Kumbhaghonam Edition in Bangla Script
12. শান্তিপর্ব
শান্তিপর্ব - অধ্যায় 001
॥ শ্রীঃ ॥
12.1. অধ্যায়ঃ 001
Mahabharata - Shanti Parva - Chapter Topics
গঙ্গাতীরে বন্ধূনাং কৃতোদকং যুধিষ্ঠিরংপ্রতি ব্যাসনারদাদিমহর্ষীণাং সমাগমনম্॥ 1॥ যুধিষ্ঠিরেণ তত্র নারদংপ্রতি কর্ণবৃত্তান্তকথনপ্রার্থনা॥ 2॥Mahabharata - Shanti Parva - Chapter Text
॥ শ্রীবেদব্যাসায় নমঃ।
নারায়ণং নমস্কৃত্য নরং চৈব নরোত্তমম্।
দেবীং সরস্বতীং ব্যাসং ততো জয়মুদীরয়েৎ॥ 12-1-1 (80862)
বৈশম্পায়ন উবাচ।
কৃৎবোদকং তে সুহৃদাং সর্বেষাং পাণ্ডুনন্দনাঃ।
বিদুরো ধৃতরাষ্ট্রশ্চ সর্বাশ্চ ভরতস্ত্রিয়ঃ॥ 12-1-1x (6703)
তত্র তে সুমহাত্মানো ন্যবসন্কুরুনন্দনাঃ।
শৌচং নির্বর্তয়িষ্যন্তো মাসচ্চাত্রং বহিঃ পুরাৎ॥ 12-1-2 (80863)
কৃতোদকং তু রাজানং ধর্মাত্মানং যুধিষ্ঠিরম্।
অভিজগ্মুর্মহাত্মানঃ সিদ্ধা ব্রহ্মর্ষিসত্তমাঃ॥ 12-1-3 (80864)
দ্বৈপায়নো নারদশ্চ দেবলশ্চ মহানৃষিঃ।
দেবস্থানশ্চ কণ্বশ্চ তেষাং শিষ্যাশ্চ সত্তমাঃ॥ 12-1-4 (80865)
অন্যে চ বেদবিদ্বাংসঃ কৃতপ্রজ্ঞা দ্বিজাতয়ঃ।
গৃহস্থাঃ স্নাতকাঃ সন্তো দদৃশুঃ কুরুসত্তমম্॥ 12-1-5 (80866)
তেঽভিগম্য মহাত্মানং পূজিতাশ্চ যথাবিধি।
আসনেষু মহার্হেষু বিবিশুঃ পরমর্ষয়ঃ॥ 12-1-6 (80867)
প্রতিগৃহ্য ততঃ পূজাং তৎকালসদৃশীং তদা।
পর্যুপাংসন্যথান্যায়ং পরিবার্য যুধিষ্ঠিরম্॥ 12-1-7 (80868)
পুণ্যে ভাগীরথীতীরে শোকব্যাকুলচেতসম্।
আশ্বাসয়ন্তো রাজেন্দ্রং বিপ্রাঃ শতসহস্রশঃ॥ 12-1-8 (80869)
নারদস্ৎবব্রবীৎকালে ধর্মপুত্রং যুধিষ্ঠিরম্।
সংভাষ্য মুনিভিঃ সার্ধং কৃষ্ণদ্বৈপায়নাদিভিঃ॥ 12-1-9 (80870)
নারদ উবাচ। 12-1-10x (6704)
পার্থস্য বাহুবীর্যেণ প্রসাদান্মাধবস্য চ।
জিতা সেয়ং মহী কৃৎস্না ধর্মেণ চ যুধিষ্ঠির॥ 12-1-10 (80871)
দিষ্ট্যা মুক্তাঃ স্থ সংগ্রামাদস্মাল্লোকভয়ংকরাৎ।
ক্ষত্রধর্মরতশ্চাসি কচ্চিন্মোদসি পাণ্ডব॥ 12-1-11 (80872)
কচ্চিচ্চ নিহতামিত্রঃ প্রীণাসি সুহৃদো নৃপ।
কচ্চিচ্ছ্রিয়মিমাং প্রাপ্য ন ৎবাং শোকঃ প্রবাধতে॥ 12-1-12 (80873)
যুধিষ্ঠির উবাচ। 12-1-13x (6705)
বিজিতেয়ং মহী কৃৎস্না কৃষ্ণবাহুবলাশ্রয়াৎ।
ব্রাহ্মণানাং প্রসাদেন ভীমার্জুনবলেন চ॥ 12-1-13 (80874)
ইদং তু মে মহদ্দুঃখং বর্ততে হৃদি নিত্যদা।
কৃৎবা জ্ঞাতিক্ষয়মিমং মহান্তং ঘোরদর্শনম্॥ 12-1-14 (80875)
সৌভদ্রং দ্রৌপদেয়াংশ্চ ঘাতয়িৎবা সুতান্প্রিয়ান্।
জয়োঽয়মজয়াকারো ভগবন্প্রতিভাতি মে॥ 12-1-15 (80876)
কিংনু বক্ষ্যতি বার্ষ্ণেয়ী বধূর্মে মধুসূদনম্।
দ্বারকাবাসিনী কৃষ্ণমিতঃ প্রতিগতং হরিম্॥ 12-1-16 (80877)
দ্রৌপদী হতপুত্রেয়ং কৃপণা হতবান্ধবা।
অস্মৎপ্রিয়হিতে যুক্তা ভূয়ঃ পীডয়তীব মাম্॥ 12-1-17 (80878)
ইদমন্যচ্চ ভগবন্যত্ৎবাং বক্ষ্যামি নারদ।
মন্ত্রসংবরণেনাস্মি কুন্ত্যা দুঃখেন যোজিতঃ॥ 12-1-18 (80879)
যঃ স নাগায়ুতপ্রাণো লোকেঽপ্রতিরথো রণে।
সিংহবিক্রান্তগামী চ জিতকাশী যতব্রতঃ॥ 12-1-19 (80880)
আশ্রয়ো ধার্তরাষ্ট্রাণাং মানী তীক্ষ্ণপরাক্রমঃ।
অমর্ষী নিত্যসংরম্ভী ক্ষেপ্তাঽস্মাকং রণেরণে॥ 12-1-20 (80881)
শীঘ্রাস্ত্রশ্চিত্রয়োধী চ কৃতী চাদ্ভুতবিক্রমঃ।
গূঢোৎপন্নঃ সুতঃ কুন্ত্যা ভ্রাতাঽস্মাকমসৌ কিল 12-1-21 (80882)
তোয়কর্মণি তং কুন্তী কথয়ামাস মে তদা।
পুত্রং সর্বগুণোয়েতং কর্ণং ত্যক্তং জলে পুরা॥ 12-1-22 (80883)
মঞ্জূষায়াং সমাধায় গঙ্গাস্রোতস্যমজ্জয়ৎ।
যং সূতপুত্রং লোকোঽয়ং রাধেয়ং চাভ্যমন্যত॥ 12-1-23 (80884)
স সূর্যপুত্রঃ কুন্ত্যা যৈ ভ্রাতাঽস্মাকং চ মাতৃতঃ।
অজানতা ময়া সড্খ্যে রাজ্যলুব্ধেন ঘাতিতঃ।
তন্মে দহতি গাত্রাণি তূলরাশিমিবানলঃ॥ 12-1-24 (80885)
ন হি তং বেদ পার্থোঽপি ভ্রাতরং শ্বেতবাহনঃ।
নাহং ন ভীমো ন যমৌ স ৎবস্মান্বেদ তৎবতঃ॥ 12-1-25 (80886)
গতা কিল পৃথা তস্য সকাশমিতি নঃ শ্চুতম্।
অস্মাকং শমকামা বৈ ৎবং চ পুত্রো মমেত্যথ॥ 12-1-26 (80887)
পৃথায়া ন কৃতঃ কামস্তেন চাপি মহাত্মনা।
অতীবানুচিতং মাতরবোচ ইতি সোঽব্রবীৎ॥ 12-1-27 (80888)
ন হি শক্ষ্যামি সংত্যক্তুমহং দুর্যোধনং রণে।
অনার্যৎবং নৃশংসৎবং কৃতঘ্নৎবং চ মে ভবেৎ॥ 12-1-28 (80889)
যুধিষ্ঠিরেণ সন্ধিং হি যদি কুর্যাং মতে তব।
ভীতো রণে শ্বেতবাহাদিতি মাং মংস্যতে জনঃ॥ 12-1-29 (80890)
সোঽহং নির্জিত্য সমরে বিজয়ং সহকেশবম্।
সংধাস্যে ধর্মপুত্রেণ পশ্চাদিতি চ সোঽব্রবীৎ॥ 12-1-30 (80891)
তমবোচৎকিল পৃথা পুনঃ পৃথুলবক্ষসম্।
চতুর্ণামভয়ং দেহি কামং যুধ্যস্ব ফল্গুনম্॥ 12-1-31 (80892)
সোঽব্রবীন্মাতরং ধীমান্বেপমানাং কৃতাঞ্জলিঃ।
প্রাপ্তান্বিষহ্যাংশ্চতুরো ন হনিষ্যামি তে সুতান্॥ 12-1-32 (80893)
পঞ্চৈব হি সুতা দেবি ভবিষ্যন্তি তব ধ্রুবাঃ।
সার্জুনা বা হতে কর্ণে সকর্ণা বা হতেঽর্জুনে॥ 12-1-33 (80894)
তং পুত্রগৃদ্ধিনী ভূয়ো মাতা পুত্রমথাব্রবীৎ।
ভ্রাতৄণাং স্বস্তি কুর্বীথা যেষাং স্বস্তি চিকীর্ষসি॥ 12-1-34 (80895)
এবমুক্ৎবা কিল পৃথা বিসৃজ্যোপয়যৌ গৃহান্।
সোঽর্জুনেন হতো বীরো ভ্রাত্রা ভ্রাতা সহোদরঃ॥ 12-1-35 (80896)
ন চৈব নিঃসৃতো মন্ত্রঃ পৃথায়াস্তস্য বা মুনে।
অথ শূরো মহেষ্বাসঃ পার্থেনাজৌ নিপাতিতঃ॥ 12-1-36 (80897)
অহং ৎবজ্ঞাসিষং পশ্চাৎস্বসোদর্যং দ্বিজোত্তম।
পূর্বজং ভ্রাতরং কর্ণং পৃথায়া বচনাৎপ্রভো॥ 12-1-37 (80898)
তেন মে দূয়তে তীব্রং হৃদয়ং ভ্রাতৃঘাতিনঃ।
কর্ণার্জুনসহায়োঽহং জয়েয়মপি বাসবম্॥ 12-1-38 (80899)
সভায়াং ক্লিশ্যমানস্য ধার্তরাষ্ট্রৈর্দুরাত্মভিঃ।
সহসোৎপতিতঃ ক্রোধঃ কর্ণং দৃষ্ট্বা প্রশাম্যতি॥ 12-1-39 (80900)
যদা হ্যস্য গিরো রূক্ষাঃ শ্রৃণোমি কটুকোদয়াঃ।
সভায়াং গদতো দ্যূতে দুর্যোধনহিতৈষিণঃ॥ 12-1-40 (80901)
তদা নশ্যতি মে রোষঃ পাদৌ তস্য নিরীক্ষ্য হ।
কুন্ত্যা হি সদৃশৌ পাদৌ কর্ণস্যেতি মতির্মম॥ 12-1-41 (80902)
সাদৃশ্যহেতুমন্বিচ্ছন্পৃথায়াস্তস্য চৈব হ।
কারণং নাধিগচ্ছামি কথংচিদপি চিন্তয়ন্॥ 12-1-42 (80903)
কথং নু তস্য সংগ্রামে পৃথিবী চক্রমগ্রসৎ।
কথং নু শপ্তো ভ্রাতা মে তত্ৎবং বক্তুমিহার্হসি॥ 12-1-43 (80904)
শ্রোতুমিচ্ছামি ভগবংস্ৎবত্তঃ সর্বং যথাতথম্।
ভবান্হি সর্ববিদ্বিদ্বাঁল্লোকে বেদ কৃতাকৃতম্॥ ॥ 12-1-44 (80905)
ইতি শ্রীমন্মহাভারতে শান্তিপর্বণি রাজধর্মপর্বণি প্রথমোঽধ্যায়ঃ॥ 1॥
শান্তিপর্ব - অধ্যায় 002
॥ শ্রীঃ ॥
12.2. অধ্যায়ঃ 002
Mahabharata - Shanti Parva - Chapter Topics
ব্রহ্মাস্ত্রলাভায় দ্রোণমুপগতেন কর্ণেন তেন ত্রৈবর্ণিকান্যৎবকথনেন প্রত্যাখ্যানে পরশুরামমেত্য স্বস্য ব্রাহ্মণ্যকথনপূর্বকমস্ত্রার্থং তদন্তেবাসিৎবপরিগ্রহঃ॥ 1॥ তত্র প্রমাদেন বিপ্রগোবৎসঘাতিনঃ কর্ণস্য বিপ্রাচ্ছাপপ্রাপ্তিঃ॥ 2॥Mahabharata - Shanti Parva - Chapter Text
12-2-0 (80935)
বৈশম্পায়ন উবাচ। 12-2-0x (6707)
স এবমুক্তস্তু তদা নারদো বদতাংবরঃ।
কথয়ামাস তৎসর্বং যথা শপ্তঃ স সূতজঃ॥ 12-2-1 (80936)
নারদ উবাচ। 12-2-2x (6708)
এবমেতন্মহাবাহো যথা বদসি ভারত।
ন কর্ণার্জুনয়োঃ কিংচিদবিষহ্যং ভবেদ্রণে॥ 12-2-2 (80937)
গুহ্যমেতত্তু দেবানাং কথয়িষ্যামি তে নৃপ।
তন্নিবোধ মহাবাহো যথাবৃত্তমিদং পুরা॥ 12-2-3 (80938)
ক্ষত্রং স্বর্গং কথং গচ্ছেচ্ছস্ত্রপূতমিতি প্রভো।
সংঘর্ষজননস্তস্মাৎকন্যাগর্ভো বিসর্জিতঃ॥ 12-2-4 (80939)
স বালস্তেজসা যুক্তঃ সূতপুত্রৎবমাগতঃ।
চকারাঙ্গিরসাং শ্রেষ্ঠে ধনুর্বেদং গুরৌ তব॥ 12-2-5 (80940)
স বলং ভীমসেনস্য ফল্গুনস্যাস্ত্রলাঘবম্।
বুদ্ধিং চ তব রাজেন্দ্র যময়োর্বিনয়ং তথা॥ 12-2-6 (80941)
সখ্যং চ বাসুদেবেন বাল্যে গাণ্ডীবধন্বনঃ।
রাজানামনুরাগং চ চিন্তয়ানো ব্যদহ্যত॥ 12-2-7 (80942)
স সখ্যমগমদ্বাল্যে রাজ্ঞা দুর্যোধনেন চ।
যুষ্মাভির্নিত্যসংঘৃষ্টো দৈবাচ্চাপি স্বভাবতঃ॥ 12-2-8 (80943)
বিদ্যাধিকমথালক্ষ্য ধনুর্বেদে ধনঞ্জয়ম্।
দ্রোণং রহস্যুপাগম্য কর্ণো বচনমব্রবীৎ॥ 12-2-9 (80944)
ব্রহ্মাস্ত্রং বেত্তুমিচ্ছামি সরহস্যনিবর্তনম্।
অর্জুনেন সমো যুদ্ধে ভবেয়মিতি মে মতিঃ॥ 12-2-10 (80945)
সমঃ পুত্রেষু চ স্নেহঃ শিষ্যেষু চ তব ধ্রুবম্।
ৎবৎপ্রসাদান্ন মা ব্রূয়ুরকৃতাস্ত্রং বিচক্ষণাঃ॥ 12-2-11 (80946)
দ্রোণস্তথোক্তঃ কর্ণেন সাপেক্ষঃ ফল্গুনং প্রতি।
দৌরাত্ম্যং চৈব কর্ণস্য বিদিৎবা তমুবাচ হ॥ 12-2-12 (80947)
ব্রহ্মাস্ত্রং ব্রাহ্মণো বিদ্যাদ্যথাবচ্চরিতব্রতঃ।
ক্ষত্রিয়ো বা তপস্বী যো নান্যো বিদ্যাৎকথংচন॥ 12-2-13 (80948)
ইত্যুক্তোঽঙ্গিরসাং শ্রেষ্ঠমামন্ত্র্য প্রতিপূজ্য চ।
জগাম সহসা রাজন্মহেন্দ্রং পর্বতং প্রতি॥ 12-2-14 (80949)
স তু রামমুপাগম্য শিরসাঽভিপ্রণম্য চ।
ব্রাহ্মণো ভার্গবোঽস্মীতি গৌরবেণাভ্যবন্দত॥ 12-2-15 (80950)
রামস্তং প্রতিজগ্রাহ পৃষ্ট্বা গোত্রাদি সর্বশঃ।
উষ্যতাং স্বাগতং চেতি প্রীতিমাংশ্চাভবদ্ভৃশম্॥ 12-2-16 (80951)
তত্র কর্ণস্য বসতো মহেন্দ্রে স্বর্গসংমিতে।
গন্ধর্বৈ রাক্ষসৈর্যক্ষৈর্দেবৈশ্চাসীৎসমাগমঃ॥ 12-2-17 (80952)
স তত্রেষ্বস্ত্রমকরোদ্ভৃগুশ্রেষ্ঠাদ্যথাবিধি।
প্রিয়শ্চাভবদত্যর্থং দেবদানবরক্ষসাম্॥ 12-2-18 (80953)
স কদাচিৎসমুদ্রান্তে বিচরন্নাশ্রমান্তিকে।
একঃ খঙ্গধনুষ্পাণিঃ পরিচক্রাম সূতজঃ॥ 12-2-19 (80954)
সোঽগ্নিহোত্রপ্রসক্তস্য কস্যচিদ্ব্রহ্মবাদিনঃ।
জঘানাজ্ঞানতঃ পার্থ হোমধেনুং যদৃচ্ছয়া॥ 12-2-20 (80955)
তদজ্ঞানকৃতং মৎবা ব্রাহ্মণায় ন্যবেদয়ৎ।
কর্ণঃ প্রসাদয়ংশ্চৈনমিদমিত্যব্রবীদ্বচঃ॥ 12-2-21 (80956)
অবুদ্ধিপূর্বং ভগবন্ধেনুরেষা হতা তব।
ময়া তত্র প্রসাদং মে কুরুষ্বেতি পুনঃ পুনঃ॥ 12-2-22 (80957)
তং স বিপ্রোঽব্রবীৎক্রুদ্ধো বাচা নির্ভর্ৎসয়ন্নিব।
দুরাচার বধার্হস্ৎবং ফলং প্রাপ্স্যসি দুর্মতে॥ 12-2-23 (80958)
যেন বিস্পর্ধসে নিত্যং যদর্থং ঘটসেঽনিশম্।
যুধ্যতস্তেন তে পাপ ভূমিশ্চক্রং গ্রসিষ্যতি॥ 12-2-24 (80959)
ততশ্চক্রে মহীগ্রস্তে মূর্ধানং তে বিচেষ্টতঃ।
পাতয়িষ্যতি বিক্রম্য শত্রুর্গচ্ছ নরাধম॥ 12-2-25 (80960)
যথেয়ং গৌর্হতা মূঢ প্রমত্তস্য ৎবয়া মম।
প্রমত্তস্যৈব মে বাচা শিরস্তে পাতয়িষ্যতি॥ 12-2-26 (80961)
শপ্তঃ প্রসাদয়ামাস কর্ণস্তং দ্বিজসত্তমম্।
গোভির্ধনৈশ্চ রত্নৈশ্চ স চৈনং পুনরব্রবীৎ॥ 12-2-27 (80962)
নেদমব্যাহৃতং কুর্যাদ্ব্রহ্মলোকেঽপি কেবলম্।
গচ্ছ বা তিষ্ঠ বা যদ্বা কার্যং যত্তৎসমাচর॥ 12-2-28 (80963)
ইত্যুক্তো ব্রাহ্মণেনাথ কর্ণো দৈন্যাদধোমুখঃ।
রামমভ্যাগমদ্ভীতস্তদেব মনসা স্মরন্॥ ॥ 12-2-29 (80964)
ইতি শ্রীমন্মহাভারতে শান্তিপর্বণি রাজধর্মপর্বণি দ্বিতীয়োঽধ্যায়ঃ॥ 2॥
Mahabharata - Shanti Parva - Chapter Footnotes
12-2-4 সংঘর্ষজননো বৈরাগ্ন্যুদ্দীপকঃ। সংচিন্ত্য জনিতস্তস্মাদিতি ট.ড. পাঠঃ। কন্যাগর্ভো বিনির্মিত ইতি ঝ. পাঠঃ। তত্র কন্যাগর্ভো দেবৈঃ ক্ষত্রস্য স্বর্গমনায় নির্মিত ইত্যর্থঃ॥ 12-2-5 চকারাঽধীতবান্। অঙ্গিরসাং শ্রেষ্ঠে দ্রোণে॥ 12-2-8 দৈবাদ্দেবানাং সংকল্পাৎ॥ 12-2-10 রহস্যং তৎপ্রসাদনবিধির্নিবর্তনমুপসংহারস্তাভ্যাং সহিতং সরহস্যনিবর্তনম্॥ 12-2-15 গুরুরেব পিতেত্যভিসংধিঃ 12-2-19 সমুদ্রান্তে দক্ষিণসমুদ্রসমীপে॥ 12-2-20 হোমধেনুং কর্ণপর্বোক্তদিশা বৎসবধ এবাত্র ধেনুবধো জ্ঞেয়ঃ॥ 12-2-26 প্রমত্তেন ৎবয়া মম। প্রমত্তস্য তথাঽরাতিরিতি ঝ. পাঠ॥ 12-2-28 নেদং মদ্বচনং কুর্যাদ্ব্রহ্মলোকেঽপি চান্যথা ইতি ট. পাঠঃ॥শান্তিপর্ব - অধ্যায় 003
॥ শ্রীঃ ॥
12.3. অধ্যায়ঃ 003
Mahabharata - Shanti Parva - Chapter Topics
কদাচন রামে কর্ণোৎসঙ্গে শিরো নিধায় নিদ্রাণে কেনচিৎক্রিমিণা কর্ণস্যোরুভেদনম্॥ 1॥ তদূরোঃ প্রস্রুতরুধিরক্লেদাৎপ্রবুদ্ধেন রামেণ কর্ণস্য শাপদানম্॥ 2॥ রামাজ্ঞয়া কর্ণস্য স্বদেশগমনম্॥ 3॥Mahabharata - Shanti Parva - Chapter Text
12-3-0 (80965)
নারদ উবাচ। 12-3-0x (6709)
কর্ণস্য বাহুবীর্যেণ প্রশ্রয়েণ দমেন চ।
তুতোষ ভৃগুশার্দূলো গুরুশুশ্রূষয়া তথা॥ 12-3-1 (80966)
ততস্তস্মৈ মহাতেজা ব্রহ্মাস্ত্রং সনিবর্তনম্।
প্রোবাচ সুমহাপ্রজ্ঞঃ স তপস্বী তপস্বিনে॥ 12-3-2 (80967)
বিদিতাস্ত্রস্ততঃ কর্ণো রমমাণোঽঽশ্রমে ভৃগোঃ।
চকার বৈ ধনুর্বেদে যত্নমদ্ভুতবিক্রমঃ॥ 12-3-3 (80968)
ততঃ কদাচিদ্রামস্তু চরন্নাশ্রমমন্তিকাৎ।
কর্ণেন সহিতো ধীমানুপবাসেন কর্শিতঃ॥ 12-3-4 (80969)
সুষ্বাপ জামদগ্ন্যস্তু বিস্রম্ভোৎপন্নসৌহৃদঃ।
তস্যোৎসঙ্গে সমাধায় শিরঃ ক্লান্তমনা গুরুঃ॥ 12-3-5 (80970)
অথ ক্রিমিঃ শ্লেষ্মময়ো মাংসশোণিতভোজনঃ।
দারুণো দারুণাকারঃ কর্ণস্যাভ্যাশমাগতঃ॥ 12-3-6 (80971)
স তস্যোরুমথাসাদ্য বিভেদ রুধিরাশনঃ।
ন চৈনমশকৎক্ষেপ্তুং বক্তুং বাঽপি গুরোর্ভয়াৎ॥ 12-3-7 (80972)
স দশ্যমানোঽপি তথা কৃমিণা তেন ভারত।
গুরোঃ প্রবোধনাকাঙ্ক্ষী তমুপৈক্ষত সূর্যজঃ॥ 12-3-8 (80973)
কর্ণস্তু বেদনাং ধৈর্যাদসহ্যাং বিনিগৃহ্য তাম্।
অকম্পয়ন্নব্যথয়ন্ধারয়ামাস ভার্গবম্॥ 12-3-9 (80974)
যদা স রুধিরেণাঙ্গে পরিস্পৃষ্টোঽভবদ্গুরুঃ।
তদাঽবুধ্যত তেজস্বী সংরব্ধশ্চৈনমব্রবীৎ॥ 12-3-10 (80975)
অহোঽস্ম্যশুচিতাং প্রাপ্তঃ কিমিদং চ কৃতং ৎবয়া।
কথয়স্ব ভয়ং ত্যক্ৎবা যাথাতথ্যমিদং মম॥ 12-3-11 (80976)
তস্য কর্ণস্তদাচষ্ট কৃমিণা পরিভক্ষণম্।
দদর্শ রামস্তং চাপি কৃমিং সূকরসংস্থিতম্॥ 12-3-12 (80977)
অষ্টপাদং তীক্ষ্ণদংষ্ট্রং সূচীভিঃ পরিসংবৃতম্।
রোমভিঃ সন্নিরুদ্ধাঙ্গমলর্কং নাম নামতঃ॥ 12-3-13 (80978)
স দৃষ্টমাত্রো রামেণ কিমিঃ প্রাণানবাসৃজৎ।
তস্মিন্নেবাসৃজি ক্লিন্নস্তদদ্ভুতমিবাভবৎ॥ 12-3-14 (80979)
ততোঽন্তরিক্ষে দদৃশে বিশ্বরূপঃ করালবান্।
রাক্ষসো লোহিতগ্রীবঃ কৃষ্ণাঙ্গো মেঘবাহনঃ॥ 12-3-15 (80980)
স রামং প্রাঞ্জলির্ভূৎবা বভাষে পূর্ণমানসঃ।
স্বস্তি তে ভৃগুশার্দূল গমিষ্যেঽহং যথাগতম্॥ 12-3-16 (80981)
মোক্ষিতো নরকাদস্মাদ্ভবতা মুনিসত্তম।
ভদ্রং চ তেঽস্তু সিদ্ধিশ্চ প্রিয়ং মে ভবতা কৃতম্ 12-3-17 (80982)
তমুবাচ মহাবাহুর্জামদগ্ন্যঃ প্রতাপবান্।
কস্ৎবং কস্মাচ্চ নরকং প্রতিপন্নো ব্রবীহি তৎ॥ 12-3-18 (80983)
সোঽব্রবীদহমাসং প্রাগ্দংশো নাম মহাসুরঃ।
পুরা দেবয়ুগে তাত ভৃগোস্তু সবয়া ইব॥ 12-3-19 (80984)
সোঽহং ভৃগোঃ সুদয়িতাং ভার্যামপহরং বলাৎ।
মহর্ষেরভিশাপেন ক্রিমিভূতোঽপতং ভুবি॥ 12-3-20 (80985)
অব্রবীদ্ধি স মাং ক্রুদ্ধস্তব পূর্বপিতামহঃ।
মূত্র শ্লেষ্মাশনঃ পায় নিরয়ং প্রতিপৎস্যসে॥ 12-3-21 (80986)
শাপস্যান্তো ভবেদ্ব্রহ্মন্নিত্যেবং তমথাব্রবম্।
ভবিতা ভার্গবাদ্রামাদিংতি মামব্রবীদ্ভৃগুঃ॥ 12-3-22 (80987)
সোঽহমেনাং গতিং প্রাপ্তো যথা নকুশলস্তথা।
ৎবয়া সাধো সমাগম্য বিমুক্তঃ পাপয়োনিতঃ॥ 12-3-23 (80988)
এবমুক্ৎবা নমস্কৃত্য যয়ৌ রামং মহাসুরঃ।
রামঃ কর্ণং তু সক্রোধমিদং বচনমব্রবীৎ॥ 12-3-24 (80989)
অতিদুঃখমিদং মূঢ ন জাতু ব্রাহ্মণঃ সহেৎ।
ক্ষত্রিয়স্যেব তে ধৈর্যং কাময়া সত্যমুচ্যতাম্॥ 12-3-25 (80990)
তমুবাচ ততঃ কর্ণঃ শাপাদ্ভীতঃ প্রসাদয়ন্।
ব্রহ্মক্ষত্রান্তরে জাতং সূতং মাং বিদ্ধি ভার্গব॥ 12-3-26 (80991)
রাধেয়ঃ কর্ণ ইতি মাং প্রবদন্তি জনা ভুবি।
প্রসাদং কুরু মে ব্রহ্মন্নস্ত্রলুব্ধস্য ভার্গব॥ 12-3-27 (80992)
পিতা গুরুর্ন সংদেহো বেদবিদ্যাপ্রদঃ প্রভুঃ।
অতো ভার্গব ইত্যুক্তং ময়া গোত্রং তবান্তিকে॥ 12-3-28 (80993)
তমুবাচ ভৃগুশ্রেষ্ঠঃ সরোপঃ প্রদহন্নিব।
ভূমৌ নিপতিতং দীনং বেপমানং কৃতাঞ্জলিম্॥ 12-3-29 (80994)
যস্মান্মিথ্যাবিচীর্ণোঽহমস্ত্রলোভাদিহ ৎবয়া।
তস্মাদেতন্ন তে মূঢ ব্রহ্মাস্ত্রং প্রতিভাস্যতি॥ 12-3-30 (80995)
অন্যত্র বধকালাত্তে সদৃশে ন সমীয়ুপঃ।
অব্রাহ্মণে ন হি ব্রহ্ম চিরং তিষ্ঠেৎকদাচন॥ 12-3-31 (80996)
গচ্ছেদানীং ন তে স্থানমনৃতস্যেহ বিদ্যতে।
ন ৎবয়া সদৃশো যুদ্ধে ভবিতা ক্ষত্রিয়ো ভুবি॥ 12-3-32 (80997)
এবমুক্তঃ স রামেণ ন্যায়েনোপজগামহ।
দুর্যোধনমুপাগম্য কৃতাস্ত্রোঽস্মীতি চাব্রবীৎ॥ ॥ 12-3-33 (80998)
ইতি শ্রীমন্মহাভারতে শান্তিপর্বণি রাজধর্মপর্বণি তৃতীয়োঽধ্যায়ঃ॥ 3॥
Mahabharata - Shanti Parva - Chapter Footnotes
12-3-1 দভেনেন্দ্রিয়জয়েন॥ 12-3-5 বিস্রম্ভো বিশ্বাসঃ॥ 12-3-6 শ্লেষ্মমেদোমাংসেতি ঝ. পাঠঃ॥ 12-3-7 ক্ষেপ্তুং দূরীকর্তুম্। ভয়ান্নিদ্রাভঙ্গভয়াৎ॥ 12-3-8 প্রবোধনাশঙ্কীতি ঝ. পাঠঃ। 12-3-12 সূকরস্যেব সংস্থিতং সংস্থানং পস্য তম্। সূকরসন্নিভমিতি ঝ. পাঠঃ॥ 12-3-13 সূচীভিরিব তীক্ষ্ণৈ রোমভিঃ সংবৃতম্। সন্নিরুদ্ধাঙ্গং ত্রাসেন সংকুচিতাঙ্গং নাম প্রসিদ্ধম্। নামতো নাম্রা॥ 12-3-14 অসৃজি শোণিতে॥ 12-3-19 যাস্কো নামেতি ড. পাঠঃ। প্রস্তো নামেতি থ. পাঠঃ। দেবয়ুগে সত্যযুগে॥ 12-3-23 নকুশলঃ অভদ্রঃ॥ 12-3-25 কাময়া স্বরসেন। কাময়ে সত্যমুচ্যতামিতি ট.ড. পাঠঃ॥ 12-3-26 ব্রহ্মক্ষত্রয়োরন্তরে অন্যত্র জাতম্॥ 12-3-29 প্রহসন্নিবেতি থ. পাঠঃ॥ 12-3-30 তস্মাদিতি। হেমূঢ তে তব বধকালাদন্যত্র ব্রহ্মাস্ত্রং ন প্রতিভাস্যতীতি ন কিংতু বধকালএব ন প্রতিভাস্যতি। কালান্তরে তু প্রতিভাস্যত্যেবেত্যর্থ ইত্যুত্তরেণ সংবন্ধঃ॥ 12-3-31 সদৃশেঽর্জুনাদৌ শূরে তে পুরতঃ স্থিতে সমীয়ুষঃ যুধ্যমানস্য। সমিত্যাজিসমিদ্যুধ ইতি সংপূর্বস্য ইণো যুদ্ধার্থৎবদর্শনাৎ। চিরং মরণাবধি ন তিষ্ঠেদ্ব্রহ্ম ব্রহ্মাস্ত্রম্॥ 12-3-33 ন্যায়েনাভিবন্দনাদিপূর্বকং উপজগাম। ইষ্টং দেশমিতি শেষঃ॥শান্তিপর্ব - অধ্যায় 004
॥ শ্রীঃ ॥
12.4. অধ্যায়ঃ 004
Mahabharata - Shanti Parva - Chapter Topics
দুর্যোধনেন স্বয়ংবরমণ্টপে কলিঙ্গরাজকন্যাহরণম্॥ 1॥ কর্ণেন তমনুদ্রুতবতো রাজ্ঞাং পরাজয়ঃ॥ 2॥Mahabharata - Shanti Parva - Chapter Text
12-4-0 (80999)
নারদ উবাচ। 12-4-0x (6710)
কর্ণস্তু সমবাপ্যৈবমস্ত্রং ভার্গবনন্দনাৎ।
দুর্যোধনেন সহিতো মুমুদে ভরতর্ষভ॥ 12-4-1 (81000)
ততঃ কদাচিদাজাতঃ সমাজগ্মুঃ স্বয়ংবরে।
কলিঙ্গবিষয়ে রাজন্রাজ্ঞশ্চিত্রাঙ্গদস্য চ॥ 12-4-2 (81001)
শ্রীমদ্রাজপুরং নাম নগরং তত্র ভারত।
রাজানঃ শতশস্তত্র কন্যার্থে সমুপাগমন্॥ 12-4-3 (81002)
শ্রুৎবা দুর্যোধনস্তত্র সমেতান্সর্বপার্থিবান্।
রথেন কাঞ্চনাঙ্গেন কর্ণেন সহিতো যয়ৌ॥ 12-4-4 (81003)
ততঃ স্বয়ংবরে তস্মিন্নানাদেশ্যা মহারথাঃ।
সমাজগ্মুর্নৃপতয়ঃ কন্যার্থে নৃপসত্তম॥ 12-4-5 (81004)
শিশুপালো জরাসন্ধো ভীষ্মকো বক্র এব চ।
কপোতরোমা নীলশ্চ রুক্মী চ দৃঢবিক্রমঃ॥ 12-4-6 (81005)
সৃগালশ্চ মহারাজঃ স্ত্রীরাজ্যাধিপতিশ্চ যঃ।
বিশোকঃ শতধন্বা চ ভোজো বীরশ্চ নামতঃ॥ 12-4-7 (81006)
এতে চান্যে চ বহবো দক্ষিণাং দিশমাশ্রিতাঃ।
ম্লেচ্ছাশ্চার্যাশ্চ রাজানঃ প্রাচ্যোদীচ্যাস্তথৈব চ॥ 12-4-8 (81007)
কাঞ্চনাঙ্গদিনঃ সর্বে শুদ্ধজাম্বূনদপ্রভাঃ।
সর্বে ভাস্বরদেহাশ্চ ব্যাঘ্রা ইব বলোৎকটাঃ॥ 12-4-9 (81008)
ততঃ সমুপবিষ্টেষু তেষু রাজসু ভারত।
বিবেশ রঙ্গং সা কন্যা ধাত্রীবর্ষবরান্বিতা॥ 12-4-10 (81009)
ততঃ সংশ্রাব্যমাণেষু রাজ্ঞাং নামসু ভারত।
অত্যক্রামদ্ধার্তরাষ্ট্রং সা কন্যা বরবর্ণিনী॥ 12-4-11 (81010)
দুর্যোধনস্তু কৌরব্যো নামর্ষয়ত লঙ্ঘনম্।
প্রত্যপেধচ্চ তাং কন্যামসৎকৃত্য নরাধিপান্॥ 12-4-12 (81011)
স বীর্যমদমত্তৎবাদ্ভীষ্মদ্রোণাবুপাশ্রিতঃ।
রথমারোপ্য তাং কন্যামাজুহাব নরাধিপান্॥ 12-4-13 (81012)
তমন্বগাদ্রথী খঙ্গী বদ্ধগোধাঙ্গুলিত্রবান্।
কর্ণঃ শস্ত্রভৃতাং শ্রেষ্ঠঃ পৃষ্ঠতঃ পুরুষর্ষভ॥ 12-4-14 (81013)
ততো বিমর্দঃ সুমহান্রাজ্ঞামাসীদ্যুয়ুৎসতাম্।
সন্নহ্যতাং তনুত্রাণি রথান্যোজয়তামপি। 12-4-15 (81014)
তেঽভ্যধাবন্ত সংক্রুদ্ধাঃ কর্ণদুর্যোধনাবুভৌ।
শরবর্ষাণি মুঞ্চন্তো মেঘাঃ পর্বতয়োরিব॥ 12-4-16 (81015)
কর্ণস্তেষামাপততামেকৈকেন শরেণ হ।
ধনূংষি চ শরব্রাতান্পাতয়ামাস ভূতলে॥ 12-4-17 (81016)
ততো বিধনুষঃ কাংশ্চিৎকাংশ্চিদুদ্যতকার্মুকান্।
কাংশ্চিদুৎসৃজতো বাণান্রথশক্তিগদাস্তথা॥ 12-4-18 (81017)
লাঘবাব্দ্যাকুলীকৃত্য কর্ণঃ প্রহরতাং বরঃ।
হতসূতাংশ্চ ভূয়িষ্ঠান্স বিজিগ্যে নরাধিপান্॥ 12-4-19 (81018)
তে স্বয়ং বাহয়ন্তোঽশ্বান্যাহি যাহীতি বাদিনঃ।
ব্যপেয়ুস্তে রণং হিৎবা রাজানো ভগ্নমানসাঃ॥ 12-4-20 (81019)
দুর্যোধনস্তু কর্ণেন পাল্যমানোঽভ্যযাত্তদা।
হৃষ্টঃ কন্যামুপাদায় নগরং নাগসাহ্বয়ম্॥ ॥ 12-4-21 (81020)
ইতি শ্রীমন্মহাভারতে শান্তিপর্বণি রাজধর্মপর্বণি চতুর্থোঽধ্যায়ঃ॥ 4॥
Mahabharata - Shanti Parva - Chapter Footnotes
12-4-2 বিষয়ে দেশে॥ 12-4-6 ভীষ্মকো বক এব চেতি থ. পাঠঃ॥ 12-4-7 ত্রৈলোক্যাধিপতিশ্চ য ইতি ট. ড. পাঠঃ। ত্রৈরাজ্যেতি থ. পাঠ॥ 12-4-10 বর্ষবরঃ ষণ্ঢঃ॥ 12-4-17 শিরাংসি সশরাংশ্চাপানিতি ট. ড. থ. পাঠঃ॥ 12-4-20 ব্যপেয়ুঃ ব্যপগতাঃ॥শান্তিপর্ব - অধ্যায় 005
॥ শ্রীঃ ॥
12.5. অধ্যায়ঃ 005
Mahabharata - Shanti Parva - Chapter Topics
কর্ণপরাক্রমবর্ণনম্॥ 1॥Mahabharata - Shanti Parva - Chapter Text
12-5-0 (81021)
নারদ উবাচ। 12-5-0x (6711)
আদিৎকৃতবলং কর্ণং দৃষ্ট্বা রাজা স মাগধঃ।
আহ্বয়দ্দ্বৈরথেনাজৌ জরাসন্ধো মহীপতিঃ॥ 12-5-1 (81022)
তয়োঃ সমভবদ্যুদ্ধং দিব্যাস্ত্রবিদুষোর্দ্বয়োঃ।
যুধি নানাপ্রহরণৈরন্যোন্যমভিবর্ষতোঃ॥ 12-5-2 (81023)
ক্ষীণবাণৌ বিধনুষৌ ভগ্নখঙ্গৌ মহীং গতৌ।
বাহুভিঃ সমসজ্জেতামুভাবতিবলান্বিতৌ॥ 12-5-3 (81024)
[বাহুকণ্টকয়ুদ্ধেন তস্য কর্ণোঽথ যুধ্যতঃ।]
বিভেদং সংধিং দেহস্য জরয়া শ্লেষিতস্য হি॥ 12-5-4 (81025)
স বিকারং শরীরস্য দৃষ্ট্বা নৃপতিরাত্মনঃ।
প্রীতোঽস্মীত্যব্রবীৎকর্ণং বৈরমুৎসৃজ্য দূরতঃ॥ 12-5-5 (81026)
প্রীত্যা দদৌ স কর্ণায় মালিনীং নগরীমনু।
অঙ্গেষু নরশার্দূল স রাজাঽঽসীৎসপত্নজিৎ॥ 12-5-6 (81027)
পালয়ামাস বর্ণাংস্তু কর্ণঃ পরবলার্দনঃ।
দুর্যোধনস্যানুমতে তবাপি বিদিতং তথা॥ 12-5-7 (81028)
এবং শস্ত্রপ্রতাপেন প্রথিতঃ সোঽভবৎক্ষিতৌ।
ৎবদ্ধিতার্থং সুরেন্দ্রেণ ভিক্ষিতো বর্মকুণ্ডলে॥ 12-5-8 (81029)
স দিব্যে সহজে প্রাদাৎকুণ্ডলে পরমার্চিতে।
সহজং কবচং চাপি মোহিতো দেবমায়যা॥ 12-5-9 (81030)
বিমুক্তঃ কুণ্ডলাভ্যাং চ সহজেন চ বর্মণা।
নিহতো বিজয়েনাজৌ বাসুদেবস্য পশ্যতঃ॥ 12-5-10 (81031)
ব্রাহ্মণস্যাপি শাপেন রামস্য চ মহাত্মনঃ।
কুন্ত্যাশ্চ বরদানেন মায়যা চ শতক্রতোঃ॥ 12-5-11 (81032)
ভীষ্মাবমানাৎসঙ্খ্যায়াং রথানামর্ধকীর্তনাৎ।
শল্যতেজোবধাচ্চাপি বাসুদেবনয়েন চ। 12-5-12 (81033)
রুদ্রস্য দেবরাজস্য যমস্য বরুণস্য চ।
কুবেরদ্রোণয়োশ্চৈব কৃপস্য চ মহাত্মনঃ॥ 12-5-13 (81034)
অস্ত্রাণি দিব্যান্যাদায় যুধি গাণ্ডীবধন্বনা।
হতো বৈকর্তনঃ কর্ণো দিবাকরসমদ্যুতিঃ॥ 12-5-14 (81035)
এবং শপ্তস্তব ভ্রাতা বহুভিশ্চাপি বঞ্চিতঃ।
ন শোচ্যঃ পুরুষব্যাঘ্র যুদ্ধে হি নিধনং গতঃ॥ ॥ 12-5-15 (81036)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চমোঽধ্যায়ঃ॥ 5॥
Mahabharata - Shanti Parva - Chapter Footnotes
12-5-4 বাহুকণ্টকয়ুদ্ধেন বাহুকণ্টকং কেতকপত্রং তদ্বদ্যত্র বলিনা দুর্বলস্য শরীরং পাট্যতে তদ্বাহুকণ্টকং নাম যুদ্ধম্॥ 12-5-5 বিকারং পাটনরূপম্॥ 12-5-7 পালয়ামাস চম্পাং চেতি ঝ. পাঠঃ॥শান্তিপর্ব - অধ্যায় 006
॥ শ্রীঃ ॥
12.6. অধ্যায়ঃ 006
Mahabharata - Shanti Parva - Chapter Topics
কুন্ত্যা কর্ণবধানুশোচিনো যুধিষ্ঠিরস্যাশ্বাসনম্॥ 1॥ যুধিষ্ঠিরেণ কুন্তীংপ্রতি স্ত্রীণাং মন্ত্রগোপনং মাভূদিতি শাপদানম্॥ 2॥Mahabharata - Shanti Parva - Chapter Text
12-6-0 (81037)
বৈশম্পায়ন উবাচ। 12-6-0x (6712)
এতাবদুক্ৎবা দেবর্ষির্বিররাম স নারদঃ।
যুধিষ্ঠিরস্তু রাজর্ষির্দধ্যৌ শোকপরিপ্লুতঃ॥ 12-6-1 (81038)
তং দীনমনসং বীরমধোবদনমাতুরম্।
নিঃশ্বসন্তং যথা নাগং পর্যশ্রুনয়নং তথা॥ 12-6-2 (81039)
কুন্তী শোকপরীতাঙ্গী দুঃখোপহতচেতনা।
অব্রবীন্মধুরাভাষা কালে বচনমর্থবৎ॥ 12-6-3 (81040)
যুধিষ্ঠির মহাবাহো নৈনং শোচিতুমর্হসি।
জহি শোকং মহাপ্রাজ্ঞ শ্রৃণু চেদং বচো মম॥ 12-6-4 (81041)
যাচিতঃ স ময়া পূর্বং ভ্রাতা জ্ঞাপয়িতুং তব।
ভাস্করেণ চ দেবেন পিত্রা ধর্মভৃতাং বরঃ॥ 12-6-5 (81042)
যদ্বাচ্যং হিতকামেন সুহৃদাং ভূতিমিচ্ছতা।
তথা দিবাকরেণোক্তঃ স্বপ্নান্তে মম চাগ্রতঃ॥ 12-6-6 (81043)
ন চৈনমশকদ্ভানুরহং বা স্নেহকারণৈঃ।
পুরা প্রত্যনুনেতুং বা নেতুং বাঽপ্যেকতাং ৎবয়া॥ 12-6-7 (81044)
ততঃ কালপরীতঃ স বৈরস্যোদ্ধরণে রতঃ।
প্রতীপকারী যুষ্মাকমিতি চোপেক্ষিতো ময়া॥ 12-6-8 (81045)
ইত্যুক্তো ধর্মরাজস্তু মাত্রা বাষ্পাকুলেক্ষণঃ।
উবাচ বাক্যং ধর্মাত্মা শোকব্যাকুললোচনঃ॥ 12-6-9 (81046)
ভবত্যা গূঢমন্ত্রৎবাদ্বঞ্চিতাঃ স্ম তদা ভৃশম্॥ 12-6-10 (81047)
শশাপ চ মহাতেজাঃ সর্বলোকেষু যোষিতঃ।
ন গুহ্যং ধারয়িষ্যন্তীত্যেবং দুঃখসমন্বিতঃ॥ 12-6-11 (81048)
স রাজা পুত্রপৌত্রাণাং সংবন্ধিসুহৃদাং তদা।
স্মরন্নুদ্বিগ্নহৃদয়ো বভূবোদ্বিগ্নচেতনঃ॥ 12-6-12 (81049)
ততঃ শোকপরীতাত্মা সধূম ইব পাবকঃ।
নির্বেদমগমদ্ধীমান্রাজ্যে সংতাপপীডিতঃ॥ ॥ 12-6-13 (81050)
ইতি শ্রীমন্মহাভারতে শান্তিপর্বণি রাজধর্মপর্বণি ষষ্ঠোঽধ্যায়ঃ॥ 6॥
Mahabharata - Shanti Parva - Chapter Footnotes
12-6-1 দধ্যৌ ভ্রাতৃবধজং দোষং চিন্তিতবান্॥ 12-6-5 যাতিতঃ স ময়া পূর্বং ভ্রাত্র্যমিতি ঝ. পাঠঃ। তত্র যাতিতঃ প্রবর্তিতস্তবতুভ্যং ভ্রাত্র্যং ভ্রাতুঃ কর্ম কনিষ্ঠানাং পরিপালনং জ্ঞঃপয়িতুং ৎবয়া সৌভ্রাত্রং যুধিষ্ঠিরাদিভ্যঃ প্রদর্শনীয়মিত্যভ্যর্থিত ইত্যর্থঃ॥ 12-6-7 প্রত্যনুনেতুং শয়যিতুম্॥ 12-6-8 কালপরীতো মৃত্যুগ্রস্তঃ। উদ্ধরণে শত্রূণাং নিঃশেষনাশেনোন্মূলনে॥ 12-6-12 কর্মণিষষ্ঠ্যৌ॥ 12-6-13 নির্বেদং রাজ্যাদৌ বৈরাগ্যম্॥শান্তিপর্ব - অধ্যায় 007
॥ শ্রীঃ ॥
12.7. অধ্যায়ঃ 007
Mahabharata - Shanti Parva - Chapter Topics
যুধিষ্ঠিরস্য পরিশোচনম্॥ 1॥Mahabharata - Shanti Parva - Chapter Text
12-7-0 (81051)
বৈশম্পায়ন উবাচ। 12-7-0x (6713)
যুধিষ্ঠিরস্তু ধর্মাত্মা শোকব্যাকুলচেতনঃ।
শুশোচ দুঃখসংতপ্তঃ স্মৃৎবা কর্ণং মহারথম্॥ 12-7-1 (81052)
আবিষ্টো দুঃখশোকাভ্যাং নিঃশ্বসংশ্চ পুনঃ পুনঃ।
দৃষ্ট্বার্জুনমুবাচেদং বচনং শোককর্শিতঃ॥ 12-7-2 (81053)
যুধিষ্ঠির উবাচ। 12-7-3x (6714)
যদ্ভৈক্ষ্যমাচরিষ্যাম বৃষ্ণ্যন্ধকপুরে বয়ম্।
জ্ঞাতীন্নিষ্পুরুষান্কৃৎবা নেমাং প্রাপ্স্যাম দুর্গতিম্॥ 12-7-3 (81054)
অমিত্রা নঃ সমৃদ্ধার্থা বৃত্তার্থাঃ কুরবঃ কিল।
আত্মানমাত্মনা হৎবা কিং ধর্মফলমাপ্নুমঃ॥ 12-7-4 (81055)
ধিগস্তু ক্ষাত্রমাচারং ধিগস্তু বলমৌরসম্।
ধিগস্তু চার্থং যেনেমামাপদং গমিতা বয়ম্॥ 12-7-5 (81056)
সাধু ক্ষমা দমঃ শৌচমবিরোধো বিমৎসরঃ।
অহিংসা সত্যবচনং নিত্যানি বনচারিণাম্॥ 12-7-6 (81057)
বয়ং তু লোভান্মোহাচ্চ দম্ভং মানং চ সংশ্রিতাঃ।
ইমামবস্থাং সংপ্রাপ্তা রাজ্যক্লেশবুভুক্ষয়া॥ 12-7-7 (81058)
ত্রৈলোক্যস্যাপি রাজ্যেন নাস্মান্কশ্চিৎপ্রহর্ষয়েৎ।
বান্ধবান্নিহতান্দৃষ্ট্বা পৃথিব্যামামিষৈষিণঃ॥ 12-7-8 (81059)
তে বয়ং পৃথিবীহেতোরবধ্যান্পৃথিবীতলে।
সংপরিত্যজ্য জীবামো হীনার্থা হতবান্ধবাঃ॥ 12-7-9 (81060)
আমিষে গৃধ্যমানানামশুভং বৈ শুনামিব।
আমিষং চৈব নো নষ্টমামিষস্য চ ভোজিনাম্॥ 12-7-10 (81061)
ন পৃথিব্যা সকলয়া ন সুবর্ণস্য রাশিভিঃ।
ন গজাশ্বেন সর্বেণ তে ত্যাজ্যা য ইমে হতাঃ॥ 12-7-11 (81062)
কামমন্যুপরীতাস্তে ক্রোধামর্ষসমন্বিতাঃ।
মৃত্যুয়ানং সমারুহ্য গতা বৈবস্বতক্ষয়ম্॥ 12-7-12 (81063)
বহুকল্যাণমিচ্ছন্ত ঈহন্তে পিতরঃ সুতান্।
তপসা ব্রহ্মচর্যেণ বন্দনেন তিতিক্ষয়া॥ 12-7-13 (81064)
উপবাসৈস্তথেজ্যাভির্ব্রতকৌতুকমঙ্গলৈঃ।
লভন্তে মাতরো গর্ভাংস্তান্মাসান্দশ বিভ্রতি॥ 12-7-14 (81065)
যদি স্বস্তি প্রজায়ন্তে জাতা জীবন্তি বা যদি।
সংভাঘিতা জাতবলা বিদধ্যুর্যদি নঃ সুখম্।
ইহ চামুত্র চৈবেতি কৃপণাঃ ফলহেতবঃ॥ 12-7-15 (81066)
তাসাময়ং সমুদ্যোগো নির্বৃত্তঃ কেবলোঽফলঃ।
যদাসাং নিহতাঃ পুত্রা যুবানো মৃষ্টকুণ্ডলাঃ॥ 12-7-16 (81067)
অভুক্ৎবা পার্থিবান্ভোগানৃণান্যনপহায় চ।
পিতৃভ্যো দেবতাভ্যশ্চ গতা বৈয়স্বতক্ষয়ম্॥ 12-7-17 (81068)
যদৈষামম্ব পিতরৌ জাতকর্মকরাবিহ।
সংজাতবালরূপেষু তদৈব নিহতা নৃষাঃ॥ 12-7-18 (81069)
সংয়ুক্তাঃ কামমন্যুভ্যাং ক্রোধামর্ষসমন্বিতাঃ।
ন তে জয়ফলং কিংচিদ্ভোক্তারো জাতু কর্হিচিৎ॥ 12-7-19 (81070)
পাঞ্চালানাং কুরূণাং চ হতা এব হি যে হতাঃ।
ন সকামা বয়ং তে চ ন চাস্মাভির্ন তৈর্জিতম্॥ 12-7-20 (81071)
ন তৈর্ভুক্তেয়মবনির্ন নার্যো গীতবাদিতম্।
নামাত্যসুহৃদাং বাক্যং ন চ শ্রুতবতাং শ্রুতম্।
ন রত্নানি পরার্ধ্যানি ন ভূর্ন দ্রবিণাগমঃ॥ 12-7-21 (81072)
ন চ ধর্ম্যানিমাঁল্লোকান্প্রপদ্যাম স্বকর্মভিঃ।
বয়মেবাস্য লোকস্য বিনাশে কারণং স্মৃতাঃ।
ধৃতরাষ্ট্রস্য পুত্রেণ নিকৃতিপ্রীতিসংয়ুতাঃ॥ 12-7-22 (81073)
সদৈব নিকৃতিপ্রজ্ঞো দ্বেষ্টা বিদ্বেষজীবনঃ।
মিথ্যাবৃত্তশ্চ সততমস্মাস্বনপরাধিষু॥ 12-7-23 (81074)
ঋদ্ধিমস্মাসু তাং দৃষ্ট্বা বিবর্ণো হরিণঃ কৃশঃ।
ধৃতরাষ্ট্রশ্চ নৃপতিঃ সৌবলেন নিবেদিতঃ॥ 12-7-24 (81075)
তং পিতা পুত্রগৃধ্নুৎবাদনুমেনেঽনয়ে স্থিতম্।
অনপেক্ষ্যৈব পিতরং গাঙ্গেয়ং বিদুরং তথা॥ 12-7-25 (81076)
অসংশয়ং ৎবয়ং রাজা যথৈবাহং তথা গতঃ।
অনিয়ম্যাশুচিং লুব্ধং পুত্রং কামবশানুগম্॥ 12-7-26 (81077)
যশসঃ পতিতো দীপ্তাদ্ধাতয়িৎবা সহোদরান্।
ইমৌ হি বৃদ্ধৌ শোকাগ্নৌ প্রক্ষিপ্য স সুয়োধনঃ।
অস্মৎপ্রদ্বেষসংতপ্তঃ পাপবুদ্ধিঃ সদৈব হ॥ 12-7-27 (81078)
কো হি বন্ধুঃ কুলীনঃ সংস্তথা ব্রূয়াৎসুহৃজ্জনে।
যথাঽসাববদদ্বাক্যং যুয়ুৎসুঃ কৃষ্ণসন্নিধৌ॥ 12-7-28 (81079)
আত্মনো হি বয়ং দোষাদ্বিনষ্টাঃ শাশ্বতীঃ সমাঃ।
প্রদহন্তো দিশঃ সর্বা ভাস্বরা ইব তেজসা॥ 12-7-29 (81080)
সোঽস্মাকং বৈরপুরুষো দুর্মতিঃ প্রগ্রহং গতঃ।
দুর্যোধনকৃতে হ্যেতৎকুলং নো বিনিপাতিতম্॥ 12-7-30 (81081)
অবধ্যানাং বধং কৃৎবা লোকে প্রাপ্তাঃ স্ম বাচ্যতাং ॥ 12-7-31 (81082)
কুলস্যাস্যান্তকরণং দুর্মতিং পাপপূরুষম্।
রাজা রাষ্ট্রেশ্বরং কৃৎবা ধৃতরাষ্ট্রোঽদ্য শোচতি॥ 12-7-32 (81083)
হতাঃ শূরাঃ কৃতং পাপং বিষয়োঽসৌ বিনাশিতঃ।
হৎবা নো বিগতো মন্যুঃ শোকো মাং দারয়ত্যযম্॥ 12-7-33 (81084)
ধনঞ্জয় কৃতং পাপং কল্যাণেনোপহন্যতে।
[খ্যাপনেনানুতাপেন দানেন তপসাঽপি বা।
নিবৃত্ত্যা তীর্থগমনাচ্ছুতিস্মৃতিজপেন বা॥] 12-7-34 (81085)
ত্যাগবাংশ্চ পুনঃ পাপং নালং কর্তুমিতি শ্রুতিঃ।
ত্যাগবাঞ্জন্মমরণে নাপ্নোতীতি শ্রুতির্যতঃ।
প্রাপ্তবর্ত্মা কৃতমতির্ব্রহ্ম সংপদ্যতে তদা॥ 12-7-35 (81086)
স ধনঞ্জয় নির্দ্বন্দ্বো মুনির্জ্ঞানসমন্বিতঃ।
বনমামন্ত্র্য বঃ সর্বান্গমিষ্যামি পরংতপ॥ 12-7-36 (81087)
ন হি কৃৎস্নতমো ধর্মঃ শক্যঃ প্রাপ্তুমিতি শ্রুতিঃ।
পরিগ্রহবতা তন্মে প্রত্যক্ষমরিসূদন॥ 12-7-37 (81088)
ময়া নিসৃষ্টং পাপং হি পরিগ্রহমভীপ্সতা।
জন্মক্ষয়নিমিত্তং চ প্রাপ্তুং শক্যমিতি শ্রুতিঃ॥ 12-7-38 (81089)
স পরিগ্রহমুৎসৃজ্য কৃৎস্নং রাজ্যং সুখানি চ।
গমিষ্যামি বিনির্মুক্তো বিশোকো নির্মমঃ ক্বচিৎ।
প্রশাসধ্বমিমামুর্বী ক্ষেমাং নিহতকণ্টকাম্।
ন মমার্থোঽস্তি রাজ্যেন ভোগৈর্বা কুরুনন্দন॥ 12-7-39 (81090)
এতাবদুক্ৎবা বচনং কুরুরাজো যুধিষ্ঠিরঃ।
উপারমত্ততঃ পার্থঃ কনীয়ান্প্রত্যভাষত॥ ॥ 12-7-40 (81091)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তমোঽধ্যায়ঃ॥ 7॥
Mahabharata - Shanti Parva - Chapter Footnotes
12-7-2 দুঃখং দেহেন্দ্রিয়াদীনাং তাপঃ। শোকস্তৎকৃতং বৈকল্যম্॥ 12-7-3 যদ্যদি ভৈক্ষ্যমাচীর্ণং স্যাত্তর্হি জ্ঞাতিবধাজ্জাতা দুর্গতির্ন প্রাপ্তা স্যাদিত্যর্থঃ। লিঙ্নিমিত্তে লৃঙ্ক্রিয়াতিপত্তৌ॥ 12-7-8 পৃথিব্যাং বিজয়ৈষিণ ইতি ঝ. পাঠঃ॥ 12-7-10 অমিষে গৃধ্যমানানামশুভং বৈ শুনামিব। আমিষং চৈব নোহীষ্টমামিষস্য বিবর্জনমিতি ঝ. পাঠঃ। তত্র আমিষে রাজ্যনিমিত্তে। অশুভং জ্ঞাতিদ্রোহাখ্যম্। শুনামিবেতরেষাং ভবতি নো হ্যস্মাকং ৎবামিষং চাঽঽমিষস্য বিবর্জনং চেতি দ্বয়মপীষ্টমিত্যর্থঃ॥ 12-7-11 বন্ধূনামর্থে সর্বং ত্যাজ্যমিত্যর্থঃ॥ 12-7-14 ব্রতানি গৌরীব্রতাদীনি। কৌতুকানি দুর্গোৎসবাদীনি। মঙ্গলানি লক্ষ্মীনারায়ণশিলাদীনি তৈঃ॥ 12-7-16 যদা সংনিহিতাঃ পুত্রা ইতি থ. দ. পাঠঃ॥ 12-7-17 অনপহায় অপরিহৃত্য। অনবদায়েতি পাঠে অপরিশোধ্য। পিতৃভ্য ইতি ষষ্ঠ্যর্থে চতুর্থী॥ 12-7-18 অর্জুনেন সহ বদন্নপি সন্নিহিতাং মাতরং সম্বোধয়তি হে অম্বেতি। পিতরৌ মাতাপিতরৌ গান্ধারীধৃতরাষ্ট্রৌ যদৈব জাতকর্মকরৌ তদৈব তে নৃপা দুর্যোধনপ্রভৃতয়ো হতাঃ॥ 12-7-19 ন তে জন্মফলং কিংচিদিতি দ. পাঠঃ॥ 12-7-21 শ্রুতবতাং পণ্ডিতানাম্। রত্নানীত্যাদৌ ভুক্তানীত্যাদির্যথালিঙ্গং শেষঃ। নামাত্যসমিতৌ কথ্যং ইতি ট. ড. থ. পাঠঃ॥ 12-7-24 হরিণঃ পাণ্ডুরঃ। ধৃতরাষ্ট্রস্য নৃপতেরিতি ড.থ. দ. পাঠঃ॥ 12-7-27 পাপবুদ্ধিঃ সুহৃজ্জনৈরিতি ট. ড. থ. পাঠঃ॥ 12-7-29 ভাস্করস্যেব তেজসেতি ট. ড. থ. পাঠঃ॥ 12-7-30 প্রগ্রহং দৃঢবন্ধনম্। গতঃ প্রাপ্তঃ। নোঽত্মাভিঃ॥ 12-7-33 বিষয়ঃ আপিষম্। নোঽস্মাকম্। তান্হৎবা বিগতঃ॥ 12-7-34 কল্যাণেনোপকারেণ। নিবৃত্ত্যা ত্যাগেন॥ 12-7-35 শ্রুতিস্ত্যাগেনৈকে অমৃতৎবমানশুরিতি। প্রাপ্তবর্ত্মা লব্ধয়োগমার্গঃ। ত্যাগে যদা কৃতমতিরিতি ট. ড. দ. পাঠঃ॥ 12-7-37 নহি কশ্চিদ্গৃহে ধর্ম ইতি ড. দ. পাঠঃ। পরিগ্রহবতা গৃহস্থেন নহি প্রাপ্তুং শক্যঃ॥শান্তিপর্ব - অধ্যায় 008
॥ শ্রীঃ ॥
12.8. অধ্যায়ঃ 008
Mahabharata - Shanti Parva - Chapter Topics
যুধিষ্ঠিরংপ্রত্যর্জুনবচনম্॥ 1॥Mahabharata - Shanti Parva - Chapter Text
12-8-0 (81092)
বৈশম্পায়ন উবাচ। 12-8-0x (6715)
অথার্জুন উবাচেদমধিক্ষিপ্ত ইবাক্ষমী।
অভিনীততরং বাক্যং দৃঢবাদপরাক্রমঃ॥ 12-8-1 (81093)
দর্শয়ন্নৈন্দ্রিরাত্মানমুগ্রমুগ্রপরাক্রমঃ।
স্ময়মানো মহাতেজাঃ সৃক্কিণী পরিসংলিহন্॥ 12-8-2 (81094)
অর্জুন উবাচ। 12-8-3x (6716)
অহো দুঃখমহো কৃচ্ছ্রমহো বৈক্লব্যমুত্তমম্।
যৎকৃৎবাঽমানুষং কর্ম ত্যজেথাঃ শ্রিয়মুত্তমাম্॥ 12-8-3 (81095)
শত্রূন্হৎবা মহীং লব্ধ্বা স্বধর্মেণোপপাদিতাম্।
হতামিত্রঃ কথং স ৎবং ত্যজেথা বুদ্ধিলাঘবাৎ॥ 12-8-4 (81096)
ক্লীবস্য হি কুতো রাজ্যং দীর্ঘসূত্রস্য বা পুনঃ।
কিমর্থং চ মহীপালানবধীঃ ক্রোধমূর্চ্ছিতঃ॥ 12-8-5 (81097)
যো হ্যাজিজীবিষেদ্ভৈক্ষং কর্মণা নৈব কস্য চিৎ।
সমারম্ভান্বুভূষেত হতস্বস্তিরকিঞ্চনঃ।
সর্বলোকেষু বিখ্যাতো ন পুত্রপশুসংহিতঃ॥ 12-8-6 (81098)
কাপালীং নৃপ পাপিষ্ঠাং বৃত্তিমাসাদ্য জীবতঃ।
সংত্যজ্য রাজ্যমৃদ্ধং তে লোকোঽয়ং কিং বদিষ্যতি॥ 12-8-7 (81099)
সর্বারম্ভান্সমুৎসৃজ্য হতস্বস্তিরকিঞ্চনঃ।
কস্মাদাশংসসে ভৈক্ষং চর্তুং প্রাকৃতবৎপ্রভো॥ 12-8-8 (81100)
কস্মাদ্রাজকুলে জাতো জিৎবা কৃৎস্নাং বসুংধরাম্।
ধর্মার্থাবখিলৌ হিৎবা বনং মৌঢ্যাৎপ্রতিষ্ঠসে॥ 12-8-9 (81101)
যদীমানি হবীংষীহ বিমথিষ্যন্ত্যসাধবঃ।
ভবতা বিপ্রহীণৎবাৎপ্রাপ্তং ৎবামেব কিল্বিষম্॥ 12-8-10 (81102)
আকিঞ্চন্যং মুনীনাং চ ইতি বৈ নহুষোঽব্রবীৎ।
কৃৎবা নৃশংসং হ্যধনে ধিগস্ৎবধনতামিহ॥ 12-8-11 (81103)
আশ্বস্তন্যমৃষীণাং হি বিদ্যতে বেদ তদ্ভবান্।
যং ৎবিমং ধর্মমিত্যাহুর্ধনাদেষ প্রবর্ততে॥ 12-8-12 (81104)
ধর্মং স হরতে তস্য ধনং হরতি যস্য যঃ।
হ্রিয়মাণে ধনে রাজন্বয়ং কস্য ক্ষমেমহি॥ 12-8-13 (81105)
অভিশস্তং প্রপশ্যন্তি দরিদ্রং পার্শ্বতঃ স্থিতম্।
দারিদ্র্যং পাতকং লোকে কস্তচ্ছংসিতুমর্হতি॥ 12-8-14 (81106)
পতিতঃ শোচ্যতে রাজন্নির্ধনশ্চাপি শোচ্যতে।
বিশেষং নাধিগচ্ছামি পতিতস্যাধনস্য চ॥ 12-8-15 (81107)
অর্থেভ্যো হি বিবৃদ্ধেভ্যঃ সংভৃতেভ্যস্ততস্ততঃ।
ক্রিয়াঃ সর্বাঃ প্রবর্তন্তে পর্বতেভ্য ইবাপগাঃ॥ 12-8-16 (81108)
অর্থাদ্ধর্মশ্চ কামশ্চ স্বর্গশ্চৈব নরাধিপ।
প্রাণয়াত্রাঽপি লোকস্য বিনা হ্যর্থং ন সিধ্দ্যতি॥ 12-8-17 (81109)
অর্থেন হি বিহীনস্য পুরুষস্যাল্পমেধসঃ।
বিচ্ছিদ্যন্তে ক্রিয়াঃ সর্বা গ্রীষ্মে কুসরিতো যথা॥ 12-8-18 (81110)
যস্যার্থাস্তস্য মিত্রাণি যস্যার্থাস্তস্য বান্ধবাঃ।
যস্যার্থাঃ স পুমাঁল্লোকে যস্যার্থাঃ স চ পণ্ডিতঃ॥ 12-8-19 (81111)
অধনেনার্থকামেন নার্থঃ শক্যো বিধিৎসিতুম্।
অর্থৈরর্থা নিবধ্যন্তে গজৈরিব মহাগজাঃ॥ 12-8-20 (81112)
ধর্মঃ কামশ্চ স্বর্গশ্চ হর্ষঃ ক্রোধঃ শ্রুতং দমঃ।
অর্থাদেতানি সর্বাণি প্রবর্তন্তে নরাধিপ॥ 12-8-21 (81113)
ধনাৎকুলং প্রভবতি ধনাদ্ধর্মঃ প্রবর্ধতে।
নাধনস্যাস্ত্যযং লোকো ন পরঃ পুরুষোত্তম॥ 12-8-22 (81114)
নাধনো ধর্মকৃত্যানি যথাবদনুতিষ্ঠতি।
ধনাদ্ধি ধর্মঃ স্রবতি শৈলাদভিনদী যথা॥ 12-8-23 (81115)
যঃ কৃশার্থঃ কৃশগবঃ কৃশভৃত্যঃ কৃশাংতিথিঃ।
স বৈ রাজন্কৃশো নাম ন শরীরকৃশঃ কৃশঃ॥ 12-8-24 (81116)
অবেক্ষস্ব যথান্যায়ং পশ্য দেবাসুরং যথা।
রাজন্কিমন্যজ্জ্ঞাতীনাং বধাদ্গৃধ্যন্তি দেবতাঃ॥ 12-8-25 (81117)
ন চেদ্ধর্তব্যমন্যস্য কথং তদ্ধর্মমারভেৎ।
এতাবানেব বেদেষু নিশ্চয়ঃ কবিভিঃ কৃতঃ॥ 12-8-26 (81118)
অধ্যেতব্যা ত্রয়ী নিত্যং ভবিতব্যং বিপশ্চিতা।
সর্বথা ধনমাহার্যং যষ্টব্যং চাপি যত্নতঃ॥ 12-8-27 (81119)
দ্রোহাদ্দেবৈরবাপ্তানি দিবি স্থানানি সর্বশঃ।
দ্রোহাৎকিমন্যজ্জ্ঞাতীনাং গৃধ্যন্তে যেন দেবতাঃ॥ 12-8-28 (81120)
ইতি দেবা ব্যবসিতা বেদবাদাশ্চ শাশ্বতাঃ।
অধীয়ন্তেঽধ্যাপয়ন্তে যজন্তে যাজয়ন্তি চ॥ 12-8-29 (81121)
কৃৎস্নং তদেব তচ্ছ্রেয়ো যদপ্যাদদতেঽন্যতঃ।
ন পশ্যামোঽনপকৃতং ধনং কিংচিৎক্বচিদ্বয়ম্॥ 12-8-30 (81122)
এবমেব হি রাজানো যজন্তি পৃথিবীমিমাম্।
জিৎবা মমেয়ং ব্রুবতে পুত্রা ইব পিতৃর্ধনম্॥ 12-8-31 (81123)
রাজর্ষয়োঽপি তে স্বর্গ্যা ধর্মো হ্যেষাং নিরুচ্যতে॥ 12-8-32 (81124)
যথৈব পূর্ণাদুদধেঃ স্যন্দন্ত্যাপো দিশো দশ।
এবং রাজকুলাদ্বিত্তং পৃথিবীং প্রতিতিষ্ঠতি॥ 12-8-33 (81125)
আসীদিয়ং দিলীপস্য নৃগস্য নহুষস্য চ।
অংবরীপস্য মান্ধাতুঃ পৃথিবী সা ৎবয়ি স্থিতা॥ 12-8-34 (81126)
স ৎবাং দ্রব্যময়ো যজ্ঞঃ সংপ্রাপ্তঃ সর্বদক্ষিণঃ।
তং চেন্ন যজসে রাজন্প্রাপ্তস্ৎবং রাজ্যকিল্বিষম্॥ 12-8-35 (81127)
যেষাং রাজাঽশ্বমেধেন যজতে দক্ষিণাবতা।
উপেত্য তস্যাবভৃথে পূতাঃ সর্বে ভবন্তি তে॥ 12-8-36 (81128)
বিশ্বরূপো মহাদেবঃ সর্বমেধে মহামখে।
জুহাব সর্বভূতানি তথৈবাত্মানমাত্মনা॥ 12-8-37 (81129)
শাশ্বতোঽয়ং ভূতিপথো নাস্ত্যন্তমনুশুশ্রুম।
মহাজনপথং গন্তা মা রাজন্কুপথং গমঃ॥ ॥ 12-8-38 (81130)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টমোঽধ্যায়ঃ॥ 8॥
Mahabharata - Shanti Parva - Chapter Footnotes
12-8-1 দৃঢৌ যুক্তিশক্ত্যুপেতৌ বাদপরাক্রমাবুক্তিবিক্রমৌ যস্য স তথা॥ 12-8-2 দর্শয়ন্নৈন্দ্রমাত্মনিমিতি ড.থ.দ. পাঠঃ॥ 12-8-5 ক্লীবস্য স্বীয়বধে কাতরস্য। দীর্ঘসূত্রস্য পরবধে অলসস্য॥ 12-8-6 যঃ পুমান্হতস্বস্তির্নষ্টকল্যাণঃ। অকিঞ্চনো দরিদ্রঃ। অতএব কমাৎসর্বলোকেষু ন বিখ্যাতঃ। পুত্রপশুসংহিতঃ পুত্রাদিভিরাশ্লিষ্টশ্চ ন ভবতি। স ভৈক্ষং আজিজীবিষেদুপজীবিতুমিচ্ছেৎ। স কর্মণা পৌরুষেণ কস্যচিদপি পরস্য। সমারভ্যন্ত ইতি সমারম্ভা অর্থাস্তান্নৈব বুভূষেত নৈব প্রাপ্তুমিচ্ছেৎ। ৎবং তু প্রাপ্তকল্যাণঃ সংপন্নঃ খ্যাতঃ পুত্রাদ্যাশ্লিষ্টশ্চ পৌরুষেণার্থাংল্লব্ধ্বা নাজিজীবিষেদ্ভৈক্ষং কর্মণা যেন কেনচিৎ। সমারম্ভাদ্বুভূষেত হতস্বস্তিরকিঞ্চনঃ। ইতি ট. ড. পাঠঃ। যো হ্যাজিজীবিষেদ্ভৈক্ষং কর্মণা নৈব কেনচিৎ। ইতি থ. পাঠঃ। সর্বলোকেন বিখ্যাতো ন পুত্রপশুসংহিতঃ। কাপালীং নৃপ পাপিষ্ঠাং বৃত্তিমাস্থায় জীবতীতি ট. ড. থ. দ. পাঠঃ॥ 12-8-7 কাপালীং ভিক্ষাপাত্রবতীম্। সংত্যজ্যরাজ্যমৃদ্ধিং ৎবাং লোকোঽয়ং প্রবদিষ্যতীতি ট. ড. পাঠঃ॥ 12-8-8 সর্বারম্ভান্সর্বার্থান্ধর্মাদীন্ প্রাকৃতবন্মূঢবৎ॥ 12-8-11 আকিঞ্চন্যং মুনীনাং চ রাজ্যাদপ্যধিকং মতমিতি যদ্বাক্যং তদুদ্দিশ্য নহুষো রাজা অধনতামিহ ধিগস্ৎবিত্যব্রবীৎ। অধনে ধনাভাবে নিমিত্তে সতি পুরুষো নৃশংসং কর্ম কৃৎবা জীবতীতি দারিদ্র্যং পাপহেতুৎবান্নিন্দিতবানিত্যর্থঃ। আকিঞ্চন্যমহীনস্য মৃত্যবে ইতি ট. ড. থ. পাঠঃ॥ 12-8-25 যত্তূক্তং জ্ঞাতীনাং পরস্পরং যুদ্ধে হতানাং হন্তৄণাং চ শ্রেয়ো নাস্তীতি তচ্ছিষ্টাচারদর্শনেন দূষয়তি। অবেক্ষস্বেত্যাদিনা॥ 12-8-26 অন্যস্য পরস্য ধনং চেন্ন হর্তব্যং তত্তর্হি রাজা কথং ধর্মমাচরেৎ। তস্য বৃত্ত্যন্তরাভাবান্ন কথংচিদিত্যর্থঃ॥ 12-8-32 নিরুচ্যতে উৎকৃষ্টৎবেন কীর্ত্যতে॥ 12-8-33 স্যন্দন্তি প্রস্রবন্তি॥শান্তিপর্ব - অধ্যায় 009
॥ শ্রীঃ ॥
12.9. অধ্যায়ঃ 009
Mahabharata - Shanti Parva - Chapter Topics
যুধিষ্ঠিরস্য নির্বেদবচনম্॥ 1॥Mahabharata - Shanti Parva - Chapter Text
12-9-0 (81131)
যুধিষ্ঠির উবাচ। 12-9-0x (6717)
মুহূর্তং তাবদেকাগ্রো মনঃ শ্রোত্রেঽন্তরাত্মনি।
ধারয়ন্নপি তে শ্রুৎবা রোচতে বচনং মম॥ 12-9-1 (81132)
সার্থগম্যমহং মার্গং ন জাতু ৎবৎকৃতে পুনঃ।
গচ্ছেয়ং তং গমিষ্যামি হিৎবা গ্রাম্যসুখান্যুত॥ 12-9-2 (81133)
ক্ষেম্যশ্চৈকাকিনা গম্যঃ পন্থা কোস্তীতি পৃচ্ছ মাম্।
অথবা নেচ্ছসি প্রষ্টুমপৃচ্ছন্নপি মে শৃণু॥ 12-9-3 (81134)
হিৎবা গ্রাম্যসুখাচারং তপ্যমানো মহত্তপঃ।
অরণ্যে ফলমূলাশী চরিষ্যামি মৃগৈঃ সহ॥ 12-9-4 (81135)
জুহ্বানোঽগ্নিং যথাকালমুভৌ কালাবুপস্পৃশন্।
কৃশঃ পরিমিতাহারশ্চর্মচীরজটাধরঃ॥ 12-9-5 (81136)
শীতবাতাতপসহঃ ক্ষুৎপিপাসাশ্রমক্ষমঃ।
তপসা বিধিদৃষ্টেন শরীরমুপশোষয়ন্॥ 12-9-6 (81137)
মনঃকর্ণসুখা নিত্যং শ্রৃণ্বন্নুচ্চাবচা গিরঃ।
মুদিতানামরণ্যেষু নদতাং মৃগপক্ষিণাম্। 12-9-7 (81138)
আজিঘ্রন্পেশলান্গন্ধান্ফুল্লানাং বৃক্ষবীরুধাম্॥
নানারূপান্বনে পশ্যন্রমণীয়ান্বনৌকসঃ॥ 12-9-8 (81139)
বানপ্রস্থজনস্যাপি দর্শনং কূলবাসিনঃ।
নাপ্রিয়াণ্যাচরিষ্যামি কিংপুনর্গ্রামবাসিনাম্॥ 12-9-9 (81140)
একান্তশীলী বিমৃশন্পক্বাপক্বেন বর্তয়ন্।
পিতৄন্দেবাংশ্চ বন্যেন বাগ্ভিরদ্ভিশ্চ তর্পয়ন্॥ 12-9-10 (81141)
এবমারণ্যশাস্ত্রাণামুগ্রমুগ্রতরং বিধিম্।
সেবমানঃ প্রতীক্ষিষ্যে দেহস্যাস্য সমাপনম্॥ 12-9-11 (81142)
অথবৈকোঽহমেকাহমেকৈকস্মিন্বনস্পতৌ।
চরন্ভৈক্ষং মুনির্মুণ্ডঃ ক্ষপয়িষ্যে কলেবরম্॥ 12-9-12 (81143)
পাংসুভিঃ সমভিচ্ছন্নঃ শূন্যাগারপ্রতিশ্রয়ঃ।
বৃক্ষমূলনিকেতো বা ত্যক্তসর্বপ্রিয়াপ্রিয়ঃ॥ 12-9-13 (81144)
ন শোচন্ন প্রহৃষ্যংশ্চ তুল্যনিন্দাত্মসংস্তুতিঃ।
নিরাশীর্নির্মমো ভূৎবা নির্দ্বন্দ্বো নিষ্পরিগ্রহঃ॥ 12-9-14 (81145)
আত্মারামঃ প্রসন্নাত্মা জডান্ধবধিরাকৃতিঃ।
অকুর্বাণঃ পরৈঃ কাংচিৎসংবিদং জাতু কৈরপি॥ 12-9-15 (81146)
জঙ্গমাজঙ্গমান্সর্বানবিহিংসংশ্চতুর্বিধান্।
প্রজাঃ সর্বাঃ স্বধর্মস্থাঃ সমঃ প্রাণভৃতঃ প্রতি॥ 12-9-16 (81147)
ন চাপ্যবহসন্কংচিন্ন কুর্বন্ভ্রুকুটীঃ ক্বচিৎ।
প্রসন্নবদনো নিত্যং সর্বেন্দ্রিয়সুসংয়তঃ॥ 12-9-17 (81148)
অপৃচ্ছন্কস্যচিন্মার্গং প্রব্রজন্নেব কেনচিৎ।
ন দেশং ন দিশং কাংচিদ্গন্তুমিচ্ছন্বিশেষতঃ॥ 12-9-18 (81149)
গমনে নিরপেক্ষশ্চ পশ্চাদনবলোকয়ন্।
ঋজুঃ প্রণিহিতো গচ্ছন্স্ত্রীসংস্থাপরিবর্জকঃ॥ 12-9-19 (81150)
স্বভাবস্তু প্রয়াত্যগ্রে প্রভবন্ত্যশনান্যপি।
দ্বন্দ্বানি চ বিরুদ্ধানি তানি সর্বাণ্যচিন্তয়ন্॥ 12-9-20 (81151)
অল্পং বা স্বাদু বা ভোজ্যং পূর্বালাভেন জাতুচিৎ।
অন্যেষ্বপি চরঁল্লাভমলাভে সপ্ত পূরয়ন্॥ 12-9-21 (81152)
বিধূমে ন্যস্তমুসলে ব্যঙ্গারে ভুক্তবজ্জনে।
অতীতপাত্রসংচারে কালে বিগতভিক্ষুকে॥ 12-9-22 (81153)
এককালং চরন্ভৈক্ষং ত্রীনথ দ্বে চ পঞ্চ বা।
স্নেহপাশং বিমুচ্যাহং চরিষ্যামি মহীমিমাম্॥ 12-9-23 (81154)
অলাভে সতি বা লাভে সমদর্শী মহাতপাঃ।
ন জিজীবিষুবৎকিংচিন্ন মুমূর্ষুবদাচরন্॥ 12-9-24 (81155)
জীবিতং মরণং চৈব নাভিনন্দন্ন চ দ্বিপন্।
বাস্যৈকং তক্ষতো বাহুং চন্দনেনৈকপুক্ষতঃ।
নাকল্যাণং ন কল্যাণং চিন্তয়ন্নুভয়োস্তয়োঃ॥ 12-9-25 (81156)
যাঃ কাশ্চিজ্জীবতা শক্যাঃ কর্তুমভ্যুদয়ক্রিয়াঃ।
সর্বাস্তাঃ সমভিত্যজ্য নিমেষাদিব্যবস্থিতঃ॥ 12-9-26 (81157)
তেষু নিত্যমসক্তশ্চ ত্যক্তসর্বেন্দ্রিয়ক্রিয়ঃ।
অপরিত্যক্তসংকল্পঃ সুনির্ণিক্তাত্মকল্মপঃ॥ 12-9-27 (81158)
বিমুক্তঃ সর্বসঙ্গেভ্যো ব্যতীতঃ সর্ববাগুরাঃ।
ন বশে কস্যচিত্তিষ্ঠন্সধর্মা মাতরিশ্বনঃ॥ 12-9-28 (81159)
বীতরাগশ্চরন্নেবং তুষ্টিং প্রাপ্স্যামি মানসীম্।
তৃষ্ণয়া হি মহৎপাপমজ্ঞানাদস্মি কারিতঃ॥ 12-9-29 (81160)
কুশলাকুশলান্যেকে কৃৎবা কর্মাণি মানবাঃ।
কার্যকারণসংশ্লিষ্টং স্বজনং নাম ব্রিভ্রতি॥ 12-9-30 (81161)
আয়ুপোঽন্তে প্রহায়েদং ক্ষীণপ্রাণং কলেবরম্।
প্রতিগৃহ্ণাতি তৎপাপং কর্তুঃ কর্মফলং হি তৎ॥ 12-9-31 (81162)
এবং সংসারচক্রেঽস্মিন্ব্যাবিদ্ধে রথচক্রবৎ।
সমেতি ভূতগ্রামোঽয়ং ভূতগ্রামেণ কার্যবান্॥ 12-9-32 (81163)
জন্মমৃত্যুজরাব্যাধিবেদনাভিরভিদ্রুতম্।
অপারমিব চাস্বস্থং সংসারং ত্যজতঃ সুখম্॥ 12-9-33 (81164)
দিবঃ পতৎসু দেবেষু স্থানেভ্যশ্চ মহর্ষিষু।
কো হি নাম ভবেনার্থী ভবেৎকারণতত্ৎববিৎ॥ 12-9-34 (81165)
কৃৎবা হি বিবিধং কর্ম তত্তদ্বিবিধলক্ষণম্।
পার্থিবৈর্নৃপতিঃ স্বল্পৈঃ কারণৈরেব বধ্যতে॥ 12-9-35 (81166)
তস্মাৎপ্রজ্ঞামুতমিদং চিরান্মাং প্রত্যুপস্থিতম্।
তৎপ্রাপ্য প্রার্থয়ে স্থানমব্যযং শাশ্বতং ধ্রুবম্॥ 12-9-36 (81167)
এতয়া সংততং ধৃত্যা চরন্নেবংপ্রকারয়া।
জন্মমৃত্যুজরাব্যাধিবেদনাভিরভিদ্রুতম্।
দেহং সংস্থাপয়িষ্যামি নির্ভয়ং মার্গমাস্থিতঃ॥ ॥ 12-9-37 (81168)
ইতি শ্রীমন্মহাভারতে শান্তিপর্বণি রাজধর্মপর্বণি নবমোঽধ্যায়ঃ॥ 9॥
Mahabharata - Shanti Parva - Chapter Footnotes
12-9-1 মুহূর্তং তাবদেকাগ্রো মনঃ শ্রোত্রেঽন্তরাত্মনি। ধারয়ন্নপি তচ্ছুৎবা রোচেত বচনং মমেতি ঝ. পাঠঃ। 12-9-8 পেশলান্রভ্যান্॥ 12-9-15 আত্মারামঃ যোগেনাত্মন্যেব রমমাণঃ। প্রসন্নাত্মা শুদ্ধসৎবঃ। কেনচিন্নিমিত্তেন সংবিদং সংবাদমকুর্বাণঃ কৃত্যাভাবাৎ॥ 12-9-16 চতুর্বিধান্ জংগমস্য জরায়ুজাণ্ডজস্বেদজভেদেন ত্রৈবিধ্যাৎ। স্বধর্মস্থাঃ প্রাণভৃত ইন্দ্রিয়পোষকাশ্চ প্রজাঃ প্রতি সম ইত্যন্বয়ঃ॥ 12-9-18 কেনচিন্মার্গেণ॥ 12-9-19 প্রণিহিতোঽন্তর্মুখঃ॥ 12-9-21 পূর্বালাভেন পূর্বস্মিন্ গৃহেঽলাভেঃ হেতুনা জাতু কদাচিৎ। অন্যেষ্বপি গৃহেষু লাভং লব্ধমন্নং চরন্ভক্ষয়ন্॥ 12-9-22 ভৈক্ষকালমাহ বিধূমে ইতি। গৃহে ইতি শেষঃ॥ 12-9-23 ত্রীন্গৃহান্॥ 12-9-24 জিজীবিষুবদ্ধনাদিসংগ্রহম্। মুমূর্ষুবদন্নাদিত্যাগম্॥ 12-9-25 বাসী তক্ষায়ুধং তয়া॥ 12-9-26 নিমেষোন্মেষাশনপানাদিশারীরনির্বাহমাত্রকর্মস্ববস্থিত ইতর্থঃ॥ 12-9-27 তেষ্বপি কর্মসু অসক্তঃ। অপরিত্যক্তো নিত্যং বশীকৃতঃ সংকল্পো মনঃ ক্রিয়ায়েন। দৃঢমনা ইত্যর্থঃ। সুনির্ণিক্তাত্মকল্মষঃ সম্যগ্দূরীকৃতধীমলঃ॥ 12-9-28 বাগুরাঃ স্নেহপাশান্॥ 12-9-30 একে মূঢাঃ কার্যকারণসংশ্লিষ্টং স্বসুখেন নিমিত্তভূতেন সংলগ্নং স্ত্র্যাদিকং বিভ্রত্যাত্মোপকারকৎবেন পুষ্ণন্তি। কুশলাকুশলান্যেবং কৃৎবা কর্গাণি মানবঃ। কার্যকারণসংশ্লিয়ঃ স্বজনং নাভিনন্দতি ইতি ড. পাঠঃ॥ 12-9-32 ব্যাবিদ্ধে ভ্রাম্যমাণে। সমেতি সংয়োগমেতি॥ 12-9-35 বিবিধং সামাদ্যুপায়বৎ বিবিধলক্ষণং নানাবিধকপটাদিরূপং কর্ম কৃৎবা স্বল্পৈঃ পার্থিবৈঃ ক্ষুদ্ররাজভির্তৃপতির্মহারাজো বধ্যতে। কারণৈঃ স্বাপমানাদিভির্হেতুভিঃ বহবো মিলিৎবা একং মহান্তং ঘ্নন্তীত্যর্থঃ॥ 12-9-36 যস্মাদ্দুঃখময়ং ক্ষয়িষ্ণু চ ঐশ্বর্যং তস্মাৎ। স্থানং মোক্ষম্। অব্যযমপক্ষয়শূন্যম্। শাশ্বতমনাদি। ধ্রুবং সদৈকরূপম্॥ 12-9-37 সংস্থাপয়িষ্যামি সমাপয়িষ্যামি॥শান্তিপর্ব - অধ্যায় 010
॥ শ্রীঃ ॥
12.10. অধ্যায়ঃ 010
Mahabharata - Shanti Parva - Chapter Topics
যুধিষ্ঠিরংপ্রতি ভীমসেনবচনম্॥ 1॥Mahabharata - Shanti Parva - Chapter Text
12-10-0 (80906)
ভীম উবাচ। 12-10-0x (6706)
শ্রোত্রিয়স্যেব তে রাজন্মন্দকস্যাবিপশ্চিতঃ।
অনুবাকহতা বুদ্ধির্নৈষা তত্ৎবার্থদর্শিনী॥ 12-10-1 (80907)
আলস্যে কৃতচিত্তস্য রাজধর্মানসূয়তঃ।
বিনাশে ধার্তরাষ্ট্রাণাং কিং ফলং ভরতর্ষভ॥ 12-10-2 (80908)
ক্ষমাঽনুকম্পা কারুণ্যমানৃশংস্যং ন বিদ্যতে।
ক্ষাত্রমাচরতো মার্গমপি বন্ধোস্ৎবদন্তরে॥ 12-10-3 (80909)
যদীমাং ভবতো বুদ্ধিং বিদ্যাম বয়মীদৃশীম্।
শস্ত্রং নৈব গ্রহীষ্যামো ন বধিষ্যাম কংচন॥ 12-10-4 (80910)
ভৈক্ষমেবাচরিষ্যাম শরীরস্যাবিমোক্ষণাৎ।
ন চেদং দারুণং যুদ্ধমভবিষ্যন্মহীক্ষিতাম্॥ 12-10-5 (80911)
প্রাণস্যান্নমিদং সর্বমিতি বৈ কবয়ো বিদুঃ।
স্থাবরং জঙ্গমং চৈব সর্বং প্রাণস্য ভোজনম্॥ 12-10-6 (80912)
আদদানস্য চেদ্রাজ্যং যে কেচিৎপরিপন্থিনঃ।
হন্তব্যাস্ত ইতি প্রাজ্ঞাঃ ক্ষত্রধর্মবিদো বিদুঃ॥ 12-10-7 (80913)
তে সদোষা হতাঽস্মাভিরন্নস্য পরিপন্থিনঃ।
তান্হৎবা ভুঙ্ক্ষ্ব ধর্মেণ যুধিষ্ঠির মহীমিমাম্॥ 12-10-8 (80914)
যথা হি পুরুষঃ খাৎবা কূপমপ্রাপ্য চোদকম্।
পঙ্কদিগ্ধো নিবর্তেৎ কর্মেদং নস্তথোপমম্॥ 12-10-9 (80915)
যথাঽঽরুহ্য মহাবৃক্ষমপহৃত্য ততো মধু।
অপ্রাশ্য নিধনং গচ্ছেৎকর্মেদং নস্তথোপমম্॥ 12-10-10 (80916)
যথা মহান্তমধ্বানমাশয়া পুরুষঃ পতন্।
স নিরাশো নিবর্তেত কর্মৈতন্নস্তথোপমম্॥ 12-10-11 (80917)
যথা শত্রূন্ঘাতয়িৎবা পুরুষঃ কুরুনন্দন।
আত্মানং ঘাতয়েৎপশ্চাৎকর্মেদং নস্তথোপমম্॥ 12-10-12 (80918)
যথান্নং ক্ষুধিতো লব্ধ্বা ন ভুঞ্জীয়াদ্যদৃচ্ছয়া।
কামী চ কামিনীং লব্ধ্বা কর্মেদং নস্তথোপমম্॥ 12-10-13 (80919)
বয়মেবাত্র গর্হ্যা হি যদ্বয়ং মন্দচেতসম্।
ৎবাং রাজন্ননুগচ্ছামো জ্যেষ্ঠোঽয়মিতি ভারত॥ 12-10-14 (80920)
বয়ং হি বাহুবলিনঃ কৃতবিদ্যা মনস্বিনঃ।
ক্লীবস্য বাক্যে তিষ্ঠামো যথৈবাশক্তয়স্তথা॥ 12-10-15 (80921)
অগতীকগতীনস্মান্নষ্টার্থনর্থসিদ্ধয়ে।
কথং বৈ নানুপশ্যেয়ুর্জনাঃ পশ্যত যাদৃশম্॥ 12-10-16 (80922)
আপৎকালে হি সংন্যাসঃ কর্তব্য ইতি শিষ্যতে।
জরয়াঽভিপরীতেন শত্রুভির্ব্যংসিতেন বা॥ 12-10-17 (80923)
তস্মাদিহ কৃতপ্রজ্ঞাস্ত্যাগং ন পরিচক্ষতে।
ধর্মব্যতিক্রমং চৈব মন্যন্তে সূক্ষ্মদর্শিনঃ॥ 12-10-18 (80924)
কথং তস্মাৎসমুৎপন্নাস্তন্নিষ্ঠাস্তদুপাশ্রয়াঃ।
তদেব নিন্দাং ভাষেয়ুর্ধাতা তত্র ন গর্হ্যতে॥ 12-10-19 (80925)
শ্রিয়া বিহীনৈরধনৈর্নাস্তিকৈঃ সংপ্রবর্তিতম্।
বেদবাদস্য বিজ্ঞানং সত্যাভাসমিবানৃৎ॥ 12-10-20 (80926)
শক্যং তু মৌনমাস্থায় বিভ্রতাঽঽত্মানমাত্মনা।
ধর্মচ্ছঝ সমাস্থায় চ্যবিতুং ন তু জীবিতুম্। 12-10-21 (80927)
শক্যং পুনররণ্যেষু সুখমেকেন জীবিতুম্।
অবিভ্রতা পুত্রপৌত্রান্দেবর্ষীনতিথীন্পিতৄন্॥ 12-10-22 (80928)
নেমে মৃগাঃ স্বর্গজিতো ন বরাহা ন পক্ষিণঃ।
অথান্যেন প্রকারেণ পুণ্যমাহুর্ন তে জনাঃ॥ 12-10-23 (80929)
যদি সংন্যাসতঃ সিদ্ধিং রাজা কশ্চিদবাপ্নুয়াৎ।
পর্বতাশ্চ দুমাশ্চৈব ক্ষিপ্তং সিদ্ধিমবাপ্নুয়ুঃ॥ 12-10-24 (80930)
এতে হি নিত্যসংন্যাসা দৃশ্যন্তে নিরুপদ্রবাঃ।
অপরিগ্রহবন্তশ্চ সততং ব্রহ্মচারিণঃ॥ 12-10-25 (80931)
অথ চেদাত্মভাগ্যেষু নান্যেষাং সিদ্ধিমশ্র্নুতে।
তস্মাৎকর্মৈব কর্তব্যং নাস্তি সিদ্ধিরকর্মণঃ॥ 12-10-26 (80932)
ঔদকাঃ সৃষ্টয়শ্চৈব জন্তবঃ সিদ্ধিমাপ্নুয়ুঃ।
তেষামাত্মৈব ভর্তব্যো নান্যঃ কশ্চন বিদ্যতে॥ 12-10-27 (80933)
অবেক্ষস্ব যথা স্বৈঃ কর্মভির্ব্যাপৃতং জগৎ।
তস্মাৎকর্মৈব কর্তব্যং ন্প্রস্তি সিদ্ধিরকর্মণঃ॥ ॥ 12-10-28 (80934)
ইতি শ্রীমন্মহাভারতে শান্তিপর্বণি রাজধর্মপর্বণি দশমোঽধ্যায়ঃ॥ 10॥
Mahabharata - Shanti Parva - Chapter Footnotes
12-10-1 শ্রোত্রিয়স্য বেদপাঠকস্য মন্দৎবাদেবাবিপশ্চিতোঽর্থজ্ঞাশূন্যস্য। অনুবাকেন নিত্যপাঠেন হতা নষ্টা॥ 12-10-3 ৎবদন্তরে ৎবত্তোঽন্যত্র॥ 12-10-6 প্রাণস্য প্রাণবতো বলিষ্ঠস্যেদং সর্বমন্নমিবান্নং ভোগ্যম্। ভোজনং ভুজ্যতে পাল্যতে ইতি ব্যুৎপত্ত্যা পালনীয়ম্॥ 12-10-8 হতাস্মাভিরিতি সংধিরার্ষঃ। হৎবা নিঘ্নন্ ৎবং। হন্তেরন্যেভ্যোঽপি দৃশ্যত ইতি ক্বনিপ্ অনুনাসিকলোপো হ্রস্বস্যেতি তুক্। রাজ্যস্য পরিপন্থিন ইতি ঝ. পাঠঃ॥ 12-10-9 তথা তেন প্রকারেণোপমীয়ত ইতি তথোপমম্॥ 12-10-11 পতন্ গচ্ছন্ 12-10-15 অশক্তয়ঃ শক্তিহীনাঃ॥ 12-10-16 অগতীকগতীননাথরক্ষকান্। দৈর্ধ্যমার্ষম্। এতৎ যাদৃশং মম বচনং তাদৃশং পশ্যত।যুক্তময়ুক্তং বেতি পরীক্ষয়তেত্যর্থঃ॥ 12-10-17 ব্যংসিতেন দুর্গতিংপ্রাপিতেন॥ 12-10-18 ত্যাগং সংন্যাসম্। ক্ষত্রিয়স্য মৌণ্ড্যাদিকং নিষিদ্ধং তস্যাচরণে ধর্মব্যতিক্রমোঽস্ত্যেবেতি ভাবঃ॥ 12-10-19 হিংসার্থমুৎপন্না হিংস্নয়োনৌ জাতাঃ। হিংসৈকজীবনাস্তদেব তস্যৈব হিংস্নধর্মস্য নিন্দাং কথং ভাষেয়ুঃ। কথং বা তত্র ধাতা তস্য ধর্মস্য স্নষ্টা ন গর্হ্যতে ন নিন্দ্যতে। ধাতৃবিহিতৎবাৎসহজৎবাচ্চ নাসৌ ধর্মো নিন্দ্য ইত্যর্থঃ। তএব ভূষয়েয়ুর্যে তে শ্রদ্ধাহ্যত্র গর্হ্যতে ইতি দ. পাঠঃ॥ 12-10-20 শ্রিয়া বিহীনৈরনয়ৈর্নাস্তিকৈঃ সংপ্রকীর্তিতম্। বেদাভাসমিবাজ্ঞানমিতি থ. পাঠঃ। শ্রিয়া ত্রয়্যা বিদ্যযা বিহীনৈঃ। অধনৈর্লক্ষ্ম্যা চ হীনৈঃ। ইদমনৃতং সংপ্রবর্তিতম্। বেদয়তীতি বেদো বিধিস্তস্য বাদোঽর্থবাদস্তৎসংবন্ধি বিজ্ঞানং সংন্যাসবিধিস্তুত্যর্থং ভরতাদিকীর্তনং প্রজাপতিবপোৎখননবদর্থবাদো নতু তাবতা মৌণ্ড্যে ক্ষত্রিয়স্যাধিকারঃ সিধ্যতীতি ভাবঃ॥ 12-10-21 আত্মানং দেহমাত্মনা স্বেনৈব বিভ্রতা নিশ্চলং স্থাপয়তা ধর্মচ্ছঝ কপটয়োগং আস্থায় চ্যবিতুং মর্তুমেব শক্যং ন জীবিতুম্। কেবলং প্রণিধানেন শরীরনাশো ভবেদিত্যর্থঃ॥ 12-10-26 আত্মভাগ্যেষু স্বসংপৎসু অন্যেষাং সিদ্ধিং পরকর্মার্জিতং ফলম্॥শান্তিপর্ব - অধ্যায় 011
॥ শ্রীঃ ॥
12.11. অধ্যায়ঃ 011
Mahabharata - Shanti Parva - Chapter Topics
অর্জুনেন যুধিষ্ঠিরংপ্রতি গার্হস্থ্যস্য শ্রৈষ্ঠ্যোপপাদনম্॥ 1॥Mahabharata - Shanti Parva - Chapter Text
12-11-0 (69053)
অর্জুন উবাচ। 12-11-0x (5628)
অত্রৈবোদাহরন্তীমমিতিহাসং পুরাতনম্।
তাপসৈঃ সহ সংবাদং শক্রস্য ভরতর্ষভ॥ 12-11-1 (69054)
`শক্যং পুনররণ্যেষু সুখমেতেন জীবিতুম্।'
কেচিদ্গৃহান্পরিত্যজ্য বনমভ্যাগমন্দ্বিজাঃ।
অজাতশ্মশ্রবো মন্দাঃ কুলে জাতাঃ প্রবব্রজুঃ॥ 12-11-2 (69055)
ধর্মোঽয়মিতি মন্বানাঃ সমৃদ্ধা ধর্মচারিণঃ।
ত্যক্ৎবা ভ্রাতৄন্পিতৄংশ্চৈব তানিন্দ্রোঽন্বকৃপায়ত॥ 12-11-3 (69056)
স তান্বভাষে মঘবান্পক্ষীভূৎবা হিরণ্ময়ঃ।
সুদুষ্করং মনুষ্যৈস্তু যৎকৃতং বিঘসাশিভিঃ॥ 12-11-4 (69057)
পুণ্যং ভবতি কর্মৈষাং প্রশস্তং চৈব জীবিতম্।
সিদ্ধার্থাস্তে গতিং মুখ্যাং প্রাপ্তাঃ কর্মপরায়ণাঃ॥ 12-11-5 (69058)
ঋষয় ঊচুঃ। 12-11-6x (5629)
অহো বতায়ং শকুনির্বিঘসাশান্প্রশংসতি।
অস্মান্নূনময়ং শাস্তি বয়ং চ বিঘসাশিনঃ॥ 12-11-6 (69059)
শকুনিরুবাচ। 12-11-7x (5630)
নাহং যুষ্মান্প্রশংসামি পঙ্কদিগ্ধান্রজস্বলান্।
উচ্ছিষ্টভোজিনো মন্দানন্যে বৈ বিঘসাশিনঃ॥ 12-11-7 (69060)
ঋষয় ঊচুঃ। 12-11-8x (5631)
ইদং শ্রেয়ঃ পরমিতি বয়মেবমমংস্মহি।
শকুনে ব্রূহি যচ্ছ্রেয়ো বয়ং তে শ্রদ্দধামহে॥ 12-11-8 (69061)
শকুনিরুবাচ। 12-11-9x (5632)
যদি মাং নাভিশঙ্কধ্বং বিভজ্যাত্মানমাত্মনা।
ততোঽহং বঃ প্রবক্ষ্যামি যাথাতথ্যং হিতং বচঃ॥ 12-11-9 (69062)
ঋষয় ঊচুঃ। 12-11-10x (5633)
শৃণুমস্তে বচস্তাত পন্থানো বিদিতাস্তব।
নিয়োগে চৈব ধর্মাত্মন্স্থাতুমিচ্ছাম শাধি নঃ॥ 12-11-10 (69063)
শকুনিরুবাচ। 12-11-11x (5634)
চতুষ্পদাং গৌঃ প্রবরা লোহানাং কাঞ্চনং বরম্।
শব্দানাং প্রবরো মন্ত্রো ব্রাহ্মণো দ্বিপদাং বরঃ॥ 12-11-11 (69064)
মন্ত্রোঽয়ং জাতকর্মাদির্ব্রাহ্মণস্য বিধীয়তে।
জীবতোঽপি যথাকালং শ্মশাননিধনান্তকঃ॥ 12-11-12 (69065)
কর্মাণি বৈদিকান্যস্য স্বর্গ্যঃ পন্থাস্ৎবনুত্তমঃ।
অথ সর্বাণি কর্মাণি মন্ত্রসিদ্ধানি চক্ষতে।
আম্নায়দৃঢবাদীনি তথা সিদ্ধিরিহেষ্যতে॥ 12-11-13 (69066)
মাসার্ধমাসা ঋতব আদিত্যশশিতারকম্।
গ্রসন্তে কর্ম ভূতানি তদিদং কর্মশংসিনাম্॥ 12-11-14 (69067)
সিদ্ধিক্ষেত্রমিদং পুণ্যময়মেবাশ্রমো মহান্॥ 12-11-15 (69068)
অথ যে কর্ম নিন্দন্তো মনুষ্যাঃ কাপথং গতাঃ।
মূঢানামর্থহীনানাং তেষামেনস্তু বিদ্যতে॥ 12-11-16 (69069)
দেববংশান্পিতৃবংশান্ব্রহ্মবংশাংশ্চ শাশ্চতান্।
সংত্যজ্য মূঢা বর্তন্তে ততো যান্ত্যশুচীন্পথঃ॥ 12-11-17 (69070)
এতদ্বোঽস্তু তপোয়ুক্তং দদামীত্যৃষিচোদিতম্।
তস্মাত্তদধ্যাবসতস্তপস্বিৎবমিহোচ্যতে॥ 12-11-18 (69071)
দেববংশান্ব্রহ্মবংশান্পিতৃবংশাংশ্চ শাশ্বতান্।
সংবিভজ্য গুরোশ্চর্যাং তদ্বৈ দুষ্করমুচ্যতে॥ 12-11-19 (69072)
দেবা বৈ দুষ্করং কৃৎবা বিভূতিং পরমাং গতাঃ।
তস্মাদ্গার্হস্থ্যমুদ্বোঢুং দুষ্করং প্রব্রবীমি বঃ॥ 12-11-20 (69073)
তপঃ শ্রেষ্ঠং প্রজানাং হি মূলমেতন্ন সংশয়ঃ।
কুটুম্ববিধিনাঽনেন যস্মিন্সর্বং প্রতিষ্ঠিতম্॥ 12-11-21 (69074)
এতদ্বিদুস্তপো বিপ্রা দ্বন্দ্বাতীতা বিমৎসরাঃ।
এতস্মাদ্বনমধ্যে তু লোকেষু তপ উচ্যতে॥ 12-11-22 (69075)
দুরাধর্ষং পদং চৈব গচ্ছন্তি বিঘসাশিনঃ।
সায়ংপ্রাতর্বিভজ্যান্নং স্বকুটুম্বে যথাবিধি॥ 12-11-23 (69076)
দত্ৎবাঽতিথিভ্যো দেবেভ্যঃ পিতৃভ্যঃ স্বজনায় চ।
অবশিষ্টানি যেঽশ্নন্তি তানাহুর্বিঘসাশিনঃ॥ 12-11-24 (69077)
তস্মাৎস্বধর্মমাস্থায় সুব্রতাঃ সত্যবাদিনঃ।
লোকস্য গুরবো ভূৎবা তে ভবন্ত্যনুপস্কৃতাঃ॥ 12-11-25 (69078)
ত্রিদিবং প্রাপ্য শক্রস্য স্বর্গলোকে বিমৎসরাঃ।
বসন্তি শাশ্বতান্বর্ষাঞ্জনা দুষ্করকারিণঃ॥ 12-11-26 (69079)
অর্জুন উবাচ। 12-11-27x (5635)
ততস্তে তদ্বচঃ শ্রুৎবা ধর্মার্থসহিতং হিতম্।
উৎসৃজ্য নাস্তিকমতিং গার্হস্থ্যং ধর্মমাশ্রিতাঃ॥ 12-11-27 (69080)
তস্মাত্ৎবমপি সর্বজ্ঞ ধৈর্যমালম্ব্য শাশ্বতম্।
প্রশাধি পৃথিবীং কৃৎস্নাং হতামিত্রাং নরোত্তম॥ ॥ 12-11-28 (69081)
ইতি শ্রীমন্মহাভারতে শান্তিপর্বণি রাজধর্মপর্বণি একাদশোঽধ্যায়ঃ॥ 11॥
Mahabharata - Shanti Parva - Chapter Footnotes
12-11-4 বিঘসাশিভিঃ মহায়জ্ঞাবশিষ্টভোজিভিঃ॥ 12-11-6 শাস্তি জ্ঞাপয়তি। বিঘসং শীর্ণতৃণপর্ণফলাদিকং তদদনশীলাস্তু বয়মেবাতো বিঘসাশিনিঃ শ্রেয়াংসঃ স্ম ইতি মেনিরে ইত্যর্থঃ॥ 12-11-7 পঙ্কদিগ্ধান্রজস্বলানিত্যাগন্তুকস্বাভাবিকদোষয়ুক্তৎবমুক্তং ক্রমেণ। উচ্ছিষ্ঠভোজিন ইতি। প্রায়েণ শীর্ণতৃণমর্ণফলানি মৃগকীটপক্ষ্যুচ্ছিষ্টানি ভবন্তি তদ্ভোজিনঃ॥ 12-11-8 তে তব বচ ইতি শেষঃ॥ 12-11-10 পন্থানঃ শ্রেয়োমার্গাঃ॥ 12-11-12 মন্ত্রো মন্ত্রোক্তসংস্কারঃ॥ 12-11-15 ঈহন্তে সর্বভূতানি তদিদং কর্মসংজ্ঞিতমিতি ঝ. পাঠঃ॥ 12-11-22 এতস্মাৎ গার্হস্থ্যাৎ অনন্তরং বনমধ্যে তপ উচ্যত ইত্যন্বয়ঃ॥ 12-11-25 অনুপস্কৃতাঃ নিঃসংশয়াঃ॥শান্তিপর্ব - অধ্যায় 012
॥ শ্রীঃ ॥
12.12. অধ্যায়ঃ 012
Mahabharata - Shanti Parva - Chapter Topics
যুধিষ্ঠিরংপ্রতি নকুলবাক্যম্॥ 1॥Mahabharata - Shanti Parva - Chapter Text
12-12-0 (69419)
বৈশম্পায়ন উবাচ। 12-12-0x (5662)
অর্জুনস্য বচঃ শ্রুৎবা নকুলো বাক্যমব্রবীৎ।
রাজানমভিসংপ্রেক্ষ্য সর্বধর্মভৃতাং বরম্॥ 12-12-1 (69420)
অনুরুধ্য মহাপ্রাজ্ঞো ভ্রাতুশ্চিত্তমরিংদম।
ব্যূঢোরস্কো মহাবাহুস্তাম্রাস্যো মিতভাষিতা॥ 12-12-2 (69421)
নকুল উবাচ। 12-12-3x (5663)
বিশাখয়ূপে দেবানাং সর্বেষামগ্নয়শ্চিতাঃ।
তস্মাদ্বিদ্বি মহারাজ দেবাঃ কর্মফলে স্থিতাঃ॥ 12-12-3 (69422)
অনাস্তিকানাং ভূতানাং প্রাণদাঃ পিতরশ্চ যে।
তেঽপি কর্মৈব কুর্বন্তি বিধিং পশ্যস্ব পার্থিব॥ 12-12-4 (69423)
বেদবাদাপবিদ্ধাস্তু তান্বিদ্ধি ভৃশনাস্তিকান্।
ন হি বেদোক্তমুৎসৃজ্য বিপ্রঃ সর্বেষু কর্মসু॥ 12-12-5 (69424)
দেবয়ানেন নাকস্য পৃষ্ঠমাপ্নোতি ভারত।
অত্যাশ্রমানয়ং সর্বানিত্যাহুর্বেদমিশ্চয়াঃ॥ 12-12-6 (69425)
ব্রাহ্মণাঃ শ্রুতিসংপন্নাস্তান্নিবোধ নরাধিপ।
বিত্তানি ধর্মলব্ধানি ক্রতুমুখ্যেষ্ববাসৃজন্॥ 12-12-7 (69426)
কৃতাত্মা স মহারাজ স বৈ ত্যাগী স্মৃতো নরঃ॥ 12-12-8 (69427)
অনবেক্ষ্য সুখাদানং তথৈবোর্ধ্বং প্রতিষ্ঠিতঃ।
আত্মত্যাগী মহারাজ স ত্যাগী তাপসো মতঃ॥ 12-12-9 (69428)
অনিকেতঃ পরিপতন্বৃক্ষমূলাশ্রয়ো মুনিঃ।
অয়াচকঃ সদায়োগী স ত্যাগী পার্থ ভিক্ষুকঃ॥ 12-12-10 (69429)
ক্রোধহর্ষাবনাদৃত্য পৈশুন্যং চ বিশেষতঃ।
বিপ্রো বেদানধীতে যঃ স ত্যাগী গুরুপূজকঃ॥ 12-12-11 (69430)
আশ্রমাংস্তুলয়া সর্বান্ধৃতানাহুর্মনীষিণঃ।
একতশ্চ ত্রয়ো রাজন্গৃহস্থাশ্রম একতঃ॥ 12-12-13aসমীক্ষ্য তুলয়া পার্থ কামং স্বর্গং চ ভারত।
অয়ং পন্থা মহর্ষীণাপ্রিয়ং লোকবিদাং গতিঃ॥ 12-12-12 (69431)
ইতি যঃ কুরুতে ভাবং স ত্যাগী ভরতর্ষভ।
নরঃ পরিত্যজ্য গৃহান্বনমেতি বিমূঢবৎ॥ 12-12-14 (69432)
যদা কামান্সমীক্ষেত ধর্মবৈতংসিকো নরঃ।
অথৈনং মৃত্যুপাশেন কণ্ঠে বধ্নাতি সৃত্যুরাট্॥ 12-12-15 (69433)
অভিমানকৃতং কর্ম নৈতৎফলবদুচ্যতে।
ত্যাগয়ুক্তং মহারাজ সর্বমেব মহাফলম্॥ 12-12-16 (69434)
শমো দমস্তথা ধৈর্যং সত্যং শৌচমথার্জবম্।
যজ্ঞো ধৃতিশ্চ ধর্মশ্চ নিত্যমার্ষো বিধিঃ স্মৃতঃ॥ 12-12-17 (69435)
পিতৃদেবাতিথিকৃতে সমারম্ভোঽত্র শস্যতে।
অত্রৈব হি মহারাজ ত্রিবর্গঃ কেবলং ফলম্॥ 12-12-18 (69436)
এতস্মিন্বর্তমানস্য বিধৌ বিপ্রনিষেবিতে।
ত্যাগিনঃ প্রসৃতস্যেহ নোচ্ছিত্তির্বিদ্যতে ক্বচিৎ॥ 12-12-19 (69437)
অসৃজদ্ধি প্রজা রাজন্প্রজাপতিরকল্মষঃ।
মাং যক্ষ্যন্তীতি ধর্মাত্মা যজ্ঞৈর্বিবিধদক্ষিণৈঃ॥ 12-12-20 (69438)
বীরুধশ্চৈব বৃক্ষাংশ্চ যজ্ঞার্থং বৈ তথৌষধীঃ।
পশূংশ্চৈব তথা মেধ্যান্যজ্ঞার্থানি হবীংষি চ॥ 12-12-21 (69439)
গৃহস্থাশ্রমিণস্তচ্চ যজ্ঞকর্মাবিরোধিতম্।
তস্মাদ্গার্হস্থ্যমেবেহ দুষ্করং দুর্লভং তথা॥ 12-12-22 (69440)
তৎসংপ্রাপ্য গৃহস্থা যে পশুধান্যধনান্বিতাঃ।
ন যজন্তে মহারাজ শাশ্বতং তেষু কিল্বিষম্॥ 12-12-23 (69441)
স্বাধ্যায়যজ্ঞা ঋষয়ো জ্ঞানয়জ্ঞাস্তথা পরে।
অথাপরে মহায়জ্ঞান্মনস্যেব বিতন্বতে॥ 12-12-24 (69442)
`ইদমন্যন্মহারাজ বিদ্বদ্ভিঃ কথিতং মম।
ভূমিরগ্নিশ্চ বায়ুশ্চ ন চাপো ন দিবাকরঃ॥ 12-12-25 (69443)
নক্ষত্রাণি ন চন্দ্রশ্চ ন দিশঃ কাল এব চ।
শব্দঃ স্পর্শশ্চ রূপং চ ন গন্ধো ন রসঃ ক্বচিৎ॥ 12-12-26 (69444)
ন চ সন্তি প্রমাণানি যৈঃ প্রমেয়ং প্রসাধ্যতে।
প্রত্যক্ষমনুমানং ন নোপমানমথাগমঃ॥ 12-12-27 (69445)
নার্থাপত্তির্ন চৈতিহ্যং ন দৃষ্টান্তো ন সংশয়ঃ।
ন ক্বচিন্নির্ণয়ো রাজন্ন ধর্মাধর্ম এব চ॥ 12-12-28 (69446)
তির্যক্ব স্থাবরং চৈব ন দেবা ন চ মানুষাঃ।
বর্ণাশ্রমবিভাগাশ্চ ন চ কর্তা ন কামকৃৎ।
ন চার্থশ্চ বিভূতিশ্চ ন চার্থস্য বিচেষ্টিতম্॥ 12-12-29 (69447)
তমোভূতমিদং সর্বমনালোকং জগন্নৃপ।
ন চাত্মা বিদ্যমানোপি মনসা যোগমিচ্ছতি॥ 12-12-30 (69448)
অচেতনং মনস্ৎবাসীদাত্মা এব সচেতনঃ।
ঈশ্বরশ্চেতনস্ৎবেকস্তেনেদং গহনীকৃতম্।
মন্ত্রাশ্চ চেতনা রাজন্ন চ দেহেন যোজিতাঃ॥ 12-12-31 (69449)
তেন বিশ্বসৃজো নাম ঋষয়ো মন্ত্রদেবতাঃ।
চৈতন্যমীশ্বরাৎপ্রাপ্য ব্রহ্মাণ্ডং তৈর্বিনির্মিতম্॥ 12-12-32 (69450)
ইষ্ট্বা বিশ্বসৃজং যজ্ঞং নির্মিতঃ প্রপিতামহঃ।
সৃষ্টিস্তেন সমারব্ধা প্রসাদাদীশ্বরস্য চ॥ 12-12-33 (69451)
চৈতন্যমীশ্বরস্যেদং সচেতনমিদং জগৎ।
যোগেন চ সমাবিষ্টং জগৎকৃৎস্নং চ শংভুনা॥ 12-12-34 (69452)
ধর্মশ্চার্থশ্চ কামশ্চ উক্তো মোক্ষশ্চ সংক্ষয়ে।
ব্রহ্মণঃ পরমেশস্য ঈশ্বরেণ যদৃচ্ছয়া॥ 12-12-35 (69453)
অজ্ঞো জন্তুরনীশশ্চ ভাজনং সুখদুঃখয়োঃ।
ঈশ্বরপ্রেরিতো গচ্ছেৎস্বর্গং বা শ্বভ্রমেব বা॥ 12-12-36 (69454)
প্রধানং পুরুষঃ চৈব আত্মানং সর্বদেহিনাম্।
মনসা বিষয়ৈশ্চৈব চেতনেন প্রচোদিতাঃ।
সুখদুঃখেন যুজ্যন্তে কর্মভিশ্চ প্রচোদিতাঃ॥ 12-12-37 (69455)
বর্ণাশ্রমবিভাগাশ্চ ঈশ্বরেণ প্রবর্তিতাঃ।
সদেবাসুরগন্ধর্বং যেনেদং নির্মিতং জগৎ॥ 12-12-38 (69456)
ৎবং চান্যে চ মহারাজ ঈশ্বরস্য বশে স্থিতাঃ।
জীবন্তে চ ম্রিয়ন্তে চ ন স্বতন্ত্রাঃ কথংচন॥ 12-12-39 (69457)
হিৎবাহিৎবা চ ভূতানি হৎবা সর্বমিদং জগৎ।
যজন্তে কর্মণা দেবা ন স পাপেন লিপ্যতে॥ 12-12-40 (69458)
হিংসাত্মকানি কর্মাণি সর্বেষাং গৃহমেধিনাম্।
দেবতানামৃষীণাং চ তে চ যান্তি পরাং গতিম্॥ 12-12-41 (69459)
পাতিতাঃ শত্রবঃ পূর্ব সর্বত্র বসুধাধিপৈঃ।
প্রজানাং হিতকামৈশ্চ আত্মনশ্চ হিতৈষিভিঃ। 12-12-42 (69460)
যদি তত্র ভবেৎপাপং কথং তে স্বর্গমাস্থিতাঃ।
ন প্রাপ্তা নরকং রাজন্বেষ্টিতাঃ পাপকর্মভিঃ॥' 12-12-43 (69461)
এবং মনঃসমাধানং মার্গমাতিষ্ঠতো নৃপ।
দ্বিজাতের্ব্রহ্মভূতস্য স্পৃহয়ন্তি দিবৌকসঃ॥ 12-12-44 (69462)
স রত্নানি বিচিত্রাণি সংহৃতানি ততস্ততঃ।
মখেষ্বনভিসন্ত্যজ্য নাস্তিক্যমভিজল্পসি॥ 12-12-45 (69463)
কুটুম্বমাস্থিতে ত্যাগং ন পশ্যামি নরাধিপ।
রাজসূয়াশ্বমেধেষু সর্বমেধেষু বা পুনঃ॥ 12-12-46 (69464)
যে চান্যে ক্রতবস্তাত ব্রাহ্মণৈরভিপূজিতাঃ।
তৈর্যজস্ব মহীপাল শক্রো দেবপতির্যথা। 12-12-47 (69465)
রাজ্ঞঃ প্রমাদদোষেণ দস্যুভিঃ পরিমুষ্যতাম্।
অশরণ্যঃ প্রজানাং যঃ স রাজা কলিরুচ্যতে॥ 12-12-48 (69466)
অশ্বান্গাশ্চৈব দাসীশ্চ করেণূশ্চ স্বলংকৃতাঃ।
গ্রামাঞ্জনপদাংশ্চৈব ক্ষেত্রাণি চ গৃহাণি চ॥ 12-12-49 (69467)
অপ্রদায় দ্বিজাতিভ্যো মাৎসর্যাবিষ্টচেতসঃ।
বয়ং তে রাজকলয়ো ভবিষ্যাম বিশাংপতে॥ 12-12-50 (69468)
অদাতারোঽশরণ্যাশ্চ রাজকিল্বিষভাগিনঃ।
দুঃখানামেব ভোক্তারো ন সুখানাং কদাচন॥ 12-12-51 (69469)
অনিষ্ট্বা চ মহায়জ্ঞৈরকৃৎবা চ পিতৃস্বধাম্।
তীর্থেষ্বনভিসংপ্লুত্য প্রব্রজিষ্যসি চেৎপ্রভো॥ 12-12-52 (69470)
ছিন্নাভ্রমিব গন্তাসি বিলয়ং মারুতেরিতম্।
লোকয়োরুভয়োর্ভ্রষ্টো হ্যন্তরালে ব্যবস্থিতঃ॥ 12-12-53 (69471)
অন্তর্বহিশ্চ যৎকিংচিন্মনোব্যাসঙ্গকারকম্।
পরিত্যজ্য ভবেত্ত্যাগী ন হিৎবা প্রতিতিষ্ঠতি॥ 12-12-54 (69472)
এতস্মিন্বর্তমানস্য বিধৌ বিপ্রনিষেবিতে।
ব্রাহ্মণস্য মহারাজ নোচ্ছিত্তির্বিদ্যতে ক্বচিৎ॥ 12-12-55 (69473)
নিহত্য শত্রূংস্তরসা সমৃদ্ধাঞ্শক্রো যথা দৈত্যবলানি সঙ্খ্যে।
কঃ পার্থ শোচেন্নিরতঃ স্বধর্মে পূর্বৈঃ স্মৃতে পার্থিবশিষ্টজুষ্টে॥ 12-12-56 (69474)
ক্ষাত্রেণ ধর্মেণ পরাক্রমেণ জিৎবা মহীং মন্ত্রবিদ্ভ্যঃ প্রদায়।
নাকস্য পৃষ্ঠেঽসি নরেন্দ্র গন্তা ন শোচিতব্যং ভবতাঽদ্য পার্থ॥ ॥ 12-12-57 (69475)
ইতি শ্রীমন্মহাভারতে শান্তিপর্বণি রাজধর্মপর্বণি দ্বাদশোঽধ্যায়ঃ॥ 12॥
Mahabharata - Shanti Parva - Chapter Footnotes
12-12-2 তম্রাস্যো দুঃখেন বিবর্ণমুস্রঃ॥ 12-12-3 বিশাখয়ূপে ক্ষেত্রবিশেষে। দেবানাং দেবৈঃ। অগ্নয়োঽগ্নিস্থাপনার্থানি স্থণ্ডিলানি। চিতা ইষ্টকাভী রচিতা অদ্যাপি দৃশ্যন্তে। তেন দেবৎবমপি কর্মফলমেবেত্যর্থঃ। বিশালয়ূপ ইতি থ. পাঠঃ॥ 12-12-4 অনাস্তিকানামাস্তিক্যশূন্যানামপি প্রাণদা বৃষ্টিদ্বারা অন্নপ্রদাঃ। বিধিং অগ্নিং বা অকাময়তেত্যাদি অগ্ন্যাদিভাবস্য কর্মসাধ্যৎবজ্ঞাপকম্। অনাস্তিকনাস্তিকানাং প্রাণদা ইতি থ. ড. পাঠঃ॥ 12-12-5 বেদবাদঃ অপবিদ্ধস্ত্যক্তো যৈস্তান্॥ 12-12-6 দেবয়ানেন মার্গণ। পৃষ্ঠমুপরিভাগং ব্রহ্মলোকমিত্যর্থঃ। অয়ং গৃহাশ্রমঃ সর্বানাশ্রমান্ অতি অতিক্রান্তঃ। তেভ্যঃ শ্রেষ্ঠ ইত্যর্থঃ॥ 12-12-7 তান্ব্রাহ্মণান্ গৎবা নিবোধ বুধ্যস্ব। অবাসৃজন্ সমার্পয়ন্॥ 12-12-8 কৃতাত্মা জিতচিত্তঃ॥ 12-12-9 সুখাদানং গার্হথ্যসুখভোগম্। ঊর্ধ্বং বনাদৌ প্রতিষ্ঠিতো নিষ্ঠাবান্ সন্যঃ আত্মত্যাগী দেহত্যাগী॥ 12-12-10 পরিপতন্ ভিক্ষার্থং পর্যটন্॥ 12-12-13 আশ্রমান্তরে স্বর্গএবাস্তি ন কামঃ। গার্হস্থ্যে তূভয়মস্তীতি অয়মেব মার্গো গতিশ্চেত্যর্থঃ॥ 12-12-15 ধর্মবৈতংসিকো ধর্মধ্বজী॥ 12-12-16 ত্যাগয়ুক্তং অভিমানত্যাগোপেতম্॥ 12-12-17 আর্ষঃ ঋষীণাং হিতঃ॥ 12-12-18 অত্র গার্হস্থ্যে॥ 12-12-19 ইহ বিধৌ। প্রসৃতস্য নিষ্ঠাবতঃ॥ 12-12-48 প্রমাদো রাজ্যাকরণম্। পরিমুষ্যতাং লুপ্যমানানাম্॥ 12-12-53 অন্তরালে পিশাচয়োনৌ॥শান্তিপর্ব - অধ্যায় 013
॥ শ্রীঃ ॥
12.13. অধ্যায়ঃ 013
Mahabharata - Shanti Parva - Chapter Topics
যুধিষ্ঠিরংপ্রতি সহদেববচনম্॥ 1॥Mahabharata - Shanti Parva - Chapter Text
12-13-0 (69886)
সহদেব উবাচ। 12-13-0x (5708)
ন বাহ্যং দ্রব্যমুৎসৃজ্য সিদ্ধির্ভবতি ভারত।
শারীরং দ্রব্যমুৎসৃজ্য সিদ্ধির্ভবতি বা ন বা॥ 12-13-1 (69887)
বাহ্যদ্রব্যবিমুক্তস্য শারীরেষ্বনুগৃধ্যতঃ।
যো ধর্মো যৎসুখং বা স্যাদ্দ্বিষতাং তত্তথাঽস্তু নঃ॥ 12-13-2 (69888)
শারীরংদ্রব্যমুৎসৃজ্য পৃথিবীমনুশাসতঃ।
যো ধর্মো যৎসুখং বা স্যাৎসুহৃদাং তত্তথাঽস্তু নঃ॥ 12-13-3 (69889)
দ্ব্যক্ষরস্তু ভবেন্মৃত্যুরুয়ক্ষরং ব্রহ্ম শাশ্বতম্।
মমেতি দ্ব্যক্ষরো মৃত্যুর্ন মমেতি চ শাশ্বতম্॥ 12-13-4 (69890)
ব্রহ্মমৃত্যূ ততো রাজন্নাত্মন্যেব সমাশ্রিতৌ।
অদৃশ্যমানৌ ভূতানি যোজয়েতামসংশয়ম্॥ 12-13-5 (69891)
অবিনাশোঽস্য সৎবস্য নিয়তো যদি ভারত।
হিৎবা শরীরং ভূতানাং ন হিংসা প্রতিপৎস্যতে॥ 12-13-6 (69892)
অথাপি চ সহোৎপত্তিঃ সৎবস্য প্রলয়স্তথা।
নষ্টে শরীরে নষ্টঃ স্যাদ্বৃথা চ স্যাৎক্রিয়াপথঃ॥ 12-13-7 (69893)
তস্মাদেকান্তমুৎসৃজ্য পূর্বৈঃ পূর্বতরৈশ্চ যঃ।
পন্থা নিষেবিতঃ সদ্ভিঃ স নিষেব্যো বিজানতা॥ 12-13-8 (69894)
`স্বায়ংভুবেন মনুনা তথাঽন্যৈশ্তক্রবর্তিভিঃ।
যদ্যযং হ্যধমঃ পন্থাঃ কস্মাত্তৈস্তৈর্নিষেবিতঃ॥ 12-13-9 (69895)
কৃতত্রেতাদিয়ুক্তানি গুণবন্তি চ ভারত।
যুগানি বহুশস্তৈশ্চ ভুক্তেয়মবনী নৃপ॥' 12-13-10 (69896)
লব্ধ্বাঽপি পৃথিবীং কৃৎস্নাং সহস্থাবরজঙ্গমাম্।
ন ভুঙ্ক্তে যো নৃপঃ সম্যক্কিংফলং তস্য জীবিতে॥ 12-13-11 (69897)
অথবা বসতো রাজন্বনে বন্যেন জীবতঃ।
দ্রব্যেষু যস্য মমতা মৃত্যোরাস্যে স বর্ততে॥ 12-13-12 (69898)
বাহ্যান্তরাণাং ভূতানাং স্বভাবং পশ্য ভারত।
যে তু পশ্যন্তি তদ্ভূতং মুচ্যন্তে তে মহাভয়াৎ॥ 12-13-13 (69899)
ভবান্পিতা ভবান্মাতা ভবান্ভ্রাতা ভবান্গুরুঃ।
দুঃখপ্রলাপানার্তস্য তন্মে ৎবং ক্ষন্তুমর্হসি॥ 12-13-14 (69900)
তথ্যং বা যদি বাঽতথ্যং যন্ময়ৈতৎপ্রভাষিতম্।
তদ্বিদ্বি পৃথিবীপাল ভক্ত্যা ভরতসত্তম॥ ॥ 12-13-15 (69901)
ইতি শ্রীমন্মহাভারতে শান্তিপর্বণি রাজধর্মপর্বণি ত্রয়োদশোঽধ্যায়ঃ॥ 13॥
Mahabharata - Shanti Parva - Chapter Footnotes
12-13-2 সুহৃদাং তত্তথাস্তু ন ইতি ড.থ. পাঠঃ॥ 12-13-4 মমেতি স্বীকারঃ নমমেতি পরিত্যাগশ্চ এতৌ মৃত্যুশাশ্বতৌ সংসারমোক্ষয়োর্মূলে ইত্যর্থঃ॥ 12-13-7 সৎবস্য কর্তৃৎবধর্মবত্যা বুদ্ধেঃ॥শান্তিপর্ব - অধ্যায় 014
॥ শ্রীঃ ॥
12.14. অধ্যায়ঃ 014
Mahabharata - Shanti Parva - Chapter Topics
যুধিষ্ঠিরংপ্রতি দ্রৌপদীবচনম্॥ 1॥Mahabharata - Shanti Parva - Chapter Text
12-14-0 (70431)
বৈশম্পায়ন উবাচ। 12-14-0x (5742)
অব্যাহরতি কৌন্তেয়ে ধর্মরাজে যুধিষ্ঠিরে।
ভ্রাতৃণাং ব্রুবতাং তাংস্তান্বিবিধান্বেদনিশ্চয়ান্॥ 12-14-1 (70432)
মহাভিজনসংপন্না শ্রীমত্যায়তলোচনা।
অভ্যভাষত রাজানং দ্রৌপদী যোষিতাং বরা॥ 12-14-2 (70433)
আসীনমৃষভং রাজ্ঞাং ভ্রাতৃভিঃ পরিবারিতম্।
সিংহশার্দূলসদৃশৈর্বারণৈরিব যূথপম্॥ 12-14-3 (70434)
অভিমানবতী নিত্যং বিশেষেণ যুধিষ্ঠিরে।
লালিতা সততং রাজ্ঞা ধর্মাধর্মনিদর্শিনী॥ 12-14-4 (70435)
আমন্ত্রয়িৎবা সুশ্রোণী সাম্না পরমবল্গুনা।
ভর্তারমভিসংপ্রেক্ষ্য ততো বচনমব্রবীৎ॥ 12-14-5 (70436)
দ্রৌপদ্যুবাচ। 12-14-6x (5743)
ইমে তে ভ্রাতরঃ পার্থ শুষ্যন্তে স্তোককা ইব।
বাবাশ্যমানাস্তিষ্ঠন্তি ন চৈনানভিনন্দসে॥ 12-14-6 (70437)
নন্দয়ৈতান্মহারাজ মত্তানিব মহাদ্বিপান্।
উপপন্নেন বাক্যেন সততং দুঃখভাগিনঃ॥ 12-14-7 (70438)
কথং দ্বৈতবনে রাজন্পূর্বমুক্ৎবা তথা বচঃ।
ভ্রাতৄনেতান্স্ম সহিতাঞ্শীতবাতাতপার্দিতান্॥ 12-14-8 (70439)
বয়ং দুর্যোধনং হৎবা মৃধে ভোক্ষ্যাম মেদিনীম্।
সংপূর্ণাং সর্বকামানামাহবে বিজয়ৈষিণঃ॥ 12-14-9 (70440)
নৃবীরাংশ্চ রথান্হৎবা নিহত্য চ মহাগজান্।
সংস্তীর্য চ রথৈর্ভূমিং সসাদিভিররিংদমাঃ॥ 12-14-10 (70441)
যজেভ বিবিধৈর্যজ্ঞৈঃ সমৃদ্ধৈরাপ্তদক্ষিণৈঃ।
বনবাসকৃতং দুঃখং ভবিষ্যতি সুখায় নঃ॥ 12-14-11 (70442)
ইত্যেতানেবমুক্ৎবা ৎবং স্বয়ং ধর্মভৃতাং বর।
কথমদ্য পুনর্বীর বিনিহংসি মনাংসি নঃ॥ 12-14-12 (70443)
ন ক্লীবো বসুধাং ভুঙ্ক্তে ন ক্লীবো ধনমশ্নুতে।
ন ক্লীবস্য গৃহে পুত্রা মৎস্যাঃ পঙ্ক ইবাসতে॥ 12-14-13 (70444)
নাদণ্ডঃ ক্ষত্রিয়ো ভাতি নাদণ্ডো ভূমিমশ্নুতে।
নাদণ্ডস্য প্রজা রাজ্ঞঃ সুখং বিন্দন্তি ভারত॥ 12-14-14 (70445)
`সদেবাসুরগন্ঘর্বৈরপ্সরোভির্বিভূষিতম্।
রক্ষোভির্গুহ্যকৈর্নাগৈর্মনুষ্যৈশ্চ বিভূষিতম্॥ 12-14-15 (70446)
ত্রিবর্গেণ চ সংপূর্ণং ত্রিবর্গস্যাগমেন চ।
দণ্ডেনাভ্যাহৃতং সর্বং জগদ্ভোগায় কল্পতে॥ 12-14-16 (70447)
স্বায়ংভুবং মহীপাল আগমং শৃণু শাশ্বতম্।
বিপ্রাণাং বিদিতশ্চায়ং তব চৈব বিশাংপতে॥ 12-14-17 (70448)
অরাজকে হি লোকেঽস্মিন্সর্বতো বিদ্রুতে ভয়াৎ।
রক্ষার্থমস্য লোকস্য রাজানমসৃজৎপ্রভুঃ।
মহাকায়ং মহাবীর্যং পালনে জগতঃ ক্ষমম্॥ 12-14-18 (70449)
অনিলাগ্নিয়মার্কাণামিন্দ্রস্য বরুণস্য চ।
চন্দ্রবিত্তেশয়োশ্চৈব মাত্রা নির্হৃত্য শাশ্বতীঃ॥ 12-14-19 (70450)
যস্মাদেষাং সুরেন্দ্রাণাং সংভবত্যংশতো নৃপঃ।
তস্মাদভিভবত্যেষ সর্বভূতানি তেজসা॥ 12-14-20 (70451)
তপত্যাদিত্যবচ্চৈব চক্ষূংষি চ মনাংসি চ।
চ চৈনং ভুবি শক্নোতি কশ্চিদপ্যভিবীক্ষিতুম্॥ 12-14-21 (70452)
সোঽগ্নির্ভবতি বায়ুশ্চ সোঽর্কঃ সোমশ্চ ধর্মরাট্।
স কুবেরঃ স বরুণঃ স মহেন্দ্রঃ প্রতাপবান্॥ 12-14-22 (70453)
পিতামহস্য দেবস্য বিষ্ণোঃ শর্বস্য চৈব হি।
ঋষীণাং চৈব সর্বেষাং তস্মিংস্তেজঃ প্রতিষ্ঠিতম্॥ 12-14-23 (70454)
বালোঽপি নাবমন্তব্যো মনুষ্য ইতি ভূমিপঃ।
মহতী দেবতা হ্যেষা নররূপেণ তিষ্ঠতি॥ 12-14-24 (70455)
একমেব দহত্যগ্নির্নরং দুরুপসর্পিণম্।
কুলং দহতি রাজাগ্নিঃ সপশুদ্রব্যসংচয়ম্॥ 12-14-25 (70456)
ধৃতরাষ্ট্রকুলং দগ্ধং ক্রোধোদ্ভূতেন বহ্নিনা।
প্রত্যক্ষমেতল্লোকস্য সংশয়ো হি ন বিদ্যতে॥ 12-14-26 (70457)
কুলজো বৃত্তসংপন্নো ধার্মিকশ্চ মহীপতিঃ।
প্রজানাং পালনে যুক্তঃ পূজ্যতে দৈবতৈরপি॥ 12-14-27 (70458)
কার্যং যোঽবেক্ষ্য শক্তিং চ দেশকালৌ চ তৎবতঃ।
কুরুতে ধর্মসিদ্ধ্যর্থং বৈশ্বরূপ্যং পুনঃ পুনঃ॥ 12-14-28 (70459)
তস্য প্রসাদে পঝা শ্রীর্বিজয়শ্চ পরাক্রমে।
মৃত্যুশ্চ বসতি ক্রোধে সর্বতেজোময়ো হি সঃ॥ 12-14-29 (70460)
তং যস্তু দ্বেষ্টি সংমোহাৎস বিনশ্যতি মানবঃ।
তস্য হ্যাশুবিনাশায় রাজাঽপি কুরুতে মনঃ॥ 12-14-30 (70461)
তস্মাদ্ধর্মং যদিষ্টেষু স ব্যবস্যতি পার্থিবঃ।
অনিষ্টং চাপ্যনিষ্টেষু তদ্ধর্মং ন বিচালয়েৎ॥ 12-14-31 (70462)
তস্যার্থে সর্বভূতানাং গোপ্তারং ধর্মমাত্মজম্॥
ব্রহ্মতেজোময়ং দণ্ডমসৃজৎপূর্বমীশ্বরঃ॥ 12-14-32 (70463)
তস্য সর্বাণি ভূতানি স্থাবরাণি চরাণি চ।
ভয়াদ্ভোগায় কল্পন্তে ধর্মান্ন বিচলন্তি চ॥ 12-14-33 (70464)
দেশকালৌ চ শক্তিং চ কার্যং চাবেক্ষ্য তৎবতঃ।
যথার্হতঃ সংপ্রণয়েন্নরেষ্বন্যায়বর্তিষু॥ 12-14-34 (70465)
স রাজা পুরুষো দণ্ডঃ স নেতা শাসিতা চ সঃ।
বর্ণানামাশ্রমাণাং চ ধর্মপ্রভুরথাব্যযঃ॥ 12-14-35 (70466)
দণ্ডঃ শাস্তি প্রজাঃ সর্বা দণ্ড এবাভিরক্ষতি।
দণ্ডঃ সুপ্তেষু জাগর্তি দণ্ডং ধর্মং বিদুর্বুধাঃ॥ 12-14-36 (70467)
সুসমীক্ষ্য ধৃতো দণ্ডঃ সর্বা রঞ্জয়তি প্রজাঃ।
অসমীক্ষ্য প্রণীতস্তু বিনাশয়তি সর্বশঃ॥ 12-14-37 (70468)
যদি ন প্রণয়েদ্রাজা দণ্ডং দণ্ড্যেষ্বতন্দ্রিতঃ।
জলে মৎস্যানিবাভক্ষ্যন্দুর্বলান্বলবত্তরাঃ॥ 12-14-38 (70469)
কাকোঽদ্যাচ্চ পুরোডাশং শ্বা চৈবাবলিহেদ্ধবিঃ।
স্বামিৎবং ন ক্বচিচ্চ স্যাৎপ্রপদ্যেতাধরোত্তরম্॥ 12-14-39 (70470)
সর্বো দণ্ডজিতো লোকো দুর্লভস্তু শুচির্নরঃ।
দণ্ডস্য হি ভয়াৎসর্বং জগদ্ভোগায় কল্পতে॥ 12-14-40 (70471)
দেবদানবগন্ধর্বা রক্ষাংসি পতগোরগাঃ।
তেঽপি ভোগায় কল্পন্তে দণ্ডেনৈবাভিপীডিতাঃ॥ 12-14-41 (70472)
দূষ্যেয়ুঃ সর্ববর্ণাশ্চ ভিদ্যেরন্সর্বসেতবঃ।
সর্বলোকপ্রকোপশ্চ ভবেদ্দণ্ডস্য বিভ্রমাৎ॥ 12-14-42 (70473)
যত্র শ্যামো লোহিতাক্ষো দণ্ডশ্চরতি পাপহা।
প্রজাস্তত্র ন মুহ্যন্তি নেতা চেৎসাধু পশ্যতি॥ 12-14-43 (70474)
আহুস্তস্য প্রণেতারং রাজানং সত্যবাদিনম্।
সমীক্ষ্যকারিণং প্রাজ্ঞং ধর্মকামার্থকোবিদম্॥ 12-14-44 (70475)
তং রাজা প্রণয়ন্সম্যক্স্বর্গায়াভিপ্রবর্ততে।
কামাত্মবিষয়ী ক্ষুদ্রো দণ্ডেনৈব নিহন্যতে॥ 12-14-45 (70476)
দণ্ডো হি সুমহাতেজা দুর্ধরশ্চাকৃতাত্মভিঃ।
ধর্মাদ্বিচলিতং হন্তি নৃপমেব সবান্ধবম্॥ 12-14-46 (70477)
ততো দুর্গং চ রাষ্ট্রং চ লোকং চ সচরাচরম্।
অন্তরিক্ষগতাংশ্চৈব মুনীন্দেবাংশ্চ হিংসতি॥ 12-14-47 (70478)
সোঽসহায়েন মূঢেন লুব্ধেনাকৃতবুদ্ধিনা।
অশক্যো ন্যায়তো নেতুং বিষয়াংশ্চৈব সেবতা॥ 12-14-48 (70479)
শুচিনা সত্যসন্ধেন নীতিশাস্ত্রানুসারিণা।
দণ্ডঃ প্রণেতুং শক্যো হি সুসহায়েন ধীমতা॥ 12-14-49 (70480)
স্বরাষ্ট্রে ন্যায়বর্তী স্যাদ্ভৃশদণ্ডশ্চ শত্রুষু।
সুহৃৎস্বজিহ্মঃ স্নিগ্ধেষু ব্রাহ্মণেষু ক্ষমান্বিতঃ॥ 12-14-50 (70481)
এবংবৃত্তস্য রাজ্ঞস্তু শিলোঞ্ছেনাপি জীবতঃ।
বিস্তীর্যেত যশো লোকে তৈলবিন্দুরিবাম্ভসি॥ 12-14-51 (70482)
অতস্তু বিপরীতস্য নৃপতেরকৃতাত্মনঃ।
সংক্ষিপ্যেন যশো লোকে ঘৃতবিন্দুরিবাম্ভসি॥ 12-14-52 (70483)
দেবদেবেন রুদ্রেণ ব্রহ্মণা চ মহীপতে।
বিষ্ণুনা চৈব দেবেন শক্রেণ চ মহাত্মনা॥ 12-14-53 (70484)
লোকপালৈশ্চ ভূতৈশ্চ পাণ্ডবৈশ্চ মহাত্মভিঃ।
ধর্মাদ্বিচলিতা রাজন্ধার্তরাষ্ট্রা নিপাতিতাঃ।
অধার্মিকা দুরাচারাঃ সসৈন্যা বিনিপাতিতাঃ॥ 12-14-54 (70485)
তান্নিহত্য ন দোষস্তে স্বল্পোঽপি জগতীপতে।
ছলেন মায়যা বাঽথ ক্ষত্রধর্মেণ বা নৃপ॥' 12-14-55 (70486)
মিত্রতা সর্বভূতেষু দানমধ্যযনং তপঃ।
ব্রাহ্মণস্যৈব ধর্মঃ স্যান্ন রাজ্ঞো রাজসত্তম॥ 12-14-56 (70487)
অসতাং প্রতিষেধশ্চ সতাং চ পরিপালনম্।
এষ রাজ্ঞাং পরো ধর্মঃ সমরে চাপলায়নম্॥ 12-14-57 (70488)
যস্মিন্ক্ষমা চ ক্রোধশ্চ দানাদানে ভয়াভয়ে।
নিগ্রহানুগ্রহৌ চোভৌ স বৈ ধর্মবিদুচ্যতে॥ 12-14-58 (70489)
ন শ্রুতেন ন দানেন ন সাংৎবেন ন চেজ্যযা।
ৎবয়েয়ং পৃথিবী লব্ধা ন সংকোচেন চাপ্যুত॥ 12-14-59 (70490)
যত্তদ্বলমমিত্রাণাং তথা বীরসমুদ্যতম্।
হস্ত্যশ্বরথসংপন্নং ত্রিভিরঙ্গৈরনুত্তমম্॥ 12-14-60 (70491)
রক্ষিতং দ্রোণকর্ণাভ্যামশ্বত্থাম্না কৃপেণ চ।
তত্ৎবয়া নিহতং বীর তস্মাদ্ভুঙ্ক্ষ্ব বসুংধরাম্॥ 12-14-61 (70492)
জম্বূদ্বীপো মহারাজ নানাজনপদৈর্যুতঃ।
ৎবয়া পুরুষশার্দূল দণ্ডেন মৃদিতঃ প্রভো॥ 12-14-62 (70493)
জম্বূদ্বীপেন সদৃশঃ ক্রৌঞ্চদ্বীপো নরাধিপ।
অপরেণ মহামেরোর্দণ্ডেন মৃদিতস্ৎবয়া॥ 12-14-63 (70494)
ক্রৌঞ্চদ্বীপেন সদৃশঃ শাকদ্বীপো নরাধিপ।
পূর্বেণ তু মহামেরোর্দণ্ডেন মৃদিতস্ৎবয়া॥ 12-14-64 (70495)
উত্তরেণ মহামেরোঃ শাকদ্বীপেন সংমিতঃ।
ভদ্রাশ্বঃ পুরুষব্যাঘ্র দণ্ডেন মৃদিতস্ৎবয়া॥ 12-14-65 (70496)
দ্বীপাশ্চ সান্তরদ্বীপা নানাজনপদাশ্রয়াঃ।
বিগাহ্য সাগরং বীর দণ্ডেন মৃদিতাস্ৎবয়া॥ 12-14-66 (70497)
এতান্যপ্রতিমেয়ানি কৃৎবা কর্মাণি ভারত।
ন প্রীয়সে মহারাজ পূজ্যমানো দ্বিজাতিভিঃ॥ 12-14-67 (70498)
স ৎবং ভ্রাতৄনিমান্দৃষ্ট্বা প্রতিনন্দস্ব ভারত।
ঋষভানিব সংমত্তান্গজেন্দ্রান্গর্জিতানিব॥ 12-14-68 (70499)
অমরপ্রতিমাঃ সর্বে শত্রুসাহাঃ পরংতপাঃ।
একৈকোঽপি সুখায়ৈষাং মম স্যাদিতি মে মতিঃ॥ 12-14-69 (70500)
কিং পুনঃ পুরুষব্যাঘ্রাঃ পতয়ো মে নরর্ষভাঃ।
সমস্তানীন্দ্রিয়াণীব শরীরস্য বিচেষ্টনে॥ 12-14-70 (70501)
অনৃতং নাব্রবীচ্ছ্বশ্রূঃ সর্বজ্ঞা সর্বদর্শিনী।
যুধিষ্ঠিরস্ৎবাং পাঞ্চালি সুখে ধাস্যত্যনুত্তমে॥ 12-14-71 (70502)
ইৎবা রাজসহস্রাণি বহূন্যাশুপরাক্রমঃ।
তদ্ব্যর্থং সংপ্রপশ্যামি মোহাত্তব জনাধিপ॥ 12-14-72 (70503)
যেষামুন্মত্তকো জ্যেষ্ঠঃ সর্বে তেঽপ্যনুসারিণঃ।
তবোন্মাদান্মহারাজসোন্মাদাঃ সর্বপাণ্ডবাঃ॥ 12-14-73 (70504)
যদি হি স্যুরনুন্মত্তা ভ্রাতরস্তে নরাধিপ।
বদ্ধ্বা ৎবাং নাস্তিকৈঃ সার্ধং প্রশাসেয়ুর্বসুংধরাম্॥ 12-14-74 (70505)
কুরুতে মূঢ এবং হি যঃ শ্রেয়ো নাধিগচ্ছতি।
ধূপৈরঞ্জনয়োগৈশ্চ নস্যকর্মভিরেব চ॥ 12-14-75 (70506)
`উন্মত্তিরপনেতব্যা তব রাজন্যদৃচ্ছয়া।'
ভেষজৈঃ স চিকিৎস্যঃ স্যাদ্য উন্মার্গেণ গচ্ছতি॥ 12-14-76 (70507)
সাহং সর্বাধমা লোকে স্ত্রীণাং ভরতসত্তম।
তথা বিনিকৃতা পুত্রৈর্যাঽহমিচ্ছামি জীবিতুম্॥ 12-14-77 (70508)
ধৃতরাষ্ট্রসুতা রাজন্নিত্যমুৎপথগামিনঃ।
তাদৃশানাং বধে দোষং নাহং পশ্যামি কর্হিচিৎ॥ 12-14-78 (70509)
ইমাংশ্চোশনসা গীতাঞ্শ্লোকাঞ্শ্রৃণু নরাধিপ॥ 12-14-79 (70510)
আত্মহন্তাঽর্থহন্তা চ বন্ধুহন্তা বিষপ্রদঃ।
অকারণেন হন্তা চ যশ্চ ভার্যাং পরামৃশেৎ॥ 12-14-80 (70511)
নির্দোষং বধমেতেষাং ষণ্ণামপ্যাততায়িনাম্।
ব্রহ্মা প্রোবাচ ভগবান্ভার্গবায় মহাত্মনে॥ 12-14-81 (70512)
ব্রহ্মক্ষত্রবিশাং রাজন্সৎপথে বর্তিনামপি।
প্রসহ্যাগারমাগম্য হন্তারং গরদং তথা॥ 12-14-82 (70513)
অভক্ষ্যাপেয়দাতারমগ্নিদং চ নিশাতয়েৎ।
মার্গ এষ মহীপানাং গোব্রাহ্মণবধেষু চ॥ 12-14-83 (70514)
কেশগ্রহে চ নারীণামপি যুধ্যেৎপিতামহম্।
ব্রহ্মাণং দেবদেবেশং কিং পুনঃ পাপকারিণম্॥ 12-14-84 (70515)
গোব্রাহ্মণার্থে ব্যসনে চ রাজ্ঞাং রাষ্ট্রোপমর্দে স্বশরীরহেতোঃ।
স্ত্রীণাং চ বিক্রুষ্টরুতানি শ্রুৎবা বিপ্রোঽপি যুধ্যেত মহাপ্রভাবঃ॥ 12-14-85 (70516)
ধর্মাদ্বিচলিতং বিপ্রং নিহন্যাদাততায়িনম্।
তস্যান্যত্র বধং বিদ্বান্মনসাঽপি ন চিন্তয়েৎ॥ 12-14-86 (70517)
গোব্রাহ্মণবধে বৃত্তং মন্ত্রত্রাণার্থমেব চ।
নিহন্যাৎক্ষত্রিয়ো বিপ্রং স্বকুটুম্বস্য চাপ্তয়ে॥ 12-14-87 (70518)
তস্করেণ নৃশংসেন ধর্মাৎপ্রচলিতেন চ।
ক্ষত্রবন্ধুঃ পরং শক্ত্যা যুধ্যেদ্বিপ্রেণ সংয়ুগে॥ 12-14-88 (70519)
আততায়িনমায়ান্তমপি বেদান্তপারগম্।
জিঘাংসন্তং জিঘাংসীয়ান্ন তেন ভ্রূণহা ভবেৎ॥ 12-14-89 (70520)
ব্রাহ্মণঃ ক্ষত্রিয়ো বৈশ্যঃ শূদ্রো বাঽপ্যন্ত্যজোপি বা।
ন হন্যাদ্ব্রাহ্মণং শান্তং তৃণেনাপি কদাচন॥ 12-14-90 (70521)
ব্রাহ্মণায়াবগুর্যাদ্যঃ স্পৃষ্ট্বা গুরুতরং মহৎ।
বর্ষাণাং ত্রিশতং পাপঃ প্রতিষ্ঠাং নাধিগচ্ছতি॥ 12-14-91 (70522)
সহস্রাণি চ বর্ষাণি নিহত্য নরকে পতেৎ।
তস্মান্নৈবাবগুর্যাদ্ধি নৈব শস্ত্রং নিপাতয়েৎ॥ 12-14-92 (70523)
শোণিতং যাবতঃ পাংসূন্গৃহ্ণাতীতি হি ধারণা।
তাবতীঃ স সমাঃ পাপো নরকে পরিবর্ততে॥ 12-14-93 (70524)
ৎবগস্থিভেদং বিপ্রস্য যঃ কুর্যাৎকারয়েত বা।
ব্রহ্মহা স তু বিজ্ঞেয়ঃ প্রায়শ্চিত্তী নরাধমঃ॥ 12-14-94 (70525)
শ্রোত্রিয়ং ব্রাহ্মণং হৎবা তথাঽঽত্রেয়ীং চ ব্রাহ্মণীম্।
চতুর্বিশতিবর্ষাণি চরেদ্ব্রহ্মহণো ব্রতম্॥ 12-14-95 (70526)
দ্বিগুণাং ব্রহ্মহত্যেয়ং সর্বৈঃ প্রোক্তা মহর্ষিভিঃ।
প্রায়শ্চিত্তমকুর্বাণং কৃতাঙ্কং বিপ্রবাসয়েৎ॥ 12-14-96 (70527)
ব্রাহ্মণং ক্ষত্রিয়ং বৈশ্যং শূদ্রং বা ঘাতয়েন্নৃপঃ।
ব্রহ্মঘ্নং তস্করং চৈব মাভূদেবং চরিষ্যতি॥ 12-14-97 (70528)
ছিত্ৎবা হস্তৌ চ পাদৌ চ নাসিকোষ্ঠৌ চ ভূপতিঃ।
ব্রহ্মঘ্নং চোত্তমং পাপং নেত্রোদ্ধারেণ যোজয়েৎ॥ 12-14-98 (70529)
শূদ্রস্যৈব স্মৃতো দণ্ডস্তদ্বদ্রাজন্যবৈশ্যযোঃ।
প্রায়শ্চিত্তমকুর্বাণং ব্রাহ্মণং তু প্রবাসয়েৎ॥ 12-14-99 (70530)
ক্ষত্রিয়ং বৈশ্যশূদ্রৌ চ শস্ত্রেণৈব চ ঘাতয়েৎ।
ব্রহ্মঘ্নান্ব্রাহ্মণাত্রাজা কৃতাঙ্কান্বিপ্রবাসয়েৎ॥ 12-14-100 (70531)
বিকলেন্দ্রিয়াংস্ত্রিবর্ণাংশ্চ চণ্ডালৈঃ সহ বাসয়েৎ।
তৈশ্চ যঃ সংপিবেৎকশ্চিৎস পিবন্ব্রহ্মহা ভবেৎ॥ 12-14-101 (70532)
প্রেতানাং ন চ দেয়ানি পিণ্ডদানানি কেনচিৎ॥ 12-14-102 (70533)
কৃষ্ণবর্ণা বিরূপা চ নির্ণীতা লম্বমূর্ধজা।
দুনোত্যদৃষ্ট্বা কর্তারং ব্রহ্মহত্যেতি তাং বিদুঃ॥ 12-14-103 (70534)
ব্রহ্মঘ্নেন পিবন্তশ্চ বিপ্রা দেশাঃ পুরাণি চ।
অচিরাদেব পীড্যন্তে দুর্ভিক্ষব্যাধিতস্করৈঃ॥ 12-14-104 (70535)
ব্রাহ্মণং পাপকর্মাণং বিপ্রাণামাততায়িনম্।
ক্ষত্রিয়ং বৈশ্যশূদ্রৌ চ নেত্রোদ্ধারেণ যোজয়েৎ॥ 12-14-105 (70536)
দুর্বলানাং বলং রাজা বলিনো যে চ সাধবঃ।
বলিনাং দুর্বলানাং চ পাপানাং মৃত্ত্যুরিষ্যতে॥ 12-14-106 (70537)
সদোষমপি যো হন্যাদশ্রাব্য জগতীপতে।
দুর্বলং বলবন্তং বা স পরাজয়মর্হতি॥ 12-14-107 (70538)
রাজাজ্ঞাং প্রাড্বিবাকং চ নেচ্ছেদ্যচ্চাপি নিষ্পতেৎ।
সাক্ষিণং সাধুবাক্যং চ জিতং তমপি নির্দিশেৎ॥ 12-14-108 (70539)
বন্ধনান্নিষ্পতেদ্যচ্চ প্রতিভূর্ন দদাতি চ।
কুলজশ্চ ধনাঢ্যশ্চ স পরাজয়মর্হতি॥ 12-14-109 (70540)
রাজাজ্ঞয়া সমাহূতো যো ন গচ্ছেৎসভাং নরঃ।
বলবন্তমুপাশ্রিত্য সায়ুধঃ স পরাজিতঃ॥ 12-14-110 (70541)
তং দণ্ডেন বিনির্জিত্য মহাসাহসিকং নরম্।
বিয়ুক্তদেহসর্বস্বং পরলোকং বিসর্জয়েৎ॥ 12-14-111 (70542)
মৃতস্যাপি ন দেয়ানি পিণ্ডদানানি কেনচিৎ।
দত্ৎবা দণ্ডং প্রয়চ্ছেত মধ্যমং পূর্বসাহয়ম্॥ 12-14-112 (70543)
কুলস্ত্রীব্যভিচারং চ রাষ্ট্রস্য চ বিমর্দনম্।
ব্রহ্মহত্যাং চ চৌর্যং চ রাজদ্রোহং চ পঞ্চমম্॥ 12-14-113 (70544)
যুদ্ধাদন্যত্র হিংসায়াং সুরাপস্য চ কীর্তনে।
মহান্তং গুরুতল্পে চ মিত্রদ্রোহে চ পাতকম্॥ 12-14-114 (70545)
ন কথংচিদুপেক্ষেত মহাসাহসিকং নরম্।
সর্বস্বমপহৃত্যাশু ততঃ প্রাণৈর্বিয়োজয়েৎ॥ 12-14-115 (70546)
ত্রিষু বর্ণেষু যো দণ্ডঃ প্রণীতো ব্রহ্মণা পুরা।
মহাসাহসিকং বিপ্রং কৃতাঙ্কং বিপ্রবাসয়েৎ॥ 12-14-116 (70547)
সাহস্রো বা ভবেদ্দণ্ডঃ কাঞ্চনো দেহনিষ্ক্রিয়া।
চতুর্ণামপি বর্ণানামেবমাহোশনা কবিঃ॥ 12-14-117 (70548)
নারীণাং বালবৃদ্ধানাং গোপতেশ্চ মহামতিঃ।
পাপানাং দুর্বিনীতানাং প্রাণান্তং চ বৃহস্পতিঃ।
দণ্ডমাহ মহাভাগ সর্বেষামাততায়িনাম্॥ 12-14-118 (70549)
সর্বেষাং পাপবুদ্ধীনাং পাপকর্মৈব ক্বুর্বতাম্।
ধৃতরাষ্ট্রস্য পুত্রাণাং দণ্ডো নির্দোষ ইষ্যতে।
সৌবলস্য চ দুর্বুদ্ধেঃ কর্ণস্য চ দুরাত্মনঃ॥ 12-14-119 (70550)
পশ্যতাং চৈব শূরাণাং যাঽহং দ্যূতে সভাং তদা।
রজস্বলা সমানীতা ভবতাং পশ্যতাং নৃপ।
বাসসৈকেন সংবীতা তব দোষেণ ভূপতে॥ 12-14-120 (70551)
মাভূদ্ধর্মবিলোপস্তে ধৃতরাষ্ট্রকুলক্ষয়াৎ।
ক্রোধাগ্নিনা তু দগ্ধং চ সপশুদ্রব্যসংচয়ম্॥ 12-14-121 (70552)
সাঽহমেবংবিধং দুঃখং সংপ্রাপ্তা তব হেতুনা।
আদিত্যস্য প্রসাদেন ন চ প্রাণৈর্বিয়োজিতা॥ 12-14-122 (70553)
রক্ষিতা দেবদেবেন জগতঃ কালহেতুনা।
দিবাকরেণ দেবেন বিবস্ত্রা ন কৃতা তদা'॥ 12-14-123 (70554)
এতেষাং যতমানানাং ন মেঽদ্য বচনং মৃষা।
ৎবং তু সর্বাং মহীং ত্যক্ৎবা কুরুষে স্বয়মাপদম্॥ 12-14-124 (70555)
যথাঽঽস্তাং সংমতৌ রাজ্ঞাং পৃথিব্যাং রাজসত্তম্।
মাংধাতা চাম্বরীষশ্চ তথা রাজন্বিরাজসে॥ 12-14-125 (70556)
প্রশাধি পৃথিবীং দেবীং প্রজা ধর্মেণ পালয়ন্।
সপর্বতবনদ্বীপাং মা রাজন্বিমনা ভব॥ 12-14-126 (70557)
যজস্ব বিবিধৈর্যজ্ঞৈর্যুধ্যস্বারীন্প্রয়চ্ছ চ।
ধনানি ভোগান্বাসাংসি দ্বিজাতিভ্যো নৃপোত্তম॥ ॥ 12-14-127 (70558)
ইতি শ্রীমন্মহাভারতে শান্তিপর্বণি রাজধর্মপর্বণি চতুর্দশোঽধ্যায়ঃ॥ 14॥
Mahabharata - Shanti Parva - Chapter Footnotes
12-14-6 স্তোককাশ্চাতকা বাবাশ্যমানাঃ পুনঃ পুনঃ ক্রন্দন্তঃ॥ 12-14-7 উপপন্নেন যুক্তিয়ুক্তেন॥ 12-14-9 সর্বকামানাং সর্বৈরর্থৈঃ॥ 12-14-13 ক্লীবোঽধীরঃ। অবিপালা ইবাসত ইতি. ট. ড. পাঠঃ। বৎসপালা ইবাসত ইতি থ. পাঠঃ॥ 12-14-57 প্রতিষেধো দণ্ডো রাজ্যান্নির্বাসনং বা॥ 12-14-58 দানং আদানং চ তে॥ 12-14-59 সংকোচেন যাঞ্চয়া॥ 12-14-63 অপরেণ পশ্চিমতঃ 12-14-64 ক্রৌঞ্চদ্বীপাদিবশীকরণং সিদ্ধদ্বারা রাজসূয়ে॥ 12-14-73 সর্বে তেপ্যবমানিতা ইতি ট. ড. দ. পঠঃ॥ 12-14-75 নস্যকর্ম নাসাদ্বারা ভেষজগ্রহণম্॥শান্তিপর্ব - অধ্যায় 015
॥ শ্রীঃ ॥
12.15. অধ্যায়ঃ 015
Mahabharata - Shanti Parva - Chapter Topics
যুধিষ্ঠিরংপ্রত্যর্জুনবাক্যম্॥ 1॥Mahabharata - Shanti Parva - Chapter Text
12-15-0 (70933)
বৈশম্পায়ন উবাচ। 12-15-0x (5791)
যাজ্ঞসেন্যা বচঃ শ্রুৎবা পুনরেবার্জুনোঽব্রবীৎ।
অনুমান্য মহাবাহুং জ্যেষ্ঠং ভ্রাতরমীশ্বরম্॥ 12-15-1 (70934)
অর্জুন উবাচ। 12-15-2x (5792)
দণ্ডঃ শাস্তি প্রজাঃ সর্বা দণ্ড এবাভিরক্ষতি।
দণ়্ডঃ সুপ্তেষু জাগর্তি দণ্ডং ধর্মং বিদুর্বুধাঃ॥ 12-15-2 (70935)
দণ্ডঃ সংরক্ষতে ধর্মং তথৈবার্যং জনাধিপ।
কামং সংরক্ষতে দণ্ডস্ত্রিবর্গো দণ্ড উচ্যতে॥ 12-15-3 (70936)
দণ্ডেন রক্ষ্যতে ধান্যং ধনং দণ্ডেন রক্ষ্যতে।
এতদ্বিদ্বানুপাদায় স্বভাবং পশ্য লৌকিকম্॥ 12-15-4 (70937)
রাজদণ্ডভয়াদেকে নরাঃ পাপং ন কুর্বতে।
যমদণ্ডভয়াদেকে পরলোকভয়াদপি॥ 12-15-5 (70938)
পরস্পরভয়াদেকে পাপাঃ পাপং ন কুর্বতে।
এবং সাংসিদ্ধিকে লোকে সর্বং দণ্ডে প্রতিষ্ঠিতম্॥ 12-15-6 (70939)
দণ্ডস্যৈব ভয়াদেকে ন খাদন্তি পরস্পরম্।
অন্ধেতমসি মজ্জেয়ুর্যদি দণ্ডো ন পালয়েৎ॥ 12-15-7 (70940)
যস্মাদদান্তান্দময়ত্যশিষ্টান্দণ্ডয়ত্যপি।
দমনাদ্দণ্ডনাচ্চৈব তস্মাদ্দণ্ডং বিদুর্বুধাঃ॥ 12-15-8 (70941)
বাচি দণ্ডো ব্রাহ্মণানাং ক্ষত্রিয়াণাং ভুজার্পণম্।
ধনদণ্ডাঃ স্মৃতা বৈশ্যা নির্দণ্ডঃ শূদ্র উচ্যতে॥ 12-15-9 (70942)
অসংমোহায় মর্ত্যানামর্থসংরক্ষণায় চ।
মর্যাদা স্থাপিতা লোকে দণ্ডসংজ্ঞা বিশাংপতে॥ 12-15-10 (70943)
যত্র শ্যামো লোহিতাক্ষো দণ্ডশ্চরতি সূদ্যতঃ।
প্রজাস্তত্র ন মুহ্যন্তি নেতা চেৎসাধু পশ্যতি॥ 12-15-11 (70944)
ব্রহ্মচারী গৃহস্থশ্চ বানপ্রস্থস্চ ভিক্ষুকঃ।
দণ্ডস্যৈব ভয়াদেতে মনুষ্যা বর্ত্মনি স্থিতাঃ॥ 12-15-12 (70945)
নাভীতো যজতে রাজন্নাভীতো দাতুমিচ্ছতি।
নাভীতঃ পুরুষঃ কশ্চিৎসময়ে স্থাতুমিচ্ছতি॥ 12-15-13 (70946)
নাচ্ছিত্ৎবা পরমর্মাণি নাকৃৎবা কর্ম দুষ্করম্।
নাহৎবা মৎস্যঘাতীব প্রাপ্নোতি মহতীং শ্রিয়ম্॥ 12-15-14 (70947)
নাঘ্নতঃ কীর্তিরস্তীহ ন বিত্তং ন পুনঃ প্রজাঃ।
ইন্দ্রো বৃত্রবধেনৈব মহেন্দ্রঃ সমপদ্যত।
`মাহেন্দ্রং চ গৃহং লেভে লোকানাং চেশ্বরোঽভবৎ॥' 12-15-15 (70948)
য এব দেবা হন্তারস্তাঁল্লোকোঽর্চয়তে ভৃশম্।
হন্তারুদ্রস্তথাস্কন্দঃ শক্রোঽগ্নির্বরুণো যমঃ॥ 12-15-16 (70949)
হন্তা কালস্তথা বায়ুর্মৃত্যুর্বৈশ্রবণো রবিঃ।
বসবো মরুতঃ সাধ্যা বিশ্বেদেবাশ্চ ভারত॥ 12-15-17 (70950)
এতান্দেবান্নমস্যন্তি প্রতাপপ্রণতা জনাঃ।
ন ব্রহ্মাণং ন ধাতারং ন পূষাণং কথংচন॥ 12-15-18 (70951)
মধ্যস্থান্সর্বভূতেষু দান্তাঞ্শমপরায়ণান্।
যজন্তে মানবাঃ কেচিৎপ্রশান্তান্সর্বকর্মসু॥ 12-15-19 (70952)
ন হি পশ্যামি জীবন্তং লোকে কংচিদর্হিসয়া।
সৎবৈঃ সৎবা হি জীবন্তি দুর্বলৈর্বলবত্তরাঃ॥ 12-15-20 (70953)
নকুলো মূষিকানত্তি বিডালো নকুলং তথা।
বিডালমত্তি শ্বা রাজঞ্শ্বানং ব্যালমৃগস্তথা॥ 12-15-21 (70954)
তানত্তি পুরুষঃ সর্বান্পশ্য ধর্মো যথা গতঃ।
প্রাণস্যান্নমিদং সর্বং জঙ্গমং স্থাবরং চ যৎ॥ 12-15-22 (70955)
বিধানং দৈববিহিতং তত্র বিদ্বান্ন মুহ্যতি।
যথা সৃষ্টোঽসি রাজেন্দ্র তথা ভবিতুমর্হসি॥ 12-15-23 (70956)
বিনীতক্রোধহর্ষা হি মন্দা বনমুপাশ্রিতাঃ।
বিনা বধং ন কুর্বন্তি তাপসাঃ প্রাণয়াপনম্॥ 12-15-24 (70957)
উদকে বহবঃ প্রাণাঃ পৃথিব্যাং চ ফলেষু চ।
ন চ কশ্চিন্ন তান্হন্তি কিমন্যৎপ্রাণয়াপনম্॥ 12-15-25 (70958)
সূক্ষ্ময়োনীনি ভূতানি তর্কগম্যানি কানিচিৎ।
পক্ষ্মণোঽপি নিপাতেন যেষাং স্যাৎস্কন্ধপর্যযঃ॥ 12-15-26 (70959)
গ্রামান্নিষ্ক্রম্য মুনয়ো বিগতক্রোধমৎসরাঃ।
বনে কুটুম্বধর্মাণো দৃশ্যন্তে পরিমোহিতাঃ॥ 12-15-27 (70960)
ভূমিং ভিত্ৎবৌষধীশ্ছিত্ৎবা বৃক্ষাদীনণ্ডজান্পশূন্।
মনুষ্যাস্তন্বয়ে যজ্ঞাংস্তে স্বর্গং প্রাপ্নুবন্তি চ॥ 12-15-28 (70961)
দণ্ডনীত্যাং প্রণীতায়াং সর্বে সিধ্যন্ত্যুপক্রমাঃ।
কৌন্তেয় সর্বভূতানাং তত্র মে নাস্তি সংশয়ঃ॥ 12-15-29 (70962)
দণ্ডশ্চেন্ন ভবেল্লোকে বিনশ্যেয়ুরিমাঃ প্রজাঃ।
জলে মৎস্যানিবাভক্ষ্যন্দুর্বলান্বলবত্তরাঃ॥ 12-15-30 (70963)
সত্যং বতেদং ব্রহ্মণা পূর্বমুক্তং দণ্ডঃ প্রজা রক্ষতি সাধুনীতঃ।
পশ্যাগ্নয়ঃ পূতিমাংসস্য ভীতাঃ সন্তর্জিতা দণ্ডভয়াজ্জ্বলন্তি॥ 12-15-31 (70964)
অন্ধংতম ইবেদং স্যান্ন প্রজ্ঞায়েত কিংচন।
দণ্ডশ্চেন্ন ভবেল্লোকে বিভজন্সাধ্বসাধুনী॥ 12-15-32 (70965)
যেঽপি সংভিন্নমর্যাদা নাস্তিকা বেদনিন্দকাঃ।
তেঽপি ভোগায় কল্পন্তে দণ্ডেনাশু নিপীডিতাঃ॥ 12-15-33 (70966)
সর্বো দণ্ডজিতো লোকো দুর্লভো হি শুচির্জনঃ।
দণ্ডস্য হি ভয়াদ্ভীতো ভোগায়ৈব প্রকল্পতে॥ 12-15-34 (70967)
চাতুর্বর্ণ্যপ্রমোদায় সুনীতিকরণায় চ।
দণ্ডো বিধাত্রা বিহিতো ধর্মার্থৌং ভুবি রক্ষিতুম্॥ 12-15-35 (70968)
যদি দণ্ডান্ন বিভ্যেয়ুর্বয়াংসি শ্বাপদানি চ।
অদ্যুঃ পশূন্মনুষ্যাংশ্চ যজ্ঞার্থানি হবীংষি চ॥ 12-15-36 (70969)
ন ব্রহ্মচার্যধীয়ীত ন কাল্যং দুহতে চ গৌঃ।
ন কন্যোদ্বহনং গচ্ছেদ্যদি দণ্ডো ন পালয়েৎ॥ 12-15-37 (70970)
বিষ্বগ্লোপঃ প্রবর্তেত ভিদ্যেরন্সর্বসেতবঃ।
মমৎবং ন প্রজানীয়ুর্যদি দণ্ডো ন পালয়েৎ॥ 12-15-38 (70971)
ন সংবৎসরসত্রাণি তিষ্ঠেয়ুরকুতোভয়াঃ।
বিধিবদ্দক্ষিণাবন্তি যদি দণ্ডো ন পালয়েৎ॥ 12-15-39 (70972)
চরেয়ুর্নাশ্রমে ধর্মং যথোক্তং বিধিমাশ্রিতাঃ।
ন বিদ্যাং প্রাপ্নুয়াৎকশ্চিদ্যদি দণ্ডো ন পালয়েৎ॥ 12-15-40 (70973)
ন চোষ্ট্রা ন বলীবর্দা নাশ্বাশ্বতরগর্দভাঃ।
ন বিদ্যাং প্রাপ্নুর্যানানি যদি দণ্ডো ন পালয়েৎ॥ 12-15-41 (70974)
ন প্রেষ্যা বচনং কুর্যুর্ন বালো জাতু কর্হিচিৎ।
তিষ্ঠেৎপিতুর্মতে ধর্মে যদি দণ্ডো ন পালয়েৎ॥ 12-15-42 (70975)
দণ্ডে স্থিতাঃ প্রজাঃ সর্বা ভয়ং দণ্ডে বিদুর্বুধাঃ।
দণ্ডে স্বর্গো মনুষ্যাণাং লোকোঽয়ং চ প্রতিষ্ঠিতঃ॥ 12-15-43 (70976)
ন তত্র কূটং পাপং বা বঞ্চনা বাঽপি দৃশ্যতে।
যত্র দণ্ডঃ সুবিহিতশ্চরত্যরিবিনাশনঃ॥ 12-15-44 (70977)
হবিঃ শ্বা প্রলিহেদ্দৃষ্ট্বা দণ্ডশ্চেন্নোদ্যতো ভবেৎ।
হরেৎকাকঃ পুরোডাশং যদি দণ্ডো ন পালয়েৎ॥ 12-15-45 (70978)
যদীদং ধর্মতো রাজ্যং বিহিতং যদ্যধর্মতঃ।
কার্যস্তত্র ন শোকো বৈ ভুঙ্ক্ষ্ব ভোগান্যজস্ব চ॥ 12-15-46 (70979)
সুখেন ধর্মং শ্রীমন্তশ্চরন্তি শুচিবাসসঃ।
সংবসন্তঃ প্রিয়ৈর্দারৈর্ভুঞ্জানাশ্চান্নমুত্তমম্॥ 12-15-47 (70980)
অর্থে সর্বে সমারম্ভাঃ সমায়ত্তা ন সংশয়ঃ।
স চ দণ্ডে সমায়ত্তঃ পশ্য দণ্ডস্য গৌস্বম্॥ 12-15-48 (70981)
লোকয়াত্রার্থমেবেহ ধর্মপ্রবচনং কৃতম্।
অহিংসাঽসাধুহিংসেতি শ্রেয়ান্ধর্মপরিগ্রহঃ॥ 12-15-49 (70982)
নাত্যন্তং গুণবৎকিংচিন্ন চাপ্যত্যন্তনির্গুণম্।
উভয়ং সর্বকার্যেষু দৃশ্যতে সাধ্বসাধু চ॥ 12-15-50 (70983)
পশূনাং বৃষণং ছিত্ৎবা ততো ভিন্দন্তি নস্সু তান্।
বহন্তি বহবো ভারান্বধ্নন্তি দময়ন্তি চ॥ 12-15-51 (70984)
এবং পর্যাকুলে লোকে বিতথৈর্জর্ঝরীকৃতে।
তৈস্তৈর্ন্যায়ৈর্মহারাজ পুরাণং ধর্মমাচর॥ 12-15-52 (70985)
যজ দেহি প্রজা রক্ষ ধর্মং সমনুপালয়।
অমিত্রাঞ্জহি কৌন্তেয় মিত্রাণি পরিপালয়॥ 12-15-53 (70986)
মা চ তে নিঘ্নতঃ শত্রূন্মন্যুর্ভবতু পার্থিব।
ন তত্র কিল্বিষং কিংচিদ্ধন্তুর্ভবতি ভারত॥ 12-15-54 (70987)
আততায়ী হি যো হন্যাদাততায়িনমাগতম্।
ন তেন ভ্রূণহা স স্যান্মন্যুস্তং মন্যুমার্চ্ছতি॥ 12-15-55 (70988)
অবধ্যঃ সর্বভূতানামন্তরাত্মা ন সংশয়ঃ।
অবধ্যে চাত্মনি কথং বধ্যো ভবতি কস্যচিৎ॥ 12-15-56 (70989)
যথা হি পুরুষঃ শালাং পুনঃ সংপ্রবিশেন্নবাম্।
এব জীবঃ শরীরাণি তানিতানি প্রপদ্যতে॥ 12-15-57 (70990)
দেহান্পুরাণানুৎসৃজ্য নবান্সংপ্রতিপদ্যতে।
এবং মৃত্যুমুখং প্রাহুর্জনা যে তত্ৎবদর্শিনঃ॥ ॥ 12-15-58 (70991)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চদশোঽধ্যায়ঃ॥ 15॥
Mahabharata - Shanti Parva - Chapter Footnotes
12-15-6 সংসিদ্ধিকে পশুবৎ দণ্ডার্হস্বভাবে॥ 12-15-8 দময়তি তাডনাদিনা। দণ্ডয়তি বিত্তমপহরতি॥ 12-15-9 ভুজ্যত ইতি ভুজং ভক্তং তন্মাত্রার্পণং বেতনপ্রদানমিত্যর্থঃ॥ 12-15-11 শ্যামঃ দৃঢাভিঘাতেন দণ্ড্যস্যান্ধ্যজনকৎবাৎ। লোহিতাক্ষো দণ্ডয়িতুঃ ক্রোধাতিশয়াৎ। সূদ্যতঃ সুতরামুদ্যতঃ। সাধু যথাপরাধম্॥ 12-15-20 সৎবৈঃ সৎবানীতি ট. ড. থ. পাঠঃ॥ 12-15-21 ব্যালমৃগশ্চিত্রব্যাঘ্রঃ॥ 12-15-22 পশ্য কালো যথা গত ইতি ঝ. পাঠঃ। পশ্য ধর্মং যথাগতমিতি ড. ত. পাঠঃ॥ 12-15-23 যথাসৃষ্টঃ শৌর্যং তেজো ধৃতির্দাক্ষ্যমিত্যাদ্যুক্তস্বভাবঃ ক্ষত্রিয়ঃ সৃষ্টোঽসি ধাত্রা॥ 12-15-24 বিনীতাবপনীতৌ ক্রোধহর্ষৌ যৈস্তে। মন্দাঃ ক্ষত্রিয়াঃ। বধং কন্দমূলাদিবধম্॥ 12-15-26 স্কন্ধপর্যযো দেহস্য নাশঃ॥ 12-15-29 দণ্ডয়ুক্তা নীতির্দণ্ডনীতিস্তস্যাং প্রণীতায়াং প্রবর্তিতায়াম্॥ 12-15-30 অভক্ষ্যন্ ভক্ষয়েয়ুঃ॥ 12-15-31 পশ্যাগ্নয়শ্চ প্রতিশাম্যেতি ঝ.পাঠঃ। সংতর্জিতাঃ ফূৎকারেণ॥ 12-15-33 ভোগায় পালনায়। মর্যাদায়া ইতি শেষঃ॥ 12-15-36 হন্যুঃ পশূনিতি ট. ড. পাঠঃ॥ 12-15-37 ন কল্যাণীং দুহেত গামিতি ঝ. পাঠঃ। তত্র কল্যাণীমপত্যবতীং ন দুহেত লোক ইত্যর্থঃ। উদ্বহনং ন গচ্ছেৎ কিংতু ব্যভিচরেদেব॥ 12-15-38 বিশ্বলোপ ইতি ট. থ. পাঠঃ। সেতবো মর্যাদাঃ। মমৎবং পরিচ্ছিন্নং ন জানীয়ুঃ। সর্বঃ সর্বত্র মমৎবং কুর্যাদিত্যর্থরঃ॥ 12-15-39 তিষ্ঠেয়ুরনুতিষ্ঠেয়ুঃ ॥ 12-15-42 ন তিষ্ঠেদ্যুবতীধর্ম ইতি ঝ. পাঠঃ॥ 12-15-46 যদি দণ্ডবতো রাজ্যং বিহিতং যদ্যধর্মতঃ। কার্যং তত্র ন কার্যং চ ইতি ড. থ. পাঠঃ॥ 12-15-47 সংবর্ষন্তঃ ফলৈদীনৈরিতি ঝ. পাঠঃ॥ 12-15-51 নস্মু নাসিকাসু। ভিন্দন্তি মস্তকমিতি পাঠে মস্তকং ভিন্দন্তি শৃঙ্গবৃদ্ধির্মাভূদিতীত্যর্থঃ॥ 12-15-52 জর্ঝরীকৃতে দণ্ডেন। তদভাবে ভারবহনাদিকার্যং ন স্যাদতঃ পুরাণমেব ধর্মমাচর। নৎবত্র প্রবাহায়াতং হিংসাদিদোষমবেক্ষস্বেতি ভাবঃ॥ 12-15-54 মন্যুর্দৈন্যম্॥ 12-15-55 আততায়ী শস্ত্রপাণিঃ। মন্যুঃ ক্রোধঃ। মন্যুং ক্রোধমার্চ্ছতি। আ সর্বত ঋচ্ছতি প্রাপ্নোতি। মন্যুঃ কর্তা নাহং কর্তেতি শ্রুতেস্তত্র ন ভ্রূণহা ভবতীত্যর্থঃ॥শান্তিপর্ব - অধ্যায় 016
॥ শ্রীঃ ॥
12.16. অধ্যায়ঃ 016
Mahabharata - Shanti Parva - Chapter Topics
যুধিষ্ঠিরংপ্রতি ভীমবচনম্॥ 1॥Mahabharata - Shanti Parva - Chapter Text
12-16-0 (71360)
বৈশম্পায়ন উবাচ। 12-16-0x (5835)
অর্জুনস্য বচঃ শ্রুৎবা ভীমসেনোঽত্যমর্ষণঃ।
ধৈর্যমাস্থায় তং জ্যেষ্ঠং ভ্রাতা ভ্রাতরমব্রবীৎ॥ 12-16-1 (71361)
রাজন্বিদিতধর্মোঽসি ন তেঽস্ত্যবিদিতং ভুবি।
উপশিক্ষাম তে বৃত্তং সদৈব ন চ শক্নুমঃ॥ 12-16-2 (71362)
ন বক্ষ্যামি ন বক্ষ্যামীত্যেবং মে মনসি স্থিতম্।
অতিদুঃখাত্তু বক্ষ্যামি তন্নিবোধ জনাধিপ॥ 12-16-3 (71363)
ভবতঃ সংপ্রমোহেন সর্বং সংশয়িতং কৃতম্।
বিক্লবৎবং চ নঃ প্রাপ্তমবলৎবং তথৈব চ॥ 12-16-4 (71364)
কথং হি রাজা লোকস্য সর্বশাস্ত্রবিশারদঃ।
মোহমাপদ্যসে দৈন্যাদ্যথা কাপুরুষস্তথা॥ 12-16-5 (71365)
আগতিশ্চ গতিশ্চৈব লোকস্য বিদিতা তব।
আয়ত্যাং চ তদাৎবে চ ন তেঽস্ত্যবিদিতং প্রভো॥ 12-16-6 (71366)
এবং গতে মহারাজ রাজ্যং প্রতি জনাধিপ।
হেতুমাত্রং তু বক্ষ্যামি তমিহৈকমনাঃ শ্রৃণু॥ 12-16-7 (71367)
দ্বিবিধো জায়তে ব্যাধিঃ শারীরো মানসস্তথা।
পরস্পরং তয়োর্জন্ম নির্দ্বন্দ্বং নোপলভ্যতে॥ 12-16-8 (71368)
শারীরাজ্জায়তে ব্যাধির্মানসো নাত্র সংশয়ঃ।
মানসাজ্জায়তে ব্যাধিঃ শারীর ইতি নিশ্চয়ঃ॥ 12-16-9 (71369)
শারীরমানসে দুঃখে যোঽতীতে ৎবনুশোচতি।
দুঃখেন লভতে দুঃখং দ্বাবনর্থৌ চ বিন্দতি॥ 12-16-10 (71370)
শীতোষ্ণে চৈব বায়ুশ্চ ত্রয়ঃ শারীরজা গুণাঃ।
তেষাং গুণানাং সাম্যং যত্তদাহুঃ স্বস্থলক্ষণম্॥ 12-16-11 (71371)
তেষামন্যতমোদ্রেকে বিধানমুপদিশ্যতে।
উষ্ণেন বাধ্যতে শীতং শীতেনোষ্ণং প্রবাধ্যতে।
`উভাভ্যাং বাধ্যতে বায়ুর্বিধানমিদমুচ্যতে॥' 12-16-12 (71372)
সৎবং রজস্তয় ইতি মানসাঃ স্যুস্ত্রয়ো গুণাঃ।
তেষাং গুণানাং সাম্যং যত্তদাহুঃ স্বস্থলক্ষণম্॥ 12-16-13 (71373)
তেষামন্যতমোদ্রেকে বিধানমুপদিশ্যতে।
হর্ষেণ বাধ্যতে শোকো হর্ষঃ শোকেন বাধ্যতে।
`উভাভ্যাং বাধ্যতে মোহো বিধানমিদমুচ্যতে॥' 12-16-14 (71374)
কশ্চিৎসুখে বর্তমানো দুঃখস্য স্মর্তুমিচ্ছতি।
কশ্চিদ্দুঃখে বর্তমানঃ সুখস্য স্মর্তুমিচ্ছতি॥ 12-16-15 (71375)
স ৎবং ন দুঃখী দুঃখস্য ন সুখী চ সুখস্য চ।
নাদুঃখী দুঃখভাগস্য নাসুখী চ সুখস্য চ।
স্মর্তুমর্হসি কৌরব্য দিষ্টং হি বলবত্তরম্॥ 12-16-16 (71376)
অথবা তে স্বভাবোঽয়ং যেন পার্থিব তুষ্যসে।
দৃষ্ট্বা সভাগতাং কৃষ্ণামেকবস্ত্রাং রজস্বলাম্।
মিষতাং পাণ্ডুপুত্রাণাং ন তস্য স্মর্তুমর্হসি॥ 12-16-17 (71377)
প্রব্রাজনং চ নগরাদজিনৈশ্চ বিবাসনম্।
মহারণ্যনিবাসশ্চ ন তস্য স্মর্তুমর্হসি॥ 12-16-18 (71378)
জটাসুরাৎপরিক্লেশং চিত্রসেনেন চাহবম্।
সৈন্ধবাচ্চ পরিক্লেশং কথং বিস্মৃতবানসি॥ 12-16-19 (71379)
পুনরজ্ঞাতচর্যায়াং কীচকেন পদা বধম্।
দ্রৌপদ্যা রাজপুত্র্যাংশ্চ কথং বিস্মৃতবানসি॥ 12-16-20 (71380)
যচ্চ তে দ্রোণভীষ্মাভ্যাং যুদ্ধমাসীদরিংদম্।
মনসৈকেন যোদ্ধব্যং তত্তে যুদ্ধমুপস্থিতম্॥ 12-16-21 (71381)
যত্র নাস্তি শরৈঃ কার্যং ন মিত্রৈর্ন চ বন্ধুভিঃ।
আত্মনৈকেন যোদ্ধব্যং তত্তে যুদ্ধমুপস্থিতম্॥ 12-16-22 (71382)
তস্মিন্ননির্জিতে যুদ্ধে প্রাণান্যদি বিমোক্ষ্যসে।
অন্যং দেহং সমাস্থায় ততস্তৈরিহ যোৎস্যসে॥ 12-16-23 (71383)
`যো হ্যনাঢ্যঃ স পতিতস্তদুচ্ছিষ্টং তদল্পকম্।
বহ্বপথ্যং বলবতো ন কিংচিত্রায়তে বলম্ ॥' 12-16-24 (71384)
তস্মাদদ্যৈব গন্তব্যং যুধ্যস্ব ভরতর্ষভ।
পরমব্যক্তরূপস্য ব্যক্তং ত্যক্ৎবা স্বকর্মভিঃ॥ 12-16-25 (71385)
তস্মিন্ননির্জিতে যুদ্ধে কামবস্থাং গমিষ্যসি।
এতজ্জিৎবা মহারাজ কৃতকৃত্যো ভবিষ্যসি॥ 12-16-26 (71386)
এতাং বুদ্ধিং বিনিশ্চিত্য ভূতানামাগতিং গতিম্।
পিতৃপৈতামহে বৃত্তে শাধি রাজ্যং যথোচিতম্॥ 12-16-27 (71387)
দিষ্ট্যা দুর্যোধনঃ পাপো নিহতঃ সানুগো যুধি।
দ্রৌপদ্যাঃ কেশপক্ষস্য দিষ্ট্যা তে পদবীং গতাঃ॥ 12-16-28 (71388)
যজস্ব বাজিমেধেন বিধিবদ্দক্ষিণাবতা।
বয়ং তে কিংকরাঃ পার্থ বাসুদেবশ্চ বীর্যবান্॥ ॥ 12-16-29 (71389)
ইতি শ্রীমন্মহাভারতে শান্তিপর্বণি রাজধর্মপর্বণি ষোডশোঽধ্যায়ঃ॥ 16॥
Mahabharata - Shanti Parva - Chapter Footnotes
12-16-2 নচ শক্নুমঃ। কর্তুমিতি শেষঃ॥ 12-16-6 অগতিশ্চ গতিশ্চৈবেতি ঝ. পাঠঃ। তত্র আয়ত্যামুত্তরকালে। তদাৎবে বর্তমানকালে অগতির্দুর্মাগঃ। গতিঃ সন্মার্গ ইত্যর্থঃ॥ 12-16-8 নির্দ্বন্দ্বং শরীরং বিনা ব্যাধির্নাস্তি মনোবিনা আধির্নাস্তীত্যর্থঃ॥ 12-16-11 শীতোষ্ণে কফপিত্তে। বায়ুর্বাতঃ॥ 12-16-12 বিধানং চিকিৎসা। উষ্ণেন দ্রব্যেণ॥ 12-16-16 ন দুঃখী সুখজাতস্য ন সুখী দুঃখজস্য বা ইতি ঝ. পাঠঃ॥ 12-16-17 যেন পার্থিব ক্লিশ্যসে ইতি ঝ. পাঠঃ॥ 12-16-18 ন তস্য স্মর্তুমর্হসীত্যত্র কথমিতি বক্ষ্যমাণং পদমপকৃষ্য যোজনা॥ 12-16-22 যত্র নাভিসরৈরিতি দ. পাঠঃ। তত্র ন অভিসরৈরিতি ছেদঃ॥ 12-16-23 তস্মিন্মনসি॥ 12-16-25 যুধ্যস্ব। মনোজয়ার্থং সন্নদ্ধো ভবেত্যর্থঃ॥ 12-16-26 তস্মিন্মনসি কামবস্থাম্। অবাচ্যামিত্যর্থঃ। এতন্মনঃ॥ 12-16-28 দিষ্ট্যা ৎবং পদবীং গত ইতি ঝ. পাঠঃ॥শান্তিপর্ব - অধ্যায় 017
॥ শ্রীঃ ॥
12.17. অধ্যায়ঃ 017
Mahabharata - Shanti Parva - Chapter Topics
ভীমপ্রতি যুধিষ্ঠিরবচনম্॥ 1॥Mahabharata - Shanti Parva - Chapter Text
12-17-0 (71779)
যুধিষ্ঠির উবাচ। 12-17-0x (5862)
অসংতোষঃ প্রমাদশ্চ মদো রাগোঽপ্রশান্ততা।
বলং মোহোঽভিমানশ্চাপ্যুদ্বেগশ্চৈব সর্বশঃ॥ 12-17-1 (71780)
এভিঃ পাপ্মভিরাবিষ্টো রাজ্যং ৎবমভিকাঙ্ক্ষসে।
নিরামিষো বিনির্মুক্তঃ প্রশান্তঃ সুসুখী ভব॥ 12-17-2 (71781)
য ইমামখিলাং ভূমিং শিষ্যাদেকো মহীপতিঃ।
তস্যাপ্যুদরমেকং বৈ কিমিদং ৎবং প্রশংসসি॥ 12-17-3 (71782)
নাহ্না পূরয়িতুং শক্যাং ন মাসৈর্ভরতর্ষভ।
অপূর্যাং পূরয়ন্নিচ্ছামায়ুষাঽপি ন শক্নুয়াৎ॥ 12-17-4 (71783)
যথেদ্ধঃ প্রজ্বলত্যগ্নিরসমিদ্ধঃ প্রশাম্যতি।
অল্পাহারতয়াগ্নিং ৎবং শময়ৌদর্যমুত্থিতম্॥ 12-17-5 (71784)
আত্মোদরকৃতেঽপ্রাজ্ঞঃ করোতি বিশসং বহু।
জয়োদরং পৃথিব্যা তে শ্রেয়ো নির্জিতয়া জিতম্॥ 12-17-6 (71785)
মানুষান্কামভোগাংস্ৎবমৈশ্বর্যং চ প্রশংসসি।
অভোগিনোঽবলাশ্চৈব যান্তি স্থানমনুত্তমম্॥ 12-17-7 (71786)
যোগঃ ক্ষেমশ্চ রাষ্ট্রস্য ধর্মাধর্মৌ ৎবয়ি স্থিতৌ।
মুচ্যস্ব মহতো ভারাত্ত্যাগমেবাভিসংশ্রয়॥ 12-17-8 (71787)
একোদরকৃতে ব্যাঘ্রঃ করোতি বিশসং বহু।
তমন্যেঽপ্যুপজীবন্তি মন্দবেগতরা মৃগাঃ॥ 12-17-9 (71788)
বিষয়ান্প্রতিসংগৃহ্য সংন্যাসে কুরুতে মতিম্।
ন চ তুষ্যন্তি রাজানঃ পশ্য বুদ্ধ্যন্তরং যথা॥ 12-17-10 (71789)
পত্রাহারৈরশ্মকুট্টৈর্দন্তোলূখলিকৈস্তথা।
অব্ভক্ষৈর্বায়ুভক্ষৈশ্চ তেরয়ং নরকো জিতঃ॥ 12-17-11 (71790)
যস্ৎবিমাং বসুধাং কৃৎস্নাং প্রশাসেদখিলাং নৃপঃ।
তুল্যাশ্মকাঞ্চনো যশ্চ স কৃতার্থো ন পার্থিবঃ॥ 12-17-12 (71791)
সংকল্পেষু নিরারম্ভো নিরাশীর্নির্মমো ভব।
অশোকং স্থানমাতিষ্ঠ ইহ চামুত্র চাব্যযম্॥ 12-17-13 (71792)
নিরামিষা ন শোচন্তি শোচন্তি ৎবামিষৈষিণঃ।
পরিত্যজ্যামিষং সর্বং মৃষাবাদাৎপ্রমোক্ষ্যসে॥ 12-17-14 (71793)
পন্থানৌ পিতৃয়ানশ্চ দেবয়ানশ্চ বিশ্রুতৌ।
ঈজানাঃ পিতৃয়ানেন দেবয়ানেন মোক্ষিণঃ॥ 12-17-15 (71794)
তপসা ব্রহ্মর্যেণ স্বাধ্যায়েন মহর্ষয়ঃ।
বিমুচ্য দেহাংস্তে যান্তি মৃত্যোরবিষয়ং গতাঃ॥ 12-17-16 (71795)
আমিষং বন্ধনং লোকে কর্মেহোক্তং তথাঽঽমিষম্।
তাভ্যাং বিমুক্তঃ পাপাভ্যাং পদমাপ্নোতি তৎপরম্॥ 12-17-17 (71796)
অপি গাথাং পুরা গীতাং জনকেন বদন্ত্যুত।
নির্দ্বন্দ্বেন বিমুক্তেন মোক্ষং সমনুপশ্যতা॥ 12-17-18 (71797)
অনন্তং বত মে বিত্তং যস্য মে নাস্তি কিংচন।
মিথিলায়াং প্রদীপ্তায়াং ন মে কিংচিৎপ্রদহ্যতে॥ 12-17-19 (71798)
প্রজ্ঞাপ্রাসাদমারুহ্য ন শোচেচ্ছোচতো জনান্।
জগতীস্থোঽথবাঽদ্রিস্থো মন্দবুদ্ধির্নচেক্ষতে॥ 12-17-20 (71799)
দৃশ্যং পশ্যতি যঃ পশ্যন্স চক্ষুষ্মান্স বুদ্ধিমান্।
অজ্ঞাতানাং চ বিজ্ঞানাৎসংবোধাদ্রুদ্ধিরুচ্যতে॥ 12-17-21 (71800)
যস্তু মানং বিজানাতি বহুমানমিয়াৎস বৈ।
ব্রহ্মভাবপ্রভূতানাং বৈদ্যানাং ভাবিতাত্মনাম্॥ 12-17-22 (71801)
যদা ভূতপৃথগ্ভাবমেকস্থমনুপশ্যতি।
তত এব চ বিস্তারং ব্রহ্ম সংপদ্যতে তদা॥ 12-17-23 (71802)
তে জনাস্তাং গতিং যান্তি নাবিদ্বাংসোঽল্পচেতসঃ।
নাবুদ্ধয়ো নাতপসঃ সর্বং বুদ্ধৌ প্রতিষ্ঠিতম্॥ ॥ 12-17-24 (71803)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তদশোঽধ্যায়ঃ॥ 17॥
Mahabharata - Shanti Parva - Chapter Footnotes
12-17-5 ইদ্ধঃ প্রদীপ্তঃ॥ 12-17-6 বিশসং বিশসনম্॥ 12-17-7 অবলাস্তপঃকৃশাঃ॥ 12-17-8 অলব্ধলাভো যোগঃ। লব্ধসংরক্ষণং ক্ষেমঃ॥ 12-17-21 দৃশ্যং দ্রষ্টুং যোগ্যং কর্তব্যমকর্তব্যং চ॥ 12-17-22 যস্তু বাচং বিজানাতীতি ঝ. পাঠঃ॥ 12-17-24 তে বুদ্ধিমন্তঃ॥শান্তিপর্ব - অধ্যায় 018
॥ শ্রীঃ ॥
12.18. অধ্যায়ঃ 018
Mahabharata - Shanti Parva - Chapter Topics
অর্জুনেন যুধিষ্ঠিরংপ্রতি জনকতদ্ভার্যাসংবাদকথনপূর্বকং কর্তব্যোপদেশঃ॥ 1॥Mahabharata - Shanti Parva - Chapter Text
12-18-0 (72208)
বৈশম্পায়ন উবাচ। 12-18-0x (5909)
তূষ্ণীংভূতং তু রাজানং পুনরেবার্জুনোঽব্রবীৎ।
সংতপ্তঃ শোকদুঃখাভ্যাং রাজবাক্শল্যপীডিতঃ॥ 12-18-1 (72209)
অর্জুন উবাচ। 12-18-2x (5910)
কথয়ন্তি পুরাবৃত্তমিতিহাসমিমং জনাঃ।
বিদেহরাজ্ঞঃ সংবাদং ভার্যযা সহ ভারত॥ 12-18-2 (72210)
উৎসৃজ্য রাজ্যং ভিক্ষার্থং কৃতবুদ্ধিং নরেশ্বরম্।
বিদেহরাজমহীষী দুঃখিতা প্রত্যভাষত॥ 12-18-3 (72211)
ধনান্যপত্যং মিত্রাণি রত্নানি বিবিধানি চ।
পন্থানং পাবনং হিৎবা জনকো মৌঢ্যমাস্থিতঃ॥ 12-18-4 (72212)
তং দদর্শ প্রিয়া ভার্যা ভৈক্ষবৃত্তিমকিংচনম্।
ধানামুষ্টিমুপাসীনং নিরীহং গতমৎসরম্॥ 12-18-5 (72213)
তমুবাচ সমামত্য ভর্তারমকুতোভয়ম্।
ক্রুদ্ধা মনস্বিনী ভার্যা বিবিক্তে হেতুমদ্বচঃ॥ 12-18-6 (72214)
কথমুৎসৃজ্য রাজ্যং স্বং ধনধান্যসমন্বিতম্।
কাপালীং বৃত্তিমাস্থায় ধান্যমুষ্টিমুপাসসে॥ 12-18-7 (72215)
প্রতিজ্ঞা তেঽন্যথা রাজন্বিচেষ্টা চান্যথা তব।
যদ্রাজ্যং মহদুৎসৃজ্য স্বল্পে লুভ্যসি পার্থিব॥ 12-18-8 (72216)
নৈতেনাতিথয়ো রাজন্দেবর্ষিপিতরস্তথা।
অদ্য শক্যাস্ৎবয়া ভর্তুং মোঘস্তেঽয়ং পরিশ্রমঃ॥ 12-18-9 (72217)
দেবতাতিথিভিশ্চৈব পিতৃভিশ্চৈব পার্থিব।
সর্বৈরেতৈঃ পরিত্যক্তঃ পরিব্রজসি নিষ্ক্রিয়ঃ॥ 12-18-10 (72218)
যস্ৎবং ত্রৈবিদ্যবৃদ্ধানাং ব্রাহ্মণানাং সহস্রশঃ।
ভর্তা ভূৎবা চ লোকস্য সোঽদ্যান্যৈর্ভূতিমিচ্ছসি॥ 12-18-11 (72219)
শ্রিয়ং হিৎবা প্রদীপ্তাং ৎবং শ্ববৎসংপ্রতি বীক্ষ্যসে।
অপুত্রা জননী তেঽদ্য কৌসল্যা চাপতিস্ৎবয়া॥ 12-18-12 (72220)
আশ্রিতা ধর্মকামাস্ৎবাং ক্ষত্রিয়াঃ পর্যুপাসতে।
ৎবদাশামভিকাঙ্ক্ষন্তঃ কৃপণাঃ ফলহেতুকাঃ॥ 12-18-13 (72221)
তাংশ্চ ৎবং বিফলান্কৃৎবা কং নু লোকং গমিষ্যসি।
রাজন্সংশয়িতে মোক্ষে পরতন্ত্রেষু দেহিষু॥ 12-18-14 (72222)
নৈব তেঽস্তি পরো লোকো নাপরঃ পাপকর্মণঃ।
ধর্ম্যান্দারান্পরিত্যজ্য যস্ৎবমিচ্ছসি জীবিতুম্॥ 12-18-15 (72223)
স্রজো গন্ধানলংকারান্বাসাংসি বিবিধানি চ।
কিমর্থমভিসংত্যজ্য পরিব্রজসি নিষ্ক্রিয়ঃ॥ 12-18-16 (72224)
নিপানং সর্বভূতানাং ভূৎবা ৎবং পাবনং মহত।
আঢ্যো বনস্পতির্ভূৎবা সোন্যাংস্ৎবং পর্যুপাসসে॥ 12-18-17 (72225)
খাদন্তি হস্তিনং ন্যাসে ক্রব্যাদা বহবোঽপ্যুত।
বহবঃ কৃময়শ্চৈব কিং পুনস্ৎবামনর্থকম্॥ 12-18-18 (72226)
য ইমাং কুণ্ডিকাং ভিন্দ্যান্ত্রিবিষ্টব্ধং চ যো হরেৎ।
বাসশ্চাপি হরেত্তস্মিন্কথং তে মানসং ভবেৎ॥ 12-18-19 (72227)
যস্ৎবং সর্বং সমুৎসৃজ্য ধানামুষ্টিমনুগ্রহঃ।
যদনেন কৃতং সর্বং কিমিদং মম দীয়তে॥ 12-18-20 (72228)
ধানামুষ্টেরিহার্থশ্চেৎপ্রতিজ্ঞা তে বিনশ্যতি।
কা বাঽহং তব কো মে ৎবং কশ্চ তে ময়্যনুগ্রহঃ॥ 12-18-21 (72229)
প্রশাধি পৃথিবীং রাজন্যত্র তেঽনুগ্রহো ভবেৎ।
প্রাসাদে শয়নং যানং বাসাংস্যাভরণানি চ॥ 12-18-22 (72230)
শ্রিয়াং নিরাশৈরধনেস্ত্যক্তমিত্রৈরকিংচনৈঃ।
সৌখিকৈঃ সংভৃতো যোঽর্থঃ স সংত্যজতি কিংনু তং॥ 12-18-23 (72231)
যোঽত্যন্তং প্রতিগৃহ্ণীয়াদ্যশ্চ দদ্যাৎসদৈব হি।
তয়োস্ৎবমন্তরং বিদ্ধি শ্রেয়াংস্তাভ্যাং ক উচ্যতে॥ 12-18-24 (72232)
সদৈব যাচমানেষু তথা দম্ভান্বিতেষু চ।
এতেষু দক্ষিণা দত্তা দাবাগ্রাবিব দুর্হুতম্॥ 12-18-25 (72233)
জাতবেদা যথা রাজন্নাদগ্ধ্বৈবোপশাম্যতি।
সদৈব যাচমানো বৈ তথা শাম্যতি ন দ্বিজঃ॥ 12-18-26 (72234)
সতাং বৈ দদতোঽন্নং চ লোকেঽস্মিন্প্রকৃতির্ধ্রুবা।
ন চেদ্রাজা ভবেদ্দাতা কুতঃ স্যুর্মোক্ষকাঙ্ক্ষিণঃ॥ 12-18-27 (72235)
অন্নাদ্গৃহস্থা লোকেঽস্মিন্ভিক্ষবস্তত এব চ।
অন্নাৎপ্রাণঃ প্রভবতি অন্নদঃ প্রাণদো ভবেৎ॥ 12-18-28 (72236)
গৃহস্থেভ্যোঽপি নির্মুক্তা গৃহস্থানেব সংশ্রিতাঃ।
প্রভবং চ প্রতিষ্ঠাং চ দান্তা বিন্দন্ত আসতে॥ 12-18-29 (72237)
ত্যাগান্ন ভিক্ষুকং বিন্দ্যান্ন মৌঢ্যান্ন চ যাচনাৎ।
ঋজুস্তু যোঽর্থং ত্যজতি তং মুক্তং বিদ্ধি ভিক্ষুকম্॥ 12-18-30 (72238)
অসক্তঃ শক্তবদ্গচ্ছন্নিঃ সঙ্গো মুক্তবন্ধনঃ।
সমঃ শত্রৌ চ মিত্রে চ স বৈ মুক্তো মহীপতে॥ 12-18-31 (72239)
পরিব্রজন্তি দানার্থং মুণ্ডাঃ কাষায়বাসসঃ।
সিতা বহুবিধৈঃ পাশৈঃ সংচিন্বন্তো বৃথামিষম্॥ 12-18-32 (72240)
ত্রয়ীং চ নামবার্তাং চ ত্যক্ৎবা পুত্রান্ব্রজন্তি যে।
ত্রিবিষ্টব্ধং চ বাসশ্চ প্রতিগৃহ্ণন্ত্যবুদ্ধয়ঃ॥ 12-18-33 (72241)
অনিষ্কষায়ে কাষায়মীহার্থমিতি বিদ্ধি তম্।
ধর্মধ্বজানাং মুণ্ডানাং বৃত্ত্যর্থমিতি মে মতিঃ॥ 12-18-34 (72242)
কাষায়ৈরজিনৈশ্চীরৈর্নগ্নান্মুণ্ডাঞ্জটাধরান্।
বিভ্রৎসাধূন্মহারাজ জয় লোকাঞ্জিতেন্দ্রিয়ঃ॥ 12-18-35 (72243)
অগ্ন্যাধেয়ানি গুর্বর্থং ক্রতূনপি সুদক্ষিণান্।
দদাত্যহরহঃ পূর্বং কো নু ধর্মরতস্ততঃ॥ 12-18-36 (72244)
অর্জুন উবাচ। 12-18-37x (5911)
তত্ৎবজ্ঞো জনকো রাজা লোকেঽস্মিন্নিতি গীয়তে।
সোঽপ্যাসীন্মোহসংপন্নো মা মোহবশমন্বগাঃ॥ 12-18-37 (72245)
এবং ধর্মমনুক্রান্তা সদা দানতপঃ পরাঃ।
আনৃশংস্যগুণোপেতাঃ কামক্রোধবিবর্জিতাঃ॥ 12-18-38 (72246)
প্রজানাং পালনে যুক্তা দমমুত্তমমাস্থিতাঃ।
ইষ্ট্বা লোকানবাপ্স্যামো গুরুবৃদ্ধোপচায়িনঃ॥ 12-18-39 (72247)
দেবতাতিথিভূতানাং নির্বপন্তো যথাবিধি।
স্থানমিষ্টমবাপ্স্যামো ব্রহ্মণ্যাঃ সত্যবাদিনঃ॥ ॥ 12-18-40 (72248)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টাদশোঽধ্যায়ঃ॥ 18॥
Mahabharata - Shanti Parva - Chapter Footnotes
12-18-5 ধানা ভৃষ্টয়বাঃ। নিরীহং বিতৃষ্ণম্॥ 12-18-8 স্বল্পে মুহ্যসীতি দ.থ. পাঠঃ। প্রতিজ্ঞাতে তে বৃথেতি ড. পাঠঃ॥ 12-18-9 এতেন ধানামুষ্টিনা॥ 12-18-12 কৌসল্যা পাতিতা ৎবয়েতি ট. ড. থ. পাঠঃ॥ 12-18-13 ফলহেতুকাঃ ফলার্থিনঃ॥ 12-18-17 নিপীয়তেঽস্মিন্স্বেচ্ছয়া গোভির্জলমিতি নিপানং আহাবঃ। কূপোপান্তস্থক্ষুদ্রজলাশয় ইতিয়াবৎ। তথা আঢ্যঃ ফলবান্॥ 12-18-18 হস্তিনমপি ন্যাসে কৃতে সতি ক্রব্যাদা মাংসাদাঃ খাদন্তি। অনর্থকং সর্বপুরুষার্থহীনম্॥ 12-18-19 ত্রিবিষ্টব্ধং ত্রিদণ্ডম্॥ 12-18-20 অনুগ্রহঃ অন্বগ্রহীঃ। যদানেন সমং সর্বং কিমিদং হ্যবসীয়তে ইতি ঝ. পাঠঃ। তত্র অবসীয়সে অধ্যবস্যতি। অনেন ধানামুষ্টিনা সর্বং রাজ্যাদিকং সমম্। সঙ্গিৎবাবিশেষাৎ ইত্যর্থঃ॥ 12-18-23 সৌখিকৈঃ সংভৃতানর্থান্যঃ সংত্যজতি কিংনু তৎ ইতি ঝ. পাঠঃ। তত্র সৌখিকৈঃ পরমমুখার্থিভিঃ সংন্যাসিভিঃ। সংভৃতানর্থান্ কুণ্ডিকাদীন্ বীক্ষ্য যঃ স্বয়মপি তথা করোতি স কিংনু তদ্রাজ্যাদিকং ত্যজতি। অপিতু নৈব ত্যজতি। কিংতূচিতং পরিগ্রহং ত্যক্ৎবা দৈবোপহতৎবাদনুচিতং পরিগ্রহান্তরমেব করোতীত্যসঙ্গৎবমস্য দুর্লভমিত্যর্থঃ॥ 12-18-25 সদৈব বাচমানঃ পরিব্রাট্। সদৈব যাচমানেষু সৎসু (দণ্ড)ডম্ভবিবর্জিষু ইতি ট.ড. থ. দ. পাঠঃ॥ 12-18-26 সদৈব যাচমানো হি তথা শাম্যতি বৈ দ্বিজঃ। ইতি ঝ. পাঠঃ॥ 12-18-27 সতাং সংন্যাসিনাং প্রকৃতির্জীবনম্। সতাং চ বেদা অন্নং চ লোকেঽস্মিন্প্রকৃতির্ধ্রুবা। অন্নদাতা ভবেদ্দাতা কুশাস্ত্রং মোক্ষকাঙ্ক্ষিণঃ। ইতি ট.ড.থ.দ. পাঠঃ॥ 12-18-32 পরিব্রজন্তি যেঽনর্থা ইতি ট. ড. পাঠঃ॥ 12-18-34 অনিষ্কষায়ে রাগাদিদোষবর্জনাভাবে। অনিষ্কষায়াঃ কাষায়মিতি ড. থ. দ. পাঠঃ॥শান্তিপর্ব - অধ্যায় 019
॥ শ্রীঃ ॥
12.19. অধ্যায়ঃ 019
Mahabharata - Shanti Parva - Chapter Topics
অর্জুনংপ্রতি যুধিষ্ঠিরবচনম্॥ 1॥Mahabharata - Shanti Parva - Chapter Text
12-19-0 (72492)
যুধিষ্ঠির উবাচ। 12-19-0x (5954)
বেদাহং তাত শাস্ত্রাণি অপরাণি পরাণি চ।
উভয়ং বেদবচনং কুরু কর্ম ত্যজেতি চ॥ 12-19-1 (72493)
আকুলানি চ শাস্ত্রাণি হেতুভিশ্চিন্তিতানি চ।
নিশ্চয়শ্চৈব যো মন্ত্রে বেদাহং তং যথাবিধি॥ 12-19-2 (72494)
ৎবং তু কেবলশাস্ত্রজ্ঞো বীরব্রতসমন্বিতঃ।
শাস্ত্রার্থং তত্ৎবতো গন্তুং ন সমর্থঃ কথংচন॥ 12-19-3 (72495)
শাস্ত্রার্থতত্ৎবদর্শী যো ধর্মনিশ্চয়কোবিদঃ।
তেনাপ্যেবং ন বাচ্যোঽয়ং যদি ধর্মং প্রপশ্যসি॥ 12-19-4 (72496)
ভ্রাতৃসৌহৃদমাস্থায় যদুক্তং বচনং ৎবয়া।
ন্যায়্যং যুক্তং চ কৌন্তেয় প্রীতোঽহং তেন তেঽর্জুন॥ 12-19-5 (72497)
`মহেশ্বরসমং সৎবং ব্রহ্মণা চৈব যৎসমম্।
বাসুদেবসমং চৈব ন ভূতং ন ভবিষ্যতি॥ 12-19-6 (72498)
তথা ৎবং যোধমুখ্যেষু সৎবং পরমমিষ্যতে॥ 12-19-7 (72499)
বলমিন্দ্রে চ বায়ৌ চ বলং যচ্চ জনার্দনে।
তদ্বলং ভীমসেনে চ ৎবয়ি চার্জুনা বিদ্যতে॥ 12-19-8 (72500)
ৎবৎসমশ্চিত্রয়োধী চ দূরপাতী চ পাণ্ডব।
দিব্যাস্ত্রবলসংপন্নঃ কো বাঽন্যস্ৎবৎসমো নরঃ॥ 12-19-9 (72501)
যুদ্ধধর্মেষু সর্বেষু ক্রিয়াণাং নৈপুণেষু চ।
ন ৎবয়া সদৃশঃ কশ্চিন্ত্রিষু লোকেষু বিদ্যতে॥ 12-19-10 (72502)
ধার্মিকং ধর্ময়ুক্তং চ নিঃশেষং জ্ঞায়তে ময়া।
ধর্মসূক্ষ্মং তু যদ্বাচ্যং তত্র দুষ্প্রতরং ৎবয়া।
ধনঞ্জয় ন মে বুদ্ধিমতিশঙ্কিতুমর্হসি॥ 12-19-11 (72503)
যুদ্ধশাস্ত্রবিদেব ৎবং ন বৃদ্ধাঃ সেবিতাস্ৎবয়া।
সমাসবিস্তরবিদাং ন তেষাং বেৎসি নিশ্চয়ম্॥ 12-19-12 (72504)
তপস্ত্যাগো বিধিরিতি নিশ্চয়স্তাত ধীমতাম্।
পরস্পরং জ্যায় এষামিতি নঃ শ্রেয়সী মতিঃ॥ 12-19-13 (72505)
যত্ৎবেতন্মন্যসে পার্থ ন জ্যায়োঽস্তি ধনাদিতি।
তত্র তে বর্তয়িষ্যামি যথা নৈতৎপ্রধানতঃ॥ 12-19-14 (72506)
তপঃ স্বাধ্যায়শীলা হি দৃশ্যন্তে ধার্মিকা জনাঃ।
ঋষয়স্তপসা যুক্তা যেষাং লোকাঃ সনাতনাঃ॥ 12-19-15 (72507)
অজাতশ্মশ্রবো ধীরাস্তথাঽন্যে বনবাসিনঃ।
অরুণাঃ কেতবশ্চৈব স্বাধ্যায়েন দিবং গতাঃ॥ 12-19-16 (72508)
উত্তরেণ তু পন্থানমার্যা বিষয়নিগ্রহাৎ।
অবুদ্ধিজং তমস্ত্যক্ৎবা লোকাংস্ত্যাগবতাং গতাঃ॥ 12-19-17 (72509)
দক্ষিণেন তু পন্থানং যং ভাস্বন্তং প্রচক্ষতে।
এতে ক্রিয়াবতাং লোকা যে শ্মশানানি ভেজিরে॥ 12-19-18 (72510)
অনির্দেশ্যা গতিঃ সা তু যাং প্রপশ্যন্তি মোক্ষিণঃ।
তস্মাত্ত্যাগঃ প্রধানেষ্টঃ স তু দুঃখং প্রবেদিতুম্॥ 12-19-19 (72511)
অনুস্মৃত্য তু শাস্ত্রাণি কবয়ঃ সমবস্থিতাঃ।
অপীহ স্যাদপীহ স্যাৎসারাসারদিদৃক্ষয়া॥ 12-19-20 (72512)
বেদবাদানতিক্রম্য শাস্ত্রাণ্যারণ্যকানি চ।
বিপাট্য কদলীস্তম্ভং সারং দদৃশিরে ন তে॥ 12-19-21 (72513)
অথৈকান্তব্যুদাসেন শরীরে পাঞ্চভৌতিকে।
ইচ্ছাদ্বেষসমায়ুক্তমাত্মানং প্রাহুরিঙ্গিতৈঃ॥ 12-19-22 (72514)
অগ্রাহ্যং চক্ষুষা সৎবমনির্দেশ্যং চ তদ্গিরা।
কর্মহেতুপুরস্কারং ভূতেষু পস্বির্ততে॥ 12-19-23 (72515)
কল্যাণগোচরং কৃৎবা মানং তৃষ্ণাং নিগৃহ্য চ।
কর্মসংততিমুৎসৃজ্য স্যান্নিরালম্বনঃ সুখী॥ 12-19-24 (72516)
অস্মিন্নেবং সূক্ষ্মগম্যে মার্গে সদ্ভির্নিষেবিতে।
কথমর্থমনর্থাঢ্যমর্জুন ৎবং প্রশংসসি॥ 12-19-25 (72517)
পূর্বশাস্ত্রবিদোঽপ্যেবং জনাঃ পশ্যন্তি ভারত।
ক্রিয়াসু নিরতা নিত্যং দানে যজ্ঞে চ কর্মণি॥ 12-19-26 (72518)
ভবন্তি সুদুরাবর্তা হেতুমন্তোঽপি পণ্ডিতাঃ।
দৃঢপূর্বে স্মৃতা মূঢা নৈতদস্তীতি বাদিনঃ॥ 12-19-27 (72519)
অনৃতস্যাবমন্তারো বক্তারো জনসংসদি।
চরন্তি বসুধাং কৃৎস্নাং বাবদূকা বহুশ্রুতাঃ॥ 12-19-28 (72520)
পার্থ যন্ন বিজানীমঃ কস্তাঞ্জ্ঞাতুমিহার্হতি।
এবং প্রাজ্ঞাঃ শ্রুতাশ্চাপি মহান্তঃ শাস্ত্রবিত্তমাঃ॥ 12-19-29 (72521)
তপসা মহদাপ্নোতি বুদ্ধ্যা বৈ বিন্দতে মহৎ।
ত্যাগেন সুখমাপ্নোতি সদা কৌন্তেয় ধর্মবিৎ॥ ॥ 12-19-30 (72522)
ইতি শ্রীমন্মহাভারতে শান্তিপর্বণি রাজধর্মপর্বণি একোনবিংশোঽধ্যায়ঃ॥ 19॥
Mahabharata - Shanti Parva - Chapter Footnotes
12-19-1 অপরাণি ধর্মশাস্ত্রাণি। পরাণি ব্রহ্মশাস্ত্রাণি॥ 12-19-2 অমূলানি চ শাস্ত্রাণি হেতুভিশ্চিত্রিতানি চ। নিশ্চয়শ্চৈষ যন্মন্ত্র ইতি ট. ড. পাঠঃ॥ 12-19-3 ৎবং তু কেবলমস্ত্রজ্ঞ ইতি ঝ.পাঠঃ॥ 12-19-11 তত্র বিষয়ে দুষ্প্রতরং দুরবগাহম্॥ 12-19-16 অরুণাঃ কেতবঃ ঋষিপ্রভেদাঃ। অরণ্যে বহবশ্চৈবেতি ঝ.পাঠঃ॥ 12-19-21 আরণ্যকানি বেদান্তান্॥ 12-19-24 মনস্তৃণাং নিগৃহ্য চেতি ঝ. পাঠঃ॥ 12-19-26 পূর্বশাস্ত্রবিদঃ কর্মকাণ্ডবিদোঽপি এবমর্থমনর্থৎবেন পশ্যন্তি কিমুত জ্ঞানিনঃ॥ 12-19-27 দুরাবর্তাঃ দুঃখেনাপি সিদ্ধান্তং গ্রাহয়িতুমশক্যাঃ। দৃঢঃ পূর্বঃ প্রাগ্ভবীয়ঃ সংস্কারো যেষাং তে দৃঢপূর্বে। বহুব্রীহাবপ্যার্ষী সর্বনামতা॥ 12-19-29 হে পার্থ যৎ যান্ লৌকিকানপ্যর্থান্ন বয়ং বিজানীমস্তান্ ইতরঃ কো জ্ঞাতুমর্হতি। ন কোপি যথা। এবং প্রাজ্ঞা অপি অস্মাকমন্যেষাং চ দুর্জ্ঞেয়া ইত্যর্থঃ॥ 12-19-30 মহদ্বৈরাগ্যম্। মহৎপরংব্রহ্ম॥শান্তিপর্ব - অধ্যায় 020
॥ শ্রীঃ ॥
12.20. অধ্যায়ঃ 020
Mahabharata - Shanti Parva - Chapter Topics
যুধিষ্ঠিরংপ্রতি দেবস্থানস্য বচনম্॥ 1॥Mahabharata - Shanti Parva - Chapter Text
12-20-0 (72944)
বৈশম্পায়ন উবাচ। 12-20-0x (6044)
অস্মিন্বাক্যান্তরে বক্তা দেবস্থানো মহাতপাঃ।
অভিনীততরং বাক্যমিত্যুবাচ যুধিষ্ঠিরম্॥ 12-20-1 (72945)
দেবস্থান উবাচ। 12-20-2x (6045)
যদ্বচঃ ফল্গুনেনোক্তং ন জ্যায়োঽস্তি ধনাদিতি।
অত্র তে বর্তয়িষ্যামি তদেকান্তমনাঃ শৃণু॥ 12-20-2 (72946)
অজাতশত্রো ধর্মেণ কৃৎস্না তে বসুধা জিতা।
তাং জিৎবা চ বৃথা রাজন্ন পরিত্যক্তুমর্হসি॥ 12-20-3 (72947)
চতুষ্পদী হি নিঃশ্রেণী ব্রহ্মণ্যেষা প্রতিষ্ঠিতা।
তাং ক্রমেণ মহাবাহো যথাবজ্জয় পার্থিব।
তস্মাৎপার্থ মহায়জ্ঞৈর্যজস্ব বহুদক্ষিণৈঃ॥ 12-20-4 (72948)
স্বাধ্যায়যজ্ঞা ঋষয়ো জ্ঞানয়জ্ঞাস্তথাঽপরে।
কর্মনিষ্ঠাশ্চ বুদ্ধ্যর্থাস্তপোনিষ্ঠাশ্চ পার্থিব॥ 12-20-5 (72949)
বৈখানসানাং কৌন্তেয় বচনং শ্রূয়তে যথা॥ 12-20-6 (72950)
ঈহেত ধনহেতোর্যস্তস্যানীহা গরীয়সী।
ভূয়ান্দোষো হি বর্ধেত যস্তৎকর্ম সমাশ্রয়েৎ॥ 12-20-7 (72951)
কৃৎস্নং চ ধনসংহারং কুর্বন্তি বিধিকারণাৎ।
আত্মনা তৃপিতো বুদ্ধ্যা ভ্রূণহত্যাং ন বুধ্যতে॥ 12-20-8 (72952)
অনর্হতে যদ্দদাতি ন দদাতি যদর্হতে।
অর্হানর্হাপরিজ্ঞানাদ্দানধর্মোঽপি দুষ্করঃ॥ 12-20-9 (72953)
যজ্ঞায় সৃষ্টানি ধনানি ধাত্রা
যজ্ঞাদিষ্টঃ পুরুষো রক্ষিতা চ।
তস্মাৎসর্বং যজ্ঞ এবোপয়োজ্যং
ধনং ততোঽনন্তর এব কামঃ॥ 12-20-10 (72954)
যজ্ঞৈরিন্দ্রো বিবিধৈ রত্নবদ্ভি
র্দেবান্সর্বানভ্যযাদ্ভূরিতেজাঃ।
তেনেন্দ্রৎবং প্রাপ্য বিভ্রাজতেঽসৌ
তস্মাদ্যজ্ঞে সর্বমেবোপয়োজ্যম্॥ 12-20-11 (72955)
মহাদেবঃ সর্বয়জ্ঞে মহাত্মা
হুৎবাঽঽত্মানং দেবদেবো বভূব।
বিশ্বাঁল্লোকান্ব্যাপ্য বিষ্টভ্য কীর্ত্যা
বিরাজতে দ্যুতিমান্কৃত্তিবাসাঃ॥ 12-20-12 (72956)
আবিক্ষিতঃ পার্থিবোঽসৌ মরুত্তো
বৃদ্ধ্যা শক্রং যোঽজয়দ্দেবরাজম্।
যজ্ঞে যস্য শ্রীঃ স্বয়ং সন্নিবিষ্টা
যস্মিন্ভাণ্ডং কাঞ্চনং সর্বমাসীৎ॥ 12-20-13 (72957)
হরিশ্চন্দ্রঃ পার্থিবেন্দ্রঃ শ্রুতস্তে
যজ্ঞৈরিষ্ট্বা পুণ্যভাগ্বীতশোকঃ।
ঋদ্ধ্যা শক্রং যোঽজয়ন্মানুষঃ সং
স্তস্মাদ্যজ্ঞে সর্বমেবোপয়োজ্যম্॥ ॥ 12-20-14 (72958)
ইতি শ্রীমন্মহাভারতে শান্তিপর্বণি রাজধর্মপর্বণি বিংশোঽধ্যায়ঃ॥ 20॥
Mahabharata - Shanti Parva - Chapter Footnotes
12-20-1 বাক্যান্তরে বাক্যাবসরে। অভিনীততরং যুক্তিমত্তরম্॥ 12-20-4 চতুষ্পদী চতুরাশ্রমী॥ 12-20-5 ক্রমাদ্ব্রহ্মচারিয়তিগৃহস্থবানপ্রস্থা ইত্যর্থঃ॥ 12-20-7 ধনং হেতুঃ কারণং যস্য তস্য যজ্ঞাদের্যজ্ঞাদ্যর্থম্ ঈহেত ধনং তস্যানীহৈব গরীয়সী। প্রক্ষালনাদ্ধি পঙ্কস্য দূরাদস্পর্শনং বরমিতি ন্যায়াত্তমিমং পরধর্মং যঃ ক্ষত্রিয় উপাশ্রয়েত স দূষ্যেতেত্যাহ ভূয়ানিতি॥ 12-20-10 যজ্ঞার্থমেব আজ্ঞপ্তো বেদেন॥ 12-20-13 ভাণ্ডমুপকরণং পাত্রাদি॥শান্তিপর্ব - অধ্যায় 021
॥ শ্রীঃ ॥
12.21. অধ্যায়ঃ 021
Mahabharata - Shanti Parva - Chapter Topics
যুধিষ্ঠিরংপ্রতি দেবস্থানস্য বচনম্॥ 1॥Mahabharata - Shanti Parva - Chapter Text
12-21-0 (73414)
দেবস্থান উবাচ। 12-21-0x (6074)
অত্রৈবোদাহরন্তীমমিতিহাসং পুরাতনম্।
ইন্দ্রেণ সময়ে পৃষ্টো যদুবাচ বৃহস্পতিঃ॥ 12-21-1 (73415)
সংতোষো বৈ স্বর্গসমঃ সংতোষঃ পরমং সুখম্।
তুষ্টের্ন কিংচিৎপরতঃ সা সম্যক্প্রতিতিষ্ঠতি॥ 12-21-2 (73416)
যদা সংহরতে কামান্কূর্মোঽঙ্গানীব সর্বশঃ।
তদাঽঽত্মজ্যোতিরচিরাৎস্বাত্মন্যেব প্রসীদতি॥ 12-21-3 (73417)
ন বিভেতি যদা চায়ং যদা চাস্মান্ন বিভ্যতি।
কামদ্বেষৌ চ জয়তি তদাঽঽত্মানং চ পশ্যতি॥ 12-21-4 (73418)
যদাঽসৌ সর্বভূতানাং ন দ্রুহ্যতি ন কাঙ্ক্ষতি।
কর্মণা মনসা বাচা ব্রহ্ম সংপদ্যতে তদা॥ 12-21-5 (73419)
এবং কৌন্তেয় ভূতানি তংতং ধর্মং তথাতথা।
তদাঽঽত্মনা প্রপশ্যন্তি তস্মাদ্বুধ্যস্ব ভারত॥ 12-21-6 (73420)
অন্যে সাম প্রশংসন্তি ব্যায়ামমপরে জনাঃ।
নৈকং ন চাপরং কেচিদুভয়ং চ তথাঽপরে॥ 12-21-7 (73421)
যজ্ঞমেকে প্রশংসন্তি সংন্যাসমপরে জনাঃ।
`নৈকং ন চাপরং কেচিদুভয়ং চ তথাঽপরে॥' 12-21-8 (73422)
দানমেকে প্রশংসন্তি কেচিচ্চৈব প্রতিগ্রহম্।
কেচিৎসর্বং পরিত্যজ্য তূষ্ণীং ধ্যায়ন্ত আসতে॥ 12-21-9 (73423)
রাজ্যমেকে প্রশংসন্তি প্রজানাং পরিপালনম্।
হৎবা ছিত্ৎবা চ ভিত্ৎবা চ কেচিদেকান্তশীলিনঃ॥ 12-21-10 (73424)
এতৎসর্বং সমালোক্য বুধানামেব নিশ্চয়ঃ।
অদ্রোহেণৈব ভূতানাং যো ধর্মঃ স সতাং মতঃ॥ 12-21-11 (73425)
অদ্রোহঃ সত্যবচনং সংবিভাগো দয়া দমঃ।
প্রজনং স্বেষু দারেষু মার্দবং হীরচাপলম্॥ 12-21-12 (73426)
এবং ধর্মং প্রধানেষ্টং মনুঃ স্বায়ংভুবোঽব্রবীৎ।
তস্মাদেতৎপ্রয়ত্নেন কৌন্তেয় প্রতিপালয়॥ 12-21-13 (73427)
যো হি রাজ্যে স্থিতঃ শশ্বদ্বশী তুল্যপ্রিয়াপ্রিয়ঃ।
ক্ষত্রিয়ো যজ্ঞশিষ্টাশী রাজা শাস্ত্রার্থতত্ৎববিৎ॥ 12-21-14 (73428)
অসাধুনিগ্রহরতঃ সাধূনাং প্রগ্রহে রতঃ।
ধর্মবর্ত্মনি সংস্থাপ্য প্রজা বর্তেত ধর্মতঃ॥ 12-21-15 (73429)
পুত্রসংক্রামিতশ্রীশ্চ বনে বন্যেন বর্তয়েৎ।
বিধানমাশ্রমাণাং বৈ কুর্যাৎকর্মাণ্যতন্দ্রিতঃ॥ 12-21-16 (73430)
য এবং বর্ততে রাজন্স রাজা ধর্মনিশ্চিতঃ।
তস্যায়ং চ পরশ্চৈব লোকঃ স্যাৎসংফলোদয়ঃ॥ 12-21-17 (73431)
নির্বাণং হি সুদুষ্প্রাপ্যং বহুবিঘ্নং চ মে মতম্॥ 12-21-18 (73432)
এবং ধর্মমনুক্রান্তাঃ সত্যদানতপঃ পরাঃ।
আনৃশংস্যগুণৈর্যুক্তাঃ কামক্রোধবিবর্জিতাঃ॥ 12-21-19 (73433)
প্রজানাং পালনে যুক্তা ধর্মমুত্তমমাস্থিতাঃ।
গোব্রাহ্মণার্থে যুধ্যন্তঃ প্রাপ্তা গতিমনুত্তমাম্॥ 12-21-20 (73434)
এবং রুদ্রাঃ সবসবস্তথাঽঽদিত্যাঃ পরংতপ।
সাধ্যা রাজর্ষিসঙ্ঘাশ্চ ধর্মমেতং সমাশ্রিতাঃ।
অপ্রমত্তাস্ততঃ স্বর্গং প্রাপ্তাঃ পুণ্যৈঃ স্বকর্মভিঃ॥ ॥ 12-21-21 (73435)
ইতি শ্রীমন্মহাভারতে শান্তিপর্বণি রাজধর্মপর্বণি একবিংশোঽধ্যায়ঃ॥ 21॥
Mahabharata - Shanti Parva - Chapter Footnotes
12-21-3 যদা প্রসীদতি তদা তুষ্টিঃ প্রতিতিষ্ঠতীতি পূর্বেণ সংবন্ধঃ॥ 12-21-7 সাম প্রীতিম্। ব্যায়ামং যত্নম্॥ 12-21-12 প্রজনে পুত্রোৎপাদনম্॥ 12-21-15 প্রগ্রহে সংগ্রহে॥শান্তিপর্ব - অধ্যায় 022
॥ শ্রীঃ ॥
12.22. অধ্যায়ঃ 022
Mahabharata - Shanti Parva - Chapter Topics
যুধিষ্ঠিরংপ্রত্যর্জুনবচনম্॥ 1॥Mahabharata - Shanti Parva - Chapter Text
12-22-0 (73905)
বৈশম্পায়ন উবাচ। 12-22-0x (6097)
অস্মিন্নেবান্তরে বাক্যং পুনরেবার্জুনোঽব্রবীৎ।
নির্বিণ্ণমনসং জ্যেষ্ঠমিদং ভ্রাতরমচ্যুতম্॥ 12-22-1 (73906)
ক্ষত্রধর্মেণ ধর্মজ্ঞ প্রাপ্য রাজ্যং সুদুর্লভম্।
জিৎবা চারীন্নরশ্রেষ্ঠ তপ্যতে কিং ভৃশং ভবান্॥ 12-22-2 (73907)
ক্ষত্রিয়াণাং মহারাজ সংগ্রামে নিধনং মতম্।
বিশিষ্টং বহুভির্যজ্ঞৈঃ ক্ষত্রধর্মমনুস্মর॥ 12-22-3 (73908)
ব্রাহ্মণানাং তপস্ত্যাগঃ প্রেত্য ধর্মবিধিঃ স্মৃতঃ।
ক্ষত্রিয়াণাং চ নিধনং সংগ্রামে বিহিতং প্রভো॥ 12-22-4 (73909)
ক্ষাত্রধর্মো মহারৌদ্রঃ শস্ত্রনিত্য ইতি স্মৃতঃ।
বধশ্চ ভরতশ্রেষ্ঠ কালে শস্ত্রেণ সংয়ুগে॥ 12-22-5 (73910)
ব্রাহ্মণস্যাপি চেদ্রাজন্ক্ষত্রধর্মেণ বর্ততঃ।
প্রশস্তং জীবিতং লোকে ক্ষত্রং হি ব্রহ্মসংভবম্॥ 12-22-6 (73911)
ন ত্যাগো ন পুনর্যজ্ঞো ন তপো মনুজেশ্বর।
ক্ষত্রিয়স্য বিধীয়ন্তে ন পরস্বোপজীবনম্॥ 12-22-7 (73912)
স ভবান্সর্বধর্মজ্ঞো ধর্মাত্মা ভরতর্ষভ।
রাজা মনীষী নিপুণো লোকে দৃষ্টপরাবরঃ॥ 12-22-8 (73913)
ত্যক্ৎবা সংতাপজং শোকং দংশিতো ভব কর্মণি।
ক্ষত্রিয়স্য বিশেষেণ হৃদয়ং বজ্রসন্নিভম্॥ 12-22-9 (73914)
জিৎবাঽরীন্ক্ষত্রধর্মেণ প্রাপ্য রাজ্যমকণ্টকম্।
বিজিতাত্মা মনুষ্যেন্দ্র যজ্ঞদানপরো ভব॥ 12-22-10 (73915)
ইন্দ্রো বৈ ব্রহ্মণঃ পুত্রঃ ক্ষত্রিয়ঃ কর্মণাঽভবৎ।
জ্ঞাতীনাং পাপবৃত্তীনাং জঘান নবতীর্নব॥ 12-22-11 (73916)
তচ্চাস্য কর্ম পূজ্যং চ প্রশস্যং চ বিশাংপতে।
তেনেন্দ্রৎবং সমাপেদে দেবানামিতি নঃ শ্রুতম্॥ 12-22-12 (73917)
স ৎবং যজ্ঞৈর্মহারাজ যজস্ব বহুদক্ষিণৈঃ।
যথৈবেন্দ্রো মনুষ্যেন্দ্র চিরায় বিগতজ্বরঃ॥ 12-22-13 (73918)
মা ৎবমেবং গতে কিংচিচ্ছোচেথাঃ ক্ষত্রিয়র্ষভ।
গতাস্তে ক্ষত্রধর্মেণ শস্ত্রপূতাঃ পরাং গতিম্॥ 12-22-14 (73919)
ভবিতব্যং তথা তচ্চ যদ্বৃত্তং ভরতর্ষভ।
দিষ্টং হি রাজশার্দূল ন শক্যমতিবর্তিতুম্॥ ॥ 12-22-15 (73920)
ইতি শ্রীমন্মহাভারতে শান্তিপর্বণি রাজধর্মপর্বণি দ্বাবিংশোঽধ্যায়ঃ॥ 22॥
Mahabharata - Shanti Parva - Chapter Footnotes
12-22-1 অচ্যুতং ধর্মাৎ॥ 12-22-4 ত্যাগঃ সংন্যাসঃ॥ 12-22-7 যজ্ঞ আত্যযজ্ঞঃ। সমাধিরিতি যাব্নৎ॥ 12-22-9 দংশিতঃ সন্নদ্ধঃ॥ 12-22-11 ব্রহ্মণঃ কশ্যপস্য। নবতীর্নব দশাধিক শতাষ্টকম্॥ 12-22-12 ইন্দ্রৎবমৈশ্বর্যম্॥শান্তিপর্ব - অধ্যায় 023
॥ শ্রীঃ ॥
12.23. অধ্যায়ঃ 023
Mahabharata - Shanti Parva - Chapter Topics
ব্যাসেন যুধিষ্ঠিরংপ্রতি শঙ্খলিখিতোপাখ্যানকথনপূর্বকং ক্ষাত্রধর্মস্বীকরণচোদনা॥ 1॥Mahabharata - Shanti Parva - Chapter Text
12-23-0 (74413)
বৈশম্পায়ন উবাচ। 12-23-0x (6156)
এবমুক্তস্তু কৌন্তেয়ো গুডাকেশেন ভারত।
নোবাচ কিংচিৎকৌরব্যস্ততো দ্বৈপায়নোঽব্রবীৎ॥ 12-23-1 (74414)
ব্যাস উবাচ। 12-23-2x (6157)
বীভৎসোর্বচনং সৌম্য সত্যমেতদ্যুধিষ্ঠির।
শাস্ত্রদৃষ্টঃ পরো ধর্মঃ স্মৃতো গার্হস্থ্য আশ্রমঃ॥ 12-23-2 (74415)
স্বধর্মং চর ধর্মজ্ঞ যথাশাস্ত্রং যথাবিধি।
ন হি গার্হস্থ্যমুৎসৃজ্য তবারণ্যং বিধীয়তে॥ 12-23-3 (74416)
গৃহস্থং হি সদা দেবাঃ পিতরোঽতিথয়স্তথা।
ভৃত্যাশ্চৈবোপজীবন্তি তান্ভরস্ব মহীপতে॥ 12-23-4 (74417)
বয়াংসি পশবশ্চৈব ভূতানি চ জনাধিপ।
গৃহস্থৈরেব ধার্যন্তে তস্মাচ্ছ্রেষ্ঠো গৃহাশ্রমী॥ 12-23-5 (74418)
সোঽয়ং চতুর্ণামেতেষামাশ্রমাণাং দুরাচরঃ।
তং চরাদ্য বিধিং পার্থ দুশ্চরং দুর্বলেন্দ্রিয়ৈঃ॥ 12-23-6 (74419)
বেদজ্ঞানং চ তে কৃৎস্নং তপশ্চাচরিতং মহৎ।
পিতৃপৈতামহং রাজ্যং ধুর্যবদ্বোদ্দুমর্হসি॥ 12-23-7 (74420)
তপো যজ্ঞস্তথা বিদ্যা ভৈক্ষ্যমিন্দ্রিয়সংয়মঃ।
ধ্যানং বিদ্যা সমুত্থানং সংতোষশ্চ শ্রিয়ং প্রতি।
তথা হ্যেকান্তশীলৎবং তুষ্টির্দানং চ শক্তিতঃ॥ 12-23-8 (74421)
ব্রাহ্মণানাং মহারাজ চেষ্টা সংসিদ্ধিকারিকা।
ক্ষত্রিয়াণাং তু বক্ষ্যামি তবাপি বিদিতং পুনঃ॥ 12-23-9 (74422)
যজ্ঞো বিদ্যা সমুত্থানমসংতোষঃ শ্রিয়ং প্রতি।
দণ্ডধারণমুগ্রৎবং প্রজানাং পরিপালনম্॥ 12-23-10 (74423)
বেদজ্ঞানং তথা কৃৎস্নং তপঃ সুচরিতং তথা।
দ্রবিণোপার্জনং ভূরি পাত্রে চ প্রতিপাদনম্॥ 12-23-11 (74424)
এতানি রাজ্ঞাং কর্মাণি সুকৃতানি বিশাংপতে।
ইমং লোকমমুং চৈব সাধয়ন্তীতি নঃ শ্রুতম্॥ 12-23-12 (74425)
এষাং জ্যায়স্তু কৌন্তেয় দণ্ডধারণমুচ্যতে।
বলং হি ক্ষত্রিয়ে নিত্যং বলে দণ্ডঃ সমাহিতঃ॥ 12-23-13 (74426)
এতাশ্চেষ্টাঃ ক্ষত্রিয়াণাং রাজন্সংসিদ্ধিকারিকাঃ।
অপি গাথামিমাং চাপি বৃহস্পতিরগায়ত॥ 12-23-14 (74427)
ভূমিরেতৌ নিগিরতি সর্পো বিলশয়ানিব।
রাজানং চাবিরোদ্ধারং ব্রাহ্মণং চাপ্রবাসিনম্॥ 12-23-15 (74428)
সুদ্যুম্নশ্চাপি রাজর্ষিঃ শ্রূয়তে দণ্ডধারণাৎ।
প্রাপ্তবান্পরমাং সিদ্ধিং দক্ষঃ প্রাচেতসো যথা॥ 12-23-16 (74429)
যুধিষ্ঠির উবাচ। 12-23-17x (6158)
ভগবন্কর্মণা কেন সুদ্যুম্নো বসুধাধিপঃ।
সংসিদ্ধিং পরমাং প্রাপ্তঃ শ্রোতুমিচ্ছামি তং নৃপম্॥ 12-23-17 (74430)
ব্যাস উবাচ। 12-23-18x (6159)
অত্রাপ্যুদাহরন্তীমমিতিহাসং পুরাতনম্।
শঙ্খশ্চ লিখিতশ্চাস্তাং ভ্রাতরৌ সংশিতব্রতৌ॥ 12-23-18 (74431)
তয়োরাবসথাবাস্তাং রমণীয়ৌ পৃথক্পৃথক্।
নিত্যপুষ্পফলৈর্বৃক্ষৈরুপেতৌ বাহুদামনু॥ 12-23-19 (74432)
ততঃ কদাচিল্লিখিতঃ শঙ্খস্যাশ্রমমাগতঃ।
যদৃচ্ছয়াঽথ শঙ্খোপি নিষ্ক্রান্তোঽভবদাশ্রমাৎ॥ 12-23-20 (74433)
সোঽভিগম্যাশ্রমং ভ্রাতুশ্চংক্রমঁল্লিখিতস্তদা।
ফলানি শাতয়ামাস সম্যক্পরিণতান্যুত॥ 12-23-21 (74434)
তান্যুপাদায় বিস্রব্ধো ভক্ষয়ামাস স দ্বিজঃ।
তস্মিংশ্চ ভক্ষয়ত্যেব শঙ্খোঽপ্যাশ্রমমাগতঃ॥ 12-23-22 (74435)
ভক্ষয়ন্তং তু তং দৃষ্ট্বা শঙ্খো ভ্রাতরমব্রবীৎ।
কুতঃ ফলান্যবাপ্তানি হেতুনা কেন খাদসি॥ 12-23-23 (74436)
সোঽব্রবীদ্ধাতরং জ্যেষ্ঠমুপসৃত্যাভিবাদ্য চ।
ইত এব গৃহীতানি ময়েতি প্রহসন্নিব॥ 12-23-24 (74437)
তমব্রতীত্তথা শঙ্খস্তীব্ররোষসমন্বিতঃ।
স্তেয়ং ৎবয়া কৃতমিদং ফলান্যাদদতা স্বয়ম্॥ 12-23-25 (74438)
গচ্ছ রাজানমাসাদ্য স্বকর্ম কথয়স্ব বৈ।
অদত্তাদানমেবং হি কৃতং পার্থিবসত্তম॥ 12-23-26 (74439)
স্তেনং মাং ৎবং বিদিৎবা চ স্বধর্মমনুপালয়।
শীঘ্রং ধারয় চোরস্য মম দণ্ডং নরাধিপ॥ 12-23-27 (74440)
ইত্যুক্তস্তস্য বচনাৎসুদ্যুম্ন স নরাধিপম্।
অভ্যগচ্ছন্মহাবাহো লিখিতঃ সংশিতব্রতঃ॥ 12-23-28 (74441)
সুদ্যুম্নস্ৎবন্তপালেভ্যঃ শ্রুৎবা লিখিতমাগতম্।
অভ্যগচ্ছৎসহামাত্যঃ পদ্ভ্যামেব জনেশ্বরঃ॥ 12-23-29 (74442)
তমব্রবীৎসমাগম্য স রাজা ধর্মবিত্তমম্।
কিমাগমনমাচক্ষ্ব ভগবন্কৃতমেব তৎ॥ 12-23-30 (74443)
এবমুক্তঃ স বিপ্রর্ষিঃ সুদ্যুম্নমিদমব্রবীৎ।
প্রতিশ্রুত্য করিষ্যেতি শ্রুৎবা তৎকর্তুমর্হসি॥ 12-23-31 (74444)
অনিসৃষ্টানি গুরুণা ফলানি মনুজর্ষভ।
ভক্ষিতানি মহারাজ তত্র মাং শাধি মাচিরম্॥ 12-23-32 (74445)
সুদ্যুম্ন উবাচ। 12-23-33x (6160)
প্রমাণং চেন্মতো রাজা ভবতো দণ্ডধারণে।
অনুজ্ঞায়ামপি তথা হেতুঃ স্যাদ্ব্রাহ্মণর্ষভ॥ 12-23-33 (74446)
স ভবানভ্যনুজ্ঞাতঃ শুচিকর্মা মহাব্রতঃ।
ব্রূহি কামানতোঽন্যাংস্ৎবং করিষ্যামি হি তে বচঃ॥ 12-23-34 (74447)
ব্যাস উবাচ। 12-23-35x (6161)
সংছন্দ্যমানো ব্রহ্মর্ষিঃ পার্থিবেন মহাত্মনা।
নান্যং স বরয়ামাস তস্মাদ্দণ্ডাদৃতে বরম্॥ 12-23-35 (74448)
ততঃ স পৃথিবীপালো লিখিতস্য মহাত্মনঃ।
করৌ প্রচ্ছেদয়ামাস ধৃতদণ্ডো জগাম সঃ॥ 12-23-36 (74449)
স গৎবা ভ্রাতরং শঙ্খমার্তরূপোঽব্রবীদিদম্।
ধৃতদণ্ডস্য দুর্বুদ্ধের্ভবাংস্তৎক্ষন্তুমর্হতি॥ 12-23-37 (74450)
শঙ্খ উবাচ। 12-23-38x (6162)
ন কুপ্যে তব ধর্মজ্ঞ ন ৎবং দূষয়সে মম।
`সুনির্মলং কুলং ব্রহ্মন্নস্মিঞ্জগতি বিশ্রুতম্।'
ধর্মস্তু তে ব্যতিক্রান্তস্ততস্তে নিষ্কৃতিঃ কৃতা॥ 12-23-38 (74451)
ৎবং গৎবা বাহুদাং শীঘ্রং তর্পয়স্ব যথাবিধি।
দেবানৃষীন্পিতৃংশ্চৈব মা চাধর্মে মনঃ কৃথাঃ॥ 12-23-39 (74452)
`ব্রহ্মহত্যাং সুরাপানং স্তেয়ং গুর্বঙ্গনাগমম্।'
মহান্তি পাতকান্যাহুঃ সংয়োগং চৈব তৈঃ সহ॥ 12-23-40 (74453)
ন স্তেয়সদৃশং ব্রহ্মন্মহাপাতকমস্তি হি।
জগত্যস্মিন্মহাভাগ ব্রহ্মহত্যাসমং হি তৎ॥ 12-23-41 (74454)
সর্বপাতকিনাং ব্রহ্মন্দণ্ডঃ শারীর উচ্যতে।
তস্করস্য বিশেষেণ নান্যো দণ্ডো বিধীয়তে॥ 12-23-42 (74455)
ব্রাহ্মণঃ ক্ষত্রিয়ো বাঽপি বৈশ্যঃ শূদ্রোঽথবা দ্বিজ।
সর্বে কামকৃতে পাপে হন্তব্যা ন বিচারণা॥ 12-23-43 (74456)
রাজভির্ধৃতদণ্ডা বৈ কৃৎবা পাপানি মানবাঃ।
নির্মলাঃ স্বর্গমায়ান্তি সন্তঃ সুকৃতিনো যথা॥ 12-23-44 (74457)
উদ্ধৃতং নঃ কুলং ব্রহ্মন্নাজ্ঞাদণ্ডে ধৃতে ৎবয়ি॥' 12-23-45 (74458)
তস্য তদ্বচনং শ্রুৎবা শঙ্খস্য লিখিতস্তদা।
অবগাহ্যাপগাং পুণ্যামুদকার্থং প্রচক্রমে॥ 12-23-46 (74459)
প্রাদুরাস্তাং ততস্তস্য করৌ জলজসন্নিভৌ।
ততঃ স বিস্মিতো ভ্রাতুর্দর্শয়ামাস তৌ করৌ॥ 12-23-47 (74460)
ততস্তমব্রবীচ্ছঙ্খস্তপসেদং কৃতং ময়া।
মা চ তেঽব বিশঙ্কা ভূদ্দৈবমত্র বিধীয়তে॥ 12-23-48 (74461)
লিখিত উবাচ। 12-23-49x (6163)
কিংতু নাহং ৎবয়া পূতঃ পূর্বমেব মহাদ্যুতে।
যস্য তে তপসো বীর্যমীদৃশং দ্বিজসত্তম॥ 12-23-49 (74462)
শঙ্খ উবাচ। 12-23-50x (6164)
এবমেতন্ময়া কার্যং নাহং দণ্ডধরস্তব।
স চ পূতো নরপতিস্ৎবং চাপি পিতৃভিঃ সহ॥ 12-23-50 (74463)
ব্যাস উবাচ। 12-23-51x (6165)
স রাজা পাণ্ডবশ্রেষ্ঠ শ্রেয়ান্বৈ তেন কর্মণা।
প্রাপ্তবান্পরমাং সিদ্ধিং দক্ষঃ প্রাচেতসো যথা॥ 12-23-51 (74464)
এষ ধর্মঃ ক্ষত্রিয়াণাং প্রজানাং পরিপালনম্।
উৎপথেভ্যো মহারাজ মা স্ম শোকে মনঃ কৃথাঃ॥ 12-23-52 (74465)
ভ্রাতুরস্য হিতং বাক্যং শৃণু ধর্মজ্ঞসত্তম।
দণ্ড এব হি রাজেন্দ্র ক্ষত্রধর্মো ন মুণ্ডনম্॥ ॥ 12-23-53 (74466)
ইতি শ্রীমন্মহাভারতে শান্তিপর্বণি রাজধর্মপর্বণি ত্রয়োবিংশোঽধ্যায়ঃ॥
Mahabharata - Shanti Parva - Chapter Footnotes
12-23-2 গার্হস্থ্যঃ গৃহস্থস্যায়ং গার্হস্থ্যঃ॥ 12-23-15 বিলশয়ান্মূষিকান্। অপ্রবাসিনং গৃহাদিসঙ্গিনম্। সর্পো বিলশয়াবিবেতি ড.থ.পাঠঃ॥ 12-23-19 বাহুদাং নদীমনু তৎসমীপে॥ 12-23-21 শঙ্খস্য লিখিতস্তদেতি ঝ. পাঠঃ॥ 12-23-24 উপস্পৃশ্যাভিবাদ্য চেতি ড.থ. পাঠঃ॥ 12-23-26 হে পার্থিবসত্তম ময়া অদত্তাদানং কৃতমিত্যস্মৈ রাজ্ঞে কথয়স্বেতি সংবন্ধঃ॥ 12-23-29 অন্তপালেভ্যো দ্বারপালেভ্যঃ॥ 12-23-31 করিষ্যেতীতি সংধিরার্ষঃ॥ 12-23-32 অনিসৃষ্টান্যদত্তানি। গুরুণা জ্যেষ্ঠভ্রাত্রা॥ 12-23-33 যথা দণ্ডধারণে রাজা প্রমাণং তথাঽনুজ্ঞায়াং হেতুঃ প্রমাণম্॥ 12-23-34 শুচিকর্মা মদনুজ্ঞয়ৈব শোধিতদোষঃ॥ 12-23-38 মম মাম্ নিষ্কৃতিঃ প্রায়শ্চিত্তম্॥ 12-23-46 উদকস্যার্থং প্রয়োজনং আচমনাদি কর্তুমিতি শেষঃ॥শান্তিপর্ব - অধ্যায় 024
॥ শ্রীঃ ॥
12.24. অধ্যায়ঃ 024
Mahabharata - Shanti Parva - Chapter Topics
ব্যাসেন যুধিষ্ঠিরংপ্রতি রাজধর্মকথনপর্বকং রাজ্যপালনচোদনা॥ 1॥Mahabharata - Shanti Parva - Chapter Text
12-24-0 (75117)
বৈশম্পায়ন উবাচ। 12-24-0x (6230)
পুনরেব মহর্ষিস্তং কৃষ্ণদ্বৈপায়নোঽর্থবৎ।
অজাতশত্রুং কৌন্তেয়মিদং বচনমব্রবীৎ॥ 12-24-1 (75118)
অরণ্যে বসতাং তাত ভ্রাতৄণাং তে মনিস্বিনাম্।
মনোরথা মহারাজ যে তত্রাসন্যুধিষ্ঠির॥ 12-24-2 (75119)
তানি মে ভরতশ্রেষ্ঠ প্রাপ্নুবন্তু মহারথাঃ।
প্রশাধি পৃথিবীং পার্থ যয়াতিরিব নাহুষঃ॥ 12-24-3 (75120)
অরণ্যে দুঃখবসতিরনুভূতা তপস্বিভিঃ।
দুঃখস্যান্তে নরব্যাঘ্র সুখান্যনুভবন্তু বৈ॥ 12-24-4 (75121)
ধর্মমর্থং চ কামং চ ভ্রাতৃভিঃ সহ ভারত।
অনুভূয় ততঃ পশ্চাৎপ্রস্থাতাঽসি বিশাংপতে॥ 12-24-5 (75122)
অর্থিনাং চ পিতৃণাং চ দেবতানাং চ ভারত।
আনৃণ্যং গচ্ছ কৌন্তেয় ততঃ স্বর্গং গমিষ্যসি॥ 12-24-6 (75123)
সর্বমেধাশ্চমেধাভ্যাং যজস্ব কুরুনন্দন।
ততঃ পশ্চান্মহারাজ গমিষ্যসি পরাং গতিম্॥ 12-24-7 (75124)
ভ্রাতৃংশ্চ সর্বান্ক্রতুভিঃ সংয়োজ্য বহুদক্ষিণৈঃ।
সংপ্রাপ্তঃ কীর্তিমতুলাং পাণ্ডবেয় গমিষ্যসি॥ 12-24-8 (75125)
বিঝস্তে পুরুষব্যাঘ্র বচনং কুরুসত্তম।
শৃণুষ্বৈবং যথা কুর্বন্ন ধর্মাচ্চ্যবসে নৃপ॥ 12-24-9 (75126)
আদদানস্য বিজয়ং বিগ্রহং চ যুধিষ্ঠির।
সমানধর্মকুশলাঃ স্থাপয়ন্তি নরেশ্বর॥ 12-24-10 (75127)
`প্রত্যক্ষমনুমানং চ উপমানং তথাঽঽগমঃ।
অর্থাপত্তিস্তথৈতিহ্যং সংশয়ো নির্ণয়স্তথা॥ 12-24-11 (75128)
আকার ইঙ্গিতং চৈব গতিশ্চেষ্টা চ ভারত।
প্রতিজ্ঞা চৈব হেতুশ্চ দৃষ্টান্তোপনয়স্তথা॥ 12-24-12 (75129)
উক্তির্নিগমনং তেষাং প্রমেয়ং চ প্রয়োজনম্।
এতানি সাধনান্যাহুর্বহুবর্গপ্রসিদ্ধয়ে॥ 12-24-13 (75130)
প্রত্যক্ষমনুমানং চ সর্বেষাং যোনিরুচ্যতে।
প্রমাণজ্ঞো হি শক্নোতি দণ্ডয়োনৌ বিচক্ষণঃ।
অপ্রমাণবতা নীতো দণ্ডো হন্যান্মহীপতিম্॥ 12-24-14 (75131)
দেশকালপ্রতীক্ষী যো দস্যূন্মর্ষয়তে নৃপঃ।
শাস্ত্রজাং বুদ্ধিমাস্থায় যুজ্যতে নৈনসা হি সঃ॥ 12-24-15 (75132)
আদায় বলিষঙ্ভাগং যো রাষ্ট্রং নাভিরক্ষতি।
প্রতিগৃহ্ণাতি তৎপাপং চতুর্থাংশেন ভূমিপঃ॥ 12-24-16 (75133)
নিবোধ চ যথাঽঽতিষ্ঠন্ধর্মান্ন চ্যবতে নৃপঃ।
নিগ্রহাদ্ধর্মশাস্ত্রাণামনুরুদ্ধ্যন্নপেতভীঃ।
কামক্রোধাবনাদৃত্য পিতেব সমদর্শনঃ॥ 12-24-17 (75134)
দৈবেনাভ্যাহতো রাজা কর্মকালে মহাদ্যুতে।
ন সাধয়তি যৎকর্ম ন তত্রাহুরতিক্রমম্॥ 12-24-18 (75135)
তরসা বুদ্ধিপূর্বং বা নিগ্রাহ্যা এব শত্রবঃ।
পাপৈঃ সহ ন সংদধ্যাদ্রাজ্যং পুণ্যং চ কারয়েৎ॥ 12-24-19 (75136)
শূরাশ্চার্যাশ্চ সৎকার্যা বিদ্বাংসশ্চ যুধিষ্ঠির।
গোমিনো ধনিনশ্চৈব পরিপাল্যা বিশেষতঃ॥ 12-24-20 (75137)
ব্যবাহরেষু ধর্মেষু যোক্তব্যাশ্চ বহুশ্রুতাঃ।
`প্রমাণজ্ঞা মহীপাল ন্যায়শাস্ত্রাবলম্বিনঃ॥ 12-24-21 (75138)
বেদার্থতত্ৎববিদ্রাজংস্তর্কশাস্ত্রবহুশ্রুতাঃ।
মন্ত্রে চ ব্যবহারে চ নিয়োক্তব্যা বিজানতা॥ 12-24-22 (75139)
তর্কশাস্ত্রকৃতা বুদ্ধির্ধর্মশাস্ত্রকৃতা চ যা।
দণ্ডনীতিকৃতা চৈব ত্রৈলোক্যমপি সাধয়েৎ॥ 12-24-23 (75140)
নিয়োজ্যা বেদতত্ৎবজ্ঞা যজ্ঞকর্মসু পার্তিব।
বেদজ্ঞা যে চ শাস্ত্রজ্ঞাস্তে চ রাজন্সুবুদ্ধয়ঃ॥ 12-24-24 (75141)
আন্বীক্ষকীত্রয়ীবার্তাদণ্ডনীতিষু পারগাঃ।
তে তু সর্বত্র যোক্তব্যাস্তে চ বুদ্ধেঃ পরং গতাঃ॥ ' 12-24-25 (75142)
গুণয়ুক্তেঽপি নৈকস্মিন্বিশ্বসেত বিচক্ষণঃ॥ 12-24-26 (75143)
অরক্ষিতা দুর্বিনীতো মানী স্তব্ধোঽভ্যসূয়কঃ।
এনসা যুজ্যতে রাজা দুর্দান্ত ইতি চোচ্যতে॥ 12-24-27 (75144)
যে রক্ষ্যমাণা হীয়ন্তে দৈবেনৃভ্যাহতা নৃপ।
তস্করৈশ্চাপি হীয়ন্তে সর্বং তদ্রাজকিল্বিষম্॥ 12-24-28 (75145)
সুমন্ত্রিতে সুনীতে চ সর্বতশ্চোপপাদিতে।
পৌরুষে কর্মণি কৃতে নাস্ত্যধর্মো যুধিষ্ঠির॥ 12-24-29 (75146)
বিচ্ছিদ্যন্তে সমারব্ধাঃ সিদ্ধ্যন্তে চাপি দৈবতঃ।
কৃতে পুরুষকারে তু নৈনঃ স্পৃশতি পার্থিবম্॥ 12-24-30 (75147)
অত্র তে রাজশার্দূল বর্তয়িষ্যে কথামিমাম্।
যদ্বৃত্তং পূর্বরাজর্ষের্হয়গ্রীবস্য পাণ্ডব॥ 12-24-31 (75148)
শত্রূন্হৎবা হতস্যাজৌ শূরস্যাক্লিষ্টকর্মণঃ।
অসহায়স্য সংগ্রামে নির্জিতস্য যুধিষ্ঠির॥ 12-24-32 (75149)
যৎকর্ম বৈ নিগ্রহে শাত্রবাণাং
যোগশ্চাগ্র্যঃ পালনে মানবানাম্।
কৃৎবা কর্ম প্রাপ্য কীর্তি স যুদ্ধা
দ্বাজিগ্রীবো মোদতে স্বর্গলোকে॥ 12-24-33 (75150)
সংত্যক্তাত্মা সমরেষ্বাততায়ী
শস্ত্রৈশ্ছিন্নো দস্যুভির্বধ্যমানঃ।
অশ্বগ্রীবঃ কর্মশীলো মহাত্মা
সংসিদ্ধার্থো মোদতে স্বর্গলোকে॥ 12-24-34 (75151)
ধনুর্যূপো রশনা জ্যা শরঃ স্রু
ক্স্রুবঃ খঙ্গো রুধিরং যত্র চাজ্যম্।
রথো বেদী কামজো যুদ্ধমগ্নি
শ্চাতুর্হোত্রং চতুরো বাজিমুখ্যাঃ॥ 12-24-35 (75152)
হুৎবা তস্মিন্যজ্ঞবহ্নাবথারী
ন্পাপান্মুক্তো রাজসিংহস্তরস্বী।
প্রাণান্হুৎবা চাবভৃথে রণে স
বাজিগ্রীবো মোদতে দেবলোকে॥ 12-24-36 (75153)
রাষ্ট্রং রক্ষন্বুদ্ধিপূর্বং নয়েন
সংত্যক্তাত্মা যজ্ঞশীলো মহাত্মা।
সর্বাংল্লোকান্ব্যাপ্য কীর্ত্যা মনস্বী
বাজিগ্রীবো মোদতে দেবলোকে॥ 12-24-37 (75154)
দৈবীং সিদ্ধিং মানুষীং দণ্ডনীতিং
যোগন্যাসৈঃ পালয়িৎবা মহীং চ।
তস্মাদ্রাজা ধর্মশীলো মহাত্মা
বাজিগ্রীবো মোদতে দেবলোকে॥ 12-24-38 (75155)
বিদ্বাংস্ত্যাগী শ্রদ্দধানঃ কৃতজ্ঞ
স্ত্যক্ৎবা লোকং মানুষং কর্ম কৃৎবা।
মেধাবিনাং বিদুষাং সংমতানাং
তনুত্যজাং লোকমাক্রম্য রাজা॥ 12-24-39 (75156)
সম্যগ্বেদান্প্রাপ্য শাস্ত্রাণ্যধীত্য
সম্যগ্রাজ্যং পালয়িৎবা মহাত্মা।
চাতুর্বর্ণ্যং স্থাপয়িৎবা স্বধর্মে
বাজিগ্রীবো মোদতে দেবলোকে॥ 12-24-40 (75157)
জিৎবা সংগ্রামান্পালয়িৎবা প্রজাশ্চ
সোমং পীৎবা তর্পয়িৎবা দ্বিজাগ্র্যান্।
যুক্ত্যা দণ্ডং ধারয়িৎবা প্রজানাং
যুদ্ধে ক্ষীণে মোদতে দেবলোকে॥ 12-24-41 (75158)
বৃত্তং যস্য শ্লাঘনীয়ং মনুষ্যাঃ
সন্তো বিদ্বাংসোঽর্হয়ন্ত্যর্হণীয়ম্।
স্বর্গং জিৎবা বীরলোকানবাপ্য
সিদ্ধিং প্রাপ্তঃ পুণ্যকীর্তির্মহাত্মা॥ ॥ 12-24-42 (75159)
ইতি শ্রীমন্মহাভারতে শান্তিপর্বণি রাজধর্মপর্বণি চতুবিংশোঽধ্যায়ঃ॥ 24॥
Mahabharata - Shanti Parva - Chapter Footnotes
12-24-1 বচনং হিংসাপ্রধানঃ ক্ষত্রধর্মো মে মাস্ৎবিত্যেবংরূপম্॥ 12-24-10 আদদানস্য পরস্বাপহর্তুঃ। সমানধর্মঃ অবিষমো ধর্মস্তত্র কুশলাঃ স্থাপয়ন্তি অবশ্যকর্তব্যতয়া ব্যবস্থাপয়ন্তি॥ 12-24-15 মর্ষয়তে দস্যূনপি ন হন্তি। এনসা তজ্জেন পাপেন॥ 12-24-17 ধর্মশাস্ত্রাণাং নিগ্রহাদতিলঙ্ঘনাজ্জাতাদধর্মাদ্ধেতোশ্র্যবতে। তানি অনুরুধ্যন্নপেতভীশ্চ ভবতি॥ 12-24-19 রাষ্ট্রপণ্যং ন কারয়েতি ড. থ. পাঠঃ॥ 12-24-20 গোমিনো গোমন্তঃ॥ 12-24-27 স্তব্ধো মান্যানমানয়ন্। অভ্যসূয়কো গুণেষু দোষদৃষ্টিঃ॥ 12-24-28 দৈবেন অবর্ষণাদিনা॥ 12-24-33 যৎকর্ম কর্তব্যং তৎকর্ম কৃৎবেতি সংবন্ধঃ॥ 12-24-35 কামজঃ ক্রোধো যুদ্ধমূলভূতোঽগ্নিঃ। চাতুর্হোত্রং ব্রহ্মাদ্যাঃ ঋৎবিজঃ চতুরশ্চৎবারঃ॥ 12-24-37 সংত্যক্তাত্মা ত্যক্তাহকারঃ॥ 12-24-38 যোগঃ ক্রিয়ায়ামুৎসাহো ন্যাসা অভিমানত্যাগাস্তৈর্যুক্তাং দৈবী সিদ্ধিং যজ্ঞাদিক্রিয়ামন্যদীয়াং মানুষীং চ সিদ্ধিং দণ্ডনীতিং মহীং চ পালয়িৎবেতি যোজনা। স্বয়ং চ যজ্ঞশীলঃ॥ 12-24-39 মানুষং লোকমিতি সংবন্ধঃ। তনুত্যজাং প্রয়াগাদৌ॥শান্তিপর্ব - অধ্যায় 025
॥ শ্রীঃ ॥
12.25. অধ্যায়ঃ 025
Mahabharata - Shanti Parva - Chapter Topics
ব্যাসেন যুধিষ্ঠিরং প্রতি সেনজিদ্বচনানুবাদপূর্বকং রাজধর্মকথনম্॥ 1॥Mahabharata - Shanti Parva - Chapter Text
12-25-0 (65647)
বৈশম্পায়ন উবাচ। 12-25-0x (5376)
দ্বৈপায়নবচঃ শ্রুৎবা কুপিতে চ ধনঞ্জয়ে।
ব্যাসমামন্ত্র্য কৌন্তেয়ঃ প্রত্যুবাচ যুধিষ্ঠিরঃ॥ 12-25-1 (65648)
যুধিষ্ঠির উবাচ। 12-25-2x (5377)
ন পার্থিবমিদং রাজ্যং ন ভোগাশ্চ পৃথগ্বিধাঃ।
প্রীণয়ন্তি মনো মেঽদ্য শোকো মাং দারয়ত্যযম্॥ 12-25-2 (65649)
শ্রুৎবা বীরবিহীনানামপুত্রাণাং চ যোষিতাম্।
পরিদেবয়মানানাং ন শান্তিং মনসা লভে॥ 12-25-3 (65650)
ইত্যুক্তঃ প্রত্যুবাচেদং ব্যাসো যোগবিদাংবরঃ।
যুধিষ্ঠিরং মহাপ্রাজ্ঞো ধর্মজ্ঞো বেদপারগঃ॥ 12-25-4 (65651)
ব্যাস উবাচ। 12-25-5x (5378)
ন কর্মণা লভ্যতে চেজ্যযা বা
নাপ্যস্তি দাতা পুরুষস্য কশ্চিৎ।
পর্যায়যোগাদ্বিহিতং বিধাত্রা
কালেন সর্বং লভতে মনুষ্যঃ॥ 12-25-5 (65652)
ন বুদ্ধিশক্ত্যাঽঽধ্যযনেন শক্যং
প্রাপ্তুং বিশেষং মনুজৈরকালে।
মূর্খোঽপি চাপ্নোতি কদাচিদর্থা
ন্কালো হি সর্বং পুরুষস্য দাতা॥ 12-25-6 (65653)
ন ভূরকালেষু ফলং দদাতি
শিল্পানি মন্ত্রাশ্চ তথৌষধানি।
তান্যেব কালেন সমাহিতানি
সিদ্ধ্যন্তি বর্ধন্তি চ ভূতিকালে॥ 12-25-7 (65654)
কালেন শীঘ্রাঃ প্রবহন্তি বাতাঃ
কালেন বৃষ্টির্জলদানুপৈতি।
কালেন পঝোৎপলবঞ্জলং চ
কালেন পুষ্যন্তি বনেষু বৃক্ষাঃ॥ 12-25-8 (65655)
কালেন কৃষ্ণাশ্চ সিতাশ্চ রাত্র্যঃ
কালেন চন্দ্রঃ পরিপূর্ণবিম্বঃ।
নাকালতঃ পুষ্পফলং দ্রুমাণাং
নাকালবেগাঃ সরিতো বহন্তি॥ 12-25-9 (65656)
নাকালমত্তাঃ খগপন্নগাশ্চ
মৃগদ্বিপাঃ শৈলমৃগাশ্চ লোকে।
নাকালতঃ স্ত্রীষু ভবন্তি গর্ভা
নায়ন্ত্যকালে শিশিরোষ্ণবর্ষাঃ॥ 12-25-10 (65657)
নাকালতো ম্রিয়তে জায়তে বা
নাকালতো ব্যাহরতে চ বালঃ।
নাকালতো যৌবনমভ্যুপৈতি
নাকালতো রোহতি বীজমুপ্তম্॥ 12-25-11 (65658)
নাকালতো ভানুরুপৈতি যোগং
