Kumbhaghonam Edition in Bangla Script
11. স্ত্রীপর্ব
স্ত্রীপর্ব - অধ্যায় 001
॥ শ্রীঃ ॥
11.1. অধ্যায়ঃ 001
Mahabharata - Strii Parva - Chapter Topics
সঞ্জয়েন পুত্রাদীন্প্রতি শোচতো ধৃতরাষ্ট্রস্য সমাশ্বাসনম্॥ 1 ॥Mahabharata - Strii Parva - Chapter Text
11-1-0 (64780)
শ্রীবেদব্যাসায় নমঃ। 11-1-0x (5307)
নারায়ণং নমস্কৃত্য নরং চৈব নরোত্তমম্।
দেবীং সরস্বতীং ব্যাসং ততো জয়মুদীরয়েৎ॥ 11-1-1 (64781)
জনমেজয় উবাচ। 11-1-1x (5308)
হতে দুর্যোধনে চৈব হতে সৈন্যে চ সর্বশঃ।
ধৃতরাষ্ট্রো মহারাজ শ্রুৎবা কিমকরোন্মুনে॥ 11-1-1 (64782)
তথৈব কৌরবো রাজা ধর্মপুত্রো মহামনাঃ।
কৃপপ্রভৃতয়শ্চৈব কিমকুর্বত তে ত্রয়ঃ॥ 11-1-2 (64783)
অশ্বত্থাম্নঃ কৃতং কর্ম শাপশ্চান্যোন্যকারিতঃ।
বৃত্তান্মুত্রং ব্রূহি যদভাষত সঞ্জয়ঃ॥ 11-1-3 (64784)
বৈশম্পায়ন উবাচ। 11-1-4x (5309)
হতে পুত্রশতে দীনং ছিন্নশাখমিব দ্রুমম্।
পুত্রশোকাভিসন্প্তং ধৃতরাষ্ট্রং মহীপতিম্॥ 11-1-4 (64785)
ধ্যানমূকৎবমাপন্নং চিন্তয়া সমভিপ্লুতম্।
সঞ্জয়ো জয়তাং শ্রেষ্ঠ রাজানং বাক্যমব্রবীৎ॥ 11-1-5 (64786)
কিং শোচসি মহারাজ নাস্তি শোকে সহায়তা।
অক্ষৌহিণ্যো হতাশ্চাষ্টৌ দশ চৈব বিশাম্পতে।
নির্জিতেয়ং বসুমতী শূন্যা স্থাস্যতি কেবলম্॥ 11-1-6 (64787)
নানাদিগ্ভ্যঃ সমাগম্য নানাজাত্যা নরাধিপাঃ।
সহিতাস্ব পুত্রেণ সর্বে বৈ নিধনং গতাঃ॥ 11-1-7 (64788)
পিতৄণাং পুত্রপৌত্রাণাং জ্ঞাতীনাং সুহৃদাং তথা।
গুরূণাং চানুপূর্ব্যেণ যে চান্যেঽনুচরা হতাঃ।
প্রেতকার্যাণি সর্বাণি কারয়স্ব নরাধিপ॥ 11-1-8 (64789)
বৈশম্পায়ন উবাচ। 11-1-9x (5310)
তচ্ছ্রুৎবা করুণং পুত্রপৌত্রবধার্দিতঃ।
পপাত ভুবি দুর্ধর্ষো বাতাহত ইব দ্রুমঃ॥ 11-1-9 (64790)
ধৃতরাষ্ট্র উবাচ। 11-1-10x (5311)
হতপুত্রো হতামাত্যো হতসর্বসুহৃজ্জনঃ।
দুঃখং নূনং গমিষ্যামি বিচরন্পৃথিবীমিমাম্॥ 11-1-10 (64791)
কিন্নু বন্ধুবিহীনস্য জীবিতেন মমাদ্য বৈ।
লূনপক্ষস্য ইব মে বৈনতেয়স্য সঞ্জয়॥ 11-1-11 (64792)
হৃতরাজ্যো হতসুহৃদ্বতপুত্রশ্চ বৈ তথা।
ন ভ্রাজিষ্যে মহাপ্রাজ্ঞ ক্ষীণরশ্মিরিবাংশুমান্॥ 11-1-12 (64793)
ন কৃতং সুহৃদাং বাক্যং জামদ্গ্ন্যস্য চ॥
সভামধ্যে তু কৃষ্ণেন যচ্ছ্রেয়োঽভিহিতং মম। 11-1-13 (64794)
অলং বৈরেণ তে রাজন্পুত্রঃ সংগৃদ্যতামিতি।
তচ্চ বাক্যমকৃৎবাঽহং ভৃশং তপ্যামি দুর্মতিঃ॥ 11-1-14 (64795)
ন হি শ্রোতাঽস্মি ভীষ্মস্য শর্ময়ুক্তং প্রভাষিতম্॥ 11-1-15 (64796)
দুর্যোধনস্য চ তথা বৃষভস্যেব নর্দতঃ।
দুঃশাসনবধং শ্রুৎবা কর্ণস্য চ বিপর্যযম্।
দ্রোণসূর্যোপরাগং চ হৃদয়ং মে বিদীর্যতে॥ 11-1-16 (64797)
ন স্মরাম্যাত্মনঃ কিঞ্চিৎপুরা সঞ্জয় দুষ্কৃতম্।
যস্যেদং ফলমদ্যেহ ময়া মূঢেন ভুজ্যতে॥ 11-1-17 (64798)
নূনং ব্যপকৃতং কিঞ্চিন্ময়া পূর্বেষু জন্মসু।
যেন মাং দুঃখভাগেষু ধাতা কর্মসু যুক্তবান্॥ 11-1-18 (64799)
পরিণামশ্চ বয়সঃ সর্ববন্ধুক্ষয়শ্চ মে।
সুহৃন্মিত্রবিনাশশ্চ দৈবয়োগাদুপাগতঃ॥ 11-1-19 (64800)
কোন্বস্তি দুঃখিততরো মত্তোঽন্যো হি পুমান্ভুবি॥ 11-1-20 (64801)
তন্মামদ্যৈব পশ্যন্তু পাণ্ডবাঃ সংশিতব্রতাঃ।
বিবৃতং ব্রহ্মলোকস্য দীর্ঘমধ্বানমাস্থিতম্॥ 11-1-21 (64802)
বৈশম্পায়ন উবাচ। 11-1-22x (5312)
তস্য লালপ্যমানস্য বহু শোকং বিচিন্বতঃ।
শোকাপহং নরেন্দ্রস্য সঞ্জয়ো বাক্যমব্রবীৎ॥ 11-1-22 (64803)
শোকং রাজন্ব্যপনুদ শ্রুতাস্তে বেদনিশ্চয়াঃ।
শাস্ত্রাগমাশ্চ বিবিধা বৃদ্ধেভ্যো নৃপসত্তম॥ 11-1-23 (64804)
সৃঞ্জয়ে পুত্রশোকার্তে যদূর্চুর্মুনয়ঃ পুরা।
যথা যৌবনজং দর্পমাস্থিতে তে সুতে নৃপ॥ 11-1-24 (64805)
ন ৎবয়া সুহৃদাং বাক্যং ব্রুবতামবধারিতম্।
স্বার্থশ্চ ন কৃতঃ কশ্চিল্লুব্ধেন ফলগৃদ্ধিনা॥ 11-1-25 (64806)
অসিনৈবৈকধারেণ স্ববুদ্ধ্যা তু বিচেষ্টিতম্।
প্রায়শোঽবৃত্তসম্পন্নাঃ সততং পর্যুপাসিতাঃ॥ 11-1-26 (64807)
যস্য দুঃশাসনো মন্ত্রী রাধেয়শ্চ দুরাত্মবান্।
শকুনিশ্চৈব দুষ্টাত্মা চিত্রসেনশ্চ দুর্মতিঃ॥ 11-1-27 (64808)
অনল্পং যেন বৈ সর্বং শল্যভূতং কৃতং জগৎ।
কুরুবৃদ্ধস্য ভীষ্মস্য গান্ধার্যা বিদুরস্য চ॥ 11-1-28 (64809)
দ্রোণস্য চ মহারাজ কৃপস্য চ শরদ্বতঃ।
কৃষ্ণস্য চ মহাবাহো নারদস্য চ ধীমতঃ॥ 11-1-29 (64810)
ঋষীণাং চ তথাঽন্যেষাং ব্যাসস্যামিততেজসঃ।
ন কৃতং তেন বচনং তব পুত্রেণ ভারত।
ক্ষপিতাঃ ক্ষত্রিয়াঃ সর্বে শত্রূণাং বর্ধিতং যশঃ॥ 11-1-30 (64811)
অধর্মসংয়ুতং কিঞ্চিন্নিত্যং যুদ্ধমিতি ব্রুবন্।
মধ্যস্থো হি ৎবমপ্যাসীর্ন ক্ষমং কিঞ্চিদুক্তবান্॥ 11-1-31 (64812)
ধূর্ধরেণ ৎবয়া ভারস্তুলয়া ন সমং ধৃতঃ॥ 11-1-32 (64813)
আদাবেব মনুষ্যেণ বর্তিতব্যং যথাক্রমম্।
যথা নাতীতমর্থং বৈ পশ্চাত্তাপেন যুজ্যতে॥ 11-1-33 (64814)
পুত্রগৃদ্ধ্যা ৎবয়া রাজন্প্রিয়ং তস্য চিকীর্ষিতম্।
পশ্চাত্তাপমিমং প্রাপ্তো ন ৎবং শোচিতুমর্হসি॥ 11-1-34 (64815)
মধু যঃ কেবলং দৃষ্ট্বা প্রপাতং নানুপশ্যতি।
স ভ্রষ্টোমধুলোভেন শোচত্যেব যথা ভবান্॥ 11-1-35 (64816)
অর্থান্ন শোচন্প্রাপ্নোতি ন শোচন্বিন্দতে সুখম্।
ন শোচঞ্শ্রিয়মাপ্নোতি ন শোচন্বিন্দতে জয়ম্॥ 11-1-36 (64817)
স্বয়মুৎপাদয়িৎবাঽগ্নিং পরীতস্তেন যোঽগ্নিনা।
দহ্যমানঃ পুনস্তাপং ভজতে ন স পণ্ডিতঃ॥ 11-1-37 (64818)
ৎবয়ৈব সসুতেনায়ং বাক্যবায়ুসমীরিতঃ।
লোভাজ্যেন চ সংসিক্তো জ্বলিতঃ পার্থপাবকঃ॥ 11-1-38 (64819)
তস্মিন্সমিদ্ধে পতিতাঃ শলভা ইব তে সুতাঃ।
তান্কেশবাগ্নিনির্দগ্ধান্ন ৎবং শোচিতুমর্হসি॥ 11-1-39 (64820)
যচ্চাশ্রুপাতকলিলং বদনং বহসে নৃপ।
অশাস্ত্রদৃষ্টমেতদ্ধি ন প্রশংসন্তি পণ্ডিতাঃ॥ 11-1-40 (64821)
বিস্ফুলিঙ্গা ইব হ্যেতান্দহন্তি কিল মানবান্।
জহীহি মন্যুং বুদ্ধ্যা বৈ ধাস্যাত্মানমাত্মনা॥ 41 ॥ 11-1-41 (64822)
বৈশম্পায়ন উবাচ। 11-1-42x (5313)
এবমাশ্বাসিতং তেন সঞ্জয়েন মহাত্মনা।
বিদুরো ভূয় এবাহ বুদ্ধিপূর্বং পরন্তপ॥ ॥ 11-1-42 (64823)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি প্রথমোঽধ্যায়ঃ॥ 1 ॥
Mahabharata - Strii Parva - Chapter Footnotes
11-1-3 অশ্বত্থাম্নঃ শ্রুতং কর্ম শাপশ্চান্যোন্যকারিত ইতি ক.পাঠঃ। অশ্বত্থান্নঃ শ্রুতং কর্ম শাপাদন্যোন্যকরিতাদিতি ঝ.পাঠঃ। তত্র অন্যোন্যং কারিতাৎপাণ্ডবানাং গর্ভে ব্রহ্মশিরোস্ত্রং পতৎবিত্যশ্বত্থান্না শাপো দত্তঃ। সহস্রবর্ষাণি গলৎকুষ্ঠো ভবিষ্যসীত্যশ্বত্থাম্নঃ কৃষ্ণেন শাপো দত্ত ইত্যর্থঃ॥ 11-1-6 শূন্যা রাজভির্হীনা ॥ 11-1-8 গুরূণাং চানুপূর্ব্যেণ প্রেতকার্যাণি কারয়েতি ঝ.পাঠঃ। তত্র আনুপূর্ব্যেণেতি। আদৌ হতানামাদাবেব পশ্চাদ্ধতানাং পশ্চাদেবেতি পৌর্বাপর্যেণ প্রেতানাং পরেতানাং কার্যাণি পারলৌকিকানি কর্মাণীত্যর্থঃ॥ 11-1-15 শ্রোতাস্মি শ্রুতবানস্মি॥ 11-1-16 বিপর্যযং বিনাশম্॥ 11-1-21 তন্মামিতি। অদ্যৈব প্রাণত্যাগং করিষ্যামীত্যর্থঃ॥ 11-1-22 শোকং বিতন্বত ইতি ঝ.পাঠঃ। তত্র বিতন্বতঃ বিরচয়ত ইত্যর্থঃ॥ 11-1-23 অবৃত্তেতি চ্ছেদঃ॥ 11-1-28 শল্যশ্চ যেন বৈ সর্বং ইতি ঝ.পাঠঃ। তত্র শল্যশ্চ মন্ত্রীতি পূর্বেণান্বয়ঃ॥ 11-1-31 ন ধর্মঃ স কৃতঃ কশ্চিন্নিত্যং যুদ্ধমভীপ্সতা। অল্পবুদ্ধিরহকারী নিত্যং যুদ্ধমিতি ব্রুবন্। ক্রূরো দুর্মর্ষণো নিত্যমসন্তুষ্টশ্চ বীর্যবান্। শ্রুতবানসি মেধাবী সত্যবাংশ্চৈব নিত্যদা। ন মুহ্যান্তীদৃশাঃ সন্তো বুদ্ধিমন্তো ভবাদৃশাঃ। ন ধর্মঃ সৎকৃতঃ কশ্চিত্তব পুত্রেণ মারিষ। ইতি ঝ.পাঠঃ। অত্র ব্রুবন্ দুর্যোধনং আসীদিতি শেষঃ॥ 11-1-32 দুর্ধরেণেতি ঝ.ট.পাঠঃ॥ 11-1-35 প্রপাতং পর্বতাগ্রাদ্ভ্রংশম্॥ 11-1-41 জহি মন্যং স্ববুদ্ধ্যা বৈ ইতি ক.ছ.ট.পাঠঃ। দহন্তি শোকা ইত্যর্থাৎ। মন্যুং দৈন্যম্। মন্যুর্দৈন্যে ক্রতৌ ক্রুধি ইত্যমরঃ। আত্মানং চিত্তং আত্মনা ধৈর্যেণ ধারয়। প্রাণান্মাত্যাক্ষীরিত্যর্থঃ॥ 11-1-1 প্রথমোঽধ্যায়ঃ॥স্ত্রীপর্ব - অধ্যায় 002
॥ শ্রীঃ ॥
11.2. অধ্যায়ঃ 002
Mahabharata - Strii Parva - Chapter Topics
বিদুরেণ শাস্ত্রার্থকথনেন ধৃতরাষ্ট্রস্য শোকাপনোদনম্॥ 1 ॥Mahabharata - Strii Parva - Chapter Text
11-2-0 (64824)
বৈশম্পায়ন উবাচ। 11-2-0x (5314)
ততোঽমৃতরসৈর্বাক্যৈর্হ্লাদয়ন্পুরুষর্ষভম্।
বৈচিত্রবীর্যং বিদুরো যদুবাচ নিবোধ তৎ॥ 11-2-1 (64825)
বিদুর উবাচ। 11-2-2x (5315)
উত্তিষ্ঠ রাজন্কিং শেষে ধারয়াত্মানমাত্মনা।
এষা বৈ সর্বসৎবানাং লোকেশ্বর পরা গতিঃ॥ 11-2-2 (64826)
সর্বে ক্ষয়ান্তা নিচয়াঃ পতনান্তাঃ সমুচ্ছ্রয়াঃ।
সংয়োগা বিপ্রয়োগান্তা মরণান্তং চ জীবিতম্॥ 11-2-3 (64827)
যদা শূরং চ ভীরুং চ যমঃ কর্ষতি ভারত।
তৎকিং ন যোৎস্যন্তি হি তে ক্ষত্রিয়াঃ ক্ষত্রিয়র্ষভ॥ 11-2-4 (64828)
অয়ুধ্যমানো ম্রিয়তে যুধ্যমানশ্চ জীবতি।
কালং প্রাপ্য মহারাজ ন কশ্চিদতিবর্ততে॥ 11-2-5 (64829)
অভাবাদীনি ভূতানি ভাবমধ্যানি ভারত।
অভাবনিধনান্যেব তত্র কা পরিদেবনা॥ 11-2-6 (64830)
ন শোচন্মৃতমন্বেতি ন শোচন্ম্রিয়তে নরঃ।
এবং সাংসিদ্ধিকে লোকে কিমর্থমনুশোচসি॥ 11-2-7 (64831)
কালঃ কর্ষতি ভূতানি সর্বাণি বিবিধান্যুত।
ন কালস্য প্রিয়ঃ কশ্চিন্ন দ্বেষ্যঃ কুরুসত্তম॥ 11-2-8 (64832)
যথা বায়ুস্তৃণাগ্রাণি সংবর্তয়তি সর্বশঃ।
তথা কালবশং যান্তি ভূতানি ভরতর্ষভ॥ 11-2-9 (64833)
একসার্থপ্রয়াতানাং সর্বেষাং তত্র গামিনাম্।
যস্য কালঃ স যাত্যগ্রে তত্র কা পরিদেবনা॥ 11-2-10 (64834)
ন চাপ্যেতান্হতান্যুদ্ধে রাজঞ্শোচিতুমর্হসি।
প্রমাণং যদি শাস্ত্রাণি গতাস্তে পরমাং গতিম্॥ 11-2-11 (64835)
সর্বে স্বাধ্যায়বন্তো হি সর্বে চ চরিতব্রতাঃ।
সর্বে চাভিমুখাঃ ক্ষীণাস্তত্র কা পরিদেবনা॥ 11-2-12 (64836)
অদর্শনাদাপতিতাঃ পুনশ্চাদর্শনং গতাঃ।
নৈতে তব ন তেষাং ৎবং তত্র কা পরিদেবনা॥ 11-2-13 (64837)
হতো হি লভতে স্বর্গং জিৎবা চ লভতে যশঃ।
উভয়ং নো বহুগুণং নাস্তি নিষ্ফলতা রণে॥ 11-2-14 (64838)
তেষাং কামদুঘাঁল্লোকানিন্দ্রঃ সঙ্কল্পয়িষ্যতি।
ইন্দ্রস্যাতিথয়ো হ্যেতে ভবন্তি ভরতর্ষভ॥ 11-2-15 (64839)
ন যজ্ঞৈর্দক্ষিণাবদ্ভির্ন তপোভির্ন বিদ্যযা।
স্বর্গং যান্তি তথা মর্ত্যা যথা শূরা রণে হতাঃ॥ 11-2-16 (64840)
শরীরাগ্নিষু শূরাণাং জুহুবুস্তে শরাহুতীঃ।
হূয়মানাঞ্শরাংশ্চৈব সেহুস্তেজস্বিনো মিথঃ॥ 11-2-17 (64841)
এবং রাজংস্তবাচক্ষে স্বর্গ্যং পন্থানমুত্তমম্।
ন যুদ্ধাদধিকং কিঞ্চিৎক্ষত্রিয়স্যেহ বিদ্যতে॥ 11-2-18 (64842)
ক্ষত্রিয়াস্তে মহাত্মানঃ শূরাঃ সমিতিশোভনাঃ।
আশিষঃ পরমাঃ প্রাপ্তা ন শোচ্যাঃ সর্ব এব হি॥ 11-2-19 (64843)
আত্মানমাত্মনাঽঽশ্বাস্য মা শুচঃ পুরুষর্ষভ।
নাদ্য শোকাভিভূতস্ৎবং কায়মুৎস্রষ্টুমর্হসি॥ 11-2-20 (64844)
মাতাপিতৃসহস্রাণি পুত্রদারশতানি চ।
সংসারেষ্বনুভূতানি কস্য তে কস্য বা বয়ম্॥ 11-2-21 (64845)
শোকস্থানসহসাণি ভয়স্থানশতানি চ।
দিবসেদিবসে মূঢমাবিশন্তি ন পণ়্ডিতম্॥ 11-2-22 (64846)
ন কালস্য প্রিয়ঃ কশ্চিন্ন দ্বেষ্যঃ কুরুসত্তম।
ন মধ্যস্থঃ ক্বচিৎকালঃ সর্বং কালঃ প্রকর্ষতি॥ 11-2-23 (64847)
কালঃ পচতি ভূতানি কালঃ সংহরতে প্রজাঃ।
কালঃ সুপ্তেষু জাগর্তি কালো হি দুরতিক্রমঃ॥ 11-2-24 (64848)
অনিত্যং যৌবনং রূপং জীবিতং দ্রব্যসঞ্চয়ঃ।
আরোগ্যং প্রিয়সংবাসো গৃদ্ধ্যেদেষু ন পণ্ডিতঃ॥ 11-2-25 (64849)
ন জানপদিকং দুঃখমেকঃ শোচিতুমর্হসি।
অপ্যভাবেন যুজ্যেত তচ্চাস্য ন নিবর্ততে॥ 11-2-26 (64850)
অশোচন্প্রতিকুর্বীত যদি পশ্যেৎপরাক্রমম্।
ভৈষজ্যমেতদ্দুঃখস্য যদেতন্নানুচিন্তয়েৎ॥ 11-2-27 (64851)
চিন্ত্যমানং হি ন ব্যেতি ভূয়শ্চাপি প্রবর্ধতে॥
অনিষ্টসম্প্রয়োগাচ্চ বিপ্রয়োগাৎপ্রিয়স্য চ। 11-2-28 (64852)
মানুষা মানসৈর্দুঃখৈর্যুজ্যন্তে যেঽল্পবুদ্ধয়ঃ॥
নার্থো ন ধর্মো ন সুখং যদেতদনুশোচতি। 11-2-29 (64853)
তচ্চ নাপ্নোতি কার্যার্থং ত্রিবর্গাচ্চৈব ভ্রশ্যতে॥
অন্যোন্যবাধনাবস্থাং প্রাপ্য বৈষয়িকীং নরাঃ। 11-2-30 (64854)
অসন্তুষ্টাঃ প্রমুহ্যন্তি সন্তোষং যান্তি পণ্ডিতাঃ॥
প্রজ্ঞয়া মানসং দুঃখং হন্যাচ্ছারীরমৌষধৈঃ। 11-2-31 (64855)
এতদ্বিজ্ঞানসামর্থ্যং ন বালৈঃ সমতামিয়াৎ॥
শয়ানং চানুশেতে হি তিষ্ঠন্তং চানুতিষ্ঠতি। 11-2-32 (64856)
অনুধাবতি ধাবন্তং কর্ম পূর্বকৃতং নরম্॥
যস্যাংয়স্যামবস্থায়াং যৎকরোতি শুভাশুভম্। 11-2-33 (64857)
তস্যাংতস্যামবস্থায়াং তত্তৎফলমবাপ্নুতে॥
[যেনয়েন শরীরেণ যদ্যৎকর্ম করোতি যঃ। 11-2-34 (64858)
তেনতেন শরীরেণ তৎফলং সমুপাশ্নুতে॥
আত্মৈব হ্যাত্মনঃ সাক্ষী কৃতস্যাপকৃতস্য চ॥ 11-2-35 (64859)
শুভেন কর্মণা সৌখ্যং দুঃখং পাপেন কর্মণা।
কৃতং ভবতি সর্বত্র নাকৃতং বিদ্যতে ক্বচিৎ॥ 11-2-36 (64860)
ন হি জ্ঞানবিরুদ্ধেষু বহ্বপায়েষু কর্মসু।
মূলঘাতিষু সজ্জন্তে বুদ্ধিমন্তো ভবদ্বিঘাঃ॥] ॥ 11-2-37 (64861)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি দ্বিতীয়োঽধ্যায়ঃ॥ 2 ॥
Mahabharata - Strii Parva - Chapter Footnotes
11-2-2 এষা মরণান্তা। অত উত্তিষ্ঠ শোকং ত্যজ॥ 11-2-6 অভাবাদীনি দুঃখানি দুঃখমধ্যানি ভারতেতি ছ.পাঠঃ॥ 11-2-8 সাংসিদ্ধিকে স্বভাবসিদ্ধে॥ 11-2-9 সংবর্তয়তি স্ববশং নয়তি॥ 11-2-10 তত্র গামিনাং পরত্র গমনশীলানাং যস্য কাল উপস্থিতঃ সোঽগ্রে প্রয়াতি॥ 11-2-13 অদর্শনাদজ্ঞানাৎ॥ 11-2-14 নোঽস্মাকং ক্ষত্রিয়াণাম্॥ 11-2-18 আচক্ষে কথয়ামি॥ 11-2-26 অতপদিকং সর্বসাধারণম্। অভাবেন মরণেন। তচ্চ দুঃখং চ॥ 11-2-30 নচ নাপৈতি কার্যার্থাত্ত্রিবর্গাচ্চৈব হীয়তে ইতি ঝ.পাঠঃ। তত্র কার্যার্থান্নাপৈতীতিনাপিৎবপৈত্যেবেত্যর্থঃ॥ 11-2-31 অন্যামন্যাং পনাবস্থাং প্রাপ্য বৈশেষিকীং নরাঃ। ইতি ঝ.পাঠঃ॥ 11-2-34 অবস্থায়াং যৌবনাদিরূপায়াম্॥ 11-2-35 যেনেতি। স্থূলেন দেহেন কৃতে তত্তেনৈব ভুজ্যতে। মনঃকৃত্তং চেত্তেনৈব ভুজ্যতে স্বপ্নাদৌ॥ 11-2-2 দ্বিতীয়োঽধ্যায়ঃ॥স্ত্রীপর্ব - অধ্যায় 003
॥ শ্রীঃ ॥
11.3. অধ্যায়ঃ 003
Mahabharata - Strii Parva - Chapter Topics
বিদুরেণ ধৃতরাষ্ট্রকাপনোদনায় শাস্ত্রার্থকথনম্॥ 1 ॥Mahabharata - Strii Parva - Chapter Text
11-3-0 (64862)
বৃতরাষ্ট্র উবাচ। 11-3-0x (5316)
সুমাষিতং মহাপ্রাজ্ঞ শোকোঽয়ং বিগতো মম।
ভূয় এব তু বাক্যানি শ্রোতুমিচ্ছামি তত্ৎবতঃ॥ 11-3-1 (64863)
অনিষ্টানাং চ সংসর্গাদিষ্টানাং চ নিবর্তনাৎ।
কথং হি মানসং দুঃখং বিপ্রয়ুজ্যন্তি পণ্ডিতাঃ॥ 11-3-2 (64864)
বিদুর উবাচ। 11-3-3x (5317)
বতোয়তো মনো দুঃখাৎসুখাদ্র বিপ্রমুচ্যতে।
তবত্তসঃ শগং লব্ধ্বা সুগতিং বিন্দতে বুধঃ॥ 11-3-3 (64865)
অশাধতমিদং সর্বং চিন্ত্যমানং নরর্ষভ।
কদলীসন্নিভো লোকঃ সারো হ্যস্য ন বিদ্যতে॥ 11-3-4 (64866)
[যদা প্রাজ্ঞাশ্চ মূঢাশ্চ ধনবন্তোঽথ নির্ধনাঃ।
সর্বে পিতৃবনং প্রাপ্য স্বপন্তি বিগতজ্বরাঃ॥ 11-3-5 (64867)
নির্মাংসৈরস্থিভূয়িষ্ঠৈর্গাত্রৈঃ স্নায়ুনিবন্ধিভিঃ।
কিং বিশেষং প্রপশ্যন্তি তত্র তেষাং পরে জনাঃ॥ 11-3-6 (64868)
যেন প্রত্যবগচ্ছেয়ুঃ কুলরূপবিশেষণম্।
কস্মাদন্যোন্যমিচ্ছন্তি বিপ্রলব্ধধিয়ো নরাঃ॥] 11-3-7 (64869)
গৃহাণ্যেব হি মর্ত্যানামাহুর্দেহানি পণ্ডিতাঃ।
কালেন বিনিয়ুজ্যন্তে সৎবমেকং তু শোভনম্॥ 11-3-8 (64870)
যথা জীর্ণমজীর্ণং বা বস্ত্রং ত্যক্ৎবা তু পূরুষঃ।
অন্যদ্রোচয়তে বস্ত্রমেবং দেহাঃ শরীরিণাম্॥ 11-3-9 (64871)
বৈচিত্রবীর্য সত্যং হি দুঃখং বা যদি বা সুখম্।
প্রাপ্নুবন্তীহ ভূতানি স্বকৃতেনৈব কর্মণা॥ 11-3-10 (64872)
কর্মণা প্রাপ্যতে স্বর্গঃ সুখং দুঃখং চ ভারত।
ততো বহতি তং ভারমবশঃ স্ববশোঽপি বা॥ 11-3-11 (64873)
যথা চ মৃন্ময়ং ভাণ্ডং চক্রারূঢং বিপদ্যতে।
কিঞ্চিৎপ্রক্রিয়মাণং বা কৃতমাত্রমথাপি বা॥ 11-3-12 (64874)
হীনং বাঽপ্যবরোপ্যং বা অবতীর্ণমথাপি বা।
আর্দ্রং বাঽপ্যথবা শুষ্কং পচ্যমানমথাপি বা॥ 11-3-13 (64875)
অবতার্যন্তমাপাঙ্কাদুদ্ধৃতং চাপি ভারত।
অথবা পরিভুজ্জন্তমেবং দেহাঃ শরীরিণাম্॥ 11-3-14 (64876)
গর্ভস্থো বা প্রসূতো বাঽপ্যথবা দশরাত্রিকঃ।
অর্ধমাসগতো বাঽপি মাসমাত্রগতোঽপি বা॥ 11-3-15 (64877)
সংবৎসরগতো বাপি দ্বিসংবৎসর এব বা।
যৌবনস্থোঽথ মধ্যস্থো বৃদ্ধো বাপি বিপদ্যতে॥ 11-3-16 (64878)
