঃ শ্বেতানুলেপনঃ।
বিধিবদ্বি ধনং দত্ৎবা মুনীনাং ভাবিতাত্মনাম্॥ 9-38-18 (62363)
উচ্চাবচাংস্তথা ভক্ষ্যান্বিপ্রেভ্যো বিপ্রদায় সঃ।
নীলবাসাস্তদাঽগচ্ছচ্ছঙ্ঘতীর্থং মহায়শাঃ॥ 9-38-19 (62364)
তত্রাপশ্যন্মহাশঙ্খং মহামেরুমিবোচ্ছ্রিতম্।
শ্বেতপর্বতসঙ্কাশমৃষিসঙ্ঘৈর্নিষেবিতম্।
সরস্বত্যাস্তটে জাতং নগং তালধ্বজো বলী॥ 9-38-20 (62365)
যক্ষা বিদ্যাধরাশ্চৈব রাক্ষসাশ্চামিতৌজসঃ।
পিশাচাশ্চামিতবলা যত্র সিদ্ধাঃ সহস্রশঃ॥ 9-38-21 (62366)
তে সর্বে হ্যশনং ত্যক্ৎবা ফলং তস্য বনস্পতেঃ।
ব্রতৈশ্চ নিয়মৈশ্চৈব কালেকালে স্ম ভুঞ্জতে॥ 9-38-22 (62367)
প্রাপ্তৈশ্চ নিয়মৈস্তৈস্তৈর্বিচরন্তঃ পৃথক্পৃথক্।
অদৃশ্যমানা মনুজৈর্ব্যচরন্পুরুষর্ষভ॥ 9-38-23 (62368)
এবং খ্যাতো নরব্যাঘ্র লোকেঽস্মিন্স বনস্পতিঃ।
তত্র তীর্থং সরস্বত্যাঃ পাবনং লোকবিশ্রুতম্॥ 9-38-24 (62369)
তস্মিংশ্চ যদুশার্দূলো দত্ৎবা তীর্থে পয়স্বিনীঃ।
তাম্রায়সানি ভাণ্ডানি বস্ত্রাণি বিবিধানি চ॥ 9-38-25 (62370)
পূজয়িৎবা দ্বিজাংশ্চৈব পূজিতশ্চ তপোধনৈঃ।
পুণ্যং নৈসর্গিকং রাজন্নাজগাম হলায়ুধঃ॥ 9-38-26 (62371)
তত্র গৎবা মুনীন্দৃষ্ট্বা নানাবেষধরান্বলঃ।
আপ্লুত্য সলিলে চাপি পূজয়ামাস বৈ দ্বিজান্॥ 9-38-27 (62372)
তথৈব দত্ৎবা বিপ্রেভ্যঃ পরিভোগান্সুপুষ্কলান্।
ততঃ প্রায়াদ্বলো রাজন্দক্ষিণেন সরস্বতীম্॥ 9-38-28 (62373)
গৎবা চৈবং মহাবাহুর্নাতিদূরে মহায়শাঃ।
ধর্মাত্মা নাগধন্বানং তীর্থমাগমদচ্যুতঃ॥ 9-38-29 (62374)
যত্র পন্নগরাজস্য বাসুকেঃ সন্নিবেশনম্।
মহাদ্যুতের্মহারাজ বহুভিঃ পন্নগৈর্বৃতম্॥ 9-38-30 (62375)
ঋষিণাং হি সহস্রাণি তত্র নিত্যং চতুর্দশ।
যত্র দেবাঃ সমাগম্য বাসুকিং পন্নগোত্তমম্।
সর্বপন্নগরাজানমভ্যষিঞ্চন্যথাবিধি॥ 9-38-31 (62376)
পন্নগেভ্যো ভয়ং তত্র বিদ্যতে ন স্ম পৌরব॥ 9-38-32 (62377)
তত্রাপি বিধিবদ্দৎবা বিপ্রেভ্যো রত্নসঞ্চয়ান্।
প্রায়াৎপ্রাচীং দিশং রাজংস্তত্র তীর্থান্যনেকশঃ॥ 9-38-33 (62378)
সহস্রশতসঙ্খ্যানি প্রথিতানি পদেপদে।
আপ্লুত্য তত্র তীর্থেষু যথোক্তং তত্র চর্ষিভিঃ॥ 9-38-34 (62379)
দত্ৎবা বসু দ্বিজাগ্র্যেভ্যো নির্জগাম মহাবলঃ।
তত্রস্থানৃষিসঙ্ঘাংস্তানভিবাদ্য হলায়ুধঃ॥ 9-38-35 (62380)
ততো রামোঽগমত্তীর্থমৃষিভিঃ সেক্তিং মহৎ।
যত্র ভূয়ো নিববৃতে প্রাঙ্মুখা বৈ সরস্বতী॥ 9-38-36 (62381)
ঋষীণাং নৈমিষেয়াণাবমেক্ষার্থং মহাত্মনাম্।
নিবৃত্তাং তাং সরিচ্ছ্রেষ্ঠাং তত্র দৃষ্ট্বা তু লাঙ্গলী।
বভূব বিস্মিতো রাজন্বলঃ শ্বেতানুলেপনঃ॥ 9-38-37 (62382)
জনমেজয় উবাচ। 9-38-38x (5174)
কস্মাৎসরস্বতী ব্রহ্মন্নিবৃত্তা কপ্রাঙ্মুখী ভবৎ।
ব্যাখ্যাতমেতদিচ্ছামি সর্বমধ্বর্যুসত্তম॥ 9-38-38 (62383)
কস্মিংশ্চিৎকারণে তত্র বিস্মিতো যদুনন্দনঃ।
নিবৃত্তা হেতুনা কেন কথমেব সরিদ্বরা॥ 9-38-39 (62384)
বৈশম্পায়ন উবাচ। 9-38-40x (5175)
পূর্বং কৃতয়ুগে রাজন্নৈমিষেয়াস্তপস্বিনঃ।
বর্তমানে সুবিপুলে সত্রে দ্বাদশবার্ষিকে॥ 9-38-40 (62385)
ঋষয়ো বহবো রাজংস্তৎসত্রমভিপেদিরে।
উষিৎবা চ মহাভাগাস্তস্মিন্সত্রে যথাবিধি॥ 9-38-41 (62386)
নিবৃত্তে নৈমিষে যে বৈ সত্রে দ্বাদশবার্ষিকে।
আজগ্মুর্ঋষয়স্তত্র বহবস্তীর্থকারণাৎ॥ 9-38-42 (62387)
ঋষীণাং বহুলৎবাত্তু সরস্বত্যা বিশাম্পতে।
তীর্থানি নগরায়ন্তে কূলে বৈ দক্ষিণোত্তরে॥ 9-38-43 (62388)
সমন্তপঞ্চকং যাবত্তাবত্তে দ্বিজসত্তমাঃ।
তীর্থলোভান্নরব্যাঘ্র নদ্যাস্তীরং সমাশ্রিতাঃ॥ 9-38-44 (62389)
জুহ্বতাং তত্র তেষাং তু মুনীনাং ভাবিতাত্মনাম্।
স্বাধ্যায়েনাতিমহতা বভূবুঃ পূরিতা দিশঃ॥ 9-38-45 (62390)
অগ্নিহোত্রৈস্ততস্তেষাং হূয়মানৈর্মহাত্মনাম্।
অশোভত সরিচ্ছ্রেষ্ঠা দীপ্যমানৈঃ সমন্ততঃ॥ 9-38-46 (62391)
বালখিল্যা মহারাজ অশ্মকুট্টাশ্চ তাপসাঃ।
দন্তোলূখলিনশ্চান্যে সম্প্রক্ষালাস্তথা পরে॥ 9-38-47 (62392)
বায়ুভক্ষা জলাহারাঃ পর্ণভক্ষাশ্চ তাপসাঃ।
নানানিয়ময়ুক্তাশ্চ তথা স্থণ্ডিলশায়িনঃ॥ 9-38-48 (62393)
আসন্বৈ মুনয়স্তবত্র সরস্বত্যাঃ সমীপতঃ।
শোভয়ন্তঃ সরিচ্ছ্রেষ্ঠাং গঙ্গামিব দিবৌকসঃ॥ 9-38-49 (62394)
শতশশ্চ সমাপেতুর্ঋষয়ঃ সত্রয়াজিনঃ।
তেঽবকাশং ন দদৃশুঃ সরস্বত্যা মহাব্রতাঃ।
তেঽবকাশং চ দদৃশুঃ কুরুক্ষেত্রং (ত্রে) মহাব্রতাঃ॥ 9-38-50 (62395)
ততো যজ্ঞোপবীতৈঃ স্বৈস্তত্র কৃৎবা সরস্বতীম্।
জুহুবুশ্চাগ্নিহোত্রাংশ্চ চক্রুশ্চ বিবিধাঃ ক্রিয়াঃ॥ 9-38-51 (62396)
ততস্তমৃপিসঙ্ঘাতং নিরাশং চিন্তয়ান্বিতম্।
দর্শয়ামাস রাজেন্দ্র তেষামর্থে সরস্বতী॥ 9-38-52 (62397)
ততঃ কুঞ্জান্বহূন্কৃৎবা সন্নিবৃত্তা সরস্বতী।
ঋষীণাং পুণ্যতপসাং কারুণ্যাজ্জনমেজয়॥ 9-38-53 (62398)
ততো নিবৃত্ত্য রাজেন্দ্র তেষামর্থে সরস্বতী।
ভূয়ঃ প্রতীচ্যভিমুখী প্রসুস্রাব সরিদ্বরা॥ 9-38-54 (62399)
অমোঘা গমনং কৃৎবা তেষাং ভূয়ো জগাম হ।
অত্যদ্ভুতং মহচ্চক্রে তদা রাজন্মহানদী॥ 9-38-55 (62400)
এবং স কুঞ্জো রাজন্বৈ নৈমিষীয় ইতি স্মৃতঃ।
কুরুশ্রেষ্ঠ কুরুক্ষেত্রে কুরুষ্ব মহতীং ক্রিয়াম্॥ 9-38-56 (62401)
তত্র কুঞ্জান্বহূন্দৃষ্ট্বা নিবৃত্তাং চ সরস্বতীম্।
বভূব বিস্ময়স্তত্র রামস্যাথ মহাত্মনঃ॥ 9-38-57 (62402)
উপস্পৃশ্য তু তত্রাপি বিধিবদ্যদুনন্দনঃ।
দত্ৎবা দেয়ান্দ্বিজাতিভ্যো ভাণ্ডানি বিবিধানি চ॥ 9-38-58 (62403)
ভক্ষ্যং ভোজ্যং কচ বিবিধং ব্রাহ্মণেভ্যঃ প্রদায় চ।
ততঃ প্রায়াদ্বলো রাজন্পূজ্যমানো দ্বিজাতিভিঃ॥ 9-38-59 (62404)
সরস্বতীতীর্থবরং নানাদ্বিজগণায়ুতম্।
বদরেঙ্গুদশ্যামাকাপ্লুক্ষাশ্বত্থবিভীতকৈঃ॥ 9-38-60 (62405)
কঙ্কোলৈশ্চ পলাশ্চৈশ্চ করীরৈঃ পীলুভিস্তথা।
সরস্বতীতীর্থরুহৈস্তরুভির্বিবিধৈস্তথা॥ 9-38-61 (62406)
করুষকবরৈশ্চৈব বিল্বৈরাম্রাতকৈস্তথা।
অতিমুক্তকষণ্ডৈশ্চ পারিজাতৈশ্চ শোভিতম্॥ 9-38-62 (62407)
কদলীবনভূয়িষ্ঠং দৃষ্টিকান্তং মনোহরম্।
বায়্বম্বুফলপর্ণাদৈর্দন্তোলূখলিকৈরপি॥ 9-38-63 (62408)
তথাঽশ্মকুট্টৈর্বাতেয়ৈর্মুনিভির্বহুভির্বৃতম্।
স্বাধ্যায়ঘোষসঙ্ঘুষ্টং মৃগয়ূথশতাকুলম্॥ 9-38-64 (62409)
অহিংস্রৈর্ধর্মপরমৈর্নৃভিরত্যর্থরোবিতম্।
সপ্তসারস্বতং তীর্থমাজগাম হলায়ুধঃ।
যত্র মঙ্কণকঃ সিদ্ধস্তপস্তেপে মহামুনিঃ॥ ॥ 9-38-65 (62410)
ইতি শ্রীমন্মহাভারতে শল্যপর্বণি হ্রদপ্রবেশপর্বণি অষ্টবিংশোঽধ্যায়ঃ॥ 38 ॥
Mahabharata - Shalya Parva - Chapter Footnotes
9-38-1 শূদ্রাভীরান্দ্বিষ্টমানা---ইতি ক.পাঠঃ॥ 9-38-3 শুভ্রাঃ শুচয়ঃ॥ 9-38-9 ছায়াশ্চ বিপুলা ইতি ঙ.পাঠঃ॥ 9-38-10 গন্ধর্বাপ্সরসান্বিংতাঃ ইতি ঙ.পাঠঃ॥ 9-38-17 কালজ্ঞানার্থম্॥ 9-38-20 শঙ্খং শঙ্খনামানম্। নগং বৃক্ষম্॥ 9-38-26 পুণ্যং দ্রৈতবনং ইতি ঝ.পাঠঃ॥ 9-38-37 অবেক্ষার্যমিষ্টসিদ্ধ্যর্থম্॥ 9-38-38 ইচ্ছামি শ্রোতুমিতি শেষঃ॥ 9-38-51 যজ্ঞোপবীতৈঃ যজ্ঞসূত্রৈঃ নিরাশং সরস্বতীজললাভে ইত্যর্থঃ॥ 9-38-53 কুজ্জান্ আত্মনো বাসস্থানানি তির্থবিশেষানিত্যর্থঃ॥ 9-38-38 অষ্টত্রিংশোঽধ্যায়ঃ॥শল্যপর্ব - অধ্যায় 039
॥ শ্রীঃ ॥
9.39. অধ্যায়ঃ 039
Mahabharata - Shalya Parva - Chapter Topics
সরস্বত্যাঃ সপ্তধাবিভাগে কারণাভিধানম্॥ 1 ॥ সপ্তভাগানাং কস্মিংশ্চিত্তীর্থে একীভবনাত্তত্তীর্থস্য সপ্তসারস্বতনামপ্রাপ্তিঃ॥ 2 ॥ মঙ্কণমুনিচরিতপ্রতিপাদনম্॥ 3 ॥Mahabharata - Shalya Parva - Chapter Text
9-39-0 (62411)
জনমেজয় উবাচ। 9-39-0x (5176)
সপ্তসারস্বতং কস্মাৎকশ্চ মঙ্কণকো মুনিঃ।
কথং সিদ্ধঃ স ভগবান্কশ্চাস্য নিয়মোঽভবৎ॥ 9-39-1 (62412)
কস্য বংশে সমুৎপন্নঃ কিং চাধীতং দ্বিজোত্তম।
এতন্মে সর্বমাচক্ষ্ব যথাতত্ৎবং মহামুনে॥ 9-39-2 (62413)
বৈশম্পায়ন উবাচ। 9-39-3x (5177)
সপ্তনদ্যঃ সরস্বত্যা যাভির্ব্যাপ্তমিদং জগৎ।
আহূতা বলবদ্ভির্হি তত্রতত্র সরস্বতী॥ 9-39-3 (62414)
সুপ্রভা কাঞ্চনাক্ষী চ বিশালা চ মনোরমা।
সরস্বতী চৌঘবতী সুরেণুর্বিমলোদকা॥ 9-39-4 (62415)
পিতামহস্য মহতো বর্তমানে মহামখে।
বিততে যজ্ঞবাটে চ সংসিদ্ধেষু দ্বিজাতিষু॥ 9-39-5 (62416)
পুণ্যাহঘোষৈর্বিমলৈর্বেদানাং নিনদৈস্তথা।
দেবেষু চৈব ব্যগ্রেষু তস্মিন্যজ্ঞবিধৌ তদা॥ 9-39-6 (62417)
তত্র চৈব মহারাজ দীক্ষিতে প্রপিতামহে।
যজতস্তস্য সত্রেণ সর্বকামসমৃদ্বিনা॥ 9-39-7 (62418)
মনসা চিন্তিতা হ্যর্থা ধর্মার্থকুশলৈস্তদা।
উপতিষ্ঠন্তি রাজেন্দ্র দ্বিজাতীংস্তত্রতত্র হ॥ 9-39-8 (62419)
জগুশ্চ তত্র গন্ধর্বা ননৃতুশ্চাপ্সরোগণাঃ।
বাদিত্রাণি চ দিব্যানি বাদয়ামাসুরঞ্জসা॥ 9-39-9 (62420)
তস্য যজ্ঞস্য সম্পত্ত্যা তুতুষুর্দেবতাগণাঃ।
বিস্ময়ং পরমং জগ্মুঃ কিমু মানুষয়োনয়ঃ॥ 9-39-10 (62421)
বর্তমানে যথা যজ্ঞে পুষ্করস্থে পিতামহে।
অব্রুবন্নৃষয়ো রাজন্নায়ং যজ্ঞো মহাগুণঃ॥ 9-39-11 (62422)
ন দৃশ্যতে সরিচ্ছ্রেষ্ঠা যস্মাদিহ সরস্বতী।
তচ্ছ্রুৎবা ভগবান্প্রীতঃ সস্মারাথ সরস্বতীম্॥ 9-39-12 (62423)
পিতামহেন যজতা আহূতা পুষ্করেষু বৈ।
সুপ্রভা নাম রাজেন্দ্র নাম্না তত্র সরস্বতী॥ 9-39-13 (62424)
তাং দৃষ্ট্বা মুনয়স্তুষ্টাস্ৎবরায়ুক্তাং সরস্বতীম্।
পিতামহং মানয়ন্তীং ক্রতুং তে বহুমেনিরে॥ 9-39-14 (62425)
এবমেষা সরিচ্ছ্রেষ্ঠা পুষ্করেষু সরস্বতী।
পিতামহার্থং সম্ভূতা তুষ্ট্যর্থং চ মনীষিণাম্॥ 9-39-15 (62426)
নৈমিষে মুনয়ো রাজন্সমাগম্য সমাসতে।
তত্র চিত্রাঃ কথা হ্যাসন্বেদং প্রতি জনেশ্বর॥ 9-39-16 (62427)
যত্র তে মুনয়ো হ্যাসন্নানাস্বাধ্যায়বেদিনঃ।
তে সমাগম্য মুনয়ঃ সস্মারুর্বৈ সরস্বতীম্॥ 9-39-17 (62428)
সা তু ধ্যাতা মহারাজ মুনিভিঃ সত্রয়াজিভিঃ।
সমাগতানাং রাজেন্দ্র সাহায়্যার্থং মহাত্মনাম্।
আজগাম মহাভাগা তত্র পুণ্যা সরস্বতী॥ 9-39-18 (62429)
নৈমিষে কাঞ্চনাক্ষী তু মুনীনাং সত্রায়াজিxxxম্।
আগতা সরিতাং শ্রেষ্ঠা তত্র ভারত পূজিত॥ 9-39-19 (62430)
গয়স্য যজমানস্য গয়েষ্বেব মহাক্রতুম্।
আহূতা সরিতাং শ্রেষ্ঠা গয়যজ্ঞে সরস্বতী॥ 9-39-20 (62431)
গয়স্য যজমানস্য গয়েষ্বেব মহাক্রতুম্।
বিশালাং তু গয়স্যাহুর্ঋষয়ঃ সংশিতব্রতা॥ 9-39-21 (62432)
সরিৎসা হিমবৎপার্শ্বাৎপ্রস্রুতা শীঘ্রগামিনী।
ঔদ্দালকেস্তথা যজ্ঞে যজতস্তস্য ভারত॥ 9-39-22 (62433)
সমেতে সর্বতঃ স্ফীতে মুনীনাং মণ্ডলে তদা।
উত্তরে কোসলাভাগে পুণ্যে রাজন্মহাত্মনঃ॥ 9-39-23 (62434)
ঔদ্দালকেন যজতা পূর্বং ধ্যাতা সরস্বতী।
আজগাম সরিচ্ছেষ্ঠা তং দেশং মুনিকারণাৎ॥ 9-39-24 (62435)
পূজ্যমানা মুনিগণৈর্বল্কলাজিনসংবৃতৈঃ।
মনোহরেতি বিখ্যাতা সা হি তৈর্মনসা বৃতা॥ 9-39-25 (62436)
[সুরণুঋষভে দ্বীপে পুণ্যে রাজর্ষিসেবিতে।]
কুরোশ্চ যজমানস্য কুরুক্ষেত্রে মহাত্মনঃ।
আজগাম মহাভাগা সরিচ্ছ্রেষ্ঠা সরস্বতী॥ 9-39-26 (62437)
ওঘবত্যপি রাজেন্দ্র বসিষ্ঠেন মহাত্মনা।
সমাহূতা কুরুক্ষেত্রে দিব্যতোয়া সরস্বতী॥ 9-39-27 (62438)
দক্ষেণ যজতা চাপি গঙ্গাদ্বারে সরস্বতী।
সুবেণিরিতি বিখ্যাতা প্রস্রুতা শীঘ্রগামিনী॥ 9-39-28 (62439)
বিমলোদা ভগবতী ব্রহ্মণা যজতা পুনঃ।
সমাহূতা যয়ৌ তত্র পুণ্যে হৈমবতে গিরৌ॥ 9-39-29 (62440)
একীভূতাস্ততস্তাস্তু তস্মিংস্তীর্থে সমাগতাঃ।
সপ্তসারস্বতং তীর্থং ততস্তু প্রথিতং ভুবি॥ 9-39-30 (62441)
ইতি সপ্তসরস্বত্যো নামতঃ পরিকীর্তিতাঃ।
সপ্তসারস্বতং চৈব তীর্থং পুণ্যং তথা স্মৃতম্॥ 9-39-31 (62442)
শৃণু মঙ্কণকস্যাপি কৌমারব্রহ্মচারিণঃ।
আপগামবগাঢস্য রাজন্প্রক্রীডিতং মহৎ॥ 9-39-32 (62443)
দৃষ্ট্বা যদৃচ্ছয়া তত্র স্ত্রিয়মম্ভসি ভারত।
স্নায়ন্তীং রুচিরাপাঙ্গীং দিগ্বাসসমনিন্দিতাম্। 9-39-33 (62444)
সরস্বত্যাং মহারাজ চস্কন্দে বীর্যমম্ভসি॥
তদ্রেতঃ স তু জগ্রাহ কলশে বৈ মহাতপাঃ। 9-39-34 (62445)
`ঋষিঃ পরমধর্মাত্মা তদা পুরুষসত্তম'॥
সপ্তধা প্রবিভাগং তু কলশস্থং জগাম হ। 9-39-35 (62446)
তত্রর্ষয়ঃ সপ্ত জাতা জজ্ঞিরে মরুতাং গণাঃ॥
বায়ুবেগো বায়ুবলো বায়ুহা বায়ুমণ্ডলঃ। 9-39-36 (62447)
বায়ুজ্বালো বায়ুরেতা বায়ুচক্রশ্চ বীর্যবান্।
মহর্ষেশ্চরিতং যাদৃক্ ত্রিষু লোকেষু বিশ্রুতম্॥ 9-39-37 (62448)
পুরা মঙ্কণকঃ সিদ্ভঃ কুশাগ্রেণেতি নঃ শ্রুতম্।
ক্ষতঃ কিল করে রাজংস্তস্য শাকরসোঽস্রবৎ॥ 9-39-38 (62449)
স বৈ শাকরসং দৃষ্ট্বা হর্ষাবিষ্টঃ প্রনৃত্তবান্॥ 9-39-39 (62450)
ততস্তস্মিন্প্রনৃত্তে বৈ স্থাবরং জঙ্গমং চ যৎ।
প্রনৃত্তমুভয়ং বীর সেজসা তস্য মোহিতম্॥ 9-39-40 (62451)
ব্রহ্মাদিভিঃ সুরৈ রাজন্নৃষিভিশ্চ তপোধনৈঃ।
বিজ্ঞপ্তো বৈ মহাদেব ঋষেরর্থে নরাধিপ।
নায়ং নৃত্যেদ্যথা দেব তথা ৎবং কর্তুমর্হসি॥ 9-39-41 (62452)
ততো দেবো মুনিং দৃষ্ট্বা হর্ষাবিষ্টমতীব হ।
সুগণাং হিতকামার্থং মহাদেবোঽভ্যভাষত॥ 9-39-42 (62453)
ভোভো ব্রাহ্মণ ধর্মজ্ঞ কিমর্থং নৃত্যতে ভবান্।
হর্ষস্থানং কিমর্থং চ তবেদমধিকং মুনে।
তপস্বিনো ধর্মপথে স্থিতস্য দ্বিজসত্তম॥ 9-39-43 (62454)
ঋষিরুবাচ। 9-39-44x (5178)
কিং ন পশ্যসি মে ব্রহ্মন্করাচ্ছাকরসং স্রুতম্।
যং দৃষ্ট্বা সম্প্রনৃত্তো বৈ হর্ষেণ মহতা বিভো॥ 9-39-44 (62455)
তং প্রহস্যাব্রবীদ্দেবো মুনিং রাগেণ মোহিতম্।
অহং ন বিস্ময়ং বিপ্র গচ্ছামীতি প্রপশ্য মাম্॥ 9-39-45 (62456)
এবমুক্ৎবা মুনিশ্রেষ্ঠং মহাদেবেন ধীমতা।
অঙ্গুল্যগ্রেণ রাজেন্দ্রস্বাঙ্গুষ্ঠস্তাডিতোঽভবৎ॥ 9-39-46 (62457)
ততো ভস্ম ক্ষতাদ্রাজন্নির্গতং হিমসন্নিভম্॥ 9-39-47 (62458)
তদ্দৃষ্ট্বা ব্রীডিতো রাজন্স মুনিঃ পাদয়োর্গতঃ।
মেনে দেবং মহাদেবমিদং চোবাচ বিস্মিতঃ॥ 9-39-48 (62459)
নান্যং দেবাদহং মন্যে রুদ্রাৎপরতরং মহৎ।
সুরাসুরস্য জগতো গতিস্ৎবমসি শূলধৃক্॥ 9-39-49 (62460)
ৎবয়া সৃষ্টমিদং বিশ্বং বদন্তীহ মনীষিণঃ।
ৎবামেব সর্বং বিশতি পুনরেব যুগক্ষয়ে॥ 9-39-50 (62461)
দেবৈরপি ন শক্যস্ৎবং পরিজ্ঞাতুং কুতো ময়া।
ৎবয়ি সর্বে স্ম দৃশ্যন্তে ভাবা যে জগতি স্থিতাঃ॥ 9-39-51 (62462)
ৎবামুপাসন্ত বরদং দেবা ব্রহ্মাদয়োঽনঘ।
সর্বস্ৎবমসি দেবানাং কর্তা কারয়িতা চ হ॥ 9-39-52 (62463)
ৎবৎপ্রসাদাৎসুরাঃ সর্বে মোদন্তীহাকুতোভয়াঃ।
`ৎবং প্রভুঃ পরমৈশ্বর্যাদধিকং ভাসি শঙ্করঃ॥ 9-39-53 (62464)
ৎবয়ি ব্রহ্মা চ বিষ্ণুশ্চ লোকান্সন্ধায় তিষ্ঠতঃ।
ৎবন্মূলং চ জগৎসর্বং ভূতস্থাবরজঙ্গমম্॥ 9-39-54 (62465)
স্বর্গং চ পরমং স্থানং নৃণামভ্যুদয়ার্থিনাম্।
দদাসি চ প্রসন্নস্ৎবং ভক্তানাং পরমেশ্বর॥ 9-39-55 (62466)
অনাবৃত্তিপদং নৄণাং নিত্যং নিশ্রেয়সার্থিনাম্।
দদাসি কর্মিণাং কর্ম ভাবয়ন্ধ্যানয়োগতঃ॥ 9-39-56 (62467)
ন বৃথাঽস্তি মহাদেব প্রসাদস্তে মহেশ্বর।
যস্মাত্ৎবয়োপকরণাৎকরোমি কমলেক্ষণ॥ 9-39-57 (62468)
প্রপদ্যে শরণং শংভুং সর্বদা সর্বতঃ স্থিতম্।
কর্মণা মনসা বাচা তমেবাভিভজাম্যহম্॥ 9-39-58 (62469)
জনমেজয় উবাচ।' 9-39-59x (5179)
এবং স্তুৎবা মহাদেবং স ঋষিঃ প্রণতোঽভবৎ॥ 9-39-59 (62470)
যদিদং চাপলং দেব কৃতমেতৎস্ময়াদিকম্।
ততঃ প্রসাদয়মি ৎবাং তপো মে ন ক্ষরেদিতি॥ 9-39-60 (62471)
ততো দেবঃ প্রীতমনাস্তমৃষিং পুনরব্রবীৎ।
তপস্তে বর্ধতাং বিপ্র মৎপ্রসাদাৎসহস্রধা॥ 9-39-61 (62472)
আশ্রমে চেহ বৎস্যামি ৎবয়া সার্ধমহং সদা।
সপ্তসারস্বতে চাস্মিন্যো মামর্চিষ্যতে নরঃ॥ 9-39-62 (62473)
ন তস্য দুর্লভং কিঞ্চিদ্ধবিতেহ পরত্র বা।
সারস্বতং চ তে লোকং গমিষ্যন্তি ন সংশয়ঃ॥ 9-39-63 (62474)
এতন্মঙ্কণকস্যাপি চরিতং ভূরিতেজসঃ।
স হি পুত্রঃ সুকন্যায়ামুৎপন্নো মাতরিশ্বনা॥ ॥ 9-39-64 (62475)
ইতি শ্রীমন্মহাভারতে শল্যপর্বণি হ্রদপ্রবেশপর্বণি একোনচৎবারিংশোঽধ্যায়ঃ॥ 39 ॥
Mahabharata - Shalya Parva - Chapter Footnotes
9-39-4 বিশালা সুতনুস্তথা। সরস্বত্যোঘমালা চ সুবেণী নির্মলোদকা ইতি ঙ.পাঠঃ। সরস্বত্যূর্মিমালা চ সুবেণী বিমলোদকা ইতি ক.পাঠঃ॥ 9-39-17 সস্মরুঃ স্মৃতবন্তঃ॥ 9-39-20 গয়েষু গয়দেশেষু॥ 9-39-25 মনোরমেতি বিখ্যাতা সা হি তৈর্মনসা কৃতা ইতি ঝ.পাঠঃ॥ 9-39-28 সুরেণুরিতি ঝ.পাঠঃ॥ 9-39-32 রাজন্প্রজপিতং মহৎ ইতি ক.পাঠঃ॥ 9-39-33 স্নায়ন্তীং স্নান্তীম্॥ 9-39-36 মরুতাং প্রাণবায়ূনাং একোনপঞ্চাশতাম্। এতেষাং তপসা মরুতো দিত্যামুৎপন্না ইতি কল্পান্তরবিষয়োঽয়মর্থঃ॥ 9-39-60 স্ময়াদিকং গর্দাদিকম্॥ 9-39-39 একোনচৎবারিংশোঽধ্যায়ঃ॥শল্যপর্ব - অধ্যায় 040
॥ শ্রীঃ ॥
9.40. অধ্যায়ঃ 040
Mahabharata - Shalya Parva - Chapter Topics
বলরামস্যৌশনসতীর্থগমনম্॥ 1 ॥ তত্তীর্থস্য কপালমোচননামপ্রাপ্তিহেতূক্তিঃ॥ 2 ॥ বলস্য উশংগ্বাশ্রমগমনম্॥ 3 ॥ উশঙ্গুচরিত্রকথনং বলস্য পৃথূদকতীর্থে স্নানদানাদি॥ 4 ॥Mahabharata - Shalya Parva - Chapter Text
9-40-0 (62476)
বৈশম্পায়ন উবাচ। 9-40-0x (5180)
উষিৎবা তত্র রামস্তু সম্পূজ্যাশ্রমবাসিনঃ।
তথা মঙ্কণকে প্রীতিং শুভাং চক্রে হলায়ুধঃ॥ 9-40-1 (62477)
দত্ৎবা দানং দ্বিজাতিভ্যো রজনীং তামুপোষ্য চ।
পূজিতো মুনিসঙ্খৈশ্চ প্রাতরুত্থায় লাঙ্গলী॥ 9-40-2 (62478)
অনুজ্ঞাপ্য মুনীন্সর্বান্স্পৃষ্ট্বা তোয়ং চ ভারত।
প্রয়যৌ ৎবরিতো রামস্তীর্থহেতোর্মহাবলঃ॥ 9-40-3 (62479)
ততস্ৎবৌশনসং তীর্থমাজগাম হলায়ুধঃ।
কপালমোচনং নাম যত্র মুক্তো মহামুনিঃ॥ 9-40-4 (62480)
মহতা শিরসা রাজন্গ্রস্তজঙ্ঘো মহোদরঃ।
রাক্ষসস্য মহারাজ রামক্ষিপ্তস্য বৈ পুরা॥ 9-40-5 (62481)
তত্র পূর্বং তপস্তপ্তং কাব্যেন সুমহাত্মনা।
যত্রাস্য নীতিরখিলা প্রাদুর্ভূতা মহাত্মনঃ।
যত্রস্থশ্চিন্তয়ামাস দৈত্যদানববিগ্রহম্॥ 9-40-6 (62482)
তৎপ্রাপ্য চ বলো রাজংস্তীর্থপ্রবরমুত্তমম্।
বিধিবদ্বৈ দদৌ বিত্তং ব্রাহ্মণানাং মহাত্মনাম্॥ 9-40-7 (62483)
জনমেজয় উবাচ। 9-40-8x (5181)
কপালমোচনং ব্রহ্মন্কথং যত্র মহামুনিঃ।
মুক্তঃ কথং চাস্য শিরো লগ্নং কেন চ হেতুনা॥ 9-40-8 (62484)
বৈশম্পায়ন উবাচ। 9-40-9x (5182)
পুরা বৈ দণ্ডকারণ্যে রাঘবেণ মহাত্মনা।
বসতা রাজশার্দূল রাক্ষসাঞ্শময়িষ্যতা॥ 9-40-9 (62485)
জনস্থানে শিরশ্ছিন্নং রাক্ষসস্য দুরাত্মনঃ।
ক্ষুরেণ শিতধারেণ তৎপণাত মহাবনে॥ 9-40-10 (62486)
মহোদরস্য তল্লগ্নং জঙ্ঘায়াং বৈ যদৃচ্ছয়া।
বনে বিচরতো রাজন্নস্থি ভিত্ৎবাঽস্ফুরত্তদা॥ 9-40-11 (62487)
স তেন লগ্নেন তদা দ্বিজাতির্ন শশাক হ।
অভিগন্তুং মহাপ্রাজ্ঞস্তীর্থান্যায়তনানি চ॥ 9-40-12 (62488)
স পূতিনা বিস্রবতা বেদনার্তো মহামুনিঃ।
জগাম্ সর্বতীর্থানি পৃথিব্যাং চেতি নঃ শ্রুতম্॥ 9-40-13 (62489)
স গৎবা সরিতঃ সর্বাঃ সমুদ্রাংশ্চ মহাতপাঃ।
কথয়ামাস তৎসর্বমৃষীণাং ভাবিতাত্মনাম্॥ 9-40-14 (62490)
আপ্লুত্য সর্বতীর্থেষু ন চ মোক্ষমবাপ্তবান্।
স তু শুশ্রাব বিপ্রেন্দ্রো মুনীনাং বচনং মহৎ॥ 9-40-15 (62491)
সরস্বত্যাস্তীর্থবরং খ্যাতমৌশনসং তদা।
সর্বপাপপ্রশমনং সিদ্ধিক্ষেত্রমনুত্তমম্॥ 9-40-16 (62492)
স তু গৎবা ততস্তত্র তীর্থমৌশনসং দ্বিজঃ॥ 9-40-17 (62493)
তত ঔশনসে তীর্থে তস্যোপস্পৃশতস্তদা।
xxx চ্ছরশ্চরণং মুক্ৎবা পপাতান্তর্জলে তদা॥ 9-40-18 (62494)
বিমুক্তস্তেন শিরসা পরং সুখমবাপ হ।
স চাপ্যন্তর্জলে মূর্ধা জগামাদর্শনং বিভো॥ 9-40-19 (62495)
ততঃ স বিরুজো রাজন্পূতাত্মা বীতকল্মষঃ।
আজগামাশ্রমং প্রীতঃ কৃতকৃত্যো মহোদরঃ॥ 9-40-20 (62496)
সোঽথ গৎবাঽঽশ্রমং পুণ্যং বিপ্রমুক্তো মহাতপাঃ।
কথয়ামাস তৎসর্বমৃষীণাং ভাবিতাত্মনাম্॥ 9-40-21 (62497)
তে শ্রুৎবা বচনং তস্য ততস্তীর্থস্য মানদ।
কপালমোচনমিতি নাম চক্রুঃ সমাগতাঃ॥ 9-40-22 (62498)
স চাপি তীর্থপ্রবরং পুনর্গৎবা মহানৃষিঃ।
পীৎবা পয়ঃসুবিপুলং সিদ্ধিমায়াত্তদা মুনিঃ॥ 9-40-23 (62499)
তত্র দত্ৎবা বহূন্দেয়ান্বিপ্রান্সম্পূজ্য মাধবঃ।
জগাম তত্র রাজেন্দ্র উশঙ্গোরাশ্রমং তদা॥ 9-40-24 (62500)
যত্র তপ্তং তপো ঘোরমার্ষ্টিষেণেন ভারত।
ব্রাহ্মণ্যং লব্ধবান্যত্র বিশ্বামিত্রো মহামুনিঃ॥ 9-40-25 (62501)
সর্বকামসমৃদ্ধং চ তদাশ্রমপদং মহৎ।
মুনিভির্ব্রাহ্মণৈশ্চৈব সেবিতং সর্বদা বিভো॥ 9-40-26 (62502)
ততো হলধরঃ শ্রীমান্ব্রাহ্মণৈঃ পরিবারিতঃ।
জগাম তত্র রাজেন্দ্র উশঙ্গুস্তনুমত্যজৎ॥ 9-40-27 (62503)
উশঙ্গুর্ব্রাহ্মণো বৃদ্ধস্তপোনিত্যশ্চ ভারত।
দেহন্যাসে কৃতমনা বিচিন্ত্য বহুধা তদা॥ 9-40-28 (62504)
ততঃ সর্বানুপাদায় তনয়ান্বৈ মহাতপাঃ।
উশঙ্গুরব্রবীত্তত্র নয়ধ্বং মাং পৃথূদকম্॥ 9-40-29 (62505)
বিজ্ঞায়াতীতবয়সমুশঙ্গুং তে তপোধনাঃ।
তং চ তীর্থমপানিন্যুঃ সরস্বত্যাস্তপোধনম্॥ 9-40-30 (62506)
স তৈঃ পুত্রৈস্তদা ধীমানানীতো বৈ সরস্বতীম্।
পুণ্যাং তীর্থশতোপেতাং বিপ্রসঙ্ঘৈর্নিষেবিতাম্॥ 9-40-31 (62507)
স তত্র বিধিনা রাজন্নাপ্লুত্য সুমহাতপাঃ।
জ্ঞাৎবা তীর্থগুণাংশ্চৈব প্রাহেদমৃষিসত্তমঃ।
সুপ্রীতঃ পুরুষব্যাঘ্র সর্বান্পুত্রানুপাসতঃ॥ 9-40-32 (62508)
সরস্বত্যুত্তরে তীরে যস্ত্যজেদাত্মনস্তনুম্।
পৃথূদকে জপ্যপরো নৈনং শ্বো মরণং তপেৎ॥ 9-40-33 (62509)
`ইত্যুক্ৎবা স্বাং তনুং ত্যক্ৎবা প্রপেদে বৈষ্ণবং পদম্'।
তত্রাপ্লুত্য স ধর্মাত্মা উপস্পৃশ্য হলায়ুধঃ।
দত্ৎবা চৈব বূহূন্দেয়ান্বিপ্রাণাং বিপ্রবৎসলঃ॥ 9-40-34 (62510)
সসর্জ যত্র ভগবাঁল্লোকাঁল্লোকপিতামহঃ॥ 9-40-35 (62511)
যত্রার্ষ্টিষেণঃ কৌরব্য ব্রাহ্মণ্যং সংশিতব্রতঃ।
তপসা মহতা রাজন্প্রাপ্তবানৃষিসত্তমঃ॥ 9-40-36 (62512)
সিন্ধুদ্বীপশ্চ রাজর্ষির্দেবাপিশ্চ মহাতপাঃ।
ব্রাহ্মণ্যং লব্ধবান্যত্র বিশ্বামিত্রস্তথা মুনিঃ॥ 9-40-37 (62513)
মহাতপস্বীং ভগবানুগ্রতেজা মহাতপাঃ।
তত্রাজগাম বলবান্বলভদ্রঃ প্রতাপবান্॥ ॥ 9-40-38 (62514)
ইতি শ্রীমন্মহাভারতে শল্যপর্বণি হ্রদপ্রবেশপর্বণি চৎবারিংশোঽধ্যায়ঃ॥ 40 ॥
Mahabharata - Shalya Parva - Chapter Footnotes
9-40-17 তীর্থমুপাস্পৃশদিতি শেষঃ॥ 9-40-24 ত্রিশঙ্খোরাশ্রমং তদা ইতি ক.পাঠঃ। রুশঙ্গোরাশ্রমং তদা ইতি ঝং. পাঠঃ॥ 9-40-33 অক্ষয়ং স্বর্গমাপ্নোতীত্যর্থঃ॥ 9-40-36 ব্রাহ্মণং ব্রহ্মসন্ঘাতো বেদসমূহ ইতি যাবৎ। ততঃ স্বার্থে ষ্যঞ্। ব্রাহ্মণং ব্রহ্মসঙ্ঘাতে ইতি মেদিনী॥ 9-40-40 চৎবারিংশোঽধ্যায়ঃ॥শল্যপর্ব - অধ্যায় 041
॥ শ্রীঃ ॥
9.41. অধ্যায়ঃ 041
Mahabharata - Shalya Parva - Chapter Topics
আর্ষ্টিষেণেন পৃথূদকতীর্থে তপশ্চর্যবা কৃৎস্নবেদাধিগমঃ॥ 1 ॥ বিশ্বামিত্রাদীনাং তত্তত্তীর্থে তপশ্চর্যযা ব্রাহ্মণ্যাধিগম॥ বলভদ্রস্য তত্র স্নানাদিপূর্বকং বকাশ্রমম্প্রতি গমনম্॥ 3 ॥Mahabharata - Shalya Parva - Chapter Text
9-41-0 (62515)
জনমেজয় উবাচ। 9-41-0x (5183)
আর্ষ্টিষেণস্তথা ব্রহ্মন্বিপুলং তপ্তবাংস্তপঃ।
সিন্ধুদ্বীপঃ কথং চাপি ব্রাহ্মণ্যং লব্ধবাংস্তদা॥ 9-41-1 (62516)
দেবাপিশ্চ কথং ব্রহ্মন্বিশ্বামিত্রশ্চ সত্তম।
তন্মমাচক্ষ্ব ভগবন্পরং কৌতূহলং হি মে॥ 9-41-2 (62517)
বৈশম্পায়ন উবাচ। 9-41-3x (5184)
পুরা কৃতয়ুগে রাজন্নার্ষ্টিষেণো দ্বিজোত্তমঃ।
বসন্গুরুকুলে নিত্যং নিত্যমধ্যযনে রতঃ॥ 9-41-3 (62518)
তস্য রাজন্গুরুকুলে বসতো নিত্যমেব চ।
সমাপ্তিং নাগমদ্বিদ্যা নাপি বেদা বিশাম্পতে॥ 9-41-4 (62519)
স নির্বিণ্ণস্ততো রাজংস্তপস্তেপে মহাতপাঃ।
ততো বৈ তপসা তেন প্রাপ্য বেদাননুত্তমান্॥ 9-41-5 (62520)
স বিদ্বান্বেদয়ুক্তশ্চ সিদ্ধশ্চাপ্যৃষিসত্তমঃ।
তত্র তীর্থে বরান্প্রাদাত্ত্রীনেব সুমহাতপাঃ॥ 9-41-6 (62521)
অস্মিংস্তীর্থে মহানদ্যা অদ্যপ্রভৃতি মানবঃ।
আপ্লুতো বাজিমেধস্য ফলং প্রাপ্স্যতি পুষ্কলম্॥ 9-41-7 (62522)
অদ্যপ্রভৃতি নৈবাত্র ভয়ং ব্যালাদ্ভবিষ্যতি।
অপি চাল্পেন কালেন ফলং প্রাপ্স্যতি পুষ্কলম্॥ 9-41-8 (62523)
এবমুক্ৎবা মহাতেজা জগাম ত্রিদিবং মুনিঃ।
এবং সিদ্বঃ স ভগবানার্ষ্টিষেণঃ প্রতাপবান্॥ 9-41-9 (62524)
তস্মিন্নেব তদা তীর্থে সিন্ধুদ্বীপঃ প্রতাপবান্।
দেবাপিশ্চ মহারাজ ব্রাহ্মণ্যং প্রাপতুর্মহৎ॥ 9-41-10 (62525)
তথাচ কৌশিকস্তাত তপোনিত্যো জিতেন্দ্রিয়ঃ।
তপসা বৈ সুতপ্তেন ব্রাহ্মণৎবমবাপ্তবান্॥ 9-41-11 (62526)
গাধির্নাম মহানাসীৎক্ষত্রিয়ঃ প্রথিতো ভুবি।
তস্য পুত্রোঽভবদ্রাজন্বিশ্বামিত্রঃ প্রতাপবান্॥ 9-41-12 (62527)
স রাজা কৌশিকস্তাত মহায়োগ্যভবৎকিল।
স পুত্রমভিষিচ্যাথ বিশ্বামিত্রং মহাতপাঃ॥ 9-41-13 (62528)
দেহন্যাসে মনশ্চক্রে তমূচুঃ প্রণতাঃ প্রজাঃ।
ন গন্তব্যং মহাপ্রাজ্ঞ ত্রাহি চাস্মান্মহাভয়াৎ॥ 9-41-14 (62529)
এবমুক্তঃ প্রত্যুবাচ ততো গাধিঃ প্রজাস্ততঃ।
বিশ্বস্য জগতো গোপ্তা ভবিষ্যতি সুতো মম॥ 9-41-15 (62530)
ইত্যুক্ৎবা তু ততো গাধির্বিশ্বামিত্রং নিবেশ্য চ।
জগাম ত্রিদিবং রাজন্বিশ্বামিত্রোঽভবন্নৃপঃ॥ 9-41-16 (62531)
ন স শক্নোতি পৃথিবীং যত্নবানপি রক্ষিতুম্।
ততঃ শুশ্রাব রাজা স রাক্ষসেভ্যো মহাভয়ম্॥ 9-41-17 (62532)
নির্যযৌ নগরাচ্চাপি চতুরঙ্গবলান্বিতঃ।
স গৎবা দূরমধ্বানং বসিষ্ঠাশ্রমমভ্যযাৎ॥ 9-41-18 (62533)
তস্য তে সৈনিকা রাজংশ্চক্রুস্তত্রানয়ান্বহূন্।
ততস্তু ভগবান্বিপ্রো বসিষ্ঠো শ্রমমভ্যযাৎ।
দদৃশেঽথ ততঃ সর্বং ভজ্যমানং মহাব্রনম্॥ 9-41-19 (62534)
তস্য ক্রুদ্ধো মহারাজ বসিষ্ঠো মুনিসত্তমঃ।
সৃজস্ব শবরান্ঘোরানিতি স্বাং গামুবাচ হ॥ 9-41-20 (62535)
তথোক্তা সাঽসৃজদ্ধেনুঃ পুরুষান্ঘোরদর্শনান্।
তে তু তদ্বলমাসাদ্য বভঞ্জুঃ সর্বতোদিশম্॥ 9-41-21 (62536)
তচ্ছ্রুৎবা বিদ্রুতং সৈন্যং বিশ্বামিত্রস্তু গাধিজঃ।
তপঃ পরং মন্যমানস্তপস্যেব মনো দধে॥ 9-41-22 (62537)
সোঽস্মিংস্তীর্থবরে রাজন্সরস্বত্যাঃ সমাহিতঃ।
নিয়মৈশ্চোপবাসৈশ্চ কর্শয়ন্দেহমাত্মনঃ॥ 9-41-23 (62538)
জলাহারো বায়ুভক্ষঃ পর্ণাহারশ্চ সোঽভবৎ।
তথা স্থণ্ডিলশায়ী চ যে চান্যে নিয়মাঃপৃথক্॥ 9-41-24 (62539)
অসকৃত্তস্য দেবাস্তু ব্রতবিঘ্নং প্রচক্রিরে।
ন চাস্য নিয়মাদ্বুদ্ধিরপয়াতি মহাত্মনঃ॥ 9-41-25 (62540)
ততঃ পরেণ যত্নেন তপ্ৎবা বহুবিধং তপঃ।
তেজসা ভাস্করাকারো গাধিজঃ সমপদ্যত॥ 9-41-26 (62541)
তপসা তু তথায়ুক্তং বিশ্বামিত্রং পিতামহঃ।
অমন্যত মহাতেজা বরদোঽদর্শয়ত্তদা॥ 9-41-27 (62542)
স তু বব্রে বরং রাজন্স্যামহং ব্রাহ্মণস্ৎবিতি।
তথেতি চাব্রবীদ্ব্রহ্মা সর্বলোকপিতামহঃ॥ 9-41-28 (62543)
স লব্ধ্বা তপসোগ্রেণ ব্রাহ্মণৎবং মহায়শাঃ।
বিচচার মহীং কৃৎস্নাং কৃতকামঃ সুরোপমঃ॥ 9-41-29 (62544)
তস্মিংস্তীর্থবরে রামঃ প্রদায় বিবিধং বসু।
পয়স্বিনীস্তথা ধেনূর্যানানি শয়নানি চ॥ 9-41-30 (62545)
অথ বস্ত্রাণ্যলঙ্কারং ভক্ষ্যং পেয়ং চ শোভনম্।
অদদন্মুদিতো রাজন্পূজয়িৎবা দ্বিজোত্তমান্॥ 9-41-31 (62546)
যয়ৌ রাজংস্ততো রামো বকস্যাশ্রমমন্তিকাৎ।
যত্র তেপে তপস্তীব্রং দাল্ভ্যো বক ইতি শ্রুতিঃ॥ ॥ 9-41-32 (62547)
ইতি শ্রীমন্মহাভারতে শল্যপর্বণি হ্রদপ্রবেশপর্বণি একচৎবারিংশোঽধ্যায়ঃ॥ 41 ॥
শল্যপর্ব - অধ্যায় 042
॥ শ্রীঃ ॥
9.42. অধ্যায়ঃ 042
Mahabharata - Shalya Parva - Chapter Topics
বলদেবস্যাবাকীর্ণতীর্থগমনম্॥ 1 ॥ বকমুনিচরিত্রকথনম্॥ 2 ॥ বলদেবস্য ততো বসিষ্ঠাপবাহতীর্থগমনম্॥ 3 ॥Mahabharata - Shalya Parva - Chapter Text
9-42-0 (62548)
বৈশম্পায়ন উবাচ। 9-42-0x (5185)
ব্রহ্ময়োনিভিরাকীর্ণং জগাম যদ্বুনন্দনঃ।
যত্র দাল্ভ্যো বকো রাজন্পশ্বর্থ সুমহাতপাঃ।
জুহাব ধৃতরাষ্ট্রস্য রাষ্ট্রং কোপসমন্বিতঃ॥ 9-42-1 (62549)
তপসা ঘোররূপেণ কর্শয়ন্দেহমাত্মনঃ।
ক্রোধেন মহতাঽঽবিষ্টো ধর্মাত্মা বৈ প্রতাপবান্॥ 9-42-2 (62550)
পুরা হি নৈমিশীয়ানাং সত্রে দ্বাদশবার্ষিকে।
বৃত্তে বিশ্বজিতোঽন্তে বৈ পাঞ্চালানৃষয়োঽগমন্॥ 9-42-3 (62551)
তত্রেশ্বরময়াচন্ত দক্ষিণার্থং মনস্বিনঃ।
`তত্র তে লেভিরে রাজন্পাঞ্চালেভ্যো মহর্ষয়ঃ।'
বলান্বিতান্বৎসতরান্নির্ব্যাধীন্সপ্তবিংশতিম্॥ 9-42-4 (62552)