নাকালতোঽস্তং গিরিমভ্যুপৈতি।
নাকালতো বর্ধতে হীয়তে চ
চন্দ্রঃ সমুদ্রোঽপি মহোর্মিমালী॥ 12-25-12 (65659)
অত্রাপ্যুদাহরন্তীমমিতিহাসং পুরাতনম্।
গীতং রাজ্ঞা সেনজিতা দুঃখার্তেন যুধিষ্ঠির॥ 12-25-13 (65660)
সর্বানেবৈষ পর্যায়ো মর্ত্যান্স্পৃশতি দুঃসহঃ।
কালেন পরিপক্বা হি ম্রিয়ন্তে সর্বপার্থিবাঃ॥ 12-25-14 (65661)
ঘ্নন্তি চান্যান্নরান্রাজংস্তানপ্যন্যে তথা নরাঃ।
সংজ্ঞৈষা লৌকিকী রাজন্ন হিনস্তি ন হন্যতে॥ 12-25-15 (65662)
হন্তীতি মন্যতে কশ্চিন্ন হন্তীত্যপি চাপরঃ।
স্বভাবতস্তু নিয়তৌ ভূতানাং প্রভবাপ্যযৌ॥ 12-25-16 (65663)
নষ্টে ধনে বা দারে বা পুত্রে পিতরি বা মৃতে।
অহো দুঃখমিতি ধ্যায়ন্দুঃখস্যাপচিতিং চরেৎ॥ 12-25-17 (65664)
স কিং শোচসি মূঢঃ সঞ্শোচ্যান্কিমনুশোচসি।
পশ্য দুঃখেষু দুঃখানি ভয়েষু চ ভয়ান্যপি॥ 12-25-18 (65665)
আত্মাঽপি চায়ং ন মম সর্বাঽপি পথিবী মম।
যথা মম তথাঽন্যেষামিতি পশ্যন্ন মুহ্যতি॥ 12-25-19 (65666)
শোকস্থানসহস্রাণি হর্ষস্থানশতানি চ।
দিবসেদিবসে মূঢমাবিশন্তি ন পণ্ডিতম্॥ 12-25-20 (65667)
এবমেতানি কালেন প্রিয়দ্বেষ্যাণি ভাগশঃ।
জীবেষু পরিবর্তন্তে দুঃখানি চ সুখানি চ॥ 12-25-21 (65668)
দুঃখমেবাস্তি ন সুখং তস্মাত্তদুপলভ্যতে।
তৃষ্ণার্তিপ্রভবং দুঃখং দুঃখার্তিপ্রভবং সুখম্॥ 12-25-22 (65669)
সুখস্যানন্তরং দুঃখং দুঃখস্যানন্তরং সুখম্।
ন নিত্যং লভতে দুঃখং ন নিত্যং লভতে সুখম্॥ 12-25-23 (65670)
সুখমেব হি দুঃখান্তং কদাচিদ্দুঃখতঃ সুখম্।
তস্মাদেতদ্দ্বয়ং জহ্যাদ্য ইচ্ছেচ্ছাশ্বতং সুখম্॥ 12-25-24 (65671)
সুখান্তপ্রভবং দুঃখং দুঃখান্তপ্রভবং সুখম্।
যন্নিমিত্তো ভবেচ্ছোকস্তাপো বা দুঃখমূর্চ্ছিতঃ।
আয়াসো বাঽপি যন্মূলস্তদেকাঙ্গমপি ত্যজেৎ॥ 12-25-25 (65672)
সুখং বা যদি বা দুঃখং প্রিয়ং বা যদি বাঽপ্রিয়ম্।
প্রাপ্তং প্রাপ্তমুপাসীত হৃদয়েনাপরাজিতঃ॥ 12-25-26 (65673)
ঈষদপ্যঙ্গ দারাণাং পুত্রাণামাচরন্প্রিয়ম্।
ততো জ্ঞাস্যসি কঃ কস্য কেন বা কথমেব চ॥ 12-25-27 (65674)
যে চ মূঢতমা লোকে যে চ বুদ্ধেঃ পরং গতাঃ।
ত এব সুখমেধন্তে মধ্যমঃ ক্লিশ্যতে জনঃ॥ 12-25-28 (65675)
ইত্যন্নবীন্মহাপ্রাজ্ঞো যুধিষ্ঠির স সেনজিৎ।
পরাবরজ্ঞো লোকস্য ধর্মবিৎসুখদুঃখবিৎ॥ 12-25-29 (65676)
পরদুঃখেন দুঃখী যো ন স জাতু সুখী ভবেৎ।
দুঃখানাং হি ক্ষয়ো নাস্তি জায়তে হ্যপরাৎপরম্॥ 12-25-30 (65677)
সুখং চ দুঃখং চ ভবাভবৌ চ
লাভালাভৌ মরণং জীবিতং চ।
পর্যায়তঃ সর্বমবাপ্তুবন্তি
তস্মান্ন মুহ্যেন্ন চ সংপ্রহৃষ্যেৎ॥ 12-25-31 (65678)
দীক্ষাং রাজ্ঞাং সংয়ুগে ধর্মমাহু
র্যোগং রাজ্যে দণ্ডনীতিং চ সম্যক্।
বিত্তত্যাগং দক্ষিণাং চৈব যজ্ঞে
সম্যগ্দানং পাবনানীতি বিদ্যাৎ॥ 12-25-32 (65679)
রক্ষন্রাজ্যং বুদ্ধিপূর্বং নয়েন
সংত্যক্তাত্মা যজ্ঞশীলো মহাত্মা।
সর্বাল্লোকান্ধর্মদৃষ্ট্যাবলোক
ন্নূধ্বং দেহান্মোদতে দেবলোকে॥ 12-25-33 (65680)
জিৎবা সংগ্রামান্পালয়িৎবা চ রাষ্ট্রং
সোমং পীৎবা বর্ধয়িৎবা প্রজাশ্চ।
যুক্ত্যা দণ্ডং ধারয়িৎবা প্রজানাং
পশ্চাৎক্ষীণায়ুর্মোদতে দেবলোকে॥ 12-25-34 (65681)
`যজন্তি যজ্ঞান্বিজয়ন্তি রাজ্যং
রক্ষন্তি রাষ্ট্রাণি প্রিয়াণি চৈষাম্।'
সম্যগ্বেদান্প্রাপ্য শাস্ত্রাণ্যধীত্য
সম্যগ্রাজ্যং পালয়িৎবা চ রাজা।
চাতুর্বর্ণ্যং স্থাপয়িৎবা স্বধর্মে
পূতাত্মা বৈ মোদতে দেবলোকে॥ 12-25-35 (65682)
যস্য বৃত্তং নমস্যন্তি স্বর্গস্থস্যাপি মানবাঃ।
পৌরজানপদামাত্যাঃ স রাজা রাজসত্তমঃ॥ ॥ 12-25-36 (65683)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চবিংশোঽধ্যায়ঃ (*)॥ 25॥
Mahabharata - Shanti Parva - Chapter Footnotes
12-25-1 কুপিতে রাজ্যকারণাৎ॥ 12-25-3 বীরবিহীনানাং পতিহীনানাম্॥ 12-25-5 নলভ্যতে বীরো হতবীরাভির্বীরপত্নীভিরিত্যর্থঃ। নাপি তাভ্যঃ কশ্চিৎপতিং দাতুং সমর্থোঽস্তীত্যর্থঃ॥ 12-25-7 নাভূতিকালেষ্বিতি ঝ.পাঠঃ॥ 12-25-8 পুষ্প্যন্তীতি ড. পাঠঃ॥ 12-25-14 পর্যায়ঃ কালগতিঃ॥ 12-25-17 অপচিতিং প্রতীকারম্॥ 12-25-18 দুঃখেষু শোকজেষু মনস্তাপেষু। দুঃখানি শিরস্তাডনাদীনি। দুঃখাদের্দ্বিগুণীকরণং মূঢকার্যমিত্যর্থঃ॥ 12-25-21 যানি প্রিয়াণি তান্যেব কালে দুঃখানি ভবন্তি। যানি দ্বেষ্যাণি তান্যেব সুখানি॥ 12-25-22 তৃষ্ণয়া যাঽঽর্তিরনবস্থিতচিত্ততা তজ্জং দুঃখম্। দুঃখস্যার্তির্বিনাশস্তজ্জং সুখম্॥ 12-25-25 দুঃখমূর্ছিতঃ দুঃখেন বর্ধিতঃ। একাঙ্গমপি সর্পদষ্টাঙ্গুষ্ঠবৎ ত্যজেৎ॥ 12-25-27 কেন হেতুনা কথং কেন প্রকারেণ কস্য সংবন্ধীতি জ্ঞাস্যতি॥ 12-25-31 ভবাভবৌ ঐশ্বর্যানৈশ্বর্যে॥ 12-25-33 সংত্যক্তাত্মা নিরহংকারঃ॥Mahabharata - Shanti Parva - Chapter Text
* এতদনন্তরং একোঽধ্যায়ঃ ধ. পাঠেঽধিকো দৃশ্যতে। 12-25a-1x [বৈশম্পায়ন উবাচ। 12-25a-1a অস্মিন্নেব প্রকরণে ধনঞ্জয়মুদারধীঃ। 12-25a-1b অভিনীততরং বাক্যমিত্যুবাচ যুধিষ্ঠিরঃ॥ 12-25a-2a যদেতন্মন্যসে পার্থ ন জ্যায়োঽস্তি ধনাদিতি। 12-25a-2b ন স্বর্গো ন সুখং নার্থো নির্ধনস্যেতি তন্মৃষা॥ 12-25a-3a স্বাধ্যায়যজ্ঞসংসিদ্ধা দৃশ্যন্তে বহবো জনাঃ। 12-25a-3b তপোরতাশ্চ মুনয়ো যেষাং লোকাঃ সনাতনাঃ॥ 12-25a-4a ঋষীণাং সময়ং শশ্বদ্যে রক্ষন্তি ধনঞ্জয়। 12-25a-4b আশ্রিতাঃ সর্বধর্মজ্ঞা দেবাস্তান্ব্রাহ্মণান্বিদুঃ॥ 12-25a-5a স্বাধ্যায়নিষ্ঠান্হি ঋষীঞ্জ্ঞাননিষ্ঠাংস্তথাঽপরান্। 12-25a-5b বুদ্ধ্যেথাঃ সংততং চাপি ধর্মনিষ্ঠান্ধনঞ্জয়॥ 12-25a-6a জ্ঞাননিষ্ঠেষু কার্যাণি প্রতিষ্ঠাপ্যানি পাণ্ডব। 12-25a-6b বৈখানসানাং বচনং যথা নো বিদিতং প্রভো॥ 12-25a-7a অজাশ্চ পৃশ্নয়শ্চৈব সিকতাশ্চৈব ভারত। 12-25a-7b অরুণাঃ কেতবশ্চৈব স্বাধ্যায়েন দিবং গতাঃ॥ 12-25a-8a অবাপ্যৈতানি কর্মাণি বেদোক্তানি ধনঞ্জয়। 12-25a-8b দানমধ্যযনং যজ্ঞো নিগ্রহশ্চৈব দুর্গ্রহঃ॥ 12-25a-9a দক্ষিণেন চ পন্থানমর্যম্ণো যে দিবং গতাঃ। 12-25a-9b এতান্ক্রিয়াবতাং লোকানুক্তবান্পূর্বমপ্যহম্॥ 12-25a-10a উত্তরেণ তু পন্থানং নিয়মাদ্যং প্রপশ্যসি। 12-25a-10b এতে যাগবতাং লোকা ভান্তি পার্থ সনাতনাঃ॥ 12-25a-11a তত্রোত্তরাং গতিং পার্থ প্রশংসন্তি পুরাবিদঃ। 12-25a-11b সংতোষো বৈ স্বর্গতমঃ সংতোষঃ পরমং সুখম্॥ 12-25a-12a তুষ্টের্ন কিংচিৎপরমং সা সম্যক্ প্রতিতিষ্ঠতি। 12-25a-12b বিনীতক্রোধহর্ষস্য, সততং সিদ্ধিরুত্তমা॥ 12-25a-13a অত্রাপ্যুদাহরন্তীমাং গাথাং গীতাং যয়াতিনা। 12-25a-13b যোঽভিপ্রেত্যাহরেৎকামান্কূর্মোঽঙ্গানীব সর্বশঃ॥ 12-25a-14a যদা চায়ং ন বিভেতি যদা চাস্মান্ন বিভ্যতি। 12-25a-14b যদা নেচ্ছতি ন দ্বেষ্টি ব্রহ্ম সংপদ্যতে তদা॥ 12-25a-15a যদা ন ভাবং কুরুতে সর্বভূতেষু পাপকম্। 12-25a-15b কর্মণা মনসা বাচা ব্রহ্ম সংপদ্যতে তদা॥ 12-25a-16a বিনীতমানমোহশ্চ বহুসঙ্গবিবর্জিতঃ। 12-25a-16b তদাত্মজ্যোতিষঃ সাধো নির্বাণমুপপদ্যতে॥ 12-25a-17a ইদং তু শৃণু মে পার্থ ব্রুবতঃ সংয়তেন্দ্রিয়ঃ। 12-25a-17b ধর্মমন্যে বৃত্তমন্যে ধনমীহন্তি চাপরে॥ 12-25a-18a ধনহেতোর্য ঈহেত তস্যানীহা গরীয়সী। 12-25a-18b ভূয়ান্দোষো হি বিত্তস্য যশ্চ ধর্মস্তদাশ্রয়ঃ॥ 12-25a-19a প্রত্যক্ষমনুপশ্যামি ৎবমপি দ্রষ্টুমর্হসি। 12-25a-19b বর্জনং বর্জনীয়ানামীহামনেন দুষ্করম্॥ 12-25a-20a যে বিত্তমভিপদ্যন্তে সম্যক্ৎবং তেষু দুর্লভম্। 12-25a-20b দ্রুহ্যতঃ প্রৈতি তৎপ্রাহুঃ প্রতিকূলং যথাতথম্॥ 12-25a-21a যস্তু সংভিন্নবৃত্তঃ স্যাদ্বীতশোকভয়ো নরঃ। 12-25a-21b অল্পেন তৃষিতো দ্রুহ্যন্ ভ্রূণহত্যাং ন বুধ্যতে॥ 12-25a-22a দুষ্যন্ত্যাদদতো ভৃত্যা নিত্যং দস্যুভয়াদিব। 12-25a-22b দুর্লভং চ ধনং প্রাপ্য ভৃশং দৎবাঽনুতপ্যতে॥ 12-25a-23a অধনঃ কস্য কিং বাচ্যো বিমুক্তঃ সর্বশঃ সুখী। 12-25a-23b দেবস্বমুপগৃহ্যৈব ধনেন ন সুখী ভবেৎ॥ 12-25a-24a তত্র গাথাং যজ্ঞগীতাং কীর্তয়ন্তি পুরাবিদঃ। 12-25a-24b ত্রয়ীমুপাশ্রিতাং লোকে যজ্ঞসংস্তরকারিকাম্॥ 12-25a-25a যজ্ঞায় সৃষ্টানি ধনানি ধাত্রা 12-25a-25b যজ্ঞায় সৃষ্টঃ পুরুষো রক্ষিতা চ। 12-25a-25c তস্মাৎসর্বং যজ্ঞ এবোপয়োজ্যং 12-25a-25d ধনং ন কামায় হিতং প্রশস্তম্॥ 12-25a-26a এতৎস্বার্থে চ কৌন্তেয় ধনং ধনবতাং বর। 12-25a-26b ধাতা দদাতি মর্ত্যেভ্যো যজ্ঞার্থমিতি বিদ্ধি তৎ॥ 12-25a-27a তস্মাদ্বুদ্ধ্যন্তি পুরুষা ন হি তৎকস্যচিদ্ভুবম্। 12-25a-27b শ্রদ্দধানস্ততো লোকো দদ্যাচ্চৈব যজেত চ॥ 12-25a-28a লব্ধস্য ত্যাগমিত্যাহুর্ন ভোগং ন চ সংক্ষয়ম্। 12-25a-28b তস্য কিং সংচয়েনার্থঃ কার্যে জ্যায়সি তিষ্ঠতি॥ 12-25a-29a যে স্বধর্মাদপেতেভ্যঃ প্রয়চ্ছন্ত্যল্পবুদ্ধয়ঃ। 12-25a-29b শতং বর্ষাণি তে প্রেত্য পুরীষং ভুঞ্জতে জনাঃ॥ 12-25a-30a অনর্হতে যদ্দদাতি ন দদাতি যদর্হতে। 12-25a-30b অর্হানর্হাপরিজ্ঞানাদ্দানধর্মোঽপি দুষ্করঃ॥ 12-25a-31a লব্ধানামপি বিত্তানাং বোদ্ধব্যৌ দ্বাবতিক্রমৌ। 12-25a-31b অপাত্রে প্রতিপত্তিশ্চ পাত্রে চাপ্রতিপাদনম্॥]
Mahabharata - Shanti Parva - Chapter Footnotes
12-25a-4 সময়ং অধ্যযনসংপ্রদায়স্যাবিচ্ছেদং আশ্রিতা আশ্রমিণঃ। ব্রহ্মচারিণ ইত্যর্থঃ॥ 12-25a-6 কার্যাণি রাজকার্যাণি। প্রতিষ্ঠাপ্যানি তদ্বচসানুষ্ঠেয়ানীত্যর্থঃ। বৈখানসানাং বানপ্রস্থানাম্॥ 12-25a-7 অজাদয়ো বালখিল্যবদৃষীণাং গণবিশেষাঃ॥ 12-25a-9 এতান্ দ্যুরূপান্। ক্রিয়াবতাং কর্মিণাম্॥ 12-25a-10 উত্তরেণ উত্তরতঃ স্থিতম্॥ 12-25a-12 সা তুষ্টিঃ পরমবৈরাগ্যাভিধা উত্তমা সিদ্ধিঃ। বিনীতক্রোধহর্ষস্য ক্রোধাদিজয়িনঃ সম্যক্ প্রতিতিষ্ঠতি ইতরস্য তু নেত্যর্থঃ॥ 12-25a-16 আত্মজ্যোতিষঃ আত্মজ্ঞস্য। নির্বাণং মোক্ষঃ॥ 12-25a-17 বৃত্তং শীলম্। ঈহন্তি ঈহন্তে॥ 12-25a-18 ধনহেতোঃ ধর্মায় বিত্তস্যার্জনে ইতি শেষঃ। তদাশ্রয়ো ধর্মো যজ্ঞাদিস্তস্মিন্নপি ভূয়ান্দোষোঽস্তি॥ 12-25a-19 ঈহমানেন ধনার্থিনা॥ 12-25a-20 সম্যক্ৎবং সাধুকর্ম দ্রুহ্যতঃ। দ্রোহয়ুক্তানেব তদ্ধনং প্রেতি ন ৎবদ্রোহানিতি প্রাহুঃ। হিংসাং বিনা ধনপ্রাপ্তির্নাস্তীত্যর্থঃ। প্রাপ্তমপি যথায়থং সর্বথা প্রতিকূলং নানাভয়হেতুৎবাৎ॥ 12-25a-21 অল্পার্থেঽপি ব্রহ্মহত্যামর্জয়তীত্যর্থঃ॥ 12-25a-22 দুর্লভং ধনং প্রাপ্যানুকূলেভ্যোঽপি ভৃত্যেভ্যো দত্ৎবা দস্যুভয়াদিব ভৃশমনুতপ্যত ইতি সংবন্ধঃ। বিত্তব্যযে মহদ্দুঃখং ভবতীত্যর্থঃ॥ 12-25a-23 দেবস্বং তথা ত্রৈবার্ষিকাধিকান্নো যঃ সহি সোমং পিবেদ্দ্বিজঃ। প্রাক্সৌমিকীঃ ক্রিয়াঃ কুর্যাদ্যস্যান্নং বার্ষিকং ভবেদিতি স্মৃতেরল্পমপি সংচিতং ধনং দেবস্বমেব। তদপ্যুপসংগৃহ্য দেবেভ্যোঽদত্ৎবৈব ন তেন তাবতাপি সুখী ভবেৎকিং তু লাভাল্লোভঃ প্রবর্তত ইতিন্যায়েন তৃষ্ণাধিক্যাদ্দুঃখমেবানুভবতীত্যর্থঃ॥ 12-25a-24 গাথাং বৈদিকজনে যজ্ঞপ্রতিষ্ঠাকরীম্॥ 12-25a-26 চাদ্যজ্ঞার্থেঽপি॥ 12-25a-28 ইত্যাহুঃ প্রশস্তমাহুরিত্যর্থঃ। কার্যে ত্যাগরূপে॥শান্তিপর্ব - অধ্যায় 026
॥ শ্রীঃ ॥
12.26. অধ্যায়ঃ 026
Mahabharata - Shanti Parva - Chapter Topics
যুধিষ্ঠিরেণ ব্যাসংপ্রতি নির্বেদবচনম্॥ 1॥ ব্যাসেন যুধিষ্ঠিরংপ্রতি রাজ্যপালনবিধানম্॥ 2॥Mahabharata - Shanti Parva - Chapter Text
12-26-0 (75715)
যুধিষ্ঠির উবাচ। 12-26-0x (6266)
অভিমন্যৌ হতে বালে দ্রৌপদ্যাস্তনয়েষু চ।
ধৃষ্টদ্যুম্নে বিরাটে চ দ্রুপদে চ মহীপতৌ॥ 12-26-1 (75716)
বৃষসেনে চ ধর্মজ্ঞে ধৃষ্টকেতৌ তু পার্থিবে।
তথাঽন্যেষু নরেন্দ্রেষু নানাদেশ্যেষু সংয়ুগে॥ 12-26-2 (75717)
ন চ মুঞ্চতি মাং শোকো জ্ঞাতিঘাতিনমাতুরম্।
রাজ্যকামুকমত্যুগ্রং স্ববংশোচ্ছেদকারিণম্॥ 12-26-3 (75718)
যস্যাঙ্কে ক্রীডমানেন ময়া বিপরিবর্তিতম্।
স ময়া রাজ্যলুব্ধেন গাঙ্গেয়ো যুধি পাতিতঃ॥ 12-26-4 (75719)
যদা হ্যেনং বিঘূর্ণন্তং মদর্থং পার্থসায়কৈঃ।
তক্ষ্যমাণং যথা বজ্রৈঃ প্রেক্ষমাণং শিখণ্ডিনম্॥ 12-26-5 (75720)
জীর্ণসিংহমিব প্রাজ্ঞং নরসিংহং পিতামহম্।
কীর্যমাণং শরৈর্দীপ্তৈর্দৃষ্ট্বা মে ব্যথিতং মনঃ॥ 12-26-6 (75721)
প্রাড্ভুখং সীদমানং চ রথাৎপররথারুজম্।
ঘূর্ণমানং যথা শৈলং তদা মে কশ্মলোঽভবৎ॥ 12-26-7 (75722)
যঃ সবাণধনুষ্পাণির্যোধয়ামাস ভার্গবম্।
বহূন্যহানি কৌরব্যঃ কুরুক্ষেত্রে মহামৃধে॥ 12-26-8 (75723)
সমেতং পার্থিবং ক্ষত্রং বারাণস্যাং নদীসুতঃ।
কন্যার্থমাহ্বয়দ্বীরো রথেনৈকেন সংয়ুগে॥ 12-26-9 (75724)
যেন চোগ্রায়ুধো রাজা চক্রবর্তী দুরাসদঃ।
দগ্ধশ্চাস্ত্রপ্রতাপেন স ময়া যুধি পাতিতঃ॥ 12-26-10 (75725)
স্বয়ং মৃত্যুং রক্ষমাণঃ পাঞ্চাল্যং যঃ শিখণ্ডিনম্।
ন বাণৈঃ পাতয়ামাস সোঽর্জুনেন নিপাতিতঃ॥ 12-26-11 (75726)
যদৈনং পতিতং ভূমাবপশ্যং রুধিরোক্ষিতম্।
তদৈবাবিশদন্যুগ্রো জ্বরো মাং মুনিসত্তম॥ 12-26-12 (75727)
যেন সংবর্ধিতা বালা যেন স্ম পরিরক্ষিতাঃ।
স ময়া রাজ্যলুব্ধেন পাপেন গুরুধাতিনা।
অল্পকালস্য রাজ্যস্য কৃতে মূঢেন পাতিতঃ॥ 12-26-13 (75728)
আচার্যশ্চ মহেষ্বাসঃ সর্বপার্থিবপূজিতঃ।
অভিগম্য রণে মিথ্যা পাপেনোক্তঃ সুতং প্রতি॥ 12-26-14 (75729)
তন্মে দহতি গাত্রাণি যন্মাং গুরুরভাষত।
সত্যমাখ্যাহি রাজংস্ৎবং যদি জীবতি মে সুতঃ॥ 12-26-15 (75730)
সত্যমামর্শয়ন্বিপ্রো ময়ি তৎপরিপৃষ্টবান্।
কুঞ্জরং চান্তরং কৃৎবা মিথ্যোপচরিতো ময়া॥ 12-26-16 (75731)
সুভৃশং রাজ্যলুব্ধেন পাপেন গুরুঘাতিনা।
সত্যকঞ্চুকমুন্মুচ্য ময়া স গুরুরাহবে॥ 12-26-17 (75732)
অশ্বত্থামা হত ইতি নিরুক্তঃ কুঞ্জরে হতে।
কাঁল্লোকাংস্তু গমিষ্যামি কৃৎবা কর্ম সুদুষ্করম্॥ 12-26-18 (75733)
অঘাতয়ং চ যৎকর্ণং সমরেষ্বপলায়িনম্।
জ্যেষ্ঠভ্রাতরমত্যুগ্রঃ কো মত্তঃ পাপকৃত্তমঃ॥ 12-26-19 (75734)
অভিমন্যুং চ যদ্বালং জাতং সিংহমিবাদ্রিষু।
প্রাবেশয়মহং লুব্ধো বাহিনীং দ্রোণপালিতাম্॥ 12-26-20 (75735)
তদাপ্রভৃতি বীভৎসুং ন শক্নোমি নিরীক্ষিতুম্।
কৃষ্ণং চ পুণ্ডরীকাক্ষং কিল্বিষী ভ্রূণহা যথা॥ 12-26-21 (75736)
দ্রৌপদীং চাপ্যদুঃখার্হাং পঞ্চপুত্রৈর্বিনাকৃতাম্।
শোচামি পৃথিবীং হীনাং পঞ্চভিঃ পর্বতৈরিব॥ 12-26-22 (75737)
সোঽহমাগস্করঃ পাপঃ পৃথিবীনাশকারকঃ।
আসীন এবমেবেদং শোষয়িষ্যে কলেবরম্॥ 12-26-23 (75738)
প্রায়োপবিষ্টং জানীধ্বমথ মাং গুরুঘাতিনম্।
জাতিষ্বন্যাস্বপি যথা ন ভবেয়ং কুলান্তকৃৎ॥ 12-26-24 (75739)
ন ভোক্ষ্যে ন চ পানীয়মুপয়োক্ষ্যে কথংচন।
শোষয়িষ্যে প্রিয়ান্প্রাণানিহস্থোঽহং তপোধনাঃ॥ 12-26-25 (75740)
যথেষ্টং গম্যতাং কামমনুজানে প্রসাদ্য বঃ।
সর্বে মামনুজানীত ত্যক্ষ্যামীদং কলেবরম্॥ 12-26-26 (75741)
বৈশম্পায়ন উবচা। 12-26-27x (6267)
তমেবংবাদিনং পার্থং বন্ধুশোকেন বিহ্বলম্।
মৈবমিত্যব্রবীদ্ব্যাসো নিগৃহ্য মুনিসত্তমঃ॥ 12-26-27 (75742)
ব্যাস উবাচ। 12-26-28x (6268)
অতিবেলং মহারাজ ন শোকং কর্তুমর্হসি।
পুনরুক্তং তু বক্ষ্যামি দিষ্টমেতদিতি প্রভো॥ 12-26-28 (75743)
সংয়োগা বিপ্রয়োগাশ্চ জাতানাং প্রাণিনাং ধ্রুবম্।
বুদ্ধুদা ইব তোয়েষু ভবন্তি ন ভবন্তি চ॥ 12-26-29 (75744)
সর্বে ক্ষয়ান্তা নিচয়াঃ পতনান্তাঃ সমুচ্ছ্রয়াঃ।
সংয়োগা বিপ্রয়োগান্তা মরণান্তং হি জীবিতম্॥ 12-26-30 (75745)
সুখং দুঃখান্তমালস্যং দাক্ষ্যং দুঃখং সুখোদয়ম্।
ভূতিঃ শ্রীর্হ্রীর্ধৃতিঃ কীর্তির্দক্ষে বসতি নালসে॥ 12-26-31 (75746)
নালং সুখায় সুহৃদো নালে দুঃখায় শত্রবঃ।
ন চ প্রজ্ঞালমর্থেভ্যো ন সুখেভ্যোঽপ্যলং ধনম্॥ 12-26-32 (75747)
যথা সৃষ্টোঽসি কৌন্তেয় ধাত্রা কর্মসু তৎক্ররু।
অত এব হি সিদ্ধিস্তে নেশস্ৎবং হ্যাত্মনো নৃপ॥ ॥ 12-26-33 (75748)
ইতি শ্রীমন্মহাভারতে শান্তিপর্বণি রাজধর্মপর্বণি ষঙ্বিশোঽধ্যায়ঃ॥ 26॥
Mahabharata - Shanti Parva - Chapter Footnotes
12-26-2 বৃষসেনে কর্ণে॥ 12-26-7 পররথারুজং পররথানাং পীডকম্॥ 12-26-16 আমর্শয়ন্নিশ্চিন্বন্॥ 12-26-28 অতিবেলমত্যর্থম্॥ 12-26-39 আলস্যং তৎকালে সুখমপি দুঃখান্তম্। দাক্ষ্যং তৎকালে দুঃখমপি সুখোদয়ম্। ভূতিঃ অণিমাদিঃ॥শান্তিপর্ব - অধ্যায় 027
॥ শ্রীঃ ॥
12.27. অধ্যায়ঃ 027
Mahabharata - Shanti Parva - Chapter Topics
ব্যাসেন যুধিষ্ঠিরংপ্রত্যশ্মজনকসংবাদানুবাদপূর্বকং ক্ষাত্রধর্মবিধানম্॥ 1॥Mahabharata - Shanti Parva - Chapter Text
12-27-0 (65684)
বৈশম্পায়ন উবাচ। 12-27-0x (5379)
জ্ঞাতিশোকাভিতপ্তস্য প্রাণানিষ্টাংস্ত্যজিষ্যতঃ।
জ্যেষ্ঠস্য পাণ্ডুপুত্রস্য ব্যাসঃ শোকমপানুদৎ॥ 12-27-1 (65685)
ব্যাস উবাচ। 12-27-2x (5380)
অত্রাপ্যুদাহরন্তীমভিতিহাসং পুরাতনম্।
অশ্মগীতং নরব্যাঘ্র তন্নিবোধ যুধিষ্ঠির॥ 12-27-2 (65686)
অশ্মানং ব্রাহ্মণং প্রাজ্ঞং বৈদেহো জনকো নৃপঃ।
সংশয়ং পরিপপ্রচ্ছ দুঃখশোকসমন্বিতঃ॥ 12-27-3 (65687)
জনক উবাচ। 12-27-4x (5381)
আগমে যদি বাঽপায়ে জ্ঞাতীনাং দ্রবিণস্য চ।
নরেণ প্রতিপত্তব্যং কল্যাণং কথমিচ্ছতা॥ 12-27-4 (65688)
অশ্মোবাচ। 12-27-5x (5382)
উৎপন্নমিমমাত্মানং নরস্যানন্তরং ততঃ।
তানিতান্যনুবর্তন্তে দুঃখানি চ সুখানি চ॥ 12-27-5 (65689)
তেষামন্যতরাপত্তৌ যদ্যদেবোপসেবতে।
তদস্য চেতনামাশু হরত্যভ্রমিবানিলঃ॥ 12-27-6 (65690)
অভিজাতোঽস্মি সিদ্ধোঽস্মি নাস্মি কেবলমানুষঃ।
ইত্যেভির্হেতুভিস্তস্য ত্রিভিশ্চিত্তং প্রসিচ্যতে॥ 12-27-7 (65691)
সংপ্রসক্তমনা ভোগান্বিসৃজ্য পিতৃসংচিতান্।
পরিক্ষীণঃ পরস্বানামাদানং সাধু মন্যতে॥ 12-27-8 (65692)
তমতিক্রান্তমর্যাদমাদদানমসাংপ্রতম্।
প্রতিষেধন্তি রাজানো লুব্ধা মৃগমিবেষুভিঃ॥ 12-27-9 (65693)
যে চ বিংশতিবর্ষা বা ত্রিংশদ্বর্ষাশ্চ মানবাঃ।
পরেণ তে বর্ষশতান্ন ভবিষ্যন্তি পার্থিব॥ 12-27-10 (65694)
তেষাং পরমদুঃখানাং বুদ্ধ্যা ভৈষজ্যমাচরেৎ।
সর্বপ্রাণভৃতাং বৃত্তং প্রেক্ষমাণস্ততস্ততঃ॥ 12-27-11 (65695)
মানসানাং পুনর্যোনির্দুঃখানাং চিত্তবিভ্রমঃ।
অনিষ্টোপনিপাতো বা তৃতীয়ং নোপপদ্যতে॥ 12-27-12 (65696)
এবমেতানি দুঃখানি তানি তানীহ মানবম্।
বিবিধান্যুপবর্তন্তে তথা সংস্পর্শজান্যপি॥ 12-27-13 (65697)
জরামৃত্যূ হি ভূতানাং খাদিতারৌ বৃকাবিব।
বলিনাং দুর্বলানাং চ হ্রস্বানাং মহতামপি॥ 12-27-14 (65698)
ন কশ্চিজ্জাৎবতিক্রামেজ্জরামৃত্যূ হি মানবঃ।
অপি সাগরপর্যন্তাং বিজিত্যেমাং বসুংধরাম্॥ 12-27-15 (65699)
সুখং বা যদি বা দুঃখং ভূতানাং পর্যুপস্থিতম্।
প্রাপ্তব্যমবশৈঃ সর্বং পরিহারো ন বিদ্যতে॥ 12-27-16 (65700)
পূর্বে বয়সি মধ্যে বাঽপ্যুত্তরে বা নরাধিপ।
অবর্জনীয়াস্তেঽর্থা বৈ কাঙ্ক্ষিতা যে ততোঽন্যথা॥ 12-27-17 (65701)
অপ্রিয়ৈঃ সহ সংয়োগো বিপ্রয়োগশ্চ সুপ্রিয়ৈঃ।
অর্থানর্থৌ সুখং দুঃখং বিধানমনুবর্ততে॥ 12-27-18 (65702)
প্রাদুর্ভাবশ্চ ভূতানাং দেহত্যাগস্তথৈব চ।
প্রাপ্তিব্যায়াময়োগশ্চ সর্বমেতৎপ্রতিষ্ঠিতম্॥ 12-27-19 (65703)
গন্ধবর্ণরসস্পর্শা নিবর্তন্তে স্বভাবতঃ।
তথৈব সুখদুঃখানি বিধানমনুবর্ততে॥ 12-27-20 (65704)
আসনং শয়নং যানমুত্থানং পানভোজনম্।
নিয়তং সর্বভূতানাং কালেনৈব ভবত্যুত॥ 12-27-21 (65705)
বৈদ্যাশ্চাপ্যাতুরাঃ সন্তি বলবন্তশ্চ দুর্বলাঃ।
স্ত্রীমন্তশ্চাপরে ষণ্ঢা বিচিত্রঃ কালপর্যযঃ॥ 12-27-22 (65706)
কুলে জন্ম তথা বীর্যমারোগ্যং রূপমেব চ।
সৌভাগ্যমুপভোগশ্চ ভবিতব্যেন লভ্যতে॥ 12-27-23 (65707)
সন্তি পুত্রাঃ সুবহবো দরিদ্রাণামনিচ্ছতাম্।
নাস্তি পুত্রঃ সমৃদ্ধানাং বিচিত্রং বিধিচেষ্টিতম্॥ 12-27-24 (65708)
ব্যাধিরগ্নির্জলং শস্ত্রং বুভুক্ষাশ্চাপদো বিষম।
জ্বরশ্চ মরণং জন্তোরুচ্চাচ্চ পতনং তথা॥ 12-27-25 (65709)
নির্যাণে যস্য যদ্দিষ্টং তেন গচ্ছতি সেতুনা।
দৃশ্যতে নাপ্যতিক্রামন্ন নিষ্ক্রান্তোঽথবা পুনঃ।
দৃশ্যতে চাপ্যতিক্রামন্ন নিগ্রাহ্যোঽথবা পুনঃ॥ 12-27-26 (65710)
দৃশ্যতে হি যুবৈবেহ বিনশ্যন্বসুমান্নরঃ।
দরিদ্রশ্চ পরিক্লিষ্টঃ শতবর্ষো জরান্বিতঃ॥ 12-27-27 (65711)
অকিঞ্চনাশ্চ দৃশ্যন্তে পুরুষাশ্চিরজীবিনঃ।
সমৃদ্ধে চ কুলে জাতা বিনশ্যন্তি পতঙ্গবৎ॥ 12-27-28 (65712)
প্রায়েণ শ্রীমতাং লোকে ভোক্তুং শক্তির্ন বিদ্যতে।
দরিদ্রাণাং তু ভূয়িষ্ঠং কাষ্ঠমশ্মা হি জীর্যতে॥ 12-27-29 (65713)
অহমেতৎকরোমীতি মন্যতে কালনোদিতঃ।
যদ্যদিষ্টমসংতোষাহুরাত্মা পাপমাচরেৎ॥ 12-27-30 (65714)
মৃগয়াক্ষাঃ স্ত্রিয়ঃ পানং প্রসঙ্গা নিন্দিতা বুধৈঃ।
দৃশ্যন্তে পুরুষাশ্চাত্র সংপ্রয়ুক্তা বহুশ্রুতাঃ॥ 12-27-31 (65715)
ইতি কালেন সর্বার্থানীপ্সিতানীপ্সিতানিহ।
স্পৃশন্তি সর্বভূতানি নিমিত্তং নোপলভ্যতে॥ 12-27-32 (65716)
বায়ুমাকাশমগ্নিং চ চন্দ্রাদিত্যাবহঃ ক্ষপে।
জ্যোতীংষি সরিতঃ শৈলান্কঃ করোতি বিভতিং চ॥ 12-27-33 (65717)
শীতমুষ্ণং তথা বর্ষং কালেন পরিবর্ততে।
এবমেব মনুষ্যাণাং সুখদুঃখে নরর্ষভ॥ 12-27-34 (65718)
নৌষধানি ন শস্ত্রাণি ন হোমা ন পুনর্জপাঃ।
ত্রায়ন্তে মৃত্যুনোপেতং জরয়া চাপি মানবম্॥ 12-27-35 (65719)
যথা কাষ্ঠং চ কাষ্ঠং চ সমেয়াতাং মহোদধৌ।
সমেত্য চ ব্যপেয়াতাং তদ্বদ্ভূতসমাগমঃ॥ 12-27-36 (65720)
যে চ নিষ্পরুষৈরুক্তগীতবাদ্যৈরুপস্থিতাঃ।
যে চানাথাঃ পরান্নাদাঃ কালস্তেষু সমক্রিয়ঃ॥ 12-27-37 (65721)
মাতাপিতৃসহস্রাণি পুত্রদারশতানি চ।
সংসারেষ্বনুভূতানি কস্য তে কস্য বা বয়ম্॥ 12-27-38 (65722)
নৈবাস্য কশ্চিদ্ভবিতা নায়ং ভবতি কস্যচিৎ।
পথি সংগতমেবেদং দারবন্ধুসুহৃজ্জনৈঃ॥ 12-27-39 (65723)
ক্বাসে ক্ব চ গমিষ্যামি কোঽন্বহং কিমিহাস্থিতঃ।
কস্মাৎকিমনুশোচেয়মিত্যেবং স্থাপয়েন্মনঃ॥ 12-27-40 (65724)
অনিত্যে প্রিয়সংবাসে সংসারে চক্রবদ্গতৌ।
পথি সংগতমেবৈতদ্ধাতা মাতা পিতা সখা॥ 12-27-41 (65725)
ন দৃষ্টপূর্বং প্রত্যক্ষং পরলোকং বিদুর্বুধাঃ।
আগমাংস্ৎবনতিক্রম্য শ্রদ্ধাতব্যং বুভূষতা॥ 12-27-42 (65726)
কুর্বীত পিতৃদৈবত্যং ধর্ম্যাণি চ সমাচরেৎ।
যজেচ্চ বিদ্বান্বিধিবত্রিবর্গং চাপ্যুপাচরেৎ॥ 12-27-43 (65727)
সন্নিমজ্জেজ্জগদিদং গম্ভীরে কালসাগরে।
জরামৃত্যুমহাগ্রাহে ন কশ্চিদববুধ্যতে॥ 12-27-44 (65728)
আয়ুর্বেদমধীয়ানাঃ কেবলং সপরিগ্রহাঃ।
দৃশ্যন্তে বহবো বৈদ্যা ব্যাধিভিঃ সমবিপ্লুতাঃ॥ 12-27-45 (65729)
তে পিবন্তঃ কষায়াংশ্চ সর্পীষি বিবিধানি চ।
ন মৃত্যুমতিবর্তন্তে বেলামিব মহোদধিঃ॥ 12-27-46 (65730)
রসায়নবিদশ্চৈব সুপ্রয়ুক্তরসায়নাঃ।
দৃশ্যন্তে জরয়া ভগ্না নাগা নাগৈরিবোত্তমৈঃ॥ 12-27-47 (65731)
তথৈব তপসোপেতাঃ স্বাধ্যায়াধ্যযনে রতাঃ।
দাতারো যজ্ঞশীলাশ্চ ন তরন্তি জরান্তকৌ॥ 12-27-48 (65732)
ন হ্যহানি নিবর্তন্তে ন মাসা ন পুনঃ সমাঃ।
জাতানাং সর্বভূতানাং ন পুনর্বৈ সমাগমঃ॥ 12-27-49 (65733)
সোঽয়ং বিপুলমধ্বানং কালেন ধ্রুবমধ্রুবঃ।
স্রোতসৈব সমভ্যেতি সর্বভূতনিষেবিতম্॥ 12-27-50 (65734)
দেহো বা জীবিতাদ্ব্যেতি দেহী বাঽপ্যেতি দেহতঃ।
পথি সংগতমেবেদং দারৈরন্যৈশ্চ বন্ধুভিঃ॥ 12-27-51 (65735)
নায়মত্যন্তসংবাসো লভ্যতে জাতু কেনচিৎ।
অপি স্বেন শরীরেণ কিমুতান্যেন কেনচিৎ॥ 12-27-52 (65736)
ক্বনু তেঽদ্য পিতা রাজন্ক্বনু তেঽদ্য পিতামহাঃ।
ন ৎবং পশ্যসি তানদ্য ন ৎবাং পশ্যন্তি তেঽনঘ॥ 12-27-53 (65737)
ন চৈব পুরুষো দ্রষ্টা স্বর্গস্য নরকস্য চ।
আগমস্তু সতাং চক্ষুর্নৃপতে তমিহাচর॥ 12-27-54 (65738)
চরিতব্রহ্মচর্যো হি প্রজায়েত যজেত চ।
পিতৃদেবমনুষ্যাণামানৃণ্যাদনসূয়কঃ॥ 12-27-55 (65739)
স যজ্ঞশীলঃ প্রজনে নিবিষ্টঃ
প্রাগ্ব্রহ্মচারী প্রবিভক্তভৈক্ষঃ।
আরাধয়েৎস্বর্গমিমং চ লোকং
পরং চ মুক্ৎবা হৃদয়ব্যলীকম্॥ 12-27-56 (65740)
সম্যক্স্বধর্মং চরতো নৃপস্য
দ্রব্যাণি চাভ্যাহরতো যথাবৎ।
প্রবৃদ্ধচক্রস্য যশোঽভিবর্ধতে
সর্বেষু লোকেষু চরাচরেষু॥ 12-27-57 (65741)
ইত্যেবমাকর্ণ্য বিদেহরাজো
বাক্যং সমগ্রং পরিপূর্ণহেতু।
অশ্মানমামন্ত্র্য বিশুদ্ধবুদ্ধি
র্যযৌ গৃহং স্বং প্রতি শান্তশোকঃ॥ 12-27-58 (65742)
তথা ৎবমপ্যদ্য বিমুচ্য শোক
মুত্তিষ্ঠ শক্রোপম হর্ষমেহি।
ক্ষাত্রেণ ধর্মেণ মহী জিতা তে
তাং ভুঙ্ক্ষ্ব কুন্তীসুত মাবমংস্থাঃ॥ ॥ 12-27-59 (65743)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তবিংশোঽধ্যায়ঃ॥
Mahabharata - Shanti Parva - Chapter Footnotes
12-27-1 প্রাণানভ্যুৎসিসৃক্ষত ইতি ঝ. পাঠঃ। তত্র অভ্যুৎসিসৃক্ষতঃ ত্যক্তুমিচ্ছত ইত্যর্থঃ॥ 12-27-5 আত্মানং দেহম্। উৎপন্নমনু অনন্তরং অব্যবধানেনৈব॥ 12-27-7 প্রসিচ্যতে ক্লিন্নং শ্লথং ভবতীত্যর্থঃ॥ 12-27-8 ভোগান্ ভোগ্যার্থান্ ধনাদীন্ বিসৃজ্য আদাচৌর্যং সাধু হিতম্॥ 12-27-9 অসাংপ্রতময়ুক্তম্। লুব্ধা ব্যাধা॥ 12-27-10 বর্ষশতাৎ পরেণ ঊর্ধ্বম্॥ 12-27-11 তেষাং দারিদ্র্যোত্থানভৈষজ্যং প্রতীকারম্॥ 12-27-13 সংস্পর্শজানি বিষয়সঙ্গজানি॥ 12-27-17 তেঽর্থা জরাদয়ঃ পদার্থাঃ। ততোঽন্যথাঽজরৎবাদিরূপেণ যে মনুষ্যস্য কাঙ্ক্ষিতা ইষ্টাঃ॥ 12-27-18 বিধানমদৃষ্টম্॥ 12-27-19 প্রাপ্তির্লাভো ব্যায়ামঃ শ্রমঃ। অলাভ ইতিয়াবৎ। তয়োর্যোগঃ প্রতিষ্ঠিতং বিধানমিত্যনুষজ্যতে॥ 12-27-20 ফলস্থা গন্ধাদয়ো নিবর্তন্তে পূর্বেপূর্বে উত্তরেউত্তরে উপয়ান্তি তথৈব সুখাদীনি অপ্রত্যাখ্যেয়ানি অনুসৃত্য বর্ততে বিদ্বান্॥ 12-27-25 বুভুক্ষাঃ ক্ষুৎপ্রভৃতয়ঃ॥ 12-27-31 প্রসঙ্গা যুদ্ধবিবাদাদয়ঃ। ক্ষত্র মৃগয়াদৌ॥ 12-27-37 উপস্থিতাঃ সেবিতাঃ। কালো মৃত্যুঃ। যে চৈব পুরুষাঃ স্ত্রীভির্গীতবাদ্যৈরুপস্থিতা ইতি ঝ. পাঠঃ॥ 12-27-38 সংসারেষু ব্যতীতেষু তানি তেষু তদা তদেতি ড. থ. পাঠঃ॥ 12-27-40 স্থাপয়েদ্বিচারে ইতি শেষঃ॥ 12-27-47 নাগা গজাঃ। উত্তমৈর্বলিষ্ঠৈঃ॥ 12-27-52 সংবাসঃ সহাবস্থানম্॥ 12-27-55 প্রজায়েত পুত্রাদীনুৎপাদয়েৎ। আনৃণ্যাদ্ধেতোঃ॥ 12-27-56 প্রজনে প্রজোৎপাদনে। হৃদয়ব্যলীকং হৃৎস্থমপ্রিয়ম্॥শান্তিপর্ব - অধ্যায় 028
॥ শ্রীঃ ॥
12.28. অধ্যায়ঃ 028
Mahabharata - Shanti Parva - Chapter Topics
কৃষ্ণেন যুধিষ্ঠিরংপ্রতি সৃঞ্জয়ায় নারদোক্তষোডশরাজোপাখ্যানকথনম্॥ 1॥Mahabharata - Shanti Parva - Chapter Text
12-28-0 (65744)
বৈশম্পায়ন উবাচ। 12-28-0x (5383)
অব্যাহরতি রাজেন্দ্রে ধর্মপুত্রে যুধিষ্ঠিরে।
গুডাকেশো হৃষীকেশমভ্যভাষত পাণ্ডবঃ॥ 12-28-1 (65745)
অর্জুন উবাচ। 12-28-2x (5384)
জ্ঞাতিশোকাভিসংতপ্তো ধর্মপুত্রঃ পরংতপঃ।
এষ শোকার্ণবে মগ্নস্তমাশ্বাসয় মাধব॥ 12-28-2 (65746)
সর্বে স্ম তে সংশয়িতাঃ পুনরেব জনার্দন।
অস্য শোকং মহাপ্রাজ্ঞ প্রণাশয়িতুমর্হসি॥ 12-28-3 (65747)
বৈশম্পায়ন উবাচ। 12-28-4x (5385)
এবমুক্তস্তু গোবিন্দো বিজয়েন মহাত্মনা।
পর্যবর্তত রাজানং পুণ্ডরীকেক্ষণোঽচ্যুতঃ॥ 12-28-4 (65748)
অনতিক্রমণীয়ো হি ধর্মরাজস্য কেশবঃ।
বাল্যাৎপ্রভৃতি গোবিংদঃ প্রীত্যা চাভ্যধিকোর্জুনাৎ॥ 12-28-5 (65749)
সংপ্রগৃহ্য মহাবাহুর্ভুজং চন্দনভূষিতম্।
শৈলস্তম্ভোপমং শৌরিরুবাচাভিবিনোদয়ন্॥ 12-28-6 (65750)
শুশুভে বদনং তস্য সুদংষ্ট্রং চারুলোচনম্।
ব্যাকোচমিব বিস্পষ্টং পঝং সূর্যবিবোধিতম্॥ 12-28-7 (65751)
বাসুদেব উবাচ। 12-28-8x (5386)
মা কৃথাঃ পুরুষব্যাঘ্র শোকং ৎবং গাত্রশোষণম্।
ন হি তে সুলভা ভূয়ো যে হতাঽস্মিন্রণাজিরে॥ 12-28-8 (65752)
স্বপ্নলব্ধা যথা লাভা বিতথাঃ প্রতিবোধনে।
তথা তে ক্ষত্রিয়া রাজন্যে ব্যতীতা মহারণে॥ 12-28-9 (65753)
সর্বে হ্যভিমুখাঃ শূরা নিহতা রণশোভিনঃ।
নৈষাং কশ্চিৎপৃষ্ঠতো বা পলায়ন্বা নিপাতিতঃ॥ 12-28-10 (65754)
সর্বে ত্যক্ৎবাঽঽত্মনঃ প্রাণান্যুদ্ধ্বা বীরা মহামৃধে।
শস্ত্রপূতা দিবং প্রাপ্তা ন তাঞ্ছোচিতুমর্হসি॥ 12-28-11 (65755)
ক্ষত্রধর্মরতাঃ শূরা বেদবেদাঙ্গপারগাঃ।
প্রাপ্তা বীরগতিং পুণ্যাং তান্ন শোচিতুমর্হসি।
মৃতান্মহানুভাবাংস্ৎবং শ্রুৎবৈব পৃথিবীপতীন্॥ 12-28-12 (65756)
অত্রৈবোদাহরন্তীমমিতিহাসং পুরাতনম্।
সৃঞ্জয়ং পুত্রশোকার্তং যথাঽয়ং নারদোঽব্রবীৎ॥ 12-28-13 (65757)
নারদ উবাচ। 12-28-14x (5387)
সুখদুঃখৈরহং ৎবং চ প্রজাঃ সর্বাশ্চ সৃঞ্জয়।
অবিমুক্তা মরিষ্যামস্তত্র কা পরিদেবনা॥ 12-28-14 (65758)
মহাভাগ্যং পুরা রাজ্ঞাং কীর্ত্যমানং ময়া শৃণু।
গচ্ছাবধানং নৃপতে ততো দুঃখং প্রহাস্যসি॥ 12-28-15 (65759)
মৃতান্মহানুভাবাংস্ৎবং শ্রুৎবৈব পৃথিবীপতীন্।
শমমানয় সংতাপং শৃণু বিস্তরশশ্চ মে।
ক্রূরগ্রহাভিশমনমায়ুর্বর্ধনমুত্তমম্॥ 12-28-16 (65760)
অগ্রিমাণাং ক্ষিতিভুজামুদারং চ মনোহরম্।
আবিক্ষিতং মরুত্তং চ মৃতং সৃঞ্জয় শুশ্রুম॥ 12-28-17 (65761)
যস্য সেন্দ্রাঃ সবরুণা বৃহস্পতিপুরোগমাঃ।
দেবা বিশ্বসৃজো রাজ্ঞো যজ্ঞমীয়ুর্মহাত্মনঃ॥ 12-28-18 (65762)
যঃ স্পর্ধামানয়চ্ছক্রং দেবরাজং পুরংদরম্।
শক্রপ্রিয়ৈষী যং বিদ্বান্প্রত্যাচষ্ট বৃহস্পতিঃ॥ 12-28-19 (65763)
সংবর্তো যাজয়ামাস যং পীডার্থং বৃহস্পতেঃ॥ 12-28-20 (65764)
যস্মিন্প্রশাসতি মহীং নৃপতৌ রাজসত্তম।
অকৃষ্টপচ্যা পৃথিবী বিবভৌ সস্যমালিনী॥ 12-28-21 (65765)
আবিক্ষিতস্য বৈ সত্রে বিশ্বেদেবাঃ সভাসদঃ।
মরুতঃ পরিবেষ্টারঃ সাধ্যাশ্চাসন্মহাত্মনঃ॥ 12-28-22 (65766)
মরুদ্গণ মরুত্তস্য যৎসোমমপিবংস্ততঃ।
দেবান্মনুষ্যান্গন্ধর্বানত্যরিচ্যন্ত দক্ষিণাঃ॥ 12-28-23 (65767)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-24 (65768)
সুহোত্রং চ দ্বতিথিনং মৃতং সৃঞ্জয় শুশ্রুম।
যস্মে হিরণ্যং ববৃষে মঘবা পরিবৎসরম্॥ 12-28-25 (65769)
সত্যনামা বসুমতী যং প্রাপ্যাসীঞ্জনাধিপম্।
হিরণ্যমবহন্নদ্যস্তস্মিঞ্জনপদেশ্বরে॥ 12-28-26 (65770)
মৎস্যান্কর্কটকান্নক্রান্মকরাঞ্ছিংশুকানপি।
নদীষ্ববাসৃজদ্রাজন্মঘবা লোকপূজিতঃ॥ 12-28-27 (65771)
হৈরণ্যান্পাতিতান্দৃষ্ট্বা মৎস্যান্মকরকচ্ছপান্।
সহস্রশোঽথ শতশস্ততোঽস্ময়ত বৈতিথিঃ॥ 12-28-28 (65772)
তদ্ধিরণ্যমপর্যন্তমাবৃতং কুরুজাঙ্গলে।
ঈজানো বিততে যজ্ঞে ব্রাহ্মণেভ্যঃ সমার্পয়ৎ॥ 12-28-29 (65773)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ।
অদক্ষিণময়জ্বানং শ্বৈত্য সংশাম্য মাশুচঃ॥ 12-28-30 (65774)
অঙ্গং বৃহদ্রথং চৈব মৃতং সৃঞ্জয় শুশ্রুম।
যঃ সহস্রং সহস্রাণাং শ্বেতানশ্বানবাসৃজাৎ॥ 12-28-31 (65775)
সহস্রং চ সহস্রাণাং কন্যা হমপরিষ্কৃতাঃ।
ঈজানো বিততে যজ্ঞে দক্ষিণামত্যকালয়ৎ॥ 12-28-32 (65776)
যঃ সহস্রং সহস্রাণাং গজানাং পঝমালিনাম্।
ঈজানো বিততে যজ্ঞে দক্ষিণামত্যকালয়ৎ॥ 12-28-33 (65777)
শতং শতসহস্রাণি বৃষাণাং হেমমালিনাম্।
গবাং সহস্রানুচরং দক্ষিণামত্যকালয়ৎ॥ 12-28-34 (65778)
অঙ্গস্য যজমানস্য তদা বিষ্ণুপদে গিরৌ।
অমাদ্যদিন্দ্রঃ সোমেন দক্ষিণাভির্দ্বিজাতয়ঃ॥ 12-28-35 (65779)
যস্য যজ্ঞেষু রাজেন্দ্র শতসঙ্খ্যেষু বৈ পুরা।
দেবান্মনুষ্যান্গন্ধর্বানত্যরিচ্যন্ত দক্ষিণাঃ॥ 12-28-36 (65780)
ন জাতো জনিতা নান্যঃ পুমান্যঃ সংপ্রদাস্যতি।
যদঙ্গঃ প্রদদৌ বিত্তং সোমসংস্থাসু সপ্তসু॥ 12-28-37 (65781)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-38 (65782)
শিবিমৌশীনরং চৈব মৃতং সৃঞ্জয় শুশ্রুম।
য ইমাং পৃথিবীং সর্বাং চর্মবৎসমবেষ্টয়ৎ॥ 12-28-39 (65783)
মহতা রথঘোষেণ পৃথিবীমনুনাদয়ন্।
একচ্ছত্রাং মহীং চক্রে জৈত্রেণৈকরথেন যঃ॥ 12-28-40 (65784)
যাবদস্য গবাশ্বং স্যাদারণ্যৈঃ পশুভিঃ সহ।
তাবতীঃ প্রদদৌ গাঃ স শিবিরৌশীনরোঽধ্বরে॥ 12-28-41 (65785)
ন বোঢারং ধুরং তস্য কংচিন্মেনে প্রজাপতিঃ।
ন ভূতং ন ভবিষ্যং চ সর্বরাজসু সৃঞ্জয়।
অন্যত্রৌশীনরাচ্ছৈব্যাদ্রাজর্ষেরিন্দ্রবিক্রমাৎ॥ 12-28-42 (65786)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-43 (65787)
অদক্ষিণময়জ্বানং পুত্রং সংস্মৃত্য মা শুচঃ॥ 12-28-44 (65788)
ভরতং চৈব দৌষ্যন্তিং মৃতং সৃঞ্জয় শুশ্রুম।
শাকুন্তলং মহাত্মানং ভূরিদ্রবিণতেজসম্॥ 12-28-45 (65789)
যোঽবধ্নাত্রিশতং চাশ্বান্দেবেভ্যো যমুনামনু।
সরস্বতীং বিংশতিং চ গঙ্গামনু চতুর্দশ॥ 12-28-46 (65790)
অশ্বমেধসহস্রেণ রাজসূয়শতেন চ।
ইষ্টবান্স মহাতেজা দৌষ্যন্তির্ভরতঃ পুরা॥ 12-28-47 (65791)
ভরতস্য মহৎকর্ম সবরাজসু পার্থিবাঃ।
স্বং মর্ত্যা ইব বাহুভ্যাং নানুগন্তুমশক্নুবন্॥ 12-28-48 (65792)
পরং সহস্রাদ্যোঽবধ্নাদ্ধয়ান্বেদীর্বিতত্য চ।
সহস্রং যত্র পঝানাং কণ্বায় ভরতো দদৌ॥ 12-28-49 (65793)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-50 (65794)
রামং দাশরথিং চৈব মৃতং সৃঞ্জয় শুশ্রুম।
যোঽন্বকম্পত বৈ নিত্যং প্রজাঃ পুত্রানিবৌরসান্॥ 12-28-51 (65795)
নাধনো যস্য বিষয়ে নানর্থঃ কস্যচিদ্ভবেৎ।
সর্বস্যাসীৎপিতৃসমো রামো রাজ্যং যদন্বশাৎ॥ 12-28-52 (65796)
কালবর্ষী চ পর্জন্যঃ সস্যানি সমপাদয়ৎ।
নিত্যং সুভিক্ষমেবাসীদ্রামে রাজ্যং প্রশাসতি॥ 12-28-53 (65797)
প্রাণিনো নাপ্সু মঞ্জন্তি নানর্থে পাবকোঽদহৎ।
ন ব্যালতো ভয়ং চাসীদ্রামে রাজ্যং প্রশাসতি॥ 12-28-54 (65798)
আসন্বর্ষসহস্রিণ্যস্তথা বর্ষসহস্রকাঃ।
অরোগাঃ সর্বসিদ্ধার্থা রামে রাজ্যং প্রশাসতি॥ 12-28-55 (65799)
নান্যোন্যেন বিবাদোঽভূৎস্ত্রীণামপি কুতো নৃণাম্।
ধর্মনিত্যাঃ প্রজাশ্চাসন্রামে রাজ্যং প্রশাসতি॥ 12-28-56 (65800)
সংতুষ্টাঃ সর্বসিদ্ধার্থা নির্ভয়াঃ স্বৈরচারিণঃ।
নরাঃ সত্যব্রতাশ্চাসন্রামে রাজ্যং প্রশাসতি॥ 12-28-57 (65801)
নিত্যপুষ্পফলাশ্চৈব পাদপা নিরুপদ্রবাঃ।
সর্বা দ্রোণদুঘা গাবো রামে রাজ্যং প্রশাসতি॥ 12-28-58 (65802)
স চতুর্দশ বর্ষাণি বনে প্রোষ্য মহাতপাঃ।
দশাশ্বমেধাঞ্জারূথ্যানাজহার নিরর্গলান্॥ 12-28-59 (65803)
যুবা শ্যামো লোহিতাক্ষো মাতঙ্গ ইব যূথপঃ।
আজানুবাহুঃ সুমুখঃ সিংহস্কন্ধো মহাভুজঃ॥ 12-28-60 (65804)
দশবর্ষসহস্রাণি দশবর্ষশতানি চ।
অয়োধ্যাধিপতির্ভূৎবা রামো রাজ্যমকারয়ৎ॥ 12-28-61 (65805)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ।
অয়জ্বানমদক্ষিণ্যং মা পুত্রমনুতপ্যথাঃ॥ 12-28-62 (65806)
ভগীরথং চ রাজানং মৃতং সৃঞ্জয় শুশ্রুম্।
যস্যেন্দ্রো বিততে যজ্ঞে সোমং পীৎবা মদোৎকটঃ॥ 12-28-63 (65807)
অসুরাণাং সহস্রাণি বহূনি সুরসত্তমঃ।
অজয়দ্বাহুবীর্যেণ ভগবান্পাকশাসনঃ॥ 12-28-64 (65808)
যঃ সহস্রং সহস্রাণাং কন্যা হেমবিভূষিতাঃ।
ঈজানো বিততে যজ্ঞে দক্ষিণামত্যকালয়ৎ॥ 12-28-65 (65809)
সর্বা রথগতাঃ কন্যা রথাঃ সর্বে চতুর্যুজঃ।
শতংশতং রথে নাগাঃ পঝিনো হেমমালিনঃ॥ 12-28-66 (65810)
সহস্রমশ্বা একৈকং হস্তিনং পৃষ্ঠতোঽন্বয়ুঃ।
গবাং সহস্রমশ্বেঽশ্বে সহস্রং গব্যজাবিকম্॥ 12-28-67 (65811)
উপহ্বরে নিবসতো যস্যাঙ্কে নিষসাদ হ।
গঙ্গা ভাগীরথী তস্মাদুর্বশী চাভবৎপুরা॥ 12-28-68 (65812)
ভূরিদক্ষিণমিক্ষ্বাকুং যজমানং ভগীরথম্।
ত্রিলোকপথগা গঙ্গা দুহিতৃৎবমুপেয়ুষী॥ 12-28-69 (65813)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-70 (65814)
দিলীপং চ মহাত্মানং মৃতং সৃঞ্জয় শুশ্রুম।
প্রস্য কর্মাণি ভূরীণি কথয়ন্তি দ্বিজাতয়ঃ॥ 12-28-71 (65815)
য ইমাং বসুসংপূর্ণাং বসুধাং বসুধাধিপঃ।
দদৌ তস্মিন্মহায়জ্ঞে ব্রাহ্মণেভ্যঃ সমাহিতঃ॥ 12-28-72 (65816)
যস্যেহ যজমানস্য যজ্ঞেয়জ্ঞে পুরোহিতঃ।
সহস্রং বারণান্হৈমান্দক্ষিণামত্যকালয়ৎ॥ 12-28-73 (65817)
যস্য যজ্ঞে মহানাসীদ্যূপঃ শ্রীমান্হিরণ্ময়ঃ।
তে দেবাং কর্ম কুর্বাণাঃ শক্রজ্যেষ্ঠা উপাসত॥ 12-28-74 (65818)
চষালে যস্য সৌবর্ণে তস্মিন্যূপে হিরণ্ময়ে।
ননৃতুর্দেবগন্ধর্বাঃ ষট্সহস্রাণি সপ্তধা॥ 12-28-75 (65819)
অবাদয়ত্তত্র বীণাং মধ্যে বিশ্বাবসুঃ স্বয়ম্।
সর্বভূতান্যমন্যন্ত মম বাদয়তীত্যযম্॥ 12-28-76 (65820)
এতদ্রাজ্ঞো দিলীপস্য রাজানো নানুচক্রিরে।
যস্যেভা হেমসংছন্নাঃ পথি মত্তাঃ স্ম শেরতে॥ 12-28-77 (65821)
রাজানং শতধন্বানং দিলীপং সত্যবাদিনম্।
যেঽপশ্যন্সুমহাত্মানং তেঽপি স্বর্গজিতো নরাঃ॥ 12-28-78 (65822)
ত্রয়ঃ শব্দা ন জীর্যন্তে দিলীপস্য নিবেশনে।
স্বাধ্যায়শব্দঃ জ্যাশব্দঃ শব্দো বৈ দীয়তামিতি॥ 12-28-79 (65823)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-80 (65824)
মান্ধাতারং যৌবনাশ্বং মৃতং সৃঞ্জয় শুশ্রুম।
যং দেবা মরুতো গর্ভং পিতুঃ পার্শ্বাদপাহরন্॥ 12-28-81 (65825)
সমৃদ্ধো যুবনাশ্বস্য জঠরে যো মহাত্মনঃ।
পৃষদাজ্যোদ্ভবঃ শ্রীমাংস্ত্রিলোকবিজয়ী নৃপঃ॥ 12-28-82 (65826)
যং দৃষ্ট্বা পিতুরুৎসঙ্গে শয়ানং দেবরূপিণম্।
অন্যোন্যমব্রুবন্দেবাঃ কময়ং ধাস্যতীতি বৈ॥ 12-28-83 (65827)
মামেব ধাস্যতীত্যেবমিন্দ্রোঽথাভ্যুপপদ্যত।
মাংধাতেতি ততস্তস্য নাম চক্রে শতক্রতুঃ॥ 12-28-84 (65828)
ততস্তু পয়সো ধারাং পুষ্টিহেতোর্মহাত্মনঃ।
তস্যাস্যে যৌবনাশ্বস্য পাণিরিন্দ্রস্য চাস্রবৎ॥ 12-28-85 (65829)
তং পিবন্পাণিমিন্দ্রস্য শতমহ্না ব্যবর্ধত।
স আসীদ্দ্বাদশসমো দ্বাদশাহেন পার্থিবঃ॥ 12-28-86 (65830)
তমিমং পৃথিবী সর্বা একাহ্না সমপদ্যত।
ধর্মাত্মানং মহাত্মানং শূরমিন্দ্রসমং যুধি॥ 12-28-87 (65831)
যশ্চাঙ্গারং তু নৃপতিং মরুত্তমসিতং গয়ম্।
অঙ্গং বৃহদ্রথং চৈব মান্ধাতা সমরেঽজয়ৎ॥ 12-28-88 (65832)
যৌবনাশ্বো যদাঙ্গারং সমরে প্রত্যযুধ্যত।
বিস্ফারৈর্ধনুষো দেবা দ্যৌরভেদীতি মেনিরে॥ 12-28-89 (65833)
যত্র সূর্য উদেতি স্ম যত্র চ প্রতিতিষ্ঠতি।
সর্বং তদ্যৌবনাশ্বস্য মান্ধাতুঃ ক্ষেত্রমুচ্যতে॥ 12-28-90 (65834)
অশ্বমেধশতেনেষ্ট্বা রাজসূয়শতেন চ।
অদদদ্রোহিতান্মৎস্যান্ব্রাহ্মণেভ্যো বিশাংপতে॥ 12-28-91 (65835)
হৈরণ্যান্যো জনোৎসেধানায়তান্দশয়োজনম্।
অতিরিক্তান্দ্বিজাতিভ্যো ব্যভজংস্ৎবিতরে জনাঃ॥ 12-28-92 (65836)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-93 (65837)
যয়াতিং নাহুষং চৈব মৃতং সৃঞ্জয় শুশ্রুম।
য ইমাং পৃথিবীং কৃৎস্নাং বিজিত্য সহসাগরাম্॥ 12-28-94 (65838)
শম্যাপাতেনাভ্যতীয়াদ্বেদীভিশ্চিত্রয়ন্মহীম্।
ঈজানঃ ক্রতুভির্মুখ্যৈঃ পর্যগচ্ছদ্বসুন্ধরাম্॥ 12-28-95 (65839)
ইষ্ট্বা ক্রতুসহস্রেণ বাজপেয়শতেন চ।
তর্পয়ামাস বিপ্রেন্দ্রাংস্ত্রিভিঃ কাঞ্চনপর্বতৈঃ॥ 12-28-96 (65840)
ব্যূঢেনাসুরয়ুদ্ধেন হৎবা দৈতেয়দানবান্।
ব্যভজৎপৃথিবীং কৃৎস্নাং যয়াতির্নহুষাত্মজঃ॥ 12-28-97 (65841)
অন্ত্যেষু পুত্রান্নিক্ষিপ্য যদুদ্রুহ্যুপুরোগমান্।
পুরুং রাজ্যেঽভিষিচ্যাথ সদারঃ প্রাবিশদ্বনম্॥ 12-28-98 (65842)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-99 (65843)
অম্বরীষং চ নাভাগং মৃতং সৃঞ্জয় শুশ্রুম।
যং প্রজা বব্রিরে পুণ্যং গোপ্তারং নৃপসত্তমম্॥ 12-28-100 (65844)
যঃ সহস্রং সহস্রাণাং রাজ্ঞাময়ুতয়াজিনাম্।
ঈজানো বিততে যজ্ঞে ব্রাহ্মণেভ্যস্ৎবমন্যত॥ 12-28-101 (65845)
নৈতৎপূর্বে জনাশ্চক্রুর্ন করিষ্যন্তি চাপরে।
ইত্যম্বরীষং নাভাগিমন্বমোদন্ত দক্ষিণাঃ॥ 12-28-102 (65846)
শতং রাজসহস্রাণি শতং রাজশতানি চ।
সর্বেঽশ্বমেধৈরীজানাস্তেঽন্বয়ুর্দক্ষিণায়নম্॥ 12-28-103 (65847)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-104 (65848)
শশবিন্দুং চৈত্ররথং মৃতং শুশ্রুম সৃঞ্জয়।
যস্য ভার্যাসহস্রাণাং শতমাসীন্মহাত্মনঃ॥ 12-28-105 (65849)
সহস্রং তু সহস্রাণাং যস্যাসঞ্শাশবিন্দবাঃ।
হিরণ্যকবচাঃ সর্বে সর্বে চোত্তমধন্বিনঃ॥ 12-28-106 (65850)
শতং কন্যা রাজপুত্রমেকৈকং পৃথগন্বয়ুঃ।
কন্যাংকন্যাং শতং নাগা নাগংনাগং শতং রথাঃ॥ 12-28-107 (65851)
রথেরথে শতং চাশ্বা দেশজা হেমমালিনঃ।
অশ্বেঅশ্বে শতং গাবো গাংগাং তদ্বদজাবিকম্॥ 12-28-108 (65852)
এতদ্ধনমপর্যন্তমশ্বমেধে মহামখে।
শশবিন্দুর্মহারাজ ব্রাহ্মণেভ্যো হ্যমন্যত॥ 12-28-109 (65853)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-110 (65854)
গয়ং চাধূর্তরজসং মৃতং শুশ্রুম সৃঞ্জয়।
যঃ স বর্ষশতং রাজা হুতশিষ্টাশনোঽভবৎ॥ 12-28-111 (65855)
যস্মৈ বহ্নির্বরান্প্রাদাত্ততো বব্রে বরান্গয়ঃ।
দদতো মে ক্ষয়ো মা ভূদ্ধর্মে শ্রদ্ধা চ বর্ধতাম্॥ 12-28-112 (65856)
মনো মে রভতাং সত্যে ৎবৎপ্রসাদাদ্ধুতাশন।
লেভে চ কামাংস্তান্সর্বান্পাবকাদিতি নঃ শ্রুতম্॥ 12-28-113 (65857)
দর্শেন পূর্ণমাসেন চাতুর্মাস্যৈঃ পুনঃ পুনঃ।
অয়জদ্ধয়মেধেন সহস্রং পরিবৎসরান্॥ 12-28-114 (65858)
শতং গবাং সহস্রাণি শতমশ্বশতানি চ।
উত্থায়োত্থায় বৈ প্রাদাৎসহস্রং পরিবৎসরান্॥ 12-28-115 (65859)
তর্পয়ামাস সোমেন দেবান্বিত্তৈর্দ্বিজানপি।
পিতৄন্স্বধাভিঃ কামৈশ্চ স্ত্রিয়ঃ স্বাঃ পুরুষর্ষভ॥ 12-28-116 (65860)
সৌবর্ণাং পৃথিবীং কৃৎবা দশব্যামাং দ্বিরায়তাম্।
দক্ষিণামদদদ্রাজা বাজিমেধে মহাক্রতৌ॥ 12-28-117 (65861)
যাবত্যঃ সিকতা রাজন্গঙ্গায়াং পুরুষর্ষভ।
তাবতীরেব গাঃ প্রাদাদাধূর্তরজসো গয়ঃ॥ 12-28-118 (65862)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-119 (65863)
রন্তিদেবং চ সাংকৃত্যং মৃতং সৃঞ্জয় শুশ্রুম।
সম্যগারাধ্য যঃ শক্রাদ্বরং লেভে মহাতপাঃ॥ 12-28-120 (65864)
অন্নং চ নো বহু ভবেদতিথীংশ্চ লভেমহি।
শ্রদ্ধা চ নো মা ব্যগমন্মা চ যাচিষ্ম কংচন॥ 12-28-121 (65865)
উপাতিষ্ঠন্ত পশবঃ স্বয়ং তং সংশিতব্রতম্।
গ্রাম্যারণ্যা মহাত্মানং রন্তিদেবং যশস্বিনম্॥ 12-28-122 (65866)
মহানদী চর্মরাশেরুৎক্লেদাৎসসৃজে যতঃ।
ততশ্চর্মণ্বতীত্যেবং বিখ্যাতা সা মহানদী॥ 12-28-123 (65867)
ব্রাহ্মণেভ্যো দদৌ নিষ্কান্সদসি প্রততে নৃপঃ।
তুভ্যংতুভ্যং নিষ্কমিতি যদা ক্রোশন্তি বৈ দ্বিজাঃ॥ 12-28-124 (65868)
সহস্রং তুভ্যমিত্যুক্ৎবা ব্রাহ্মণান্সংপ্রপদ্য তে॥ 12-28-125 (65869)
অন্বাহার্যোপকরণং দ্রব্যোপকরণং চ যৎ।
ঘটাঃ পাত্র্যঃ কটাহানি স্থাল্যশ্চ পিঠরাণি চ।
নাসীৎকিংচিদসৌবর্ণং রন্তিদেবস্য ধীমতঃ॥ 12-28-126 (65870)
সাংকৃতে রন্তিদেবস্য যাং রাত্রিমবসন্গৃহে।
আলভ্যন্ত শতং গাবঃ সহস্রাণি চ বিংশতিঃ॥ 12-28-127 (65871)
তত্র স্ম সূদাঃ ক্রোশন্তি সুমৃষ্টমণিকুণ্ডলাঃ।
সূপং ভূয়িষ্ঠমশ্নীধ্বং নাদ্য মাংসং যথা পুরা॥ 12-28-128 (65872)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-129 (65873)
সগরং চ মহাত্মানং মৃতং শুশ্রুম সৃঞ্জয়।
ঐক্ষ্বাকং পুরুষব্যাঘ্রমতিমানুষবিক্রমম্॥ 12-28-130 (65874)
ষষ্টিঃ পুত্রসহস্রাণি যং যান্তমনুজগ্মিরে।
নক্ষত্ররাজং বর্ষান্তে ব্যভ্রে জ্যোতির্গণা ইব॥ 12-28-131 (65875)
একচ্ছত্রা মহী যস্য প্রতাপাদভবৎপুরা।
যোঽশ্বমেধসহস্রেণ তর্পয়ামাস দেবতাঃ॥ 12-28-132 (65876)
যঃ প্রাদাৎকনকস্তম্ভং প্রাসাদং সর্বকাঞ্চনম্।
পূর্ণং পঝদলাক্ষীণাং স্ত্রীণাং শয়নসংকুলম্॥ 12-28-133 (65877)
দ্বিজাতিভ্যোঽনুরূপেভ্যঃ কামাংশ্চ বিবিধান্বহূন্।
যস্যাদেশেন তদ্বিত্তং ব্যভজন্ত দ্বিজাতয়ঃ॥ 12-28-134 (65878)
খানয়ামাস যঃ কোপাৎপৃথিবীং সাগরাঙ্কিতাম্।
যস্য নাম্না সমুদ্রশ্চ সাগরৎবমুপাগতঃ॥ 12-28-135 (65879)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-136 (65880)
রাজানং চ পৃথুং বৈন্যং মৃতং শুশ্রুম সৃঞ্জয়।
যমভ্যষিঞ্চন্সংভূয়ঃ মহারণ্যে মহর্ষয়ঃ॥ 12-28-137 (65881)
প্রথয়িষ্যতি বৈ লোকান্পৃথুরিত্যেব শব্দিতঃ।
ক্ষতাদ্যো বৈ ত্রায়তীতি স তস্মাৎক্ষত্রিয়ঃ স্মৃতঃ॥ 12-28-138 (65882)
পৃথুং বৈন্যং প্রজা দৃষ্ট্বা রক্তাস্মেতি যদব্রুবন্।
ততো রাজেতি নামাস্য অনুরাগাদজায়ত॥ 12-28-139 (65883)
অকৃষ্টপচ্যা পৃথিবী পুটকেপুটকে মধু।
সর্বা দ্রোণদুঘা গাবো বৈন্যস্যাসন্প্রশাসতঃ॥ 12-28-140 (65884)
অরোগাঃ সর্বসিদ্ধার্থা মনুষ্যা অকুতোভয়াঃ।
যথাঽভিকামমবসন্ক্ষেত্রেষু চ গৃহেষু চ॥ 12-28-141 (65885)
আপস্তস্তম্ভিরে চাস্য সমুদ্রমভিয়াস্যতঃ।
শৈলাশ্চাপাদ্ব্যদীর্যন্ত ধ্বজভঙ্গশ্চ নাভবৎ॥ 12-28-142 (65886)
হৈরণ্যাংস্ত্রিনরোৎসেধান্পর্বতানেকবিংশতিম্।
ব্রাহ্মণেভ্যো দদৌ রাজা যোশ্বমেধে মহামখে॥ 12-28-143 (65887)
স চেন্মমার সৃঞ্জয় চতুর্ভদ্রতরস্ৎবয়া।
পুত্রাৎপুণ্যতরশ্চৈব মা পুত্রমনুতপ্যথাঃ॥ 12-28-144 (65888)
কিং বা তূষ্ণীং ধ্যায়সে সৃঞ্জয় ৎবং
ন মে রাজন্বাচিমমাং শৃণোপি।
ন চেন্মোঘং বিপ্রলপ্তং মমেদং
পথ্যং মুমূর্ষোরিব সুপ্রয়ুক্তম্॥ 12-28-145 (65889)
সৃঞ্জয় উবাচ। 12-28-146x (5388)
শৃণোমি তে নারদ বাচমেনাং
বিচিত্রার্থাং স্রজমিব পুণ্যগন্ধাম্।
রাজর্ষীণাং পুণ্যকৃতাং মহাত্মনাং
কীর্ত্যা যুক্তানাং শোকনির্নাশনার্থাম্॥ 12-28-146 (65890)
ন তে মোঘং বিপ্রলপ্তং মহর্ষে
দৃষ্ট্বৈবাহং নারদ ৎবাং বিশোকঃ।
শুশ্রূষে তে বচনং ব্রহ্মবাদি
ন্ন তে তৃপ্যাম্যমৃতস্যেব পানাৎ॥ 12-28-147 (65891)
অমোঘদর্শিন্মম চেৎপ্রসাদং
সংতাপদগ্ধস্য বিভো প্রকুর্যাঃ।
সুতস্য সংজীবনমদ্য মে স্যা
ত্তব প্রসাদাৎসুতসঙ্গমাপ্নুয়াম্॥ 12-28-148 (65892)
নারদ উবাচ। 12-28-149x (5389)
যস্তে পুত্রঃ শয়িতোয়ং বিজাতঃ
স্বর্ণষ্ঠীবী যমদাৎপর্বতস্তে। 12-28-149 (65893)
পুনস্তং তে পুত্রমহং দদামি
হিরণ্যনাভং বর্ষসবস্রিণং চ॥ ॥ 12-28-149 (65894)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টাবিংশোঽধ্যায়ঃ॥ 28॥
Mahabharata - Shanti Parva - Chapter Footnotes
12-28-3 তে বয়ম্॥ 12-28-4 পর্যবর্তত অভিমুখোঽভূৎ॥ 12-28-6 ভুজং রাজ্ঞঃ। অভিবিনাদয়ন্ ইতি ট. ড. থ. পাঠঃ॥ 12-28-7 ব্যাকোচং বিকসিতম্॥ 12-28-8 হতাঃ অস্মিন্সংধিরার্ষঃ॥ 12-28-9 লাভাঃ অর্থাঃ॥ 12-28-15 মহাভাগ্যং মাহাত্ম্যম্॥ 12-28-16 শ্বৈত্যমানয় সংতাপমিতি ট. ড. পাঠঃ॥ 12-28-19 যাগং মাকুর্বিতি প্রত্যাচষ্ট প্রত্যাখ্যাতবান্॥ 12-28-24 চতুর্ভদ্রতরঃ চৎবারি ধর্মজ্ঞানবৈরাগ্যৈশ্বর্যীখ্যানি ভদ্রাণি যস্মিন্স চতুর্ভদ্রঃ। ৎবয়া অবধিভূতেন ৎবত্তোঽতিশয়েন চতুর্ভদ্র ইত্যর্থঃ॥ 12-28-31 অবাসৃজৎ যজ্ঞার্থমুৎসৃষ্টবান্॥ 12-28-32 অত্যকালয়ৎ দত্তবান্॥ 12-28-55 বর্ষসদৃস্ত্রিণ্যঃ স্ত্রিয়ঃ। বর্ষসহস্রকাঃ পুরুষাঃ॥ 12-28-58 দ্রোণদুধাঃ দ্রোণপরিমিতং ক্ষীরং দুহন্তি তাঃ॥ 12-28-59 জারূথ্যান্ স্তুত্যান্। ত্রিগুণদক্ষিণানিত্যন্যে। নিরর্গলানবারিতদ্বারান্॥ 12-28-66 চতুর্যুজশ্চতুরশ্বাঃ॥ 12-28-68 উপহ্বরে সমীপে। অঙ্কে ঊরৌ নিষসাদ আসাংচক্রে। তস্মাদ্যোগাৎসা উর্বশী ঊরৌ বাসো যস্যাঃ সা ইতি যোগাৎ। ঊর্বসীত্যপেক্ষিতে হ্রস্বৎবং বর্ণবিপর্যযশ্চ পৃষোদরাদিৎবাৎ জ্ঞেয়ঃ॥ 12-28-75 সপ্তধা সপ্তস্বরানুসারেণাবাদয়দিতি সংবন্ধঃ॥ 12-28-76 মম পুরত ইতি শেষঃ। মাং লক্ষীকৃত্যেত্যর্থঃ॥ 12-28-78 শতধন্বানং শতং অনন্তান্ সহতে ধনুর্যস্য তং শতধন্বানম্। মধ্যমপদলোপী সমাসঃ॥ 12-28-82 পৃষদাজ্যং দধিমিশ্রমাজ্যং কস্যচিদর্থে পুত্রোৎপাদনায় নির্মিতং তদ্যুবনাশ্বেন পীতং তৎ রেতোরুধিরয়োগং বেনাপি তদুদরে গর্ভোঽভবৎ। স পিতুঃ পার্শ্বং ভিত্ৎবা নিঃসারিতো দেবৈরিত্যাখ্যায়িকার্যোঽত্র সূচিতঃ॥ 12-28-86 অহ্না একেন শতং পলানি ব্যবর্ধত। দ্বাদশবর্ষতুল্যঃ॥ 12-28-89 অভেদি ভিন্না॥ 12-28-91 মৎস্যান্ হৈরণ্যানিতি সংবন্ধঃ॥ 12-28-95 শম্যা স্থূলবুধ্নঃ কাষ্ঠদণ্ডঃ স বলবতা ক্ষিপ্তো যাবদ্দূরং পতেত্তাবান্দেশঃ শম্যাপাতঃ। তাবতান্তরেণ পুরঃ পুরো যজ্ঞবেদীং কুর্বাণো বসুংধরাং পর্যগচ্ছৎ। পরিত্যজ্য সমুদ্রতীরং প্রাপ্ত ইত্যর্থঃ॥ 12-28-97 ব্যভজৎপুত্রেভ্যো দত্তবান্॥ 12-28-101 নৃপান্দাত্যে যোজিতবানিত্যর্থঃ॥ 12-28-102 দক্ষিণাঃ দাক্ষ্যযুক্তাঃ॥ 12-28-103 সর্বে রাজানোঽম্বরীষয়জ্ঞেষু বিপ্রদ্বাস্যং কুর্বাণা অশ্বমেধফলভাগিৎবাত্তদ্যাজিনঃ সন্তঃ অম্বরীষমাহাত্ম্যাদ্দক্ষিণায়নং অনুপশ্চাৎ অয়ুর্গতাঃ। উত্তরায়ণমার্গেণ হিরণ্যগর্ভলোক প্রাপ্তা ইত্যর্থঃ॥ 12-28-106 শাশবিন্দবাঃ শশবিন্দোঃ পুত্রাঃ॥ 12-28-111 গয়ং চামূর্তরয়সমিতি ঝ. পাঠঃ॥ 12-28-115 শতমশ্বতরাণি চেতি ঝ. পাঠঃ॥ 12-28-117 দশব্যামাং পঞ্চাশদ্ধস্তবিস্তারাং দ্বিরায়তাং শতহস্তদীর্ঘাম্॥ 12-28-122 উপাতিষ্ঠন্ত পিতৃকার্যে মাং নিয়োজয়েতি॥ 12-28-123 তেষাং মারিতানাং পশূনাং চর্মরাশেঃ। উৎক্লেদাৎ সারদ্রবাৎ॥ 12-28-126 পিঠরাণি বিততমুখানি পাত্রাণি॥ 12-28-128 নাদ্য মাংসং পশুমাত্রোপয়োগস্য প্রাগুক্তৎবাৎ॥ 12-28-130 ঐক্ষ্বাকং ইক্ষ্বাকুবংশজম্॥ 12-28-134 আদেশেন আজ্ঞয়া তদ্বিত্তং স্বর্ণপ্রাসাদরূপম্॥ 12-28-137 বৈন্যং বেনপুত্রম্। মহারণ্যে দণ্ডকারণ্যে॥ 12-28-140 পুটকেপুটকে পত্রেপত্রে ইতি প্রাঞ্চঃ॥ 12-28-145 বিপ্রলপ্তং বিপ্রলপিতম্॥ 12-28-147 বিশোকো জাত ইতি শেষঃ॥শান্তিপর্ব - অধ্যায় 029
॥ শ্রীঃ ॥
12.29. অধ্যায়ঃ 029
Mahabharata - Shanti Parva - Chapter Topics
কৃষ্ণেন যুধিষ্ঠিরংপ্রতি নারদপর্বতোপাখ্যানকথনম্॥ 1॥Mahabharata - Shanti Parva - Chapter Text
12-29-0 (65895)
যুধিষ্ঠির উবাচ। 12-29-0x (5390)
স কথং কাঞ্চনষ্ঠীবী সৃঞ্জয়স্য সুতোঽভবৎ।
পর্বতেন কিমথে বা দত্তস্তেন মমার চ॥ 12-29-1 (65896)
যদা বর্ষসহস্রায়ুস্তদা ভবতি মানবঃ।
কথমপ্রাপ্তকৌমারঃ সৃঞ্জয়স্য সুতো মৃতঃ॥ 12-29-2 (65897)
উতাহো নামমাত্রং বৈ সুবর্ণষ্ঠীবিনোঽভবৎ।
কথং বা কাঞ্চনষ্ঠীবীত্যেতদিচ্ছামি বেদিতুম্॥ 12-29-3 (65898)
শ্রীকৃষ্ণ উবাচ। 12-29-4x (5391)
অত্র তে বর্ণয়িষ্যামি যথাবৃত্তং জনেশ্বর।
নারদঃ পর্বতশ্চৈব দ্বাবৃবী লোকসত্তমৌ॥ 12-29-4 (65899)
মাতুলো ভাগিনেয়শ্চ দেবলোকাদিহাগতৌ।
বিহর্তুকামৌ সংপ্রীত্যা মানুষেষু পুরা বিভো॥ 12-29-5 (65900)
হবিঃপবিত্রভোজ্যেন দেবভোজ্যেন চৈব হি।
নারদো মাতুলস্তত্র ভাগিনেয়শ্চ পর্বতঃ॥ 12-29-6 (65901)
তাবুভৌ তপসোপেতাববনীতলচারিণৌ।
ভুঞ্জানৌ মানুষান্ভোগান্যথাবৎপর্যধাবতাম্॥ 12-29-7 (65902)
প্রীতিমন্তৌ মুদা যুক্তৌ সময়ং চৈব চক্রতুঃ।
যো ভবেদ্ধৃদি সংকল্পঃ শুভো বা যদি বাঽশুভঃ॥ 12-29-8 (65903)
অন্যোন্যস্য চ আখ্যেয়ো মৃষা শাপোঽন্যথা ভবেৎ।
তৌ তথেতি প্রতিজ্ঞায় মহর্ষী লোকপূজিতৌ॥ 12-29-9 (65904)
সৃঞ্জয়ং শ্বৈত্যমভ্যেত্য রাজানমিদমূচতুঃ।
আবাং ভবতি বৎস্যাবঃ কংচিৎকালং হিতায় তে॥ 12-29-10 (65905)
যথাবৎপৃথিবীপাল আবয়োঃ প্রগুণীভব।
তথেতি কৃৎবা রাজা তৌ সৎকৃত্যোপচচার হ॥ 12-29-11 (65906)
ততঃ কদাচিত্তৌ রাজা মহাত্মানৌ তপোধনৌ।
অব্রবীৎপরমপ্রীতঃ সুতেয়ং দেবরূপিণী॥ 12-29-12 (65907)
একৈব মম কন্যৈষা যুবাং পরিচরিষ্যতি।
দর্শনীয়ানবদ্যাঙ্গী শীলবৃত্তসমাহিতা।
সুকুমারী কুমারী চ পঝকিঞ্জল্কসুপ্রভা॥ 12-29-13 (65908)
পরমং সৌম্যমিত্যুক্তং তাভ্যাং রাজা শশাস তাম্।
কন্যে বিপ্রাবুপচর দেববৎপিতৃবচ্চ হ॥ 12-29-14 (65909)
সা তু কন্যা তথেত্যুক্ৎবা পিতরং ধর্মচারিণী।
যথানিদেশং রাজ্ঞস্তৌ সৎকৃত্যোপচচার হ॥ 12-29-15 (65910)
তস্যাস্তেনোপচারেণ রূপেণাপ্রতিমেন চ।
নারদং হৃচ্ছয়স্তূর্ণং সহসৈবাভ্যপদ্যত॥ 12-29-16 (65911)
ববৃধে হি ততস্তস্য হৃদি কামো মহাত্মনঃ।
যথা শুক্লস্য পক্ষস্য প্রবৃত্তৌ চন্দ্রমাঃ শনৈঃ॥ 12-29-17 (65912)
ন চ তং ভাগিনেয়ায় পর্বতায় মহাত্মনে।
শশংস মন্মথং তীব্রং ব্রীডমানঃ স ধর্মবিৎ॥ 12-29-18 (65913)
তপসা চেঙ্গিতৈশ্চৈব পর্বতোঽথ বুবোধ তম্।
কামার্তং নারদং ক্রুদ্ধঃ শশাপৈনং ততো ভৃশম্॥ 12-29-19 (65914)
কৃৎবা সময়মব্যগ্রো ভবান্বৈ সহিতো ময়া।
যো ভবেদ্ধৃদি সংকল্পঃ শুভো বা যদি বাঽশুভঃ॥ 12-29-20 (65915)
অন্যোন্যস্য স আখ্যেয় ইতি তদ্বৈ মৃষা কৃতম্।
ভবতা বচনং ব্রহ্মংস্তস্মাদেষ শপাম্যহম্॥ 12-29-21 (65916)
ন হি কামং প্রবর্তন্তং ভবানাচষ্ট মে পুরা।
সুকুমার্যাং কুমার্যাং তে তস্মান্নৈষ ক্ষমাম্যহম্॥ 12-29-22 (65917)
ব্রহ্মচারী গুরুর্যস্মাত্তপস্বী ব্রাহ্মণশ্চ সন্।
অকার্ষীঃ সময়ভ্রংশমাবাভ্যাং যঃ কৃতো মিথঃ॥ 12-29-23 (65918)
শপ্স্যে তস্মাৎসুসংক্রুদ্ধো ভবন্তং তং নিবোধ মে॥ 12-29-24 (65919)
সুকুমারী চ তে ভার্যা ভবিষ্যতি ন সংশয়ঃ।
বানরৎবং চ তে কন্যা বিবাহাৎপ্রভৃতি প্রভো।
সংদ্রক্ষ্যন্তি নরাশ্চান্যে স্বরূপেণ বিনাকৃতম্॥ 12-29-25 (65920)
স তদ্বাক্যং তু বিজ্ঞায় নারদঃ পর্বতং তথা।
অশপত্তমপি ক্রোধাদ্ভাগিনেয়ং স মাতুলঃ॥ 12-29-26 (65921)
তপসা ব্রহ্মচর্যেণ সত্যেন চ দমেন চ।
যুক্তোঽপি নিত্যধর্মশ্চ ন বৈ স্বর্গমবাপ্স্যসি॥ 12-29-27 (65922)
তৌ তু শাবা ভৃশং ক্রুদ্ধৌ পরস্পরমমর্ষণৌ।
প্রতিজগ্মতুহৃন্যোন্যং ক্রুদ্ধাবিব গজোত্তমৌ॥ 12-29-28 (65923)
পর্বতঃ পৃথিবীং কৃৎস্নাং বিচচার মহামতিঃ।
পূজ্যমানো যথান্যাংয়ং তেজসা স্বেন ভারত॥ 12-29-29 (65924)
অথ তামলভৎকন্যাং নারদঃ সৃঞ্জয়াত্মজাম্।
ধর্মেণ বিপ্রপ্রবরঃ সুকুমারীমনিন্দিতাম্॥ 12-29-30 (65925)
সা তু কন্যা যথাশাপং নারদং তং দদর্শ হ।
পাণিগ্রহণমন্ত্রাণাং নিয়োগাদেব নারদম্॥ 12-29-31 (65926)
সুকুমারী চ দেবর্ষি বানরপ্রতিমাননম্।
নৈবাবমন্যত তদা প্রীতিমত্যেব চাভবৎ॥ 12-29-32 (65927)
উপতস্থে চ ভর্তারং ন চান্যং মনসাঽপ্যগাৎ।
দেবং মুনীং বা যক্ষং বা পতিৎবে পতিবৎসলা॥ 12-29-33 (65928)
ততঃ কদাচিদ্ভগবান্পর্বতোঽনুচচার হ।
বনং বিরহিতং কিংচিত্তত্রাপশ্যৎস নারদম্॥ 12-29-34 (65929)
ততোঽভিবাদ্য প্রোবাচ নারদং পর্বতস্তদা।
ভবান্প্রসাদং কুরুতাৎস্বর্গাদেশায় যে প্রভো॥ 12-29-35 (65930)
তমুবাচ ততো দৃষ্ট্বা পর্বতং নারদস্তথা।
কৃতাঞ্জলিমুপাসীনং দীনং দীনতরঃ স্বয়ম্॥ 12-29-36 (65931)
ৎবয়াঽহং প্রথমং শপ্তো বানরস্ৎবং ভবিষ্যসি।
ইত্যুক্তেন ময়া পশ্চাচ্ছপ্তস্তবমপি মৎসরাৎ॥ 12-29-37 (65932)
অদ্যপ্রভৃতি বৈ বাসং স্বর্গে নাবাপ্স্যসীতি হ।
তব নৈতদ্বিসদৃশং পুত্রস্থানে হি মে ভবান্॥ 12-29-38 (65933)
নিবর্তয়েতাং তৌ শাপাবন্যোন্যেন তদা মুনী॥ 12-29-39 (65934)
শ্রীসমৃদ্ধং তদা দৃষ্ট্বা নারদং দেবরূপিণম্।
সুকুমারী প্রদুদ্রাব পরপুংসবিশঙ্কয়া॥ 12-29-40 (65935)
তাং পর্বতস্ততো দৃষ্ট্বা প্রদ্রবন্তীমনিন্দিতাম্।
অব্রবীত্তব ভর্তৈষ নাত্র কার্যা বিচারণা॥ 12-29-41 (65936)
ঋষিঃ পরমধর্মাত্মা নারদো ভগবান্প্রভুঃ।
তবৈবাভেদ্যহৃদয়ো মা তে ভূদত্র সংশয়ঃ॥ 12-29-42 (65937)
সানুনীতা বহুবিধং পর্বতেন মহাত্মনা।
শাপদোষং চ তং ভর্তুঃ শ্রুৎবা প্রকৃতিমাগতা।
পর্বতোঽথ যয়ৌ স্বর্গং নারদোঽভ্যগমদ্গৃহান্॥ 12-29-43 (65938)
বাসুদেব উবাচ। 12-29-44x (5392)
প্রত্যক্ষকর্তা সর্বস্য নারদো ভগবানৃষিঃ।
এষ বক্ষ্যতি তে পৃষ্টো যথাবৃত্তং নরোত্তম॥ ॥ 12-29-44 (65939)
ইতি শ্রীমন্মহাভারতে শান্তিপর্বণি রাজধর্মপর্বণি একোনত্রিংশোঽধ্যায়ঃ॥ 29॥
Mahabharata - Shanti Parva - Chapter Footnotes
12-29-6 হবিঃ পবিত্রভোজ্যেন শাল্যন্নেন দেবভোজ্যেন ঘৃতেন তাভ্যাং বিহর্তুকামাবিতি পূর্বেণ সংবন্ধঃ॥ 12-29-11 প্রগুণীভবানুকূলো ভব॥ 12-29-13 সুকুমারী নাম্রা॥ 12-29-14 সৌম্যমুত্তমম্॥ 12-29-20 সময়ং কৃৎবা ভবানবসদিতি শেষঃ॥ 12-29-22 প্রবর্তন্তং প্রবর্তমানম্। তে ৎবাম্॥শান্তিপর্ব - অধ্যায় 030
॥ শ্রীঃ ॥
12.30. অধ্যায়ঃ 030
Mahabharata - Shanti Parva - Chapter Topics
নারদেন যুধিষ্ঠিরংপ্রতি সুবর্ণষ্ঠীবিচরিতবর্ণনম্॥ 1॥Mahabharata - Shanti Parva - Chapter Text
12-30-0 (65940)
বৈশম্পায়ন উবাচ। 12-30-0x (5393)
ততো রাজা পাণ্ডুসুতো নারদং প্রত্যভাষত।
ভগবঞ্ছ্রোতুমিচ্ছামি সুবর্ণষ্ঠীবিসংভবম্॥ 12-30-1 (65941)
এবমুক্তস্তু স মুনির্ধর্মরাজেন নারদঃ।
আচচক্ষে যথাবৃত্তং সুবর্ণষ্ঠীবিনং প্রতি॥ 12-30-2 (65942)
নারদ উবাচ। 12-30-3x (5394)
এবমেতন্মহাবাহো যথাঽয়ং কেশবোঽব্রবীৎ।
কার্যস্যাস্য তু যচ্ছেষং তত্তে বক্ষ্যামি পৃচ্ছতঃ॥ 12-30-3 (65943)
অহং চ পর্বতশ্চৈব স্বস্রীয়ো মে মহাপ্নুনিঃ।
বস্তুকামাবভিগতৌ সৃঞ্জয়ং জয়তাং বরম্॥ 12-30-4 (65944)
তত্রাবাং পূজিতৌ তেন বিধিদৃষ্টেন কর্মণা।
সর্বকামৈঃ সুবিহিতৌ নিবসাবোঽস্য বেশ্মনি॥ 12-30-5 (65945)
ব্যতিক্রান্তাসু বর্ষাসু সময়ে গমনস্য চ।
পর্বতো মামুবাচেদং কালে বচনমর্থবৎ॥ 12-30-6 (65946)
আবামস্য নরেন্দ্রস্য গৃহে পরমপূজিতৌ।
উষিতৌ সময়ে ব্রহ্মংস্তদ্বিচিন্তয় সাংপ্রতম্॥ 12-30-7 (65947)
ততোঽহমব্রুবং রাজন্পর্বতং সুভদর্শনম্।
সর্বমেতত্ৎবয়ি বিভো ভাগিনেয়োপপদ্যতে॥ 12-30-8 (65948)
বরেণ চ্ছন্দ্যতাং রাজা লভতাং যদ্যদিচ্ছতি।
আবয়োস্তপসা সিদ্ধিং প্রাপ্নোতু যদি মন্যসে॥ 12-30-9 (65949)
তত আহূয় রাজানং সৃঞ্জয়ং জয়তাং বরম্।
পর্বতোঽনুমতো বাক্যমুবাচ কুরুপুঙ্গব॥ 12-30-10 (65950)
প্রীতৌ স্বো নৃপ সৎকারৈর্ভবদার্জবসংভৃতৈঃ।
আবাভ্যামভ্যনুজ্ঞাতো বরং নৃবর চিন্তয়॥ 12-30-11 (65951)
দেবানামবিহিংসায়াং ন ভবেন্মানুষে ক্ষমম্।
তদ্গৃহাণ মহারাজ পূজার্হো নৌ মতো ভবান্॥ 12-30-12 (65952)
সৃঞ্জয় উবাচ। 12-30-13x (5395)
প্রীতৌ ভবন্তৌ যদি মে কৃতমেতাবতা মম।
এষ এব পরো লাভো নির্বৃত্তো মে মহাফলঃ॥ 12-30-13 (65953)
তমেবংবাদিনং ভূয়ঃ পর্বতঃ প্রত্যভাষত।
শৃণু রাজন্সুসংকল্পং যত্তে হৃদি চিরং স্থিতম্॥ 12-30-14 (65954)
অভীপ্সসি সুতং বীরং বীর্যবন্তং দৃঢব্রতম্।
আয়ুষ্মতং মহাভাগং দেবরাজসমদ্যুতিম্॥ 12-30-15 (65955)
ভবিষ্যত্যেষ তে কামো ন ৎবায়ুষ্মান্ভবিষ্যতি।
দেবরাজাভিভূত্যর্থং সংকল্পো হ্যে তে হৃদি॥ 12-30-16 (65956)
সুবর্ণষ্ঠীবনাচ্চৈব স্বর্ণষ্ঠীবী ভবিষ্যতি।
রক্ষ্যশ্চ দেবরাজাৎস দেবরাজসমদ্যুতিঃ॥ 12-30-17 (65957)
তচ্ছ্রুৎবা সৃঞ্জয়ো বাক্যং পর্বতস্য মহাত্মনঃ।
প্রসাদয়ামাস তদা নৈতদেবং ভবেদিতি॥ 12-30-18 (65958)
আয়ুষ্মান্মে ভবেৎপুত্রো ভবতোস্তপস মুন।
ন চ তং পর্বতঃ কিংচিদুবাচেন্দ্রব্যপেক্ষয়া॥ 12-30-19 (65959)
তমহং নৃপতিং দীনমব্রবং পুনরেব চ।
স্মর্তব্যোঽস্মি মহারাজ দর্শয়িষ্যামি তে সুতম্॥ 12-30-20 (65960)
অহং তে দয়িতং পুত্রং প্রেতরাজবশং গতম্।
পুনর্দাস্যামি তদ্রূপং মা শুচঃ পৃথিবীপতে॥ 12-30-21 (65961)
এবমুক্ৎবা তু নৃপতিং প্রয়াতৌ স্বো যথেপ্সিতম্।
সৃঞ্জয়শ্চ যথাকামং প্রবিবেশ স্বমন্দিরম্॥ 12-30-22 (65962)
সৃঞ্জয়স্যাথ রাজর্ষেঃ কস্মিংশ্চিৎকালপর্যযে।
জজ্ঞে পুত্রো মহাবীর্যস্তেজসা প্রজ্বলন্নিব॥ 12-30-23 (65963)
ববৃধে স যথাকালং সরসীব মহোৎপলম্।
বভূব কাঞ্চনষ্ঠীবী যথার্থং নাম তস্য তৎ॥ 12-30-24 (65964)
তদদ্ভুততমং লোকে পপ্রথে কুরুসত্তম।
বুবুধে তচ্চ দেবেন্দ্রো বরদানং মনীষিণোঃ॥ 12-30-25 (65965)
ততঃ স্বাভিভবাদ্ভীতো বৃহস্পতিমতে স্থিতঃ।
কুমারস্যান্তরপ্রেক্ষী নিত্যমেবাভ্যবর্তত॥ 12-30-26 (65966)
চোদয়ামাস তদ্বজ্রং দিব্যাস্রং মূর্তিমৎস্থ্রিতম্।
ব্যাঘ্রো ভূৎবা জহীমং ৎবং রাজপুত্রমিতি প্রভো॥ 12-30-27 (65967)
প্রবৃদ্ধঃ কিল বীর্যেণ মামেষোঽভিভবিষ্যতি।
সৃঞ্জয়স্য সুতো বজ্র যথৈনং পর্বতোঽব্রবীৎ॥ 12-30-28 (65968)
এবমুক্তস্তু শক্রেণ বজ্রঃ পরপুরংজয়ঃ।
কুমারমন্তরপ্রেক্ষী নিত্যমেবান্বপদ্যত॥ 12-30-29 (65969)
সৃঞ্জয়োঽপি সুতং প্রাপ্য দেবরাজসমদ্যুতিম্।
হৃষ্টঃ সান্তঃ পুরো রাজা বননিত্যো বভূব হ॥ 12-30-30 (65970)
ততো ভাগীরথীতীরে কদাচিন্নির্জনে বনে।
ধাত্রীদ্বিতীয়ো বালঃ স ক্রীডার্থং পর্যধাবত॥ 12-30-31 (65971)
পঞ্চবর্ষকদেশীয়ো বালো নাগেন্দ্রবিক্রমঃ।
সহসোৎপতিতং ব্যাঘ্রমাসসাদ মহাবলম্॥ 12-30-32 (65972)
স বালস্তেন নিষ্পিষ্টো বেপমানো নৃপাত্মজঃ।
ব্যসুঃ পপাত মেদিন্যাং ততো ধাত্রী বিচুক্রুশে॥ 12-30-33 (65973)
হৎবা তু রাজপুত্রং স তত্রৈবান্তরধীয়ত।
শার্দূলো দেবরাজস্য মায়যান্তর্হিতস্তদা॥ 12-30-34 (65974)
ধাত্র্যাস্তু নিনদং শ্রুৎবা রুদত্যাঃ পরমার্তবৎ।
অভ্যধাবত তং দেশং স্বয়মেব মহীপতিঃ॥ 12-30-35 (65975)
স দদর্শ শয়ানং তং গতাসুং পীতশোণিতম্।
কুমারং বিগতানন্দং নিশাকরমিব চ্যুতম্॥ 12-30-36 (65976)
স তমুৎসঙ্গমারোপ্য পরিপীডিতবক্ষসম্।
পুত্রং রুধিরসংসিক্তং পর্যদেবয়দাতুরঃ॥ 12-30-37 (65977)
ততস্তা মাতরস্তস্য রুদত্যঃ শোককর্শিতাঃ।
অভ্যধাবন্ত তং দেশং যত্র রাজা স সৃঞ্জয়ঃ॥ 12-30-38 (65978)
ততঃ স রাজা সস্মার মামেব গতমানসঃ।
তদাঽহং চিন্তনং জ্ঞাৎবা গতবাংস্তস্য দর্শনম্॥ 12-30-39 (65979)
ময়ৈতানি চ বাক্যানি শ্রাবিতঃ শোকলালসঃ।
যানি তে যদুবীরেণ কথিতানি মহীপতে॥ 12-30-40 (65980)
সংজীবিতশ্চাপি পুনর্বাসবানুমতে তদা।
ভবিতব্যং তথা তচ্চ ন তচ্ছক্যমতোঽন্যথা॥ 12-30-41 (65981)
তত ঊর্ধ্বং কুমারস্তু স্বর্ণষ্ঠীবী মহায়শাঃ।
চিত্তং প্রসাদয়ামাস পিতৃর্মাতুশ্চ বীর্যবান্॥ 12-30-42 (65982)
কারয়ামাস রাজ্যং চ পিতরি স্বর্গতে নৃপ।
বর্ষাণাং শতমেকং চ সহস্রং ভীমবিক্রমঃ॥ 12-30-43 (65983)
তত ঈজে মহায়জ্ঞৈর্বহুভির্ভূরিদক্ষিণৈঃ।
তর্পয়ামাস দেবাংশ্চ পিতৄংশ্চৈব মহাদ্যুতিঃ॥ 12-30-44 (65984)
উৎপাদ্য চ বহূন্পুত্রান্কুলসতানকারিণঃ।
কালেন মহতা রাজন্কালধর্মমুপেয়িবান্॥ 12-30-45 (65985)
স ৎবং রাজেন্দ্র সংজাতং শোকমেকং নিবর্তয়।
যথা ৎবং কেশবঃ প্রাহ ব্যামশ্চ সুমহাতপাঃ॥ 12-30-46 (65986)
পিতৃপৈতামহং রাজ্যমাস্থায় ধুরমুদ্বহ।
ইষ্ট্বা পুণ্যৈর্মহায়জ্ঞৈরিষ্টং লোকমবাপ্স্যসি॥ ॥ 12-30-47 (65987)
ইতি শ্রীমন্মহাভারতে শান্তিপর্বণি রাজধর্মপর্বণি ত্রিংশোঽধ্যায়ঃ॥ 30॥*
Mahabharata - Shanti Parva - Chapter Footnotes
* দ্রোণপর্বণি স্বর্ণষ্ঠীবিচরিতমন্যাদৃশমত্র পর্বণিৎবন্যাদৃশম্। 12-30-7 সাংপ্রতং কল্যাণম্॥ 12-30-12 ন ভবেন্মানুষক্ষয়মিতি ঝ. পাঠঃ। তত্র যেন দেবপীডা মনুষ্যক্ষয়শ্চ ন ভবতি তত্তাদৃশং বরং গৃহাণেতি ভাবঃ॥ 12-30-16 দেবরাজবিভূত্যর্থমিতি ড. পাঠঃ॥শান্তিপর্ব - অধ্যায় 031
॥ শ্রীঃ ॥
12.31. অধ্যায়ঃ 031
Mahabharata - Shanti Parva - Chapter Topics
ব্যাসয়ুধিষ্ঠিরসংবাদঃ॥ 1॥Mahabharata - Shanti Parva - Chapter Text
12-31-0 (65988)
বৈশম্পায়ন উবাচ। 12-31-0x (5396)
তূষ্ণীংভূতং তু রাজানং শোচমানং যুধিষ্ঠিরম্।
তপস্বী ধর্মতত্ৎবজ্ঞঃ কৃষ্ণদ্বৈপায়নোঽব্রবীৎ॥ 12-31-1 (65989)
ব্যাস উবাচ। 12-31-2x (5397)
প্রজানাং পালনং ধর্মো রাজ্ঞাং রাজীবলোচন।
ধর্মঃ প্রমাণং লোকস্য নিত্যং ধর্মোঽনুবর্ত্যতাম্॥ 12-31-2 (65990)
অনুতিষ্ঠস্ব তদ্রাজন্পিতৃপৈতামহং পদম্।
ব্রাহ্মণেষু তু যো ধর্মঃ স নিত্যো বেদনিশ্চিতঃ॥ 12-31-3 (65991)
তৎপ্রমাণং প্রমাণানাং শাশ্বতং ভরতর্ষভ।
তস্য ধর্মস্য কৃৎস্নস্য ক্ষত্রিয়ঃ পরিরক্ষিতা॥ 12-31-4 (65992)
তথা যঃ প্রতিহন্ত্যস্য শাসনং বিষয়ে নরঃ।
স বাহুভ্যাং বিনিগ্রাহ্যো লোকয়াত্রাবিঘাতকঃ॥ 12-31-5 (65993)
প্রমাণমপ্রমাণং যঃ কুর্যান্মোহবশং গতঃ।
ভৃত্যো বা যদি বা পুত্রস্তপস্বী বাঽথ কশ্চন॥ 12-31-6 (65994)
পাপান্সর্বৈরুপায়ৈস্তান্নিয়চ্ছেচ্ছাতয়ীত বা।
অতোঽন্যথা বর্তমানো রাজা প্রাপ্নোতি কিল্বিষম্॥ 12-31-7 (65995)
ধর্মং বিনশ্যমানং হি যো ন রক্ষেৎস ধর্মহা।
তে ৎবয়া ধর্মহন্তারো নিহতাঃ সপদানুগাঃ॥ 12-31-8 (65996)
স্বধর্মে বর্তমানস্ৎবং কিংনু শোচসি পাণ্ডব।
রাজা হি হন্যাদ্দদ্যাচ্চ প্রজা রক্ষেচ্চ ধর্মতঃ॥ 12-31-9 (65997)
যুধিষ্ঠির উবাচ। 12-31-10x (5398)
ন তেঽতিশঙ্কে বচনং যদ্ব্রবীষি তপোধন।
অপরোক্ষো হি তে ধর্মঃ সর্বধর্মবিদাং বর॥ 12-31-10 (65998)
ময়া ৎববধ্যা বহবো ঘাতিতা রাজ্যকারণাৎ।
তানি কর্মাণি মে ব্রহ্মন্দহন্তি চ পচন্তি চ॥ 12-31-11 (65999)
ব্যাস উবাচ। 12-31-12x (5399)
ঈশ্বরো বা ভবেৎকর্তা পুরুষো বাঽপি ভারত।
হঠো বা বর্ততে লোকে কর্মজং বা ফলং স্মৃতম্॥ 12-31-12 (66000)
ঈশ্বরেণ নিয়ুক্তো হি সাধ্বসাধু চ ভারত।
কুরুতে পুরুষঃ কর্ম ফলমীশ্বরগামি তৎ॥ 12-31-13 (66001)
যথাহি পুরুষশ্ছিন্দ্যাদ্বৃক্ষং পরশুনা বনে।
ছেত্তুরেব ভবেৎপাপং পরশোর্ন কথংচন॥ 12-31-14 (66002)
অথবা তদুপাদানাৎপ্রাপ্নুয়াৎকর্মণঃ ফলম্।
দণ্ডশস্ত্রকৃতং পাপং পুরুষে তন্ন বিদ্যতে॥ 12-31-15 (66003)
ন চৈতদিষ্টং কৌন্তেয় যদন্যেন কৃতং ফলম্।
প্রাপ্নুয়াদিতি তস্মাচ্চ ঈশ্বরে তন্নিবেশয়॥ 12-31-16 (66004)
অথাপি পুরুষঃ কর্তা কর্মণোঃ শুভপাপয়োঃ।
ন পরো বিদ্যতে তস্মাদেবমপ্যশুভং কুতঃ॥ 12-31-17 (66005)
ন হি কশ্চিৎক্বচিদ্রাজন্দিষ্টং প্রতিনিবর্ততে।
দণ্ডশস্ত্রকৃতং পাপং পুরুষে তন্ন বিদ্যতে॥ 12-31-18 (66006)
যদি বা মন্যসে রাজন্হতমেকং প্রতিষ্ঠিতম্।
এবমপ্যশুভং কর্ম ন ভূতং ন ভবিষ্যতি॥ 12-31-19 (66007)
অথাভিপত্তির্লোকস্য কর্তব্যা পুণ্যপাপয়োঃ।
অভিপন্নমিদং লোকে রাজ্ঞামুদ্যতদণ্ডনম্॥ 12-31-20 (66008)
তথাপি লোকে কর্মাণি সমাবর্তন্তি ভারত।
শুভাশুভফলং চৈতে প্রাপ্নুবন্তীতি মে মতিঃ॥ 12-31-21 (66009)
এবং পশ্য শুভাদেশং কর্মণস্তৎফলং ধ্রুবম্।
ত্যজ ৎবং রাজশার্দূল মৈবং শোকে মনঃ কৃথা॥ 12-31-22 (66010)
স্বধর্মে বর্তমানস্য সাপবাদেঽপি ভারত।
এবমাত্মপরিত্যাগস্তব রাজন্ন শোভনঃ॥ 12-31-23 (66011)
বিহিতানি হি কৌন্তেয় প্রায়শ্চিত্তানি কর্মণাম্।
শরীরবাংস্তানি কুর্যাদশরীরঃ পরাভবেৎ॥ 12-31-24 (66012)
তদ্রাজঞ্জীবমানস্ৎবং প্রায়শ্চিত্তং করিষ্যসি।
প্রায়শ্চিত্তমকৃৎবা তু প্রেত্য তপ্তাঽসি ভারত॥ 12-31-25 (66013)
যুধিষ্ঠির উবাচ। 12-31-26x (5400)
হতাঃ পুত্রাশ্চ পৌত্রাশ্চ ভ্রাতরঃ পিতরস্তথা।
শ্বশুরা গুরবশ্চৈব মাতুলাশ্চ পিতামহাঃ॥ 12-31-26 (66014)
ক্ষত্রিয়াশ্চ মহাত্মানঃ সংবন্ধিসুহৃদস্তথা।
বয়স্যা ভাগিনেয়াশ্চ জ্ঞাতয়শ্চ পিতামহ॥ 12-31-27 (66015)
বহবশ্চ মনুষ্যেন্দ্রা নানাদেশসমাগতাঃ।
ঘাতিতা রাজ্যলুব্ধেন ময়ৈকেন পিতামহ॥ 12-31-28 (66016)
তাংস্তাদৃশানহং হৎবা ধর্মনিত্যান্মহীক্ষিতঃ।
অসকৃৎসোমপান্বীরান্ক্রিং প্রাপ্স্যামি তপোধন॥ 12-31-29 (66017)
দহ্যাম্যনিশমদ্যাপি চিন্তয়ানঃ পুন পুনঃ।
হীনাং পার্থিবসিংহৈস্তৈঃ শ্রীমদ্ভিঃ পৃথিবীমিমাম্॥ 12-31-30 (66018)
দৃষ্ট্বা জ্ঞাতিবধং ঘোরং হতাংশ্চ শতশঃ পরান্।
কোটিশশ্চ নরানন্যান্পরিতপ্যে পিতামহ॥ 12-31-31 (66019)
কা নু তাসাং বরস্ত্রীণামবস্থাঽদ্য ভবিষ্যতি।
বিহীনানাং তু তনয়ৈঃ পতিভির্ভ্রাতৃভিস্তথা॥ 12-31-32 (66020)
অস্মানন্তকরান্ঘোরান্পাণ্ডবান্বৃষ্ণিসংহতান্।
আক্রোশন্ত্যঃ কৃশা দীনাঃ প্রপতিষ্যন্তি ভূতলে॥ 12-31-33 (66021)
অপশ্যন্ত্যঃ পিতৄন্ভ্রাতৄন্পতীন্পুত্রাংশ্চ যোষিতঃ।
ত্যক্ৎবা প্রাণান্স্ত্রিয়ঃ সর্বাগমিষ্যন্তি যমক্ষয়ম্॥ 12-31-34 (66022)
বৎসলৎবাদ্দ্বিজশ্রেষ্ঠ তত্র যে নাস্তি সংসয়ঃ।
ব্যক্তং সৌক্ষ্ম্যাচ্চ ধর্মস্য প্রাপ্স্যামঃ স্ত্রীবধং বয়ম্॥ 12-31-35 (66023)
তে বয়ং সুহৃদো হৎবা কৃৎবা পাপমনন্তকম্।
নকরে নিপতিষ্যামো হ্যধঃ শিরস এব হ॥ 12-31-36 (66024)
শরীরাণি বিমোক্ষ্যামস্তপসোগ্রেণ সত্তম।
আশ্রমাণাং বিশেষং ৎবমথাচক্ষ্ব পিতামহ॥ ॥ 12-31-37 (66025)
ইতি শ্রীমন্মহাভারতে শান্তিপর্বণি রাজধর্মপর্বণি একত্রিংশোঽধ্যায়ঃ॥ 31॥
Mahabharata - Shanti Parva - Chapter Footnotes
12-31-7 শাতয়ীত মারেয়ৎ॥ 12-31-11 মে মাম্॥ 12-31-12 নাপরো বর্ততে লোকে কর্মজং বা ফলং নৃষু। ইতি ড.থ. পাঠঃ॥ 12-31-15 প্রাপ্নুয়াৎ পরশোরুপাদাতা। এবং তর্হি বিন পরশোর্দণ্ডঃ শস্ত্রং পরশুশ্চ কৃতস্তমেব পাপং কর্তৃ প্রাপ্নুয়াত্তস্য প্রথমপ্রয়োজ্যৎবাৎ। পুরুষে উপাদাতরি তন্ন বিদ্যতে তস্য জঘন্যৎবাৎ॥ 12-31-16 যদি চৈতন্নেষ্টং এতৎকিং যদন্যেন প্রহর্ত্রা কৃতং পাপং তস্য ফলং শস্ত্রকর্তা আপ্নুয়াদিতি। তর্হি জঘন্যপ্রয়োজ্যে ৎবয়্যপি পাপাভাবাদীশ্বরে এব তন্নিবেশয়॥ 12-31-18 যতঃ কশ্চিদপি দিষ্টং প্রত্যদ্দ্বষ্টস্য প্রতিকূলো ভূৎবাবশ্যংভাবিনঃ কর্মণঃ সকাশান্ন নিবর্ততে। দৈবস্য দুর্লঙঘ্যৎবাদিতি ভাবঃ॥ 12-31-20 পুণ্যপাপয়োঃ সুখ দুঃখয়োঃ অভিপত্তিরুপপত্তিঃ কর্তব্যা সাচ ধর্মাধর্মাবন্তরেণ ন ঘটতে তৌচ শাস্ত্রৈকগম্যাবিতি চেদ্রাজ্ঞামুদ্যতদণ্ডনমুদ্ধতদমনং লোকে শাস্ত্রে চোপপন্নতরমিত্যর্থঃ॥ 12-31-23 সাপবাদে নিন্দ্যেঽপি॥শান্তিপর্ব - অধ্যায় 032
॥ শ্রীঃ ॥
12.32. অধ্যায়ঃ 032
Mahabharata - Shanti Parva - Chapter Topics
যুদ্ধে রাজ্ঞাং হননেন পাপশঙ্কয়া বিষীদন্তং যুধিষ্ঠিরংপ্রতি ব্যাসেন তত্ৎবকথনপূর্বকং ক্ষাত্রধর্মবিধানম্॥ 1॥Mahabharata - Shanti Parva - Chapter Text
12-32-0 (66026)
বৈশম্পায়ন উবাচ। 12-32-0x (5401)
যুধিষ্ঠিরস্য তদ্বাক্যং শ্রুৎবা দ্বৈপায়নস্তদা।
পরীক্ষ্য নিপুণং বুদ্ধ্যা ঋষিঃ প্রোবাচ পাণ্ডবম্॥ 12-32-1 (66027)
ব্যাস উবাচ। 12-32-2x (5402)
মা বিষাদং কৃথা রাজন্ক্ষত্রধর্মমনুস্মরন্।
স্বধর্মেণ হতা হ্যেতে ক্ষত্রিয়াঃ ক্ষত্রিয়র্ষভ॥ 12-32-2 (66028)
কাঙ্ক্ষমাণাঃ শ্রিয়ং কৃৎস্নাং পৃথিব্যাং চ মবদ্যশঃ।
কৃতান্তবিধিসংয়ুক্তাঃ কালেন নিধনং গতাঃ॥ 12-32-3 (66029)
নৃ ৎবং হন্তা ন ভীমোঽয়ং নার্জুনো ন যমাবপি।
কালঃ পর্যায়ধর্মেণ প্রাণানাদত্ত দেহিনাম্॥ 12-32-4 (66030)
ন তস্য মাতাপিতরৌ নানুগ্রাহ্যো হি কশ্চন।
কর্মসাক্ষী প্রজানাং যস্তেন কালেন সংহৃতাঃ॥ 12-32-5 (66031)
হেতুমাত্রমিদং তস্য বিহিতং ভরতর্ষভ।
যদ্ধন্তি ভূতৈর্ভূতানি তদস্মৈ রূপমৈশ্বরম্॥ 12-32-6 (66032)
কর্ম মূর্ত্যাত্মকং বিদ্ধি সাক্ষিণং শুভপাপয়োঃ।
সুখদুঃখগুণোদর্কং কালং কালফলপ্রদম্॥ 12-32-7 (66033)
তেষামপি মহাবাহো কর্মাণি পরিচিন্তয়।
বিনাশহেতুকানি ৎবং যৈস্তৈ কালবশং গতাঃ॥ 12-32-8 (66034)
আত্মনশ্চ বিজানীহি নিয়তব্রতশীলতাম্।
যদা ৎবমীদৃশং কর্ম বিধিনাঽঽক্রম্য কারিতঃ॥ 12-32-9 (66035)
ৎবষ্ট্রেব বিহিতং যন্ত্রং যথা চেষ্টয়িতুর্বশে।
কর্মণা কালয়ুক্তেন তথেদং ভ্রাম্যতে জগৎ॥ 12-32-10 (66036)
পুরুষস্য হি দৃষ্ট্বেমামুৎপত্তিমনিমিত্ততঃ।
যদৃচ্ছয়া বিনাশং চ শোকহর্ষাবনর্থকৌ॥ 12-32-11 (66037)
ব্যলীকমপি যত্ৎবত্র চিত্তবৈতংসিকং তব।
তদর্থমিষ্যতে রাজন্প্রায়শ্চিত্তং তদাচর॥ 12-32-12 (66038)
ইদং তু শ্রূয়তে পার্থ যুদ্ধে দেবাসুরে পুরা।
অসুরা ভ্রাতরো জ্যেষ্ঠা দেবাশ্চাপি যবীয়সঃ॥ 12-32-13 (66039)
তেষামপি শ্রীনিমিত্তং মহানাসীৎসমুচ্ছ্রয়ঃ।
যুদ্ধং বর্ষসহস্রাণি দ্বাত্রিংশদভবৎকিল॥ 12-32-14 (66040)
একার্ণবাং মহীং কৃৎবা রুধিরেণ পরিপ্লুতাম্।
জঘ্নুর্দৈত্যাংস্তথা দেবাস্ত্রিদিবং চাভিলেভিরে॥ 12-32-15 (66041)
তথৈব পৃথিবীং লব্ধ্বা ব্রাহ্মণা বেদপারগাঃ।
সংশ্রিতা দানবানাং বৈ সাহ্যার্থং দর্পমোহিতাঃ॥ 12-32-16 (66042)
শালাবৃকা ইতি খ্যাতাস্ত্রিষু লোকেষু ভারত।
অষ্টাশীতিসহস্রাণি তে চাপি বিবুর্ধৈর্হতাঃ॥ 12-32-17 (66043)
ধর্মব্যুচ্ছিত্তিমিচ্ছতো যেঽধর্মস্য প্রবর্তকাঃ।
হন্তব্যাস্তে দুরাত্মানো দেবৈর্দৈত্যা ইবোল্বণাঃ॥ 12-32-18 (66044)
একং হৎবা যদি কুলে শিষ্টানাং স্যাদনাময়ম্।
কুলং হৎবা চ রাষ্ট্রে চ ন তদ্বৃত্তোপঘাতকম্॥ 12-32-19 (66045)
অধর্মরূপো ধর্মো হি কশ্চিদস্তি নরাধিপ।
ধর্মরূপো হ্যধর্মশ্চ তচ্চ জ্ঞেয়ং বিপশ্চিতা॥ 12-32-20 (66046)
তস্মাৎসংস্তম্ভয়াত্মানং শ্রুতবানসি পাণ্ডব।
দেবৈঃ পূর্বগতং মার্গমনুয়াতোঽসি ভারত॥ 12-32-21 (66047)
ন হীদৃশা গমিষ্যন্তি নরকং পাণ্ডবর্ষভ।
ভ্রাতৄনাশ্বাসয়ৈতাংস্ৎবং সুহৃদশ্চ পরংতপ॥ 12-32-22 (66048)
যো হি পাপসমারম্ভে কার্যে তদ্ভাবভাবিতঃ।
কুর্বন্নপি তথৈব স্যাৎকৃৎবা চ নিরপত্রপঃ॥ 12-32-23 (66049)
তস্মিংস্তৎকলুষং সর্বং সমস্তমিতি শব্দিতম্।
প্রায়শ্চিত্তং ন তস্যাস্তি হ্রাসো বা পাপকর্মণঃ॥ 12-32-24 (66050)
ৎবং তু শুক্লাভিজাতীয়ঃ পরদোষেণ কারিতঃ।
অনিচ্ছমানঃ কর্মেদং কৃৎবা চ পরিতপ্যসে॥ 12-32-25 (66051)
অশ্বমেধো মহায়জ্ঞঃ প্রায়শ্চিত্তমুদাহৃতম্।
তমাহর মহারাজ বিপাপ্মৈবং ভবিষ্যসি॥ 12-32-26 (66052)
মরুদ্ভিঃ সহ জিৎবাঽরীন্ভগবান্পাকশাসনঃ।
একৈকং ক্রতুমাহৃত্য শতকৃৎবঃ শতক্রতুঃ॥ 12-32-27 (66053)
ধূতপাপ্মা জিতস্বর্গো লোকান্প্রাপ্য সুখোদয়ান্।
মরুদ্গণৈর্বৃতঃ শক্রঃ শুশুভে ভাসয়ন্দিশঃ॥ 12-32-28 (66054)
স্বর্গে লোকে মহীয়ন্তমপ্সরোভিঃ শচীপতিম্।
ঋষয়ঃ পর্যুপাসন্তে দেবাশ্চ বিবুধেশ্বরম্॥ 12-32-29 (66055)
সেয়ং ৎবামনুসংপ্রাপ্তা বিক্রমেণ বসুংধরা।
নির্জিতাশ্চ মহীপালা বিক্রমেণ ৎবয়াঽনধ॥ 12-32-30 (66056)
তেষাং পুরাণি রাষ্ট্রাণি গৎবা রাজন্সুহৃদ্বৄতঃ।
ভ্রাতৄন্পুত্রাংশ্চ পৌত্রাংশ্চ স্বেস্বে রাজ্যেঽভিষেচয়॥ 12-32-31 (66057)
বালানপি চ গর্ভস্থান্সাংৎবেন সমুদাচরন্।
রঞ্জয়ন্প্রকৃতীঃ সর্বাঃ পরিপাহি বসুংধরাম্॥ 12-32-32 (66058)
কুমারো নাস্তি যেষাং চ কন্যাস্তত্রাভিষেচয়।
কামাশয়ো হি স্ত্রীবর্গঃ শোকমেবং প্রহাস্যসি॥ 12-32-33 (66059)
এবমাশ্বাসনং কৃৎবা সর্বরাষ্ট্রেষু ভারত।
যজস্ব বাজিমেধেন যথেন্দ্রো বিজয়ী পুরা॥ 12-32-34 (66060)
অশোচ্যাস্তে মহাত্মানঃ ক্ষত্রিয়াঃ ক্ষত্রিয়র্ষভ।
স্বকর্মভির্গতা নাশং কৃতান্তবলমোহিতাঃ॥ 12-32-35 (66061)
অবাপ্তঃ ক্ষত্রধর্মস্তে রাজ্যং প্রাপ্তমকণ্টকম্।
রক্ষ স্বধর্মং কৌন্তেয় শ্রেয়ান্যঃ প্রেত্যভাবিকঃ॥ ॥ 12-32-36 (66062)
ইতি শ্রীমন্মহাভারতে শান্তিপর্বণি রাজধর্মপর্বণি দ্বাত্রিংশোঽধ্যায়ঃ॥ 32॥
Mahabharata - Shanti Parva - Chapter Footnotes
12-32-3 কৃতান্তবিধিঃ পরপ্রাজহরণং তেন সংয়ুক্তাঃ। স্বাপরাধেনৈব হতা ইত্যর্থঃ॥ 12-32-6 ইদং যুক্ষম্। অস্মৈ অস্য ঐশ্বরং নিয়ন্তৃৎবম্॥ 12-32-11 উৎপত্তিবদ্বিনাশোঽপি যাদৃচ্ছিক এবেতি ভাবঃ॥ 12-32-12 চিত্তবৈতংসিকং চিত্তবন্ধনং তদর্থং তন্নিবৃত্ত্যর্থম্॥ 12-32-13 যবীয়সঃ যবীয়াংসঃ॥ 12-32-14 সমুচ্ছ্রয়ো বিরোধঃ॥ 12-32-16 সংশ্রিতাঃ সন্নদ্ধাঃ। সাহ্যার্থং সাহায়্যার্থম্॥ 12-32-19 তৎ একস্য কুলস্য বা হননং বৃত্তোপঘাতকম্ ধর্মনাশকং ন ভবতি॥ 12-32-23 তদ্ভাবভাবিতঃ পাপভাবনাং গতঃ। কুর্বন্পাপমিতি বর্ততে॥ 12-32-24 তস্য অপশ্চাত্তাপিনো নির্লজ্জস্য প্রায়শ্চিত্তং বা তেন পাপহ্রাসো বা নাস্তীত্যর্থঃ॥ 12-32-25 পরদোষেণ দুর্যোধনদোষেণ॥ 12-32-29 মহীয়ন্তং মহীয়মানম্॥ 12-32-33 কামাঃ আশেরতেঽস্মিন্কামাশয়ঃ। পূর্ণকাম ইত্যর্থঃ॥শান্তিপর্ব - অধ্যায় 033
॥ শ্রীঃ ॥
12.33. অধ্যায়ঃ 033
Mahabharata - Shanti Parva - Chapter Topics
ব্যাসেন যুধিষ্ঠিরংপ্রতি প্রায়শ্চিত্তপ্রয়োজকপাপকর্মণাং প্রায়শ্চিত্তানাং চ কথনম্॥ 1॥Mahabharata - Shanti Parva - Chapter Text
12-33-0 (66063)
যুধিষ্ঠির উবাচ। 12-33-0x (5403)
কানি কৃৎবেহ কর্মাণি প্রায়শ্চিত্তীয়তে নরঃ।
কিং কৃৎবা মুচ্যতে তত্র তন্মে ব্রূহি পিতামহ॥ 12-33-1 (66064)
ব্যাস উবাচ। 12-33-2x (5404)
অকুর্বন্বিহিতং কর্ম প্রতিষিদ্ধানি চাচরন্।
প্রায়শ্চিত্তীয়তে হ্যেবং নরো মিথ্যাঽনুবর্তয়ন্॥ 12-33-2 (66065)
সূর্যেণাভ্যুদিতো যশ্চ ব্রহ্মচারী ভবত্যুত।
তথা সূর্যাভিনির্মুক্তঃ কুনখী শ্যাবদন্নপি॥ 12-33-3 (66066)
পরিবিত্তিঃ পরিবেত্তা ব্রহ্মেজ্যায়াশ্চ দূষকঃ।
দিধিষূপতিস্তথা যঃ স্যাদগ্রেদিধিষুরেব চ॥ 12-33-4 (66067)
অবকীর্ণী ভবেদ্যশ্চ দ্বিজাতিবধকস্তথা।
অতীর্থে ব্রাহ্মণস্ত্যাগী তীর্থে চাপ্রতিপাদকঃ॥ 12-33-5 (66068)
গ্রাময়াজী চ কৌন্তেয় মাংসস্য পরিবিক্রয়ী।
যশ্চাগ্নীনপবিধ্যেত তথৈব ব্রহ্মবিক্রয়ী॥ 12-33-6 (66069)
শূদ্রস্ত্রীবধকো যশ্চ পূর্বঃ পূর্বস্তু গর্হিতঃ।
বৃথা পশুসমালম্ভী বনদাহস্য কারকঃ॥ 12-33-7 (66070)
অনৃতেনোপবর্তী চ প্রতিষেদ্ধা গুরোস্তথা।
`স্বদত্তস্যাপহর্তা চ পরদত্তনিরোধকঃ॥ 12-33-8 (66071)
বাগ্দত্তং চ মনোদত্তং ধারাদত্তং চ যো হরেৎ।
পাকভেদেন ভোক্তা চ ভুঞ্জানস্যাপ্যনাদরঃ॥ 12-33-9 (66072)
স্বজনৈঃ কলহং চৈব আশ্রিতানামরক্ষণম্। '
এতান্যেনাংসি সর্বাণি ব্যুৎক্রান্তসময়শ্চ যঃ॥ 12-33-10 (66073)
অকার্যাণি তু বক্ষ্যামি যানি তানি নিবোধ মে।
লোকবেদবিরুদ্ধানি তান্যেকাগ্রমনাঃ শৃণু॥ 12-33-11 (66074)
স্বধর্মস্য পরিত্যাগঃ পরধর্মস্য চ ক্রিয়া।
অয়াজ্যযাজনং চৈব তথাঽভক্ষ্যস্য ভক্ষণম্॥ 12-33-12 (66075)
শরণাগতসংত্যাগো ভৃত্যস্যাভরণং তথা।
রসানাং বিক্রয়শ্চাপি তির্যগ্যোনিবধস্তথা॥ 12-33-13 (66076)
আধানাদীনি কর্মাণি শক্তিমান্ন করোতি যঃ।
অপ্রয়চ্ছংশ্চ সর্বাণি নিত্যদেয়ানি ভারত॥ 12-33-14 (66077)
দক্ষিণানামদানং চ ব্রাহ্মণস্বাভিমর্শনম্।
সর্বাণ্যেতান্যকার্যাণি প্রাহুর্ধর্মবিদো জনাঃ॥ 12-33-15 (66078)
পিত্রা বিবদতে পুত্রো যশ্চ স্যাদ্গুরুতল্পগঃ।
অপ্রজায়ন্নরব্যাঘ্র ভবত্যধার্মিকো নরঃ॥ 12-33-16 (66079)
উক্তান্যেতানি কর্মাণি বিস্তরেণেতরেণ চ॥ 12-33-17 (66080)
যানি কুর্বন্নিকুর্বংশ্চ প্রায়শ্চিত্তীয়তে নরঃ।
এতান্যেব তু কর্মাণি ক্রিয়মাণানি মানবৈঃ।
যেষুয়েষু নিমিত্তেষু ন লিপ্যন্তেঽথ তাঞ্শৃণু॥ 12-33-18 (66081)
প্রগৃহ্য শস্ত্রমায়ান্তমপি বেদান্তগং রণে।
জিঘাংসন্তং জিঘাংসীয়ান্ন তেন ব্রহ্মহা ভবেৎ॥ 12-33-19 (66082)
ইতি চাপ্যত্র কৌন্তেয় মন্ত্রো বেদেষু পঠ্যতে।
বেদপ্রমাণবিহিতং ধর্মং চ প্রব্রবীমি তে॥ 12-33-20 (66083)
অপেতং ব্রাহ্মণং বৃত্তাদ্যো হন্যাদাততায়িনম্।
ন তেন ব্রহ্মহা স স্যান্মন্যুস্তন্মন্যুমৃচ্ছতি॥ 12-33-21 (66084)
প্রাণাত্যযে তথা জ্ঞানাদাচরন্মদিরামপি।
আদেশিতো ধর্মপরৈঃ পুনঃ সংস্কারমর্হতি॥ 12-33-22 (66085)
এতত্তে সর্বমাখ্যাতং কৌন্তেয়াভক্ষ্যভক্ষণম্।
প্রায়শ্চিত্তবিধানেন সর্বমেতেন শুদ্ধ্যতি॥ 12-33-23 (66086)
গুরুতল্পং হি গুর্বর্থং ন দূষয়তি মানবম্।
উদ্দালকঃ শ্বেতকেতুং জনয়ামাস শিষ্যতঃ॥ 12-33-24 (66087)
স্তেয়ং কুর্বংশ্চ গুর্বর্থমাপৎসু ন নিষিধ্যতে।
বহুশঃ কামকারেণ ন চেদ্যঃ সংপ্রবর্ততে॥ 12-33-25 (66088)
অন্যত্র ব্রাহ্মণস্বেভ্য আদদানো ন দুষ্যতি।
স্বয়মপ্রাশিতা যশ্চ ন স পাপেন লিপ্যতে॥ 12-33-26 (66089)
প্রাণত্রাণেঽনৃতং বাচ্যমাত্মনো বা পরস্য চ।
গুর্বর্থে স্ত্রীষু চৈব স্যাদ্বিবাহকরণেষু চ॥ 12-33-27 (66090)
নাবর্ততে ব্রতং স্বপ্নে শুক্রমোক্ষে কথংচন।
আজ্যহোমঃ সমিদ্ধেঽগ্নৌ প্রায়শ্চিত্তং বিধীয়তে॥ 12-33-28 (66091)
পারিবিত্ত্যং তু পতিতে নাস্তি প্রব্রজিতে তথা।
ভিক্ষিতে পারদার্যং চ তদ্ধর্মস্য ন দূষকম্॥ 12-33-29 (66092)
বৃথা পশুসমালম্ভং নৈব কুর্যান্ন কারয়েৎ।
ভ্রনুগ্রহঃ পশূনাং হি সংস্কারো বিধিনোদিতঃ॥ 12-33-30 (66093)
অনর্হে ব্রাহ্মণে দত্তমজ্ঞানাত্তন্ন দূষকম্।
সৎকারাণাং তথা তীর্থে নিত্যং বা প্রতিপাদনম্॥ 12-33-31 (66094)
স্ত্রিয়াস্তথাপচারিণ্যা নিষ্কৃতিঃ স্যাদদূষিকা।
অপি সা পূয়তে তেন ন তু ভর্তা প্রদুষ্যতি॥ 12-33-32 (66095)
তত্ৎবং জ্ঞাৎবা তু সোমস্য বিক্রয়ঃ স্যাদদোষবান্।
অসমর্থস্য ভৃত্যস্য বিসর্গঃ স্যাদদোষবান্॥ 12-33-33 (66096)
বনদাহো গবামর্থে ক্রিয়মাণো ন দূষকঃ।
উক্তান্যেতানি কর্মাণি যানি কুর্বন্ন দুষ্যতি॥ 12-33-34 (66097)
প্রায়শ্চিত্তানি বক্ষ্যামি বিস্তরেণৈব ভারত।
`যানি কৃৎবা নরঃ পূতো ভবিষ্যতি নরাধিপ॥' ॥ 12-33-35 (66098)
ইতি শ্রীমন্মহাভারতে শান্তিপর্বণি রাজধর্মপর্বণি ত্রয়স্ত্রিংশোঽধ্যায়ঃ॥ 33॥
Mahabharata - Shanti Parva - Chapter Footnotes
12-33-1 প্রায়শ্চিত্তীয়তে প্রায়শ্চিত্তেঽধিক্রিয়তে॥ 12-33-2 মিথ্যানুবর্তয়ন্কাপট্যং চরন্॥ 12-33-4 অনূঢে জ্যেষ্ঠে ঊঢবান্ কনিষ্ঠঃ পরিবেত্তা। পরিবিত্তিঃ পূর্বজঃ। জ্যেষ্ঠায়ামনূঢায়াং কনিষ্ঠামূঢবানগ্রেদিধিষুঃ। দিধিষূপতিস্তু কনিষ্ঠাবিবাহোত্তরং জ্যেষ্ঠামূঢবান্॥ 12-33-5 অবকীর্ণাং নষ্টব্রতঃ। অতীর্থে অপাত্রে ত্যাগী দাতা॥ 12-33-6 অপবিধ্যেত ত্যজেৎ। ব্রহ্মবিক্রয়ী ভৃতকাধ্যাপকঃ॥ 12-33-14 নিত্যদেয়ানি গোগ্রাসাদীনি॥ 12-33-16 অপ্রজায়ন্ ধর্মপত্ন্যাং কালে মৈথুনমকুর্বন্॥ 12-33-17 ইতরেণ সংক্ষেপেণ॥ 12-33-19 জিঘাংসী হন্তুমিচ্ছাবান্। ইয়াৎ গচ্ছেৎ॥ 12-33-20 মন্ত্রো মন্যুরকার্ষীন্নমোনম্ ইত্যাদির্মন্যবে স্বাহেত্যন্তঃ॥ 12-33-21 মন্যুঃ ক্রোধঃ তন্মন্যুং শত্রোঃ ক্রোধং প্রতি ঋচ্ছতি গচ্ছতি। ক্রোধ এব তং প্রতীপীভূয় পরশরীরদ্বারা হন্তীত্যর্থঃ॥ 12-33-22 আদেশিত উপদিষ্টঃ॥ 12-33-24 গুর্বর্থং গুর্বাজ্ঞয়া॥ 12-33-26 স্বয় প্রকাশিতো যশ্চ ইতি ট. ড. থ. পাঠঃ॥ 12-33-28 ব্রতং নাবর্ততে পুনরুপনয়নং ন কর্তব্যমিত্যর্থঃ। আজ্যহোমঃ পুনর্মামৈৎবিন্দ্রিয়মিতি মন্ত্রেণ॥ 12-33-29 বতিপ্তে জ্যেষ্ঠভ্রাতরি। ভিক্ষিতে ধর্মার্থমপি রেতঃ সিঞ্চেতি স্ত্রিয়া প্রার্থিতে সতি॥ 12-33-30 পশূনামনুগ্রহঃ অহিংসনং সংস্কারঃ পাবিত্র্যমিত্যন্বয়ঃ॥শান্তিপর্ব - অধ্যায় 034
॥ শ্রীঃ ॥
12.34. অধ্যায়ঃ 034
Mahabharata - Shanti Parva - Chapter Topics
ব্যাসেন যুধিষ্ঠিরংপ্রতি পাপানাং প্রায়শ্চিত্তাদিকথনম্॥ 1॥Mahabharata - Shanti Parva - Chapter Text
12-34-0 (66099)
ব্যাস উবাচ। 12-34-0x (5405)
তপসা কর্মণা চৈব প্রদানেন চ ভারত।
পুনাতি পাপং পুরুষঃ পূতশ্চেন্ন প্রবর্ততে॥ 12-34-1 (66100)
এককালং তু ভুঞ্জানশ্চরন্ভৈক্ষং স্বকর্মকৃৎ।
কপালপাণিঃ খট্বাঙ্গী ব্রহ্মচারী সদোত্থিতঃ॥ 12-34-2 (66101)
অনসূয়ুরধঃ শায়ী কর্ম লোকে প্রকাশয়ন্।
পূর্ণৈর্দ্বাদশভির্বর্ষৈর্ব্রহ্মহা বিপ্রমুচ্যতে॥ 12-34-3 (66102)
লক্ষ্যঃ শস্ত্রভৃতাং বা স্যাদ্বিদুষামিচ্ছয়াঽঽত্মনঃ।
প্রাস্যেদাত্মানমগ্নৌ বা সমিদ্ধে ত্রিরবাক্শিরাঃ॥ 12-34-4 (66103)
জপন্বাঽন্যতমং বেদং যোজনানাং শতং ব্রজেৎ।
সর্বস্বং বা বেদবিদে ব্রাহ্মণায়োপপাদয়েৎ॥ 12-34-5 (66104)
ধনং বা জীবনায়ালং গৃহং বা সপরিচ্ছদম্।
মুচ্যতে ব্রহ্মহত্যায়া গোপ্তা গোব্রাহ্মণস্য চ॥ 12-34-6 (66105)
ষঙ্গির্বর্ষৈঃ কৃচ্ছ্রভোজী ব্রহ্মহা পূয়তে নরঃ।
মাসেমাসে সমশ্নংস্তু ত্রিভির্বর্ষৈঃ প্রমুচ্যতে॥ 12-34-7 (66106)
সংবৎসরেণ মাসাশী পূয়তে নাত্র সংশয়ঃ।
তথৈবোপবসন্রাজন্স্বল্পেনাপি প্রপূয়তে॥ 12-34-8 (66107)
ক্রতুনা চাশ্বমেধেন পূয়তে নাত্র সংশয়ঃ।
যে চাপ্যবভৃথস্নাতাঃ কেচিদেবংবিধা নরাঃ।
তে সর্বে ধূতপাপ্মানো ভবন্তীতি পরা শ্রুতিঃ॥ 12-34-9 (66108)
ব্রাহ্মণার্থে হতো যুদ্ধে মুচ্যতে ব্রহ্মহত্যযা॥ 12-34-10 (66109)
গবাং শতসহস্রং তু পাত্রেভ্যঃ প্রতিপাদয়েৎ।
ব্রহ্মহা বিপ্রমুচ্যেত সর্বপাপেভ্য এব চ॥ 12-34-11 (66110)
কপিলানাং সহস্রাণি যো দদ্যাৎপঞ্চবিংশতিম্।
দোগ্ধ্রীণাং স চ পাপেভ্যঃ সর্বেভ্যো বিপ্রমুচ্যতে॥ 12-34-12 (66111)
গোসহস্রং সবৎসানাং দোগ্ধ্রীণাং প্রাণসংশয়ে।
সাধুভ্যো বৈ দরিদ্রেভ্যো দত্ৎবা মুচ্যেত কিল্বিষাৎ॥ 12-34-13 (66112)
শতং বৈ যস্তু কাম্ভোজান্ব্রাহ্মণেভ্যঃ প্রয়চ্ছতি।
নিয়তেভ্যো মহীপাল স চ পাপাৎপ্রমুচ্যতে॥ 12-34-14 (66113)
মনোরথং তু যো দদ্যাদেকস্মা অপি ভারত।
ন কীর্তয়েত দত্ৎবা যঃ স চ পাপাৎপ্রমুচ্যতে॥ 12-34-15 (66114)
সুরাপানং সকৃৎকৃৎবা যোঽগ্নিবর্ণাং সুরাং পিবেৎ।
স পাবয়ত্যথাত্মানমিহ লোকে পরত্র চ॥ 12-34-16 (66115)
মরুপ্রপাতং প্রপতঞ্জ্বলনং বা সমাবিশন্।
মহাপ্রস্থানমাতিষ্ঠন্মুচ্যতে সর্বকিল্বিষৈঃ॥ 12-34-17 (66116)
বৃহস্পতিসবেনেষ্ট্বা সুরাপো ব্রাহ্মণঃ পুনঃ।
সমিতিং ব্রাহ্মণো গচ্ছেদিতি বৈ ব্রহ্মণঃ শ্রুতিঃ॥ 12-34-18 (66117)
ভূমিপ্রদানং কুর্যাদ্যঃ সুরাং পীৎবা বিমৎসরঃ।
পুনর্ন চ পিবেদ্রাজন্সংস্কৃতঃ স চ শুধ্যতি॥ 12-34-19 (66118)
গুরুতল্পী শিলাং তপ্তামায়সীমভিসংবিশেৎ।
অবকৃত্যাত্মনঃ শেফং প্রব্রজেদূর্ধ্বদর্শনঃ॥ 12-34-20 (66119)
শরীরস্য বিমোক্ষেণ মুচ্যতে কর্মণোঽশুভাৎ।
কর্মভ্যো বিপ্রমুচ্যন্তে যতাঃ সংবৎসরং স্ত্রিয়ঃ॥ 12-34-21 (66120)
মহাব্রতং চরেদ্যস্তু দদ্যাৎসর্বস্বমেব তু।
গুর্বর্থে বা হতো যুদ্ধে স মুচ্যেৎকর্মণোঽশুভাৎ॥ 12-34-22 (66121)
অনৃতেনোপবর্তী চেৎপ্রতিরোদ্ধা গুরোস্তথা।
উপাহৃত্য প্রিয়ং তস্মৈ তস্মাৎপাপাৎপ্রমুচ্যতে॥ 12-34-23 (66122)
অবকীর্ণনিমিত্তং তু ব্রহ্মহত্যাব্রতং চরেৎ।
গোচর্মবাসাঃ ষণ্মাসাংস্তথা মুচ্যেত কিল্বিষাৎ॥ 12-34-24 (66123)
পরদারোপসেবী তু পরস্যাপহরন্বসু।
সংবৎসরং ব্রতী ভূৎবা তথা মুচ্যেত কিল্বিষাৎ॥ 12-34-25 (66124)
ধনং তু যস্যাপহরেত্তস্মৈ দদ্যাৎসমং বসু।
বিবিধেনাভ্যুপায়েন তদা মুচ্যেত কিল্বিষাৎ॥ 12-34-26 (66125)
কৃচ্ছ্রাদ্দ্বাদশরাত্রেণ সংয়তাত্মা ব্রতে স্থিতঃ।
পরিবেত্তা ভবেৎপূতঃ পরিবিত্তিস্তথৈব চ॥ 12-34-27 (66126)
নিবেশ্যং তু পুনস্তেন ভবেত্তারয়তা পিতৄন্।
ন তু স্ত্রিয়া ভবেদ্দোষো ন তু সা তেন লিপ্যতে॥ 12-34-28 (66127)
ভোজনং হ্যন্তরাশুদ্ধং চাতুর্মাস্যে বিধীয়তে।
স্ত্রিয়স্তেন প্রশুধ্যন্তি ইতি ধর্মবিদো বিদুঃ॥ 12-34-29 (66128)
স্ত্রিয়স্ৎবাশঙ্কিতাঃ পাপে নোপগম্যা বিজানতা।
রজসা তা বিশুধ্যন্তে ভস্মনা ভাজনং যথা॥ 12-34-30 (66129)
পাদজোচ্ছিষ্টকাংস্যং যদ্গবা ঘ্রাতমথাপি বা।
গণ্ডূষোচ্ছিষ্টমপি বা বিশুধ্যেদ্দশভিস্তু তৎ॥ 12-34-31 (66130)
চতুষ্পাৎসকলো ধর্মো ব্রাহ্মণস্য বিধীয়তে।
পাদোন ইষ্টো রাজন্যে তথা ধর্মো বিধীয়তে॥ 12-34-32 (66131)
তথা বৈশ্যে চ শূদ্রে চ পাদঃ পাদো বিধীয়তে।
বিদ্যাদেবংবিধনৈষাং গুরুলাঘবনিশ্চয়ম্॥ 12-34-33 (66132)
তির্যগ্যোনিবধং কৃৎবা দ্রুমাংশ্ছিৎবোত্তরান্বহূন্।
ত্রিরাত্রং বায়ুভক্ষঃ স্যাৎকর্ম চ প্রথয়ন্নরঃ॥ 12-34-34 (66133)
অগম্যাগমনে রাজন্প্রায়শ্চিত্তং বিধীয়তে।
আর্দ্রবস্ত্রেণ ষণ্মাসান্বিভাব্যং ভস্মশায়িনা॥ 12-34-35 (66134)
এবমেব তু সর্বেষামকার্যাণাং বিধির্ভবেৎ।
ব্রহ্মণোক্তেন বিধিনা দৃষ্টান্তাগমহেতুভিঃ॥ 12-34-36 (66135)
সাবিত্রীমপ্যধীয়ানঃ শুচৌ দেশে মিতাশনঃ।
অহিংসো মন্দকং জল্পান্মুচ্যতে সর্বকিল্বিষাৎ॥ 12-34-37 (66136)
অহঃ সু সততং তিষ্ঠেদভ্যাকাশং নিশাঃ স্বপন্।
ত্রিরহ্নি ত্রির্নিশায়াং চ সবাসা জলমাবিশেৎ॥ 12-34-38 (66137)
স্ত্রীশূদ্রপতিতাংশ্চাপি নাভিভাষেদ্ব্রতান্বিতঃ।
পাপান্যজ্ঞানতঃ কৃৎবা মুচ্যেদেবংব্রতো দ্বিজঃ॥ 12-34-39 (66138)
শুভাশুভফলং প্রেত্য লভতে ভূতসাক্ষিকম্।
অতিরিচ্যেত্তয়োর্যস্তু তৎকর্তা লভতে ফলম্॥ 12-34-40 (66139)
তস্মাদ্দানেন তপসা কর্মণা চ ফলং শুভম্।
বর্ধয়েদশুভং কৃৎবা যথা স্যাদতিরেকবান্॥ 12-34-41 (66140)
কুর্যাচ্ছুভানি কর্মাণি নিমিত্তে পাপকর্মণাম্।
দদ্যান্নিত্যং চ বিত্তানি তথা মুচ্যেত কিল্বিষাৎ॥ 12-34-42 (66141)
অনুরূপং হি পাপস্য প্রায়শ্চিত্তমুদাহৃতম্।
মহাপাতকবর্জং তু প্রায়শ্চিত্তং বিধীয়তে॥ 12-34-43 (66142)
ভক্ষ্যাভক্ষ্যেষু চান্যেষু বাচ্যাবাচ্যে তথৈব চ।
অজ্ঞানজ্ঞানয়ো রাজন্বিহিতান্যনুজানতঃ॥ 12-34-44 (66143)
জানতা তু কৃতং পাপং গুরু সর্বং ভবত্যুত।
অজ্ঞানাৎস্খলিতে দোষে প্রায়শ্চিত্তং বিধীয়তে॥ 12-34-45 (66144)
শক্যতে বিধিনা পাপং যথোক্তেন ব্যপোহিতুম্।
আস্তিকে শ্রদ্দধানে চ বিধিরেষ বিধীয়তে॥ 12-34-46 (66145)
নাস্তিকাশ্রদ্দধানেষু পুরুষেষু কদাচন।
দম্ভদ্বেষপ্রধানেষু বিধিরেষ ন শিষ্যতে॥ 12-34-47 (66146)
শিষ্টাচারশ্চ দিষ্টশ্চ ধর্মো ধর্মভূতাং বর।
সেবিতব্যো নরব্যাঘ্র প্রেত্যেহ চ হিতেপ্সুনা॥ 12-34-48 (66147)
স রাজন্মোক্ষ্যতে পাপাত্তেন পূর্ণেন হেতুনা।
ত্রাণার্থং বা বধে তেষামথবা নৃপকর্মণা॥ 12-34-49 (66148)
অথবা তে ঘৃণা কাচিৎপ্রায়শ্চিত্তং চরিষ্যসি।
মা চৈবানার্যজুষ্টেন মৃত্যুনা নিধনং গমঃ॥ 12-34-50 (66149)
বৈশম্পায়ন উবাচ। 12-34-51x (5406)
এবমুক্তো ভগবতা ধর্মরাজো যুধিষ্ঠিরঃ।
চিন্তয়িৎবা মুহূর্তেন প্রত্যুবাচ তপোধনম্॥ ॥ 12-34-51 (66150)
ইতি শ্রীমন্মহাভারতে শান্তিপর্বণি রাজধর্মপর্বণি চতুস্ত্রিংশোঽধ্যায়ঃ॥ 34॥
Mahabharata - Shanti Parva - Chapter Footnotes
12-34-1 তপসা কচ্ছ্রচান্দ্রায়ণাদিনা। কর্মণা যজ্ঞাদিনা পুনারিশোধয়তি॥ 12-34-3 কর্ম ব্রহ্মহত্যাম্॥ 12-34-5 অবাকূশিরাঃ যং কংচিদ্বেদং জপন্ যোজনানাং শতং ত্রির্ব্রজেৎ শতত্রয়যোজনং পদচারেণ তীর্থয়াত্রায়াং বেদং জপন্মুচ্যত ইত্যর্থঃ॥ 12-34-7 কচ্ছ্রভোজী কৃচ্ছ্ররীত্যা ভুঞ্জানঃ॥ 12-34-17 মরুপ্রপাতং নির্জলদেশে পর্বতাগ্রাৎপতনম্। মহাপ্রস্থানং কেদারে হিমবদাহোরণম্॥ 12-34-18 নিষ্পাপঃ সন্ ব্রাহ্মণসভামারোঢুং যোগ্যো ভবতীত্যর্থঃ॥ 12-34-19 উদপানং শিবং কুর্যাৎসুরামিতি ড. থ. পাঠঃ॥ 12-34-21 যতাঃ ত্যক্তাহারবিহারাঃ॥ 12-34-22 মহাব্রতং মাসমাত্রং জলস্যাপি ত্যাগঃ॥ 12-34-24 খরচর্মবাসাঃ ষণ্মাসানিতি ড.থ.পাঠঃ॥ 12-34-28 তেন কনিষ্ঠেন নিবেশ্যং বিবাহান্তরং কর্তব্যম্॥ 12-34-29 অন্তরাভোজনং ধারণাপারণব্রতেন মাসচতুষ্ট্যকৃতেন শুধ্যন্তি মহাপাপয়োগে। ভাজনং ৎবৃতুনাশুদ্ধং চাতুর্মাস্যং বিধীয়তে ইতি থ. পাঠঃ। ভাজনং পূতিনা শুদ্ধমিতি ড. পাঠঃ॥ 12-34-31 শূদ্রস্য উচ্ছিষ্টং কাংস্যং পাত্রম্। দশভিঃ শোধনৈঃ শুদ্ধ্যতি। তানি চ পঞ্চগব্যেন মৃত্তোয়ৈর্ভস্মনাম্লেন বহ্নিনেতি॥ 12-34-33 বিধীয়তে পাদঃ পাদোঽপকৃষ্ট ইত্যর্থঃ। বৈশ্যস্য দ্বিপাদঃ। শূদ্রস্য পাদমাত্রঃ। ধর্মঃ শৌচাদিঃ॥ 12-34-36 দৃষ্টান্তভূতো য আগমস্তত্রোক্তৈর্হেতুভির্যাবদেন ইত্যাদ্যৈঃ॥ 12-34-38 তিষ্ঠেদিত্যুপবেশনাদের্ব্যাবৃত্তিঃ। অভ্যাকাশং নিরাবরণে স্থণ়্ডিলাদৌ। অনুরূপং হি পাপস্য অভ্যাকাশমিতি ট. পাঠঃ॥ 12-34-40 যত্র পুণ্যে পাপে বাতিরিচ্যেৎ যোঽধিকো ভবতি স ইতরেণেতরদভিভূয়াতিরিক্তস্য ফলং ভুঙ্ক্ত ইত্যর্থঃ। অতিরিচ্যেত যো যত্র ইতি ঝ. পাঠঃ॥শান্তিপর্ব - অধ্যায় 035
॥ শ্রীঃ ॥
12.35. অধ্যায়ঃ 035
Mahabharata - Shanti Parva - Chapter Topics
ব্যাসেন যুধিষ্ঠিরংপ্রতি ভক্ষ্যাভক্ষ্যপাত্রাপাত্রবিবেচনম্॥ 1॥Mahabharata - Shanti Parva - Chapter Text
12-35-0 (66151)
যুধিষ্ঠির উবাচ। 12-35-0x (5407)
কিং ভক্ষ্যং চাপ্যভক্ষ্যং চ কিংচ দেয়ং প্রশস্যতে।
কিংচ পাত্রমপাত্রং বা তন্মে ব্রূহি পিতামহ॥ 12-35-1 (66152)
ব্যাস উবাচ। 12-35-2x (5408)
অত্রাপ্যুদাহরন্তীমমিতিহাসং পুরাতনম্।
সিদ্ধানাং চৈব সংবাদং মনোশ্চৈব প্রজাপতেঃ॥ 12-35-2 (66153)
ঋষয়স্তু ব্রতপরাঃ সমাগম্য পুরা বিভুম্।
ধর্মং পপ্রচ্ছুরাসীনমাদিকালে প্রজাপতিম্॥ 12-35-3 (66154)
কথমন্ত্রং কথং দানং গম্যাগম্যাঃ কথং স্ত্রিয়ঃ।
কার্যাকার্যং চ যৎসর্বং শংস বৈ ৎবং প্রজাপতে॥ 12-35-4 (66155)
তৈরেবমুক্তো ভগবান্মনুঃ স্বায়ংভুবোঽব্রবীৎ।
শুশ্রূষধ্বং যথাবৃত্তং ধর্মং ব্যাসসমাসতঃ॥ 12-35-5 (66156)
অনাদেশে জপো হোম উপবাসস্তথৈব চ।
আত্মজ্ঞানং পুণ্যনদ্যো যত্র প্রায়শ্চ তৎপরাঃ॥ 12-35-6 (66157)
অনাদিষ্টং তথৈতানি পুণ্যানি ধরণীভৃতঃ।
সুবর্ণপ্রাশনমপি রত্নাদিস্নানমেব চ॥ 12-35-7 (66158)
দেবস্থানাভিগমনমাজ্যপ্রাশনমেব চ।
এতানি মেধ্যং পুরুষং কুর্বন্ত্যাশু ন সংশয়ঃ॥ 12-35-8 (66159)
ন গর্বেণ ভবেৎপ্রাজ্ঞঃ কদাচিদপি মানবঃ।
দীর্ঘমায়ুরথেচ্ছন্হি ত্রিরাত্রং চোষ্ণপো ভবেৎ॥ 12-35-9 (66160)
অদত্তস্যানুপাদানং দানমধ্যযনং তপঃ।
অহিংসা সত্যমক্রোধং ক্ষমা ধর্মস্য লক্ষণম্॥ 12-35-10 (66161)
স এব ধর্মঃ সোঽধর্মো দেশকালে প্রতিষ্ঠিতঃ।
আদানমনৃতং হিংসা ধর্মো হ্যাত্যন্তিকঃ স্মৃতঃ॥ 12-35-11 (66162)
দ্বিবিধৌ চাপ্যুভাবেতৌ ধর্মাধর্মৌ বিজানতাম্।
অপ্রবৃত্তিঃ প্রবৃত্তিশ্চ দ্বৈবিধ্যং লোকবেদয়োঃ॥ 12-35-12 (66163)
অপ্রবৃত্তেরমর্ত্যৎবং মর্ত্যৎবং কর্মণঃ ফলম্।
অশুভস্যাশুভং বিদ্যাচ্ছুভস্য শুভমেব চ।
এতয়োশ্চোভয়োঃ স্যাতাং শুভাশুভতয়া তথা॥ 12-35-13 (66164)
দৈবং চ দৈবসংয়ুক্তং প্রাণশ্চ প্রলয়স্তথা।
অপ্রেক্ষাপূর্বকরণাদশুভানাং শুভং ফলম্॥ 12-35-14 (66165)
ঊর্ধ্বং ভবতি সংদেহাদিহাদিষ্টার্থমেব চ।
অপ্রেক্ষাপূর্বকরণাৎপ্রায়শ্চিত্তং বিধীয়তে॥ 12-35-15 (66166)
ক্রোধমোহকৃতে চৈব দৃষ্টান্তাগমহেতুভিঃ।
শরীরাণামুপক্লেশো মনসশ্চ প্রিয়াপ্রিয়ে।
তদৌষধৈশ্চ মন্ত্রৈশ্চ প্রায়শ্চিত্তৈশ্চ শাম্যতি॥ 12-35-16 (66167)
উপবাসেনৈকরাত্রং দণ্ডোৎসর্গে নরাধিপঃ।
বিশুদ্ধ্যেদাত্মশুদ্ধ্যর্থং ত্রিরাত্রং তু পুরোহিতঃ॥ 12-35-17 (66168)
ক্ষয়ং শোকং প্রকুর্বাণো ন ম্রিয়েত যদা নরঃ।
শস্ত্রাদিভিরুপাবিষ্টস্ত্রিরাত্রং তত্র নির্দিশেৎ॥ 12-35-18 (66169)
জাতিশ্রেণ্যধিবাসানাং কুলধর্মাংশ্চ শাশ্বতান্।
বর্জয়ন্তি চ যে ধর্মং তেষাং ধর্মো ন বিদ্যতে॥ 12-35-19 (66170)
দশ বা বেদশাস্ত্রজ্ঞাস্ত্রয়ো বা ধর্মপাঠকাঃ।
যদ্ব্রূয়ুঃ কার্য উৎপন্নে স ধর্মো ধর্মসংশয়ে॥ 12-35-20 (66171)
অনুষ্ণা মৃত্তিকা চৈব তথা ক্ষুদ্রপিপীলিকাঃ।
শ্লেষ্মাতকস্তথা বিপ্রৈরভক্ষ্যং বিষমেব চ॥ 12-35-21 (66172)
অভক্ষ্যা ব্রাহ্মণৈর্মৎস্যাঃ শকলৈর্যে বিবর্জিতাঃ।
চতুষ্পাৎকচ্ছপাদন্যো মণ্ডূকা জলজাশ্চ যে॥ 12-35-22 (66173)
ভাসা হংসাঃ সুপর্ণাশ্চ চক্রবাকাঃ প্লবা বকাঃ।
কাকো মদ্রুশ্চ গৃধ্রশ্চ শ্যেনোলূকস্তথৈব চ॥ 12-35-23 (66174)
ক্রব্যাদা দংষ্ট্রিণঃ সর্বে চতুষ্পাৎপক্ষিণশ্চ যে।
যেষাং চোভয়তো দন্তাশ্চতুর্দংষ্ট্রাশ্চ সর্বশঃ॥ 12-35-24 (66175)
এডকাশ্চ মৃগোষ্ট্রাণাং সূকরাণাং গবামপি।
মানুষীণাং খরীণাং চ ন পিবেদ্ব্রাহ্মণঃ পয়ঃ॥ 12-35-25 (66176)
প্রেতান্নং সূতকান্নং চ যচ্চ কিংচিদনির্দশম্।
অভোজ্যং চাপ্যপেয়ং চ ধেনোর্দুগ্ধমনির্দশম্॥ 12-35-26 (66177)
রাজান্নং তেজ আদত্তে শূদ্রান্নং ব্রহ্মবর্চসম্।
আয়ুঃ সুবর্ণকারান্নমবীরায়াশ্চ যোষিতঃ॥ 12-35-27 (66178)
বিষ্ঠা বার্ধুষিকস্যান্নং গণিকান্নমথেন্দ্রিয়ম্।
মৃষ্যন্তি যে চোপপতিং স্ত্রীজিতান্নং চ সর্বশঃ॥ 12-35-28 (66179)
দীক্ষিতস্য কদর্যস্য ক্রতুবিক্রয়িকস্য চ।
তক্ষ্ণশ্চর্মাবকর্তুশ্চ পুংশ্চল্যা রজকস্য চ॥ 12-35-29 (66180)
চিকিৎসকস্য যচ্চান্নমভোজ্যং রক্ষিণস্তথা।
গণগ্রামাভিশস্তানাং রঙ্গস্ত্রীজীবিনাং তথা॥ 12-35-30 (66181)
পরিবিত্তীনামপুংসাং চ বন্দিদ্যূতবিদাং তথা।
বামহস্তাহৃতং চান্নং শুষ্কং পর্যুষিতং চ যৎ॥ 12-35-31 (66182)
সুরানুগতমুচ্ছিষ্টমভোজ্যং শেষিতং চ যৎ।
পিষ্টমাংসেক্ষুশাকানামাবিকাজাপয়স্তথা।
সক্তু ধানা করম্ভাশ্চ নোপভোগ্যাশ্চিরস্থিতাঃ॥ 12-35-32 (66183)
পায়সং কৃসরং মাংসমপূপাশ্চ বৃথা কৃতাঃ।
অপেয়াশ্চাপ্যভক্ষ্যাশ্চ ব্রাহ্মণৈর্গৃহমেধিভিঃ॥ 12-35-33 (66184)
দেবানৃষীন্মনুষ্যাংশ্চ পিতৄন্গৃহ্যাশ্চ দেবতাঃ।
পূজয়িৎবা ততঃ পশ্চাদ্গৃহস্থো ভোক্তুমর্হতি॥ 12-35-34 (66185)
যথা প্রব্রজিতো ভিক্ষুস্তথৈব স্বে গৃহে বসেৎ।
এবংবৃত্তঃ প্রিয়ৈর্দারৈঃ সংবসন্ধর্মমাপ্নুয়াৎ॥ 12-35-35 (66186)
ন দদ্যাদ্যশসে দানং ন ভয়ান্নোপকারিণে।
ন নৃত্যগীতশীলেষু হাসকেষু চ ধার্মিকঃ॥ 12-35-36 (66187)
ন মত্তে চৈব নোন্মত্তে ন স্তেনে ন চ কুৎসকে।
ন বাগ্ঘীনে বিবর্ণে বা নাঙ্গহীনে ন বামনে॥ 12-35-37 (66188)
ন দুর্জনে দৌষ্কুলে বা ব্রতৈর্যো বা ন সংস্কৃতঃ।
ন শ্রোত্রিয়মৃতে দানং ব্রাহ্মণে ব্রহ্মবর্জিতে॥ 12-35-38 (66189)
অসম্যচ্কৈব যদ্দত্তমসম্যক্ চ প্রতিগ্রহঃ।
উভয়ং স্যাদনর্থায় দাতুরাদাতুরেব চ॥ 12-35-39 (66190)
যথা খদিরমালম্ব্য শিলাং বাপ্যর্ণবং তরন্।
মঞ্জেত মঞ্জতস্তদ্বদ্দাতা যশ্চ প্রতিগ্রহী॥ 12-35-40 (66191)
কাষ্ঠৈরার্দ্রৈর্যথা বহ্নিরুপস্তীর্ণো ন দীপ্যতে।
তপঃস্বাধ্যায়চারিত্রৈরেবং হীনঃ প্রতিগ্রহী॥ 12-35-41 (66192)
কপালে যদ্বদাপঃ স্যুঃ শ্বদৃতৌ চ যথা পয়ঃ।
আশ্রয়স্থানদোষেণ বৃত্তহীনে তথা শ্রুতম্॥ 12-35-42 (66193)
নির্মন্ত্রো নির্বৃতো যঃ স্যাদশাস্ত্রজ্ঞোঽনসূয়কঃ।
অনুক্রোশাৎপ্রদাতব্যং হীনেষ্বব্রতিকেষু চ॥ 12-35-43 (66194)
ন বৈ দেয়মনুক্রোশাদ্দীনায়াপগুণায় তু।
আপ্তাচরিত ইত্যেব ধর্ম ইত্যেব বা পুনঃ॥ 12-35-44 (66195)
নিষ্কারণং স্মৃতং দত্তং ব্রাহ্মণে ব্রহ্মবর্জিতে।
ন ফলেৎপাত্রদোষেণ ন চাত্রাস্তি বিচারণা॥ 12-35-45 (66196)
যথা দারুময়ো হস্তী যথা চর্মময়ো মৃগঃ।
ব্রাহ্মণশ্চানধীয়ানস্ত্রয়স্তে নামধারকাঃ॥ 12-35-46 (66197)
যথা ষণ্ঢোঽফলঃ স্ত্রীষু যথা গৌর্গবি চাফলা।
শকুনির্বাপ্যপক্ষঃ স্যান্নির্মন্ত্রো ব্রাহ্মণস্তথা॥ 12-35-47 (66198)
গ্রামস্থানং যথা শূন্যং যথা কূপশ্চ নির্জলঃ।
যথা হুতমনগ্নৌ চ তথৈব স্যান্নিরাকৃতৌ॥ 12-35-48 (66199)
দেবতানাং পিতৄণাং চ হব্যকব্যবিনাশকঃ।
সর্বথাঽর্থহরো মূর্খো ন লোকান্প্রাপ্তুমর্হতি॥ 12-35-49 (66200)
এতত্তে কথিতং সর্বং যথাবৃত্তং যুধিষ্ঠির।
সমাসেন মহদ্ধ্যেতচ্ছ্রোতব্যং নরতর্ষভ॥ ॥ 12-35-50 (66201)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চত্রিংশোঽধ্যায়ঃ॥ 35॥
Mahabharata - Shanti Parva - Chapter Footnotes
12-35-3 প্রজাপতিং মনুম্॥ 12-35-4 কথং পাত্রং দানমধ্যযনং তপ ইতি ঝ. পাঠঃ। তত্র কথং কেন প্রকারেণ। অন্নমদনীয়ং কিংদ্রব্যক কর্তব্যমিত্যর্থঃ॥ 12-35-5 ব্যারো বিস্তরঃ॥ 12-35-6 অনাদেশে বিশেষতোঽনুক্তে দোষে। যত্র দেশে তৎপরাঃ জপাদিপরাঃ প্রায়ঃ বহুশঃ সন্তি সোঽপি গঙ্গাদিবৎপাবন ইত্যর্থঃ॥ 12-35-7 তথা জপাদিবৎ। পুণ্যান্যেতানি বক্ষ্যমাণানি। ধরণীভৃতঃ পর্বতা ব্রহ্মগিরিপ্রভৃতয়ঃ। আদিপদাৎসুবর্ণস্নানাদি। অনাদিষ্টং প্রায়শ্চিত্তং সামান্যমিত্যর্থঃ॥ 12-35-9 গর্বেণ যুক্তো ন ভবেৎ পূজাং নাবগণয়েৎ। অবগণনে তু ত্রিরাত্রমুষ্ণপো ভবেদিতি তপ্তকৃচ্ছ্রং ধর্মশাস্ত্রোক্তং কুর্যাদিত্যর্থঃ॥ 12-35-10 তপ উপবাসাদি॥ 12-35-11 আদানং স্তেয়ম্। প্রাণাত্যযাদাবধর্মস্যাপি স্তেয়াদের্ধর্মৎবমিত্যর্থঃ॥ 12-35-12 বৈদিক্যৌ প্রবৃত্ত্যপ্রবৃত্তী মর্ত্যাৎবামৃতৎবপ্রদে। লৌকিক্যৌ তু তে শুভে চেচ্ছুভফলে অশুভে চেদশুভফলে ইত্যাহ দ্বাভ্যাং দ্বিবিধাবিতি॥ 12-35-13 এতয়োর্লৌকিক্যোঃ। ফলে অপি কারণানুরূপে ইত্যর্থঃ॥ 12-35-14 দৈবয়ুক্তং শাস্ত্রীয়ং কর্ম। প্রাণো জীবনম্। এতেষাং চতুর্ণামপ্রেক্ষাপূর্বং যৎকিংচিক্রিয়তে তর্হ্যশুভানো নীচানামপি পুংসাং তস্য ফলং শুভং ভবতি॥ 12-35-15 সত্যপি সংদেহে যল্লোকবিগানপরিহারার্থং কৃতং নিত্যাদি যচ্চ কেবলং দৃষ্টার্থং কৃতং শ্যেনাদি তত্রোভয়ত্রাপি॥ 12-35-16 ক্রোধাদিনা যন্মনসঃ প্রিয়মপ্রিয়ং কৃতং তত্র দৃষ্টান্তাগমহেতুভিঃ পূর্বোক্তৈর্যাবদেন ইত্যাদ্যৈঃ প্রমাণৈর্দেহস্য শোষণমুপবাসাদিকং প্রায়শ্চিত্তং কর্তব্যম্। ঔষধৈর্হবিষ্যাশনৈঃ। মন্ত্রৈশ্চ পবিত্রজপৈঃ। চাদন্যদপি। তীর্থাটনশ্রমাদিভিস্তৎপাপং শাম্যতীতি সার্ধম্॥ 12-35-18 ক্ষয়ং পুত্রাদিমরণনিমিত্তমাত্মবধার্থং প্রবৃত্তো ন ম্রিয়েত চেৎ ত্রিরাত্রমুপবাসং চরেৎ॥ 12-35-19 জাতির্ব্রাহ্মণৎবাদিঃ। শ্রেণী গৃহস্থাদীনাং পঙ্ক্তিঃ। অধিবাসো জন্ভভূমিঃ। জাত্যাদিধর্মাংশ্চ যে বর্জয়ন্তি তেষাং ধর্মঃ প্রায়শ্চিত্তাদি স্বরূপো ন বিদ্যতে॥ 12-35-20 পাঠকাঃ শোধকাঃ। কার্যে প্রায়শ্চিত্তনিমিত্তে দোষে॥ 12-35-25 এডকা মেষী॥ 12-35-26 অভোজ্যং পায়সাদ্যন্তর্গতম্॥ 12-35-27 অবীরায়াঃ পতিপুত্রহীনায়াঃ॥ 12-35-28 ইন্দ্রিয়ং শুক্রম্। গণিকাদিত্রয়াণামন্নম্॥ 12-35-29 দীক্ষিতস্য অগ্নীষোমীয়বপাহোমাৎপ্রাঙ্ ন ভোক্তব্যম্। কদর্যো ধনব্যযভয়াদ্ভোগত্যাগহীনঃ॥ 12-35-30 রক্ষিণো গ্রামপালকস্য সীমাদিরক্ষিণো বা॥ 12-35-31 বাদ্যমানাহৃতং চান্নমিতি ট.ড.থ. পাঠঃ॥ 12-35-32 শেষিতং কুটুম্বায়াঽদত্ৎবাত্মার্থং রক্ষিতম্। ধানা ভৃষ্টয়বাঃ। করম্ভা দধিসক্তবঃ॥ 12-35-33 কৃসরং তিলমিশ্র ওদনঃ। বৃথাকৃতাঃ দেবতাদ্যুদ্দেশং বিনা কৃতাঃ॥ 12-35-36 হাসকেষু পরিহাসপরেষু ভাণ্ডেষু॥ 12-35-37 বাগ্ধীনে মূকে মূর্খে বা॥ 12-35-42 শ্বদৃতৌ শুনকচর্মময়ে কোশে॥ 12-35-43 অনুক্রোশাদ্দয়যা॥ 12-35-44 আপ্তচরিত ইষ্টকারীতি বুদ্ধ্যা ধর্মবুদ্ধ্যা বা নির্মন্ত্রে ন দেয়মিত্যাহ নবা ইতি॥ 12-35-45 নিষ্কারণং নিষ্ফলম্॥ 12-35-48 নিরাকৃতৌ মূর্খে॥শান্তিপর্ব - অধ্যায় 036
॥ শ্রীঃ ॥
12.36. অধ্যায়ঃ 036
Mahabharata - Shanti Parva - Chapter Topics
ব্যাসেন ভীষ্মমুখারাজধর্মাদিশ্রবণে আদিষ্টস্য যুধিষ্ঠিরস্য কৃষ্ণাদ্যাজ্ঞয়া ধৃতরাষ্ট্রাদিভিঃ সহ কুরুনগরপ্রবেশঃ॥ 1॥Mahabharata - Shanti Parva - Chapter Text
12-36-0 (66202)
যুধিষ্ঠির উবাচ। 12-36-0x (5409)
শ্রোতুমিচ্ছামি ভগবন্বিস্তরেণ মহামুনে।
রাজধর্মান্দ্বিজশ্রেষ্ঠ চাতুর্বর্ণ্যস্য চাখিলান্॥ 12-36-1 (66203)
আপৎসু চ যথা নীতিঃ প্রণেতব্যা দ্বিজোত্তম।
ধর্ম্যমালম্ব্য পন্থানং বিজয়েয়ং কথং মহীম্॥ 12-36-2 (66204)
প্রায়শ্চিত্তকথা হ্যেষা ভক্ষ্যাভক্ষ্যসমন্বিতা।
কৌতূহলানুপ্রবণা হর্ষং জনয়তীব মে॥ 12-36-3 (66205)
ধর্মচর্যা চ রাজ্যং চ নিত্যমেব বিরুধ্যতে।
এবং মুহ্যতি মে চেতশ্চিন্তয়ানস্য নিত্যশঃ॥ 12-36-4 (66206)
বৈশম্পায়ন উবাচ। 12-36-5x (5410)
তমুবাচ মহারাজ ব্যাসো বেদবিদাং বরঃ।
নারদং সমভিপ্রেক্ষ্য সর্বং জানন্পুরাতনম্॥ 12-36-5 (66207)
শ্রোতুমিচ্ছসি চেদ্ধর্মং নিখিলেন নরাধিপ।
প্রেহি ভীষ্মং মহাবাহো বৃদ্ধং কুরুপিতামহম্॥ 12-36-6 (66208)
স তে ধর্মরহস্যেষু সংশয়ান্মনসি স্থিতান্।
ছেত্তা ভাগীরথীপুত্রঃ সর্বজ্ঞঃ সর্বধর্মবিৎ॥ 12-36-7 (66209)
জনয়ামাস যং দেবী দিব্যা ত্রিপথগা নদী।
সাক্ষাদ্দদর্শ যো দেবান্সর্বানিন্দ্রপুরোগমান্॥ 12-36-8 (66210)
বৃহস্পতিপুরোগাংস্তু দেবর্ষীনসকৃৎপ্রভুঃ।
তোষয়িৎবোপচারেণ রাজনীতিমধীতবান্॥ 12-36-9 (66211)
উশনা বেদ যচ্ছাস্ত্রং দেবাসুরগুরুর্দ্বিজঃ।
স চ ধর্মং সবৈয়াখ্যং প্রাপ্তবান্কুরুসত্তমঃ॥ 12-36-10 (66212)
ভার্গবাচ্চ্যবনাচ্চাপি বেদানঙ্গোপবৃংহিতান্।
প্রতিপেদে মহাবুদ্ধির্বসিষ্ঠাচ্চরিতব্রতঃ॥ 12-36-11 (66213)
পিতামহসুতং জ্যেষ্ঠং কুমারং দীপ্ততেজসম্।
অধ্যাত্মগতিতত্ৎবজ্ঞমুপাশিক্ষত যঃ পুরা॥ 12-36-12 (66214)
মার্কণ্ডেয়মুখাৎকৃৎস্নং যতিধর্মমবাপ্তবান্।
রামাদস্ত্রাণি শক্রাচ্চ প্রাপ্তবান্পুরুপর্ষভঃ॥ 12-36-13 (66215)
মৃত্যুরাত্মেচ্ছয়া যস্য জাতস্য মনুজেষ্বপি।
তথাঽনপত্যস্য সতঃ পুণ্যলোকাদিবিশ্রুতাঃ॥ 12-36-14 (66216)
যস্য ব্রহ্মর্ষয়ঃ পুণ্যা নিত্যমাসন্স ভসাদঃ।
যস্য নাবিদিতং কিংচিজ্জ্ঞানং জ্ঞেয়েষু দৃশ্যতে॥ 12-36-15 (66217)
স তে বক্ষ্যতি ধর্মজ্ঞঃ সূক্ষ্মধর্মার্থতত্ৎববিৎ।
তমভ্যেহি পুরা প্রাণান্স বিমুঞ্চতি ধর্মবিৎ॥ 12-36-16 (66218)
এবমুক্তস্তু কৌন্তেয়ো দীর্ঘপ্রজ্ঞো মহামতিঃ।
উবাচ বদতাং শ্রেষ্ঠং ব্যাসং সত্যবতীসুতম্॥ 12-36-17 (66219)
যুধিষ্ঠির উবাচ। 12-36-18x (5411)
বৈশসং সুমহৎকৃৎবা জ্ঞাতীনাং রোমহর্ষণম্।
আগস্কৃৎসর্বলোকস্য পৃথিবীনাশকারকঃ॥ 12-36-18 (66220)
ঘাতয়িৎবা তমেবাজৌ ছলেনাজিহ্নয়োধিনম্।
উপসংপ্রষ্টুমর্হামি তমহং কেন হেতুনা॥ 12-36-19 (66221)
বৈশম্পায়ন উবাচ। 12-36-20x (5412)
ততস্তং নৃপতিশ্রেষ্ঠং চাতুর্বর্ণ্যহিতেপ্সয়া।
পুনরেব মহাবাহুর্যদুশ্রেষ্ঠোঽব্রবীদ্বচঃ॥ 12-36-20 (66222)
বাসুদেব উবাচ। 12-36-21x (5413)
নেদানীমতিনির্বন্ধং শোকে ৎবং কর্তুমর্হসি।
যদাহ ভগবান্ব্যাসস্তৎকুরুষ্ব নৃপোত্তম॥ 12-36-21 (66223)
ব্রাহ্মণাস্ৎবাং মহাবাহো ভ্রাতরশ্চ মহৌজসঃ।
পর্জন্যমিব ঘর্মান্তে নাথমানা উপাসতে॥ 12-36-22 (66224)
হতশিষ্টাশ্চ রাজানঃ কৃৎস্নং চৈব সমাগতম্।
চাতুর্বর্ণ্যং মহারাজ রাষ্ট্রং তে কুরুজাঙ্গলম্॥ 12-36-23 (66225)
প্রিয়ার্থমপি চৈতেষাং ব্রাহ্মণানাং মহাত্মনাম্।
নিয়োগাদস্য চ গুরোর্ব্যাসস্যামিততেজসঃ॥ 12-36-24 (66226)
সুহৃদামস্মদাদীনাং দ্রৌপদ্যাংশ্চ পরংতপ।
কুরু প্রিয়মমিত্রঘ্ন লোকস্য চ হিতং কুরু॥ 12-36-25 (66227)
বৈশম্পায়ন উবাচ। 12-36-26x (5414)
এবমুক্তঃ স কৃষ্ণেন রাজা রাজীবলোচনঃ।
হিতার্থং সর্বলোকস্য সমুত্তস্থৌ মহামনাঃ॥ 12-36-26 (66228)
সোঽনুনীতো নরব্যাঘ্র বিষ্টরশ্রবসা স্বয়ম্।
দ্বৈপায়নেন চ তথা দেবস্থানেন জিষ্ণুনা॥ 12-36-27 (66229)
এতৈশ্চান্যৈশ্চ বহুভিরনুনীতো যুধিষ্ঠিরঃ।
ব্যজহান্মানসং দুঃখং সংতাপং চ মহায়শাঃ॥ 12-36-28 (66230)
শ্রুতবাক্যঃ শ্রুতনিধিঃ শ্রুতশ্রাব্যবিশারদঃ।
ব্যবস্য মনসা শান্তিমগচ্ছৎপাণ্ডুনন্দনঃ॥ 12-36-29 (66231)
স তৈঃ পরিবৃতো রাজা নক্ষত্রৈরিব চন্দ্রমাঃ।
ধৃতরাষ্ট্রং পুরস্কৃত্য স্বপুরং প্রবিবেশ হ॥ 12-36-30 (66232)
প্রবিবিক্ষুঃ স ধর্মজ্ঞঃ কুন্তীপুত্রো যুধিষ্ঠিরঃ।
অর্চয়ামাস দেবাংশ্চ ব্রাহ্মণাংশ্চ সহস্রশঃ॥ 12-36-31 (66233)
ততো নবং রথং শুভ্রং কম্বলাজিনসংবৃতম্।
যুক্তং ষোডশভিস্ৎবশ্চৈঃ পাণ়্ডুরৈঃ শুভলক্ষণৈঃ॥ 12-36-32 (66234)
মন্ত্রৈরভ্যর্চিতং পণ্যৈঃ স্তূয়মানশ্চ বন্দিভিঃ।
আরুরোহ যথা দেবঃ সোমোঽম্রতময়ং যথম্॥ 12-36-33 (66235)
জগ্রাহ রশ্মীন্কৌন্তেয়ো ভীমো ভীমপরাক্রমঃ।
অর্জুনঃ পাণ্ডুরং ছত্রং ধারয়ামাস ভানুমৎ॥ 12-36-34 (66236)
ধ্রিয়মাণং চ তচ্ছত্রং পাণ্ডুরং রাজমূর্ধনি।
শুশুভে তারকারাজঃ সিতাভ্র ইব চাম্বরে॥ 12-36-35 (66237)
চামরব্যজনে ৎবস্য বীরৌ জগৃহতুস্তদা।
চন্দ্ররশ্মিপ্রয়ে শুভ্রে মাদ্রীপুত্রাবলংকৃতে॥ 12-36-36 (66238)
তে পঞ্চ রথমাস্থায় ভ্রাতরঃ সমলংকৃতাঃ।
ভূতানীব সমস্তানি রাজন্দদৃশিরে তদা॥ 12-36-37 (66239)
আস্থায় তু রথং শুভ্রং যুক্তমশ্বৈর্মনোজবৈঃ।
অন্বয়াৎপৃষ্ঠতো রাজন্যুয়ুৎসুঃ পাণ্ডবাগ্রজম্॥ 12-36-38 (66240)
রথং হেমময়ং শুভ্রং শৈব্যসুগ্রীবয়াজিতম্।
সহ সাত্যকিনা কৃষ্ণঃ সমাস্থায়ান্বয়াৎকুরূন্॥ 12-36-39 (66241)
নরয়ানেন তু জ্যেষ্ঠঃ পিতা পার্থস্য ভারত।
অগ্রতো ধর্মরাজস্য গান্ধারীসহিতো যয়ৌ॥ 12-36-40 (66242)
কুরুস্ত্রিয়শ্চ তাঃ সর্বাঃ কুন্তী কৃষ্ণা চ মাধবী।
যানৈরুচ্চাবচৈর্জগ্মুর্বিদুরেণ পুরস্কৃতাঃ॥ 12-36-41 (66243)
ততো রথাশ্চ বহুলা নাগাশ্বসমলংকৃতাঃ।
পাদাতাশ্চ হয়াশ্চৈব পৃষ্ঠতঃ সমনুব্রজন্॥ 12-36-42 (66244)
ততো বৈতালিকৈঃ সূতৈর্মাগধৈশ্চ সুভাষিতৈঃ।
স্তূয়মানো যয়ৌ রাজা নগরং নাগসাহ্বয়ম্॥ 12-36-43 (66245)
তৎপ্রয়াণং মাহবাহোর্বভূবাপ্রতিমং ভুবি।
আকুলাকুলমুৎক্রুষ্টং হৃষ্টপুষ্টজনাকুলম্॥ 12-36-44 (66246)
অভিয়ানে তু পার্থস্য নরৈর্নগরবাসিভিঃ।
নগরং রাজমার্গাশ্চ যথাবৎসমলংকৃতাঃ॥ 12-36-45 (66247)
পাণ্ডুরেণ চ মাল্যেন পতাকাভিশ্চ মেদিনী।
সংস্কৃতো রাজমার্গোঽভূদ্ধূপনৈশ্চ প্রধূপিতঃ॥ 12-36-46 (66248)
অথ চূর্ণৈশ্চ গন্ধানাং নানাপুষ্পপ্রিয়ঙ্গুভিঃ।
মাল্যদামভিরাসক্তৈ রাজবেশ্মাভিসংবৃতম্॥ 12-36-47 (66249)
কুম্ভাশ্চ নগরদ্বারি বারিপূর্ণা নবা দৃঢাঃ।
সিতাঃ সুমনসো গৌরাঃ স্থাপিতাস্তত্র তত্র হ॥ 12-36-48 (66250)
তথা স্বলংকৃতং দ্বারং নগরং পাণ্ডুনন্দনঃ।
স্তূয়মানঃ শুভৈর্বাক্যৈঃ প্রবিবেশ সুহৃদ্বৃতঃ॥ ॥ 12-36-49 (66251)
ইতি শ্রীমন্মহাভারতে শান্তিপর্বণি রাজধর্মপর্বণি ষট্ত্রিংশোঽধ্যায়ঃ॥ 36॥
Mahabharata - Shanti Parva - Chapter Footnotes
12-36-3 কৌতূহলেন প্রসঙ্গেনাঽনুপ্রবণা অভিমুখা॥ 12-36-6 প্রেহি প্রয়াহি॥ 12-36-10 যচ্চ দেবগুরুর্দ্রিজ ইতি ঝ. পাঠঃ। সবৈয়াখ্যং ব্যাখ্যাসহিতম্॥ 12-36-16 বিমুঞ্চতি বিমোক্ষ্যতি ততঃ পুরা॥ 12-36-18 বৈশসং বিনাশম্॥ 12-36-22 নাথমানাঃ যাচমানাঃ। উপাসত ইত্যুত্তরত্রাপি যোজ্যম্॥ 12-36-27 বিষ্টরশ্রবসা বিষ্ণুনা॥ 12-36-28 সংতাপং শারীরং তাপম্॥ 12-36-29 বাক্যানি বেদাবয়বাঃ। নিধিস্তদর্থবিচারগ্রন্থো মীমাংসা। শ্রুতং শ্রাব্যং নীতিশাস্ত্রাদি। ব্যবস্য কর্তব্যমর্থং নিশ্চিত্য॥ 12-36-33 অমৃতময়ং দেবতাময়ম্॥ 12-36-38 যুয়ুৎসুর্ধৃতরাষ্ট্রপুত্রঃ॥ 12-36-46 মেদিনী সমলংকৃতেত্যনুষজ্যতে। ধূপনৈঃ অগরুপ্রভৃতিভির্ধূপদ্রব্যৈঃ॥শান্তিপর্ব - অধ্যায় 037
॥ শ্রীঃ ॥
12.37. অধ্যায়ঃ 037
Mahabharata - Shanti Parva - Chapter Topics
রাজমার্গে নাগরৈঃ স্তূয়মানস্য যুধিষ্ঠিরস্য রাজগৃহমেত্য সভাপ্রবেশঃ॥ 1॥ তত্র যুধিষ্ঠিরং নিন্দতশ্চার্বাকরাক্ষসস্য ব্রাহ্মণৈর্হুংকারেণ ভস্মীকরণম্॥ 2॥Mahabharata - Shanti Parva - Chapter Text
12-37-0 (66252)
বৈশম্পায়ন উবাচ। 12-37-0x (5415)
প্রবেশনে তু পার্থানাং জনানাং পুরবাসিনাম্।
দিদৃক্ষূণাং সহস্রাণি সমাজগ্মুঃ সহস্রশঃ॥ 12-37-1 (66253)
স রাজমার্গঃ শুশুভে সমলংকৃতচৎবরঃ।
যথা চন্দ্রোদয়ে রাজন্বর্ধমানো মহোদধিঃ॥ 12-37-2 (66254)
গৃহাণি রাজমার্গেষু রত্নবন্তি মহান্তি চ।
প্রাকম্পন্তীব ভারেণ স্ত্রীণাং পূর্ণানি ভারত॥ 12-37-3 (66255)
তাঃ শনৈরিব সব্রীডং প্রশশংসুর্যুধিষ্ঠিরম্।
ভীমসেনার্জুনৌ চৈব মাদ্রীপুত্রৌ চ পাণ্ডবৌ॥ 12-37-4 (66256)
ধন্যা ৎবমসি পাঞ্চালি যা ৎবং পুরুষসত্তমান্।
উপতিষ্ঠসি কল্যাণি মহর্ষিমিব গৌতমী॥ 12-37-5 (66257)
তব কর্মাণ্যমোঘানি ব্রতচর্যা চ ভামিনি।
ইতি কৃষ্ণাং মহারাজ প্রশশংসুস্তদা স্ত্রিয়ঃ॥ 12-37-6 (66258)
প্রশংসাবচনৈস্তাসাং মিথঃ শব্দৈশ্চ ভারত।
প্রীতিজৈশ্চ তদা শব্দৈঃ পুরমাসীৎসমাকুলম্॥ 12-37-7 (66259)
তমতীত্য যথায়ুক্তং রাজমার্গং যুধিষ্ঠিরঃ।
অলংকৃতং শোভমানমুপাপাদ্রাজবেশ্ম হ॥ 12-37-8 (66260)
ততঃ প্রকৃতয়ঃ সর্বাঃ পৌরা জানপদাস্তদা।
ঊচুঃ কর্ণসুখা বাচঃ সমুপেত্য ততস্ততঃ॥ 12-37-9 (66261)
দিষ্ট্যা জয়সি রাজেন্দ্র শত্রূঞ্ছত্রুনিষূদন।
দিষ্ট্যা রাজ্যং পুনঃ প্রাপ্তং ধর্মেণ চ বলেন চ॥ 12-37-10 (66262)
ভব নস্ৎবং মহারাজ রাজেহ শরদাং শতম্।
প্রজাঃ পালয় ধর্মেণ যথেন্দ্রস্ত্রিদিবং তথা॥ 12-37-11 (66263)
এবং রাজকুলদ্বারি মঙ্গলৈরভিপূজিতঃ।
আশীর্বাদান্দ্বিজৈরুক্তান্প্রতিগৃহ্য সমন্ততঃ॥ 12-37-12 (66264)
প্রবিশ্য ভবনং রাজা দেবরাজগৃহোপমম্।
শ্রুৎবা বিজয়সংয়ুক্তং রথাৎপশ্চাদবাতরৎ॥ 12-37-13 (66265)
প্রবিশ্যাভ্যন্তরং শ্রীমান্দৈবতান্যভিগম্য চ।
পূজয়ামাস রত্নৈশ্চ গন্ধমাল্যৈশ্চ সর্বশঃ॥ 12-37-14 (66266)
নিশ্চক্রাম ততঃ শ্রীমান্পুনরেব মহায়শাঃ।
দদর্শ ব্রাহ্মণাংশ্চৈব সোঽভিরূপানবস্থিতান্॥ 12-37-15 (66267)
স সংবৃতস্তদা বিপ্রৈরাশীর্বাদবিবক্ষুভিঃ।
শুশুভে বিমলশ্চন্দ্রস্তারাগণবৃতো যথা॥ 12-37-16 (66268)
তাংস্তু বৈ পূজয়ামাস কৌন্তেয়ো বিধিবদ্দ্বিজান্।
সুমনোমোদকৈ রত্নৈর্হিরণ্যেন চ ভূরিণা।
গোভির্বস্ত্রৈশ্চ রাজেন্দ্র বিবিধৈশ্চ কিমিচ্ছকৈঃ॥ 12-37-17 (66269)
ধৌম্যং গুরুং পুরস্কৃত্য জ্যেষ্ঠং পিতরমেব চ।
`প্রবিবেশ সভাং রাজা সুধর্মাং বাসবো যথা॥' 12-37-18 (66270)
ততঃ পুণ্যাহঘোষোঽভূদ্দিবং স্তব্ধ্বেব ভারত।
সুহৃদাং প্রীতিজননঃ পুণ্যঃ শ্রুতিসুখাবহঃ॥ 12-37-19 (66271)
হংসবন্নেদুষাং রাজন্দ্বিজানাং তত্র ভারতী।
শুশ্রুবে বেদবিদুষাং পুষ্কলার্থপদাক্ষরা॥ 12-37-20 (66272)
ততো দুন্দুভিনির্ঘোষঃ শঙ্খানাং চ মনোরমঃ।
জয়ং প্রবদতাং তত্র স্বনঃ প্রাদুরভূন্নৃপ॥ 12-37-21 (66273)
নিঃশব্দে চ স্থিতে তত্র ততো বিপ্রজনে পুনঃ।
রাজানং ব্রাহ্মণচ্ছঝা চার্বাকো রাক্ষসোঽব্রবীৎ॥ 12-37-22 (66274)
তত্র দুর্যোধনসখা ভিক্ষুরূপেণ সংবৃতঃ।
সাঙ্খ্যঃ শিখী ত্রিদণ্ডী চ ধৃষ্টো বিগতসাধ্বসঃ॥ 12-37-23 (66275)
বৃতঃ সর্বৈস্তথা বিপ্রৈরাশীর্বাদবিবক্ষুভিঃ।
পরস্সহস্রৈ রাজেন্দ্র তপোনিয়মসংস্থিতৈঃ॥ 12-37-24 (66276)
সুদুষ্টঃ পাপমাশংসুঃ পাণ্ডবানাং মহাত্মনাম্।
অনামন্ত্র্যৈব তান্বিপ্রাংস্তমুবাচ মহীপতিম্॥ 12-37-25 (66277)
চার্বাক উবাচ। 12-37-26x (5416)
ইমে প্রাহুর্দ্বিজাঃ সর্বে সমারোপ্য বচো ময়ি।
ধিগ্ভবন্তং কুনৃপতিং জ্ঞাতিঘাতিনমস্তু বৈ॥ 12-37-26 (66278)
কিং তে রাজ্যেন কৌন্তেয় কৃৎবেমং জ্ঞাতিসংক্ষয়ম্।
ঘাতয়িৎবা গুরূংশ্চৈব মৃতং শ্রেয়ো ন জীবিতম্॥ 12-37-27 (66279)
ইতি তে বৈ দ্বিজাঃ শ্রুৎবা তস্য দুষ্টস্য রক্ষসঃ।
বিব্যথুশ্চুক্রুশুশ্চৈব তস্য বাক্যপ্রধর্ষিতাঃ॥ 12-37-28 (66280)
ততস্তে ব্রাহ্মণাঃ সর্বে স চ রাজা যুধিষ্ঠিরঃ।
ব্রীডিতাঃ পরমোদ্বিগ্রাস্তূষ্ণীমাসন্বিশাংপতে॥ 12-37-29 (66281)
যুধিষ্ঠির উবাচ। 12-37-30x (5417)
প্রসীদন্তু ভবন্তো মে প্রণতস্যাভিয়াচতঃ।
প্রত্যাসন্নব্যসনিনং ন মাং ধিক্কর্তুমর্হথ॥ 12-37-30 (66282)
বৈশম্পায়ন উবাচ। 12-37-31x (5418)
ততো রাজন্ব্রাহ্মাণাস্তে সর্ব এব বিশাংপতে।
ঊচুর্নৈষ দ্বিজোঽস্মাকমন্যস্তু তব পার্থিব॥ 12-37-31 (66283)
জজ্ঞুশ্চৈনং মহাত্মানস্ততস্তং জ্ঞানচক্ষুষা।
ব্রাহ্মণা বেদবিদ্বাংসস্তপোভির্বিমলীকৃতাঃ॥ 12-37-32 (66284)
ব্রাহ্মণা ঊচুঃ। 12-37-33x (5419)
এষ দুর্যোধনসখা বিশ্রুতো ব্রহ্মরাক্ষসঃ।
পরিব্রাজকরূপেণ হিতং তস্য চিকীর্ষতি॥ 12-37-33 (66285)
ন বয়ং ব্রূম ধর্মাত্মন্ব্যেতু তে ভয়মীদৃশম্।
উপতিষ্ঠতু কল্যাণং ভবন্তং ভ্রাতৃভিঃ সহ॥ 12-37-34 (66286)
বৈশম্পায়ন উবাচ। 12-37-35x (5420)
ততস্তে ব্রাহ্মণাঃ সর্বে হুংকারৈঃ ক্রোধমূর্চ্ছিতাঃ।
নির্ভর্ৎসয়ন্তঃ শুচয়ো নিজঘ্নুঃ পাপরাক্ষসম্॥ 12-37-35 (66287)
স পপাত বিনির্দগ্ধস্তেজসা ব্রহ্মবাদিনাম্।
মহেন্দ্রাশনিনির্দগ্ধঃ পাদপোঽঙ্কুরবানিব॥ 12-37-36 (66288)
পূজিতাশ্চ যয়ুর্বিপ্রা রাজানমভিনন্দ্য তম্।
রাজা চ হর্ষমাপেদে পাণ্ডবঃ সসুহৃজ্জনঃ॥ ॥ 12-37-37 (66289)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তত্রিংশোঽধ্যায়ঃ॥ 37॥
Mahabharata - Shanti Parva - Chapter Footnotes
12-37-3 স্ত্রীণাং স্ত্রীভিঃ॥ 12-37-15 অভিরূপান্মঙ্গলদ্রব্যপাণীন্॥ 12-37-17 কিমিচ্ছসি কিমিচ্ছসীতি পৃচ্ছদ্ভির্ভৃত্যৈর্বিবিধৈর্গোবস্ত্রাদিদ্রব্যৈর্নিমন্ত্রয়দ্ভিরিত্যর্থঃ॥ 12-37-19 স্তব্ধ্ধা ব্যাপ্য॥ 12-37-23 সাক্ষঃ শিখীতি ঝ.পাঠঃ॥ 12-37-30 প্রত্যাসন্নাঃ সমীপস্থাঃ ব্যসনিনশ্চিরদুঃখিনো ভ্রাত্রাদয়ো যস্য তম্। ভ্রাত্রাদিদুঃখপরিহারার্থং মমেদং রাজ্যকরণং নতু স্বসুখার্থমিত্যর্থঃ॥ 12-37-32 জজ্ঞুর্জ্ঞাতবন্তঃ॥ 12-37-33 চার্বাকো নাম রাক্ষসঃ ইতি ঝ. পাঠঃ॥শান্তিপর্ব - অধ্যায় 038
॥ শ্রীঃ ॥
12.38. অধ্যায়ঃ 038
Mahabharata - Shanti Parva - Chapter Topics
কৃষ্ণেন যুধিষ্ঠিরংপ্রতি চার্বাকরাক্ষসস্য পূর্ববৃত্তকথনম্॥ 1॥Mahabharata - Shanti Parva - Chapter Text
12-38-0 (66290)
বৈশম্পায়ন উবাচ। 12-38-0x (5421)
ততস্তত্র তু রাজানং তিষ্ঠন্তে ভ্রাতৃভিঃ সহ।
উবাচ দেবকীপুত্রঃ সর্বদর্শী জনার্দনঃ॥ 12-38-1 (66291)
বাসুদেব উবাচ। 12-38-2x (5422)
ব্রাহ্মণাস্তাত লোকেঽস্মিন্নর্চনীয়াঃ সদা মম।
এতে ভূমিচরা দেবা বাগ্বিষাঃ সুপ্রসাদকাঃ॥ 12-38-2 (66292)
পুরা কৃতয়ুগে রাজংশ্চার্বাকো নাম রাক্ষসঃ।
তপস্তেপে মহাবাহো বদর্যাং বহুবার্ষিকম্॥ 12-38-3 (66293)
বরেণ চ্ছন্দ্যমানশ্চ ব্রহ্মণা চ পুনঃ পুনঃ।
অভয়ং সর্বভূতেভ্যো বরয়ামাস ভারত॥ 12-38-4 (66294)
দ্বিজাবমানাদন্যত্র প্রাদাদ্বরমনুত্তমম্।
অভয়ং সর্বভূতেভ্যো দদৌ তস্মৈ জগৎপতিঃ॥ 12-38-5 (66295)
স তু লব্ধবরঃ পাপো দেবানমিতবিক্রমঃ।
রাক্ষসস্তাপয়ামাস তীব্রকর্মা মহাবলঃ॥ 12-38-6 (66296)
ততো দেবাঃ সমেতাশ্চ ব্রহ্মাণমিদমব্রুবন্।
বধায় রক্ষসস্তস্য বলবিপ্রকৃতাস্তদা॥ 12-38-7 (66297)
তানুবাচ ততো দেবো বিহিতং তত্র বৈ ময়া।
যথাঽস্য ভবিতা মৃত্যুরচিরণেতি ভারত॥ 12-38-8 (66298)
রাজা দুর্যোধনো নাম সখাঽস্য ভবিতা নৃষু।
তস্য স্নেহাববদ্ধোঽসৌ ব্রাহ্মণানবমংস্যতে॥ 12-38-9 (66299)
তত্রৈনং রুষিতা বিপ্রা বিপ্রকারপ্রধর্ষিতাঃ।
ধক্ষ্যন্তি বাগ্বলাঃ পাপং ততো নাশং গমিষ্যতি॥ 12-38-10 (66300)
স এষ নিহতঃ শেতে ব্রহ্মদণ্ডেন রাক্ষসঃ।
চার্বাকো নৃপতিশ্রেষ্ঠ মা শুচো ভরতর্ষভ॥ 12-38-11 (66301)
হতাস্তে ক্ষত্রধর্মেণ জ্ঞাতয়স্তব পার্থিব।
স্বর্গতাশ্চ মহাত্মানো বীরাঃ ক্ষত্রিয়পুঙ্গবাঃ॥ 12-38-12 (66302)
স ৎবমাতিষ্ঠ কার্যাণি মা তে ভূদ্বুদ্ধিরন্যথা।
শত্রূঞ্জহি প্রজা রক্ষ দ্বিজাংশ্চ পরিপূজয়॥ ॥ 12-38-13 (66303)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টত্রিংশোঽধ্যায়ঃ॥ 38॥
শান্তিপর্ব - অধ্যায় 039
॥ শ্রীঃ ॥
12.39. অধ্যায়ঃ 039
Mahabharata - Shanti Parva - Chapter Topics
কৃষ্ণাদিভির্যুধিষ্ঠিরস্য রাজ্যেঽভিষেচনম্॥ 1॥Mahabharata - Shanti Parva - Chapter Text
12-39-0 (66304)
বৈশম্পায়ন উবাচ। 12-39-0x (5423)
ততঃ কুন্তীসুতো রাজা গতমন্যুর্গতজ্বরঃ।
কাঞ্চনে প্রাড্ভুখো হৃষ্টো ন্যষীদৎপরমাসনে॥ 12-39-1 (66305)
তমেবাভিমুখৌ পীঠে প্রদীপ্তে কাঞ্চনে শুভে।
সাত্যকির্বাসুদেবশ্চ নিষীদতুররিংদমৌ॥ 12-39-2 (66306)
মধ্যে কৃৎবা তু রাজানং ভীমসেনার্জুনাবুভৌ।
নিষীদতুর্মহাত্মানৌ শ্লক্ষ্ণয়োর্মণিপীঠয়োঃ॥ 12-39-3 (66307)
দান্তে শয়্যাসনে শুভ্রে জাম্বূনদবিভূষিতে।
পৃথাঽপি সহদেবেন সহাস্তে নকুলেন চ॥ 12-39-4 (66308)
সুধর্মা বিদুরো ধৌম্যো ধৃতরাষ্ট্রশ্চ কৌরবঃ।
নিষেদুর্জ্বলনাকারেষ্বাসনেষু পৃথক্পৃথক্॥ 12-39-5 (66309)
যুয়ুৎসুঃ সঞ্জয়শ্চৈব গান্ধারী চ যশস্বিনী।
ধৃতরাষ্ট্রো যতো রাজা ততঃ সর্বে সমাবিশন্॥ 12-39-6 (66310)
তত্রোপবিষ্টো ধর্মাত্মা শ্বেতাঃ সুমনসোঽস্পৃশৎ।
স্বস্তিকানক্ষতান্ভূমিং সুবর্ণং রজতং মণীন্॥ 12-39-7 (66311)
ততঃ প্রকৃতয়ঃ সর্বাঃ পুরস্কৃত্য পুরোহিতম্।
দদৃশুর্ধর্মরাজানমাদায় বহুমঙ্গলম্॥ 12-39-8 (66312)
পৃথিবীং চ সুবর্ণং চ রত্নানি বিবিধানি চ।
আভিষেচনিকং ভাণ্ডং সর্বসংভারসংভৃতম্॥ 12-39-9 (66313)
কাঞ্চনৌদুম্বরাস্তত্র রাজতাঃ পৃথিবীময়াঃ।
পূর্ণকুম্ভাঃ সুমনসো লাজা বর্হীষি গোরসাঃ॥ 12-39-10 (66314)
শমীপিপ্পলপালাশসমিধো মধুসর্পিষী।
স্রুব ঔদুম্বরঃ শঙ্খস্তথা হেমবিভূষিতঃ॥ 12-39-11 (66315)
দাশার্হেণাভ্যনুজ্ঞাতস্তত্র ধৌম্যঃ পুরোহিতঃ।
প্রাগুদক্প্রবণে বেদীং লক্ষণেনোপলিখ্য চ॥ 12-39-12 (66316)
ব্যাঘ্রচর্মোত্তরে শুক্লে সর্বতোভদ্র আসনে।
দৃঢপাদপ্রতিষ্ঠানে হুতাশনসমৎবিপি॥ 12-39-13 (66317)
উপবেশ্য মহাত্মানং কৃষ্ণাং চ দ্রুপদাত্মজাম্।
জুহাব পাবকং ধীমান্বিধিমন্ত্রপুরস্কৃতম্॥ 12-39-14 (66318)
তত উত্থায় দাশার্হঃ শঙ্খমাদায় পূরিতম্।
অভ্যষিঞ্চৎপতিং পৃথ্ব্যাঃ কুন্তীপুত্রং যুধিষ্ঠিরম্।
ধৃতরাষ্ট্রশ্চ রাজর্ষিঃ সর্বাঃ প্রকৃতয়স্তথা॥ 12-39-15 (66319)
অনুজ্ঞাতোঽথ কৃষ্ণেন ভ্রাতৃভিঃ সহ পাণ্ডবঃ।
পাঞ্চজন্যাভিষিক্তশ্চ রাজাঽমৃতমুখোঽভবৎ॥ 12-39-16 (66320)
ততোঽনুবাদয়ামাসুঃ পণবানকদুন্দুভীন্॥ 12-39-17 (66321)
ধর্মরাজোঽপি তৎসর্বং প্রতিজগ্রাহ ধর্মতঃ।
পূজয়ামাস তাংশ্চাপি বিধিবদ্ভূরিদক্ষিণঃ॥ 12-39-18 (66322)
ততো নিষ্কসহস্রেণ ব্রাহ্মণান্স্বস্ত্যবাচয়ন্।
বেদাধ্যযনসংপন্নান্ধৃতিশীলসমন্বিতান্॥ 12-39-19 (66323)
তে প্রীতা ব্রাহ্মণা রাজন্স্বস্ত্যূচুর্জয়মেব চ।
হংসা ইব চ নর্দন্তঃ প্রশশংসুর্যুধিষ্ঠিরম্॥ 12-39-20 (66324)
যুধিষ্ঠির মহাবাহো দিষ্ট্যা জয়সি পাণ্ডব।
দিষ্ট্যা স্বধর্মং প্রাপ্তোঽসি বিক্রমেণ মহাদ্যুতে॥ 12-39-21 (66325)
দিষ্ট্যা গাণ্ডীবধন্বা চ ভীমসেনশ্চ পাণ্ডবঃ।
ৎবং চাপি কুশলী রাজন্মাদ্রীপুত্রৌ চ পাণ্ডবৌ॥ 12-39-22 (66326)
মুক্তা বীরক্ষয়াত্তস্মাৎসংগ্রামাদ্বিজিতদ্বিষঃ।
ক্ষিপ্রমুত্তরকার্যাণি কুরু সর্বাণি ভারত॥ 12-39-23 (66327)
ততঃ প্রীত্যাঽর্চিতঃ সদ্ভির্ধর্মরাজো যুধিষ্ঠিরঃ।
প্রতিপেদে মহদ্রাজ্যং সুহৃদ্ভিঃ সহ ভারত॥ ॥ 12-39-24 (66328)
ইতি শ্রীমন্মহাভারতে শান্তিপর্বণি রাজধর্মপর্বণি একোনচৎবারিংশোঽধ্যায়ঃ॥ 39॥
Mahabharata - Shanti Parva - Chapter Footnotes
12-39-1 গতমন্যুর্বীতদৈন্যঃ। গতজ্বরো বীতশোকঃ॥ 12-39-2 নিষীদতুরিতি নিষেদতুরিত্যর্থে আর্ষম্॥ 12-39-4 দান্তে গজদন্তময়ে॥ 12-39-5 সুধর্মা দুর্যোধনপুরোহিতঃ॥ 12-39-7 স্বস্তিকান্সর্বতোভদ্রাদ্যঙ্কিতানি দেবতাপীঠানি॥ 12-39-9 ভাণ্ডং উপকরণম্॥ 12-39-10 ঔদুম্বরাস্তাম্রময়াঃ॥ 12-39-11 উদুম্বরকাষ্টময়ঃ স্রুবঃ॥ 12-39-16 অমৃতমুখঃ অত্যন্তং দর্শনীয়ঃ॥শান্তিপর্ব - অধ্যায় 040
॥ শ্রীঃ ॥
12.40. অধ্যায়ঃ 040
Mahabharata - Shanti Parva - Chapter Topics
যুধিষ্ঠিরেণ ভীমার্জুনাদ্রীনাং তত্তদ্যোগ্যযৌবরাজ্যাদ্যধিকারেষু নিয়োজনম্॥ 1॥Mahabharata - Shanti Parva - Chapter Text
12-40-0 (66329)
বৈশম্পায়ন উবাচ। 12-40-0x (5424)
প্রকৃতীনাং চ তদ্বাক্যং দেশকালোপবৃংহিতম্।
শ্রুৎবা যুধিষ্ঠিরো রাজাঽথোত্তরং প্রত্যভাষত॥ 12-40-1 (66330)
ধন্যাঃ পাণ্ডুসুতা নূনং যেষাং ব্রাহ্মণপুঙ্গবাঃ।
তথ্যান্বাপ্যথবাঽতথ্যান্গুণানাহুঃ সমাগতাঃ॥ 12-40-2 (66331)
অনুগ্রাহ্যা বয়ং নূনং ভবতামিতি মে মতিঃ।
যদেবং গুণসংপন্নানস্মান্ব্রূথ বিমৎসরাঃ॥ 12-40-3 (66332)
ধৃতরাষ্ট্রো মহারাজঃ পিতা নো দৈবতং পরম্।
শাসনেঽস্য প্রিয়ে চৈব স্থেয়ং মৎপ্রিয়কাঙ্ক্ষিভিঃ॥ 12-40-4 (66333)
এতদর্থং হি জীবামি কৃৎবা জ্ঞাতিবধং মহৎ।
অস্য শুশ্রূষণং কার্যং ময়া নিত্যমতন্দ্রিণা॥ 12-40-5 (66334)
যদি চাহমনুগ্রাহ্যো ভবতাং সুহৃদাং তথা।
ধৃতরা যথাপূর্বং বৃত্তিং বর্তিতুমর্হথ॥ 12-40-6 (66335)
এষ নাথো হি জগতো ভবতাং চ ময়া সহ।
অস্য প্রসাদে পৃথিবী পাণ্ডবাঃ সর্ব এব চ॥ 12-40-7 (66336)
এতন্মনসি কর্তব্যং ভবদ্ভির্বচনং মম।
অনুজ্ঞাপ্যাথ তান্রাজা যথেষ্টং গম্যতামিতি॥ 12-40-8 (66337)
পৌরজানপদান্সর্বান্বিসৃজ্য কুরুনন্দনঃ।
যৌবরাজ্যেন কৌন্তেয়ং ভীমসেনময়োজয়ৎ॥ 12-40-9 (66338)
মন্ত্রে চ নিশ্চয়ে চৈব ষাঙ্গুণ্যস্য চ চিন্তনে।
বিদুরং বুদ্ধিসংপন্নং প্রীতিমান্স সমাদিশৎ॥ 12-40-10 (66339)
কৃতাকৃতপরিজ্ঞানে তথাঽঽয়ব্যযচিন্তনে।
সংজয়ং যোজয়ামাস বৃদ্ধং সর্বগুণৈর্যুতম্॥ 12-40-11 (66340)
বলস্য পরিমাণে চ ভক্তবেতনয়োস্তথা।
নকুলং ব্যাদিশদ্রাজা কর্মণাং চান্ববেক্ষণে॥ 12-40-12 (66341)
পরচক্রোপরোধে চ দৃপ্তানাং চাবমর্দনে।
যুধিষ্ঠিরো মহারাজ ফল্গুনং ব্যাদিদেশ হ॥ 12-40-13 (66342)
দ্বিজানাং দেবকার্যেষু কার্যেষ্বন্যেষু চৈব হ।
ধৌম্যং পুরোধসাং শ্রেষ্ঠং নিত্যমেব সমাদিশৎ॥ 12-40-14 (66343)
সহদেবং সমীপস্থং নিত্যমেব সমাদিশৎ।
তনে গোপ্যো হি নৃপতিঃ সর্বাবস্থো বিশাংপতে॥ 12-40-15 (66344)
যান্যানমন্যদ্যোগ্যাংশ্চ যেষু যেষ্বিহ কর্মসু।
তাংস্তাংস্তেষ্বেব যুয়ুজে প্রীয়মাণো মহীপতিঃ॥ 12-40-16 (66345)
বিদুরং সংজয়ং চৈব যুয়ুৎসুং চ মহামতিম্।
অব্রবীৎপরবীরঘ্নো ধর্মাত্মা ধর্মবৎসলঃ॥ 12-40-17 (66346)
উত্থায়োত্থায় তৎকার্যমস্য রাজ্ঞঃ পিতুর্মম।
সর্বং ভবদ্ভিঃ কর্তব্যমপ্রমত্তৈর্যথা মম॥ 12-40-18 (66347)
পৌরজানপদানাং চ যানি কার্যাণি নিত্যশঃ।
রাজানং সমনুজ্ঞাপ্য তানি কার্যাণি ধর্মতঃ॥ ॥ 12-40-19 (66348)
ইতি শ্রীমন্মহাভারতে শান্তিপর্বণি রাজধর্মপর্বণি চৎবারিংশোঽধ্যায়ঃ॥ 40॥
Mahabharata - Shanti Parva - Chapter Footnotes
12-40-18 যৎ অস্য কার্যং তচ্চ ভবদ্ভিঃ কর্তব্যমিত্যর্থঃ। অপ্রমত্তৈস্তথাময়েতি ট. দ. পাঠঃ॥ 12-40-19 তানি কার্যাণি কর্তব্যানীত্যর্থঃ॥শান্তিপর্ব - অধ্যায় 041
॥ শ্রীঃ ॥
12.41. অধ্যায়ঃ 041
Mahabharata - Shanti Parva - Chapter Topics
যুধিষ্ঠিরেণ জ্ঞাতিপ্রভৃতীনামৌর্ধ্বদৈহিককরণপূর্বকং তদীয়াদীনাং পরিপালনম্॥ 1॥Mahabharata - Shanti Parva - Chapter Text
12-41-0 (66349)
বৈশম্পায়ন উবাচ। 12-41-0x (5425)
ততো যুধিষ্ঠিরো রাজা জ্ঞাতীনাং যে হতা যুধি।
শ্রাদ্ধানি কারয়ামাস তেষাং পৃথগুদারধীঃ॥ 12-41-1 (66350)
ধৃতরাষ্ট্রো দদৌ রাজা পুত্রাণামৌর্ধ্বদেহিকম্।
সর্বকামগুণোপেতমন্নং গাশ্চ ধনানি চ।
রত্নানি চ বিচিত্রাণি মহার্হাণি মহায়শাঃ॥ 12-41-2 (66351)
যুধিষ্ঠিরস্তু দ্রোণস্য কর্ণস্য চ মহাত্মনঃ।
ধৃষ্টদ্যুম্নাভিমন্যুভ্যাং হেডিম্বস্য চ রক্ষসঃ॥ 12-41-3 (66352)
বিরাটপ্রভৃতীনাং চ সুহৃদামুপকারিণাম্।
দ্রুপদদ্রৌপদেয়ানাং দ্রৌপদ্যা সহিতো দদৌ॥ 12-41-4 (66353)
ব্রাহ্মণানাং সহস্রাণি পৃথগেকৈকমুদ্দিশন্।
ধনৈ রত্নৈশ্চ গোভিশ্চ বস্ত্রৈশ্চ সমতর্পয়ৎ॥ 12-41-5 (66354)
যে চান্যে পৃথিবীপালা যেষাং নাস্তি সুহৃজ্জনঃ।
উদ্দিশ্যোদ্দিশ্য তেষাং চ চক্রে রাজৌর্ধ্বদেহিকম্॥ 12-41-6 (66355)
সভাঃ প্রপাশ্চ বিবিধাস্তটাকানি চ পাণ্ডবঃ।
সুহৃদাং কারয়ামাস সর্বেষামৌর্ধ্বদেহিকম্॥ 12-41-7 (66356)
স তেষামনৃণো ভূৎবা গৎবা লোকেষ্ববাচ্যতাম্।
কৃতকৃত্যোঽভবদ্রাজা প্রজা ধর্মেণ পালয়ন্॥ 12-41-8 (66357)
ধৃতরাষ্ট্রং যথাপূর্বং গান্ধারীং বিদুরং তথা।
সর্বাংশ্চ কৌরবান্মান্যান্ভৃত্যাংশ্চ সমপূজয়ৎ॥ 12-41-9 (66358)
যাশ্চ তত্র স্ত্রিয়ঃ কাশ্চিদ্ধতবীরা হতাত্মজাঃ॥
সর্বাস্তাঃ কৌরবো রাজা সংপূজ্যাপালায়দ্ধৃণী॥ 12-41-10 (66359)
দীনান্ধকৃপণানাং চ গৃহাচ্ছাদনভোজনৈঃ।
আনৃশংস্যপরো রাজা চকারানুগ্রহং প্রভুঃ॥ 12-41-11 (66360)
স বিজিত্য মহীং কৃৎস্নামানৃণ্যং প্রাপ্য বৈরিষু।
নিঃসপত্নঃ সুখী রাজা বিজহার যুধিষ্ঠিরঃ॥ ॥ 12-41-12 (66361)
ইতি শ্রীমন্মহাভারতে শান্তিপর্বণি রাজধর্মপর্বণি একচৎবারিংশোঽধ্যায়ঃ॥ 41॥
Mahabharata - Shanti Parva - Chapter Footnotes
12-41-10 সংপূজ্যাপালয়ৎপ্রজা ইতি ড.থ. পাঠঃ॥শান্তিপর্ব - অধ্যায় 042
॥ শ্রীঃ ॥
12.42. অধ্যায়ঃ 042
Mahabharata - Shanti Parva - Chapter Topics
যুধিষ্ঠিরেণ নামশতকেন শ্রীকৃষ্ণস্তবনম্॥ 1॥Mahabharata - Shanti Parva - Chapter Text
12-42-0 (66362)
বৈশম্পায়ন উবাচ। 12-42-0x (5426)
অভিষিক্তো মহাপ্রাজ্ঞো রাজ্যং প্রাপ্য যুধিষ্ঠিরঃ।
দাশার্হং পুণ্ডরীকাক্ষমুবাচ প্রাঞ্জলিঃ শুচিঃ॥ 12-42-1 (66363)
তব কৃষ্ণ প্রসাদেন নয়েন ন বলেন চ।
বুদ্ধ্যা চ যদুশার্দূল তথা বিক্রমণেন চ॥ 12-42-2 (66364)
পুনঃ প্রাপ্তমিদং রাজ্যং পিতৃপৈতামহং ময়া।
নমস্তে পুণ্ডরীকাক্ষ পুনঃ পুনররিংদম॥ 12-42-3 (66365)
ৎবামেকমাহুঃ পুরুষং ৎবামাহুঃ সাৎবতাং পতিম্।
নামভিস্ৎবাং বহুবিধৈঃ স্তুবন্তি প্রয়তা দ্বিজাঃ॥ 12-42-4 (66366)
বিশ্বকর্মন্নমস্তেঽস্তু বিশ্বাত্মন্বিশ্বসংভব।
বিষ্ণো জিষ্ণো হরে কৃষ্ণ বৈকুণ্ঠ পুরুষোত্তম॥ 12-42-5 (66367)
অদিত্যাঃ সপ্তধা ৎবং তু পুরাণো গর্ভতাং গতঃ।
পৃশ্নিগর্ভস্ৎবমেবৈকস্ত্রিয়ুগং ৎবাং বদন্ত্যপি॥ 12-42-6 (66368)
শুচিশ্রবা হৃষীকেশো ঘৃতার্চির্হংস উচ্যতে।
ত্রিচক্ষুঃ শংভুরেকস্ৎবং বিভুর্দামোদরোঽপি চ॥ 12-42-7 (66369)
বরাহোঽগ্নির্বৃহদ্ভানুর্বৃষভস্তার্ক্ষ্যলক্ষণঃ।
অনীকসাহঃ পুরুষঃ শিপিবিষ্ট উরুক্রমঃ॥ 12-42-8 (66370)
বরিষ্ঠ উগ্রসেনানীঃ সত্যো বাজসনির্গুহঃ।
অচ্যুতশ্চ্যাবনোঽরীণাং সংস্কৃতো বিকৃতির্বৃষঃ॥ 12-42-9 (66371)
কৃষ্ণধর্মস্ৎবমেবাদির্বৃষদর্ভো বৃষাকপিঃ।
সিন্ধুর্বিধূর্মিস্ত্রিককুপ্ ত্রিধামা ত্রিবৃদচ্যুতঃ॥ 12-42-10 (66372)
সম্রাড্ বিরাট্ স্বরাট্ চৈব স্বরাড্ভূতময়ো ভবঃ।
বিভূর্ভূরতিভূঃ কৃষ্ণঃ কৃষ্ণবর্ত্মা ৎবমেব চ॥ 12-42-11 (66373)
স্বিষ্টকৃদ্ভিষজাবর্তঃ কপিলস্ৎবং চ বামনঃ।
যজ্ঞো ধ্রুবঃ পতঙ্গশ্চ জয়ৎসেনস্ৎবমুচ্যসে॥ 12-42-12 (66374)
শিখণ্ডী নহুষো বভ্রুর্দিবিস্পৃক্ ৎবং পুনর্বসুঃ।
সুবভ্রূ রুক্ময়জ্ঞশ্চ সুষেণো দুন্দুভিস্তথা॥ 12-42-13 (66375)
গভস্তিনেমিঃ শ্রীপঝঃ পুষ্করঃ শুষ্মধারণঃ।
ঋভুর্বিভুঃ সর্বসূক্ষ্মস্ৎব ধরিত্রী চ পঠ্যসে॥ 12-42-14 (66376)
অম্ভোনিধিস্ৎবং ব্রহ্মা ৎবং পবিত্রং ধাম ধামবিৎ।
হিরণ্যগর্ভঃ পুরুষঃ স্বধা স্বাহা চ কেশবঃ॥ 12-42-15 (66377)
যোনিস্ৎবমস্য প্রলয়শ্চ কৃষ্ণ
ৎবমেবেদং সৃজসি বিশ্বমগ্রে।
বিশ্বং চেদং ৎবদ্বশে বিশ্বয়োনে
নমোস্তু তে শার্ঙ্গচক্রাসিপাণে॥ 12-42-16 (66378)
বৈশম্পায়ন উবাচ। 12-42-17x (5427)
এবং স্তুতো ধর্মরাজেন কৃষ্ণঃ
সভামধ্যে প্রীতিমান্পুষ্করাক্ষঃ।
তমভ্যনন্দদ্ভারতং পুষ্কলাভি
র্বাগ্ভির্জ্যেষ্ঠং পাণ্ডবং যাদবাগ্র্যঃ॥ 12-42-17 (66379)
`এতন্নামশতং বিষ্ণোর্ধর্মরাজেন কীর্তিতম্।
যঃ পঠেচ্ছৃণুয়াদ্বাপি সর্বপাপৈঃ প্রমুচ্যতে॥' ॥ 12-42-18 (66380)
ইতি শ্রীমন্মহাভারতে শান্তিপর্বণি রাজধর্মপর্বণি দ্বিচৎবারিংশোঽধ্যায়ঃ॥ 42॥
Mahabharata - Shanti Parva - Chapter Footnotes
12-42-6 সপ্তধা বিষ্ণ্বাখ্য আদিত্যো বামনশ্চেতি দ্বেধা অদিত্যামেব জন্ম। ততোঽদিতে রূপান্তরেষু পৃশ্নিপ্রভৃতিষু ক্রমাৎপৃশ্নিগর্ভঃ পরশুরামঃ দাশরধীরামঃ যাদবৌ রামকৃষ্ণৌ চেতি। সর্বেষু গর্ভেষু একএব ৎবম্। ত্রিষু কৃতাদিষু যুগেষু ভবং ত্রিয়ুগম্। আদিত্যাঃ সপ্তরাত্রং ৎবা পুরাণে ধর্মতো গতঃ। ইতি থ. পাঠঃ॥ 12-42-7 নৃচক্ষুঃ শংভুরিতি থ. দ. পাঠঃ॥ 12-42-8 বরুণোঽগ্নির্বৃহিদ্ভানুর্বৃষণ ইতি থ.দ. পাঠঃ॥ 12-42-9 বাচিষ্ঠ উগ্রসেনানীরিতি ড. থ. দ. পাঠঃ। সংকৃতিঃ প্রকৃতির্বিভুরিতি ড. থ. পাঠঃ॥ 12-42-10 ত্রিককুপ্ ঊর্ধ্ববর্ত্মা ৎবমেবেতি থ. দ. পাঠঃ॥শান্তিপর্ব - অধ্যায় 043
॥ শ্রীঃ ॥
12.43. অধ্যায়ঃ 043
Mahabharata - Shanti Parva - Chapter Topics
যুধিষ্ঠিরাজ্ঞয়া ভীমাদিভিশ্চতুর্ভির্দুর্যোধনাদিগৃহপরিগ্রহঃ॥ 1॥Mahabharata - Shanti Parva - Chapter Text
12-43-0 (66381)
বৈশম্পায়ন উবাচ। 12-43-0x (5428)
ততো বিসর্জয়ামাস সর্বাস্তাঃ প্রকৃতীর্নৃপঃ।
বিবিশুশ্চাভ্যনুজ্ঞাতা যথাস্বানি গৃহাণি তে॥ 12-43-1 (66382)
ততো যুধিষ্ঠিরো রাজা ভীমং ভীমপরাক্রমম্।
সান্ৎবয়ন্নব্রবীচ্ছ্রীমানর্জুনং যমজৌ তথা॥ 12-43-2 (66383)
শত্রুভির্বিবিধৈঃ শস্ত্রৈঃ ক্ষতদেহা মহারণে।
শ্রান্তা ভবন্তঃ সুভৃশং তাপিতাঃ শোকমন্যুভিঃ॥ 12-43-3 (66384)
অরণ্যে দুঃখবসতির্মৎকৃতে ভরতর্ষভাঃ।
ভবদ্ভিরনুভূতা হি যথা কাপুরুষৈস্তথা॥ 12-43-4 (66385)
যথাসুখং যথাজোষং জয়োঽয়মনুভূয়তাম্।
বিশ্রান্তাঁল্লব্ধবিশ্বাসাঞ্শ্বঃ সমেতাঽস্মি বঃ পুনঃ॥ 12-43-5 (66386)
ততো দুর্যোধনগৃহং প্রাসাদৈরুপশোভিতম্।
বহুরত্নসমাকীর্ণং দাসীদাসসমাকুলম্॥ 12-43-6 (66387)
ধৃতরাষ্ট্রাভ্যনুজ্ঞাতং ভ্রাত্রা দত্তং বৃকোদরঃ।
প্রতিপেদে মহাবাহুর্মন্দিরং মঘবানিব॥ 12-43-7 (66388)
যথা দুর্যোধনগৃহং তথা দুঃশাসনস্য তু।
প্রাসাদভালাসংয়ুক্তং হেমতোরণভূষিতম্॥ 12-43-8 (66389)
দাসীদাসসুসংপূর্ণং প্রভূতধনধান্যবৎ।
প্রতিপেদে মহাবাহুরর্জুনো রাজশাসনাৎ॥ 12-43-9 (66390)
দুর্মর্ষণস্য ভবনং দুঃশাসনগৃহাদ্বরম্।
কুবেরভবনপ্রখ্যং মণিহেমবিভূষিতম্॥ 12-43-10 (66391)
নকুলায় বরার্হায় কর্শিতায় মহাবনে।
দদৌ প্রীতো মহারাজ ধর্মপুত্রো যুধিষ্ঠিরঃ॥ 12-43-11 (66392)
দুর্মুখস্য চ বেশ্মাগ্র্যং শ্রীমৎকনকভূষণম্।
পূর্ণপঝদলাক্ষীণাং স্ত্রীণাং শয়নসংকুলম্॥ 12-43-12 (66393)
প্রদদৌ সহদেবায় সংততং প্রিয়কারিণে।
মুমুদে তচ্চ লব্ধ্বাঽসৌ কৈলাসং ধনদো যথা॥ 12-43-13 (66394)
যুয়ুৎসুর্বিদুরশ্চৈব সঞ্জয়শ্চ বিশাংপতে।
সুধর্মা চৈব ধৌম্যশ্চ যথা স্বাঞ্জগ্মুরালয়ান্॥ 12-43-14 (66395)
সহ সাত্যকিনা শৌরিরর্জুনস্য নিবেশনম্।
বিবেশ পুরুষব্যাঘ্রো ব্যাঘ্রো গিরিগুহামিব॥ 12-43-15 (66396)
তত্র ভক্ষ্যান্নপানৈস্তে মুদিতাঃ সুসুখোষিতাঃ।
সুখপ্রবদ্ধা রাজানমুপতস্থুর্যুধিষ্ঠিরম্॥ ॥ 12-43-16 (66397)
ইতি শ্রীমন্মহাভারতে শান্তিপর্বণি রাজধর্মপর্বণি ত্রিচৎবারিংশোঽধ্যায়ঃ॥ 43॥
শান্তিপর্ব - অধ্যায় 044
॥ শ্রীঃ ॥
12.44. অধ্যায়ঃ 044
Mahabharata - Shanti Parva - Chapter Topics
যুধিষ্ঠিরেণ কৃষ্ণমেত্য সুখশয়নাদিপ্রশ্নপূর্বকং তৎস্তুতিঃ॥ 1॥Mahabharata - Shanti Parva - Chapter Text
12-44-0 (66398)
জনমেজয় উবাচ। 12-44-0x (5429)
প্রাপ্য রাজ্যং মহাবাহুর্ধর্মপুত্রো যুধিষ্ঠিরঃ।
যদন্যদকরোদ্বিপ্র তন্মে বক্তুমিহার্হসি॥ 12-44-1 (66399)
ভগবান্বা হৃষীকেশস্ত্রৈলোক্যস্য পরো গুরুঃ।
ঋষে যদকরোদ্বীরস্তচ্চ ব্যাখ্যাতুমর্হসি॥ 12-44-2 (66400)
বৈশম্পায়ন উবাচ। 12-44-3x (5430)
শৃণু তত্ৎবেন রাজেন্দ্র কীর্ত্যমানং ময়াঽনঘ।
বাসুদেবং পুরস্কৃত্য যদকুর্বত পাণ্ডবাঃ॥ 12-44-3 (66401)
প্রাপ্য রাজ্যং মহারাজ কুন্তীপুত্রো যুধিষ্ঠিরঃ।
বর্ণান্সংস্থাপয়ামাস নয়েন বিনয়েন চ॥ 12-44-4 (66402)
ব্রাহ্মণানাং সহস্রং চ স্নাতকানাং মহাত্মনাম্।
সহস্রনিষ্কৈরেকৈকং তর্পয়ামাস পাণ্ডবঃ॥ 12-44-5 (66403)
তথাঽনুজীবিনো ভৃত্যান্সংশ্রিতানতিথীনপি।
কামৈঃ সংতর্পয়ামাস কৃপণাংস্তার্কিকানপি॥ 12-44-6 (66404)
পুরোহিতায় ধৌম্যায় প্রাদাদয়ুতশঃ স গাঃ।
ধনং সুবর্ণং রজতং বাসাংসি বিবিধান্যপি॥ 12-44-7 (66405)
কৃপায় চ মহারাজ পিতৃবত্তমতর্পয়ৎ।
বিদুরায় চ রাজাঽসৌ পূজাং চক্রে যতব্রতঃ॥ 12-44-8 (66406)
ভক্ষ্যান্নপানৈর্বিবিধৈর্বাসোভিঃ শয়নাসনৈঃ।
সর্বান্সংতোপয়ামাস সংশ্রিতান্দদতাং বরঃ॥ 12-44-9 (66407)
লব্ধপ্রশমনং কৃৎবা স রাজা রাজসত্তম।
যুয়ুৎসোর্ধার্তরাষ্ট্রস্য পূজাং চক্রে মহায়েশাঃ॥ 12-44-10 (66408)
ধৃতরাষ্ট্রায় তদ্রাজ্যং গান্ধার্যৈ বিদুরায় চ।
নিবেদ্য সুস্থবদ্রাজা সুখমাস্তে যুধিষ্ঠিরঃ॥ 12-44-11 (66409)
তথা সর্বং স নগরং প্রসাদ্য ভরতর্ষভ।
বাসুদেবং মহাত্মানমভ্যগচ্ছৎকৃতাঞ্জলিঃ॥ 12-44-12 (66410)
ততো মহতি পর্যঙ্কে মণিকাঞ্চনভূষিতে।
দদর্শ কৃষ্ণমাসীনং নীলং মেরাবিবাম্বুদম্॥ 12-44-13 (66411)
জাজ্বল্যমানং বপুষা দিব্যাভরণভূষিতম্।
পীতকৌশেয়বসনং হেম্নেবোপগত মণিম্॥ 12-44-14 (66412)
কৌস্তুভেনোরসিস্থেন মণিনাঽভিবিরাজিতম্।
উদ্যতেবোদয়ং শৈলং সূর্যেণাভিবিরাজিতম্॥ 12-44-15 (66413)
নৌপম্যং বিদ্যতে তস্য ত্রিষু লোকেষু কিংচন॥ 12-44-16 (66414)
সোঽভিগম্য মহাত্মানং বিষ্ণুং পুরুষসত্তমম্।
উবাচ মধুরং রাজা স্মিতপূর্বমিদং তদা॥ 12-44-17 (66415)
সুখেন তে নিশা কচ্চিদ্ব্যুষ্টা বুদ্ধিমতাং বর।
কচ্চিজ্জ্ঞানানি সর্বাণি প্রসন্নানি তবাচ্যুত॥ 12-44-18 (66416)
তথৈবোপশ্রিতা দেবী বুদ্ধির্বুদ্ধিমতাং বর।
বয়ং রাজ্যমনুপ্রাপ্তাঃ পৃথিবী চ বশে স্থিতা॥ 12-44-19 (66417)
তব প্রসাদাদ্ভগবংস্ত্রিলোকগতিবিক্রম।
জয়ং প্রাপ্তা যশশ্চাগ্র্যং ন চ ধর্মচ্যুতা বয়ম্॥ 12-44-20 (66418)
তং তথা ভাষমাণং তু ধর্মরাজমরিংদমম্।
নোবাচ ভগবান্কিংচিদ্ধ্যানমেবান্বপদ্যত॥ ॥ 12-44-21 (66419)
ইতি শ্রীমন্মহাভারতে শান্তিপর্বণি রাজধর্মপর্বণি চতুশ্চৎবারিংশোঽধ্যায়ঃ॥ 44॥
Mahabharata - Shanti Parva - Chapter Footnotes
12-44-10 লব্ধপ্রশমনং লব্ধস্য ধনাদেঃ যথোচিতমংশতঃ পাত্রে সমর্পণেন শান্তিকম্॥শান্তিপর্ব - অধ্যায় 045
॥ শ্রীঃ ॥
12.45. অধ্যায়ঃ 045
Mahabharata - Shanti Parva - Chapter Topics
কৃষ্ণেন যুধিষ্ঠিরংপ্রতি ধর্মশ্রবণায় ভীষ্মসমীপগমনচোদনা॥ 1॥ তথা যুধিষ্ঠিরপ্রার্থনয়া স্বস্যাপি তত্র গমনায়দারুকেণ রথসংয়োজনম্॥ 2॥Mahabharata - Shanti Parva - Chapter Text
12-45-0 (66420)
যুধিষ্ঠির উবাচ। 12-45-0x (5431)
কিমিদং পরমাশ্চর্যং ধ্যায়স্যমিতবিক্রম।
কচ্চিল্লোকত্রয়স্যাস্য স্বস্তি লোকপরায়ণ॥ 12-45-1 (66421)
`ইন্দ্রিয়াণি মনশ্চৈব বুদ্ধৌ সংবেশিতানি তে'।
চতুর্থং ধ্যানমার্গং ৎবমালম্ব্য পুরুষর্ষভ।
অপক্রান্তো যতো জীবস্তেন মে বিস্মিতং মনঃ॥ 12-45-2 (66422)
নিগৃহীতো হি বায়ুস্তে পঞ্চকর্মা শরীরগঃ।
ইন্দ্রিয়াণি চ সর্বাণি মনসি স্থাপিতানি তে॥ 12-45-3 (66423)
বাক্চ সৎবং চ গোবিন্দ বুদ্ধৌ সংবেশিতানি তে।
সর্বে চৈব গুণা দেবাঃ ক্ষেত্রজ্ঞে তে নিবেশিতাঃ॥ 12-45-4 (66424)
নেঙ্গন্তি তব রোমাণি স্থিরা বুদ্ধিস্তথা মনঃ।
কাষ্ঠকুড্যশিলাভূতো নিরীহশ্চাসি মাধব॥ 12-45-5 (66425)
যথা দীপো নিবাতস্থো নিরিঙ্গো জ্বলতেঽচ্যুত।
তথাঽসি ভগবন্দেন নিশ্চলো যোগনিশ্চয়াৎ॥ 12-45-6 (66426)
যদি শ্রোতুমিহার্হামি ন রহস্যং চ তে যদি।
ছিন্ধি মে সংশয়ং দেব প্রপন্নায়াভিয়াচতে॥ 12-45-7 (66427)
ৎবং হি কর্তা বিকর্তা চ ৎবং ক্ষরশ্চাক্ষরশ্চ হ।
অনাদিনিধনো হ্যাদ্যস্ৎবমেকঃ পুরুষোত্তম॥ 12-45-8 (66428)
ৎবং প্রপন্নায় ভক্তায় শিরসা প্রণতায় চ।
ধ্যানস্যাস্য যথাতত্ৎবং ব্রূহি ধর্মভৃতাং বর॥ 12-45-9 (66429)
ততঃ স্বগোচরে ন্যস্য মনোবুদ্ধীন্দ্রিয়াণি চ।
স্মিতপূর্বমুবাচেদং ভগবান্বাসবানুজঃ॥ 12-45-10 (66430)
বাসুদেব উবাচ। 12-45-11x (5432)
শরতল্পগতো ভীষ্মঃ শাম্যন্নিব হুতাশনঃ।
মাং ধ্যাতি পুরুষব্যাঘ্রস্ততো মে তদ্গতং মনঃ॥ 12-45-11 (66431)
যস্য জ্যাতলনির্ঘোষং বিস্ফূর্জিতমিবাশনেঃ।
ন সহেদ্দেবরাজোঽপি তমস্মি মনসা গতঃ॥ 12-45-12 (66432)
যেনাভিজিত্য তরসা সমস্তং রাজমণ্ডলম্।
ঊঢাস্তিস্রঃ পুরা কন্যাস্তমস্মি মনসা গতঃ॥ 12-45-13 (66433)
ত্রয়োবিংশতিরাত্রং যো যোধয়ামাস ভার্গবম্।
ন চ রামেণ নিস্তীর্ণস্তমস্মি মনসা গতঃ॥ 12-45-14 (66434)
যং গঙ্গা গর্ভবিধিনা ধারয়ামাস ভারতম্।
বসিষ্ঠশিষ্যং তং তাত গতোঽস্মি মনসা নৃপ॥ 12-45-15 (66435)
দিব্যাস্রাণি মহাতেজা যো ধারয়তি বুদ্ধিমান্।
সাঙ্গাংশ্চ চতুরো বেদাংস্তমস্মি মনসা গতঃ॥ 12-45-16 (66436)
রামস্য দয়িতং শিষ্যং জামদগ্ন্যস্য পাণ্ডব।
আধারং সর্ব্রবিদ্যানাং তমস্মি মনসা গতঃ॥ 12-45-17 (66437)
`একীকৃত্যেন্দ্রিয়গ্রামং মনঃ সংয়ম্য মেধয়া।
শরণং মামুপাগচ্ছত্ততো মে তদ্গতং মনঃ॥ ' 12-45-18 (66438)
স হি ভূতং ভবিষ্যচ্চ ভবচ্চ ভরতর্ষভ।
বেত্তি ধর্মবিদাং শ্রেষ্ঠস্তমস্মি মনসা গতঃ॥ 12-45-19 (66439)
তস্মিন্হি পুরুষব্যাঘ্রে শান্তে ভীষ্মে মহাত্মনি।
ভবিষ্যতি মহী পার্থ নষ্টচন্দ্রেব শর্বরী॥ 12-45-20 (66440)
তদ্যুধিষ্ঠির গাঙ্গেয়ং ভীষ্মং ভীমপরাক্রমম্।
অভিগম্যোপসংগৃহ্য পৃচ্ছ যত্তে মনোগতম্॥ 12-45-21 (66441)
চাতুর্বিদ্যং চাতুর্হোত্রং চাতুরাশ্রম্যমেব চ।
রাজধর্মাংশ্চি নিখিলান্পৃচ্ছৈনং পৃথিবীপতে॥ 12-45-22 (66442)
তস্মিন্নস্তমিতে ভীষ্মে কৌরবাণাং ধুংরধরে।
জ্ঞানান্যল্পীভবিষ্যন্তি তস্মাত্ৎবাং চোদয়াম্যহম্॥ 12-45-23 (66443)
তচ্ছ্রুৎবা বাসুদেবস্য তথ্যং বচনমুত্তমম্।
সাশ্রুকণ্ঠঃ স ধর্মজ্ঞো জনার্দনমুবাচ হ॥ 12-45-24 (66444)
যদ্ভবানাহ ভীষ্মস্য প্রভাবং প্রতি মাধব।
তথা তন্নাত্র সংদেহো বিদ্যতে মম মাধব॥ 12-45-25 (66445)
মহাভাগ্যং চ ভীষ্মস্য প্রভাবশ্চ মহাদ্যুতে।
শ্রুতং ময়া কথয়তাং ব্রাহ্মণানাং মহাত্মনাম্॥ 12-45-26 (66446)
ভবাংশ্চ কর্তা লোকানাং যদ্ব্রবীত্যরিসূদন।
তথা তদ্রনভিধ্যেয়ং বাক্যং যাদবনন্দন॥ 12-45-27 (66447)
যদি ৎবনুগ্রহবতী বুদ্ধিস্তে ময়ি মাধব।
ৎবামগ্রতঃ পুরস্কৃত্য ভীষ্মং যাস্যামহে বয়ম্॥ 12-45-28 (66448)
আবৃত্তে ভগবত্যর্কে স হি লোকান্গমিষ্যতি।
ৎবদ্দর্শনং মহাবাহো তস্মাদর্হতি কৌরবঃ॥ 12-45-29 (66449)
তব হ্যাদ্যস্য দেবস্য ক্ষরস্যৈবাক্ষরস্য চ।
দর্শনং ৎবস্য লাভঃ স্যাত্ৎবং হি ব্রহ্মময়ো নিধিঃ॥ 12-45-30 (66450)
বৈশম্পায়ন উবাচ। 12-45-31x (5433)
শ্রুৎবৈবং ধর্মরাজস্য বচনং মধুসূদনঃ।
পার্শ্বস্থং সাত্যকিং প্রাহ রথো মে যুজ্যতামিতি॥ 12-45-31 (66451)
সাত্যকিস্ৎবাশু নিষ্ক্রম্য কেশবস্য সমীপতঃ।
দারুকং প্রাহ কৃষ্ণস্য যুজ্যতাং রথ ইত্যুত॥ 12-45-32 (66452)
স সাত্যকেরাশু বচো নিশম্য
রথোত্তমং কাঞ্চনভূষিতাঙ্গম্।
মসারগল্বর্কময়ৈর্বিভঙ্গৈ
র্বিভূষিতং হেমনিবদ্ধচক্রম্॥ 12-45-33 (66453)
দিবাকরাংশুপ্রভমাশুগামিনং
বিচিত্রনানামণিভূষিতান্তরম্।
নবোদিতং সূর্যমিব প্রতাপিনং
বিচিত্রতার্ক্ষ্যধ্বজিনং পতাকিনম্॥ 12-45-34 (66454)
সুগ্রীবশৈব্যপ্রপ্নুখৈর্বরাশ্বৈ
র্মনোজবৈঃ কাঞ্চনভূষিতাঙ্গৈঃ।
সংয়ুক্তমাবেদয়দচ্যুতায়
কৃতাঞ্জলির্দারুকো রাজসিংহ॥ ॥ 12-45-35 (66455)
ইতি শ্রীমন্মহাভারতে শান্তিপর্বণি রাজধর্মপর্বণি প্রঞ্চচৎবারিংশোঽধ্যায়ঃ॥ 45॥
Mahabharata - Shanti Parva - Chapter Footnotes
12-45-2 চতুর্থং জাগ্রৎস্বপ্নসুষুপ্তিভ্যঃ পরম্। অপক্রান্তো যতো দেব ইতি ঝ. পাঠঃ॥ 12-45-3 পঞ্চকর্মা প্রাণনাদিকারী॥ 12-45-4 সৎবং মনঃ। বাগুপলক্ষিতানীন্দ্রিয়াণি চ বুদ্ধৌ মহত্তত্ৎবে। গুণাঃ শব্দাদিগুণভাজো দেবাঃ শ্রোত্রাদীনি ইন্দ্রিয়াণি॥ 12-45-5 নেঙ্গন্তি ন কম্পন্তে। নিরীহো নিশ্চেষ্টঃ॥ 12-45-6 নিরিঙ্গঃ অচলঃ॥ 12-45-10 গোচরে স্বস্বস্থানে॥ 12-45-11 ধ্যাতি ধ্যায়তি॥ 12-45-22 চতস্রো বিদ্যাঃ ধর্মার্থকামমোক্ষবিদ্যাঃ সর্ববর্ণসাধারণাঃ চাতুর্হোত্রং ত্রৈবর্ণিকানাং বিশেষধর্মো যজ্ঞাদিঃ॥ 12-45-27 অনভিধ্যেয়ং অবিচারণীয়ম্॥ 12-45-33 মসারগল্বর্কময়ৈর্বিভঙ্গৈঃ মসারো মরকতমণিঃ গলুশ্চন্দ্রকান্তঃ অর্কঃ সূর্যকান্তঃ তন্ময়ৈঃ বিভঙ্গৈঃ বিস্তরৈঃ॥শান্তিপর্ব - অধ্যায় 046
॥ শ্রীঃ ॥
12.46. অধ্যায়ঃ 046
Mahabharata - Shanti Parva - Chapter Topics
বৈশম্পায়নেন জনমেজয়ংপ্রতি ভীষ্মকৃতকৃষ্ণস্তেবরাজানুবাদপূর্বকং ভীষ্মস্য শরীরত্যাগপ্রকারকথনম্॥ 1॥Mahabharata - Shanti Parva - Chapter Text
12-46-0 (66456)
জনমেজয় উবাচ। 12-46-0x (5434)
শরতল্পে শয়ানস্তু ভরতানাং পিতামহঃ।
কথমুৎসৃষ্টবান্দেহং কং চ যোগমধারয়ৎ॥ 12-46-1 (66457)
বৈশম্পায়ন উবাচ। 12-46-2x (5435)
শৃণুষ্বাবহিতো রাজঞ্শুচির্ভূৎবা সমাহিতঃ।
ভীষ্মস্য কুরুশার্দূল দেহোৎসর্গং মহাত্মনঃ॥ 12-46-2 (66458)
প্রবৃত্তমাত্রে ৎবয়নমুত্তরেণ দিবাকরে।
`শুক্লপক্ষস্য চাষ্টভ্যাং মাঘমাসস্য পার্থিব॥ 12-46-3 (66459)
প্রাজাপত্যে চ নক্ষত্রে মধ্যং প্রাপ্তে দিবাকরে।'
সমাবেশয়দাত্মানমাত্মত্যেব সমাহিতঃ॥ 12-46-4 (66460)
বিকীর্ণাংশুরিবাদিত্যো ভীষ্মঃ শরশতৈশ্চিতঃ।
শুশুভে পরয়া লক্ষ্ম্যা বৃতো ব্রাহ্মণসত্তমৈঃ॥ 12-46-5 (66461)
ব্যাসেন দেবশ্রবসা নারদেন সুরর্ষিণা।
দেবস্থানেন বাৎস্যেন তথাঽশ্মকসুমন্তুনা॥ 12-46-6 (66462)
তথা জৈমিনিনা চৈব পৈলেন চ মহাত্মনা।
শাণ্ডিল্যদেবলাভ্যাং চ মৈত্রেয়েণ চ ধীমতা॥ 12-46-7 (66463)
অসিতেন বসিষ্ঠেন কৌশিকেন মহাত্মনা।
হারিতলোমশাভ্যাং চ তথাঽঽত্রেয়েণ ধীমতা॥ 12-46-8 (66464)
[বৃহস্পতিশ্চ শুক্রশ্চ চ্যবনশ্চ মহামুনিঃ।
সনৎকুমারঃ কপিলো চাল্মীকিস্তুম্বুরুঃ কুরুঃ॥ 12-46-9 (66465)
মৌদ্গল্যো ভার্গবো রামস্তৃণবিন্দুর্মহামুনিঃ।
পিপ্পলাদোঽথ বায়ুশ্চ সবর্তঃ পুলহঃ কচঃ॥ 12-46-10 (66466)
কাশ্যপশ্চ পুলস্ত্যশ্চ ক্রতুর্দক্ষঃ পরাশরঃ।
মরীচিরঙ্গিরাঃ কাশ্যো গৌতমো গালবো মুনিঃ॥ 12-46-11 (66467)
ধৌম্যো বিভাণ্ডো মাণ্ডব্যোধৌম্রঃ কৃষ্ণানুভৌতিকঃ।
উলূকঃ পরমো বিপ্রো মার্কণ্ডেয়ো মহামুনিঃ।
ভাস্করিঃ পূরণঃ কৃষ্ণঃ সূতঃ পরমধার্মিকঃ॥ 12-46-12 (66468)
এতৈশ্চান্যৈর্মুনিগণৈর্মহাভাগৈর্মহাত্মভিঃ।
শ্রদ্ধাদমশমোপেতৈর্বৃতশ্চন্দ্র ইব গ্রহৈঃ॥ 12-46-13 (66469)
ভীষ্মস্তু পুরুষব্যাঘ্রঃ কর্মণা মনসা গিরা।
শরতল্পগতঃ কৃষ্ণং প্রদধ্যৌ প্রাঞ্জলিঃ শুচিঃ॥ 12-46-14 (66470)
স্বরেণ হৃষ্টপুষ্টেন তুষ্টাব মধুসূদনম্।
যোগেশ্বরং পঝনাভং বিষ্ণুং জিষ্ণুং জগৎপতিম্।
`অনাদিনিধনং বিষ্ণুমাত্ময়োনিং সনাতনম্॥' 12-46-15 (66471)
কৃতাঞ্জলিপুটো ভূৎবা বাগ্বিদাং প্রবরঃ প্রভুঃ॥
ভীষ্মঃ পরমধর্মাত্মা বাসুদেবমথাস্তুবৎ॥ 12-46-16 (66472)
ভীষ্ম উবাচ। 12-46-17x (5436)
আরিরাধয়িষুঃ কৃষ্ণং বাচং জিগদিষামি যাম্।
তয়া ব্যাসসমাসিন্যা প্রীয়তাং পুরুষোত্তমঃ॥ 12-46-17 (66473)
শুচিং শুচিপদং হংসং তৎপরং পরমেষ্ঠিনম্।
যুক্ৎবা সর্বাত্মনাঽঽত্মানং তং প্রপদ্যে প্রজাপতিম্॥ 12-46-18 (66474)
অনাদ্যন্তং পরং ব্রহ্ম ন দেবা নর্ষয়ো বিদুঃ।
একোঽয়ং বেদ ভগবান্ধাতা নারায়ণো হরিঃ॥ 12-46-19 (66475)
নারায়ণাদৃষিগণাস্তথা সিদ্ধমহোরগাঃ।
দেবা দেবর্ষয়শ্চৈব যং বিদুর্দুঃখভেষজম্॥ 12-46-20 (66476)
দেবদানবগন্ধর্বা যক্ষরাক্ষসপন্নগাঃ।
যং ন জানন্তি কো হ্যেষ কুতো বা ভগবানিতি॥ 12-46-21 (66477)
`যমাহুর্জগতঃ কোশং যস্মিংশ্চ নিহিতাঃ প্রজাঃ।
যস্মিঁল্লোকাঃ স্ফুরন্ত্যেতে জালে শকুনয়ো যথা॥' 12-46-22 (66478)
যস্মিন্বিশ্বানি ভূতানি তিষ্ঠন্তি চ বিশন্তি চ।
গুণভূতানি ভূতেশে সূত্রে মণিগণা ইব॥ 12-46-23 (66479)
`যং চ বিশ্বস্য কর্তারং জগতস্তস্থুষাং পতিম্
বদন্তি জগতোঽধ্যক্ষমধ্যাত্মপরিচিন্তকাঃ॥ ' 12-46-24 (66480)
যস্মিন্নিত্যে ততে তন্তৌ দৃঢে স্রগিব তিষ্ঠতি।
সদসদ্গ্রথিতং বিশ্বং বিশ্বাঙ্গে বিশ্বকর্মণি॥ 12-46-25 (66481)
হরিং সহস্রশিরসং সহস্রচরণেক্ষণম্।
সহস্রবাহুমকুটং সহস্রবদনোজ্জ্বলম্॥ 12-46-26 (66482)
প্রাহুর্নারায়ণং দেবং যং বিশ্বস্য পরায়ণম্।
অণীয়সামণীয়াংসং স্থবিষ্ঠং চ স্থবীয়সাম্।
গরীয়সাং গরিষ্ঠং চ শ্রেষ্ঠং চ শ্রেয়সামপি॥ 12-46-27 (66483)
চং বাকেষ্বনুবাকেষু নিষৎসূপনিষৎসু চ।
গৃণন্তি সত্যকর্মাণং সত্যং সত্যেষু সামসু॥ 12-46-28 (66484)
চতুর্ভিশ্চতুরাত্মানং সৎবস্থং সাৎবতাং পতিম্।
যং দিব্যৈর্দেবমর্চন্তি গুহ্যৈঃ পরমনামভিঃ॥ 12-46-29 (66485)
[যস্মিন্নিত্যং তপস্তপ্তং যদঙ্গেষ্বনুতিষ্ঠতি।
সর্বাত্মা সর্ববিৎসর্বঃ সর্বজ্ঞঃ সর্বভাবনঃ॥ ] 12-46-30 (66486)
যং দেবং দেবকী দেবী বসুদেবাদজীজনৎ।
ভৌমস্য ব্রহ্মণো গুপ্ত্যৈ দীপ্তমগ্নিমিবারণিঃ॥ 12-46-31 (66487)
যমনন্যো ব্যপেতাশীরাত্মানং বীতকল্মষম্।
ইষ্ট্বানন্ত্যায় গোবিন্দং পশ্যত্যাত্মানমাত্মনি॥ 12-46-32 (66488)
`অপ্রতর্ক্যমবিজ্ঞেয়ং হরিং নারায়ণং বিভুম্।'
অতিবায়্বিন্দ্রকর্মাণমতিসূর্যাগ্নিতেজসম্।
অতিবুদ্ধীন্দ্রিয়াত্মানং তং প্রপদ্যে প্রজাপতিম্॥ 12-46-33 (66489)
পুরাণে পুরুষং প্রোক্তং ব্রহ্মপ্রোক্তং যুগাদিষু।
ক্ষয়ে সংকর্ষণং প্রোক্তং তমুপাস্যমুপাস্মহে॥ 12-46-34 (66490)
যমেকং বহুধাত্মানং প্রাদুর্ভূতমধোক্ষজম্।
নান্যভক্তাঃ ক্রিয়াবন্তো যজন্তে সর্বকামদম্॥ 12-46-35 (66491)
ঋতমেকাক্ষরং ব্রহ্ম যত্তৎসদসতঃ পরম্।
অনাদিমধ্যপর্যন্তং ন দেবা নর্ষয়ো বিদুঃ॥ 12-46-36 (66492)
যং সুরাসুরগন্ধর্বাঃ সিদ্ধা ঋষিমহোরগাঃ।
প্রয়তা নিত্যমর্চন্তি পরমং সুখভেষজম্॥ 12-46-37 (66493)
অনাদিনিধনং দেবমাত্ময়োনিং সনাতনম্।
অপ্রেক্ষ্যমনভিজ্ঞেয়ং হরিং নারায়ণং প্রভুম্॥ 12-46-38 (66494)
অথ ভীষ্মস্তবরাজঃ॥ 12-46-39x (5437)
হিরণ্যবর্ণং যং গর্ভমদিতির্দৈত্যনাশনম্।
একং দ্বাদশধা জজ্ঞে তস্মৈ সূর্যাত্মনে নমঃ॥ 12-46-39 (66495)
শুক্লে দেবান্পিতৄন্কৃষ্ণে তর্পয়ত্যমৃতেন যঃ।
যশ্চ রাজা দ্বিজাতীনাং তস্মৈ সোমাত্মনে নমঃ॥ 12-46-40 (66496)
`হুতাশনমুখৈর্দেবৈর্ধার্যতে সকলং জগৎ।
হবিঃ প্রথমভোক্তা যস্তস্মৈ হোত্রাত্মনে নমঃ॥ ' 12-46-41 (66497)
মহতস্তমসঃ পারে পুরুষং হ্যতিতেজসম্।
যং জ্ঞাৎবা মৃত্যুমত্যেতি তস্মৈ জ্ঞেয়াত্মনে নমঃ॥ 12-46-42 (66498)
যং বৃহন্তং বৃহত্যুক্থে যমগ্নৌ যং মহাধ্বরে।
যং বিপ্রসঙ্ঘা গায়ন্তি তস্মৈ বেদাত্মনে নমঃ॥ 12-46-43 (66499)
পাদাঙ্গং সংধিপর্বাণং স্বরব্যঞ্জনভূষিতম্।
যমাহুরক্ষরং বিপ্রাস্তস্মৈ বাগাত্মনে নমঃ॥ 12-46-44 (66500)
[যজ্ঞাঙ্গো যো বরাহো বৈ ভূৎবা গামুজ্জহারহ।
লোকত্রয়হিতার্থায় তস্মৈ বীর্যাত্মনে নমঃ॥] 12-46-45 (66501)
ঋগ্যজুঃসামধামানং দশার্ধহবিরাকৃতিম্।
যং সপ্ততন্তুং তন্বন্তি তস্মৈ যজ্ঞাত্মনে নমঃ॥ 12-46-46 (66502)
[চতুর্ভিশ্চ চতুর্ভিশ্চ দ্বাভ্যাং পঞ্চভিরেব চ।
হূয়তে চ পুনর্দ্বাভ্যাং তস্মৈ হোমাত্মনে নমঃ॥] 12-46-47 (66503)
যঃ সুপর্ণো যজুর্নাম চ্ছন্দোগাত্রস্ত্রিবৃচ্ছিরাঃ।
রথন্তরবৃহৎপক্ষস্তস্মৈ স্তোত্রাত্মনে নমঃ॥ 12-46-48 (66504)
যঃ সহস্রসবে সত্রে জজ্ঞে বিশ্বসৃজামৃষিঃ।
হিরণ্যপক্ষঃ শকুনিস্তস্মৈ তার্ক্ষ্যাত্মনে নমঃ॥ 12-46-49 (66505)
যশ্চিনোতি সতাং সেতুমৃতেনামৃতয়োনিনা।
ধর্মার্থব্যবহারাঙ্গৈস্তস্মৈ সত্যাত্মনে নমঃ॥ 12-46-50 (66506)
যং পৃথগ্ধর্মচরণাঃ পৃথগ্ধর্মফলৈষিণঃ।
পৃথগ্ধর্মৈঃ সমর্চন্তি তস্মৈ ধর্মাত্মনে নমঃ॥ 12-46-51 (66507)
[যতঃ সর্বে প্রসূয়ন্তে হ্যনঙ্গাত্মাঙ্গদেহিনঃ।
উন্মাদঃ সর্বভূতানাং তস্মৈ কামাত্মনে নমঃ॥] 12-46-52 (66508)
যং তং ব্যক্তস্থমব্যক্তং বিচিন্বন্তি মহর্ষয়ঃ।
ক্ষেত্রে ক্ষেত্রজ্ঞমাসীনং তস্মৈ ক্ষেত্রাত্মনে নমঃ॥ 12-46-53 (66509)
যং দৃগাত্মানমাত্মস্থং বৃতং ষোডশভির্গুণৈঃ।
প্রাহুঃ সপ্তদশংসাঙ্খ্যাস্তস্মৈ সাঙ্খ্যাত্মনে নমঃ॥ 12-46-54 (66510)
যং বিনিদ্রা জিতশ্বাসাঃ সংতুষ্টাঃ সংয়তেন্দ্রিয়াঃ।
জ্যোতিঃ পশ্যন্তি যুঞ্জানাস্তস্মৈ যোগাত্মেন নমঃ॥ 12-46-55 (66511)
অপুণ্যপুণ্যোপরমে যং পুনর্ভবনির্ভয়াঃ।
শান্তাঃ সংন্যাসিনো যান্তি তস্মৈ মোক্ষাত্মনে নমঃ॥ 12-46-56 (66512)
যস্যাগ্রিরাস্যং দ্যৌর্মূর্ধা খং নাভিশ্চরণৌ ক্ষিতিঃ।
সূর্যশ্চক্ষুর্দিশঃ শ্রোত্রং তস্মৈ লোকাত্মনে নমঃ॥ 12-46-57 (66513)
যুগেষ্বাবর্ততে যোংঽশৈর্মাসর্ৎবয়নহায়নৈঃ।
সর্গপ্রলয়যোঃ কর্তা তস্মৈ কালাত্মনে নমঃ॥ 12-46-58 (66514)
যোঽসৌ যুগসহস্রান্তে প্রদীপ্তার্চির্বিভাবসুঃ।
সংভক্ষয়তি ভূতানি তস্মৈ ঘোরাত্মনে নমঃ॥ 12-46-59 (66515)
সংভক্ষ্য সর্বভূতানি কৃৎবা চৈকার্ণবং জগৎ।
বালঃ স্বপিতি যশ্চৈকস্তস্মৈ মায়াত্মনে নমঃ॥ 12-46-60 (66516)
সহস্রশিরসে তস্মৈ পুরুষায়ামিতাত্মনে।
চতুঃসমুদ্রপয়সি যোগনিদ্রাত্মনে নমঃ॥ 12-46-61 (66517)
অজস্য নাভাবধ্যেকং যস্মিন্বিশ্বং প্রতিষ্ঠিতম্।
পুষ্করং পুষ্করাক্ষস্য তস্মৈ পঝাত্মনে নমঃ॥ 12-46-62 (66518)
যস্য কেশেষু জীমূতা নদ্যঃ সর্বাঙ্গসংধিষু।
কুক্ষৌ সমুদ্রাশ্চৎবারস্তস্মৈ তোয়াত্মনে নমঃ॥ 12-46-63 (66519)