প্রাক্কর্মভিস্তু ভূতানি ভবন্তি নভবন্তি চ।
এবং সংবর্ধিতে লোকে কিমর্থমনুতপ্যসে॥ 11-3-17 (64879)
যথা তু সলিলং রাজন্ক্রীডার্থমনুসঞ্চরন্।
উন্মজ্জেচ্চ নিমজ্জেচ্চ চেষ্টতে চ নরাধিপ॥ 11-3-18 (64880)
এবং সংসারগহনে উন্মজ্জননিমজ্জনে।
কর্ময়োগেন বধ্যন্তে ক্লিশ্যন্তে চাল্পবুদ্ধয়ঃ॥ 11-3-19 (64881)
যে তু প্রাজ্ঞাঃ স্থিতা মধ্যে সংসারান্তগতৈষিণঃ।
সমাগমজ্ঞা ভূতানাং তে যান্তি পরমাং গতিম্॥ ॥ 11-3-20 (64882)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি তৃতীয়োঽধ্যায়ঃ॥ 3 ॥
Mahabharata - Strii Parva - Chapter Footnotes
11-3-1 সুভাষিতৈরিতি ঝ.পাঠঃ॥ 11-3-5 পিতৃবনং মৃত্যুম্॥ 11-3-8 সল্বমেকং তু শাস্বতমিতি ঝ.পাঠঃ। তত্র সৎবং লিঙ্গশরীরম্। শাশ্বতং মোক্ষপর্যন্তং স্থায়িৎবাৎ ইত্যর্থঃ॥ 11-3-13 অবরোপ্যন্তমিতিপাঠে অবরোপ্যমাণম্॥ 11-3-14 আপাকাৎ কুলালকৃতাৎ পাত্রপাককূটাৎ। অথবা পরিভৃজ্জন্তমিতি ঝ.পাঠঃ॥ 11-3-19 এবং সংসারগহনাদুন্মজ্জননিমজ্জনাৎ ইতি ক.ছ.ট.পাঠঃ॥ 11-3-3 তৃতীয়োঽধ্যায়ঃ॥স্ত্রীপর্ব - অধ্যায় 004
॥ শ্রীঃ ॥
11.4. অধ্যায়ঃ 004
Mahabharata - Strii Parva - Chapter Topics
বিদুরেণ ধৃতরাষ্ট্রংপ্রতি জীবস্য গর্ভবাসপ্রকারকথনম্॥ 1 ॥Mahabharata - Strii Parva - Chapter Text
11-4-0 (64883)
ধৃতরাষ্ট্র উবাচ। 11-4-0x (5318)
কথং সংসারগহনং বিজ্ঞেয়ং বদতাং বর।
এতদিচ্ছাম্যহং শ্রোতুং তত্ৎবমাখ্যাহি পৃচ্ছতঃ॥ 11-4-1 (64884)
বিদুর উবাচ। 11-4-2x (5319)
জন্মপ্রভৃতি ভূতানাং ক্রিয়াঃ সর্বাস্তু লক্ষয়ন্।
পূর্বমেবেহ কলিলে বসতে কিঞ্চিদন্তরম্॥ 11-4-2 (64885)
ততঃ স পঞ্চমেঽতীতে মাসে মাংসমকল্পয়ৎ।
ততঃ সর্বাঙ্গসম্পূর্ণো গর্ভো মাসে তু জায়তে॥ 11-4-3 (64886)
অমেধ্যমধ্যে বসতি মাংসশোণিতলেপনে।
ততস্তু বায়ুবেগেন ঊর্ধ্বপাদো হ্যধোমুখঃ॥ 11-4-4 (64887)
যোনিদ্বারমুপাগম্য বহূন্ক্লেশান্সমৃচ্ছতি।
যোনিসংপীডনাচ্চৈব পূর্বকর্মভিরন্বিতঃ॥ 11-4-5 (64888)
তস্মান্মুক্তঃ স সংসারাদন্যান্পশ্যত্যুপদ্রবান্।
গ্রহাস্তমনুচ্ছন্তি সারমেয়া ইবামিষম্॥ 11-4-6 (64889)
ততঃ কালান্তরে প্রাপ্তে ব্যাধয়শ্চাপি তং তথা।
উপসর্পন্তি জীবন্তং বধ্যমানং স্বকর্মভিঃ॥ 11-4-7 (64890)
বদ্ধমিন্দ্রিয়পাশৈস্তং সঙ্গকামুকমাতুরম্।
ব্যসনান্যনুবর্তন্তে বিবিধানি নরাধিপ॥ 11-4-8 (64891)
বাধ্যমানশ্চ তৈর্ভূয়ো নৈব তৃপ্তিমুপৈতি সঃ।
[তদা নাবৈতি চৈবায়ং প্রকুর্বন্সাধ্বসাধু বা॥] 11-4-9 (64892)
তত্রৈনং পরিপশ্যন্তি যে ধ্যানপরিনিষ্ঠিতাঃ।
অয়ং ন বুধ্যতে তাবদ্যমলোকাদিহাগমে॥ 11-4-10 (64893)
যমদূতৈর্বিকৃষ্যংশ্চ মৃত্যুং কালেন গচ্ছতি।
বাগ্ঘীনস্য চ যা মাত্রা ইষ্টানিষ্টকৃতাঽস্য বৈ।
ভূয় এবাত্মনাঽঽত্মানং বধ্যমানমুপৈতি সঃ॥ 11-4-11 (64894)
অহো বিনিকৃতো লোকো লোভেন চ বশীকৃতঃ।
লোভক্রোধমদোন্মত্তো নাত্মানমববুধ্যতে॥ 11-4-12 (64895)
কুলীনৎবে চ রমতে দুষ্কুলীনান্বিকুৎসয়ন্।
ধনদর্পেণ দৃপ্তশ্চ দরিদ্রান্পরিকুৎসয়ন্॥ 11-4-13 (64896)
মূর্খানিতি পরানাহ নাত্মানং সমবেক্ষতে।
দোষান্ক্ষিপতি চান্যেষাং নাত্মানং শাস্তুমিচ্ছতি॥ 11-4-14 (64897)
যদা প্রাজ্ঞাশ্চ মূর্খাশ্চ ধনবন্তশ্চ নির্ধনাঃ।
কুলীনাশ্চাকুলীনাশ্চ মানিনোঽথাপ্যমানিনঃ॥ 11-4-15 (64898)
সর্বে পিতৃবনং প্রাপ্তাঃ স্বপন্তি বিগতৎবচঃ।
নির্মাংসৈরস্থিভূয়িষ্ঠৈর্গাত্রৈঃ স্নায়ুনিবন্ধনৈঃ॥ 11-4-16 (64899)
কিং বিশেষং প্রপশ্যন্তি তত্র তেষাং পরে জনাঃ।
যেন প্রত্যবগচ্ছেয়ুঃ কুলরূপবিশেষণম্॥ 11-4-17 (64900)
যদা সর্বে সমং ন্যস্তাঃ স্বপন্তি ধরণীতলে।
কস্মাদন্যোন্যমিচ্ছন্তি বিপ্রলব্ধুমিহাবুধাঃ॥ 11-4-18 (64901)
প্রত্যক্ষং চ পরোক্ষং চ যো নিশম্য শ্রুতিং ৎবিমাম্।
[অধ্রুবে জীবলোকেঽস্মিন্যো ধর্মমনুপালয়ন্।]
জন্মপ্রভৃতি বর্তেত প্রাপ্নুয়াৎপরমাং গতিম্॥ 11-4-19 (64902)
এবং সর্বং বিদিৎবা বৈ যস্তত্ৎবমনুবর্ততে।
স প্রমোক্ষয়তে চৈব পন্থানং মনুজেশ্বর॥ ॥ 11-4-20 (64903)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি চতুর্থোঽধ্যায়ঃ॥ 4 ॥
Mahabharata - Strii Parva - Chapter Footnotes
11-4-2 কলিলং শুকশোণিতসংয়োগঃ। একরাত্রোষিতং কলিলং ভবতি পঞ্চরাত্রাদ্বুদ্বুদ ইত্যাদিশাস্ত্রাদ্রম্যতে। তত্র কলিলে বসতে জীব ইতি শেষঃ। কিঞ্চিদন্তরং পূর্বদিনাপেক্ষয়া বৃদ্ধ্যবস্থাভেদেন অল্পেন পরিমাণান্তরেণ॥ 11-4-5 পূর্বকর্মাপদানত ইতি ক.পাঠঃ॥ 11-4-6 মৃগয়ন্পর্যটন্নিত্যং সারমেয়া ইতি ট.পাঠঃ॥ 11-4-4 চতুর্থোঽধ্যায়ঃ॥স্ত্রীপর্ব - অধ্যায় 005
॥ শ্রীঃ ॥
11.5. অধ্যায়ঃ 005
Mahabharata - Strii Parva - Chapter Topics
বিদুরেণ ধৃতরাষ্ট্রং প্রতি উত্তরাধ্যায়ে বক্ষ্যমাণসংসারাদীনাং কান্তারাদিৎবেন রূপণম্॥ 1 ॥Mahabharata - Strii Parva - Chapter Text
11-5-0 (64904)
ধৃতরাষ্ট্র উবাচ। 11-5-0x (5320)
যদিদং ধর্মগহনং বুদ্ধ্যা সমনুবুধ্যতে।
এতদ্বিস্তরতঃ সর্বং বুদ্ধিমার্গং প্রশংস মে॥ 11-5-1 (64905)
বিদুর উবাচ। 11-5-2x (5321)
অত্র তে সর্বয়িষ্যামি নমস্কৃৎবা স্বয়ম্ভুবে।
যথা সংসারগহনং বদন্তি পরমর্ষয়ঃ॥ 11-5-2 (64906)
কশ্চিন্মহতি কান্তারে বর্তমানো দ্বিজঃ কিল॥
মহদ্দুর্গমনুপ্রাপ্তো বনং ক্রব্যাদসঙ্কুলম্॥ 11-5-3 (64907)
সিংহব্যাঘ্রগজর্ক্ষৌঘৈরতিঘোরমহাস্বনৈঃ।
পিশিতাদৈরতিভয়ৈর্মহোগ্রাকৃতিভিস্তথা॥ 11-5-4 (64908)
সমন্তাৎসম্পরিক্ষিপ্তং যস্মাদ্দ্রষ্টুর্মহদ্ভয়ম্।
তদস্য দৃষ্ট্বা হৃদয়মুদ্বেগমগমৎপরম্॥ 11-5-5 (64909)
অভ্যুচ্ছ্রয়ন্তি রমাণি বিক্রিয়াশ্চ পরন্তপ।
স তদ্বনং ব্যনুসরন্সম্প্রধাবন্নিতস্ততঃ॥ 11-5-6 (64910)
বীক্ষমাণো দিশঃ সর্বাঃ শরণং ক্ব ভবেদিতি।
স তেষাং নাশমন্বিচ্ছন্প্রদ্রুতো ভয়পীডিতঃ।
ন চ নির্যাতি বৈ দূরং ন বা তৈর্বিপ্রয়ুজ্যতে॥ 11-5-7 (64911)
অথাপশ্যদ্বনং গূঢং সমন্তাদ্বাগুরাবৃতম্।
বাহুভ্যাং সম্পরিষ্বক্তঃ স্ত্রিয়া পরমঘোরয়া॥ 11-5-8 (64912)
পঞ্চশীর্ষধরৈর্নাগৈঃ শৈলৈরিব সমুন্নতৈঃ।
নভঃস্পৃশৈর্মহাবৃক্ষৈঃ পরিক্ষিপ্তং মহাবনম্॥ 11-5-9 (64913)
বনমধ্যে চ তত্রাভূদুদপানঃ সমাবৃতঃ।
বল্লীভিস্তৃণনদ্ধাভির্গূঢাভিরভিসংবৃতঃ॥ 11-5-10 (64914)
পপাত স দ্বিজস্তত্র নিগূঢে সলিলাশয়ে।
বিলগ্নশ্চাভবত্তস্মিঁল্লতাসন্তানসঙ্কুলে॥ 11-5-11 (64915)
পনসস্য যথা জাতং বৃন্তবদ্ধং মহাফলম্।
স তথা লম্বতে তত্র হ্যূর্ধ্বপাদো হ্যধঃ শিরাঃ॥ 11-5-12 (64916)
অথ তত্রাপি চান্যোঽস্য ভূয়ো জাত উপদ্রবঃ।
কূপমধ্যে মহানাগমপশ্যত মহাবলম্॥ 11-5-13 (64917)
কূপপীনাহবেলায়ামপশ্যৎ মহাগজম্॥ 11-5-14 (64918)
ষড্বক্ত্রং কৃষ্ণশবলং দ্বিষট্কপদচারিণম্।
ক্রমেণ পরিসর্পন্তং বল্লীবৃক্ষসমাবৃতম্॥ 11-5-15 (64919)
তস্য শাখাপ্রশাখাসু বৃক্ষশাখাবলম্বিনঃ।
নানারূপা মধুকরা ঘোররূপা ভয়াবহাঃ॥ 11-5-16 (64920)
আসতে মধু সংবৃত্য পূর্বমেব নিকেতজাঃ।
ভূয়োভূয়ঃ সমীহন্তে মধূনি ভরতর্ষভ॥ 11-5-17 (64921)
স্বাদনীয়ানি ভূতানাং যৈর্বালো ন বিতৃপ্যতে।
তেষাং মধূনাং বহুধা ধারা প্রস্রবতে তদা॥ 11-5-18 (64922)
আলম্বমানঃ স পুমান্ধারাং পিবতি সর্বদা।
ন চাস্য তৃষ্ণা বিরতা পিবমানস্য সঙ্কটে॥ 11-5-19 (64923)
অভীপ্সতি চ তাং নিত্যমতৃপ্তঃ স পুনঃ পুনঃ।
ন চাস্য জীবিতে রাজন্নির্বেদঃ সমজায়ত॥ 11-5-20 (64924)
তত্রৈব চ মনুষ্যস্য জীবিতাশা প্রতিষ্ঠিতা।
কৃষ্ণাঃ শ্বেতাশ্চ তং বৃক্ষং নিকৃন্তন্তি স্ম মূষিকাঃ॥ 11-5-21 (64925)
ব্যালৈশ্চ তদ্বনং দুর্গং স্ত্রিয়া চ পরমোগ্রয়া।
কূপাধস্তাচ্চ নাগেন পীনাহে কুঞ্জরেণ চ॥ 11-5-22 (64926)
বৃক্ষপ্রপাতাচ্চ ভয়ং মূষিকেভ্যশ্চ পঞ্চমম্।
মধুলোভান্মধুকরৈঃ ষষ্ঠমাহুর্মহদ্ভয়ম্॥ 11-5-23 (64927)
এবং স বসতে তত্র ক্ষিপ্তঃ সংসারসাগরে।
ন চৈব জীবিতাশায়াং নির্বেদমুপগচ্ছতি॥ ॥ 11-5-24 (64928)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি পঞ্চমোঽধ্যায়ঃ॥ 5 ॥
স্ত্রীপর্ব - অধ্যায় 006
॥ শ্রীঃ ॥
11.6. অধ্যায়ঃ 006
Mahabharata - Strii Parva - Chapter Topics
পূর্বাধ্যায়ে কান্তারাদিৎবেন রূপিতানাং সংসারাদীনাং স্বস্বশব্দৈঃ প্রতিপাদনম্॥ 1 ॥Mahabharata - Strii Parva - Chapter Text
11-6-0 (64929)
ধৃতরাষ্ট্র উবাচ। 11-6-0x (5322)
অহো খলু মহদ্দুঃখং কৃচ্ছ্রবাসং বসত্যসৌ।
কথং তস্য রতিস্তত্র তুষ্টির্বা বদতাং বর॥ 11-6-1 (64930)
স দেশঃ ক্বনু যত্রাসৌ বসতে ধর্মসঙ্কটে।
কথং বা স বিমুচ্যেত নরস্তস্মান্মহাভয়াৎ॥ 11-6-2 (64931)
এতন্মে সর্বমাচক্ষ্ব সাধু চেষ্টামহে তদা।
কৃপা মে মহতী জাতা তস্যাভ্যুদ্ধরণেন হি॥ 11-6-3 (64932)
বিদুর উবাচ। 11-6-4x (5323)
উপাখ্যানমিদং রাজন্মোক্ষবিদ্ভিরুদাহৃতম্।
সুগতিং বিন্দতে যেন পরলোকেষু মানবঃ॥ 11-6-4 (64933)
উচ্যতে যত্তু কান্তারং মহাসংসার এব সঃ।
বনং দুর্গং হি যচ্চৈতৎসংসারগহনং হি তৎ॥ 11-6-5 (64934)
যে চ তে কথিতা ব্যালা ব্যাধয়স্তে প্রকীর্তিতাঃ॥ 11-6-6 (64935)
যা সা নারী বৃহৎকায়া অধ্যতিষ্ঠত তত্র বৈ।
তামাহুস্তু জরাং প্রাজ্ঞা রূপবর্ণবিনাশিনীম্॥ 11-6-7 (64936)
স যস্তু কূপো নৃপতে স তু দেহঃ শরীরিণাম্।
যস্তত্র বসতেঽধস্তান্মহাহিঃ কাল এব সঃ।
অন্তকঃ সর্বভূতানাং দেহিনাং প্রাণাহার্যসৌ॥ 11-6-8 (64937)
কূপমধ্যে চ যা জাতা বল্লী যত্র স মানবঃ।
প্রোতো যয়াঽভবল্লগ্নো জীবিতাশা শরীরিণাম্॥ 11-6-9 (64938)
স যস্তু কূপপীনাহে তং বৃক্ষং পরিসর্পতি।
ষড্বক্ত্রঃ কুঞ্জরো রাজন্স তু সংবৎসরঃ স্মৃতঃ॥ 11-6-10 (64939)
মুখানি ঋতবো মাসাঃ পাদা দ্বাদশা কীর্তিতাঃ।
যে তু বৃংক্ষং নিকৃন্তন্তি মূষিকাঃ পন্নগাস্তথা॥ 11-6-11 (64940)
রাত্র্যহানি তু তান্যাহুর্ভূতানাং পরিচিন্তকাঃ।
যে তে মধুকরাস্তত্র কামাস্তে পরিকীর্তিতাঃ॥ 11-6-12 (64941)
যাস্তু তা বহুশো ধারাঃ স্রবন্তি মধুনিস্রবম্।
তাংস্তু কামরসান্বিন্দ্যাদ্যত্র সজ্জন্তি মানবাঃ॥ 11-6-13 (64942)
এবং সংসারচক্রস্য পরিবৃত্তিং বিদুর্বুধাঃ।
যেন সংসারচক্রস্য পাশাংশ্ছিন্দন্তি সর্বথা॥ ॥ 11-6-14 (64943)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি পঞ্চমোঽধ্যায়ঃ॥ 5 ॥
Mahabharata - Strii Parva - Chapter Footnotes
11-6-4 উপমানমিদং রাজন্নিতি ঝ.পাঠঃ॥ 11-6-6 ষষ্ঠোঽধ্যায়ঃ॥স্ত্রীপর্ব - অধ্যায় 007
॥ শ্রীঃ ॥
11.7. অধ্যায়ঃ 007
Mahabharata - Strii Parva - Chapter Topics
বিদুরেণ ধৃতরাষ্ট্রম্প্রতি তত্ৎবকথনম্॥ 1 ॥Mahabharata - Strii Parva - Chapter Text
11-7-0 (64944)
ধৃতরাষ্ট্র উবাচ। 11-7-0x (5324)
অহোঽভিহিতমাখ্যান ভবতা তত্ৎবদর্শিনা।
ভূয় এব তু মে হর্ষঃ শ্রোতুং বাগমৃতং তব॥ 11-7-1 (64945)
বিদুর উবাচ। 11-7-2x (5325)
শৃণু ভূয়ঃ প্রবক্ষ্যামি মার্গস্যৈতস্য বিস্তরম্।
যচ্ছ্রুৎবা বিপ্রমুচ্যন্তে সংসারাদ্বি বিচক্ষণাঃ॥ 11-7-2 (64946)
যথা তু পুরুষো রাজন্দীর্ঘমধ্বানমাস্থিতঃ।
ক্বচিৎক্বচিচ্ছ্রমস্থানং কুরুতে বাসমেব বা॥ 11-7-3 (64947)
এবং সংসারপর্যায়ে গর্ভবাসেষু ভারত।
কুর্বন্তি দুর্বুধা বাসং মুচ্যন্তে তত্র পণ্ডিতাঃ॥ 11-7-4 (64948)
তস্মাদধ্বানমেবৈতমাহুঃ শাস্ত্রবিদো জনাঃ।
যত্তৎসংসারগহনং বনমাহুর্মনীষিণঃ॥ 11-7-5 (64949)
সোয়ং লোকসমাবর্তো মর্ত্যানাং ভরতর্ষভ।
চরাণাং স্থাবরাণাং চ ন গৃধ্যেত্তত্র পাণ্ডিতঃ॥ 11-7-6 (64950)
শারীরা মানসাশ্চৈব মর্ত্যানাং ব্যাধয়শ্চ যে।
প্রত্যক্ষাশ্চ পরোক্ষাশ্চ তে ব্যালাঃ কথিতা বুধৈঃ॥ 11-7-7 (64951)
ক্লিশ্যমানাশ্চ তৈর্নিত্যং মার্যমাণাশ্চ ভারত।
স্বকর্মভির্মহাব্যালৈর্নোদ্বিজন্ত্যল্পবুদ্ধয়ঃ॥ 11-7-8 (64952)
অথাপি তৈর্বিমুচ্যেত ব্যাধিভিঃ পুরুষো নৃপ।
আবৃণোত্যেব তং পশ্চাজ্জরা রূপবিনাশিনী॥ 11-7-9 (64953)
শব্দরূপরসস্পর্শগন্ধৈশ্চ বিবিধৈরপি।
মজ্জমানং মহাপঙ্কে নিরালম্বে সমন্ততঃ॥ 11-7-10 (64954)
সংবৎসরর্তবো মাসাঃ পক্ষাহোরাত্রসন্ধয়ঃ।
ক্রমেণাস্য প্রবৃজ্জন্তি রূপমায়ুস্তথৈব চ॥ 11-7-11 (64955)
এতে কালস্য বিধয়ো নৈতাঞ্জানান্তি দুর্বুধাঃ।
ধাত্রাঽভিলিখিতান্যাহুঃ সর্বভূতানি কর্মণা॥ 11-7-12 (64956)
রথঃ শরীরং ভূতানাং সৎবমাহুস্তু সারথিম্।
ইন্দ্রিয়াণি হয়ানাহুঃ কর্মবুদ্বিস্তু রশ্ময়ঃ॥ 11-7-13 (64957)
তেষাং হয়ানাং যো বেগং ধাবতামনু ধাবতি।
সতু সংসারচক্রেঽস্মিংশ্চক্রবৎপরিবর্ততে॥ 11-7-14 (64958)
যস্তান্সংয়মতে বুদ্ধ্যা সংয়তো ন নিবর্ততে।
যস্তু সংসারচক্রেঽস্মিংশ্চক্রবৎপরিবর্ততে॥ 11-7-15 (64959)
[ভ্রমমাণা ন মুহ্যন্তি সংসারে ন ভ্রমন্তি তে।
সংসারে ভ্রমতাং রাজন্দুঃখমেতদ্ধি জায়তে॥ 11-7-16 (64960)
তস্পাদস্য নিবৃত্ত্যর্থং যত্নমেবাচরেদ্বুধঃ।
উপেক্ষা নাত্র কর্তব্যা শতশাখঃ প্রবর্ধতে॥ 11-7-17 (64961)
যতেন্দ্রিয়ো নরো রাজন্ক্রোধলোভনিরাকৃতঃ।
সন্তুষ্টঃ সত্যবাদী যঃ স শান্তিমধিগচ্ছতি॥] 11-7-18 (64962)
যাম্যমাহূ রথং হ্যেনং মুহ্যন্তে যেন দুর্বুধাঃ।
স চৈতৎপ্রাপ্নুয়াদ্রাজন্যত্ৎবং প্রাপ্তো নরাধিপ॥ 11-7-19 (64963)
অনুতর্ষুলমেবৈতদ্দুঃখং ভবতি মারিষ।
রাজ্যনাশঃ সুহৃন্নাশঃ সুতনাশশ্চ ভারত।
সাধুঃ পরমদুঃখানাং দুঃখভৈষজ্যমারভেৎ॥ 11-7-20 (64964)
জ্ঞানৌষধমবাপ্যেহ দূরপারং মহৌষধম্।
ছিন্দ্যাদ্দুঃখমহাব্যাধিং নরঃ সংয়তমানসঃ॥ 11-7-21 (64965)
ন বিক্রমো ন চাপ্যর্থো ন মিত্রং ন সুহৃজ্জনঃ।
তস্মান্মোচয়তে দুঃখাদ্যথাত্মা স্থিরনিশ্চয়ঃ॥ 11-7-22 (64966)
তস্মান্মৈত্রং সমাস্থায় শীলমাপদি ভারত।
দমস্ত্যাগোঽপ্রমাদশ্চ তে ত্রয়ো ব্রহ্মণো হয়াঃ॥ 11-7-23 (64967)
শীলরশ্মিসমায়ুক্তে স্থিতো যো মানসে রথে।
ত্যক্ৎবা মৃত্যুভয়ং রাজন্ব্রহ্মলোকং স গচ্ছতি॥ 11-7-24 (64968)
অভয়ং সর্বভূতেভ্যো যো দদাতি মহীপতে।
স গচ্ছতি পরং স্থানং বিষ্ণোঃ পদমনাময়ম্॥ 11-7-25 (64969)
ন তৎক্রতুসহস্রেণ নোপবাসৈশ্চ নিত্যশঃ।
অভয়স্য চ দানেন যৎফলং প্রাপ্নুয়ান্নরঃ॥ 11-7-26 (64970)
ন হ্যাত্মনঃ প্রিয়তরং কিঞ্চিদ্ভূতেষু নিশ্চিতম্।
অনিষ্টং সর্বভূতানাং মরণং নাম ভারত॥ 11-7-27 (64971)
তস্মাৎসর্বেষু ভূতেষু দয়া কার্যা বিপশ্চিতা॥ 11-7-28 (64972)
নানায়োগসমায়ুক্তা বুদ্ধিজালেন সংবৃতাঃ।
অসূক্ষ্মদৃষ্টয়ো মন্দা ভ্রাম্যন্তে তত্রতত্র হ।
সুসূক্ষ্মদৃষ্টয়ো রাজন্ব্রজন্তি ব্রহ্মসাম্যতাম্॥ 11-7-29 (64973)
এবং জ্ঞাৎবা মহাপ্রাজ্ঞ স তেষামৌর্ধ্বদৈহিকম্।
কর্তুমর্হতি তেনৈব ফল প্রাপ্স্যতি বৈ ভবান্॥ ॥ 11-7-30 (64974)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি সপ্তমোঽধ্যায়ঃ॥ 7 ॥
Mahabharata - Strii Parva - Chapter Footnotes
11-7-3 শ্রমাচ্ছ্রান্ত ইতি ঝ.পাঠঃ॥ 11-7-8 বার্যমাণাশ্চ ভারতেতি ঝ.পাঠঃ॥ 11-7-9 অথাপি তৈর্ন মুচ্যেতেতি ক.পাঠঃ॥ 11-7-10 মজ্জমাংসমহাপঙ্কে ইতি ঝ.পাঠঃ॥ 11-7-17 যে তু সংসারচক্রেঽস্মিন্নিতি ঝ.পাঠঃ॥ 11-7-15 শতশাস্বঃ সংসারবৃক্ষঃ॥ 11-7-17 ক্রোধলোভৌ নিরাকৃতৌ যেন সঃ॥ 11-7-18 যাম্যং যোমলোকপ্রাপকং সংসারগহনম্॥ 11-7-19 অনুতর্ষুলং তৃষ্ণাশীলং লক্ষীকৃত্য। অনুকর্ষণমেনৈতদ্দুঃখং ন ভবতি ভারতেতি ক.ছ.পাঠঃ॥ 11-7-20 দূরপারং ব্রহ্মজ্ঞানম্॥ 11-7-23 ব্রহ্মণঃ ব্রহ্মলোকস্য প্রাপকা ইতি শেষঃ॥ 11-7-7 সপ্তমোঽধ্যায়ঃ॥স্ত্রীপর্ব - অধ্যায় 008
॥ শ্রীঃ ॥
11.8. অধ্যায়ঃ 008
Mahabharata - Strii Parva - Chapter Topics
ব্যাসেন ধৃতরাষ্ট্রস্য শোকাপনোদনম্॥ 1 ॥Mahabharata - Strii Parva - Chapter Text
11-8-0 (64975)
বৈশম্পায়ন উবাচ। 11-8-0x (5326)
বিদুরস্য তু তদ্বাক্যং নিশম্য কুরুসত্তমঃ।
পুত্রশোকাভিসন্তপ্তঃ পপাত ভুবি মূর্ছিতঃ॥ 11-8-1 (64976)
তং তথা পতিতং ভূমৌ নিঃসংজ্ঞং প্রেক্ষ্য বান্ধবাঃ।
কৃষ্ণদ্বৈপায়নশ্চৈব ক্ষত্তা চ বিদুরস্তথা॥ 11-8-2 (64977)
সঞ্জয়ঃ সুহৃদশ্চান্যে দ্বাস্থা যে চাস্য সম্মতাঃ।
জলেন সুখশীতেন তালবৃন্তৈশ্চ ভারত॥ 11-8-3 (64978)
পস্পর্শুশ্চ করৈর্গাত্রং বীজমানাশ্চ যত্নতঃ।
অন্বাসত চিরং কালং ধৃতরাষ্ট্রং তথাবিধম্॥ 11-8-4 (64979)
অথ দীর্ঘস্য কালস্য লব্ধস়ঞ্জ্ঞো মহীপতিঃ।
বিললাপ চিরং কালং পুত্রাধিভিরভিপ্লুতঃ॥ 11-8-5 (64980)
ধিগস্তু খলু মানুষ্যং মানুষ্যে চ পরিগ্রহম্।
যতোমূলানি দুঃখানি সম্ভবন্তি পুনঃপুনঃ॥ 11-8-6 (64981)
মিত্রনাশেঽর্থনাশে চ জ্ঞাতিসম্বন্ধিনামপি।