তানব্রবীদ্বলো দাল্ভ্যো বিভজধ্বং পশূনিতি।
পশূনেতানহং ত্যক্ৎবা ভিক্ষিষ্যে রাজসত্তমম্॥ 9-42-5 (62553)
এবমুক্ৎবা বকো রাজন্নৃষীন্সর্বাংন্প্রতাপবান্।
জগাম ধৃতরাষ্ট্রস্য ভবনং ব্রাহ্মণোত্তমঃ॥ 9-42-6 (62554)
স সমীপগতো ভূৎবা ধৃতরাষ্ট্রং জনেশ্বরম্।
অয়াচত পশূন্দাল্ভ্যঃ স চৈনং রুষিতোঽব্রবীৎ॥ 9-42-7 (62555)
যদৃচ্ছয়া মৃতা দৃষ্ট্বা গাস্তদা নৃপসত্তমঃ।
এতান্পশূন্নয় ক্ষিপ্রং ব্রহ্মবন্ধো যদীচ্ছসি॥ 9-42-8 (62556)
ঋষিস্ৎবথ বকঃ ক্রুদ্ধশ্চিন্তয়ামাস ধর্মবিৎ।
অহো বত নৃশংসং বৈ বাক্যমুক্তোঽস্মি সংসদি॥ 9-42-9 (62557)
চিন্তয়িৎবা মুহূর্তেন রোষাবিষ্টো দ্বিজোত্তমঃ।
মতিং চক্রে বিনাশায় ধৃতরাষ্ট্রস্য ভূপতেঃ॥ 9-42-10 (62558)
স তূৎকৃত্য মৃতানাং বৈ মাংসানি মুনিসত্তমঃ।
জুহাব ধৃতরাষ্ট্রস্য রাষ্ট্রং নরপতেঃ পুরা॥ 9-42-11 (62559)
অবাকর্ণে সরস্বত্যাস্তীর্থে প্রজ্বাল্য পাবকম্।
xxxx দাল্ভ্যো মহারাজ নিয়মং পরমং স্থিতঃ॥ 9-42-12 (62560)
স তৈরেব জুহাবাগ্নৌ রাষ্ট্রং মাংসৈর্মহাতপঃ॥ 9-42-13 (62561)
তস্মিংস্তু বিধিবৎসত্রে সম্প্রবৃত্তে সুদারুণে।
অক্ষীয়ত ততো রাষ্ট্রং ধৃতরাষ্ট্রস্য পার্থিব॥ 9-42-14 (62562)
ছিxxxমানং xxxxxx পরশুনা বিভো
xxxxxxxxxxxx ব্যবকীর্থমচেতনম্॥ 9-42-15 (62563)
দৃষ্ট্বা তথাঽবকীর্ণং তু রাষ্ট্রং চ মনুজাধিপঃ।
বভূব দুর্মনা রাজা চিন্তয়ামাস চ প্রভুঃ॥ 9-42-16 (62564)
xxxxxxxxxরদ্যত্রং ব্রাহ্মণৈঃ সহিতঃ পুরা।
xxxxxগচ্ছত্তু ক্ষীয়তে রাষ্ট্রমেব চ॥ 9-42-17 (62565)
যদা স পার্থিবঃ খিন্নস্তে চ বিপ্রাস্তদাঽনঘ॥ 9-42-18 (62566)
যদা চাপি ন শক্নোতি রাষ্ট্রং মোক্ষয়িতুং নৃপঃ।
অথ বিপ্রাদিকাংস্তত্র পপ্রচ্ছ জনমেজয়॥ 9-42-19 (62567)
ততো বিপ্রাদিকাঃ প্রাহুঃ পশুবিপ্রকৃতস্ৎবয়া।
মাংসৈরভিজুহোতীদং তব রাষ্ট্রং মুনির্বকঃ॥ 9-42-20 (62568)
তেন তে হূয়মানস্য রাষ্ট্রস্যাস্য ক্ষয়ো মহান্।
তস্যৈতত্তপসঃ কর্ম যেন তেঽদ্য লয়ো মহান্॥ 9-42-21 (62569)
`যদীচ্ছসি মহাবাহো শান্তিং রাষ্ট্রস্য ভূমিপ।'
অপাং কুঞ্জে সরস্বত্যাস্তং প্রসাদয় পার্থিব॥ 9-42-22 (62570)
বৈশম্পায়ন উবাচ। 9-42-23x (5186)
সরস্বতীং ততো গৎবা স রাজা বকমব্রবীৎ।
নিপত্য শিরসা ভূমৌ প্রাঞ্জলির্ভরতর্ষভ॥ 9-42-23 (62571)
প্রসাদয়ে ৎবাং ভগবন্নপরাধং ক্ষমস্ব মে।
মম দীনস্য লুব্ধস্য মৌর্খ্যেণ হতচেতসঃ।
ৎবং গতিস্ৎবং চ মে নাথঃ প্রসাদং কর্তুমর্হসি॥ 9-42-24 (62572)
তং তথা বিলপন্তং তু শোকোপহতচেতসম্।
দৃষ্ট্বা তস্য কৃপা জজ্ঞে রাষ্ট্রং তস্য ব্যমোচয়ৎ॥ 9-42-25 (62573)
ঋষিঃ প্রসন্নস্তস্যাভূৎসংরম্ভং চ বিহায় সঃ।
মোক্ষার্থং তস্য রাজ্যস্য জুহাব পুনরাহুতিম্॥ 9-42-26 (62574)
মোক্ষয়িৎবা ততো র্ষ্ট্রং প্রতিগৃহ্য পশূন্বহূন্।
হৃষ্টাত্মা নৈমিশারণ্যং জগাম পুনরেব সঃ॥ 9-42-27 (62575)
ধৃতরাষ্ট্রোঽপি ধর্মাত্মা স্বস্থচেতা মহামনাঃ।
স্বমেব নগরং রাজন্প্রতিপেদে মহর্দ্ধিমৎ॥ 9-42-28 (62576)
তত্র তীর্থে মহারাজ বৃহস্পতিরুদারধীঃ।
অসুরাণামভাবায় ভবায় চ দিবৌকসাম্॥ 9-42-29 (62577)
মাংসৈরভিজুহাবেষ্টিমক্ষীয়ন্ত ততোঽসুরাঃ।
দৈবতৈরপি সম্ভগ্না জিতকাশিভিরাহবে॥ 9-42-30 (62578)
তত্রাপি বিধিবদ্দত্ৎবা ব্রাহ্মণেভ্যো মহায়শাঃ।
বাজিনঃ কুঞ্জরাংশ্চৈব রথাংশ্চশ্বতরীয়ুতান্॥ 9-42-31 (62579)
রত্নানি চ মহার্হাণি ধনং ধান্যং চ পুষ্কলম্।
যয়ৌ তীর্থং মহাবাহুর্যায়াতং পৃথিবীপতে॥ 9-42-32 (62580)
তত্র যজ্ঞে যয়াতেশ্চ মহারাজ সরস্বতী।
সর্পিঃ পয়শ্চ সুস্রাব নাহুষস্য মহাত্মনঃ॥ 9-42-33 (62581)
তত্রেষ্ট্বা পুরুষব্যাঘ্রো যয়াতিঃ পৃথিবীপতিঃ।
আক্রামদূর্ধ্বং পুদিতো লেভে লোকাংশ্চ পুষ্কলান্॥ 9-42-34 (62582)
পুনস্তত্র চ রাজ্ঞস্তু যয়াতের্যজতঃ প্রভোঃ।
ঔদার্যং পরমং কৃৎবা ভক্তিং চাত্মনি শাশ্বতীম্।
দদৌ কামান্ব্রাহ্মণেভ্যো বান্যান্যো মনসেচ্ছতি॥ 9-42-35 (62583)
যো যত্র স্থিত এবেহ আহূতো যজ্ঞসংস্তরে।
তস্যতস্য সরিচ্ছ্রেষ্ঠা গৃহাদি শয়নাদিকম্।
ষড্রসং ভোজনং চৈব দানং নানাবিধং তথা॥ 9-42-36 (62584)
তে মন্যমানা রাজ্ঞস্তু সম্প্রদানমনুত্তমম্।
রাজানং তুষ্টুবুঃ প্রীতা দত্ৎবা চৈবাশিষঃ শুভাঃ॥ 9-42-37 (62585)
তত্র দেবাঃ সগন্ধর্বাঃ প্রীতা যজ্ঞস্য সম্পদা।
বিস্মিতা মানুষাশ্চাসন্দৃষ্ট্বা তাং যজ্ঞসম্পদম্॥ 9-42-38 (62586)
ততস্তালকেতুর্মহাধর্মকেতু--
র্মহাত্মা কৃতাত্মা মহাদাননিত্যঃ।
বসিষ্ঠাপবাহং মহাভীমবেগং
ধৃতাত্মা জিতাত্মা সমভ্যাজগাম॥ ॥ 9-42-39 (62587)
ইতি শ্রীমন্মহাভারতে শল্যপর্বণি হ্রদপ্রবেশপর্বণি দ্বিচৎবারিংশোঽধ্যায়ঃ॥ 42 ॥
Mahabharata - Shalya Parva - Chapter Footnotes
9-42-1 ব্রহ্ময়োনেরবাকীর্ণমিতি ঝ.পাঠঃ। তত্র ব্রহ্ময়োনেঃ ব্রাহ্মণ্যোৎপাদকাত্তীর্থাদবাকীর্ণং নাম দ্বাল্ভ্যসেবিতং তীর্থং জগামেত্যর্থঃ ॥ 9-42-3 পাঞ্চলান্বিশ্বজিতো মহত্মান্তে অগমন্॥ 9-42-4 ঈশ্বরং পাশ্চালসজম্॥ 9-42-5 xxxxxxxxxxx খয়ং তত্র ভাগং ন গৃহীতবানিত্যর্থঃ॥ 9-42-19 অথ বৈ প্রাশ্নিকাংস্তত্রেতি ঝ পাঠঃ॥ 9-42-42 দ্বিচৎবারিংশোঽধ্যায়ঃ॥শল্যপর্ব - অধ্যায় 043
॥ শ্রীঃ ॥
9.43. অধ্যায়ঃ 043
Mahabharata - Shalya Parva - Chapter Topics
বসিষ্ঠাপবাহতীর্থস্য তন্নামপ্রাপ্তিপ্রকারকথনম্॥ 1 ॥Mahabharata - Shalya Parva - Chapter Text
9-43-0 (62588)
জনমেজয় উবাচ। 9-43-0x (5187)
বসিষ্ঠাপবাহো ব্রহ্মন্বৈ ভীমবেগঃ কথং নু সঃ।
কিমর্থং চ সরিচ্ছ্রেষ্ঠা তমৃষিং প্রত্যবাহয়ৎ॥ 9-43-1 (62589)
কথমস্যাভবদ্বৈরং কারণং কিং চ তৎপ্রভো।
শংস পৃষ্টো মহাপ্রাজ্ঞ ন হি তৃপ্যামি কথ্যতি॥ 9-43-2 (62590)
বৈশম্পায়ন উবাচ। 9-43-3x (5188)
বিশ্বামিত্রস্য বিপ্রর্ষের্বসিষ্ঠস্য চ ভারত।
ভৃশং বৈরমভূদ্রাজংস্তপঃস্পর্ধাকৃতং মহৎ॥ 9-43-3 (62591)
আশ্রমো বৈ বসিষ্ঠস্য স্থাণুতীর্থেঽভবন্মহান্।
পূর্বতঃ পার্শ্বতশ্চাসীদ্বিশ্বামিত্রস্য ধীমতঃ॥ 9-43-4 (62592)
যত্র স্থাণুর্মহারাজ তপ্তবান্পরমং তপঃ।
তত্রাস্য কর্ম তদ্ধোরং প্রবদন্তি মনীষিণঃ॥ 9-43-5 (62593)
যত্রেষ্ট্বা ভগবান্স্থাণুঃ পূজয়িৎবা সরস্বতীম্।
স্থাপয়ামাস তত্তীর্থং স্থাণুতীর্থমিতি প্রভো॥ 9-43-6 (62594)
তত্র তীর্থে সুরাঃ স্কন্দমভ্যষিঞ্চন্নরাধিপ।
সৈনাপত্যেন মহতা সুরারিবিনিবর্হণম্॥ 9-43-7 (62595)
তস্মিন্সারস্বতে তীর্থে বিশ্বামিত্রো মহামুনিঃ।
বসিষ্ঠং চালয়ামাস তপসোগ্রেণ তচ্ছৃণু॥ 9-43-8 (62596)
বিশ্বামিত্রবসিষ্ঠৌ তাবহন্যহনি ভারত।
স্পর্ধাং তপঃ কৃতাং তীব্রাং চক্রতুস্তৌ বতপোধনৌ॥ 9-43-9 (62597)
তত্রাপ্যধিকসন্তপ্তো বিশ্বামিত্রো মহামুনিঃ।
দৃষ্ট্বা তেজো বসিষ্ঠস্য চিন্তামভিজগাম হ॥ 9-43-10 (62598)
তস্য বুদ্ধিরিয়ং হ্যাসীদ্ধর্মনিত্যস্য ভারত।
ইদং সরস্বতী তূর্ণং মৎসমীপং তপোধনম্॥ 9-43-11 (62599)
আনয়িষ্যতি বেগেন বসিষ্ঠং জপতাং বরম্।
ইহাগতং দ্বিজশ্রেষ্ঠং হনিষ্যামি ন সংশয়ঃ॥ 9-43-12 (62600)
এবং নিশ্চিত্য ভগবান্বিশ্বামিত্রো মহামুনিঃ।
সস্মার সরিতাং শ্রেষ্ঠাং ক্রোধসংরক্তলোচনঃ॥ 9-43-13 (62601)
সা ধ্যাতা মুনিনা তেন ব্যাকুলৎবং জগাম হ।
গৎবা চৈনং মহাবীর্যং মহাকোপং চ ভামিনী॥ 9-43-14 (62602)
তদা তং বেপমানাঙ্গী বিবর্ণা প্রাঞ্জলির্ভৃশম্।
উপতস্থে মুনিবরং বিশ্বামিত্রং সরস্বতী॥ 9-43-15 (62603)
হতবীরা যথা নারী সাঽভবদ্দুঃখিতা ভৃশম্।
ব্রূহি কিং করবাণীতি প্রোবাচ মুনিসত্তমম্॥ 9-43-16 (62604)
তামুবাচ মুনিঃ ক্রুদ্ধো বসিষ্ঠং শীঘ্রমানয়।
যাবদেনং নিহন্ম্যদ্য তচ্ছ্রুৎবা ব্যথিতা নদী॥ 9-43-17 (62605)
সাঞ্জলিং তু ততঃ কৃৎবা পুণ্ডরীকনিভেক্ষণা।
প্রাকম্পত ভৃশং ভীতা বায়ুনেবাহতা লতা॥ 9-43-18 (62606)
তথারূপাং তু তাং দৃষ্ট্বা মুনিরাহ মহানদীম্।
অবিচারং বসিষ্ঠং ৎবমানয়স্ৎবান্তিকং মম॥ 9-43-19 (62607)
সা তস্য বচনং শ্রুৎবা জ্ঞাৎবা পাপং চিকীর্ষিতম্।
বসিষ্ঠস্য প্রভাবং চ জানন্ত্যপ্রতিমং ভুবি॥ 9-43-20 (62608)
সাঽভিগম্য বসিষ্ঠং চ ইদমর্থমচোদয়ৎ।
যদুক্তা সরিতাংশ্রেষ্ঠা বিশ্বামিত্রেণ ধীমতা॥ 9-43-21 (62609)
উভয়োঃ শাপয়োর্ভীতা বেপমানা পুনঃপুনঃ।
চিন্তয়িৎবা মহাশাপমৃষিবিপ্রাসিতা ভৃশম্॥ 9-43-22 (62610)
তাং কৃশাং চ বিবর্ণাং চ দৃষ্ট্বা চিন্তাসমন্বিতাম্।
উবাচ রাজন্ধর্মাত্মা বসিষ্ঠো দ্বিপদাং বরঃ॥ 9-43-23 (62611)
পাহ্যাত্মানং সরিচ্ছেষ্ঠে বহ মাং শীঘ্রগামিনী।
বিশ্বামিত্রঃ শপেদ্বি ৎবাং মা কৃথাস্ৎবং বিচারণাম্॥ 9-43-24 (62612)
তস্য তদ্বচনং শ্রুৎবা কৃপাশীলস্য সা সরিৎ।
চিন্তয়ামাস কৌরব্য কিং কৃৎবা সুকৃতং ভবেৎ॥ 9-43-25 (62613)
তস্যাশ্চিন্তা সমুৎপন্না বসিষ্ঠো ময়্যতীব হি।
কৃতবান্হি দয়াং নিত্যং তস্যা কার্যং হিতং ময়া॥ 9-43-26 (62614)
অথ কূলে স্বকে রাজঞ্জপন্তমৃষিসত্তমম্।
জুহ্বানং কৌশিকং প্রেক্ষ্য সরস্বত্যভ্যচিন্তয়ৎ॥ 9-43-27 (62615)
ইদমন্তরমিত্যেবং ততঃ সা সরিতাং বরা।
কূলাপহারমকরোৎস্বেন বেগেন সা সরিৎ॥ 9-43-28 (62616)
তেন কূলাপহারেণ মৈত্রাবরুণিরৌহ্যত।
উহ্যমানঃ স তুষ্টাব তদা রাজন্সরস্বতীম্॥ 9-43-29 (62617)
পিতামহস্য সরসঃ প্রবৃত্তাঽসি সরস্বতি।
ব্যাপ্তং চেদং জগৎসর্বং তবৈবাম্ভোভিরুত্তমৈঃ॥ 9-43-30 (62618)
ৎবমেবাকাশগা দেবি মেঘেষু সৃজসে পয়ঃ।
সর্বাশ্চাপস্ৎবমেবেতি যথা বয়মধীমহি॥ 9-43-31 (62619)
পুষ্টির্দ্যুতিস্তথা কীর্তিঃ সিদ্ধির্বুদ্ধিরমা তথা।
ৎবমেব বাণী স্বাহা ৎবং তবায়ত্তমিদং জগৎ।
ৎবমেব সর্বভূতেষু বসসীহ চতুর্বিধা॥ 9-43-32 (62620)
বৈশম্পায়ন উবাচ। 9-43-33x (5189)
এবং সরস্বতী রাজন্স্তূয়মানা মহর্ষিণা।
বেগেনোবাহ তং বিপ্রং বিশ্বামিত্রাশ্রমং প্রতি॥ 9-43-33 (62621)
ন্যবেদয়ত চাক্ষীক্ষ্ণং বিশ্বামিত্রায় তং মুনিম্॥ 9-43-34 (62622)
তমানীতং সরস্বত্যা দৃষ্ট্বা কোপসমন্বিতঃ।
অথান্বেষৎপ্রহরণং বসিষ্ঠান্তকরং তদা॥ 9-43-35 (62623)
তং তু ক্রুদ্ধমভিপ্রেক্ষ্য ব্রহ্মবধ্যাভয়ান্নদী।
অপোবাহ বসিষ্ঠং তু প্রাচীং দিশমতন্দ্রিতা।
উভয়োঃ কুর্বতী বাক্যং বঞ্চয়িৎবা চ গাধিজম্॥ 9-43-36 (62624)
ততোপবাহিতং দৃষ্ট্বা বসিষ্ঠমৃষিসত্তমম্।
অব্রবীত্ৎবথ সঙ্ক্রুদ্ধো বিশ্বামিত্রঃ সরস্বতীম্॥ 9-43-37 (62625)
যস্মান্মাং ৎবং সরিচ্ছ্রেষ্ঠে বঞ্চয়িৎবা পুনর্গতা।
শোণিতং বহ কল্যাণি রাক্ষসানাং চ সম্মতম্॥ 9-43-38 (62626)
ততঃ সরস্বতী শপ্তা বিশ্বামিত্রেণ ধীমতা।
অবহচ্ছোণিতোন্মিশ্রং তোয়ং সংবৎসরং তদা॥ 9-43-39 (62627)
অথর্ষয়শ্চ দেবাশ্চ গন্ধর্বাপ্সরসস্তদা।
সরস্বতীং তথা দৃষ্ট্বা বভূবুর্ভৃশদুঃখিতাঃ॥ 9-43-40 (62628)
এবং বসিষ্ঠাপবাহো লোকে খ্যাতো জনাধিপ।
আগচ্ছচ্চ পুনর্মার্গং স্বমেব সরিতাং বরা॥ ॥ 9-43-41 (62629)
ইতি শ্রীমন্মহাভারতে শল্যপর্বণি হ্রদপ্রবেশপর্বণি ত্রিচৎবারিংশোঽধ্যায়ঃ॥ 43 ॥
শল্যপর্ব - অধ্যায় 044
॥ শ্রীঃ ॥
9.44. অধ্যায়ঃ 044
Mahabharata - Shalya Parva - Chapter Topics
বিশ্বামিত্রশাপাদ্রুধিরজলায়াঃ সরস্বত্যা ঋষিভিস্বপসা শোধনম্॥ 1 ॥ ইন্দ্রেণ সরস্বত্যরুণাসঙ্গমে যজনাদিনা ব্রহ্মহত্যাপরিহরণম্॥ 2 ॥ বলরামস্য তত্র স্নানাদিপূর্বকং তস্মাৎসোমতীর্থগমনম্॥ 3 ॥Mahabharata - Shalya Parva - Chapter Text
9-44-0 (62630)
বৈশম্পায়ন উবাচ। 9-44-0x (5190)
স শপ্তা তেন ক্রুদ্ধেন বিশ্বামিত্রেণ ধীমতা।
তস্মিংস্তীর্থবরে শুভ্রং শোণিতং সমুপাবহৎ॥ 9-44-1 (62631)
অথাজগ্মুস্ততো রাজন্রাক্ষসাস্তত্র ভারত।
তত্র তে শোণিতং সর্বে পিবন্তঃ সুখমাসতে॥ 9-44-2 (62632)
তৃপ্তাশ্চ সুভৃশং তেন সুখিতা বিগতজ্বরাঃ।
নৃত্যন্তশ্চ হসন্তশ্চ যথা স্বর্গজিতস্তথা॥ 9-44-3 (62633)
কস্যচিত্ৎবথ কালস্য ঋষয়ঃ সুতপোধনাঃ।
তীর্থয়াত্রাং সমাজগ্মুঃ সরস্বত্যাং মহীপতে॥ 9-44-4 (62634)
তেষু সর্বেষু তীর্থেষু স্বাপ্লুত্য মুনিপুঙ্গবাঃ।
প্রাপ্য প্রীতিং পরাং চাপি তপোলুপ্ধা বিশারদাঃ॥ 9-44-5 (62635)
প্রয়যুর্হি ততো রাজন্যেন তীর্থমসৃগ্বহম্।
অথাগম্য মহাভাগাস্তত্তীর্থং দারুণং তদা॥ 9-44-6 (62636)
দৃষ্ট্বা তোয়ং সরস্বত্যাঃ শোণিতেন পরিপ্লুতম্।
পীয়মানং চ রক্ষোভির্বহুভির্নৃপসত্তম॥ 9-44-7 (62637)
তান্দৃষ্ট্বা রাক্ষসান্রাজন্মুনয়ঃ সংশিতব্রতাঃ।
পরিত্রাণে সরস্বত্যাঃ পরং যত্নং প্রচক্রিরে॥ 9-44-8 (62638)
তে তু সর্বে মহাভাগাঃ সমাগম্য মহাব্রতাঃ।
আহূয় সরিতাং শ্রেষ্ঠামিদং বচনমব্রুবন্॥ 9-44-9 (62639)
কারণং ব্রূহি কল্যাণি কিমর্থং তে হৃদো হ্যযম্।
এবমগ্রাহ্যতাং যাতঃ শ্রুৎবাঽধ্যাস্যামহে বয়ম্॥ 9-44-10 (62640)
ততঃ সা সর্বমাচষ্ট যথাবৃত্তং প্রবেপতী।
দুঃখিতামথ তাং দৃষ্ট্বা ঊচুস্তে বৈ তপোধনাঃ॥ 9-44-11 (62641)
কারণং শ্রুতমস্মাভিঃ শাপশ্চৈব শ্রুতোঽনঘে।
করিষ্যন্তি তু যৎপ্রাপ্তং সর্ব এব তপোধনাঃ॥ 9-44-12 (62642)
এবমুক্ৎবা সরিচ্ছ্রেষ্ঠামূচুস্তেঽথ পরস্পরম্।
বিমোচয়ামহে সর্বে শাপাদেতাং সরস্বতীম্॥ 9-44-13 (62643)
তে সর্বে ব্রাহ্মণা রাজংস্তপোভির্নিয়মৈস্তথা।
উপবাসৈশ্চ বিবিধৈর্যমৈঃ কষ্টব্রতৈস্তথা॥ 9-44-14 (62644)
আরাধ্য পশুভর্তারং মহাদেবং জগৎপতিম্।
মোক্ষয়ামাসুস্তাং দেবীং সরিচ্ছ্রেষ্ঠাং সরস্বতীম্॥ 9-44-15 (62645)
তেষাং তু সা প্রভাবেণ প্রকৃতিস্থা সরস্বতী।
প্রসন্নসলিলা জজ্ঞে যথা পূর্বং তথৈব হি।
নির্মুক্তা চ সরিচ্ছ্রেষ্ঠা বিবভৌ সা যথা পুরা॥ 9-44-16 (62646)
দৃষ্ট্বা তোয়ং সরস্বত্যা মুনিভিস্তৈস্তথা কৃতম্।
তানেব শরণং জগ্মূ রাক্ষসাঃ ক্ষুধিতাস্তথা॥ 9-44-17 (62647)
কৃৎবাঞ্জলিং ততো রাজন্রাক্ষসাঃ ক্ষুধয়াঽর্দিতাঃ।
ঊচুস্তান্বৈ মুনীন্সর্বান্কৃপায়ুক্তান্পুনঃপুনঃ॥ 9-44-18 (62648)
বয়ং চ ক্ষুধিতাশ্চৈব ধর্মাদ্ধীনাশ্চ শাশ্বতাৎ।
ন চ নঃ কামকারোঽয়ং যদ্বয়ং পাপকারিণা॥ 9-44-19 (62649)
যুষ্মাকং চাপ্রসাদেন দুষ্কৃতেন চ কর্মণা।
পক্ষোঽয়ং বর্ধতেঽস্মাকং যতঃ স্মো ব্রহ্মরাক্ষসাঃ।
যোষিতাং চৈব পাপেন যোনিদোষকৃতেন চ॥ 9-44-20 (62650)
এবং হি বৈশ্যশূদ্রাণাং ক্ষত্রিয়াণাং তথৈব চ।
যে ব্রাহ্মণান্প্রদ্বিষন্তি তে ভবন্তীহ রাক্ষসাঃ॥ 9-44-21 (62651)
`শক্তিমন্তোঽপি যে কেচিদাশ্রিতানাং চ রক্ষণম্।
ন কুর্বন্তি মনুষ্যাস্তে সম্ভবন্তীহ রাক্ষসাঃ'॥ 9-44-22 (62652)
আচার্যমৃৎবিজং চৈব গুরুং বৃদ্বজনং তথা।
প্রণিনো যেঽবমন্যন্তে তে ভবন্তীহ রাক্ষসাঃ॥ 9-44-23 (62653)
তৎকুরুধ্বমিহাস্মাকং তারণং দ্বিজসত্তমাঃ।
শক্তা ভবন্তঃ সর্বেষাং লোকানামপি তারণে॥ 9-44-24 (62654)
তেষাং তু বচনং শ্রুৎবা তুষ্টুবুস্তাং মহানদীম্।
মোক্ষার্থং রক্ষসাং তেষামূচুঃ প্রয়তমানসাঃ॥ 9-44-25 (62655)
ঋষয় ঊচুঃ। 9-44-26x (5191)
ক্ষুতং কীটাবপন্নং চ যচ্চোচ্ছিষ্টাচিতং ভবেৎ।
সকেশমবধূতং চ রুদিতোপহতং চ যৎ॥ 9-44-26 (62656)
শ্বভিঃ সংসৃষ্টমন্নং চ ভাগোঽসৌ রক্ষসামিহ।
তস্মাজ্জ্ঞাৎবা সদা বিদ্বানেতান্যত্নাদ্বিবর্জয়েৎ।
রাক্ষসান্নমসৌ ভুঙ্ক্তে যো ভুঙ্ক্তে হ্যন্নমীদৃশম্॥ 9-44-27 (62657)
শোধয়িৎবা ততস্তীর্থমৃষয়স্তে তপোধনাঃ।
মোক্ষার্থং রাক্ষসানাং চ নদীং তাং প্রত্যচোদয়ন্॥ 9-44-28 (62658)
মহর্ষীণাং মতং জ্ঞাৎবা ততঃ সা সরিতাং বরা।
অরুণামানয়ামাস স্বাং তনুং পুরুষর্ষভ॥ 9-44-29 (62659)
তস্যান্তেরাক্ষসাঃ স্নাৎবা তনূস্ত্যক্ৎবা দিবং গতাঃ।
অরুণায়াং মহারাজ ব্রহ্মবধ্যাপহা হি সা॥ 9-44-30 (62660)
এতমর্থমভিজ্ঞায় দেবরাজঃ শতক্রতুঃ।
তস্মিংস্তীর্থে বরে স্নাৎবা বিমুক্তঃ পাপ্মনা কিল॥ 9-44-31 (62661)
জনমেজয় উবাচ। 9-44-32x (5192)
কিমর্থং ভগবাঞ্শক্রো ব্রহ্মবধ্যামবাপ্তবান্।
কথমস্মিংশ্চ তীর্থে বৈ আপ্লুত্যাকল্মষোঽভবৎ॥ 9-44-32 (62662)
বৈশম্পায়ন উবাচ। 9-44-33x (5193)
শৃণুষ্বৈতদুপাখ্যানং যথাবৃত্তং জনেশ্বর।
যথা বিভেদ সময়ং নমুচের্বাসবঃ পুরা॥ 9-44-33 (62663)
জমুচির্বাসবাদ্ভীতঃ সূর্যরশ্মিং সমাবিশৎ।
তেনেন্দ্রঃ সখ্যমকরোৎসময়ং চেদমব্রবীৎ॥ 9-44-34 (62664)
ন চার্দ্রেণ ন শুষ্কেণ ন রাত্রৌ নাপি চাহনি।
বধিষ্যাম্যসুরশ্রেষ্ঠ সখে সত্যেন তে শপে॥ 9-44-35 (62665)
এবং স কৃৎবা সময়ং দৃষ্ট্বা নীহাস্মীশ্বরঃ।
চিচ্ছেদাস্য শিরো রাজন্নপাং ফেনেন বাসবঃ॥ 9-44-36 (62666)
তচ্ছিরো নমুচেশ্ছিন্নং পৃষ্ঠতঃ শক্রমন্বিয়াৎ।
ভোভো মিত্রহ পাপেতি ব্রুবাণং শক্রমন্তিকাৎ॥ 9-44-37 (62667)
এবং স শিরসা তেন চোদ্যমানঃ পুনঃ পুনঃ।
পিতামহায় সন্তপ্ত এতমর্থং ন্যবেদয়ৎ॥ 9-44-38 (62668)
তমব্রবীল্লোকগুরুররুণায়াং যথাবিধি।
ইষ্ট্বোপস্পৃশ দেবেন্দ্র তীর্থে পাপভয়াপহে॥ 9-44-39 (62669)
[এষা পুণ্যজলা শক্র কৃতা মুনিভিরেব তু।
নিগূঢমস্যাগমনমিহাসীৎপূর্বমেব তু॥ 9-44-40 (62670)
ততোঽভ্যেত্যারুণাং দেবীং প্লাবয়ামাস বারিণা।
সরস্বত্যারুণায়াশ্চ পুণ্যোঽয়ং সঙ্গমো মহান্॥ 9-44-41 (62671)
ইহ ৎবং যজ দেবেন্দ্র দদ দানান্যনেকশঃ।
অত্রাপ্লুত্য সুঘোরাত্ৎবং পাতকাদ্বিপ্রমোক্ষ্যসে॥] 9-44-42 (62672)
ইত্যুক্তঃ স সরস্বত্যাঃ কুঞ্জে বৈ জনমেজয়।
ইষ্ট্বা যথাবদ্বলভিদরুণায়ামুপাস্পৃশৎ॥ 9-44-43 (62673)
স মুক্তঃ পাপ্মনা তেন ব্রহ্মবধ্যাকৃতেন চ।
জগাম সংহৃষ্টমনাস্ত্রিদিবং ত্রিদশেশ্বরঃ॥ 9-44-44 (62674)
শিরস্তচ্চাপি নমুচেস্তত্রৈবাপ্লুত্য ভারত।
লোকান্কামদুধাৎপ্রাপ্তমক্ষয়ান্রাজসত্তম॥ 9-44-45 (62675)
বৈশপায়ন উবাচ। 9-44-46x (5194)
তত্রাপ্যুপস্পৃশ্য বলো মহাত্মা
দত্ৎবা চ দানানি পৃথগ্বিধানি।
অবাপ্য ধর্মং পরমার্যকর্মা
জগাম সোমস্য মহৎসুতীর্থম্॥ 9-44-46 (62676)
যত্রায়জদ্রাজসূয়েন সোমঃ
সাক্ষাৎপুরা বিধিবৎপার্থিবেন্দ্র।
অত্রির্ধীমান্ব্রহ্মপুত্রো বভূব
হোতা যস্মিন্ক্রতুমুখ্যে মহাত্মা॥ 9-44-47 (62677)
যস্যান্তেঽভূৎসুমহদ্দানবানাং
দৈতেয়ানাং রাক্ষসানাং চ দেবৈঃ।
সঙ্গ্রামো বৈ তারকাখ্যঃ সুতীব্রো
যত্র স্কন্দস্তারকাখ্যং জঘান॥ 9-44-48 (62678)
সৈনাপত্যং লব্ধবান্দৈবতানাং
মহাসেনো যত্র দৈত্যান্তকর্তা।
সাক্ষাচ্চৈবং ন্যবসৎকার্তিকেয়ঃ
সদা কুমারো যত্র স প্লুক্ষরাজঃ॥ ॥ 9-44-49 (62679)
ইতি শ্রীমন্মহাভারতে শল্যপর্বণি হ্রদপ্রবেশপর্বণি চতুশ্চৎবারিংশোঽধ্যায়ঃ॥ 44 ॥
Mahabharata - Shalya Parva - Chapter Footnotes
9-44-10 অধ্যাস্যামহে অধ্যবসায়ং করিষ্যামহে॥ 9-44-49 সদা কুমারো যত্র নক্ষত্রধর্মা ইতি ক.পাঠঃ। যত্র নক্ষত্রকামঃ ইতি ঙ.পাঠঃ॥ 9-44-44 চতুশ্চৎবারিংশোঽধ্যায়ঃ॥শল্যপর্ব - অধ্যায় 045
॥ শ্রীঃ ॥
9.45. অধ্যায়ঃ 045
Mahabharata - Shalya Parva - Chapter Topics
কুমারোৎপত্তিবর্ণনম্॥ 1 ॥Mahabharata - Shalya Parva - Chapter Text
9-45-0 (62680)
জনমেজয় উবাচ। 9-45-0x (5195)
সরস্বত্যাঃ প্রভাবোঽয়মুক্তস্তে দ্বিজসত্তম।
কুমারস্যাভিষেকং তু ব্রহ্মন্নাখ্যাতুমর্হসি॥ 9-45-1 (62681)
যস্মিন্দেশে চ কালে চ যথা চ বদতাং বর।
যৈশ্চাভিষিক্তো ভগবান্বিধিনা যেন চ প্রভুঃ॥ 9-45-2 (62682)
স্কন্দো যথা চ দৈত্যানামকরোৎকদনং মহৎ।
তথা মে সর্বমাচক্ষ্ব পরং কৌতূহলং হি মে॥ 9-45-3 (62683)
বৈশম্পায়ন উবাচ। 9-45-4x (5196)
কুরুবংশস্য সদৃশং কৌতূহলমিদং তব।
হর্ষমুৎপাদয়ৎবেব বচো মে জনমেজয়॥ 9-45-4 (62684)
হন্ত তে কথয়িষ্যামি শৃণ্বানস্য নরাধিপ।
অভিষেকং কুমারস্য প্রভাবং চ মহাত্মনঃ॥ 9-45-5 (62685)
তেজো মাহেশ্বরং স্কন্নমগ্নৌ প্রপতিতং পুরা।
তৎসর্বং ভগবানগ্নির্নাশকদ্ধর্তুমক্ষয়ম্॥ 9-45-6 (62686)
তেন সীদতি তেজস্বী দীপ্তিমান্হব্যবাহনঃ।
ন চৈবং ধারয়ামাস ব্রহ্মণে উক্তবান্প্রভুঃ॥ 9-45-7 (62687)
স গঙ্গামুপসগম্য নিয়োগাদ্ব্রহ্মণঃ প্রভুঃ।
গর্ভমাহিতবান্দিব্যং ভাস্করোপমতেজসম্॥ 9-45-8 (62688)
অথ গঙ্গাপি তং গর্ভমসহন্তী বিধারণে
উৎসসর্জ গিরৌ রম্যে হিমবত্যমরার্চিতে॥ 9-45-9 (62689)
স তত্র ববৃধে লোকানাবৃত্য জ্বলনাত্মজঃ।
দদৃশুর্জ্বলনাকারং তং গর্ভমথ কৃত্তিকাঃ॥ 9-45-10 (62690)
শরস্তম্বে মহাত্মানমনলাত্মজমীশ্বরম্।
মমায়মিতি তাঃ সর্বাঃ পুত্রার্থিন্যোঽভিচুক্রুশুঃ॥ 9-45-11 (62691)
তাসাং বিদিৎবা ভাবং তং মাতৄণাং ভগবান্প্রভুঃ।
প্রস্নুতানাং পয়ঃ ষড্ভির্বদনৈরপিবত্তদা॥ 9-45-12 (62692)
তং প্রভাবং সমালক্ষ্য তস্য বালস্য কৃত্তিকাঃ।
পরং বিস্ময়মাপন্না দেব্যো দিব্যবপুর্ধরাঃ॥ 9-45-13 (62693)
যত্রোৎসৃষ্টশ্চ গর্ভঃ স গঙ্গয়া নিরিমূর্ধনি।
স শৈলঃ কাঞ্চনঃ সর্বঃ সম্বভৌ মেরুবত্তদা॥ 9-45-14 (62694)
বর্ধতা চৈব গর্ভেণ পৃথিবী তেন রঞ্জিতা।
অতশ্চ সর্বে সংবৃত্তা গিরয়ঃ কাঞ্চনাত্মকাঃ॥ 9-45-15 (62695)
কুমারঃ সুমহাবীর্যঃ কার্তিকেয় ইতি স্মৃতঃ।
গাঙ্গেয়ঃ পূর্বমভবন্মহাকায়ো বলান্বিতঃ॥ 9-45-16 (62696)
শমেন তপসা চৈব বীর্যেণ চ সমন্বিতঃ।
ববৃধেঽতীব রাজেন্দ্র চন্দ্রবৎপ্রিয়দর্শনঃ। 9-45-17 (62697)
স তস্মিন্কাঞ্চনে দিব্যে শরস্তম্বে শ্রিয়া বৃতঃ।
স্তয়মানঃ সদা শেতে গন্ধর্বৈর্মুনিভিস্তথা॥ 9-45-18 (62698)
তথৈনমন্বনৃত্যন্ত দেবকন্যাঃ সহস্রশঃ।
দিব্যবাদিত্রনৃত্যজ্ঞাঃ স্তুবন্ত্যশ্চারুদর্শনাঃ॥ 9-45-19 (62699)
অন্বয়ুশ্চাগ্নয়ঃ সর্বে গঙ্গা চ সরিতাং বরা।
দধার পৃথিবী চৈনং বিভ্রতী রূপমুত্তমম্। 9-45-20 (62700)
জাতকর্মাদিকাস্তস্য ক্রিয়াশ্চক্রে বৃহস্পতিঃ।
বেদশ্চৈনং চতুর্মূর্তিরপতস্থে কৃতাঞ্জলিঃ॥ 9-45-21 (62701)
ধনুর্বেদশ্চতুষ্পাদঃ সাস্ত্রগ্রামঃ সসঙ্গ্রহঃ।
তত্রৈনং সমুপাতিষ্ঠৎসাক্ষাদ্বাণী চ কেবলা॥ 9-45-22 (62702)
স দদর্শ মহাত্মানং দেবদেবমুমাপতিঃ।
শৈলপুত্র্যা সমাগম্যভূতসঙ্ঘশতৈর্বৃতঃ॥ 9-45-23 (62703)
নিকায়া ভূতসঙ্ঘানাং পরমাদ্ভুতদর্শনাঃ।
বিকৃতা বিকৃতাকারা বিকৃতাভরণধ্বজাঃ॥ 9-45-24 (62704)
ব্যাঘ্রসিংহর্ক্ষবদনা বিডালমকরাননাঃ।
বৃষদংশমুখাশ্চান্যে গজোষ্ট্রবদনাস্তথা॥ 9-45-25 (62705)
উলূকবদনাঃ কেচিদ্গৃধ্রগোমায়ুদর্শনাঃ।
ক্রৌঞ্চপারাবতনিভৈর্বদনৈ রাঙ্কবৈরপি॥ 9-45-26 (62706)
শ্বাবিচ্ছল্যকগোধানামজৈডকগবাং তথা।
সদৃশানি বপূংষ্যন্যে তত্রতত্র ব্যধারয়ন্॥ 9-45-27 (62707)
কেচিচ্ছেলাম্বুদপ্রখ্যাশ্চক্রালাতগদায়ুধাঃ।
কেচিদঞ্জনপুঞ্জাভাঃ কেচিচ্ছ্বেতাচলপ্রভাঃ॥ 9-45-28 (62708)
সপ্তমাতৃগণাশ্চৈব সমাজগ্মুর্বিশাম্পতে।
সাধ্যা বিশ্বেঽথ মরুতো বসবঃ পিতরস্তথা॥ 9-45-29 (62709)
রুদ্রাদিত্যাস্তথা সিদ্ধা ভুজগা দানবাঃ খগাঃ।
ব্রহ্মা স্বয়ম্ভূর্ভগবান্সপুত্রঃ সহবিষ্ণুনা॥ 9-45-30 (62710)
শক্রস্তথাঽভ্যযাদ্দ্রষ্টুং কুমারমমিতপ্রভম্।
নারদপ্রমুখাশ্চাপি দেবগন্ধর্বসত্তমাঃ॥ 9-45-31 (62711)
দেবর্ষয়শ্চ সিদ্ধাশ্চ বৃহস্পতিপুরোগমাঃ।
পিতরো জগতঃ শ্রেষ্ঠা দেবানামপি দেবতাঃ।
তেঽপি তত্র সমাজগ্মুর্যামা ধামাশ্চ সর্বশঃ॥ 9-45-32 (62712)
স তু বালোঽপি বলবান্মহায়োগবলান্বিতঃ।
অভ্যাজগাম দেবেশং শূলহস্তং পিনাকিনম্॥ 9-45-33 (62713)
তমাব্রজন্তমালক্ষ্য শিবস্যাসীন্মনোগতম্।
যুগপচ্ছৈলপুত্র্যাশ্চ গঙ্গায়াঃ পাবকস্য চ॥ 9-45-34 (62714)
কং নু পূর্বময়ং বালো গৌরবাদভ্যুপৈষ্যতি।
অপি মামিতি সর্বেষাং তেষামাসীন্মনোগতম্॥ 9-45-35 (62715)
তেষামেতমভিপ্রায়ং চতুর্ণামুপলক্ষ্য সঃ।
যুগপদ্যোগমাস্থায় সসর্জ বিবিধাস্তনূঃ॥ 9-45-36 (62716)
ততোঽভবচ্চতুর্মূর্তিঃ ক্ষণেন ভগবান্প্রভুঃ।
তস্য শাখো বিশাখশ্চ নৈগমেয়শ্চ পৃষ্ঠতঃ॥ 9-45-37 (62717)
এবং স কৃৎবা হ্যাত্মানং চতুর্ধা ভগবান্প্রভুঃ।
যতো রুদ্রস্ততঃ স্কন্দো জগামাদ্ভুতদর্শনঃ॥ 9-45-38 (62718)
বিশাখস্তু যয়ৌ দেবীং ততো গিরিবরাত্মজাম্।
শাখো যয়ৌ স ভগবান্দিব্যমূর্তির্বিভাবসুম্॥ 9-45-39 (62719)
নৈগমেয়োঽগমদ্গঙ্গাং কুমারঃ পাবকপ্রভঃ॥ 9-45-40 (62720)
সর্বে ভাসুরদেহাস্তে চৎবারঃ সমরূপিণঃ।
তান্সমভ্যযুরব্যগ্রাস্তদদ্ভুতমিবাভবৎ॥ 9-45-41 (62721)
হাহাকারো মহানাসীদ্দেবদানবরক্ষসাম্।
তদ্দৃষ্ট্বা মহদাশ্চর্যমদ্ভুতং রোমহর্ষণম্॥ 9-45-42 (62722)
ততো রুদ্রশ্চ দেবী চ পাবকশ্চ পিতামহম্।
গঙ্গয়া সহিতাঃ সর্বে প্রণিপেতুর্জগৎপতিম্॥ 9-45-43 (62723)
প্রণিপত্য ততস্তে তু বিধিবদ্রাজপুঙ্গব।
ইদমূচুর্বচো রাজন্কার্তিকেয়প্রিয়েপ্সয়া॥ 9-45-44 (62724)
অস্য বালস্য ভগবন্নাধিপত্য যথেপ্সিতম্।
অস্মৎপ্রিয়ার্থং দেবেশ সদৃশং দাতুমর্হসি॥ 9-45-45 (62725)
ততঃ স ভগবান্ধীমান্সর্বলোকপিতামহঃ।
মনসা চিন্তয়ামাস কিময়ং লভতামিতি॥ 9-45-46 (62726)
ঐশ্বর্যাণি চ সর্বাণি দেবগন্ধর্বরক্ষসাম্।
ভূতয়ক্ষবিহঙ্গানাং পন্নগানাং চ সর্বশঃ॥ 9-45-47 (62727)
সর্বমেবাদিদেশাসৌ কৌরবেয় মহাত্মনঃ।
সমর্থং চ তমৈশ্বর্যে মহামতিরমন্যত॥ 9-45-48 (62728)
ততো মুহূর্তং স ধ্যাৎবা দেবানাং স্রেয়সি স্থিতঃ।
সৈনাপত্যং দদৌ তস্মৈ সর্ব ভূতেষু ভারত॥ 9-45-49 (62729)
সর্বদেবনিকায়ানাং যে রাজানঃ পরিশ্রুতাঃ।
তান্সর্বান্ব্যাদিদেশাস্মৈ সর্বভূতপিতামহঃ॥ 9-45-50 (62730)
ততঃ কুমারমাদায় দেবা ব্রহ্মপুরোগমাঃ।
অভিষেকার্থমাজগ্মুঃ শৈলেন্দ্রং সহিতাস্ততঃ॥ 9-45-51 (62731)
পুণ্যাং হৈমবতীং দেবীং সরিচ্ছ্রেষ্ঠাং সরস্বতীম্।
সমন্তপঞ্চকে যা বৈ ত্রিষু লোকেষু বিশ্রুতা॥ 9-45-52 (62732)
তত্র তীরে সরস্বত্যাঃ পুণ্যে সর্বগুণান্বিতে।
নিষেদুর্দেবগন্ধর্বাঃ সর্বে সম্পূর্ণমানসাঃ॥ ॥ 9-45-53 (62733)
ইতি শ্রীমন্মহাভারতে শল্যপর্বণি হ্রদপ্রবেশপর্বণি পঞ্চচৎবারিংশোঽধ্যায়ঃ॥ 45 ॥
Mahabharata - Shalya Parva - Chapter Footnotes
9-45-6 তৎসর্বভক্ষো ভগবান্নাশকদ্দগ্ধুমক্ষয়মিতি ঝ.পাঠঃ॥ 9-45-7 তেনাসীদতি তেজস্বী ইতি ঝ.ঙ.পাঠঃ॥ 9-45-25 বিডালবৃষদংশৌ মার্জারজাতিভেদৌ তৎসদৃশাননৌ॥ 9-45-27 শ্বানশল্যকগোধানামিতি ক.পাঠঃ॥ 9-45-37 তস্য স্কন্দস্য পৃষ্ঠতঃ পশ্চাৎ শাখবিশাখনৈগমেয়াঃ আসন্। তে স্কন্দেন সহ চৎবারঃ॥ 9-45-39 বায়ুমূর্তির্বিভাবসুমিতি ঝ.পাঠঃ॥ 9-45-42 অদ্ভুতমদৃষ্টপূবম্॥ 9-45-45 পঞ্চচৎবারিংশোঽধ্যায়ঃ॥শল্যপর্ব - অধ্যায় 046
॥ শ্রীঃ ॥
9.46. অধ্যায়ঃ 046
Mahabharata - Shalya Parva - Chapter Topics
বৃহস্পত্যাদিভিঃ স্কন্দস্য সৈনাপত্যেঽভিষেচনম্॥ 1 ॥ ব্রহ্মাদিভিঃ স্কন্দায় স্বস্বপারিষদানাং দানম্॥ 2 ॥Mahabharata - Shalya Parva - Chapter Text
9-46-0 (62734)
বৈশম্পায়ন উবাচ। 9-46-0x (5197)
ততোঽভিষেকসম্ভারান্সর্বান্সম্ভৃত্য শাস্ত্রতঃ।
বৃহস্পতিঃ সমিদ্ধেঽগ্নৌ জুহাবাগ্নিং যথাবিধি॥ 9-46-1 (62735)
ততো হিমবতা দত্তে মণিপ্রবরশোভিতে।
দিব্যরত্নাচিতে পুণ্যে নিষণ্ণং পরমাসনে॥ 9-46-2 (62736)
সর্বমঙ্গলসম্ভারৈর্বিধিমন্ত্রপুরস্কৃতম্।
আভিষেচনিকং দ্রব্যং গৃহীৎবা দেবতাগণাঃ॥ 9-46-3 (62737)
ইন্দ্রাবিষ্ণূ মহাবীর্যৌ সূর্যোচন্দ্রমসৌ তথা।
ধাতা চৈব বিধাতা চ তথা চৈবানিলানলৌ॥ 9-46-4 (62738)
পূষ্ণা ভগেনার্যম্ণা চ অংশেন চ বিবস্বতাং।
রুদ্রশ্চ সহিতো ধীমান্মিত্রেণ বরুণেন চ॥ 9-46-5 (62739)
রুদ্রৈর্বসুভিরাদিত্যৈরশ্বিভ্যাং চ বৃতঃ প্রভুঃ।
বিশ্বৈর্দেবৈর্মরুদ্ভিশ্চ সাধ্যৈশ্চ পিতৃভিঃ সহ॥ 9-46-6 (62740)
গন্ধর্বৈরপ্সরোভিশ্চ যক্ষরাক্ষসপন্নগৈঃ।
দেবর্ষিভিরসঙ্খ্যাতৈস্তথা ব্রহ্মর্ষিভিস্তথা॥ 9-46-7 (62741)
বৈখানসৈর্বালখিল্যৈর্বায়্বাহারৈর্মরীচিপৈঃ।
ভৃগুভিশ্চাঙ্গিরোভিশ্চ যতিভিশ্চ মহাত্মভিঃ॥ 9-46-8 (62742)
সর্বৈর্বিদ্যাধরৈঃ পুণ্যৈর্যোগসিদ্ধৈস্তথা বৃতঃ।
পিতামহঃ পুলস্ত্যশ্চ পুলহশ্চ মহাতপাঃ॥ 9-46-9 (62743)
অঙ্গিরাঃ কশ্যপোঽত্রিশ্চ মরীচির্ভৃগুরেব চ।
ক্রতুর্হরিঃ প্রচেতাশ্চ মনুর্দক্ষস্তথৈব চ॥ 9-46-10 (62744)
ঋতবশ্চ গ্রহাশ্চৈব জ্যোতীংষি চ বিশাম্পতে।
মূর্তিমত্যশ্চ সরিতো বেদাশ্চৈব সনাতনাঃ॥ 9-46-11 (62745)
সমুদ্রাশ্চ হদাশ্চৈব তীর্থানি বিবিধানি চ।
পৃথিবী দ্যৌর্দিশশ্চৈব পাদপাশ্চ জনাধিপ॥ 9-46-12 (62746)
অদিতির্দেবমাতা চ হীঃ শ্রীঃ স্বাহা সরস্বতী।
উমা শচী সিনীবালী তথৈবানুমতিঃ কুহূঃ॥ 9-46-13 (62747)