যস্মাৎসর্গাঃ প্রবর্তন্তে সর্গপ্রলয়বিক্রিয়াঃ।
যস্মিংশ্চৈব প্রলীয়ন্তে তস্মৈ হেৎবাত্মনে নমঃ॥ 12-46-64 (66520)
[যো নিষণ্ণো ভবেদ্রাত্রৌ দিবা ভবতি বিষ্ঠিতঃ।
ইষ্টানিষ্টস্য চ দ্রষ্টা তস্মৈ দ্রষ্ট্রাত্মনে নমঃ॥] 12-46-65 (66521)
অকার্যঃ সর্বকার্যেষু ধর্মকার্যার্থমুদ্যতঃ।
বৈকুণ্ঠস্য হি তদ্রূপং তস্মৈ কার্যাত্মনে নমঃ॥ 12-46-66 (66522)
ব্রহ্ম বক্তং ভুজৌ ক্ষত্রং কৃৎস্নমূরূদরং বিশঃ।
পাদৌ যস্যাশ্রিতাঃ শূদ্রাস্তস্মৈবর্ণাত্মনে নমঃ॥ 12-46-67 (66523)
অন্নপানেন্ধনময়ো রসপ্রাণবিবর্ধনঃ।
যো ধারয়তি ভূতানি তস্মৈ প্রাণাত্মনে নমঃ॥ 12-46-68 (66524)
[প্রাণানাং ধারণার্থায় যোঽন্নং ভুঙ্ক্তে চতুর্বিধম্।
অন্তর্ভূতঃ পচত্যগ্নিস্তস্মৈ পাকাত্মনে নমঃ॥ ] 12-46-69 (66525)
বিষয়ে বর্তমানানাং যং তং বৈষয়িকৈর্গুণৈঃ।
প্রাহুর্বিষয়গোপ্তারং তস্মৈ গোপ্ত্রাত্মনে নমঃ॥ 12-46-70 (66526)
অপ্রমেয়শরীরায় সর্বতো বুদ্ধিচক্ষুষে।
অপারপরিমাণায় তস্মৈ দিব্যাত্মনে নমঃ॥ 12-46-71 (66527)
পরঃ কালাৎপরো যজ্ঞাৎপরঃ সদসতশ্চ যঃ।
অনাদিরাদির্বিশ্বস্য তস্মৈ বিশ্বাত্মনে নমঃ॥ 12-46-72 (66528)
বৈদ্যুতো জাঠরশ্চৈব পাবকঃ শুচিরেব চ।
দহনঃ সর্বভক্ষাণাং তস্মৈ বহ্ন্যাত্মনে নমঃ॥ 12-46-73 (66529)
রসাতলগতঃ শ্রীমার্ননন্তো ভগবান্প্রভুঃ।
জগদ্ধারয়তে যোঽসৌ তস্মৈ শেষাত্মনে নমঃ॥ 12-46-74 (66530)
জ্বলনার্কেন্দুতারাণাং জ্যোতিষাং দিব্যমূর্তিনাম্।
যস্তেজয়তি তেজাংসি তস্মৈ তেজাত্মনে নমঃ॥ 12-46-75 (66531)
আত্মজ্ঞানমিদং জ্ঞানং জ্ঞাৎবা পঞ্চস্ববস্থিতম্।
যং জ্ঞানেনাধিগচ্ছন্তি তস্মৈ জ্ঞানাত্মনে নমঃ॥ 12-46-76 (66532)
সাঙ্খ্যৈর্যোগৈর্বিনিশ্চিত্য সাধ্যৈশ্চ পরমর্ষিভিঃ।
যস্য তু জ্ঞায়তে তৎবং তস্মৈ গুহ্যাত্মনে নমঃ॥ 12-46-77 (66533)
জটিনে দণ্ডিনে নিত্যং লম্বোদরশরীরিণে।
কমণ্ডলুনিষঙ্গায় তস্মৈ ব্রহ্মাত্মনে নমঃ॥ 12-46-78 (66534)
[শূলিনে ত্রিদশেশায় ত্র্যম্বকায় মহাত্মনে।
ভস্মদিগ্ধোর্ধ্বলিঙ্গায় তস্মা রুদ্রাত্মনে নমঃ॥ 12-46-79 (66535)
চন্দ্রার্ধকৃতশীর্ষায় ব্যালয়জ্ঞোপবীতিনে।
পিনাকশূলহস্তায় তস্মৈ উগ্রাত্মনে নমঃ॥] 12-46-80 (66536)
যো জাতো বসুদেবেন দেবক্যাং যদুনন্দনঃ।
শঙ্খচক্রগদাপাণির্বাসুদেবাত্মনে নমঃ॥ 12-46-81 (66537)
শিরঃকপালমালায় ব্যাঘ্রচর্মনিবাসিনে।
ভস্মদিগ্ধশরীরায় তস্মৈ রুদ্রাত্মনে নমঃ॥ 12-46-82 (66538)
যো মোহয়তি ভূতানি সর্বপাশানুবন্ধনৈঃ।
সর্বস্য রক্ষণার্থায় তস্মৈ মোহাত্মনে নমঃ॥ 12-46-83 (66539)
চৈতন্যং সর্বতো নিত্যং সর্বপ্রাণিহৃদি স্থিতম্।
সর্বাতীততরং সূক্ষ্মং তস্মৈ সূক্ষ্মাত্মনে নমঃ॥ 12-46-84 (66540)
পঞ্চভূতাত্মভূতায় ভূতাদিনিধনায় চ।
অক্রোধদ্রোহমোহায় তস্মৈ শান্তাত্মনে নমঃ॥ 12-46-85 (66541)
যস্মিন্সর্বং যতঃ সর্বং যঃ সর্বং সর্বতশ্চ যঃ।
যশ্চ সর্বময়ো দেবস্তস্মৈ সর্বাত্মনে নমঃ॥ 12-46-86 (66542)
যঃ শেতে ক্ষীরপর্যঙ্কে দিব্যনাগবিভূষিতে।
ফণাসহস্ররচিতে তস্মৈ নিদ্রাত্মনে নমঃ॥ 12-46-87 (66543)
বিশ্বে চ মরুতশ্চৈব রুদ্রাদিত্যাশ্বিনাবপি।
বসবঃ সিদ্ধসাধ্যাশ্চ তস্মৈ দেবাত্মনে নমঃ॥ 12-46-88 (66544)
অব্যক্তং বুদ্ধ্যহংকারো মনোবুদ্ধীন্দ্রিয়াণি চ।
তন্মাত্রাণি বিশেষাশ্চ তস্মৈ তৎবাত্মনে নমঃ॥ 12-46-89 (66545)
ভূতং ভব্যং ভবিষ্যচ্চ ভূতাদিপ্রভবাব্যযঃ।
যোঽগ্রজঃ সর্বভূতানাং তস্মৈ ভূতাত্মনে নমঃ॥ 12-46-90 (66546)
যং হি সূক্ষ্মং বিচিন্বন্তি পরং সূক্ষ্মবিদো জনাঃ।
সূক্ষ্মাৎসূক্ষ্মং চ যদ্ব্রহ্ম তস্মৈ সূক্ষ্মাত্মনে নমঃ॥ 12-46-91 (66547)
মৎস্যো ভূৎবা বিরিঞ্চায় যেন বেদাঃ সমাহৃতাঃ।
রসাতলগতঃ শীঘ্রং তস্মৈ মৎস্যাত্মনে নমঃ॥ 12-46-92 (66548)
মন্দরাদ্রির্ধৃতো যেন প্রাপ্তে হ্যমৃতমন্থনে।
অতিকর্কশদেহায় তস্মৈ কূর্মাত্মনে নমঃ॥ 12-46-93 (66549)
বারাহং রূপমাস্থায় মহীং সবনপর্বতাম্।
উদ্ধরত্যেকদংষ্ট্রেণ তস্মৈ ক্রোডাত্মনে নমঃ॥ 12-46-94 (66550)
নারসিংহবপুঃ কৃৎবা সর্বলোকভয়ংকরম্।
হিরণ্যকশিপুং জঘ্নে তস্মৈ সিংহাত্মনে নমঃ॥ 12-46-95 (66551)
পিঙ্গেক্ষণসটং যস্য রূপং দংষ্ট্রানখৈর্যুতম্।
দানবেন্দ্রান্তকরণং তস্মৈ দৃপ্তাত্মনে নমঃ॥ 12-46-96 (66552)
যং ন দেবা ন গন্ধর্বা ন দৈত্যা ন চ দানবাঃ।
তৎবতো হি বিজানন্তি তস্মৈ সূক্ষ্মাত্মনে নমঃ॥]
বামনং রূপমাস্থায় বলিং সংয়ম্য মায়যা।
ত্রৈলোক্যং ক্রান্তবান্যস্তু তস্মৈ ক্রান্তাত্মনে নমঃ॥ 12-46-97 (66553)
জমদগ্নিসুতো ভূৎবা রামঃ শস্ত্রভৃতাং বরঃ।
মহীং নিঃক্ষত্রিয়াং চক্রে তস্মৈ রামাত্মনে নমঃ॥ 12-46-98 (66554)
ত্রিঃসপ্তকৃৎবো যশ্চৈকো ধর্মে ব্যুৎক্রান্তিগৌরবাৎ।
জঘান ক্ষত্রিয়ান্সঙ্খ্যে তস্মৈ ক্রোধাত্মনে নমঃ॥ 12-46-99 (66555)
[বিভজ্য পঞ্চধাঽঽত্মানং বায়ুর্ভূৎবা শরীরগঃ।
যশ্চেষ্টয়তি ভূতানি তস্মৈ বায়্বাত্মনে নমঃ॥] 12-46-100 (66556)
রামো দশিরথির্ভূৎবা পুলস্ত্যকুলনন্দনম্।
জঘান রাবণং সঙ্খ্যে তস্মৈ ক্ষত্রাত্মনে নমঃ॥ 12-46-101 (66557)
যো হলী মুসলী শ্রীমান্নীলাম্বরধরঃ স্থিতঃ।
রামায় রৌহিণেয়ায় তস্মৈ ভোগাত্মনে নমঃ॥ 12-46-102 (66558)
শঙ্খিনে চক্রিণে নিত্যং শার্ঙ্গিণে পীতবাসসে।
বনমালাধরায়ৈব তস্মৈ কৃষ্ণাত্মনে নমঃ॥ 12-46-103 (66559)
বসুদেবসুতঃ শ্রীমান্ক্রীডিতো নন্দগোকুলে।
কংসস্য নিধনার্থায় তস্মৈ ক্রীডাত্মনে নমঃ॥ 12-46-104 (66560)
বাসুদেবৎবমাগম্য যদোর্বংশসমুদ্ভবঃ।
ভূভারহরণং চক্রে তস্মৈ কৃষ্ণাত্মনে নমঃ॥ 12-46-105 (66561)
সারথ্যমর্জুনস্যাজৌ কুর্বন্গীতামৃতং দদৌ।
লোকত্রয়োপকারায় তস্মৈ ব্রহ্মাত্মনে নমঃ॥ 12-46-106 (66562)
দানবাংস্তু বশে কৃৎবা পুনর্বুদ্ধৎবমাগতঃ।
সর্গস্য রক্ষণার্থায় তস্মৈ বুদ্ধাত্মনে নমঃ॥ 12-46-107 (66563)
হনিষ্যতি কলৌ প্রাপ্তে ম্লেচ্ছাংস্তুরগবাহনঃ।
ধর্মসংস্থাপকো যস্তু তস্মৈ কল্ক্যাত্মনে নমঃ॥ 12-46-108 (66564)
তারান্বয়ে কালনেমিং হৎবা দানবপুঙ্গবম্।
দদৌ রাজ্যং মহেন্দ্রায় তস্মৈ সাঙ্খ্যাত্মনে নমঃ॥ 12-46-109 (66565)
যঃ সর্বপ্রাণিনাং দেহে সাক্ষিভূতো হ্যবস্থিতঃ।
অক্ষরঃ ক্ষরমাণানাং তস্মৈ সাক্ষ্যাত্মনে নমঃ॥ 12-46-110 (66566)
নমোস্তু তে মহাদেব নমস্তে ভক্তবৎসল।
সুব্রহ্মণ্য নমস্তেঽস্তু প্রসীদ পরমেশ্বর॥ 12-46-111 (66567)
অব্যক্তব্যক্তরূপেণ ব্যাপ্তং সর্বং ৎবয়া বিভো।
নারায়ণং সহস্রাক্ষং সর্বলোকমহেশ্বরম্॥ 12-46-112 (66568)
হিরণ্যনাভ যজ্ঞাঙ্গমমৃতং বিশ্বতোমুখম্।
সর্বদা সর্বকার্যেষু নাস্তি তেষামমঙ্গলম্॥ 12-46-113 (66569)
যেষাং হৃদিস্থো দেবেশো মঙ্গলায়তনং হরিঃ।
মঙ্গল ভগবান্বিষ্ণুর্মঙ্গলং মধুসূদনঃ॥ 12-46-114 (66570)
মঙ্গলং পুণ়্ডরীকাক্ষো মঙ্গলং গরুডধ্বজঃ।
বিশ্বকর্মন্নমস্তেঽস্তু বিশ্বাত্মন্বিশ্বসংভব॥ 12-46-115 (66571)
অপবর্গস্থভূতানাং পঞ্চানাং পরমাস্থিত।
নমস্তে ত্রিষু লোকেষু বমস্তে পরতস্ত্রিষু॥ 12-46-116 (66572)
নমস্তে দিক্ষু সর্বাসু ৎবং হি সর্বপরায়ণম্।
নমস্তে ভগবন্বিষ্ণো ত্যেকানাং প্রভবাব্যয॥ 12-46-117 (66573)
ৎবং হি কর্তা হৃষীকেশঃ সংহর্তা চাপরাজিতঃ।
তেন পশ্যামি তে দিব্যান্ভাবান্হি ত্রিষুবর্ত্মসু॥ 12-46-118 (66574)
তচ্চ পশ্যামি তৎবেন যত্তে রূপং সনাতনম্।
দিবং তে শিরসা ব্যাপ্তং পদ্ভ্যাং দেবী বসুংধরা।
বিক্রমেণ ত্রয়ো লোকাঃ পুরুষোঽসি সনাতনঃ॥ 12-46-119 (66575)
[দিশো ভুজা রবিশ্চক্ষুর্বীর্যে শুক্রঃ প্রতিষ্ঠিতঃ।
সপ্তমার্গা নিরুদ্ধাস্তে বায়োরমিততেজসঃ॥] 12-46-120 (66576)
ব্যক্তাব্যক্তস্বরূপেণ ব্যাপ্তং সর্বং ৎবয়া বিভো।
অব্যক্তং ব্রাহ্মণং রূপং ব্যক্তমেতচ্চরাচরম্॥ 12-46-121 (66577)
অতসীপুষ্পসংকাশং পীতবাসসমচ্যুতম্।
যে নমস্যন্তি গোবিন্দং ন তেষাং বিদ্যতে ভয়ম্॥ 12-46-122 (66578)
[একোঽপি কৃষ্ণস্য কৃতঃ প্রণামো
দশাশ্বমেধাবভৃথেন তুল্যঃ।
দশাশ্বমেধী পুনরেতি জন্ম
কৃষ্ণপ্রণামী ন পুনর্ভবায়॥ 12-46-123 (66579)
কৃষ্ণব্রতাঃ কৃষ্ণমনুস্মরন্তো
রাত্রৌ চ কৃষ্ণং পুনরুত্থিতা যে।
তে কৃষ্ণদেহাঃ প্রবিশন্তি কৃষ্ণ
মাজ্যং যথা মন্ত্রহুতং হুতাশে॥ 12-46-124 (66580)
নমো নরকসংত্রাসরক্ষামণ্ডলকারিণে।
সংসারনিম্নগাবর্ততরিকাষ্ঠায় বিষ্ণবে॥ 12-46-125 (66581)
নমো ব্রহ্মণ্যদেবায় গোব্রাহ্মণহিতায় চ।
জগদ্ধিতায় কৃষ্ণায় গোবিন্দায় নমোনমঃ॥ 12-46-126 (66582)
প্রাণকান্তারপাথেয়ং সংসারোচ্ছেদভেষজম্।
দুঃখশোকপরিত্রাণং হরিরিত্যক্ষরদ্বয়ম্॥] 12-46-127 (66583)
নারায়ণপরং ব্রহ্ম নারায়ণপরং তপঃ।
নারায়ণপরং সত্যং নারায়ণপরং পরম্॥ 12-46-128 (66584)
যথা বিষ্ণুময়ং সত্যং যথা বিষ্ণুময়ং হবিঃ।
তথা বিষ্ণুময়ং সর্বং পাপ্মা নে নশ্যতাং তথা॥ 12-46-129 (66585)
তস্য যজ্ঞবরাহস্য বিষ্ণোরমিততেজসঃ।
প্রণামং যেঽপি কুর্বন্তি তেষামপি নমোনমঃ॥ 12-46-130 (66586)
ৎবাং প্রপন্নায় ভক্তায় গতিমিষ্টাং জিগীষবে।
যচ্ছ্রেয়ঃ পুণ্ডরীকাক্ষ তদ্ধ্যায়স্ব সুরোত্তম॥ 12-46-131 (66587)
ইতি বিদ্যাতপোয়োনিরয়োনির্বিষ্ণুরীডিতঃ।
বাগ্যজ্ঞেনার্চিতো দেবঃ প্রীয়তাং মে জনার্দনঃ॥ 12-46-132 (66588)
বৈশম্পায়ন উবাচ। 12-46-133x (5438)
এতাবদুক্ৎবা বচনং ভীষ্মস্তদ্রতমানসঃ।
নম ইত্যেব কৃষ্ণায় প্রণামমকরোত্তদা॥ 12-46-133 (66589)
তস্মিন্নুপরতে বাক্যে ততস্তে ব্রহ্মবাদিনঃ।
ভীষ্মং বাগ্ভির্বাষ্পগলাস্তমানর্চুর্মহাদ্যুতিম্॥ 12-46-134 (66590)
তেঽস্তুবন্তশ্চ বিপ্রেন্দ্রাঃ কেশবং পুরুষোত্তমম্।
ভীষ্মং চ শনকৈঃ সর্বে প্রশশংসুঃ পুনঃ পুনঃ॥ 12-46-135 (66591)
অধিগম্য তু যোগেন ভক্তিং ভীষ্মস্য মাধবঃ।
ত্রৈলোক্যদর্শনং জ্ঞানং দিব্যং দত্ৎবা যয়ৌ হরিঃ॥ 12-46-136 (66592)
বিদিৎবা ভক্তিয়োগং তং ভীষ্মস্য পুরুষোত্তমঃ।
সহসোত্থায় তং হৃষ্টো যানমেবান্বপদ্যত॥ 12-46-137 (66593)
কেশবঃ সাত্যকিশ্চৈব রথেনকেন জগ্মতুঃ।
অপরেণ মহাত্মানৌ যুধিষ্ঠিরধনঞ্জয়ৌ॥ 12-46-138 (66594)
ভীমসেনো যমৌ চোভৌ রথমেকং সমাস্থিতাঃ।
কৃপো যুয়ুৎসুঃ সূতশ্চ সঞ্জয়শ্চাপরং রথম্॥ 12-46-139 (66595)
তে রথৈর্নগরাকারৈঃ প্রয়াতাঃ পুরুষর্ষভাঃ।
নেমিঘোষেণ মহতা কম্পয়ন্তে বসুংধরাম্॥ 12-46-140 (66596)
ততো গিরঃ পুরুষবরস্তবেরিতাং
দ্বিজেরিতাঃ পথিষু মনাক্ স শুশ্রুবে।
কৃতাঞ্জলিং প্রণতমথাপরং জনং
স কেশিহা মুদিতমনাস্থনন্দত॥ 12-46-141 (66597)
ইতি স্মরন্পঠতি চ শার্ঙ্গধন্বনঃ
শৃণোতু বা যদুকুলনন্দনস্তবম্।
স চক্রভৃৎপ্রতিহতসর্বাকিল্বিষো
জনার্দনং প্রবিশতি দেহসংক্ষয়ে॥ 12-46-142 (66598)
যং যোগিনঃ প্রাণবিয়োগকালে
যত্নেন চিত্তে বিনিবেশয়ন্তি।
স তং পুরস্তাদ্ধরিমীক্ষমাণঃ
প্রাণাঞ্জহৌ প্রাপ্তফলো হি ভীষ্মঃ॥ 12-46-143 (66599)
স্ববরাজঃ সমাপ্তোঽয়ং বিষ্ণোরদ্ভুতকর্মণঃ।
গাঙ্গেয়েন পুরা গীতো মহাপাতকনাশনঃ॥ 12-46-144 (66600)
ইমং নরঃ স্তবরাজং মুমুক্ষুঃ
পঠঞ্শুচিঃ কলুষিতকল্মষাপহম্।
অতীত্য লোকান্মলিনঃ সমামতা
ন্পদং স গচ্ছত্যমৃতং মহাত্মনঃ॥ ॥ 12-46-145 (66601)
ইতি শ্রীমন্মহাভারতে শান্তিপর্বণি রাজধর্মপর্বণি ষট্চৎবারিংশোঽধ্যায়ঃ॥
Mahabharata - Shanti Parva - Chapter Footnotes
12-46-17 জিগদিষামি বক্তুমিচ্ছামি। ব্যাসসমাসিন্যা বিস্তরসংক্ষেপবত্যা॥ 12-46-25 সদসৎকার্যং কারণং চ বিশ্বং কর্ম যস্মাৎ॥ 12-46-28 বাকেষু মন্ত্রেষু সামান্যতঃ কর্মপ্রকাশকেষু। অনুবাকেষু মন্ত্রার্থবিবরণভূতেষু ব্রাহ্মণবাক্যেষু। নিষৎসু কর্মাঙ্গাদ্যববদ্ধদেবতাদিজ্ঞানবাক্যেষু। উপনিষৎসু কেবলাত্মজ্ঞাপকবাক্যেষু গৃণন্তি ধ্যায়ন্তি। সত্যমবাধিতম্। সত্যেষ্ববাধিতার্থেষু। সামসু জ্যেষ্ঠসামাদিষু॥ 12-46-29 চতুর্ভির্নামভির্বাসুদেবসকর্ষণপ্রদ্যুম্রানিরুদ্ধরূপৈঃ॥ 12-46-30 নিত্যং তপঃ স্বধর্মস্তদ্যস্মিন্। যৎপ্রীত্যর্থং তপ্তং সদ্যদ্যস্মাদঙ্গেষু চিত্তেষ্বনুতিষ্ঠতি উপতিষ্ঠতি যশ্চ সর্বাত্মা তং প্রপদ্যে ইতি সর্বেষাং যচ্ছব্দসংবদ্ধানাং প্রথমেনান্বয়ঃ। ঈশ্বলরার্থমনুষ্ঠিতো ধর্মঃ স্বচিত্তশুদ্ধিদ্বারাস্বার্থএব ভবতীতি ভাবঃ॥ 12-46-31 ভৌমং ব্রহ্ম বেদা ব্রাহ্মণা যজ্ঞাশ্চ॥ 12-46-32 আত্মানং সর্বেশ্বরমাত্মনি হার্দাকাশে ইষ্ট্বা যোগেন পশ্যতি। আনন্ত্যায় মোক্ষায়॥ 12-46-34 পুরাণে অতীতকল্পাদিবিষয়ে। পুরুষং পূর্ণং সর্বমস্মিন্নতীতমস্ত্যেবেতি যোগাৎপুরুষ ইতি নাম। যুগাদিষু যুগারম্ভেষু। বৃংহকৎবাৎসৃষ্টেরেনং ব্রহ্মেত্যাহুঃ। ক্ষয়ে সর্বস্য সম্যক্বর্ষণাদয়ং সংকর্ষণ ইত্যুক্তঃ॥ 12-46-35 নান্যভক্তা অনন্যভক্তাঃ॥ 12-46-39 হিরণ্যগর্ভমিতি ড. থ. পাঠঃ। জজ্ঞে জনয়ামাস॥ 12-46-43 উক্থে বহ্বৃচাঃ। অগ্নৌ চয়নেঽধ্বর্যবঃ॥ 12-46-47 চতুর্ভিরিতি। আশ্রাবয়েতি চতুরক্ষরং অস্তু শ্রৌষিডিতি চতুরক্ষরং যজেতি দ্ব্যক্ষরং যে যজামহে ইতি পঞ্চাক্ষরং দ্ব্যক্ষরো বষট্কার ইতি সপ্তদশভিরক্ষরৈর্যো হূয়তে তস্মৈ হোমাত্মনে নমঃ॥ 12-46-49 যঃ সহস্রসমে সত্র ইতি ঝ. পাঠঃ। তত্র সহস্রসমে সহস্রসং বৎসরে সত্রে ইত্যর্থঃ॥ 12-46-54 যং ত্রিধাত্মানমিতি ঝ.পাঠঃ॥শান্তিপর্ব - অধ্যায় 047
॥ শ্রীঃ ॥
12.47. অধ্যায়ঃ 047
Mahabharata - Shanti Parva - Chapter Topics
কৃষ্ণংয়ুধিষ্ঠিরাদীনাং কুরুক্ষেত্রংপ্রতি গমনম্॥ 1॥ যুধিষ্ঠিরেণ কৃষ্ণংপ্রতি পরশুরামচরিত্রকথনপ্রার্থনা॥ 2॥Mahabharata - Shanti Parva - Chapter Text
12-47-0 (66602)
বৈশম্পায়ন উবাচ। 12-47-0x (5439)
ততঃ স চ হৃষীকেশঃ স চ রাজা যুধিষ্ঠিরঃ।
কৃপাদয়শ্চ তে সর্বে চৎবারঃ পাণ্ডবাশ্চ তে॥ 12-47-1 (66603)
রথৈস্তৈর্নগরপ্রখ্যৈঃ পতাকাধ্বজশোভিতৈঃ।
যয়ুরাশু কুরুক্ষেত্রং বাজিভিঃ শীঘ্রগামিভিঃ॥ 12-47-2 (66604)
তেঽবতীর্য কুরুক্ষেত্রে কেশমঢজ্জাস্থিসংকুলে।
দেহন্যাসঃ কৃংতো যত্র ক্ষত্রিয়ৈস্তৈর্মহারথৈঃ॥ 12-47-3 (66605)
গজাশ্বদেহাস্থিচয়ৈঃ পর্বতৈরিব সংচিতম্।
নরশীর্ষকপালৈশ্চ হংসৈরিব চ সর্বশঃ॥ 12-47-4 (66606)
চিতাসহস্রৈর্নিচিতং বর্মশস্ত্রসমাকুলম্।
আপানভূমিং কালস্য তদা ভুক্তোজ্ঝিতামিব॥ 12-47-5 (66607)
ভূতসঙ্ঘানুচরিতং রক্ষোগণনিষেবিতম্।
পশ্যন্তস্তে কুরুক্ষেত্রং যয়ুরাশু মহারথাঃ॥ 12-47-6 (66608)
গচ্ছন্নেব মহাবাহুঃ সর্বং যাদবনন্দনঃ।
যুধিষ্ঠিরায় প্রোবাচ জামদগ্ন্যস্য বিক্রমম্॥ 12-47-7 (66609)
অমী রামহ্রদাঃ পঞ্চ দৃশ্যন্তে পার্থ দূরতঃ।
যেষু সংতর্পয়ামাস পিতৄন্ক্ষত্রিয়শোণিতৈঃ॥ 12-47-8 (66610)
ত্রিঃসপ্তকৃৎবো বসুধাং কৃৎবা নিঃক্ষত্রিয়াং প্রভুঃ।
ইহেদানীং ততো রামঃ কর্মণো বিররাম হ॥ 12-47-9 (66611)
যুধিষ্ঠির উবাচ। 12-47-10x (5440)
ত্রিঃসপ্তকৃৎবঃ পৃথিবী কৃতা নিঃক্ষত্রিয়া পুরা।
রামেণেতি যদাত্থ ৎবমত্র মে সংশয়ো মহান্॥ 12-47-10 (66612)
ক্ষত্রবীজং যথা দগ্ধং রামেণ যদুপুঙ্গব।
কথং ভূয়ঃ সমুত্যত্তিঃ ক্ষত্রস্যামিতবিক্রম॥ 12-47-11 (66613)
মহাত্মনা ভগবতা রামেণ যদুপুঙ্গব।
কথমুৎসাদিত্তং ক্ষত্রং কথমৃদ্ধিগতং পুনঃ॥ 12-47-12 (66614)
মহতা রথয়ুদ্ধেন কোটিশঃ ক্ষত্রিয়া হতাঃ।
তথাঽভূচ্চ মহী কীর্ণা ক্ষত্রিয়ৈর্বদতাং বর॥ 12-47-13 (66615)
কিমর্থং ভার্গবেণেদং ক্ষত্রমুৎসাদিতং পুরা।
রামেণ যদুশার্দূল কুরুক্ষেত্রে মহাত্মনা॥ 12-47-14 (66616)
এতন্মে ছিন্ধি বার্ষ্ণেয় সংশয়ং তার্ক্ষ্যকেতন।
আগমো হি পরঃ কৃষ্ণ ৎবত্তো নো বাসবানুজ॥ 12-47-15 (66617)
বৈশম্পায়ন উবাচ। 12-47-16x (5441)
ততো ব্রজন্নেব গদাগ্রজঃ প্রভুঃ
শশংস তস্মৈ নিখিলেন তত্ৎবতঃ।
যুধিষ্ঠিরায়াপ্রতিমৌজসে তদা
যথাঽভবৎক্ষত্রিয়সংকুলা মহী॥ ॥ 12-47-16 (66618)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তচৎবারিংশোঽধ্যায়ঃ॥ 47॥
Mahabharata - Shanti Parva - Chapter Footnotes
12-47-15 আগমো বেদঃ। ৎবত্তঃ ৎবদ্বচনাত্রো পরঃ নাধিকঃ॥শান্তিপর্ব - অধ্যায় 048
॥ শ্রীঃ ॥
12.48. অধ্যায়ঃ 048
Mahabharata - Shanti Parva - Chapter Topics
কৃষ্ণেন যুধিষ্ঠিরংপ্রতি পরশুরামচরিতকথনম্॥ 1॥Mahabharata - Shanti Parva - Chapter Text
12-48-0 (66619)
বাসুদেব উবাচ। 12-48-0x (5442)
শৃণু কৌন্তেয় রামস্য প্রভাবো যো ময়া শ্রুতঃ।
মহর্ষীণাং কথয়তাং কারণং তস্য জন্ম চ॥ 12-48-1 (66620)
যথা চ জামদগ্ন্যেন কোটিশঃ ক্ষত্রিয়া হতাঃ।
উদ্ভূতা রাজবংশেষু যে ভূয়ো ভারতে হতাঃ॥ 12-48-2 (66621)
জহ্নোরজস্তু তনয়ো বলাকাশ্চস্তু তৎসুতঃ।
কুশিকো নাম ধর্মজ্ঞস্তস্য পুত্রো মহীপতে॥ 12-48-3 (66622)
অগ্র্যং তপঃ সমাতিষ্ঠৎসহস্রাক্ষসমো ভুবি।
পুত্রং লভেয়মজিতং ত্রিলোকেশ্বরমিত্যুত॥ 12-48-4 (66623)
তমুগ্রতপসং দৃষ্ট্বা সহস্রাক্ষঃ পুরংদরঃ।
সমর্থং পুত্রজননে স্বয়মেবৈত্য ভারত॥ 12-48-5 (66624)
পুত্রৎবমগমদ্রাজংস্তস্য লোকেশ্বরেশ্বরঃ।
গাধির্নামাভবৎপুত্রঃ কৌশিকঃ পাকশাসনঃ॥ 12-48-6 (66625)
তস্য কন্যাঽভবদ্রাজন্নাম্না সত্যবতী প্রভো।
তাং গাধির্ভৃগুপুত্রায় ঋচীকায় দদৌ প্রভুঃ॥ 12-48-7 (66626)
ততস্তয়া হি কৌন্তেয় ভার্গবঃ কুরুনদনঃ।
পুত্রার্থং শ্রপয়ামাস চরুং গাধেস্তথৈব চ॥ 12-48-8 (66627)
আহূয় চাহ তাং ভার্যামৃচীকো ভার্গবস্তদা।
উপয়োজ্যশ্চরুরয়ং ৎবয়া মাত্রাঽপ্যযং তব॥ 12-48-9 (66628)
তস্যা জনিষ্যতে পুত্রো দীপ্তিমান্ক্ষত্রিয়র্ষভঃ।
অজয়্যঃ ক্ষত্রিয়ৈর্লোকে ক্ষত্রিয়র্ষভসূদনঃ॥ 12-48-10 (66629)
তবাপি পুত্রং কল্যাণি ধৃতিমন্তং শমাত্মকম্।
তপোন্বিতং দ্বিজশ্রেষ্ঠং চরুরেষ বিধাস্যতি॥ 12-48-11 (66630)
ইত্যেবমুক্ৎবা তাং ভার্যাং সর্চীকো ভৃগুনন্দনঃ।
তপস্যভিরতঃ শ্রীমাঞ্জগামারণ্যমেব হি॥ 12-48-12 (66631)
এতস্মিন্নেব কালে তু তীর্থয়াত্রাপরো নৃপঃ।
গাধিঃ সদারঃ সংপ্রাপ্ত ঋচীকস্যাশ্রমং প্রতি॥ 12-48-13 (66632)
চরুদ্বয়ং গৃহীৎবা তু রাজন্সত্যবতী তদা।
ভর্ত্রা দত্তং প্রসন্নেন মাত্রে হৃষ্টা ন্যবেদয়ৎ॥ 12-48-14 (66633)
মাতা তু তস্যাঃ কৌন্তেয় দুহিত্রে স্বং চরুং দদৌ।
তস্যাশ্ররুমথাজ্ঞাতমাত্মসংস্থং চকার হ॥ 12-48-15 (66634)
অথ সত্যবতী গর্ভং ক্ষত্রিয়ান্তকরং তদা।
ধারয়ামাস দীপ্তেন বপুষা ঘোরদর্শনম্॥ 12-48-16 (66635)
তামৃচীকস্তদা দৃষ্ট্বা ধ্যানয়োগেন ভারত।
অব্রবীদ্ভৃগুশার্দূলঃ স্বাং ভার্যাং দেবরূপিণীম্॥ 12-48-17 (66636)
মাত্রাঽসি ব্যংসিতা ভদ্রে চরুব্যত্যাসহেতুনা।
তস্মাজ্জনিষ্যতে পুত্রঃ ক্রূরকর্মাঽত্যমর্ষণঃ।
`জনয়িষ্যতি মাতা তে ব্রহ্মভূতং তপোধনম্॥' 12-48-18 (66637)
বিশ্বং হি ব্রহ্ম সুমহচ্চরৌ তব সমাহিতম্।
ক্ষত্রবীর্যং চ সকলং তব মাত্রে সমর্পিতম্॥ 12-48-19 (66638)
বিপর্যযেণ তে ভদ্রে নৈতদেবং ভবিষ্যতি।
মাতুস্তে ব্রাহ্মণো ভূয়াত্তব চ ক্ষত্রিয়ঃ সুতঃ॥ 12-48-20 (66639)
সৈবমুক্তা মহাভাগা ভর্ত্রা সত্যবতী তদা।
পপাত শিরসা তস্মৈ বেপন্তী চাব্রবীদিদম্॥ 12-48-21 (66640)
নার্হোঽসি ভগবন্নদ্য বক্তুমেবংবিধং বচঃ।
ব্রাহ্মণাপশদং পুত্রং প্রাপ্স্যসীতি হি মাং প্রভো॥ 12-48-22 (66641)
ঋচীক উবাচ। 12-48-23x (5443)
নৈষ সংকল্পিতঃ কামো ময়া ভদ্রে তথা ৎবয়ি।
উগ্রকর্মা ভবেৎপুত্রশ্চরুব্যত্যাসহেতুনা॥ 12-48-23 (66642)
সত্যবত্যুবাচ। 12-48-24x (5444)
ইচ্ছঁল্লোকানপি মুনে সৃজেথাঃ কিং পুনঃ সুতম্।
শমাত্মকমৃজুং পুত্রং দাতুমর্হসি মে প্রভো॥ 12-48-24 (66643)
ঋচীক উবাচ। 12-48-25x (5445)
নোক্তপূর্বং ময়া ভদ্রে স্বৈরেষ্বপ্যনৃতং বচঃ।
কিমুতাগ্নিং সমাধায় মন্ত্রবচ্চরুসাধনে॥ 12-48-25 (66644)
[দৃষ্টমেতৎপুরা ভদ্রে জ্ঞাতং চ তপসা ময়া।
ব্রহ্মভূতং হি সকলং পিতুস্তব কুলং ভবেৎ॥] 12-48-26 (66645)
সত্যবত্যুবাচ। 12-48-27x (5446)
কামমেবং ভবেৎপৌত্রো মামৈবং তনয়ঃ প্রভো।
শমাত্মকমৃজুং পুত্রং লভেয়ং জপতাং বর॥ 12-48-27 (66646)
ঋচীক উবাচ। 12-48-28x (5447)
পুত্রে নাস্তি বিশেষো মে পৌত্রে চ বরবর্ণিনি।
যথা ৎবয়োক্তং বচনং তথা ভদ্রে ভবিষ্যতি॥ 12-48-28 (66647)
বাসুদেব উবাচ। 12-48-29x (5448)
ততঃ সত্যবতী পুত্রং জনয়ামাস ভার্গবম্।
তপস্যভিরতং শান্তং জমদগ্নিং যতব্রতম্॥ 12-48-29 (66648)
বিশ্বামিত্রং চ দায়াদং গাধিঃ কুশিকনন্দনঃ।
প্রাপ ব্রহ্মর্ষিসমিতং বিশ্বেন ব্রহ্মণা যুতম্॥ 12-48-30 (66649)
ঋচীকো জনয়ামাস জমদগ্নিং তপোনিধিম্।
সোঽপি পুত্রং হ্যজনয়জ্জমদগ্নিঃ সুদারুণম্॥ 12-48-31 (66650)
সর্ববিদ্যান্তগং শ্রেষ্ঠং ধনুর্বেদস্য পারগম্।
রামং ক্ষত্রিয়হন্তারং প্রদীপ্তমিব পাবকম্॥ 12-48-32 (66651)
[তেষয়িৎবা মহাদেবং পর্বতে গন্ধমাদনে।
অস্ত্রাণি বরয়ামাস পরশুং চাতিতেজসম্॥ 12-48-33 (66652)
স তেনাকুণ্ঠধারেণ জ্বলিতানলবর্চসা।
কুঠারেণাপ্রমেয়েণ লোকেষ্বপ্রতিমোঽভবৎ॥] 12-48-34 (66653)
এতস্মিন্নেব কালে তু কৃতবীর্যাত্মজো বলী।
অর্জুনো নাম তেজস্বী ক্ষত্রিয়ো হৈহয়াধিপঃ॥ 12-48-35 (66654)
দত্তাত্রেয়প্রসাদেন রাজা বাহুসহস্রবান্।
চক্রবর্তী মহাতেজা বিপ্রাণামাশ্বমেধিকে॥ 12-48-36 (66655)
দদৌ স পৃথিবীং সর্বাং সপ্তদ্বীপাং সপর্বতাম্।
সবাহ্বস্ত্রবলেনাজৌ জিৎবা পরমধর্মবিৎ॥ 12-48-37 (66656)
তৃষিতেন চ কৌন্তেয় ভিক্ষিতশ্চিত্রভানুনা।
সহস্ত্রবাহুর্বিক্রান্তঃ প্রাদাদ্ভিক্ষামথাগ্নয়ে॥ 12-48-38 (66657)
গ্রামান্পুরাণি রাষ্ট্রাণি ঘোষাংশ্চৈব তু বীর্যবান্।
জজ্বাল তস্য বাণেদ্ধচিত্রভানুর্দিধক্ষয়া॥ 12-48-39 (66658)
স তস্য পুরুষেন্দ্রস্য প্রভাবেণ মহৌজসঃ।
দদাহ কার্তবীর্যস্য শৈলানপি ধরামপি॥ 12-48-40 (66659)
স শূন্যমাশ্রমারণ্যমাপবস্য মহাত্মনঃ।
দদাহ পবনেনেদ্ধশ্চিত্রভানুঃ সহৈহয়ঃ॥ 12-48-41 (66660)
আপবস্তং ততো রোষাচ্ছশাপার্জুনমচ্যুত।
দগ্ধে শ্রমে মহাবাহো কার্তবীর্যেণ বীর্যবান্॥ 12-48-42 (66661)
ৎবয়া ন বর্জিতং যস্মান্মমেদং হি মহদ্বনম্।
দগ্ধং তস্মাদ্রণে রামো বাহূংস্তে চ্ছেৎস্যতেঽর্জুন॥ 12-48-43 (66662)
অর্জুনস্তু মহাতেজা বলী নিত্যং শমাত্মকঃ।
ব্রহ্মণ্যশ্চ শরণ্যশ্চ দাতা শূরশ্চ ভারত।
নাচিন্তয়ত্তদা শাপং তেন দত্তং মহাত্মনা॥ 12-48-44 (66663)
তস্য পুত্রাঃ সুবলিনঃ শাপেনাসন্পিতুর্বধে।
নিমিত্তমবলিপ্তা বৈ নৃশংসাশ্চৈব নিত্যদা॥ 12-48-45 (66664)
জমদগ্নেস্তু ধেন্বাস্তে বৎসমানিন্যুরচ্যুত।
অজ্ঞাতং কার্তবীর্যস্য হৈহয়েন্দ্রস্য ধীমতঃ॥ 12-48-46 (66665)
তন্নিমিত্তমভূদ্যুদ্ধং জামদগ্নের্মহাত্মনঃ।
ততোঽর্জুনস্য বাহূন্স চিচ্ছেদ রুষিতোঽনঘ॥ 12-48-47 (66666)
তং ভ্রমন্তং ততো বৎসং জামদগ্ন্যঃ স্বমাশ্রমম্।
প্রত্যানয়ত রাজেন্দ্র তেষামন্তঃ পুরাৎপ্রভুঃ॥ 12-48-48 (66667)
অর্জুনস্য সুতাস্তে তু সংভূয়াবুদ্ধয়স্তদা।
গৎবাঽঽশ্রমমসংবুদ্ধা জমদগ্নের্মহাত্মনঃ।
অপাতয়ন্ত ভল্লাগ্রৈঃ শিরঃ কায়ান্নরাধিপ॥ 12-48-49 (66668)
সমিৎকুশার্থং রামস্য নির্যাতস্য যশস্বিনঃ।
`প্রত্যক্ষং রামমাতুশ্চ তথৈবাশ্রমবাসিনাম্॥ 12-48-50 (66669)
শ্রুৎবা রামস্তমর্থং চ ক্রুদ্ধঃ কালানলোপমঃ।
ধনুর্বেদেঽদ্বিতীয়ো হি দিব্যাস্ত্রৈঃ সমলংকৃতঃ॥ 12-48-51 (66670)
চন্দ্রবিম্বার্ধসংকাশং পরশুং গৃহ্য ভার্গবঃ।'
ততঃ পিতৃবধামর্ষাদ্রামঃ পরমমন্যুমান্।
নিঃক্ষত্রিয়াং প্রতিশ্রুত্য মহীং শস্ত্রমগৃহ্ণত॥ 12-48-52 (66671)
ততঃ স ভৃগুশার্দূলঃ কার্তবীর্যস্য বীর্যবান্।
বিক্রম্য নিজঘানাশু পুত্রান্পৌত্রাংশ্চ সর্বশঃ॥ 12-48-53 (66672)
স হৈহয়সহস্রাণি হৎবা পরমমন্যুমান্।
মহীং সাগরপর্যন্তাং চকার রুধিরোক্ষিতাম্॥ 12-48-54 (66673)
স তথা সুমহাতেজাঃ কৃৎবা নিঃক্ষত্রিয়াং মহীম্।
কৃপয়া পরয়াঽঽবিষ্টো বনমেব জগাম হ॥ 12-48-55 (66674)
ততো বর্ষসহস্রেষু সমতীতেষু কেষুচিৎ।
কোপং সংপ্রাপ্তবাংস্তত্র প্রকৃত্যা কোপনঃ প্রভুঃ॥ 12-48-56 (66675)
বিশ্বামিত্রস্য পৌত্রস্তু রৈভ্যপুত্রো মহাতপাঃ।
পরাবসুর্মহারাজ ক্ষিপ্ৎবাঽঽহ জনসংসদি॥ 12-48-57 (66676)
যে তে যয়াতিপতনে যজ্ঞে সন্তঃ সমাগতাঃ।
প্রতর্দনপ্রভৃতয়ো রাম কিং ক্ষত্রিয়া ন তে॥ 12-48-58 (66677)
মিথ্যাপ্রতিজ্ঞো রাম ৎবং কত্থসে জনসংসদি।
ভয়াৎক্ষত্রিয়বীরাণাং পর্বতং সমুপাশ্রিতঃ॥ 12-48-59 (66678)
সা পুনঃ ক্ষত্রিয়শতৈঃ পৃথিবী সর্বতঃ স্তৃতা।
পরাবসোর্বচঃ শ্রুৎবা শস্ত্রং জগ্রাহ ভার্গবঃ॥ 12-48-60 (66679)
ততো যে ক্ষত্রিয়া রাজঞ্শতশস্তেন বর্জিতাঃ।
তে বিবৃদ্ধা মহাবীর্যাঃ পৃথিবীপতয়োঽভবন্॥ 12-48-61 (66680)
স পুনস্তাঞ্জঘানাশু বালানপি নরাধিপ।
গর্ভস্থৈস্তু মহী ব্যাপ্তা পুনরেবাভবত্তদা॥ 12-48-62 (66681)
জাতংজাতং স গর্ভং তু পুনরেব জঘান হ।
অরক্ষংশ্চ সুতান্কাংশ্চিত্তদা ক্ষত্রিয়যোষিতঃ॥ 12-48-63 (66682)
ত্রিঃসপ্তকৃৎবঃ পৃথিবীং কৃৎবা নিঃক্ষত্রিয়াং প্রভুঃ।
দক্ষিণামশ্বমেধান্তে কশ্যপায়াদদত্ততঃ॥ 12-48-64 (66683)
স ক্ষত্রিয়াণাং শেষার্থং করেণোদ্দিশ্য কশ্যপঃ।
স্রুক্প্রগ্রহবতা রাজংস্ততো বাক্যমথাব্রবীৎ॥ 12-48-65 (66684)
গচ্ছ পারং সমুদ্রস্য দক্ষিণস্য মহামুনে।
ন তে মদ্বিষয়ে রাম বস্তব্যমিহ কর্হিচিৎ॥ 12-48-66 (66685)
`পৃথিবী দক্ষিণা দত্তা বাজিমেধে মম ৎবয়া।
পুনরস্যাঃ পৃথিব্যা হি দত্ৎবা দাতুমনীশ্বরঃ॥' 12-48-67 (66686)
ততঃ শূর্পাকরং দেশং সাগরস্তস্য নির্মমে।
সংত্রাসাজ্জামদগ্ন্যস্য সোঽপরান্তমহীতলম্॥ 12-48-68 (66687)
কশ্যপস্তাং মহারাজ প্রতিগৃহ্য বসুংধরাম্।
কৃৎবা ব্রাহ্মণসংস্থাং বৈ প্রবিষ্টঃ সুমহদ্বনম্॥ 12-48-69 (66688)
ততঃ শূদ্রাশ্চ বৈশ্যাশ্চ যথা স্বৈরপ্রচারিণঃ।
অবর্তন্ত দ্বিজাগ্র্যাণাং দারেষু ভরতর্ষভ॥ 12-48-70 (66689)
অরাজকে জীবলোকে দুর্বলা বলবত্তরৈঃ।
বধ্যন্তে ন হি বিত্তেষু প্রভুৎবং কস্যচিত্তদা॥ 12-48-71 (66690)
`ব্রাহ্মণাঃ ক্ষত্রিয়া বৈশ্যাঃ শৃদ্রাশ্চোৎপথগামিনঃ।
পরস্পরং সমাশ্রিত্য ঘাতয়ন্ত্যপথস্থিতাঃ॥ 12-48-72 (66691)
স্বধর্মং ব্রাহ্মণাস্ত্যক্ৎবা পাষণ়্ডৎবং সমাশ্রিতাঃ।
চৌরিকানৃতমায়াশ্চ সর্বে চৈব প্রকুর্বতে॥ 12-48-73 (66692)
স্বধর্মস্থান্দ্বিজান্হৎবা তথাঽঽশ্রমনিবাসিনঃ।
বৈশ্যাঃ সৎপথসংস্থাশ্চ শূদ্রা যে চৈব ধার্মিকাঃ॥ 12-48-74 (66693)
তান্সর্বান্ঘাতয়ন্তি স্ম দুরাচারাঃ সুনির্ভয়াঃ।
যজ্ঞাধ্যযনশীলাংশ্চ আশ্রমস্থাংস্তপস্বিনিঃ॥ 12-48-75 (66694)
গোবালবৃদ্ধনারীণাং নাশং কুর্বন্তি চাপরে।
আন্বীক্ষকী ত্রয়ী বার্তা ন চ নীতিঃ প্রবর্ততে॥ 12-48-76 (66695)
ব্রাত্যতাং সমনুপ্রাপ্তা বহবো হি দ্বিজাতয়ঃ।
অধরোত্তরাপচারেণ ম্লেচ্ছভূতাশ্চ সর্বশঃ॥ ' 12-48-77 (66696)
ততঃ কালেন পৃথিবী পীড্যমানা দুরাত্মভিঃ।
বিপর্যযেণ তেনাশু প্রবিবেশ পসাতলম্।
অরক্ষ্যমাণা বিধিবৎক্ষত্রিয়ৈর্ধর্মরক্ষিভিঃ॥ 12-48-78 (66697)
তাং দৃষ্ট্বা দ্রবতীং তত্র সংত্রাসাৎস মহামনাঃ।
ঊরুণা ধারয়ামাস কশ্যপঃ পৃথিবীং ততঃ।
নিমজ্জন্তীং ততো রাজংস্তেনোর্বীতি মহী স্মৃতা॥ 12-48-79 (66698)
রক্ষণার্থং সমুদ্দিশ্য যয়াচে পৃথিবী তদা।
প্রসাদ্য কশ্যপং দেবী ক্ষত্রিয়ান্বাহুশালিনঃ॥ 12-48-80 (66699)
পৃথিব্যুবাচ। 12-48-81x (5449)
সন্তি ব্রহ্মন্ময়া গুপ্তাঃ স্ত্রীষু ক্ষত্রিয়পুঙ্গবাঃ।
হৈহয়ানাং কুলে জাতাস্তে সংরক্ষন্তু মাং মুনে॥ 12-48-81 (66700)
অস্তি পৌরবদায়াদো বিদূরথসুতঃ প্রভো।
ঋক্ষৈঃ সংবর্ধিতো বিপ্র ঋক্ষবত্যথ পর্বতে॥ 12-48-82 (66701)
তথাঽনুকম্পমানেন যজ্বনাথামিতৌজসা।
পরাশরেণ দায়াদঃ সৌদাসস্যাভিরক্ষিতঃ॥ 12-48-83 (66702)
সর্বকর্মাণি কুরুতে শূদ্রবত্তস্য স দ্বিজঃ।
সর্বকর্মেত্যভিখ্যাতঃ স মাং রক্ষতু পার্থিবঃ॥ 12-48-84 (66703)
শিবিপুত্রো মহাতেজা গোপতির্নাম নামতঃ।
বনে সংবর্ধিতো গোভিঃ সোঽভিরক্ষতু মাং মুনে॥ 12-48-85 (66704)
প্রতর্দনস্য পুত্রস্তু বৎসো নাম মহাবলঃ।
বৎসৈঃ সংবর্ধিতো গোষ্ঠে স মাং রক্ষতু পার্থিবঃ॥ 12-48-86 (66705)
দধিবাহনপুত্রস্তু পৌত্রো দিবিরথস্য চ।
অঙ্গঃ স গৌতমেনাসীদ্গঙ্গাকূলেঽভিরক্ষিতঃ॥ 12-48-87 (66706)
বৃহদ্রথো মহাতেজা ভূরিভূতিপরিষ্কৃতঃ।
গোলাঙ্গূলৈর্মহাভাগো গৃধ্রকূটেঽভিরক্ষিতঃ॥ 12-48-88 (66707)
মরুত্তস্যান্ববায়ে চ রক্ষিতাঃ ক্ষত্রিয়াত্মজাঃ।
মরুৎপতিসমা বীর্যে সমুদ্রেণাভিরক্ষিতাঃ॥ 12-48-89 (66708)
এতে ক্ষত্রিয়দায়াদাস্তত্রতত্র পরিশ্রুতাঃ।
ব্যোকারহেমকারাদিজাতিং নিত্যং সমাশ্রিতাঃ॥ 12-48-90 (66709)
যদি মামভিরক্ষন্তি ততঃ স্থাস্যামি নিশ্চলা।
এতেষাং পিতরশ্চৈব তথৈব চ পিতামহাঃ॥ 12-48-91 (66710)
মদর্থং নিহতা যুদ্ধে রামেণাক্লিষ্টকর্মণা।
তেষামপচিতিশ্চৈব ময়া কার্যা মহামুনে॥ 12-48-92 (66711)
ন হ্যহং কাময়ে নিত্যমতিক্রান্তেন রক্ষণম্।
বর্তমানেন বর্তেয়ং তৎক্ষিপ্রং সংবিধীয়তাম্॥ 12-48-93 (66712)
বাসুদেব উবাচ। 12-48-94x (5450)
ততঃ পৃথিব্যা নির্দিষ্টাংস্তান্সমানীয় কশ্যপঃ।
অভ্যষিঞ্চন্মহীপালান্ক্ষত্রিয়ান্বীর্যসংমতান্॥ 12-48-94 (66713)
তেষাং পুত্রাশ্চ পৌত্রাশ্চ যেষাং বংশাঃ প্রতিষ্ঠিতাঃ।
এবমেতৎপুরাবৃত্তং যন্মাং পৃচ্ছসি পাণ়্ডব॥ 12-48-95 (66714)
বৈশম্পায়ন উবাচ। 12-48-96x (5451)
এবং ব্রুবংস্তং চ যদুপ্রবীরো
যুধিষ্ঠিরং ধর্মভৃতাং বরিষ্ঠম্।
রথেন তেনাশু যয়ৌ যথাঽর্কো
বিশন্প্রভাভির্ভগবাংস্ত্রিলোকীম্॥ ॥ 12-48-96 (66715)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টচৎবারিংশোঽধ্যায়ঃ॥ 48॥
Mahabharata - Shanti Parva - Chapter Footnotes
12-48-2 ভারতে ভারতসংগ্রামে॥ 12-48-5 স্বয়মেবান্বপদ্যতেতি ঝ. পাঠঃ॥ 12-48-8 গাধেঃ পুত্রার্থং তস্যাশ্চ পুত্রার্থং চরুং চরুদ্বয়ম্॥ 12-48-9 উপয়োজ্যঃ ভোজ্যঃ ভোক্তব্যঃ॥ 12-48-18 ব্যংসিতা বঞ্চিতা॥ 12-48-38 চিত্রভানুনা অগ্নিনা॥ 12-48-41 আপবস্য বসিষ্ঠস্য॥ 12-48-42 শ্রমে আশ্রমে॥ 12-48-45 পিতুর্বধে বধনিমিত্তমাসন্॥ 12-48-46 নিমিত্তাদিতি পাঠে শাপাদেব হেতোঃ॥ 12-48-60 স্তৃতা ব্যাপ্তা। শাস্ত্রং জগ্রাহ তৎকার্যং ক্ষত্রিয়াণামন্তং কৃতবান্॥ 12-48-61 বর্জিতাঃ অহৃতাঃ॥ 12-48-68 শূর্পারকমিতি ঝ. পাঠঃ॥। 12-48-79 ধৃতা তেনোরুণা যেন তেনোর্বীতি ঝ. পাঠঃ॥ 12-48-84 দ্বিজঃ ক্ষত্রিয়োঽপি॥ 12-48-92 অপচিতিঃ আনৃণ্যার্থং পূজা॥ 12-48-93 নিত্যমতিক্রান্তেন ধর্মাতিক্রমিণা॥শান্তিপর্ব - অধ্যায় 049
॥ শ্রীঃ ॥
12.49. অধ্যায়ঃ 049
Mahabharata - Shanti Parva - Chapter Topics
কৃষ্ণেন ভীষ্মপ্রশংসনপূর্বকং তংপ্রতি যুধিষ্ঠিরায় ধর্মোপদেশচোদনা॥ 1॥Mahabharata - Shanti Parva - Chapter Text
12-49-0 (66716)
বৈশম্পায়ন উবাচ। 12-49-0x (5452)
ততো রামস্য তৎকর্ম শ্রুৎবা রাজা যুধিষ্ঠিরঃ।
বিস্ময়ং পরমং গৎবা প্রত্যুবাচ জনার্দনম্॥ 12-49-1 (66717)
অহো রামস্য বার্ষ্ণেয় শক্রস্যেব মহাত্মনঃ।
বিক্রমো বসুধা যেন ক্রোধান্নিঃক্ষত্রিয়া কৃতা॥ 12-49-2 (66718)
গোভিঃ সমুদ্রেণ তথা গোলাঙ্গূলর্ক্ষবানরৈঃ।
গুপ্তা রামভয়োদ্বিগ্নাঃ ক্ষত্রিয়াণাং কুলোদ্বহাঃ॥ 12-49-3 (66719)
অহো ধন্যো নৃলোকোঽয়ং সমাগ্যাশ্চ নরা ভুবি।
যত্র কর্মেদৃশং ধর্ম্যং দ্বিজাগ্র্যৈঃ কৃতমচ্যুত॥ 12-49-4 (66720)
কথয়ন্তৌ কথাং তাত তাবচ্যুতয়ুধিষ্ঠিরৌ।
জগ্মতুর্যত্র গাঙ্গেয়ঃ শরতল্পগতঃ প্রভুঃ॥ 12-49-5 (66721)
ততস্তে দদৃশুর্ভীষ্মং শরপ্রস্তরশায়িনম্।
স্বরশ্মিমালাসংবীতং সায়ংসূর্যসমপ্রভম্॥ 12-49-6 (66722)
উপাস্যমানং মুনিভির্দেবৈরিব শতক্রতুম্।
দেশে পরমধর্মিষ্ঠে নদীমোঘবতীমনু॥ 12-49-7 (66723)
দূরাদেব তমালোক্য কৃষ্ণো রাজা চ ধর্মজঃ।
চৎবারঃ পাণ্ডবাশ্চৈব তে চ শারদ্বতাদয়ঃ॥ 12-49-8 (66724)
অবম্কন্দ্যাথ বাহেভ্যঃ সংয়ম্য প্রচলং মনঃ।
একীকৃত্যেন্দ্রিয়গ্রামমুপতম্থুর্মহামুনীন্॥ 12-49-9 (66725)
অভিবাদ্য তু গোবিন্দঃ সাত্যকিস্তে চ পার্থিবাঃ।
ব্যাসাদীস্তানৃপীন্পশ্চাদ্গাঙ্গেয়মুপতস্থিরে॥ 12-49-10 (66726)
তপোবৃদ্ধি ততঃ পৃষ্ট্বা গাঙ্গেয়ং যদুপুঙ্গবঃ।
পরিবার্য ততঃ সর্বে নিপেদুঃ পুরুষর্ষভাঃ॥ 12-49-11 (66727)
ততো নিশাম্য গাঙ্গেয়ং শাম্যমানমিবানলম্।
কিংচিদ্দীনমনা ভীষ্মমিতিহোবাচ কেশবঃ॥ 12-49-12 (66728)
কচ্চিজ্জ্ঞানানি সর্বাণি প্রসন্নানি যথাপুরম্।
কচ্চিন্ন ব্যাকুলা চৈব বুদ্ধিস্তে বদতাং বর॥ 12-49-13 (66729)
শরাভিঘাতদুঃখার্তং কচ্চিদ্গাত্রং ন দূয়তে।
মানসাদপি দুঃখাদ্ধি শারীরং বলবত্তরম্॥ 12-49-14 (66730)
বরদানাৎপিতুঃ কামং ছন্দমৃত্যুরসি প্রভো।
শন্তনোর্ধর্মনিত্যস্য ন ৎবেতদিহ কারণম্॥ 12-49-15 (66731)
সুমূক্ষ্মোঽপি তু দেহে বৈ শল্যো জনয়তে রুজম্।
কিংপুনঃ শরসংঘাতৈশ্চিতস্য তব পার্থিব॥ 12-49-16 (66732)
কামং নৈতত্তবাখ্যেয়ং প্রাণিনাং প্রভবাপ্যযৌ।
ভবানুপদিশেচ্ছ্রেয়ো দেবানামপি ভারত॥ 12-49-17 (66733)
যচ্চ ভূতং ভবিষ্যং চ ভবচ্চ পুরুষর্ষভ।
সর্বং তজ্জ্ঞানবৃদ্ধস্য তব পাণাবিবাহিতম্॥ 12-49-18 (66734)
সংসারস্যেহ ভূতানাং ধর্মস্য চ ফলোদয়ঃ।
বিদিতস্তে মহাপ্রাজ্ঞ ৎবং হি ধর্মময়ো নিধিঃ॥ 12-49-19 (66735)
ৎব, হি রাজ্যে স্থিতং স্ফীতে সমগ্রাঙ্গমরোগিণম্।
স্ত্রীসহস্রৈঃ পরিবৃতং পশ্যামীবোর্ধ্বরেতসম্॥ 12-49-20 (66736)
ঋতে শান্তনবাদ্ভীষ্মাত্রিষু লোকেষু পার্থিবম্।
সত্যধর্মান্মহাবীর্যাচ্ছূরাদ্ধর্মৈকতৎপরাৎ॥ 12-49-21 (66737)
মৃত্যুমাবার্য তপসা শরসংস্তরশায়িনঃ।
ত্রিবর্গপ্রভবং কংচিন্ন চ তাতানুশুশ্রুম॥ 12-49-22 (66738)
সত্যে তপসি দানে চ যজ্ঞাধিকরণে তথা।
ধনুর্বেদে চ বেদে চ নিত্যং চৈবান্ববেক্ষণে॥ 12-49-23 (66739)
অনৃশংসং শুচিং দান্তং সর্বভূতহিতে রতম্।
মহারথং ৎবৎসদৃশং ন কংচিদনুশুশ্রুম॥ 12-49-24 (66740)
ৎবং হি দেবান্সগন্ধর্বানসুরান্যক্ষরাক্ষসান্।
শক্তস্ৎবেকরথেনৈব বিজেতুং নাত্র সংশয়ঃ॥ 12-49-25 (66741)
স ৎবং ভীষ্ম মহাবাহো বসূনাং বাসবোপমঃ।
নিত্যং বিপ্রৈঃ সমাখ্যাতো নবমোঽনবমো গুণৈঃ॥ 12-49-26 (66742)
অহং চ ৎবাঽভিজানামি স্বয়ং পুরুষসত্তম।
ত্রিদশেষ্বপি বিখ্যাতস্ৎবং শক্ত্যা পুরুষোত্তমঃ॥ 12-49-27 (66743)
মনুষ্যেষু মনুষ্যেন্দ্র ন দৃষ্টো ন চ মে শ্রুতঃ।
ভবতো হি গুণৈস্তুল্যঃ পৃথিব্যাং পুরুষঃ ক্বচিৎ॥ 12-49-28 (66744)
ৎবং হি সর্বগুণৈ রাজন্দেবানপ্যতিরিচ্যসে॥ 12-49-29 (66745)
তপসা হি ভবাঞ্শক্তঃ স্রষ্টুং লোকাংশ্চরাচরান্।
কিংপুনশ্চাত্মনো লোকানুত্তমানুত্তমৈর্গুণৈঃ॥ 12-49-30 (66746)
তদস্য তপ্যমানস্য জ্ঞাতীনাং সংক্ষয়েন বৈ।
জ্যেষ্ঠস্য পাণ্ডুপুত্রস্য শোকং ভীষ্ম ব্যপানুদ॥ 12-49-31 (66747)
যে হি ধর্মাঃ সমাখ্যাতাশ্চাতুর্বর্ণ্যস্য ভারত।
চাতুরাশ্রম্যসংয়ুক্তাঃ সর্বে তে বিদিতাস্তব॥ 12-49-32 (66748)
চাতুর্বিদ্যে চ যে প্রোক্তাশ্চাতুর্হোত্রে চ ভারত।
যোগে সাঙ্খ্যে চ নিয়তা যে চ ধর্মাঃ সনাতনাঃ॥ 12-49-33 (66749)
চাতুর্বর্ণ্যস্য যশ্চোক্তো ধর্মো ন স্ম বিরুধ্যতে।
সেব্যমানঃ সবৈয়াখ্যো গাঙ্গেয় বিদিতস্তব॥ 12-49-34 (66750)
প্রতিলোমপ্রসূতানাং ম্লেচ্ছানাং চৈব যঃ স্মৃতঃ।
দেশজাতিকুলানাং চ জানীষে ধর্মলক্ষণম্। 12-49-35 (66751)
বেদোক্তো যশ্চ শিষ্টোক্তঃ সদৈব বিদিতস্তব।
`প্রবৃত্তশ্চ নিবৃত্তশ্চ স চাপি বিদিতস্তব॥' 12-49-36 (66752)
ইতিহাসপুরাণার্থাঃ কার্ৎস্ন্যেন বিদিতাস্তব।
ধর্মশাস্ত্রং চ সকলং নিত্যং মনসি তে স্থিতম্॥ 12-49-37 (66753)
যে চ কেচন লোকেঽস্মিন্নর্থাঃ সংশয়কারকাঃ।
তেষাং ছেত্তা নাস্তি লোকে ৎবদন্যঃ পুরুষর্ষভঃ॥ 12-49-38 (66754)
স পাণ্ডবেয়স্য মনঃসমুত্থিতং
নরেন্দ্র শোকং ব্যপকর্ষ মেধয়া।
ভবদ্বিধা হ্যুত্তমবুদ্ধির্বিস্তরা
বিমুহ্যমানস্য জনস্য শান্তয়ে॥ ॥ 12-49-39 (66755)
ইতি শ্রীমন্মহাভারতে শান্তিপর্বণি রাজধর্মপর্বণি একোনপঞ্চাশোঽধ্যায়ঃ॥ 49॥
Mahabharata - Shanti Parva - Chapter Footnotes
12-49-1 অবস্কন্দ্যাবরুহ্য বাহেভ্যঃ॥ 12-49-11 যদুপুংগবো নিপসাদেতি শেষঃ। ততো বৃদ্ধং তথা দৃষ্ট্বা গাঙ্গেয়ং যদুকৌরবাঃ ইতি ঝ. পাঠঃ॥ 12-49-12 নিশাম্য আলোচ্য॥ 12-49-15 ছন্দমৃত্যুঃ ইচ্ছামরণঃ। নৎবেতদিহ কারণমিতি ট. ড. থ. পাঠঃ॥ 12-49-20 নহি রাজ্যে স্থিতমিতি ট.ড. পাঠঃ॥ 12-49-21 ভীষ্মাদৃতে মৃত্যুমাবার্য স্থিতং কমপি ন শুশ্রুমেতি দ্বয়োঃ সংবন্ধঃ॥ 12-49-26 বসূনামষ্টানামংশের্ঘটিতো নবমঃ গুণৈরনবমশ্চ॥শান্তিপর্ব - অধ্যায় 050
॥ শ্রীঃ ॥
12.50. অধ্যায়ঃ 050
Mahabharata - Shanti Parva - Chapter Topics
ভীষ্মেণ কৃষ্ণংপ্রতি স্তুতিপূর্বকং শ্রেয়ঃপ্রার্থনা॥ 1॥ কৃষ্ণেন ভীষ্মায় শ্রেয়ঃ প্রদানপূর্বকং তংপ্রতি ধর্মকথনচোদনা॥ 2॥Mahabharata - Shanti Parva - Chapter Text
12-50-0 (66756)
বৈশম্পায়ন উবাচ। 12-50-0x (5453)
শ্রুৎবা তু বচনং ভীষ্মো বাসুদেবস্য ধীমতঃ।
কিংচিদুন্নাম্য বদনং প্রাঞ্জলির্বাক্যমব্রবীৎ॥ 12-50-1 (66757)
ভীষ্ম উবাচ। 12-50-2x (5454)
নমস্তে ভগবন্কৃষ্ণ লোকানাং প্রভবাপ্যয।
ৎবং হি কর্তা হৃষীকেশ সংহর্তা চাপরাজিতঃ॥ 12-50-2 (66758)
বিশ্বকর্মন্নমস্তেঽস্তু বিশ্বাত্মন্বিশ্বসংভব।
অপবর্গস্থ ভূতানাং পঞ্চানাং পরতঃ স্থিত॥ 12-50-3 (66759)
নমস্তে ত্রিষু লোকেষু নমস্তে পরতস্ত্রিষু।
যোগেশ্বর নমস্তেঽস্তু ৎবং হি সর্বপরায়ণঃ॥ 12-50-4 (66760)
মৎসংশ্রিতং যদাত্থ ৎবং বচঃ পুরুষসত্তম।
তেন পশ্যামি তে দিব্যান্ভাবাংস্ত্রিষু চ বর্ত্মসু॥ 12-50-5 (66761)
তচ্চ পশ্যামি তৎবেন যত্তে রূপং সনাতনম্।
সপ্ত মার্গা নিরুদ্ধাস্তে বায়োরমিততেজসঃ॥ 12-50-6 (66762)
দিবং তে শিরসা ব্যাপ্তং পভ্দ্যাং দেবী বসুংধরা।
দিশো ভুজা রবিশ্চক্ষুর্বীর্যে শুক্রঃ প্রতিষ্ঠিতঃ॥ 12-50-7 (66763)
অতসীপুষ্পসংকাশং পীতবাসসমচ্যুতম্।
বপুর্হ্যনুমিমীমস্তে মেঘস্যেব সবিদ্যুতঃ॥ 12-50-8 (66764)
ৎবাং প্রপন্নায় ভক্তায় গতিমিষ্টাং জিগীষবে।
যচ্ছ্রেয়ঃ পুণ্ডরীকাক্ষ তদ্ধ্যায়স্ব সুরোত্তম॥ 12-50-9 (66765)
বাসুদেব উবাচ। 12-50-10x (5455)
যতঃ খলু পরা ভক্তির্ময়ি তে পুরুষর্ষভ।
ততো ময়া বপুর্দিব্যং তব রাজন্প্রদর্শিতম্॥ 12-50-10 (66766)
ন হ্যভক্তায় রাজেন্দ্র ভক্তায়ানৃজবে ন চ।
দর্শয়াম্যহমাত্মানং ন চাদান্তায় ভারত॥ 12-50-11 (66767)
ভবাংস্তু মম ভক্তশ্চ নিত্যং চার্জবমাস্থিতঃ।
দমে তপসি সত্যে চ দানে চ নিরতঃ শুচিঃ॥ 12-50-12 (66768)
অর্হস্ৎবং ভীষ্ম মাং দ্রষ্টুং তপসা স্বেন পার্থিব।
তব হ্যুপস্থিতা লোকা যেভ্যো নাবর্ততে পুনঃ॥ 12-50-13 (66769)
পঞ্চাশতং ষট্ চ কুরুপ্রবীর
শেষং দিনানাং তব জীবিতস্য।
ততঃ শুভৈঃ কর্মফলোদয়ৈস্ৎবং
সমেষ্যসে ভীষ্ম বিমুচ্য দেহম্॥ 12-50-14 (66770)
এতে হি দেবা বসবো বিমানা
ন্যাস্থায় সর্বে জ্বলিতাগ্নিকল্পাঃ।
অন্তর্হিতাস্ৎবাং প্রতিপালয়ন্তি
কাষ্ঠাং প্রপদ্যন্তমুদক্পতঙ্গাম্॥ 12-50-15 (66771)
ব্যাবৃত্তমাত্রে ভগবত্যুদীচীং
সূর্যে জগৎকালবশং প্রপন্নে।
গন্তাসি লোকান্পুরুষপ্রবীর
নাবর্ততে যানুপলভ্য বিদ্বান্॥ 12-50-16 (66772)
অমুং চ লোকং ৎবয়ি ভীষ্ম যাতে
জ্ঞানানি সর্বাণি পরাভবিষ্যন্।
অতস্তু সর্বে তব সন্নিকর্ষং
সমাগতা ধর্মবিবেচনায়॥ 12-50-17 (66773)
তজ্জ্ঞাতিশোকোপহতশ্রুতায়
সত্যাভিসন্ধায় যুধিষ্ঠিরায়।
প্রব্রূষি ধর্মার্থসমাধিয়ুক্তং
সত্যং বচোঽস্যাপনুদেচ্ছুচং যৎ॥ ॥ 12-50-18 (66774)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চাশোঽধ্যায়ঃ॥ 50॥
Mahabharata - Shanti Parva - Chapter Footnotes
12-50-4 যোগীশ্বরেতি ঝ. পাঠঃ॥ 12-50-14 পঞ্চাশতং ষট্চেতি। তব জীবিতসংবন্ধিনাং দিনানাং শেষং পঞ্চষট্ চ পঞ্চবারমাবর্তিতাঃ ষডিতি রীত্যা ত্রিঁশদিতি জ্ঞেয়ম্। তাবদেব আশতং শতাবধি। যদ্দিনানাং শতেন শক্যং তত্রিংশতাপি কর্তুং শক্যমিত্যর্থঃ। অষ্টপঞ্চাশতং রাত্র্যঃ শয়ানস্যাদ্য মে গতা ইতি ভীষ্মো বক্ষ্যতি। তত্র ত্রিশদতঃ পরং শিষ্টা অষ্টাবিংশতিরিতঃ পূর্বং ব্যতীতাঃ। তথাহি ভীষ্মস্য শরতল্পশয়নানন্তরমষ্ঠৌ দিনানি যুদ্ধম্। ততো দুর্যোধনাশৌচং যুয়ুৎসোঃ ষোডশদিনানি। তেন সহ পুরং প্রবিশতাং পাণ্ডবানামপি তাবন্তি দিনানি গতানি। পঞ্চবিংশে সর্বেষাং শ্রাদ্ধদানম্। ষঙ্বিংশে পুরপ্রবেশঃ। সপ্তবিংশে রাজ্যাভিষেকঃ। অষ্টাবিংশে প্রকৃতিসাংৎবনমাভ্যুদয়িকং দানং চ। ঊনত্রিংশে ভীষ্মংপ্রত্যাগমনং তদ্দিনমারভ্য ত্রিংশদ্দিনানি শিষ্টানীতি জ্ঞেয়ম্॥ 12-50-15 পতংগঃ সূর্যঃ 12-50-16 কালবশং জগৎ। প্রপন্নে প্রাপ্তে ক্ষেপ্তুমিতি শেষঃ॥শান্তিপর্ব - অধ্যায় 051
॥ শ্রীঃ ॥
12.51. অধ্যায়ঃ 051
Mahabharata - Shanti Parva - Chapter Topics
ভীষ্মেণ কৃষ্ণংপ্রতি স্বস্য শস্ত্রসংছিন্নশরীরতয়া ধর্মকথনাপাটবপ্রকটনম্॥ 1॥ কৃষ্ণেন ভীষ্মায় শরীরদার্ঢ্যাদিপ্রদানম্॥ 2॥ ততঃ সায়ং সর্বেষাং স্বস্বস্থানগমনম্॥ 3॥Mahabharata - Shanti Parva - Chapter Text
12-51-0 (66775)
বৈশম্পায়ন উবাচ। 12-51-0x (5456)
ততঃ কৃষ্ণস্য তদ্বাক্যং ধর্মার্থসহিতং হিতম্।
শ্রুৎবা শান্তনবঃ কৃষ্ণং প্রত্যুবাচ কৃতাঞ্জলিঃ॥ 12-51-1 (66776)
লোকনাথ মহাবাহো শিব নারায়ণাচ্যুত।
তব বাক্যমুপশ্রুত্য হর্ষেণাস্মি পরিপ্লুতঃ॥ 12-51-2 (66777)
কিংচাহমভিধাস্যামি বাক্পতে তব সন্নিধৌ।
যদা বাচোগতং সর্বং তব বাচি সমাহিতম্॥ 12-51-3 (66778)
যচ্চ কিংচিৎকৃতং লোকে কর্তব্যং ক্রিয়তে চ যৎ।
ৎবত্তস্তন্নিঃ সৃতং দেব লোকে বুদ্ধিমতো হিতে॥ 12-51-4 (66779)
কথয়েদ্দেবলোকং যো দেবরাজসমীপতঃ।
ধর্মকামার্থমোক্ষাণাং সোঽর্থং ব্রূয়াত্তবাগ্রতঃ॥ 12-51-5 (66780)
শরাভিতাপাদ্ব্যথিতং মনো মে মধুসূদন।
গাত্রাণি চাবসীদন্তি ন চ বুদ্ধিঃ প্রসীদতি॥ 12-51-6 (66781)
ন চ মে প্রতিভা কাচিদস্তি কিংচিৎপ্রভাষিতুম্।
পীড্যমানস্য গোবিন্দ বিপানলসমৈঃ শরৈঃ॥ 12-51-7 (66782)
বলং মে প্রজহাতীব প্রাণাঃ সৎবরয়ন্তি চ।
মর্মাণি পরিতপ্যন্তি ভ্রান্তচিত্তস্তথা হ্যহম্॥ 12-51-8 (66783)
দৌর্বল্যাৎসজ্জতে বাঙ্ভে স কথং বক্তুমুৎসহে।
সাধু মে ৎবং প্রসীদস্ব দাশার্হকুলবর্ধন॥ 12-51-9 (66784)
তৎক্ষমস্ব মহাবাহো ন ব্রূয়াং কিংচিদচ্যুত॥
ৎবৎসন্নিধৌ চ সীদেদ্ধি বাচস্পতিরপি ব্রুবন্॥ 12-51-10 (66785)
ন দিশঃ সংপ্রজানামি নাকাশং ন চ মেদিনীম্।
কেবলং তব বীর্যেণ তিষ্ঠামি মধুসূদন॥ 12-51-11 (66786)
স্বয়মেব ভবাংস্তস্মাদ্ধর্মরাজস্য যদ্ধিতম্।
তদ্ব্রবীৎবাশু সর্বেষামাগমানাং ৎবমাগমঃ॥ 12-51-12 (66787)
কথং ৎবয়ি স্থিতে কৃষ্ণে শাশ্বতে লোককর্তরি।
প্রব্রূয়ান্মদ্বিধঃ কশ্চিদ্গুরৌ শিষ্য ইব স্থিতে॥ 12-51-13 (66788)
বাসুদেব উবাচ। 12-51-14x (5457)
উপপন্নমিদং বাক্যং কৌরবাণাং ধুরন্ধরে।
মহাবীর্যে মহাসৎবে স্থিরে সর্বার্থদর্শিনি॥ 12-51-14 (66789)
যচ্চ মামাত্থ গাঙ্গেয় বাণঘাতরুজং প্রতি।
গৃহাণাত্র বরং ভীষ্ম মৎপ্রসাদকৃতং প্রভো॥ 12-51-15 (66790)
ন তে গ্লানির্ন তে মূর্চ্ছা ন তাপো ন চ তে রুজা।
প্রভবিষ্যন্তি গাঙ্গেয় ক্ষুৎপিপাসে ন চাপ্যুত॥ 12-51-16 (66791)
জ্ঞানানি চ সমগ্রাণি প্রতিভাস্যন্তি তেঽনঘ।
ন চ তে ক্বচিদাসত্তির্বুদ্ধেঃ প্রাদুর্ভবিষ্যতি॥ 12-51-17 (66792)
সৎবস্থং চ মনো নিত্যং তব ভীষ্ম ভবিষ্যতি।
রজস্তমোভ্যাং নির্মুক্তং ঘনৈর্মুক্ত ইবোডুরাট্॥ 12-51-18 (66793)
যদ্যচ্চ ধর্মসংয়ুক্তমর্থয়ুক্তমথাপি চ।
চিন্তয়িষ্যসি তত্রাগ্র্যা বুদ্ধিস্তব ভবিষ্যতি॥ 12-51-19 (66794)
ইমং চ রাজশার্দূল ভূতগ্রামং চতুর্বিধম্।
চক্ষুর্দিব্যং সমাশ্রিত্য দ্রক্ষ্যস্যমিতবিক্রম॥ 12-51-20 (66795)
চতুর্বিধং প্রজাজালং সংয়ুক্তো জ্ঞানচক্ষুষা।
ভীষ্ম দ্রক্ষ্যসি তত্ৎবেন জলে মীন ইবামলে॥ 12-51-21 (66796)
বৈশম্পায়ন উবাচ। 12-51-22x (5458)
ততস্তে ব্যাসসহিতাঃ সর্ব এব মহর্ষয়ঃ।
ঋগ্যজুঃসামসহিতৈর্বচোভিঃ কৃষ্ণমার্চয়ন্॥ 12-51-22 (66797)
ততঃ সর্বার্তবং দিব্যং পুষ্পবর্ষং ন ভস্তলাৎ।
পপাত যত্র বার্ষ্ণেয়ঃ সগাঙ্গেয়ঃ সপাণ্ডবঃ॥ 12-51-23 (66798)
বাদিত্রাণি চ সর্বাণি জগুশ্চাপ্সরসাং গণাঃ।
ন চাহিতমনিষ্টং চ কিংচিত্তত্র ব্যদৃশ্যত॥ 12-51-24 (66799)
ববৌ শিবঃ সুখো বায়ুঃ সর্বগন্ধবহঃ শুচিঃ।
শান্তায়াং দিশিশন্তাশ্চ প্রাবদন্মৃগপক্ষিণঃ॥ 12-51-25 (66800)
ততো মুহূর্তাদ্ভগবান্সহস্রাংশুর্দিবাকরঃ।
দহন্বনমিবৈকান্তে প্রতীচ্যাং প্রত্যদৃশ্যত॥ 12-51-26 (66801)
ততো মহর্ষয়ঃ সর্বে সমুত্থায় জনার্দনম্।
ভীষ্মমামন্ত্রয়াংচক্রূ রাজানং চ যুধিষ্ঠিরম্॥ 12-51-27 (66802)
ততঃ প্রণামমকরোৎকেশবঃ সহপাণ্ডবঃ।
সাত্যকিঃ স়ঞ্জয়শ্চৈব স চ শারদ্বতঃ কৃপঃ॥ 12-51-28 (66803)
ততস্তে ধর্মনিরতাঃ সম্যক্ তৈরভিপূজিতাঃ।
শ্বঃ সমেষ্যাম ইত্যুক্ৎবা যথেষ্টং ৎবরিতা যয়ুঃ॥ 12-51-29 (66804)
তথৈবামন্ত্র্য গাঙ্গেয়ং কেশবঃ পাণ্ডবাস্তথা।
প্রদক্ষিণমুপাবৃত্য রথানারুরুহুঃ শুভান্॥ 12-51-30 (66805)
ততো রথৈঃ কাঞ্চনচিত্রকূবরৈ
র্মহীধরাভৈঃ সমদৈশ্চ দন্তিভিঃ।
হয়ৈঃ সুপর্ণৈরিব চাশুগামিভিঃ
পদাতিভিশ্চাত্তশরাসনাদিভিঃ॥ 12-51-31 (66806)
যয়ৌ রথানাং পুরতো হি সা চমূ
স্তথৈব পশ্চাদতিমাত্রসারিণী।
পুরশ্চ পশ্চাচ্চ যথা মহানদী
তমৃক্ষবন্তং গিরিমেত্য নর্মদা॥ 12-51-32 (66807)
ততঃ পুরস্তাদ্ভগবান্নিশাকরঃ।
সমুত্থিতস্তামভিহর্ষয়ংশ্চমূম্।
দিবাকরাপীতরসা মহৌষধীঃ
পুনঃ স্বকেনৈব গুণেন যোজয়ন্॥ 12-51-33 (66808)
ততঃ পুরং সুরপুরসংমিতদ্যুতি
প্রবিশ্য তে যদুবৃষপাণ্ডবাস্তদা।
যথোচিতান্ভবনবরান্সমাবিশন্
শ্রমান্বিতা মৃগপতয়ো গুহা ইব॥ ॥ 12-51-34 (66809)
ইতি শ্রীমন্মহাভারতে শান্তিপর্বণি রাজধর্মপর্বণি একপঞ্চাশোঽধ্যায়ঃ॥ 51॥
Mahabharata - Shanti Parva - Chapter Footnotes
12-51-3 বাচোগতং বাচাং বিষয়ঃ সর্বোঽপি তব বাচি বেদে॥ 12-51-4 হিতে প্রিয়ে। লোকে দেবলোকে ইহ পরত্র চ। তৎসর্বং ত্রৈকালিকম্। ৎবত্তো নিঃসৃতমিতি উক্তের্থে হেতুরুক্তঃ॥ 12-51-12 আগমানাং সমাগমমিতি ট. ড. পাঠঃ॥ 12-51-17 আসত্তিরবসন্নতা॥শান্তিপর্ব - অধ্যায় 052
॥ শ্রীঃ ॥
12.52. অধ্যায়ঃ 052
Mahabharata - Shanti Parva - Chapter Topics
প্ররেদ্যুঃ প্রভাতে কৃষ্ণয়ুধিষ্ঠিরাদিভির্ধর্মশ্রবণায় ভীষ্মসমীপগমনম্॥ 1॥Mahabharata - Shanti Parva - Chapter Text
12-52-0 (66810)
বৈশম্পায়ন উবাচ। 12-52-0x (5459)
ততঃ প্রবিশ্য ভবনং প্রবিশ্যে মধুসূদনঃ।
যামমাত্রাবশেষায়াং যামিন্যাং প্রত্যবুধ্যত॥ 12-52-1 (66811)
স ধ্যানপথমাবিশ্য সর্বজ্ঞানানি মাধবঃ।
অবলোক্য ততঃ পশ্চাদ্দধ্যৌ ব্রহ্ম সনাতনম্॥ 12-52-2 (66812)
সূতাঃ স্তুতিপুরাণজ্ঞা রক্তকণ্ঠাঃ সুশিক্ষিতাঃ।
অস্তুবন্বিশ্বকর্মাণং বাসুদেবং প্রজাপতিম্॥ 12-52-3 (66813)
পঠন্তি পাণিস্বনিকাস্তথা গায়ন্তি গায়নাঃ।
শঙ্খানথ মৃদঙ্গাংশ্চ প্রবাদ্যন্তি সহস্রশঃ॥ 12-52-4 (66814)
বীণাপণববেণূনাং স্বনশ্চাতিমনোরমঃ।
সহাস ইব বিস্তীর্ণঃ শুশ্রুবে তস্য বেশ্মনি॥ 12-52-5 (66815)
ততো যুধিষ্ঠিরস্যাপি রাজ্ঞো মঙ্গলসংহিতাঃ।
উচ্চেরুর্মধুরা বাচো গীতবাদিত্রবৃংহিতাঃ॥ 12-52-6 (66816)
তত উত্থায় দাশার্হঃ স্নাতঃ প্রাঞ্জলিরচ্যুতঃ।
জপ্ৎবা গুহ্যং মহাবাহুরগ্নীনাশ্রিত্য তস্থিবান্॥ 12-52-7 (66817)
ততঃ সহস্রং বিপ্রাণাং চতুর্বেদবিদাং তথা।
গবাং সহস্রেণৈকৈকং বাচয়ামাস মাধবঃ॥ 12-52-8 (66818)
মঙ্গলালম্ভনং কৃৎবা আত্মানমবলোক্য চ।
আদর্শে বিমলে কৃষ্ণস্ততঃ সাত্যকিমব্রবীৎ॥ 12-52-9 (66819)
গচ্ছ শৈনেয় জানীহি গৎবা রাজনিবেশনম্।
অপি সঞ্জো মহাতেজা ভীষ্মং দ্রষ্টুং যুধিষ্ঠিরঃ॥ 12-52-10 (66820)
ততঃ কৃষ্ণস্য বচনাৎসাত্যংকিস্ৎবরিতো যয়ৌ।
উপগম্য চ রাজানং যুধিষ্ঠিরমভাষত॥ 12-52-11 (66821)
যুক্তো রথবরো রাজন্বাসুদেবস্য ধীমতঃ।
সমীপমাপগেয়স্য প্রয়াস্যতি জনার্দনঃ॥ 12-52-12 (66822)
ভবৎপ্রতীক্ষঃ কৃষ্ণোঽসৌ ধর্মরাজ মহাদ্যুতে।
যদত্রানন্তরং কৃত্যং তদ্ভবান্কর্তুমর্হতি॥ 12-52-13 (66823)
এবমুক্তঃ প্রত্যুবাচ ধর্মপুত্রো যুধিষ্ঠিরঃ।
যুজ্যতাং মে রথবরঃ ফল্গুনাপ্রতিমদ্যুতে॥ 12-52-14 (66824)
ন সৈনিকৈশ্চ যাতব্যং যাস্যামো বয়মেব হি।
ন চ পীডয়িতব্যো মে ভীষ্মো ধর্মভৃতাং বরঃ॥ 12-52-15 (66825)
অতঃ পুরঃসরাশ্চাপি নিবর্তন্তু ধনঞ্জয়।
অদ্যপ্রভৃতি গাঙ্গেয়ঃ পরং গুহ্যং প্রবক্ষ্যতি।
অতো নেচ্ছামি কৌন্তেয় পৃথগ্জনসমাগমম্॥ 12-52-16 (66826)
বৈশম্পায়ন উবাচ। 12-52-17x (5460)
স তদ্বাক্যমথাজ্ঞায় কুন্তীপুত্রো ধনঞ্জয়ঃ।
যুক্তং রথবরং তস্মা আচচক্ষে নরর্ষভঃ॥ 12-52-17 (66827)
ততো যুধিষ্ঠিরো রাজা যমৌ ভীমার্জুনাবপি।
ভূতানীব সমস্তানি যয়ুঃ কৃষ্ণনিবেশনম্॥ 12-52-18 (66828)
আগচ্ছৎস্বথ কৃষ্ণোঽপি পাণ্ডবেষু মহাত্মসু।
শৈনেয়সহিতো ধীমান্রথমেবান্বপদ্যত॥ 12-52-19 (66829)
রথস্থাঃ সংবিদং কৃৎবা সুখাং পৃষ্ট্বা চ শর্বরীম্।
মেঘঘোষৈ রথবরৈঃ প্রয়যুস্তে নরর্ষভাঃ॥ 12-52-20 (66830)
বলাহকং মেঘপুষ্পং শৈব্যং সুগ্রীবমেবচ।
দারুকশ্চোদয়ামাস বাসুদেবস্য বাজিনঃ॥ 12-52-21 (66831)
তে হয়া বাসুদেবস্য দারুকেণ প্রচোদিতাঃ।
গাং খুরাগ্রৈস্তথা রাজঁল্লিখন্তঃ প্রয়যুস্তদা॥ 12-52-22 (66832)
তে গ্রসন্ত ইবাকাশং বেগবন্তো মহাবলাঃ।
ক্ষেত্রং ধর্মস্য কৃৎস্নস্য কুরুক্ষেত্রমবাতরন্॥ 12-52-23 (66833)
ততো যয়ুর্যত্র ভীষ্মঃ শরতল্পগতঃ প্রভুঃ।
আস্তে মহর্ষিভিঃ সার্ধ্রং ব্রহ্মা দেবগণৈর্যথা॥ 12-52-24 (66834)
ততোঽবতীর্য গোবিন্দো রথাৎস চ যুধিষ্ঠিরঃ।
ভীমো গাণ্ডীবধন্বা চ যমৌ সাত্যকিরেব চ।
ঋষীনভ্যর্চয়ামাসুঃ করানুদ্যম্য দক্ষিণান্॥ 12-52-25 (66835)
স তৈঃ পরিবৃতো রাজা নক্ষত্রৈরিব চন্দ্রমাঃ।
অভ্যাজগাম গাঙ্গেয়ং ব্রহ্মাণমিব বাসবঃ॥ 12-52-26 (66836)
শরতল্পে শয়ানং তমাদিত্যং পতিতং যথা।
স দদর্শ মহাবাহুং ভয়াচ্চাগতসাধ্বসঃ॥ ॥ 12-52-27 (66837)
ইতি শ্রীমন্মহাভারতে শান্তিপর্বণি রাজধর্মপর্বণি দ্বিপঞ্চাশোঽধ্যায়ঃ॥ 52॥
Mahabharata - Shanti Parva - Chapter Footnotes
12-52-9 মঙ্গলানাং গবাদীনামালম্ভনং স্পর্শম্॥ 12-52-27 আগতসাধ্বসঃ ভয়জন্যকম্পাদিমান্॥শান্তিপর্ব - অধ্যায় 053
॥ শ্রীঃ ॥
12.53. অধ্যায়ঃ 053
Mahabharata - Shanti Parva - Chapter Topics
কৃষ্ণেন ভীষ্মংপ্রতি ধর্মকথনচোদনা॥ 1॥Mahabharata - Shanti Parva - Chapter Text
12-53-0 (66838)
জনমেজয় উবাচ। 12-53-0x (5461)
ধর্মাত্মনি মহাবীর্যে সত্যসন্ধে জিতাত্মনি।
দেবব্রতে মহাভাগে শরতল্পগতেঽচ্যুতে॥ 12-53-1 (66839)
শয়ানে বীরশয়নে ভীষ্মে শন্তনুনন্দনে।
গাঙ্গেয়ে পুরুষব্যাঘ্রে পাণ্ডবৈঃ পর্যুপাসিতে॥ 12-53-2 (66840)
কাঃ কথাঃ সমবর্তন্ত তস্মিন্বীরসমাগমে।
হতেষু সর্বসৈন্যেষু তন্মে শংস মহামুনে॥ 12-53-3 (66841)
বৈশম্পায়ন উবাচ। 12-53-4x (5462)
শরতল্পগতে ভীষ্মে কৌরবাণাং পিতামহে।
আজগ্মুর্ঋষয়ঃ সিদ্ধা নারদপ্রমুখা নৃপ॥ 12-53-4 (66842)
হতশিষ্টাশ্চ রাজানো যুধিষ্ঠিরপুরোগমাঃ।
ধৃতরাষ্ট্রশ্চ কৃষ্ণশ্চ ভীমার্জুনয়মাস্তথা॥ 12-53-5 (66843)
তেঽভিগম্য মহাত্মানো ভরতানাং পিতামহম্।
অন্বশোচন্ত গাঙ্গেয়মাদিত্যং পতিতং যথা॥ 12-53-6 (66844)
মুহূর্তমিব চ ধ্যাৎবা নারদো দেবদর্শনঃ।
উবাচ পাণ্ডবান্সর্বান্হতশিষ্টাংশ্চ পার্থিবান্॥ 12-53-7 (66845)
প্রাপ্তকালং সমাচক্ষে ভীষ্মোঽয়মনুয়ুজ্যতাম্।
অস্তমেতি হি গাঙ্গেয়ো ভানুমানিব ভারত॥ 12-53-8 (66846)
অয়ং প্রাণানুৎসিসৃক্ষুস্তং সর্বেঽভ্যনুপৃচ্ছত।
কৃৎস্নান্হি বিবিধান্ধর্মাংশ্চাতুর্বর্ণ্যস্য বেত্ত্যযম্॥ 12-53-9 (66847)
এষ বৃদ্ধঃ পরাঁল্লোকান্সংপ্রাপ্নোতি তনুং ত্যজন্।
তং শীঘ্রমনুয়ুঞ্জীধ্বং সংশয়ান্মনসি স্থিতান্॥ 12-53-10 (66848)
বৈশম্পায়ন উবাচ। 12-53-11x (5463)
এবমুক্তে নারদেন ভীষ্মমীয়ুর্নরাধিপাঃ।
প্রষ্টুং চাশক্রুবন্তস্তে বীক্ষাংচক্রুঃ পরস্পরম্॥ 12-53-11 (66849)
অথোবাচ হৃষীকেশং পাণ্ডুপুত্রো যুধিষ্ঠিরঃ।
নান্যস্ৎবদ্দেবকীপুত্র শক্তঃ প্রষ্টুং পিতামহম্॥ 12-53-12 (66850)
প্রব্যাহর যদুশ্রেষ্ঠ ৎবমগ্রে মধুসূদন।
ৎবং হি নস্তাত সর্বেষাং সর্বধর্মবিদুত্তমঃ॥ 12-53-13 (66851)
এবমুক্তঃ পাণ্ডবেন ভগবান্কেশবস্তদা।
অভিগম্য দুরাধর্ষং প্রব্যাহারয়দচ্যুতঃ॥ 12-53-14 (66852)
কচ্চিৎসুখেন রজনী ব্যুষ্টা তে রাজসত্তম।
বিস্পষ্টলক্ষণা বুদ্ধিঃ কচ্চিচ্চোপস্থিতা তব॥ 12-53-15 (66853)
কচ্চিজ্জ্ঞানানি সর্বাণি প্রতিভান্তি চ তেঽনঘ।
ন গ্লায়তে চ হৃদয়ং ন চ তে ব্যাকুলং মনঃ॥ 12-53-16 (66854)
ভীষ্ম উবাচ। 12-53-17x (5464)
দাহো মোহঃ শ্রমশ্চৈব ক্লমো গ্লানিস্তথা রুজা।
তব প্রসাদাদ্বার্ষ্ণেয় সদ্যো ব্যপগতানি মে॥ 12-53-17 (66855)
যচ্চ ভূতং ভবিষ্যচ্চ ভবচ্চ পরমদ্যুতে।
তৎসর্বমনুপশ্যামি পাণৌ ফলমিবাহিতম্॥ 12-53-18 (66856)
বেদোক্তাশ্চৈব যে ধর্মা বেদান্তাধিগতাশ্চ যে।
তান্সর্বান্সংপ্রপশ্যামি বরদানাত্তবাচ্যুত॥ 12-53-19 (66857)
শিষ্টৈশ্চ ধর্মো যঃ প্রোক্তঃ স চ মে হৃদি বর্ততে।
দেশজাতিকুলানাং চ ধর্মজ্ঞোঽস্মি জনার্দন॥ 12-53-20 (66858)
চতুর্ষ্বাশ্রমধর্মেষু যোঽর্থঃ স চ হৃদি স্থিতঃ।
রাজধর্মাংশ্চ সকলানবগচ্ছামি কেশব॥ 12-53-21 (66859)
যচ্চ যত্র চ বক্তব্যং তদ্বক্ষ্যামি জনার্দন।
তব প্রসাদাদ্ধি শুভা মনো মে বুদ্ধিরাবিশৎ॥ 12-53-22 (66860)
যুবেবাস্মি সমাবৃত্তস্ৎবদনুধ্যানবৃংহিতঃ।
বক্তুং শ্রেয়ঃ সমর্থোঽস্মি ৎবৎপ্রসাদাজ্জনার্দন॥ 12-53-23 (66861)
স্বয়ং কিমর্থং তু ভবাঞ্শ্রেয়ো ন প্রাহ পাণ্ডবম্।
কিং তে বিবক্ষিতং চাত্র তদাশু বদ মাধব॥ 12-53-24 (66862)
বাসুদেব উবাচ। 12-53-25x (5465)
যশসঃ শ্রেয়সশ্চৈব মূল মাং বিদ্ধি কৌরব।
মত্তঃ সর্বেঽভিনির্বৃত্তা ভাবাঃ সদসদাত্মকাঃ॥ 12-53-25 (66863)
শীতাংশুশ্চন্দ্র ইত্যুক্তে লোকে কো বিস্ময়িষ্যতি।
তথৈব যশসা পূর্ণে ময়ি কো বিস্ময়িষ্যতি॥ 12-53-26 (66864)
আধেয়ং তু ময়া ভূয়ো যশস্তব মহাদ্যুতে।
ততো মে বিপুলা বুদ্ধিস্ৎবয়ি ভীষ্ম সমাহিতা॥ 12-53-27 (66865)
যাবদ্ধি পৃথিবীপাল পৃথ্বীয়ং স্থাস্যতি ধ্রুবা।
তাবত্তবাক্ষয়া কীর্তির্লোকাননুচরিষ্যতি॥ 12-53-28 (66866)
যচ্চ ৎবং বক্ষ্যসে ভীষ্ম পাণ্ডবায়ানুপৃচ্ছতে।
বেদপ্রবাদ ইব তে স্থাস্যতে বসুধাতলে॥ 12-53-29 (66867)
যশ্চৈতেন প্রমাণেন যোক্ষ্যত্যাত্মানমাত্মনা।
স ফলং সর্বপুণ্যানাং প্রেত্য চানুভবিষ্যতি॥ 12-53-30 (66868)
এতস্মাৎকারণাদ্ভীষ্ম মতির্দিব্যা ময়া হি তে।
দত্তা যশো বিপ্রথয়েৎকথং ভূয়স্তবেতি হ॥ 12-53-31 (66869)
যাবদ্ধি প্রথতে লোকে পুরুষস্য যশো ভুবি।
তাবত্তস্যাক্ষয়া কীর্তির্ভবতীতি বিনিশ্চিতা॥ 12-53-32 (66870)
রাজানো হতশিষ্টাস্ৎবাং রাজন্নভিত আসতে।
ধর্মাননুয়ুয়ুক্ষন্তস্তেভ্যঃ প্রব্রূহি ভারত॥ 12-53-33 (66871)
ভবান্হি বয়সা বৃদ্ধঃ শ্রুতাচারসমন্বিতঃ।
কুশলো রাজধর্মাণাং সর্বেষামপরাশ্চ যে॥ 12-53-34 (66872)
জন্মপ্রভৃতি তে কিংচিদ্বৄজিনং ন দদর্শ হ।
জ্ঞাতারং সর্বধর্মাণাং ৎবাং বিদুঃ সর্বপার্থিবাঃ॥ 12-53-35 (66873)
তেভ্যঃ পিতেব পুত্রেভ্যো রাজন্ব্রূহি পরং নয়ম্।
ঋষয়শ্চৈব দেবাশ্চ ৎবয়া নিত্যমুপাসিতাঃ॥ 12-53-36 (66874)
তস্মাদ্বক্তব্যমেবেদং ৎবয়াঽবশ্যমশেষতঃ।
ধর্মং শুশ্রূষমাণেভ্যঃ পৃষ্টেন ন সতা পুনঃ॥ 12-53-37 (66875)
বক্তব্যং বিদুষা চেতি ধর্মমাহুর্মনীষিণঃ।
অপ্রতিব্রুবতঃ কষ্টো দোষো হি ভবিতা প্রভো॥ 12-53-38 (66876)
তস্মাৎপুত্রৈশ্চ পৌত্রেশ্চ ধর্মান্পৃষ্টান্সনাতনান্।
বিদ্বঞ্জিজ্ঞাসমানেভ্যঃ প্রব্রূহি ভরতর্ষভ॥ ॥ 12-53-39 (66877)
ইতি শ্রীমন্মহাভারতে শান্তিপর্বণি রাজধর্মপর্বণি ত্রিপঞ্চাশোঽধ্যায়ঃ॥ 53॥
Mahabharata - Shanti Parva - Chapter Footnotes
12-53-8 অনুয়ুজ্যতাং পৃচ্ছ্যতাম্॥ 12-53-32 যশঃ পরচিত্তচমাৎকৃতিজনকো গুণৌধঃ। কীর্তিঃ সাধুতয়াঽন্যৈঃ কথনম্॥ 12-53-33 অনুয়ুয়ুক্ষন্তঃ প্রষ্টুমিচ্ছন্তঃ॥শান্তিপর্ব - অধ্যায় 054
॥ শ্রীঃ ॥
12.54. অধ্যায়ঃ 054
Mahabharata - Shanti Parva - Chapter Topics
কৃষ্ণেন ভীষ্মংপ্রতি যুধিষ্ঠিরস্য তদনুপসর্পণকারণাভিধানম্॥ 1॥ ভীষ্মেণ স্বাজ্ঞয়োপসৃত্যাভিবাদয়ন্তং যুধিষ্ঠিরংপ্রতি ধর্মপ্রশ্নানুজ্ঞানম্॥ 2॥Mahabharata - Shanti Parva - Chapter Text
12-54-0 (66878)
বৈশম্পায়ন উবাচ। 12-54-0x (5466)
অথাব্রবীন্মহাতেজা বাক্যং কৌরবনন্দনঃ।
হন্ত ধর্মান্প্রবক্ষ্যামি দৃঢে বাঙ্ভনসী মম॥ 12-54-1 (66879)
তব প্রসাদাদ্গোবিন্দ ভূতাত্মা হ্যসি শাশ্বতঃ।
যুধিষ্ঠিরস্তু ধর্মাত্মা মাং ধর্মাননুপৃচ্ছতু।
এবং প্রীতো ভবিষ্যামি ধর্মান্বক্ষ্যামি চাখিলান্॥ 12-54-2 (66880)
যস্মিন্রাজর্ষভে জাতে ধর্মাত্মনি মহাত্মনি।
অহৃষ্যন্নৃষয়ঃ সর্বে স মাং পৃচ্ছতু পাণ্ডবঃ॥ 12-54-3 (66881)
সর্বেষাং দীপ্তয়শসাং কুরূণাং ধর্মচারিণাম্।
যস্য নাস্তি সমঃ কশ্চিৎস মাং পৃচ্ছতু পাণ্ডবঃ॥ 12-54-4 (66882)
ধৃতির্দমো ব্রহ্মচর্যং ক্ষমা ধর্মশ্চ নিত্যদা।
যস্মিন্নোজশ্চ তেজশ্চ স মাং পৃচ্ছতু পাণ্ডবঃ॥ 12-54-5 (66883)
সংবন্ধিনোঽতিথীন্ভৃত্যান্সংশ্রিতাংশ্চৈব যো ভৃশম্।
সংমানয়তি সৎকৃত্য স মাং পৃচ্ছতু পাণ়্ডবঃ॥ 12-54-6 (66884)
সত্যং দানং তপঃ শৌর্যং শান্তির্দাক্ষ্যমসংভ্রমঃ।
যস্মিন্নেতানি সর্বাণি স মাং পৃচ্ছতু পাণ্ডবঃ॥ 12-54-7 (66885)
যো ন কামান্ন সংরম্ভান্ন ভয়ান্নার্থকারণাৎ।
কুর্যাদধর্মং ধর্মাত্মা স মাং পৃচ্ছতু পাণ্ডবঃ॥ 12-54-8 (66886)
সত্যনিত্যঃ ক্ষমানিত্যো জ্ঞাননিত্যোঽতিথিপ্রিয়ঃ।
যো দদাতি সতাং নিত্যং স মাং পৃচ্ছতু পাণ্ডবঃ॥ 12-54-9 (66887)
ইজ্যাধ্যযননিত্যশ্চ ধর্মে চ নিরতঃ সদা।
ক্ষান্তঃ শ্রুতরহস্যশ্চ স মাং পৃচ্ছতু পাণ্ডবঃ॥ 12-54-10 (66888)
বাসুদেব উবাচ। 12-54-11x (5467)
লজ্জয়া পরয়োপেতো ধর্মরাজো যুধিষ্ঠিরঃ।
অভিশাপভয়াদ্ভীতো ভবন্তং নোপসর্পতি॥ 12-54-11 (66889)
লোকস্য কদনং কৃৎবা লোকনাথো বিশাংপতে।
অভিশাপভয়াদ্ভীতো ভবন্তং নোপসর্পতি॥ 12-54-12 (66890)
পূজ্যান্মান্যাংশ্চ ভক্তাংশ্চ গুরূন্সংবন্ধিবান্ধবান্।
অর্ঘার্হানিষুভির্ভিত্ৎবা ভবন্তং নোপসর্পতি॥ 12-54-13 (66891)
ভীষ্ম উবাচ। 12-54-14x (5468)
ব্রাহ্মণানাং যথা ধর্মো দানমধ্যযনং তপঃ।
ক্ষত্রিয়াণাং তথা কৃষ্ণ সমরে দেহপাতনম্॥ 12-54-14 (66892)
পিতৄন্পিতামহান্ভ্রাতৄন্গুরূন্সংবন্ধিবান্ধবান্।
মিথ্যাপ্রবৃত্তান্যঃ সখ্যে নিহন্যাদ্ধর্ম এব সঃ॥ 12-54-15 (66893)
সময়ত্যাগিনো লুব্ধান্গুরূনপি চ কেশব।
নিহন্তি সমরে পাপান্ক্ষত্রিয়ো যঃ স ধর্মবিৎ॥ 12-54-16 (66894)
যো লোভান্ন সমীক্ষেত ধর্মসেতুং সনাতনম্।
নিহন্তি যস্তং সমরে ক্ষত্রিয়ো বৈ স ধর্মবিৎ॥ 12-54-17 (66895)
লোহিতোদাং কেশতৃণাং গজশৈলাং ধ্বজদ্রুমাম্।
মহীং করোতি যুদ্ধেষু ক্ষত্রিয়ো যঃ স ধর্মবিৎ॥ 12-54-18 (66896)
আহূতেন রণে নিত্যং যোদ্ধব্যং ক্ষত্রবন্ধুনা।
ধর্ম্যং স্বর্গ্যং চ লোক্যং চ যুদ্ধং হি মনুরব্রবীৎ॥ 12-54-19 (66897)
বৈশম্পায়ন উবাচ। 12-54-20x (5469)
এবমুক্তস্তু ভীষ্মেণ ধর্মপুত্রো যুধিষ্ঠিরঃ।
বিনীতবদুপাগম্য তস্থৈ সংদর্শনেঽগ্রতঃ॥ 12-54-20 (66898)
অথাস্য পাদৌ জগ্রাহ ভীষ্মশ্চাপি ননন্দ তম্।
মূর্ধ্নিং চৈনমুপাঘ্রায় নিষীদেত্যব্রবীত্তদা॥ 12-54-21 (66899)
তমুবাচাথ গাঙ্গেয়ো বৃষভঃ সর্বধন্বিনাম্।
মাং পৃচ্ছ তাত বিস্রব্ধং মা ভৈস্ৎবং কুরুসত্তম॥ ॥ 12-54-22 (66900)
ইতি শ্রীমন্মহাভারতে শান্তিপর্বণি রাজধর্মপর্বণি চতুঃপঞ্চাশোঽধ্যায়ঃ॥ 54॥
Mahabharata - Shanti Parva - Chapter Footnotes
12-54-2 ভূতাত্মা প্রাণিনামন্তরাত্মাসি। তেন মমাভিপ্রায়ং বেৎসীতি ভাবঃ॥ 12-54-11 অভিশাপো লোকগর্হ্যতা॥শান্তিপর্ব - অধ্যায় 055
॥ শ্রীঃ ॥
12.55. অধ্যায়ঃ 055
Mahabharata - Shanti Parva - Chapter Topics
ভীষ্মেণ যুধিষ্ঠিরায় রাজধর্মকথনম্॥ 1॥Mahabharata - Shanti Parva - Chapter Text
12-55-0 (66901)
বৈশম্পায়ন উবাচ। 12-55-0x (5470)
প্রণিপত্য হৃষীকেশমভিবাদ্য পিতামহম্।
অনুমান্য গুরূন্সর্বান্পর্যপৃচ্ছদ্যুধিষ্ঠিরঃ॥ 12-55-1 (66902)
রাজ্ঞাং বৈ পরমো ধর্ম ইতি ধর্মবিদো বিদুঃ।
মহান্তমেতং ভারং চ মন্যে তদ্ব্রূহি পার্থিব॥ 12-55-2 (66903)
রাজধর্মান্বিশেষেণ কথয়স্য পিতামহ।
সর্বস্য জীবলোকস্য রাজধর্মঃ পরায়ণম্॥ 12-55-3 (66904)
ত্রিবর্গো হি সমাসক্তো রাজধর্মেষু কৌরব।
মোক্ষধর্মশ্চ বিস্পষ্টঃ সকলোঽত্র সমাহিতঃ॥ 12-55-4 (66905)
যথা হি রশ্ময়োঽশ্বস্য দ্বিরদস্যাঙ্কুশো যথা।
নরেন্দ্রধর্মো লোকস্য তথা প্রগ্রহণং স্মৃতম্॥ 12-55-5 (66906)
অত্র বৈ সংপ্রমূঢে তু ধর্মে রাজর্ষিসেবিতে।
লোকস্য সংস্থা ন ভবেৎসর্বং চ ব্যাকুলীভবেৎ॥ 12-55-6 (66907)
উদয়ন্হি যথা সূর্যো নাশয়ত্যশুভং তমঃ।
রাজধর্মস্তথা লোক্যামাক্ষিপত্যশুভাং গতিম্॥ 12-55-7 (66908)
তদগ্রে রাজধর্মান্হি মদর্থে ৎবং পিতামহ।
প্রব্রূহি ভরতশ্রেষ্ঠ ৎবং হি ধর্মভূতাং বরঃ॥ 12-55-8 (66909)
আগমশ্চ পরস্ৎবত্তঃ সর্বেষাং নঃ পরন্তপ।
ভবন্তং হি পরং বুদ্ধৌ বাসুদেবোঽভিমন্যতে॥ 12-55-9 (66910)
ভীষ্ম উবাচ। 12-55-10x (5471)
নমো ধর্মায় মহতে নমঃ কৃষ্ণায় বেধসে।
ব্রাহ্মণেভ্যো নমস্কৃত্য ধর্মান্বক্ষ্যামি শাশ্বতান্॥ 12-55-10 (66911)
শৃণু কার্ৎস্ন্যেন মত্তস্ৎবং রাজধর্মান্যুধিষ্ঠির।
নিরুচ্যমানান্নিয়তো যচ্চান্যদপি বাঞ্ছসি॥ 12-55-11 (66912)
আদাবেব কুরুশ্রেষ্ঠ রাজ্ঞা রঞ্জনমিচ্ছতা।
দেবতানাং দ্বিজানাং চ বর্তিতব্যং যথাবিধি॥ 12-55-12 (66913)
দৈবতান্যর্চয়িৎবা হি ব্রাহ্মণাংশ্চ কুরূদ্বহ।
আনৃণ্যং যাতি ধর্মস্য লোকেন চ সমর্চ্যতে॥ 12-55-13 (66914)
উত্থানেন সদা পুত্র প্রয়তেথা যুধিষ্ঠির।
ন হ্যুত্থানমৃতে দৈবং রাজ্ঞামর্থং প্রসাধয়েৎ॥ 12-55-14 (66915)
সাধারণং দ্বয়ং হ্যেতদ্দৈবমুত্থানমেব চ।
পৌরুষং হি পরং মন্যে দৈবং নিশ্চিত্য মুহ্যতে॥ 12-55-15 (66916)
বিপন্নে চ সমারম্ভে সন্তাপং মা স্ম বৈ কৃথাঃ।
ঘটেতৈবং সদাঽঽত্মানং রাজ্ঞামেষ পরো নয়ঃ॥ 12-55-16 (66917)
ন হি সত্যাদৃতে কিংচিদ্রাজ্ঞাং বৈ সিদ্ধিকারকম্।
সত্যে হি রাজা নিরতঃ প্রেত্য চেহ চ নন্দতি॥ 12-55-17 (66918)
ঋষীণামপি রাজেন্দ্র সত্যমেব পরং ধনম্।
তথা রাজ্ঞাং পরং সত্যান্নান্যদ্বিশ্বাসকারণম্॥ 12-55-18 (66919)
গুণবাঞ্শীলবান্দান্তো মৃদুদণ্ডো জিতেন্দ্রিয়ঃ।
সুদর্শঃ স্থূললক্ষ্যশ্চ ন ভ্রশ্যেত সদা শ্রিয়ঃ॥ 12-55-19 (66920)
আর্জবং সর্বকার্যেষু শ্রয়েথাঃ কুরুনন্দন।
পুনর্নয়বিচারেণ ত্রয়ীসংবরণেন চ।
`আর্জবেন সমায়ুক্তা মোদন্তে ঋষয়ো দিবি॥' 12-55-20 (66921)
মৃদুর্হি রাজা সততং লঙ্ঘ্যো ভবতি সর্বশঃ।
তীক্ষ্ণাচ্চোদ্বিজতে লোকস্তস্মাদুভয়মাচরেৎ॥ 12-55-21 (66922)
অদণ্ড্যাশ্চৈব তে পুত্র বিপ্রাঃ স্যুর্দদতাং বর।
ভূতমেতৎপরং লোকে ব্রাহ্মণা নাম পাণ্ডব॥ 12-55-22 (66923)
মনুনা চাত্র রাজেন্দ্র গীতৌ শ্লোকৌ মহাত্মনা।
ধর্মেষু স্বেষু কৌরব্য হৃদি তৌ কর্তুমর্হসি॥ 12-55-23 (66924)
অভ্দ্যোঽগ্নির্ব্রহ্মতঃ ক্ষত্রমশ্মনো লোহমুত্থিতম্।
তেষাং সর্বত্রগং তেজঃ স্বাসু যোনিষু শাম্যতি॥ 12-55-24 (66925)
অয়ো হন্তি যদাঽশ্মানমগ্নিরাপো নিহন্তি চ।
ব্রহ্ম চ ক্ষত্রিয়ো দ্বেষ্টি তদা সীদন্তি তে ত্রয়ঃ॥ 12-55-25 (66926)
এবং কৃৎবা মহারাজ নমস্যা এব তে দ্বিজাঃ।
ভৌমং ব্রহ্ম দ্বিজশ্রেষ্ঠা ধারয়ন্তি শমান্বিতাঃ॥ 12-55-26 (66927)
এবং চৈব নরব্যাঘ্র লোকয়াত্রাবিঘাতকাঃ।
নিগ্রাহ্যা এব বাহুভ্যাং ব্রাহ্মণাস্তে নরেশ্বর॥ 12-55-27 (66928)
শ্লোকৌ চোশনসা গীতৌ পুরা তাত মহর্ষিণা।
তৌ নিবোধ মহারাজ ৎবমেকাগ্রমনা নৃপ॥ 12-55-28 (66929)
উদ্যম্য শস্ত্রমায়ান্তমপি বেদান্তগং রণে।
নিগৃহ্ণীয়াৎস্বধর্মেণ ধর্মাপেক্ষী নরাধিপঃ॥ 12-55-29 (66930)
বিনশ্যমানং ধর্মং হি যোঽভিরক্ষেৎস ধর্মবিৎ।
ন তেন ধর্মহা স স্যান্মন্যুস্তন্মন্যুমৃচ্ছতি॥ 12-55-30 (66931)
এবং চৈব নরশ্রেষ্ঠ রক্ষ্যা এব দ্বিজাতয়ঃ।
সাপরাধানপি হি তান্বিষয়ান্তে সমুৎসৃজেৎ॥ 12-55-31 (66932)
অভিশস্তমপি হ্যেষাং পীডয়েন্ন বিশাংপতে।
ব্রহ্মঘ্নে গুরুতল্পে চ ভ্রূণহত্যে তথৈব চ॥ 12-55-32 (66933)
রাজদ্বিষ্টে চ বিপ্রস্য বিষয়ান্তে বিবাসনম্।
বিধীয়তে ন শারীরং ভয়মেষাং কদাচন॥ 12-55-33 (66934)
দয়িতাশ্চ নরাস্তে স্যুর্ভক্তিমন্তো দ্বিজেষু যে।
ন শোকঃ পরমা তুষ্টী রাজ্ঞাং ভবতি সংচয়াৎ॥ 12-55-34 (66935)
দুর্গেষু চ মহারাজ ষট্সু যে শাস্ত্রনিশ্চিতাঃ।
সর্বদুর্গেষু মন্যন্তে নরদুর্গং সুদুর্গমম্॥ 12-55-35 (66936)
তস্মান্নিত্যং দয়া কার্যা চাতুর্বর্ণ্যে বিপশ্চিতা।
ধর্মাত্মা সত্যবাক্চৈব রাজা রঞ্জয়তি প্রজাঃ॥ 12-55-36 (66937)
ন চ ক্ষান্তেন তে নিত্যং ভাব্যং পুরুষসত্তম।
অধর্মো হি মৃদ্ রাজা ক্ষমাবানিব কুঞ্জরঃ॥ 12-55-37 (66938)
বার্হস্পত্যে চ শাস্ত্রে চ শ্লোকোঽয়ং নিয়তঃ প্রভো।
অস্মিন্নর্থে নিগদিতস্তন্মে নিগদতঃ শৃণু॥ 12-55-38 (66939)
ক্ষমমাণং নৃপং নিত্যং নীচঃ পরিভবেঞ্জনঃ।
হস্তিয়ন্তা গজস্যেব শির এবারুরুক্ষতি॥ 12-55-39 (66940)
তস্মান্নৈব মৃদুর্নিত্যং তীক্ষ্ণো বাঽপি ভবেন্নৃপঃ।
বসন্তেঽর্ক ইব শ্রীমান্ন শীতো ন চ ঘর্মদঃ॥ 12-55-40 (66941)
প্রত্যক্ষেণানুমানেন তথৌপম্যাগমৈরপি।
পরীক্ষ্যাস্তে মহারাজ স্বে পরে চৈব নিত্যশঃ॥ 12-55-41 (66942)
ব্যসনানি চ সর্বাণি ত্যজেথা ভূরিদক্ষিণ।
নচৈতানি প্রয়ুঞ্জীথাঃ সঙ্গং তু পরিবর্জয়॥ 12-55-42 (66943)
ব্যসনী যস্তু লোকেঽস্মিন্পরিভূতো ভবত্যুত।
উদ্বেজয়তি লোকং চ যোঽতিদ্বেষী মহীপতিঃ॥ 12-55-43 (66944)
ভবিতব্যং সদা রাজ্ঞা গর্ভিণীসহধর্মিণা।
কারণং চ মহারাজ শৃণু যেনেদমুচ্যতে॥ 12-55-44 (66945)
যথা হি গর্ভিণী হিৎবা স্বং প্রিয়ং মনসোঽনুগম্।
গর্ভস্য হিতমাধত্তে তথা রাজ্ঞাঽপ্যসংশয়ম্॥ 12-55-45 (66946)
বর্তিতব্যং কুরুশ্রেষ্ঠ সদা ধর্মানুবর্তিনা।
স্বং প্রিয়ং তু পরিত্যজ্য যদ্যল্লোকহিতং ভবেৎ॥ 12-55-46 (66947)
ন সন্ত্যাজ্যং চ তে ধৈর্যং কদাচিদপি পাণ্ডব।
ধীরস্য স্পষ্টদণ্ডস্য ন হ্যাজ্ঞা প্রতিহন্যতে॥ 12-55-47 (66948)
পরিহাসশ্চ ভৃত্যৈস্তে নাত্যর্থং বদতাং বর।
কর্তব্যো রাজশার্দূল দোষমত্র হি মে শৃণু॥ 12-55-48 (66949)
অবমন্যন্তি ভর্তারং সহর্ষমুপজীবিনঃ।
স্বে স্থানে ন চ তিষ্ঠন্তি লঙ্ঘ্যন্তি চ তদ্বচঃ॥ 12-55-49 (66950)
প্রেষ্যমাণা বিকল্পন্তে গুহ্যং চাপ্যনুয়ুঞ্জতে।
অয়াচ্যং চৈব যাচন্তে ভোজ্যান্যাহারয়ন্তি চ॥ 12-55-50 (66951)
ক্রুথ্যন্তি পরিদীপ্তন্তি ভূমিপায়াধিতিষ্ঠতে।
উৎকোচৈর্বঞ্চনাভিশ্চ কার্যাণি ঘ্নন্তি চাস্য তে॥ 12-55-51 (66952)
জর্ঝরং চাস্য বিষয়ং কুর্বন্তি প্রতিরূপকৈঃ।
স্ত্রীরক্ষিভিশ্চ সজ্জন্তে তুল্যবেষা ভবন্তি চ॥ 12-55-52 (66953)
বান্তং নিষ্ঠীবনং চৈব কুর্বতে চাস্য সন্নিধৌ।
নির্লজ্জা রাজশার্দূল ব্যাহরন্তি চ তদ্বচঃ॥ 12-55-53 (66954)
হয়ং বা দন্তিনং বাঽপি রথং বা নৃপসংমতম্।
অধিরোহন্ত্যবজ্ঞায় সহর্ষাঃ পার্থিবে মৃদৌ॥ 12-55-54 (66955)
ইদং তে দুষ্করং রাজন্নিদং তে দুর্বিচেষ্টিতম্।
ইত্যেবং সুহৃদো নাম ব্রুবতে পরিপদ্গতাঃ॥ 12-55-55 (66956)
ক্রুদ্ধে চাস্মিন্হসন্ত্যেব ন চ হৃষ্যন্তি পূজিতাঃ।
সঙ্ঘর্ষশীলাশ্চ তদা ভবন্ত্যন্যোন্যকারণাৎ॥ 12-55-56 (66957)
বিস্রংসয়ন্তি মন্ত্রং চ বিবৃণ্বন্তি চ দুষ্কৃতম্।
লীলয়া চৈব কুর্বন্তি সাবজ্ঞাস্তস্য শাসনম্॥ 12-55-57 (66958)
অলঙ্কারাণি ভোজ্যং চ তথা স্নানানুলেপনে।
হেলয়ানা নরব্যাঘ্র স্বস্থাস্তস্যোপভুঞ্জয়ে॥ 12-55-58 (66959)
নিন্দন্তে স্বানধীকারান্সন্ত্যজন্তে চ ভারত।
ন বৃত্ত্যা পরিতৃষ্যন্তি রাজদেয়ং হরন্তি চ॥ 12-55-59 (66960)
ক্রীডিতুং তেন চেচ্ছন্তি সসূত্রেণেব পক্ষিণা।
অস্মৎপ্রণেয়ো রাজেতি লোকাংশ্চৈব বদন্ত্যুত॥ 12-55-60 (66961)
এতে চৈবাপরে চৈব দোষাঃ প্রাদুর্ভবন্ত্যুত।
নৃপতৌ মার্দবোপেতে হর্ষুলে চ যুধিষ্ঠির॥ ॥ 12-55-61 (66962)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চপঞ্চাশোঽধ্যায়ঃ॥ 55॥
Mahabharata - Shanti Parva - Chapter Footnotes
12-55-2 ধর্মঃ প্রজাপালনাত্মকঃ পরমঃ সর্বধর্মশ্রেষ্ঠঃ। এতং ধর্মং ভারং দুবেহং মন্যে॥ 12-55-5 প্রগ্রহণং নিয়ন্ত্রণম্॥ 12-55-6 সংস্থা মর্যাদাব্যবস্থা॥ 12-55-8 অগ্রে ইতরেভ্যো ধর্মেভ্যঃ পূর্বম্॥ 12-55-9 পরঃ আগমঃ পরং রহস্যম্। নঃ অস্মাকং ৎবত্তএব বিহিতমস্তু॥ 12-55-18 সত্যান্নান্যদাশ্বাসকারমিতি ড. থ. পাঠঃ॥ 12-55-19 স্থূললক্ষ্যঃ বহুপ্রদঃ॥ 12-55-26 ভৌমং ব্রহ্ম বেদান্ যজ্ঞাংশ্চ॥ 12-55-29 স্বধর্মেণ শস্ত্রোদ্যমনেন নিগৃহ্ণীয়াদেব নতু হন্যাৎ॥ 12-55-30 বিনশ্যমানমাততায়িদোষাৎ। তেন জাততায়িনিগ্রহেণ॥ 12-55-32 অভিশস্তং সতাঽসতা বা দোষেণ যুক্তং তথাখ্যাপিতম্॥ 12-55-33 শারীরং কশাঘাতাদিজম্॥ 12-55-35 ষট্সু মরুজলপৃথ্বীবনপর্বতনস্মবেষু॥ 12-55-37 অধর্মো ধর্মবিরোধী॥ 12-55-39 গজস্য ক্ষমমাণস্য॥ 12-55-42 ব্যসনানি মৃগয়াদীনি॥ 12-55-46 প্রিয়মিষ্টম্॥ 12-55-47 ন ভয়ং বিদ্যতে ক্বচিৎ। ইতি ঝ. পাঠঃ। তে ৎবয়া॥ 12-55-52 প্রতিরূপকৈঃ কৃত্রিমৈঃ শাসনপত্রৈঃ। বিষয়ং দেশম্। জর্ঝরং নিঃসারম্। স্ত্রীরক্ষিভিঃ সজ্জন্তে প্রীতি কুর্বন্তি অন্তঃপুরে প্রবেশমিচ্ছন্তঃ॥ 12-55-54 নাদৃত্য হর্ষুলে ইতি ঝ. পাঠঃ। তত্র হর্ষুলে পরিহাসশীলে ইত্যর্থঃ॥ 12-55-57 বিস্রংসয়ন্তি ভেদয়ন্তি॥ 12-55-58 স্বস্থাঃ নির্ভয়াঃ॥ 12-55-59 রাজদেয়ং রাজভাগম্॥শান্তিপর্ব - অধ্যায় 056
॥ শ্রীঃ ॥
12.56. অধ্যায়ঃ 056
Mahabharata - Shanti Parva - Chapter Topics
ভীষ্মেণ যুধিষ্ঠিরায় রাজধর্মকথনম্॥ 1॥Mahabharata - Shanti Parva - Chapter Text
12-56-0 (66963)
ভীষ্ম উবাচ। 12-56-0x (5472)
নিত্যোদ্যুক্তেন বৈ রাজ্ঞা ভবিতব্যং যুধিষ্ঠির।
প্রশস্যতে ন রাজা হি নারীবোদ্যমবর্জিতঃ॥ 12-56-1 (66964)
ভগবানুশনা চাহ শ্লোকমত্র বিশাংপতে।
তদিহৈকমনা রাজন্গদতস্তং নিবোধ মে॥ 12-56-2 (66965)
দ্বাবিমৌ গ্রসতে ভূমিঃ সর্পো বিলশয়ানিব।
রাজানং চাবিরোদ্ধারং ব্রাহ্মণং চাপ্রবাসিনম্॥ 12-56-3 (66966)
তদেতন্নরশার্দূল হৃদি ৎবং কর্তুমর্হসি।
সন্ধেয়ানভিসন্ধৎস্ব বিরোধ্যাংশ্চ বিরোধয়॥ 12-56-4 (66967)
সপ্তাঙ্গস্য চ রাজ্যস্য বিপরীতং য আচরেৎ।
গুরুর্বা যদি বা মিত্রং প্রতিহন্তব্য এব সঃ॥ 12-56-5 (66968)
মরুত্তেন হি রাজ্ঞা বৈ গীতঃ শ্লোকঃ পুরাতনঃ।
রাজ্যাধিকারে রাজেন্দ্র বৃহস্পতিমতঃ পুরা॥ 12-56-6 (66969)
গুরোরপ্যবলিপ্তস্য কার্যাকার্যমজানতঃ।
উৎপথং প্রতিপন্নস্য পরিত্যাগো বিধীয়তে॥ 12-56-7 (66970)
বাহোঃ পুত্রেণ রাজ্ঞা চ সগরেণ চ ধীমতা।
অসমঞ্জঃ সুতো জ্যেষ্ঠস্ত্যক্তঃ পৌরহিতৈষিণা॥ 12-56-8 (66971)
অসমঞ্জঃ সরয়্বাং স পৌরাণাং বালকান্নৃপ।
ন্যমজ্জয়দতঃ পিত্রা নির্ভর্ৎস্য স বিবাসিতঃ॥ 12-56-9 (66972)
ঋষিণোদ্দালকেনাপি শ্বেতকেতুর্মহাতপাঃ।
মিথ্যা বিপ্রানুপচরন্সন্ত্যক্তো দয়িতঃ সুতঃ॥ 12-56-10 (66973)
লোকরঞ্জনমেবাত্র রাজ্ঞাং ধর্মঃ সনাতনঃ।
সত্যস্য রক্ষণং চৈব ব্যবহারস্য চার্জবম্॥ 12-56-11 (66974)
ন হিংস্যাৎপরবিত্তানি দেয়ং কালে চ দাপয়েৎ।
বিক্রান্তঃ সত্যবাক্ক্ষান্তো নৃপো ন চলতে পথঃ॥ 12-56-12 (66975)
গুপ্তমন্ত্রো জিতক্রোধঃ শাস্ত্রার্থকৃতনিশ্চয়ঃ।
ধর্মে চার্থে চ কামে চ মোক্ষে চ সততং রতঃ॥ 12-56-13 (66976)
ত্রয়্যা সংবৃতমন্ত্রশ্চ রাজা ভবিতুর্মহতি।
বৃজিনং চ নরেন্দ্রাণাং নান্যচ্চারক্ষণাৎপরম্॥ 12-56-14 (66977)
চাতুর্বর্ণ্যস্য ধর্মাশ্চ রক্ষিতব্যা মহীক্ষিতা।
ধর্মসংকররক্ষা চ রাজ্ঞাং ধর্মঃ সনাতনঃ॥ 12-56-15 (66978)
ন বিশ্বসেচ্চ নৃপতির্ন চাত্যর্থং চ বিশ্বসেৎ।
ষাঙ্গুণ্যগুণদোষাংশ্চ নিত্যং বুদ্ধ্যাঽবলোকয়েৎ॥ 12-56-16 (66979)
অচ্ছিদ্রদর্শী নৃপতির্নিত্যমেব প্রশস্যতে।
ত্রিবর্গে বিদিতার্থশ্চ যুক্তাচারপথশ্চ যঃ॥ 12-56-17 (66980)
কোশস্যোপার্জনরতির্যমবৈশ্রবণোপমঃ।
বেত্তা চ দশবর্গস্য স্থানবৃদ্ধিক্ষয়াত্মনঃ॥ 12-56-18 (66981)
অভৃতানাং ভবেদ্ভর্তা ভৃতানামন্ববেক্ষকঃ।
নৃপতিঃ সুভুখশ্চ স্যাৎস্মিতপূর্বাভিভাষিতা॥ 12-56-19 (66982)
উপাসিতা ---- জিততন্দ্রিরলোলুপঃ।
সতাং বৃত্তে স্থিতমতিঃ সতাং হ্যাচারদর্শনঃ॥ 12-56-20 (66983)
ন চাদদীত বিত্তানি সতাং হস্তাৎকদাচন।
অসভ্দ্যশ্চ সমাদায় সভ্দ্যস্তু প্রতিপাদয়েৎ॥ 12-56-21 (66984)
স্বয়ং প্রহর্তা দাতা চ বশ্যাত্মা বশ্যসাধনঃ।
কালে দাতা চ ভোক্তা চ শুদ্ধাচারস্তথৈব চ॥ 12-56-22 (66985)
শূরান্ভক্তানসংহার্যান্কুলে জাতানরোগিণঃ।
শিষ্টাঞ্শিষ্টাভিসংবন্ধান্মানিনোঽনবমানিনঃ॥ 12-56-23 (66986)
বিদ্যাবিদো লোকবিদঃ পরলোকান্ববেক্ষকান্।
ধর্মে চ নিরতান্সাধূনচলানচলানিব। 12-56-24 (66987)
সহায়ান্সততং কুর্যাদ্রাজা ভূতিপরিষ্কৃতান্।
তৈশ্চ তুল্যো ভবেদ্ভোগৈশ্ছত্রমাত্রাজ্ঞয়াঽধিকঃ॥ 12-56-25 (66988)
প্রত্যক্ষা চ পরোক্ষা চ বৃত্তিশ্চাস্য ভবেৎসমা।
এবং কুর্বন্নরেন্দ্রো হি ন খেদমিহ বিন্দতি॥ 12-56-26 (66989)
সর্বাভিশঙ্কী নৃপতির্যশ্চ সর্বহরো ভবেৎ।
স ক্ষিপ্রমনৃর্জুর্লুব্ধঃ স্বজনেনৈব বাধ্যতে॥ 12-56-27 (66990)
শুচিস্তু পৃথিবীপালো লোকস্যানুগ্রহে রতঃ।
ন পতত্যরিভির্গ্রস্তঃ পতিতশ্চাধিতিষ্ঠতি॥ 12-56-28 (66991)
অক্রোধনো হ্যব্যসনী মৃদুদণ্ডো জিতেন্দ্রিয়ঃ।
রাজা ভবতি ভূতানাং বিশ্বাস্যো হিমবানিব॥ 12-56-29 (66992)
প্রাজ্ঞো ন্যায়গুণোপেতঃ পররন্ধ্রেষু লালসঃ।
সুদর্শঃ সর্ববর্ণানাং নয়াপনয়বিত্তথা॥ 12-56-30 (66993)
ক্ষিপ্রকারী জিতক্রোধঃ সুপ্রসাদো মহামনাঃ।
অরোগপ্রকৃতির্যুক্তঃ ক্রিয়াবানবিকত্থনঃ॥ 12-56-31 (66994)
আরব্ধান্যেব কার্যাণি ন পর্যবসিতান্যপি।
যস্য রাজ্ঞঃ প্রদৃশ্যন্তে স রাজা রাজসত্তমঃ॥ 12-56-32 (66995)
পুত্রা ইব পিতুর্গেহে বিষয়ে যস্য মানবাঃ।
নির্ভয়া বিচরিষ্যন্তি স রাজা রাজসত্তমঃ॥ 12-56-33 (66996)
অগূঢবিভবা যস্য পৌরা রাষ্ট্রনিবাসিনঃ।
নয়াপনয়বেত্তারঃ স রাজা রাজসত্তমঃ॥ 12-56-34 (66997)
স্বধর্মনিরতা যস্য জনা বিষয়বাসিনঃ।
অসঙ্ঘাতরতা দান্তাঃ পাল্যমানা যথাবিধি॥ 12-56-35 (66998)
বশ্যা যত্তা বিনীতাশ্চ ন চ সঙ্ঘর্ষশীলিনঃ।
বিষয়ে দানরুচয়ো নরা যস্য স পার্থিবঃ॥ 12-56-36 (66999)
ন যস্য কূটং কপটং ন মায়া ন চ মৎসরঃ।
বিষয়ে ভূমিপালস্য তস্য ধর্মঃ সনাতনঃ॥ 12-56-37 (67000)
যঃ সৎকরোতি জ্ঞানানি শ্রেয়ান্পরহিতে রতঃ।
সতাং বর্ত্মানুগস্ত্যাগী স রাজা স্বর্গমর্হতি॥ 12-56-38 (67001)
যস্য চারাশ্চ মন্ত্রাশ্চ নিত্যং চৈব কৃতাকৃতাঃ।
ন জ্ঞায়ন্তে হি রিপুভিঃ স রাজা রাজ্যমর্হতি॥ 12-56-39 (67002)
শ্লোকদ্বয়ং পুরা গীতং ভার্গবেণ মহাত্মনা।
আখ্যাতে রাজচরিতে নৃপতিং প্রতি ভারত॥ 12-56-40 (67003)
রাজানং প্রথমং বিন্দেত্ততো ভার্যাং ততো ধনম্।
রাজন্যসতি লোকেঽস্মিন্কুতো ভার্যা কুতো ধনং॥ 12-56-41 (67004)
তদ্রাজ্যে রাজ্যকামানাং নান্যো ধর্মঃ সনাতনঃ।
ঋতে রক্ষাং তু বিস্পষ্টাং রক্ষা লোকস্য ধারিণী॥ 12-56-42 (67005)
প্রাচেতসেন মনুনা শ্লোকৌ চেমাবুদাহৃতৌ।
রাজধর্মেষু রাজেন্দ্র তাবিহৈকমনাঃ শৃণু॥ 12-56-43 (67006)
ষডেতান্পুরুষো জহ্যাদ্ভিন্নাং নাবমিবার্ণবে।
অপ্রবক্তারমাচার্যমনধীয়ানমৃৎবিজম্॥ 12-56-44 (67007)
অরক্ষিতারং রাজানং ভার্যাং চাপ্রিয়বাদিনীম্।
গ্রামকামং চ গোপালং বনকামং চ নাপিতম্॥ ॥ 12-56-45 (67008)
ইতি শ্রীমন্মহাভারতে শান্তিপর্বণি রাজধর্মপর্বণি ষট্পঞ্চাশোঽধ্যায়ঃ॥ 56॥
Mahabharata - Shanti Parva - Chapter Footnotes
12-56-3 অপ্রবাসিনং বেদাধ্যযনার্থম্॥ 12-56-5 সপ্ত স্বাম্যমাত্যসুহৃৎকোশরাষ্ট্রদুর্গবলানি অঙ্গানি যস্য তস্য সপ্তাঙ্গস্য॥ 12-56-12 ন হিং স্যাৎ করার্থং ধান্যানি রুদ্ধা বৃষ্ট্যাদিনা ন নাশয়ৎ। দেয়---নম্॥ 12-56-14 বৃজিনং সংকটং অরক্ষণাৎ মন্ত্রস্যাগোপনাদন্যন্নাস্তি॥ 12-56-15 ধর্মাণাং সংকরোব্যত্যযস্তস্মাৎপ্রজানাং রক্ষা ধর্মসংকররক্ষা॥ 12-56-16 ন বিশ্বসেৎ। চাৎ বিশ্বসেদপ্যাপ্তেষু। তেষ্বপি অত্যর্থং ন বিশ্বসেৎ॥ 12-56-23 শূরান্সহায়ান্ কুর্যাদিতি তৃতীয়েনান্বয়ঃ। অসংহার্যান্পরৈরপ্রতার্যান্। শিষ্টাভিসংবন্ধান্ শিষ্টপরিবারান্। অনবমানিনঃ অবমানং পরস্যাকুর্বতঃ॥ 12-56-24 অচলান্ স্থিরান্ অচলানিবপর্বতানিব॥ 12-56-25 ছত্রমাত্রেণ সহিতা যা আজ্ঞা ইদমিত্থং কুরুইদং নেতি তয়াধিকঃ। অন্যৎসর্বং শূরৈঃ সমানং ভুঞ্জীত॥ 12-56-32 সুপর্যবসিতানি চ ইতি ঝ. পাঠঃ॥ 12-56-35 অসংঘাতরতাঃ সংঘাতে শরীরে প্রীতিমন্তো ন ভবন্তি কিংতু তৎসাধ্যে ধর্মে এবেত্যর্থঃ॥ 12-56-36 সংঘর্ষঃ পরাভিভবস্তচ্ছীলিনো ন॥ 12-56-37 কূটং দম্ভঃ। কপটমনৃতম্। মৎসরঃ পরোৎকর্ষাসহিষ্ণুৎবম্॥ 12-56-38 জ্ঞেয়ে পরহিতে ইতি ঝ. পাঠঃ। জ্ঞেয়ঃ পৌরহিতে ইতি থ. দ. পাঠঃ। রাজ্যমর্হতীতি ঝ. পাঠঃ। জ্ঞানানি জ্ঞানয়ুক্তান্পণ্ডিতান্॥ 12-56-39 কৃতা অপ্যকৃতা ইবেতি কৃতাকৃতাঃ॥ 12-56-41 প্রথমং শ্রেষ্ঠং অসত্যশুভে॥শান্তিপর্ব - অধ্যায় 057
॥ শ্রীঃ ॥
12.57. অধ্যায়ঃ 057
Mahabharata - Shanti Parva - Chapter Topics
ভীষ্মেণ যুধিষ্ঠিরায় প্রথমদিনে রাজধর্মকথনম্॥ 1॥ ততঃ সায়ং কৃষ্ণাদীনাং স্বস্বাবাসগমনম্॥ 2॥Mahabharata - Shanti Parva - Chapter Text
12-57-0 (67009)
ভীষ্ম উবাচ। 12-57-0x (5473)
এতত্তে রাজধর্মাণাং নবনীতং যুধিষ্ঠির।
বৃহস্পতির্হি ভগবান্নান্যং ধর্মং প্রশংসতি॥ 12-57-1 (67010)
বিশালাক্ষশ্চ ভগবান্কাব্যশ্চৈব মহাতপাঃ।
সহস্রাক্ষো মহেন্দ্রশ্চ তথা প্রাচেতসো মনুঃ॥ 12-57-2 (67011)
ভরদ্বাজশ্চ ভগবাংস্তথা গৌরশিরা মুনিঃ।
রাজশাস্ত্রপ্রণেতারো ব্রাহ্মণা ব্রহ্মবাদিনঃ॥ 12-57-3 (67012)
রক্ষামেব প্রশংসন্তি ধর্মং ধর্মভৃতাং বর।
রাজ্ঞাং রাজীবতাম্রাক্ষ সাধনং চাত্র মে শৃণু॥ 12-57-4 (67013)
চারশ্চ প্রণিধিশ্চৈব কালে দানমমৎসরঃ।
যুক্ত্যা দানং ন চাদানময়োগেন যুধিষ্ঠির॥ 12-57-5 (67014)
সতাং সংগ্রহণং শৌর্যং দাক্ষ্যং সত্যং প্রজাহিতম্।
অনার্জবৈরার্জবৈশ্চ শত্রুপক্ষাবিবর্ধনম্॥ 12-57-6 (67015)
কেতনানাং চ জীর্ণানামবেক্ষা চৈব সীদতাম্।
দ্বিবিধস্য চ দণ্ডস্য প্রয়োগঃ কালচোদিতঃ॥ 12-57-7 (67016)
সাধূনামপরিত্যাগঃ কুলীনানাং চ ধারণম্।
নিচয়শ্চ নিচেয়ানাং সেবা বুদ্ধিমতামপি॥ 12-57-8 (67017)
বলানাং হর্ষণং নিত্যং প্রজানামন্ববেক্ষণম্।
কার্যেষ্বখেদঃ কোশস্য তথৈব চ বিবর্ধনম্॥ 12-57-9 (67018)
পুরগুপ্তিরবিশ্বাসঃ পৌরসংঘাতভেদনম্।
অরিমধ্যস্থমিত্রাণাং যথাবচ্চান্ববেক্ষণম্॥ 12-57-10 (67019)
উপজাপশ্চ ভৃত্যানামাত্মনঃ পুরদর্শনম্।
অবিশ্বাসঃ স্বয়ং চৈব পরস্যাশ্বাসনং তথা॥ 12-57-11 (67020)
নীতিবর্ত্মানুসারেণ নিত্যমুত্থানমেব চ।
রিপূণামনবজ্ঞানং নিত্যং চানার্যবর্জনম্॥ 12-57-12 (67021)
উত্থানং হি নরেন্দ্রাণাং বৃহস্পতিরভাষত।
রাজধর্মস্য যন্মূলং শ্লোকাংশ্চাত্র নিবোধ মে॥ 12-57-13 (67022)
উত্থানেনামৃতং লব্ধমুত্থানেনাসুরা হতাঃ।
উত্থানেন মহেন্দ্রেণ শ্রৈষ্ঠ্যং প্রাপ্তং দিবীহ চ॥ 12-57-14 (67023)
উত্থানধীরঃ পুরুষো বাগ্ধীরানধিতিষ্ঠতি।
উত্থানবীরান্বাগ্বীরা রময়ন্ত উপাসতে॥ 12-57-15 (67024)
উত্থানহীনো রাজা হি বুদ্ধিমানপি নিত্যশঃ।
প্রধর্ষণীয়ঃ শত্রূণাং ভুজঙ্গ ইব নির্বিষঃ॥ 12-57-16 (67025)
ন চ শত্রুরবজ্ঞেয়ো দুর্বলোঽপি বলীয়সা।
অল্পোঽপি হি দহত্যগ্নির্বিষমল্পং হিনস্তি চ॥ 12-57-17 (67026)
একাঙ্গেনাপি সংভূতঃ শত্রুর্দুর্গমুপাশ্রিতঃ।
সর্বং তাপয়তে দেশমপি রাজ্ঞঃ সমৃদ্ধিনঃ॥ 12-57-18 (67027)
রাজ্ঞো রহস্যং যদ্বাক্যং জয়ার্থে লোকসংগ্রহঃ।
হৃদি যচ্চাস্য জিহ্নং স্যাৎকারণার্থং চ যদ্ভবেৎ॥ 12-57-19 (67028)
যচ্চাস্য কার্যং বৃজিনং মার্দবেনৈব ধার্যতে।
রঞ্জনার্থং চ লোকস্য ধর্মিষ্ঠামাচরেৎক্রিয়াম্॥ 12-57-20 (67029)
রাজ্যং হি সুমহত্তত্র দুর্ধার্যমকৃতাত্মভিঃ।
ন শক্যং মৃদুনা বোদুমাঘাতস্থানমুল্বণম্॥ 12-57-21 (67030)
রাজ্যং সর্বামিষং নিত্যমার্জবেনৈব ধার্যতে।
তস্মান্মিশ্রেণ সততং বর্তিতব্যং যুধিষ্ঠির॥ 12-57-22 (67031)
যদ্যপ্যস্য বিপক্তিঃ স্যাদ্রক্ষমাণস্য বৈ প্রজাঃ।
সোপ্যস্য বিপুলো ধর্ম এবং বৃত্তা হি ভূমিপাঃ॥ 12-57-23 (67032)
এষ তে রাজধর্মাণাং লেশঃ সমনুবর্ণিতঃ।
ভূয়স্তে যত্র সংদেহস্তদ্ব্রূহি কুরুসত্তম॥ 12-57-24 (67033)
বৈশম্পায়ন উবাচ। 12-57-25x (5474)
ততো ব্যাসশ্চ ভগবান্দেবস্থানোঽশ্ম এব চ।
বাসুদেবঃ কৃপশ্চৈব সাত্যকিঃ সঞ্জয়স্তথা॥ 12-57-25 (67034)
সাধুসাধ্বিতি সংহৃষ্টা ঘুষ্যমাণৈরিবাননৈঃ।
অস্তুবংশ্চ নরব্যাঘ্রং ভীষ্মং ধর্মভৃতাং বরম্॥ 12-57-26 (67035)
ততো দীনমনা ভীষ্মমুবাচ কুরুনন্দনঃ।
নেত্রাভ্যামশ্রুপূর্ণাভ্যাং পাদৌ তস্য শনৈঃ স্পৃশন্॥ 12-57-27 (67036)
শ্ব ইদানীং স্বসংদেহং প্রবক্ষ্যামি পিতামহ।
উপৈতি সবিতা হ্যস্তং রসমাপীয় পার্থিবম্॥ 12-57-28 (67037)
ততো দ্বিজাতীনভিবাদ্য কেশবঃ।
কৃপশ্চ তে চৈব যুধিষ্ঠিরাদয়ঃ।
প্রদক্ষিণীকৃত্য মহানদীসুতং
ততো রথানারুরুহুর্মুদান্বিতাঃ॥ 12-57-29 (67038)
দৃষদ্বতীং চাপ্যবগাহ্য সুব্রতাঃ।
কৃতোদকার্থাঃ কৃতজপ্যমঙ্গলাঃ।
উপাস্য সংধ্যাং বিধিবৎপরংতপা
স্ততঃ পুরং তে বিবিশুর্গজাহ্বয়ম্॥ ॥ 12-57-30 (67039)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তপঞ্চাশোঽধ্যায়ঃ॥ 57॥
Mahabharata - Shanti Parva - Chapter Footnotes
12-57-1 এতদ্রক্ষণং নবনীতং নবনীতবৎসর্বধর্মসারম্। ন্যায়্যং ধর্মং প্রশংসতীতি ঝ. পাঠঃ॥ 12-57-5 চারো গুপ্তস্পশঃ। প্রণিধিঃ প্রকটস্পশঃ। দানং ভক্তবেতনয়োঃ যুক্তেরাদানম্। অয়োগেনানুপায়েন আদানং করগ্রহণং নচ॥ 12-57-7 কেতনানাং গৃহাদীনাম্। দ্বিবিধস্য শারীরদণ্ডোঽর্থদণ্ডশ্চেতি ভেদাৎ॥ 12-57-8 নিচেয়ানাং সংগ্রাহ্যাণাং ধান্যাদীনাং নিচয়ঃ সংগ্রহঃ॥ 12-57-10 অবিশ্বাসো যামিকাদীনামপি॥ 12-57-11 অবিশ্বাসো ভৃত্যানামেব॥ 12-57-12 উত্থানমুদ্যোগঃ। অনার্যং হীনকর্ম কদর্যৎবাদি তদ্বর্জনম্॥ 12-57-15 বাগ্বীরান্ পণ্ডিতান্। উত্থানমেব মহৎপাণ়্ডিত্যমিত্যর্থঃ॥ 12-57-18 একাঙ্গেন হস্ত্যশ্বরথপাদাতানামন্যতমেনাপি সংভূতঃ সংপন্নঃ। সমৃদ্ধিনঃ সমৃদ্ধিমতঃ॥ 12-57-21 অকৃতাত্মভিঃ ক্রূরৈঃ॥ 12-57-22 মিশ্রেণ ক্রৌর্যমার্দবাভ্যাম্॥ 12-57-28 প্রক্ষ্যামি ৎবাং পিতামহ ইতি ঝ. পাঠঃ॥শান্তিপর্ব - অধ্যায় 058
॥ শ্রীঃ ॥
12.58. অধ্যায়ঃ 058
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি রাজোৎপত্তের্ব্রহ্মকৃতদণ্ডনীতিগ্রন্থপ্রতিপাদ্যার্থানাং পৃথুরাজচরিতাদীনাং চ কথনম্॥ 1॥Mahabharata - Shanti Parva - Chapter Text
12-58-0 (67040)
বৈশম্পায়ন উবাচ। 12-58-0x (5475)
ততঃ কল্যং সমুত্থায় কৃতপূর্বাহ্ণিকক্রিয়াঃ।
যয়ুস্তে নগরাকারৈঃ রথৈঃ পাণ্ডবয়াদবাঃ॥ 12-58-1 (67041)
প্রতিপদ্য কুরুক্ষেত্রং ভীষ্মমাসাদ্য চানঘম্।
সুখাং চ রজনীং পৃষ্ট্বা গাঙ্গেয়ং রথিনাং বরম্॥ 12-58-2 (67042)
ব্যাসাদীনভিবাদ্যর্ষীন্সর্বৈস্তৈশ্চাভিনন্দিতাঃ।
নিষেদুরভিতো ভীষ্মং পরিবার্য সমন্ততঃ॥ 12-58-3 (67043)
ততো রাজা মহাতেজা ধর্মপুত্রো যুধিষ্ঠিরঃ।
অব্রবীৎপ্রাঞ্জলির্ভীষ্মং প্রতিপূজ্য যথাবিধি॥ 12-58-4 (67044)
যুধিষ্ঠির উবাচ। 12-58-5x (5476)
য এষ রাজন্রাজেতি শব্দশ্চরতি ভারত।
কথমেষ সমুৎপন্নস্তন্মে ব্রূহি পিতামহ॥ 12-58-5 (67045)
তুল্যপাণিভুজগ্রীবস্তুল্যবুদ্ধীন্দ্রিয়াত্মকঃ।
তুল্যদুঃখসুখাত্মা চ তুল্যপৃষ্ঠমুখোদরঃ॥ 12-58-6 (67046)
তুল্যশুক্রাস্থিমজ্জা চ তুল্যমাংসাসৃগেব চ।
নেঃশ্বাসোচ্ছ্বাসতুল্যশ্চ তুল্যপ্রাণশরীরবান্॥ 12-58-7 (67047)
সমানজন্মমরণঃ সমঃ সর্বৈর্গুণৈর্নৃণাম্।
বিশিষ্টবুদ্ধীঞ্শূরাংশ্চ কথমেকোঽধিতিষ্ঠতি॥ 12-58-8 (67048)
কথমেকো মহীং কৃৎস্নাং শূরবীরার্যসংকুলম্।
রক্ষত্যপি চ লোকস্য প্রসাদমভিবাঞ্ছতি॥ 12-58-9 (67049)
একস্য তু প্রসাদেন কৃৎস্নো লোকঃ প্রসীদতি।
ব্যাকুলে চাকুলঃ সর্বো ভবতীতি বিনিশ্চয়ঃ॥ 12-58-10 (67050)
এতদিচ্ছাম্যহং শ্রোতুং ৎবত্তো হি ভরতর্ষভ।
কৃৎস্নং তন্মে যথাতত্ৎবং প্রব্রূহি বদতাং বর॥ 12-58-11 (67051)
নৈতৎকারণমত্যল্পং ভবিষ্যতি বিশাংপতে।
যদেকস্মিঞ্জগৎসর্বং দেববদ্যাতি সন্নতিম্॥ 12-58-12 (67052)
ভীষ্ম উবাচ। 12-58-13x (5477)
নিয়তস্ৎবং নরব্যাঘ্র শৃণু সর্বমশেষতঃ।
যথা রাজ্যং সমুৎপন্নমাদৌ কৃতয়ুগেঽভবৎ॥ 12-58-13 (67053)
নৈব রাজ্যং ন রাজাঽঽসীন্ন চ দণ্ডো ন দাণ্ডিকঃ।
ধর্মেণৈব প্রজাঃ সর্বা রক্ষন্তি স্ম পরস্পরম্॥ 12-58-14 (67054)
পাল্যমানাস্তথাঽন্যোন্যং নরা ধর্মেণ ভারত।
দৈন্যং পরমুপাজগ্মুস্ততস্তান্মোহ আবিশৎ॥ 12-58-15 (67055)
তে মোহবশমাপন্না মনুজা মনুজর্ষভ।
প্রতিপত্তিবিমোহাচ্চ ধর্মস্তেষামনীনশৎ॥ 12-58-16 (67056)
নষ্টায়াং প্রতিপত্তৌ চ মোহবশ্যা নরাস্তদা।
লোভস্য বশমাপন্নাঃ সর্বে ভরতসত্তম॥ 12-58-17 (67057)
অপ্রাপ্তস্যাভিমর্শং তু কুর্বন্তো মনুজাস্ততঃ।
কামো নামাপরস্তত্র প্রত্যপদ্যত বৈ প্রভো॥ 12-58-18 (67058)
তাংস্তু কামবশং প্রাপ্তান্রাগো নামাভিসংস্পৃশৎ।
রক্তাশ্চ নাভ্যজানন্ত কার্যাকার্যে যুধিষ্ঠির॥ 12-58-19 (67059)
অগম্যাগমনং চৈব বাচ্যাবাচ্যং তথৈব চ।
ভক্ষ্যাভক্ষ্যং চরাজেন্দ্র দোষাদোষং চ নাত্যজন্॥ 12-58-20 (67060)
বিপ্লুতে নরলোকেঽস্মিংস্ততো ব্রহ্ম ননাশ হ।
নাশাচ্চ ব্রহ্মণো রাজন্ধর্মো নাশমথাগমৎ॥ 12-58-21 (67061)
নষ্টে ব্রহ্মণি ধর্মে চ দেবাস্ত্রাসমথাগমন্।
তে ত্রস্তা নরশার্দূল ব্রহ্মাণং শরণং যয়ুঃ॥ 12-58-22 (67062)
প্রপদ্য ভগবন্তং তে দেবং লোকপিতামহম্।
ঊচুঃ প্রাঞ্জলয়ঃ সর্বে দুঃখবেগসমাহতাঃ॥ 12-58-23 (67063)
ভগবন্নরলোকস্থং গ্রস্তং ব্রহ্ম সনাতনম্।
লোভমোহাদিভির্ভাবৈস্ততো নো ভয়মাবিশৎ॥ 12-58-24 (67064)
ব্রহ্মণশ্চ প্রণাশেন ধর্মো ব্যনশদীশ্চর।
ততস্তু সমতাং যাতা মর্ত্যৈস্ত্রিভুবনেশ্বরাঃ॥ 12-58-25 (67065)
অধোর্ভিবর্ষাস্তু বয়ং ভৌমাস্তূর্ধ্বপ্রবর্ষিণঃ।
ক্রিয়াব্যুপরমাত্তেষাং ততোঽগচ্ছাম সংশয়ম্॥ 12-58-26 (67066)
অত্র নিঃশ্রেয়সং যন্নস্তদ্ধ্যায়স্ব পিতামহ।
ৎবৎপ্রসাদাৎসমুত্থোসৌ প্রভাবো নো ভবৎবয়ম্॥ 12-58-27 (67067)
তানুবাচ সুরান্সর্বান্স্বয়ংভূর্ভগবাংস্ততঃ।
শ্রেয়োঽহং চিন্তয়িষ্যামিব্যেতু বো ভীঃ সুরোত্তমাঃ॥ 12-58-28 (67068)
ততোঽধ্যায়সহস্রাণাং শতং চক্রে স্ববুদ্ধিজম্।
যত্র ধর্মস্তথৈবার্থঃ কামশ্চৈবানুবর্ণিতঃ॥ 12-58-29 (67069)
ত্রিবর্গ ইতি বিখ্যাতো গণ এব স্বয়ংভুবা।
চতুর্থো মোক্ষ ইত্যেব পৃথগর্থঃ পৃথগ্গুণঃ॥ 12-58-30 (67070)
মোক্ষস্যাস্তি ত্রিবর্গোঽন্যঃ প্রোক্তঃ সৎবং রজস্তমঃ।
স্থানং বৃদ্ধিঃ ক্ষয়শ্চৈব ত্রিবর্গশ্চৈব দণ্ডজঃ॥ 12-58-31 (67071)
আত্মাদেশশ্চ কালশ্চাপ্যুপায়াঃ কৃত্যমেব চ।
সহায়াঃ কারণং চৈব ষড্বর্গো নীতিজঃ স্মৃতঃ॥ 12-58-32 (67072)
ত্রয়ী চান্বীক্ষিকী চৈব বার্তা চ ভরতর্ষভ।
দণ্ডনীতিশ্চ বিপুলা বিদ্যাস্তত্র নিদর্শিতাঃ॥ 12-58-33 (67073)
অমাত্যলিপ্সা প্রণিধী রাজপুত্রস্য লক্ষণম্।
চারশ্চ বিবিধোপায়ঃ প্রণিধিশ্চ পৃথগ্বিধঃ॥ 12-58-34 (67074)
সামভেদঃ প্রদানং চ ততো দণ্ডশ্চ পার্থিব।
উপেক্ষা পঞ্চমী চাত্র কার্ৎস্ন্যেন সমুদাহৃতা॥ 12-58-35 (67075)
মন্ত্রশ্চ বর্ণিতঃ কৃৎস্নো মন্ত্রভেদার্থ এব চ।
বিভ্রমশ্চৈব মন্ত্রস্য সিদ্ধ্যসিদ্ধ্যোশ্চ যৎফলম্॥ 12-58-36 (67076)
সংধিশ্চ ত্রিবিধাভিখ্যো হীনো মধ্যস্তথোত্তমঃ।
ভয়সৎকারবিত্তাখ্যং কার্ৎস্ন্যেন পরিবর্ণিতম্॥ 12-58-37 (67077)
যাত্রাকালাশ্চ চৎবারস্ত্রিবর্গস্য চ বিস্তরঃ।
বিজয়ো ধর্ময়ুক্তশ্চ তথার্থবিজয়শ্চ হ॥ 12-58-38 (67078)
আসুরশ্চৈব বিজয়ঃ কার্ৎস্ন্যেন পরিবর্ণিতঃ।
লক্ষণং পঞ্চবর্গস্য ত্রিবিধং চাত্র বর্ণিতম্॥ 12-58-39 (67079)
প্রকাশশ্চাপ্রকাশশ্চ দণ়্ডোঽথ পরিশব্দিতঃ।
প্রকাশোঽষ্টবিধস্তত্র গুহ্যশ্চ বহুবিস্তরঃ॥ 12-58-40 (67080)
রথা নাগা হয়াশ্চৈব পাদাতাশ্চৈব পাণ্ডব।
বিষ্টির্নাবশ্চরাশ্চৈব দেশিকা ইতি চাষ্টমঃ।
অঙ্গান্যেতানি কৌরব্য প্রকাশানি বলস্য তু॥ 12-58-41 (67081)
জঙ্গমাজঙ্গমাশ্চোক্তাশ্চূর্ণয়োগা বিষাদয়ঃ।
স্পর্শে চাভ্যবহার্যে চাপ্যুপাংশুর্বিবিধঃ স্মৃতঃ॥ 12-58-42 (67082)
`ক্রীডাপূর্বে রণে দ্যূতে বিস্রম্ভণসমন্বিতম্।
উক্তং কৈতব্যমিত্যেতদুপায়ো নবমো বুধৈঃ॥ 12-58-43 (67083)
উপেক্ষা সর্বকার্যেষু কর্মণাং করণেষু চ।
অনিষ্টানাং সমুত্থানে ত্রিবর্গো নশ্যতে যয়া॥ 12-58-44 (67084)
ইন্দ্রজালাদিকা মায়া বাজীবনকুশীলবৈঃ।
সুনিমিত্তৈদুর্নিমিত্তৈরুৎপাতৈশ্চ সমন্বিতম্॥ 12-58-45 (67085)
ডম্ভো লিঙ্গং সমাশ্রিত্য শত্রুবর্গে প্রয়ুজ্যতে।
শাঠ্যং নিশ্চেষ্টতা প্রোক্তা চিত্তদোষপ্রদূষিকা॥' 12-58-46 (67086)
অরির্মিত্র উদাসীন ইত্যেতেঽপ্যনুবর্ণিতাঃ।
কৃৎস্না মার্গগুণাশ্চৈব তথা ভূমিগুণাশ্চ হ।
আত্মরক্ষণমাশ্বাসঃ স্পর্শানাং চান্ববেক্ষণম্॥ 12-58-47 (67087)
কল্পনা বিবিধাশ্চাপি নৃনাগরথবাজিনাম্।
ব্যূহাশ্চ বিবিধাভিখ্যা বিচিত্রং যুদ্ধকৌশলম্॥ 12-58-48 (67088)
উৎপাতাশ্চ নিপাতাশ্চ সুয়ুদ্ধং সুপলায়িতম্।
শস্ত্রাণাং পালনং জ্ঞানং তথৈব ভরতর্ষভ॥ 12-58-49 (67089)
বলব্যসনয়ুক্তং চ তথৈব বলহর্ষণম্।
পীডা চাপদকালশ্চ ভয়কালশ্চ পাণ্ডব॥ 12-58-50 (67090)
তথাখ্যাতবিধানং চ যোগঃ সংচার এব চ।
চোরৈরাটবিকৈশ্চোগ্রৈঃ পররাষ্ট্রস্য পীডনম্॥ 12-58-51 (67091)
অগ্নিদৈর্গরদৈশ্চেব প্রতিরূপককারকৈঃ।
শ্রেণিমুখ্যোপজাপেন বীরুধশ্ছেদনেন চ॥ 12-58-52 (67092)
দূষণেন চ নাগানামাতঙ্কজননেন চ।
আরাধনেন ভক্তস্য পত্যুশ্চোপগ্রহেণ চ॥ 12-58-53 (67093)
সপ্তাঙ্গস্য চ রাজ্যস্য হ্রাসবৃদ্ধিসমীক্ষণম্।
দূতসামর্থ্যযোগশ্চ রাষ্ট্রস্য চ বিবর্ধনম্॥ 12-58-54 (67094)
অরিমধ্যস্থমিত্রাণাং সম্যক্চোক্তং প্রপঞ্চনম্।
অবমর্দঃ প্রতীঘাতস্তথৈব চ বলীয়সাম্॥ 12-58-55 (67095)
ব্যবহারঃ সুসূক্ষ্মশ্চ তথা কণ্টকশোধনম্।
শ্রমো ব্যায়াময়োগশ্চ যোগদ্রব্যস্য সঞ্চয়ঃ॥ 12-58-56 (67096)
অভৃতানাং চ ভরণং ভৃতানাং চান্ববেক্ষণম্।
অন্তকালে প্রদানং চ ব্যসনে চাপ্রসঙ্গিতা॥ 12-58-57 (67097)
তথা রাজগুণাশ্চৈব সেনাপতিগুণাশ্চ হ।
করণস্য চ কর্তুশ্চ গুণদোষাস্তথৈব চ॥ 12-58-58 (67098)
দুষ্টেঙ্গিতং চ বিবিধং বৃত্তিশ্চৈবানুবর্তিনাম্।
শঙ্কিতৎবং চ সর্বস্য প্রমাদস্য চ বর্জনম্॥ 12-58-59 (67099)
অলব্ধলিপ্সা লব্ধস্য তথৈব চ বিবর্ধনম্।
প্রদানং চ বিবৃদ্ধস্য পাত্রেভ্যো বিধিবত্তথা॥ 12-58-60 (67100)
বিসর্গোঽর্থস্য ধর্মার্থমর্থার্থং কামহেতুকম্।
চতুর্থং ব্যসনাঘাতে তথৈবাত্রানুবর্ণিতম্॥ 12-58-61 (67101)
ক্রোধজানি ততোগ্রাণি কামজানি তথৈব চ।
দশোক্তানি কুরুশ্রেষ্ঠ ব্যসনান্যত্র চৈব হ॥ 12-58-62 (67102)
মৃগয়াক্ষাস্তথা পানং স্ত্রিয়শ্চ ভরতর্ষভ।
কামজান্যাহুরাচার্যাঃ প্রোক্তানীহ স্বয়ংভুবা॥ 12-58-63 (67103)
বাক্পারুষ্যং তথোগ্রৎব দণ্ডপারুষ্যমেব চ।
আত্মনো নিগ্রহস্ত্যাগো হ্যর্থদূষণমেব চ॥ 12-58-64 (67104)
যন্ত্রাণি বিবিধান্যেব ক্রিয়াস্তেষাং চ বর্ণিতাঃ।
অবমর্দঃ প্রতীঘাতঃ কেতনানাং চ ভঞ্জনম্॥ 12-58-65 (67105)
চৈত্যদ্রুমাবমর্দশ্চ রোধঃ কর্মান্তনাশনম্।
অপস্করোঽথ বমনং তথোপাস্যা চ বর্ণিতা॥ 12-58-66 (67106)
পণবানকশঙ্খানাং ভেরীণাং চ যুধিষ্ঠির।
উপার্জনং চ দ্রব্যাণাং পরমর্ম চ তানি ষট্॥ 12-58-67 (67107)
লব্ধস্য চ প্রশমনং সতাং চৈবাভিপূজনম্।
বিদ্বদ্ভিরেকীভাবশ্চ জপহোমবিধিজ্ঞতা॥ 12-58-68 (67108)
মঙ্গলালম্ভনং চৈব শরীরস্য প্রতিক্রিয়া।
আহারয়োজনং চৈব নিত্যমাস্তিক্যমেব চ॥ 12-58-69 (67109)
একেন চ যথোত্থেয়ং সত্যৎবং মধুরা গিরঃ।
উত্তমানাং সমাজানাং ক্রিয়াঃ কেতনজাস্তথা॥ 12-58-70 (67110)
প্রত্যক্ষাশ্চ পরোক্ষাশ্চ সর্বাধিকরণেষ্বথ।
বৃত্তের্ভরতশার্দূল নিত্যং চৈবান্ববেক্ষণম্॥ 12-58-71 (67111)
অদণ্ড্যৎবং চ বিপ্রাণাং যুক্ত্যা দণ়্ডনিপাতনম্।
অনুজীবি স্বজাতিভ্যো গুণেভ্যশ্চ সমুদ্ভবঃ॥ 12-58-72 (67112)
রক্ষণং চৈব পৌরাণাং রাষ্ট্রস্য চ বিবর্ধনম্।
মণ্ডলস্থা চ যা চিন্তা রাজন্দ্বাদশরাজিকা॥ 12-58-73 (67113)
দ্বিসপ্ততিমতিশ্চৈব প্রোক্তা যা চ স্বয়ংভুবা।
দেশজাতিকুলানাং চ ধর্মাঃ সমনুবর্ণিতাঃ॥ 12-58-74 (67114)
ধর্মশ্চার্থশ্চ কামশ্চ মোক্ষশ্চাত্রানুবর্ণিতাঃ।
উপায়াশ্চার্থলিপ্সা চ বিবিধা ভূরিদক্ষিণঃ॥ 12-58-75 (67115)
মূলকর্মক্রিয়া চাত্র মায়ায়োগশ্চ বর্ণিতঃ।
দূষণং স্রোতসাং চৈব বর্ণিতং চ স্থিরাম্ভসাম্॥ 12-58-76 (67116)
যৈর্যৈরুপায়ৈর্লোকস্তু ন চলেদার্যবর্ত্মনঃ।
তৎসর্বং রাজশার্দূল নীতিশাস্ত্রেঽভিবর্ণিতম্॥ 12-58-77 (67117)
এতৎকৃৎবা সুভং শাস্ত্রং ততঃ স ভগবান্প্রভুঃ।
দেবানুবাচ সংহৃষ্টঃ সর্বাঞ্ছক্রপুরোগমান্॥ 12-58-78 (67118)
উপকারায় লোকস্য ত্রিবর্গস্থাপনায় চ।
নবনীতং সরস্বত্যা বুদ্ধিরেষা প্রভাষিতা॥ 12-58-79 (67119)
দণ্ডেন সহিতা হ্যেষা লোকরক্ষণকারিকা।
নিগ্রহানুগ্রহরতা লোকাননুচরিষ্যতি॥ 12-58-80 (67120)
দণ্ডেন নীয়তে চেদং দণ্ডং নয়তি বা পুনঃ।
দণ্ডনীতিরিতিখ্যাতা ত্রীঁল্লোকানবপৎস্যতে॥ 12-58-81 (67121)
পাঙ্গুণ্যগুণসারৈষা স্থাস্যত্যগ্রে মহাত্মসু।
ধর্মার্থকামমোক্ষাশ্চ সকলা হ্যত্র শব্দিতাঃ॥ 12-58-82 (67122)
ভীষ্ম উবাচ। 12-58-83x (5478)
ততস্তাং ভগবান্নীতিং পূর্বং জগ্রাহ শংকরঃ।
বহুরূপো বিশালাক্ষঃ শিবঃ স্থাণুরুমাপতিঃ॥ 12-58-83 (67123)
অনাদিনিধনো দেবশ্চৈতন্যাদিসমন্বিতঃ।
জ্ঞানানি চ বশে যস্য তারকাদীন্যশেষতঃ॥ 12-58-84 (67124)
অণিমাদিগুণোপেতমৈশ্বর্যং ন চ কৃত্রিমম্।
তুষ্ট্যর্থং ব্রহ্মণঃ পুত্রো ললাটাদুত্থিতঃ প্রভুঃ॥ 12-58-85 (67125)
অরুদৎসস্বনং ঘোরং জগতঃ প্রভুরব্যযঃ।
জায়মানঃ পিতা পুত্রে পুত্রঃ পিতরি চৈব হি॥ 12-58-86 (67126)
বুদ্ধিং বিশ্বসৃজে দত্ৎবা ব্রহ্মাণ্ডং যেন নির্মিতম্।
যস্মিন্হিরণ্ময়ো হংসঃ শকুনিঃ সমপদ্যত॥ 12-58-87 (67127)
কর্তা সর্বস্য লোকস্য ব্রহ্মা লোকপিতামহঃ।
স দেবঃ সর্বভূতানাং মহাদেবঃ সনাতনঃ।
অসংখ্যাতসহস্রাণাং রুদ্রাণাং স্থানমব্যযম্॥ 12-58-88 (67128)
যুগানামায়ুষো হ্রাসং বিজ্ঞায় ভগবাঞ্শিবঃ।
সংচিক্ষেপ ততঃ শাস্ত্রং মহাস্ত্রং ব্রহ্মণা কৃতম্॥ 12-58-89 (67129)
বৈশালাক্ষমিতি প্রোক্তং তদিন্দ্রঃ প্রত্যপদ্যত।
দশাধ্যায়সহস্রাণি সুব্রহ্মণ্যো মহাতপাঃ॥ 12-58-90 (67130)
মঘবানপি তচ্ছাস্ত্রং দেবাৎপ্রাপ্য মহেশ্বরাৎ।
প্রজানাং হিতমন্বিচ্ছন্সংচিক্ষেপ পুরংদরঃ॥ 12-58-91 (67131)
সহস্ত্রৈঃ পঞ্চভিস্তাত যদুক্তং বাহুদন্তকম্।
অধ্যায়ানাং সহস্ত্রৈস্তু ত্রিভিরেব বৃহস্পতিঃ।
সংচিক্ষেপেশ্বরো বুদ্ধ্যা বার্হস্পত্যং যদুচ্যতে॥ 12-58-92 (67132)
অধ্যায়ানাং সহস্রেণ কাব্যঃ সংক্ষেপমব্রবীৎ।
তচ্ছাস্ত্রমমিতপ্রজ্ঞো যোগাচার্যো মহায়শাঃ॥ 12-58-93 (67133)
এবং লোকানুরোধেন শাস্ত্রমেতন্মহর্ষিভিঃ।
সংক্ষিপ্তমায়ুর্বিজ্ঞায় লোকানাং হ্রাসি পাণ্ডব॥ 12-58-94 (67134)
অথ দেবাঃ সমাগম্য বিষ্ণুমূচুঃ প্রজাপতিম্।
একো যোঽর্হতি মর্ত্যেভ্যঃ শ্রৈষ্ঠ্য বৈ তং সমাদিশ॥ 12-58-95 (67135)
ততঃ সংচিন্ত্য ভগবান্দেবো নারায়ণঃ প্রভুঃ।
তৈজসং বৈ বিরজসং সোঽসৃজন্মানসং সুতম্॥ 12-58-96 (67136)
বিরজাস্তু মহাভাগঃ প্রভুৎবং ভুবি নৈচ্ছত।
ন্যাসায়ৈবাভবদ্বুদ্ধিঃ প্রণীতা তস্য পাণ্ডব॥ 12-58-97 (67137)
কীর্তিমাংস্তস্য পুত্রোঽভূৎসোঽপি মর্ত্যাধিকোঽভবৎ।
কর্দমস্তস্য তু সুতঃ সোঽপ্যতপ্যন্মহত্তপঃ॥ 12-58-98 (67138)
প্রজাপতেঃ কর্দমস্য ৎবনঙ্গো নাম বীর্যবান্।
প্রজা রক্ষয়িতা সাধুর্দণ্ডনীতিবিশারদঃ॥ 12-58-99 (67139)
অনঙ্গপুত্রোঽতিবলো নীতিমানভিগম্য বৈ।
প্রতিপেদে মহারাজ্যমথেন্দ্রিয়বশোঽভবৎ॥ 12-58-100 (67140)
`প্রাপ্য নারীং মহাভাগাং রূপিণীং কামমোহিতঃ।
সৌভাগ্যেন চ সংপন্নাং গুণৈশ্চানুত্তমাং সতীম্'॥ 12-58-101 (67141)
মৃত্যোস্তু দুহিতা রাজন্সুনীথা নাম নামতঃ।
প্রখ্যাতা ত্রিষু লোকেষু যা সা বেনমজীজনৎ॥ 12-58-102 (67142)
তং প্রজাসু বিধর্মাণং রাগদ্বেষবশানুগম্।
মন্ত্রপূতৈঃ কুশৈর্জঘ্নুর্ঋষয়ো ব্রহ্মবাদিনঃ॥ 12-58-103 (67143)
মমন্থুর্দক্ষিণং চোরুমৃষয়স্তস্য ভারত।
ততোঽস্য বিকৃতো জজ্ঞে হ্রস্বকঃ পুরুষোঽশুচিঃ॥ 12-58-104 (67144)
দগ্ধস্থূণাপ্রতীকাশো রক্তাক্ষঃ কৃষ্ণমূর্ধজঃ।
নিষীদেত্যেবমূচুস্তমৃষয়ো ব্রহ্মবাদিনঃ॥ 12-58-105 (67145)
তস্মান্নিষাদাঃ সংভূতাঃ ক্রূরাঃ শৈলবনাশ্রয়াঃ।
যে চান্যে বিন্ধ্যনিলয়া ম্লেচ্ছাঃ শতসহস্রশঃ॥ 12-58-106 (67146)
ভূয়োঽস্য দক্ষিণং পাণিং মমন্থুস্তে মহর্ষয়ঃ।
ততঃ পুরুষ উৎপন্নো রুপেণেন্দ্র ইবাপরঃ॥ 12-58-107 (67147)
কবচী বদ্ধনিস্ত্রিংশঃ সশরঃ সশরাসনঃ।
বেদবেদাঙ্গবিচ্চৈব ধনুর্বেদে চ পারগঃ॥ 12-58-108 (67148)
তং দণ্ডনীতিঃ সকলা শ্রিতা রাজন্নরোত্তমম্।
ততস্তু প্রাঞ্জলির্বৈন্যো মহর্ষীস্তানুবাচ হ॥ 12-58-109 (67149)
সুসূক্ষ্মা মে সমুৎপন্না বুদ্ধির্ধরর্মার্থদর্শিনী।
অনয়া কিং ময়া কার্যং তন্মে তত্ৎবেন শংসত॥ 12-58-110 (67150)
যন্মাং ভবন্তো বক্ষ্যন্তি কার্যমর্থসমন্বিতম্।
তদহং বঃ করিষ্যামি নাত্র কার্যা বিচারণা॥ 12-58-111 (67151)
তমূচুস্তত্র দেবাস্তে তে চৈব পরমর্ষয়ঃ।
নিয়তো যত্র ধর্মো বৈ তমশঙ্কঃ সমাচর॥ 12-58-112 (67152)
প্রিয়াপ্রিয়ে পরিত্যজ্য সমঃ সর্বেষু জন্তুষু।
কামং ক্রোধং চ লোভং চ মানং চোৎসৃজ্য দূরতঃ॥ 12-58-113 (67153)
যশ্চ ধর্মাৎপ্রবিচলেল্লোকে কশ্চন মানবঃ।
নিগ্রাহ্যস্তে স্ববাহুভ্যাং শশ্বদ্ধর্মমবেক্ষতা॥ 12-58-114 (67154)
প্রতিজ্ঞাং চাধিরোহস্ব মনসা কর্মণা গিরা।
পালয়িষ্যাম্যহং ভৌমং ব্রহ্ম ইত্যেব চাসকৃৎ॥ 12-58-115 (67155)
যশ্চাত্র ধর্ম ইত্যুক্তো দণ্ডনীতিব্যপাশ্রয়ঃ।
তমশঙ্কঃ করিষ্যামি স্ববশো ন কদাচন॥ 12-58-116 (67156)
অদণ্ড্যা মে দ্বিজাশ্চেতি প্রতিজানীষ্ব চাভিভো।
লোকং চ সংকরাৎকৃৎস্নং ত্রাতাঽস্মীতি পরংতপ॥ 12-58-117 (67157)
বৈন্যস্ততস্তানুবাচ দেবানৃষিপুরোগমান্।
ব্রাহ্মণা মে সহায়াশ্চেদেবমস্তু সুরর্ষভাঃ॥ 12-58-118 (67158)
এবমস্ৎবিতি বৈন্যস্তু তৈরুক্তো ব্রহ্মবাদিভিঃ।
পুরোধাশ্চাভবত্তস্য শুক্রো ব্রহ্মময়ো নিধিঃ॥ 12-58-119 (67159)
মন্ত্রিণো বালখিল্যাশ্চ সারস্বত্যো গণস্তথা।
মহর্ষির্ভগবান্গর্গস্তস্য সাংবৎসরোঽভবৎ॥ 12-58-120 (67160)
আত্মনাঽষ্টম ইত্যেব শ্রুতিরেষাং পরা নৃষু।
উৎপন্নৌ বন্দিনৌ চাস্য তৎপূর্বৌ সূতমাগধৌ॥ 12-58-121 (67161)
তয়ো প্রীতো দদৌ রাজা পৃথুর্বৈন্যঃ প্রতাপবান্।
অনূপদেশং সূতায় মগধং মাগধায় চ॥ 12-58-122 (67162)
সমতাং বসুধায়াশ্চ স সম্যগুদপাদয়ৎ।
বৈষম্যং হি পরং ভূমেরিতি নঃ পরমা শ্রুতিঃ॥ 12-58-123 (67163)
মন্বন্তরেষু সর্বেষু বিষমা জায়তে মহী।
উজ্জহার ততো বৈন্যঃ শিলাজালান্সমন্ততঃ॥ 12-58-124 (67164)
ধনুষ্কোট্যা মহারাজ তেন শৈলা বিমর্দিতাঃ।
স বিষ্ণুনা চ দেবেন শক্রেণ বিবুধৈঃ সহ।
ঋষিভিশ্চ প্রজাপাল্যে ব্রহ্মণা চাভিষেচিতঃ॥ 12-58-125 (67165)
তং সাক্ষাৎপৃথিবী ভেজে রত্নান্যাদায় পাণ়্ডব।
সাগরঃ সরিতাং ভর্তা হিমবাংশ্চাচলোত্তমঃ॥ 12-58-126 (67166)
শক্রশ্চ ধনমক্ষয়্যং প্রাদাত্তস্মৈ যুধিষ্ঠির।
রুক্মং চাপি মহামেরুঃ স্বয়ং কনকপর্বতঃ॥ 12-58-127 (67167)
যক্ষরাক্ষসভর্তা চ ভগবান্নরবাহনঃ।
ধর্মে চার্থে চ কামে চ সমর্থং প্রদদৌ ধনম্॥ 12-58-128 (67168)
হয়া রথাশ্চ নাগাশ্চ কোটিশঃ পুরুষাস্তথা।
প্রাদুর্বভূবুর্বৈন্যস্য চিন্তয়ানস্য পাণ্ডব॥ 12-58-129 (67169)
ন জরা ন চ দুর্ভিক্ষং নাধয়ো ব্যাধয়ঃ কুতঃ।
সরীসৃপেভ্যঃ স্তেনেভ্যো ন চান্যেভ্যঃ কদাচন।
ভয়মাসীত্ততস্তস্য পৃথিবী সস্যমালিনী॥ 12-58-130 (67170)
আপস্তস্তম্ভিরে চাস্য সমুদ্রমভিয়াস্যতঃ।
পর্বতাশ্চ দদুর্মার্গং ধ্বজভঙ্গশ্চ নাভবৎ॥ 12-58-131 (67171)
তেনেয়ং পৃথিবী দুগ্ধা সস্যানি দশ সপ্ত চ।
যক্ষরাক্ষসনাগানামীপ্সিতং যস্য যস্য যৎ॥ 12-58-132 (67172)
তেন ধর্মোত্তরশ্চায়ং কৃতো লোকো মহাত্মনা।
রঞ্জিতাশ্চ প্রজাঃ সর্বাস্তেন রাজেতি শব্দ্যতে॥ 12-58-133 (67173)
ব্রাহ্মণানাং ক্ষতত্রাণাত্ততঃ ক্ষত্রিয় উচ্যতে।
প্রথিতা ধর্মতশ্চেয়ং পৃথিবী সাধুভিঃ স্মৃতা॥ 12-58-134 (67174)
স্থাপনং চাকরোদ্বিষ্ণুঃ স্বয়মেব সনাতনঃ।
নাতিবর্তিষ্যতে কশ্চিদ্রাজংস্ৎবামিতি ভারত॥ 12-58-135 (67175)
ততঃ স ভগবান্বিষ্ণুরাবিবেশ চ পার্থিবম্।
দেববন্নরদেবানাং নমতীদং জগত্ততঃ॥ 12-58-136 (67176)
দণ্ডনীত্যা চ সততং রক্ষিতারং নরেশ্বরম্।
নাধর্ষয়েত্তথা কশ্চিচ্চারনিষ্পন্দদর্শনাৎ॥ 12-58-137 (67177)
শুভং হি কর্ম রাজেন্দ্র শুভৎবায়োপকল্পতে।
আত্মনা করণৈশ্চৈব সমস্যেহ মহীক্ষিতঃ॥ 12-58-138 (67178)
কো হেতুর্যদ্বশে তিষ্ঠেল্লোকো দৈবাদৃতে গুণাৎ॥ 12-58-139 (67179)
বিষ্ণোর্ললাটাৎকমলং সৌবর্ণমভবত্তদা।
শ্রিয়ঃ সকাশাদর্থশ্চ জাতো ধর্মস্য পাণ্ডব।
অথ ধর্মস্তথৈবার্থঃ শ্রীশ্চ রাজ্যে প্রতিষ্ঠিতা॥ 12-58-141 (67181)
সুকৃতস্য ক্ষয়াচ্চৈব স্বর্লোকাদেত্য মেদিনীম্।
পার্থিবো জায়তে তাত দণ্ডনীতিবিশারদঃ॥ 12-58-142 (67182)
মাহাত্ম্যেন চ সংয়ুক্তো বৈষ্ণবেন নরো ভুবি।
বুদ্ধ্যা ভবতি সংয়ুক্তো মাহাত্ম্যং চাধিগচ্ছতি॥ 12-58-143 (67183)
স্থাপিতং চ ততো দেবৈর্ন কশ্চিদতিবর্ততে।
তিষ্ঠত্যেকস্য চ বশে তং চৈবানুবিধীয়তে॥ 12-58-144 (67184)
শুভং হি কর্ম রাজেন্দ্র শুভৎবায়োপকল্পতে।
তুল্যস্যৈকস্য যেনায়ং লোকো বচসি তিষ্ঠতি॥ 12-58-145 (67185)
যোঽস্য বৈ মুখমদ্রাক্ষীৎসোঽস্য সর্বো বশানুগঃ।
সুভগং চার্থবন্তং চ রূপবন্তং চ পশ্যতি॥ 12-58-146 (67186)
মহত্ৎবাত্তস্য দণ্ডস্য নীতির্বিস্পষ্টলক্ষণা।
নয়শ্চারশ্চ বিপুলো যেন সর্বমিদং ততম্॥ 12-58-147 (67187)
আগমশ্চ পুরাণানাং মহর্ষীণাং চ সংভবঃ।
তীর্থবংশশ্চ বংশশ্চ ক্ষত্রিয়াণাং যুধিষ্ঠির॥ 12-58-148 (67188)
সকলং চাতুরাশ্রম্যং চাতুর্হোত্রং তথৈব চ।
চাতুর্বর্ণ্যং তথৈবাত্র চাতুর্বিদ্যং চ কীর্তিম্॥ 12-58-149 (67189)
ইতিহাসোপবেদাশ্চ ন্যায়ঃ কৃৎস্নশ্চ বর্ণিতঃ।
তপো জ্ঞানমর্হিসা চ সত্যং দানমমৎসরঃ॥ 12-58-150 (67190)
বৃদ্ধোপসেবা দানং চ শৌচমুত্থানমেব চ।
সর্বভূতানুকম্পা চ সর্বমত্রোপবর্ণিতম্॥ 12-58-151 (67191)
ভুবি বাচোগতং যচ্চ তচ্চ সর্বং সমর্পিতম্।
তস্মিন্পৈতামহে শাস্ত্রে পাণ্ডবেয় ন সংশয়ঃ॥ 12-58-152 (67192)
ততো জগতি রাজেন্দ্র সততং শব্দিতং বুধৈঃ।
দেবাশ্চ নরদেবাশ্চ তুল্যা ইতি বিশাংপতে॥ 12-58-153 (67193)
এতত্তে সর্বমাখ্যাতং মহত্ৎবং প্রতি রাজসু।
কার্ৎস্ন্যেন ভরতশ্রেষ্ঠ কিমন্যদিহ বর্ততে॥ ॥ 12-58-154 (67194)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টপঞ্চাশোঽধ্যায়ঃ॥ 58॥
Mahabharata - Shanti Parva - Chapter Footnotes
12-58-1 কল্যং প্রাতঃ॥ 12-58-5 আনুষৎবে সমানেঽপি কিংনিমিত্তেয়ং একস্মিন্নিগ্রাহনুগ্রহশক্তিরিতি পৃচ্ছতি য ইত্যাদিনা॥ 12-58-14 দণ্ডঃ দমনম্। দাণ্ডিকো দণ্ডপ্রণেতা॥ 12-58-15 মোহো বৈচিত্যম্॥ 12-58-16 প্রতিপত্তিবিমোহাৎ জ্ঞানলোপাৎ॥ 12-58-20 নাত্যজন্দুষ্টমদুষ্টং চ সর্বং স্বীচক্রুরিত্যর্থঃ॥ 12-58-21 ব্রহ্ম বেদঃ। ধর্মো যজ্ঞঃ॥ 12-58-25 মর্ত্যৈঃ সমতাং যাতাঃ স্ম। স্বাহাদ্যভাবেন ক্ষীণাঃ স্ম ইত্যর্থঃ॥ 12-58-26 হবির্ধারাভিরূর্ধ্বপ্রবর্ষিণঃ। ততশ্চান্নাভাবান্নশ্যাম ইত্যর্থঃ॥ 12-58-30 পৃথগর্থঃ ত্রিবর্গফলাপেক্ষয়া বিপরীতফলঃ। পৃথগ্গুণঃ ত্রিবর্গসাধনাপেক্ষয়া বিপরীতসাধনঃ॥ 12-58-31 মোক্ষস্য ত্রিবর্গো ধর্মাদিরন্যো নিষ্কামঃ। ধর্মাদের্ভেদশ্চ সৎবাদিগুণপ্রাধান্যনিমিত্ত ইত্যর্থঃ। দণ্ডাৎস্থানং সাম্যং বণিজাং বৃদ্ধিস্তপস্বিনাং ক্ষয়শ্চোরাণাং চ ভবতীত্যাহার্ধেন স্থানমিতি॥ 12-58-32 নীতিজান্ষঙ্গুণানাহ আত্মেতি। আত্মাচিত্তম্। নীতিবলাৎপ্রজানাং চিত্তং দুঃস্থিতমপি সুস্থিতং ভবতি। কুদেশোঽপি সুদেশো ভবতি। কলিরপি কৃতং ভবতি। উপায়াঃ সাধনানি। কৃত্যং কৃতিনির্বর্ত্যং প্রয়োজনম্। সহায়াঃ সুহৃদাদয়ঃ॥ 12-58-33 ত্রয়ী কর্মকাণ্ডঃ। আন্বীক্ষিকী জ্ঞানকাণ্ডঃ। বার্তা কৃষিবাণিজ্যাদিজীবিকাকাণ্ডঃ। দণ্ডনীতিঃ পালনবিদ্যা। এতে ধর্মাদয়স্তত্র ব্রহ্মকৃতশতসহস্রাধ্যায়ে দর্শিতাঃ॥ 12-58-34 প্রণিধির্গুপ্তশ্চারঃ। সচ চারো বিবিধোপায়ঃ। ব্রহ্মচার্যাদিবেষধারী। একৈকস্মিন্স্থানে পৃথক্পৃথগ্বেষঃ॥ 12-58-35 সামাদিচতুষ্টয়মুপেক্ষা চ পঞ্চমীত্যুপায়াঃ॥ 12-58-36 বিভ্রমো ভেদার্থে॥ 12-58-37 ভয়েন সংধির্হীনঃ। সৎকারেণ মধ্যমঃ। বিত্তগ্রহণেনোত্তমঃ। তন্ত্রয়ং সংধিকারণং বর্ণিতম্॥ 12-58-38 চৎবারো মিত্রবৃদ্ধিঃ কোশসংচয়শ্চ স্বস্য মিত্রনাশঃ কোশহানিশ্চ পরস্যেতি॥ 12-58-39 আসুরো বিজয়ঃ সৌপ্তিকে গতঃ। পঞ্চবর্গোঽমাত্যরাষ্ট্রদুর্গাণি বলং কোশশ্চ পঞ্চমঃ। ত্রিবিধমুত্তমমধ্যমাধমভেদেন॥ 12-58-40 দণ্ডঃ সেনা॥ 12-58-41 বিষ্টির্বিষ্টিগৃহীতা ভারবাহাঃ। চরাশ্চারাঃ। দেশিকা উপদেষ্টারো গুরবঃ॥ 12-58-42 জংগমা মহাবৃশ্চিকাদিজাঃ। অজংগমাঃ রক্তশৃঙ্গিকাদয়ঃ। স্পর্শে বস্রাদৌ। অভ্যবহার্যেঽন্নাদৌ। উপাংশরভিচারাদিরিতি বিবিধো বিষয়োগরূপো দণ্ডঃ॥ 12-58-47 মার্গেগুণাঃ গ্রহনক্ষত্রাদিমার্গগুণাঃ। ভূমিগুণাশ্চতুরশীতিভূবলানি যামলোক্তানি। আত্মরক্ষণং মন্ত্রয়ন্ত্রাদিনা। সর্গাণাং চান্ববেক্ষণম্ ইতি ঝ. পাঠঃ॥ 12-58-48 কল্পনাঃ বলপুষ্টিকরা যোগাঃ। বিবিধাভিখ্যাশ্চক্রব্যূহক্রৌঞ্চব্যূহাদিনানানামানঃ॥ 12-58-49 উৎপাতা- গ্রহয়ুদ্ধাদয়ো ধূমকেৎবাদয়শ্চ। নিপাতাঃ উল্কাপাতভূমিকম্পাদয়ঃ। শাস্ত্রাণাং পালনং তীক্ষ্ণীকরণম্। শাস্ত্রাণাং পালনং ইতি ট. ড. পাঠঃ॥ 12-58-50 আপদাং সমূহ আপদং তস্য কাল আপদকালঃ॥ 12-58-51 আখ্যাতমভিমন্ত্রিতদুন্দুভিষ্বনিনা প্রয়াণাদিকথনম্। যোগঃ পতাকাদিমন্ত্রণাদি। তয়োঃ সংচারঃ শ্রবণদর্শনাভ্যাং পরমোহনম্। এতৎসর্বং তত্র উক্তমিতি সর্বত্র যোজ্যম্॥ 12-58-52 গরদৈঃ বিষদৈঃ প্রতিরূপকং প্রতিমা তৎকারকৈস্তদ্দ্বারা কার্মণকারিভিঃ কৌলিকৈঃ। শ্রেণিমুখ্যাঃ বলাধ্যক্ষাদয়স্তেষামুপজাপো ভেদনং তেন। বীরুধশ্ছেদনেন ধান্যাদ্যুচ্ছেদেন॥ 12-58-53 নাগানাং দূষণং মন্ত্রতন্ত্রৌষধাদিনা তেন পররাষ্ট্রস্য পীডনমুক্তমিতি প্রপূর্বেণ সংবন্ধঃ॥ 12-58-56 কণ্টকশোধনং খলানামুন্মূলনম্। শ্রমো মল্লক্রীডা। ব্যায়াময়োগঃ আয়ুধপ্রয়োগাভ্যাসঃ॥ 12-58-57 অর্থস্য কালে দানে চ ইতি ঝ. পাঠঃ। অপ্রসঙ্গিতা অসংবন্ধঃ॥ 12-58-58 রাজগুণাঃ উত্থানাদয়ঃ॥ 12-58-60 পাত্রেভ্যঃ প্রদানং প্রথমম্॥ 12-58-61 বিসর্গো দানং ধর্মার্থং যজ্ঞার্থং দ্বিতীয়ম্। কাম্যং তৃতীয়ম্। ব্যসনাধাতে চতুর্থম্॥ 12-58-65 অবমর্দঃ পরচক্রেণ দেশাদেঃ পীডনম্॥ 12-58-67 তানি দ্রব্যাণি ষট্ মণয়ঃ পশবঃ পৃথ্বী বাসো দাস্যাদি কাঞ্চনমিতি॥ 12-58-69 মঙ্গলং স্বর্ণাদিকং তস্যালম্ভনং স্পর্শঃ। প্রতিক্রিয়া অলংকরণম্॥ 12-58-70 একস্যাপ্যুত্থানপ্রকারঃ। কেতনজাঃ গৃহজাঃ। ক্রিয়াঃ ধ্বজারোহণাদ্যাঃ॥ 12-58-71 অধিকরণেষু জনোপবেশনস্থানেষু চৎবরাদিষু॥ 12-58-72 জাতিতো গুণতশ্চ সমুদ্ভবো মান্যৎবম্॥ 12-58-73 দ্বাদশানাং রাজ্ঞাং সমূহো দ্বাদশরাজিকা। মধ্যস্থস্য বিজিগীষোশ্রতুর্দিক্ষু চৎবারোঽরয়স্তেভ্যোঽপরে চৎবারো মিত্রাণি তেভ্যঃ পরে চৎবার উদাসীনা ইতি॥ 12-58-75 হে ভূরিদক্ষিণ॥ 12-58-76 মূলকর্মাণি কোশবৃদ্ধিকরাণি কৃষ্যাদীনি তেষাং ক্রিয়া করণপ্রকারঃ॥ 12-58-81 নীয়তে পুরুষার্থফলায় ইদং জগৎ দণ্ডং নয়তি প্রণয়তি অনয়া যা চেতি বা॥ 12-58-89 প্রজানামায়ুষঃ ইতি ঝ. পাঠঃ। সংচিক্ষেপ সংক্ষিপ্তং কৃতবান্॥ 12-58-90 বৈশালাক্ষং বাহুদন্তকং বার্হস্পত্যমিত্যুত্তরোত্তরসংক্ষিপ্তদণ্ডনীতিগ্রন্থনামানি॥ 12-58-98 পঞ্চাদিগোঽভবদিতি ঝ. পাঠঃ। তত্র পঞ্চাতিগঃ বিষয়াতিগঃ মুক্ত ইত্যর্থঃ॥ 12-58-99 অনঙ্গইত্যঙ্গস্যৈব নামান্তরম্॥ 12-58-120 সাংবৎসরো জ্যৌতিষিকঃ॥ 12-58-121 আত্মনা স্বশরীরেণ সহাষ্টমঃ পৃথুর্বিষ্ণোঃ সকাশাদিত্যর্থঃ। তথাহি- বিষ্ণুঃ প্রথমঃ। বিরজা দ্বিতীয়ঃ। কীর্তিমাংস্তৃতীয়ঃ। কদমশ্চতুর্থঃ। অনঙ্গঃ পঞ্চমঃ। অতিবলঃ ষষ্ঠঃ। বেনঃ সপ্তমঃ। পৃথুরষ্টম ইতি॥ 12-58-134 প্রথিতাবনতা চেতি বিগ্রহে বর্ণলোপবিকারাভ্যাং পৃথিবী॥ 12-58-135 স্থাপনং মর্যাদাম্॥ 12-58-136 তপসা ভগবান্বিষ্ণুরাবিবেশ চ ভূমিপম্। ইতি ঝ. পাঠঃ॥ 12-58-138 চারাণাং নিষ্পন্দঃ সংচারস্তদ্দ্বারা যদ্দর্শনং লোকবৃত্তান্তস্য মহীক্ষিতঃ কর্মেতি সংবন্ধঃ॥ 12-58-139 বিষ্ণুর্ভূমিপমাবিবেশেত্যুক্তং তত্রোপপত্তিঃ ক ইত্যর্ধেন॥ 12-58-144 স্থাপনামথ চেদ্দেবীং ন কশ্চিদতিবর্তত ইতি ট. ড. থ. পাঠঃ॥ 12-58-145 তুল্যস্য স্তাদ্যবয়বৈঃ সমস্য॥ 12-58-147 দণ্ডসামর্থ্যাদেব লোকে নীত্যাদিকং দৃশ্যত ইত্যর্থঃ॥ 12-58-148 আগমাদিকং চাত্র গ্রন্থে কীর্তিতম্॥শান্তিপর্ব - অধ্যায় 059
॥ শ্রীঃ ॥
12.59. অধ্যায়ঃ 059
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি চাতুর্বর্ণ্যধর্মকথনম্॥ 1॥Mahabharata - Shanti Parva - Chapter Text
12-59-0 (67195)
বৈশম্পায়ন উবাচ। 12-59-0x (5479)
ততঃ পুনঃ স গাঙ্গেয়মভিবাদ্য পিতামহম্।
প্রাঞ্জলির্নিয়তো ভূৎবা পর্যপৃচ্ছদ্যুধিষ্ঠিরঃ॥ 12-59-1 (67196)
কে ধর্মাঃ সর্ববর্ণানাং চাতুর্বর্ণ্যস্য কে পৃথক্।
চাতুর্বর্ণ্যাশ্রমাণাং চ রাজধর্মাশ্চ কে মতাঃ॥ 12-59-2 (67197)
কেন বৈ বর্ধতে রাষ্ট্রং রাজা কেন বিবর্ধতে।
কেন পৌরাশ্চ ভৃত্যাশ্চ বর্ধন্তে ভরতর্ষভ॥ 12-59-3 (67198)
কোশং দণ্ডং চ দুর্গং চ সহায়ান্মন্ত্রিণস্তথা।
ঋৎবিক্পুরোহিতাচার্যান্কীদৃশান্বর্জয়েন্নৃপঃ॥ 12-59-4 (67199)
কেষু বিশ্বসিতব্যং স্যাদ্রাজ্ঞা কস্যাংচিদাপদি।
কুতো বাঽঽত্মা দৃঢং রক্ষ্যস্তন্মে ব্রূহি পিতামহ॥ 12-59-5 (67200)
`দ্বৈধীভাবে চ ভৃত্যানাং শপথঃ কীদৃশো ভবেৎ।
অধর্মস্য ফলং যচ্চ শপথস্য বিলঙ্ঘনে॥ 12-59-6 (67201)
সর্বমেতদ্যথাতৎবং ব্যবহারং চ তাদৃশম্।
সমাসব্যাসয়োগেন কথয়স্ব পিতামহ॥' 12-59-7 (67202)
ভীষ্ম উবাচ। 12-59-8x (5480)
নমো ধর্মায় মহতে নমঃ কৃষ্ণায় বেধসে।
ব্রাহ্মণেভ্যো নমস্কৃত্য ধর্মান্বক্ষ্যামি শাশ্বতান্॥ 12-59-8 (67203)
অক্রোধঃ সত্যবচনং সংবিভাগশ্চ সর্বশঃ।
প্রজনং স্বেষু দারেষু শৌচমদ্রোহ এব চ॥ 12-59-9 (67204)
আর্জবং ভৃত্যভরণং ত এতে সার্ববর্ণিকাঃ।
ব্রাহ্মণস্য তু যো ধর্মস্তং তে বক্ষ্যামি কেবলম্॥ 12-59-10 (67205)
দমমেব মহারাজ ধর্মমাহুঃ পুরাতনম্।
স্বাধ্যায়োঽধ্যাপনং চৈব তত্র কর্ম সমাপ্যতে॥ 12-59-11 (67206)
তং চেদ্দ্বিজমুপাগচ্ছেদ্বর্তমানং স্বকর্মণি।
অকুর্বাণং বিকর্মাণি শান্তং প্রজ্ঞানতর্পিতম্॥ 12-59-12 (67207)
কুর্বীতাপত্যসংতানমথো দদ্যাদ্যজেত চ।
সংবিভজ্য চ ভোক্তব্যং ধনং সদ্ভিরীতীষ্যতে॥ 12-59-13 (67208)
পরিনিষ্ঠিতকার্যস্তু স্বাধ্যায়েনৈব বৈ দ্বিজঃ।
কুর্যাদন্যন্ন বা কুর্যান্মৈত্রো ব্রাহ্মণ উচ্যতে॥ 12-59-14 (67209)
ক্ষত্রিয়স্যাপি যো ধর্মস্তং তে বক্ষ্যামি ভারত।
দদ্যাদ্রাজা ন যাচেত যজেত ন চ যাজয়েৎ॥ 12-59-15 (67210)
নাধ্যাপয়েদধীয়ীত প্রজাশ্চ পরিপালয়েৎ।
নিত্যোদ্যুক্তো দস্যুবদে রণে কুর্যাৎপরাক্রমম্॥ 12-59-16 (67211)
যে তু ক্রতুভিরীজানাঃ শ্রুতবন্তশ্চ ভূমিপাঃ।
য এবাহবজেতারস্ত এষাং লোকজিত্তমাঃ॥ 12-59-17 (67212)
অবিক্ষতেন দেহেন সমরাদ্যো নিবর্ততে।
ক্ষত্রিয়ো নাস্য তৎকর্ম প্রশংসন্তি পুরাবিদঃ॥ 12-59-18 (67213)
এবং হি ক্ষত্রবন্ধূনাং ধর্মমাহুঃ প্রধানতঃ।
নাস্য কৃত্যতমং কিংচিদন্যদ্দস্যুনিবর্হণাৎ॥ 12-59-19 (67214)
দানমধ্যযনং যজ্ঞো রাজ্ঞাং ক্ষেমো বিধীয়তে।
তস্মাদ্রাজ্ঞা বিশেষেণ যোদ্ধব্যং ধর্মমীপ্সতা॥ 12-59-20 (67215)
স্বেষু ধর্মেষ্ববস্থাপ্যঃ প্রজাঃ সর্বা মহীপতিঃ।
ধর্মেণ সর্বকৃত্যানি শমনিষ্ঠানি কারয়েৎ॥ 12-59-21 (67216)
পরিনিষ্ঠিতকার্যস্তু নৃপতিঃ পরিপালনাৎ।
কুর্যাদন্যন্ন বা কুর্যাদৈন্দ্রো রাজন্য উচ্যতে॥ 12-59-22 (67217)
বৈশ্যস্যাপি হি যো ধর্মস্তং তে বক্ষ্যামি শাশ্বতম্।
দানমধ্যযনং যজ্ঞঃ শৌচেন ধনসংচয়ঃ॥ 12-59-23 (67218)
পিতৃবৎপালয়েদ্বৈশ্যো যুক্তঃ সর্বান্পশূনিহ।
বিকর্ম তদ্ভবেদন্যৎকর্ম যৎস সমাচরেৎ॥ 12-59-24 (67219)
রক্ষয়া স হি তেষাং বৈ মহৎসুখমবাপ্নুয়াৎ।
প্রজাপতির্হি বৈশ্যায় সৃষ্ট্বা পরিদদৌ পশূন্॥ 12-59-25 (67220)
ব্রাহ্মণায় চ রাজ্ঞে চ সর্বাঃ পরিদদে প্রজাঃ।
তস্য বৃত্তিং প্রবক্ষ্যামি যচ্চ তস্যোপজীবনম্॥ 12-59-26 (67221)
পণ্ণামেকাং পিবেদ্ধেনুং শতাচ্চ মিথুনং হরেৎ।
লয়ে চ সপ্তমো ভাগস্তথা শৃঙ্গে কলা খুরে॥ 12-59-27 (67222)
সস্যানাং সর্ববীজানামেষা সাংবৎসরী ভৃতিঃ॥ 12-59-28 (67223)
ন চ বৈশ্যস্য কামঃ স্যান্ন রক্ষেয়ং পশূনিতি।
বৈশ্যে চেচ্ছতি নান্যেন রক্ষিতব্যাঃ কথংচন॥ 12-59-29 (67224)
শূদ্রস্যাপি হি যো ধর্মস্তং তে বক্ষ্যামি ভারত।
প্রজাপতির্হি বর্ণানাং দাসং শূদ্রমকল্পয়ৎ॥ 12-59-30 (67225)
তস্মাচ্ছূদ্রস্য বর্ণানাং পরিচর্যা বিধীয়তে।
তেষাং শুশ্রূষণাচ্চৈব মহৎসুখমবাপ্নুয়াৎ॥ 12-59-31 (67226)
শূদ্র এতান্পরিচরেত্রীন্বর্ণাননসূয়কঃ।
সংচয়াংশ্চ ন কুর্বীত জাতু শূদ্রঃ কথংচন॥ 12-59-32 (67227)
পাপীয়ান্হি ধনং লব্ধ্বা বশে কুর্যাদ্গরীয়সঃ।
রাজ্ঞা বা সমনুজ্ঞাতঃ কামং কুর্বীত ধার্মিকঃ॥ 12-59-33 (67228)
তস্য বৃত্তিং প্রবক্ষ্যামি যচ্চ তস্যোপজীবনম্।
অবশ্যং ভরণীয়ো হি বর্ণানাং শূদ্র উচ্যতে॥ 12-59-34 (67229)
ছত্রং বেষ্টনমৌশীরমুপানদ্ব্যজনানি চ।
যাতয়ামানি দেয়ানি শূদ্রায় পরিচারিণে॥ 12-59-35 (67230)
অধার্যাণি বিশীর্ণানি বসনানি দ্বিজাতিভিঃ।
শূদ্রায়ৈব প্রদেয়ানি তস্য ধর্মধনং হি তৎ॥ 12-59-36 (67231)
যংচ কশ্চিদ্দ্বিজাতীনাং শূদ্রঃ শুশ্রূষুরাব্রজেৎ।
কল্প্যাং তেন তু তস্যাহুর্বৃত্তিং ধর্মবিদো জনাঃ॥ 12-59-37 (67232)
দেয়ঃ পিণ্ডোঽনপত্যায় ভর্তব্যৌ বৃদ্ধদুর্বলৌ।
শূদ্রেণ তু ন হাতব্যো ভর্তা কস্যাংচিদাপদি॥ 12-59-38 (67233)
অতিরেকেণ ভর্তব্যো ভর্তা দ্রব্যপরিক্ষয়ে।
ন হি স্বমস্তি শূদ্রস্য ভর্তৃহার্যধনো হি সঃ॥ 12-59-39 (67234)
উক্তস্ত্রয়াণাং বর্ণানাং যজ্ঞস্ত্রয়্যেব ভারত।
স্বাহাকারবষট্কারৌ মন্ত্রঃ শূদ্রে ন বিদ্যতে॥ 12-59-40 (67235)
তস্মাচ্ছূদ্রঃ পাকয়জ্ঞৈয়জেতাব্রতবান্স্বয়ম্।
পূর্ণপাত্রময়ীমাহুঃ পাকয়জ্ঞস্য দক্ষিণাম্॥ 12-59-41 (67236)
শূদ্রঃ পৈজবনো নাম সহস্রাণাং শতং দদৌ।
ঐন্দ্রাগ্নেন বিধানেন দক্ষিণামিতি নঃ শ্রুতম্॥ 12-59-42 (67237)
যতো হি সর্ববর্ণানাং যজ্ঞস্তস্যৈব ভারত॥ 12-59-43 (67238)
অগ্রে সর্বেষু যজ্ঞেষু শ্রদ্ধায়জ্ঞো বিধীয়তে।
দৈবতং হি মহচ্ছ্রদ্ধা পবিত্রং যজতাং চ যৎ।
দৈবতং হি পরং বিপ্রাঃ স্বেনস্বেন পরস্পরম্॥ 12-59-44 (67239)
অয়জন্নিহ সত্রৈস্তে তৈস্তৈঃ কামৈঃ সমাহিতাঃ।
সংসৃষ্টা ব্রাহ্মণৈরেব ত্রিষু বর্ণেষু সৃষ্টয়ঃ॥ 12-59-45 (67240)
দেবানামপি যে দেবা যদ্ব্রূয়ুস্তে পরং হিতম্।
তস্মাদ্বর্ণৈঃ সর্বয়জ্ঞাঃ সংসৃজ্যন্তে ন কাম্যযা॥ 12-59-46 (67241)
ঋগ্যজুঃ সামবিৎপূজ্যো নিত্যং স্যাদ্দেববদ্দ্বিজঃ।
অনৃগ্যজুরসামা চ প্রাজাপত্য উপদ্রবঃ।
যজ্ঞো মনীষয়া তাত সর্ববর্ণেষু ভারত॥ 12-59-47 (67242)
নাস্য যজ্ঞকৃতো দেবা ঈহন্তে নেতরে জনাঃ।
ততঃ সর্বেষু বর্ণেষু শ্রদ্ধায়জ্ঞো বিধীয়তে॥ 12-59-48 (67243)
স্বং দৈবতং ব্রাহ্মণঃ স্বেন নিত্যং
পরান্বর্ণানয়জন্নৈবমাসীৎ।
অধরো বিতানস্ৎবথ তত্র সৃষ্টো
ন ব্রাহ্মণস্ত্রিষু বর্ণেষু রাজন্॥ 12-59-49 (67244)
তস্মাদ্বর্ণা ঋজবো জ্ঞাতিবর্ণাঃ
সংসৃজ্যন্তে তস্য বিকার এব।
একং সাম যজুরেকমৃগেকা
বিপ্রশ্বৈকো নিশ্চয়ে তেষু সৃষ্টঃ॥ 12-59-50 (67245)
অত্র গাথা যজ্ঞগীতাঃ কীর্তয়ন্তি পুরাবিদঃ।
বৈখানসানাং রাজেন্দ্র মুনীনাং যষ্টুমিচ্ছতাম্॥ 12-59-51 (67246)
উদিতেঽনুদিতে বাঽপি শ্রদ্দধানো জিতেন্দ্রিয়ঃ।
বহ্নিং জুহোতি ধর্মেণ শ্রদ্ধা বৈ কারণং মহৎ॥ 12-59-52 (67247)
যৎস্কন্নমস্য তৎপূর্বং যদস্কন্নং তদুত্তরম্।
বহূনি যজ্ঞরূপাণি নানাকর্মফলানি চ॥ 12-59-53 (67248)
তানি যঃ সংপ্রজানাতি জ্ঞাননিশ্চয়নিশ্চিতঃ।
দ্বিজাতিঃ শ্রদ্ধয়োপেতঃ স যষ্টুং পুরুষোঽর্হতি॥ 12-59-54 (67249)
স্তেনো বা যদি বা পাপো যদি বা পাপকৃত্তমঃ।
যষ্টুমিচ্ছতি যজ্ঞং যঃ সাধুমেব বদন্তি তম্॥ 12-59-55 (67250)
ঋষয়স্তং প্রশংসন্তি সাধু চৈতদসংশয়ম্।
সর্বথা সর্বদা বর্ণৈর্যষ্টব্যমিতি নির্ণয়ঃ॥ 12-59-56 (67251)
ন হি যজ্ঞসমং কিংচিত্রিষু লোকেষু বিদ্যতে।
তস্মাদ্যষ্টব্যমিত্যাহুঃ পুরুষেণানসূয়তা।
শ্রদ্ধাপবিত্রমাশ্রিত্য যথাশক্তি যথেচ্ছয়া॥ ॥ 12-59-57 (67252)
ইতি শ্রীমন্মহাভারতে শান্তিপর্বণি রাজধর্মপর্বণি একোনষষ্টিতমোঽধ্যায়ঃ॥ 59॥
Mahabharata - Shanti Parva - Chapter Footnotes
12-59-2 সর্ববর্ণানাং অনুলোমবিলোমজাদীনাম্। চাতুর্বর্ণ্যস্য যে আশ্রমাঃ ব্রাহ্মণস্য চৎবার আশ্রমাঃ ক্ষত্রিয়স্য ত্রয়ো বৈশ্যস্য দ্বৌ শূদ্রস্যৈক ইতি তেষাম্॥ 12-59-11 তত্রাধ্যযনে। তাবতৈব নৈষ্ঠিকঃ কৃতার্থো ভবতীত্যর্থঃ॥ 12-59-12 স্বয়মুপাগতে বিত্তে দারক্রিয়াপূর্বকং অপত্যসংতানমিচ্ছেৎস ইত্যাহ দ্বাভ্যাং তং চেদিতি॥ 12-59-27 ষণ্ণাং ধেনূনাং রক্ষকো বৈশ্য একস্যাঃ ক্ষীরং স্ববেতনং হরেৎ। শতস্য রক্ষকো বর্ষে একং গোবৃষভমিথুনং বেতনং হরেৎ। লব্ধাচ্চ সপ্তমং ভাগমিতি ঝ. পাঠঃ। তত্র বাণিজ্যে তু লব্ধাৎসপ্তমং ভাগং ধনিকাদ্ধরেৎ। গবয়াদিশৃঙ্গবাণিজ্যে লাভাৎসপ্তমমেব। খুরে পশুবিশেষখুরে মহামূল্যে কলা ষোডশো ভাগ ইত্যর্থঃ॥ 12-59-28 এবং সস্যানামপি সপ্তমমেবাংশং হরেৎ॥ 12-59-33 কুর্বীত সংচয়ানিত্যপকৃষ্যতে॥ 12-59-35 যাতয়ামানি ভুক্তভোগানি জীর্ণানীতিয়াবৎ॥ 12-59-37 দ্বিজাতীনাং মধ্যে যং কংচিৎপ্রতি। তেন দ্বিজাতিনা॥ 12-59-39 অতিরেকেণ স্বকুটুম্বপোষণাদাধিক্যেন। ভর্তা পোষ্টা॥ 12-59-41 পাকয়জ্ঞৈঃ ক্ষুদ্রয়জ্ঞৈঃ। অব্রতবান্ শ্রৌতব্রতোপায়হীনঃ॥ 12-59-42 সহস্রাণাং শতং লক্ষং পূর্ণপাত্রাণি। শূদ্রঃ পৈলবনো নামেতি ড. দ. পাঠঃ॥ 12-59-43 সর্ববর্ণানাং ত্রৈবর্ণিকানাং যো যজ্ঞঃ স তস্যৈব শূদ্রস্যৈব ভবতি তস্য তৎসেবকৎবাৎ॥ 12-59-45 সৃষ্টয়ঃ সংতানানি তেন সর্বেষাং বর্ণানাং ব্রাহ্মণজৎবাদস্ত্যেব শূদ্রস্যাপি যজ্ঞেঽধিকার ইত্যর্থঃ॥ 12-59-46 যদ্ব্রূয়ুস্তে তত্তে তব পরং হিতম্। বর্ণৈঃ সশূদ্রৈঃ। সর্বয়জ্ঞাঃ শ্রৌতাঃ স্মার্তাশ্চ ন কাম্যযা স্বভাবাৎসংসৃজ্যন্ত ইতি পূর্বস্যোপসংহারঃ॥ 12-59-47 দ্বিজস্ত্রৈবর্ণিকঃ পূজ্যঃ। শূদ্রেণ উপদ্রবতীতি তৎসমীপগামিৎবাদুপদ্রবো দাসঃ শূদ্রঃ স বেদহীনোঽপি প্রাজাপত্যঃ প্রজাপতিদেবতাকঃ। যথাগ্নেয়ো ব্রাহ্মণ ঐন্দ্রঃ ক্ষত্রিয়স্তদ্বৎ। তথাচ মানসে দেবতোদ্দেশেন দ্রব্যত্যাগাত্মকে যজ্ঞে সর্বে বর্ণা অধিক্রিয়ন্ত ইত্যর্থঃ॥ 12-59-48 অস্য মানসয়জ্ঞকর্তুর্দেবা ইতরে জনাশ্চ ন ঈহন্তে ইতি ন অপিতু শ্রদ্ধাপূতৎবাৎসর্বেপ্যস্য যজ্ঞে ভাগং কাময়ন্ত ইত্যর্থঃ॥ 12-59-49 ব্রাহ্মণস্ত্রয়াণামপি বর্ণানাং স্বমসাধারণং দৈবতমতঃ কারণাত্তে যাগং কৃতবন্তএব॥ 12-59-50 সর্বেঽপি বর্ণা ঋজবঃ সাধবএব যজ্ঞসংয়োগাৎ। এবং ধর্মসাম্যেঽপি জ্ঞাতিসাম্যং নাস্তীত্যাশংক্যাহ। জ্ঞাতিবর্মা অপি ক্ষত্রিয়বৈশ্যশূদ্রাস্তস্য ব্রাহ্মণস্যৈব বিকারে ক্ষত্রিয়াদিকন্যাসূৎপন্নে মূর্ধাভিষিক্তাদৌ সংসৃজ্যন্তএব। তেন ধর্মতো জন্মতশ্চ সর্বে বর্ণা ব্রাহ্মণসংসৃষ্টা ইতি স্থিতম্। তত্র হেতুমাহ এক ইতি। তেষু তত্ৎবনিশ্চয়ে ক্রিয়মাণে একো বিপ্রো ব্রহ্মৈব প্রথমো ব্রাহ্মণঃ সৃষ্টো জাতঃ। ব্রাহ্মণসংততিৎবাৎসর্বেঽপ্যেতে ব্রাহ্মণা এবেত্যর্থঃ। তত্র দৃষ্টান্তঃ। একং সামেতি। অকারো বৈ সর্বা বাক্সৈষা স্পর্শোষ্মভির্ব্যজ্যমানা বহ্নী নানারূপা ভবতীতি শ্রুতেরেকমকাররূপমেবাক্ষরং যথা সামাদিরূপং তথা ব্রহ্মৈব ব্রাহ্মণাদিরূপমিত্যর্থঃ। তস্মাদ্বর্ণাদ্বহবো রাজধর্মাঃ সংসৃজ্যন্তে তস্য বিপাক এষঃ। একং সাম যজুরেকমৃগেকা বিপ্রশ্চৈকো নিশ্চয়স্তেষু দৃষ্টঃ ইতি থ. পাঠঃ॥ 12-59-51 যজ্ঞগীতা বিষ্ণুগীতাঃ॥ 12-59-53 বহ্বৃচব্রাহ্মণে ষোডশকমগ্নিহোত্রমুক্তম্। তত্র মারুতং বিষ্যন্দমানমিতি স্কন্নমপি মরুদ্দৈবত্যং ভবতীতি তৎপূর্বমাদ্যমগ্নিহোত্রং যদস্কন্নং যথাবিধিহুতমুত্তর সর্বোৎকৃষ্টম্॥ বহূনীতি রৌদ্রাদীনি॥ 12-59-54 তানি ষোডশাঽগ্নিহোত্ররূপাণি॥ 12-59-55 যজ্ঞং বিষ্ণুম্। যষ্টুং যজ্ঞদানাদিনা আরাধিতুম্॥ 12-59-57 শ্রদ্ধাপবিত্রং যথা স্যাত্তথা যষ্টব্যমিতি সংবন্ধঃ। আশ্রিত্য শাস্ত্রমিতি শেষঃ॥শান্তিপর্ব - অধ্যায় 060
॥ শ্রীঃ ॥
12.60. অধ্যায়ঃ 060
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি আশ্রমচতুষ্টয়ধর্মকথনম্॥ 1॥Mahabharata - Shanti Parva - Chapter Text
12-60-0 (80753)
ভীষ্ম উবাচ। 12-60-0x (6684)
আশ্রমাণাং মহাবাহো শৃণু সত্যপরাক্রম।
চতুর্ণামপি নামানি কর্মাণি চ যুধিষ্ঠির॥ 12-60-1 (80754)
বানপ্রস্থং ভৈক্ষচর্যং গার্হস্থ্যং চ মহাশ্রমম্।
ব্রহ্মচর্যাশ্রমং প্রাহুশ্চতুর্থং ব্রহ্মণেরিতম্॥ 12-60-2 (80755)
চূডাকরণসংস্কারং দ্বিজাতিৎবমবাপ্য চ।
আধানাদীনি কর্মাণি প্রাপ্য বেদানধীত্য চ॥ 12-60-3 (80756)
সদারো বাঽপ্যদারো বা বিনীতঃ সংয়তেন্দ্রিয়ঃ।
বানপ্রস্থাশ্রমং গচ্ছেৎকৃতকৃত্যো গৃহাশ্রমাৎ॥ 12-60-4 (80757)
তত্রারণ্যকশাস্ত্রাণি সমধীত্য স ধর্মবিৎ।
ঊর্ধ্বরেতাঃ প্রজা হিৎবা গচ্ছত্যক্ষরসাত্মতাম্॥ 12-60-5 (80758)
এতান্যেব নিমিত্তানি মুনীনামূর্ধ্বরেতসাম্।
কর্তব্যানীহ বিপ্রেণ রাজন্নাদৌ বিপশ্চিতা॥ 12-60-6 (80759)
চরিতব্রহ্মচর্যস্য ব্রাহ্মণস্য বিশাংপতে।
ভৈক্ষচর্যাস্বধীকারঃ প্রশস্তো দেহমোক্ষণে॥ 12-60-7 (80760)
যত্রাস্তমিতশায়ী স্যান্নিরগ্নিরনিকেতনঃ।
যথোপলব্ধজীবী স্যান্মুনির্দান্তো জিতেন্দ্রিয়ঃ॥ 12-60-8 (80761)
নিরাশীর্নির্নমস্কারো নির্ভোগো নির্বিকারবান্।
বিপ্রঃ ক্ষেমাশ্রমং প্রাপ্তো গচ্ছত্যক্ষরসাত্মতাম্॥ 12-60-9 (80762)
অধীত্য বেদান্কৃতসর্বকৃত্যঃ
সংতানমুৎপাদ্য সুখানি ভুক্ৎবা।
সমাহিতঃ প্রচরেদ্দুশ্চরং তং
গার্হস্থ্যধর্মং মুনিধর্মজুষ্টম্॥ 12-60-10 (80763)
স্বদারতুষ্টস্ৎবৃতুকালগামী
নিয়োগসেবী ন শঠো ন জিহ্নঃ।
মিতাশনো দেবরতঃ কৃতজ্ঞঃ
সত্যো মৃদুশ্চানৃশংসঃ ক্ষমাবান্॥ 12-60-11 (80764)
দান্তো বিধেয়ো হব্যকব্যাপ্রমত্তো
হ্যন্নস্য দাতা সততং দ্বিজেভ্যঃ।
অমৎসরী সর্বলিঙ্গপ্রদাতা
বৈতাননিত্যশ্চ গৃহাশ্রমী স্যাৎ॥ 12-60-12 (80765)
অথাত্র নারায়ণগীতমাহু
র্মহর্ষয়স্তাত মহানুভাবাঃ।
মহার্থমত্যন্ততপঃ প্রয়ুক্তং
তদুচ্যমানং হি ময়া নিবোধ॥ 12-60-13 (80766)
সত্যার্জবং চাতিথিপূজনং চ
ধর্মস্তথার্থশ্চ রতিঃ স্বদারৈঃ।
নিষেবিতব্যানি সুখানি লোকে
হ্যস্মিন্পরে চৈব মতং মমৈতৎ॥ 12-60-14 (80767)
ভরণং পুত্রদারাণাং বেদানাং চানুপালনম্।
সেবতামাশ্রমং শ্রেষ্ঠং বদন্তি পরমর্ষয়ঃ॥ 12-60-15 (80768)
এবং হি যো ব্রাহ্মণো যজ্ঞশীলো
গার্হস্থ্যমধ্যাবসতে যথাবৎ।
গৃহস্থবৃত্তিং প্রতিগাহ্য সম্য
ক্স্বর্গে বিশুদ্ধং ফলমশ্নুতে সঃ॥ 12-60-16 (80769)
তস্য দেহং পরিত্যজ্য ইষ্টকামাক্ষয়া মতাঃ।
আনন্ত্যায়োপকল্পন্তে সর্বতোক্ষিশিরোমুখাঃ॥ 12-60-17 (80770)
বসন্নেকো জপন্নেকঃ সর্বান্বেদান্যুধিষ্ঠির।
একস্মিন্নেব চাচার্যে শুশ্রূষুর্মলপঙ্কবান্॥ 12-60-18 (80771)
ব্রহ্মচারী ব্রতী নিত্যং নিত্যং দীক্ষাপরো বশী।
`গুরুচ্ছায়ানুগো নিত্যমধীয়ানঃ সুয়ন্ত্রিতঃ।'
অবিচাল্যব্রতোপেতং কৃত্যং কুর্বন্বসেৎসদা॥ 12-60-19 (80772)
শুশ্রূষাং সততং কুর্বন্গুরোঃ সংপ্রণমেত চ।
ষট্কর্মস্বনিবৃত্তশ্চ ন প্রবৃত্তশ্চ সর্বশঃ॥ 12-60-20 (80773)
নাচরত্যধিকারেণ সেবেত দ্বিষতো ন চ।
এষোঽঽশ্রমপদস্তাত ব্রহ্মচারিণ ইষ্যতে॥ ॥ 12-60-21 (80774)
ইতি শ্রীমন্মহাভারতে শান্তিপর্বণি রাজধর্মপর্বণি ষষ্টিতমোঽধ্যায়ঃ॥ 60॥
Mahabharata - Shanti Parva - Chapter Footnotes
12-60-2 ক্রমো ন বিবক্ষিতঃ। চতুর্থং ব্রাহ্মণৈর্বৃতমিতি ঝ. পাঠঃ॥ 12-60-5 অক্ষরসাম্যতমিতি ট. দ. পাঠঃ॥ 12-60-6 এতানি দ্বিজৎবাবাপ্ত্যাদীনি॥ 12-60-7 মধ্যমমাশ্রমদ্বয়মনিত্যমিত্যাহ চরিতেতি॥ 12-60-11 শঠো ধূর্তঃ। জিহ্নঃ কুটিলঃ॥ 12-60-12 বিধেয়ঃ গুরুশাস্ত্রাজ্ঞাপালকঃ। অপ্রমত্তঃ অবহিতঃ। সর্বেভ্যো লিঙ্গয়ুক্তেভ্য আশ্রমেভ্যঃ প্রদাতাঽন্নাদেঃ। লিঙ্গপ্রদাতেতি মধ্যমপদলোপী সমাসঃ। বৈতানং শ্রৌতকর্ম তত্র নিত্যঃ॥ 12-60-17 কামাঃ অক্ষয়া ইতি চ্ছেদঃ। সংধিরার্ষঃ। সর্বতোক্ষিশিরোমুখা ইত্যনেন যত্রয় দেশে কালে বা যোগ্যং সংকল্পয়তি তৎসর্বং সদ্য উপতিষ্ঠতীত্যর্থঃ॥শান্তিপর্ব - অধ্যায় 061
॥ শ্রীঃ ॥
12.61. অধ্যায়ঃ 061
Mahabharata - Shanti Parva - Chapter Topics
যুধিষ্ঠিরংপ্রতি ভীষ্মেণ ব্রাহ্মণধর্মকথনম্॥ 1॥Mahabharata - Shanti Parva - Chapter Text
12-61-0 (80775)
যুধিষ্ঠির উবাচ। 12-61-0x (6685)
পুনঃ শিবান্মহোদর্কানহিংস্রাংল্লোকসংমতান্।
ব্রূহি ধর্মান্সুখোপায়ান্মদ্বিধানাং সুখাবহান্॥ 12-61-1 (80776)
ভীষ্ম উবাচ। 12-61-2x (6686)
ব্রাহ্মণস্য তু চৎবারস্ৎবাশ্রমা বিহিতাঃ প্রভো।
বর্ণাস্তান্নানুবর্তন্তে ত্রয়ো ভারতসত্তম॥ 12-61-2 (80777)
উক্তানি কর্মাণি বহূনি রাজ
ন্স্বর্গ্যাণি রাজন্যপরায়ণানি।
শাস্ত্রস্য সর্বস্য বিধৌ স্মৃতানি
ক্ষাত্রে হি সর্বং বিহিতং যথাবৎ॥ 12-61-3 (80778)
ক্ষাত্রাণি বৈশ্যানি চ সেবমানঃ
শৌদ্রাণি কর্মাণি চ ব্রাহ্মণঃ সৎ।
অস্মিঁল্লোকে নিন্দিতো মন্দচেতাঃ।
পরে চ লোকে নিরয়ং প্রয়াতি॥ 12-61-4 (80779)
যা সংজ্ঞা বিহিতা লোকে দাসে শুনি বৃকে পশৌ।
বিকর্মণি স্থিতে বিপ্রে তাং সংজ্ঞাং কুরু পাণ্ডব॥ 12-61-5 (80780)
ষট্কর্মসংপ্রবৃত্তস্য আশ্রমেষু চতুর্ষ্বপি।
সর্বধর্মোপপন্নস্য তদ্ভূতস্য কৃতাত্মনঃ॥ 12-61-6 (80781)
ব্রাহ্মণস্য বিশুদ্ধস্য তপস্যভিরতস্য চ।
নিরাশিষো বদান্যস্য লোকা হ্যক্ষরসংজ্ঞিতাঃ॥ 12-61-7 (80782)
যো যস্মিন্কুরুতে কর্ম যাদৃশং যেন যত্র চ।
তাদৃশং তাদৃশেনৈব সগুণং প্রতিপদ্যতে॥ 12-61-8 (80783)
বৃদ্ধ্যা কৃষিবণিক্ৎবেন জীবসংজীবনেন চ।
বেত্তুমর্হসি রাজেন্দ্র স্বাধ্যাত্মগুণিতেন চ॥ 12-61-9 (80784)
কালসংচোদিতঃ কালে কালপর্যায়নিশ্চিতঃ।
উত্তমাধমমধ্যানি কর্মাণি কুরুতেঽবশঃ॥ 12-61-10 (80785)
অন্তবন্তি প্রদানানি পরং শ্রেয়স্করাণি চ।
স্বকর্মবিহিতো লোকো হ্যক্ষরঃ সর্বতোমুখঃ॥ ॥ 12-61-11 (80786)
ইতি শ্রীমন্মহাভারতে শান্তিপর্বণি রাজধর্মপর্বণি একষষ্টিতমোঽধ্যায়ঃ॥ 61॥
Mahabharata - Shanti Parva - Chapter Footnotes
12-61-6 ষট্কর্মাণি প্রাণায়ামঃ প্রত্যাহারো ধ্যানং ধারণা তর্ক সমাধিরিতি। ইজ্যাদীনামাশ্রমান্তরেষ্বয়োগাৎ। সর্বধর্মোঽহিংসা॥ 12-61-7 তপসি বিচারে। অক্ষরসংজ্ঞিতাঃ অক্ষয়াঃ॥ 12-61-8 যঃ পুমান্যস্মিন্নবস্থাবিশেষে যত্র দেশে কালে বা যেন ফলেন নিমিত্তেন যৎকর্ম করোতি সাধ্বসাধু বা তৎসকলং লোভাচ্চিরাভ্যাসাচ্চ সগুণমেবেতি প্রতিপদ্যতে নৎবিদং নিন্দ্যমিতি ততো বিরজ্যত ইত্যর্থঃ॥ 12-61-9 জীবৈ সংজীবনং মৃগয়াজীবিৎবং তেন। বৃভ্দ্যাদিভিঃ সমানমিতি হেত্তুমর্হসি উক্তহেতোরিত্যর্থঃ॥ 12-61-10 কালেন পর্যেত্যাবির্ভবতীতি কালপর্যায়ঃ প্রাগ্ভবীয়ো বাসনাসমূহস্তেন নিশ্চিতঃ॥শান্তিপর্ব - অধ্যায় 062
॥ শ্রীঃ ॥
12.62. অধ্যায়ঃ 062
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ব্রাহ্মণৈস্ত্যাজ্যধর্মকথনম্॥ 1॥ তথা ক্ষত্রিয়াদিধর্মকথনপূর্বকং রাজধর্মপ্রশংসনম্॥ 2॥Mahabharata - Shanti Parva - Chapter Text
12-62-0 (67253)
ভীষ্ম উবাচ। 12-62-0x (5481)
জ্যাকর্ষণং শত্রুনিবর্হণং চ
কৃপির্বণিজ্যা পশুপালনং চ।
শুশ্রূষণং চাপি তথাঽর্থহেতো
রকার্যমেতৎপরমং দ্বিজস্য॥ 12-62-1 (67254)
সেব্যং তু ব্রহ্ম ষট্কর্ম গৃহস্থেন মনীষিণা।
কৃতকৃত্যস্য চারণ্যে বাসো বিপ্রস্য শস্যতে॥ 12-62-2 (67255)
রাজপ্রেষ্যং কৃষিধনং জীবনং চ বণিজ্যযা।
কৌটিল্যং কৌলটেয়ং চ ব্রাহ্মণস্য বিগর্হিতম্॥ 12-62-3 (67256)
শূদ্রো রাজন্ভবতি ব্রহ্মবন্ধু
র্দুশ্চারিত্রো যশ্চ ধর্মাদপেতঃ।
বৃপলীপতিঃ পিশুনো নর্তনশ্চ।
গ্রামপ্রেষ্যো যশ্চ ভবেদ্বিকর্মা॥ 12-62-4 (67257)
`এবংবিধো ব্রাহ্মণঃ কৌরবেন্দ্র
বৃত্তাপেতো যো ভবেন্মন্দচেতাঃ। '
জপন্বেদানজপংশ্চাপি রাজন্
সমঃ শূদ্রৈর্দাসবচ্চাপি ভোজ্যঃ।
এতে সর্বে শূদ্রসমা ভবন্তি
রাজন্নেতান্বর্জয়েদ্দেবকৃত্যে॥ 12-62-5 (67258)
নির্মর্যাদে বাক্ছঠে ক্রূরবৃত্তৌ।
হিংসাকামে ত্যক্তবৃত্তস্বধর্মো।
হব্যং কব্যং যানি চান্যানি রাজন্
দেয়ান্যদেয়ানি ভবন্তি তস্মিন্॥ 12-62-6 (67259)
তস্মাদ্ধর্মো বিহিতো ব্রাহ্মণস্য
দমঃ শৌচং চার্জবং চাপি রাজন্।
তথা বিপ্রস্যাশ্রমাঃ সর্ব এব
পুরা রাজন্ব্রহ্মণা সংনিসৃষ্টাঃ॥ 12-62-7 (67260)
যঃ স্যাদ্দান্তঃ সোমপাশ্চার্যশীলঃ
সানুক্রোশঃ সর্বসহো নিরাশীঃ।
ঋজুর্মৃদুরনৃশংসঃ ক্ষমাবান্
স বৈ বিপ্রো নেতরঃ পাপকর্মা॥ 12-62-8 (67261)
বিপ্রং বৈশ্যং রাজপুত্রং চ রাজন্
লোকাঃ সর্বে সংশ্রিতা ধর্মকামাঃ।
তস্মাদ্বর্ণাঞ্জাতিধর্মেষু সক্তা
ঞ্জেতুং বিষ্ণুর্নেচ্ছতি পাণ্ডুপুত্র॥ 12-62-9 (67262)
লোকশ্চায়ং সর্বলোকস্য ন স্যা
চ্চাতুর্বর্ণ্যং বেদবাদাশ্চ ন স্যুঃ।
সর্বাশ্চেজ্যাঃ সর্বলোকক্রিয়াশ্চ
সদ্যঃ সর্বে চাশ্রমাশ্চৈব ন স্যুঃ॥ 12-62-10 (67263)
যচ্চ ত্রয়াণাং বর্ণানামিচ্ছেদাশ্রমসেবনম্।
কর্তুমাশ্রমদৃষ্টাংশ্চ ধর্মাস্তাঞ্শৃণু পাণ্ডব॥ 12-62-11 (67264)
শুশ্রূষোঃ কৃতকার্যস্য কৃতসংতানকর্মণঃ।
অভ্যনুজ্ঞাপ্য রাজানং শূদ্রস্য জগতীপতে॥ 12-62-12 (67265)
অল্পান্তরগতস্যাপি দেশধর্মগতস্য বা।
আশ্রমা বিহিতাঃ সর্বে বর্জয়িৎবা নিরাশিষম্॥ 12-62-13 (67266)
ভৈক্ষচর্যাং নচৈবাহুস্তস্য তদ্ধর্মবাদিনঃ।
তথা বৈশ্যস্য রাজেন্দ্র রাজপুত্রস্য চৈব হি॥ 12-62-14 (67267)
কৃতকৃত্যো বয়োতীতো রাজ্ঞঃ কৃতপরিশ্রমঃ।
বৈশ্যো গচ্ছেদনুজ্ঞাতো নৃপেণাশ্রমসংশ্রয়ম্॥ 12-62-15 (67268)
বেদানধীত্য ধর্মেণ রাজশাস্ত্রাণি চানঘ।
সংতানাদীনি কর্মাণি কৃৎবা সোমং নিষেব্য চ॥ 12-62-16 (67269)
পালয়িৎবা প্রজাঃ সর্বা ধর্মেণ বদতাংবর।
রাজসূয়াশ্বমেধাদীন্মখানন্যাংস্তথৈব চ॥ 12-62-17 (67270)
আনয়িৎবা যথান্যায়ং বিপ্রেভ্যো দত্তদক্ষিণঃ।
সংগ্রামে বিজয়ং প্রাপ্য তথাঽল্পং যদি বা বহু॥ 12-62-18 (67271)
স্থাপয়িৎবা প্রজাপালং পুত্রং রাজ্যে চ পাণ্ডব।
অন্যগোত্রং প্রশস্তং বা ক্ষত্রিয়ং ক্ষত্রিয়র্ষভ॥ 12-62-19 (67272)
অর্চয়িৎবা পিতৄঞ্শ্রাদ্ধৈঃ পিতৃয়জ্ঞৈর্যথাবিধি।
দেবান্যজ্ঞৈর্ঋষীন্বেদৈরর্চয়িৎবা তু যত্নতঃ॥ 12-62-20 (67273)
অন্তকালে চ সংপ্রাপ্তে য ইচ্ছেদাশ্রমান্তরম্।
সোনুপূর্ব্যাশ্রমান্রাজন্গৎবা সিদ্ধিমবাপ্নুয়াৎ॥ 12-62-21 (67274)
রাজর্ষিৎবেন রাজেন্দ্র ভৈক্ষ্যচর্যাদ্যসেবয়া।
অপেতগৃহধর্মাপি চরেজ্জীবিতকাম্যযা॥ 12-62-22 (67275)
ন চৈতন্নৈষ্ঠিকং কর্ম ত্রয়াণাং ভূরিদক্ষিণ।
চতুর্ণাং রাজশার্দূল প্রাহুরাশ্রমবাসিনাম্॥ 12-62-23 (67276)
বাহ্বায়ত্তং ক্ষত্রিয়ৈর্মানবানাং
লোকশ্রেষ্ঠং ধর্মমাসেবমানৈঃ।
সর্বে ধর্মাঃ সোপধর্মাস্ত্রয়াণাং
রাজ্ঞো ধর্মং নীতিশাস্ত্রে শৃণোমি॥ 12-62-24 (67277)
যথা রাজন্হস্তিপদে পদানি
সংলীয়ন্তে সর্বসৎবোদ্ভবানি।
এবং ধর্মান্রাজধর্মেষু সর্বান্
সর্বাবস্থান্সংপ্রলীনান্নিবোধ॥ 12-62-25 (67278)
অল্পাশ্রয়ানল্পফলান্বদন্তি
ধর্মানন্যান্ধর্মবিদো মনুষ্যাঃ।
মহাশ্রয়ং বহুকল্যাণরূপং
ক্ষাত্রং ধর্মং নেতরং প্রাহুরার্যাঃ॥ 12-62-26 (67279)
সর্বে ধর্মা রাজধর্মপ্রধানাঃ
সর্বে বর্ণাঃ পাল্যমানা ভবন্তি।
সর্বস্ত্যাগো রাজধর্মেষু রাজং
স্ত্যাগং ধর্মং চাহুরগ্র্যং পুরাণম্॥ 12-62-27 (67280)
মজ্জেত্রয়ী দণ্ডনীতৌ হতায়াং
সর্বে ধর্মাঃ প্রক্ষয়েয়ুর্বিরুদ্ধাঃ।
সর্বে ধর্মাশ্চাশ্রমাণাং হতাঃ স্যুঃ
ক্ষাত্রে নষ্টে রাজধর্মে পুরাণে॥ 12-62-28 (67281)
সর্বে ভোগা রাজধর্মেষু দৃষ্টাঃ
সর্বা দীক্ষা রাজধর্মেষু চোক্তাঃ।
সর্বা বিদ্যা রাজধর্মেষু যুক্তাঃ
সর্বে লোকা রাজধর্মে প্রবিষ্টাঃ॥ 12-62-29 (67282)
`সর্বে ধর্মা রাজধর্মেষু দৃষ্টাঃ
সর্বে ভোগা রাজধর্মেষু রাজন্।'
সর্বে যোগা রাজধর্মেষু চোক্তাঃ
সর্বে ধর্মা রাজধর্মে প্রবিষ্টাঃ।
তস্মাদ্ধর্মো রাজধর্মাদ্বিশিষ্টো
নান্যো লোকে বিদ্যতেঽজাতশত্রো॥ 12-62-30 (67283)
সর্বাণ্যেতানি কর্মাণি ক্ষাত্রে ভরতসত্তম।
ভবন্তি জীবলোকাশ্চ ক্ষত্রধর্মে প্রতিষ্ঠিতাঃ॥ 12-62-31 (67284)
যথা জীবাঃ প্রাকৃতৈর্বধ্যমানা
ধর্মশ্রুতীনামুপপীডনায়।
এবং ধর্মা রাজধর্মৈর্বিয়ুক্তাঃ
সংচিন্বন্তো নাদ্রিয়ন্তে স্বধর্মম্॥ ॥ 12-62-32 (67285)
ইতি শ্রীমন্মহাভারতে শান্তিপর্বণি রাজধর্মপর্বণি দ্বিষষ্টিতমোঽধ্যায়ঃ॥ 62॥
Mahabharata - Shanti Parva - Chapter Footnotes
12-62-3 কৌটিল্যমনার্জবম্। কৌলটেয়ং কুলটাপ্রধানং জারকর্ম। কুসীদং চ বিবর্জয়েৎ ইতি ঝ. পাঠঃ। তত্র কুসীদং বৃদ্ধিজীবিকামিত্যর্থঃ॥ 12-62-5 রাজপ্রেষ্যাদির্বেদান্ জপন্নজপন্বা শূদ্রইব পঙ্ক্তের্বহির্ভোজনীয় এবেতি ভাবঃ॥ 12-62-11 যো রাজা ত্রয়াণাং ব্রাহ্মণবৈশ্যশূদ্রাণাং স্বরাজ্যে আশ্রমধর্মসেবনং যথোক্তং ইচ্ছেৎ তেনাবশ্যজ্ঞাতব্যান্ধর্মাঞ্শৃণু॥ 12-62-12 শুশ্রূষোর্বেদান্তেষ্বনধিকারাৎপুরাণদ্বারা আত্মানং শ্রোতুমিচ্ছোঃ। কৃতকার্যস্য যাবচ্ছরীরসামর্থ্যং সেবিতত্রৈবর্ণ্যস্য॥ 12-62-13 অল্পান্তরগতস্য আচারনিষ্ঠয়া ত্রৈবর্ণিকসমস্য আশ্রমাঃ সর্বে বিহিতাঃ। শূদ্রোঽপি নৈষ্ঠিকং ব্রহ্মচর্যং বানপ্রস্থং বা সকলবিক্ষেপককর্মত্যাগরূপং সংন্যাসং বাঽনুতিষ্ঠেদেব। নিরাশিষং শান্তিদান্ত্যাদিকল্যাণগুণরহিতম্॥ 12-62-22 অপেতগৃহধর্মোঽপীতি খ. পাঠঃ॥শান্তিপর্ব - অধ্যায় 063
॥ শ্রীঃ ॥
12.63. অধ্যায়ঃ 063
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি রাজধর্মপ্রশংসকেন্দ্রমাংধাতৃসংবাদানুবাদঃ॥ 1॥Mahabharata - Shanti Parva - Chapter Text
12-63-0 (80787)
ভীষ্ম উবাচ। 12-63-0x (6687)
চাতুরাশ্রম্যধর্মাশ্চ যতিধর্মাশ্চ পাণ্ডব।
লোকবেদোত্তরাশ্চৈব ক্ষাত্রধর্মে সমাহিতাঃ॥ 12-63-1 (80788)
সর্বাণ্যেতানি কর্মাণি ক্ষাত্রে ভরতসত্তম।
নিরাশিষো জীবলোকাঃ ক্ষত্রধর্মে ব্যবস্থিতে॥ 12-63-2 (80789)
অপ্রত্যক্ষং বহুফলং ধর্মমাশ্রমবাসিনাম্।
প্ররূপয়ন্তি তদ্ভাবমাগমৈরেব শাশ্বতম্॥ 12-63-3 (80790)
অপরে বচনৈঃ পুণ্যৈর্বাদিনো লোকনিশ্চয়ে।
অনিশ্চয়জ্ঞা ধর্মাণামদৃষ্টান্তে পরে রতাঃ॥ 12-63-4 (80791)
প্রত্যক্ষং ফলভূয়িষ্ঠমাত্মসাক্ষিকমচ্ছলম্।
সর্বলোকহিতং ধর্মং ক্ষত্রিয়েষু প্রতিষ্ঠিতম্॥ 12-63-5 (80792)
ধর্মাশ্রমেঽধ্যবসিনাং ব্রাহ্মণানাং যুধিষ্ঠির।
যথা ত্রয়াণাং বর্ণানাং সংখ্যাতোপশ্রুতিঃ পুরা।
রাজধর্মেষ্বনুমতা লোকাঃ সুচরিতৈঃ সহ॥ 12-63-6 (80793)
উদাহৃতং তে রাজেন্দ্র যথা বিষ্ণুং মহৌজসম্।
সর্বভূতেশ্বরং দেবং ব্রাহ্মং নারায়ণং পুরা।
জগ্মুঃ সুবহুশঃ শূরা রাজানো দণ্ডনীতয়ে॥ 12-63-7 (80794)
একৈকমাত্মনঃ কর্ম তুলয়িৎবাশ্রমং পুরা।
জানঃ পর্যুপাসন্ত দৃষ্টান্তবচনে স্থিতাঃ॥ 12-63-8 (80795)
সাধ্যা দেবা বসবশ্চাশ্বিনৌ চ
রুদ্রাশ্চ বিশ্বে মরুতাং গণাশ্চ।
সৃষ্টাঃ পুরা হ্যাদিদেবেন দেবাঃ
ক্ষাত্রে ধর্মে বর্তয়ন্তে চ সিদ্ধাঃ॥ 12-63-9 (80796)
অত্র তে বর্তয়িষ্যামি ধর্মমর্থবিনিশ্চয়ে।
নির্মর্যাদে বর্তমানে দানবৈকার্ণবে পুরা॥ 12-63-10 (80797)
বভূব রাজা রাজেন্দ্র মান্ধাতা নাম বীর্যবান্।
পুরা বসুমতীপালো যজ্ঞং চক্রে দিদৃক্ষয়া॥ 12-63-11 (80798)
অনাদিমধ্যনিধনং দেবং নারায়ণং প্রভুম্।
স রাজা রাজশার্দূল মান্ধাতা পরমেশ্বরম্॥ 12-63-12 (80799)
জগাম শিরসা পাদৌ যজ্ঞে বিষ্ণোর্মহাত্মনঃ।
দর্শয়ামাস তং বিষ্ণূ রূপমাস্থায় বাসবম্॥ 12-63-13 (80800)
স পার্থিবৈর্বৃতঃ সদ্ভিরর্চয়ামাস তং প্রভুম্।
তস্য পার্থিবসঙ্ঘস্য তস্য চৈব মহাত্মনঃ।
সংবাদোঽয়ং মহানাসীদ্বিষ্ণুং প্রতি মহাদ্যুতিম্॥ 12-63-14 (80801)
ইন্দ্র উবাচ। 12-63-15x (6688)
কিমিষ্যসে ধর্মভূতাং বরিষ্ঠ
যং দ্রষ্টুকামোঽসি তমপ্রমেয়ম্।
অনন্তমায়ামিতমন্ত্রবীর্যং
নারায়ণং হ্যাদিদেবং পুরাণম্॥ 12-63-15 (80802)
নাসৌ দেবো বিশ্বরূপো ময়াঽপি
শক্যো দ্রষ্টুং ব্রহ্মণা বাঽপি সাক্ষাৎ
যেঽন্যে কামাস্তব রাজন্হৃদিস্থা
দাস্যে চৈতাংস্ৎবং হি মর্ত্যেষু রাজা॥ 12-63-16 (80803)
সত্যে স্থিতো ধর্মপরো জিতেন্দ্রিয়ঃ
শূরো দৃঢপ্রীতিরতঃ সুরাণাম্।
বুদ্ধ্যা ভক্ত্যা চোত্তমঃ শ্রদ্ধয়া চ
ততস্তেঽহং দঝি বরান্যথেষ্টম্॥ 12-63-17 (80804)
মান্ধাতোবাচ। 12-63-18x (6689)
অসংশয়ং ভগবন্নাদিদেবং
বক্ষ্যামি ৎবাঽহং শিরসা সংপ্রসাদ্য।
ত্যক্ৎবা কামান্ধর্মকামো হ্যরণ্য
মিচ্ছে গন্তুং সৎপথং সাধুজুষ্টম্॥ 12-63-18 (80805)
ক্ষাত্রাদ্ধর্মাদ্বিপুলাদপ্রমেয়া
শ্লোকাঃ প্রাপ্তাঃ স্থাপিতং স্বং যশশ্চ।
ধর্মো যোঽসাবাদিদেবাৎপ্রবৃত্তো
লোকশ্রেষ্ঠং তং ন জানামি কর্তুম্॥ 12-63-19 (80806)
ইন্দ্র উবাচ। 12-63-20x (6690)
অসৈনিকা ধর্মপরাশ্চ ধর্মে
পরাং গতিং ন নয়ন্তে হ্যযুক্তম্।
ক্ষাত্রো ধর্মো হ্যাদিদেবাৎপ্রবৃত্তঃ
পশ্চাদন্যে শেষভূতাশ্চ ধর্মাঃ॥ 12-63-20 (80807)
শেষাঃ সৃষ্টা হ্যন্তবন্তো হ্যনন্তাঃ
সপ্রস্থানাঃ ক্ষাত্রধর্মা বিশিষ্টাঃ।
অস্মিন্ধর্মে সর্বধর্মাঃ প্রবিষ্টাঃ
ক্ষাত্রং ধর্মং শ্রেষ্ঠতমং বদন্তি॥ 12-63-21 (80808)
কর্মণা বৈ পুরা দেবা ঋষয়শ্চামিতৌজসঃ।
ত্রাতাঃ সর্বে প্রসহ্যারীন্ক্ষত্রধর্মেণ বিষ্ণুনা॥ 12-63-22 (80809)
যদি হ্যসৌ ভগবন্নাহনিষ্য
দ্রিপূ সর্বানসুরানপ্রমেয়ঃ।
ন চ ব্রহ্মা নৈব লোকাদিকর্তা
সন্তো ধর্মাশ্চাদিধর্মাশ্চ ন স্যুঃ॥ 12-63-23 (80810)
ইমামুর্বী নাজয়দ্বিক্রমেণ
দেবশ্রেষ্ঠঃ সাসুরামাদিদেবঃ।
চাতুর্বর্ণ্যং চাতুরাশ্রম্যধর্মাঃ
সর্বে ন স্যুর্ব্রাহ্মণানাং বিনাশাৎ॥ 12-63-24 (80811)
নষ্টা ধর্মাঃ শতধা শাশ্বতাস্তে
ক্ষাত্রেণ ধর্মেণ পুনঃ প্রবৃদ্ধাঃ।
যুগেয়ুগে হ্যাদিধর্মাঃ প্রবৃত্তা
লোকজ্যেষ্ঠং ক্ষাত্রধর্মং বদন্তি॥ 12-63-25 (80812)
আত্মত্যাগঃ সর্বভূতানুকম্পা
লোকজ্ঞানং পালনং মোক্ষণং চ।
বিষণ্ণানাং মোক্ষণং পীডিতানাং
ক্ষাত্রে ধর্মে বিদ্যতে পার্থিবানাম্॥ 12-63-26 (80813)
নির্মর্যাদাঃ কামমন্যুপ্রবৃত্তা
ভীতা রাজ্ঞো নাধিগচ্ছন্তি পাপম্।
শিষ্টাশ্চান্যে সর্বধর্মোপপন্নাঃ
সাধ্বাচারাঃ সাধুধর্মং বদন্তি॥ 12-63-27 (80814)
পুত্রবৎপাল্যমানানি ধর্মলিঙ্গানি পার্থিবৈঃ।
লোকে ভূতানি সর্বাণি চরন্তে নাত্র সংশয়ঃ॥ 12-63-28 (80815)
সর্বধর্মপরং ক্ষাত্রং লোকশ্রেষ্ঠং সনাতনম্।
শশ্বদক্ষরপর্যন্তমক্ষরং সর্বতোমুখম্॥ ॥ 12-63-29 (80816)
ইতি শ্রীমন্মহাভারতে শান্তিপর্বণি রাজধর্মপর্বণি ত্রিষষ্টিতমোঽধ্যায়ঃ॥ 63॥
Mahabharata - Shanti Parva - Chapter Footnotes
12-63-1 রাজধর্মাশ্চ পাণ্ডব। লোকালোকোত্তরাশ্চৈব ধর্মাঃ ক্ষাত্রে সমর্পিতা ইতি ট. ড.দ. পাঠঃ॥ 12-63-3 বহুদ্বারমিতি ঝ. পাঠঃ॥ 12-63-4 অদৃষ্টান্তে ন দৃষ্টোঽন্তো যস্য তস্মিন্॥ 12-63-5 সুখভূয়িষ্ঠমিতি ঝ. পাঠঃ॥ 12-63-6 ধর্মাশ্রমে গার্হস্থ্যে বর্ণানাং ধর্মাণাং উপশ্রুতিরন্তর্ভাবঃ সংখ্যা প্রকটা। তথা রাজধর্মেষু ধর্মৈঃ সহ লোকা অন্তর্ভূতাঃ। অনুলোমা রাজধর্মো লোকে সুচরিতৈরিহেতি থ. দ. পাঠঃ॥ 12-63-8 আশ্রমং আশ্রমবিহিতং তুলয়িৎবা কিং দণ্ডনীতিজো ধর্মো মহান্ উত আশ্রমধর্ম ইতি সংদিহ্য দৃষ্টান্তবচনে সিদ্ধান্তং শ্রোতুম্॥ 12-63-13 বাসয়ং ঐন্দ্রং রূপম্॥ 12-63-20 ন সন্তি সৈনিকা যেষাং তে অসৈনিকাঃ অরাজানঃ যুক্তং অভিনিবেশশূন্যং যথা স্যাত্তথা হেলয়ৈব ন নয়ন্তে ইত্যর্থঃ। শেষভূতাঃ অঙ্গভূতাঃ॥ 12-63-26 আত্মত্যাগো যুদ্ধে মরণম্ 12-63-29 অক্ষরপর্যন্তং মোক্ষাবসানম্॥শান্তিপর্ব - অধ্যায় 064
॥ শ্রীঃ ॥
12.64. অধ্যায়ঃ 064
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ইন্দ্ররূপিহরিণা মাংধাতারং প্রত্যুক্তরাজধর্মাদিকথনম্॥ 1॥Mahabharata - Shanti Parva - Chapter Text
12-64-0 (67286)
ইন্দ্র উবাচ। 12-64-0x (5482)
এবংবীর্যঃ সর্বধর্মোপপন্নঃ
ক্ষাত্রঃ শ্রেষ্ঠঃ সর্বধর্মেষু ধর্মঃ।
পাল্যো যুষ্মাভির্লোকপালৈরুদারৈ
র্বিপর্যযে স্যাদভবঃ প্রজানাম্। 12-64-1 (67287)
ভূসস্কারং ধর্মসংস্কারয়োগ্যং
দীক্ষাচর্যাং পালনং চ প্রজানাম্।
বিদ্যাদ্রাজ্ঞঃ সর্বভূতানুকম্পা
দেহত্যাগং চাহবে ধর্মমগ্র্যম্॥ 12-64-2 (67288)
ত্যাগং শ্রেষ্ঠং মুনয়ো বৈ বদন্তি
সর্বশ্রেষ্ঠং যচ্ছরীরং ত্যজন্তি।
নিত্যং ব্যক্তং রাজধর্মেষু সর্বে
প্রত্যক্ষং তে ভূমিপালা যথৈতে॥ 12-64-3 (67289)
বহুশ্রুত্যা গুরুশুশ্রূষয়া বা
পরস্পরাঃ সংহননাদ্বদন্তি।
নিত্যং ধর্মং ক্ষত্রিয়ো ব্রহ্মচারী।
চরেদেকো হ্যাশ্রমং ধর্মকামঃ॥ 12-64-4 (67290)
সামান্যার্থে ব্যবহারে প্রবৃত্তে
প্রিয়াপ্রিয়ে বর্জয়ন্নৈব যত্নাৎ।
চাতুর্বর্ণ্যং স্থাপনাৎপালনাচ্চ
তৈস্তৈর্যোগৈর্নিয়মৈরৌষধৈশ্চ॥ 12-64-5 (67291)
সর্বোদ্যোগৈরাশ্রমং ধর্মমাহুঃ
ক্ষাত্রং শ্রেষ্ঠং সর্বধর্মোপপন্নম্।
বংস্বং ধর্মং যেন চরন্তি বর্ণা
স্তাংস্তান্ধর্মানন্যথার্থান্বদন্তি॥ 12-64-6 (67292)
নের্মর্যাদান্নিত্যমর্থে নিবিষ্টা
নাহুস্তান্বৈ পশুভূতান্মনুষ্যান্।
যথা নীতিং গময়ত্যর্থয়োগা
চ্ছ্রেয়স্তস্মাদাশ্রমাৎক্ষত্রধর্মঃ॥ 12-64-7 (67293)
ত্রৈবিদ্যানাং যা গতির্ব্রাহ্মণানাং
যে চৈবোক্তাঃ স্বাশ্রমা ব্রাহ্মণানাম্।
এতৎকর্ম ক্ষত্রিয়স্যাহুরগ্র্য
মন্যৎকুর্বঞ্ছূদ্রবচ্ছস্ত্রবধ্যঃ॥ 12-64-8 (67294)
চাতুরাশ্রম্যধর্মাশ্চ বেদবাদাশ্চ পার্থিব।
ব্রাহ্মণেনানুগন্তব্যা নান্যো বিদ্যাৎকদাচন॥ 12-64-9 (67295)
অন্যথা বর্তমানস্য ন সা বৃত্তিঃ প্রকল্প্যতে।
কর্মণা বর্ধতে ধর্মো যথা ধর্মস্তথৈব সঃ॥ 12-64-10 (67296)
যো বিকর্মস্থিতো বিপ্রো ন স সন্মানমর্হতি।
কর্ম স্বমপ্রয়ুঞ্জানমবিশ্বাস্যং হি তং বিদুঃ॥ 12-64-11 (67297)
এতে বর্ণাঃ সর্বধর্মৈশ্চ হীনা
উৎক্রষ্টব্যাঃ ক্ষত্রিয়ৈরেব ধর্মাঃ।
তস্মাচ্ছ্রেষ্ঠা রাজধর্মা ন চান্যে
বীর্যশ্রেষ্ঠা রাজধর্মা মতা মে॥ 12-64-12 (67298)
মান্ধাতোবাচ। 12-64-13x (5483)
যবনাঃ কিরাতা গান্ধারাশ্চীনাঃ শবরবর্বরাঃ।
শকাস্তুষারাঃ কঙ্কাশ্চ পল্লবাশ্চান্ধ্রমদ্রকাঃ॥ 12-64-13 (67299)
উষ্ট্রাঃ পুলিন্দা আরট্টাঃ কাচা ম্লেচ্ছাশ্চ সর্বশঃ।
ব্রহ্মক্ষত্রপ্রসূতাশ্চ বৈশ্যাঃ শূদ্রাশ্চ মানবাঃ॥ 12-64-14 (67300)
কথং ধর্মাংশ্চরিষ্যন্তি সর্বে বিষয়বাসিনঃ।
মদ্বিধৈশ্চ কথং স্থাপ্যাঃ সর্বে বৈ দস্যুজীবিনঃ॥ 12-64-15 (67301)
এতদিচ্ছাম্যহং শ্রোতুং মঘবংস্তদ্ব্রবীহি মে।
ৎবং বন্ধুভূতো হ্যস্মাকং ক্ষত্রিয়াণাং সুরেশ্বর॥ 12-64-16 (67302)
ইন্দ্র উবাচ। 12-64-17x (5484)
মাতাপিত্রোর্হি শুশ্রূষা কর্তব্যা সর্বদস্যুভিঃ।
আচার্যগুরুশুশ্রূষা তথৈবাশ্রমবাসিনাম্॥ 12-64-17 (67303)
ভূমিপানাং চ শুশ্রূষা কর্তব্যা সর্বদস্যুভিঃ।
দেশধর্মক্রিয়াশ্চৈব তেষাং ধর্মো বিধীয়তে॥ 12-64-18 (67304)
পিতৃয়জ্ঞাস্তথা কূপাঃ প্রপাশ্চ শয়নানি চ।
দানানি চ যথাকালং দাতব্যানি দ্বিজাতিষু॥ 12-64-19 (67305)
অহিংসা সত্যমক্রোধো বৃত্তিদায়ানুপালনম্।
ভরণং পুত্রদারাণাং শৌচমদ্রোহ এব চ॥ 12-64-20 (67306)
দক্ষিণা সর্বয়জ্ঞানাং দাতব্যা ধর্মমিচ্ছতা।
পাকয়জ্ঞা মহার্থাশ্চ দাতব্যাঃ সর্বদস্যুভিঃ॥ 12-64-21 (67307)
এতান্যেবংপ্রকারাণি বিহিতানি পুরাঽনঘ।
সর্বলোকস্য কর্মাণি কর্তব্যানীহ পার্থিব॥ 12-64-22 (67308)
মান্ধাতোবাচ। 12-64-23x (5485)
দৃশ্যন্তে মানুষে লোকে সর্ববর্ণেষু দস্যবঃ।
লিঙ্গান্তরে বর্তমানা আশ্রমেষু তথৈব চ॥ 12-64-23 (67309)
ইন্দ্র উবাচ। 12-64-24x (5486)
বিনষ্টায়াং দণ্ডনীত্যাং রাজধর্মে বিনাকৃতে।
সংপ্রমুহ্যন্তি ভূতানি রাজদৌরাত্ম্যতোঽনঘ॥ 12-64-24 (67310)
অসঙ্খ্যাতা ভবিষ্যন্তি ভিক্ষবো লিঙ্গিনস্তথা।
আশ্রমাণাং বিকল্পাশ্চ বৃত্তেঽস্মিন্বৈকৃতে যুগে॥ 12-64-25 (67311)
অশৃণ্বানাঃ পুরাণানাং ধর্মাণাং শতশো নরাঃ।
উৎপথং প্রতিপৎস্যন্তে কামমন্যুসমীরিতাঃ॥ 12-64-26 (67312)
যদা নিবর্ত্যতে পাপো দণ্ডনীত্যা মহাত্মভিঃ।
তদা ধর্মো ন চলতে সংভূতঃ শাশ্বতঃ পুরা॥ 12-64-27 (67313)
সর্বলোকগুরুং চৈব রাজানং যোঽবমন্যতে।
ন তস্য দত্তং ন কৃতং ন শ্রুতং ফলতি ক্বচিৎ॥ 12-64-28 (67314)
মানুষাণামধিপতিং দেবভূতং মহাদ্যুতিম্।
দেবাশ্চ বহুমন্যন্তে ধর্মকামং নরেশ্বরম্॥ 12-64-29 (67315)
প্রজাপতির্হি ভগবান্যঃ সর্বমসৃজজ্জগৎ।
স প্রবৃত্তিনিবৃত্ত্যর্থং ধর্মাণাং ক্ষত্রমিচ্ছতি॥ 12-64-30 (67316)
প্রবৃত্তস্য হি ধর্মস্য বুদ্ধ্যা যঃ স্মরতে গতিম্।
স মে মান্যশ্চ পূজ্যশ্চ স চ ক্ষত্রে প্রতিষ্ঠিতঃ॥ 12-64-31 (67317)
ভীষ্ম উবাচ। 12-64-32x (5487)
এবমুক্ৎবা স ভগবান্মরুদ্গণবৃতঃ প্রভুঃ।
জগাম ভবনং বিষ্ণুরক্ষরং শাশ্বতং পরম্॥ 12-64-32 (67318)
এবং প্রবর্তিতে ধর্মে পুরা সুচরিতেঽনঘ।
কঃ ক্ষত্রমতিবর্তেত চেতনাবান্বহুশ্রুতঃ॥ 12-64-33 (67319)
অন্যায়েন প্রবৃত্তানি নিবৃত্তানি তথৈব চ।
অন্তরা বিলয়ং যান্তি যথা পথি বিচক্ষুষঃ॥ 12-64-34 (67320)
আদৌ প্রবর্তিতে চক্রে তথৈবাদিপরায়ণে।
বর্তস্ব পুরুষব্যাঘ্র সংবিজানামি তেঽনঘ॥ ॥ 12-64-35 (67321)
ইতি শ্রীমন্মহাভারতে শান্তিপর্বণি রাজধর্মপর্বণি চতুঃষষ্টিতমোঽধ্যায়ঃ॥ 64॥
Mahabharata - Shanti Parva - Chapter Footnotes
12-64-2 ভূসংস্কারং ভুবঃ সংপন্নসস্যৎবম্। রাজসংস্কারয়োগমিতি ঝ. পাঠঃ। তত্র রাজসংস্কারো তজসূয়াদিরর্থঃ॥ 12-64-5 নিয়মৈরৌরসৈশ্চেতি ঝ.পাঠঃ। তত্র ঔরসৈঃ পৌরুষৈঃ ইত্যর্থঃ॥ 12-64-6 যেন ক্ষাত্রধর্মেণ। অন্যথার্থান্নিষ্প্রয়োজনান্ বদন্তি॥ 12-64-7 নির্মর্যাদে নিত্যমর্থে বিনষ্টে ন র্মচিন্তা পশুভূতে মনুষ্যে। ইতি ট. ড. থ. পাঠঃ॥ 12-64-8 যা গতির্যজ্ঞাদিঃ আশ্রমধর্মশ্চ এতদ্দ্বয়ম্॥ 12-64-10 কর্মণা ত্যজ্যতে ধর্মো যথৈব স্যাত্তথৈব সঃ ইতি ট. ড. থ. পাঠঃ॥ 12-64-12 উৎক্রষ্টব্যা উৎকর্ষং প্রাপণীয়া॥ 12-64-15 দস্যুজীবিনো দস্যুবৃত্তিজীবিনঃ॥ 12-64-26 পরমা গতীঃ ইতি ঝ. পাঠঃ॥ 12-64-31 গতিং ফলম্॥ 12-64-35 আদিপরায়ণে পূর্বেষাং শরণভূতে বর্তস্ব। তে ৎবাম্॥শান্তিপর্ব - অধ্যায় 065
॥ শ্রীঃ ॥
12.65. অধ্যায়ঃ 065
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বর্ণাশ্রমধর্মকথনম্॥ 1॥Mahabharata - Shanti Parva - Chapter Text
12-65-0 (67322)
যুধিষ্ঠির উবাচ। 12-65-0x (5488)
শ্রুতা মে কথিতাঃ পূর্বং চৎবারো মানবাশ্রমাঃ।
ব্যাখ্যানমেষামাচক্ষ্ব পৃচ্ছতো মে পিতামহ॥ 12-65-1 (67323)
ভীষ্ম উবাচ। 12-65-2x (5489)
বিদিতাঃ সর্ব এবেহ ধর্মাস্তব যুধিষ্ঠির।
যথা মম মহাবাহো বিদিতাঃ সাধুসংমতাঃ॥ 12-65-2 (67324)
যত্তু লিঙ্গান্তরগতং পৃচ্ছসে মাং যুধিষ্ঠির।
ধর্মং ধর্মভৃতাং শ্রেষ্ঠ তন্নিবোধ নরাধিপ। 12-65-3 (67325)
সর্বাণ্যেতানি কৌন্তেয় বিদ্যন্তে ভরতর্ষভ।
সাধ্বাচারপ্রবৃত্তানাং চাতুরাশ্রম্যকর্মণাম্॥ 12-65-4 (67326)
অকামদ্বেষসংয়ুক্তো দণ়্ডনীত্যা যুধিষ্ঠির।
সমদর্শী চ ভূতেষু ভৈক্ষ্যাশ্রমপদং ভবেৎ॥ 12-65-5 (67327)
বেত্তি দানং বিসর্গং চ বিগ্রহানুগ্রহৌ তথা।
যথোক্তবৃত্তো ধীরশ্চ ক্ষমাশ্রমপদং ভবেৎ॥ 12-65-6 (67328)
অর্হান্পূজয়তো নিত্যং সংবিভাগেন পাণ্ডব।
সর্বতস্তস্য কৌন্তেয় ভৈক্ষ্যাশ্রমপদং ভবেৎ॥ 12-65-7 (67329)
জ্ঞাতিসংবন্ধিমিত্রাণি ব্যাপন্নানি যুধিষ্ঠির।
সমভ্যুদ্ধরমাণস্য দীক্ষাশ্রমপদং ভবেৎ॥ 12-65-8 (67330)
লোকমুখ্যেষু সৎকারং লিঙ্গিমুখ্যেষু চাসকৃৎ।
কুর্বতস্তস্য কৌন্তেয় বন্যাশ্রমপদং ভবেৎ॥ 12-65-9 (67331)
আহ্নিকং পিতৃয়জ্ঞাংশ্চ ভূতয়জ্ঞান্সমানুষান্।
কুর্বতঃ পার্থ বিপুলান্বন্যাশ্রমপদং ভবেৎ॥ 12-65-10 (67332)
সংবিভাগেন ভূতানামতিথীনাং তথাঽর্চনাৎ।
দেবয়জ্ঞৈশ্চ রাজেন্দ্র বন্যাশ্রমপদং ভবেৎ॥ 12-65-11 (67333)
মর্দনং পররাষ্ট্রাণাং শিষ্টার্থং সত্যবিক্রম।
কুর্বতঃ পুরুষব্যাঘ্র বন্যাশ্রমপদং ভবেৎ॥ 12-65-12 (67334)
পালনাৎসর্বভূতানাং স্বরাষ্ট্রপরিপালনাৎ।
দীক্ষা বহুবিধা রাজন্সত্যাশ্রমপদং ভবেৎ॥ 12-65-13 (67335)
বেদাধ্যযননিত্যৎবং ক্ষমাঽথাচার্যপূজনম্।
তথোপাধ্যায়শুশ্রূষা ব্রহ্মাশ্রমপদং ভবেৎ॥ 12-65-14 (67336)
আহ্নিকাঞ্জপমানস্য দেবান্পূজয়তঃ সদা।
ধর্মেণ পুরুষব্যাঘ্র ধর্মাশ্রমপদং ভবেৎ॥ 12-65-15 (67337)
মৃত্যুর্বা রক্ষণং বেতি যস্য রাজ্ঞো বিনিশ্চয়ঃ।
প্রাণদ্যূতে ব্যবস্থাপ্য ব্রহ্মাশ্রমপদং ভবেৎ॥ 12-65-16 (67338)
অজিহ্নমশঠং মার্গং বর্তমানস্য ভারত।
সর্বদা সর্বভূতেষু ব্রহ্মাশ্রমপদং ভবেৎ॥ 12-65-17 (67339)
বানপ্রস্থেষু বিপ্রেষু ত্রৈবিদ্যেষু চ ভারত।