প্রাপ্যতে সুমহদ্দুঃখং বিষাগ্নিপ্রতিমং বিভো॥ 11-8-7 (64982)
যেন দহ্যন্তি গাত্রাণি যেন প্রজ্ঞা বিনশ্যতি।
যেনাভিভূতঃ পুরুষো মরণং প্রতিপদ্যতে॥ 11-8-8 (64983)
তদিদং মরণং প্রাপ্তং ময়া ভাগ্যবিপর্যযাৎ।
[তস্যান্তং নাধিগচ্ছামি ঋতে প্রাণবিমোক্ষণাৎ] 11-8-9 (64984)
তচ্চৈবাহং করিষ্যামি অদ্যৈব দ্বিজসত্তম।
ইত্যুক্ৎবা তু মহাত্মানং পিতরং ব্রহ্মবিত্তমম্॥ 11-8-10 (64985)
ধৃতরাষ্ট্রোঽভবন্মূঢঃ স শোকং পরমং গতঃ।
অভূচ্চ তূষ্ণীং রাজাঽসৌ ধ্যায়মানো মহীপতিঃ॥ 11-8-11 (64986)
তস্য তদ্বচনং শ্রুৎবা কৃষ্ণদ্বৈপায়নঃ প্রভুঃ।
পুত্রশোকাভিসন্তপ্তং পুত্রং বচনমব্রবীৎ॥ 11-8-12 (64987)
ব্যাস উবাচ। 11-8-13x (5327)
ধৃতরাষ্ট্র মহাবাহো শৃণু বক্ষ্যামি পুত্রক।
শ্রুতবানসি মেধাবী ধর্মার্থকুশলঃ প্রভো॥ 11-8-13 (64988)
ন তেঽস্ত্যবিদিতং কিঞ্চিদ্বেদিতব্যং পরন্তপ।
অনিত্যতাং হি ভূতানাং বিজানাসি ন সংশয়ঃ॥ 11-8-14 (64989)
অধ্রুবে জীবলোকে চ স্থানে বা শাশ্বতে সতি।
জীবিতে মরণান্তে চ কস্মাচ্ছোচসি পুত্রক॥ 11-8-15 (64990)
প্রত্যক্ষং তব রাজেন্দ্র বৈরস্যাস্য সমুদ্ভবঃ।
পুত্রং তে কারণং কৃৎবা কালয়োগেন নির্মিতঃ॥ 11-8-16 (64991)
অবশ্যং ভবিতব্যে চ কুরূণাং সঙ্ক্ষয়ে নৃপ।
কস্মাচ্ছোচসি তাঞ্শূরান্গতান্পরমিকাং গতিম্॥ 11-8-17 (64992)
জানতা চ মহাবাহো বিদুরেণ মহাত্মনা।
যতিতং সর্বয়ত্নেন শমং প্রতি জনেশ্বর॥ 11-8-18 (64993)
ন চ দৈবকৃতো মার্গঃ শক্যো ভূতেন কেনচিৎ।
ঘটতাঽপি চিরং কালং নিয়ন্তুমিতি মে মতিঃ॥ 11-8-19 (64994)
দেবতানাং হি যৎকার্যং ময়া প্রত্যক্ষতঃ শ্রুতম্।
তত্তেঽহং সম্প্রবক্ষ্যামি যথা স্থৈর্যং ভবেত্তব॥ 11-8-20 (64995)
পুরাঽহং পরিতো যাতঃ সভামৈন্দ্রীং জিতক্লমঃ।
অপশ্যং তত্র চ সদা সমবেতান্দিবৌকসঃ॥ 11-8-21 (64996)
নারদপ্রমুখাংশ্চাপি সর্বান্দেবর্ষিসত্তমান্।
তত্র চাপি ময়া দৃষ্টা পৃথিবী পৃথিবীপতে॥ 11-8-22 (64997)
কার্যার্থমুপসম্পন্না দেবতানাং সমীপতঃ।
উপগম্য তদা ধাত্রী দেবানাহ সমাগতান্॥ 11-8-23 (64998)
যৎকার্যং মম যুষ্মাভির্ব্রহ্মণঃ সদনে তদা।
প্রতিজ্ঞাতং মহাভাগাস্তচ্ছীঘ্রং সংবিধীয়তাম্॥ 11-8-24 (64999)
তস্যাস্তদ্বচনং শ্রুৎবা বিষ্ণুর্লোকনমস্কৃতঃ।
উবাচ বাক্যং প্রহসন্প্রভুস্তাং দেবসংসদি॥ 11-8-25 (65000)
ধৃতরাষ্ট্রস্য পুত্রাণাং যস্তু জ্যেষ্ঠঃ শতস্য বৈ।
দুর্যোধন ইতি খ্যাতঃ স তে কার্যং করিষ্যতি॥ 11-8-26 (65001)
তং চ প্রাপ্য মহীপালং কৃতকৃত্যা ভবিষ্যসি।
তস্যার্থে পৃথিবীপালাঃ কুরুক্ষেত্রং সমাগতাঃ॥ 11-8-27 (65002)
অন্যোন্যং ঘাতয়িষ্যন্তি দৃঢৈঃ শস্ত্রৈঃ প্রহারিণঃ।
ততস্তে ভবিতা দেবি ভারস্য যুধি নাশনম্॥ 11-8-28 (65003)
গচ্ছ শীঘ্রং স্বকং স্থানং লোকান্ধারয় শোভনে।
স এষ তে সুতো রাজঁল্লোকসংহারকারণাৎ॥ 11-8-29 (65004)
কলেরংশঃ সমুৎপন্নো গান্ধার্যা জঠরে নৃপ।
অমর্ষী বলবাঞ্শূরঃ ক্রোধনো দুষ্প্রসাধনঃ॥ 11-8-30 (65005)
দৈবয়োগাৎসমুৎপন্না ভ্রাতরস্তস্য তাদৃশাঃ।
শকুনির্মাতুলশ্চৈব কর্ণশ্চ পরমঃ সখা॥ 11-8-31 (65006)
সমুৎপন্না বিনাশার্থং পৃথিব্যাং সহিতা নৃপাঃ।
[যাদৃশো জায়তে রাজা তাদৃশোঽস্য জনো ভবেৎ॥ 11-8-32 (65007)
অধর্মো ধর্মতাং যাতি স্বামী চেদ্ধার্মিকো ভবেৎ।
স্বামিনো গুণদোষাভ্যাং ভৃত্যাঃ স্যুর্নাত্র সংশয়ঃ॥ 11-8-33 (65008)
দুষ্টং রাজানমাসাদ্য গতাস্তে তনয়া নৃপ।]
এতমর্থং মহাবাহো নারদো বেদ তত্ৎববিৎ॥ 11-8-34 (65009)
আত্মাপরাধাৎপুত্রাস্তে বিনষ্টাঃ পৃথিবীপতে।
মা তাঞ্শোচস্ব রাজেন্দ্র ন হি শোকেঽস্তি কারণম্॥ 11-8-35 (65010)
ন হি তে পাণ্ডবাঃ স্বল্পমপরাধ্যন্তি ভারত।
পুত্রাস্তব দুরাত্মানো যৈরিয়ং ঘাতিতা মহী॥ 11-8-36 (65011)
নারদেন চ ভদ্রং তে পূর্বমেব ন সংশয়ঃ।
যুধিষ্ঠিরস্য সমিতৌ রাজসূয়ে নিবেদিতম্॥ 11-8-37 (65012)
পাণ্ডবাঃ কৌরবাঃ সর্বে সমাসাদ্য পরস্পরম্।
নভবিষ্যন্তি কৌন্তেয় যত্তে কৃত্যং তদাচর॥ 11-8-38 (65013)
নারদস্য বচঃ শ্রুৎবা তথাঽকুর্বত পাণ্ডবাঃ।
এতত্তে সর্বমাখ্যাতং দেবগুহ্যং সনাতনম্॥ 11-8-39 (65014)
কথং তে শোকনাশঃ স্যাৎপ্রাণেষু চ দয়া প্রভো।
স্নেহশ্চ পাণ্ডুপুত্রেষু জ্ঞাৎবা দৈবকৃতং বিধিম্॥ 11-8-40 (65015)
এষ চার্থো মহাবাহো পূর্বমেব ময়া শ্রুতঃ।
কথিতো ধর্মরাজস্য রাজসূয়ে কুরূত্তম॥ 11-8-41 (65016)
যতিতং ধর্মপুত্রেণ ময়া গুহ্যে নিবেদিতে।
অবিগ্রহে কৌরবাণাং দৈবং তু বলবত্তরম্॥ 11-8-42 (65017)
অনতিক্রমণীয়ো হি বিধী রাজন্কথঞ্চন।
কৃতান্তস্য তু ভূতেন স্থাবরেণ চরেণ চ॥ 11-8-43 (65018)
ভবান্ধর্মপরো যত্র বুদ্ধিশ্রেষ্ঠশ্চ ভারত।
মুহ্যতে প্রাণিনাং জ্ঞাৎবা গতিং চাগতিমেব চ॥ 11-8-44 (65019)
ৎবাং তু শোকেন সন্তপ্তং মুহ্যমানং মুহুর্মুহুঃ।
জ্ঞাৎবা যুধিষ্ঠিরো রাজা প্রাণানপি পরিত্যজেৎ॥ 11-8-45 (65020)
কৃপালুর্নিত্যশো বীরস্তির্যগ্যোনিগতেষ্বপি।
স কথং ৎবয়ি রাজেন্দ্র কৃপাং নৈব করিষ্যতি॥ 11-8-46 (65021)
মম চৈব নিয়োগেন বিধেশ্চাপ্যনিবর্তনাম্।
পাণ্ডবানাং চ কারুণ্যাৎপ্রাণান্ধারয় ভারত॥ 11-8-47 (65022)
এবং তে বর্তমানস্য লোকে কীর্তির্ভবিষ্যতি।
ধর্মার্থঃ সুমহাংস্তাত তপ্তং স্যাচ্চ তপশ্চিরাৎ॥ 11-8-48 (65023)
পুত্রশোকং সমুৎপন্নং হুতাশং জ্বলিতং যথা।
প্রজ্ঞাম্ভসা মহারাজ নির্বাপয় সদা সতা॥ 11-8-49 (65024)
বৈশম্পায়ন উবাচ। 11-8-50x (5328)
তচ্ছ্রুৎবা তস্য বচনং ব্যাসস্যামিততেজসঃ।
মুহূর্তং সমনুধ্যায়ন্ধৃতরাষ্ট্রোঽভ্যভাষত॥ 11-8-50 (65025)
মহতা শোকজালেন প্রণুন্নোঽস্মি দ্বিজোত্তম।
নাত্মানমববুধ্যামি মুহ্যমানো মুহুর্মুহুঃ॥ 11-8-51 (65026)
ইদং তু বচনং শ্রুৎবা তব দেবনিয়োগজম্।
ধারয়িষ্যাম্যহং প্রাণান্যতিষ্যে চ ন শোচিতুং॥ 11-8-52 (65027)
এতচ্ছ্রুৎবা তু বচনং ব্যাসঃ সত্যবতীসুতঃ।
ধৃতরাষ্ট্রস্য রাজেন্দ্র তত্রৈবান্তরধীয়ত॥ ॥ 11-8-53 (65028)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি অষ্টমোঽধ্যায়ঃ॥ 8 ॥*
Mahabharata - Strii Parva - Chapter Text
11-8-0 (65029)
[জনমেজয় উবাচ। 11-8-0x (5329)
গতে ভগবতি ব্যাসে ধৃতরাষ্ট্রো মহীপতিঃ।
কিমচেষ্টত বিপ্রর্ষে তন্মে ব্যাখ্যাতুমর্হসি॥ 11-8-1 (65030)
তথৈব কৌরবো রাজা ধর্মপুত্রো মহামনাঃ।
কৃপপ্রভৃতয়শ্চৈব কিমকুর্বত তে ত্রয়ঃ॥ 11-8-2 (65031)
অশ্বত্থাম্নঃ শ্রুতং কর্ম শাপশ্চান্যোন্যকারিতঃ।
বৃত্তান্তমুত্তরং ব্রূহি যদভাষত সঞ্জয়ঃ॥ 11-8-3 (65032)
বৈশম্পায়ন উবাচ। 11-8-4x (5330)
হতে দুর্যোধনে চৈব হতে সৈন্যে চ সর্বশঃ।
সঞ্জয়ো বিগতপ্রজ্ঞো ধৃতরাষ্ট্রমুপস্থিতঃ॥ 11-8-4 (65033)
সঞ্জয় উবাচ। 11-8-5x (5331)
আগম্য নানাদেশেভ্যো নানাজনপদেশ্বরাঃ।
পিতৃলোকং গতা রাজন্সর্বে তব সুতৈঃ সহ॥ 11-8-5 (65034)
যাচ্যমানেন সততং তব পুত্রেণ ভারত।
ঘাতিতা পৃথিবী সর্বা বৈরস্যান্তং বিধিৎসতা॥ 11-8-6 (65035)
পুত্রাণামথ পৌত্রাণাং পিতৄণাং চ মহীপতে।
আনুপূর্ব্যেণ সর্বেষাং প্রেতকার্যাণি কারয়॥ 11-8-7 (65036)
বৈশম্পায়ন উবাচ। 11-8-8x (5332)
তচ্ছ্রুৎবা বচনং ঘোরং সঞ্জয়স্য মহীপতিঃ।
গতাসুরিব নিশ্চেষ্টো ন্যপতৎপৃথিবীতলে॥ 11-8-8 (65037)
তং শয়ানমুপাগম্য পৃথিব্যাং পৃথিবীপতিম্।
বিদুরঃ সর্বধর্মজ্ঞ ইদং বচনমব্রবীৎ॥ 11-8-9 (65038)
উত্তিষ্ঠ রাজন্কিং শেষে মা শুচো ভরতর্ষভ।
এষা বৈ সর্বসৎবানাং লোকেশ্বর পরা গতিঃ॥ 11-8-10 (65039)
অভাবাদীনি ভূতানি ভাবমধ্যানি ভারত।
অভাবনিধনান্যেব তত্র কা পরিদেবনা॥ 11-8-11 (65040)
ন শোচন্মৃতমন্বেতি ন শোচন্ম্রিয়তে নরঃ।
এবং সাংসিদ্ধিকে লোকে কিমর্থমনুশোচসি॥ 11-8-12 (65041)
অয়ুধ্যমানো ম্রিয়তে যুধ্যমানস্তু জীবতি।
কালং প্রাপ্য মহারাজ ন কশ্চিদতিবর্ততে॥ 11-8-13 (65042)
কালঃ কর্ষতি ভূতানি সর্বাণি বিবিধানি চ।
ন কালস্য প্রিয়ঃ কশ্চিন্ন দ্বেষ্যঃ কুরুসত্তম॥ 11-8-14 (65043)
যথা বায়ুস্তৃণাগ্রাণি সংবর্তপতি সর্বতঃ।
তথা কালবশং যান্তি ভূতানি ভরতর্ষভ॥ 11-8-15 (65044)
একসার্থপ্রয়াতানাং সর্বেষাং তত্র গামিনাম্।
যস্য কালঃ প্রয়াত্যগ্রে তত্র কা পরিদেবনা॥ 11-8-16 (65045)
যাংশ্চাপি নিহতান্যুদ্ধে রাজংস্ৎবমনুশোচসি।
ন শোচ্যা হি মাহত্মানঃ সর্বে তে ত্রিদিবং গতাঃ॥ 11-8-17 (65046)
ন যজ্ঞৈর্দক্ষিণাবদ্ভির্ন তপোভির্ন বিদ্যযা।
তথা স্বর্গমুপায়ান্তি যথা শূরাস্তনুত্যজঃ॥ 11-8-18 (65047)
সর্বে বেদবিদঃ শূরাঃ সর্বে সুচরিতব্রতাঃ।
সর্বে চাভিমুখাঃ ক্ষীণাস্তত্র কা পরিদেবনা॥ 11-8-19 (65048)
শরীরাগ্নিষু শূরাণাং জুহুবুস্তে শরাহুতীঃ।
হূয়মানাঞ্শরাংশ্চৈব সেহুরুত্তমপূরষাঃ॥ 11-8-20 (65049)
এবং রাজংস্তবাচক্ষে স্বর্গ্যং পন্থানমুত্তমম্।
ন যুদ্ধাদধিকং কিঞ্চিৎক্ষত্রিয়স্যেহ বিদ্যতে॥ 11-8-21 (65050)
ক্ষত্রিয়াস্তে মহাত্মানঃ শূরাঃ সমিতিশোভনাঃ।
আশিষং পরমাং প্রাপ্তা ন শোচ্যাঃ সর্ব এব হি॥ 11-8-22 (65051)
আত্মনাঽঽত্মানমাশ্বাস্য মা শুচঃ পুরুষর্ষভ।
নাদ্য শোকাভিভূতস্ৎবং কার্যমুৎস্নষ্টুমর্হসি॥ ॥ 11-8-23 (65052)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি অধ্যায়ঃ॥
Mahabharata - Strii Parva - Chapter Footnotes
11-8-29 কালঃ সংহারকারণাদিতি ক.ছ.ঠ.পাঠঃ॥ 11-8-37 নারদেন সমাখ্যাতমিতি ক.ছ.ঠ.পাঠঃ॥ 11-8-39 তদাঽশোচন্ত পাণ্ডবা ইতি ঝ.পাঠঃ॥ 11-8-48 ধর্মশ্চ সুমহাস্তাত তপ্তস্য তপসশ্চিরাদিতি ক.ছ.ঠ.পাঠঃ॥ 11-8-8 অষ্টমোঽধ্যায়ঃ॥স্ত্রীপর্ব - অধ্যায় 009
॥ শ্রীঃ ॥
11.9. অধ্যায়ঃ 009
Mahabharata - Strii Parva - Chapter Topics
ধৃতরাষ্ট্রেণ গান্ধরীপ্রভৃতিভিঃ স্ত্রীভিঃ সহ মৃতজনাবলোকনায় রণাঙ্কণম্প্রতি প্রয়াণম্॥ 1 ॥Mahabharata - Strii Parva - Chapter Text
11-9-0 (65053)
`জনমেজয় উবাচ। 11-9-0x (5333)
গতে ব্যাসে তু ধর্মাত্মা ধৃতরাষ্ট্রো মহীপতিঃ।
কিমচেষ্টত বিপ্রর্ষে তন্মে ব্যাখ্যাতুমর্হসি॥ 11-9-1 (65054)
বৈশম্পায়ন উবাচ। 11-9-2x (5334)
এতচ্ছ্রুৎবা নরশ্রেষ্ঠশ্চিরং ধ্যাৎবা ৎবচেতনঃ।
সঞ্জয়ং যোজয়েত্যুক্ৎবা বিদুরং প্রত্যভাষত॥ 11-9-2 (65055)
ক্ষিপ্রমানয় গান্ধারীং সর্বাশ্চ ভরতস্ত্রিয়ঃ।
কুন্তীং চৈব তথা ক্ষত্তঃ সমানয় মমাঽন্তিকম্'॥ 11-9-3 (65056)
এবমুক্ৎবা স ধর্মাত্মা বিদুরং ধর্মবিত্তমম্।
শোকবিপ্রহতজ্ঞানো যানমেবান্বরোহত॥ 11-9-4 (65057)
গান্ধারী পুত্রশোকার্তা ভর্তুর্বচননোদিতা।
সহ কুন্ত্যা যতো রাজা সহ স্ত্রীভিরুপাদ্রবৎ॥ 11-9-5 (65058)
তাঃ সমাসাদ্য রাজানং ভৃশং শোকসমন্বিতাঃ।
আমন্ত্র্যান্যোন্যমায়স্তা ভৃশমুচ্চুক্রুশুস্ততঃ॥ 11-9-6 (65059)
তাঃ সমাশ্বাসয়ৎক্ষত্তা তাভ্যশ্চার্ততরঃ স্বয়ম্।
অশ্রুকণ্ঠীঃ সমারোপ্য ততোঽসৌ নির্যযৌ পুরাৎ॥ 11-9-7 (65060)
ততঃ প্রণাদঃ সঞ্জজ্ঞে সর্বেষু কুরুবেশ্মসু।
আকুমারং পুরং সর্বমভবচ্ছোককর্শিতম্॥ 11-9-8 (65061)
অদৃষ্টপূর্বা যা নার্যঃ পুরা দেবগণৈরপি।
পৃথগ্জনেন দৃশ্যন্তে তাস্তদা নিহতেশ্বরাঃ॥ 11-9-9 (65062)
প্রকীর্য কেশান্সুশুভান্ভূষণান্যবমুচ্য চ।
একবস্ত্রধরা নার্যঃ পরিপেতুরনাথবৎ॥ 11-9-10 (65063)
শ্বতেপর্বতরূপেভ্যো গৃহেভ্যস্তা নিরাক্রমন্।
গুহাভ্য ইব শৈলানাং পৃষত্যো হতয়ূথপাঃ॥ 11-9-11 (65064)
তান্যুদীর্ণানি নারীণাং তদা বৃন্দান্যনেকশঃ।
শোকার্তান্যদ্রবন্রাজন্কিশোরীণামিবাঙ্গণে॥ 11-9-12 (65065)
প্রগৃহ্য বাহূন্ক্রোশন্ত্যঃ পুত্রান্ভ্রাতৄন্পিতৄনপি।
দর্শয়ন্তি হতা হি স্ম যুগান্তে লোকসঙ্ক্ষয়ম্॥ 11-9-13 (65066)
বিলপন্ত্যো রুদন্ত্যশ্চ ধাবমানাস্ততস্ততঃ।
শোকেনোপহতজ্ঞাতাঃ কর্তব্যং ন প্রজজ্ঞিরে॥ 11-9-14 (65067)
ব্রীডাং জগ্মুঃ পুরা যাঃ স্ম সখীনামপি যোষিতঃ।
তা একবস্ত্রা নির্লজ্জাঃ শ্বশ্রূণাং পুরতোঽভবন্॥ 11-9-15 (65068)
পরস্পরং সুসূক্ষ্মেষু শোকেষ্বাশ্বাসয়ন্তি যাঃ।
তাঃ শোকবিহ্বলা রাজন্নবৈক্ষন্ত পরস্পরম্॥ 11-9-16 (65069)
তাভিঃ পরিবৃতো রাজা রুদতীভিঃ সহস্রশঃ।
নির্যযৌ নগরাদ্দীনস্তূর্ণমায়োধনং প্রতি॥ 11-9-17 (65070)
শিল্পিনো বণিজো বৈশ্যাঃ সর্বে কর্মোপজীবিনঃ।
তে পার্থিবং পুরস্কৃত্য নির্যযুর্নগরাদ্বহিঃ॥ 11-9-18 (65071)
তেষাং বিক্রোশমানানামার্তানাং কুরুসঙ্ক্ষয়ে।
প্রাদুরাসীন্মহাঞ্শব্দো ব্যথয়ন্ভুবনান্যুত॥ 11-9-19 (65072)
যুগান্তকালে সম্প্রাপ্তে ভূতানাং দহ্যতামিব।
অভাবস্যোদয়ঃ প্রাপ্ত ইতি ভূতানি মেনিরে॥ 11-9-20 (65073)
ভৃশমুদ্বিগ্নমনসস্তে পৌরাঃ কুরুসঙ্ক্ষয়ে।
প্রাক্রোশন্ত মহারাজ স্বনুরক্তাস্তদা ভৃশম্॥ ॥ 11-9-21 (65074)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি নবমোঽধ্যায়ঃ॥ 9 ॥
Mahabharata - Strii Parva - Chapter Text
11-9-0 (65075)
বৈশম্পায়ন উবাচ। 11-9-0x (5335)
বিদুরস্য তু তদ্বাক্যং শ্রুৎবা তু পুরুষর্ষভঃ।
যুজ্যতাং যানমিত্যুক্ৎবা পুনর্বচনমব্রবীৎ॥ 11-9-1 (65076)
ধৃতরাষ্ট্র উবাচ। 11-9-2x (5336)
11-9-2 (65077)
শীঘ্রমানয় গান্ধারীং সর্বাশ্চ ভরতস্ত্রিয়ঃ।
বধূং কুন্তীমুপাদায় যাশ্চান্যাস্তত্র যোষিতঃ॥
Mahabharata - Strii Parva - Chapter Footnotes
11-9-4 বিগতা প্রজ্ঞা ব্যাসদত্তং দিব্যজ্ঞানং যস্য স বিগতপ্রজ্ঞঃ॥ 11-9-7 সমারোপ্য বাহনেষ্বিতি শেষঃ॥ 11-9-11 শোকস্যাতিগাঢৎবাৎপুনর্বিদুরেণোক্তং অভাবদীনীত্যাদি॥ 11-9-15 সংবর্তয়তি বর্তুলয়তি কম্পয়তি বা॥ 11-9-21 আচক্ষে কথয়ামি॥ 11-9-23 কার্যং অবশ্যকর্তব্যমুদকদানাদি॥ 11-9-11 পৃষত্যশ্চিত্রহরিণ্যঃ॥ 11-9-12 অঙ্গমে নৃত্যশিক্ষাভূমৌ॥ 11-9-9 নবমোঽধ্যায়ঃ॥স্ত্রীপর্ব - অধ্যায় 010
॥ শ্রীঃ ॥
11.10. অধ্যায়ঃ 010
Mahabharata - Strii Parva - Chapter Topics
মৃতবন্ধুদিদৃক্ষয়া সমরভূমিং গচ্ছতো ধৃতরাষ্ট্রস্য মধ্যেমার্গং কৃপকৃতবর্মদ্রৌণিভিঃ সমাগমঃ॥ 1 ॥ তেষাং ত্রয়াণাং ধৃতরাষ্ট্রাশ্বাসনপূর্বকংস্বাভিমতদেশগমনম্॥ 2 ॥Mahabharata - Strii Parva - Chapter Text
11-10-0 (65078)
বৈশম্পায়ন উবাচ। 11-10-0x (5337)
ক্রোশমাত্রং ততো গৎবা দদৃশুস্তান্মহারথান্।
শারদ্বতং কৃপং দ্রৌণিং কৃতবর্মাণমেব চ॥ 11-10-1 (65079)
তে তু দৃষ্ট্বৈব রাজানং প্রজ্ঞাচক্ষুষমীশ্বরম্।
অশ্রুকণ্ঠা বিনিঃশ্বস্য রুদন্তমিদমব্রুবন্॥ 11-10-2 (65080)
পুত্রস্তব মহারাজ কৃৎবা কর্ম সুদুষ্করম্।
গতঃ সানুচরো রাজঞ্শক্রলোকং মহীপতে॥ 11-10-3 (65081)
দুর্যোধনবলান্মুক্তা বয়মেব ত্রয়ো রথাঃ।
সর্বমন্যৎপরিক্ষীণং সৈন্যং তে ভরতর্ষভ॥ 11-10-4 (65082)
ইত্যেবমুক্ৎবা রাজানং কৃপঃ শারদ্বতস্ততঃ।
গান্ধারীং পুত্রশোকার্তামিদং বচনমব্রবীৎ॥ 11-10-5 (65083)
অভীতা যুধ্যমানাস্তে ঘ্নন্তঃ শত্রুগণান্বহূন্।
বীরকর্মাণি কুর্বাণাঃ পুত্রাস্তে নিধনং গতাঃ॥ 11-10-6 (65084)
ধ্রবং সম্প্রাপ্য লোকাংস্তে নির্মলাঞ্শস্ত্রনির্জিতান্।
ভাস্বরং দেহমাস্থায় বিহরন্ত্যমরা ইব॥ 11-10-7 (65085)
সর্বে হ্যভিমুখা রাজ্ঞি যুধ্যমানা হতা যুধি।
ন হি কশ্চিদ্ধি শূরাণাং যুধ্যমানঃ পরাঙ্মুখঃ।
শস্ত্রেণ নিধনং প্রাপ্তো ন চ কশ্চিৎকৃতাঞ্জলিঃ॥ 11-10-8 (65086)
এতাং তাং ক্ষত্রিয়স্যাহুঃ পুরাণাঃ পরমাং গতিম্।
শস্ত্রেণ নিধনং সঙ্খ্যে তান্ন শোচিতুমর্হসি॥ 11-10-9 (65087)
ন চাপি শত্রবস্তেষাং মুচ্যন্তে রাজ্ঞি পাণ্ডবাঃ।
শৃণু যৎকৃতমস্মাভিরশ্বত্থামপুরোগমৈঃ॥ 11-10-10 (65088)
অধর্মেণ হতং শ্রুৎবা ভীমসেনেন তে সুতম্।
সুপ্তং শিবিরমাসাদ্য পাণ্ডূনাং কদনং কৃতম্॥ 11-10-11 (65089)
পাঞ্চালা নিহতাঃ সর্বে ধৃষ্টদ্যুম্নপুরোগমাঃ।
দ্রুপদস্যাত্মজাশ্চৈব দ্রৌপদেয়াশ্চ পাতিতাঃ॥ 11-10-12 (65090)
তথা বিশসনং কৃৎবা পুত্রশত্রুগণস্য তে।
প্রাদ্রবাম রণে স্থাতুং ন হি শক্ষ্যামহে ত্রয়ঃ॥ 11-10-13 (65091)
তে হি শূরা মহেষ্বাসাঃ ক্ষিপ্রমেষ্যন্তি পাণ্ডবাঃ।
অমর্ষবশমাপন্না বৈরং প্রতিজিহীর্ষবঃ॥ 11-10-14 (65092)
তে হতানাত্মজাঞ্শ্রুৎবা প্রমত্তাঃ পুরুষর্ষভাঃ।
অন্বিষ্যন্তঃ পদং শূরাঃ ক্ষিপ্রমেষ্যন্তি পাণ্ডবাঃ॥ 11-10-15 (65093)
তেষাং তু কিল্বিষং কৃৎবা সংস্থাতুং নোৎসহামহে।
অনুজানীহি নো রাজ্ঞি মা চ শোকে মনঃ কৃথাঃ॥ 11-10-16 (65094)
রাজংস্ৎবমনুজানীহি ধৈর্যমাতিষ্ঠ চোত্তমম্।
দিষ্টান্তং পশ্য চাপি ৎবং ক্ষাত্রং ধর্মং চ কেবলম্॥ 11-10-17 (65095)
ইত্যেবমুক্ৎবা রাজানং কৃৎবা চাভিপ্রদক্ষিণম্।