রাকা চ ধিষণা চৈব পত্ন্যশ্চান্যা দিবৌকসাম্।
হিমবাংশ্চৈব বিন্ধ্যশ্চ মেরুশ্চানেকশৃঙ্গবান্॥ 9-46-14 (62748)
ঐরাবতঃ সানুচরঃ কলাঃ কাষ্ঠাস্তথৈব চ।
মাসার্ধমাসা ঋতবস্তথা রাত্র্যহনী নৃপ॥ 9-46-15 (62749)
উচ্চৈঃ শ্রবা হয়শ্রেষ্ঠো নাগরাজশ্চ বাসুকিঃ।
অরুণো গরুডশ্চৈব বৃক্ষাশ্চৌষধিভিঃ সহ॥ 9-46-16 (62750)
ধর্মশ্চ ভগবান্দেবঃ সমাজগ্মুর্হি সঙ্গতাঃ।
কালো যমশ্চ মৃত্যুশ্চ যমস্যানুচরাশ্চ যে॥ 9-46-17 (62751)
বহুলৎবাচ্চ নোক্তা যে বিবিধা দেবতাগণাঃ।
তে কুমারাভিষেকার্ষং সমাজগ্মুস্ততস্ততঃ॥ 9-46-18 (62752)
জগৃহুস্তে তদা রাজন্সর্বং এব দিবৌকসঃ।
আভিষেচনিকং ভাণ্ডং মঙ্গলানি চ সর্বশঃ॥ 9-46-19 (62753)
দিব্যসম্ভারসংয়ুক্তৈঃ কলশৈঃ কাঞ্চনৈর্নৃপ।
সারস্বতাভিঃ পুণ্যাভিরদ্ভিস্তাভিরলঙ্কৃতম্॥ 9-46-20 (62754)
অভ্যষিঞ্চন্কুমারং বৈ সম্প্রহৃষ্টা দিবৌকসঃ।
সৈনাপত্যে মহাত্মানমসুরাণাং ভয়ঙ্করম্॥ 9-46-21 (62755)
পুরা যথা মহারাজ বরুণং বৈ জলেশ্বরম্।
তথাঽভ্যষিঞ্চদ্ভগবান্সর্বলোকপিতামহঃ॥ 9-46-22 (62756)
কশ্যপশ্চ মহাতেজা যে চান্যে সোককীর্তিতাঃ।
তস্মৈ ব্রহ্মা দদৌ প্রীতো বলিনো বাতরংহসঃ॥ 9-46-23 (62757)
কামবীর্যধরান্সিদ্ধান্মহাপারিষদান্প্রভুঃ।
নন্দিসেনং লোহিতাক্ষং ঘণ্টাকার্ণং চ সম্মতম্॥ 9-46-24 (62758)
চতুর্থমস্যানুচরং খ্যাতং কুমুদমালিনম্।
তত্র স্থাণুর্মহাতেজা মহাপারিষদং প্রভুঃ॥ 9-46-25 (62759)
মায়াশতধরং কামং কামবীর্যবলান্বিতম্।
দদৌ স্কন্দায় রাজেন্দ্র সুরারিবিনিবর্হণম্॥ 9-46-26 (62760)
সহি দেবাসুরে যুদ্ধে দৈত্যানাং ভীমকর্মণাম্।
জঘান দোর্ভ্যাং সঙ্ক্রুদ্ধঃ প্রয়ুতানি চতুর্দশ॥ 9-46-27 (62761)
তথা দেবা দদুস্তস্মৈ সেনাং নৈর্ঋতসঙ্কুলাম্।
দেবশত্রুক্ষয়করীমজয়্যাং বিশ্বরূপিণীম্॥ 9-46-28 (62762)
জয়শব্দং তথা চক্রুর্দেবাঃ সর্বে সবাসবাঃ।
গন্ধর্বা যক্ষরক্ষাংসি মুনয়ঃ পিতরস্তথা॥ 9-46-29 (62763)
ততঃ প্রাদাদনুচরৌ যমঃ কালোপমাবুভৌ।
উন্মাথং চ প্রমাথং চ মহাবীর্যৌ মহাদ্যুতী॥ 9-46-30 (62764)
সুভ্রাজো ভাস্বরশ্চৈব যৌ তৌ সূর্যানুয়ায়িনৌ।
তৌ সূর্যঃ কার্তিকেয়ায় দদৌ প্রীতঃ প্রতাপবান্॥ 9-46-31 (62765)
কৈলাসশৃঙ্গসঙ্কাশৌ শ্বেতমাল্যানুলেপনৌ।
সোমোঽপ্যনুচরৌ প্রাদান্মণিং সুমণিমেব চ॥ 9-46-32 (62766)
জ্বালাজিহ্বং তথা জ্যোতিরাত্মজায় হুতাশনঃ।
দদাবনুচরৌ শূরৌ পরসৈন্যপ্রমাথিনৌ॥ 9-46-33 (62767)
পরিধং চ বটং চৈব ভীমং চ সুমহাবলম্।
দহতিং দহনং চৈব প্রচণ্ডৌ বীর্যসম্মতৌ॥ 9-46-34 (62768)
অংশোঽপ্যনুচরান্পঞ্চ দদৌ স্কন্দায় ধীমতে।
উৎক্রোশং সৎকরং চৈব বজ্রদণ্ডধরাবুভৌ॥ 9-46-35 (62769)
দদাবনলপুত্রায় বাসবঃ পরবীরহা।
তৌ হি শত্রূন্মহেন্দ্রাস্য জঘ্নতুঃ সমরে বহূন্॥ 9-46-36 (62770)
চক্রং বিক্রমকং চৈব সঙ্ক্রমং চ মহাবলম্।
স্কন্দায় ত্রীননুচরান্দদৌ বিষ্ণুর্মহায়শাঃ॥ 9-46-37 (62771)
বর্ধনং নন্দনং চৈব সর্ববিদ্যাবিশারদৌ।
স্কন্দায় দদতুঃ প্রীতাবশ্বিনৌ ভিষজাং বরৌ॥ 9-46-38 (62772)
কিন্দুং চ কুসুমং চৈব কুমুদং চ মহায়শাঃ।
ডম্বরাডম্বরৌ চৈব দদৌ ধাতা মহাত্মনে॥ 9-46-39 (62773)
বক্রানুবক্রৌ বলিনৌ মেষবক্ত্রৌ বলোৎকটৌ।
দদৌ ৎবষ্টা মহামায়ৌ স্কন্দায়ানুচরাবুভৌ॥ 9-46-40 (62774)
সুব্রতং সত্যসন্ধং চ দদৌ মিত্রো মহাত্মনে।
কুমারায় মহাত্মানৌ তপোবিদ্যাধরৌ প্রভুঃ॥ 9-46-41 (62775)
সুদর্শনীয়ৌ বরদৌ ত্রিষু লোকেষু বিশ্রুতৌ।
সুব্রতং চ মহাত্মানং শুভকর্মাণমেব চ॥ 9-46-42 (62776)
কার্তিকেয়ায় সম্প্রাদাদ্বিধাতা লোকবিশ্রুতৌ।
পাণীতকং কালিকং চ মহামায়াবিনাবুভৌ॥ 9-46-43 (62777)
পূষা চ পার্ষদৌ প্রাদাৎকার্তিকেয়ায় ভারত।
বলং চাতিবলং চৈব মহাবক্ত্রৌ মহাবলৌ॥ 9-46-44 (62778)
প্রদদৌ কার্তিকেয়ায় বায়ুর্ভরতসত্তম।
যমং চাতিয়মং চৈব তিমিবক্ত্রৌ মহাবলৌ॥ 9-46-45 (62779)
প্রদদৌ কার্তিকেয়ায় বরুণঃ সত্যসঙ্গরঃ।
সুবর্চসং মহাত্মানং তথৈবাপ্যতিবর্চসম্॥ 9-46-46 (62780)
হিমবান্প্রদদৌ রাজন্হুতাশনসুতায় বৈ।
কাঞ্চনং চ মহাত্মানং মেঘমালিনমেব চ॥ 9-46-47 (62781)
দদাবনুচরৌ মেরুরগ্নিপুত্রায় ভারত।
স্থিরং চাতিস্থিরং চৈব মেরুরেবাপরৌ দদৌ॥ 9-46-48 (62782)
মহাত্মা ৎবগ্নিপুত্রায় মহাবলপরাক্রমৌ।
উচ্ছৃঙ্গং চাতিশৃঙ্গং চ মহাপাষাণয়োধিনৌ॥ 9-46-49 (62783)
প্রদদাবগ্নিপুত্রায় বিন্ধ্যঃ পারিষদাবুভৌ।
সঙ্গ্রহং বিগ্রহং চৈব সমুদ্রোঽমি গদাধরৌ॥ 9-46-50 (62784)
প্রদদাবগ্নিপুত্রায় মহাপারিষদাবুভৌ।
উন্মাদং শঙ্কুকর্ণং চ পুষ্পদন্তং তথৈব চ॥ 9-46-51 (62785)
প্রদদাবগ্নিপুত্রায় পার্বতী শুভদর্শনা।
জয়ং মহাজয়ং চৈব গঙ্গা জ্বলনসূনবে॥ 9-46-52 (62786)
প্রদদৌ পুরুষব্যাঘ্র বাসুকিঃ পন্নগেশ্বরঃ।
এবং সাধ্যাশ্চ রুদ্রাশ্চ বসবঃ পিতরস্তথা॥ 9-46-53 (62787)
সাগরাঃ সরিতশ্চৈব গিরয়শ্চ মহাবলাঃ।
দদুঃ সেনাগণাধ্যক্ষাঞ্শূলপট্টসধারিণঃ॥ 9-46-54 (62788)
দিব্যপ্রহরণোপেতান্নানাবেষবিভূষিতান্।
শৃণু নামানি চাপ্যেষাং যেঽন্যে স্কন্দস্য সৈনিকাঃ॥ 9-46-55 (62789)
বিবিধায়ুধসম্পন্নাশ্চিত্রাভরণভূষিতাঃ।
শঙ্কুকর্ণো নিকুম্ভশ্চ পদ্মঃ কুমুদ এব চ॥ 9-46-56 (62790)
অনন্তো দ্বাদশভুজস্তথা কৃষ্ণোপকৃষ্ণকৌ।
ঘ্রাণশ্রবাঃ কপিস্কন্ধঃ কাঞ্চনাক্ষো জলন্ধমঃ॥ 9-46-57 (62791)
অক্ষঃ সন্তর্জনো রাজন্কুনদীকস্তমোন্তকৃৎ।
একাক্ষো দ্বাশাক্ষশ্চ তথৈবৈকজটঃ প্রভুঃ॥ 9-46-58 (62792)
সহস্রবাহুর্বিকটো ব্যাঘ্রাক্ষঃ ক্ষিতিকম্পনঃ।
পুণ্যনামা সুনামা চ সুচক্রঃ প্রিয়দর্শনঃ॥ 9-46-59 (62793)
পরিশ্রুতঃ কোকনদঃ প্রিয়মাল্যানুলেপনঃ।
অজোদরো গজশিরাঃ স্কন্ধাক্ষঃ শতলোচনঃ॥ 9-46-60 (62794)
জ্বালাজিহ্বঃ করালাক্ষঃ শিতিকেশো জটী হরিঃ।
পরিশ্রুতঃ কোকনদঃ কৃষ্ণকেশো জটাধরঃ॥ 9-46-61 (62795)
চতুর্দংষ্ট্রোঽষ্টজিহ্বশ্চ মেঘনাদঃ পৃথুশ্রবাঃ।
বিদ্যুতাক্ষো ধনুর্বক্ত্রো জাঠরো মারুতাশনঃ॥ 9-46-62 (62796)
উদারাক্ষো রথাক্ষশ্চ বজ্রনাভো বসুপ্রভঃ।
সমুদ্রবেগো রাজেন্দ্র শৈলকম্পী তথৈব চ॥ 9-46-63 (62797)
বৃষো মেষঃ প্রবাহশ্চ তথা নন্দোপনন্দকৌ।
ধূম্রঃ শ্বেতঃ কলিঙ্গশ্চ সিদ্ধার্থো বরদস্তথা॥ 9-46-64 (62798)
প্রিয়কশ্চৈব নন্দশ্চ গোনন্দশ্চ প্রতপবান্।
আনন্দশ্চ প্রমোদশ্চ স্বস্তিকো ধ্রুবকস্তথা॥ 9-46-65 (62799)
ক্ষেমবাহঃ সুবাহশ্চ সিদ্ধপাত্রশ্চ ভারত।
গোব্রজঃ কনকাপীডো মহাপারিষদেশ্বরঃ॥ 9-46-66 (62800)
গায়নো হসনশ্চৈব বাণঃ খঙ্গশ্চ বীর্যবান্।
বৈতালী গতিতালী চ তথা কথকবাতিকৌ॥ 9-46-67 (62801)
হংসজঃ পঙ্কদিগ্ধাঙ্গঃ সমুদ্রোন্মাদনশ্চ হ।
রণোৎকটঃ প্রহাসশ্চ শ্বেতসিদ্ধশ্চ নন্দনঃ॥ 9-46-68 (62802)
কালকণ্ঠঃ প্রভাসশ্চ তথা কুম্ভাণ্ডকোদরঃ।
কালকক্ষঃ সিতশ্চৈব ভূতানাং মথনস্তথা॥ 9-46-69 (62803)
যজ্ঞবাহঃ সুবাহশ্চ দেবয়াজী চ সোমপঃ।
মজ্জানশ্চ মহাতেজাঃ ক্রথক্রাথৌ চ ভারত॥ 9-46-70 (62804)
তুহরশ্চ তুহারশ্চ চিত্রদেবশ্চ বীর্যবান্।
মধুরঃ সুপ্রসাদশ্চ কিরীটী চ মহাবলঃ॥ 9-46-71 (62805)
বৎসলো মধুবর্ণশ্চ কলশোদর এব চ।
ধর্মদো মন্মথকরঃ সূচীবক্ত্রশ্চ বীর্যবান্॥ 9-46-72 (62806)
শ্বেতবক্ত্রঃ সুবক্ত্রশ্চ চারুবক্ত্রশ্চ পাণ্ডুরঃ।
দণ্ডবাহুঃ সুবাহুশ্চ রজঃ কোকিলকস্তথা॥ 9-46-73 (62807)
অচলঃ কনকাক্ষশ্চ বালানামপি যঃ প্রভুঃ।
সঞ্চারকঃ কোকনদো গৃধ্রপত্রশ্চ জম্বুকঃ॥ 9-46-74 (62808)
লোহাজবক্ত্রো জবনঃ কুম্ভবক্ত্রশ্চ কুম্ভকঃ।
স্বর্ণগ্রীবশ্চ কৃষ্ণৌজা হংসবক্ত্রশ্চ চন্দ্রভঃ॥ 9-46-75 (62809)
পাণিকূর্চাশ্চ শম্বূকঃ পঞ্চবক্ত্রশ্চ শিক্ষকঃ।
চাষবক্ত্রক্ষ জম্বূকঃ শাকবক্ত্রশ্চ কুঞ্জলঃ॥ 9-46-76 (62810)
যোগয়োক্তা মহাত্মানঃ সততং ব্রাহ্মণপ্রিয়াঃ।
পৈতামহা মহাত্মানো মহাপারিষদাশ্চ যে॥ 9-46-77 (62811)
যৌবনস্থাশ্চ বালাশ্চ বৃদ্ধাশ্চ জনমেজয়।
সহস্রশঃ পারিষদাঃ কুমারমুপতস্থিরে॥ 9-46-78 (62812)
বক্ত্রৈর্নানাবিধৈর্যে তু শৃণু তাঞ্চনমেজয়।
কূর্মকুক্কুটবক্ত্রাশ্চ শশোলূকমুখাস্তথা॥ 9-46-79 (62813)
খরোষ্ট্রবদনাশ্চান্যে বরাহবদনাস্তথা।
মার্জারশশবক্তাশ্চ দীর্ঘবক্ত্রাশ্চ ভারত॥ 9-46-80 (62814)
নকুলোলূকবক্ত্রাশ্চ কাকবক্ত্রাস্তথা পরে।
আখুবভ্রুকবক্ত্রাশ্চ ময়ূরবদনাস্তথা॥ 9-46-81 (62815)
মৎস্যমেষাননাশ্চান্যে অজাবিমহিষাননাঃ।
ঋক্ষশার্দূলবক্ত্রাশ্চ দ্বীতিসিংহাননাস্তথা॥ 9-46-82 (62816)
ভীমা গজাননাশ্চৈব তথা নক্রমুখাশ্চ যে।
গরুডাননাঃ কঙ্কুমুখা বৃককাকমুখাস্তথা॥ 9-46-83 (62817)
গোখরোষ্ট্রমুখাশ্চান্যে বৃষদংশমুখাস্তথা।
মহাজঠরপাদাঙ্গাস্তারকাক্ষাশ্চ ভারত॥ 9-46-84 (62818)
পারাবতমুখাশ্চান্যে তথা বৃষমুখাঃ পরে।
কোকিলাভাননাশ্চান্যে শ্যেনতিত্তিরিকাননাঃ॥ 9-46-85 (62819)
কৃকলাসমুখাশ্চৈব বিরজোম্বরধারিণঃ।
ব্যালবক্ত্রাঃ শূলমুখাশ্চণ্ডবক্ত্রাঃ শুভাননাঃ॥ 9-46-86 (62820)
আশীবিষাশ্চীরধরা গোনাসাবদনাস্তথা।
স্থূলোদরাঃ কৃশাঙ্গাশ্চ স্থূলাঙ্গাশ্চ কৃশোদরাঃ॥ 9-46-87 (62821)
হস্বগ্রীবা মহাকর্ণা নানাব্যালবিভূষণাঃ।
গজেন্দ্রচর্মবসনাস্তথা কৃষ্ণাজিনাম্বরাঃ॥ 9-46-88 (62822)
স্কন্ধেমুখা মহারাজ তথাপ্যুদরতোমুখাঃ।
পৃষ্ঠেমুখা হনুমুখাস্তথা জঙ্ঘামুখা অপি॥ 9-46-89 (62823)
পার্শ্বাননাশ্চ বহবো নানাদেশমুখাস্তথা।
তথা কীটপতঙ্গানাং সদৃশাস্যা গণেশ্বরাঃ॥ 9-46-90 (62824)
নানাব্যালমুখাশ্চান্যে বহুবাহুশিরোধরাঃ।
নানাবৃক্ষভুজাঃ কেচিৎকটিশীর্ষাস্তথা পরে॥ 9-46-91 (62825)
ভুজঙ্গভোগবদনা নানাগুল্মনিবাসিনঃ।
চীরসংবৃতগাত্রাশ্চ নানাকনকবাসসঃ॥ 9-46-92 (62826)
নানাবেষধরাশ্চৈব নানামাল্যানুলেপনাঃ।
নানাবস্ত্রধরাশ্চৈব চর্মবাসস এব চ॥ 9-46-93 (62827)
উষ্ণীষিণো মুকুটিনঃ সুগ্রীবাশ্চ সুবর্চসঃ।
কিরীটিনঃ পঞ্চশিখাস্তথা কাঞ্চনমূর্ধজাঃ॥ 9-46-94 (62828)
ত্রিশিখা দ্বিশিখাশ্চৈব তথা সপ্তশিখাঃ পরে।
শিখণ্ডিনো মুকুটিনো মুণ্ডাশ্চ জটিলাস্তথা॥ 9-46-95 (62829)
চিত্রমালাধরাঃ কেচিৎকেচিদ্রোমাননাস্তথা।
বিগ্রহৈকরসা নিত্যমজেতাঃ সুরসত্তমৈঃ॥ 9-46-96 (62830)
কৃষ্ণা নির্মাংসবক্ত্রাশ্চ দীর্ঘপৃষ্ঠাস্তনূদরাঃ।
স্থূলপৃষ্ঠা হস্বপৃষ্ঠাঃ প্রলম্বোদরমেহনাঃ॥ 9-46-97 (62831)
মহাভুজা হস্বভুজা হস্বগাত্রাশ্চ বামনাঃ।
কুব্জাশ্চ হস্বজঙ্ঘাশ্চ হস্তিকর্ণশিরোধরাঃ॥ 9-46-98 (62832)
হস্তিনাসাঃ কূর্মনাসা বৃকনাসাস্তথা পরে।
দীর্ঘোচ্ছ্বাসা দীর্ঘজঙ্ঘা বিকরালা হ্যধোমুখাঃ॥ 9-46-99 (62833)
মহাদংষ্ট্রা হস্বদংষ্ট্রাশ্চতুর্দংষ্ট্রাস্তথা পরে।
বারমেন্দ্রনিভাশ্চান্যে ভীমা রাজন্সহস্রশঃ॥ 9-46-100 (62834)
সুবিভক্তশরীরাশ্চ দীপ্তিমন্তঃ স্বলঙ্কৃতাঃ।
পিঙ্গাক্ষাঃ শঙ্কুকর্ণাশ্চ রক্তনাসাশ্চ ভারত॥ 9-46-101 (62835)
পৃথুদংষ্ট্রা মহাদংষ্ট্রাঃ স্থূলৌষ্ঠা হরিমূর্ধজাঃ।
নানাপাদৌষ্ঠদংষ্ট্রাশ্চ নানাহস্তশিরোধরাঃ॥ 9-46-102 (62836)
নানাচর্মভিরাচ্ছন্না নানাভাষাশ্চ ভারত।
কুশলা দেশভাষাসু জল্পন্তোঽন্যোন্যমীশ্বরাঃ॥ 9-46-103 (62837)
হৃষ্টাঃ পরিপতন্তি স্ম মহাপারিষদাস্তথা।
দীর্ঘগ্রীবা দীর্ঘনখা দীর্ঘপাদশিরোভুজাঃ॥ 9-46-104 (62838)
পিঙ্গাক্ষা নীলকণ্ঠাশ্চ লম্বকর্ণাশ্চ ভারত।
বৃকোদরনিভাশ্চৈব কেচিদঞ্জনসন্নিভাঃ॥ 9-46-105 (62839)
শ্বেতাক্ষা লোহিতগ্রীবাঃ পিঙ্গাক্ষাশ্চ তথা পরে।
কল্মাষা বহবো রাজংশ্চিত্রবর্ণাশ্চ ভারত॥ 9-46-106 (62840)
চামরাপীডকনিভাঃ শ্বেতলোহিতরাজয়ঃ।
নানাবর্ণাঃ সবর্ণাশ্চ ময়ূরসদৃশপ্রভাঃ॥ 9-46-107 (62841)
পুনঃ প্রহরণান্যেষাং কীর্ত্যমানানি মে শৃণু।
শেষৈঃ কৃতঃ পারিষদৈরায়ুধানাং পরিগ্রহঃ॥ 9-46-108 (62842)
পাশোদ্যতকরাঃ কেচিদ্ব্যাদিতাস্যাঃ খরাননাঃ।
পৃষ্ঠাক্ষা নীলকণ্ঠাশ্চ তথা পরিঘবাহবঃ॥ 9-46-109 (62843)
শতঘ্নীচক্রহস্তাশ্চ তথা মুসলপাণয়ঃ।
অসিমুদ্গ্ররহস্তাশ্চ দণ্ডহস্তাশ্চ ভারত॥ 9-46-110 (62844)
গদাভুশুণ্ডিহস্তাশ্চ তথা তোমরপাণয়ঃ।
আয়ুধৈর্বিবিধৈর্ঘোরৈর্মহাত্মানো মহাজবাঃ॥ 9-46-111 (62845)
মহাবলা মহাবেগা মহাপারিষদাস্তথা।
অভিষেকং কুমারস্য দৃষ্ট্বা হৃষ্টা রণপ্রিয়াঃ॥ 9-46-112 (62846)
ঘণ্টাজালপিনদ্ধাঙ্গা ননৃতুস্তে মহৌজসঃ।
এতে চান্যে চ বহবো মহাপারিষদা নৃপ॥ 9-46-113 (62847)
উপতস্থুর্মহাত্মানং কার্তিকেয়ং যশস্বিনম্।
দিব্যাশ্চাপ্যান্তরিক্ষাশ্চ পার্থিবাশ্চানিলোপমাঃ॥ 9-46-114 (62848)
ব্যাদিষ্টা দৈবতৈঃ শূরাঃ স্কন্দস্যানুচরাঽভবন্।
তাদৃশানাং সহস্রাণি প্রয়ুতান্যর্বুদানি চ।
অভিষিক্তং মহাত্মানং পরিবার্যোপতস্থিরে॥ ॥ 9-46-115 (62849)
ইতি শ্রীমন্মহাভারতে শল্যপর্বণি হ্রদপ্রবেশপর্বণি ষট্চৎবারিংশোঽধ্যায়ঃ॥ 46 ॥
Mahabharata - Shalya Parva - Chapter Footnotes
9-46-13 নাগরাজশ্চ বামন ইতি খ.পাঠঃ॥ 9-46-45 ঘসং ৎবাতিঘসং চৈবেতি খ.পাঠঃ॥ 9-46-46 ষট্চৎবারিংশোঽধ্যায়ঃ॥শল্যপর্ব - অধ্যায় 047
॥ শ্রীঃ ॥
9.47. অধ্যায়ঃ 047
Mahabharata - Shalya Parva - Chapter Topics
কুমারমাতৃগণস্য নামকীর্তনম্॥ 1 ॥ কুমারেণ তারকাসুরবধঃ ক্রৌঞ্চপর্বতভেদনং চ॥ 2 ॥Mahabharata - Shalya Parva - Chapter Text
9-47-0 (62850)
বৈশম্পায়ন উবাচ। 9-47-0x (5198)
শৃণু মাতৃগণান্রাজন্কুমারানুচরানিমান্।
কীর্ত্যমানান্ময়া বীর সপত্নগণসূদনান্॥ 9-47-1 (62851)
যশস্বিনীনাং মাতৄণাং শৃণু নামানি ভারত
যাভির্বায়প্তাস্ত্রয়োলোকাঃ কল্যাণীভিশ্চ ভাগশঃ॥ 9-47-2 (62852)
প্রভাবতী বিশালাক্ষী পালিতা গোস্তানী তথা।
শ্রীমতী বহুলা চৈব তথৈব বহুপুত্রিকা॥ 9-47-3 (62853)
অপ্সুজাতা চ গোপালী বৃহদম্বালিকা তথা।
জয়াবতী মালতিকা ধ্রুবরত্না ভয়ঙ্করী॥ 9-47-4 (62854)
বসুদামা চ দামা চ বিশোকা নন্দিনী তথা।
একচূডা মহাচূডা চক্রনেমিশ্চ ভারত॥ 9-47-5 (62855)
উত্তেজনী জয়ৎসেনা কমলাক্ষ্যথ শোভনা।
শত্রুঞ্জয়া তথা চৈব ক্রোধনা শলভী খরী॥ 9-47-6 (62856)
মাধবী শুভবক্ত্রা চ তীর্থসেনিশ্চ ভারত।
গীতপ্রিয়া চ কল্যাণী রুদ্ররোমাঽমিতাশনা॥ 9-47-7 (62857)
মেঘস্বনা ভোগবতী সুভ্রূশ্চ কনকাবতী।
অলাতাক্ষী বীর্যবতী বিদ্যুজ্জিহ্বা চ ভারত॥ 9-47-8 (62858)
পুন্নাবতী সুনক্ষত্রা কন্দরা বহুয়োজনা।
সন্তানিকা চ কৌরব্য কমলা চ মহাবলা॥ 9-47-9 (62859)
সুদামা বহুদামা চ সুপ্রভা চ যশস্বিনী।
নৃত্যপ্রিয়া চ রাজেন্দ্র শতোলূখলমেখলা॥ 9-47-10 (62860)
শতঘণ্টা শতানন্দা ভগনন্দা চ ভাবিনী।
বপুষ্মতী চন্দ্রশীতা ভদ্রকালী চ ভারত॥ 9-47-11 (62861)
ঋক্ষাম্বিকা নিষ্কুটিকা বামা চৎবরবাসিনী।
সুমঙ্গলা স্বস্তিমতী বুদ্ধিকামা জয়প্রিয়া॥ 9-47-12 (62862)
ধনদা সুপ্রসাদা চ ভবদা চ জলেশ্বরী।
এডী ভেডী সমেডী চ বেতালজননী তথা॥ 9-47-13 (62863)
কণ্ডূতিঃ কালিকা চৈব দেবমিত্রা চ ভারত।
বসুশ্রীঃ কোটরা চৈব চিত্রসেনা তথাঽচলা॥ 9-47-14 (62864)
কুক্কুটিকা শঙ্খলিকা তথা শকুনিকা নৃপ।
কুণ্ডারিকা কৌকুলিকা কুম্ভিকাঽথ শতোদরী॥ 9-47-15 (62865)
উৎক্রাথিনী জলেলা চ মহাবেগা চ কঙ্কণা।
মনোজবা কণ্টকিনী প্রঘসা পূতনা তথা॥ 9-47-16 (62866)
কেশয়ন্ত্রী ত্রুটির্বামা ক্রোশনাঽথ তডিৎপ্রভা।
মন্দোদরী চ মুণ্ডী চ কোটরা মেঘবাহিনী॥ 9-47-17 (62867)
সুভগা লম্বিনী লম্বা তাম্রচূডা বিকাশিনী।
ঊর্ধ্ববেণীধরা চৈব পিঙ্গাক্ষী লোহমেখলা॥ 9-47-18 (62868)
পৃথুবস্ত্রা মধুলিকা মধুকুম্ভা তথৈব চ।
পক্ষালিকা মৎকুলিকা জরায়ুর্জর্জরাননা॥ 9-47-19 (62869)
খ্যাতা দহদহা চৈব তথা ধমধমা নৃপ।
খণ্ডখণ্ডা চ রাজেন্দ্র পূষণা মণিকুট্টিকা॥ 9-47-20 (62870)
অমোঘা চৈব কৌরব্য তথা লম্বপয়োধরা।
বেণুবীণাধরা চৈব পিঙ্গাক্ষী লোহমেখলা॥ 9-47-21 (62871)
শশোকূলমুখী কৃষ্ণা খরজঙ্ঘা মহাজবা।
শিশুমারমুখী শ্বেতা লোহিতাক্ষী বিভীষণা॥ 9-47-22 (62872)
জটালিকা কামচরী দীর্ঘজিহ্বা বলোৎকটা।
কালেহিকা বামনিকা মুকুটা চৈব ভারত॥ 9-47-23 (62873)
লোহিতাক্ষী মহাকায়া হরিপিণ্ডা চ ভূমিপ।
একৎবচা সুকুসুমা কৃষ্ণকর্ণী চ ভারত॥ 9-47-24 (62874)
ক্ষুরকর্ণী চতুষ্কর্ণী কর্ণপ্রাবরণা তথা।
চতুষ্পথনিকেতা চ গোকর্ণী মহিষাননা॥ 9-47-25 (62875)
খরকর্ণী মহাকর্ণী ভেরীস্বনমহাস্বনা।
শঙ্খকুম্ভশ্রবাশ্চৈব ভগদা চ মহাবলা॥ 9-47-26 (62876)
গণা চ সুগণা চৈব তথা ভীত্যথ কামদা।
চতুষ্পথরতা চৈব ভূতিতীর্থান্যগোচরী॥ 9-47-27 (62877)
পশুদা বিত্তদা চৈব সুখদা চ মহায়শাঃ।
পয়োদা গোমহিষদা সবিশালা চ ভারত॥ 9-47-28 (62878)
প্রতিষ্ঠা সুপ্রতিষ্ঠা চ রোচমানা সুরোচনা।
নৌকর্ণী মুখকর্ণী চ বিশিরা মন্থিনী তথা॥ 9-47-29 (62879)
একচন্দ্রা মেঘকর্ণা মেঘমালা বিরোচনা।
এতাশ্চান্যাশ্চ বহবো মাতরো ভরতর্ষভ॥ 9-47-30 (62880)
কার্তিকেয়ানুয়ায়িন্যো নানারূপাঃ সহস্রশঃ।
দীর্ঘনখ্যো দীর্ঘদন্ত্যো দীর্ঘতুণ্ড্শ্চ ভারত॥ 9-47-31 (62881)
সবলা মধুরাশ্চৈব যৌবনস্থাঃ স্বলঙ্কৃতাঃ।
মাহাত্ম্যেন চ সংয়ুক্তাঃ কামরূপধরাস্তথা॥ 9-47-32 (62882)
নির্মাসগাত্র্যঃ শ্বেতাশ্চ তথা কাঞ্চনসন্নিভাঃ।
কৃষ্ণমেঘনিভাশ্চান্যা ধূম্নাশ্চ ভরতর্ষভ॥ 9-47-33 (62883)
অরুণাভা মহাভোগা দীর্ঘকেশ্যঃ সিতাম্বরাঃ।
ঊর্ধ্ববেণীধরাশ্চৈব পিঙ্গাক্ষ্যো লম্বমেখলাঃ॥ 9-47-34 (62884)
লম্বোদর্যো লম্বকর্ণাস্তথা লম্বপয়োধরাঃ।
তাম্রাক্ষ্যস্তাম্রবর্ণাশ্চ হর্যক্ষ্যশ্চ তথাঽপরাঃ॥ 9-47-35 (62885)
বরদাঃ কামচারিণ্যো নিত্যং প্রমুদিতাস্তথা।
যাম্যা রৌদ্রাস্তথা সৌম্যাঃ কৌবের্যোঽথ মহাবলাঃ॥ 9-47-36 (62886)
বারুণ্যোঽথ চ মাহেন্দ্যস্তথাঽঽগ্নেয়্যঃ পরন্তপ।
বায়ব্যশ্চাথ কৌমার্যো ব্রাহ্মশ্চ ভরতর্ষভ॥ 9-47-37 (62887)
বৈষ্ণব্যশ্চ তথা সৌর্যো বারাহ্যশ্চ মহাবলাঃ।
রূপেণাপ্সরসাং তুল্যা মনোহার্যো মনোরমাঃ॥ 9-47-38 (62888)
পরপুষ্টোপমা বাক্যে তথর্দ্ধ্যা ধনদোপমাঃ।
শক্রবীর্যোপমা যুদ্ধে দীপ্তা বহ্নিসমাস্তথা॥ 9-47-39 (62889)
শত্রুণাং বিগ্রহে নিত্যং ভয়দাস্তা ভবন্ত্যুত।
কামরূপধরাশ্চৈব জবে বায়ুসমাস্তথা॥ 9-47-40 (62890)
অচিন্ত্যবলবীর্যাশ্চ তথাঽচিন্ত্যপরাক্রমাঃ।
বৃক্ষচৎবরবাসিন্যশ্চতুষ্পথনিকেতনাঃ॥ 9-47-41 (62891)
গুহাশ্মশানবাসিন্যঃ শৈলপ্রস্রবণালয়াঃ।
নানাভরণধারিণ্যো নানামাল্যাম্বরাস্তথা॥ 9-47-42 (62892)
নানাবিচিত্রবেষাশ্চ নানাভাষাস্তথৈব চ।
এতে চান্যে চ মাতৄণাং গণাঃ শত্রুভয়ঙ্করাঃ॥ 9-47-43 (62893)
অনুজগ্মুর্মহাত্মানং ত্রিদশেন্দ্রস্য সম্মতে।
ততঃ শক্ত্যস্ত্রমদদদ্ভগবান্পাকশাসনঃ॥ 9-47-44 (62894)
গুহায় রাজশার্দূল বিনাশায় সুরদ্বিষাম্।
মহাস্বনাং মহাঘণ্টাং দ্যোতমানাং সিতপ্রভাম্॥ 9-47-45 (62895)
অরুণাদিত্যবর্ণাং চ পতাকাং ভরতর্ষভ।
দদৌ পশুপতিস্তস্মৈ সর্বভূতমহাচমূম্॥ 9-47-46 (62896)
উগ্রাং নানাপ্রহরণাং তপোবীর্যবলান্বিতাম্।
অজেয়াং স্বগণৈর্যুক্তাং নাম্না সেনাং ধনঞ্জয়াম্॥ 9-47-47 (62897)
রুদ্রতুল্যবলৈর্যুক্তাং যোধানাময়ুতৈস্ত্রিভিঃ।
ন সা বিজানাতি রণাৎকদাচিদ্বিনিবর্তিতুম্॥ 9-47-48 (62898)
বিষ্ণুর্দদৌ বৈজয়ন্তীং মালাং বলবিবর্ধিনীম্।
উমা দদৌ বিরজসী বাসসী রবিসপ্রভে॥ 9-47-49 (62899)
গঙ্গা কমণ্ডলুং দিব্যমমৃতোদ্ভবমুত্তমম্।
দদৌ প্রীত্যা কুমারায় দণ্ডং চৈব বৃহস্পতিঃ॥ 9-47-50 (62900)
গরুডো দয়িতং পুত্রং ময়রং চিত্রবর্হিণম্।
অরুণস্তাম্রচূডং চ প্রদদৌ চরণায়ুধম্॥ 9-47-51 (62901)
ছাগং তু বরুণো রাজা বলবীর্যসমন্বিতম্।
কৃষ্ণাজিনং ততো ব্রহ্মা ব্রহ্মণ্যায় দদৌ প্রভুঃ।
সমরেষু জয়ং চৈব প্রদদৌ লোকভাবনঃ॥ 9-47-52 (62902)
সৈনাপত্যমনুপ্রাপ্য স্কন্দো দেবগণস্য হ।
শুশুভে জ্বলিতোর্চিষ্মান্দ্বিতীয় ইব পাবকঃ॥ 9-47-53 (62903)
ততঃ পারিষদৈশ্চৈব মাতৃভিশ্চ সমন্বিতঃ।
যয়ৌ দেত্যবিনাশায় হ্লাদয়ন্সুরপুঙ্গবান্॥ 9-47-54 (62904)
সা সেনা নৈর্ঋতী ভীমা সঘণ্টোচ্ছ্রিতকেতনা।
সভেরীশঙ্খমুরজা সায়ুধা সপতাকিনী॥ 9-47-55 (62905)
শারদী দ্যৌরিবাভাতি জ্যোতির্ভিরিব শোভিতা॥ 9-47-56 (62906)
ততো দেবনিকায়াস্তে নানাভূতগণাস্তথা।
বাদয়ামাসুরব্যাগ্রা ভেরীঃ শঙ্খাংশ্চ পুষ্কলান্॥ 9-47-57 (62907)
পটহান্ঝর্ঝরাংশ্চৈব ক্রকচান্গোবিষাণিকান্।
আডম্বরান্গোমুখাংশ্চ ডিণ্ডিমাংশ্চ মহাস্বনান্॥ 9-47-58 (62908)
তুষ্টুবুস্তে কুমারং তু সর্বে দেবাঃ সবাসবাঃ।
জগুশ্চ দেবগন্ধর্বা ননৃতুশ্চাপ্সরোগণাঃ॥ 9-47-59 (62909)
ততঃ প্রীতো মহাসেনস্ত্রিদশেভ্যো বরং দদৌ।
রিপূন্দন্তাঽস্মি সমরে যে বো বধচিকীর্ষবঃ॥ 9-47-60 (62910)
প্রতিগৃহ্য বরং দেবাস্তস্মাদ্বিবুধসত্তমাৎ।
প্রীতাত্মানো মহাত্মানো মেনিরে নিহতান্রিপূন্॥ 9-47-61 (62911)
সর্বেষাং ভূতসঙ্ঘানাং হর্ষান্নাদঃ সমুত্থিতঃ।
অপূরয়ত লোকাংস্ত্রীন্বরে দত্তে মহাত্মনা॥ 9-47-62 (62912)
স নির্যযৌ মহাসেনো মহত্যা সেনয়া বৃতঃ।
বধায় যুধি দৈত্যানাং রক্ষার্থং চ দিবোকসাম্॥ 9-47-63 (62913)
ব্যবসায়ো জয়ো ধর্মঃ সিদ্ধির্লক্ষ্মীর্ধৃতিঃ স্মৃতিঃ।
মহাসেনস্য সৈন্যানামগ্রে জগ্মুর্নরাধিপ॥ 9-47-64 (62914)
স তয়া ভীময়া দেবঃ শুলমুদ্গরহস্তয়া।
জ্বলিতালাতধারিণ্যা চিত্রাভরণবর্ময়া॥ 9-47-65 (62915)
গদামুসলনারাচশক্তিতোমরহরতয়া।
দৃপ্তসিংহনিনাদিন্যা বিনদ্য প্রয়যৌ গুহঃ॥ 9-47-66 (62916)
`তং দষ্ট্বা সর্বদৈতেয়া রাক্ষসা দানবাস্তথা।
ব্যদ্রবন্ত দিশঃ সর্বা ভয়োদ্বিগ্নাঃ সমন্ততঃ॥ 9-47-67 (62917)
অভ্যদ্রবন্ত দেবাস্তান্বিবিধায়ুধপাণয়ঃ।
দৃষ্ট্বা চ স ততঃ ক্রুদ্ধঃ স্কন্দস্তেজোবলান্বিতঃ॥ 9-47-68 (62918)
শক্ত্যস্ত্রং ভগবান্ভীমং পুনঃপুনরবাকিরৎ।
আদধচ্চাত্মনস্তেজো হবিষেদ্ধ ইবানলঃ॥ 9-47-69 (62919)
অভ্যস্যমানে শক্ত্যস্ত্রে স্কন্দেনামিততেজসা।
উল্কাজ্বালা মহারাজ পপাত বসুধাতলে॥ 9-47-70 (62920)
সংহাদয়ন্তশ্চ তথা নির্ঘাতাশ্চাপতন্ক্ষিপৌ।
যথান্তকালসময়ে সুঘোরাঃ স্যুস্তথা নৃপ॥ 9-47-71 (62921)
ক্ষিপ্তা হ্যেকা যদা শক্তিঃ সুঘোরাঽনলসূনুনা।
ততঃ কোট্যো বিনিষ্পেতুঃ শক্তীনাং ভরতর্ষভ॥ 9-47-72 (62922)
ততঃ প্রীতো মহাসেনো জঘান ভগবান্প্রভুঃ।
দৈত্যেন্দ্রং তারকং নাম মহাবলপরাক্রমম্॥ 9-47-73 (62923)
বৃতং দৈত্যায়ুতৈর্বীরৈর্বলিভির্দশভির্নৃপ।
মহিষং চাষ্টভিঃ পদ্মৈর্বৃতং সঙ্খ্যে নিজঘ্নিবান্॥ 9-47-74 (62924)
ত্রিপাদং চায়ুতশতৈর্জঘান দশভির্বৃতম্।
হদোদরং নিখর্বৈশ্চ বৃতং দশভিরীশ্বরঃ॥ 9-47-75 (62925)
জঘানানুচরৈঃ সার্ধং বিবিধায়ুধপাণিভিঃ।
তথাঽকুর্বন্ত বিপুলং নাদং বধ্যৎসু শত্রুষু॥ 9-47-76 (62926)
কুমারানুচরা রাজন্পূরয়ন্তো দিশো দশ।
ননৃতুশ্চ ববল্গুশ্চ জহসুশ্চ মুদান্বিতাঃ॥ 9-47-77 (62927)
শক্ত্যস্ত্রস্য তু রাজেন্দ্র ততোঽর্চির্ভিঃ সমন্ততঃ।
ত্রৈলোক্যং ত্রাসিতং সর্বং জৃম্ভমাণাভিরেব চ॥ 9-47-78 (62928)
দগ্ধাঃ সহস্রশো দৈত্যা নাদৈঃ স্কন্দস্য চাপরে।
পতাকয়াবধূতাশ্চ হতাঃ কেচিৎসুরদ্বিষঃ॥ 9-47-79 (62929)
কেচিদ্ধণ্টারবত্রস্তা নিষেদুর্বসুধাতলে।
কেচিৎপ্রহরণৈশ্ছিন্না বিনিষ্পেতুর্গতায়ুষঃ॥ 9-47-80 (62930)
এবং সুরদ্বিষোঽনেকান্বলবানাততায়িনঃ।
জঘান সমরে বীরঃ কার্তিকেয়ো মহাবলঃ॥ 9-47-81 (62931)
বাণো নামাথ দৈতেয়ো বলেঃ পুত্রো মহাবলঃ।
ক্রৌঞ্চং পর্বতমাশ্রিত্য দেবসঙ্ঘানবাধত॥ 9-47-82 (62932)
তমভ্যযান্মহাসেনঃ সুরশত্রুমুদারধীঃ।
স কার্তিকেয়স্য ভয়াৎক্রৌঞ্চং শরণমীয়িবান্॥ 9-47-83 (62933)
ততঃ ক্রৌঞ্চং মহামন্যুঃ ক্রৌঞ্চনাদনিনাদিতম্।
শক্ত্যা বিভেদ ভগবান্কার্তিকেয়োঽগ্নিদত্তয়া॥ 9-47-84 (62934)
সসালস্কন্ধশবলং ত্রস্তবানরবারণম্।
প্রোঙ্কীনোদ্ধান্তবিহগং বিনিষ্পতিতপন্নগম্॥ 9-47-85 (62935)
গোলাঙ্গূলর্ক্ষসঙ্ঘৈশ্চ দ্রবদ্ভিরনুনাদিতম্।
কুরঙ্গমবিনির্ঘোষনিনাদিতবনান্তরম্॥ 9-47-86 (62936)
বিনিষ্পতদ্ভিঃ শরভৈঃ সিংহৈশ্চ সহসা দ্রুতৈঃ।
শোচ্যামপি দশাং প্রাপ্তো ররাজেব সপর্বতঃ॥ 9-47-87 (62937)
বিদ্যাধরাঃ সমুৎপেতুস্তস্য শৃঙ্গনিবাসিনঃ।
কিন্নরাশ্চ সমুদ্বিগ্নাঃ শক্তিপাতরবোদ্ধতাঃ॥ 9-47-88 (62938)
ততো দৈত্যা বিনিষ্পেতুঃ শতশোঽথ সহস্রশঃ।
প্রদীপ্তাৎপর্বতশ্রেষ্ঠাদ্বিচিত্রাভরণস্রজঃ॥ 9-47-89 (62939)
তান্নিজঘ্নুরতিক্রম্য কুমারাজুচরা মৃধে।
স চৈব ভগবান্ক্রুদ্ধো দৈত্যেন্দ্রস্য সুতং তদা॥ 9-47-90 (62940)
সহানুজং জঘানাশু বৃত্রং দেবপতির্যথা।
বিভেদ ক্রৌঞ্চং শক্ত্যা চ পাবকিঃ পরবীরহা॥ 9-47-91 (62941)
বহুধা চৈকধা চৈব কৃৎবাঽঽত্মানং মহাবলঃ।
শক্তিঃ ক্ষিপ্তা রণে তস্য পাণিমেতি পুনঃ পুনঃ॥ 9-47-92 (62942)
এবম্প্রভাবো ভগবাংস্তে ভূয়শ্চ পাবকিঃ।
শৌর্যাদ্দ্বিগুণয়োগেন তেজসা যশসা শ্রিয়া॥ 9-47-93 (62943)
ক্রৌঞ্চস্তে বিনির্ভিন্নো দৈত্যাশ্চ শতশো হতাঃ॥ 9-47-94 (62944)
ততঃ স ভগবান্দেবো নিহত্য বিবুধদ্বিষঃ।
সভাজ্যমানো বিবুধৈঃ পরং হর্ষমবাপ হ॥ 9-47-95 (62945)
ততো দুন্দুভয়ো রাজন্নেদুঃ শঙ্খাশ্চ ভারত।
মুমুচুর্দেবয়োষাশ্চ পুষ্পবর্ষমনুত্তমম্।
যোগিনামীশ্বরং দেবং শতশোঽথ সহস্রশঃ॥ 9-47-96 (62946)
দিব্যগন্ধমুপাদায় ববৌ পুণ্যশ্চ মারুতঃ।
গন্ধর্বাস্তুষ্টুবুশ্চৈনং যজ্বানশ্চ মহর্ষয়ঃ॥ 9-47-97 (62947)
কেচিদনং ব্যবস্যান্তি পিতামহসুতং প্রভুম্।
সনৎকুমারং সর্বেষাং ব্রহ্ময়োনিং তমগ্রজম্॥ 9-47-98 (62948)
কেচিন্মহেশ্বরসুতং কেচিৎপুত্রং বিভাবসোঃ।
উমায়াঃ কৃত্তিকানাং চ গঙ্গায়াশ্চ বদন্ত্যুত॥ 9-47-99 (62949)
একধা চ দ্বিধা চৈব চতুর্ধা চ মহাবলম্।
যোগিনামীশ্বরং দেবং শতশোঽথ সহস্রশঃ॥ 9-47-100 (62950)
এতত্তে কথিতং রাজন্কার্তিকেয়াভিষেচনম্।
শৃণু চৈব সরস্বত্যাস্তীর্থবংশস্য পুণ্যতাম্॥ 9-47-1 (62951)
বভূব তীর্থপ্রবরং হতেষু সুরশত্রুষু।
কুমারেণ মহারাজ ত্রিবিষ্টপমিবাপরম্॥ 9-47-2 (62952)
ঐশ্বর্যাণি চ তত্রস্থো দদাবীশঃ পৃথক্পৃথক্।
দদৌ নৈর্ঋতমুখ্যেভ্যস্ত্রৈলোক্যং পাবকাত্মজঃ॥ 9-47-3 (62953)
এবং স ভগবাংস্তস্মিংস্তীর্থে দৈত্যকুলান্তকঃ।
অভিষিক্তো মহারাজ দেবসেনাপতিঃ সুরৈঃ॥ 9-47-4 (62954)
ঔশনং নাম তত্তীর্থং যত্র পূর্বমপাম্পতিঃ।
অভিষিক্তঃ সুরগণৈর্বরুণো ভরতর্ষভ॥ 9-47-5 (62955)
অস্মিংস্তীর্থবরে স্নাৎবা স্কন্দং চাভ্যর্চ্য লাঙ্গলী।
ব্রাহ্মণেভ্যোদদৌ রুক্মং বাসাংস্যাভরণানি চ॥ 9-47-6 (62956)
উষিৎবা রজনীং তত্র মাধবঃ পরবীরহা।
পূজ্যতীর্থবরং তচ্চ স্পৃষ্ট্বা তোয়ং চ লাঙ্গলী॥ 9-47-7 (62957)
হৃষ্টঃ প্রীতমনাশ্চৈব হ্যভবন্মাধবোত্তমঃ।
এতত্তে সর্বমাখ্যাতং যন্মাং ৎবং পরিপৃচ্ছসি॥ 9-47-8 (62958)
যথাঽভিষিক্তো ভগবান্স্কন্দো দেবৈঃ সমাগতৈঃ।
`সেনানীশ্চ কৃতো রাজন্বাল এব মহাবলঃ'॥ ॥ 9-47-9 (62959)
ইতি শ্রীমন্মহাভারতে শল্যপর্বণি হ্রদপ্রবেশপর্বণি সপ্তচৎবারিংশোঽধ্যায়ঃ॥ 47 ॥
শল্যপর্ব - অধ্যায় 048
॥ শ্রীঃ ॥
9.48. অধ্যায়ঃ 048
Mahabharata - Shalya Parva - Chapter Topics
দেবৈর্বরুণস্য জলাধিপত্যেঽভিষেচনম্॥ 1 ॥ বলভদ্রস্যাগ্নিতীর্থকৌবেরতীর্থগমনং তন্মহিমানুবর্ণনং চ॥ 2 ॥Mahabharata - Shalya Parva - Chapter Text
9-16-0 (62960)
জনমেজয় উবাচ। 9-16-0x (5199)
অত্যদ্ভুতমিদং ব্রহ্মঞ্শ্রুতবানস্মি তত্ৎবতঃ।
অভিষেকং কুমারস্য বিস্তরেণ যথাবিধি॥ 9-16-1 (62961)
যচ্ছ্রুৎবা পূতমাত্মানং বিজানামি তপোধন।
প্রহৃষ্টানি চ রোমাণি প্রসন্নং চ মনো মম॥ 9-16-2 (62962)
অভিষেকং কুমারস্য দৈত্যানাং চ বধং তথা।
শ্রুৎবা মে পরমা প্রীতির্ভূয়ঃ কৌতূহলং হি মে॥ 9-16-3 (62963)
অপাম্পতিঃ কথং হ্যস্মিন্নভিষিক্তঃ পুরা সুরৈঃ।
তন্মে ব্রূহি মহাপ্রজ্ঞ কুশলো হ্যসি সত্তম॥ 9-16-4 (62964)
বৈশম্পায়ন উবাচ। 9-16-5x (5200)
শৃণু রাজন্নিদং চিত্রং পূর্বকালে যথাঽভবৎ॥ 9-16-5 (62965)
আদৌ কৃতয়ুগে রাজন্বর্তমানে যথাবিধি।
বরুণং দেবতাঃ সর্বাঃ সমেত্যেদমথাব্রুবন্॥ 9-16-6 (62966)
যথাঽস্মান্সুররাট্ শক্রো ভয়েভ্যঃ পাতি সর্বদা।
তথা ৎবমপি সর্বাসাং সরিতাং বৈ পতির্ভব॥ 9-16-7 (62967)
বাসশ্চ তে সদা দেব সাগরে মকরালয়ে।
সমুদ্রোঽয়ং তব বশে ভবিষ্যতি নদীপতিঃ॥ 9-16-8 (62968)
সোমেন সার্ধং চ তব হানিবৃদ্বী ভবিষ্যতঃ।