প্রয়চ্ছতোঽর্থান্বিপুলান্বন্যাশ্রমপদং ভবেৎ॥ 12-65-18 (67340)
সর্বভূতেষ্বনুক্রোশং কুর্বতস্তব ভারত।
আনৃশংস্যে প্রবৃত্তস্য নিয়তঃ পুণ্যসংচয়ঃ॥ 12-65-19 (67341)
বালবৃদ্ধেষু কৌন্তেয় সর্বাবস্থং যুধিষ্ঠির।
অনুক্রোশক্রিয়া পার্থ ধর্ম এষ সনাতনঃ॥ 12-65-20 (67342)
বলাৎকৃতেষু ভূতেষু পরিত্রাণং কুরূদ্বহ।
শরণাগতেষু কৌরব্য পরং কারুণ্যমাচর॥ 12-65-21 (67343)
চরাচরাণাং ভূতানাং রক্ষণং চাপি সর্বশঃ।
যথার্হপূজাং চ তথা কুর্বন্গার্হস্থ্যমাবসেৎ॥ 12-65-22 (67344)
জ্যেষ্ঠানুজ্যেষ্ঠপত্নীনাং ভ্রাতৄণাং পুত্রনপ্তৃণাম্।
নিগ্রহানুগ্রহৌ পার্থ গার্হস্থ্যমমিতং তপঃ॥ 12-65-23 (67345)
সাধূনামর্চনীয়ানাং পূজাসু বিদিতাত্মনাম্।
পালনং পুরুষব্যাঘ্র গৃহাশ্রমপদং ভবেৎ॥ 12-65-24 (67346)
আশ্রমস্থানি ভূতানি যস্য বেশ্মনি ভারত।
ভুঞ্জতে বিপুলং ভোজ্যং তদ্গার্হস্থ্যং যুধিষ্ঠির॥ 12-65-25 (67347)
যঃ স্থিতঃ পুরুষো ধর্মে ধাত্রা সৃষ্টে যথার্থবৎ।
আশ্রমাণাং হি সর্বেষাং ফলং প্রাপ্নোত্যনাময়ম্॥ 12-65-26 (67348)
যস্মিন্ন নশ্যন্তি গুণাঃ কৌন্তেয় পুরুষে সদা।
আশ্রমস্থং তমপ্যাহুর্নরশ্রেষ্ঠং যুধিষ্ঠির॥ 12-65-27 (67349)
স্থানমানং কুলেমানং বয়োমানং তথৈব চ।
কুর্বন্বসতি সর্বেষু হ্যাশ্রমেষু যুধিষ্ঠির॥ 12-65-28 (67350)
দেশধর্মাংশ্চ কৌন্তেয় কুলধর্মাস্তথৈব চ।
পালয়ন্পুরুষব্যাঘ্র রাজা সর্বাশ্রমী ভবেৎ॥ 12-65-29 (67351)
কালে বিভূতিং ভূতানামুপহারাংস্তথৈব চ।
অর্হয়ন্পুরুষব্যাঘ্র সাধূনামাশ্রমে বসেৎ॥ 12-65-30 (67352)
দেশধর্মগতশ্চাপি যো ধর্মং প্রত্যবেক্ষতে।
সর্বলোকস্য কৌন্তেয় রাজা ভবতি সোশ্রমী॥ 12-65-31 (67353)
যে ধর্মকুশলা লোকে ধর্মং কুর্বন্তি ভারত।
পালিতা যস্য বিষয়ে পাদাংশস্তস্য ভূপতেঃ॥ 12-65-32 (67354)
ধর্মারামান্ধর্মপরান্যে ন রক্ষন্তি মানবান্।
পার্থিবাঃ পুরুষব্যাঘ্র তেষাং পাপং হরন্তি তে॥ 12-65-33 (67355)
যে চ রক্ষাসহায়াঃ স্যুঃ পার্থিবানাং যুধিষ্ঠির।
তে চৈবাংশহরাঃ সর্বে ধর্মে পরকৃতেঽনঘ॥ 12-65-34 (67356)
সর্বাশ্রমপদেঽপ্যাহুর্গার্হস্থ্যং দীপ্তনির্ণয়ম্।
পাবনং পুরুষব্যাঘ্র যদ্বয়ং পর্যুপাস্মহে॥ 12-65-35 (67357)
আত্মোপমস্তু ভূতেষু যো বৈ ভবতি মানবঃ।
ন্যস্তদণ্ডো জিতক্রোধঃ প্রেত্যেহ লভতে সুখম্॥ 12-65-36 (67358)
ধর্মোচ্ছ্রিতা সত্যজলা শীলয়ষ্টির্দমধ্বজা।
ত্যাগবাতাধ্বগা শীঘ্রা নৌস্তয়া সন্তরিষ্যতি॥ 12-65-37 (67359)
যদা সর্বত্র নির্মুক্তঃ কামো নাস্য হৃদি স্থিতঃ।
যদা সত্যান্বিতো বৃত্তৈস্তদা ব্রহ্ম সম শ্নুতে॥ 12-65-38 (67360)
সুপ্রসন্নস্তু ভাবেন যোগেন চ নরাধিপ।
ধর্মং পুরুষশার্দূল প্রাপ্স্যসে পালনে রতঃ॥ 12-65-39 (67361)
বেদাধ্যযনশীলানাং বিপ্রাণাং সাধুকর্মণাম্।
পালনে যত্নমাতিষ্ঠ সর্বলোকস্য চানঘ॥ 12-65-40 (67362)
বনে চরন্তি যে ধর্মমাশ্রমেষু চ ভারত।
রক্ষণাত্তচ্ছতগুণং ধর্মং প্রাপ্নোতি পার্থিবঃ॥ 12-65-41 (67363)
এষ তে বিবিধো ধর্মঃ পাণ্ডবশ্রেষ্ঠ কীর্তিতঃ।
যুধিষ্ঠির ৎবমেনং বৈ পূর্বং দৃষ্টং সনাতনম্॥ 12-65-42 (67364)
চাতুরাশ্রম্যমৈকাগ্র্যং চাতুর্বর্ণ্যং চ পাণ্ডবং।
ধর্মং পুরুষশার্দূল প্রাপ্স্যসে পালনে রতঃ॥ ॥ 12-65-43 (67365)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চষষ্টিতমোঽধ্যায়ঃ॥ 65॥
Mahabharata - Shanti Parva - Chapter Footnotes
12-65-4 এতানি চাতুরাশ্রম্যকারিণাং লিঙ্গানি সতাং রাজ্ঞাং রাজধর্মেষ্বেব বর্তন্তে ইত্যর্থঃ॥ 12-65-5 ভৈক্ষ্যাশ্রমঃ ব্রহ্মচর্যম্॥ 12-65-6 ক্ষমাশ্রমো গার্হস্থ্যম্॥ 12-65-7 ভৈক্ষ্যাশ্রমঃ সংন্যাসঃ॥ 12-65-8 দীক্ষাশ্রমো বৈখানসঃ॥ 12-65-12 শিষ্টার্থং শিষ্টসংরক্ষণার্থম্॥ 12-65-13 সত্যাশ্রমঃ ক্ষাত্রাশ্রমঃ॥ 12-65-15 ধর্মাশ্রমঃ যত্যাশ্রমঃ॥ 12-65-19 সর্বাবস্থং পদং ভবেৎ ইতি ঝ. পাঠঃ॥ 12-65-31 সোশ্রমী সঃ আশ্রমী সর্বাশ্রমফলভাগিত্যর্থঃ॥ 12-65-37 ধর্মে স্থিতা সৎববীর্যা ধর্মসেতুবটারকা। ত্যাগবাতাধ্বগাশীঘ্রা নৌস্তং সন্তারয়িষ্যতি। ইতি ঝ. পাঠঃ। তত্র ধর্মসেতুঃ সাস্ত্রং সৈব বটারকা বন্ধনরজ্জুর্যত্রেত্যর্থঃ॥শান্তিপর্ব - অধ্যায় 066
॥ শ্রীঃ ॥
12.66. অধ্যায়ঃ 066
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি লোকস্য সরাজকৎবারাজকৎবাভ্যাং গুণদোষনিরূপণম্॥ 1॥Mahabharata - Shanti Parva - Chapter Text
12-66-0 (67366)
যুধিষ্ঠির উবাচ। 12-66-0x (5490)
চাতুরাশ্রম্যমুক্তং তে চাতুর্বণ্যং তথৈব চ।
রাষ্ট্রস্য যৎকৃত্যতমং তন্মে ব্রূহি পিতামহ॥ 12-66-1 (67367)
ভীষ্ম উবাচ। 12-66-2x (5491)
রাষ্ট্রস্য যৎকৃত্যতমং রাজ্ঞ এবাভিষেচনম্।
অনিন্দ্রমবলং রাষ্ট্রং দস্যবোঽভিভবন্ত্যুত॥ 12-66-2 (67368)
অরাজকেষু রাষ্ট্রেষু ধর্মো ন ব্যবতিষ্ঠতে।
পরস্পরং চ খাদন্তি সর্বথা ধিগরাজকম্॥ 12-66-3 (67369)
ইন্দ্রমেব প্রণমতে যদ্রাজানমিতি শ্রুতিঃ।
যথৈবেন্দ্রস্তথা রাজা সংপূজ্যো ভূতিমিচ্ছতা॥ 12-66-4 (67370)
নারাজকেষু রাষ্ট্রেষু বস্তব্যমিতি বৈদিকম্।
নারাজকেষু রাষ্ট্রেষু হব্যং বহতি পাবকঃ॥ 12-66-5 (67371)
অথ চেদধিবের্তেত রাজ্যার্থী বলবত্তরঃ।
অরাজকাণি রাষ্ট্রাণি হতবীরাণি বা পুনঃ॥ 12-66-6 (67372)
প্রত্যুদ্গম্যাভিপূজ্যঃ স্যাদেতদত্র সুমন্ত্রিতম্।
ন হি রাজ্যাৎপাপতরমস্তি কিংচিদরাজকাৎ॥ 12-66-7 (67373)
স চেৎসমনুপশ্যেত সমগ্রং কুশলং ভবেৎ।
বলবান্হি প্রকুপিতঃ কুর্যান্নিঃ শেষতামপি॥ 12-66-8 (67374)
ভূয়াংসং লভতে ক্লেশং যা গৌর্ভবতি দুর্দুহা।
অথ যা সুদুহা রাজন্নৈব তাং বিতুদন্ত্যপি॥ 12-66-9 (67375)
যদতপ্তং প্রণমতে ন তৎসংতাপয়ন্ত্যুত।
যৎস্বয়ং নমতে দারু ন তৎসংনাময়ন্ত্যপি॥ 12-66-10 (67376)
এতয়োপময়া ধীরঃ সন্নমেত বলীয়সে।
ইন্দ্রায় স প্রণমতে নমতে যো বলীয়সে॥ 12-66-11 (67377)
তস্মাদ্রাজৈব কর্তব্যঃ সততং ভূতিমিচ্ছতা।
ন ধনার্থো ন দারার্থস্তেষাং যেষামরাজকম্॥ 12-66-12 (67378)
প্রীয়তে হি হরন্পাপঃ পরবিত্তমরাজকে।
যদাঽস্য তদ্ধরন্ত্যন্যে তদা রাজানমিচ্ছতি॥ 12-66-13 (67379)
পাপা হ্যপি তদা ক্ষেমং ন লভন্তে কদাচন।
একস্য হি দ্বৌ হরতো দ্বয়োশ্চ বহবোঽপরে॥ 12-66-14 (67380)
অদাসঃ ক্রিয়তে দাসো হ্রিয়ন্তে চ বলাৎস্ত্রিয়ঃ।
এতস্মাৎকারণাদ্দেবাঃ প্রজাপালান্প্রচক্রিরে॥ 12-66-15 (67381)
রাজা চেন্ন ভবেল্লোকে পৃথিব্যা দণ্ডধারকঃ।
জলে মৎস্যানিবাভক্ষ্যন্দুর্বলং বলবত্তরাঃ॥ 12-66-16 (67382)
অরাজকাঃ প্রজাঃ পূর্বং বিনেশুরিতি নঃ শ্রুতম্।
পরস্পরং ভক্ষয়ন্তো মৎস্যা ইব জলে কৃশান্॥ 12-66-17 (67383)
সমেত্য তাস্ততশ্চক্রুঃ সময়ানিতি নঃ শ্রুতম্।
বাক্শূরো দণ্ডপরুষো যশ্চ স্যাৎপারদারিকঃ॥ 12-66-18 (67384)
যশ্চ নঃ সময়ং ভিন্দ্যাত্ত্যাজ্যা নস্তাদৃশা ইতি।
বিশ্বাসার্থং চ সর্বেষাং বর্ণানামবিশেষতঃ।
তাস্তথা সময়ং কৃৎবা সময়েনাবতস্থিরে॥ 12-66-19 (67385)
সহিতাস্তাস্তদা জগ্মুরসুখার্তাঃ পিতামহম্।
অনীশ্বরা বিনশ্যামো ভগবন্নীশ্বরং দিশ॥ 12-66-20 (67386)
যং পূজয়েম সংভূয় যশ্চ নঃ প্রতিপালয়েৎ।
তাভ্যো মনুং ব্যাদিদেশ মনুর্নাভিননন্দ তাঃ॥ 12-66-21 (67387)
মনুরুবাচ। 12-66-22x (5492)
বিভেমি কর্মণঃ পাপাদ্রাজ্যং হি ভৃশদুষ্করম্।
বিশেষতো মনুষ্যেষু মিথ্যাবৃত্তেষু নিত্যদা॥ 12-66-22 (67388)
ভীষ্ম উবাচ। 12-66-23x (5493)
তমব্রুবন্প্রজা মা ভৈর্বিধাস্যামো ধনং তব।
পশূনামথ পঞ্চাংশং ধরণ্যস্য তথৈব চ॥ 12-66-23 (67389)
ধান্যস্য দশমং ভাগং দাস্যামঃ কোশবর্ধনম্।
কন্যাং শুল্কে চারুরূপাং বিবাহেষূদ্যতাসু চ॥ 12-66-24 (67390)
মুখ্যেন শস্ত্রপত্রেণ যে মনুষ্যাঃ প্রধানতঃ।
ভবন্তং তেঽনুয়াস্যন্তি মহেন্দ্রমিব দেবতাঃ॥ 12-66-25 (67391)
স ৎবং জাতবলো রাজন্দুষ্প্রধর্ষঃ প্রতাপবান্।
সুখে ধাস্যসি নঃ সর্বান্কুবের ইব নৈর্ঋতান্॥ 12-66-26 (67392)
যং চ ধর্মং চরিষ্যন্তি প্রজা রাজ্ঞা সুরক্ষিতাঃ।
চতুর্থং তস্য ধর্মস্য ৎবৎসংস্থং নো ভবিষ্যতি॥ 12-66-27 (67393)
তেন ধর্মেণ মহতা সুখং লব্ধেন ভাবিতঃ।
পাহ্যস্মান্সর্বতো রাজন্দেবানিব শতক্রতুঃ॥ 12-66-28 (67394)
বিজয়ায় হি নির্যাহি প্রতপত্রশ্মিবানিব।
মানং বিধম শত্রূণাং ধর্মং জনয় নঃ সদা॥ 12-66-29 (67395)
স নির্যযৌ মহাতেজা বলেন মহতা বৃতঃ।
মহাভিজনসংপন্নস্তেজসা প্রজ্বলন্নিব॥ 12-66-30 (67396)
তস্য দৃষ্ট্বা মহৎবং তে মহেন্দ্রস্যেব দেবতাঃ।
অপতত্রসিরে সর্বে স্বধর্মে চ দদুর্মনঃ।
`বর্ণিনশ্চাশ্রমাশ্চৈব ম্লেচ্ছাঃ সর্বে চ দস্যবঃ॥' 12-66-31 (67397)
ততো মহীং পরিয়যৌ পর্জন্য ইব বৃষ্টিমান্।
শময়ন্সর্বতঃ পাপান্স্বকর্মসু চ যোজয়ন্॥ 12-66-32 (67398)
এবং যে ভূতিমিচ্ছেয়ুঃ পৃথিব্যাং মানবাঃ ক্বচিৎ।
কুর্যূ রাজানমেবাগ্রে প্রজানুগ্রহকারণাৎ॥ 12-66-33 (67399)
নমস্যেরংশ্চ তং ভক্ত্যা শিষ্যা ইব গুরুং সদা।
দেবা ইব চ দেবেন্দ্রং নরা রাজানমন্তিকাৎ॥ 12-66-34 (67400)
সৎকৃতং স্বজনেনেহ পরোঽপি বহুমন্যতে।
স্বজনেন ৎববজ্ঞাতং পরে পরিভবন্ত্যুত॥ 12-66-35 (67401)
রাজ্ঞঃ পরৈঃ পরিভবঃ সর্বেষামসুখাবহঃ।
তস্মাচ্ছত্রং চ পত্রং চ বাসাংস্যাভরণানি চ॥ 12-66-36 (67402)
ভোজনান্যথ পানানি রাজ্ঞে দদ্যুর্গৃহাণি চ।
আসনানি চ শয়্যাশ্চ সর্বোপকরণানি চ॥ 12-66-37 (67403)
গোপ্তা চাস্য দুরাধর্ষঃ স্মিতপূর্বাভিভাষিতা।
আভাষিতশ্চ মধুরং প্রত্যাভাষেত মানবান্॥ 12-66-38 (67404)
কৃতজ্ঞো দৃঢভক্তিঃ স্যাৎসংবিভাগী জিতেন্দ্রিয়ঃ।
ঈক্ষিতঃ প্রতিবীক্ষেত মৃদু বল্গু চ চর্জু চ॥ ॥ 12-66-39 (67405)
ইতি শ্রীমন্মহাভারতে শান্তিপর্বণি রাজধর্মপর্বণি ষট্ষষ্টিমোঽধ্যায়ঃ॥ 66॥
Mahabharata - Shanti Parva - Chapter Footnotes
12-66-4 ইন্দ্রমেব প্রবৃণুতে ইতি ঝ. পাঠঃ॥ 12-66-12 ধনাদেরর্থ উপভোগঃ॥ 12-66-18 বাক্শূরো নিষ্টুরভাষী। দণ্ডপরুষ উগ্রদণ্ডঃ॥ 12-66-23 কর্তৄনেনো গমিষ্যতি ইতি ঝ. পাঠঃ॥ 12-66-24 বিবাহেসূদ্যতাসু কন্যাসু শুল্কে মৌল্যপ্রসংগে সতি সুরূপাং কন্যাং তুভ্যং দাস্যাম ইত্যর্থঃ॥ 12-66-25 শস্ত্রপত্রেণ শস্ত্রেণ বাহনেন চ। প্রধানতঃ শ্রেষ্টাঃ। প্রথমার্থে তসিঃ॥ 12-66-29 মানং দর্পম্। বিধম নাশয়॥ 12-66-31 অপতত্রসিরে ত্রাসং প্রাপ্তাঃ॥শান্তিপর্ব - অধ্যায় 067
॥ শ্রীঃ ॥
12.67. অধ্যায়ঃ 067
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বসুমনসে বৃহস্পত্যুক্তরাজগুণানুবর্ণনম্॥ 1॥Mahabharata - Shanti Parva - Chapter Text
12-67-0 (67406)
যুধিষ্ঠির উবাচ। 12-67-0x (5494)
কিমাহুর্দৈবতং বিপ্রা রাজানং ভরতর্ষভ।
মনুষ্যাণামধিপতিং তন্মে ব্রূহি পিতামহ॥ 12-67-1 (67407)
ভীষ্ম উবাচ। 12-67-2x (5495)
অত্রাপ্যুদাহরন্তীমমিতিহাসং পুরাতনম্।
বৃহস্পতিং বসুমনা যথা পপ্রচ্ছ ভারত॥ 12-67-2 (67408)
রাজা বসুমনা নাম কৌসল্যো ধীমতাং বরঃ।
মহর্ষি কিল পপ্রচ্ছ কৃতপ্রজ্ঞং বৃহস্পতিম্॥ 12-67-3 (67409)
সর্বং বৈনয়িকং কৃৎবা বিনয়জ্ঞো বৃহস্পতিম্।
দক্ষিণানন্তরো ভূৎবা প্রণম্য বিধিপূর্বকম্॥ 12-67-4 (67410)
বিধিং পপ্রচ্ছ রাজস্য সর্বলোকহিতে রতঃ।
প্রজানাং সুখমন্বিচ্ছন্ধর্মশীলং বৃহস্পতিম্॥ 12-67-5 (67411)
কেন ভূতানি বর্ধন্তে ক্ষয়ং গচ্ছন্তি কেন বা।
কমর্চন্তো মহাপ্রাজ্ঞ সুখমব্যযমাপ্নুয়ুঃ॥
`এতন্মে শংস দেবর্ষে ধর্মকামার্থসংশয়ম্'॥ 12-67-6 (67412)
এবং পৃষ্টো মহাপ্রাজ্ঞঃ কৌসল্যেনামিতৌজসা।
রাজসৎকারমব্যগ্রো রাজ্যস্য চ বিবর্ধনম্।
দণ্ডনীতিং সমাশ্রিত্য শশংসাস্মৈ বৃহস্পতিঃ॥ 12-67-7 (67413)
রাজমূলো মহাপ্রাজ্ঞ ধর্মো লোকস্য লক্ষ্যতে।
প্রজা রাজভয়াদেব ন খাদন্তি পরস্পরম্॥ 12-67-8 (67414)
রাজা হ্যেবাখিলং লোকং সমুদীর্ণং সমুৎসুকম্।
প্রসাদয়তি ধর্মেণ প্রসাদ্য চ বিরাজতে॥ 12-67-9 (67415)
যথা হ্যনুদয়ে রাজন্ভূতানি শশিসূর্যযোঃ।
অন্ধে তমসি মজ্জেয়ুরপশ্যন্তঃ পরস্পরম্॥ 12-67-10 (67416)
যথা হ্যনুদকে মৎস্যা নিরাক্রন্দে বিহঙ্গমাঃ।
বিহরেয়ুর্যথাকামং বিহিংসন্তঃ পুনঃ পুনঃ॥ 12-67-11 (67417)
বিমথ্যাতিক্রমেরংশ্চ বিষহ্যাপি পরস্পরম্।
অভাবমচিরেণৈব গচ্ছেয়ুর্নাত্র সংশয়ঃ॥ 12-67-12 (67418)
এবমেব বিনা রাজ্ঞা বিনশ্যেয়ুরিমাঃ প্রজাঃ।
অন্ধে তমসি মজ্জেয়ুরগোপাঃ পশবো যথা॥ 12-67-13 (67419)
হরেয়ুর্বলবন্তোঽপি দুর্বলানাং পরিগ্রহান্।
হন্যুর্ব্যায়চ্ছমানাংশ্চ যদি রাজা ন পালয়েৎ॥ 12-67-14 (67420)
মমেদমিতি লোকেঽস্মিন্ন ভবেৎস্বপরিগ্রহঃ।
ন দারা ন চ পুত্রঃ স্যান্ন ধনং ন পরিগ্রহঃ।
বিষ্বগ্লোপঃ প্রবর্তেত যদি রাজা ন পালয়েৎ॥ 12-67-15 (67421)
যানং বস্ত্রমলঙ্কারান্রত্নানি বিবিধানি চ।
হরেয়ুঃ সহসা পাপা যদি রাজা ন পালয়েৎ॥ 12-67-16 (67422)
পতেদ্বহুবিধং শস্ত্রং বহুধা ধর্মচারিষু।
অধর্মঃ প্রগৃহীতঃ স্যাদ্যদি রাজা ন পালয়েৎ॥ 12-67-17 (67423)
মাতরং পিতরং বৃদ্ধমাচার্যমতিথিং গুরুম্।
ক্লিশ্নীয়ুরপি হিংস্যুর্বা যদি রাজা ন পালয়েৎ॥ 12-67-18 (67424)
`অন্যাংশ্চ ক্রোশতো হিংস্যুর্লোকোঽয়ং দস্যুবদ্ভবেৎ।'
বধবন্ধপরিক্লেশো নিত্যমর্থবতাং ভবেৎ।
মমৎবং চ ন বিন্দেয়ুর্যদি রাজা ন পালয়েৎ॥ 12-67-19 (67425)
অন্তাশ্চাকাল এব স্যুর্লোকোঽয়ং দস্যুসাদ্ভবেৎ।
পতেদ্বহুবিধং রাজ্যং যদি রাজা ন পালয়েৎ॥ 12-67-20 (67426)
ন যোনিদোষো বর্তেত ন কৃষির্ন বণিক্পথঃ।
মজ্জেদ্ধর্মস্ত্রয়ী ন স্যাদ্যদি রাজা ন পালয়েৎ॥ 12-67-21 (67427)
ন যজ্ঞাঃ সংপ্রবর্তেয়ুর্বিধিবৎস্বাপ্তদক্ষিণাঃ।
ন বিবাহাঃ সমাজো বা যদি রাজা ন পালয়েৎ॥ 12-67-22 (67428)
ন বৃষাঃ সংপ্রবর্তেরন্ন মথ্যেরংশ্চ গর্গরাঃ।
ঘোষাঃ প্রণাশং গচ্ছেয়ুর্যদি রাজা ন পালয়েৎ॥ 12-67-23 (67429)
ত্রস্তমুদ্বিগ্নহৃদয়ং হাহাভূতমচেতনম্।
ক্ষণেন বিনশেৎসর্বং যদি রাজা ন পালয়েৎ॥ 12-67-24 (67430)
ন সংবৎসরসত্রাণি তিষ্ঠেয়ুরকুতোভয়াঃ।
বিধিবদ্দক্ষিণাবন্তি যদি রাজা ন পালয়েৎ॥ 12-67-25 (67431)
ব্রাহ্মণাশ্চতুরো বেদান্নাধীয়ীরংস্তপস্বিনঃ।
বিদ্যাস্নাতা ব্রতস্নাতা যদি রাজা ন পালয়েৎ॥ 12-67-26 (67432)
ন ভবেদ্ধর্মসংসেবী মোহবিপ্রহতো জনঃ।
হর্তা স্বচ্ছেন্দ্রিয়ো গচ্ছেদ্যদি রাজা ন পালয়েৎ॥ 12-67-27 (67433)
হস্তাদ্ধস্তং পরিমুষেদ্ভিদ্যেরন্সর্বসেতবঃ।
ভয়ার্তং বিদ্রবেৎসর্বং যদি রাজা ন পালয়েৎ॥ 12-67-28 (67434)
অনয়াঃ সংপ্রবপর্তেরন্ভবেদ্বৈ বর্ণসঙ্করঃ।
দুর্ভিক্ষমাবিশেদ্রাষ্ট্রং যদি রাজা ন পালয়েৎ॥ 12-67-29 (67435)
বিবৃত্য হি যথাকামং গৃহদ্বারাণি শেরতে।
মনুষ্যা রক্ষিতা রাজ্ঞা সমন্তাদকুতোভয়াঃ॥ 12-67-30 (67436)
নাক্রুষ্টং সহতে কশ্চিৎকুতো বা হস্তলাঘবম্।
যদি রাজা ন সম্যগ্গাং রক্ষয়ত্যপি ধার্মিকঃ॥ 12-67-31 (67437)
স্ত্রিয়শ্চাপুরুষা মার্গং সর্বালঙ্কারভূষিতাঃ।
নির্ভয়াঃ প্রতিপদ্যন্তে যদি রক্ষতি ভূমিপঃ॥ 12-67-32 (67438)
ধর্মমেব প্রপদ্যন্তে ন হিংসন্তি পরস্পরম্।
অনুগৃহ্ণন্তি চান্যোন্যং যদা রক্ষতি ভূমিপঃ॥ 12-67-33 (67439)
যজন্তে চ মহায়জ্ঞৈস্ত্রয়ো বর্ণাঃ পৃথগ্বিধৈঃ।
যুক্তাশ্চাধীয়তে বিদ্যাং যদা রক্ষতি ভূমিপঃ॥ 12-67-34 (67440)
বার্তামূলো হ্যযং লোকস্তয়া বৈ ধার্যতে সদা।
তৎসর্বং বর্ততে সম্যগ্যদা রক্ষতি ভূমিপঃ॥ 12-67-35 (67441)
যদা রাজা ধুরং শ্রেষ্ঠামাদায় বহতি প্রজাঃ।
মহতা বলয়োগেন তদা লোকঃ প্রসীদয়ি॥ 12-67-36 (67442)
যস্যাভাবেন ভূতানামভাবঃ স্যাৎসমন্ততঃ।
ভাবে চ ভাবো নিত্যং স্যাৎকস্তং ন প্রতিপূজয়েৎ॥ 12-67-37 (67443)
তস্য যো বহতে ভারং সর্বলোকসুখাবহম্।
তিষ্ঠন্প্রিয়হিতে রাজ্ঞ উভৌ লোকাবিমৌ জয়েৎ॥ 12-67-38 (67444)
যস্তস্য পুরুষঃ পাপং মনসাঽপ্যনুচিন্তয়েৎ।
অসংশয়মিহ ক্লিষ্টঃ প্রেত্যাপি নরকং ব্রজেৎ॥ 12-67-39 (67445)
ন হি জাৎববমন্তব্যো মনুষ্য ইতি ভূমিপঃ।
মহতী দেবতা হ্যেষা নররূপেণ তিষ্ঠতি॥ 12-67-40 (67446)
কুরুতে পঞ্চরূপাণি কালয়ুক্তানি যঃ সদা।
ভবত্যগ্নিস্তথাঽঽদিত্যো মৃত্যুর্বৈশ্রবণো যমঃ॥ 12-67-41 (67447)
যদা হ্যাসীদতঃ পাপান্দহত্যুগ্রেণ তেজসা।
মিথ্যোপচরিতো রাজা তদা ভবতি পাবকঃ॥ 12-67-42 (67448)
যদা পশ্যতি চারেণ সর্বভূতানি ভূমিপঃ।
ক্ষেমং চ কৃৎবা ব্রজতি তদা ভবতি ভাস্করঃ॥ 12-67-43 (67449)
অশুচীংশ্চ যদা ক্রুদ্ধঃ ক্ষিণোতি শতশো নরান্।
সপুত্রপৌত্রান্সামাত্যাংস্তদা ভবতি সোন্তকঃ॥ 12-67-44 (67450)
যদা ৎবধার্মিকান্সর্বাংস্তীক্ষ্ণৈর্দণ়্ডৈর্নিয়চ্ছতি।
ধার্মিকাংশ্চানুগৃহ্ণাতি ভবত্যথ যমস্তদা॥ 12-67-45 (67451)
যদা তু ধনধারাভিস্তর্পয়ত্যুপকারিণঃ।
আচ্ছিনত্তি চ রত্নানি বিবিধান্যপকারিণাং॥ 12-67-46 (67452)
শ্রিয়ং দদাতি কস্মৈচিৎকস্মাচ্চিদপকর্ষতি।
তদা বৈশ্রবণো রাজা লোকে ভবতি ভূমিপঃ॥ 12-67-47 (67453)
নাস্যাপবাদে স্থাতব্যং দক্ষেণাক্লিষ্টকর্মণা।
ধর্মমাকাঙ্ক্ষতা লোকে ঈশ্বরস্যানসূয়তা॥ 12-67-48 (67454)
ন হি রাজ্ঞঃ প্রতীপানি কুর্বন্সুখমবাপ্নুয়াৎ।
পুত্রো ভ্রাতা বয়স্যো বা যদ্যপ্যাত্মসমো ভবেৎ॥ 12-67-49 (67455)
কুর্যাৎকৃষ্ণগতিঃ শেষং জ্বলিতোঽনিলসারথিঃ।
ন তু রাজ্ঞাঽভিপন্নস্য শেষং ক্বচন বিদ্যতে॥ 12-67-50 (67456)
তস্য সর্বাণি রক্ষ্যাণি দূরতঃ পরিবর্জয়েৎ।
মৃত্যোরিব জুগুপ্সেত রাজস্বহরণান্নরঃ॥ 12-67-51 (67457)
বধ্যেতভিমৃশন্সদ্যো মৃগঃ কূটমিব স্পৃশন্।
আত্মস্বমিব সংরক্ষেদ্রাজস্বমিহ বুদ্ধিমান্॥ 12-67-52 (67458)
মহান্তং নরকং ঘোরমপ্রতিষ্ঠমচেতসঃ।
পতন্তি চিররাত্রায় রাজবিত্তাপহারিণঃ॥ 12-67-53 (67459)
রাজা ভোজো বিরাট্ সম্রাট্ ক্ষত্রিয়ো ভূপতির্নৃপঃ।
য এভিঃ স্তূয়তে শব্দৈঃ কস্তং নার্চিতুমর্হতি॥ 12-67-54 (67460)
তস্মাদ্বুভূষুর্নিয়তো জিতাত্মা সংয়তেন্দ্রিয়ঃ।
মেধাবী ধৃতিমান্দক্ষঃ সংশ্রয়েৎ মহীপতিম্॥ 12-67-55 (67461)
কৃতজ্ঞং প্রাজ্ঞমক্ষুদ্রং দৃঢভক্তিং জিতেন্দ্রিয়ম্।
ধর্মনিত্যং স্থিতং স্থানে মন্ত্রিণং পূজয়েন্নৃপঃ॥ 12-67-56 (67462)
দৃঢভক্তিং কৃতপ্রজ্ঞং ধর্মজ্ঞং সংয়তেন্দ্রিয়ম্।
শূরমক্ষুদ্রকর্মাণং প্রসিদ্ধং জনমাশ্রয়েৎ॥ 12-67-57 (67463)
রাজা প্রগল্ভং পুরুষং করোতি
রাজা ভৃশং বৃংহয়তে মনুষ্যম্।
রাজাভিপন্নস্য কুতঃ সুখানি
রাজাঽভ্যুপেতং সুখিনং করোতি॥ 12-67-58 (67464)
`রাজা প্রজানাং প্রথমং শরীরং
প্রজাশ্চ রাজ্ঞোঽপ্রতিমং শরীরম্।
রাজ্ঞা বিহীনা ন ভবন্তি দেশা
দেশৈর্বিহীনা ন নৃপা ভবন্তি॥' 12-67-59 (67465)
রাজা প্রজানাং হৃদয়ং গরীয়ো
গতিঃ প্রতিষ্ঠা সুখমুত্তমং চ।
সমাশ্রিতা লোকমিমং পরং চ
জয়ন্তি সম্যক্পুরুষা নরেন্দ্র॥ 12-67-60 (67466)
নরাধিপশ্চাপ্যনুশিষ্য মেদিনীং
দমেন সত্যেন চ সৌহৃদেন।
মহদ্ভিরিষ্ট্বা ক্রতুভির্মহায়শা
স্ত্রিবিষ্টপে স্থানমুপৈতি শাশ্বতম্॥ 12-67-61 (67467)
ভীষ্ম উবাচ। 12-67-62x (5496)
স এবমুক্তোঽঙ্গিরসা কৌসল্যো রাজসত্তমঃ।
প্রয়ত্নাৎকৃতবান্বীরঃ প্রজাপালনমুত্তমম্॥ ॥ 12-67-62 (67468)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তষষ্টিতমোঽধ্যায়ঃ॥ 67॥
Mahabharata - Shanti Parva - Chapter Footnotes
12-67-4 বৈনয়িকং অভ্যুত্থানাভিবাদনাদিকম্। দক্ষিণা দক্ষিণাতোঽনন্তরঃ। সমীপে ভূৎবাপ্রদক্ষিণীকৃত্যেত্যর্থঃ॥ 12-67-11 অনুদকে অল্পোদকে। নিরাক্রন্দে হিংস্রভয়রহিতে॥ 12-67-14 ব্যায়চ্ছমানান্স্বংস্বমর্থং অদাতৄন্॥ 12-67-15 বিষ্বক্সর্বতঃ লোপঃ অর্থানাং লুম্পনম্॥ 12-67-18 অন্ধাশ্চ ক্রোশত ইতি দ.পাঠঃ॥ 12-67-21 যোনিদোষঃ ব্যভিচারে বিগানম্॥ 12-67-23 ন সংপ্রবর্তেরন্ ন রেতঃ সিঞ্চেরন্। গর্গরাঃ দধিমন্থনপাত্রাণি॥ 12-67-28 হস্তাদ্ধস্তং হস্তস্থমপি চোরা হরেয়ুঃ॥ 12-67-30 বিবৃত্য উদ্ধাট্য॥ 12-67-31 হস্তলাঘবং তৎসাধ্যং তাডনম্। অক্রুষ্টং গালনং বা কুতো ন সহতে। অপিতু অনায়কৎবাৎসহত এব। গাং পৃথ্বীম্॥ 12-67-32 অপুরুষাঃ অরক্ষিতা অপি॥ 12-67-35 ত্রয়্যা বৈ ইতি ঝ. পাঠঃ। তত্র বার্তা জীবিকা তন্মূলঃ। ত্রয়্যা চ বৃষ্ট্যা দিহেতুতয়া ত্রায়তে রক্ষতে সর্বং ত্রয়ী বার্তাদিরিত্যর্থঃ॥ 12-67-42 আসীদতঃ সমীপস্থান্। মিথ্যোপচরিতো বঞ্চিতঃ॥ 12-67-48 তস্যোপদেশে স্থাতব্যমিতি ট.ড.থ. পাঠঃ॥ 12-67-50 অভিপন্নস্য তিরস্কৃতস্য॥ 12-67-52 কূটং মারণয়ন্ত্রম্॥ 12-67-54 ভোজঃ সুখানাং ভোজয়িতা॥ 12-67-55 বুভূষুর্ভবিতুমিচ্ছুঃ॥ 12-67-58 নিষিদ্ধজনমাশ্রয়েদিতি ঝ. পাঠঃ। তত্র নিষিদ্ধা জনা যেন তম্। অহমেকং এবেদং কার্যং করিষ্যামি কিমেতৈরিতি বাদিনমিত্যর্থঃ॥ 12-67-60 সমাশ্রিতা রাজানমিতি শেষঃ॥শান্তিপর্ব - অধ্যায় 068
॥ শ্রীঃ ॥
12.68. অধ্যায়ঃ 068
Mahabharata - Shanti Parva - Chapter Topics
যুধিষ্ঠিরংপ্রতি ভীষ্মেণ রাজনীতিকথনম্॥ 1॥Mahabharata - Shanti Parva - Chapter Text
12-68-0 (67469)
যুধিষ্ঠির উবাচ। 12-68-0x (5497)
পার্থিবেন বিশেষেণ কিং কার্যমবশিষ্যতে।
কথং রক্ষ্যো জনপদঃ কথং বধ্যাশ্চ শত্রবঃ॥ 12-68-1 (67470)
কথং চারান্প্রয়ুঞ্জীত বর্ণান্বিশ্বাসয়েৎকথম্।
কথং ভৃত্যান্কথং দারান্কথং পুত্রাংশ্চ ভারত॥ 12-68-2 (67471)
ভীষ্ম উবাচ। 12-68-2x (5498)
রাজবৃত্তং মহারাজ শৃণুষ্বাবহিতোঽখিলম্।
যৎকার্যং পার্থিবেনাদৌ পার্থিবপ্রকৃতেন বা॥ 12-68-3 (67472)
আত্মা জেয়ঃ সদা রাজ্ঞা ততো জেয়াশ্চ শত্রবঃ।
অজিতাত্মা নরপতির্বিজয়েত কথং রিপূন্॥ 12-68-4 (67473)
এতাবানাত্মবিজয়ঃ পঞ্চবর্গবিনিগ্রহঃ।
জিতেন্দ্রিয়ো নরপতির্বাধিতুং শক্নুয়াদ্রিপুন্॥ 12-68-5 (67474)
ন্যসেত গুল্মান্দুর্গেষু সন্ধৌ চ কুরুনন্দন।
নগরোপবনে চৈব পুরোদ্যানে তথৈব চ॥ 12-68-6 (67475)
সংস্থানেষু চ সর্বেষু পুটেষু নগরস্য চ।
মধ্যে চ নরশার্দূল তথা রাজনিবেশনে॥ 12-68-7 (67476)
প্রণির্ধীশ্চ ততঃ কুর্যাজ্জডান্ধবধিরাকৃতীন্।
পুংসঃ পরীক্ষিতান্প্রাজ্ঞান্ক্ষুৎপিপাসাশ্রমক্ষমান্॥ 12-68-8 (67477)
অমাত্যেষু চ সর্বেষু মিত্রেষু ত্রিবিধেষু চ।
পুত্রেষু চ মহারাজ প্রণিদধ্যাৎসমাহিতঃ॥ 12-68-9 (67478)
পুরে জনপদে চৈব তথা সামন্তরাজসু।
যথা ন বিদ্যুরন্যোন্যং প্রণিধেয়াস্তথা হি তে॥ 12-68-10 (67479)
চারাংশ্চ বিদ্যাৎপ্রহিতান্পরেণ ভরতর্ষভ।
আপণেষু বিহারেষু সমবায়েষু বীথিষু॥ 12-68-11 (67480)
আরামেষু তথোদ্যানে পণ্ডিতানাং সমাগমে।
বেশেষু চৎবরে চৈব সভাস্বাবসথেষু চ॥ 12-68-12 (67481)
এবং বিহন্যাচ্চারেণ পরচারং বিচক্ষণঃ।
চারে চ বিহতে সর্বং হতং ভবতি ভারত॥ 12-68-13 (67482)
যদা তু হীনং নৃপতির্বিদ্যাদাত্মানমাত্মনা।
অমাত্যৈঃ সহ সংমন্ত্র্য কুর্যাৎসন্ধিং বলীয়সা॥ 12-68-14 (67483)
`বিদ্বাংসঃ ক্ষত্রিয়া বৈশ্যা ব্রাহ্মণাশ্চ বহুশ্রুতাঃ।
দণ্ডনীতৌ তু নিষ্পন্না মন্ত্রিণঃ পৃথিবীপতে॥ 12-68-15 (67484)
প্রষ্টব্যো ব্রাহ্মণঃ পূর্বং নীতিশাস্ত্রস্য তৎববিৎ।
পশ্চাৎপৃচ্ছেত ভূপালঃ ক্ষত্রিয়ং নীতিকোবিদম্।
বৈশ্যশূদ্রৌ তথা ভূয়ঃ শাস্ত্রজ্ঞৌ হিতকারিণৌ॥ ' 12-68-16 (67485)
অজ্ঞায়মানে হীনৎবে সন্ধিং কুর্যাৎপরেণ বৈ।
লিপ্সুর্বা কংচিদেবার্থং ৎবরমাণো বিচক্ষণঃ॥ 12-68-17 (67486)
গুণবন্তো মহোৎসাহা ধর্মজ্ঞাঃ সাধবশ্চ যে।
সন্দধীত নৃপস্তৈশ্চ রাষ্ট্রং ধর্মেণ পালয়ন্॥ 12-68-18 (67487)
উচ্ছিদ্যমানমাত্মানং জ্ঞাৎবা রাজা মহামতিঃ।
পূর্বাপকারিণো হন্যাল্লোকদ্বিষ্টাংশ্চ সর্বশঃ॥ 12-68-19 (67488)
যো নোপকর্তুং শক্নোতি নাপকর্তুং মহীপতিঃ।
ন শক্যরূপশ্চোদ্ধর্তুমুপেক্ষ্যস্তাদৃশো ভবেৎ॥ 12-68-20 (67489)
যাত্রাং যায়াদবিজ্ঞাতমনাক্রন্দমনন্তরম্।
ব্যাসক্তং চ প্রমত্তং চ দুর্বলং চ বিচক্ষণঃ॥ 12-68-21 (67490)
যাত্রামাজ্ঞাপয়েদ্বীরঃ কল্যঃ পুষ্টবলঃ সুখী।
পূর্বং কৃৎবা বিধানং চ যাত্রায়াং নগরে তথা॥ 12-68-22 (67491)
ন চ পশ্যো ভবেদস্য নৃপো যশ্চাতিবীর্যবান্।
হীনশ্চ বলবীর্যাভ্যাং কর্ষয়ংস্তৎপরো বসেৎ॥ 12-68-23 (67492)
রাষ্ট্রং চ পীডয়েত্তস্য শস্ত্রাগ্নিবিষমূর্চ্ছনৈঃ।
অমাত্যবল্লভানাং চ বিবাদাংস্তস্য কারয়েৎ॥ 12-68-24 (67493)
বর্জনীয়ং সদা যুদ্ধং রাজ্যকামেন ধীমতা।
উপায়ৈস্ত্রিভিরাদানমর্থস্যাহ বৃহস্পতিঃ॥ 12-68-25 (67494)
সান্ৎবেন তু প্রদানেন ভেদেন চ নরাধিপ।
যমর্থং শক্নুয়াৎপ্রাপ্তুং তেন তুষ্যেত পণ্ডিতঃ॥ 12-68-26 (67495)
আদদীত বলিং চাপি প্রজাভ্যঃ কুরুনন্দন।
ষঙ্ভাগমমিতপ্রজ্ঞস্তাসামেবাভিগুপ্তয়ে॥ 12-68-27 (67496)
দশাধর্মগতেভ্যো যদ্বসু বহ্বল্পমেব বা।
তন্নাদদীত সহসা পৌরাণাং রক্ষণায় বৈ॥ 12-68-28 (67497)
যথা পুত্রাস্তথা পৌরা দ্রষ্টব্যাস্তে ন সংশয়ঃ।
ভক্তিশ্চৈষু ন কর্তব্যা ব্যবহারপ্রদর্শনে॥ 12-68-29 (67498)
শ্রোতুং চৈব ন্যসেদ্রাজা প্রাজ্ঞান্সর্বার্থদর্শিনঃ।
ব্যবহারেষু সততং তত্র রাজ্যং প্রতিষ্ঠিতম্॥ 12-68-30 (67499)
আকরে লবণে শুল্কে তরে নাগবলে তথা।
ন্যসেদমাত্যান্নৃপতিঃ স্বাপ্তান্বা পুরুষান্হিতান্॥ 12-68-31 (67500)
সম্যগ্দণ্ডধরো নিত্যং রাজা ধর্মমবাপ্নুয়াৎ।
নৃপস্য সততং দণ্ডঃ সম্যগ্ধর্মঃ প্রশস্যতে॥ 12-68-32 (67501)
বেদবেদাঙ্গবিৎপ্রাজ্ঞঃ সুতপস্বী নৃপো ভবেৎ।
দানশীলশ্চ সততং যজ্ঞশীলশ্চ ভারত॥ 12-68-33 (67502)
এতে গুণাঃ সমস্তাঃ স্যুর্নৃপস্য সততং স্থিরাঃ।
ব্যবহারস্য লোপেন কুতঃ স্বর্গঃ কুতো যশঃ॥ 12-68-34 (67503)
যদা তু পীডিতো রাজা ভবেদ্রাজ্ঞা বলীয়সা।
[তদাভিসংশ্রয়েদ্দুর্গং বুদ্ধিমান্পৃথিবীপতিঃ॥ 12-68-35 (67504)
বিধাবাক্রম্য মিত্রাণি বিধানমুপকল্পয়েৎ।
সামভেদান্বিরোধার্থং বিধানমুপকল্পয়েৎ॥] 12-68-36 (67505)
`ত্রিধা তু কৃৎবা মিত্রাণি বিধানমুপকল্পয়েৎ।'
ঘোষান্ন্যসেত মার্গেষু গ্রামানুত্থাপয়েদপি।
প্রবেশয়েচ্চ তান্সর্বাঞ্শাখানগরকেষ্বপি॥ 12-68-37 (67506)
যে গুপ্তাশ্চৈব দুর্গাশ্চ দেশাস্তেষু প্রবেশয়েৎ।
ধনিনো বলমুখ্যাংশ্চ সান্ৎবয়িৎবা পুনঃ পুনঃ॥ 12-68-38 (67507)
সস্যাভিহারং কুর্বীত স্বয়মেব নরাধিপঃ।
অসংভবে প্রবেশস্য দাহয়েদগ্নিনা ভৃশম্॥ 12-68-39 (67508)
ক্ষেত্রস্থেষু চ সস্যেষু শত্রোরুপজপেন্নরান্।
বিনাশয়েদ্বা তৎসর্বং বলেনাথ স্বকেন বৈ॥ 12-68-40 (67509)
নদীমার্গেষু চ তথা সংক্রমানবসাদয়েৎ।
জলং বিস্রাবয়েৎসর্বমবিস্রাব্যং চ দূষয়েৎ॥ 12-68-41 (67510)
তদাৎবেনায়তীভিশ্চ নিবসেদ্ভূম্যনন্তরম্।
প্রতিঘাতং পরস্যাজৌ যুদ্ধকালেঽপ্যুপস্থিতে॥ 12-68-42 (67511)
দুর্গাণাং চাভিতো রাজা মূলচ্ছেদং প্রকারয়েৎ।
সর্বেষাং ক্ষুদ্রবৃক্ষাণাং চৈত্যবৃক্ষান্বিবর্জয়েৎ॥ 12-68-43 (67512)
প্রবৃদ্ধানাং চ বৃক্ষাণাং শাখাং প্রচ্ছেদয়েত্তথা।
চৈত্যানাং সর্বথা ত্যাজ্যমপি পত্রস্য পাতনম্॥ 12-68-44 (67513)
`দেবানামাশ্রয়াশ্চৈত্যা যক্ষরাক্ষসভোগিনাম্।
পিশাচপন্নগানাং চ গন্ধর্বাপ্সরসামপি।
রৌদ্রাণাং চৈব ভূতানাং তস্মাত্তান্পরিবর্জয়েৎ॥ 12-68-45 (67514)
শ্রূয়তে হি নিকুম্ভেন সৌদাসস্য বলং হতম্।
মহেশ্বরগণেশেন বারাণস্যাং নরাধিপ॥ ' 12-68-46 (67515)
প্রগণ্ডীঃ কারয়েৎসম্যগাকাশজননীস্তদা।
আপূরয়েচ্চ পরিখাং স্থাণুনক্রঝষাকুলাম্॥ 12-68-47 (67516)
সঙ্কটদ্বারকাণি স্যুরুচ্ছ্বাসার্থং পুরস্য চ।
তেষাং চ দ্বারবদ্গুপ্তিঃ কার্যা সর্বাত্মনা ভবেৎ॥ 12-68-48 (67517)
দ্বারেষু চ গুরূণ্যেব যন্ত্রাণি স্থাপয়েৎসদা।
আরাপয়েচ্ছতঘ্নীশ্চ স্বাধীনানি চ কারয়েৎ॥ 12-68-49 (67518)
কাষ্ঠানি চাভিহার্যাণি তথা কূপাংশ্চ খানয়েৎ।
সংশোধয়েত্তথা কূপান্কৃতান্পূর্বপয়োর্থিভিঃ॥ 12-68-50 (67519)
তৃণচ্ছন্নানি বেশ্মানি পঙ্কেনাথ প্রলেপয়েৎ।
নির্হরেচ্চ তৃণং মাসি চৈত্রে বহ্নিভয়াৎপুরা॥ 12-68-51 (67520)
নক্তমেব চ ভক্তানি পাচয়েত নরাধিপঃ।
ন দিবা জ্বালয়েদগ্নিং বর্জয়িৎবাঽঽগ্নিহোত্রিকম্॥ 12-68-52 (67521)
`যথাসংভবশৈলানি চৈষ্টকানি চ কারয়েৎ।
মৃণ্ময়ানি চ কুর্বীত জ্ঞাৎবা দেশং বলাবলম্॥ ' 12-68-53 (67522)
কর্মারারিষ্টশালাসু জ্বলেদগ্নিঃ সুরক্ষিতঃ।
গৃহাণি চ প্রবেশ্যান্তর্বিধেয়ঃ স্যাদ্ধুতাশনঃ॥ 12-68-54 (67523)
মহাদণ্ডশ্চ তস্য স্যাদ্যস্যাগ্নির্বৈ দিবা ভবেৎ।
প্রঘোষয়েদথৈবং চ রক্ষণার্থং পুরস্য চ॥ 12-68-55 (67524)
ভিক্ষুকাংশ্চাক্রিকাংশ্চৈব ক্লীবোন্মত্তান্কুশীলবান্।
বাহ্যান্কুর্যান্নরশ্রেষ্ঠ দোষায় স্যুর্হি তে শঠাঃ॥ 12-68-56 (67525)
চৎবরেষ্বথ তীর্থেষু সভাস্বাবসথেষু চ।
যথার্থবর্ণং প্রণিধিং কুর্যাৎসর্বত্র পার্থিবঃ॥ 12-68-57 (67526)
বিশালান্রাজমার্গাংশ্চ কারয়েত নরাধিপঃ।
প্রপাশ্চ বিপণীশ্চৈব যথোদ্দেশং সমাদিশেৎ॥ 12-68-58 (67527)
ভাণ্ডাগারায়ুধাগারান্ধান্যাগারাংশ্চ সর্বশঃ।
অশ্বাগারান্গজাগারান্বলাধিকরণানি চ॥ 12-68-59 (67528)
পরিখাশ্চৈব কৌরব্য প্রতোলীসঙ্কটানি চ।
ন জাতু কশ্চিৎপশ্যেত গুহ্যমেতদ্যুধিষ্ঠির॥ 12-68-60 (67529)
অর্থসংনিচয়ং কুর্যাদ্রাজা পরবলার্দিতঃ।
তৈলং মধু ঘৃতং সস্যমৌষধানি চ সর্বশঃ॥ 12-68-61 (67530)
অঙ্গারকুশমুঞ্জানাং পলাশশরবর্ণিনাম্।
যবসেন্ধনদিগ্ধানাং কারয়েত চ সংচয়ান্॥ 12-68-62 (67531)
আয়ুধানাং চ সর্বেষাং শক্ত্যৃষ্টিপ্রাসচর্মণাম্।
সংচয়ানেবমাদীনাং কারয়েত নরাধিপঃ॥ 12-68-63 (67532)
ঔষধানি চ সর্বাণি মূলানি চ ফলানি চ।
চতুর্বিধাংশ্চ বৈদ্যান্বৈ সংগৃহ্ণীয়াদ্বিশেষঠঃ॥ 12-68-64 (67533)
নটাংশ্চ নর্তকাংশ্চৈব মল্লান্মায়াবিনস্তথা।
শোভয়েয়ুঃ পুরবরং মোদয়েয়ুশ্চ সর্বশঃ॥ 12-68-65 (67534)
যতঃ শঙ্কা ভবেচ্চাপি ভৃত্যতোঽথাপি মন্ত্রিতঃ।
পৌরেভ্যো নৃপতের্বাপি স্বাধীনান্কারয়েত তান্॥ 12-68-66 (67535)
কৃতে কর্মাণি রাজা তান্পূজয়েদ্ধনসংচয়ৈঃ।
মাননেন যথার্হেণ সান্ৎবেন বিবিধেন চ॥ 12-68-67 (67536)
নির্বেদয়িৎবা তু পরং হৎবা বা কুরুনন্দন।
গতানৃণ্যো ভবেদ্রাজা যথা শাস্ত্রে নিদর্শিতম্॥ 12-68-68 (67537)
রাজ্ঞা সপ্তৈব রক্ষ্যাণি তানি চৈব নিবোধ মে।
আত্মাঽমাত্যাশ্চ কোশাশ্চ দণ্ডো মিত্রাণি চৈব হি॥ 12-68-69 (67538)
তথা জনপদাশ্চৈব পুরং চ কুরুনন্দন।
এতৎসপ্তাত্মকং রাজ্যং পরিপাল্যং প্রয়ত্নতঃ॥ 12-68-70 (67539)
ষাঙ্গুণ্যং চ ত্রিবর্গং চ ত্রিবর্গপরমং তথা।
যো বেত্তি পুরুষব্যাঘ্র স ভুঙ্ক্তে পৃথিবীমিমাম্॥ 12-68-71 (67540)
ষাঙ্গুণ্যমিতি যৎপ্রোক্তং তন্নিবোধ যুধিষ্ঠির।
সন্ধায়াসনমিত্যেব যাত্রাসন্ধানমেব চ॥ 12-68-72 (67541)
বিগৃহ্যাসনমিত্যেব যাত্রাং সংপরিগৃহ্য চ।
দ্বৈধীভাবস্তথাঽন্যেষাং সংশ্রয়োঽথ পরস্য চ॥ 12-68-73 (67542)
ত্রিবর্গশ্চাপি যঃ প্রোক্তস্তমিহৈকমনাঃ শৃণু।
ক্ষয়ঃ স্থানং চ বৃদ্ধিশ্চ ত্রিবর্গঃ পরমস্তথা॥ 12-68-74 (67543)
`ধর্মশ্চার্থশ্চ কামশ্চ ত্রিবর্গো বৈ সনাতনঃ।
মন্ত্রশ্চৈব প্রভাবশ্চ উৎসাহশ্চৈব তান্ত্রিকঃ।
শক্তিত্রয়ং সমাখ্যাতং ত্রিবর্গস্য চ তৎপরম্॥ 12-68-75 (67544)
কার্যং চ কারণং চৈব কর্তা চ পরিকীর্তিতঃ।
এতৎপরতরং বিদ্যান্ত্রিবর্গাদপি ভারত।
সর্বেপাং চ ক্ষয়ে রাজন্যস্ত্রিবর্গঃ সনাতনঃ॥ 12-68-76 (67545)
সৎবং রজস্তমশ্চৈব ত্রিবর্গকরণং স্মৃতম্।
তেনাত্যন্তবিমুক্তশ্চ মুক্তঃ পুরুষ উচ্যতে॥ 12-68-77 (67546)
কার্যস্য সর্বথা নাশো মোক্ষ ইত্যভিধীয়তে।
তেন মোক্ষপরশ্চৈব দেবদেবঃ পিতামহঃ।
তুষ্ট্যর্থস্য ত্রিবর্গস্য রক্ষামাহ পিতামহঃ॥ 12-68-78 (67547)
জগতো লৌকিকী যাত্রা যত্র নিত্যং প্রতিষ্ঠিতা।'
ধর্মোঽর্থশ্চৈব কামশ্চ সেবিতব্যাঃ স্বকালতঃ॥ 12-68-79 (67548)
`সেবা ধর্মস্য কর্তব্যা সততং ভূরিবৎসরৈঃ।
পুরুষৈর্নরশার্দূল তন্মূলাঃ সর্বথা ক্রিয়াঃ॥' 12-68-80 (67549)
ধর্মেণ চ মহীপালশ্চিরং রক্ষতি মেদিনীম্।
`যঃ কশ্চিদ্ধার্মিকো রাজা স বিপন্নোঽপি ভূপতিঃ।
অর্থকামবিহীনোঽপি চিরং পালয়তে মহীম্॥' 12-68-81 (67550)
অস্মিন্নর্থে হি দ্বৌ শ্লোকৌ গীতাবঙ্গিরসা স্বয়ম্।
যাদবীপুত্র ভদ্রং তে শ্রোতুমর্হসি তাবপি॥ 12-68-82 (67551)
কৃৎবা কার্যাণি ধর্মেণ সম্যক্সংপাল্য মেদিনীম্।
পালয়িৎবা তথা পৌরান্পরত্র সুখমেধতে॥ 12-68-83 (67552)
কিং তস্য তপসা রাজ্ঞঃ কিংচ তস্যাধ্বরৈঃ কৃতৈঃ।
সুপালিতাঃ প্রজা যস্য সর্বধর্মকৃদেব সঃ॥ 12-68-84 (67553)
শ্লোকাশ্চোশনসা গীতাস্তান্নিবোধ যুধিষ্ঠির।
দণ্ডনীতেশ্চ যন্মূলং ত্রিবর্গস্য চ ভূপতে॥ 12-68-85 (67554)
ভার্গবাঙ্গিরসং কর্ম ষোডশাঙ্গং চ যদ্বলম্।
বিষং মায়া চ দৈবং চ পৌরুষং চাত্মসিদ্ধয়ে॥ 12-68-86 (67555)
প্রাগুদক্প্রবণং দুর্গং সমাসাদ্য মহীপতিঃ।
ত্রিবর্গত্রয়সংপূর্ণমুপাদায় তমুদ্বহেৎ॥ 12-68-87 (67556)
ষট্পঞ্চ চ বিনির্জিত্য দশ চাষ্টৌ চ ভূপতিঃ।
ত্রিবর্গৈর্দশভির্যুক্তঃ সুরৈরপি ন জীর্যতে॥ 12-68-88 (67557)
ন বুদ্ধিং পরিগৃহ্ণীত স্ত্রীণাং মূর্খজনস্য চ।
দৈবোপহতবুদ্ধীনাং যে চ বেদৈর্বিবর্জিতাঃ।
ন তেষাং শৃণুয়াদ্রাজা বুদ্ধিস্তেষাং পরাঙ্ভুখী॥ 12-68-89 (67558)
স্ত্রীপ্রধানানি রাজ্যানি বিদ্বদ্ভির্বর্জিতানি চ।
মূর্খামাত্যাগ্নিতপ্তানি শুষ্যন্তে জলবিন্দুবৎ॥ 12-68-90 (67559)
বিদ্বাংসঃ প্রথিতা যে চ যে চাপ্তাঃ সর্বকর্মসু।
বুদ্ধেষু দৃষ্টকর্মাণি তেষাং চ শৃণুয়ান্নৃপঃ॥ 12-68-91 (67560)
দৈবং পুরুষকারং চ ত্রিবর্গং চ সমাশ্রিতঃ।
দৈবতানি চ বিপ্রাংশ্চ প্রণম্য বিজয়ী ভবেৎ॥' ॥ 12-68-92 (67561)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টষষ্টিমোঽধ্যায়ঃ॥ 68॥
Mahabharata - Shanti Parva - Chapter Footnotes
12-68-3 পার্থিবেন পৃথুবংশ্যেন রাজ্ঞা। পার্থিবপ্রকৃতেন বা বিজাতীয়েনাপি তৎকার্যকারিণা॥ 12-68-4 আত্মা চিত্তম্॥ 12-68-5 পঞ্চবর্গঃ শ্রোত্রাদিঃ॥ 12-68-6 গুল্মান্ রক্ষিণঃ পত্তীন্। সংধৌ সীমান্তে॥ 12-68-7 সংস্থানেষু কোষ্ঠপালাদ্যুপবেশনস্থানেষু। মধ্যেঽন্তঃ পুরে॥ 12-68-8 প্রণিধীন্ চারান্॥ 12-68-11 বিহারেষু যূনাং মল্লক্রীডাস্থানেষু॥ 12-68-12 সভাসু রাজসংসৎসু। আবসথেষু তত্র তত্র মহতাং গৃহেষু॥ 12-68-13 এবং বিচিনুয়াদ্রাজা পরচারং বিচক্ষণঃ। চারে হি বিদিতে পূর্বং হিতং ভবতি পাণ্ডব। ইতি ঝ. পাঠঃ। তত্র বিচিনুয়াৎ অন্বিষ্যাৎ ইত্যর্থঃ॥ 12-68-18 তৈর্দ্বারভূতৈঃ তান্দ্বারীকৃত্যবলবদ্ভির্নৃপৈঃ সহ সংধিং কুর্যাৎ॥ 12-68-19 পূর্বাপকারিণঃ পূর্বং দুষ্টা ইতি অপকৃতাঃ পশ্চাদ্দয়যানুগৃহীতাঃ॥ 12-68-21 অবিজ্ঞাতং ক্রিয়াবিশেষণমিদম্। অনাকন্দং মিত্রহীনম্। অনন্তরং বন্ধুজনহীনম্। ব্যাসক্তং অন্যেন যুদ্ধং কুর্বাণম্। প্রমত্তং অনবহিতম্। যাত্রায়াং যদি বিজ্ঞাতমিতি ঝ. পাঠঃ। তত্র যাত্রায়াং যদি ইচ্ছাস্যাত্তর্হি দুর্বলৎবাদিনা বিজ্ঞাতং শত্রুং প্রতি যাত্রামাজ্ঞাপয়েদিত্যুত্তরেণ সংবন্ধঃ॥ 12-68-22 বিধানং রক্ষণাদিসামগ্রীসংপাদনম্ ॥ 12-68-23 কর্ষয়ন্ বীর্যবন্তং। তৎপরঃ কর্ষণপরঃ॥ 12-68-28 দশধর্মগতেভ্য ইতি। তদাদদীত সহসেতি চ ঝ. পাঠঃ। তত্র দশধর্মগতাঃ মত্তোন্মত্তাদয় ইত্যর্থঃ॥ 12-68-29 ভক্তিঃ স্বীয়ৎবেন স্নেহঃ॥ 12-68-30 সূতং চ বিন্যসেদ্রাজা প্রাজ্ঞং সর্বার্থদর্শিনম্। ইতি ট.ড.থ.দ. পাঠঃ॥ 12-68-31 আকরে স্বর্ণাদ্যুৎপত্তিস্থানে। লবণে তদুৎপত্তিস্থানে। শুল্কে ধান্যাদিবিক্রয়স্থানে। তরে নদীসংতরণে। নাগবলে হস্তিয়ূথে॥ 12-68-37 ঘোষান্ বনস্থান্মার্গেষু রাজপথেষু ন্যসেৎ॥ 12-68-40 উপজপেৎ ভেদয়িৎবা তদ্দ্বারা দাহয়েৎ॥ 12-68-41 সংক্রমান্ অবতরণার্থান্সেতন্। জলং তটাকাদিস্থং বিস্রাবয়েৎ। তদয়োগ্যং বাপীকূপাদিস্থং দূষয়েৎ বিষাদিনা নাশয়েৎ॥ 12-68-42 তদাৎবেন বর্তমানকালে আয়তীভিঃ উত্তরকালেষু চ। অপবর্গে তৃতীয়া। সর্বদা আজৌ পরস্য শত্রোঃ প্রতিঘাতং হন্তারং ভূম্যনন্তরং নিকটদেশবাসিনং তচ্ছত্রুমাশ্রিত্যনিবসেৎ॥ 12-68-47 প্রগণ্ডীর্দুর্গপ্রাকারভিত্তৌ শূরাণামুপবেশনস্থানানি। আকাশজননীস্তত্রৈবৈকপক্ষায়াং ভিত্তৌ তত্রত্যানাং রক্ষণভূতায়াং বাহ্যার্থদর্শনার্থানি ক্ষুদ্রচ্ছিদ্রাণি যদ্দ্বারা আগ্নেয়াস্ত্রগুলিকাঃ প্রক্ষিপ্যন্তে। স্থাণবঃ সশূলাঃ। প্রকুণ্ঠীঃ কারয়েৎ ইতি ড.থ. পাঠঃ॥ 12-68-48 সংকটদ্বারকাণি সূক্ষ্মদ্বারাণি। তেষাং চ দ্বারবৎ গুপ্তিঃ কার্যা। কুলিকদ্বারকাণি স্যুঃ ইতি ট. ড. থ. পাঠঃ॥ 12-68-54 কর্মারো লোহকারাদিঃ। অন্তর্বিধেয়ঃ আচ্ছাদিতঃ কর্তব্যঃ॥ 12-68-55 মহাদণ্ডো বধঃ॥ 12-68-56 চাক্রিকান্ শাকটিকান্। কুশীলবান্ ফাললেখান্॥ 12-68-62 বর্ণিনাং লেখকানাম্। যবসং ধাসঃ। দিগ্ধানাং বিষাক্তবাণানাম্॥ 12-68-64 চতুর্বিধান্ বিষশল্যরোগকৃত্যাহরান্॥ 12-68-72 সন্ধায়াসনং সন্ধিং কৃৎবাঽবস্থিতিঃ। যাত্রাসন্ধানং যানম্॥ 12-68-73 যাত্রাং সংপরিগৃহ্যাঽঽসনং শত্রোর্ভয়প্রদর্শনার্থং যানং প্রদর্শ্য স্বস্থানেঽবস্থানম্। দ্বৈধীভাব উভয়ত্র সংধিকরণম্॥শান্তিপর্ব - অধ্যায় 069
॥ শ্রীঃ ॥
12.69. অধ্যায়ঃ 069
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কৃতাদিয়ুগচতুষ্টয়গুণনিরূপণম্॥ 1॥Mahabharata - Shanti Parva - Chapter Text
12-69-0 (67562)
যুধিষ্ঠির উবাচ। 12-69-0x (5499)
দণ়্ডনীতিশ্চ রাজা চ সমস্তৌ তাবুভাবপি।
তত্র কিং কুর্বতঃ সিদ্ধিস্তন্মে ব্রূহি পিতামহ॥ 12-69-1 (67563)
ভীষ্ম উবাচ। 12-69-2x (5500)
মাহাত্ম্যং দণ্ডনীত্যাস্তু সাধ্যং শব্দৈঃ সহেতুকৈঃ।
শৃণু মে শংসতো রাজন্যথাবদিহ ভারত॥ 12-69-2 (67564)
দণ্ডনীতিঃ স্বধর্মেষু চাতুর্বর্ণ্যং নিয়চ্ছতি।
প্রয়ুক্তা স্বামিনা সম্যগধর্মেভ্যো নিয়চ্ছতি॥ 12-69-3 (67565)
চাতুর্বর্ণ্যে স্বধর্মস্থে মর্যাদানামসংকরে।
দণ়্ডনীতিকৃতে ক্ষেমে প্রজানামকুতোভয়ে॥ 12-69-4 (67566)
সোমে প্রয়ত্নং কুর্বন্তি বয়ো বর্ণা যথাবিধি।
তস্মাদেব মনুষ্যাণাং সুখং বিদ্ধি সমাহিতম্॥ 12-69-5 (67567)
কালো বা কারণং রাজ্ঞো রাজা বা কালকারণম্।
ইতি তে সংশয়ো মাভূদ্রাজা কালস্য কারণম্॥ 12-69-6 (67568)
দণ্ডনীত্যাং যদা রাজা সম্যক্কার্ৎস্ন্যেন বর্ততে।
তদা কৃতয়ুগং নাম কালঃ শ্রেষ্ঠঃ প্রবর্ততে॥ 12-69-7 (67569)
ভবেৎকৃতয়ুগে ধর্মো নাধর্মো বিদ্যতে ক্বচিৎ।
সর্বেষামেব বর্ণানাং নাধর্মে রমতে মনঃ॥ 12-69-8 (67570)
যোগক্ষেমাঃ প্রবর্তন্তে প্রজানাং নাত্র সংশয়ঃ।
বৈদিকানি চ কর্মাণি ভবন্ত্যপি গুণান্যুত॥ 12-69-9 (67571)
ঋতবশ্চ সুখাঃ সর্বে ভবন্ত্যুত নিরাময়াঃ।
প্রসীদন্তি নরাণাং চ স্বরবর্ণমনাংসি চ॥ 12-69-10 (67572)
ব্যাধয়ো ন ভবন্ত্যত্র নাল্পায়ুর্দৃশ্যতে নরঃ।
বিধবা ন ভবন্ত্যত্র নৃশংসো নাত্র জায়তে॥ 12-69-11 (67573)
অকৃষ্টপচ্যা পৃথিবী ভবন্ত্যোষধয়স্তথা।
ৎবক্পত্রফলমূলানি বীর্যবন্তি ভবন্তি চ॥ 12-69-12 (67574)
নাধর্মো বিদ্যতে তত্র ধর্ম এব তু কেবলম্।
ইতি কার্তয়ুগানেতান্গুণান্বিদ্ধি যুধিষ্ঠির॥ 12-69-13 (67575)
দণ্ডনীত্যা যদা রাজা ত্রীনংশাননুবর্ততে।
চতুর্থমংশমুৎসৃজ্য তদা ত্রেতা প্রবর্ততে॥ 12-69-14 (67576)
অধর্মস্য চতুর্থাংশস্ত্রীনংশাননুবর্ততে।
কৃষ্টপচ্যৈব পৃথিবী ভবন্ত্যোষধয়স্তথা॥ 12-69-15 (67577)
অর্ধং ত্যক্ৎবা যদা রাজা নীত্যর্ধমনুবর্ততে।
ততস্তু দ্বাপরং নাম স কালঃ সংপ্রবর্ততে॥ 12-69-16 (67578)
অশুভস্য যদা ৎবর্ধং দ্বাবংশাবনুবর্ততে।
কুষ্টপচ্যৈব পৃথিবী ভবত্যর্ধফলা তথা॥ 12-69-17 (67579)
দণ্ডনীতিং পরিত্যজ্য যদা কার্ৎস্ন্যেন ভূমিপঃ।
প্রজাঃ ক্লিশ্নাত্যযোগেন প্রবর্তেত তদা কলিঃ॥ 12-69-18 (67580)
কলাবধর্মো ভূয়িষ্ঠো ধর্মো ভবতি ন ক্বচিৎ।
সর্বেষামেব বর্ণানাং স্বধর্মাচ্চ্যবতে মনঃ॥ 12-69-19 (67581)
শূদ্রা ভৈক্ষেণ জীবন্তি ব্রাহ্মণাঃ পরিচর্যযা।
যোগক্ষেমস্য নাশশ্চ বর্ততে বর্ণসংকরঃ॥ 12-69-20 (67582)
বৈদিকানি চ কর্মাণি ভবন্তি বিগুণান্যুত।
ঋতবো ন সুখাঃ সর্বে ভবন্ত্যাময়িনস্তথা॥ 12-69-21 (67583)
হ্রসন্ত চ মনুষ্যাণাং স্বরবর্ণমনাংস্যুত।
ব্যাধয়শ্চ ভবন্ত্যত্র ম্রিয়ন্তে চাশতায়ুষঃ॥ 12-69-22 (67584)
বিধবাশ্চ ভবন্ত্যত্র নৃশংসা জায়তে প্রজা।
ক্বচিদ্বর্ষতি পর্জন্যঃ ক্বচিৎসস্যং প্ররোহতি॥ 12-69-23 (67585)
রসাঃ সর্বে ক্ষয়ং যান্তি যদা নেচ্ছতি ভূমিপঃ।
প্রজাঃ সংরক্ষিতুং সম্যগ্দণ়্ডনীতিসমাহিতঃ॥ 12-69-24 (67586)
রাজা কৃতয়ুগস্রষ্টা ত্রেতায়া দ্বাপরস্য চ।
যুগস্য চ চতুর্থস্য রাজা ভবতি কারণম্॥ 12-69-25 (67587)
কৃতস্য করণাদ্রাজা স্বর্গমত্যন্তমশ্নুতে।
ত্রেতায়াঃ করণাদ্রাজা স্বর্গং নাত্যন্তমশ্নুতে॥ 12-69-26 (67588)
প্রবর্তনাদ্দ্বাপরস্য যথাভাগমুপাশ্নুতে।
কলেঃ প্রবর্তনাদ্রাজা পাপমত্যন্তমশ্নুতে॥ 12-69-27 (67589)
ততো বসতি দুষ্কর্মা নরকে শাশ্বতীঃ সমাঃ।
প্রজানাং কল্মষে মগ্নোঽকীর্তি পাপং চ বিন্দতি॥ 12-69-28 (67590)
দণ্ডনীতিং পুরস্কৃত্য ক্ষত্রিয়েণ বিজানতা।
লিপ্সিতব্যমলভ্যং চ লব্ধং রক্ষ্যং চ ভারত।
`যোগক্ষেমাঃ প্রবর্তন্তে প্রজানাং নাত্র সংশয়ঃ॥' 12-69-29 (67591)
লোকস্য সীমন্তকরী মর্যাদা লোকপাবনী।
সম্যঙ্গীতা দণ্ডনীতির্যথা মাতা যথা পিতা॥ 12-69-30 (67592)
যস্যাং ভবন্তি ভূতানি তদ্বিদ্ধি ভরতর্ষভ।
এষ এব পরো ধর্মো যদ্রাজা দণ্ডনীতিমান্॥ 12-69-31 (67593)
তস্মাৎকৌরব্য ধর্মেণ প্রজাঃ পালয় নীতিমান্।
এবং বৃত্তঃ প্রজা রক্ষন্স্বর্গং জেতাসি দুর্জয়ম্॥ ॥ 12-69-32 (67594)
ইতি শ্রীমন্মহাভারতে শান্তিপর্বণি রাজধর্মপর্বণি একোনসপ্ততিতমোঽধ্যায়ঃ॥ 69॥
Mahabharata - Shanti Parva - Chapter Footnotes
12-69-3 অধর্মেভ্য ইতি প়ঞ্চমী॥ 3॥ 12-69-11 কপণো ন ৎবিতি ঝ. পাঠঃ॥ 12-69-18 অয়োগেন অনুপ্রায়েন॥ 12-69-20 যোগক্ষেমস্য নাশাচ্চেতি ট. ড. থ. পাঠঃ॥ 12-69-30 সীমন্তকরী ত্র্যবস্যাপিকা॥শান্তিপর্ব - অধ্যায় 070
॥ শ্রীঃ ॥
12.70. অধ্যায়ঃ 070
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি রাজনপ্রানুবর্ণনম্॥ 1॥Mahabharata - Shanti Parva - Chapter Text
12-70-0 (67595)
যুধিষ্ঠির উবাচ। 12-70-0x (5501)
ক্তেন বৃত্তেন বৃত্তক্ষ বর্তমানো মহীপতিঃ।
সুখেনার্যান্তুসুখোদর্কানিহ চ প্রেত্য চাশ্নুতে॥ 12-70-1 (67596)
ভীষ্ম উবাচ। 12-70-2x (5502)
ইত্থং গুণানাং ষট্ত্রিংশী ষট্ত্রিংশদ্গুণসংয়ুতা।
যান্গুণাংস্তু গুণোপেতঃ কুর্বন্গুণমবাপ্নুয়াৎ॥ 12-70-2 (67597)
চরেদ্ধর্মানকটুকো মুঞ্চেৎস্নেহং ন চাস্তিকঃ।
অনৃশংসশ্চরেদর্থং চরেৎকামমনুদ্ধতঃ॥ 12-70-3 (67598)
প্রিয়ং ব্রূয়াদকৃপণঃ শূরঃ স্যাদবিকত্থনঃ।
দাতা নাপাত্রবর্ষী স্যাৎপ্রগল্ভঃ স্যাদনিষ্ঠুরঃ॥ 12-70-4 (67599)
সংদধীত ন চানার্যৈর্বিগৃহ্ণীয়াচ্চ শত্রুভিঃ।
নানাপ্তৈশ্চারয়েচ্চারং কুর্যাৎকার্যমপীডয়া॥ 12-70-5 (67600)
অর্থং ব্রূয়ান্ন চাসৎসু গুণান্ব্রূয়ান্ন চাত্মনঃ।
আদদ্যান্ন চ সাধুভ্যো নাসৎপুরুষমাশ্রয়েৎ॥ 12-70-6 (67601)
নাপরীক্ষ্য নয়েদ্দণ্ডং ন চ মন্ত্রং প্রকাশয়েৎ।
বিসৃজেন্ন চ লুব্ধেভ্যো বিশ্বসেন্নাপকারিষু॥ 12-70-7 (67602)
অনীর্ষুর্গুপ্তদারঃ স্যাচ্চোক্ষঃ স্যাদঘৃণী নৃপঃ।
স্ত্রিয়ঃ সেবেত নাত্যর্থং মৃষ্টং ভুঞ্জীত নাহিতম্॥ 12-70-8 (67603)
অস্তব্ধঃ পূজয়ন্মান্যান্গুরূন্সেবেদমায়যা।
অর্চেদ্দেবানদম্ভেন শ্রিয়মিচ্ছেদকৃৎসিতাম্॥ 12-70-9 (67604)
সেবেত প্রণয়ং হিৎবা দক্ষঃ স্যান্ন ৎবকালবিৎ।
সান্ৎবয়েন্ন চ মোক্ষায় অনুগৃহ্ণন্ন চাক্ষিপেৎ॥ 12-70-10 (67605)
প্রহরেন্ন ৎববিজ্ঞায় হৎবা শত্রূন্ন শোচয়েৎ।
ক্রোধং কুর্যান্ন চাকস্মান্মৃদুঃ স্যান্নাপকারিষু॥ 12-70-11 (67606)
এবং চরস্ব রাজ্যস্থো যদি শ্রেয় ইহেচ্ছসি।
অতোঽন্যথা নরপতির্ভয়মৃচ্ছত্যনুত্তমম্॥ 12-70-12 (67607)
ইতি সর্বান্গুণানেতান্যথোক্তান্যোঽনুবর্ততে।
অনুভূয়েহ ভদ্রাণি প্রেত্য স্বর্গে মহীয়তে॥ 12-70-13 (67608)
বৈশম্পায়ন উবাচ। 12-70-14x (5503)
12-70-14 (67609)
ইদং বচঃ শান্তনবস্য শুশ্রুবা
ন্যুধিষ্ঠিরঃ পার্থিবমুখ্যসংবৃতঃ।
তদা ববন্দে চ পিতামহং নৃপো
যথোক্তমেতচ্চ চকার বুদ্ধিমান্॥
Mahabharata - Shanti Parva - Chapter Footnotes
12-70-2 ষট্ত্রিংশী ষট্ত্রিংশৎসংখ্যাকা॥ 12-70-5 বিগৃহ্ণীয়ান্ন বন্ধুভিঃ। নাভক্তং চারয়েচ্চারং ইতি ঝ. পাঠঃ। তত্র অভক্তং অল্পান্নং ইত্যর্থঃ॥ 12-70-8 চোক্ষঃ শুদ্ধঃ॥ 12-70-11 ন শোচয়েৎ শত্রুবন্ধূনাং শোকং অপনুদেৎ॥ 12-70-12 অনুত্তমং মহত্তরম্॥শান্তিপর্ব - অধ্যায় 071
॥ শ্রীঃ ॥
12.71. অধ্যায়ঃ 071
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি রাজধর্মকথনম্॥ 1॥Mahabharata - Shanti Parva - Chapter Text
12-71-0 (67610)
যুধিষ্ঠির উবাচ। 12-71-0x (5504)
কথং রাজা প্রজা রক্ষন্নাধিবন্ধেন যুজ্যতে।
ধর্মে চ নাপরাধ্নোতি তন্মে ব্রূহি পিতামহ॥ 12-71-1 (67611)
ভীষ্ম উবাচ। 12-71-2x (5505)
সমাসেনৈব তে রাজন্ধর্মান্বক্ষ্যামি শাশ্বতান্।
বিস্তরেণৈব ধর্মাণাং ন জাৎবন্তমবাপ্নুয়াৎ॥ 12-71-2 (67612)
ধর্মনিষ্ঠাঞ্শ্রুতবতো দেবব্রতসমাহিতান্।
অর্চিতান্বাসয়েথাস্ৎবং গৃহে গুণবতো দ্বিজান্॥ 12-71-3 (67613)
প্রত্যুত্থায়োপসংগৃহ্য চরণাবভিবাদ্য চ।
অথ সর্বাণি কুর্বীথাঃ কার্যাণি সপুরোহিতঃ॥ 12-71-4 (67614)
ধর্মকার্যাণি নির্বর্ত্য মঙ্গলানি প্রয়ুজ্য চ।
ব্রাহ্মণান্বাচয়েথাস্ৎবমর্থসিদ্ধিজয়াশিষঃ॥ 12-71-5 (67615)
আর্জবেন চ সংপন্নো ধৃত্যা বুদ্ধ্যা চ ভারত।
ধর্মার্থৌ প্রতিগৃহ্ণীয়াৎকামক্রোধৌ চ বর্জয়েৎ॥ 12-71-6 (67616)
কামক্রোধৌ পুরস্কৃত্য যোঽর্থং রাজাঽনুতিষ্ঠতি।
ন স ধর্মং ন চাপ্যর্থং প্রতিগৃহ্ণাতি বালিশঃ॥ 12-71-7 (67617)
মা স্ম লুব্ধাংশ্চ মূর্খাংশ্চ কামার্থে চ প্রয়ূয়ুজঃ।
অলুব্ধান্বুদ্ধিসংপন্নান্সর্বকর্মসু যোজয়েৎ॥ 12-71-8 (67618)
মূর্খো হ্যধিকৃতোঽর্থেষু কার্যাণামবিশারদঃ।
প্রজাঃ ক্লিশ্নাত্যযোগেন কামক্রোধসমন্বিতঃ॥ 12-71-9 (67619)
বলিষষ্ঠেন শুল্কেন দণ্ডেনাথাপরাধিনাম্।
শাস্ত্রানীতেন লিপ্সেথা বেতনেন ধনাগমম্॥ 12-71-10 (67620)
দাপয়িৎবা করং ধর্ম্যং রাষ্ট্রং নীত্যা যথাবিধি।
তথৈতং কল্পয়েদ্রাজা যোগক্ষেমমতন্দ্রিতঃ॥ 12-71-11 (67621)
গোপায়িতারং দাতারং ধর্মনিত্যমতন্দ্রিতম্।
অকামদ্বেষসংয়ুক্তমনুরজ্যন্তি মানবাঃ॥ 12-71-12 (67622)
তস্মাদ্ধর্মেণ লাভেন লিপ্সেথাস্ৎবং ধনাগমম্।
ধর্মার্থাবধ্রুবৌ তস্য যো ন শাস্ত্রপরো ভবেৎ॥ 12-71-13 (67623)
অপশাস্ত্রধনো রাজা সংচয়ং নাধিগচ্ছতি।
অস্থানে চাস্য তদ্বিত্তং সর্বমেব বিনশ্যতি॥ 12-71-14 (67624)
অর্থমূলোঽপি হিংসাং চ কুরুতে স্বয়মাত্মনঃ।
করৈরশাস্ত্রদৃষ্টৈর্হি মোহাৎসংপীডয়ন্প্রজাঃ॥ 12-71-15 (67625)
ঊধশ্ছিন্দ্যাত্তু যো ধেন্বাঃ ক্ষীরার্থী ন লভেৎপয়ঃ।
এবং রাষ্ট্রময়োগেন পীডিতং ন বিবর্ধতে॥ 12-71-16 (67626)
`যবসোদকমাদায় সান্ৎবেন বিনয়েন চ।'
যো হি দোগ্ধ্রীমুপাস্তে চ স নিত্যং বিন্দতে পয়ঃ।
এবং রাষ্ট্রমুপায়েন ভুঞ্জানো লভতে ফলম্॥ 12-71-17 (67627)
অথ রাষ্ট্রমুপায়েন ভুজ্যমানং সুরক্ষিতম্।
জনয়ত্যতুলাং নিত্যং কোশবৃদ্ধিং যুধিষ্ঠির॥ 12-71-18 (67628)
দোগ্ধ্রী ধান্যং হিরণ্যং চ মহী রাজা সুরক্ষিতা।
নিত্যং স্বেভ্যঃ পরেভ্যশ্চ তৃপ্তা মাতা যথা পয়ঃ॥ 12-71-19 (67629)
মালাকারোপমো রাজন্ভব মাঽঽঙ্গারিকোপমঃ।
তথায়ুক্তশ্চিরং রাজ্যং ভোক্তুং শক্ষ্যসি পালয়ন্॥ 12-71-20 (67630)
পরচক্রাভিয়ানেন যদি তে স্যাদ্ধনক্ষয়ঃ।
অথ সাম্নৈব লিপ্সেথা ধনমব্রাহ্মণেষু যৎ॥ 12-71-21 (67631)
মা স্ম তে ব্রাহ্মণং দৃষ্ট্বা ধনস্থং প্রচলেন্মনঃ।
অন্ত্যায়ামপ্যবস্থায়াং কিমু স্ফীতস্য ভারত॥ 12-71-22 (67632)
ধনানি তেভ্যো দদ্যাস্ৎবং যথাশক্তি যথার্হতঃ।
সান্ৎবয়ন্পরিরক্ষংশ্চ স্বর্গমাপ্স্যসি দুর্জয়ম্॥ 12-71-23 (67633)
এবং ধর্ম্যেণ বৃত্তেন প্রজাস্ৎবং পরিপালয়।
স্বর্গ্যং পুণ্যং যশো নিত্যং প্রাপ্স্যসে কুরুনন্দন॥ 12-71-24 (67634)
ধর্মেণ ব্যবহারেণ প্রজাঃ পালয় পাণ্ডব।
যুধিষ্ঠির যথায়ুক্তো নাধিবন্ধেন যোক্ষ্যসে॥ 12-71-25 (67635)
এষ এব পরো ধর্মো যদ্রাজা রক্ষতি প্রজাঃ।
ভূতানাং হি যদা ধর্মো রক্ষণং পরমা দয়া॥ 12-71-26 (67636)
তস্মাদেবং পরং ধর্মং মন্যন্তে ধর্মকোবিদাঃ।
যো রাজা রক্ষণে যুক্তো ভূতেষু কুরুতে দয়াম্॥ 12-71-27 (67637)
যদহ্না কুরুতে পাপমরক্ষন্ভয়তঃ প্রজাঃ।
রাজা বর্ষসহস্রেণ তস্যান্তমধিগচ্ছতি॥ 12-71-28 (67638)
যদহ্না কুরুতে ধর্মং প্রজা ধর্মেণ পালয়ন্।
দশবর্ষসহস্রাণি তস্য ভুঙ্ক্তে ফলং দিবি॥ 12-71-29 (67639)
স্বিষ্টিঃ স্বধীতিঃ সুতপা লোকাঞ্জয়তি যাবতঃ।
ক্ষণেন তানবাপ্নোতি প্রজা ধর্মেণ পালয়ন্॥ 12-71-30 (67640)
এবং ধর্মং প্রয়ত্নেন কৌন্তেয় পরিপালয়।
ততঃ পুণ্যফলং লব্ধ্বা নানুবন্ধেন যোক্ষ্যসে॥ 12-71-31 (67641)
স্বর্গলোকে সুমহতীং শ্রিয়ং প্রাপ্স্যসি পাণ্ডব।
অসংভবশ্চ ধর্মাণামীদৃশানামরাজসু॥ 12-71-32 (67642)
তস্মাদ্রাজৈব নান্যোঽস্তি যো ধর্মফলমাপ্নুয়াৎ।
স রাজ্যং ধৃতিমান্প্রাপ্য ধর্মেণ পরিপালয়।
ইন্দ্রং তর্পয় সোমেন কামৈশ্চ সুহৃদো জনান্॥ ॥ 12-71-33 (67643)
ইতি শ্রীমন্মহাভারতে শান্তিপর্বণি রাজধর্মপর্বণি একসপ্ততিতমোঽধ্যায়ঃ॥ 71॥
Mahabharata - Shanti Parva - Chapter Footnotes
12-71-1 বহ্বীনাং প্রজানাং পরিপালন কথং স্যাদিতি চিন্তা আধিঃ স এব বন্ধস্তেন ন যুজ্যতে॥ 12-71-9 অয়োগেন যোগ ইষ্টপ্রাপ্তি স্তদভাবেন॥ 12-71-10 বলী রাজদেয়ং তদেব সস্যাদেঃ ষষ্ঠংশস্তেন বলিষষ্ঠেন। বেতনেন পথিরক্ষিতৈর্বণিগ্ভির্যদ্দত্তং তদ্রাজ্ঞো বেতনং সেবাধনম্॥ 12-71-11 ধান্যাদেঃ ষষ্ঠাংশে হৃতে শেষেণ প্রজানাং যদি বার্ষিকো গ্রাসো ন ভবেত্তদা রাজৈব তাসাং যোগক্ষেমং কল্পয়েদিত্যাহ দাপয়িৎবেতি॥ 12-71-19 দোগ্ধ্রী পূরয়িত্রী॥ 12-71-20 আঙ্গারিক ইঙ্গালকর্তা॥ 12-71-25 যথায়ুক্ত উক্তেন প্রকারেণাঽবহিতঃ॥ 12-71-27 যো দয়াং কুরুতে তং ধর্মং মন্যন্তে ইতি যোজনা॥ 12-71-28 অন্তং যাতনাভোগনিষ্কৃতিম্॥ 12-71-30 স্বিষ্টিঃ স্বধীতিঃ সুতপা ইতি ক্রমেণ গৃহস্থব্রহ্মচারিবানপ্রস্থধর্মান্সম্যগনুতিষ্ঠন্॥শান্তিপর্ব - অধ্যায় 072
॥ শ্রীঃ ॥
12.72. অধ্যায়ঃ 072
Mahabharata - Shanti Parva - Chapter Topics
যুধিষ্ঠিরংপ্রতি ভীষ্মেণ ব্রাহ্মণস্য শ্রৈষ্ঠয়োপপাদনপূর্বকং চাতুর্বর্ণ্যধর্মকথনম্॥ 1॥Mahabharata - Shanti Parva - Chapter Text
12-72-0 (67644)
যুধিষ্ঠির উবাচ। 12-72-0x (5506)
`কীদৃশো ব্রাহ্মণো রাজা কার্যাকার্যবিচারণে।
ক্ষমঃ কর্তুং সমর্থো বা তন্মে ব্রূহি পিতামহ॥' 12-72-1 (67645)
ভীষ্ম উবাচ। 12-72-2x (5507)
য এব তু সতো রক্ষেদসতশ্চ নিবর্তয়েৎ।
স এব রাজ্ঞা কর্তব্যো রাজন্রাজপুরোহিতঃ॥ 12-72-2 (67646)
অত্রাপ্যুদাহরন্তীমমিতিহাসং পুরাতনম্।
পুরূরবস ঐলস্য সংবাদং মাতরিশ্বনা॥ 12-72-3 (67647)
পুরূরবা উবাচ। 12-72-4x (5508)
কুতঃ স্বিদ্ব্রাহ্মণো জাতো বর্ণাশ্চাপি কুতস্ত্রয়ঃ।
কস্মাচ্চ ভবতি শ্রেয়াংস্তন্মে ব্যাখ্যাতুমর্হসি॥ 12-72-4 (67648)
মাতরিশ্বোবাচ। 12-72-5x (5509)
ব্রাহ্মণো মুখতঃ সৃষ্টো ব্রহ্মণো রাজসত্তম।
বাহুভ্যাং ক্ষত্রিয়ঃ সৃষ্ট ঊরুভ্যাং বৈশ্য এব চ॥ 12-72-5 (67649)
বর্ণানাং পরিচর্যার্যং ত্রয়াণাং ভরতর্ষভ।
বর্ণশ্চতুর্থঃ পশ্চাত্তু পভ্দ্যাং শূদ্রো বিনির্মিতঃ॥ 12-72-6 (67650)
ব্রাহ্মণো জায়মানো হি পৃথিব্যামনুজায়তে।
ঈশ্বরঃ সর্বভূতানাং ধর্মকোশস্য গুপ্তয়ে॥ 12-72-7 (67651)
`সর্বস্বং ব্রাহ্মণস্যেদং যৎকিংচিদিহ দৃশ্যতে।
ধর্ময়ুক্তং প্রশস্তং চ জগত্যস্মিন্নৃপাত্মজ॥' 12-72-8 (67652)
ততঃ পৃথিব্যা যন্তারং ক্ষত্রিয়ং দণ্ডধারণে।
দ্বিতীয়ং বর্ণমকরোৎপ্রজানামনুগুপ্তয়ে॥ 12-72-9 (67653)
বৈশ্যস্তু ধনধান্যেন ত্রীন্বর্ণান্বিভৃয়াদিমান্।
শূদ্রো হ্যেতান্পরিচরেদিতি ব্রহ্মানুশাসনম্॥ 12-72-10 (67654)
ঐল উবাচ। 12-72-11x (5510)
দ্বিজস্য ক্ষত্রবন্ধোর্বা কস্যেয়ং পৃথিবী ভবেৎ।
ধর্মতঃ সহ বিত্তেন সম্যগ্বায়ো প্রচক্ষ্ব মে॥ 12-72-11 (67655)
বায়ুরুবাচ। 12-72-12x (5511)
বিপ্রস্য সর্বমেবৈতদ্যৎকিংচিজ্জগতীগতম্।
`ধনং ধান্যং হিরণ্যং চ স্ত্রিয়ো রত্নানি বাহনম্॥ 12-72-12 (67656)
মঙ্গলং চ প্রশস্তং চ যচ্চান্যদপি বিদ্যতে। '
জ্যেষ্ঠেনাভিজনেনেহ তদ্ধর্মকুশলা বিদুঃ॥ 12-72-13 (67657)
স্বমেব ব্রাহ্মণো ভুঙ্ক্তে স্বং বস্তে স্বং দদাতি চ।
গুরুর্হি সর্ববর্ণানাং জ্যেষ্ঠঃ শ্রেষ্ঠশ্চ বৈ দ্বিজঃ॥ 12-72-14 (67658)
পত্যভাবে যথৈব স্ত্রী দেবরং কুরুতে পতিম্।
`আনন্তর্যাত্তথা ক্ষত্রং পৃথিবী কুরুতে পতিম্।'
এষ তে প্রথমঃ কল্প আপদ্যন্যো ভবেদতঃ॥ 12-72-15 (67659)
যদি স্বর্গে পরং স্থানং ধর্মতঃ পরিমার্গসি।
যৎকিংচিজ্জয়সে ভূমিং ব্রাহ্মণায় নিবেদয়॥ 12-72-16 (67660)
শ্রুতবৃত্তোপপন্নায় ধর্মজ্ঞায় তপস্বিনে।
স্বধর্মপরিতৃপ্তায় যো ন বিত্তপরো ভবেৎ॥ 12-72-17 (67661)
যো রাজানং নয়েদ্বুদ্ধ্যা সর্বতঃ পরিপূর্ণয়া।
ব্রাহ্মণো হি কুলে জাতঃ কৃতপ্রজ্ঞো বিনীতবান্॥ 12-72-18 (67662)
শ্রেয়ো নয়তি রাজানং ব্রুবংশ্চিত্রাং সরস্বতীম্।
রাজা চরতি যং ধর্মং ব্রাহ্মণেন নিদর্শিতম্॥ 12-72-19 (67663)
শুশ্রূষুরনহংবাদী ক্ষত্রধর্মব্রতে স্থিতঃ।
তাবতা সৎকৃতঃ প্রাজ্ঞশ্চিরং যশসি তিষ্ঠতি॥ 12-72-20 (67664)
তস্য ধর্মস্য সর্বস্য ভাগী রাজপুরোহিতঃ।
এবমেব প্রজাঃ সর্বা রাজানমভিসংশ্রিতাঃ॥ 12-72-21 (67665)
`ব্রাহ্মণং চ সবিদ্বাংসং রাজশাস্ত্রবিপশ্চিতম্।'
সম্যগ্বৃত্তাঃ স্বধর্মস্থা ন কুতশ্চিদ্ভয়ান্বিতাঃ॥ 12-72-22 (67666)
রাষ্ট্রে চরন্তি যং ধর্মং রাজ্ঞা সাধ্বভিরক্ষিতাঃ।
চতুর্থং তস্য ধর্মস্য রাজা ভাগং তু বিন্দতি॥ 12-72-23 (67667)
দেবা মনুষ্যাঃ পিতরো গন্ধর্বোরগরাক্ষসাঃ।
যজ্ঞমেবোপজীবন্তি নাস্তি যষ্টা হ্যরাজকে॥ 12-72-24 (67668)
ইতো দত্তেন জীবন্তি দেবতাঃ পিতরস্তথা।
রাজন্যেবাস্য ধর্মস্য যোগক্ষেমঃ প্রতিষ্ঠিতঃ॥ 12-72-25 (67669)
ছায়ায়ামপ্সু বায়ৌ চ সুখমুষ্ণেঽধিগচ্ছতি।
অগ্নৌ বাসসি সূর্যে চ সুখং শীতেঽধিগচ্ছতি।
শব্দে স্পর্শে রসে রূপে গন্ধে চ রমতে মনঃ॥ 12-72-26 (67670)
তেষু ভোগেষু সর্বেষু ন ভীতো লভতে সুখম্।
অভয়স্য হি যো দাতা তস্যৈব সুমহৎফলম্॥ 12-72-27 (67671)
ন হি প্রাণসমং দানং ত্রিষু লোকেষু বিদ্যতে।
ইন্দ্রো রাজা যমো রাজা ধর্মো রাজা তথৈব চ।
রাজা বিভর্তি ভূতানি রাজ্ঞা সর্বমিদং ধৃতম্॥ ॥ 12-72-28 (67672)
ইতি শ্রীমন্মহাভারতে শান্তিপর্বণি রাজধর্মপর্বণি দ্বিসপ্ততিতমোঽধ্যায়ঃ॥ 72॥
Mahabharata - Shanti Parva - Chapter Footnotes
12-72-2 নিবর্তয়েদ্রাজ্যাদ্দূরীকারয়েৎ॥শান্তিপর্ব - অধ্যায় 073
॥ শ্রীঃ ॥
12.73. অধ্যায়ঃ 073
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি পুরোহিতলক্ষণাদিবর্ণনম্। ঐলকশ্যপসংবাদানুবাদশ্চ॥ 1॥Mahabharata - Shanti Parva - Chapter Text
12-73-0 (67673)
` যুধিষ্ঠির উবাচ। 12-73-0x (5512)
রাজ্ঞা পুরোহিতঃ কার্যঃ কীদৃশো বর্ণতো ভবেৎ।
পুরোধা যাদৃশঃ কার্যঃ কথয়স্ব পিতামহ॥ 12-73-1 (67674)
ভীষ্ম উবাচ। 12-73-2x (5513)
গৌরো বা লোহিতো বাঽপি শ্যামো বা নীরুজঃ সুখী।
অক্রোধনো হ্যচপলঃ সর্বতশ্চ জিতেন্দ্রিয়ঃ॥' 12-73-2 (67675)
রাজ্ঞা পুরোহিতঃ কার্যো ভবেদ্বিদ্বান্বহুশ্রুতঃ।
উভৌ সমীক্ষ্য ধর্মার্থাবপ্রমেয়াবনন্তরম্॥ 12-73-3 (67676)
ধর্মাত্মা মন্ত্রবিদ্যেষাং রাজ্ঞাং রাজন্পুরোহিতঃ।
`তেষামর্থশ্চ কামশ্চ ধর্মশ্চেতি বিনিশ্চয়ঃ॥ 12-73-4 (67677)
শ্লোকাশ্চোশনসা গীতাস্তান্নিবোধ যুধিষ্ঠির।
উচ্ছিষ্টঃ স ভবেদ্রাজা যস্য নাস্তি পুরোহিতঃ॥ 12-73-5 (67678)
রক্ষসামসুরাণাং চ পিশাচোরগপক্ষিণাম্।
শত্রূণাং চ ভবেদ্বধ্যো যস্য নাস্তি পুরোহিতঃ॥ 12-73-6 (67679)
ব্রহ্মৎবং সর্বয়জ্ঞেষু কুর্বীতাথর্বণো দ্বিজঃ।
রাজ্ঞশ্চাথর্ববেদেন সর্বকর্মাণি কারয়েৎ॥ 12-73-7 (67680)
ব্রূয়াদ্গর্হ্যাণি সততং মহোৎপাতান্যঘানি চ।
ইষ্টমঙ্গলয়ুক্তানি তথাঽন্তঃ পুরিকাণি চ॥ 12-73-8 (67681)
গীতনৃত্তাধিকারেষু সংমতেষু মহীপতেঃ।
কর্তব্যং করণীয়ং বৈ বৈশ্বদেববলিস্তথা॥ 12-73-9 (67682)
পক্ষসংধিষু কুর্বীত মহাশান্তিং পুরোহিতঃ।
রৌদ্রহোমসহস্রং চ স্বস্য রাজ্ঞঃ প্রিয়ং হিতম্॥ 12-73-10 (67683)
রাজ্ঞঃ পাপমলাঃ সপ্ত যানৃচ্ছতি পুরোহিতঃ।
অমাত্যাশ্চ কুকর্মাণো মন্ত্রিণশ্চাপ্যুপেক্ষকাঃ॥ 12-73-11 (67684)
চৌর্যমব্যবহারশ্চ ব্যবহারোপসেবিনাম্।
অদণ্ড্যদণ্ডনং চৈব দণ্ড্যানাং চাপ্যদণ্ডনম্॥ 12-73-12 (67685)
হিংসা চান্যত্র সংগ্রামাদ্রাজ্ঞশ্চ মল উচ্যতে।
কুভৃত্যৈস্তু প্রজানাশঃ সপ্তমস্তু মহামলঃ॥ 12-73-13 (67686)
রৌদ্রৈর্হোমৈর্মহাশান্ত্যা ঘৃতকম্বলকর্মণা।
ভৃগ্বঙ্গিরোবিধিজ্ঞো বৈ পুরোধা নির্ণুদে মলাৎ॥ 12-73-14 (67687)
এতান্হিৎবা দিবং যাতি রাজা সপ্ত মহামলান্।
সামাত্যঃ সপুরোধাশ্চ প্রজানাং পালনে রতঃ॥ 12-73-15 (67688)
এতস্মিন্নেব কৌরব্য পৌরোহিত্যে মহামতে।
শ্লোকানাহ মহেন্দ্রস্য গুরুর্দেবো বৃহস্পতিঃ॥ 12-73-16 (67689)
তান্নিবোধ মহীপাল মহাভাগ হিতাঞ্শুভান্।
ঋগ্বেদে সামবেদে চ যজুর্বেদে চ বাজিনাম্॥ 12-73-17 (67690)
ন নির্দিষ্টানি কর্মাণি ত্রিষু স্থানেষু ভূভৃতাম্।
শান্তিকং পৌষ্টিকং চৈব অরিষ্টানাং চ শাতনম্॥ 12-73-18 (67691)
শপ্তাস্তে যাজ্ঞবল্ক্যেন যজ্ঞানাং হিতমীহতা।
ব্রহ্মিষ্ঠানাং বরিষ্ঠেন ব্রহ্মণঃ সংমতে বিভোঃ॥ 12-73-19 (67692)
বহ্বৃচং সামগং চৈব বাজিনং চ বিবর্জয়েৎ।
বহ্বৃচো রাষ্ট্রনাশায় রাজনাশায় সামগঃ।
অধ্বর্যুর্বলনাশায় প্রোক্তো বাজসনেয়কঃ॥ 12-73-20 (67693)
অব্রাহ্মণেষু বর্ণেষু মন্ত্রান্বাজসনেয়কান্।
শান্তিকে পৌষ্টিকে চৈব নিত্যং কর্মণি বর্জয়েৎ॥ 12-73-21 (67694)
ব্রাহ্মণস্য মহীপস্য সর্বথা ন বিরোধিনঃ।
বেদাশ্চৎবার ইত্যেতে ব্রাহ্মণা যে চ তদ্বিদুঃ॥ 12-73-22 (67695)
পৌরোহিত্যে প্রমাণং তু ব্রাহ্মণশ্চ মহীপতেঃ।
জাত্যা ন ক্ষত্রিয়ঃ প্রোক্তঃ ক্ষতত্রাণং করোতি যঃ॥ 12-73-23 (67696)
চাতুর্বর্ণ্যবহিষ্ঠোঽপি স এব ক্ষত্রিয়ঃ স্মৃতঃ।
ভার্গবাঙ্গিরসৈর্মন্ত্রৈস্তেষাং কর্ম বিধীয়তে॥ 12-73-24 (67697)
বৈতানং কর্ম যচ্চৈব গৃহ্যকর্ম চ যৎস্মৃতম্।
দ্বিজাতীনাং ত্রয়াণাং তু সর্বকর্ম বিধীয়তে॥ 12-73-25 (67698)
রাজধর্মপ্রবৃত্তানাং হিতার্থং ত্রীমি কারয়েৎ।
শান্তিকং পৌষ্টিকং চৈব তথাঽভিচরণং চ যৎ॥ 12-73-26 (67699)
অগ্নিষ্টোমমুখৈর্যজ্ঞৈর্দূষিতা ভূপকর্মভিঃ।
ন সম্যক্ফলমৃচ্ছন্তি যে যজন্তি দ্বিজাতয়ঃ॥ 12-73-27 (67700)
পৌরোহিত্যং তু কুর্বাণা নাশং যাস্যন্তি ভূভৃতাম্।
যজ্ঞকর্মাণি কুর্বাণা ঋৎবিজস্তু বিরোধিনঃ॥ 12-73-28 (67701)
ব্রহ্মক্ষত্রবিশঃ সর্বে পৌরোহিত্যে বিবর্জিতাঃ।
তদভাবে চ পারক্যং নির্দিষ্টং রাজকর্মসু॥ 12-73-29 (67702)
ঋষিণা যাজ্ঞবল্ক্যেন তত্তথা ন তদন্যথা।
ভার্গবাঙ্গিরসাং বেদে কৃতবিদ্যঃ ষডঙ্গবিৎ॥ 12-73-30 (67703)
যজ্ঞকর্মবিধিজ্ঞস্তু বিধিজ্ঞঃ পৌষ্টিকেষু চ।
অষ্টাদশবিকল্পানাং বিধিজ্ঞঃ শান্তিকর্মণাম্॥ 12-73-31 (67704)
সর্বরোগবিহীনশ্চ সংয়তঃ সংয়তেন্দ্রিয়ঃ।
শ্বিত্রকুষ্ঠক্ষয়ক্ষীণৈর্গ্রহাপস্মারদূষিতৈঃ॥ 12-73-32 (67705)
অশস্তৈর্বাতদুষ্টৈশ্চ দূরস্থৈঃ সংবদেন্নৃপঃ।
রোগিণং ঋৎবিজং চৈব বর্জয়েচ্চ পুরোহিতম্॥ 12-73-33 (67706)
নচান্যস্য কৃতং যেন পৌরোহিত্যং কদাচন।
যস্য যাজ্যো মৃতশ্চৈব ভ্রষ্টঃ প্রব্রজিতো যথা॥ 12-73-34 (67707)
যুদ্ধে পরাজিতশ্চৈব সর্বাংস্তান্বর্জয়েন্নৃপঃ।
নক্ষত্রস্যানুকূল্যেন যঃ সংজাতো নরেশ্বরঃ॥ 12-73-35 (67708)
রাজশাস্ত্রবিনীতশ্চ শ্রেয়ান্রাজ্ঞঃ পুরোহিতঃ।
অধন্যানাং নিমিত্তানামুৎপাতানামথার্থবিৎ॥ 12-73-36 (67709)
শত্রুপক্ষক্ষয়জ্ঞশ্চ শ্রেয়ান্রাজ্ঞঃ পুরোহিতঃ।
বাজিনং তদভাবে চ চরকাধ্বর্যবানপি॥ 12-73-37 (67710)
বহ্বৃচং সামগং চৈব নীতিশাস্ত্রকৃতশ্রমান্।
কৃতিনোঽথর্বণো বেদে স্থাপয়েত্তু পুরোহিতান্॥ 12-73-38 (67711)
হিংসালিঙ্গা হি নির্দিষ্টা মন্ত্রা বৈতানিকৈর্দ্বিজৈঃ।
ন তানুচ্চারয়েৎপ্রাজ্ঞঃ ক্ষাত্রধর্মবিরোধিনঃ॥ 12-73-39 (67712)
প্রজাগুণাঃ পুরোধাশ্চ পুরোহিতগুণাঃ প্রজাঃ।'
রাজা বৈ সগুণো যেষাং কুশলং তেষু সর্বশঃ॥ 12-73-40 (67713)
উভৌ প্রজা বর্ধয়তো দেবান্পূর্বাপরান্পিতৄন্।
যৌ ভবেতাং স্থিতৌ ধর্মে শ্রদ্ধেয়ৌ সুতপস্বিনৌ॥ 12-73-41 (67714)
পরস্পরস্য সুহৃদৌ বিহিতৌ সমচেতসৌ।
ব্রহ্মক্ষত্রস্য সমানাৎপ্রজা সুখমবাপ্নুয়াৎ॥ 12-73-42 (67715)
বিমাননাত্তয়োরেব প্রজা নশ্যেয়ুরেব হি।
ব্রহ্মক্ষত্রং হি সর্বাসাং প্রজানাং মূলমুচ্যতে॥ 12-73-43 (67716)
অত্রাপ্যুদাহরন্তীমমিতিহাসং পুরাতনম্।
ঐলকশ্যপসংবাদং তং নিবোধ যুধিষ্ঠির॥ 12-73-44 (67717)
ঐল উবাচ। 12-73-45x (5514)
যদা হি ব্রহ্ম প্রজহাতি ক্ষত্রং
ক্ষত্রং যদা বা প্রজহাতি ব্রহ্ম।
অন্বগ্বলং কতমেঽস্মিন্ভজন্তে
তথা বলং কতমেঽস্মিন্ধ্রিয়ন্তে॥ 12-73-45 (67718)
কশ্যপ উবাচ। 12-73-46x (5515)
দ্বিধা হি রাষ্ট্রং ভবতি ক্ষত্রিয়স্য
ব্রহ্ম ক্ষত্রং যত্র বিরুধ্যতীহ।
অন্বগ্বলং দস্যবস্তদ্ভজন্তে
তথা বর্ণং তত্র বিদন্তি সন্তঃ॥ 12-73-46 (67719)
নৈষাং ব্রহ্ম চ বর্ধতে নোত পুত্রা
ন গর্গরো মথ্যতে নো জয়ন্তে।
নৈষাং পুত্রা দেবমধীয়তে চ
যদা ব্রহ্ম ক্ষত্রিয়াঃ সংত্যজন্তি॥ 12-73-47 (67720)
নৈষামর্থো বর্ধতে জাতু গেহে
নাধীয়তে তৎপ্রজা নো যজন্তে।
অপধ্বস্তা দস্যুভূতা ভবন্তি
যে ব্রাহ্মণান্ক্ষত্রিয়াঃ সংত্যজন্তি॥ 12-73-48 (67721)
এতৌ হি নিত্যং সংয়ুক্তাবিতরেতরধারণে।
ক্ষত্রং বৈ ব্রহ্মণো যোনির্যোনিঃ ক্ষত্রস্য বৈ দ্বিজঃ॥ 12-73-49 (67722)
উভাবেতৌ নিত্যমভিপ্রপন্নৌ
সংপ্রাপতুর্মহতীং সংপ্রতিষ্ঠাম্।
তয়োঃ সন্ধির্ভিদ্যতে চেৎপুরাণ
স্ততঃ সর্বং ভবতি হি সংপ্রমূঢম্॥ 12-73-50 (67723)
নাত্র পারং লভতে পারগামী
মহোদধৌ নৌরিব সংপ্রভিন্না।
চাতুর্বণ্যং ভবতি হি সংপ্রমূঢং
প্রজাস্ততঃ ক্ষয়সংস্থা ভবন্তি॥ 12-73-51 (67724)
ব্রহ্মবৃক্ষো রক্ষ্যমাণো মধু হেম চ বর্ষতি।
অরক্ষ্যমাণঃ সততমশ্রু পাপং চ বর্ষতি॥ 12-73-52 (67725)
অব্রহ্মচারী চরণাদপেতো
যদা ব্রহ্ম ব্রহ্মণি ত্রাণমিচ্ছেৎ।
আশ্চর্যতো বর্ষতি তত্র দেব
স্তত্রাভীক্ষ্ণং দুষ্প্রভাশ্চাবিশন্তি॥ 12-73-53 (67726)
স্ত্রিয়ং হৎবা ব্রাহ্মণং বাঽপি পাপঃ
সভায়াং যত্র লভতে সাধুবাদম্।
রাজ্ঞঃ সকাশে ন বিভেতি চাপি
ততো ভয়ং বিদ্যতে ক্ষত্রিয়স্য॥ 12-73-54 (67727)
পাপৈঃ পাপে ক্রিয়মাণেঽতিবেলং
ততো রুদ্রো জায়তে দেব এষঃ।
পাপৈঃ পাপাঃ সংজনয়ন্তি রুদ্রং
ততঃ সর্বান্সাধ্বসাধূন্হিনস্তি॥ 12-73-55 (67728)
ঐল উবাচ। 12-73-56x (5516)
কুতো রুদ্রঃ কীদৃশো বাঽপি রুদ্রঃ
সৎবৈঃ সৎবং দৃশ্যতে বধ্যমানম্।
এতৎসর্বং কশ্যপ মে প্রচক্ষ্ব
যতো রুদ্রো জায়তে দেব এষঃ॥ 12-73-56 (67729)
কশ্যপ উবাচ। 12-73-57x (5517)
আত্মা রুদ্রো হৃদয়ে মানবানাং
স্বং স্বং দেহং পরদেহং চ হন্তি।
বাতোৎপাতৈঃ সদৃশং রুদ্রমাহু
র্দেবং জীমূতৈঃ সদৃশং রূপমস্য॥ 12-73-57 (67730)
ঐল উবাচ। 12-73-58x (5518)
ন বৈ বাতঃ পরিবৃণোতি কশ্চি
ন্ন জীমূতো বর্ষতি তত্র দেবঃ।
তথা যুক্তো দৃশ্যতে মানুষেষু
কামদ্বেষাদ্বধ্যতে মুহ্যতে চ॥ 12-73-58 (67731)
কশ্যপ উবাচ। 12-73-59x (5519)
যথৈকগেহাজ্জাতবেদাঃ প্রদীপ্তঃ
কৃৎস্নং গ্রামং দহতে চ ৎবরাবান্।
বিমোহনং কুরুতে দেব এপ
ততঃ সর্বং স্পৃশ্যতে পুণ্যপাপৈঃ॥ 12-73-59 (67732)
ঐল উবাচ। 12-73-60x (5520)
যদি দণ্ডঃ স্পৃশতেঽপুণ্যপাপং
পাপং পাপে ক্রিয়মাণে বিশেষাৎ।
কস্য হেতোঃ সুকৃতং নাম কুর্যা
দ্দুষ্কৃতং বা কস্য হেতোর্ন কুর্যাৎ॥ 12-73-60 (67733)
কশ্যপ উবাচ। 12-73-61x (5521)
অসংত্যাগাৎপাপকৃতামপাপাং
স্তুল্যো দণ্ডঃ স্পৃশতে মিশ্রভাবাৎ।
শুষ্কেণার্দ্রং দহ্যতে মিশ্রভাবা
ন্ন মিশ্রঃ স্যাৎপাপকৃদ্ভিঃ কথংচিৎ॥ 12-73-61 (67734)
ঐল উবাচ। 12-73-62x (5522)
সাধ্বসাধূন্ধারয়তীহ ভূমিঃ
সাধ্বসাধূংস্তাপয়তীহ সূর্যঃ।
সাধ্বসাধূংশ্চাপি বাতীহ বায়ু
রাপস্তথা সাধ্বসাধূন্বহন্তি॥ 12-73-62 (67735)
কশ্যপ উবাচ। 12-73-63x (5523)
এবমস্মিন্বর্ততে লোক এষ
নামুত্রৈবং বর্ততে রাজপুত্র।
প্রেত্যৈতয়োরন্তরাবান্বিশেষো
যো বৈ পুণ্যং চরতে যশ্চ পাপম্॥ 12-73-63 (67736)
পুণ্যস্য লোকো মধুমান্ঘৃতার্চি
র্হিরণ্যজ্যোতিরমৃতস্য নাভিঃ।
তত্র প্রেত্য মোদতে ব্রহ্মচারী
ন তত্র মৃত্যুর্ন জরা নোত দুঃখম্॥ 12-73-64 (67737)
পাপস্য লোকো নিরয়োঽপ্রকাশো
নিত্যং দুঃখং শোকভূয়িষ্ঠমেব।
তত্রাত্মানং শোচতি পাপকর্মা
বহ্বীঃ সমাঃ প্রতপন্নপ্রতিষ্ঠঃ॥ 12-73-65 (67738)
মিথোভেদাদ্ব্রাহ্মণক্ষত্রিয়াণাং
প্রজা দুঃখং দুঃসহং চাবিশন্তি।
এবং জ্ঞাৎবা কার্য এবেহ বিদ্বান্
পুরোহিতো নৈকবিদ্যো নৃপেণ॥ 12-73-66 (67739)
তং চৈব লব্ধ্বাভিষিঞ্চেত্তথা ধর্মো বিধীয়তে।
অগ্রং হি ব্রাহ্মণঃ প্রোক্তং সর্বস্যৈবেহ ধর্মতঃ॥ 12-73-67 (67740)
পূর্বং হি ব্রহ্মণঃ সৃষ্টিরিতি ব্রহ্মবিদো বিদুঃ।
জ্যেষ্ঠেনাভিজনেনাস্য প্রাপ্তং পূর্বং যদুত্তমম্॥ 12-73-68 (67741)
তস্মান্মান্যশ্চ পূজ্যশ্চ ব্রাহ্মণঃ প্রসৃতাগ্রভুক্।
সর্বং শ্রেষ্ঠং বিশিষ্টং চ নিবেদ্যং তস্য ধীমতঃ॥ 12-73-69 (67742)
অবশ্যমেতৎকর্তব্যং রাজ্ঞা বলবতাঽপি হি।
ব্রহ্ম বর্ধয়তি ক্ষত্রং ক্ষত্রতো ব্রহ্ম বর্ধতে।
রাজ্ঞঃ সর্বস্য চান্যস্য স্বামী রাজ্ঞঃ পুরোহিতঃ॥ ॥ 12-73-70 (67743)
ইতি শ্রীমন্মহাভারতে শান্তিপর্বণি রাজধর্মপর্বণি ত্রিসপ্ততিতমোঽধ্যায়ঃ॥ 73॥
Mahabharata - Shanti Parva - Chapter Footnotes
12-73-14 নির্ণুদে মোচয়েৎ। রাজানমিতি শেষঃ॥ 12-73-46 ক্ষত্র কর্তৃ। তত্র ক্ষত্রে সন্তঃ বর্ণং বিন্দন্তি। ব্রাহ্মণানামবমন্তা ম্লেচ্ছজাতীয়োঽয়ং রাজেত্যনুমানাজ্জানন্তি। যথোক্তংভোগেন জ্ঞায়তে কর্ম কর্মণা জ্ঞায়তে জনিরিতি। তথা বলং তদ্ভিয়ন্তে চ সন্ত ইতি ট. ড. থ. পাঠঃ॥ 12-73-50 অভিপ্রপন্নৌ অন্যোন্যশরণৌ। ক্ষত্রশরণং ব্রহ্ম তপস্যতি ব্রহ্মশরণং ক্ষত্রং জয়তীতি ভাবঃ॥ 12-73-52 মধু সুখম্। অশ্রু দুঃখম্। পাপং নরকম্॥ 12-73-53 ব্রহ্ম ব্রাহ্মণজাতিঃ। ব্রহ্মচরণাদপেতৎবাদব্রহ্মচারী বেদাধ্যযনশূন্যঃ সন্ ত্রাণং রক্ষণং ইচ্ছেত্তদা দেবস্তত্র আশ্চর্যতো বর্ষতি। তত্র বর্ষঃ অত্যন্তং দুর্লভমিত্যর্থঃ॥ 12-73-55 রুদ্রো হিংস্রঃ। দেবো রাজা। রুদ্রং কলিম্॥ 12-73-57 মানবানাং হৃদয়ে য আত্মা জীবোঽস্তি স এব রুদ্রঃ সংহর্তা ভবতি। ননু কুতঃ শান্তস্যাত্মনো রুদ্রৎবমত আহ বাতেতি। যথা উৎপাতবাত আকাশোত্থ আকাশোত্থাং মেঘদেবতামিতস্ততো নয়তি গর্জয়তি বিদ্যুদশনিবারীণি চ তত আবির্ভাবয়ত্যেবমাত্মোত্থিতাঃ কাপ্নক্রোধাদয়ঃ সর্বং হিংস্রং কারয়ন্তীত্যর্থঃ॥ 12-73-58 যথা আকাশেন যুক্তাস্ততঃ পৃথগ্ভূতাঃ বাতো মেঘাশ্চ মেঘপ্রবর্তকদেবতা চ প্রত্যক্ষেণ শাস্ত্রজ্ঞানেন চ দৃশ্যন্তে নৈবং জীবো বা তদভিভাবকঃ কামাদির্বা পৃথক্ দৃশ্যতে কিংৎবাত্মন্যেব বহ্যৌষ্ণ্যবৎকামদ্বেষৌ বর্তেতে তৌ চৈতস্য সংবন্ধকৌ মোহকো চ ভবত ইত্যর্থঃ॥ 12-73-59 যথাঽল্পোঽপি বহ্নিরধিকমধিকং কাষ্ঠভারমুপারুহ্য কৃৎস্নং গ্রামং দহতি তত্র ন কেবলং কাষ্ঠানাং দাহকৎবং নাপি কাষ্ঠান্যনুপারূঢস্যাগ্নেঃ কিংতু তদুভয়সংঘাতস্যৈব। তত্রাপি বিবেকে ক্রিয়মাণে বহ্নেরেবোপাধ্যাবেশাদ্দাহকৎবম্। এবমাত্মানমারুহ্যাহংকারবহ্নিঃ কামক্রোধাদিবাতৈরুদ্দীপিতো রুদ্রৎবং প্রতিপদ্যতে॥ 12-73-60 অপুণ্যপাপমপ্যাত্মানং যদি বিশেষাৎ ক্রিয়মাণে পাপে নিমিত্তভূতে সতি দণ্ডঃ পাপং দণ্ডাত্মকং পাপং গালনতাডনাদি দুঃখং কর্তৃ স্পৃশতে মোহাদিতি ব্রবীষি তর্হি পুণ্যকরণং পাপবর্জনং চ শাস্ত্রচোদিতং বৃথৈব স্যাৎ॥ 12-73-67 তং পুরোহিতং লব্ধ্বা আত্মানং রাজ্যেঽভিষিঞ্চেৎ॥ 12-73-70 এবং রাজ্ঞা বিশেষেণ পূজ্যা বৈ ব্রাহ্মণাঃ সদা ইতি ঝ. পাঠঃ॥শান্তিপর্ব - অধ্যায় 074
॥ শ্রীঃ ॥
12.74. অধ্যায়ঃ 074
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মুচুকুন্দচরিতদৃষ্টান্তীকরণেন ক্ষত্রস্য ব্রহ্মাধীনৎবসমর্থনম্॥ 1॥Mahabharata - Shanti Parva - Chapter Text
12-74-0 (67744)
`যুধিষ্ঠির উবাচ। 12-74-0x (5524)
ব্রহ্মক্ষত্রস্য সামর্থ্যং কথিতং তে পিতামহ।
পুরোহিতপ্রভাবশ্চ লক্ষণং চ পুরোধসঃ॥ 12-74-1 (67745)
ইদানীং শ্রোতুমিচ্ছামি ব্রহ্মক্ষত্রবিনির্ণয়ম্।
ব্রহ্মক্ষত্রং হি সর্বস্য কারণং জগতঃ পরম্।
যোগক্ষেমো হি রাষ্ট্রস্য তাভ্যামায়ত্ত এব চ॥' 12-74-2 (67746)
ভীষ্ম উবাচ। 12-74-3x (5525)
যোগক্ষেমো হি রাষ্ট্রস্য রাজন্যায়ত্ত উচ্যতে।
যোগক্ষেমো হি রাজ্ঞো হি সমায়ত্তঃ পুরোহিতে॥ 12-74-3 (67747)
যত্রাদৃষ্টং ভয়ং ব্রহ্ম প্রজানাং শময়ত্যুত।
দৃষ্টং চ রাজা বাহুভ্যাং তদ্রাজ্যং সুখমেধতে॥ 12-74-4 (67748)
অত্রাপ্যুদাহরন্তীমমিতিহাসং পুরাতনম্।
মুচুকুন্দস্য সংবাদং রাজ্ঞো বৈশ্রবণস্য চ॥ 12-74-5 (67749)
মুচুকুন্দো বিজিত্যেমাং পৃথিবীং পৃথিবীপতিঃ।
জিজ্ঞাসমানঃ স বলমভ্যযাদলকাধিপম্॥ 12-74-6 (67750)
ততো বৈশ্রবণো রাজা রাক্ষসানসৃজত্তদা।
তে বলান্যবমৃদ্গন্ত মুচুকুন্দস্য নৈর্ঋতাঃ॥ 12-74-7 (67751)
স হন্যমানে সৈন্যে স্বে মুচুকুন্দো নরাধিপঃ।
গর্হয়ামাস বিদ্বাংসং পুরোহিতমরিন্দমঃ॥ 12-74-8 (67752)
তত উগ্রং তপস্তপ্ৎবা বসিষ্ঠো ধর্মবিত্তমঃ।
রক্ষাংস্যুপাবধীত্তত্র পন্থানং চাপ্যবিন্দত॥ 12-74-9 (67753)
ততো বৈশ্রবণো রাজা মুচুকুন্দমগর্হয়ৎ।
বধ্যমানেষু সৈন্যেষু বচনং চেদমব্রবীৎ॥ 12-74-10 (67754)
ধনদ উবাচ। 12-74-11x (5526)
বলবন্তস্ৎবয়া পূর্বে রাজানঃ সপুরোহিতাঃ।
ন চৈবং সমবর্তন্ত যথা ৎবমিব বর্তসে॥ 12-74-11 (67755)
তে খল্বপি কৃতাস্ত্রাশ্চ বলবন্তশ্চ ভূমিপাঃ।
আগম্য পর্যুপাসন্তে মামীশং সুখদুঃখয়োঃ॥ 12-74-12 (67756)
যদ্যস্তি বাহুবীর্যং তে তদ্দর্শয়িতুমর্হসি।
কিং ব্রাহ্মণবলেন ৎবমতিমাত্রং প্রবর্তসে॥ 12-74-13 (67757)
মুচুকুন্দস্ততঃ ক্রুদ্ধঃ প্রত্যুবাচ ধনেশ্বরম্।
ন্যায়পূর্বমসংলব্ধমসংভ্রান্তমিদং বচঃ॥ 12-74-14 (67758)
ব্রহ্মক্ষত্রমিদং সৃষ্টমেকয়োনি স্বয়ংভুবা।
পৃথগ্বলবিধানং চ তল্লোকং পরিপালয়েৎ॥ 12-74-15 (67759)
তপোমন্ত্রবলং নিত্যং ব্রাহ্মণেষু প্রতিষ্ঠিতম্।
অস্রবাহুবলং নিত্যং ক্ষত্রিয়েষু প্রতিষ্ঠিতম্॥ 12-74-16 (67760)
তাভ্যাং সংভূয় কর্তব্যং প্রজানাং পরিপালনম্।
তথা চ মাং প্রবর্তন্তং কিং গর্হস্যলকাধিপ॥ 12-74-17 (67761)
ততোঽব্রবীদ্বৈশ্রবণো রাজানং সপুরোহিতম্।
নাহং রাজ্যমনির্দিষ্টং কস্মৈচিদ্বিদধাম্যুত॥ 12-74-18 (67762)
নাচ্ছিন্দে বাঽপ্যনির্দিষ্টমিতি জানীহি পার্থিব।
প্রশাধি পৃথিবীং কৃৎস্নাং মদ্দত্তামখিলামিমাম্।
[এবমুক্তঃ প্রত্যুবাচ মুচুকুন্দো মহীপতিঃ॥] 12-74-19 (67763)
নাহং রাজ্যং ভবদ্দত্তং ভোক্তুমিচ্ছামি পার্থিব।
বাহুবীর্যার্জিতং রাজ্যমশ্নীয়ামিতি কাময়ে॥ 12-74-20 (67764)
ভীষ্ম উবাচ। 12-74-21x (5527)
ততো বৈশ্রবণো রাজা বিস্ময়ং পরমং যয়ৌ।
ক্ষত্রধর্মে স্থিতং দৃষ্ট্বা মুচুকুন্দমরিন্দমম্॥ 12-74-21 (67765)
ততো রাজা মুচুকুন্দঃ সোন্বশাসদ্বসুংধরাম্।
বাহুবীর্যার্জিতাং সম্যক্ক্ষত্রধর্মমনুব্রতঃ॥ 12-74-22 (67766)
এবং যো ব্রহ্মবিদ্রাজা ব্রহ্মপূর্বং প্রবর্ততে।
স ভুঙ্ক্তে বিজিতামুবীং যশশ্চ মহদশ্নুতে॥ 12-74-23 (67767)
নিত্যোদকী ব্রাহ্মণঃ স্যান্নিত্যশস্ত্রশ্চ ক্ষত্রিয়ঃ।
তয়োর্হি সর্বমায়ত্তং যৎকিংচিজ্জগতীগতম্॥ 12-74-24 (67768)
যশশ্চ তেজশ্ব মহীং চ কৃৎস্নাং
প্রাপ্নোতি রাজন্বিপুলাং চ কীর্তিম্।
প্রধানধর্মং নৃপতে নিয়চ্ছ
তথা চ ধর্মস্য চতুর্থমংশম্॥ ॥ 12-74-25 (67769)
ইতি শ্রীমন্মহাভারতে শান্তিপর্বণি রাজধর্মপর্বণি চতুঃসপ্ততিতমোঽধ্যায়ঃ॥ 74॥
Mahabharata - Shanti Parva - Chapter Footnotes
12-74-7 অসৃজদতিসৃষ্টবান্। আজ্ঞাপিতবানিতি যাবৎ॥ 12-74-11 ৎবয়া ৎবত্তঃ॥ 12-74-25 নিয়চ্ছ গৃহাণেত্যর্থঃ।শান্তিপর্ব - অধ্যায় 075
॥ শ্রীঃ ॥
12.75. অধ্যায়ঃ 075
Mahabharata - Shanti Parva - Chapter Topics
রাজ্যস্বীকারে অধর্মাশঙ্কিনং যুধিষ্ঠিরং প্রতি ভীষ্মেণ তস্য ধার্মিকৎবসমর্থনেন তদ্বিধানম্॥ 1॥Mahabharata - Shanti Parva - Chapter Text
12-75-0 (67770)
যুধিষ্ঠির উবাচ। 12-75-0x (5528)
যয়া বৃত্ত্যা মহীপালো বিবর্ধয়তি মানবান্।
পুণ্যাংশ্চ লোকাঞ্জয়তি তন্মে ব্রূহি পিতামহ॥ 12-75-1 (67771)
ভীষ্ম উবাচ। 12-75-2x (5529)
দানশীলো ভবেদ্রাজা যজ্ঞশীলশ্চ ভারত।
উপবাসতপঃ শীলঃ প্রজানাং পালনে রতঃ॥ 12-75-2 (67772)
সর্বাশ্চৈব প্রজা নিত্যং রাজা ধর্মেণ পালয়ন্।
উত্থানেন প্রদানেন পূজয়েচ্চাপি ধার্মিকান্॥ 12-75-3 (67773)
রাজ্ঞা হি পূজিতো ধর্মস্ততঃ সর্বত্র পূজ্যতে।
যদ্যদাচরতে রাজা তৎপ্রজানাং স্ম রোচতে॥ 12-75-4 (67774)
নিত্যমুদ্যতদণ্ডশ্চ ভবেন্মৃত্যুরিবারিষু।
নিহন্যাৎসর্বতো দস্যূন্ন রাজ্ঞো দস্যুষু ক্ষমা॥ 12-75-5 (67775)
যং হি ধর্মং চরন্তীহ প্রজা রাজ্ঞা সুরক্ষিতাঃ।
চতুর্থং তস্য ধর্মস্য রাজা ভাগং চ বিন্দতি॥ 12-75-6 (67776)
যদধীতে যদ্দদাতি যঞ্জুহোতি যদর্চতি।
রাজা চতুর্থভাক্তস্য প্রজা ধর্মেণ পালয়ন্॥ 12-75-7 (67777)
যদ্রাষ্ট্রোঽকুশলং কিংচিদ্রাজ্ঞো রক্ষয়তঃ প্রজাঃ।
চতুর্থং তস্য পাপস্য রাজা ভারত বিন্দতি॥ 12-75-8 (67778)
অপ্যাহুঃ সর্বমেবেতি ভূয়োঽর্ধমিতি নিশ্চয়ঃ।
কর্মণা পৃথিবীপাল নৃশংসোঽনৃতবাগপি॥ 12-75-9 (67779)
তাদৃশাৎকিল্বিপাদ্রাজা শৃণু যেন প্রমুচ্যতে।
প্রত্যাহর্তুমশক্যং স্যাদ্ধনং চোরৈর্হৃতং যদি।
তৎস্বকোশাৎপ্রদেয়ং স্যাদশক্তেনোপজীবতঃ॥ 12-75-10 (67780)
সর্ববর্ণৈঃ সদা রক্ষ্যং ব্রহ্মস্বং ব্রাহ্মণা যথা।
ন স্থেয়ং বিষয়ে তেন যোঽপকুর্যাদ্দ্বিজাতিষু॥ 12-75-11 (67781)
ব্রহ্মস্বে রক্ষ্যমাণে তু সর্বং ভবতি রক্ষিতম্।
তেষাং প্রসাদে নির্বৃত্তে কৃতকৃত্যো ভবেন্নৃপঃ॥ 12-75-12 (67782)
পর্জন্যমিব ভূতানি মহাদ্রুমমিব দ্বিজাঃ।
নরাস্তমুপজীবন্তি নৃপং সর্বার্থসাধকম্॥ 12-75-13 (67783)
ন হি কামাত্মনা রাজ্ঞা সততং শঠবুদ্ধিনা।
নৃশংনেনাতিলুব্ধেন শক্যং পালয়িতুং প্রজাঃ॥ 12-75-14 (67784)
যুধিষ্ঠির উবাচ। 12-75-15x (5530)
নাহং রাজ্যসুখান্বেষী রাজ্যমিচ্ছাম্যপি ক্ষণম্।
ধর্মার্থং রোচয়ে রাজ্যং ধর্মশ্চাত্র ন বিদ্যতে॥ 12-75-15 (67785)
তদল মম রাজ্যেন যত্র ধর্মো ন বিদ্যতে।
বনমেব গমিষ্যামি তস্মাদ্ধর্মচিকীর্ষয়া॥ 12-75-16 (67786)
তত্র মেধ্যেষ্বরণ্যেষু ন্যস্তদণ্ডো জিতেন্দ্রিয়ঃ।
ধর্মমারাধয়িষ্যামি মুনির্মূলফলাশনঃ॥ 12-75-17 (67787)
ভীষ্ম উবাচ। 12-75-18x (5531)
বেদাহং তব যা বুদ্ধিরানৃশংস্যেঽগুণৈব সা।
ন চ নিত্যানৃশংসেন শক্যং রাজ্যমুপাসিতুম্॥ 12-75-18 (67788)
সদৈব ৎবাং মৃদুপ্রজ্ঞমত্যার্যমতিধার্মিকম্।
ক্লীবং ধর্মঘৃণায়ুক্তং ন লোকো বহুমন্যতে॥ 12-75-19 (67789)
রাজধর্মমবেক্ষস্ব পিতৃপৈতামহোচিতম্।
নৈতদ্রাজ্ঞামথো বৃত্তং যথা ৎবং স্থাতুমিচ্ছসি॥ 12-75-20 (67790)
ন হি বৈক্লব্যসংসৃষ্টমানৃশংস্যমিহাস্থিতঃ।
প্রজাপালনসংভূতং প্রাপ্তো ধর্মফলং হ্যসি॥ 12-75-21 (67791)
ন হ্যেতামাশিষং পাণ্ডুর্ন চ কুন্ত্যভ্যভাষত।
`বিচিত্রবীর্যো ধর্মাত্মা চিত্রবীর্যো নরাধিপঃ॥ 12-75-22 (67792)
শন্তনুশ্চ মহীপালঃ সর্বক্ষত্রস্য পূজিতঃ।'
তবৈতাং প্রাজ্ঞতাং তাত যথা চরসি মেধয়া॥ 12-75-23 (67793)
শৌর্যং বলং চ সত্যং চ পিতা তব সদাঽব্রবীৎ।
মহত্ৎবং বলমৌদার্যং ভবতঃ কুন্ত্যযাচত॥ 12-75-24 (67794)
নিত্যং স্বাহা স্বধা নিত্যং চোভে মানুষদৈবতে।
পুত্রেষ্বাশাসতে নিত্যং পিতরো দৈবতানি চ॥ 12-75-25 (67795)
দানমধ্যযনং যজ্ঞং প্রজানাং পরিপালনম্।
ধর্ম্যমেতদধর্ম্যং বা জন্মনৈবাভ্যজায়থাঃ॥ 12-75-26 (67796)
কুলে ধুরি চ যুক্তানাং বহতাং ভারমীদৃশম্।
সীদতামপি কৌন্তেয় কীর্তির্ন পরিহীয়তে॥ 12-75-27 (67797)
সমন্ততো বিনীতো যো বহত্যস্খলিতো হি সঃ।
নির্দোষকর্মবচনাৎসিদ্ধিঃ কর্মণ এব সা॥ 12-75-28 (67798)
নৈকান্তে বিনিপাতেঽপি বিহরেদিহ কশ্চন।
ধর্মী গৃহী বা রাজা বা ব্রহ্মচার্যথবা দ্বিজঃ॥ 12-75-29 (67799)
অল্পং হি সারভূয়িষ্ঠং যৎকর্মোদারমেব তৎ।
কৃতমেবাকৃতাচ্ছ্রেয়ো ন পাপীয়োঽস্য কর্মণঃ॥ 12-75-30 (67800)
যদা কুলীনো ধর্মজ্ঞঃ প্রাপ্নোত্যৈশ্বর্যমুত্তমম্।
যোগক্ষেমস্তদা রাজ্ঞঃ কুশলায়ৈব কল্পতে॥ 12-75-31 (67801)
দানেনান্যং বলেনান্যমন্যং সূনৃতয়া গিরা।
সর্বতঃ প্রতিগৃহ্ণীয়াদ্রাজ্যং প্রাপ্যেহ ধার্মিকঃ॥ 12-75-32 (67802)
যং হি বৈদ্যাঃ কুলে জাতা হ্যবৃত্তিভয়পীডিতাঃ।
প্রাপ্য তৃপ্তাঃ প্রতিষ্ঠন্তি ধর্মঃ কোঽভ্যধিকস্ততঃ॥ 12-75-33 (67803)
যুধিষ্ঠির উবাচ। 12-75-34x (5532)
কিং ন্বতঃ পরমং স্বর্গ্যং কা ততঃ প্রীতিরুত্তমা।
কিং ততঃ পরমৈশ্বর্যং ব্রূহি মে যদি পশ্যসি॥ 12-75-34 (67804)
ভীষ্ম উবাচ। 12-75-35x (5533)
যস্মিন্ভয়ার্দিতাঃ সন্তঃ ক্ষেমং বিন্দন্ত্যপি ক্ষণম্।
স স্বর্গজিত্তমোঽস্মাকং সত্যমেতদ্ব্রবীমি তে॥ 12-75-35 (67805)
ৎবমেব প্রীতিমাংস্তস্মাৎকুরূণাং কুরুসত্তম।
ভব রাজা জয় স্বর্গং সতো রক্ষাঽসতো জহি॥ 12-75-36 (67806)
অনু ৎবাং তাত জীবন্তু সুহৃদঃ সাধুভিঃ সহ।
পর্জন্যমিব ভূতানি স্বাদুদ্রুমমিব দ্বিজাঃ॥ 12-75-37 (67807)
ধৃষ্টং শূরং প্রহর্তারমনৃশংসং জিতেন্দ্রিয়ম্।
বৎসলং সংবিভক্তারমুপজীবন্তু বান্ধবাঃ॥ ॥ 12-75-38 (67808)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চসপ্ততিতমোঽধ্যায়ঃ॥ 75॥
Mahabharata - Shanti Parva - Chapter Footnotes
12-75-5 ন কামাৎকস্যচিৎক্ষমেদিতি ঝ.পাঠঃ॥ 12-75-7 যদধীতে ব্রাহ্মণাদিঃ॥ 12-75-10 অশক্তেন রাজ্ঞা উপজীবতঃ ধনোপজীবিনো বণিজাদেঃ॥ 12-75-32 প্রতিগৃহ্ণীয়াদ্বশীকুর্যাৎ॥শান্তিপর্ব - অধ্যায় 076
॥ শ্রীঃ ॥
12.76. অধ্যায়ঃ 076
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ব্রাহ্মণানাং নিষিদ্ধকর্মকথনম্ রাজধর্মকথনং চ॥Mahabharata - Shanti Parva - Chapter Text
12-76-0 (67809)
যুধিষ্ঠির উবাচ। 12-76-0x (5534)
স্বকর্মণ্যপরে যুক্তাস্তথৈবান্যে বিকর্মণি।
তেষাং বিশেষমাচক্ষ্ব ব্রাহ্মণানাং পিতামহ॥ 12-76-1 (67810)
ভীষ্ম উবাচ। 12-76-2x (5535)
বিদ্যালক্ষণসংপন্নাঃ সর্বত্রাম্নায়দর্শিনঃ।
এতে ব্রহ্মসমা রাজন্ব্রাহ্মণাঃ পরিকীর্তিতাঃ॥ 12-76-2 (67811)
ঋৎবিগাচার্যসংপন্নাঃ স্বেষু কর্মস্ববস্থিতাঃ।
এতে দেবসমা রাজন্ব্রাহ্মণানাং ভবন্ত্যুত॥ 12-76-3 (67812)
`গোঽজাবিমহিষাণাং চ বডবানাং চ পোষকাঃ।
বৃত্ত্যর্থং প্রতিপদ্যন্তে তান্বৈশ্যান্সংপ্রচক্ষতে॥ 12-76-4 (67813)
ঐশ্বর্যকামা যে চাপি সামিপা বাঽপি ভারত।
নিগ্রহানুগ্রহরতাংস্তান্দ্বিজান্ক্ষত্রিয়ান্বিদুঃ॥ 12-76-5 (67814)
অশ্বারোহা গজারোহা রথিনোঽথ পদাতয়ঃ।
এতে বৈশ্যসমা রাজন্ব্রাহ্মণানাং ভবন্ত্যুত॥ 12-76-6 (67815)
জন্মকর্মবিহীনা যে কদর্যা ব্রহ্মবন্ধবঃ।
এতে শূদ্রসমা রাজন্ব্রাহ্মণানাং ভবন্ত্যুত॥ 12-76-7 (67816)
অশ্রোত্রিয়াঃ সর্বে এতে সর্বে চানাহিতাগ্নয়ঃ।
তান্সর্বান্ধার্মিকো রাজা বলিং বিষ্টিং চ কারয়েৎ॥ 12-76-8 (67817)
আহ্বায়কা দেবলকা নাক্ষত্রা গ্রাময়াজকাঃ।
এতে ব্রাহ্মণচাণ্ডালা মহাপথিকপঞ্চমাঃ॥ 12-76-9 (67818)
[ঋৎবিক্পুরোহিতো মন্ত্রী দূতো বার্তানুকর্ষকঃ।
এতে ক্ষত্রসমা রাজন্ব্রাহ্মণানাং ভবন্ত্যুত॥] 12-76-10 (67819)
`ম্লেচ্ছদেশাশ্চ যে কেচিৎপাপৈরধ্যুষিতা নরৈঃ।
গৎবা তু ব্রাহ্মণস্তাংশ্চ চণ্ডালঃ প্রেত্য চেহ চ॥ 12-76-11 (67820)
ব্রাত্যান্ম্লেচ্ছাংশ্চ শূদ্রাংশ্চ যাজয়িৎবা দ্বিজাধমঃ।
অকীর্তিমিহ সংপ্রাপ্য নরকং প্রতিপদ্যতে॥ 12-76-12 (67821)
মহাবৃন্দসমুদ্রাভ্যাং পর্যায়েণৈকবিংশতিম্।
ব্রাহ্মণো ঋগ্যজুঃ সাম্নাং মূঢঃ কৃৎবা তু বিপ্লবম্॥ 12-76-13 (67822)
কল্পমেকং কৃমিস্থোঽথ নানাবিষ্ঠাসু জায়তে।
ব্রাত্যে ম্লেচ্ছে তথা শূদ্রে তস্করে পত্তিতেঽশুচৌ॥ 12-76-14 (67823)
কুদেশে চ সুরাপে চ ব্রহ্মঘ্নে বৃষলীপতৌ।
অনধীতেষু সর্বত্র ভুঞ্জানে যত্র তত্র বা॥ 12-76-15 (67824)
বালস্ত্রীবৃদ্ধহন্তুশ্চ মাতাপিত্রোর্গুরোস্তথা।
মিত্রদ্রুহি কৃতঘ্নে চ গোঘ্নে চৈব কথংচন॥ 12-76-16 (67825)
পুত্রঘাতিনি শত্রৌ চ ন মন্ত্রাদ্যাজয়েদ্দ্বিজঃ।
স তেষাং বিপ্লবঃ প্রোক্তো মন্ত্রবিদ্ভিঃ সনাতনৈঃ॥ 12-76-17 (67826)
যদি বিপ্রো বিদেশস্থস্তীর্থয়াত্রাং গতোঽপি বা।
যদি ভীতঃ প্রপন্নো বা কুদেশং শৌচবর্জিতম্॥ 12-76-18 (67827)
সুসয়তঃ শুচির্ভুৎবা মন্ত্রানুচ্চারয়েদ্দ্বিজঃ।
আর্তশ্চোচ্চারয়েন্মন্ত্রমার্তত্রাণপরোঽথবা।
হীনেষ্বপি প্রয়ুঞ্জানো নাসৌ বিপ্লাবকঃ স্মৃতঃ॥ 12-76-19 (67828)
ক্রূরকর্মা বিকর্মা বা কর্মভির্বঞ্চিতোঽথবা।
তত্ৎববিত্তরতে পাপং শীলবান্সয়তেন্দ্রিয়ঃ॥ ' 12-76-20 (67829)
এতেভ্যো বলিমাদদ্যাদ্ধীনকোশো মহীপতিঃ।
ঋতে ব্রহ্মসমেভ্যশ্চ দেবকল্পেভ্য এব চ॥ 12-76-21 (67830)
অব্রাহ্মণানাং বিত্তস্য স্বামী রাজেতি নঃ শ্রুতিঃ।
ব্রাহ্মণানাং চ যেকেচিদ্বিকর্মস্থা ইতি শ্রুতিঃ।
`প্রাগুক্তাংশ্চাপ্যনুক্তাংশ্চ সর্বাস্তান্দাপয়েৎকরান্' 12-76-22 (67831)
বিকর্মস্থাশ্চ নোপেক্ষ্যা বিপ্রা রাজ্ঞা কথংচন।
নিয়ম্যাঃ সংবিভজ্যাশ্চ ধর্মানুগ্রহকাম্যযা॥ 12-76-23 (67832)
যস্য স্ম বিষয়ে রাজ্ঞঃ স্তেনো ভবতি বৈ দ্বিজঃ।
রাজ্ঞ এবাপরাধং তং মন্যন্তে তদ্বিদো জনাঃ॥ 12-76-24 (67833)
অবৃত্ত্যা যো ভবেৎস্তেনো বেদবিৎস্নাতকস্তথা।
রাজন্স রাজ্ঞা ভর্তব্য ইতি বেদবিদো বিদুঃ॥ 12-76-25 (67834)
স চেন্নাপি নিবর্তেত কৃতবৃত্তিঃ পরন্তপ।
ততো নির্বাসনীয়ঃ স্যাত্তস্মাদ্দেশাৎসবান্ধবঃ॥ 12-76-26 (67835)
`যজ্ঞঃ শ্রুতমপৈশুন্যমর্হিসাঽতিথিপূজনম্।
দমঃ সত্যং তপো দানমেতদ্ব্রাহ্মণলক্ষণম্॥' ॥ 12-76-27 (67836)
ইতি শ্রীমন্মহাভারতে শান্তিপর্বণি রাজধর্মপর্বণি ষট্সপ্ততিতমোঽধ্যায়ঃ॥ 76॥
Mahabharata - Shanti Parva - Chapter Footnotes
12-76-3 ঋগ্যজুঃসামসংপন্নাঃ ইতি ঝ. পাঠঃ॥ 12-76-7 জন্মকর্মজন্মোচিতকর্ম তেন বিহীনাঃ॥ 12-76-8 বলিং করবানম্। বিষ্টিংবিনা বেতনং রাজসেবাম্॥ 12-76-9 আহ্বায়কা ধর্মাধিকারিণঃ। দেবলকা বেতনেন দেবপূজাকর্তারঃ। মহাপথিকঃ সমুদ্রে নৌয়ানেন গচ্ছন্। যদ্বা মহাপথি শুল্কগ্রাহকঃ॥শান্তিপর্ব - অধ্যায় 077
॥ শ্রীঃ ॥
12.77. অধ্যায়ঃ 077
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কেকয়রাজোপাখ্যানকথনম্॥ 1॥Mahabharata - Shanti Parva - Chapter Text
12-77-0 (67837)
যুধিষ্ঠির উবাচ। 12-77-0x (5536)
কেষাং প্রভবতে রাজা বিত্তস্য ভরতর্ষভ।
কয়া চ বৃত্ত্যা বর্তেত তন্মে ব্রূহি পিতামহ॥ 12-77-1 (67838)
ভীষ্ম উবাচ। 12-77-2x (5537)
অব্রাহ্মণানাং বিত্তস্য স্বামী রাজেতি বৈদিকম্।
ব্রাহ্মণানাং চ যে কেচিদ্বিকর্মস্থা ভবন্ত্যুত॥ 12-77-2 (67839)
বিকর্মস্থাশ্চ নোপেক্ষ্যা বিপ্রা রাজ্ঞা কথংচন।
ইতি রাজ্ঞাং পুরাবৃত্তমভিজল্পন্তি সাধবঃ॥ 12-77-3 (67840)
যস্য স্ম বিষয়ে রাজ্ঞঃ স্তেনো ভবতি বৈ দ্বিজঃ।
রাজ্ঞ এবাপরাধং তং মন্যন্তে কিল্বিষং নৃপ॥ 12-77-4 (67841)
অভিশস্তমিবাত্মানং মন্যন্তে তেন কর্মণা।
তস্মাদ্রাজর্ষয়ঃ সর্বে ব্রাহ্মণানন্বপালয়ন্॥ 12-77-5 (67842)
অত্রাপ্যুদাহরন্তীমমিতিহাসং পুরাতনম্।
গীতং কেকয়রাজেন হিয়মাণেন রক্ষসা॥ 12-77-6 (67843)
কেকয়ানামধিপতিং রক্ষো জগ্রাহ দারুণম্।
স্বাধ্যায়েনান্বিতং রাজন্নরণ্যে সংশিতব্রতম্॥ 12-77-7 (67844)
রাজোবাচ। 12-77-8x (5538)
ন মে স্তেনো জনপদে ন কদর্যো ন মদ্যপঃ।
নানাহিতাগ্নির্নায়জ্বা মা মমান্তরমাবিশঃ॥ 12-77-8 (67845)
ন চ মে ব্রাহ্মণোঽবিদ্বান্নাব্রতী নাপ্যসোমপঃ।
দ্বিজাতির্বিষয়ে মহ্যং মা মমান্তরমাবিশঃ॥ 12-77-9 (67846)
নানাপ্তদক্ষিণৈর্যজ্ঞৈর্যজন্তে বিষয়ে মম।
নাধীতে চাব্রতী কশ্চিন্মা মমান্তরমাবিশঃ॥ 12-77-10 (67847)
অধ্যাপয়ন্ত্যধীয়ন্তে যজন্তে যাজয়ন্তি চ।
দদতি প্রতিগৃহ্ণন্তি ষট্সু কর্মস্ববস্থিতাঃ॥ 12-77-11 (67848)
পূজিতাঃ সংবিভক্তাশ্চ মৃদবঃ সত্যবাদিনঃ।
ব্রাহ্মণা মে স্বকর্মস্থা মা মমান্তরমাবিশঃ॥ 12-77-12 (67849)
ন যাচন্তে প্রয়চ্ছন্তি সত্যধর্মবিশারদাঃ।
নাধ্যাপয়ন্ত্যধীয়ন্তে যজন্তে যাজয়ন্তি ন॥ 12-77-13 (67850)
ব্রাহ্মণান্পরিরক্ষন্তি সঙ্গ্রামেষ্বপলায়িনঃ।
ক্ষত্রিয়া মে স্বকর্মস্থা মা মমান্তরমাবিশঃ॥ 12-77-14 (67851)
কৃষিগোরক্ষবাণিজ্যমুপজীবন্ত্যমায়যা।
অপ্রমত্তাঃ ক্রিয়াবন্তঃ সুবৃত্তাঃ সত্যবাদিনঃ॥ 12-77-15 (67852)
সংবিভাগং দমং শৌচং সৌহৃদং চ ব্যপাশ্রিতাঃ।
মম বৈশ্যাঃ স্বকর্মস্থা মা মমান্তরমাবিশঃ॥ 12-77-16 (67853)
ত্রীন্বর্ণানুপতিষ্ঠন্তে যথাবদনসূয়কাঃ।
মম শূদ্রাঃ স্বকর্মস্থা মা মমান্তরমাবিশঃ॥ 12-77-17 (67854)
কৃপণানাথবৃদ্ধানাং দুর্বলাতুরয়োষিতাম্।
সংবিভক্তাঽস্মি সর্বেষাং মা মমান্তরমাবিশঃ॥ 12-77-18 (67855)
কুলানুরূপধর্মাণাং প্রস্থিতানাং যথাবিধি।
অব্যুচ্ছেত্তাঽস্মি সর্বেষাং মা মমান্তরমাবিশঃ॥ 12-77-19 (67856)
তপস্বিনো মে বিষয়ে পূজিতাঃ পরিপালিতাঃ।
সংবিভক্তাশ্চ সৎকৃত্য মা মমান্তরমাবিশঃ॥ 12-77-20 (67857)
নাসংবিভজ্য ভোক্তাঽস্মি ন বিশামি পরস্ত্রিয়ম্।
স্বতন্ত্রো জাতু ন ক্রীডে মা মমান্তরমাবিশঃ॥ 12-77-21 (67858)
নাব্রহ্মচারী ভিক্ষাবান্ভিক্ষুর্বা ব্রহ্মচর্যবান্।
অনৃৎবিজা হুতং নাস্তি মা মমান্তরমাবিশঃ॥ 12-77-22 (67859)
`কৃতং রাজ্যং ময়া সর্বং রাজ্যস্থেনাপি কার্যবৎ।
নাহং ব্যুৎক্রামিতঃ সত্যান্মা মমান্তরমাবিশঃ॥ ' 12-77-23 (67860)
নাবজানাম্যহং বৈদ্যান্ন বৃদ্ধান্ন তপস্বিনঃ।
রাষ্ট্রে স্বপতি জাগর্মি মা মমান্তরমাবিশঃ॥ 12-77-24 (67861)
`শুক্লকর্মাস্মি সর্বত্র ন দুর্গতিভয়ং মম।
ধর্মচারী গৃহস্থশ্চ মা মমান্তরমাবিশঃ॥' 12-77-25 (67862)
বেদাধ্যযনসংপন্নস্তপস্বী সত্যধর্মবিৎ।
স্বামী সর্বস্য রাষ্ট্রস্য ধীমান্মম পুরোহিতঃ॥ 12-77-26 (67863)
দানেন দিব্যানভিবাঞ্ছামি লোকান্
সত্যেনাথ ব্রাহ্মণানাং চ গুপ্ত্যা।
শুশ্রূষয়া চাপি গুরূনুপৈমি
ন মে ভয়ং বিদ্যতে রাক্ষসেভ্যঃ॥ 12-77-27 (67864)
ন মে রাষ্ট্রে বিধবা ব্রহ্মবন্ধু
র্ন ব্রাহ্মণঃ কিতবো নোত চোরঃ।
নায়াজ্যযাজী ন চ পাপকর্মা
ন মে ভয়ং বিদ্যতে রাক্ষসেভ্যঃ॥ 12-77-28 (67865)
ন মে শস্ত্রৈরনির্ভিন্নং গাত্রে ব্দ্যঙ্গুলমন্তরম্।
ধর্মার্থং যুধ্যমানস্য মা মমান্তরমাবিশঃ॥ 12-77-29 (67866)
গোব্রাহ্মণেভ্যো যজ্ঞেভ্যো নিত্যং স্বস্ত্যযনং মম।
আশাসতে জনা রাষ্ট্রে মা মমান্তরমাবিশঃ॥ 12-77-30 (67867)
রাক্ষস উবাচ। 12-77-31x (5539)
`নারীণাং ব্যভিচারাচ্চ অন্যায়াচ্চ মহীক্ষিতাম্।
বিপ্রাণাং কর্মদোষাচ্চ প্রজানাং জায়তে ভয়ম্॥ 12-77-31 (67868)
অবৃষ্টির্মারকো দোষঃ সততং ক্ষুদ্ভয়ানি চ।
বিগ্রহশ্চ সদা তস্মিন্দেশে ভবতি দারুণঃ॥ 12-77-32 (67869)
যক্ষরক্ষঃপিশাচেভ্যো নাসুরেভ্যঃ কথংচন।
ভয়মুৎপদ্যতে তত্র যত্র বিপ্রাঃ সুসংয়তাঃ॥ 12-77-33 (67870)
গন্ধর্বাপ্সরসঃ সিদ্ধাঃ পন্নগাশ্চ সরীসৃপাঃ।
মানবান্ন জিঘাংসন্তি যত্র নার্যঃ পতিব্রতাঃ॥ 12-77-34 (67871)
ব্রাহ্মণঃ ক্ষত্রিয়া বৈশ্যা যত্র শূদ্রাশ্চ ধার্মিকাঃ।
নাঽনাবৃষ্টিভয়ং তত্র ন দুর্ভিক্ষং ন বিভ্রমঃ॥ 12-77-35 (67872)
ধার্মিকো যত্র ভূপালো ন তত্রাস্তি পরাভবঃ।
উৎপাতা ন চ দৃশ্যন্তে ন দিব্যা ন চ মানুষাঃ॥ 12-77-36 (67873)
যস্মাৎসর্বাস্ববস্থাসু ধর্মমেবান্ববেক্ষসে।
তস্মাৎপ্রাপ্নুহি কৈকেয় গৃহং স্বস্তি ব্রজাম্যহম্॥ 12-77-37 (67874)
যেষাং গোব্রাহ্মণা রক্ষ্যাঃ প্রজা রক্ষ্যাশ্চ কেকয়।
ন রক্ষোঽভ্যো ভয়ং তেষাং কুত এব তু পাতকম্॥ 12-77-38 (67875)
যেষাং পুরোগমা বিপ্রা যেষাং ব্রহ্ম পরং বলম্।
সুরক্ষিতাস্তথা বিপ্রাস্তে বৈ স্বর্গজিতো নৃপাঃ॥ 12-77-39 (67876)
ভীষ্ম উবাচ। 12-77-40x (5540)
তস্মাদ্দ্বিজাতীন্রক্ষেত তে হি রক্ষন্তি রক্ষিতাঃ।
আশীরেষাং ভবেদ্রাজন্রাজ্ঞাং সম্যক্প্রবর্ততাম্॥ 12-77-40 (67877)
তস্মাদ্রাজ্ঞা বিশেষেণ বিকর্মস্থা দ্বিজাতয়ঃ।
নিয়ম্যাঃ সংবিভজ্যাশ্চ প্রজানুগ্রহকারণাৎ॥ 12-77-41 (67878)
এবং যো বর্ততে রাজা পৌরজানপদেষ্বিহ।
অনুভূয়েহ ভদ্রাণি প্রাপ্নোতীন্দ্রসলোকতাম্॥ ॥ 12-77-42 (67879)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তসপ্ততিতমোঽধ্যায়ঃ॥ 77॥
Mahabharata - Shanti Parva - Chapter Footnotes
12-77-8 মামকান্তরমাবিভঃ ইতি ট. ড.থ. পাঠঃ। মামকান্তরমাবিশঃ ইতি ঝ. পাঠঃ॥ 12-77-27 ন পাপকারী ন চ পাপবক্তা ইতি ট.ড.থ.দ. পাঠঃ॥শান্তিপর্ব - অধ্যায় 078
॥ শ্রীঃ ॥
12.78. অধ্যায়ঃ 078
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ব্রাহ্মণাদীনামাপদ্ধর্মকথনম্॥ 1॥Mahabharata - Shanti Parva - Chapter Text
12-78-0 (80817)
যুধিষ্ঠির উবাচ। 12-78-0x (6691)
ব্যাখ্যাতা রাজধর্মেণ বৃত্তিরাপৎসু ভারত।
কথংচিদ্বৈশ্যধর্মেণ জীবেদ্বা ব্রাহ্মণো ন বা॥ 12-78-1 (80818)
ভীষ্ম উবাচ। 12-78-2x (6692)
অশক্তঃ ক্ষত্রধর্মেণ বৈশ্যধর্মেণ বর্তয়েৎ।
কৃষিং গোরক্ষ্যমাস্থায় ব্যসনে বৃত্তিসংক্ষয়ে॥ 12-78-2 (80819)
যুধিষ্ঠির উবাচ। 12-78-3x (6693)
কানি পণ্যানি বিক্রীণন্স্বর্গলোকান্ন হীয়তে।
ব্রাহ্মণো বৈশ্যধর্মেণ বর্তয়ন্ভরতর্ষভ॥ 12-78-3 (80820)
ভীষ্ম উবাচ। 12-78-4x (6694)
সুরালবণমিত্যেতত্তিলান্কেসরিণঃ পশূন্।
বৃষভান্মধু মাংসং চ কৃতান্নং চ যুধিষ্ঠির॥ 12-78-4 (80821)
সর্বাস্ববস্থাস্বেতানি ব্রাহ্মণঃ পরিবর্জয়েৎ।
এতেষাং বিক্রয়াত্তাত ব্রাহ্মণো নরকে পতেৎ॥ 12-78-5 (80822)
অজোঽগ্নির্বরুণো মেষঃ সূর্যোঽশ্বঃ পৃথিবী বিরাট্।
ধেনুর্যজ্ঞশ্চ সোমশ্চ ন বিক্রেয়াঃ কথংচন॥ 12-78-6 (80823)
পক্বেনামস্য নিময়ং ন প্রশংসন্তি সাধবঃ।
নিময়েৎপক্বমামেন ভোজনার্থায় ভারত॥ 12-78-7 (80824)
বয়ং সিদ্ধমশিষ্যামো ভবান্সাধয়তামিদম্।
এবং সংবীক্ষ্য সময়ং নাধর্মোঽস্তি কথংচন॥ 12-78-8 (80825)
অত্র তে বর্তয়িষ্যামি যথা কর্মঃ সনাতনঃ।
ব্যবহারপ্রবৃত্তানাং তন্নিবোধ যুধিষ্ঠির॥ 12-78-9 (80826)
ভবতেঽহং দদানীদং ভবানেতৎপ্রয়চ্ছতু।
উচিতো বর্ততে ধর্মো ন বলাৎসংপ্রবর্ততে॥ 12-78-10 (80827)
ইত্যেবং সংপ্রবর্তন্তে ব্যবহারাঃ পুরাতনঃ।
ঋষীণামিতরেষাং চ সাধু চৈতদসংশয়ম্॥ 12-78-11 (80828)
যুধিষ্ঠির উবাচ। 12-78-12x (6695)
অথ তাত যদা সর্বাঃ শস্ত্রমাদদতে প্রজাঃ।
ব্যুৎক্রমন্তে স্বধর্মেভ্যঃ ক্ষত্রস্য ক্ষীয়তে বলম্॥ 12-78-12 (80829)
তদা ত্রাতা তু কো নু স্যাৎকো ধর্মঃ কিং পরায়ণম্।
এতং মে সংশয়ং ব্রূহি বিস্তরেণ পিতামহ॥ 12-78-13 (80830)
ভীষ্ম উবাচ। 12-78-14x (6696)
দানেন তপসা যজ্ঞৈদদ্রোহেণ দমেন চ।
ব্রাহ্মণপ্রমুখা বর্ণাঃ ক্ষেমমিচ্ছেয়ুরাত্মনঃ॥ 12-78-14 (80831)
তেষাং যে বেদবলিনস্ত উত্থায় সমন্ততঃ।
রাজ্ঞো বলং বর্ধয়েয়ুর্মহেন্দ্রস্যেব দেবতাঃ॥ 12-78-15 (80832)
রাজ্ঞো হি ক্ষীয়মাণস্য ব্রহ্মৈবাহুঃ পরায়ণম্।
তস্মাদ্ব্রাহ্মবলেনৈব সমুত্থেয়ং বিজানতা॥ 12-78-16 (80833)
যদা তু বিজয়ী রাজা ক্ষেমং রাষ্ট্রেঽভিসন্দধেৎ।
তদা বর্ণা যথাধর্মং নিবিশেয়ুঃ স্বকর্মসু॥ 12-78-17 (80834)
উন্মর্যাদে প্রবৃত্তে তু দস্যুভিঃ সংকরে কৃতে।
সর্বে বর্ণা ন দুষ্যেয়ুঃ শস্ত্রবন্তো যুধিষ্ঠির॥ 12-78-18 (80835)
যুধিষ্ঠির উবাচ। 12-78-19x (6697)
অথ চেৎসর্বতঃ ক্ষত্রং প্রদুষ্যেদ্ব্রাহ্মণং প্রতি।
কস্তত্র ব্রাহ্মণাংস্ত্রাতা কো ধর্মঃ কিং পরায়ণম্॥ 12-78-19 (80836)
ভীষ্ম উবাচ। 12-78-20x (6698)
তপসা ব্রহ্মচর্যেণ শস্ত্রেণ চ বলেন চ।
অমায়যা মায়যা চ নিয়ন্তব্যং তদা ভবেৎ॥ 12-78-20 (80837)
ক্ষত্রিয়স্যাতিবৃত্তস্য ব্রাহ্মণেষু বিশেষতঃ।
ব্রহ্মৈব সংনিয়ন্তৃ স্যাৎক্ষত্রং হি ব্রহ্মসংভবম্॥ 12-78-21 (80838)
অভ্দ্যোঽগ্নির্ব্রহ্মতঃ ক্ষত্রমশ্মনো লোহমুত্থিতম্।
তেষাং সর্বত্রগং তেজঃ স্বস্বয়োনিষু শাম্যতি॥ 12-78-22 (80839)
যদা ছিনত্ত্যযোঽশ্মানমগ্নিশ্চাপোঽভিহন্তি চ।
ক্ষত্রং চ ব্রাহ্মণং দ্বেষ্টি তদা শাম্যন্তি তে ত্রয়ঃ॥ 12-78-23 (80840)
তস্মাদ্ব্রহ্মণি শাম্যন্তি ক্ষত্রিয়াণাং যুধিষ্ঠির।
সমুদীর্ণান্যজেয়ানি তেজাংসি চ বলানি চ॥ 12-78-24 (80841)
যুধিষ্ঠির উবাচ। 12-78-25x (6699)
ব্রহ্মবীর্যে মৃদূভূতে ক্ষত্রবীর্যে চ দুর্বলে।
দুষ্টেষু সর্ববর্ণেষু ব্রাহ্মণান্প্রতি ভারত॥ 12-78-25 (80842)
যে তত্র যুদ্ধং কুর্বন্তি ত্যক্ৎবা জীবিতমাত্মনঃ।
`ব্রাহ্মণান্পরিরক্ষন্তি তেষাং লোকা ভবন্তি কে॥ 12-78-26 (80843)
ভীষ্ম উবাচ। 12-78-27x (6700)
ব্রাহ্মণান্পরিরক্ষন্তো ধর্মমাত্মানমেব চ।
মনস্বিনো মন্যুমন্তঃ পুণ্যাঁল্লোকান্ব্রজন্ত্যমী।
ব্রাহ্মণার্থং হি সর্বেষাং শস্ত্রগ্রহণভিষ্যতে॥ 12-78-27 (80844)
অতিস্বিষ্টমধীতানাং লোকানতিতপস্বিনাম্।
অনাশকাগ্ন্যাহিতানাং শূরা যান্তি পরাং গতিম্॥ 12-78-28 (80845)
ব্রাহ্মণস্ত্রিষু বর্ণেষু শস্ত্রং গৃহ্ণন্ন দুষ্যতি।
এষ এবাত্মনস্ত্যাগো নান্যং ধর্মং বিদুর্জনা॥ 12-78-29 (80846)
তেভ্যো নমশ্চ ভদ্রং চ যে শরীরাণি জুহ্বতি।
ব্রহ্মদ্বিপো জিঘাংসন্তস্তেষাং নোঽস্তু সলোকতা॥ 12-78-30 (80847)
ব্রহ্মলোকজিতঃ স্বর্গ্যান্বীরাংস্তান্মনুরব্রবীৎ।
যথাঽশ্বমেধাবভৃথে স্নাতাঃ পূতা ভবন্ত্যুত।
দুষ্কৃতঃ সুকৃতশ্চৈব তথা শস্ত্রহতা রণে॥ 12-78-31 (80848)
ভবত্যধর্মো ধর্মো হি ধর্মোঽধর্মো ভবত্যুত।
কারণাদ্দেশকালস্য দেশঃ কালঃ স তাদৃশঃ॥ 12-78-32 (80849)
মৈত্রাঃ ক্রূরাণি কুর্বন্তো জয়ন্তি স্বর্গমুত্তমম্।
ধর্ম্যাঃ পাপানি কুর্বাণা গচ্ছন্তি পরমাং গতিম্॥ 12-78-33 (80850)
ব্রাহ্মণস্ত্রিষু কালেষু শস্ত্রং গৃহ্ণন্ন দুষ্যতি।
আত্মত্রাণে দস্যুদোষে সর্বস্বহরণে তথা॥ 12-78-34 (80851)
যুধিষ্ঠির উবাচ। 12-78-35x (6701)
অভ্যুত্থিতে দস্যুবলে ক্ষত্রার্থে বর্ণসঙ্করে।
সংপ্রমূঢেষু বর্ণেষু যদন্যোঽভিভবেদ্বলী॥ 12-78-35 (80852)
ব্রাহ্মণো যদি বা বৈশ্যঃ শূদ্রো বা রাজসত্তম।
দস্যুভ্যো যঃ প্রজা রক্ষেদ্দণ্ডং ধর্মেণ ধারয়েৎ॥ 12-78-36 (80853)
ভীষ্ম উবাচ। 12-78-37x (6702)
কার্যং কুর্যান্ন বা কুর্যাৎস বার্যো বা ভবেন্ন বা।
ন স্ম শস্ত্রং গৃহীতব্যমন্যত্র ক্ষত্রবন্ধুতঃ॥ 12-78-37 (80854)
অপারে যো ভবেৎপারমপ্লবেঃ যঃ প্লবো ভবেৎ।
শূদ্রো বা যদি বাঽপ্যন্যঃ সর্বথা মানমর্হতি॥ 12-78-38 (80855)
যমাশ্রিত্য নরা রাজন্বর্তয়েয়ুর্যথাসুখম্।
অনাথাস্তপ্যমানাশ্চ দস্যুভিঃ পরিপীডিতাঃ॥ 12-78-39 (80856)
তমেব পূজয়েয়ুস্তে প্রীত্যা স্বমিব বান্ধবম্।
যহদ্ধ্যভীষ্টং কৌরব্য কর্তা সন্মানমর্হতি॥ 12-78-40 (80857)
কিমনডুহা যো ন বহেৎকিং ধেন্বা বাঽপ্যদুগ্ধয়া।
বন্ধ্যযা ভার্যযা কোঽর্থঃ কোঽর্থো রাজ্ঞাঽপ্যরক্ষতা॥ 12-78-41 (80858)
যথা দারুময়ো হস্তী যথা চর্মময়ো মৃগঃ।
যথা হ্যদক্ষঃ পুরুষঃ পথি ক্ষেত্রং যথোপরম্॥ 12-78-42 (80859)
যথা বিপ্রোঽনধীয়ানো রাজা যশ্চ ন রক্ষিতা।
মেঘো ন বর্ষতে যশ্চ সর্ব এব নিরর্থকাঃ॥ 12-78-43 (80860)
নিত্যং যস্তু সতো রক্ষেদসতশ্চ নিবর্তয়েৎ।
স এব রাজা কর্তব্যস্তেন সর্বমিদং ধৃতম্॥ ॥ 12-78-44 (80861)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টসপ্ততিতমোঽধ্যায়ঃ॥ 78॥
Mahabharata - Shanti Parva - Chapter Footnotes
12-78-4 কেসরিণঃ অশ্বান্। পশূন্গোজাবিমহিষাদীন্। কৃতান্নং পক্বমন্নম্॥ 12-78-6 বিরাট্ অন্নম্॥ 12-78-7 পক্বেনামস্য বিনিময়ে পক্বদো দুষ্যতি নৎবামদ ইত্যর্থঃ॥ 12-78-8 ইদমপ্যপবদতি বয়মিতি। নিময়ম্ ইতি ঝ. পাঠঃ॥ 12-78-19 কস্তস্য ব্রাহ্মণস্ত্রাতেতি ঝ. পাঠঃ॥ 12-78-29 এবমেবাত্মনস্ত্যাগান্নান্যং ইতি ঝ. পাঠঃ॥ 12-78-30 নোঽস্মাকম্॥ 12-78-33 মৈত্রা উত্তঙ্কপরাশরাদয়ঃ। ক্রূরাণি সর্পরাক্ষসসত্রাদীনি। ধর্ম্যা ধর্মাদনপেতাঃ ক্ষত্রিয়াঃ। পাপানি পররাষ্ট্রাবমর্দাদীনি। অধর্মস্য ধর্মৎবেন উদাহরণদ্বয়মুক্তম্। ইদমেবাঽর্হিসাখ্যধর্মাশ্রয়েঽধর্মরূপমপি ভবতীতি জ্ঞেয়ম্॥ 12-78-41 কিং তৈর্যেঽনডুহো নোহ্যাঃ ইতি ঝ. পাঠঃ॥ 12-78-42 যদাহ্যনর্থঃ ষণ্ঢো বা পার্থ ক্ষেত্রং ইতি ঝ. পাঠঃ॥শান্তিপর্ব - অধ্যায় 079
॥ শ্রীঃ ॥
12.79. অধ্যায়ঃ 079
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ঋৎবিগ্লক্ষণাদিকথনম্॥ 1॥Mahabharata - Shanti Parva - Chapter Text
12-79-0 (67880)
যুধিষ্ঠির উবাচ। 12-79-0x (5541)
ক্ব সমর্থাঃ কথংশীলা ঋৎবিজঃ স্যুঃ পিতামহ।
কথংবিধাশ্চ রাজেন্দ্র তদ্ব্রূহি বদতাং বর॥ 12-79-1 (67881)
ভীষ্ম উবাচ। 12-79-2x (5542)
প্রতিকর্মপরা রাজন্বৃত্তিরস্য বিধীয়তে।
ছন্দঃ সামাদি বিজ্ঞায় দ্বিজানাং শ্রুতমেবচ॥ 12-79-2 (67882)
যে ৎবেকরতয়ো নিত্যং ধীরাশ্চ প্রিয়বাদিনঃ।
পরস্পরস্য সুহৃদঃ সমন্তাৎসমদর্শিনঃ॥ 12-79-3 (67883)
আনৃশংস্যং সত্যবাক্যমহিংসা দম আর্জবম্।
অদ্রোহোঽনভিমানশ্চ হ্রীস্তিতিক্ষা দমঃ শমঃ॥ 12-79-4 (67884)
`যস্মিন্নেতানি দৃশ্যন্তে স পুরোহিত উচ্যতে।'
ধীমান্সত্যধৃতির্দান্তো ভূতানামবিহিংসকঃ।
অকামদ্বেষসংয়ুক্তস্ত্রিভিঃ শুক্লৈঃ সমন্বিতঃ॥ 12-79-5 (67885)
অহিংসকো জ্ঞানতৃপ্তঃ স ব্রহ্মাসনমর্হতি।
এতে মহর্ৎবিজস্তাত সর্বে মান্যা যথার্হতঃ॥ 12-79-6 (67886)
যুধিষ্ঠির উবাচ। 12-79-7x (5543)
যদিদং বেদবচনং দক্ষিণাসু বিধীয়তে।
ইদং দেয়মিদং দেয়ং ন ক্বচিব্দ্যবতিষ্ঠতে॥ 12-79-7 (67887)
দেয়ং প্রতিধনং শাস্ত্রমাপদ্ধর্মা ন শাস্ত্রতঃ।
আজ্ঞা শাস্ত্রস্য ঘোরে যং ন শক্তিং সমবেক্ষতে॥ 12-79-8 (67888)
শ্রদ্ধামালম্ব্য যষ্টব্যমিত্যেষা বৈদিকী শ্রুতিঃ।
মিথ্যোপেতস্য যজ্ঞস্য কিমু শ্রদ্ধা করিষ্যতি॥ 12-79-9 (67889)
ভীষ্ম উবাচ। 12-79-10x (5544)
ন বেদানাং পরিভবান্ন শাঠ্যেন ন মায়যা।
কশ্চিন্মহদবাপ্নোতি মা তে ভূদ্বুদ্ধিরীদৃশী॥ 12-79-10 (67890)
যজ্ঞাঙ্গং দক্ষিণা তাত মন্ত্রাণাং পরিবৃংহণম্।
ন মন্ত্রা দক্ষিণাহীনাস্তারয়ন্তি কথংচন॥ 12-79-11 (67891)
শক্তিস্তু পূর্ণপাত্রেণ সংমিতা নাবমা ভবেৎ।
অবশ্যং তাত যষ্টব্যং ত্রিভির্বর্ণৈর্থথাবলম্॥ 12-79-12 (67892)
সোমো রাজা ব্রাহ্মণানামিত্যেষা বৈদিকী শ্রুতিঃ।
তং চ বিক্রেতুমিচ্ছন্তি ন তথা বৃত্তিরিষ্যতে॥ 12-79-13 (67893)
তেন ক্রীতেন ধর্মেণ ততো যজ্ঞঃ প্রতায়তে।
ইত্যেবং ধর্মমাখ্যাতমৃষিভির্ধর্মকোবিদৈঃ॥ 12-79-14 (67894)
পুমান্যজ্ঞশ্চ সোমশ্চ ন্যায়বৃত্তো যদা ভবেৎ।
অন্যায়বৃত্তঃ পুরুষো ন পরস্য ন চাত্মনঃ॥ 12-79-15 (67895)
শরীরং যজ্ঞপাত্রাণি ইত্যেষা শ্রূয়তে শ্রুতিঃ।
তানি সম্যক্প্রণীতানি ব্রাহ্মণানাং মহাত্মনাম্॥ 12-79-16 (67896)
তপো যজ্ঞাদপি শ্রেষ্ঠমিত্যেষা পরমা শ্রুতিঃ।
তত্তে তপঃ প্রবক্ষ্যামি বিদ্বংস্তদপি মে শৃণু॥ 12-79-17 (67897)
অহিংসা সত্যবচনমানৃশংস্যং দমো ঘৃণা।
এতত্তপো বিদুর্ধীরা ন শরীরস্য শোষণম্॥ 12-79-18 (67898)
অপ্রামাণ্যং চ বেদানাং শাস্ত্রাণাং চাতিলঙ্ঘনম্।
অব্যবস্থা চ সর্বত্র তদ্বৈ নাশনমাত্মনঃ॥ 12-79-19 (67899)
নিবোধ দশহোতৄণাং বিধানং পার্থ যাদৃশম্।
চিত্তিঃ স্রুক্ চিত্তমাজ্যং চ পবিত্রং জ্ঞানমুত্তমম্।
`ন শাঠ্যং ন চ জিহ্যৎবং কালো দেশশ্চ তে দশ॥' 12-79-20 (67900)
সর্বং দিহ্নং মৃত্যুপদমার্জবং ব্রহ্মণঃ পদম্।
এতাবাঞ্জ্ঞানবিষয়ঃ কিং প্রলাপঃ করিষ্যতি॥ ॥ 12-79-21 (67901)
ইতি শ্রীমন্মহাভারতে শান্তিপর্বণি রাজধর্মপর্বণি একোনাশীতিতমোঽধ্যায়ঃ॥ 79॥
Mahabharata - Shanti Parva - Chapter Footnotes
12-79-2 রাজ্ঞাং শান্তিকপৌষ্টিকাদিকর্মপ্রয়োগশুদ্ধ্যাখ্যং প্রতিকর্ম ঋৎবিগ্ভিঃ কর্তব্যমিত্যর্থঃ॥ 12-79-5 ত্রিভিঃ শ্রুতবৃত্তবশৈঃ। শুক্লৈনিংর্দোষৈঃ॥ 12-79-7 ইদং দেয়মিদং দেয়মিতি যদিদং বেদবচনমিতি ইতি শব্দাধ্যাহারেণ যোজ্যম্। ব্যবতিষ্ঠতে ব্যবস্থাং প্রাপ্নোতি। অল্পেঽপ্যপচ্ছেদনিমিত্তে সর্বস্বদক্ষিণাবিধানাদুত্তরক্রতুকলাপলোপপ্রাপ্তেঃ॥ 12-79-9 গোঃস্থানে চরুমাত্রদানরূপোঽনুকল্পোমিথ্যাচারস্তদুপেতো যজ্ঞঃ শ্রদ্ধয়াপিনি সংপূর্যত ইত্যর্থঃ॥ 12-79-21 জিহ্নং শাঠ্যম্। আর্জবং অবক্রৎবম্॥শান্তিপর্ব - অধ্যায় 080
॥ শ্রীঃ ॥
12.80. অধ্যায়ঃ 080
Mahabharata - Shanti Parva - Chapter Topics
যুধিষ্ঠিরংপ্রতি ভীষ্মেণ মিত্রামিত্রলক্ষণকথনম্॥ 1॥Mahabharata - Shanti Parva - Chapter Text
12-80-0 (67902)
যুধিষ্ঠির উবাচ। 12-80-0x (5545)
যদপ্যল্পতরং কর্ম তদপ্যেকেন দুষ্করম্।
পুরুষেণাসহায়েন কিমু রাজ্যং পিতামহ॥ 12-80-1 (67903)
কিংশীলঃ কিংসমাচারো রাজ্ঞো যঃ সচিবো ভবেৎ।
কীদৃশে বিশ্বসেদ্রাজা কীদৃশে ন চ বিশ্বসেৎ॥ 12-80-2 (67904)
ভীষ্ম উবাচ। 12-80-3x (5546)
চতুর্বিধানি মিত্রাণি রাজ্ঞাং রাজন্ভবন্ত্যুত।
সহার্থো ভজঃ নিশ্চ সহজঃ কৃত্রিমস্তথা॥ 12-80-3 (67905)
ধর্মাত্মা পঞ্চমং মিত্রং স তু নৈকস্য ন দ্বয়োঃ।
যতো ধর্মস্ততো বা স্যান্মধ্যস্থো বা ততো ভবেৎ॥ 12-80-4 (67906)
যো যস্যার্থো ন রোচেত ন তং তস্য প্রকাশয়েত।
`মিত্রাণাং প্রকৃতির্নাস্তি ৎবমিত্রাণাং চ ভারত।
উপকারাদ্ভবেন্মিত্রমপকারাদ্ভবেদরিঃ॥ 12-80-5 (67907)
যস্যৈব হি মনুষ্যস্য নরো মরণমৃচ্ছতি।
তস্য পর্যাগতে কালে পুনর্জীবিতুমিচ্ছতি॥ 12-80-6 (67908)
ধর্মাধর্মেণ রাজানশ্চরন্তি বিজিগীষবঃ।
চতুর্ণাং মধ্যমৌ শ্রেষ্ঠৌ নিত্যং শঙ্ক্যৌ তথাঽপরৌ।
সর্বে নিত্যং শঙ্কিতব্যাঃ প্রত্যক্ষং কার্যমাত্মনঃ॥ 12-80-7 (67909)
ন হি রাজ্ঞা প্রমাদো বৈ কর্তব্যো মিত্ররক্ষণে।
প্রমাদিনং হি রাজানং লোকাঃ পরিভবন্ত্যুত॥ 12-80-8 (67910)
অসাধুঃ সাধুতামেতি সাধুর্ভবতি দারুণঃ।
অরিশ্চ মিত্রং ভবতি মিত্রং চাপি প্রদুষ্যতি॥ 12-80-9 (67911)
অনিত্যচিত্তঃ পুরুষস্তস্মিন্কো জাতু বিশ্বসেৎ।
তস্মাৎপ্রধানং যৎকার্যং প্রত্যক্ষং তৎসমাচরেৎ॥ 12-80-10 (67912)
একান্তেন হি বিশ্বাসঃ কৃৎস্নো কর্মার্থনাশকঃ।
অবিশ্বাসশ্চ সর্বত্র মৃত্যুর্নাপি বিশিষ্যতে॥ 12-80-11 (67913)
অকালমৃত্যুর্বিশ্বাসোঽবিশ্বসন্হি বিপদ্যতে।
যস্মিন্করোতি বিশ্বাসমিচ্ছতস্তস্য জীবতি॥ 12-80-12 (67914)
তস্মাদ্বিশ্বসিতব্যং চ শঙ্কিতব্যং চ কেষুচিৎ।
এষা নীতিগতিস্তাত লক্ষ্মীশ্চৈষা সনাতনী॥ 12-80-13 (67915)
যং মন্যেত মমাভাবাদিমমর্থাগমঃ স্পৃশেৎ।
নিত্যং তস্মাচ্ছঙ্কিতব্যমমিত্রং তং বিদুর্বুধাঃ॥ 12-80-14 (67916)
যস্য ক্ষেত্রাদপ্যুদকং ক্ষেত্রমন্যস্য গচ্ছতি।
ন তত্রানিচ্ছতস্তস্য ভিদ্যেরন্সর্বসেতবঃ॥ 12-80-15 (67917)
তথৈবাত্যুদকাদ্ভীতস্তস্য ভেদনমিচ্ছতি।
যমেবংলক্ষণং বিদ্যাত্তমমিত্রং বিদুর্বুধাঃ॥ 12-80-16 (67918)
যস্তু বৃদ্ধ্যা ন তপ্যেত ক্ষয়ে দীনতরো ভবেৎ।
এতদুত্তমমিত্রস্য নিমিত্তমভিচক্ষতে॥ 12-80-17 (67919)
যন্মন্যেত মমাভাবাদস্যাভাবো ভবেদিতি।
তস্মিন্কুর্বীত বিশ্বাসং যথা পিতরী বৈ তথা॥ 12-80-18 (67920)
তং শক্ত্যা বর্তমানং চ সর্বতঃ পরিবৃংহয়েৎ।
নিত্যং ক্ষতাদ্বারয়তি যো ধর্মেষ্বপি কর্মসু॥ 12-80-19 (67921)
ক্ষতাদ্ভীতং বিজানীয়াদুত্তমং মিত্রলক্ষণম্।
যে যস্য ক্ষয়মিচ্ছন্তি তে তস্য রিপবঃ স্মৃতাঃ॥ 12-80-20 (67922)
ব্যসনান্নিত্যভীতো যঃ সমৃদ্ধ্যা যো ন দুষ্যতি।
যৎস্যাদেবংবিধং মিত্রং তদাত্মসমমুচ্যতে॥ 12-80-21 (67923)
রূপবর্ণস্বরোপেতস্তিতিক্ষুরনসূয়কঃ।
কুলীনঃ শীলসংপন্নঃ স তে স্যাৎপ্রত্যনন্তরঃ॥ 12-80-22 (67924)
মেধাবী স্মৃতিমান্দক্ষঃ প্রকৃত্যা চানৃশংস্যবান্।
যো মানিতোঽমানিতো বা ন সন্তুষ্যেৎকথংচন॥ 12-80-23 (67925)
ঋৎবিগ্বা যদি বাঽঽচার্যঃ সখা বাঽত্যংতসৎকৃতঃ।
গৃহে বসেদমাত্যস্তে স স্যাৎপরমপূজিতঃ॥ 12-80-24 (67926)
সংবিদ্যাঃ পরমং মিত্রং প্রকৃতিং চার্থধর্ময়োঃ।
বিশ্বাসস্তে ভবেত্তত্র যথা পিতরি বৈ তথা॥ 12-80-25 (67927)
নৈব দ্বৌ ন ত্রয়ঃ কার্যা ন মৃষ্যেরন্পরস্পরম্।
একার্থে হেতুভূতানাং ভেদো ভবতি সর্বদা॥ 12-80-26 (67928)
কীর্তিপ্রধানো যস্ত স্যাদ্যশ্চ স্যাৎসময়ে স্থিতঃ।
সমর্থান্যশ্চ ন দ্বেষ্টি নানর্থান্কুরুতে চ যঃ॥ 12-80-27 (67929)
যো ন কামাদ্ভয়াল্লোভাৎক্রোধাদ্বা ধর্মমুৎসৃজেৎ।
দক্ষঃ পর্যাপ্তবচনঃ স তে স্যাৎপ্রত্যনন্তরঃ॥ 12-80-28 (67930)
কুলীনঃ শীলসংপন্নস্তিতিক্ষুরবিকত্থনঃ।
শূরশ্চার্যশ্চ বিদ্বাংশ্চ প্রতিপত্তিবিশারদঃ॥ 12-80-29 (67931)
এতে হ্যমাত্যাঃ কর্তব্যাঃ সর্বকর্মস্ববস্থিতাঃ।
পূজিতাঃ সংবিভক্তাশ্চ সুসহায়াঃ স্বনুষ্ঠিতাঃ॥ 12-80-30 (67932)
কৃৎস্নপ্রেতে বিনিক্ষিপ্তাঃ প্রতিরূপেষু কর্মসু।
যুক্তা মহৎসু কার্যেষু শ্রেয়াংস্যুৎপাদয়ন্ত্যুত॥ 12-80-31 (67933)
এতে কর্মাণি কুর্বন্তি স্পর্ধমানা মিথঃ সদা।
অনুতিষ্ঠন্তি চৈবার্থমাচক্ষাণাঃ পরস্পরম্॥ 12-80-32 (67934)
জ্ঞাতিভ্যো বিভিয়াশ্চৈব মৃত্যোরিব যতস্তদা।
উপরাজেব রাজর্ধি জ্ঞাতির্ন সহতে সদা॥ 12-80-33 (67935)
ঋজোর্মৃদোর্বদান্যস্য হ্রীমতঃ সত্যবাদিনঃ।
নান্যো জ্ঞাতের্মহাবাহো বিনাশমভিনন্দতি॥ 12-80-34 (67936)
অজ্ঞাতয়োঽপ্যসুখদা জ্ঞাতয়োঽপি সুখাবহাঃ।
অজ্ঞাতিমন্তং পুরুষং পরে চাভিভবন্ত্যুত॥ 12-80-35 (67937)
নিকৃতস্য নরৈরন্যৈর্জ্ঞাতিরেব পরায়ণম্।
নান্যো নিকারং সহতে জ্ঞাতির্জ্ঞাতেঃ কদাচন॥ 12-80-36 (67938)
আত্মানমেব জানাতি নিকৃতং বান্ধবৈপরি।
তেষু সন্তি গুণাশ্চৈব নৈর্গুণ্যং চৈব লক্ষ্যতে॥ 12-80-37 (67939)
নাজ্ঞাতিরনুগৃহ্ণাতি নাজ্ঞাতির্বৃদ্ধিমশ্নুতে।
উভয়ং জ্ঞাতিবর্গেষু দৃশ্যতে সাধ্বসাধু চ॥ 12-80-38 (67940)
সংমানয়েৎপূজয়েচ্চ বাচা নিত্যং চ কর্মণা।
কুর্যাচ্চ প্রিয়মেতেভ্যো নাপ্রিয়ং কিংচিদ চরেৎ॥ 12-80-39 (67941)
বিশ্বস্তবদবিশ্বস্তস্তেষু বর্তেত সর্বদা
ন হি দোষো গুণো বেতি নিরূপ্যস্তেষু দৃশ্যতে॥ 12-80-40 (67942)
অস্যৈবং বর্তমানস্য পুরুষস্যাপ্রমাদিনঃ।
অমিত্রাঃ সংপ্রসীদন্তি ততো মিত্রং ভবন্ত্যপি॥ 12-80-41 (67943)
য এবং বর্ততে নিত্যং জ্ঞাতিসংবন্ধিমণ্ডলে।
মিত্রেষ্বমিত্রে মধ্যস্থে চিরং যশসি তিষ্ঠতি॥ ॥ 12-80-42 (67944)
ইতি শ্রীমন্মহাভারতে শান্তিপর্বণি রাজধর্মপর্বণি অশীতিতমোঽধ্যায়ঃ॥ 80॥
Mahabharata - Shanti Parva - Chapter Footnotes
12-80-3 সহার্থঃ অয়ং শত্রুরুভাথ্যামুন্মূলনীয়ঃ অস্য রাজ্যং উভাভ্যাং বিভজ্য গ্রাহ্যমিতিং পণপূর্বং কৃতঃ। ভজমানঃ পিতৃপৈতামহক্রমাগতঃ সহজঃ মাতৃষ্বস্ত্রীয়াদিঃ কৃত্রিমো ধনাদিনা আবর্জিতঃ॥ 12-80-7 সর্বে পঞ্চাপি প্রত্যক্ষং কার্যমুদ্দিশ্য মন্ত্রিতমপি দুষ্টামাত্যনিগ্রহাদিকং কার্যং পঞ্চানামপি সমক্ষং ন কুর্যাদিত্যর্থঃ॥ 12-80-14 মমাভাবাৎ ময়ি মৃতে অর্থাগমঃ ইমং স্পৃশেৎ ইতি যং মন্যেত তস্মাচ্ছঙ্কিতব্যমিতি সংবন্ধঃ॥ 12-80-18 যৎ মিত্রং কর্তৃ॥ 12-80-28 প্রত্যনন্তরঃ প্রতিনিধিঃ প্রধান হতিয়াবৎ॥ 12-80-30 স্যনুষ্ঠিতাঃ সুপ্তুভক্তিং কর্তব্যং যেষাং তে॥ 12-80-31 কৃৎস্নমপ্রতিকঞ্চুকং যথা রক্ষত্তথা বিনিক্ষিপ্তা অধিকৃতাঃ। প্রতিরূপেষ্বনুরূপেষু কর্মস্বায়ব্যযসকলনাদিষু। কার্যেষু পরামিভবাদিষু॥ 12-80-33 উপরাজা সমীভবর্তী সামন্তঃ॥ 12-80-36 নিকৃতস্য লঙ্ঘিতস্য লঙ্ঘিতস্য॥ 12-80-37 বান্ধবৈঃ সংবন্ধিভির্নিকৃতে কস্মিংশ্চিৎপুরুষে তজ্জ্ঞাতিঃ আত্মানমেব নিকৃতং জানাতি। তেষু জ্ঞাতিষু॥ 12-80-41 তথা মিত্রীভবন্ত্যপীতি ঝ. পাঠঃ॥শান্তিপর্ব - অধ্যায় 081
॥ শ্রীঃ ॥
12.81. অধ্যায়ঃ 081
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কৃষ্ণনারদসংবাদানুবাদঃ॥ 1॥Mahabharata - Shanti Parva - Chapter Text
12-81-0 (67945)
যুধিষ্ঠির উবাচ। 12-81-0x (5547)
এবমগ্রাহ্যকে তস্মিঞ্জ্ঞাতিসংবন্ধিমণ্ডলে।
মিত্রেষ্বমিত্রেষ্বপি চ কথং ভাবো বিভাব্যতে॥ 12-81-1 (67946)
ভীষ্ম উবাচ। 12-81-2x (5548)
অত্রাপ্যুদাহরন্তীমমিতিহাসং পুরাতনম্।
সংবাদং বাসুদেবস্য মহর্ষের্নারদস্য চ॥ 12-81-2 (67947)
বাসুদেব উবাচ। 12-81-3x (5549)
নাসুহৃৎপরর্ম মন্ত্রং নারদার্হতি বেদিতুম্।
অপণ্ডিতো বাঽপি সুহৃৎপণ্ডিতো বাপ্যনাত্মবান্॥ 12-81-3 (67948)
স তে সৌহৃদমাস্থায় কিংচিদ্বক্ষ্যামি নারদ।
কৃৎস্নাং বুদ্ধিং চ তে প্রেক্ষ্য সংপৃচ্ছে ত্রিদিবঙ্গম॥ 12-81-4 (67949)
দাস্যমৈশ্বর্যবাদেন জ্ঞাতীনাং বৈ করোম্যহম্।
অর্ধংভোক্তাঽস্মি ভোগানাং বাগ্দুরুক্তানি চ ক্ষমে॥ 12-81-5 (67950)
অরণীমগ্নিকামো বা মথ্নাতি দহৃয়ং মম।
বাচা দুরুক্তং দেবর্ষে তন্মাং দহতি নিত্যদা॥ 12-81-6 (67951)
বলং সঙ্কর্ষণে নিত্যং সৌকুমার্যং পুনর্গদে।
রূপেণ মত্তঃ প্রদ্যুম্নঃ সোঽসহায়োঽস্মি নারদ॥ 12-81-7 (67952)
অন্যে হি সুমহাভাগা বলবন্তো দুরাসদাঃ।
নিত্যোত্থানেন সংপন্না নারদান্ধকবৃষ্ণয়ঃ॥ 12-81-8 (67953)
যস্য ন স্যুর্ন বৈ স স্যাদ্যস্য স্যুঃ কৃৎস্নমেব তৎ।
দ্বয়োরেনং প্রচরতোর্বৃণোম্যেকরতং ন চ॥ 12-81-9 (67954)
স্যাতাং যস্যাহুকাক্রূরৌ কিং নু দুঃখতরং ততঃ।
যস্য চাপি ন তৌ স্যাতাং কিং নু দুঃখতরং ততঃ॥ 12-81-10 (67955)
সোঽহং কিত্নবমাতেব দ্বয়োরপি মহামুনে।
নৈকস্য জয়মাশংসে দ্বিতীয়স্য পরাজয়ম্॥ 12-81-11 (67956)
মমৈবং ক্লিশ্যমানস্য নারদোভয়দর্শনাৎ।
বক্তুমর্হসি যচ্ছ্রেয়ো জ্ঞাতীনামাত্মনস্তথা॥ 12-81-12 (67957)
নারদ উবাচ। 12-81-13x (5550)
আপদো দ্বিবিধাঃ কৃষ্ণ বাহ্যাশ্চাম্যন্তরাশ্চ হ।
প্রাদুর্ভবন্তি বার্ষ্ণেয় স্বকৃতা যদি বাঽন্যতঃ॥ 12-81-13 (67958)
সেয়মাভ্যন্তরা তুভ্যমাপৎকৃচ্ছ্রা স্বকর্মজা।
অক্রূরভোজপ্রভবা সর্বে হ্যেতে তদন্বয়ঃ॥ 12-81-14 (67959)
অর্থহেতোর্হি কামাদ্বা বীরবীভৎসয়াঽপি বা।
আত্মনা প্রাপ্তমৈশ্বর্যমন্যত্র প্রতিপাদিতম্॥ 12-81-15 (67960)
কৃতমূলমিদানীং তদ্রাজশব্দসহায়বৎ।
ন শক্যং পুনরাদাতুং বান্তমন্নমিব স্বয়ম্॥ 12-81-16 (67961)
বভ্রূগ্রসেনতো রাজ্যং নাপ্নুং শক্যং কথংচন।
জ্ঞাতিভেদভয়াৎকৃষ্ণ ৎবয়া চাপি বিশেষতঃ॥ 12-81-17 (67962)
তচ্চ সিধ্যেৎপ্রয়ত্নেন কৃৎবা কর্ম সুদুষ্করম্।
মহাক্ষয়ং ব্যযো বা স্যাদ্বিনাশো বা পুনর্ভবেৎ॥ 12-81-18 (67963)
অনায়সেন শস্ত্রেণ মৃদুনা হৃদয়চ্ছিদা।
জিহ্বামুদ্ধর সর্বেষাং পরিমৃদজ্যানুমৃজ্য চ॥ 12-81-19 (67964)
বাসুদেব উবাচ। 12-81-20x (5551)
অনায়সং মুনে শস্ত্রং মৃদু বিদ্যামহং কথম্।
যেনৈষামুদ্ধরে জিহ্বাং পরিমৃজ্যানুমৃজ্য চ॥ 12-81-20 (67965)
নারদ উবাচ। 12-81-21x (5552)
শক্ত্যাঽন্নদানং সততং তিতিক্ষাঽঽর্জবমার্দবম্।
যথার্হপ্রতিপূজা চ শস্ত্রমেতদনায়সম্॥ 12-81-21 (67966)
জ্ঞাতীনাং বক্তুকামানাং কটুকানি লধূনি চ।
গিরা ৎবং হৃদয়ং বাচং শময়স্য মনাংসি চ॥ 12-81-22 (67967)
নামহাপুরুষঃ কশ্চিন্নানাত্মা নাসহায়বান্।
মহতীং ধুরমাদায় সমুদ্যম্যোরসা বহেৎ॥ 12-81-23 (67968)
সর্ব এব গুরুং ভারমনঙ্বান্বহতে সমে।
দুর্গে প্রতীতঃ সুগবো ভারং বহতি দুর্বহম্॥ 12-81-24 (67969)
ভেদাদ্বিনাশঃ সঙ্ঘানাং সঙ্ঘমুখ্যোঽসি কেশব।
যথা ৎবাং প্রাপ্য নোৎসীদেদয়ং সঙ্ঘস্তথা কুরু॥ 12-81-25 (67970)
নান্যত্র বুদ্ধিক্ষান্তিভ্যাং নান্যত্রেন্দ্রিয়নিগ্রহাৎ।
নান্যত্র ধনসন্ত্যাগাদ্গুণঃ প্রাজ্ঞেঽবতিষ্ঠতে॥ 12-81-26 (67971)
ধন্যং যশস্যমায়ুষ্বং স্বপক্ষোদ্ভাবনং সদা।
জ্ঞাতীনামবিনাশঃ স্যাদ্যথা কৃষ্ণ তথা কুরু॥ 12-81-27 (67972)
আয়ত্যাং চ তদাৎবে চ ন তেঽস্ত্যবিদিতং প্রভো।
ষাঙ্গুণ্যস্য বিধানেন যাত্রা যানবিধৌ তথা॥ 12-81-28 (67973)
যাদবাঃ কুকুরা ভোজাঃ সর্বে চান্ধকবৃষ্ণয়ঃ।
ৎবয়্যায়ত্তা মহাবাহো লোকা লোকেশ্বরাশ্চ যে॥ 12-81-29 (67974)
উপাসন্তে হি ৎবদ্বুদ্ধিমৃষয়শ্চাপি মাধব।
ৎবং গুরুঃ সর্বভূতানাং জানীষে ৎবং পরাং গতিম্॥ 12-81-30 (67975)
ৎবামাসাদ্য যদুশ্রেষ্ঠমেধন্তে বাদবাঃ সুখম্॥ ॥ 12-81-31 (67976)
ইতি শ্রীমন্মহাভারতে শান্তিপর্বণি রাজধর্মপর্বণি একাশীতিতমোঽধ্যায়ঃ॥ 81॥
Mahabharata - Shanti Parva - Chapter Footnotes
12-81-1 অগ্রাহ্যকে বশীকর্তুমশক্যে॥ 12-81-6 বাশব্দ ইবার্থঃ॥ 12-81-9 তে যস্য পক্ষে ন স্যুঃ স নস্যান্নশ্যেদেব। যস্য পক্ষে তে স্যুস্তৎ তস্মাৎ কৃৎস্নং ফলং প্রাপ্নোতীতি শেষঃ॥ 12-81-11 কিতবমাতেব কিতবয়োর্দ্যূতকারিণোরেকা মাতেব॥ 12-81-13 অন্যতঃ বাহ্যাঃ আপদঃ স্বকৃতাঃ জ্ঞাতিকৃতাঃ অন্তরা আপদঃ॥ 12-81-14 এতে সংকর্ষণাদয়ঃ। তদন্বথা অক্রূরান্বয়াঃ॥ 12-81-15 তত্র হেতুরর্থেতি। তৎস্নেহপ্রভবা ইয়ং তব আপদিতি সার্ধঃ। স্বকর্মজেত্যুক্তং তদ্বিবৃণোতি আত্মনেতি সার্ধেন। অন্যত্র আহুকে॥ 12-81-16 জ্ঞাতিশব্দং সহায়বন্ ইতি ঝ. পাঠঃ। তত্র তৎ ঐশ্বর্যং কৃতমূলং যতো জ্ঞাতিশব্দং জ্ঞাতিৎবাদনুচ্ছেদনীয়মিত্যর্থঃ॥ 12-81-18 তচ্চ রাজ্যস্য পুনরাদানং চ॥শান্তিপর্ব - অধ্যায় 082
॥ শ্রীঃ ॥
12.82. অধ্যায়ঃ 082
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রত্যমাত্যপরীক্ষার্থং কালকবৃক্ষীয়োপাখ্যাংনকথনম্॥ 1॥Mahabharata - Shanti Parva - Chapter Text
12-82-0 (67977)
ভীষ্ম উবাচ। 12-82-0x (5553)
এষা প্রথমতো বৃত্তির্দ্বিতীয়াং শৃণু ভারত।
যঃ কশ্চিদ্বেদয়েদর্থং রাজ্ঞা রক্ষ্যঃ স মানবঃ॥ 12-82-1 (67978)
হ্রিয়মাণমমাত্যেন ভৃত্যো বা যদি বা ভৃতঃ।
যো রাজকোশং নশ্যন্তমাচক্ষীত যুধিষ্ঠির॥ 12-82-2 (67979)
শ্রোতব্যমস্য চ রহো রক্ষ্যশ্চামাত্যতো ভবেৎ।
অমাত্যা হ্যপহর্তারো ভূয়িষ্ঠং ঘ্নন্তি ভারত॥ 12-82-3 (67980)
রাজকোশস্য গোপ্তারং রাজকোশবিলোপকাঃ।
সমেত্য সর্বে বাধন্তে স বিনশ্যত্যরক্ষিতঃ॥ 12-82-4 (67981)
অত্রাপ্যুদাহরন্তীমমিতিহাসং পুরাতনম্।
মুনিঃ কালকবৃক্ষীয়ঃ কৌসল্যং যদুবাচ হ॥ 12-82-5 (67982)
কোসলানামাধিপত্যং সংপ্রাপ্তং ক্ষেমদর্শিনম্।
মুনিঃ কালকবৃক্ষীয় আজগোমেতি নঃ শ্রুতম্॥ 12-82-6 (67983)
স কাকং পঞ্জরে বদ্ধ্বা বিষয়ং ক্ষেমদর্শিনঃ।
সর্বং পর্যচরদ্যুক্তঃ প্রবৃত্ত্যর্থী পুনঃ পুনঃ॥ 12-82-7 (67984)
অধীয়ে বায়সীং বিদ্যাং শংসন্তি মম বায়সাঃ।
অনাগতমতীতং চ যচ্চ সংপ্রতি বর্ততে॥ 12-82-8 (67985)
ইতি রাষ্ট্রে পরিপতন্বহুভিঃ পুরুষৈঃ সহ।
সর্বেষাং রাজয়ুক্তানাং দুষ্কৃতং পরিদৃষ্টবান্॥ 12-82-9 (67986)
স বুদ্ধ্বা তস্য রাষ্ট্রস্য ব্যবসায়ং হি সর্বশঃ।
রাজয়ুক্তাপচারাংশ্চ সর্বান্বুদ্ধ্বা ততস্ততঃ॥ 12-82-10 (67987)
ততঃ স কাকমাদায় রাজানং দ্রষ্টুমাগমৎ।
সর্বজ্ঞোঽস্মীতি বচনং ব্রুবাণঃ সংশিতব্রতঃ॥ 12-82-11 (67988)
স স্ম কৌসল্যমাগম্য রাজামাত্যমলংকৃতম্।
প্রাহ কাকস্য বচনাদমুত্রেদং ৎবয়া কৃতম্॥ 12-82-12 (67989)
অসৌ চাসৌ চ জানীতে রাজকেশস্ৎবয়া হৃতঃ।
এবমাখ্যাতি কাকোঽয়ং তচ্ছীঘ্রমনুগম্যতাম্॥ 12-82-13 (67990)
তথাঽন্যানপি স প্রাহ রাজকোশহরাংস্তদা।
ন চাস্য বচনং কিংচিদনৃতং শ্রূয়তে ক্বচিৎ॥ 12-82-14 (67991)
তেন বিপ্রকৃতাঃ সর্বে রাজয়ুক্তাঃ কুরূদ্বহ।
তমতিক্রম্য সুপ্তং তু নিশি কাকমপোথয়ন্॥ 12-82-15 (67992)
বায়সং তু বিনির্ভিন্নং দৃষ্ট্বা বাণেন পঞ্জরে।
পূর্বাহ্ণে ব্রাহ্মণো বাক্যং ক্ষেমদর্শিনমব্রবীৎ॥ 12-82-16 (67993)
রাজংস্ৎবামভয়ং যাচে প্রভুং প্রাণধনেশ্বরম্।
অনুজ্ঞাতস্ৎবয়া ব্রূয়াং বচনং ভবতো হিতম্॥ 12-82-17 (67994)
মিত্রার্থমভিসংতপ্তো ভক্ত্যা সর্বাত্মনাঽঽগতঃ।
হ্রিয়ন্তে হি মহার্থাশ্চ পুরুষে বিক্রমত্যপি॥ 12-82-18 (67995)
সংবুবোধয়িষুর্মিত্রং সদশ্বমিব সারথিঃ।
অতিমন্যুপ্রসক্তো হি প্রসহ্য হিতকারণাৎ॥ 12-82-19 (67996)
তথাবিধস্য সুহৃদা ক্ষন্তব্যং সংবিজানতা।
ঐশ্বর্যমিচ্ছতা নিত্যং পুরুষেণ বুভূষতা॥ 12-82-20 (67997)
তং রাজা প্রত্যুবাচেদং যৎকিংচিন্মাং ভবান্বদেৎ।
কস্মাদহং ন ক্ষমেয়মাকাঙ্ক্ষন্নাত্মনো হিতম্॥ 12-82-21 (67998)
ব্রাহ্মণ প্রতিজানে তে প্রব্রূহি যদিহেচ্ছসি।
করিষ্যামি হি তে বাক্যং যন্মাং বিপ্র প্রবক্ষ্যসি॥ 12-82-22 (67999)
মুনিরুবাচ। 12-82-23x (5554)
বিদ্বান্নয়ানপায়াংশ্চ ভয়াখ্যাতৄন্ভয়ানি চ।
ভক্ত্যা বৃত্তিং সমাখ্যাতুং ভবতোঽন্তিকমাগতঃ॥ 12-82-23 (68000)
প্রাগেবোক্তং তু দোষোঽয়মাচার্যৈর্নৃপসেবনম্।
অগতেঃ কুগতির্হ্যেষা যা রাজ্ঞা সহজীবিকা॥ 12-82-24 (68001)
আশীবিষৈশ্চ তস্যাহুঃ সংগমং যস্য রাজভিঃ।
বহুমিত্রাংশ্চ রাজানো বহ্বভিত্রাস্তথৈব চ॥ 12-82-25 (68002)
তেভ্যঃ সর্বেভ্য এবাহুর্ভয়ং রাজোপজীবিনাম্।
তথাঽস্য রাজতো রাজন্মুহুর্তাদাগতং ভয়ম্॥ 12-82-26 (68003)
নৈকান্তেনাপ্রমাদো হি শক্যঃ কর্তুং মহীপতৌ।
ন তু প্রমাদঃ কর্তব্যঃ কথংচিদ্ভূতিমিচ্ছতা॥ 12-82-27 (68004)
প্রমাদাৎস্খলতে বুদ্ধিঃ স্খলতো নাস্তি জীবিতম্।
অগ্নিং দীপ্তমিবাসীদেদ্রাজানপ্নুপশিক্ষিতঃ॥ 12-82-28 (68005)
আশীবিষমিব ক্রুদ্ধং প্রভুং প্রাণধনেশ্বরম্।
যত্নেনোপচরেন্নিত্যং নাহমস্মীতি মানবঃ॥ 12-82-29 (68006)
দুর্ব্যাহৃতাচ্ছঙ্কমানো দুঃস্থিতাদ্দুরনুষ্ঠিতাৎ।
দুরাসদাদ্দুর্বৃজিনাদিঙ্গিতাদ্ধ্যায়িতাদপি॥ 12-82-30 (68007)
দেবতেব হি সর্বার্থান্কুর্যাদ্রাজা প্রসাদিতঃ।
বৈশ্বানর ইব ক্রুদ্ধঃ সমূলমপি নির্দহেৎ॥ 12-82-31 (68008)
ইতি রাজন্যমঃ প্রাহ বর্ততে চ তথৈব তৎ।
অথ ভূয়াংসমেবার্থং করিষ্যামি পুনঃ পুনঃ॥ 12-82-32 (68009)
দদাত্যত্মদ্বিধোঽঽমাত্যো বুদ্ধিসাহায়্যমাপদি।
বায়সস্ৎবেষ মে রাজন্নন্তকায়াভিসংহিতঃ॥ 12-82-33 (68010)
ন চ মেঽত্র ভবান্গর্হ্যো ন চ যেষাং ভবান্প্রিয়ঃ।
হিতাহিতাংস্তু বুদ্ধ্যেথা মাপরোক্ষমতির্ভব॥ 12-82-34 (68011)
যে ৎবাদানপরা এব বসন্তি ভবতো গৃহে।
অভূতিকামা ভূতানাং তাদৃশৈর্মেঽভিসংহিতম্॥ 12-82-35 (68012)
যো বা ভবদ্বিনাশেন রাজ্যমিচ্ছত্যনন্তরম্।
আন্তরৈরাভেসংধায় রাজন্সিদ্ধ্যতি নান্যথা॥ 12-82-36 (68013)
তেষামহং ভয়াদ্রাজন্গমিষ্যাম্যন্যমাশ্রমম্।
তৈর্হি মে সংধিতো বাণঃ কাকে নিপতিতঃ প্রভো॥ 12-82-37 (68014)
ছঝনা মম কাকশ্চ গমিতো যমসাদনম্।
দৃষ্টং হ্যেতন্ময়া রাজংস্তপোদীর্ঘেন চক্ষুষা॥ 12-82-38 (68015)
বহুনক্রঝষগ্রাহাং তিমিংগিলগণৈর্যুতাম্।
কাকেন বালিশেনেমামতার্ষমহমাপগাম্॥ 12-82-39 (68016)
স্থাণ্বশ্মকণ্টকবর্তীং সিংহ ব্যাঘ্রসমাকুলাম্।
দুরাসদাং দুষ্প্রসহাং গুহাং হৈমবতীমিব। 12-82-40 (68017)
অগ্নিনা তামসং দুর্গং নৌভিরাপ্যং চ গম্যতে।
রাজদুর্গাবতরণে নোপায়ং পণ্ডিতা বিদুঃ॥ 12-82-41 (68018)
গহনং ভবতো রাজ্যমন্ধকারং তমোন্বিতম্।
নেহ বিশ্বসিতুং শক্যং ভবতাঽপি কুতো ময়া॥ 12-82-42 (68019)
অতো নায়ং শুভো বাসস্তুল্যে সদসতী ইহ।
বধো হ্যেবাত্র সুকৃতে দুষ্কৃতে ন চ সংশয়ঃ॥ 12-82-43 (68020)
ন্যায়তো দুষ্কৃতে ঘাতঃ সুকৃতে ন কথনম্।
নেহ যুক্তং স্থিরং স্থাতুং জবেনৈবাব্রজেদ্বুধঃ॥ 12-82-44 (68021)
সীতা নাম নদী রাজন্প্লবো যস্যাং নিমজ্জতি।
তয়োপমামিমাং মন্যে বাগুরাং সর্বধাতিনীম্॥ 12-82-45 (68022)
মধুপ্রপাতো হি ভবান্ভোজনং বিষসংয়ুতম্।
অসতামিব তে ভাবো বর্ততে ন সতামিব॥ 12-82-46 (68023)
আশীবিষৈঃ পরিবৃতঃ কূপস্ৎবমসি পার্থিব॥ 12-82-47 (68024)
দুর্গতীর্থা বৃহৎকূলা কাবেরী চোরসংয়ুতা।
নদী মধুরপানীয়া যথা রাজংস্তথা ভবান্।
শ্বগৃধ্রগোমায়ুয়ুতো রাজহংসসমো হ্যসি॥ 12-82-48 (68025)
যথাঽঽশ্রিত্য মহাবৃক্ষং কক্ষঃ সংবর্ধতে মহান্।
ততস্তং সংবৃণোত্যেব তমতীত্য চ বর্ধতে॥ 12-82-49 (68026)
তেনৈবোগ্রেন্ধনেনৈনং দাবো দহতি দারুণঃ।
তথোপমা হ্যমাত্যাস্তে রাজংস্তান্পরিশোধয়॥ 12-82-50 (68027)
ৎবয়া চৈব কৃতা রাজন্ভবতা পরিপালিতাঃ।
ভবন্তং পর্যবজ্ঞায় জিঘাংসন্তি ভবৎপ্রিয়ম্॥ 12-82-51 (68028)
উষিতং শঙ্কমানেন প্রমাদং পরিরক্ষতা।
অন্তঃ সর্প ইবাগারে বীরপত্ন্যা ইবালয়ে।
শীলং জিজ্ঞাসমানেন রাজ্ঞঃ সাহসজীবিনঃ॥ 12-82-52 (68029)
কচ্চিজ্জিতেন্দ্রিয়ো রাজা কচ্চিদস্যান্তরা জিতাঃ।
কচ্চিদেষাং প্রিয়ো রাজা কচ্চিদ্রাজ্ঞঃ প্রিয়াঃ প্রজাঃ॥ 12-82-53 (68030)
বিজিজ্ঞাসুরিহ প্রাপ্তস্তবাহং রাজসত্তম।
তস্য মে রোচতে রাজন্ক্ষুধিতস্যেব ভোজনম্॥ 12-82-54 (68031)
অমাত্যা মে ন রোচন্তে বিতৃষ্ণস্য যথোদকম্।
ভবতোঽর্থকৃদিত্যেবং ময়ি তে দোষমাদধন্।
বিদ্যতে কারণং নান্যদিতি মে নাত্র সংশয়ঃ॥ 12-82-55 (68032)
ন হি তেষামহং দ্রোগ্ধা তত্তেষাং দ্রোহবদ্গতম্।
অরের্হি দুর্হৃদাদ্ভেয়ং ভগ্নপৃষ্ঠাদিবোরগাৎ॥ 12-82-56 (68033)
রাজোবাচ। 12-82-57x (5555)
ভূয়সা পরিহারেণ সৎকারেণ চ ভূয়সা।
পূজিতো ব্রাহ্মণশ্রেষ্ঠ ভূয়ো বস গৃহে মম॥ 12-82-57 (68034)
যে ৎবাং ব্রাহ্মণ নেচ্ছন্তি তে ন বৎস্যন্তি মে গৃহে।
ভবতৈব হি তজ্জ্ঞেয়ং যত্তদেষামনন্তরম্॥ 12-82-58 (68035)
যথা স্যাৎসুধৃতো দণ্ডো যথা চ সুকৃতং কৃতম্।
তথা সমীক্ষ্য ভগবঞ্শ্রেয়সে বিনিয়ুঙ্ক্ষ্ব মাম্॥ 12-82-59 (68036)
মুনিরুবাচ। 12-82-60x (5556)
অদর্শয়ন্নিমং দোষমেকৈকং দুর্বলং কুরু।
ততঃ কারণমাজ্ঞায় পুরুষংপুরুষং জহি।
একদোষা হি বহবো মৃদ্গীয়ুরপি কণ্টকান্॥ 12-82-60 (68037)
`অর্থে সর্বং জগদ্বদ্ধমর্থেনৈব নিবধ্যতে।
অর্থে দর্পো মনুষ্যাণাং তস্মাদর্থং বিরোচয়॥ 12-82-61 (68038)
একেনৈকস্য দোষেণ তদ্বিরুদ্ধং প্রচোদয়।
স তস্য দোষানুদ্ভাব্য তস্যার্থং গ্রাহয়িষ্যতি॥ 12-82-62 (68039)
সামপূর্বং চ কেষাংচিদ্ভেদেন চ পরস্পরম্।
বৈরং কারয় ভূপাল পশ্চাদ্দণ্ডং প্রচোদয়॥ 12-82-63 (68040)
বিল্বেন চ যথা বিল্বমাকারং ছাদ্য বুদ্ধিমান্।
অশুদ্ধং সচিবং রাজন্নশুদ্ধেনৈব নাশয়॥' 12-82-64 (68041)
মন্ত্রভেদভয়াদ্রাজংস্তস্মাদেতদ্ব্রবীমি তে॥ 12-82-65 (68042)
বয়ং তু ব্রাহ্মণা নাম মৃদুদণ্ডাঃ কৃপালবঃ।
স্বস্তি চেচ্ছাম ভবতঃ পরেষাং চ যথাঽঽত্মনঃ॥ 12-82-66 (68043)
রাজন্নাত্মানমাচক্ষে সংবন্ধী ভবতো হ্যহম্।
মুনিঃ কালকবৃক্ষীয় ইত্যেবমভিসংজ্ঞিতঃ।
পিতুঃ সখা চ ভবতঃ সংমতঃ সত্যসংগরঃ॥ 12-82-67 (68044)
ব্যাপন্নে ভবতো রাজ্যে রাজন্পিতরি সংস্থিতে।
সর্বকামান্পরিত্যজ্য তপস্তপ্তং তদা ময়া॥ 12-82-68 (68045)
স্নেহাত্ৎবাং তু ব্রবীম্যেতন্মা ভূয়ো বিভ্রো দিতি॥ 12-82-69 (68046)
উভে দৃষ্ট্বা দুঃখসুখে রাজ্যং প্রাপ্য যদৃচ্ছয়া।
রাজ্যেনামাত্যসংস্থেন কথং রাজন্প্রমাদ্যসি॥ 12-82-70 (68047)
ভীষ্ম উবাচ। 12-82-71x (5557)
ততো রাজকুলে নান্দী সংজজ্ঞে ভূয়সা পুনঃ।
পুরোহিতকুলে চৈব সংপ্রাপ্তে ব্রাহ্মণর্ষভে॥ 12-82-71 (68048)
একচ্ছত্রাং মহীং কৃৎবা কৌসল্যায় যশস্বিনে।
মুনিঃ কালকবৃক্ষীয় ঈজে ক্রতুভিরুত্তমৈঃ॥ 12-82-72 (68049)
হিতং তদ্বচনং শ্রুৎবা কৌসল্যোঽপ্যজয়ন্মহীম্।
তথা চ কৃতবান্রাজা যথোক্তং তেন ভারত॥ ॥ 12-82-73 (68050)
ইতি শ্রীমন্মহাভারতে শান্তিপর্বণি রাজধর্মপর্বণি দ্ব্যশীতিতমোঽধ্যায়ঃ॥ 82॥
Mahabharata - Shanti Parva - Chapter Footnotes
12-82-7 প্রবৃত্ত্যর্থা অমাত্যদোষদর্শনে রাজানং প্রবর্তয়িতুকামঃ॥ 12-82-9 পরিপতন্পরিতো ভ্রমন্। রাজয়ুক্তানাং রাজ্ঞা তেষু তেষু কার্যেষু নিয়ুক্তানাম্। দুষ্কৃতং স্বামিদ্রব্যাপহাররূপং বাপম্॥ 12-82-12 রাজানমাগম্য তৎসমক্ষমেবামাত্যং প্রাহ। অমুত্রস্থানে ৎবয়া ইদং ধনচৌর্যং কৃতমিতি॥ 12-82-13 অনুগম্যতাং আলোচ্যতাম্॥ 12-82-18,19 হ্রিয়ন্ত ইতি মিত্রং ৎবাং সংবুবোধয়িপুরাগত ইতি শ্লোকদ্বয়ভেকান্বয়ম্॥ 12-82-23 জ্ঞাৎবা পাপানপাপাভৃত্যতস্তে ভয়ানি চেতি ঝ. পাঠঃ॥ 12-82-29 নাহমস্মীতি মৎবা জীবনাশং ত্যক্ৎবেত্যর্থঃ॥ 12-82-35 আদানপরাঃ কোশলোপ্তারঃ। মে ময়ি। তাদৃশৈরভিসংহিতমভিসংধির্বৈরং কৃতম্। মদীয়কাকহননাদিতি ভাবঃ॥ 12-82-36 আন্তরৈঃ সূদাদিভিঃ অভিসংধায়াঽন্নদৌ বিষং প্রক্ষেপ্তব্যমিতি স্নেহং কৃৎবা। তেষামভীপ্সিতো ভবদ্বিনাশঃ সিধ্যতি চাঽন্যথা ন সিধ্যতি ব। আয়ুঃশেষে সতীতি ভাবঃ॥ 12-82-37 তেষাং ৎবদ্বৈরিণাম্ ॥ 12-82-39 ইমাং রাজনীতিনদীম্। নক্রাদিতুল্যৈরধিকারিপুরুষৈর্ব্যাপ্তাম্। বালিশেন স্বমৃত্যুং সংপাদয়তা বিরুদ্ধলক্ষণয়া তন্মরণান্মৃতোঽস্মীতি ভাবঃ॥ 12-82-41 অগ্নিনা দীপেন আপ্যং জলরূপম্॥ 12-82-42 গহনং কপটম্। অন্ধকারমিব তমোন্বিতং ধর্মাধর্মদর্শনশূন্যম্॥ 12-82-52 উষিতং ময়েতি শেষঃ॥ 12-82-53 জিজ্ঞাসামেবাহ কচ্চিদিতি॥ 12-82-54 রোচতে ভবানিতি শেষঃ॥ 12-82-56 ভেয়ং ভেতব্যম্। ভগ্নপৃষ্ঠাৎ পৃষ্ঠভঙ্গেন কোপিতাৎ॥ 12-82-60 তেষামকস্মাৎ যুগপচ্চ বধে দোষমাহ একেতি। সংহতাঃ কণ্টকানপি মৃদ্রীয়ুঃ কিমুত মাদৃশান্মৃদূনিত্যর্থঃ॥ 12-82-68 পিতরি ৎবদীয়ে সংস্থিতে মৃতে॥ 12-82-69 বিভ্রমেৎ অনাপ্তেষ্বাপ্তবুদ্ধিং ভবান্মাকার্ষীৎ॥ 12-82-71 নান্দী মঙ্গলপাঠঃ। ততস্তস্মিন্মন্ত্রিণি বৃতে সতি॥ 12-82-72 কৌসল্যায় কৌসল্যার্থে॥শান্তিপর্ব - অধ্যায় 083
॥ শ্রীঃ ॥
12.83. অধ্যায়ঃ 083
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মন্ত্র্যাদিলক্ষণকথনম্॥ 1॥Mahabharata - Shanti Parva - Chapter Text
12-83-0 (68051)
যুধিষ্ঠির উবাচ। 12-83-0x (5558)
সভাসদঃ সহায়াশ্চ সুহৃদশ্চ বিশাংপতে।
পরিচ্ছদাস্তথাঽমাত্যাঃ কীদৃশাঃ স্যুঃ পিতামহ॥ 12-83-1 (68052)
ভীষ্ম উবাচ। 12-83-2x (5559)
হ্রীনিষেবাস্তথা দান্তাঃ সত্যার্জবসমন্বিতাঃ।
শক্তাঃ কথয়িতুং সম্যক্তে তব স্যুঃ সভাসদঃ॥ 12-83-2 (68053)
অমাত্যাশ্চাতিশূরাশ্চ ব্রহ্মণ্যাশ্চ বহুশ্রুতাঃ।
সুসংতৃষ্টাশ্চ কৌন্তেয় মহোৎসাহাশ্চ কর্মসু॥ 12-83-3 (68054)
এতান্সহায়াঁল্লিপ্সেথাঃ সর্বাস্বাপৎসু ভারত॥ 12-83-4 (68055)
কুলীনঃ পূজিতো নিত্যং ন হি শক্তিং নিগূহতি।
প্রসন্নমপ্রসন্নং বা পীডিতং হতমেব বা।
আবর্তয়তি ভূয়িষ্ঠং তদেব হ্যনুপালিতম্॥ 12-83-5 (68056)
কুলীনা দেশজাঃ প্রাজ্ঞা রূপবন্তো বহুশ্রুতাঃ।
প্রগল্ভাশ্চানুরক্তাশ্চ তে তব স্যুঃ পরিচ্ছদাঃ॥ 12-83-6 (68057)
দৌষ্কুলেয়াশ্চ লুব্ধাশ্চ নৃশংসা নিরপত্রপাঃ।
তে ৎবাং তাত নিষেবেয়ুর্যাবদার্দ্রকপাণয়ঃ॥ 12-83-7 (68058)
কুলীনাঞ্শীলসংপন্নানিঙ্গিতজ্ঞাননিষ্ঠুরান্।
দেশকালবিধানজ্ঞান্ভর্তৃকার্যহিতৈপিণঃ।
নিত্যমর্থেষু সর্বেষু রাজা কুর্বীত মন্ত্রিণঃ॥ 12-83-8 (68059)
অর্থমানার্ঘসৎকারৈর্ভোগৈরুচ্চাবচৈঃ প্রিয়ৈঃ।
যানর্থভাজো মন্যেথাস্তেতে স্যুঃ সুখভাগিনঃ॥ 12-83-9 (68060)
অভিন্নবৃত্তা বিদ্বাংসঃ সদ্বৄত্তাশ্চরিতব্রতাঃ।
নৎবাং নিত্যার্থিনো জহ্যুরক্ষুদ্রাঃ সত্যবাদিনঃ॥ 12-83-10 (68061)
অনার্যা যে ন জানন্তি সময়ং মন্দচেতসঃ।
তেভ্যঃ পরিজুগুপ্সেথা যে চাপি সময়চ্যুতাঃ॥ 12-83-11 (68062)
নৈকমিচ্ছেদ্গণং হিৎবা স্যাচ্চেদন্যতরগ্রহঃ।
যস্ৎবেকো বহুভিঃ শ্রেয়ান্কামং তেন গণং ত্যজেৎ॥ 12-83-12 (68063)
শ্রেয়সো লক্ষণং চৈতদ্বিক্রমো যস্য দৃশ্যতে।
কীর্তিপ্রধানো যশ্চ স্যাৎসময়ে যশ্চ তিষ্ঠতি॥ 12-83-13 (68064)
সমর্থান্পূজয়েদ্যশ্চ নাস্পর্ধ্যৈঃ স্পর্ধতে চ যঃ।
ন চ কামাদ্ভয়াৎক্রোধাল্লোভাদ্বা ধর্মমুৎসৃজেৎ॥ 12-83-14 (68065)
অমানী অত্যবাক্শক্তো জিতাত্মা মানসংয়ুতঃ।
স তে মন্ত্রসহায়ঃ স্যাৎসর্বাবস্থাপরীক্ষিতঃ॥ 12-83-15 (68066)
কুলীনঃ কুলসংপন্নস্তিতিক্ষুর্দশ আত্মবান্।
শূরঃ কৃতজ্ঞঃ সত্যশ্চ শ্রেয়সঃ পার্থ লক্ষণম্॥ 12-83-16 (68067)
তস্যৈবং বর্তমানস্য পুরুষস্য বিজানতঃ।
অমিত্রাঃ সংপ্রসীদন্তি তথা মিত্রীভবন্ত্যপি॥ 12-83-17 (68068)
অত ঊর্ধ্বমমাত্যানাং পরীক্ষেত গুণাগুণম্।
সংয়তাত্মা কৃতপ্রজ্ঞো ভূতিকামশ্চ ভূমিপঃ॥ 12-83-18 (68069)
সংবন্ধিপুরুষৈরাপ্তৈরভিজাতৈঃ স্বদেশজৈঃ।
অহার্যৈরব্যভীচারৈঃ সর্বশঃ সুপরীক্ষিতৈঃ॥ 12-83-19 (68070)
যৌনাঃ শ্রৌতাস্তথা মৌলাস্তথৈবাপ্যনহংকৃতাঃ।
কর্তব্যা ভূতিকামেন পুরুষেণ বুভূপতা॥ 12-83-20 (68071)
এষাং বৈনয়িকী বুদ্ধিঃ প্রকৃতিশ্চৈব শোভনা।
তেজো ধৈর্যং ক্ষমা শৌচমনুরাগঃ স্থিতির্ধৃতিঃ॥ 12-83-21 (68072)
পরীক্ষ্য চ গুণান্নিত্যং প্রৌঢভাবান্ধুরংধরান্।
পঞ্চোপধাব্যতীতাংশ্চ কুর্যাদ্রাজাঽর্থকারিণঃ॥ 12-83-22 (68073)
পর্যাপ্তবচনান্বীরান্প্রতিপত্তিবিশারদান্।
কুলীনান্সৎবসংপন্নানিঙ্গিতজ্ঞাননিষ্ঠুরান্॥ 12-83-23 (68074)
দেশকালবিধানজ্ঞান্ভর্তৃকার্যহিতৈষিণঃ।
নিত্যমর্থেষু সর্বেষু রাজন্কুর্বীত মন্ত্রিণঃ॥ 12-83-24 (68075)
হীনতেজোভিসংসৃষ্টো নৈব জাতু ব্যবস্যতি।
অবশ্যং জনয়ত্যেব সর্বকর্মসু সংশয়ম্॥ 12-83-25 (68076)
এবমল্পশ্রুতো মন্ত্রী কল্যাণাভিজনোঽপ্যুত।
ধর্মার্থকামসংয়ুক্তো নালং মন্ত্রং পরীক্ষিতুম্॥ 12-83-26 (68077)
তথৈবানভিজাতোঽপি কামমস্তু বহুশ্রুতঃ।
অনায়ক ইবাচক্ষুর্মুহ্যত্যূহ্যেষু কর্মসু॥ 12-83-27 (68078)
যো বাঽপ্যস্থিরসংকল্পো বুদ্ধিমানাগতাগমঃ। 12-83-28bউপায়জ্ঞোঽপি নালং স কর্ম প্রাপয়িতুং চিরম্॥ 12-83-28 (68079)
কেবলাৎপুনরাদানাৎকর্মণো নোপপদ্যতে।
পরামর্শো বিশেষণামশ্রুতস্যেহ দুর্মতেঃ॥ 12-83-29 (68080)
মন্ত্রিণ্যননুরক্তে তু বিশ্বাসো নোপপদ্যতে।
তস্মাদননুরক্তায় নৈব মন্ত্রং প্রকাশয়েৎ॥ 12-83-30 (68081)
ব্যথয়েদ্ধি স রাজানং মন্ত্রিভিঃ সহিতোঽনৃজুঃ।
মারুতোপহিতচ্ছিদ্রৈঃ প্রবিশ্যাগ্নিরিব দ্রুমম্॥ 12-83-31 (68082)
সংক্রুদ্ধশ্চৈকদা স্বামী স্থানাচ্চৈবাপকর্ষতি।
বাচা ক্ষিপতি সংরব্ধঃ পুনঃ পশ্চাৎপ্রসীদতি॥ 12-83-32 (68083)
তানিতান্যনুরক্তেন শক্যানি হি তিতিক্ষিতুম্।
মন্ত্রিণাং চ ভবেৎক্রোধো বিস্ফূর্জিতমিবাশনেঃ॥ 12-83-33 (68084)
যস্তু সংহরতে তানি ভর্তুঃ প্রিয়চিকীর্ষয়া।
সমানসুখদুঃখং তং পৃচ্ছেদর্থেষু মানবম্॥ 12-83-34 (68085)
অনৃজুস্ৎবনুরক্তোঽপি সংপন্নশ্চেতরৈর্গুণৈঃ।
রাজ্ঞঃ প্রজ্ঞানয়ুক্তোঽপি ন মন্ত্রং শ্রোতুমর্হতি॥ 12-83-35 (68086)
যোঽমিত্রৈঃ সহ সংবদ্ধো ন পরান্বহুমন্যতে।
অসুহৃত্তাদৃশো জ্ঞেয়ো ন মন্ত্রং শ্রোতুমর্হতি॥ 12-83-36 (68087)
অবিদ্বানশুচিঃ স্তব্ধঃ শত্রুসেবী বিকত্থনঃ।
অসুহৃৎক্রোধনো লুব্ধো ন মন্ত্রং শ্রোতুমর্হতি॥ 12-83-37 (68088)
আগন্তুশ্চানুরক্তোঽপি কামমস্তু বহুশ্রুতঃ।
সৎকৃতঃ সংবিভক্তো বা ন মন্ত্রং শ্রোতুমর্হতি॥ 12-83-38 (68089)
বিধর্মতো বিপ্রকৃতঃ পিতা যস্যাভবৎপুরা।
সৎকৃতঃ স্থাপিতঃ সোঽপি ন মন্ত্রং শ্রোতুমর্হতি॥ 12-83-39 (68090)
যঃ স্বল্পেনাপি কার্যেণ সুহৃদাক্ষারিতো ভবেৎ।
পুনরন্যৈর্গুণৈর্যুক্তো ন মন্ত্রং শ্রোতুমর্হতি॥ 12-83-40 (68091)
কৃতপ্রজ্ঞশ্চ মেধাবী বুধো জানপদঃ শুচিঃ।
সর্বকর্মসু যঃ শুদ্ধঃ স মন্ত্রং শ্রোতুমর্হতি॥ 12-83-41 (68092)
জ্ঞানবিজ্ঞানসংপন্নঃ প্রকৃতিজ্ঞঃ পরাত্মনোঃ।
সুহৃদাত্মসমো রাজ্ঞঃ স মন্ত্রং শ্রোতুমর্হতি॥ 12-83-42 (68093)
সত্যবাক্শীলসংপন্নো গন্ভীরঃ সত্রপো মৃদুঃ।
পিতৃপৈতামহো যঃ স্যাৎস মন্ত্রং শ্রোতুমর্হতি॥ 12-83-43 (68094)
সংতুষ্টঃ সংমতঃ সদ্ভিঃ শৌটীরো দ্বেষ্যপাপকঃ।
মন্ত্রবিৎকালবিচ্ছূরঃ স মন্ত্রং শ্রোতুমর্হতি॥ 12-83-44 (68095)
সর্বলোকমিমং শক্তঃ সান্ৎবেন কুরুতে বশম্।
তস্মৈ মন্ত্রঃ প্রয়োক্তব্যো দণ্ডমাধিৎসতা নৃপ॥ 12-83-45 (68096)
পৌরজানপদা যস্মিন্বিশ্বাসং ধর্মতো গতাঃ।
যোদ্ধা নয়বিপশ্চিচ্চ স মন্ত্রং শ্রোতুমর্হতি॥ 12-83-46 (68097)
তস্মাৎসর্বৈর্গুণৈরেতৈরুপপন্নাঃ সুপূজিতাঃ।
মন্ত্রিণঃ প্রকৃতিজ্ঞাঃ স্যুখ্যবরা মহদীপ্সবঃ॥ 12-83-47 (68098)
স্বাসু প্রকৃতিষু চ্ছিদ্রং লক্ষয়েরন্পরস্য চ।
মন্ত্রিণাং মন্ত্রমূলং হি রাজ্ঞো রাষ্ট্রং বিবর্ধতে॥ 12-83-48 (68099)
নাস্য চ্ছিদ্রং পরঃ পশ্যেচ্ছিদ্রেষু পরমন্বিয়াৎ।
গূহেৎকূর্ম ইবাঙগানি রক্ষেদ্বিবরমাত্মনঃ॥ 12-83-49 (68100)
মন্ত্রগ্রাহা হি রাজস্য মন্ত্রিণো যে মনীষিণঃ।
মন্ত্রসংহননো রাজা মন্ত্রাঙ্গানীতরে জন্গঃ॥ 12-83-50 (68101)
রাজ্যং প্রণিধিমূলং হি মন্ত্রসারং প্রচক্ষতে।
স্বামিনং ৎবনুবর্ন্ততে বৃত্ত্যর্থমিহ মন্ত্রিণঃ॥ 12-83-51 (68102)
সংবিনীয়মদক্রোধৌ মানমীর্ষ্যাং চ নির্বৃতাঃ।
নিত্যং পঞ্চোপধাতীতৈর্মন্ত্রয়েৎসহ মন্ত্রিভিঃ॥ 12-83-52 (68103)
তেষাং ত্রয়াণাং ত্রিবিধং বিমর্শং
বিবুধ্য চিত্তং বিনিবেশ্য তত্র।
স্বনিশ্চয়ং তং পরনিশ্চয়ং চ
নিদর্শয়েদুত্তরমন্ত্রকালে॥ 12-83-53 (68104)
ধর্মার্থকামজ্ঞমুপেত্য পৃচ্ছে
দ্যুক্তো গুরুং ব্রাহ্মণমুত্তরার্থম্।
নিষ্ঠা কৃতা তেন যদা সহঃ স্যা
ত্তং মন্ত্রমার্গং প্রণয়েদসক্তঃ॥ 12-83-54 (68105)
এবং সদা মন্ত্রয়িতত্র্যমাহু
র্যে মন্ত্রতত্ৎবার্থবিনিশ্চয়জ্ঞাঃ।
তস্মাত্তমেবং প্রণয়েৎসদৈব
মন্ত্রং প্রজাসংগ্রহণে সমর্থম্॥ 12-83-55 (68106)
ন বামনাঃ কুব্জকৃশা ন খঞ্জা
নান্ধা জডাঃ স্ত্রী চ নপুংসকাশ্চ।
ন চাত্র তির্যক্চ পুরো ন পশ্চা
ন্নোর্ধ্বং ন চাধঃ প্রপরেৎকথংচিৎ॥ 12-83-56 (68107)
আরুহ্য বা বেশ্ম তথৈব শূন্যং
স্থলং প্রকাশং কুশকাশহীনম্।
বাগঙ্গদোষান্পরিহৃত্য সর্বা
ন্সংমন্ত্রয়েৎকার্যমহীনকালম্॥ ॥ 12-83-57 (68108)
ইতি শ্রীমন্মহাভারতে শান্তিপর্বণি রাজধর্মপর্বণি ত্র্যশীতিতমোঽধ্যায়ঃ॥ 83॥
Mahabharata - Shanti Parva - Chapter Footnotes
12-83-1 সভাসদঃ ব্যবহারনির্ণায়কা। সহায়াঃ যুদ্ধাদাবুপয়োগিনঃ। সুহৃদো হিতকর্তারঃ। পরিচ্ছদাঃ সেনান্যাদয়ঃ॥ 12-83-2 ক্রমেণৈষাং লক্ষণান্যাহ হীতি। কথয়িতুং ন্যায়ান্যায়ৌ বক্তুম্ হীনিষেধাস্তথা দান্তাঃ সত্যলজ্জাসমন্বিতাঃ ইতি থ. পাঠঃ॥ 12-83-5 সুল্দমাহ সার্ধেন কুলীন ইতি॥ 12-83-7 যাবদার্দ্রকপাণয়ঃ। শুষ্কহস্তাস্তু সদ্যো বিক্রিয়ন্তে ইত্যর্থঃ। তে ৎবাং জাতু ন সেবেয়ুর্যাবতে স্বঙ্গপাণয়ঃ। ইতি ড. থ.পাঠঃ॥ 12-83-9 অর্থো ধনম্। মানঃ সন্মানঃ। অর্ধো বস্রাদিদানম্। সৎকার আদরঃ। যান্প্রিয়ান্মন্যেথাত্তেঽর্থভাজঃ সুখভাগিনশ্চ স্যুঃ॥ 12-83-11 সময়ং ধর্মাধর্মময়দাম্। জুগুপ্সেথাঃ রক্ষস্ব॥ 12-83-12 অন্যতরগ্রহঃ গণৈকয়োরেক্তরস্য গ্রাণপ্রসঙ্গ। একশ্চেদ্গুণী তদা গণং ত্যক্ৎবা স এব গ্রাহ॥ 12-83-13 শ্রেয়সঃ সাধোঃ॥ 12-83-14 সত্যঃ সত্যবান্॥ 12-83-18 ভূমিপঃ পরীক্ষেতেতি যোজনা॥ 12-83-19 অভিজাতৈঃ কুলীনৈঃ। অহার্যৈঃ ধনাদিনা বশীকর্তুমশক্যৈঃ। সংবন্ধিপুরুষৈর্যেষাং সংবন্ধোঽস্তি তাদৃশৈঃ॥ 12-83-20 যৌনা উত্তময়োনয়ঃ। মৌলাঃ পরংপরাগতাঃ কর্তব্যাঃ। মন্ত্রিণ ইতি শেষঃ॥ 12-83-21 প্রকৃতিঃ পূর্বকর্মজঃ সংস্কারঃ। তেজঃ পরাভিভবসামর্থ্যম্। স্থিতিরব্যভিচারিতা। ধৃতির্ধারণসমার্থ্যম্॥ 12-83-22 পঞ্চ মন্ত্রিণ ইতি তৃতীয়েনান্বয়ঃ। উপধা চ্ছলং তদ্ব্যতীতান্॥ 12-83-23 পর্যাপ্তং কৃৎস্নস্য বিবিৎসিতস্যার্থস্য নির্বাহকং বচনং যেষাং তান্॥ 12-83-25 হীনতেজসা মিত্রেণাভিসংসৃষ্টঃ সংবদ্ধঃ। ন ব্যবস্যতি ন কর্তব্যাকর্তব্যে নিশ্চিনোতি॥ 12-83-28 প্রাপয়িতুং সমাপয়িতুম্॥ 12-83-29 আরম্ভশূরোঽপি মূর্খঃ কর্মণঃ ফলবিশেষান্ জ্ঞাতুং ন শক্নোতীত্যর্থঃ॥ 12-83-32 অনুরক্তলক্ষণমাহ শিভিঃ সংক্রুদ্ধ ইত্যাদিভিঃ॥ 12-83-38 আগন্তুর্নূতনঃ। সোঽপ্য বিশ্বাস্য ইত্যর্থঃ॥ 12-83-39 বিধর্মতোঽন্যায়েন॥ 12-83-40 আক্ষারিতো ধনগ্রহণেন রিক্তঃ কৃতঃ॥ 12-83-41 জানপদঃ স্বদেশজঃ॥ 12-83-42 পরস্য শত্রোঃ আত্মনশ্চ প্রকৃতীঃ স্বাম্যমাত্যাদিকা জানাতীতি প্রকৃতিজ্ঞঃ॥ 12-83-43 গম্ভীরো মন্ত্রগোপনসমর্থঃ॥ 12-83-44 শৌটীরঃ প্রগল্ভঃ। দ্বেষ্যবদ্ধেয়ং পাপং যস্য স দ্বেষ্যপাপকঃ॥ 12-83-45 আধিৎসতা আধাতুচ্ছিতা॥ 12-83-47 পঞ্চানামভাবে ত্রয়ো বা কার্যা ইত্যর্থঃ॥ 12-83-49 বিবরং ছিদ্রম্ ॥ 12-83-50 মন্ত্রসংহননো মন্ত্রকবচঃ॥ 12-83-52 উপবাশ্ছলানি। তানি পঞ্চ॥ 12-83-56 অত্র মন্ত্রস্থানে॥শান্তিপর্ব - অধ্যায় 084
॥ শ্রীঃ ॥
12.84. অধ্যায়ঃ 084
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ইন্দ্রবৃহস্পতিসংবাদানুবাদঃ॥ 1॥Mahabharata - Shanti Parva - Chapter Text
12-84-0 (68109)
ভীষ্ম উবাচ। 12-84-0x (5560)
অত্রাপ্যুদাহরন্তীমমিতিহাসং পুরাতনম্।
বৃহস্পতেশ্চ সংবাদং শক্রস্য চ যুধিষ্ঠির॥ 12-84-1 (68110)
শক্র উবাচ। 12-84-2x (5561)
কিংস্বিদেকপঢং ব্রহ্মন্পুরুষঃ সম্যগাচরন্।
প্রমাণং সর্বভূতানাং যশশ্চৈবাপ্নুয়ান্মহৎ॥ 12-84-2 (68111)
বৃহস্পতি উবাচ। 12-84-3x (5562)
সান্ৎবমেকপদং শক্র পুরুষঃ সম্যগাচরন্।
প্রমাণং সর্বভূতানাং যশশ্চৈবাপ্নুয়ান্মহৎ॥ 12-84-3 (68112)
এতদেকপদং শক্র সর্বলোকসুখাবহম্।
আচরন্সর্বভূতেষু প্রিয়ো ভবতি সর্বদা॥ 12-84-4 (68113)
যো হি নাভাষতে কিংচিৎসর্বদা ভুকুটীমুখঃ।
দ্বেষ্যো ভবতি ভূতানাং স সান্ৎবমিহ নাচরন্॥ 12-84-5 (68114)
যস্তু সর্বমভিপ্রেক্ষ্য পূর্বমেবাভিভাষতে।
স্মিতপূর্বাভিভাষী চ তস্য লোকঃ প্রসীদতি॥ 12-84-6 (68115)
দানমেব হি সর্বত্র সান্ৎবেনানভিজল্পিতম্।
ন প্রীণয়তি ভূতানি নির্ব্যঞ্জনমিবাশনম্॥ 12-84-7 (68116)
আদদন্নপি ভূতানাং মধুরামীরয়ন্গিরম্।
সর্বলোকমিমং শক্র সান্ৎবেব কুরুতে বশে॥ 12-84-8 (68117)
তস্মাৎসান্ৎবং প্রয়োক্তব্যং দণ্ডমাধিৎসতাঽপি হি।
প্রীতিং চ জনয়ত্যেবং ন চাস্যোদ্বিজতে জনঃ॥ 12-84-9 (68118)
সুকৃতস্য হি সান্ৎবস্য শ্লক্ষ্ণস্য মধুরস্য চ।
সম্যগাসেব্যমানস্য তুল্যং জাতু ন বিদ্যতে॥ 12-84-10 (68119)
ভীষ্ম উবাচ। 12-84-11x (5563)
ইত্যুক্তঃ কৃতবান্সর্বং যথা শক্রঃ পুরোধসা।
তথা ৎবমপি কৌন্তেয় সম্যগেতৎসমাচর॥ ॥ 12-84-11 (68120)
ইতি শ্রীমন্মহাভারতে শান্তিপর্বণি রাজধর্মপর্বণি চতুরশীতিতমোঽধ্যায়ঃ॥ 84॥
Mahabharata - Shanti Parva - Chapter Footnotes
12-84-1 অত্র মন্ত্রমূলভূতে প্রজাসংগ্রহণে বিষয়ে॥ 12-84-2 একপদং যত্র সর্বে গুণাঃ অন্তর্ভবন্তি তদেব কর্তব্যং বস্তু। প্রমাণং সংমতম্॥ 12-84-3 সান্ৎবং নিষ্কপটং প্রিয়বচনম্॥ 12-84-5 নাভাষতে তূষ্ণীমাস্তে। নাচরন্ অনাচরন্॥শান্তিপর্ব - অধ্যায় 085
॥ শ্রীঃ ॥
12.85. অধ্যায়ঃ 085
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি অমাত্যলক্ষণাদিকথনম্॥ 1॥Mahabharata - Shanti Parva - Chapter Text
12-85-0 (68121)
যুধিষ্ঠির উবাচ। 12-85-0x (5564)
কথংস্বিদিহ রাজেন্দ্র পালয়ন্পার্থিবঃ প্রজাঃ।
প্রৈতি ধর্মং বিশেষেণ কীর্তিমাপ্নোতি শাশ্বতীম্॥ 12-85-1 (68122)
ভীষ্ম উবাচ। 12-85-2x (5565)
ব্যবহারেণ শুদ্ধেন প্রজাপালনতৎপরঃ।
প্রাপ্য ধর্মং চ কীর্তি চ লোকানাপ্নোত্যসৌ শুচিঃ॥ 12-85-2 (68123)
যুধিষ্ঠির উবাচ। 12-85-3x (5566)
কীদৃশব্যবহারং তু কৈশ্চ ব্যবহরেন্নৃপঃ।
এতৎপৃষ্টো মহাপ্রাজ্ঞ যথাবদ্বক্তুমর্হসি॥ 12-85-3 (68124)
যে চৈব পূর্বকথিতা গুণাস্তে পুরুষং প্রতি।
নৈকস্মিন্পুরুষে হ্যেতে বিদ্যন্ত ইতি মে মতিঃ॥ 12-85-4 (68125)
ভীষ্ম উবাচ। 12-85-5x (5567)
এবমেতন্মহাপ্রাজ্ঞ যথা বদসি বুদ্ধিমন্।
দুর্লভঃ পুরুষঃ কশ্চিদেভির্যুক্তো গুণৈঃ শুভৈঃ॥ 12-85-5 (68126)
কিংতু সংক্ষেপতঃ শীলং প্রয়ত্নেনেহ দুর্লভম্।
বক্ষ্যামি তু যথাঽমাত্যান্যাদৃশাংশ্চ করিষ্যসি॥ 12-85-6 (68127)
চতুরো ব্রাহ্মণান্বৈদ্যান্প্রগল্ভান্স্নাতকাঞ্শুচীন্।
ক্ষত্রিয়ান্দশ চাষ্টৌ চ বলিনঃ শস্ত্রপাণিনঃ॥ 12-85-7 (68128)
বৈশ্যান্বিত্তেন সংপন্নানেকবিংশতিসঙ্খ্যযা।
ত্রীংশ্চ শূদ্রান্বিনীতাংশ্চ শুচীন্কর্মণি পূর্বকে॥ 12-85-8 (68129)
অষ্টাভিশ্চ গুণৈর্যুক্তং সূতং পৌরাণিকং তথা।
পঞ্চাশদ্বর্ষবয়সং প্রগল্ভমনসূয়কম্॥ 12-85-9 (68130)
শ্রুতিস্মৃতিসমায়ুক্তং বিনীতং সমদর্শিনম্।
কার্যে বিবদমানানাং শক্তমর্থেষ্বলোলুপম্॥ 12-85-10 (68131)
বর্জিতং চৈব ব্যসনৈঃ সুঘোরৈঃ সপ্তভির্ভৃশম্।
অষ্টানাং মন্ত্রিণাং মধ্যে মন্ত্রং রাজোপধারয়েৎ॥ 12-85-11 (68132)
ততঃ সংপ্রেষয়েদ্রাষ্ট্রে রাষ্ট্রীয়ায় চ দর্শয়েৎ।
অনেন ব্যবহারেণ দ্রষ্টব্যাস্তে প্রজাঃ সদা॥ 12-85-12 (68133)
ন চাপি গূঢং দ্রব্যং তে গ্রাহ্যং কার্যোপঘাতকম্।
কার্যে খলু বিপন্নে ৎবাং যো ধর্মস্তং চ পীডয়েৎ॥ 12-85-13 (68134)
বিদ্রবেচ্চৈব রাষ্ট্রং তে শ্যেনাৎপক্ষিগণা ইব।
পরিস্রবেচ্চ সততং নৌর্বিশীর্ণেব সাগরে॥ 12-85-14 (68135)
প্রজাঃ পালয়তোঽসম্যগধর্মেণেহ ভূপতেঃ।
হার্দং ভয়ং সংভবতি স্বর্গশ্চস্য বিরুধ্যতে॥ 12-85-15 (68136)
অথ যো ধর্মতঃ পাতি রাজাঽমাত্যোঽথবাঽঽত্মজঃ।
ধর্মাসনে সন্নিয়ুক্তো ধর্মমূলে নরর্ষভ॥ 12-85-16 (68137)
`স্বর্গং যাতি মহীপালো নিয়ুক্তৈঃ সচিবৈঃ সহ।'
কার্যেষ্বধিকৃতাঃ সম্যগকুর্বন্তো নৃপানুগাঃ।
আত্মানং পুরতঃ কৃৎবা যান্ত্যধঃ সহ পার্থিবাঃ॥ 12-85-17 (68138)
বলাৎকৃতানাং বলিভিঃ কৃপণং বহুজল্পতাম্।
নাথো বৈ ভূমিপো নিত্যমনাথানাং নৃণাং ভবেৎ॥ 12-85-18 (68139)
ততঃ সাক্ষিবলং সাধু দ্বৈধবাদকৃতং ভবেৎ।
অসাক্ষিকমনাথং বা পরীক্ষ্যং তদ্বিশেষতঃ॥ 12-85-19 (68140)
অপরাধানুরূপং চ দণ্ডং পাপেষু ধারয়েৎ।
বিয়োজয়েদ্ধনৈর্ঋদ্ধানধনানথ বন্ধনৈঃ॥ 12-85-20 (68141)
বিনয়েচ্চাপি দুর্বৃত্তান্প্রহারৈরপি পার্থিবঃ।
সান্ৎবেনোপপ্রদানেন শিষ্টাংশ্চ পরিপালয়েৎ॥ 12-85-21 (68142)
রাজ্ঞো বধং চিকীর্ষেদ্যস্তস্য চিত্রো বধো ভবেৎ।
আদীপকস্য স্তেনস্য বর্ণসংকরিকস্য চ॥ 12-85-22 (68143)
সম্যক্প্রণয়তো দণ্ডং ভূমিপস্য বিশাংপতে।
যুক্তস্য বা নাস্ত্যধর্মো ধর্ম এব হি শাশ্বতঃ॥ 12-85-23 (68144)
কামকারেণ দণ্ডং তু যঃ কুর্যাদবিচক্ষণঃ।
স ইহাকীর্তিসংয়ুক্তো মৃতো নরকমৃচ্ছতি॥ 12-85-24 (68145)
ন পরস্য প্রবাদেন পরেষাং দণ্ডমর্পয়েৎ।
আগমানুগমং কৃৎবা বধ্নীয়ান্মোক্ষয়ীত বা॥ 12-85-25 (68146)
ন তু হন্যান্নৃপো জাতু দূতং কস্যাংচিদাপদি।
দূতস্য হন্তা নিরয়মাবিশেৎসচিবৈঃ সহ॥ 12-85-26 (68147)
যথোক্তবাদিনং দূতং ক্ষত্রধর্মরতো নৃপঃ।
যো হন্যাৎপিতরস্তস্য ভ্রূণহত্যামবাপ্নুয়ুঃ॥ 12-85-27 (68148)
কুলীনঃ শীলসংপন্নো বাগ্মী দক্ষঃ প্রিয়ংবদঃ।
যথোক্তবাদীস্মৃতিমান্দূতঃ স্যাৎসপ্তভির্গুণৈঃ॥ 12-85-28 (68149)
এতৈরেব গুণৈর্যুক্তঃ প্রতীহারোঽস্য রক্ষিতা।
শিরোরক্ষশ্চ ভবতি গুণৈরেতৈঃ সমন্বিতঃ॥ 12-85-29 (68150)
ধর্মশাস্ত্রার্থতত্ৎবজ্ঞঃ সাংধিবিগ্রহিকো ভবেৎ।
মতিমান্ধৃতিমান্হ্রীমান্রহস্যবিনিগূহিতা॥ 12-85-30 (68151)
কুলীনঃ সৎবসংপন্নঃ শুক্লোঽমাত্যঃ প্রশস্যতে।
এতৈরেব গুণৈর্যুক্তস্তথা সেনাপতির্ভবেৎ॥ 12-85-31 (68152)
ব্যূহয়ন্ত্রায়ুধানাং চ তত্ৎবজ্ঞো বিক্রমান্বিতঃ।
বর্ষশীতোষ্ণবাতানাং সহিষ্ণুঃ পররন্ধ্রবিৎ॥ 12-85-32 (68153)
বিশ্বাসয়েৎপরাংশ্চৈব বিশ্বসেচ্চ ন কস্যচিৎ।
পুত্রেষ্বপি হি রাজেন্দ্র বিশ্বাসো ন প্রশস্যতে॥ 12-85-33 (68154)
এতচ্ছাস্ত্রার্থতত্ৎবং তু ময়াঽঽখ্যাতং তবানঘ।
অবিশ্বাসো নরেন্দ্রাণাং গুহ্যং পরমমুচ্যতে॥ ॥ 12-85-34 (68155)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চাশীতিতমোঽধ্যায়ঃ॥ 85॥
Mahabharata - Shanti Parva - Chapter Footnotes
12-85-2 শুদ্ধেন পক্ষপাতহীনেন॥ 12-85-3 ব্যবহরেৎ নির্ণয়ং কুর্যাৎ॥ 12-85-8 পূর্বকে নিত্যে॥ 12-85-9 অষ্টাভির্গুণৈঃ শুশ্রূষা শ্রবণং গ্রহণং ধারণমূহনমপোহনং বিজ্ঞানং তত্ৎবজ্ঞানং চেতি তৈঃ॥ 12-85-11 মৃগয়াক্ষাঃ স্ত্রিয়ঃ পানমিতি চতুর্ভিঃ কাসজৈঃ। দণ্ডপাতনং বাক্যারুষ্যং অর্থদূষণমিতি ত্রিভিঃ ক্রোধজৈরিতি সপ্তভিঃ। অষ্টানাং ব্রাহ্মণচতুষ্টয়ং শূদ্রত্রয়ং সূতশ্চেতি তেষাম্॥ 12-85-12 তে ৎবয়া দ্রষ্টব্যাঃ॥ 12-85-13 গূঢং ন্যাসাপহারাদিকং তে ৎবয়া ন গ্রাহ্যম্॥ 12-85-14 পরিস্রবেৎ মন্দং মন্দমন্যত্র গচ্ছেৎ॥ 12-85-16 ধর্মমূলে রাজ্যে॥ 12-85-10 বিশেষতস্তপ্তপরশুগ্রহণাদিনাং তৎপরীক্ষ্যমিতি॥ 12-85-20 বিয়োজদ্ধবৈর্লুব্ধান্দরিদ্রান্বধবন্ধনৈরিতি ড. থ. পাঠঃ॥ 12-85-22 চিত্রোঽনেকধা। আদীপকস্য গৃহাদিদাহকত্য॥ 12-85-23 যুক্তস্য যথাশাস্ত্রমবহিতস্য॥ 12-85-29 প্রতীল্পি দ্বারপালঃ। শিরোরক্ষঃ শিরাংসীব শিরাংসি দুর্গনগরাদীনি প্রধানস্থানানি তদ্রক্ষণকর্তা॥ 12-85-31 এতৈর্ধর্মেত্যাদিভিরমাত্যগুণৈঃ॥ 12-85-32 ব্যূহঃ সেনায়া নিবেশনপ্রকারবিশেষঃ। যন্ত্রাণি ধনুরাদীনি॥শান্তিপর্ব - অধ্যায় 086
॥ শ্রীঃ ॥
12.86. অধ্যায়ঃ 086
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি পুরলক্ষণাদিকথনম্॥ 1॥Mahabharata - Shanti Parva - Chapter Text
12-86-0 (68156)
যুধিষ্ঠির উবাচ। 12-86-0x (5568)
কথংবিধং পুরং রাজা স্বয়মাবস্তুমর্হতি।
কৃতং বা কারয়িৎবা বা তন্মে ব্রূহি পিতামহ॥ 12-86-1 (68157)
ভীষ্ম উবাচ। 12-86-2x (5569)
বস্তব্যং যত্র কৌন্তেয় সপুত্রজ্ঞাতিবন্ধুনা।
ন্যায়্যং চ পরিপ্রষ্টুং বৃত্তিং গুপ্তিং চ ভারত॥ 12-86-2 (68158)
তস্মাত্তে র্তয়িষ্যামি দুর্গকর্ম বিশেষতঃ।
শ্রুৎবা তথা বিধাতব্যমনুষ্ঠেয়ং চ যত্নতঃ॥ 12-86-3 (68159)
ষঙ্বিধং দুর্গমাস্থায় পুরাণ্যথ নিবেশয়েৎ।
সর্বসংপৎপ্রধানং চ বাহুল্যং চাপি সংভবেৎ॥ 12-86-4 (68160)
ধন্বদুর্গং মহীদুর্গং গিরিদুর্গং তথৈব চ।
মনুষ্যদুর্গং মৃদ্দুর্গং বনদুর্গং চ তানি ষট্॥ 12-86-5 (68161)
যৎপুরং দুর্গসংপন্নং ধান্যায়ুধসমন্বিতম্।
দৃঢপ্রাকারপরিখং হস্ত্যশ্বরথসংকুলম্॥ 12-86-6 (68162)
বিদ্বাংসঃ শিল্পিনো যত্র নিচয়াশ্চ সুসংচিতাঃ।
ধার্মিকশ্চ জনো যত্র দাক্ষ্যমুত্তমমাস্থিতঃ॥ 12-86-7 (68163)
ঊর্জস্বিনরনাগাশ্বং চৎবরাপণশোভিতম্।
প্রসিদ্ধব্যবহারং চ প্রশান্তমকুতোভয়ম্॥ 12-86-8 (68164)
সুপ্রভং সানুনাদং চ সুপ্রশস্তনিবেশনম্।
শূরাঢ্যং প্রাজ্ঞসংপূর্ণং ব্রহ্মঘোষানুনাদিতম্॥ 12-86-9 (68165)
সমাজোৎসবসংপন্নং সদাপূজিতদৈবতম্।
বশ্যামাত্যবলো রাজা তৎপুরং স্বয়মাবিশেৎ॥ 12-86-10 (68166)
তত্র কোশং বলং মিত্রং ব্যবহারং চ বর্ধয়েৎ।
পুরে জনপদে চৈব সর্বদোষান্নিবর্তয়েৎ॥ 12-86-11 (68167)
ভাণ্ডাগারায়ুধাগারং প্রয়ত্নেনাভিবর্ধয়েৎ।
নিচয়ান্বর্ধয়েৎসর্বাংস্তথা যন্ত্রকটংকটান্॥ 12-86-12 (68168)
কাষ্ঠলোহতুষাঙ্গারদারুশৃঙ্গাস্থিবৈণবান্।
মজ্জাস্নেহবসাক্ষৌদ্রমৌষধগ্রামমেব চ॥ 12-86-13 (68169)
শণং সর্জরসং ধান্যমায়ুধানি শরাংস্তথা।
চর্ম স্নায়ুং তথা বেত্রং মুঞ্জবল্বজদংধ্বনান্॥ 12-86-14 (68170)
আশয়াশ্চোদপানাশ্চ প্রভূতসলিলাকরাঃ।
নিরোদ্ধব্যাঃ সদা রাজ্ঞা ক্ষীরিণশ্চ মহীরুহাঃ॥ 12-86-15 (68171)
সৎকৃতাশ্চ প্রয়ত্নেন আচার্যর্ৎবিক্পুরোহিতাঃ।
মহেষ্বাসাঃ স্থপতয়ঃ সাংবৎসরচিকিৎসকাঃ॥ 12-86-16 (68172)
প্রাজ্ঞা মেধাবিনো দান্তা দক্ষাঃ শূরা বহুশ্রুতাঃ।
কুলীনাঃ সৎবসংপন্না যুক্তাঃ সর্বেষু কর্মসু॥ 12-86-17 (68173)
পূজয়েদ্ধার্মিকান্রাজা নিগৃহ্ণীয়াদধার্মেকান্।
নিয়ুঞ্জ্যাচ্চ প্রয়ত্নেন সর্ববর্ণান্স্বকর্মসু॥ 12-86-18 (68174)
বাহ্যমাভ্যন্তরং চৈব পৌরজানপদং তথা।
চারৈঃ সুবিদিতং কৃৎবা ততঃ কর্ম প্রয়োজয়েৎ॥ 12-86-19 (68175)
চরান্মন্ত্রং চ কোশং চ দণ্ডং চৈব বিশেষতঃ।
অনুতিষ্ঠেৎস্বয়ং রাজা সর্বং হ্যত্র প্রতিষ্ঠিতম্॥ 12-86-20 (68176)
উদাসীনারিমিত্রাণাং সর্বমেব চিকীর্ষিতম্।
পুরে জনপদে চৈব জ্ঞাতব্যং চারচক্ষুষা॥ 12-86-21 (68177)
ততস্তেষাং বিধাতব্যং সর্বমেবাপ্রমাদতঃ।
ভক্তান্পূজয়তা নিত্যং দ্বিষতশ্চ নিগৃহ্ণতা॥ 12-86-22 (68178)
যষ্টব্যং ক্রতুভির্নিত্যং দাতব্যং চাপ্যপীডয়া।
প্রজানাং রক্ষণং কার্যং ন কার্যং ধর্মবাধকম্॥ 12-86-23 (68179)
কৃপণানাথবৃদ্ধানাং বিধবানাং চ যোষিতাম্।
যোগক্ষেমং চ বৃত্তিং চ নিত্যমেব প্রকল্পয়েৎ॥ 12-86-24 (68180)
আশ্রমেষু যথাকালং চৈলভাজনভোজনম্।
সদৈবোপহরেদ্রাজা সৎকৃয়াভ্যর্চ্য মান্য চ॥ 12-86-25 (68181)
আত্মানং সর্বকার্যাণি তাপসে রাষ্ট্রমেব চ।
নিবেদয়েৎপ্রয়ত্নেন তিষ্ঠেৎপ্রহ্বশ্চ সর্বদা॥ 12-86-26 (68182)
` তে কস্যাংচিদবস্থায়াং শরণং শরণার্থিনে।
রাজ্ঞে দদ্যুর্যথাকামং তাপসাঃ শংসিতব্রতাঃ॥' 12-86-27 (68183)
সর্বার্থত্যাগিনং রাজা কুলে জাতং বহুশ্রুতম্।
পূজয়েত্তাদৃশং দৃষ্ট্বা শয়নাসনভোজনৈঃ॥ 12-86-28 (68184)
তস্মিন্কুর্বীত বিশ্বাসং রাজা কস্যাংচিদাপদি।
তাপসেষু হি বিশ্বাসমপি কুর্বন্তি দস্যবঃ॥ 12-86-29 (68185)
তস্মিন্নিধীনাদধীত পুনঃ প্রত্যাদদীত চ।
ন চাপ্যভীক্ষ্ণং সেবেত ভৃশং বা প্রতিপূজয়েৎ॥ 12-86-30 (68186)
অন্যঃ কার্যঃ স্বরাষ্ট্রেষু পররাষ্ট্রেষু চাপরঃ।
অটবীষু পরঃ কার্যঃ সামন্তনগরেষ্বপি॥ 12-86-31 (68187)
তেষু সৎকারমানাভ্যাং সংবিভাগাংশ্চ কারয়েৎ।
পররাষ্ট্রাটবীস্থেষু যথা স্ববিষয়ে তথা॥ 12-86-32 (68188)
তে কস্যাংচিদবস্থায়াং শরণং শরণার্থিনে।
রাজ্ঞে দদ্যুর্থথাকামং তাপসাঃ সংশিতব্রতাঃ॥ 12-86-33 (68189)
এষ তে লক্ষণোদ্দেশঃ সংক্ষেপেণ প্রকীর্তিতঃ।
যাদৃশে নগরে রাজা স্বয়মাবস্তুমর্হতি॥ ॥ 12-86-34 (68190)
ইতি শ্রীমন্মহাভারতে শান্তিপর্বণি রাজধর্মপর্বণি ষডশীতিমমোঽধ্যায়ঃ॥ 86॥
Mahabharata - Shanti Parva - Chapter Footnotes