কৃপশ্চ কৃতবর্মা চ দ্রোমপুত্রশ্চ ভারত॥ 11-10-18 (65096)
অবেক্ষমাণা রাজানং ধৃতরাষ্ট্রং মনীষিণম্।
গঙ্গামনু মহারাজ তূর্ণমশ্বানচোদয়ন্॥ 11-10-19 (65097)
অপক্রম্য তু তে রাজন্সর্ব এব মহারথাঃ।
আমন্ত্র্যান্যোন্যমুদ্বিগ্নাস্ত্রিধা তে প্রয়যুস্তদা॥ 11-10-20 (65098)
জগাম হাস্তিনপুরং কৃপঃ শারদ্বতস্তদা।
স্বমেব রাষ্ট্রং হার্দিক্যো দ্রৌণির্ব্যাসাশ্রমং যয়ৌ॥ 11-10-21 (65099)
এবং তে প্রয়যুর্বীরা বীক্ষমাণাঃ পরস্পরম্।
ভয়ার্তাঃ পাণ্ডুপুত্রাণামাগস্কৃৎবা মহাত্মনাম্॥ 11-10-22 (65100)
সমেত্য বীরা রাজানং তদা ৎবনুদিতে রষৌ।
বিপ্রজগ্মুর্মহাত্মানো যথেষ্টকমরিন্দমাঃ॥ 11-10-23 (65101)
[সমাসাদ্যাথ বৈ দ্রৌণিং পাণ্ডুপুত্রা মহারথাঃ।
ব্যজয়ংস্তে রণে রাজন্বিক্রম্য তদনন্তরম্॥] ॥ 11-10-24 (65102)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি দশমোঽধ্যায়ঃ॥ 10 ॥
Mahabharata - Strii Parva - Chapter Footnotes
11-10-14 বৈরং প্রতিচিকীর্ষব ইতি ক.পাঠঃ॥ 11-10-17 দিষ্টান্তং মরণম্॥ 11-10-24 তদনন্তরং কৃপাচার্যকৃতবর্মভ্যাং বিয়োগানন্তরম্॥ 11-10-10 দশমোঽধ্যায়ঃ॥স্ত্রীপর্ব - অধ্যায় 011
॥ শ্রীঃ ॥
11.11. অধ্যায়ঃ 011
Mahabharata - Strii Parva - Chapter Topics
যুধিষ্ঠিরেণ কৃষ্ণাদিভিঃ সহ ধৃতরাষ্ট্রসমীপমেত্যাভিবাদনম্॥ 1 ॥ ধৃতরাষ্ট্রেণ যুধিষ্ঠিরং মৃদুলমালিঙ্ঘ্য পশ্চাদ্ভাবজ্ঞেন কৃষ্ণেন পুরতঃ স্থাপিতলোহভীমস্য দৃঢালিঙ্গনেন ভঞ্জনম্॥ 2 ॥Mahabharata - Strii Parva - Chapter Text
11-11-0 (65103)
বৈশম্পায়ন উবাচ। 11-11-0x (5338)
হতেষু সর্বেসৈন্যেষু ধর্মরাজো যুধিষ্ঠিরঃ।
শুশ্রুবে পিতরং বৃদ্ধং নির্যান্তং গজসাহ্বয়াৎ॥ 11-11-1 (65104)
সোঽভ্যযাৎপুত্রশোকার্তং পুত্রশোকপরিপ্লুতঃ।
শোচমানো মহারাজ ভ্রাতৃভিঃ সহিতস্তদা॥ 11-11-2 (65105)
অন্বীয়মানো বীরেণ দাশার্হেণ মহাত্মনা।
যুয়ুধানেন চ তথা তথৈব চ যুয়ুৎসুনা॥ 11-11-3 (65106)
তমন্বগাৎসুদুঃখার্তা দ্রৌপদীশোককর্শিতা।
সহ পাঞ্চালয়োষিদ্ভির্যাস্তত্রাসন্সমাগতাঃ॥ 11-11-4 (65107)
সঙ্গ্রামমনু বৃন্দানি স্ত্রীণাং ভরতসত্তম্।
কুররীণামিবার্তানাং ক্রোশন্তীনাং দদর্শ হ॥ 11-11-5 (65108)
তাভিঃ পরিবৃতো রাজা ক্রোশন্তীভিঃ সহস্রশঃ।
ঊর্ধ্ববাহুভিরার্তাভী রুদতীভিঃ প্রিয়াপ্রিয়ৈঃ॥ 11-11-6 (65109)
ক নু ধর্মজ্ঞতা রাজ্ঞঃ ক্ব নু সাদ্যানৃশংসতা।
যচ্চাবধীৎপিতৄন্ভ্রাতৄন্গুরুপুত্রান্সখীনপি॥ 11-11-7 (65110)
ঘাতয়িৎবা কথং দ্রোণং ভীষ্মং চাপি পিতামহম্।
মনস্তেঽভূন্মহাবাহো হৎবা চাপি জয়দ্রথম্॥ 11-11-8 (65111)
কিং নু রাজ্যেন তে কার্যং পিতৄন্ভ্রাতৄনপশ্যতঃ।
অভিমন্যুং চ দুর্ধর্ষং দ্রৌপদেয়াংশ্চ ভারত॥ 11-11-9 (65112)
বৈশম্পায়ন উবাচ। 11-11-10x (5339)
অতীত্য তা মহাবাহুঃ ক্রোশন্তীঃ কুররীরিব।
ববন্দে পিতরং জ্যেষ্ঠং ধর্মরাজো যুধিষ্ঠিরঃ॥ 11-11-10 (65113)
ততোঽভিবাদ্য পিতরং ক্রমেণামিত্রকর্শনাঃ।
ন্যবেদয়ন্ত নামানি পাণ্ডবাস্তেঽপি সর্বশঃ॥ 11-11-11 (65114)
তমাত্মজান্তকরণং পিতা পুত্রবধার্দিতঃ।
অপ্রীয়মাণঃ শোকার্তঃ পাণ্ডবং পরিষস্বজে॥ 11-11-12 (65115)
ধর্মরাজং পরিষ্বজ্য সান্ৎবয়িৎবা চ ভারত।
দুষ্টাত্মা ভীমমন্বৈচ্ছদ্দিধক্ষুরিব পাবকঃ॥ 11-11-13 (65116)
স কোপপাবকস্তস্য শোকবায়ুসমীরিতঃ।
ভীমসেনময়ং দাবং দিধক্ষুরিব দৃশ্যতে॥ 11-11-14 (65117)
তস্য সংকল্পমাজ্ঞায় ভীমং প্রত্যশুভং হরিঃ।
ভীমমাক্ষিপ্য পাণিভ্যাং প্রদদৌ ভীমমায়সম্॥ 11-11-15 (65118)
প্রাগেব তু মহাবুদ্ধির্বুদ্ধ্বা তস্যেঙ্গিতং হরিঃ।
সংবিধানং মহাপ্রাজ্ঞস্তত্র চক্রে জনার্দনঃ॥ 11-11-16 (65119)
উপগুহ্যৈব পাণিভ্যাং ভীমসেনময়স্ময়ম্।
বভঞ্জ বলবান্রাজা মন্যমানো বৃকোদরম্॥ 11-11-17 (65120)
নাগায়ুতসমপ্রাণঃ স রাজা ভীমমায়সম্।
ভঙ্ক্তৎবা বিমথিতোরস্কঃ সুস্রাব রুধিরং মুখাৎ॥ 11-11-18 (65121)
ততঃ পপাত মেদিন্যাং তথৈব রুধিরোক্ষিতঃ।
প্রপুষ্পিতাগ্রশিখরঃ পারিজাত ইব দ্রুমঃ॥ 11-11-19 (65122)
প্রত্যগৃহ্ণাচ্চ তং বিদ্বান্সূতো গাবল্গণিস্তদা।
মৈবমিত্যব্রবীচ্চৈনং শময়ন্সান্ৎবয়ন্নিব॥ 11-11-20 (65123)
হতো ভীম ইতি জ্ঞাৎবা গতমন্যুর্মহামনাঃ।
হাহাভীমেতি চুক্রোশ নৃপঃ শোকসমন্বিতঃ॥ 11-11-21 (65124)
তং বিদিৎবা গতক্রোধং ভীমসেনবধার্দিতম্।
বাসুদেবো বরঃ পুংসামিদং বচনমব্রবীৎ॥ 11-11-22 (65125)
মা শুচো ধৃতরাষ্ট্র ৎবং নৈব ভীমস্ৎবয়া হতঃ।
আয়সী প্রতিমা হ্যেষা ৎবয়া নিষ্পাতিতা বিভো॥ 11-11-23 (65126)
ৎবাং ক্রোধবশমাপন্নং বিদিৎবা ভরতর্ষভ।
ময়াঽপকৃষ্টঃ কৌন্তেয়ো মৃত্যোর্দংষ্ট্রান্তরং গতঃ॥ 11-11-24 (65127)
ন হি তে রাজশার্দূল বলে তুল্যোঽস্তি কশ্চন।
কঃ সহেত মহাবাহো বাহ্বোর্বিগ্রহণং নরঃ॥ 11-11-25 (65128)
যথান্তকমনুপ্রাপ্য জীবন্কশ্চিন্ন মুচ্যতে।
এবং বাহ্বন্তরং প্রাপ্য তব জীবেন্ন কশ্চন॥ 11-11-26 (65129)
তস্মাৎপুত্রেণ যা তেঽসৌ প্রতিমা কারিতাঽঽয়সী।
ভীমস্য সেয়ং কৌরব্য তবৈবোপহৃতা ময়া॥ 11-11-27 (65130)
পুত্রশোকাভিসন্তপ্তং ধর্মাদপকৃতং মনঃ।
তব রাজেন্দ্র তেন ৎবং ভীমসেনং জিঘাংসসি॥ 11-11-28 (65131)
ন ৎবেতত্তে ক্ষমং রাজন্হন্যাস্ৎবং যদ্বৃকোদরম্।
ন হি পুত্রা মহারাজ জীবেয়ুস্তে কথঞ্চন॥ 11-11-29 (65132)
তস্মাদ্যৎকৃতমস্মাভির্মন্যমানৈঃ শমং প্রতি।
অনুমন্যস্ব তৎসর্বং মা চ শোকে মনঃ কৃথাঃ॥ ॥ 11-11-30 (65133)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি একাদশোঽধ্যায়ঃ॥ 11 ॥
Mahabharata - Strii Parva - Chapter Footnotes
11-11-5 স গঙ্গামন্বিতি ঝ.পাঠঃ॥ 11-11-6 প্রিয়াপ্রিয়ৈঃ পাণ্ডবানাং প্রিয়াঃ অভিমন্যুপ্রভৃতয়ঃ অপ্রিয়াঃ দুর্যোধনাদয়ঃ তৈর্হেতুভিঃ ক্রোশন্তীভিরিতি সম্বন্ধঃ॥ 11-11-15 আক্ষিপ্য নিবার্য। আয়সং লোহময়ম্॥ 11-11-21 স তু কোপং সমুৎসৃজ্যেতি ঝ.পাঠঃ॥ 11-11-28 পুত্রেতি ধর্মাদপকৃতমালিঙ্গনচ্ছলেন ভীমবধঃ কর্তব্য ইত্যাশয়া॥ 11-11-11 একাদশোঽধ্যায়ঃ॥স্ত্রীপর্ব - অধ্যায় 012
॥ শ্রীঃ ॥
11.12. অধ্যায়ঃ 012
Mahabharata - Strii Parva - Chapter Topics
কৃষ্ণবাক্যাদ্রতমন্যুনা ধৃতরাষ্ট্রেণ ভীমাদীনামালিঙ্গনম্॥ 1 ॥Mahabharata - Strii Parva - Chapter Text
11-12-0 (65134)
বৈশম্পায়ন উবাচ। 11-12-0x (5340)
তত এনমুপাতিষ্ঠঞ্শৌচার্থং পরিচারকাঃ।
কৃতশৌচং পুনশ্চৈনং ওবাচ মধুসূদনঃ॥ 11-12-1 (65135)
রাজন্নধীতা বেদাস্তে শাস্ত্রাণি বিবিধানি চ।
শ্রুতানি চ পুরাণানি রাজধর্মাশ্চ কেবলাঃ॥ 11-12-2 (65136)
এবং বিদ্বান্মহাপ্রাজ্ঞঃ সমর্থঃ সন্বলাবলে।
আত্মাপরাধাৎকস্মাত্ৎবং কুরুষে কোপমীদৃশম্॥ 11-12-3 (65137)
উক্তবাংস্ৎবাং তদৈবাহং ভীষ্মদ্রোণৌ চ ভারত।
বিদুরঃ সঞ্জয়শ্চৈব বাক্যং রাজন্ন তৎকৃথাঃ॥ 11-12-4 (65138)
স বার্যমাণো নাস্মাকমকার্ষীর্বচনং তদা।
পাণ্ডবানধিকাঞ্চানন্বলে শৌর্যে চ কৌরব॥ 11-12-5 (65139)
রাজা হি যঃ স্থিরপ্রজ্ঞঃ স্বয়ং দোষানবেক্ষতে।
দেশকালবিভাগং চ পরং শ্রয়েঃ স বিন্দতি॥ 11-12-6 (65140)
উচ্যমানস্তু যঃ শ্রেয়ো গৃহ্ণীতে নো হিতাহিতে।
আপদঃ সমনুপ্রাপ্য সোঽভ্যেতি বিলয়ং কিল॥ 11-12-7 (65141)
ততোঽন্যবৃত্তমাত্মানং সমবেক্ষস্ব ভারত।
রাজংস্ৎবং হ্যবিধেয়াত্মা দুর্যোধনবশে স্থিতঃ॥ 11-12-8 (65142)
আত্মাপরাধাদাপন্নস্তৎকিং ভীমং জিঘাংসসি।
তস্মাৎসংয়চ্ছ কোপং ৎবং স্বমনুস্মৃত্য দুষ্কৃতম্॥ 11-12-9 (65143)
যস্তু তাং স্পর্ধয়া ক্ষুদ্রঃ পাঞ্চালীমানয়ৎসমাম্।
স হতো ভীমসেনেন বৈরং প্রতিজিহীর্ষতা॥ 11-12-10 (65144)
আত্মনোঽতিক্রমং পশ্য পুংত্রস্য চ দুরাত্মনঃ।
যদনাগসি পাণ্ডূনাং পরিত্যাগস্ৎবয়া কৃতঃ॥ 11-12-11 (65145)
বৈশম্পায়ন উবাচ। 11-12-12x (5341)
এবমুক্তঃ স কৃষ্ণেন সর্বং সত্যং জনাধিপ।
উবাচ দেবকীপুত্রং ধৃতরাষ্ট্রো মহীপতিঃ॥ 11-12-12 (65146)
এবমেতন্মহাবাহো যথা বদসি মাধব।
পুত্রস্নেহস্তু বলবান্ধর্মান্মাং সমচালয়ৎ॥ 11-12-13 (65147)
দিষ্ট্যা তু পুরুষব্যাঘ্রো বলবান্সত্যক্ত্রিমঃ।
ৎবদ্গুপ্তো নাগমৎকৃষ্ণ ভীমো বাহ্বন্তরং মম॥ 11-12-14 (65148)
ইদানীং ৎবহমব্যগ্রো গতমন্যুর্গতজ্বরঃ।
মধ্যমং পাণ্ডবং বীরং স্পষ্টুমিচ্ছামি মাধব॥ 11-12-15 (65149)
হতেষু পারথিবেন্দ্রেষু পুত্রেষু নিহতেষু চ।
পাণ্ডুপুত্রেষু মে ধর্মঃ প্রীতিশ্চাপ্যবতিষ্ঠতে॥ 11-12-16 (65150)
ততঃ স ভীমং চ ধনঞ্জয়ং চ
মাদ্যাশ্চ পুত্রৌ পুরুষপ্রবীরৌ।
পস্পর্শ গাত্রৈঃ প্ররুদন্সুগাত্রা--
নাশ্বাস্য কল্যাণমুবাচ চৈনান্॥ ॥ 11-12-17 (65151)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি দ্বাদশোঽধ্যায়ঃ॥ 12 ॥
Mahabharata - Strii Parva - Chapter Footnotes
11-12-4 ন তৎকৃথাঃ ততন্ন কৃতবানরী। অডভাব আর্ষঃ॥ 11-12-7 শ্রেয়ো হিতাহিতে উচ্যমানো ন গৃহীত ইত্যন্বয়ঃ॥ 11-12-10 বৈরং প্রতিচিকীর্ষতেতি ক.পাঠঃ॥ 11-12-11 অনাগসি অপরাধাভাবে। পরিত্যাগো রাজ্যাপ্রদানেন তিরস্কারঃ॥ 11-12-12 দ্বাদশোঽধ্যায়ঃ॥স্ত্রীপর্ব - অধ্যায় 013
॥ শ্রীঃ ॥
11.13. অধ্যায়ঃ 013
Mahabharata - Strii Parva - Chapter Topics
কৃষ্ণয়ুধিষ্ঠিরাদিভির্গান্ধারীসমীপগমনম্॥ 1 ॥ গান্ধারীং যুধিষ্ঠিরংশপ্তুকামাং বিজ্ঞায় পূর্বমেবাগতেন ব্যাসেন গান্ধার্যাঃ কোপাপনোদনম্॥ 2 ॥Mahabharata - Strii Parva - Chapter Text
11-13-0 (65152)
বৈশম্পায়ন উবাচ। 11-13-0x (5342)
ধৃতরাষ্ট্রাভ্যনুজ্ঞাতাস্ততস্তে কুরুপুঙ্গবাঃ।
অভ্যযুর্ভ্রাতরঃ সর্বে গান্ধারীং সহকেশবাঃ॥ 11-13-1 (65153)
ততো জ্ঞাৎবা হতামিত্রং ধর্মরাজং যুধিষ্ঠিরম্।
গান্ধারী পুত্রশোকার্তা শপ্তুমৈচ্ছদনিন্দিতা॥ 11-13-2 (65154)
তস্যাঃ পাপমভিপ্রায়ং বিদিৎবা পাণ্ডবান্প্রতি।
ঋষির্গন্ধবতীপুত্রঃ প্রাগেব সমবুধ্যত॥ 11-13-3 (65155)
স গঙ্গায়ামুপস্পৃশ্য ব্রহ্মর্ষিঃ প্রয়তঃ শুচিঃ।
তং দেশমুপসংপেদে পারাশর্যো মনোজবঃ॥ 11-13-4 (65156)
দিব্যেন চক্ষুষা জ্ঞাৎবা মনসাঽনুদ্ধতেন চ।
সর্বপ্রাণভৃতাং ভাবং সততং স তু বৃধ্যতি॥ 11-13-5 (65157)
স স্নুষামব্রবীৎকালে কল্যাণানি মহাতপাঃ।
শাপকালমবাক্ষিপ্য শমকালমুদীরয়ন্॥ 11-13-6 (65158)
ন কোপঃ পাণ্ডবে কার্যো গান্ধারি শমমাপ্নুহি।
রজো নিগৃহ্যতাং চৈব শৃণু চেদং বচো মম॥ 11-13-7 (65159)
পুরোক্তা যুদ্ধকালে ৎবং পুত্রেণ জয়মিচ্ছতা।
জয়মাশাস্ব মে মাতর্যুধ্যমানস্য শত্রুভিঃ॥ 11-13-8 (65160)
সা তথা যাচ্যমানা ৎবং যুদ্ধকালে জয়ৈষিণা।
উক্তবত্যসি কল্যাণি যতো ধর্মস্ততো জয়ঃ॥ 11-13-9 (65161)
বাচাঽপ্যতীতে মা ক্রোধে মনঃ কুরু যশস্বিনি।
স্মরামি ভাষমাণাং হি ৎবামহং সত্যবাদিনীম্॥ 11-13-10 (65162)
বিগ্রহে তুমুলে রাজ্ঞাং গৎবা পরমসংশয়ম্।
জিতং পাণ্ডুসুতৈর্যুদ্ধে নূনং ধর্মস্ততোঽধিকঃ॥ 11-13-11 (65163)
ক্ষমাশীলা পুরা ভূৎবা সাঽদ্য ন ক্ষমসে কথম্।
অধর্মে জহি ধর্মজ্ঞে যতো ধর্মস্ততো জয়ঃ॥ 11-13-12 (65164)
সা ৎবং ধর্মং পরিস্মৃত্য বাচং চোক্তাং মনস্বিনী।
কোপং সংয়চ্ছ গান্ধারি পাণ্ডবেষু সুতেষু তে॥ 11-13-13 (65165)
গান্ধার্যুবাচ। 11-13-14x (5343)
ভগবন্নাভ্যসূয়ামি নৈতানিচ্ছামি নশ্যতঃ।
পুত্রশোকেন তু বলান্মনো বিহ্বলতীব মে॥ 11-13-14 (65166)
যথৈব কুন্ত্যা কৌন্তেয়া রক্ষিতব্যাস্তথা ময়া।
তথৈব ধৃতরাষ্ট্রেণ রক্ষিতব্যা যথা ৎবয়া॥ 11-13-15 (65167)
দুঃশাসনাপরাধেন শকুনেঃ সৌবলস্য চ।
কর্ণদুর্যোধনাভ্যাং চ কৃতোঽয়ং কৃরুসংক্ষয়ঃ॥ 11-13-16 (65168)
নাপরাধ্যতি বীভৎসুর্ন চ পার্থো বৃকোদরঃ।
নকুলঃ সদেবশ্চ নৈব রাজা যুধিষ্ঠিরঃ॥ 11-13-17 (65169)
যুধ্যমানা হি কৌরব্যাঃ কৃতমামাঃ পরস্পরম্।
নিহতাঃ সহিতাশ্চান্যৈস্তত্র নাস্ত্যপ্রিয়ং মম॥ 11-13-18 (65170)
কিং তু কর্মাকরোদ্ভীমো বাসুদেবস্য পশ্যতঃ।
দুর্যোধনং সমাহূয় গদায়ুর্দ্ধ মহামনাঃ॥ 11-13-19 (65171)
শিক্ষয়াঽভ্যধিকং জ্ঞাৎবা চরন্তং বহুধা রণে।
অধো নাভ্যাঃ প্রহৃতবাংস্তন্মে কোপমবর্ধয়ৎ॥ 11-13-20 (65172)
কথং নু ধর্মং ধর্মজ্ঞাঃ সমুদ্দিষ্টং মহাত্মভিঃ।
ত্যজেয়ুরাহবে শূরাঃ প্রাণহেতোঃ কথঞ্চনঃ॥ ॥ 11-13-21 (65173)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি ত্রয়োদশোঽধ্যায়ঃ॥ 13 ॥
Mahabharata - Strii Parva - Chapter Footnotes
11-13-10 ন চাপ্যতীতাং গান্ধারি বাচং তে বিতথামহম্। স্মরামিতোষমাণায়াস্তথা প্রণিহিতা হ্যসি ইতি ঝ.পাঠে অস্য এনং দুর্যোধনং তোষমাণায়া আশীর্বচনেন তোষয়ন্ত্যাস্তে তব তাং তাং বাচং বিতথাং ন স্মরামীত্যন্বয়ঃ॥ 11-13-13 সা ৎবং ধর্ম পরিত্যজ্য বাচা চোক্ৎবা মনস্বিনি। ইচি ছ.ট.পাঠঃ॥ 11-13-18 কৃতমানাঃ কৃতাহকারাঃ॥ 11-13-13 ত্রয়োদশোঽধ্যায়ঃ॥স্ত্রীপর্ব - অধ্যায় 014
॥ শ্রীঃ ॥
11.14. অধ্যায়ঃ 014
Mahabharata - Strii Parva - Chapter Topics
ভীমগান্ধারীসংবাদঃ॥ 1 ॥Mahabharata - Strii Parva - Chapter Text
11-14-0 (65174)
বৈশম্পায়ন উবাচ। 11-14-0x (5344)
তচ্ছ্রুৎবা বচনং তস্যা ভীমসেনোঽথ ভীতবৎ।
গান্ধারীং প্রত্যুবাচেদং বচঃ সানুনয়ং তদা॥ 11-14-1 (65175)
অধর্মো যদি বা ধর্মস্ত্রাসাত্তত্র ময়া কৃতঃ।
আত্মানং ত্রাতুকামেন তন্মে ৎবং ক্ষন্তুমর্হসি॥ 11-14-2 (65176)
ন হি যুদ্ধেন পুত্রস্তে ধর্মেণ স মহাবলঃ।
দুঃশক্যঃ কেনচিদ্ধর্তুমতো বিষমমাচরম্॥ 11-14-3 (65177)
অধর্মেণ জিতঃ পূর্বং তেন চাপি যুধিষ্ঠিরঃ।
নিকৃতাশ্চ সদৈব স্ম তো বিষমমাচরম্॥ 11-14-4 (65178)
সৈন্যস্যৈকোঽবশিষ্টোঽয়ং গদায়ুদ্ধে চ বীর্যবান্।
ন ত্যক্ষ্যতি হৃতং রাজ্যমিতি বৈ তৎকৃতং ময়া॥ 11-14-5 (65179)
একপত্নীং চ পাশ্চালীমেকবস্ত্রাং রজস্বলাম্।
ভবত্যা বিদিতং সর্বমুক্তবান্যৎসুতস্তব॥ 11-14-6 (65180)
সুয়োধনং ৎবসংহৃত্য ন শক্যা ভূঃ সসাগরা।
কেবলা ভোক্তুমস্মাভিরতশ্চৈতৎকৃতং ময়া॥ 11-14-7 (65181)
তচ্চাপ্যপ্রিয়মস্মাকং পুত্রস্তে সমুপাচরৎ।
দ্রৌপদ্যা যৎসভামধ্যে সব্যমূরুমদর্শয়ৎ॥ 11-14-8 (65182)
তত্রৈব বধ্যঃ সোঽস্মাকং দুরাচারোঽপ্ব তে সুতঃ।
ধর্মরাজাজ্ঞয়া চৈব স্থিতাঃ স্ম সময়ে পুরা॥ 11-14-9 (65183)
বৈরমুদ্দীপিতং রাজ্ঞি পুত্রেণ তব যন্মহৎ।
ক্লেশিতাশ্চ বনে নিত্যং তত এতৎকৃতং ময়া॥ 11-14-10 (65184)
বৈরস্যাস্য গতাঃ পারং হৎবা দুর্যোধনং রণে।
রাজ্যং যুধিষ্ঠিরে প্রাপ্তে বয়ং চ গতমন্যবঃ॥ 11-14-11 (65185)
গান্ধার্যুবাচ। 11-14-12x (5345)
ন তস্যৈবং বধস্তাত যং প্রশংসসি মে সুতম্।
কৃতবাংশ্চাপি তৎসর্বং যদিদং ভাষসে ময়ি॥ 11-14-12 (65186)
হতাশ্বে নকুলে যত্তু বৃষসেনেন ভারত।
অপিবঃ শোণিতং সঙ্খ্যে দুঃশাসনশরীরজম্॥ 11-14-13 (65187)
সদ্ভির্বিগর্হিতং ঘোরমনার্যজনসেবিতম্।
ক্রূরং কর্মাকৃথাস্তস্মাত্তদয়ুক্তং বৃকোদর॥ 11-14-14 (65188)
ভীম উবাচ। 11-14-15x (5346)
হতাশ্বং নকুলং দৃষ্ট্বা বৃষসেনেন সংয়ুগে।
শত্রূণাং তু প্রহৃষ্টানাং ত্রাসঃ সঞ্জনিতো ময়া॥ 11-14-15 (65189)
`স প্রতিজ্ঞামকরবং পিবাম্যসৃগরেরিতি'।
রুধিরং নাতিচক্রাম দন্তোষ্ঠাদম্ব মা শুচঃ॥ 11-14-16 (65190)
[অন্যস্যাপি ন পাতব্যং রুধিরং কিংপুনঃ স্বকম্।
যথৈবাত্মা তথা ভ্রাতা বিশেষো নাস্তি কশ্চন॥ 11-14-17 (65191)
বৈবস্তিতো হি তদ্বেদ যথাবৎকুলনন্দিনি।
মা কৃথা হৃদি তন্মাতর্ন তৎপীতং ময়াঽনধে॥ 11-14-18 (65192)
কেশপক্ষপরামর্শে দ্রৌপদ্যা দ্যূতকারিতে।
ক্রোধাদ্যদব্রবং চাহং তচ্চ মে হৃদি বর্ততে॥ 11-14-19 (65193)
ক্ষত্রধর্মাচ্চ্যুতো রাজ্ঞি ভবেয়ং শাশ্বতীঃ সমাঃ।
প্রতিজ্ঞাং তামনিস্তীর্য ততস্তৎকৃতবানহম্॥ 11-14-20 (65194)
অনিগৃহ্য পুরা পুত্রানস্মস্বনপকারিষু।
ন মমার্হসি কল্যাণি দোষেণ পরিশঙ্কিতুম্॥ 11-14-21 (65195)
গান্ধার্যুবাচ। 11-14-22x (5347)
বৃদ্ধস্যাস্য শতং পুত্রান্নিঘ্নংস্ৎবমপরাজিতঃ।
কস্মানাশেষয়ঃ কঞ্চিদ্যেনাল্পমপরাধিতম্॥ 11-14-22 (65196)
সন্তানমাবয়োস্তাত বৃদ্ধয়োর্হৃতরাজ্যযোঃ।
নাশেষয়ঃ কথং যষ্টিমেকাং বৃদ্ধয়ুগস্য বৈ॥ 11-14-23 (65197)
শেষে হ্যবস্থিতে তাত পুত্রাণামল্পকেঽপি চ।
মন্দদুঃখং ভবেদদ্য যদি ৎবং ধর্মমাচরেঃ॥ ॥ 11-14-24 (65198)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি চতুর্দশোঽধ্যায়ঃ॥ 14 ॥
Mahabharata - Strii Parva - Chapter Footnotes
11-14-6 উক্তবান্ নহি তে পতয়ঃ সন্তীত্যাদি। রাজপুত্রীং চ পাঞ্চলীমিতি ঝ.পাঠঃ॥ 11-14-14 চতুর্দশোঽধ্যায়ঃ॥স্ত্রীপর্ব - অধ্যায় 015