এবমস্ৎবিতি তান্দেবান্বরুণো বাক্যমব্রবীৎ॥ 9-16-9 (62969)
সমাগম্য ততঃ সর্বে বরুণং সাগরালয়ম্।
অপাম্পতিং প্রচক্রুর্হি বিধিদৃষ্টেন কর্মণা॥ 9-16-10 (62970)
অভিষিচ্য ততো দেবা বরুণং যাদসাম্পতিম্।
জগ্মুঃ স্বান্যেব স্থানানি পূজয়িৎবা জলেশ্বরম্॥ 9-16-11 (62971)
অভিষিক্তস্ততো দেবৈর্বরুণোঽপি মহায়শাঃ।
সরিতঃ সাগরাংশ্চৈব নদাংশ্চাপি সরাংসি চ।
পালয়ামাস বিধিনা যথা দেবাঞ্শতক্রতুঃ॥ 9-16-12 (62972)
ততস্ত্রত্রাপ্যুপস্পৃশ্য দত্ৎবা চ বিবিধং বসু।
অগ্নিতীর্থং মহাপ্রাজ্ঞো জগামাথ প্রলম্বহা।
নষ্টো ন দৃশ্যতে যত্র শমীগর্ভে দুতাশনঃ॥ 9-16-13 (62973)
লোকালোকবিনাশে চ প্রাদুর্ভূতে তদাঽনঘ।
উপতস্থুঃ সুরা যত্র সর্বলোকপিতামহম্॥ 9-16-14 (62974)
অগ্নিঃ প্রনষ্টো ভগবান্কারণং চ ন বিদ্মহে।
সর্বভূতক্ষয়ো রাজন্সম্পাদয় বিভোঽনলম্॥ 9-16-15 (62975)
জনমেজয় উবাচ। 9-16-16x (5201)
কিমর্থং ভগবানগ্নিঃ প্রনষ্টো লোকভাবনাঃ।
বিজ্ঞাতশ্চ কথং দেবৈস্তন্মমাচক্ষ্ব তত্ৎবতঃ॥ 9-16-16 (62976)
বৈশম্পায়ন উবাচ। 9-16-17x (5202)
ভৃগোঃ শাপাদ্ভৃশং ভীতো জাতবেদাঃ প্রতাপবান্।
শমীগর্ভমথাসাদ্য ননাশ ভগবাংস্ততঃ॥ 9-16-17 (62977)
প্রনষ্টে তু তদা বহ্নৌ দেবাঃ সর্বে সবাসবাঃ।
অন্বৈষন্ত তদা নষ্টং জ্বলনং ভৃশদুঃখিতাঃ॥ 9-16-18 (62978)
ততোঽগ্নিতীর্থমাসাদ্য শমীগর্ভস্থমেব হি।
দদৃশুর্জ্বলনং তত্র বসমানং যথাবিধি॥ 9-16-19 (62979)
দেবাঃ সর্বে নরব্যাঘ্র বৃহস্পতিপুরোগমাঃ।
জ্বলনং তং সমাসাদ্য প্রীতাঽভূবন্সবাসবাঃ॥ 9-16-20 (62980)
পুনর্যথাগতং জগ্মুঃ সর্বভক্ষশ্চ সোঽভবৎ।
ভৃগোঃ শাপান্মহাভাগ যদুক্তং ব্রহ্মবাদিনা॥ 9-16-21 (62981)
তত্রাপ্যাপ্লুত্য মতিমান্ব্রহ্মশাপান্মুমোচ হ॥ 9-16-22 (62982)
তত্রাপ্লুত্য ততো ব্রহ্মা সহ দেবৈঃ প্রভুঃ পুরা।
সসর্জ চান্নানি তথা দেবতানাং যথাবিধি॥ 9-16-23 (62983)
তত্র স্নাৎবা চ দত্ৎবা চ বসূনি বিবিধানি চ।
কৌবেরং প্রয়যৌ তীর্থং যত্র তপ্ৎবা মহত্তপঃ॥ 9-16-24 (62984)
ধনাধিপত্যং সম্প্রাপ্তো রাজন্নৈলবিলঃ প্রভুঃ॥ 9-16-25 (62985)
তত্রস্থমেব তং রাজন্ধনানি নিধয়স্তথা।
উপতদ্ধতুর্নরশ্রেষ্ঠ তত্তীর্থং লাঙ্গলী বলঃ॥ 9-16-26 (62986)
গৎবা স্নাৎবা চ বিধিবদ্ব্রাহ্মণেভ্যো ধনং দদৌ।
দদৃশে তত্র তৎস্থানং কৌবেরে কাননোত্তমে॥ 9-16-27 (62987)
পুরা যত্র তপস্তপ্তং বিপুলং সুমহাত্মনা।
যক্ষরাজ্ঞা কুবেরেণ বরা লব্ধাশ্চ পুষ্কলাঃ॥ 9-16-28 (62988)
ধনাধিপত্যং সখ্যং চ রুদ্রেণামিততেজসা।
সুরৎবং লোকপালৎবং পুত্রং চ নলকূবরম্॥ 9-16-29 (62989)
যত্র লেভে মহাবাহো ধনাধিপতিরঞ্জসা।
অভিষিক্তশ্চ তত্রৈব সমাগম্য মরুদ্গণৈঃ॥ 9-16-30 (62990)
বাহনং চাস্য তদ্দত্তং হংসয়ুক্তং মনোজবম্।
বিমানং পুষ্পকং দিব্যং নৈর্ঋতৈশ্বর্যমেব চ॥ 9-16-31 (62991)
তত্রাপ্লুত্য বলো রাজন্দত্ৎবা দায়াংশ্চ পুষ্কলান্।
জগাম ৎবরিতো রামস্তীর্থং স্বেতানুলেপনঃ॥ 9-16-32 (62992)
নিষেবিতং সর্বসৎবৈর্নাম্না বদরপাচনম্।
নানর্তুকবনোপেতং সদা পুষ্পফলং শুভম্॥ ॥ 9-16-33 (62993)
ইতি শ্রীমন্মহাভারতে শল্যপর্বণি হ্রদপ্রবেশপর্বণি অষ্টচৎবারিংশোঽধ্যায়ঃ॥ 48 ॥
Mahabharata - Shalya Parva - Chapter Footnotes
9-16-25 ঐলবিলঃ কুবেরঃ॥ 9-16-48 অষ্টচৎবারিংশোঽধ্যায়ঃ॥শল্যপর্ব - অধ্যায় 049
॥ শ্রীঃ ॥
9.49. অধ্যায়ঃ 049
Mahabharata - Shalya Parva - Chapter Topics
বলরামস্য বদরপাচনতীর্থগমনম্॥ 1 ॥ শ্রুতাবত্যরুন্ধত্যোর্মহিমানুবর্ণনম্॥ 2 ॥Mahabharata - Shalya Parva - Chapter Text
9-49-0 (62994)
বৈশম্পায়ন উবাচ। 9-49-0x (5203)
ততস্তীর্থবরং রামো যয়ৌ বদরপাচনাম্।
তপস্বিসিদ্ধচরিতং যত্র কন্যা ধৃতব্রতা॥ 9-49-1 (62995)
ভরদ্বাজস্য দুহিতা রুপেণাপ্রতিমা ভুবি।
শ্রুতাবতী নাম বিভো কুমারী ব্রহ্মচারিণী॥ 9-49-2 (62996)
তপশ্চচার সাত্যুগ্রং নিয়মৈর্বহুভির্বৃতা।
ভর্তা মে দেবরাজঃ স্যাদিতি নিশ্চিত্য ভামিনী॥ 9-49-3 (62997)
সমাস্তস্যা ব্যতিক্রান্তা বহ্ব্যঃ কুরুকুলোদ্বহ।
চরন্ত্যা নিয়মাংস্তাংস্তাংস্ত্রীভিস্তীব্রান্সুদুশ্চরান্॥ 9-49-4 (62998)
তস্যাস্তু তেন বৃত্তেন তপসা চ বিশাম্পতে।
ভক্ত্যা চ ভগবান্প্রীতঃ পরয়া পাকশাসনঃ॥ 9-49-5 (62999)
আজগামাশ্রমং তস্যাস্ত্রিদশাধিপতিঃ প্রভুঃ।
আস্থায় রূপং বিপ্রর্ষের্বসিষ্ঠস্য মহাত্মনঃ॥ 9-49-6 (63000)
সা তং দৃষ্ট্বোগ্রতপসং বসিষ্ঠং তপতাং বরম্।
আচারৈর্মুনিভির্দৃষ্টৈঃ পূজয়ামাস ভারত॥ 9-49-7 (63001)
উবাচ নিয়মজ্ঞা চ কল্যাণী সা প্রিয়ংবদা।
ভগবন্মুনিশার্দূল কিমাজ্ঞাপয়সি প্রভো॥ 9-49-8 (63002)
সর্বমদ্য যথাশক্তি তব দাস্যামি সুব্রত।
শক্ত্রভক্ত্যা চ তে পাণিং ন দাস্যামি কথঞ্চন॥ 9-49-9 (63003)
ব্রতৈশ্চ নিয়মৈশ্চৈব তপসা চ তপোধন।
শক্রস্তোষয়িতব্যো বৈ ময়া ত্রিভুবনেশ্বরঃ॥ 9-49-10 (63004)
ইত্যুক্তো ভগবান্দেবঃ স্ময়ন্নিব নিরীক্ষ্য তাম্।
উবাচ নিয়মং জ্ঞাৎবা সাংৎবয়ন্নিব ভারত॥ 9-49-11 (63005)
উগ্রং তপশ্চরসি বৈ বিদিতা মেঽসি সুব্রতে।
যদর্থময়মারম্ভস্তব কল্যাণি হৃদ্গতঃ॥ 9-49-12 (63006)
তচ্চ সর্বং যথাভূতং ভবিষ্যতি বরাননে।
তপসা লভ্যতে সর্বং যথাভূতং ভবিষ্যতি॥ 9-49-13 (63007)
যথা স্থানানি দিব্যানি বিবুধানাং শুভাননে।
তপসা তানি প্রাপ্যাণি তপোমূলং মহাৎসুখম্॥ 9-49-14 (63008)
ইতি কৃৎবা তপো ঘোরং দেহং সন্ন্যস্য মানবাঃ।
দেবৎবং যান্তি কল্যাণি শৃণুষ্বৈকং বচো মম॥ 9-49-15 (63009)
প়ঞ্চ চৈতানি সুভগে বদরাণি শুভব্রতে।
পচেত্যুক্ৎবা তু ভগবাঞ্জগাম বলসূদনঃ॥ 9-49-16 (63010)
আমন্ত্র্য তাং তু কল্যাণীং ততো জপ্যং জজাপ সঃ।
অবিদূরে ততস্তস্মাদাশ্রমাত্তীর্থমুত্তমম্॥ 9-49-17 (63011)
তচ্চ তীর্থং মহারাজ যত্র জপ্যং জজাপ সঃ।
ইন্দ্রতীর্থেতিবিখ্যাতং ত্রিষু লোকেষু মানদ॥ 9-49-18 (63012)
তস্য জিজ্ঞাসনার্থং স ভগবান্পাকশাসনঃ।
বদরাণামপচনং চকার বিবুধাধিপঃ॥ 9-49-19 (63013)
ততঃ প্রতপ্তা সা রাজন্বাগ্যতা বিগতক্লমা।
তৎপরা শুচিসংবীতা পাবকে সমধিশ্রয়ৎ।
অপচদ্রাজশার্দূল বদরাণি মহাব্রতা॥ 9-49-20 (63014)
তস্যাঃ পচন্ত্যাঃ সুমহান্কালোঽগাৎপুরুষর্ষভ।
ন চ স্ম তান্যপচ্যন্ত দিনং চ ক্ষয়মভ্যগাৎ॥ 9-49-21 (63015)
হুতাশনেন দগ্ধশ্চ যস্তস্যাঃ কাষ্ঠসঞ্চয়ঃ।
অকাষ্ঠমগ্নিং সা দৃষ্ট্বা স্বশরীরমথাদহৎ॥ 9-49-22 (63016)
পাদৌ প্রক্ষিপ্য সা পূর্বং পাবকে চারুদর্শনা।
দগ্ধৌ দগ্ধৌ পুনঃ পাদাবুপাবর্তয়তানঘ॥ 9-49-23 (63017)
চরণে দহ্যমানে চ নাচিন্তয়দনিন্দিতা।
দুঃখং কমলপত্রাক্ষী মহর্ষিপ্রিয়কাম্যযা॥ 9-49-24 (63018)
ন বৈমনস্যং তস্যাস্তু মুখভেদোঽথবাঽভবৎ।
শরীরমগ্নিনা দীপ্য জলমধ্যে যথা স্থিতা॥ 9-49-25 (63019)
তচ্চাস্যাঃ পচনে যত্নং ন ন্যবর্তত ভারত।
সর্বথা বদরাণ্যেব পক্তব্যানীতি কন্যকা॥ 9-49-26 (63020)
সা তন্মনসি কৃৎবৈব মহর্ষের্বচনং শুভা।
অপচদ্বদরাণ্যেব ন চাপচ্যন্ত ভারত॥ 9-49-27 (63021)
তস্যাস্তু চরণৌ বহ্নির্দদাহ ভগবান্স্বয়ম্।
ন চ তস্যা মনোদুঃখং স্বল্পমপ্যভবত্তদা॥ 9-49-28 (63022)
অথ তৎকর্ম দৃষ্ট্বাঽস্যাঃ প্রীতস্ত্রিভুবনেশ্বরঃ।
ততঃ সন্দর্শয়ামাস কন্যায়ৈ রূপমাত্মনঃ॥ 9-49-29 (63023)
উবাচ চ সুরশ্রেষ্ঠস্তাং কন্যাং সুদৃঢব্রতাম্।
প্রীতোঽস্মি তে শুভে ভক্ত্যা তপসা নিয়মেন চ॥ 9-49-30 (63024)
তস্মাদ্যোঽভিমতঃ কামঃ স তে সম্পৎস্যতে শুভে।
দেহং ত্যক্ৎবা মহাভাগে ত্রিদিবে ময়ি বৎস্যসি॥ 9-49-31 (63025)
ইদং চ তে তীর্থবরং স্থিরং লোকে ভবিষ্যতি।
সর্বপাপাপহং সুভ্রু নাম্না বদরপাচনম্।
বিখ্যাতং ত্রিষু লোকেষু ব্রহ্মর্ষিভিরভিপ্লুতম্॥ 9-49-32 (63026)
অস্মিন্খলু মহাভাগে শুভে তীর্থবরেঽনঘে।
ত্যক্ৎবা সপ্তর্ষয়ো জগ্মুর্হিমবন্তমরুন্ধতীম্॥ 9-49-33 (63027)
ততস্তে বৈ মহাভাগা গৎবা তত্র সুসংশিতাঃ।
বৃত্ত্যর্থং ফলমূলানি সমাহর্তুং যয়ুঃ কিল॥ 9-49-34 (63028)
তেষাং বৃত্ত্যর্থিনাং তত্র বসতাং হিমবদ্বনে।
অনাবৃষ্টিরনুপ্রাপ্তা তদা দ্বাদশবার্ষিকী॥ 9-49-35 (63029)
তে কৃৎবা চাশ্রমং তত্র ন্যবসন্ত তপস্বিনঃ।
অরুন্ধত্যপি কল্যাণী তপোনিত্যাঽভবত্তদা॥ 9-49-36 (63030)
অরুন্ধতীং ততো দৃষ্ট্বা তীব্রং নিয়মমাস্থিতাম্।
অথাগমত্ত্রিনয়নঃ সুপ্রীতো বরদস্তদা॥ 9-49-37 (63031)
ব্রাহ্মং রূপং ততঃ কৃৎবা মহাদেবো মহায়শাঃ।
তামভ্যেত্যাব্রবীদ্দেবো ভিক্ষামিচ্ছাম্যহং শুভে॥ 9-49-38 (63032)
প্রত্যুবাচ ততঃ সা তং ব্রাহ্মণং চারুদর্শনা।
ক্ষীণোঽন্নসঞ্চয়ো বিপ্র বদরাণীহ ভক্ষয়॥ 9-49-39 (63033)
ততোঽব্রবীন্মহাদেবঃ পচস্বৈতানি সুব্রতে।
ইত্যুক্তা সাঽপচত্তানি ব্রাহ্মণপ্রিয়কাম্যযা।
অধিশ্রিত্য সমিদ্ধেঽগ্নৌ বদরাণি যশস্বিনী॥ 9-49-40 (63034)
দিব্যা মনোরমাঃ পুণ্যাঃ কথাঃ শুশ্রাব সা তদা।
অতীতা সা ৎবনাবৃষ্টির্ঘোরা দ্বাদশবার্ষিকী॥ 9-49-41 (63035)
অনশ্নন্ত্যাঃ পচন্ত্যাশ্চ শৃণ্বন্ত্যাশ্চ কথাঃ শুভাঃ।
দিনোপমঃ স তস্যাথ কালোঽতীতঃ সুদারুণঃ॥ 9-49-42 (63036)
ততস্তু মুনয়ঃ প্রাপ্তাঃ ফলান্যাদায় পর্বতাৎ।
ততঃ স ভগবান্প্রীতঃ প্রোবাচারুন্ধতীং ততঃ॥ 9-49-43 (63037)
উপসর্পস্ব ধর্মজ্ঞে যথাপূর্বমিমানৃষীন্।
প্রীতোঽস্মি তব ধর্মজ্ঞে তপসা নিয়মেন চ॥ 9-49-44 (63038)
ততঃ সন্দর্শয়ামাস স্বরূপং ভগবান্হরঃ।
ততোঽব্রবীত্তদা তেভ্যস্তস্যাশ্চ চরিতং মহৎ॥ 9-49-45 (63039)
ভবদ্ভির্হিমবৎপৃষ্ঠে যত্তপঃ সমুপার্জিতম্।
অস্যাস্চ যত্তপো বিপ্রা ন সমং তন্মতং মম॥ 9-49-46 (63040)
অনয়া হি তপস্বিন্যা তপস্তপ্তং সুদুশ্চরম্।
অনশ্নন্ত্যা পচন্ত্যা চ সমা দ্বাদশ পারিতাঃ॥ 9-49-47 (63041)
ততঃ প্রোবাচ ভগবাংস্তামেবারুন্ধতীং পুনঃ।
বরং বৃণীষ্ব কল্যাণি যত্তেঽভিলষিতং হৃদি॥ 9-49-48 (63042)
সাঽব্রবীৎপৃথুতাম্রাক্ষী দেবং সপ্তর্ষিসংসদি।
ভগবান্যদি মে প্রীতস্তীর্থং স্যাদিদমদ্ভুতম্॥ 9-49-49 (63043)
সিদ্ধদেবর্ষিদয়িতং নাম্না বদরপাচনম্।
তথাঽস্মিন্দেবদেবেশ ত্রিরাত্রমুষিতঃ শুচিঃ॥ 9-49-50 (63044)
প্রাপ্নুয়াদুপবাসেন ফলং দ্বাদশবার্ষিকম্।
এবমস্ৎবিতি তাং দেবঃ প্রত্যুবাচ তপস্বিনীম্॥ 9-49-51 (63045)
সপ্তর্ষিভিঃ স্তুতো দেবস্ততো লোকং যয়ৌ তদা।
ঋষয়ো বিস্ময়ং জগ্মুস্তাং দৃষ্ট্বা চাপ্যরুন্ধতীম্।
অশ্রান্তাং চাবিবর্ণাং চ ক্ষুৎপিপাসাঽসমায়ুতাম্॥ 9-49-52 (63046)
এবং সিদ্ধিঃ পরা প্রাপ্তা অরুন্ধত্যা বিশুদ্ধয়া।
যথা ৎবয়া মহাভাগে মদর্থে সংশিতব্রতে॥ 9-49-53 (63047)
বিশেষো হি ৎবয়া ভদ্রে ব্রতে হ্যস্মিন্সমর্পিতঃ।
তথা চেদং দদাম্যদ্য নিয়মেন সুতোষিতঃ।
বিশেষং তব কল্যাণি প্রয়চ্ছামি বরং বরে॥ 9-49-54 (63048)
অরুন্ধত্যা বরস্তস্যা যো দত্তো বৈ মহাত্মনা।
তস্য চাহং প্রভাবেন তব কল্যাণি তেজসা।
প্রবক্ষ্যামি পরং ভূয়ো বরমত্র যথাবিধি॥ 9-49-55 (63049)
যস্ৎবেকাং রজনীং তীর্থে বৎস্যতে সুসমাহিতঃ।
সস্নাৎবা প্রাপ্স্যতে লোকান্দেহন্যাসাৎসুদুর্লভান্॥ 9-49-56 (63050)
ইত্যুক্ৎবা ভগবান্দেবঃ সহস্রাক্ষঃ প্রতাপবান্।
শ্রুতাবতীং ততঃ পুণ্যাং জগাম ত্রিদিবং পুনঃ॥ 9-49-57 (63051)
গতে বজ্রধরে রাজংস্তত্র বর্ষং পপাত হ।
পুষ্পাণাং ভরতশ্রেষ্ঠ দিব্যানাং পুণ্যগন্ধিনাম্॥ 9-49-58 (63052)
দবদুন্দুভয়শ্চাপি নেদুস্তত্র মহাস্বনাঃ।
মারুতশ্চ ববৌ পুণ্যঃ পুণ্যগন্ধো বিশাম্পতে॥ 9-49-59 (63053)
উৎসৃজ্য তু শুভা দেহং জগামাস্য চ ভার্যতাম্।
তপসোগ্রেণ তং লব্ধ্বা তেন রেমে সহাচ্যুত॥ 9-49-60 (63054)
জনমেজয় উবাচ। 9-49-61x (5204)
কা তস্যা ভগবন্মাতা ক্ব সংবৃদ্ধা চ শোভনা।
শ্রোতুমিচ্ছাম্যহং বিপ্র পরং কৌতূহলং হি মে॥ 9-49-61 (63055)
বৈশম্পায়ন উবাচ। 9-49-62x (5205)
ভরদ্বাজস্য বিপ্রর্ষেঃ স্কন্নং রেতো মহাত্মনঃ।
দৃষ্ট্বাঽপ্সরসমায়ান্তী ঘৃতাচীং পৃথলোচনাম্॥ 9-49-62 (63056)
স তু জগ্রাহ তদ্রেতঃ করেণ জপতাং বরঃ।
তদাঽপতৎপর্ণপুটে তত্র সা সম্ভবৎসুতা॥ 9-49-63 (63057)
তস্যাস্তু জাতকর্মাদি কৃৎবা সর্বং তপোধনঃ।
নাম চাস্যাঃ স কৃতবান্ভরদ্বাজো মহামুনিঃ॥ 9-49-64 (63058)
শ্রুতাবতীতি ধর্মাত্মা দেবর্ষিগণসংসদি।
স্বে চ তামাশ্রমে ন্যস্য জগাম হিমবদ্বনম্॥ 9-49-65 (63059)
তত্রাপ্যুপস্পৃশ্য মহানুভাবো
বসূনি দত্ৎবা চ মহাদ্বিজেভ্যঃ।
জগাম তীর্থং সুসমাহিতাত্মা
শক্রস্য বৃষ্ণিপ্রবরস্তদানীম্॥ ॥ 9-49-66 (63060)
ইতি শ্রীমন্মহাভারতে শল্যপর্বণি হ্রদপ্রবেশপর্বণি একোনপঞ্চাশোঽধ্যায়ঃ॥ 49 ॥
Mahabharata - Shalya Parva - Chapter Footnotes
9-49-23 উপাবর্তয়ত অগ্রেঽগ্রে প্রসারিতবতী॥ 9-49-26 তচ্চাস্যা বচনং নিত্যমবর্তদ্বৃদি ভারত ইতি ঝ.পাঠঃ॥ 9-49-49 একোনপঞ্চাশোঽধ্যায়ঃ॥শল্যপর্ব - অধ্যায় 050
॥ শ্রীঃ ॥
9.50. অধ্যায়ঃ 050
Mahabharata - Shalya Parva - Chapter Topics
বলভদ্রস্যেরদ্রতীর্থাদিগমনম্॥ 1 ॥ তত্তত্তীর্থমাহাত্ম্যকথনম্॥ 2 ॥Mahabharata - Shalya Parva - Chapter Text
9-50-0 (63061)
বৈশম্পায়ন উবাচ। 9-50-0x (5206)
ইন্দ্রতীর্থং ততো গৎবা যদূনাং প্রবরো বলী।
বিপ্রেভ্যো ধনরত্নানি দদৌ স্নাৎবা যথাবিধি॥ 9-50-1 (63062)
তত্র হ্যমররাজো বৈ ঈজে ক্রতুশতেন হ।
বৃহস্পতেশ্চ দেবেশঃ প্রদদৌ বিপুলং ধনম্॥ 9-50-2 (63063)
অনর্গলান্সজারূথ্যান্সর্বান্বিবিধদক্ষিণান্।
আজহর ক্রতূংস্তত্র যথোক্তং বেদপারগৈঃ॥ 9-50-3 (63064)
তান্ক্রতূন্ভরতশ্রেষ্ঠ শতকৃৎবো মহাদ্যুতিঃ।
পূরয়ামাস বিধিবত্ততঃ খ্যাতঃ শতক্রতুঃ॥ 9-50-4 (63065)
তস্য নাম্না তু তত্তীর্থং শিবং পুণ্যং সনাতনম্।
ইন্দ্রতীর্থমিতি খ্যাতং সর্বপাপপ্রমোচনম্॥ 9-50-5 (63066)
উপস্পৃশ্য চ তত্রাপি বিধিবন্মুসলায়ুধঃ।
ব্রাহ্মণান্পূজয়িৎবা চ পানাচ্ছাদুনভোজনৈঃ॥ 9-50-6 (63067)
শুভং তীর্থবরং তস্মাদ্রামতীর্থং জগাম হ।
যত্র রামো মহাভাগো ভার্গবঃ সুমহাতপাঃ॥ 9-50-7 (63068)
অসকৃৎপৃথিবীং কৃৎবা হতক্ষত্রিয়পুঙ্গবাম্।
উপাধ্যায়ং পুরস্কৃত্য কাশ্যপং মুনিসত্তমম্॥ 9-50-8 (63069)
অয়জদ্বাজপেয়েন সোঽশ্বমেধশতেন চ।
প্রদদৌ দক্ষিণার্থং চ পৃথিবীং সাগরাম্বরাম্॥ 9-50-9 (63070)
রামো দত্ৎবা ধনং তত্র দ্বিজেভ্যো জনমেজয়।
উপস্পৃশ্য যথান্যায়ং পূজয়িৎবা তথা দ্বিজান্॥ 9-50-10 (63071)
পুণ্যতীর্থে শুভে দেশে বসু দত্ৎবা হলায়ুধঃ।
মুনীংশ্চৈবাভিবাদ্যাথ যমুনাতীর্থমাগমৎ।
যত্রানয়ামাস তদা রাজসূয়মপাম্পতিঃ॥ 9-50-11 (63072)
দিতেঃ সুতান্মহাভাগো বরুণো বৈ সিতপ্রভঃ।
যত্র নির্জিত্য সঙ্গ্রামে মানুষান্দানবাংস্তথা।
গন্ধর্বান্রাক্ষসাংশ্চৈব বরুণঃ পরবীরহা॥ 9-50-12 (63073)
তস্মিন্ক্রতুবরে বৃত্তে সঙ্গ্রামঃ সমজায়ত।
দেবানাং দানবানাং চ ত্রৈলোক্যস্য ভয়াবহঃ॥ 9-50-13 (63074)
রাজসূয়ে ক্রতুশ্রেষ্ঠে নিবৃত্তে জনমেজয়।
জায়তে সুমহাঘোরঃ সংক্ষয়ঃ ক্ষত্রিয়ান্প্রতি॥ 9-50-14 (63075)
হলায়ুধস্তদা রামস্তস্মিংস্তীর্থবরে শুভে।
তত্রস্নাৎবা চ দত্ৎবা চ দ্বিজেভ্যো বসু মাধবঃ॥ 9-50-15 (63076)
বনমালী ততো হৃষ্টঃ স্তূয়মানো দ্বিজাতিভিঃ।
তস্মাদাদিত্যতীর্থং চ জগাম কমলেক্ষণঃ॥ 9-50-16 (63077)
যত্রেষ্ট্বা ভগবাঞ্জ্যোতির্ভাস্করো রাজসত্তম।
জ্যোতিষামাধিপত্যং চ প্রভাবং চাভ্যপদ্যত॥ 9-50-17 (63078)
তস্যা নদ্যাস্তু তীরে বৈ সর্বে দেবাঃ সবাসবাঃ।
বিশ্বেদেবাঃ সমরুতো গন্ধর্বাপ্সরসশ্চ হ॥ 9-50-18 (63079)
দ্বৈপায়নঃ শুকশ্চৈব কৃষ্ণশ্চ মধুসূদনঃ।
যক্ষাশ্চ রাক্ষসাশ্চৈব পিশাচাশ্চ বিশাম্পতে॥ 9-50-19 (63080)
এতে চান্যে চ বহবো যোগসিদ্ধাঃ সহস্রশঃ।
তস্মিংস্তীর্থে সরস্বত্যাঃ শিবে পুণ্যে পরন্তপ॥ 9-50-20 (63081)
তত্র হৎবা পুরা বিষ্ণুরসুরৌ মধুকৈটভৌ।
আপ্লুত্য ভরতশ্রেষ্ঠ তীর্থপ্রবর উত্তমে॥ 9-50-21 (63082)
দ্বৈপায়নশ্চ ধর্মাত্মা তত্রৈবাপ্লুত্য ভারত।
সম্প্রাপ্তঃ পরমং যোগং সিদ্ধিং চ পরমাং গতঃ॥ 9-50-22 (63083)
অসিতো দেবলশ্চৈব তস্মিন্নেব মহাতপাঃ।
পরমং যোগমাস্থায় ঋষির্যোগমবাপ্তবান্॥ ॥ 9-50-23 (63084)
ইতি শ্রীমন্মহাভারতে শল্যপর্বণি হ্রদপ্রবেশপর্বণি পঞ্চাশোঽধ্যায়ঃ॥ 50 ॥
Mahabharata - Shalya Parva - Chapter Footnotes
9-50-1 আনয়ামাস মুনীনিত্যনুষজ্জ্যতে। রাজসূয়ং কর্তুমিতি শেষঃ॥ 9-50-50 পঞ্চাশত্তমোঽধ্যায়ঃ॥শল্যপর্ব - অধ্যায় 051
॥ শ্রীঃ ॥
9.51. অধ্যায়ঃ 051
Mahabharata - Shalya Parva - Chapter Topics
দেবলজৈগীষব্যযোশ্চরিত্রকীর্তনম্॥ 1 ॥ বলভদ্রস্যাদিত্যতীর্থাৎসোমতীর্থগমনম্॥ 2 ॥Mahabharata - Shalya Parva - Chapter Text
9-51-0 (63085)
বৈশম্পায়ন উবাচ। 9-51-0x (5207)
তস্মিন্নেব তু ধর্মাত্মা বসতি স্ম তপোধনঃ।
গার্হিস্থ্যং ধর্মমাস্থায় হ্যসিতো দেবলঃ পুরা॥ 9-51-1 (63086)
ধর্মনিত্যঃ শুচির্দান্তো যজ্ঞশীলো মহাতপাঃ।
কর্মণা মনসা বাচা সমঃ সর্বেষু জন্তুষু॥ 9-51-2 (63087)
অক্রোধনো মহারাজ তুল্যনিন্দাত্মসংস্তুতিঃ।
প্রিয়াপ্রিয়ে তুল্যবৃত্তির্যমবৎসমদর্শনঃ॥ 9-51-3 (63088)
কাঞ্চনে লোষ্ঠকে চৈব সমদর্শী মহাতপাঃ।
দেবানপূজয়ন্নিত্যমতিথীংশ্চ দ্বিজৈঃ সহ।
ব্রহ্মচর্যরতো নিত্যং সদা ধর্মপরায়ণঃ॥ 9-51-4 (63089)
ততোঽভ্যেত্য মহাভাগ যোগমাস্থায় ভিক্ষুকঃ।
জৈগীষব্যো মুনির্ধীমাংস্তস্মিংস্তীর্থে সমাহিতঃ॥ 9-51-5 (63090)
দেবলস্যাশ্রমে রাজন্ন্যবসৎস মহাদ্যুতিঃ।
যোগনিত্যো মহারাজ সিদ্ধিং প্রাপ্তো মহাতপাঃ॥ 9-51-6 (63091)
তং তত্র বসমানং তু জৈগীষব্যং মহামুনিম্।
দেবলো দর্শয়ন্নেব নৈবায়ুঞ্জত ধর্মতঃ॥ 9-51-7 (63092)
এবং তয়োর্মহারাজ দীর্ঘকালো ব্যতিক্রমৎ॥ 9-51-8 (63093)
জৈগীষব্যো মুনিস্তং তু দদর্শাথ স কেবলম্।
আহারকালে মতিমান্পরিব্রাড্ জমেজয়॥ 9-51-9 (63094)
উপাতিষ্ঠত ধর্মজ্ঞো ভৈক্ষকালে স দেবলম্।
গৌরবং পরমং চক্রে প্রীতিং চ বিপুলাং তথা॥ 9-51-10 (63095)
দেবলস্তু যথাশক্তি পূজয়ামাস ভারত।
ঋষিদৃষ্টেন বিধিনা সমা বহীঃ সমাহিতঃ॥ 9-51-11 (63096)
কদাচিত্তস্য নৃয়তে দেবলস্য মহাত্মনঃ।
চিন্তা সুমহতী জাতা মুনিং দৃষ্ট্বা মহাদ্যুতিম্॥ 9-51-12 (63097)
সমাস্তু সমতিক্রান্তা বহ্ব্যঃ পূজয়তো মম।
ন চায়মলসো ভিক্ষুরভ্যভাষত কিঞ্চন॥ 9-51-13 (63098)
এবং বিগণয়ন্নেব স জগাম মহোদধিম্।
অন্তরিক্ষচরঃ শ্রীমান্কলশং গৃহ্য দেবলং॥ 9-51-14 (63099)
গচ্ছন্নেব স ধর্মাত্মা সমুদ্রং সরিতাং পরিম্।
জৈগীষব্যং ততোঽপশ্যদ্রতং প্রাগেব ভারত॥ 9-51-15 (63100)
ততঃ সবিস্ময়শ্চিন্তাং জগামাথামিতপ্রভঃ।
কথং সিক্ষুরচং প্রাপ্তঃ সমুদ্রে স্নাত এব চ॥ 9-51-16 (63101)
ইত্যেবং চিন্তয়ামাস মহর্ষিরসিতস্তদা।
স্নাৎবা সখুদ্রে বিধিবচ্ছুচির্জপ্যং জজাপ সঃ॥ 9-51-17 (63102)
কৃতজxxxxx শ্রীমানাশ্রয়ং চ জগাম হ।
xxxxxxxxxx গৃহীৎবা জনমেজয়॥ 9-51-18 (63103)
ততঃ স প্রবিশন্নেব স্বমাশ্রমপদং মুনিঃ।
xxxxxxxxx তত্র জৈগীষব্যমপশ্যত॥ 9-51-19 (63104)
ন ব্যাহরতি চৈবেনং জৈগীষব্যঃ কথঞ্চন।
xxxxxxxx বসতি স্ম মহাতপাঃ॥ 9-51-20 (63105)
তং দৃষ্ট্বা চাপ্লুতং তোয়ে সামরে সাগরোপমম্।
প্রবিষ্টxxxxx চাপি পূর্বমেব দদর্শ সঃ॥ 9-51-21 (63106)
xxxxx দেবলো রাজংশ্চিন্তয়ামাস বুদ্ধিমান্।
xxxxxxx তপসো জৈগীষব্যাস্ব যোগজম্॥ 9-51-22 (63107)
চিন্তয়ামাস রাজেন্দ্র তদা স মুনিসত্তমঃ।
ময়া দৃষ্টঃ সমুদ্রে চ আশ্রমে চ কথংন্বয়ম্॥ 9-51-23 (63108)
এবং বিগণয়ন্নেব স মুনির্মন্ত্রপারগঃ।
উৎপপাতাশ্রমাত্তস্মাদন্তরিক্ষং বিশাম্পতে।
জিজ্ঞাসার্থং তদা ভিক্ষোর্জৈগীষব্যস্য দেবলঃ॥ 9-51-24 (63109)
সোঽন্তরিক্ষচরান্সিদ্ধান্সমপশ্যৎসমাহিতান্।
জৈগীষব্যং চ তৈঃ সিদ্ধৈঃ পূজ্যমানমপশ্যত॥ 9-51-25 (63110)
ততোঽসিতঃ সুসংরব্ধো ব্যবসায়ী দৃঢব্রতঃ।
অপশ্যদ্বৈ দিবং যাতং জৈগীষব্যং স দেবলঃ॥ 9-51-26 (63111)
তস্মাচ্চ পিতৃলোকং তং ব্রজন্তং সোঽন্বপশ্যত।
পিতৃলোকাচ্চ তং যাতং যাম্যং লোকমপশ্যত॥ 9-51-27 (63112)
`তস্মাদাদিত্যলোকং চ ব্রজন্তং সোঽন্বপশ্যত।'
তস্মাদপি সমুৎপত্য সোমলোকমভিষ্টুতম্।
ব্রজন্তমন্বপশ্যৎস জৈগীষব্যং স দেবলঃ॥ 9-51-28 (63113)
লোকান্সমুৎপতন্তং তু শুভানেকান্তয়াজিনাম্।
ততোঽগ্নিহোত্রিণাং লোকাংস্ততশ্চাপ্যুৎপপাত হ॥ 9-51-29 (63114)
দর্শং চ পৌর্ণমাসং চ যে যজন্তি তপোধনাঃ।
তেভ্যঃ স দদৃশে ধীমাঁল্লোকেভ্যঃ পশুয়াজিনাম্।
ব্রজন্তং লোকমমলমপশ্যদ্দেবপূজিতম্॥ 9-51-30 (63115)
চাতুর্মাস্যৈর্বহুবিধৈর্যজন্তে যে তপোধনাঃ।
তেষাং স্থানং ততো যতাং তথাঽগ্নিষ্টোময়াজিনাম্॥ 9-51-31 (63116)
অগ্নিষ্টুতেন চ তথা যে যজন্তি তপোধনঃ।
তৎস্থানমনুসম্প্রাপ্তমন্বপশ্যত দেবলঃ॥ 9-51-32 (63117)
বাজপেয়ং ক্রতুবরং তথা বহুসুবর্ণকম্।
আহরন্তি মহাপ্রাজ্ঞাস্তেষাং লোকেষ্বপশ্যত॥ 9-51-33 (63118)
যজন্তে রাজসূয়েন পুণ্ডরীকেণ চৈব যে।
তেষাং লোকেষ্বপশ্যচ্চ জৈগীষব্যং স দেবলঃ॥ 9-51-34 (63119)
অশ্বমেধং ক্রতুবরং নরমেধং তথৈব চ।
আহরন্তি নরশ্রেষ্ঠাস্তেষাং লোকেষ্বপশ্যত॥ 9-51-35 (63120)
সর্বমেধং চ দুষ্প্রাপং তথা সৌত্রামণিং চ যে।
তেষাং লোকেষ্বপশ্যচ্চ জৈগীষব্যং স দেবলঃ॥ 9-51-36 (63121)
দ্বাদশাহৈশ্চ সত্রৈশ্চ যজন্তে বিবিধৈর্নৃপ।
তেষাং লোকেষ্বপশ্যচ্চ জৈগীষব্যং স দেবলঃ॥ 9-51-37 (63122)
মৈত্রাবরুণয়োর্লোকানাদিত্যানাং তথৈব চ।
সলোকতামনুপ্রাপ্তমপশ্যত ততোঽসিতঃ॥ 9-51-38 (63123)
রুদ্রাণাং চ বসূনাং চ স্থানং যচ্চ বৃহস্পতেঃ।
তানিং সর্বাণ্যতীতং চ সমপশ্যত্ততোঽসিতঃ॥ 9-51-39 (63124)
আরুহ্য চ গবাং লোকং প্রয়ান্তং ব্রহ্মসত্রিণাম্।
লোকানপশ্যদ্গচ্ছন্তং জৈগীষব্যং ততোঽসিতঃ॥ 9-51-40 (63125)
ত্রীল্লোঁকান্প্রবরান্বিপ্রমুৎপতন্তং স্বতেজসা।
পতিব্রতানাং লোকাংশ্চ ব্রজন্তং সোঽন্বপশ্যত॥ 9-51-41 (63126)
ততো মুনিবরং ভূয়ো জৈগীষব্যমথাসিতঃ।
নান্বপশ্যত লোকস্থমন্তর্হিতমরিন্দম॥ 9-51-42 (63127)
সোঽচিন্তয়ন্মহাভাগো জৈগীষব্যস্য দেবলঃ।
প্রভাবং সুব্রতৎবং চ সিদ্ধিং যোগস্য চাতুলাম্॥ 9-51-43 (63128)
অসিতোঽপৃচ্ছত তদা সিদ্ধাঁল্লোকেষু সত্তমান্।
প্রয়তঃ প্রাঞ্জলির্ভূৎবা ধীরস্তান্ব্রহ্মচারিণঃ॥ 9-51-44 (63129)
জৈগীষব্যং ন পশ্যামি তং শংসন্তু তপোধনাঃ।
এতদিচ্ছাম্যহং শ্রোতুং পরং কৌতূহলং হি মে॥ 9-51-45 (63130)
সিদ্ধা ঊচুঃ। 9-51-46x (5208)
শৃণু দেবল ভূতার্থং শংসতাং নো দৃঢব্রত।
জৈগীষব্যো গতো লোকং শাশ্বতং ব্রহ্মণোক্ষয়ম্॥ 9-51-46 (63131)
বৈশম্পায়ন উবাচ। 9-51-47x (5209)
স শ্রুৎবা বচনং তেষাং সিদ্ধানাং ব্রহ্মচারিণাম্।
অসিতা দেবলস্তূর্ণমুৎপপাত পপাত চ॥ 9-51-47 (63132)
ততঃ সিদ্ধাস্ত ঊচুর্হি দেবলং পুনরেব হ।
ন দেবলগতিস্তত্র তব গন্তুং তপোধন।
ব্রহ্মণঃ সদনে বিপ্র জৈগীষব্যো যদাপ্তবান্॥ 9-51-48 (63133)
বৈশম্পায়ন উবাচ। 9-51-49x (5210)
তেষাং তদ্বচনং শ্রুৎবা সিদ্ধানাং দেবলঃ পুনঃ।
আনুপূর্ব্যেণ লোকাংস্তান্সর্বানবততার হ॥ 9-51-49 (63134)
স্বমাশ্রমপদং পুণ্যমাজগাম পতঙ্গবৎ।
প্রবিশন্নেব চাপশ্যজ্জৈগীষব্যং স দেবলঃ॥ 9-51-50 (63135)
ততো বুদ্ধ্যা ব্যগণয়দ্দেবলো ধর্ময়ুক্তয়া।
দৃষ্ট্বা প্রভাবং তপসো জৈগীষব্যস্য যোগজম্॥ 9-51-51 (63136)
ততোঽব্রবিন্মহাত্মানং জৈগীষব্যং স দেবলঃ।
বিনয়াবনতো রাজন্নুপসর্প্য মহামুনিম্।
মোক্ষধর্মং সমাস্থাতুমিচ্ছেয়ং ভগবন্নহম্॥ 9-51-52 (63137)
তস্য তদ্বচনং শ্রুৎবা উপদেশং চকার সঃ।
বিধিং যোগস্য পরমং কার্যাকার্যস্য শাস্ত্রতঃ॥ 9-51-53 (63138)
সন্নায়ে কৃতবুদ্ধিং তং ততো দৃষ্ট্বা মহাতপাঃ।
সর্বাশ্চাস্য ক্রিয়াশ্চক্রে বিধিদৃষ্টেন কর্মণা॥ 9-51-54 (63139)
সন্ন্যাসে কৃতবুদ্ধিং তং ভূতানি পিতৃভিঃ সহ।
ততো দৃষ্ট্বা প্ররুরুদুঃ কোঽস্মান্সংবিভজিষ্যতি॥ 9-51-55 (63140)
দেবলস্তু বচঃ শ্রুৎবা ভূতানাং করুণং তথা।
দিশো দশ ব্যাহরতাং মোক্ষং ত্যক্তুং মনো দধে॥ 9-51-56 (63141)
ততস্তু ফলমূলানি পবিত্রাণি চ ভারত।
পুষ্পাণ্যোষধয়শ্চৈব রোরূয়ন্তে সহস্রশঃ॥ 9-51-57 (63142)
পুনর্নো দেবলঃ ক্ষুদ্রো নূনং ছেৎস্যতি দুর্মতিঃ।
অভয়ং সর্বভূতেভ্যো যো দত্ৎবা নাববুধ্যতে॥ 9-51-58 (63143)
ততো ভূয়ো ব্যগণয়ৎস্ববুদ্ধ্যা মুনিসত্তমঃ।
মোক্ষে গার্হস্থ্যধর্মে বা কিন্নু শ্রেয়স্করং ভবেৎ॥ 9-51-59 (63144)
ইতি নিশ্চিত্য মনসা দেবলো রাজসত্তম।
ত্যক্ৎবা গার্হস্থ্যধর্মং স মোক্ষধর্মমরোচয়ৎ॥ 9-51-60 (63145)
এবমাদীনি সঞ্চিন্ত্য দেবলো নিশ্চয়ান্বিতঃ।
প্রাপ্তবান্পরমাং সিদ্ধিং পরং যোগং চ ভারত॥ 9-51-61 (63146)
ততো দেবাঃ সমাগম্য বৃহস্পতিপুরোগমাঃ।
জৈগীষব্যং তপশ্চাস্য প্রশংসন্তি তপস্বিনঃ॥ 9-51-62 (63147)
অথাব্রবীদৃষিবরো দেবান্বৈ নারদস্তথা।
জৈগীষব্যে তপো নাস্তি বিস্মাপয়তি যোঽসিতম্॥ 9-51-63 (63148)
তমেবংবাদিনং ধীরং প্রত্যূচুস্তে দিবৌকসঃ।
নৈবমিত্যেব শংসন্তো জৈগীষব্যং মহামুনিম্॥ 9-51-64 (63149)
নাতঃ পরতরং কিঞ্চিত্তুল্যমস্তি প্রভাবতঃ।
তেজসস্তপসশ্চাস্য যোগস্য চ মহাত্মনঃ॥ 9-51-65 (63150)
এবং প্রভাবো ধর্মাত্মা জৈগীষব্যস্তথাঽসিতঃ।
তয়োরিদং স্থানবরং তীর্থং চৈব মহাত্মনোঃ॥ 9-51-66 (63151)
তত্রাপ্যুপস্পৃশ্য ততো মহাত্মা
দত্ৎবা চ বিত্তং হলভৃদ্দ্বিজেভ্যঃ।
অবাপ্য ধর্মং পরমার্থকর্মা
জগাম সোমস্য মহাxxxxxxর্থম্। ॥ 9-51-67 (63152)
ইতি শ্রীমন্মহাভারতে শল্যপর্বণি হ্রদপ্রবেশপর্বণি একপঞ্চাশত্তমোঽধ্যায়ঃ॥ 51 ॥
Mahabharata - Shalya Parva - Chapter Footnotes
9-51-7 নৈবাপুঞ্চত ধর্মতঃ ইতি ছ.পাঠঃ॥ 9-51-8 ন্যতিক্রমৎ ব্যত্যক্রামৎ॥ 9-51-16 অসিতপ্রভ ইতি ছ.পাঠঃ॥ 9-51-46 ভূতার্থং যথাভূতার্থম্॥ 9-51-47 উৎপপাত ব্রহ্মলোকং গন্তুমিতি শেষঃ। পপাত চ গগনাৎ॥ 9-51-54 সর্বাঃ ক্রিয়া উৎসর্গেষ্ঠ্যাদয়ঃ॥ 9-51-56 মোক্ষং সন্ন্যাসং ত্যক্তুং মনো দধে। উৎসৃষ্টা নামগ্নীনাং পুনরাধানং কর্তুমৈচ্ছৎ॥ 9-51-66 অসিতো দেবল॥ 9-51-51 একপঞ্চাশত্ততোঽধ্যায়ঃ॥শল্যপর্ব - অধ্যায় 052
॥ শ্রীঃ ॥
9.52. অধ্যায়ঃ 052
Mahabharata - Shalya Parva - Chapter Topics
দধীচিসারস্বতয়োশ্চরিতবর্ণনম্॥ 1 ॥Mahabharata - Shalya Parva - Chapter Text
9-52-0 (63153)
বৈশম্পায়ন উবাচ। 9-52-0x (5211)
যত্রেজিবানুডুপতী রাজসূয়েন ভারত।
যস্মিন্বৃত্তে মহানাসীৎসঙ্গ্রামস্তারকাময়ঃ॥ 9-52-1 (63154)
তত্রাপ্যুপস্পৃশ্য বলো দত্ৎবা দানানি চাত্মবান্।
সারস্বতস্য ধর্মাত্মা মুনেস্তীর্থং জগাম হ॥ 9-52-2 (63155)
যত্র দ্বাদশবার্ষিক্যামনাবৃষ্ট্যাং দ্বিজোত্তমান্।
বেদানধ্যাপয়ামাস পুরা সারস্বতো মুনিঃ॥ 9-52-3 (63156)
জনমেজয় উবাচ। 9-52-4x (5212)
কথং দ্বাদশবার্ষিক্যামনাবৃষ্ট্যাং দ্বিজোত্তমান্।
বেদানধ্যাপয়ামাস পুরা সারস্বতো মুনিঃ॥ 9-52-4 (63157)
বৈশম্পায়ন উবাচ। 9-52-5x (5213)
আসীৎপূর্বং মহারাজ মুনির্ধীমান্মহাতপাঃ।
দধীচিরিতি বিখ্যাতো ব্রহ্মচারী জিতেন্দ্রিয়ঃ॥ 9-52-5 (63158)
তস্যাতিতপসঃ শক্রো বিভেতি সততং বিভো।
ন স লোভয়িতুং শক্যঃ ফলৈর্বহুবিধৈরপি॥ 9-52-6 (63159)
প্রলোভনার্থং তস্যাথ প্রাহিণোৎপাকশাসনঃ।
দিব্যামপ্সরসং পুণ্যাং দর্শনীয়ামলম্বুসাম্॥ 9-52-7 (63160)
তস্য তর্পয়তো দেবান্সরস্বত্যাং মহাত্মনঃ।
সমীপতো মহারাজ সোপাতিষ্ঠত ভামিনী॥ 9-52-8 (63161)
তাং দিব্যবপুষং দৃষ্ট্বা তস্যর্ষের্ভাবিতাত্মনঃ।
রেতঃ স্কন্নং সরস্বত্যাং তস্মা জগ্রাহ নিম্নগা॥ 9-52-9 (63162)
কুক্ষৌ চাপ্যদধদ্বৃষ্টা তদ্রেতঃ পুরুষর্ষভ।
সা দধার চ তং গর্ভং পুত্রহেতোর্মহাত্মনঃ॥থ 9-52-10 (63163)
সুষুবে চাপি সময়ে পুত্রং সারস্বতং বরম্।
জগাম পুত্রমাদায় তমৃষিং প্রতি চ প্রভো॥ 9-52-11 (63164)
ঋষিসংসদি তং দৃষ্ট্বা সা নদী মুনিসত্তমম্।
ততঃ প্রোবাচ রাজেন্দ্র দদতী পুত্রমস্য তম্।
ব্রহ্মর্ষে তব পুত্রোঽয়ং ৎবদ্ভক্ত্যা ধারিতো ময়া॥ 9-52-12 (63165)
দৃষ্ট্বা তেঽপ্সরসং রেতো যৎস্কন্নং প্রাগলম্বুসাম্।