12-86-5 ধন্বা নির্জলদেশস্তদেব পরিতশ্চ দুর্গং ধন্বদুর্গম্। মহীদুর্গং কোটঃ॥ 12-86-9 সানুনাদং মীতবাদিত্রধ্বনিমৎ॥ 12-86-12 নিচয়ান্ ধান্যাদিসংগ্রহান্। তথা যন্ত্রালয়ায়ুধান্। ইতি ঝ. পাঠঃ॥ 12-86-14 দংধ্বনান্ ধ্বনিমতো নিঃসাণাদীন্। বন্ধনানিতি পাঠান্তরে স্পষ্টোঽর্থঃ॥ 12-86-15 আশয়াঃ নিপানানি। উদপানাঃ কূপাঃ। নিরোদ্ধব্যা রক্ষণীয়াঃ॥ 12-86-17 প্রজ্ঞা গ্রন্থার্থগ্রহণসামর্থ্যম্। মেধা ঊহাপোহকৌশলম্॥ 12-86-20 অতুতিষ্ঠেদালোচয়েৎ॥ 12-86-22 বিধাতব্যং প্রতিকর্তব্যম্॥ 12-86-26 তাপসে তপস্বিজনে॥ 12-86-29 বিশ্বাসং নাধিকুর্বন্তি দস্যব ইতি ড.থ. পাঠঃ॥। 12-86-30 নিধীন্ ধনভাণ্ডানি। অভীক্ষ্ণং ন সেবেৎ। দস্যূনাং তৎসূচনে তপস্বিনাশাপত্তেঃ ন প্রতিপূজয়েচ্চ॥ 12-86-31 অন্যস্তাপসঃ কার্যঃ সখিৎবেন সংপাদনীয়ঃ॥ 12-86-32 তেষু তত্তৎস্থানস্থেষু তাপসেষু॥শান্তিপর্ব - অধ্যায় 087
॥ শ্রীঃ ॥
12.87. অধ্যায়ঃ 087
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি রাষ্ট্রগুপ্তিপ্রকারাদিকথনম্॥ 1॥Mahabharata - Shanti Parva - Chapter Text
12-87-0 (68191)
যুধিষ্ঠির উবাচ। 12-87-0x (5570)
রাষ্ট্রগুপ্তিং চ মে রাজন্রাষ্ট্রস্যৈব তু সংগ্রহম্।
সম্যগ্জিজ্ঞাসমানায় প্রব্রূহি ভরতর্ষভ॥ 12-87-1 (68192)
ভীষ্ম উবাচ। 12-87-2x (5571)
রাষ্ট্রগুপ্তিং চ তে সম্যগ্রাষ্ট্রস্যৈব তু সংগ্রহম্।
হন্ত সর্বং প্রবক্ষ্যামি তত্ৎবমেকমনাঃ শৃণু॥ 12-87-2 (68193)
গ্রামস্যাধিপতিঃ কার্যো দশগ্রামপতিস্তথা।
বিংশতিত্রিংশতীশং চ সহস্রস্য চ কারয়েৎ॥ 12-87-3 (68194)
গ্রামেয়ান্গ্রামদোষাংশ্চ গ্রামিকঃ প্রতিভাবেয়েৎ।
তানাচক্ষীত দশিনে দশিকো বিংশিনে পুনঃ॥ 12-87-4 (68195)
বিংশাধিপস্তু তৎসর্বং বৃত্তং জানপদে জনে।
গ্রামাণাং শতপালায় সর্বমেব নিবেদয়েৎ॥ 12-87-5 (68196)
যানি গ্রাম্যাণি ভোজ্যানি গ্রামিকস্তান্যুপাশ্নিয়া।
দশপস্তেন ভর্তব্যস্তেনাপি দ্বিগুণাধিপঃ॥ 12-87-6 (68197)
গ্রামং গ্রামশতাধ্যক্ষো ভোক্তুমর্হতি সৎকুরঃ।
মহান্তং ভরতশ্রেষ্ঠ সুস্ফীতং জনসংকুলম্।
তত্র হ্যনেকপায়ত্তং রাজ্ঞো ভবতি ভারত॥ 12-87-7 (68198)
শাখানগরমর্হস্তু সহস্রপতিরুত্তমঃ।
ধান্যহৈরণ্যভোগেন ভোক্তুং রাষ্ট্রীয়সংগতঃ॥ 12-87-8 (68199)
তেষাং সংগ্রামকৃত্যং স্যাদ্বামকৃত্যং চ তেষু যৎ।
ধর্মজ্ঞঃ সচিবঃ কশ্চিত্তত্তৎপশ্যেদতন্দ্রিতঃ॥ 12-87-9 (68200)
নগরেনগরে বা স্যাদেকঃ সর্বার্থচিন্তকঃ।
উচ্চৈঃ স্থানে ঘোররূপো নক্ষত্রাণামিব গ্রহঃ॥ 12-87-10 (68201)
ভবেৎস তান্পরিক্রামেৎসর্বানেব সভাসদঃ।
তেষাং বৃত্তিং পরিণয়েৎকশ্চিদ্রাষ্ট্রেষু তচ্চরঃ॥ 12-87-11 (68202)
জিঘাংসবঃ পাপকামাঃ পরস্বাদায়িনঃ শঠাঃ।
রক্ষাভ্যধিকৃতা নাম তেভ্যো রক্ষেদিমাঃ প্রজাঃ॥ 12-87-12 (68203)
বিক্রয়ং ক্রয়মধ্বানং ভক্তং চ সপরিব্যযম্।
যোগক্ষেমং চ সংপ্রেক্ষ্য বণিজাং কারয়েৎকরান্॥ 12-87-13 (68204)
উৎপত্তিং দানবৃত্তিং চ শিল্পং সংপ্রেক্ষ্য চাসকৃৎ।
শিল্পং প্রতি করানেবং শিল্পিনঃ প্রতি কারয়েৎ॥ 12-87-14 (68205)
উচ্চাবচকরন্যায়াঃ পূর্বরাজ্ঞাং যুধিষ্ঠির।
যথায়থা ন সীদেরংস্তথা কুর্যান্মহীপতিঃ॥ 12-87-15 (68206)
ফলং কর্ম চ সংপ্রেক্ষ্য ততঃ সর্বং প্রকল্পয়েৎ।
ফলং কর্ম চ নির্হেতু ন কশ্চিৎসংপ্রবর্ততে॥ 12-87-16 (68207)
যথা রাজা চ কর্তা চ স্যাতাং কর্মণি ভাগিনৌ।
সংবেক্ষ্য তু তথা রাজ্ঞা প্রণেয়াঃ সততং করাঃ॥ 12-87-17 (68208)
নোচ্ছিদ্যাহাত্মনো মূলং পরেষাং চাপি তৃষ্ণয়া।
ঈহাদ্বারাণি সংরুধ্য রাজা সংবৃতদর্শনঃ॥ 12-87-18 (68209)
প্রদ্বিষন্তি পরিখ্যাতং রাজানমতিখাদিনম্।
প্রদ্বিষ্টস্য কুতঃ শ্রেয়ো সংবৃতো লভতে শ্রিয়ম্॥ 12-87-19 (68210)
বৎসৌপম্যেন দোগ্ধব্যং রাষ্ট্রমক্ষীণবুদ্ধিনা।
ভৃতো বৎসো জাতবলঃ ষীডাং সহতি ভারত॥ 12-87-20 (68211)
ন কর্ম কুরুতে বৎসো ভৃশং দুগ্ধো যুধিষ্ঠির।
রাষ্ট্রমপ্যাতিদুগ্ধং হি ন কর্ম কুরুতে মহৎ॥ 12-87-21 (68212)
যো রাষ্ট্রমনুগৃহ্ণাতি পরিরক্ষন্স্বয়ং নৃপঃ।
সংজাতমুপজীবন্স লভতে সুমহৎফলম্॥ 12-87-22 (68213)
আপদর্থং চ নিচয়াত্রাজানো হি চিচিন্বতে।
রাষ্ট্রং চ কোশভূতং স্যাৎকোশো বেশ্মগতস্তথা॥ 12-87-23 (68214)
পৌরজানপদান্সর্বান্সংশ্রিতোষাশ্রিতাংস্তথা।
যথাশক্ত্যনুকম্পেত সর্বান্স্বল্পধনানপি॥ 12-87-24 (68215)
বাহ্যং জনং ভেদয়িৎবা ভোক্তব্যো মধ্যমঃ সুখম্।
এবং নাস্য প্রকুপ্যন্তি জনাঃ সুখিতদুঃ খিতাঃ॥ 12-87-25 (68216)
প্রামেব তু ধনাদানমনুভাষ্য ততঃ পুনঃ।
সন্নিপত্য স্ববিষয়ে ভয়ং রাষ্ট্রে প্রদর্শয়েৎ॥ 12-87-26 (68217)
ইয়মাপৎসমুৎপন্না পরচক্রভয়ং মহৎ।
অপি চান্তায় কল্পন্তে বেণোরিব ফলাগমাঃ॥ 12-87-27 (68218)
অরয়ো মে সমুত্থায় বহুভির্দস্যুভিঃ সহ।
ইদমাত্মবধায়ৈব রাষ্ট্রমিচ্ছন্তি বাধিতুম্। 12-87-28 (68219)
অস্যামাপদি ঘোরায়াং সংপ্রাপ্তে দারুণে ভয়ে।
পরিত্রাণায় ভবতঃ প্রার্থয়িষ্যে ধনানি বঃ॥ 12-87-29 (68220)
প্রতিদাস্যে চ ভবতাং সর্বং চাহং ভয়ক্ষয়ে।
নারয়ঃ প্রতিদাস্যন্তি যদ্ধরেয়ুর্বলাদিতঃ॥ 12-87-30 (68221)
কলত্রমাদিতঃ কৃৎবা সর্বং বো বিনশেদিতি।
শরীরপুত্রদারার্থমর্থসংচয় ইষ্যতে॥ 12-87-31 (68222)
নন্দামি বঃ প্রভাবেণ পুত্রাণামিব চোদয়ে।
যখাশক্ত্যুপগৃহ্ণামি রাষ্ট্রস্যাপীডয়া চ বঃ॥ 12-87-32 (68223)
আপৎস্বেব নিবোঢব্যং ভবদ্ভিঃ সংগতৈরিহ।
ন বঃ প্রিয়তরং কার্যং ধনং কস্যাংচিদাপদি॥ 12-87-33 (68224)
ইতি বাচা মধুরয়া শ্লক্ষ্ণয়া সোপচারয়া।
স্বরশ্মীনভ্যবসৃজেদ্যোগমাধায় কালবিৎ॥ 12-87-34 (68225)
প্রচারং ভৃত্যভরণং ব্যযং সংগ্রামতো ভয়ম্।
যোগক্ষেণং চ সংপ্রেক্ষ্য গোমিনঃ কারয়েৎকরম্॥ 12-87-35 (68226)
উপেক্ষিতা হি নশ্যেয়ুর্গোমিনোঽরণ্যবাসিনঃ।
তস্মাত্তেষু বিশেষেণ মৃদুপূর্বং সমাচরেৎ॥ 12-87-36 (68227)
সান্ৎবনং রক্ষণং দানমবস্থা চাপ্যভীক্ষ্ণশঃ।
গোমিনাং পার্থ কর্তব্যঃ সংবিভাগঃ প্রিয়াণি চ॥ 12-87-37 (68228)
অজস্রমুপয়োক্তব্যং ফলং গোমিষু ভারত।
প্রভাবয়ন্তি রাষ্ট্রং চ ব্যবহারং কৃষিং তথা॥ 12-87-38 (68229)
তস্মাদ্গোমিষু যত্নেন প্রীতিং কুর্যাদ্বিচক্ষণঃ।
দয়াবানপ্রমত্তশ্চ করান্সংপ্রণয়ন্মৃদূন্॥ 12-87-39 (68230)
সর্বত্র ক্ষেমচরণং সুলভং নাম গোমিষু।
ন হ্যতঃ সদৃশং কিংচিদ্ধনমস্তি যুধিষ্ঠির॥ ॥ 12-87-40 (68231)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তাশীতিতমোঽধ্যায়ঃ॥ 87॥
Mahabharata - Shanti Parva - Chapter Footnotes
12-87-3 দশগ্রাম্যাস্তথা পরঃ। দ্বিগুণায়াঃ শতস্যৈবমিতি ঝ. পাঠঃ॥ 12-87-13 কারয়েৎ দাপয়েৎ॥ 12-87-16 ফলং ধান্যধনবৃদ্ধ্যাদি। বৃদ্ধ্যনুরূপঃ করঃ কল্প্য ইত্যর্থঃ॥ 12-87-18 আত্মনো মূলং রাষ্ট্রম্। পরেষাং মূলং কৃষ্যাদি। ঈহা লোভঃ॥ 12-87-19 অতিখাদিনং বহুভক্ষম্॥ 12-87-24 সংশ্রিতাঃ সাক্ষাদাশ্রিতাঃ। উপাশ্রিতাঃ ব্যবহিতাঃ॥ 12-87-25 আটবীকো দস্যুসঙ্ঘো বাহ্যজনস্তং যয়মুপতিষ্ঠধ্বমিতি ভেদয়িৎবা মধ্যমো গ্রামীণজনো ভোক্তব্যস্ততো বহুলং ধনমাদদ্যাদিত্যর্থঃ॥ 12-87-26 তত্র প্রকারমাহ প্রাগিতি। চোরনিগ্রহার্থং কটকবন্ধঃ কর্তব্যস্তদর্থং ধনমপেক্ষিতমিতি পূর্বমেব আভাষ্য সূচনাং কৃৎবা ততঃ সন্নিপত্য তেষু তেষু গ্রামেষু গৎবা ভয়ং দর্শয়েৎ॥ 12-87-33 আপৎস্বেব চ বোঢব্যং ভবদ্ভিঃ পুঙ্গবৈরিবেতি ঝ. পাঠঃ॥ 12-87-34 স্বরশ্মীন্স্বস্য রশ্মিভূতান্ অধিকারিণঃ প্রজাসু ধনমুদ্গুহীতুং অভ্যবসৃজেৎপ্রেরয়েৎ। যোগং ধনগ্রহণোপায়ম্॥ 12-87-35 গোমিনঃ বৈশ্যান্। সংপ্রেক্ষ্য সংদর্শয়িৎবা॥শান্তিপর্ব - অধ্যায় 088
॥ শ্রীঃ ॥
12.88. অধ্যায়ঃ 088
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি প্রজাশ্যঃ করগ্রহণাদিপ্রকারকথনম্॥ 1॥Mahabharata - Shanti Parva - Chapter Text
12-88-0 (68232)
যুধিষ্ঠির উবাচ। 12-88-0x (5572)
যদা রাজা সমর্থোঽপি কোশার্থী স্যান্মহামতে।
কথং প্রবর্তেত করস্তন্মে ব্রূহি পিতামহ॥ 12-88-1 (68233)
ভীষ্ম উবাচ। 12-88-2x (5573)
যথাদেশং যথাকালং যথাবুদ্ধি যথাবলম্।
অনুশিষ্যাৎপ্রজা রাজা ধর্মার্থী তদ্ধিতে রতঃ॥ 12-88-2 (68234)
যথা তাসাং চ মন্যেত শ্রেয় আত্মন এব চ।
তথা ধর্মাণি সর্বাণি রাজা রাষ্ট্রেষু বর্তয়েৎ॥ 12-88-3 (68235)
মধুদোহং দুহেদ্রাষ্ট্রং ভ্রমরান্ন প্রপাতয়েৎ।
বৎসাপেক্ষী দুহেচ্চৈব স্তনাংশ্চ ন বিকুট্টয়েৎ॥ 12-88-4 (68236)
জলৌকাবৎপিবেদ্রাষ্ট্রং মৃদুনৈব নরাধিপঃ।
ব্যাঘ্রীব চ হরেৎপুত্রান্সংদশেন্ন চ পীডয়েৎ॥ 12-88-5 (68237)
যথা শল্যকবানাখুঃ পদং ধূনয়তে সদা।
অতীক্ষ্ণেনাভ্যুপায়েন তথা রাষ্ট্রং সমাপিবেৎ॥ 12-88-6 (68238)
অল্পেনাল্পেন দেয়েন বর্ধমানং প্রদাপয়েৎ।
ততো ভূয়স্ততো ভূয়ঃ ক্রমবৃদ্ধিং সমাচরেৎ॥ 12-88-7 (68239)
দময়ন্নিব দম্যানি শশ্বদ্ভারং বিবর্ধয়েৎ।
মৃদুপূর্বং প্রয়ত্নেন পাশানভ্যবহারয়েৎ॥ 12-88-8 (68240)
সকৃৎপাশাবকীর্ণাস্তে ন ভবিষ্যন্তি দুর্দমাঃ।
উচিতেনৈব ভোক্তব্যাস্তে ভবিষ্যন্ত্যযত্নতঃ॥ 12-88-9 (68241)
তস্মাৎসর্বসমারম্ভো দুর্লভঃ পুরুষং প্রতি।
যথা মুখ্যান্সান্ৎবয়িৎবা ভোক্তব্যা ইতরে জনাঃ॥ 12-88-10 (68242)
ততস্তান্ভেদয়িৎবা তু পরস্পরবিবক্ষিতান্।
ভুঞ্জীত সান্ৎবয়ংশ্চৈব যথাসুখময়ত্নতঃ॥ 12-88-11 (68243)
ন চাস্থানে ন চাকালে করাংস্তেভ্যো নিপাতয়েৎ।
আনুপূর্ব্যেণ সান্ৎবেন যথাকালং যথাবিধি॥ 12-88-12 (68244)
উপায়ান্প্রব্রবীম্যেতান্ন মে মায়া বিবক্ষিতা।
অনুপায়েন দময়ন্প্রকোপয়তি বাজিনঃ॥ 12-88-13 (68245)
পানাগারনিবোশাশ্চ বেশ্যাঃ প্রাপণিকাস্তথা।
কুশীলবাঃ সকিতবা যে চান্যে কেচিদীদৃশাঃ॥ 12-88-14 (68246)
নিয়ম্যাঃ সর্ব এবৈতে যে রাষ্ট্রস্যোপঘাতকাঃ।
এতে রাষ্ট্রেঽভিতিষ্ঠন্তো বাধন্তে ভদ্রিকাঃ প্রজাঃ॥ 12-88-15 (68247)
ন কেনচিদ্যাচিতব্যঃ কশ্চিৎকিংচিদনাপদি।
ইতি ব্যবস্থা ভূতানাং পুরস্তান্মনুনা কৃতা॥ 12-88-16 (68248)
সর্বে তথাঽনুজীবেয়ুর্ন কুর্যুঃ কর্ম চেদিহ।
সর্ব এব ইমে লোকা ন ভবেয়ুরসংশয়ম্॥ 12-88-17 (68249)
প্রভুর্নিয়মনে রাজা য এতান্ন নিয়চ্ছতি।
ভুঙ্ক্তে স তস্য পাপস্য চতুর্ভাগমিতি শ্রুতিঃ॥ 12-88-18 (68250)
ভোক্তা তস্য তু পাপস্য সুকৃতস্য যথাতথা।
নিয়ন্তব্যাঃ সদা রাজ্ঞা পাপা যে স্যুর্নরাধিপ॥ 12-88-19 (68251)
কৃতপাপস্ৎবসৌ রাজা য এতান্ন নিয়চ্ছতি।
তথা কৃতস্য ধর্মস্য চতুর্ভাগমুপাশ্নুতে। 12-88-20 (68252)
স্থানান্যেতানি সংয়ম্য প্রসঙ্গো ভূতিনাশনঃ।
কামে প্রসক্তঃ পুরুষঃ কিমকার্যং বিবর্জয়েৎ॥ 12-88-21 (68253)
মদ্যমাংসপরস্বানি তথা দারধনানি চ।
আহরেদ্রাগবশগস্তথা শাস্ত্রং প্রদর্শয়েৎ॥ 12-88-22 (68254)
আপদ্যেব তু যাচন্তে যেষাং নাস্তি পরিগ্রহঃ।
দাতব্যং ধর্মতস্তেভ্যস্ৎবনুক্রোশাদ্ভয়ান্ন তু॥ 12-88-23 (68255)
মা তে রাষ্ট্রে যাচনকা ভবেয়ুর্মা চ দস্যবঃ।
উপাদাতার এবৈতে নৈতে ভূতস্য ভাবকাঃ॥ 12-88-24 (68256)
যে ভূতান্যনুগৃহ্ণন্তি বর্ধয়ন্তি চ যে প্রজাঃ।
তেতে রাষ্ট্রেষু বর্তন্তাং মা ভূতানাং প্রবাধকাঃ॥ 12-88-25 (68257)
দণ্ড্যাস্তে চ মহারাজ ধনাদানপ্রয়োজকাঃ।
প্রয়োগং কারয়েথাস্তে যথা দদ্যুঃ করাংস্তথা॥ 12-88-26 (68258)
কৃষিগোরক্ষ্যবাণিজ্যং যচ্চান্যৎকিংচিদীদৃশম্।
পুরুষৈঃ কারয়েৎকর্ম বহুভিঃ কর্মভেদতঃ॥ 12-88-27 (68259)
নরশ্চেৎকৃষিগোরক্ষ্যং বাণিজ্যং চাপ্যনুষ্ঠিতঃ।
সংশয়ং লভতে কিংচিত্তেন রাজা বিগর্হ্যতে॥ 12-88-28 (68260)
ধনিনঃ পূজয়েন্নিত্যং পানাচ্ছাদনভোজনৈঃ।
বক্তব্যাশ্চানুগৃহ্ণীধ্বং প্রজাঃ সহ ময়েতি বৈ॥ 12-88-29 (68261)
অঙ্গমেতন্মহদ্রাজ্যে ধনিনো নাম ভারত।
ককুদং সর্বভূতানাং ধনস্থো নাত্র সংশয়ঃ॥ 12-88-30 (68262)
প্রাজ্ঞঃ শূরো ধনস্থশ্চ স্বামী ধার্মিক এব চ।
তপস্বী সত্যবাদী চ বুদ্ধিমাংশ্চাপি রক্ষতি॥ 12-88-31 (68263)
তস্মাৎসর্বেষু ভূতেষু প্রীতিমান্ভব পার্থিব।
সত্যমার্জবমক্রোধমানৃশংস্যং চ পালয়॥ 12-88-32 (68264)
এবং দণ্ডং চ কোশং চ মিত্রং ভূমিং চ লপ্স্যসি।
সত্যার্জবপরো রাজন্মিত্রকোশবলান্বিতঃ॥ ॥ 12-88-33 (68265)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টাশীতিতমোঽধ্যায়ঃ॥ 88॥
Mahabharata - Shanti Parva - Chapter Footnotes
12-88-4 ভ্রমরা ইব পাদপমিতি ঝ. পাঠঃ॥ 12-88-6 শল্যকবাংস্তীক্ষ্ণতুণ্ড আখুবিশেষঃ। সহি নিদ্রিতস্য মনুষ্যস্য পাদতলস্থং মাংসমতীক্ষ্ণেনৈবোপায়েন ভক্ষয়তি। যথা বিলেখকঃ কর্ণমাখুঃ পাদৎবচং যথেতি ড. থ. পাঠঃ॥ 12-88-8 দম্যানি বৎসতরকুলানি যথা ক্রমেণ দময়েতদ্বৎপ্রজা অপীত্যাহ দময়ন্নিবেতি। অভ্যব হারয়েদ্বাহয়েৎ॥ 12-88-9 সকৃৎসদ্যঃ পাশাবকীর্ণাঃ সন্তো নভবিষ্যন্তি মরিষ্যন্তি। যতো দুর্দমা অথ উচিতেন ক্রমেণ তে ভোক্তব্যা দম্যাঃ প্রজাশ্চ। অসৎপাশাবকীর্ণাস্তে ভবিষ্যন্তীহ দুর্মদাঃ। ইতি ড.থ. পাঠঃ॥ 12-88-10 পুরুষং প্রতীত্যস্য প্রতিপুরুষমিত্যর্থঃ॥ 12-88-11 ততো মুখ্যদ্বারা তানিতরান্ বিবক্ষিতান্বোদুমিষ্টান্। ততস্তান্ভোজয়িৎবাত পরস্পরবিবর্জিতান্। ইতি থ.দ. পাঠঃ॥ 12-88-14 মদ্যশালাঃ সংদেশহরাঃ কুট্টন্যঃ। কুৎসিতেন শীলেন বান্তি গচ্ছন্তি ধর্মং হিংসন্তি বা কুশীল বা বিটাঃ। কিতমা দ্যূতকারাশ্চ নি গ্রাহ্যা ইত্যাহ পানেতি॥ 12-88-15 ভদ্রিকাঃ কল্যাণঃ॥ 12-88-16 যাচিতব্যঃ দত্তমৃণং করং বেতি শেষঃ॥ 12-88-17 অনুজাবেয়ুরনুসরেয়ুঃ। অন্যথা দোষমাহ নেতি॥ 12-88-20 তথা তথাভূতঃ নিয়চ্ছন্নিত্যর্থঃ॥ 12-88-21 স্থানানি মদ্যাদীনাম্॥ 12-88-22 শাস্ত্রমাজ্ঞাং প্রদর্শয়েৎপ্রবর্তয়েৎ॥ 12-88-28 সংশয়ং চোরেভ্যো রাজকীয়েভ্যো বা ভয়াৎ॥শান্তিপর্ব - অধ্যায় 089
॥ শ্রীঃ ॥
12.89. অধ্যায়ঃ 089
Mahabharata - Shanti Parva - Chapter Topics
যুধিষ্ঠিরংপ্রতি রাজনীতিকথনম্॥ 1॥Mahabharata - Shanti Parva - Chapter Text
12-89-0 (68266)
ভীষ্ম উবাচ। 12-89-0x (5574)
বনস্পতীভক্ষ্যফলান্ন চ্ছিন্দ্যুর্বিষয়ে তব।
ব্রাহ্মণানাং মূলফলং ধর্মমাহুর্মনীষিণঃ॥ 12-89-1 (68267)
ব্রাহ্মণেভ্যোঽতিরিক্তং চ ভুঞ্জীরন্নিতরে জনাঃ।
ন ব্রাহ্মণোপরোধেন হরেদন্যঃ কথংচন॥ 12-89-2 (68268)
বিপ্রশ্চেত্ত্যাগমাতিষ্ঠেদাখ্যায়া বৃত্তিকর্শিতঃ।
পরিকল্যাস্য বৃত্তিঃ স্যাৎসদারস্য নরাধিপ॥ 12-89-3 (68269)
স চেন্নোপনিবর্তেত বাচ্যো ব্রাহ্মণসংসদি।
কস্মিন্নিদানীং মর্যাদাময়ং লোকঃ করিষ্যতি॥ 12-89-4 (68270)
অসংশয়ং নিবর্তেত ন চেত্ত্যক্ষ্যত্যতঃ পরম্।
পূর্বং পরোক্ষং বক্তব্যমেতৎকৌন্তেয় শাশ্বতম্॥ 12-89-5 (68271)
আহুরেতজ্জনা ব্রহ্মন্ন চৈতচ্ছ্রদ্দধাম্যহম্।
নিমন্ত্র্যশ্চ ভবেদ্ভোগৈরবৃত্ত্যা চ তদা চরেৎ॥ 12-89-6 (68272)
কৃষিগোরক্ষ্যবাণিজ্যং লোকানামিহ জীবনম্।
ঊর্ধ্বং চৈব ত্রয়ী বিদ্যা সা ভূতান্ভাবয়ত্যুত॥ 12-89-7 (68273)
তস্যাং প্রপতমানায়াং যে স্যুস্তৎপরিপন্থিনঃ।
দস্যবস্তদ্বধায়েহ ব্রহ্মা ক্ষত্রমথাসৃজৎ॥ 12-89-8 (68274)
শত্রূঞ্জয় প্রজা রক্ষ যজস্ব ক্রতুভির্নৃপ।
যুধ্যস্ব সমরে বীরো ভূৎবা কৌরবনন্দন॥ 12-89-9 (68275)
সংরক্ষ্যান্রক্ষতে রাজা স রাজা রাজসত্তমঃ।
যে কেচিত্তান্ন রক্ষন্তি তৈরর্থো নাস্তি কশ্চন॥ 12-89-10 (68276)
সদৈব রাজ্ঞা যোদ্ধব্যং সর্বলোকাদ্যুধিষ্ঠির।
তস্যাদ্ধেতোর্হি ভুঞ্জীত মনুষ্যানেব মানবঃ॥ 12-89-11 (68277)
আন্তরেভ্যঃ পরান্রক্ষন্পরেভ্যঃ পুনরান্তরান্।
পরান্পরেভ্যঃ স্বান্খেভ্যঃ সর্বান্পালয় নিত্যদা॥ 12-89-12 (68278)
আত্মানং সর্বতো রক্ষন্রাজন্রক্ষস্ব মেদিনীম্।
আত্মমূলমিদং সর্বমাহুর্বৈ বিদুষো জনাঃ॥ 12-89-13 (68279)
কিং ছিদ্রং কোনু সঙ্গো মে কিংবাঽস্ত্যবিনিপাতিতম্।
কুতো মামাশ্রয়েদ্দোষ ইতি নিত্যং বিচিন্তয়েৎ॥ 12-89-14 (68280)
অতীতদিবসে বৃত্তং প্রশংসন্তি ন বা পুনঃ।
গুপ্তৈশ্চারৈরনুমতৈঃ পৃথিবীমনুসারয়েৎ॥ 12-89-15 (68281)
জানীত যদি মে বৃত্তং প্রশংসন্তি ন বা পুনঃ।
কচ্চিদ্রোচেজ্জনপদে কচ্চিদ্রাষ্ট্রে চ মে বশঃ॥ 12-89-16 (68282)
ধর্মজ্ঞানাং ধৃতিমতাং সংগ্রামেষ্বপলায়িনাম্।
রাষ্ট্রে তু যেঽনুজীবন্তি যে তু রাজ্ঞোঽনুজীবিনঃ॥ 12-89-17 (68283)
অমাত্যানাং চ সর্বেষাং মধ্যস্থানাং চ সর্বশঃ।
যে চ ৎবাঽভিপ্রশংসেয়ুর্নিন্দেয়ুরথবা পুনঃ॥ 12-89-18 (68284)
সর্বান্সুপরিণীতাংস্তান্কারয়েথা যুধিষ্ঠির।
একান্তেন হি সর্বেষাং ন শক্যং তাত রোচিতুম্।
মিত্রামিত্রমথো মধ্যং সর্বভূতেষু ভারত॥ 12-89-19 (68285)
যুধিষ্ঠির উবাচ। 12-89-20x (5575)
তুল্যবাহুবলানাং চ তুল্যানাং চ গুণৈরপি।
কথং স্যাদধিকঃ কশ্চিৎস চ ভুঞ্জীত মানবান্॥ 12-89-20 (68286)
ভীষ্ম উবাচ। 12-89-21x (5576)
যচ্চরা হ্যচরানদ্যুরদংষ্ট্রান্দংষ্ট্রিণস্তথা।
আশীবিষা ইব ক্রুদ্ধা ভুজঙ্গান্ভুজগা ইব॥ 12-89-21 (68287)
এতেভ্যশ্চাপ্রমত্তঃ স্যাৎসদা শত্রোর্যুধিষ্ঠির।
ভারুণ্ডসদৃশা হ্যেতে নিপতন্তি প্রমাদতঃ॥ 12-89-22 (68288)
কচ্চিত্তে বণিজো রাষ্ট্রে নোদ্বিজন্তি করার্দিতাঃ।
ক্রীণন্তো বহুনাঽল্পেন কান্তারকৃতবিশ্রমাঃ॥ 12-89-23 (68289)
কচ্চিৎকৃষিকরা রাষ্ট্রং ন জহত্যতিপীডিতাঃ।
যে বহন্তি ধুরং রাজ্ঞাং তে ভরন্তীতরানপি॥ 12-89-24 (68290)
`আলস্যেন হৃতঃ পাদঃ পাদঃ পাষণ়্ডমাশ্রিতঃ।
রাজানং সেবতে পাদঃ পাদঃ কৃষিমুপাশ্রিতঃ॥ 12-89-25 (68291)
একপাদং ত্রয়ঃ পাদা ভক্ষয়ন্তি দিনেদিনে।
তস্মাৎসর্বপ্রয়ত্নেন পাদং রক্ষ যুধিষ্ঠির॥ ' 12-89-26 (68292)
ইতো দত্তেন জীবন্তি দেবাঃ পিতৃগণাস্তথা।
মানুষোরগরক্ষাংসি বয়াংসি পশবস্তথা॥ 12-89-27 (68293)
এষা তে রাষ্ট্রবৃত্তিশ্চ রাজ্ঞাং গুপ্তিশ্চ ভারত।
প্রোক্তোদ্দিশ্যৈতমেবার্থং ভূয়ো বক্ষ্যামি পা--ব॥ ॥ 12-89-28 (68294)
ইতি শ্রীমন্মহাভারতে শান্তিপর্বণি রাজধর্মপর্বণি একোননবতিতমোঽধ্যায়ঃ॥ 89॥
Mahabharata - Shanti Parva - Chapter Footnotes
12-89-1 মূলফলং ব্রাহ্মণানাং স্বমিতি ধর্মমাহুরতো ন চ্ছিন্দ্যুঃ॥ 12-89-3 ত্যাগং রাষ্ট্রস্য॥ 12-89-6 ভোগার্থী চেদ্রাষ্ট্রং ত্যজতি তদা ভোগৈরপি নিমন্ত্র্যঃ। অবৃত্ত্যা চেতদাবৃত্ত্যাপি নিমন্ত্র্য ইত্যাহ আহুরিতি॥ 12-89-7 ঊর্ধ্বং স্বর্গম্॥ 12-89-11 লোকাৎ লোকহিতার্থং যোদ্ধব্যম্। ভয়ুধ্যাংখারানিতি চার্থঃ॥ 12-89-13 বিদুষো বিদ্বাংসঃ॥ 12-89-14 রাজ্ঞো ব্যসগীত্যেতি শেষঃ॥ 12-89-19 সুপরিণীতান্ সৎকৃতান্ 12-89-21 অলবানেপ দুর্বলং ভুজ্জীত তুল্যাত্তু আত্মানং রক্ষেচ্ছলেন চ তং ভুজ্জীতেত্যুত্তরমাহ যদি আদিনা॥ 12-89-22 ভারুণ্ডঃ গৃধ্রঃ॥শান্তিপর্ব - অধ্যায় 090
॥ শ্রীঃ ॥
12.90. অধ্যায়ঃ 090
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি উচথ্যমান্ধাতৃসংবাদানুবাদঃ॥ 1॥Mahabharata - Shanti Parva - Chapter Text
12-90-0 (68295)
ভীষ্ম উবাচ। 12-90-0x (5577)
আনঙ্গিরাঃ ক্ষত্রধর্মানুচধ্যো ব্রহ্মবিত্তমঃ।
মান্ধাত্রে যৌবনাশ্চায় প্রীতিমানভ্যভাষত॥ 12-90-1 (68296)
স যথাঽনুশশাসৈজমুচধ্যো ব্রহ্মবিত্তমঃ।
তত্তেঽহং সংপ্রবক্ষ্যামি নিখিলেন যুধিষ্ঠির॥ 12-90-2 (68297)
উচথ্য উবাচ। 12-90-3x (5578)
ধর্মাম রাজা ভবতি ন কামকরণায় তু।
মান্যাতরভিজানীহি রাজা লোকস্য রক্ষিতা॥ 12-90-3 (68298)
রাজা চরতি চেদ্ধর্মং দেবৎবায়ৈব কল্পতে।
স চেদধর্মং চরতি নরকায়ৈব গচ্ছতি॥ 12-90-4 (68299)
ধর্মে তিষ্ঠন্তি ভূতানি ধর্মো রাজনি তিষ্ঠাতি।
তং রাজা সাধু যঃ শাস্তি স রাজা শ্রিয়মশ্নুতে॥ 12-90-5 (68300)
রাজাপরাধান্মান্ধাতর্লক্ষ্মীবান্পাপ উচ্যতে।
দেবাশ্চ গর্হাং গচ্ছন্তি ধর্মো নাস্তীতি চোচ্যতে॥ 12-90-6 (68301)
অধর্মে বর্তমানানামর্থসিদ্ধিঃ প্রদৃশ্যতে।
তদেব মঙ্গলং লোকঃ সর্বঃ সমনুবর্ততে॥ 12-90-7 (68302)
উচ্ছিদ্যতে ধর্মবৃত্তমধর্মো বর্ততে মহান্।
ভয়মাহুর্দিবারাত্রং যদা পাপা ন বার্যতে॥ 12-90-8 (68303)
ইদং মম ইদং নেতি সাধূনাং তাত ধর্মতঃ।
ন বৈ ব্যবস্থা ভবতি যদা পাপো ন বার্যতে॥ 12-90-9 (68304)
নৈব ভার্যা ন পশবো ন ক্ষেত্রং ন নিবেশনম্।
সংদৃশ্যেত মনুষ্যাণাং যদা পাপবলং ভবেৎ॥ 12-90-10 (68305)
দেবাঃ পূজাং ন জানন্তি ন স্বধাং পিতরস্তদা।
ন পূজ্যন্তে হ্যতিথয়ো যদা পাপো ন বার্যতে॥ 12-90-11 (68306)
ন বেদানধিগচ্ছন্তি ব্রতবন্তো দ্বিজাতয়ঃ।
ন যজ্ঞাংস্তন্বতে বিপ্রা যদা পাপো ন বার্যতে॥ 12-90-12 (68307)
বধ্যানামিব সৎবানাং মনো ভবতি বিহ্বলম্।
মনুষ্যাণাং মহারাজ যদা পাপো ন বার্যতে॥ 12-90-13 (68308)
উভৌ লোকাবভিপ্রেক্ষ্য রাজানমসৃজংস্তথা।
মুনয়োঽথ মহদ্ভূতময়ং ধর্মো ভবিষ্যতি॥ 12-90-14 (68309)
যস্মিন্ধর্মো বিরাজেত তং রাজানং প্রচক্ষতে।
যস্মিন্বিলীয়তে ধর্মস্তং দেবা বৃষলং বিদুঃ॥ 12-90-15 (68310)
বৃষো হি ভগবান্ধর্মো যস্তস্য কুরুতে লয়ম্।
বৃষলং তং বীবদুর্দেবাস্তস্মাদ্ধর্মং ন লোপয়েৎ॥ 12-90-16 (68311)
ধর্মে বর্ধতি বর্ধন্তি সর্বভূতানি সর্বদা।
তস্মিন্হ্রসতি হীয়ন্তে তস্মাদ্ধর্মং বিবর্ধয়েৎ॥ 12-90-17 (68312)
ধনানি স্পৌতি ধর্মো হি ধারণাদ্বেতি নিশ্চয়ঃ।
মানবান মনুষ্যেন্দ্র স সীমান্তকরঃ স্মৃতঃ॥ 12-90-18 (68313)
প্রভবার্থংমহি ভূতানাং ধর্মঃ সৃষ্টঃ স্বয়ংভুবা।
তস্মাৎপ্রবর্ধয়েদ্ধর্মং প্রজানুগ্রহকারণাৎ॥ 12-90-19 (68314)
তস্মাদ্ধি রাজশার্দূল ধর্মঃ শ্রেষ্ঠতরঃ স্মৃতঃ।
স রাজায়ঃ প্রজাঃ শাস্তি সাধুকৃৎপুরুষর্ষভ॥ 12-90-20 (68315)
কামক্রোধাবনাদৃত্য ধর্মমেবানুপালয়েৎ।
ধর্মঃ শ্রেয়স্করতমো রাজ্ঞাং ভরতসত্তম॥ 12-90-21 (68316)
ধর্মস্য ব্রাহ্মণে যোনিস্তস্মাত্তান্পূজয়েৎসদা।
ব্রাহ্মণানাং চ মান্ধাতঃ কুর্যাৎকামানমৎসরী॥ 12-90-22 (68317)
তেষাং হ্যকামকরণাদ্রাজ্ঞঃ সংজায়তে ভয়ম্।
মিত্রাণি ন চ বর্ধন্তে তথাঽমিত্রীভবন্ত্যপি॥ 12-90-23 (68318)
ব্রাহ্মণানাং সদাসূয়ন্বাল্যাদ্বৈরোচনির্বলিঃ।
অথাস্মাচ্ছ্রীরপাক্রামদ্যাঽস্মিন্নাসীৎপ্রতাপিনী॥ 12-90-24 (68319)
ততস্তস্মাদপাক্রম্য সাঽগচ্ছৎপাকশাসনম্।
অথ সোঽন্বতপৎপশ্চাচ্ছ্রিয়ং দৃষ্ট্বা পুরংদরে॥ 12-90-25 (68320)
এতৎফলমসূয়ায়া অভিমানস্য চাভিভো।
তস্মাদ্বুধ্যস্ব মান্ধাতর্মা ৎবাং জহ্যাৎপ্রতাপিনী॥ 12-90-26 (68321)
দর্পোনাম শ্রিয়ঃ পুত্রো জজ্ঞেঽধর্মাদিতি শ্রুতিঃ।
তেন দেবাসুরা রাজন্নীতাঃ সুবহবোঽব্যযম্॥ 12-90-27 (68322)
রাজর্ষয়শ্চ বহবস্তথা বুধ্যস্ব পার্থিব।
রাজা ভবতি তং জিৎবা দাসস্তেন পরাজিতঃ॥ 12-90-28 (68323)
স যথা দর্পসহিতমধর্মং নানুসেবতে।
তথা বর্তস্ব মান্ধাতশ্চিরং চেৎস্থাতুমিচ্ছসি॥ 12-90-29 (68324)
মত্তাৎপ্রমত্তাৎপৌগণ্ডাদুন্মত্তাচ্চ বিশেষতঃ।
নিন্দিতাচ্চাসদাচারাদ্দুর্হৃদাং চাপি সেবনাৎ॥ 12-90-30 (68325)
নিগৃহীতাদমাত্যাচ্চ স্ত্রীভ্যশ্চৈব বিশেষতঃ।
পর্বতাদ্বিষমাদ্দুর্গাদ্ধস্তিনোঽশ্বাৎসরীসৃপাৎ॥ 12-90-31 (68326)
এতেভ্যোঽনিত্যযুক্তঃ স্যান্নক্তং চর্যাং চ বর্জয়েৎ।
অত্যাশাং চাভিমানং চ দম্ভং ক্রোধং চ বর্জয়েৎ॥ 12-90-32 (68327)
অবিজ্ঞাতাসু চ স্ত্রীষু ক্লীবাসু স্বৈরিণীষু চ।
পরভার্যাসু কন্যাসু নাচরেন্মৈথুনং নৃপ॥ 12-90-33 (68328)
কুলেষু পাপরক্ষাংসি জায়ন্তে বর্ণসংকরাৎ।
অপুমাংসোঽঙ্গহীনাশ্চ স্থূলজিহ্বা বিচেতসঃ॥ 12-90-34 (68329)
এতে চান্যে চ জায়ন্তে যদা রাজা প্রমাদ্যতি।
তস্মাদ্রাজ্ঞা বিশেষেণং বর্তিতব্যং প্রজাহিতে॥ 12-90-35 (68330)
ক্ষত্রিয়স্য প্রমত্তস্য দোষঃ সংজায়তে মহান্।
অধর্মাঃ সংপ্রবর্ধন্তে প্রজাসংকরকারকাঃ॥ 12-90-36 (68331)
অশীতে বিদ্যতে শীতং শীতে শীতং ন বিদ্যতে।
অবৃষ্টিরতিবৃষ্টিশ্চ ব্যাধিশ্চাপ্যাবিশেৎপ্রজাঃ॥ 12-90-37 (68332)
নক্ষত্রাণ্যুপতিষ্ঠন্তি গ্রহা ঘোরাস্তথাগতে।
উৎপাতাশ্চাত্র দৃশ্যন্তে বহবো রাজনাশনাঃ॥ 12-90-38 (68333)
অরক্ষিতাত্মা যো রাজা প্রজাশ্চাপি ন রক্ষতি।
প্রজাশ্চ তস্য ক্ষীয়ন্তে ততঃ সোঽনু বিনশ্যতি॥ 12-90-39 (68334)
দ্বাবাদদাতে হ্যেকস্য দ্বয়োঃ সুবহবোঽপরে।
কুমার্যঃ সংপ্রলুপ্যন্তে তদাহুর্নৃপদূষণম্॥ 12-90-40 (68335)
মমৈতদিতি নৈতচ্চ মনুষ্যেষ্ববতিষ্ঠতি।
ত্যক্ৎবা ধর্মং যদা রাজা প্রমাদমনুতিষ্ঠিত॥ ॥ 12-90-41 (68336)
ইতি শ্রীমন্মহাভারতে শান্তিপর্বণি রাজধর্মপর্বণি নবতিতমোঽধ্যায়ঃ॥ 90॥
Mahabharata - Shanti Parva - Chapter Footnotes
12-90-1 অঙ্গিরাঃ আঙ্গিরসাঃ॥ 12-90-12 ন ভার্যামধিগচ্ছন্তীতি ঝ. পাঠঃ॥ 12-90-15 ধর্মো ধর্মপালঃ॥ 12-90-16 কুরুতে হ্যলমিতি ঝ. পাঠঃ। তত্র অলং বারণমিত্যর্থঃ। তেন বৃষং লুনাতি চ্ছিনত্তীতি বৃষল ইতি যোগো দর্শিতঃ॥ 12-90-18 ধর্মপদস্য দ্বেধা ব্যুৎপত্তিমাহ ধনানীতি। ধারণাদ্বা ধর্মঃ। সীমান্তকরঃ যাবৎপাপং তাবদ্যাতনাকর ইত্যর্থঃ॥ 12-90-28 তং দর্পম্॥ 12-90-30 পৌগণ্ডাদ্বালকাদজ্ঞাদিত্যর্থঃ। কদম্যাশাদুদাবর্তাদ্দুর্হৃদাং চাপীতি ট. পাঠঃ॥ 12-90-32 অনিত্যযুক্তঃ স্যাৎ নিত্যময়ুক্তঃ স্যাদিত্যর্থঃ। একচর্যাং চ বর্জয়েদিতি দ. পাঠঃ॥ 12-90-34 অপুমাংসঃ ক্লীবাঃ। স্থূলজিহ্বা মূকাঃ॥ 12-90-38 নক্ষত্রাণি ধূমকেৎবাদয়ঃ॥ 12-90-40 একস্য ধনং দ্বাবাদদাতে আচ্ছিদ্য গৃহ্ণীতঃ॥শান্তিপর্ব - অধ্যায় 091
॥ শ্রীঃ ॥
12.91. অধ্যায়ঃ 091
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি উচথ্যমান্ধাতৃসংবাদানুবাদঃ॥ 1॥Mahabharata - Shanti Parva - Chapter Text
12-91-0 (68337)
উচথ্য উবাচ। 12-91-0x (5579)
কালবর্ষী চ পর্জন্যো ধর্মচারী চ পার্থিবঃ।
সংপদ্যদেষা ভবতি সা বিভর্তি সুখং প্রজাঃ॥ 12-91-1 (68338)
যো ন জানাতি নির্হর্তুং বস্ত্রাণাং রজকো মলম্।
রত্নানি বা শোধয়িতুং যথা নাস্তি তথৈব সঃ॥ 12-91-2 (68339)
এবমেতদ্দ্বিজেন্দ্রাণাং ক্ষত্রিয়াণাং বিশাং তথা।
শূদ্রশ্চতুর্থো বর্ণানাং নানাকর্মস্ববস্থিতঃ॥ 12-91-3 (68340)
কর্ম শূদ্রে কৃষির্বৈশ্যে দণ্ডনীতিশ্চ রাজনি।
ব্রহ্মচর্যং তপো মন্ত্রাঃ সত্যং চাপি দ্বিজাতিষু॥ 12-91-4 (68341)
তেষাং যঃ ক্ষত্রিয়ো বেদ পাত্রাণামিব শোধনম্।
শীলদোষান্বিনির্হর্তুং স পিতা স প্রজাপতিঃ॥ 12-91-5 (68342)
কৃতং ত্রেতা দ্বাপরশ্চ কলিশ্চ ভরতর্ষভ।
রাজবৃত্তানি সর্বাণি রাজৈব যুগমুচ্যতে॥ 12-91-6 (68343)
চাতুর্বর্ণ্যং তথা বেদাশ্চাতুরাশ্রম্যমেব চ।
সর্বমেতৎপ্রমুহ্যেত যদা রাজা প্রমাদ্যতি॥ 12-91-7 (68344)
অগ্নিত্রেতা ত্রয়ী বিদ্যা যজ্ঞাশ্চ সহদক্ষিণাঃ।
সর্ব এব প্রমুহ্যন্তে যদা রাজা প্রমাদ্যতি॥ 12-91-8 (68345)
রাজৈব কর্তা ভূতানাং রাজৈব চ বিনাশকঃ।
ধর্মাত্মা যঃ স কর্তা স্যাদধর্মাত্মা বিনাশকঃ॥ 12-91-9 (68346)
রাজ্ঞো ভার্যাশ্চ পুত্রাশ্চ বান্ধবাঃ সুহৃদস্তথা।
সমেত্য সর্বে শোচন্তি যদা রাজা প্রমাদ্যতি॥ 12-91-10 (68347)
হস্তিনোঽশ্বাশ্চ গাবশ্চাপ্যুষ্ট্রাশ্বতরগর্দভাঃ।
অধর্মবৃত্তে নৃপতৌ সর্বে সীদন্তি জন্তবঃ॥ 12-91-11 (68348)
[দুর্বলার্থং বলং সৃষ্টং ধাত্রা মান্ধাতরুচ্যতে।
অবলং তু মহদ্ভূতং যস্মিন্সর্বং প্রতিষ্ঠিতম্॥ 12-91-12 (68349)
যশ্চ ভূতং সংভজতে যে চ ভূতাস্তদন্বয়াঃ।
অধর্মস্থে হি নৃপতৌ সর্বে শোচন্তি পার্থিব॥] 12-91-13 (68350)
দুর্বলস্য চ যচ্চক্ষুর্মুনেরাশীবিষস্য চ।
অবিষহ্যতমং মন্যে মা স্ম দুর্বলমাসদঃ॥ 12-91-14 (68351)
দুর্বলাংস্তাত মন্যেথা নিত্যমেবাবিমানি তান্।
মা ৎবাং দুর্বলচক্ষূংষি প্রদহেয়ুঃ সবান্ধবম্॥ 12-91-15 (68352)
ন হি দুর্বলদগ্ধস্য কুলে কিংচিৎপ্ররোহতি।
আমূলং নির্দহন্ত্যেব মা স্ম দুর্বলমাসদ॥ 12-91-16 (68353)
অবলং বৈ বলাচ্ছ্রেয়ো যচ্চাতিবলবদ্বলম্।
বলস্যাবলদগ্ধস্য ন কিংচিতবশিষ্যতে॥ 12-91-17 (68354)
বিমানিতো হতঃ ক্লিষ্টস্ত্রাতারং চেন্ন বিন্দন্তে।
অমানুষকৃতস্তত্র দণ্ডো হন্তি নরাধিপম্॥ 12-91-18 (68355)
মা স্ম তাত বলস্থস্ৎবং ভুঞ্জীথা দুর্বলং জনম্।
মা ৎবাং দুর্বলচক্ষূংষি দহন্ৎবগ্নিরিবাশয়ম্॥ 12-91-19 (68356)
যানি মিথ্যাভিশস্তানাং পতন্ত্যশ্রূণি রোদতাম্।
তানি পুত্রান্পশূন্ঘ্নন্তি তেষাং মিথ্যাভিশংসিনাং॥ 12-91-20 (68357)
যদি নাত্মনি পুত্রেষু ন চেৎপৌত্রেষু নপ্নৃষু।
ন হি পাপং কৃতং কর্ম সদ্যঃ ফলতি গৌরিব॥ 12-91-21 (68358)
যত্রাবলো বধ্যমানস্ত্রাতারং নাধিগচ্ছতি।
মহান্দৈবকৃতস্তত্র দণ্ডঃ পততি দারুণঃ॥ 12-91-22 (68359)
যুক্তা যদা জানপদা ভিক্ষন্তে ব্রাহ্মণা ইব।
অভীক্ষ্ণং ভিক্ষুরূপেণ রাজানং ঘ্নন্তি তাদৃশাঃ॥ 12-91-23 (68360)
রাজ্ঞো যদা জনপদে বহবো রাজপূরুষাঃ।
অনয়েনোপবর্তন্তে তদ্রাজ্ঞঃ কিল্বিষং মহৎ॥ 12-91-24 (68361)
যদা যুক্ত্যা নয়েদর্থান্কামাদর্থবশেন বা।
কৃপণং যাচমানানাং তদ্রাজ্ঞো বৈশসং মহৎ॥ 12-91-25 (68362)
মহান্বৃক্ষো জায়তে বর্ধতে চ
তং চৈব ভূতানি সমাশ্রয়ন্তি।
যদা বৃক্ষশ্ছিদ্যতে দহ্যতে চ
তদাশ্রয়া অনিকেতা ভবন্তি॥ 12-91-26 (68363)
যদা রাষ্ট্রে ধর্মমগ্র্যং চরন্তি
সংস্কারং কা রাজগুণং ব্রুবাণাঃ।
তৈশ্চাধর্মশ্চরিতো ধর্মমোহা
ত্তূপ জহ্যাৎসুকৃতং দুষ্কৃতং চ॥ 12-91-27 (68364)
যত্র পাপা জ্ঞায়মানাশ্চরন্তি
সভাং কলির্বিন্দতে তত্র রাজ্ঞঃ।
যত্র রাজা শাস্তি নরান্ন শক্ত্যা
ন তদ্রাজ্যং বর্ধতে ভূমিপস্য॥ 12-91-28 (68365)
যশ্চামাত্যান্মানয়িৎবা যথা হি
মন্ত্রে চ যুদ্ধে চ নৃপোঽনুয়ুঞ্জ্যাৎ।
বিবর্ধতে তস্য রাষ্ট্রং নৃপস্য
ভুঙ্ক্তে মহীং চাপ্যখিলাং চিরায়॥ 12-91-29 (68366)
অত্রাপি সুকৃতং কর্ম বাচং চৈব সুভাষিতাম্।
সমীক্ষ্য পূজয়ন্রাজা ধর্মং প্রাপ্নোত্যনুত্তমম্॥ 12-91-30 (68367)
সংবিভজ্য যদা ভুঙ্ক্তে নচান্যানবমন্যতে।
নিহন্তি বলিনং দৃপ্তং স রাজ্ঞো ধর্ম উচ্যতে॥ 12-91-31 (68368)
ত্রায়তে হি যদা সর্বং বাচা কায়েন কর্মণা।
পুত্রস্যাপি ন মৃষ্যেচ্চ স রাজ্ঞো ধর্ম উচ্যতে॥ 12-91-32 (68369)
সংবিভজ্য যদা ভুঙ্ক্তে নৃপতির্দুর্বলান্নরান্।
তদা ভবন্তি বলিনঃ স রাজ্ঞো ধর্ম উচ্যতে॥ 12-91-33 (68370)
যদা রক্ষতি রাষ্ট্রাণি যদা দস্যূনপোহতি।
যদা জয়তি সংগ্রামে স রাজ্ঞো ধর্ম উচ্যতে॥ 12-91-34 (68371)
পাপমাচরতো যত্র কর্মণা ব্যাহৃতেন বা।
প্রিয়স্যাপি ন মৃষ্যেত স রাজ্ঞো ধর্ম উচ্যতে॥ 12-91-35 (68372)
যদা সারণিকান্রাজা পুত্রবৎপরিরক্ষতি।
ভিনত্তি ন চ মর্যাদাং স রাজ্ঞো ধর্ম উচ্যতে॥ 12-91-36 (68373)
যদাপ্তদক্ষিণৈর্যজ্ঞৈর্যজতে শ্রদ্ধয়াঽন্বিতঃ।
কামদ্বেষাবনাদৃত্য স রাজ্ঞো ধর্ম উচ্যতে॥ 12-91-37 (68374)
কৃপণানাথবৃদ্ধানাং যদাঽশ্রু পরিমার্জতি।
হর্ষং সংজনয়ন্নৄণাং স রাজ্ঞো ধর্ম উচ্যতে॥ 12-91-38 (68375)
বিবর্ধয়তি মিত্রাণি তথাঽরীংশ্চাপি কর্ষতি।
সংপূজয়তি সাধূংশ্চ স রাজ্ঞো ধর্ম উচ্যতে॥ 12-91-39 (68376)
সত্যং পালয়তি প্রীত্যা নিত্যং ভূমিং প্রয়চ্ছতি।
পূজয়েদতিথীন্ভৃত্যান্স রাজ্ঞো ধর্ম উচ্যতে॥ 12-91-40 (68377)
নিগ্রহানুগ্রহৌ চোভৌ যত্র স্যাতাং প্রতিষ্ঠিতৌ।
অস্মিঁল্লোকে পরে চৈব রাজা স প্রাপ্নুতে ফলম্॥ 12-91-41 (68378)
যমো রাজা ধার্মিকাণাং মান্ধাতঃ পরমেশ্বরঃ।
সংয়চ্ছন্যমবৎপ্রাণানসংয়চ্ছংস্তু পাবকঃ॥ 12-91-42 (68379)
ঋৎবিক্পুরোহিতাচার্যান্সৎকৃত্যানবমত্য চ।
যদা সম্যক্প্রগৃহ্ণাতি স রাজ্ঞো ধর্ম উচ্যতে॥ 12-91-43 (68380)
যমো যচ্ছতি ভূতানি সর্বাণ্যেবাবিশেষতঃ।
তথা রাজ্ঞাঽনুকর্তব্যং যন্তব্যা বিধিবৎপ্রজাঃ॥ 12-91-44 (68381)
সহস্রাক্ষেণ রাজা হি সর্বথৈবোপমীয়তে।
স পশ্যতি চ যং ধর্ম স ধর্মঃ পুরুষর্ষভ॥ 12-91-45 (68382)
অপ্রমাদেন শিক্ষেথাঃ ক্ষমাং বুদ্ধিং ধৃতিং মতিম্।
ভূতানাং তত্ৎবজিজ্ঞাসা সাধ্বসাধু চ সর্বদা॥ 12-91-46 (68383)
সংগ্রহঃ সর্বভূতানাং দানং চ মধুরা চ বাক্।
পৌরজানপদাশ্চৈব গোপ্তব্যাঃ স্বপ্রজা যথা॥ 12-91-47 (68384)
ন জাৎবদক্ষো নৃপতিঃ প্রজাঃ শক্নোতি রক্ষিতুম্।
ভারো হি সুমহাংস্তাত রাজ্যং নাম সুদুর্বহম্॥ 12-91-48 (68385)
তদ্দণ্ডবিন্নৃপঃ প্রাজ্ঞঃ শূরঃ শক্নোতি রক্ষিতুম্।
ন হি শক্যমদণ্ডেন ক্লীবেনাবুদ্ধিনাঽপি বা॥ 12-91-49 (68386)
অভিরূপৈঃ কুলে জাতৈর্দক্ষৈর্ভক্তৈর্বহুশ্রুতৈঃ।
সর্বং বুদ্ধ্যা পরীক্ষেথাস্তাপসাশ্রমিণামপি॥ 12-91-50 (68387)
অতস্ৎবং সর্বভূতানাং ধর্মং বেৎস্যসি বৈ পরম্।
স্বদেশে পরদেশে বা ন তে ধর্মো বিনঙ্ক্ষ্যতি॥ 12-91-51 (68388)
ধর্মেচার্থে চ কামে চ ধর্ম এবোত্তরো ভবেৎ।
অস্মিংল্লোকে পরে চৈব ধর্মাত্মা সুখমেধতে॥ 12-91-52 (68389)
ত্যজন্তি দারান্পুত্রাংশ্চ মনুষ্যাঃ পরিপূজিতাঃ।
সংগ্রহশ্চৈব ভূতানাং দানং চ মধুরা চ বাক্॥ 12-91-53 (68390)
অপ্রমাদশ্চ শৌচং চ রাজ্ঞো ভূতিকরং মহৎ।
এতেভ্যশ্চৈব মান্ধাতঃ সততং মা প্রমাদিথাঃ॥ 12-91-54 (68391)
অপ্রমত্তো ভবেদ্রাজা ছিদ্রদর্শী পরাত্মনোঃ।
নাস্য চ্ছিদ্রং পরঃ পশ্যেচ্ছিদ্রেষু পরমন্বিয়াৎ॥ 12-91-55 (68392)
এতদ্বৄত্তং বাসবস্য যমস্য বরুণস্য চ।
রাজর্ষীণাং চ সর্বেষাং তত্ৎবমপ্যনুপালয়॥ 12-91-56 (68393)
তৎকুরুষ্ব মহারাজ বৃত্তং রাজর্ষিসেবিতম্।
আতিষ্ঠ দিব্যং পন্থানমহ্নায় পুরুষর্ষভ॥ 12-91-57 (68394)
ধর্মবৃত্তং হি রাজানং প্রেত্য চেহ চ ভারত।
দেবর্ষিপিতৃগন্ধর্বাঃ কীর্তয়ন্তি মহৌজসঃ॥ 12-91-58 (68395)
ভীষ্ম উবাচ। 12-91-59x (5580)
স এবমুক্তো মান্ধাতা তেনোচথ্যেন ভারত।
কৃতবানবিশঙ্কশ্চ একঃ প্রাপ চ মেদিনীম্॥ 12-91-59 (68396)
ভবানপি তথা সম্যঙ্ভান্ধাতেব মহীপতে।
ধর্মং কৃৎবা মহীং রক্ষ স্বর্গে স্থানমবাপ্স্যসি॥ ॥ 12-91-60 (68397)
ইতি শ্রীমন্মহাভারতে শান্তিপর্বণি রাজধর্মপর্বণি একনবতিতমোঽধ্যায়ঃ॥ 91॥
Mahabharata - Shanti Parva - Chapter Footnotes
12-91-3 দ্বিজাদীনাং মধ্যে যঃ কশ্চিন্ছূদ্রো বা নানাকর্মস্ববস্থিতঃ স্বকর্মচ্যুতো মূঢঃ এবং রজকতুল্য ইত্যর্থঃ॥ 12-91-8 অগ্নিত্রেতা বহ্নিত্রয়ম্॥ 12-91-12 অবলস্য পালনান্মহৎপুণ্যমপালনাচ্চ মহৎপাপমিত্যর্থঃ। 12-91-13 ভূতং দুর্বলং সংভজতেঽন্নাদিনা সেবতে। তদন্বয়াঃ দাতৃসংবন্ধিনঃ॥ 12-91-21 যদি আত্মনি ফলং পাপ ন ফলতি তর্হি পুত্রাদিষু ফলতি নতু সদ্যঃ ফলতীত্যর্থঃ॥ 12-91-22 মোহাদ্দৈবকৃত ইতি ড. থ. পাঠঃ॥ 12-91-25 নয়েৎ অপহরেৎ॥ 12-91-27 মহানিতি দৃষ্টান্তমুক্ৎবা দার্ষ্টান্তিকমাহ যদেতি। যদা ধর্মং চরতি তদা রাজা বর্ধত ইতি ভাবঃ। দুষ্কৃতং চাপয়াতীত্যর্থঃ। রাজপুত্রং ব্রুবাণা ইতি ট. ড. থ. পাঠঃ॥ 12-91-28 যদা রাজ্রা শাস্তি নরানশিষ্টাংস্তদা রাজ্যং বর্ধতে ভূমিপস্যেতি ঝ. পাঠঃ॥ 12-91-31 নামাত্যানবমন্যত ইতি ঝ. পাঠঃ॥ 12-91-33 সংবিভজ্য যদা ভুঙ্ক্তে নৃপতির্যদি পার্থিব। দুর্বলানাং বলং চৈবেতি ট. ড.ছ. পাঠঃ॥ 12-91-36 সারণিকান্ প্রসারিণীপ্রধানান্বণিজঃ॥ 12-91-42 ধার্মিকাণং পরমেশ্বরোঽনুগ্রাহকঃ। প্রাণান্ ইন্দ্রিয়াণি সংয়চ্ছন্ভবেৎ। অনিয়চ্ছংস্তু পাবকঃ স্বাশ্রয়দাহী ভবতীত্যর্থঃ॥ 12-91-50 অমিরূপৈরমাত্যৈঃ সহেতি শেষঃ॥ 12-91-54 প্রমাদিথাঃ প্রমাদ্যেষাঃ॥শান্তিপর্ব - অধ্যায় 092
॥ শ্রীঃ ॥
12.92. অধ্যায়ঃ 092
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বামদেবসুমনস্সংবাদানুবাদঃ॥ 1॥Mahabharata - Shanti Parva - Chapter Text
12-92-0 (68398)
যুধিষ্ঠির উবাচ। 12-92-0x (5581)
কথং ধর্মে স্থাতুমিচ্ছন্রাজা বর্তেত ভারত।
পৃচ্ছামি ৎবাং কুরুশ্রেষ্ঠ তন্মে ব্রূহি পিতামহ॥ 12-92-1 (68399)
ভীষ্ম উবাচ। 12-92-2x (5582)
অত্রাপ্যুদাহরন্তীমমিতিহাসং পুরাতনম্।
গীতং দৃষ্টার্থতত্ৎবেন বামদেবেন ধীমতা॥ 12-92-2 (68400)
রাজা বসুমনা নাম কৌসল্যো বলবাঞ্শুচিঃ।
মহর্ষি পরিপপ্রচ্ছ বামদেবং তপস্বিনম্॥ 12-92-3 (68401)
ধর্মার্থসহিতৈর্বাক্যৈর্ভগবন্ননুশাধি মাম্।
যেন বৃত্তেন বৈ তিষ্ঠন্ন চ্যবেয়ং স্বধর্মতঃ॥ 12-92-4 (68402)
তমব্রবীদ্ধামদেবস্তেজস্বী তপতাং বরঃ।
হেমবর্ণং সুখাসীনং যয়াতিমিব নাহুষম্॥ 12-92-5 (68403)
বামদেব উবাচ। 12-92-6x (5583)
ধর্মমেবানুবর্তস্ব ন ধর্মাদ্বিদ্যতে পরম্।
ধর্মে স্থিতা হি রাজানো জয়ন্তি পৃথিবীমিনাম্॥ 12-92-6 (68404)
অর্থসিদ্ধেঃ পরং ধর্মং মন্যতে যো মহীপতিঃ।
বৃদ্ধ্যাং চ কুরুতে বৃদ্ধিং স ধর্মেণ বিরাজতে॥ 12-92-7 (68405)
অধর্মদর্শী যো রাজা বলাদেব প্রবর্ততে।
ক্ষিপ্রমেবাপয়াতোঽস্মাদুভৌ প্রথমমধ্যমৌ॥ 12-92-8 (68406)
অসৎপাপিষ্ঠসচিবো বধ্যো লোকস্য ধর্মহা।
সহৈব পরিবারেণ ক্ষিপ্রমেবাবসীদতি॥ 12-92-9 (68407)
অর্থানামননুষ্ঠাতা কামচারী বিকত্থনঃ।
অপি সর্বাং মহীং লব্ধ্বা ক্ষিপ্রমেব বিনশ্যতি॥ 12-92-10 (68408)
অথাদদানঃ কল্যাণমনসূয়ুর্জিতেন্দ্রিয়ঃ।
বর্ধতে মতিমান্রাজা স্রোতোভিরিব সাগরঃ॥ 12-92-11 (68409)
ন পূর্ণোঽস্মীতি মন্যেত ধর্মতঃ কামতোঽর্থতঃ।
বুদ্ধিতো মন্ত্রতশ্চাপি সততং বসুধাধিপ॥ 12-92-12 (68410)
এতেষ্বেব হি সর্বেষু লোকয়াত্রা প্রতিষ্ঠিতা।
এতানি শৃণ্বঁল্লভতে যশঃ কীর্তি শ্রিয়ং প্রজাঃ॥ 12-92-13 (68411)
এবং যো ধর্মসংরম্ভী ধর্মার্থপরিচিন্তকঃ।
অর্থান্পরীক্ষ্যারভতে স ধ্রুবং মহদশ্নুতে॥ 12-92-14 (68412)
অদাতা হ্যনভিস্নেহো দণ়্ডেনাবর্তয়ন্প্রজাঃ।
সাহসপ্রকৃতী রাজা ক্ষিপ্রমেব বিনশ্যতি॥ 12-92-15 (68413)
অথ পাপং কৃতং বুদ্ধ্যা ন চ পশ্যত্যবুদ্ধিমান্।
অকীর্ত্যাঽভিসমায়ুক্তো ভূয়ো নরকমশ্নুতে॥ 12-92-16 (68414)
ততো ন যাচিতুর্দাতুঃ শুক্লস্য রসবেদিনঃ।
ব্যসনং স্বমিবোৎপন্নং বিজিঘাংসন্তি মানবাঃ॥ 12-92-17 (68415)
যস্য নাস্তি গুরুর্ধর্মে ন চান্যানপি পৃচ্ছতি।
সুখতন্ত্রোঽর্থলাভেষু ন চিরং সুখমশ্নুতে॥ 12-92-18 (68416)
গুরুপ্রধানো ধর্মেষু স্বয়মর্থানবেক্ষিতা।
ধর্মপ্রধানো লাভেষু স চিরং সুখমশ্নুতে॥ ॥ 12-92-19 (68417)
ইতি শ্রীমন্মহাভারতে শান্তিপর্বমি রাজধর্মপর্বণি দ্বিনবতিতমোঽধ্যায়ঃ॥ 92॥
Mahabharata - Shanti Parva - Chapter Footnotes
12-92-8 উভৌ ধর্মার্থৌ॥ 12-92-9 অসন্তো দুষ্টাঃ॥ 12-92-13 এতেষু ধর্মাদিষু॥শান্তিপর্ব - অধ্যায় 093
॥ শ্রীঃ ॥
12.93. অধ্যায়ঃ 093
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বামদেবসুমনস্সংবাদানুবাদঃ॥ 1॥Mahabharata - Shanti Parva - Chapter Text
12-93-0 (68418)
বামদেব উবাচ। 12-93-0x (5584)
যত্রাধর্মং প্রণয়তে দুর্বলে বলবত্তরঃ।
তাং বৃত্তিমুপজীবন্তি যে ভবন্তি তদন্বয়াঃ॥ 12-93-1 (68419)
রাজানমনুবর্তন্তে তং পাপাভিপ্রবর্তকম্।
অবিনীতমনুষ্যং তৎক্ষিপ্রং রাষ্ট্রং বিনশ্যতি॥ 12-93-2 (68420)
যদ্বৄত্তমুপজীবন্তি প্রকৃতিস্থস্য মানবাঃ।
তদেব বিষমস্থস্য স্বজনোঽপি ন মৃষ্যতে॥ 12-93-3 (68421)
সাহসপ্রবৃত্তে র্যত্র কিংচিদুল্বণমাচরেৎ।
অশাস্ত্রলক্ষণো রাজা ক্ষিপ্রমেব বিনশ্যতি॥ 12-93-4 (68422)
সদ্বৄত্তাচরিতাং বৃত্তিং ক্ষত্রিয়ো নানুবর্ততে।
জিতানামজিতানাং চ ক্ষত্রধর্মাদপৈতি সঃ॥ 12-93-5 (68423)
দ্বিষন্তং কৃতকল্যাণং গৃহীৎবা নৃপতিং রণে।
যো ন নয়তে দ্বেষাৎক্ষত্রধর্মাদপৈতি সঃ॥ 12-93-6 (68424)
শক্তঃ আৎসুসুখো রাজা কুর্যাত্তারণমাপদি।
প্রিয়ো অতি ভূতানাং ন চ বিভ্রশ্যতে শ্রিয়ঃ॥ 12-93-7 (68425)
অপ্রিয়ং যস্য কুর্বীত ভূয়স্তস্য প্রিয়ং চরেৎ।
অচিরেণ প্রিয়ঃ স স্যাদ্যোঽপ্রিয়ে প্রিয়মাচরেৎ॥ 12-93-8 (68426)
মৃষাবাদং পরিহরেৎকুর্যাৎপ্রিয়ময়াচিতঃ।
ন কামান্ন চ সংরম্ভান্ন দ্বেষাদ্ধর্মমুৎসৃজেৎ॥ 12-93-9 (68427)
`অমায়যৈব বর্তেত ন চ সত্যং ত্যজেদ্বুধঃ।
দমং ধর্মং চ শীলং চ ক্ষত্রধর্মং প্রজাহিতম্॥' 12-93-10 (68428)
নাপত্রপেত প্রশ্নেষু নাভিভাবিগিরং সৃজেৎ।
ন ৎবরেত ন চাসূয়েত্তথা সংগৃহ্যতে পরঃ॥ 12-93-11 (68429)
প্রিয়ে নাতিভৃশং হৃষ্যেদপ্রিয়ে ন চ সংজ্বরেৎ।
ন তপ্যেদর্থকৃচ্ছ্রেষু প্রজাহিতমনুস্মরন্॥ 12-93-12 (68430)
যঃ প্রিয়ং কুরুতে নিত্যং গুণতো বসুধাধিপঃ।
তস্য কর্মাণি সিদ্ধ্যন্তি ন চ সংত্যজ্যতে শ্রিয়া॥ 12-93-13 (68431)
নিবৃত্তং প্রতিকূলেভ্যো বর্তমানমনুপ্রিয়ে।
ভক্তং ভজেত নৃপতিস্তদ্বৈ বৃত্তং সতামিহ॥ 12-93-14 (68432)
অপ্রকীর্ণেন্দ্রিয়গ্রামমত্যন্তানুগতং শুচিম্।
শক্তং চৈবানুরক্তং চ যুঞ্জ্যান্মহতি কর্মণি॥ 12-93-15 (68433)
`শ্রেয়সো লক্ষণং চৈতদ্বিক্রমো যত্র দৃশ্যতে।
কীর্তিপ্রধানো যশ্চ স্যাৎসময়ে যশ্চ তিষ্ঠতি।
সমর্থান্পূজয়েদ্যশ্চ ন চ স্পর্ধেত যশ্চতৈঃ॥ 12-93-16 (68434)
এবমেতৈর্গুণৈর্যুক্তো যোঽনুরজ্যতি ভূমিপম্।
ভর্তুরর্থেষ্বপ্রমত্তং নিয়ুঞ্জ্যাদর্থকর্মণি॥ 12-93-17 (68435)
মূঢমৈন্দ্রিয়কং লুব্ধমনার্যচরিতং শঠম্।
অনতীতোপধং হিংস্রং দুর্বুদ্ধিমবহুশ্রুতম্॥ 12-93-18 (68436)
ত্যক্তোপাত্তং মদ্যরতং দ্যূতস্ত্রীমৃগয়াপরম্।
কার্যে মহতি যুঞ্জানো হীয়তে নৃপতিঃ শ্রিয়া॥ 12-93-19 (68437)
রক্ষিতাত্মা চ যো রাজা রক্ষ্যান্যশ্চানুরক্ষতি।
প্রজাশ্চ তস্য বর্ধন্তে সুখং চ মহদশ্নুতে॥ 12-93-20 (68438)
যে কেচিদ্ভূমিপতয়ঃ সর্বাংস্তানন্ববেক্ষয়েৎ।
সুহৃদ্ভিরনভিখ্যাতৈস্তেন রাজা ন রিষ্যতে॥ 12-93-21 (68439)
অপকৃত্য বলস্থস্ব দূরস্থোঽস্মীতি নাশ্বসেৎ।
শ্যেনাভিপতনৈরেতে নিপতন্তি প্রমাদ্যতঃ॥ 12-93-22 (68440)
দৃঢমূলস্ৎবদুষ্টাত্মা বিদিৎবা বলমাত্মনঃ।
অবলানভিয়ুঞ্জীত ন তু যে বলবত্তরাঃ॥ 12-93-23 (68441)
বিক্রমেণ মহীং লব্ধ্বা প্রজা ধর্মেণ পালয়েৎ।
আহবে নিধনং কুর্যাদ্রাজা ধর্মপরায়ণঃ॥ 12-93-24 (68442)
মরণান্তমিদং সর্বং নেহ কিংচিদনাময়ম্।
তস্মাদ্ধর্মে স্থিতো রাজা প্রজা ধর্মেম পালয়েৎ॥ 12-93-25 (68443)
রক্ষাধিকরণং যুদ্ধং তথা ধর্মানুশাসনম্।
মন্ত্রচিন্তা সুখং কালে পঞ্চভির্বর্ধতে মহী॥ 12-93-26 (68444)
এতানি যস্য গুপ্তানি স রাজা রাজসত্তম।
সততং বর্তমানোঽত্র রাজা ভুঙ্ক্তে মহীমিমাম্॥ 12-93-27 (68445)
নৈতান্যেকেন শক্যানি সাতত্যেনানুবীক্ষিতুম্।
এতেষ্বাপ্তান্প্রতিষ্ঠাপ্য রাজা ভুঙ্ক্তে চিরং মহীম্॥ 12-93-28 (68446)
দাতারং সংবিভক্তারং মার্দবোপগতং শুচিম্।
অসংত্যক্তমনুষ্যং চ তং জনাঃ কুর্বতে নৃপম্॥ 12-93-29 (68447)
যস্তু নৈঃশ্রেয়সং শ্রুৎবা জ্ঞানং তৎপ্রতিপদ্যতে।
আত্মনো মতমুৎসৃজ্য তং লোকোঽনুবিধীয়তে॥ 12-93-30 (68448)
যোঽর্থকামস্য বচনং প্রাতিকূল্যান্ন মৃষ্যতে।
শৃণোতি প্রতিকূলানি সর্বদা বিমনা ইব॥ 12-93-31 (68449)
অগ্রাম্যচরিতাং বৃত্তিং যো ন সেবেত নিত্যদা।
জিতানামজিতানাং চ ক্ষত্রধর্মাদপৈতি সঃ॥ 12-93-32 (68450)
[নিগৃহীতাদমাত্যাচ্চ স্ত্রীভ্যশ্চৈব বিশেষতঃ।
পর্বতাদ্বিষমাদ্দুর্গাদ্ধস্তিনোঽশ্বাৎসরীসৃপাৎ।
এতেভ্যো নিত্যযুক্তঃ সন্রক্ষেদাত্মানমেব তু॥] 12-93-33 (68451)
মুখ্যানমাত্যান্যো হিৎবা নিহীনান্কুরুতে প্রিয়ান্।
স বৈ ব্যসনমাসাদ্য সাধুমার্গং ন বিন্দতি॥ 12-93-34 (68452)
যঃ কল্যাণগুণাঞ্জ্ঞাতীন্প্রদ্বেষান্নো বুভূষতি।
অদৃঢাত্মা দৃঢক্রোধঃ নাস্যার্থো বসতেঽন্তিকে॥ 12-93-35 (68453)
অথ যো গুণসংপন্নান্হৃদয়স্য প্রিয়ানপি।
প্রিয়েণ কুরুতে বশ্যাংশ্চিরং যশসি তিষ্ঠতি॥ 12-93-36 (68454)
নাকালে প্রণয়েদর্থান্নাপ্রিয়ে জাতু সংজ্বরেৎ।
প্রিয়ে নাতিভৃশং তুষ্যেদ্যুঞ্জীতারোগ্যকর্মণি॥ 12-93-37 (68455)
কে বাঽনুরক্তা রাজানঃ কে ভয়াৎসমুপাশ্রিতাঃ।
মধ্যস্থদোষাঃ কে চৈষামিতি নিত্যং বিচিন্তয়েৎ॥ 12-93-38 (68456)
ন জাতু বলবান্ভূৎবা দুর্বলে বিশ্বসেৎক্বচিৎ।
ভারুণ্ডসদৃশা হ্যেতে নিপতন্তি প্রমাদ্যতঃ॥ 12-93-39 (68457)
অপি সর্বগুণৈর্যুক্তং ভর্তারং প্রিয়বাদিন।
অভিদ্রুহ্যতি পাপাত্মা ন তস্মাদ্বিশ্বসেজ্জনান্॥ 12-93-40 (68458)
এতদ্রাজোপনিষদং যয়াতিঃ স্মাহ নাহুষঃ।
মনুষ্যবিষয়ে যুক্তো হন্তি শত্রূন্সবাসবান্॥ ॥ 12-93-41 (68459)
ইতি শ্রীমন্মহাভারতে শান্তিপর্বণি রাজধর্মপর্বণি ত্রিনবতিতমোঽধ্যায়ঃ॥ 93॥
Mahabharata - Shanti Parva - Chapter Footnotes
12-93-1 যত্র রাষ্ট্রে। প্রণয়তে আরোপয়তি॥ 12-93-2 অনুবর্তন্তেঽন্যে॥ 12-93-3 প্রকৃতিঃ স্বধর্মঃ। বিষমঃ কুমার্গঃ॥ 12-93-5 জিত্তানামাপন্নানাম্। অজিতানাং স্বস্থানাম্॥ 12-93-6 কৃতকল্যাণং প্রাগুপকারং কৃতবন্তম্॥ 12-93-12 প্রিয়ং ভৃত্যাদীনাম্॥ 12-93-17 অনুরজ্যত্যনুরঞ্জয়তি। এবমেব গুণৈর্যুক্তো যো ন রক্ষতি ভূমিপম্। ভর্তুরর্থেষ্বসূয়ন্তং ন তং যুঞ্জীত কর্মণি ইতি ড.থ.পাঠঃ॥ 12-93-21 সুহৃদ্ভিশ্চারৈঃ। অনভিখ্যাতৈঃ স্বেষাং পরেষাং চাবিদিতৈঃ॥ 12-93-26 রক্ষাধিকরণং দুর্গাদি। সুখং সুখপ্রদানম্॥ 12-93-27 গুপ্তানি মুরক্ষিতানি॥ 12-93-32 অগ্রাম্যৈর্বুদ্ধিমদ্ভিঃ। বৃত্তিং লাভোপায়ম্॥ 12-93-41 রাজোপনিষদং রাজ্ঞাং রহস্যবিদ্যাম্॥শান্তিপর্ব - অধ্যায় 094
॥ শ্রীঃ ॥
12.94. অধ্যায়ঃ 094
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বসুমনসে বামদেবোক্তরাজধর্মকথনম্॥ 1॥Mahabharata - Shanti Parva - Chapter Text
12-94-0 (68460)
বামদেব উবাচ। 12-94-0x (5585)
অয়ুদ্ধেনৈব বিজয়ং বর্ধয়েদ্বসুধাধিপঃ।
জঘন্যমাহুর্বিজয়ং যুদ্ধেন চ নরাধিপ॥ 12-94-1 (68461)
ন চাপ্যলব্ধং লিপ্সেত মূলে নাতিদৃঢে সতি।
ন হি দুর্বলমূলস্য রাজ্ঞো লাভো বিবর্ধতে॥ 12-94-2 (68462)
যস্য স্ফীতো জনপদঃ সংপন্নপ্রিয়রাজকঃ।
সংতুষ্টঃ পুষ্টসচিবো দৃঢমূলঃ স পার্থিবঃ॥ 12-94-3 (68463)
যস্য যোধাঃ সুসংতুষ্টাঃ স্বনুরক্তাঃ সুপূজিতাঃ।
অল্পেনাপি স দণ্ডেন মহীং জয়তি পার্থিবঃ॥ 12-94-4 (68464)
`দণ্ডো হি বলবান্যত্র তত্র সাম প্রয়ুজ্যতে।
প্রদানং সামপূর্বং চ ভেদমূলং প্রশস্যতে॥ 12-94-5 (68465)
ত্রয়াণাং বিফলং কর্ম যদা পশ্যেত ভূমিপঃ।
রন্ধ্রং জ্ঞাৎবা ততো দণ্ডং প্রয়ুঞ্জীতাবিচারয়ন্॥ 12-94-6 (68466)
অভিভূতো যদা শত্রুঃ শত্রুভির্বলবত্তরৈঃ।
উপেক্ষা তত্র কর্তব্যা বধ্যতা বলিনাং বলম্॥ 12-94-7 (68467)
দুর্বলো হি মহীপালো যদা ভবতি ভারত।
উপেক্ষা তত্র কর্তব্যা চতুর্ণামবিরোধীনি।
উপায়ঃ পঞ্চমঃ সোঽপি সর্বেষাং বলবত্তরঃ॥ 12-94-8 (68468)
ভার্গবেণ চ গীতানাং শ্লোকানাং কোসলাধিপ।
বিজ্ঞায় তৎবং তৎবজ্ঞ তৎবতস্তৎকরিষ্যতি॥ 12-94-9 (68469)
যদি রক্ষঃপিশাচেন হন্যতে যত্রকুত্রচিৎ।
উপেক্ষা তত্র কর্তব্যা বাচ্যতাং বলিনাং বলম্॥ 12-94-10 (68470)
দুর্বলোঽপি মহীপাল শত্রূণাং শত্রুমুদ্ধরেৎ।
পাদলগ্নং করস্থেন কণ্টকেনৈব কণ্টকম্॥ 12-94-11 (68471)
শঠানাং উচিবানাং চ ম্লেচ্ছানাং চ মহীপতে।
এষ উক্ত উপায়ানামুপেক্ষা বলবত্তম॥ 12-94-12 (68472)
অশ্মনা নাশয়েল্লোহং লোহেনাশ্মানমেব তু।
বিল্বানি বা পরৈর্বিল্বৈর্ম্লেচ্ছৈর্ম্লেচ্ছান্প্রসাদয়েৎ॥ 12-94-13 (68473)
দাসানাং চ প্রদৃপ্তানামেতদেব হি কারয়েৎ।
চণ্ডালম্লেচ্ছজাতীনাং দণ্ডেনৈব নিবারণম্।
শঠানাং দুর্বিনীতৈশ্চ পূর্বমুক্তং সমাচরেৎ॥ 12-94-14 (68474)
অন্ত্যাঃ শঠাশ্চ সচিবাস্তথা কুব্রাহ্মণাদয়ঃ।
উপায়ৈঃ পঞ্চভিঃ সাধ্যাশ্চতুর্বর্গবিরোধিনঃ॥ 12-94-15 (68475)
পৌরজানপদা যস্য স্বনুরক্তা অপীডিতাঃ।
রাষ্ট্রকর্মকরা হ্যেতে রাষ্ট্রস্য চ বিরোধিনঃ॥ 12-94-16 (68476)
দুর্বিনীতা বিনীতাশ্চ সর্বে সাধ্যাঃ প্রয়ত্নতঃ।
চণ্ডালম্লেচ্ছজাত্যাশ্চ পাষণ্ডাশ্চ বিকর্মিণঃ।
বলিনশ্চাশ্রমাশ্চৈব তথা গায়কনর্তকাঃ॥' 12-94-17 (68477)
পৌরজানপদা যস্য ভূতেষু চ দয়ালবঃ।
সধনা ধান্যবন্তশ্চ দৃঢমূলঃ স পার্থিবঃ॥ 12-94-18 (68478)
প্রতাপকালমধিকং যদা মন্যেত চাত্মনঃ।
তদা লিপ্সেত মেধাবী পরভূমিধনান্যুত॥ 12-94-19 (68479)
ভোগেষূদয়মানস্য ভূতেষু চ দয়াবতঃ।
বর্ধতে ৎবরমাণস্য বিষয়ো রক্ষিতাত্মনঃ॥ 12-94-20 (68480)
তক্ষেদাত্মানমেবং স বনং পরশুনা যথা।
যঃ সম্যগ্বর্তমানেষু স্বেষু মিথ্যা প্রবর্ততে॥ 12-94-21 (68481)
নৈব দ্বিষন্তো হীয়ন্তে রাজ্ঞো নিত্যমনিঘ্নতঃ।
ক্রোধং নিহন্তুং যো বেদ তস্য দ্বেষ্টা ন বিদ্যতে॥ 12-94-22 (68482)
যদার্যজনবিদ্বিষ্টং কর্ম তন্নাচরেদ্বুধঃ।
যৎকল্যাণমভিধ্যায়েত্তত্রাত্মানং নিয়োজয়েৎ॥ 12-94-23 (68483)
নৈবমন্যেঽবজানন্তি নাত্মনা পরিতপ্যতে।
কৃত্যশেষেণ যো রাজা সুখান্যনুবুভূষতি॥ 12-94-24 (68484)
ইদং বৃত্তং মনুষ্যেষু বর্ততে যো মহীপতিঃ।
উভৌ লোকৌ বিনির্জিত্য বিজয়ে সংপ্রতিষ্ঠতে॥ 12-94-25 (68485)
ভীষ্ম উবাচ। 12-94-26x (5586)
ইত্যুক্তো বামদেবেন সর্বং তৎকৃতবান্নৃপঃ।
তথা কুর্বংস্ৎবমপ্যেতৌ লোকৌজেতা ন সংশয়ঃ॥ ॥ 12-94-26 (68486)
ইতি শ্রীমন্মহাভারতে শান্তিপর্বণি রাজধর্মপর্বণি চতুর্নবতিতমোঽধ্যায়ঃ॥ 94॥
Mahabharata - Shanti Parva - Chapter Footnotes
12-94-2 নাতিদৃঢে অনতিদৃঢে॥ 12-94-4 দণ্ডেন সৈন্যেন॥ 12-94-24 কৃত্যশেষেণ পরকৃত্যং কার্স্ত্ন্যেন ন সমাপয়েৎ। সমাপিতে তু পরোঽবমৃন্যতে স্বস্য চ তাপো ভবতীত্যর্থঃ॥ 12-94-26 নৃপো বসুমনাঃ॥শান্তিপর্ব - অধ্যায় 095
॥ শ্রীঃ ॥
12.95. অধ্যায়ঃ 095
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি যুদ্ধধর্মকথনম্॥ 1॥Mahabharata - Shanti Parva - Chapter Text
12-95-0 (68487)
যুধিষ্ঠির উবাচ। 12-95-0x (5587)
অথ যো বিজিগীষেত ক্ষত্রিয়ঃ ক্ষত্রিয়ং যুধি।
কস্তস্য বিজয়ে ধর্মো হ্যেতং পৃষ্টো ব্রবীহি মে॥ 12-95-1 (68488)
ভীষ্ম উবাচ। 12-95-2x (5588)
সসহায়োঽসহায়ো বা রাষ্ট্রমাগম্য ভূমিপঃ।
ব্রূয়াদহং যো রাজেতি রক্ষিষ্যামি চ বঃ সদা॥ 12-95-2 (68489)
মম ধর্মবলিং দত্ত কিংবা মাং প্রতিপৎস্যথ।
তে চোক্তমাগতং তত্র ঘৃণীয়ুঃ কুশলং ভবেৎ॥ 12-95-3 (68490)
তে চেদক্ষত্রিয়াঃ সন্তো বিরুধ্যেরন্কথংচন।
সর্বোপায়ৈর্নিয়ন্তব্যা বিকর্মস্থা নরাধিপ॥ 12-95-4 (68491)
অশস্ত্রং ক্ষত্রিয়ং মৎবা শস্ত্রং গৃহ্ণাত্যথাপরঃ।
ত্রাণায়াপ্যসমর্থং তং মন্যমানমতীব চ॥ 12-95-5 (68492)
যুধিষ্ঠির উবাচ। 12-95-6x (5589)
অথঃ যঃ ক্ষত্রিয়ো রাজা ক্ষত্রিয়ং প্রত্যুপাব্রজেৎ।
কথং সংপ্রতিয়োদ্ধব্যস্তন্মে ব্রূহি পিতামহ॥ 12-95-6 (68493)
ভীষ্ম উবাচ। 12-95-7x (5590)
নাসন্নহ্যো নাকবচো যোদ্ধব্যঃ ক্ষত্রিয়ো রণে।
এক একেন ভাব্যশ্চ বিসৃজেতি ক্ষিপামি চ॥ 12-95-7 (68494)
স চেৎসন্নদ্ধ আগচ্ছেৎসন্নদ্ধব্যং ততো ভবেৎ।
স চেৎসসৈন্য আগচ্ছেৎসসৈন্যস্তমথাহ্বয়েৎ॥ 12-95-8 (68495)
স চেন্নিকৃত্যা যুধ্যেত নিকৃত্যা প্রতিয়োধয়েৎ।
অথ চেদ্ধর্মতো যুধ্যেদ্ধর্মেণৈব নিবারয়েৎ॥ 12-95-9 (68496)
নাশ্বেন রথিনং যায়াদুদিয়াদ্রথিনং রথী।
ব্যসনে ন প্রহর্তব্যং ন ভীতায় জিতায় চ॥ 12-95-10 (68497)
নেষুর্লিপ্তো ন কর্ণী স্যাদসতামেতদায়ুধম্।
যথার্থমেব যোদ্ধব্যং ন ক্রুদ্ধ্যেত জিঘাংসতঃ॥ 12-95-11 (68498)
`নাস্ত্যেকস্য গজো যুদ্ধে গজশ্চেকস্য বিদ্যতে।
ন পদাতির্গজং যুধ্যেন্ন গতেন পদাতিনম্॥ 12-95-12 (68499)
হস্তিনা যোধয়েন্নাগং কদাচিচ্ছিক্ষিতো হয়ঃ।
দিব্যাস্ত্রবলসংপন্নঃ কামং যুধ্যেত সর্বদা।
নাগে ভূমৌ সমে চৈব রথেনাশ্বেন বা পুনঃ॥ 12-95-13 (68500)
রামরাবণয়োর্যুদ্ধে হরয়ো বৈ পদাতয়ঃ।
লক্ষ্মণশ্চ মহাভাগস্তথা রাজন্বিভীষণঃ॥ 12-95-14 (68501)
রাবণস্যান্তকালে চ রথেনৈন্দ্রেণ রাধবঃ।
নিজঘান দুরাচারং রাবণং পাপকারিণম্॥ 12-95-15 (68502)
দিব্যাস্ত্রবলসংপন্নে সর্বমেতদ্বিধীয়তে।
দেবাসুরেষু সর্বেষু দৃষ্টমেতৎপুরাতনৈঃ॥' 12-95-16 (68503)
[সাধূনাং তু যদা ভেদাৎসাধুশ্চেদ্ব্যসনী ভবেৎ।]
নিষ্প্রাণো নাভিহন্তব্যো নানপত্যঃ কথংচন।
ভগ্নশস্ত্রো বিপন্নশ্চ কৃত্তজ্যো হতবাহনঃ। 12-95-17 (68504)
চিকিৎস্যঃ স্যাৎস্ববিষয়ে প্রাপ্যো বা স্বগৃহে ভবেৎ।
নির্ব্রণশ্চ স ভোক্তব্য এষ ধর্মঃ সনাতনঃ॥ 12-95-18 (68505)
তস্মাদ্ধর্মেণ যোদ্ধব্যমিতি স্বায়ংভুবোঽব্রবাৎ।
সৎসু নিত্যঃ সতাং ধর্মস্তমাস্থায় ন নাশয়েৎ॥ 12-95-19 (68506)
যো বৈ জয়ত্যধর্মেণ ক্ষত্রিয়ো ধর্মসংগরঃ।
আত্মানমাত্মনা হন্তি পাপো নিকৃতিজীবনঃ॥ 12-95-20 (68507)
কর্ম চৈতদসাধূনাং সাধূন্যোঽসাধুনা জয়েৎ।
ধর্মেণ নিধনং শ্রেয়ো ন জয়ঃ পাপকর্মণা॥ 12-95-21 (68508)
নাধর্মশ্চরিতো রাজন্সদ্যঃ ফলতি গৌরিব।
মূলানি চ প্রশাখাশ্চ দহন্সমধিগচ্ছতে॥ 12-95-22 (68509)
পাপেন কর্মণা বিত্তং লব্ধ্বা পাপঃ প্রহৃষ্যতি।
স বর্ধমানস্তেনৈব পাপঃ পাপে প্রসজ্জতি॥ 12-95-23 (68510)
ন ধর্মোঽস্তীতি মন্বানঃ শুচীনবহসন্নিব।
অশ্রদ্দধানশ্চ ভবেদ্বিনাশমুপগচ্ছতি
স বদ্ধো বারুণৈঃ পাশৈরমর্ত্যৈরবমন্যতে। 12-95-24 (68511)
মহাদৃতিরিবাধ্মাতঃ স্বকৃতেনৈব বর্ধতে।
ততঃ সমূলো হ্রিয়তে নদীকূলাদিব দ্রুমা॥ 12-95-25 (68512)
অথৈনমভিনিন্দন্তি ভিন্নং কুম্ভমিবাশ্যানি।
তস্মাদ্ধর্মেণ বিজয়ং কোশং লিপ্সেত ভূমিপঃ॥ ॥ 12-95-26 (68513)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চনবতিতমোঽধ্যায়ঃ॥ 95॥
Mahabharata - Shanti Parva - Chapter Footnotes
12-95-2 রাষ্ট্রং পরকীয়ম্॥ 12-95-5 ত্রাণায়াপ্যসমর্থং পরং চাতীব মন্যমানং ক্ষত্রিয়মশস্ত্রং জ্ঞাৎবাঽপরো হীনোঽপি শস্ত্রং গৃহ্ণাতি॥ 12-95-11 লিপ্তো বিবদিগ্ধঃ। কর্ণী ঋজুঃ প্রতীপকণ্টকঃ॥ 12-95-25 মহাদৃতির্মহাংশ্চর্মকোশঃ। আধ্মাতো বায়ুনা পূরিতঃ॥শান্তিপর্ব - অধ্যায় 096
॥ শ্রীঃ ॥
12.96. অধ্যায়ঃ 096
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি রাজধর্মকথনম্॥ 1॥Mahabharata - Shanti Parva - Chapter Text
12-96-0 (68514)
ভীষ্ম উবাচ। 12-96-0x (5591)
নাধর্মেণ মহীং জেতুং লিপ্সেত জগতীপতিঃ।
অধর্মবিজয়ং লব্ধ্বা কো নু মন্যেত ভূমিপঃ॥ 12-96-1 (68515)
অধর্ময়ুক্তো বিজয়ো হ্যধ্রুবোঽস্বর্গ্য এব চ।
পাতয়ত্যেব রাজানং মহীং চ ভরতর্ষভ॥ 12-96-2 (68516)
বিশীর্ণকবচং চৈব তবাস্মীতি চ বাদিনম্।
কৃতাঞ্জলিং ন্যস্তশস্ত্রং গৃহীৎবা ন বিহিংসয়েৎ॥ 12-96-3 (68517)
বলেন বিজিতো যশ্চ ন তং যুধ্যেত ভূমিপঃ।
সংবৎসরং বিপ্রণয়েত্তস্মাজ্জাতঃ পুনর্ভবেৎ॥ 12-96-4 (68518)
নার্বাক্সংবৎসরাৎকন্যা প্রষ্টব্যা বিক্রমাহৃতা।
এবমেব ধনং সর্বং যচ্চান্যৎসহসা হৃতম্॥ 12-96-5 (68519)
ন তু বধ্যে ধনং তিষ্ঠেৎপিবেয়ুর্ব্রাহ্মণাঃ পয়ঃ।
যুঞ্জীরন্নপ্যনডুহঃ ক্ষন্তব্যং বা পুনর্ভবেৎ॥ 12-96-6 (68520)
রাজ্ঞা রাজৈব যোদ্ধব্যস্তথা ধর্মো বিধীয়তে।
নান্যো রাজানমভ্যস্যেদরাজন্যঃ কথংচন॥ 12-96-7 (68521)
অনীকয়োঃ সংহতয়োর্যদীয়াদ্ব্রাহ্মণোঽন্তরা।
শান্তিমিচ্ছন্নুভয়তো ন যোদ্ধব্যং তদা ভবেৎ॥ 12-96-8 (68522)
মর্যাদাং শাশ্বতীং ভিন্দ্যাদ্ব্রাহ্মণং যোঽভিলঙ্ঘয়েৎ।
অথ চেল্লঙ্ঘয়েদেব মর্যাদাং ক্ষত্রিয়ব্রুবঃ।
অসঙ্খ্যেপতদূর্ধ্বং স্যাদনাদেয়শ্চ সংসদি॥ 12-96-9 (68523)
যস্তু ধর্মবিলোপেন মর্যাদাভেদনেন চ।
তাং বৃত্তিং নানুবর্তেত বিজিগীষুর্মহীপতিঃ॥ 12-96-10 (68524)
ধর্মলব্ধাদ্ধি বিজয়াল্লাভঃ কোঽভ্যধিকো ভবেৎ॥ 12-96-11 (68525)
সহসা ন্যায়্যভূতানি ক্ষিপ্রমেব প্রসাদয়েৎ।
সান্ৎবেন ভোগদানেন স রাজ্ঞাং পরমো নয়ঃ॥ 12-96-12 (68526)
ভুজ্যমানা হ্যভোগেন স্বরাষ্ট্রাদভিতাপিতাঃ।
অমিত্রান্পর্যুপাসীরন্ব্যসনৌঘপ্রতীক্ষিণঃ॥ 12-96-13 (68527)
অমিত্রোপগ্রহং চাস্য তে কুর্যুঃ ক্ষিপ্রমাপদি।
সংতুষ্টাঃ সর্বতো রাজন্রাজব্যসনকাঙ্ক্ষিণঃ॥ 12-96-14 (68528)
নামিত্রো বিনিকর্তব্যো নাতিচ্ছেদ্যঃ কথংচন।
জীবিতং হ্যপ্যতিচ্ছিন্নঃ সংত্যজেদেকদা নরঃ॥ 12-96-15 (68529)
অল্পেনাপি চ সংয়ুক্তস্তুষ্যতে নাপরাধিতঃ।
শুদ্ধং জীবিতমেবাপি তাদৃশো বহুমন্যতে॥ 12-96-16 (68530)
যস্য স্ফীতো জনপদঃ সংপন্নঃ প্রিয়রাজকঃ।
সংতুষ্টভৃত্যসচিবো দৃঢমূলঃ স পার্থিবঃ॥ 12-96-17 (68531)
ঋৎবিক্পুরোহিতাচার্যা যে চান্যে শ্রুতসত্তমাঃ।
পূজার্হাঃ পূজিতা যস্য স বৈ লোকবিদুচ্যতে॥ 12-96-18 (68532)
এতেনৈব চ বৃত্তেন মহীং প্রাপ সুরোত্তমঃ।
অন্যেঽপি চৈব বিজয়ং বিজিগীষন্তি পার্থিবাঃ॥ 12-96-19 (68533)
ভূমিবর্জং ধনং রাজা জিৎবা রাজন্মহাহবে।
অপি চান্নোষধীঃ শশ্বদাজহার প্রতর্দনঃ॥ 12-96-20 (68534)
অগ্রিহোত্রাগ্নিশেষং চ হবির্ভোজনমেব চ।
আজহার দিবোদাসস্ততো বিপ্রকৃতোঽভবৎ॥ 12-96-21 (68535)
সরাজকানি রাষ্ট্রাণি নাভাগো দক্ষিণাং দদৌ।
অন্যত্র শ্রোত্রিয়স্বাচ্চ তাপসার্থাচ্চ ভারত॥ 12-96-22 (68536)
উচ্চাবচানি বিত্তানি ধর্মজ্ঞানাং যুধিষ্ঠির।
আসন্রাজ্ঞাং পুরাণানাং সর্বং তন্মম রোচতে॥ 12-96-23 (68537)
সর্ববিদ্যাতিরেকেণ জয়মিচ্ছেন্মহীপতিঃ।
ন মায়যা ন দম্ভেন য ইচ্ছেদ্ভূতিমাত্মনঃ॥ ॥ 12-96-24 (68538)
ইতি শ্রীমন্মহাভারতে শান্তিপর্বণি রাজধর্মপর্বণি ষণ্ণবতিতমোঽধ্যায়ঃ॥ 96॥
Mahabharata - Shanti Parva - Chapter Footnotes
12-96-4 --ণয়েদ্দাসোঽস্মীতি বদেতি তং শিক্ষয়েৎ। ততঃ সংবৎসরাদূধ্বরা এবাঽব্রুবন্নপি ততো জাতো জেতুঃ পুত্রএব ভবেৎ। ততশ্চ মোক্তব্য ইত্যর্থঃ॥ 12-96-5 নশ্ব সংবৎসরং কন্যাঃ স্প্রষ্টব্যাঃ সহসাহৃতাঃ ইতি ড. পাঠঃ॥ 12-96-7 অভ্যস্যেদভিমুখং শস্ত্রং ক্ষিপেৎ॥ 12-96-9 ক্ষত্রিয়ব্রুবঃ ক্ষত্রিয়াধমঃ॥ 12-96-10 অসংখ্যেয়ঃ ক্ষত্রিয়েষু ন গণনীয়ঃ॥ 12-96-14 অমিত্রোপগ্রহং তদ্বৈরিণামানুকূল্যম্। তে বলাদ্ভুজ্যমানাঃ॥ 12-96-15 বিনিকর্তব্যো নিকৃত্য বঞ্চয়িতব্যঃ॥ 12-96-21 অগ্নিশেষং যজ্ঞাঙ্গভূতং হবিঃ। ভোজনং সিদ্ধান্নম্। এতন্ন হর্তব্যমিত্যর্থঃ। বিপ্রকৃতো বঞ্চিতঃ॥ 12-96-23 রাজ্ঞা সর্বং হর্তব্যমিত্যর্থঃ॥শান্তিপর্ব - অধ্যায় 097
॥ শ্রীঃ ॥
12.97. অধ্যায়ঃ 097
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সয়ুক্তিকং যুদ্ধস্য ধর্ম্যৎবসমর্থনম্॥ 1॥Mahabharata - Shanti Parva - Chapter Text
12-97-0 (68539)
যুধিষ্ঠির উবাচ। 12-97-0x (5592)
ক্ষত্রধর্মাদ্ধি পাপীয়ান্ন ধর্মোঽস্তি নরাধিপ।
অপয়ানে চ যুদ্ধে চ রাজা হন্তি মহাজনম্॥ 12-97-1 (68540)
অথ স্ম কর্মণা কেন লোকাঞ্জয়তি পার্থিবঃ।
বিদ্বঞ্জিজ্ঞাসমানায় প্রব্রূহি ভরতর্ষভ॥ 12-97-2 (68541)
ভীষ্ম উবাচ। 12-97-3x (5593)
নিগ্রহেণ চ পাপানাং সাধূনাং সংগ্রহেণ চ।
যজ্ঞৈর্দানৈশ্চ রাজানো ভবন্তি শুচয়োঽমলাঃ॥ 12-97-3 (68542)
উপরুন্ধন্তি রাজানো ভূতানি বিজয়ার্থিনঃ।
ত এব বিজয়ং প্রাপ্য বর্ধয়ন্তি পুনঃ প্রজাঃ॥ 12-97-4 (68543)
অপবিধ্যন্তি পাপানি দানয়জ্ঞতপোবলৈঃ।
অনুগ্রহেণ ভূতানাং পুণ্যমেষাং বিবর্ধতে॥ 12-97-5 (68544)
যথৈব ক্ষেত্রনির্যাতা নির্যাতং ক্ষেত্রমেব চ।
হিনস্তি ধান্যকক্ষং চ ন চ ধান্যং বিনশ্যতি॥ 12-97-6 (68545)
এবং শস্ত্রাণি মুঞ্চন্তো ঘ্নন্তি বধ্যাননেকধা।
তস্যৈষা নিষ্কৃতির্দৃষ্টা ভূতানাং ভাবনং পুনঃ॥ 12-97-7 (68546)
যো ভূতানি সদাঽনর্থাদ্বধাৎক্লেশাচ্চ রক্ষতি।
দস্যুভ্যঃ প্রাণদানাৎস ধনদঃ সুখদো বিরাট্॥ 12-97-8 (68547)
স সর্বয়জ্ঞারীজানো রাজাঽথাভয়দক্ষিণৈঃ।
অনুভূয়েহ ভদ্রাণি প্রাপ্নোতীন্দ্রসলোকতাম্॥ 12-97-9 (68548)
ব্রাহ্মণার্থে সমুৎপন্নে যোঽভিনিষ্পত্য যুধ্যতি।
আত্মানং যূপমুৎসৃজ্য স যজ্ঞোঽনন্তদক্ষিণঃ॥ 12-97-10 (68549)
অভীতো বিকিরঞ্শত্রূন্প্রতিগৃহ্য শরাংস্তথা।
ন তস্মান্ত্রিদশাঃ শ্রেয়ো ভুবি পশ্যন্তি কিংচন॥ 12-97-11 (68550)
তস্য শস্ত্রাণি যাবন্তি ৎবচং ভিন্দন্তি সংয়ুগে।
তাবতঃ সোঽশ্নুতে লোকান্সর্বকামদুহোঽক্ষয়ান্॥ 12-97-12 (68551)
যদস্য রুধিরং গাত্রাদাহবে সংপ্রবর্ততে।
সহ তেনৈব স্রাবেণ সর্বপাপৈঃ প্রমুচ্যতে॥ 12-97-13 (68552)
যানি দুঃখানি সহতে প্রাণানামতিপাতনে।
ন তপোঽস্তি ততো ভূয় ইতি ধর্মবিদো বিদুঃ॥ 12-97-14 (68553)
পৃষ্ঠতো ভীরবঃ সঙ্খ্যে বর্তন্তে ধর্মপূরুষাঃ।
শূরাচ্ছরণমিচ্ছন্তঃ পর্জন্যাদিব জীবনম্॥ 12-97-15 (68554)
যদি শূরং তথা ক্ষেমে প্রতীক্ষেরন্যথা ভয়ে।
প্রতিরূপং জনাঃ কুর্যুর্ন চ তদ্বর্ততে তথা॥ 12-97-16 (68555)
যদি তে কৃতমাজ্ঞায় নমস্কুর্যুঃ সদৈব তম্।
যুক্তং ন্যায়্যং চ কুর্যুস্তে ন চ তদ্বর্ততে তথা॥ 12-97-17 (68556)
পুরুষাণাং সমানানাং দৃশ্যতে মহদন্তরম্।
সংগ্রামেঽনীকবেলায়ামুৎকৃষ্টেষু পতৎসু চ॥ 12-97-18 (68557)
পতত্যভিমুখং শূরঃ পরান্ভীরুঃ পলায়তে।
আস্থায় স্বর্গ্যমধ্বানং সহায়ান্বিষমে ত্যজন্॥ 12-97-19 (68558)
মা স্ম তাংস্তাদৃশাংস্তাত জনিষ্টাঽধর্মপূরুষান্॥ 12-97-20 (68559)
যে সহায়ান্রণে হিৎবা স্বস্তিমন্তো গৃহান্যযুঃ।
অস্বস্তি তেভ্যঃ কুর্বন্তি দেবা ইন্দ্রপুরোগমাঃ॥ 12-97-21 (68560)
ত্যাগেন যঃ সহায়ানাং স্বান্প্রাণাংস্ত্রাতুমিচ্ছতি।
তং হন্যুঃ কাষ্ঠলোহৈর্বা দহেয়ুর্বা কটাগ্নিনা।
পশুবন্মারয়েয়ুর্বা ক্ষত্রিয়া যে স্যুরীদৃশাঃ॥ 12-97-22 (68561)
অধর্মঃ ক্ষত্রিয়স্যৈষ যচ্ছয়্যামরণং ভবেৎ।
বিসৃজঞ্শ্লেষ্মপিত্তানি কৃপণং পরিদেবয়ন্॥ 12-97-23 (68562)
অবিক্ষতেন দেহেন প্রলয়ং যোঽধিগচ্ছতি।
ক্ষত্রিয়ো নাস্য তৎকর্ম প্রশংসন্তি পুরাবিদঃ॥ 12-97-24 (68563)
ন গৃহে মরণং তাত ক্ষত্রিয়াণাং প্রশস্যতে।
শৌণ্ডীরাণামশৌণ্ডীর্যমধর্মং কৃপণং চ তৎ॥ 12-97-25 (68564)
ইদং কৃচ্ছ্রমহো দুঃখং পাপীয় ইতি নিষ্টনন্।
প্রতিধ্বস্তমুখঃ পূতিরমাত্যাননুশোচয়ন্॥ 12-97-26 (68565)
অরোগাণাং স্পৃহয়তে মুহুর্মৃত্যুমপীচ্ছতি।
বীরো দৃপ্তো মনস্বী চ নেদৃশং মৃত্যুমর্হতি॥ 12-97-27 (68566)
রণেষু কদনং কৃৎবা সুহৃদ্ভিঃ প্রতিপূজিত।
তীক্ষ্ণৈঃ শস্ত্রৈরভিক্লিষ্টঃ ক্ষত্রিয়ো মুত্যুমর্হতি॥ 12-97-28 (68567)
শূরো হি সৎবমন্যুভ্যামাবিষ্টো যুধ্যতে মশম্।
কৃত্যমানানি গাত্রাণি পরৈর্নৈবাববুধ্যতে॥ 12-97-29 (68568)
স সঙ্খ্যে নিধনং প্রাপ্য প্রশস্তং লোকপূজিতম্।
স্বধর্মং বিপুলং প্রাপ্য শক্রস্যৈতি সলোকতাম্॥ 12-97-30 (68569)
সর্বোপায়ৈ রণমুখমাতিষ্ঠংস্ত্যক্তজীবিতঃ।
প্রাপ্নোতীন্দ্রস্য সালোক্যং শূরঃ পৃষ্ঠমদর্শয়ন্॥ 12-97-31 (68570)
যত্রয়ত্র হতঃ শূরঃ শত্রুভিঃ পরিবারিতঃ।
অক্ষয়াংল্লভতে লোকান্যদি দৈন্যং ন সেবতে॥ ॥ 12-97-32 (68571)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তনবতিতমোঽধ্যায়ঃ॥ 97॥
Mahabharata - Shanti Parva - Chapter Footnotes
12-97-1 মহাজনং কটকাশ্রিতং বৈশ্যাদিজনম্॥ 12-97-2 কেন তদ্বধপ্রায়শ্চিত্তং কৃৎবা পুণ্যফলমাপ্নোতীত্যর্থঃ॥ 12-97-4 উপরুন্ধন্তি পীডয়ন্তি॥ 12-97-5 অপবিধ্যন্তি দূরীকুর্বন্তি॥ 12-97-6 নির্যাতা তৃণাদ্যপনয়েন শোধকঃ। কক্ষং তৃণং। ক্ষেত্রনির্বাহো নির্দহেৎক্ষেত্রমেকদা ইতি দ. পাঠঃ॥ 12-97-7 ভাবনং বর্ধনম্। পাবনং মহদিতি দ. পাঠঃ॥ 12-97-10 আত্মানং দেহয়ূপং যজ্ঞস্তম্ভং উৎসৃজ্য উচ্ছ্রিত্য। যজ্ঞো যুদ্ধয়জ্ঞঃ॥ 12-97-18 অনীকবেলায়াং অনীকানাং সংঘট্টকালে॥ 12-97-19 বিষমে প্রাণসংকটে ত্যজন্ ভীরুরিতি সংবন্ধঃ॥ 12-97-22 তে তৃণময়ে কটে বদ্ধ্বা দহনং কটাগ্নিনা দাহঃ॥ 12-97-25 শৌণ়্ডীরাণাং শূরৎবাভিমানবতাম্॥ 12-97-26 নিষ্টনঞ্শব্দং কুর্বন্। পূতিঃ দুর্গন্ধিঃ। অমাত্যান্পুত্রান্॥শান্তিপর্ব - অধ্যায় 098
॥ শ্রীঃ ॥
12.98. অধ্যায়ঃ 098
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সুদেবস্য যুদ্ধেন দেবলোকপ্রাপ্তিপ্রতিপাদকেন্দ্রাম্বরীষসংবাদানুবাদঃ॥ 1॥Mahabharata - Shanti Parva - Chapter Text
12-98-0 (68572)
যুধিষ্ঠির উবাচ। 12-98-0x (5594)
কে লোকা যুধ্যমানানাং শূরাণামনিবর্তিনাম্।
ভবন্তি নিধনং প্রাপ্য তন্মে ব্রূহি পিতামহ॥ 12-98-1 (68573)
ভীষ্ম উবাচ। 12-98-2x (5595)
অত্রাপ্যুদাহরন্তীমমিতিহাসং পুরাতনম্।
অম্বরীপস্য সংবাদমিন্দ্রস্য চ যুধিষ্ঠির॥ 12-98-2 (68574)
অম্বরীষো হি নাভাগঃ স্বর্গং গৎবা সুদুর্লভম্।
দদর্শ সুর--কস্থং শক্রেণ সচিবৈঃ সহ॥ 12-98-3 (68575)
সর্বতেজোময়ং দিব্যং বিমানবরমাস্থিতম্।
উ---গচ্ছন্তং স্থানং সেনাপতিং শুভম্॥ 12-98-4 (68576)
স দষ্ট্বাপরি গচ্ছন্তং সেনাপতিমুদারধীঃ।
`শূরস্থানমনুপ্রাপ্তং সুদেবং নাম নামতঃ।'
ঋদ্ধিং দৃষ্ট্বা সুদেবস্য বিস্মিতঃ প্রাহ বাসবম্॥ 12-98-5 (68577)
অম্বরীপ উবাচ। 12-98-6x (5596)
সাগরান্তাং মহীং কৃৎস্নামনুশাস্য যথাবিধি।
চাতুর্বর্ণ্যে যথাশাস্ত্রং প্রবৃত্তো ধর্মকাম্যযা॥ 12-98-6 (68578)
ব্রহ্মচর্যেণ ঘোরেণ গুর্বাচারেণ সেবয়া।
বেদানধীত্য ধর্মেণ রাজশাস্ত্রং চ কেবলম্॥ 12-98-7 (68579)
অতিথীনন্নপানেন পিতৄংশ্চ স্বধয়া তথা।
ঋষীন্স্বাধ্যায়দীক্ষাভির্দেবান্যজ্ঞৈরনুত্তমৈঃ॥ 12-98-8 (68580)
ক্ষত্রধ--স্থিতো ভূৎবা যথাশাস্ত্রং যথাবিধি।
উদীক্ষমাণঃ পৃতনাং জয়ামি যুধি বাসব॥ 12-98-9 (68581)
দে--জ সুদেবোঽয়ং মম সেনাপতিঃ পুরা।
আসাদ্যোধঃ প্রশান্তাত্মা সোঽয়ং কস্মাদতীব মাম্।
বিমানং সূর্যসঙ্কাশমাস্থিতো মোদতে দিবি॥ 12-98-10 (68582)
অনেন ঋতুভির্মুখ্যৈর্নেষ্টং নাপি দ্বিজাতয়ঃ।
তর্পিতা বিধিবচ্ছক্র সোঽয়ং কস্মাদতীত্য মাম্॥ 12-98-11 (68583)
ঐশ্বর্যমীদৃশং প্রাপ্তঃ সর্বদেবৈঃ সুদুর্লভম্। 12-98-12 (68584)
ইন্দ্র উবাচ।
`যদনেন কৃতং কর্ম প্রত্যক্ষং তে মহীপতে।
পুরা পালয়তঃ সম্যক্পৃথিবীং ধর্মতো নৃপ॥ 12-98-12x (5597)
শত্রবো নির্জিতাঃ সর্বে যে তবাহিতকারিণঃ।
সংয়মো বিয়মশ্চৈব সুয়মশ্চ নহাবলঃ॥ 12-98-13 (68585)
রাক্ষসা দুর্জয়া লোকে ত্রয়স্তে যুদ্ধদুর্মদাঃ।
পুত্রাস্তে শতশৃঙ্গস্য রাক্ষসস্য মহীপতেঃ॥ 12-98-14 (68586)
তথা তস্মিঞ্শুভে কালে তব যজ্ঞং বিতন্বতঃ।
অশ্বমেধং মহায়াগং দেবানাং হিতকাম্যযা॥ 12-98-15 (68587)
তস্য তে খলু বিঘ্নার্থমাগতা রাক্ষসাস্ত্রয়ঃ।
কোটীশতপরীবারাং রাক্ষসানাং মহাচমূম্।
পরিগৃহ্য ততঃ সর্বাঃ প্রজা বন্দীকৃতাস্তব॥ 12-98-16 (68588)
বিহ্বলাশ্চ প্রজাঃ সর্বাঃ সর্বে চ তব সৈনিকাঃ।
নিরাকৃতস্তু যচ্চাসীৎসুদেবঃ সৈন্যনায়কঃ॥ 12-98-17 (68589)
তত্রামাত্যবচঃ শ্রুৎবা নিরস্তঃ সর্বকর্মসু।
শ্রুৎবা তেষাং বচো ভূয়ঃ সোপধং বসুধাধিপঃ॥ 12-98-18 (68590)
সর্বসৈন্যসমায়ুক্তঃ সুদেবঃ প্রেরিতস্ৎবয়া।
সাক্ষসানাং বধার্থায় দুর্জয়ানাং নরাধিপ॥ 12-98-19 (68591)
নাজিৎবা রাক্ষসীং সেনাং পুনরাগমনং তব।
বন্দীমোক্ষমকৃৎবা চ ন চাগমনমিষ্যতে॥ 12-98-20 (68592)
সুদেবস্তদ্বচঃ শ্রুৎবা প্রস্থানমকরোন্নৃপ।
সংপ্রাপ্তশ্চ স তং দেশং যত্র বন্দীকৃতাঃ প্রজাঃ॥ 12-98-21 (68593)
পশ্যতি স্ম মহাঘোরাং রাক্ষসানাং মহাচমূম্।
দৃষ্ট্বা সুচিন্তয়ামাস সুদেবো বাহিনীপতিঃ॥ 12-98-22 (68594)
নেয়ং শক্যা চমূর্জেতুমপি সেন্দ্রৈঃ সুরাসুরৈঃ।
নাম্বরীষঃ কলামেকামেষাং ক্ষপয়িতুং ক্ষমঃ।
দিব্যাস্ত্রবলভূয়িষ্ঠঃ কিমহং পুনরীদৃশঃ॥ 12-98-23 (68595)
ততঃ সেনাং পুনঃ সর্বাং প্রেষয়ামাস পার্থিব।
যত্র ৎবং সচিবৈঃ সর্বৈর্মন্ত্রিভিঃ সোপধৈর্নৃপ॥ 12-98-24 (68596)
ততো রুদ্রং মহাদেবং প্রপন্নো জগতঃ পতিম্।
শ্মশাননিলয়ং দেবং তুষ্টাব বৃষভধ্বজম্॥ 12-98-25 (68597)
স্তুৎবা শস্ত্রং সমাদায় স্বশিরশ্ছেত্তুমুদ্যতঃ॥ 12-98-26 (68598)
কারুণ্যাদ্দেবদেবেন গৃহীতস্তস্য দক্ষিণঃ।
স পাণিঃ সহ শস্ত্রেণ দৃষ্ট্বা চেদমুবাচ হ॥ 12-98-27 (68599)
কিমিদং সাহসং পুত্র কুর্তকামো বদস্ব মে।
স উবাচ মহাদেবং শিরসা ৎববনীং গতঃ॥ 12-98-28 (68600)
ভগবন্বাহিনীমেনাং রাক্ষসানাং সুরেশ্বর।
অশক্তোঽহং রণে জেতুং তস্মাত্ত্যক্ষ্যামি জীবিতম্।
গতির্ভব মহাদেব মমার্তস্য জগৎপতে॥ 12-98-29 (68601)
নাগন্তব্যমজিৎবা চ মামাহ জগতীপতিঃ।
অম্বরীষো মহাদেব ক্ষারিতঃ সচিবৈঃ সহ॥ 12-98-30 (68602)
তমুবাচ মহাদেবঃ সুদেবং পতিতং ক্ষিতৌ।
অধোমুখং মহাত্মানং সৎবানাং হিতকাম্যযা॥ 12-98-31 (68603)
ধনুর্বেদং সমাহূয় সগণং সহবিগ্রহম্।
রথনাগাশ্বকলিলং দিব্যাস্ত্রসমলংকৃতম্॥ 12-98-32 (68604)
রথং চ সুমহাভাগং যেন তন্ত্রিপুরং হতম্।
ধনুঃ পিনাকং খঙ্গং চ রৌদ্রমস্ত্রং চ শংকরঃ।
নিজঘানাসুরান্সর্বান্যেন দেবস্ত্রিয়ম্বকঃ॥ 12-98-33 (68605)
উবাচ চ মহাদেবঃ সুদেবং বাহিনীপতিম্।
রথাদস্মাৎসুদেব ৎবং দুর্জয়ঃ স সুরাসুরৈঃ॥ 12-98-34 (68606)
মায়যা মোহিতো ভূমৌ ন পদং কর্তুমর্হসি।
রথস্থস্ত্রিদশান্সর্বাঞ্জেষ্যসি ৎবং সদানবান্॥ 12-98-35 (68607)
রাক্ষসাশ্চ পিশাচাশ্চ ন শক্তা দ্রষ্টুমীদৃশম্।
রথং সূর্যসহস্রাভং কিমু যোদ্ধুং ৎবয়া সহ॥ 12-98-36 (68608)
স জিৎবা রাক্ষসান্সর্বান্কৃৎবা বন্দীবিমোক্ষণম্।
ঘাতয়িৎবা চ তান্সর্বান্বাহুয়ুদ্ধে ৎবয়ং হতঃ।
বিয়মং প্রাপ্য ভূপাল বিয়মশ্চ নিপাতিতঃ॥' 12-98-37 (68609)
তস্য বিক্রমতস্তাত সুদেবস্য বভূব হ।
সংগ্রাময়জ্ঞঃ সুমহান্যশ্চান্যো যুধ্যতে নরঃ॥ 12-98-38 (68610)
সন্নদ্ধো দীক্ষিতঃ সর্বো যোধঃ প্রাপ্য চমূমুখম্।
যুদ্ধয়জ্ঞাধিকারস্থো ভবতীতি বিনিশ্চয়ঃ॥ 12-98-39 (68611)
অম্বরীষ উবাচ। 12-98-40x (5598)
কানি যজ্ঞে হবীংষ্যস্মিন্কিমাজ্যং কা চ দক্ষিণা।
ঋৎবিজশ্চাত্র ক্রে প্রোক্তাস্তন্মে ব্রূহি শতক্রতো॥ 12-98-40 (68612)
ইন্দ্র উবাচ। 12-98-41x (5599)
ঋৎবিজঃ কুঞ্জরাস্তত্র বাজিনোঽধ্বর্যবস্তথা।
হবীংষি পরমাংসানি রুধিরং ৎবাজ্যমুচ্যতে॥ 12-98-41 (68613)
শৃগালগৃধ্রকাকোলাঃ সদস্যাস্তত্র পন্ত্রিণঃ।
আজ্যশেষং পিবন্ত্যেতে হবিঃ প্রাশ্নন্তি চাধ্বরে॥ 12-98-42 (68614)
প্রাসতোমরসংঘাতাঃ খঙ্গশক্তিপরশ্বথাঃ।
জ্বলন্তো নিশিতাঃ পীতাঃ স্রুচস্তস্যাথ সত্রিণঃ॥ 12-98-43 (68615)
চাপবেগায়তস্তীক্ষ্ণঃ পরকায়াবভেদনঃ।
ঋজুঃ সুনিশিতঃ পীতঃ সায়কশ্চ স্রুবো ম--॥ 12-98-44 (68616)
দ্বীপিচর্মাবনদ্ধশ্চ নাগদন্তকৃতৎসরুঃ।
হস্তিহস্তহরঃ খঙ্গঃ স্ফয়ো ভবেত্তস্য সংয়ুগে॥ 12-98-45 (68617)
জ্বলিতৈর্নিশিতৈঃ প্রাসশক্ত্যৃষ্টিসপরশ্বথৈঃ।
শৈক্যায়সময়ৈস্তীক্ষ্ণৈরভিঘাতো ভবেদ্বসু॥ 12-98-46 (68618)
[সঙ্খ্যাসময়বিস্তীর্ণমভিজাতোদ্ভবং বহু।]
আবেধাদ্যচ্চ রুধিরং সংগ্রামে স্রবতে ভুবি।
সাঽস্য পূর্ণাহুতির্হোত্রৈঃ সমৃদ্ধা সর্বকামধুক্॥ 12-98-47 (68619)
ছিন্ধি ভিন্ধীতি যঃ শব্দঃ শ্রূয়তে বাহিনীমুখে।
সামানি সামগাস্তস্য গায়ন্তি যমসাদনে॥ 12-98-48 (68620)
হবির্ধানং তু তস্যাহুঃ পরেষাং বাহিনীমুখম্॥ 12-98-49 (68621)
কুঞ্জরাণাং হয়ানাং চ বর্মিণাং চ সমুচ্চয়।
অগ্নিঃ শ্যেনচিতো নাম যজ্ঞে তস্য বিধীয়তে॥ 12-98-50 (68622)
উত্তিষ্ঠতে কবন্ধোঽত্র সহস্রে পতিতে তু যঃ।
স যূপস্তস্য শূরস্য খাদিরোঽষ্টাশ্রিরুচ্যতে॥ 12-98-51 (68623)
ইডোপহূতাঃ ক্রোশন্তি কুঞ্জরাস্ৎবঙ্কুশেরিতাঃ।
জ্যাঘুষ্টতলতালেন বষট্কারেণ পার্থিব॥ 12-98-52 (68624)
উদ্গাতা তত্র সংগ্রামে ত্রিসামা দুন্দুভির্নৃপ।
ব্রহ্মস্বে হ্রিয়মাণে তু ত্যক্ৎবা যুদ্ধে প্রিয়াং তনুম্।
আত্মানং যূপমুচ্ছ্রিত্য স যজ্ঞোঽনন্তদক্ষিণঃ॥ 12-98-53 (68625)
ভর্তুরর্থে চ যঃ শূরো নিষ্ক্রামেদ্বাহিনীমুখাৎ।
ন ভয়াদ্বিনিবর্তেত তস্য লোকা যথা মম॥ 12-98-54 (68626)
দ্বীপিচর্মাবৃতৈঃ খঙ্গৈর্বাহুভিঃ পরিঘোপমৈঃ।
যস্য বেদিরুপস্তীর্ণা তস্য লোকা যথা মম॥ 12-98-55 (68627)
যস্তু নাপেক্ষতে কংচিৎসহায়ং বিষমে স্থিতঃ।
বিগাহ্য বাহিনীমধ্যং তস্য লোকা যথা মম॥ 12-98-56 (68628)
যস্য শোণিতসংঘট্টা ভেরীমণ্ডূককচ্ছপা।
বীরাস্থিশর্করা দুর্গা মাংসশোণিতকর্দমা॥ 12-98-57 (68629)
অসিচর্মপ্লবা ঘোরা কেশশৈবলশাদ্বলা।
অশ্বনাগরথৈশ্চৈব সংছিন্নৈঃ কৃতসংক্রমা॥ 12-98-58 (68630)
পতাকাধ্বজবানীরা হতবাহনবারণা।
শোণিতোদকসংপূর্ণা দুস্তরা পারগৈর্নরৈঃ॥ 12-98-59 (68631)
রহতনাগমহানক্রা পরলোকবহাঽশিবা।
ঋষ্টিখঙ্গমহামীনা গৃধ্রকঙ্কবলপ্লবা॥ 12-98-60 (68632)
পুরুষাদানুচরিতা ভীরূণাং কশ্মলাবহা।
নদী যোধস্য সংগ্রামে তদস্যাবভৃথং নৃপ॥ 12-98-61 (68633)
বেদির্যস্য ৎবমিত্রাণাং শিরোভির্ব্যবকীর্যতে।
অশ্বস্কন্ধৈর্গজস্কন্ধৈস্তস্য লোকা যথা মম॥ 12-98-62 (68634)
পত্নী শালাকৃতা যস্য পরেষাং বাহিনীমুখম্।
হবির্ধানং স্ববাহিন্যাস্তদস্যাহুর্মনীষিণঃ॥ 12-98-63 (68635)
সদস্যা দক্ষিণা যোধা আগ্নীধ্রশ্চোত্তরাং দিশম্।
শত্রুসেনা অলত্রস্য সর্বলোকানদূরতঃ॥ 12-98-64 (68636)
যস্য ভয়তো ব্যূহে ভবত্যাকাশমগ্রতঃ।
সাস্য বেদিস্তদা যজ্ঞৈর্নিত্যং ব্যূহাস্ত্রয়োঽগ্নয়ঃ॥ 12-98-65 (68637)
যস্তু যোধঃ পরাবৃত্তঃ সংত্রস্তো হন্যতে পরৈঃ।
অপ্রতিষ্ঠঃ স নরকং যাতি নাস্ত্যত্র সংশয়ঃ॥ 12-98-66 (68638)
যস্য শোণিতবেগেণ বেদিঃ স্যাৎসংপরিপ্লুতা।
কেশমাংসাস্থিসংপূর্ণা স গচ্ছেৎপরমাং গতিম্॥ 12-98-67 (68639)
যস্তু সেনাপতিং হৎবা তদ্যানমধিরোহতি।
স বিষ্ণুবিক্রমক্রামী বৃহস্পতিসমঃ প্রভুঃ॥ 12-98-68 (68640)
নায়কং তৎকুমারং বা যো বা স্যাত্তত্র পূজিতঃ।
জীবগ্রাহং প্রগৃহ্ণাতি তস্য লোকা যথা মম॥ 12-98-69 (68641)
আহবে তু হতং শূরং ন শোচেত কথংচন।
অশোচ্যো হি হতঃ শূরঃ স্বর্গলোকে মহীয়তে॥ 12-98-70 (68642)
ন হ্যন্নং নোদকং তস্য ন স্নানং নাপ্যশৌচকম্।
হতস্য কর্তুমিচ্ছন্তি তস্য লোকাঞ্শৃণুষ্ব মে॥ 12-98-71 (68643)
বরাপ্সরঃ সহস্রাণি শূরমত্যোধনে হতম্।
ৎবরমাণানি ধাবন্তি মম ভর্তা ভবেদিতি॥ 12-98-72 (68644)
এতত্তপশ্চ পুণ্যং চ ধর্মশ্চৈব সনাতনঃ।
চৎবারশ্চাশ্রমাস্তস্য যো যুদ্ধে ন পলায়তে॥ 12-98-73 (68645)
বৃদ্ধবালৌ ন হন্তব্যৌ ন চ স্ত্রী নৈব পৃষ্ঠতঃ।
তৃণপূর্ণমুখশ্চৈব তবাস্মীতি চ যো বদেৎ॥ 12-98-74 (68646)
অহং বৃত্রং বলং পাকং মহাকায়ং বিরোচনম্।
দুরাবারং চ নমুচিং শতমায়ং চ শম্বরম্॥ 12-98-75 (68647)
বিপ্রচিত্তিং চ দৈতেয়ং দনোঃ পুত্রাংশ্চ সর্বশঃ।
প্রহ্বাদং চ নিহত্যাজৌ ততো দেবাধিপোঽভবম্॥ 12-98-76 (68648)
ইত্যেতচ্ছক্রবচনং নিশম্য প্রতিপূজ্য চ।
যোধানামাত্মনঃ সিদ্ধিমম্বরীষোঽভিপন্নবান্॥ ॥ 12-98-77 (68649)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টনবতিতমোঽধ্যায়ঃ॥ 98॥
Mahabharata - Shanti Parva - Chapter Footnotes
12-98-3 নাভাগিঃ নাভাগপুত্রঃ॥ 12-98-38 যশ্চান্যোঽক্ষত্রিয়োঽপি যুধ্যতে নরস্তস্যাপ্যযং চ যজ্ঞোঽস্তি॥ 12-98-43 পীতাঃ ক্ষারপানীয়েন সংভাবিতাঃ॥ 12-98-45 স্ফ্যঃ যাগীয়োপকরণবিশেষঃ॥ 12-98-46 শৈক্যায়সময়ৈঃ সর্বলোহময়ৈঃ। বসু যৎকিংচিদ্যজ্ঞিয়ং দ্রব্যম্॥ 12-98-49 হবিধানং হবিষঃ স্থাপ নস্থলম্॥ 12-98-64 সদস্যোত্তরয়োধাগ্নিরাগ্নীধ্রস্যোত্তরাথ দিক্। ইতি দ. পাঠঃ॥ 12-98-68 বৃহস্পতিসবঃ ক্রতুঃ ইতি ড.দ. পাঠঃ॥ 12-98-69 নায়কং বা প্রমাণং বেতি ড.দ.পাঠঃ॥শান্তিপর্ব - অধ্যায় 099
॥ শ্রীঃ ॥
12.99. অধ্যায়ঃ 099
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জনকরাজেন স্বয়োধানাং স্বর্গনরকপ্রদর্শনেয় যুদ্ধে প্রোৎসাহনকথনম্॥ 1॥Mahabharata - Shanti Parva - Chapter Text
12-99-0 (68650)
ভীষ্ম উবাচ। 12-99-0x (5600)
অত্রাপ্যুদাহরন্তীম-তিহাসং পুরাতনম্।
প্রতর্দনো মৈথিলশ্চ সংগ্রামং যত্র চক্রতুঃ॥ 12-99-1 (68651)
যজ্ঞোপবীতী সংগ্রামে জনকো মিথিলাধিপঃ।
যোধানুদ্ধর্ষয়ামাস তন্নিবোধ যুধিষ্ঠির॥ 12-99-2 (68652)
জনকো মৈথিলো রাজা মহাত্মা সর্বতত্ৎববিৎ।
যোধানাং দর্শয়ামাস স্বর্গং নরকমেব চ॥ 12-99-3 (68653)
অভীরূণামিমে লোকা ভাস্বন্তো হন্ত পশ্যত।
পূর্ণা গন্ধর্বকন্যাভিঃ সর্বকামদুহোঽক্ষয়াঃ॥ 12-99-4 (68654)
ইমে পলায়মানানাং নরকাঃ প্রত্যুপস্থিতাঃ।
অকীর্তিঃ শাশ্বতী চৈব যতিতব্যমনন্তরম্॥ 12-99-5 (68655)
তান্দৃষ্ট্বাঽরীন্বিজয়ত ভূৎবা সংত্যাগবুদ্ধয়ঃ।
নরকস্যাপ্রতিষ্ঠস্য মা ভূত বশবর্তিনঃ॥ 12-99-6 (68656)
ত্যাগমূলং হি শূরাণাং স্বর্গদ্বারমনুত্তমম্।
ইত্যুক্তাস্তে নৃপতিনা যোধাঃ পরপুরংজয়॥ 12-99-7 (68657)
অজয়ন্ত রণে শত্রূন্হর্ষয়ন্তো নরেশ্বরম্।
তস্মাত্ত্যক্তাত্মনা নিত্যং স্থাতব্যং রণমূর্ধনি॥ 12-99-8 (68658)
গজানাং রথিনো মধ্যে রথানামনুসাদিনঃ।
সাদিনামন্তরে স্থাপ্যং পাদাতমপি দংশিতম্॥ 12-99-9 (68659)
য এবং ব্যূহতে রাজা স নিত্যং জয়তে রিপূন্।
তস্মদিতদ্বিধাতব্যং নিত্যমেব যুধিষ্ঠির॥ 12-99-10 (68660)
স্বর্গে সুকৃতমিচ্ছন্তঃ সুয়ুদ্ধেনাতিমন্যবঃ।
ক্ষোভয়েয়ুরনীকানি সাগরং মকরা যথা॥ 12-99-11 (68661)
হর্ষয়েয়ুর্বিষণ্ণাংশ্চ ব্যবস্থাপ্য পরস্পরম্।
তেষাং চ ভূমিং রক্ষেয়ুর্ভগ্নান্নাত্যনুসারয়েৎ॥ 12-99-12 (68662)
পুনরাবর্তমানানাং নিরাশানাং চ জীবিতে।
বেগঃ সুদুঃসহো রাজংস্তস্মান্নাত্যনুসারয়েৎ॥ 12-99-13 (68663)
ন হি প্রহর্তুমিচ্ছন্তি শূরাঃ প্রদ্রবতো ভয়াৎ।
তস্মাৎপলায়মানানাং কুর্যান্নাত্যনুসারণম্॥ 12-99-14 (68664)
চরাণামচরা হ্যন্নমদংষ্ট্রা দংষ্ট্রিণামপি।
অপাণয়ঃ পাণিমতামন্নং শূরস্য কাতরাঃ॥ 12-99-15 (68665)
সমানপৃষ্ঠোদরপাণিপাদাঃ
পশ্চাচ্ছরং ভীরবোঽনুব্রজন্তি।
অতো ভয়ার্তাঃ প্রণিপত্য ভূয়ঃ
কৃৎবাঞ্জলীনুপতিষ্ঠন্তি শূরান্॥ 12-99-16 (68666)
শূরবাহুষু লোকোঽয়ং লম্বতে পুত্রবৎসদ।
তস্মাৎসর্বেষু লোকেষু শূরঃ সংমানমর্হতি॥ 12-99-17 (68667)
ন হি শৌর্যাৎপরং কিংচিন্ত্রিষু লোকেষু বিদ্যতে।
শূরঃ সর্বং পালয়তি সর্বং শূরে প্রতিষ্ঠিতম্॥ ॥ 12-99-18 (68668)
ইতি শ্রীমন্মহাভারতে শান্তিপর্বণি রাজধর্মপর্বণি একোনশততমোঽধ্যায়ঃ॥ 99॥
Mahabharata - Shanti Parva - Chapter Footnotes
12-99-1 অত্র শূরপ্রোৎসাহনে বিষয়ে॥ 12-99-3 দর্শয়ামাস যোগবলেন॥ 12-99-5 পতিতব্যমনন্তরমিতি ড. দ. পাঠঃ॥ 12-99-9 গজানাং মধ্যে রথিনঃ স্থাপ্যাঃ॥ 12-99-12 নাত্যনুসারেয়াতিদ্রাবয়েৎ পরাবৃত্তিভয়াৎ॥ 12-99-13 তদেবাহ পুনরিতি॥শান্তিপর্ব - অধ্যায় 100
॥ শ্রীঃ ॥
12.100. অধ্যায়ঃ 100
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি যুদ্ধকরণপ্রকারাদিকথনম্॥ 1॥Mahabharata - Shanti Parva - Chapter Text
12-100-0 (68669)
যুধিষ্ঠির উবাচ। 12-100-0x (5601)
যথা জয়ার্থিনঃ সেনাং নয়ন্তি ভরতর্ষভ।
ঈষদ্ধর্মং প্রপীড্যাপি তন্মে ব্রূহি পিতামহ॥ 12-100-1 (68670)
ভীষ্ম উবাচ। 12-100-2x (5602)
সন্ত্যেব হি স্থিতা ধর্ম উপপত্ত্যা তথা পরে।
সাধ্বাচারতয়া কেচিত্তথৈবৌপয়িকাদপি॥ 12-100-2 (68671)
উপায়ধর্মান্বক্ষ্যামি সংসিদ্ধানর্থসিদ্ধয়ে।
নির্মর্যাদা দস্যবস্তু ভবন্তি পরিপন্থিনঃ॥ 12-100-3 (68672)
তেষাং প্রতিবিঘাতার্থং প্রবক্ষ্যাম্যথ নৈগমম্।
কার্যাণাং সংপ্রসিদ্ধ্যর্থং তানুপায়ান্নিবোধ মে॥ 12-100-4 (68673)
উভে প্রজ্ঞে বেদিতব্যে ঋজ্বী বক্রা চ ভারত।
জানন্বক্রাং ন সেবেত প্রতিবাধেত চাগতাম্॥ 12-100-5 (68674)
অমিত্রা এব রাজানং ভেদেনোপচরন্ত্যুত।
তাং রাজা বিকৃতিং জানন্যথাঽমিত্রান্প্রবাধতে॥ 12-100-6 (68675)
গজানাং পার্থ বর্মাণি গোবৃষাজগরাণি চ।
শল্যকণ্টকলোহানি তনুত্রাণি মতানি চ॥ 12-100-7 (68676)
শাতপীতানি শস্ত্রাণি সন্নাহাঃ পীতলোহকাঃ।
নানারঞ্জনরক্তাঃ স্যুঃ পতাকাঃ কেতবশ্চ হ॥ 12-100-8 (68677)
ঋষ্টয়স্তোমরাঃ খঙ্গা নিশিতাশ্চ পরশ্বথাঃ।
ফলকান্যথ চর্মাণি প্রতিকল্প্যান্যনেকশঃ॥ 12-100-9 (68678)
অভিনীতানি শস্ত্রাণি যোধাশ্চ কৃতনিশ্চয়াঃ।
চৈত্রে বা মার্গশীর্ষে বা সেনায়োগঃ প্রশস্যতে॥ 12-100-10 (68679)
পক্বসস্যা হি পৃথিবী ভবত্যম্বুমতী তদা।
নৈবাতিশীতো নাত্যুষ্ণঃ কালো ভবতি ভারত॥ 12-100-11 (68680)
তস্মাত্তদা যোজয়েত পরেষাং ব্যসনেঽথবা।
এতে হি যোগাঃ সেনায়াঃ প্রশস্তাঃ পরবাধনে॥ 12-100-12 (68681)
জলবাংস্তৃণবান্মার্গঃ সমো গম্যঃ প্রশস্যতে।
চারৈঃ সুবিদিতাভ্যাসঃ কুশলৈর্বনগোচরৈঃ॥ 12-100-13 (68682)
ন হ্যরণ্যানি শক্যন্তে গন্তুং মৃগগণৈরিব।
তস্মাৎসেনাসু তানেব যোজয়ন্তি জয়ার্থিনঃ॥ 12-100-14 (68683)
[অগ্রতঃ পুরুষানীকং শক্তং চাপি কুলোদ্ভবম্।]
আবাসস্তোয়বান্মার্গঃ পর্যাকাশঃ প্রশস্যতে॥ 12-100-15 (68684)
পোষামপসর্পাণাং প্রতিঘাতস্তথা ভবেৎ।
আকাশং হি বনাভ্যাশে মন্যন্তে গুণবত্তরম্॥ 12-100-16 (68685)
বহুভির্গুণজাতৈশ্চ যে যুদ্ধকুশলা জনাঃ।
[উপন্যাসো ভবেত্তত্র বলানাং নাতিদূরতঃ॥] 12-100-17 (68686)
উপন্যাসোঽপসর্পাণাং পদাতীনাং চ গূহনম্।
হতশত্রুপ্রতীঘাতমাপদর্থং পরায়ণম্॥ 12-100-18 (68687)
সপ্তর্পীন্পৃষ্ঠতঃ কৃৎবা যুধ্যেয়ুরচলা ইব।
অনেন বিধিনা শত্রূঞ্জিগীষেতাপি দুর্জয়ান্॥ 12-100-19 (68688)
যতো বায়ুর্যতঃ সূর্যো যতঃ সোমস্ততো জয়ঃ।
পূর্বংপূর্বং জ্যায় এষাং সন্নিপাতে যুধিষ্ঠির॥ 12-100-20 (68689)
অকর্দ -মনুদকামমর্যাদামলোষ্টকাম্।
অশ্বভূমিং প্রশংসন্তি যে যুদ্ধকুশলা জনাঃ॥ 12-100-21 (68690)
সমা নিরুদকাকাশা রথভূমিঃ প্রশস্যতে।
নীচদ্রুমা মহাকক্ষা সোদকা হস্তিয়োধিনাম্॥ 12-100-22 (68691)
বহুদুর্গা মহাকক্ষা বেণুবেত্রতিরস্কৃতা।
পদাতীনাং ক্ষমা ভূমিঃ পর্বতোপবনানি চ॥ 12-100-23 (68692)
পদাতিবহুলা সেনা দৃঢা ভবতি ভারত।
রথাশ্ববহুলা সেনা সুদিনেষু প্রশস্যতে॥ 12-100-24 (68693)
পদাতিনাগবহুলা প্রাবৃট্কালে প্রশস্যতে।
গুণানেতান্প্রসংখ্যায় দেশকালৌ প্রয়োজয়েৎ॥ 12-100-25 (68694)
এবং সংচিন্ত্য যো যাতি তিথিনক্ষত্রপূজিতঃ।
বিজয়ং লভতে নিত্যং সেনাং সম্যক্প্রয়োজয়ন্॥ 12-100-26 (68695)
প্রসুপ্তাংস্তৃষিতাঞ্শ্রান্তান্প্রকীর্ণান্নাভিঘাতয়েৎ।
মোক্ষে প্রয়াণে চলনে পানভোজনকালয়োঃ।
অতিক্ষিপ্তান্ব্যতিক্ষিপ্তান্নিহতান্প্রতনূকৃতান্॥ 12-100-27 (68696)
অবিস্রব্ধান্কৃতারম্ভানুপন্যাসাৎপ্রতাপিতান্।
বহিশ্বরানুপন্যাসান্কৃতবেশ্মানুসারিণঃ॥ 12-100-28 (68697)
পারম্পর্যাগতে দ্বারে যে কেচিদনুবর্তিনঃ।
পরিচর্যাপরোদ্ধারো যে চ কেচন বল্গিনঃ॥ 12-100-29 (68698)
অনীকং যে বিভিদন্তি ভিন্নং সংস্থাপয়ন্তি চ।
সমানাশনপানাস্তে কার্যা দ্বিগুণবেতনাঃ॥ 12-100-30 (68699)
`জাতিগোত্রং চ বিজ্ঞায় কর্ম চানুত্তমং শুভম্।
সমানদেহরক্ষার্থে কার্যা দ্বিগুণবেতনাঃ।
ত্রিগুণং চতুর্গুণং চৈব বেতনং তেষু কারয়েৎ॥' 12-100-31 (68700)
দশাধিপতয়ঃ কার্যাঃ শতাধিপতয়স্তথা।
ততঃ সহস্রাধিপতিং কুর্যাচ্ছূরমতন্দ্রিতম্॥ 12-100-32 (68701)
যথা মুখ্যান্সন্নিপাত্য বক্তব্যাঃ সংশয়ামহে।
যথা জয়ার্থং সংগ্রামে ন জহ্যাম পরস্পরম্॥ 12-100-33 (68702)
ইহৈব তে নিবর্তন্তাং যে চ কেচন ভীরবঃ।
ন ঘাতয়েয়ুঃ প্রদরং কুর্বাণাস্তুমুলে সতি॥ 12-100-34 (68703)
[ন সন্নিপাতে প্রদরং বধং বা কুর্যুরীদৃশাঃ॥]
আত্মানং চ স্বপক্ষং চ পালয়ন্হন্তি সংয়ুগে॥ 12-100-35 (68704)
অর্থনাশো বধোঽকীর্তিরয়শশ্চ পলায়নে।
অমনোজ্ঞাঽসুখা বাচঃ পুরুষস্য পলায়তঃ॥ 12-100-36 (68705)
প্রতিধ্বস্তোষ্ঠদন্তস্য ন্যস্তসর্বায়ুধস্য চ।
`হিৎবা পলায়মানস্য সহায়ান্প্রাণসংশয়ে।'
অমিত্রৈরবরুদ্ধস্য দ্বিষতামস্তু নঃ সদা॥ 12-100-37 (68706)
মনুষ্যাপসদা হ্যেতে যে ভবন্তি পরাঙ্ভুখাঃ।
রাশিবর্ধনমাত্রাস্তে নৈব তে প্রেত্য নো ইহ॥ 12-100-38 (68707)
অমিত্রা হৃষ্টমনসঃ প্রত্যুদ্যান্তি পলায়িনম্।
জয়িনস্তু নরাস্তাত মঙ্গলৈর্বন্দনেন চ॥ 12-100-39 (68708)
যস্য স্ম ব্যসনে রাজন্ননুমোদন্তি শত্রবঃ।
তদসহ্যতরং দুঃখং মন্যন্তে মরণাদপি॥ 12-100-40 (68709)
শ্রিয়ং জানীত ধর্মস্য মূলং সর্বসুখস্য চ।
যা ভীরূণাং পরাখ্যাতিঃ শূরস্তামধিগচ্ছতি॥ 12-100-41 (68710)
তে বয়ং স্বর্গমিচ্ছন্তঃ সংগ্রামে ত্যক্তজীবিতাঃ।
জয়ন্তো বধ্যমানা বা প্রাপ্নুয়াম চ সদ্গতিম্॥ 12-100-42 (68711)
এবং সংশপ্তশপথাঃ সমভিত্যক্তজীবিতাঃ।
অমিত্রবাহিনীং বীরাঃ প্রতিগাহন্ত্যভীরবঃ॥ 12-100-43 (68712)
অগ্রতঃ পুরুষাঽনীকমসিচর্মবতাং ভবেৎ।
পৃষ্ঠতঃ শকটানীকং কলত্রং মধ্যতস্তথা॥ 12-100-44 (68713)
পরেষাং প্রতিঘাতার্থং পদাতীনাং চ গূহনম্।
অপি তস্মিন্পুরে বৃদ্ধা ভবেয়ুর্যে পুরোগমাঃ॥ 12-100-45 (68714)
যে পুরস্তাদভিমতাঃ সৎববন্তো মনস্বিনঃ।
তে পূর্বমভিবর্তেরংশ্চৈতানেবেতরে জনাঃ॥ 12-100-46 (68715)
অপি চোদ্ধর্ষণং কার্যং ভীরূণামপি যত্নতঃ।
স্কন্ধদর্শনমাত্রাত্তু তিষ্ঠেয়ুর্বা সমীপতঃ॥ 12-100-47 (68716)
সংহতান্যোধয়েদল্পান্কামং বিস্তারয়েদ্বহূন্।
সূচীমুখমনীকং স্যাদল্পানাং বহুভিঃ সহ॥ 12-100-48 (68717)
সংপ্রয়ুক্তে নিকৃষ্টে বা সত্যং বা যদি বাঽনৃতম্।
প্রগৃহ্য বাহূন্ক্রোশেত হন্ত ভগ্নাঃ পরে ইতি॥ 12-100-49 (68718)
আগতং মে মিত্রবলং প্রহরধ্বমভীতবৎ।
সৎববন্তো নিধাবেয়ুঃ কুর্বন্তো ভৈরবান্রবান্॥ 12-100-50 (68719)
ক্ষ্বেডাঃ কিলকিলাশব্দাঃ ক্রকচা গোবিষাণিকাঃ।
ভেরীমৃদঙ্গপণবান্নাদয়েয়ুশ্চ জর্ঝরান্॥ ॥ 12-100-51 (68720)
ইতি শ্রীমন্মহাভারতে শান্তিপর্বণি রাজধর্মপর্বণি শততমোঽধ্যায়ঃ॥ 100॥
Mahabharata - Shanti Parva - Chapter Footnotes
12-100-4 নৈগমং বেদোক্তমুপায়ম্॥ 12-100-5 বক্রাং বক্রয়ৈব নাশয়েৎ॥ 12-100-6 অমিত্রানিব তাং নিকৃতিং প্রবাধতে বাধেত॥ 12-100-7 গজানাং বর্মাণি বাণঘাতত্রাণানি। গবাদীনাং শল্যাদীনি॥ 12-100-21 অমর্যাদাং সেতুপ্রাকারাদিহীনাম্॥ 12-100-24 সুদিনেষু বৃষ্টিবর্জিতদিনেষু॥ 12-100-25 প্রসংখ্যায় সম্যগ্বিচার্য॥ 12-100-26 তিথৌ নক্ষত্রে চ পূজিত আশীর্ভির্যোজিতঃ॥ 12-100-28 উপন্যাসাৎসুরুঙ্গাদিগুপ্তোপায়াৎ। বহিস্তৃণাদ্যর্থং চরতো বহিশ্চরানল্পান্। উপন্যাসান্ তৃণাহ্যাহর্তৄন্॥ 12-100-29 তান্নাভিঘাতয়েদিতি প্রপূর্বেণ সংবন্ধঃ॥ 12-100-30 অনীকং পরকীয়ম্॥ 12-100-33 সন্নিপাত্যৈকীকৃত্য॥ 12-100-35 প্রদরং ভঙ্গম্। বধং বা স্বীয়ানাম্॥ 12-100-37 নোঽস্মৎসংবন্ধিনাং দ্বিষতাং পুরুষস্য দ্রব্যনাশাদিকমস্ৎবিতি পূর্বেণ সহ দ্বয়োঃ সংবন্ধঃ॥ 12-100-38 রাশির্যোধসংখ্যাশরীরং বা তস্য বর্ধনাঃ। বৃথাজন্মান ইত্যর্থঃ॥ 12-100-39 পলায়িনং জয়িনঃ প্রত্যুদ্যান্তি যত্তদসহ্যতরমিত্যপকৃষ্যতে॥ 12-100-44 পুরুষা পুরুষাণাম্। বিভক্তিলোপ আর্ষঃ॥ 12-100-47 স্কন্ধঃ সমূহঃ। সমূহমাত্রার্থং বা তিষ্ঠেয়ুঃ॥ 12-100-48 সংহতানন্যোন্যং শ্লিষ্টান্ স্বান্পরৈঃ সহ যোধয়েৎসেনাপতিঃ॥শান্তিপর্ব - অধ্যায় 101
॥ শ্রীঃ ॥
12.101. অধ্যায়ঃ 101
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি যোধলক্ষণাদিকথনম্॥ 1॥Mahabharata - Shanti Parva - Chapter Text
12-101-0 (68721)
যুধিষ্ঠির উবাচ। 12-101-0x (5603)
কিংশীলাঃ কিংসমুত্থানাঃ কথংরূপাশ্চ ভারত।
কিংসন্নাহাঃ কথংশস্ত্রা জনাঃ স্যুঃ সংয়ুগে নৃপাঃ॥ 12-101-1 (68722)
ভীষ্ম উবাচ। 12-101-2x (5604)
যথাচরিতমেবাত্র শস্ত্রং পত্রং বিধীয়তে।
আচারাদ্ধীহ পুরুষস্তথা কর্মসু বর্ততে॥ 12-101-2 (68723)
গান্ধারাঃ সিন্ধুসৌবীরা নখরপ্রাসয়োধিনঃ।
অভীরবঃ সুবলিনস্তদ্বলং সর্বপারগম্॥ 12-101-3 (68724)
সর্বশস্ত্রেষু কুশলাঃ সৎববন্তো হ্যুশীনরাঃ।
প্রাচ্যা মাতঙ্গয়ুদ্ধেষু কুশলাঃ কূটয়োধিনঃ॥ 12-101-4 (68725)
তথা যবনকাম্ভোজা মধুরামভিতশ্চ যে।
এতেঽশ্বয়ুদ্ধকুশলা দাক্ষিণাত্যাঽসিচর্মিণঃ।
সর্বত্র শূরা জায়ন্তে মহাসৎবা মহাবলাঃ॥ 12-101-5 (68726)
আবন্তিকা মহাশূরাশ্চতুরঙ্গে চ মালবাঃ।
একোঽপি হি সহস্রস্য তিষ্ঠত্যভিমুখো রণে॥ 12-101-6 (68727)
প্রায়ো দেশাঃ সমুদ্দিষ্টা লক্ষণানি তু মে শৃণু॥ 12-101-7 (68728)
সিংহশার্দূলবাঙ্গেত্রাঃ সিংহশার্দূলগামিনঃ।
পারাবতকুলিঙ্গাক্ষাঃ সর্বে শূরাঃ প্রমাথিনঃ। 12-101-8 (68729)
মৃগস্বরা দ্বীপিনেত্রা ঋষভাক্ষাস্তথা পরে।
প্রমাথিনশ্চ মন্দ্রাশ্চ ক্রোধনাঃ কিঙ্কিণীস্বনাঃ॥ 12-101-9 (68730)
মেঘস্বনাঃ ক্রূরমুখাঃ কেচিচ্চ কলনিস্বনাঃ।
জিহ্মনাসাগ্রজিহ্বাশ্চ দূরগা দূরপাতিনঃ॥ 12-101-10 (68731)
বিডালকুব্জাঃ স্তব্ধাক্ষাস্তনুকেশাস্তনুৎবচঃ।
শীঘ্রাশ্চপলচিত্তাশ্চ তে ভবন্তি দুরাসদাঃ॥ 12-101-11 (68732)
গৌরা নিমীলিতাঃ কেচিন্মৃদুপ্রকৃতয়স্তথা।
তুরঙ্গগতিনির্ঘোষাস্তে নরাঃ পারয়িষ্ণবঃ॥ 12-101-12 (68733)
সুসংহতাঃ প্রতনবো ব্যূঢোরস্কাঃ সুসংস্থিতাঃ।
প্রবাদিতেষু কুপ্যন্তি হৃষ্যন্তি কলদ্দেষু চ॥ 12-101-13 (68734)
গম্ভীরাক্ষা নিসৃষ্টাক্ষাঃ পিঙ্গাক্ষা ভ্রুকুটীমুখাঃ।
নকুলাক্ষাস্তথা চৈব সর্বে শূরাস্তনুত্যজঃ॥ 12-101-14 (68735)
জিহ্নাক্ষাঃ প্রললাটাশ্চ নির্মাংসহনবোঽব্যথাঃ।
বক্রবাহ্বঙ্গুলীসক্থাঃ কৃশা ধমনিসংততাঃ॥ 12-101-15 (68736)
প্রবিশন্তি চ বেগেন সাংপরায়ে হ্যুপস্থিতে।
বারণা ইব সংমত্তাস্তে ভবন্তি দুরাসদাঃ॥ 12-101-16 (68737)
দীপ্তস্ফুটিতকেশান্তাঃ স্থূলপার্শ্বহনূমুখাঃ।
উন্নতাংসাঃ পৃথুগ্রীবা বিকটাঃ স্থূলপিণ্ডিকাঃ॥ 12-101-17 (68738)
উদ্বন্ধা ইব সুগ্রীবা বিনতাবিহগা ইব।
পিণ্ডশীর্ষাতিবক্রাশ্চ পৃষদংশমুখাস্তথা॥ 12-101-18 (68739)
অগ্রস্বরা মন্যুমন্তো যুদ্ধেষ্বারাবসারিণঃ।
অধর্মজ্ঞাঽবলিপ্তাশ্চ ঘোরা রৌদ্রপ্রদর্শনাঃ॥ 12-101-19 (68740)
ত্যক্তাত্মানঃ সর্ব এতে উদগ্রা হ্যনিবর্তিনঃ।
পুরস্কার্যাঃ সদা সৈন্যে হন্যন্তে ঘ্নন্তি চাপি তে॥ 12-101-20 (68741)
অধার্মিকা ভিন্নবৃত্তাঃ সান্ৎবেনৈষাং পরাভবঃ।
এবমেব প্রদূষ্যন্তে রাজ্ঞোঽপ্যেতে হ্যভীক্ষ্ণশঃ॥ ॥ 12-101-21 (68742)
ইতি শ্রীমন্মহাভারতে শান্তিপর্বণি রাজধর্মপর্বণি একাধিকশততমোঽধ্যায়ঃ॥ 101॥
Mahabharata - Shanti Parva - Chapter Footnotes
12-101-2 আচরিতং কুলদেশাচারাগতম্। পত্রং বাহনম্॥ 12-101-5 দাক্ষিণাত্যা অসিচর্মিণ ইতি চ্ছেদঃ॥ 12-101-8 কুলিঙ্গাক্ষাঃ কুলিঙ্গঃ সর্পঃ॥ 12-101-10 জিহ্মনাঃ সানুজঙ্ঘাশ্চেতি থ. পাঠঃ॥ 12-101-15 প্রললাটাঃ উন্নতকপালাঃ॥ 12-101-17 দীপ্তঃ পিঙ্গলঃ। পিণ্ডিকাঃ জানুনোরধঃ পশ্চাদ্ভাগাঃ॥ 12-101-18 সুগ্রীবা বাসুদেবাশ্বাঃ। বিনতাবিহগাঃ গণ্ডাঃ। পিণ়্ডশীর্ষাঃ বৃত্তশিরসঃ। অতিবক্রাঃ বিস্তীর্ণমুখাঃ। সংধিরার্ষঃ সমাসো বা॥ 12-101-21 এবমেব প্রকুষ্যন্তি ইতি ঝ. পাঠঃ॥শান্তিপর্ব - অধ্যায় 102
॥ শ্রীঃ ॥
12.102. অধ্যায়ঃ 102
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সেনায়া জয়চিহ্নানাং রাজনীতেশ্চ কথনম্॥ 1॥Mahabharata - Shanti Parva - Chapter Text
12-102-0 (68743)
যুধিষ্ঠির উবাচ। 12-102-0x (5605)
জয়িন্যাঃ কানি রূপাণি ভবন্তি ভরতর্ষভ।
পৃতনায়াঃ প্রশস্তানি তানি চেচ্ছামি বেদিতুম্॥ 12-102-1 (68744)
ভীষ্ম উবাচ। 12-102-2x (5606)
জয়িন্যা যানি রূপাণি ভবন্তি ভরতর্ষভ।
পৃতনায়াঃ প্রশস্তানি তানি বক্ষ্যামি সর্বশঃ॥ 12-102-2 (68745)
দৈবে পূর্বং প্রকুপিতে মানুষে কালচোদিতে।
তদ্বিদ্ব অঽনুপস্যন্তি জ্ঞানদীর্ঘেণ চক্ষুষা॥ 12-102-3 (68746)
প্রায়শ্চিত্তবিধিং চাত্র জপহোমাংশ্চ তদ্বিদঃ।
মঙ্গল নি চ কুর্বন্তি শময়ন্ত্যহিতানি চ॥ 12-102-4 (68747)
উদীণানসো যোধা বাহনানি চ ভারত।
যস্যাং ভবন্তি সেনায়াং ধ্রুবং তস্যা জয়ো ভবেৎ॥ 12-102-5 (68748)
অন্বেব বায়বো যান্তি তথৈবেন্দ্রধনূংষি চ।
অনুপ্লবন্তে মেঘাশ্চ তথাঽঽদিত্যস্য রশ্ময়ঃ॥ 12-102-6 (68749)
গোমায়বশ্চাতুলোমবলা গৃধ্রাশ্চ সর্বশঃ।
অর্হয়েয়ুর্যদা সেনাং তদা সিদ্ধিরনুত্তমা॥ 12-102-7 (68750)
প্রসন্নভাঃ পাবকশ্চোর্ধ্বরশ্মিঃ
প্রদক্ষিণাবর্তশিখো বিধূমঃ।
পুণ্যা গন্ধাশ্চাহুতীনাং ভবন্তি
জয়স্যৈতদ্ভাবিনো রূপমাহুঃ॥ 12-102-8 (68751)
গম্ভীরশব্দাশ্চ মহাস্বনাশ্চ
শঙ্খ্যাশ্চ ভের্যশ্চ নদন্তি যত্র।
যুয়ুৎসবশ্চাপ্রতীপা ভবন্তি
জয়স্যৈতদ্ভাবিনো রূপমাহুঃ॥ 12-102-9 (68752)
ইষ্টা মৃগাঃ পৃষ্ঠতো বামতশ্চ
সংপ্রস্থিতানাং চ গমিষ্যতাং চ।
জিঘাংসতাং দক্ষিণাঃ সিদ্ধিমাহু
র্যে ৎবগ্রতস্তে প্রতিষেধয়ন্তি॥ 12-102-10 (68753)
মাঙ্গল্যশব্দাঞ্শকুনা বদন্তি
হংসাঃ ক্রৌঞ্চাঃ শতপত্রাশ্চ চাষাঃ।
হৃষ্টা যোধাঃ সৎববন্তো ভবন্তি
জয়স্যৈতদ্ভাবিনো রূপমাহুঃ॥ 12-102-11 (68754)
শস্ত্রৈর্যন্ত্রৈঃ কবচৈঃ কেতুভিশ্চ
সুভানুভির্মুখবর্ণৈশ্চ যূনাম্।
ভ্রাজিষ্মতী দুষ্প্রতিবীক্ষণীয়া
যেষাং চমূস্তেঽভিভবন্তি শত্রূন্॥ 12-102-12 (68755)
শুশ্রূষবশ্চানভিমানিনশ্চ
পরস্পরং সৌহৃদমাস্থিতাশ্চ।
যেষাং যোধাঃ শৌর্যমনুষ্ঠিতাশ্চ
জয়স্যৈতদ্ভাবিনো রুপমাহুঃ॥ 12-102-13 (68756)
শব্দাঃ স্পর্শাস্তথা গন্ধা বিচরন্তি মনঃ প্রিয়াঃ।
ধৈর্যং চাবিশতে যোধান্বিজয়স্য মুখং চ তৎ॥ 12-102-14 (68757)
শব্দো বামঃ প্রস্থিতস্য দক্ষিণঃ প্রবিবিক্ষতঃ।
পশ্চাৎসংসাধয়ত্যর্থং পুরস্তাচ্চ নিষেধতি॥ 12-102-15 (68758)
সংহত্য মহতীং সেনাং চতুরঙ্গাং যুধিষ্ঠির।
সাম্নৈব বর্তয়েঃ পূর্বং প্রসতেথাস্ততো যুধি॥ 12-102-16 (68759)
জঘন্য এষ বিজয়ো যদ্যুদ্ধে সামভাষণম্।
যাদৃচ্ছিকো যুধি জয়ো দৈবেনেতি বিচারণম্॥ 12-102-17 (68760)
আপগেব মহাবেগা ত্রস্তা ইব মহামৃগাঃ।
দুর্নিবার্যতমা চৈব প্রভগ্না মহতী চমূঃ॥ 12-102-18 (68761)
ভগ্না ইত্যেব ভজ্যন্তে বিদ্বাংসোঽপি ন কারণম্।
উদারসারা মহতী রুরুসংঘোপমা চমূঃ॥ 12-102-19 (68762)
পরস্পরজ্ঞাঃ সংহৃষ্টাস্ত্যক্তপ্রাণাঃ সুনিশ্চিতাঃ।
অপি পঞ্চত্রতৈ শূরা নিঘ্নন্তি পরবাহিনীম্॥ 12-102-20 (68763)
অপি বা পঞ্চষট্সপ্তসংহিতাঃ কৃতনিশ্চয়াঃ।
ক্ললীনাঃ পূজিতাঃ সম্যগ্বিজয়ন্তীহ শাত্রবান্॥ 12-102-21 (68764)
সন্নিপাতো ন মন্তব্যঃ শক্যে সতি কথংচন।
সান্ৎবভেদপ্রদানানাং যুদ্ধমুত্তরমুচ্যতে॥ 12-102-22 (68765)
সংসর্পেণ হি সেনায়া ভয়ং ভীরূন্প্রবাধতে।
বজ্রাদিয় প্রজ্বলিতাদিয়ং স্বিৎক্ষপয়িষ্যতি॥ 12-102-23 (68766)
অমিপ্রয়াতাং সমিতিং জ্ঞাৎবা যে প্রতিয়ান্ত্যথ।
তেষাং সন্দন্তি গাত্রাণি যোধানাং বিবয়স্য চ॥ 12-102-24 (68767)
বিষয়ো ব্যথতে রাজন্সর্বঃ সস্থাণুজঙ্গমঃ।
অস্ত্রপ্রতাপতপ্তানাং মজ্জাঃ সীদন্তি দেহিনাম্॥ 12-102-25 (68768)
তেষাং সান্ৎবং ক্রূরমিশ্রং প্রণেতব্যং পুনঃ পুনঃ।
সংপীড্যমানা হি পরৈর্যোগমায়ান্তি সর্বতঃ॥ 12-102-26 (68769)
আন্তরাণাং চ ভেদার্থং চরানভ্যবচারয়েৎ।
যশ্চ তস্মাৎপরো রাজা তেন সংধিঃ প্রশস্যতে॥ 12-102-27 (68770)
ন হি তস্যান্যথা পীডা শক্যা কর্তুং তথাবিধা।
যথা সার্ধমমিত্রেণ সর্বতঃ প্রতিবাধনম্॥ 12-102-28 (68771)
ক্ষমা বৈ সাধুমায়াতি ন হ্যসাধূন্ক্ষমা সদা।
ক্ষমায়াশ্চাক্ষমায়াশ্চ পার্থ বিদ্ধি প্রয়োজনম্॥ 12-102-29 (68772)
বিজিত্য ক্ষমমাণস্য যশো রাজ্ঞো বিবর্ধতে।
মহাপরাধে হ্যপ্যস্মিন্বিশ্বসন্ত্যপি শত্রবঃ॥ 12-102-30 (68773)
মন্যন্তে কর্ষয়িৎবা তু ক্ষমা সাধ্বীতি শাম্বরাঃ।
অসংতপ্তং তু যদ্দারু প্রত্যেতি প্রকৃতিং পুনঃ॥ 12-102-31 (68774)
নৈতৎপ্রশংসন্ত্যাচার্যা ন চৈতৎসাধু দর্শনম্।
অক্রোধেনাবিনাশেন নিয়ন্তব্যাঃ স্বপুত্রবৎ॥ 12-102-32 (68775)
দ্বেষ্যো ভবতি ভূতানামুগ্রো রাজা যুধিষ্ঠির।
মৃদুমপ্যবমন্যন্তে তস্মাদুভয়ভাগ্ভবেৎ॥ 12-102-33 (68776)
প্রহরিষ্যন্প্রিয়ং ব্রূয়াৎপ্রহরন্নপি ভারত।
প্রহৃত্য চ প্রিয়ং ব্রূয়াচ্ছোচন্নিব রুদন্নিব॥ 12-102-34 (68777)
ন মে প্রিয়া যে স্ম হতাঃ সংপ্রহৃষ্টাঃ পরেঽপি চ।
ন চ কত্থনমেবাগ্র্যমুচ্যমানং পুনঃ পুনঃ॥ 12-102-35 (68778)
অহো জীবিতমাকাঙ্ক্ষেন্নেদৃশো বধমর্হতি।
সুদুর্লভাঃ সুপুরুষাঃ সংগ্রামেষ্বপলায়িনঃ॥ 12-102-36 (68779)
কৃতং মমাপ্রিয়ং তেন যেনায়ং নিহতো মৃধে।
ইতি বাচা বদন্হন্তৃন্পূজয়েত রহোগতঃ॥ 12-102-37 (68780)
হন্তৄণাং চ হতানাং চ পূজাং কুর্যাদ্যথার্থতঃ।
ক্রোশেদ্বাহুং প্রগৃহ্যাপি চিকীর্ষঞ্জনসংগ্রহম্॥ 12-102-38 (68781)
এবং সর্বাস্ববস্থাসু সান্ৎবপূর্বং সমাচরেৎ।
প্রিয়ো ভবতি ভূতানাং ধর্মজ্ঞো বীতভীর্নৃপঃ॥ 12-102-39 (68782)
বিশ্বাসং চাত্র গচ্ছন্তি সর্বভূতানি ভারত।
বিশ্বস্তঃ শক্যতে ভোক্তুং যথাকালং সমুত্থিতঃ॥ 12-102-40 (68783)
তস্মাদ্বিশ্বাসয়েদ্রাজা সর্বভূতান্যমায়যা।
সর্বতঃ পরিরক্ষেচ্চ যো মহীং ভোক্তুমিচ্ছতি॥ ॥ 12-102-41 (68784)
ইতি শ্রীমন্মহাভারতে শান্তিপর্বণি রাজধর্মপর্বণি দ্ব্যধিকশততমোঽধ্যায়ঃ॥ 102॥
Mahabharata - Shanti Parva - Chapter Footnotes
12-102-15 শব্দঃ কাকস্যেতি শেষঃ॥ 12-102-22 সন্নিপাতো যুদ্ধম্॥ 12-102-24 সন্নিতি যুদ্ধম্। স্যন্দন্তি স্তিদ্যন্তি॥ 12-102-25 বিধয়ো দেশঃ॥ 12-102-26 যোগং সম্বিম্॥ 12-102-27 আন্তরাণাং শত্রোঃ সদ্ধীনাম্। তস্মাচ্ছত্রোঃ পরঃ শ্রেষ্ঠস্তেন সন্ধিং চ কুর্যাৎ॥ 12-102-29 ক্ষমা বৈ সাধ্বমায়ানাং নহি সাধু সদা ক্ষমা ইতি ড. থ. পাঠঃ॥ 12-102-30 অস্মিন্ক্ষমাবতি॥ 12-102-31 অসংতাপ্য ঋজূকৃতং বংশাদি পুনর্বক্রীভবত্যর্থঃ শত্রুং সংতাপ্য ক্ষমাং কুর্যাদিতি শম্বরস্য দৈত্যস্য মতম্॥ 12-102-32 স্বমতমাহ নৈতদিতি॥ 12-102-40 বিস্বস্তো জনঃ॥শান্তিপর্ব - অধ্যায় 103
॥ শ্রীঃ ॥
12.103. অধ্যায়ঃ 103
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শত্রুজয়োপায়াদিপ্রতিপাদকেন্দ্রবৃহস্পতিসংবাদানুবাদঃ॥ 1॥Mahabharata - Shanti Parva - Chapter Text
12-103-0 (68785)
যুধিষ্ঠির উবাচ। 12-103-0x (5607)
কথং মৃদৌ কথং তীক্ষ্ণে মহাপক্ষে চ ভারত।
অরৌ বর্তেত নৃপতিস্তন্মে ব্রূহি পিতামহ॥ 12-103-1 (68786)
ভীষ্ম উবাচ। 12-103-2x (5608)
অত্রাপ্যুদাহরন্তীমমিতিহাসং পুরাতনম্।
বৃহস্পতেশ্চ সংবাদমিন্দ্রস্য চ যুধিষ্ঠির॥ 12-103-2 (68787)
বৃহস্পতিং দেবপতিরভিবাদ্য কৃতাঞ্জলিঃ।
উপসংগম্য পপ্রচ্ছ বাসবঃ পরবীরহা॥ 12-103-3 (68788)
অহিতেষু কথং ব্রহ্মন্প্রবর্তেয়মতন্দ্রিতঃ।
অসমুছিদ্য চৈবৈতান্নিয়চ্ছেয়মুপায়তঃ॥ 12-103-4 (68789)
সেনয়োর্থ্যতিষঙ্গে চ জয়ঃ সাধারণো ভবেৎ।
কিং কুর্বাণং ন মাং জহ্যাজ্জ্বলিতা শ্রীঃ প্রতাপিনী॥ 12-103-5 (68790)
ততো র্মার্থকামানাং কুশলঃ প্রতিভানবান্।
রাজধর্মবিধানজ্ঞঃ প্রত্যুবাচ পুরংদরম্॥ 12-103-6 (68791)
ন জা কলহেনেচ্ছেন্নিয়ন্তুমপকারিণঃ।
বালৈর সবিতং হ্যেতদ্যদমর্ষো যদক্ষমা॥ 12-103-7 (68792)
ন শত্রুর্বিবৃতঃ কার্যো বধমস্যাভিকাঙ্ক্ষতা॥ 12-103-8 (68793)
ক্রোধং ভয়ং চ হর্ষং চ নিয়ম্য স্বয়মাত্মনি।
অমিত্র পসেবেত বিশ্বস্তবদবিশ্বসন্॥ 12-103-9 (68794)
প্রিয়মেব বদেন্নিত্যং নাপ্রিয়ং কিংচিদাচরেৎ।
বিরমেচ্ছুষ্কবৈরেভ্যঃ কর্ণজাপং চ বর্জয়েৎ॥ 12-103-10 (68795)
যথা বৈতংসিকো যুক্তো দ্বিজানাং সদৃশস্বরঃ।
তান্দ্বিজান্কুরুতে বশ্যাংস্তথায়ুক্তো মহীপতিঃ।
বশং চোপনয়েচ্ছত্রূন্নিহন্যাচ্চ পুংরদর॥ 12-103-11 (68796)
ন নিত্যং পরিভূয়ারীন্সুখং স্বপিতি বাসব।
জাগর্ত্যেব হি দুষ্টাত্মা সংকরেঽগ্নিরিবোত্থিতঃ॥ 12-103-12 (68797)
ন সন্নিপাতঃ কর্তব্যঃ সামান্যে বিজয়ে সতি।
বিশ্বাস্যৈবোপসংনম্যো বশে কৃৎবা রিপুঃ প্রভো॥ 12-103-13 (68798)
সংপ্রধার্য সহামাত্যৈর্মন্ত্রবিদ্ভির্মহাত্মভিঃ।
উপেক্ষ্যমাণো বিজ্ঞাতো হৃদয়েনাপরাজিতঃ।
অথাস্য প্রহরেৎকালে বিধের্বিত্তলিতো যদা॥ 12-103-14 (68799)
দণ্ডং চ দূষয়েদস্য পুরুষৈরাপ্তকারিভিঃ॥ 12-103-15 (68800)
আদিমধ্যাবসানজ্ঞান্প্রচ্ছন্নং চ বিচারয়েৎ।
বলানি দূষয়েদস্য জানন্নেব প্রমাণতঃ॥ 12-103-16 (68801)
ভেদেনোপপ্রদানেন সংসৃজেদৌষধৈস্তথা।
ন ৎবেব খলু সংসর্গং রোচয়েদরিভিঃ সহ॥ 12-103-17 (68802)
দীর্ঘকালমপীক্ষেত্ত নিগ্রাহ্যা এব শত্রবঃ।
কালকাঙ্গী চ যুক্তঃ সন্নুপাসীত শচীপতে॥ 12-103-18 (68803)
তথা প্রিয়ং চ বক্তব্যং যথা বিস্রম্ভমাপ্নুয়াৎ।
ন সদ্যোঽরীন্বিহন্যাচ্চ দ্রষ্টব্যো বিজয়ো ধ্রুবঃ।
ভূয়ঃ শল্যং ঘটয়তি নবং চ কুরুতে ব্রণম্॥ 12-103-19 (68804)
প্রাপ্তে চ প্রহরেৎকালে ন চ সংবর্ততে পুনঃ।
হন্তুকামস্য দেবেন্দ্র পুরুষস্য রিপূন্প্রতি॥ 12-103-20 (68805)
যং হি কালো ব্যতিক্রামেৎপুরুষং কালকাঙ্ক্ষিণম্।
দুর্লভঃ স পুনস্তেন কালঃ কর্ম চিকীর্ষতা॥ 12-103-21 (68806)
ঔজস্যং জনয়েদেব সংগৃহ্ণন্সাধুসংমতম্।
কালেন সাধয়েৎকৃত্যমপ্রাপ্তো ন হি পীডয়েৎ॥ 12-103-22 (68807)
বিহায় কামং ক্রোধং চ তথাঽহংকারমেব চ।
যুক্তো বিবরমন্বিচ্ছেদহিতানাং সদা নৃপঃ॥ 12-103-23 (68808)
মার্দবং দণ্ড আলস্যং প্রমাদশ্চ সুরোত্তম।
মায়াঃ সুবিহিতাঃ শক্র শাতয়ন্ত্যবিচক্ষণম্॥ 12-103-24 (68809)
নিহত্যৈতানি চৎবারি মায়াং প্রতিবিধায় চ।
ততঃ শক্নোতি শত্রূণাং প্রহর্তুমবিচারয়ন্॥ 12-103-25 (68810)
যদেবৈতেন শক্যেত গুহ্যং কর্তুং তদাঽঽচরেৎ।
যচ্ছন্তি সতিবা গুহ্যং মিথো বিশ্রাবয়ন্ত্যপি॥ 12-103-26 (68811)
অশক্যমিতি কৃৎবা বা ততোঽন্যৈঃ সংবিদং চরেৎ।
ব্রহ্মদণ্ডমদৃষ্টেষু দৃষ্টেষু চতুরঙ্গিণীম্॥ 12-103-27 (68812)
ভেদং চ প্রথমং বিদ্যাত্তূষ্ণীং দণ্ডং তথৈব চ।
কালে প্রয়োজয়েদ্রাজা তস্মিংস্তস্মিংস্তদাতদা॥ 12-103-28 (68813)
প্রণিপাতং চ গচ্ছেত কালে শত্রোর্বলীয়সঃ।
যুক্তোঽস্য বধমন্বিচ্ছেদপ্রমত্তঃ প্রমাদ্যতঃ॥ 12-103-29 (68814)
প্রণিপাতেন দানেন বাচা মধুরয়া ব্রুবন্।
অমিত্রমুপসেবেত ন চ জাতু বিশঙ্কয়েৎ॥ 12-103-30 (68815)
স্থানানি শঙ্কিতানাং চ নিত্যমেব বিবর্জয়েৎ।
ন চ তেষ্বাশ্বসেদ্রাজা জাগ্রতীহ নিরাকৃতাঃ॥ 12-103-31 (68816)
ন হ্যতো দুষ্করং কর্ম কিংচিদস্তি সুরোত্তম।
যথা বিবিধবৃত্তানামৈশ্বর্যমমরাধিপ॥ 12-103-32 (68817)
তথা বিবিধশীলানামপি সংভব উচ্যতে।
প্রয়তেদ্যোগমাস্থায় মিত্রামিত্রানধারয়ন্॥ 12-103-33 (68818)
মৃদুমপ্যবমন্যন্তে তীক্ষ্ণাদুদ্বিজতে জনঃ।
মাতীক্ষ্ণো মা মৃদুর্ভূস্ৎবং তীক্ষ্ণো ভব মৃদুর্ভব॥ 12-103-34 (68819)
যথা বপ্রে বেগবতি সর্বতঃ সংপ্লতোদকে।
নিত্যং বিচরণাদ্বাধস্তথা রাজ্যং প্রমাদ্যতঃ॥ 12-103-35 (68820)
ন বহূনুপরুধ্যেত যৌগপদ্যেন শাত্রবান্।
সাম্না দানেন ভেদেন দণ্ডেন চ পুরংদর॥ 12-103-36 (68821)
একৈকমেষাং নিষ্পিষ্য শিষ্টেষু নিপুণং চরেৎ।
ন তু শক্তোঽপি মেধাবী সর্বানেবাচরেদ্বুধঃ॥ 12-103-37 (68822)
যদা স্যান্মহতী সেনা হয়নাগরথাকুলা।
পদাতিয়ন্ত্রবহুলা অনুরক্তা ষডঙ্গিনী॥ 12-103-38 (68823)
যদা বহুবিধাং বৃদ্ধিং মন্যেত প্রতিয়োগতঃ।
তদা বিবৃত্য প্রহরেদ্দস্যূনামবিচারয়ন্॥ 12-103-39 (68824)
ন সাম দণ্ডোপনিষৎপ্রশস্যতে
ন মার্দবং শত্রুষু যাত্রিকং সদা।
ন সস্যঘাতো ন চ সংকরক্রিয়া
ন চাপি ভূয়ঃ প্রকৃতের্বিচারণা॥ 12-103-40 (68825)
মায়াবিভেদানুপসর্জনানি
বাচং তথৈব প্রথমং প্রয়োগাৎ।
আপ্তৈর্মনুষ্যৈরুপচারয়েত
পুরেষু রাষ্ট্রেষু চ সংপ্রয়ুক্তান্॥ 12-103-41 (68826)
পুরাঽপি চৈতাননুসৃত্য ভূমিপাঃ
পুরেষু ভোগানখিলাঞ্জয়ন্তি
পুরেষু নীতিং বিহিতাং যথাবিধি
প্রয়োজয়ন্তো বলবৃত্রসূদন॥ 12-103-42 (68827)
প্রদায় গূঢানি বসূনি নাম
প্রচ্ছিদ্য ভোগানপহায় চ স্বান্।
দুষ্টাঃ স্বদোষৈরিতি কীর্তয়িৎবা
পুরেষু রাষ্ট্রেষু চ যোজয়ন্তি॥ 12-103-43 (68828)
তথৈব চান্যৈরপি শাস্ত্রবেদিভিঃ
স্বলংকৃতৈঃ শাস্ত্রবিধানলিঙ্গিতৈঃ।
সুশিক্ষিতৈর্ভাষ্যকথাবিশারদৈঃ
পরেষু কৃত্যামুপধারয়েচ্চ॥ 12-103-44 (68829)
ইন্দ্র উবাচ। 12-103-45x (5609)
কানি লিঙ্গানি দুষ্টস্য ভবন্তি দ্বিজসত্তম।
কথং দুষ্টং বিজানীয়াদেতৎপুষ্টো ব্রবীহি মে॥ 12-103-45 (68830)
বৃহস্পতিরুবাচ। 12-103-46x (5610)
পরোক্ষমগুণানাহ সদ্রুণানভ্যসূয়তি।
পরৈর্বা কীর্ত্যমানেষু তূষ্ণীমাস্তে পরাঙ্ভুখঃ॥ 12-103-46 (68831)
তূষ্ণীংভাবেঽপি বিজ্ঞেয়ং ন চেদ্ভবতি কারণম্।
বিশ্বাসং চোষ্ঠসংদংশং শিরসশ্চ প্রকম্পনম্॥ 12-103-47 (68832)
করোত্যভীক্ষ্ণং সংসৃষ্টমসংসৃষ্টশ্চ ভাষতে।
অদৃষ্টবদ্বিকুরুতে দৃষ্ট্বা বা নাভিভাষতে॥ 12-103-48 (68833)
পৃথগেত্য সমশ্নাতি নেদমদ্য যথাবিধি।
আসনে শয়নে যানে ভাবা লক্ষ্যা বিশেষতঃ॥ 12-103-49 (68834)
আর্তিরার্তে প্রিয়ে প্রীতিরেতাবন্মিত্রলক্ষণম্।
বিপরীতং তু বোদ্ধব্যমরিলক্ষণমেব তৎ॥ 12-103-50 (68835)
এতান্যেব যথোক্তানি বুধ্যেথাস্ত্রিদশাধিপ।
পুরুষাণাং প্রদুষ্টানাং স্বভাবো বলবত্তরঃ॥ 12-103-51 (68836)
ইতি দুষ্টস্য বিজ্ঞানমুক্তং তে সুতসত্তম।
নিশাম্য শাস্ত্রতত্ৎবার্থং যথাবদমরেশ্বরঃ॥ 12-103-52 (68837)
ভীষ্ম উবাচ 12-103-53x (5611)
স তদ্বচঃ শত্রুনিবর্হণে রত
স্তথা চকারাবিতথং বৃহস্পতেঃ।
চচার কালে বিজয়ায় চারিহা
বশং চ শত্রূননয়ৎপুরংদরঃ॥ ॥ 12-103-53 (68838)
ইতি শ্রীমন্মহাভারতে শান্তিপর্বণি রাজধর্মপর্বণি ত্র্যধিকশততমোঽধ্যায়ঃ॥ 103॥
Mahabharata - Shanti Parva - Chapter Footnotes
12-103-5 ব্যতিষঙ্গে মিশ্রণে যুদ্ধে ইত্যর্থঃ। সাধারণোঽনিয়তঃ॥ 12-103-6 প্রত্যুবাচ গুরুঃ॥ 12-103-7 বিবৃতঃ সাবধানঃ॥ 12-103-11 বিতসঃ পক্ষিবন্ধনোপায়স্তদুপজীবী বৈতংসিকঃ॥ 12-103-12 স্বপিতি মহীপতিরিত্যনুকর্ষঃ॥ 12-103-13 সামান্যে অনিশ্চিতে॥ 12-103-14 প্রহরেৎকালে কিংচিদ্বিচলিতে পদে ইতি ঝ. পাঠঃ॥ 12-103-15 কিংচাস্য দণ্ডং সেনাং চ ভেদেন দূষয়েৎসঃ॥ 12-103-17 ঔষধৈর্বিষাদিভিঃ॥ 12-103-20 রিপূন্প্রতি হন্তুকামস্য॥ 12-103-25 চৎবারি মার্দবাদীনি॥ 12-103-26 যচ্ছন্তি নিগৃহ্ণন্তি॥ 12-103-27 অদৃষ্টেষু দূরস্থেষু ব্রহ্মদণ্ডং পুরোহিতদ্বারমভিচারং প্রয়ুঞ্জয়াৎ। দৃষ্টে প্রত্যক্ষশত্রৌ চতুরঙ্গিণীমপি প্রয়ুঞ্জ্যাৎ॥ 12-103-32 বিবিধবৃত্তানাং অস্থিরাণাম্॥ 12-103-35 বেগবতি পূরে সতি বপ্রে তটে বিচরণাদ্বিদারণাদ্বাধ ইতি যোজনা॥ 12-103-38 ষডঙ্গিনী রথতুরগমাতঙ্গপদাতিকোশবণিক্পথবতী॥ 12-103-39 বিবৃত্য প্রকটীভূয়। দস্যূনাং দস্যূন্॥ 12-103-40 বলবতি শত্রৌ সাম ন প্রশস্যতে কিং তর্হি দণ্ডোপনিষৎ রহস্যদণ্ডঃ। অত এব শত্রুষু মার্দবং পার্যন্তিকং ন কার্যম্। নাপি যাত্রিকং সদা কার্যম্। জয়স্যানি যতৎবাৎ। যাত্রায়াং হি সস্যানাং ঘাতঃ। সংকরক্রিয়া বিষাদিনা জলাদীনাং নাশনম্। ভূয়ঃ পুনঃ পুনঃ প্রকৃতে সপ্তবিধায়াঃ বিচারণা তস্মাৎকপটপূর্বকো দণ্ডএব শ্রেয়ানিত্যর্থঃ॥ 12-103-41 মায়াবিভেদান্নানাবিধা মায়াঃ প্রয়ুঞ্জীত। তত উপসর্জনানি পরস্পরমিতরেষাং শত্রূণামুত্থাপনাদীনি॥ 12-103-42 এতান্ শত্রূন্পুরেষু তত্তৎস্থানেষু অনুসৃত্য ভোগাংস্তদীয়ান্ জয়ন্তি। নীতিং পুরেষু স্বীয়তেষু॥ 12-103-43 অনুসরণভেবাহ প্রদায়েতি। এতে ন মমামাত্যাঃ দুষ্টাঃ মাং ত্যক্ৎবা রাজান্তারং প্রতিগতা ইতি লোকমুখাৎকীর্তয়িৎবা পরেষাং পুরেষু রাষ্ট্রেষু চ তান্যো জয়ন্তি॥ 12-103-44 কৃত্যামিব কৃত্যাং মৃত্যুকারিণীং দেবতাম॥ 12-103-47 তচ্চেদ্ভবতি কারণমিতি থ.দ. পাঠঃ॥ 12-103-48 সংসৃষ্টং সংসর্গম্। অসংসৃষ্টশ্চ পরইব ভাষতে॥শান্তিপর্ব - অধ্যায় 104
॥ শ্রীঃ ॥
12.104. অধ্যায়ঃ 104
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কৌসল্যকালকবৃক্ষীয়সংবাদানুবাদঃ॥ 1॥Mahabharata - Shanti Parva - Chapter Text
12-104-0 (68839)
যুধিষ্ঠির উবাচ। 12-104-0x (5612)
ধার্মিকোঽর্থানসংপ্রাপ্য রাজামাত্যৈঃ প্রবাধিতঃ।
চ্যুতঃ কোশাচ্চ দণ্ডাচ্চ সুখমিচ্ছন্কথং চরেৎ॥ 12-104-1 (68840)
ভীষ্ম উবাচ। 12-104-2x (5613)
অত্রায়ং ক্ষেমদর্শীয় ইতিহাসোঽনুগীয়তে।
তত্তেঽহ সংপ্রবক্ষ্যামি তন্নিবোধ যুধিষ্ঠির॥ 12-104-2 (68841)
ক্ষেমদর্শী নৃপসুতো যত্র ক্ষীণবলঃ পুরা।
মুনিং কালকবৃক্ষীয়মাজমামেতি নঃ শ্রুতম্।
তং পপ্রচ্ছানুসংগৃহ্য কৃচ্ছ্রামাপদমাস্থিতঃ॥ 12-104-3 (68842)
অর্থেষু মাগী পুরুষ ঈহমানঃ পুনঃ পুনঃ।
অলব্ধ্বা মদ্বিধো রাজ্যং ব্রহ্মন্কিং কর্তুমর্হতি॥ 12-104-4 (68843)
অন্যত্র মরণাদ্দৈন্যাদন্যত্র পরসংশ্রয়াৎ।
ক্ষুদ্রাদন্যত্র চাচারাত্তন্মমাচক্ষ্ব সত্তম॥ 12-104-5 (68844)
ব্যাধিনাং চাভিপন্নস্য মানসেনেতরেণ বা।
বহুশ্রুতঃ কৃতপ্রজ্ঞস্ৎবদ্বিধঃ শরণং ভবেৎ॥ 12-104-6 (68845)
নির্বিদ্য হি নরঃ কামান্নিয়ম্য সুখমেধতে।
ৎবক্ৎবা প্রীতিং চ শোকং চ লব্ধ্বা বুদ্ধিময়ং বসু॥ 12-104-7 (68846)
সুখমর্থাশ্রয়ং যেষামনুশোচামি তানহম্।
মম হ্যর্থাঃ সুবহবো নষ্টাঃ স্বপ্নগতা ইব॥ 12-104-8 (68847)
দুষ্করং বত কুর্বন্তি মহতোঽর্থাংস্ত্যজন্তি যে।
বয়ং ৎবেতান্পরিত্যক্তুমসতোঽপি ন শক্নুমঃ॥ 12-104-9 (68848)
ইমামবস্থাং সংপ্রাপ্তং দীনমার্তং শ্রিয়া চ্যুতম্।
যদন্যৎসুখমস্তীহ তদ্ব্রহ্মন্ননুশাধি মাম্॥ 12-104-10 (68849)
কৌসল্যেনৈবমুক্তস্তু রাজপুত্রেণ ধীমতা।
মুনিঃ কালকবৃক্ষীয়ঃ প্রত্যুবাচ মহাদ্যুতিঃ॥ 12-104-11 (68850)
পুরস্তাদেব তে বুদ্ধিরিয়ং কার্যা বিজানতঃ।
অনিত্যং সর্বমেবৈতদহং চ মম চাস্তি যৎ॥ 12-104-12 (68851)
যৎকিংচিন্মন্যসেঽস্তীতি সর্বং নাস্তীতি বিদ্ধি তৎ।
এবং ন ব্যথতে প্রাজ্ঞঃ কৃচ্ছ্রামপ্যাপদং গতঃ॥ 12-104-13 (68852)
যদ্ধি ভূতং ভবিষ্যচ্চ ধ্রুবং তন্ন ভবিষ্যতি।
এবং বিদিতবেদ্যস্ৎবমনর্থেভ্যঃ প্রমোক্ষ্যসে॥ 12-104-14 (68853)
যে চ পূর্বসমারম্ভা যে চ পূর্বতরে পরে।
সর্বং নাস্তীতি তে চৈব তজ্জ্ঞাৎবা কো নু সংজ্বরেৎ॥ 12-104-15 (68854)
ভূৎবা চ ন ভবত্যেতদভূৎবা চ ভবিষ্যতি।
শোকে ন হ্যস্তি সামর্থ্যং শোচেত স কথং নরঃ॥ 12-104-16 (68855)
ক্বনু তেঽদ্য পিতা রাজন্ক্বনু তেঽদ্য পিতামহঃ।
ন ৎবং পশ্যসি তানদ্য ন ৎবাং পশ্যন্তি তেঽপি বা॥ 12-104-17 (68856)
আত্মনোঽধ্রুবতাং পশ্যংস্তাংস্ৎবং কিমনুশোচসি।
বুদ্ধ্যা চৈবানুবুদ্ধ্যস্ব ধ্রুবং হি ন চ বিদ্যতে॥ 12-104-18 (68857)
অহং চ ৎবং চ নৃপতে সুহৃদঃ শত্রবশ্চ তে।
অবশ্যং ন ভবিষ্যামঃ সর্বং চ ন ভবিষ্যতি॥ 12-104-19 (68858)
যে তু বিংশতিবর্ষা বৈ ত্রিংশদ্বর্ষাশ্চ মানবাঃ।
অর্বাগেব হি তে সর্বে মরিষ্যন্তি শরচ্ছতাৎ॥ 12-104-20 (68859)
অপি চেন্মহতো বিত্তান্ন প্রমুচ্যতে পূরুষঃ।
নৈতন্মমেতি তন্মৎবা কুর্বীত প্রিয়মাত্মনঃ॥ 12-104-21 (68860)
অনাগতং যন্ন মমেতি বিদ্যা
দতিক্রান্তং যন্ন মমেতি বিদ্যাৎ।
দিষ্টং বলীয় ইতি মন্যমানা
স্তে পণ্ডিতাস্তৎসতাং বৃত্তিমাহুঃ॥ 12-104-22 (68861)
অনাঢ্যাশ্চাপি জীবন্তি রাজ্যং চাপ্যনুশাসতে।
বুদ্ধিপৌরুষসংপন্নাস্ৎবয়া তুল্যাধিকা জনাঃ॥ 12-104-23 (68862)
ন চ ৎবমিব শোচন্তি তস্মাত্ৎবমপি মা শুচঃ।
কিং ন ৎবং তৈর্নরৈঃ শ্রেয়াংস্তুল্যো বা বুদ্ধিপৌরুষৈঃ॥ 12-104-24 (68863)
রাজোবাচ। 12-104-25x (5614)
যাদৃচ্ছিকং সর্বমাসীত্তদ্রাজ্যমিতি চিন্তয়ে।
হ্রিয়তে সর্বমেবেদং কালেন মহতা দ্বিজ॥ 12-104-25 (68864)
তস্যৈব হ্রিয়মাণস্য স্রোতসেব তপোধন।
ফলমেতৎপ্রপশ্যামি যথালব্ধেন বর্তয়ন্॥ 12-104-26 (68865)
মুনিরুবাচ। 12-104-27x (5615)
অনাগতমতীতং চ যাথাতথ্যবিনিশ্চয়াৎ।
নানুশোচেত কৌসল্য সর্বার্থেষু তথা ভব॥ 12-104-27 (68866)
অবাপ্যান্কাময়ন্নর্থান্নানবাপ্যান্কদাচন।
প্রত্যুৎপন্নাননুভবন্মা শুচস্ৎবমনাগতান্॥ 12-104-28 (68867)
যথালব্ধোপপন্নার্থৈস্তথা কৌসল্য রংস্যসে।
কচ্চিচ্ছুদ্ধস্বভাবেন শ্রিয়া হীনো ন শোচসি॥ 12-104-29 (68868)
পুরস্তাদ্ভূতপূর্বৎবাদ্ধীনভোগ্যো হি দুর্মতিঃ।
ধাতারং গর্হতে নিত্যং লব্ধার্থশ্চ ন মৃষ্যতে॥ 12-104-30 (68869)
অনর্হানপি চৈবান্যান্মন্যতে শ্রীমতো জনান্।
এতস্মাৎকারণাদেতদ্দুঃখং ভূয়োঽনুবর্ততে॥ 12-104-31 (68870)
ঈর্ষ্যাভিমানসংপন্না রাজন্পুরুষমানিনঃ।
কচ্চিত্ৎবং ন তথা প্রাজ্ঞ মৎসরী কোসলাধিপ॥ 12-104-32 (68871)
সহস্ব শ্রিয়মন্যেষাং যদ্যপি ৎবয়ি নাস্তি সা।
অন্যত্রাপি সতীং লক্ষ্মীং কুশলা ভুঞ্জতে নরাঃ।
অভিনিষ্যন্দতে দেহী শ্রীভূতশ্চ দ্বিষজ্জনাৎ॥ 12-104-33 (68872)
শ্রিয়ং চ পুত্রপৌত্রং চ মনুষ্যা ধর্মচারিণঃ।
ত্যাগধর্মবিদো ধীরাঃ স্বয়মেব ত্যজন্ত্যুত॥ 12-104-34 (68873)
`ত্যক্তং স্বায়ংভুবে বংশে শুভেন ভরতেন চ।
নানারত্নসমাকীর্ণং রাজ্যং স্ফীতমিতি শ্রুতম্॥ 12-104-35 (68874)
তথাঽন্যৈর্ভূমিপালৈশ্চ ত্যক্তং রাজ্যং মহোদয়ম্।
ত্যক্ৎবা রাজ্যানি তে সর্বে বনে বন্যফলাশিনঃ।
গতাশ্চ তপসঃ পারং দুঃখস্যান্তং চ ভূমিপা॥ 12-104-36 (68875)
বহুসংকুসুকং দৃষ্ট্বা বিধিৎসাসাধনেন চ।
তথান্যে সংত্যজন্ত্যেব মৎবা পরমদুর্লভম্॥ 12-104-37 (68876)
ৎবং পুনঃ প্রাজ্ঞরূপঃ সন্কৃপণং পরিতপ্যসে।
অকাম্যান্কাময়ানোঽর্থান্পরাধীনানুপদ্রবান্॥ 12-104-38 (68877)
তাং বুদ্ধিমনুবিজ্ঞায় ৎবমেবৈনান্পরিত্যজ।
অনর্থাশ্চার্থরূপেণ হ্যর্থাশ্চানর্থরূপিণঃ॥ 12-104-39 (68878)
অর্থায়ৈব হি কেষাংচিদ্ধননাশা ভবন্ত্যুত।
অনিত্যং তৎসুখং মৎবা শ্রিয়মন্যে ন লিপ্সতে॥ 12-104-40 (68879)
রমমাণঃ শ্রিয়া কশ্চিন্নান্যচ্ছ্রেয়োঽভিমন্যতে।
তথা তস্যেহমানস্য সংরম্ভোঽপি বিনশ্যতি॥ 12-104-41 (68880)
কৃচ্ছ্রাল্লব্ধমভিপ্রেতং যথা কৌসল্য নশ্যতি।
তদা নির্বিদ্যতে সোঽর্থাৎপরিভগ্নক্রমো নরঃ॥ 12-104-42 (68881)
`অনিত্যাং তাং শ্রিয়ং মৎবা শ্রিয়ং বা কঃ পরীপ্সতি॥' 12-104-43 (68882)
ধর্মমেকেঽভিপদ্যন্তে কল্যাণাভিজনা নরাঃ।
পরত্র সুখমিচ্ছন্তো নির্বিদ্যেয়ুশ্চ লৌকিকাৎ॥ 12-104-44 (68883)
জীবিতং সংত্যজন্ত্যেকে ধনলোভপরা নরাঃ।
ন জীবিতার্থং মন্যন্তে পুরুষা হি ধনাদৃতে॥ 12-104-45 (68884)
পশ্য চৈষাং কৃপণতাং পশ্য চৈষামবুদ্ধিতাম্।
অধ্রুবে জীবিতে মোহাদর্থতৃষ্ণামুপাশ্রিতাঃ॥ 12-104-46 (68885)
সংচয়ে চ বিনাশান্তে মরণান্তে চ জীবিতে।
সংয়োগে চ বিয়োগান্তে কোনু বিপ্রণয়েন্মনঃ॥ 12-104-47 (68886)
ধনং বা পুরুষো রাজন্পুরুষং বা পুনর্ধনম্।
অবশ্যং প্রজহাত্যেব তদ্বিদ্বান্কোনু সংজ্বরেৎ॥ 12-104-48 (68887)
অন্যত্রোপনতা হ্যাপৎপুরুষং তোষয়ত্যুত।
তেন শান্তিং ন লভতে নাহমেবেতি কারণাৎ॥' 12-104-49 (68888)
অন্যেষামপি নশ্যন্তি সুহৃদশ্চ ধনানি চ।
পশ্য বুদ্ধ্যা মনুষ্যাণাং তুল্যামাপদমাত্মনঃ।
নিয়চ্ছ যচ্ছ সংয়চ্ছ ইন্দ্রিয়াণি মনস্তথা॥ 12-104-50 (68889)
প্রতিষেদ্ধা ন চাপ্যেষু দুর্বলেষ্বহিতেষু চ॥ 12-104-51 (68890)
প্রাপ্তিসৃষ্টেষু ভাবেষু ব্যপকৃষ্টেষ্বসংভবে।
প্রজ্ঞানতৃপ্তো বিক্রান্তস্ৎবদ্বিধো নানুশোচতি॥ 12-104-52 (68891)
অল্পমিচ্ছন্নচপলো মৃদুর্দান্তঃ সুসংস্থিতঃ।
ব্রহ্মচর্যোপপন্নশ্চ ৎবদ্বিধো নৈব মুহ্যতি॥ 12-104-53 (68892)
ন ৎবেব জাল্মীং কাপালীং বৃত্তিমেষিতুমর্হসি।
নৃশংসবৃত্তিং পাপিষ্ঠাং দুঃখাং কাপুরুষোচিতাম্॥ 12-104-54 (68893)
অপি মূলফলাহারো রমস্বৈকো মহাবনে।
বাগ্যতঃ সংগৃহীতাত্মা সর্বভূতদয়ান্বিতঃ॥ 12-104-55 (68894)
সদৃশং পণ্ডিতস্যৈতদীষাদন্তেন হস্তিনা।
যদেকো রমতেঽরণ্যে যচ্চাপ্যল্পেন তুষ্যতি॥ 12-104-56 (68895)
মহাহ্রদঃ সংক্ষুভিত আত্মনৈব প্রসীদতি।
`এবং নরঃ স্বত্মানৈব কৃতপ্রজ্ঞঃ প্রসীদতি॥' 12-104-57 (68896)
এতদেবং গতস্যাহং সুখং পশ্যামি কেবলম্।
অসংভবে শ্রিয়ো রাজন্হীনস্য সচিবাদিভিঃ।
দৈবে প্রতিনিবিষ্টে চ কিং শ্রেয়ো মন্যতে ভবান্॥ ॥ 12-104-58 (68897)
ইতি শ্রীমন্মহাভারতে শান্তিপর্বণি রাজধর্মপর্বণি চতুরধিকশততমোঽধ্যায়ঃ॥ 104॥
Mahabharata - Shanti Parva - Chapter Footnotes
12-104-4 ভাগী ভাগার্হঃ। ঈহমানো যতমানঃ॥ 12-104-6 ইতরেণ শারীরেণ॥ 12-104-7 নির্বিদ্য বিরজ্য। কামাদ্বিষয়ভোগাৎ। বুদ্ধিময়ং বসু জ্ঞানরূপং ধনম্॥ 12-104-12 ইয়ং নির্বিদ্যতীতি শ্লোকেন ৎবয়া প্রোক্তা। অহং চ যচ্চ মমাঽস্ত্যেতৎসর্বমনিত্যমিতি জানতস্তে ৎবয়া॥ 12-104-13 নাস্তি তুচ্ছৎবাৎ॥ 12-104-22 তন্নির্মমৎবম্॥ 12-104-25 যাদৃচ্ছিকময়ত্নাদাগতম্॥ 12-104-26 এতচ্ছোকাখ্যং ফলং যথালব্ধেন বর্তয়ন্ জীবন্নপি পশ্যামি। যাদৃচ্ছিকস্য নাশেন জীবনালোপেঽপি শোকো ন নশ্যতীত্যর্থঃ॥ 12-104-30 ন মৃষ্যতে তৈর্ন সংতুষ্যতি॥ 12-104-33 অন্যত্র শত্রৌ। কুশলা নির্মৎসরাঃ। অভিনিষ্যদন্তে প্রস্রবতি॥ 12-104-37 বিধিৎসা ক্রিয়াণামনুপরমস্তেন সাধনেন চ সংকুসুকমস্থিরম্॥ 12-104-38 উপদ্রবানস্থিরান্॥ 12-104-39 অর্থরূপেণ ভাসমানাঃ॥ 12-104-40 আদ্যস্যোদাহরণং অর্থায়েতি॥ 12-104-41 দ্বিতীয়স্যোদাহরণ রমমাণ ইতি॥ 12-104-42 পরিভগ্নকমো নষ্টারম্ভঃ॥ 12-104-47 বিপ্রণয়েদ্দদ্যাৎ॥ 12-104-50 নিয়ম্য সর্বং সঙ্গং চ ইতি ট. ড. পাঠঃ॥ 12-104-52 প্রতিকৃষ্টেষু ভাগ্যেষু ব্যপকৃষ্টেষু সংভবে ইতি ট.থ. পাঠঃ॥শান্তিপর্ব - অধ্যায় 105
॥ শ্রীঃ ॥
12.105. অধ্যায়ঃ 105
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি রাজ্ঞাং শত্রুজয়োপায়প্রতিপাদককৌসল্যকালকবৃক্ষীয়সংবাদানুবাদঃ॥ 1॥Mahabharata - Shanti Parva - Chapter Text
12-105-0 (68898)
মুনিরুবাচ। 12-105-0x (5616)
অথ চেৎপৌরুষং কিংচিৎক্ষত্রিয়াত্মনি পশ্যসি।
ব্রবীম্যহং তু তে নীতিং রাজ্যস্য প্রতিপত্তয়ে॥ 12-105-1 (68899)
তাং চচ্ছক্ষ্যস্যনুষ্ঠাতুং কর্ম চৈব করিষ্যসি।
শৃণু সর্বমশেষেণ যত্তে বক্ষ্যামি তত্ৎবতঃ॥ 12-105-2 (68900)
আচরিষ্যসি চেৎকর্ম মহতোঽর্থানবাপ্স্যসি।
রাজ্যং বা রাজ্যমন্ত্রং বা মহতীং বা পুনঃ শ্রিয়ম্।
যদ্যেতদ্রোচতে রাজন্পুনর্ব্রূহি ব্রবীমি তে॥ 12-105-3 (68901)
রাজোবাচ। 12-105-4x (5617)
ব্রবীতু ভগবান্নীতিমভিপন্নোঽস্ম্যধীহি ভো।
অমোঘ এব মেঽদ্যাস্তু ৎবয়া সহ সমাগমঃ॥ 12-105-4 (68902)
মুনিরুবাচ। 12-105-5x (5618)
হিৎবা মানং চ দম্ভং চ ক্রোধং হর্ষ ভয়ং তথা।
প্রত্যমিত্রাণি সেবস্ব প্রণিপত্য কৃতাঞ্জলিঃ।
তমুত্তমেন শৌচেন কর্মণা চাবধারয়॥ 12-105-5 (68903)
দাতুমর্হতি তে বিত্তং বৈদেহঃ সত্যবিক্রমঃ।
প্রমাণং সর্বভূতেষু প্রগ্রহং চ গমিষ্যসি॥ 12-105-6 (68904)
ততঃ সহায়ান্সোৎসাহাঁল্লপ্স্যসেঽব্যসনাঞ্শুচীন্।
বর্তমানঃ স্বশাস্ত্রে বৈ সংয়তাত্মা জিতেন্দ্রিয়ঃ।
অভ্যুদ্ধরতি চাত্মানং প্রসাদয়তি চ প্রজাঃ॥ 12-105-7 (68905)
তেনৈব ৎবং ধৃতিমতা শ্রীমতা চাপি সৎকৃতঃ।
প্রমাণং সর্বভূতেষু গৎবা চ গ্রহণং মহৎ॥ 12-105-8 (68906)
ততঃ সুহৃদ্বলং লব্ধ্বা মন্ত্রয়িৎবা সুমন্ত্রিতম্।
সান্ৎবেন ভেদয়িৎবাঽরীন্বিল্বং বিল্বেন শাতয়।
পরৈর্বা সংবিদং কৃৎবা বলমপ্যস্য ঘাতয়॥ 12-105-9 (68907)
অলভ্যা যে শুভা ভাবাঃ স্ত্রিয়শ্চাচ্ছাদনানি চ।
শয়্যাসনানি যানানি মহার্হাণি গৃহাণি চ॥ 12-105-10 (68908)
পক্ষিণো মৃগজাতানি রসগন্ধাঃ ফলানি চ।
তেষ্বেব সজ্জয়েথাস্ৎবং যথা নশ্যেৎস্বয়ং পরঃ॥ 12-105-11 (68909)
যদ্যেবং প্রতিষেদ্ধব্যো যদ্যুপেক্ষণমর্হতি।
`সদৈব রাজশার্দূল বিদুষা হিতমিচ্ছতা।'
ন জাতু বিবৃতঃ কার্যঃ শত্রুঃ সুনয়মিচ্ছতা॥ 12-105-12 (68910)
বসস্ব পুরমামিত্রং বিষয়ে মিত্রসংমতঃ।
ভজস্ব শ্বেতকাকীয়ৈর্মিত্রধর্মমনথৈকৈঃ॥ 12-105-13 (68911)
আরম্ভাংশ্চাস্য মহতো দুষ্করান্সংপ্রয়োজয়।
নদীবন্ধবিভেদাংশ্চ বলবদ্ভির্বিরুধ্যতাম্॥ 12-105-14 (68912)
উদ্যানানি মহার্হাণি শয়নান্যাসনানি চ।
প্রীতিভোগমুখেনৈব কোশমস্য বিরোচয়॥ 12-105-15 (68913)
যজ্ঞদানে প্রশংসাস্মৈ ব্রাহ্মণাননুবর্তয়।
তে ৎবা প্রিয়ং করিষ্যন্তি তচ্ছেৎস্যন্তি বৃকা ইব॥ 12-105-16 (68914)
অসংশয়ং পুণ্যশীলাঃ প্রাপ্নোতি পরমাং গতিম্।
ত্রিবিষ্টপে পুণ্যতমং স্থানং প্রাপ্নোতি শাশ্বতম্॥ 12-105-17 (68915)
কোশক্ষয়ে ৎবমিত্রাণাং বশং কৌসল্য গচ্ছতি।
উভয়ত্র প্রয়ুক্তস্য ধর্মে চাধর্ম এব চ॥ 12-105-18 (68916)
ফলার্থমূলমুচ্ছিদ্যাত্তেন নন্দন্তি শত্রবঃ।
ন চাস্মৈ মানুষং কর্ম দৈবপ্রস্যোপবর্ণয়॥ 12-105-19 (68917)
অসংশয়ং দৈবপরঃ ক্ষিপ্রমেব বিনশ্যতি।
যাজয়ৈনং বিশ্বজিতা সর্বস্বেন বিয়ুজ্যতাম্॥ 12-105-20 (68918)
ততো গচ্ছত্যসিদ্ধার্থঃ পীডয়ানো মহাজনম্।
ত্যাগধর্মবিদং পুণ্যং কংচিদস্যোপবর্ণয়॥ 12-105-21 (68919)
অপি ত্যাগং বুভূষেত কচ্চিদ্গচ্ছেদনাময়ম্।
সিদ্ধেনৌষধিয়োগেন সর্বশত্রুবিনাশিনা।
গজানশ্বান্মনুষ্যাংশ্চ কৃতকৈরুপঘাতয়॥ 12-105-22 (68920)
এতে চান্যে চ বহবো দম্ভয়োগাঃ সুচিন্তিতাঃ।
শক্যা বিপহতা কর্তুং ন ক্লীবেন নৃপাত্মজ॥ ॥ 12-105-23 (68921)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চাধিকশততমোঽধ্যায়ঃ॥ 105॥
Mahabharata - Shanti Parva - Chapter Footnotes
12-105-4 অভিপন্নোঽস্মি পৌরুষেণেতি শেষঃ॥ 12-105-6 প্রমাণং বিশ্বাসম্॥ 12-105-7 স্বশাস্ত্রে নীতিশাস্ত্রে॥ 12-105-8 গ্রহণং আদরম্॥ 12-105-13 শ্বেতকাকীয়ৈঃ শ্বা চ এতশ্চ কাকশ্চ তেষামিতি ধর্মাঃ। ক্রমেণ নিত্যং জাগরূকৎবভয়চকিতৎবপরেঙ্গিতজ্ঞৎবানি তৈঃ উপায়ৈঃ মিত্রধর্মং ভজস্ব। শ্বেত ইত্যত্রোমাডোশ্চেতি পররূপম্। এতো মৃগঃ॥ 12-105-14 নদীবচ্চ বিরোধাংশ্চেতি ঝ. পাঠঃ। তত্র আরম্ভান্বিরোধাংশ্চ মহানদীবদ্দুস্তরানিত্যর্থঃ॥ 12-105-18 ধর্মাধর্মাভ্যাং কোশক্ষয়ে সতি॥ 12-105-19 ফলস্য স্বর্গাদেঃ অর্থস্য জয়াদেঃ মূলকারণং কোশঃ॥শান্তিপর্ব - অধ্যায় 106
॥ শ্রীঃ ॥
12.106. অধ্যায়ঃ 106
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কালকবৃক্ষীয়নিদেশেন কৌসল্যস্য পুনা রাজ্যপ্রাপ্ত্যাদিকথনম্॥ 1॥Mahabharata - Shanti Parva - Chapter Text
12-106-0 (68922)
রাজোবাচ। 12-106-0x (5619)
ন নিকৃত্যা ন দম্ভেন ব্রহ্মন্নিচ্ছামি জীবিতুম্।
নাধর্ময়ুক্তানিচ্ছেয়মর্থান্সুমহতোঽপ্যহম্॥ 12-106-1 (68923)
পুরস্তাদেব ভগবন্ময়ৈতদপবর্জিতম্।
যেন পাপং ন শঙ্কেত যদ্বা কৃৎস্নং হিতং ভবেৎ॥ 12-106-2 (68924)
আনৃশংস্যেন ধর্মেণ লোকে হ্যস্মিঞ্জিজীবিষুঃ।
নাহমেতদলং কর্তুং নৈতন্ময়্যুপপদ্যতে॥ 12-106-3 (68925)
মুনিরুবাচ। 12-106-4x (5620)
উপপন্নস্ৎবমেতেন যথা ক্ষত্রিয় ভাষসে।
প্রকৃত্যা হ্যুপপন্নোঽসি বুদ্ধ্যা চাদ্ভুতদর্শনঃ॥ 12-106-4 (68926)
উভয়োরেব সাহ্যার্থে যতিষ্যে তব তস্য চ।
সংশ্লেষং বা করিষ্যামি শাশ্বতং হ্যনপায়িনম্॥ 12-106-5 (68927)
ৎবাদৃশং হি কুলে জাতভনৃশংসং বহুশ্রুতম্।
অমাত্যং কো ন কুর্বীত রাজ্যপ্রণয়কোবিদম্॥ 12-106-6 (68928)
যস্ৎবং প্রব্রাজিতো রাজ্যাদ্ব্যসনং চোত্তমং গতঃ।
আনৃশংস্যেন বৃত্তেন ক্ষত্রিয়েচ্ছসি জীবিতুম্॥ 12-106-7 (68929)
আগন্তা মদ্গৃহং তাত বৈদেহঃ সত্যসংগরঃ।
অথাহং তং নিয়োক্ষ্যামি তৎকরিষ্যত্যসংশয়ম্॥ 12-106-8 (68930)
ভীষ্ম উবাচ। 12-106-9x (5621)
তত আহূয় বৈদেহং মুনির্বচনমব্রবীৎ।
অয়ং রাজকুলে জাতো বিদিতাভ্যন্তরো মম॥ 12-106-9 (68931)
আদর্শ ইব শুদ্ধাত্মা শারদশ্চন্দ্রমা যথা।
নাস্মিন্পশ্যামি বৃজিনং সর্বতো মে পরীক্ষিতঃ॥ 12-106-10 (68932)
তেন তে সংধিরেবাস্তু বিশ্বসাস্মিন্যথা ময়ি।
ন রাজ্যমনমাত্যেন শক্যং শাস্তুমমিত্রহন্॥ 12-106-11 (68933)
অমাত্য শুদ্ধ এব স্যাদ্বুদ্ধিসংপন্ন এব বা।
তস্মাচ্চৈব ভয়ং রাজ্ঞঃ পশ্য রাজ্যস্য যোজনম্॥ 12-106-12 (68934)
ধর্মাত্মনাং ক্বচিল্লোকে নান্যাস্তি গতিরীদৃশী।
তদা রাজপুত্রোঽয়ং সতাং মার্গমনুষ্ঠিতঃ।
অসংগৃহীতস্ৎবেবৈষ ৎবয়া ধর্মপুরোগমঃ॥ 12-106-13 (68935)
সংসেব্যমানঃ শত্রূংস্তে গৃহ্ণীয়ান্মহতো গণান্॥ 12-106-14 (68936)
যদ্যযং প্রতিয়ুদ্ধ্যেত স্বকর্ম ক্ষত্রিয়স্য তৎ।
জিগীষমাণস্ৎবাং যুদ্ধে পিতৃপৈতামহে পদে॥ 12-106-15 (68937)
ৎবং অপি প্রতিয়ুদ্ধ্যেথা বিজিগীষুর্ব্রতে স্থিতঃ।
অয়ুদ্ধ্বৈব নিয়োগান্মে বশে কুরু হিতে স্থিতঃ॥ 12-106-16 (68938)
স ৎবং ধর্মমবেক্ষস্ব হিৎবা লোভমসাংপ্রতম্।
ন চ কামান্ন চ দ্রোহাৎস্বধর্মং হাতুমর্হসি॥ 12-106-17 (68939)
নৈব নিত্যং জয়স্তাত নৈব নিত্যং পরাজয়ঃ।
তস্মাজ্জয়শ্চ ভোক্তব্যো ভোক্তব্যশ্চ পরাজয়ঃ॥ 12-106-18 (68940)
আত্মন্যপি চ সংদৃশ্যাবৃভৌ জয়পরাজয়ৌ।
নিঃশেষকারিণাং তাত নিঃশেষকরণাদ্ভয়ম্॥ 12-106-19 (68941)
ইত্যুক্তঃ প্রত্যুবাচেদং বচনং ব্রাহ্মণর্ষভম্।
প্রতিপূজ্যাভিসৎকৃত্য পূজার্হমনুমান্য চ॥ 12-106-20 (68942)
যথা ব্রূয়ান্মহাপ্রাজ্ঞো যথা ব্রূয়ান্মহাশ্রুতঃ।
শ্রেয়স্কামো যথা ব্রূয়াদুভয়োরেব তৎক্ষমম্॥ 12-106-21 (68943)
যদ্যদ্বচনমুক্তোঽস্মি করিষ্যামি চ তত্তথা।
এতদ্ধি পরমং শ্রেয়ো ন মেঽত্রাস্তি বিচারণা॥ 12-106-22 (68944)
ততঃ কৌসল্যমাহূয় মৈথিলো বাক্যমব্রবীৎ।
ধর্মতো বুদ্ধিতশ্চৈব বলেন চ জিতং ময়া॥ 12-106-23 (68945)
অহং ৎবয়া চাত্মগুণৈর্জিতঃ পার্থিবসত্তম।
আত্মানমনবজ্ঞায় জিতবদ্বর্ততাং ভবান্॥ 12-106-24 (68946)
নাবমন্যামি তে বুদ্ধিং নাবমন্যে চ পৌরুষম্।
নাবমন্যে জয়ামীতি জিতবদ্বর্ততাং ভবান্॥ 12-106-25 (68947)
যথাবৎপূজিতো রাজন্গৃহং গন্তাসি মে গৃহাৎ।
ততঃ সংপূজ্য তৌ বিপ্রং বিশ্বস্তৌ জগ্মতুর্গৃহান্॥ 12-106-26 (68948)
বৈদেহস্ৎবথ কৌসল্যং প্রবেশ্য গৃহমঞ্জসা।
প্রাদ্যার্ধ্যমধুপর্কৈস্তং পূজার্হং প্রত্যপূজয়ৎ॥ 12-106-27 (68949)
দদৌ দুহিতরং চাস্মৈ রত্নানি বিবিধানি চ।
এষ রাজ্ঞাং পরো ধর্মঃ সমৌ জয়পরাজয়ৌ॥ ॥ 12-106-28 (68950)
ইতি শ্রীমন্মহাভারতে শান্তিপর্বণি রাজধর্মপর্বণি ষ়ডধিকশততমোঽধ্যায়ঃ॥ 106॥
Mahabharata - Shanti Parva - Chapter Footnotes
12-106-5 তস্য বিদেহস্য॥ 12-106-6 ৎবাদৃশা রাজানং লব্ধ্বা অমাত্যকর্ম কো ন কুর্বীতাঽপিতু সর্বোঽপি মাদৃশঃ কুর্বীতৈবেত্যর্থঃ॥ 12-106-7 উত্তমং মহৃৎ॥ 12-106-14 গণাঞ্শত্রুসঙ্ঘান্॥ 12-106-17 অসাংপ্রতমনুচিতম্॥ 12-106-24 জিতবৎপ্রাপ্তজয়ইব॥শান্তিপর্ব - অধ্যায় 107
॥ শ্রীঃ ॥
12.107. অধ্যায়ঃ 107
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি গণবৃদ্ধিপ্রকারাদিকথনম্॥ 1॥Mahabharata - Shanti Parva - Chapter Text
12-107-0 (68951)
যুধিষ্ঠির উবাচ। 12-107-0x (5622)
ব্রাহ্মণক্ষত্রিয়বিশাং শূদ্রাণাং চ পরংতপ।
ধর্মবৃত্তং চ বিত্তং চ বৃত্ত্যুপায়াঃ ফলানি চ॥ 12-107-1 (68952)
রাজ্ঞাং বৃত্তং চ কোশং চ কোশসংচয়নং জয়ঃ।
অমাত্যগুণবৃত্তিশ্চ প্রকৃতীনাং চ বর্ধনম্॥ 12-107-2 (68953)
ষাঙ্গুণ্যগুণকল্পশ্চ সেনানীতিস্তথৈব চ।
দুষ্টস্য চ পরিজ্ঞানমদুষ্টস্য চ লক্ষণম্॥ 12-107-3 (68954)
সমহীনাধিকানাং চ যথাবল্লক্ষণং চ যৎ।
মধ্যমস্য চ তুষ্ট্যর্থং যথা স্থেয়ং বিবর্ধতা॥ 12-107-4 (68955)
ক্ষীণগ্রহণবৃত্তিশ্চ যথা ধর্মং প্রকীর্তিতম্।
লঘুনাঽদেশরূপেণ গ্রন্থয়োগেন ভারত॥ 12-107-5 (68956)
বিজিগীষোস্তথা বৃত্তমুক্তং চৈব তথৈব তে।
গণানাং বৃত্তিমিচ্ছামি শ্রোতুং মতিমতাং বর॥ 12-107-6 (68957)
যথা গণাঃ প্রবর্ধন্তে ন ভিদ্যন্তে চ ভারত।
অরীংশ্চ বিজিগীষন্তে সুহৃদঃ প্রাপ্নুবন্তি চ॥ 12-107-7 (68958)
ভেদমূলো বিনাশো হি গণানামুপলক্ষয়ে।
মন্ত্রসংবরণং দুঃখং বহূনামিতি মে মতিঃ॥ 12-107-8 (68959)
এতদিচ্ছাম্যহং শ্রোতুং নিখিলেন পরংতপ।
যথা চ তে ন ভিদ্যেরংস্তচ্চ মে বদ ভারত॥ 12-107-9 (68960)
ভীষ্ম উবাচ। 12-107-10x (5623)
গণানাং চ কুলানাং চ রাজ্ঞাং ভরতসত্তম।
বৈরসংদীপনাবেতৌ লোভামর্ষৌ নরাধিপ॥ 12-107-10 (68961)
লোভমেকো হি বৃণুতে ততোঽমর্ষমনন্তরম্।
ততো হ্যমর্ষসংয়ুক্তাবন্যোন্যজনিতাশয়ৌ॥ 12-107-11 (68962)
চারমন্ত্রবলাদানৈঃ সামদানবিভেদনৈঃ।
ক্ষয়ব্যযভয়োপায়ৈঃ প্রকর্ষন্তীতরেতরম্॥ 12-107-12 (68963)
তত্রাদানেন ভিদ্যন্তে গণাঃ সংঘাতবৃত্তয়ঃ।
ভিন্না বিমনসঃ সর্বে গচ্ছন্ত্যরিবশং ভয়াৎ॥ 12-107-13 (68964)
ভেদে গণা বিনশ্যুর্হি ভিন্নাস্তু সুজয়াঃ পরৈঃ।
তস্মাৎসংঘাতয়োগেন প্রয়তেরন্গণাঃ সদা॥ 12-107-14 (68965)
অর্থাশ্চৈবাধিগম্যন্তে সংঘাতবলপৌরুষৈঃ।
ব্রাহ্মাশ্চ মৈত্রীং কুর্বন্তি তেষু সংঘাতবৃত্তিষু॥ 12-107-15 (68966)
জ্ঞানবৃদ্ধাঃ প্রশংসন্তি শুশ্রূষন্তঃ পরস্পরম্।
বিনিবৃত্তাভিসংধানাঃ সুখমেধন্তি সর্বশঃ॥ 12-107-16 (68967)
ধর্মিষ্ঠান্ব্যবহারাংশ্চ স্থাপয়ন্তশ্চ শাস্ত্রতঃ।
যথাবৎপ্রতিপশ্যন্তো বিবর্ধন্তে গণোত্তমাঃ॥ 12-107-17 (68968)
পুত্রান্ভ্রাতৃন্নিগৃহ্ণন্তো বিনয়ন্তশ্চ তান্সদা।
বিনীতাংশ্চ প্রগৃহ্ণন্তো বিবর্ধন্তে গণোত্তমাঃ॥ 12-107-18 (68969)
চারমন্ত্রবিধানেষু কোশসংনিচয়েষু চ।
নিত্যযুক্তা মহাবাহো বর্ধন্তে সর্বতো গণাঃ॥ 12-107-19 (68970)
প্রাজ্ঞাংশ্চারান্মহোৎসাহান্কর্মসু স্থিরপৌরুষান্।
মানয়ন্তঃ সদা যুক্তা বিবর্ধন্তে গণা নৃপ॥ 12-107-20 (68971)
দ্রব্যবন্তশ্চ শূরাশ্চ শস্ত্রজ্ঞাঃ শাস্ত্রপারগাঃ।
কৃচ্ছ্রাস্বাপৎসু সংমূঢান্গণাঃ সংতারয়ন্তি তে॥ 12-107-21 (68972)
ক্রোধো ভেদো ভয়ং দণ্ডঃ কর্ষণং নিগ্রহো বধঃ।
নয়ত্যরিবশং সদ্যো গণান্ভরতসত্তম॥ 12-107-22 (68973)
তস্মান্মানয়িতব্যাস্তে গণমুখ্যাঃ প্রধানতঃ।
লোকয়াত্রা সমায়ত্তা ভূয়সী তেষু পার্থিব॥ 12-107-23 (68974)
মন্ত্রগুপ্তিঃ প্রধানেষু চারশ্চামিত্রকর্শণ।
ন গণাঃ কৃৎস্নশো মন্ত্রং শ্রোতুমর্হন্তি ভারত॥ 12-107-24 (68975)
গণমুখ্যৈস্তু সংভূয় কার্যং গণহিতং মিথঃ॥ 12-107-25 (68976)
পৃথগ্গণস্য ভিন্নস্য বিততস্য ততোঽন্যথা।
অর্থাঃ প্রত্যবসীদন্তি তথাঽনর্থা ভবন্তি ব॥ 12-107-26 (68977)
তেষামন্যোন্যভিন্নানাং স্বশক্তিমনুতিষ্ঠতাম্।
নিগ্রহঃ পণ্ডিতৈঃ কার্যঃ ক্ষিপ্রমেব প্রধানতঃ॥ 12-107-27 (68978)
কুলেষু কলহা জাতাঃ কুলবৃদ্ধৈরুপেক্ষিতাঃ।
গোত্রস্য নাশং কুর্বন্তি গণভেদস্য কারকম্॥ 12-107-28 (68979)
আভ্যন্তরং ভয়ং রক্ষ্যমসারং বাহ্যতো ভয়ম্।
আভ্যন্তরং ভয়ং রাজন্সদ্যো মূলানি কৃন্ততি॥ 12-107-29 (68980)
অকস্মাৎক্রোধমোহাভ্যাং লোভাদ্বাঽপি স্বভাবজাৎ।
অন্যোন্যং নাভিভাষন্তে তৎপরাভবলক্ষণম্॥ 12-107-30 (68981)
জাত্যা চ সদৃশাঃ সর্বে কুলেন সদৃশাস্তথ।
ন চোদ্যোগেন বুদ্ধ্যা বা রূপদ্রব্যেণ বা পুনঃ॥ 12-107-31 (68982)
ভেদাচ্চৈব প্রদানাচ্চ নাম্যন্তে রিপুভির্গণাঃ।
তস্মাৎসংঘাতমেবাহুর্গণানাং শরণং মহৎ॥ ॥ 12-107-32 (68983)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তাধিকসততমোঽধ্যায়ঃ॥ 107॥
Mahabharata - Shanti Parva - Chapter Footnotes
12-107-5 ক্ষীণস্য গ্রহণং বৃত্তির্জীবিকা চ। লধুনা সুগমেন। আদেশরূপেণোপদেশাত্মকেন॥ 12-107-6 গণানাং শূরজনস্তেমানাম্॥ 12-107-11 একো রাজা লোভং বৃণুতে। গণস্তদাঽস্মভ্যং ন দদাতী ত্যমর্ষং বৃণুতে॥ 12-107-12 ইতরেতরং গণা রাজানশ্চ প্রকর্ষন্তি॥ 12-107-14 সংঘাতয়োগেনৈকমত্যপ্রয়োগেণ॥শান্তিপর্ব - অধ্যায় 108
॥ শ্রীঃ ॥
12.108. অধ্যায়ঃ 108
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মাতৃপিতৃগুরুমহিমানুবর্ণনম্॥ 1॥Mahabharata - Shanti Parva - Chapter Text
12-108-0 (68984)
যুধিষ্ঠির উবাচ 12-108-0x (5624)
মহানয়ং ধর্মপথো বহুশাখশ্চ ভারত।
কিংস্বিদেবেহ ধর্মাণামনুষ্ঠেয়তমং মতম্॥ 12-108-1 (68985)
কিং কার্যং সর্বভূতানাং গরীয়ো ভবতো মতম্।
যথাঽহং পরমং ধর্মমিহ চ প্রেত্য চাপ্নুয়াম্॥ 12-108-2 (68986)
ভীষ্ম উবাচ। 12-108-3x (5625)
মাতাপিত্রোর্গুরূণাং চ পূজা বহুমতা মম।
অত্র বর্তন্নরো লোকান্যশশ্চ মহদশ্নুতে॥ 12-108-3 (68987)
যদেতে হ্যনুজানীয়ুঃ কর্ম তাত সুপূজিতাঃ।
ধর্মং ধর্মবিরুদ্ধং বা তৎকর্তব্যং যুধিষ্ঠির॥ 12-108-4 (68988)
ন তৈরভ্যননুজ্ঞাতো ধর্মমন্যং সমাচরেৎ।
যং মে তেঽভ্যনুজানীয়ুঃ স ধর্ম ইতি নিশ্চয়ঃ॥ 12-108-5 (68989)
এত এব ত্রয়ো লোকা এত এবাশ্রমাস্ত্রয়ঃ।
এত এব ত্রয়ো বেদা এত এব ত্রয়োঽগ্নয়ঃ॥ 12-108-6 (68990)
পিতাবৈ গার্হপত্যোঽগ্নির্মাতাঽগ্নির্দক্ষণঃ স্মৃতঃ।
গুরু বনীয়স্তু সাঽগ্নিত্রেতা গরীয়সী॥ 12-108-7 (68991)
ত্রিষ্বপ্রমাদ্যন্নেতেষু ত্রীল্লোঁকানপি জেষ্যসি।
পিতৃবৃত্ত্যা ৎবিমং লোকং মাতৃবৃত্ত্যা তথা পরম্॥ 12-108-8 (68992)
ব্রহ্মলোকং গুরোর্বৃত্ত্যা নিয়মেন তরিষ্যসি।
স--গেতেষু বর্তস্ব ত্রিষু লোকেষু ভারত॥ 12-108-9 (68993)
যশঃ প্রাপ্স্যসি ভদ্রং তে ধর্মং চ সুমহাফলম্।
নৈতানতিশয়ীথাস্ৎবং নাত্যশ্নীথা ন দূষয়েঃ॥ 12-108-10 (68994)
হিয়ং পরিচরেশ্চৈব তদ্বৈ সুকৃতমুত্তমম্।
কীর্তি পুণ্যং যশো লোকান্প্রাপ্স্যসে ৎবং জনাধিপ॥ 12-108-11 (68995)
সর্বে তস্যাদৃতা লোকা যস্যৈতে ত্রয় আদৃতাঃ।
অনাদৃতাস্তু যস্যৈতে সর্বাস্তস্যাফলাঃ ক্রিয়াঃ॥ 12-108-12 (68996)
ন চায়ং ন পরো লোকো ন যশস্তস্য ভারত।
অমানিতা নিত্যমেব যস্যৈতে গুরবস্ত্রয়ঃ॥ 12-108-13 (68997)
ন চাস্মিন্ন পরে লোকে যশস্তস্য প্রকাশতে।
যচ্চান্যদপি কল্যাণং পারত্রং সমুদাহৃতম্॥ 12-108-14 (68998)
তেভ্য এব হি যৎসর্বং কৃত্যং যন্নিসৃজাম্যহম্।
তদাসীন্মে শতগুণং সহস্রগুণমেব চ।
তস্মান্মে সংপ্রকাশন্তে ত্রয়ো লোকা যুধিষ্ঠির॥ 12-108-15 (68999)
দশৈব তু সদাঽঽচার্যঃ শ্রোত্রিয়ানধিতিষ্ঠতি।
দশাচার্যানুপাধ্যায় উপাধ্যায়ান্পিতা দশ॥ 12-108-16 (69000)
পিতৄন্দশ তু মাতৈকা সর্বাং বা পৃথিবীমপি।
গুরুৎবেনাভিভবতি নাস্তি মাতৃসমো গুরুঃ॥ 12-108-17 (69001)
গুরুর্গরীয়ান্পিতৃতো মাতৃতশ্চেতি মে মতিঃ।
উভৌ হি মাতাপিতরৌ জন্মন্যেবোপয়ুজ্যতঃ॥ 12-108-18 (69002)
শরীরমেতৌ সৃজতঃ পিতা মাতা চ ভারত।
আচার্যশিষ্টা যা জাতিঃ সাসম্যগজরামরা॥ 12-108-19 (69003)
অবধ্যা হি সদা মাতা পিতা চাপ্যুপচারিণৌ॥ 12-108-20 (69004)
ন স দুষ্যতি তৎকৃৎবা ন চ তে দূষয়ন্তি তম্।
ধর্মায় যতমানানাং বিদুর্দেবাঃ সহর্ষিভিঃ॥ 12-108-21 (69005)
য আবৃণোত্যবিতথেন কর্মণা
ঋতং ব্রুবন্নমৃতং সংপ্রয়চ্ছন্।
তং মন্যেথাঃ পিতরং মাতরং চ
তস্মৈ ন দ্রুহ্যেৎকৃতমস্য জানন্॥ 12-108-22 (69006)
বিদ্যাং শ্রুৎবা যে গুরুং নাদ্রিয়ন্তে
প্রত্যুৎপন্না মনসা কর্মণা বা।
তেষাং পাপং ভ্রূণহত্যাবিশিষ্টং
নান্যস্তেভ্যঃ পাপকৃদস্তি লোকে।
যথৈব তে গুরুভির্ভাবনীয়া
স্তথৈব তেষাং গুরবোঽভ্যর্চনীয়াঃ॥ 12-108-23 (69007)
তস্মাৎপূজয়িতব্যাশ্চ সংবিভজ্যাশ্চ যত্নতঃ।
গুরবোঽর্চয়িতব্যাশ্চ পুরাণং ধর্মমিচ্ছতা॥ 12-108-24 (69008)
যেন প্রীণন্তি পিতরস্তেন প্রীতঃ প্রজাপতিঃ।
প্রীণাতি জননীয়েন পৃথিবী তেন পূজিতা॥ 12-108-25 (69009)
যেন প্রীণাত্যুপাধ্যায়স্তেন স্যাদ্ব্রহ্ম পূজিতম্।
মাতৃতঃ পিতৃতশ্চৈব তস্মাৎপূজ্যতমো গুরুঃ॥ 12-108-26 (69010)
ঋষয়শ্চ হি দেবাশ্চ প্রীয়ন্তে পিতৃভিঃ সহ।
পূজ্যমানেষু গুরুষু তস্মাৎপূজ্যতমো গুরুঃ॥ 12-108-27 (69011)
কেনচিন্ন চ বৃত্তেন হ্যবজ্ঞেয়ো গুরুর্ভবেৎ।
ন চ মাতা ন চ পিতো তাদৃশো যাদৃশো গুরুঃ॥ 12-108-28 (69012)
ন তেঽবমানমর্হন্তি ন তেষাং দূষয়েৎকৃতম্।
গুরূণামেব সৎকারং বিদুর্দেবাঃ সহর্ষিভিঃ॥ 12-108-29 (69013)
উপাধ্যায়ং পিতরং মাতরং চ
যে বিদ্রুহ্যন্তে মনসা কর্মণা বা।
তেষাং পাপং ভ্রূণহত্যাবিশিষ্টং
তস্মান্নান্যঃ পাপকৃদস্তি লোকে॥ 12-108-30 (69014)
ভৃতো ভর্তারং যো ন বিভির্তি পুত্রঃ
স্বয়োনিজঃ পিতরং মাতরং চ।
তস্য পাপং ভ্রূণহত্যাবিষিষ্টং
তস্মান্নান্যঃ পাপকৃদস্তি লোকে॥ 12-108-31 (69015)
মিত্রদ্রুহঃ কৃতঘ্নস্য স্ত্রীঘ্নস্য পিশুনস্য চ।
চতুর্ণামপি চৈতেষাং নিষ্কৃতিং নানুশুশ্রুম্॥ 12-108-32 (69016)
এতৎসর্বং মনুনির্দেশদৃষ্টং
যৎকর্তব্যং পুরুষেণেহ কিংচিৎ।
এতচ্ছ্রেয়ো নান্যদস্মাদ্বিশিষ্টং
সর্বান্ধর্মাননুসৃত্যৈতদুক্তম্॥ ॥ 12-108-33 (69017)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টাধিকশততমোঽধ্যায়ঃ॥ 108॥
Mahabharata - Shanti Parva - Chapter Footnotes
12-108-8 বৃত্ত্যা পূজ্যা॥ 12-108-21 তৎ বধ্যানামপি তেষাং অবধং কৃৎবা। তে আরাধিনোঽপি পিতৃমাতৃগুরবঃ অবধেন নৈনং দূষয়ন্তি। রাজ্য হি বধ্যানামবধে দুষ্যতি তদ্বন্নাত্রেত্যর্থঃ। ধর্মায় দুষ্টানামপি পিত্রাদীনাং পালনায় যতমানানাং যতমানান্দেবা অপ্যনুগ্রাহ্যৎবেন বিদুঃ॥ 12-108-22 আবৃণোতি অনুগৃহ্ণাতি। কর্মণা প্রবচনেন। ঋতং বেদম্॥ 12-108-32 স্ত্রীঘ্নস্য গুরুধাতিনঃ ইতি ঝ. পাঠঃ॥ 12-108-33 অনুসৃত্যৈকীকৃত্য। এতৎসারভূতম্॥শান্তিপর্ব - অধ্যায় 109
॥ শ্রীঃ ॥
12.109. অধ্যায়ঃ 109
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সত্যানৃতবিবেচনম্॥ 1॥Mahabharata - Shanti Parva - Chapter Text
12-109-0 (69018)
যুধিষ্ঠির উবাচ। 12-109-0x (5626)
কথং ধর্মে স্থাতুমিচ্ছন্নরো বর্তেত ভারত।
তত্ৎবং জিজ্ঞাসমানায় প্রব্রূহি ভরতর্ষভ॥ 12-109-1 (69019)
সত্যং চৈবানৃতং চোভে লোকানাবৃত্য তিষ্ঠতঃ।
তয়োঃ কিমাচরেদ্রাজন্পুরুষো ধর্মনিশ্চিতঃ॥ 12-109-2 (69020)
কিংস্বিৎসত্যং কিমনৃতং কিংস্বিদ্ধর্ম্যং সনাতনম্।
কস্মিন্কালে বদেৎসত্যং কস্মিন্বাঽপ্যনৃতং বদেৎ॥ 12-109-3 (69021)
ভীষ্ম উবাচ। 12-109-4x (5627)
সত্যস্য বচনং সাধু ন সত্যাদ্বিদ্যতে পরম্।
যত্তু লোকে সুদুর্জ্ঞেয়ং তত্তে বক্ষ্যামি ভারত॥ 12-109-4 (69022)
ভবেৎসত্যং ন বক্তব্যং বক্তব্যমনৃতং ভবেৎ।
যত্রানৃতং ভবেৎসত্যং সত্যং বাঽপ্যনৃতং ভবেৎ॥ 12-109-5 (69023)
তাদৃশো বর্ধতে পাপো যত্র সত্যমনিশ্চিতম্।
সত্যানৃতে বিনিশ্চিত্য ততো ভবতি ধর্মবি॥ 12-109-6 (69024)
অপ্যনার্যোঽকৃতপ্রজ্ঞঃ পুরুষোঽপ্যতিদারুণঃ।
সুমহৎপ্রাপ্নুয়াৎপুণ্যং বলাকোঽন্ধবধাদিব॥ 12-109-7 (69025)
কিমাশ্চর্যং চ যন্মূঢো ধর্মকামোঽপ্যধর্মবিৎ।
সুমহৎপ্রাপ্নুয়াৎপুণ্যং গঙ্গায়ামিব কৌশিকঃ॥ 12-109-8 (69026)
তাদৃশোঽয়মনুপ্রশ্নো যত্র ধর্মঃ সুদুর্বিদঃ।
দুষ্কারং চাপি সংখ্যাতুং তর্কেণাত্র ব্যবস্যতি॥ 12-109-9 (69027)
প্রভবার্থায় ভূতানাং ধর্মপ্রবচনং কৃতম্।
যঃ স্যাৎপ্রভবসংয়ুক্তঃ স ধর্ম ইতি নিশ্চয়ঃ॥ 12-109-10 (69028)
`অহিংসা সত্যমক্রোধস্তপো দানং দমো মতিঃ।
অনসূয়াঽপ্যসামর্থ্যমনীর্ষ্যা শীলমেব চ॥ 12-109-11 (69029)
এষ ধর্মঃ কুরুশ্রেষ্ঠ কথিতং পরমেষ্ঠিনা।
ব্রহ্মণা দেবদেবেন অয়ং চৈব সনাতনঃ॥ 12-109-12 (69030)
অস্মিন্ধর্মে স্থিতো রাজন্নরো ভদ্রাণি পশ্যতি।
শ্রৌতো বধাত্মকো ধর্ম অহিংসাপরমার্থিকঃ॥' 12-109-13 (69031)
ধারণাদ্ধর্মমিত্যাহুর্ধর্মেণ বিধৃতাঃ প্রজাঃ।
যঃ স্যাদ্ধারণসংয়ুক্তঃ স ধর্ম ইতি নিশ্চঃ॥ 12-109-14 (69032)
অহিংসার্থায় ভূতানাং ধর্মপ্রবচনং কৃতম্।
যঃ স্যাদহিংসাসংয়ুক্তঃ স ধর্ম ইতি নিশ্চয়ঃ॥ 12-109-15 (69033)
শ্রুতিং ধর্মং বদন্ত্যন্যে মানান্যাহুঃ পরে জনাঃ।
ন চ তং স্বভ্যসূয়ামো ন হি সর্বং বিধীয়তে॥ 12-109-16 (69034)
যেঽন্যায়েন জিহীর্ষন্তো ধনমিচ্ছন্তি কর্হিচিৎ।
তেভ্যস্তু ন তদাখ্যেয়ং স ধর্ম ইতি নিশ্চয়ঃ॥ 12-109-17 (69035)
অকূজনেন চেন্মোক্ষো নাবকূজেৎকথংচন।
অবশ্যং কূজিতব্যং বা শঙ্কেরন্বাঽপ্যকূজনাৎ॥ 12-109-18 (69036)
`যেঽন্যে বাঽপ্যনৃতং কুর্যুঃ কুর্যাদেব বিচারণম্।
শ্রেয়স্তত্রানৃতং বক্তুং সত্যাদিতি বিচারিতম্॥ 12-109-19 (69037)
অক্ষয়াদ্যো বধং রাজন্কুর্যাদেবাবিচারয়ন্।
অবুধ্বাঽনুশয়ে দোষং শ্রেয়স্তচ্চানৃতং ভবেৎ॥ 12-109-20 (69038)
ন স্তেনঃ সহ সংবন্ধান্মুচ্যতে শপথাদপি।'
শ্রেয়স্তত্রানৃতং বক্তুং সত্যাদিতি হি ধারণা॥ 12-109-21 (69039)
যঃ পাপৈঃ সহ সংবন্ধান্মুচ্যতে শপথাদপি।
ন চ তেভ্যো ধনং দদ্যাচ্ছক্যে সতি কথংচন।
পাপেভ্যো হি ধনং দত্তং দাতারমপি পীডয়েৎ॥ 12-109-22 (69040)
স্বশরীরোপরোধেন ধনমাদাতুমিচ্ছতঃ।
সত্যসংপ্রতিপত্ত্যর্থং যদ্ব্রূয়ুঃ সাক্ষিণঃ ক্বচিৎ।
অনুক্ৎবা তত্র তদ্বাচ্যং সর্বে তেঽনৃতবাদিনঃ॥ 12-109-23 (69041)
প্রাণাত্যযে বিবাহে চ বক্তব্যমনৃতং ভবেৎ।
অর্থস্য রক্ষণার্থায় পরেষাং ধর্মকারণাৎ॥ 12-109-24 (69042)
পরেষাং সিদ্ধিমাকাঙ্ক্ষন্ন চ স্যাদ্ধর্মভিক্ষুকঃ।
প্রতিশ্রুত্য ন দাতব্যং শ্বঃ কার্যস্তু বলাৎকৃতঃ॥ 12-109-25 (69043)
যঃ কশ্চিদ্ধর্মসময়াৎপ্রচ্যুতো ধর্মজীবনঃ।
দণ্ডেনৈব স হন্তব্যস্তং পন্থানং সমাশ্রিতঃ॥ 12-109-26 (69044)
চ্যুতঃ সদৈব ধর্মেভ্যো ধনবান্ধর্মমাশ্রিতঃ।
কথং স্বধর্মমুৎসৃজ্য তমিচ্ছেদুপজীবিতুম্॥ 12-109-27 (69045)
সর্বোপায়ৈর্নিয়ন্তব্যঃ পাপো নিকৃতিজীবনঃ।
ধনমিত্যেব পাপানাং সর্বেষামিহ নিশ্চয়ঃ॥ 12-109-28 (69046)
অবিবাহ্যা হ্যসংভোজ্যা নিকৃত্যা নিরয়ং গতাঃ।
চ্যুতা দেবমনুষ্যেভ্যো যথা প্রেতাস্তথৈব তে।
[নির্যজ্ঞাস্তপসা হীনা মা স্ম তৈঃ সহ সংগমঃ॥] 12-109-29 (69047)
ধনাদানাদ্দুঃখতরং জীবিতা ধিক্প্রয়োজনম্।
ইদং তে রোচতাং ধর্ম ইতি বাচ্যং প্রয়ত্নতঃ॥ 12-109-30 (69048)
ন কশ্চিদস্তি পাপানাং ধর্ম ইত্যেষ নিশ্চয়ঃ।
তথাবিধং চ যো হন্যান্ন স পাপেন লিপ্যতে॥ 12-109-31 (69049)
স্বকর্মণা হতং হন্তি হত এব স হন্যতে।
তেষু যঃ সময়ং কশ্চিৎকুর্বীত হতবুদ্ধিষু॥ 12-109-32 (69050)
যথা কাকাস্তথৈব শ্বা তথৈবোপধিজীবনঃ।
ঊর্ধ্বং দেহবিমোক্ষান্তে ভবন্ত্যেতাসু যোনিষু॥ 12-109-33 (69051)
যস্মিন্যথা বর্ততি যো মনুষ্য
স্তস্মিংস্তথা বর্তিতব্যং স ধর্মঃ।
মায়াচারো মায়যা বাধিতব্যঃ
সাধ্বাচারঃ সাধুনৈবাভ্যুপেয়ঃ॥ ॥ 12-109-34 (69052)
ইতি শ্রীমন্মহাভারতে শান্তিপর্বণি রাজধর্মপর্বণি নবাধিকশততমোঽধ্যায়ঃ॥ 109॥
Mahabharata - Shanti Parva - Chapter Footnotes
12-109-6 তাদৃশঃ সত্যানৃতয়োস্তত্ৎবমজানন্। তাদৃশো বধ্যতে বাল ইতি ঝ. পাঠঃ॥ 12-109-7 অন্ধস্য ঘ্নাণচক্ষুষঃ সর্বপ্রাণিবধায়োদ্যতস্য বধাদূলাকো ব্যাধো হিংস্রস্বভাবোঽপি স্বর্গং জগামেতি কর্ণপর্বকথানুসংধেয়া॥ 12-109-8 মূঢঃ কর্ণপর্বোক্তঃ সত্যবাদীচোরেভ্যঃ সত্যবচনাভিমানিৎবান্মার্গমুপদিশ্য কার্পটিকান্ঘাতিতবান্। অসৌ ধর্মবিন্নেত্যর্থঃ। কৌশিক উলূকো গঙ্গাতীরে সহস্রশঃ সর্পিণ্যা স্থাপিতান্যণ্ডানি ভিত্ৎবা মহৎপুণ্যং প্রাপ। তদভেদনে তু তীক্ষ্ণবিবাণাং সর্পাণাং বৃভ্দ্যা সদ্যো লোকনাশসংভবেৎ। সুমহৎপ্রাপ্নুয়াৎপাপং ইতি ড. থ. দ. পাঠঃ॥ 12-109-9 অত্র ধগলক্ষণে। ব্যবস্যতি নিশ্চিনোতি॥ 12-109-10 প্রভবেঽভ্যুদয়ঃ॥ 12-109-16 শ্রুত্যুক্তোঽর্থঃ সর্বো ধর্ম ইত্যপি ন। শ্যেনাদের্ধর্মৎবাভাবাৎ সর্বংশ্যেনাদ্যতি নহি বিধীয়তে ধর্মৎবেন ন চোদ্যতে॥ 12-109-17 ধনমিচ্ছন্তি কস্যচি তি ঝ. পাঠঃ॥ 12-109-21 বোরেষু ধনিকং পৃচ্ছৎসু ন বদেৎ। বদতো মোক্ষাভাবে ন বেঝীতি শপথপূর্বকমপি বদেৎ। তাদৃশস্থলেঽনৃতে দোষো নাস্তীত্যর্থঃ॥ 12-109-22 তেভ্যঃ স্তেনেভ্যঃ॥ 12-109-29 মা সংগমঃ সঙ্গং মা কার্ষীঃ॥ 12-109-32 সময়ং এতান্হনিধ্যামীতি ব্রতং যশ্চিকীর্ষেৎ স কুর্বীৎ। তাদৃশানাং বধে পুণ্যমস্তীতি ভাবঃ॥শান্তিপর্ব - অধ্যায় 110
॥ শ্রীঃ ॥
12.110. অধ্যায়ঃ 110
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি দুর্গাতিতরণোপায়কথনম্॥ 1॥Mahabharata - Shanti Parva - Chapter Text
12-110-0 (69082)
যুধিষ্ঠির উবাচ। 12-110-0x (5636)
ক্লিশ্যমানেষু ভূতেষু তৈস্তৈর্ভাবৈঃ পৃথক্পৃথক্।
দুর্গাণ্যতিতরেদ্যেন তন্মে ব্রূহি পিতামহ॥ 12-110-1 (69083)
ভীষ্ম উবাচ। 12-110-2x (5637)
আশ্রমেষু যথোক্তেষু যথোক্তং যে দ্বিজাতয়ঃ।
বর্তন্তে সংয়তাত্মানো দুর্গাণ্যতিতরন্তি তে॥ 12-110-2 (69084)
যে দম্ভান্নাচরন্তি স্ম যেষাং বৃত্তিশ্চ সংয়তা।
বিষয়াংশ্চ নিগৃহ্ণন্তি দুর্গাণ্যতিতরন্তি তে॥ 12-110-3 (69085)
প্রত্যাহুর্নোচ্যমানা যে ন হিংসন্তি চ হিংসিতাঃ।
প্রয়চ্ছন্তি ন যাচন্তে দুর্গাণ্যতিতরন্তি তে॥ 12-110-4 (69086)
বাসয়ন্ত্যতিথীন্নিত্যং নিত্যং যে চানসূয়কাঃ।
নিত্যং স্বাধ্যায়শীলাশ্চ দুর্গাণ্যতিতরন্তি তে॥ 12-110-5 (69087)
মাতাপিত্রোশ্চ যে বৃত্তিং বর্তন্তে ধর্মকোবিদাঃ।
বর্জয়ন্তি দিবাস্বপ্নং দুর্গাণ্যতিতরন্তি তে॥ 12-110-6 (69088)
যে বা পাপং ন কুর্বন্তি কর্মণা মনসা গিরা।
নিক্ষিপ্তদণ্ডা ভূতেষু দুর্গাণ্যতিতরন্তি তে॥ 12-110-7 (69089)
যে ন লোভান্নয়ন্ত্যর্থান্রাজানো রজসাঽন্বিতাঃ।
বিষয়ান্পরিরক্ষন্তি দুর্গাণ্যতিতরন্তি তে॥ 12-110-8 (69090)
স্বেষু দারেষু বর্তন্তে ন্যায়লব্ধেষ্বৃতাবৃতৌ।
অগ্নিহোত্রপরাঃ সন্তো দুর্গাণ্যতিতরন্তি তে॥ 12-110-9 (69091)
আহবেষু চ যে শূরাস্ত্যক্ৎবা মৃত্যুকৃতং ভয়ম্।
ধর্মেণ জয়মিচ্ছন্তি দুর্গাণ্যতিতরন্তি তে॥ 12-110-10 (69092)
যে বদন্তীহ সত্যানি প্রাণত্যাগেঽপ্যুপস্থিতে।
প্রমাণভূতা ভূতানাং দুর্গাণ্যতিতরন্তি তে॥ 12-110-11 (69093)
কর্মাণ্যকুৎসনার্থানি যেষাং বাচশ্চ সূনৃতাঃ।
যেষামর্থাশ্চ সাধ্বর্থা দুর্গাণ্যতিতরন্তি তে। 12-110-12 (69094)
অনধ্যায়েষু যে বিপ্রাঃ স্বাধ্যায়ং নৈব কুর্বতে।
তপোনিষ্ঠাঃ সুতপসো দুর্গাণ্যতিতরন্তি তে॥ 12-110-13 (69095)
যে তপশ্চ তপস্যন্তি কৌমারব্রহ্মচারিণঃ।
বিদ্যা বেদব্রতস্নাতা দুর্গাণ্যতিতরন্তি তে॥ 12-110-14 (69096)
যে চ সংশান্তরজসঃ সংশান্ততমসশ্চ যে।
সৎবে স্থিতা মহাভাগা দুর্গাণ্যতিতরন্তি তে॥ 12-110-15 (69097)
যেষাং ন কশ্চিত্রসতি ন ত্রসন্তি হি কস্যচিৎ।
যেষামাত্মসমো লোকো দুর্গাণ্যতিতরন্তি তে॥ 12-110-16 (69098)
পরশ্রিয়া ন তপ্যন্তি যে সন্তঃ পুরুষর্ষভাঃ।
গ্রাম্যাদন্নান্নিবৃত্তাশ্চ দুর্গাণ্যতিতরন্তি তে॥ 12-110-17 (69099)
সর্বান্দেবান্নমস্যন্তি সর্বধর্মাংশ্চ শৃণ্বতে।
যে শ্রদ্দধানাঃ শান্তাশ্চ দুর্গাণ্যতিতরন্তি তে॥ 12-110-18 (69100)
যে ন মানিৎবমিচ্ছন্তি মানয়ন্তি চ যে পরান্।
মান্যমানান্নমস্যন্তি দুর্গাণ্যতিতরন্তি তে॥ 12-110-19 (69101)
যে চ শ্রাদ্ধানি কুর্বন্তি তিথ্যাংতিথ্যাং প্রজার্থিনঃ।
সুবিশুদ্ধেন মনসা দুর্গাণ্যতিতরন্তি তে॥ 12-110-20 (69102)
যে ক্রোধং সংনিয়চ্ছন্তি ক্রুদ্ধান্সংশময়ন্তি চ।
ন চ রুষ্যন্তি ভৃত্যানাং দুর্গাণ্যতিতরন্তি তে॥ 12-110-21 (69103)
মধু মাংসং স্ত্রিয়ো নিত্যং বর্জয়ন্তীহ মানবাঃ।
জন্মপ্রভৃতি মদ্যং চ দুর্গাণ্যতিতরন্তি তে॥ 12-110-22 (69104)
যাত্রার্থং ভোজনং যেষাং সংতানার্থং চ মৈথুনম্।
বাক্ সত্যবচনার্থং চ দুর্গাণ্যতিতরন্তি তে॥ 12-110-23 (69105)
ঈশ্বরং সর্বভূতানাং জগতঃ প্রভবাপ্যযম্।
ভক্তা নারায়ণং দেবং দুর্গাণ্যতিতরন্তি তে॥ 12-110-24 (69106)
য এষ পঝরক্তাক্ষঃ পীতবাসা মহাভুজঃ।
সুহৃদ্ধাতা চ মিত্রং চ সংবন্ধী চ তবাচ্যুত॥ 12-110-25 (69107)
য ইমান্সকলাঁল্লোকাংশ্চর্মবৎপরিবেষ্টয়েৎ।
ইচ্ছন্প্রভুরচিন্ত্যাত্মা গোবিন্দঃ পুরুষোত্তমঃ॥ 12-110-26 (69108)
স্থিতঃ প্রিয়হিতে নিত্যং স এষ পুরুষোত্তমঃ।
রাজংস্তব যদুশ্রেষ্ঠো বৈকুণ্ঠঃ পুরুষর্ষভঃ॥ 12-110-27 (69109)
য এনং সংশ্রয়ন্তীহ ভক্ত্যা নারায়ণং হরিম্।
তে তরন্তীহ দুর্গাণি ন চাত্রাস্তি বিচারণা॥ 12-110-28 (69110)
` অস্মিন্নর্পিতকর্মাণঃ সর্বভাবেন ভারত।
কৃষ্ণে কমলপত্রাক্ষে দুর্গাণ্যতিতরন্তি তে। 12-110-29 (69111)
লোকরক্ষার্থমুৎপন্নমদিত্যাং কশ্যপাত্মজম্।
দেবমিন্দ্রং নমস্যন্তি দুর্গাণ্যতিতরন্তি তে॥ 12-110-30 (69112)
ব্রহ্মাণং লোককর্তারং যে নমস্যন্তি সৎপতিম্।
যষ্টব্যং ক্রতুভির্দেবং দুর্গাণ্যতিতরন্তি তে॥ 12-110-31 (69113)
যং বিষ্ণুরিন্দ্রঃ শংভুশ্চ ব্রহ্মা লোকপিতামহঃ।
স্তুবন্তি বিবিধৈঃ স্তোত্রৈর্দেবদেবং মহেশ্বরম্।
সমর্চয়ন্তি যে শশ্বদ্দুর্গাণ্যতিতরন্তি তে॥' 12-110-32 (69114)
দুর্গাতিতরণং যে চ পঠন্তি শ্রাবয়ন্তি চ।
কথয়ন্তি চ বিপ্রেভ্যো দুর্গাণ্যতিতরন্তি তে॥ 12-110-33 (69115)
ইতি কৃত্যসমুদ্দেশঃ কীর্তিতস্তে ময়াঽনঘ।
তরতে যেন দুর্গাণি পরত্রেহ চ মানবঃ॥ ॥ 12-110-34 (69116)
ইতি শ্রীমন্মহাভারতে শান্তিপর্বণি রাজধর্মপর্বণি দশাধিকশততমোঽধ্যায়ঃ॥ 110॥
Mahabharata - Shanti Parva - Chapter Footnotes
12-110-1 ভূতেষু ---। দুর্গাণি দুস্তরাণি॥ 12-110-3 বিষয়ান্বিষয়ার্থানি --॥ 12-110-4 উচ্যমানাঃ নিন্দ্যমানাঃ॥ 12-110-8 রজসান্বিতাঃ সন্তোঽর্থান্ন নয়ন্তি ন হরস্তি॥ 12-110-23 যাত্রার্থ জীবনার্থম্॥ 12-110-34 কৃত্যসমুদ্দেশঃ কর্তব্যলেশঃ॥শান্তিপর্ব - অধ্যায় 111
॥ শ্রীঃ ॥
12.111. অধ্যায়ঃ 111
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি পরীক্ষায়াঃ সৌম্যাসৌম্যৎবনির্ধারণসাধনতাপ্রতিপাদকব্যাঘ্রগোমায়ুচরিতকথনম্॥ 1॥Mahabharata - Shanti Parva - Chapter Text
12-111-0 (69117)
যুধিষ্ঠির উবাচ। 12-111-0x (5638)
অসৌম্যাঃ সৌম্যরূপেণ সৌম্যাশ্চাসৌম্যরূপিণঃ।
তাদৃশান্পুরুষাংস্তাত কথং বিদ্যামহে বয়ম্॥ 12-111-1 (69118)
ভীষ্ম উবাচ। 12-111-2x (5639)
অত্রাপ্যুদাহরন্তীমমিতিহাসং পুরাতনম্।
ব্যাঘ্রগোমায়ুসংবাদং তং নিবোধ যুধিষ্ঠির॥ 12-111-2 (69119)
পুরিকায়াং পুরি পুরা শ্রীমত্যাং পৌরিকো নৃপঃ।
পররিংসাপরঃ ক্রূরো বভূব পুরুষাধমঃ॥ 12-111-3 (69120)
স ৎবায়ুষি পরিক্ষীণে জগামানীপ্সিতাং গতিম্।
গোমায়ুৎবং চ সংপ্রাপ্তো দূষিতঃ পূর্বকর্মণা॥ 12-111-4 (69121)
সংস্মৃত্য পূর্বজাতিং স্বাং নির্বেদং পরমং গতঃ।
ন ভক্ষয়ন্তি মাংসানি পরৈরুপহৃতান্যপি॥ 12-111-5 (69122)
অহিংসা সর্বভূতেষু সত্যবাক্ সুদৃঢব্রতঃ।
চকার চ যথাকালমাহারং পতিতৈঃ ফলৈঃ॥ 12-111-6 (69123)
`পর্ণহারঃ কদাচিচ্চ নিয়মব্রতবানপি।
কদা চদুদকেনাপি বর্তয়ন্ন তু যন্ত্রিতঃ॥' 12-111-7 (69124)
শ্মশানে তস্য চাবাসো গোমায়োঃ সংমতোঽভবৎ।
জন্মভূম্যনুরোধাচ্চ নান্যং বা সমরোচয়ৎ॥ 12-111-8 (69125)
তস্য শৌচমমৃষ্যন্তস্তে সর্বে সহজাতয়ঃ।
চালয়ন্তি স্ম তাং বুদ্ধিং বচনৈঃ প্রশ্রয়োত্তরৈঃ॥ 12-111-9 (69126)
বসন্পিতৃবনে রৌদ্রে শৌচং লম্ভিতুমিচ্ছসি।
ইয়ং বিপ্রতিপত্তিস্তে যদা ৎবং পিশিতাশনঃ॥ 12-111-10 (69127)
তৎসমানো ভবাৎসমাভির্ভক্ষ্যং দাস্যামহে বয়ম্।
ভুঙ্ক্ষ্ব শৌচং পরিত্যজ্য যদ্ধি ভুক্তং তদস্তি তে॥ 12-111-11 (69128)
ইতি তেষাং বচঃ শ্রুৎবা প্রত্যুবাচ সমাহিতঃ।
মধুরৈঃ প্রশ্রিতৈর্বাক্যৈর্হেতুমদ্ভিরনিষ্ঠুরৈঃ॥ 12-111-12 (69129)
অপ্রমাণা প্রসূতির্মে শীলতঃ ক্রিয়তে কুলম্।
প্রার্থয়ামি চ তৎকর্ম যেন বিস্তীর্যতে যশঃ॥ 12-111-13 (69130)
শ্মশানে যদি মে বাসঃ সমাধির্মে নিশাম্যতাম্।
আত্মা ফলতি কর্মাণি নাশ্রমো ধর্মলক্ষণম্॥ 12-111-14 (69131)
আশ্রমে যো দ্বিজং হন্যাদ্দানং দদ্যাদনাশ্রমে।
কিংতু তৎপাতকং ন স্যাত্তদ্বা দানং বৃথা ভবেৎ॥ 12-111-15 (69132)
ভবন্তঃ স্বার্থলোভেন কেবলং ভক্ষণে রতাঃ।
অনুবন্ধেষু যে দোষাস্তান্ন পশ্যন্তি মোহিতাঃ॥ 12-111-16 (69133)
অপ্রত্যযকৃতাং গর্হ্যামর্থাপনয়দূষিতাম্।
ইহ চামুত্র চানিষ্টাং তস্মাদ্বৃত্তিং ন রোচয়ে॥ 12-111-17 (69134)
তং শুচিং পণ্ডিতং মৎবা শার্দূলঃ খ্যাতবিক্রমঃ।
কৃৎবাঽঽত্মসদৃশীং পূজাং সাচিব্যেঽবরয়ৎস্বয়ম্॥ 12-111-18 (69135)
শার্দূল উবাচ। 12-111-19x (5640)
সৌম্য বিজ্ঞাতরূপস্ৎবং গচ্ছ যাত্রাং ময়া সহ।
ব্রিয়ন্তামীপ্সিতা ভোগাঃ পরিহার্যাশ্চ পুষ্কলাঃ॥ 12-111-19 (69136)