॥ শ্রীঃ ॥
11.15. অধ্যায়ঃ 015
Mahabharata - Strii Parva - Chapter Topics
যুধিষ্ঠিরাদিভির্গান্ধারীকুন্ত্যোরভিবাদনম্॥ 1 ॥ সকুন্ত্যা গান্ধার্যা দ্রৌপদীসমাশ্বাসনম্॥ 2 ॥Mahabharata - Strii Parva - Chapter Text
11-15-0 (65199)
বৈশম্পায়ন উবাচ। 11-15-0x (5348)
তমেবমুক্ৎবা গান্ধারী যুধিষ্ঠিরমপৃচ্ছত।
ক্ব স রাজেতি সক্রোধা পুত্রপৌত্রবধার্দিতা॥ 11-15-1 (65200)
তামভ্যগচ্ছৎকৌন্তেয়ো বেপমানঃ কৃতাঞ্জলিঃ।
যুধিষ্ঠিরস্তু গান্ধারীং মধুরং বাক্যমব্রবীৎ॥ 11-15-2 (65201)
পুত্রহন্তা নৃশংসোঽহং তব দেবি যুধিষ্ঠিরঃ।
শাপার্হঃ পৃথিবীনাশে হেতুভূতঃ শপস্ব মাম্॥ 11-15-3 (65202)
নহি মে জীবিতেনার্থো ন রাজ্যেন সুখেন বা।
তাদৃশান্সুহৃদো হৎবা প্রমূঢস্য সুহৃদ্দ্রুহঃ॥ 11-15-4 (65203)
তমেবংবাদিনং ভীতং সন্নিকর্ষাগতং তদা।
নোবাচ কিঞ্চিদ্গান্ধারী নিঃশ্বাসপরমা নৃপ॥ 11-15-5 (65204)
তস্মাবনতদেহস্য পাদয়োর্নিপতিষ্যতঃ।
যুধিষ্ঠিরস্য নৃপতের্ধর্মজ্ঞা দীর্ঘদর্শিনী॥ 11-15-6 (65205)
অঙ্গুল্যগ্রাণি দদৃশে দেবী পট্টান্তরেণ সা।
ততঃ স কুনখীভূতো দর্শনীয়নখো নৃপঃ॥ 11-15-7 (65206)
তং দৃষ্ট্বা চার্জুনোঽগচ্ছদ্বাসুদেবস্য পৃষ্ঠতঃ॥ 11-15-8 (65207)
এবং সঞ্চেষ্টমানাংস্তানিতশ্চেতশ্চ ভারত।
গান্ধারী বিগতক্রোধা সাংৎবয়ামাস মাতৃবৎ॥ 11-15-9 (65208)
তে পাণ্ডবা অনুজ্ঞাতা মাতরং বীতমৎসরাঃ।
অভ্যগচ্ছন্ত সহিতাঃ পৃথাং পৃথুবলক্ষসঃ॥ 11-15-10 (65209)
চিরস্য দৃষ্ট্বা পুত্রান্সা পুত্রাধিভিরভিপ্লুতা।
বাষ্পমাহারয়দ্দেবী বস্ত্রেণাবৃত্য বৈ মুখম্॥ 11-15-11 (65210)
ততো বাষ্পং সমুৎসৃজ্য সহ পুত্রৈস্তদা পৃথা।
অপশ্যদেনাঞ্শস্ত্রৌঘৈর্বহুধা পরিবিক্ষতান্॥ 11-15-12 (65211)
সা তানেকৈকশঃ পুত্রান্সংস্পৃশন্তী পুনঃপুনঃ।
অন্বশোচত দুঃখার্তা দ্রৌপদীং নিহতাত্মজাম্।
রুদন্তীমথ পাঞ্চালীং দদর্শ পতিতাং ভুবি॥ 11-15-13 (65212)
দ্রৌপদ্যুবাচ। 11-15-14x (5349)
আর্যে পৌত্রাস্তু তে সর্বে সৌভদ্রসহিতা গতাঃ।
ন ৎবাং তেঽদ্যাভিগচ্ছন্তি চিরং দৃষ্ট্বা অনিন্দিতে।
কিন্নু রাজ্যেন মে কার্যং বিহীনায়াঃ সুতৈর্বরৈঃ॥ 11-15-14 (65213)
তাং সমাশ্বাসয়ামাস পৃথা পৃথললোচনা।
উত্থাপ্যাঙ্কেন সুদতীং রুদতীং শোককর্শিতাম্॥ 11-15-15 (65214)
তয়ৈব সহিতা চাপি পুত্রৈরনুগতা পৃথা।
অভ্যগচ্ছত গান্ধারীমার্তামার্ততরা স্বয়ম্॥ 11-15-16 (65215)
বৈশম্পায়ন উবাচ। 11-15-17x (5350)
তামুবাচাথ গান্ধারী সহ কুন্ত্যা যশস্বিনীম্।
মৈবং পুত্রীতি শোকার্তা পশ্য মামপি দুঃখিতাং॥ 11-15-17 (65216)
মন্যে লোকবিনাশোঽয়ং কালপর্যায়নোদিতঃ।
অবশ্যভাবী সম্প্রাপ্তঃ স্বভাবাদ্রোমহর্ষণঃ॥ 11-15-18 (65217)
ইদং তৎসমনুপ্রাপ্তং বিদুরস্য বচো মহৎ।
অসিদ্ধানুনয়ে কৃষ্ণে যদুবাচ মহামতিঃ॥ 11-15-19 (65218)
তস্মিন্নপরিহার্যেঽর্থে ব্যতীতে চ বিশেষতঃ।
মা শুচো ন হি শোচ্যাস্তে সঙ্গ্রামে নিধনং গতাঃ॥ 11-15-20 (65219)
যথৈবাহং তথৈব ৎবং কো বামাশ্বাসয়িষ্যতি।
মমৈব হ্যপরাধেন কুলমগ্র্যং বিনাশিতম্॥ ॥ 11-15-21 (65220)
ইতি শ্রীমন্মহাভারতে স্ত্রীপর্বণি জলপ্রদানিকপর্বণি পঞ্চদশোঽধ্যায়ঃ॥ 15 ॥
Mahabharata - Strii Parva - Chapter Footnotes
11-15-7 কুনখীভূতো হস্তদেশ ইতি শেষঃ॥ 11-15-14 আর্যে পৌত্রা হতাঃ সর্বে ইতি ক.ছ.পাঠঃ॥ 11-15-21 বাং আবাম্॥ 11-15-15 পঞ্চদশোঽধ্যায়ঃ॥স্ত্রীপর্ব - অধ্যায় 016
॥ শ্রীঃ ॥
11.16. অধ্যায়ঃ 016
Mahabharata - Strii Parva - Chapter Topics
গান্ধার্যা ব্যাসপ্রসাদলব্ধদিব্যচক্ষুষা রণাঙ্কণদর্শংনম্॥ 1 ॥ ধৃতরাষ্ট্রয়ুধিষ্ঠিরাদীনাং স্ত্রীভিঃ সহ রণভূমিপ্রবেশঃ॥ 2 ॥ স্ত্রীণাং বিলাপঃ॥ 3 ॥ গান্ধার্যা কৃষ্ণায় বিলপৎস্নুষাদিপ্রদর্শনম্॥ 4 ॥Mahabharata - Strii Parva - Chapter Text
11-16-0 (65221)
বৈশম্পায়ন উবাচ। 11-16-0x (5351)
এবমুক্ৎবা তু গান্ধারী কুরূণামবকর্তনম্।
অপশ্যত্তত্র তিষ্ঠন্তী সর্বং তত্র যথাস্থিতম্॥ 11-16-1 (65222)
পতিব্রতা মহাভাগা সমানব্রতচারিণী।
উগ্রেণ তপসা যুক্তা সততং সত্যবাদিনী॥ 11-16-2 (65223)
বরদানেন কৃষ্ণস্য মহর্ষেঃ পুণ্যকর্মণঃ।
দিব্যজ্ঞানবলোপেতা বিবিধং পর্যদেবয়ৎ॥ 11-16-3 (65224)
দদর্শ সা বুদ্ধিমতী দূরাদপি যথাঽন্তিকে।
রণাজিরং তদ্বীরাণামদ্ভুতং রোমহর্ষণম্॥ 11-16-4 (65225)
অস্থিকেশবসাকীর্ণং শোণিতৌঘপরিপ্লুতম্।
শরীরৈর্বহুসাহস্রৈর্বিনিকীর্ণং সমন্ততঃ॥ 11-16-5 (65226)
গজাশ্বরথয়োধানামাবৃতং রুধিরাবিলৈঃ।
শরীরৈরশিরস্কৈশ্চ বিদেহৈশ্চ শিরোগণৈঃ॥ 11-16-6 (65227)
গজাশ্বনরবীরাণাং নিঃসৎবৈরভিসংবৃতম্।
সৃগালবলগোমায়ুকঙ্ককাকনিষেবিতম্॥ 11-16-7 (65228)
রক্ষসাং পুরুষাদানা মোদনং কুররাকুলম্।
অশিবাভিঃ শিবাভিশ্চ নাদিতং গৃধ্রসেবিতম্॥ 11-16-8 (65229)
ততো ব্যাসাভ্যনুজ্ঞাতো ধৃতরাষ্ট্রো মহীপতিঃ।
পাণ্ডুপুত্রাশ্চ তে সর্বে যুধিষ্ঠিরপুরোগমাঃ॥ 11-16-9 (65230)
বাসুদেবং পুরস্কৃত্য হতবন্ধুং চ পার্থিবম্।
কুরুস্ত্রিয়ঃ সমাদায় জগ্মুরায়োধনং প্রতি॥ 11-16-10 (65231)
সমাসাদ্য কুরুক্ষেত্রং তাঃ স্ত্রিয়ো নিহতেশ্বরাঃ।
অপশ্যন্ত হতাংস্তত্র পুত্রান্ভ্রাতৄন্পিতৄন্পতীন্॥ 11-16-11 (65232)
ক্রব্যাদৈর্ভক্ষ্যমাণাংশ্চ গোমায়ুবলবায়সৈঃ।
ভূতৈঃ পিশাচৈ রক্ষোভির্বিবিধৈশ্চ নিশাচরৈঃ॥ 11-16-12 (65233)
রুদ্রাক্রীডনিভং দৃষ্ট্বা তদা বিশসনং স্ত্রিয়ঃ।
কুরর্য ইব শোকার্তা বিক্রোশন্ত্যো নিপেতিরে॥ 11-16-13 (65234)
অদৃষ্টপূর্বং পশন্ত্যো দুঃখার্তা ভরতস্ত্রিয়ঃ।
শরীরেষু স্খলন্ত্যশ্চ ন্যপতংশ্চ পরাসুবৎ॥ 11-16-14 (65235)
শ্রান্তানাং চাপ্যনাথানাং ক্রন্দন্তীনাং ভৃশং তদা।
পাঞ্চালকুরুয়োষাণাং কৃপণং তদভূন্মহৎ॥ 11-16-15 (65236)
দুঃখোপহতচিত্তাভিঃ সমন্তাদনুনাদিতম্।
দৃষ্ট্বাঽঽয়োধনমত্যুগ্রং ধর্মজ্ঞা সুবলাত্মজা॥ 11-16-16 (65237)
ততঃ সা পুণ্ডরীকাক্ষমামন্ত্র্য পুরুষোত্তমম্।
কুরূণাং বৈশমং দৃষ্ট্বা ইদং বচনমব্রবীৎ॥ 11-16-17 (65238)
পশ্যৈতাঃ পুণ্ডরীকাক্ষ স্নুষা মে নিহতেশ্বরাঃ।
প্রকীর্ণকেশাঃ ক্রোশন্তীঃ কুররীরিব মাধব॥ 11-16-18 (65239)
অমূস্ৎবভিসমাগম্য স্মরন্ত্যো ভরতর্ষভান্।
পৃথগেবানুপদ্যন্তে পুত্রান্ভ্রাতৄন্পিতৄন্পতীন্॥ 11-16-19 (65240)
বীরসূভির্মহাবাহো হতপুত্রাভিরাবৃতম্।
ক্বচিচ্চ বীরপত্নীভির্হতবীরাভিরাবৃতম্॥ 11-16-20 (65241)
শোভিতং পুরুষব্যাঘ্রৈঃ কর্ণভীষ্মাভিমন্যুভিঃ।
দ্রোণদ্রুপদশল্যৈশ্চ জ্বলদ্ভিরিব পাবকৈঃ॥ 11-16-21 (65242)
কাঞ্চনৈঃ কবচৈর্নিষ্কৈর্মণিভিশ্চ মহাধনৈঃ।
অদ্ভুতৈর্হস্তকেয়ূরৈঃ স্রগ্ভিশ্চ সমলংকৃতম্॥ 11-16-22 (65243)
বীরবাহুবিসৃষ্টাভিঃ শক্তিভিঃ পরিঘৈরপি।
খঙ্গৈশ্চ বিবিধৈস্তীক্ষ্ণৈঃ সশরৈশ্চ শরাসনৈঃ॥ 11-16-23 (65244)
ক্রব্যাদসঙ্ঘৈর্মুদিতৈস্তিষ্ঠদ্ভিঃ সহিতৈঃ ক্বচিৎ।
ক্বচিদাক্রীডমানৈশ্চ শয়ানৈশ্চাপরৈঃ ক্বচিৎ॥ 11-16-24 (65245)
এতদেবংবিধং বীর সম্পশ্যায়োধনং বিভো।
`ৎবয়া তু শ্রাবিতং কর্ম পুষ্করাক্ষ মহাদ্যুতে'।
পশ্যমানা হি দহ্যামি শোকেনাহং জনার্দন॥ 11-16-25 (65246)
পাঞ্চালানাং কুরূণাং চ বিনাশং মধুসূদন।
পঞ্চানামপি ভূতানামহং বধমচিন্তয়ম্॥ 11-16-26 (65247)
তান্সুপর্ণাশ্চ গৃধ্রাশ্চ কর্ষয়ন্ত্যসৃগুক্ষিতান্।
বিগৃহ্য চরণৈর্গৃধ্রা ভক্ষয়ন্তি সহস্রশঃ॥ 11-16-27 (65248)
জয়দ্রথস্য কর্ণস্য তথৈব দ্রোমভীষ্ময়োঃ।
অভিমন্যোর্বিনাশং চ কশ্চিন্তয়িতুমর্হতি॥ 11-16-28 (65249)
অবধ্যকল্পান্নিহতান্গতসৎবানচেতসঃ।
গৃধ্রকঙ্কবলশ্যেনশ্বসৃগালসমাবৃতান্॥ 11-16-29 (65250)
অমর্ষবশমাপন্নান্দুর্যোধনবশে স্থিতান্।
পশ্যেমান্পুরুষব্যাঘ্রান্সংশান্তান্পাবকানিব ॥ 11-16-30 (65251)
শয়নান্যুচিতাঃ সর্বে মৃদূনি বিমলানি চ।
বিপন্নাস্তেঽদ্য বসুধাং বিবৃতামধিশেরতে॥ 11-16-31 (65252)
বন্দিভিঃ সততং কালে স্তুবদ্ভিরভিনন্দিতাঃ।
শিবানামশিবা ঘোরাঃ শৃণ্বন্তি বিবিধা গিরঃ॥ 11-16-32 (65253)
যে পুরা শেরতে বীরাঃ শয়নেষু যশস্বিনঃ।
চন্দনাগুরুদিগ্ধাঙ্গাস্তেঽদ্য পাংসুষু শেরতে॥ 11-16-33 (65254)
তেষামাভরণান্যেতে গৃঘ্রগোমায়ুবায়সাঃ।
আক্ষিপন্তি শিবা ঘোরা বিনদন্ত্যঃ পুনঃ পুনঃ॥ 11-16-34 (65255)
বাণান্বনিনিশিতান্পীতান্নিস্ত্রিংশান্বিমলা গদাঃ।
যুদ্ধাভিমানিনঃ সর্বে জীবন্ত ইব বিভ্রতি॥ 11-16-35 (65256)
সুরূপবর্ণা বহবঃ ক্রব্যাদৈরবঘট্টিতাঃ।
ঋষভপ্রতিরূপাক্ষাঃ শেরতে চ সহস্রশঃ॥ 11-16-36 (65257)
অপরে পুনরালিঙ্গ্য গদাঃ পরিঘবাহবঃ।
শেরতেঽভিমুখাঃ শূরা দয়িতা ইব যোষিতঃ॥ 11-16-37 (65258)
বিভ্রতঃ কবচান্যন্যে বিমলান্যায়ুধানি চ।
ন ধর্ষয়ন্তি ক্রব্যাদা জীবন্তীতি জনার্দন॥ 11-16-38 (65259)
ক্রব্যাদৈঃ কৃষ্যমাণানামপরেষাং মহাত্মনাম্।
শাতকৌম্ভ্যঃ স্রজশ্চিত্রা বিপ্রকীর্ণাঃ সমন্ততঃ॥ 11-16-39 (65260)
এতে গোমায়বো ভীমা নিহতানাং যশস্বিনাম্।
কণ্ঠান্তরগতান্হারানাক্ষিপন্তি সহস্রশঃ॥ 11-16-40 (65261)
সর্বেষ্বপররাত্রেষু যানবন্দন্ত বন্দিনঃ।
স্তুতিভিশ্চ পরার্ধ্যাভিরুপচারৈশ্চ শিক্ষিতাঃ॥ 11-16-41 (65262)
তানদ্য পরিদেবন্তি দুঃখার্তা পরমাঙ্গনাঃ।
কৃপণা বৃষ্ণিশার্দূল দুঃখশোকার্দিতা ভৃশম্॥ 11-16-42 (65263)
রক্তোৎপলবনানীব বিভান্তি রুচিরাণি চ।
মুখানি পরমস্ত্রীণাং পরিশুষ্কাণি কেশব॥ 11-16-43 (65264)
রুদিৎবা বিরতা হ্যেতা ধ্যায়ন্ত্যঃ সপরিক্লমাঃ।
কুরুস্ত্রিয়োঽভিগচ্ছন্তি তেন তেনৈব দুঃখিতাঃ॥ 11-16-44 (65265)
এতান্যাদিত্যবর্ণানি তপমীয়নিভানি চ।
পশ্য রোদনতাম্রাণি বক্ত্রাণি কুরুয়োষিতাম্॥ 11-16-45 (65266)
শ্যামানাং বরবর্ণানাং গৌরীণামেকবাসসাম্।
দুর্যোধনবরস্ত্রীণাং পশ্য বৃন্দানি কেশব॥ 11-16-46 (65267)
আসামপরিপূর্ণার্থং নিশম্য পরিদেবিতম্।
ইতরেরসঙ্ক্রন্দান্ন বিজানন্তি যোষিতঃ॥ 11-16-47 (65268)
এতা দীর্ঘমিবোচ্ছ্বস্য বিক্রুশ্য চ বিলপ্য চ।
বিস্পন্দমানা দুঃখেন বীরা জহতি জীবিতম্॥ 11-16-48 (65269)
বহ্ব্যো দৃষ্ট্ব শরীরাণি ক্রোশন্তি বিলপন্তি চ।
পাণিভিশ্চাপরা ঘ্নন্তি শিরাংসি মৃদুপাণয়ঃ॥ 11-16-49 (65270)
শিরোভিঃ পতিতৈর্হস্তৈঃ সর্বাঙ্গৈঃ খণ্ডশঃ কৃতৈঃ।
ইতরেতসম্পৃক্তৈরাকীর্ণা ভাতি মেদিনী॥ 11-16-50 (65271)
বিশিরস্কানথো কায়ান্দৃষ্ট্বা হ্যেতাননিন্দিতান্।
মুহ্যন্ত্যনুচিতা নার্যো বিদেহানি শিরাংসি চ॥ 11-16-51 (65272)
শিরঃ কায়েন সন্ধায় প্রেক্ষমাণা বিচেতসঃ।
অপশ্যন্ত্যোঽপরং তত্র নেদমস্যেঽতি দুঃখিতাঃ॥ 11-16-52 (65273)
বাহূরুচরণানন্যান্বিশিখোন্মথিতান্পৃথক্।
সন্দধত্যোঽসুখাবিষ্টা মূর্ছন্ত্যেতাঃ পুনঃপুনঃ॥ 11-16-53 (65274)
উৎকৃত্তশিরসশ্চান্যান্বিজগ্ধান্মৃগপক্ষিভিঃ।
দৃষ্ট্বা কাশ্চিন্ন জানন্তি ভর্তৄন্ভরতয়োষিতঃ॥ 11-16-54 (65275)
পাণিভিশ্চাপরা ঘ্নন্তি শিরাংসি মধুসূদন।
প্রেক্ষ্য ভ্রাতৄন্পিতৄন্পুত্রান্পতীংশ্চ নিহতান্পরৈঃ॥ 11-16-55 (65276)
বাহুভিশ্চ সখঙ্গৈশ্চ শিরোভিশ্চ সকুণ্ডলৈঃ।
অগম্যকল্পা পৃথিবী মাংসশোণিতকর্দমা।
বভূব ভরতশ্রেষ্ঠ প্রাণিভির্গতজীবিতৈঃ॥ 11-16-56 (65277)
ন দুঃখেষূচিতাঃ পূর্বং দুঃখং গাহন্ত্যনিন্দিতাঃ।
ভ্রাতৃভিঃ পতিভিঃ পুত্রৈরুপাকীর্ণাং বসুন্ধরাম্॥ 11-16-57 (65278)
যূথানীব কিশোরীণাং সুকেশীনাং জনার্দন।
স্নুষাণাং ধৃতরাষ্ট্রস্য পশ্য বৃন্দান্যনেকশঃ॥ 11-16-58 (65279)
ইতো দুঃখতরং কিন্নু কেশব প্রতিভাতি মে।
যদিমাঃ কুর্বতে সর্বা রবমুচ্চাবচং স্ত্রিয়ঃ॥ 11-16-59 (65280)
নূনমাচরিতং পাপং ময়া পূর্বেষু জন্মসু।
যা পশ্যামি হতান্পুত্রান্পৌত্রান্ভ্রাতৃংশ্চ মাধব॥ 11-16-60 (65281)
এবমার্তা বিলপতী সমাভাষ্য জনার্দনম্।
গান্ধারী পুত্রশোকার্তা দ্বদর্শ নিহতং সুতম্॥ ॥ 11-16-61 (65282)
ইতি শ্রীমন্মহাভারতে স্ত্রীপর্বণি স্ত্রীবিলাপপর্বণি ষোডশোঽধ্যায়ঃ॥ 16 ॥
Mahabharata - Strii Parva - Chapter Footnotes
11-16-1 অবকর্তনং যুদ্ধস্থানম্। সর্বং দিব্যেন চক্ষুষেতি ঝ.পাঠঃ॥ 11-16-26 পঞ্চানাং ভূতানাং পৃথিব্যাদীনাম্। কুরুপাঞ্চালবধাৎকৃৎস্নং পাঞ্চভৌতিকং জগন্নষ্টমিতি ভাবঃ॥ 11-16-31 xxxxxxর্যেতি শেষঃ॥ 11-16-48 এতাঃ শোচন্তীরভিলক্ষ্যেতি শেষঃ॥ 11-16-54 বিজগ্ধান্ভক্ষিতান্॥ 11-16-16 ষোডশোঽধ্যায়ঃ॥স্ত্রীপর্ব - অধ্যায় 017
॥ শ্রীঃ ॥
11.17. অধ্যায়ঃ 017
Mahabharata - Strii Parva - Chapter Topics
গান্ধার্যা দুর্যোধনমালিঙ্গ্য পরিদেবনম্॥ 1 ॥Mahabharata - Strii Parva - Chapter Text
11-17-0 (65283)
বৈশম্পায়ন উবাচ। 11-17-0x (5352)
দুর্যোধনং হতং দৃষ্ট্বা গান্ধারী শোককর্শিতা।
সহসা ন্যপতদ্ভূমৌ ছিন্নেব কদলী বনে॥ 11-17-1 (65284)
সা তু লব্ধ্বা পুনঃ সংজ্ঞাং বিক্রুশ্য চ বিলপ্য চ।
দুর্যোধনমভিপ্রেক্ষ্য শয়ানং রুধিরোক্ষিতম্॥ 11-17-2 (65285)
পরিষ্বজ্যাথ গান্ধারী কৃপণং পর্যদেবয়ৎ।
হাহাপুত্রেতি শোকার্তা বিললাপাকুলেন্দ্রিয়া॥ 11-17-3 (65286)
সুগূঢজত্রু বিপুলং হারনিষ্কবিভূষিতম্।
বারিণা নেত্রজেনোরঃ সিঞ্চন্তী শোকতাপিতা॥ 11-17-4 (65287)
সমীপস্থং হৃষীকেশমিদ বচনমব্রবীৎ।
উপস্থিতেঽস্মিন্সঙ্গ্রামে জ্ঞাতীনাং সংক্ষয়ে বিভো॥ 11-17-5 (65288)
মাময়ং প্রাহ বার্ষ্ণেয় প্রাঞ্চলির্নৃপসত্তমঃ।
অস্মিঞ্জ্ঞাতিসমুদ্ধর্ষে জয়মম্বা ব্রবীতু মে॥ 11-17-6 (65289)
ইত্যুক্তে জানতী সর্বমহং স্বব্যসনাগমম্।
অব্রুবং পুরুষব্যাঘ্র যতো ধর্মস্ততো জয়ঃ॥ 11-17-7 (65290)
তথা তু যুব্যমানস্ৎবং সম্প্রগৃহ্য সুপুত্রক।
ধ্রুবং শখজিতাঁল্লোকান্প্রাপ্স্যস্যমরবৎপ্রভো॥ 11-17-8 (65291)
ইত্যেবxxx পূর্বং নৈবং শোচামি বৈ প্রভো।
ধৃতরাষ্ট্রং তু শোচামি কৃপণং হতবান্ধবম্॥ 11-17-9 (65292)
অমর্বণং যুধাং শ্রেষ্ঠং কৃতাস্ত্রং যুদ্ধদুর্মদম্।
শয়ানং বীরশয়নে পশ্য মাধব মে সুতম্॥ 11-17-10 (65293)
বোঽয়ং মূর্ধাবসিক্তানায়ে যাতি পরন্তপঃ।
সোঽবং পাংসুষু শেতেঽদ্য পঞ্চ কালস্য পর্যযম্॥ 11-17-11 (65294)
দুবং দুর্যোধনো বীরো গতিং ন সুলভাং গতঃ।
তথা হ্যভিxxxx শেতে শয়নে বীরসেবিতে॥ 11-17-12 (65295)
যং পুরা পর্যুপাসীনা সময়ন্তি বরস্ত্রিয়ঃ।
সং বীরশয়নে সুপ্তং রময়ন্ত্যশিবাঃ শিবাঃ॥ 11-17-13 (65296)
যং পুরা পর্যুপাসীনা রময়ন্তি মহীক্ষিতঃ।
মহীতলস্যং নিহতং গৃধ্রাস্তং পর্যুপাসতে॥ 11-17-14 (65297)
যং পুরা ব্যজনৈরম্যৈরুপবীজন্তি যোষিতঃ।
তমদ্য পক্ষব্যজনৈ রুপবীজন্তি পক্ষিণঃ॥ 11-17-15 (65298)
এষ শেতে মহাবাহুর্বলবান্সত্যবিক্রমঃ।
সিংহেনেব দ্বিপঃ সঙ্খ্যে ভীমসেনেন পাতিতঃ॥ 11-17-16 (65299)
পশ্য দুর্যোধনং কৃষ্ণ শয়ানং রুধিরোক্ষিতম্।
নিহতং ভীমসেনেন গদাং সম্মৃজ্য ভারত॥ 11-17-17 (65300)
অক্ষৌহিণীর্মহাবাহুর্দশ চৈকাং চ কেশব।
আনয়দ্যঃ পুরা সঙ্খ্যে সোঽনয়ান্নিধনং গতঃ॥ 11-17-18 (65301)
এষ দুর্যোধনঃ শেতে মহেষ্বাসো মহাবলঃ।
শার্দূল ইব সিংহেন ভীমসেনেন পাতিতঃ॥ 11-17-19 (65302)
বিদুরং হ্যবমত্যৈষ পিতরং চৈব মন্দভাক্।
বালো বৃদ্ধাবমানেন মন্দো মৃত্যুবশং গতঃ॥ 11-17-20 (65303)
নিঃসপত্না মহী যস্য ত্রয়োদশসমাঃ স্থিতা।
স শেতে নিহতো ভূমৌ পুত্রো মে পৃথিবীপতিঃ॥ 11-17-21 (65304)
অপশ্যং কৃষ্ণ পৃথিবীং ধার্তরাষ্ট্রানুশাসিতাম্।
পূর্ণাং হস্তিগবাশ্বৈশ্চ বার্ষ্ণেয় ন তু তচ্চিরম্॥ 11-17-22 (65305)
তামেবাদ্য মহাবাহো পশ্যাম্যন্যানুশাসিতাম্।
হীনাং হস্তিগবাশ্বেন কিন্নু জীবামি মাধব॥ 11-17-23 (65306)
ইদং কষ্টতরং পশ্য পুত্রস্যাপি বধান্মম।
যা ইমাঃ পর্যুপাসন্তে হতাঞ্শূরান্রণে স্ত্রিয়ঃ॥ 11-17-24 (65307)
প্রকীর্ণকেশাং সুশ্রোণীং দুর্যোধনভূজাঙ্কগাম্।
রুক্মবেদিনিভাং পশ্য কৃষ্ণ লক্ষ্মণমাতরম্॥ 11-17-25 (65308)
নূনমেষা পুরা বালা জীবমানে মহাভুজে।
ভুজাবাশ্রিত্য রমতে সুভুজস্য মনস্বিনী॥ 11-17-26 (65309)
কথং তু শতধা নেদং হৃদয়ং মম দীর্যতে।
পশ্যন্ত্যা নিহতং পুত্রং পৌত্রেণ সহিতং রণে॥ 11-17-27 (65310)
পুত্রং রুধিরসংসিক্তমুপজিঘ্রত্যনিন্দিতা।
দুর্যোধনং তু বামোরূঃ পাণিনা পরিমার্জতী॥ 11-17-28 (65311)
কিন্নু শোচতি ভর্তারং হতপুত্রং মনস্বিনী।
তথা হ্যবস্থিতা ভাতি পুত্রং চাপ্যভিবীক্ষ্য সা॥ 11-17-29 (65312)
স্বশিরঃ পঞ্চশাখাভ্যামভিহত্যায়তেক্ষণা।
পতত্যুরসি বীরস্য কুরুরাজস্য মাধব॥ 11-17-30 (65313)
পুণ্ডরীকনিভা ভাতি পুণ্ডরীকান্তরপ্রভা।