তৎকুক্ষিণাঽহং ব্রহ্মর্ষে ৎবদ্ভক্ত্যা ধৃতবত্যহম্॥ 9-52-13 (63166)
ন বিনাশমিদং গচ্ছেত্ৎবত্তেজ ইতি নিশ্চয়াৎ।
প্রতিগৃহ্ণীষ্ব পুত্রং স্বং ময়া দত্তমনিন্দিতম্॥ 9-52-14 (63167)
ইত্যুক্তঃ প্রতিজগ্রাহ প্রীতিং চাবাপ পুষ্কলাম্।
পিতৃবচ্চোপজিঘ্রত্তং মূর্ধ্নি প্রেম্ণা দ্বিজোত্তমঃ॥ 9-52-15 (63168)
পরিষ্বজ্য চিরং কালং তদা ভরতসত্তম।
সরস্বত্যৈ বরং প্রাদাৎপ্রীয়মাণো মহামুনিঃ॥ 9-52-16 (63169)
বিশ্বেদেবাঃ সপিতরো গন্ধর্বাপ্সরসাং গণাঃ।
তৃপ্তিং যাস্যন্তি সুভগে তর্প্যমাণাস্তবাম্ভসা॥ 9-52-17 (63170)
ইত্যুক্ৎবা স তু তুষ্টাব বচোভির্বৈ মহানদীম্।
প্রীতঃ পরমহৃষ্টাত্মা যথাবচ্ছৃণু পার্থিব॥ 9-52-18 (63171)
দধীচিরুবাচ। 9-52-19x (5214)
প্রস্রুতাঽসি মহাভাগে সরসো ব্রহ্মণঃ পুরা।
জানন্তি ৎবাং সরিচ্ছ্রেষ্ঠে মুনয়ঃ সংশিতব্রতাঃ॥ 9-52-19 (63172)
মম প্রিয়করী চাপি সততং প্রিয়দর্শনে।
তস্মাৎসারস্বতং পুত্রমদধা বরবর্ণিনি॥ 9-52-20 (63173)
তবৈব নাম্না প্রথিতঃ পুত্রস্তে লোকভাবনঃ।
সারস্বত ইতি খ্যাতো ভবিষ্যতি মহাতপাঃ॥ 9-52-21 (63174)
এষ দ্বাদশবার্ষিক্যামনাবৃষ্ট্যাং দ্বিজর্ষভান্।
সারস্বতো মহাভাগে বেদানধ্যাপয়িষ্যতি॥ 9-52-22 (63175)
পুণ্যাভ্যশ্চ সরিদ্ভ্যস্ৎবং সদা পুণ্যতমা শুভে।
ভবিষ্যসি মহাভাগে মৎপ্রসাদাৎসরস্বতি॥ 9-52-23 (63176)
এবং স্ত সংস্তুতা তেন বরং লব্ধ্বা মহানদী।
পুত্রমাদায় মুদিতা জগাম ভরতর্ষভ॥ 9-52-24 (63177)
এতস্মিন্নেব কালে তু বিরোধে দেবদানবৈঃ।
শক্রঃ প্রহরণান্বিষী লোকাংস্ত্রীন্বিচচার হ॥ 9-52-25 (63178)
ন চোপলেভে ভগবাঞ্শক্রঃ প্রহরণং তদা।
যদ্বৈ তেষাং ভবেদ্যোগ্যং বধায় বিবুধদ্বিষাম্॥ 9-52-26 (63179)
ততোঽব্রবীৎসুরাঞ্শক্রো ন মে শক্যাঃ সুরারয়ঃ।
ঋতেঽস্থিভির্দধীচস্য নিহন্তুং ত্রিদশদ্বিষঃ॥ 9-52-27 (63180)
তস্মাদ্যত্নাদৃষিশ্রেষ্ঠো যাচ্যতাং কার্যসিদ্ধয়ে।
দধীচাস্থীনি দেহীতি তৈর্বধিষ্যামহে রিপূন্॥ 9-52-28 (63181)
স চ তৈর্যাচিতোঽস্থীনি যত্নাদৃষিবরস্তদা।
সাহায়্যং নঃ কুরুষ্বেতি চকারৈবাবিচারয়ন্॥ 9-52-29 (63182)
স লোকানক্ষয়ান্প্রাপ্তো দেবপ্রিয়করস্তদা।
তস্যাস্থিভিরথো শক্রঃ সম্প্রহৃষ্টমনাস্তদা॥ 9-52-30 (63183)
কারয়ামাস দিব্যানি নানাপ্রহরণান্যুত।
গদা বজ্রাণি চক্রাণি গুরূন্দণ্ডাংশ্চ পুষ্কলান্॥ 9-52-31 (63184)
স হি তীব্রেণ তপসা সম্ভৃতঃ পরমর্ষিণা।
প্রজাপতিসুতেনাথ ভৃগুণা লোকভাবনঃ॥ 9-52-32 (63185)
অতিকায়ঃ স তেজস্বী লোকসারো বিনির্মিতঃ।
জজ্ঞে শৈলগুরুঃ প্রাংশুর্মহিম্না প্রথিতঃ প্রভুঃ॥ 9-52-33 (63186)
নিত্যমুদ্বিজতে চাস্য তেজসঃ পাকশাসনঃ॥ 9-52-34 (63187)
তেন বজ্রেণ ভগবান্মন্ত্রয়ুক্তেন ভারত।
ভৃশং ক্রোধবিসৃষ্টেন ব্রহ্মতেজোদ্ভবেন চ।
দৈত্যদানববীরাণাং জঘান নবতীর্নব॥ 9-52-35 (63188)
অথ কালে ব্যতিক্রান্তে মহত্যতিভয়ঙ্করী।
অনাবৃষ্টিরনুপ্রাপ্তা রাজন্দ্বাদশবার্ষিকী॥ 9-52-36 (63189)
তস্যাং দ্বাদশবার্ষিক্যামনাবৃষ্ট্যাং মহর্ষয়ঃ।
বৃত্ত্যর্থং প্রাদ্রবন্রাজন্ক্ষুধার্তাঃ সর্বতোদিশম্॥ 9-52-37 (63190)
দিগ্ভ্যস্তান্প্রদ্রুতান্দৃষ্ট্বা মুনিঃ সারস্বতস্তদা।
গমনায় মতিং চক্রে তং প্রোবাচ সরস্বতী॥ 9-52-38 (63191)
ন গন্তব্যমিতঃ পুত্র তবাহারমহং সদা।
দাস্যামি মৎস্যপ্রবরানুষ্যতামিহ ভারত॥ 9-52-39 (63192)
ইত্যুক্তস্তর্পয়ামাস স পিতৄন্দেবতাস্তথা।
আহারমকরোন্নিত্যং প্রাণান্বেদাংশ্চ ধারয়ন্॥ 9-52-40 (63193)
অথ তস্যামনাবৃষ্ট্যামতীতায়াং মহর্ষয়ঃ।
অন্যোন্যং পরিপপ্রচ্ছুঃ পুনঃ স্বাধ্যায়কারণাৎ॥ 9-52-41 (63194)
তেষাং ক্ষুধাপরীতানাং নষ্টা দেবা বিধাবতাম্।
সর্বেষামেব রাজেন্দ্র ন কিচিৎপ্রতিভাতি হ॥ 9-52-42 (63195)
অথ কশ্চিদৃষিস্তেষাং সারস্বতমুপেয়িবান্।
কুর্বাণং সংশিতাত্মানং স্বাধ্যায়মৃষিসত্তমম্॥ 9-52-43 (63196)
স গৎবাঽচষ্ট তেভ্যশ্চ সারস্বতমৃষিং প্রভুম্।
স্বাধ্যায়মমরপ্রখ্যং কুর্বাণং বিজনে বনে॥ 9-52-44 (63197)
ততঃ সর্বে সমাজগ্মুস্তত্র রাজন্মহর্ষয়ঃ।
সারস্বতং মুনিশ্রেষ্ঠমিদমূচুঃ সমাগতাঃ॥ 9-52-45 (63198)
অস্মানধ্যাপয়স্বেতি তানুবাচ ততো মুনিঃ।
শিষ্যৎবমুপাগচ্ছধ্বং বিধিনা চ মমেত্যুত॥ 9-52-46 (63199)
তত্রাব্রুবন্মুনিগণা বালস্ৎবমসি পুত্রক।
স তানাহ ন মে ধর্মো নশ্যেদিতি পুনর্মুনীন্॥ 9-52-47 (63200)
যো হ্যধর্মেণ বৈ ব্রূয়াদ্গৃহ্ণীয়াদ্যোঽপ্যধর্মতঃ।
ম্রিয়েতাং তাবুভৌ ক্ষিপ্রং স্যাতাং বা বৈরিণাবুভৌ॥ 9-52-48 (63201)
ন হায়নৈর্ন পলিতৈর্ন বিত্তেন ন বন্ধুভিঃ।
ঋষয়শ্চক্রিরে ধর্মং যোঽনূচানঃ স নো মহান্॥ 9-52-49 (63202)
এতচ্ছ্রুৎবা বচস্তস্য মনুয়স্তে বিধানতঃ।
তস্মাদ্বেদাননুপ্রাপ্য পুনর্ধর্মং প্রচক্রিরে॥ 9-52-50 (63203)
ষষ্টির্মুনিসহস্রাণি শিষ্যৎবং প্রতিপেদিরে।
সারস্বতস্য বিপ্রর্ষের্বেদস্বাধ্যায়কারণাৎ॥ 9-52-51 (63204)
মুষ্টিং মুষ্টিং ততঃ সর্বে দর্ভাণাং তে হ্যুপাহরন্।
তস্যাসনার্থং বিপ্রর্ষের্বালস্যাপি বশে স্থিতাঃ॥ 9-52-52 (63205)
তত্রাপি দত্ৎবা বসু রৌহিণেয়ো
মহাবলঃ কেশবপূর্বজোঽথ
জগাম তীর্থং মুদিতঃ ক্রমেণ
তং বৃদ্ধকন্যাশ্রমমে ব বীরঃ॥ ॥ 9-52-53 (63206)
ইতি শ্রীমন্মহাভারতে শল্যপর্বণি হ্রদপ্রবেশপর্বণি দ্বিপঞ্চাশত্তমোঽধ্যায়ঃ॥ 52 ॥
Mahabharata - Shalya Parva - Chapter Footnotes
9-52-5 দধীচ ইতি ইতি ছ.ঝ.পাঠঃ॥ 9-52-12 ঋষিসংসাদিতং দৃষ্ট্বেতি ক.ছ.পাঠঃ। তত্র সংসাদিতং পরিবারিতমিত্যর্থঃ॥ 9-52-28 দধীচোঽস্থীনীতি ছ.পাঠঃ॥ 9-52-29 প্রাণত্যাগং কুরুশ্রেষ্ঠ চকারৈবাবিচারয়ষিতি ঝ.পাঠঃ॥ 9-52-34 অস্য মুনেঃ॥ 9-52-35 তেন তদস্থিজেন বজ্রেণ নবতীর্নব দশাধিকাং অষ্টশতীম॥ 9-52-52 দ্বিপঞ্চাশত্তমোঽধ্যায়ঃ॥শল্যপর্ব - অধ্যায় 053
॥ শ্রীঃ ॥
9.53. অধ্যায়ঃ 053
Mahabharata - Shalya Parva - Chapter Topics
বৃদ্ধকন্যাচরিত্রকথনম্॥ 1 ॥Mahabharata - Shalya Parva - Chapter Text
9-53-0 (63207)
জনমেজয় উবাচ। 9-53-0x (5215)
কথং কুমারী ভগবংস্তপোয়ুক্তা হ্যভূৎপুরা।
কিমর্থং চ তপস্তেপে কো বাঽস্যা নিয়মোঽভবৎ॥ 9-53-1 (63208)
সুদুষ্করমিদং ব্রহ্মংস্ৎবত্তঃ শ্রুতমনুত্তমম্।
আখ্যাহি তত্ৎবমখিলং যথা তপসি সা স্থিতা॥ 9-53-2 (63209)
বৈশম্পায়ন উবাচ। 9-53-3x (5216)
ঋষিরাসীন্মহাবীর্যঃ কুণির্গার্গ্যো মহায়শাঃ।
স তপ্ৎবা বিপুলং রাজংস্তপো বৈ তপতাং বরঃ।
তপসাঽথ সুতাং সুভ্রূং সমুৎপাদিতবান্বিভুঃ॥ 9-53-3 (63210)
তাং চ দৃষ্ট্বা মুনিঃ প্রীতঃ কুণির্গার্গ্যো মহায়শাঃ।
জগাম ত্রিদিবং রাজন্সংত্যজ্যেহ কলেবরম্॥ 9-53-4 (63211)
সুভ্রূঃ সা হ্যথ কল্যাণী পুণ্ডরীকনিভেক্ষণা।
মহতা তপসোগ্রেণ কৃৎবাশ্রমমনিন্দিতা॥ 9-53-5 (63212)
উপবাসৈঃ পূজয়ন্তী পিতৄন্দেবাংশ্চ সা পুরা।
তস্যাস্তু তপসোগ্রেণ মহান্কালোঽত্যগান্নৃপ॥ 9-53-6 (63213)
সা পিত্রা দীয়মানাপি পতিং নৈচ্ছদনিন্দিতা।
আত্মনঃ সদৃশং সা তু ভর্তারং নান্বপশ্যত॥ 9-53-7 (63214)
ততঃ সা তপসোগ্রেণ পীডয়িৎবাঽঽত্মনস্তনুম্।
পিতৃদেবার্চনরতা বভূব বিজনে বনে॥ 9-53-8 (63215)
সাঽঽত্মানং মন্যমানা তু কৃতকৃত্যং শ্রমান্বিতা।
`জগাম বৃদ্ধভাবং তু কৌমারব্রহ্মচারিণী'॥ 9-53-9 (63216)
বার্ধকেন চ রাজেন্দ্র তপসা চৈব কর্শিতা।
সা নাশকদ্যদা গন্তুং পদাৎপদমপি স্বয়ম্॥ 9-53-10 (63217)
চকার গমনে বুদ্ধিং পরলোকায় বৈ তদা।
মোক্তুকামাং তু তাং দৃষ্ট্বা শরীরং নারদোঽব্রবীৎ॥ 9-53-11 (63218)
অসংস্কৃতায়াঃ কন্যায়াঃ কুতো লোকাস্তবানঘে।
এবং তু শ্রুতমস্মাভির্দেবলোকে মহাব্রতে॥ 9-53-12 (63219)
তপঃ পরমকং প্রাপ্তং ন তু লোকাস্ৎবয়া জিতাঃ।
তন্নারদবচঃ শ্রুৎবা সাঽব্রবীদৃষিসংসদি॥ 9-53-13 (63220)
তপসোঽর্ধং প্রয়চ্ছামি পাণিগ্রাহস্য সত্তমাঃ।
ইত্যুক্তেঽস্যাস্তু জগ্রাহ পাণিং গালবসম্ভবঃ॥ 9-53-14 (63221)
ঋষিঃ প্রাক্ শৃঙ্গবান্নাম সময়ং চেমমব্রবীৎ।
সময়েন তবাদ্যাহং পাণিং স্প্রক্ষ্যামি শোভনে॥ 9-53-15 (63222)
যদ্যেকরাত্রং বস্তব্যং ৎবয়া সহ ময়েতি হ।
তথেতি সা প্রতিশ্রুত্য তস্মৈ পাণিং দদৌ তদা॥ 9-53-16 (63223)
যথাদৃষ্টেন বিধিনা হুৎবা চাগ্নিং বিধানতঃ।
চক্রে চ পাণিগ্রহণং তস্যোদ্বাহং চ গালবিঃ॥ 9-53-17 (63224)
সা রাত্রাবভবদ্রাজংস্তরুণী বরবর্ণিনী।
দিব্যাভরণবস্ত্রা চ দিব্যগন্ধানুলেপনা॥ 9-53-18 (63225)
তাং দৃষ্ট্বা গালবিঃ প্রীতো দীপয়ন্তীমিব শ্রিয়া।
উবাস চ ক্ষপামেকাং প্রভাতে সাঽব্রবীচ্চ তম্॥ 9-53-19 (63226)
যস্ৎবয়া সময়ো বিপ্র কৃতো মে তপতাং বর।
তেনোষিতাঽস্মি ভদ্রং তে স্বস্তি তেঽস্তু ব্রজাম্যহম্॥ 9-53-20 (63227)
সা তু ধ্যাৎবাঽব্রবীদ্ভূয়ো যোঽস্মিংস্তীর্থে সমাহিতঃ।
বসতে রজনীমেকাং তর্পয়িৎবা দিবৌকসঃ॥ 9-53-21 (63228)
চৎবারিংশতমষ্টৌ চ দ্বৌ চাষ্টৌ সম্যগাচরেৎ।
যো ব্রহ্মচর্যং বর্ষাণি ফলং তস্য লভেত সঃ॥ 9-53-22 (63229)
এবমুক্ৎবা ততঃ সাধ্বী দেহং ত্যক্ৎবা দিবং গতা।
ঋষিরপ্যভবদ্দীনস্তস্যা রূপং বিচিন্তয়ন্॥ 9-53-23 (63230)
সময়েন তপোঽর্ধং চ কৃচ্ছ্রাৎপ্রতিগৃহীতবান্।
সাধয়িৎবা তদাঽঽত্মানং তস্যাঃ স গতিমাপ্তবান্।
দুঃখিতো ভরতশ্রেষ্ঠ তস্যা রূপবলাৎকৃতঃ॥ 9-53-24 (63231)
এতত্তে বৃদ্বকন্যায়া ব্যাখ্যাতং চরিতং মহৎ।
তথৈব ব্রহ্মচর্যং চ স্বর্গস্য চ গতিঃ শুভা॥ 9-53-25 (63232)
তত্রস্থশ্চাপি শুশ্রাব হতং শল্যং হলায়ুধঃ॥ 9-53-26 (63233)
তত্রাপি দত্ৎবা দানানি দ্বিজাতিভ্যঃ পরন্তপঃ।
শুশোচ শল্যং সঙ্গ্রামে নিহতং পাণ্ডবৈস্তদা॥ 9-53-27 (63234)
সমন্তপঞ্চকদ্বারাত্ততো নিষ্ক্রম্য মাধবঃ।
পপ্রচ্ছর্ষিগণারামঃ কুরুক্ষেত্রস্য যৎফলম্॥ 9-53-28 (63235)
তে পৃষ্টা যদুসিংহেন কুরুক্ষেত্রফলং বিভো
সমাচখ্যুর্মহাত্মানস্তস্মৈ সর্বং যথাতথম্॥ ॥ 9-53-29 (63236)
ইতি শ্রীমন্মহাভারতে শল্যপর্বণি হ্রদপ্রবেশপর্বণি ত্রিপঞ্চাশতমোঽধ্যায়ঃ॥ 53 ॥
Mahabharata - Shalya Parva - Chapter Footnotes
9-53-3 তপসা সংয়ুতা সুভ্রূঃ সমুৎপনঃ ইতি ছ. পাঠঃ॥ 9-53-22 চৎবারিংশতমষ্টৌ চেতি। প্রতিবেদং দ্বাদশবর্ষাণীতি বেদচতুষ্টয়াধ্যযনায়াষ্টাচৎবারিংশদ্বর্ষাণি। ততো দ্বৈ বৎসরৌ স্নাতকেন গুরোরানৃণ্যার্থং সেবা কার্যা। ততোঽষ্টবার্ষিকীং কন্যাং পরিণীয় তস্যা যৌবনাবধ্যষ্টবর্ষাণীত্যষ্টপঞ্চাশদ্বর্ষাণি ব্রহ্মচর্যং সর্বস্যেষ্টম্॥ 9-53-24 সঙ্গতিমন্বিয়াৎ ইতি ছ. পাঠঃ॥ 9-53-53 ত্রিপঞ্চাশোঽধ্যায়ঃ॥শল্যপর্ব - অধ্যায় 054
॥ শ্রীঃ ॥
9.54. অধ্যায়ঃ 054
Mahabharata - Shalya Parva - Chapter Topics
দলভদ্রায় মহর্ষিভিঃ কুরুক্ষেত্রমহিমানুবর্ণনম্॥ 1 ॥Mahabharata - Shalya Parva - Chapter Text
9-54-0 (63237)
ঋষয় ঊচুঃ। 9-54-0x (5217)
প্রজাপতেরুত্তরবেদিরুচ্যতে
সনাতনং রাম সমন্তপঞ্চকম্।
সমীজিরে যত্র পুরা দিবৌকসো
বরেণ সত্রেণ মহাবরপ্রদাঃ॥ 9-54-1 (63238)
পুরা চ রাজর্ষিবরেণ ধীমতা
বহূনি বর্ষাণ্যমিতেন তেজসা।
প্রকৃষ্টমেতৎকুরুণা মহাত্মনা
ততঃ কুরুক্ষেত্রমিতীহ পপ্রথে॥ 9-54-2 (63239)
রাম উবাচ। 9-54-3x (5218)
কিমর্থং কুরুণা কৃষ্টং ক্ষেত্রমেতন্মহাত্মনা।
এতদিচ্ছাম্যহং শ্রোতুং কথ্যমানং তপোধনাঃ॥ 9-54-3 (63240)
ঋষয় ঊচুঃ। 9-54-4x (5219)
পুরা কিল কুরুং রাম কর্ষন্তং সততোত্থিতম্।
অভ্যেত্য শক্রস্ত্রিদিবাৎপর্যপৃচ্ছত কারণম্॥ 9-54-4 (63241)
ইন্দ্র উবাচ। 9-54-5x (5220)
কিমিদং বর্ততে কর্ম প্রয়ত্নেন পরেণ চ।
রাজর্ষে কিমভিপ্রেত্য যেনেয়ং কৃষ্যতে ক্ষিতিঃ॥ 9-54-5 (63242)
কুরুরুবাচ। 9-54-6x (5221)
ইহ যে পুরুষাঃ ক্ষেত্রে জনিষ্যন্তি শতক্রতো।
তে গমিষ্যন্তি সুকৃতাং লোকান্পাপবিবর্জিতান্॥ 9-54-6 (63243)
অপহাস্য তু তং শক্রো জগাম ত্রিদিবং পুনঃ।
রাজর্ষিরপ্যনির্বিণ্ণঃ কর্ষত্যেব বসুন্ধরাম্॥ 9-54-7 (63244)
আগম্যাগম্য চৈবৈনং ভূয়োভূয়োঽপহাস্য চ।
শত্রক্রতুরনির্বিণ্ণং পৃষ্ট্বাপৃষ্ট্বা জগাম হ॥ 9-54-8 (63245)
যদা তু তপসোগ্রেণ চকর্ষ বসুধাং নৃপঃ।
ততঃ শক্রোঽব্রবীদ্দেবান্রাজর্ষের্যচ্চিকীর্ষিতম্॥ 9-54-9 (63246)
এতচ্ছ্রুৎবাঽব্রুবন্দেবাঃ সহস্রাক্ষমিদং বচঃ।
বরেণ চ্ছন্দ্যতাং শক্র রাজর্ষির্যদি শক্যতে॥ 9-54-10 (63247)
যদি হ্যত্র প্রসূতা বৈ স্বর্গং গচ্ছন্তি মানবাঃ।
অস্মাননিষ্ট্বা ক্রতুভির্ভাগো নো ন ভবিষ্যতি॥ 9-54-11 (63248)
আগম্য চ ততঃ শক্রস্তদা রাজর্ষিমব্রবীৎ।
অলং খেদেন ভবতঃ ক্রিয়তাং বচনং মম॥ 9-54-12 (63249)
মানবা যে নিরাহারা দেহং ত্যক্ষ্যন্ত্যতন্দ্রিতাঃ।
যুধি বা নিহতাঃ সম্যগপি তির্যগ্গতা নৃপ॥ 9-54-13 (63250)
তে স্বর্গভাজো রাজেন্দ্র ভবন্ৎবিহ হতাস্তু যে।
তথাস্ৎবিতি ততো রাজা কুরুঃ শক্রমুবাচ হ॥ 9-54-14 (63251)
ততস্তমভ্যনুজ্ঞাপ্য প্রহৃষ্টেনান্তরাত্মনা।
জগাম ত্রিদিবং ভূয়ঃ ক্ষিপ্রং বলনিষূদনঃ॥ 9-54-15 (63252)
এবমেতদ্যদুশ্রেষ্ঠ কৃষ্টং রাজর্ষিণা পুরা।
শক্রেণ চাভ্যনুজ্ঞাতঃ পুণ্যে প্রাণান্মুমোচ হ॥ 9-54-16 (63253)
[শক্রেণ চাভ্যনুজ্ঞাতং ব্রাহ্মদ্যৈশ্চ সুরৈস্তথা।
নাতঃ পরতরং পুণ্যং ভূমেঃ স্থানং ভবিষ্যতি॥ 9-54-17 (63254)
ইহ তপ্স্যন্তি যে কেচিত্তপঃ পরমকং নরাঃ।
দেহত্যাগেন তে সর্বে যাস্যন্তি ব্রহ্মণঃ ক্ষয়ম্॥ 9-54-18 (63255)
যে পুনঃ পুণ্যভাজো বৈ দানং দাস্যন্তি মানবাঃ।
তেষাং সহস্রগুণিতং ভবিষ্যত্যচিরেণ বৈ॥ 9-54-19 (63256)
যে চেহ নিত্যং মনুজা নিবৎস্যন্তি শুভৈষিণঃ।
যমস্য বিষয়ং তে তু ন দ্রক্ষ্যন্তি কদাচন॥ 9-54-20 (63257)
যক্ষ্যন্তি যে চ ক্রতুভির্মহদ্ভির্মনুজেশ্বরাঃ।
তেষাং ত্রিবিষ্টপে বাসো যাবদ্ভূমির্ধরিষ্যতি॥] 9-54-21 (63258)
অপি চাত্র স্বয়ং শক্রো জগৌ গাথাং সুরাধিপঃ।
কুরুক্ষেত্রনিবদ্ধাং বৈ তাং শৃণুষ্ব হলায়ুধ॥ 9-54-22 (63259)
পাংসবোঽপি কুরুক্ষেত্রাদ্বায়ুনা সমুদীরিতাঃ।
অপি দুষ্কৃতকর্মাণং নয়ন্তি পরমাং গতিম্॥ 9-54-23 (63260)
`কুরুক্ষেত্রং গমিষ্যামি কুরুক্ষেত্রে বসাম্যহম্।
ইত্যেবং নিশ্চিতো ভূৎবা তেন স্বর্গং গমিষ্যতি॥ 9-54-24 (63261)
কুরুক্ষেত্রং গমিষ্যামি কুরুক্ষেত্রে বসাম্যহম্।
তথা স্থানং চ মৌনং চ বীরাসনমুপাস্মহে॥ 9-54-25 (63262)
এবং প্রলপমানোঽপি চিন্তয়ংশ্চ মুহুর্মুহুঃ।
দূরস্থো যদি বা তিষ্ঠঁল্লভেৎস্বর্গং সুনিশ্চিতম্'॥ 9-54-26 (63263)
সুরর্ষভা ব্রাহ্মণসত্তমাশ্চ
তথা নৃগাদ্যা নরদেবমুখ্যাঃ।
ইষ্ট্বা মহার্হৈঃ ক্রতুভির্নৃসিংহ
সন্ত্যজ্য দেহান্সুগতিং প্রপন্নাঃ॥ 9-54-27 (63264)
তংরন্তুকারন্তুকয়োর্যদন্তরং
রামহদানাং চ মচক্রুকস্য চ।
এতৎকুরুক্ষেত্রসমন্তপঞ্চকং
প্রজাপতেরুত্তরবেদিরুচ্যতে॥ 9-54-28 (63265)
শিবং মহাপুণ্যমিদং দিবৌকসাং
সুসম্মতং স্বর্গগুণৈঃ সমন্বিতম্।
অতশ্চ সর্বে নিহতা নৃপা রণে
যাস্যন্তি পুণ্যাং গতিমক্ষয়াং সদা॥ 9-54-29 (63266)
[ইত্যুবাচ স্বয়ং শক্রঃ সহ ব্রহ্মাদিভিস্তদা।
তচ্চানুমোদিতং সর্বং ব্রহ্মবিষ্ণুমহেষ্বরৈঃ]॥ ॥ 9-54-30 (63267)
ইতি শ্রীমন্মহাভারতে শল্যপর্বণি হ্রদপ্রবেশপর্বণি চতুঃপঞ্চাশত্তমোঽধ্যায়ঃ॥ 54 ॥
Mahabharata - Shalya Parva - Chapter Footnotes
9-54-2 পপ্রথে প্রসিদ্ধং বভূব॥ 9-54-3 পরিষ্যন্তি শতক্রতো ইতি ঝ. পাঠঃ॥ 9-54-11 প্রমীতা বৈ ইতি ঝ.পাঠঃ॥ 9-54-18 ব্রহ্মণঃ ক্ষয়ং নিবাসম্॥ 9-54-28 আরুন্দুকারুন্দকয়োর্যদন্তরং রামহ্রদানা চ সমন্দুকস্য ইতি ক.পাঠঃ। পরমন্দুকস্যেতি ঙ.ছ.পাঠঃ॥ 9-54-54 চতুঃপঞ্চাশত্তমোঽধ্যায়ঃ॥শল্যপর্ব - অধ্যায় 055
॥ শ্রীঃ ॥
9.55. অধ্যায়ঃ 055
Mahabharata - Shalya Parva - Chapter Topics
মিত্রাবরুণাশ্রমে নারদাদ্ভীমদুর্যোধনয়োর্গদায়ুদ্ধোপক্রমশ্রাবিণা বলরামেণ তদ্দিদৃক্ষয়া কুরুক্ষেত্রং প্রত্যাগমনম্॥ 1 ॥Mahabharata - Shalya Parva - Chapter Text
9-55-0 (63268)
বৈশম্পায়ন উবাচ। 9-55-0x (5222)
কুরুক্ষেত্রং ততো দৃষ্ট্বা দত্ৎবা দেয়াংশ্চ সাৎবতঃ।
আশ্রমং সুমহৎপুণ্যমগমজ্জনমেজয়॥ 9-55-1 (63269)
মধূকাম্রবণোপেতং প্লুক্ষন্যগ্রোধসঙ্কুলম্।
চিরবিল্বয়ুতং পুণ্যং পনসার্জুনসঙ্কুলম্॥ 9-55-2 (63270)
তং দৃষ্ট্বা যাদবশ্রেষ্ঠঃ প্রবরং পুণ্যলক্ষণম্।
পপ্রচ্ছ তানৃষীন্সর্বান্কস্যাশ্রমবরস্ৎবয়ম্॥ 9-55-3 (63271)
তে তু সর্বে মহাত্মানমূচূ রাজন্হলায়ুধম্।
শৃণু বিস্তরশো রাম যস্যায়ং পূর্বমাশ্রমঃ॥ 9-55-4 (63272)
অত্র বিষ্ণুঃ পুরা দেবস্তপ্তবাংস্তপ উত্তমম্।
অত্রাস্য বিধিবদ্যজ্ঞাঃ সর্বে বৃত্তাঃ সনাতনাঃ॥ 9-55-5 (63273)
অত্রৈব ব্রাহ্মণী বৃদ্বা কৌমারব্রহ্মচারিণী।
যোগয়ুক্তা দিবং যাতা তপোয়ুক্তা বিশাম্পতে॥ 9-55-6 (63274)
বভূব শ্রীমতী রাজঞ্শাণ্ডিল্যস্য মহাত্মনঃ।
সুতা ধৃতব্রতা সাধ্বী নিয়তা ব্রহ্মচারিণী॥ 9-55-7 (63275)
সাঽপি প্রাপ্য পরং যোগং গতা স্বর্গমনুত্তমম্।
ভুক্ৎবাঽশ্রমেঽশ্বমেধস্য ফলং ফলবতঃ শুভম্॥ 9-55-8 (63276)
গতা স্বর্গং মহারাজ পূজিতা চ মহাত্মভিঃ।
অভিগম্যাশ্রমং পুণ্যং স দৃষ্ট্বা যদুনন্দনঃ॥ 9-55-9 (63277)
ঋষীংস্তানভিবাদ্যাথ পার্শ্বে হিমবতোঽচ্যুতঃ।
সন্ধ্যাকার্যাণি সর্বাণি নির্বর্ত্যারুরুহেঽচলম্॥ 9-55-10 (63278)
নাতিদূরং ততো গৎবা নগং তালধ্বজো বলী।
পুণ্যে তীর্থবরে স্নাৎবা বিস্ময়ং পরমং গতঃ॥ 9-55-11 (63279)
প্রভবং চ সরস্বত্যাঃ প্লক্ষপ্রস্রবণং বলঃ।
সম্প্রাপ্তঃ কারপচনং তীর্থপ্রবরমুত্তমম্॥ 9-55-12 (63280)
হলায়ুধস্তু তত্রাপি দত্ৎবা দানং মহাবলঃ।
আপ্লুতঃ সলিলে পুণ্যে সুশীতে বিমলে শুচৌ।
সন্তর্পয়ামাস পিতৄন্দেবাংশ্চ রণদুর্মদঃ॥ 9-55-13 (63281)
তত্রোষ্যৈকাং তু রজনীং যতিভির্ব্রাহ্মণৈঃ সহ।
মিত্রাবরুণয়োঃ পুণ্যং জগামাশ্রমমচ্যুতঃ॥ 9-55-14 (63282)
ইন্দ্রোঽগ্নিরর্যমা চৈব যত্র প্রাক্ প্রীতিমাপ্নুবম্।
তং দেশং কারপচনাৎস তস্মাদাজগামহ॥ 9-55-15 (63283)
স্নাৎবা তত্র চ ধর্মাত্মা পরাং প্রীতিমবাপ্য চ।
ঋষিভিশ্চৈব সিদ্ধৈশ্চ সহিতো বৈ মহাবলঃ।
উপবিষ্টঃ কথাঃ শুভ্রাঃ শুশ্রাব যদুপুঙ্গবঃ॥ 9-55-16 (63284)
তথা তু তিষ্ঠতাং তেষাং নারদো ভগবানৃষিঃ।
আজগামাথ তং দেশং যত্র রামো ব্যবস্থিতঃ॥ 9-55-17 (63285)
জটামণ্ডলসংবীতঃ কুশচীরী মহাতপাঃ।
হেমদণ্ডধরো রাজন্কমণ্ডলুধরস্তথা॥ 9-55-18 (63286)
মহতীং সুখশব্দাং তাং গৃহ্য বীণাং মনোরমাম্।
নৃত্যে গীতে চ কুশলো দেবব্রাহ্মণপূজিতঃ॥ 9-55-19 (63287)
প্রভবঃ কলহানং চ নিত্যং চ কলহপ্রিয়ঃ।
তং দেশমগমদ্যত্র শ্রীমান্রামো ব্যবস্থিতঃ॥ 9-55-20 (63288)
প্রত্যুত্থায় চ তং রামঃ পূজয়িৎবা যতব্রতম্।
দেবর্ষিং পর্যপৃচ্ছৎস যথাবৃত্তং কুরূন্প্রতি॥ 9-55-21 (63289)
তদাঽস্যাকথয়দ্রাজন্নারদঃ সর্ববেদবিৎ।
সর্বমেতদ্যথাবৃত্তমতীতং কুরুসংক্ষয়ম্॥ 9-55-22 (63290)
ততোঽব্রবীদ্রৌহিণেয়ো নারদং দীনয়া গিরা।
কিমবস্থং তু তৎক্ষত্রং যে তু তত্রাভবন্নৃপাঃ॥ 9-55-23 (63291)
শ্রুতমেতন্ময়া পূর্বং সর্বমেব তপোধন।
বিস্তরশ্রবণে জাতং কৌতূহলমতীব মে॥ 9-55-24 (63292)
নারদ উবাচ। 9-55-25x (5223)
পূর্বমেব হতো ভীষ্মো দ্রোণঃ সিন্ধুপতিস্তথা।
হতো বৈকর্তনঃ কর্ণঃ পুত্রাশ্চাস্য মহারথাঃ॥ 9-55-25 (63293)
ভূরিশ্রবা রৌহিণেয় মদ্ররাজশ্চ বীর্যবান্।
এতে চান্যে চ বহবো হতাস্তত্র মহাবলাঃ॥ 9-55-26 (63294)
প্রিয়ান্প্রাণান্পরিত্যজ্য প্রিয়ার্থং কৌরবস্য বৈ।
রাজানো রাজপুত্রাশ্চ সমরেষ্বনিবর্তিনঃ॥ 9-55-27 (63295)
অহতাংস্তু মহাবাহো শৃণু মে তত্র মাধব॥ 9-55-28 (63296)
ধার্তরাষ্ট্রবলে শেষাস্ত্রয়ঃ সমিতিমর্দনাঃ।
কৃপশ্চ কৃতবর্মা চ দ্রোণপুত্রশ্চ বীর্যবান্।
তেঽপি বৈ বিদ্রুতা রাম দিশো দশ ভয়াত্তদা॥ 9-55-29 (63297)
দুর্যোধনো হতে সৈন্যে বিদ্রুতেষু পদাতিষু।
হদং দ্বৈপায়নং নাম বিবেশ ভৃশদুঃখিতঃ॥ 9-55-30 (63298)
শয়ানং ধার্তরাষ্ট্রং তু সলিলে স্তম্ভিতে তদা।
পাণ্ডবাঃ সহ কৃষ্ণেন বাগ্ভিরুগ্রাভিরার্দয়ন্॥ 9-55-31 (63299)
স তুদ্যমানো বলবান্বাগ্ভী রাম সমন্ততঃ।
উত্থিতঃ স হদাদ্বীরঃ প্রগৃহ্য মহতীং গদাম্॥ 9-55-32 (63300)
স চাপ্যুপাগতো যোদ্ধুং ভীমেন সহ সাম্প্রতম্।
ভবিষ্যতি তয়োরদ্য যুদ্ধং রাম সুদারুণম্॥ 9-55-33 (63301)
যদি কৌতূহলং তেঽস্তি ব্রজ মাধব মা চিরম্।
পশ্য যুদ্ধং মহাঘোরং শিষ্যযোর্যদি মন্যসে॥ 9-55-34 (63302)
বৈশম্পায়ন উবাচ। 9-55-35x (5224)
নারদস্য বচঃ শ্রুৎবা তানভ্যর্চ্য দ্বিজর্ষভান্।
সর্বান্বিসর্জয়ামাস যে তেনাভ্যাগতাঃ সহ।
গম্যতাং দ্বারকাং চেতি সোঽন্বশাদনুয়ায়িনঃ॥ 9-55-35 (63303)
সোঽবতীর্যাচলশ্রেষ্ঠাৎপ্লক্ষপ্রস্রবণাচ্ছুভাৎ।
ততঃ প্রীতমনাঃ রামঃ শ্রুতা তীর্থফলং মহৎ।
বিপ্রাণাং সন্নিধৌ শ্লোকমগায়দিমমচ্যুতঃ॥ 9-55-36 (63304)
সরস্বতীবাসসমা কুতো রতিঃ
সরস্বতীবাসসমাঃ কুতো গুণাঃ।
সরস্বতীং প্রাপ্য দিবং গতা জনাঃ
সদা স্মরিষ্যন্তি নদীং সরস্বতীম্॥ 9-55-37 (63305)
সরস্বতী সর্বনদীষু পুণ্যা
সরস্বতী লোকশুভাবহা সদা।
সরস্বতীং প্রাপ্য জনাঃ সুদুষ্কৃতং
সদা ন শোচন্তি পরত্র চেহ চ॥ 9-55-38 (63306)
ততো মুহুর্মুহুঃ প্রীত্যা প্রেক্ষমাণঃ সরস্বতীম্।
হয়ৈর্যুক্তং রথং শুভ্রমারুরোহ পরন্তপঃ॥ 9-55-39 (63307)
স শীঘ্রগামিনা তেন রথেন যদুপুঙ্গবঃ।
দিদৃক্ষুরভিসম্প্রাপ্তঃ শিষ্যযুদ্বমুপস্থিতম্॥ 9-55-40 (63308)
এবং তদভবদ্যুদ্বং তুমুলং জনমেজয়ং।
যত্র দুঃখান্বিতো রাজা ধৃতরাষ্ট্রোঽব্রবীদিদম্॥ 9-55-41 (63309)
ধৃতরাষ্ট্র উবাচ। 9-55-42x (5225)
রাম সন্নিহিতং শ্রুৎবা গদায়ুদ্ধ উপস্থিতে।
মম পুত্রঃ কথং ভীমং প্রত্যযুধ্যত সঞ্জয়॥ ॥ 9-55-42 (63310)
ইতি শ্রীমন্মহাভারতে শল্যপর্বণি হ্রদপ্রবেশপর্বণি পঞ্চপঞ্চাশত্তমোঽধ্যায়ঃ॥ 55 ॥ সমাপ্তং হদপ্রবেশপর্ব ॥ 2 ॥
Mahabharata - Shalya Parva - Chapter Footnotes
9-55-10 স্কন্ধাবারাণি সর্বাণীতি ক.ঙ.ছ.পাঠঃ॥ 9-55-12 প্লক্ষপ্রস্রবণং বিলমিতি ক.পাঠঃ॥ 9-55-19 কচ্ছপীং সুখশব্দাং তামিতি ক.ছ.ঝ.পাঠঃ॥ 9-55-30 দুর্যোধনো হতে শল্যে বিদ্রুতেষু কৃপাদিষু ইতি ঝ.পাঠঃ॥ 9-55-38 সরস্বতীং হীনবিদেশবাসিনঃ সদা রমরিষ্যন্তি ইতি ঙ.পাঠঃ। সরস্বতীহীনবিদেশবাসিনঃ ইতি ক.পাঠঃ॥ 9-55-55 পঞ্চপঞ্চাশত্তমোঽধ্যায়ঃ॥শল্যপর্ব - অধ্যায় 056
॥ শ্রীঃ ॥
9.56. অধ্যায়ঃ 056
Mahabharata - Shalya Parva - Chapter Topics
(অথ গদায়ুদ্ধপর্ব ॥ 3 ॥) গদায়ুদ্ধায় সন্নদ্ধয়োর্ভীমদুর্যোধনয়োর্বর্ণনম্॥ 1 ॥
Mahabharata - Shalya Parva - Chapter Text
9-56-0 (63311)
সঞ্জয় উবাচ। 9-56-0x (5226)
রামসান্নিধ্যমাগম্য পুত্রো দুর্যোধনস্তব।
যোদ্ধুকামো মহাবাহুঃ সমহৃষ্যত বীর্যবান্॥ 9-56-1 (63312)
দৃষ্ট্বা লাঙ্গলিনং রাজা প্রত্যুত্থায় চ ভারত।
প্রীত্যা* পরময়া যুক্তো যুধিষ্ঠিরমথাব্রবীৎ॥ 9-56-2 (63313)
দুর্যোধন উবাচ। 9-56-3x (5227)
সমন্তপঞ্চকং পুণ্যমিতো যাম বিশাম্পতে।
প্রথিতোত্তরবেদী সা দেবলোকে প্রজাপতেঃ॥ 9-56-3 (63314)
তস্মিন্মহাপুণ্যতমে ত্রৈলোক্যস্য সনাতনে।
সঙ্গ্রামে নিধনং প্রাপ্য ধ্রুবং স্বর্গং গমিষ্যসি॥ 9-56-4 (63315)
তথেত্যুক্ৎবা মহারাজ কুন্তীপুত্রো যুধিষ্ঠিরঃ।
সমন্তপঞ্চকং বীরঃ প্রায়াদভিমুখঃ প্রভুঃ॥ 9-56-5 (63316)
ততো দুর্যোধনো রাজা প্রগৃহ্য মহতীং গদাম্।
পদ্ধ্যামমর্ষী দ্যুতিমানগচ্ছৎপাণ্ডবৈঃ সহ॥ 9-56-6 (63317)
তথা যান্তং গদাহস্তং বর্মণা চাপি দংশিতম্।
অন্তরিক্ষচরা দেবাঃ সাধুসাধ্বিত্যপূজয়ন্॥ 9-56-7 (63318)
বাদকাশ্চ নরাস্তত্র দৃষ্ট্বা তে হর্ষমাগতাঃ॥ 9-56-8 (63319)
স পাণ্ডবৈঃ পরিবৃতঃ কুরুরাজস্তবাত্মজঃ।
মত্তস্যেব গজেন্দ্রস্য গতিমাস্থায় সোঽব্রজৎ॥ 9-56-9 (63320)
ততঃ শঙ্খনিনাদৈশ্চ ভেরীণাং চ মহাস্বনৈঃ।
সিংহনাদৈশ্চ শূরাণাং দিশঃ সর্বাঃ প্রপূরিতাঃ॥ 9-56-10 (63321)
ততস্তে তু কুরুক্ষেত্রং প্রাপ্তা নরবরোত্তমাঃ।
প্রতীচ্যভিমুখং দেশং যথোদ্দিষ্টং সুতেন তে।
দক্ষিণেন সরস্বত্যাঃ স্বয়নং তীর্থমুত্তমম্॥ 9-56-11 (63322)
তস্মিন্দেশে ৎবনিরিণে তে তু যুদ্ধমরোচয়ন্॥ 9-56-12 (63323)
ততো ভীমো মহাকোটিং গদাং গৃহ্যাথ বর্মভৃৎ।
বিভ্রদ্রূপং মহারাজ সদৃশং হি গরুত্মতঃ॥ 9-56-13 (63324)
অববদ্ধশিরস্ত্রাণঃ শুদ্ধকাঞ্চনবর্মভৃৎ।
ররাজ রাজন্পুত্রস্তে কাঞ্চনঃ শৈলরাডিব॥ 9-56-14 (63325)
তৌ তথা সঙ্গতৌ বীরৌ ভীমদুর্যোধনাবুভৌ।
সংয়ুগে সম্প্রকাশেতে সংরব্ধাবিব কুঞ্জরৌ॥ 9-56-15 (63326)
রথমণ্ডলমধ্যস্থৌ ভ্রাতরৌ তৌ নরর্ষভৌ।
অশোভেতাং মহারাজ চন্দ্রসূর্যাবিবোদিতৌ॥ 9-56-16 (63327)
তাবন্যোন্যং নিরীক্ষেতাং ক্রুদ্ধাবিব মহোরগৌ।
দহন্তৌ লোচনৈ রাজন্পরস্পরবধৈষিণৌ॥ 9-56-17 (63328)
সংপ্রহৃষ্টমনা রাজন্গদামাদায় কৌরবঃ।
সৃক্বিণী সংলিহন্রাজন্ক্রোধরক্তেক্ষণঃ শ্বসন্॥ 9-56-18 (63329)
ততো দুর্যোধনো রাজন্গদামাদায় বীর্যবান্।
ভীমসেনমভিপ্রেক্ষ্য গজো গজমিবাহ্বয়ৎ॥ 9-56-19 (63330)
অদ্রিসারময়ীং ভীমস্তথৈবাদায় বীর্যবান্।
আহ্বয়ামাস নৃপতিং সিংহঃ সিংহং যথা বনে॥ 9-56-20 (63331)
তাবুদ্যতগদাপাণী দুর্যোধনবৃকোদরৌ।
সংয়ুগে সম্প্রকাশেতাং গিরী সশিখরাবিব॥ 9-56-21 (63332)
তাবুভৌ সমতিক্রুদ্ধাবুভৌ ভীমপরাক্রমৌ।
উভৌ শিষ্যৌ গদায়ুদ্ধে রৌহিণেয়স্য ধীমতঃ॥ 9-56-22 (63333)
উভৌ সদৃশকর্মাণৌ বরুণস্য মহাবলৌ।
বাসুদেবস্য রামস্য তথা বৈশ্রবণস্য চ॥ 9-56-23 (63334)
সদৃশৌ তৌ মহারাজ মধুকৈটভয়োরপি।
উভৌ সদৃশকর্মাণৌ তথা সুন্দোপসুন্দয়োঃ॥ 9-56-24 (63335)
[রামরাবণয়োশ্চৈব বালিসুগ্রীবয়োস্তথা]।
তথৈব কালস্য সমৌ মৃত্যোশ্চৈব পরন্তপৌ॥ 9-56-25 (63336)
অন্যোন্যমভিধাবন্তৌ মত্তাবিব মহাদ্বিপৌ।
বাসিতাসঙ্গমে দৃপ্তৌ শরদীব মদোৎকটৌ॥ 9-56-26 (63337)
উভৌ ক্রোধবিষং দীপ্তং বমন্তাবুরগাবিব।
অন্যোন্যমভিসংরব্ধৌ প্রেক্ষমাণাবরিন্দমৌ॥ 9-56-27 (63338)
উভৌ ভরতশার্দূলৌ বিক্রমেণ সমন্বিতৌ।
সিংহাবিব দুরাধর্ষৌ গদায়ুদ্ধবিশারদৌ॥ 9-56-28 (63339)
নখদংষ্ট্রায়ুধৌ বীরৌ ব্যাঘ্রাবিব দুরুৎসহৌ।
প্রজাসংহরণে ক্ষুব্ধৌ সমুদ্রাবিব দুস্তরৌ॥ 9-56-29 (63340)
লোহিতাঙ্গাবিব ক্রুদ্ধৌ প্রতপন্তৌ মহারথৌ।
[পূর্বপশ্চিমজৌ মেঘৌ প্রেক্ষমাণাবরিন্দমৌ॥ 9-56-30 (63341)
গর্জমানৌ সুবিষমং ক্ষরন্তৌ প্রাবৃষীব হি।
রশ্মিয়ুক্তৌ মহাত্মানৌ দীপ্তিমন্তৌ মহাবলৌ॥ 9-56-31 (63342)
দদৃশাতে কুরুশ্রেষ্ঠৌ কালসূর্যাবিবোদিতৌ।
ব্যাঘ্রাবিব সুসংরব্ধৌ গর্জন্তাবিবতোয়দৌ॥ 9-56-32 (63343)
জহৃষাতে মহাবাহু সিংহকেসরিণাবিব।
গজাবিব সুসংরব্ধৌ জ্বলিতাবিব পাবকৌ॥ 9-56-33 (63344)
দদৃশাতে মহাত্মানৌ সশৃঙ্গাবিব পর্বতৌ।
রোষাৎপ্রস্ফুরমাণোষ্ঠৌ নিরীক্ষন্তৌ পরস্পরম্॥ 9-56-34 (63345)
তৌ সমেতৌ মহাত্মানৌ গদাহস্তৌ নরোত্তমৌ।]
উভৌ পরমসংহৃষ্টাবুভৌ পরমসম্মতৌ॥ 9-56-35 (63346)
সদশ্বাবিব হেষন্তৌ বৃংহন্তাবিব কুঞ্জরৌ।
বৃষভাবিব গর্জন্তৌ দুর্যোধনবৃকোদরৌ।
দৈত্যাবিব বলোন্মত্তৌ রেজতুস্তৌ নরোত্তমৌ॥ 9-56-36 (63347)
ততো দুর্যোধনো রাজন্নিদমাহ যুধিষ্ঠিরম্।
সৃঞ্জয়ৈঃ সহ তিষ্ঠন্তং তপন্তমিব ভাস্করম্॥ 9-56-37 (63348)
ইদং ব্যবসিতং যুদ্ধং মম ভীমস্য চোভয়োঃ।
উপোপবিষ্টাঃ পশ্যধ্বং বিমর্দং নৃপসত্তমাঃ॥ 9-56-38 (63349)
ততঃ সমুপবিষ্টং তৎসুমহদ্রাজমণ্ডলম্।
বিরাজমানং দদৃশে দিবীবাদিত্যমণ্ডলম্॥ 9-56-39 (63350)
তেষাং মধ্যে মহাবাহুঃ শ্রীমান্কেশবপূর্বজঃ।
উপবিষ্টো মহারাজ পূজ্যমানঃ সমন্ততঃ॥ 9-56-40 (63351)
শুশুভে রাজমধ্যস্থো নীলবাসাঃ সিতপ্রভঃ।
নক্ষত্রৈরিব সম্পূর্ণো বৃতো নিশি নিশাকরঃ॥ 9-56-41 (63352)
তৌ তথা তু মহারাজ গদাহস্তৌ সুদুঃসহৌ।
অন্যোন্যং বাগ্ভিরুগ্রাভিস্তক্ষমাণৌ ব্যবস্থিতৌ॥ 9-56-42 (63353)
অপ্রিয়াণি ততোঽন্যোন্যমুক্ৎবা তৌ কুরুসত্তমৌ।
উদীক্ষন্তৌ স্থিতৌ তত্র বৃত্রশক্রৌ যথাঽঽহবে॥ ॥ 9-56-43 (63354)
ইতি শ্রীমন্মহাভারতে শল্যপর্বণি গয়াদুদ্ধপর্বণি ষট্পঞ্চাশত্তমোঽধ্যায়ঃ॥ 56 ॥ *এতচ্ছ্লোকস্য স্থানে ঝ.পুস্তকে অধোলিখিতাঃ পঞ্চ শ্লোকা বর্তন্তে। তে চ।