তীক্ষ্ণা ইতি বয়ং খ্যাতা ভবন্তং জ্ঞাপয়ামহে।
মৃদুপূর্বং প্রশাধি ৎবং শ্রেয়শ্চাধিগমিষ্যসি॥ 12-111-20 (69137)
ভীষ্ম উবাচ। 12-111-21x (5641)
অথং সংপূজ্য তদ্বাক্যং মৃগেন্দ্রস্য মহাত্মনঃ।
গোমায়ুঃ প্রশ্রিতং বাক্যং বভাষে কিংচিদানতঃ॥ 12-111-21 (69138)
সদৃশং মৃগরাজৈতত্তব বাক্যং মদন্তরে।
যৎসহায়ান্মৃগয়সে ধর্মার্থকুশলাঞ্শুচীন্॥ 12-111-22 (69139)
ন শক্যং হ্যনমাত্যেন মহত্ৎবমনুশাসিতুম্।
দুষ্টামাত্যেন বা বীর শরীরপরিপন্থিনা॥ 12-111-23 (69140)
সহায়াননুরক্তাংশ্চ নয়জ্ঞানুপসংহিতান্।
পরস্পরমসংতুষ্টান্বিজিগীষূনলোলুপাৎ॥ 12-111-24 (69141)
অনতীতোপদান্প্রাজ্ঞান্হিতে যুক্তান্মনস্বিনঃ।
পূজয়েথা মহাভাগ যথা ভ্রাতৃন্যথা পিতৄন্॥ 12-111-25 (69142)
ন ৎবেব মম সংতোষাদ্রোচতেঽন্যন্মৃগাধিপ।
ন কাময়ে সুখান্ভোগানৈশ্বর্যং বা ৎবদাশ্রয়ম্॥ 12-111-26 (69143)
ন যোক্ষ্যতি হি মে শীলং তব ভৃত্যৈঃ পুরাতনৈঃ।
তে ত্যাং বিভেদয়িষ্যন্তি দুঃখশীলা মদন্তরে॥ 12-111-27 (69144)
সংশ্রয়ঃ শ্লাঘনীয়স্ৎবমন্যেষামপি ভাস্বতাম্।
কৃতাত্মা সুমহাভাগঃ পাপকেষ্বপ্যদারুণঃ॥ 12-111-28 (69145)
দীর্ঘদর্শী মহোৎসাহঃ স্থূললক্ষো মহাবলঃ।
কৃতে চামোঘকর্তাঽসি ভাগ্যৈশ্চ সমলংকৃতঃ॥ 12-111-29 (69146)
কিংতু স্বেনাস্মি সংতুষ্টো দুঃখা বৃত্তিরনুষ্ঠিতা।
সেবায়াং চাপি নাভিজ্ঞঃ স্বচ্ছন্দেন বনেচরঃ॥ 12-111-30 (69147)
প্রাজ্ঞোপক্রোশদোষাশ্চ সর্বে সংশ্রয়বাসিনাম্।
বনচর্যা তু নিঃসঙ্গা নির্ভয়া বিরবগ্রহা॥ 12-111-31 (69148)
নৃপেণ হিয়মাণস্য যত্তিষ্ঠতি ভয়ং হৃদি।
ন তত্তিষ্ঠতি তুষ্টানাং বনে মূলফলাশিনাম্॥ 12-111-32 (69149)
পানীয়ং বা নিরায়াসং স্বাদ্বন্নং বা গুণোত্তরম্।
বিচার্য খলু পশ্যামি তৎসুখং যত্র নির্বৃত্তিঃ॥ 12-111-33 (69150)
অপরাধৈর্ন তাবন্তো ভৃত্যাঃ শিষ্টা নরাধিপৈঃ।
অপজাতৈর্যথা ভৃত্যা দূষিতাঃ নিধনং গতাঃ॥ 12-111-34 (69151)
যদি বা তন্মমা কার্যং মৃগেন্দ্র যদি মন্যসে।
সময়ং কৃতমিচ্ছামি বর্তিতব্যং যথাবিধি॥ 12-111-35 (69152)
মদীয়া মাননীয়াস্তে শ্রোতব্যং চ হিতং বচঃ।
কল্পিতা যা চ মে বৃত্তিঃ সা ভবেত্ৎবয়ি সুস্থিরা॥ 12-111-36 (69153)
ন ------- সচিবৈঃ সহ কর্হিচিৎ।
তীতিমন্তঃ পরীপ্সন্তো বৃথা ব্রূয়ুঃ পরে ময়ি॥ 12-111-37 (69154)
এক একেন সংগম্য রহো ব্রূয়াং হিতং বচঃ।
নচ তে শাতিকার্যেষু প্রষ্টত্র্যোঽস্মি হিতাহিতে॥ 12-111-38 (69155)
--- --- পশ্চাচ্চ ন হিংস্যাঃ সচিবাস্ৎবয়া।
মদীয়ানাং চ কুপিতো মা ৎবং দণ্ডং নিপাতয়েঃ॥ 12-111-39 (69156)
ভীষ্ম উবাচ। 12-111-40x (5642)
এবমস্ৎবিতি তেনাসৌ মৃগেন্দ্রেণাভিপূজিতঃ।
প্রাপ্তবান্মতিসাচিব্যং গোমায়ুর্ব্যাঘ্রচোদিতঃ॥ 12-111-40 (69157)
তং তথা সৎকৃতং দৃষ্ট্বা যুজ্যমানং চ কর্মসু।
প্রাদ্বিষন্কৃতসংঘাতাঃ পূর্বভৃত্যা মুহুর্মুহুঃ॥ 12-111-41 (69158)
মিত্রবুদ্ধ্যা চ গোমায়ুং সান্ৎবয়িৎবা প্রবেশ্য চ।
দোষেষু সময়ান্নেতুমিচ্ছন্ত্যশুভবুদ্ধয়ঃ॥ 12-111-42 (69159)
অন্যথা হ্যুষিতাঃ পূর্বং পরদ্রব্যাপহারিণঃ।
অশক্তাঃ কিংচিদাহর্তুং দ্রব্যং গোমায়ুয়ন্ত্রিতাঃ॥ 12-111-43 (69160)
ব্যুত্থানং চাত্র কাঙ্ক্ষদ্ভিঃ কথাভিঃ প্রতিলোভ্যতে।
ধনেন মহতা চৈব বুদ্ধিরস্য বিলোভ্যতে॥ 12-111-44 (69161)
ন চাপি স মহাপ্রাজ্ঞস্তস্মাদ্বৈর্যাচ্চচাল হ।
অথাস্য সময়ং কৃৎবা বিনাশায় স্থিতাঃ পরে॥ 12-111-45 (69162)
ঈপ্সিতং তু মৃগেন্দ্রস্য মাংসং যত্তত্র সংস্কৃতম্।
অপনীয় স্বয়ং তদ্ধি তৈর্ন্যস্তং তস্য বেশ্মনি॥ 12-111-46 (69163)
যদর্থং চাপ্যপহৃতং যেন তচ্চৈব মন্ত্রিতম্।
তস্য তদ্বিদিতং সর্বং কারণার্থং চ মর্ষিতম্॥ 12-111-47 (69164)
সময়োঽয়ং কৃতস্তেন সাচিব্যমুপগচ্ছতা।
নোপঘাতস্ৎবয়া কার্যো রাজন্মৈত্রীমিহেচ্ছতা
`ইতি তস্য চ মন্ত্রস্য স্থিত্যর্থং তদুপেক্ষিতম্॥ 12-111-48 (69165)
[ক্ষুধিতস্য মৃগেন্দ্রস্য ভোক্তুমভ্যুত্থিতস্য চ]
ভোজনে চোপহর্তব্যে তন্মাংসং নহ্যদৃশ্যত।
মৃগরাজেন চাজ্ঞপ্তং মৃগ্যতাং চোর ইত্যুত॥ 12-111-49 (69166)
কৃতকৈশ্চাপি তন্মাংসং মৃগেন্দ্রায় নিবেদিতম্।
সচিবেনাপনীতং তে বিদুষা প্রাজ্ঞমানিনা॥ 12-111-50 (69167)
সরোষস্ৎবধ শার্দূলঃ শ্রুৎবা গোমায়ুচাপলম্।
বভূবামর্ষিতো রাজা বধং চাস্য ব্যরোচয়ৎ॥ 12-111-51 (69168)
ছিদ্রং তু তস্য তদৃষ্ট্বা প্রোচুস্তে পূর্বমন্ত্রিণঃ।
সর্বেষামেব সোঽস্মাকং বৃত্তিভঙ্গে প্রবর্ততে।
নিশ্চিত্যৈবং পুনস্তস্য তে তৎকর্মণ্যবর্তয়ন্॥ 12-111-52 (69169)
ইদং তস্যেদৃশং কর্ম কিং তেন ন কৃতং ভবেৎ।
শ্রুতশ্চ স্বামিনা পূর্বং যাদৃশো নৈব তাদৃশঃ॥ 12-111-53 (69170)
বাঙ্ভাত্রেণৈব ধর্মিষ্ঠঃ স্বভাবেন তু দারুণঃ।
ধর্মচ্ছঝা হ্যযং পাপো বৃথাচারপরিগ্রহঃ॥ 12-111-54 (69171)
কার্যার্থং ভোজনাদ্যেষু ব্রতেষু কৃতবাঞ্শ্রমম্।
যদি বিপ্রত্যযো হ্যেষ তদিদং দর্শয়াম্ তে॥ 12-111-55 (69172)
তন্মাংসং তৈশ্চ গোমায়োস্তৎক্ষণাদাশু ঢৌকিতম্॥ 12-111-56 (69173)
মাংসাপনয়নং শ্রুৎবা ব্যাঘ্রস্তেষাং চ তদ্বচঃ।
আজ্ঞাপয়ামাস তদা গোমায়ুর্বধ্যতামিতি॥ 12-111-57 (69174)
গোমায়োর্ব্যসনং শ্রুৎবা শার্দূলজননী ততঃ।
মৃগরাজং হিতৈর্বাক্যৈঃ সংবোধয়িতুমাগমৎ॥ 12-111-58 (69175)
পুত্র নৈতত্ৎবয়া গ্রাহ্যং কপটারম্ভসংয়ুতম্।
কর্ম সংঘর্ষজৈর্দোষৈর্দুষ্যেতাশুচিভিঃ সুচিঃ॥ 12-111-59 (69176)
নোচ্ছ্রিতং সহতে কশ্চিৎপ্রক্রিয়া বৈরকারিকা।
শুচেরপি হি যুক্তস্য দোষ এব নিপাত্যতে॥ 12-111-60 (69177)
[মুনেরপি বনস্থস্য স্বানি কর্মাণি কুর্বতঃ
উৎপাদ্যন্তে ত্রয়ঃ পক্ষা মিত্রোদাসীনশত্রবঃ॥] 12-111-61 (69178)
লুব্ধানাং শুচয়ো দ্বেষ্যাঃ কাতরাণাং তরস্বিনঃ।
মূর্খাণাং পণ্ডিতা দ্বেষ্যা দরিদ্রাণাং মহাধনাঃ।
অধার্মিকাণাং ধর্মিষ্ঠা বিরূপাণাং সুরূপিণঃ॥ 12-111-62 (69179)
বহ পণ্ডিতা মূর্খা লুব্ধা মায়োপজীবিনঃ।
আহুংর্দোষমদোষস্য বৃহস্পতিমতেরপি॥ 12-111-63 (69180)
সুন্য্রস্তং তে গৃহে মাংসং যদদ্যাপহৃতং তব।
নেচতে দীয়মানং চ সাধু তাবদ্বিধীয়তাম্॥ 12-111-64 (69181)
অসয়াঃ সত্যসংকাশাঃ সত্যাশ্চাসত্যদর্শনাঃ।
দৃশ্যন্তে বিবিধা ভাবাস্তেষু যুক্তং পরীক্ষণম্॥ 12-111-65 (69182)
তলবদ্দৃশ্যতে ব্যোম খদ্যোতো হব্যবাডিব।
ন চৈবাস্তি তলং ব্যোম্নি খদ্যোতে ন হুতাশনঃ॥ 12-111-66 (69183)
তস্মাৎপ্রত্যক্ষদৃষ্টোঽপি যুক্তো হ্যর্থঃ পরীক্ষিতুম্।
পরীক্ষ্য জ্ঞাপয়ন্নর্থান্ন পশ্চাৎপরিতপ্যতে॥ 12-111-67 (69184)
ন দুষ্করমিদং পুত্রং যৎপ্রভুর্ঘাতয়েৎপরম্।
শ্লাঘনীয়া যশস্যা চ লোকে প্রভবতাং ক্ষমা॥ 12-111-68 (69185)
স্থাপিতোঽয়ং ৎবয়া পুত্র সামন্তেষ্বপি বিশ্রুতঃ।
দুঃখেনাসাদ্যতে পাত্রং ধার্যতামেষ তে সুহৃৎ॥ 12-111-69 (69186)
দূষিতং পরদোষৈর্হি গৃহ্ণীতে যোঽন্যথা শুচিম্।
স্বয়ং সংদূষিতামাত্যঃ ক্ষিপ্রমেব বিনশ্যতি॥ 12-111-70 (69187)
এতস্মাদরিসংঘাতাদ্গোমায়োঃ কশ্চিদাগতঃ।
ধর্মাত্মা তেন চাখ্যাতং যথৈতৎকপটং কৃতম্॥ 12-111-71 (69188)
ততো বিজ্ঞাতচারিত্রঃ সৎকৃত্য স বিমোক্ষিতঃ।
পরিষ্বক্তশ্চ সস্নেহং মৃগেন্দ্রেণ পুনঃ পুনঃ॥ 12-111-72 (69189)
অনুজ্ঞায় মৃগেন্দ্রং তু গোমায়ুর্নীতিশাস্ত্রবিৎ।
তেনামর্ষেণ সংতপ্তঃ প্রায়মাসিতুমৈচ্ছত॥ 12-111-73 (69190)
গোমায়ুং তু স শার্দূলঃ স্নেহাৎপ্রসৃতলোচনঃ।
ন্যবারয়ৎস ধর্মিষ্ঠং পূজয়া প্রতিপূজয়ন্॥ 12-111-74 (69191)
তং স গোমায়ুরালোক্য স্নেহাদাগতসংভ্রমঃ।
বভাষে প্রণতো বাক্যং বাষ্পগদ্গদয়া গিরা॥ 12-111-75 (69192)
পূজিতোঽহং ৎবয়া পূর্বং পশ্চাচ্চৈব বিমানিতঃ।
পরেষামাস্পদং নীতো বস্তুং নার্হাম্যহং ৎবয়ি॥ 12-111-76 (69193)
অসংতুষ্টাশ্চ্যুতাঃ স্থানান্মানাৎপ্রত্যবরোপিতাঃ।
স্বয়ং চোপদ্রুতা ভৃত্যা যে চাপ্যুপহিতাঃ পরৈঃ॥ 12-111-77 (69194)
পরিক্ষীণাশ্চ লুব্ধাশ্চ ক্রুদ্ধা ভীতাঃ প্রতারিতাঃ।
হৃতস্বা মানিনো যে চ ত্যক্তোপাত্তা মহেপ্সবঃ॥ 12-111-78 (69195)
সংলালিতাশ্চ যে কেচিদ্ব্যসনৌঘপ্রতীক্ষিণঃ।
অন্তর্হিতাঃ সোহপৃতাস্তে সর্বেঽপরসাধনাঃ॥ 12-111-79 (69196)
অবমানেন যুক্তস্য স্থাপিতস্য চ মে পুনঃ।
কথং যাস্যসি বিশ্বাসমহমেষ্বামি বা কথম্॥ 12-111-80 (69197)
সমর্থ ইতি সংগৃহ্য স্থাপয়িৎবা পরীক্ষিতঃ।
কৃতং চ সময়ং ভিত্ৎবা ৎবয়াঽহমবমানিতঃ॥ 12-111-81 (69198)
প্রথমং যঃ সমাখ্যাতঃ শীলবানিতি সংসদি।
ন বাচ্যং তস্য বৈগুণ্যং প্রতিজ্ঞাং পরিরক্ষতা॥ 12-111-82 (69199)
এবং চাবমতস্যেহ বিশ্বাসং মে ন যাস্যসি।
ৎবয়ি চাপেতবিশ্বাসে মমোদ্বেগো ভবিষ্যতি॥ 12-111-83 (69200)
শঙ্কিতস্ৎবমহং ভীতঃ পরে চ্ছিদ্রানুসারিণঃ।
অস্ত্রিগ্ধাশ্চৈব দুস্তোষাঃ কর্ম চৈতদ্বহুচ্ছলম্॥ 12-111-84 (69201)
দুঃখেন শ্লিষ্যতে ভিন্নং শ্লিষ্টং দুঃখেন ভিদ্যতে।
ভিন্নশ্লিষ্টে তু যা প্রীতির্ন সা স্নেহেন বর্ধতে॥ 12-111-85 (69202)
কশ্চিত্তব হিতে ভর্তুর্দৃশ্যতে ন পরাত্মনঃ।
কার্যাপেক্ষা হি বর্ন্ততে ভাবস্ত্রিগ্ধাঃ সুদুর্লভাঃ॥ 12-111-86 (69203)
সুদুঃখং পুরুষজ্ঞানং চিত্তং হ্যেষাং চলাচলম্।
সমর্থো বাপ্যশঙ্কো বা শতেষ্বেকোঽধিগম্যতে॥ 12-111-87 (69204)
অকস্মাৎপ্রক্রিয়া নৄণামকস্মাচ্চাপকর্ষণম্।
শুভাশুভে মহত্ৎবং চ প্রহর্তুং বুদ্ধিলাঘবম্॥ 12-111-88 (69205)
ভীষ্ম উবাচ। 12-111-89x (5643)
এবংবিধং সান্ৎবমুক্ৎবা ধর্মকামার্থহেতুমৎ।
প্রসাদয়িৎবা রাজানং গোমায়ুর্বনমভ্যগাৎ॥ 12-111-89 (69206)
অগৃহ্যানুনয়ং তস্য মৃগেন্দ্রস্য চ বুদ্ধিমান্।
গোমায়ুঃ প্রায়মাসীনস্ত্যক্ৎবা দেহং দিবং যয়ৌ॥ ॥ 12-111-90 (69207)
ইতি শ্রীমন্মহাভারতে শান্তিপর্বণি রাজধর্মপর্বণি একাদশাধিকশততমোঽধ্যায়ঃ॥ 111॥
Mahabharata - Shanti Parva - Chapter Footnotes
12-111-10 বিপ্রতিপত্তির্বিপরীতা বুদ্ধিঃ॥ 12-111-16 অনুবন্ধেষু পরিণামেষু॥ 12-111-17 অপ্রত্যযোঽসংতোষস্তেন কৃতাম্। অর্থাপনয়ো ধর্মহানিঃ॥ 12-111-19 যাত্রাং রাজকার্যং গচ্ছ প্রাপ্নুহি। পরিহার্যাশ্চানীপ্সিতাঃ॥ 12-111-20 জ্ঞাপয়ামহে সূচয়ামহে॥ 12-111-22 মদন্তরে মন্নিমিত্তম্॥ 12-111-23 ন শক্যম্। রাজ্ঞেতি শেষঃ॥ 12-111-26 -- ----- -- সন্তোশদিতি ট. ড. থ. দ. পাঠঃ॥ 12-111-27 যোক্ষ্যতি যোগং প্রাপ্স্যতি। দুঃখশীলা ভবিষ্যন্তি॥ 12-111-29 স্থূললক্ষো বহুপ্রদঃ॥ 12-111-31 উপক্রোধো নিন্দা তজ্জা দোষা উপক্রোশদোষাঃ সন্তি॥ 12-111-33 যত্র নির্বৃতিঃ সুখং তৎখলু সুখং স্বর্গং পশ্যামি। নির্বৃতিঃ সুস্থিতিরিতি বা॥ 12-111-34 শিষ্টাঃ কৃতদণ্ডঃ॥ 12-111-46 তস্য গোমায়োর্বেশ্মনি॥ 12-111-47 তস্য গোমায়োঃ। কারণার্থং স্বস্য বন্ধবিচ্ছেদো ভবৎবিতি হেতোরিত্যর্থঃ॥ 12-111-51 পরোক্ষস্ৎবথ ইতি ট. দ. পাঠঃ॥ 12-111-55 বিপ্রত্যযোঽবিশ্বাসঃ॥ 12-111-56 গোমায়োর্গৃহে ঢৌকীতং প্রবেশিতং মাংসং প্রদর্শয়ামাসুরিত্যর্থঃ। তৎক্ষণাদেব দর্শিতং ইতি দ. পাঠঃ॥ 12-111-58 শার্দূলস্য বচঃ শ্রুৎবা ইতি ঝ. পাঠঃ॥ 12-111-59 সংঘর্ষজৈঃ স্পর্ধোত্থৈঃ॥ 12-111-60 প্রক্রিয়া প্রকৃষ্টং কর্ম॥ 12-111-66 তলবৎ অবাঙ্ভুস্বকটাহগর্ভবৎ॥ 12-111-68 প্রভবতাং প্রভূণাম্॥ 12-111-71 গোমায়োশ্চারঃ॥ 12-111-73 প্রায়ং মরণার্থমুপবেশনং আসিতুং আচরিতুম্॥ 12-111-76 বক্তুং নার্হোস্ম্যহং ৎবয়া ইতি ট. ড. দ. পাঠঃ॥ 12-111-79 অপরসাশ্চ অধনাশ্চেতি অপরসাধনাঃ। প্রীতিশূন্যা নির্ঘনাশ্চেত্যর্থঃ॥ 12-111-84 ছিদ্রানুদর্শিনঃ ইতি ঝ. পাঠঃ॥ 12-111-87 পুরুষজ্ঞানং সুদুঃখং দুর্লভং যত এষাং নৃপাণাং চিত্তং চলাচলমস্থিরং গম্যতে জ্ঞায়তে সুপুরুষজ্ঞানং দুর্ধটমিত্যর্থঃ॥ 12-111-88 প্রক্রিয়া মহীকরণং বুদ্ধের্লাঘবং তুচ্ছৎবমেব হেতুঃ॥ 12-111-89 প্রসাদয়িৎবা প্রসাদ্য॥ 12-111-90 অগৃহ্য অগৃহীৎবা॥শান্তিপর্ব - অধ্যায় 112
॥ শ্রীঃ ॥
12.112. অধ্যায়ঃ 112
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি অলসতায়া অনর্থহেতুতাখ্যাপকোট্রচরিতাভিধানম্॥ 1॥Mahabharata - Shanti Parva - Chapter Text
12-112-0 (69208)
যুধিষ্ঠির উবাচ। 12-112-0x (5644)
কিং পার্থিবেন কর্তব্যং কিংচ কৃৎবা সুখী ভবেৎ।
তন্মমাচক্ষ্ব তত্ৎবেন সর্বধর্মভৃতাং বর॥ 12-112-1 (69209)
ভীষ্ম উবাচ। 12-112-2x (5645)
হন্ত তেঽহং প্রবক্ষ্যামি শৃণু কার্যৈকনিশ্চয়ম্।
যথা রাজ্ঞেহ কর্তব্যং যচ্চ কৃৎবা সুখী ভবেৎ॥ 12-112-2 (69210)
নচৈবং বর্তিতব্যং স্ম যথেদমনুশুশ্রুম্।
উষ্ট্রস্য তু মহদ্বৃত্তং তন্নিবোধ যুধিষ্ঠির॥ 12-112-3 (69211)
জাতিস্মরো মহানুষ্ট্রঃ প্রজাপতিকুলোদ্ভবঃ।
তপঃ সুমহদাতিষ্ঠদরণ্যে সংশিতব্রতঃ॥ 12-112-4 (69212)
তপসস্তস্য চান্তেঽথ প্রীতিমানভবদ্বিভুঃ।
বরেণ চ্ছন্দয়ামাস ততশ্চৈনং পিতামহঃ॥ 12-112-5 (69213)
উষ্ট্র উবাচ। 12-112-6x (5646)
ভগবংস্ৎবৎপ্রসাদান্মে দীর্ঘা গ্রীবা ভবেদিয়ম্।
যোজনানাং শতং সাগ্রমিচ্ছেয়ং চারিতুং বিভো॥ 12-112-6 (69214)
এবমস্বিতি চোক্তঃ স বরদেন মহাত্মনা।
প্রতিলভ্য বরং শ্রেষ্ঠং যয়াবুষ্ট্রঃ স্বকং বনম্॥ 12-112-7 (69215)
স চকার তদাঽঽলস্যং বরদানাৎসুদুর্মতিঃ।
ন চৈচ্ছচ্চিরতুং গন্তুং দুরাত্মা কালমোহিতঃ॥ 12-112-8 (69216)
স কদাচিৎপ্রসার্যৈব তাং গ্রীবাং শতয়োজনাম্।
চচার শ্রান্তহৃদয়ো বাতশ্চাগাত্ততো মহান্॥ 12-112-9 (69217)
স গুহায়াং শিরোগ্রীবাং নিধায় পশুরাত্মনঃ।
আস্তে বর্ষমথাভ্যাগাৎসুমহৎপ্লাবয়জ্জগৎ॥ 12-112-10 (69218)
অথ শীতপরীতাঙ্গো জম্বুকঃ ক্ষুচ্ছ্রমান্বিতঃ।
সদারস্তাং গুহামাশু প্রবিবেশ জলার্দিতঃ॥ 12-112-11 (69219)
স দৃষ্ট্বা মাংসজীবী তু সুভৃশং ক্ষুচ্ছ্রমান্বিতঃ॥
অভক্ষয়ত্ততো গ্রীবামুষ্ট্রস্য ভরতর্ষভ॥ 12-112-12 (69220)
যদা ৎববুধ্যতাত্মানং ভক্ষ্যমাণং স বৈ পশু।
তদা সংকোচনে যত্নমকরোদ্ভৃশদুঃখিতঃ॥ 12-112-13 (69221)
যাবদূর্ধ্বমধশ্চৈব গ্রীবাং সংক্ষিপতে পশুঃ।
তাবত্তেন সদারেণ জম্বুকেন স ভক্ষিতঃ॥ 12-112-14 (69222)
স হৎবা ভক্ষয়িৎবা চ তমুষ্ট্রং জম্বুকস্তদা।
বিগতে বাতবর্পে তু নিশ্চক্রাম গুহোদরাৎ॥ 12-112-15 (69223)
এবং দুর্বুদ্ধিনা প্রাপ্তমুষ্ট্রেণ নিধনং তদা।
আলস্যস্য ক্রমাৎপশ্য মহান্তং দোষমাগতম্॥ 12-112-16 (69224)
ৎবমপ্যেবংবিধং হিৎবা যোগেন নিয়তেন্দ্রিয়ঃ।
বর্তস্ব বুদ্ধিমূলং তু বিজয়ং মনুরব্রবীৎ॥ 12-112-17 (69225)
বুদ্ধিশ্রেষ্ঠানি কর্মাণি বাহুমধ্যানি ভারত।
তানি জঙ্ঘাজঘন্যানি ভারপ্রত্যবরাণি চ॥ 12-112-18 (69226)
রাজ্যং তিষ্ঠতি দক্ষস্য সংগৃহীতেন্দ্রিয়স্য চ।
[আর্তস্য বুদ্ধিমূলং হি বিজয়ং মনুরব্রবীৎ।]
গুপ্তং মন্ত্রং শ্রুতবতঃ সুসহায়স্য চানঘ॥ 12-112-19 (69227)
`অসহায়বতো হ্যর্থা ন তিষ্ঠন্তি কদাচন।'
পরীক্ষিতসহায়স্য তিষ্ঠন্তীহ যুধিষ্ঠির।
সহায়যুক্তেন মহী কৃৎস্না শক্যা প্রশাসিতুম্॥ 12-112-20 (69228)
ইদং হি সদ্ভিঃ কথিতং বিধিজ্ঞৈঃ
পুরা মহেন্দ্রপ্রতিমপ্রভাবঃ।
ময়াঽপি চোক্তং তব শাস্ত্রদৃষ্ট্যা
ৎবমপ্রমত্তঃ প্রচরস্ব রাজন্॥ ॥ 12-112-21 (69229)
ইতি শ্রীমন্মহাভারতে শান্তিপর্বণি রাজধর্মপর্বণি দ্বাদশাধিকশততমোঽধ্যায়ঃ॥ 112॥
Mahabharata - Shanti Parva - Chapter Footnotes
12-112-8 চরিতুং ভক্ষিতুম্॥ 12-112-17 যোগেনোপায়েন। এবংবিধমালস্যম্॥ 12-112-18 বাহূপলক্ষিতং শৈর্যম্। জঙ্ঘোপলক্ষিতং পাদবিহরণম্। ভারো ভারবহনম্॥শান্তিপর্ব - অধ্যায় 113
॥ শ্রীঃ ॥
12.113. অধ্যায়ঃ 113
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বলবচ্ছত্রুবশীকরণে বিনয়স্যোপায়তায়াং দৃষ্টান্ততয়া সরিৎসাগরসংবাদানুবাদঃ॥ 1॥Mahabharata - Shanti Parva - Chapter Text
12-113-0 (69230)
যুধিষ্ঠির উবাচ। 12-113-0x (5647)
রাজা রাজ্যমনুপ্রাপ্য দুর্বলো ভরতর্ষভ।
অমিত্রস্যাতিবৃদ্ধস্য কথং তিষ্ঠেদসাধনঃ॥ 12-113-1 (69231)
ভীষ্ম উবাচ। 12-113-2x (5648)
অত্রাপ্যুদাহরন্তীমমিতিহাসং পুরাতনম্।
সরিতাং চৈব সংবাদং সাগরস্য চ ভারত॥ 12-113-2 (69232)
সুরারিনিলয়ঃ শশ্বৎসাগরঃ সরিতাং পতিঃ।
পপ্রচ্ছ সরিতঃ সর্বাঃ সংশয়ং জাতমাত্মনঃ॥ 12-113-3 (69233)
সাগর উবাচ। 12-113-4x (5649)
সমূলশাখান্পশ্যামি নিহতান্ক্বাপি নো দ্রুমান্।
যুষ্মাভিরিহ পূর্ণাভিরন্যাংস্তত্র ন বেতসান্॥ 12-113-4 (69234)
অ-পকায়শ্চাল্পসারো বেতসঃ কূলজশ্চ যঃ।
অজ্ঞয়া বা নানীতঃ কিং চ বা তেন বঃ কৃতম্॥ 12-113-5 (69235)
তদহং শ্রোতুমিচ্ছামি সর্বাসামেব বো মতম্।
যথা চেমানি কূলানি হিৎবা নায়াতি বেতসঃ॥ 12-113-6 (69236)
তত্র প্রাহ নদী গঙ্গা বাক্যমুত্তরমর্থবৎ।
হেতুমদ্গ্রাহকং চৈব সাগরং সরিতাং পতিম্॥ 12-113-7 (69237)
গঙ্গোবাচ। 12-113-8x (5650)
তিষ্ঠন্ত্যেতে যথাস্থানং নগা হ্যেকনিকেতনাঃ।
ততস্ত্যজন্তি তৎস্থানং প্রাতিলোম্যান্ন বেতসঃ॥ 12-113-8 (69238)
বেতসো বেগমায়ান্তং দৃষ্ট্বা নমতি নাপরে।
স চ বেগে হ্যতিক্রান্তে স্থানমাপদ্যতে পুনঃ॥ 12-113-9 (69239)
কালজ্ঞঃ সময়জ্ঞশ্চ সদাবশ্যশ্চ নো দ্রুমঃ।
অনুলোমবৃত্তিতস্তব্ধস্তেন ৎবাং নৈতি বেতসঃ॥ 12-113-10 (69240)
মারুতোদকবেগেন যে নমন্ত্যুন্নমন্তি চ।
ওষধ্যঃ পাদপা গুল্মা ন তে যান্তি পরাভবম্॥ 12-113-11 (69241)
ভীষ্ম উবাচ। 12-113-12x (5651)
যো হি শত্রোর্বিবৃদ্ধস্য প্রভোর্বন্ধবিনাশনে।
পূর্বং ন সহতে বেগং ক্ষিপ্রমেব বিনশ্যতি॥ 12-113-12 (69242)
সারাসারং বলং বীর্যমাত্মনো দ্বিষতশ্চ যঃ।
জানন্বিচরতি প্রাজ্ঞো ন স যাতি পরাভবম্॥ 12-113-13 (69243)
এবমেব যদা বিদ্বান্মন্যতে বিপুলং বলম্।
সংশ্রয়েদ্বৈতসীং বৃত্তিমেতৎপ্রজ্ঞানলক্ষণম্॥ ॥ 12-113-14 (69244)
ইতি শ্রীমন্মহাভারতে শান্তিপর্বণি রাজধর্মপর্বণি ত্রয়োদশাধিকশততমোঽধ্যায়ঃ॥ 113॥
Mahabharata - Shanti Parva - Chapter Footnotes
12-113-4 নিহতানুন্মূলিতান্। কায়িন ইতি পাঠে মহাশরীরান্। অন্যানল্পশরীরান্বেতসান্ ন হতান্পশ্যামি॥ 12-113-5 অবজ্ঞায় ন শক্যো বা ইতি দ. পাঠঃ॥ 12-113-8 একনিকেতনাঃ স্তব্ধা ইত্যর্থঃ। প্রাতিলোম্যাদস্মাকং প্রাতিকূল্যাৎ॥ 12-113-14 বৈতসীং বৃত্তিমস্তব্ধৎবম্॥শান্তিপর্ব - অধ্যায় 114
॥ শ্রীঃ ॥
12.114. অধ্যায়ঃ 114
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সভায়াং দুষ্টদুর্ভাষণে তত্তিতিক্ষায়া গুণৎবপ্রতিপাদনম্॥ 1॥Mahabharata - Shanti Parva - Chapter Text
12-114-0 (69245)
যুধিষ্ঠির উবাচ। 12-114-0x (5652)
বিদ্বান্মূঢপ্রগল্ভেন মৃদুস্তীক্ষ্ণেন ভারত।
আক্রুশ্যমানঃ সদসি কথং কুর্যাদরিংদম্॥ 12-114-1 (69246)
ভীষ্ম উবাচ। 12-114-2x (5653)
শ্রূয়তাং পৃথিবীপাল যথৈঽষোর্থোঽবগম্যতে।
সদা সচেতাঃ সহতে নরস্যেহাল্পচেতসঃ॥ 12-114-2 (69247)
আক্রুশ্য দূষ্যমাণশ্চ সুকৃতং তস্য বিন্দতি।
দুষ্কৃতং চাত্মনো মর্ষী তস্মিন্নেব প্রমার্জতি॥ 12-114-3 (69248)
গর্হিতং তমুপেক্ষেত বাশ্যমানমিবাতুরম্।
লোকে বিদ্বেষমাপন্নো নিষ্ফলং প্রতিপদ্যতে॥ 12-114-4 (69249)
ইতি সংশ্লাঘতে নিত্যং তেন পাপেন কর্মণা।
ইদমুক্তো ময়া কশ্চিৎসর্বতো জনসংসদি।
স তত্র ব্রীডিতঃ শুষ্কো মৃতকল্পোঽবতিষ্ঠতে॥ 12-114-5 (69250)
শ্লাঘন্নশ্লাঘনীয়েন কর্মণা নিরপত্রপঃ।
উপেক্ষিতব্যো দান্তেন তাদৃশঃ পুরুষাধমঃ॥ 12-114-6 (69251)
যদ্যদ্ব্রূয়াদল্পমতিস্তত্তদস্য সহেত্তদা॥ 12-114-7 (69252)
প্রকৃত্যা হি প্রশংসন্বা নিন্দন্বা কিং করিষ্যতি।
বনে কাক ইবাবুদ্ধির্বাশ্যমানো নিরর্থকম্॥ 12-114-8 (69253)
যদি বাগ্ভিঃ প্রয়োগঃ স্যাৎপ্রয়োজ্যঃ পাপকর্মণা।
বাগেবার্থো ভবেত্তস্য ন হ্যেবার্থো জিঘাংসতঃ॥ 12-114-9 (69254)
নিষেকং বৈ পরস্যাসাবাচষ্টে বৃত্তচেষ্টয়া।
ময়ূর ইব কৌপীনং নৃত্যং সংদর্শয়ন্নিব॥ 12-114-10 (69255)
যস্যাবাচ্যং ন লোকেঽস্মিন্নাকার্যং চাপি কিংচন।
বাচং তেন ন সংদধ্যাচ্ছুচিঃ সংশ্লিষ্টকর্মণা॥ 12-114-11 (69256)
প্রত্যক্ষং গুণবাদী যঃ পরোক্ষং তু বিনিন্দকঃ।
স মানবঃ শ্ববল্লোকে নষ্টলোকপরায়ণঃ॥ 12-114-12 (69257)
তাদৃগ্দিনশতং চাপি যদ্দদাতি জুহোতি চ।
পরোক্ষেণাপবাদেন তং নাশয়তি তৎক্ষণাৎ॥ 12-114-13 (69258)
তস্মাৎপ্রাজ্ঞো নরঃ সদ্যস্তাদৃশং পাপচেতসম্।
বর্জয়েন্মতিমান্বর্জ্যং সারমেয়ামিষং যথা॥ 12-114-14 (69259)
পরিবাদং ব্রুবাণো হি দুরাত্মা বৈ মহাজনে।
প্রকাশয়তি দোষান্স্বান্সর্পঃ ফণমিবোন্নতম্॥ 12-114-15 (69260)
তং স্বকর্মণি কুর্বাণং প্রতিকর্তুং য ইচ্ছতি।
ভস্মকূট ইবাবুদ্ধিঃ খরো রজসি মজ্জতি॥ 12-114-16 (69261)
মনুষ্যসালাবৃকমপ্রশান্তং
জনাপবাদে সততং নিবিষ্টম্।
মাতঙ্গমুন্মত্তমিবোন্নদন্তং
ত্যজেত তং শ্বানমিবাতিরৌদ্রম্॥ 12-114-17 (69262)
অনার্যজুষ্টে পথি বর্তমানং
দমাদপেতং বিনয়াচ্চ পাপম্।
অরিব্রতং নিত্যমভূতিকামং
ধিগস্তু তং পাপমতিং মনুষ্যম্॥ 12-114-18 (69263)
প্রত্যুচ্যমানস্ৎবথ ভূয় এব
নিশাম্য মাভূস্ৎবমথার্তরূপঃ।
উচ্চস্য নীচেন হি সংপ্রয়োগং
বিগর্হয়ন্তি স্থিরবুদ্ধয়ো যে॥ 12-114-19 (69264)
ক্রুদ্ধো দশেদ্বাঽপি চ তাডয়েদ্বা
স পাংসুভির্বা বিকিরেত্তুষৈর্বা।
বিবৃত্য দন্তাংশ্চ বিভীষয়েদ্বা
সিদ্ধং হি মূঢে কুপিতে নৃশংসে॥ 12-114-20 (69265)
বিগর্হণাং নাঽপি দুরাত্মনা কৃতাং
সহেত যঃ সংসদি দুর্জনানাম্।
পঠেদিদং চাপি নিদর্শনং সদা
ন বাঙ্ভয়ং স লভতি কিংচিদপ্রিয়ম্॥ ॥ 12-114-21 (69266)
ইতি শ্রীমন্মহাভারতে শান্তিপর্বণি রাজধর্মপর্বণি চতুর্দশাধিকশততমোঽধ্যায়ঃ॥ 114॥
Mahabharata - Shanti Parva - Chapter Footnotes
12-114-1 মূঢশ্চাসৌ প্রগল্ভশ্চ তেন॥ 12-114-2 সহতে দুরুক্তম্॥ 12-114-3 মর্ষী তিতিক্ষুঃ॥ 12-114-4 বাশ্যমানং রটন্তম্॥ 12-114-9 যথা বাচা হতো ন হন্যতে এবং বাচা দূষিতো ন দুষ্যতীত্যর্থঃ॥ 12-114-10 স এবং বদন্বৃত্তেন ক্রিয়যা চেষ্টয়া বাগাদিব্যাপারেণ চ লিঙ্গেন নিষেকং স্বমাতরি রেতঃ সেকং পরস্য পরেণ পিতুরন্যেন কৃতমিত্যাচষ্টে ব্যক্তং কথয়তি। কৌপীনং গুহ্যপ্রদেশং সংদর্শয়ন্নিব নৃত্যং কুর্বন্ময়ূরো যথা শ্লাঘতে সম্যঙ্নৃত্যামীতি মন্যতে নতু মম গুহ্যং লোকাঃ পশ্যন্তীতি ত্রপতে এবং স্বলোপি ময়া স মহানমুকসভায়াং দুরুক্তমুক্ত ইতি শ্লাঘতে নৎবনেন মম মাতুর্দোষঃ স্পষ্টীক্রিয়তে ময়ৈবেতি ন ত্রপতে ইত্যর্থঃ॥ 12-114-11 ময়ূর ইব কালীনং ইতি থ. দ. পাঠঃ। সংশ্লিষ্টজন্মনা ইতি ট.থ. দ. পাঠঃ॥ 12-114-13 তাদৃক্পুমান্॥ 12-114-14 সারমেয়ামিষং শুনোমাংসম্॥ 12-114-15 দোষান্ জারজৎবাদীন্॥ 12-114-16 ভস্মকূটে ভস্মরাশৌ স্বর ইবাবুদ্ধিঃ রজসি দুঃখে নিমজ্জতি॥ 12-114-17 সালাবৃকং শ্বানমেব মনুষ্যৎবেন লোকে গৃহীতমিত্যর্থঃ॥ 12-114-20 কুদ্ধো দশার্ধেন হি তাডয়েদ্বা ইতি ঝ. পাঠঃ। তত্র দশার্ধেন সংবৃতাঙ্গুলিপঞ্চকেন পাণিনেত্যর্থঃ। ইদং সর্বং কুপিতমূঢে সিদ্ধমেব॥শান্তিপর্ব - অধ্যায় 115
॥ শ্রীঃ ॥
12.115. অধ্যায়ঃ 115
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি রাজ্ঞাং সহায়সংপাদনস্যাবশ্যকতাদিপ্রতিপাদনম্॥ 1॥Mahabharata - Shanti Parva - Chapter Text
12-115-0 (69267)
যুধিষ্ঠির উবাচ। 12-115-0x (5654)
পিতামহ মহাপ্রাজ্ঞ সংশয়ো মে মহানয়ম্।
সংছেত্তব্যস্ৎবয়া রাজন্ভবান্কুলকরো হি নঃ॥ 12-115-1 (69268)
পুরুষাণাময়ং তাত দুর্বৃত্তানাং দুরাত্মনাম্।
কথিতো বাক্যসংচারস্ততো বিজ্ঞাপয়ামি তে॥ 12-115-2 (69269)
যদ্ধিতং রাজ্যতন্ত্রস্য কুলস্য চ সুখোদয়ম্।
অয়ত্যাং চ তদাৎবে চ ক্ষেমবৃদ্ধিকরং চ তৎ॥ 12-115-3 (69270)
পুত্রপৌত্রাভিরামং চ রাষ্ট্রবৃদ্ধিকরং চ যৎ।
অন্নপানে শরীরে চ হিতং যত্তদ্ব্রবীহি মে॥ 12-115-4 (69271)
অভিষিক্তো হি যো রাজা রাজ্যস্থো মিত্রসংবৃত।
সমুহৃৎসমুপেতো বা স কথং রঞ্জয়েৎপ্রজাঃ॥ 12-115-5 (69272)
যো হ্যসৎপ্রগ্রহরতিঃ স্নেহরাগবলাৎকৃতঃ।
ইন্দ্রিয়াণামনীশৎবাদসজ্জনবুভূষকঃ॥ 12-115-6 (69273)
তস্য ভৃত্যা বিমুখতাং যান্তি সর্বে কুলোদ্গতাঃ।
ন চ ভৃত্যবলৈরর্থৈঃ স রাজা সংপ্রয়ুজ্যতে॥ 12-115-7 (69274)
এতন্মে চিন্তয়ানস্য রাজধর্মান্দিবানিশম্।
বৃহস্পতিসমো বুদ্ধ্যা ভবাঞ্শংসিতুমর্হতি॥ 12-115-8 (69275)
শাসতা পুরুষব্যাঘ্র ৎবং নঃ কুলহিতে রতঃ।
ক্ষত্তা চৈকো মহাপ্রাজ্ঞো যো নঃ শংসতি সর্বদা॥ 12-115-9 (69276)
ৎবত্তঃ কুলহিতং বাক্যং শ্রুৎবা রাজ্যহিতোদয়ম্।
অমৃতস্যাব্যযস্যেব তৃপ্তঃ স্বপ্স্যাম্যহং সুখম্॥ 12-115-10 (69277)
কীদৃশাঃ সন্নিকর্ষস্থা ভৃত্যাঃ সর্বগুণান্বিতাঃ।
কীদৃশৈঃ কিং কুলীনৈর্বা সহ যাত্রা বিধীয়তে॥ 12-115-11 (69278)
ন হ্যেকো ভৃত্যরহিতো রাজা ভবতি রক্ষিতা।
রাজ্যং চেদং জনঃ সর্বস্তৎকুলীনঃ প্রশাসতি॥ 12-115-12 (69279)
ভীষ্ম উবাচ। 12-115-13x (5655)
ন চ প্রশাস্তুং রাজ্যং হি শক্যমেকেন ভারত॥ 12-115-13 (69280)
অসহায়বতা তাত নৈবার্থাঃ কেচিদপ্যুত।
লব্ধুং লব্ধা হ্যপি সদা রক্ষিতুং ভরতর্ষভ॥ 12-115-14 (69281)
যস্য ভৃত্যজনঃ সর্বো জ্ঞানবিজ্ঞানকোবিদঃ।
হিতৈষী কুলজঃ স্নিগ্ধঃ স রাজ্যফলমশ্নুতে॥ 12-115-15 (69282)
মন্ত্রিণো যস্য কুলজা অসংহার্যাঃ সহোষিতাঃ।
নৃপতের্মতিমাপ্সন্তে সৎপথজ্ঞানকোবিদাঃ॥ 12-115-16 (69283)
অনাগতবিধাতারঃ কালজ্ঞানবিশারদাঃ।
অতিক্রান্তমশোচন্তঃ স রাজ্যফলমশ্নুতে॥ 12-115-17 (69284)
সমদুঃখসুখা যস্য সহায়াঃ প্রিয়কারিণঃ।
অর্থচিন্তাপরাঃ সভ্যাঃ স রাজ্যফলমশ্নুতে॥ 12-115-18 (69285)
যস্য নার্তো জনপদঃ সন্নিকর্ষগতঃ সদা।
অক্ষুদ্রঃ সৎপথালম্বী স রাজা রাজ্যভাগ্ভবেৎ॥ 12-115-19 (69286)
কোশোঽক্ষপটলং যস্য কোশবৃদ্ধিকরৈর্নরৈঃ।
আপ্তৈস্তুষ্টৈশ্চ পৃষ্টৈশ্চ ধার্যতে স নৃপোত্তমঃ॥ 12-115-20 (69287)
কোষ্ঠাগারমসংহার্যৈরাপ্তৈঃ সংচয়তৎপরৈঃ।
পাত্রভূতৈরলুব্ধৈশ্চ পাল্যমানং গুণী ভবেৎ॥ 12-115-21 (69288)
ব্যবহারশ্চ নগরে যস্য ধর্মফলোদয়ঃ।
দৃশ্যতে শঙ্খলিখিতঃ স ধর্মফলভাঙ্ নৃপঃ॥ 12-115-22 (69289)
সংগৃহীতমনুষ্যশ্চ যো রাজা রাজধর্মবিৎ।
ষঙ্ভাগং পরিগৃহ্ণাতি স ধর্মফলমশ্নুতে॥ ॥ 12-115-23 (69290)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চদশাধিকশততমোঽধ্যায়ঃ॥ 115॥
Mahabharata - Shanti Parva - Chapter Footnotes
12-115-2 অয়ং নিন্দারূপঃ॥ 12-115-3 হিনং অনিন্দ্যম্। আয়ত্যাং উত্তরকালে। তদাৎবে বর্তমানাকলে॥ 12-115-5 মিত্রসুহৃদৌ প্রত্যুপকারমপেক্ষ্যানপেক্ষ্য চোপকর্তারৌ তদ্বান্। সমুপেতঃ শৌর্যাদিনেতি শেষঃ॥ 12-115-7 ভৃত্যবলপ্রাপ্যৈরর্থৈর্ধনাদিভিঃ॥ 12-115-14 লব্ধুং লব্ধাশ্চ রক্ষিতুং শক্যা ইতিং শেষঃ॥ 12-115-16 অসংহার্যাঃ উৎকোচাদিনা অভেদ্যাঃ॥ 12-115-21 কোষ্ঠাগারং ধান্যাদিসামগ্রীগৃহম্। গুণীভবেৎ বহুগুণিভাবং গচ্ছেৎ॥ 12-115-22 ব্যবহারঃ অর্থিপ্রত্যর্থিনোর্বিবাদে নির্ণয়ঃ। শঙ্খলিখিত ইতি। যথা ফলমাত্রস্তেনে শঙ্খেন লিখিতস্য হস্তচ্ছেদো রাজানং প্রতিষেধয়িৎবা কারিতস্তদ্বদিত্যর্থঃ॥শান্তিপর্ব - অধ্যায় 116
॥ শ্রীঃ ॥
12.116. অধ্যায়ঃ 116
Mahabharata - Shanti Parva - Chapter Topics
কেনচিন্মুনিবরেণ দ্বীপিভয়ে সতি দ্বীপিৎবং প্রাপিতস্য স্বীয়শুনঃপুনর্ব্যাঘ্নাঙ্ভয়ে সতি ব্যাঘ্রীকরণম্॥ 1॥Mahabharata - Shanti Parva - Chapter Text
12-116-0 (69291)
`যুধিষ্ঠির উবাচ। 12-116-0x (5656)
ন সন্তি কুলজা যত্র সহায়াঃ পার্থিবস্য তু।
অকুলীনাশ্চ কর্তব্যা ন বা ভরতসত্তম্॥' 12-116-1 (69292)
ভীষ্ম উবাচ। 12-116-2x (5657)
অত্রাপ্যুদাহরন্তীমমিতিহাসং পুরাতনম্।
নিদর্শনং পরং লোকে সজ্জনাচরিতং সদা॥ 12-116-2 (69293)
অস্যৈবার্থস্য সদৃশং যচ্ছ্রুতং মে তপোবনে।
জামদগ্ন্যস্য রামস্য যদুক্তমৃষিসত্তমৈঃ॥ 12-116-3 (69294)
বনে মহতি কস্মিংশ্চিদমনুষ্যনিষেবিতে।
ঋষির্মূলফলাহারো নিয়তো নিয়তেন্দ্রিয়ঃ॥ 12-116-4 (69295)
দীক্ষাদমপরিশ্রান্তঃ স্বাধ্যায়পরমঃ শুচিঃ।
উপবাসবিশুদ্ধাত্মা সততং সৎপথে স্থিতঃ॥ 12-116-5 (69296)
তস্য সংদৃশ্য সদ্ভাবমুপবিষ্টস্য ধীমতঃ।
সর্বে সৎবাঃ সমীপস্থা ভবন্তি বনচারিণঃ॥ 12-116-6 (69297)
সিংহা ব্যাঘ্রাঃ সশরভা মত্তাশ্চৈব মহাগজাঃ।
দ্বীপিনঃ খঙ্গভল্লূকা যে চান্যে ভীমদর্শনাঃ॥ 12-116-7 (69298)
তে সুখপ্রশ্নদাঃ সর্বে ভবন্তি ক্ষতজাশনাঃ।
তস্যর্ষেঃ শিষ্যবচ্চৈব চিত্তজ্ঞাঃ প্রিয়কারিণঃ॥ 12-116-8 (69299)
উক্ৎবা চ তে সুখপ্রশ্নং সর্বে যান্তি যথাসুখম্।
গ্রাম্যস্ৎবেকঃ পশুস্তত্র নাজহাৎস মহামুনিম্॥ 12-116-9 (69300)
ভক্তোঽনুরক্তঃ সততমুপবাসকৃশোঽবলঃ।
ফলমূলোত্তরাহারঃ শান্তঃ শিষ্টাকৃতির্যথা॥ 12-116-10 (69301)
তস্যর্ষেরুপবিষ্টস্য পাদমূলে মহামতেঃ।
মনুষ্যবদ্গতো ভাবং স্নেহবদ্ধোঽভবদ্ভৃশম্॥ 12-116-11 (69302)
ততোঽভ্যযান্মহারৌদ্রো দ্বীপী ক্ষতজভোজনঃ।
শ্বার্থমত্যর্থমুদ্ধুষ্টঃ ক্রূরঃ কালইবান্তকঃ॥ 12-116-12 (69303)
লেলিহ্যমানস্তৃষিতঃ পুচ্ছাস্ফোটনতৎপরঃ।
ব্যাদিতাস্যঃ ক্ষুধাঃ ভুগ্নঃ প্রার্থয়ানস্তদামিষম্॥ 12-116-13 (69304)
দৃষ্ট্বা তং ক্রূরমায়ান্তং জীবিতার্থী নরাধিপ।
প্রোবাচ শ্বা মুনিং তত্র তচ্ছৃণুষ্ব বিশাংপতে॥ 12-116-14 (69305)
শ্বশত্রুর্ভগবন্নেষ দ্বীপী মাং হন্তুমিচ্ছতি।
ৎবৎপ্রসাদাদ্ভয়ং ন স্যাদস্মান্মম মহামুনে।
[তথা কুরু মহাবাহো সর্বজ্ঞস্ৎবং ন সংশয়ঃ॥ 12-116-15 (69306)
স মুনিস্তস্য বিজ্ঞায় ভাবজ্ঞো ভয়কারণম্।
রুতজ্ঞঃ সর্বসৎবানাং তমৈশ্বর্যসমন্বিতঃ॥] 12-116-16 (69307)
মুনিরুবাচ। 12-116-17x (5658)
ন ভয়ং দ্বীপিনঃ কার্যং মৃত্যুতস্তে কথংচন।
এষ শ্বরূপরহিতো দ্বীপী ভবসি পুত্রক॥ 12-116-17 (69308)
ততঃ শ্বা দ্বীপিতাং নীতো জাম্বূনদনিভাকৃতি।
চিত্রাঙ্গো বিস্ফুরদ্দংষ্ট্রো বনে বসতি নির্ভয়ঃ॥ 12-116-18 (69309)
তং দৃষ্ট্বা সংমুখে দ্বীপী আত্মনঃ সদৃশং পশুম্।
অবিরুদ্ধস্ততস্তস্য ক্ষণেন সমপদ্যত॥ 12-116-19 (69310)
ততোঽভ্যযান্মহারৌদ্রো ব্যাদিতাস্যঃ ক্ষুধান্বিঃ।
দ্বীপিনং লেলিহন্বক্রং ব্যাঘ্রো রুধিরলালসঃ॥ 12-116-20 (69311)
ব্যাঘ্রং দৃষ্ট্বা ক্ষুধা ভুগ্নং দংষ্ট্রিণং বনচারিণম্।
দ্বীপি জীবিতরক্ষার্থমৃষিং শরণমেয়িবান্॥ 12-116-21 (69312)
ততঃ সংবাসজং স্নেহমৃষিণা কুর্বতা তদা।
স দ্বীপী ব্যাঘ্রতাং নীতো রিপুভ্যো বলবত্তরঃ॥ 12-116-22 (69313)
ততোঽদৃষ্ট্বা স শার্দূলো নাভ্যঘ্নত্তং বিশাংপতে।
স তু শ্চা ব্যাঘ্রতাং প্রাপ্য বলবান্পিশিতাশনঃ॥ 12-116-23 (69314)
ন মূলফলভোগেষু স্পৃহামপ্যকরোত্তদা।
যথা মৃগপতির্নিত্যং প্রকাঙ্ক্ষতি বনৌকসঃ।
তথৈব স মহারাজ ব্যাঘ্রঃ সমভবত্তদা॥ ॥ 12-116-24 (69315)
ইতি শ্রীমন্মহাভারতে শান্তিপর্বণি রাজধর্মপর্বণি ষোডশাধিকশততমোঽধ্যায়ঃ॥ 116॥
Mahabharata - Shanti Parva - Chapter Footnotes
12-116-2 অত্র উত্তমাধমমধ্যমস্থানেষু ক্রমাৎ তএব যোজ্যা নতু উচ্চস্থানে নীচো নিয়োজ্য ইত্যস্মিত্রর্থে॥ 12-116-3 অস্যৈব বক্ষ্যমাণস্য॥ 12-116-6 সৎবাঃ প্রাণিনঃ॥ 12-116-8 সুখপ্রশ্নদাঃ সুখিনঃ স্থ ইতি প্রশ্নস্যোত্তরং সুখিনঃ স্মঃ ইতি তৎপ্রদা ইত্যর্থঃ॥ 12-116-11 ভাবং চিত্তম্॥ 12-116-13 সুধামত্তঃ ইতি ড.থ. পাঠঃ॥ 12-116-17 দ্বীপিনো দ্বীপিরূপান্মৃত্যুতঃ॥ 12-116-21 ক্ষুধাভুগ্নং পীডিতম্॥শান্তিপর্ব - অধ্যায় 117
॥ শ্রীঃ ॥
12.117. অধ্যায়ঃ 117
Mahabharata - Shanti Parva - Chapter Topics
মুপিবরেণ ব্যাঘ্রীকৃতস্য স্বীয়শুনো গজাদ্ভয়ে সতি গজৎবপ্রাপণম্॥ 1॥ পুনঃ সিংহাদ্ভয়ে সিংহীকৃতস্য তস্যৈব শরভাদ্ভয়ে শরভীকরণম্॥ 2॥ দুষ্টভাবেনাত্মজিঘাংসোস্তস্য পুনঃ শ্বভাবপ্রাপণম্॥ 3॥Mahabharata - Shanti Parva - Chapter Text
12-117-0 (69316)
ভীষ্ম উবাচ। 12-117-0x (5659)
ব্যাঘ্রশ্বোটজমূলস্থস্তৃপ্তঃ সুপ্তো হতৈর্মৃগৈঃ।
নাগভাগাত্তমুদ্দেশং মত্তো মেঘ ইবোত্থিতঃ॥ 12-117-1 (69317)
প্র--করটঃ প্রাংশুঃ পঝী বিততকুম্ভকঃ।
সু--ণো মহাকায়ো মেঘগম্ভীরনিঃ স্বনঃ॥ 12-117-2 (69318)
তং দৃষ্ট্বা কুঞ্জরং মত্তমায়ান্তং বলগর্বিতম্।
ব্যা হস্তিভয়ান্ত্রস্তস্তমৃষিং শরণং যয়ৌ॥ 12-117-3 (69319)
ততোঽনয়ৎকুঞ্জরৎবং ব্যাঘ্রং তমৃষিসত্তমঃ।
মহমেঘোপমং দৃষ্ট্বা স ভীতো হ্যভবদ্গজঃ॥ 12-117-4 (69320)
ততঃ কমলষণ়্ডানি সল্লকীগহনানি চ।
ব্য--রৎস মুদায়ুক্তঃ পঝরেণুবিভূষিতঃ॥ 12-117-5 (69321)
কদচিদ্দমমাণস্য হস্তিনঃ সংমুখং তদা।
ঋষেস্তস্যোটস্থস্য কালোঽগচ্ছদ্দিবানিশম্॥ 12-117-6 (69322)
অথাজগাম তং দেশং কেসরী কেসরারুণঃ।
গিন্বিন্দরজো ভীমঃ সিংহো নাগকুলান্তকঃ॥ 12-117-7 (69323)
তং--- সিংহমায়ান্তং নাগঃ সিংহভয়ার্দিতঃ।
ঋষিং শরণমাপেদে বেপমানো ভয়াতুরঃ॥ 12-117-8 (69324)
স ত-ঃ সিংহতাং নীতো গজেন্দ্রো মুনিনা তদা।
তং চ নাগণয়ৎসিংহং তুল্যজাতিসমন্বয়াৎ॥ 12-117-9 (69325)
দৃষ্ট্বা চ সোঽভবৎসিংহো বন্যো হিংসন্নবাগ্বলঃ।
স চাশ্রপেঽবসৎসিংহস্তস্মিন্নেব সুখী বনে॥ 12-117-10 (69326)
ন চান্যে ক্ষুদ্রপশবস্তপোবনসমীপতঃ।
ব্যদৃশ্যন্ত তদা ত্রস্তা জীবিতাকাঙ্ক্ষিণস্তথা॥ 12-117-11 (69327)
কদাচিৎকালয়োগেন সর্বপ্রাণিবিহিংসকঃ।
বলবান্ক্ষতজাহারো নানাসৎবভয়ংকরঃ॥ 12-117-12 (69328)
অষ্টপাদর্ধ্বনয়নঃ শরভো বনগোচরঃ।
তং সিংহং হন্তুমাগচ্ছন্মুনেস্তস্য নিবেশনে॥ 12-117-13 (69329)
`তং দৃষ্ট্বা শরভং যান্তং সিংহঃ পরভয়ান্বিতঃ।
ঋষিং শরণমাপেদে বেপমানঃ কৃতাঞ্জলিঃ॥' 12-117-14 (69330)
সং মুনিঃ শরভং চক্রে বলোৎকটমরিংদম।
ততঃ স শরভো বন্যো মুনেঃ শরভমগ্রতঃ।
দৃষ্ট্বা বলিনমত্যুগ্রং দ্রুতং সংপ্রাদ্রবদ্বনম্॥ 12-117-15 (69331)
স এবং শরভস্থানে ন্যস্তো বৈ মুনিনা তদা।
মুনেঃ পার্শ্বগতো নিত্যং শরভঃ সুখমাপ্তবান্॥ 12-117-16 (69332)
ততঃ শরভসংত্রস্তাঃ সর্বে মৃগগণা বনাৎ।
দিশঃ সংপ্রাদ্রবত্রাজন্ভয়াজ্জীবিতকাঙ্ক্ষিণঃ॥ 12-117-17 (69333)
শরভোঽপ্যতিসংহৃষ্টো নিত্যং প্রাণিবধে রতঃ।
ফলমূলাশনং কর্তুং নৈচ্ছৎস পিশিতাশনঃ॥ 12-117-18 (69334)
ততঃ ক্ষুদ্রসমাচারো বলেন চ সমন্বিতঃ।
ইয়েষ তং মুনিং হন্তুমকৃতজ্ঞঃ কৃতান্বয়ঃ॥ 12-117-19 (69335)
`চিন্তয়ামাস চ তদা শরভঃ শ্বানপূর্বকঃ॥ 12-117-20 (69336)
অস্য প্রভাবাৎসংপ্রাপ্তো বাঙ্ভাত্রেণৈব কেবলম্।
শরভৎবং সুদুষ্প্রাপং সর্বভূতভয়ংকরম্॥ 12-117-21 (69337)
অন্যেঽপ্যত্র ভয়ত্রস্তাঃ সন্তি সৎবা ভয়ার্দিতাঃ।
মুনিমাশ্রিত্য জীবন্তো মৃগাঃ পক্ষিগণাস্তথা॥ 12-117-22 (69338)
তেষামপি কদাচিচ্চ শরভৎবং প্রয়চ্ছতি।
সর্বসৎবোত্তমং লোকে বলং যত্র প্রতিষ্ঠিতম্॥ 12-117-23 (69339)
পক্ষিণামপ্যযং দদ্যাৎকদাচিদ্গারুডং বলম্॥ 12-117-24 (69340)
যাবদন্যস্য সংপ্রীতঃ কারুণ্যং তু সমাশ্রিতঃ।
ন দদাতি বলং তুষ্টঃ সৎবস্যান্যস্য কস্যচিৎ॥ 12-117-25 (69341)
তাবদেনমহং বিপ্রং বধিষ্যামি চ শীঘ্রতঃ।
স্থাতুং ময়া শক্যমিহ মুনিঘাতান্ন সংশয়ঃ॥' 12-117-26 (69342)
ততস্তেন তপঃশক্ত্যা বিদিতো জ্ঞানচক্ষুষা।
বিজ্ঞায় চ মুনিঃ প্রাজ্ঞস্ততঃ শাপং প্রয়ুক্তবান্॥ 12-117-27 (69343)
`অহমগ্নিপ্রভো নাম মুনির্ভৃগুকুলান্বয়ঃ।
মনসা নির্দহেয়ং চ জগৎসংধারয়ামি চ॥ 12-117-28 (69344)
মম বশ্যং জগৎসর্বং দেবা যচ্চ চরাচরম্।
সন্তি দেবাশ্চ যে ভীতাঃ স্বধর্মং ন ত্যজন্তি যে।
স্বধর্মাচ্চলিতান্সর্বান্বাঙ্ভাত্রেণাপি নির্দহে॥ 12-117-29 (69345)
কিমঙ্গ ৎবং ময়া নীতঃ শরভৎবমনাময়ম্।
ক্রূরঃ স সর্বভূতেষু হীনশ্চাশুচিরেব চ॥' 12-117-30 (69346)
শ্বা ৎবং দ্বীপিৎবমাপন্নো দ্বীপী ব্যাঘ্রৎবমাগতঃ।
ব্যাঘ্রান্নাগো মদপটুর্নাগঃ সিংহৎবমাগতঃ॥ 12-117-31 (69347)
সিংহস্ৎবং বলমাপন্নো ভূয়ঃ শরভতাং গতঃ।
ময়া স্নেহপরীতেন বিসৃষ্টো ন কুলান্বয়ঃ॥ 12-117-32 (69348)
যস্মাদেবমপাপং মাং পাপ হিংসিতুমিচ্ছসি।
তস্মাৎস্বয়োনিমাপন্নঃ পুনঃ শ্বানো ভবিষ্যসি॥ 12-117-33 (69349)
ততো মুনিজনদ্বেষ্টা দুষ্টাত্মা প্রাকৃতোঽবুধঃ।
ঋষিণা শরভঃ শপ্তস্তদ্রূপং পুনরাপ্তবান্॥ ॥ 12-117-34 (69350)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তদশাধিকশততমোঽধ্যায়ঃ॥ 117॥
Mahabharata - Shanti Parva - Chapter Footnotes
12-117-1 মৃগৈস্তৃপ্তঃ॥ 12-117-9 সমন্বয়াৎসংবন্ধাৎ॥ 12-117-19 ততো রুধিরতর্ষেণ বলিনা শরভোঽন্বিতঃ ইতি ঝ. পাঠঃ॥ 12-117-31 মদপটুঃ প্রবহন্মদঃ॥ 12-117-32 বিসৃষ্টো বিবিধেন রূপেণ ৎবং সৃষ্টঃ। ন তু ৎবং কুলান্বয়ঃ। তেন তেন কুলেনান্বয়ঃ সংবন্ধো যস্য স কুলান্বয়স্তাদৃশস্ৎবং ন ভবসি॥ 12-117-33 শ্বৈব ৎবং হি ভবিষ্যসীতি ঝ. পাঠঃ॥শান্তিপর্ব - অধ্যায় 118
॥ শ্রীঃ ॥
12.118. অধ্যায়ঃ 118
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সচিবাদিগুণবর্ণনম্॥ 1॥Mahabharata - Shanti Parva - Chapter Text
12-118-0 (69351)
ভীষ্ম উবাচ। 12-118-0x (5660)
স শ্বা প্রকৃতিমাপন্নঃ পরং দৈন্যমুপাগমৎ।
ঋষিণা হুংকৃতঃ পাপস্তপোবনবহিষ্কৃতঃ॥ 12-118-1 (69352)
এবং রাজ্ঞা মতিমতা বিদিৎবা শীলশৌচতাম্।
আর্জবং প্রকৃতিং সৎবং শ্রুতং বৃত্তং কুলং দমম্॥ 12-118-2 (69353)
অনুক্রোশং বলং বীর্যং প্রভাবং প্রশমং ক্ষমাম্।
ভৃত্যায়েমন্ত্রিণো যোগ্যাস্তত্র স্থাপ্যাঃ সুরক্ষিতাঃ॥ 12-118-3 (69354)
নাষরীক্ষ্য মহীপালঃ প্রকর্তুং ভৃত্যমর্হতি।
অকুলীননরাকীর্ণো ন রাজা সুখমেধতে॥ 12-118-4 (69355)
কুলজঃ প্রাকৃতো রাজংস্তৎকুলীনতয়া সদা।
ন পাপে কুরুতে বুদ্ধিং নিন্দ্যমানোঽপ্যনাগসি॥ 12-118-5 (69356)
অকুলীনস্তু পুরুষঃ প্রাকৃতঃ সাধুসংক্ষয়াৎ।
দুর্লভৈশ্বর্যতাং প্রাপ্তো নিন্দিতঃ শত্রুতাং ব্রজেৎ॥ 12-118-6 (69357)
`কাকঃ শ্বানোঽকুলীনশ্চ বিডালঃ সর্প এব চ।
অকুলীনা চ যা নারী তুল্যাস্তে পরিকীর্তিতাঃ॥ 12-118-7 (69358)
লোকপালাঃ সদোদ্বিগ্নাঃ পশ্যন্ত্যকুলজান্যথা।
নারীং বা পুরুষং বাঽথ শীলং তত্রাপি কারণম্॥ 12-118-8 (69359)
দুষ্কুলীনা চ যা স্ত্রী স্যাদ্দুষ্কুলীনশ্চ যঃ পুম।
অহিংসাশীলসংয়োগাদ্ধর্মশ্চাঽঽকুলতাং ব্রজেৎ॥ 12-118-9 (69360)
ধর্মং প্রতি মহারাজ শ্লোকানাহ বৃহস্পতিঃ।
শৃণু সর্বান্মহীপাল হৃদি তাংশ্চ করিষ্যসি॥ 12-118-10 (69361)
অসিতং সিতকর্মাণং যথা দান্তং তপস্বিনম্।
বৃত্তস্থমপি চণ্ডালং তং দেবা ব্রাহ্মণং বিদুঃ॥ 12-118-11 (69362)
যদি ঘাতয়তে কশ্চিৎপাপসৎবং প্রজাহিতঃ।
সর্বসৎবহিতার্থায় ন তেনাসৌ বিহিংসকঃ॥ 12-118-12 (69363)
দ্বীপিনং শরভং সিংহং ব্যাঘ্রং কুঞ্জরমেব চ।
মহিষং চ বরাহং চ সূকরং শ্বানপন্নগান্॥ 12-118-13 (69364)
গোব্রাহ্মণহিতার্থায় বালস্ত্রীরক্ষণায় চ।
বৃদ্ধাতুরপরিত্রাণে যো হিনস্তি স ধর্মবিৎ॥ 12-118-14 (69365)
ব্রাহ্মণঃ পাপকর্মা চ ম্লেচ্ছো বা ধার্মিকঃ শু বঃ।
শ্রেয়াংস্তত্র ভবেন্ম্লেচ্ছো ব্রাহ্মণঃ পাপকৃত্তমঃ॥ 12-118-15 (69366)
দুষ্কুলীনঃ কুলীনো বা যঃ কশ্চিচ্ছীলবান্নরঃ।
প্রকৃতিং তস্য বিজ্ঞায় স্থিরাং বা যদি বাঽস্থিরাম্॥ 12-118-16 (69367)
শীলং বাঽনুত্তমং কর্ম কুর্যাদ্রাজা সমাহিতঃ।
নিয়ুঞ্জীত মহীপালো দুর্বৃত্তং পাপকর্মসু॥' 12-118-17 (69368)
কুলীনং শিক্ষিতং প্রাজ্ঞং জ্ঞানবিজ্ঞানকোবিদম্।
সর্বশাস্ত্রার্থতত্ৎবজ্ঞং সহিষ্ণুং দেশজং তথা॥ 12-118-18 (69369)
কৃতজ্ঞং বলবন্তং চ ক্ষান্তং দান্তং জিতেন্দ্রিয়ম্।
অলুব্ধং লব্ধসংতুষ্টং স্বামিমিত্রবুভূষকম্॥ 12-118-19 (69370)
সচিবং দেশকালজ্ঞং সর্বসংগ্রহণে রতম্।
সংস্কৃতং যুক্তবচনং হিতৈষিণমতন্দ্রিতম্॥ 12-118-20 (69371)
যুক্তাচারং স্ববিষয়ে সংধিবিগ্রহকোবিদম্।
শস্তং ত্রিবর্গবেত্তারং পৌরজানপদপ্রিয়ম্॥ 12-118-21 (69372)
সেনাব্যূহনতত্ৎবজ্ঞং বলহর্ষণকোবিদম্।
ইঙ্গিতাকরাতত্ৎবজ্ঞং যাত্রাসেনাবিশারদম্॥ 12-118-22 (69373)
হস্তিশিক্ষাশ্বতত্ৎবজ্ঞমহংকারবিবর্জিতম্।
প্রগল্ভং দক্ষিণং দান্তং বলিনং যুক্তমন্ত্রিণম্॥ 12-118-23 (69374)
চৌক্ষং চৌক্ষজনাকীর্ণং সুবেষং সুখদর্শনম্।
নায়কং নীতিকুশলং গুণৈঃ ষঙ্ভিঃ সমন্বিতম্॥ 12-118-24 (69375)
অস্তব্ধং প্রশ্রিতং শ্লক্ষ্ণং মৃদুবাদিনমেব চ।
ধীরং মহর্দ্ধি চ দেশকালোপপাদকম্॥ 12-118-25 (69376)
সচি যঃ প্রকুরুতে ন চৈনমবমন্যতে।
তস্য বিস্তীর্যতে রাজ্যং জ্যোৎস্না গ্রহপতেরিব॥ 12-118-26 (69377)
এতৈরেব গুণৈর্যুক্তো রাজা শাস্ত্রবিশারদঃ।
এষ্টব্যো ধর্মপরমঃ প্রজাপালনতৎপরঃ॥ 12-118-27 (69378)
ধীরো মর্ষী শুচিঃ শীঘ্রঃ কালে পুরুষকারবিৎ।
শুশ্রূষুঃ শ্রুতবাঞ্শ্রোতা ঊহাপোহবিশারদঃ॥ 12-118-28 (69379)
মেধাবী ধারণায়ুক্তো যথান্যায়োপপাদকঃ।
দান্তঃ সদা প্রিয়াভাষী ক্ষমাবাংশ্চ বিপর্যযে॥ 12-118-29 (69380)
নাতিচ্ছেত্তা স্বয়ংকারী শ্রদ্ধালুঃ সুখদর্শনঃ।
আর্তহস্তপ্রদো নিত্যমাপ্তামাত্যো নয়ে রতঃ॥ 12-118-30 (69381)
নাহংবাদী ননির্দ্বন্দ্বো নয়ৎকিংচনকারকঃ।
কৃতে কর্মণ্যমোঘানাং কর্তা ভৃত্যজনপ্রিয়ঃ॥ 12-118-31 (69382)
সংগৃহীতজনোঽস্তব্ধঃ প্রসন্নবদনঃ সদা।
ত্রাতা ভৃত্যজনাপেক্ষী ন ক্রোধী সুমহামনাঃ॥ 12-118-32 (69383)
যুক্তদণ্ডো ন নির্দণ্ডো ধর্মকার্যানুশাসনঃ।
চারনেত্রঃ প্রজাবেক্ষী ধর্মার্থকুশলঃ সদা॥ 12-118-33 (69384)
রাজা গুণশতাকীর্ণ এষ্টব্যস্তাদৃশো ভবেৎ।
যোধাশ্চৈব মনুষ্যেন্দ্র সর্বৈর্গুণগণৈর্বৃতাঃ॥ 12-118-34 (69385)
অন্বেষ্টব্যাঃ সুপুরুষাঃ সহায়া রাজ্যধারণে।
ন বিমানয়িতব্যাস্তে রাজ্ঞা বৃদ্ধিমভীপ্সতা॥ 12-118-35 (69386)
যোধাঃ সমরশৌণ্ডীরাঃ কৃতজ্ঞাঃ শাস্ত্রকোবিদাঃ।
ধর্মশাস্ত্রসমায়ুক্তাঃ পদাতিজনসংবৃতাঃ॥ 12-118-36 (69387)
অর্থমানবিবৃদ্ধাশ্চ রথচর্যাবিশারদাঃ।
ইষ্বস্ত্রকুশলা যস্য তস্যেয়ং নৃপতের্মহী॥ 12-118-37 (69388)
`জ্ঞাতীনামনবজ্ঞানং ভৃত্যেষ্বশঠতা তথা।
নৈপুণং চার্থচর্যাসু যস্যৈতে তস্য সা মহী॥ 12-118-38 (69389)
আলস্যং চৈব নিদ্রা চ ব্যসনান্যতিহাস্যতা।
যস্তৈতানি ন বিদ্যন্তে তস্যৈব সুচিরং মহী॥ 12-118-39 (69390)
বৃদ্ধসেবী মহোৎসাহো বর্ণানাং চৈব রক্ষিতা।
ধর্মচর্যাঃ সদা যস্য তস্যেয়ং সুচিরং মহী॥ 12-118-40 (69391)
নীতিবর্ত্মানুসরণং নিত্যমুত্থানমেব চ।
রিপূণামনবজ্ঞানং তস্যেয়ং সুচিরং মহী॥ 12-118-41 (69392)
উত্থানং চৈব দৈবং চ তয়োর্নানাৎবমেব চ॥
মনুনা বর্ণিতং পূর্বং বক্ষ্যে শৃণু তদেব হি॥ 12-118-42 (69393)
উত্থানং হি নরেন্দ্রাণাং বৃহস্পতিরভাষত।
নয়ানয়বিধানজ্ঞঃ সদা ভব কুরূদ্বহ॥ 12-118-43 (69394)
দুর্হৃদাং ছিদ্রদর্শী যঃ সুহৃদামুপকারবান্।
বিশেষবিচ্চ ভৃত্যানাং স রাজ্যফলমশ্নুতে॥ ' 12-118-44 (69395)
সর্বসংগ্রহণে যুক্তো নৃপো ভবতি যঃ সদা।
উত্থানশীলো মন্ত্রাঢ্যঃ স রাজা রাজসত্তমঃ॥ 12-118-45 (69396)
শক্যা চাশ্বসহস্রেণ বীরারোহেণ ভারত।
সংগৃহীতমনুষ্যেণ কৃৎস্না জেতুং বসুংধরা॥ ॥ 12-118-46 (69397)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টাদশাধিকশততমোঽধ্যায়ঃ॥ 118॥
Mahabharata - Shanti Parva - Chapter Footnotes
12-118-6 অকুলীনস্তু নিন্দামাত্রেণ শত্রুতাং ব্রজেৎ। সাধুসংশ্রশ্চাদিতি ঝ. পাঠঃ॥ 12-118-19 স্বামিনো মিত্রাণাং বুভূষকং ঐশ্বর্যলিপ্সুম্॥ 12-118-20 সর্বসংগ্রহণে প্রাণিমাত্ররঞ্জনে॥ 12-118-24 চৌক্ষং শুদ্ধম্॥ 12-118-28 মর্ষী ক্ষমী॥ 12-118-29 বিপর্যযেঽক্ষমাবতি অপকারিণি ক্ষমাবান্॥ 12-118-31 ননির্দ্বন্দ্বো ননিষ্পরিগ্রহঃ॥ 12-118-33 চারনেত্রঃ পরাপেক্ষী ইতি ট. ড. থ. পাঠঃ॥ 12-118-37 অভয়া গজপৃষ্ঠস্থাঃ ইতি ঝ. পাঠঃ॥শান্তিপর্ব - অধ্যায় 119
॥ শ্রীঃ ॥
12.119. অধ্যায়ঃ 119
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ভৃত্যানাং স্বস্বয়োগ্যতানুসারেণাধিকারে স্থাপনাদের্ভৃত্যলক্ষণাদীনাং চ কথনম্॥ 1॥Mahabharata - Shanti Parva - Chapter Text
12-119-0 (69398)
ভীষ্ম উবাচ। 12-119-0x (5661)
এবং গুণয়ুতান্ভৃত্যান্স্বেস্বে স্থানে নরাধিপঃ।
নিয়োজয়তি কৃত্যেষু স রাজ্যফলমশ্নুতে॥ 12-119-1 (69399)
ন বা স্বস্থানমুৎক্রম্য প্রমাণমপি সৎকৃতম্।
আরোপ্য চাপি স্বস্থানমুৎক্রম্যান্যৎপ্রপদ্যতে॥ 12-119-2 (69400)
স্বজাতিগুণসংপন্নাঃ স্বেষু ধর্মেষ্ববস্থিতাঃ।
প্রকর্তব্যা হ্যমাত্যাস্তু নাস্থানে প্রক্রিয়া ক্ষমা॥ 12-119-3 (69401)
অনুরূপাণি কর্মাণি ভৃত্যেভ্যো যঃ প্রয়চ্ছতি।
স ভৃত্যগুণসংপন্নং রাজা ফলমুপাশ্নুতে॥ 12-119-4 (69402)
শরভঃ শরভস্থানে সিংহঃ সিংহ ইবোত্থিতঃ।
ব্যাঘ্রো ব্যাঘ্র ইব স্থাপ্যো দ্বীপী দ্বীপী যথা তথা॥ 12-119-5 (69403)
কর্মস্বিহানুরূপেষু ন্যস্যা ভৃত্যা যথাবিধি।
প্রতিলোমং ন ভৃত্যাস্তে স্থাপ্যাঃ কর্মফলৈষিণা॥ 12-119-6 (69404)
যঃ প্রমাণমতিক্রম্য প্রতিলোমং নরাধিপঃ।
ভৃত্যান্স্থাপয়তেঽবুদ্ধির্ন স রঞ্জয়তে প্রজাঃ॥ 12-119-7 (69405)
ন বালিশা ন চ ক্ষুদ্রা নাপ্রাজ্ঞা নাজিতেন্দ্রিয়াঃ।
নাকুলীনা জনাঃ পার্শ্বে স্থাপ্যা রাজ্ঞা গুণৈষিণা॥ 12-119-8 (69406)
সাধবঃ কুলজাঃ শূরা জ্ঞানবন্তোঽনসূয়কাঃ।
অক্ষুদ্রাঃ শুচয়ো দক্ষাঃ স্যুর্নরাঃ পারিপার্শ্বকাঃ॥ 12-119-9 (69407)
উদ্ভূতাস্তৎপরাঃ শান্তাশ্চৌক্ষাঃ প্রকৃতিজাঃ শুভাঃ।
স্বেস্বে স্থানেঽনুপাকৃষ্টাস্তে স্যূ রাজ্ঞো বহিশ্চরাঃ॥ 12-119-10 (69408)
সিংহস্য সততং পার্শ্বে সিংহ এব জনো ভবেৎ।
অসিংহঃ সিংহসহিতঃ সিংহবল্লভতে ফলম্॥ 12-119-11 (69409)
যস্তু সিংহঃ শ্বভিঃ কীর্ণঃ সিংহকর্মফলে রতঃ।
ন স সিংহফলং ভোক্তুং শক্তঃ শ্বভিরুপাসিতঃ॥ 12-119-12 (69410)
এব মেতৈর্মনুষ্যেন্দ্র শূরৈঃ প্রাজ্ঞৈর্বহুশ্রুতৈঃ।
কুলীনৈঃ সহ শক্যেত কৃৎস্না জেতুং বসুংধরা॥ 12-119-13 (69411)
নাবৈদ্যো নানৃজুঃ পার্শ্বে নাপ্রাজ্ঞো না মহায়শাঃ।
সংগ্রাহ্যো বসুধাপালৈর্ভৃত্যো ভৃত্যবতাং বর॥ 12-119-14 (69412)
বাণবদ্বিসৃতা যান্তি স্বামিকার্যপরা নরাঃ।
যে ভৃত্যাঃ পার্থিবহিতাস্তেষু সান্ৎবং সদা চরেৎ॥ 12-119-15 (69413)
কোশশ্চ সততং রক্ষ্যো যত্নমাস্থায় রাজভিঃ।
কোশমূলা হি রাজানঃ কোশবৃদ্ধিকরো ভবেৎ॥ 12-119-16 (69414)
কোষ্ঠাগারং চ তে নিত্যং স্ফীতং ধান্যৈঃ সুসংচিতৈঃ।
সদা ৎবং সৎসু সংন্যস্তধনধান্যপকো ভব। 12-119-17 (69415)
নিত্যযুক্তাশ্চ তে ভৃত্যা ভবন্তু রণকোবিদাঃ।
বাজিনাং চ প্রয়োগেষু বৈশারদ্যমিহেষ্যতে॥ 12-119-18 (69416)
জ্ঞাতিবন্ধুজনাবেক্ষী মিত্রসংবন্ধিসৎকৃতঃ।
পৌরকার্যহিতান্বেক্ষঈ ভব কৌরবনন্দন॥ 12-119-19 (69417)
এষা তে নৈষ্ঠিকী বুদ্ধিঃ প্রজ্ঞা চাভিহিতা মষা।
শ্বাতে নিদর্শনং তাত কিং ভূয়ঃ শ্রোতুমিচ্ছসি॥ ॥ 12-119-20 (69418)
ইতি শ্রীমন্মহাভারতে শান্তিপর্বণি রাজধর্মপর্বণি একোনবিংশত্যধিকশততমোঽধ্যায়ঃ॥ 119॥
Mahabharata - Shanti Parva - Chapter Footnotes
12-119-1 এবং নীচাননীচে নৈব যোজয়েৎ॥ 12-119-7 অবুদ্ধিরিতি চ্ছেদঃ॥ 12-119-10 বহিশ্চরাঃ প্রাণা ইবেতি শেষঃ॥ 12-119-15 বিসৃতাঃ অপরাবর্তিনঃ॥শান্তিপর্ব - অধ্যায় 120
॥ শ্রীঃ ॥
12.120. অধ্যায়ঃ 120
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি প্রজাপালনপ্রকারাদিকথনম্॥ 1॥Mahabharata - Shanti Parva - Chapter Text
12-120-0 (69476)
যুধিষ্ঠির উবাচ। 12-120-0x (5664)
রাজবৃত্তান্যনেকানি ৎবয়া প্রোক্তানি ভারত।
পূর্বৈঃ পূর্বনিয়ুক্তানি রাজধর্মার্থবেদিভিঃ॥ 12-120-1 (69477)
তদেব বিস্তরেণোক্তং পূর্ববৃত্তং সতাং মতম্।
প্রণেয়ং রাজধর্মাণাং প্রব্রূহি ভরতর্ষভ॥ 12-120-2 (69478)
ভীষ্ম উবাচ। 12-120-3x (5665)
রক্ষণং সর্বভূতানামিতি ক্ষাত্রং পরং মতম্।
তদ্যথা রক্ষণং কুর্যাত্তথা শৃণু মহীপতে॥ 12-120-3 (69479)
যথা বর্হাণি চিত্রাণি বিভর্তি ভুজগাশনঃ।
তথা বহুবিধং রাজা রূপং কুর্বীৎ ধর্মবিৎ॥ 12-120-4 (69480)
তৈক্ষ্ণ্যং জিহ্নৎবমাদানং সত্যমার্জবমেব চ।
মধ্যস্থাঃ সৎবমাতিষ্ঠংস্তথা বৈ সুখমৃচ্ছতি॥ 12-120-5 (69481)
যস্মিন্নর্থে যথৈব স্যাত্তদূর্ণং রূপমাদিশেৎ।
বহুরূপস্য রাজ্ঞো হি সূক্ষ্মোঽপ্যর্থো ন সীদতি॥ 12-120-6 (69482)
নিত্যং রক্ষিতমন্ত্রঃ স্যাদ্যথা মূকঃ শরচ্ছিখী।
শ্লক্ষ্ণাক্ষরগতঃ শ্রীমান্ভবেচ্ছাস্ত্রবিশারদঃ॥ 12-120-7 (69483)
আয়ব্যযেষু যুক্তঃ স্যাজ্জলস্রবণেষ্বিব।
শৈলাদ্বর্ষোদকানীব দ্বিজান্সিদ্ধান্সমাশ্রয়েৎ।
আত্মার্থং হি সদা রাজা কুর্যাদ্ধর্মধ্বজোত্তমম্॥ 12-120-8 (69484)
নিত্যমুদ্যতদণ্ডঃ স্যাদাচারে চাপ্রমাদবান্।
লোকে চায়ব্যযৌ দৃষ্ট্বা বৃক্ষাদ্বৃক্ষমিবাব্রজেৎ॥ 12-120-9 (69485)
আজ্ঞাবান্স্যাৎস্বয়ূথ্যেষু ভৌমানি চরণৈঃ কিরন্।
জতিপক্ষঃ পরিস্পন্দেৎপ্রেক্ষেদ্বৈকল্যমাত্মনঃ॥ 12-120-10 (69486)
দোষান্বিবৃণুয়াচ্ছত্রোঃ পরপক্ষাংশ্চ সূদয়েৎ।
ক ননেষ্বিব পুষ্পাণি বহিরর্থান্সমাচরেৎ॥ 12-120-11 (69487)
উচ্ছ্রিতানাশ্রয়েৎস্ফূতান্নরেন্দ্রানচলোপমান্।
শ্রয়েচ্ছায়ামিব জ্ঞাতিং গুপ্তং শরণমাশ্রয়েৎ॥ 12-120-12 (69488)
প্রাবৃষীবাসিতগ্রীবো মাদ্যেত নিশি নির্জনে।
মায়ূরেণ গুণেনৈব স্ত্রীভিরারক্ষিতশ্চরেৎ॥ 12-120-13 (69489)
ন জহ্যাচ্চ তনুত্রাণং রক্ষেদাত্মানমাত্মনা।
চারভূমিষ্বিব ততান্পাশাংশ্চ পরিবর্জয়েৎ॥ 12-120-14 (69490)
প্রণয়েদ্বাঽপি তাং ভূমিং প্রণশ্যেদ্গ্রহণে পুনঃ।
`এবং ময়ূরধর্মেণ বর্তয়ন্সততং নরঃ।'
হন্যাৎক্রুদ্ধানতিবিষাংস্তাঞ্জিহ্মগতয়োঽহিতাঃ॥ 12-120-15 (69491)
নাসূয়েচ্চাবগর্হ্যাণি সন্নিবাসান্নিবাসয়েৎ।
সদা বর্হিসমং কামং প্রশস্তং কৃতমাচরেৎ।
সর্বতশ্চাদদেৎপ্রজ্ঞাং পতঙ্গং গহনেষ্বিব॥ 12-120-16 (69492)
এবং ময়ূরবদ্রাজা স্বরাজ্যং পরিপালয়েৎ।
আত্মবুদ্ধিকরীং নীতিং বিদধীত বিচক্ষণঃ॥ 12-120-17 (69493)
আত্মসংয়মনং বুদ্ধ্যা পরবুদ্ধ্যা বিচারণাম্।
বুদ্ধ্যা চাত্মগুণপ্রাপ্তিরেতচ্ছাস্ত্রনিদর্শনম্॥ 12-120-18 (69494)
পরং বিশ্বাসয়েৎসাম্না স্বশক্তিং চোপলক্ষয়েৎ।
আত্মনঃ পরিমর্শেন বুদ্ধিং বুদ্ধ্যা বিচারয়েৎ॥ 12-120-19 (69495)
সান্ৎবয়োগমতিঃ প্রাজ্ঞঃ কার্যাকার্যপ্রয়োজনকঃ।
নিগূঢবুদ্ধের্ধীরস্য বক্তব্যে বক্ষ্যতে তথা॥ 12-120-20 (69496)
সংনিকৃষ্টাং কথাং প্রাজ্ঞো যদি বুদ্ধ্যা বৃহস্পতিঃ।
স্বভাবমেষ্যতে তপ্তং কৃষ্ণায়সমিবোদকে॥ 12-120-21 (69497)
অনুয়ুঞ্জীত সত্যানি সর্বাণ্যেব মহীপতিঃ।
আগমৈরুপদিষ্টানি স্বস্য চৈব পরস্য চ॥ 12-120-22 (69498)
মৃদুং ক্রূরং তথা প্রাজ্ঞং শূরং চার্থবিধানবিৎ।
স্বকর্মণি নিয়ুঞ্জীত যে চান্যে বচনাধিকাঃ॥ 12-120-23 (69499)
অপ্যদৃষ্টানি যুক্তানি স্বানুরূপেষু কর্মসু।
সর্বাংস্তাননুবর্তেত স্বরাংস্তন্ত্রীরিবায়তাঃ॥ 12-120-24 (69500)
ধর্মাণামবিরোধেন সর্বেষাং প্রিয়মাচরেৎ।
মমায়মিতি রাজা যঃ সপর্বত ইবাচলঃ॥ 12-120-25 (69501)
ব্যবহারং সমাধায় সূর্যো রশ্মীনিবায়তান্।
ধর্মমেবাভিরক্ষেত কৃৎবা তুল্যে প্রিয়াপ্রিয়ে॥ 12-120-26 (69502)
কুলপ্রকৃতিদেশানাং ধর্মজ্ঞান্মৃদুভাষিণঃ।
মধ্যে বয়সি নির্দোষান্হিতে যুক্তাঞ্জিতক্লমান্॥ 12-120-27 (69503)
অলুব্ধাঞ্শিক্ষিতান্দান্তান্ধর্মেষু পরিনিষ্ঠিতান্।
স্থাপয়েৎসর্বকার্যেষু রাজা সর্বার্থরক্ষিণঃ॥ 12-120-28 (69504)
এতেন চ প্রকারেণ কৃত্যানামাগতিং গতিম্।
যুক্ত্যা সমনুতিষ্ঠেন তুষ্টশ্চারৈঃ পুরস্কৃতঃ॥ 12-120-29 (69505)
অমোঘক্রোধহর্শস্য স্বয়ং কৃত্যাঽনুদর্শিনাঃ।
আত্মপ্রত্যযকোশস্য বসুদৈব বসুংধরা॥ 12-120-30 (69506)
ব্যক্তশ্চানুগ্রহো যস্য যথোক্তশ্চাপি নিগ্রহঃ।
গুপ্তাত্মা গুপ্তরাষ্ট্রস্য স রাজা রাজধর্মবিৎ॥ 12-120-31 (69507)
নিত্যং রাষ্ট্রমবেক্ষেত গোভিঃ সূর্য ইবাতপন্।
চারাংশ্চানুচরান্বিদ্যাত্তথা বুদ্ধ্যা স্বয়ং চরেৎ॥ 12-120-32 (69508)
কালপ্রাপ্তমুপাদদ্যান্নার্থং রাজা প্রসূচয়েৎ।
অহন্যহনি সংদুহ্যান্মহীং গামিব বুদ্ধিমান্॥ 12-120-33 (69509)
যথাক্রমেণ পুষ্পেভ্যশ্চিনোতি মধু ষট্পদঃ।
তথা দ্রব্যমুপাদায় রাজা কুর্বীত সংচয়ম্॥ 12-120-34 (69510)
যদ্ধি গুপ্তাবশিষ্টং স্যাত্তদ্বিত্তং ধর্মকাময়োঃ।
সংচয়ান্ন বিসর্গী স্যাদ্রাজা শাস্ত্রবিদাত্মবান্॥ 12-120-35 (69511)
নার্থমল্পং পরিভবেন্নাবমন্যেত শাত্রবান্।
বুদ্ধ্যাঽনুবুদ্ধ্যা চাত্মানং ন চাবুদ্ধেষু বিশ্বসেৎ॥ 12-120-36 (69512)
ধৃতির্দাক্ষ্যং সংয়মো বুদ্ধিরাত্মা
ধৈর্যং শৌর্যং দেশকালাপ্রমাদঃ।
অল্পস্য বা মহতো বা বিবৃদ্ধৌ
ধনস্যৈতান্যষ্ট সমিংধনানি॥ 12-120-37 (69513)
অগ্নিস্তোকো বর্ধতেঽপ্যাজ্যসিক্তো
বীজং চৈকং বহুসহস্রমেতি।
ক্ষয়োদয়ৌ বিপুলৌ সন্নিয়ম্যৌ
তস্মাদল্পং নাবমন্যেত বিত্তম্॥ 12-120-38 (69514)
বালোঽপ্যবালঃ স্থবিরো রিপুর্যঃ।
সদা প্রমত্তং পুরুষং নিহন্যাৎ।
কালেনান্যস্তস্য মূলং হরেৎ
কালজ্ঞানং পার্থিবানা বরিষ্ঠম্॥ 12-120-39 (69515)
হরেৎকীর্তি ধর্মমস্যোপরুন্ধ্যা
দর্থে বিঘ্নং বীর্যমস্যোপহন্যাৎ।
রিপুর্দ্বেষ্টা দুর্বলো বা বলী বা
তস্মাচ্ছত্রোর্নৈব বিভ্যেদ্যথাত্মা॥ 12-120-40 (69516)
ক্ষয়ং শত্রোঃ সংচয়ং পালনং বা
উভাবর্থৌ সহিতৌ ধর্মকামৌ।
ততশ্চান্যন্মতিমান্সংদধীত
তস্মাদ্রাজা বুদ্ধিমন্তং শ্রয়েত॥ 12-120-41 (69517)
বুদ্ধির্দীপ্তা বলবন্তং হিনস্তি
বলং বুদ্ধ্যা পাল্যতে বর্ধমানম্।
শত্রুর্বুদ্ধ্যা সীদতে পীড্যমানো
বুদ্ধিপূর্বং কর্ম যত্তৎপ্রশস্তম্॥ 12-120-42 (69518)
সর্বান্কামান্কাময়ানো হি ধীরঃ
সৎবেনাল্পেনাপ্নুতে হীনদোষঃ।
যশ্চাত্মানং প্রার্থয়তেঽর্থ্যমানৈঃ
শ্রেয়ঃ পাত্রং পূরয়তে চ নাল্পম্॥ 12-120-43 (69519)
তস্মাদ্রাজা প্রগৃহীতঃ প্রজাসু
মূলং লক্ষ্ম্যাঃ সর্বশো হ্যাদদীত।
দীর্ঘং কালং হ্যপি সংপীড্যমানো
ব্যুষ্যাৎসংপদ্ব্যবসায়েন শক্ত্যা॥ 12-120-44 (69520)
বিদ্যা তপো বা বিপুলং ধনং বা
সর্বং হ্যেতদ্ব্যবসায়েন শক্যম্।
ব্রহ্মায়ত্তং নিবসতি দেহবৎসু
তস্মাদ্বিদ্যাদ্ব্যবসায়ং প্রভূতম্॥ 12-120-45 (69521)
যত্রাসতে মতিমন্তো মনস্বিনঃ
শক্রো বিষ্ণুর্যত্র সরস্বতী চ।
বসন্তি ভূতানি চ যত্র নিত্যং
তস্মাদ্বিদ্বান্নাবমন্যেত দেহম্॥ 12-120-46 (69522)
লুব্ধং হন্যাৎসংপ্রদানাদ্ধি নিত্যং
লুব্ধস্তৃপ্তিং পরবিত্তস্য নৈতি।
সর্বো লুব্ধঃ সর্বগুণোপভোগো
যোঽর্থৈর্হীনো ধর্মকামৌ জহাতি॥ 12-120-47 (69523)
ধনং ভোগং পুত্রদারং সমৃদ্ধিং
সর্বং লুব্ধঃ প্রার্থয়তে পরেষাম্।
লুব্ধে দোষাঃ সংভবন্তীহ সর্বে
তস্মাদ্রাজা ন প্রগৃহ্ণীৎ লুব্ধম্॥ 12-120-48 (69524)
সংদর্শনেন পুরুষং জঘন্যমপি চোদয়েৎ।
আরম্ভান্দ্বিষতাং প্রাজ্ঞঃ সর্বার্থাংশ্চ প্রসূদয়েৎ॥ 12-120-49 (69525)
ধর্মান্বিতেষু বিজ্ঞাতা মন্ত্রগুপ্তিংশ্চ পাণ্ডব।
আপ্তো রাজন্কুলীনশ্চ পর্যাপ্তো রাষ্ট্রসংগ্রহে॥ 12-120-50 (69526)
বিবিপ্রয়ুক্তান্নরদেবধর্মা
নুক্তান্সমাসেন নিবোধ বুদ্ধ্যা।
ইমান্বিদধ্যাদনুসৃত্য যো বৈ
রাজা মহীং পালয়িতুং স শক্তঃ॥ 12-120-51 (69527)
সুনীতিজং যস্য বিধানজং সুখং
ধর্মপ্রণীতং বিধিবৎপ্রসিদ্ধ্যতি।
ন নিন্দ্যতে তস্য গতির্মহীপতে
স বিন্দতে রাজ্যসুখং হ্যনুত্তমম্॥ 12-120-52 (69528)
ধনৈর্বিশিষ্টান্মতিশীলপূজিতা
ন্গুণোপপন্নান্যুধি দৃষ্টবিক্রমান্।
গুণেষু যুক্তানচিরাদিবাত্মবাং
স্ততোঽভিসংধায় নিহন্তি শাত্রবান্॥ 12-120-53 (69529)
পশ্যেদুপায়ান্বিবিধেষু কর্মসু
ন চানুপায়েন মতিং নিবেশয়েৎ।
শ্রিয়ং বিশিষ্টাং বিপুলং যশো ধনং
ন দোষদর্শী পুরুষঃ সমশ্নুতে॥ 12-120-54 (69530)
প্রীতিপ্রবৃত্তিং বিনিবর্তনং চ
সুহৃসু বিজ্ঞায় বিচার্য চোভয়োঃ।
যদেব মিত্রং গুরুভারমাবহে
ত্তদেব সুস্নিগ্ধমুদাহরেদ্বুধঃ॥ 12-120-55 (69531)
এতান্ময়োক্তাংশ্চর রাজধর্মা
ন্নৃণাং চ গুপ্তৌ মতিমাদধৎস্ব।
অবাপ্স্যসে পুণ্যফলং সুখেন
সর্বো হি লোকো নৃপ ধর্মমূলঃ॥ ॥ 12-120-56 (69532)
ইতি শ্রীমন্মহাভারতে শান্তিপর্বণি রাজধর্মপর্বণি বিংশত্যধিকশততমোঽধ্যায়ঃ॥ 120॥
Mahabharata - Shanti Parva - Chapter Footnotes
12-120-2 রাজধর্মাণাং রাজধর্মবিদাং মতং যদ্বিস্তরেণোক্তং তদেব প্রণেয়ং প্রকর্ষেণ নেতুং বোঢু শক্যং সংক্ষিপ্তমিত্যর্থঃ। প্রণয়ং রাজধর্মাণামিতি থ. দ. পাঠঃ॥ 12-120-4 বর্হাণি পক্ষান্। ভুজগাশনো ময়ূরঃ॥ 12-120-5 তৈক্ষ্ণ্যং ক্রূরৎবম্। জিহ্মৎবং কোটিল্যম্॥ 12-120-6 যস্মিংন্নর্থে দণ্ডেঽনুগ্রহে বা। রূপমাদিশেদ্দর্শয়েৎ॥ 12-120-7 শরচ্ছিস্বী শরৎকালময়ূরঃ॥ 12-120-8 যুক্তোঽবহিতঃ স্যাৎ। বর্ষোদকানি বৃষ্ট্যা জনিতানি মহানদীজলানি। অর্থকামঃ শিখাং রাজা কুর্যাদ্ধর্মধ্বজোপমাম্ ইতি ঝ. পাঠঃ। তত্র শিখাং যোগ্যলিঙ্গং ক্রূরৎবাদিকং কুর্যাৎ প্রকাশয়েদিত্যর্থঃ॥ 12-120-9 লোকে চায়ব্যযৌ দৃষ্ট্বা বৃহদ্বৃক্ষমিবাস্রবদিতি ঝ. পাঠঃ। তত্র বৃহন্তো বৃক্ষা যত্র তদ্বৃহদ্বক্ষং তালবনম্। আস্রবৎ রসং প্রস্রবৎ। যথা রসগ্রাহী প্রদেশবিশেষে এব প্রহৃত্য রসং গৃহ্ণীতি নতু কৃৎস্নবৃক্ষচ্ছেদেনেক্ষুকাণ্ডাদিবত্ততো রসং জিঘৃক্ষতি। এবং প্রজানামায়ব্যযৌ জ্ঞাৎবা তা জীবয়ংস্তাভ্যো ধনরসমাদদ্যাদিত্যর্থঃ॥ 12-120-10 ভৌমানি পরেষাং সস্যানি চরণৈরশ্বাদিগমনৈঃ কিরন্ নাশয়ন্নিত্যর্থঃ॥ 12-120-13 অসিতগ্রীবো ময়ূরঃ॥ 12-120-14 চারৈর্দর্শিতাসু ভূমিষু ধাত্রীসৌবিদল্লসূপকারাদিষু পরৈর্ভেদিতেষু ততান্বিষাদীন্পাশান্॥ 12-120-15 পাশজ্ঞানে সতি তাং কপটভূমিং প্রতিপদ্যাত্মানং প্রণয়েৎপ্রাপয়েত্তদানশ্যেদেব। বাশব্দ এবার্থে॥ 12-120-16 সন্নিবাসান্দৃঢমূলান্পক্ষা নমাত্যাদীন্ শূরাংশ্চ বাসয়েৎস্থাপয়েৎ। বর্হিসমং ময়ূরতুল্যং কামং যথেষ্টং প্রশস্তং কৃতং প্রশস্তাং ক্রিয়াং পক্ষাণাং বিস্ফারণমাচরেৎ। পতঙ্গং শলভসমূহো যথা গহনেষু পততি গহনং চ নিষ্পন্নং করোতি এবং সংভূয় শত্রূরাষ্ট্রে পতিতব্যমিত্যর্থঃ॥ 12-120-18 বুদ্ধ্যা আত্মনঃ সংয়মনং ইত্থমেব কর্তুং যুক্তং নিয়মং কুর্যাৎ। পরবুদ্ধ্যা চ তত্রৈবার্থে সংবাদিতয়া তস্যার্থস্য বিচারণং দৃঢতরো নিশ্চয়ঃ কার্যঃ। বুদ্ধ্যা শাস্ত্রোত্থধিয়া আত্মগুণস্য পূর্বোক্তনিশ্চয়হেতোঃ প্রাপ্তির্ভবতি। এতদেব শাস্ত্রস্য নিদর্শনং প্রয়োজনং যৎকার্যক্ষোদক্ষমতা বুদ্ধেরিত্যর্থঃ॥ 12-120-19 আত্মনঃ স্বস্য পরিমর্শেন সর্বতোঽতীতানাগতবিচারেণ বুদ্ধিং কার্যনিশ্চয়ং বুদ্ধ্যা ঊহাপোহকৌশলরূপয়া মেধয়া বিচারয়েৎসাধকবাধকভূমৌ সংচারয়েৎ॥ 12-120-21 প্রাজ্ঞো বুদ্ধ্যা বৃহস্পতিসমোঽপি সন্ যদি নিকৃষ্টাং কথাং নির্বুদ্ধিৎববাদং প্রাপ্নুয়াত্তর্হি সদ্যএব যুক্ত্যা স্বভাবং স্বাস্থ্যং এষ্যতে। উদকে প্রক্ষিপ্তং তপ্তায়সং শৈত্যমিব॥ 12-120-33 ন অর্থং প্রসূচয়েৎ অর্থবৃত্তাং ন জ্ঞাপয়েৎ॥ 12-120-35 সংচয়ান্ন বিসর্গী স্যাৎ। কোশাদ্ধনং ন দদ্যাদপিতূপর্যাহৃতমেবেত্যর্থঃ॥ 12-120-37 আত্মা দেহঃ। দেশে কালে বাঽপ্রমাদ ইত্যেকম্॥ 12-120-39 অবালঃ অহীনঃ। অন্যঃ সংপন্নঃ॥ 12-120-41 ধর্মকামৌ বুদ্ধ্যা সংদধীত সংধিং বা কুর্যাৎ। অন্যৎ বিগ্রহাদিকং কুর্যাৎ॥ 12-120-42 বর্ধমানং ক্ষীয়মাণম্॥ 12-120-43 অল্পেনাপি সৎবেন বলেন। অর্থ্যমানৈর্যুক্তম্। আত্মানং প্রার্থয়তে। লুব্ধো দৃপ্তশ্চ ভবতীত্যর্থঃ। শ্রেয়ঃ পাত্রং ন পূরয়তে ততঃ শ্রেয়োঽপসর্পতীত্যর্থঃ॥ 12-120-44 প্রগৃহীতঃ স্রিগ্ধঃ। লক্ষ্ম্যাঃ মূলং অর্থং সর্বশঃ সর্বাভ্যঃ সংপীঢ্যমানঃ সংপীড্যন্॥ 12-120-45 ব্যবস যেন উদ্যোগেন বিদ্যাৎ লভেৎ॥ 12-120-46 অনুদ্যোগেন জন্ম ন নাশ্যেদিত্যাহ যত্রেতি॥ 12-120-47 সমৃদ্ধিং চ প্রাপ্যাপীতি শেষঃ। ধনং উৎকোচরূপম্॥ 12-120-52 বিধানজং দৈবপ্রাপ্তম্॥ 12-120-53 গুণোপপন্নাঞ্শৌর্যাদিয়ুক্তান্। গুণেষু সংধিবিগ্রহাদিষু আত্মবানপ্রমত্তঃ॥ 12-120-54 দোষদর্শী নির্দোষষ্বেপীতি শেষঃ॥ 12-120-55 উদাহরেৎপ্রশংসেৎ॥ 12-120-56 চরানুতিষ্ঠ। আদধৎস্ব আধৎস্বা। দধ ধারণে ইত্যস্য রূপম্॥শান্তিপর্ব - অধ্যায় 121
॥ শ্রীঃ ॥
12.121. অধ্যায়ঃ 121
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি দণ্ডস্বরূপাদিকথনম্॥ 1॥Mahabharata - Shanti Parva - Chapter Text
12-121-0 (69533)
যুধিষ্ঠির উবাচ। 12-121-0x (5666)
অয়ং পিতামহেনোক্তো রাজধর্মঃ সনাতনঃ।
কীদৃশশ্চ মহাদণ্ডো দণ্ডে সর্বং প্রতিষ্ঠিতম্॥ 12-121-1 (69534)
দেবতানামৃষীণাং চ পিতৄণাং চ মহাত্মনাম্।
যক্ষরক্ষঃ পিশাচানাং মর্ত্যানাং চ বিশেষতঃ॥ 12-121-2 (69535)
সর্বেষাং প্রাণিনাং লোকে তির্যক্ষ্বপি নিবাসিনাম্।
সর্বস্যাপি মহাতেজা দণ্ডঃ শ্রেয়ানিতি প্রভো॥ 12-121-3 (69536)
ইত্যেতদুক্তং ভবতা দণ্ডে বৈ সচরাচরম্।
পশ্যতাং লোক আয়ত্তং সসুরাসুরমানুষম্।
এতদিচ্ছাম্যহং শ্রোতুং তত্ৎবেন ভরতর্ষভ॥ 12-121-4 (69537)
কো দণ্ডঃ কীদৃশো দণ্ডঃ কিংরূপঃ কিংপরায়ণঃ।
কিমাত্মকঃ কথংভূতঃ কতিমূর্তিঃ কথং প্রভুঃ॥ 12-121-5 (69538)
জাগর্তি চ কথং দণ্ডঃ প্রজাসু বিহিতাত্মকঃ।
কশ্চ পূর্বাপরমিদং জাগর্তি প্রতিপালয়ন্॥ 12-121-6 (69539)
কশ্চ বিজ্ঞায়তে পূর্বঃ কো বরো দণ্ডসংজ্ঞিতঃ।
কিংসংস্থশ্চাভবদ্দণ্ডঃ কা চাস্য গতিরিষ্যতে॥ 12-121-7 (69540)
ভীষ্ম উবাচ। 12-121-8x (5667)
শৃণু কৌরব্য যো দণ্ডো ব্যবহারো যথা চ সঃ।
যস্মিন্হি সর্বমায়ত্তং স ধর্ম ইতি কেবলঃ॥ 12-121-8 (69541)
ধর্মস্যার্থে মহারাজ ব্যবহার ইতীষ্যতে।
তস্য লোপঃ কথং ন স্যাল্লোকেষ্বিহ মহাত্মনঃ॥ 12-121-9 (69542)
ইত্যর্থং ব্যবাহরস্য ব্যবহারৎবমিষ্যতে।
অপি চৈতৎপুরা রাজন্মনুনা প্রোক্তমাদিতঃ॥ 12-121-10 (69543)
সুপ্রণীতেন দণ্ডেন প্রিয়াপ্রিয়সমাত্মনা।
প্রজা রক্ষতি যঃ সম্যগ্ধর্ম এব স কেবলঃ॥ 12-121-11 (69544)
যথোক্তমেতদ্বচনং প্রাগেব মনুনা পুরা।
যন্ময়োক্তং বসিষ্ঠেন ব্রহ্মণো বচনং মহৎ॥ 12-121-12 (69545)
প্রাগিদং বচনং প্রোক্তমতঃ প্রাগ্বচনং বিদুঃ।
ব্যবহারস্য চাখ্যানাদ্ব্যবহার ইহোচ্যতে॥ 12-121-13 (69546)
দণ্ডান্ত্রিবর্গঃ সততং সুপ্রণীতাৎপ্রবর্ততে।
দৈবং হি পরমো দণ্ডো রূপতোঽগ্নিরিবোত্থিতঃ॥ 12-121-14 (69547)
নীলোৎপলদলশ্যামশ্চতুর্দংষ্ট্রশ্চতুর্ভুজঃ।
অষ্টপান্নৈকনয়নঃ শঙ্কুকর্ণোর্ধ্বরোমবান্॥ 12-121-15 (69548)
জটী দ্বিজিহ্বস্তাম্রাস্যো মৃগরাজতনুচ্ছদঃ।
এতদ্রূপং বিভর্ত্যুগ্রং দণ্ডো নিত্যং দুরাসদঃ॥ 12-121-16 (69549)
অসির্ধনুর্গদা শক্তিস্ত্রিশূলং মুদ্গরঃ শরঃ।
মুসলং পরশুশ্চক্রং প্রাসদণ্ডর্ষ্টিতোমরাঃ॥ 12-121-17 (69550)
সর্বপ্রহরণীয়ানি যানি যানীহ কানিচিৎ।
দণ্ড এব স সর্বাত্মা লোকে চরতি মূর্তিমান্॥ 12-121-18 (69551)
ভিন্দংশ্ছিন্দন্রুজন্কৃন্তন্দারয়ন্পাটয়ংস্তথা।
ঘাতয়ন্নভিধাবংশ্চ দণ্ড এব চরত্যুত॥ 12-121-19 (69552)
অসির্বিশসনো ধর্মস্তীক্ষ্ণবর্মা দুরাসদঃ।
শ্রীগর্ভো বিজয়ঃ শাস্তা ব্যবহারঃ প্রজাগরঃ॥ 12-121-20 (69553)
শাস্ত্রং ব্রাহ্মণমন্ত্রাশ্চ শাস্তা প্রবচনং পরম্।
ধর্মপালোঽক্ষরো গোপঃ সত্যগো নিত্যগো গৃহঃ॥ 12-121-21 (69554)
অসঙ্গো রুদ্রতনয়ো মনুর্জ্যেষ্ঠঃ শিবংকরঃ।
নামান্যেতানি দণ্ডস্য কীর্তিতানি যুধিষ্ঠির॥ 12-121-22 (69555)
দণ্ডো হি ভগবান্বিষ্ণুর্যজ্ঞো নারায়ণঃ প্রভুঃ।
শশ্বদ্রুপং মহদ্বিভ্রন্মহাৎপুরুষ উচ্যতে॥ 12-121-23 (69556)
তথোক্তা ব্রহ্মকন্যেতি লক্ষ্মীর্নীতিঃ সরস্বতী।
দণ্ডনীতির্জগদ্ধাত্রী দণ্ডো হি বহুবিগ্রহঃ॥ 12-121-24 (69557)
অর্থানর্থৌ সুখং দুঃখং ধর্মাধর্মৌ বলাবলে।
দৌর্ভাগ্যং ভাগধেয়ং চ পুণ্যাপুণ্যে গুণাগুণৌ॥ 12-121-25 (69558)
কামাকামাবৃতুর্মাসঃ শর্বরী দিবসঃ ক্ষণঃ।
অপ্রমাদঃ প্রমাদশ্চ হর্ষশোকৌ শমো দমঃ॥ 12-121-26 (69559)
দৈবং পুরুষকারশ্চ মোক্ষামোক্ষৌ ভয়াভয়ে।
হিংসাহিংসে তপো যজ্ঞঃ সংয়মোঽথ বিষামৃতে॥ 12-121-27 (69560)
অন্তশ্চাদিশ্চ মধ্যং চ কৃতানাং চ প্রপঞ্চনম্।
মদঃ প্রমোদো দর্পশ্চ দম্ভো ধৈর্যং নয়ানয়ৌ॥ 12-121-28 (69561)
অশক্তিঃ শক্তিরিত্যেবং মানস্তম্ভৌ ব্যযাব্যযৌ।
বিনয়শ্চ বিসর্গশ্চ কালাকালৌ চ কৌরব॥ 12-121-29 (69562)
অনৃতং চাজ্ঞতা সত্যং শ্রদ্ধাশ্রদ্ধে তথৈব চ।
ক্লীবতা ব্যবসায়শ্চ লাভালাভৌ জয়াজয়ৌ॥ 12-121-30 (69563)
তীক্ষ্ণতা মৃদুতাত্যুগ্রমাগমানাগমৌ তথা।
বিরোধশ্চাবিরোধশ্চ কার্যাকার্যে বলাবলে॥ 12-121-31 (69564)
অসূয়া চানসূয়া চ ধর্মাধর্মৌ তথৈব চ।
অপত্রপানপত্রপে হ্রীশ্চ সংপদ্বিপচ্চ হ॥ 12-121-32 (69565)
তেজঃ কর্মাণি পাণ্ডিত্যং বাক্শক্তির্বুদ্ধিতৎবতা।
এবং দণ্ডস্য লোকেঽস্মিঞ্জাগর্তি বহুরূপতা॥ 12-121-33 (69566)
ন স্যাদ্যদীহ দণ্ডো বৈ প্রমথেয়ুঃ পরস্পরম্।
ভয়াদ্দণ্ডস্য নান্যোন্যং ঘ্নন্তি চৈব যুধিষ্ঠির॥ 12-121-34 (69567)
দণ্ডেন রক্ষ্যমাণা হি রাজন্নহরহঃ প্রজাঃ।
রাজানং বর্ধয়ন্তীহ তস্মাদ্দণ্ডঃ পরায়ণম্॥ 12-121-35 (69568)
ব্যবস্থাপয়তে নিত্যমিমং লোকং নরেশ্বর।
সত্যে ব্যবস্থিতো ধর্মো ব্রাহ্মণেষ্ববতিষ্ঠতে॥ 12-121-36 (69569)
ধর্ময়ুক্তা দ্বিজশ্রেষ্ঠা দেবয়ুক্তা ভবন্তি চ।
বভূব যজ্ঞো দেবেভ্যো যজ্ঞঃ প্রীণাতি দেবতাঃ॥ 12-121-37 (69570)
প্রীতাশ্চ দেবতা লোকমিন্দ্রে প্রতিদদত্যুত।
অত্রং দদাতি শক্রশ্চাপ্যনুগৃহ্ণন্নিমাঃ প্রজাঃ॥ 12-121-38 (69571)
প্রাণাশ্চ সর্বভূতানাং নিত্যমন্নে প্রতিষ্ঠিতাঃ।
তস্মাৎপ্রজাঃ প্রতিষ্ঠন্তে দণ্ডো জাগর্তি তাসু চ॥ 12-121-39 (69572)
এবংপ্নয়োজনশ্চৈব দণ্ডঃ ক্ষত্রিয়তাং গতঃ।
রক্ষপ্রজাঃ স জাগর্তি নিত্যং স্ববহিতোক্ষরঃ॥ 12-121-40 (69573)
ঈশ্বরঃ পুরুষঃ প্রাণঃ সৎবং বৃত্তং প্রজাপতিঃ।
ভূতাত্মা জীব ইত্যেবং নামভিঃ প্রোচ্যতেঽষ্টভিঃ॥ 12-121-41 (69574)
অদদদ্দণ্ডমেবাস্মৈ ধৃতমৈশ্বর্যমেব চ।
বলে নয়শ্চ সংয়ুক্তঃ সদা পঞ্চবিধাত্মকঃ॥ 12-121-42 (69575)
কুলং বহুধনামাত্যাঃ প্রজ্ঞা প্রোক্তা বলানি তু।
আহার্যমষ্টকৈর্দ্রব্যৈর্বলমন্যদ্যুধিষ্ঠির॥ 12-121-43 (69576)
হস্তিনোঽশ্বা রথাঃ পত্তির্নাবো বিষ্টিস্তথৈব চ।
দেশিকাশ্চাদিকাশ্চৈব তদষ্টাঙ্গং বলং স্মৃতম্॥ 12-121-44 (69577)
অথ চাঙ্গস্য যুক্তস্য রথিনো হস্তিয়ায়িনঃ।
অশ্বারোহাঃ পদাতাশ্চ মন্ত্রিণো রসদাশ্চ যে॥ 12-121-45 (69578)
ভিক্ষুকাঃ প্রাড্বিবাকাশ্চ মৌহূর্তা দৈবচিন্তকাঃ।
কোশো মিত্রাণি ধান্যং চ সর্বোপকরণানি চ॥ 12-121-46 (69579)
সপ্তপ্রকৃতি চাষ্টাঙ্গং শরীরমিহ তং বিদুঃ।
রাজ্যস্য দণ্ডমেবাঙ্গং দণ্ডঃ প্রভব এব চ॥ 12-121-47 (69580)
ঈশ্বরেণ প্রসন্নেন কারণাৎক্ষত্রিয়স্য চ।
দণ্ডো দত্তঃ সদা গোপ্তা দণ্ডো হীদং সনাতনম্॥ 12-121-48 (69581)
রাজা পূজ্যতমো নান্যো যথা ধর্মঃ প্রদর্শিতঃ।
ব্রহ্মণা লোকরক্ষার্থং স্বধর্মস্থাপনায় চ॥ 12-121-49 (69582)
ভর্তৃপ্রত্যয উৎপন্নো ব্যবহারস্তথাবিধঃ।
তস্যাদ্য সহিতো দৃষ্টো ভর্তৃপ্রত্যযলক্ষণঃ॥ 12-121-50 (69583)
ব্যবহারস্তু বেদাত্মা বেদপ্রত্যয উচ্যতে।
মৌলশ্চ নরশার্দূল শাস্ত্রোক্তশ্চ তথাঽপরঃ॥ 12-121-51 (69584)
উক্তো যশ্চাপি দণ্ডোঽসৌ ভর্তৃপ্রত্যযলক্ষণঃ।
জ্ঞেয়ো নঃ স নরেন্দ্রস্থো দণ্ডঃ প্রত্যয এব চ॥ 12-121-52 (69585)
দণ্ডপ্রত্যযদৃষ্টোঽপি ব্যবহারাত্মকঃ স্মৃতঃ।
ব্যবহারঃ স্মৃতো যশ্চ স বেদবিষয়াত্মকঃ॥ 12-121-53 (69586)
যশ্চ বেদপ্রসূতাত্মা স ধর্মো গুণদর্শনঃ।
ধর্মপ্রত্যয উদ্দিষ্টো যশ্চ ধর্মঃ কৃতাত্মভিঃ॥ 12-121-54 (69587)
ব্যবহারঃ প্রজাগোপ্তা ব্রহ্মদৃষ্টো যুধিষ্ঠির।
ত্রীন্ধারয়তি লোকান্বৈ সত্যাত্মা ভূতিবর্ধনঃ॥ 12-121-55 (69588)
যশ্চ দণ্ডঃ স দৃষ্টো নো ব্যবহারঃ সনাতনঃ।
ব্যবহারশ্চ দৃষ্টো যঃ স বেদ ইতি নঃ শ্রুতিঃ॥ 12-121-56 (69589)
যশ্চ বেদঃ স বৈ ধর্মো যশ্চ ধর্মঃ স সৎপথঃ।
ব্রহ্মা পিতামহঃ পূর্বং ভগবাংশ্চ প্রজাপতিঃ॥ 12-121-57 (69590)
লোকানাং স হি সর্বেষাং সসুরাসুররক্ষসাম্।
স মনুষ্যোরগবতাং কর্তা চৈব স ভূতকৃৎ॥ 12-121-58 (69591)
ততো নো ব্যবহারোঽয়ং ভর্তৃপ্রত্যযলক্ষণঃ।
তস্মাদিদমবোচাম ব্যবহারনিদর্শনম্॥ 12-121-59 (69592)
মাতা পিতা চ ভ্রাতা চ ভার্যা চৈব পুরোহিতঃ।
নাদণ্ড্যো বিদ্যতে রাজ্ঞো যঃ স্বধর্মেণ তিষ্ঠতি॥ ॥ 12-121-60 (69593)
ইতি শ্রীমন্মহাভারতে শান্তিপর্বণি রাজধর্মপর্বণি একবিংশত্যধিকশততমোঽধ্যায়ঃ॥ 121॥
Mahabharata - Shanti Parva - Chapter Footnotes
12-121-11 প্রজারক্ষকৎবাদ্ব্যবহার এব ধর্মপদবাচ্যোঽপীত্যাহ সুপ্রণীতেনেতি॥ 12-121-12 ব্রহ্মণএব বচনং মনুমুখাচ্ছ্রুতমিত্যর্থঃ॥ 12-121-13 দণ্ডএব উক্তবচনাদ্ধর্মশব্দেন ব্যবহারশব্দেন চোচ্যত ইত্যর্থঃ। প্রাগ্বচনং ধর্মবচনম্॥ 12-121-16 এবং ব্যবহাররূপিণো দণ্ডস্য রূপমুক্ৎবা ধর্মাখ্যদণ্ডরূপমাহ। তাম্রাস্যো মৃগরাজতনুচ্ছদ ইতি। তাম্রো বহ্নিরেবাহনবনীয়াদিরাস্যং যস্য স তথা। মৃগরাজঃ কৃষ্ণমৃগস্তৎসংবন্ধিচর্ম তনুচ্ছদঃ শরীরাচ্ছাদকং প্রাবরণমস্য। এতেন দীক্ষাপ্রধানো যজ্ঞ উক্তঃ। এতচ্চ সর্বেষাং দানোপবাসহোমাদীনামুপলক্ষণম্॥ 12-121-23 মুখ্যং দণ্ডস্য রূপমাহ দণ্ডো হীতি॥ 12-121-24 তৎপত্ন্যা রূপমাহ তথেতি। দণ্ডেন সহিতা নীতির্দণ্ডনীতিঃ॥ 12-121-25 কিংপরায়ণমিত্যস্যোত্তরং অর্থানর্থাবিত্যাদি॥ 12-121-36 কিমাত্মকঃ কথংভূতঃ কথংমূর্তিরিতিপ্রশ্নত্রয়স্যোত্তরমাহ ব্যবস্থাপয়তইতি। লোকপালনাত্মকঃ সত্যপক্ষপাতী ব্রাহ্মণমূর্তিস্বরূপ ইত্যর্থঃ॥ 12-121-37 দণ্ডস্য ব্রাহ্মণভূর্তিৎবং বিবৃণ্বন্ কথং জাগর্তি ইত্যস্যোত্তরমাহ ধর্ময়ুক্তা ইত্যাদিনা। ব্রাহ্মণমূর্তির্দণ্ডো যজ্ঞাদিদ্বারান্নসৃষ্টিহেতুতয়া ভূতানি পালয়ন্ জাগর্তীতি শ্লোকত্রয়ার্থঃ॥ 12-121-42 অদদদীশ্বর ইতি শেষঃ। অস্মৈ রাজ্ঞে। দণ্ডং দণ্ডনীতিম্। অতএবায়ং বলেন সংয়ুক্তঃ পঞ্চবিধ আত্মা যস্য স তথা। ধর্মব্যবহারদণ্ডেশ্বরজীবরূপেণ পঞ্চপ্রকারাত্মকো রাজা। বলং নথৈশ্চ সংয়ুক্তং সদা পঞ্চবিধাত্মকমিতি থ. দ. পাঠঃ॥ 12-121-43 বহুধনসহিতা অমাত্যা বহুধনামাত্যাঃ। বলানি তু তেজওজঃ সহ আখ্যানি দেহেন্দ্রিয়বুদ্ধিসমার্থ্যানি। অষ্টকৈরষ্টসংখ্যাকৈরনন্তরশ্লোকে বক্ষ্যমাণৈর্হস্ত্যাদিভিরাহার্যমার্জনীয়ম্। অন্যদ্বলং কোশবৃদ্ধিরূপম্॥ 12-121-45 অঙ্গস্য সৈন্যস্য যুক্তস্য সন্নদ্ধস্য রথাদিকং শরীরং বিদুরিতি তৃতীয়েনান্বয়ঃ। রসদাঃ বৈদ্যাঃ। 12-121-46 প্রাড্বিবাকাঃ বিবদমানয়োর্দ্বয়োঃ প্রবৃত্তিনিমিত্তবেত্তারঃ॥ 12-121-47 দণ্ডং সৈন্যম্। দণ্ডঃ প্রসিদ্ধঃ॥ 12-121-48 দণ্ডো দণ্ডাদীনম্॥ 12-121-50 ভর্তৃপ্রত্যযঃ ভর্তারৌ দ্বৌ বিবদমানৌ প্রত্যযঃ কারণং যস্য স তথা বাদিপ্রতিবাদিভ্যাং প্রবর্তিতো ব্যবহারঃ। তয়োরন্যতরস্য প্রত্যযোঽভ্যুপগমো লক্ষণং যস্য স ভর্তৃপ্রত্যযলক্ষণঃ। অন্যতরপরাজয়াদিত্যর্থঃ। সহিতো হিতমিষ্টং তেন যুক্তঃ সহিতঃ। অন্যতরজয়াবহ ইত্যর্থঃ॥ 12-121-51 বেদাত্মা বেদোক্তো দোষঃ পারদার্যাদিস্তন্নিবৃত্ত্যর্থং পরিষদং প্রতিগতশ্চেত্তত্র প্রায়শ্চিত্তাত্মকো বেদহেতুক এব দণ্ডঃ। মৌলঃ কুলাচারপ্রয়ুক্তো যো ব্যবহারস্তত্রাপি শাস্ত্রোক্তো দণ্ডঃ। তথাচ শাস্ত্রবিদামনুক্রমণং ধর্মজ্ঞানাং সময়ঃ প্রমাণং বেদাশ্চেতি॥ 12-121-52 তেষাং ত্রয়াণাং দণ্ডানাং মধ্যে আদ্যঃ ক্ষত্রিয়াধীন ইত্যাহ। উক্ত ইতি। নঃ অস্মাভিঃ ক্ষত্রিয়ৈর্দণ্ডোঽপি জ্ঞেয়ঃ তত্র প্রত্যযোঽপি জ্ঞেয়ঃ॥ 12-121-53 অস্যাপি বেদমূলৎবমাহ দণ্ড ইতি। বিবিধোঽবহারঃ অন্যোন্যং পরপক্ষক্ষেপেণ স্বপক্ষসাধনং ব্যবহারস্তদাত্মকো ন্যায়ঃ স যদ্যপি দণ্ডঃ প্রত্যযদৃষ্টস্তথাপি স ব্যবহারপদার্থো মন্বাদিভিঃ স্মৃতোঽস্তি। অতঃ সোঽপি বৈদিকপ্রণীতৎবাদ্বেদবিষয়াত্মকো বেদার্থগোচরোঽস্তীত্যর্থঃ॥ 12-121-54 উদ্দিষ্টো মম পারদার্যজেনাধর্মেণ ধর্মলোপো মাভূদিতি পশ্চাত্তাপবত্যুদ্দিষ্টঃ প্রায়শ্চিত্তরূপো দণ্ডো ধর্ম এবেত্যর্থঃ॥ 12-121-60 যো রাজা স্বধর্মেণ তিষ্ঠতি তস্য রাজ্ঞ ইতি সংবন্ধঃ॥শান্তিপর্ব - অধ্যায় 122
॥ শ্রীঃ ॥
12.122. অধ্যায়ঃ 122
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বসুহোমমান্ধাতৃসংবাদানুবাদপূর্বকং দণ্ডোৎপত্ত্যাদিকথনম্॥ 1॥Mahabharata - Shanti Parva - Chapter Text
12-122-0 (69594)
ভীষ্ম উবাচ। 12-122-0x (5668)
অত্রাপ্যুদাহরন্তীমমিতিহাসং পুরাতনম্।
অঙ্গেষু রাজা দ্যুতিমান্বসুহোম ইতি শ্রুতঃ॥ 12-122-1 (69595)
স রাজা ধর্মবিন্নিত্যং সহ পত্ন্যা মহাতপাঃ।
মুঞ্জপৃষ্ঠং জগামাথ দেবর্ষিগণসেবিতম্। 12-122-2 (69596)
তত্র শৃঙ্গে হিমবতো বসতিং সমুপাগমৎ।
যত্র মুঞ্জবটে রামো জটাহরণমাদিশৎ॥ 12-122-3 (69597)
তদাদি চ মহাপ্রাজ্ঞঃ ঋষিভিঃ সংশিতব্রতৈঃ।
মুঞ্জপৃষ্ঠ ইতি প্রোক্তঃ স দেশো রুদ্রসেবিতঃ॥ 12-122-4 (69598)
স তত্র বহুভির্যুক্তস্তদা শ্রুতিময়ৈর্গুণৈঃ।
ব্রাহ্মণানামনুমতো দেবর্ষিসদৃশোঽভবৎ॥ 12-122-5 (69599)
তং কদাচিদদীনাত্মা সখা শক্রস্য মানিতঃ।
অভ্যগচ্ছন্মহীপালো মান্ধাতা শত্রুকর্শনঃ॥ 12-122-6 (69600)
সোপসৃত্য তু মান্ধাতা বসুহোমং নরাধিপম্।
দৃষ্ট্বা প্রকৃষ্টতপসং বিনয়েনোপতিষ্ঠতে॥ 12-122-7 (69601)
বসুহোমোঽপি রাজ্ঞো বৈ গামর্ধ্যং চ ন্যবেদয়ৎ।
সপ্তাঙ্গস্য তু রাজ্যস্য পপ্রচ্ছ কুশলাব্যযৌ॥ 12-122-8 (69602)
সদ্ভিরাচরিতং পূর্বং যথাবদনুয়ায়িনম্।
অব্রবীদ্বসুহোমস্তং রাজন্কিং করবাণি তে॥ 12-122-9 (69603)
সোঽব্রবীৎপরমপ্রীতো মান্ধাতা রাজসত্তমঃ।
বসুহোমং মহাপ্রাজ্ঞমাসীনং কুরুনন্দন॥ 12-122-10 (69604)
বৃহস্পতের্মতং রাজন্নঘীতং সকলং ৎবয়া।
তথৈবৌশনসং শাস্ত্রং বিজ্ঞাতং তে নরোত্তম॥ 12-122-11 (69605)
তদহং শ্রোতুমিচ্ছামি দণ্ড উৎপদ্যতে কথম্।
কিং বাঽস্য পূর্বং জাগর্তি কিং বা পরমমুচ্যতে॥ 12-122-12 (69606)
কথং ক্ষত্রিয়সংস্থশ্চ দণ্ডঃ সংপ্রত্যবস্থিতঃ।
ব্রূহি মে তদ্যথাতৎবং দদাম্যাচার্যবেতনম্॥ 12-122-13 (69607)
বসুহোম উবাচ। 12-122-14x (5669)
শৃণু রাজন্যথা দণ্ডঃ সংভূতো লোকসংগ্রহঃ।
প্রজাবিনয়রক্ষার্থং ধর্মস্যাত্মা সনাতনঃ॥ 12-122-14 (69608)
ব্রহ্মা যিয়ক্ষুর্ভগবান্সর্বলোকপিতামহঃ।
ঋৎবিজং নাত্মনস্তুল্যং দদর্শেতি হি নঃ শ্রুতম্॥ 12-122-15 (69609)
স গর্ভং ভগবান্দেবো বহুবর্ষাণ্যধারয়ৎ।
অথ পূর্ণে সহস্রে তু স গর্ভঃ ক্ষুবতোঽপতৎ॥ 12-122-16 (69610)
স ক্ষুপো নাম সংভূতঃ প্রজাপতিররিংদম্।
ঋৎবিগাসীন্মহারাজ যজ্ঞে তস্য মহাত্মনঃ॥ 12-122-17 (69611)
তস্মিন্প্রবৃত্তে সত্রে তু ব্রহ্মণঃ পার্থিবর্ষভ।
ইষ্টরূপপ্রচারৎবাদ্দণ্ডঃ সোঽন্তর্হিতোঽভবৎ॥ 12-122-18 (69612)
তস্মিন্নন্তর্হিতে চাপি প্রজানাং সংকরোঽভবৎ।
নৈব কার্যং ন বা কার্যং ভোজ্যাভোজ্যং ন বিদ্যতে॥ 12-122-19 (69613)
পেয়াপেয়ে কুতঃ সিদ্ধির্হিসন্তি চ পরস্পরম্।
গম্যাগম্যং তদা নাসীৎস্বং পরস্বং চ বৈ সমম্॥ 12-122-20 (69614)
পরস্পরং বিলুম্পন্তি সারমেয়া যথাঽঽমিষম্।
অবলান্বলিনো জঘ্নুর্নির্মর্যাদং প্রবর্ততে॥ 12-122-21 (69615)
ততঃ পিতামহো বিষ্ণুং ভগবন্তং সনাতনম্।
সংপূজ্য বরদং দেবং মহাদেবমথাব্রবীৎ॥ 12-122-22 (69616)
অত্র ৎবমনুকম্পাং বৈ কর্তুমর্হসি শঙ্কর।
অয়ং বিষ্ণুঃ সখা তুভ্যং ধর্মস্য পরিরক্ষণে॥ 12-122-23 (69617)
`ৎবং হি সর্ববিধানজ্ঞঃ সৎবানাং ৎবং গতিঃ পরা।'
সংকরো ন ভবেদত্র যথা তদ্বৈ বিধীয়তাম্॥ 12-122-24 (69618)
ততঃ স ভগবান্ধ্যাৎবা তদা শূলবরায়ুধঃ।
` দেবদেবো মহাদেবঃ কারণং জগতঃ পরম্॥ 12-122-25 (69619)
ব্রহ্মবিষ্ণ্বিন্দ্রসহিতঃ সর্বৈশ্চ সসুরাসুরৈঃ।
লোকসন্ধারণার্থং চ লোকসংকরনাশনম্।'
আত্মানমাত্মানা দণ্ডং সসৃজে দেবসত্তমঃ॥ 12-122-26 (69620)
তস্মাচ্চ ধর্মচরণান্নীতিং দেবীং সরস্বতীম্।
অসৃজদ্দণ্ডনীতিং বৈ ত্রিষু লোকেষু বিশ্রুতাম্॥ 12-122-27 (69621)
`যথাঽসৌ নীয়তে দণ্ডঃ সততং পাপকারিষু।
দণ্ডস্য নয়নাৎসা হি দণ্ডনীতিরিহোচ্যতে॥' 12-122-28 (69622)
ভূয়ঃ স ভগবান্ধ্যাৎবা চিরং শূলঘরঃ প্রভুঃ।
`অসৃজৎসর্বশাস্ত্রাণি মহাদেবো মহেশ্বরঃ॥ 12-122-29 (69623)
দণ্ডনীতেঃ প্রয়োগার্থং প্রমাণানি চ সর্বশঃ।
বিদ্যাশ্চতস্রঃ কূটস্থাস্তাসাং ভেদবিকল্পনাঃ॥ 12-122-30 (69624)
অঙ্গানি বেদাশ্চৎবারো মীমাংসা ন্যায়বিস্তরঃ।
পুরাণং ধর্মশাস্ত্রং চ বিদ্যা হ্যেতাশ্চতুর্দশ॥ 12-122-31 (69625)
আয়ুর্বেদো ধনুর্বেদো গান্ধর্বশ্চেতি তে ত্রয়ঃ।
অর্থশাস্ত্রং চতুর্থং তু বিদ্যা হ্যষ্টাদশৈব তু॥ 12-122-32 (69626)
দশ চাষ্টৌ চ বিখ্যাতা এতা ধর্মস্য সংহিতাঃ।
এতাসামেব বিদ্যানাং ব্যাসমাহ মহেশ্বরঃ॥ 12-122-33 (69627)
শতানি ত্রীণি শাস্ত্রাণাং মহাতন্ত্রাণি সপ্ততিম্।
ব্যাস এব তু বিদ্যানাং মহাদেবেন কীর্তিতঃ॥ 12-122-34 (69628)
তন্ত্রং পাশুপতং নাম পঞ্চরাত্রং চ বিশ্রুতম্।
যোগশাস্ত্রং চ সাঙ্খ্যং চ তন্ত্রং লোকায়তং তথা॥ 12-122-35 (69629)
তন্ত্রং ব্রহ্মতুলা নাম তর্কবিদ্যা দিবৌকসাম্।
সুখদুঃখার্থজিজ্ঞাসা কারণং চেতি বিশ্রুতম্॥ 12-122-36 (69630)
তর্কবিদ্যাস্তথা চাষ্টৌ স চোক্তো ন্যায়বিস্তরঃ।
দশ চাষ্টৌ চ বিজ্ঞেয়াঃ পৌরাণা যজ্ঞসংহিতাঃ॥ 12-122-37 (69631)
পুরাণাশ্চ প্রণীতাশ্চ তাবদেবেহ সংহিতাঃ।
ধর্মশাস্ত্রাণি তদ্বচ্চ একার্থানি চ নান্যথা॥ 12-122-38 (69632)
একার্থানি পুরাণানি বেদাশ্চৈকার্যসংহিতাঃ।
নানার্থানি চ সর্বাণি ততঃ শাস্ত্রাণি শংকরঃ॥ 12-122-39 (69633)
প্রোবাচ ভগবান্দেবঃ কালজ্ঞানানি যানি চ।
চতুঃষষ্টিপ্রমাণানি আয়ুর্বেদং চ সোত্তরম্॥ 12-122-40 (69634)
অষ্টাদশবিকল্পাং তাং দণ্ডনীতিং চ শাশ্বতীম্।
গান্ধর্বমিতিহাসং চ নানাবিস্তরমুক্তবান্॥ 12-122-41 (69635)
ইত্যেতাঃ শংকরপ্রোক্তা বিদ্যাঃ শব্দার্থসংহিতাঃ।
পুনর্ভেদসহস্রং তু তাসামেব তু বিস্তরঃ॥ 12-122-42 (69636)
ঋষিভির্দেবগন্ধর্বৈঃ সবিকল্পঃ সবিস্তরঃ।
শশ্বদভ্যস্যতে লোকে বেদ এব তু সর্বশঃ॥ 12-122-43 (69637)
বেদাশ্চতস্রঃ সংক্ষিপ্তা বেদবাদাশ্চ তে স্মৃতাঃ।
এতাসাং পারগো যশ্চ স চোক্তো বেদপারগঃ॥ 12-122-44 (69638)
বেদানাং পারগো রুদ্রো বিষ্ণুরিন্দ্রো বৃহস্পতিঃ।
শক্রঃ স্বায়ংভুবশ্চৈব মনুঃ পরমধর্মবিৎ॥ 12-122-45 (69639)
ব্রহ্মা চ পরমো দেবঃ সদা সর্বৈঃ সুরাসুরৈঃ।
সর্বস্যানুগ্রহাচ্চৈব ব্যাসো বৈ বেদপারগঃ॥ 12-122-46 (69640)
ভীষ্ম উবাচ। 12-122-47x (5670)
অহং শান্তনবো ভীষ্মঃ প্রসাদান্মাধবস্য চ।
শংকরস্য প্রসাদাচ্চ ব্রহ্মণশ্চ কুরূদ্বহ।
বেদপারগ ইত্যুক্তো যাজ্ঞবল্ক্যশ্চ সর্বশঃ॥ 12-122-47 (69641)
কল্পেকল্পে মহাভাগৈর্ঋষিভিস্তত্ৎবদর্শিভিঃ।
ঋষিপুত্রৈর্ঋষিগণৈর্ভিদ্যন্তে মিশ্রকৈরপি॥ 12-122-48 (69642)
শিবেন ব্রহ্মণা চৈব বিষ্ণুনা চ বিকল্পিতাঃ।
আদিকল্পে পুনশ্চৈব ভিদ্যন্তে সাধুভিঃ পুনঃ॥ 12-122-49 (69643)
ইদানীমপি বিদ্বদ্ভির্ভিদ্যন্তে চ বিকল্পকৈঃ।
পূর্বজন্মানুসারেণ বহুধেয়ং সরস্বতী॥ 12-122-50 (69644)
ভূয়ঃ স ভগবান্ধ্যাৎবা চিরং শূলবরায়ুধঃ।'
তস্যতস্য নিকায়স্য চকারৈকৈকমীশ্বরম্॥ 12-122-51 (69645)
দেবানামীশ্বরং চক্রে দৈবং দশশতেক্ষণম্।
যমং বৈবস্বতং চাপি পিতৄণামকরোৎপতিম্॥ 12-122-52 (69646)
অপাং রাজ্যে সুরাণাং চ বিদধে বরুণং প্রভুম্।
ধনানাং রাক্ষসানাং চ কুবেরমপি চেশ্বরম্॥ 12-122-53 (69647)
পর্বতানাং পতিং মেরুং সরিতাং চ মহোদধিম্।
মৃত্যুং প্রাণেশ্বরমথো তেজসাং চ হুতাশনম্॥ 12-122-54 (69648)
রুদ্রাণামপি চেশানং গোপ্তারং বিদধে প্রভুঃ।
মহাত্মানং মহাদেবং বিশালাক্ষং সনাতনম্॥ 12-122-55 (69649)
`দশ চৈকশ্চ যে রুদ্রাস্তস্যৈতে মূর্তিসংভবাঃ।
নানারূপধরো দেবঃ স এব ভগবাঞ্শিবঃ॥' 12-122-56 (69650)
বসিষ্ঠমীশং বিপ্রাণাং বসূনাং জাতবেদসম্।
তেজসাং ভাস্করং চক্রে নক্ষত্রাণাং নিশাকরম্॥ 12-122-57 (69651)
বীরুধাং বসুমন্তং চ ভূতানাং চ প্রভুং বরম্।
কুমারং দ্বাদশভুজং স্কন্দং রাজানমাদিশৎ॥ 12-122-58 (69652)
কালং সর্বেশমকরোৎসংহারবিনয়াত্মকম্।
মৃত্যোশ্চতুর্বিভাগস্য দুঃখস্য চ সুখস্য চ॥ 12-122-59 (69653)
ঈশ্বরো দেবদেবস্তু রাজরাজো নরাধিপঃ।
সর্বেষামেব রুদ্রাণাং শূলপাণিরিতি শ্রুতিঃ॥ 12-122-60 (69654)
`ঈশ্বরশ্চেতনঃ কর্তা পুরুষঃ কারণং শিবঃ।
বিষ্ণুর্ব্রহ্মা শশী সূর্যঃ শক্রো দেবাশ্চ সান্বয়াঃ॥ 12-122-61 (69655)
সৃজতে গ্রসতে চৈতত্তমোভূতমিদং যথা।
অপ্রজ্ঞাতং জগৎসর্বং যদা হ্যেকো মহেশ্বরঃ॥ ' 12-122-62 (69656)
তমেনং ব্রহ্মণঃ পুত্রমনুজাতং ক্ষুপং দদৌ।
প্রজানামধিপং শ্রেষ্ঠং সর্বধর্মভৃতামপি॥ 12-122-63 (69657)
মহাদেবস্ততস্তস্মিন্বৃত্তে যজ্ঞে সমাহিতঃ।
দণ়্ডং ধর্মস্য গোপ্তারং বিষ্ণবে সৎকৃতং দদৌ॥ 12-122-64 (69658)
বিষ্ণুরঙ্গিরসে প্রাদাদঙ্গিরা মুনিসত্তমঃ।
প্রাদাদিন্দ্রমরীচিভ্যা মরীচির্ভৃগবে দদৌ॥ 12-122-65 (69659)
ভৃগুর্দদাবৃষিভ্যস্তু দণ্ডং ধর্মসমাহিতম্।
ঋষয়ো লোকপালেভ্যো লোকপালাঃ ক্ষুপায় চ॥ 12-122-66 (69660)
ক্ষুপস্তু মনবে প্রাদাদাদিত্যতনয়ায় চ।
পুত্রেভ্যঃ শ্রাদ্ধদেবস্তু সূক্ষ্মধর্মার্থকারণাৎ॥ 12-122-67 (69661)
বিভজ্য দণ়্ডঃ কর্তব্যো দণ্ডে তু নয়মিচ্ছতা।
দুর্বাচা নিগ্রহো দণ্ডো হিরণ্যং বাহ্যতঃ ক্রিয়া॥ 12-122-68 (69662)
ব্যঙ্গৎবং চ শরীরস্য বধো বাঽনল্পকারণাৎ।
শরীরপীডা কার্যা তু স্বদেশাচ্চ বিবাসনম্॥ 12-122-69 (69663)
তং দদৌ সূর্যপুত্রায় মনবে রক্ষণাত্মকম্।
আনুপূর্ব্যাচ্চ দণ্ডোঽয়ং প্রজা জাগর্তি পালয়ন্॥ 12-122-70 (69664)
ইন্দ্রো জাগর্তি ভগবানিন্দ্রাদগ্নির্বিভাবসুঃ।
অগ্নের্জাগর্তি বরুণো বরুণাচ্চ প্রজাপতিঃ॥ 12-122-71 (69665)
প্রজাপতেস্ততো ধর্মো জাগর্তি বিনয়াত্মকঃ।
ধর্মাচ্চ ব্রহ্মণঃ পুত্রো ব্যবসায়ঃ সনাতনঃ॥ 12-122-72 (69666)
ব্যবসায়াত্ততস্তেজো জাগর্তি পরিপালয়ৎ।
ওষধ্যস্তেজসস্তস্মাদোষধীভ্যশ্চ পর্বতাঃ॥ 12-122-73 (69667)
পর্বতেভ্যশ্চ জাগর্তি রসো রসগুণাত্তথা।
জাগর্তি নির্ঋতির্দেবী জ্যোতীংষি নির্ঋতীমনু॥ 12-122-74 (69668)
বেদাঃ প্রতিষ্ঠা জ্যোতির্ভ্যস্ততো হয়শিরাঃ প্রভুঃ।
ব্রহ্মা পিতামহস্তস্মাজ্জাগর্তি প্রভুরব্যযঃ॥ 12-122-75 (69669)
পিতামহান্মহাদেবো জাগর্তি ভগবাঞ্শিবঃ।
বিশ্বেদেবাঃ শিবাচ্চাপি বিশ্বেভ্য ঋষয়স্তথা॥ 12-122-76 (69670)
ঋষিভ্যো ভগবান্সোমঃ সোমাদ্দেবাঃ সনাতনাঃ।
দেবেভ্যো ব্রাহ্মণা লোকে জাগ্রতীত্যুপধারয়॥ 12-122-77 (69671)
ব্রাহ্মণেভ্যশ্চ রাজন্যা লোকান্রক্ষন্তি ধর্মতাঃ।
স্থাবরং জঙ্গমং চৈব ক্ষত্রিয়েভ্যঃ সনাতনম্॥ 12-122-78 (69672)
প্রজা জাগ্রতি লোকেঽস্মিন্দণ্ডো জাগর্তি তাসু চ।
সর্বসংক্ষেপকো দণ়্ডঃ পিতামহসুতঃ প্রভুঃ॥ 12-122-79 (69673)
জাগর্তি কালঃ পূর্বং চ মধ্যে চান্তে চ ভারত।
ঈশঃ সর্বস্য কালো হি মহাদেবঃ প্রজাপতিঃ॥ 12-122-80 (69674)
দেবদেবঃ শিবঃ সর্বো জাগর্তি সততং প্রভুঃ।
কপর্দী শংকরো রুদ্রো ভবঃ স্থাণুরুমাপতিঃ॥ 12-122-81 (69675)
ইত্যেষ দণ্ডো ব্যাখ্যাতস্তথৌষধ্যস্তথাপরে।
ভূমিপালো যথান্যায়ং বর্তেতানেন ধর্মবিৎ॥ 12-122-82 (69676)
ভীষ্ম উবাচ। 12-122-83x (5671)
ইতীদং বসুহোমস্য যোঽঽত্মবাঞ্শৃণুয়ান্মতম্।
শ্রুৎবা সম্যক্প্রবর্তেত স লোকানাপ্নুয়ান্নৃপঃ॥ 12-122-83 (69677)
ইতি তে সর্বমাখ্যাতং যো দণ্ডো মনুজর্ষভ।
নিয়ন্তা সর্বলোকস্য ধর্মাক্রান্তস্য ভারত॥ 12-122-84 (69678)
`বসুহোমাচ্ছ্রুতং রাজ্ঞা মান্ধাত্রা ভূভৃতা পুরা।
ময়াপি কথিতং রাজন্নাখ্যানং প্রথিতং ময়া॥' ॥ 12-122-85 (69679)
ইতি শ্রীমন্মহাভারতে শান্তিপর্বণি রাজধর্মপর্বণি দ্বাবিংশত্যধিকশততমোঽধ্যায়ঃ॥ 122॥
Mahabharata - Shanti Parva - Chapter Footnotes
12-122-1 অত্র দণ্ডোৎপত্তৌ বিষয়ে॥ 12-122-13 আচার্যবেতনং গুরুদক্ষিণাম্॥ 12-122-15 যিয়ক্ষুর্যষ্টুমিচ্ছুঃ॥ 12-122-16 সগর্ভং শিরসা দেবঃ ইতি ঝ. পাঠঃ। ক্ষুবতঃ ক্ষুতবতঃ॥ 12-122-18 অষ্টং রূপং দীক্ষাপরিগ্রহঃ প্রজানিয়ন্তা দীক্ষাং প্রবিষ্ট ইতি নিয়মনরূপো দণ্ডোঽন্তর্হিতোঽভবদিত্যর্থঃ॥ 12-122-59 কর্তুমর্হসি কেশব ইতি ঝ. পাঠঃ। বিনয়ো বিবৃদ্ধিঃ। চৎবারো বিভাগা যস্য তস্য শস্ত্রং শত্রুর্যমঃ কর্ম চ। রোগোঽপথ্যাশনপ্রয়োজকো রাগো যমঃ কর্ম চেতি বা॥ 12-122-68 বিভজ্য ন্যায়ং ন্যায়াভাসং চ বিবিচ্য। দুষ্টনিগ্রহ এব দণ্ডস্য মুখ্যং প্রয়োজনম্। হিরণ্যাদিগ্রহণং তু লোকানাং বিভীষিকার্থং নতু কোশ বৃদ্ধ্যর্থমিত্যর্থঃ॥ 12-122-69 বিবাসনং স্বদেশাদ্দূরীকরণাম্॥ 12-122-73 ওষধীভ্যশ্চ পাদপাঃ ইতি ট. পাঠঃ॥ 12-122-74 পাদপেভ্যশ্চ জাগর্তি ইতি ট. পাঠঃ॥শান্তিপর্ব - অধ্যায় 123
॥ শ্রীঃ ॥
12.123. অধ্যায়ঃ 123
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ধর্মাদিনিরূপণপূর্বকং কামন্দারিষ্টসংবাদানুবাদেন ধর্মত্যাগিনঃ প্রায়শ্চিত্তপ্রকারাদিকথনম্॥ 1॥Mahabharata - Shanti Parva - Chapter Text
12-123-0 (69680)
যুধিষ্ঠির উবাচ। 12-123-0x (5672)
তাত ধর্মার্থকামানাং শ্রোতুমিচ্ছামি নিশ্চয়ম্।
লোকয়াত্রা হি কার্ৎস্ন্যেন ত্রিষ্বেতেষু প্রতিষ্ঠিতা॥ 12-123-1 (69681)
ধর্মার্থকামাঃ কিংমূলাঃ প্রভবঃ প্রলয়শ্চ কঃ।
অন্যোন্যং চানুষজ্জন্তে বর্তন্তে চ পৃথক্পৃথক্॥ 12-123-2 (69682)
ভীষ্ম উবাচ। 12-123-3x (5673)
য এতে স্যুঃ সুমনসো লোকসংস্থার্থনিশ্চয়ে।
কামপ্রভবসংস্থাসু সজ্জন্তে চ ত্রয়স্তদা॥ 12-123-3 (69683)
ধর্মমূলোঽর্থ ইত্যুক্তঃ কামোঽর্থফলমুচ্যতে।
সংকল্পমূলাস্তে সর্বে সংকল্পো বিষয়াত্মকঃ॥ 12-123-4 (69684)
বিষয়াশ্চৈব কার্ৎস্ন্যেন সর্ব আহারসিদ্ধয়ে।
মূলমেতন্ত্রিবর্গস্য নিবৃত্তির্মোক্ষ উচ্যতে॥ 12-123-5 (69685)
ধর্মঃ শরীরসংগুপ্তির্ধর্মার্থশ্চার্থ ইষ্যতে।
কামো রতিফলশ্চাত্র সর্বে রতিফলাঃ স্মৃতাঃ॥ 12-123-6 (69686)
সন্নিকৃষ্টাংশ্চরেদেতান্ন চৈতান্মনসা ত্যজেৎ।
বিমুক্তস্তপসা সর্বান্ধর্মাদীন্কামনৈষ্ঠিকান্॥ 12-123-7 (69687)
শ্রেষ্ঠবুদ্ধিস্ত্রিবর্গস্য উদয়ং প্রাপ্নুয়াৎক্ষণাৎ।
[কর্মণা বুদ্ধিপূর্বেণ ভবত্যর্থো ন বা পুনঃ॥] 12-123-8 (69688)
অর্থার্থমন্যদ্ভবতি বিপরীতমথাপরম্।
অনর্থার্থমবাপ্যার্থমন্যত্রাদ্যোপকারকম্।]
বুদ্ধ্যা বুদ্ধ ইহার্থেন তদহ্না তু নিকৃষ্টয়া॥ 12-123-9 (69689)
অপধ্যানমলো ধর্মো মলোঽর্থস্য নিগূহনম্।
সংপ্রমোহমলঃ কামো ভূয়স্তদ্গুণবর্ধিতঃ॥ 12-123-10 (69690)
অত্রাপ্যুদাহরন্তীমমিতিহাসং পুরাতনম্।
অরিষ্টস্য চ সংবাদং কামন্দস্য চ ভারত॥ 12-123-11 (69691)
কামন্দমৃষিমাসীনমভিবাদ্য নরাধিপঃ।
আঙ্গোরিষ্ঠোঽথ পপ্রচ্ছ কৃৎবা সময়মব্যযম্॥ 12-123-12 (69692)
যঃ পাপং কুরুতে রাজা কামমোহবলাৎকৃতঃ।
প্রত্যাসন্নস্য তস্যর্ষে কিং স্যাৎপাপপ্রণাশনম্॥ 12-123-13 (69693)
অধর্মং ধর্ম ইতি চ যো মোহাদাচরেন্নরঃ।
তং চাপি প্রথিতং লোকে কথং রাজা নিবর্তয়েৎ॥ 12-123-14 (69694)
কামন্দ উবাচ। 12-123-15x (5674)
যো ধর্মার্থৌ পরিত্যজ্য কামমেবানুবর্ততে।
স ধর্মার্থপরিত্যাগাৎপ্রজ্ঞানাশমিহার্চ্ছতি॥ 12-123-15 (69695)
প্রজ্ঞানাশাত্মকো মোহস্তথা ধর্মার্থনাশকঃ।
তস্মান্নাস্তিকতা চৈব দুরাচারশ্চ জায়তে॥ 12-123-16 (69696)
দুরাচারান্যদা রাজা প্রদুষ্টান্ন নিয়চ্ছতি।
তস্মাদুদ্বিজতে লোকঃ সর্পাদ্বেশ্মগতাদিব॥ 12-123-17 (69697)
তং প্রজা নানুরজ্যন্তে ন বিপ্রা ন চ সাধবঃ।
ততঃ সংক্ষয়মাপ্নোতি তথা বধ্যৎবমেব চ॥ 12-123-18 (69698)
অপধ্বস্তস্ৎববমতো দুঃখং জীবতি জীবিতম্।
জীবতে যদপধ্বস্তঃ শুদ্ধং মরণমেব তৎ॥ 12-123-19 (69699)
অত্রৈতদাহুরাচার্যাঃ পাপস্য পরিবর্তনম্।
সেবিতব্যা ত্রয়ী বিদ্যা সৎকারো ব্রাহ্মণেষু চ॥ 12-123-20 (69700)
মহামনা ভবেদ্ধর্মে বিবহেচ্চ মহাকুলে।
ব্রাহ্মণাংশ্চাপি সেবেত ক্ষমায়ুক্তান্মনস্বিনঃ॥ 12-123-21 (69701)
জপেদুদকশীলঃ স্যাৎসুমুখো ন চ নাস্তিকঃ।
ধর্মান্বিতান্সংপ্রবিশেদ্বহিঃ প্লুত্যৈব দুষ্কৃতম্॥ 12-123-22 (69702)
প্রসাদয়েন্মধুরয়া বাচা বাঽপ্যথ কর্মণা।
ইত্যস্তীতি বদেন্নিত্যং পরেষাং কীর্তয়ন্গুণান্॥ 12-123-23 (69703)
অপাপো হ্যেবমাচারঃ ক্ষিপ্রং বহুমতো ভবেৎ।
পাপান্যপি হি কৃচ্ছ্রাণি শময়েন্নাত্র সংশয়ঃ॥ 12-123-24 (69704)
গুরবো হি পরং ধর্মং যং ব্রূয়ুস্তং তথা কুরু।
গুরূণাং হি প্রসাদাদ্বৈ শ্রেয়ঃ পরমবাপ্স্যসি॥ ॥ 12-123-25 (69705)
ইতি শ্রীমন্মহাভারতে শান্তিপর্বণি রাজধর্মপর্বণি ত্রয়োবিংশত্যধিকশততমোঽধ্যায়ঃ॥ 123॥
Mahabharata - Shanti Parva - Chapter Footnotes
12-123-2 কিংমূলাঃ কিমুদ্দিশ্য ক্রিয়ন্ত ইত্যর্থঃ। প্রভবত্যস্মাদিতি প্রভবঃ। কিমেষামুৎপত্তিস্থানম্। তেষাং সাহিত্যং কথং পৃথক্পৃথকবচ কথমিতি চৎবারঃ প্রশ্নাঃ॥ 12-123-3 সূচীকটাহন্যায়েন ধর্মার্থকামানাং সাহিত্যমাহ য ইতি। তে ধর্মার্থকামাস্ত্রয়োঽপি সজ্জন্তে যুগপদুৎপদ্যন্তে॥ 12-123-7 স্বর্গাদিকং বাহ্যং ফলং বিপ্রকৃষ্টং তদর্থা এতে বিপ্রকৃষ্টাঃ। আত্মজ্ঞানরূপং ফলং তু সন্নিকৃষ্টং তদর্থা এতে সন্নিকৃষ্টাস্তাংশ্চরেৎ সেবেত। ধর্মশ্চিত্তশুদ্ধ্যর্থোঽর্থো নিষ্কামকর্মার্থঃ কামো দেহধারণমাত্রার্থঃ ইত্যেবমেতে সেব্যা ইত্যর্থঃ। ধর্মাদীন্কামনৈষ্ঠিকান্কামান্তান্ধর্মার্থকামান্সর্বানপি মনসাপি ন ত্যজেৎকিমুত স্বরূপেণ ন ত্যজেদিত্যর্থঃ। কথং তর্হ্যেতাংস্ত্যজেদিত্যাহ তপসা বিমুক্ত ইতি। বিচারেণৈব তেভ্যো বিমুক্তো ভবেৎ। সঙ্গফলত্যাগপূর্বকং ধর্মাদীননুতিষ্ঠেদিতি ভাবঃ॥ 12-123-8 অস্মাৎকর্মণ ইদং ফলং প্রাপ্স্যে ইতি বুদ্ধিপূর্বং কৃতেনাপি কর্মণার্থঃ কদাচিদ্ভবতি কদাচিন্নেতি ব্যভিচারঃ॥ 12-123-9 অর্থার্থং ধর্মাদপি অন্যৎ সেবাকৃষ্যাদিকং ভবতীতি ন ধর্মৈকলভ্যোঽর্থং ইত্যর্থার্থং ধর্মো ন কার্যঃ। প্রত্যুত বিপরীতমপি অপরং মতমস্তি কেচিদ্ধঠেনৈবার্থো ভবতি স্বভাবেন বা দৈবেন বেতি মন্যত ইতি তদর্থমলং ধর্মেণেত্যর্থঃ। এবং ধর্মস্যার্থহেতুৎবং দূরীকৃত্যার্থস্যাপি ধর্মহেতুৎবং দূষয়তি। অর্থমবাপ্যাঽপি জগদনর্থার্থমপায়ার্থং ভবতি। তথাহি ধনমত্তঃ সর্বং পাপং করোতীতি নার্থেন ধর্মোৎপত্তির্নিত্যাস্তি। অর্থং বিনাপি ধর্মোৎপত্তিরস্তীত্যাহান্যত্রাদ্যোপকারকম্। স্বার্থে ত্রল্। অন্যত্রান্যদেবোপবাসব্রতাদিকং আদ্যস্য ধর্মস্যোপকারকং বর্ধকং ভবতি॥ 12-123-10 অপধ্যানং ফলাভিসন্ধিঃ। নিগূহনং দানভোগয়োরপ্রতিপাদনম্॥ 12-123-13 প্রত্যাসন্নস্য পশ্চাত্তপ্তস্য॥ 12-123-20 এবং নিন্দিতস্য কর্তব্যমাহ অত্রেতি॥ 12-123-23 তবাস্মীতি বদেন্নিত্যং ইতি ঝ. পাঠঃ॥শান্তিপর্ব - অধ্যায় 124
॥ শ্রীঃ ॥
12.124. অধ্যায়ঃ 124
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি দুর্যোধনায় ধৃতরাষ্ট্রপ্রোক্তেন্দ্রপ্রহ্লাদকথানুবাদপূর্বকং শীলস্য ধর্মাদিকারণৎবপ্রতিপাদনম্॥ 1॥Mahabharata - Shanti Parva - Chapter Text
12-124-0 (69706)
যুধিষ্ঠির উবাচ। 12-124-0x (5675)
ইমে জনা মনুষ্যেন্দ্র প্রশংসন্তি সদা ভুবি।
ধর্মস্য শীলমেবাদৌ ততো মে সংশয়ো মহান্॥ 12-124-1 (69707)
যদি তচ্ছক্যমস্মাভির্জ্ঞাতুং ধর্মভূতাং বর।
শ্রোতুমিচ্ছামি তৎসর্বং যথৈতদুপলভ্যতে॥ 12-124-2 (69708)
কথং তৎপ্রাপ্যতে শীলং শ্রোতুমিচ্ছামি ভারত।
কিংলক্ষণং চ তৎপ্রোক্তং ব্রূহি মে বদতাং বর॥ 12-124-3 (69709)
ভীষ্ম উবাচ। 12-124-4x (5676)
পুরা দুর্যোধনেনেহ ধৃতরাষ্ট্রায় মানদ।
আখ্যাতং তপ্যমানেন শ্রিয়ং দৃষ্ট্বা তবাগতাম্॥ 12-124-4 (69710)
ইন্দ্রপ্রস্থে মহারাজ তব সভ্রাতৃকস্য হ।
সভায়াং চাপহসনং তৎসর্বং শৃণু ভারত॥ 12-124-5 (69711)
ভবতস্তাং সভাং দৃষ্ট্বা সমৃদ্ধিং চাপ্যনুত্তমাম্।
দুর্যোধনস্তদা দীনঃ সর্বং পিত্রে ন্যবেদয়ৎ॥ 12-124-6 (69712)
শ্রুৎবা হি ধৃতরাষ্ট্রশ্চ দুর্যোধনবচস্তদা।
অব্রবীৎকর্ণসহিতং দুর্যোধনমিদং বচঃ॥ 12-124-7 (69713)
ধৃতরাষ্ট্র উবাচ। 12-124-8x (5677)
কিমর্থং তপ্যসে পুত্র শ্রোতুমিচ্ছামি তত্ৎবতঃ।
শ্রুৎবা ৎবামনুনেষ্যামি যদি সম্যগ্ভবিষ্যতি॥ 12-124-8 (69714)
যদা ৎবাং মহদৈশ্বর্যং প্রাপ্তং পরপুরংজয়।
কিংকরা ভ্রাতরঃ সর্বে মিত্রসংবন্ধিবান্ধবাঃ॥ 12-124-9 (69715)
আচ্ছাদয়সি প্রাবারানশ্নাসি পিশিতৌদনম্।
আজানেয়া বহন্তি ৎবাং কস্মাচ্ছেচসি পুত্রক॥ 12-124-10 (69716)
দুর্যোধন উবাচ। 12-124-11x (5678)
দশ তাত সহস্রাণি স্নাতকানাং মহাত্মনাম্।
ভুঞ্জতে রুক্মপাত্রীভির্যুধিষ্ঠিরনিবেশনে॥ 12-124-11 (69717)
দৃষ্ট্বা চ তাং সভাং দিব্যপুষ্পফলান্বিতাম্।
অশ্বাংস্তিত্তিরকল্মাষান্রত্নানি বিবিধানি চ॥ 12-124-12 (69718)
দৃষ্ট্বা তাং পাণ্ডবেয়ানামৃদ্ধিমিন্দ্রোপমাং শুভাম্।
অমিত্রাণাং সুমহতীমনুশোচামি মানদ॥ 12-124-13 (69719)
ধৃতরাষ্ট্র উবাচ। 12-124-14x (5679)
যদীচ্ছসি শ্রিয়ং তাত যাদৃশী সা যুধিষ্ঠিরে।
বিশিষ্টাং বা নরশ্রেষ্ঠ শীলবান্ভব পুত্রক॥ 12-124-14 (69720)
শীলেন হি ত্রয়ো লোকাঃ শক্যা জেতুং ন সংশয়ঃ।
ন হি কিংচিদসাধ্যংবৈ লোকে শীলবতাং সতাম্॥ 12-124-15 (69721)
একরাত্রেণ মান্ধাতা ত্র্যহেণ জনমেজয়ঃ।
সপ্তরাত্রেণ নাভাগঃ পৃথিবীং প্রতিপেদিবান্॥ 12-124-16 (69722)
এতে হি পার্থিবাঃ সর্বে শীলবন্তো যশোন্বিতাঃ।
ততস্তেষাং গুণক্রীতা বসুধা স্বয়মাগতা॥ 12-124-17 (69723)
দুর্যোধন উবাচ। 12-124-18x (5680)
কথং তৎপ্রাপ্যতে শীলং শ্রোতুমিচ্ছামি ভারত।
যেন শীলেন সংপ্রাপ্তাঃ ক্ষিপ্রমেব বসুংধরাম্॥ 12-124-18 (69724)
ধৃতরাষ্ট্র উবাচ। 12-124-19x (5681)
অত্রাপ্যুদাহরন্তীমমিতিহাসং পুরাতনম্।
নারদেন পুরা বৃত্তং শীলমাশ্রিত্য ভারত॥ 12-124-19 (69725)
প্রা--দেন হৃতং রাজ্যং মহেন্দ্রস্য মহাত্মনঃ।
শ---মাশ্রিত্য দৈত্যেন ত্রৈলোক্যং চ বশে কৃতম্॥ 12-124-20 (69726)
ত--বৃহস্পতিং শক্রঃ প্রাঞ্জলিঃ সমুপস্থিতঃ।
তমুবাচ মহাপ্রাজ্ঞঃ শ্রেয় ইচ্ছামি বেদিতুম্॥ 12-124-21 (69727)
ততো বৃহস্পতিস্তস্মৈ জ্ঞানং নৈশ্রেয়সং পরম্।
কথয়ামাস ভগবান্দেবেন্দ্রায় কুরূদ্বহ॥ 12-124-22 (69728)
এতাবচ্ছ্রেয় ইত্যেব বৃহস্পতিরভাষত।
ইন্দ্রস্তু ভূয়ঃ পপ্রচ্ছ কো বিশেষো ভবেদিতি॥ 12-124-23 (69729)
বৃহস্পতিরুবাচ। 12-124-24x (5682)
বিশেষোঽস্তি মহাংস্তাত ভার্গবস্য মহাত্মনঃ।
তত্রাগময় ভদ্রং তে ভূয় এব সুরোত্তম॥ 12-124-24 (69730)
আত্মনস্তু ততঃ শ্রেয়ো ভার্গবঃ সুমহায়শাঃ।
জ্ঞানমাগময়ৎপ্রীত্যা পুনঃ স পরমদ্যুতিঃ॥ 12-124-25 (69731)
তেনাপি সমনুজ্ঞাতো ভার্গবেণ মহাত্মনা।
শ্রেয়োঽস্তীতি পরং ভূয়ঃ শুক্রমাহ শতক্রতুঃ॥ 12-124-26 (69732)
ভার্গবস্ৎবাহ সর্বজ্ঞঃ প্রহ্লাদস্য মহাত্মনঃ।
জ্ঞানমস্তি বিশেষেণেত্যুক্তো হৃষ্টশ্চ সোঽভবৎ॥ 12-124-27 (69733)
স তত্র ব্রাহ্মণো ভূৎবা প্রহ্লাদং পাকশাসনঃ।
স্তুৎবা প্রোবাচ মেধাবী শ্রেয় ইচ্ছামি বেদিতুম্॥ 12-124-28 (69734)
প্রহ্লাদস্ৎবব্রবীদ্বিপ্রং ক্ষণো নাস্তি দ্বিজোত্তম।
ত্রৈলোক্যরাজ্যসক্তস্য ততো নোপদিশামি তে॥ 12-124-29 (69735)
ব্রাহ্মণস্ৎবব্রবীদ্রাজন্যস্মিন্কালে ক্ষণো ভবেৎ।
তদোপাদেষ্টুমিচ্ছামি যদি কার্যান্তরং ভবেৎ॥ 12-124-30 (69736)
ততঃ প্রীতোঽভবদ্রাজা প্রহ্বাদো ব্রহ্মবাদিনঃ।
তথেত্যুক্ৎবা দদৌ কালে জ্ঞানতত্ৎবং দ্বিজে তদা॥ 12-124-31 (69737)
ব্রাহ্মণোঽপি যথান্যায়ং গুরুবৃত্তিমনুত্তমাম্।
চকার সর্বভাবেন যদ্যচ্চ মনসেচ্ছতি॥ 12-124-32 (69738)
পৃষ্টশ্চ তেন বহুশঃ প্রাপ্তং কথমরিংদম্।
ত্রৈলোক্যরাজ্যং ধর্মজ্ঞ কারণং তদ্ব্রবীহি মে।
[প্রহ্লাদোঽপি মহারাজ ব্রাহ্মণং বাক্যমব্রবীৎ॥] 12-124-33 (69739)
প্রহ্লাদ উবাচ। 12-124-34x (5683)
নাসূয়ামি দ্বিজান্বিপ্র রাজাস্মীতি কথংচন।
কাম্যানি বদতাং তেষাং সংয়চ্ছামি বহামি চ॥ 12-124-34 (69740)
তে বিস্রব্ধাঃ প্রভাষন্তে সংয়চ্ছন্তি চ মাং সদা।
তেষাং কার্যপথে যুক্তং শুশ্রূষুমনহংকৃতম্॥ 12-124-35 (69741)
ধর্মাত্মানং জিতক্রোধং নিয়তং সংয়তেন্দ্রিয়ম্।
সমাসিঞ্চন্তি শাস্ত্রজ্ঞাঃ ক্ষৌদ্রং মধ্বিব মক্ষিকাঃ॥ 12-124-36 (69742)
সোঽহং বাগগ্রবিদ্যানাং রসানামবলেহিতা।
স্বজাত্যানধিতিষ্ঠামি নক্ষত্রাণীব চন্দ্রমাঃ॥ 12-124-37 (69743)
এতৎপৃথিব্যামমৃতমেতচ্চক্ষুরনুত্তমম্।
যদ্ব্রাহ্মণমুখে হব্যমেতচ্ছ্রুৎবা প্রবর্ততে॥ 12-124-38 (69744)
এতাবচ্ছেয় ইত্যাহ প্রহ্লাদো ব্রহ্মবাদিনম্।
শুশ্রূষিতস্তেন তদা দৈত্যেন্দ্রো বাক্যমব্রবীৎ॥ 12-124-39 (69745)
যথাবদ্গুরুবৃত্ত্যা তে প্রীতোঽস্মি দ্বিজসত্তম।
বরং বৃণীষ্ব ভদ্রং তে প্রদাতাঽস্মি ন সংশয়ঃ॥ 12-124-40 (69746)
কৃতমিত্যেব দৈত্যেন্দ্রমুবাচ দ্বিজসত্তমঃ।
প্রহ্লাদস্ৎবব্রবীৎপ্রীতো গৃহ্যতাং বর ইত্যুত॥ 12-124-41 (69747)
ব্রাহ্মণ উবাচ। 12-124-42x (5684)
যদি রাজন্প্রসন্নস্ৎবং মম চেদিচ্ছসি প্রিয়ম্।
ভবতঃ শীলমিচ্ছামি প্রাপ্নুমেষ বরো মম॥ 12-124-42 (69748)
ততঃ প্রীতস্তু দৈত্যেন্দ্রো ভয়মস্যাভবন্মহৎ।
বরে প্রদিষ্টে বিপ্রেণ নাল্পচেতায়মিত্যুত॥ 12-124-43 (69749)
এবমস্ৎবিতি স প্রাহ প্রহ্লাদো বিস্মিতস্তদা।
উপাকৃত্য তু বিপ্রায় বরং দুঃখান্বিতোঽভবৎ॥ 12-124-44 (69750)
দত্তে বরে গতে বিপ্রে চিন্তাঽসীন্মহতী তদা।
প্রহ্লাদস্য মহারাজ নিশ্চয়ং ন চ জগ্মিবান্॥ 12-124-45 (69751)
তস্য চিন্তয়তস্তাবচ্ছায়াভূতং মহাদ্যুতেঃ।
তেজোবিগ্রহবত্তাত শরীরমজহাত্তদা॥ 12-124-46 (69752)
তমপৃচ্ছন্মহারাজঃ প্রহ্লাদঃ কো ভবানিতি।
প্রত্যাহ তং তু শীলোস্মি ত্যক্তো গচ্ছাম্যহং ৎবয়া॥ 12-124-47 (69753)
তস্মিন্দ্বিজোত্তমে রাজন্বৎস্যাম্যহমরিংদম।
যোঽসৌ শিষ্যৎবমাগম্য ৎবয়ি নিত্যং সমাহিতঃ।
ইত্যুক্ৎবাঽন্তর্হিতং তদ্বৈ শক্রং চান্বাবিশৎপ্রভো॥ 12-124-48 (69754)
তস্মিংস্তেজসি যাতে তু তাদৃগ্রূপস্ততোপরঃ।
শরীরান্নিঃ সৃতস্তস্য কো ভবানিতি সোব্রবীৎ॥ 12-124-49 (69755)
ধর্মং প্রহ্লাদ মাং বিদ্ধি যত্রাসৌ দ্বিজসত্তমঃ।
তত্র যাস্যামি দৈত্যেন্দ্র যতঃ শীলং ততো হ্যহম্॥ 12-124-50 (69756)
ততোঽপরো মহারাজ প্রজ্বলন্নিব তেজসা।
শরীরান্নিঃ সৃতস্তস্য প্রহ্লাদস্য মহাত্মনঃ॥ 12-124-51 (69757)
কো ভবানিতি পৃষ্টশ্চ তমাহ স মহাদ্যুতিঃ।
সত্যং বিদ্ধ্যসুরেন্দ্রাদ্য প্রয়াস্যে ধর্মমন্বহম্॥ 12-124-52 (69758)
তস্মিন্ননুগতে ধর্মং পুরুষে পুরুষোঽপরঃ।
নিশ্চক্রাম ততস্তস্মাৎপৃষ্টশ্চাহ মহাতপাঃ॥ 12-124-53 (69759)
বৃত্তং প্রহ্লাদ মাং বিদ্ধি যতঃ সত্যং ততো হ্যহম্।
তস্মিন্গতে মহাশ্বেতা শরীরাত্তস্য নির্যযৌ॥ 12-124-54 (69760)
পৃষ্টশ্চাহ বলং বিদ্ধি যতো বৃত্তমহং ততঃ।
ইত্যুক্ৎবা প্রয়যৌ তত্র যতো বৃত্তং নরাধিপ॥ 12-124-55 (69761)
ততঃ প্রভাময়ী দেবী শরীরাত্তস্য নির্যযৌ।
তামপৃচ্ছৎস দৈত্যেন্দ্রঃ সা শ্রীরিত্যেনমব্রবীৎ॥ 12-124-56 (69762)
উষিতাঽস্মি সুখং নিত্যং ৎবয়ি সত্যপরাক্রম।
ৎবয়া যুক্তা গমিষ্যামি বলং হ্যনুগতা হ্যহম্॥ 12-124-57 (69763)
ততো ভয়ং প্রাদুরাসীৎপ্রহ্লাদস্য মহাত্মনঃ।
অপৃচ্ছত চ তাং ভূয়ঃ ক্ব যাসি কমলালয়ে॥ 12-124-58 (69764)
ৎবং হি সত্যব্রতা দেবী লোকস্য পরমেশ্বরী।
কশ্চাসৌ ব্রাহ্মণশ্রেষ্ঠস্তত্ৎবমিচ্ছামি বেদিতুম্॥ 12-124-59 (69765)
শ্রীরুবাচ। 12-124-60x (5685)
স শক্তো ব্রহ্মচারী যস্ৎবত্তশ্চৈবোপশিক্ষিতঃ।
ত্রৈলোক্যে তে যদশ্বর্যং তত্তেনাপহৃতং প্রভো॥ 12-124-60 (69766)
শীলেন হি ত্রয়ো লোকাস্ৎবয়া ধর্মজ্ঞ নির্জিতাঃ।
তদ্বিজ্ঞায় সুরেন্দ্রেণ তব শীলং হৃতং প্রভো॥ 12-124-61 (69767)
ধর্মঃ সত্যং তথা বৃত্তং বলং চৈব তথাঽপ্যহম্।
শীলমূলা মহাপ্রাজ্ঞ সদা নাস্ত্যত্র সংশয়ঃ॥ 12-124-62 (69768)
ভীষ্ম উবাচ। 12-124-63x (5686)
এবমুক্ৎবা গতা শ্রীস্তু তে চ সর্বে যুধিষ্ঠির।
দুর্যোধনস্তু পিতরং ভূয় এবাব্রবীত্তদা॥ 12-124-63 (69769)
শীলস্য তত্ৎবমিচ্ছামি বেত্তুং কৌরবনন্দন।
প্রাপ্যতে চ যথা শীলং তং চোপায়ং ব্রবীহি মে॥ 12-124-64 (69770)
ধৃতরাষ্ট্র উবাচ। 12-124-65x (5687)
সোপায়ং পূর্বমুদ্দিষ্টং প্রহ্লাদেন মহাত্মনা।
সংক্ষেপতস্তু শীলস্য শৃণু প্রাপ্তিং নরেশ্বর॥ 12-124-65 (69771)
অদ্রোহঃ সর্বভূতেষু কর্মণা মনসা গিরা।
অনুগ্রহশ্চ দানং চ শীলমেতৎপ্রশস্যতে॥ 12-124-66 (69772)
যদন্যেষাং হিতং ন স্যাদাত্মনঃ কর্ম পৌরুষম্।
অপত্রপেত বা যেন ন তৎকুর্যাৎকথংচন॥ 12-124-67 (69773)
তত্তু কর্ম তথা কুর্যাদ্যেন শ্লাধ্যেত সংসদি।
শীলং সমাসেনৈতত্তে কথিতং কুরুসত্তম॥ 12-124-68 (69774)
যদ্যপ্যশীলা নৃপতে প্রাপ্নুবন্তি শ্রিয়ং ক্বচিৎ।
ন ভুঞ্জতে চিরং তাত সমূলাশ্চ পতন্তি তে॥ 12-124-69 (69775)
ধৃতরাষ্ট্র উবাচ। 12-124-70x (5688)
এতদ্বিদিৎবা তত্ৎবেন শীলবান্ভব পুত্রক।
যদীচ্ছসি শ্রিয়ং তাত সুবিশিষ্টাং যুধিষ্ঠিরাৎ।
`অধিকাং চাপি রাজেন্দ্র ততস্ৎবং শীলবান্ভবা॥' 12-124-70 (69776)
ভীষ্ম উবাচ। 12-124-71x (5689)
এতৎকথিতবান্পুত্রে ধৃতরাষ্ট্রো মহীপতিঃ।
এতৎকুরুষ্ব কৌন্তেয় ততঃ প্রাপ্স্যসি তৎফলম্॥ ॥ 12-124-71 (69777)
ইতি শ্রীমন্মহাভারতে শান্তিপর্বণি রাজধর্মপর্বণি চতুর্বিশত্যধিকশততমোঽধ্যায়ঃ॥ 124॥
Mahabharata - Shanti Parva - Chapter Footnotes
12-124-1 ধর্মস্য কারণমিতি শেষঃ॥ 12-124-8 যদি সম্যগ্ভবিষ্যসাতি দ. পাঠঃ॥ 12-124-13 ঋদ্ধিং বৈশ্রবণীমিতি ঝ. পাঠঃ॥ 12-124-22 নৈশ্রেয়চসং মোক্ষোপয়োগি॥ 12-124-23 কো বিশেষঃ। নৈশ্রেয়সাদপি কিংশ্রেয় ইত্যর্থঃ॥ 12-124-37 ক্ষুদ্রাভির্মধুমক্ষিকাভির্নির্মিতং ক্ষৌদ্রং মধু। তত্র মক্ষিকামধ্বিব মাং তে শাস্ত্রেণ সিঞ্চন্তি। বাগগ্রবিদ্যানাং বাগগ্রে এবং নতু পুস্তকে বিদ্যা যেষাং তেষাম্। সোঽহং বাগন্ত্যপুষ্টানাং মধূনাং পরিলেহিতেতি ড. পাঠঃ॥ 12-124-43 বিপ্রেণ বিপ্রায়। চেতায়মিতি সংধিরার্ষঃ॥ 12-124-46 তেজোবিগ্রহবৎ তেজোময়শরীরং শীলম্॥ 12-124-64 শীলং সমধিগচ্ছামীতি থ. পাঠঃ॥শান্তিপর্ব - অধ্যায় 125
॥ শ্রীঃ ॥
12.125. অধ্যায়ঃ 125
Mahabharata - Shanti Parva - Chapter Topics
আশানিরূপণং প্রার্থিতেন ভীষ্মেণ তদুপোদ্ধাততয়া ঋষভসুমিত্রচরিত্রকীর্তনারম্ভঃ॥ 1॥ মৃগয়াসক্তেন সুমিত্রেণ নিজশরানুবেধে শরেণ সহ বনং প্রবিষ্টং মৃগং প্রত্যনুধাবনম্॥ 2॥Mahabharata - Shanti Parva - Chapter Text
12-125-0 (69778)
যুধিষ্ঠির উবাচ। 12-125-0x (5690)
শীলং প্রধানং পুরুষে কথিতং তে পিতামহ।
কথমাশা সমুৎপন্না কা চ সা তদ্বদস্ব মে॥ 12-125-1 (69779)
সংশয়ো মে মহানেষ সমুৎপন্নঃ পিতামহ।
ছেত্তা চ তস্য নান্যোঽস্তি ৎবত্তঃ পরপুরংজয়॥ 12-125-2 (69780)
পিতামহাশা মহতী মমাসীদ্ধি সুয়োধনে।
প্রাপ্তে যুদ্ধে তু তদ্যুক্তং তৎকর্তাঽয়মিতি প্রভো॥ 12-125-3 (69781)
সর্বস্যাশা সুমহতী পুরুষস্যোপজায়তে।
স্যাং বিহন্যমানায়াং দুঃখো মৃত্যুর্ন সংশয়ঃ॥ 12-125-4 (69782)
ঽহং হতাশো দুর্বুদ্ধিঃ কৃতস্তেন দুরাত্মনা।
র্তরাষ্ট্রেণ রাজেন্দ্র পশ্য মন্দাত্মতাং মম॥ 12-125-5 (69783)
আশাং বৃহত্তরীং মন্যে পর্বতাদপি সদ্রুমাৎ।
আকাশাদপি বা রাজন্নপ্রমেয়াঽথবা পুনঃ॥ 12-125-6 (69784)
এষা চৈব কুরুশ্রেষ্ঠ দুর্বিচিন্ত্যা সুদুর্লভা।
দুর্লভৎবাচ্চ পশ্যামি কিমন্যদ্দুর্লভং ততঃ॥ 12-125-7 (69785)
ভীষ্ম উবাচ। 12-125-8x (5691)
অত্র তে বর্তয়িষ্যামি যুধিষ্ঠির নিবোধ মে।
ইতিহাসং সুমিত্রস্য নির্বৃত্তমৃষভস্য চ॥ 12-125-8 (69786)
সুমিত্রো নাম রাজর্ষির্হৈহয়ো মৃগয়াং গতঃ।
সসার চ মৃগং বিদ্ধ্বা বাণেনানতপর্বণা॥ 12-125-9 (69787)
স মৃগো বাণমাদায় যয়াবতিপরাক্রমঃ।
স চ রাজা বলী তূর্ণং সসার মৃগমন্তিকাৎ॥ 12-125-10 (69788)
ততো নিম্নং স্থলং চৈব সমৃগোঽদ্রবদাশুগঃ।
মুহূর্তমিব রাজেন্দ্র সমেন স পথাঽগমৎ॥ 12-125-11 (69789)
ততঃ স রাজা তারুণ্যাদৌরসন বলেন চ।
চচার বাণাসনভৃৎসখঙ্গো হংসবত্তদা॥ 12-125-12 (69790)
ততো নদান্নদীশ্চৈব পল্বলানি বনানি চ।
অতিক্রম্যাভ্যতিক্রম্য সসারৈকো বনেচরঃ॥ 12-125-13 (69791)
স তু তাবন্মৃগো রাজন্নাসাদ্যাসাদ্য পার্থিবম্।
পুনরভ্যেতি জবনো জবেন মহতা ততঃ॥ 12-125-14 (69792)
স তস্য বাণৈর্বহুভিঃ সমভ্যস্তো বনেচরঃ।
প্রক্রীডন্নিব রাজেন্দ্র পুনরভ্যেতি চান্তিকম্॥ 12-125-15 (69793)
পুনশ্চ জবমাস্থায় জবনো মৃগয়ূথপঃ।
[অতীত্যাতীত্য রাজেন্দ্র পুনরভ্যেতি চান্তিকম্॥] 12-125-16 (69794)
তস্য মর্মচ্ছিদং ঘোরং সুমিত্রোঽমিত্রকর্শনঃ।
সমাদায় শরং শ্রেষ্ঠং কার্মুকান্নিরবাসয়ৎ॥ 12-125-17 (69795)
[ততো গব্যূতিমাত্রেণ মৃগয়ূথপয়ূথপঃ।]
তস্য বাণপথং মুক্ৎবা তস্থিবান্প্রহসন্নিব॥ 12-125-18 (69796)
তস্মিন্নিপতিতে বাণে ভূমৌ জ্বলিততেজসি।
প্রবিবেশ মৃগোঽরণ্যং মৃগং রাজাঽপ্যভিদ্রবৎ॥ ॥ 12-125-19 (69797)
ইতি শ্রীমন্মহাভারতে শান্তিপর্বণি রাজধর্মপর্বণি পঞ্চবিংশত্যধিকশততমোঽধ্যায়ঃ॥ 125॥
Mahabharata - Shanti Parva - Chapter Footnotes
12-125-3 যুক্তং যুদ্ধং বিনৈব রাজ্যার্ধদানম্। কর্তা করিষ্যতি॥ 12-125-7 দুর্লভা দুর্জয়া॥ 12-125-12 বাণাসনভৃদ্ধনুর্ধরঃ॥ 12-125-15 সমভ্যস্তো বিদ্ধঃ॥শান্তিপর্ব - অধ্যায় 126
॥ শ্রীঃ ॥
12.126. অধ্যায়ঃ 126
Mahabharata - Shanti Parva - Chapter Topics
তাপসৈঃ স্বাশ্রমমুপাগতস্য সুমিত্রস্য পূজনম্॥ 1॥ ততঃ সুমিত্রেণ তাপসান্প্রতি আশান্তরিক্ষয়োর্জ্যায়স্তরং কিমিতি প্রশ্নঃ॥ 2॥Mahabharata - Shanti Parva - Chapter Text
12-126-0 (69798)
ভীষ্ম উবাচ। 12-126-0x (5692)
প্রবিশ্য চ মহারণ্যং তাপসানামথাশ্রমম্।
আসসাদ ততো রাজা শ্রান্তশ্চোপাবিশত্তদা॥ 12-126-1 (69799)
তং কার্মুকধরং দৃষ্ট্বা শ্রমার্তং ক্ষুধিতং তদা।
সমেত্য ঋষয়স্তস্মৈ পূজাং চক্রুর্যথাবিধি॥ 12-126-2 (69800)
স পূজামৃষিভির্দত্তাং প্রতিগৃহ্য নরাধিপঃ।
অপৃচ্ছত্তাপসান্সর্বাংস্তপোবৃদ্ধিমনুত্তমাম্॥ 12-126-3 (69801)
তে তস্য রাজ্ঞো বচনং প্রতিগৃহ্য তপোধনাঃ।
ঋষয়ো রাজশার্দূলমপৃচ্ছংস্তৎপ্রয়োজনম্॥ 12-126-4 (69802)
কেন ভদ্রমুখার্থেন তপোবনমুপাগতঃ।
পদাতির্বদ্ধনিস্ত্রিংশো ধন্বী বাণী নরেশ্বর॥ 12-126-5 (69803)
এতদিচ্ছামহে শ্রোতুং কুতঃ প্রাপ্তোঽসি মানদ।
কস্মিন্কুলে তু জাতস্ৎবং কিংনামা চাসি ব্রূহি নঃ॥ 12-126-6 (69804)
ততঃ স রাজা সর্বেভ্যো দ্বিজেভ্যঃ পুরুষর্ষভ।
আচখ্যৌ তদ্যথাবৃত্তং পরিচর্যাং চ ভারত॥ 12-126-7 (69805)
হৈহয়ানাং কুলে জাতঃ সুমিত্রোঽমিত্রকর্শনঃ।
চরামি মৃগয়ূথানি নিঘ্রন্বাণৈঃ সহস্রশঃ॥ 12-126-8 (69806)
বলেন মহতা ব্রহ্মন্সামাত্যঃ সাবরোধকঃ।
মৃগস্তু বিদ্ধো বাণেন ময়া সরতি শল্যবান্॥ 12-126-9 (69807)
তং দ্রবন্তমনুপ্রাপ্তো বনমেতদ্যদৃচ্ছয়া।
ভবৎসকাশং নষ্টশ্রীর্হতাশঃ শ্রমকর্শিতঃ॥ 12-126-10 (69808)
কিংনু দুঃখমতোঽন্যদ্বৈ যদহং শ্রমকর্শিতঃ।
ভবতামাশ্রমং প্রাপ্তো হতাশো ভ্রষ্টলক্ষণঃ॥ 12-126-11 (69809)
ন রাজলক্ষণত্যাগঃ পুনরস্য তপোধনাঃ।
দুঃখং করোতি মে তীব্রং যথাঽঽশা বিহতা মম॥ 12-126-12 (69810)
হিমবান্বা মহাশৈলঃ সমুদ্রো বা মহোদধিঃ।
মহত্ৎবান্নান্বপদ্যেতাং রোদস্যোরন্তরং যথা॥ 12-126-13 (69811)
আশায়াস্তপসি শ্রেষ্ঠাস্তথা নান্তমহং গতঃ।
ভবতাং বিদিতং সর্বং সর্বজ্ঞা হি তপোধনাঃ॥ 12-126-14 (69812)
ভবন্তঃ সুমহাভাগাস্তস্মাৎপৃচ্ছামি সংশয়ম্।
আশাবান্পুরুষো যঃ স্যাদন্তরিক্ষমথাপি বা॥ 12-126-15 (69813)
কিংনু জ্যায়স্তরং লোকে মহত্ৎবে প্রতিভাতি বঃ।
এতদিচ্ছামি তত্ৎবেন শ্রোতুং কিমিহ দুর্লভম্॥ 12-126-16 (69814)
যদি গুহ্যং ন বো নিত্যং তদা প্রব্রূত মা চিরম্।
ন হি গুহ্যতমং শ্রোতুমিচ্ছামি দ্বিজপুঙ্গবাঃ॥ 12-126-17 (69815)
ভবত্তপোবিঘাতো বা যেন স্যাদ্বিরমে ততঃ।
যদি বাঽস্তি কথায়োগো যোঽয়ং প্রশ্নো ময়েরিতঃ॥ 12-126-18 (69816)
এতৎকারণসামর্থ্যং শ্রোতুমিচ্ছামি তত্ৎবতঃ।
ভবন্তোঽপি তপোনিত্যা ব্রূয়ুরেতৎসমাহিতাঃ॥ ॥ 12-126-19 (69817)
ইতি শ্রীমন্মহাভারতে শান্তিপর্বণি রাজধর্মপর্বণি ষঙ্বিংশত্যধিকশততমোঽধ্যায়ঃ॥ 126॥
Mahabharata - Shanti Parva - Chapter Footnotes
12-126-5 হে ভদ্রমুখ॥ 12-126-12 আশা মৃগাশা॥ 12-126-13 হিমবানুচ্চৎবেন মহোদধির্বিততৎবেন চ গগনান্তং নান্বপদ্যেতাম্। তস্য ততোঽপ্যুচ্চৎবাদ্বিততৎবাচ্চ॥ 12-126-15 আশাবান্ আশায়া মহত্ৎবেন তদ্বতোঽপি মহত্ৎবমন্তরিক্ষবৎ॥ 12-126-17 যদ্যগুহ্যং তপোনিত্যং মম ব্রূতেহ মাচিরমিতি থ.দ.পাঠঃ॥শান্তিপর্ব - অধ্যায় 127
॥ শ্রীঃ ॥
12.127. অধ্যায়ঃ 127
Mahabharata - Shanti Parva - Chapter Topics
বদরিকাশ্রমং গতস্য ঋষভস্য তনুনামকেন মহর্ষিণা সহ সংবাদঃ॥ 1॥ বনে নষ্টপুত্রান্বেষণবশাত্তত্রোপাগতেন বা দ্যুম্নেন রাজ্ঞা তনুংপ্রতি আশায়া জ্যায়ঃ কিমিতি প্রশ্নঃ॥ 2॥Mahabharata - Shanti Parva - Chapter Text
12-127-0 (69818)
ভীষ্ম উবাচ। 12-127-0x (5693)
ততস্তেষাং সমেতানামৃষীণামৃষিসত্তমঃ।
ঋষভো নাম বিপ্রর্ষির্বিস্ময়ন্নিদমব্রবীৎ॥ 12-127-1 (69819)
পুরাঽহং রাজশার্দূল তীর্থান্যনুচরন্প্রভো।
সমাসাদিতবান্দিব্যং নরনারায়ণাশ্রমম্॥ 12-127-2 (69820)
যত্র সা বদরী রম্যা সরো বৈহায়সং তথা।
যত্র চাশ্বশিরা রাজন্বেদান্পঠতি শাশ্বতান্॥ 12-127-3 (69821)
তস্মিন্সরসি কৃৎবাঽহং বিধিবত্তর্পণং পুরা।
পিতৃণাং দেবতানাং চ ততোশ্রমমিয়াং তদা॥ 12-127-4 (69822)
রমাতে যত্র তৌ নিত্যং নরনারায়ণাবৃষী।
অদূরাদাশ্রমাৎকিংচিদ্বাসার্থমগমং তদা॥ 12-127-5 (69823)
অত্র চীরাজিনধরং কৃশমুচ্চমতীব চ।
অদ্রাক্ষমৃষিমায়ান্তং তনুং নাম তপোনিধিম্॥ 12-127-6 (69824)
অন্যৈর্নরৈর্মহাবাহো বপুষাঽপ্রতিমং তদা।
কৃশতা চাপি রাজর্ষে ন দৃষ্টা তাদৃশী ময়া॥ 12-127-7 (69825)
শরীরমপি রাজেন্দ্র তনু কানিষ্ঠিকাসমম্।
গ্রীবা বাহূ তথা পাদৌ কেশাশ্চাদ্ভুতদর্শনাঃ॥ 12-127-8 (69826)
শিরঃ কায়ানুরূপং চ কর্ণৌ নেত্রে তথৈব চ।
তস্য বাক্চৈব চেষ্টা চ সামান্যে রাজসত্তম॥ 12-127-9 (69827)
দৃষ্ট্বাঽহং তং কৃশং বিপ্রং ভীতঃ পরমদুর্মনাঃ।
পাদৌ তস্যাভিবাদ্যাথ স্থিতঃ প্রাঞ্জলিরগ্রতঃ॥ 12-127-10 (69828)
নিবেদ্য নামগোত্রে চ তথা কার্যং নরর্ষভ।
প্রদিষ্টে চাসনে তেন শনৈরহমুপাবিশম্॥ 12-127-11 (69829)
ততঃ স কথয়ামাস ধর্মার্থসহিতাঃ কথাঃ।
ঋষিমধ্যে মহারাজ তত্র ধর্মভৃতাং বরঃ॥ 12-127-12 (69830)
ত--স্তু কথয়ত্যেব রাজা রাজীবলোচনঃ।
উপয়াজ্জবনৈরশ্বৈঃ সবলঃ সাবরোধনঃ॥ 12-127-13 (69831)
স্মরম্পুত্রমরণ্যে বৈ নষ্টং পরমদুর্মনাঃ।
ভূবিদ্যুম্নপিতা শ্রীমান্বীরদ্যুম্নো মহায়শাঃ॥ 12-127-14 (69832)
ইহ দ্রক্ষ্যামি তং পুত্রং দ্রক্ষ্যামীহেতি ভারত।
এবমাশাকৃশো রাজা চরন্বনমিদং পুরা॥ 12-127-15 (69833)
দুর্লভঃ স ময়া দ্রষ্টুং ভূয় এব চ ধার্মিক।
একঃ পুত্রো মহারণ্যে নষ্ট ইত্যসকৃত্তদা॥ 12-127-16 (69834)
ন স শক্যো ময়া দ্রষ্টুমাশা চ মহতী মম।
তয়া পরীতগাত্রোঽহং মুমূর্ষুর্নাত্র সংশয়ঃ॥ 12-127-17 (69835)
এতচ্ছ্রুৎবা তু ভগবাংস্তনুর্মুনিবরোত্তমঃ।
অবাক্শিরা ধ্যানপরো মুহূর্তমিব তস্থিবান্॥ 12-127-18 (69836)
তমনুধ্যান্তমালক্ষ্য রাজা পরমদুর্মনাঃ।
উবাচ বাক্যং দীনাত্মা মন্দমন্দমিবাসকৃৎ॥ 12-127-19 (69837)
দুর্লভং কিংনু দেবর্ষে আশায়াশ্চৈব কিং মহৎ।
ব্রবীতু ভগবানেতদ্যদি গুহ্যং ন চেত্তদা॥ 12-127-20 (69838)
তনুরুবাচ। 12-127-21x (5694)
মহর্ষির্ভগবাংস্তেন পূর্বমাসীদ্বিমানিতঃ।
বালিশাং বুদ্ধিমাস্থায় মন্দভাগ্যতয়াঽঽত্মনঃ।
অর্থয়ন্কুশলং রাজন্কাঞ্চনং বল্কলানি চ॥ 12-127-21 (69839)
[অবজ্ঞাপূর্বকেনাপি ন সংপাদিতবাংস্ততঃ।]
নির্বিণ্ণঃ স তু বিপ্রর্ষির্নিরাশঃ সমপদ্যত॥ 12-127-22 (69840)
এবমুক্তোঽভিবাদ্যাথ তমৃষিং লোকপূজিতম্।
শ্রান্তোঽবসীদদ্ধর্মাত্মা যথা ৎবং নরসত্তম॥ 12-127-23 (69841)
অর্ধ্যং ততঃ সমানীয় পাদ্যং চৈব মহায়শাঃ।
আরণ্যেনৈব বিধিনা রাজ্ঞে সর্বং ন্যবেদয়ৎ॥ 12-127-24 (69842)
ততস্তমৃষয়ঃ সর্বে পরিবার্য নরর্ষভম্।
উপাবিশন্পুরস্কৃত্য সপ্তর্ষয় ইব ধ্রুবম্॥ 12-127-25 (69843)
অপৃচ্ছংশ্চৈব তত্রৈনং রাজানমপরাজিতম্।
প্রয়োজনমিদং সর্বমাশ্রমস্য প্রবেশনে॥ ॥ 12-127-26 (69844)
ইতি শ্রীমন্মহাভারতে শান্তিপর্বণি রাজধর্মপর্বণি সপ্তবিংশত্যধিকশততমোঽধ্যায়ঃ॥ 127॥
Mahabharata - Shanti Parva - Chapter Footnotes
12-127-3 বৈহায়সং বিহায়সা গচ্ছন্ত্যা মন্দাকিন্যা বৈহায়স্যা ইদং বৈহায়সম্॥ 12-127-4 ততোশ্রমং তত আশ্রমং মণ্ডপং ইয়াং গতবামহ॥ 12-127-5 রেমাতে রজসা যত্রেতি থ. দ. পাঠঃ॥ 12-127-7 বপুয়াঽষ্টগুণান্বিতমিতি ঝ. পাঠঃ॥ 12-127-21 তেন তব পুত্রেণ ভূরিদ্যুম্রেন॥ 12-127-23 এবং মুনিনা উক্তঃ বীরদ্যুম্নঃ অবসীদৎ নষ্টপ্রায়োঽভূদিত্যর্থঃ॥ 12-127-26 এবং মুনিনা রাজপূজানন্তরং আগতাঃ কিমর্থং আশ্রমে ৎবং প্রবিষ্ট োঽসীত্য পৃচ্ছন্॥শান্তিপর্ব - অধ্যায় 128
॥ শ্রীঃ ॥
12.128. অধ্যায়ঃ 128
Mahabharata - Shanti Parva - Chapter Topics
কৃশেন মুনিনা বীরদ্যুম্ননৃপংপ্রতি দুর্লভবস্তুনঃ কৃশতরাশায়াশ্চ প্রতিপাদনম্॥ 1॥Mahabharata - Shanti Parva - Chapter Text
12-128-0 (69845)
রাজোবচা। 12-128-0x (5695)
বীরদ্যুম্ন ইতি খ্যাতো রাজাঽহং দিক্ষু বিশ্রুতঃ।
ভূরিদ্যুম্নং সুতং নষ্টমন্বেষ্টুং বনমাগতঃ॥ 12-128-1 (69846)
একঃ পুত্রঃ স বিপ্রাগ্র্য বাল এব চ সোঽনঘঃ।
ন দৃশ্যতে বনে চাস্মিংস্তমন্বেষ্টুং চরাম্যহম্॥ 12-128-2 (69847)
ঋষভ উবাচ। 12-128-3x (5696)
ইত্যুক্তে তেন বচনে রাজ্ঞা মুনিরধোমুখঃ।
তূষ্ণীমেবাভবত্তত্র ন চ প্রত্যুক্তবান্নৃপম্॥ 12-128-3 (69848)
স হি তেন পুরা বিপ্রো রাজ্ঞা নাত্যর্থমানিতঃ।
আশাকৃতশ্চ রাজেন্দ্র তপো দীর্ঘং সমাশ্রিতঃ॥ 12-128-4 (69849)
প্রতিগ্রহমহং রাজ্ঞাং ন করিষ্যে কথংচন।
অন্যেষাং চৈব বর্ণানামিতি কৃৎবা ধিয়ং তদা॥ 12-128-5 (69850)
আশা হি পুরুষং বালমালাপয়তি তস্থূষী।
তামহং ব্যপনেষ্যামি ইতি কৃৎবা ব্যবস্থিতঃ।
[বীরদ্যুম্নস্তু তং ভূয়ঃ পপ্রচ্ছ মুনিসত্তমম্॥] 12-128-6 (69851)
রাজোবাচ। 12-128-7x (5697)
আশায়াঃ কিংচ বৃত্তং বৈ কিংচেহ ভুবি দুর্লভম্।
ব্রবীতু ভগবানেতত্ৎবং হি ধর্মার্থদর্শিবান্॥ 12-128-7 (69852)
ঋষভ উবাচ। 12-128-8x (5698)
ততঃ সংস্মৃত্য তৎসর্বং স্মারয়িষ্যন্নিবাব্রবীৎ।
রাজানং ভগবান্বিপ্রস্ততঃ কৃশতনুস্তদা॥ 12-128-8 (69853)
ঋষিরুবাচ। 12-128-9x (5699)
কৃশৎবেন সমং রাজন্নাশায়া বিদ্যতে নৃপ।
তস্যা বৈ দুর্লভৎবাচ্চ প্রার্থিতঃ পার্থিবো ময়া॥ 12-128-9 (69854)
রাজোবাচ। 12-128-10x (5700)
কৃশাকৃশে ময়া ব্রহ্মন্গৃহীতে বচনাত্তব।
দুর্লভৎবং চ তস্যৈব বেদবাক্যমিবাদ্বিজে॥ 12-128-10 (69855)
সংশয়স্তু মহাপ্রাজ্ঞ সংজাতো হৃদয়ে মম।
তন্মুনে মম তত্ৎবেন বক্তুমর্হসি পৃচ্ছতঃ॥ 12-128-11 (69856)
ৎবত্তঃ কৃশতরং কিংনু ব্রবীতু ভগবানিদম্।
যদি গুহ্যং ন তে বিপ্র লোকে কিংচেহ দুর্লভম্॥ 12-128-12 (69857)
কৃশ উবাচ। 12-128-13x (5701)
দুর্লভোঽপ্যথবা নাস্তি যোঽর্থী ধৃতিমবাপ্নুয়াৎ।
স দুর্লভতরস্তাত যোঽর্থিনং নাবমন্যতে॥ 12-128-13 (69858)
সৎকৃত্য নোপক্রিয়তে পরং শক্ত্যা যথার্থতঃ।
যা সক্তা সর্বভূতেষু সাঽঽশা কৃশতরী ময়া॥ 12-128-14 (69859)
কৃতঘ্নেষু চ যা সক্তা নৃশংসেষ্বলসেষু চ।
অপকারিষু চাসক্তা সাঽঽশা কৃশতরী ময়া॥ 12-128-15 (69860)
একপুত্রঃ পিতা পুত্রে নষ্টে বা প্রোষিতেঽপি বা।
প্রবৃত্তিং যো ন জানাতি সাঽঽশা কৃশতরী মতা॥ 12-128-16 (69861)
প্রসবে চৈব নারীণাং বৃদ্ধানাং পুত্রকারিতা।
তথা নরেন্দ্র ধনিনাং সাঽশা কৃশতরী মতা॥ 12-128-17 (69862)
প্রদানকাঙ্ক্ষিণীনাং চ কন্যানাং বয়সি স্থিতে।
শ্রুৎবা কথাস্তথায়ুক্তাঃ সাঽঽশা কৃশতরী মতা॥ 12-128-18 (69863)
এতচ্ছ্রুৎবা ততো রাজন্স রাজা সাবরোধনঃ।
সংস্পৃশ্য পাদৌ শিরসা নিপপাত দ্বিজর্ষভে॥ 12-128-19 (69864)
রাজোবাচ। 12-128-20x (5702)
প্রসাদয়ে ৎবাং ভগবন্পুত্রেণেচ্ছামি সংগমম্।
যদেতদুক্তং ভবতা সংপ্রতি দ্বিজসত্তম।
বৃণীষ্ব চ বরান্বিপ্র যানিচ্ছসি যথাবিধি।
অব্রবীচ্চৈব তদ্বাক্যং রাজা রাজীবলোচনঃ॥ 12-128-20 (69865)
সত্যমেতত্ৎবয়া বিপ্র যথোক্তং নান্যথা মৃষা॥ 12-128-21 (69866)
ততঃ প্রহস্য ভগবাংস্তনুর্ধর্মভৃতাং বরঃ।
পুত্রমস্যানয়ৎক্ষিপ্রং তপসা চ শ্রুতেন চ॥ 12-128-22 (69867)
স সমানীয় তৎপুত্রং তমুপালভ্য পার্থিবম্।
আত্মানং দর্শয়ামাস ধর্মং ধর্মভৃতাংবরঃ॥ 12-128-23 (69868)
স দর্শয়িৎবা চাত্মানং দিব্যমদ্ভুতদর্শনম্।
বিপাপ্মা বিগতক্রোধশ্চচার বনমন্তিকাৎ॥ 12-128-24 (69869)
এতদৄষ্টং ময়া রাজংস্ৎবত্তশ্চ বচনং শ্রুতম্।
আশামপনয় ৎবাশু ততঃ কৃষতরীমিমাম্॥ 12-128-25 (69870)
ভীষ্ম উবাচ। 12-128-26x (5703)
স তথোক্তস্তদা রাজন্নৃষভেণ মহাত্মনা।
সুমিত্রোঽপানয়ৎক্ষিপ্রমাশাং কৃশতরীং ততঃ॥ 12-128-26 (69871)
এবং ৎবমপি কৌন্তেয় শ্রুৎবা বাণীমিমাং মম।
স্থিরো ভব মহারাজ হিমবানিব নিশ্চলঃ॥ 12-128-27 (69872)
ৎবং হি শ্রুৎবা চ পৃষ্ট্বা চ কৃচ্ছ্রেষ্বর্থেষু তেষ্বিহ।
শ্রুৎবা মম মহারাজ ন সংতপ্তুমিহার্হসি॥ ॥ 12-128-28 (69873)
ইতি শ্রীমন্মহাভারতে শান্তিপর্বণি রাজধর্মপর্বণি অষ্টাবিংশত্যধিকশততমোঽধ্যায়ঃ॥ 128॥
Mahabharata - Shanti Parva - Chapter Footnotes
12-128-4 আশয়া কৃতঃ হতঃ। কৃ হিংসায়ামিত্যস্য রূপম্॥ 12-128-9 আশায়াঃ আশাবতঃ সমং অন্যৎ কৃশৎবেন সমং কিমপি নাস্তি তস্যাঃ তদ্গৃহীতার্থস্য॥ 12-128-10 কৃশাকৃশে য আশাজিতঃ স কৃশঃ। যেনাশা জিতা স পুষ্ট ইত্যর্থঃ। তস্যৈব আশাবিষয়স্যৈব॥ 12-128-14 আদরেণাশাং প্রদর্শ্য যোঽর্থিনং নোপকুরুতে তত্র যা আশা সা অতিকৃশা। ময়া মত্তঃ। দীনৎবসংপাদকৎব॥ 12-128-18 তথায়ুক্তাঃ প্রদানং স্থিতমিতি শব্দয়ুক্তাঃ॥ 12-128-23 উপালভ্য তত্রাপরাধং স্থাপয়িৎবা॥ 12-128-28 মম মত্তঃ॥শান্তিপর্ব - অধ্যায় 129
॥ শ্রীঃ ॥
12.129. অধ্যায়ঃ 129
Mahabharata - Shanti Parva - Chapter Topics
যমেন গৌতমংপ্রতি মাতাপিত্রোঃ পরিচর্যায়াস্তদৃণাপনোদনোপায়ৎবকথনম্॥ 1॥Mahabharata - Shanti Parva - Chapter Text
12-129-0 (69874)
যুধিষ্ঠির উবাচ। 12-129-0x (5704)
নামৃতস্যেব পর্যাপ্তির্মমাস্তি ব্রুবতি ৎবয়ি।
[যথাহি স্বাত্মবৃত্তিস্থস্তথা তৃপ্তোঽস্মি ভারত॥] 12-129-1 (69875)
তস্মাৎকথয় ভূয়োঽপি ৎবং মমেহ পিতামহ।
[ন হি তৃপ্তিমহং যামি পিবন্ধর্মামৃতং হি তে॥] 12-129-2 (69876)
ভীষ্ম উবাচ। 12-129-2x (5705)
অত্রাপ্যুদাহরন্তীমমিতিহাসং পুরাতনম্।
গৌতমস্য চ সংবাদং যমস্য চ মহাত্মনঃ॥ 12-129-3 (69877)
পারিয়াত্রং গিরিং প্রাপ্য গৌতমস্যাশ্রমো মহান্।
বসতে গৌতমো যত্র তপসা দগ্ধকিল্বিষঃ॥ 12-129-4 (69878)
পৃষ্টিং বর্ষসহস্রাণি সোঽতপ্যদ্গৌতমস্তপঃ।
তমুগ্রতপসা যুক্তং ভাবিতং সুমহামুনিম্॥ 12-129-5 (69879)
উপয়াতো নরব্যাঘ্র লোকপালো যমস্তদা।
তমপশ্যৎসুতপসমৃষিং বৈ গৌতমং তদা॥ 12-129-6 (69880)
স তং বিদিৎবা ব্রহ্মর্ষিয়েমমাগতমোজসা।
প্রাঞ্জলিঃ প্রণতো ভূৎবা উপসৃপ্তস্তপোধনঃ॥ 12-129-7 (69881)
তং ধর্মরাজো দৃষ্ট্বৈব নমস্কৃত্য দ্বিজোত্তমম্।
ন্যমন্ত্রয়ত ধর্মেণ ক্রিয়তাং কিমিতি ব্রুবন্॥ 12-129-8 (69882)
গৌতম উবাচ। 12-129-9x (5706)
মাতাপিতৃভ্যামানৃণ্যং কিং কৃৎবা সমবাপ্নুয়াৎ।
কথং চ লোকানাপ্নোতি পুরুষো দুর্লভাঞ্শুভান্॥ 12-129-9 (69883)
যম উবাচ। 12-129-10x (5707)
তপঃ শৌচবতা নিত্যং সত্যধর্মরতেন চ।
মাতাপিত্রোরহরহঃ পূজনং কার্যমঞ্জসা॥ 12-129-10 (69884)
অশ্বমেধৈশ্চ যষ্টব্যং বহুভিঃ স্বাপ্তদক্ষিণৈঃ।
তেন লোকানবাপ্নোতি পুরুষোঽদ্ভুতদর্শনান্॥ ॥ 12-129-11 (69885)
ইতি শ্রীমন্মহাভারতে শান্তিপর্বণি রাজধর্মপর্বণি একোনত্রিংশদধিকশততমোঽধ্যায়ঃ॥ 129॥
Mahabharata - Shanti Parva - Chapter Footnotes
12-129-1 পর্যাপ্তিরলংভাবস্তৃপ্তিরিতি যাবৎ॥ 12-129-8 ন্যমন্ত্রয়ত তং সুমুখীকৃতবান্॥ 12-129-11 অশ্বমেধৈরিতি স্বধর্মমাত্রস্যোপলক্ষণম্॥শান্তিপর্ব - অধ্যায় 130
॥ শ্রীঃ ॥
12.130. অধ্যায়ঃ 130
Mahabharata - Shanti Parva - Chapter Topics
ভীষ্মেণ যুধিষ্ঠিংপ্রতি রাজ্ঞা ব্রহ্মস্ববর্জং আপদি প্রজাপীডনেনাপি কোশবৃদ্ধেরবশ্যং কর্তব্যৎবোক্তিঃ॥ 1॥Mahabharata - Shanti Parva - Chapter Text
12-130-0 (69902)
যুধিষ্ঠির উবাচ। 12-130-0x (5709)
ত্রৈঃ প্রহীয়মাণস্য বহ্বমিত্রস্য কা গতিঃ।
-- সংক্ষীণকোশস্য বলহীনস্য ভারত॥ 12-130-1 (69903)
--মাত্যসহায়স্য শ্রুতমন্ত্রস্য সর্বতঃ।
জ্যাৎপ্রচ্যবমানস্য গতিমন্যামপশ্যতঃ॥ 12-130-2 (69904)
পরচক্রাভিয়াতস্য পররাষ্ট্রাণি মৃদ্গতঃ।
বিগ্রহে বর্তমানস্য দুর্বলস্য বলীয়সা॥ 12-130-3 (69905)
অসংবিহিতরাষ্ট্রস্য দেশকালাবজানতঃ।
অপ্রাপ্যং চ ভবেৎসান্ৎবং ভেদো বাঽপ্যতিপীডনাৎ। 12-130-4 (69906)
জীবিতং ৎবর্থহেতোর্বা তত্র কিং সুকৃতং ভবেৎ॥ 12-130-5 (69907)
ভীষ্ম উবাচ।
গুহ্যাং মা ধর্মমপ্রাক্ষীরতীব ভরতর্ষভ। 12-130-6x (5710)
প্রবক্তুং নোৎসহে পৃষ্টো ধর্মমেতং যুধিষ্ঠির॥
ধর্মো হ্যণীয়ান্বচনাদ্বুদ্ধেশ্চ ভরতর্ষভ।
শ্রুৎবৌপম্যং সদাচারৈঃ সাধুর্ভবতি স ক্বচিৎ॥ 12-130-6 (69908)
কর্মণা বুদ্ধিপূর্বেণ ভবত্যাঢ্যে ন বা পুনঃ।
তাদৃশোঽয়মনুপ্রশ্নস্তদ্ধ্যায়স্ব স্বয়া ধিয়া॥ 12-130-7 (69909)
উপায়ং ধর্মবহুলং যাত্রার্থং শৃণু ভারত।
নাহমেতাদৃশে ধর্মে বুভূষে ধর্মকারণাৎ॥ 12-130-8 (69910)
দুঃখাদান ইহ হ্যেষ স্যাত্তু পশ্চাৎক্ষমো মম।
অভিগম্য মতীনাং হি সর্বাসামেব নিশ্চয়ম্॥ 12-130-9 (69911)
যথায়থা হি পুরুষো নিত্যং শাস্ত্রমবেক্ষতে।
তথাতথা বিজানাতি বিজ্ঞানং চাস্য রোচতে॥ 12-130-10 (69912)
অবিজ্ঞানাদয়োগো হি পুরুষস্যোপজায়তে।
বিজ্ঞানাদপি যোগশ্চ যোগো ভূতিকরঃ পরঃ॥ 12-130-11 (69913)
অশঙ্কমানো বচনমনসূয়ুরিদং শৃণু।
রাজ্ঞঃ কোশক্ষয়াদেব জায়তে বলসংক্ষয়ঃ॥ 12-130-12 (69914)
কোশং সংজনয়েদ্রাজা নিত্যমেভ্যো যথাবলম্।
কালং প্রাপ্যানুগৃহ্ণীয়াদেষ ধর্মোঽত্র সাংপ্রতম্॥ 12-130-13 (69915)
উপায়ধর্মং প্রাপ্যৈনং পূর্বৈরাচরিতং জনৈঃ।
অন্যো ধর্মঃ সমর্থানামাপৎস্বল্পশ্চ ভারত॥ 12-130-14 (69916)
প্রকার্যং প্রোচ্যতে ধর্মো বৃত্তির্ধর্মে গরীয়সী।
ধর্মং প্রাপ্য যথান্যায়ং ন বলীয়ান্নিষীদতি॥ 12-130-15 (69917)
যস্মাদ্ধর্মস্যোপচিতিরেকান্তেন ন বিদ্যতে।
তস্মাদাপদ্যধর্মোঽপি শ্রূয়তে ধর্মলক্ষণঃ॥ 12-130-16 (69918)
অধর্মো জায়তে তস্মিন্নিতি বৈ কবয়ো বিদুঃ।
অনন্তরং ক্ষত্রিয়স্য তত্র কিং বিচিকিৎস্যতে॥ 12-130-17 (69919)
যথাস্য ধর্মো ন গ্লায়েন্নেয়াচ্ছত্রুবশং যথা।
তৎকর্তব্যমিহেত্যাহুর্নাত্মানমবসাদয়েৎ॥ 12-130-18 (69920)
সর্বাত্মনৈব ধর্মস্য ন পরস্য ন চাত্মনঃ।
সর্বোপায়ৈরুজ্জিহীর্ষেদাত্মানমিতি নিশ্চয়ঃ॥ 12-130-19 (69921)
তত্র ধর্মবিদস্তাত নিশ্চয়ো ধর্মনৈপুণৈঃ।
উদ্যমং জীবনং ক্ষাত্রে বাহুবীর্যাদিতি শ্রুতিঃ॥ 12-130-20 (69922)
ক্ষত্রিয়ো বৃত্তিসংরোধে কস্য নাদাতুমর্হতি।
অন্যত্র তাপসস্বাচ্চ শ্রোত্রিয়স্বাচ্চ ভারত॥ 12-130-21 (69923)
যথা বৈ ব্রাহ্মণঃ সীদন্নয়াজ্যমপি যাজয়েৎ।
অভোজ্যমপি চাশ্নীয়াত্তত্রেদং নাত্র সংশয়ঃ॥ 12-130-22 (69924)
পীডিতস্য কিমদ্বারমুৎপথেনার্দিতস্য চ।
অদ্বারতঃ প্রদ্রবতি যথা ভবতি পীডিতঃ॥ 12-130-23 (69925)
তস্য কোশবলগ্লান্যাং সর্বলোকপরাভবঃ।
ভৈক্ষচর্যা ন বিহিতা ন চ বিট্শূদ্রজীবিকা॥ 12-130-24 (69926)
স্বধর্মানন্তরাবৃত্তির্যাঽন্যামনুপজীবতঃ।
জহতঃ প্রথমং কল্পমনুকল্পেন জীবনম্॥ 12-130-25 (69927)
আপদ্গতেন ধর্মাণামন্যায়েনোপজীবনম্।
অপি হ্যেতদ্ব্রাহ্মণেষু দৃষ্টং বৃত্তিপরিক্ষয়ে॥ 12-130-26 (69928)
ক্ষত্রিয়ে সংশয়ঃ কস্মাদিত্যেত্নিশ্চিতং সদা।
আদদীত বিশিষ্টেভ্যো নাবসীদেৎকথংচন॥ 12-130-27 (69929)
আর্তানাং রক্ষিতারং চ প্রজানাং ক্ষত্রিয়ং বিদুঃ।
তস্মাৎসংরক্ষতা কার্যমাদানং ক্ষত্রবন্ধুনা॥ 12-130-28 (69930)
অন্যত্রাপি বিহিংসায়া বৃত্তির্নেহাস্তি কস্যচিৎ।
অপ্যরণ্যসমুত্থস্য একস্য চরতো মুনেঃ॥ 12-130-29 (69931)
ন শঙ্খলিখিতাং বৃত্তিং শক্যমাস্থায় জীবিতুম্।
বিশেষতঃ কুরুশ্রেষ্ঠ প্রজাপালনমীপ্সতা॥ 12-130-30 (69932)
পরস্পরাভিহরণং রাজ্ঞা রাষ্ট্রেণ চাপদি।
নিত্যমেব হি কর্তব্যমেষ ধর্মঃ সনাতনঃ॥ 12-130-31 (69933)
রাজা রাষ্ট্রং যথাপৎসু দ্রব্যৌধৈঃ পরিরক্ষতি।
রাষ্ট্রেণ রাজা ব্যসনে পরিরক্ষ্যস্তথা ভবেৎ॥ 12-130-32 (69934)
কোশং দণ়্ডং বলং মিত্রং যদন্যদপি সংচিতম্।
ন কুর্বীতান্তরং রাষ্ট্রে রাজা পরিগতঃ ক্ষুধা॥ 12-130-33 (69935)
বীজং ভক্তেন সংপাদ্যমিতি ধর্মবিদো বিদুঃ।
অত্রৈতচ্ছম্বরস্যাহুর্মহামায়স্য দর্শনম্॥ 12-130-34 (69936)
ধিক্তস্য জীবিতং রাজ্ঞো রাষ্ট্রং যস্যাবসীদতি।
অবৃত্ত্যান্যমনুষ্যোঽপি যো বৈদেশিক ইত্যপি॥ 12-130-35 (69937)
রাজ্ঞঃ কোশবলং মূলং কোশমূলং পুনর্বলম্।
তন্মূলং সর্বধর্মাণাং ধর্মমূলাঃ পুনঃ প্রজাঃ॥ 12-130-36 (69938)
নান্যানপীডয়িৎবেহ কোশঃ শক্যঃ কুতো বলম্।
তদর্থং পীডয়িৎবা চ ন দোষং প্রাপ্নুমর্হতি॥ 12-130-37 (69939)
অকার্যমপি কার্যার্থং ক্রিয়তে যজ্ঞকর্মসু।
এতস্মিন্কারণে রাজা ন দোষং প্রাপ্নুমর্হতি॥ 12-130-38 (69940)
অর্থার্থমন্যদ্ভবতি বিপরীতমথাপরম্।
অনর্থার্থমথাপ্যন্যত্তৎসর্বং হ্যর্থকারণম্।
এবং বুদ্ধ্যা সংপ্রপশ্যেন্মেধাবী কার্যনিশ্চয়ম্॥ 12-130-39 (69941)
যজ্ঞার্থমন্যদ্ভবতি যজ্ঞোঽন্যার্থস্তথাঃ পরঃ।
যজ্ঞস্বার্থার্থমেবান্যত্তৎসর্বং যজ্ঞসাধকম্॥ 12-130-40 (69942)
উপমামত্র বক্ষ্যামি ধর্মতত্ৎবপ্রকাশিনীম্॥ 12-130-41 (69943)
যূপং ছিন্দন্তি যজ্ঞার্থং তত্র যে পরিপন্থিঃ।
দ্রুমাঃ কেচন সামন্তা ধ্রুবং ছিন্দন্তি তানপি॥ 12-130-42 (69944)
তে চাপি নিপতন্তোঽন্যান্নিঘ্নন্ত্যপি বনস্পতীন্।
এবং কোশস্য মহতো যে নরাঃ পরিপন্থিনঃ।
তানহৎবা ন পশ্যামি সিদ্ধিমত্র পরংতপ॥ 12-130-43 (69945)
ধনেন জয়তে লোকমিমং চামুং চ ভারত।
সত্যং চ ধর্মবচনং যথা নাস্ত্যধনস্তথা॥ 12-130-44 (69946)
সর্বোপায়ৈরাদদীত ধনং যজ্ঞপ্রয়োজনম্।
ন তুল্যদোষঃ স্যাদেবং কার্যাকার্যেষু ভারত॥ 12-130-45 (69947)
নোভৌ সভবতো রাজন্কথংচিদপি ভারত।
ন হ্যরণ্যেষু পশ্যামি ধনবৃদ্ধানহং ক্বচিৎ॥ 12-130-46 (69948)
যদিদং দৃশ্যতে বিত্তং পৃথিব্যামিহ কিংচন।
মমেদং স্যান্মমেদং স্যাদিত্যেবং মন্যতে জনঃ॥ 12-130-47 (69949)
ন চ রাজ্ঞঃ সমো ধর্মঃ কশ্চিদস্তি কথংচন।
ধর্মঃ সংশব্দিতো রাজ্ঞামাপদর্থস্ততোঽন্যথা॥ 12-130-48 (69950)
জ্ঞানেন কর্মণা চান্যে তপন্ত্যন্যে তপস্বিনঃ।
বুদ্ধ্যা দাক্ষ্যেণ চৈবান্যে চিন্বন্তি ধনসংচয়ান্॥ 12-130-49 (69951)
অধনং দুর্বলং প্রাহুর্ধনেন বলবান্ভবেৎ।
সর্বং বলবতঃ প্রাপ্যং সর্বং তরতি কোশবান্॥ 12-130-50 (69952)
কোশো ধর্মশ্চ কামশ্চ পরলোকস্তথা হ্যযম্।
তং ধর্মেণ বিলিপ্সেত নাধর্মেণ কদাচন॥ ॥ 12-130-51 (69953)
ইতি শ্রীমন্মহাভারতে শতসাহস্ত্রিকায়াং সংহিতায়াং বৈয়াসিক্যাং শান্তিপর্বণি রাজধর্মপর্বণি ত্রিংশদধিকশততমোঽধ্যায়ঃ॥ 130॥ সমাপ্তং চ রাজধর্মপর্ব ॥ 1॥
Mahabharata - Shanti Parva - Chapter Footnotes
12-130-2 সর্বতঃ সর্বৈঃ॥ 12-130-3 পরস্য চক্রং রাষ্ট্রং প্রত্যভিয়াতস্য। বলীয়সা সার্ধম্॥ 12-130-4 অসংবিহিতমসম্যগ্রক্ষিতং রাষ্ট্রং যেন তস্য। অতিপীডনাৎ পরকীয়ামাত্যাদীনাং ভেদোঽপ্যপ্রাপ্যঃ॥ 12-130-5 মা মামপ্রাক্ষীঃ পৃষ্টবানসি। গুহ্যং ধর্মজ মা প্রাক্ষীরতীব ভরতর্ষভ। অপৃষ্টো নোৎসংহে বক্তুং ধর্মমেতং যুধিষ্ঠিরেতি ঝ. পাঠঃ॥ 12-130-6 বচনাচ্ছাস্ত্রাৎ॥ 12-130-8 যাত্রার্থং রাজ্ঞাং ব্যবহারনির্বাহার্থম্। বুভূষে প্রাপ্তুমিচ্ছামি॥ 12-130-9 এষ উপায়ো দুঃখাদানঃ অজানাং দুঃখেনাঽঽদীয়তেঙ্গীক্রিয়তে॥ 12-130-11 অয়োগ উপায়াভাবঃ॥ 12-130-13 অনুগৃহ্ণীয়াৎ প্রাক্কর্ষিতাঃ প্রজা ইতি শেষঃ॥ 12-130-14 উপায়ধর্মমুপধর্মম্। অমুখ্যধর্মমিতিয়াবৎ॥ 12-130-17 অনন্তরং আপন্নিবৃত্ত্যুত্তরং তত্র পূর্বোক্তাধর্মে কিং বিচিকিৎস্যতে প্রায়শ্চিত্তাদিকং করাগ্রহণাদিকং চ বিধীয়তে দোষপরিহারার্থমিত্যর্থঃ॥ 12-130-19 ধর্মস্যেতি কর্মণিষষ্ঠী। পরস্য ধর্মং নোজ্জিহী র্ষেত্রাপ্যাত্মনো ধর্মমুজ্জিহীর্ষেদপি তু আত্মান মেব উজ্জিহীর্ষেৎ। স্বপরধর্মলোপেঽপ্যাত্মানমেবোদ্ধর্তুমিচ্ছেদিত্যর্থঃ॥ 12-130-30 শঙ্খেললাটাস্থ্নি ছিখিতাং বৃত্তিম্। দিষ্টমাত্রালম্বিনা রাজ্ঞ জীবিতং ন শক্যম্॥ 12-130-33 অন্তরং দূরতঃ॥ 12-130-34 বীজভক্তেন সংপাদিতং চেদগ্রে ভক্তদৌর্বল্যং যথাভবতি এবমত্যধে রাজা প্রজাভির্ন রক্ষিতো নশ্যতি। নষ্টে চ তস্মিন্সর্বাঃ প্রজা অপি নশ্যন্তীত্যর্থঃ। এতৎপূর্বার্ধোক্তং দর্শনং শাস্ত্রম্॥ 12-130-35 অবৃত্ত্যা জীবিকায়া অভাবেন যস্য রাষ্ট্রং অবসীদতি যো বা অমনুষ্যঃ যো বা বৈদেশিকো দেশান্তরোপজীবী তস্য রাজ্ঞো জীবীতং ধিক্॥ 12-130-36 রাজ্ঞো মূলং কোশো বলং চ। কোশো বলস্য মূল তদ্বলং ধর্মাণাং মূলম্। অতঃ সর্বস্য মূলভূতং কোশং বর্ধয়েৎ॥ 12-130-39 অন্যৎ আপদি প্রজাপীডনমপ্যর্থার্থং ভবতি। অ অপীডনং বিপরীতং অনর্থার্থং ভবতি। যদপ্যন্যৎ অনর্থার্থং অর্থাভাবার্থং কুঞ্জরপালাদি ভবতি তদেবেহার্থস্য কারণং উৎপাদকং ভবতি॥ 12-130-40 যথা পশ্বাদিকং যজ্ঞার্থং যজ্ঞশ্চ চিত্তসংস্কারার্থঃ। পশ্বাদিকং যজ্ঞঃ সংস্কারশ্চেতি ত্রয়ং অর্থার্থং মোক্ষার্থং ভবতি। এবং দণ়্ডঃ কোশার্থং কোশো বলার্থং বলং শত্রুপরাভবার্থম্। কোশো বলং জয়শ্চেতি ত্রয়ং রাষ্ট্রপুষ্ট্যর্থমিতি ভাবঃ॥ 12-130-42 সামন্তাঃ প্রতিপক্ষভূতাঃ॥ 12-130-44 যথা নাস্ত্যধনস্তথেতি জীবন্মৃতৎবমধনস্যোক্তম্॥ 12-130-45 কার্যাকার্যেষু বিহিতনিষিদ্ধেষু আপদি প্রজাপীডনং বিহিতং তদেবানাপদি নিষিদ্ধং। তথাভূতেষ্বর্থেষু তুল্যদোষো ন স্যাদ্দেশকালানুসারেণ কার্যমপ্যকার্যং ভবত্যকার্যমপি কার্যং ভবতি তত্র বিপরীতং ন প্রতিপদ্যেতেতি ভাবঃ॥ 12-130-46 উভৌ ধনসংগ্রহত্যাগাবেকস্মিন্পুরুষে ন সংভবতঃ॥ 12-130-47 অন্যেষু ত্যাগার্থসংভবমাহ যদিদমিতি॥ 12-130-48 ন চ রাজ্যসমো ধর্ম ইতি ঝ. পাঠঃ। অনাপদ্যেব রাজ্ঞো বহুকরাদানং পাপমূলমাপদি তু ন তত্তথা ভবতীত্যর্থঃ॥শান্তিপর্ব - অধ্যায় 131
॥ শ্রীঃ ॥
12.131. অধ্যায়ঃ 131
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি আপদি রাজ্ঞা সর্বস্বত্যাগেনাপ্যাত্মনো রক্ষণীয়ৎবকথনম্॥ 1॥Mahabharata - Shanti Parva - Chapter Text
12-131-0 (69954)
যুধিষ্ঠির উবাচ। 12-131-0x (5711)
ক্ষীণস্য দীর্ঘসূত্রস্য সানুক্রোশস্য বন্ধুষু।
পরিশঙ্কিতমুখ্যস্য দুষ্টমন্ত্রস্য ভারত॥ 12-131-1 (69955)
বিরক্তরাজ্যপৌরস্য নির্দ্রব্যনিচয়স্য চ।
অসংভাবিতমিত্রস্য ভিন্নামাত্যস্য সর্বতঃ॥ 12-131-2 (69956)
পরচক্রাভিয়াতস্য দুর্বলস্য বলীয়সা।
আপন্নচেতসো ব্রূহি কিং কার্যমবশিষ্যতে॥ 12-131-3 (69957)
ভীষ্ম উবাচ। 12-131-4x (5712)
বাহ্যশ্চেদ্বিজিগীষুঃ স্যাদ্ধর্মার্থকুশলঃ শুচিঃ।
জবেন সন্ধিং কুর্বীত পূর্বং পূর্বং বিমোক্ষয়েৎ॥ 12-131-4 (69958)
[যোঽধর্মবিজিগীষুঃ স্যাদ্বলবান্পাপনিশ্চয়ঃ।]
আত্মনঃ সন্নিরোধেন সন্ধিং তেনাপি রোচয়েৎ॥ 12-131-5 (69959)
অপাস্য রাজধানীং বা তরেদন্যেন বাঽঽপদম্।
তদ্ভাবভাবো দ্রব্যাণি জীবন্পুনরুপার্জয়েৎ॥ 12-131-6 (69960)
যাস্তু কোশবলত্যাগাচ্ছক্যাস্তরিতুমাপদঃ।
কস্তত্রাধিকমাত্মানং সংত্যজেদর্থধর্মবিৎ॥ 12-131-7 (69961)
অপরাধাজ্জুগুপ্সেত কা সপত্নধনে দয়া।
ন ৎবেবাত্মা প্রদাতব্যঃ শক্যে সতি কথংচন॥ 12-131-8 (69962)
যুধিষ্ঠির উবাচ। 12-131-9x (5713)
আভ্যন্তরে চ কুপিতে বাহ্যে চোপনিপীডিতে।
ক্ষীণে কোশে শ্রুতে মন্ত্রে কিং কার্যমবশিষ্যতে॥ 12-131-9 (69963)
ভীষ্ম উবাচ। 12-131-10x (5714)
ক্ষিপ্রং বা সন্ধিকামঃ স্যাৎক্ষিপ্রং বা তীক্ষ্ণবিক্রম।
যদাঽপনয়নং ক্ষিপ্রমেতদ্বৈ সাংপরায়িকম্॥ 12-131-10 (69964)
অনুরক্তেন পুষ্টেন হৃষ্টেন জগতীপতিঃ।
অল্পেনাপি স্বসৈন্যেন ভূমিং জয়তি ভূমিপঃ॥ 12-131-11 (69965)
হতো বা দিবমারোহেদ্ধৎবা চ সুখমাবহেৎ।
যুদ্ধে হি সংত্যজন্প্রাণাঞ্শক্রস্যৈতি সলোকতাম্॥ 12-131-12 (69966)
সর্বলোকাগসং কৃৎবা মৃদুৎবং গন্তুমেব চ।
বিশ্বাসাদ্বিনয়ং কুর্যাৎসংজহ্যাদ্বাঽপ্যুপানহৌ॥ 12-131-13 (69967)
অপচিক্রমিষুঃ ক্ষিপ্রং সেনাং স্বাং পরিসান্ৎবয়ন্।
বিলঙ্ঘয়িৎবা সত্রেণ ততঃ স্বয়মুপক্রমেৎ॥ ॥ 12-131-14 (69968)
ইতি শ্রীমন্মহাভারতে শান্তিপর্বণি আপদ্ধর্মপর্বণি একত্রিংশদধিকশততমোঽধ্যায়ঃ॥ 131॥
Mahabharata - Shanti Parva - Chapter Footnotes
12-131-1 সানুক্রোশস্য বন্ধুক্ষয়ভয়াৎ যোদ্ধুমনিচ্ছতঃ। পরিশঙ্কিতমুখ্যস্য অমাত্যেষু শঙ্কাবতঃ॥ 12-131-2 দ্রব্যাভাবাদেব ন সংভাবিতানি আবর্জিতানি মিত্রাণি যেন তস্য ভিন্নাঃ শত্রুভির্দদী কৃতা অমাত্যা যস্য॥ 12-131-3 বলীয়সা শত্রুণা আপন্নং বাক্রু লীকৃতং চেতো যস্য॥ 12-131-4 মোক্ষয়েৎ সাম্নৈবেত্যর্থঃ॥ 12-131-5 অধর্মপ্রধানো বিজিগীষুরধর্মবিজিগীষুঃ॥ 12-131-7 দুষ্টতমে তু রাজ্যধনং ত্যক্ৎবা আত্মানং রক্ষেদিত্যাহ যাস্ৎবিতি। যাস্তু স্যুঃ কেবলত্যাগাদিতি ড. থ. পাঠঃ॥ 12-131-9 আভ্যন্তরেঽমাত্যাদৌ বাহ্যোদুর্গরাষ্ট্রাদৌ॥ 12-131-10 ধর্মিষ্ঠে বাহ্যে ক্ষিপ্রং সংধিঃ। অধর্মি তু --- কর্তব্যঃ। যদা ৎবেবং তদা অপনয়নং শত্রো----। অথবা সাংপরায়িকং ধর্ময়ুদ্ধেন মরণে পর-- কহিতং ভবতি॥ 12-131-13 বিশ্বাসাৎ বিশ্বাসং প্রাপয়্য বিক্যং কুর্যাৎ মৃদুর্ভবেৎ। নতু যুদ্ধমেব হঠেন শ্রয়েৎ॥শান্তিপর্ব - অধ্যায় 132
॥ শ্রীঃ ॥
12.132. অধ্যায়ঃ 132
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ব্রাহ্মণানামাপদি রাজ্ঞা অসাধুজনধনাপহারেণাপি তদ্রক্ষণস্য করণীয়ৎবোক্তিঃ॥ 1॥Mahabharata - Shanti Parva - Chapter Text
12-132-0 (69969)
যুধিষ্ঠির উবাচ। 12-132-0x (5715)
হীনে পরমকে ধর্মে সর্বলোকাতিলঙ্ঘনে।
সর্বস্মিন্দস্যুসাদ্ভূতে পৃথিব্যামুপজীবনে॥ 12-132-1 (69970)
কেন স্বিদ্ব্রাহ্মণো জীবেজ্জঘন্যে কাল আগতে।
অসংত্যজন্পুত্রপৌত্রাননুক্রোশাৎপিতামহ॥ 12-132-2 (69971)
ভীষ্ম উবাচ। 12-132-3x (5716)
বিজ্ঞানবলমাস্থায় জীবিতব্যং তথা গতে।
সর্বং সাধ্বর্থমেবেদমসাধ্বর্থং ন কিংচন॥ 12-132-3 (69972)
অসাধুভ্যোঽর্থমাদায় সাধুভ্যো যঃ প্রয়চ্ছতি।
আত্মানং সংক্রমং কৃৎবা কৃচ্ছ্রধর্মকৃদেব সঃ॥ 12-132-4 (69973)
অরোষেণাত্মনো রাজন্রাজ্যে স্থিতিমকোপয়ন্।
অদত্তমপ্যাদদীৎ ভ্রাতুর্বিত্তং মমেতি বা॥ 12-132-5 (69974)
বিজ্ঞানবলপূতো যো বর্ততে নিন্দিতেষ্বপি।
বৃত্তিবিজ্ঞানবান্ধীরঃ কস্তং বক্তুমিহার্হতি॥ 12-132-6 (69975)
যেষাং বহুকৃতা বুদ্ধিস্তেষামন্যা ন রোচতে।
যজসা তে প্রবর্তন্তে বলবন্তো যুধিষ্ঠির॥ 12-132-7 (69976)
যদৈব প্রকৃতং শাস্ত্রং জনস্তদনুবর্ততে।
যদৈবমধ্যাসেবন্তে মেধ্রাবী বাঽপ্যথোত্তরম্॥ 12-132-8 (69977)
ঋৎবিক্পুরোহিতাচার্যান্সৎকৃতানভিসৎকৃতান্।
ন ব্রাহ্মণান্ঘাতয়ীত দোষান্প্রাপ্নোতি ঘাতয়ন্॥ 12-132-9 (69978)
এতৎপ্রমাণং লোকস্য চক্ষুরেতৎসাতনম্।
তৎপ্রমাণোঽবগাহেত তেন তৎসাধ্বসাধু বা॥ 12-132-10 (69979)
হবো গ্রামবাস্তব্যা দোষান্ব্রূয়ুঃ পরস্পরম্।
ন তেষাং বচনাদ্রাজা সৎকুর্যাদ্ধাতয়ীত বা॥ 12-132-11 (69980)
ন বাচ্যঃ পরিবাদো বৈ ন শ্রোতব্যঃ কথংচন।
কর্ণৌ তত্র পিধাতব্যৌ গন্তব্যং বা ততোঽন্যতঃ॥ 12-132-12 (69981)
ন সতাং শীলমেতদ্বৈ পরিবাদো ন পৈশুনম্।
গুণানামেব বক্তারঃ সন্তো নিত্যং যুধিষ্ঠির॥ 12-132-13 (69982)
যথা সমধুরৌ দম্যৌ সুদান্তৌ সাধুবাহিনৌ।
ধুরমুদ্যম্য বহতস্তথা বর্তেত বৈ নৃপঃ॥ 12-132-14 (69983)
যথায়থাঽস্য বহবঃ সহায়াঃ স্যুস্তথা চরেৎ।
আচারমেব মন্যন্তে গরীয়ো ধর্মলক্ষণম্॥ 12-132-15 (69984)
অপরে নৈবমিচ্ছন্তি যে শঙ্খলিখিংতপ্রিয়াঃ।
অর্থে ক্ষীণেঽথবা লুব্ধাস্তে ব্রূয়ুর্বাক্যমীদৃশম্॥ 12-132-16 (69985)
আর্ষমষ্যত্র পশ্যন্তি বিকর্মস্থস্য পাতনম্।
ন চার্ষাৎসদৃশং কিংচিৎপ্রমাণং দৃশ্যতে ক্বচিৎ॥ 12-132-17 (69986)
দেবা হ্যপি বিকর্মস্থং ঘাতয়ন্তি নরাধমম্।
ব্যাজেন বিন্দন্বিত্তং হি ধর্মতঃ পরিহীয়তে॥ 12-132-18 (69987)
সর্বতঃ সৎকৃতঃ সদ্ভির্ভূতিপ্রবরকারণৈঃ।
হৃদয়েনাভ্যনুজ্ঞাতো যো ধর্মস্তং ব্যবস্যতি॥ 12-132-19 (69988)
যশ্চতুর্গুণসংপন্নং ধর্মং বেদ স ধর্মবিৎ।
অহেরিব হি ধর্মস্য পদং দুঃখং গবেষিতুম্॥ 12-132-20 (69989)
যথা মৃগস্য বিদ্ধস্য মৃগব্যাধঃ পদং নয়েৎ।
লক্ষেদ্রুধিরপাতেন তথা ধর্মপদং নয়েৎ॥ 12-132-21 (69990)
যথা সম্যগ্বিতেন পথা গন্তব্যমপ্যুত।
রাজর্ষীণাং বৃত্তমেতদেবং গচ্ছ যুধিষ্ঠির॥ ॥ 12-132-22 (69991)
ইতি শ্রীমন্মহাভারতে শান্তিপর্বণি আপদ্ধর্মপর্বণি দ্বাত্রিংশদধিকশততমোঽধ্যায়ঃ॥ 132॥
Mahabharata - Shanti Parva - Chapter Footnotes
12-132-1 হীনে ধর্মে রাজ্ঞামিতি শেষঃ। পরমকে সর্বোপায়েন ব্রাহ্মণা রক্ষ্যা ইত্যস্মি্॥ 12-132-2 জঘন্যে আপদ্বহূলে ব্রাহ্মণঃ কেন জীদত্যস্য ব্রাহ্মণং কথং রক্ষেদিত্যর্থঃ॥ 12-132-3 সাধ্বর্থং সতানম্॥ 12-132-4 সংক্রমমাগমনমার্গম্॥ 12-132-5 স্থিতিং পালনধর্মম্। স্যষ্টস্য রাজ্ঞো ব্রাহ্মণপালনার্থং সর্বস্বহরণেঽপি দোষো নাস্তীত্যর্থঃ॥ 12-132-6 বক্তুং নিন্দিতুম্॥ 12-132-9 অন্ত্যাপদ্যপি ঋৎবিধনবতোঽপি ন ঘাতয়ীত ধনহরণেন হিংস্যাদিত্যর্থঃ। পুরোহিতাচার্যৈ- সৎকৃতৈরপি সৎকৃতঃ। নাঽব্রাহ্মণান্যাদোষান্প্রাপ্নোতি যাজয়ন্নিতি ট. থ. দ. পাঠঃ॥ 12-132-11 স্তব্যা গ্রামবাসিনঃ॥ 12-132-16 এবং ৎবিগাদীনামদড- লিখিতস্য ভ্রাতুরপি হস্তচ্ছেদঃ কৃতস্তাদৃশধর্মপরা॥ 12-132-19 সদ্ভির্মন্বাদিভিঃ সৎকৃতঃ। ভূতিপ্রবরকারণৈঃ ভূতিপ্রবরা ঈশ্বরাঃ কারণানি পারম্পর্যাগতানি কুলদেশগ্রামাদিপরিগৃহীতানি তৈরপি নিমিত্তৈঃ সৎকৃতঃ। মন্বাদিভিরনুক্তোঽপি শিষ্টৈরাদৃত ইত্যর্থঃ। হৃদয়েনাভ্যনুজ্ঞাতঃ হেতুদ্বয়াভাবেঽপি স্বয়ং চ যো ধর্মৎবেন নিশ্চিতঃ॥ 12-132-20 চৎবারো গুণাঃ আন্বীক্ষিকী ত্রয়ী বার্তা দণ্ডনীতিশ্চেতি। য এষামবিরুদ্ধশ্চতুর্গুণসংপন্নঃ॥ 12-132-21 পদং স্থানং লক্ষেল্লক্ষয়েৎ। নয়েৎ অন্যান্প্রাপয়েৎ। যুক্ত্যেতি শেষঃ॥শান্তিপর্ব - অধ্যায় 133
॥ শ্রীঃ ॥
12.133. অধ্যায়ঃ 133
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি রাজ্ঞা যথাকথংচিৎকোশবৃদ্ধেঃ কর্তব্যৎবোক্তিঃ॥ 1॥ তথা দস্যুভিরাপদ্যপি সাবশেষং পরস্বাপহা ধর্ম্যৎবোক্তিঃ॥ 2॥Mahabharata - Shanti Parva - Chapter Text
12-133-0 (69992)
ভীষ্ম উবাচ। 12-133-0x (5717)
স্বরাষ্ট্রাৎপররাষ্ট্রাচ্চ কোশং সংজনয়েন্নৃপঃ।
কোশাদ্ধি ধর্মঃ কৌন্তেয় রাজ্যমূলং প্রবর্ততে॥ 12-133-1 (69993)
তস্মাৎসংজনয়েৎকোশং সৎকৃত্য পরিপালয়েৎ।
পরিপাল্যানুগৃহ্ণীয়াদেব ধর্মঃ সনাতনঃ॥ 12-133-2 (69994)
স কোশঃ শুদ্ধভাবেন ন নৃশংসেন জায়তে।
মধ্যমং পদমাস্থায় কোশসংগ্রহণং চরেৎ॥ 12-133-3 (69995)
অবলস্য কুতঃ কোশো হ্যকোশস্য কুতো বলম্।
অবলস্য কুতো রাজ্যমরাজ্যে শ্রীর্ভবেৎকুতঃ॥ 12-133-4 (69996)
উচ্চৈর্বৃত্তেঃ শ্রিয়ো হানির্যথৈব মরণং তথা।
তস্মাৎকোশং বলং মিত্রমথ রাজা বিবর্ধয়েৎ॥ 12-133-5 (69997)
হীনকোশং হি রাজানমবমন্যন্তি শত্রবঃ।
ন চাস্যাল্পে তুষ্যন্তি কর্মণাঽপ্যুৎসহন্তি চ॥ 12-133-6 (69998)
শ্রিয়ো হি কারণাদ্রাজা সৎক্রিয়াং লভতে পরাম্।
সাঽস্য গূহতি পাপানি বাসো গুহ্যমিব স্ত্রিয়াঃ॥ 12-133-7 (69999)
ঋদ্ধিমস্যানুতপ্যন্তে পুরা বিপ্রকৃতা নরাঃ।
সালাবৃকা ইবাজস্নং জিঘাংসূনেব বিন্দতি।
ঈদৃশস্য কুতো রাজ্যং সুখং ভরতসত্তম॥ 12-133-8 (70000)
উদ্যচ্ছেদেব ন গ্লায়েদুদ্যমো হ্যেব পৌরুষম্।
অপ্যপর্বণি ভজ্যেত ন নমেতেহ কস্যচিৎ॥ 12-133-9 (70001)
অপ্যরণ্যং সমাশ্রিত্য চরেন্মৃগগণৈঃ সহ।
ন ৎবেবোদ্রিক্তমর্যাদৈর্দস্যুভিঃ সহিতশ্চরেৎ॥ 12-133-10 (70002)
দস্যূনাং সুলভা সেনা রৌদ্রকর্মসু ভারত।
একান্ততো হ্যমর্যাদাৎসর্বোঽপ্যুদ্বিজতে জনঃ॥ 12-133-11 (70003)
দস্যবোঽপ্যভিশঙ্কন্তে নিরনুক্রোশকারিণঃ॥ 12-133-12 (70004)
স্থাপয়েদেব মর্যাদাং জনচিত্তপ্রসাদিনীম্।
অল্পাপ্যর্থেষু মর্যাদা লোকে ভবতি পূজিতা॥ 12-133-13 (70005)
নায়ং লোকোঽস্তি ন পর ইতি ব্যবসিতো জনঃ।
নালং গন্তুমিহাশ্বাসং নাস্তিক্যভয়শঙ্কিতৈঃ॥ 12-133-14 (70006)
যথা সদ্ভিঃ পরাদানমহিংসা দস্যুভিস্তথা।
অনুরজ্যন্তি ভূতানি সমর্যাদেষু দস্যুষু॥ 12-133-15 (70007)
অয়ুধ্যমানস্যাদানং দারামর্শঃ কৃতঘ্নতা।
ব্রহ্মবিত্তস্য চাদানং নিঃশেষকরণং তথা॥ 12-133-16 (70008)
স্ত্রিয়া মোষঃ পথিস্থানং সাধুষ্বেব বিগর্হিতম্।
সদোষ এব ভবতি দস্যুরেতানি বর্জয়েৎ॥ 12-133-17 (70009)
অভিসংদধতে যে চ বিনাশায়াস্য ভারত।
সশেষমেবোপলভ্য কুর্বন্তীতি বিনিশ্চয়ঃ॥ 12-133-18 (70010)
তস্মাৎসশেষং কর্তব্যং স্বাধীনমপি দস্যুভিঃ।
ন বলস্থোঽহমস্মীতি নৃশংসানি সমাচরেৎ॥ 12-133-19 (70011)
সশেষকারিণস্তত্র শেষং পশ্যন্তি সর্বশঃ।
নিঃশেষকারিণো নিত্যং নিঃশেষকরণাদ্ভয়ম্॥ ॥ 12-133-20 (70012)
ইতি শ্রীমন্মহাভারতে শান্তিপর্বণি আপদ্ধর্মপর্বণি ত্রয়স্ত্রিংশদধিকশততমোঽধ্যায়ঃ॥ 133॥
Mahabharata - Shanti Parva - Chapter Footnotes
12-133-5 উচ্চৈর্বৃত্তেঃ মহতঃ॥ 12-133-7 বাসঃ পাপমিব স্ত্রিয় ইতি ট. ড. থ. পাঠঃ॥ 12-133-8 বিপ্রকৃতাঃ সালাবৃকবৎ জিঘাংসূনেব বিন্দন্তি আশ্রয়ন্তি কপটেন হন্তুম্। আর্ষো বচনব্যত্যযঃ॥ 12-133-10 দস্যুভিঃ দস্যুপ্রায়ৈরমাত্যৈঃ॥ 12-133-11 অত্যন্তাপন্নস্য বনস্থা দস্যবোঽপি কার্যকরা ইত্যাহ দস্যূনামিতি। দস্যূনাং সুলভাং সেনাং রৌদ্রকর্মসু কারয়েদিতি ধ. পাঠঃ। তেষ্বপি সত্যেন মার্দবেন চ স্থেয়মিত্যাহ একান্তত ইতি॥ 12-133-14 জনঃ প্রাকৃতঃ। অলং পর্যাপ্তং যুক্তমিত্যর্থঃ॥ 12-133-15 সদ্ভির্দস্যুভিঃ পরাদানং পরস্বহরণমপি কৃত অহিংসা ভবতি তথা বক্ষ্যে ইত শেষঃ॥ 12-133-16 নিঃশেষকরণং সর্বহরণম্॥ 12-133-17 স্ত্রিয়া কন্যায়াঃ মোষশ্চৌর্যম্॥ 12-133-19 যস্মাদেবং তস্মাৎ সশেষভেপরলুম্পনং কর্তব্যম্॥ 12-133-20 যো যথা করোতি তথৈব প্রজা কুর্বন্তীত্যাহ সশেষেতি॥শান্তিপর্ব - অধ্যায় 134
॥ শ্রীঃ ॥
12.134. অধ্যায়ঃ 134
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বলপ্রশংসনম্॥ 1॥ তথা পাপকারিণাং তৎপরিহারোপায়কথনম্॥ 2॥Mahabharata - Shanti Parva - Chapter Text
12-134-0 (70013)
ভীষ্ম উবাচ। 12-134-0x (5718)
`অত্রাপ্যুদাহরন্তীমমিতিহাসং পুরাতনম্।'
অত্র কামন্দবচনং কীর্তয়ন্তি পুরাবিদঃ।
প্রত্যক্ষাবেব ধর্মার্থৌ ক্ষত্রিয়স্য বিজানতঃ॥ 12-134-1 (70014)
তৌ তু ন ব্যবধাতব্যৌ পরোক্ষা ধর্ময়াতনা।
অধর্মো ধর্ম ইত্যেতদ্যথা বৃক্ষফলং তথা॥ 12-134-2 (70015)
ধর্মাধর্মফলে জাতু দদর্শেহ ন কশ্চন।
বুভূষেদ্বলমেবৈতৎসর্বং বলবতো বশে॥ 12-134-3 (70016)
শ্রিয়ং বলমমাত্যাংশ্চ বলবানিহ বিন্দতি।
যো হ্যনাঢ্যঃ স পতিতস্তদুচ্ছিষ্টং যদল্পকম্॥ 12-134-4 (70017)
বহ্বপথ্যে বলবতি ন কিংচিৎক্রিয়তে ভয়াৎ।
উভৌ সত্যাধিকারৌ তৌ ত্রায়েতে মহতো ভয়াৎ॥ 12-134-5 (70018)
অতি ধর্মাদ্বলং মন্যে বলাদ্ধর্মঃ প্রবর্ততে।
বলে প্রতিষ্ঠিতো ধর্মো ধরণ্যামিব জংগমঃ॥ 12-134-6 (70019)
ধূমো বায়োরিব বশে বলং ধর্মোঽনুবর্ততে।
অনীশ্বরো বলং ধর্মো দ্রুমং বল্লীব সংশ্রিতা॥ 12-134-7 (70020)
বশে বলবতাং ধর্মঃ সুখং ভোগবতামিব।
নাস্ত্যসাধ্যং বলবতাং সর্বং বলবতা জিতম্॥ 12-134-8 (70021)
দুরাচারঃ ক্ষীণবলঃ পরিমাণং ন গচ্ছতি।
অথ তস্মাদুদ্বিজতে সর্বো লোকো বৃকাদিব॥ 12-134-9 (70022)
অপধ্বস্তো হ্যবমতো দুঃখং জীবতি জীবিতম্।
জীবিতং যদধিক্ষিপ্তং যথৈব মরণং তথা॥ 12-134-10 (70023)
যদেবমাহুঃ পাপেন চারিত্রেণ বিবক্ষিতম্।
সুভৃশং তপ্যতে তেন বাক্শল্যেন পরিক্ষতঃ॥ 12-134-11 (70024)
অত্রৈতদাহুরাচার্যাঃ পাপস্য পরিমোক্ষণে।
ত্রয়ীং বিদ্যামুপাসীত তথোপাসীত বৈ দ্বিজান্॥ 12-134-12 (70025)
প্রসাদয়েন্মধুরয়া বাচা চাপ্যথ কর্মণা।
মহামনাশ্চৈব ভবেদ্বিবহেচ্চ মহাকুলে॥ 12-134-13 (70026)
ইত্যস্তীতি বদেদেব পরেষাং কীর্তয়েদ্গুণান্।
জপেদুদকশীলঃ স্যাৎপেশলো নাতিজল্পকঃ॥ 12-134-14 (70027)
ব্রহ্ম ক্ষত্রং সংপ্রবিশেদ্বহু কৃৎবা সুদুষ্করম্।
উচ্যমানো হি লোকেন বহু তত্তদচিন্তয়ন্॥ 12-134-15 (70028)
উপপ্রাপ্যৈবমাচারং ক্ষিপ্রং বহুমতো ভবেৎ।
সুখং চ বিত্তং ভুঞ্জীত বৃত্তেনৈকেন গোপয়েৎ॥ 12-134-16 (70029)
`অপি তেভ্যো মৃগান্হৎবা নয়েচ্চ সততং বনে।
যস্মিন্ন প্রতিগৃহ্ণন্তি দস্যুভোজনশঙ্কয়া।'
লোকে চ লভতে পূজাং পরত্রেহ মহৎফলম্॥ ॥ 12-134-17 (70030)
ইতি শ্রীমন্মহাভারতে শান্তিপর্বণি আপদ্ধর্মপর্বণি চতুস্ত্রিংশদধিশততমোঽধ্যায়ঃ॥ 134॥
Mahabharata - Shanti Parva - Chapter Footnotes
12-134-2 যথা বৃকপদংস্থেতি ঝ. দ. পাঠঃ॥ 12-134-6 অতি অতিশয়িতম্॥ 12-134-10 অপধ্বস্তঃ ঐশ্বর্যাচ্চ্যুতঃ॥ 12-134-12 অত্রাধর্মেণ ধনার্জনে কৃতে সতি॥শান্তিপর্ব - অধ্যায় 135
॥ শ্রীঃ ॥
12.135. অধ্যায়ঃ 135
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি দস্যুভাবেঽপি শাস্ত্রমর্যাদানুসারিণঃ পরলোকপ্রাপ্তৌ দৃষ্টান্ততয়া কাপচ্যচরিতোপন্যাসঃ॥ 1॥Mahabharata - Shanti Parva - Chapter Text
12-135-0 (70031)
ভীষ্ম উবাচ। 12-135-0x (5719)
অত্রাপ্যুদাহন্তীমমিতিহাসং পুরাতনম্।
যথা দস্যুঃ সমর্যাদো দস্যুৎবাৎসিদ্ধিমাপ্তবান্॥ 12-135-1 (70032)
প্রহর্তা মতিমাঞ্শূরঃ শ্রুতবান্সুনৃশংসবান্।
অক্ষন্নাশ্রমিণাং ধর্মং ব্রহ্মণ্যো গুরুপূজকঃ॥ 12-135-2 (70033)
অনিষাদ্যাং ক্ষত্রিয়াজ্জাতঃ ক্ষত্রধর্মানুপালকঃ।
কাপচ্যো নাম নৈষাদির্দস্যুৎবাৎসিদ্ধিমাপ্তবান্॥ 12-135-3 (70034)
অরণ্যে সায়ং পূর্বাহ্ণে মৃগয়ূথপ্রকোপিতা।
বেধিজ্ঞো মৃগজাতীনাং নৈষাদানাং চ কোবিদঃ॥ 12-135-4 (70035)
সর্বকাননদেশজ্ঞঃ পারিয়াত্রচরঃ সদা।
ধর্মজ্ঞঃ সর্ববর্ণানামমোঘেষুর্দৃঢায়ুধঃ॥ 12-135-5 (70036)
অপ্যনেকশতাং সেনামেক এব জিগায় সঃ।
স বৃদ্ধাবম্বপিতরৌ মহারণ্যেঽভ্যপূজয়ৎ॥ 12-135-6 (70037)
মধুমাংসৈর্মূলফলৈরন্নৈরুচ্চাবচৈরপি।
সৎকৃত্য ভোজয়ামাস সম্যক্পরিচচার হ॥ 12-135-7 (70038)
আরণ্যকান্প্রব্রজিতান্ব্রাহ্মণান্পরিপালয়ন্।
অপি তেভ্যো মৃগান্হৎবা নিনায় সততং বনে॥ 12-135-8 (70039)
যেঽস্মান্ন প্রতিগৃহ্ণন্তি দস্যুভোজনশঙ্কয়া।
তেষামাসজ্য গেহেষু কল্য এব স গচ্ছতি॥ 12-135-9 (70040)
তং বহূনি সহস্রাণি গ্রামণীৎবেঽভিবব্রিরে।
নির্মর্যাদানি দস্যূনাং নিরনুক্রোশবর্তিনাম্॥ 12-135-10 (70041)
দস্যব ঊচুঃ। 12-135-11x (5720)
মুহূর্তদেশকালজ্ঞঃ প্রাজ্ঞঃ শূরো দৃঢব্রতঃ।
গ্রামণীর্ভব নো মুখ্যঃ সর্বেপামেব সংমতঃ॥ 12-135-11 (70042)
যথায়থা বক্ষ্যসি নঃ করিষ্যামস্তথাতথা।
পালয়াস্মান্যথান্যায়ং যথা মাতা যথা পিতা॥ 12-135-12 (70043)
কাপচ্য উবাচ। 12-135-13x (5721)
মা বধীস্ৎবং স্ত্রিয়ং ভীরুং মা শিশুং মা তপস্বিনম্।
নায়ুধ্যমানো হন্তব্যো ন চ গ্রাহ্যা বলাৎস্ত্রিয়ঃ॥ 12-135-13 (70044)
সর্বথা স্ত্রী ন হন্তব্যা সর্বসৎবেষু বুধ্যত।
নিত্যং গোব্রাহ্মণে স্বস্তি যোদ্ধব্যং চ তদর্থতঃ॥ 12-135-14 (70045)
সত্যং চ নাপি হর্তব্যং সারবিঘ্নং চ মা কৃথাঃ।
পূজ্যন্তে যত্র দেবাশ্চ পিতরোঽতিথয়শ্চ হ॥ 12-135-15 (70046)
সর্বভূতেষ্বপি বরো ব্রাহ্মণো মোক্ষমর্হতি।
কার্যা চাপচিতিস্তেষাং সর্বস্বেনাপি ভাবয়েৎ॥ 12-135-16 (70047)
যস্য ৎবেতে সংপ্রদুষ্টাস্তস্য বিদ্যাৎপরাভবম্।
ন তস্য ত্রিষু লোকেষু ত্রাতা ভবতি কস্চন॥ 12-135-17 (70048)
যো ব্রাহ্মণান্পরিভবেদ্বিনাশং চাপি রোচয়েৎ।
সূর্যোদয় ইব ধ্বান্তে ধ্রুবং তস্য পরাভবঃ॥ 12-135-18 (70049)
ইহৈব ফলমাসীনঃ প্রত্যাকাঙ্ক্ষেত সর্বশঃ।
যেয়ে নো ন প্রদাস্যন্তি তাংস্তাংস্তেনাভিয়াস্যসি॥ 12-135-19 (70050)
শিষ্ট্যর্থং বিহিতো দণ্ডো ন বধার্থং বিধীয়তে।
যে চ শিষ্টান্প্রবাধন্তে ধর্মস্তেষাং বধঃ স্মৃতঃ॥ 12-135-20 (70051)
যে চ রাষ্ট্রোপরোধেন বৃদ্ধিং কুর্বন্তি কেচন।
তানেবানুম্রিয়েরংস্তে কুণপং কৃময়ো যথা॥ 12-135-21 (70052)
যে পুনর্ধর্মশাস্ত্রেণ বর্তেরন্নিহ দস্যবঃ।
অপি তে দস্যবো ভূৎবা ক্ষিপ্রং সিদ্ধিমবাপ্নুয়ুঃ। 12-135-22 (70053)
ভীষ্ম উবাচ। 12-135-23x (5722)
তে সর্বমেবানুচক্রুঃ কাপচ্যস্যানুশাসনম্।
বৃদ্ধিং চ লেভিরে সর্বে পাপেভ্যশ্চাপ্যুপারমন্॥ 12-135-23 (70054)
কাপচ্যঃ কর্মণা তেন মহতীং সিদ্ধিমাপ্তবান্।
সাধূনামাচরন্ক্ষেমং দস্যূন্পাপান্নিবর্তয়ন্॥ 12-135-24 (70055)
ইদং কাপচ্যচরিতং যো নিত্যমনুচিন্তয়েৎ।
নারণ্যেভ্যোঽপি ভূতেভ্যো ভয়মৃচ্ছেৎকথংচন॥ 12-135-25 (70056)
ন ভয়ং তস্য মর্ত্যেভ্যো নামর্ত্যেভ্যঃ কথংচন।
ন সতো নাসতো রাজন্স হ্যরণ্যেষু গোপতিঃ॥ ॥ 12-135-26 (70057)
ইতি শ্রীমন্মহাভারতে শান্তিপর্বণি আপদ্ধর্মপর্বণি পঞ্চত্রিংশদধিকশততমোঽধ্যায়ঃ॥ 135॥
Mahabharata - Shanti Parva - Chapter Footnotes