মুখং প্রমৃজ্য পুত্রস্য ভর্তুশ্চৈব তপস্বিনী॥ 11-17-31 (65314)
যদি সত্যাগমাঃ সন্তি যদি বৈ শ্রুতয়স্তথা।
ধ্রুবং লোকানবাপ্তোঽয়ং নৃপো বাহুবলার্জিতান্॥ ॥ 11-17-32 (65315)
ইতি শ্রীমন্মহাভারতে স্ত্রীপর্বণি স্ত্রীবিলাপপর্বণি সপ্তদশোঽধ্যায়ঃ॥ 17 ॥
Mahabharata - Strii Parva - Chapter Footnotes
11-17-27 পুত্রেণ সহিতং রণে ইতি ঝ.পাঠঃ॥ 11-17-30 পঞ্চশাখাভ্যাং পঞ্চাঙ্গুলিভ্যাং পাণিভ্যাম্॥ 11-17-17 সপ্তদশোঽধ্যায়ঃ॥স্ত্রীপর্ব - অধ্যায় 018
॥ শ্রীঃ ॥
11.18. অধ্যায়ঃ 018
Mahabharata - Strii Parva - Chapter Topics
কৃষ্ণম্প্রতি গান্ধারীবচনম্॥ 1 ॥Mahabharata - Strii Parva - Chapter Text
11-18-0 (65316)
গান্ধার্যুবাচ। 11-18-0x (5353)
পশ্য মাধব পুত্রান্মে শতসঙ্খ্যাঞ্জিতক্লমান্।
গদয়া ভীমসেনেন ভূয়িষ্ঠং নিহতান্রণে॥ 11-18-1 (65317)
ইদং দুঃখতরং মেঽদ্য যদিমা মুক্তমূর্ধজাঃ।
হতপুত্রা রণে বালাঃ পরিধাবন্তি মে স্নুষাঃ॥ 11-18-2 (65318)
প্রাসাদতলচারিণ্যশ্চরমৈর্ভূষণান্বিতৈঃ।
কায়েনাদ্য স্পৃশন্তীমাং রুধিরার্দ্রাং বসুন্ধরাম্॥ 11-18-3 (65319)
কৃচ্ছ্রাদুৎসারয়ন্তি স্ম গৃধ্রগোমায়ুবায়সান্।
দুঃখেনার্তা বিঘূর্ণন্ত্যো মত্তা ইব চরন্ত্যুত॥ 11-18-4 (65320)
এষাঽন্যা ৎবনবদ্যাঙ্গী করসম্মিতমধ্যমা।
ঘোরমায়োধনং দৃষ্ট্বা নিপতত্যতিদুঃখিতা॥ 11-18-5 (65321)
দৃষ্ট্বা মে পার্থিবসুতামেতাং লক্ষ্মণমাতরম্।
রাজপুত্রীং মহাবাহো মনো ন হ্যুপশাম্যতি॥ 11-18-6 (65322)
ভ্রাতৄংশ্চান্যাঃ পিতৄংশ্চান্যাঃ পুত্রাংশ্চ নিহতান্ভুবি।
দৃষ্ট্বা পরিপতন্ত্যেষাঃ প্রগৃহ্য সুমহাভুজান্॥ 11-18-7 (65323)
মধ্যমানাং তু নারীণাং বৃদ্ধানাং চাপরাজিত।
আক্রন্দং হতবন্ধূনা দারুণে বৈশসে শৃণু॥ 11-18-8 (65324)
রথনীডানি দেহাংশ্চ হতানাং গজবাজিনাম্।
আশ্রিত্য শ্রমমোহার্তাঃ স্থিতাঃ পশ্য মহাভুজ॥ 11-18-9 (65325)
অন্যা চাপহৃতং কায়াচ্চারুকুণ্ডলমুন্নসম্।
স্বস্য বন্ধোঃ শিরঃ কৃষ্ণ গৃহীৎবা পশ্য তিষ্ঠতি॥ 11-18-10 (65326)
পূর্বজাতিকৃতং পাপং মন্যে নাল্পমিবানঘ।
এতাভির্নিরবদ্যাভির্ময়া চৈবাল্পপুণ্যযা।
যদিদং ধর্মরাজেন ঘাতিতং নো জনার্দন॥ 11-18-11 (65327)
ন হি নাশোঽস্তি বার্ষ্ণেয় কর্মণোঃ শুভপাপয়োঃ॥ 11-18-12 (65328)
প্রত্যগ্রবয়সঃ পশ্য দর্শনীয়কুচাননাঃ।
কুলেষু জাতা হীমত্যঃ কৃষ্ণপক্ষ্মাক্ষিমূর্ধজাঃ॥ 11-18-13 (65329)
হংসগদ্গদভাষিণ্যো দুঃখশোকপ্রমোহিতাঃ।
সারস্য ইব বাশন্ত্যঃ পতিতাঃ পশ্য মাধব॥ 11-18-14 (65330)
ফুল্লুপদ্যপ্রকাশানি পুণ্ডরীকাক্ষ যোষিতাম্।
অনবদ্যানি বক্ত্রাণি তাপয়ত্যেষ রশ্মিবান্॥ 11-18-15 (65331)
সের্ষ্যাণাং মম পুত্রাণাং বাসুদেবাবরোধনম্।
মত্তমাতঙ্গদর্পাণাং পশ্যন্ত্যদ্য পৃথগ্জনাঃ॥ 11-18-16 (65332)
শতচন্দ্রাণি চর্মাণি ধ্বজাংশ্চাদিত্যবর্চসঃ।
রৌক্মাণি চৈব বর্মাণি নিষ্কানপি চ কাঞ্চনান্॥ 11-18-17 (65333)
শিরস্ত্রাণানি চৈতানি পুত্রাণাং মে মহীতলে।
পশ্য দীপ্তানি গোবিন্দ পাবকান্সুহুতানিব॥ 11-18-18 (65334)
এষ দুঃশাসনঃ শেতে শূরেণামিত্রঘাতিনা।
পীতশোণিxx সর্বাঙ্গো যুধি ভীমেন পাতিতঃ॥ 11-18-19 (65335)
গদয়া ভীমসেনেন পশ্য মাধব মে সুতম্।
দ্যূতক্লেশাননুস্মৃত্য দ্রৌপদীচোদিতেন চ॥ 11-18-20 (65336)
উক্তা হ্যনেন পাঞ্চালী সভায়াং দ্যূতনির্জিতা।
প্রিয়ং চিকীর্ষতা ভ্রাতুঃ কর্ণস্য চ জনার্দন॥ 11-18-21 (65337)
সহৈব সহদেবেন নকুলেনার্জুনেন চ।
দাসীভূতাঽসি পাঞ্চালি ক্ষিপ্রং প্রবিশ নো গৃহান্॥ 11-18-22 (65338)
ততোঽহমব্রুবং কৃষ্ণ তদা দুর্যোধনং নৃপম্।
মৃত্যুপাশপরিক্ষিপ্তাং দ্রৌপদীং পুত্র বর্জয়॥ 11-18-23 (65339)
নিবোধৈনং সুদুর্বুদ্ধিং মাতুলং কলহপ্রিয়ম্।
ক্ষিপ্রমেনং পরিত্যজ্য পুত্র সংশাম্য পাণ্ডবৈঃ॥ 11-18-24 (65340)
ন বুদ্ধ্যসে ৎবং দুর্বুদ্ধে ভীমসেনমমর্ষণম্।
বাঙ্গরাচৈস্তুদংস্তীক্ষ্ণৈরুল্কাভিরিব কুঞ্জরম্॥ 11-18-25 (65341)
তানেবং রহসি ক্রুদ্ধো বাক্শল্যানবধারয়ন্।
উৎসসর্জ বিষং তেষু সর্পো গোবৃষভেষ্বিব॥ 11-18-26 (65342)
এষ দুঃশাসনঃ শেতে বিক্ষিপ্য বিপুলৌ ভুজৌ।
নিহতো ভীমসেনেন সিহেনেব মহাগজঃ॥ 11-18-27 (65343)
অত্যর্থমকরোদ্রৌদ্রং ভীমসেনোঽত্যমর্ষণঃ।
দুঃশাসনস্য যৎক্রুদ্ধোঽপিবচ্ছোণিতমাহবে॥ ॥ 11-18-28 (65344)
ইতি শ্রীমন্মহাভারতে স্ত্রীপর্বণি স্ত্রীবিলাপপর্বণি অষ্টাদশোঽধ্যায়ঃ॥ 18 ॥
Mahabharata - Strii Parva - Chapter Footnotes
11-18-5 করসম্মিতমধ্যমা মুষ্টিপ্রমিতমধ্যা॥ 11-18-23 ক্ষিপ্তং শকুনিং পুত্র বজেয়েতি ঝ.পাঠঃ॥ 11-18-18 অষ্টাদশোঽধ্যায়ঃ॥স্ত্রীপর্ব - অধ্যায় 019
॥ শ্রীঃ ॥
11.19. অধ্যায়ঃ 019
Mahabharata - Strii Parva - Chapter Topics
কৃষ্ণম্প্রতি গান্ধারীবচনম্॥ 1 ॥Mahabharata - Strii Parva - Chapter Text
11-19-0 (65345)
গান্ধার্যুবাচ। 11-19-0x (5354)
এষ মাধব পুত্রো মে বিকর্ণঃ পাজ্ঞসম্মতঃ।
ভূমৌ বিনিহতঃ শেতে ভীমেন শতধা কৃতঃ॥ 11-19-1 (65346)
গজমধ্যে হতঃ শেতে বিকর্ণো মধুসূদন।
নীলমেঘপরিক্ষিপ্তঃ শরদীব নিশাকরঃ॥ 11-19-2 (65347)
অস্য চাপগ্রহেণৈব পাণিঃ কৃতকিণো মহান্।
কথঞ্চিচ্ছিদ্যতে গৃধ্রৈরত্তুকামৈস্তলত্রবান্॥ 11-19-3 (65348)
অস্য ভার্যাঽঽমিষপ্রেপ্সূন্গৃধ্রকাকাংস্তপস্বিনী।
বারয়ত্যনিশং বালা ন চ শক্নোতি মাধব॥ 11-19-4 (65349)
যুবা বৃন্দারকসমো বিকর্ণঃ পুরুষর্ষভ।
সুখোষিতঃ সুখার্হশ্চ শেতে পাংসুষু মাধব॥ 11-19-5 (65350)
কর্ণিনালীকনারাচৈর্ভিন্নমর্মাণমাহবে।
অদ্যাপি ন জহাত্যেনং লক্ষ্মীর্ভরতসত্তমম্॥ 11-19-6 (65351)
এষ সঙ্গ্রামশূরণে প্রতিজ্ঞাং পালয়িষ্যতা।
দুর্মুখোঽভিমুখঃ শেতে হতোঽরিগণহা রণে॥ 11-19-7 (65352)
তস্যৈতদ্বদনং কৃষ্ণ শ্বাপদৈরর্ধভক্ষিতম্।
বিভাত্যভ্যধিকং তাত সপ্তম্যামিব চন্দ্রমাঃ॥ 11-19-8 (65353)
শূরস্য হি রণে কৃষ্ণ পশ্যাননমথেদৃশম্।
স কথং নিহতোঽমিত্রৈঃ পাংসূন্গ্রসতি মে সুতঃ॥ 11-19-9 (65354)
যস্যাহবমুখে সৌম্য স্থাতা নৈবোপপদ্যতে।
স কথং দুর্মুখোঽমিত্রৈর্হতো বিবুধলোকজিৎ॥ 11-19-10 (65355)
চিত্রসেনং হতং ভূমৌ শয়ানং মধুসূদন।
ধার্তরাষ্ট্রমিমং পশ্য প্রতিমানং ধনুষ্মতাম্॥ 11-19-11 (65356)
তং চিত্রমাল্যাভরণং যুবত্যঃ শোককর্শিতাঃ।
ক্রব্যাদসঙ্ঘৈঃ সহিতা রুদন্ত্যঃ পর্যুপাসতে॥ 11-19-12 (65357)
স্ত্রীণাং রুদিতনির্ঘোষঃ শ্বাপদানাং চ গর্জিতম্।
চিত্ররূপমিদং কৃষ্ণ বিমৃশ্য প্রতিভাতি মে॥ 11-19-13 (65358)
যুবা বৃন্দারকো নিত্যং প্রবরস্ত্রীনিষেবিতঃ।
বিবিংশতিরসৌ শেতে ধ্বস্তঃ পাংসুষু মাধব॥ 11-19-14 (65359)
শরসঙ্কৃত্তবর্মাণং বীরং বিশসনে হতম্।
পরিবার্যাসতে গৃধ্রাঃ পরিবিংশং বিবিংশতিম্॥ 11-19-15 (65360)
প্রবিশ্য সমরে শূরঃ পাণ্ডবানামনীকিনীম্।
স বীরশয়নে শেতে পরঃ সৎপুরুষোচিতে॥ 11-19-16 (65361)
স্মিতোপপন্নং সুনসং সুভ্রু তারাধিপোপমম্।
অতীব সৌম্যবদনং কৃষ্ণ পশ্য বিবিংশতেঃ॥ 11-19-17 (65362)
যং স্ম তং পর্যুপাসন্তে বহুধা বরয়োষিতঃ।
ক্রীডন্তমিব গন্ধর্বং দেবকন্যাঃ সহস্রশঃ॥ 11-19-18 (65363)
হন্তারং পরসৈন্যানাং শূরং সমিতিশোভনম্।
নিবর্হণমমিত্রাণাং দুঃসহং বিষহেত কঃ॥ 11-19-19 (65364)
দুঃসহস্যৈতদাভাতি শরীরং সংবৃতং শরৈঃ।
গিরিরাত্মরুহৈঃ ফুল্লৈঃ কর্ণিকারৈরিবাচিতঃ॥ 11-19-20 (65365)
শাতকৌম্ভ্যা স্রজা ভাতি কবচেন চ ভাস্বতা।
অগ্নিনেব গিরিঃ শ্বেতো গতাসুরপি দুঃসহঃ॥ ॥ 11-19-21 (65366)
ইতি শ্রীমন্মহাভারতে স্ত্রীপর্বণি স্ত্রীবিলাপপর্বণি একোনবিংশোঽধ্যায়ঃ॥ 19 ॥
স্ত্রীপর্ব - অধ্যায় 020
॥ শ্রীঃ ॥
11.20. অধ্যায়ঃ 020
Mahabharata - Strii Parva - Chapter Topics
কৃষ্ণংপ্রতি গান্ধার্যা রুদন্তীনাং স্ত্রীণাং প্রদর্শনম্॥ 1 ॥Mahabharata - Strii Parva - Chapter Text
11-20-0 (65367)
গান্ধার্যুবাচ। 11-20-0x (5355)
অধ্যর্ধগুণমাহুর্যং বলে শৌর্যে চ কেশব।
পিত্রা ৎবয়া চ দাশার্হ দৃপ্তং সিংহমিবোৎকটম্॥ 11-20-1 (65368)
যো বিভেদ চমূমেকো মম পুত্রস্য দুর্ভিদাম্।
স ভূৎবা মৃত্যুরন্যেষাং স্বয়ং মৃত্যুবশং গতঃ॥ 11-20-2 (65369)
তস্যোপলক্ষয়ে কৃষ্ণ কার্ষ্ণেরমিততেজসঃ।
অভিমন্যোর্হতস্যাপি প্রভা নৈবোপশাম্যতি॥ 11-20-3 (65370)
এষা বিরাটদুহিতা স্নুষা গাণ্ডীবধন্বনঃ।
হতং বালা পতিং বীরং দৃষ্ট্বা শোচত্যনিন্দিতা॥ 11-20-4 (65371)
তমেষা হি সমাগম্য ভার্যা ভর্তারমন্তিকে।
বিরাটদুহিতা কৃষ্ণ পাণিনা পরিমার্জতি॥ 11-20-5 (65372)
তস্য বক্ত্রমুপাঘ্রায় সৌভদ্রস্য মনস্বিনী।
বিবুদ্ধকমলাকারং কম্বুবৃত্তশিরোধরম্॥ 11-20-6 (65373)
কামরূপবতী চৈষা পরিষ্বজতি ভামিনী।
লজ্জমানা পুরা চৈনং মাধ্বীকমদমূর্চ্ছিতা॥ 11-20-7 (65374)
তস্য ক্ষতজসন্দিগ্ধং জাতরূপপরিষ্কৃতম্।
বিমুচ্য কবচং কৃষ্ণ শীরমভিবীক্ষতে॥ 11-20-8 (65375)
অবেক্ষমাণা তং বালা কুষ্ণ ৎবামভিভাষতে।
অয়ং তে পুণ্ডরীকাক্ষ কসদৃশাক্ষো নিপাতিতঃ॥ 11-20-9 (65376)
বলে বীর্যে চ সদৃশস্তেজসা চৈব তেঽনঘ।
রূপেণ চ তথাঽত্যর্থং শেতে ভুবি নিপাতিতঃ॥ 11-20-10 (65377)
অত্যন্তং সুকুমারস্য রাঙ্কবাজিনশায়িনঃ।
কচ্চিদদ্য শরীরং তে ভূমৌ ন পরিতপ্যতে॥ 11-20-11 (65378)
মাতঙ্গভুজবর্ষ্ণাণৌ জ্যাক্ষেপকঠিনৎবচৌ।
কাঞ্চনাঙ্গদিনৌ শেতে নিক্ষিপ্য বিপুলৌ ভুজৌ।
ব্যায়ম্য বহুধা নূনং সুখসুপ্তঃ শ্রমাদিব॥ 11-20-12 (65379)
এবং বিলপতীমার্তাং কিং মাং ন প্রতিভাষসে।
ন স্মরাম্যপরাধং তে কিং মাং ন প্রতিভাষসে॥ 11-20-13 (65380)
ননু মাং ৎবং পুরা দূরাদভিবীক্ষ্যাভিভাষসে।
ন স্মরাম্যপরাধং মে কিং মাং ন প্রতিভাষসে॥ 11-20-14 (65381)
আর্যামার্য সুভদ্রাং তবমিমাং শ্চ ত্রিদশোপমান্।
পিতৄন্মাং চৈব দুঃখার্তাং বিহায় ক্ব গমিষ্যসি॥ 11-20-15 (65382)
তস্য শোণিতদিগ্ধান্বৈ কেশানুন্নম্য পাণিনা।
উৎসঙ্গে বক্তমাধায় জীবন্তমিব পৃচ্ছতি॥ 11-20-16 (65383)
স্বস্রীয়ং বাসুদেবস্য পুত্রং গাণ্ডীবধন্বনঃ।
কথং ৎবাং রণমধ্যস্থং জঘ্রুরেতে মহারথাঃ॥ 11-20-17 (65384)
ধিগস্তু ক্রূরকর্তৄংস্তান্কৃপকর্ণজয়দ্রথান্।
দ্রোণদ্রৌণায়তনী চোভৌ যৈরহং বিধবা কৃতা॥ 11-20-18 (65385)
রথর্ষভাণাং সর্বেষাং কথমাসীত্তদা মনঃ।
বালং ৎবাং পিরবার্যৈকমনেকেষাং চ জঘ্নতাম্॥ 11-20-19 (65386)
কথং নু পাণ্ডবানাং চ পাঞ্চালানাং তু পশ্যতাম্।
ৎবং বীর নিধনং প্রাপ্তো নাথবান্সন্ননাথবৎ॥ 11-20-20 (65387)
দৃষ্ট্বা বহুভিরাক্রন্দে নিহতং ৎবাং পিতা তব।
বীরঃ পুরুষশার্দূলঃ কথং জীবতি পাণ্ডবঃ॥ 11-20-21 (65388)
ন রাজ্যলাভো বিপুলঃ শত্রূণাং চ পরাভবঃ।
প্রীতিং ধাস্যতি পার্থানাং ৎবামৃতে পুষ্করেক্ষণ॥ 11-20-22 (65389)
তব শস্ত্রজিতাঁল্লোকান্ধর্মেণ চ দমেন চ।
ক্ষিপ্রমন্বাগমিষ্যামি তত্র মাং প্রতিপালয়॥ 11-20-23 (65390)
দুর্মরং পুনরপ্রাপ্তে কালে ভবতি কেনচিৎ।
যদহং ৎবাং রণে দৃষ্ট্বা হতং জীবামি দুর্ভগা॥ 11-20-24 (65391)
কামিদানীং নরব্যাঘ্র শ্লক্ষ্ণয়া স্মিতয়া গিরা।
পিতৃলোকে সমেত্যান্যাং মামিবামন্ত্রয়িষ্যসি॥ 11-20-25 (65392)
নূনমপ্সরসাং স্বর্গে মনাংসি প্রমথিষ্যসি।
পরমেণ চ রূপেণ গিরা চ স্মিতপূর্বয়া॥ 11-20-26 (65393)
প্রাপ্য পুণ্যকৃতাঁল্লোকানপ্সরোভিঃ সমেয়িবান্।
সৌভদ্র বিহন্কালে স্মরেথাঃ সুকৃতানি মে॥ 11-20-27 (65394)
এতাবানিহ সংবাসো বিহিতস্তে ময়া সহ।
ষণ্মাসান্সপ্তমে মাসি ৎবং বীর নিধনং গতঃ॥ 11-20-28 (65395)
ইত্যুক্তবচনামেনামপকর্ষন্তি দুঃখিতাম্।
উত্তরাং মোঘসঙ্কল্পাং মৎস্যরাজকুলস্ত্রিয়ঃ॥ 11-20-29 (65396)
উত্তরামপকৃষ্যৈনামার্তামার্ততরাঃ স্বয়ম্।
বিরাটং নিহতং দৃষ্ট্বা ক্রোশন্তি বিলপন্তি চ॥ 11-20-30 (65397)
দ্রোণাস্ত্রশরসঙ্কৃত্তং শয়ানং রুধিরোক্ষিতম্।
বিরাটং বিতুদন্ত্যেতে গৃধ্রগোমায়ুবায়সাঃ॥ 11-20-31 (65398)
বিতুদ্যমানং বিহগৈর্বিরাটমসিতেক্ষণাঃ।
ন শক্নুবন্তি বিহগান্নিবারয়িতুমাতুরাঃ॥ 11-20-32 (65399)
আসামাতপতপ্তানামায়াসেন চ যোষিতাম্।
শ্রমেণ চ বিবর্ণানাং বক্ত্রাণাং বিপ্লুতং বপুঃ॥ 11-20-33 (65400)
উত্তরং চাভিমন্যুং চ কাম্ভোজং চ সুদক্ষিণম্।
কার্ষ্ণিনাঽভিহতং পশ্য লক্ষ্মণং প্রিয়দর্শনম্। 11-20-34 (65401)
আয়োধনশিরোমধ্যে শয়ানং পশ্য মাধব॥ ॥ 11-20-35 (65402)
ইতি শ্রীমন্মহাভারতে কর্ণপর্বণি
Mahabharata - Strii Parva - Chapter Footnotes
11-20-1 অধ্যর্ধগুণং সার্ধুগুণম্॥ 1 ॥ 11-20-24 দুষ্করং পুনরপ্রাপ্তং কালে ভবতি কেনচিৎ ইতি ক.পাঠঃ। দুষ্করং প্রতি ন প্রাপ্তমিত্যাদি ছ.ট. পাঠঃ॥ 11-20-33 বপুঃ শস্তাকৃতিঃ। বপুঃ ক্লীবং তনৌ শস্তাকৃতাবপীতি মেদিনী॥ 11-20-20 বিংশতিতমোঽধ্যায়ঃ॥স্ত্রীপর্ব - অধ্যায় 021
॥ শ্রীঃ ॥
11.21. অধ্যায়ঃ 021
Mahabharata - Strii Parva - Chapter Topics
গান্ধার্যা কৃষ্ণংপ্রতি বাহ্লিকাদীনাং তথা তৎস্ত্রীণাং চ প্রদর্শনম্॥ 1 ॥Mahabharata - Strii Parva - Chapter Text
11-21-0 (65403)
গান্ধার্যুবাচ। 11-21-0x (5356)
আবন্ত্যং ভীমসেনেন ভক্ষয়ন্তি নিপাতিতম্।
গৃধ্রগোমায়বঃ শূরং দূরবন্ধুমবন্ধুবৎ॥ 11-21-1 (65404)
তং পশ্য কদনং কৃৎবা শূরণাং মধুসূদন।
শয়ানং বীরশয়নে রুধিরেণ সমুক্ষিতম্॥ 11-21-2 (65405)
তং সৃগালাশ্চ কঙ্কাশ্চ ক্রব্যাদাশ্চ পৃথগ্বিধাঃ।
তেনতেন বিকর্ষন্তি পশ্য কালস্য পর্যযম্॥ 11-21-3 (65406)
শয়ানং বীরশয়নে শূরমাক্রন্দকারিণম্।
আবন্ত্যমভিতো নার্যো রুদত্যঃ পর্যুপাসতে॥ 11-21-4 (65407)
প্রাতিপেয়ং মহেষ্বাসং হত ভীমেন বাহ্লিকম্।
প্রসুপ্তমিব শার্দূলং পশ্য কৃষ্ণমনস্বিনম্॥ 11-21-5 (65408)
অতীব মুখবর্ণোঽস্য নিহতস্যাপি শোভতে।
সোমস্যবাভিপূর্ণস্য পৌর্ণমাস্যাং সমুদ্যতঃ॥ 11-21-6 (65409)
পুত্রশোকাভিতপ্তেন প্রতিজ্ঞাং চাভিরক্ষতা।
পাকশাসনিনা সঙ্খ্যে বার্ধক্ষত্রির্নিপাতিতঃ॥ 11-21-7 (65410)
একাদশচমূর্ভিত্ৎবা রক্ষ্যমাণং মহাত্মভিঃ।
সত্যং চিকীর্ষতা পশ্য হতমেনং জয়দ্রথম্॥ 11-21-8 (65411)
সিন্ধুসৌবীরভর্তারং দর্পপূর্ণং মনস্বিনম্।
ভক্ষয়ন্তি শিবা গৃধ্রা জনার্দন জয়দ্রথম্॥ 11-21-9 (65412)
সংরক্ষ্যমাণং ভার্যাভিরনুরক্তাভিরচ্যুত।
ভীষয়ন্ত্যো বিকর্ষন্তি গহনং নিম্নমন্তিকাৎ॥ 11-21-10 (65413)
তমেতাঃ পর্যুপাসন্তে বীক্ষমাণা মহাভুজম্।
সিন্ধুসৌবীরকাম্ভোজগান্ধারয়বনস্ত্রিয়ঃ॥ 11-21-11 (65414)
যদা কৃষ্ণামুপাদায় প্রাদ্রবৎকেকয়ৈঃ সহ।
তদৈব বধ্যঃ পাণ্ডূনাং জনার্দন জয়দ্রথঃ॥ 11-21-12 (65415)
দুঃশলাং মানয়দ্ভিস্তু তদা মুক্তো জয়দ্রথঃ।
কথমদ্য ন তাং কৃষ্ণ মানয়ন্তি স্ম তে পুনঃ॥ 11-21-13 (65416)
সৈন্ধবং মে সুতা বালা প্রস্খলন্তীব দুঃখিতা।
প্রমাপয়ন্তী চাত্মানমাক্রোশন্তীব পাণ্ডবান্॥ 11-21-14 (65417)
কিন্নু দুঃখতরং কৃষ্ণ পরং মম ভবিষ্যতি।
যৎসুতা বিধবা বালা স্নুষাশ্চ নিহতেশ্বরাঃ॥ 11-21-15 (65418)
হাহা ধিগ্ধুঃশলাং পশ্য বীতশোকভয়ামিব।
ভর্তুঃ শির অপশ্যন্তীং ধাবমানামিতস্ততঃ॥ 11-21-16 (65419)
বারয়ামাস যঃ সর্বান্পাণ্ডবান্পুত্রগৃদ্ধিনঃ।
স হৎবা বিপুলাঃ সেনাঃ স্বয়ং মৃত্যুবশং গতঃ॥ 11-21-17 (65420)
তং মত্তমিব মাতঙ্গং বীরং পরমদুর্জয়ম্।
পরিবার্য রুদন্ত্যেতাঃ স্ত্রিয়শ্চন্দ্রোপমাননাঃ॥ ॥ 11-21-18 (65421)
ইতি শ্রীমন্মহাভারতে স্ত্রীপর্বণি স্ত্রীবিলাপপর্বমি দ্বাবিংশোঽধ্যায়ঃ॥ 22 ॥
Mahabharata - Strii Parva - Chapter Footnotes
11-21-13 কলাবশেষো হি ইতি ক. পাঠঃ॥ 11-21-14 রোরূয়তে দুঃখচয়াভিতপ্তা ইতি ক.ট.পাঠঃ॥ 11-21-21 একবিংশতিতমোঽধ্যায়ঃ॥স্ত্রীপর্ব - অধ্যায় 022
॥ শ্রীঃ ॥
11.22. অধ্যায়ঃ 022
Mahabharata - Strii Parva - Chapter Topics
গান্ধার্যা কৃষ্ণম্প্রতি বাহ্লিকাদীনাং তথা তৎস্ত্রীণাং চ প্রদর্শনম্॥ 1 ॥Mahabharata - Strii Parva - Chapter Text
11-22-0 (65422)
গান্ধার্যুবাচ। 11-22-0x (5357)
আবনত্যং ভীমসেনেন ভক্ষয়ন্তি নিপাতিতম্।
গৃধ্রগোমায়বঃ শূরং দূরবন্ধুমবন্ধুবৎ॥ 11-22-1 (65423)
তং পশ্য কদনং কৃৎবা শূরাণাং মধুসূদন।
শয়ানং বীরশয়নে রুধিরেণ সমুক্ষিতম্॥ 11-22-2 (65424)
তং সৃগালাশ্চ কঙ্কাশ্চ ক্রব্যাদাশ্চ পৃথগ্বিধাঃ।
তেনতেন বিকর্ষন্তি পশ্য কালস্য পর্যযম্॥ 11-22-3 (65425)
শয়ানং বীরশয়নে শূরমাক্রন্দকারিণম্।
আবন্ত্যমভিতো নার্যো রুদত্যঃ পর্যুপাসতে॥ 11-22-4 (65426)
প্রাতিপেয়ং মহেষ্বাসং হতং ভীমেন বাহ্লিকম্।