প্রীত্যা পরময়া যুক্তাঃ সমভ্যর্চ্য যথাবিধি।
আসনং চ দদৌ তস্মৈ পর্যপৃচ্ছদনাময়ম্॥ 9-56-1 (63355)
ততো যুধিষ্ঠিরং রামো বাক্যমেতদুবাচ হ।
মধুরং ধর্মসংয়ুক্তং শূরাণাং হিতমেব চ॥ 9-56-2 (63356)
ময়া শ্রুতং কথয়তামৃষীণাং রাজসত্তম।
কুরুক্ষেত্রং পরং পুণ্যং পাবনং স্বর্গ্যমেব চ॥ 9-56-3 (63357)
দেবতৈর্ঋষিভির্জুষ্টং ব্রাহ্মণৈশ্চ মহাত্মভিঃ।
তত্র বৈ যোৎস্যমানা যে দেহং ত্যক্ষ্যন্তি মানবাঃ॥ 9-56-4 (63358)
9-56-5 (63359)
তেষাং স্বর্গে ধ্রুবো বাসঃ শক্রেণ সহ মারিষ।
তস্মাৎসমন্তপঞ্চকমিতো যাম দ্রুতং নৃপ॥
Mahabharata - Shalya Parva - Chapter Footnotes
9-56-8 বাতিকাশ্চারণা যে তু ইতি ঝ.পাঠঃ। তত্র বাতিকাঃ বাতেন সহ গচ্ছন্তি তে আকাশচারিণঃ। চারণাঃ সিদ্ধবিশেষা ইত্যর্থঃ॥। 9-56-11 স্বয়নং সুগতিদম্॥ 9-56-12 অনিরিণে অনূষরে॥ 9-56-26 বাসিতাসঙ্গমে এককরিণীসঙ্গমার্থে দৃপ্তৌ মোহিতৌ॥ 9-56-30 লোহিতাঙ্গৌ দ্বৌ কুজাবিবেত্যভূতোপমা॥ 9-56-33 জহষাতে হর্ষং প্রাপতুঃ॥ 9-56-56 ষট্পঞ্চাশত্তমোঽধ্যায়ঃ॥শল্যপর্ব - অধ্যায় 057
॥ শ্রীঃ ॥
9.57. অধ্যায়ঃ 057
Mahabharata - Shalya Parva - Chapter Topics
ভীমদুর্যোধনয়োর্বীরবাদঃ॥ 1 ॥Mahabharata - Shalya Parva - Chapter Text
9-57-0 (63360)
বৈশম্পায়ন উবাচ। 9-57-0x (5228)
ততো বাগ্যুদ্ধমভবত্তুমুলং জনমেজয়।
যত্র দুঃখান্বিতো রাজা ধৃতরাষ্ট্রোঽব্রবীদিদম্॥ 9-57-1 (63361)
ধিগস্তু খলু মানুষ্যং যস্য নিষ্ঠেয়মীদৃশী।
একাদশচমূভর্তা যত্র পুত্রো মমানঘ॥ 9-57-2 (63362)
আজ্ঞাপ্য সর্বান্নৃপতীন্ভুক্ৎবা চেমাং বসুন্ধরাম্।
গদামাদায় চৈকাকী পদাতিঃ প্রস্থিতো রণম্॥ 9-57-3 (63363)
ভূৎবা হি জগতো নাথো হ্যনাথ ইব মে সুতঃ।
গদামুদ্যম্য যো যাতি কিমন্যদ্ভাগধেয়তঃ॥ 9-57-4 (63364)
অহো দুঃখং মহৎপ্রাপ্তং পুত্রেণ মম স়ঞ্জয়।
এবমুক্ৎবা স দুঃখার্তো বিররাম জনাধিপঃ॥ 9-57-5 (63365)
সঞ্জয় উবাচ। 9-57-6x (5229)
স মেঘনিনদো হর্ষান্নিনদন্নিব গোবৃষঃ।
আজুহাব তদা পার্থং যুদ্ধায় যুধি বীর্যবান্॥ 9-57-6 (63366)
ভীমমাহ্বয়মানে তু কুরুরাজে মহাত্মনি।
প্রাদুরাসন্সুঘোরাণি রূপাণি বিবিধান্যুত॥ 9-57-7 (63367)
ববুর্বাতাঃ সনির্ঘাতাঃ পাংসুবর্ষং পপাত চ।
বভূবুশ্চ দিশঃ সর্বাস্তিমিরেণ সমাবৃতাঃ॥ 9-57-8 (63368)
মহাস্বনাঃ সুনির্বাতাস্তুমুলা রোমহর্ষণাঃ।
পেতুস্তথোল্কাঃ শতশঃ স্ফোটয়ন্ত্যো নভস্তলাৎ॥ 9-57-9 (63369)
রাহুশ্চাগ্রসদাদিত্যমপর্বণি বিশাম্পতে।
চকম্পে চ মহাকম্পং পৃথিবী সবনদ্রুমা॥ 9-57-10 (63370)
রূক্ষাশ্চ বাতাঃ প্রববুর্নীচৈঃ শর্করকর্ষিণঃ।
গিরীণাং শিখরাণ্যেব ন্যপতন্ত মহীতলে॥ 9-57-11 (63371)
মৃগা বহুবিধাকারাঃ সম্পতন্তি দীশো দশ।
দীপ্তাঃ শিবাশ্চাপ্যনদন্ঘোররূপাঃ সুদারুণাঃ॥ 9-57-12 (63372)
নির্ঘাতাশ্চ মহাঘোরা বভূবূ রোমহর্ষণাঃ।
দীপ্তায়াং দিশি রাজেন্দ্র মৃগাশ্চাশুভবাদিনঃ॥ 9-57-13 (63373)
উদপানগতাশ্চাপো ব্যবর্ধন্ত সমন্ততঃ।
অশরীরা মহানাদাঃ শ্রূয়ন্তে স্ম ভয়ানকাঃ॥ 9-57-14 (63374)
এবমাদীনি দৃষ্ট্বা স নিমিত্তানি বৃকোদরঃ।
উবাচ ভ্রাতরং জ্যেষ্ঠং ধর্মরাজং যুধিষ্ঠিরম্॥ 9-57-15 (63375)
এষ শক্যো ময়া জেতুং মন্দাত্মা চ সুয়োধনঃ॥ 9-57-16 (63376)
অদ্য ক্রোধং বিমোক্ষ্যামি নিগূঢং হৃদয়েশয়ম্।
সুয়োধনে কৌরবেন্দ্রে খাণ্ডবেঽগ্নিমিবার্জুনঃ॥ 9-57-17 (63377)
শল্যমদ্যোদ্ধরিষ্যামি তব পাণ্ডব হৃচ্ছয়ম্।
নিহত্য গদয়া পাপমিমং কুরুকুলান্তকম্॥ 9-57-18 (63378)
অদ্য কীর্তিময়ীং মালাং প্রতিমোক্ষ্যাম্যহং ৎবয়ি।
হৎবেমং পাপকর্মাণং গদয়া রণমূর্ধনি॥ 9-57-19 (63379)
অদ্যোরুগদয়া রাজন্ভেত্তাঽস্মি সমরেঽনয়া।
নায়ং প্রবেষ্টা নগরং পুনর্বারণসাহ্বয়ম্॥ 9-57-20 (63380)
সর্পোৎসর্গস্য শয়নে বিষদানস্য ভোজনে।
প্রমাণকোট্যাং পাতস্য দাহস্য জতুবেশ্মনি॥ 9-57-21 (63381)
সভায়ামবহাসস্য সর্বস্বহরণস্য চ।
বর্ষমজ্ঞাতবাসস্য বনবাসস্য চানঘ॥ 9-57-22 (63382)
অদ্যান্তমেষাং দুঃখানাং গন্তাঽহং ভরতর্ষভ।
একাহ্না বিনিহত্যেমং ভবিষ্যাম্যাত্মনোঽনৃণঃ॥ 9-57-23 (63383)
অদ্যায়ুর্ধার্তরাষ্ট্রস্য দুর্মতেরকৃতাত্মনঃ।
সমাপ্তং ভরতশ্রেষ্ঠ মাতাপিত্রোশ্চ দর্শনম্॥ 9-57-24 (63384)
অদ্য সৌখ্যং তু রাজেন্দ্র কুরুরাজস্য দুর্মতেঃ।
সমাপ্তং চ মহারাজ নারীণাং দর্শনং পুনঃ॥ 9-57-25 (63385)
অদ্যায়ং কুরুরাজস্য শন্তনোঃ কুলপাংসনঃ।
প্রাণাঞ্শ্রিয়ং চ রাজ্যং চ ত্যক্ৎবা শেষ্যতি ভূতলে॥ 9-57-26 (63386)
রাজা চ ধৃতরাষ্ট্রোঽদ্য শ্রুৎবা পুত্রং নিপাতিতম্।
স্মরিষ্যত্যশুভং কর্ম যত্তচ্ছকুনিবুদ্ধিজম্॥ 9-57-27 (63387)
ইত্যুক্ৎবা রাজশার্দূল গদামাদায় বীর্যবান্।
অভ্যতিষ্ঠত যুদ্ধায় শক্রো বৃত্রমিবাহ্বয়ন্॥ 9-57-28 (63388)
তমুদ্যতগদং দৃষ্ট্বা কৈলাসমিব শৃঙ্গিণম্।
ভীমসেনঃ পুনঃ ক্রুদ্ধো দুর্যোধনমুবাচ হ॥ 9-57-29 (63389)
রাজ্ঞশ্চ ধৃতরাষ্ট্রস্য তথা ৎবমপি চাত্মনঃ।
স্মর তদ্দুষ্কৃতং কর্ম যদ্বৃত্তং বারণাবতে॥ 9-57-30 (63390)
দ্রৌপদী চ পরিক্লিষ্টা সভামধ্যে রজস্বলা।
দ্যূতে চ বঞ্চিতো রাজা যত্ৎবয়া সৌবলেন চ॥ 9-57-31 (63391)
বনে দুঃখং চ যৎপ্রাপ্তমস্মাভিস্ৎবৎকৃতং মহৎ।
বিরাটনগরে চৈব যোন্যন্তরগতৈরিব।
তৎসর্বং পাতয়াম্যদ্য দিষ্ট্যা দৃষ্টোঽসি দুর্মতে॥ 9-57-32 (63392)
ৎবৎকৃতেঽসৌ হতঃ শেতে শরতল্পে পিতামহঃ।
গাঙ্গেয়ো রথিনাং শ্রেষ্ঠো রথিনা যাজ্ঞসেনিনা॥ 9-57-33 (63393)
হতো দ্রোণশ্চ কর্ণশ্চ তথা শল্যঃ প্রতাপবান্।
বৈরাগ্নেরাদিকর্তাসৌ শকুনিঃ সৌবলো হতঃ॥ 9-57-34 (63394)
প্রাতিকামী তথা পাপো দ্রৌপদ্যাঃ ক্লেশকৃদ্ধতঃ।
ভ্রাতরস্তে হতাঃ সর্বে শূরা বিক্রান্তয়োধিনঃ॥ 9-57-35 (63395)
এতে চান্যে চ বহবো নিহতাস্ৎবৎকৃতে নৃপাঃ।
ৎবামদ্য নিহনিষ্যামি গদয়া নাত্র সংশয়ঃ॥ 9-57-36 (63396)
ইত্যেবমুচ্চৈ রাজানং ভাষমাণং বৃকোদরম্।
উবাচ গতভী রাজন্পুত্রস্তে সত্যবিক্রমঃ॥ 9-57-37 (63397)
কিং কত্থনেন বহুনা যুধ্যস্বেহ বৃকোদর।
অদ্য তেঽহং বিনেষ্যামি যুদ্ধশ্রদ্ধাং কুলাধম॥ 9-57-38 (63398)
ইতি দুর্যার্ধেনোঽক্ষুদ্রস্ৎবয়া ক্ষুদ্রবলেন বৈ।
শক্যস্রাসয়িতুং বাচা ন চান্যঃ প্রাকৃতো যথা॥ 9-57-39 (63399)
চিরকালেপ্সিতং দিষ্ট্যা হৃদয়স্থমিদং মম।
ৎবয়া সহ গদায়ুদ্ধং ত্রিদশৈরুপপাদিতম্॥ 9-57-40 (63400)
কিং বাচা বহুনোক্তেন কত্থিতেন চ দুর্মতে।
বাণী সঙ্কোচ্যতামেষা কর্মণা মা চিরং কৃথাঃ॥ 9-57-41 (63401)
তস্য তদ্বচনং শ্রুৎবা সর্ব এবাভ্যপূজয়ন্।
রাজানঃ সোমকাশ্চৈব যে তত্রাসন্সমাগতাঃ॥ 9-57-42 (63402)
ততঃ সম্পূজিতঃ সর্বৈঃ সম্প্রহৃষ্টতনূরুহঃ।
ভূয়ো ধীরাং মতিং চক্রে যুদ্ধায় কুরুনন্দনঃ॥ 9-57-43 (63403)
তং মত্তমিব মাতঙ্গং তলশব্দৈর্নরাধিপাঃ।
ভূয়ঃ সংহর্ষয়াংচক্রুর্দুর্যোধনমমর্ষণম্॥ 9-57-44 (63404)
তং মহাত্মা মহাত্মানং গদামুদ্যম্য পাণ্ডবঃ।
অভিদুদ্রাব বেগেন ধার্তরাষ্ট্রং বৃকোদরঃ॥ 9-57-45 (63405)
বৃংহন্তি কুঞ্চরাস্তত্র হয়া হেষন্তি চাসকৃৎ।
শস্ত্রাণি চাপ্যদীপ্যন্ত পাণ্ডবানাং জয়ৈষিণাং ॥ 9-57-46 (63406)
ইতি শ্রীমন্মহাভারতে শল্যপর্বণি কদায়ুদ্ধপর্বণি সপ্তপঞ্চাশত্তমোঽধ্যায়ঃ॥ 57 ॥
Mahabharata - Shalya Parva - Chapter Footnotes
9-57-16 নৈষ শক্তো রণে জেতুং মন্দাত্মা মাং সুয়োধন ইতি ঝ.পাঠঃ॥ 9-57-41 বাণী সম্পদ্যতামিতি ঝ.পাঠঃ॥ 9-57-57 সপ্তপঞ্চাশত্তমোঽধ্যায়ঃ॥শল্যপর্ব - অধ্যায় 058
॥ শ্রীঃ ॥
9.58. অধ্যায়ঃ 058
Mahabharata - Shalya Parva - Chapter Topics
সঞ্জয় উবাচ।Mahabharata - Shalya Parva - Chapter Text
9-58-0 (63407)
সঞ্জয় উবাচ। 9-58-0x (5230)
ততো দুর্যোধনো দৃষ্ট্বা ভীমসেনং তথাঽঽগতম্।
প্রত্যুদ্যযাবদীনাত্মা বেগেন মহতা নদন্॥ 9-58-1 (63408)
সমাপেততুরন্যোন্যং শৃঙ্গিণৌ বৃষভাবিব।
মহানির্ঘাতঘোষশ্চ প্রহারাণামজায়ত॥ 9-58-2 (63409)
অভবচ্চ তয়োর্যুদ্বং তুমুলং রোমহর্ষণম্।
জিঘৃক্ষতোর্যথাঽন্যোন্যমিন্দ্রপ্রহ্লাদয়োরিব॥ 9-58-3 (63410)
রুধিরোক্ষিতসর্বাঙ্গৌ গদাহস্তৌ মনস্বিনৌ।
দদৃশাতে মহাত্মানৌ পুষ্পিতাবিব কিংশুকৌ॥ 9-58-4 (63411)
তথা তস্মিন্মহায়ুদ্ধে বর্তমানে সুদারুণে।
খদ্যোতসঙ্খৈরিব খং দর্শনীয়ং ব্যরোচত॥ 9-58-5 (63412)
তথা তস্মিন্বর্তমানে সঙ্কুলে তুমুলে ভৃশম্।
উভাবপি পরিশ্রান্তৌ যুধ্যমানাবরিন্দমৌ॥ 9-58-6 (63413)
তৌ মুহূর্তং সমাশ্বস্য পুনরেব পরন্তপৌ।
সম্প্রহারয়তাং চিত্রে সম্প্রগৃহ্য গদে শুভে॥ 9-58-7 (63414)
তৌ তু দৃষ্ট্বা মহাবীর্যৌ সমাশ্বস্তৌ নরর্ষভৌ।
বলিনৌ বারণৌ যদ্বদ্বাসিতার্থে মদোৎকটৌ॥ 9-58-8 (63415)
সমানবীর্যৌ সম্প্রেক্ষ্য প্রগৃহীতগদাবুভৌ।
প্রহর্ষং পরমং জগ্মুর্দেবগন্ধর্বদানবাঃ॥ 9-58-9 (63416)
প্রগৃহীতগদৌ দৃষ্ট্বা দুর্যোধনবৃকোদরৌ।
সংশয়ঃ সর্বভূতানাং বিজয়ে সমপদ্যত॥ 9-58-10 (63417)
সমাগম্য ততো ভূয়ো ভ্রাতরৌ বলিনাং বরৌ।
অন্যোন্যস্যান্তরপ্রেপ্সূ প্রচক্রাতেঽন্তরং প্রতি॥ 9-58-11 (63418)
যমদণ্ডোপমাং গুর্বীমিন্দ্রাশনিমিবোদ্যতাম্।
দদৃশুঃ প্রেক্ষকা রাজন্রৌদ্রীং বিশসনীং গদাম্॥ 9-58-12 (63419)
আবিদ্ধ্যতো গতাং তস্য ভীমসেনস্য সংয়ুগে।
শব্দঃ সুতুমুলো ঘোরো মুহূর্তং সমপদ্যত॥ 9-58-13 (63420)
আবিদ্ধ্যন্তমরিং প্রেক্ষ্য ধার্তরাষ্ট্রোঽথ পাণ্ডবম্।
গদামতুলবেগাং তাং বিস্মিতঃ সম্বভূব হ॥ 9-58-14 (63421)
চরংশ্চ বিবিধান্মার্গান্মণ্ডলানি চ ভারত।
অশোভত তদা বীরো ভূয় এব বৃকোদরঃ॥ 9-58-15 (63422)
তৌ পরস্পরমাসাদ্য যত্তাবন্যোন্যসূদনে।
মার্জারাবিব ভক্ষার্থে ততক্ষাতে মুহুর্মুহুঃ॥ 9-58-16 (63423)
অচরদ্ভীমসেনস্তু মার্গান্বহুবিধাংস্তথা।
মণ্ডলানি বিচিত্রাণি গতপ্রত্যাগতানি চ॥ 9-58-17 (63424)
গোমূত্রিকাণি চিত্রাণি স্থানানি বিবিধানি চ।
পরিমোক্ষং প্রহারাণাং বর্জনং পরিধাবনম্॥ 9-58-18 (63425)
অভিদ্রবণমাক্ষেপমবস্থানং সবিগ্রহম্।
মৎস্যোদ্বৃত্তং সোরুবৃত্তমবপ্লুতমুপপ্লুতম্॥ 9-58-19 (63426)
উপন্যস্তমপন্যস্তং গদায়ুদ্ধবিশারদৌ।
এবং তৌ বিচরন্তৌ তু ন্যঘ্নতাং বৈ পরস্পরম্॥ 9-58-20 (63427)
বঞ্চয়ানৌ পুনশ্চৈব চেরতুঃ কুরুসত্তমৌ।
বিক্রীডন্তৌ সুবলিনৌ মণ্ডলানি বিচেরতুঃ॥ 9-58-21 (63428)
[তৌ দর্শয়ন্তৌ সমরে যুদ্ধক্রীডাং সমন্ততঃ।
গদাভ্যাং সহসাঽন্যোন্যমাজঘ্নতুররিন্দমৌ॥ 9-58-22 (63429)
পরস্পরং সমাসাদ্য দংষ্ট্রাভ্যাং দ্বিরদৌ যথা।
অশোভেতাং মহারাজ শোণিতেন পরিপ্লুতৌ॥ 9-58-23 (63430)
এবং তদভবদ্যুদ্ধং ঘোররূপং পরন্তপ।
পরিবৃত্তেঽহনি ক্রূরং বৃত্রবাসবয়োরিব॥] 9-58-24 (63431)
গদাহস্তৌ ততস্তৌ তু মণ্ডলাবস্থিতৌ বলী।
দক্ষিণং মণ্ডলং রাজন্ধার্তরাষ্ট্রোঽভ্যবর্তত।
সব্যং তু মণ্ডলং তত্র ভীমসেনোঽভ্যবর্তত॥ 9-58-25 (63432)
তথা তু চরতস্তস্য ভীমস্য রণমূর্ধনি।
দুর্যোধনো মহারাজ পার্শ্বদেশেঽভ্যতাডয়ৎ॥ 9-58-26 (63433)
আহতস্তু ততো ভীমঃ পুত্রেণ তব ভারত।
আবিধ্যত গদাং গুবীং প্রহারং তমচিন্তয়ন্॥ 9-58-27 (63434)
ইন্দ্রাশনিসমাং ঘোরাং যমদণ্ডমিবোদ্যতাম্।
দদৃশুস্তে মহারাজ ভীমসেনস্য তাং গদাম্॥ 9-58-28 (63435)
আবিধ্যন্তং গদাং দৃষ্ট্বা ভীমসেনং তবাত্মজঃ।
সমুদ্যম্য গদাং ঘোরাং প্রত্যবিধ্যৎপরন্তপঃ॥ 9-58-29 (63436)
গদামারুতবেগেন তব পুত্রস্য ভারত।
শব্দ আসীৎসুতুমুলস্তেজশ্চ সমজায়ত॥ 9-58-30 (63437)
স চরন্বিবিধান্মার্গান্মণ্ডলানি চ ভাগশঃ।
সমশোভত তেজস্বী ভূয়ো ভীমাৎসুয়োধনঃ॥ 9-58-31 (63438)
আবিদ্ধা সর্ববেগেন ভীমেন মহতী গদা।
সধূমং সার্চিষং চাগ্নিং মুমোচোগ্রমহাস্বনা॥ 9-58-32 (63439)
আধূতাং ভীমসেনেন গদাং দৃষ্ট্বা সুয়োধনঃ।
অদ্রিসারময়ীং গুর্বীমাবিধ্যন্বহ্বশোভত॥ 9-58-33 (63440)
গদামারুতবেগং হি দৃষ্ট্বা তস্য মহাত্মনঃ।
ভয়ং বিবেশ পাণ্ডূংস্তু সর্বানেব সসাত্যকীন্॥ 9-58-34 (63441)
তৌ দর্শয়ন্তৌ সমরে যুদ্ধক্রীডাং সমন্ততঃ।
গদাভ্যাং সহসাঽন্যোন্যমাজঘ্নতুররিন্দমৌ॥ 9-58-35 (63442)
তৌ পরস্পরমাসাদ্য দংষ্ট্রাভ্যাং দ্বিরদৌ যথা।
অশোভেতাং মহারাজ শোণিতেন পরিপ্লুতৌ॥ 9-58-36 (63443)
এবং তদভবদ্যুদ্ধং ঘোররূপমসংবৃতম্।
পরিবৃত্তেঽহনি ক্রূরং বৃত্রবাসবয়োরিব॥ 9-58-37 (63444)
দৃষ্ট্বা ব্যবস্থিতং ভীমং তব পুত্রো মহাবলঃ।
চরংশ্চিত্রতরান্মা র্গান্কৌন্তেয়মভিদুদ্রুবে॥ 9-58-38 (63445)
তস্য ভীমো মহাবেগাং জাম্বূনদপরিষ্কৃতাম্।
অতিক্রুদ্ধস্য ক্রুদ্ধস্তু তাডয়ামাস তাং গদাম্॥ 9-58-39 (63446)
সবিস্ফুলিঙ্গো নির্হাদস্তয়োস্তত্রাভিঘাতজঃ।
প্রাদুরাসীন্মহারাজ ঘৃষ্টয়োর্বজ্রয়োরিব॥ 9-58-40 (63447)
বেগবত্যা তয়া তত্র ভীমসেনপ্রমুক্তয়া।
নিপতন্ত্যা মহারাজ পৃথিবী সমকম্পত॥ 9-58-41 (63448)
তাং নামৃষ্যত কৌরব্যো গদাং প্রতিহতাং রণে।
মত্তো দ্বিপ ইব ক্রুদ্ধঃ প্রতিকুঞ্জরদর্শনাৎ॥ 9-58-42 (63449)
স সব্যং মণ্ডলং রাজা উদ্ধাম্য কৃতনিশ্চয়ঃ।
আজঘ্নে মূর্ধ্নি কৌন্তেয়ং গদয়া ভীমবেগয়া॥ 9-58-43 (63450)
তয়া ৎবভিহতো ভীমঃ পুত্রেণ তব পাণ্ডবঃ।
নাকম্পত মহারাজ তদদ্ভুতমিবাভবৎ॥ 9-58-44 (63451)
আশ্চর্যং চাপি তদ্রাজন্সর্বসৈন্যান্যপূজয়ন্।
যদ্গদাভিহতো ভীমো নাকম্পত পদাৎপদম্॥ 9-58-45 (63452)
ততো গুরুতরাং দীপ্তাং গদাং হেমপরিষ্কৃতাম্।
দুর্যোধনায় ব্যসৃজদ্ভীমো ভীমপরাক্রমঃ॥ 9-58-46 (63453)
তং প্রহারমসম্ভ্রান্তো লাঘবেন মহাবলঃ।
মোঘং দুর্যোধনশ্চক্রে তত্রাভূদ্বিস্ময়ো মহান্॥ 9-58-47 (63454)
সা তু মোঘা গদা রাজন্পতন্তী ভীমচোদিতা।
চালয়ামাস পৃথিবীং মহানির্ঘাতনিঃস্বনাঃ॥ 9-58-48 (63455)
আস্থায় কৌশিকান্মার্গানুৎপতন্স পুনঃ পুনঃ।
গদানিপাতং প্রজ্ঞায় ভীমসেনং চ বঞ্চিতম্॥ 9-58-49 (63456)
বঞ্চয়িৎবা তদা ভীমং গদয়া কুরুসত্তমঃ।
তাডয়ামাস সঙ্ক্রুদ্ধো বক্ষোদেশে মহাবলঃ॥ 9-58-50 (63457)
গদয়া নিহতো ভীমো মুহ্যমানো মহারণে।
নাভ্যমন্যত কর্তব্যং পুত্রেণাভ্যাহতস্তব॥ 9-58-51 (63458)
তস্মিংস্তথা বর্তমানে রাজন্সোমকপাণ়্ডবাঃ।
ভৃশোপহতসঙ্কল্পা নহৃষ্টমনসোঽভবন্॥ 9-58-52 (63459)
স তু তেন প্রহারেণ মাতঙ্গ ইব রোষিতঃ।
হস্তিবদ্বস্তিসংকাশমভিদুদ্রাব তে সুতম্॥ 9-58-53 (63460)
ততস্তু তরসা ভীমো গদয়া তনয়ং তব।
অভিদুদ্রাব বেগেন সিংহো বনগজং যথা॥ 9-58-54 (63461)
উপসৃত্য তু রাজানং গদামোক্ষবিশারদঃ।
আবিধ্যত গদাং রাজন্সমুদ্দিশ্য সুতং তব॥ 9-58-55 (63462)
অতাডয়দ্ভীমসেনঃ পার্শ্বে দুর্যোধনং তদা।
স বিহ্বলঃ প্রহারেণ জানুভ্যামগমন্মহীম্॥ 9-58-56 (63463)
তস্মিন্কুরুকুলশ্রেষ্ঠে জানুভ্যামবনীং গতে।
উদতিষ্ঠত্ততো নাদঃ সৃঞ্জয়ানাং জগৎপতে॥ 9-58-57 (63464)
তেষাং তু নিনদং শ্রুৎবা শৃঞ্জয়ানাং নরর্ষভঃ।
অমর্ষাদ্ভরতশ্রেষ্ঠ পুত্রস্তে সমকুপ্যত॥ 9-58-58 (63465)
উত্থায় তু মহাবাহুর্মহানাগ ইব শ্বসন্।
দিধক্ষন্নিব নেত্রাভ্যাং ভীমসেনমবৈক্ষত॥ 9-58-59 (63466)
ততঃ স ভরতশ্রেষ্ঠো গদাপাণিরভিদ্রবন্।
প্রমথিষ্যন্নিব শিরো ভীমসেনস্য সংয়ুগে॥ 9-58-60 (63467)
স মহাত্মা মহাত্মানং ভীমং ভীমপরাক্রমঃ।
অতাডয়চ্ছঙ্খদেশে ন চচালাচলোপমঃ॥ 9-58-61 (63468)
স ভূয়ঃ শুশুভে পার্থস্তাডিতো গদয়া রণে।
উদ্ভিন্নরুধিরো রাজন্প্রভিন্ন ইব কুঞ্চরঃ॥ 9-58-62 (63469)
ততো গদাং বীরহণীময়োময়ীং
প্রগৃহ্য বজ্রাশনিতুল্যনিঃস্বনাম্।
অতাডয়চ্ছত্রুমমিত্রকর্শনো
বলেন বিক্রম্য ধনঞ্জয়াগ্রজঃ॥ 9-58-63 (63470)
স ভীমসেনাভিহতস্তবাত্মজঃ
পপাত সঙ্কম্পিতদেহবন্ধনঃ।
সুপুষ্পিতো মারুতবেগতাডিতো
বনে মহাসাল ইবাবঘূর্ণিতঃ॥ 9-58-64 (63471)
ততঃ প্রণেদুর্জহৃষুশ্চ পাণ্ডবাঃ
সমীক্ষ্য পুত্রং পতিতং ক্ষিতৌ তব।
ততঃ সুতস্তে প্রতিলভ্য চেতনাং
সমুৎপপাত দ্বিরদো যথা হদাৎ॥ 9-58-65 (63472)
স পার্থিবো নিত্যমমর্ষিতস্তদা
মহারথঃ শিক্ষিতবৎপরিভ্রমন্।
অতাডয়ৎপাণ্ডবমগ্রতঃ স্থিতং
স বিহ্বলাঙ্গো জগতীমুপাস্পৃশৎ॥ 9-58-66 (63473)
স সিংহনাদং বিননাদ কৌরবো
নিপাত্য ভূমৌ যুধি ভীমমোজসা।
বিভেদ চৈবাশনিতুল্যমোজসা
গদানিপাতেন শরীররক্ষণম্॥ 9-58-67 (63474)
ততোঽন্তরিক্ষে নিনদো মহানভূ--
দ্দিবৌকসামপ্সরসাং চ নেদুষাম্।
পপাত চোচ্চৈরমরপ্রবেরিতং
বিচিত্রপুষ্পোৎকরবর্ষমুত্তমম্॥ 9-58-68 (63475)
ততঃ পরানাবিশদুত্তমং ভয়ং
সমীক্ষ্য ভূমৌ পতিতং নরোত্তমম্।
অহীয়মানং চ বলেন কৌরবং
নিশাম্য ভেদং সুদৃঢস্য বর্মণঃ॥ 9-58-69 (63476)
ততো মুহূর্তাদুপলভ্য চেতনাং
প্রমৃজ্য বক্ত্রং রুধিরাক্তমাত্মনঃ।
ধৃতিং সমালম্ব্য বিবৃত্য লোচনে
বলেন সংস্তভ্য বৃকোদরঃ স্থিতঃ॥ 9-58-70 (63477)
`ততো যমৌ যমসদৃশৌ পরাক্রমে
সপার্ষতঃ শিনিতনয়শ্চ বীর্যবান্।
সমাহ্বয়ন্নহমহমিত্যভিৎবরং--
স্তবাত্মজং সমভিয়যুর্বধৈষিণঃ॥ 9-58-71 (63478)
নিবর্ত্য তান্পুনরপি পাণ্ডবো বলী
তবাত্মজং স্বয়মভিগম্য কালবৎ।
চচার চাপ্যপগতখেদবেপথুঃ
সুরেশ্বরো নমুচিমিবোত্তমং রণে'॥ ॥ 9-58-72 (63479)
ইতি শ্রীমন্মহাভারতে শল্যপর্বণি গদায়ুদ্ধপর্বণি অষ্টপঞ্চাশত্তমোঽধ্যায়ঃ॥ 58 ॥
Mahabharata - Shalya Parva - Chapter Footnotes
9-58-3 জিগীষতোর্যথেতি ঝ.পাঠঃ॥ 9-58-49 আস্থায়েতি। কৌশিকান্ কুশ উন্মত্তস্তদাচরিতান্মার্গানাস্থায় পুনঃ পুনরুৎপতনেন বঞ্চনেন চ ভীমমুন্মত্তীকৃত্য গদয়া তাডয়ামাসেতি দ্বয়োঃ সম্বন্ধঃ॥ 9-58-52 নহৃষ্টমনসঃ খিন্নচেতসঃ॥ 9-58-61 শঙ্খদেশে ললাটপ্রান্ত॥ 9-58-69 নেদুষাং নাদ কৃতবতীনাম্॥ 9-58-58 অষ্টপঞ্চাশত্তমোঽধ্যায়ঃ॥শল্যপর্ব - অধ্যায় 059
॥ শ্রীঃ ॥
9.59. অধ্যায়ঃ 059
Mahabharata - Shalya Parva - Chapter Topics
ভীমসেনেন দুর্যোধনস্যোরুভেদনম্॥ 1 ॥Mahabharata - Shalya Parva - Chapter Text
9-59-0 (63480)
সঞ্চয় উবাচ। 9-59-0x (5231)
সমুদীর্ণং ততো দৃষ্ট্বা সঙ্গ্রামং কুরুমুখ্যযোঃ।
অব্রবীদর্জুনস্তত্র বাসুদেবং যশস্বিনম্॥ 9-59-1 (63481)
অনয়োর্বীরয়োর্যুদ্ধে কো জ্যায়ান্ভবতো মতঃ।
কস্য বা কো গুণো জ্যায়ানেতদ্বদ জনার্দন॥ 9-59-2 (63482)
বাসুদেব উবাচ। 9-59-3x (5232)
উপদেশোঽনয়োস্তুল্যো ভীমস্তু বলবত্তরঃ।
কৃতী যত্নপরস্ৎবেষ ধার্তরাষ্ট্রো বৃকোদরাৎ॥ 9-59-3 (63483)
ভীমসেনস্তু ধর্মেণ যুধ্যমানো ন জেষ্যতি।
অন্যায়েন তু যুধ্যন্বৈ হন্যাদেব সুয়োধনম্॥ 9-59-4 (63484)
মায়যা নির্জিতা দেবৈরসুরা ইতি নঃ শ্রুতম্।
বিরোচনস্তু শক্রেণ মায়যা নির্জিতঃ স বৈ॥ 9-59-5 (63485)
মায়যা চাক্ষিপত্তেজো বৃত্রস্য বলসূদনঃ।
তস্মান্মায়াময়ং বীর আতিষ্ঠতু বৃকোদরঃ॥ 9-59-6 (63486)
প্রতিজ্ঞাতং চ ভীমেন দ্যূতকালে ধনঞ্জয়।
ঊরূ ভেৎস্যামি তে সঙ্খ্যে গদয়েতি সুয়োধনম্॥ 9-59-7 (63487)
সোঽয়ং প্রতিজ্ঞাং তাং চাপি পারয়ৎবরিকর্শনঃ।
মায়াবিনং তু রাজানং মায়যৈব নিকৃন্ততু॥ 9-59-8 (63488)
যদ্যেষ বলমাস্থায় ন্যায়েন প্রহরিষ্যতি।
বিষমস্থস্ততো রাজা ভবিষ্যতি যুধিষ্ঠিরঃ॥ 9-59-9 (63489)
পুনরেব তু বক্ষ্যামি পাণ্ডবেয় নিবোধ মে।
ধর্মরাজাপরাধেন ভয়ং নঃ পুনরাগতম্॥ 9-59-10 (63490)
কৃৎবা হি সুমহৎকর্ম হৎবা ভীষ্মমুখান্কুরূন্।
জয়ঃ প্রাপ্তো যশঃ প্রাগ্র্যং বৈরং চ প্রতিয়াতিতম্।
তদেবং বিজয়ঃ প্রাপ্তঃ পুনঃ সংশয়িতঃ কৃতঃ॥ 9-59-11 (63491)
অবুদ্ধিরেষাং মহতী ধর্মরাজস্য পাণ্ডব।
যদেকবিজয়ে বীর পণিতং কৃতমীদৃশম্॥ 9-59-12 (63492)
সুয়োধনঃ কৃতী বীর একায়নগতস্তথা॥ 9-59-13 (63493)
অপি চোশনসা গীতঃ শ্রূয়তেঽয়ং পুরাতনঃ।
শ্লোকস্তত্ৎবার্থসহিতস্তন্মে নিগদতঃ শৃণু॥ 9-59-14 (63494)
পুনরাবর্তমানানাং ভগ্নানাং জীবিতৈষিণাম্।
ভেতব্যমরিশেষাণামেকায়নগতা হি তে॥ 9-59-15 (63495)
[সাহসোৎপতিতানাং চ নিরাশানাং চ জীবিতে।
ন শক্যমগ্রতঃ স্থাতুং শক্রেণাপি ধনঞ্জয়]॥ 9-59-16 (63496)
সুয়োধনমিমং ভগ্নং হতসৈন্যং হদং গতম্।
পরাজিতং বনপ্রেপ্সুং নিরাশং রাজ্যলম্ভনে।
কোঽন্বিষ্য সংয়ুগে প্রাজ্ঞঃ পুনর্দ্বন্দ্বে সমাহ্বয়েৎ॥ 9-59-17 (63497)
অপি নো নির্জিতং রাজ্যং ন হরেত সুয়োধনঃ।
যস্ত্রয়োদশবর্ষাণি গদয়া কৃতনিশ্রমঃ।
চরত্যূর্ধ্বং চ তির্যক্ব ভীমসেনিঘাংসয়া॥ 9-59-18 (63498)
এনং চেন্ন মহাবাহুরন্যায়েন হনিষ্যতি।
এষ বঃ কৌরবো রাজা ধার্তরাষ্ট্রো ভবিষ্যতি॥ 9-59-19 (63499)
সঞ্জয় উবাচ। 9-59-20x (5233)
ধনঞ্জয়স্তু শ্রুৎবৈতৎকেশবস্য মহাত্মনঃ।
প্রেক্ষতো ভীমসেনস্য সব্যমূরুমতাডয়ৎ॥ 9-59-20 (63500)
গৃহ্য সংজ্ঞাং ততো ভীমো গদয়া ব্যচরদ্রণে।
মণ্ডলানি বিচিত্রাণি যমকানীতরাণি চ॥ 9-59-21 (63501)
দক্ষিণং মণ্ডলং সব্যং গোমূত্রিকমথাপি চ।
ব্যচরৎপাণ্ডবো রাজন্নরিং সম্মোহয়ন্নিব॥ 9-59-22 (63502)
তথৈব তব পুত্রোঽপি গদামার্গবিশারদঃ।
ব্যচরল্লঘু চিত্রং চ ভীমসেনজিঘাংসয়া॥ 9-59-23 (63503)
আধুন্বন্তৌ গদে ঘোরে চন্দনাগরুরূষিতে।
বৈরস্যান্তং পরীপ্সন্তৌ রণে ক্রুদ্ধাবিবান্তকৌ॥ 9-59-24 (63504)
অন্যোন্যং তৌ জিঘাংসন্তৌ প্রবীরৌ পুরুষর্ষভৌ।
যুয়ুধাতে গরুত্মন্তৌ যথা নাগামিষৈষিণৌ॥ 9-59-25 (63505)
মণ্ডলানি বিচিত্রাণি চরতোর্নৃপভীময়োঃ।
গদাসম্পাতজাস্তত্র প্রজজ্ঞুঃ পাবকার্চিষঃ॥ 9-59-26 (63506)
সমং প্রহরতোস্তত্র শূরয়োর্বলিনোর্মৃধে।
ক্ষুব্ধয়োর্বায়ুনা রাজন্দ্বয়োরিব সমুদ্রয়োঃ॥ 9-59-27 (63507)
তয়োঃ প্রহরতোস্তুল্যং মত্তকুঞ্জরয়োরিব।
গদানির্ঘাতসং হাদঃ প্রহারাণামজায়ত॥ 9-59-28 (63508)
তস্মিংস্তদা সম্প্রহারে দারুণে সঙ্কুলে ভৃশম্।
উভাবপি পরিশ্রান্তৌ যুধ্যমানাবরিন্দমৌ॥ 9-59-29 (63509)
তৌ মুহূর্তে সমাশ্বস্য পুনরেব পরন্তপ।
অভ্যহারয়তাং ক্রুদ্ধৌ প্রগৃহ্য মহতী গদে॥ 9-59-30 (63510)
তয়োঃ সমভবদ্যুদ্ধং ঘোররূপমসংবৃতম্।
গদানিপাতৈ রাজেন্দ্র তক্ষতোর্বৈ পরস্পরম্॥ 9-59-31 (63511)
সমরে প্রদ্রুতৌ তৌ তু বৃষভাক্ষৌ তরস্বিনৌ।
অন্যোন্যং জঘ্নতুর্বীরৌ পঙ্কস্থৌ মহিষাবিব॥ 9-59-32 (63512)
জর্ঝরীকৃতসর্বাঙ্গৌ রুধিরেণাভিসংপ্লুতৌ।
দদৃশাতে হিমবতি পুষ্পিতাবিব কিংশুকৌ॥ 9-59-33 (63513)
দুর্যোধনস্তু পার্থেন বিবরে সম্প্রদর্শিতে।
ঈষদুৎস্ময়মানস্তু সহসা প্রসসার হ॥ 9-59-34 (63514)
তমভ্যাশগতং প্রাজ্ঞঃ ক্ষণে প্রেক্ষ্য বৃকোদরঃ।
অবাক্ষিপদ্গদাং তস্মিন্বেগেন মহতা বতী॥ 9-59-35 (63515)
অবক্ষেপং তু তং দৃষ্ট্বা পুত্রস্তব বিশাম্পতে।
অপাসর্পত্ততঃ স্থানাৎসা মোঘা ন্যপতদ্ভুবি॥ 9-59-36 (63516)
মোক্ষয়িৎবা প্রহারং তং সুতস্তব সুসম্ভ্রমাৎ।
ভীমসেনং চ গদয়া প্রাহরৎকুরুসত্তম॥ 9-59-37 (63517)
তস্য বিস্যন্দমানেন রুধিরেণামিতৌজসঃ।
প্রহারগুরুপাতাচ মূর্ছেব সমজায়ত॥ 9-59-38 (63518)
তন্নাবুধ্যত পুত্রস্তে পীডিতং পাণ্ডবং রণে।
ধারয়ামাস ভীমোঽপি শরীরমতিপীডিতম্॥ 9-59-39 (63519)
অমন্যত স্থিতং হ্যেনং প্রহরিষ্যন্তমাহবে।
অতো ন প্রাহরত্তস্মৈ পুনরেব তবাত্মজঃ॥ 9-59-40 (63520)
ততো মুহূর্তনাশ্বস্য দুর্যোধনমুপস্থিতম্।
দেগেনাভ্যযতদ্রাজন্গদামাদায় পাণ্ডবঃ॥ 9-59-41 (63521)
তমাপতন্তং সম্প্রেক্ষ্য সংরব্ধগমিতৌজসম্।
মোধমস্য প্রহারং তং চিকীর্ষুর্ভরতর্ষভ॥ 9-59-42 (63522)
অবস্যানে মতিং কৃৎবা পুত্রন্তব মহামনাঃ।
ইয়েষোৎপতিতুং রাজঞ্ছলয়িষ্যন্বৃকোদরম্॥ 9-59-43 (63523)
অবুধ্যদ্ভীমসেনস্তু রাজ্ঞস্তস্য চিকীর্ষিতম্।
অচাস্য সমমিদ্রুত্য সমুৎপত্য চ সিংহবৎ॥ 9-59-44 (63524)
সত্যা বঞ্চবতো রাজন্পুনরেবোৎপতিষ্যতঃ।
ঊরুভ্যাং প্রাহিণোদ্রাজন্গদাং বেগেন পাণ্ডবঃ॥ 9-59-45 (63525)
সা বজ্রনিষ্পেষসমা প্রহিতা ভীমকর্মণা।
ঊরূ দুর্যোধনস্যাথ বভঞ্জ প্রিয়দর্শনৌ॥ 9-59-46 (63526)
স পপাত নরব্যাঘ্রো বসুধামনুনাদয়ন্।
ভগ্নোরুর্ভীমসেনেন পুত্রস্তব মহীপতে॥ 9-59-47 (63527)
ববুর্বাতাঃ সনির্ঘাতাঃ পাংসুবর্ষং পপাত চ।
চচাল পৃথিবী চাপি সবৃক্ষক্ষুপপর্বতা॥ 9-59-48 (63528)
তস্মিন্নিপতিতে বীরে পত্যৌ সর্বমহীক্ষিতাম্।
মহাস্বনা পুনর্দীপ্তা সনির্ঘাতা ভয়ঙ্করী।
পপাত চোল্কা মহতী পতিতে পৃথিবীপতৌ॥ 9-59-49 (63529)
তথা শোণিতবর্ষং চ পাংসুবর্ষং চ ভারত।
ববর্ষ মঘবাংস্তত্র তব পুত্রে নিপাতিতে॥ 9-59-50 (63530)
যক্ষাণাং রাক্ষসানাং চ পিশাচানাং তথৈব চ।
অন্তরিক্ষে মহান্নাদস্তত্র ভারত শুশ্রুবে॥ 9-59-51 (63531)
তেন শব্দেন ঘোরেণ মৃগাণামথ পক্ষিণাম্।
জজ্ঞে ঘোরতরঃ শব্দো বহূনাং সর্বতোদিশম্॥ 9-59-52 (63532)
যে তত্র বাজিনঃ শেষা গজাশ্চ মনুজৈঃ সহ।
মুমুচুস্তে মহানাদং তব পুত্রে নিপাতিতে॥ 9-59-53 (63533)
বেরীশঙ্খমৃদঙ্গানামভবচ্চ স্বনো মহান্।
অন্তর্ভূমিগতশ্চৈব তব পুত্রে নিপাতিতে॥ 9-59-54 (63534)
[বহুপাদৈর্বহুভুজৈঃ কবন্ধৈর্ঘোরদর্শনৈঃ।
নৃত্যদ্ভির্ভয়দৈর্ব্যাপ্তা দিশস্তত্রাভবন্নৃপ॥ 9-59-55 (63535)
ধ্বজবন্তোঽস্ত্রবন্তশ্চ শস্ত্রবন্তস্তথৈব চ।
প্রাকম্পন্ত ততো রাজংস্তব পুত্রে নিপাতিতে]॥ 9-59-56 (63536)
হদাঃ কূপাশ্চ রুধিরমুদ্বেমুর্নৃপসত্তম।
নদ্যশ্চ সুমহাবেগাঃ প্রতিস্রোতোবহাঽভবন্॥ 9-59-57 (63537)
পুল্লিঙ্গা ইব নার্যস্তু স্ত্রীলিঙ্গাঃ পুরুষাঽভবন্।
দুর্যোধনে তদা রাজন্পতিতে তনয়ে তব॥ 9-59-58 (63538)
দৃষ্ট্বা তানদ্ভুতোৎপাতান্পাঞ্চালাঃ পাণ্ডবৈঃ সহ।
আবিগ্নমনসঃ সর্বে বভূবুর্ভরতর্ষভ॥ 9-59-59 (63539)
যয়ুর্দেবা যথাকামং গন্ধর্বাপ্সরসস্তথা।
কথয়ন্তোঽদ্ভুতং যুদ্ধং সুতয়োস্তব ভারত॥ 9-59-60 (63540)
তথৈব সিদ্ধা রাজেন্দ্র তথা বাতিকচারণাঃ।
নরসিংহৌ প্রশংসন্তৌ বিপ্রজগ্মুর্যথাগতম্॥ ॥ 9-59-61 (63541)
ইতি শ্রীমন্মহাভারতে শল্যপর্বণি গদায়ুদ্ধপর্বণি একোনষষ্টিতমোঽধ্যায়ঃ॥ 59 ॥
Mahabharata - Shalya Parva - Chapter Footnotes
9-59-15 অরিশেষাণো পঞ্চম্যর্থে ষষ্ঠী॥ 9-59-34 সহসৈবাভিসারিত ইতি ক.ছ.পাঠঃ॥ 9-59-45 ধৃত্যা বঞ্চয়ত ইতি ক.ছ.পাঠঃ॥ 9-59-48 ক্ষুপঃ ক্ষুদ্রবৃক্ষঃ॥ 9-59-59 একোনষষ্টিতমোঽধ্যায়ঃ॥শল্যপর্ব - অধ্যায় 060
॥ শ্রীঃ ॥
9.60. অধ্যায়ঃ 060
Mahabharata - Shalya Parva - Chapter Topics
ভীমসেনেন দুর্যোধনাপনয়ানুস্মারণপূর্বকং বামপাদেন তচ্ছিরস্তাডনম্॥ 1 ॥ যুধিষ্ঠিরেণ দুর্যোধনসমাশ্বাসনম্॥ 2 ॥Mahabharata - Shalya Parva - Chapter Text
9-60-0 (63542)
সঞ্জয় উবাচ। 9-60-0x (5234)
তং পাতিতং ততো দৃষ্ট্বা মহাসালমিবোদ্গতম্।
প্রহৃষ্টমনসঃ সর্বে বভূবুস্তত্র পাণ্ডবাঃ॥ 9-60-1 (63543)
উন্মত্তমিব মাতঙ্গং সিংহেন বিনিপাতিতম্।
দদৃশুর্হৃষ্টরোমাণঃ সর্বে তে চাপি সোমকাঃ॥ 9-60-2 (63544)
ততো দুর্যোধনং হৎবা ভীমসেনঃ প্রতাপবান্।
পাতিতং কৌরবেন্দ্রং তমুপগম্যেদমব্রবীৎ॥ 9-60-3 (63545)
গৌর্গৌরিতি পুরা মন্দ দ্রৌপদীমেকবাসসম্।
যৎসভায়াং হসন্নস্মাংস্তদা বদসি দুর্মতে।
তস্যাবহাসস্য ফলমদ্য ৎবং সমবাপ্নুহি॥ 9-60-4 (63546)
এবমুক্ৎবা স বামেন পদা মৌলিমুপাস্পৃশৎ।
শিরশ্চ রাজসিংহস্য পাদেন সমলোডয়ৎ॥ 9-60-5 (63547)
তথৈব ক্রোধসংরক্তো ভীমঃ পরবলার্দনঃ।
পুনরেবাব্রবীদ্বাক্যং যত্তচ্ছৃণু নরাধিপ॥ 9-60-6 (63548)
যেঽস্মান্পুরা প্রনৃত্যন্তি মূঢা গৌরিতি গৌরিতি।
তান্বয়ং প্রতিনৃত্যামঃ পুনর্গৌরিতি গৌরিতি॥ 9-60-7 (63549)
নাস্মাকং নিকৃতির্বহ্নির্নাক্ষদ্যূতং ন বঞ্চনা।
স্ববাহুবলমাশ্রিত্য প্রবাধামো বয়ং রিপূন্॥ 9-60-8 (63550)
সোঽবাপ্য বৈরস্য চিরস্য পারং
বৃকোদরঃ প্রাহ শনৈঃ প্রহস্য।
যুধিষ্ঠিরং কেশবসৃঞ্জয়াংশ্চ
ধনঞ্জয়ং মাদ্রবতীসুতৌ চ॥ 9-60-9 (63551)
রজস্বলা দ্রৌপদীমানয়ন্তে
যে চাপ্যকুর্বন্ত সদস্যবস্ত্রাম্। 9-60-10cতান্পশ্যধ্বং পাণ্ডবৈর্ধার্তরাষ্ট্রান্
রণে হতাংস্তপসা যাজ্ঞসেন্যাঃ॥ 9-60-10 (63552)
যে নঃ পুরা ষণ্ঢতিলানবোচন্
ক্রূরা রাজ্ঞো ধৃতরাষ্ট্রস্য পুত্রাঃ।
তে নো হতাঃ সগণাঃ সানুবন্ধাঃ
কামং স্বর্গং নরকং বা ব্রজামঃ॥ 9-60-11 (63553)
পুনশ্চ রাজ্ঞঃ পতিতস্য ভূমৌ
স তাং গদাং স্কন্ধগতাং প্রগৃহ্য।
বামেন পাদেন শিরঃ প্রমৃদ্য
দুর্যোধনং নৈকৃতিকেত্যবোচৎ॥ 9-60-12 (63554)
হৃষ্টেন রাজন্কুরুপার্থিবস্য