12-135-3 কায়ব্যো নামেতি ঝ. পাঠঃ। কাপব্যো নামেতি ট. পাঠঃ। কাশ্যপো নামেতি ধ. পাঠঃ॥ 12-135-4 নিপাতানাং চ কোবিদ ইতি ড. থ. ধ. পাঠঃ॥ 12-135-5 পারিয়াত্রঃ পর্বতবিশেষঃ॥ 12-135-9 আসজ্য ক্বচিন্নিধায়। কল্যে প্রাতঃ॥ 12-135-13 মাবধীস্ৎবমিত্যেকবচনং গণাভিপ্রায়েণ॥ 12-135-14 স্বস্তি কল্যাণং চিন্তনীয়ম্॥ 12-135-15 সারো বিবাহাদিকার্যং তত্র বিঘ্নং মা কৃথাঃ। সস্যং চ নোপহন্তব্যং সীরবিঘ্নং চ মা কৃথাঃ ইতি ট. ড. থ. পাঠঃ॥ 12-135-16 অপচিতিঃ পূজা॥ 12-135-18 ধ্বান্তে ধ্বান্তস্য॥ 12-135-19 যে যে বণিজঃ। নঃ অস্মভ্যম্॥ 12-135-20 শিষ্ট্যর্থং দুষ্টানাং শাসনার্থম্॥শান্তিপর্ব - অধ্যায় 136
॥ শ্রীঃ ॥
12.136. অধ্যায়ঃ 136
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কোশবৃদ্ধ্যর্থমপহার্যানপহার্যধনবিবেচনম্॥ 1॥Mahabharata - Shanti Parva - Chapter Text
12-136-0 (70058)
ভীষ্ম উবাচ। 12-136-0x (5723)
অত্র গাথা ব্রহ্মগীতাঃ কীর্তয়ন্তি পুরাবিদঃ।
যেন মার্গেণ রাজানঃ কোশং সংজনয়ন্ত্যুত॥ 12-136-1 (70059)
ন ধনং যজ্ঞশীলানাং হার্যং দেবস্বমেব চ।
দস্যূনাং নিষ্ক্রিয়াণাং চ ক্ষত্রিয়ো হর্তুমর্হতি॥ 12-136-2 (70060)
ইমাঃ প্রজাঃ ক্ষত্রিয়াণাং রক্ষ্যা হন্যাশ্চ ভারত।
থনং হি ক্ষত্রিয়স্যেহ দ্বিতীয়স্য ন বিদ্যতে॥ 12-136-3 (70061)
তদস্য স্যাদ্বলার্থং বা ধনং যজ্ঞার্থমেব বা।
অভোজ্যাশ্চৌষধীশ্ছিত্ৎবা ভোজ্যা এব পচন্ত্যুত॥ 12-136-4 (70062)
যো বৈ ন দেবান্ন পিতৃন্ন মর্ত্যান্হবিষাঽর্চতি।
অনর্থকং ধনং তত্র প্রাহুর্ধমেবিদো জনাঃ॥ 12-136-5 (70063)
হরেত্তদ্দ্রবিণং রাজন্ধার্মিকঃ পৃথিবীতিঃ।
ন হি ন প্রীণয়েল্লোকান্ন লোকে গর্হতে নৃপম্॥ 12-136-6 (70064)
অসাধুভ্যোঽর্থমাদায় সাধুভ্যো যঃ প্রয়চ্ছতি।
আত্মানং সংক্রমং কৃৎবা মন্যে ধর্মবিদেব সঃ॥ 12-136-7 (70065)
[তথাতথা জয়েল্লোকাঞ্শক্ত্যা চৈব যথায়থা।]
ঔদ্ভিদা জন্তবো যদ্বচ্ছ্রুৎবা বাজো যথাতথা॥ 12-136-8 (70066)
অনিমিত্তাৎসংভবন্তি তথা যজ্ঞঃ প্রজায়তে।
যথৈব দংশমশকং যথা কীটপিপীলিকম্॥ 12-136-9 (70067)
সৈব বৃত্তির্হি যজ্ঞেষু যথা ধর্মো বিধীয়তে॥ 12-136-10 (70068)
যথা হ্যকস্মাদ্ভবতি ভূমৌ পাংসুস্তৃণোলপম্।
তথৈবেহ ভবেদ্ধর্মঃ সূক্ষ্মঃ সূক্ষ্মতরঃ স্মৃতঃ॥ ॥ 12-136-11 (70069)
ইতি শ্রীমন্মহাভারতে শান্তিপর্বণি আপদ্ধর্মপর্বণি ষট্ত্রিংশদধিকশততমোঽধ্যায়ঃ॥ 136॥
Mahabharata - Shanti Parva - Chapter Footnotes
12-136-4 ঔষধীশ্ছিত্ৎবা তাভিরিন্ধনীকৃতাভির্ভোজ্যা ব্রীহ্যাদ্যাঃ। দুষ্টান্ হিংসিৎবা সাধূন্পালয়েদিতি ভাবঃ॥শান্তিপর্ব - অধ্যায় 137
॥ শ্রীঃ ॥
12.137. অধ্যায়ঃ 137
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি অনাগতাপৎপ্রতিবিধানে দৃষ্টান্ততয়া মৎস্যোপাখ্যানকথনম্॥ 1॥Mahabharata - Shanti Parva - Chapter Text
12-137-0 (70070)
ভীষ্ম উবাচ। 12-137-0x (5724)
অনাগতবিধাতা চ প্রত্যুৎপন্নমতিশ্চ যঃ।
দ্বাবেতৌ সুখমেধেতে দীর্ঘসূত্রী বিনশ্যতি॥ 12-137-1 (70071)
অত্রৈব চেদমব্যগ্রং শৃণ্বাখ্যানমনুত্তমম্।
দ্রীর্ঘসূত্রমুপাশ্রিত্য কার্যাকার্যবিনিশ্চয়ে॥ 12-137-2 (70072)
নাতিগাধে জলস্থানে সুহৃদঃ কুশলাস্ত্রয়ঃ।
প্রভূতমৎস্যে কৌন্তেয় বভূবুঃ সহচারিণঃ॥ 12-137-3 (70073)
তত্রৈকঃ প্রাপ্তকালজ্ঞো দীর্ঘদর্শী তথাঽপরঃ।
দীর্ঘসূত্রশ্চ তত্রৈকস্ত্রয়াণাং জলচারিণাম্॥ 12-137-4 (70074)
ক্রদাচিত্তজ্জলস্থানং মৎস্যবন্ধাঃ সমন্ততঃ।
স্রাবয়ামাসুরথো নিম্নেষু বিবিধৈর্মুখৈঃ॥ 12-137-5 (70075)
ক্ষীয়মাণং তদ্বুদ্ধ্বা জলস্থানং ভয়াগমে।
অব্রবীদ্দীর্ঘদর্শী তু তাবুভৌ সুহৃদৌ তদা॥ 12-137-6 (70076)
জ্ঞয়মাপৎসমুৎপন্না সর্বেষাং সলিলৌকসাম্।
শীঘ্রমন্যত্র গচ্ছামঃ পন্থা যাবন্ন শুষ্যতি॥ 12-137-7 (70077)
অনাগতমনর্থং হি সুনয়ৈর্যঃ প্রবাধতে।
স ন সংশয়মাপ্নোতি তথাঽন্যত্র ব্রজামহে॥ 12-137-8 (70078)
শীর্ঘসূত্রস্তু যস্তত্র সোঽব্রবীৎসম্যগুষ্যতাম্।
ন তু কার্যা ৎবরা তাবদিতি মে নিশ্চিতা মতিঃ॥ 12-137-9 (70079)
অথ সংপ্রতিপত্তিজ্ঞস্ৎবব্রবীদ্দীর্ঘদর্শিনম্।
প্রাপ্তে কালে ন মে কিংচিন্ন্যায়তঃ পরিহাস্যতে॥ 12-137-10 (70080)
এবপ্নুক্তো নিরাক্রামদ্দীর্ঘদর্শী মহামতিঃ।
অগাম স্রোতসৈকেন গম্ভীরং সলিলাশয়ম্॥ 12-137-11 (70081)
ততঃ প্রসৃততোয়ং তং প্রসমীক্ষ্য জলাশয়ম্।
ববন্ধুর্বিবিধৈর্যোগৈর্মৎস্যান্মৎস্যোপজীবিনঃ॥ 12-137-12 (70082)
বিলোড্যমানে তস্মিংস্তু স্রুততোয়ে জলাশয়ে।
অগচ্ছদ্গ্রহণং তত্র দীর্ঘসূত্রঃ সহাপরৈ----॥ 12-137-13 (70083)
উদ্দানং ক্রিয়মাণং তু মৎস্যানাং ------।
প্রবিশ্যান্তরমন্যেষামগ্রসৎপ্রতি-------॥ 12-137-14 (70084)
গ্রস্তমেব তদুদ্দানং গৃহীৎবা----সঃ।
সর্বানেব চ তাংস্তত্র তে বি--- ইতি॥ 12-137-15 (70085)
ততঃ প্রক্ষাল্যমানেষু মৎস্যেষু বিপুলে জলে।
ৎবক্ৎবা রজ্জুং প্রমুক্তোসৌ শীঘ্রং সংপ্রতিপত্তিমান্॥ 12-137-16 (70086)
দীর্ঘসূত্রস্তু মন্দাত্মা হীনেয়ুদ্ধিরচেতনঃ।
মরণং প্রাপ্তবান্মূঢো যথৈবোপহতেন্দ্রিয়ঃ॥ 12-137-17 (70087)
এবং প্রাপ্ততমং কালং যো মোহান্নাববুধ্যতে।
স বিনশ্যতি বৈ ক্ষিপ্রং দীর্ঘসূত্রো যথা ঝষঃ॥ 12-137-18 (70088)
আদৌ ন কুরুতে শ্রেয়ঃ কুশলোঽস্মীতি যঃ পুমান্।
স হি সংশয়মাপ্নোতি যথা সংপ্রতিপত্তিমান্॥ 12-137-19 (70089)
অনাগতবিধাতা চ প্রত্যুৎপন্নমতিশ্চ যঃ।
দ্বাবেতৌ সুখমেধেতে দীর্ঘসূত্রী বিনশ্যতি॥ 12-137-20 (70090)
কাষ্ঠা কলা মুহূর্তাশ্চ দিনরাত্র্যঃ ক্ষণা লবাঃ।
মাসাঃ পক্ষাঃ ষডৃতবঃ কালঃ সংবৎসরাণি চ॥ 12-137-21 (70091)
পৃথিবী দেশ ইত্যুক্তঃ স চ কালো ন দৃশ্যতে।
অভিপ্রেতার্থসিদ্ধ্যর্থং দূরতো ন্যায়তস্তথা॥ 12-137-22 (70092)
এতৌ ধর্মার্থশাস্ত্রেষু মোক্ষশাস্ত্রেষু চর্ষিভিঃ।
প্রধানাবিতি নির্দিষ্টৌ কামে চাভিমতৌ নৃণাম্॥ 12-137-23 (70093)
পরীক্ষ্যকারী যুক্তশ্চ স সম্যগুপপাদয়েৎ।
দেশকালাবভিপ্রেতৌ তোভ্যাং ফলমবাপ্নুয়াৎ॥ ॥ 12-137-24 (70094)
ইতি শ্রীমন্মহাভারতে শান্তিপর্বণি আপদ্ধর্মপর্বণি সপ্তত্রিংশদধিকশততমোঽধ্যায়ঃ॥ 137॥
Mahabharata - Shanti Parva - Chapter Footnotes
12-137-4 তত্রৈকো দীর্ঘকালজ্ঞ উৎপন্নপ্রতিভোঽপরঃ ইতি ঝ. পাঠঃ॥ 12-137-5 বিবিধৈর্মুখৈর্জলনির্গমনমার্গৈঃ॥ 12-137-11 সলিলাশয়ং জলাশয়ান্তরম্॥ 12-137-14 উদ্দানং গ্রথনং অগ্রসৎ গ্রথনসূত্রং মুখেন জগ্রাহেত্যর্থঃ॥ 12-137-15 সচ মৎস্যঃ তথৈব গৃহীতবদেব তত্রাস্তে ইতি শেষঃ॥ 12-137-21 কালস্য দেশস্য চ সূক্ষ্মতাং অবহিতো জানীয়াদিতি শ্লোকদ্বয়ার্থঃ॥ 12-137-23 এতৌ দেশকালৌ॥শান্তিপর্ব - অধ্যায় 138
॥ শ্রীঃ ॥
12.138. অধ্যায়ঃ 138
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি আপদি শত্রুণাপি সংধিকরণবিষয়ে দৃষ্টান্ততয়া মার্জারমূষিকচরিতকথনম্॥ 1॥Mahabharata - Shanti Parva - Chapter Text
12-138-0 (70095)
যুধিষ্ঠির উবাচ। 12-138-0x (5725)
সর্বত্র বুদ্ধিঃ কথিতা শ্রেষ্ঠা তে ভরতর্ষভ।
অনাগতা তথোৎপন্না দীর্ঘসূত্রা বিনাশিনী॥ 12-138-1 (70096)
তদিচ্ছামি পরাং বুদ্ধিং শ্রোতুং তে ভরতর্ষভ।
যথা রাজা ন মুহ্যেত শত্রুভিঃ পরিপীডিতঃ॥ 12-138-2 (70097)
------যাজ্ঞং সর্বশাস্ত্রবিশারদম্।
পৃচ্ছ------- তন্মে ব্যাখ্যাতুমর্হসি॥ 12-138-3 (70098)
শত্রুভিবহু------থা মুচ্যেত পার্থিবঃ।
এতদিচ্ছাম্য------র্বমেব যথাবিধি॥ 12-138-4 (70099)
বিষমস্থং হি রাজা----ত্রবঃ পরিপন্থিনঃ।
বহবোঽপ্যেকমুদ্ধর্তুং যতন্তে পূর্বতাপিতাঃ॥ 12-138-5 (70100)
সর্বতঃ প্রার্থ্যমানেন দর্বলেন মহাবলৈঃ।
একেনৈবাসহায়েন শক্যং স্থাতুং ভবেৎকথম্॥ 12-138-6 (70101)
কথং মিত্রমরিং চাপি বিন্দেত ভরতর্ষভ।
চেষ্টিতব্যং কথং চাত্র শত্রোর্মিত্রস্য চান্তরে॥ 12-138-7 (70102)
অজাতলক্ষণে রাজন্নমিত্রে মিত্রতাং গতে।
কথং নু পুরুষঃ কুর্যাৎকৃৎবা কিং বা সুখী ভবেৎ॥ 12-138-8 (70103)
বিগ্রহং কেন বা কুর্যাৎসংধিং বা কেন যোজয়েৎ।
কথং বা শত্রুমধ্যস্থো বর্তেত বলবানপি॥ 12-138-9 (70104)
এতদ্ধৈ সর্বকৃত্যানাং পরং কৃত্যং নরাধিপ।
নৈতস্য কশ্চিদ্বক্তাঽস্তি শ্রোতা বাঽপি সুদুর্লভঃ॥ 12-138-10 (70105)
ঋতে পিতামহাদ্ভীষ্মাৎসত্যসংধাজ্জিতেন্দ্রিয়াৎ।
তদন্বীক্ষ্য মহাভাগ সর্বমেতদ্ব্রবীহি মে॥ 12-138-11 (70106)
ভীষ্ম উবাচ। 12-138-12x (5726)
ৎবদ্যুক্তোঽয়মনুপ্রশ্নো যুধিষ্ঠির গুণোদয়ঃ।
শৃণু মে পুত্র কার্ৎস্ন্যেন গুহ্যমাপৎসু ভারত॥ 12-138-12 (70107)
অমিত্রো মিত্রতাং যাতি মিত্রং চাপি প্রদুষ্যতি।
সামর্থ্যযোগাৎকার্যাণামনিত্যা হি সদা গতিঃ॥ 12-138-13 (70108)
তস্মাদ্বিশ্বসিতব্যং চ বিগ্রহং চ সমাচরেৎ।
দেশং কালং চ বিজ্ঞায় কার্যাকার্যবিনিশ্চয়ে॥ 12-138-14 (70109)
সংধাতব্যং বুধৈর্নিত্যং ব্যবস্য চ হিতার্থিভিঃ।
অমিত্রৈরপি সংধেয়ং প্রাণা রক্ষ্যা হি ভারত॥ 12-138-15 (70110)
যো হ্যমিত্রৈর্নরৈর্নিত্যং ন সংদধ্যাদপণ্ডিতঃ।
ন সোর্থং প্রাপ্নুয়াৎকিংচিৎফলান্যপি চ ভারত॥ 12-138-16 (70111)
যস্ৎবমিত্রেণ সংধত্তে মিত্রেণ চ বিরুধ্যতে।
অর্থয়ুক্তিং সমালোক্য সুমহদ্বিন্দতে ফলম্॥ 12-138-17 (70112)
অত্রাপ্যুদাহরন্তীমমিতিহাসং পুরাতনম্।
মার্জারস্য চ সংবাদং ন্যগ্রোধে মূষিকস্য চ॥ 12-138-18 (70113)
বনে মহতি কস্মিংশ্চিন্ন্যগ্রোধঃ সুমহানভূৎ।
লতাজালপরিচ্ছন্নো নানাদ্বিজগণায়ুতঃ॥ 12-138-19 (70114)
স্কন্ধবান্মেঘসংকাশঃ শীতচ্ছায়ো মনোরমঃ।
অরণ্যমভিতো জাতস্তরুর্ব্যালমৃগায়ুতঃ॥ 12-138-20 (70115)
তস্য মূলমুপাশ্রিত্য কৃৎবা শতমুখং বিলম্।
বসতি স্ম মহাপ্রাজ্ঞঃ পলিতো নাম মূষিকঃ॥ 12-138-21 (70116)
শাখাং তস্য সমাশ্রিত্য বসতি স্ম সুখং তদা।
লোমশো নাম মার্জারঃ সর্বসৎবাবসাদকঃ॥ 12-138-22 (70117)
তত্র ৎবাগত্য চণ্ডালো হ্যরণ্যকৃতকেতনঃ।
যুয়োজ যন্ত্রমুন্মাথং নিত্যমস্তংগতে রবৌ॥ 12-138-23 (70118)
তত্র স্নায়ুময়ান্পাশান্যথাবৎসংবিধায় সঃ।
গৃহং গৎবা সুখং শেতে প্রভাতামেতি শর্বরীম্॥ 12-138-24 (70119)
তত্র স্ম নিত্যং বধ্যন্তে নক্তং বহুবিধা মৃগাঃ।
কদাচিদত্র মার্জারঃ সংপ্রবৃত্তো ব্যবধ্যত॥ 12-138-25 (70120)
তস্মিন্বদ্ধে মহাপ্রাণে শত্রৌ নিত্যাততায়িনি।
তং কালং পলিতো জ্ঞাৎবা প্রচচার সুনির্ভয়ঃ॥ 12-138-26 (70121)
তেনানুচরতা তস্মিন্বতে বিশ্বস্তচারিণা।
ভক্ষ্যং মৃগয়মাণে নচিরাদ্দৃষ্টমামিষম্॥ 12-138-27 (70122)
স তমুন্মাথমারুহ্য তদামিষমভক্ষয়ৎ।
তস্যোপরি সপত্নস্য বদ্ধস্য মনসা হসন্॥ 12-138-28 (70123)
আমিষে তু প্রসক্তঃ স কদাচিতবলোকয়ন্।
অপশ্যদপরং ঘোরমাত্মনো রিপুমাগতম্॥ 12-138-29 (70124)
শরপ্রসূনসংকাশং মহীবিবরশায়িনম্।
সকুলং হরিকং নাম চপলং তাম্রলোচনম্॥ 12-138-30 (70125)
তন মূষিকগন্ধেন ৎবরমাণ উপাগতম্।
সক্ষ্যার্থং লেলিহন্বক্রং ভূমাবূর্ধ্বমুখঃ স্থিতঃ॥ 12-138-31 (70126)
--াখাগতমরিং চান্যমপশ্যৎকোটরালয়ম্।
সূলকং চন্দ্রকং নাম বক্রতুণ্ডং দুরাসদম্॥ 12-138-32 (70127)
পতস্য বিষয়ং তস্য নকুলোলূকয়োস্তথা।
যথাস্যাসীদিয়ং চিন্তা তৎপ্রাপ্তস্য মহদ্ভয়ম্॥ 12-138-33 (70128)
পপদ্যস্যাং সুকষ্টায়াং মরণে সমুপস্থিতে।
মন্তাদ্ভয় উৎপন্নে কথং কার্যং মনীষিণা॥ 12-138-34 (70129)
তথা সর্বতো রুদ্ধঃ সর্বত্র ভয়কর্শিতঃ।
ভবদ্ভয়সংত্রস্তশ্চক্রে চ পরমাং মতিম্॥ 12-138-35 (70130)
আপদ্বিনাশভূয়িষ্ঠং শঙ্কনীয়ং হি জীবিতম্।
মন্তাৎসংশয়ঃ সোঽয়ং তস্মাদাপদুপস্থিতা॥ 12-138-36 (70131)
গতং হি সহসা ভূমিং নকুলো মামবাপ্নুয়াৎ।
উলূকশ্চেহ তিষ্ঠন্তং মার্জারঃ পাশসংক্ষয়াৎ॥ 12-138-37 (70132)
ন ৎবেবাস্মদ্বিধঃ প্রাজ্ঞঃ সংমোহং গন্তুমর্হতি।
রিষ্যে জীবিতে যত্নং যাবদুচ্ছ্বাসনিগ্রহাৎ॥ 12-138-38 (70133)
ন হি বুদ্ধ্যাঽন্বিতঃ প্রাজ্ঞো নীতিশাস্ত্রবিশারদঃ।
নিমজ্জত্যাপদং প্রাপ্য মহতোঽর্থানবাপ্য হ॥ 12-138-39 (70134)
ন ৎবন্যামিহ মার্জারাদ্গতিং পশ্যামি সাংপ্রতম্।
বিষমস্থো হ্যযং শত্রুঃ কৃত্যং চাস্য মহন্ময়া॥ 12-138-40 (70135)
জীবিতার্থী কথং ৎবদ্য শত্রুভিঃ প্রার্থিতস্ত্রিভিঃ।
প্রাণহেতোরিমং মিত্রং মার্জারং সংশ্রয়ামি বৈ॥ 12-138-41 (70136)
নীতিশাস্ত্রং সমাশ্রিত্য হিতমস্যোপবর্ণয়ে।
যেনেমং শত্রুসংঘাতং মতিপূর্বেণ বঞ্চয়ে॥ 12-138-42 (70137)
অয়মত্যন্তশত্রুর্মে বৈষম্যং পরমং গতঃ।
মূঢো গ্রাহয়িতুং স্বার্থং সংগত্যা যদি শক্যতে॥ 12-138-43 (70138)
কদাজিদ্ব্যসনং প্রাপ্য সংধিং কুর্যান্ময়া সহ॥ 12-138-44 (70139)
বলিনা সন্নিকৃষ্টস্য শত্রোরপি পরিগ্রহঃ।
কার্য ইত্যাহুরাচার্যা বিষমে জীবিতার্থিনা॥ 12-138-45 (70140)
শ্রেষ্ঠো হি পণ্ডিতঃ শত্রুর্ন চ মিত্রমপণ্ডিতঃ।
অমিত্রে খলু মার্জারে জীবিতং সংপ্রতিষ্ঠিতম্॥ 12-138-46 (70141)
ততোঽস্মৈ সংপ্রবক্ষ্যামি হেতুমাত্মাভিরক্ষণে।
অপীজানীময়ং শত্রুঃ সংগত্যা পণ্ডিতো ভবেৎ॥ 12-138-47 (70142)
এবং বিচিন্তয়ামাস মূষিকঃ শত্রুচেষ্টিতম্॥ 12-138-48 (70143)
ততোঽর্থগতিতত্ৎবজ্ঞঃ সংধিবিগ্রহকালবিৎ।
সান্ৎবপূর্বমিদং বাক্যং মার্জারং মূষিকোঽব্রবীৎ॥ 12-138-49 (70144)
সৌহৃদেনাভিভাষে ৎবাং কচ্চিন্মার্জার জীবসে।
জীবিতং হি তবেচ্ছামি শ্রেয়ঃ সাধারণং হি নৌ॥ 12-138-50 (70145)
ন তে সৌম্য ভয়ং কার্যং জীবিষ্যসি যথা পুরা।
অহং ৎবামুদ্ধরিষ্যামি প্রাণাঞ্জহ্যাং হি তে কৃতে॥ 12-138-51 (70146)
অস্তি কশ্চিদুপায়োঽত্র পুষ্কল প্রতিভাতি মে।
যেন শক্যস্ৎবয়া মোক্ষঃ প্রাপ্নুং শ্রেয়স্তথা ময়া॥ 12-138-52 (70147)
ময়াঽপ্যুপায়ো দৃষ্টোঽয়ং বিচার্য মতিমাত্মনঃ।
আত্মার্থং চ ৎবদর্থং চ শ্রেয়ঃ সাধারণাং হি নৌ॥ 12-138-53 (70148)
ইদং হি নকুলোলূকং পাপবুদ্ধ্যা হি সংস্থিতম্।
ন ধর্ষয়তি মার্জার তেন তে স্বস্তি সাংপ্রতম্॥ 12-138-54 (70149)
কূজংশ্চপলনেত্রোঽয়ং কৌশিকো মাং নিরীক্ষতে।
নগশাখাগ্রগঃ পাপস্তস্যাহং ভৃশমুদ্বিজে॥ 12-138-55 (70150)
সতাং সাপ্তপদং মৈত্রং স সখা মেঽসি পণ্ডিতঃ।
সাহায়্যকং করিষ্যামি নাস্তি তে প্রাণতো ভয়ম্॥ 12-138-56 (70151)
ন হি শক্তোঽসি মার্জার পাশং ছেত্তুং ময়া বিনা।
অহং ছেৎস্যামি পাশাংস্তে যদি মাং ৎবং ন হিংসসি॥ 12-138-57 (70152)
ৎবমাশ্রিতো দ্রুমস্যাগ্রং মূলং ৎবহমুপাশ্রিতঃ।
চিরোষিতাবুভাবাবাং বৃক্ষেঽস্মিন্বিদিতং চ তে॥ 12-138-58 (70153)
যস্মিন্নাশ্বাসতে কশ্চিদ্যশ্চ নাশ্বসিতি ক্বচিৎ।
ন তৌ ধীরাঃ প্রশংসন্তি নিত্যমুদ্বিগ্রমানসৌ॥ 12-138-59 (70154)
তস্মাদ্বিবর্ধতাং প্রীতির্নিত্যং সংগতমস্তু নৌ।
কালাতীতমিহার্থং হি ন প্রশংসন্তি পণ্ডিতাঃ॥ 12-138-60 (70155)
অর্থয়ুক্তিমিমাং তত্র যথাভূতাং নিশাময়।
তব জীবিতমিচ্ছামি ৎবং মমেচ্ছসি জীবিতম্॥ 12-138-61 (70156)
কশ্চিত্তরতি কাষ্ঠেন সুগম্ভীরাং মহানদীম্।
স তারয়তি তৎকাষ্ঠং স চ কাষ্ঠেন তার্যতে॥ 12-138-62 (70157)
ঈদৃশো নৌ ক্রিয়ায়োগো ভবিষ্যতি সুবিস্তরঃ।
অহং ৎবাং তারয়িষ্যামি মাং চ ৎবং তারয়িষ্যসি॥ 12-138-63 (70158)
এবমুক্ৎবা তু পলিতস্তমর্থমুভয়োর্হিতম্।
হেতুমদ্গ্রহণীয়ং চ কালাপেক্ষী ব্যতিষ্ঠত॥ 12-138-64 (70159)
অথ সুব্যাহৃতং শ্রুৎবা তস্য শত্রোর্বিচক্ষণঃ।
হেতুমদ্গ্রহণীয়ার্থং মার্জারো বাক্যমব্রবীৎ॥ 12-138-65 (70160)
বুদ্ধিমান্বাক্যসংপন্নস্তদ্বাক্যমনুবর্তয়ন্।
স্বামবস্থাং প্রতীক্ষ্যৈনং সাম্নৈব প্রত্যপূজয়ৎ॥ 12-138-66 (70161)
ততস্তীক্ষ্ণাগ্রদশনো মণিবৈদূর্যলোচনঃ।
মূষিকং মন্দমুদ্বীক্ষ্য মার্জারো লোমশোঽব্রবীৎ॥ 12-138-67 (70162)
নন্দামি সৌম্য ভদ্রং তে যো মাং জীবিতুমিচ্ছসি।
শ্রেয়শ্চ যদি জানীষে ক্রিয়তাং মা বিচারয়॥ 12-138-68 (70163)
অহং হি ভৃশমাপন্নস্ৎবমাপন্নতরো ময়া।
দ্বয়োরাপন্নয়োঃ সন্ধিঃ ক্রিয়তাং মা চিরায় চ॥ 12-138-69 (70164)
বিধৎস্ব প্রাপ্তকালং যৎকার্থং সিধ্যতু চাবয়োঃ।
ময়ি কৃচ্ছ্রাদ্বিনির্মুক্তে ন বিনঙ্ক্ষ্যতি তে কৃতম্॥ 12-138-70 (70165)
ন্যস্তমানোস্মি ভক্তোস্মি শিষ্যস্ৎবদ্ধিতকৃত্তথা।
তথা নিদেশবর্তী চ ভবন্তং শরণং গতঃ॥ 12-138-71 (70166)
ইত্যেবমুক্তঃ পলিতো মার্জারং বশমাগতম্।
বাক্যং হিতমুবাচেদমভিজাতার্থমর্থবিৎ॥ 12-138-72 (70167)
উদারং যদ্ভবানাহ নৈতচ্চিত্রং ভবদ্বিধে।
বিহিতো যস্তু মার্গো মে হিতার্থং শৃণু তং মম॥ 12-138-73 (70168)
অহং ৎবাঽনুপ্রবেক্ষ্যামি নকুলান্মে মহদ্ভয়ম্।
ত্রায়স্ব মাং মা বধীশ্চ শক্তোঽস্মি তব রক্ষণে॥ 12-138-74 (70169)
উলূকাচ্চৈব মাং রক্ষ ক্ষুদ্রঃ প্রার্থয়তে হি মাম্।
অহং ছেৎস্যামি তে পাশান্সখে সত্যেনে তে শপে॥ 12-138-75 (70170)
তদ্বচঃ সংগতং শ্রুৎবা লোমশো যুক্তমর্থবৎ।
হর্ষাদুদ্বীক্ষ্য পলিতং স্বাগতেনাভ্যপূজয়ৎ॥ 12-138-76 (70171)
তং সংপূজ্যাথ পলিতং মার্জারঃ সৌহৃদে স্থিতম্।
স বিচিন্ত্যাব্রবীদ্ধীরঃ প্রীতস্ৎবরিত এব চ॥ 12-138-77 (70172)
ক্ষিপ্রমাগচ্ছ ভদ্রং তে ৎবং মে প্রাণসমঃ সখা।
তব প্রাজ্ঞপ্রসাদাদ্ধি প্রিয়ং প্রাপ্স্যামি জীবিতম্॥ 12-138-78 (70173)
যদ্যদেবংগতেনাদ্য শক্যং কর্তুং ময়া তব।
তদাজ্ঞাপস্য কর্তাস্মি সিদ্ধিরেবাস্তু নৌ সখে॥ 12-138-79 (70174)
অস্মাত্তে সংশয়ান্মুক্তঃ সমিত্রগণবান্ধবঃ।
সর্বকার্যাণি কর্তাঽহং প্রিয়াণি চ হিতানি চ॥ 12-138-80 (70175)
মুক্তশ্চ ব্যসনাদস্মাৎসৌম্যাহমপি নাম তে।
প্রীতিমুৎপাদয়েয়ং ন প্রতিকর্তুং চ শক্নুয়াম্॥ 12-138-81 (70176)
প্রত্যুপকুর্বন্বহ্বপি ন ভাতি পূর্বোপকারিণা তুল্যঃ।
একঃ করোতি হি কৃতে নিষ্কারণমেব কুরুতেঽন্যঃ॥ 12-138-82 (70177)
ভীষ্ম উবাচ। 12-138-83x (5727)
এবমাশ্বাসিতো বিদ্বান্মার্জারেণ স মূষিকঃ।
প্রবিবেশ সুবিস্রব্ধঃ সম্যগঙ্গীচকার হ॥ 12-138-83 (70178)
গ্রাহয়িৎবা তু তং স্বার্থং মার্জারং মূষিকস্তথা।
মার্জারোরসি বিস্রব্ধঃ সুষ্বাপ পিতৃমাতৃবৎ॥ 12-138-84 (70179)
নিলীনং তস্য গাত্রেষু মার্জারস্যাথ মূষিকম্।
দৃষ্ট্বা তৌ নকুলোলূকৌ নিরাশৌ প্রত্যপদ্যতাম্॥ 12-138-85 (70180)
তথৈব তৌ সুসংত্রস্তৌ দৃঢমাগততন্দ্রিতৌ।
দৃষ্ট্বা তয়োঃ পরাং প্রীতিং বিস্ময়ং পরমং গতৌ॥ 12-138-86 (70181)
বলিনৌ মতিমন্তৌ চ সুবৃত্তৌ চাপ্যুপাসিতৌ।
অশক্তৌ তু নয়াত্তস্মাৎসংপ্রধর্ষয়িতুং বলাৎ॥ 12-138-87 (70182)
কার্যার্থং কৃতসংধী তৌ দৃষ্ট্বা মার্জারমূষিকৌ।
উলূকনকুলৌ তূর্ণং জগ্মতুস্তৌ স্বমালয়ম্॥ 12-138-88 (70183)
লীনঃ স তস্য গাত্রেষু পলিতো দেশকালবিৎ।
চিচ্ছেদ পাশান্নৃপতে কালাকাঙ্ক্ষী শনৈঃ শনৈঃ॥ 12-138-89 (70184)
অথ বন্ধপরিক্লিষ্টো মার্জারো বীক্ষ্য মূষিকম্।
ছিন্দন্তং বৈ তদা পাশানৎবরন্তং ৎবরান্বিতঃ॥ 12-138-90 (70185)
তমৎবরন্তং পলিতং পাশানাং ছেদনে তদা।
সংচোদয়িতুমারেভে মার্জারো মূষিকং ততঃ॥ 12-138-91 (70186)
কিং সৌম্য নাতিৎবরসে কিং কৃতার্থোঽবমন্যসে।
ছিন্ধি পাশানমিত্রঘ্ন পুরা শ্বপচ এতি সঃ॥ 12-138-92 (70187)
ইত্যুক্তস্ৎবরতাঽনেন মতিমান্পলিতোঽব্রবীৎ।
মার্জারমকৃতপ্রজ্ঞং তথ্যমাত্মহিতং বচঃ॥ 12-138-93 (70188)
তূষ্ণীং ভব ন তে সৌম্য ৎবরা কার্যা ন সংভ্রমঃ।
বয়মেবাত্র কালজ্ঞা ন কালঃ পরিহাস্যতে॥ 12-138-94 (70189)
অকালে কৃত্যমারব্ধং কর্তুর্নার্থায় কল্পতে।
তদেব কাল আরব্ধং মহতেঽর্থায় কল্পতে॥ 12-138-95 (70190)
অকালে বিপ্রমুক্তান্মে ৎবত্ত এব ভয়ং ভবেৎ।
তস্মাৎকালং প্রতীক্ষস্ব কিমিতি ৎবরসে সখে॥ 12-138-96 (70191)
যাবৎপশ্যামি চণ্ডালমায়ান্তং শস্ত্রপাণিনম্।
ততশ্ছেৎস্যামি তে পাশান্প্রাপ্তে সাধারণে ভয়ে॥ 12-138-97 (70192)
তস্মিন্কালে প্রমুক্তস্ৎবং তরুমেবাধিরোক্ষ্যসে।
ন হি তে জীবিতাদন্যৎকিংচিৎকৃত্যং ভবিষ্যতি॥ 12-138-98 (70193)
তস্মিন্কালেঽপি চ ততা দিবাকীর্তিভয়ার্দিতঃ।
মম ন গ্রহণে শক্তঃ পলায়নপরায়ণঃ॥' 12-138-99 (70194)
ততো ভবত্যপক্রান্তে ত্রস্তে ভীতে চ লুব্ধকাৎ।
অহং বিলং প্রবেক্ষ্যামি ভবাঞ্শাখাং গমিষ্যতি॥ 12-138-100 (70195)
এবমুক্তস্তু মার্জারো মূষিকেণাত্মনো হিতম্।
বচনং বাক্যতত্ৎবজ্ঞো জীবিতার্থী মহামতিঃ॥ 12-138-101 (70196)
অথাত্মকৃত্যে ৎবরিতঃ সম্যক্প্রার্থিতমাচরন্।
উবাচ লোমশো বাক্যং মূষিকং চিরকারিণাম্॥ 12-138-102 (70197)
নহ্যেবং মিত্রকার্যাণি প্রীত্যা কুর্বন্তি সাধবঃ॥ 12-138-103 (70198)
যথা ৎবং মোক্ষিতঃ কৃচ্ছ্রাত্ৎবরমাণেন বৈ ময়া।
তথা হি ৎবরমাণেন ৎবয়া কার্যমিদং মম।
যত্নং কুরু মহাপ্রাজ্ঞ যথা স্বস্ত্যাবয়োর্ভবেৎ॥ 12-138-104 (70199)
অথবা পূর্ববৈরং ৎবং স্মরন্কালং জিহীর্ষসি।
পশ্য দুষ্কৃতকর্মংস্ৎবং ব্যক্তমায়ুঃক্ষয়ো মম॥ 12-138-105 (70200)
যদি কিংচিন্ময়াঽজ্ঞানাৎপুরস্তাদ্দুষ্কৃতং কৃতম্।
ন তন্মনসি কর্তব্যং ক্ষাময়ে ৎবাং প্রসীদ মে॥ 12-138-106 (70201)
তমেবংবাদিনং প্রাজ্ঞং শাস্ত্রবিদ্বুদ্ধিসত্তমঃ।
উবাচেদং বচঃ শ্রেষ্ঠং মার্জারং মূষিকস্তদা॥ 12-138-107 (70202)
শ্রুতং মে তব মার্জার স্বমর্থং পরিগৃহ্ণতঃ।
মমাপি ৎবং বিজানাসি স্বমর্থং পরিগৃহ্ণতঃ॥ 12-138-108 (70203)
যন্মিত্রং ভীতবৎসাধ্যং যস্মিন্মিত্রে ভয়ং হিতম্।
আরক্ষিতং ততঃ কার্যং পাণিঃ সর্পমুখাদিব॥ 12-138-109 (70204)
কৃৎবা বলবতা সংধিমাত্মানং যো ন রক্ষতি।
অপথ্যমিব তদ্ভুক্তং তস্যার্থায় কল্পতে॥ 12-138-110 (70205)
কশ্চিৎকস্যচিন্মিত্রং ন কশ্চিৎকস্যচিদ্রিপুঃ।
অর্থতস্তু নিবধ্যন্তে মিত্রাণি রিপবস্তথা॥ 12-138-111 (70206)
অর্থৈরর্থা নিবধ্যন্তে গজৈরিব মহাগজাঃ।
ন চ কশ্চিৎকৃতে কার্যে কর্তারং সমবেক্ষতে।
তস্মাৎসর্বাণি কার্যাণি সাবশেষাণি কারয়েৎ॥ 12-138-112 (70207)
তস্মিন্কালেঽপি চ ভবান্দিবাকীর্তিভয়ার্দিতঃ।
মম ন গ্রহণে শক্তঃ পলায়পরায়ণঃ॥ 12-138-113 (70208)
ছিন্নং তু তন্তুবাহুল্যং তন্তুরেকোঽবশেষিতঃ।
ছেৎস্যাম্যহং তমপ্যাশু নির্বৃতো ভব লোমশ॥ 12-138-114 (70209)
তয়োঃ সংবদতোরেবং তথৈবাপন্নয়োর্দ্বয়োঃ।
ক্ষয়ং জগাম সা রাত্রির্লোমশং ৎবাগমদ্ভয়ম্॥ 12-138-115 (70210)
ততঃ প্রভাতসময়ে বিকটঃ কৃষ্ণপিঙ্গলঃ।
স্থূলস্ফিগ্বিকৃতো রূক্ষঃ শ্বয়ূথপরিবারিতঃ॥ 12-138-116 (70211)
শঙ্কুকর্ণো মহাবক্রঃ খনিত্রী ঘোরদর্শনঃ।
পরিঘো নাম চণ্ডালঃ শস্ত্রপাণিরদৃশ্যত॥ 12-138-117 (70212)
তং দৃষ্ট্বা যমদূতাভং মার্জারস্ত্রস্তচেতনঃ।
উবাচ পলিতং ভীতঃ কিমিদানীং করিষ্যসি॥ 12-138-118 (70213)
তথৈব চ সুসংত্রস্তৌ তং দৃষ্ট্বা ঘোরসংকুলম্।
ক্ষণেন নকুলোলূকৌ নৈরাশ্যমুপজগ্মতুঃ॥ 12-138-119 (70214)
বলিনৌ মতিমন্তৌ চ সংঘাতং চাপ্যুপাগতৌ।
অশক্তৌ সুনয়াত্তস্মাৎসংপ্রধর্ষয়িতুং বলাৎ॥ 12-138-120 (70215)
কার্যার্থে কৃতসংধী তৌ দৃষ্ট্বা মার্জারমূষিকৌ।
উলূকনকুলৌ তূর্ণং জগ্মতুঃ স্বংস্বমালয়ম্॥ 12-138-121 (70216)
ততশ্চিচ্ছেদ তং তন্তুং মার্জারস্য স মূষিকঃ।
বিপ্রমুক্তোঽথ মার্জারস্তমেবাভ্যপতদ্দুমম্॥ 12-138-122 (70217)
স তস্মাৎসংভ্রমান্মুক্তো মুক্তো ঘোরেণ সত্রুণা।
বিলং বিবেশ পলিতঃ শাখাং লেভে স লোমশঃ॥ 12-138-123 (70218)
উন্মাথমপ্যুপাদায় চণ্ডালো বীক্ষ্য সর্বশঃ।
বিহতাশঃ ক্ষণেনৈব তস্মাদ্দেশাদপাক্রমৎ।
জগাম স স্বভবনং চণ্ডালো ভরতর্ষভ॥ 12-138-124 (70219)
ততস্তস্মাদ্ভান্মুক্তো দুর্লভং প্রাপ্য জীবিতম্।
বিলস্থং পাদপাগ্রস্থঃ পলিতং লোমশোঽব্রবীৎ॥ 12-138-125 (70220)
অকৃৎবা সংবিদং কাংচিৎসহসা ৎবমপস্রুতঃ।
কৃতজ্ঞঃ কৃতকল্যাণঃ কচ্চিন্মাং নাভিশঙ্কসে॥ 12-138-126 (70221)
গৎবা চ মম বিশ্বাসং দত্ৎবা চ মম জীবিতম্।
মিত্রোপভোগসময়ে কিং হি মাং নোপসর্পসি॥ 12-138-127 (70222)
কৃৎবা হি পূর্বং মিত্রাণি যঃ পশ্চান্নানুতিষ্ঠতি।
ন স মিত্রাণি লভতে কৃচ্ছ্রাৎস্বাপৎসু দুর্মতিঃ॥ 12-138-128 (70223)
সৎকৃতোঽহং ৎবয়া মিত্র সামর্থ্যাদাত্মানঃ সখে।
স মাং মিত্রৎবমাপন্নমুপভোক্তুং ৎবমর্হসি॥ 12-138-129 (70224)
যানি মে সন্তি মিত্রাণি যে চ মে সন্তি বান্ধবাঃ।
সর্বে ৎবাং পূজয়িষ্যন্তি শিষ্যা গুরুমিব প্রিয়ম্॥ 12-138-130 (70225)
অহং চ পূজয়িষ্যে ৎবাং সমিত্রগণবান্ধবম্।
জীবিতস্য প্রদাতারং কৃতজ্ঞঃ কো ন পূজয়েৎ॥ 12-138-131 (70226)
ঈশ্বরো মে ভবানস্তু শরীরস্য গৃহস্য চ।
অর্থানাং চৈব সর্বেষামনুশাস্তা চ মে ভব॥ 12-138-132 (70227)
অমাত্যো মে ভব প্রাজ্ঞ পিতেবেহ প্রশাধি মাম্।
ন তেঽস্তি ভয়মস্মত্তো জীবিতেনাত্মনঃ শপে॥ 12-138-133 (70228)
বুদ্ধ্যা ৎবমুশনা সাক্ষাদ্বলেনাধিকৃতা বয়ম্।
ৎবং মন্ত্রবলয়ুক্তো হি দদ্যা বিজয়মেব মে॥ 12-138-134 (70229)
এবমুক্তঃ পরং সান্ৎবং মার্জারেণ স মূষিকঃ।
উবাচ পরমার্থজ্ঞঃ শ্লক্ষ্ণমাত্মহিতং বচঃ॥ 12-138-135 (70230)
যদ্ভবানাহ তৎসর্বং ময়া তে লোমশ শ্রুতম্।
মমাপি তাবদ্ব্রুবতঃ শৃণু যৎপ্রতিভাতি মে॥ 12-138-136 (70231)
বেদিতব্যানি মিত্রাণি বোদ্ধব্যাশ্চাপি শত্রবঃ।
এতৎসুসূক্ষ্মং লোকেঽস্মিন্দৃশ্যতে প্রাজ্ঞসংমতৈঃ॥ 12-138-137 (70232)
শত্রুরূপা হি সুহৃদো মিত্ররূপাশ্চ শত্রবঃ।
সান্ৎবিতাস্তে ন বুধ্যন্তে রাগলোভবশং গতাঃ॥ 12-138-138 (70233)
যেষাং সৌম্যানি মিত্রাণি ক্রোধনাশ্চৈব শত্রবঃ।
সান্ৎবিতাস্তে ন বুধ্যন্তে রাগলোভবশংগতাঃ॥ 12-138-139 (70234)
নাস্তি জাত্যা রিপুর্নাম মিত্রং নাম ন বিদ্যতে।
সামর্থ্যযোগাজ্জায়ন্তে মিত্রাণি রিপবস্তথা॥ 12-138-140 (70235)
যো যস্মিঞ্জীবতি স্বার্থে পশ্যেৎপীডাং ন জীবতি।
স তস্য মিত্রং তাবৎস্যঃদ্যাবন্ন স্যাদ্বিপর্যযঃ॥ 12-138-141 (70236)
নাস্তি মৈত্রী স্থিরা নাম ন চ ধ্রুবমসৌহৃদম্।
অর্থয়ুক্ত্যাঽনুজায়ন্তে মিত্রাণি রিপবস্তথা॥ 12-138-142 (70237)
মিত্রং চ শত্রুতামেতি কস্মিংশ্চিৎকালপর্যযে।
শত্রুশ্চ মিত্রতামেতি স্বার্থো হি বলবত্তরঃ॥ 12-138-143 (70238)
যো বিশ্বসিতি মিত্রেষু ন বিশ্বসিতি শত্রুষু।
অর্থয়ুক্তিমবিজ্ঞায় চলিতং তস্য জীবিতম্॥ 12-138-144 (70239)
মিত্রে বা যদি বা শত্রৌ তস্যাপি চলিতা মতিঃ।
ন বিশ্বসেদবিশ্বস্তে বিশ্বস্তে নাতিবিশ্বসেৎ।
বিশ্বাসাদ্ভয়মুৎপন্নমপি মূলানি কৃন্ততি॥ 12-138-145 (70240)
অর্থয়ুক্ত্যা হি জায়ন্তে পিতা মাতা সুতস্তথা।
মাতুলা ভাগিনেয়াশ্চ তথা সংবন্ধিবান্ধবাঃ॥ 12-138-146 (70241)
পুত্রং হি মাতাপিতরৌ ত্যজতঃ পতিতং প্রিয়ম্।
লোকো রক্ষতি চাত্মানং পশ্য স্বার্থস্য সারতাম্॥ 12-138-147 (70242)
সামান্যা নিষ্কৃতিঃ প্রাজ্ঞ যো মোক্ষাৎসমন্তরম্।
কৃত্যং মৃগয়তে কর্তুং সুখোপায়মসংশয়ম্॥ 12-138-148 (70243)
অস্মিন্নিলয় এবং ৎবং ন্যগ্রোধাদবতারিতঃ।
পূর্বং নিবিষ্টমুন্মাথং চপলন্বান্ন বুদ্ধবান্॥ 12-138-149 (70244)
আত্মনশ্চপলো নাস্তি কুতোঽন্যেষাং ভবিষ্যতি।
তস্মাৎসর্বাণি কার্যাণি চপলো হন্ত্যসংশয়ম্॥ 12-138-150 (70245)
ব্রবীষি মধুরং যচ্চ প্রিয়ো মেঽদ্য ভবানিতি।
তন্মিথ্যাকারণং সর্বং বিস্তরেণাপি মে শৃণু॥ 12-138-151 (70246)
কারণাৎপ্রিয়তামেতি দ্বেষ্যো ভবতি কারণাৎ।
অর্থার্থী জীবলোকোঽয়ং ন কশ্চিৎকস্যচিৎপ্রিয়ঃ॥ 12-138-152 (70247)
সখ্যং সোদর্যযোর্ভ্রাত্রোদর্পংত্যোর্বা পরস্পরম্।
কস্যচিন্নাভিজানামি প্রীতিং নিষ্কারণামিহ॥ 12-138-153 (70248)
যদ্যপি ভ্রাতরঃ ক্রুদ্ধা ভার্যা বা কারণান্তরে।
স্বভাবতস্তে প্রীয়ন্তে নেতরঃ প্রাকৃতো জনঃ॥ 12-138-154 (70249)
প্রিয়ো ভবতি দানেন প্রিয়বাদেন চাপরঃ।
মন্ত্রহোমজপৈরন্যঃ কার্যার্থে প্রীয়তে জনঃ॥ 12-138-155 (70250)
উৎপন্না কারণাৎপ্রীতিরাসীন্নৌ কারণান্তরে।
প্রধ্বস্তে কারণস্থানে সা প্রীতির্নাভিবর্ততে॥ 12-138-156 (70251)
কিংনু তৎকারণং মন্যে যেনাহং ভবতঃ প্রিয়ঃ।
অন্যত্রাভ্যবহারার্থাত্তত্রাপি চ বুধা বয়ম্॥ 12-138-157 (70252)
কালো হেতুং বিকুরুতে স্বার্থস্তমনুবর্ততে।
স্বার্ধং প্রাজ্ঞোঽভিজানাতি প্রাজ্ঞং লোকোঽনুবর্ততে।
ন ৎবীদৃশং ৎবয়া বাচ্যং বিদ্যতে স্বার্থপণ্ডিতঃ॥ 12-138-158 (70253)
ন কালো হি সমর্থস্য স্নেহহেতুরয়ং তব।
তস্মান্নাহং চলে স্বার্থাৎসুস্থিতঃ সংধিবিগ্রহে॥ 12-138-159 (70254)
অভ্রাণামিব রুপাণি বিকুর্বন্তি পদেপদে।
অদ্যৈব হি রিপুর্ভূৎবা পুনরদ্যৈব মে সুহৃৎ।
পুনশ্চ রিপুরদ্যৈব যুক্তীনাং পশ্য চাপলম্॥ 12-138-160 (70255)
আসীন্মৈত্রী তু তাবন্নৌ যাবদ্ধেতুরভূৎপুরা।
সাগতা সহ তেনৈব কালয়ুক্তেন হেতুনা॥ 12-138-161 (70256)
ৎবং হি মেঽত্যন্ততঃ শত্রুঃ সামর্থ্যান্মিত্রতাং গতঃ।
তৎকৃত্যমভিনির্বর্ত্য প্রকৃতিঃ শত্রুতাং গতা॥ 12-138-162 (70257)
সোঽহমেবং প্রণীতানি জ্ঞাৎবা শাস্ত্রাণি তত্ৎবতঃ।
প্রাবিশেয়ং কথং পাশং ৎবৎকৃতে তদ্ব্রবীহি মে॥ 12-138-163 (70258)
ৎবদ্বীর্যেণ বিমুক্তোঽহং মদ্বীর্যেণ তথা ভবান্।
অন্যোন্যানুগ্রহে বৃত্তে নাস্তি ভূয়ঃ সমাগমঃ॥ 12-138-164 (70259)
ৎবং হি সৌম্য কৃতার্থোঽদ্য নিবৃত্তার্থাস্তথা বয়ম্।
ন তেঽস্ত্যদ্য ময়া কৃত্যং কিংচিদন্যত্র ভক্ষণাৎ॥ 12-138-165 (70260)
অহমন্নং ভবান্ভোক্তা দুর্বলোঽহং ভবান্বলী।
নাবয়োর্বিদ্যতে সংধির্বিয়ুক্তে বিষমে বলে॥ 12-138-166 (70261)
স মন্যেঽহং তব প্রজ্ঞাং যন্মোক্ষাৎপ্রত্যনন্তরম্।
ভক্ষ্যং মৃগয়তে নূনং সুখোপায়মসংশয়ম্॥ 12-138-167 (70262)
--র্থী হ্যেব সুব্যক্তো বিমুক্তঃ প্রসৃতঃ ক্ষুধা।
শাস্ত্রজাং মতিমাস্থায় প্রাতরাশমিহেচ্ছসি॥ 12-138-168 (70263)
জানামি ক্ষুধিতং চ ৎবামাহারসময়শ্চ তে।
স ৎবং মামভিসংধায় ভক্ষ্যং মৃগয়সে পুনঃ॥ 12-138-169 (70264)
কিংচাত্র পুত্রদারার্থং যদ্বাণীং সৃজসে ময়ি।
শুশ্রূষাং যতসে কর্তুং সখে মম তৎক্ষমম্॥ 12-138-170 (70265)
ৎবয়া মাং সহিতং দৃষ্ট্বা প্রিয়া ভার্যা সুতাশ্চ যে।
কস্মাত্তে মাং ন খাদেয়ুঃ স্পৃষ্টবা প্রণয়িনি ৎবয়ি॥ 12-138-171 (70266)
নাহং ৎবয়া সমেষ্যামি বৃত্তে হেতুসমাগমে।
শিবং ধ্যায়স্ব মেঽত্রস্থঃ সুকৃতং স্মরসে যদি॥ 12-138-172 (70267)
শত্রোরন্নাদ্যভূতঃ সন্ক্লিষ্টস্য ক্ষুধিতস্য চ।
ভক্ষ্যং মৃগয়মাণস্য কঃ প্রাজ্ঞো বিষয়ং ব্রজেৎ॥ 12-138-173 (70268)
স্বস্তি তেঽস্তু গমিষ্যামি দূরাদপি তবোদ্বিজে।
[বিশ্বস্তং বা প্রমত্তং বা এতদেব কৃতং ভবেৎ॥] 12-138-174 (70269)
নাহং ৎবয়া সমেষ্যামি নিবৃত্তো ভব লোমশ।
বলবৎসন্নিকর্ষো হি ন কদাচিৎপ্রশস্যতে॥ 12-138-175 (70270)
যদি ৎবং সুকৃতং বেৎসি তৎসখ্যমনুসারয়।
প্রশান্তাদপি হি প্রাজ্ঞাদ্ভেতব্যং বলিনঃ সদা॥ 12-138-176 (70271)
যদি ৎবর্থেন তে কার্যং ব্রূহি কিং করবাণি তে।
কামং সর্বং প্রদাস্যামি ন ৎবাত্মানং কথংচন॥ 12-138-177 (70272)
আত্মার্থে সংততিস্ত্যাজ্যা রাজ্যং রত্নং ধনানি চ।
অপি সর্বস্বমুৎসৃজ্য রক্ষেদাত্মানমাত্মবান্॥ 12-138-178 (70273)
ঐশ্বর্যধনরত্নানাং প্রত্যমিত্রেঽপি বর্ততাম্।
দৃষ্টা হি পুনরাবৃত্তির্জীবতামিতি নঃ শ্রুতম্॥ 12-138-179 (70274)
ন ৎবাত্মনঃ সংপ্রদানং ধনরত্নবদিষ্যতে।
আত্মা হি সর্বদা রক্ষ্যো দারৈরপি ধনৈরপি॥ 12-138-180 (70275)
আত্মরক্ষণতন্ত্রাণাং সুপরীক্ষিতকারিণাম্।
আপদো নোপপদ্যন্তে পুরুষাণাং স্বদোষজাঃ॥ 12-138-181 (70276)
শত্রুং সম্যগবিজ্ঞাতো বিপ্রিয়ো হ্যবলীয়সা।
`শঙ্কনীয়ঃ স সর্বত্র প্রিয়মপ্যাচরন্সদা॥ 12-138-182 (70277)
কুলজানাং সুমিত্রাণাং ধার্মিকাণাং মহাত্মনাম্।'
ন তেষাং চাল্যতে বুদ্ধিঃ শাস্ত্রার্থকৃতিশ্চয়া॥ 12-138-183 (70278)
ইত্যভিব্যক্তমেবাসৌ পলিতেনাপহাসিতঃ।
মার্জারো ব্রীডিতো ভূৎবা মূষিকং বাক্যমব্রবীৎ॥ 12-138-184 (70279)
সত্যং শপে ৎবয়াঽহং বৈ মিত্রদ্রোহো বিগর্হিতঃ।
সংমন্যেঽহং তব প্রজ্ঞাং যস্ৎবং মম হিতে রতঃ॥ 12-138-185 (70280)
উক্তবানর্থতত্ৎবেন ময়া সংভিন্নদর্শনঃ।
ন তু মামন্যথা সাধো ৎবং গ্রহীতুমিহার্হসি॥ 12-138-186 (70281)
প্রাণপ্রদানজং ৎবত্তো ময়ি সৌহৃদমাগতম্।
ধর্মজ্ঞোঽস্মি গুণজ্ঞোঽস্মি কৃতজ্ঞোস্মি বিশেষতঃ॥ 12-138-187 (70282)
মিত্রেষু বৎসলশ্চাস্মি ৎবদ্ভক্তশ্চ বিশেষতঃ।
ৎবং মামেবংগতে সাধো ন বাচয়িতুমর্হসি॥ 12-138-188 (70283)
ৎবয়া হি বাচ্যমানোঽহং জহ্যাং প্রাণান্সবান্ধবঃ।
ধিক্শব্দো হি বুধৈর্দৃষ্টো মদ্বিধেষু মনস্বিষু।
পতনং ধর্মতত্ৎবজ্ঞ ন মে শঙ্কিতুমর্হসি॥ 12-138-189 (70284)
ইতি সংস্তূয়মানোঽপি মার্জারেণ স মূষিকঃ।
মনসা ভাবগম্ভীরং মার্জারমিদমব্রবীৎ॥ 12-138-190 (70285)
সাধুর্ভবান্কৃতার্থোঽস্মি প্রিয়ে চ ন চ বিশ্বসে।
সংস্তবৈর্বা ধনৌঘৈর্বা নাহং শক্যঃ পুনস্ৎবয়া॥ 12-138-191 (70286)
ন হ্যমিত্রবশং যান্তি প্রাজ্ঞা নিষ্কারণং সখে।
অস্মিন্নর্থে চ গাথে দ্বে নিবোধোশনসা কৃতে॥ 12-138-192 (70287)
শত্রুসাধারণে কৃত্যে কৃৎবা সন্ধিং বলীয়সা।
সমাহিতশ্চরেদ্বুদ্ধ্যা কৃতার্থশ্চ ন বিশ্বসেৎ॥ 12-138-193 (70288)
ন বিশ্বসেদবশ্বস্তে বিশ্বস্তে নাতিবিশ্চসেৎ।
নিত্যং বিশ্বাসয়েদন্যান্পরেষাং তু ন বিশ্বসেৎ॥ 12-138-194 (70289)
তস্মাৎসর্বাস্ববস্থাসু রক্ষেজ্জীবিতমাত্মনঃ।
দ্রব্যাণি সংততিশ্চৈব সর্বং ভবতি জীবতাম্॥ 12-138-195 (70290)
সংক্ষেপো নীতিশাস্ত্রাণামবিশ্বাসঃ পরো মতঃ।
নৃষু তস্মাদবিশ্বাসঃ পুষ্কলং হিতমাত্মনঃ॥ 12-138-196 (70291)
বধ্যন্তে ন হ্যবিশ্বস্তাঃ শত্রুর্ভির্দুর্বলা অপি।
বিশ্বস্তাস্তেষু বধ্যন্তে বলবন্তোঽপি শত্রুভিঃ॥ 12-138-197 (70292)
ৎবদ্বিধেভ্যো ময়া হ্যাত্মা রক্ষ্যো মার্জার সর্বদা।
রক্ষ ৎবমপি চাত্মানং চণ্ডালাজ্জাতিকিল্বিষাৎ॥ 12-138-198 (70293)
স তস্য ব্রুবতস্ৎবেবং সংত্রাসাজ্জাতসাধ্বসঃ।
কথাং হিৎবা জবেনাশু মার্জারঃ প্রয়যৌ ততঃ॥ 12-138-199 (70294)
ততঃ শাস্ত্রার্থতত্ৎবজ্ঞো বুদ্ধিসামর্থ্যমাত্মনঃ।
বিশ্রাব্য পলিতঃ প্রাজ্ঞো বিলমন্যজ্জগাম হ॥ 12-138-200 (70295)
এবং প্রজ্ঞাবতা বুদ্ধ্যা দুর্বলেন মহাবলাঃ।
একেন বহবোঽমিত্রাঃ পলিতেনাভিসংধিতাঃ॥ 12-138-201 (70296)
অরিণাপি সমর্থেন সন্ধিং কুর্বীত পণ্ডিতঃ।
মূষিকশ্চ বিডালশ্চ মুক্তাবন্যোন্যসংশ্রয়াৎ॥ 12-138-202 (70297)
ইত্যেবং ক্ষত্রধর্মস্য ময়া মার্গো নিদর্শিতঃ।
বিস্তরেণ মহারাজ সংক্ষেপমপি মে শৃণু॥ 12-138-203 (70298)
অন্যোন্যং কৃতবৈরৌ তু চক্রতুঃ প্রীতিমুত্তমাম্।
অন্যোন্যমভিসংধাতুং সংবভূব তয়োর্মতিঃ॥ 12-138-204 (70299)
তত্র প্রাজ্ঞোঽভিসংধত্তে সম্যগ্বুদ্ধিবলাশ্রয়াৎ।
অভিসংধীয়তে প্রাজ্ঞঃ প্রমাদাদপি বা বুধৈঃ॥ 12-138-205 (70300)
তস্মাদভীতবদ্ভীতো বিশ্বস্তবদবিশ্বসেৎ।
ন হ্যপ্রমত্তশ্চলতি চলিতোঽবা ন নশ্যতি॥ 12-138-206 (70301)
কালে হি রিপুণা সংধিঃ কালে মিত্রেণ বিগ্রহঃ।
কার্য ইত্যেব তৎবজ্ঞাঃ প্রাহুর্নিত্যং নরাধিপ॥ 12-138-207 (70302)
এতজ্জ্ঞাৎবা মহারাজ শাস্ত্রার্থমভিগম্য চ।
অভিয়ুক্তোঽপ্রমত্তশ্চ প্রাগ্ভয়াদ্ভীতবচ্চরেৎ॥ 12-138-208 (70303)
ভীতবৎসংহিতঃ কার্যঃ প্রতিসংধিস্তথৈব চ।
ভয়াদুৎপদ্যতে বুদ্ধিরপ্রমত্তাভিয়োগজা॥ 12-138-209 (70304)
ন ভয়ং জায়তে রাজন্ভীতস্যানাগতে ভয়ে।
অভীতস্য চ বিস্রম্ভাৎসুমহজ্জায়তে ভয়ম্॥ 12-138-210 (70305)
ন ভীরুরিতি চাত্যন্তং মন্ত্রো দেয়ঃ কথংচন।
অবিজ্ঞানাদ্ধি বিজ্ঞানে গচ্ছেদাস্পদদর্শনাম্॥ 12-138-211 (70306)
তস্মাদভীতবদ্ভীতো বিশ্বস্তবদবিশ্বসন্।
কার্যাণাং গুরুতাং জ্ঞাৎবা নাদৃতং কিংচিদাচরেৎ॥ 12-138-212 (70307)
এবমেতন্ময়া প্রোক্তমিতিহাসং যুধিষ্ঠির।
শ্রুৎবা ৎবং সুহৃদাং মধ্যে যথাবৎসমুদাচর॥ 12-138-213 (70308)
উপলভ্য মতিং চাগ্র্যামরিমিত্রান্তরং তথা।
সংধিবিগ্রহকালৌ চ মোক্ষোপায়ং তথাঽঽপদি॥ 12-138-214 (70309)
শত্রুসাধারণে কৃত্যে কৃৎবা সন্ধিং বলীয়সা।
সমাগতশ্চরেদ্বুদ্ধ্যা কৃতার্থো ন চ বিশ্বসেৎ॥ 12-138-215 (70310)
অবিরুদ্ধাং ত্রিবর্গেণ নীতিমেতাং মহীপতে।
অভ্যুত্তিষ্ঠ শ্রুতাত্তস্মাদ্ভূয়ঃ সংরঞ্জয়ন্প্রজাঃ॥ 12-138-216 (70311)
ব্রাহ্মণৈশ্চাপি তে সার্ধং যাত্রা ভবতু পাণ্ডব।
ব্রাহ্মণাদ্ধি পরং শ্রেয়ো দিবি চেহ চ ভারত॥ 12-138-217 (70312)
এতে ধর্মস্য বেত্তারঃ কৃতজ্ঞাঃ সততং প্রভো।
পূজিতাঃ শুভকর্তারঃ পূজয়ৈনাঞ্জাধিপ॥ 12-138-218 (70313)
রাজ্যং শ্রেয়ঃ পরং রাজন্যশশ্চ মহদাপ্স্যসে।
কুলস্য সংততিং চৈব যথান্যায়ং যথাক্রমম্॥ 12-138-219 (70314)
শ্রুতং চ তে ভারত সংধিবিগ্রহং
বিভাবিতং বুদ্ধিবিশেষকারিতম্।
তথা ৎববেক্ষ্য ক্ষিতিপেন সর্বদা
নিষেবিতব্যং নৃপ শত্রুমণ্ডলম্॥ ॥ 12-138-220 (70315)
ইতি শ্রীমন্মহাভারতে শান্তিপর্বণি আপদ্ধর্মপর্বণি অষ্টত্রিংশদধিকশততমোঽধ্যায়ঃ॥ 138॥
Mahabharata - Shanti Parva - Chapter Footnotes
12-138-5 উদ্ধর্তুমুন্মূলয়িতুম্॥ 12-138-6 সর্বতঃ সর্বদিক্স্থৈঃ প্রার্থ্যমানেন প্রসিতুমিতি শেষঃ॥ 12-138-9 প্রাকৃতকৃত্রিমমিত্রয়োর্মধ্যে কেন সন্ধিঃ কর্তব্যঃ কেন বা বৈরম্॥ 12-138-18 ব্যবস্য নিশ্চিত্য অত্র পূর্বশ্লোকোক্তেঽর্থে॥ 12-138-20 বৈরাজ্যমভিতে জাত ইতি ট. ড. থ. দ. পাঠঃ॥ 12-138-23 উন্মাথং কূটয়ন্ত্রং পশুমৃগপক্ষিবন্ধনম্॥ 12-138-26 পলিতো মূষিকঃ॥ 12-138-28 তদামিষং তস্য উন্মাথে ধৃতমামিষম্। সপত্নস্য সপত্নং বদ্ধং অনাদৃত্য॥ 12-138-30 শরস্তৃণবিশেষ স্তৎপ্রসূনং পুষ্পম্॥ 12-138-51 যদি মাং ন জিঘাংসসি ইতি ঝ. দ. পাঠঃ॥ 12-138-105 স্মরন্কালং চিকীর্ষসীতি থ. দ. পাঠঃ॥ 12-138-160 পুনরদ্যৈব সৌহৃদমিতি থ. দ. ধ. পাঠঃ॥শান্তিপর্ব - অধ্যায় 139
॥ শ্রীঃ ॥
12.139. অধ্যায়ঃ 139
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি পূজনীব্রহ্মদত্তসংবাদানুবাদঃ॥ 1॥Mahabharata - Shanti Parva - Chapter Text
12-139-0 (70316)
যুধিষ্ঠির উবাচ। 12-139-0x (5728)
উক্তো মন্ত্রো মহাবাহো বিশ্বাসো নাস্তি শত্রুষু।
কথং হি রাজা বর্তেত যদি সর্বত্র নাশ্বসেৎ॥ 12-139-1 (70317)
বিশ্বাসাদ্ধি পরং রাজন্রাজ্ঞামুৎপদ্যতে ভয়ম্।
কথং হি নাশ্বসন্রাজা শত্রূঞ্জয়তি পার্থিবঃ॥ 12-139-2 (70318)
এতন্মে সংশয়ং ছিন্ধি মনো মে সংপ্রমুহ্যতি।
অবিশ্বাসে কথামেতামুপাশ্রিত্য পিতামহ॥ 12-139-3 (70319)
ভীষ্ম উবাচ। 12-139-4x (5729)
শৃণুষ্ব রাজন্যো বৃত্তো ব্রহ্মদত্তনিবেশনে।
পূজন্যা সহ সংবাদো ব্রহ্মদত্তস্য ভূপতেঃ॥ 12-139-4 (70320)
কাম্পিল্যে ব্রহ্মদত্তস্য ৎবন্তঃ পুরনিবাসিনী।
পূজী নাম শকুনির্দীর্ঘকালং সহোপিতা। 12-139-5 (70321)
রুদজ্ঞা সর্বভূতানাং যথা বৈ জীবজীবকঃ।
সর্বজ্ঞা সর্বতত্ৎবজ্ঞা তির্যগ্যোনিং গতাঽপি স॥ 12-139-6 (70322)
অভিপ্রজাতা সা তত্র পুত্রমেকং সুবর্চসম্।
সমকালং চ রাজ্ঞোঽপি দেব্যাং পুত্রো ব্যজায়ত॥ 12-139-7 (70323)
তয়োরর্থে কৃতজ্ঞা তু খেচরী পূজনী সদা।
সমদ্রতীরং সা গৎবা আজহার ফলদ্বয়ম্॥ 12-139-8 (70324)
অষ্ট্যর্থং চ স্বপুত্রস্য রাজপুত্রস্য চৈব হ।
লমেকং সুতায়াদাদ্রাজপুত্রায় চাপরম্॥ 12-139-9 (70325)
---মৃতাস্যাদসদৃশং বলতেজোভিবর্ধনম্।
[আদায়াদায় সৈবাশু তয়োঃ প্রাদাৎপুনঃ পুনঃ॥] 12-139-10 (70326)
ততোঽগচ্ছৎপরাং বৃদ্ধিং রাজপুত্রঃ ফলাশনাৎ।
ততঃ স ধাত্র্যা কক্ষেণ উহ্যমানো নৃপাত্মজঃ॥ 12-139-11 (70327)
দদর্শ তং পক্ষিসুতং বাল্যাদাগত্য বালকঃ।
ততো বাল্যাচ্চ যত্নেন তেনাক্রীডত পক্ষিণা॥ 12-139-12 (70328)
শূন্যে চ তমুপাদায় পক্ষিণং সমজাতকম্।
হৎবা ততঃ স রাজেন্দ্র ধাত্র্যা হস্তমুপাগতঃ॥ 12-139-13 (70329)
অথ সা পূজনী রাজন্নাগমৎফলহারিণী।
অপশ্যন্নিহতং পুত্রং তেন বালেন ভূতলে॥ 12-139-14 (70330)
বাষ্পপূর্ণমুখী দীনা দৃষ্ট্বা তং পতিতং সুতম্।
পূজনী দুঃখসংতপ্তা রুদন্তী বাক্যমব্রবীৎ॥ 12-139-15 (70331)
ক্ষত্রিয়ে সংগতং নাস্তি ন প্রীতির্ন চ সৌহৃদম্।
কারণে সান্ৎবয়ন্ত্যেতে কৃতার্থাঃ সংত্যজন্তি চ॥ 12-139-16 (70332)
ক্ষত্রিয়েষু ন বিশ্বাসঃ কার্যঃ সর্বাপকারিষু।
অপকৃত্যাপি সততং সান্ৎবয়ন্তি নিরর্থকম্॥ 12-139-17 (70333)
ইয়মস্য করোম্যদ্য সদৃশীং বৈরয়াতনাম্।
কৃতঘ্নস্য নৃশংসস্য ভৃশং বিশ্বাসঘাতিনঃ॥ 12-139-18 (70334)
সহসংজাতবৃদ্ধস্য তথৈব সহভোজিনঃ।
শরণ্যস্য বধশ্চৈব ত্রিবিধং তস্য কিল্বিষম্॥ 12-139-19 (70335)
ইত্যুক্ৎবা চরণাভ্যাং তু নেত্রে নৃপসুতস্য সা।
হৃৎবা স্বস্থা তত ইদং পূজনী বাক্যমব্রবীৎ॥ 12-139-20 (70336)
ইচ্ছয়েহ কৃতং পাপং সদ্য এবোপসর্পতি।
কৃতং প্রতিকৃতং যেষাং ন নশ্যতি শুভাশুভম্॥ 12-139-21 (70337)
পাপং কর্ম কৃতং কিংচিদ্যদি তস্মিন্ন দৃশ্যতে।
নিপাত্যতেঽস্য পুত্রেষু পৌত্রেষ্বপি চ নপ্নৃষু॥ 12-139-22 (70338)
ব্রহ্মদত্তঃ সুতং দৃষ্ট্বা পূজন্যা হৃতলোচনম্।
কৃতপ্রতিকৃতং মৎবা পূজনীমিদমব্রবীৎ॥ 12-139-23 (70339)
অস্তি বৈ কৃতমস্মাভিরস্তি প্রতিকৃতং ৎবয়া।
উভয়ং তৎসমীভূতং বস পূজনি মা গমঃ॥ 12-139-24 (70340)
পূজন্যুবাচ। 12-139-25x (5730)
সকৃৎকৃতাপরাধস্য তত্রৈব পরিলম্বতঃ।
ন তদ্বুধাঃ প্রশংসন্তি শ্রেয়স্তত্রাপসর্পণম্॥ 12-139-25 (70341)
সান্ৎবে প্রয়ুক্তে বিবৃতে বৈরে চৈব ন বিশ্বসেৎ।
ক্ষিপ্রং স হন্যতে মূঢো ন হি বৈরং প্রশাম্যতি॥ 12-139-26 (70342)
অন্যোন্যকৃতবৈরাণাং পুত্রপৌত্রং নিয়চ্ছতি।
পুত্রপৌত্রবিনাশে চ পরলোকং নিয়চ্ছতি॥ 12-139-27 (70343)
সর্বেষাং কৃতবৈরাণামবিশ্বাসঃ সুখাবহঃ।
একান্ততো ন বিশ্বাসঃ কার্যো বিশ্বাসঘাতকে॥ 12-139-28 (70344)
ন বিশ্বসেদবিশ্বস্তে বিশ্বস্তে নাতিবিশ্বসেৎ।
বিশ্বাসাদ্ভয়মুৎপন্নমপি মূলং নিকৃন্ততি।
কামং বিশ্বাসয়েদন্যান্পরেষাং চ ন বিশ্বসেৎ॥ 12-139-29 (70345)
মাতা পিতা বান্ধবানাং বরিষ্ঠৌ
ভার্যা ক্ষেত্রং বীজমাত্রং তু পুত্রঃ।
ভ্রাতা শত্রুঃ ক্লিন্নপাণির্বয়স্য
আত্মা হ্যেকঃ সুখদুঃখস্য ভোক্তা॥ 12-139-30 (70346)
অন্যোন্যকৃতবৈরাণাং ন সংধিরুপপদ্যতে।
স চ হেতুরতিক্রান্তো যদর্থমহমাবসম্॥ 12-139-31 (70347)
পূজিতস্যার্থমানাভ্যাং সান্ৎবং পূর্বাপকারিণঃ।
হৃদয়ং ভবত্যবিশ্বস্তং কর্ম ত্রাসয়তে বলাৎ॥ 12-139-32 (70348)
পূর্বং সংমাননা যত্র পশ্চাচ্চৈব বিমাননা।
জহ্যাৎস সৎববান্বাসং সংমানিতবিমানিতঃ॥ 12-139-33 (70349)
উষিতাঽস্মি তবাগারে দীর্ঘকালমহিংসিতা।
তদিদং বৈরমুৎপন্নং সুখমাস্খ ব্রজাম্যহম্॥ 12-139-34 (70350)
ব্রহ্মদত্ত উবাচ। 12-139-35x (5731)
যঃ কৃতে প্রতিকুর্যাদ্বৈ ন স তত্রাপরাধ্নুয়াৎ।
অনৃণস্তেন ভবতি বস পূজনি মাগমঃ॥ 12-139-35 (70351)
পূজন্যুবাচ। 12-139-36x (5732)
ন কৃতস্য তু কর্তুশ্চ সখ্যং সংধীয়তে পুনঃ।
হৃদয়ং তত্র জানাতি কর্তুশ্চৈব কৃতস্য চ॥ 12-139-36 (70352)
ব্রহ্মদত্ত উবাচ। 12-139-37x (5733)
কৃতস্য চৈব কর্তুশ্চ সখ্যং সংধীয়তে পুনঃ।
বৈরস্যোপশমো দৃষ্টঃ পাপং নোপাশ্নুতে পুনঃ॥ 12-139-37 (70353)
পূজন্যুবাচ। 12-139-38x (5734)
নাস্তি বৈরমতিক্রান্তং সান্ৎবিতোঽস্মীতি নাশ্বসেৎ।
বিশ্বাসাদ্বধ্যতে লোকস্তস্মাচ্ছ্রেয়োপ্যদর্শনম্॥ 12-139-38 (70354)
তরসা যে ন শক্যন্তে শস্ত্রৈঃ সুনিসিতৈরপি।
সাম্না তেঽপি নিগৃহ্যতে গজা ইব করেণুভিঃ॥ 12-139-39 (70355)
ব্রহ্মদত্ত উবাচ। 12-139-40x (5735)
সংবাসাজ্জায়তে স্নেহো জীবিতান্তকরেষ্বপি।
অন্যোন্যস্য হি বিশ্বাসঃ শ্বানশ্বপচয়োরিব॥ 12-139-40 (70356)
অন্যোন্যকৃতবৈরাণাং সংবাসান্মৃদুতাং গতম্।
নৈব তিষ্ঠতি তদ্বৈরং পুষ্করস্থমিবোদকম্॥ 12-139-41 (70357)
পূজন্যুবাচ। 12-139-42x (5736)
বৈরং পঞ্চসমুত্থানং তচ্চ বুধ্যন্তি পণ্ডিতাঃ।
স্ত্রীকৃতং বাস্তুজং বাগ্জং স্বসপত্নাপরাধজম্॥ 12-139-42 (70358)
তত্র দাতা ন হন্তব্যঃ ক্ষত্রিয়েণ বিশেষতঃ।
প্রকাশং বাঽপ্রকাশং বা বুদ্ধ্বা দোষবলাবলম্॥ 12-139-43 (70359)
কৃতবৈরে ন বিশ্বাসঃ কার্যস্ৎবিহ সুহৃদ্যপি।
প্রচ্ছন্নং তিষ্ঠতে বৈরং গূঢোঽগ্নিরিব দারুষু॥ 12-139-44 (70360)
ন বিত্তেন ন পারুষ্যৈর্ন চ সান্ৎবেন চ শ্রুতৈঃ।
বৈরাগ্নিঃ শাম্যতে রাজন্নিমগ্নোঽগ্নিরিবার্ণবে॥ 12-139-45 (70361)
ন হি বৈরাগ্নিরুদ্ধূতঃ কর্ম চাপ্যপরাধজম্।
শাম্যত্যদগ্ধ্বা নৃপতে বিনা হ্যেকতরক্ষয়াৎ॥ 12-139-46 (70362)
সৎকৃতস্যার্থামনাভ্যাং তত্র পূর্বাপকারিণঃ।
নৈব শান্তির্ন বিশ্বাসঃ কর্মণা জায়তে বলাৎ॥ 12-139-47 (70363)
নৈবাপকারে কস্মিংশ্চিদহং ৎবয়ি তথা ভবান্।
উষিতাবাঽপি চক্রিতং নেদানীং বিশ্বসাম্যহম্॥ 12-139-48 (70364)
ব্রহ্মদত্ত উবাচ। 12-139-49x (5737)
কালেন ক্রিয়তে কার্যং তথৈব বিবিধাঃ ক্রিয়াঃ
কালেনৈব প্রবর্তন্তে কঃ কস্যেত্যপরাধ্যতি॥ 12-139-49 (70365)
তুল্যং চোভে প্রবর্তেতে মরণং জন্ম চৈব হি।
কার্যতে চৈব কালেন তন্নিমিত্তং ন জীবতি॥ 12-139-50 (70366)
বধ্যন্তে যুগপৎকেচিদেকৈকং চাপরে তথা।
কালো দহতি ভূতানি সংপ্রাপ্তোঽগ্নিরিবেন্ধনম্॥ 12-139-51 (70367)
নাহং প্রমাণং নৈব ৎবভন্যোন্যং কারণং শুভে।
কালো নিত্যমুপাদত্তে সুখং দুঃখং চ দেহিনাম্॥ 12-139-52 (70368)
এবং বসেহ সন্নেহা যথাকামমহিংসিতা।
যৎকৃতং তত্তু মে ক্ষান্তং ৎবং চ বৈ ক্ষম পূজনি॥ 12-139-53 (70369)
পূজন্যুবাচ। 12-139-54x (5738)
যদি কালঃ প্রমাণং তে ন বৈরং কস্যচিদ্ভবেৎ।
কস্মাদপচিতিং যান্তি বান্ধবা বান্ধবে হতে॥ 12-139-54 (70370)
কস্মাদ্দেবাসুরাঃ সর্বে অন্যোন্যমভিজঘ্নিরে।
যদি কালেন নির্যাণং সুখদুঃখে ভবাভবৌ॥ 12-139-55 (70371)
ভিষজো ভৈষজং কর্তুং কস্মাদিচ্ছন্তি রোগিণঃ।
যদি কালেন পচ্যন্তে ভেষজৈঃ কিং প্রয়োজনম্॥ 12-139-56 (70372)
প্রলাপঃ সুমহান্কস্মাৎক্রিয়তে শোকমূর্চ্ছিতৈঃ।
যদি কালঃ প্রমাণং তে কস্মাদ্ধর্মোঽস্তি কর্তৃষু॥ 12-139-57 (70373)
তব পুত্রো মমাপত্যং হতবান্হিংসিতো ময়া।
অনন্তরং ৎবয়াহং চ বাধিতব্যা মহীপতে॥ 12-139-58 (70374)
অহং হি পুত্রশোকেন কৃতপাপা তবাত্মজে।
তথা ৎবয়া প্রহর্তব্যং ময়ি তত্ৎবং চ মে শৃণু॥ 12-139-59 (70375)
ভক্ষার্থং ক্রীডনার্থং চ নরা বাঞ্ছন্তি পক্ষিণঃ।
তৃতীয়ো নাস্তি সংয়োগো বধবন্ধাদৃতে ক্ষমঃ॥ 12-139-60 (70376)
বধবন্ধভয়াদেকে মোক্ষতন্ত্রমুপাশ্রিতাঃ।
জনীমরণজং দুঃখং প্রাহুর্বেদবিদো জনাঃ॥ 12-139-61 (70377)
সর্বস্য দয়িতাঃ প্রাণাঃ সর্বস্য দয়িতাঃ সুতাঃ।
দুঃখাদুদ্বিজতে সর্বং সর্বস্য সুখমীপ্সিতম্॥ 12-139-62 (70378)
দুঃখং জরা ব্রহ্মদত্ত দুঃখমর্থবিপর্যযঃ।
দুঃখং চানিষ্টসংবাসো দুঃখমিষ্টবিয়োজনম্॥ 12-139-63 (70379)
বৈরবন্ধকৃতং দুঃখং স্ত্রীকৃতং সহ তথা।
দুঃখং দুঃখেন সততং বিবর্ধতি---- ধিপ॥ 12-139-64 (70380)
ন দুঃখং পরদুঃখে বৈ কেচিদাহুর----যঃ।
যো দুঃখং নাভিজানাতি স জল্পতি মাহাজনে॥ 12-139-65 (70381)
যস্তু শোচতি দুঃখার্তাঃ স কথং বক্তমুৎসহেত।
রসজ্ঞঃ সর্বদুঃখস্য যথাঽঽত্মনি তথা পরে॥ 12-139-66 (70382)
`ভিন্না শ্লিষ্টা ন সজ্যন্তে শস্ত্রৈঃ সুনিশিতৈরপি।'
সাম্না তেঽপি নিগৃহ্যন্তে গজা ইব করেণুভিঃ॥ 12-139-67 (70383)
যৎকৃতং তে ময়া রাজংস্ৎবয়া চ মম যৎকৃতম্।
ন তদ্বর্ষশতৈঃ শক্যং ব্যপোহিতুমরিংদম্॥ 12-139-68 (70384)
আবয়োঃ কৃতমন্যোন্যং তস্য সংধির্ন বিদ্যতে।
স্মৃৎবাস্মৃৎবা হি তে পুত্রং নবং বৈরং ভবিষ্যতি॥ 12-139-69 (70385)
বৈরমন্তিকমাসাদ্য যঃ প্রীতিং কর্তুমিচ্ছতি।
মৃণ্ময়স্যেব ভগ্নস্য তস্য সংধির্ন বিদ্যতে॥ 12-139-70 (70386)
নিশ্চয়ঃ স্বার্থশাস্ত্রেষু ন বিশ্বাসঃ সুখোদয়ঃ।
উশনা চৈব গাথে দ্বে প্রহ্লাদায়াব্রবীৎপুরা॥ 12-139-71 (70387)
যে বৈরিণঃ শ্রদ্দধতে সত্যে সত্যেতরেঽপি বা।
বধ্যন্তে শ্রদ্দধানা হি মধু শুষ্কতৃণৈরিব॥ 12-139-72 (70388)
ন হি বৈরাণি শাম্যন্তি কুলেষ্বাদশমাদ্যুগাৎ।
আখ্যাতারশ্চ বিদ্যন্তে কুলে চেজ্জায়তে পুমান্॥ 12-139-73 (70389)
উপগৃহ্য তু বৈরাণি সান্ৎবয়ন্তি নরাধিপাঃ।
অথৈনং প্রতিহিংসন্তি পূর্ণং ঘটমিবাশ্মনি॥ 12-139-74 (70390)
সদা ন বিশ্বসেদ্রাজন্পাপং কৃৎবেহ কস্যচিৎ।
অপকৃত্য পরেষাং হি বিশ্বাসাদ্দুঃখমশ্নুতে॥ 12-139-75 (70391)
ব্রহ্মদত্ত উবাচ। 12-139-76x (5739)
নাবিশ্বাসাচ্চিনোত্যর্থমীহতে চাপি কিংচন।
ভয়াত্ৎবেকতরং মিত্রং কৃতকৃত্যা ভবৎবিহ॥ 12-139-76 (70392)
পূজন্যুবাচ। 12-139-77x (5740)
যস্যেহ ব্রণিনৌ পাদৌ পভ্দ্যাং চ পরিধাবতঃ।
ক্ষিণ্যেতে তস্য তৌ পাদৌ সুগুপ্তমপি ধাবতঃ॥ 12-139-77 (70393)
নেত্রাভ্যাং সরুজাভ্যাং যঃ প্রতিবাতমুদীক্ষতে।
তস্য বায়ুরুজাঽত্যর্থং নেত্রয়োর্ভবতি ধ্রুবম্॥ 12-139-78 (70394)
দুষ্টং পন্থানমাসাদ্য যো মোহাদভিপদ্যতে।
আত্মনো বলমজ্ঞাৎবা তদন্তং তস্য জীবিতম্॥ 12-139-79 (70395)
যস্তু বর্ষমবিজ্ঞায় ক্ষেত্রং কর্ষতি কর্ষকঃ।
হীনঃ পুরুষকারেণ তস্য বৈ নাপ্নুতে ফলম্॥ 12-139-80 (70396)
যস্তু তিক্তং কষায়ং বা স্বাদু বা মধুরং হিতম্।
আহারং কুরুতে নিত্যং সোঽমৃতৎবায় কল্পতে॥ 12-139-81 (70397)
পথ্যং মুক্ৎবা তু যো মোহাদ্দুষ্টমশ্নাতি ভোজনম্।
পরিণামমবিজ্ঞায় তদন্তং তস্য জীবিতম্॥ 12-139-82 (70398)
দৈবং পুরুষকারশ্চ স্থিতাবন্যোন্যসংশ্রয়াৎ।
উদাত্তং কর্ম বৈ তত্র দৈবং ক্লীবা উপাসতে॥ 12-139-83 (70399)
কর্ম চাত্মহিতং কার্যং তীক্ষ্ণং বা যদি বা মৃদু।
গ্রস্যতেঽকর্মশীলস্তু সদাঽনর্থৈরকিংচনঃ॥ 12-139-84 (70400)
তস্মাৎসংশয়িতব্যেঽর্থে কার্য এব পরাক্রমঃ।
সর্বস্বমপি সংত্যজ্য কার্যমাত্মহিতং নরৈঃ॥ 12-139-85 (70401)
বিদ্যা শৌচং চ দাক্ষ্যং চ বলং শৌর্যং চ পঞ্চমম্।
মিত্রাণি সহজান্যাহুর্বর্তয়ন্তীহ যৈর্বুধাঃ॥ 12-139-86 (70402)
নিবেশনং চ কুপ্যং চ ক্ষেত্রং ভার্যাং সুহৃজ্জনম্।
এতান্যুপচিতান্যাহুঃ সর্বত্র লভতে পুমান্॥ 12-139-87 (70403)
সর্বত্র রমতে প্রাজ্ঞঃ সর্বত্র চ বিরোচতে।
ন বিভীষয়তে কিংচিদ্ভীষিতো ন বিভেতি চ॥ 12-139-88 (70404)
নিত্যং বুদ্ধিমতোঽপ্যর্থঃ স্বল্পকোঽপি বিবর্ধতে।
দাক্ষ্যেণ কুর্বতাং কর্মং সংয়মাৎপ্রতিতিষ্ঠতি॥ 12-139-89 (70405)
গৃহস্নেহাববদ্ধানাং নরাণামল্পমেধসাম্।
কুস্ত্রী খাদতি মাংসানি মাঘমাং সেগবা ইব॥ 12-139-90 (70406)
গৃহং ক্ষেত্রাণি মিত্রাণি স্বদেশ ইতি চাপরে।
ইত্যেবমবসীদন্তি নরা বুদ্ধিবিপর্যযে॥ 12-139-91 (70407)
উৎপথাচ্চ বিমানাচ্চ দেশাদ্দুর্ভিক্ষপীডিতাৎ।
অন্যত্র বসতিং গচ্ছেদ্বসেদ্বা নিত্যমানিতঃ॥ 12-139-92 (70408)
তস্মাদন্যত্র যাস্যামি বস্তুং নাহমিহোৎসহে।
কৃতমেতদনাহার্যং তব পুত্রে চ পার্থিব॥ 12-139-93 (70409)
কুভার্যাং চ কুপুত্রং চ কুরাজানং কুসৌহৃদম্।
কুসংবন্ধং কুদেশং চ দূরতঃ পরিবর্জয়েৎ॥ 12-139-94 (70410)
কুমিত্রে নাস্তি বিশ্বাসঃ কুভার্যায়াং কুতো রতিঃ।
কুরাজ্যে নির্বৃতির্নাস্তি কুদেশে নাস্তি জীবিকা॥ 12-139-95 (70411)
কুপুত্রে সৌহৃদং নাস্তি নিত্যমস্থিরসৌহৃদম্।
অবমানঃ কুংসবন্ধে ভবত্যর্থবিপর্যযে॥ 12-139-96 (70412)
সা ভার্যা যা প্রিয়ং ব্রূতে স পুত্রো যত্র নির্বৃতিঃ।
তন্মিত্রং যত্র বিশ্বাসঃ স দেশো যত্র জীবতি॥ 12-139-97 (70413)
যত্র নাস্তি বলাৎকারঃ স রাজা তীব্রশাসনঃ।
স চ যৌনাভিসংবন্ধো যঃ সতোঽপি বুভূষতি॥ 12-139-98 (70414)
ভার্যা দেশোঽথ মিত্রাণি পুত্রসংবন্ধিবান্ধবাঃ।
এতে সর্বে গুণবতি ধর্মনেত্রে মহীপতৌ॥ 12-139-99 (70415)
অধর্মজ্ঞস্য বিষয়ে প্রজা নশ্যন্তি নিগ্রহাৎ।
রাজা মূলং ত্রিবর্গস্য অপ্রমত্তোঽনুপালয়ন্॥ 12-139-100 (70416)
বলিষঙ্ভাগমুদ্ধৃত্য ফলং সমুপয়োজয়েৎ।
ন রক্ষতি প্রজাঃ সম্যগ্যঃ স পার্থিবতস্করঃ॥ 12-139-101 (70417)
দৎবাঽভয়ং যঃ স্বয়মেব রাজা
ন তৎপ্রমাণং কুরুতেঽর্থলোভাৎ।
স সর্বলোকাদুপলভ্য পাপ
মধর্মবুদ্ধির্নিরয়ং প্রয়াতি॥ 12-139-102 (70418)
দত্ৎবাঽভয়ং স্বয়ং রাজা প্রমাণং কুরুতে যদি।
স সর্বং সুখমাপ্নোতি প্রজা ধর্মেণ পালয়ন্॥ 12-139-103 (70419)
পিতা ভ্রাতা গুরুঃ শাস্তা বহ্নির্বৈশ্রবণো যমঃ।
সপ্ত রাজ্ঞো গুণানেতান্মনুরাহ প্রজাপতিঃ॥ 12-139-104 (70420)
পিতা হি রাজা লোকস্য প্রজানাং যোঽনুকম্পিতা।
তস্মিন্মিথ্যাপনীতে হি তির্যগ্ভবতি মানবঃ॥ 12-139-105 (70421)
সংভাবয়তি মাতেব দীনমপ্যুপপদ্যতে।
দহত্যগ্নিরিবানিষ্টান্যময়ত্যহিতাংস্তদা॥ 12-139-106 (70422)
ইষ্টেষু বিসৃজন্নর্থান্কুবের ইব কামদঃ।
গুরুর্ধর্মোপদে--- গোপ্তা চ পরিপালনাৎ॥ 12-139-107 (70423)
যস্তু রঞ্জয়তে ---- পৌরজানপদান্গুণৈঃ।
ন তস্য ভ্রশ্যতে---জ্যং গুণধর্মানুপালনাৎ॥ 12-139-108 (70424)
যঃ সম্যক্প্রতি---হ্ণাতি পৌরজানপদার্চনম্।
স সুখং প্রেক্ষতে রাজা ইহ লোকে পরত্র চ॥ 12-139-109 (70425)
নিত্যোদ্বিগ্নাঃ প্রজা যস্য করুভারপ্রপীডিতাঃ।
অনর্থৈর্বিপ্রলুপ্যন্তে স গচ্ছতি পরাভবম্॥ 12-139-110 (70426)
প্রজা যস্য বিবর্ধন্তে সরসীব মহোৎপলম্।
স রাজা সর্বসুখদঃ স্বর্গলোকে মহীয়তে॥ 12-139-111 (70427)
বলিনা বিগ্রহো রাজন্ন কদাচিৎপ্রশস্যতে।
বলিনা বিগ্রহী তস্য কুতো রাজ্যং কুতঃ সুখম্॥ 12-139-112 (70428)
ভীষ্ম উবাচ। 12-139-113x (5741)
সৈবমুক্ৎবা শকুনিকা ব্রহ্মদত্তং নরাধিপম্।
রাজানং সমনুজ্ঞাপ্য জগামাভীপ্সিতাং দিশম্॥ 12-139-113 (70429)
এতত্তে ব্রহ্মদত্তস্য পূজন্যা সহ ভাষিতম্।
ময়োক্তং ভরতশ্রেষ্ঠ কিমন্যচ্ছ্রোতুমিচ্ছসি॥ ॥ 12-139-114 (70430)
ইতি শ্রীমন্মহাভারতে শান্তিপর্বণি আপদ্ধর্মপর্বণি একোনচৎবারিংশদধিকশততমোঽধ্যায়ঃ॥ 139॥
Mahabharata - Shanti Parva - Chapter Footnotes
12-139-6 জীবজীবকঃ শাকুনিকঃ। জীবজীবক ইতি পক্ষিবিশেষ ইত্যন্যে॥ 12-139-7 অভিপ্রজাতা প্রসূতবতী। দেব্যাং রাজভার্যায়াম্॥ 12-139-13 সমজাতকং সমানবয়সম্॥ 12-139-21 ইচ্ছয়া বুদ্ধিপূর্বকম্। উপসর্পতি ফলরূপেণ কর্তারম্॥ 12-139-22 পাপমপরাধকৃতমেনঃ॥ 12-139-24 মাগমঃ মাস্মগমঃ॥ 12-139-25 পরিলম্বতঃ বিশ্বাসং কুর্বতঃ॥ 12-139-27 নিয়চ্ছতি মৃত্যুর্নাশয়তি। ততো নষ্টসংততিৎবাৎপরলোকং চ নিয়চ্ছতি॥ 12-139-30 ভার্যা জরেতি ঝ. পাঠঃ। জরা বীর্যহরৎবাৎ। বীজমাত্রং প্রসবরূপৎবাৎ। শত্রুঃ রিক্যহরৎবাৎ। ক্লিন্নপাণিঃ উপক্রিয়মাণঃ। ধনাদিনা পূজ্যমানমেব মিত্রং নান্যদিত্যর্থঃ॥ 12-139-31 হেতুঃ পুত্ররক্ষা স্নেহো বা॥ 12-139-32 কর্ম স্বকৃতম্॥ 12-139-36 অন্যোন্যস্যাপকারমুভাবপি নিত্যং স্মরত ইত্যর্থঃ॥ 12-139-39 ন শক্যন্তে জেতুমিতি শেষঃ॥ 12-139-40 শ্বপচশ্চণ্ডালঃ। শ্বমাংসাহারোঽপি শুনা সহ সখ্যমেতি॥ 12-139-42 বৈরং স্ত্রীকৃতং কৃষ্ণশিশুপালয়োঃ বাস্তু গৃংহাদিকং স্থানং তজ্জং কৌরবপাণ্ডবানাম্। বাগ্জং দ্রোণদ্রুপদয়োঃ। সাপন্নং জাতিবৈরং মূষকমার্জারয়োঃ। অপরাধজং আবয়োঃ॥ 12-139-43 কৃতবৈরোঽপি দাতাঽর্থাদিনা মানয়িতা অর্থাশাবত রাজ্ঞা ন হন্তব্যঃ॥ 12-139-46 বৈরাগ্নিঃ অদগ্ধ্বা ন শাম্যত্যপরাধজং কর্ম একতরক্ষয়াদ্বিনা ন শাম্যতীতি যোজনা॥ 12-139-50 কার্যতে জায়তে। তন্নিমিত্তং কালনিমিত্তম্। ন জীবতি ম্রিয়তে॥ 12-139-53 ক্ষম ক্ষমস্ব॥ 12-139-57 কস্মাদ্ধর্মোঽস্তি কর্তৃষু। তদা বিধিনিষেধকথা ব্যর্থা স্যাদিতি ভাবঃ॥ 12-139-67 ভিন্নকমা ন সজ্যন্ত ইতি ধ. পাঠঃ॥ 12-139-72 বৈরিণো বাক্যে ইতি শেষঃ। শত্রুণা দর্শিতং পুরঃস্থিতং মধু শ্রদ্দধানাঃ শুষ্কতৃণৈশ্ছন্নে প্রপাতে যথা পতন্তি তদ্বদেতে ইত্যর্থঃ॥ 12-139-76 সর্বথাঽনাশ্বাসে নৃণাং জীবনমেব ন স্যাদিত্যাহ নেতি॥ 12-139-82 পরিমাণমবিজ্ঞায় ইতি ড. থ. পাটঃ॥ 12-139-85 তস্মাৎসর্বং ব্যপোহ্যার্থমিতি ঝ. পাঠঃ॥ 12-139-87 কুপ্যং তাম্রাদি। চাদকুপ্যং স্বর্ণরত্নাদি। উপহিতান্যাহুরিতি ঝ. পাঠঃ। তত্র উপহিতানি উপধিমিত্রাণীত্যর্থঃ॥ 12-139-88 কিংচিত্তমিতি শেষঃ॥ 12-139-90 খাদতি। স্বাপরাধৈস্তং সংতাপয়তি শুষ্কং করোতি। মাঘমাং কর্কটীম্। সেগবাস্তদপত্যানি। কর্কট্যা নাশহেতুর্গর্ভ এবেতি প্রসিদ্ধম্॥ 12-139-92 উৎপতেৎসহজাদ্দেশাদ্ব্যাধিদুর্ভিক্ষপীডিতাদিতি ঝ. পাঠঃ॥ 12-139-93 মে ময়া। অনাহার্যং অপরিহার্যমিত্যর্থঃ॥ 12-139-98 ভীরেব নাস্তি সংবন্ধো দরিদ্রং যো বুভূষতি ইতি ঝ. পাঠঃ তত্র যত্র দেশে বলাৎকারো নাস্তি তত্র ভীরে বনাস্তি। যো রাজা দরিদ্রং জনং বুভূষতি পালয়িতুমিচ্ছতি স এব তেন সহ পাল্যপালকভাবলক্ষণঃ সংবন্ধ ইতি যোজ্যম্। যং জনোঽপি বুভূষতি ইতি ড. থ. পাঠঃ॥ 12-139-99 ধর্মনেত্রো ধর্মনেতা॥ 12-139-101 সমুপয়োজয়েৎ ভক্ষয়েৎ॥ 12-139-102 অভয়মিতি চ্ছেদঃ॥ 12-139-106 সংভাবয়তি ইষ্টং চিন্তয়তি। উপপদ্যতে পালয়তি॥শান্তিপর্ব - অধ্যায় 140
॥ শ্রীঃ ॥
12.140. অধ্যায়ঃ 140
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শত্রুংতপায় ভারদ্বাজোক্তাপদ্ধর্মানুবাদঃ॥ 1॥Mahabharata - Shanti Parva - Chapter Text
12-140-0 (70559)
যুধিষ্ঠির উবাচ। 12-140-0x (5744)
যুগক্ষয়াৎপরিক্ষীণে ধর্মে লোকে চ ভারত।
দস্যুভিঃ পীড্যমানে চ কথং স্থেয়ং পিতামহ॥ 12-140-1 (70560)
ভীষ্ম উবাচ। 12-140-2x (5745)
হন্ত তে বর্তয়িষ্যামি নীতিমাপৎসু ভারত।
উৎসৃজ্যাপি ঘৃণাং কালে যথা বর্তেত ভূমিপঃ॥ 12-140-2 (70561)
অত্রাপ্যুদাহরন্তীমমিতিহাসং পুরাতনম্।
ভারদ্বাজস্য সংবাদং রাজ্ঞঃ শত্রুংতপস্য চ॥ 12-140-3 (70562)
রাজাৎশত্রুংতপো নাম সৌবীরেষু মহারথঃ।
ভারদ্বাজমুপাগম্য পপ্রচ্ছার্থবিনিশ্চয়ম্॥ 12-140-4 (70563)
অলব্ধস্য কথং লিপ্সা লব্ধং কেন বিবর্ধতে।
বধিতং পাল্যতে কেন পালিতং প্রণয়েৎকথম্॥ 12-140-5 (70564)
তস্মৈ বিনিশ্চিতার্থায় পরিপৃষ্টোঽর্থিশ্চয়ম্।
উবাচ মতিমান্বাক্যমিদং হেতুমদুত্তমম্॥ 12-140-6 (70565)
নিত্যমুদ্যতদণ্ডঃ স্যান্নিত্যং বিবৃতপৌরুষঃ।
অচ্ছিদ্রশ্ছিদ্রদর্শী চ পরেষাং বিবরানুগঃ॥ 12-140-7 (70566)
নিত্যমুদ্যতদণ্ডস্য ভৃশমুদ্বিজতে নরঃ।
তস্মাৎসর্বাণি ভূতানি দণ্ডেনৈব প্রসাধয়েৎ॥ 12-140-8 (70567)
এবমেব প্রশংসন্তি বুধা যে তত্ৎবদর্শিনঃ।
তস্মাচ্চতুষ্টয়ে তস্মিন্প্রধানো দণ্ড উচ্যতে॥ 12-140-9 (70568)
ছিন্নমূলে ৎবধিষ্ঠানে সর্বে তজ্জীবিনো হতাঃ।
কথং হি শাখাস্তিষ্ঠেয়ুশ্ছিন্নমূলে বনস্পতৌ॥ 12-140-10 (70569)
মূলমেবাদিতশ্ছিন্দ্যাদরিপক্ষস্য পণ্ডিতঃ।
ততঃ সহায়ান্পক্ষং চ সর্বমেবানুশাতয়েৎ॥ 12-140-11 (70570)
সুমন্ত্রিতং সুবিক্রান্তং সুয়ুদ্ধং সুপলায়িতম্।
আপদাগমকালে তু কুর্বীত ন বিচারয়েৎ॥ 12-140-12 (70571)
বাঙ্ভাত্রেণ বিনীতঃ স্যাদ্ধৃদয়েন যথা ক্ষুরঃ।
শ্লক্ষ্ণপূর্বাভিভাষী চ কামক্রোধৌ বিবর্জয়েৎ॥ 12-140-13 (70572)
সপত্নসহিতো রাজ্যে কৃৎবা সন্ধিং ন বিশ্বসেৎ।
উপক্রামেত্ততঃ শীঘ্রং কৃতকার্যো বিচক্ষণঃ॥ 12-140-14 (70573)
শত্রুং চ মিত্রং পূর্বেণ সান্ৎবেনৈবানুসান্ৎবয়েৎ।
নিত্যশশ্চোদ্বিজেত্তস্মাৎসর্পাদ্বেশ্মগতাদিব॥ 12-140-15 (70574)
যস্য বুদ্ধিং পরিভবেত্তমতীতেন সান্ৎবয়েৎ।
অনাগতেন দুষ্প্রজ্ঞং প্রত্যুৎপন্নেন পণ্ডিতম্॥ 12-140-16 (70575)
অঞ্জলিং শপথং সান্ৎবং শিরসা পাদবন্দনম্।
অশ্রুপ্রপাতনং চৈব কর্তব্যং ভূতিমিচ্ছতা॥ 12-140-17 (70576)
বহেদমিত্রং স্কন্ধেন যাবদর্থস্য লম্ভনম্।
অথৈনমাগতে কালে ভিন্দ্যাদ্ধটমিবাশ্মনি॥ 12-140-18 (70577)
মুহূর্তমপি রাজেন্দ্র তিন্দুকালাতবজ্জ্বলেৎ।
মা তুষাগ্নিরিবানর্চির্ধূমায়েত চিরং নরঃ॥ 12-140-19 (70578)
নানার্থিকোঽর্থসংবন্ধং কৃতঘ্নে ন সমাচরেৎ।
অর্থী তু শক্যতে ভোক্তুং কৃতকার্যোঽবমন্যতে।
তস্মাৎসর্বাণি কার্যাণি সাবশেষাণি কারয়েৎ॥ 12-140-20 (70579)
কোকিলস্য বরাহস্য মেরোঃ শূন্যস্য বেস্মনঃ।
ব্যালস্য ভক্তচিত্তস্য যচ্ছ্রেয়স্তৎসমাচরেৎ॥ 12-140-21 (70580)
উত্থায়োত্থায় গচ্ছেচ্চ নিত্যযুক্তো রিপোর্গৃহম্।
কুশলং চাস্য পৃচ্ছেত যদ্যপ্যকুশলং ভবেৎ॥ 12-140-22 (70581)
নালসাঃ প্রাপ্নুবন্ত্যর্থান্ন ক্লীবা নাতিমানিনঃ।
ন চ লোকরবাদ্ভীতা ন বৈ শশ্বৎপ্রতীক্ষিণঃ॥ 12-140-23 (70582)
নাস্য চ্ছিদ্রং পরো বিদ্যাদ্বিদ্যাচ্ছিদ্রং পরস্য তু।
গূহেৎকূর্ম ইবাঙ্গানি রক্ষেদ্বিবরমাত্মনঃ॥ 12-140-24 (70583)
বকবচ্চিন্তয়েদর্থান্সিংহবচ্চ পরাক্রমেৎ।
বৃকবচ্চাবলুম্পেত শরবচ্চ বিনিষ্পতেৎ॥ 12-140-25 (70584)
পানমক্ষাস্তথা নার্যো মৃগয়া গীতবাদিতম্।
এতানি যুক্ত্যা সেবেত প্রসঙ্গো হ্যত্র দোষবান্॥ 12-140-26 (70585)
কুর্যাত্তৃণময়ং চাপং শয়ীত মৃগশায়িকাম্।
অন্ধঃ স্যাদন্ধবেলায়াং বাধির্যমপি সংশ্রয়েৎ॥ 12-140-27 (70586)
দেশকালং সমাসাদ্য বিক্রমেত বিচক্ষণঃ।
দেশকালব্যতীতো হি বিক্রমো নিষ্ফলো ভবেৎ॥ 12-140-28 (70587)
কালাকালৌ সংপ্রধার্য বলাবলমথাত্মনঃ।
পরস্য চ বলং জ্ঞাৎবা তথাঽঽত্মানং নিয়োজয়েৎ॥ 12-140-29 (70588)
দণ্ডেনোপনতং শত্রুং যো রাজা ন নিয়চ্ছতি।
স মৃত্যুমুপগূহেৎ গর্ভমশ্বতরী যথা॥ 12-140-30 (70589)
সুপুষ্পিতঃ স্যাদফলঃ ফলবান্স্যাদ্দুরারুহঃ।
আমঃ স্যাৎপক্বসংকাশো ন চ শীর্যেত কস্যচিৎ॥ 12-140-31 (70590)
আশাং কালবতীং কুর্যাত্তাং চ বিঘ্নেন যোজয়েৎ।
বিঘ্নং নিমিত্ততো ব্রূয়ান্নিমিত্তং চাপি হেতুমৎ॥ 12-140-32 (70591)
ভীতবৎসংবিধাতব্যং যাবদ্ভয়মনাগতম্।
আগতং তু ভয়ং দৃষ্ট্বা প্রহর্তব্যমভীতবৎ॥ 12-140-33 (70592)
ন সাহসমনারুহ্য নরো ভদ্রাণি পশ্যতি।
সংশয়ং পুনরারুহ্য যদি জীবতি পশ্যতি॥ 12-140-34 (70593)
অনাগতং বিজানীয়াত্ত্যজেদ্ভয়মুপস্থিতম্।
পুনর্বুদ্ধিক্ষয়াৎকিংচিদনিবৃত্তিং নিশাময়েৎ॥ 12-140-35 (70594)
প্রত্যুপস্থিতকালস্য সুখস্য পরিবর্জনম্।
অনাগতসুখাশা চ নৈব বুদ্ধিমতাং নয়ঃ॥ 12-140-36 (70595)
যোঽরিণা সহ সংধায় বিশ্বস্তঃ স্বপতে সুখম্।
স বৃক্ষাগ্রে প্রসুপ্তো বা পতিতঃ প্রতিবুধ্যতে॥ 12-140-37 (70596)
কর্মণা যেন কেনেহ মৃদুনা দারুণেন বা।
উদ্ধরেদ্দীনমাত্মানং সমর্থো ধর্মমাচরেৎ॥ 12-140-38 (70597)
যে সপত্নাঃ সপত্নানাং সর্বাংস্তাননুবর্তয়েৎ।
আত্মনশ্চাপি বোদ্ধব্যাশ্চারাঃ সুমহিতাঃ পরৈঃ॥ 12-140-39 (70598)
চারঃ সুবিহিতঃ কার্য আত্মনোঽথ পরস্য চ।
পাষণ়্ডাংস্তাপসাদীংশ্চ পররাষ্ট্রে প্রবেশয়েৎ॥ 12-140-40 (70599)
উদ্যানেষু বিহারেষু প্রপাস্বাবসথেষু চ।
পানাগারে প্রবেশেষু তীর্থেষু চ সভাসু চ॥ 12-140-41 (70600)
ধর্মাভিচারিণঃ পাপাশ্চৌরা লোকস্য কণ্টকাঃ।
সমাগচ্ছন্তি তান্বুদ্ধ্বা নিয়চ্ছেচ্ছময়ীত চ॥ 12-140-42 (70601)
ন বিশ্বসেদবিশ্বস্তে বিশ্বস্তে নাতিবিশ্বসেৎ।
বিশ্বাসাদ্ভয়মভ্যেতি নাপরীক্ষ্য চ বিশ্বসেৎ॥ 12-140-43 (70602)
বিশ্বাসয়িৎবা তু পরং তত্ৎবভূতেন হেতুনা।
অথাস্য প্রহরেৎকালে কিংচিদ্বিচলিতে পদে॥ 12-140-44 (70603)
অশঙ্ক্যমপি শঙ্কেত নিত্যং শঙ্কেত শঙ্কিতান।
ভয়ং হ্যশঙ্কিতাজ্জাতং সমূলমপি কৃন্ততি॥ 12-140-45 (70604)
অবধানেন মৌনেন কাষায়েণ জটাজিনৈঃ।
বিশ্বাসয়িৎবা দ্বেষ্টারমবলুম্পেদ্যথা বৃকঃ॥ 12-140-46 (70605)
পুত্রো বা যদি বা ভ্রাতা পিতা বা যদি বা সুহৃদ।
অর্থস্য বিঘ্নং কুর্বাণা হন্তব্যা ভূতিমিচ্ছতা॥ 12-140-47 (70606)
গুরোরপ্যবলিপ্তস্য কার্যাকার্যমজানতঃ।
উৎপথং প্রতিপন্নস্য কার্যং ভবতি শাসনম্॥ 12-140-48 (70607)
প্রত্যুত্থানাভিবাদাভ্যাং সংপ্রদানেন কেনচিৎ।
প্রপূজয়ন্নিঘাতী স্যাত্তীক্ষ্ণতুণ্ড ইব দ্বিজঃ। 12-140-49 (70608)
নাচ্ছিত্ৎবা পরমর্মাণি নাকৃৎবা কর্ম দারুণম্।
নাহৎবা মৎস্যঘাতীব প্রাপ্নোতি পরমাং শ্রিয়ম্॥ 12-140-50 (70609)
নাস্তি জাত্যা রিপুর্নাম মিত্রং বাঽপি ন বিদ্যতে।
সামর্থ্যযোগাজ্জায়ন্তে মিত্রাণি রিপবস্তথা॥ 12-140-51 (70610)
ন প্রমুঞ্চেত দায়াদং বদন্তং করুণং বহু।
দুঃখং তত্র ন কর্তব্যং হন্যাৎপূর্বাপকারিণম্॥ 12-140-52 (70611)
সংগ্রহানুগ্রহে যত্নঃ সদা কার্যোঽনসূয়তা।
নিগ্রহশ্চাপি যত্নেন কর্তব্যো হিতমিচ্ছতা॥ 12-140-53 (70612)
প্রহরিষ্যন্প্রিয়ং ব্রূয়াৎপ্রহৃত্যাপি প্রিয়োত্তরম্।
অসিনাঽপি শিরশ্ছিত্ৎবা শোচেত চ রুদেত চ॥ 12-140-54 (70613)
নিমন্ত্রয়ীত সান্ৎবেন সংমানেন তিতিক্ষয়া।
আশাকরণমিত্যেতৎকর্তব্যং ভূতিমিচ্ছতা॥ 12-140-55 (70614)
ন শুষ্কবৈরং কুর্বীত বাহুভ্যাং ন নদীং তরেৎ।
অনর্থকমনায়ুষ্যং গোবিষাণস্য ভক্ষণম্।
দন্তাশ্চ পরিমৃদ্যন্তে রসশ্চাপি ন লভ্যতে॥ 12-140-56 (70615)
ত্রিবর্গে ত্রিবিধা পীডা অনুবন্ধস্তথৈব চ।
অনুবন্ধং তথা জ্ঞাৎবা পীডাং চ পরিবর্জয়েৎ॥ 12-140-57 (70616)
ঋণশেষং চাগ্নিশেষং শত্রুশেষং তথৈব চ।
পুনঃ পুনঃ প্রবর্ধন্তে তস্মাচ্ছেষং ন কারয়েৎ॥ 12-140-58 (70617)
ঋণশেষাং বিবর্ধন্তে পরিভূতাশ্চ শত্রবঃ।
আবহন্ত্যনয়ং তীব্রং ব্যাধয়শ্চাপ্যুপেক্ষিতাঃ॥ 12-140-59 (70618)
নাম---ক্কৃত্যকারী স্যাদপ্রমত্তঃ সদা ভবেৎ।
কষ্যকোপি হি দুশ্ছিন্নো বিকারং কুরুতে চিরম্॥ 12-140-60 (70619)
বধেম চ মনুষ্যাণাং মার্গাণাং দূষণেন চ।
আকারাণাং বিনাশৈশ্চ পররাষ্ট্রং বিনাশয়েৎ॥ 12-140-61 (70620)
গৃধ্রদৃষ্টির্বকালীনঃ শ্বচেষ্টঃ সিংহবিক্রমঃ।
অনুদ্বিগ্রঃ কাকশঙ্কী ভুজঙ্গচরিতং চরেৎ॥ 12-140-62 (70621)
শূরমঞ্জলিপাতেন ভীরুং ভেদেন ভেদয়েৎ।
লুব্ধমর্থপ্রদানেন সমং তুল্যেন বিগ্রহঃ॥ 12-140-63 (70622)
শ্রেণীমুখ্যোপজাপেষু বল্লভানুনয়েষু চ।
অমাত্যান্পরিরক্ষেত ভেদসংঘাতয়োরপি॥ 12-140-64 (70623)
মৃদুরিত্যবজানন্তি তীক্ষ্ণ ইত্যুদ্বিজন্তি চ।
তীক্ষ্ণকালে ভবেত্তীক্ষ্ণো মৃদুকালে মৃদুর্ভবেৎ॥ 12-140-65 (70624)
মৃদুনৈব মৃদুং হন্তি মৃদুনা হন্তি দারুণম্।
নাসাধ্যং মৃদুনা কিংচিত্তস্মাত্তীক্ষ্ণতরো মৃদুঃ॥ 12-140-66 (70625)
কালে মৃদুর্যো ভবতি কালে ভবতি দারুণঃ।
স সাধয়তি কৃত্যানি শত্রুং চাপ্যধিতিষ্ঠতি॥ 12-140-67 (70626)
পণ্ডিতেন বিরুদ্ধস্তু দূরস্থোঽস্মীতি নাশ্বসেৎ।
দীর্ঘৌ বুদ্ধিমতো বাহূ যাভ্যাং হিংসতি হিংসিতঃ॥ 12-140-68 (70627)
ন তত্তরেদ্যস্য ন পারমুত্তরে
ন্ন তদ্ধরেদ্যৎপুনরাহরেৎপরঃ।
ন তৎখনেদ্যস্য ন মূলমুদ্ধরে
ন্ন তং হন্যাদ্যস্য শিরো ন পাতয়েৎ॥ 12-140-69 (70628)
ইতীদমুক্তং বৃজিনাভিসংহিতং
ন চৈতদেবং পুরুষঃ সমাচরেৎ।
পরপ্রয়ুক্তস্তু কথং বিভাবয়ে
দতো ময়োক্তং ভবতো হিতার্থিনা॥ 12-140-70 (70629)
ভীষ্ম উবাচ। 12-140-71x (5746)
যথাবদুক্তং বচনং হিতার্থিনা
নিশম্য বিপ্রেণ সুবীররাষ্ট্রপঃ।
তথাঽকরোদ্বাক্যমদীনচেতনঃ
শ্রিয়ং চ দীপ্তাং বুভুজে সবান্ধবঃ॥ ॥ 12-140-71 (70630)
ইতি শ্রীমন্মহাভারতে শান্তিপর্বণি আপদ্ধর্মপর্বণি চৎবারিংশদধিকশততমোঽধ্যায়ঃ॥ 140॥
Mahabharata - Shanti Parva - Chapter Footnotes
12-140-2 ঘৃণাং দয়াম্। তথা বর্তেত ভূমিপঃ ইতি ট. ড. থ. দ. পাঠঃ॥ 12-140-3 শত্রুংজয়স্য চ ইতি ঝ. পাঠঃ॥ 12-140-20 নানার্থিকঃ বহুপ্রয়োজনবান্। কৃতঘ্নে পুরুষে অর্থসংবন্ধং ন সমাচরেৎ॥ 12-140-21 বরাহস্য শ্রেয়োমূলোৎখননম্। তচ্চ রাজা শূত্রূণাং কুর্যাৎ। মেরোরচঞ্চলৎবমনুল্লঙ্ঘনীয়ৎবং চ শূন্যস্য বেশ্মনঃ সংপদাগম ইষ্টস্তমিচ্ছেৎ। ব্যালস্য সর্পবদন্ধ্যকোপৎবমিষ্টং তমঙ্গীকুর্যাৎ। নটস্য ভক্তিমিত্রস্য ইতি ঝ. পাঠঃ। তত্র নটস্য জানারূপৎবমিষ্টম্। এবং রাজা স্ত্রিগ্ধপ্রসন্নাদীন্ গুণান্ বিভৃয়াৎ। ভক্তিমিত্রস্য স্বারাধ্যোদয় ইষ্ট এবং স্বপ্রতিপাল্যানাং প্রজানামুদয়ো রাজ্ঞা নিত্যমেষ্টব্য ইত্যর্থঃ॥ 12-140-25 বকাতীনামেকাগ্রৎবং নির্ভয়ৎবং শীঘ্রকারিৎবমপরাবৃত্তিৎবং চ গুণাস্তান্ পরার্থাদানে রাজাশ্রয়েদিত্যর্থঃ॥ 12-140-30 অশ্বতরী গর্দভজাঽশ্ব উদরভেদেনৈব প্রসূত ইতি প্রসিদ্ধম্॥ 12-140-34 ন সংশয়মনারুহ্য ইতি ঝ. পাঠঃ॥ 12-140-40 পাষণ্ডাদ্যৈরবিজ্ঞাতৈর্বিদিৎবারিংবশং নয়েৎ। ইতি ট. ড. থ. পাঠঃ॥ 12-140-47 কর্তব্যা ভৃতিমিচ্ছতা ইতি ট. পাঠঃ। ত্যক্তব্যা ভূতিমিচ্ছতা ইতি ধ. পাঠঃ॥ 12-140-56 শুষ্ক্রং লাভশূন্যম্॥ 12-140-57 ত্রিবর্গঃ ধর্মার্থকামাঃ তত্র ত্রিবিধা পীডা। ধর্মেণার্থস্য পীডা অর্থেন ধর্মস্য কামেন তয়োরিতি। অনুবন্ধাঃ ফলানি। ধর্মস্যার্থঃ অর্থস্য কামঃ কামস্যেন্দ্রিয়প্রীতিরিতি ক্ষুদ্রাঃ। ধর্মস্য চিত্তশুদ্ধিরর্থস্য যজ্ঞঃ কামস্য জীবনমাত্রমিতি প্রাজ্ঞাঃ। তত্র বলাবলং জ্ঞাৎবাঽনুবন্ধাঁল্লিপ্সেত পীডাং তু পারবর্জয়েদেবেত্যর্থঃ। পীডাং বিদ্বান্বশং নয়েদিতি ড. থ. পাঠঃ॥ 12-140-62 গৃধ্রদৃষ্টিগৃধ্রবৎ দূরদর্শী। বকবদালীনো নিশ্চলঃ। শ্বচেষ্টঃ শুনকবজ্জাগরূকশ্চোরসূচকশ্চ। কাকবৎ শঙ্কী পরেঙ্গিতজ্ঞঃ। ভুজঙ্গচরিতং অকস্মাৎপরকৃতে দুর্গাদৌ প্রবেশনম্॥ 12-140-64 শ্রেণীমুখ্যঃ নানাজাতিয়াঃ সন্ত এককার্যে নিবিষ্টাঃ শ্রেণয়স্তাসাং মুখ্যস্য উপজাপো ভেদঃ বল্লভানাং মিত্রাণামনুনয়েষু অন্যৈঃ কিয়মাণেষু অমাত্যান্পরিরক্ষেত। ভেদাৎসংঘাতাৎসংভূয়কার্যকারিৎবাচ্চ। সংহতা হ্যামাত্যাঃ সদ্যো রাজানমরাজানং কুর্যুর্বিপরীতং বা কুর্যুরিত্যর্থ-॥ 12-140-70 বৃজিনাভিসংহিতং আপৎকালাভিপ্রায়েণৈবৈতদুক্তং নৎবেতদেবং পুরুষঃ সমাচরেৎ। পরেণাভিয়োগে কৃতে সতি। ইদং মদুক্তং কথং ন ভাবয়েৎ অপিতু ভাবয়েদেব। আপদি এতদনুষ্ঠানাদধর্মো নাস্তীতি ভাবঃ॥শান্তিপর্ব - অধ্যায় 141
॥ শ্রীঃ ॥
12.141. অধ্যায়ঃ 141
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি আপদি অভক্ষ্যভক্ষণেনাপ্যাত্মরক্ষণকরণে দৃষ্টান্ততয়া বিশ্বামিত্রশ্বপচসংবাদানুবাদঃ॥ 1॥Mahabharata - Shanti Parva - Chapter Text
12-141-0 (70631)
যুধিষ্ঠির উবাচ। 12-141-0x (5747)
হীনে পরমকে ধর্মে সর্বলোকবিলঙ্ঘিতে।
অধর্মে ধর্মতাং নীতে ধর্মে চাধর্মতাং গতে॥ 12-141-1 (70632)
মর্যাদাসু প্রভিন্নাসু ক্ষুভিতে লোকিশ্চয়ে।
রাজভিঃ পীডিতে লোকে চোরৈর্বাঽপি বিশাংপতে॥ 12-141-2 (70633)
সর্বাশ্রমেষু মূঢেষু কর্মসূপহতেষু চ।
কামাল্লোভাচ্চ মোহাচ্চ ভয়ং পশ্যৎসু ভারত॥ 12-141-3 (70634)
অবিশ্বস্তেষু সর্বেষু নিত্যং ভীতেষু ভারত।
নিত্যং চ হন্যমানেষু বঞ্চয়ৎসু পরস্পরম্॥ 12-141-4 (70635)
প্রদীপ্তেষু চ দেশেষু ব্রাহ্মণ্যে চাতিপীডিতে।
অবর্ষতি চ পর্জন্যে মিথো ভেদে সমুত্থিতে॥ 12-141-5 (70636)
সর্বস্মিন্দস্যুসাদ্ভূতে পৃথিব্যামুপজীবনে।
কেনস্বিদ্ব্রাহ্মণো জীবেজ্জঘন্যে কাল আগতে॥ 12-141-6 (70637)
অতিতিক্ষুঃ পুত্রপৌত্রাননুক্রোশান্নরাধিপ।
কতমাপদি বর্তেত তন্মে ব্রূহি পিতামহ॥ 12-141-7 (70638)
কথং চ রাজা বর্তেত লোকে কলুষতাং গতে।
কথমর্থাচ্চ ধর্মাচ্চ ন হীয়েত পরংতপ॥ 12-141-8 (70639)
ভীষ্ম উবাচ। 12-141-9x (5748)
রাজমূলা মহাবাহো যোগক্ষেমসুবৃষ্টয়ঃ।
প্রজাসু ব্যাধয়শ্চৈব মরণং চ ভয়ানি চ॥ 12-141-9 (70640)
কৃতং ত্রেতা দ্বাপরং চ কলিশ্চ ভরতর্ষভ।
রাজমূলা ইতি মতির্মম নাস্ত্যত্র সংশয়ঃ॥ 12-141-10 (70641)
তস্মিংস্ৎবভ্যাগতে কালে প্রজানাং দোষকারকে।
বিজ্ঞানবলমাস্থায় জীবিতব্যং ভবেত্তদা॥ 12-141-11 (70642)
অধাপ্যুদাহরন্তীমমিতিহাসং পুরাতনম্।
বিশ্বামিত্রস্য সংবাদং চণ্ডালস্য চ পক্কণে॥ 12-141-12 (70643)
ত্রেতাদ্বাপরয়োঃ সংধৌ পুরা দৈবব্যতিক্রমাৎ।
অনাবৃষ্টিরভূদ্ধোরা লোকে দ্বাদশবার্ষিকী॥ 12-141-13 (70644)
প্রজানামতিবৃদ্ধানাং যুগান্তে সমুপস্থিতে।
ত্রেতায়াং মোক্ষসময়ে দ্বাপরপ্রতিপাদনে॥ 12-141-14 (70645)
ন ববর্ষ সহস্রাক্ষঃ প্রতিলোমোঽভবদ্গুরুঃ।
জগাম দক্ষিণং মার্গং সোমো ব্যাবৃত্তমণ্ডলঃ॥ 12-141-15 (70646)
নাবশ্যায়োঽপি রাত্র্যন্তে কুত এবাভ্ররাজয়ঃ।
নদ্যঃ সংক্ষিপ্ততোয়ৌঘাঃ কিংচিদন্তর্গতাঽভবন্॥ 12-141-16 (70647)
সরাংসি সরিতশ্চৈব কূপাঃ প্রস্রবণানি চ।
হতৎবিষো ন লক্ষ্যন্তে নিসর্গাৎপূর্বকারিতাৎ॥ 12-141-17 (70648)
ভূমিঃ শুষ্কজলস্থানা বিনিবৃত্তসভাপ্রপা।
নিবৃত্তয়জ্ঞস্বাধ্যায়া নির্বষট্কারমঙ্গলা॥ 12-141-18 (70649)
উৎসন্নকৃষিগোরক্ষা নিবৃত্তবিপণাপণা।
নিবৃত্তপূর্বসময়া সংপ্রনষ্টমহোৎসবা॥ 12-141-19 (70650)
অস্থিকঙ্কালসংকীর্ণা হাহাভূতনরাকুলা।
শূন্যভূয়িষ্ঠনগরা দগ্ধগ্রামনিবেশনা॥ 12-141-20 (70651)
ক্বচিচ্চোরৈঃ ক্বচিচ্ছূরৈঃ ক্বচিদ্রাজভিরাতুরৈঃ।
পরস্পরভয়াচ্চৈব শূন্যভূয়িষ্ঠনির্জনা॥ 12-141-21 (70652)
গতদৈবতসংস্থানা বৃদ্ধবালবিনাকৃতা।
গোজাবিমহিষীহীনা পরস্পরপরাহতা॥ 12-141-22 (70653)
হতবিপ্রা হতারক্ষা প্রনষ্টোৎসবসংচয়া।
শবভূতনরপ্রায়া বভূব বসুধা তদা॥ 12-141-23 (70654)
তস্মিন্প্রতিভয়ে কালে ক্ষীণধর্মে যুধিষ্ঠির।
বভূবুঃ ক্ষুধিতা মর্ত্যাঃ খাদমানাঃ পরস্পরম্॥ 12-141-24 (70655)
ঋষয়ো নিয়মাংস্ত্যক্ৎবা পরিত্যক্তাগ্নিদেবতাঃ।
আশ্রমান্সংপরিত্যজ্য পর্যধাবন্নিতস্ততঃ॥ 12-141-25 (70656)
বিশ্বামিত্রোঽথ ভগবান্মহর্ষিরনিকেতনঃ।
ক্ষুধা পরিগতো ধীমান্সমন্তাৎপর্যধাবৎ॥ 12-141-26 (70657)
ত্যক্ৎবা দারাংশ্চ পুত্রাংশ্চ কস্মিংশ্চ জনসংসদি।
ভক্ষ্যাভক্ষ্যসমো ভ্রূৎবা নিরগ্নিরনিকেতনঃ॥ 12-141-27 (70658)
স কদাচিৎপরিপতঞ্শ্বপচানাং নিকেতনম্।
হিংস্রাণাং প্রাণিঘাতানামাসসাদ বনে ক্বচিৎ॥ 12-141-28 (70659)
বিভিন্নকলশাকীর্ণং শ্রমাংসেন চ ভূষিতম্।
বরাহখরভগ্নাস্থিকপালঘটসংকুলম্॥ 12-141-29 (70660)
মৃতচেলপরিস্তীর্ণং নির্মাল্যকৃতভূষণম্।
সর্পনির্মোকমালাভিঃ কৃতচিহ্নকুটীমুখম্॥ 12-141-30 (70661)
কুক্কুটারাবহুলং গর্দভধ্বনিনাদিতম্।
উদ্ধোষদ্ভিঃ খরৈর্বাক্যৈঃ কলহদ্ভিঃ পরস্পরম্॥ 12-141-31 (70662)
উলূকপক্ষিধ্বনিভির্দেবতায়তনৈর্বৃতম্।
লোহঘণ্টাপরিষ্কারং শ্বয়ূথপরিবারিতম্॥ 12-141-32 (70663)
তৎপ্রবিশ্য ক্ষুধাবিষ্টো গাধিপুত্রো মহানৃপিঃ।
আহারান্বেষণে যুক্তঃ পরং যত্নং সমাস্থিতঃ॥ 12-141-33 (70664)
ন চ ক্বচিদবিন্দৎস ভিক্ষমাণোঽপি কৌশিকঃ।
মাংসমন্নং ফলং মূলমন্যদ্বা তত্র কিংচন॥ 12-141-34 (70665)
অহো কৃচ্ছ্রং ময়া প্রাপ্তমিতি নিশ্চিত্য কৌশিকঃ।
পপাত ভূমৌ দৌর্বল্যাত্তস্মিংশ্চণ্ডালপক্কণে॥ 12-141-35 (70666)
স চিন্তয়ামাস মুনিঃ কিংনু মে সুকৃতং ভবেৎ।
কথং বৃথা ন মৃত্যুঃ স্যাদিতি পার্থিবসত্তম॥ 12-141-36 (70667)
স দদর্শ শ্বমাংসস্য কুতন্ত্রীং পতিতাং মুনিঃ।
চণ্ডালস্য গৃহে রাজন্সদ্যঃ শস্ত্রহতস্য বৈ॥ 12-141-37 (70668)
স চিন্তয়ামাস তদা স্তেয়ং কার্যমিতো ময়া।
ন--দানীমুপায়ো মে বিদ্যতে প্রাণধারণে॥ 12-141-38 (70669)
---সু বিহিতং স্তেয়ং বিশিষ্টসমহীনতঃ।
পরস্পরং ভবেৎপূর্বমাস্থেয়মিতি নিশ্চয়ঃ। 12-141-39 (70670)
হীনাদাদেয়মাদৌ স্যাৎসমানাত্তদনন্তরম্।
অসংভবে ৎবাদদীত বিশিষ্টাদপি ধার্মিকাৎ॥ 12-141-40 (70671)
সোঽহমন্তাবসায়ীনাং হরাম্যেনাং প্রতিগ্রহাৎ।
ন স্তেয়দোষং পশ্যামি হরিষ্যাম্যেতদামিষম্॥ 12-141-41 (70672)
এতাং বুদ্ধিং সমাস্থায় বিশ্বামিত্রো মহামুনিঃ।
তস্মিন্দেশে সুসুষ্বাপ পতিতো যত্র ভারত॥ 12-141-42 (70673)
স বিগাঢাং নিশাং দৃষ্ট্বা সুপ্তে চণ্ডালপক্কণে।
শনৈরুত্থায় ভগবান্প্রবিবেশ কুটীমুখম্॥ 12-141-43 (70674)
স সুপ্ত এব চণ্ডালঃ শ্লেষ্মাপিহিতলোচনঃ।
পরিভিন্নস্বরো রূক্ষঃ প্রোবাচাপ্রিয়দর্শনঃ॥ 12-141-44 (70675)
কঃ কুতন্ত্রীং ঘট্টয়তি সুপ্তে চণ্ডালপক্কণে।
জাগর্মি নৈব সুপ্তোঽস্মি হতোঽসীতি চ দারুণঃ॥ 12-141-45 (70676)
বিশ্বামিত্রোঽহমিত্যেব সহসা তমুবাচ হ।
সহসাঽভ্যাগতং ভূয়ঃ সোদ্বেগস্তেন কর্মণা॥ 12-141-46 (70677)
বিশ্বামিত্রোঽহমায়ুষ্মন্নাগতোঽহং বুভুক্ষিতঃ।
মা বধীর্মম সদ্বুদ্ধে যদি সম্যক্প্রপশ্যসি॥ 12-141-47 (70678)
চণ্ডালস্তদ্বচঃ শ্রুৎবা মহর্ষের্ভাবিতাত্মনঃ।
শয়নাদুপসংভ্রান্ত উদ্যযৌ প্রতি তং ততঃ॥ 12-141-48 (70679)
স বিসৃজ্যাশ্রু নেত্রাভ্যাং বহুমানাৎকৃতাঞ্জলিঃ।
উবাচ কৌশিকং রাত্রৌ ব্রহ্মন্কিং তে চিকীর্ষিতম্॥ 12-141-49 (70680)
বিশ্বামিত্রস্তু মাতঙ্গমুবাচ পরিসান্ৎবয়ন্।
ক্ষুধিতোঽন্তর্গতপ্রাণো হরিষ্যামি শ্বজাঘনীম্॥ 12-141-50 (70681)
ক্ষুধিতঃ কলুষং যাতো নাস্তি হ্রীরশনার্থিনঃ।
ক্ষুচ্চ মাং দূষয়ত্যত্র হরিষ্যামি শ্বজাঘনীম্॥ 12-141-51 (70682)
অবসীদন্তি মে প্রাণাঃ স্মৃতির্মে নশ্যতি ক্ষুধা।
দুর্বলো নষ্টসংজ্ঞশ্চ ভক্ষ্যাভক্ষ্যবিবর্জিতঃ।
সোধর্মং বুধ্যমানোঽপি হরিষ্যামি শ্বজাঘনীম্॥ 12-141-52 (70683)
যদা ভৈক্ষং ন বিন্দামি যুষ্মাকমহমালয়ে।
তদা বুদ্ধিঃ কৃতা পাপে হরিষ্যামি শ্বজাঘনীম্॥ 12-141-53 (70684)
অগ্নির্মুখং পুরোধাশ্চ দেবানাং শুচিষাঙ্বিভুঃ।
যথা চ সর্বভুগ্ব্রহ্মা তথা মাং বিদ্ধি ধর্মতঃ॥ 12-141-54 (70685)
তমুবাচ স চণ্ডালো মহর্ষে শৃণু মে বচঃ।
শ্রুৎবা তথা তমাতিষ্ঠ যথা ধর্মো ন হীয়তে॥ 12-141-55 (70686)
ধর্মং তবাপি বিপ্রর্ষে শৃণু যত্তে ব্রবীম্যহম্॥ 12-141-56 (70687)
মৃগাণামধমং শ্বানং প্রবদন্তি মনীষিণঃ।
তস্যাপ্যধম উদ্দেশঃ শরীরস্য তু জাঘী॥ 12-141-57 (70688)
নেদং সম্যগ্ব্যবসিতং মহর্ষে কর্ম গর্হিতম্।
চণ্ডালস্বস্য হরণমভক্ষ্যস্য বিশেষতঃ॥ 12-141-58 (70689)
সাধ্বন্যমনুপশ্য ৎবমুপায়ং প্রাণধারণে।
শ্বমাংসলোভাত্তপসো নাশস্তে স্যান্মহামুনে॥ 12-141-59 (70690)
জানতা বিহিতো মার্গো ন কার্যো ধর্মসংকরঃ।
মা স্ম ধর্মং পরিত্যাক্ষীস্ৎবং হি ধর্মবিদুত্তমঃ॥ 12-141-60 (70691)
বিশ্বামিত্রস্ততো রাজন্নিত্যুক্তো ভরতর্ষভ।
ক্ষুধার্তঃ প্রত্যুবাচেদং পুনরেব মহামুনিঃ॥ 12-141-61 (70692)
নিরাহারস্য সুমহান্মম কালোঽভিধাবতঃ।
ন বিদ্যতেঽপ্যুপায়শ্চ কশ্চিন্মে প্রাণধারণে॥ 12-141-62 (70693)
যেনকেন বিশেষেণ কর্মণা যেনকেনচিৎ।
উজ্জিহীর্ষে সীদমানঃ সমর্থো ধর্মমাচরেৎ॥ 12-141-63 (70694)
ঐন্দ্রো ধর্মঃ ক্ষত্রিয়াণাং ব্রাহ্মণানামথাগ্নিকঃ।
ব্রহ্মবহ্নির্মম বলং ভোক্ষ্যামি শময়ন্ক্ষুধাম্॥ 12-141-64 (70695)
যথায়থৈব জীবেদ্ধি তৎকর্তব্যমহেলয়া।
জীবিতং মরণাচ্ছ্রেয়ো জীবন্ধর্মমবাপ্নুয়াৎ॥ 12-141-65 (70696)
সোঽহং জীবিতমাকাঙ্ক্ষন্নভক্ষ্যস্যাপি ভক্ষণম্।
ব্যবস্যে বুদ্ধিপূর্বং বৈ তদ্ভবাননুমন্যতাম্॥ 12-141-66 (70697)
জীবন্ধর্মং চরিষ্যামি প্রণোৎস্যাম্যশুভানি তু।
তপোভির্বিদ্যযা চৈব জ্যোতীংষীব মহত্তমঃ॥ 12-141-67 (70698)
শ্বপচ উবাচ। 12-141-68x (5749)
নৈতৎখাদন্প্রাপ্স্যসে প্রাণমদ্য
নায়ুর্দীর্ঘং নামৃতস্যেব তৃপ্তিম্।
ভিক্ষামন্যাং ভিক্ষ মা তে মনোস্তু
শ্বভক্ষণে শ্বা হ্যভক্ষ্যো দ্বিজানাম্॥ 12-141-68 (70699)
বিশ্বামিত্র উবাচ। 12-141-69x (5750)
ন দুর্ভিক্ষে সুলভং মাংসমন্য
চ্ছ্বপাকমন্যে ন চ মেঽস্তি বিত্তম।
ক্ষুঘার্তশ্চাহমগতির্নিরাশঃ
শ্বজাঘনীং ষ়ড্সাৎসাধু মন্যে॥ 12-141-69 (70700)
শ্বপচ উবাচ। 12-141-70x (5751)
পঞ্চ পঞ্চনখা ভক্ষ্যা ব্রহ্মক্ষত্রস্য বৈ বিশঃ।
`শল্যকঃ শ্বাবিধো গোধা শশঃ কূর্মশ্চ পঞ্চমঃ।'
যদি শাস্ত্রং প্রমাণং তে মাঽভক্ষ্যে বৈ মনঃ কৃথাঃ॥ 12-141-70 (70701)
বিশ্বামিত্র উবাচ। 12-141-71x (5752)
অগস্ত্যেনাসুরো জগ্ধো বাতাপিঃ ক্ষুধিতেন বৈ।
অহমাপদ্গতঃ ক্ষুব্ধো ভক্ষয়িষ্যে শ্বজাঘনীম্॥ 12-141-71 (70702)
শ্বপচ উবাচ। 12-141-72x (5753)
ভিক্ষামন্যামাহরেতি ন চ কর্তুমিহার্হসি।
ন নূনং কার্যমেতদ্বৈ হর কামং শ্বজাঘনীম্॥ 12-141-72 (70703)
বিশ্বামিত্র উবাচ। 12-141-73x (5754)
শিষ্টা বৈ কারণং ধর্মে তদ্বৃত্তমনুবর্তয়ে।
পরাং মেধ্যাশনাদেনাং ভক্ষ্যাং মন্যে শ্বজাঘনীম্॥ 12-141-73 (70704)
শ্বপচ উবাচ। 12-141-74x (5755)
অসদ্ভির্যঃ সমাচীর্ণো ন স ধর্মঃ সনাতনঃ।
অকার্যমিহ কার্যং বা মা ছলেনাশুভং কৃথাঃ॥ 12-141-74 (70705)
বিশ্বামিত্র উবাচ। 12-141-75x (5756)
ন পাতকং নাবমতমৃষিঃ সন্কর্তুমর্হতি।
সমৌ চ শ্বমৃগৌ মন্যে তস্মাদ্ভোক্ষ্যে শ্বজাঘনীম্॥ 12-141-75 (70706)
শ্বপচ উবাচ। 12-141-76x (5757)
যদ্ব্রাহ্মণার্থে কৃতমর্থিনেন
তেনর্ষিণা তদভক্ষ্যং ন কামাৎ।
স বৈ ধর্মো যত্র ন পাপমস্তি
সর্বৈরুপায়ৈর্গুরবো হি রক্ষ্যাঃ॥ 12-141-76 (70707)
বিশ্বামিত্র উবাচ। 12-141-77x (5758)
মিত্রং চ মে ব্রাহ্মণস্যায়মাত্মা
প্রিয়শ্চ মে পূজ্যতমশ্চ লোকে।
তদ্ভোক্তুকামোঽহমিমাং জিহীর্ষে
নৃশংসানামীদৃশানাং ন বিভ্যে॥ 12-141-77 (70708)
শ্বপচ উবাচ। 12-141-78x (5759)
কামং নরা জীবিতং সংত্যজন্তি
ন চাভক্ষ্যে ক্বচিৎকুর্বন্তি বুদ্ধিম্।
সর্বাংশ্চ কামান্প্রাপ্নুবন্তীতি বিদ্ধি
স্বর্গে নিবাসাৎসহতে ক্ষুধাং বৈ॥ 12-141-78 (70709)
বিশ্বামিত্র উবাচ। 12-141-79x (5760)
স্থানে ভবেৎস যশঃ প্রেত্যভাবে
নিঃসংশয়ঃ কর্মণাং বৈ বিনাশঃ।
অহং পুনর্ব্রতনিত্যঃ শমাত্মা
মূলং রক্ষ্যং ভক্ষয়িষ্যাম্যভক্ষ্যম্॥ 12-141-79 (70710)
বুদ্ধ্যাত্মকে ব্যক্তমস্তীতি সৃষ্টো
মোক্ষাত্মকে ৎবং যথা শিষ্টচক্ষুঃ।
যদ্যপ্যেতৎসংশয়াচ্চ ত্রপামি
নাহং ভবিষ্যামি যথা ন মায়া॥ 12-141-80 (70711)
শ্বপচ উবাচ। 12-141-81x (5761)
গোপনীয়মিদং দুঃখমিতি মে নিশ্চিতা মতিঃ।
দুষ্কৃতং ব্রাহ্মণং সন্তং যস্ৎবামহমুপালভে॥ 12-141-81 (70712)
বিশ্বামিত্র উবাচ। 12-141-82x (5762)
পিবন্ত্যেবোদকং গাবো মণ্ডূকেষু রুবৎস্বপি।
ন তেঽধিকারো ধর্মেঽস্তি বা ভূরাত্মপ্রশংসকঃ॥ 12-141-82 (70713)
শ্বপচ উবাচ। 12-141-83x (5763)
সুহৃদ্ভূৎবাঽনুশোচে ৎবাং কৃপা হি ৎবয়ি মে দ্বিজ।
তদিদং শ্রেয় আধৎস্ব মা লোভে চেত আদধাঃ॥ 12-141-83 (70714)
বিশ্বামিত্র উবাচ। 12-141-84x (5764)
সৃহৃন্মে ৎবং সুখেপ্সুশ্চেদাপদো মাং সমুদ্ধর।
জামঽহং ধর্মতোঽঽত্মানমুৎসৃজেমাং শ্বজাঘনীম্॥ 12-141-84 (70715)
শ্বপচ উবাচ। 12-141-85x (5765)
নৈবোৎসহে ভবতো দাতুমেতাং
নোপেক্ষিতুং হ্রিয়মাণং স্বমন্নম্।
উভৌ স্যাবঃ শ্বমলেনানুলিপ্তৌ
দাতা চাহং ব্রাহ্মণস্ৎবং প্রতীচ্ছম্॥ 12-141-85 (70716)
বিশ্বামিত্র উবাচ। 12-141-86x (5766)
অদ্যাহমেতদ্বৄজিনং কর্ম কৃৎবা
জীবংশ্চরিষ্যামি মহাপবিত্রম্।
সংপূতাত্মা ধর্মমেবাভিপৎস্যে
যদেতয়োর্গুরু তদ্বৈ ব্রবীহি॥ 12-141-86 (70717)
শ্বপচ উবাচ। 12-141-87x (5767)
আত্মৈব সাক্ষী কিল ধর্মকৃত্যে
ৎবমেব জানাসি যদত্র দুষ্কৃতম্।
যো হ্যাদ্রিয়াদ্ভক্ষ্যমিতি শ্বমাংসং
মন্যে ন তস্যাস্তি বিবর্জনীয়ম্॥ 12-141-87 (70718)
বিশ্বামিত্র উবাচ। 12-141-88x (5768)
উপধানৈঃ সাধতে নাপি দোষঃ
কার্যে সিদ্ধে মিত্র নাত্রাপবাদঃ।
অস্মিন্নহিংসা নানৃতে বাক্যলেশো
ভক্ষ্যক্রিয়া যত্র ন তদ্গরীয়ঃ॥ 12-141-88 (70719)
শ্বপচ উবাচ। 12-141-89x (5769)
যদ্যেষ হেতুস্তব খাদনে স্যা
ন্ন তে বেদঃ কারণং নার্যধর্মঃ।
তস্মাদ্ভক্ষ্যে ভক্ষণে বা দ্বিজেন্দ্র
দোষং ন পশ্যামি যথেদমত্র॥ 12-141-89 (70720)
বিশ্বামিত্র উবাচ। 12-141-90x (5770)
ন পাতকং ভক্ষমাণস্য দৃষ্টং
সুরাং তু পীৎবা পততীতি শব্দঃ।
অন্যোন্যকার্যাণি যথা তথৈব
ন লেপমাত্রেণ কৃতং হিনস্তি॥ 12-141-90 (70721)
শ্বপচ উবাচ। 12-141-91x (5771)
`পাদৌ মূলং সমভবদ্বৃন্তাকং শির উচ্যতে।
শেফাত্তু গৃঞ্জরং জাতং পলাণ্ডুস্ৎবণ্ডসংভবঃ॥ 12-141-91 (70722)
শ্বরোমজঃ শৈব্যশাকো লশুনং দ্বিজসংভবম্।
চুক্কিনামা পর্ণশাকঃ কর্ণাদজনি ভূসুর॥' 12-141-92 (70723)
অস্থানতো হীনতঃ কুৎসিতাদ্বা
তদ্বিদ্বাংসং বাধতে সাধু বৃত্তম্।
শ্বানং পুনর্যো লভতেঽভিষঙ্গা
ত্তেনাপি দণ্ডঃ সহিতব্য এব॥ 12-141-93 (70724)
ভীষ্ম উবাচ। 12-141-94x (5772)
এবমুক্ৎবা নিববৃতে মাতঙ্গঃ কৌশিকং তদা।
বিশ্বামিত্রো জহারৈব কৃতবুদ্ধিঃ শ্বজাঘনীম্॥ 12-141-94 (70725)
ততো জগ্রাহ স শ্বাঙ্গং জীবিতার্থী মহামুনিঃ।
সদারস্তামুপাহৃত্য বনে ভোক্তুমিয়েপ সঃ॥ 12-141-95 (70726)
অথাস্য বুদ্ধিরভবদ্বিধিনাঽহং শ্বজাঘনীম্।
ভক্ষয়ামি যথাকালং পূর্বং সংতর্প্য দেবতাঃ॥ 12-141-96 (70727)
ততোঽগ্নিমুপসংহৃত্য ব্রাহ্মেণ বিধিনা মুনিঃ।
ঐন্দ্রাগ্নেয়েন বিধিনা চরুং শ্রপয়ত স্বয়ম্॥ 12-141-97 (70728)
ততঃ সমারভৎকর্ম দৈবং পিত্র্যং চ ভারত।
আহূয় দেবানিন্দ্রাদীন্ভাগংভাগং বিধিক্রমাৎ॥ 12-141-98 (70729)
এতস্মিন্নেব কালে তু প্রববর্ষ স বাসবঃ।
সংজীবয়ন্প্রজাঃ সর্বা জনয়ামাস চৌষধীঃ॥ 12-141-99 (70730)
বিশ্বামিত্রোঽপি ভগবাংস্তপসা দগ্ধকিল্চিষঃ।
কালেন মহতা সিদ্ধিমবাপ পরমাদ্ভুতাম্॥ 12-141-100 (70731)
স সংহৃত্য চ তৎকর্ম অনাস্বাদ্য চ তদ্ধবিঃ।
তোষয়ামাস দেবাংশ্চ পিতৄংশ্চ দ্বিজসত্তমঃ॥ 12-141-101 (70732)
এবং বিদ্বানদীনাত্মা ব্যসনস্থো জিজীবিষুঃ।
সর্বোপায়ৈরুপায়জ্ঞো দীনমাত্মানমুদ্ধরেৎ॥ 12-141-102 (70733)
এতাং বুদ্ধিং সমাস্থায় জীবিতব্যং সদা ভবেৎ।
জীবন্পুণ্যমবাপ্নোতি পুরুষো ভদ্রমশ্নুতে॥ 12-141-103 (70734)
তস্মাৎকৌন্তেয় বিদুষা ধর্মাধর্মবিনিশ্চয়ে।
বুদ্ধিমাস্থায় লোকেঽস্মিন্বর্তিতব্যং কৃতাত্মনা॥ ॥ 12-141-104 (70735)
ইতি শ্রীমন্মহাভারতে শান্তিপর্বণি আপদ্ধর্মপর্বণি একচৎবারিংশদধিকশততমোঽধ্যায়ঃ॥ 141॥
Mahabharata - Shanti Parva - Chapter Footnotes
12-141-7 অতিতিক্ষুঃ যুক্তুমনিচ্ছুঃ। অনুক্রোশাৎ দয়াতঃ॥ 12-141-9 অপ্রাপ্তপ্রাপণং যোগঃ। প্রাপ্তসংরক্ষণং ক্ষেমঃ॥ 12-141-12 পক্কণে চণ্ডালাগারে॥ 12-141-15 প্রতিলোমো বক্রঃ। ব্যাবৃত্তং অন্যথাভূতং মণ্ডলং যস্য॥ 12-141-16 অবশ্যায়ো ধূমিকা॥ 12-141-19 বিষণো বিক্রয়াদিঃ। আপণো হট্টঃ॥ 12-141-23 হতা আরক্ষা রক্ষাকর্তারো যস্যাং সা॥ 12-141-36 বৃথা অন্নং বিনা॥ 12-141-37 কুতন্ত্রীং দণ্ডিকাম্॥ 12-141-39 বিপ্রেণ প্রাণরক্ষার্থং কর্তব্যমিতি নিশ্চয়ঃ ইতি ঝ. পাঠঃ॥ 12-141-41 প্রতিগ্রহাত্তজ্জদোষাৎ স্তৈন্যদোষমধিকং ন পশ্যামীত্যর্থঃ॥ 12-141-45 ঘট্টয়তি চালয়তি॥ 12-141-47 মম মাম্॥ 12-141-51 কলুষং যাতঃ পাপং কর্মানুসৃতঃ॥ 12-141-54 অগ্নির্দেবানাং মুখং চ পুরোধাশ্চ সঃ। শুচিষাট্ শুচি মেধ্যমেব সহতে নামেধ্যম্ তথাহং ব্রহ্মা ব্রাহ্মণোঽপি তত্তুল্যৎবাৎসর্বভুগ্ভবিষ্যামীত্যর্থঃ॥ 12-141-64 ঐন্দ্রঃ পালাত্মকঃ। আগ্নিকঃ সর্বভুক্ৎবরূপঃ। ব্রহ্ম বেদঃ স এব বহ্নিঃ॥ 12-141-72 ইতি কর্তুং নার্হসীতি যোজনা॥ 12-141-73 শিষ্টাঃ অগস্ত্যাদয়ঃ॥ 12-141-75 সমৌ পশুৎবাদিতি ভাবঃ নৃশংসমপি ভক্ষিৎবা তেন বাতাপিনা ভক্ষ্যমাণা ব্রাহ্মণা রক্ষিতা ইতি ধর্ম এবেত্যর্থঃ॥ 12-141-77 তর্হি অয়মাত্মা দেহো মম মিত্রং এতস্য রক্ষণার্থং ময়াপ্যেতদ্ভুক্তং চেন্ন কশ্চিদ্দোষোঽস্তীত্যাহ মিত্রং চেতি॥ 12-141-79 স কামঃ প্রেত্যভাবে মরণে সতি যশঃ যশস্করো ভবেদিতি স্থানে যুক্তম্। অনশনেন মরণং শ্রেয় ইতি সত্যমিত্যর্থঃ। জীবতস্ৎবনশ্নতো ধর্মলোপঃ প্রত্যক্ষঃ। মূলং ধর্মস্য শরীরং রক্ষ্যং তস্য বৈকল্যেন ধর্মবিরোধো ভবতীত্যর্থঃ॥ 12-141-80 বুদ্ধ্যাত্মকে ব্যক্তমস্তীতি পুণ্যং মোহাত্মকে যত্র যথা শ্বভক্ষ্যে। যদ্যপ্যেত ৎসংশয়াত্মা চরামি নাহং ভবিষ্যামি যথা ৎবমেবেতি ঝ. পাঠঃ। তত্র বুদ্ধ্যাত্মকে প্রমাতরি বিচারিতে শ্বজাঘনীভক্ষণেঽপি পুণ্যমস্তীতি জানে। জ্ঞানোৎপত্তিয়োগ্যং শরীরমপথেন্নাপি রক্ষ্যমেবেতি ভাবঃ। তথাপি শ্বভক্ষণমাত্রেণ স্বাদৃশঃ শ্বপচোঽহং ন ভবিষ্যামি। তপসা দোষং দূরীকর্তুং শক্তোঽস্মীতি ভাবঃ॥ 12-141-81 ইদং শ্বজাঘনীভক্ষণজং দুঃখং পাপং গোপনীয়ং গূহনীয়ং ৎবয়া ক্রিয়মাণং নিরসনীয়মিতি মে বুদ্ধির্নিশ্চিতাস্তি॥ 12-141-82 ধর্মে ধর্মানুশাসনে॥ 12-141-85 প্রতীচ্ছন্ প্রতিগৃহ্ণন্॥ 12-141-89 হেতুঃ প্রাণপোষণেচ্ছাস্তি। কারণং প্রমাণম্। ভক্ষ্যে ভক্ষণে। অভক্ষণে ইতি চ্ছেদঃ॥ 12-141-90 পততীতি শব্দঃ শব্দশাস্ত্রস্যাজ্ঞামাত্রম্। পরংতু পাপহেতুর্মুখ্যো হিংসাখ্যোঽত্র ন দৃশ্যত ইতি ভবঃ। অন্যোন্যকার্যাণি মৈথুনানি। লেপমাত্রেণ কৃতং পুণ্যং হিনস্তি নাশয়তি। তেন ঈষৎপাপোৎপত্তিরস্তু নতু ব্রাহ্মণ্যাদি ধর্মহানিরস্তীতি ভাবঃ॥ 12-141-93 অস্থানতশ্চাণ্ডালগৃহাৎ। হীনতশ্চৌর্যতঃ। কুৎসিতাদদিৎসতঃ কদর্যাৎ। অভিষঙ্গাদত্যাগ্রহাৎ। শ্বানং লভতে তেনাপি তেনৈব দণ্ডঃ সহিতব্যঃ সোঢব্যএব। ননু দাতুর্মম দোষোঽস্তীতি ভাবঃ। অস্থানতো হীনতঃ কুৎসিতাদ্বা যো বৈ দ্বিজং বাধতে সাধুবৃত্তম্। স্থানং পুনর্যো লভতেতিভঙ্গাত্তেনাপি দণ্ডঃ প্রহিতঃ স এবেতি ধ. পাঠঃ॥ 12-141-96 যথাকামমিতি ঝ. পাঠঃ॥ 12-141-100 সিদ্ধিমিয়েষেতি ট. ড. দ. পাঠঃ॥শান্তিপর্ব - অধ্যায় 142
॥ শ্রীঃ ॥
12.142. অধ্যায়ঃ 142
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি রাজ্ঞা ব্রাহ্মণবর্জং দণ্ডেন প্রজাপালনকরণে শুক্রমতানুবাদঃ॥ 1॥Mahabharata - Shanti Parva - Chapter Text
12-142-0 (70736)
যুধিষ্ঠির উবাচ। 12-142-0x (5773)
যদিদং ঘোরমুদ্দিষ্টমশ্রদ্ধেয়মিবানৃতম্।
অস্তিস্বিদ্দস্যুমর্যাদা যাময়ং পরিবর্জয়েৎ॥ 12-142-1 (70737)
সংমুহ্যামি বিপীদামি ধর্মো মে শিথিলীকৃতঃ।
উদ্যমং নাধিগচ্ছামি কুতশ্চিৎপরিচিন্তয়ন্॥ 12-142-2 (70738)
ভীষ্ম উবাচ। 12-142-2x (5774)
নৈতচ্ছ্রুৎবাগমাদেব তব ধর্মানুশাসনম্।
প্রজ্ঞাসমভিহারোঽয়ং কবিভিঃ সংভৃতং মধু॥ 12-142-3 (70739)
বাহ্যাঃ প্রতিবিধাতব্যাঃ প্রজ্ঞা রাজ্ঞা ততস্ততঃ।
বহুশাখেন ধর্মেণ যত্রৈষা সংপ্রসিধ্যতে॥ 12-142-4 (70740)
বুদ্ধিং সংজনয়েদ্রাজ্ঞাং ধর্মমাচরতাং সদা।
জয়ো ভবতি কৌরব্য সদা তদ্বৃদ্ধিরেব চ॥ 12-142-5 (70741)
বুদ্ধিশ্রেষ্ঠা হি রাজানো জয়ন্তি বিজয়ৈষিণঃ।
ধর্মঃ প্রতিবিধাতব্যো বুদ্ধ্যা রাজ্ঞা ততস্ততঃ॥ 12-142-6 (70742)
নৈকশাখেন ধর্মেণ রাজ্ঞো ধর্মো বিধীয়তে।
দুর্বলস্য কুতঃ প্রজ্ঞা পুরস্তাদনুদাহৃতা॥ 12-142-7 (70743)
অদ্বৈধজ্ঞঃ প্রতিদ্বৈধে সংশয়ং প্রাপ্নুমর্হতি।
বুদ্ধিদ্বৈধং বিধাতব্যং পুরস্তাদেব ভারত॥ 12-142-8 (70744)
পার্শ্বতঃ কারণং রাজ্ঞো বিষূচ্যস্ৎবাপগা ইব।
জনাস্তূচ্চরিতং ধর্মং বিজান্ত্যন্যথাঽন্যথা॥ 12-142-9 (70745)
সম্যগ্বিজ্ঞানিনঃ কেচিন্মিথ্যাবিজ্ঞানিনঃ পরে।
তদ্বৈ যথায়থং বুদ্ধ্বা জ্ঞানমাদদতে সতাম্॥ 12-142-10 (70746)
পরিমুষ্ণন্তি শাস্ত্রাণি ধর্মস্য পরিপন্থিনঃ।
বৈষম্যমর্থবিদ্যানাং নিরর্থাঃ খ্যাপয়ন্তি তে॥ 12-142-11 (70747)
আজিজীবিষবো বিদ্যাং যশঃ কামৌ সমন্তনঃ।
তে সর্বে নৃপ পাপিষ্ঠা ধর্মস্য পরিপন্থিনঃ॥ 12-142-12 (70748)
অপক্বমতয়ো মন্দা ন জানন্তি যথাতথম্।
তথা হ্যশাস্ত্রকুশলাঃ সর্বত্রায়ুক্তিনিষ্ঠিতাঃ॥ 12-142-13 (70749)
পরিমুষ্ণন্তি শাস্ত্রাণি শাস্ত্রদোষানুদর্শিনঃ।
বিজ্ঞানমথ বিদ্যানাং ন সম্যগিতি মে মতিঃ॥ 12-142-14 (70750)
নিন্দয়া পরবিদ্যানাং স্ববিদ্যাং খ্যাপয়ন্তি চ।
বাগাস্তিক্যানুনীতাশ্চ দুগ্ধবিদ্যাফলা ইব॥ 12-142-15 (70751)
তান্বিদ্যাবণিজো বিদ্ধি রাক্ষসানিব ভারত।
ব্যাজেন কৃৎস্নো বিহিতো ধর্মস্তে পরিহাস্যতে॥ 12-142-16 (70752)
ন ধর্মবচনং বাচা নৈব বুদ্ধ্যেতি নঃ শ্রুতম্।
ইতি বার্হস্পত্যবিজ্ঞানং প্রোবাচ মঘবা স্বয়ম্॥ 12-142-17 (70753)
ন ত্যব বচনং কিংচিদনিমিত্তাদিহোচ্যতে।
স্ববিনীতেন শাস্ত্রেণ হ্যবিদ্যঃ স্যাদথাপরঃ॥ 12-142-18 (70754)
লোকয়াত্রামিহৈকে তু ধর্মং প্রাহুর্মনীষিণঃ।
সমুদ্দিষ্টং সতাং ধর্মং স্বয়মূহেৎ পণ্ডিতঃ॥ 12-142-19 (70755)
অমর্ষাচ্ছাস্ত্রসংমোহাদনিমিত্তাদিহোচ্যতে।
শাস্ত্রং প্রাজ্ঞস্য বদতঃ সমূহে যাত্যদর্শনম্॥ 12-142-20 (70756)
আগমাগতয়া বুদ্ধ্যা বচনেন প্রশস্যতে।
অজ্ঞানাজ্জ্ঞানহেতুৎবাদ্বচনং সাধু মন্যতে॥ 12-142-21 (70757)
অনুপাগতমেবেদং শাস্ত্রমেবমপার্থকম্।
দৈতেয়ানুশনা প্রাহ সংশয়চ্ছেদনং পুরা॥ 12-142-22 (70758)
জ্ঞানমপ্যপদিশ্যং হি যথা নাস্তি তথৈব তৎ।
তেন সংচ্ছিন্নমূলেন কস্তোষয়িতুমিচ্ছতি॥ 12-142-23 (70759)
পুনর্ব্যবসিতং যো বা নেদং বাক্যমুপাশ্নুতে।
উগ্রায়ৈব হি সৃষ্টোঽসি কর্মণে তত্ৎবমীক্ষসে॥ 12-142-24 (70760)
অগ্রে মামন্ববেক্ষস্ব রাজন্যোঽয়ং বুভূষতে।
যথা প্রমুচ্যতে ৎবন্যো যদর্থং ন প্রমোদতে॥ 12-142-25 (70761)
অজোঽশ্বঃ ক্ষত্রমিত্যেতৎসদৃশং ব্রহ্মণা কৃতম্।
তস্মান্নতৈক্ষ্ণ্যাদ্ভূতানাং যাত্রা কাচিৎপ্রসিদ্ধ্যতি॥ 12-142-26 (70762)
যস্ৎববধ্যবধে দোষঃ স বধ্যস্যাবধে স্মৃতঃ।
এষা হ্যেব তু মর্যাদা যাময়ং পরিবর্জয়েৎ॥ 12-142-27 (70763)
তস্মাত্তীক্ষ্ণঃ প্রজা রাজা স্বধর্মে স্থাপয়ত্যুত।
অন্যোন্যং ভক্ষয়ন্তো হি প্রচরেয়ুর্বৃকা ইব॥ 12-142-28 (70764)
যস্য দস্যুগণা রাষ্ট্রে ধ্বাঙ্ক্ষা মৎস্যাঞ্জলাদিব।
বিহরন্তি পরস্বানি স বৈ ক্ষত্রিয়পাংসনঃ॥ 12-142-29 (70765)
কুলীনান্সচিবান্কৃৎবা বেদবিদ্যাসমন্বিতান্।
প্রশাধি পৃথিবীং রাজন্প্রজা ধর্মেণ পালয়ন্॥ 12-142-30 (70766)
বিহীনজন্মকর্মাণি যঃ প্রগৃহ্ণাতি ভূমিপঃ।
উভয়স্যাবিশেষজ্ঞস্তদ্বৈ ক্ষত্রং নপুংসকম্॥ 12-142-31 (70767)
নৈবোগ্রং নৈব চানুগ্রং ধর্মেণেহ প্রশস্যতে।
উভয়ং ন ব্যতিক্রামেদুগ্রো ভূৎবা মৃদুর্ভব॥ 12-142-32 (70768)
কষ্টঃ ক্ষত্রিয়ধর্মোঽয়ং সৌহৃদং ৎবয়ি মে স্থিতম্।
উগ্রকর্মণি সৃষ্টোঽসি তস্মাদ্রাজ্যং প্রশাধি বৈ॥ 12-142-33 (70769)
`অরুষ্টঃ কস্যচিদ্রাজন্নেবমেব সমাচর।'
অশিষ্টনিগ্রহো নিত্যং শিষ্টস্য পরিপালনম্।
এবং শুক্রোঽব্রবীদ্ধীমানাপৎসু ভরতর্ষভ॥ 12-142-34 (70770)
যুধিষ্ঠির উবাচ। 12-142-35x (5775)
অস্তি চেদিহ মর্যাদা যামন্যো নাতিলঙ্ঘয়েৎ।
পৃচ্ছামি ৎবাং সতাং শ্রেষ্ঠ তন্মে ব্রূহি পিতামহ॥ 12-142-35 (70771)
ভীষ্ম উবাচ। 12-142-36x (5776)
ব্রাহ্মণানেব সেবেত বিদ্যাবৃদ্ধাংস্তপস্বিনঃ।
শ্রুতচারিত্রবৃত্তাঢ্যান্পবিত্রং হ্যেতদুত্তমম্॥ 12-142-36 (70772)
শুশ্রূষা তু মহারাজ সান্ৎবং বিপ্রেষু নিত্যদা।
ক্রুদ্ধৈর্হি বিপ্রৈঃ কর্মাণি কৃতানি বহুধা নৃপ॥ 12-142-37 (70773)
তেষাং প্রীত্যা যশো মুখ্যমপ্রীত্যা পরমং ভয়ম্।
প্রীত্যা হ্যমৃতবদ্বিপ্রাঃ ক্রুদ্ধাশ্চৈব যথোরগাঃ॥ ॥ 12-142-38 (70774)
ইতি শ্রীমন্মহাভারতে শান্তিপর্বণি রাজধর্মপর্বণি দ্বিচৎবারিংশদধিকশততমোঽধ্যায়ঃ॥ 142॥
Mahabharata - Shanti Parva - Chapter Footnotes
12-142-1 অস্তিস্বিদস্য মর্যাদা ইতি ধ. পাঠঃ॥ 12-142-3 এতদাগমাদেব শ্রুৎবা তব ধর্মানুশাসনং ময়া কৃতমিতি নাস্তি কিংতু প্রজ্ঞায়াঃ সমভিহারো নিষ্ঠা কল্পিতেয়মিত্যর্থঃ। এতদগ্রিহোত্রাদিবদ্বিধেয়ং ন অপিতু কবিভিরকরণে মহান্তং দোষং পশ্যদ্ভিঃ কল্পিতমিতি ভাবঃ। নৈতদ্বুধ্বাঽঽগমাদেবেতি ধ. পাঠঃ॥ 12-142-4 ততস্ততঃ কোকিলবরাহবূকসিংহাদিভ্যঃ শিক্ষিৎবা প্রজ্ঞাঃ প্রতিবিধাতব্যাঃ॥ 12-142-6 প্রতিবিধাতব্যশ্চিকিৎসনীয়ঃ॥ 12-142-7 দ্বৈধমেকস্যৈব কর্মণঃ ক্বচিৎকালে ধর্মৎবং ক্বচিদধর্মৎবমিতি দ্বিপ্রকারৎবম্। তস্মিন্প্রাপ্তে তদনভিজ্ঞঃ সংশয়ং সংকটং প্রাপ্নোতি। অহিংসায়া ধর্মৎবেঽপি চোররক্ষয়া পাপং ভবতি তদ্বদিহং জ্ঞেয়ম্॥ 12-142-8 সতাং মতমিতি শেষঃ॥ 12-142-11 মুষ্ণন্তি ধর্মশাস্ত্রবিরুদ্ধমর্থশাস্ত্রাং নাদর্তব্যমিতি বদন্তি। বৈষম্যমপ্রামাণ্যমধর্মৎবং বা॥ 12-142-12 শাস্ত্রচোরনিন্দাপ্রসঙ্গাত্তদুপজীবিনোঽপি নিন্দতি। আজিজীবিষব ইতি সার্ধৈস্চতুর্ভিঃ॥ 12-142-14 ন সম্যগিতি বর্তত ইতি ট. ড.দ. পাঠঃ॥ 12-142-15 নিবর্তনৈরবিদ্যানামিতি থ. পাঠঃ। বাগস্ত্রা বাক্ছরীভূতা ইতি ঝ. ট. পাঠঃ॥ 12-142-17 বাচা কেবলয়া বুদ্ধ্যা বা কেবলেন ধর্মবচনং ধর্মিশ্চয়ো নাস্ত্যপিতু সমুচ্চিতাভ্যামুভাভ্যাং ধর্মনির্ণয় ইত্যর্থঃ॥ 12-142-18 অধ্যবস্যন্তি চাপর ইতি ট. ড. দ. পাঠঃ॥ 12-142-19 ইহলোকে তু একে আচার্যাঃ লোকয়াত্রাং তন্নির্বাহমেব ধর্মং প্রাহুঃ। সাচ চোরাদীনাং বধমন্তরেণ ন সংভবতীত্যবশ্যং হিংসাপি কর্তব্যেতি তেষামাশয়ঃ। এবংসত্যপি মতভেদে যুক্ত্যৈব ধর্মং ঊহেতেত্যাহ সমিতি॥ 12-142-20 তস্মাদমর্ষাদীংস্ত্যক্ৎবা সমূহে সভায়াং শাস্ত্রং বদেদিত্যাশয়েনাহ অমর্ষাদিতি। সমূহে যৎপ্রদর্শনমিতি ধ. পাঠঃ॥ 12-142-21 আগমাগতয়া বুদ্ধ্যা শ্রুত্যুপগৃহীতেন তর্কেণ সহিতং যদ্বচনং তেন প্রশস্যতে শাস্ত্রং নান্যতরেণ। অন্যস্তু জ্ঞানহেতুৎবাৎ অজ্ঞাতজ্ঞাপকতয়া বচনং তর্কেণ হীনং শব্দমেব সাধু মন্যতে। কুতঃ অজ্ঞানাৎ॥ 12-142-22 অন্যঃ পুনঃ যুক্ত্যা ইদং শাস্ত্রং দূষিতং ইতি হেতোরপার্থকং ব্যর্থমিতি মন্যতে তদপ্যজ্ঞানাদেব। তস্মাত্তর্কেণ শাস্ত্রস্য শাস্ত্রেণ তর্কস্য বা বাধমকৃৎবা যদুভয়সংমতং তদেবানুষ্ঠেয়মিত্যুশনসো মতং পূর্বোক্তেন বার্হস্পত্যেন জ্ঞানেনৈক্যং গতমিতি দর্শিতম্॥ 12-142-23 অপদিশ্যং দিশোর্মধ্যে স্থিতং কোটিদ্বয়স্পর্শি জ্ঞানং সংশয়রূপং তদ্যথা নাস্তি তথৈব ব্যর্থমিত্যর্থঃ॥ 12-142-26 অজ ইতি। যথাঽজো যজ্ঞার্থং নীয়তে তদ্ধিতায় এবং অশ্বক্ষত্রিয়াবপি সংগ্রামার্থং নীয়েতে তদ্ধিতায়ৈব॥ 12-142-35 বৃত্তিশ্চৈষা মহাবাহো ইতি ট. ড. থ. পাঠঃ॥ 12-142-36 ব্রাহ্মণাদর্বাগেব দণ্ডস্য মর্যাদা ব্রাহ্মণস্তু নৈব দণ্ড্যোঽপি তু পূজ্য এবেত্যাহ ব্রাহ্মণানেবেতি॥শান্তিপর্ব - অধ্যায় 143
॥ শ্রীঃ ॥
12.143. অধ্যায়ঃ 143
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শরণাগতরক্ষণে মুচুকুন্দংপ্রতি ভার্গবোক্তব্যাধকপোতোপাখ্যানানুবাদারম্ভঃ॥ 1॥ বনমধ্যে মহাবৃষ্টিনিপীডিতেন বেদনচিদ্ব্যাধেন বর্থপীডয়াঽধঃ পতিতাং কাঞ্চন কপোর্তী পঞ্জরে নিরুদ্ধ্য বৃষ্ট্যুপরমে কস্যচিন্মহাবৃক্ষস্যাধোদেশে শয়নম্॥ 2॥Mahabharata - Shanti Parva - Chapter Text
12-143-0 (70775)
যুধিষ্ঠির উবাচ। 12-143-0x (5777)
পিতামহ মহাপ্রাজ্ঞ সর্বশাস্ত্রবিশারদ।
শরণাগতং পালয়তো যো ধর্মস্তং ব্রবীহি মে॥ 12-143-1 (70776)
ভীষ্ম উবাচ। 12-143-2x (5778)
মহান্ধর্মো মহারাজ শরণাগতপালনে।
অর্হঃ প্রষ্টুং ভবাংশ্চৈনং প্রশ্নং ভরতসত্তম॥ 12-143-2 (70777)
শিবিপ্রভৃতয়ো রাজন্রাজানঃ শরণং গতান্।
পরিপাল্য মহাত্মানঃ সংসিদ্ধিং পরমাং গতাঃ॥ 12-143-3 (70778)
শ্রূয়তে চ কপোতেন শত্রুঃ শরণমাগতঃ।
পূজিতশ্চ যথান্যায়ং স্বৈশ্চ মাংসৈর্নিমন্ত্রিতঃ॥ 12-143-4 (70779)
যুধিষ্ঠির উবাচ। 12-143-5x (5779)
কথং কপোতেন পুরা শত্রুঃ শরণমাগতঃ।
স্বমাংসং ভোজিতঃ কাং চ গতিং লেভে স ভারত॥ 12-143-5 (70780)
ভীষ্ম উবাচ। 12-143-6x (5780)
শৃণু রাজন্কথাং দিব্যাং সর্বপাপপ্রণাশিনীম্।
নৃপতের্মুচুকুন্দস্য কথিতাং ভার্গবেণ বৈ॥ 12-143-6 (70781)
ইমমর্থং পুরা পার্থ মুচুকুন্দো নরাধিপঃ।
ভার্গবং পরিপপ্রচ্ছ প্রণতঃ পুরুষর্ষভ॥ 12-143-7 (70782)
তস্মৈ শুশ্রূষমাণায় ভার্গবোঽকথয়ৎকথাম্।
ইমাং যথা কপোতেন সিদ্ধিঃ প্রাপ্তা নরাধিপ॥ 12-143-8 (70783)
উশনোবাচ। 12-143-9x (5781)
ধর্মিশ্চয়সংয়ুক্তাং কামার্থসহিতাং কথাম্।
শৃণুষ্বাবহিতো রাজন্গদতো মে মহাভুজঃ॥ 12-143-9 (70784)
কশ্চিৎক্ষুদ্রসমাচারঃ পৃথিব্যাং কালসংমিতঃ।
চচার পৃথিবীপাল ঘোরঃ শকুনিলুব্ধকঃ॥ 12-143-10 (70785)
কাকোল ইব কৃষ্ণাঙ্গো রূক্ষঃ পাপসমাহিতঃ।
যবমধ্যঃ কৃশগ্রীবো হ্রস্বপাদো মহাহনুঃ॥ 12-143-11 (70786)
নৈব তস্য সুহৃৎকশ্চিন্ন সংবন্ধী ন বান্ধবাঃ।
বান্ধবৈঃ সংপরিত্যক্তস্তেন রৌদ্রেণ কর্মণা॥ 12-143-12 (70787)
নরঃ পাপসমাচারস্ত্যক্তব্যো দূরতো বুধৈঃ।
আত্মানং যো ন সংধত্তে সোন্যস্য স্যাৎকথং হিতঃ॥ 12-143-13 (70788)
যে নৃশংসা দুরাত্মানঃ প্রাণিপ্রাণহরা নরাঃ।
উদ্বেজনীয়া ভূতানাং ব্যালা ইব ভবন্তি তে॥ 12-143-14 (70789)
স বৈ ক্ষারকমাদায় বনে হৎবা চ পক্ষিণঃ।
চকার বিক্রয়ং তেষাং পতঙ্গানাং জনাধিপঃ॥ 12-143-15 (70790)
এবং তু বর্তমানস্য তস্য বৃত্তিং দুরাত্মনঃ।
অগমৎসুমহান্কালো ন চাধর্মমবুধ্যত॥ 12-143-16 (70791)
তস্য ভার্যাসহায়স্য রমমাণস্য শাশ্বতম্।
দৈবয়োগবিমূঢস্য নান্যা বৃত্তিররোচত॥ 12-143-17 (70792)
ততঃ কদাচিত্তস্যাথ বনস্থস্য সমন্ততঃ।
পাতয়ন্নিব বৃক্ষাংস্তান্সুমহান্বাতসংভ্রমঃ॥ 12-143-18 (70793)
মেঘসংকুলমাকাশং বিদ্যুন্মণ্ডলমণ্ডিতম্।
সংছন্নস্তু মুহূর্তেন নৌসার্থৈরিব সাগরঃ॥ 12-143-19 (70794)
বারিধারাসমূহেন সংপ্রহৃষ্টঃ শতক্রতুঃ।
ক্ষণেন পূরয়ামাস সলিলেন বসুংধরাম্॥ 12-143-20 (70795)
ততো ধারাকুলে লোকে সংভ্রমন্নষ্টচেতনঃ।
শীতার্তস্তদ্বনং সর্বমাকুলেনান্তরাত্মনা॥ 12-143-21 (70796)
নৈব নিম্নং স্থলং বাঽপি সোঽবিন্দত বিহংগহা।
পূরিতো হি জলৌঘেনন তস্য মার্গো বনস্য তু॥ 12-143-22 (70797)
পক্ষিণং বর্ষবেগেন হতা লীনাস্তু পাদপাৎ।
মৃগসিহবরাহাশ্চ যে চান্যে তত্র পক্ষিণঃ॥ 12-143-23 (70798)
মহতা বাতবর্ষেণ ত্রাসিতাস্তে বনৌকসঃ।
ভয়ার্তাশ্চ ক্ষুধার্তাশ্চ বভ্রমুঃ সহিতা বনে॥ 12-143-24 (70799)
স তু শীতহতৈর্গাত্রৈর্জগামৈব ন তস্থিবান্।
দদর্শ পতিতাং ভূমৌ কপোতীং শীতবিহ্বলাম্॥ 12-143-25 (70800)
দৃষ্টবাঽঽর্তোপি হি পাপাত্মা স তাং পঞ্জরকেঽক্ষিপৎ।
স্বয়ং দুঃখাভিভূতোঽপি দুঃখমেবাকরোৎপরে॥ 12-143-26 (70801)
পাপাত্মা পাপকারিৎবৎপাপমেব চকার সঃ।
সোঽপশ্যত্তরুষণ্ডেষু মেঘনীলং বনস্পতিম্॥ 12-143-27 (70802)
সেব্যমানং বিহংগৌঘৈশ্ছায়াবাসফলার্থিভিঃ।
ধাত্রা পরোপকারায় স সাধুরিব নির্মিতঃ॥ 12-143-28 (70803)
অথাভবৎক্ষণেনৈব বিয়দ্বিমলতারকম্।
মহৎসর ইবোৎফুল্লং কুমুদচ্ছুরিতোদকম্।
কুসুমাকারতারাঢ্যমাকাশং নির্মলং বহু॥ 12-143-29 (70804)
ঘনৈর্মুক্তং নভো দৃষ্ট্বা লুব্ধকঃ শীতবিহ্বলঃ।
দিশো বিলোকয়ামাস বেলাং চ সুদুরাত্মবান্॥ 12-143-30 (70805)
দূরে গ্রামনিবেশশ্চ তস্মাৎস্থানাদিতি প্রভো।
কৃতবুদ্ধির্দ্রুমে তস্মিন্বস্তুং তাং রজনীং ততঃ॥ 12-143-31 (70806)
সাঞ্জলিঃ প্রণতিং কৃৎবা বাক্যমাহ বনস্পতিম্।
শরণং যামি যান্যস্মিন্দৈবতানীতি ভারত॥ 12-143-32 (70807)
স শিলায়াং শিরঃ কৃৎবা পর্ণান্যাস্তীর্য ভূতলে।
দুঃখেন মহতাঽঽবিষ্টস্ততঃ সুষ্বাপ পক্ষিহা॥ ॥ 12-143-33 (70808)
ইতি শ্রীমন্মহাভারতে শান্তিপর্বণি আপদ্ধর্মপর্বণি ত্রিচৎবারিংশদধিকশততমোঽধ্যায়ঃ॥ 143॥
Mahabharata - Shanti Parva - Chapter Footnotes
12-143-11 কাকোলঃ কাকবিশেষঃ॥ 12-143-15 ক্ষারকং জালম্॥ 12-143-23 যেচান্যে তত্র বর্তিন ইতি ট. দ. পাঠঃ॥শান্তিপর্ব - অধ্যায় 144
॥ শ্রীঃ ॥
12.144. অধ্যায়ঃ 144
Mahabharata - Shanti Parva - Chapter Topics
মহাবৃক্ষনিবাসিনা কপোতেনাহারার্থং গতায়াং নিজপত্ন্যাং রাত্রাবনাগতায়াং তদ্গুণানুবর্ণনপূর্বকং তাংপ্রতি শোচনম্॥ 1॥ ভর্তৃবিলাপং শ্রুতবত্যা ব্যাধপঞ্জরস্থয়া কপোত্যা ধর্মোপন্যাসপূর্বকং পতিংপ্রতি ব্যাধসৎকারচোদনা॥ 2॥Mahabharata - Shanti Parva - Chapter Text
12-144-0 (70809)
ভীষ্ম উবাচ। 12-144-0x (5782)
অথ বৃক্ষস্য শাখায়াং বিহংগঃ সসুহৃজ্জনঃ।
দীর্ঘকালোষিতো রাজংস্তত্র চিত্রতনূরুহঃ॥ 12-144-1 (70810)
তস্য কল্যগতা ভার্যা চরিতুং নাভ্যবর্তত।
প্রাপ্তাং চ রজনীং দৃষ্ট্বা স পক্ষী পর্যতপ্যত॥ 12-144-2 (70811)
বাতবর্ষং মহচ্চাসীন্ন চাগচ্ছতি মে প্রিয়া।
কিংনু তৎকারণং যেন সাঽদ্যাপি ন নিবর্ততে॥ 12-144-3 (70812)
অপি স্বস্তি ভবেত্তস্যাঃ প্রিয়ায়া মম কাননে॥
তয়া বিরহিতং হীদং শূন্যমদ্য গৃহং মম। 12-144-4 (70813)
পুত্রপৌত্রবধূভৃত্যৈরাকীর্ণমপি সর্বতঃ।
ভার্যাহীনং গৃহস্থস্য শূন্যমেব গৃহং ভবেৎ॥ 12-144-5 (70814)
ন গৃহং গৃহমিত্যাহুর্গৃহিণী গৃহমুচ্যতে।
গৃহং তু গৃহিণীহীনমরণ্যসদৃশং মতম্॥ 12-144-6 (70815)
যদি সা রক্তেত্রান্তা চিত্রাঙ্গী মধুরস্বরা।
অদ্য নাভ্যেতি মে কান্তা ন কার্যং জীবিতেন মে॥ 12-144-7 (70816)
ন ভুঙ্ক্তে ময়্যভুক্তে যা নাস্নাতে স্নাতি সুব্রতা।
নাতিষ্ঠত্যুপতিষ্ঠেন শেতে চ শয়িতে ময়ি॥ 12-144-8 (70817)
হৃষ্টে ভবতি সা হৃষ্টা দুঃখিতে ময়ি দুঃখিতা।
প্রোপিতে দীনবদনা ক্রুদ্ধে চ প্রিয়বাদিনী॥ 12-144-9 (70818)
পতিধর্মব্রতা সাধ্বী প্রাণেভ্যোঽপি গরীয়সী।
যস্য স্যাত্তাদৃশী ভার্যা ধন্যঃ স পুরুষো ভুবি॥ 12-144-10 (70819)
সা হি শ্রান্তং ক্ষুধার্তং চ জানীতে মাং তপস্বিনী।
অনুরক্তা স্থিরা চৈব ভক্তা স্নিগ্ধা যশস্বিনী॥ 12-144-11 (70820)
বৃক্ষমূলেঽপি দয়িতা যস্য তিষ্ঠতি তদ্গৃহম্।
প্রাসাদোপি তয়া হীনঃ কান্তার ইতি নিশ্চিতম্॥ 12-144-12 (70821)
ধর্মার্থকামকালেষু ভার্যা পুংসঃ সহায়িনী।
বিদেশগমনে চাস্য সৈব বিশ্বাসকারিকা॥ 12-144-13 (70822)
ভার্যা হি পরমো হ্যর্থঃ পুরুষস্যেহ পট্যতে।
অসহায়স্য লোকেঽস্মিঁল্লোকয়াত্রাসহায়িনী॥ 12-144-14 (70823)
তথা রোগাভিভূতস্য নিত্যং কৃচ্ছ্রগতস্য চ।
নাস্তি ভার্যাসমং মিত্রং নরস্যার্তস্য ভেষজম্॥ 12-144-15 (70824)
নাস্তি ভার্যাসমো বন্ধুর্নাস্তি ভার্যাসমা গতিঃ।
নাস্তি ভার্যাসমো লোকে সহায়ো ধর্মসংগ্রহে॥ 12-144-16 (70825)
যস্য ভার্যা গৃহে নাস্তি সাধ্বী চ প্রিয়বাদিনী।
অরণ্যং তেন গন্তব্যং যথাঽরণ্যং তথা গৃহম্॥ 12-144-17 (70826)
ভীষ্ম উবাচ। 12-144-18x (5783)
এবং বিলপতস্তস্য দ্বিজস্যার্তস্য বৈ তদা।
গৃহীতা শকুনিঘ্নেন ভার্যা শুশ্রাব ভারতীম্॥ 12-144-18 (70827)
কপোত্যুবাচ। 12-144-19x (5784)
অহোঽতীব সুভাগ্যাঽহং যস্যা মে দয়িতঃ পতিঃ।
অসতো বা সতো বাঽপি গুণানেবং প্রভাষতে॥ 12-144-19 (70828)
সা হি স্ত্রীত্যবগন্তব্যা যস্য ভর্তা তু তুষ্যতি।
তুষ্টে ভর্তরি নারীণাং তুষ্টাঃ স্যুঃ সর্বদেবতাঃ।
অগ্নিসাক্ষিকমপ্যেতদ্ভর্তা হি শরণং পরম্॥ 12-144-20 (70829)
দাবাগ্নিনেব নির্দগ্ধা সপুষ্পস্তবকা লতা।
ভস্মীভবতি সা নারী যস্যা ভর্তা ন তুষ্যতি॥ 12-144-21 (70830)
ইতি সংচিন্ত্য দুঃখার্তা ভর্তারং দুঃখিতং তদা।
কপোতী লুব্ধকেনাপি গৃহীতা বাক্যমব্রবীৎ॥ 12-144-22 (70831)
হন্ত বক্ষ্যামি তে শ্রেয়ঃ শ্রুৎবা তু কুরু তত্তথা।
শরণাগতসংত্রাতা ভব কান্ত বিশেষতঃ॥ 12-144-23 (70832)
এষ শাকুনিকঃ শেতে তব বাসং সমাশ্রিতঃ।
শীতার্তশ্চ ক্ষুধার্তশ্চ পূজামস্মৈ সমাচর॥ 12-144-24 (70833)
যো হি কশ্চিদ্দ্বিজং হন্যাদ্গাং বা লোকস্য মাতরম্।
শরণাগতং চ যো হন্যাত্তুল্যং তেষাং চ পাতকম্॥ 12-144-25 (70834)
অস্মাকং বিহিতা বৃত্তিঃ কাপোতী জাতিধর্মতঃ।
সা ন্যায়্যাঽঽত্মবতা নিত্যং ৎবদ্বিধেনানুবর্তিতুং॥ 12-144-26 (70835)
যস্তু ধর্মং যথাশক্তি গৃহস্থো হ্যনুবর্ততে।
স প্রেত্য লভতে লোকানক্ষয়ানিতি শুশ্রুম্॥ 12-144-27 (70836)
স ৎবং সংতানবানদ্য পুত্রবানপি চ দ্বিজ।
ৎবং স্বদেহে দয়াং ত্যক্ৎবা ধর্মার্থৌ পরিগৃহ্য য।
পূজামস্মৈ প্রয়ুঙ্ক্ষ্ব ৎবং প্রীয়েতাস্য মনো যথা॥ 12-144-28 (70837)
শরীরে মা চ সংতাপং কুর্বীথাস্ৎবং বিহগংম।
শরীরয়াত্রাবৃত্ত্যর্থমন্যান্দারানুপৈষ্যসি॥ 12-144-29 (70838)
ইতি সা শকুনী বাক্যং পঞ্জরস্থা তপস্বিনী।
অতিদুঃখান্বিতা প্রোক্ৎবা ভর্তারং সমুদৈক্ষত॥ ॥ 12-144-30 (70839)
ইতি শ্রীমন্মহাভারতে শান্তিপর্বণি আপদ্ধর্মপর্বণি চতুশ্চৎবারিংশদধিশততমোঽধ্যায়ঃ॥ 144॥
Mahabharata - Shanti Parva - Chapter Footnotes
12-144-10 পতিব্রতা পতিগতিঃ পতিপ্রিয়হিতে রতা হি ঝ. পাঠঃ॥ 12-144-14 ভার্যা হি পরমো নাথ ইতি ড. থ. পাঠঃ॥ 12-144-21 ন সা স্ত্রীত্যবগন্তব্যা যস্যাং ভর্তা ন তুষ্যতীতি ঝ. পাঠঃ॥শান্তিপর্ব - অধ্যায় 145
॥ শ্রীঃ ॥
12.145. অধ্যায়ঃ 145
Mahabharata - Shanti Parva - Chapter Topics
পত্নীচোদিতেন কপোতেন শুষ্কপর্ণৈঃ পাবকসংদীপনেন ব্যাধস্য শৈত্যাপনোদনপূর্বকং পুনঃ স্বেন তদভীষ্টকরণপ্রতিজ্ঞা॥ 1॥ তেন তস্য ক্ষুন্নিবৃত্তিপ্রার্থনে ফলাদিকং কিমপ্যলভমানেন কপোতেন স্বমাংসেন তদীয়ক্ষুৎপরিজিহীর্ষয়াঽগ্নৌ প্রবেশনম্॥ 2॥Mahabharata - Shanti Parva - Chapter Text
12-145-0 (70840)
ভীষ্ম উবাচ। 12-145-0x (5785)
সপত্ন্যা বচনং শ্রুৎবা ধর্ময়ুক্তিসমন্বিতম্।
হর্ষেণ মহতা যুক্তো বাক্যং ব্যাকুললোচনঃ॥ 12-145-1 (70841)
তং বৈ শাকুনিকং দৃষ্ট্বা বিধিদৃষ্টেন কর্মণা।
স পক্ষী পূজয়ামাস যত্নাত্তং পক্ষিজীবিনম্॥ 12-145-2 (70842)
উবাচ স্বাগতং তেঽদ্য ব্রূহি কিং করবাণি তে।
সতাংপশ্চ ন কর্তব্যঃ স্বগৃহে বর্ততে ভবান্॥ 12-145-3 (70843)
তদ্ব্রবীতু ভবান্ক্ষিপ্রং কিং করোমি কিমিচ্ছসি।
প্রণয়েন ব্রবীমি ৎবাং ৎবং হি নঃ শরণাগতঃ॥ 12-145-4 (70844)
অরাবপ্যুচিতং কার্যমাতিথ্যং গৃহমাগতে।
ছেত্তুমপ্যাগতে ছায়াং নোপসংহরতে দ্রুমঃ॥ 12-145-5 (70845)
শরণাগতস্য কর্তব্যমাতিথ্যং হি প্রয়ত্নতঃ।
পঞ্চয়জ্ঞপ্রবৃত্তেন গৃহস্থেন বিশেষতঃ॥ 12-145-6 (70846)
পঞ্চয়জ্ঞাংস্তু যো মোহান্ন করোতি গৃহাশ্রমী।
তস্য নায়ং ন চ পরো লোকো ভবতি ধর্মতঃ॥ 12-145-7 (70847)
তদ্ব্রূহি মাং সুবিস্রব্ধো যত্ৎবং বাচা বদিষ্যসি।
তৎকরিষ্যাম্যহং সর্বং মা ৎবং শোকে মনঃ কৃথাঃ॥ 12-145-8 (70848)
তস্য তদ্বচনং শ্রুৎবা শকুনের্লুব্ধকোঽব্রবীৎ।
বাধতে খলু মাং শীতং সংত্রাণং হি বিধীয়তাম্॥ 12-145-9 (70849)
এবমুক্তস্তনঃ পক্ষী পর্ণান্যাস্তীর্য ভূতলে।
যথা শুষ্কাণি যত্নেন জ্বলনার্থং দ্রুতং যয়ৌ॥ 12-145-10 (70850)
স---বাঽঙ্গারকর্মান্তং গৃহীৎবাঽগ্নিমথাগমৎ।
তথা শুষ্কেষু পর্ণেষু পাবকং সোঽপ্যদীপয়ৎ॥ 12-145-11 (70851)
স--প্তং মহৎকৃৎবা তমাহ শরণাগতম্।
----- সুবিস্রব্ধঃ স্বগাত্রাণ্যকুতোভয়ঃ॥ 12-145-12 (70852)
-- তথোক্তস্তথেত্যুক্ৎবা লুব্ধো গাত্রাণ্যতাপয়ৎ।
অগ্নিপ্রত্যাগতপ্রাণস্ততঃ প্রাহ বিহংগমম্॥ 12-145-13 (70853)
হর্ষেণ মহতাঽঽবিষ্টো বাক্যং ব্যাকুললোচনঃ।
তথেমং শকুনিং দৃষ্ট্বা বিধিদৃষ্টেন কর্মণা॥ 12-145-14 (70854)
দত্তমাহারমিচ্ছামি ৎবয়া ক্ষুদ্বাধতে হি মাম্।
স তদ্বচঃ প্রতিশ্রুত্য বাক্যমাহ বিহংগমঃ॥ 12-145-15 (70855)
ন মেঽস্তি বিভবো যেন নাশয়েয়ং ক্ষুধাং তব।
উৎপন্নেন হি জীবামো বয়ং নিত্যং বনৌকসঃ॥ 12-145-16 (70856)
সংচয়ো নাস্তি চাস্মাকং মুনীনামিব কাননে।
ইত্যুক্ৎবা তং তদা তত্র বিবর্ণবদনোঽভবৎ॥ 12-145-17 (70857)
কথং নু খলু কর্তব্যমিতি চিন্তাপরস্তদা।
বভূব ভরতশ্রেষ্ঠ গর্হয়ন্বৃত্তিমাত্মনঃ॥ 12-145-18 (70858)
মুহূর্তাল্লব্ধসংজ্ঞস্তু স পক্ষী পক্ষিঘাতিনম্।
উবাচ তর্পয়িষ্যে ৎবাং মুহূর্তং প্রতিপালয়॥ 12-145-19 (70859)
ইত্যুক্ৎবা শুষ্কপর্ণৈস্তু সমুজ্জ্বাল্য হুতাশনম্।
হর্ষেণ মহতাঽঽবিষ্টঃ কপোতঃ পুনরব্রবীৎ॥ 12-145-20 (70860)
ঋষীণাং দেবতানাং চ পিতৃণাং চ মহাত্মনাম্।
যুতঃ পূর্বং ময়া ধর্মো মহানতিথিপূজনে॥ 12-145-21 (70861)
কুরুষ্বানুগ্রহং সৌম্য সত্যমেতদ্ব্রবীমি তে।
নিশ্চিতা খলু মে বুদ্ধিরতিথিপ্রতিপূজনে॥ 12-145-22 (70862)
ততঃ কৃতপ্রতিজ্ঞো বৈ স পক্ষী প্রহসন্নিব।
তমগ্নিং ত্রিঃ পরিক্রম্য প্রবিবেশ মহামতিঃ॥ 12-145-23 (70863)
অগ্নিমধ্যে প্রবিষ্টং তু লুব্ধো দৃষ্ট্বা চ পক্ষিণম্।
চিন্তয়ামাস মনসা কিমিদং বৈ ময়া কৃতম্॥ 12-145-24 (70864)
অহো মম নৃশংসস্য গর্হিতস্য স্বকর্মণা।
অধর্মঃ সুমহান্ধোরো ভবিষ্যতি ন সংশয়ঃ॥ 12-145-25 (70865)
এবং বহুবিধং ভূরি বিললাপ স লুব্ধকঃ।
গর্হয়ন্স্বানি কর্মাণি দ্বিজং দৃষ্ট্বা তথাঽঽগতম্॥ ॥ 12-145-26 (70866)
ইতি শ্রীমন্মহাভারতে শান্তিপর্বণি আপদ্ধর্মপর্বণি পঞ্চচৎবারিংশদধিকশততমোঽধ্যায়ঃ॥ 145॥
Mahabharata - Shanti Parva - Chapter Footnotes
12-145-3 সংকোচশ্চ ন কর্তব্য ইতি থ. পাঠঃ॥ 12-145-11 অঙ্গারকর্মান্তং কর্মারগৃহসমীপম্॥শান্তিপর্ব - অধ্যায় 146
॥ শ্রীঃ ॥
12.146. অধ্যায়ঃ 146
Mahabharata - Shanti Parva - Chapter Topics
কপোতস্য বহ্নিপ্রবেশদর্শিনা ব্যাধেন আত্মোপালম্ভপূর্বকং স্বপ্রাণবিমোক্ষণায়ানশনাদিনা শরীরশোষণাধ্যবসায়ঃ॥ 1॥Mahabharata - Shanti Parva - Chapter Text
12-146-0 (70867)
ভীষ্ম উবাচ। 12-146-0x (5786)
ততঃ স লুব্ধকঃ পশ্যন্ক্ষুধয়াঽপি পরিপ্লুতঃ।
কপোতমগ্নিপতিতং বাক্যং পুনরুবাচ হ॥ 12-146-1 (70868)
কিমীদৃশং নৃশংসেন ময়া কৃতমবুদ্ধিনা।
ভবিষ্যতি হি মে নিত্যং পাতকং ভুবি জীবতঃ।
স বিনিন্দংস্তথাঽঽত্মানং পুনঃ পুনরুবাচ হ॥ 12-146-2 (70869)
ধিঙ্ভামস্তু সুদুর্বুদ্ধিং সদা নিকৃতিনিশ্চয়ম্।
শুভং কর্ম পরিত্যজ্য সোঽহং শকুনিলুব্ধকঃ॥ 12-146-3 (70870)
নৃশংসস্য মমাদ্যায়ং প্রত্যাদেশো ন সংশয়ঃ।
দত্তঃ স্বমাংসং দহতা কপোতেন মহাত্মনা॥ 12-146-4 (70871)
সোহং ত্যক্ষ্যে প্রিয়ান্প্রাণান্পুত্রান্দারান্বিসৃজ্য চ।
উপদিষ্টো হি মে ধর্মঃ কপোতেনাত্র ধর্মিণা॥ 12-146-5 (70872)
অদ্যপ্রভুতি দেহং স্বং সর্বভোগৈর্বিবর্জিতম্।
যথা স্বল্পং সরো গ্রীষ্মে শোষয়িষ্যাম্মহং তথা॥ 12-146-6 (70873)
ক্ষুৎপিপাসাতপসহঃ কৃশো ধ্রমনিসন্ততঃ।
উপবাসৈর্বহুবিধৈশ্চরিষ্যে পারলৌকিকম্॥ 12-146-7 (70874)
অহো দেহপ্রদানেন দর্শিতাঽতিথিপূজনা।
তস্মাদ্ধর্মং চরিষ্যামি ধর্মো হি পরমা গতিঃ॥ 12-146-8 (70875)
দৃষ্টো ধর্মো হি ধর্মিষ্ঠে যাদৃশো বিহগোত্তমে।
এবমুক্ৎবা বিনিশ্চিত্য রৌদ্রকর্মা স লুব্ধকঃ॥ 12-146-9 (70876)
মহাপ্রস্থানমাশ্রিত্য প্রয়যৌ সংশিতব্রতঃ॥ 12-146-10 (70877)
ততো যষ্টিং শলাকাং চ ধারকং পঞ্জরং তথা।
তাং চ বদ্ধাং কপোতীং স প্রমুচ্য বিসসর্জ হ॥ ॥ 12-146-11 (70878)
ইতি শ্রীমন্মহাভারতে শান্তিপর্বণি আপদ্ধর্মপর্বণি ষট্চৎবারিংশদধিকশততমোঽধ্যায়ঃ॥ 146॥
Mahabharata - Shanti Parva - Chapter Footnotes
12-146-4 প্রত্যাদেশঃ ধিক্কারপূর্বক উপদেশঃ॥শান্তিপর্ব - অধ্যায় 147
॥ শ্রীঃ ॥
12.147. অধ্যায়ঃ 147
Mahabharata - Shanti Parva - Chapter Topics
ভর্তৃশোকতপ্তথা কপোত্যা সকরুণং বিলপ্যাগ্নৌ প্রবেশঃ॥ 1॥ ততো বিমানারোহণেন স্বর্গতয়োঃ কপোতয়োস্তত্র সুখেন চিরবিহারঃ॥ 2॥Mahabharata - Shanti Parva - Chapter Text
12-147-0 (70879)
ভীষ্ম উবাচ। 12-147-0x (5787)
ততো গতো শাকুনিকে কপোতী প্রাহ দুঃখিতা।
সংস্মৃত্য সা চ ভর্তারং রুদতী শোককর্শিতা॥ 12-147-1 (70880)
নাহং তে বিপ্রিয়ং কান্ত কদাচিদপি সংস্মরে।
সর্বাঽপি বিধবা নারী বহুপুত্রাঽপি শোচতে॥ 12-147-2 (70881)
শোচ্যা ভবতি বন্ধূনাং পতিহীনা তপস্বিনী।
লালিতাঽহং ৎবয়া নিত্যং বহুমানাচ্চ পূজিতা॥ 12-147-3 (70882)
বচনৈর্মধুরৈঃ স্নিগ্ধৈরসংক্লিষ্টমনোহরৈঃ।
কন্দরেষু চ শৈলানাং নদীনাং নির্ঝরেষু চ॥ 12-147-4 (70883)
দ্রুমাগ্রেষু চ রম্যেষু রমিতাঽহং ৎবয়া সহ।
আকাশগমনে চৈব বিহৃতাঽহং ৎবয়া সুখম্।
রমামি স্ম পুরা কান্ত তন্মে নাস্ত্যদ্য মে প্রিয়॥ 12-147-5 (70884)
মিতং দদাতি হি পিতা মিতং ভ্রাতা মিতং সুতঃ।
অমিতস্য হি দাতারং ভর্তারং কা ন পূজয়েৎ॥ 12-147-6 (70885)
নাস্তি ভর্তৃসমো নাথো নাস্তি ভর্তৃসমং সুখম্।
বিসৃজ্য ধনসর্বস্বং ভর্তা বৈ শরণং স্ত্রিয়াঃ॥ 12-147-7 (70886)
ন কার্যমিহ মে নাথ জীবিতেন ৎবয়া বিনা।
পতিহীনা তু কা নারী সতী জীবিতুমুৎসহেৎ॥ 12-147-8 (70887)
এবং বিলপ্য বহুধা করুণং সা সুদুঃখিতা।
পতিব্রতা সংপ্রদীপ্তং প্রবিবেশ হুতাশনম্॥ 12-147-9 (70888)
ততশ্চিত্রাঙ্গদধরং ভর্তারং সাঽন্বপদ্যত।
বিমানস্থং সুকৃতিভিঃ পূজ্যমানং মহাত্মভিঃ॥ 12-147-10 (70889)
চিত্রমাল্যাম্বরধরং সর্বাভরণভূষিতম্॥
বিমানশতকোটীভিরাবৃতং পুণ্যকর্মভিঃ॥ 12-147-11 (70890)
ততঃ স্বর্গং গতঃ পক্ষী বিমানবরমাস্থিতঃ।
কর্মণা পূজিতস্তত্র রেমে স সহ ভার্যযা॥ ॥ 12-147-12 (70891)
ইতি শ্রীমন্মহাভারতে শান্তিপর্বণি আপদ্ধর্মপর্বণি সপ্তচৎবারিংশদধিকশততমোঽধ্যায়ঃ॥ 147॥
শান্তিপর্ব - অধ্যায় 148
॥ শ্রীঃ ॥
12.148. অধ্যায়ঃ 148
Mahabharata - Shanti Parva - Chapter Topics
ব্যাধেন বিমানস্থয়োর্দর্শনম্॥ 1॥ ততো ব্যাধেন দাবাগ্নৌ শরীরত্যাগেন স্বর্ধগমনম্॥ 2॥Mahabharata - Shanti Parva - Chapter Text
12-148-0 (70892)
ভীষ্ম উবাচ। 12-148-0x (5788)
বমানস্থৌ তু তৌ রাজংল্লুব্ধকঃ গ্বে দদর্শ হ।
দৃষ্ট্বা তৌ দংপতী রাজন্ব্যচিন্তয়ত তাং গতিম্॥ 12-148-1 (70893)
কীদৃশেনেহ তপসা গচ্ছেয়ং পরমাং গতিম্।
ইতি বুদ্ধ্যা বিনিশ্চিত্য গমনায়োপচক্রমে॥ 12-148-2 (70894)
মহাপ্রস্থানমাশ্রিত্য লুব্ধকঃ পক্ষিজীবকঃ।
নিশ্চষ্টো মরুদাহারো নির্মমঃ স্বর্গকাঙ্ক্ষয়া॥ 12-148-3 (70895)
ততোঽপশ্যৎসুবিস্তীর্ণং হৃদ্যং পদ্মাভিভূষিতম্।
নানাপক্ষিগণাকীর্ণং সরঃ শীতজলং শিবম্॥ 12-148-4 (70896)
পিপাংসার্তোঽপি তদৃষ্ট্বা তৃপ্তঃ স্যান্নাত্র সংশয়ঃ॥ 12-148-5 (70897)
উপবাসকৃশোঽত্যর্থং স তু পার্থিব লুব্ধকঃ।
উপসৃত্য তু তদ্ধৃষ্টঃ শ্বাপদাধ্যুপিতং বনম্॥ 12-148-6 (70898)
মহান্তং নিশ্চয়ং কৃৎবা লুব্ধকঃ প্রবিবেশ হ।
প্রবিশন্নেব স বনং নিগৃহীতঃ স কণ্টকৈঃ॥ 12-148-7 (70899)
স কণ্টকৈর্বিভিন্নাঙ্গো লোহিতার্দ্রীকৃতচ্ছবিঃ।
বভ্রাম তস্মিন্বিজনে নানামৃগসমাকুলে॥ 12-148-8 (70900)
ততো দ্রুমাণাং মহতাং পবনেন বনে তদা।
উদতিষ্ঠত সংঘর্ষান্সুমহান্হব্যবাহনঃ॥ 12-148-9 (70901)
তদ্বনং বৃক্ষসংকীর্ণং লতাবিটপসংকুলম্।
দদাহ পাবকঃ ক্রুদ্ধো যুগান্তাগ্নিসমপ্রভঃ॥ 12-148-10 (70902)
স জ্বলৈঃ পবনোদ্ভূতৈর্বিস্ফুলিঙ্গৈঃ সমন্ততঃ।
দদাহ তদ্বনং ঘোরং মৃগপক্ষিসমাকুলম্॥ 12-148-11 (70903)
ততঃ স দেহমোক্ষার্থং সংপ্রহৃষ্টেন চেতসা।
অভ্যধাবত বর্ধন্তং পাবকং লুব্ধকস্তদা॥ 12-148-12 (70904)
ততস্তেনাগ্নিনা দগ্ধো লুব্ধকো নষ্টকল্মষঃ।
জগাম পরমাং সিদ্ধিং ততো ভরতসত্তম॥ 12-148-13 (70905)
ততঃ স্বর্গস্থমাত্মানমপশ্যদ্বিগতজ্বরঃ।
যক্ষগন্ধর্বসিদ্ধানাং মধ্যে ভ্রাজন্তমিন্দ্রবৎ॥ 12-148-14 (70906)
এবং খলু কপোতশ্চ কপোতী চ পতিব্রতা।
লুব্ধকেন সহ স্বর্গং গতাঃ পুণ্যেন কর্মণা॥ 12-148-15 (70907)
যাঽন্যা চৈবংবিধা নারী ভর্তারমনুবর্ততে।
বিরাজতে হি সা ক্ষিপ্রং কপোতীব দিবি স্থিতা॥ 12-148-16 (70908)
এবমেতৎপুরাবৃত্তং লুব্ধকস্য মহাত্মনঃ।
কপোতস্য চ ধর্মিষ্ঠা গতিঃ পুণ্যেন কর্মণা॥ 12-148-17 (70909)
যশ্চেদং শৃণুয়ান্নিত্যং যশ্চেদং পরিকীর্তয়েৎ।
নাশুভং বিদ্যতে তস্য মনসাঽপি প্রমাদতঃ॥ 12-148-18 (70910)
যুধিষ্ঠির মহানেষ ধর্মো ধর্মভৃতাং বর।
গোঘ্নেষ্বপি ভবেদস্মিন্নিষ্কৃতিঃ পাপকর্মণঃ॥ 12-148-19 (70911)
ন নিষ্কৃতির্ভবেত্তস্য যো হন্যাচ্ছরণাগতম্।
ইতিহাসমিমং শ্রুৎবা পুণ্যং পাপপ্রণাশনম্।
ন দুর্গতিপ্রবাপ্নোতি স্বর্গলোকং চ গচ্ছতি॥ ॥ 12-148-20 (70912)
ইতি শ্রীমন্মহাভারতে শান্তিপর্বণি আপদ্ধর্মপর্বণি অষ্টচৎবারিংশদধিকশততমোঽধ্যায়ঃ॥ 148॥
শান্তিপর্ব - অধ্যায় 149
॥ শ্রীঃ ॥
12.149. অধ্যায়ঃ 149
Mahabharata - Shanti Parva - Chapter Topics
যুধিষ্ঠিরেণ ভীষ্মংপ্রতি অবুদ্ধিপূর্বকব্রহ্মহত্যাপ্রায়শ্চিত্তপ্রশ্নঃ॥ 1॥ ভীষ্মেণ জনমেজয়স্যাবুদ্ধিপূর্বকব্রহ্মহত্যাপ্রাপ্তিকথনপূর্বকং তৎকথাকথনারম্ভঃ॥ 2॥ শৌনকেন স্বপাদয়োঃ প্রণমতো জনমেজয়স্য গর্হণম্॥ 3॥Mahabharata - Shanti Parva - Chapter Text
12-149-0 (70913)
যুধিষ্ঠির উবাচ। 12-149-0x (5789)
অবুদ্ধিপূর্বং যৎপাপং কুর্যাদ্ভরতসত্তম।
মুচ্যতে স কথং তস্মাদেনসস্তদ্ব্রবীহি মে॥ 12-149-1 (70914)
ভীষ্ম উবাচ। 12-149-2x (5790)
অত্র তে বর্তয়িষ্যামি পুরাণমৃষিসংস্তুতম্।
ইন্দ্রোতঃ শৌনকো বিপ্রো যদাহ জনমেজয়ম্॥ 12-149-2 (70915)
আসীদ্রাজা মহাবীর্যঃ পারিক্ষিজ্জনমেজয়ঃ।
অবুদ্ধিজা ব্রহ্মহত্যা তমাগচ্ছন্মহীপতিম্॥ 12-149-3 (70916)
ব্রাহ্মণাঃ সর্ব এবৈনং তত্যজুঃ সপুরোহিতাঃ।
স জগাম বনং রাজা দহ্যমানো দিবানিশম্॥ 12-149-4 (70917)
প্রজাভিঃ স পরিত্যক্তশ্চকার কুশলং মহৎ।
অতিবেলং তপস্তেপে দহ্যমানঃ স মন্যুনা॥ 12-149-5 (70918)
ব্রহ্মহত্যাপনোদার্থমপৃচ্ছদ্ব্রাহ্মণান্বহূন্।
পর্যটন্পৃথিবীং কৃৎস্নাং দেশেদেশে নরাধিপঃ॥ 12-149-6 (70919)
তত্রেতিহাসং বক্ষ্যামি ধর্মস্যাস্যোপবৃংহণম্।
দহ্যমানঃ পাপকৃত্যা জগাম জনমেজয়ঃ॥ 12-149-7 (70920)
চরিষ্যমাণ ইন্দ্রোতং শৌনকং সংশিতব্রতম্।
সমাসাদ্যোপজগ্রাহ পাদয়োঃ পরিপীডয়ন্॥ 12-149-8 (70921)
ততো ভীতো মহাপ্রাজ্ঞো জগর্হে সুভৃশং তদা।
কর্তা পাপস্য মহতো ভ্রূণহা কিমিহাগতঃ॥ 12-149-9 (70922)
কিং তবাস্মাসু কর্তব্যং মা মাং দ্রাক্ষীঃ কথংচন।
গচ্ছগচ্ছ ন তে স্থানং প্রীণাত্যস্মানিতি ব্রুবন্॥ 12-149-10 (70923)
রুধিরস্যেব তে গন্ধঃ শবস্যেব চ দর্শনম্।
অশিবঃ শিবসংকাশো মৃতো জীবন্নিবাটসি॥ 12-149-11 (70924)
অন্তর্ভৃত্যুরশুদ্ধাত্মা পাপমেবানুচিন্তয়ন্।
প্রবুধ্যসে প্রস্বপিপি বর্তসে পরমে সুখে॥ 12-149-12 (70925)
মোঘং তে জীবিতং রাজন্পরিক্লিষ্টং চ জীবসি।
পাপায়ৈব হি সৃষ্টোঽসি কর্মণেহ যবীয়সে॥ 12-149-13 (70926)
বহুকল্যাণমিচ্ছন্ত ঈহন্তে পিতরঃ সুতান্।
তপসা দৈবতেজ্যাভির্বন্দনেন তিতিক্ষয়া॥ 12-149-14 (70927)
পিতৃবংশমিমং পশ্য ৎবৎকৃতে নিধনং গতম্।
নিরর্থাঃ সর্ব এবৈষামাশাবন্ধাস্ৎবদাশ্রয়াঃ॥ 12-149-15 (70928)
যান্পূজয়ন্তো বিন্দন্তি স্বর্গমায়ুর্যশঃ প্রজাঃ।
তেষু তে সংততং দ্বেষো ব্রাহ্মণেষু নিরর্থকঃ॥ 12-149-16 (70929)
ইমং লোকং বিমুচ্য ৎবমবাঙ্ভূর্ধা পতিষ্যসি।
অশাশ্বতীঃ শাশ্বতীশ্চ সমাঃ পাপেন কর্মণা॥ 12-149-17 (70930)
স্বাদ্যমানো জন্তুশতৈস্তীক্ষ্ণদংষ্ট্রৈরয়োমুখৈঃ।
ততশ্চ পুনরাবৃত্তঃ পাপয়োনিং গমিষ্যসি॥ 12-149-18 (70931)
যদিদং মন্যসে রাজন্নায়মস্তি কুতঃ পরঃ।
প্রতিস্মারয়িতারস্ৎবাং যমদূতা যমক্ষয়ে॥ ॥ 12-149-19 (70932)
ইতি শ্রীমন্মহাভারতে শান্তিপর্বণি আপদ্ধর্মপর্বণি একোনপঞ্চাশদধিকশততমোঽধ্যায়ঃ॥ 149॥
Mahabharata - Shanti Parva - Chapter Footnotes
12-149-3 পারিক্ষিৎ পারিক্ষিতঃ॥ 12-149-7 পাপকৃত্যা পাপক্রিয়যা॥ 12-149-10 মা মাং স্প্রাক্ষীঃ কথংচনেতি ঝ. পাঠঃ॥ 12-149-12 ব্রহ্মমৃত্যুরশুদ্ধাত্মেতি ঝ. পাঠঃ॥ 12-149-13 যবীয়সে হীনায়॥ 12-149-15 ৎবৎকৃতে নরকং গতমিতি ঝ. পাঠঃ॥ 12-149-17 অশাশ্বতীঃ সর্বস্যাপি কর্মণোঽন্তবত্ৎবাৎ। শাশ্বতীঃ বহুৎবাৎ॥শান্তিপর্ব - অধ্যায় 150
॥ শ্রীঃ ॥
12.150. অধ্যায়ঃ 150
Mahabharata - Shanti Parva - Chapter Topics
শৌনকেন জনমেজয়প্রার্থনয়া তদীয়ব্রহ্মহত্যাপনোদনাঙ্গীকরণম্॥ 1॥Mahabharata - Shanti Parva - Chapter Text
12-150-0 (70992)
ভীষ্ম উবাচ। 12-150-0x (5793)
এবমুক্তঃ প্রত্যুবাচ তং মুনিং জনমেজয়ঃ।
গর্হ্যং ভবান্গর্হয়তে নিন্দ্যং নিন্দতি মাং পুনঃ॥ 12-150-1 (70993)
ধিক্কার্যং মাং ধিক্কুরুতে তস্মাত্ৎবাঽহং প্রসাদয়ে।
সর্বং হীদং স্বকৃতং মে জ্বলাম্যগ্নাবিবাহিতম্॥ 12-150-2 (70994)
স্বকর্মাণ্যভিসংধায় নাভিনন্দতি মে মনঃ।
প্রাপ্তং ঘোরং ভয়ং নূনং ময়া বৈবস্বতাদপি॥ 12-150-3 (70995)
তত্তু শল্যমনির্হৃত্য কথং শক্ষ্যামি জীবিতুম্।
সর্বং মন্যুং বিনীয় ৎবমভি মাং বদ শৌনক॥ 12-150-4 (70996)
[মহানাসং ব্রাহ্মণানাং ভূয়ো বক্ষ্যামি সাংপ্রতম্।]
`গন্তা গতিং ব্রাহ্মণানাং ভবিষ্যাম্যর্থবান্পুনঃ।'
অস্তু শেষং কুলস্যাস্য মা পরাভূদিদং কুলম্॥ 12-150-5 (70997)
ন হি নো ব্রহ্মশপ্তানাং শেষং ভবিতুমর্হতি।
স্তুতীরলভমানানাং সংবিদং বেদ নিশ্চয়াৎ॥ 12-150-6 (70998)
নিন্দমানঃ স্বমাত্মানং ভূয়ো বক্ষ্যামি সাংপ্রতম্।
ভূয়শ্চৈবাভিমজ্জন্তি নির্ধর্মা নির্জলা ইব॥ 12-150-7 (70999)
ন হ্যযজ্ঞা অমুং লোকং প্রাপ্নুবন্তি কথংচন।
অবাক্চ প্রপতিষ্যন্তি পুলিন্দশবরা ইব॥ 12-150-8 (71000)
অবিজ্ঞায়ৈব মে প্রজ্ঞাং বালস্যেব স পণ্ডিতঃ।
ব্রহ্মন্পিতেব পুত্রস্য প্রীতিমান্ভব শৌনক॥ 12-150-9 (71001)
শৌনক উবাচ। 12-150-10x (5794)
কিমাশ্চর্যং যতঃ প্রাজ্ঞো বহুকুর্যাদসাংপ্রতম্।
ইতি বৈ পণ্ডিতো ভূৎবা ভূতানাং কো নু তপ্যতে॥ 12-150-10 (71002)
প্রজ্ঞাপ্রাসাদমারুহ্য অশোচ্যঃ শোচতে জনান্।
জগতীস্থানিবাদ্রিস্থঃ প্রজ্ঞয়া প্রতিপৎস্যতি॥ 12-150-11 (71003)
ন চোপলভতে কশ্চিন্ন চাশ্চর্যাণি পশ্যতি।
নির্বিণ্ণাত্মা পরোক্ষো বা ধিক্কৃতঃ সর্বসাধুষু॥ 12-150-12 (71004)
বিদিৎবা ভবতো বীর্যং মাহাত্ম্যং চৈব চাগমে।
কুরুষ্বেহ যথাশান্তি ব্রহ্মা শরণমস্তু তে॥ 12-150-13 (71005)
তদ্বৈ বারিত্রকং তাত ব্রাহ্মণানামকুপ্যতাম্।
অথবা তপ্যসে পাপে ধর্মং চেদনুপশ্যসি॥ 12-150-14 (71006)
জনমেজয় উবাচ। 12-150-15x (5795)
অনুতপ্যে চ পাপেন ন চাধর্মং চরাম্যহম্।
বুভূষেদ্ভজমানং চ প্রীতিমান্ভব শৌনক॥ 12-150-15 (71007)
শৌনক উবাচ। 12-150-16x (5796)
ছিত্ৎবা দম্ভং চ মানং চ প্রীতিমিচ্ছামি তে নৃপ।
সর্বভূতহিতে তিষ্ঠ ধর্মং চৈব প্রতিস্মরন্॥ 12-150-16 (71008)
ন ভয়ান্ন চ কার্পণ্যান্ন লোভাত্ৎবামুপাহ্বয়ে।
তাং মে দৈবীং গিরং সত্যাং শৃণু ৎবং ব্রাহ্মণৈঃ সহ॥ 12-150-17 (71009)
সোঽহং ন কেনচিচ্চার্থী ৎবাং চ ধর্মাদুপাহ্বয়ে।
ক্রোশতাং সর্বভূতানাং হাহাধিগিতি জল্পতাম্॥ 12-150-18 (71010)
বক্ষ্যন্তি মামধর্মজ্ঞং ত্যক্ষ্যন্তি সুহৃদো জনাঃ।
তা বাচঃ সুহৃদঃ শ্রুৎবা সংজ্বরিষ্যন্তি মে ভৃশং॥ 12-150-19 (71011)
কেচিদেব মহাপ্রাজ্ঞাঃ প্রতিজ্ঞাস্যন্তি কার্যতাম্।
জানীহি মৎকৃতং তাত ব্রাহ্মণান্প্রতি ভারত॥ 12-150-20 (71012)
যথা তে সৎকৃতাঃ ক্ষেমং লভেরংস্ৎবং তথা কুরু।
প্রতিজানীহি চাদ্রোহং ব্রাহ্মণানাং নরাধিপ॥ 12-150-21 (71013)
জনমেজয় উবাচ। 12-150-22x (5797)
নৈব বাচা ন মনসা পুনর্জাতু ন কর্মণা।
দ্রোগ্ধাঽস্মি ব্রাহ্মণান্বিপ্র চরণাবেব তে স্পৃশে॥ ॥ 12-150-22 (71014)
ইতি শ্রীমন্মহাভারতে শান্তিপর্বণি আপদ্ধর্মপর্বণি পঞ্চাশদধিকশততমোঽধ্যায়ঃ॥ 150॥
Mahabharata - Shanti Parva - Chapter Footnotes
12-150-2 ৎবা ৎবাম্॥ 12-150-5 ব্রাহ্মণানাং ভক্ত ইতি শেষঃ॥ 12-150-8 পুলিন্দাঃ শবরাঃ ম্লেচ্ছভেদাঃ॥ 12-150-9 ব্রহ্মন্ব্রাহ্মণ॥ 12-150-10 সাধুষু নির্বিণ্ণাত্মা বিরক্তঃ পরোক্ষস্তদ্দৃষ্টিপথাদপেতঃ তৈশ্চ ধেক্কৃতঃ সঃ প্রজ্ঞানং চোপলভতে। তৎসঙ্গং বিনা প্রজ্ঞা দুর্লভৈবেত্যর্থঃ॥ 12-150-13 ব্রহ্মা ব্রাহ্মণঃ শরণং রক্ষিতা। যথাশান্তি শান্তিমনতিক্রম্য॥ 12-150-17 উপাহ্বয়ে শিষ্যং করোমীত্যর্থঃ॥ 12-150-18 শৈনকং পাপিষ্ঠসংগ্রহীতারং ধিগিতি জল্পতাং তাননাদৃত্য উপাহ্বয়ে ইত্যর্থঃ॥শান্তিপর্ব - অধ্যায় 151
॥ শ্রীঃ ॥
12.151. অধ্যায়ঃ 151
Mahabharata - Shanti Parva - Chapter Topics
শৌনকে জনমেজয়স্যাশ্বমেধয়াজনেন তদীয়ব্রহ্মহত্যাপনোদনপূর্বকং রাজ্যে প্রতিষ্ঠাপনম্॥ 1॥Mahabharata - Shanti Parva - Chapter Text
12-151-0 (71015)
শৌনক উবাচ। 12-151-0x (5798)
তস্মাত্তেঽহং প্রবক্ষ্যামি ধর্মমাবৃতচেতসে।
শ্রীমন্মহাবলস্তুষ্টঃ স্বয়ং ধর্মমবেক্ষসে॥ 12-151-1 (71016)
পুরস্তাদ্দারুণে ভূৎবা সুচিত্রতরমেব তৎ।
অনুগৃহ্ণাতি ভূতানি স্বেন বৃত্তেন পার্থিবঃ॥ 12-151-2 (71017)
কৃৎস্নে নূনং সদসতী ইতি লোকো ব্যবস্যতি।
যত্র ৎবং তাদৃশো ভূৎবা ধর্মমেবানুপশ্যসি। 12-151-3 (71018)
দর্পং হিৎবা পুনশ্চাপি ভোগাংশ্চ তপ আস্থিতঃ।
ইত্যেতদভিভূতানামদ্ভুতং জনমেজয়॥ 12-151-4 (71019)
যোঽদুর্বলো ভবেদ্দাতা কৃপণো বা তপোধনঃ।
অনাশ্চর্যং তদিত্যাহুর্নাতিদূরেণ বর্ততে॥ 12-151-5 (71020)
তপ এব হি কার্পণ্যং সমগ্রমসমীক্ষিতম্।
তচ্চেৎসমীক্ষয়ৈব স্যাদ্ভবেত্তস্মিংস্তপো গুণঃ॥ 12-151-6 (71021)
যজ্ঞো দানং দয়া বেদাঃ সত্যং চ পৃথিবীপতে।
পঞ্চৈতানি পবিত্রাণি ষষ্ঠং সুচরিতং তপঃ॥ 12-151-7 (71022)
তদেব রাজ্ঞাং পরমং পবিত্রং জনমেজয়।
তেন সম্যগ্গৃহীতেন শ্রেয়াংসং ধর্মমাপ্স্যসি॥ 12-151-8 (71023)
পুণ্যদেশাভিগমনং পবিত্রং পরমং স্মৃতম্।
অত্রাপ্যুদাহরন্তীমাং গাথাং গীতাং যয়াতিনা॥ 12-151-9 (71024)
যো মর্ত্যঃ প্রতিপদ্যেত আয়ুর্জীবেন বা পুনঃ।
যজ্ঞমেকং ততঃ কৃৎবা তৎসংন্যস্য তপশ্চরেৎ॥ 12-151-10 (71025)
পুণ্যমাহুঃ কুরুক্ষেত্রং কুরুক্ষেত্রাৎসরস্বতীম্।
সরস্বত্যাশ্চ তীর্থানি তীর্থেভ্যশ্চ পৃথূদকম্॥ 12-151-11 (71026)
যত্রাবগাহ্য স্থিৎবা চ নৈনং শ্বোমরণং তপেৎ।
মহাসরঃ পুষ্করাণি প্রভাসোত্তরমানসে॥ 12-151-12 (71027)
কালোদকং চ গন্তাসি লব্ধায়ুর্জীবিতে পুনঃ।
সরস্বতীদৃষদ্বত্যোঃ সেবমানোঽনুসংজ্বরেৎ।
স্বাধ্যায়শীল এতেষু সর্বেষ্বেবমুপস্পৃশেৎ॥ 12-151-13 (71028)
ত্যাগধর্মং পবিত্রাণাং সংন্যাসং মনুরব্রবীৎ॥ 12-151-14 (71029)
অত্রাপ্যুদাহরন্তীমাঃ গাথাঃ সত্যবতা কৃতাঃ।
যথা কুমারঃ সত্যো বৈ নৈব পুণ্যো ন পাপকৃত।
ন হ্যস্তি সর্বভূতেষু দুঃখমস্মিন্কুতঃ সুখম্॥ 12-151-15 (71030)
এবং প্রকৃতিভূতানাং সর্বসংসর্গয়ায়িনাম্।
ত্যজতাং জীবিতং প্রায়ো নিবৃত্তে পুণ্যপাপকে। 12-151-16 (71031)
যত্ৎবেব রাজ্ঞো জ্যায়িষ্ঠং কার্যাণাং তদ্ব্রবীমি তে॥ 12-151-17 (71032)
বলেন সংবিভাগৈশ্চ জয় স্বর্গং পুনীষ্ব চ।
যস্যৈব বলমোজশ্চ স ধর্মস্য প্রভুর্নরঃ॥ 12-151-18 (71033)
ব্রাহ্মণানাং সুখার্থং ৎবং পর্যেহি পৃথিবীমিমাম্।
যথৈবৈতান্পুরা ক্ষেপ্সীস্তথৈবৈতান্প্রসাদয়॥ 12-151-19 (71034)
অপি ধিক্ক্রিয়মাণোঽপি তর্জ্যমানোঽপ্যনেকধা।
আত্মনো দর্শনং বিদ্বান্নাহর্তাঽস্মীতি মা ক্রুধঃ।
ঘটমানঃ স্বকার্যেষু কুরু নিঃশ্রেয়সং পরম্॥ 12-151-20 (71035)
হিমাগ্নিঘোরসদৃশো রাজা ভবতি কশ্চন।
লাঙ্গলাশিকল্পো বা ভবেদন্যঃ পরংতপঃ॥ 12-151-21 (71036)
ন বিশেষেণ গন্তব্যমচিকিৎসেন বা পুনঃ।
ন জাতু নাহমস্মীতি প্রসক্তব্যমসাধুষু॥ 12-151-22 (71037)
বিকর্মণা তপ্যমানঃ পাপাৎপাপঃ প্রমুচ্যতে।
নৈতৎকুর্যা পুনরিতি দ্বিতীয়াৎপরিমুচ্যতে॥ 12-151-23 (71038)
চরিষ্যে ধর্মমেবেতি তৃতীয়াৎপরিমুচ্যতে।
শুচিস্তীর্থান্যনুচরন্বহুৎবাৎপরিমুচ্যতে॥ 12-151-24 (71039)
কল্যাণমনুকর্তব্যং পুরুষেণ বুভূষতা।
যে সুগন্ধীনি সেবন্তে তথাগন্ধা ভবন্তি তে॥ 12-151-25 (71040)
যে দুর্গন্ধীনি সেবন্তে তথাগন্ধা ভবন্তি যে।
তপশ্চর্যাপরঃ সত্যং পাপাদ্বিপরিমুচ্যতে॥ 12-151-26 (71041)
সংবৎসরমুপাস্যাগ্নিমভিশস্তঃ প্রমুচ্যতে।
ত্রীণি বর্ষাণ্যুপাস্যাগ্নিং ভ্রূণহা বিপ্রমুচ্যতে॥ 12-151-27 (71042)
মহাসরঃ পুষ্করাণি প্রভাসোত্তরমানসে।
অভ্যেত্য যোজনশতং ভ্রূণহা বিপ্রমুচ্যতে॥ 12-151-28 (71043)
যাবতঃ প্রাণিনো হন্যাত্তজ্জাতীয়াংস্তু তাবতঃ।
প্রমীয়মাণানুন্মোচ্য প্রাণিহা বিপ্রমুচ্যতে॥ 12-151-29 (71044)
অপি চাপ্সু নিমজ্জেত জপংস্ত্রিরঘমর্ষণম্।
যথাঽশ্বমেধাবভৃথস্তথা তন্মনুরব্রবীৎ॥ 12-151-30 (71045)
ক্ষিপ্রং প্রণুদতে পাপং সৎকারং লভতে তথা।
অপি চৈনং প্রসীদন্তি ভূতানি জডমূকবৎ॥ 12-151-31 (71046)
বৃহস্পতিং দেবগুরুং সুরাসুরাঃ
সমেত্য সর্বে নৃপতে ৎবয়ুজ্জত।
ধর্মে ফলং হেতুকৃতে মহর্ষে
তথেতরস্মিন্নরকে পাপলোক্যে॥ 12-151-32 (71047)
উভে তু যস্য সুকৃতে ভবেতাং
কিং তত্তয়োস্তত্র জয়োত্তরং স্যাৎ।
আচক্ষ্ব তৎকর্মফলং মহর্ষে
কথং পাপং নুদতে ধর্মশীলঃ॥ 12-151-33 (71048)
বৃহস্পতিরুবাচ। 12-151-34x (5799)
কৃৎবা পাপং পূর্বমবুদ্ধিপূর্বং
পুণ্যানি চেৎকুরুতে বুদ্ধিপূর্বম্।
স তৎপাপং নুদতে কর্মশীলো
বাসো যথা মলিনং ক্ষারয়ুক্ত্যা॥ 12-151-34 (71049)
পাপং কৃৎবা হি মন্যেত নাহমস্তীতি পুরুষঃ।
চিকীর্ষেদেব কল্যাণং শ্রদ্দধানোঽনসূয়কঃ॥ 12-151-35 (71050)
ছিদ্রাণি বসনস্যেব সাধুনা সংবৃণোতি সঃ।
যঃ পাপং পুরুষঃ কৃৎবা কল্যাণমভিপদ্যতে॥ 12-151-36 (71051)
আদিত্যঃ পুনরুদ্যন্বা তমঃ সর্বং ব্যপোহতি।
কল্যাণমাচরন্নেবং সর্বপাপং ব্যপোহতি॥ 12-151-37 (71052)
ভীষ্ম উবাচ। 12-151-38x (5800)
এবমুক্ৎবা তু রাজানমিন্দ্রোতো জনমেজয়ম্।
যাজয়ামাস বিধিবদ্বাজিমেধেন শৌনকঃ॥ 12-151-38 (71053)
ততঃ স রাজা ব্যপনীতকল্মষঃ
শ্রিয়া যুতঃ প্রজ্বলিতোঽনুরূপয়া।
বিবেশ রাজ্যং স্বমমিত্রকর্শনো
যথা দিবং পূর্ণবপুর্নিশাকরঃ॥ ॥ 12-151-39 (71054)
ইতি শ্রীমন্মহাভারতে শান্তিপর্বণি আপদ্ধর্মপর্বণি একপঞ্চাশদধিকশততমোঽধ্যায়ঃ॥ 151॥
Mahabharata - Shanti Parva - Chapter Footnotes
12-151-4 অভিভূতানামধর্মেণেতি শেষঃ॥ 12-151-12 অত্রাবগাহ্য পীৎবা চেতি ঝ. থ. পাঠঃ॥ 12-151-14 পবিত্রাণাং পাবনানাং মধ্যে ত্যাগধর্মং দানাত্মকং ধর্মং পবিত্রতরং সংন্যাসং তু পরং ধর্মং ততোঽপ্যধিকং মনুরব্রবীৎ॥ 12-151-15 কুমারো বালঃ সত্যো রাগদ্বেষশূন্যৎবাৎ। তথা তিষ্ঠেদিত্যর্থঃ॥ 12-151-18 বলেন ধৈর্যেণ। সংবিভাগৈর্দানৈঃ। ওজ ইন্দ্রিয়পাটবম্॥ 12-151-21 হিমবচ্ছীতলঃ। অগ্নিবৎক্রূরঃ। ঘোরো যমস্তদ্বদ্গুণদোষবিচারকঃ। লাঙ্গবদ্দুষ্টমূলোন্মূলনপরঃ। অশনিবদাকস্মিকপাতো দুষ্টেষু হিমাগ্নিঘোষসদৃশ ইতি দ. পাঠঃ॥ 12-151-23 সকৃৎকৃতাৎপাপাৎপশ্চাত্তাপমাত্রেণ মুচ্যতে। দ্বিরাবৃত্তাৎপুনর্ন করিষ্যামীতি নিয়মগ্রহণমাত্রেণ। ত্রিরাবৃত্তাদ্যৎকিংচিদ্ধর্মস্বীকারমাত্রেণ। বহুকৃৎবেতি তদভ্যস্তাত্তু তীর্থাদিনা মুচ্যত ইতি শ্লোকদ্বয়ার্থঃ। পাদাৎপাপস্য মুচ্যত ইতি ট. পাঠঃ॥ 12-151-30 অঘমর্ষণমৃতং চ সত্যং চেতি ঋক্ত্রয়ম্॥ 12-151-32 ফলং দুঃখম্ ॥ 12-151-33 যস্য যোগিন উভে অপি সুখদুঃখে॥ 12-151-35 কর্তৃৎবাভিমানশূন্যঃ পাপং কুর্বন্নপি ন করোত্যেবেত্যর্ধস্যার্থঃ॥ 12-151-36 সংবৃণোতি বিধত্তে॥শান্তিপর্ব - অধ্যায় 152
॥ শ্রীঃ ॥
12.152. অধ্যায়ঃ 152
Mahabharata - Shanti Parva - Chapter Topics
বৈদিশনাম্নি নগরে কেষুচিদ্ব্রাহ্মণেষু মৃতবালং শ্মশানমুপনীয় গৃধ্রজম্বুকবচনৈর্ঢৌলায়মানমানসতথা চিন্তয়ৎসু তত্র যদৃচ্ছাসমাগতপরমেশ্বরেণ পার্বতীচোদনয়া মৃতবালকোজ্জীবনম্॥ 1॥Mahabharata - Shanti Parva - Chapter Text
12-152-0 (71055)
যুধিষ্ঠির উবাচ। 12-152-0x (5801)
কচ্চিৎপিতামহেনাসীচ্ছ্রুবং বা দৃষ্টমেব চ।
কচ্চিন্মর্ত্যো মৃতো রাজন্পুনরুজ্জীবিতোঽভবৎ॥ 12-152-1 (71056)
ভীষ্ম উবাচ। 12-152-2x (5802)
শৃণু পার্থ যথাবৃত্তমিতিহাসং পুরাতনম্।
গৃধ্রজম্বুকসংবাদং যো বৃত্তো বৈদিশে পুরে॥ 12-152-2 (71057)
কস্যচিদ্ব্রাহ্মণস্যাসীদ্দুঃখলব্ধঃ সুতো মৃতঃ।
বাল এব বিশালাক্ষো বালগ্রহনিপীডিতঃ॥ 12-152-3 (71058)
দুঃখিতাঃ কেচিদাদায় বালমপ্রাপ্তয়োবনম্।
কুলসর্বস্বভূতং বৈ রুদন্তঃ শোককর্শিতাঃ॥ 12-152-4 (71059)
বালং মৃতং গৃহীৎবাঽথ শ্মশানাভিমুখাঃ স্থিতাঃ।
অঙ্গেনাঙ্গং সমাক্রস্য রুরুদুর্ভৃশদুঃখিতাঃ॥ 12-152-5 (71060)
শোচন্তস্তস্য পূর্বোক্তান্ভাষিতাংশ্চাসকৃৎপুনঃ।
তং বালং ভূতলে ক্ষিপ্য প্রতিগন্তুং ন শক্নুয়ুঃ॥ 12-152-6 (71061)
তেষাং রুদিতশব্দেন গৃধ্রোঽভ্যেত্য বচোঽব্রবীৎ।
প্রেতাত্মকমিমংকালে ত্যক্ৎবা গচ্ছত মাচিরম্॥ 12-152-7 (71062)
ইহ পুংসাং সহস্রাণি স্ত্রীসহস্রাণি চৈব হ।
সমানীতানি কালেন হিৎবা বৈ যান্তি বান্ধবাঃ॥ 12-152-8 (71063)
সংপশ্যত জগৎসর্বং সুখদুঃখৈরধিষ্ঠিতম্।
সংয়োগো বিপ্রয়োগশ্চ পর্যায়েণোপলভ্যতে॥ 12-152-9 (71064)
গৃহীৎবা যে চ গচ্ছন্তি যেঽনুয়ান্তি চ তান্মৃতান্।
তেঽপ্যায়ুষঃ প্রমাণেন স্বেন গচ্ছন্তি জন্তবঃ॥ 12-152-10 (71065)
অলং স্থিৎবা শ্মশানেঽস্মিন্গৃধ্রগোমায়ুসংকুলে।
কঙ্কালবহুলে ঘোরে সর্বপ্রাণিভয়ংকরে॥ 12-152-11 (71066)
ন পুনর্জীবিতঃ কশ্চিৎকালধর্মমুপাগতঃ।
প্রিয়ো বা যদি বা দ্বেষ্যঃ প্রাণিনাং গতিরীদৃশী॥ 12-152-12 (71067)
সর্বেণ খলু মর্তব্যং মর্ত্যলোকে প্রসূয়তা।
কৃতান্তবিহিতে মার্গে মৃতং কো জীবয়িষ্যতি॥ 12-152-13 (71068)
দিশান্তোপচিতো যাবদস্তং গচ্ছতি ভাস্করঃ।
গম্যতাং স্বমধিষ্ঠানং সুতস্নেহং বিসৃজ্য বৈ॥ 12-152-14 (71069)
ততো গৃধ্রবচঃ শ্রুৎবা বিক্রোশন্তস্তদা নৃপ।
বান্ধবাস্তেঽভ্যগচ্ছন্ত পুত্রমুৎসৃজ্য ভূতলে॥ 12-152-15 (71070)
বিনিশ্চিত্যাথ চ তদা বিক্রোশন্তস্ততস্ততঃ।
[মৃত ইত্যেব গচ্ছন্তো নিরাশাস্তস্য দর্শনে॥] 12-152-16 (71071)
নিশ্চিতার্থাশ্চ তে সর্বে সংত্যজন্তঃ স্বমাত্মজম্।
নিরাশা জীবিতে তস্য মার্গমাবৃত্য ধিষ্ঠিতাঃ॥ 12-152-17 (71072)
ধ্বাঙ্ক্ষপক্ষসবর্ণস্তু বিলান্নিঃসৃত্য জম্বুকঃ।
গচ্ছমানান্স্ম তানাহ নির্ঘৃণাঃ খলু মানুষাঃ॥ 12-152-18 (71073)
আদিত্যোঽয়ং স্থিতো মূঢাঃ স্নেহং কুরুত মা ভয়ম্।
বহুরূপো মুহূর্তাচ্চ জীবেদপি চ বালকঃ॥ 12-152-19 (71074)
দর্ভান্ভূমৌ বিনিক্ষিপ্য পুত্রস্নেহবিনাকৃতাঃ।
শ্মশানে সুতমুৎসৃজ্য কস্মাদ্গচ্ছত নির্ঘৃণাঃ॥ 12-152-20 (71075)
ন বোঽস্ত্যস্মিন্সুতে স্নেহো বালে মধুরভাষিণি।
যস্য ভাষিতমাত্রেণ প্রসাদমধিগচ্ছত॥ 12-152-21 (71076)
ন পশ্যধ্বং সুতস্নেহো যাদৃশঃ পশুপক্ষিণাম্।
ন তেষাং ধারয়িৎবা তান্কশ্চিদস্তি ফলাগমঃ॥ 12-152-22 (71077)
চতুষ্পাৎপক্ষিকীটানাং প্রাণিনাং স্নেহসঙ্গিনাম্।
পরলোকগতিস্থানাং মুনিয়জ্ঞক্রিয়ামিব॥ 12-152-23 (71078)
তেষাং পুত্রাভিরামাণামিহ লোকে পরত্র চ।
ন গুণো দৃশ্যতে কশ্চিৎপ্রজাঃ সংধারয়ন্তি চ॥ 12-152-24 (71079)
অপশ্যতাং প্রিয়ান্পুত্রান্যেষাং শোকো ন তিষ্ঠতি।
ন তে পোষণসংপ্রীতা মাতাপিতর এব হি॥ 12-152-25 (71080)
মানুষাণাং কুতঃ স্নেহো যেষাং শোকো ন বিদ্যতে।
ইমং কুলকরং পুত্রং ত্যক্ৎবা ক্ব নু গমিষ্যথ॥ 12-152-26 (71081)
চিরং মুঞ্চত বাষ্পং চ চিরং স্নেহেনন পশ্যত।
এবংবিধানি হীষ্টানি দুস্ত্যজানি বিশেষতঃ॥ 12-152-27 (71082)
ক্ষীণস্যাথামিশস্তস্য শ্মশানাভিমুখস্য চ।
বান্ধবা যত্র তিষ্ঠতি তত্রান্যো নাধিতিষ্ঠতি॥ 12-152-28 (71083)
সর্বস্য দয়িতাঃ প্রাণাঃ সর্বঃ স্নেহং চ বিন্দতি।
তির্যগ্যোনিষ্বপি সংতাং স্নেহং পশ্যত যাদৃশম্॥ 12-152-29 (71084)
ত্যক্ৎবা কথং গচ্ছথেমং পদ্মলোলায়তেক্ষণম্।
যথা নবোদ্বাহকৃতং স্নানমাল্যবিভূষিতম্। 12-152-30 (71085)
জম্বুকস্য বচঃ শ্রুৎবা কৃপণং পরিদেবতঃ।
ন্যবর্তন্ত তদা সর্বে বালার্থং তে স্ম মানুষাঃ॥ 12-152-31 (71086)
গৃধ্র উবাচ। 12-152-32x (5803)
অহো বত নৃশংসেন জম্বুকেনাল্পমেধসা।
ক্ষুদ্রেণোক্তা হীনসৎবা মানুষাঃ কিং নিবর্তথ॥ 12-152-32 (71087)
পঞ্চভূতপরিত্যক্তং শুষ্কং কাষ্ঠৎবমাগতম্।
কস্মাচ্ছোচথ নিশ্চেষ্টমাত্মানং কিং ন শোচথ॥ 12-152-33 (71088)
তপঃ কুরুত বৈ তীব্রং মুচ্যধ্বং যেন কিল্বিষাৎ।
তপসা লভ্যতে সর্বং বিলাপঃ কিং করিষ্যতি॥ 12-152-34 (71089)
অনিষ্টানি ন ভাগ্যানি জানীত স্বংস্বমাত্মনা।
যেন গচ্ছতি বালোঽয়ং দত্ৎবা শোকমনন্তকম্॥ 12-152-35 (71090)
ধনং গাবঃ সুবর্ণং চ মণিরত্নমথাপি চ।
অপত্যং চ তপোমূলং তপো যোগাচ্চ লভ্যতে॥ 12-152-36 (71091)
যথা কৃতা চ ভূতেষু প্রাপ্যতে সুখদুঃখিতা।
গৃহীৎবা জায়তে জন্তুর্দুঃখানি চ সুখানি চ॥ 12-152-37 (71092)
ন কর্মণা পিতুঃ পুত্রঃ পিতা ব্রা পুত্রকর্মণা।
মার্গেণান্যেন গচ্ছন্তি বদ্ধাঃ সুকৃতদুষ্কৃতৈঃ॥ 12-152-38 (71093)
ধর্মং চরত যত্নেন তথাঽধর্মান্নিবর্তত।
বর্তধ্বং চ যথাকালং দৈবতেষু দ্বিজেষু চ॥ 12-152-39 (71094)
শোকং ত্যজত দৈন্যং চ সুতস্নেহান্নিবর্তত।
ত্যজ্যতাময়মাক্রোশস্ততঃ শীঘ্রং নিবর্তত॥ 12-152-40 (71095)
যৎকরোতি শুভং কর্ম তথা কর্ম সুদারুণম্।
তৎকর্তৈব সমশ্নাতি বান্ধবানাং কিমত্র হ॥ 12-152-41 (71096)
ইহ ত্যক্ৎবা ন তিষ্ঠন্তি বান্ধবা বান্ধবং প্রিয়ম্।
স্নেহমুৎসৃজ্য গচ্ছন্তি বাষ্পপূর্ণাবিলেক্ষণাঃ॥ 12-152-42 (71097)
প্রাজ্ঞো বা যদি বা মূর্খঃ সধনো নির্ধনোঽপি বা।
সর্বঃ কালবশং যাতি শুভাশুভসমন্বিতঃ॥ 12-152-43 (71098)
কিং করিষ্যথ শোচিৎবা মৃতং কিমনুশোচথ।
সর্বস্য হি প্রভুঃ কালো ধর্মতঃ সমদর্শনঃ॥ 12-152-44 (71099)
যৌবনস্থাংশ্চ বালাংশ্চ বৃদ্ধান্গর্ভগতানপি।
সর্বানাবিশতে মৃত্যুরেবংভূতমিদং জগৎ॥ 12-152-45 (71100)
জম্বুক উবাচ। 12-152-46x (5804)
অহো মন্দীকৃতঃ স্নেহো গৃধ্রেণেহাল্পবুদ্ধিনা।
পুত্রস্নেহাভিভূতানাং যুষ্মাকং শোচতাং ভৃশম্॥ 12-152-46 (71101)
সমৈঃ সম্যক্প্রয়ুক্তৈশ্চ বচনৈর্হেতুদর্শনৈঃ।
`সর্বমেতৎপ্রপদ্যাশু কুরুধ্বং বা বিচারণাং।'
যদ্গচ্ছথ জলস্থানং স্নেহমুৎসৃজ্য দুস্ত্যজম্॥ 12-152-47 (71102)
অহো পুত্রবিয়োগেন মৃতশূন্যোপসেবনাৎ।
ক্রোশতাং বা ভৃশং দুঃখং বিবৎসানাং গবামিব॥ 12-152-48 (71103)
অদ্য শোকং বিজানামি মানুষাণাং মহীতলে।
স্নেহং হি কারণং কৃৎবা মমাপ্যশ্রূণ্যথাপতন্॥ 12-152-49 (71104)
যত্নো হি সততং কার্যস্ততো দৈবেন সিদ্ধ্যতি।
দৈবং পুরুষকারশ্চ কৃতান্তেনোপপদ্যতে॥ 12-152-50 (71105)
অনির্বেদঃ সদা কার্যো নির্বেদাদ্ধি কুতঃ সুখম্।
প্রয়ত্নাৎপ্রাপ্যতে হ্যর্থঃ কস্মাদ্গচ্ছথ নির্দয়ম্॥ 12-152-51 (71106)
আত্মমাংসোপবৃত্তং চ শরীরার্ধমর্যী তনুম্।
পিতৄণাং বংশকর্তারং বনে ত্যক্ৎবা ক্ব যাস্যথ॥ 12-152-52 (71107)
অথবাঽস্তং গতে সূর্যে সংধ্যাকাল উপস্থিতে।
ততো নেষ্যশ্চ বা পুত্রমিহস্থা বা ভবিষ্যথ॥ 12-152-53 (71108)
গৃধ্র উবাচ। 12-152-54x (5805)
অদ্য বর্ষসহস্রং মে সাগ্রং জাতস্য মানুষাঃ।
ন চ পশ্যামি জীবন্তং মৃতং স্ত্রীপুংনপুংসকম্॥ 12-152-54 (71109)
মৃতা গর্ভেষু জায়ন্তে জাতমাত্রা ম্রিয়ন্তি চ।
চংক্রমন্তো ম্রিয়ন্তে চ যৌবনস্থাস্তথা পরে॥ 12-152-55 (71110)
অনিত্যানীহ ভাগ্যানি চতুষ্পাৎপক্ষিণামপি।
জঙ্গমাজঙ্গমানাং চ হ্যায়ুরগ্রেঽবতিষ্ঠতে॥ 12-152-56 (71111)
ইষ্টদারবিয়ুক্তাশ্চ পুত্রশোকান্বিতাস্তথা।
দহ্যমানাঃ স্ম শোকেন গৃহং গচ্ছন্তি নিত্যশঃ॥ 12-152-57 (71112)
অনিষ্টানাং সহস্রাণি তথেষ্টানাং শতানি চ।
উৎসৃজ্যেহ প্রয়াতা বৈ বান্ধবা ভৃশদুঃখিতাঃ॥ 12-152-58 (71113)
ত্যজ্যতামেষ নিস্তেজাঃ শূন্যঃ কাষ্ঠৎবমাগতঃ।
অন্যদেহবিষক্তং হি শিশুং কাষ্ঠমুপাসথ॥ 12-152-59 (71114)
ত্যক্তজীবস্য বৈ বাষ্পং কস্মাদ্ধিৎবা ন গচ্ছত।
নিরর্থকো হ্যযং স্নেহো নিষ্ফলশ্চ পরিশ্রমঃ॥ 12-152-60 (71115)
ন চ ক্ষুর্ভ্যাং ন কর্ণাভ্যাং চ শৃণোতি স পশ্যতি।
কস্মাদেনং সপ্নুৎসৃজ্য ন গৃহান্গচ্ছতাশু বৈ॥ 12-152-61 (71116)
মোক্ষধর্মাশ্রিতৈর্বাক্যৈর্হেতুমদ্ভিঃ সুনিষ্ঠুরৈঃ।
ভয়োক্তা গচ্ছত ক্ষিপ্রং স্বং স্বমেব নিবেশনম্॥ 12-152-62 (71117)
প্রজ্ঞাবিজ্ঞানয়ুক্তেন বুদ্ধিসংজ্ঞাপ্রদায়িনা।
বচ্চং শ্রাবিতা নূনং মানুষাঃ সংনিবর্তথ॥ 12-152-63 (71118)
[শোকো দ্বিগুণতাং যাতি দৃষ্ট্বা স্মৃৎবা চ চেষ্টিতম্।
ইত্যেতদ্বচনং শ্রুৎবা সন্নিবৃত্তাস্তু মানুষাঃ।
অপশ্যত্তং তদা সুপ্তং দ্রুতমাগত্য জম্বুকঃ॥] 12-152-64 (71119)
জম্বুক উবাচ। 12-152-65x (5806)
ইমং কনকবর্ণাভং ভূষণৈঃ সমলংকৃতম্।
গৃধ্রবাক্যাৎকথং পুত্রং ত্যক্ষ্যধ্বং পিতৃপিণ্ডদম্॥ 12-152-65 (71120)
ন স্নেহস্য চ বিচ্ছেদো বিলাপরুদিতস্য চ।
মৃতস্যাস্য পরিত্যাগাত্তাপো বৈ ভবিতা ধ্রুবম্॥ 12-152-66 (71121)
শ্রূয়তে শম্বুকে শূদ্রে হতে ব্রাহ্মণদারকঃ।
জীবিতো ধর্মমাসাদ্য রামাৎসত্যপরাক্রমাৎ॥ 12-152-67 (71122)
তথা শ্বৈত্যস্য রাজর্ষের্বালো দিষ্টান্তমাগতঃ।
মুনিনা ধর্মনিষ্ঠেন মৃতঃ সংজীবিতঃ পুনঃ॥ 12-152-68 (71123)
তথা কশ্চিদ্ভবেৎসিদ্ধো মুনির্বা দেবতাপি বা।
কৃপণানামনুক্রোশং কুর্যাদ্বো রুদতামিহ॥ 12-152-69 (71124)
ইত্যুক্তাস্তে ন্যবর্তন্ত শোকার্তাঃ পুত্রবৎসলাঃ।
অঙ্কে শিরঃ সমাধায় রুরুদুর্বহুবিস্তরম্।
তেষাং রুদিতশব্দেন গৃধ্রোঽভ্যেত্য বচোঽব্রবীৎ॥ 12-152-70 (71125)
অশ্রুপাতপরিক্লিন্নঃ পাণিস্পর্শপ্রপীডিতঃ।
ধর্মরাজপ্রয়োগাচ্চ দীর্ঘনিদ্রাং প্রবেশিতঃ॥ 12-152-71 (71126)
`তপসাঽপি হি সংয়ুক্তো জনঃ কালেন হন্যতে।
সর্বস্নেহাবসক্তানামিদং হি স্নেহবর্তনম্॥' 12-152-72 (71127)
বালবৃদ্ধসহস্রাণি সদা সংত্যজ্য বান্ধবাঃ।
দিনানি চৈব রাত্রীশ্চ দুঃখং তিষ্ঠন্তি ভূতলে॥ 12-152-73 (71128)
অলং নির্বন্ধমাগত্য শোকস্য পরিবারণম্।
অপ্রত্যযং কুতো হ্যস্য পুনরদ্যেহ জীবিতম্॥ 12-152-74 (71129)
`নৈষ জম্বুকবাক্যেন পুনঃ প্রাপ্স্যতি জীবিতম্।'
মৃতস্যোৎসৃষ্টদেহস্য পুনর্দেহো ন বিদ্যতে॥ 12-152-75 (71130)
নৈব মূর্তিপ্রদানেন জম্বুকস্য শতৈরপি।
ন স জীবয়িতুং শক্যো বালো বর্ষশতৈরপি॥ 12-152-76 (71131)
অথ রুদ্রঃ কুমারো বা ব্রহ্মা বা বিষ্ণুরেব চ।
বরমস্মৈ প্রয়চ্ছন্তি ততো জীবেদয়ং শিশুঃ॥ 12-152-77 (71132)
নৈব বাষ্পবিমোক্ষেণ ন বা শ্বাসকৃতেন চ।
ন দীর্ঘরুদিতেনায়ং পুনর্জীবং গমিষ্যতি॥ 12-152-78 (71133)
অহং চ ক্রোষ্টুকশ্চৈব যূয়ং যে চাস্য বান্ধবাঃ।
ধর্মাধর্মৌ গৃহীৎবেহ সর্বে বর্তামহেঽধ্বনি॥ 12-152-79 (71134)
অপ্রিয়ং পরুষং চাপি পরদ্রোহং পরস্ত্রিয়ম্।
অধর্মমনৃতং চৈব দূরাৎপ্রাজ্ঞো বিবর্জয়েৎ॥ 12-152-80 (71135)
ধর্মং সত্যং শ্রুতং ন্যায়্যং মহতীং প্রাণিনাং দয়াম্।
অজিহ্নৎবমশাঠ্যং চ যত্নতঃ পরিমার্গত॥ 12-152-81 (71136)
মাতরং পিতরং বাঽপি বান্ধবান্সুহৃদস্তথা।
জীবতো যে ন পশ্যতি তেষাং ধর্মবিপর্যযঃ॥ 12-152-82 (71137)
যো ন পশ্যতি চক্ষুর্ভ্যাং নেঙ্গতে চ কথংচন।
তস্য নিষ্ঠাবসানান্তে রুদন্তাঃ কিং করিষ্যথ॥ 12-152-83 (71138)
ইত্যুক্তাস্তে সুতং ত্যক্ৎবা ভূমৌ শোকপরিপ্লুতাঃ।
দহ্যমানাঃ সুতস্নেহাৎপ্রয়যুর্বান্ধবা গৃহম্॥ 12-152-84 (71139)
জম্বুক উবাচ। 12-152-85x (5807)
দারুণো মর্ত্যলোকোঽয়ং সর্বপ্রাণিবিনাশনঃ।
ইষ্টবন্ধুবিয়োগশ্চ তথেহাল্পং চ জীবিতম্॥ 12-152-85 (71140)
বহ্বলীকমসত্যং চাপ্যতিবাদাপ্রিয়ংবদম্।
ইমং প্রেক্ষ্য পুনর্ভাবং দুঃখশোকবিবর্ধনম্।
ন মে মানুষলোকোঽয়ং মুহূর্তমপি রোচতে॥ 12-152-86 (71141)
অহো ধিগ্গৃধ্রবাক্যেন যথৈবাবুদ্ধয়স্তথা।
কথং গচ্ছথ নিঃস্নেহাঃ সুতস্নেহং বিসৃজ্য চ॥ 12-152-87 (71142)
প্রদীপ্তাঃ পুত্রশোকেন সন্নিবর্তথ মানুষাঃ।
শ্রুৎবা গৃধ্রস্য বচনং পাপস্যেহাকৃতাত্মনঃ॥ 12-152-88 (71143)
সুখস্যানন্তরং দুঃখং দুঃখস্যানন্তরং সুখম্।
সুখদুঃখাবৃতে লোকে নাস্তি সৌখ্যমনন্তকম্॥ 12-152-89 (71144)
ইমং ক্ষিতিতলে ত্যক্ৎবা বালং রূপসমন্বিতম্।
কুলশোভাকরং মূঢাঃ পুত্রং ত্যক্ৎবা ক্ব যাস্যথ॥ 12-152-90 (71145)
রূপয়ৌবনসংপন্নং দ্যোতমানমিব শ্রিয়া।
জীবন্তমেব পশ্যামি মনসা নাত্র সংশয়ঃ॥ 12-152-91 (71146)
বিনাশেনাস্য ন হি বৈ সুখং প্রাপ্স্যথ মানুষাঃ।
পুত্রশোকাভিতপ্তানাং মৃতমপ্যদ্য বঃ ক্ষমম্॥ 12-152-92 (71147)
দুঃখসংভাবনং কৃৎবা ধারয়িৎবা সুখং স্বয়ম্।
ত্যক্ৎবা গমিষ্যথ ক্বাদ্য সমুৎসৃজ্যাল্পবুদ্ধিবৎ॥ 12-152-93 (71148)
ভীষ্ম উবাচ। 12-152-94x (5808)
তথা ধর্মবিরোধেন প্রিয়মিথ্যাভিধায়িনাম্।
শ্মশানবাসিনা নিত্যং রাত্রিং মৃগয়তা নৃপ॥ 12-152-94 (71149)
ততো মধ্যস্থতাং নীতা বচনৈরমৃতোপমৈঃ।
জম্বুকেন স্বকার্যার্থং বান্ধবাস্তত্র বারিতাঃ॥ 12-152-95 (71150)
গৃধ্র উবাচ। 12-152-96x (5809)
অয়ং প্রেতসমাকীর্ণো যক্ষরাক্ষসসেবিতঃ।
দারুণঃ কাননোদ্দেশঃ কৌশিকৈরভিনাদিতঃ॥ 12-152-96 (71151)
ভীমঃ সুঘোরশ্চ তথা নীলমেঘসমপ্রভঃ।
অস্মিঞ্শবং পরিত্যজ্য প্রেতকার্যাণ্যুপাসত॥ 12-152-97 (71152)
ভানুর্যাবন্ন যাত্যস্তং যাবচ্চ বিমলা দিশঃ।
তাবদেনং পরিত্যজ্য প্রেতকার্যাণ্যুপাসত॥ 12-152-98 (71153)
নদন্তি পরুষং শ্যেনাঃ শিবাঃ ক্রোশন্তি দারুণম্।
মৃগেন্দ্রাঃ প্রতিনর্দন্তি রবিরস্তং চ গচ্ছতি॥ 12-152-99 (71154)
চিতা ধূমেন নীলেন সংরজ্যন্তে চ পাদপাঃ।
শ্মশানে চ নিরাহারাঃ প্রতিনর্দন্তি দেবতাঃ॥ 12-152-100 (71155)
সর্বে বিকৃতদেহাশ্চাপ্যস্মিন্দেশে সুদারুণে।
যুষ্মান্প্রধর্ষয়িষ্যন্তি বিকৃতা মাংসভোজিনঃ॥ 12-152-101 (71156)
ক্রূরশ্চায়ং বনোদ্দেশো ভয়মদ্য ভবিষ্যতি।
ত্যজ্যতাং কাষ্ঠভূতোঽয়ং মুচ্যতাং জাম্বুকং বচঃ॥ 12-152-102 (71157)
যদি জম্বুকবাক্যানি নিষ্ফলান্যনৃতানি চ।
শ্রোষ্যথ ভ্রষ্টবিজ্ঞানাস্ততঃ সর্বে বিনঙ্ক্ষ্যথ॥ 12-152-103 (71158)
জম্বুক উবাচ। 12-152-104x (5810)
স্থীয়তাং বো ন ভেতব্যং যাবত্তপতি ভাস্করঃ।
তাবদস্মিন্সুতে স্নেহাদনির্বেদেন বর্তত॥ 12-152-104 (71159)
স্বৈরং রুদন্তো বিস্রব্ধাশ্চিরং স্নেহেন পশ্যত।
`দারুণেঽস্মিন্বনোদ্দেশে ভয়ং বো ন ভবিষ্যতি॥ 12-152-105 (71160)
অয়ং সৌম্যো বনোদ্দেশঃ পিতৃণাং নিধনাকরঃ।'
স্থীয়তাং যাবদাদিত্যঃ কিংবঃ ক্রব্যাদভাষিতৈঃ॥ 12-152-106 (71161)
যদি গৃধ্রস্য বাক্যানি তীব্রাণি রভসানি চ।
গৃহ্ণীত মোহিতাত্মানঃ সুতো বো ন ভবিষ্যতি॥ 12-152-107 (71162)
ভীষ্ম উবাচ। 12-152-108x (5811)
গৃধ্রো নাস্তমিতেঽভ্যেতি তিষ্ঠেন্নক্তং চ জম্বুকঃ।
মৃতস্য তং পরিজনমূচতুস্তৌ ক্ষুধান্বিতৌ॥ 12-152-108 (71163)
স্বকার্যবদ্ধকক্ষৌ তৌ রাজন্গৃধ্রোঽথ জম্বুকঃ।
ক্ষুৎপিপাসাপরিশ্রান্তৌ শাস্ত্রমালম্ব্য জল্পতঃ॥ 12-152-109 (71164)
তয়োর্বিজ্ঞানবিদুষোর্দ্বয়োর্মৃগপতত্রিণোঃ।
বাক্যৈরমৃতকল্পৈস্তৈঃ প্রতিষ্ঠন্তে ব্রজন্তি চ॥ 12-152-110 (71165)
শোকদৈন্যসমাবিষ্টা রুদন্তস্তস্থিরে তদা।
স্বকার্যকুশলাভ্যাং তে সংভ্রাম্যন্তে হ নৈপুণাৎ॥ 12-152-111 (71166)
তথা তয়োর্বিবদতোর্বিজ্ঞানবিদুষোর্দ্বয়োঃ।
বান্ধবানাং স্থিতানাং চাপ্যুপাতিষ্ঠত শংকরঃ॥ 12-152-112 (71167)
দেব্যা প্রণোদিতো দেবঃ কারুণ্যার্দ্রীকৃতেক্ষণঃ।
ততস্তানাহ মনুজান্বরদোঽস্মীতি শংকরঃ॥ 12-152-113 (71168)
তে প্রত্যূচুরিদং বাক্য দুঃখিতাঃ প্রণতাঃ স্থিতাঃ।
একপুত্রবিহীনানাং সর্বেষ্নাং জীবিতার্থিনাম্।
পুত্রস্য নো জীবদানাজ্জীবিতং দাতুমর্হসি॥ 12-152-114 (71169)
এবমুক্তঃ স ভগবান্বারিপূর্ণেন পাণিনা।
জীবং তস্মৈ কুমারায় প্রাদাদ্বর্ষশতানি বৈ॥ 12-152-115 (71170)
তথা গোমায়ুগৃধ্রাভ্যাং প্রাদদৎক্ষুদ্বিনাশনম্।
বরং পিনাকী ভগবান্সর্বভূতহিতে রতঃ॥ 12-152-116 (71171)
ততঃ প্রণম্য তে দেবং শ্রেয়োহর্ষসমন্বিতাঃ।
কৃতকৃত্যাঃ সুসংহৃষ্টাঃ প্রাতিষ্ঠন্ত তদা বিভো॥ 12-152-117 (71172)
অনির্বেদেন দীর্ঘেণ নিশ্চয়েন ধ্রুবেণ চ।
দেবদেবপ্রসাদাচ্চ ক্ষিপ্রং ফলমবাপ্যতে॥ 12-152-118 (71173)
পশ্য দৈবস্য সংয়োগং বান্ধবানা চ নিশ্চয়ম্।
কৃপণানাং তু রুদতাং কৃতমশ্রুপ্রমার্জনম্॥ 12-152-119 (71174)
পশ্য চাল্পেন কালেন নিশ্চয়াধ্বেষণেন চ।
প্রসাদং শংকরাৎপ্রাপ্য দুঃখিতাঃ সুখমাপ্নুবন্॥ 12-152-120 (71175)
তে বিস্মিতাঃ প্রহৃষ্টাশ্চ পুত্রসংজীবনাৎপুনঃ।