প্রসুপ্তমিব শার্দুলং পশ্য কৃষ্ণমনস্বিনম্॥ 11-22-5 (65427)
অতীব মুখবর্ণোঽস্য নিহতস্যাপি শোভতে।
সোমস্যবাভিপূর্ণস্য পৌর্ণমাস্যাং সমুদ্যতঃ॥ 11-22-6 (65428)
পুত্রশোকাভিতপ্তেন প্রতিজ্ঞাং চাভিরক্ষতা।
পাকশাসনিনা সঙ্খ্যে বার্ধক্ষত্রির্নিপাতিতঃ॥ 11-22-7 (65429)
একাদশচমূর্ভিত্ৎবা রক্ষ্যমাণং মহাত্মভিঃ।
সত্যং চিকীর্ষতা পশ্য হতমেনং জয়দ্রথম্॥ 11-22-8 (65430)
সিন্ধুসৌবীরভর্তারং দর্পপূর্ণং মনস্বিনম্।
ভক্ষয়ন্তি শিবা গৃধ্রা জনার্দন জয়দ্রথম্॥ 11-22-9 (65431)
সংরক্ষ্যমাণং ভার্যাভিরনুরক্তাভিরচ্যুত।
ভীষয়ন্ত্যো বিকর্ষন্তি গহনং নিম্নমন্তিকাৎ॥ 11-22-10 (65432)
তমেতাঃ পর্যপাসন্তে বীক্ষমাণা মহাভুজম্।
সিন্ধুসৌবীরকাম্ভোজগান্ধারয়বনস্ত্রিয়ঃ॥ 11-22-11 (65433)
যদা কৃষ্ণামুপাদায় প্রাদ্রবৎকেকয়ৈঃ সহ।
তদৈব বধ্যঃ পাণ্ডূনাং জনার্দন জয়দ্রথঃ॥ 11-22-12 (65434)
দুঃশলাং মানয়দ্ভিস্তু তদা মুক্তো জয়দ্রথঃ।
কথমদ্য ন তাং কৃষ্ণ মানয়ন্তি স্ম তে পুনঃ॥ 11-22-13 (65435)
সৈন্ধবং মে সুতা বালা প্রস্স্বলন্তীব দুঃখিতা।
প্রমাপয়ন্তী চাত্মানমাক্রোশন্তীব পাণ্ডবান্॥ 11-22-14 (65436)
কিন্নু দুঃখতরং কৃষ্ণ পরং মম ভবিষ্যতি।
যৎসুতা বিধবা বালা স্নুষাশ্চ নিহতেশ্বরাঃ॥ 11-22-15 (65437)
হাহা ধিগ্ধুঃশলাং পশ্য বীতশোকভয়ামিব।
ভর্তুঃ শির অপশ্যন্তীং ধাবমানামিতস্ততঃ॥ 11-22-16 (65438)
বারয়ামাস যঃ সর্বান্পাণ্ডবান্পুত্রগৃদ্বিনঃ।
স হৎবা বিপুলাঃ সেনাঃ সর্বয়ং মৃত্যুবশং গতঃ॥ 11-22-17 (65439)
তং মত্তমিব মাতঙ্গং বীরং পরমদুর্জয়ম্।
পরিবার্য রুদন্ত্যেতাঃ স্ত্রিয়শ্চন্দ্রোপমাননাঃ॥ ॥ 11-22-18 (65440)
ইতি শ্রীমন্মহাভারতে স্ত্রীপর্বণি স্ত্রীবিলাপপর্বণি দ্বাবিংশোঽধ্যায়ঃ॥ 22 ॥
Mahabharata - Strii Parva - Chapter Footnotes
11-22-7 বার্ধক্ষত্রির্জয়দ্রথঃ॥ 11-22-22 দ্বাবিংশোঽধ্যায়ঃ॥স্ত্রীপর্ব - অধ্যায় 023
॥ শ্রীঃ ॥
11.23. অধ্যায়ঃ 023
Mahabharata - Strii Parva - Chapter Topics
কৃষ্ণপ্রতি গান্ধার্যা ভীষ্মদ্রোণাদিগুণানুবর্ণনপূর্বকং তত্তচ্ছরীরাণাং বিলপন্তীনাং ত্তৎস্ত্রীণাং চ প্রদর্শনম্॥ 1 ॥Mahabharata - Strii Parva - Chapter Text
11-23-0 (65441)
গান্ধার্যুবাচ। 11-23-0x (5358)
এষ শল্যো হতঃ শেতে সাক্ষান্নকুলমাতুলঃ।
ধর্মজ্ঞেন হতস্তাত ধর্মরাজেন সংয়ুগে॥ 11-23-1 (65442)
যস্ৎবয়া স্পর্ধতে নিত্যং সর্বত্র পুরুষর্ষভ।
স এষ নিহতঃ শেতে মদ্ররাজো মহাবলঃ॥ 11-23-2 (65443)
`জয়দ্রথে যদি ব্রূয়ুরুপরোধং কথঞ্চন।
মদ্রপুত্রে কথং ব্রূয়ুরুপরোধং বিবক্ষবঃ॥' 11-23-3 (65444)
যেন সঙ্গৃহ্ণতা তাত রথমাধিরথের্যুধি।
জয়ার্থং পাণ্ডুপুত্রাণাং তদা তেজোবধঃ কৃতঃ॥ 11-23-4 (65445)
অহো ধিক্ফশ্য শল্যস্য পূর্ণচন্দ্রসুদর্শনম্।
মুখং প্দ্মপলাশাক্ষং কাকৈরাদষ্টমব্রণম্॥ 11-23-5 (65446)
এষা চামীকরাভস্য তপ্তকাঞ্চনসপ্রভা।
আস্যাদ্বিনিঃ সৃতা জিহ্বা ভক্ষ্যতে কৃষ্ণ পক্ষিভিঃ॥ 11-23-6 (65447)
যুধিষ্ঠিরেণ নিহতং শল্যং সমিতিশোভনম্।
রুদন্ত্যঃ পর্যুপাসন্তে মদ্ররাজং কুলাঙ্গনাঃ॥ 11-23-7 (65448)
এতাঃ সুসূক্ষ্মবসনা মদ্ররাজং নরর্ষভম্।
ক্রোশন্ত্যোঽথ সমাসাদ্য ক্ষত্রিয়াঃ ক্ষত্রিয়র্ষভম্॥ 11-23-8 (65449)
শল্যং নিপতিতং নার্যঃ পরিবার্যাভিতঃ স্থিতাঃ।
বাসিতা গৃষ্টয়ঃ পঙ্কে পরিমগ্নমিবর্ষভম্॥ 11-23-9 (65450)
শল্যং শরণদং শূরং পশ্যেমং বৃষ্ণিনন্দন।
শয়ানং বীরশয়নে শরৈর্বিশকলীকৃতম্॥ 11-23-10 (65451)
এষ শৈলালয়ো রাজা ভগদত্তঃ প্রতাপবান্।
গজাঙ্কুশধরঃ শ্রীমাঞ্শেতে ভুবি নিপাতিতঃ॥ 11-23-11 (65452)
যস্য রুক্মময়ী মালা শিরস্যেষা বিরাজতে।
শ্বাপদৈর্ভক্ষ্যমাণস্য শোভয়ন্তীব মূর্ধজান্॥ 11-23-12 (65453)
এতেন কিল পার্থস্য যুদ্ধমাসীৎসুদারুণম্।
রোমহর্ষণমত্যুগ্রং শক্রস্য ৎবহিনা যথা॥ 11-23-13 (65454)
যোধয়িৎবা মাহাবাহুরেষ পার্থং ধনঞ্জয়ম্।
সংশয়ং গময়িৎবা চ কুন্তীপুত্রেণ পাতিতঃ॥ 11-23-14 (65455)
যস্য নাস্তি সমো লোকে শৌর্যে বীর্যে চ কশ্চন্।
স এষ নিহতঃ শেতে ভীষ্মো ভীষ্মকৃদাহবে॥ 11-23-15 (65456)
পশ্য শান্তনবং কৃষ্ণ শয়ানং সূর্যবর্চসম্।
যুগান্ত ইব কালেন পাতিতং সূর্যমম্বরাৎ॥ 11-23-16 (65457)
এষ তপ্ৎবা রণে শত্রূঞ্শস্ত্রতাপেন বীর্যবান্।
নরসূর্যোঽস্তমভ্যেতি সূর্যোঽস্তমিব কেশব॥ 11-23-17 (65458)
শরতল্পগতং ভীষ্মমূর্ধ্বরেতসমচ্যুতম্।
শয়ানং বীরশয়নে পশ্য শূরনিষেবিতে॥ 11-23-18 (65459)
কর্ণিনালীকনারাচৈরাস্তীর্য শয়নোত্তমম্।
আবিশ্য শেতে ভগবান্স্কন্দঃ শরবণং যথা॥ 11-23-19 (65460)
অতূলপূর্ণং গাঙ্গেয়স্ত্রিভির্বাণৈঃ সমন্বিতম্।
উপধায়োপধানাগ্র্যং দত্তং গাণ্ডীবধন্বনা॥ 11-23-20 (65461)
পালয়ানঃ পিতুঃ শাস্ত্রমূর্ধ্বরেতা মহায়শাঃ।
এষ শান্তনবঃ শেতে মাধবাপ্রতিমো যুধি॥ 11-23-21 (65462)
ধর্মাত্মা তাত সর্বজ্ঞঃ পারাবর্যেণ নির্ণয়ে।
অমর্ত্য ইব মর্ত্যঃ সন্নেষ প্রাণানধারয়ৎ॥ 11-23-22 (65463)
নাস্তি যুদ্ধে কৃতী কশ্চিন্ন বিদ্বান্ন পরাক্রমী।
যত্র শান্তনবো ভীষ্মঃ শেতেঽদ্য নিহতঃ পরৈঃ॥ 11-23-23 (65464)
স্বয়মেতেন শূরেণ পৃচ্ছয়মানেন পাণ্ডবৈঃ।
ধর্মজ্ঞেনাহবে মৃত্যুরাদিষ্টঃ সত্যবাদিনা॥ 11-23-24 (65465)
প্রনষ্টঃ কুরুবংশশ্চ পুনর্যেন সমুদ্বৃতঃ।
স গতঃ কুরুভিঃ সার্ধং মহাবুদ্ধিঃ পরাভবম্॥ 11-23-25 (65466)
ধর্মেণ কুরবঃ কেন পরিদ্রক্ষ্যন্তি মাধব।
হতে দেবব্রতে ভীষ্মে দেবকল্পে নরর্ষভে॥ 11-23-26 (65467)
অর্জুনস্য বিনেতারমাচার্যং সাত্যকেস্তথা।
তং পশ্য পতিতং দ্রোণং কুরূণাং গুরুমুত্তমম্॥ 11-23-27 (65468)
অস্ত্রং চতুর্বিধং বেদ যথৈব ত্রিদশেশ্বরঃ।
ভার্গবো বা মহাবীর্যস্তথা দ্রোণোঽপি মাধব॥ 11-23-28 (65469)
যস্য প্রসাদাদ্বীভৎসুঃ পাণ্ডবঃ কর্ম দুষ্করম্।
চকার স হতঃ শেতে নৈনমস্ত্রাণ্যপালয়ন্॥ 11-23-29 (65470)
যং পুরোধায় কুরব আহ্বয়ন্তি স্ম পাণ্ডবান্।
সোঽয়ং শস্ত্রভৃতাং শ্রেষ্ঠো দ্রোণঃ শস্ত্রপৃথক্কৃতঃ॥ 11-23-30 (65471)
যস্য নির্দহতঃ সেনাং গতিরগ্নরিবাভবৎ।
স ভূমৌ নিহতঃ শেতে শান্তার্চিরিব পাবকঃ॥ 11-23-31 (65472)
ধনুর্মুষ্টিরশীর্ণশ্চ হস্তাবাপশ্চ মাধব।
দ্রোণস্য নিহতস্যাপি দৃশ্যতে জীবতো যথা॥ 11-23-32 (65473)
বেদা যস্মাচ্চ চৎবারঃ সর্বাণ্যস্ত্রাণি কেশব।
অনপেতানি বৈ শূরাদ্যথৈবাদৌ প্রজাপতেঃ॥ 11-23-33 (65474)
চন্দনার্হাবিমৌ তস্য বন্দিভির্বন্দিতৌ শুভৌ।
গোমায়বো বিকর্ষন্তি পাদৌ শিষ্যশতার্চিতৌ॥ 11-23-34 (65475)
দ্রোণং দ্রুপদপুত্রেণ নিহতং মধুসূদন।
কৃপী কৃপণমন্বাস্তে দুঃখোপহতচেতনা॥ 11-23-35 (65476)
তাং পশ্য রুদতীমার্তাং মুক্তকেশীমধোমুখীম্।
হতং পতিমুপাসন্তীং দ্রোণং শস্ত্রভৃতাং বরম্॥ 11-23-36 (65477)
বাণৈর্ভিন্নতনুত্রাণং ধৃষ্টদ্যুম্নেন কেশব।
উপাস্তে বৈ মৃধে দ্রোণং জটিলা ব্রহ্মচারিণী॥ 11-23-37 (65478)
প্রেতকৃত্যে চ যততে কৃপী কৃপণমাতুরা।
হতস্য সমরে ভর্তুঃ সুকুমারী যশস্বিনী॥ 11-23-38 (65479)
অগ্নীনাধায় বিবিধবচ্চিতাং প্রজ্বাল্য সর্বতঃ।
দ্রোণমাধায় গায়ন্তি ত্রীণি সামানি সামগাঃ॥ 11-23-39 (65480)
কুর্বন্তি চ চিতামেতে জটিলা ব্রহ্মচারিণঃ।
ধনুর্ভিঃ শক্তিভিশ্চৈব রথনীডৈশ্চ মাধব॥ 11-23-40 (65481)
শরৈশ্চ বিবিধৈরন্যৈর্ধক্ষ্যন্তে ভূরিতেজসম্।
ত এতে দ্রোণমাদায় গায়ন্তি চ রুদন্তি চ॥ 11-23-41 (65482)
সামভিস্ত্রিভিরন্তস্থৈরনুশংসন্তি চাপরে।
অগ্নাবগ্নিং সমাধায় দ্রোণং হুৎবা হুতাশনে॥ 11-23-42 (65483)
গচ্ছন্ত্যভিমুখা গঙ্গাং দ্রোণশিষ্যা দ্বিজাতয়ঃ।
অপসব্যাং চিতিং কৃৎবা পুরস্কৃত্য কৃপীং তথা॥ ॥ 11-23-43 (65484)
ইতি শ্রীমন্মহাভারতে স্ত্রীপর্বণি স্ত্রীবিলাপপর্বণি ত্রয়োবিংশোঽধ্যায়ঃ॥ 23 ॥
Mahabharata - Strii Parva - Chapter Footnotes
11-23-9 পরিমগ্নিমিব দ্বিপমিতি ঝ.পাঠঃ॥ 11-23-13 অহিনা বৃত্রাসুরেণ॥ 11-23-15 ভীষ্মকৃৎ ভয়ঙ্করকর্মকৃৎ॥ 11-23-21 শাস্ত্রং আজ্ঞাম্॥ 11-23-22 নির্ণিয়ে পারাবর্যেণ । পরাবরৌ পরলোকেহলোকৌ তদ্বিষয়েণ জ্ঞানেন। তত্ৎবজ্ঞানবলেন প্রাণানধারয়দিত্যর্থঃ। পারপর্যেঽথ নির্ণয় ইতি ছ.পাঠঃ। পারাশর্যস্য নির্ণয়ে ইতি ক.ট.পাঠঃ॥ 11-23-26 ধর্মেষু কুরবঃ কং নু পরিপ্রক্ষ্যন্তি মাধব। গতে দেবব্রতে স্বর্গং দেবকল্পে নরর্ষভে ইতি ঝ.পাঠঃ॥ 11-23-34 শিষ্যশরার্চিতাবিতি ক.পাঠঃ॥ 11-23-23 ত্রোয়বিংশোঽধ্যায়ঃ॥স্ত্রীপর্ব - অধ্যায় 024
॥ শ্রীঃ ॥
11.24. অধ্যায়ঃ 024
Mahabharata - Strii Parva - Chapter Topics
কৃষ্ণম্প্রতি গান্ধার্য ভূরিশ্রবঃ প্রভৃতিশরীরাণাং তত্তস্ত্রীণাং চ প্রদর্শনম্॥ 1 ॥Mahabharata - Strii Parva - Chapter Text
11-24-0 (65485)
গান্ধার্যুবাচ। 11-24-0x (5359)
সোমদত্তসুতং পশ্য যুয়ুধানেন পাতিতম্।
বিতুদ্যমানং বিহগৈর্বহুভির্মাধবান্তিকে॥ 11-24-1 (65486)
পুত্রশোকাভিসন্তপ্তঃ শোমদত্তো জনার্দন।
যুয়ুধানং মহেষ্বাসং গর্হয়ন্নিব দৃশ্যতে॥ 11-24-2 (65487)
অসৌ হি ভূরিশ্বসো মাতা শোকপরিপ্লুতা।
আশ্বাসয়তি ভর্তারং সোমদত্তমনিন্দিতা॥ 11-24-3 (65488)
দিষ্ট্যা নৈনং মহারাজ দারুণং ভরতক্ষয়ম্।
কুরুসঙ্ক্রন্দনং ঘোরং যুগান্তমনুপশ্যসি॥ 11-24-4 (65489)
দিষ্ট্যা যূপধ্বজং পুত্রং বীরং ভূরিসহস্রদম্।
অনেকক্রতুয়জ্বানং নিহতং নানুপশ্যসি॥ 11-24-5 (65490)
দিষ্ট্যা স্নুষাণামাক্রন্দে ঘোরং বিলপিতং বহু।
ন শৃণোষি মহারাজ সারসীনামিবার্ণবে॥ 11-24-6 (65491)
একবস্ত্রাস্তু পঞ্চৈতাঃ প্রকীর্ণাসিতমূর্ধজাঃ।
স্নুষাস্তে পরিধাবন্তি হতাপত্যা হতেশ্বরাঃ॥ 11-24-7 (65492)
শ্বাপদৈর্ভক্ষ্যমাণং ৎবমহো দিষ্ট্যা ন পশ্যসি।
ছিন্নবাহুং নরব্যাঘ্রমর্জুনেন নিপাতিতম্॥ 11-24-8 (65493)
শলং বিনিহতং সঙ্খ্যে ভূরিশ্রবসমেব চ।
স্নুষাশ্চ বিবিধাঃ সর্বা দিষ্ট্যা নাদ্যেহ পশ্যসি॥ 11-24-9 (65494)
দিষ্ট্যা তৎকাঞ্চনং ছত্রং যূপকেতোর্মহাত্মনঃ।
বিনীকীর্ণং রথোপস্থে সৌমদত্তের্ন পশ্যসি॥ 11-24-10 (65495)
অমূস্তু ভূরিশ্রবসো ভার্যাঃ সাত্যকিনা হতম্।
পরিবার্যানুশোচন্তি ভর্তারমসিতেক্ষণাঃ॥ 11-24-11 (65496)
এতা বিলপ্য করুণং ভর্তৃশোকেন কর্শিতাঃ।
পতন্ত্যভিমুখা ভূমৌ কৃপণং বত কেশব॥ 11-24-12 (65497)
বীভৎসুরতিবীভৎসং কর্মেদমকরোৎকথম্।
প্রমত্তস্য যদচ্ছৈৎসীদ্বাহুং শূরস্য যজ্বনঃ॥ 11-24-13 (65498)
ততঃ পাপতরং কর্ম কৃতবানপি সাত্যকিঃ।
যস্মাৎপ্রায়োপবিষ্টস্য প্রাহার্ষীৎসংশিতাত্মনঃ॥ 11-24-14 (65499)
একো দ্বাভ্যাং হতঃ শেতে ক্ষত্রধর্মেণ ধার্মিকঃ।
কিন্নু বক্ষ্যতি বৈ সৎসু গোষ্ঠীষু চ সভাসু চ॥ 11-24-15 (65500)
অপুণ্যময়শস্যং চ কর্মেদং সাত্যকিঃ স্বয়ম্।
ইতি যূপধ্বজস্যৈতাঃ স্ত্রিয়ঃ ক্রোশন্তি মাধব॥ 11-24-16 (65501)
ভার্যা যূপধ্বজস্যৈষা করসম্মিতমধ্যমা।
কৃৎবোৎসঙ্গে ভুজং ভর্তুঃ কৃপণং পরিদেবতি॥ 11-24-17 (65502)
অয়ং স হন্তা শূরাণাং মিত্রাণামভয়প্রদঃ।
প্রদাতা গোসহস্রাণাং ক্ষত্রিয়ান্তকরঃ করঃ॥ 11-24-18 (65503)
অয়ং স রশনোৎকর্ষী পীনস্তনবিমর্দনঃ।
নাভ্যূরুজঘনস্পর্শী নীবীবিস্রংসনঃ করঃ॥ 11-24-19 (65504)
বাসুদেবস্য সান্নিধ্যে পার্থেনাক্লিষ্টকর্মণা।
যুধ্যতঃ সমরেঽন্যেন প্রমত্তস্য নিপাতিতঃ॥ 11-24-20 (65505)
কিন্নু বক্ষ্যসি সংসৎসু কথাসু চ জনার্দন।
অর্জুনস্য মহৎকর্ম স্বয়ং বা স কিরীটভৃৎ॥ 11-24-21 (65506)
ইত্যেবং গর্হয়িৎবৈষা তূষ্ণীমাস্তে বরাঙ্গনা।
তামেতামনুশোচন্তি সপত্ন্যঃ স্বামিব স্নুষাম্॥ 11-24-22 (65507)
গান্ধাররাজঃ শকুনির্বলবান্সত্যবিক্রমঃ।
নিহতঃ সহদেবেন ভাগিনেমেন মাতুলঃ॥ 11-24-23 (65508)
যঃ পুরা হেমদণ্ডাভ্যাং ব্যজনাভ্যাং স্ম বীজ্যতে।
স এষ পক্ষিভিঃ পক্ষৈঃ শয়ান উপবীজ্যতে॥ 11-24-24 (65509)
যঃ স্বরূপাণি কুরুতে শতশোঽথ সহস্রশঃ।
তস্য মায়াবিনো মায়া দগ্ধাঃ পাণ্ডবতেজসা॥ 11-24-25 (65510)
মায়যা নিকৃতিপ্রজ্ঞো জিতবান্যো যুধিষ্ঠিরম্।
সভায়াং বিপুলং রাজ্যং স জহৌ জীবিতং কথম্॥ 11-24-26 (65511)
শকুন্তাঃ শকুনিং কৃষ্ণ সমন্তাৎপর্যুপাসতে।
কিতবং মম পুত্রাণাং বিনাশায়োপশিক্ষিতম্॥ 11-24-27 (65512)
এতেনৈতন্মহদ্বৈরং প্রসক্তং পাণ্ডবৈঃ সহ।
বধায় মম পুত্রাণামাত্মনঃ সগণস্য চ॥ 11-24-28 (65513)
যথৈব মম পুত্রাণাং লোকাঃ শস্ত্রজিতাঃ প্রভো।
এবমস্যাপি দুর্বুদ্ধের্লোকাঃ শস্ত্রেণ বৈ জিতাঃ॥ 11-24-29 (65514)
কথং চ নায়ং তত্রাপি পুত্রান্মে ভ্রাতৃভিঃ সহ।
বিরোধয়েদৃজুপ্রজ্ঞাননৃজুর্মধুসূদন॥ ॥ 11-24-30 (65515)
ইতি শ্রীমন্মহাভারতে স্ত্রীপর্বণি স্ত্রীবিলাপপর্বণি চতুর্বিংশোঽধ্যায়ঃ॥ 24 ॥
Mahabharata - Strii Parva - Chapter Footnotes
11-24-13 বীভৎসুরতিনির্মলকর্মা। অতিবীভৎসং অতিগর্হিতম্॥ 11-24-15 অকো দ্বাভ্যাং হতঃ শেষে ৎবমধর্মেণ ধার্মিক ইতি ঝ.পাঠঃ॥ 11-24-26 স পুনর্জীবিতং জিত ইতি ঝ.পাঠঃ॥ 11-24-24 চতুর্বিংশোঽধ্যায়ঃ॥স্ত্রীপর্ব - অধ্যায় 025
॥ শ্রীঃ ॥
11.25. অধ্যায়ঃ 025
Mahabharata - Strii Parva - Chapter Topics
কৃষ্ণম্প্রতি গান্ধার্যা কুরুপাণ্ডবসংক্ষয়স্য কৃষ্ণোপেক্ষণহেতুকৎবকথনপূর্বকং সর্ববন্ধুসংক্ষয়ায় শাপদানম্॥ 1 ॥Mahabharata - Strii Parva - Chapter Text
11-25-0 (65516)
গান্ধার্যুবাচ। 11-25-0x (5360)
কাম্ভোজং পশ্য দুর্ধর্ষং কাম্ভোজাস্তরণোচিতম্।
শয়ানমৃষভস্কন্ধং হতং পাংসুষু মাধব॥ 11-25-1 (65517)
অস্য ক্ষতজসন্দিগ্ধৌ বাহূ চন্দনরূষিতৌ।
অবেক্ষ্য কৃপণং ভার্যা বিলপত্যতিদুঃখিতা॥ 11-25-2 (65518)
ইমৌ তৌ পরিঘপ্রখ্যৌ বাহূ চন্দনরূষিতৌ।
যয়োর্বিবরমাপন্নাং ন রতির্মাং পুরাঽজহাৎ॥ 11-25-3 (65519)
কাং গতিং তু গমিষ্যামি ৎবয়া হীনা জনেশ্বর।
দূরবন্ধুরনাথা চ বেপন্তী মধুরস্বরা॥ 11-25-4 (65520)
আতপে ক্লাম্যমানানাং বিবিধানামিব স্রুজাম্।
ক্লান্তানামপি নারীণাং জহাতি শ্রীর্ন বৈ তনূঃ॥ 11-25-5 (65521)
শয়ানমভিতঃ শূরং কালিঙ্গং মধুসূদন।
পশ্য দীপ্তাঙ্গদয়ুতং প্রতিমানং ধনুষ্মতাম্॥ 11-25-6 (65522)
মাগধানামধিপতিং জয়ৎসেনং জনার্দন।
পরিবার্য প্ররুদিতা মাগধ্যঃ পশ্য যোষিতঃ॥ 11-25-7 (65523)
হরিণায়তনেত্রাণাং সুস্বরাণাং জনার্দন।
মনঃ শ্রুতিহরো নাদো মনো মোহয়তীব মে॥ 11-25-8 (65524)
প্রকীর্ণবস্ত্রাভরণা রুদত্যঃ শোককর্শিতাঃ।
স্বাস্তীর্ণশয়নোপেতা মাগধ্যঃ শেরতে ভুবি॥ 11-25-9 (65525)
কোসলানামধিপতিং রাজপুত্রং বৃহদ্বলম্।
ভর্তারং পরিবার্যৈতাঃ পৃথক্প্ররুদিতাঃ স্ত্রিয়ঃ॥ 11-25-10 (65526)
অস্য গাত্রগতান্বাণান্কার্ষ্ণিবাহুবলেরিতান্।
উদ্ধরন্ত্যসুখাবিষ্টা মূর্চ্ছমানাঃ পুনঃ পুনঃ॥ 11-25-11 (65527)
আসাং সর্বানবদ্যানামাতপেন পরিশ্রমাৎ।
প্রম্লাননলিনাভানি ভান্তি বক্ত্রাণি মাধব॥ 11-25-12 (65528)
দ্রোণেন নিহতাঃ শূরা শেরতে রুচিরাঙ্গদাঃ।
ধৃষ্টদ্যুম্নসুতাঃ সর্বে শিশবো হেমমালিনঃ॥ 11-25-13 (65529)
রথাগ্ন্যগারং চাপার্চিং শরশক্তিগদেন্ধনম্।
দ্রোণমাসাদ্য নির্দগ্ধাঃ শলভা ইব পাবকম্॥ 11-25-14 (65530)
তথৈব নিহতাঃ শূরাঃ শেরতে রুচিরাঙ্গদাঃ।
দ্রোণেনাভিমুখাঃ সঙ্খ্যে ভ্রাতরঃ পঞ্চ কেকয়াঃ॥ 11-25-15 (65531)
তপ্তকাঞ্চনবর্মাণস্তালধ্বজস্থব্রজাঃ।
ভাসয়ন্তি মহীং ভাসা জ্বলিতা ইব পাবকাঃ॥ 11-25-16 (65532)
দ্রোণেন দ্রুপদং সঙ্খ্যে পশ্য মাধব পাতিতম্।
মহাদ্বিপমিবারণ্যে সিংহেন মহতা হতম্॥ 11-25-17 (65533)
পাঞ্চালরাজ্ঞো বিমলং পুণ্ডরীকাক্ষ পাণ্ডুরম্।
আতপত্রং সমাভাতি শরদীব নিশাকরঃ॥ 11-25-18 (65534)
এতাস্তু দ্রুপদং বৃদ্ধং স্নুষা ভার্যাশ্চ দুঃখিতাঃ।
দগ্ধ্বা গচ্ছন্তি পাঞ্চালরাজানমপসব্যতঃ॥ 11-25-19 (65535)
ধৃষ্টকেতুং মহাত্মানং চেদিপুঙ্গবমঙ্গনাঃ।
দ্রোণেন নিহতং শূরং হরন্তি হৃতচেতসঃ॥ 11-25-20 (65536)
দ্রোণাস্ত্রমভিহত্যৈষ বিমর্দে মধুসূদন।
মহেষ্বাসো হতঃ শেতে বজ্রাহত ইব দ্রুমঃ॥ 11-25-21 (65537)
এষ চেদিপতিঃ শূরো ধৃষ্টকেতুর্মহারথঃ।
শেতে বিনিহতঃ সঙ্খ্যে হৎবা শত্রূন্সহস্রশঃ॥ 11-25-22 (65538)
বিতুদ্যমানং বিহগৈস্তং ভার্যাঃ পর্যুপাশ্রিতাঃ।
চেদিরাজং হৃষীকেশ হতং সবলবান্ধবম্॥ 11-25-23 (65539)
দাশার্হপুত্রজং বীরং শয়ানং সত্যবিক্রমম্।
আরোপ্যাঙ্কে রুদন্ত্যেতাশ্চেদিরাজ বরাঙ্গনাঃ॥ 11-25-24 (65540)
অস্য পুত্রং হৃষীকেশ সুবক্ত্রং চারুকুণ্ডলম্।