ক্ষুদ্রাত্মনা ভীমসেনেন পাদম্।
দৃষ্ট্বা কৃতং মূর্ধনি নাভ্যনন্দন্
ধর্মাত্মানঃ সোমকানাং প্রবর্হাঃ॥ 9-60-13 (63555)
তব পুত্রং তথা হৎবা কত্থমানং বৃকোদরম্।
নৃত্যমানং চ বহুশো ধর্মরাজোঽব্রবীদিদম্॥ 9-60-14 (63556)
গতোঽসি বৈরস্যানৃণ্যং প্রতিজ্ঞা পূরিতা ৎবয়া।
শুভেনাথাশুভেনৈব কর্মণা বিরমাধুনা॥ 9-60-15 (63557)
মা শিরোঽস্য পদাঽমর্দীর্মা ধর্মস্তেঽতিগো ভবেৎ।
রাজা জ্ঞাতির্হতশ্চায়ং নৈতন্ন্যায়্যং তবানঘ॥ 9-60-16 (63558)
একাদশচমূনাথং কুরূণামধিপং তথা।
মাস্প্রাক্ষীর্ভীম পাদেন রাজানং জ্ঞাতিমেব চ॥ 9-60-17 (63559)
হতবন্ধুর্হতামাত্যো ভ্রষ্টসৈন্যো হতো মৃধে।
সর্বাকারেণ শোচ্যোঽয়ং নাবহাস্যোঽয়মীশ্বরঃ॥ 9-60-18 (63560)
বিধ্বস্তোঽয়ং হতামাত্যো হতবন্ধুর্হতাত্মজঃ।
উৎসন্নপিণ্ডো ভ্রাতা চ নৈতন্ন্যায়্যং কৃতং ৎবয়া॥ 9-60-19 (63561)
ধার্মিকো ভীমসেনোঽসাবিত্যাহুস্ৎবাং পুরা জনাঃ।
স কস্মাদ্ভীমসেন ৎবং রাজানমধিতিষ্ঠসি॥ 9-60-20 (63562)
ইত্যুক্ৎবা ভীমসেনং তু সাশ্রুকণ্ঠো যুধিষ্ঠিরঃ।
উপসৃত্যাব্রবীদ্দীনো দুর্যোধনমরিন্দমম্॥ 9-60-21 (63563)
তাত মন্যুর্ন তে কার্যো নাত্মা শোচ্যস্ৎবয়া তথা।
নূনং পূর্বকৃতং কর্ম সুঘোরমনুভূয়তে॥ 9-60-22 (63564)
ধাত্রোপদিষ্টং বিষমং নূনং ফলমসংস্কৃতম্।
যদ্বয়ং ৎবাং জিঘাংসামস্ৎবং চাস্মান্কুরুসত্তম॥ 9-60-23 (63565)
আত্মনো হ্যপরাধেন মহদ্ব্যসনমীহশম্।
প্রাপ্তবানসি যল্লোভান্মদাদ্বাল্যাচ্চ ভারত॥ 9-60-24 (63566)
ঘাতয়িৎবা বয়স্যাংশ্চ ভ্রাতৄনথ পিতৄংস্তথা।
পুত্রান্পৌত্রাংস্তথা চান্যাংস্ততোসি নিধনং গতঃ॥ 9-60-25 (63567)
তবাপরাধাদস্মাভির্ভ্রাতরস্তে নিপাতিতাঃ।
নিহতা জ্ঞাতয়শ্চাপি দিষ্টং মন্যে দুরত্যযম্॥ 9-60-26 (63568)
[আত্মা ন শোচনীয়স্তে শ্লাঘ্যো মৃত্যুস্তবানঘ।
বয়মেবাধুনা শোচ্যাঃ সর্বাবস্থাসু কৌরব॥ 9-60-27 (63569)
কৃপণং বর্তয়িষ্যামস্তৈর্হীনা বন্ধুভিঃ প্রিয়ৈঃ।
ভ্রাতৄণাং চৈব পুত্রাণাং তথা বৈ শোকবিহ্বলাঃ॥ 9-60-28 (63570)
কথং দ্রক্ষ্যামি বিধবা বধূঃ শোকপরিপ্লুতাঃ।
ৎবমেকঃ সুস্থিতো রাজন্স্বর্গে তে নিলয়ো ধ্রুবঃ।
বয়ং নরকসংজ্ঞং বৈ দুঃখং প্রাপ্স্যাম দারুণম্॥] 9-60-29 (63571)
স্নুষাশ্চ প্রস্নুষাশ্চৈব ধৃতরাষ্ট্রস্য বিহ্বলাঃ।
গর্হয়িষ্যন্তি নো নূনং বিধবাঃ শোককর্শিতাঃ॥ 9-60-30 (63572)
সঞ্জয় উবাচ। 9-60-31x (5235)
এবমুক্ৎবা সুদুঃখার্তো নিশশ্বাস স পার্থিবঃ।
বিললাপ চিরং চাপি ধর্মপুত্রো যুধিষ্ঠিরঃ॥ ॥ 9-60-31 (63573)
ইতি শ্রীমন্মহাভারতে শল্যপর্বণি গদায়ুদ্ধপর্বণি ষষ্টিতমোঽধ্যায়ঃ॥ 60 ॥
শল্যপর্ব - অধ্যায় 061
॥ শ্রীঃ ॥
9.61. অধ্যায়ঃ 061
Mahabharata - Shalya Parva - Chapter Topics
ভীমে অপনয়বুদ্ধ্যা ক্রুদ্ধেন বলরামেণ লাঙ্গলমুদ্যম্য তম্প্রত্যভিগমনম্॥ 1 ॥ কৃষ্ণেন তৎসান্ৎবনং ততো বলস্য দ্বারকাগমনম্॥ 2 ॥ যুধিষ্ঠিরস্য কৃষ্ণেন ভীমেন চ সংলাপঃ॥ 3 ॥Mahabharata - Shalya Parva - Chapter Text
9-61-0 (63574)
ধৃতরাষ্ট্রা উবাচ। 9-61-0x (5236)
অধর্মেণ হতং দৃষ্ট্বা রাজানং মাধবোত্তমঃ।
কিমব্রবীত্তদা সূত বলদেবো মহাবলঃ॥ 9-61-1 (63575)
গদায়ুদ্ধবিশেষজ্ঞো গদায়ুদ্ধবিশারদঃ।
কৃতবান্রৌহিণেয়ো যত্তন্মমাচক্ষ্ব সঞ্জয়॥ 9-61-2 (63576)
সঞ্জয় উবাচ। 9-61-3x (5237)
শিরস্যভিহতং দৃষ্ট্বা ভীমসেনেন তে সুতম্।
রামঃ প্রহরতাং শ্রেষ্ঠশ্চুক্রোধ বলবদ্বলী॥ 9-61-3 (63577)
ততো মধ্যে নরেন্দ্রাণামূর্ধ্ববাহুর্হলায়ুধঃ।
কুর্বন্নার্তস্বরং ঘোরং ধিগ্ধিগ্ভীমেত্যুবাচ হ॥ 9-61-4 (63578)
অহো ধিগ্যদধো নাভেঃ প্রহৃতং ধর্মবিগ্রহে।
নৈতদ্দৃষ্টং গদায়ুদ্ধে কৃতবান্যদ্বৃকোদরঃ॥ 9-61-5 (63579)
অধো নাভ্যা ন হন্তব্যমিতি শাস্ত্রস্য নিশ্চয়ঃ।
অয়ং তু শাস্ত্রমুৎসৃজ্য স্বচ্ছন্দাৎসম্প্রবর্ততে॥ 9-61-6 (63580)
তস্য তত্তদ্ব্রুবাণস্য রোষঃ সমভবন্মহান্।
[ততো রাজানমালোক্য রোষসংরক্তলোচনঃ।
বলদেবো মহারাজ ততো বচনমব্রবীৎ॥ 9-61-7 (63581)
ন চৈষ পতিতঃ কৃষ্ণ কেবলং মৎসমোঽসমঃ।
আশ্রিতস্য তু দৌর্বল্যাদাশ্রয়ঃ পরিভর্ৎস্যতে॥] 9-61-8 (63582)
ততো লাঙ্গলমুদ্যম্য ভীমমভ্যদ্রবদ্বলী॥ 9-61-9 (63583)
তস্যোর্ধ্ববাহোঃ সদৃশং রূপমাসীন্মহাত্মনঃ।
বহুধাতুবিচিত্রস্য শ্বেতস্যেব মহাগিরেঃ॥ 9-61-10 (63584)
`ভ্রাতৃভিঃ সহিতো বীরৈঃ সার্জুনৈরস্ত্রকোবিদৈঃ।
ন বিব্যথে মহারাজ দৃষ্ট্বা হলধরং বলী'॥ 9-61-11 (63585)
অথ রামং নিজগ্রাহ কেশবো বিনয়ান্বিতঃ।
বাহুভ্যাং পীনবৃত্তাভ্যাং প্রয়ত্নাদ্বলবদ্বলী॥ 9-61-12 (63586)
সিতাসিতৌ যদুবরৌ শুশুভাতেঽধিকং তদা।
`সঙ্গতাবিব রাজেন্দ্র কৈলাসাঞ্জনপর্বতৌ।
নভোগতৌ যথা রাজংশ্চন্দ্রসূর্যৌ দিনক্ষয়ে॥ 9-61-13 (63587)
উবাচ চৈনং সংরব্ধং শময়ন্নিব কেশবঃ॥ 9-61-14 (63588)
আত্মবৃদ্ধির্মিত্রবৃদ্ধির্মিত্রমিত্রোদয়স্তথা।
বিপরীতং দ্বিষৎস্বেতৎষড্বিধা বৃদ্ধিরাত্মনঃ॥ 9-61-15 (63589)
আত্মন্যপি চ মিত্রে চ বিপরীতং যদা ভবেৎ।
তদা বিদ্যান্মনোগ্লানিমাশু শান্তিকরো ভবেৎ॥ 9-61-16 (63590)
অস্মাকং সহজং মিত্রং পাণ্ডবাঃ শুদ্ধপৌরুষাঃ।
স্বকাঃ পিতৃষ্বসুঃ পুত্রাস্তে পরৈর্নিকৃতা ভৃশম্॥ 9-61-17 (63591)
প্রতিজ্ঞাপালনং ধর্মঃ ক্ষত্রিয়স্যেতি বেত্থ তৎ॥ 9-61-18 (63592)
সুয়োধনস্য গদয়া ভক্তাঽস্ম্যূরূ মহাহবে।
ইতি পূর্বং প্রতিজ্ঞাতং ভীমেন হি সভাতলে॥ 9-61-19 (63593)
মৈত্রেয়েণাভিশপ্তশ্চ পূর্বমেব মহার্ষিণা।
ঊরূ তে ভেৎস্যতে ভীমো গদয়েতি পরন্তপ।
অতো দোষং ন পশ্যামি মা ক্রুধ্যস্ব প্রলম্বহন্॥ 9-61-20 (63594)
যৌনঃ স্বৈঃ সুখহার্দৈশ্চ সম্বন্ধঃ সহ পাণ্ডবৈঃ।
তেষাং বৃদ্ধ্যা হি বৃদ্ধির্নো মা ক্রুধঃ পুরুষর্ষভ॥ 9-61-21 (63595)
বাসুদেববচঃ শ্রুৎবা সীরভৃৎপ্রাহ ধর্মবিৎ॥ 9-61-22 (63596)
ধর্মশ্চ ধারিতঃ সদ্ভিঃ স চ দ্বাভ্যাং নিয়চ্ছতি।
অর্থশ্চাপ্যতিলুব্ধস্য কামশ্চাতিপ্রসঙ্গিণঃ॥ 9-61-23 (63597)
ধর্মার্থৌ ধর্মকামৌ চ কামার্থৌ চাপ্যপীডয়ন্।
ধর্মার্থকামান্যোঽভ্যেতি সোত্যন্তং সুখমশ্নুতে॥ 9-61-24 (63598)
তদিদং ব্যাকুলং সর্বং কৃতং ধর্মস্য পীডনাৎ।
ভীমসেনেন গোবিন্দ কামং ৎবং তু যথাঽঽত্থ মাম্॥ 9-61-25 (63599)
কৃষ্ণ উবাচ। 9-61-26x (5238)
অরোষণো হি ধর্মাত্মা সততং ধর্মবৎসলঃ।
ভবান্প্রখ্যায়তে লোকে তস্মাৎসংশাম্য মা ক্রুধঃ॥ 9-61-26 (63600)
প্রাপ্তং কলিয়ুগং বিদ্বি প্রতিজ্ঞাং পাণ্ডবস্য চ।
আনৃণ্যং যাতু বৈরস্য প্রতিজ্ঞায়াশ্চ পাণ্ডবঃ।
`ততঃ পুরুষশার্দূলো হৎবা নৈকৃতিকং রণে॥ 9-61-27 (63601)
নিকৃত্যা নিকৃতিপ্রজ্ঞং যো হন্যাদ্বৈরিণং রণে।
অধর্মো বিদ্যতে নাত্র যদ্ভীমো হতবান্রিপুম্॥ 9-61-28 (63602)
যুধ্যমানং রণে বীরং কুরুবৃষ্ণিয়শস্করম্।
অনেন কর্ণঃ সন্দিষ্টঃ পৃষ্ঠতো ধনুরচ্ছিনৎ॥ 9-61-29 (63603)
ততঃ সঞ্ছিন্নধন্বানং বিরথং পৌরুষে স্থিতম্।
ব্যায়ুধীকৃত্য বহবঃ সৌভদ্রমপলায়িনম্॥ 9-61-30 (63604)
জন্মপ্রভৃতি লুব্ধশ্চ পাপাত্মা চৈষ দুর্মতিঃ।
নিহতো ভীমসেনেন দুর্বুদ্ধিঃ কুলপাংসনঃ॥ 9-61-31 (63605)
প্রতিজ্ঞাং ভীমসেনেন ত্রয়োদশসমার্জিতাম্।
কিমর্থং নাভিজানাতি যুধ্যমানো হি শত্রুভিঃ॥ 9-61-32 (63606)
ঊর্ধ্বমাক্রম্য বেগেন জিঘাংসন্তং বৃকোদরঃ।
বিভেদ গদয়া চোরূ ন স্থানে ন চ মণ্ডলে'॥ 9-61-33 (63607)
সঞ্জয় উবাচ। 9-61-34x (5239)
ধর্মচ্ছলমিমং শ্রুৎবা কেশবাৎস বিশাম্পতে।
নৈব প্রীতমানা রামো বচনং প্রাহ সংসদি॥ 9-61-34 (63608)
হৎবাঽধর্মেণ রাজানং ধর্মাত্মানং সুয়োধনম্।
জিহ্ময়োধীতি লোকেঽস্মিন্খ্যাতিং যাস্যতি পাণ্ডবঃ॥ 9-61-35 (63609)
দুর্যোধনোঽপি ধর্মাত্মা গতিং যাস্যতি শাশ্বতীম্।
ঋজুয়োধী হতো রাজা ধর্মরাষ্ট্রো নরাধিপঃ॥ 9-61-36 (63610)
যুদ্ধদীক্ষাং প্রবিশ্যাজৌ রণয়জ্ঞং বিতত্য চ।
হুৎবাঽঽত্মানমমিত্রাগ্নৌ প্রাপ চাবভৃথং যশঃ।
`স্বর্গং গন্তা মহারাজঃ সসুহৃজ্জ্ঞাতিবান্ধবঃ'॥ 9-61-37 (63611)
ইত্যুক্ৎবা রথমাস্থায় রৌহিণেয়ঃ প্রতাপবান্।
শ্বেতাভ্রশিখরাকারঃ প্রয়যৌ দ্বারকাং প্রতি॥ 9-61-38 (63612)
পাঞ্চালাশ্চ সবার্ষ্ণেয়াঃ পাণ্ডবাশ্চ বিশাম্পতে।
রামে দ্বারবতীং যাতে নাতিপ্রমনসোঽভবন্॥ 9-61-39 (63613)
ততো যুধিষ্ঠিরং দীনং চিন্তাপরমধোমুখম্।
শোকোপহতসঙ্কল্পং বাসুদেবোঽব্রবীদিদম্॥ 9-61-40 (63614)
বাসুদেব উবাচ। 9-61-41x (5240)
ধর্মরাজ কিমর্থং ৎবমধর্মমনুমন্যসে।
হতবন্ধোর্যদেতস্য পতিতস্য বিচেতসঃ॥ 9-61-41 (63615)
দুর্যোধনস্য ভীমেন মৃদ্যমানং শিরঃ পদা।
উপপ্রেক্ষসি কস্মাত্ৎবং ধর্মজ্ঞঃ সন্নরাধিপ॥ 9-61-42 (63616)
যুধিষ্ঠির উবাচ। 9-61-43x (5241)
ন মমৈতৎপ্রিয়ং কৃষ্ণ যদ্রাজানং বৃকোদরঃ।
পদা মূর্ধ্ন্যস্পৃশৎক্রোধান্ন চ হৃষ্যে কুলক্ষয়ে॥ 9-61-43 (63617)
নিকৃত্যা নিকৃতা নিত্যং ধৃতরাষ্ট্রসুতৈর্বয়ম্।
বহূনি পরুষাণ্যুক্ৎবা বনং প্রস্থাপিতা বয়ম্॥ 9-61-44 (63618)
ভীমসেনস্য তদ্দুঃখমতীব হৃদি বর্ততে।
ইতি সঞ্চিন্ত্য বার্ষ্ণেয় ময়ৈতৎসমুপেক্ষিতম্॥ 9-61-45 (63619)
তস্মাদ্ধৎবাঽকৃতপ্রজ্ঞং লুব্ধং কামবশানুগম্।
লভতাং পাণ়্ডবঃ কামং ধর্মোঽধর্মোঽথবা কৃতঃ॥ 9-61-46 (63620)
সঞ্জয় উবাচ। 9-61-47x (5242)
ইত্যুক্তবতি কৌন্তেয়ে ধর্মরাজে যুধিষ্ঠিরে।
বাসুদেবো মহাবাহুর্যুধিষ্ঠিরমভাষত।
কামমস্ৎবেতদিতি বৈ কৃচ্ছ্রাদ্যদুকুলোদ্বহঃ॥ 9-61-47 (63621)
ইত্যুক্ৎবা বাসুদেবোঽপি বায়ুপুত্রপ্রিয়েপ্সয়া।
অন্বমোদত তৎসর্বং যদ্ভীমেন কৃতং যুধি॥ 9-61-48 (63622)
`অর্জুনোঽপি মহাবাহুরপ্রীতেনান্তরাত্মনা।
নোবাচ কিঞ্চিদ্বচনং ভ্রাতরং সাধ্বসাধু বা'॥ 9-61-49 (63623)
ভীমসেনোঽপি হৎবাঽঽজৌ তব পুত্রমমর্ষণঃ।
অভিবাদ্যাগ্রতঃ স্থিৎবা সম্প্রহৃষ্টঃ কৃতাঞ্জলিঃ॥ 9-61-50 (63624)
প্রোবাচ সুমহাতেজা ধর্মরাজং যুধিষ্ঠিরম্।
হর্ষাদুৎফুল্লনয়নো জিতকাশী বিশাম্পতে॥ 9-61-51 (63625)
তবাদ্য পৃথিবী সর্বা ক্ষেমা নিহতকণ্টকা।
তাং প্রশাধি মহারাজ স্বধর্মমনুপালয়॥ 9-61-52 (63626)
যস্তু কর্তাঽস্য বৈরস্য নিকৃত্যা নিকৃতিপ্রিয়ঃ।
সোঽয়ং বিনিহতঃ শেতে পৃথিব্যং পৃথিবীপতে॥ 9-61-53 (63627)
দুঃশাসনপ্রভৃতয়ঃ সর্বে তে চোগ্রবাদিনঃ।
রাধেয়ঃ শকুনিশ্চৈব হতাশ্চ তব শত্রবঃ॥ 9-61-54 (63628)
সেয়ং রত্নসমাকীর্ণা মহী সবনপর্বতা।
উপাবৃত্তা মহারাজ ৎবামদ্য নিহতদ্বিষম্॥ 9-61-55 (63629)
যুধিষ্ঠির উবাচ। 9-61-56x (5243)
গতো বৈরস্য নিধনং হতো রাজা সুয়োধনঃ।
কৃষ্ণস্য মতমাস্থায় বিজিতেয়ং বসুন্ধরা॥ 9-61-56 (63630)
দিষ্ট্যা গতস্ৎবমানৃণ্যং মাতুঃ কোপস্য চোভয়োঃ।
দিষ্ট্যা জয়সি দুর্ধর্ষ দিষ্ট্যা শত্রুর্নিপাতিতঃ॥ ॥ 9-61-57 (63631)
ইতি শ্রীমন্মহাভারতে শল্যপর্বণি গদায়ুদ্ধপর্বণি একষষ্টিতমোঽধ্যায়ঃ॥ 61 ॥
Mahabharata - Shalya Parva - Chapter Footnotes
9-61-15 আত্মবৃদ্ধিঃ শত্রুক্ষয়ঃ স্বমিত্রস্য বৃদ্ধিঃ শত্রুমিত্রস্য ক্ষয়ঃ স্বমিত্রমিত্রস্য বৃদ্ধিঃ শত্রুমিত্রমিত্রস্য ক্ষয়ঃ এবং ষড্বিধা আত্মনো বৃদ্ধিঃ॥ 9-61-16 যদি চোদাত্মনো গ্লানিস্তদা শান্তিকর ইতি ক.পাঠঃ॥ 9-61-19 ভক্তা ভঙ্ক্ষ্যে॥ 9-61-21 যৌনঃ যোনিনিমিত্তঃ সম্বন্ধঃ। অস্মাকং পিতামহঃ পাণ্ডবানাং মাতামহশ্চৈক ইতি যৌনসম্বন্ধঃ॥ 9-61-22 সীরভৃৎ রামঃ॥ 9-61-23 ধর্মইতি। নিয়চ্ছতি নিয়মমেতি অর্থকামাভ্যাং ধর্মঃ সঙ্কোচমেতীৎসর্থঃ॥ 9-61-24 ধর্মার্থৌ কামে নাপীডয়ন্ ধর্মকাবর্থেনাপীডয়ন্ কামার্থৌ ধর্মেণ চাপীডয়ন্নিত্যর্থঃ॥ 9-61-25 কামং যথেষ্টং ৎবং মাং প্রতি উক্তবানসি নতু ধর্ম্যে॥ 9-61-27 কলিয়ুগারম্ভে এতাবৎপাপং নাতীব খেদাবহমিতি ভাবঃ॥ 9-61-41 অধর্মমনুপশ্যসীতি ক.ছ.পাঠঃ॥ 9-61-46 ধর্মোঽধর্মে চ বা কৃতে ইতি ঝ.পাঠঃ॥ 9-61-62 একষষ্টিতমোঽধ্যায়ঃ॥শল্যপর্ব - অধ্যায় 062
॥ শ্রীঃ ॥
9.62. অধ্যায়ঃ 062
Mahabharata - Shalya Parva - Chapter Topics
পাঞ্চালাদিভির্ভীমস্তুতিঃ॥ 1 ॥ কৃষ্ণাদুর্যোধনয়োঃ পরস্পরগর্হণম্॥ 2 ॥ দুর্যোধনেনাত্মস্তুতৌ তন্মূর্ধি গন্ধর্বৈঃ পুষ্পবর্ষণম্॥ 3 ॥ ভীষ্মাদিমরণেন দুঃখিতানাং পাণ্ডবানাং কৃষ্ণেন সমাশ্বাসনম্॥ 4 ॥Mahabharata - Shalya Parva - Chapter Text
9-62-0 (63632)
ধৃতরাষ্ট্র উবাচ। 9-62-0x (5244)
হতং দুর্যোধনং দৃষ্ট্বা ভীমসেনেন সংয়ুগে।
পাণ্ডবাঃ সৃঞ্জয়াশ্চৈব কিমকুর্বত সঞ্জয়॥ 9-62-1 (63633)
স়ঞ্জয় উবাচ। 9-62-2x (5245)
হতং দুর্যোধনং দৃষ্ট্বা ভীমসেনেন সংয়ুগে।
সিংহেনেব মহারাজ মত্তং বনগজং যথা॥ 9-62-2 (63634)
প্রহৃষ্টমনসস্তত্র কৃষ্ণেন সহ পাণ্ডবাঃ।
পাঞ্চালাঃ সৃঞ্জয়াশ্চৈব নিহতে কুরুনন্দনে।
আবিধ্যন্নুত্তরীয়াণি সিংহনাদাংশ্চ নেদিরে॥ 9-62-3 (63635)
নৈতান্হর্ষসমাবিষ্টানিয়ং সেহে বসুন্ধরা॥ 9-62-4 (63636)
ধনূংষ্যেকে ব্যাক্ষিপন্ত জ্যাশ্চাপ্যন্যে তথাঽক্ষিপন্।
দধ্মুরন্যে মহাশঙ্খানন্যে জঘ্নুশ্চ দুন্দুভীন্॥ 9-62-5 (63637)
চিকীডুশ্চ তথৈবান্যে জহসুশ্চ তবাহিতাঃ।
অব্রুবংশ্চাসকৃদ্বীরা ভীমসেনমিদং বচঃ॥ 9-62-6 (63638)
দুষ্করং ভবতা কর্ম রণেঽদ্য সুমহৎকৃতম্।
কৌরবেয়ং রণে হৎবা গদয়াঽতিকৃতশ্রমম্॥ 9-62-7 (63639)
ইন্দ্রেণেব হি বৃত্রস্য বধং পরমসংয়ুগে।
ৎবয়া কৃতমমন্যন্ত শত্রোর্বধমিমং জনাঃ॥ 9-62-8 (63640)
চরন্তং বিবিধান্মার্গান্মণ্ডলানি চ সর্বশঃ।
দুর্যোধনমিমং শূরং কোঽন্যো হন্যাদ্বৃকোদরাৎ॥ 9-62-9 (63641)
বৈরস্য চ গতঃ পারং ৎবমিহান্যৈঃ সুদুর্গমম্।
অশক্যমেতদন্যেন সম্পাদয়িতুমীদৃশম্॥ 9-62-10 (63642)
কুঞ্জরেণেব মত্তেন বীরসঙ্গ্রামমূর্ধনি।
দুর্যোধপশিরো দিষ্ট্যা পাদেন মৃদিতং ৎবয়া॥ 9-62-11 (63643)
সিংহেন মহিষস্যেব কৃৎবা সঙ্গরমুত্তমম্।
দুঃশাসনস্য রুধিরং দিষ্ট্যা পীতং ৎবয়াঽনঘ॥ 9-62-12 (63644)
যে বিপ্রকুর্বন্রাজানং ধর্মাত্মানং যুধিষ্ঠিরম্।
মূর্ধ্নি তেষাং কৃতঃ পাদো দিষ্ট্যা তে স্বেন কর্মণা॥ 9-62-13 (63645)
অমিত্রাণামধিষ্ঠানাদ্বধাদ্দুর্যোধনস্য চ।
ভীম দিষ্ট্যা পৃথিব্যাং তে প্রথিতং সুমহদ্যশঃ॥ 9-62-14 (63646)
এবং নূনং হতে বৃত্রে শক্রং নন্দন্তি বন্দিনঃ।
তথা ৎবাং নিহতামিত্রং বয়ং নন্দাম ভারত॥ 9-62-15 (63647)
দুর্যোধনবধে যানি রোমাণি হৃষিতানি নঃ।
অদ্যাপি ন বিকৃষ্যন্তে তানি তদ্বিদ্ধি ভারত।
ইত্যব্রুন্ভীমসেনং বাতিকাস্তত্র সঙ্গতাঃ॥ 9-62-16 (63648)
তান্হৃষ্টান্পুরুষব্যাঘ্রান্পাঞ্চালান্পাণ্ডবৈঃ সহ।
ব্রুবতোঽসদৃশং তত্র প্রোবাচ মধুসূদনঃ॥ 9-62-17 (63649)
ন ন্যায়্যং নিহতং শত্রুং ভূয়ো হন্তুং নরাধিপাঃ।
অসকৃদ্বাগ্ভিরুগ্রাভির্নিহতো হ্যেষ মন্দধীঃ॥ 9-62-18 (63650)
তদৈবৈষ হতঃ পাপো যদৈব নিরপত্রপঃ।
লুব্ধঃ পাপসহায়শ্চ সুহৃদাং শাসনাতিগঃ॥ 9-62-19 (63651)
বহুশো বিদুরদ্রোণকৃপগাঙ্গেয়সৃঞ্জয়ৈঃ।
পাণ্ডুভ্যঃ প্রার্থ্যমানোঽপি পিত্র্যমংশং ন দত্তবান্॥ 9-62-20 (63652)
নৈব তেভ্যোঽদ্য মিত্রং বা শত্রুর্বা পুরুষাধমঃ।
কিমনেন বিতুন্নেন বাগ্ভিঃ কাষ্ঠসধর্মণা॥ 9-62-21 (63653)
রথেষ্বারোহত ক্ষিপ্রং গচ্ছামো বসুধাধিপাঃ।
দিষ্ট্যা হতোঽয়ং পাপাত্মা সামাত্যজ্ঞাতিবান্ধবঃ॥ 9-62-22 (63654)
ইতি শ্রুৎবা ৎবধিক্ষেপং কৃষ্ণাদ্দুর্যোধনো নৃপঃ।
অমর্ষবশমাপন্ন উদতিষ্ঠদ্বিশাম্পতে॥ 9-62-23 (63655)
স্ফিগ্দেশেনোপবিষ্টঃ স দোর্ভ্যাং বিষ্টভ্য মেদিনীম্।
দৃষ্টিং ভ্রূসঙ্কটাং কৃৎবা বাসুদেবে ন্যপাতয়ৎ॥ 9-62-24 (63656)
অর্ধোন্নতশরীরস্য রূপমাসীন্নৃপস্য তু।
ক্রুদ্ধস্যাশীবিষস্যেব চ্ছিন্নপুচ্ছস্য ভোগিনঃ॥ 9-62-25 (63657)
প্রাণান্তকরিণীং ঘোরাং বেদনামপ্যচিন্তয়ন্।
দুর্যোধনো বাসুদেবং বাগ্ভিরুগ্রাভিরার্দয়ৎ॥ 9-62-26 (63658)
কংসদাসস্য দায়াদ ন তে লজ্জাঽস্ত্যনেন বৈ।
অধর্মেণ গদায়ুদ্ধে যদর্হং বিনিপাতিতঃ।
ঊরূভিন্ধীতি ভীমস্য স্মৃতিং মিথ্যাপ্রয়চ্ছতা॥ 9-62-27 (63659)
কিং ন বিজ্ঞাতমেতন্মে যদর্জুনমবোচথাঃ।
ঘাতয়িৎবা মহীপালানৃজুয়ুদ্ধান্সহস্রশঃ।
জিহ্মৈরুপায়ৈর্বহুভির্ন তে লজ্জা ন তে ঘৃণা॥ 9-62-28 (63660)
অহন্যহনি শূরাণাং কুর্বাণঃ কদনং মহৎ।
শিখণ্ডিনং পুরস্কৃত্য ঘাতিতস্তে পিতামহঃ॥ 9-62-29 (63661)
অশ্বত্থাম্নঃ সনামানং হৎবা নাগং সুদুর্মতে।
আচার্যো ন্যাসিতঃ শস্ত্রং কিং তন্ন বিদিতং ময়া॥ 9-62-30 (63662)
স চানেন নৃশংসেন ধৃষ্টদ্যুম্নেন বীর্যবান্।
পাত্যমানস্ৎবয়া দৃষ্টো ন চৈনং ৎবমবারয়ঃ॥ 9-62-31 (63663)
বধার্থং পাণ্ডুপুত্রস্য যাচিতাং শক্তিমেব চ।
ঘটোৎকচে ব্যংসয়তঃ কস্ৎবত্তঃ পাপকৃত্তমঃ॥ 9-62-32 (63664)
ছিন্নহস্তঃ প্রায়গতস্তথা ভূরিশ্রবা বলী।
ৎবয়াঽভিসৃষ্টেন হতঃ শৈনেয়েন দুরাত্মনা॥ 9-62-33 (63665)
কুর্বাণশ্চোত্তমং কর্ম কর্ণঃ পার্থজিগীষয়া।
ব্যংসনেনাশ্বসেনস্য পন্নগেন্দ্রস্য বৈ পুনঃ॥ 9-62-34 (63666)
পুনশ্চ পতিতে চক্রে ব্যসনার্তঃ পরাজিতঃ।
পাপিতঃ সমরে কর্ণশ্চক্রব্যাগ্রোঽগ্রণীর্নৃণাম্॥ 9-62-35 (63667)
যদি মাং চাপি কর্ণং চ ভীষ্মদ্রোণৌ চ সংয়ুগে।
ঋজুনা প্রতিয়ুধ্যেথা ন তে স্যাদ্বিজয়ো ধ্রুবম্॥ 9-62-36 (63668)
ৎবয়া পুনরনার্যেণ জিহ্মমার্গেণ পার্থিবাঃ।
স্বধর্মমনুতিষ্ঠন্তো বয়ং চান্যে চ ঘাতিতাঃ॥ 9-62-37 (63669)
`ৎবয়া মায়াবিনা কৃষ্ণ মায়াং কর্মপ্রমোষিণীম্।
কৃৎবা হতঃ সিন্ধুপতিঃ কিং তন্ন বিদিতং মম'॥ 9-62-38 (63670)
বাসুদেব উবাচ। 9-62-39x (5246)
হতস্ৎবমসি গান্ধারে সভ্রাতৃসুতবান্ধবঃ।
সগণঃ সসুহৃচ্চৈব পাপং মার্গমনুষ্ঠিতঃ॥ 9-62-39 (63671)
তবৈব দুষ্কৃতৈর্বীরৌ ভীষ্মদ্রোণৌ নিপাতিতৌ।
কর্ণশ্চ নিহতঃ সঙ্খ্যে তব শীলানুবর্তকঃ॥ 9-62-40 (63672)
যাচ্যমানং ময়া মূঢ পিত্র্যমংশং ন দিৎসসি।
পাণ্ডবেভ্যঃ স্বরাজ্যং চ লোভাচ্ছকুনিনিশ্চয়াৎ॥ 9-62-41 (63673)
বিষং তে ভীমসেনায় দত্তং সর্বে চ পাণ্ডবাঃ।
প্রদীপিতা জতুগৃহে মাত্রা সহ সুদুর্মতে॥ 9-62-42 (63674)
সভায়াং যাজ্ঞসেনী চ কৃষ্টা দ্যূতে রজস্বলা।
তদৈব তাবদ্দুষ্টাত্মন্বধ্যস্ৎবং নিরপত্রপ॥ 9-62-43 (63675)
অনক্ষজ্ঞং চ ধর্মজ্ঞং সৌবলেনাক্ষবেদিনা।
নিকৃত্যা যৎপরাজৈষীস্তস্মাদসি হতো রণে॥ 9-62-44 (63676)
জয়দ্রথেন পাপেন যৎকৃষ্ণা ক্লেশিতা বনে।
যাতেষু মৃগয়াং চৈব তৃণবিন্দোরথাশ্রমম্॥ 9-62-45 (63677)
অভিমন্যুশ্চ যদ্বাল একো বহুভিরাহবে।
ৎবদ্দোষৈর্নিহতঃ পাপ তস্মাদসি হতো রণে॥ 9-62-46 (63678)
`কুর্বাণং কর্ম সমরে পাণ্ডবানর্থকাঙ্ক্ষিণম্।
যচ্ছিখণ্ড্যবধীদ্ভীষ্মং মিত্রার্থে ন ব্যতিক্রমঃ॥ 9-62-47 (63679)
স্বধর্মং পৃষ্ঠতঃ কৃৎবা আচার্যস্ৎবৎপ্রিয়েপ্সয়া।
পার্ষতেন হতঃ সঙ্খ্যে বর্তমানোঽসতাং পথি॥ 9-62-48 (63680)
প্রতিজ্ঞামাত্মনঃ সত্যাং চিকীর্ষন্সমরে নিপুম্।
হতবান্সাৎবতো বিদ্বান্সৌমদত্তিং মহারথম্॥ 9-62-49 (63681)
অর্জুনঃ সমরে রাজন্যুধ্যমানঃ কদাচন।
নিন্দিতং পুরুষব্যাঘ্রঃ করোতি ন কথঞ্চন॥ 9-62-50 (63682)
লব্ধ্বাঽপি বহুধা ছিদ্রং বীরবৃত্তমনুস্মরন্।
নিজঘান রণে কর্ণং মৈবং বোচঃ সুদুর্মতে॥ 9-62-51 (63683)
দেবানাং মতমাজ্ঞায় তেষাং প্রিয়হিতেপ্সয়া।
অর্জুনস্য মহানাগং ময়া ব্যংসিতমস্ত্রজম্॥ 9-62-52 (63684)
ৎবং চ ভীষ্মশ্চ কর্ণশ্চ দ্রোণো দ্রৌণায়নিস্তথা।
বিরাটনগরে তস্য হ্যানৃশংস্যেন জীবিতাঃ॥ 9-62-53 (63685)
স্মর পার্থস্য বিক্রান্তং গন্ধর্বেষু কৃতং তথা।
অধর্মং নাত্র গান্ধারে পাণ্ডবৈর্যৎকৃতং ৎবয়ি॥ 9-62-54 (63686)
স্ববাহুবলমাস্থায় স্বধর্মেণ পরন্তপাঃ।
জিতবন্তো রণে বীরাঃ পাপোসি নিধনং গতঃ'॥ 9-62-55 (63687)
[যান্যকার্যাণি চাস্মাকং কৃতানিতি প্রভাষসে।
বৈগুণ্যেন তবাত্যর্থং সর্বং হি তদনুষ্ঠিতম্॥ 9-62-56 (63688)
বৃহস্পতেরুশনসো নোপদেশঃ শ্রুতস্ৎবয়া।
বৃদ্ধা নোপাসিতাশ্চৈব হিতং বাক্যং ন তে শ্রুতভ্॥ 9-62-57 (63689)
লোভেনাতিবলেন ৎবং তৃষ্ণয়া চ বশীকৃতঃ।
কৃতবানস্যকার্যাণি বিপাকস্তস্য ভুজ্যতাম্॥] 9-62-58 (63690)
দুর্যোধন উবাচ। 9-62-59x (5247)
অধীতং বিধিবদ্দত্তং ভূঃ প্রভুক্তা সসাগরা।
মূর্ধ্নি স্থিমমিত্রাণাং কো নু স্বন্ততরো ময়া॥ 9-62-59 (63691)
যদিষ্টং ক্ষত্রবন্ধূনাং স্বধর্মমনুপশ্যতাম্।
তদিদং নিধনং প্রাপ্তং কো নু স্বন্ততরো ময়া॥ 9-62-60 (63692)
দেবার্হা মানুষা ভোগাঃ প্রাপ্তা অসুলভা নৃপৈঃ।
ঐশ্বর্যং চোত্তমং প্রাপ্তং কো নু স্বন্ততরো ময়া॥ 9-62-61 (63693)
সসুহৃৎসানুবন্ধস্চ স্বর্গং গন্তাঽহমচ্যুত।
যূয়ং গর্হিতসঙ্কল্পাঃ শোচন্তো বর্তয়িষ্যথ॥ 9-62-62 (63694)
`ন মে বিষাদো ভীমেন পাদেন শির আহতম্।
কাকা বা কঙ্কগৃধ্রা বা নিধাস্যন্তি পদং ক্ষণাৎ'॥ 9-62-63 (63695)
সঞ্জয় উবাচ। 9-62-64x (5248)
অস্য বাক্যস্য নিধনে কুরুরাজস্য ধীমতঃ।
অপতৎসুমহদ্বর্ষং পুষ্পাণাং পুণ্যগন্ধিনাম্॥ 9-62-64 (63696)
অবাদয়ন্ত গন্ধর্বা বাদিত্রং সুমনোহরম্॥ 9-62-65 (63697)
জগুশ্চাপ্সরসো রাজ্ঞো যশঃ সম্বদ্ধমেব চ।
সিদ্ধাশ্চ মুমুচুর্বাচঃ সাধুসাধ্বিতি পার্থিব॥ 9-62-66 (63698)
ববৌ চ সুরভির্বায়ুঃ পুণ্যগন্ধো মৃদুঃসুখঃ।
ব্যরাজংশ্চ দিশঃ সর্বা নভো বৈদূর্যসন্নিভম্॥ 9-62-67 (63699)
অত্যদ্ভুতানি তে দৃষ্ট্বা বাসুদেবপুরোগমাঃ।
দুর্যোধনস্য পূজাং তু দৃষ্ট্বা ব্রীডামুপাগমন্॥ 9-62-68 (63700)
হতাংশ্চাধর্মতঃ শ্রুৎবা শোকার্তাঃ শুশুচুর্হি তে।
ভীষ্মং দ্রোণং তথা কর্ণং ভূরিশ্রবসমেব চ॥ 9-62-69 (63701)
তাংস্তু চিন্তাপরান্দৃষ্ট্বা পাণ্ডবান্দীনচেতসঃ।
প্রোবাচেদং বচঃ কৃষ্ণো মেঘদুন্দুভিনিস্বনঃ॥ 9-62-70 (63702)
নৈষ শক্যোঽতিশীঘ্রাস্ত্রস্তে চ সর্বে মহারথাঃ।
ঋজুয়ুদ্ধেন বিক্রান্তা হন্তুং যুষ্মাভিরাহবে॥ 9-62-71 (63703)
উপায়ান্নিহতা হ্যেতে ময়া তস্মান্নরাধিপাঃ।
অন্যথা পাণ্ডবেয়ানাং নাভবিষ্যজ্জয়ঃ ক্বচিৎ॥ 9-62-72 (63704)
তে হি সর্বে মহেষ্বাসাশ্চৎবারোঽতিরথা মুবি।
অশক্যা ধর্মতো হন্তুং লোকপালৈরপি স্বয়ম্॥ 9-62-73 (63705)
তথৈবায়ং গদাপাণির্ধার্তরাষ্ট্রো গতশ্রমঃ।
অশক্যো ধর্মতো হন্তুং কালেনাপি দি দণ্ডিনা॥ 9-62-74 (63706)
নৈতন্মনসি কর্তব্যং যদয়ং নিহতো নৃপঃ।
মিথ্যাচর্যাচ্ছলোপায়ৈর্বহবঃ শত্রবো হতাঃ॥ 9-62-75 (63707)
পূর্বৈরনুগতো মার্গো দেবৈরসুরঘাতিভিঃ।
সদ্ভিশ্চানুগতঃ পন্থাঃ সর্বৈরনুগমিষ্যতে॥ 9-62-76 (63708)
`এবং বিধাত্রা বিহিতং স্বয়মেষাং মহাত্মনাম্।
দৈবং পুরুষকারেণ ন শক্যমতিবর্তিতুম্॥ 9-62-77 (63709)
ভূতং ভব্যং ভবিষ্যচ্চ নিমেষাদ্যো হনিষ্যতি।
কৃতান্তমন্যথা কর্তুং নেচ্ছেৎসোঽয়ং ধনঞ্জয়॥' 9-62-78 (63710)
কৃতকৃত্যাঃ স্ম সায়াহ্নে নিবাসং রোচয়ামহে।
সাশ্বনাগরথাঃ সর্বে বিশ্রাম্যন্তু নরাধিপাঃ॥ 9-62-79 (63711)
বাসুদেববচঃ শ্রুৎবা তদানীং পাণ্ডবৈঃ সহ।
পাঞ্চালা ভৃশসংহৃষ্টা বিনেদুঃ সিংহসঙ্ঘবৎ॥ 9-62-80 (63712)
ততঃ প্রাধ্মাপয়চ্ছঙ্খং পাঞ্চজন্যং জনার্দনঃ।
`দেবদত্তং প্রহৃষ্টাত্মা শঙ্খপ্রবরমর্জুনঃ॥ 9-62-81 (63713)
অনন্তবিজয়ং রাজা কুন্তীপুত্রো যুধিষ্ঠিরঃ।
পোণ্ড্রং দধ্মৌ মহাশঙ্খং ভীমকর্মা বৃকোদরঃ॥ 9-62-82 (63714)
নকুলঃ সহদেবশ্চ সুঘোষমণিপুষ্পকৌ।
ধৃষ্টদ্যুম্নস্তথা জৈত্রং সাত্যকির্নন্দিবর্ধনম্॥ 9-62-83 (63715)
তেষাং নাদেন মহতা শঙ্খানাং ভরতর্ষভ।
আপুপূরে নভঃ সর্বং পৃথিবী চ চচাল হ॥ 9-62-84 (63716)
ততঃ শঙ্খাশ্চ ভের্যশ্চ পণবানকগোমুখাঃ।
পাণ্ডুসৈন্যেষ্ববাদ্যন্ত স শব্দস্তুমুলোঽভবৎ॥ 9-62-85 (63717)
অস্তুবন্পাণ্ডবানন্যে নির্ভীশ্চ স্তুতিমঙ্গলৈঃ'।
হৃষ্টা দুর্যোধনং দৃষ্ট্বা নিহতং পুরুষর্ষভাঃ॥ ॥ 9-62-86 (63718)
ইতি শ্রীমন্মহাভারতে শল্যপর্বণি গদায়ুদ্ধপর্বণি দ্বিষষ্টিতমোঽধ্যায়ঃ॥ 62 ॥
Mahabharata - Shalya Parva - Chapter Footnotes
9-62-21 নৈষ যোগ্যোঽদ্য মিত্রং বেতি ঝ.পাঠঃ॥ 9-62-62 দ্বিষষ্টিতমোঽধ্যায়ঃ॥শল্যপর্ব - অধ্যায় 063
॥ শ্রীঃ ॥
9.63. অধ্যায়ঃ 063
Mahabharata - Shalya Parva - Chapter Topics
পাঞ্চালাদিষু স্বস্বশিবিরাণ্যুপগতেষু পাণ্ডবৈর্দুর্যোধনশিবিরমেত্য স্বস্বরথেভ্যোঽবতরণম্॥ 1 ॥ কৃষ্ণে রথাৎপ্রথমং পার্থমবতার্থ পশ্চাৎস্বয়মপ্যবতীর্ণে অগ্নিনা তদ্গ্রথস্য ভস্মীকরণম্॥ 2 ॥ কৃষ্ণেনার্জুনম্প্রতি রথদাহস্য কারণকথনম্॥ 3 ॥ কৃষ্ণচোদনয়া পাণ্ডবৈরোঘবতীতীরে রাত্রৌ নিবসনম্॥ 4 ॥ কৃষ্ণেন যুধিষ্ঠিরচোদনয়া গান্ধার্যাশ্বাসনায় হাস্তিনপুরাগমনম্॥ 5 ॥Mahabharata - Shalya Parva - Chapter Text
9-63-0 (63719)
সঞ্জয় উবাচ। 9-63-0x (5249)
ততস্তে প্রয়যুঃ সর্বে নিবাসায় মহীক্ষিতঃ।
শঙ্খান্প্রধ্মাপয়ন্তো বৈ হৃষ্টাঃ পরিঘবাহবঃ॥ 9-63-1 (63720)
পাণ্ডবান্গচ্ছতশ্চাপি শিবিরং নো বিশাম্পতে।
মহেষ্বাসোঽন্বগাৎপশ্চাদ্যুয়ুৎসুঃ সাত্যকিস্তথা॥ 9-63-2 (63721)
ধৃষ্টদ্যুম্নঃ শিখণ্ডী চ দ্রৌপদেয়াশ্চ সর্বশঃ।
সর্বে চান্যে মহেষ্বাসা যয়ুঃ স্বশিবিরাণ্যুত॥ 9-63-3 (63722)
ততস্তে প্রাবিশন্পার্থা হতৎবিট্কং হতেশ্বরম্।
দুর্যোধনস্য শিবিরং রঙ্গবন্নিঃসৃতে জনে॥ 9-63-4 (63723)
গতোৎসবং পুরমিব হৃতনাগমিব হদম্।
স্ত্রীবর্ষবরভূয়িষ্ঠং বৃদ্ধামাত্যৈরধিষ্ঠিতম্॥ 9-63-5 (63724)
তত্রৈতান্পর্যুপাতিষ্ঠন্দুর্যোধন পুরঃসরাঃ।
কৃতাঞ্জলিপুটা রাজন্কাষায়মলিনাম্বরাঃ॥ 9-63-6 (63725)
শিবিরং সমনুপ্রাপ্য কুরুরাজস্য পাণ্ডবাঃ।
অবতেরুর্মহারাজ রথেভ্যো রথসত্তমাঃ॥ 9-63-7 (63726)
ততো গাণ্ডীবধন্বানমভ্যভাষত কেশবঃ।
স্থিতঃ প্রিয়হিতে নিত্যমতীব ভরতর্ষভ॥ 9-63-8 (63727)
অবরোপয় গাণ্ডীবমক্ষয়ৌ চ মহেষুধী।
অথাহমবরোক্ষ্যামি পশ্চাদ্ভরতসত্তম।
স্বয়ং চৈবাবরোহ ৎবমেতচ্ছ্রেয়স্তবানঘ॥ 9-63-9 (63728)
তচ্চাকরোত্তথা বীরঃ পাণ্ডুপুত্রো ধনঞ্জয়ঃ॥ 9-63-10 (63729)
অথ পশ্চাত্ততঃ কৃষ্ণো রশ্মীনুৎসৃজ্য বাজিনাম্।
অবারোহত মেধাবী রথাদ্গাণ্ডীবধন্বনঃ॥ 9-63-11 (63730)
অথাবতীর্ণে ভূতানামীশ্বরে সুমহাত্মনি।
কপিরপ্যাশ্বপাক্রামৎসহদেবৈর্ধ্বজালয়ৈঃ॥ 9-63-12 (63731)
স দগ্ধো দ্রোণকর্ণাভ্যাং দিব্যৈরস্ত্রৈর্মহারথঃ।
অথ দীপ্তোঽগ্নিনা হ্যাশু প্রজজ্বাল মহীপতে॥ 9-63-13 (63732)
সোপাসঙ্গঃ সরশ্মিশ্চ সাশ্বঃ সয়ুগবন্ধনঃ।
ভস্মীভূতোঽপতদ্ভূমৌ রথো গাণ্ডীবধন্বনঃ॥ 9-63-14 (63733)
তং তথা ভস্মভূতং তু দৃষ্ট্বা পাণ্ডুসুতাঃ প্রভো।
অভবন্বিস্মিতা রাজন্নর্জুনশ্চেদমব্রবীৎ॥ 9-63-15 (63734)
কৃতাঞ্জলিঃ সপ্রণয়ং প্রণিপত্যাভিবাদ্য হ।
গোবন্দ কস্মাদ্ভগবন্রথো দগ্ধোঽয়মগ্নিনা॥ 9-63-16 (63735)
কিমেতন্মহদাশ্চর্যমভবদ্যদুনন্দন।
তন্মে ব্রূহি মহাবাহো শ্রোতব্যং যদি মন্যসে॥ 9-63-17 (63736)
বাসুদেব উবাচ। 9-63-18x (5250)
দ্রোণকর্ণাস্ত্রনির্দগ্ধঃ পূর্বমেবায়মর্জুন।
মদাস্থিতৎবাৎসমরে ন বিশীর্ণঃ পরন্তপ॥ 9-63-18 (63737)
ইদানীং তু বিশীর্ণোঽয়ং দগ্ধো ব্রহ্মাস্ত্রতেজসা।
ময়া বিমুক্তঃ কৌন্তেয় ৎবয়্যদ্য কৃতকর্মণি॥ 9-63-19 (63738)
সঞ্জয় উবাচ। 9-63-20x (5251)
ঈষদুৎস্ময়মানস্তু ভগবান্কেশবোঽরিহা।
পরিষ্বজ্য চ রাজানং যুধিষ্ঠিরমভাষত॥ 9-63-20 (63739)
দিষ্ট্যা জয়সি কৌন্তেয় দিষ্ট্যা তে শত্রবো জিতাঃ।
দিষ্ট্যা গাণ্ডীবধন্বা চ ভীমসেনশ্চ পাণ্ডবঃ॥ 9-63-21 (63740)
ৎবং চাপি কুশলী রাজন্মাদ্রীপুত্রৌ চ পাণ্ডবৌ।
মুক্তা বীরক্ষয়াদিস্মাৎসঙ্গ্রামান্নিহতদ্বিষঃ।
ক্ষিপ্রমুত্তরকালানি কুরু কার্যাণি ভারত॥ 9-63-22 (63741)
উপয়াতমুপপ্লাব্যং সহ গাণ্ডীবধন্বনা।
আনীয় মধুপর্কং মাং যৎপুরা ৎবমবোচথাঃ॥ 9-63-23 (63742)
এষ ভ্রাতা সখা চৈব তব কৃষ্ণ ধনঞ্জয়ঃ।
রক্ষিতব্যো মহাবাহো সর্বাস্বাপৎস্বিতি প্রভো॥ 9-63-24 (63743)
তব চৈব ব্রুবাণস্য তথেত্যেবাহমব্রুবম্॥ 9-63-25 (63744)
স সব্যসাচী গুপ্তস্তে বিজয়ী চ জনেশ্বর। 9-63-26 (63745)
ভ্রাতৃভিঃ সহ রাজেন্দ্র শূরঃ সত্যপরাক্রমঃ।
মুক্তো বীরক্ষয়াদস্মাৎসঙ্গ্রামাদ্রোমহর্ষণাৎ॥ 9-63-26 (63746)
এবমুক্তস্তু কৃষ্ণেন ধর্মরাজো যুধিষ্ঠিরঃ।
হৃষ্টরোমা মহারাজ প্রত্যুবাচ জনার্দনম্॥ 9-63-27 (63747)
যুধিষ্ঠির উবাচ। 9-63-28x (5252)
প্রমুক্তং দ্রোণকর্ণাভ্যাং ব্রহ্মাস্ত্রমরিমর্দন।
কস্ৎবদন্যঃ সহেৎসাক্ষাদপি বজ্রী পুরন্দরঃ॥ 9-63-28 (63748)
ভবতস্তু প্রসাদেন সংগ্রামে বহবো হতাঃ।
মহারণগতঃ পার্থো যচ্চ নাসীৎপরাঙ্মুখঃ॥ 9-63-29 (63749)
তথা তব মহাবাহো পর্যায়ৈর্বহুভির্ময়া।
কর্মণআমনুসন্ধানাত্তেজস্বী জগতি শ্রুতা॥ 9-63-30 (63750)
উপপ্লাব্যে মহর্ষির্মে কৃষ্ণদ্বৈপায়নোঽব্রবীৎ।
যতো ধর্মস্ততঃ কৃষ্ণো যতঃ কৃষ্ণস্ততো জয়ঃ॥ 9-63-31 (63751)
`এবমুক্তস্ততঃ কৃষ্ণঃ প্রত্যুবাচ যুধিষ্ঠিরম্।
ন তুল্যাশ্চার্জুনস্যেহ বলেন কুরুনন্দন॥ 9-63-32 (63752)
স এষ সর্বাণ্যস্ত্রাণি দিব্যানি প্রাপ্য শঙ্করাৎ।
সৎসমো বা বিশিষ্টো বা রণে ৎবমিতি পাণ্ডবঃ।
অনুজ্ঞাতঃ পাণ্ডুসুতঃ পুনঃ প্রত্যাগমন্মহীম্॥ 9-63-33 (63753)
ভূতং ভব্যং ভবিষ্যচ্চ অনুজ্ঞাতস্ৎবয়া বিভো।
নিমেষার্ধান্নরব্যাঘ্রো নয়েদিতি মতির্মম॥ 9-63-34 (63754)
দ্রোণং ভীষ্মং কৃপং কর্ণং দ্রোণপুত্রং জয়দ্রথম্।
নিহন্তুং শক্নুয়াৎক্রুদ্ধো নিমেষার্ধাদ্ধনঞ্জয়ঃ॥ 9-63-35 (63755)
সদেবাসুরগন্ধর্বান্সয়ক্ষোরগরাক্ষসান্।
ত্রীন্বা লোকান্বিজেতুং স শক্তঃ কিমিহ মানুষান্॥ 9-63-36 (63756)
বিধিনা বিহিতং চাসৌ ময়া সঞ্চোদিতোঽপি সন্।
ন চকার মতিং হন্তুং ততস্তে বলবত্তরাঃ॥ 9-63-37 (63757)
অত্র গীতা ময়া সুষ্ঠু গিরঃ সত্যা মহীপতে।
দর্সিতং ময়ি সর্বং চ তেনাসৌ জিতবান্রিপূন্॥ 9-63-38 (63758)
অর্জুনোঽপি মহাবাহুর্ময়া তুল্যো মহীপতে।
স মহেশ্বরলব্ধাস্ত্রঃ কিং ন কুর্যাদ্বিভুঃ প্রভো॥' 9-63-39 (63759)
ইত্যেবমুক্তে তে বীরাঃ শিবিরং তব ভারত।
প্রবিশ্য প্রত্যপদ্যন্ত কোশরত্নর্ধিসঞ্চয়ান্॥ 9-63-40 (63760)
রজতং জাতরূপং চ মণীনথ চ মৌক্তিকান্।
ভূষণান্যথ মুখ্যানি কম্বলান্যজিনানি চ॥ 9-63-41 (63761)
`গজানশ্বান্রথাংশ্চৈব মহান্তি শয়নানি চ'।
দাসীদাসমসংখ্যেয়ং রাজ্যোপকরণানি চ॥ 9-63-42 (63762)
তে প্রাপ্য ধনমক্ষয়্যং ৎবদীয়ং ভরতর্ষভ।
উদক্রোশন্মহাভাগা নরেন্দ্র বিজিতারয়ঃ॥ 9-63-43 (63763)
তে তু বীরাঃ সমাশ্বস্য বাহনান্যবমুচ্য চ।
অতিষ্ঠন্ত মুহুঃ সর্বে পাণ্ডবা বিগতজ্বরাঃ॥ 9-63-44 (63764)
অথাব্রবীন্মহারাজ বাসুদেবো মহায়শাঃ।
অস্মাভির্মঙ্গলার্থায় বস্তব্যং শিবিরাদ্বহিঃ॥ 9-63-45 (63765)
তথেত্যুক্ৎবা হি তে সর্বে পাণ্ডবাঃ সাত্যকিস্তথা।
বাসুদেবেন সহিতা মঙ্গলার্থং বহির্যযুঃ॥ 9-63-46 (63766)
তে সমাসাদ্য সরিতং পুণ্যামোঘবতীং নৃপ।
ন্যবসন্নথ তাং রাত্রিং পাণ্ডবা হতশত্রবঃ॥ 9-63-47 (63767)
যুধিষ্ঠিরস্ততো রাজা প্রাপ্তকালমচিন্তয়ন্॥ 9-63-48 (63768)
তত্র তে গমনং মাপ্তং রোচতে তব মাধব।
গান্ধার্যাঃ ক্রোধদীপ্তায়াঃ প্রশমার্থমরিন্দম॥ 9-63-49 (63769)
হেতুকারণয়ুক্তৈশ্চ বাক্যৈঃ কালসমীরিতৈঃ।
ক্ষিপ্রমেব মহাভাগ গান্ধারীং প্রশমিষ্যসি।
পিতামহশ্চ ভগবান্ব্যাসস্তত্র ভবিষ্যতি॥ 9-63-50 (63770)
ততঃ সম্প্রেষয়ামাসুর্যাদবং নাগসাহ্বয়ম্॥ 9-63-51 (63771)
স চ প্রায়াজ্জবেনাশু বাসুদেবঃ প্রতাপবান্।
দারুকং রথমারোপ্য যেন রাজাঽম্বিকাসুতঃ॥ 9-63-52 (63772)
তমূচুঃ সম্প্রয়াস্যন্তং শৈব্যসুগ্রীববাহনম্।
প্রত্যাশ্বাসয় গান্ধারীং হতপুত্রাং যশস্বিনীম্॥ 9-63-53 (63773)
স প্রায়াৎপাণ্ডবৈরুক্তস্তৎপুরং সাৎবতাং বরঃ।
আসসাদ ততঃ ক্ষিপ্রং গান্ধারীং নিহতাত্মজাম্॥ ॥ 9-63-54 (63774)
ইতি শ্রীমন্মহাভারতে শল্যপর্বণি গদায়ুদ্ধপর্বণি ত্রিষষ্টিতমোঽধ্যায়ঃ॥ 63 ॥
Mahabharata - Shalya Parva - Chapter Footnotes
9-63-5 বর্ষবরঃ ষণ্ঢঃ॥ 9-63-6 দুর্যোধনস্য পুরসরাঃ দুর্যোধনপুরঃ সরাঃ॥ 9-63-30 তেজস্বীতি গতিঃ শ্রুতা ইতি ছ.পাঠঃ। তথৈব চ মহাবাহো মনুসন্তানং তেজসশ্চ গতীঃ শুভাঃ ইতি ঝ.পাঠঃ॥ 9-63-63 ত্রিষষ্টিতমোঽধ্যায়ঃ॥শল্যপর্ব - অধ্যায় 064
॥ শ্রীঃ ॥
9.64. অধ্যায়ঃ 064
Mahabharata - Shalya Parva - Chapter Topics
জনমেজয়েন গান্ধার্যাশ্বাসনকারণপ্রশ্নে বৈশম্পায়নেন তৎকথনম্॥ 1 ॥ কৃষ্ণেন গান্ধারীধৃতরাষ্ট্রো সমাশ্বাস্য পুনঃ পাণ্ডবসমীপাগমনম্॥ 2 ॥Mahabharata - Shalya Parva - Chapter Text
9-64-0 (63775)
জনমেজয় উবাচ। 9-64-0x (5253)
কিমর্থং দ্বিজশার্দূল ধর্মরাজো যুধিষ্ঠিরঃ।
গান্ধার্যাঃ প্রেষয়ামাস বাসুদেবং পরন্তপম্॥ 9-64-1 (63776)
যদা পূর্বং গতঃ কৃষ্ণঃ শমার্থং কৌরবান্প্রতি।
ন চ তং লব্ধবান্কামং ততো যুদ্ধমভূদিদম্॥ 9-64-2 (63777)
নিহতেষু তু যোধেষু হতে দুর্যোধনে তদা।
পৃথিব্যাং পাণ্ডবেয়স্য নিঃসপত্নে কৃতে যুধি॥ 9-64-3 (63778)
বিদ্রুতে শিবিরে শূন্যে প্রাপ্তে যশসি চোত্তমে।
কিং তু তৎকারণং ব্রহ্মন্যেন কৃষ্ণো গতঃ পুনঃ॥ 9-64-4 (63779)
ন চৈতৎকারণং ব্রহ্মন্নল্পং বিপ্রতিভাতি মে।
যত্রাগমদমেয়াত্মা স্বয়মেব জনার্দনঃ॥ 9-64-5 (63780)
তত্ৎবতো বৈ সমাচক্ষ্ব সর্বমধ্বর্যুসত্তম।
যচ্চাত্র কারণং ব্রহ্মন্কার্যস্যাস্য বিনিশ্চয়ে॥ 9-64-6 (63781)
বৈশম্পায়ন উবাচ। 9-64-7x (5254)
ৎবদ্যুক্তোঽয়মনুপ্রশ্নো যন্মাং পৃচ্ছসি পার্থিব।
তত্তেঽহং সংপ্রবক্ষ্যামি যথাবদ্ভরতর্ষভ॥ 9-64-7 (63782)
হতং দুর্যোধনং দৃষ্ট্বা ভীমসেনেন সংয়ুগে।
ব্যুৎক্রম্য সময়ং রাজন্ধার্তরাষ্ট্রং মহাবলম্॥ 9-64-8 (63783)
অন্যায়েন হতং দৃষ্ট্বা গদায়ুদ্ধেন ভারত।
যুধিষ্ঠিরং মহারাজ মহদ্ভয়মথাবিশৎ॥ 9-64-9 (63784)
সোঽচিন্তয়ন্মহাভাগাং গান্ধারীং তপসান্বিতাম্।
ঘোরেণ তপসা যুক্তাং ত্রৈলোক্যমপি সা দহেৎ॥ 9-64-10 (63785)
তস্য চিন্তয়মানস্য বুদ্ধিঃ সমভবত্তদা।
গান্ধার্যাঃ ক্রোধদীপ্তায়াঃ পূর্বং প্রশমনং ভবেৎ॥ 9-64-11 (63786)
সা হি পুত্রবধং শ্রুৎবা কৃতমস্মাভিরীদৃশম্।
মানসেনাগ্নিনা ক্রুদ্ধা ভস্মসান্নঃ করিষ্যতি॥ 9-64-12 (63787)
কথং দুঃখমিদং তীব্রং গান্ধারী সম্প্রশক্ষ্যতি।
শ্রুৎবা বিনিহতং পুত্রং ছলেনাজিহ্ময়োধিনম্॥ 9-64-13 (63788)
এবং বিচিন্ত্য বহুধা ভয়শোকসমন্বিতঃ।
বাসুদেবমিদং বাক্যং ধর্মরাজোঽভ্যভাষত॥ 9-64-14 (63789)
তব প্রসাদাদ্গোবিন্দ রাজ্যং নিহতকণ্টকম্।
অপ্রাপ্যং মনসাঽপীদং প্রাপ্তমস্মাভিরচ্যুত॥ 9-64-15 (63790)
প্রত্যক্ষং মে মহাবাহো সঙ্গ্রামে রোমহর্ষণে।
বিমর্দঃ সুমহান্প্রাপ্তস্ৎবয়া যাদবনন্দন॥ 9-64-16 (63791)
ৎবয়া দেবাসুরে যুদ্ধে বধার্থমমরদ্বিষাম্।
যথা সাহ্যং পুরা দত্তং হতাশ্চ বিবুধদ্বিষঃ॥ 9-64-17 (63792)
সাহ্যং তথা মহাবাহো দত্তমস্মাকমচ্যুত।
সারথ্যেন চ বার্ষ্ণেয় ভবতা হি ধৃতা বয়ম্॥ 9-64-18 (63793)
যদি ন ৎবং ভবেন্নাথঃ ফল্গুনস্য মহারণে।
কথং শক্যো রণে জেতুং ভবেদেষ বলার্ণবঃ॥ 9-64-19 (63794)
গদাপ্রহারা বিপুলাঃ পরিঘৈশ্চাপি তাডনম্।
শক্তিভির্ভিণ্ডিপালৈশ্চ তোমরৈঃ সপরশ্বথৈঃ॥ 9-64-20 (63795)
অস্মৎকৃতে ৎবয়া কৃষ্ণ বাচঃ সুপরুষাঃ শ্রুতাঃ।
শস্ত্রাণাং চ নিপাতা বৈ বজ্রস্পর্শোপমা রণে॥ 9-64-21 (63796)
তে চ তে সফলা জাতা হতে দুর্যোধনেঽচ্যুত।
তৎসর্বং ন যথা নশ্যেৎপুনঃ কৃষ্ণ তথা কুরু॥ 9-64-22 (63797)
সন্দেহডোলাং প্রাপ্তং নশ্চেতঃ কৃষ্ণ জয়ে সতি।
গান্ধার্যা হি মহাবাহো ক্রোধং শময় মাধব॥ 9-64-23 (63798)
সা হি নিত্যং মহাভাগা তপসোগ্রেণ কর্শিতা।
পুত্রপৌত্রবধং শ্রুৎবা ধ্রুবং নঃ সম্প্রধক্ষ্যতি।
তস্যা প্রসাদনং বীর প্রাপ্তকালং মতং মম॥ 9-64-24 (63799)
কশ্চ তাং ক্রোধসন্দীপ্তাং পুত্রব্যসনকর্শিতাম্।
বীক্ষিতুং পুরুষঃ শক্তস্ৎবামৃতে পুরুষোত্তম॥ 9-64-25 (63800)
তত্র মে গমনং প্রাপ্তং রোচতে তব মাধব।
গান্ধার্যাঃ ক্রোধদীপ্তায়াঃ প্রশমার্থমরিন্দম॥ 9-64-26 (63801)
ৎবং হি কর্তা বিকর্তা চ লোকানাং প্রভবাব্যযঃ।
হেতুকারণসংয়ুক্তৈর্বাক্যৈঃ কালসমীরিতৈঃ॥ 9-64-27 (63802)
ক্ষিপ্রমেব মহাবাহো গান্ধারীং শময়িষ্যসি।
পিতামহশ্চ ভগবান্কৃষ্ণস্তত্র ভবিষ্যতি॥ 9-64-28 (63803)
সর্বথা তে মহাবাহো গান্ধার্যাঃ ক্রোধনাশনম্।
কর্তব্যং সাৎবতাং শ্রেষ্ঠ পাণ্ডবানাং হিতার্থিনা॥ 9-64-29 (63804)
ধর্মরাজস্য বচনং শ্রুৎবা যদুকুলোদ্বহঃ।
আমন্ত্র্য দারুকং প্রাহ রথঃ সঞ্জো বিধীয়তাম্॥ 9-64-30 (63805)
কেশবস্য বচঃ শ্রুৎবা ৎবরমাণোঽথ দারুকঃ।
ন্যবেদয়দ্রথং সজ্জং কেশবায় মহাত্মনে॥ 9-64-31 (63806)
তং রথং যাদবশ্রেষ্ঠঃ সমারুহ্য পরন্তপঃ।
জগাম হাস্তিনপুরং ৎবরিতঃ কেশবো বিভুঃ॥ 9-64-32 (63807)
ততঃ প্রায়ান্মহারাজ মাধবো ভগবান্রথী।
নাগসাহ্বয়মাসাদ্য প্রবিবেশ চ বীর্যবান্॥ 9-64-33 (63808)
প্রবিশ্য নগরং বীরো রথঘোষেণ নাদয়ন্।
বিদিতো ধৃতরাষ্ট্রস্য সোঽবতীর্য রথোত্তমাৎ।
অভ্যগচ্ছদদীনাত্মা ধৃতরাষ্ট্রনিবেশনম্॥ 9-64-34 (63809)
পূর্বং চাভিগতং তত্র সোঽপশ্যদৃষিসত্তমম্॥ 9-64-35 (63810)
পাদৌ প্রপীড্য কৃষ্ণস্য রাজ্ঞশ্চাপি জনার্দনঃ।
অভ্যবাদয়দব্যগ্রো গান্ধারীং চাপি কেশবঃ॥ 9-64-36 (63811)
ততস্তু যাদবশ্রেষ্ঠো ধৃতরাষ্ট্রমধোক্ষজঃ।
পাণিমালম্ব্য রাজেন্দ্র সুস্বরং প্ররুরোদ হ॥ 9-64-37 (63812)
স মুহূর্তাদিবোৎসৃজ্য বাষ্পং শোকসমুদ্ভবম্।
প্রক্ষাল্য বারিণা নেত্রে হ্যাচম্য চ যথাবিধি।
উবাচ প্রশ্রিতং বাক্যং ধৃতরাষ্ট্রমরিন্দমঃ॥ 9-64-38 (63813)
ন তেঽস্ত্যবিদিতং কিঞ্চিদ্ভূতং ভব্যং চ ভারত।
কালস্য চ যথাবৃত্তং তত্তে সুবিদিতং প্রভো॥ 9-64-39 (63814)
যদিদং পাণ্ডবৈঃ সর্বৈস্তব চিত্তানুরোধিভিঃ।
কথং কুলক্ষয়ো ন স্যাত্তথা ক্ষত্রস্য ভারত॥ 9-64-40 (63815)
ভ্রাতৃভিঃ সময়ং কৃৎবা ক্ষান্তবান্ধর্মবৎসলঃ।
দ্যূতচ্ছলজিতৈঃ শুদ্বৈর্বনবাসো হ্যুপাগতঃ॥ 9-64-41 (63816)
অজ্ঞাতবাসচর্যা চ নানাবেষসমাবৃতৈঃ।
অন্যে চ বহবঃ ক্লেশাস্ৎবশক্তৈরিব সর্বদা॥ 9-64-42 (63817)
ময়া চ স্বয়মাগম্য যুদ্ধকাল উপস্থিতে।
সর্বলোকস্য সান্নিধ্যেগ্রামাংস্ৎবং পঞ্চয়াচিতঃ॥ 9-64-43 (63818)
ৎবয়া কালোপসৃষ্টেন লোভতো নাপবর্জিতাঃ।
তবাপরাধান্নৃপতে সর্বং ক্ষত্রং ক্ষয়ং গতম্॥ 9-64-44 (63819)
ভীষ্মেণ সোমদত্তেন বাহ্লীকেন কৃপেণ চ।
দ্রোণেন চ সপুত্রেণ বিদুরেণ চ ধীমতা।
যাচিতস্ৎবং শমং নিত্যং ন চ তৎকৃতবানসি॥ 9-64-45 (63820)
কালোপহতচিত্তা হি সর্বে মুহ্যন্তি ভারত।
যথা মূঢো ভবান্পূর্বমস্মিন্নর্থে সমুদ্যতে॥ 9-64-46 (63821)
কিমন্যৎকালয়োগাদ্ধি দ্বিষ্টমেব পরায়ণম্।
মা চ দোষান্মহাপ্রাজ্ঞ পাণ্ডবেষু নিবেশয়॥ 9-64-47 (63822)
অল্পোপ্যতিক্রমো নাস্তি পাণ্ডবানাং মহাত্মনাম্।
ধর্মতো ন্যায়তশ্চৈব স্নেহতশ্চ পরন্তপ॥ 9-64-48 (63823)
এতৎসর্বং তু বিজ্ঞায় হ্যাত্মদোষকৃতং ফলম্।
তন্মন্যুং পাণ্ডুপুত্রেষু ন ভবান্কর্তুমর্হতি॥ 9-64-49 (63824)
কুলং বংশশ্চ পিণ্ডাশ্চ যচ্চ পুত্রকৃত ফলম্।
গান্ধার্যাস্তব বৈ নাথ পাণ্ডবেষু প্রতিষ্ঠিতম্॥ 9-64-50 (63825)
ৎবং চৈব কুরুশার্দূল গান্ধারী চ যশস্বিনী।
মা শুচো নরশার্দূল পাণ্ডবান্প্রতিকিল্বিম্॥ 9-64-51 (63826)
এতৎসর্বমনুধ্যায় আত্মনশ্চ ব্যতিক্রমম্।
শিবেন পাণ্ডবান্ধ্যাহি নমস্তে ভরতর্ষভ॥ 9-64-52 (63827)
জানাসি চ মহাবাহো ধর্মরাজস্য যা ৎবয়ি।
ভক্তির্ভরতশার্দূল স্নেহশ্চাপি স্বভাবতঃ॥ 9-64-53 (63828)
এতচ্চ কদনং কৃৎবা শত্রূণামপকারিণাম্।
দহ্যতে স দিবারাত্রৌ ন চ শর্মাধিগচ্ছতি॥ 9-64-54 (63829)
ৎবাং চৈব নরশার্দূল গান্ধারীং চ যশস্বিনীম্।
স শোচন্নরশার্দূলঃ শান্তিং নৈবাধিগচ্ছতি॥ 9-64-55 (63830)
হিয়া চ পরয়াঽবিষ্টো ভবন্তং নাধিগচ্ছতি।
পুত্রশোকাভিসন্তপ্তং বুদ্ধিব্যাকুলিতেন্দ্রিয়ম্॥ 9-64-56 (63831)
এবমুক্ৎবা মহারাজ ধৃতরাষ্ট্রং যদূত্তমঃ।
উবাচ পরমং বাক্যং গান্ধারীং শোককর্শিতাম্॥ 9-64-57 (63832)
সৌবলেয়ি নিবোধ ৎবং যত্ৎবাং বক্ষ্যামি সুব্রতে।
ৎবৎসমা নাস্তি লোকেঽস্মিন্নদ্য সীমন্তিনী শুভে॥ 9-64-58 (63833)
জানাসি চ যথা রাজ্ঞি সভায়াং মম সন্নিধৌ।
ধর্মার্থসহিতং বাক্যমুভয়োঃ পক্ষয়োর্হিতম্॥ 9-64-59 (63834)
উক্তবত্যসি কল্যাণি ন চ তে তনয়ৈঃ কৃতম্।
দুর্যোধনস্ৎবয়া চোক্তো জয়ার্থী পরুষং বচঃ॥ 9-64-60 (63835)
শৃণু মূঢ বচো মহ্যং যতো ধর্মস্ততো জয়ঃ।
তদিদং সমনুপ্রাপ্তং তব বাক্যং নৃপাত্মজে॥ a6-64-61 (63836)
এবং বিদিৎবা কল্যাণি মা স্ম শোকে মনঃ কৃথাঃ।
পাণ্ডবানাং বিনাশায় মা তে বুদ্ধিঃ কদাচন॥ 9-64-62 (63837)
শক্তা চাসি মহাভাগে পৃথিবীং সচরাচরাম্।
চক্ষুষা ক্রোধদীপ্তেন নির্দগ্ধুং তপসো বলাৎ॥ 9-64-63 (63838)
বাসুদেববচঃ শ্রুৎবা গান্ধারী বাক্যমব্রবীৎ।
এবমেতন্মহাবাহো যথা বদসি কেশব॥ 9-64-64 (63839)
আধিভির্দহ্যমানায়া মতিঃ সঞ্চলিতা মম।
সা মে ব্যবস্থিতা শ্রুৎবা তব বাক্যং জনার্দন॥ 9-64-65 (63840)
রাজ্ঞস্ৎবন্ধস্য বৃদ্ধস্য হতপুত্রস্য কেশব।
ৎবং গতিঃ সহিতৈর্বীরৈঃ পাণ্ডবৈর্দিপদা বর॥ 9-64-66 (63841)
এতাবদুক্ৎবা বচনং মুখং প্রচ্ছাদ্য বাসসা।
পুত্রশোকাভিসন্তপ্তা গান্ধারী প্ররুরোদ হ॥ 9-64-67 (63842)
তত এনাং মহাবাহুঃ কেশ্বঃ শোককর্শিতাম্।
হেতুকারণসংয়ুক্তৈর্বাক্যৈরাশ্বাসয়ৎপ্রভুঃ॥ 9-64-68 (63843)
সমাশ্বাস্য চ গান্ধারীং ধৃতরাষ্ট্রং চ মাধবঃ।
দ্রৌণিসঙ্কল্পিতং ভাবমন্ববুধ্যত কেশবঃ॥ 9-64-69 (63844)
ততস্ৎবরিত উত্থায় পাদৌ মূর্ধ্না প্রণম্য চ।
দ্বৈপায়নস্য রাজেন্দ্র ততঃ কৌরবমব্রবীৎ॥ 9-64-70 (63845)
আপৃচ্ছে ৎবাং কুরুশ্রেষ্ঠ মা চ শোকে মনঃ কৃথাঃ।
দ্রৌণেঃ পাপোস্ত্যভিপ্রায়স্তেনাস্মি সহসোত্থিতঃ॥ 9-64-71 (63846)
পাণ্ডবানাং বধে রাত্রৌ বুদ্ধিস্তেন প্রদর্শিতা॥ 9-64-72 (63847)
এতচ্ছ্রুৎবা তু বচনং গান্ধার্যা সহিতোঽব্রবীৎ।
ধৃতরাষ্ট্রো মহাবাহুঃ কেশবং কেশিসূদনম্॥ 9-64-73 (63848)
শীঘ্রং গচ্ছ মহাবাহো পাণ্ডবান্পরিপালয়।
ভূয়স্ৎবয়া সমেষ্যামি ক্ষিপ্রমেব জনার্দন॥ 9-64-74 (63849)
প্রায়াত্ততস্তু ৎবরিতো দারুকেণ সহাচ্যুতঃ॥ 9-64-75 (63850)
বাসুদেবে গতে রাজন্ধৃতরাষ্ট্রং জনেশ্বরম্।
আশ্বাসয়দমেয়াত্মা ব্যাসো লোকনমস্কৃতঃ॥ 9-64-76 (63851)
বাসুদেবোঽপি ধর্মাত্মা কৃতকৃত্যো জগাম হ।
শিবিরং হাস্তিনপুরাদ্দিদৃক্ষুঃ পাণ্ডবান্নৃপ॥ 9-64-77 (63852)
আগম্য শিবিরং রাত্রৌ সোঽভ্যগচ্ছত পাণ্ডবান্।
তচ্চ তেভ্যঃ সমাখ্যায় সহিতস্তৈঃ সমাহিতঃ॥ ॥ 9-64-78 (63853)
ইতি শ্রীমন্মহাভারতে শল্যপর্বণি গদায়ুদ্ধপর্বণি চতুঃষষ্টিতমোঽধ্যায়ঃ॥ 64 ॥
Mahabharata - Shalya Parva - Chapter Footnotes
9-64-27 হেতুকারণসংয়ুক্তৈঃ হেতবো দৃষ্টা অপরাধাঃ। কারণানি অদৃষ্টান্যবশ্যংভাবীনি তৈর্যুক্তানি তৈর্যুক্তানি তৈঃ॥ 9-64-33 প্রায়াদগচ্ছৎ॥ 9-64-34 বিদিতং ধৃতারাষ্ট্রস্যেতি ঝ.পাঠঃ॥ 9-64-36 কৃষ্ণস্য ব্যাসস্য॥ 9-64-49 অসূয়াং পাণ্ডুপুত্রোষ্বিতি ঝ.পাঠঃ॥ 9-64-64 চতুঃষষ্টিতমোঽধ্যায়ঃ॥শল্যপর্ব - অধ্যায় 065
॥ শ্রীঃ ॥
9.65. অধ্যায়ঃ 065
Mahabharata - Shalya Parva - Chapter Topics
সঞ্জয়েন ধৃতরাষ্ট্রংপ্রতি দুর্যোধনবিলাপপ্রকারকথনম্॥ 1 ॥ বাদিকৈরশ্বত্থাম্নি দুর্যোধনপাতননিবেদনম্॥ 2 ॥Mahabharata - Shalya Parva - Chapter Text
9-65-0 (63854)
ধৃতরাষ্ট্র উবাচ। 9-65-0x (5255)
অধিষ্ঠিতঃ পদা মূর্ধ্নি ভগ্নসক্থো মহীং গতঃ।
শৌটীর্যমানী পুত্রো মে কিমভাষত সঞ্জয়॥ 9-65-1 (63855)
অত্যর্থং কোপনো রাজা জাবৈরশ্চ পাণ্ডুষু।
ব্যসনং পরমং প্রাপ্তঃ কিমাহ পরমাহবে॥ 9-65-2 (63856)
সঞ্জয় উবাচ। 9-65-3x (5256)
শৃণু রাজন্প্রবক্ষ্যামি যথাবৃত্তং নরাধিপ।
রাজ্ঞা যদুক্তং মগ্নেন তস্মিন্ব্যসনসাগরে॥ 9-65-3 (63857)
ভগ্নসক্থো নৃপো রাজন্পাংসুনা সোঽবকুণ্ঠিতঃ।
যময়ন্মূর্ধজাংস্তত্র বীক্ষ্য চৈব দিশো দশ॥ 9-65-4 (63858)
কেশান্নিয়স্য যত্নেন নিঃশ্বসন্নুরগো যথা।
সংরম্ভাশ্রুপরীতাব্যাং নেত্রাভ্যামভিবীক্ষ্য মাম্॥ 9-65-5 (63859)
বাহূ ধরণ্যাং নিষ্পিষ্য সুদুর্মত্ত ইব দ্বিপঃ।
প্রকীর্ণান্মূর্ধজান্ধুন্বন্দন্তৈর্দন্তানুপস্পৃশন্।
গর্হয়ন্পাণ্ডবং জ্যেষ্ঠং নিঃশ্বস্যেদমথাব্রবীৎ॥ 9-65-6 (63860)
ভীষ্মে শান্তনবে নাথে কর্ণে শস্ত্রভৃতাং বরে।
গৌতমে শকুনৌ চাপি দ্রোণে চাস্ত্রভৃতাং বরে॥ 9-65-7 (63861)
অশ্বত্থাম্নি যথা শল্যে শূরে চ কৃতবর্মণি।
অন্যেষ্বপি চ শূরেষু ন্যস্তভারো মহাত্মসু।
ইমামবস্থাং প্রাপ্তোঽস্মি কালো হি দুরতিক্রমঃ॥ 9-65-8 (63862)
একাদশচমূভর্তা সোঽহমেতাং দশাং গতঃ।
কালং প্রাপ্য মহাবাহো ন কশ্চিদতিবর্ততে॥ 9-65-9 (63863)
আখ্যাতব্যং মদীয়ানাং যেঽস্মিঞ্জীবন্তি সংয়ুগে।
যথাঽহং ভীমসেনেন ব্যুৎক্রম্য সময়ং হতঃ॥ 9-65-10 (63864)
বহূনি সুনৃশংসানি কৃতানি খলু পাণ্ডবৈঃ।
ভূরিশ্রবসি কর্ণে চ ভীষ্মে দ্রোণে চ ধীমতি॥ 9-65-11 (63865)
ইদং চ গর্হিতং কর্ম নৃশংসৈঃ পাণ্ডবৈঃ কৃতম্।
যেন তে বাচ্যতাং সৎসু গমিষ্যন্তীতি মে মতিঃ॥ 9-65-12 (63866)
কা প্রীতিঃ সৎবয়ুক্তস্য কৃৎবোপাধিকৃতং জয়ম্।
কো বা সময়ভেত্তারং বুধঃ সম্মন্তুমর্হতি॥ 9-65-13 (63867)
অধর্মেণ জয়ং লব্ধ্বা কো নু হৃষ্যেত পণ্ডিতঃ।
যথা সংহৃষ্যতে পাপঃ পাণ্ডুপুত্রো বৃকোদরঃ॥ 9-65-14 (63868)
কিন্নু চিত্রমিতস্ৎবদ্য ভগ্নসক্থস্য যন্মম।
ক্রুদ্ধেন ভীমসেনেন পাদেন মৃদিতং শিরঃ॥ 9-65-15 (63869)
প্রতপন্তং শ্রিয়া জুষ্টং বর্তমানং চ বন্ধুষু।
এবং কুর্যান্নরো যো হি স বৈ স়ঞ্জয় পূরুষঃ॥ 9-65-16 (63870)
অভিজ্ঞৌ যুদ্ধধর্মস্য মম মাতা পিতা চ যৌ।
তৌ হি সঞ্জয় দুঃখার্তৌ বিজ্ঞাপ্যৌ বচনাদ্বি মে॥ 9-65-17 (63871)
ইষ্টং ভৃত্যা ভৃতাঃ সম্যগ্ভূঃ প্রশাস্তা সসাগরা।
মূর্ধ্নি স্থিতমমিত্রাণাং জীবতামেব স়ঞ্জয়॥ 9-65-18 (63872)
দত্তা দায়া যথাশক্তি মিত্রাণাং চ প্রিয়ং কৃতম্।
অমিত্রা বাধিতাঃ সর্বে কো নু স্বন্ততরো ময়া॥ 9-65-19 (63873)
মানিতা বান্ধবাঃ সর্বে মান্যঃ সম্পূজিতো জনঃ।
ত্রিতয়ং সেবিতং সর্বং কো নু স্বন্ততরো ময়া॥ 9-65-20 (63874)
আজ্ঞপ্তং নৃপমুখ্যেষু মানঃ প্রাপ্তঃ সুদুর্লভঃ।
আজানেয়ৈস্তথা যাতং কো নু স্বন্ততরো ময়া॥ 9-65-21 (63875)
যাতানি পররাষ্ট্রাণি নৃপা ভুক্তাশ্চ দাসবৎ।
প্রিয়েভ্যঃ প্রকৃতং সাধু কো নু স্বন্ততরো ময়া॥ 9-65-22 (63876)
অধীতং বিধিবদ্দত্তং প্রাপ্তমায়ুর্নিরাময়ম্।
স্বধর্মেণ জিতা লোকাঃ কো নু স্বন্ততরো ময়া॥ 9-65-23 (63877)
দিষ্ট্যা নাহং জিতঃ সঙ্খ্যে পরান্প্রেষ্যবদাশ্রিতঃ।
দিষ্ট্যা মে বিপুলা লক্ষ্মীর্মৃতে ৎবন্যগতা বিভো॥ 9-65-24 (63878)
যদিষ্টং ক্ষত্রবন্ধূনাং স্বধর্মমনুতিষ্ঠতাম্।
নিধনং তন্ময়া প্রাপ্তং কো নু স্বন্ততরো ময়া॥ 9-65-25 (63879)
দিষ্ট্যা নাহং পরাবৃত্তো বৈরাৎপ্রাকৃতবঞ্জিতঃ।
দিষ্ট্যা ন বিমতিং কাঞ্চিদ্ভজিৎবা তু পরাজিতঃ॥ 9-65-26 (63880)
সুপ্তং বাঽথ প্রমত্তং বা যথা হন্যাদ্বিষেণ বা।
এবং ব্যুৎক্রান্তধর্মেণ ব্যুৎক্রম্য সময়ং হতঃ॥ 9-65-27 (63881)
অশ্চত্থামা মহাভাগঃ কৃতবর্মা চ সাৎবতঃ।
কৃপঃ শারদ্বতশ্চৈব বক্তব্যা বচনান্মম॥ 9-65-28 (63882)
অধর্মেণ প্রবৃত্তানাং পাণ্ডবানামনেকশঃ।
বিশ্বাসং সময়ঘ্নানাং ন যূয়ং গন্তুমর্হথ॥ 9-65-29 (63883)
বার্তিকাংশ্চাব্রবীদ্রাজা পুত্রস্তে সত্যবিক্রমঃ।
অধর্মাদ্ভীমসেনেন নিহতোঽহং যথা রণে॥ 9-65-30 (63884)
সোঽহং দ্রোণং স্বর্গগতং কর্ণশল্যাবুভৌ তথা।
বৃষসেনং মহাবীর্যং শকুনিং চাপি সৌবলম্॥ 9-65-31 (63885)
জলসন্ধং মহাবীর্যং ভগদত্তং চ পার্থিবম্।
সোমদত্তং মহেষ্বাসং সৈন্ধবং চ জয়দ্রথম্॥ 9-65-32 (63886)
দুঋশাসনপুরোগাংশ্চ ভ্রাতৄনাত্মসমাংস্তথা।
দৌঃশাসনিং চ বিক্রান্তং লক্ষ্মণং চাত্মজাবুভৌ॥ 9-65-33 (63887)
এতাংশ্চান্যাংশ্চ সুবহূন্মদীয়াংশ্চ সহস্রশঃ।
পৃষ্ঠতোঽনুগমিষ্যামি সার্থহীনো যথাঽধ্বগঃ॥ 9-65-34 (63888)
কথং ভ্রাতৄন্হতাঞ্শ্রুৎবা ভর্তারং চ স্বসা মম।
রোরূয়ামাণা দুঃখার্তা দুঃশলা সা ভবিষ্যতি॥ 9-65-35 (63889)
স্নুষাভিঃ প্রস্নুষাভিশ্চ বৃদ্ধো রাজা পিতা মম।
গান্ধারীসহিতশ্চৈব কা গতিং প্রতিপৎস্যতি॥ 9-65-36 (63890)
নূনং লক্ষ্মণমাতাঽপি হতপুত্রা হতেশ্বরা।
বিনাশং যাস্যতি ক্ষিপ্রং কল্যাণী পৃথুলোচনা॥ 9-65-37 (63891)
যদি জানাতি চার্বাকঃ পরিব্রাদ্বাগ্বিশারদঃ।
করিষ্যতি মহাভাগো ধ্রুবং চাপচিতিং মম॥ 9-65-38 (63892)
সমন্তপ়ঞ্চকে পুণ্যে ত্রিষু লোকেষু বিশ্রুতে।
অহং নিধনমাসাদ্য লোকান্প্রাপ্স্যামি শাশ্বতান্॥ 9-65-39 (63893)
ততো জনসহস্রাণি বাষ্পপূর্ণানি দিশো দশ॥
সসাগরবনা ঘোরা পৃথিবী সচরাচরা। 9-65-40 (63894)
চচালাথ সনির্হাদা দিশশ্চৈবাবিলাঽভবন্॥
তে দ্রোণপুত্রমাসাদ্য যথাবৃত্তং ন্যবেদয়ন্। 9-65-41 (63895)
ব্যবহারং গদায়ুদ্ধে পার্থিবস্য চ পাতনম্॥
তদাখ্যায় ততঃ সর্বে দ্রোণপুত্রস্য ভারত। 9-65-42 (63896)
`বাদিকা দুঃখসন্তপ্তাঃ শোকোপহতচেতসঃ'।
ধ্যাৎবা চ সুচিরং কালং জগ্মুরার্তা যথাগতম্॥ ॥ 9-65-43 (63897)
ইতি শ্রীমন্মহাভারতে শল্যপর্বণি গদায়ুদ্ধপর্বণি পঞ্চষষ্টিতমোঽধ্যায়ঃ॥ 65 ॥
Mahabharata - Shalya Parva - Chapter Footnotes
9-65-1 শৌটীরঃ শূরঃ স এব শৌটীর্যমাত্মানং মন্যতে শৌটীর্যমানী॥ 9-65-16 স বৈ সঞ্জয়পূজিত ইতি ঝ.পাঠঃ॥ 9-65-20 ময়া মত্তঃ॥ 9-65-30 বার্তিকান্বার্তাহারিণঃ॥ 9-65-38 চার্বাকো ব্রাহ্মণবেষধারী রাক্ষসঃ। অপচিতিং প্রতীকারম্॥ 9-65-65 পঞ্চষষ্টিতমোঽধ্যায়ঃ॥শল্যপর্ব - অধ্যায় 066
॥ শ্রীঃ ॥
9.66. অধ্যায়ঃ 066
Mahabharata - Shalya Parva - Chapter Topics
দ্রৌণিকৃতকৃতবর্মভির্দুর্যোধনস্য ভূপতনদর্শনেন শোচনম্॥ 1 ॥ দ্রৌণিদুর্যোধনয়োঃ সংলাপঃ॥ 2 ॥ দ্রৌণিনা রাত্রৌ পাণ্ডববধপ্রতিজ্ঞানম্॥ 3 ॥ দুর্যোধনবচনাৎ কৃপেণ দ্রৌণেঃ সৈনাপত্যেঽফিষেচনম্॥ 4 ॥Mahabharata - Shalya Parva - Chapter Text
9-66-0 (63898)
সঞ্জয় উবাচ। 9-66-0x (5257)
বাদিকানাং সকাশাত্তু শ্রুৎবা দুর্যোধনং হতম্।
হতশিষ্টাস্তদা রাজন্কৌরবাণাং মহারথাঃ॥ 9-66-1 (63899)
বিনির্ভিন্নাঃ শিতৈর্বাণৈর্ণদাতোমরশক্তিভিঃ।
অশ্বত্থামা কৃপশ্চৈব কৃতবর্মা চ সাৎবতঃ।
ৎবরিতা জবনৈরশ্বৈরায়োধনমুপাগমন্॥ 9-66-2 (63900)
তত্রাপশ্যন্মহাত্মানং ধার্তরাষ্ট্রং নিপাতিতম্।
প্রভগ্নং বায়ুবেগেন মহাসালং যথা বনে॥ 9-66-3 (63901)
ভূমৌ বিবেষ্টমানং তং রুধিরেণ সমুক্ষিতম্।
মহাগর্জামেবারণ্যে ব্যাধেন বিনিপাতিতম্॥ 9-66-4 (63902)
বিবর্তমানং বহুশো রুধিরৌঘপরিপ্লুতম্।
যদৃচ্ছয়া নিপতিতং চন্দ্রমাদিত্যগোচরাৎ॥ 9-66-5 (63903)
যুগান্তমারুতেনেব শোষিতং মকরালয়ম্।
পূর্ণচন্দ্রমিব ব্যোম্নি তুষারাবৃতমণ্ডলম্॥ 9-66-6 (63904)
রেণুধ্বস্তং দীর্ঘভুজং মাতঙ্গমিব বিক্রমে।
বৃতং ভূতগণৈর্ঘোরৈঃ ক্রব্যাদৈশ্চ সমন্ততঃ॥ 9-66-7 (63905)
যথা ধনং লিপ্সমানৈর্ভৃত্যৈর্নৃপতিসত্তমম্।
ভ্রুকুটীকৃতবক্ত্রান্তং ক্রোধাদুদ্বৃত্তচক্ষুষম্।
সামর্ষং তং নরব্যাঘ্রং ভৌমং নিপতিতং তথা॥ 9-66-8 (63906)
তে তং দৃষ্ট্বা মহেষ্বাসং ভূতলে পতিতং নৃপম্।
মোহমভ্যাগমন্সর্বে কৃপপ্রভৃতয়ো রথাঃ॥ 9-66-9 (63907)
অবতীর্য রথেভ্যশ্চ প্রাদ্রবন্রাজসন্নিধৌ।
দুর্যোধনং চ সম্প্রাপ্য সর্বে ভূমাবুপাবিশন্॥ 9-66-10 (63908)
ততো দ্রৌণির্মহারাজ বাষ্পপূর্ণেক্ষণঃ শ্বসন্।
উবাচ ভরতশ্রেষ্ঠং সর্বলোকেশ্বরেশ্বরম্॥ 9-66-11 (63909)
ন নূনং বিদ্যতে পুণ্যং মানুষে কিঞ্চিদেব হি।
যত্র ৎবং পুরুষব্যাঘ্র শেষে পাংসুষু রূষিতঃ॥ 9-66-12 (63910)
ভূৎবা হি নৃপতিঃ পূর্বং সমাজ্ঞাপ্য চ মেদিনীম্।
কথমেকোঽদ্য রাজেন্দ্র তিষ্ঠসে নির্জনে বনে॥ 9-66-13 (63911)
দুঃশাসনং ন পশ্যামি নাপি কর্ণং মহারথম্।
নাপি তান্সুহৃদঃ সর্বান্কিমিদং ভরতর্ষভ॥ 9-66-14 (63912)
দুঃখং নূনং কৃতান্তস্য গতিং জ্ঞাতুং কথঞ্চন।
লোকনাথো ভবান্যত্র শেষে পাংসুষু রূষিতঃ॥ 9-66-15 (63913)
এষ মূর্ধাভিষিক্তানামগ্রে গৎবা পরন্তপঃ।
সতৃণং গ্রসতে পাংসুং পশ্য কালস্য পর্যযম্॥ 9-66-16 (63914)
ক্ব তে তদমলং ছত্রং ব্যজনং ক্ব চ পার্থিব।
সা চ তে মহতী সেনা ক্ব গতা পার্থিবোত্তম॥ 9-66-17 (63915)
দুর্বিজ্ঞেয়া গতির্নূনং কার্যাণাং কারণান্তরে।
যো বৈ লোকগুরুর্নাথো ভবানেতাং দশাং গতাঃ॥ 9-66-18 (63916)
অধ্রুবা সর্বমর্ত্যেষু ধ্রুবৈব শ্রীর্বিচিন্ত্যতে।
ভবতো ব্যসনং দৃষ্ট্বা শক্রবিস্পর্ধিনো ভৃশম্॥ 9-66-19 (63917)
তস্য তদ্বচনং শ্রুৎবা দুঃখিতস্য বিশেষতঃ।
উবাচ রাজন্পুত্রস্তে প্রাপ্তকালমিদং বচঃ॥ 9-66-20 (63918)
বিমৃজ্য নেত্রে পাণিভ্যাং শোকজং বাষ্পমুৎসৃজন্।
কৃপাদীন্স তদা বীরান্সর্বানেব নরাধিপঃ॥ 9-66-21 (63919)
ঈদৃশো লোকধর্মোঽয়ং ধাত্রা নির্দিষ্ট উচ্যতে।
বিনাশঃ সর্বভূতানাং কালপর্যায়কারিতঃ॥ 9-66-22 (63920)
সোঽয়ং মাং সমনুপ্রাপ্তঃ প্রত্যক্ষো ভবতাং হি যঃ।
পৃথিবীং পালয়িৎবাঽহমেতাং নিষ্ঠামুপাগতঃ॥ 9-66-23 (63921)
দিষ্ট্যা নাহং পরাবৃত্তো যুদ্ধে কস্যাংচিদাপদি।
দিষ্ট্যাঽহং নিহতঃ পাপৈশ্চলেনৈব বিশেষতঃ॥ 9-66-24 (63922)
উৎসাহশ্চ কৃতো নিত্যং ময়া দিষ্ট্যা যুয়ুৎসতা।
দিষ্ট্যা চাস্মিন্হতো যুদ্ধে নিহতজ্ঞাতিবান্ধবঃ॥ 9-66-25 (63923)
দিষ্ট্যা চ বোঽহং পশ্যামি মুক্তানস্মাজ্জনক্ষয়াৎ।
স্বস্তিয়ুক্তাংশ্চ কল্যাণাংস্তন্মে প্রিয়মনুত্তমম্॥ 9-66-26 (63924)
মা ভবন্তোঽত্র তপ্যন্তাং সৌহৃদান্নিধনেন মে।
যদি বেদাঃ প্রমাণং বো জিতা লোকা ময়াঽক্ষয়াঃ॥ 9-66-27 (63925)
জানমানঃ প্রভাবং চ কৃষ্ণস্যামিততেজসঃ।
তেন ন চ্যাবিতশ্চাহং ক্ষত্রধর্মাৎস্বনুষ্ঠিতাৎ॥ 9-66-28 (63926)
স ময়া সমনুপ্রাপ্তো নাস্মি শোচ্যঃ কথঞ্চন।
কৃতং ভবদ্ভিঃ সদৃশমনুরূপমিবাত্মনঃ।
যতিতং বিজয়ে শক্ত্যা দৈবং তু দুরতিক্রমম্॥ 9-66-29 (63927)
এতাবদুক্ৎবা বচনং বাষ্পব্যাকুললোচনঃ।
তূষ্ণীবভূব রাজেন্দ্র রুজাঽসৌ বিহ্বলো ভৃশম্॥ 9-66-30 (63928)
তথা দৃষ্ট্বা তু রাজানং বাষ্পশোকসমন্বিতম্।
দ্রৌণিঃ ক্রোধেন জজ্বাল যথা বহ্নির্জগৎক্ষয়ে॥ 9-66-31 (63929)
স চ ক্রোধসমাবিষ্টঃ পাণৌ পাণিং নিপীড্য চ।
বাষ্পবিহ্বলয়া বাচা রাজানমিদমব্রবীৎ॥ 9-66-32 (63930)
পিতা মে নিহতঃ ক্ষুদ্রৈঃ সুনৃশংসেন কর্মণা।
ন তথা তেন তপ্যামি তথা রাজংস্ৎবয়াঽদ্য বৈ॥ 9-66-33 (63931)
শৃণু চেদং বচো মহ্যং সত্যেন বদতঃ প্রভো।
ইষ্টাপূর্তেন দানেন ধর্মেণ সুকৃতেন চ॥ 9-66-34 (63932)
অদ্যাহং সর্বপাঞ্চালান্বাসুদেবস্য পশ্যতঃ।
অদ্য রাত্রৌ মহারাজ নিহনিষ্যামি পাণ্ডবান্॥ 9-66-35 (63933)
অনুজ্ঞাং তু মহারাজ ভবান্মে দাতুমর্হতি॥ 9-66-36 (63934)
তচ্ছ্রুৎবা বচনং দ্রৌণের্ধৃতরাষ্ট্র তবাত্মজঃ।
মনসঃ প্রীতিজননং কৃপং বচনমব্রবীৎ। 9-66-37 (63935)
দুর্যোধন উবাচ।
আচার্য শীঘ্রং কলশং জলপূর্ণং সমানয়॥ 9-66-37x (5258)
স তদ্বচনমাজ্ঞায় রাজ্ঞো ব্রাহ্মণসত্তমঃ।
কলশং পূর্ণমাদায় রাজ্ঞোঽন্তিকমুপাগমৎ॥ 9-66-38 (63936)
তমব্রবীন্মহারাজ পুত্রস্তব বিশাম্পতে।
মমাজ্ঞয়া দ্বিজশ্রেষ্ঠ দ্রোণপুত্রোঽভিষিচ্যতাম্।
সৈনাপত্যেন ভদ্রং তে মম চেদিচ্ছসি প্রিয়ম্॥ 9-66-39 (63937)
রাজ্ঞো নিয়োগাদ্যোদ্বব্যং ব্রাহ্মণেন বিশেষতঃ।
বর্ততা ক্ষত্রধর্মেণ হ্যেবং ধর্মবিদো বিদুঃ॥ 9-66-40 (63938)
রাজ্ঞস্তু বচনং শ্রুৎবা কৃপঃ শারদ্বতস্ততঃ।
দ্রৌণিং রাজ্ঞো নিয়োগেন সৈনাপত্যেঽভ্যষেচয়ৎ॥ 9-66-41 (63939)
সোঽভিষিক্তো মহারাজ পরিষ্বজ্য নৃপোত্তমম্।
প্রয়যৌ সিংহনাদেন দিশঃ সর্বা বিনাদয়ন্॥ 9-66-42 (63940)
দুর্যোধনোঽপি রাজেন্দ্র শোণিতেন পরিপ্লুতঃ।
তাং নিশাং প্রতিপেদেঽথ সর্বভূতভয়াবহাম্॥ 9-66-43 (63941)
অপক্রম্য তু তে তূর্ণং তস্মাদায়োধনান্নৃপ।
শোকসংবিগ্নমনসশ্চিন্তামাপেদিরে ভৃশম্॥ ॥ 9-66-44 (63942)
ইতি শ্রীমন্মহাভারতে শতসাহস্ত্রিকায়াং সংহিতায়াং বৈয়াসিক্যাং শল্যপর্বণি গদায়ুদ্ধপর্বণি ষট্ষষ্টিতমোঽধ্যায়ঃ॥ 66 ॥ ॥ সমাপ্তং গদায়ুদ্ধপর্ব শল্যপর্ব চ॥ 9 ॥
অতঃ পরং সৌপ্তিকং পর্ব ভবিষ্যতি। তস্যায়মাদ্যঃ শ্লোকঃ। 9-66-1 (63943) 9-66-1x (5259) সঞ্জয় উবাচ। ততস্তে সহিতাঃ সর্বে প্রয়াতা দক্ষিণামুখাঃ। উপাস্তময়বেলায়াং শিবিরাভ্যাশমাগতাঃ॥