দ্রোণেন সমরে পশ্য নিকৃত্তং বহুধা শরৈঃ॥ 11-25-25 (65541)
পিতরং নূনমাজিস্থং যুধ্যমানং পরৈঃ সহ।
নাজহাৎপিতরং বীরমদ্যাপি মধুসূদন॥ 11-25-26 (65542)
এবং মমাপি পুত্রস্য পুত্রঃ পিতরমন্বগাৎ।
দুর্যোধনং মহাবাহো লক্ষ্মণঃ পরবীরহা॥ 11-25-27 (65543)
বিন্দানুবিন্দাবাবন্ত্যৌ পতিতৌ পশ্য মাধব।
হিমান্তে পুষ্পিতৌ শালৌ মরুতা গলিতাবিব॥ 11-25-28 (65544)
কাঞ্চনাঙ্গদবর্মাণৌ বাণখঙ্গধনুর্ধরৌ।
ঋষভপ্রতিরূপাক্ষৌ শয়ানৌ বিমলস্রজৌ॥ 11-25-29 (65545)
অবধ্যাঃ পাণ্ডবাঃ কৃষ্ণ সর্ব এব ৎবয়া সহ।
যে মুক্তা দ্রোণভীষ্মাভ্যাং কর্ণাদ্বৈকর্তনাৎকৃপাৎ॥ 11-25-30 (65546)
দুর্যোধনাদ্দ্রোণসুতাৎসৈন্ধবাচ্চ জয়দ্রথাৎ।
সোমদত্তাদ্বিকর্ণাচ্চ শূরাচ্চ কৃতবর্মণঃ॥ 11-25-31 (65547)
যে হন্যুঃ শস্ত্রবেগেন দেবানপি নরর্ষভাঃ।
ত ইমে নিহতাঃ সঙ্খ্যে পশ্য কালস্য পর্যযম্॥ 11-25-32 (65548)
নাতিভারোঽস্তি দৈবস্য ধ্রুবং মাধব কশ্চন।
যদিমে নিহতাঃ শূরাঃ ক্ষত্রিয়ৈঃ ক্ষত্রিয়র্ষভাঃ।
`শূরাশ্চ কৃতবিদ্যাশ্চ মম পুত্রা মনস্বিনঃ'॥ 11-25-33 (65549)
তদৈব নিহতাঃ কৃষ্ণ মম পুত্রাস্তরস্বিনঃ।
যদৈবাকৃতকামস্ৎবমুপপ্লাব্যং গতঃ পুনঃ॥ 11-25-34 (65550)
শন্তনোশ্চৈব পুত্রেণ প্রাজ্ঞেন বিদুরেণ চ।
তদৈবোক্তাস্মি মা স্নেহং কুরুষ্বাত্মসুতেষ্বিতি॥ 11-25-35 (65551)
তয়োর্হি দর্শনং নৈতন্মিথ্যা ভবিতুমর্হতি।
অচিরেণৈব মে পুত্রা ভস্মীভূতা জনার্দন॥ 11-25-36 (65552)
বৈশম্পায়ন উবাচ। 11-25-37x (5361)
ইত্যুক্ৎবা ন্যপতদ্ভূমৌ গান্ধারী শোকমূর্চ্ছিতা।
দুঃখোপহতবিজ্ঞানা ধৈর্যমুৎসৃজ্য ভারত॥ 11-25-37 (65553)
ততঃ কোপপরীতাঙ্গী পুত্রশোকপরিপ্লুতা।
জগাদ শৌরিং দোষেণ গান্ধারী ব্যথিতেন্দ্রিয়া॥ 11-25-38 (65554)
গান্ধার্যুবাচ। 11-25-39x (5362)
পাণ্ডবাঃ ধার্তরাষ্ট্রাশ্চ ক্রুদ্ধাঃ কৃষ্ণ পরস্পরম্।
উপেক্ষিতা বিনশ্যন্তস্ৎবয়া কস্মাজ্জনার্দন ॥ 11-25-39 (65555)
শক্তেন বহুভৃত্যেন বিপুলে তিষ্ঠতা বলে।
উভয়ত্র সমর্থেন শ্রুতবাক্যেন চৈব হ॥ 11-25-40 (65556)
ইচ্ছতোপেক্ষিতো নাশঃ কুরূণাং মধুসূদন।
যস্মাত্ৎবয়া মহাবাহো ফলং তস্মাদবাপ্নুহি॥ 11-25-41 (65557)
পতিশুশ্রূষয়া যন্মে তপঃ কিঞ্চিদুপার্জিতম্।
তেন ৎবাং দুরবাপেন শপে চক্রগদাধরম্॥ 11-25-42 (65558)
যস্মাৎপরস্পরং ঘ্নন্তো জ্ঞাতয়ঃ কুরুপাণ্ডবাঃ।
উপেক্ষিতাস্তে গোবিন্দ তস্মাজ্জ্ঞাতীন্বধিষ্যসি॥ 11-25-43 (65559)
ৎবমপ্যুপস্থিতে বর্ষে ষট্ত্রিংশে মধুসূদন।
হতজ্ঞাতির্হতামাত্যো হতপুত্রো বনেচরঃ॥ 11-25-44 (65560)
অনাথবদবিজ্ঞাতো লোকেষ্বনভিলক্ষিতঃ।
কুৎসিতেনাভ্যুপায়েন নিধনং সমবাপ্স্যসি॥ 11-25-45 (65561)
তবাপ্যেবং হতসুতা নিহতজ্ঞাতিবান্ধবাঃ।
স্ত্রিয়ঃ পরিপতিষ্যন্তি যথৈতা ভরতস্ত্রিয়ঃ॥ 11-25-46 (65562)
বৈশম্পয়ন উবাচ। 11-25-47x (5363)
তচ্ছ্রুৎবা বচনং ঘোরং বাসুদেবো মহামনাঃ।
উবাচ দেবীং গান্ধারীমীষদভ্যুৎস্ময়ন্নিব॥ 11-25-47 (65563)
জানেঽহমেতদপ্যেবং চীর্ণং চরসি ক্ষত্রিয়ে।
দৈবাদেব বিনশ্যন্তি বৃষ্ণয়ো নাত্র সংশয়ঃ॥ 11-25-48 (65564)
সংহর্তা বৃষ্ণিচক্রস্য নান্যো মদ্বিদ্যতে শুভে।
অবধ্যাস্তে নরৈরন্যৈরপি বা দেবদানবৈঃ॥ 11-25-49 (65565)
পরস্পরকৃতং নাশং যতঃ প্রাপ্স্যন্তি যাদবাঃ।
ইত্যুক্তবতি দাশার্হে পাণ্ডবাস্ত্রস্তচেতসঃ।
বভূবুর্ভৃশসংবিগ্না নিরাশাশ্চাপি জীবিতে॥ ॥ 11-25-50 (65566)
ইতি শ্রীমন্মহাভারতে স্ত্রীপর্বণি স্ত্রীবিলাপপর্বণি পঞ্চবিংশোঽধ্যায়ঃ॥ 25 ॥
Mahabharata - Strii Parva - Chapter Footnotes
11-25-1 কাম্ভোজাস্তরণং কম্বলবিশেষঃ॥ 11-25-3 বাহূ শুভতলাঙ্গুলী ইতি ঝ.পাঠঃ॥ 11-25-6 দীপ্তাঙ্গদয়ুগপ্রতিনদ্ধমহাভুজমিতি ঝ.পাঠঃ॥ 11-25-24 দাশার্হপুত্রজমিত্যত্র পুত্র্যামপি পুত্রশব্দঃ॥ 11-25-26 পিতরমিতি পিতৃপদস্যাবৃত্তিঃ শোকাকুলৎবান্ন দোষায়॥ 11-25-36 তয়োর্ভীষ্মবিদুরয়োঃ দর্শনং অনাগতাবেক্ষণম্॥ 11-25-38 জগাদশৌরিং রোষণেতি ট.পাঠঃ॥ 11-25-47 অভ্যুৎস্ময়ন্নীষদ্ধ্বংসয়ন্॥ 11-25-48 চীর্ণং চরসি মদনুষ্টিতমেবানুতিষ্ঠসি। স্বতপোনাশার্থমিতি ভাবঃ॥ 11-25-25 পঞ্চবিংশোঽধ্যায়ঃ॥স্ত্রীপর্ব - অধ্যায় 026
॥ শ্রীঃ ॥
11.26. অধ্যায়ঃ 026
Mahabharata - Strii Parva - Chapter Topics
শোকাদ্ভুবি পতিতায়া গান্ধার্যাঃ কৃষ্ণেনাশ্বাসনম্॥ 1 ॥ যুধিষ্ঠিরাজ্ঞয়া বিদুরসঞ্জয়াদিভির্মৃতানাং দাহক্রিয়াকরণম্॥ 2 ॥Mahabharata - Strii Parva - Chapter Text
11-26-0 (65567)
শ্রীভগবানুবাচ। 11-26-0x (5364)
উত্তিষ্ঠোত্তিষ্ঠ গান্ধারি মা চ শোকে মনঃ কৃথাঃ।
তবৈব হ্যপরাধেন কুরবো নিধনং গতাঃ॥ 11-26-1 (65568)
যত্ৎবং পুত্রং দুরাত্মানমীর্ষুমত্যন্তমানিনম্।
দুর্যোধনং পুরস্কৃত্য দুষ্কৃতং সাধু মন্যসে॥ 11-26-2 (65569)
নিষ্ঠুরং বৈরপুরুষং বৃদ্ধানাং শাসনাতিগম্।
কথমাত্মকৃতং দোষং ময়্যাধাতুমিহেচ্ছসি॥ 11-26-3 (65570)
মৃতং বা যদি বা নষ্টং যোঽতীতমনুশোচতি।
দুঃখেন লভতে দুঃখং দ্বাবনর্থৌ প্রপদ্যতে॥ 11-26-4 (65571)
তপোর্থীয়ং ব্রাহ্মণী ধত্ত গর্ভং
গৌর্বোঢারং ধাবিতারং তুরঙ্গী।
শূদ্রা দাসং পশুপালং চ বৈশ্যা
বধার্থীয়ং ৎবদ্বিধা রাজপুত্রী॥ 11-26-5 (65572)
বৈশম্পায়ন উবাচ। 11-26-6x (5365)
তচ্ছ্রুৎবা বাসুদেবস্য পুনরুক্তং বচোঽপ্রিয়ম্।
তূষ্ণীং বভূব গান্ধারী শোকব্যাকুললোচনা॥ 11-26-6 (65573)
ধৃতরাষ্ট্রস্তু রাজর্ষির্নিগৃহ্যাবুদ্ধিজং তমঃ।
পর্যপৃচ্ছত ধর্মজ্ঞো ধর্মরাজং যুধিষ্ঠিরম্॥ 11-26-7 (65574)
জীবতাং পরিমাণজ্ঞঃ সৈন্যানামসি পাণ্ডব।
হতানাং যদি জানীষে পরিমাণং বদস্বং মে॥ 11-26-8 (65575)
যুধিষ্ঠির উবাচ। 11-26-9x (5366)
দশায়ুতসহস্রাণি সহস্রাণি চ বিংশতিঃ।
কোট্যঃ ষষ্টিশ্চ ষট্ চৈব হ্যস্মিন্রাজন্মৃধে হতাঃ॥ 11-26-9 (65576)
আলক্ষাণাং চ বীরাণাং সহস্রাণি চতুর্দশ।
দশ চান্যানি রাজেন্দ্র শতং ষষ্টিশ্চ ভারত॥ 11-26-10 (65577)
ধৃতরাষ্ট্র উবাচ। 11-26-11x (5367)
যুধিষ্ঠিরগতিং কাং তে গতাঃ পুরুষসত্তম।
আচক্ষ্ব মে মহাবাহো সর্বজ্ঞো হ্যসি মে মতঃ॥ 11-26-11 (65578)
যুধিষ্ঠির উবাচ। 11-26-12x (5368)
যৈর্হুতানি শরীরাণি হৃষ্টৈঃ পরমসংয়ুগে।
দেবরাজসমাঁল্লোকান্গতাস্তে সত্যবিক্রমাঃ॥ 11-26-12 (65579)
যে ৎবহৃষ্টেন মনসা মর্তব্যমিতি ভারত।
যুধ্যমানা হতাঃ সঙ্খ্যে গন্ধর্বৈঃ সহ সঙ্গতাঃ॥ 11-26-13 (65580)
যে চ সঙ্গ্রামভূমিষ্ঠা যাচমানাঃ পরাঙ্মুখাঃ।
শস্ত্রেণ নিধনং প্রাপ্তা গতাস্তে গুহ্যকান্প্রতি॥ 11-26-14 (65581)
পাত্যমানাঃ পরৈর্যে তু হীয়মানা নিরায়ুধাঃ।
হীনিষেবা মহাত্মানঃ পরানভিমুখা রণে॥ 11-26-15 (65582)
ছিদ্যমানাঃ শিতৈঃ শস্ত্রৈঃ ক্ষত্রধর্মপরায়ণাঃ।
হতাস্তে ব্রহ্মসদনং গতা বীরাঃ সুবর্চসঃ॥ 11-26-16 (65583)
যে ৎবত্র নিহতা রাজন্নন্তরায়োধনং প্রতি।
যথাকথঞ্চিৎপুরুষাস্তে গতা হ্যুত্তরাং গতিম্॥ 11-26-17 (65584)
ধৃতরাষ্ট্র উবাচ। 11-26-18x (5369)
কেন জ্ঞানবলেনৈব পুত্র পশ্যসি সিদ্ধবৎ।
তন্মে বদ মহাবাহো শ্রোতব্যং যদি বৈ ময়া॥ 11-26-18 (65585)
যুধিষ্ঠির উবাচ। 11-26-19x (5370)
নিদেশাদ্ভবতঃ পূর্বং বনে বিচরতা ময়া।
তীর্থয়াত্রাপ্রসঙ্গেন সম্প্রাপ্তোঽয়মনুগ্রহঃ॥ 11-26-19 (65586)
দেবর্ষির্লোমশো দৃষ্টস্ততঃ প্রাপ্তোঽস্ম্যনুস্মৃতিম্।
দিব্যং চক্ষুরপি প্রাপ্তং জ্ঞানয়োগেন বৈ পুরা॥ 11-26-20 (65587)
ধৃতরাষ্ট্র উবাচ। 11-26-21x (5371)
যে ৎবনাথা জনাস্তাত নাথবন্তশ্চ পাণ়্ডব।
কচ্চিত্তেষাং শরীরাণি ধক্ষ্যন্তি বিধিপূর্বকম্॥ 11-26-21 (65588)
যুধিষ্ঠির উবাচ। 11-26-22x (5372)
ন যেষাং শান্তিকর্তারো ন চ যেঽত্রাহিতাগ্নয়ঃ।
বয়ং চ তেষাং কুর্যামো বহুৎবাত্তাত কর্মণাম্॥ 11-26-22 (65589)
যান্সুপর্ণাশ্চ গুধ্রাশ্চ বিকর্ষন্তি ততস্ততঃ।
তেষাং সঙ্কর্ষণা লোকা ভবিষ্যন্তি ন সংশয়ঃ॥ 11-26-23 (65590)
বৈশম্পায়ন উবাচ। 11-26-24x (5373)
এবমুক্ৎবা মহারাজ কুন্তীপুত্রো যুধিষ্ঠিরঃ।
আদিদেশ সুধর্মাণং ধৌম্যং সূতং চ সঞ্জয়ম্॥ 11-26-24 (65591)
বিদুরং চ মহাবুদ্ধিং যুয়ুৎসুং চৈব কৌরবম্।
ইন্দ্রসেনমুখান্ভৃত্যান্সূতাংশ্চৈব সহস্রশঃ॥ 11-26-25 (65592)
ভবন্তঃ কারয়ন্ৎবেষাং প্রেতকার্যাণ্যশেষতঃ।
যথা নাথবতাং কিঞ্চিচ্ছরীরং ন বিনশ্যতি॥ 11-26-26 (65593)
শাসনাদ্ধর্মরাজস্য ক্ষত্তা সূতশ্চ সঞ্জয়ঃ।
সুধর্মা ধৌম্যসহিত ইন্দ্রসেনাদয়স্তথা॥ 11-26-27 (65594)
চন্দনাগুরুকাষ্ঠানি তথা কালীয়কান্যুত।
ঘৃতং তৈলং চ গন্ধাংশ্চ ক্ষৌমাণি বসনানি চ॥ 11-26-28 (65595)
সমাহৃত্য মহার্হাণি দারুণাং চৈব সঞ্চয়ান্।
রথাংশ্চ মৃদিতাস্তত্র নানাপ্রহরণানি চ॥ 11-26-29 (65596)
চিতাঃ কৃৎবা প্রয়ত্নেন যথামুখ্যান্নরাধিপান্।
দাহয়ামাসুরব্যাগ্রাঃ শাস্ত্রদৃষ্টেন কর্মণা॥ 11-26-30 (65597)
দুর্যোধনং চ রাজানং ভ্রাতৄংশ্চাস্য কর্মণা॥
শল্যং শলং চ রাজানং ভূরিশ্রবসমেব চ॥ 11-26-31 (65598)
জয়দ্রথং চ রাজানমভিমন্যুং চ ভারত।
দৌঃশাসনিং লক্ষ্মণং চ ধৃষ্টকেতুং চ পার্থিবম্॥ 11-26-32 (65599)
বৃহদ্বলং সোমদত্তং সৃঞ্জয়ং চ মহারথম্।
রাজানং ক্ষেমধন্বানং বিরাটদ্রুপদৌ তথা॥ 11-26-33 (65600)
শিখণ্ডিনং চ পাঞ্চাল্যং ধৃষ্টদ্যুম্নং চ পার্ষতম্।
যুধামন্যুং চ বিক্রান্তমুত্তমৌজসমেব চ॥ 11-26-34 (65601)
কৌসল্যং দ্রৌপদেয়াংশ্চ শকুনিং চাপি সৌবলম্।
অচলং বৃষকং চৈব ভগদত্তে চ পার্থিবম্॥ 11-26-35 (65602)
কর্ণং বৈকর্তনং চৈব সহপুত্রমমর্ষণম্।
কেকয়াংশ্চ মহেষ্বাসাংস্ত্রিগর্তাংশ্চ মহারথান্॥ 11-26-36 (65603)
ঘটোৎকচং রাক্ষসেন্দ্রং বকভ্রাতরমেব চ।
অলম্বুসং রাক্ষসেন্দ্রং জলসন্ধং চ পার্থিবম্॥ 11-26-37 (65604)
এতাংশ্চান্যাংস্চ সুবহূন্পার্থিবাংশ্চ সহস্রশঃ।
ধৃতধারাহুতৈর্দীপ্তৈঃ পাবকৈঃ সমদাহয়ন্। 11-26-38 (65605)
পিতৃমেধাশ্চ কেষাঞ্চিৎপ্রাবর্তন্ত মহাত্মনাম্।
সামভিশ্চাপ্যগায়ন্ত তেঽন্বশাসত চাপরৈঃ॥ 11-26-39 (65606)
সাম্নামৃচাং চ নাদেন স্ত্রীণাং চ রুদিতস্বনৈঃ।
কশ্মলং সর্বভূতানাং নিশায়াং সমপদ্যত॥ 11-26-40 (65607)
হুতাশ্চ তৎপ্রদীপ্তাশ্চ দীপ্যমানাশ্চ পাবকাঃ।
নভসীবান্বদৃশ্যন্ত গ্রহাস্তন্বভ্রসংবৃতাঃ॥ 11-26-41 (65608)
যে চাপ্যনাথাস্তত্রাসন্নানাদেশসমাগতাঃ।
তাংশ্চ সর্বান্সমানীয় রাশীকৃৎবা সহস্রশঃ॥ 11-26-42 (65609)
চিৎবা দারুভিরব্যগ্রৈঃ প্রভূতৈঃ স্নেহপাচিতৈঃ।
দাহয়ামাস তান্সর্বান্বিদুরো রাজশাসনাৎ॥ 11-26-43 (65610)
কারয়িৎবা ক্রিয়াস্তেষাং কুরুরাজো যুধিষ্ঠিরঃ।
ধৃতরাষ্ট্রং পুরস্কৃত্য গঙ্গামভিমুখোঽগমৎ॥ ॥ 11-26-44 (65611)
ইতি শ্রীমন্মহাভারতে স্ত্রীপর্বণি শ্রাদ্ধপর্বণি ষড্বিংশোঽধ্যায়ঃ॥ 26 ॥
Mahabharata - Strii Parva - Chapter Footnotes
11-26-2 দুষ্কৃতং দুরাচরিতং স্বকীয়ম্॥ 11-26-3 বৈরপ্রিয়ং পুরুষং xxxxষম্॥ 11-264- দ্বৌ পূর্বাপরদুঃখদ্বয়রূপৌ॥ 11-26-5 তপোরূপায়ার্থায় উৎপন্নং তপোর্থীয়ম্। ৎবদ্বিধা বধার্থীয়মেব গর্ভং ধত্তে। অন্যা তু জয়ার্থীয়ং কীর্ত্যাদ্যর্থীয়মপীতি ভাবঃ। তপোর্থিনং, বধার্থিনং ইতি ক.পাঠঃ॥ 11-26-17 তে গতাস্তূত্তরান্কুরূনিতি ছ.পাঠঃ। তে গতাস্তূত্তমাং গতিমিতি ট.পাঠঃ। তে গতা হ্যধমাং গতিমিতি ক.পাঠঃ॥ 11-26-24 সুধর্মাণং দুর্যোধনপুরোহিতম্॥ 11-26-43 স্নেহপাচিতৈঃ স্নেহসংয়ুক্তৈঃ॥ 11-26-26 ষড্বিংশোঽধ্যায়ঃ॥স্ত্রীপর্ব - অধ্যায় 027
॥ শ্রীঃ ॥
11.27. অধ্যায়ঃ 027
Mahabharata - Strii Parva - Chapter Topics
মৃতানামুদকদানায় ধৃতরাষ্ট্রয়ুধিষ্ঠিরাদিভির্গঙ্গাতীরগমনম্॥ 1 ॥ উদকদানারম্ভে কুন্ত্যা যুধিষ্ঠিরম্প্রতি কর্ণস্য স্বপুত্রৎবকথনপূর্বকং তস্যা উদকদানচোদনা॥ 2 ॥ ধৃতরাষ্ট্রয়ুধিষ্ঠিরাদিভির্বন্ধুভ্যো জলদানম্॥ 3 ॥Mahabharata - Strii Parva - Chapter Text
11-27-0 (65612)
বৈশম্পায়ন উবাচ। 11-27-0x (5374)
তে সমাসাদ্য গঙ্গাং তু শিবাং পুণ্যজলান্বিতাম্।
হ্লাদিনীং চ প্রসন্নাং চ মহারূপাং মহাবনাম্॥ 11-27-1 (65613)
ভূষণান্যুত্তরীয়াণি বেষ্টনান্যবমুচ্য চ।
`কবচানি বিচিত্রাণি গঙ্গামবজগাহিরে'॥ 11-27-2 (65614)
ততঃ পিতৄণাং ভ্রাতৄণাং পৌত্রাণাং স্বজনস্য চ।
পুত্রাণামার্যকাণাং চ পতীনাং চ কুরুস্ত্রিয়ঃ॥ 11-27-3 (65615)
উদকং চক্রিরে সর্বা রুদন্ত্যো ভৃশদুঃখিতাঃ।
সুহৃদাং চাপি ধর্মজ্ঞাঃ প্রচক্রুঃ সলিলক্রিয়াম্॥ 11-27-4 (65616)
উদকে ক্রিয়মাণে তু বীরাণাং বিরপত্নিভিঃ।
সূপতীর্থাঽভবদ্গঙ্গা ভূয়ো বিপ্রসসার চ॥ 11-27-5 (65617)
তন্মহোদধিসঙ্কাশং নিরানন্দমনুৎসবম্।
বীরপত্নীভিরাকীর্ণং গঙ্গাতীরমশোভত॥ 11-27-6 (65618)
ততঃ কুন্তী মহারাজ রুদন্তী শোককর্শিতা।
ব্রীডয়া মন্দয়া বাচা পুত্রান্বচনমব্রবীৎ॥ 11-27-7 (65619)
যঃ স বীরো মহেষ্বাসো রথয়ূথপয়ূথপঃ।
অর্জুনেন হতঃ সঙ্খ্যে বীরলক্ষণলক্ষিতঃ॥ 11-27-8 (65620)
যং সূতপুত্রং মন্যধ্বং রাধেয়মিতি পাণ্ডবাঃ।
যো ব্যরাজচ্চমূমধ্যে দিবাকর ইব প্রভুঃ॥ 11-27-9 (65621)
প্রত্যযুধ্যত বঃ সর্বান্পুরা যঃ সপদানুগান্।
দুর্যোধনবলং সর্বং যঃ প্রকর্ষন্ব্যরোচত॥ 11-27-10 (65622)
যস্য নাস্তি সমো বীর্যে পৃথিব্যামপি কশ্চন।
যো বৃণীত যশঃ শূরঃ প্রাণৈরপি সদা ভুবি॥ 11-27-11 (65623)
কর্ণস্য সত্যসন্ধস্য সঙ্গ্রামেষ্বপলায়িনঃ।
কুরুধ্বমুদকং তস্য ভ্রাতুরক্লিষ্টকর্মণঃ॥ 11-27-12 (65624)
স হি বঃ পূর্বজো ভ্রাতা ভাস্করান্ময়্যজায়ত।
কুণ্ডলী কবচী শূরো দিবাকরসমপ্রভঃ॥ 11-27-13 (65625)
শ্রুৎবা তু পাণ্ডবাঃ সর্বে মাতুর্বচনমপ্রিয়ম্।
কর্ণমেবানুশোচন্তো ভূয়শ্চাত্যাতুরা ভবন্॥ 11-27-14 (65626)
ততঃ স পুরুষব্যাঘ্রঃ রুন্তীপুত্রো যুধিষ্ঠিরঃ।
উবাচ মাতরং বীরো নিঃশ্বসন্নিব পন্নগঃ॥ 11-27-15 (65627)
যঃ শরোর্মির্ধ্বজাবর্তো মহাভুজমহাগ্রহঃ।
তলশব্দপ্রণুদিতো মহারথমহাগ্রহঃ॥ 11-27-16 (65628)
যস্যেষুপাতমাসাদ্য কোঽন্যস্তিষ্ঠেদ্ধনঞ্জয়াৎ।
কথং পুত্রো ভবত্যাঃ স দেবগর্ভঃ পুরাঽভবৎ।
`কুণ্ডলী কবচী শূরো দিবাকরসমপ্রভঃ॥ 11-27-17 (65629)
যস্য বাহুপ্রতাপেন তাপিতাঃ সর্বতো বয়ম্।
তমগ্নিমিব বস্ত্রেণ কথং ছাদিতবত্যসি॥ 11-27-18 (65630)
যস্য বাহুপ্রভাবেন বৈরমস্মাস্বরোচয়ৎ।
সুয়োধনস্তু তং জ্যেষ্ঠং কথং নোদিতবত্যসি॥ 11-27-19 (65631)
তথা কর্ণং মহেষ্বাসং ধার্তরাষ্ট্রৈরুপাসিতম্।
উপাসিতং যথাঽস্মাভির্বলং গাণ্ডীবধন্বনঃ॥ 11-27-20 (65632)
ভূমিপানাং চ সর্বেষাং বলং বলবতাং বরঃ।
নান্যঃ কুন্তীসুতাৎকর্ণাদগৃহ্ণাদ্রথিনো রথী॥ 11-27-21 (65633)
স নঃ প্রথমজো ভ্রাতা সর্বশস্ত্রভৃতাং বরঃ।
অসূত তং ভবত্যগ্রে কথমদ্ভুতবিক্রমম্॥ 11-27-22 (65634)
অহো ভবত্যা মন্ত্রস্য গূহনেন বয়ং হতাঃ।
নিধনেন হি কর্ণস্য পীডিতাস্তু সবান্ধবাঃ॥ 11-27-23 (65635)
অভিমন্যোর্বিনাশেন দ্রৌপদেয়বধেন চ।
পাঞ্চালানাং বিনাশেন, কুরূণাং ঘাতনাদপি॥ 11-27-24 (65636)
ততঃ শতগুণং দুঃখমিদমাপতিতং মহৎ।
কর্ণমেবানুশোচাপি দহ্যাম্যগ্নাবিবাহিতঃ॥ 11-27-25 (65637)
নেহ স্ম কিঞ্চিদপ্রাপ্য ভবেদপি দিবি স্থিতম্।
ন চেদং বৈশসং ঘোরকং কৌরবান্তকরং ভবেৎ॥ 11-27-26 (65638)
এবং বিলপ্য বহুলং ধর্মরাজো যুধিষ্ঠিরঃ।
ব্যরুদচ্ছনকৈঃ রাজংশ্চকারাস্যোদকং প্রভুঃ॥ 11-27-27 (65639)
ততো বিনেদুঃ সহসা স্ত্রিয়স্তাঃ খলু সর্বশঃ।
অভিতো যাঃ স্থিতাস্তত্র তস্মিন্নুদককর্মণি॥ 11-27-28 (65640)
তত আনায়যামাস কর্ণস্য সপরিচ্ছদাঃ।
স্ত্রিয়ঃ কুরুপতির্ধীমান্ভ্রাতুঃ প্রেম্ণা যুধিষ্ঠিরঃ॥ 11-27-29 (65641)
স তাভিঃ সহ ধর্মাত্মা প্রেতকৃত্যমনন্তরম্।
`সর্বং চকার কর্ণস্য বিধিবদ্ভূরিদক্ষিণম্॥ 11-27-30 (65642)
স রাজা ধৃতরাষ্ট্রশ্চ কৃৎবা জলমতন্দ্রিতঃ।
সমুত্ততার গঙ্গায়া ভার্যযা সহ ভারত॥' 11-27-31 (65643)
[পাপেনাসৌ ময়া শ্রেষ্ঠো ভ্রাতা জ্ঞাতির্নিপাতিতঃ।
অতো মনসি যদ্গুহ্যং স্ত্রীণাং তন্ন ভবিষ্যতি॥ 11-27-32 (65644)
ইত্যুক্ৎবা স তু গঙ্গায়া উত্ততারাকুলেন্দ্রিয়ঃ।
ভ্রাতৃভিঃ সহিতঃ সর্বৈর্গঙ্গাতীরমুপেয়িবান্॥] ॥ 11-27-33 (65645)
ইতি শ্রীমন্মহাভারতে শতসাহস্রিকায়াং সংহিতায়াং বৈয়াসিক্যাং স্ত্রীপর্বণি শ্রাদ্ধপর্বণি সপ্তবিংশোঽধ্যায়ঃ॥ 27 ॥
অতঃ পরংশান্তিপর্ব ভবিষ্যতি তস্যায়মাদ্যঃ শ্লোকঃ। 11-27-1 (65646)
11-27-1x (5375)
বৈশম্পায়ন উবাচ।
কৃৎবোদকং তে সুহৃদাং সর্বেষাং পাণ্ডুনন্দনাঃ।
বিদুরে ধৃতরাষ্ট্রশ্চ সর্বাশ্চ ভরতস্ত্রিয়ঃ॥