বভূবুর্ভরতশ্রেষ্ঠ প্রসাদাচ্ছংকরস্য বৈ॥ 12-152-121 (71176)
ততস্তে ৎবরিতা রাজংস্ত্যক্ৎবা শোকং শিশূদ্ভবম্।
বিবিশুঃ পুত্রমাদায় নগরং হৃষ্টমানসাঃ॥ 12-152-122 (71177)
এষা বুদ্ধিঃ সমস্তানাং চাতুর্বর্ণ্যেন দর্শিতা॥ 12-152-123 (71178)
ধর্মার্থমোক্ষসংয়ুক্তমিতিহাসং পুরাতনম্।
শ্রুৎবা মনুষ্যঃ সততমিহামুত্র প্রমোদতে॥ ॥ 12-152-124 (71179)
ইতি শ্রীমন্মহাভারতে শান্তিপর্বণি আপদ্ধর্মপর্বণি দ্বিপঞ্চাশদধিকশততমোঽধ্যায়ঃ॥ 152॥
Mahabharata - Shanti Parva - Chapter Footnotes
12-152-2 যো বৃত্তো নৈমিষে পুরেতি ঝ. পাঠঃ॥ 12-152-5 অঙ্কেনাঙ্কং সমাক্রম্যেতি ড. থ. পাঠঃ॥ 12-152-7 একাত্মকমিদং লোকে ইতি থ. ধ. পাঠঃ॥ 12-152-8 কিং তৈর্বৈয়াতবান্ধবা ইতি থ. ধ. পাঠঃ॥ 12-152-12 ন পুনর্জীবতে কশ্চিদিতি ড. থ. দ. পাঠঃ॥ 12-152-13 জীবলোকে প্রসূয়তেতি থ. দ. পাঠঃ॥ 12-152-14 দিশান্তোপরতে কালে চাস্তং গচ্ছতি ভাস্কর ইতি ধ. পাঠঃ॥ 12-152-22 ন মে সংধারয়িৎবা তু ইতি ধ. পাঠঃ॥ 12-152-47 যদ্রচ্ছতি জনশ্চায়মিতি ঝ. পাঠঃ॥ 12-152-69 কশ্চিল্লভেৎসিদ্ধ ইতি ঝ. পাঠঃ॥ 12-152-72 তপসা পি হি সংয়ুক্তা ধনবন্তো মহাধিয়ঃ। সর্বে মৃত্যুবশং যান্তি তদিদং প্রেতপত্তনমিতি ঝ. পাঠঃ॥ 12-152-77 বরমস্মৈ প্রয়চ্ছেয়ুস্তত ইতি ঝ. পাঠঃ॥ 12-152-95 বান্ধবাস্তস্য ধারিতা ইতি থ. পাঠঃ॥ 12-152-104 বঃ যুষ্মাভিঃ॥ 12-152-108 গৃধ্রোঽস্তমিস্যাহ গতো গতো নেচি চ জম্বুকঃ ইতি ঝ. পাঠঃ॥ 12-152-119 বান্ধবানাং চ সত্যতামিতি দ. পাঠঃ॥শান্তিপর্ব - অধ্যায় 153
॥ শ্রীঃ ॥
12.153. অধ্যায়ঃ 153
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বলবতি রিপৌ মোহাদ্বৈরমুৎপাদিতবতা কর্তব্যবিষয়ে নিদর্শনতয়া শাল্মলিচরিতকথনোপক্রমঃ॥ 1॥ হিমবতি পর্বতে মহাশাল্মলিং দৃষ্টবতা নারদেন তদ্বর্ণনম্॥ 2॥Mahabharata - Shanti Parva - Chapter Text
12-153-0 (71180)
যুধিষ্ঠির উবাচ। 12-153-0x (5812)
বলিনঃ প্রত্যমিত্রস্য নিত্যমাসন্নবর্তিনঃ।
উণ্কারাপকারাভ্যাং সমর্থস্যোদ্যতস্য চ॥ 12-153-1 (71181)
মোহাদ্বিকত্থনামাত্রৈরসারোঽল্পবলো লঘুঃ।
বাগ্ভিরপ্রতিরূপাভিরভিদ্রুহ্য পিতামহ॥ 12-153-2 (71182)
আত্মনো বলমাস্থায় কথং বর্তেত মানবঃ।
আগচ্ছতোঽতিক্রুদ্ধস্য তস্যোদ্ধরণকাম্যযা॥ 12-153-3 (71183)
ভীষ্ম উবাচ। 12-153-4x (5813)
অত্রাপ্যুদাহন্তীমমিতিহাসং পুরাতনম্।
সংবাদং ভরতশ্রেষ্ঠ শাল্মলেঃ পবনস্য চ॥ 12-153-4 (71184)
হিমবন্তং সমাসাদ্য মহানাসীদ্বনস্পতিঃ।
বর্ষপূগাভিসংবৃদ্ধঃ শাখামূলপলাশবান্॥ 12-153-5 (71185)
তত্র স্ম মত্তমাতঙ্গা ঘর্মার্তাঃ শ্রমকর্শিতাঃ।
বিশ্রাম্যন্তি মহাবাহো তথাঽন্যা মৃগজাতয়ঃ॥ 12-153-6 (71186)
নল্বমাংত্রপরীণাহো ঘনচ্ছায়ো বনস্পতিঃ।
শুকশারিকসংঘুষ্টঃ পুষ্পবান্ফলবানপি॥ 12-153-7 (71187)
সার্থকা বণিজশ্চাপি তাপসাশ্চ বনৌকসঃ।
বসন্তি তত্র মার্গস্থাঃ সুরম্যে নগসত্তমে॥ 12-153-8 (71188)
তস্য তা বিপুলাঃ শাখা দৃষ্ট্বা স্কন্ধং চ সর্বশঃ।
অভিগম্যাব্রবীদেনং নারদো ভরতর্ষভ॥ 12-153-9 (71189)
অহো নু রমণীয়স্ৎবমহো চাসি মনোহরঃ।
প্রীয়ামহে ৎবয়া নিত্যং তরুপ্রবর শাল্মকে॥ 12-153-10 (71190)
সদৈব শকুনাস্তাত মৃগাশ্চাথ তথা গজাঃ।
বসন্তি তব সংহৃষ্টা মনোহরতরাস্তথা॥ 12-153-11 (71191)
তব শাখা মহাশাখ স্কন্ধাংশ্চ বিপুলাংস্তথা।
ন বৈ প্রভগ্নান্পশ্যামি মারুতেন কথংচন॥ 12-153-12 (71192)
কিংনু তে পবনস্তাত প্রীতিমানথবা সুহৃৎ।
ৎবাং রক্ষতি সদা যেন বনেঽত্র পবনো ধ্রুবম্॥ 12-153-13 (71193)
ভগবান্পবনঃ স্থানাদ্বৃক্ষানুচ্চাবচানপি।
পর্বতানাং চ শিখরাণ্যাচালয়তি বেগবান্॥ 12-153-14 (71194)
শোষয়ত্যেব পাতালং বহন্গন্ধবহঃ শুচিঃ।
সরাংসি সরিতশ্চৈব সাগরাংশ্চ তথৈব চ॥ 12-153-15 (71195)
সংরক্ষতি ৎবাং পবনঃ সখিৎবেন ন সংশয়ঃ।
তস্মাত্ৎবং বহুশাখোঽপি পর্ণবান্পুষ্পবানপি॥ 12-153-16 (71196)
ইদং চ রমণীয়ং তে প্রতিভাতি বনস্পতে।
য ইমে বিহগাস্তাত রমন্তে মুদিতাস্ৎবয়ি॥ 12-153-17 (71197)
এষাং পৃথক্সমস্তানাং শ্রূয়তে মধুরস্বরঃ।
পুষ্পসংমোদনে কালে বাশন্তে হরিয়ূথপাঃ॥ 12-153-18 (71198)
তথেমে গর্জিতা নাগাঃ স্বয়ূথগণশোভিতাঃ।
ঘর্মার্তাস্ৎবাং সমাসাদ্য সুখং বিন্দতি শাল্মকে। 12-153-19 (71199)
তথৈব মৃগজাতীভিরন্যাভিরভিশোভসে।
তথা সার্থাধিবাসৈশ্চ শোভসে মেরুবদ্দ্রুম্॥ 12-153-20 (71200)
ব্রাহ্মণৈশ্চ তপঃ সিদ্ধৈস্তাপসৈঃ শ্রমণৈস্তথা।
ত্রিবিষ্টপসমং মন্যে তবায়তনমেব হি॥ ॥ 12-153-21 (71201)
ইতি শ্রীমন্মহাভারতে শান্তিপর্বণি আপদ্ধর্মপর্বণি ত্রিপঞ্চাশদধিকশততমোঽধ্যায়ঃ॥ 153॥
Mahabharata - Shanti Parva - Chapter Footnotes
12-153-7 শুককোকিলসংধুষ্ট ইতি ধ. পাঠঃ। নল্বঃ হস্তানাং শতচতুষ্টয়ম্। পরীণাহঃ স্থূলৎবং বৈপুল্যমিতিয়াবৎ॥ 12-153-14 প্রবাতি চ বনস্থানাং বৃক্ষাণাং চ বনান্যপি। পর্বতানাং চ শিখরাণ্যাকা লয়তি বেগবান্। ইতি ট. ড. পাঠঃ॥শান্তিপর্ব - অধ্যায় 154
॥ শ্রীঃ ॥
12.154. অধ্যায়ঃ 154
Mahabharata - Shanti Parva - Chapter Topics
নারদেন শাল্মলিপ্রতি পর্বতাদিভঞ্জকেনাপি বায়ুনা তদীয়শাখায়া অপ্যভঞ্জনে কারণপ্রশ্নে তেন সাধিক্ষেপমাত্মশাখাভঞ্জনে বায়োরশক্তিকথনম্॥ 1॥Mahabharata - Shanti Parva - Chapter Text
12-154-0 (71202)
নারদ উবাচ। 12-154-0x (5814)
বন্ধুৎবাদথবা সখ্যাচ্ছাল্মলে নাত্র সংশয়ঃ।
কস্মাত্ৎবাং রক্ষতে নিত্যং ভীমঃ সর্বত্রগোঽনিলঃ॥ 12-154-1 (71203)
তদ্ভাবং পরমং বায়োঃ শাল্মকে ৎবমুপাগতঃ।
তবাহমস্মীতি সদা যেন রক্ষতি মারুতঃ॥ 12-154-2 (71204)
ন তং পশ্যাম্যহং বৃক্ষং পর্বতং বেশ্ম চেদৃশম্।
যং ন বায়ুবলাদ্ভগ্নং পৃথিব্যামিতি মে মতিঃ॥ 12-154-3 (71205)
ৎবং পুনঃ কারণৈর্নূনং রক্ষ্যসে শাল্মলে যথা।
বায়ুনা সপরীবারস্তেন তিষ্ঠস্যসংশয়ম্॥ 12-154-4 (71206)
শাল্মলিরুবাচ। 12-154-5x (5815)
ন মে বায়ুঃ সখা ব্রহ্মন্ন বন্ধুর্মম নারদ।
চিরং মে প্রীয়তে নৈব যেন মাং রক্ষতেঽনিলঃ॥ 12-154-5 (71207)
মম তেজোবলং ভীমং বায়োরপি হি নারদ।
কলামষ্টাদশীং প্রাণৈর্ন মে প্রাপ্নোতি মারুতঃ॥ 12-154-6 (71208)
আগচ্ছন্পরুষো বায়ুর্ময়া বিষ্টম্ভিতো বলাৎ।
ভঞ্জন্দ্রুমান্পর্বতাংশ্চ যচ্চান্যৎস্থাণুজঙ্গমম্॥ 12-154-7 (71209)
স ময়া বহুশো ভগ্নঃ প্রভঞ্জন্বৈ প্রভঞ্জনঃ।
তস্মান্ন বিভ্যে দেবর্ষে ক্রুদ্ধাদপি সমীরণাৎ॥ 12-154-8 (71210)
নারদ উবাচ। 12-154-9x (5816)
শাল্মলে বিপরীতং তে দর্শনং নাত্র সংশয়ঃ।
ন হি বায়োর্বলে নাস্তি ভূতং তুল্যবলং ক্বচিৎ॥ 12-154-9 (71211)
ইন্দ্রো যমো বৈশ্রবণো বরুণশ্চ জলেশ্বরঃ।
নৈতেঽপি তুল্যা মরুতঃ কিং পুনস্ৎবং বনস্পতে॥ 12-154-10 (71212)
যশ্চ কশ্চিদপি প্রাণী চেষ্টতে শাল্মলে ভুবি।
সর্বত্র ভগবান্বায়ুশ্চেষ্টাপ্রাণকরঃ প্রভুঃ॥ 12-154-11 (71213)
এষ চেষ্টয়তে সম্যক্প্রাণিনঃ সম্যগায়তঃ।
অসম্যগায়তো ভূয়শ্চেষ্টতে বিকৃতং নৃষু॥ 12-154-12 (71214)
স ৎবমেবংবিধং বায়ুং সর্বসৎবভৃতাং বরম্।
ন পূজয়সি পূজ্যন্তং কিমন্যদ্বুদ্ধিলাঘবাৎ॥ 12-154-13 (71215)
অসারশ্চাপি দুর্মেধাঃ কেবলং বহু ভাষসে।
ক্রোধাদিভিরবচ্ছন্নো মিথ্যা বদসি শাল্মলে॥ 12-154-14 (71216)
মম রোষঃ সমুৎপন্নস্ৎবয়্যেবং সংপ্রভাষতি।
ব্রবীম্যেষ স্বয়ং বায়োস্তব দুর্ভাষিতং বহু॥ 12-154-15 (71217)
চন্দনৈঃ স্যন্দনৈঃ শালৈঃ সরলৈর্দেবদারুভিঃ।
বেতসৈর্ধন্বনৈশ্চাপি যে চান্যে বলবত্তরাঃ।
তৈশ্চাপি নৈবং দুর্বুদ্ধে ক্ষিপ্তো বায়ুঃ কৃতাত্মভিঃ॥ 12-154-16 (71218)
তেঽপি জানন্তি বায়োশ্চ বলমাত্মন এব চ।
তস্মাত্তে নাবমন্যন্তে শ্বসনং তরুসত্তমাঃ॥ 12-154-17 (71219)
ৎবং তু মোহান্ন জানীপে বায়োর্বলমনন্তকম্।
এবং তস্মাদ্গমিষ্যামি সকাশং মাতরিশ্বনঃ॥ ॥ 12-154-18 (71220)
ইতি শ্রীমন্মহাভারতে শান্তিপর্বণি আপদ্ধর্মপর্বণি চতুঃপঞ্চাশদধিকশততমোঽধ্যায়ঃ॥ 154॥
Mahabharata - Shanti Parva - Chapter Footnotes
12-154-2 ন্যগ্ভাবং পরমং বায়োরিতি ঝ. পাঠঃ॥ 12-154-5 পরমেষ্ঠী তথা নৈব যেন রক্ষতি বানিল ইতি ঝ. পাঠঃ॥শান্তিপর্ব - অধ্যায় 155
॥ শ্রীঃ ॥
12.155. অধ্যায়ঃ 155
Mahabharata - Shanti Parva - Chapter Topics
নারদসূচিতেন বায়ুনা শাল্মলিমেত্য পরেদ্যুস্তদ্ভঞ্জনপ্রতিজ্ঞানম্॥ 1॥ বায়ুবলজ্ঞেন শাল্মলিনা তদাগমনাৎপ্রাগেব স্বেনৈব স্বীয়শাখাবশাতনপূর্বকমবস্থানম্॥ 2॥ পরেদ্যুরাগতেন বায়ুনা তংপ্রতি তৎকৃতশাখাবশাতনস্যাপি স্ববলপ্রয়োজ্যৎবোক্তিঃ॥ 3॥Mahabharata - Shanti Parva - Chapter Text
12-155-0 (71221)
ভীষ্ম উবাচ। 12-155-0x (5817)
এবমুক্ৎবা তু রাজেন্দ্র শাল্মলিং ব্রহ্মবিত্তমঃ।
নারদঃ পবনে সর্বং শাল্মলের্বাক্যমব্রবীৎ॥ 12-155-1 (71222)
নারদ উবাচ। 12-155-2x (5818)
হিমবৎপৃষ্ঠজঃ কশ্চিচ্ছাল্মলিঃ পরিবারবান্।
বৃহন্মূলো বৃহচ্ছায়ঃ স ৎবাং বায়োঽবমন্যতে॥ 12-155-2 (71223)
বহুব্যাক্ষেপয়ুক্তানি ৎবামাহ বচনানি সঃ।
ন যুক্তানি ময়া বায়ো তানি বক্তুং তবাগ্রতঃ॥ 12-155-3 (71224)
জানামি ৎবামহং বায়ো সর্বপ্রাণভৃতাং বরম্।
বরিষ্ঠং চ গরিষ্ঠং চ সর্বলোকেশ্বরং প্রভুম্॥ 12-155-4 (71225)
ভীষ্ম উবাচ। 12-155-5x (5819)
এতত্তু বচনং শ্রুৎবা নারদস্য সমীরণঃ।
শাল্মলিং তমুপাগম্য ক্রুদ্ধো বচনমব্রবীৎ॥ 12-155-5 (71226)
বায়ুরুবাচ। 12-155-6x (5820)
শাল্মলে নারদো গচ্ছংস্ৎবয়োক্তো মদ্বিগর্হণম্।
অহং বায়ুঃ প্রভাবং তে দর্শয়াম্যাত্মনো বলম্॥ 12-155-6 (71227)
নাহং ৎবাং নাভিজানামি বিদিতশ্চাসি মে দ্রুম্।
পিতামহঃ প্রজাসর্গে ৎবয়ি বিশ্রান্তবান্প্রভুঃ॥ 12-155-7 (71228)
তস্য বিশ্রমণাদেব প্রসাদৌ মৎকৃতস্তব।
অভূত্তস্য প্রসাদাত্ৎবাং ন ভজ্যামি দ্রুমাধম্॥ 12-155-8 (71229)
যন্মাং ৎবমবজানীষে যথাঽন্যং প্রাকৃতং তথা।
দর্শয়াম্যেষ চাত্মানং যথা মাং নাবমন্যসে॥ 12-155-9 (71230)
ভীষ্ম উবাচ। 12-155-10x (5821)
এবমুক্তস্ততঃ প্রাহ শাল্মলিঃ প্রহসন্নিব।
পবন ৎবং বনে ক্রুদ্ধো দর্শয়াত্মানমাত্মনা॥ 12-155-10 (71231)
ময়ি বৈ মুচ্যতাং ক্রোধঃ কিং মে ক্রুদ্ধঃ করিষ্যসি।
ন তে বিভেমি পবন যদ্যপি ৎবং স্বয়ং প্রভুঃ।
বলাধিকোঽহং ৎবত্তশ্চ ন ভীঃ কার্যা ময়া তব॥ 12-155-11 (71232)
যে তু বুদ্ধ্যা হি বলিনস্তে ভবন্তি বলীয়সঃ।
প্রাণমাত্রবলা যে বৈ নৈব তে বলিনো মতাঃ॥ 12-155-12 (71233)
ইত্যেবমুক্তঃ পবনঃ শ্ব ইত্যেবাব্রবীদ্বচঃ।
দর্শয়িষ্যামি তে তেজস্ততো রাত্রিরুপাগমৎ॥ 12-155-13 (71234)
অথ নিশ্চিত্য মনসা শাল্মলির্বৈরধারণম্।
পশ্যমানস্তদাত্মানমসমং মাতরিশ্বনা॥ 12-155-14 (71235)
নারদে যন্ময়া প্রোক্তং বচনং প্রতি তন্মৃষা।
অসমর্থো হ্যহং বায়োর্বলেন বলবান্হি সঃ॥ 12-155-15 (71236)
মারুতো বল্যান্নিত্যং যথা বৈ নারদোঽব্রবীৎ।
অহং তু দুর্বলোঽন্যেভ্যো বৃক্ষেভ্যো নাত্র সংশয়ঃ॥ 12-155-16 (71237)
কিং তু বুদ্ধ্যা সমো নাস্তি মম কশ্চিদ্বনস্পতিঃ।
তদহং বুদ্ধিমাস্থায় ভয়ং ত্যক্ষ্যে সমীরণাৎ॥ 12-155-17 (71238)
যদি তাং বুদ্ধিমাস্থায় তিষ্ঠেয়ুঃ পর্ণিনো বনে।
অরিষ্টাঃ স্যুঃ সদা ক্রুদ্ধাৎপবনান্নাত্র সংশয়ঃ॥ 12-155-18 (71239)
তে তু বালা ন জানন্তি যথা নৈতান্সমীরণঃ।
সমীরয়েত সংক্রুদ্ধো যথা জানাম্যহং তথা॥ 12-155-19 (71240)
ভীষ্ম উবাচ। 12-155-20x (5822)
ততো নিশ্চিত্য মনসা শাল্মলিঃ ক্ষুভিতস্তদা।
শাখাঃ স্কন্ধান্প্রশাখাশ্চ স্বয়মেব ব্যশাতয়ৎ॥ 12-155-20 (71241)
স পরিত্যজ্য শাখাশ্চ পত্রাণি কুসুমানি চ।
প্রভাতে বায়ুমায়ান্তং প্রেক্ষতে স্ম বনস্পতিঃ॥ 12-155-21 (71242)
ততঃ ক্রুদ্ধঃ শ্বসন্বায়ুঃ পাতয়ন্বৈ মহাদ্রুমান্।
আজগামাথ তং দেশমাস্তে যত্র স শাল্মলিঃ॥ 12-155-22 (71243)
তং হীনপর্ণং পতিতাগ্রশাখং
নিশীর্ণপুষ্পং প্রসমীক্ষ্য বায়ুঃ।
উবাচ বাক্যং স্যযমান এবং
মুদায়ুতঃ শাল্মলিং রুগ্ণশাখম্॥ 12-155-23 (71244)
বায়ুরুবাচ। 12-155-24x (5823)
অহমপ্যেবমেব ৎবাং কুর্যাং বৈ শাল্মলে রুপা।
আত্মনা যৎকৃতং কৃচ্ছ্রং শাখানামপকর্পণম্॥ 12-155-24 (71245)
হীনপুষ্পাগ্রশাখস্ৎবং শীর্ণাঙ্কুরপলাশকঃ।
আত্মদুর্মন্ত্রিতেনেহ মদ্বীর্যবশগঃ কৃতঃ॥ 12-155-25 (71246)
ভীষ্ম উবাচ। 12-155-26x (5824)
এতচ্ছ্রুৎবা বচো বায়োঃ শাল্মলির্ব্রীডিতস্তদা।
অতপ্যত বচঃ স্মৃৎবা নারদো যত্তদাঽব্রবীৎ॥ 12-155-26 (71247)
এবং হি রাজশার্দূল দুর্বলঃ সন্বলীয়সা।
বৈরমাসঞ্জতে বালস্তপ্যতে শাল্মলির্যথা॥ 12-155-27 (71248)
তস্মাদ্বৈরং ন কুর্বীত দুর্বলো বলবত্তরৈঃ।
শোচেদ্ধি বৈরং কুর্বাণো যথা বৈ শাল্মলিস্তথা॥ 12-155-28 (71249)
ন হি বৈরং মহাত্মানো বিবৃণ্বন্ত্যপকারিষু।
শনৈঃ শনৈর্মহারাজ দর্শয়ন্তি স্ম তে বলম্॥ 12-155-29 (71250)
বৈরং ন কুর্বীত নরো দুর্বুদ্ধির্বুদ্ধিজীবিনা।
বুদ্ধির্বুদ্ধিমতো যাতি তূলষ্বিব হুতাশনঃ॥ 12-155-30 (71251)
ন হি বুদ্ধ্যা সমং কিংচিদ্বিদ্যতে পুরুষে নৃপ।
তথা বলেন রাজেন্দ্র ন সমোঽস্তীহ কশ্চন॥ 12-155-31 (71252)
তস্মাৎক্ষমেত বালায় জডান্ধবধিরায় চ।
বলাধিকায় রাজেন্দ্র তদ্দৃষ্টং ৎবয়ি শত্রুহন্॥ 12-155-32 (71253)
অক্ষৌহিণ্যো দশৈকা চ সপ্ত চৈব মহাদ্যুতে।
বলেন ন সমা রাজন্নর্জুনস্য মহাত্মনঃ॥ 12-155-33 (71254)
নিহতাশ্চৈব ভগ্নাশ্চ পাণ্ডবেন যশস্বিনা।
চরতা বলমাস্থায় পাকশাসনিনা মৃধে॥ 12-155-34 (71255)
উক্তাশ্চ তে রাজধর্মা আপদ্ধর্মাশ্চ ভারত।
বিস্তরেণ মহারাজ কিং ভূয়ঃ প্রব্রবীমি তে॥ ॥ 12-155-35 (71256)
ইতি শ্রীমন্মহাভারতে শান্তিপর্বণি আপদ্ধর্মপর্বণি পঞ্চষচ্চাশদধিকশততমোঽধ্যায়ঃ॥ 155॥
Mahabharata - Shanti Parva - Chapter Footnotes
12-155-8 রক্ষ্যসে তেন দুর্বুদ্ধে নাত্মবীর্যাদ্দ্রুমাধমেতি ঝ. পাঠঃ॥ 12-155-27 বৈরমারভতে ইতি ঝ. পাঠঃ॥ 12-155-30 তৃণেষ্বিব হুতাশনঃ ইতি ঝ. পাঠঃ॥শান্তিপর্ব - অধ্যায় 156
॥ শ্রীঃ ॥
12.156. অধ্যায়ঃ 156
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি লোভাদীনামনর্থহেতুৎবকথপূর্বকং তদ্বতাং গর্হণম্॥ 1॥ তথা সৎসঙ্গস্য লোভাদিজয়ীপায়ৎবসূচনায় সতাং প্রশংসনপূর্বকং তৎপূজাবিধানম্॥ 2॥Mahabharata - Shanti Parva - Chapter Text
12-156-0 (71257)
যুধিষ্ঠির উবাচ। 12-156-0x (5825)
পাপস্য যদধিষ্ঠানং যতঃ পাপং প্রবর্ততে।
এতদিচ্ছাম্যহং শ্রোতুং তত্ৎবেন ভরতর্ষভ॥ 12-156-1 (71258)
ভীষ্ম উবাচ। 12-156-2x (5826)
পাপস্য যদধিষ্ঠানং তচ্ছৃণুষ্ব নরাধিপ।
একো লোভো মহাগ্রাহো লোভাৎপাপং প্রবর্ততে॥ 12-156-2 (71259)
অতঃ পাপমধর্মশ্চ তথা দুঃখমনুত্তমম্।
নিকৃত্যা মূলমেতদ্ধি যেন পাপকৃতো জনাঃ॥ 12-156-3 (71260)
লোভাৎক্রোধঃ প্রভবতি লোভাৎকামঃ প্রবর্ততে।
লোভান্মোহশ্চ মায়া চ মানস্তম্ভঃ পরাসুতা॥ 12-156-4 (71261)
অক্ষমা হ্রীপরিত্যাগঃ শ্রীনাশো ধর্মসংক্ষয়ঃ।
অভিধ্যাঽপ্রখ্যতা চৈব সর্বং লোভাৎপ্রবর্ততে॥ 12-156-5 (71262)
অত্যাগশ্চ কুতর্কশ্চ বিকর্মসু চ যাঃ ক্রিয়ঃ।
কুলবিদ্যামদশ্চৈব রূপৈশ্বর্যমদস্তথা॥ 12-156-6 (71263)
সর্বভূতেষ্বভিদ্রোহঃ সর্বভূতেষ্বসৎকৃতিঃ।
সর্বভূতেষ্ববিশ্বাসঃ সর্বভূতেষ্বনার্জবম্॥ 12-156-7 (71264)
হরণং পরবিত্তানাং পরদারাভিমর্শনম্।
বাগ্বেগো মনসো বেগো নিন্দাবেগস্তথৈব চ॥ 12-156-8 (71265)
উপস্থোদরয়োর্বেগো মৃত্যুবেগশ্চ দারুণঃ।
ঈর্ষ্যাবেগশ্চ বলবান্মিথ্যাবেগশ্চ দুর্জয়ঃ॥ 12-156-9 (71266)
রসবেগশ্চ দুর্বার্যঃ শ্রোত্রবেগশ্চ দুঃসহ।
কুৎসা বিকত্থা মাৎসর্যং পাপং দুষ্কর্মকারিতা।
সাহসানাং চ সর্বেষামকার্যাণাং ক্রিয়াস্তথা॥ 12-156-10 (71267)
আতৌ বাল্যে চ কৌমারে যৌবনে চাপি মানবাঃ।
ন ত্যজন্ত্যাত্মকর্মৈকং যন্ন জীর্যতি জীর্যতঃ॥ 12-156-11 (71268)
যো ন পূরয়িতুং শক্যো লোভঃ প্রীত্যা কথংচন।
নিত্যং গম্ভীরতোয়াভিরাপগাভিরিবোদধিঃ॥ 12-156-12 (71269)
ন প্রহৃষ্যতি যো লোভৈঃ কামৈর্যশ্চ ন তৃপ্যতি।
যো ন দেবৈর্ন গন্ধর্বৈর্নাসুরৈর্ন মহোরগৈঃ॥ 12-156-13 (71270)
জ্ঞায়তে নৃপ তত্ৎবেন সর্বৈর্ভূতগণৈস্তথা।
স লোভঃ সহ মোহেন বিজেতব্যো জিতাত্মনা॥ 12-156-14 (71271)
দম্ভো দ্রোহশ্চ নিন্দা চ পৈশূন্যং মৎসরস্তথা।
ভবন্ত্যেতানি কৌরব্য লুব্ধানামকৃতাত্মনাম্॥ 12-156-15 (71272)
সুমহান্ত্যপি শাস্ত্রাণি ধারয়ন্তো বহুশ্রুতাঃ।
ছেত্তারঃ সংশয়ানাং চ ক্লিশ্যন্তীহাল্পবুদ্ধয়ঃ॥ 12-156-16 (71273)
দ্বেপক্রোধপ্রসক্তাশ্চ শিষ্টাচারবহিষ্কৃতাঃ।
অন্তঃক্ষুরা বাঙ্ভধুরাঃ কৃপাশ্ছন্নাস্তৃণৈরিব॥ 12-156-17 (71274)
ধর্মবৈতংসিকাঃ ক্ষুদ্রা মুষ্ণন্তি ধ্বজিনো জগৎ।
কুর্বতে চ বহূন্মার্গাংস্তান্হেতুবলমাশ্রিতাঃ।
সর্বমার্গান্বিলুম্পন্তি লোভজ্ঞানেষ্ববস্থিতাঃ॥ 12-156-18 (71275)
ধর্মস্য হ্রিয়মাণস্য লোভগ্রস্তৈর্দুরাত্মভিঃ।
যায়া বিক্রিয়তে সংস্থা ততঃ সাঽপি প্রপদ্যতে॥ 12-156-19 (71276)
দর্পঃ বোধো মদঃ স্বপ্নো হর্ষঃ শোকোঽভিমানিতা।
এত হি কৌরব্য দৃশ্যন্তে লুব্ধবুদ্ধিষু॥ 12-156-20 (71277)
এতানা টান্বুদ্ধস্ব নিত্যং লোভসমন্বিতান্।
শিষ্টাংস্তু পরিপৃচ্ছেথা যান্বক্ষ্যামি শুচিব্রতান্॥ 12-156-21 (71278)
যেষ্বাবৃত্তিভয়ং নাস্তি পরলোকভয়ং ন চ।
নামিপেষু প্রসঙ্গোঽস্তি ন প্রিয়েষ্বপ্রিয়েষু চ॥ 12-156-22 (71279)
শিষ্টাচারঃ প্রিয়ো যেষু দমো যেষু প্রতিষ্ঠিতঃ।
সুখং দুঃখং সমং যেষাং সত্যং যেষাং পরায়ণম্॥ 12-156-23 (71280)
দাতারো ন গ্রহীতারো দয়াবন্তস্নথৈব চ।
পিতৃদেবাতিথেয়াশ্চ নিত্যোদ্যুক্তাস্তথৈব চ॥ 12-156-24 (71281)
সর্বোপকারিণো বীরাঃ সর্বধর্মানুপালকাঃ।
সর্বভূতহিতাশ্চৈব সর্বদেয়াশ্চ ভারত॥ 12-156-25 (71282)
ন তে চালয়িতুং শক্যা ধর্মব্যাহারকারিণঃ।
ন তেষাং ভিদ্যতে বৃত্তং যৎপুরা সাধুভিঃ কৃতম্॥ 12-156-26 (71283)
ন ত্রাসিনো ন চপলা ন রৌদ্রাঃ সৎপথে স্থিতাঃ।
তে সেব্যাঃ সাধুভির্নিত্যমসাধূংশ্চ বিবর্জয়েৎ॥ 12-156-27 (71284)
কামক্রোধব্যপেতা যে নির্মমা নিরহংকৃতাঃ।
সুব্রতাঃ স্থিরমর্যাদাস্তানুপাস্ব চ পৃচ্ছ চ॥ 12-156-28 (71285)
ন বাগর্থং যশোর্থং বা ধর্মস্তেপাং যুধিষ্ঠির॥
অবশ্যং কার্য ইত্যেব শরীরস্য ক্রিয়াস্তথা॥ 12-156-29 (71286)
ত ভয়ং ক্রোধচাপল্যে ন শোকস্তেষু বিদ্যতে।
ন ধর্মধ্বজিনশ্চৈব ন গুহ্যং কিংচিদাস্থিতাঃ॥ 12-156-30 (71287)
যেষ্বলোভস্তথাঽমোহো যে চ সত্যার্জবে স্থিতাঃ।
তেষু কৌন্তেয় রজ্যেথা যেষাং ন ভ্রশ্যতে পুনঃ॥ 12-156-31 (71288)
যে ন হৃষ্যন্তি লাভেষু নালাভেষু ব্যথন্তি চ।
নির্মমা নিরহংকারাঃ সৎবস্থাঃ সমদর্শিনঃ॥ 12-156-32 (71289)
লাভালাভৌ সুখদুঃখে চ তাত
প্রিয়াপ্রিয়ে মরণং জীবিতং চ।
সমানি যেষাং স্থিরবিক্রমাণাং
বুভুৎসতাং সত্যপথে স্থিতানাম্॥ 12-156-33 (71290)
ধর্মপ্রিয়াংস্তান্সুমহানুভাবান্
দান্তোঽপ্রমত্তশ্চ সমর্চয়েথাঃ।
দৈবাৎসর্বে গুণবন্তো ভবন্তি
শুভাশুভে বাক্প্রলাপাস্তথাঽন্যে॥ ॥ 12-156-34 (71291)
ইতি শ্রীমন্মহাভারতে শান্তিপর্বণি আপদ্ধর্মপর্বণি ষট্পঞ্চাশদধিকশততমোঽধ্যায়ঃ॥ 156॥
Mahabharata - Shanti Parva - Chapter Footnotes
12-156-2 গ্রাহ ইব গ্রাহো গ্রাসকর্তা॥ 12-156-3 যেন লোভেন জনাঃ পাপকৃতো ভবন্তি॥ 12-156-4 পরাসুতা পরাধীনপ্রাণৎবম্॥ 12-156-5 অভিধ্যা চিন্তা। অপ্রখ্যতা অপ্রকীতিঃ। অভিধ্যাঽপ্রাবৃতা চৈবেতি ড. থ. পাঠঃ॥ 12-156-6 অত্যাগাদয়োঽকার্যক্রিয়ান্তাঃ সর্বে দোষাঃ লোভাৎ প্রবর্তন্ত ইতি পূর্বোণান্বয়ঃ॥ 12-156-11 জাতৌ জন্মনি॥ 12-156-12 যো ন পূরয়িতুং শক্য ইত্যাদীনাং স লোভো জেতব্য ইতি তৃতীয়েনান্বয়ঃ॥ 12-156-16 অল্পেঽপি ধনাদৌ বুদ্ধির্যেষাং পবুদ্ধয়ো লুব্ধা ইত্যর্থঃ॥ 12-156-18 ধর্মবৈতংসিকাঃ ধর্মব্যাজেনে এন্ হিংসন্তঃ। ধ্বজিনো ধর্মখ্যাপকাঃ। হেতুবলমিতি অন্যং সংতোপহেতুতয়া পারদার্যাদেরপি ধর্মৎবং বর্ণয়ন্তীতি ভাবঃ॥ 12-156-19 সংস্থা স্থিতিঃ। বিক্রিয়তেঽন্যথা ভবতি॥ 12-156-25 সর্বং প্রাণপর্যন্তমপি দেয়ং পরার্থে দাতুং যোগ্যং যেষাং তে॥ 12-156-28 পৃচ্ছ চ ধর্মমিতি শেষঃ॥ 12-156-29 ক্রিয়া আহারাদয়ঃ। ন ধনার্থমিতি ঝ. পাঠঃ॥ 12-156-30 গুহ্যং গোপনীয়ম্॥ 12-156-31 অমোহ ইতি চ্ছেদঃ। যেষাং বৃত্তমিতি শেষঃ॥ 12-156-34 হে শুভ হে ভদ্র, সর্বে বাক্প্রলাপা গুণবন্তো ভবন্তি। অন্যে তু মূঢানাং বাক্প্রলাপা অশুভেঽশুভার্থমেব ভবন্তীতি শেষঃ॥শান্তিপর্ব - অধ্যায় 157
॥ শ্রীঃ ॥
12.157. অধ্যায়ঃ 157
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রত্যজ্ঞানলক্ষণাদিপ্রতিপাদনম্॥ 1॥Mahabharata - Shanti Parva - Chapter Text
12-157-0 (71292)
যুধিষ্ঠির উবাচ। 12-157-0x (5827)
অনর্থানামধিষ্ঠানমুক্তো লোভঃ পিতামহ।
অজ্ঞানমপি কৌরব্য শ্রোতুমিচ্ছামি তত্ৎবতঃ॥ 12-157-1 (71293)
ভীষ্ম উবাচ। 12-157-2x (5828)
করোতি পাপং যোঽজ্ঞানান্নাত্মনো বেত্তি চ ক্ষমম্।
দ্বিষতে সাধুবৃত্তাংশ্চ স লোকস্যৈতি বাচ্যতাম্॥ 12-157-2 (71294)
অজ্ঞানান্নিরয়ং যাতি তথা জ্ঞানেন দুর্গতিম্।
অজ্ঞানাৎক্লেশমাপ্নোতি তথাঽঽপৎসু নিমজ্জতি॥ 12-157-3 (71295)
যুধিষ্ঠির উবাচ। 12-157-4x (5829)
প্রজানামপ্রবৃত্তিং চ জ্ঞানবৃদ্ধিক্ষয়োদয়ান্।
মূলং স্থানং গতিং কালং কারণং হেতুমেব চ॥ 12-157-4 (71296)
শ্রোতুমিচ্ছামি তত্ৎবেন যথাবদিহ পার্থিব।
অজ্ঞানপ্রসবং হীদং যদ্দুঃখমুপলভ্যতে॥ 12-157-5 (71297)
ভীষ্ম উবাচ। 12-157-6x (5830)
রাগো দ্বেষস্তথা মোহো হর্ষঃ শোকোঽভিমানিতা।
কামঃ ক্রোধশ্চ দর্পশ্চ তন্দ্রী চালস্যমেব চ॥ 12-157-6 (71298)
ইচ্ছা দ্বেষস্তথা তাপঃ পরবৃদ্ধ্যুপতাপিতা।
অজ্ঞানমেন্নির্দিষ্টং পাপানাং চৈব যাঃ ক্রিয়াঃ॥ 12-157-7 (71299)
এতস্য বা প্রবৃত্তেশ্চ বৃদ্ধ্যাদীন্যাংশ্চ পৃচ্ছসি।
বিস্তরেণ মহারাজ শৃণু তচ্চ বিশেষতঃ॥ 12-157-8 (71300)
উভাবেতৌ সমফলৌ সমদোষৌ চ ভারত।
অজ্ঞানং চাতিলোভশ্চাপ্যেবং জানীহি পার্থিব॥ 12-157-9 (71301)
লোভপ্রভবমজ্ঞানং বৃদ্ধং ভূয়ঃ প্রবর্ধতে।
স্থানে স্থানং ক্ষয়েৎক্ষীণমুপৈতি বিবিধাং গতিম্॥ 12-157-10 (71302)
মূলং লোভস্য মোহো বৈ কালাত্মগতিরেব চ।
[ছিন্নে ভিন্নে তথা লোভে কারণং কাল এব চ॥] 12-157-11 (71303)
তস্যাজ্ঞানাদ্ধি লোভো হি কামাত্মা গতিরেব চ।
সর্বে দোষাস্তথা লোভাত্তস্মাল্লোভং বিবর্জয়েৎ॥ 12-157-12 (71304)
জনকো যুবনাশ্বশ্চ পৃষদশ্বঃ প্রসেনজিৎ।
লোভক্ষয়াদ্দিবং প্রাপ্তাস্তথৈবান্যে নরাধিপাঃ।
`ছিন্নে ছিন্নে তথা লোভে দিবং প্রাপ্তা জনাধিপাঃ॥' 12-157-13 (71305)
প্রত্যক্ষং তু কুরুশ্রেষ্ঠ ত্যজ লোভমিহাত্মনা।
ত্যক্ৎবা লোভং সুখী লোকে প্রেত্য চেহ চ মোদতে॥ ॥ 12-157-14 (71306)
ইতি শ্রীমন্মহাভারতে শান্তিপর্বণি আপদ্ধর্মপর্বণি সপ্তপঞ্চাশদধিকশততমোঽধ্যায়ঃ॥ 157॥
Mahabharata - Shanti Parva - Chapter Footnotes
12-157-2 বাচ্যতাং নিন্দ্যতাম্॥ 12-157-4 অজ্ঞানস্য প্রবৃত্তিং চেতি ঝ. পাঠঃ॥ 12-157-7 কার্যে কারণোপচারাদ্রাগাদয় এবাজ্ঞানম্। পাপানা ক্রিয়াঃ হিংসাদয়ঃ॥ 12-157-10 লোভপ্রভবং লোভাত্তস্য প্রবৃত্তিঃ। লোভবৃদ্ধৌ বৃদ্ধির্লোভস্য স্থানে সাম্যে স্থানং সমতা। লোভভয়ে ক্ষীণং ভবতি। উপৈতি উদেতি। লোভভোস্যো উদেতীত্যর্থঃ। বিবিধাং গতিং দুঃখসংতাপমোহা রূপাং প্রাপয়িতুমিতি শেষঃ॥ 12-157-11 মূলং লোভস্য মহতঃ করণং লোভ এব চ। ইতি দ. পাঠঃ॥ 12-157-14 ত্যক্ৎবা লোভ। লোকে প্রেত্য চানুচরিষ্যসি ইতি ঝ. পাঠঃ॥শান্তিপর্ব - অধ্যায় 158
॥ শ্রীঃ ॥
12.158. অধ্যায়ঃ 158
Mahabharata - Shanti Parva - Chapter Topics
ভীষ্মেণ দমপ্রশংসনম্॥ 1॥Mahabharata - Shanti Parva - Chapter Text
12-158-0 (71307)
যুধিষ্ঠির উবাচ। 12-158-0x (5831)
স্বাধ্যায়কৃতয়ত্নস্য ব্রাহ্মণস্য বিশেষতঃ।
ধর্মকামস্য ধর্মাত্মন্কিংনু শ্রেয় ইহোচ্যতে॥ 12-158-1 (71308)
বহুধা দর্শনে লোকে শ্রেয়ো যদিহ মন্যসে।
অস্মিঁল্লোকে পরে চৈব তন্মে ব্রূহি পিতামহ॥ 12-158-2 (71309)
মহানয়ং ধর্মপথো বহুশাখশ্চ ভারত।
কিংস্বিদেবেহ ধর্মাণামনুষ্ঠেয়তমং মতম্॥ 12-158-3 (71310)
ধর্মস্য মহতো রাজন্বহুশাখস্য তত্ৎবতঃ।
যন্মূলং পরমং তাত তৎসর্বং ব্রূহ্যতন্দ্রিতঃ॥ 12-158-4 (71311)
ভীষ্ম উবাচ। 12-158-5x (5832)
হন্ত তে কথয়িষ্যামি যেন শ্রেয়ো হ্যবাপ্স্যসি।
পীৎবাঽমৃতমিব প্রাজ্ঞো যেন তৃপ্তো ভবিষ্যসি॥ 12-158-5 (71312)
ধর্মস্য বিধয়ো নৈকে তেতে প্রোক্তা মহর্ষিভিঃ।
স্বংস্বং বিজ্ঞানমাশ্রিত্য দমস্তেষাং পরায়ণম্॥ 12-158-6 (71313)
দমং নিঃশ্রেয়সং প্রাহুর্বৃদ্ধা নিশ্চিতদর্শিনঃ।
ব্রাহ্মণস্য বিশেষেণ দমো ধর্মঃ সনাতনঃ॥ 12-158-7 (71314)
নাদান্তস্য ক্রিয়াসিদ্ধির্যথাবদুপলভ্যতে।
দমো দানং তথা যজ্ঞানধীতং চাতিবর্ততে॥ 12-158-8 (71315)
দমস্তেজো বর্ধয়তি পবিত্রং চ দমঃ পরম্।
বিপাপ্মা তেজসা যুক্তঃ পুরুষো বিন্দতে মহৎ॥ 12-158-9 (71316)
দমেন সদৃশং ধর্মং নান্যং লোকেষু শুশ্রুম্।
দমো হি পরমো লোকে প্রশস্তঃ সর্বধর্মিণাম্॥ 12-158-10 (71317)
প্রেত্য চাত্র মনুষ্যেন্দ্র পরমং বিন্দতে সুখম্।
দমেন হি সদা যুক্তো মহান্তং ধর্মমশ্নুতে॥ 12-158-11 (71318)
সুখং দান্তঃ প্রস্বপিতি সুখং চ প্রতিবুধ্যতে।
সুখং পর্যেতি লোকাংশ্চ মনশ্চাস্য প্রসীদতি॥ 12-158-12 (71319)
অদান্তঃ পুরুষঃ ক্লেশমভীক্ষ্ণং প্রতিপদ্যতে।
অনর্থাংশ্চ বহূনন্যান্প্রসৃজত্যাত্মদোষজান্॥ 12-158-13 (71320)
আশ্রমেষু চতুর্ষ্বাহুর্দমমেবোত্তমং ব্রতম্।
দমলিঙ্গানি বক্ষ্যামি যেষাং সমুদয়ো দমঃ॥ 12-158-14 (71321)
ক্ষমা ধৃতিরার্হেসা চ সমতা সত্যমার্জবম্।
ইন্দ্রিয়াভিজয়ো দাক্ষ্যং মার্দবং হ্রীরচাপলম্॥ 12-158-15 (71322)
অকার্পণ্যমসংরম্ভঃ সংতোষঃ প্রিয়বাদিতা।
অবিহসাঽনসূয়া চাপ্যেষাং সমুদয়ো দমঃ॥ 12-158-16 (71323)
গুরুপূজা চ কৌরব্য দয়া ভূতেষ্বপৈশুনম্।
জনবাদমৃষাবাদস্তুতিনিন্দাবিসর্জনম্॥ 12-158-17 (71324)
কামং ক্রাধং চ লোভং চ দর্পং স্তম্ভং বিকত্থনম্।
রোষমীর্ষ্যাবমানং চ নৈব দান্তো নিষেবতে॥ 12-158-18 (71325)
অনিন্দিতো হ্যকামাত্মা নাল্পেষ্বর্থ্যনসূয়কঃ।
সমুদ্রকল্পঃ স নরো ন কথংচন পূর্যতে॥ 12-158-19 (71326)
অহং ৎবয়ি মম ৎবং চ ময়ি তে তেষু চাপ্যহম্।
পূর্বসংবন্ধিসংয়োগং নৈতদ্দান্তো নিষেবতে॥ 12-158-20 (71327)
সর্বা গ্রাম্যাস্তথাঽঽরণ্যা যাশ্চ লোকে প্রবৃত্তয়ঃ।
নিন্দাং চৈব প্রশংসাং চ যো নাশ্রয়তি মুচ্যতে॥ 12-158-21 (71328)
মৈত্রোঽথ শীলসংপন্নঃ প্রসন্নাত্মাত্মবিচ্চ যঃ।
মুক্তস্য বিবিধৈঃ সঙ্গৈস্তস্য প্রেত্য ফলং মহৎ॥ 12-158-22 (71329)
সুবৃত্তঃ শীলসংপন্নঃ প্রসন্নাত্মাঽঽত্মবিদ্বুধঃ।
প্রাপ্যেহ লোকে সৎকারং সুগতিং প্রতিপদ্যতে॥ 12-158-23 (71330)
কর্ম যচ্ছুভমেবেহ সদ্ভিরাচরিতং চ যৎ।
তদেব জ্ঞানয়ুক্তস্য মুনের্বর্ত্ম ন হীয়তে॥ 12-158-24 (71331)
নিষ্ক্রম্য বনমাস্থায় জ্ঞানয়ুক্তো জিতেন্দ্রিয়ঃ।
কালাকাঙ্গী চরন্নেবং ব্রহ্মভূয়ায় কল্পতে॥ 12-158-25 (71332)
অভয়ং যস্য ভূতেভ্যো ভূতানামভয়ং যতঃ।
তস্য দেহাদ্বিমুক্তস্য ভয়ং নাস্তি কুতশ্চন॥ 12-158-26 (71333)
অবাচিনোতি কর্মাণি ন চ সংপ্রচিনোতি হ।
সমঃ সর্বেষু ভূতেষু মৈত্রায়ণগতিং চরেৎ॥ 12-158-27 (71334)
শকুনীনামিবাকাশে মৎস্যানাংমিব চোদকে।
যথা গতির্ন দৃশ্যেত তথা তস্য স সংশয়ঃ॥ 12-158-28 (71335)
গৃহানুৎসৃজ্য যো রাজ্মোক্ষমেবাভিপদ্যতে।
লোকাস্তেজোময়াস্তস্য কল্পন্তে শাশ্বতীঃ সমাঃ॥ 12-158-29 (71336)
সংন্যস্য সর্বকর্মাণি সংন্যস্য বিধিবত্তপঃ।
সংন্যস্য বিবিধা বিদ্যাঃ সর্বং সংন্যস্য চৈব হ॥ 12-158-30 (71337)
কামে শুচিরনাবৃত্তঃ প্রসন্নাত্মাঽঽত্মবিচ্ছুচিঃ।
প্রাপ্যেহ লোকে সৎকারং স্বর্গং সমভিপদ্যতে॥ 12-158-31 (71338)
যচ্চ পৈতামহং স্থানং ব্রহ্মরাশিসমুদ্ভবম্।
গুহায়াং নিহিতং নিত্যং তদ্দমেনাভিগম্যতে॥ 12-158-32 (71339)
জ্ঞানারামস্য বুদ্ধস্য সর্বভূতানুরোধিনঃ।
নাবৃত্তিভয়মস্তীহ পরলোকভয়ং কুতঃ॥ 12-158-33 (71340)
এক এব দমে দোষো দ্বিতীয়ো নোপপদ্যতে।
যদেনং দমসংয়ুক্তমশক্তং মন্যতে জনঃ॥ 12-158-34 (71341)
একোঽস্য সুমহাপ্রাজ্ঞ দোষঃ স্যাৎসুমহান্গুণঃ।
ক্ষময়া বিপুলা লোকা দুর্লভা হি সহিষ্ণুতা॥ 12-158-35 (71342)
দান্তস্য কিমরণ্যেন তথাঽদান্তস্য ভারত।
যত্রৈব নিবসেদ্দান্তস্তদরণ্যং স চাশ্রমঃ॥ 12-158-36 (71343)
বৈশম্পায়ন উবাচ। 12-158-37x (5833)
এতদ্ভীষ্মস্য বচনং শ্রুৎবা রাজা যুধিষ্ঠিরঃ।
অমৃতেনেব সংতৃপ্তঃ প্রহৃষ্টঃ সমপদ্যত॥ 12-158-37 (71344)
পুনশ্চ পরিপপ্রচ্ছ ভীষ্মং ধর্মভৃতাং বরম্।
ততঃ প্রীতঃ স চোবাচ তস্মৈ সর্বং কুরূদ্বহঃ॥ ॥ 12-158-38 (71345)
ইতি শ্রীমন্মহাভারতে শান্তিপর্বণি আপদ্ধর্মপর্বণি অষ্টপঞ্চাশদধিকশততমোঽধ্যায়ঃ॥ 158॥
Mahabharata - Shanti Parva - Chapter Footnotes
12-158-6 পরায়ণং পরাকাষ্ঠা। অত্রৈব সর্বে ধর্মা অন্তর্ভূতা ইত্যর্থঃ॥ 12-158-18 দর্পং গর্বং। স্তম্ভং অবিনম্॥ 12-158-19 অল্পেষু অনিত্যসুখেষু। কথংচন ব্রহ্মলোকলাভেঽপি ন পূর্যতে ন তৃপ্তো ভবতি॥ 12-158-25 নিষ্কম্য গৃহাদিতি শেষঃ॥ 12-158-27 অবাচিনোতি ভোগেন ব্যযীকরোতি। নচ সংচিনোতি সংগৃহ্ণাতি তত্ৎবজ্ঞস্য কর্মাস্লোষস্মরণাৎ। মৈত্রায়ণং সর্বভূতেভ্যোঽভয়দানম্॥ 12-158-31 কামে শুচিঃ সত্যকামইত্যর্থঃ। অনাবৃতঃ সর্বত্র কামচারভাক্। তস্য সর্বেষু লোকেষু কামচারো ভবতীতি শ্রুতেঃ॥ 12-158-32 গুহায়াং হৃৎপুণ্ডরীকে। পৈতামহং ব্রহ্মলোকাখ্যম্॥শান্তিপর্ব - অধ্যায় 159
॥ শ্রীঃ ॥
12.159. অধ্যায়ঃ 159
Mahabharata - Shanti Parva - Chapter Topics
ভীষ্মেণ তপোনিরূপণম্॥ 1॥Mahabharata - Shanti Parva - Chapter Text
12-159-0 (71346)
ভীষ্ম উবাচ। 12-159-0x (5834)
সর্বমেতত্তপোমূলং কবয়ঃ পরিচক্ষতে।
ন হ্যতপ্ততপা মূঢঃ ক্রিয়াফলমবাপ্নুতে॥ 12-159-1 (71347)
প্রজাপতিরিদং সর্বং তপসৈবাসৃজৎপ্রভুঃ।
তথৈব বেদানৃপয়স্তপসা প্রতিপেদিরে॥ 12-159-2 (71348)
তপসৈব সসর্জান্নং ফলমূলানি যানি চ।
ত্রীঁল্লোকাংস্তপসা সিদ্ধাঃ পশ্যন্তি সুসমাহিতাঃ॥ 12-159-3 (71349)
ঔষধান্যগদাদীনি তিস্ত্রো বিদ্যাশ্চ সংস্কৃতাঃ।
তষসৈব হি সিদ্ধ্যন্তি তপোমূলং হি সাধনম্॥ 12-159-4 (71350)
যদ্দুরাপং দুরারাধ্যং দুরাধর্ষং দুরুৎসহম্।
তৎসর্বং তপসা শক্যং তপো হি দুরতিক্রমম্।
ঐশ্বর্যমৃষয়ঃ প্রাপ্তাস্তপসৈব ন সংশয়ঃ॥ 12-159-5 (71351)
সুরাপোঽসংমতাদায়ী ভ্রূণহা গুরুতল্পগঃ।
তপসৈব সুতপ্তেন নরঃ পাপাৎপ্রমুচ্যতে॥ 12-159-6 (71352)
তপসো বহুরূপস্য তৈস্তৈর্দ্বারৈঃ প্রবর্ততঃ।
নিবৃত্ত্যা বর্তমানস্য তপো নানশনাৎপরম্॥ 12-159-7 (71353)
অহিংসা সত্যবচনং দানমিন্দ্রিয়নিগ্রহঃ।
এতেভ্যো হি মহারাজ তপো নানশনাৎপরম্॥ 12-159-8 (71354)
ন দুষ্করতরং দানান্নাতি মাতরমাশ্রমঃ।
ত্রৈবিদ্যেভ্যঃ পরং নাস্তি সংন্যাসান্নাপরং তপঃ॥ 12-159-9 (71355)
ইন্দ্রিয়াণীহ রক্ষন্তি বিপ্রর্ষিপিতৃদেবতাঃ।
তস্মাদর্থে চ ধর্মে চ তপো নানশনাৎপরম্॥ 12-159-10 (71356)
ঋষয়ঃ পিতরো দেবা মনুষ্যা মৃগপক্ষিণঃ।
যানি চান্যানি ভূতানি স্যাবরাণি চরাণি চ॥ 12-159-11 (71357)
তপঃ পরায়ণাঃ সর্বে সিধ্যন্তি তপসা চ তে।
ইত্যেবং তপসা দেবা মহত্ৎবং প্রতিপেদিরে॥ 12-159-12 (71358)
ইমানীষ্টবিভাগানি ফলানি তপসঃ সদা।
তপসা শক্যতে প্রাপ্নুং দেবৎবমপি নিশ্চয়ঃ॥ ॥ 12-159-13 (71359)
ইতি শ্রীমন্মহাভারতে শান্তিপর্বণি আপদ্ধর্মপর্বণি একোনষষ্ট্যধিকশততমোঽধ্যায়ঃ॥ 159॥
Mahabharata - Shanti Parva - Chapter Footnotes
12-159-3 তপসো হ্যানুপূর্ব্যেণ ফলমূলানিলাশিনঃ। ইতি দ. ধ. পাঠঃ॥ 12-159-9 মাতরমতিক্রম্যাশ্রমো ন। সর্বেষ্বপ্যাশ্রমেষু মাতা পালনীয়ৈব। তত্ত্যাগস্য সংন্যাসিনোঽপ্যযোগাৎ॥ 12-159-13 ইমানিং নক্ষত্রাদীনি। সুকৃতাং বা এতানি জ্যোতীষি যন্নক্ষত্রাণীশ্রুতেঃ॥শান্তিপর্ব - অধ্যায় 160
॥ শ্রীঃ ॥
12.160. অধ্যায়ঃ 160
Mahabharata - Shanti Parva - Chapter Topics
ভীষ্মেণ সত্যপ্রশংসনম্॥ 1॥Mahabharata - Shanti Parva - Chapter Text
12-160-0 (71390)
যুধিষ্ঠির উবাচ। 12-160-0x (5836)
সত্যং ধর্মং প্রশংসন্তি বিপ্রর্ষিপিতৃদেবতাঃ।
সত্যমিচ্ছাম্যহং জ্ঞাতুং তন্মে ব্রূহি পিতামহ॥ 12-160-1 (71391)
সত্যং কিংলক্ষণং রাজন্কথং বা তদবাপ্যতে।
সত্যং প্রাপ্য ভবেৎকিংচ কথং চৈব তদুচ্যতাম্॥ 12-160-2 (71392)
ভীষ্ম উবাচ। 12-160-3x (5837)
চাতুর্বর্ণ্যস্য ধর্মাণাং সংকরো ন প্রশস্যতে।
ধর্মঃ সাধারণঃ সত্যং সর্ববর্ণেষু ভারত॥ 12-160-3 (71393)
সত্যং সৎসু সদা ধর্মঃ সত্যং ধর্মঃ সনাতনঃ।
সত্যমেব নমস্যেত সত্যং হি পরমা গতিঃ॥ 12-160-4 (71394)
সত্যং ধর্মস্তপোয়োগঃ সত্যং ব্রহ্ম সনাতনম্।
সত্যং যজ্ঞঃ পরঃ প্রোক্তঃ সর্বং সত্যে প্রতিষ্ঠিতম্॥ 12-160-5 (71395)
রূপং যদিহ সত্যস্য যথাবদনুপূর্বশঃ।
লক্ষণং চ প্রবক্ষ্যামি সত্যস্যেহ পরাক্রমম্॥ 12-160-6 (71396)
প্রাপ্যতে চ যথা সত্যং তচ্চ বেত্তুমিহার্হসি।
সত্যং ত্রয়োদশাবধং সর্বলোকেষু ভারত॥ 12-160-7 (71397)
সত্যং চ সমতা চৈব দমশ্চৈব ন সংশয়ঃ।
অমাৎসর্যং ক্ষমা চৈব হ্রীস্তিতিক্ষাঽনসূয়তা॥ 12-160-8 (71398)
ত্যাগো ধ্যানমথার্যৎবং ধৃতিশ্চ সততং দয়া।
অহিংসা চৈব রাজেন্দ্র সত্যাকারাস্ত্রয়োদশ॥ 12-160-9 (71399)
সত্যং নামাব্যযং নিত্যমবিকারি তথৈব চ।
সর্বধর্মাবিরুদ্ধং চ যোগেনৈতদবাপ্যতে॥ 12-160-10 (71400)
আত্মনীষ্টে তথাঽনিষ্টে রিপৌ চ সমতা তথা।
ইচ্ছাদ্বেষং ক্ষয়ং প্রাপ্য কামক্রোধক্ষয়ং তথা॥ 12-160-11 (71401)
দমী নান্যস্পৃহা নিত্যং গাম্ভীর্যং ধৈর্যমেব চ।
অশাঠ্যং ক্রোধদমনং জ্ঞানেনৈতদবাপ্যতে॥ 12-160-12 (71402)
অমাৎসর্যং বুধাঃ প্রাহুর্দানে ধর্মে চ সংয়মঃ।
অবস্থিতেন নিত্যং চ সত্যেনামৎসরী ভবেৎ॥ 12-160-13 (71403)
অক্ষমায়াঃ ক্ষমায়াশ্চ প্রিয়াণীহাপ্রিয়াণি চ।
ক্ষমতে স তঃ সাধুস্ততঃ প্রাপ্নোতি সত্যতাম্॥ 12-160-14 (71404)
কল্যাণং রুতে বাঢং ধীমান্ন গ্লায়তে ক্বচিৎ।
প্রশান্তবাঙ্ভনা নিত্যং হ্রীস্তু ধর্মাদবাপ্যতে॥ 12-160-15 (71405)
ধর্মার্থহেতোঃ ক্ষমতে তিতিক্ষা ধর্ম উত্তমঃ।
লোকসংগ্রহণার্থং বৈ সা তু ধৈর্যেণ লভ্যতে॥ 12-160-16 (71406)
`অনসূয়া তু গাম্ভীর্যং দানেনৈতদবাপ্যতে।'
ত্যক্তস্নেহস্য যস্ত্যাগো বিষয়াণাং তথৈব চ।
রাগদ্বেষপ্রহীণস্য ত্যাগো ভবতি নান্যথা॥ 12-160-17 (71407)
`ধ্যানং চ শাঠ্যমিত্যুক্তং মৌনেনৈতদবাপ্যতে।'
আর্যতা নাম ভূতানাং যঃ করোতি প্রয়ত্নতঃ।
শুভং কর্ম নিরাকারো বীতরাগস্তথৈব চ॥ 12-160-18 (71408)
ধৃতির্নাম সুখে দুঃখে যয়া নাপ্নোতি বিক্রিয়াম্॥
তাং ভজেত সদা প্রাজ্ঞো য ইচ্ছেদ্ভূতিমাত্মনঃ॥ 12-160-19 (71409)
সর্বথা ক্ষমিণা ভাব্যং তথা সত্যপরেণ চ।
বীতহর্ষভয়ক্রোধো ধৃতিমাপ্নোতি পণ্ডিতঃ॥ 12-160-20 (71410)
অদ্রোহঃ সর্বভূতেষু কর্মণা মনসা গিরা।
অনুগ্রহশ্চ দানং চ সতাং ধর্মঃ সনাতনঃ॥ 12-160-21 (71411)
এতে ত্রয়োদশাকারাঃ পৃথক্সত্যৈকলক্ষণাঃ।
ভজন্তে সত্যমেবেহ বৃংহয়ন্তে চ ভারত॥ 12-160-22 (71412)
নান্তঃ শক্যো গুণানাং চ বক্তুং সত্যস্য পার্থিব।
অতঃ সত্যং প্রশংসন্তি বিপ্রাঃ সপিতৃদেবতাঃ॥ 12-160-23 (71413)
নাস্তি সত্যাৎপরো ধর্মো নানৃতাৎপাতকং পরম্।
স্থিতির্হি সত্যং ধর্মস্য তস্মাৎসত্যং ন লোপয়েৎ॥ 12-160-24 (71414)
উপৈতি সত্যাদ্দানং হি তথা যজ্ঞাঃ সদক্ষিণাঃ।
ত্রেতাগ্নিহোত্রং বেদাশ্চ যে চান্যে ধর্মনিশ্চয়াঃ॥ 12-160-25 (71415)
অশ্বমেধসহস্ত্রং চ সত্যং চ তুলয়া ধৃতম্।
অশ্বমেধসহস্রাদ্ধি সত্যমেব বিশিষ্যতে॥ ॥ 12-160-26 (71416)
ইতি শ্রীমন্মহাভারতে শান্তিপর্বণি আপদ্ধর্মপর্বণি ষষ্ট্যধিকশততমোঽধ্যায়ঃ॥ 160॥
Mahabharata - Shanti Parva - Chapter Footnotes
12-160-14 অক্ষমায়া বিষয়ে তথা ক্ষমায়া ইতি দৃষ্টান্তার্থম্॥শান্তিপর্ব - অধ্যায় 161
॥ শ্রীঃ ॥
12.161. অধ্যায়ঃ 161
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি লোভাদিনিরূপণম্॥ 1॥Mahabharata - Shanti Parva - Chapter Text
12-161-0 (71417)
যুধিষ্ঠির উবাচ। 12-161-0x (5838)
যতঃ প্রভবতি ক্রোধঃ কামো বা ভরতর্ষভ।
শোকমোহৌ বিধিৎসা চ পরাসুৎবং তথা মদঃ॥ 12-161-1 (71418)
লোভো মাৎসর্যমীর্ষ্যা চ কুৎসাঽসূয়া কৃপা ভয়ম্।
এতৎসর্বং মহাপ্রাজ্ঞ যাথাতথ্যেন মে বদ॥ 12-161-2 (71419)
ভীষ্ম উবাচ। 12-161-3x (5839)
ত্রয়োদশৈতেঽতিবলাঃ শত্রবঃ প্রাণিনাং স্মৃতাঃ।
উপাসতে মহারাজ সমন্তাৎপুরুষানিহ॥ 12-161-3 (71420)
এতে প্রমত্তং পুরুষমপ্রমত্তাস্তুদন্তি চ।
বৃকা ইব বিলুম্পন্তি দৃষ্ট্বেব পুরুষেতরান্॥ 12-161-4 (71421)
এভ্যঃ প্রবর্ততে দুঃখমেভ্যঃ পাপং প্রবর্ততে।
ইতি মর্ত্যো বিজানীয়াৎসততং পুরুষর্ষভ॥ 12-161-5 (71422)
এতেষামুদয়ং স্থানং ক্ষয়ং চ পৃথিবীপতে।
হন্ত তে কথয়িষ্যামি ক্রোধস্যোৎপত্তিমাদিতঃ।
যথাতত্ৎবং ক্ষিতিপতে তন্মে নিগদতঃ শৃণু॥ 12-161-6 (71423)
লোভাৎক্রোধঃ প্রভবতি পরদোষৈরুদীর্যতে।
ক্ষময়া তিষ্ঠতে রাজন্ক্ষময়া বিনিবর্ততে॥ 12-161-7 (71424)
সংকল্পাজ্জায়তে কামঃ সেব্যমানো বিবর্ধতে।
যদা প্রাজ্ঞো বিরমতে তদা সদ্যঃ প্রণশ্যতি॥ 12-161-8 (71425)
[পরামূয়া ক্রোধলোভাবন্তরা প্রতিমুচ্যতে।
দয়যা সর্বভূতানাং নির্বেদাদ্বিনিবর্ততে।]
অবদ্যদর্শনাদেতি তত্ৎবজ্ঞানাচ্চ নশ্যতি॥ 12-161-9 (71426)
অজ্ঞানপ্রভবো মোহঃ পাপাভ্যাসাৎপ্রবর্ততে।
যদা প্রাজ্ঞেষু রমতে তদা সদ্যঃ প্রণশ্যতি॥ 12-161-10 (71427)
বিরুদ্ধানীহ শাস্ত্রাণি যে পশ্যন্তি কুরূদ্বহ।
বিধিৎসা জায়তে তেষাং তত্ৎবজ্ঞানান্নিবর্ততে॥ 12-161-11 (71428)
প্রীতেঃ শোকঃ প্রভবতি বিয়োগাত্তস্য দেহিনঃ।
যদা নিরর্থকং বেত্তি তদা সদ্যঃ প্রণশ্যতি॥ 12-161-12 (71429)
পরাসুতা ক্রোধলোভাদভ্যাসাচ্চ প্রবর্ততে।
দয়যা সর্বভূতানাং নির্বেদাৎসা নিবর্ততে॥ 12-161-13 (71430)
সত্যত্যাগাত্তু মাৎসর্যমহিতানাং চ সেবয়া।
এতত্তু ক্ষীয়তে তাত সাধূনামুপসেবনাৎ॥ 12-161-14 (71431)
কুলাঞ্জ্ঞানাত্তথৈশ্বর্যান্মদো ভবতি দেহিনাম্।
এভিরেব তু বিজ্ঞাতৈর্মদঃ সদ্যঃ প্রণশ্যতি॥ 12-161-15 (71432)
ঈর্ষ্যা কামাৎপ্রভবতি সংহর্ষাচ্চৈব জায়তে।
ইতরেষাং তু সৎবানাং প্রজ্ঞয়া সা প্রণশ্যতি॥ 12-161-16 (71433)
বিভ্রমাল্লোকবাহ্যানাং দ্বেষ্যৈর্বাক্যৈরসংমতৈঃ।
কুৎসা সংজায়তে রাজঁল্লোকান্প্রেক্ষ্যাভিশাম্যতি॥ 12-161-17 (71434)
প্রতিকর্তুং ন শক্তা যে বলস্থায়াপকারিণে।
অসূয়া জায়তে তীব্রা কারুণ্যাদ্বিনিবর্ততে॥ 12-161-18 (71435)
কৃপণান্সততং দৃষ্ট্বা ততঃ সংজায়তে কৃপা।
ধর্মনিষ্ঠাং যদা বেত্তি তদা শাম্যতি সা কৃপা॥ 12-161-19 (71436)
অজ্ঞানপ্রভবো লোভো ভূতানাং দৃশ্যতে সদা।
অস্থিরৎবং চ ভোগানাং দৃষ্ট্বা জ্ঞাৎবা নিবর্ততে॥ 12-161-20 (71437)
এতান্যেব জিতান্যাহুঃ প্রশান্তেন ত্রয়োদশ।
এতে হি ধার্তরাষ্ট্রাণাং সর্বে দোষাস্ত্রয়োদশ।
ৎবয়া সত্যার্থিনা নিত্যং বিজিতা জেষ্যতা চতে॥ ॥ 12-161-21 (71438)
ইতি শ্রীমন্মহাভারতে শান্তিপর্বণি আপদ্ধর্মপর্বণি একষষ্ট্যধিকশততমোঽধ্যায়ঃ॥ 161॥
Mahabharata - Shanti Parva - Chapter Footnotes
12-161-4 দৃষ্ট্বেব পুরুষং বলাদিতি ঝ. পাঠঃ॥ 12-161-7 লোভাৎ কেনচিন্নিমিত্তেনোপহতাৎ ক্রোধো ভবতি। স চ পরদোষৈর্দৃষ্টৈরুদীয়তে উদ্দীপ্তো ভবতি। স ক্ষময়া তিষ্ঠতে নিরুধ্যতে বিনিবর্ততে চেতি। এবং সর্বত্র দ্রষ্টব্যম্॥শান্তিপর্ব - অধ্যায় 162
॥ শ্রীঃ ॥
12.162. অধ্যায়ঃ 162
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি নৃশংসলক্ষণাদিকথনম্॥ 1॥Mahabharata - Shanti Parva - Chapter Text
12-162-0 (71439)
যুধিষ্ঠির উবাচ। 12-162-0x (5840)
আনৃশংস্যং বিজানামি দর্শনেন সতাং সদা।
নৃশংসান্ন বিজানামি তেষাং কর্ম চ ভারত॥ 12-162-1 (71440)
কণ্টকান্কূপমগ্নিং চ বর্জয়ন্তি যথা নরাঃ।
তথা নৃশংসকর্মাণং বর্জয়ন্তি নরা নরম্॥ 12-162-2 (71441)
নৃশংসো দহ্যতে ব্যক্তং প্রেত্য চেহ চ ভারত।
তস্মাত্ৎবং ব্রূহি কৌরব্য তস্য ধর্মবিনিশ্চয়ম্॥ 12-162-3 (71442)
ভীষ্ম উবাচ। 12-162-4x (5841)
স্পৃহাঽস্যান্তর্গতা চৈব বিদিতার্থা চ কর্মণাম্
আক্রোষ্টা ক্রুশ্যতে চৈব বন্ধিতা বধ্যতে স চ॥ 12-162-4 (71443)
দত্তানুকীর্তির্বিষমঃ ক্ষুদ্রো নৈকৃতিকঃ শঠঃ।
অসংভোগী চ মানী চ তথা সঙ্গী বিকত্থনঃ॥ 12-162-5 (71444)
সর্বাতিশঙ্কী পুরুষো বলীশঃ কৃপণোঽথবা।
বর্গপ্রশংসীং সততমাশ্রমদ্বেপসংকরী॥ 12-162-6 (71445)
হিংসাবিকারী সততমবিশেষগুণাগুণঃ।
বহ্বলীকো মনস্বী চ লুব্ধোঽত্যর্থং নৃশংসকৃৎ॥ 12-162-7 (71446)
ধর্মশীলং গুণোপেতং পাপ ইত্যবগচ্ছতি।
আত্মশীলোপমানেন ন বিশ্বসিতি কস্যচিৎ॥ 12-162-8 (71447)
পরেষাং যত্র দোপঃ স্যাত্তদ্গুহ্যং সংপ্রকাশয়েৎ।
সমানেষ্বেব দোপেষু বৃত্ত্যর্থমুপঘাতয়েৎ॥ 12-162-9 (71448)
তথোপকারিণং চৈব মন্যতে বঞ্চিতং পরম্।
দত্ৎবাঽপি চ ধনং কালে সংতপত্যুপকারিণে॥ 12-162-10 (71449)
ভক্ষ্যং পেয়মথালেহ্যং যচ্চান্যৎসাধু ভোজনম্।
প্রেক্ষমাণেষু যোঽশ্নীয়ান্নৃশংসমিতি তং বদেৎ॥ 12-162-11 (71450)
ব্রাহ্মণেভ্যঃ প্রদায়াগ্রং যঃ সুহৃদ্ভিঃ সহাশ্নুতে।
স প্রেত্য লভতে স্বর্গমিহ চানন্ত্যমশ্নুতে॥ 12-162-12 (71451)
এষ তে ভরতশ্রেষ্ঠ নৃশংসঃ পরিকীর্তিতঃ।
সদা বিবর্জনীয়ো হি পুরুষেণ বুভূষতা॥ ॥ 12-162-13 (71452)
ইতি শ্রীমন্মহাভারতে শান্তিপর্বণি আপদ্ধর্মপর্বণি দ্বিষষ্ট্যধিকশততমোঽধ্যায়ঃ॥ 162॥
Mahabharata - Shanti Parva - Chapter Footnotes
12-162-5 দত্তমনুকীর্তয়তীতি দত্তানুকীর্তিঃ স্বস্য বদান্যৎবপ্রকাশকঃ। বিষমঃ বিদ্বেষকর্তা। ক্ষুদ্রো নীচকর্মকারী। নৈকৃতিকঃ স্নেহং প্রদর্শ্য বঞ্চকঃ। শঠঃ সত্যপি সামর্থ্যে দারিদ্র্যব্যঞ্জকঃ॥ 12-162-6 বলীশঃ কাকইব বঞ্চকদৃষ্টিঃ। আশ্রমদ্বেষঃ সংকরশ্চাস্যাস্তীতি আশ্রমদ্বেষসংকরী॥ 12-162-8 আত্মশীলানুমানেনেতি থ. পাঠঃ॥শান্তিপর্ব - অধ্যায় 163
॥ শ্রীঃ ॥
12.163. অধ্যায়ঃ 163
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি যজ্ঞাদ্যর্থং সংপাদীয়দ্রব্যবিবেকথনম্॥ 1॥ তথা পাপবিশেষাণাং প্রায়শ্চিত্তবিশেষকথনম্॥ 2॥Mahabharata - Shanti Parva - Chapter Text
12-163-0 (71453)
ভীষ্ম উবাচ। 12-163-0x (5842)
কৃতার্থী যক্ষ্যমাণশ্চ সর্ববেদান্তগশ্চ যঃ।
আচার্যপিতৃকায়ার্থং স্বাধ্যায়ার্থমথাপি চ॥ 12-163-1 (71454)
এতে বৈ সাধবো দৃষ্টা ব্রাহ্মণাঃ ধর্মভিক্ষবঃ।
নিঃস্বেভ্যো দেয়মেতেভ্যো দানং বিদ্যা চ ভারত॥ 12-163-2 (71455)
অন্যত্র দক্ষিণাদানং দেয়ং ভরতসত্তম।
অন্যেভ্যোঽপি বহির্বেদি ন কৃতান্নং বিধীয়তে॥ 12-163-3 (71456)
সর্বরত্নানি রাজা হি যথার্হং প্রতিপাদয়েৎ।
ব্রাহ্মণায়ৈব যজ্ঞাশ্চ সহান্নাঃ সহদক্ষিণাঃ॥ 12-163-4 (71457)
অন্যেভ্যো বিমলাচারা যজন্তে গুণতঃ সদা।
যস্য ত্রৈবার্পিকং ভক্তং পর্যাপ্তং ভৃত্যবৃত্তয়ে।
অধিকং চাপি বিদ্যেত স সোমং পাতুমর্হতি॥ 12-163-5 (71458)
যজ্ঞশ্চেৎপ্রতিরুদ্ধঃ স্যাদংশেনৈকেন যজ্বনঃ।
ব্রাহ্মণস্য বিশেষেণ ধার্মিকে সতি রাজনি॥ 12-163-6 (71459)
যো বৈশ্যঃ স্যাদ্বহুপশুর্হীনক্রতুরসোমপঃ।
কুটুম্বাত্তস্য তদ্বিত্তং যজ্ঞার্থং পার্থিবো হরেৎ॥ 12-163-7 (71460)
আহরেদ্দ্রুহ্যতঃ কিংচিৎকামং শূদ্রস্য বেশ্মনি।
ন হি বেশ্মনি শূদ্রস্য কিংচিদস্তি পরিগ্রহঃ॥ 12-163-8 (71461)
যোঽনাহিতাগ্নিঃ শতগুরয়জ্বা ত্ত সহস্রগুঃ।
তয়োরপি কুটুম্বাভ্যামাহরেদবিচারয়ন্॥ 12-163-9 (71462)
অদাতৃভ্যো হরেদ্বিত্তং বিখ্যাপ্য নৃপতিঃ সদা।
তথৈবাচরতো ধর্মো নৃপতেঃ স্যাদথাখিলঃ॥ 12-163-10 (71463)
তথৈব সপ্তমে ভক্তে ভক্তানি পডনশ্নতঃ।
অশ্বস্তনবিভাগেন হর্তব্যং হীনকর্মণঃ॥ 12-163-11 (71464)
খলাৎক্ষেত্রাত্তথাগারাদ্যতো বাঽপ্যুপপদ্যতে।
আখ্যাতব্যং নৃপস্যৈতৎপৃচ্ছতোঽপৃচ্ছতোপি বা।
ন তস্মৈ ধারয়েদ্দণ্ডং রাজা ধর্মেণ ধর্মবিৎ॥ 12-163-12 (71465)
ক্ষত্রিয়স্য তু বালিশ্যাদ্ব্রাহ্মণঃ ক্লিশ্যতে ক্ষুধা।
শ্রুতশীলে সমাজ্ঞায় বৃত্তিমস্য প্রকল্পয়েৎ॥ 12-163-13 (71466)
অথৈনং পরিরক্ষেত পিতা পুত্রমিবৌরসম্। 12-163-14 (71467)
ইষ্টিং বৈশ্বানরীং নিত্যং নির্বপেদব্দপর্যযে।
অবিকল্পঃ পুরা ধর্মো ধর্মবাদৈস্তু কেবলঃ॥ 12-163-15 (71468)
বিশ্বৈর্দেবৈশ্চ সাধ্যৈশ্চ ব্রাহ্মণৈশ্চ মহর্ষিভিঃ।
আপৎসু গরণাদ্ভীতৈর্লিঙ্গঃ প্রতিনিধীকৃতঃ॥ 12-163-16 (71469)
প্রভুঃ প্রথমকল্পস্য যোঽনুকল্পেন বর্ততে।
স নাপ্নোতি ফলং তস্য প্রেত্য চেহ চ দুর্মতিঃ॥ 12-163-17 (71470)
ন ব্রাহ্মণো বেদয়ীত কিংচিদ্রাজনি ধর্মবিৎ।
অবিদ্যাবেদনাদ্বিদ্যাৎস্ববীর্যং বীর্যবত্তরম্।
তস্মাদ্রাজ্ঞঃ সদা তেজো দুঃসহং ব্রহ্মবাদিনাম্॥ 12-163-18 (71471)
মন্তা শাস্তা বিধাতা চ ব্রাহ্মণো দেব উচ্যতে।
তস্মিন্নাকুশলং ব্রূয়ান্ন শুষ্কামীরয়েদ্গিরম্॥ 12-163-19 (71472)
ক্ষত্রিয়ো বাহুবীর্যেণ তরেদাপদমাত্মনঃ।
ধনৈর্বৈশ্যশ্চ শুদ্রশ্চ মন্ত্রৈর্হোমৈশ্চ বৈ দ্বিজঃ॥ 12-163-20 (71473)
নৈব কন্যা ন যুবতির্নামন্ত্রজ্ঞো ন বালিশঃ।
পরিবেষ্টাঽগ্নিহোত্রস্য ভবেন্নাসংস্কৃতস্তথা॥ 12-163-21 (71474)
নরকে নিপতন্ত্যেতে জুহ্বানাঃ সবনস্য তৎ।
তস্মাদ্বৈতানকুশলো হোতা স্যাদ্বেদপারগঃ॥ 12-163-22 (71475)
প্রাজাপত্যমদত্ৎবা চ অগ্ন্যাধেয়স্য দক্ষিণাম্।
অনাহিতাগ্নিরিতি সং প্রোচ্যতে ধর্মদর্শিভিঃ॥ 12-163-23 (71476)
পুণ্যান্যন্যানি কুর্বীত শ্রদ্দধানো জিতেন্দ্রিয়ঃ।
অনাপ্তদক্ষিণৈর্যজ্ঞৈর্ন যজেত কথংচন॥ 12-163-24 (71477)
প্রজাঃ পংশূশ্চ স্বর্গং চ হন্তি যজ্ঞো হ্যদক্ষিণঃ।
ইন্দ্রিয়াণি যশঃ কীর্তিভায়ুশ্চাপ্যবকৃন্ততি॥ 12-163-25 (71478)
উদক্যামাসতে যে চ দ্বিজাঃ কেচিদনগ্নয়ঃ।
কুলং চাশ্রোত্রিয়ং যেষাং সর্বে তে শূদ্রকর্মিণঃ॥ 12-163-26 (71479)
উদপানোদকে গ্রামে ব্রাহ্মণো বৃপলীয়তিঃ।
অপিৎবা দ্বাদশ সমাঃ শূদ্রকর্মৈব গচ্ছতি॥ 12-163-27 (71480)
অভার্যী শয়নে বিভ্রচ্ছূদ্রং বৃদ্ধং চ বৈ দ্বিজঃ।
অব্রাহ্মণং ভন্যমানস্তৃণেষ্বাসীত পৃষ্ঠতঃ।
তথা সংশুধ্যতে রাজঞ্শৃণু চাত্র বচো মম॥ 12-163-28 (71481)
যদেকরাত্রেণ করোতি পাপং
কৃষ্ণং বর্ণং ব্রাহ্মণঃ সেবমানঃ।
স্থানাসনাভ্যাং বিহরন্বতী স
ত্রিভির্বর্ষৈঃ শময়েদাত্মপাপম্॥ 12-163-29 (71482)
ন নর্ময়ুক্তমতৃতং হিনস্তি
ন স্ত্রীষু রাজন্ন বিবাহকালে।
প্রাণাত্যযে সর্বধনাপহারে
পঞ্চানৃতান্যাহুরপাতকানি॥ 12-163-30 (71483)
শ্রদ্দধানঃ শুভাং বিদ্যাং হীনাদপি সমাপ্নুয়াৎ।
সুবর্ণমপি চামেধ্যাদাদদীতাবিচারয়ন্॥ 12-163-31 (71484)
স্ত্রীরত্নং দুষ্কুলাচ্চাপি বিষাদপ্যমৃতং পিবেৎ।
অদূষ্যা হি স্ত্রিয়ো রত্নমাপ ইত্যেব ধর্মতঃ॥ 12-163-32 (71485)
গোব্রাহ্মণহিতার্থং চ বর্ণানাং সংকরেষু চ।
বৈশ্যো গৃহ্ণীত শস্ত্রাণি পরিত্রাণার্থমাত্মনঃ॥ 12-163-33 (71486)
সুরাপো ব্রহ্মহা চৈব গুরুতল্পগতস্তথা।
অচিরেণ মহারাজ পতিতো বৈ ভবত্যুত॥ 12-163-34 (71487)
সুবর্ণহরণং স্তৈন্যং বিপ্রস্বং চেতি পাতকম্।
বিহারো মদ্যপানং চ অগম্যাগমনং তথা॥ 12-163-35 (71488)
পতিতৈঃ সংপ্রয়োগশ্চ ব্রাহ্মণীয়োনিতস্তথা।
অনির্দেশ্যানি মন্যন্তে প্রাণান্তানীতি ধারণা॥ 12-163-36 (71489)
সংবৎসরেণ পততি পতিতেন সহাচরন্।
যাজনাধ্যাপনাদ্দানান্ন তু যানাসনাশনাৎ॥ 12-163-37 (71490)
এতানি হিৎবাতোঽন্যানি নির্দেশ্যানীতি ধারণা।
নির্দেশ্যকেন বিধিনা কালেনাব্যসনী ভবেৎ॥ 12-163-38 (71491)
অনুত্তীর্য ন হোতব্যং প্রেতকর্মণ্যুপাশ্রিতে।
ত্রিষু ৎবেতেষু পূর্বেষু ন কুর্বীত বিচারণম্॥ 12-163-39 (71492)
অমাত্যান্বা গুরূন্বাপি জহ্যাদ্ধর্মেণ ধার্মিকঃ।
প্রায়শ্চিত্তান্যকুর্বাণা নৈতে কুর্বন্তি সংবিদম্॥ 12-163-40 (71493)
অধর্মকারী ধর্মেণ তপসা হন্তি কিল্বিষম্।
ব্রাহ্মণায়াবগুর্যেত স্পৃষ্টে গুরুতরং ভবেৎ॥ 12-163-41 (71494)
অস্তেনং স্তেন ইত্যুক্ৎবা দ্বিগুণং পাপমাপ্নুয়াৎ।
ত্রিভাগং ব্রহ্মহত্যায়াঃ কন্যাং প্রাপ্নোতি দুষ্যতি।
যস্তু দূষয়িতা তস্যাঃ শেষং প্রাপ্নোতি পাপ্মনঃ॥ 12-163-42 (71495)
ব্রাহ্মণানবগর্হ্যেহ স্পৃষ্ট্বা গুরুতরং ভবেৎ।
বর্ষাণাং হি শতং পাপঃ প্রতিষ্ঠাং নাধিগচ্ছতি॥ 12-163-43 (71496)
সহস্রং চৈব বর্ষাণাং নিপত্য নরকং বসেৎ।
তস্মান্নৈবাবগুর্যাদ্ধি নৈব জাতু নিপাতয়েৎ॥ 12-163-44 (71497)
শোণিতং যাবতঃ পাংসূন্সংগৃহ্ণীয়াদ্দ্বিজক্ষতাৎ।
তাবতীঃ স সমা রাজন্নরকে প্রতিপদ্যতে॥ 12-163-45 (71498)
ভ্রূণহাঽঽহবমধ্যে তু শুধ্যতে শস্ত্রপাততঃ।
আত্মানং জুহুয়াদগ্নৌ সমিদ্ধে তেন শুধ্যতে॥ 12-163-46 (71499)
সুরাপো বারুণীমুষ্ণাং পীৎবা পাপাদ্বিমুচ্যতে॥ 12-163-47 (71500)
তয়া স কায়ে নির্দগ্ধে মৃত্যুং বা প্রাপ্য শুধ্যতি।
লোকাংশ্চ লভতে বিপ্রো নান্যথা লভতে হি সঃ॥ 12-163-48 (71501)
গুরুতল্পমধিষ্ঠায় দুরাত্মা পাপচেতনঃ।
শিলাং জ্বলন্তীমাসাদ্য মৃত্যুনা সোভিশুধ্যতি॥ 12-163-49 (71502)
অধবা শিশ্নবৃষণাবাদায়াঞ্জলিনা স্বয়ম্।
নৈর্ঋতীং দিশমাস্থায় নিপতেৎসৎবজিহ্মগঃ॥ 12-163-50 (71503)
ব্রাহ্মণার্থেঽপি বা প্রাণান্সংত্যজংস্তেন শুধ্যতি॥ 12-163-51 (71504)
অশ্বমেধেন বাঽপীষ্ট্বা অথবা গোসবেন বা।
মরুৎসোমেন বা সম্যগিহ প্রেত্য চ পূজ্যতে॥ 12-163-52 (71505)
তথৈব দ্বাদশসমাঃ কাপোতং ধর্মমাচরেৎ।
এককালং চরেদ্ভৈক্ষং স্বকর্মোদাহরঞ্জনে॥ 12-163-53 (71506)
এবং বা তপসা যুক্তো ব্রহ্মহা সবনী ভবেৎ।
এবং গর্ভমবিজ্ঞাতমাত্রেয়ীং বা নিপাতয়েৎ॥ 12-163-54 (71507)
দ্বিগুণা ব্রহ্মহত্যা বৈ আত্রেয়ীহিংসনে ভবেৎ।
সুরাপী নিয়তাহারো ব্রহ্মচারী ক্ষপাচরঃ॥ 12-163-55 (71508)
ঊর্ধ্বং ত্রিভ্যোঽপি বর্ষেভ্যো যজেতাগ্নিষ্টুতা পরম্।
ঋষভৈকসহস্রং বা গা দত্ৎবা শৌচমাপ্নুয়াৎ॥ 12-163-56 (71509)
বৈশ্যং দত্ৎবা তু বর্ষে দ্বে ঋষভৈকশতং চ গাঃ।
শূদ্রং হৎবাঽব্দমেবৈকমৃষভং চ শতং চ গাঃ॥ 12-163-57 (71510)
শ্ববরাহখরান্হৎবা শৌদ্রমেব ব্রতং চরেৎ।
মার্জারচাষমণ্ডূকান্কাকং ব্যালং চ মূষিকম্॥ 12-163-58 (71511)
উক্তঃ পশুবধে দোষো রাজন্প্রাণিনিপাতনাৎ।
`অনস্থিকেষু গোমূত্রং পানমেকং প্রচক্ষতে।'
প্রায়শ্চিত্তান্যথান্যানি প্রবক্ষ্যাম্যনুপূর্বশঃ॥ 12-163-59 (71512)
তল্পে বাঽন্যস্য চৌর্যে চ পৃথক্ সংবৎসরং চরেৎ।
ত্রীণি শ্রোত্রিয়ভার্যায়াং পরদারে চ দ্বে স্মৃতে॥ 12-163-60 (71513)
কালে চতুর্থে ভুঞ্জানো ব্রহ্মচারী ব্রতী ভবেৎ।
স্থানাসনাভ্যাং বিহরেত্রিরহ্নাঽভ্যুপয়ন্নপঃ॥ 12-163-61 (71514)
`ঐবমেব চরন্রাজংস্তস্মাৎপাপাৎপ্রমুচ্যতে।'
এবমেব নিরাকর্তা যশ্চাগ্নীনপবিধ্যতি॥ 12-163-62 (71515)
ত্যজত্যকারণে যশ্চ পিতরং মাতরং গুরুম্।
পতিতঃ স্যাৎস কৌরব্য যথা ধর্মেষু নিশ্চয়ঃ॥ 12-163-63 (71516)
গ্রাসাচ্ছাদনয়ানং চ শয়নং হ্যাসনং তথা।
`ব্রহ্মচারী দ্বিজেভ্যশ্চ দত্ৎবা পাপাৎপ্রমুচ্যতে॥' 12-163-64 (71517)
ভার্যায়াং ব্যভিচারিণ্যাং নিরুদ্ধায়াং বিশেষতঃ।
যৎপুংসঃ পরদারেষু তদেনাং চারয়েদ্ব্রতম্। 12-163-65 (71518)
শ্রেয়াংসং শয়নে হিৎবা পাপীয়াংসং সমৃচ্ছতি।
শ্বভিস্তমর্দয়েদ্রাজা সংস্থানে বহুবিস্তরে॥ 12-163-66 (71519)
পুমাংসং বন্ধয়েৎপাশৈঃ শয়নে তপ্ত আয়সে।
অপ্যাদধীত দারূণি তত্র দহ্যেত পাপকৃত॥ 12-163-67 (71520)
এব দণ্ডো মহারাজ স্ত্রীণাং ভর্তৃব্যতিক্রমে।
সংবৎসারোঽভিশস্তস্য দুষ্টস্য দ্বিগুণো ভবেৎ॥ 12-163-68 (71521)
দ্বে তস্য ত্রীণি বর্ষাণি চৎবারি সহসেবিনঃ।
কুমারঃ পঞ্চবর্ষাণি চরেদ্ভৈক্ষং মুনিব্রতঃ॥ 12-163-69 (71522)
পরিবিত্তিঃ পরিবেত্তা যা চৈব পরিবিদ্যতে।
পাণিগ্রাহস্ৎবধর্মেণ সর্বে তে পতিতাঃ স্মৃতাঃ॥ 12-163-70 (71523)
চরেয়ুঃ সর্ব এবৈতে বীরহা যদ্ব্রতং চরেৎ।
চান্দ্রায়ণং চরেন্মাসং কৃচ্ছ্রং বা পাপশুদ্ধয়ে॥ 12-163-71 (71524)
পরিবেত্তা প্রয়চ্ছেতা তাং স্নুষাং পরিবিত্তয়ে।
জ্যেষ্ঠেন ৎবভ্যনুজ্ঞাতো যবীয়াপ্যনন্তরম্।
এনসো মোক্ষমাপ্নোতি তৌ চ সা চৈব ধর্মতঃ॥ 12-163-72 (71525)
অমানুষীষু গোবর্জমনাদিষ্টং ন দুষ্যতি।
অধিষ্ঠাতারমত্তারং পশূনাং পুরুষং বিদুঃ॥ 12-163-73 (71526)
পরিধায়োর্ধ্ববালং তু পাত্রমাদায় মৃন্ময়ম্।
চরেৎসপ্তগৃহান্ভৈক্ষং স্বকর্ম পরিকীর্তয়ন্॥ 12-163-74 (71527)
তথৈব লব্ধভোজী স্যাদ্দ্বাদশাহাৎস শুধ্যতি।
চরেৎসংবৎসরং চাপি তদ্ব্রতং যেন কৃন্ততি॥ 12-163-75 (71528)
ভবেত্তু মানুষেষ্বেবং প্রায়শ্চিমনুত্তমম্।
দানং বা দানশক্তেষু সবের্মতৎপ্রকল্পয়েৎ॥ 12-163-76 (71529)
অনাস্তিকেষু গোমাত্রং দানমেকং প্রচক্ষতে।
শ্ববরাহমনুষ্যাণাং কুক্কুটস্য খরস্য চ॥ 12-163-77 (71530)
মাংসং মূত্রং পুরীষং চ প্রাশ্য সংস্কারমর্হতি।
ব্রাহ্মণস্তু সুরাপস্য গন্ধমাদায় সোমপাঃ॥ 12-163-78 (71531)
অপখ্যহং পিবেদুষ্ণাঃ সংয়তাত্মা জিতেন্দ্রিয়ঃ।
অপঃ পীৎবা তু স পুনর্বায়ুভক্ষো ভবেন্ত্র্যহম্॥ 12-163-79 (71532)
এবমেতৎসমুদ্দিষ্টং প্রায়শ্চিত্তিষেবণম্।
ব্রাহ্মণস্য বিশেষেণ যদজ্ঞানেন জায়তে॥ ॥ 12-163-80 (71533)
ইতি শ্রীমন্মহাভারতে শান্তিপর্বণি আপদ্ধর্মপর্বণি ত্রিষষ্ট্যধিকশততমোঽধঅয়ায়ঃ॥ 163॥
Mahabharata - Shanti Parva - Chapter Footnotes
12-163-2 নিঃশ্বো নির্ধনঃ॥ 12-163-3 অন্যত্র উক্তেভ্যোঽন্যত্রাপি ব্রাহ্মণেষু অন্যেভ্যোঽব্রাহ্মণেভ্যঃ কৃতান্ন পক্বান্নং ন বিধীয়তে। তেভ্যোঽপ্যকৃতান্নং দেয়মিতি ভাবঃ॥ 12-163-6 ব্রাহ্মণস্য যজ্ঞঃ একেনাংশেন স্ত্র্যাদ্যঙ্গনাসেন প্রতিরুদ্ধঃ স্যাত্তর্হিতস্য বৈশ্যস্য তদ্ধনং এবর্থিবো যজ্ঞার্থং হরেদিতি দ্বিতীয়েন সংবন্ধঃ। দোষেণৈকেন যজ্বন ইতি ধ. পাঠঃ॥ 12-163-11 ভক্তানি ষডনশ্নতঃ ধ্যহমুপোষিতস্য॥ 12-163-13 বালিশ্যাদিত্যনেন ক্ষত্রিয়স্যৈব স দোষ ইত্যুক্তম্॥ 12-163-21 পরিবেষ্টা আহুতিপ্রক্ষেপ্তা। কন্যায়ুবত্যোঃ স্মার্তাগ্নিহোমে স্বয়ং পল্যণি ক পুত্রঃ কুমার্থন্তবাসী বেত্যাশ্বলায়নবচনাদধিকৃতয়োরপ্রতি প্রসক্তের্নিষেধ উক্তঃ॥ 12-163-26 আসতে মিথুনীভবন্তি॥ 12-163-27 উদপানঃ কূপস্তদেকোদকে এককূপোপজীব্যেত্যর্থঃ॥ 12-163-28 অভার্যামপরিণীতাং শয়নে বিভ্রদ্ব্রাহ্মণস্তথা শূদ্রং বৃদ্ধং মহামিতি গন্যমানস্তশ্রাঽব্রাহ্মণং ক্ষত্রিয়ং বৈশ্যং বা বৃদ্ধং মন্যমানস্তৃণেষু যদ্যাসীতোপবিষ্ঠঃ স যথা সংশুধ্যেত তথা তথা শৃণ্বিশি সার্ধার্থঃ॥ 12-163-29 বিহরন্ করোতীতি সংবন্ধঃ॥ 12-163-36 অনির্দেশ্যানি বুদ্ধিপূর্বকানি চেদত্র প্রায়শ্চিত্তং নাস্তীত্যর্থঃ। কিং তর্হি মরণান্তমেব প্রায়শ্চিত্তমিতি ধারণানিশ্চয়ঃ। ব্রাহ্মণীয়োনিতঃ। অব্রাহ্মণস্য ব্রাহ্মণীগমনাদিত্যর্থঃ॥ 12-163-37 যাজনাদিত্রয়েণ সদ্যঃ পততি নতু যানাদিনা। তেন তু বর্ষেণ পততীত্যর্থঃ॥ 12-163-38 এতানি পঞ্চমহাপাপানি। অন্যানি তু নির্দেশ্যানি সপ্রায়শ্চিত্তানি। অব্যসনী পুনঃ পাপরুচির্ন স্যাৎ॥ 12-163-39 পূর্বেষু ত্রিষু সুরাপব্রহ্মঘ্নগুরুতল্পগেষু তেষু মৃতেষু সপিণ্ডানামাশৌচাভাবাত্তেষাং প্রেতকর্মনিষেধাচ্চেতি ভাবঃ॥ 12-163-43 অবগর্হ্য বিনিন্দ্য। স্পৃষ্ট্বাঽর্থচন্দ্রাদিনাপনোদ্য। গুরুতরং শেষাদয়ধিকং পাতকং তস্য পলম্॥ 12-163-46 আহবমধ্যে গোব্রাহ্মণরক্ষার্থং সংগ্রামে শস্ত্রেণ হতশ্চেদ্ব্রাহ্মহা শুধ্যতে॥ 12-163-54 সবনীত্রিষবণস্রায়ী। আত্রেয়ীং প্রাপ্তগর্ভাং স্রিয়ম্॥ 12-163-60 পৃথক্ একৈকস্যোপপাতকস্য প্রায়শ্চিত্তং সংবৎসরং চরেৎ॥ 12-163-68 অভিশস্তস্য প্রায়শ্চিত্তং সদ্যোঽকুর্বতঃ॥ 12-163-69 তস্য পতিতস্য সহসেবিনঃ সংসর্গিণিঃ॥ 12-163-72 পরিবেত্তা কনিষ্ঠঃ পরিবিত্তয়ে জ্যেষ্ঠায় ভার্যাং স্রুষাৎবেন প্রয়চ্ছেৎ। এতাং স্বেনাভুক্তাং তবৈবেয়ং স্নুষেতি মানপূর্বকং সমর্পয়েৎ। তদা জ্যেষ্ঠানুজ্ঞাতো যবীয়ানন্তরং তাং স্বীকুর্যাৎ। পাণিগ্রাহেণ স্বদোষে ক্ষমাপিতে ত্রয়োঽপি পাপান্মুচ্যন্ত ইতি সার্ধশ্লোয়ার্থঃ॥ 12-163-73 অমানুষীষু পশুজাতিষু॥ 12-163-74 ঊর্ধ্ববালং চমরীপুচ্ছং পরিধায় রঙ্গেঽব্রতরন্ ব্রাহ্মণ এবৈতৎপ্রায়শ্চিত্তং কুর্যাৎ॥ 12-163-75 যেন পরিধানেন হেতুভূতেন ঊর্ধ্বংবালং যঃ কৃন্ততি ছিনত্তি স উক্তং ব্রতং সংবৎসরং চরেৎ॥ 12-163-77 অনাস্তিকেষু আস্তিকেষু॥শান্তিপর্ব - অধ্যায় 164
॥ শ্রীঃ ॥
12.164. অধ্যায়ঃ 164
Mahabharata - Shanti Parva - Chapter Topics
ভীষ্মেণ নকুলপ্রশ্নাৎস্বঙ্গোৎপত্তিকথনম্॥ 1॥Mahabharata - Shanti Parva - Chapter Text
12-164-0 (71534)
বৈশম্পায়ন উবাচ। 12-164-0x (5843)
কথান্তরমথাসাদ্য স্বঙ্গয়ুদ্ধবিশারদঃ।
নকুলঃ শরতল্পস্থমিদমাহ পিতামহাম্॥ 12-164-1 (71535)
নকুল উবাচ। 12-164-2x (5844)
ধনুঃ প্রহরণং শ্রেষ্ঠমিতিবাদঃ পিতামহ।
মতস্তু মম ধর্মজ্ঞঃ খঙ্গ এব সুসংশিতঃ॥ 12-164-2 (71536)
ছিন্নে চ কার্মুকে রাজন্প্রক্ষীণেষু শরেষু চ।
খঙ্গেন শক্যতে যোদ্ধুমাত্মানং পরিরক্ষিতুম্॥ 12-164-3 (71537)
শরাসনধরাংশ্চৈব গদাশক্তিধরাংস্তদা।
একঃ খঙ্গধরো বীরঃ সমর্থঃ প্রতিবাধিতুম্॥ 12-164-4 (71538)
অত্র মে সংশয়শ্চৈব কৌতূহলমতীব চ।
কিংস্বিৎপ্রহরণং শ্রেষ্ঠং সর্বয়ুদ্ধেষু পার্থিব॥ 12-164-5 (71539)
কথং চোৎপাদিতঃ খঙ্গঃ কস্মৈ চার্থায় কেন বা।
পূর্বাচার্যং চ খঙ্গস্য প্রব্রবীহি পিতামহ॥ 12-164-6 (71540)
বৈশম্পায়ন উবাচ। 12-164-7x (5845)
তস্য তদ্বচনং শ্রুৎবা মাদ্রীপুত্রস্য ধীমতঃ।
স্বরকৌশলসংয়ুক্তং সূক্ষ্মচিত্রার্থবৎসুখম্॥ 12-164-7 (71541)
ততস্তস্যোত্তরং বাক্যং স্বরবর্ণোপপাদিতম্।
শিক্ষয়া চোপপন্নায় দ্রোণশিষ্যায় পৃচ্ছতে॥ 12-164-8 (71542)
উবাচ সর্বধর্মজ্ঞো ধনুর্বেদস্য পারগঃ।
শরতল্পগতো ভীষ্মো নকুলায় মহাত্মনে॥ 12-164-9 (71543)
ভীষ্ম উবাচ। 12-164-10x (5846)
তত্ৎবং শৃণুষ্ব মাদ্রেয় যথৈতৎপরিপৃচ্ছসি।
প্রবোধিতোঽস্মি ভবতা সানুমানিব পর্বতঃ॥ 12-164-10 (71544)
সলিলৈকার্ণবং তাত পুরা সর্বমভূদিদম্।
অপ্রজ্ঞাতমনাকাশমনির্দেশ্যমহীতলম্॥ 12-164-11 (71545)
তমস্সংবৃতমস্পর্শমতিগম্ভীরদর্শনম্।
নিঃশব্দং চাপ্রমেয়ং চ তত্র জজ্ঞে পিতামহঃ॥ 12-164-12 (71546)
সোঽসৃজদ্বায়ুমগ্নিং চ ভাস্করং চাপি বীর্যবান্।
আকাশমমৃজচ্চোর্ধ্বমধ্নো ভূমিং চ নৈর্ঋতিম্॥ 12-164-13 (71547)
ততঃ সচন্দ্রতারং চ নক্ষত্রাণি গ্রহাংস্তথা।
সংবৎসরানহোরাত্রানৃতূনথ লবান্ক্ষণান্। 12-164-14 (71548)
ততঃ শরীরং লোকস্থং স্থাপয়িৎবা পিতামহঃ।
জনয়ামাস ভগবান্পুত্রানুত্তমতেজসঃ। 12-164-15 (71549)
মরীচিং ভৃগুমত্রিং চ পুলস্ত্যং পুলহং ক্রতুম্।
বসিষ্ঠাঙ্গিরসৌ চোভৌ ভরদ্বাজং তথৈব চ॥ 12-164-16 (71550)
প্রজাপতিস্তথা দক্ষঃ কন্যাঃ ষষ্টিমজীজনাৎ।
তাশ্চ ব্রহ্মর্পীন্সর্বান্প্রজার্থং প্রতিপেদিরে॥ 12-164-17 (71551)
তাভ্যো বিশ্বানি ভূতানি দেবাঃ পিতৃগণাস্তথা।
গন্ধর্বাপ্সরসশ্চৈব রক্ষাসি বিবিধানি চ॥ 12-164-18 (71552)
পতত্রিমৃগমীনাশ্চ গাবশ্চৈব মহোরগাঃ।
নানাকৃতিবলাশ্চান্যে জলক্ষিতিবিচারিণঃ॥ 12-164-19 (71553)
উদ্ভিজ্জাঃ স্বেদজাশ্চৈব সাণ্ডজাশ্চ জরায়ুজাঃ।
অজ্ঞে তাত জগৎসর্বং তথা স্থাবরজঙ্গমম্॥ 12-164-20 (71554)
অতঃ সর্গমিমং কৃৎবা সর্বলোকপিতামহঃ।
অশ্বতং বেদপঠিতং ধর্মং চ জুজুপে পুনঃ॥ 12-164-21 (71555)
স্মন্ধর্মে স্থিতা দেবাঃ সহাচার্যপুরোহিতাঃ।
---ত্যা বসবো রুদ্রাঃ সসাধ্যা মরুদশ্বিনঃ। 12-164-22 (71556)
ভৃ---ত্র্যঙ্গিরসঃ সিদ্ধাঃ কশ্যপশ্চ তপোধনাঃ।
বষ্ঠগৌতমাগস্ত্যাস্তথা নারদপর্বতৌ॥ 12-164-23 (71557)
ক্রয়ো বালখিল্যাশ্চ প্রভাসাঃ সিকতাস্তথা।
ঘৃগাচ্যা সোমবায়ব্যা বৈশ্বানরমরীচিপাঃ॥ 12-164-24 (71558)
করূপাশ্চৈব হংসাশ্চ ঋষয়ো বাঽগ্নিয়োনয়ঃ।
---পপ্রস্থাঃ পৃশ্নয়শ্চ স্থিতা ব্রহ্মানুশাসনে॥ 12-164-25 (71559)
দানবেন্দ্রাস্ৎবতিক্রম্য তৎপিতামহশাসনম্।
ধর্মস্যাপনয়ং চক্রুঃ ক্রোধলোভসমন্বিতাঃ॥ 12-164-26 (71560)
হিরণ্যকশিপুশ্চৈব হিরণ্যাক্ষো বিরোচনঃ।
শম্বরো বিপ্রচিত্তিশ্চ প্রহ্লাদো নমুচির্বলিঃ॥ 12-164-27 (71561)
এতে চান্যে চ বহবঃ সগণা দৈত্যদানবাঃ।
ধর্মসেতুমতিক্রম্য রেমিরেঽধর্মনিশ্চয়াঃ॥ 12-164-28 (71562)
সর্বে তুল্যাভিজাতীয়া যথা দেবাস্তথা বয়ম্।
ইত্যেবং হেতুমাস্থায় স্পর্ধমানাঃ সুরর্ষিভিঃ॥ 12-164-29 (71563)
ন প্রিয়ং নাপ্যনুক্রোশং চক্রুর্ভূতেষু ভারত।
ত্রীনুপায়ানতিক্রম্য দণ্ডেন রুরুধুঃ প্রজাঃ॥ 12-164-30 (71564)
ন জগ্মুঃ সংবিদং তৈশ্চ দর্পাদসুরসত্তমাঃ।
অথ বৈ ভগবান্ব্রহ্মা সর্বলোকনমস্কৃতঃ॥ 12-164-31 (71565)
তদা হিমবতঃ পৃষ্ঠে সুরম্যে পদ্মতারকে।
শতয়োজনবিস্তারে মণিমুক্তাচয়াচিতে॥ 12-164-32 (71566)
তস্মিন্গিরিবরে পুত্র পুষ্পিতদ্রুমকাননে।
তস্থৌ স বিবুধশ্রেষ্ঠো ব্রহ্মা লোকার্থসিদ্ধয়ে॥ 12-164-33 (71567)
ততো বর্ষসহস্রান্তে বিতানমকরোৎপ্রভুঃ।
বিধিনা কল্পদৃষ্টেন যথোক্তেনোপপাদিতম্॥ 12-164-34 (71568)
ঋষিভির্যজ্ঞপটুভির্যথাবৎকর্মকর্তৃভিঃ।
মরুদ্ভিঃ পরিসংকীর্ণং দীপ্যমানৈশ্চ পাবকৈঃ॥ 12-164-35 (71569)
কাঞ্চনৈর্যজ্ঞভাণ্ডৈশ্চ ভ্রাজিষ্ণুভিরলংকৃতম্।
বৃতং দেবগণৈশ্চৈব প্রবভৌ যজ্ঞমণ্ডলম্॥ 12-164-36 (71570)
তথা ব্রহ্মর্ষিভিশ্চৈব সদস্যৈরুপশোভিতম্।
অত্র ঘোরতমং বৃত্তমৃষীণাং মে পরিশ্রুতম্॥ 12-164-37 (71571)
চন্দ্রমা বিমলং ব্যোম যথাঽভ্যুদিততারকম্।
বিদার্যাগ্নিং তথা ভূতমুত্থিতং শ্রূয়তে তদা॥ 12-164-38 (71572)
লোনীৎপলসবর্ণাভং তীক্ষ্ণদংষ্ট্রং কৃশোদরম্।
প্রাংশুমুদ্ধর্ষণং চাপি তথৈব হ্যমিতৌজসম্॥ 12-164-39 (71573)
অস্মিন্নুৎপদ্যমানে চ প্রচচাস বসুংধরা।
মহোর্মিকলিলাবর্তশ্রুক্ষুভে স মহোদধিঃ॥ 12-164-40 (71574)
পেতুশ্চোৎকা মহোৎপাতাঃ শাখাশ্চ মুমুচুর্দ্রুমাঃ।
অপ্রসন্না দিশঃ সর্বাঃ পবনশ্চাশিবো ববৌ।
মুহুর্মুহুশ্চ ভূতানি প্রাব্যথন্ত ভয়াত্তথা॥ 12-164-41 (71575)
ততঃ স তুমুলং দৃষ্ট্বা তদ্ভূতং সমুপস্থিতম্।
মহর্ষিসুরগন্ধর্বানুবাচেদং পিতামহঃ॥ 12-164-42 (71576)
ময়ৈবং চিন্তিতং ভূতমসির্নামৈষ বীর্যবান্।
রক্ষণার্থায় লোকস্য বধায় চ সুরদ্বিষাম্॥ 12-164-43 (71577)
ততস্তদ্রুপমুৎসৃজ্য বভৌ নিস্ত্রিংশ এব সঃ।
বিমলস্তীক্ষ্ণধারশ্চ কালান্তক ইবোদ্যতঃ॥ 12-164-44 (71578)
ততস্তং নীলকণ্ঠায় রুদ্রায়র্ষভকেতবে।
ব্রহ্মা দদাবসিং তীক্ষ্ণমধর্মপ্রতিবারণম্॥ 12-164-45 (71579)
ততঃ স ভগবান্রুদ্রো ব্রহ্মর্ষিগণপূজিতঃ।
প্রগৃহ্মাসিমমেয়াত্মা রূপমন্যচ্চকার হ॥ 12-164-46 (71580)
চতুর্বাহুঃ স্পৃশন্মূর্ধ্না ভূমিষ্ঠোঽপি দিশো দশ।
ঊর্ধ্বদৃষ্টির্মহাবাহুর্মুখাজ্জ্বালাঃ সমুৎসৃজন্॥ 12-164-47 (71581)
বিকুর্বন্বহুধা বর্ণান্নীলপাণ্ডুরলোহিতান্।
বিভ্রৎকৃষ্ণাজিনং বাসো হেমপ্রবরতারকম্॥ 12-164-48 (71582)
নেত্রং চৈকং ললাটস্থং ভাস্করপ্রতিমং মহৎ।
শুশুভাতে সুবিমলে দ্বে নেত্রে কৃষ্ণপিঙ্গলে॥ 12-164-49 (71583)
ততো দেবো মহাদেবঃ শূলপাণির্ভগাক্ষিহা।
সংপ্রগৃহ্য তু নিস্ত্রিংশং কালাগ্নিসমবর্চসম্॥ 12-164-50 (71584)
ত্রিকূটং চর্ম চোদ্যম্য সবিদ্যুতমিবাম্বুদম্।
চচার বিবিধান্মার্গান্দানবান্তচিকীর্ষয়া।
বিধুন্বন্নসিমাকাশে তথা যুদ্ধচিকীর্ষয়া॥ 12-164-51 (71585)
তস্য নাদং বিনদতো মহাহাসং চ মুঞ্চতঃ।
বভৌ প্রতিভয়ং রূপং তদা রুদ্রস্য ভারত॥ 12-164-52 (71586)
তদ্রূপধারিণং রুদ্রং রৌদ্রকর্মচিকীর্ষয়া।
নিশাম্য দানবাঃ সর্বে হৃষ্টাঃ সমভিদুদ্রুবুঃ॥ 12-164-53 (71587)
অশ্মভিশ্চাম্যবর্ষন্ত প্রদীপ্তৈশ্চ তথোল্মুকৈঃ।
ঘোরৈঃ প্রহরণৈশ্চান্যৈঃ ক্ষুরধারৈরয়স্ময়ৈঃ॥ 12-164-54 (71588)
ততস্তু দানবানীকং সংপ্রণেতৃকমপ্যুত।
খঙ্গং দৃষ্ট্বা বলাধূতং প্রমুমোহ চচাল চ॥ 12-164-55 (71589)
চিত্রং শীঘ্রপদৎবাচ্চ চরন্তমসিপাণিনম্।
তমেকমসুরাঃ সর্বে সহস্রমিতি মেনিরে॥ 12-164-56 (71590)
ছিন্দন্ভিন্দন্রুজন্কৃন্তন্দারয়ন্প্রথমন্নপি।
অচরদ্বৈরিসঙ্ঘেষু দাবাগ্নিরিব কক্ষগঃ॥ 12-164-57 (71591)
অসিবেগপ্রভগ্নাস্তে ছিন্নবাহূরুবক্ষসঃ।
উত্তমাঙ্গপ্রকৃত্তাশ্চ পেতুরুর্ব্যাং মহাবলাঃ॥ 12-164-58 (71592)
অপরে দানবা ভগ্নাঃ খঙ্গধারাবপীডিতাঃ।
অন্যোন্যমভিনর্দন্তো দিশঃ সংপ্রতিপেদিরে॥ 12-164-59 (71593)
ভূমিং কেচিৎপ্রবিবিশুঃ পর্বতানপরে তথা।
অপরে জগ্মুরাকাসমপরেঽম্ভঃ সমাবিশন্॥ 12-164-60 (71594)
তস্মিন্মহতি সংবৃত্তে সমরে ভৃশদারুণে।
বভূব ভূঃ প্রতিভয়া মাংসশোণিতকর্দমা॥ 12-164-61 (71595)
দানবানাং শরীরৈশ্চ পতিতৈঃ শোণিতোক্ষিতৈঃ।
সমাকীর্ণা মহাবাহো শৈলৈরিব সকিংশুকৈঃ॥ 12-164-62 (71596)
`রুধিরেণ পরিক্লিন্না প্রবভৌ বসুধা তদা।
রক্তার্দ্রবসনা শ্যামা নারীব মদবিহ্বলা॥' 12-164-63 (71597)
স রুদ্রো দানবান্হৎবা কৃৎবা ধর্মোত্তরং জগৎ।
রৌদ্রং রুপমথাক্ষিপ্য চক্রে রূপং শিবং শিবঃ॥ 12-164-64 (71598)
ততো মহর্ষয়ঃ সর্বে সর্বে দেবগণাস্তথা।
জয়েনাদ্ভুতকল্পেন দেবদেবমথাস্তুবন্॥ 12-164-65 (71599)
ততঃ স ভগবান্রুদ্রো দানবক্ষতজোক্ষিতম্।
অসিং ধর্মস্য গোপ্তারং দদৌ সৎকৃত্য বিষ্ণবে॥ 12-164-66 (71600)
বিষ্ণুর্মরীচয়ে প্রাদান্মরীচির্ভার্গবায় তম্।
মহর্ষিভ্যো দদৌ খঙ্গমৃষয়ো বাসবায় চ॥ 12-164-67 (71601)
মহেন্দ্রো লোকপালেভ্যো লোকপালা তু পুত্রক।
মনবে সূর্যপুত্রায় দদুঃ খঙ্গং সুবিস্তরম্॥ 12-164-68 (71602)
ঊচুশ্চৈনং তথা বাক্যং মানুষাণাং ৎবমীশ্বরঃ।
অসিনা ধর্মগর্ভেণ পালয়স্ব প্রজা ইতি॥ 12-164-69 (71603)
ধর্মসেতুমতিক্রান্তাঃ স্থূলসূক্ষ্মার্থকারণাৎ।
বিভজ্য দণ্ডং রক্ষ্যাঃ স্যুর্ধর্মতো ন যদৃচ্ছয়া॥ 12-164-70 (71604)
দুর্বাচা নিগ্রহো দণ্ডো হিরণ্যবহুলস্তথা।
ব্যঙ্গতা চ শরীরস্য বধো নাল্পস্য করণাৎ॥ 12-164-71 (71605)
অসেরেতানি রূপাণি দুর্বারাদীনি নি দশেৎ।
অসেরেবং প্রমাণানি পরমাণ্যভ্যতিক্রমাৎ॥ 12-164-72 (71606)
অভিষিচ্যাথ পুত্রং স্বং প্রজানামধিপং ততঃ।
মনুঃ প্রজানাং রক্ষার্থং ক্ষুপায় প্রদদাবসিম্॥ 12-164-73 (71607)
ক্ষুপাজ্জগ্রাহ চেক্ষ্বাকুরিক্ষ্বাকোশ্চ পুরূরবাঃ।
আয়ুশ্চ তস্মাল্লোভে তং নহুষশ্চ ততো ভুবি॥ 12-164-74 (71608)
যয়াতির্নহুষাচ্চাপি পূরুস্তস্মাচ্চ লব্ধবান্।
আধূর্তশ্চ গয়স্তস্মাত্ততো ভূমিশয়ো নৃপঃ॥ 12-164-75 (71609)
ভরতশ্চাপি দৌষ্যন্তির্লেভে ভূমিশয়াদসিম্।
তস্মাল্লোভে চ ধর্মজ্ঞো রাজন্নৈলবিলস্তথা॥ 12-164-76 (71610)
ততস্ৎবৈলবিলাল্লেভে ধুন্ধুমারো নরেশ্বরঃ।
ধুন্ধুমারাচ্চ কাম্ভোজো মুচুকুন্দস্ততোঽভজৎ॥ 12-164-77 (71611)
মুচুকুন্দান্মরুত্তশ্চ মরুত্তাদপি রৈবতঃ।
রৈবতাদ্যুবনাশ্বশ্চ যুবনাশ্বাত্ততো রঘুঃ॥ 12-164-78 (71612)
ইক্ষ্বাকুবংশজস্তস্মাদ্ধরিণাশ্বঃ প্রতাপবান্।
হরিণাশ্বাদসিং লেভে শুনকঃ শুনকাদপি॥ 12-164-79 (71613)
উশীনরো বৈ ধর্মাত্মা তস্মাদ্ভোজাঃ সয়াদবাঃ।
যদুভ্যশ্চ শিবির্লেভে শিবেশ্চাপি প্রতর্দনঃ॥ 12-164-80 (71614)
প্রতর্দনাদষ্টকশ্চ রুশদশ্বোঽষ্টকাদপি।
রুশদশ্বাদ্ভরদ্বাজো দ্রোণস্তস্মাৎকৃপস্ততঃ।
ততস্ৎবং ভ্রাতৃভিঃ সার্ধং পরমাসিমবাপ্তবান্॥ 12-164-81 (71615)
কৃত্তিকাস্তস্য নক্ষত্রমসেরগ্নিশ্চ দৈবতম্।
রোহিণ্যো গোত্রমস্যাথ রুদ্রাশ্চ গুরুসত্তমাঃ॥ 12-164-82 (71616)
অসেরষ্টৌ হি নামানি রহস্যানি নিবোধ মে।
পাণ্ডবেয় সদা যানি কীর্তয়ঁল্লভতে জয়ম্॥ 12-164-83 (71617)
অসির্বিশসনঃ খঙ্গস্তীক্ষ্ণচর্মা দুরাসদঃ।
শ্রীগর্ভো বিজয়শ্চৈব ধর্মপালস্তথৈব চ॥ 12-164-84 (71618)
অগ্র্যঃ প্রহরণানাং চ খঙ্গো ভুবি পরিশ্রুতঃ।
মহেশ্বরপ্রণীতশ্চ পুরাণে নিশ্চয়ং গতঃ।
`এতানি চৈব নামানি পুরাণে নিশ্চিতানি বৈ॥' 12-164-85 (71619)
পৃথুস্তূৎপাদয়ামাস ধনুরাদ্যমরিংদমঃ।
তেনেয়ং পৃথিবী দুগ্ধা সস্যানি সুবহূন্যপি।
ধর্মেণ চ যথাপূর্বং বৈন্যেন পরিরক্ষিতা॥ 12-164-86 (71620)
তদেতদার্ষং মাদ্রেয় প্রমাণং কর্তুমর্হসি।
অসেশ্চ পূজা কর্তব্যা সদা যুদ্ধবিশারদৈঃ॥ 12-164-87 (71621)
ইত্যেষ প্রথমঃ কল্পো ময়া তে কথিতঃ পুনঃ।
এবমেবাসিসর্গোঽয়ং যথাবদ্ভরতর্ষভ॥ 12-164-88 (71622)
সর্বথা তমিহ শ্রুৎবা স্বঙ্গস্যাগমমুত্তমম্।
লভতে পুরুষঃ কীর্তি প্রেত্য চানন্ত্যমশ্নুতে॥ ॥ 12-164-89 (71623)
ইতি শ্রীমন্মহাভারতে শান্তিপর্বণি আপদ্ধর্মপর্বণি চতুঃষষ্ট্যধিকশততমোঽধ্যায়ঃ॥ 164॥
Mahabharata - Shanti Parva - Chapter Footnotes
12-164-1 কথান্তরং আপদ্ধর্মাণং সাঙ্গানাং সমাপ্তৎবাৎ কথায়া অবসানং অসাদ্য প্রাপ্য॥ 12-164-10 ধাতুমানিব পর্বত ইতি ঝ. পাঠঃ। তত্র ধাতুমান্ গৈরিকবান্ রুধিরোক্ষিতৎবাদিত্যর্থঃ॥ 12-164-19 প্লবঙ্গ শ্চ মহোরগা ইতি ঝ. পাঠঃ॥ 12-164-21 ধর্মং প্রয়ুয়ুজে তত ইতি ঝ. পাঠঃ॥ 12-164-25 বানপ্রস্থা ইতি ঝ. পাঠঃ॥ 12-164-32 পদ্মানীব তারকা যত্র লগ্নাস্তস্মিন্ পদ্মতারকে। অত্যন্তমুচ্ছ্রিত ইত্যর্থঃ॥ 12-164-35 সমিদ্ভিঃ পরিকীর্ণমিতি ঝ. পাঠঃ॥ 12-164-38 বিকীর্যাগ্নিমিতি ঝ. পাঠঃ॥ 12-164-51 ত্রিকূটং ত্রীণি কৃটানি কপটানি পার্শ্বয়োরগ্নে চ তীক্ষ্ণধাররূপাণি পরবিদারকাণি যস্মিংন্॥ 12-164-72 দুর্বাগাদীনি নির্দিশেদিতি ট. ড. পাঠঃ॥শান্তিপর্ব - অধ্যায় 165
॥ শ্রীঃ ॥
12.165. অধ্যায়ঃ 165
Mahabharata - Shanti Parva - Chapter Topics
স্বস্বাভিমতার্থকথনায় চোদিতৈর্বিদুরার্জুনভীমসেনৈঃ ক্রমেণ ধর্মার্থকামেষু অভিষ্টুতেষু যুধিষ্ঠিরেণ মোক্ষপ্রশংসনম্॥ 1॥Mahabharata - Shanti Parva - Chapter Text
12-165-0 (71624)
বৈশম্পায়ন উবাচ। 12-165-0x (5847)
ইত্যুক্তবতি ভীষ্মে তু তূষ্ণীংভূতে যুধিষ্ঠিরঃ।
পপ্রচ্ছাবসথং গৎবা ভ্রাতৃন্বিদুরপঞ্চমান্॥ 12-165-1 (71625)
ধর্মে চার্থে চ কামে চ লোকবৃত্তিঃ সমাহিতা।
তেষাং গরীয়ান্কতমো মধ্যমঃ কো লঘুশ্চ কঃ॥ 12-165-2 (71626)
কস্মিংশ্চাত্মা নিয়ন্তব্যস্ত্রিবর্গবিজয়ায় বৈ।
সংপৃষ্টা নৈষ্ঠিকং বাক্যং যথাবদ্বক্তুমর্হথ॥ 12-165-3 (71627)
ততোঽর্থগতিতত্ৎবজ্ঞঃ প্রথমং প্রতিভানবান্।
জগাদ বিদুরো বাক্যং ধর্মশাস্ত্রমনুস্মরন্॥ 12-165-4 (71628)
বিদুর উবাচ। 12-165-5x (5848)
বহুশ্রুতং তপস্ত্যাগঃ শ্রদ্ধা যজ্ঞক্রিয়া ক্ষমা।
ভাবশুদ্ধির্দয়া সত্যং সংয়মশ্চাত্মসংপদঃ॥ 12-165-5 (71629)
এতদেবাভিপদ্যস্ব মা তে ভূচ্চলিতং মনঃ।
এতন্মূলৌ হি ধর্মার্থাবেতদেকপদং হিতম্॥ 12-165-6 (71630)
ধর্মেণৈবর্ষয়স্তীর্ণা ধর্মে লোকাঃ প্রতিষ্ঠিতাঃ।
ধর্মেণ দেবা দিবি চ ধর্মে চার্থঃ সমাহিতঃ॥ 12-165-7 (71631)
ধর্মো রাজন্গুণঃ শ্রেষ্ঠো মধ্যমো হ্যর্থ উচ্যতে।
কামো যবীয়ানিতি চ প্রবদন্তি মনীষিণঃ॥ 12-165-8 (71632)
তস্মাদ্ধর্মপ্রধানেন ভবিতব্যং যতাত্মনা।
তথা চ সর্বভূতেষু বর্তিতব্যং যতাত্মনা॥ 12-165-9 (71633)
বৈশম্পায়ন উবাচ। 12-165-10x (5849)
সমাপ্তবচনে তস্মিন্ভীমকর্মা ধনঞ্জয়ঃ।
ততোঽর্থগতিতত্ৎবজ্ঞো জগৌ বাক্যং প্রচোদিতঃ॥ 12-165-10 (71634)
কর্মভূমিরিয়ং রাজন্নিহ বার্তা প্রশস্যতে।
কৃষির্বাণিজ্যগোরক্ষং শিল্পানি বিবিধানি চ॥ 12-165-11 (71635)
অর্থ ইত্যেব সর্বেষাং কর্মণামব্যতিক্রমঃ।
নিবৃত্তেঽর্থে ন বর্তেতে ধর্মকামাবিতি শ্রুতিঃ॥ 12-165-12 (71636)
বিষহেতার্থবান্ধর্মমারাধয়িতুমুত্তমম্।
কামং চ চরিতুং শক্তো দুষ্প্রাপমকৃতাত্মভিঃ॥ 12-165-13 (71637)
অর্থস্যাবয়বাবেতৌ ধর্মকামাবিতি শ্রুতিঃ।
অর্থসিদ্ধ্যা বিনির্বৃত্তাবৃভাবেতৌ ভবিষ্যতঃ॥ 12-165-14 (71638)
তদ্গতার্থং হি পুরুষং বিশিষ্টতরয়োনয়ঃ।
ব্রহ্মাণমিব ভূতানি সততং পর্যুপাসতে॥ 12-165-15 (71639)
জটাজিনধরা দান্তাঃ পঙ্কদিগ্ধা জিতেন্দ্রিয়াঃ।
মুণ্ডা নিস্তন্তবশ্চাপি বসন্ত্যর্থার্থিনঃ পৃথক্॥ 12-165-16 (71640)
কাষায়বসনাশ্চান্যে শ্মশ্রুলা হি সুসংয়তাঃ।
বিদ্বাংসশ্চৈব শান্তাশ্চ মুক্তাঃ সর্বপরিগ্রহৈঃ॥ 12-165-17 (71641)
`অর্থার্থিনঃ সন্তি নিত্যং পরিতষ্যন্তি কর্মভিঃ।'
অর্থার্থিনঃ সন্তি কেচিদপরে স্বর্গকাঙ্ক্ষিণঃ।
কুলপ্রত্যাগমাশ্চৈকে স্বংস্বং ধর্মমনুষ্ঠিতাঃ॥ 12-165-18 (71642)
আস্তিকা নাস্তিকাশ্চৈব নিয়তাঃ সংয়মে পরে।
অপ্রজ্ঞানং তমোভূতং প্রজ্ঞানং তু প্রকাশিতা॥ 12-165-19 (71643)
ভৃত্যান্ভোগৈর্দ্বিষো দণ্ডৈর্যো যোজয়তি সোঽর্থবান্।
এতন্মতিমতাংশ্রেষ্ঠ মতং মম যথাতথম্।
অনয়োস্তু বিবোধ ৎবং বচনং শক্রকণ্বয়োঃ॥ 12-165-20 (71644)
বৈশম্পায়ন উবাচ। 12-165-21x (5850)
তথা ধর্মার্থকুশলৌ মাদ্রীপুত্রাবনন্তরম্।
নকুলঃ সহদেবশ্চ বাক্যমূচতুরুত্তমম্॥ 12-165-21 (71645)
আসীনশ্চ শয়ানশ্চ বিচরন্নপি বা স্থিতঃ।
অর্থয়োগং দৃঢং কুর্যাদ্যোগৈরুচ্চাবচৈরপি॥ 12-165-22 (71646)
অস্মিংস্তু বৈ বিনির্বৃত্তে দুর্লভে পরমপ্রিয়ে।
ইহ কামানবাপ্নোতি প্রত্যক্ষং নাত্র সংশয়ঃ॥ 12-165-23 (71647)
যোঽর্থো ধর্মেণ সংয়ুক্তো ধর্মো যশ্চার্থসংয়ুতঃ।
মধ্বিবামৃতসংসৃষ্টং তস্মাদেতৌ মতাবিহ॥ 12-165-24 (71648)
অনর্থস্য ন কামোস্তি তথাঽর্থোঽধর্মিণঃ কুতঃ।
তস্মাদুদ্বিজলে লোকো ধর্মার্থাভ্যাং বহিষ্কৃতাৎ॥ 12-165-25 (71649)
তস্মাদ্ধর্মপ্রধানেন সাধ্যোঽর্থঃ সংয়তাত্মনা।
বিশ্বস্তেষু হি ভূতেষু কল্পতে সর্বমেব হি॥ 12-165-26 (71650)
ধর্মং সমাচরেৎপূর্বং ততোঽর্থং ধর্মসংয়ুতম্।
ততঃ কামং চরেৎপশ্চাৎসিদ্ধার্থস্য হি তৎফলম্॥ 12-165-27 (71651)
বৈশম্পায়ন উবাচ। 12-165-28x (5851)
বিরেমতুস্তু তদ্বাক্যমুক্ৎবা তাবশ্বিনোঃ সুতৌ।
ভীমসেনস্ততো বাক্যমিদং বক্তুং প্রচক্রমে॥ 12-165-28 (71652)
নাকামঃ কাময়ত্যর্থং নাকামো ধর্মমিচ্ছতি।
নাকামঃ কাময়ানোঽস্তি তস্মাৎকামো বিশিষ্যতে॥ 12-165-29 (71653)
কামেন যুক্তা ঋষয়স্তপস্যেব সমাহিতাঃ।
পলাশাঃ শাকমূলাশা বায়ুভক্ষাঃ সুসংয়তাঃ॥ 12-165-30 (71654)
বেদোপবেদেষ্বপরে যুক্তাঃ স্বাধ্যায়পারগাঃ।
শ্রাদ্ধে যজ্ঞক্রিয়ায়াং চ তথা দানপ্রতিগ্রহে॥ 12-165-31 (71655)
বণিজঃ কর্ষকা গোপাঃ কারবঃ শিল্পিনস্তথা।
দেশধর্মকৃতশ্চৈব যুক্তাঃ কামেন কর্মসু॥ 12-165-32 (71656)
সমুদ্রং বা বিশন্ত্যন্যে নরাঃ কামেন সংয়ুতাঃ।
কামো হি বিবিধাকারঃ সর্বং কামেন সংততম্॥ 12-165-33 (71657)
নাস্তি নাসীন্ন ভবিতা ভূতং কামমৃতে পরম্।
এতৎসারং মহারাজ ধর্মার্থাবত্র সংশ্রিতৌ॥ 12-165-34 (71658)
নবনীতং যথা দধ্নস্তথা কামোঽর্থধর্মতঃ।
শ্রেয়স্তৈলং ন পিণ্যাকো ঘৃতং শ্রেয় উদশ্বিতঃ॥ 12-165-35 (71659)
শ্রেয়ঃ পুষ্পফলং কাষ্ঠাৎকামো ধর্মার্থয়োর্বরঃ।
পুষ্পতো মধ্বিব পরং কামাৎসংজায়তে সুখম্।
কামো ধর্মার্থয়োর্যোনিঃ কামশ্চাথ তদাত্মকঃ॥ 12-165-36 (71660)
[নাকামতো ব্রাহ্মণাঃ স্বন্নমর্থা
ন্নাকামতো দদতি ব্রাহ্মণেভ্যঃ।
নাকামতো বিবিধা লোকচেষ্টা
তস্মাৎকামঃ প্রাক্ ত্রিবর্গস্য দৃষ্টঃ॥] 12-165-37 (71661)
সুচারুবেষাভিরলংকৃতাভি
র্মদোৎকটাভিঃ প্রিয়বাদিনীভিঃ।
রমস্ব যোষিদ্ভিরুপেত্য কামং
কামো হি রাজন্পরমাভিরামঃ॥ 12-165-38 (71662)
বুদ্ধির্মমৈষা পরিখাস্থিতস্য
মাভূদ্বিচারস্তব ধর্মপুত্র।
স্বাৎসংহিতং সদ্ভিরফল্গুসার
মসস্তবাক্যং পরমানৃশংসম্॥ 12-165-39 (71663)
বর্মার্থকামাঃ সমমেব সেব্যা
যো হ্যেকভক্তঃ স নরো জঘন্যঃ।
দ্বয়োস্তু সক্তং প্রবদন্তি মধ্যমং
স উত্তমো যোঽভিরতস্ত্রিবর্গে॥ 12-165-40 (71664)
প্রাজ্ঞঃ সুহৃচ্চন্দনসারলিপ্তো
বিচিত্রমাল্যাভরণৈরুপেতঃ।
ততো বচঃ সংগ্রহবিস্তরেণ
প্রোক্ৎবাঽথ বীরান্বিররাম ভীমঃ॥ 12-165-41 (71665)
ততো মুহূর্তাদথ ধর্মরাজো
বাক্যানি তেষামনুচিন্ত্য সম্যক্।
উবাচ বাচাঽবিতথং স্ময়ন্বৈ
বহুশ্রুতো ধর্মভৃতাং বরিষ্ঠঃ॥ 12-165-42 (71666)
নিঃসংশয়ং নিশ্চিতসর্বশাস্ত্রাঃ
সর্বে ভবন্তো বিদিতপ্রমাণাঃ।
বিজ্ঞাতুকামস্য মমেহ বাক্য
মুক্তং যদ্বো নৈষ্ঠিকং তচ্ছ্রুতং মে।
ইহানুবংশং গদতো মমাপি
বাক্যং নিবোধধ্বমনন্যভাবাঃ॥ 12-165-43 (71667)
যো বৈ ন পাপে নিরতো ন পুণ্যে
নার্থে ন ধর্মে মনুজো ন কামে।
বিমুক্তদোষঃ সমফল্গুসারো
বিমুচ্যতে দুঃখসুখাৎস সিদ্ধঃ॥ 12-165-44 (71668)
ভূতানি জাতীমরণান্বিতানি
জরাবিকারৈশ্চ সমন্বিতানি।
ভূয়শ্চ তৈস্তৈরুপসেবিতানি
মোক্ষং প্রশংসন্তি ন তং চ বিদ্মঃ॥ 12-165-45 (71669)
স্নেহেন বদ্ধস্য ন সন্তি তানি
চৈবং স্বয়ংভূর্ভগবানুবাচ।
বোধায় নির্বাণপরা ভবন্তি
তস্মান্ন কুর্যাৎপ্রিয়মপ্রিয়ং চ॥ 12-165-46 (71670)
এতচ্চ মুখ্যং ন তু কামকারো
যথা নিয়ুক্তোঽস্মি তথা করোমি।
ভূতানি সর্বাণি বিধির্নিয়ুঙ্ক্তে
বিধির্বলীয়ানিতি বিত্ত সর্বে॥ 12-165-47 (71671)
ন কর্মণাঽপ্নোত্যনবাপ্যমর্থং
যদ্ভাবি তদ্বৈ ভবতীতি বিদ্মঃ।
ত্রিবর্গহীনোঽপি হি বিন্দতেঽর্থং
তস্মাদদো লোকহিতায় গুহ্যম্॥ 12-165-48 (71672)
বৈশম্পায়ন উবাচ। 12-165-49x (5852)
তদগ্র্যবুদ্ধের্বচনং মনোনুগং
সমস্তমাজ্ঞায় তথাহি হেতুমৎ।
তদা প্রণেদুশ্চ জহর্ষিরে চ তে
কুরুপ্রবীরায় চ চক্রিরেঽঞ্জলিম্॥ 12-165-49 (71673)
সুচারুবর্ণাক্ষরশব্দভূষিতাং
মনোনুগাং নির্গতবাক্যকণ্টকাম্।
নিশম্য তাং পার্থিবভাষিতাং গিরং
পার্থস্য সর্বে প্রণতা বভূবুঃ॥ 12-165-50 (71674)
তথৈব রাজা প্রশশংস্ বীর্যবান্
পুনশ্চ পপ্রচ্ছ সরিদ্বরাসুতম্।
ধর্মার্থকামেষু বিনিশ্চয়জ্ঞং
ততঃ পরং ধর্মমহীনচেতসম্॥ ॥ 12-165-51 (71675)
ইতি শ্রীমন্মহাভারতে শান্তিপর্বণি আপদ্ধর্মপর্বণি পঞ্চষষ্ট্যধিকশততমোঽধ্যায়ঃ॥ 165॥
Mahabharata - Shanti Parva - Chapter Footnotes
12-165-3 ত্রিবর্গবিজয়ায় কামক্রোধলোভানাং জয়ায়॥ 12-165-12 অব্যতিক্রমঃ মর্যাদা॥ 12-165-16 নিস্তন্তবঃ নৈষ্ঠিকব্রহ্মচারিণঃ॥ 12-165-17 শ্মশ্রুলা হীনিষেবিণ ইতি ঝ. পাঠঃ॥ 12-165-20 বচনং শুককণ্বয়োরিতি ড.দ.পাঠঃ॥ 12-165-25 অনর্থস্য অর্থহীস্য। অধর্মিণঃ ধর্মহীনস্য॥ 12-165-27 অত্র ধর্মার্থয়োঃ সমৎবেঽপি ধর্মস্য পূর্বৎবাদ্বিদুরমতমেবৈতদীষদ্ভেদেন দর্শিতম্॥ 12-165-35 উদশ্বিতঃ তক্রাৎ॥ 12-165-37 অকামতঃ কামং বিনা। কেবলার্থাৎস্বন্নং মৃষ্ঠান্নং নাস্তি॥ 12-165-39 পরিস্বাস্থিতস্য পরিতঃ খাতা পরিখা। সর্বতো মূলশোধ ইত্যর্থঃ। তত্র স্থিতস্য অনৃশংসমনিষ্টুরম্॥ 12-165-40 তয়োস্তু দাক্ষ্যং প্রবদন্তীতি ঝ. পাঠঃ॥ 12-165-43 নৈষ্ঠিকং সিদ্ধান্তরূপম্। এতেন পূর্বে সর্বে পূর্বপক্ষা এবেত্যুক্তম্॥ 12-165-48 অর্থং মোক্ষম্। লোকহিতায়ং মোক্ষায়। ত্রিবর্গহীনোঽপি গুহ্যমর্থং রহস্যং জ্ঞানং বিন্দতে লভতে পূর্বোক্তোঽধিকারী॥শান্তিপর্ব - অধ্যায় 166
॥ শ্রীঃ ॥
12.166. অধ্যায়ঃ 166
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সংধেয়াসংধেয়পুরুষলক্ষণকথনম্॥ 1॥Mahabharata - Shanti Parva - Chapter Text
12-166-0 (71676)
যুধিষ্ঠির উবাচ। 12-166-0x (5853)
পিতামহ মহাপ্রাজ্ঞ কুরূণাং প্রীতিবর্ধন।
প্রশ্নং কংচিৎপ্রবক্ষ্যামি তন্মে ব্যাখ্যাতুমর্হসি॥ 12-166-1 (71677)
কীদৃশা মানবাঃ সেব্যাঃ কৈ প্রীতি পরমা ভবেৎ।
আয়ত্যাং চ তদাৎবে চ কে ক্ষমাস্তান্বদস্ব মে॥ 12-166-2 (71678)
ন হি তত্র ধনং স্ফীতং ন চ সংবন্ধিবান্ধবাঃ।
তিষ্ঠন্তি যত্র সুহৃদস্তিষ্ঠন্তীতি মতির্মম॥ 12-166-3 (71679)
দুর্লভো হি সুহৃচ্ছ্রোতা দুর্লভশ্চ হিতঃ সুহৃৎ।
এতদ্ধর্মভৃতাং শ্রেষ্ঠ সর্বং ব্যাখ্যাতুমর্হসি॥ 12-166-4 (71680)
ভীষ্ম উবাচ। 12-166-5x (5854)
সন্ধেয়ান্পুরুষান্রাজন্নসন্ধেয়াংশ্চ তত্ৎবতঃ।
বদতো মে নিবোধ ৎবং নিখিলেন যুধিষ্ঠির॥ 12-166-5 (71681)
লুব্ধঃ ক্রূরস্ত্যক্তধর্মা নিকৃতিঃ শঠ এব চ।
ক্ষুদ্রঃ পাপসমাচারঃ সর্বশঙ্কী তথাঽলসঃ॥ 12-166-6 (71682)
দীর্ঘসূত্রোঽনৃজুঃ ক্রুষ্টো গুরুদারপ্রধর্পকঃ।
ব্যসনে যঃ পরিত্যাগী দুরাত্মা নিরপত্রপঃ॥ 12-166-7 (71683)
সর্বতঃ পাপদর্শী চ নাস্তিকো বেদনিন্দকঃ।
সংপ্রকীর্ণেন্দিয়ো লোকে যঃ কালনিরতশ্চরেৎ॥ 12-166-8 (71684)
অসভ্যো লোকবিদ্বিষ্টঃ সময়ে চানবস্থিতঃ।
পিশুনোঽথাকৃতপ্রজ্ঞো মৎসরী পাপনিশ্চয়ঃ॥ 12-166-9 (71685)
দুঃশীলোঽথাকৃতাত্মা চ নৃশংসঃ কিতবস্তথা।
মিত্রৈরপকৃতির্নিত্যমটতেঽর্থং ধনেপ্সয়া॥ 12-166-10 (71686)
দদতশ্চ যথাশক্তি যো ন তুষ্যতি মন্দধীঃ।
অধৈর্যমপি যো যুঙ্ক্তে সদা মিত্রং নরাধমঃ॥ 12-166-11 (71687)
অস্থানক্রোধনো যশ্চ অকস্মাচ্চ বিরজ্যতে।
সুহৃদশ্চৈব কল্যাণানাশু ত্যজতি কিল্বিপী॥ 12-166-12 (71688)
অল্পেঽপ্যপকৃতে মূঢে ন সংস্মরনি যৎকৃতম্।
কার্যসেবী চ মিত্রেষু মিত্রদ্বেষী নরাধিপ। 12-166-13 (71689)
শত্রুর্মিত্রমুখো যশ্চ জিহ্নপ্রেক্ষী বিলোচনঃ।
ন তুষ্যতি চ কল্যাণে যম্ত্যজেত্তাদৃশং নরম্॥ 12-166-14 (71690)
পানপো দ্বেষণঃ ক্রোধী নির্ঘৃণঃ পরুপস্তথা।
পরোপতাপী মিত্রধ্রুক্ তথা প্রাণিবধে রতঃ॥ 12-166-15 (71691)
কৃতঘ্নশ্চাধমো লোকে ন সন্ধেয়ঃ কথংচন।
মিত্রদ্বেষী হ্যসংধেয়ঃ সন্ধেয়ানপি মে শৃণু॥ 12-166-16 (71692)
কুলীনা বাক্যসংপন্না জ্ঞানবিজ্ঞানকোবিদাঃ।
রূপবন্তো গুণোপেতাস্তথাঽলুব্ধা জিতশ্রমাঃ॥ 12-166-17 (71693)
সন্মিত্রাশ্চ কৃতজ্ঞাশ্চ সর্বজ্ঞা লোভবর্জিতাঃ।
মাধুর্যগুণসংপন্নাঃ সত্যসন্ধা জিতেন্দ্রিয়াঃ॥ 12-166-18 (71694)
ব্যায়ামশীলাঃ সততং ভৃত্যপুত্রাঃ কুলোদ্বহাঃ।
দোষৈঃ প্রমুক্তাঃ প্রথিতাস্তে গ্রাহ্যাঃ পার্থিবৈর্নরাঃ॥ 12-166-19 (71695)
যথাশক্তি সমাচারাঃ সংপ্রতুষ্যন্তি হি প্রভো।
নাস্থানে ক্রোধবন্তশ্চ ন চাকস্মাদ্বিরাগিণঃ॥ 12-166-20 (71696)
বিরক্তাশ্চ ন দুষ্যন্তি মনসাঽপ্যর্থকোবিদাঃ।
আত্মানং পীডয়িৎবাঽপি সুহৃৎকার্যপরায়ণাঃ।
বিরজ্যন্তি ন মিত্রেভ্যো বাসো রক্তমিবাবিকম্॥ 12-166-21 (71697)
দোষাংশ্চ লোভমোহাদীনর্থেষু যুবতীপু চ।
ন দর্শয়ন্তি সুহৃদো বিশ্বস্তা বন্ধুবৎসলাঃ॥ 12-166-22 (71698)
লোষ্টকাঞ্চনতুল্যার্থাঃ সুহৃৎসু দৃঢবুদ্ধয়ঃ।
যে চরন্ত্যনভীমানা নিসৃষ্টার্থবিভূষণাঃ।
সংগৃহ্ণন্তঃ পরিজনং স্বাম্যর্থপরমাঃ সদা॥ 12-166-23 (71699)
ঈদৃশৈঃ পুরুষশ্রেষ্ঠৈর্যঃ সন্ধিং কুরুতে নৃপঃ।
তস্য বিস্তীর্যতে রাজ্যং জ্যোৎস্না গ্রহপতেরিব॥ 12-166-24 (71700)
সৎববন্তো জিতক্রোধা বলবন্তো রণে সদা।
জন্মশীলগুণোপেতাঃ সন্ধেয়াঃ পুরুষোত্তমাঃ। 12-166-25 (71701)
যে চ দোপসমায়ুক্তা নরাঃ প্রোক্তা ময়াঽন।
তেষামপ্যধমা রাজন্কৃতঘ্না মিত্রঘাতকাঃ।
ত্যক্তব্যাস্তু দুরাচারাঃ সর্বেষামিতি নিশ্চয়ঃ। ॥ 12-166-26 (71702)
ইতি শ্রীমন্মহাভারতে শান্তিপর্বণি আপদ্ধর্মপর্বণি ষট্ষষ্ট্যধিকশততমোঽধ্যায়ঃ॥ 166॥
Mahabharata - Shanti Parva - Chapter Footnotes
12-166-3 মিত্রস্যার্থাদিভ্যোঽন্তরঙ্গৎবমাহ নহীতি॥ 12-166-5 সন্ধেয়ান নিত্রীকর্তুং যোগ্যান্॥ 12-166-7 ক্রুষ্টো লোকনিন্দিতঃ॥ 12-166-10 নিত্যমিচ্ছতেঽর্থং পরস্য য ইতি ঝ. পাঠঃ॥ 12-166-12 কার্যার্থমেব সেবতে ন তু ধর্মার্ধমিতি কার্যযেতী॥ 12-166-14 বিমোচনঃ বিপরীতদৃষ্টিঃ॥ 12-166-16 ছিদ্রান্বেপী হ্যসন্ধেয়ং ইতি ঝ. পাঠঃ॥ 12-166-21 বাসো রক্তমিবাধিকং মেপকম্বলঃ॥ 12-166-26 কৃতং উপকারং ঘ্নন্তি বাচাঽপলাপেন বাতে কৃতঘ্নাঃ ত এব উপকর্তুর্নাশকরামিবহুহঃ।শান্তিপর্ব - অধ্যায় 167
॥ শ্রীঃ ॥
12.167. অধ্যায়ঃ 167
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কৃতঘ্নমিত্রদ্রোহিলক্ষণকথনায় দৃষ্টান্ততয়া গৌতমকথাকথনারম্ভঃ॥ 1॥ ব্রাহ্মণাধমেনকেনচিদ্গৌতমকুলজেন ধনার্জনায় দস্যুগ্রামপ্রবেশঃ॥ 2॥ তত্র কেনচিদ্দস্যুবরেণ ভর্তৃবিরহিতনারীসমর্পণাদিনা সৎকৃতেন গৌতমেন দস্যুবৃত্ত্যোপজীবনম্॥ 3॥Mahabharata - Shanti Parva - Chapter Text
12-167-0 (71703)
যুধিষ্ঠির উবাচ। 12-167-0x (5855)
বিস্তরেণার্থসংবন্ধং শ্রোতুমিচ্ছামি তত্ৎবতঃ।
মিত্রদ্রোহী কৃতঘ্নশ্চ যঃ প্রোক্তস্তং চ মে বদ॥ 12-167-1 (71704)
ভীষ্ম উবাচ। 12-167-2x (5856)
হন্ত তে বর্তয়িষ্যেঽহমিতিহাসং পুরাতনম্।
উদীচ্যাং দিশি যদ্বৃত্তং ম্লেচ্ছেষু মনুজাধিপ॥ 12-167-2 (71705)
ব্রাহ্মণো মধ্যদেশীয়ঃ কৃষ্ণাঙ্গো ব্রহ্মবর্জিতঃ।
গ্রামং দস্যুগণাকীর্ণং প্রাবিশদ্ধনতৃষ্ণয়া॥ 12-167-3 (71706)
তত্র দস্যুর্ধনয়ুতঃ সর্ববর্ণবিশেষবিৎ।
ব্রহ্মণ্যঃ সত্যসন্ধশ্চ দানে চ নিরতোঽভবৎ॥ 12-167-4 (71707)
তস্য ক্ষয়মুপাগম্য ততো ভিক্ষাময়াচত।
প্রতিশ্রয়ং চ বাসার্থং ভিক্ষাং চৈবাথ বার্ষিকীম্॥ 12-167-5 (71708)
প্রাদাত্তস্মৈ স বিপ্রায় বস্ত্রং চ সদশং নবম্।
নারীং চাপি বয়োপেতাং ভর্ত্রা বিরহিতাং তথা॥ 12-167-6 (71709)
এতৎসংপ্রাপ্য হৃষ্টাত্মা গৌতমোঽথ দ্বিজস্তথা।
তস্মিন্গৃহবরে রাজংস্তয়া রেমে স গৌতমঃ॥ 12-167-7 (71710)
কুটুস্বার্থং চ দস্যোশ্চ সাহায়্যং চাপ্যথাকরোৎ।
সোঽবসদ্বর্ষমেকং বৈ সমৃদ্ধে শবরালয়ে॥ 12-167-8 (71711)
বাণবেধে পরং যত্নমকরোচ্চৈব গৌতমঃ।
চক্রাঙ্গান্স চ নিত্যং বৈ সর্বতো বনগোচরান্।
জঘান গৌতমো রাজন্যথা দস্যুগণাস্তথা॥ 12-167-9 (71712)
হিংসাপটুর্ঘৃণাহীনঃ সদা প্রাণিবধে রতঃ।
গৌতমঃ সন্নিকর্ষেণ দস্যুভিঃ সমতামিয়াৎ॥ 12-167-10 (71713)
তথা তু বসতস্তস্য দস্যুগ্রামে সুখং তদা।
অগমন্বহবো মাসা নিঘ্নতঃ পক্ষিণো বহূন্॥ 12-167-11 (71714)
ততঃ কদাচিদপরো দ্বিজস্তং দেশমাগতঃ।
জটাচীরাজিনধরঃ স্বাধ্যায়নিরতঃ শুচিঃ॥ 12-167-12 (71715)
বিনীতো বেদশাস্ত্রেষু বেদান্তানাং চ পারগঃ।
অদৃশ্যত ততস্তত্র সখা তস্যৈব তু দ্বিজঃ।
তং দস্যুগ্রামমগমদ্যত্রাসৌ গৌতমোঽভবৎ॥ 12-167-13 (71716)
স তু বিপ্রগৃহান্বেপী শূদ্রান্নপরিবর্জকঃ।
গ্রামে দস্যুসমাকীর্ণে ব্যচরৎসর্বতো দ্বিজঃ॥ 12-167-14 (71717)
ততঃ স গৌতমগৃহং প্রবিবেশ দ্বিজোত্তমঃ।
গৌতমশ্চাপি সংপ্রাপ্তস্তাবন্যোন্যেন সংগতৌ॥ 12-167-15 (71718)
চক্রাঙ্গভারস্কন্ধং তং ধনুষ্পাণিং ধৃতায়ুধম্।
রুধিরেণাবসিক্তাঙ্গং গৃহদ্বারমুপাগতম্॥ 12-167-16 (71719)
তং দৃষ্ট্বা পুরুষাদাভমপধ্বস্তং ক্ষমাগতম্।
অভিজ্ঞায় দ্বিজো ব্রীডন্নিদং বাক্যমথাব্রবীৎ॥ 12-167-17 (71720)
কিমিদং কুরুপে মোহাদ্বিপ্রস্ৎবং হি কুলোদ্ভবঃ।
মধ্যদেশপরিজ্ঞাতো দস্যুভাবং গতঃ কথম্॥ 12-167-18 (71721)
পূর্বান্স্মর দ্বিজ জ্ঞাতীন্প্রখ্যাতান্বেদপারগান্।
যেষাং বংশেঽভিজাতস্ৎবমীদৃশঃ কুলপাংসনঃ॥ 12-167-19 (71722)
অববুধ্যাত্মনাঽঽত্মানং সৎবং শীলং শ্রুতং দমম্।
অনুক্রোশং চ সংস্মৃত্য ত্যজ বাসমিমং দ্বিজ॥ 12-167-20 (71723)
স এবমুক্তঃ সুহৃদা তেন তত্র হিতৈপিণা।
প্রত্যুবাচ ততো রাজন্বিনিশ্বস্য তদাঽঽর্তবৎ॥ 12-167-21 (71724)
নির্ধনোঽস্মি দ্বিজশ্রেষ্ঠ নাপি বেদবিদপ্যহম্।
বিত্তার্থমিহ সংপ্রাপ্তং বিদ্ধি মাং দ্বিজসত্তম॥ 12-167-22 (71725)
ৎবদ্দর্শনাত্তু বিপ্রেন্দ্র কৃতার্থোঽস্ম্যদ্য বৈ দ্বিজ।
অধ্বানং সহ যাস্যাবঃ শ্বো বসস্বাদ্য শর্বরীম্॥ 12-167-23 (71726)
স তত্র ন্যবসদ্বিপ্রো ঘৃণী কিংচিদসংস্পৃশন্।
ক্ষুধিতশ্ছন্দ্যমানোঽপি ভোজনং নাভ্যনন্দত॥ ॥ 12-167-24 (71727)
ইতি শ্রীমন্মহাভারতে শান্তিপর্বনি আপদ্ধর্মপর্বণি সপ্তষষ্ট্যধিকশততমোঽধ্যায়ঃ॥ 167॥
Mahabharata - Shanti Parva - Chapter Footnotes
12-167-3 ব্রহ্ম বেদস্তদুক্তং কর্ম চ তদ্বিবর্জিতঃ গ্রামং বৃদ্ধিয়ুতং বীক্ষ্য প্রাবিশদ্ভৈক্ষ্যকাঙ্ক্ষ্যেতি ঝ. পাঠঃ॥ 12-167-5 ক্ষয়ং গৃহম্॥ 12-167-6 বয়োপেতাং যুবতীম্। সন্ধিরার্ষঃ॥ 12-167-9 চক্রাঙ্গান্ হংসান্॥শান্তিপর্ব - অধ্যায় 168
॥ শ্রীঃ ॥
12.168. অধ্যায়ঃ 168
Mahabharata - Shanti Parva - Chapter Topics
কদাচন ধনার্জনায় প্রস্থিতবতা গৌতমেন সমুদ্রংপ্রতি গচ্ছতা বণিক্সার্থেন সহ গমনম্॥ 1॥ বনগজোপদ্রুতবণিক্সার্থপরিভ্রষ্টেন গৌতমেন কিংচিক্যগ্রোধমূলে বিশ্রান্ত্যৈ প্রস্বাপঃ॥ 2॥ তত্র সায়মাগতেন রাজধর্মনাম্না বকরাজেন তস্য সৎকারঃ॥ 3॥Mahabharata - Shanti Parva - Chapter Text
12-168-0 (71728)
ভীষ্ম উবাচ। 12-168-0x (5857)
তস্যাং নিশায়াং ব্যুষ্টায়াং গতে তস্মিন্দ্বিজোত্তমে।
নিষ্ক্রম্য গৌতমোঽগচ্ছদ্ধনার্থী বিচচার হ॥ 12-168-1 (71729)
সামুদ্রিকান্সবণিজস্ততোঽপশ্যৎস্থিতান্পথি।
স তেন সহ সার্থেন প্রয়যৌ সাগরং প্রতি॥ 12-168-2 (71730)
স তু সার্থো মহারাজ কস্মিংশ্চিদ্গিরিগহ্বরে।
মত্তেন দ্বিরদেনাথ নিহতঃ প্রায়শোঽভবৎ॥ 12-168-3 (71731)
স কথংচিদ্ভয়াত্তস্মাদ্বিমুক্তো প্রায়শোঽভবৎ।
কাংদিগ্ভূতো জীবিতার্থী প্রদুদ্রাবোত্তরাং দিশম্॥ 12-168-4 (71732)
ততস্তু স পরিভ্রষ্টঃ সার্থাদ্দেশাত্তথাঽর্থতঃ।
একাকী ব্যভ্রমত্তত্র বনে কাপুরুষো যথা॥ 12-168-5 (71733)
স পন্থানমথাসাদ্য সমুদ্রাভিসরং তদা।
আসসাদ বনং রম্যং মহৎপুষ্পিতপাদপম্॥ 12-168-6 (71734)
সর্বর্তুকৈরাম্রবণৈঃ পুষ্পিতৈরুপশোভিতম্।
নন্দনোদ্দেশসদৃশং যক্ষকিন্নরসেবিতম্॥ 12-168-7 (71735)
সালতালঘবাশ্বত্থপ্লক্ষাগুরুবনৈস্তথা।
চন্দনস্য চ মুখ্যস্য পাদপৈরুপশোভিতম্।
গিরিপ্রস্থেষু রম্যেষু সুখেষু সুখগন্ধিষু॥ 12-168-8 (71736)
সমন্ততো দ্বিজশ্রেষ্ঠা বল্গু কূজন্তি তত্র বৈ।
মনুষ্যবদনাশ্চান্যে ভারুণ্ডা ইতি বিশ্রুতাঃ॥ 12-168-9 (71737)
স তান্যতিমনোজ্ঞানি বিহগানাং রুতানি বৈ।
শৃণ্বন্সুরমণীয়ানি বিপ্রোঽগচ্ছত গৌতমঃ॥ 12-168-10 (71738)
ততোঽপশ্যৎসুরম্যেষু সুবর্ণসিকতাচিতে।
দেশভাগে সমে চিত্রে স্বর্গোদ্দেশসমপ্রভে।
শ্রিয়া জুষ্টং দদর্শাথ ন্যগ্রোধং চ সুমণ্ডলম্॥ 12-168-11 (71739)
শাখাভিরনুরূপাভিঃ সংবৃতং ছত্রসন্নিভম্।
তস্য মূলং চ সংসিক্তং বরচন্দনবারিণা॥ 12-168-12 (71740)
দিব্যপুষ্পান্বিতং শ্রীমৎপিতামহসদোপমম্।
তং দৃষ্ট্বা গৌতমঃ প্রীতো মনঃকান্তমনুত্তমম্॥ 12-168-13 (71741)
মেধ্যং সুরগৃহপ্রখ্যং পুষ্পিতৈঃ পাদপৈর্বৃতম্।
তমাসাদ্য মুদা যুক্তস্তস্যাধস্তাদুপাবিশৎ॥ 12-168-14 (71742)
তত্রাসীনস্য কৌন্তেয় গৌতমস্য নরাধিপ।
পুষ্পাণি সমুপস্পৃশ্য প্রববাবনিলঃ শুভঃ।
হ্লাদয়ংস্তস্য গাত্রাণি গৌতমস্য তদা নৃপ॥ 12-168-15 (71743)
স তু বিপ্রঃ পরিশ্রান্তিঃ স্পৃষ্টঃ পুণ্যেন বায়ুনা।
সুখমাসাদ্য সুষ্বাপ ভাস্করশ্চাস্তমভ্যযাৎ॥ 12-168-16 (71744)
ততোঽস্তং ভাস্করে যাতে সন্ধ্যাকাল উপস্থিতে।
আজগাম স্বভবনং ব্রহ্মলোকাৎখগোত্তমঃ॥ 12-168-17 (71745)
নাডীজঙ্ঘ ইতি খ্যাতো দয়িতো ব্রহ্মণঃ সখা।
বকরাজো মহাপ্রাজ্ঞঃ কাশ্যপস্যাত্মসংভবঃ॥ 12-168-18 (71746)
রাজধর্মেতি বিখ্যাতো বভূবাপ্রতিভো ভুবি।
দেবকন্যাসুতঃ শ্রীমান্বিদ্বান্দেবসমপ্রভঃ॥ 12-168-19 (71747)
মৃষ্টহাটকসংছন্নো ভূষণৈরর্কসন্নিভৈঃ।
ভূষিতঃ সর্বগাত্রেষু দেবগর্ভঃ শ্রিয়া জ্বলন্॥ 12-168-20 (71748)
তমাগতং খগং দৃষ্ট্বা গৌতমো বিস্মিতোঽভবৎ।
ক্ষুৎপিপাসাপরীতাত্মা হিংসার্থং চৈনমৈক্ষত॥ 12-168-21 (71749)
রাজধর্মোবাচ। 12-168-22x (5858)
স্বাগতং ভবতো বিপ্র দিষ্ট্যা প্রাপ্তোঽসি মে গৃহান্।
অস্তং চ সবিতা যাতঃ সংধ্যেয়ং সমুপস্থিতা॥ 12-168-22 (71750)
মম ৎবং নিলয়ং প্রাপ্তঃ প্রিয়াতিথিরনিন্দিতঃ।
পূজিতো যাস্যসি প্রাতর্বিধিদৃষ্টেন কর্মণা॥ ॥ 12-168-23 (71751)
ইতি শ্রীমন্মহাভারতে শান্তিপর্বণি আপদ্ধর্মপর্বণি অষ্টষষ্ট্যধিকশততমোঽধ্যায়ঃ॥ 168॥
Mahabharata - Shanti Parva - Chapter Footnotes
12-168-2 সামুদ্রিকান্ সমুদ্রোপান্তে গতান্॥ 12-168-4 কাং দিশং প্রয়ামীত্যাকুলঃ কাংদিগ্ভূতঃ॥ 12-168-11 রম্যেষু প্রদেশেষু মধ্যে একত্র॥ 12-168-13 সভোপমমিতি ঝ. পাঠঃ॥শান্তিপর্ব - অধ্যায় 169
॥ শ্রীঃ ॥
12.169. অধ্যায়ঃ 169
Mahabharata - Shanti Parva - Chapter Topics
ককসৎকৃতেন গৌতমেন তচ্চোদনয়া তৎসুহৃদো বিরূপাক্ষনাম্নো রাক্ষসস্য নগরং প্রতি গমনম্॥ 1॥Mahabharata - Shanti Parva - Chapter Text
12-169-0 (71752)
ভীষ্ম উবাচ। 12-169-0x (5859)
গিরং তাং মধুরাং শ্রুৎবা গৌতমো বিস্মিতস্তদা।
কৌতূহলান্বিতো রাজন্রাজধর্মাণমৈক্ষত॥ 12-169-1 (71753)
রাজধর্মোবাচ। 12-169-2x (5860)
ভোঃ কাশ্যপস্য পুত্রোঽহং মাতা দাক্ষায়ণী মম।
সতী ৎবং চ গুণোপেতঃ স্বাগতং তে দ্বিজোত্তম॥ 12-169-2 (71754)
ভীষ্ম উবাচ। 12-169-3x (5861)
তস্মৈ দত্ৎবা স সৎকারং বিধিদৃষ্টেন কর্মণা।
শালপুষ্পময়ীং দিব্যাং বৃসীং সমুপকল্পয়ৎ॥ 12-169-3 (71755)
ভগীরথরথাক্রান্তদেশান্গঙ্গানিষেবিতান্।
যে চরন্তি মহামীনাস্তাংশ্চ তস্যান্বকল্পয়ৎ॥ 12-169-4 (71756)
বহ্নিং চাপি সুসংদীপ্তং মীনাংশ্চাপি সুপীবরান্।
স গৌতমায়াতিথয়ে ন্যবেদয়ত কাশ্যপিঃ॥ 12-169-5 (71757)
ভুক্তবন্তং চ তং বিপ্রং প্রীতাত্মানং মহামনাঃ।
শ্রমাপনয়নার্থং স পক্ষাভ্যামভ্যবীজয়ৎ॥ 12-169-6 (71758)
তনো বিশ্রান্তমাসীনং গোত্রবৃত্তমপৃচ্ছত।
সোঽব্রবীদ্গৌতমোঽস্মীতি ব্রাহ্মণোস্মীত্যুদাহরৎ॥ 12-169-7 (71759)
তস্মৈ পর্ণময়ং দিব্যং দিব্যপুষ্পাধিবাসিতম্।
গন্ধাঢ্যং শয়নং প্রাদাৎস শিশ্যে তত্র বৈ সুখম্॥ 12-169-8 (71760)
অপোপবিষ্টং শয়নে গৌতমং বাক্যবিত্তমঃ।
পপ্রচ্ছ কাশ্যপির্বাগ্মী কিমাগমনমিত্যুত॥ 12-169-9 (71761)
ততোঽব্রবীদ্গৌতমস্তং দরিদ্রোঽহং মহামতে।
সমুদ্রগমনাকাঙ্ক্ষী দ্রব্যার্থমিতি ভারত॥ 12-169-10 (71762)
তং কাশ্যপোঽব্রবীৎপ্রীত্যা নোৎকণ্ঠাং কর্তুমর্হসি।
কৃতকার্যো দ্বিজশ্রেষ্ঠ সদ্রব্যো যাস্যসে গৃহান্॥ 12-169-11 (71763)
চতুর্বিধা হ্যর্থগতির্বৃহস্পতিমতং যথা।
মিত্রং বিদ্যা হিরণ্যং চ বুদ্ধিশ্চেতি বুধেপ্সিতা॥ 12-169-12 (71764)
প্রাদুর্ভূতোঽস্মি তে মিত্রং সুহৃত্ৎবং চ মহত্তরম্।
সোঽহং তথা যতিষ্যামি ভবিষ্যসি যথার্থবান্॥ 12-169-13 (71765)
ততঃ প্রভাতসময়ে সুখং পৃষ্ট্বাঽব্রবীদিদম্।
গচ্ছ সৌম্য পথাঽনেন কৃতকৃত্যো ভবিষ্যসি॥ 12-169-14 (71766)
ইতস্ত্রিয়োজনং গৎবা রাক্ষসাধিপতির্মহান্।
বিরূপাক্ষ ইতি খ্যাতঃ সখা মম মহাবলঃ॥ 12-169-15 (71767)
তং গচ্ছ দ্বিজমুখ্য ৎবং স মদ্বাক্যপ্রচোদিতঃ।
কামানভীপ্সিতাংস্তুভ্যং দাতা নাস্ত্যত্র সংশয়ঃ॥ 12-169-16 (71768)
ইত্যুক্তঃ প্রয়যৌ রাজন্গৌতমো বিগতক্লমঃ।
ফলান্যমৃতকল্পানি ভক্ষয়ানো যথেষ্টতঃ॥ 12-169-17 (71769)
চন্দনাগুরুমুখ্যানি পত্রৎবচবনানি চ।
তস্মিন্পথি মহারাজ সেবমানো দ্রুতং যয়ৌ॥ 12-169-18 (71770)
ততো মনুব্রজং নাম নগরং শৈলতোরণম্।
শৈলপ্রাকারবপ্রং চ শৈলয়ন্ত্রার্গলং তথা॥ 12-169-19 (71771)
বিদিতশ্চাভবত্তস্য রাক্ষসেন্দ্রস্য ধীমতঃ।
প্রহিতঃ সুহৃদা রাজন্প্রীয়মাণঃ প্রিয়াতিথিঃ॥ 12-169-20 (71772)
ততঃ স রাক্ষসেন্দ্রঃ স্বান্প্রেষ্যানাহ যুধিষ্ঠির।
গৌতমো নগরদ্বারাচ্ছীঘ্রমানীয়তামিতি॥ 12-169-21 (71773)
তস্মাৎপুরবরাত্তূর্ণং পুরুষাঃ শ্বেতবেষ্টনাঃ।
গৌতমেত্যভিভাষন্তঃ পুরদ্বারমুপাগমন্॥ 12-169-22 (71774)
তে তমূচুর্মহারাজ রাজপ্রেষ্যাস্তদা দ্বিজম্।
ৎবরস্ব তূর্ণমাগচ্ছ রাজা ৎবাং দ্রষ্টুমিচ্ছতি॥ 12-169-23 (71775)
রাক্ষসাধিপতির্বীরো বিরূপাক্ষ ইতি শ্রুতঃ।
স ৎবাং ৎবরতি বৈ দ্রষ্টুং তৎক্ষিপ্রং সংবিধীয়তাম্॥ 12-169-24 (71776)
ততঃ স প্রাদ্রবদ্বিপ্রো বিস্ময়াদ্বিগতক্লমঃ।
গৌতমঃ পরমর্দ্ধি তাং পশ্যন্পরমবিস্মিতঃ॥ 12-169-25 (71777)
তৈরেব সহিতো রাজ্ঞো বেশ্ম তূর্ণমুপাদ্রবৎ।
দর্শনং রাক্ষসেন্দ্রস্য কাঙ্ক্ষমাণো দ্বিজস্তদা॥ ॥ 12-169-26 (71778)
ইতি শ্রীমন্মহাভারতে শান্তিপর্বণি আপদ্ধর্মপর্বণি একোনসপ্তত্যধিকশততমোঽধ্যায়ঃ॥ 169॥
Mahabharata - Shanti Parva - Chapter Footnotes
12-169-2 অতিথিস্ৎবং গুণোপেত ইতি ঝ. পাঠঃ॥ 12-169-12 চতুর্বিধাহ্যর্থসিদ্ধির্বৃহস্পতিমতং যথা। পারংপর্থং তথা দৈবং কাম্যং মৈত্রমিতি প্রভো। ইতি ঝ. পাঠঃ॥ 12-169-19 মরুব্রজং নামেতি থ. পাঠঃ। মরুদ্রজং নামেতি দ. পাঠঃ। মেরুব্রজং নামেতি ঝ. পাঠঃ॥ 12-169-24 রাক্ষসাধিপতিঃ শ্রীমাব্রাজধর্মেণ প্রেষিতঃ। যদর্থমিহ মাং দ্রষ্টুং ইতি ট. ড. থ. পাঠঃ॥শান্তিপর্ব - অধ্যায় 170
॥ শ্রীঃ ॥
12.170. অধ্যায়ঃ 170
Mahabharata - Shanti Parva - Chapter Topics
গৌতমেন স্বস্যানর্হৎবং জানতাপি বিরূপাক্ষেণ বকরাজগৌরবাৎপ্রদত্তং ধনভারমুদূহ্য সায়ং পুনর্বকালয়ং প্রত্যাগমনম্॥ 1॥ তত্র পরেদ্যুঃ স্বভবনং জিগমিপুণা গোতমেন পার্থয়ার্থং রাত্রৌ বকবধনির্ধারণম্॥ 2॥Mahabharata - Shanti Parva - Chapter Text
12-170-0 (71804)
ভীষ্ম উবাচ। 12-170-0x (5863)
ততঃ স বিদিতো রাজ্ঞঃ প্রবিশ্য গৃহমুত্তমম্।
পূজিতো রাক্ষসেন্দ্রেণ নিপসাদাসনোত্তমে॥ 12-170-1 (71805)
পৃষ্টশ্চ গোত্রচরণং স্বাধ্যায়ং ব্রহ্মচারিকম্।
পৃষ্টো রাজ্ঞা স নাজ্ঞাসীদ্গোত্রমাত্রমথাব্রবীৎ॥ 12-170-2 (71806)
ব্রহ্মবর্চমহীনস্য স্বাধ্যায়াদ্বিরতস্য চ।
গোত্রমাত্রবিদো রাজা নিবামং সমপৃচ্ছত॥ 12-170-3 (71807)
রাক্ষম উবাচ। 12-170-4x (5864)
ক্ব তে নিবাসঃ কল্যাণ কিংগোত্রা ব্রাহ্মণী চ তে।
তত্ৎবং ব্রূহি ন ভীঃ কার্যা বিশ্রমস্ব যথাসুখম্॥ 12-170-4 (71808)
গৌতম উবাচ। 12-170-5x (5865)
মধ্যদেশপ্রসূতোঽহং বাসো মে শবরালয়ে।
শূদ্রী পুনর্ভূর্ভার্যা মে সত্যমেতদ্ব্রবীমি তে॥ 12-170-5 (71809)
ভীষ্ম উবাচ। 12-170-6x (5866)
ততো রাজা বিমমৃশে কথং কার্যমিদং ভবেৎ।
কথং বা সুকৃতং মে স্যাদিতি বুদ্ধ্যাঽন্বচিন্তয়ন্॥ 12-170-6 (71810)
অয়ং বৈ জন্মনা বিপ্রঃ সুহৃত্তম্য মহাত্মনঃ।
সংপ্রেপিতশ্চ তেনায়ং কাশ্যপেন মহাত্মনা॥ 12-170-7 (71811)
তস্য প্রিয়ং করিষ্যামি স হি মামাশ্রিতঃ সদা।
ভ্রাতা মে বান্ধবশ্চাসৌ সখা চৈব প্রিয়ো মম॥ 12-170-8 (71812)
কার্তিক্যামদ্য ভোক্তারঃ সহস্রং মে দ্বিজোত্তমাঃ।
তত্রায়মপি ভোক্তা তু দেয়মস্মৈ চ মে ধনম্॥ 12-170-9 (71813)
স চাদ্য দিবসঃ পুণ্যো হ্যতিথিশ্চায়মাগতঃ।
সংকল্পিতং চৈব ধনং কিং বিচার্যমতঃ পরম্॥ 12-170-10 (71814)
ততঃ সহস্রং বিপ্রাণাং বিদুষাং সমলংকৃতম্।
স্নাতানামনুলিপ্তানামহতক্ষৌমবাসসাম্॥ 12-170-11 (71815)
তানাগতান্দ্বিজশ্রেষ্ঠান্বিরূপাক্ষো বিশাংপতে।
যথার্হং প্রতিজগ্রাহ বিধিদৃষ্টেন কর্মণা॥ 12-170-12 (71816)
বৃস্যস্তেষাং তু সংন্যস্তা রাক্ষসেন্দ্রস্য শাসনাৎ।
ভূমৌ বরকুশাঃ স্তীর্ণাঃ প্রেষ্যৈর্ভরতসত্তম॥ 12-170-13 (71817)
তাসু তে পূজিতা রাজ্ঞা নিপণ্ণা দ্বিজসত্তমাঃ।
নিলদর্ভোদকেনাথ অর্চিতা বিধিবদ্দ্বিজাঃ॥ 12-170-14 (71818)
বিশ্বেদেবাঃ সপিতরঃ সাগ্নয়শ্চোপকল্পিতাঃ।
বিলিপ্তাঃ পুষ্পবন্তশ্চ সুপ্রচারাঃ সুপূজিতাঃ।
ব্যরাজন্ত মহারাজ নক্ষত্রপতয়ো যথা॥ 12-170-15 (71819)
ততো জাম্বূনদীঃ পাত্রীর্বজ্রাঙ্কা বিমলাঃ শুভাঃ।
বরান্নপূর্ণা বিপ্রেভ্যঃ প্রাদান্মধুঘৃতপ্লুতাঃ॥ 12-170-16 (71820)
তস্য নিত্যং মদাপাঢ্যাং মাধ্যাং চ বহবো দ্বিজাঃ।
ঈপ্সিতং ভোজনবরং লভন্তে সৎকৃতং তথা॥ 12-170-17 (71821)
বিশেষতস্তু কার্তিক্যাং দ্বিজেভ্যঃ সংপ্রয়চ্ছতি।
শরদ্ব্যপায়ে রত্নানি পৌর্ণমাস্যামিতি শ্রুতিঃ॥ 12-170-18 (71822)
সুবর্ণং রজতং চৈব মণীনথ চ মৌক্তিকান্।
বজ্রান্মহাধনাংশ্চৈব বৈদূর্যাজিনরাঙ্কবান্॥ 12-170-19 (71823)
রত্নবন্তি চ পাত্রাণি দক্ষিণার্থং স ভারত।
দত্ৎবা প্রাহ দ্বিজশ্রেষ্ঠান্বিরূপাক্ষো মহায়শাঃ॥ 12-170-20 (71824)
গৃহ্ণীত রত্নান্যেতানি যথোৎসাহং যথেষ্টতঃ।
যেষুয়েষু চ ভাণ্ডেষু ভুক্তবন্তো দ্বিজোত্তমাঃ।
তান্যেবাদায় গচ্ছধ্বং স্ববেশ্মানীতি ভারত॥ 12-170-21 (71825)
ইত্যুক্তবচনে তস্মিন্রাক্ষসেন্দ্রে মহাত্মনি।
যথেষ্টং তানি রত্নানি জগৃহুর্ব্রাহ্মণবর্ষভাঃ॥ 12-170-22 (71826)
ততো মহার্হৈস্তৈস্তেন রত্নৈরভ্যর্চিতাঃ শুভৈঃ।
ব্রাহ্মণা মৃষ্টবসনাঃ সুপ্রীতাঃ সমুদোঽভবন্॥ 12-170-23 (71827)
ততস্তান্রাক্ষসেন্দ্রস্তু দ্বিজানাহ পুনর্বচঃ।
নানা দেশাগতান্রাজা ব্রাহ্মণাননুমন্য বৈ॥ 12-170-24 (71828)
অদ্যৈকং দিবসং বিপ্রা ন বোঽস্তীহ ভয়ং ক্বচিৎ।
রাক্ষসেভ্যঃ প্রমোদধ্বমিষ্টতো যাত মাচিরম্॥ 12-170-25 (71829)
ততঃ প্রদুদ্রুবুঃ সর্বে বিপ্রসঙ্ঘাঃ সমন্ততঃ।
গৌতমোঽপি সুবর্ণস্য ভারমাদায় সৎবরঃ॥ 12-170-26 (71830)
কৃচ্ছ্রাৎসমুদ্বহন্ভারং ন্যগ্রোধং সমুপাগমৎ।
ন্যষীদচ্চ পরিশ্রান্তঃ ক্লান্তশ্চ ক্ষুধিতশ্চ সঃ॥ 12-170-27 (71831)
ততস্তমভ্যগাদ্রাজন্রাজধর্মা খগোত্তমঃ।
স্বাগতেনাভ্যনন্দচ্চ গৌতমং মিত্রবৎসলঃ॥ 12-170-28 (71832)
তস্য পক্ষাগ্রবিক্ষেপৈঃ ক্লমং ব্যপনয়দ্বকঃ।
পূজাং চাপ্যকরোদ্ধীমান্ভোজনং চ যথাবিধি॥ 12-170-29 (71833)
ততস্তৌ সংবিদং কৃৎবা খগেন্দ্রদ্বিজসত্তমৌ॥ 12-170-30 (71834)
গৌতমশ্চিন্তয়ামাস রাত্রৌ তস্য সমীপতঃ।
হাটকস্যাভিরূপস্য ভারোঽয়ং সুমহান্ময়া॥ 12-170-31 (71835)
গৃহীতো লোভমোহাভ্যাং দূরং চ গমনং মম।
ন চাস্তি পথি ভোক্তব্যং প্রাণসংধারণং মম।
কিং কৃৎবা সুকৃতং হি স্যাদিতি চিন্তাপরোঽভবৎ॥ 12-170-32 (71836)
ততঃ স পথি ভোক্তব্যং প্রেক্ষমাণো ন কিংচন।
কৃতঘ্নঃ পুরুষব্যাঘ্র মনসেদমচিন্তয়ৎ॥ 12-170-33 (71837)
অয়ং বকপতিঃ পার্শ্বে মাংসরাশিচিতো মহান্।
ইমং হৎবা গৃহীৎবাঽস্য মাংসং যাস্য ইতি প্রভো॥ ॥ 12-170-34 (71838)
ইতি শ্রীমন্মহাভারতে শান্তিপর্বণি আপদ্ধর্মপর্বণি সপ্তত্যধিকশততমোঽধ্যায়ঃ॥ 170॥
Mahabharata - Shanti Parva - Chapter Footnotes
12-170-2 ব্রহ্মধারণমিতি ধ. পাঠঃ॥ 12-170-15 বিলিপ্তাশ্চন্দনেন॥ 12-170-25 ইষ্টতঃ ইষ্ট দেশম্॥ 12-170-30 ততস্তৌ সংবিদমিত্যর্ধং ঝ. পাঠে নাস্তি। তত্র গৌতমশ্চিন্তয়ামাসেত্যস্য স্থানে স ভুক্তবান্সুবিশ্রান্তো গৌতমোঽচিন্তয়ত্তদা ইত্যর্ধং বর্ততে॥শান্তিপর্ব - অধ্যায় 171
॥ শ্রীঃ ॥
12.171. অধ্যায়ঃ 171
Mahabharata - Shanti Parva - Chapter Topics
গৌতমেনন রাত্রৌ সুপ্তং বকং হৎবাঽগ্নৌ পক্বতন্মাংসমুপগৃহ্য স্বগ্রামংপ্রতি প্রস্থানম্॥ 1॥ পরেদ্যুর্বকস্যানাগমনেন তস্য বিপদাশঙ্কিনা বিরূপাক্ষেণ তদ্বৃত্তান্তজিজ্ঞাসয়া স্বপুত্রস্য নিয়োজনম্॥ 2॥ পিতৃনিয়োগাৎসপরিবারেণ বিরূপাক্ষসুতেন গৌতমহননম্॥ 3॥Mahabharata - Shanti Parva - Chapter Text
12-171-0 (71839)
ভীষ্ম উবাচ। 12-171-0x (5867)
অথ তত্র মহার্চিষ্মাননলো বাতসারথিঃ।
তস্যাবিদূরে রক্ষার্থং খগেন্দ্রেণ কৃতোঽভবৎ॥ 12-171-1 (71840)
স চাপি পার্শ্বে সুষ্বাপ বিশ্বস্তো বকরাট্ তদা।
কৃতঘ্নস্তু স দুষ্টাত্মা তং জিঘাংসুরজাগরীৎ॥ 12-171-2 (71841)
ততোঽলাতেন দীপ্তেন স সুপ্তং নিজঘান তম্।
নিহত্য চ মুদা যুক্তঃ সোঽনুবন্ধং ন দৃষ্টবান্॥ 12-171-3 (71842)
স তং বিপক্ষরোমাণং কৃৎবাঽগ্নাবপচত্তদা।
তং গৃহীৎবা সুবর্ণং চ যয়ৌ দ্রুততরং দ্বিজঃ॥ 12-171-4 (71843)
`ততো দাক্ষায়ণীপুত্রং নাগতং তং তু ভারত।
বিরূপাক্ষশ্চিন্তয়ন্বৈ হৃদয়েন বিদূয়তা॥' 12-171-5 (71844)
ততোঽন্যস্মিন্গতে চাহ্নি বিরূপাক্ষোঽব্রবীৎসুতম্।
ন প্রেক্ষে রাজধর্মাণমদ্য পুত্র খগোত্তমম্। 12-171-6 (71845)
স পূর্বসন্ধ্যাং ব্রহ্মাণং বন্দিতুং যাতি সর্বদা।
মাং চাদৃষ্ট্বা কদাচিৎস ন গচ্ছতি গৃহং খগঃ॥ 12-171-7 (71846)
দ্বিরাত্রমুভয়োঃ সন্ধ্যোর্নাভ্যগচ্ছন্মমালয়ম্।
তস্মান্ন শুদ্ধ্যতে ভাবো মম স জ্ঞায়তাং সুহৃৎ॥ 12-171-8 (71847)
স্বাধ্যায়েন বিয়ুক্তো হি ব্রহ্মবর্চসবর্জিতঃ।
স গতস্তত্র মে শঙ্কা হন্যাত্তং স দ্বিজাধমঃ॥ 12-171-9 (71848)
দুরাচারঃ স দুর্বুদ্ধিরিঙ্গিতৈর্লক্ষিতো ময়া।
নিষ্কৃপো দারুণাকারো দুষ্টো দস্যুরিবাধমঃ।
গৌতমঃ স গতস্তত্র তেনোদ্বিগ্নং মনো মম॥ 12-171-10 (71849)
পুত্র শীঘ্রমিতো গৎবা রাজধর্মনিবেশনম্।
জ্ঞায়তাং স বিশুদ্ধাত্মা যদি জীবতি বা চিরম্॥ 12-171-11 (71850)
স এবমুক্তস্ৎবরিতো রক্ষোভিঃ সহিতো যয়ৌ।
* ন্যগ্রোধে রাজধর্মাণমপশ্যন্নিহতং ততঃ॥ 12-171-12 (71851)
রুদিৎবা বহুশস্তস্মৈ বিলপ্য চ স রাক্ষসঃ।
গতো রোষসমাবিষ্টো গৌতমগ্রহণায় বৈ॥ 12-171-13 (71852)
গৃহীতো গৌতমঃ পাপো রক্ষোভিঃ ক্রোধমূর্চ্ছিতৈঃ।
রাজধর্মশরীরস্য কঙ্কালশ্চাপ্যথো ধৃতঃ॥ 12-171-14 (71853)
মনুব্রজং তু নগরং যাতুধানাস্ততো গতাঃ।
ক্রোধরক্তেক্ষণা ঘোরা গৌতমস্য বধে ধৃতাঃ॥ 12-171-15 (71854)
পার্থিবস্বাগ্রতো ন্যস্তঃ কঙ্কালো রাজধর্মণঃ।
তং দৃষ্ট্বা বিমনা রাজা সামাত্যঃ সগণোঽভবৎ॥ 12-171-16 (71855)
আর্তরাবো মহানাসীদ্গৃহে তস্য মহাত্মনঃ।
সমুত্থিতঃ স্রীসঙ্ঘস্য নিহতে কাশ্যপাত্মজে॥ 12-171-17 (71856)
রাজা চৈবাব্রবীৎপুত্রং পাপোঽয়ং বধ্যতামিতি॥ 12-171-18 (71857)
রাক্ষমা ঊচুঃ। 12-171-19x (5868)
অস্য মাংসং বয়ং সর্বে খাদিষ্যামঃ সমাগতাঃ।
পাপকৃৎপাপকর্মা চ পাপাত্মা পাপমাস্থিতঃ।
হন্তব্য এব পাপাত্মা কৃতঘ্নো নাত্র সংশয়ঃ॥ 12-171-19 (71858)
বিরূপাক্ষ উবাচ। 12-171-20x (5869)
কৃতঘ্নং পাপকর্মাণাং ন ভক্ষয়িতুমুৎসহে।
দাসেভ্যো দীয়তামেপ মিত্রধ্রুক্পুরুপাধমঃ॥ 12-171-20 (71859)
ভীষ্ম উবাচ। 12-171-21x (5870)
দাসাঃ সর্বে সমাহূতা যাতুধানাস্তথা পরে।
নেচ্ছন্তি স্ম কৃতঘ্নং তং খাদিতুং পুরুষোত্তম॥ 12-171-21 (71860)
শিরোভিশ্চাগতা ভূমিং মহারাজ ততো বলাৎ।
মানার্থং জাতু নির্বন্ধং কিল্বিষং দাতুমর্হসি॥ 12-171-22 (71861)
যাতুধানা নৃপেণোক্তাঃ পাপকর্মা বিশস্যতাম্।
দহ্যতাং ত্যজ্যতাং বাঽয়ং দর্শনাদপনীয়তাম্॥ 12-171-23 (71862)
ততস্তে রুপিতা দাসাঃ শূলপট্টসপাণয়ঃ।
খণ্ডশো বিকৃতং হৎবা ক্রব্যাদ্ভ্যো হ্যদদুস্তদা॥ 12-171-24 (71863)
ক্রব্যাদাস্ৎবপি রাজেন্দ্র নেচ্ছন্তি পিশিতাশনাঃ।
মৃতানপি হি ক্রব্যাদাঃ কৃতঘ্নান্নোপভুঞ্জতে॥ 12-171-25 (71864)
ব্রহ্মস্বহরণে চোরে ব্রহ্মঘ্নে গুরুতল্পগে।
নিষ্কৃতির্বিহিতা সদ্ভিঃ কৃতঘ্নে নাস্তি নিষ্কৃতিঃ॥ 12-171-26 (71865)
মিত্রদ্রুহং কৃতঘ্নং চ নৃশংসং চ নরাধমম্।
ক্রব্যাদাঃ কিময়শ্চৈব নোপভুঞ্জন্তি বৈ সদা॥ ॥ 12-171-27 (71866)
ইতি শ্রীমন্মহাভারতে শান্তিপর্বণি আপদ্ধর্মপর্বণি একসপ্তত্যধিকশততমোঽধ্যায়ঃ॥ 171॥
Mahabharata - Shanti Parva - Chapter Footnotes
12-171-3 অনুবন্ধ পাপদোষম্॥ 12-171-8 তদ্ব্রত ইতি পাঠে হিংস্রধর্ম॥ * ইত আরভ্য আদ্বিসপ্তত্যধিকশততমাধ্যায়সমাপ্তি বিদ্যমানানাং শ্লোকানাং স্থানে অধোলিখিতশ্লোকা ঝ. পাঠে বর্তন্তে। তেচMahabharata - Shanti Parva - Chapter Text
12-171a-1a ন্যগ্রোধং তত্র চাপশ্যৎকঙ্কালং রাজধর্মণঃ। 12-171a-1b স রুদন্নগমৎপুত্রো রাক্ষসেন্দ্রস্য ধীমতঃ। 12-171a-1c ৎবরমাণঃ পরং শক্ত্যা গৌতমগ্রহণায় বৈ॥ 12-171a-2a ততো বিদূরে জগৃহুগৌতমং রাক্ষসাস্তদা॥ 12-171a-3a রাজধমর্শরীরং চ পক্ষাস্থিচরণোজ্ঝিতম্। 12-171a-3b তমাদায়াথ রক্ষাংসি দ্রুতং মেরুব্রজং যয়ুঃ॥ 12-171a-4a রাজ্ঞশ্চ দর্শয়ামাসুঃ শরীরং রাজধর্মণঃ। 12-171a-4b কৃতঘ্নং পুরুষং তং চ গৌতমং পাপকারিণম্॥ 12-171a-5a রুরোদ রাজা তং দৃষ্ট্বা সামাত্যঃ সপুরোহিতঃ। 12-171a-5b আর্তনাদশ্চ সুমহানভূত্তস্য নিবেশনে। 12-171-5c সস্ত্রীকুমারং চ পুরং বভূবাস্বস্থমানসম্॥ 12-171a-6a অথাব্রবীন্নৃপঃ পুত্রং পাপোঽয়ং বধ্যতামিতি। 12-171a-6b অস্য মাংসৈরিমে সর্বে বিহরন্তু যথেষ্টতঃ॥ 12-171a-7a পাপাচারঃ পাপকর্মা পাপাত্মা পাপসাধনঃ। 12-171a-7b হন্তব্যোঽয়ং মম মতির্ভবদ্ভিরিতি রাক্ষসাঃ॥ 12-171a-8a ইত্যুক্তা রাক্ষসেন্দ্রেণ রাক্ষসা ঘোরবিক্রমাঃ। 12-171a-8b নেচ্ছন্ত তং ভক্ষয়িতুং পাপকর্মাণমিত্যুত॥ 12-171a-9a দস্যূনাং দীয়তামেষ সাধ্বদ্য পুরুষাধমঃ। 12-171a-9b ইত্যূচুস্তে গহারাজ রাক্ষসেন্দ্রং নিশাচরাঃ॥ 12-171a-10a শিরোভিঃ প্রণতাঃ সর্বে ব্যাহরন্রাক্ষসাধিপম্। 12-171a-10b ন দাতুমর্হসি ৎবং নো ভক্ষণায়াস্য কিল্বিষম্॥ 12-171a-11a এবমস্ৎবিতি তানাহ রাক্ষসেন্দ্রো নিশাচরান্। 12-171a-11b দস্যূনাং দীয়তামেষ কৃতঘ্নোঽদ্যৈব রাক্ষসাঃ॥ 12-171a-12a ইত্যুক্তা রাক্ষসাস্তেন শূলপট্টসপাণয়ঃ। 12-171a-12b কৃৎবা তং খণ্ডশঃ পাপং দস্যুভ্যঃ প্রদদুস্তদা॥ 12-171a-13a দস্যবশ্চাপি নৈচ্ছন্ত তমত্তুং পাপকারিণম্। 12-171a-13b ক্রব্যাদা অপি রাজেন্দ্র কৃতঘ্নং নোপভুঞ্জতে॥ 12-171a-14a ব্রহ্মঘ্নে চ সুরাপে চ চৌরে ভগ্নব্রতে তথা। 12-171a-14b নিষ্কৃতির্বিহিতা রাজন্কৃতঘ্নে নাস্তি নিষ্কৃতিঃ॥ 12-171a-15a মিত্রদোহী কৃতঘ্নশ্চ নৃশংসশ্চ নরাধমঃ। 12-171a-15b ক্রব্যাদৈঃ কৃমিভিশ্চৈব ন ভুজ্যন্তে হি তাদৃশাঃ॥ 12-171-16x ভীষ্ম উবাচ। 12-171a-16a ততশ্চিতাং বকপতেঃ কারয়ামাস রাক্ষসঃ। 12-171a-16b রত্নৈর্গন্ধৈশ্চ বহুভির্বস্ত্রৈশ্চ সমলংকৃতাম্॥ 12-171a-17a ততঃ প্রজ্বাল্য নৃপতির্বকরাজং প্রতাপবান্। 12-171a-17b প্রেতকার্যাণি বিধিবদ্রাক্ষসেন্দ্রশ্চকার হ॥ 12-171a-18a তস্মিন্কালে চ সুরভির্দেবী দাক্ষায়ণী শুভা। 12-171a-18b উপরিষ্টাত্ততস্তস্য সা বভূব পয়স্বিনী॥ 12-171a-19a তস্য বক্রাচ্চ্যুতঃ ফেনঃ ক্ষীরমিশ্রস্তদাঽনঘ। 12-171a-19b সোঽপতদ্বৈ ততস্তস্যাং চিতায়াং রাজধর্মণঃ॥ 12-171a-20a ততঃ সংজীবিতস্তেন বকরাজস্তদাঽনঘ। 12-171a-20b উৎপত্য চ সমীয়ায় বিরূপাক্ষং বকাধিপঃ॥ 12-171a-21a ততোঽভ্যযাদ্দেবরাজো বিরূপাক্ষপুরং তদা। 12-171a-21b প্রাহ চেদং বিরূপাক্ষং দিষ্ট্যা সংজীবিতস্ৎবয়া॥ 12-171a-22a শ্রাবয়ামাস চেন্দ্রস্তং বিরূপাক্ষং পুরাতনম্। 12-171a-22b যথা শাপঃ পুরা দত্তো ব্রহ্মণা রাজধর্মণঃ॥ 12-171a-23a যদা বকবতী রাজন্ব্রহ্মাণং নোপসর্পতি। 12-171a-23b ততো রোষাদিদং প্রাহ স্বগেন্দ্রায় পিতামহঃ॥ 12-171a-24a যস্মান্মূঢো মম সভাং নাগতোঽসৌ বকাধমঃ। 12-171a-24b তস্মাদ্বধং স দুষ্টাত্মা ন চিরাৎসমবাপ্স্যতি॥ 12-171a-25a তদয়ং তস্য বচনান্নিহতো গৌতমেন বৈ। 12-171a-25b তেনৈবামৃতসিক্তশ্চ পুনঃ সংজীবিতো বকঃ॥ 12-171a-26a রাজধর্মা বকঃ প্রাহ প্রণিপত্য পুরংদরম্। 12-171a-26b যদি তেঽনুগ্রহকৃতা ময়ি বুদ্ধিঃ সুরেশ্বর। 12-171a-26c সখাঽয়ং মে সুদয়িতং গৌতমং জীবয়েত্যুত॥ 12-171a-27a তস্য বাক্যং সমাদায় বাসবঃ পুরুষর্ষভ। 12-171a-27b সিক্ৎবাঽমৃতেন তং বিপ্রং গৌতমং জীবয়ত্তদা॥ 12-171a-28a সভাণ্ডোপস্কারং রাজংস্তমাসাদ্য বকাধিপঃ। 12-171a-28b সংপরিষ্বজ্য সুহৃদং প্রীত্যা পরময়া যুতঃ॥ 12-171a-29a অথ তং পাপকর্মাণং রাজধর্মা বকাধিপঃ। 12-171a-29b বিসর্জয়িৎবা সধনং প্রবিবেশ স্বমালয়ম্॥ 12-171a-30a যথোচিতং চ স বকো যয়ৌ ব্রহ্মসদস্তথা। 12-171a-30b ব্রহ্মা চৈনং মহাত্মানমাতিথ্যেনাভ্যপূজয়ৎ॥ 12-171a-31a গৌতমশ্চাপি সংপ্রাপ্য পুনস্তং শবরালয়ম্। 12-171a-31b শূদ্রায়াং জনয়ামাস পুত্রান্দুষ্কৃতকারিণঃ॥ 12-171a-32a শাপশ্চ সুমহাংস্তস্য দত্তঃ সুরগণৈস্তদা। 12-171a-32b কুক্ষৌ পুনর্ভ্বাঃ পাপোঽয়ং জনয়িৎবা চিরাৎসুতান্। 12-171a-32c নিরয়ং প্রাপ্স্যতি মহৎকৃতঘ্নোঽয়মিতি প্রভো॥ 12-171a-33a এতৎপ্রাহ পুরা সর্বং নারদো মম ভারত। 12-171a-33b সংস্মৃত্য চাপি সুমহদাখ্যানং ভরতর্ষভ। 12-171a-33c ময়াঽপি ভবতে সর্বং যথাবদনুবর্ণিতম্॥ 12-171a-34a কুতঃ কৃতঘ্নস্য যশঃ কুতঃ স্থানং কুতঃ সুখম্। 12-171a-34b অশ্রদ্ধেয়ঃ কৃতঘ্নো হি কৃতঘ্নে নাস্তি নিষ্কৃতিঃ॥ 12-171a-35a মিত্রদ্রোহো ন কর্তব্যঃ পুরুষেণ বিশেষতঃ। 12-171a-35b মিত্রধ্রুঙ্গরকং ঘোরমনন্তং প্রতিপদ্যতে॥ 12-171a-36a কৃতজ্ঞেন সদা ভাব্যং মিত্রকামেন চৈব হ। 12-171a-36b মিত্রাচ্চ লভতে সর্বং মিত্রাৎপূজাং লভেত চ॥ 12-171a-37a মিত্রাদ্ভোগাংশ্চ ভুঞ্জীত মিত্রেণাপৎসু মুচ্যতে। 12-171a-37b সৎকারৈরুত্তমৈর্মিত্রং পূজয়েত বিচক্ষণঃ॥ 12-171a-38a পরিত্যাজ্যো বুধৈঃ পাপঃ কৃতঘ্নো নিরপত্রপঃ। 12-171a-38b মিত্রদ্রোহী কুলাঙ্গারঃ পাপকর্মা নরাধমঃ॥ 12-171a-39a এষ ধর্মভূতাং শ্রেষ্ঠ প্রোক্তঃ পাপো ময়া তব। 12-171a-39b মিত্রদ্রোহী কৃতঘ্নো বৈ কিং ভূয়ঃ শ্রোতুমিচ্ছসি॥ 12-171a-40x বৈশম্পায়ন উবাচ। 12-171a-40a এতচ্ছ্রুৎবা তদা বাক্যং ভীষ্মেণোক্তং মহাত্মনা। 12-171a-40b যুধিষ্ঠিরঃ প্রীতমনা বভূব জনমেজয়॥
Mahabharata - Shanti Parva - Chapter Footnotes
12-171a-1 কঙ্কালমস্থি॥শান্তিপর্ব - অধ্যায় 172
॥ শ্রীঃ ॥
12.172. অধ্যায়ঃ 172
Mahabharata - Shanti Parva - Chapter Topics
বিরূপাক্ষভটৈর্বকশরীরস্য চিতারোপণম্॥ 1॥ বায়্বানীতধেনুমুখস্রুতফেনপাতেন চিতাস্থবকোজ্জীবনম্॥ 2॥ ততো বকপ্রার্থনয়া ইন্দ্রেণ পুনরুজ্জীবিতস্য গৌতমস্য স্বগ্রামগমনম্॥ 3॥Mahabharata - Shanti Parva - Chapter Text
12-172-0 (71867)
ভীষ্ম উবাচ। 12-172-0x (5871)
বিদ্বান্সংস্কারয়ামাস পার্থিবো রাজধর্মণঃ।
গন্ধৈর্বহুভিরব্যগ্রো দাহয়ামাস পূজিতম্॥ 12-172-1 (71868)
তস্য দেবস্য বচনাদিন্দ্রস্য বকরাডিহ।
তেনৈবামৃতসিক্তাশ্চ পুনঃ সংজীবিতো বকঃ॥ 12-172-2 (71869)
রাজধর্মাঽপি তং প্রাহ সহস্রাক্ষমরিংদমম্।
গৌতমো ব্রাহ্মণঃ ক্বাঽসৌ মুচ্যতাং মৎপ্রিয়ঃ সখা॥ 12-172-3 (71870)
ভীষ্ম উবাচ। 12-172-4x (5872)
তস্য বাক্যং সমাজ্ঞায় কৌশিকঃ সুরসত্তমঃ।
গৌতমং হ্যভ্যনুজ্ঞাপ্য প্রীতোঽথ গমনোৎসুকঃ॥ 12-172-4 (71871)
প্রতীতঃ স গতঃ সৌম্যো রাজধর্মা স্বমালয়ম্।
নৃশংসো গৌতমো মুক্তো মিত্রধ্রুক্পুরুষাধমঃ॥ 12-172-5 (71872)
সভাণ্ডোপস্করো যাতঃ স তদা শবরালয়ম্।
তত্রাসৌ শবরী দেহে প্রসূতো নিরয়োপমে॥ 12-172-6 (71873)
এষ শাপো মহাংস্তত্র মুক্তঃ সুরগণৈস্তদা॥ 12-172-7 (71874)
দগ্ধে রাক্ষসরাজেন খগরাজে প্রতাপিনা।
চিতায়াঃ পার্শ্বতো দোগ্ধ্রী সুরভির্জীবয়চ্চ তম্॥ 12-172-8 (71875)
তস্যা বক্রাচ্চ্যুতঃ ফেনো দুগ্ধমাত্রস্তদাঽনঘ।
সমীরণাহৃতো যাতশ্চিতাং তাং রাজধর্মণঃ॥ 12-172-9 (71876)
দেবরাজস্ততঃ প্রাপ্তো বিরূপাক্ষপুরং তদা।
বিরূপাক্ষোঽপি তং শক্রময়াচত পুনঃ পুনঃ।
কাশ্যপশ্য সুতো দেব ভ্রাতা মে জীবতামিতি॥ 12-172-10 (71877)
বিরূপাক্ষমুবাচেদমীশ্বরঃ পাকশাসনঃ।
ব্রহ্মণা ব্যাহৃতো রোষাদ্রাজধর্মা কদাচন॥ 12-172-11 (71878)
যস্মাত্ৎবং নাগতো দ্রষ্টুং মম নিত্যমিমাং সভাম্।
তস্মাদ্বকো ভবান্ভাবী ধর্মশীলঃ পরাত্মবিৎ॥ 12-172-12 (71879)
আগমিষ্যতি তে বাসং কদাচিৎপাপকর্মকৃৎ।
শবরাবাসগো বিপ্রঃ কৃতঘ্নো বৃষলীপতিঃ॥ 12-172-13 (71880)
যদা নিহন্তা মোক্ষস্তে তদা ভাবীত্যুবাচ তম্।
তস্মাদেষ গতো লোকং ব্রহ্মণঃ পরমেষ্ঠিনঃ॥ 12-172-14 (71881)
ভীষ্ম উবাচ। 12-172-15x (5873)
স চাপি নিরয়ং প্রাপ্তো দুষ্কৃতিঃ কুলপাংসনঃ॥ 12-172-15 (71882)
এতচ্ছ্রুৎবা সভামধ্যে তদ্বাক্যং নারদেরিতম্।
ময়াঽপি তব রাজেন্দ্র যথাবদনুবর্ণিতম্॥ 12-172-16 (71883)
ব্রহ্মঘ্নে চ সুরাপে চ চোরে ভ্রষ্টব্রতে তথা।
নিষ্কৃতির্বিহিতা রাজন্কৃতঘ্নে নাস্তি নিষ্কৃতিঃ॥ 12-172-17 (71884)
কুতঃ কৃতঘ্নস্য যশঃ কুতঃ স্থানং কুতঃ সুখম্।
অশ্রদ্ধেয়ঃ কৃতঘ্নো হি কৃতঘ্নে নাস্তি নিষ্কৃতিঃ॥ 12-172-18 (71885)
মিত্রদ্রোহো ন কর্তব্যঃ পুরুষেণ বিশেষতঃ।
মিত্রধ্রুঙ্গিরয়ং ঘোরং নরকং প্রতিপদ্যতে॥ 12-172-19 (71886)
কৃতজ্ঞমনসা ভাব্যং মিত্রভাবেন চানঘ।
মিত্রাৎপ্রভবতে সর্বং মিত্রং ধন্যতরং স্মৃতম্॥ 12-172-20 (71887)
অর্থাদ্বা মিত্রলাভাদ্বা মিত্রলাভো বিশিষ্যতে।
সুলভা মিত্রতোঽর্থাস্তু মিত্রেণ যতিতুং ক্ষমম্॥ 12-172-21 (71888)
মিত্রং চাভিমতং স্নিগ্ধং ফলং চাপি সতাং ফলম্।
সৎকারৈঃ স্বজনোপেতঃ পূজয়েত বিচক্ষণঃ॥ 12-172-22 (71889)
পরিত্যাজ্যো বুধৈঃ পাপঃ কদর্যঃ কুলপাংসনঃ।
মিত্রদ্রোহী কুলাঙ্গারঃ পাপকর্মা কুলাধমঃ॥ 12-172-23 (71890)
এষা সজ্জনসাংনিধ্যে প্রজ্ঞা প্রোক্তা ময়াঽনঘ।
মিত্রদুহি কৃতঘ্নে চ কিং ভূয়ঃ শ্রোতুমিচ্ছসি॥ 12-172-24 (71891)
বৈশম্পায়ন উবাচ। 12-172-25x (5874)
এতচ্ছ্রুৎবা ততো বাক্যং ভীষ্মেণোক্তং মহাত্মনা।
যুধিষ্ঠিরঃ প্রীতমনা বভূব জনমেজয়॥ ॥ 12-172-25 (71892)
ইতি শ্রীমন্মহাভারতে শান্তিপর্বণি আপদ্ধর্মপর্বণি দ্বিসপ্তত্যধিকশততমোঽধ্যায়ঃ॥ 172॥
শান্তিপর্ব - অধ্যায় 173
॥ শ্রীঃ ॥
12.173. অধ্যায়ঃ 173
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বিপ্রসেনজিৎসংবাদানুবাদঃ॥ 1॥ বিপ্রেণ সেনজিতংপ্রতি পিঙ্গলোপাখ্যানকথনম্॥ 2॥Mahabharata - Shanti Parva - Chapter Text
12-173-0 (71893)
যুধিষ্ঠির উবাচ। 12-173-0x (5875)
ধর্মাঃ পিতামহেনোক্তা রাজধর্মাশ্রিতাঃ শুভাঃ।
ধর্মমাশ্রমিণাং শ্রেষ্ঠং বক্তুমর্হসি সত্তম॥ 12-173-1 (71894)
ভীষ্ম উবাচ। 12-173-2x (5876)
সর্বত্র বিহিতো ধর্মঃ স্বর্গ্যঃ সত্যফলোদয়ঃ।
বহুদ্বারস্য ধর্মস্য নেহাস্তি বিফলা ক্রিয়া॥ 12-173-2 (71895)
যস্মিন্যস্মিংস্তু বিষয়ে যোয়ো যাতি বিনিশ্চয়ম্।
স তমেবাভিজানাতি নান্যং ভরতসত্তম্॥ 12-173-3 (71896)
যথায়থা চ পর্যেতি লোকতন্ত্রমসারবৎ।
তথাতথা বিরাগোঽত্র জায়তে নাত্র সংশয়ঃ॥ 12-173-4 (71897)
এবং ব্যবসিতে লোকে বহুদোষে যুধিষ্ঠির।
আত্মমোক্ষনিমিত্তং বৈ যতেত মতিমান্নরঃ॥ 12-173-5 (71898)
যুধিষ্ঠির উবাচ। 12-173-6x (5877)
নষ্টে ধনে বা দারে বা পুত্রে পিতরি বা মৃতে।
যয়া বুদ্ধ্যা নুদেচ্ছোক তন্মে ব্রূহি পিতামহ॥ 12-173-6 (71899)
ভীষ্ম উবাচ। 12-173-7x (5878)
নষ্টে ধনে বা দারে বা পুত্রে পিতরি বা মৃতে।
অহোদুঃখমিতি ধ্যায়ঞ্শোকস্যাপচিতিং চরেৎ॥ 12-173-7 (71900)
অত্রাপ্যুদাহরন্তীমমিহাসং পুরাতনম্।
যথা সেনজিতং বিপ্রঃ কশ্চিদেত্যাব্রবীৎসুহৃৎ॥ 12-173-8 (71901)
পুত্রশোকাভিসংতপ্তং রাজানং শোকবিহ্বলম্।
বিষণ্ণমনসং দৃষ্ট্বা বিপ্রো বচনমব্রবীৎ॥ 12-173-9 (71902)
কিংনু মুহ্যসি মূঢস্ৎবং শোচ্যঃ কিমনু শোচসি।
যদা ৎবামপি শোচংতঃ শোচ্যা যাস্যন্তি তাং গাতিম্॥ 12-173-10 (71903)
ৎবং চৈবাহং চ যে চান্যে ৎবাং রাজন্পর্যুপাসতে।
সর্বে তত্র গমিষ্যামো যত এবাগতা বয়ম্॥ 12-173-11 (71904)
সেনজিদুবাচ। 12-173-12x (5879)
কা বুদ্ধিঃ কিং তপো বিপ্র কঃ সমাধিস্তপোধন।
কিং জ্ঞানং কিং শ্রুতং বা তে যৎপ্রাপ্য ন বিষীদসি॥ 12-173-12 (71905)
ব্রাহ্মণ উবাচ। 12-173-13x (5880)
হৃষ্যন্তমবসীদন্তং সুখদুঃখবিপর্যযে।
আত্মানমনুশোচামি যো মমৈষ হৃদি স্থিতঃ॥ 12-173-13 (71906)
পশ্য ভূতানি দুঃখেন ব্যতিষিক্তানি সর্বশঃ।
উত্তমাধমমধ্যানি তেষু তেষ্বিহ কর্মসু॥ 12-173-14 (71907)
আত্মাঽপি চায়ং ন মম সর্বা বা পৃথিবী মম।
যথা মম তথাঽন্যেষামিতি মৎবা ন মে ব্যথা।
এতাং বুদ্ধিমহং প্রাপ্য ন প্রহৃষ্যে ন চ ব্যথে॥ 12-173-15 (71908)
যথা কাষ্ঠং চ কাষ্ঠং চ সমেয়াতাং মহোদধৌ।
সমেত্য চ ব্যপেয়াতাং তদ্বদ্ভূতসমাগমঃ॥ 12-173-16 (71909)
এবং পুত্রাশ্চ পৌত্রাশ্চ জ্ঞাতয়ো বান্ধবাস্তথা।
তেষু স্নেহো ন কর্তব্যো বিপ্রয়োগো ধ্রুবো হি তৈঃ॥ 12-173-17 (71910)
অদর্শনাদাপতিতঃ পুনশ্চাদর্শনং গতঃ।
ন ৎবাঽসৌ বেদ ন ৎবংতং কস্মাত্ৎবমনুশোচসি॥ 12-173-18 (71911)
সুখান্তপ্রভবং দুঃখং দুঃখান্তপ্রভবং সুখম্।
সুখাৎসংজায়তে দুঃখং দুঃখাৎসংজায়তে সুখম্॥ 12-173-19 (71912)
সুখস্যানন্তরং দুঃখং দুঃখস্যানন্তরং সুখম্।
সুখদুঃখে মনুষ্যাণাং চক্রবৎপরিবর্ততঃ॥ 12-173-20 (71913)
সুখাত্ৎবং দুঃখমাপন্নঃ পুনরাপৎস্যসে সুখম্।
ন নিত্যং লভতে দুঃখং ন নিত্যং লভতে সুখম্॥ 12-173-21 (71914)
[শরীরমেবায়তনং সুখস্য
দুঃখস্য চাপ্যায়তনং শরীরম্।
যদ্যচ্ছরীরেণ করোতি কর্ম
তেনৈব দেহী সমুপাশ্নুতে তৎ॥ 12-173-22 (71915)
জীবিতং চ শরীরেণ তেনৈব সহ জায়তে।
উভে সহ বিবর্তেতে উভে সহ বিনশ্যতঃ॥ 12-173-23 (71916)
স্নেহপাশৈর্বহুবিধৈরাবিষ্টবিষয়া জনাঃ।
অকৃতার্থাশ্চ সীদন্তে জলৈঃ সৈকতসেতবঃ॥ 12-173-24 (71917)
স্নেহেন তৈলবৎসর্বং সর্গচক্রে নিপীড্যতে।
তিলপীডৈরিবাক্রম্য ক্লেশৈরজ্ঞানসংভবৈঃ॥ 12-173-25 (71918)
সংচিনোত্যশুভং কর্ম কলত্রাপেক্ষয়া নরঃ।
একঃ ক্লেশানবাপ্নোতি পরত্রেহ চ মানবঃ॥ 12-173-26 (71919)
পুত্রদারকুটুম্বেষু প্রসক্তাঃ সর্বমানবাঃ।
শোকপঙ্কার্ণবে মগ্না জীর্ণা বনগজা ইব॥ 12-173-27 (71920)
পুত্রনাশে বিত্তনাশে জ্ঞাতিসংবন্ধিনামপি।
প্রাপ্যতে সুমহদ্দুঃখং দাবাগ্নিপ্রতিমং বিভো।
দৈবায়ত্তমিদং সর্বং সুখদুঃখে ভবাভবৌ॥ 12-173-28 (71921)
অসুহৃৎসসুহৃচ্চাপি সশত্রুর্মিত্রবানপি।
সপ্রজ্ঞঃ প্রজ্ঞয়া হীনো দৈবেন লভতে সুখম্॥] 12-173-29 (71922)
নালং সুখায় সুহৃদো নালং দুঃখায় দুর্হৃদঃ।
ন চ প্রজ্ঞাঽলমর্থানাং ন সুখানামলং ধনম্॥ 12-173-30 (71923)
ন বুদ্ধির্ধনলাভায় ন মৌঢ্যমসমৃদ্ধ্যে।
লোকপর্যায়বৃত্তান্তং প্রাজ্ঞো জানাতি নেতরঃ॥ 12-173-31 (71924)
বুদ্ধিমন্তং চ শূরং চ মূঢং ভীরুং জডং কবিম্।
দুর্বলং বলবন্তং চ ভাগিনং ভজতে সুখম্॥ 12-173-32 (71925)
ধেনুর্বৎসস্য গোপস্য স্বামিনস্তস্করস্য চ।
পয়ঃ পিবতি যস্তস্যা ধেনুস্তস্যেতি নিশ্চয়ঃ॥ 12-173-33 (71926)
যে চ মূঢতমা লোকে যে চ বুদ্ধেঃ পরং গতাঃ।
তে নরাঃ সুখমেধন্তে ক্লিশ্যত্যন্তরিতো জনঃ॥ 12-173-34 (71927)
অন্তেষু রেমিরে ধীরা ন তে মধ্যেষু রেমিরে।
অন্তপ্রাপ্তিং সুখং প্রাহুর্দুঃখমন্তরমন্তয়োঃ॥ 12-173-35 (71928)
সুখং স্বপিতি দুর্মেধাঃ স্বানি কর্মাণ্যচিন্তয়ন্।
অবিজ্ঞানেন মহতা কম্বলেনেব সংবৃতঃ॥ 12-173-36 (71929)
যে চ বুদ্ধিং পরাং প্রাপ্তা দ্বন্দ্বাতীতা বিমৎসরাঃ।
তান্নৈবার্থা ন চানর্থা ব্যথয়ন্তি কদাচন॥ 12-173-37 (71930)
অথ যে বুদ্ধিমপ্রাপ্তা ব্যতিক্রান্তাশ্চ মূঢতাম্।
তেঽতিবেলং প্রহৃষ্যন্তি সংতাপমুপয়ান্তি চ॥ 12-173-38 (71931)
নিত্যং প্রমুদিতা মূঢা দিবি দেবগণা ইব।
অবলেপেন মহতা পরিতৃপ্তা বিচেতসঃ॥ 12-173-39 (71932)
সুখং দুঃখান্তমালস্যং দুঃখং দাক্ষ্যং সুখোদয়ম্।
ভূতিশ্চৈব শ্রিয়া সার্ধং দক্ষে বসতি নালসে॥ 12-173-40 (71933)
সুখং বা যদি বা দুঃখং প্রিয়ং বা যদি বাঽপ্রিয়ম্।
প্রাপ্তং প্রাপ্তমুপাসীত হৃদয়েনাপরাজিতঃ॥ 12-173-41 (71934)
শোকস্থানসহস্রাণি ভয়স্থানশতানি চ।
দিবসেদিবসে মূঢমাবিশন্তি ন পণ্ডিতম্॥ 12-173-42 (71935)
বুদ্ধিমন্তং কৃতপ্রজ্ঞং শুশ্রূষুমনহংকৃতম্।
শান্তং জিতেন্দ্রিয়ং চাপি শোকো ন স্পৃশতে নরম্॥ 12-173-43 (71936)
এতাং বুদ্ধিং সমাস্থায় শুদ্ধচিত্তশ্চরেদ্বুধঃ।
`শুক্লকৃষ্ণগতিজ্ঞং তং দেবাসুরবিনির্গমম্।'
উদয়াস্তময়জ্ঞং হি ন শোকঃ স্প্রষ্টুমর্হতি॥ 12-173-44 (71937)
যন্নিমত্তো ভবেচ্ছোকস্রাসো বা ক্রোধ এব বা।
আয়াসো বা যতো মূলং তদেকাঙ্গমপি ত্যজেৎ॥ 12-173-45 (71938)
যদ্যত্ত্যজতি কামনাং তৎসুখস্যাভিপূর্যতে।
কামানুসারী পুরুষঃ কামাননুবিনশ্যতি॥ 12-173-46 (71939)
যচ্চ কামসুখং লোকে যচ্চ দিব্যং মহৎসুখম্।
তৃষ্ণাক্ষয়সুখস্যৈতে নার্হতঃ ষোডশীং কলাম্॥ 12-173-47 (71940)
পূর্বদেহকৃতং কর্ম শুভং বা যদি বাঽশুভম্।
প্রাজ্ঞং মূঢং তথা শূরং ভজতে তাদৃশং নরম্॥ 12-173-48 (71941)
এবমব কিলৈতানি প্রিয়াণ্যেবাপ্রিয়াণি চ।
জীবেষু পরিবর্তন্তে দুঃখানি চ সুখানি চ॥ 12-173-49 (71942)
এতাং বুদ্ধিং সমাস্থায় নাবসীদেদ্গুণান্বিতঃ।
সর্বান্কামাঞ্জুগুপ্সেন কোপং কুর্বীত পৃষ্ঠতঃ॥ 12-173-50 (71943)
বৃত্ত এব হৃদি প্রৌঢো মৃত্যুরেপ মনোভবঃ।
ক্রোধো নাম শরীরস্থো দেহিনাং প্রোচ্যতে বুধৈঃ॥ 12-173-51 (71944)
যদা সংহরতে কামান্কূর্মোঽঙ্গানীব সর্বশঃ।
তদাত্মজ্যোতিরাত্মশ্রীরাত্মন্যেব প্রসীদতি॥ 12-173-52 (71945)
কিংচিদেব মমৎবেন যদা ভবতি কল্পিতম্।
তদেব পরিতাপায় নাশে সংপদ্যতে তদা॥ 12-173-53 (71946)
ন বিভেতি যদা চায়ং যদা চাস্মান্ন বিভ্যতি।
যদা নেচ্ছতি ন দ্বেষ্টি ব্রহ্ম সংপদ্যতে তদা॥ 12-173-54 (71947)
উভে সত্যানৃতে ত্যক্ৎবা শোকানন্দৌ ভয়াভয়ে।
প্রিয়াপ্রিয়ে পরিত্যজ্য প্রশান্তাত্মা ভবিষ্যতি॥ 12-173-55 (71948)
যদা ন কুরুতে ধীরঃ সর্বভূতেষু পাপকম্।
কর্মণা মনসা বাচা ব্রহ্ম সংপদ্যতে তদা॥ 12-173-56 (71949)
যা দুস্ত্যজা দুর্মতিভির্যা ন জীর্যতি জীর্যতঃ।
যোসৌ প্রাণান্তিকো রোগস্তাং তৃষ্ণাং ত্যজতঃ সুখং॥ 12-173-57 (71950)
অত্র পিঙ্গলয়া গীতা গাথা শৃণু নরাধিপ।
যথা সা কৃচ্ছ্রকালেঽপি লেভে শর্ম সনাতনম্॥ 12-173-58 (71951)
সংকেতে পিঙ্গলা বেশ্যা কান্তেনাসীদ্বিনাকৃতা।
অথ কৃচ্ছ্রগতা শান্তাং বুদ্ধিমাস্থাপয়ত্তদা॥ 12-173-59 (71952)
পিঙ্গলোবাচ। 12-173-60x (5881)
উন্মত্তাঽহমনুন্মত্তং কান্তমন্ববসং চিরম্।
অন্তিকে রমণং সন্তং নৈনমধ্যগমং পুরা॥ 12-173-60 (71953)
একস্থূণং নবদ্বারমপিধাস্যাম্যগারকম্।
কা হ্যকান্তমিহায়ান্তং কান্ত ইত্যভিমংস্যতে॥ 12-173-61 (71954)
অকামাঃ কামরূপেণ ধূর্তাশ্চ নররূপিণঃ।
ন পুনর্বঞ্চয়িষ্যন্তি প্রতিবুদ্ধাঽস্মি জাগৃমি॥ 12-173-62 (71955)
অনর্থোঽপি ভবত্যর্থো দৈবাৎপূর্বকৃতেন বা।
সংবুদ্ধাঽহং নিরাকারা নাহমদ্যাজিতেন্দ্রিয়া॥ 12-173-63 (71956)
সুখং নিরাশঃ স্বপিতি নৈরাশ্যং পরমং সুখম্।
আশামনাশাং কৃৎবা হি সুখং স্বপিতি পিঙ্গলা॥ 12-173-64 (71957)
ভীষ্ম উবাচ। 12-173-65x (5882)
এতৈশ্চান্যৈশ্চ বিপ্রস্য হেতুমদ্ভিঃ প্রভাষিতৈঃ।
পর্যবস্থাপিতো রাজা সেনজিন্মুমুদে সুখম্॥ ॥ 12-173-65 (71958)
ইতি শ্রীমন্মহাভারতে শান্তিপর্বণি আপদ্ধর্মপর্বণি ত্রিসপ্তত্যধিকশততমোঽধ্যায়ঃ॥ 173॥
Mahabharata - Shanti Parva - Chapter Footnotes
12-173-1 রাজনিয়োগাদ্ধর্মপ্রবৃত্তেঃ রাজধর্মাশ্রিতাঃ। শ্রেষ্ঠঃ প্রশস্যতমোমোক্ষধর্মস্তাম্। আশ্রমিণামিত্যুক্তের্গৃহস্থাদীনাং সর্বেষামপ্যত্রাধিকারো দর্শিতঃ॥ 12-173-2 মোক্ষধর্মস্যোত্তমৎবং বক্তুমিতরধর্মস্য নিকৃষ্টৎবমাহ। সর্বত্রেতি। সর্বত্রাশ্রমেষু ধর্মো বিহিতো বেদেনাঽগ্নিহোত্রং জুহুয়াস্ৎবর্গকাম ইত্যাদিনা। স্বর্গ্যঃ স্বর্গফলসাধনম্। সত্যফলোদয়ঃ অবশ্যংভাবিফলোদয়ঃ। বহুদ্বারস্য যজ্ঞদানাদ্যনেকোপায়স্য। ক্রিয়া অনুষ্ঠানম্॥ 12-173-3 যস্মিন্বিষয়ে স্বর্গাদিফলে বিনিশ্চয়ং যাতি ইদং ফলং সদ্যঃ প্রাপ্যমিত্যভিসংধত্তে স তৎসাধনমুপাদত্তে ন ফলান্তরসাধনমিত্যর্থঃ॥ 12-173-4 পর্যেতি জানাতি লোকতন্ত্রং অনোপকরণং ধনদারাদিকম্। অত্র লোকে অসারং তৃণাদি তদ্বত্তচ্ছম্॥ 12-173-5 ব্যবসিতে নিশ্চিতে। লোকে স্থাবরাদিসত্যলোকপর্যন্তে। বহুদোষে ঐশ্বর্যতারতম্যক্ষয়িষ্ণুৎবাদিদোষবহুলে। দোষদর্শননিশ্চয়ে বৈরাগ্যে সতীত্যর্থঃ॥ 12-173-6 তন্মে তাং মে॥ 12-173-7 অপচিতিং প্রতীকারম্॥ 12-173-9 সংতাপোঽন্তর্বহির্দাহঃ। বিহ্বলৎবং বাহ্যেন্দ্রিয়চলনশূন্যৎবম্। বিষণ্ণং মূঢং মনো যস্য। বিবর্ণবদনং দৃষ্ট্বেতি ট. পাঠঃ॥ 12-173-10 মূঢাঃ সর্বেঽপি শোচ্যাঃ শোকাক্রান্তাশ্চেত্যতো নিঃশোকং পদমন্বেষ্টব্যমিত্যর্থঃ॥ 12-173-12 বুদ্ধিরুপপত্তিঃ। তপস্তদালোচনম্। সমাধির্বুদ্ধেরেকত্র পর্যবসানম্। জ্ঞানং সাক্ষাৎকারঃ। শ্রুতমেবেষ্বর্থেষু প্রমাণম্॥ 12-173-14 তত্র বুদ্ধিমাহং সার্ধদ্বয়েন পশ্যেতি। ব্যতিষিক্তানি ব্যাপ্তান্যুত্তমাধমমধ্যানি দেবতির্থঙ্ভনুষ্যাদীনি। কর্মসু নিমিত্তভূতেষু॥ 12-173-15 এবং কর্মজং দুঃখং দেবাদীনামপ্যস্তীতি দৃশ্যমানভূতদৃষ্টান্তেনোপপাদ্য তন্নিবৃত্তাবপ্যুপপত্তিমাহ আত্মেতি॥ 12-173-16 তপ আহ যথেত্যাদিনা। ভূতৈঃ সমাগমঃ আত্মনো দেহয়োগ ইত্যর্থঃ॥ 12-173-17 তপঃফলমাহ এবমিতি॥ 12-173-18 কঃ সন্ কিমনুশোচসি ইতি ঝ. পাঠঃ॥ 12-173-25 স্নেহেন নিমিত্তেন তিলপীডৈস্তৈলিকৈঃ॥ 12-173-26 অশুভং চৌর্যাদি। কলত্রাপেক্ষয়া ভার্যাদিপোষণার্থং ধনসুখভাগিনঃ সর্বে পাপফলভাগী ৎবেক এবায়মিত্যর্থঃ॥ 12-173-28 ভবাভবৌ ঐশ্বর্যানৈশ্বর্যে॥ 12-173-29 সুহৃৎপ্রত্যুপকারমনপেক্ষ্যোপকারকর্তা। মিত্রং প্রত্যুপকারমপেক্ষ্যো পকারকর্তৃ॥ 12-173-30 সুখায় সুখং দাতুং নালং ন পর্যাপ্তাঃ॥ 12-173-31 অসমৃদ্ধয়ে ধনাদিনাশায়। লোকো ভোগ্যপ্রপঞ্চস্তস্য পর্যায়ো নির্মাণং তত্র বিষয়ে বৃত্তান্তং সিদ্ধান্তম্। প্রাজ্ঞস্তত্ৎববিৎ॥ 12-173-32 মূঢং নির্বুদ্ধিম্। জডমলসম্। কবিং দীর্ঘদর্শিনম্। ভাগিনং সদৈবম্। ভজতে স্বয়মেবোপনমতে। নতু তদর্থং যত্নোঽপেক্ষ্য ইত্যর্থঃ॥ 12-173-33 পয়ঃপাতুরেব ধেনুরিতরেষাং তু তত্র মমতা ব্যর্থা। তস্মাদাবশ্যকাদধিকে স্পৃহা ন কার্যেত্যর্থঃ॥ 12-173-35 ধীরাঃ পণ্ডিতাঃ অন্তেষু অন্তয়োঃ ধর্মমোক্ষয়োঃ। ব্যত্যযো বহুলমিতি চ ব্যত্যযঃ। মধ্যেষু মধ্যযোঃ অর্থকাময়োঃ। অন্তপ্রাপ্তিং ধর্মমোক্ষপ্রাপ্তিং মোক্ষস্য সুখরূপৎবাদ্ধর্মস্য সুখহেতুৎবাৎ সুখং প্রাহুঃ। অন্তয়োর্ধর্মমোক্ষয়োরন্তরং মধ্যং অর্থকামং দুঃখং প্রাহুরিত্যর্থঃ॥ 12-173-37 দ্বন্দ্বাতীতাঃ সুখদুঃখাদ্যতীতাঃ। মৎসরঃ পরোৎকর্ষাসহিষ্ণুৎবং তদ্বর্জিতাঃ। অর্থাঃ খ্যাদয়ঃ। অনর্থাস্তদ্বিয়োগাঃ॥ 12-173-38 অতিবেলমত্যন্তম্॥ 12-173-39 পরিবৃদ্ধা বিচেতস ইতি ধ. পাঠঃ॥ 12-173-40 আলস্যং জ্ঞানসাধনেষ্বপ্রবৃত্তিঃ। দুঃখং দুঃখকরম্। ভূতিরণিমাদ্যৈশ্বর্যম্। শ্রিয়া বিদ্যযা। সুখং দুঃখান্তমালক্ষ্যেতি ঝ. পাঠঃ॥ 12-173-41 সুখদুঃখসাধনে প্রিয়াপ্রিয়ে। হৃদয়েন হর্ষশোকময়েনাঽপরাজিতোঽবশীকৃতঃ॥ 12-173-42 শোকমূলানীষ্টবিয়োগাদীনি। ভয়মূলান্যনিষ্টসংয়োগাদীনি। আবিশন্তি স্বকার্যোৎপাদনেন ব্যাপ্নুবন্তি॥ 12-173-43 বুদ্ধির্গ্রন্থধারণসামর্থ্যং তদ্বন্তম্। কৃতা স্বতঃসিদ্ধা প্রজ্ঞা ঊহাপোহকৌশলং যস্য তম্। শুশ্রূষুং শাস্ত্রাম্যাসপরম্। শুশ্রূষমনসূয়কমিতি ঝ. পাঠঃ। তত্র অনসূয়কং শাস্ত্রীয়েঽর্থে দোষদৃষ্টিরসূয়া তদ্রহিতমিত্যর্থঃ॥ 12-173-44 শুক্লং সৎবং কৃষ্ণং তমস্তাভ্যাং প্রাপ্যে গতী প্রকাশাবরণকার্যে মুক্তিসংসারাখ্যে তজ্জ্ঞম্। দেবা দানদয়াদিরূপাঃ সাৎবিক্যশ্চেতোবৃত্তয়ঃ। অসুরা রাজস্যস্তামস্যো লোভমোহাদ্যাস্তা এব তাসামুভয়ীনামপি বিশেষেণ নির্গমো বহির্ভাবো যস্যাত্তং উদয়া স্তময়জ্ঞং দেহিনাং জন্মবিনাশজ্ঞম্॥ 12-173-45 যত আয়াসস্তন্মূলং কারণমায়াসাদেরেকাঙ্গং শরীরৈকদেশভূতমপি ত্যজেৎ কিমুত ধনদারাদি॥ 12-173-46 কামানাং বিষয়াণাং মধ্যে॥ 12-173-47 লোকে মানুষে। দিব্যং স্বর্গভবম্। তৃষ্ণাক্ষয়ো বৈরাগ্যম্॥ 12-173-48 কর্তারমজিতং কর্ম শুভং বা যদি বাঽশুভমিতি ড. পুস্তকপাঠ॥ 12-173-56 পাপকং হিংসনম্॥ 12-173-58 কৃচ্ছ্রকালে দুঃখকালে। লেভে ধর্মং সনাতনমিতি ঘ. পাঠঃ। ব্রহ্ম সনাতনমিতি ড. পাঠঃ॥ 12-173-59 আস্থাপয়ৎ ব্যবস্থাপিতবতী॥ 12-173-60 অন্তিকে হৃদয়কোশে রমণমানন্দপ্রদম্॥ 12-173-61 একস্থূণং একাত্মাধারং অগারং শরীরাখ্যম্॥ 12-173-62 জাগৃমি জাগর্মি॥ 12-173-65 পর্ববস্থাপিত আত্মতত্ৎবে নিষ্ঠাং প্রাপিতঃ॥শান্তিপর্ব - অধ্যায় 174
॥ শ্রীঃ ॥
12.174. অধ্যায়ঃ 174
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কালস্য দ্রুততরপাতিতয় সদ্যঃ সাধনস্য সংপাদনীয়ৎবে প্রমাণতয়া পিতৃপুত্রসংবাদানুবাদঃ॥ 1॥Mahabharata - Shanti Parva - Chapter Text
12-174-0 (71959)
যুধিষ্ঠির উবাচ। 12-174-0x (5883)
অতিক্রামতি কালেঽস্মিন্সর্বভূতক্ষয়াবহে।
কিং শ্রেয়ঃ প্রতিপদ্যেত তন্মে ব্রূহি পিতামহ॥ 12-174-1 (71960)
ভীষ্ম উবাচ। 12-174-2x (5884)
অত্রাপ্যুদাহরন্তীমমিতিহাসং পুরাতনম্।
পিতুঃ পুত্রেণ সংবাদং তং নিবোধ যুধিষ্ঠির॥ 12-174-2 (71961)
দ্বিজাতেঃ কস্যচিৎপার্থ স্বাধ্যায়নিরতস্য বৈ।
বভূব পুত্রো মেধাবী মেধাবীনাম নামতঃ॥ 12-174-3 (71962)
সোঽব্রবীৎপিতরং পুত্রঃ স্বাধ্যায়করণে রতম্।
মোক্ষধর্মার্থকুশলো লোকতন্ত্রবিচক্ষণঃ॥ 12-174-4 (71963)
পুত্র উবাচ। 12-174-5x (5885)
ধীরঃ কিংস্বিত্তাত কুর্যাৎপ্রজানন্
ক্ষিপ্রং হ্যায়ুর্ভ্রশ্যতে মানবানাম্।
পিতস্তদাচক্ষ্ব যথার্থয়োগং
মমানুপূর্ব্যা যেন ধর্মং চরেয়ম্॥ 12-174-5 (71964)
পিতোবাচ। 12-174-6x (5886)
বেদানধীত্য ব্রহ্মচর্যেণ পুত্র
পুত্রানিচ্ছেৎপাবনার্থং পিতৃণাম্।
অগ্নীনাধায় বিধিবচ্চেষ্টয়জ্ঞো
বনং প্রবিশ্যাথ মুনির্বুভূষেৎ॥ 12-174-6 (71965)
পুত্র উবাচ। 12-174-7x (5887)
এবমভ্যাহতে লোকে সমন্তাৎপরিবারিতে।
অমোঘাসু পতন্তীষু কিং ধীর ইব ভাষসে॥ 12-174-7 (71966)
পিতোবাচ। 12-174-8x (5888)
কথমভ্যাহতো লোকঃ কেন বা পরিবারিতঃ।
অমোঘাঃ কাঃ পতন্তীহ কিংনু ভীষয়সীব মাম্॥ 12-174-8 (71967)
পুত্র উবাচ। 12-174-9x (5889)
মৃত্যুনাভ্যাহতো লোকো জরয়া পরিবারিতঃ।
অহোরাত্রাঃ পতন্ত্যেতে ননু কস্মান্ন বুধ্যসে।
অমোঘা রাত্রয়শ্চাপি নিত্যমায়ান্তি যান্তি চ॥ 12-174-9 (71968)
পিতোবাচ। 12-174-10x (5890)
যথাঽহমেতজ্জানামি ন মৃত্যুস্তিষ্ঠতীতি হ।
সোঽহং কথং প্রতীক্ষিষ্যে জালেনেবাবৃতশ্চরন্॥ 12-174-10 (71969)
পুত্র উবাচ। 12-174-11x (5891)
রাত্র্যাংরাত্র্যাং ব্যতীতায়ামায়ুরল্পতরং যদা।
তদৈব বন্ধ্যং দিবসমিতি বিন্দ্যাদ্বিচক্ষণঃ॥ 12-174-11 (71970)
গাধোদকে মৎস্য ইব সুখং বিন্দেত কস্তদা।
অনবাপ্তেষু কামেষু মৃত্যুরভ্যোতি মানবম্॥ 12-174-12 (71971)
পুষ্পাণীব বিচিন্বন্তমন্যত্র গতমানসম্।
বৃকীবোরণমাসাদ্য মৃত্যুরাদায় গচ্ছতি॥ 12-174-13 (71972)
অদ্যৈব কুরু যচ্ছ্রেয়ো মা ৎবাং কালোঽত্যগাদয়ম্।
অকৃতেষ্বেব কার্যেষু মৃত্যুর্বৈ সংপ্রকর্ষতি॥ 12-174-14 (71973)
শ্বঃ কার্যমদ্য কুর্বীত পূর্বাহ্ণে চাপরাহ্ণিকম্।
নহি প্রতীক্ষতে মৃত্যুঃ কৃতমস্য ন বা কৃতম্॥ 12-174-15 (71974)
কো হি জানাতি কস্যাদ্য মৃত্যুকালো ভবিষ্যতি।
যুবৈব ধর্মশীলঃ স্যাদনিত্যং খলু জীবিতম্।
কৃতে ধর্মে ভবেৎকীর্তিরিহ প্রেত্য চ বৈ সুখম্॥ 12-174-16 (71975)
মোহেন হি সমাবিষ্টঃ পুত্রদারার্থমুদ্যতঃ।
কৃৎবা কার্যমকার্যং বা পুষ্টিমেষাং প্রয়চ্ছতি॥ 12-174-17 (71976)
তং পুত্রপশুসংপন্নং ব্যাসক্তমনসং নরম্।
সুপ্তং ব্যাঘ্রো মৃগমিব মৃত্যুরাদায় গচ্ছতি॥ 12-174-18 (71977)
সংচিন্বানকমেবৈনং কামানামবিতৃপ্তকম্।
ব্যাঘ্রঃ পশুমিবাদায় মৃত্যুরাদায় গচ্ছতি॥ 12-174-19 (71978)
ইদং কৃতমিদং কার্যমিদমন্যৎকৃতাকৃতম্।
এবমীহাসুখাসক্তং কৃতান্তঃ কুরুতে বশে॥ 12-174-20 (71979)
কৃতানাং ফলমপ্রাপ্তং কর্মণাং কর্মসংজ্ঞিতম্।
ক্ষেত্রাপণগৃহাসক্তং মৃত্যুরাদায় গচ্ছতি॥ 12-174-21 (71980)
দুর্বলং বলবন্তং চ শূরং ভীরুং জডং কবিম্।
অপ্রাপ্তং সর্বকামার্থান্মৃত্যুরাদায় গচ্ছতি॥ 12-174-22 (71981)
নৃত্যুর্জরা চ ব্যাধিশ্চ দুঃখং চানেককারণম্।
অনুষক্তং যদা দেহে কিং স্বস্থ ইব তিষ্ঠসি॥ 12-174-23 (71982)
জাতমেবান্তকোঽন্তায় জরা চান্বেতি দেহিনম্।
অনুষক্তা দ্বয়েনৈতে ভাবাঃ স্থাবরজঙ্গমাঃ॥ 12-174-24 (71983)
অত্যোর্বা মুখমেতদ্বৈ যা গ্রামে বসতো রতিঃ।
বানামেষ বৈ গোষ্ঠো যদরণ্যমিতি শ্রুতিঃ॥ 12-174-25 (71984)
তেবন্ধনী রজ্জুরেষা যা গ্রামে বসতো রবি।
ছেত্ৎবেতা সুকৃতো যান্তি নৈনাং ছিন্দন্তি দুষ্কৃতঃ॥ 12-174-26 (71985)
হিংসয়তি যো জন্তূন্মনোবাক্কায়হেতুভিঃ।
জীবিতার্থাপনয়নৈঃ প্রাণিভির্ন স হিংস্যতে॥ 12-174-27 (71986)
ন মৃত্যুসেনামায়ান্তীং জাতু কশ্চিৎপ্রবাধতে।
ঋতে সত্যমসত্ত্যাজ্যং সত্যে হ্যমৃতমাশ্রিতম্॥ 12-174-28 (71987)
তস্মাৎসত্যব্রতাচারঃ সত্যযোগপরায়ণঃ।
সত্যাগমঃ সদা দান্তঃ সত্যেনৈবান্তকং জয়েৎ॥ 12-174-29 (71988)
অমৃতং চৈব মৃত্যুশ্চ দ্বয়ং দেহে প্রতিষ্ঠিতম্।
মৃত্যুরাপদ্যতে মোহাৎসত্যেনাপদ্যতেঽমৃতম্॥ 12-174-30 (71989)
সোঽহং হ্যহিংস্রঃ সত্যার্থী কামক্রোধবহিষ্কৃতঃ।
সমদুঃখসুখঃ ক্ষেমী মৃত্যুংহাস্যাম্যমর্ত্যবৎ॥ 12-174-31 (71990)
শান্তিয়জ্ঞরতো দান্তো ব্রহ্ময়জ্ঞে স্থিতো মুনিঃ।
বাঙ্ভনঃ কর্ময়জ্ঞশ্চ ভবিষ্যাম্যুদগায়নে॥ 12-174-32 (71991)
পশুয়জ্ঞৈঃ কথং হিংস্রৈর্মাদৃশো চষ্টুমর্হতি।
অন্তবদ্ভিরিব প্রাজ্ঞঃ ক্ষেত্রয়জ্ঞৈঃ পিশাচবৎ॥ 12-174-33 (71992)
যস্য বাঙ্ভনসী স্যাতাং সম্যক্প্রণিহিতে সদা।
তপস্ত্যাগশ্চ সত্যং চ স বৈ সর্বমবাপ্নুয়াৎ॥ 12-174-34 (71993)
নাস্তি বিদ্যাসমং চক্ষুর্নাস্তি সত্যসমং তপঃ।
নাস্তি রাগসমংদুঃখং নাস্তি ত্যাগসমং সুখম্॥ 12-174-35 (71994)
আত্মন্যেবাত্মনা জাত আত্মনিষ্ঠোঽপ্রজোপি বা।
আত্মন্যেব ভবিষ্যামি ন মাং তারয়তি প্রজা॥ 12-174-36 (71995)
নৈতাদৃশং ব্রাহ্মণস্যাস্তি বিত্তং
যথৈকতা সমতা সত্যতা চ।
শীলং স্থিতির্দণ্ডনিধানমার্জবং
ততস্ততশ্চোপরভঃ ক্রিয়াভ্যঃ॥ 12-174-37 (71996)
কিং তে ধনৈর্বান্ধবৈর্বাপি কিং তে
কিং তে দারৈর্ব্রাহ্মণ যো মরিষ্যসি।
আত্মানমন্বিচ্ছ গুহাং প্রবিষ্টং
পিতামহাস্তে ক্ব গতাঃ পিতা চ॥ 12-174-38 (71997)
ভীষ্ম উবাচ। 12-174-39x (5892)
পুত্রস্যৈতদ্বচঃ শ্রুৎবা যথাঽকার্ষীৎপিতা নৃপ।
তথা ৎবমপি বর্তস্ব সত্যধর্মপরায়ণঃ॥ ॥ 12-174-39 (71998)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুঃসপ্তত্যধিকশততমোঽধ্যায়ঃ॥ 174॥
Mahabharata - Shanti Parva - Chapter Footnotes
12-174-4 মোক্ষধর্মাণামর্থেষু কুশলঃ॥ 12-174-5 যথার্থয়োগং ফলসংবন্ধমনতিক্রম্য তাত কুর্যাচ্ছুভার্থী ইতি ড.থ.পাঠঃ। তাত কুর্যাৎপ্রজাসু ইতি ট. পাঠঃ॥ 12-174-7 অমোধাস্বায়ুর্হরণেন সফলাসু রাত্রিষু॥ 12-174-11 বন্ধ্যং নিষ্ফলম্॥ 12-174-12 যদা মৃত্যুরভ্যেতি তদা কঃ সুখং বিন্দেতেতি সংবন্ধঃ॥ 12-174-13 পুষ্পাণি কাম্যকর্মফলানি মেষীণামার্তবানি বা। আর্তবং বিনা পশূনাং স্ত্রীসঙ্গে প্রবৃত্ত্যদর্শনাৎ। বিচিন্বন্তং শাস্ত্রদৃষ্ট্যা আঘ্রাণেন চ। উরণং মেষম্॥ 12-174-17 এষাং পুত্রাদীনাম্॥ 12-174-19 সংচিন্বানকং কুৎসিতং সংচিন্বানং সংগ্রহীতারম্॥ 12-174-20 কার্যং কর্তুমিষ্টম্। কৃতাকৃতমর্ধকৃতম্॥ ঈহা তৃষ্ণা॥ 12-174-21 কর্মসংজ্ঞিতং বণিগিত্যাদি কর্মানুরূপসংজ্ঞাবন্তম্॥ 12-174-24 দ্বয়েনান্তকজরাখ্যেন॥ 12-174-25 গ্রামে খ্যাদিসঙ্ঘে রতিরাসক্তিরেব মৃত্যোর্মুখং ন তু বাসমাত্রম্। গোষ্ঠমিব গোষ্ঠং বাসস্থানাম্। অরণ্যং বিবিক্তদেশঃ। গৃহং ত্যক্ৎবৈকান্তে ধ্যানপরো ভবেদিত্যর্থঃ॥ 12-174-26 যান্তি মুক্তিমিতি শেষঃ॥ 12-174-27 ন হিংসয়তি হিংসাং ন কারয়তি ন করোতি চেত্যর্থঃ। হেতুঃ শ্রাদ্ধাদিনিমিত্তং তৈঃ জীবিতমর্থাংশ্চাপনয়ন্তি তৈর্হিস্নস্তেনাদিভিঃ॥ 12-174-28 মৃত্যুসেনাং জরাব্যাধিরূপাং সত্যে ব্রহ্মজ্ঞানে অমৃতং কৈবল্যম্॥ 12-174-29 সত্যব্রতাচারঃ সত্যং ব্রহ্মজ্ঞানে তদর্থং ব্রতং বেদান্তশ্রবণাদি তদাচারস্তদনুষ্ঠাতা। সত্যযোগপরায়ণঃ ব্রহ্মধ্যানপরায়ণঃ। সত্যঃ প্রমাণভূত আগমো গুরুবে দবাক্যং যস্য স সত্যাগমঃ শ্রদ্ধাবান্॥ 12-174-32 শান্তিয়জ্ঞ ইন্দ্রিয়নিগ্রহঃ। ব্রহ্ময়জ্ঞো নিত্যমুপনিষদর্থচিন্তনম্। বাগ্যজ্ঞঃ জপঃ। মনোয়জ্ঞঃ ধ্যানং। কর্ময়জ্ঞঃ স্রানশৌচগুরুশুশ্রূষাদ্যাবশ্যক ধর্মানুষ্ঠানম্। উদগায়নে দেবয়ানপথনিমিত্তম্। দৈর্ঘ্যমার্ষম্॥ 12-174-33 অন্তবদ্ভিরনিত্যফলৈঃ। ক্ষেত্রয়জ্ঞৈঃ শরীরনাশনৈঃ॥ 12-174-36 আত্মনি পরমাত্মনি প্রলয়ে স্থিত ইতি শেষঃ। আত্মনা সৃষ্টিকালে জাতঃ॥ 12-174-37 একতা একপ্রকারতা শীলং শ্লাঘনীয়ং বৃত্তম্। দণ্ডনিধানং বাঙ্ভনঃ কায়ৌর্হিসাত্যাগঃ॥শান্তিপর্ব - অধ্যায় 175
॥ শ্রীঃ ॥
12.175. অধ্যায়ঃ 175
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি দারিদ্র্যধনিকৎবয়োঃ ক্রমেণার্থানর্থসাধনৎবে প্রমাণতয়া শম্যাকগীতায়া অনুবাদঃ॥ 1॥Mahabharata - Shanti Parva - Chapter Text
12-175-0 (71999)
যুধিষ্ঠির উবাচ। 12-175-0x (5893)
ধনিনশ্চাধনা যে চ বর্তয়ন্তি স্বতন্ত্রিণঃ।
সুখদুঃখাগমস্তেষাং কঃ কথং বা পিতামহ॥ 12-175-1 (72000)
ভীষ্ম উবাচ। 12-175-2x (5894)
অত্রাপ্যুদাহরন্তীমমিতিহাসং পুরাতনম্।
শম্যাকেন বিমুক্তেন গীতং শান্তিগতেন চ॥ 12-175-2 (72001)
অব্রবীন্মাং পুরা কশ্চিদ্ব্রাহ্মণস্ত্যাগমাশ্রিতঃ।
ক্লিশ্যমানঃ কুদারেণ কুচেলেন বুভুক্ষয়া॥ 12-175-3 (72002)
উৎপন্নমিহ লোকে বৈ জন্মপ্রভৃতি মানবম্।
বিবিধান্যুপবর্তন্তে দুঃখানি চ সুখানি চ॥ 12-175-4 (72003)
তয়োরেকতরো মার্গো যদেনমুপসন্নয়েৎ।
ন সুখং প্রাপ্য সংহৃষ্যেন্নাসুখং প্রাপ্য সংজ্বরেৎ॥ 12-175-5 (72004)
ন বৈ চরসি যচ্ছ্রেয় আত্মনো বা ন রংস্যসে।
অকামাত্মাঽপি হি সদা ধুরমুদ্যম্য চৈব হ॥ 12-175-6 (72005)
অকিঞ্চনঃ পরিপতন্সুখমাস্বাদয়িষ্যসি।
অকিঞ্চনঃ সুখং শেতে সমুত্তিষ্ঠতি চৈব হ॥ 12-175-7 (72006)
আকিঞ্চন্যং সুখং লোকে পথ্যং শিবমনাময়ম্।
অনমিত্রপথো হ্যেষ দুর্লভঃ সুলভঃ সতাম্॥ 12-175-8 (72007)
অকিঞ্চনস্য শুদ্ধস্য উপপন্নস্য সর্বতঃ।
অবেক্ষমাণস্ত্রীল্লোঁকান্ন তুল্যমিহ লক্ষয়ে॥ 12-175-9 (72008)
আকিঞ্চন্যং চ রাজ্যং চ তুলয়া সমতোলয়ম্।
অত্যরিচ্যত দারিদ্র্যং রাজ্যাদপি গুণাধিকম্॥ 12-175-10 (72009)
আকিঞ্চন্যে চ রাজ্যে চ বিশেষঃ সুমহানয়ম্।
নিত্যোদ্বিগ্নো হি ধনবান্মৃত্যোরাস্যগতো যথা॥ 12-175-11 (72010)
নৈবাস্যাগ্নির্ন চাদিত্যো ন মৃত্যুর্ন চ দস্যবঃ।
প্রভবন্তি ধনং হর্তুমিতরে স্যুঃ কুতঃ পুনঃ॥ 12-175-12 (72011)
তং বৈ সদা কামচরমনুপস্তীর্ণশায়িনম্।
বাহূপধানং শাম্যন্তং প্রশংসন্তি দিবৌকসঃ॥ 12-175-13 (72012)
ধনবান্ক্রোধলোভাভ্যামাবিষ্টো নষ্টচেতনঃ।
তির্যগ্দৃষ্টিঃ শুষ্কমুখঃ পাপকো ভ্রুকুটীমুখঃ॥ 12-175-14 (72013)
নির্দশন্নধরোষ্ঠং চ ক্রুদ্ধো দারুণভাষিতা।
কস্তমিচ্ছেৎপরিদ্রষ্টুং দাতুমিচ্ছতি চেন্মহীম্॥ 12-175-15 (72014)
শ্রিয়া হ্যভীক্ষ্ণং সংবাসো মোহয়ত্যবিচক্ষণম্।
সা তস্য চিত্তং হরতি শারদাভ্রমিবানিলঃ॥ 12-175-16 (72015)
অথৈনং রূপমানশ্চ ধনপানশ্চ বিন্দতি।
অভিজাতোঽস্মি সিদ্ধোঽস্মি নাস্মি কেবলমানুষঃ।
ইত্যেভিঃ কারণৈস্তস্য ত্রিভিশ্চিত্তং প্রমাদ্যতি॥ 12-175-17 (72016)
সংপ্রসক্তমনা ভোগান্বিসৃজ্য পিতৃসংচিতান্।
পরিক্ষীণঃ পরস্বানামাদানং সাধু মন্যতে॥ 12-175-18 (72017)
তমতিক্রান্তমর্যাদমাদদানং ততস্ততঃ।
প্রতিষেধন্তি রাজানো লুব্ধা মৃগমিবেষুভিঃ॥ 12-175-19 (72018)
এবমেতানি দুঃখানি তানি তানীহ মানবম্।
বিবিধান্যুপবর্তন্তে গাত্রসংস্পর্শজান্যপি॥ 12-175-20 (72019)
তেষাং পরমদুঃখানাং বুদ্ধ্যা ভৈষজ্যমাচরেৎ।
লোকধর্মং সমাজ্ঞায় ধ্রুবাণামধ্রুবৈঃ সহ॥ 12-175-21 (72020)
নাত্যক্ৎবা সুখমাপ্নোতি নাত্যক্ৎবা বিন্দতে পরম্।
নাত্যক্ৎবা চাভয়ঃ শেতে ত্যক্ৎবা সর্বং সুখী ভবেৎ॥ 12-175-22 (72021)
ইত্যেতদ্ধাস্তিনপুরে ব্রাহ্মণেনোপবর্ণিতম্।
শম্যাকেন পুরা মহ্যং তস্মাত্ত্যাগঃ পরো মতঃ॥ ॥ 12-175-23 (72022)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চসপ্তত্যধিকশততমোঽধ্যায়ঃ॥ 175॥
Mahabharata - Shanti Parva - Chapter Footnotes
12-175-1 স্বতন্ত্রিণঃ স্বশাস্ত্রানুসারিণঃ॥ 12-175-2 তেন শম্যাকেন যদ্গীতং তন্মাং প্রতি কশ্চিদব্রবীদিতি দ্বয়োঃ সংবন্ধঃ। শংপাকেনেহ মুক্তেন ইতি ঝ. পাঠঃ॥ 12-175-3 কুচেলেন কুবস্ত্রেণ। নির্ধনৎবাদন্নাচ্ছাদনহীন ইত্যর্থঃ॥ 12-175-5 উপসংনয়েৎ সংপ্রাপ্নুয়াৎ। তয়োরেকতরে মার্গে যদেনমভিসংনয়েদিতি ঝ. পাঠঃ। তত্র অভিসংনয়েদ্দৈবং যদি প্রাপয়েত্তর্হি ন সংহৃষ্যেদিত্যাদিনা সংবন্ধঃ॥ 12-175-7 অকিঞ্চনঃ দরিদ্রঃ। পরিতঃ পতন্ গচ্ছন্। অনিকেতশ্চরন্নিত্যর্থঃ॥ 12-175-8 পথ্যং মোক্ষমার্গাদনপেতম্। অনমিত্রপথঃ শত্রুবর্জিতঃ পন্থাঃ। দুর্লভঃ কামিনাম্॥ 12-175-9 উপপন্নস্য বৈরাগ্যসংপন্নস্য॥ 12-175-12 নৈবাস্যাগ্নির্ন চারিষ্ট ইতি প্রভবন্তি ধনত্যাগাদ্বিমুক্তস্য নিরাশিষঃ ইতি চ ঝ. পাঠঃ॥ 12-175-13 অনুপস্তীর্ণে শয়্যাহীনে ভূতলে শেতে তম্। উপধানং শীর্ষোপধানম্॥ 12-175-17 অভিজাত উত্তমবংশ্যঃ ত্রিভির্ধনরূপকুলৈঃ॥ 12-175-18 ভোগান্ ভোগ্যধনাদীন বিসৃজ্য ব্যযীকৃত্য॥ 12-175-19 প্রতিষেধন্তি দণ্ডয়ন্তি। লুব্ধা ব্যাধাঃ॥ 12-175-20 সংস্পর্শজানি দাহচ্ছেদাদীনি॥ 12-175-21 ভৈষজ্যং প্রতীকারমাচরেৎ॥ 12-175-23 শম্যাকেন পুরা গীতমিত্যধ্যাহারেণ যোজনা॥শান্তিপর্ব - অধ্যায় 176
॥ শ্রীঃ ॥
12.176. অধ্যায়ঃ 176
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বিরক্তেঃ সুস্বসাধনতায়াং প্রমাণতয়া মঙ্কিগীতায়া বোধ্যগীতায়াশ্চানুবাদঃ॥ 1॥Mahabharata - Shanti Parva - Chapter Text
12-176-0 (72023)
যুধিষ্ঠির উবাচ। 12-176-0x (5895)
ঈহমানঃ সমারম্ভান্যদি নাসাদয়েদ্ধনম্।
ধনতৃষ্ণাভিভূতশ্চ কিং কুর্বন্সুখমাপ্নুয়াৎ॥ 12-176-1 (72024)
ভীষ্ম উবাচ। 12-176-2x (5896)
সর্বসাম্যমনায়াসঃ সত্যবাক্যং চ ভারত।
নির্বেদশ্চাবিধিৎসা চ যস্য স্যাৎস সখী নরঃ॥ 12-176-2 (72025)
এতান্যেব পদান্যাহুঃ পঞ্চ বৃদ্ধাঃ প্রশান্তয়ে।
এষ স্বর্গশ্চ ধর্মশ্চ সুখং চানুত্তমং সতাম্॥ 12-176-3 (72026)
অত্রাপ্যুদাহরন্তীমমিতিহাসং পুরাতনম্।
নির্বেদান্মঙ্কিনা গীতং তন্নিবোধ যুধিষ্ঠির॥ 12-176-4 (72027)
ঈহমানো ধনং মঙ্কির্ভগ্নেহশ্চ পুনঃ পুনঃ।
কেনচিদ্ধনলেশেন ক্রীতবান্দম্যগোয়ুগম্॥ 12-176-5 (72028)
সুসংবদ্ধৌ তু তৌ দম্যৌ দমনায়াভিনিঃসৃতৌ।
আসীনমুষ্ট্রং মধ্যেন সহসৈবাভ্যধাবতাম্॥ 12-176-6 (72029)
তয়োঃ সংপ্রাপ্তয়োরুষ্ট্রঃ স্কন্ধদেশমমর্পণঃ।
উত্থায়োৎক্ষিপ্য তৌ দম্যৌ পসসার মহাজবঃ॥ 12-176-7 (72030)
হ্রিয়মাণৌ তু তৌ দম্যৌ তেনোষ্ট্রেণ প্রমাথিনা।
প্রিয়মাণৌ চ সংপ্রেক্ষ্য মঙ্কিস্তত্রাব্রবীদিদম্॥ 12-176-8 (72031)
ন জাৎববিহিতং শক্যং দক্ষেণাষীহিতুং ধনম্।
যুক্তেন শ্রদ্ধয়া সম্যগীহাং সমনুতিষ্ঠতা॥ 12-176-9 (72032)
পূর্বমর্যৈর্বিহীনস্য যুক্তস্যাপ্যুতিষ্ঠতঃ।
ইমং পশ্যত সংগত্যা মম দৈবমুপপ্লবম্॥ 12-176-10 (72033)
উদ্যম্যোদ্যম্য মে দম্যৌ বিষমেণৈব গচ্ছতঃ।
উৎক্ষিপ্য কাকতালীয়মুন্মাথেনেব জম্বুকঃ॥ 12-176-11 (72034)
মণীবোষ্ট্রস্য লম্বেতে প্রিয়ৌ বৎসতরৌ মম।
শুদ্বং হি দৈবমেবেদং হঠে নৈবাস্তি পৌরুষম্॥ 12-176-12 (72035)
যদি বাঽপ্যুপপদ্যেত পৌরুষং নাম কর্হিচিৎ।
অন্বিষ্যমাণং তদপি দৈবমেবাবতিষ্ঠতে॥ 12-176-13 (72036)
তস্মান্নির্বেদ এবেহ গন্তব্যঃ সুখভীপ্সতা।
সুখং স্বপিতি নির্বিণ্ণো নিরাশশ্চার্থসাধনে॥ 12-176-14 (72037)
অহো সম্যক্শুকেনোক্তং সর্বতঃ পরিমুচ্যতা।
প্রতিষ্ঠতা মহারণ্যং জনকস্য নিবেশনাৎ॥ 12-176-15 (72038)
যঃ কামানাপ্নুয়াৎসর্বান্যশ্চৈতান্কেবলাংস্ত্যজেৎ।
প্রাপণাৎসর্বকামানাং পরিত্যাগো বিশিষ্যতে॥ 12-176-16 (72039)
নান্তং সর্ববিধিৎসানাং গতপূর্বোঽস্তি কশ্চন।
শরীরে জীবিতে চৈব তৃষ্ণা মর্ত্যস্য বর্ধতে॥ 12-176-17 (72040)
নিবর্তস্য বিধিৎসাভ্যঃ শাম্য নির্বিদ্য কামুক।
অসকৃচ্চাসি নিকৃতো ন চ নির্বিদ্যসে মনঃ॥ 12-176-18 (72041)
যদি নাহং বিনাশ্যস্তে যদ্যেবং রমসে ময়া।
মা মাং যোজয় লোভেন বৃথাঽৎবং বিত্তকামুক॥ 12-176-19 (72042)
সংচিতং সংচিতং দ্রব্যং নষ্টং তব পুনঃ পুনঃ।
কদা তাং মোক্ষ্যসে মূঢ ধনেহাং ধনকামুক॥ 12-176-20 (72043)
অহো নু মম বালিশ্যং যোঽহং ক্রীডনকস্তব।
`ক্লেশৈর্নানাবিধৈর্নিত্যং সংয়োজয়সি নির্ঘৃণঃ।'
কিং নৈবং জাতু পুরুষঃ পরেষাং প্রেষ্যতামিয়াৎ॥ 12-176-21 (72044)
ন পূর্বে নাপরে জাতু কামানামন্তমাপ্নুবন্।
ত্যক্ৎবা সর্বসমারম্ভান্প্রতিবুদ্ধোঽস্মি জাগৃমি॥ 12-176-22 (72045)
নূনং মে হৃদয়ং কামং বজ্রসারময়ং দৃঢম্।
যদনর্থশতাবিষ্টং শতধা ন বিদীর্যতে॥ 12-176-23 (72046)
ত্যজামি কাম ৎবাং চৈব যচ্চ কিংচিৎপ্রিয়ং তব।
তবাহং প্রিয়মন্বিচ্ছন্নাত্মন্যুপলভে সুখম্॥ 12-176-24 (72047)
কাম জানামি তে মূলং সংকল্পাৎকিল জায়সে।
ন ৎবাং সংকল্পয়িষ্যামি সমূলো নভবিষ্যসি॥ 12-176-25 (72048)
ঈহা ধনস্য ন সুখা লুব্ধ্বা চিন্তা চ ভূয়সী।
লব্ধনাশো যথা মৃত্যুর্লব্ধং ভবতি বা ন বা॥ 12-176-26 (72049)
পরিত্যাগে ন লভতে ততো দুঃখতরং নু কিম্।
ন চ তুষ্যতি লব্ধেন ভূয় এব চ মার্গতি॥ 12-176-27 (72050)
অনুতর্পুল এবার্থঃ স্বাদু গাঙ্গভিবোদকম্।
মদ্বিলাপনমেততু প্রতিবুদ্ধোঽস্মি সংত্যজ॥ 12-176-28 (72051)
য ইমং মামকং দেহং ভূতগ্রামঃ সমাশ্রিতঃ।
স যাৎবিতো যথাকামং বসতাং বা যথাসুখম্॥ 12-176-29 (72052)
ন যুষ্মাস্বিহ মে প্রীতিঃ কামলোভানুসারিষু।
তস্মাদুৎসৃজ্য বঃ সর্বান্সৎবমেবাশ্রয়াম্যহম্॥ 12-176-30 (72053)
সর্ব ভূতান্যহং দেহে পশ্যন্মনসি চাত্মনঃ।
যোগে বুদ্ধিং শ্রুতে সৎবং মনো ব্রহ্মণি ধারয়ন্॥ 12-176-31 (72054)
বিহরিষ্যাম্যনাসক্তঃ সুখী লোকান্নিরাময়ঃ।
যথা মাং ৎবং পুনর্নৈবং দুঃখেষু প্রণিধাস্যসি॥ 12-176-32 (72055)
ৎবয়া হি মে প্রণুন্নস্য গতিরন্যা ন বিদ্যতে।
তৃষ্ণা শোকশ্রমাণাং হি ৎবং কাম প্রভবঃ সদা॥ 12-176-33 (72056)
ধননাশেঽধিকং দুঃখং মন্যে সর্বমহত্তরম্।
জ্ঞাতয়ো হ্যবমন্যন্তে মিত্রাণি চ ধনাচ্চ্যুতম্॥ 12-176-34 (72057)
অবজ্ঞানসহস্রৈস্তু দোষাঃ কষ্টতরাঽধনে।
ধনে সুখকলা যা তু সাঽপি দুঃখৈর্বিধীয়তে॥ 12-176-35 (72058)
ধনমস্যেতি পুরুষং পুরো নিঘ্নন্তি দস্যবঃ।
ক্লিশ্যন্তি বিবিধৈর্দণ্ডৈর্নিত্যমুদ্বেজয়ন্তি চ॥ 12-176-36 (72059)
ধনলোলুপতা দুঃখমিতি বুদ্ধং চিরান্ময়া।
যদ্যদালম্বসে কামং তত্তদেবানুরুধ্যসে॥ 12-176-37 (72060)
অতত্ৎবজ্ঞোঽসি বালশ্চ দুস্তোষোঽপূরণোঽনলঃ।
নৈব ৎবং বেত্থ সুলভং নৈব ৎবং বেত্থ দুর্লভম্॥ 12-176-38 (72061)
পাতাল ইব দুষ্পূরো মাং দুঃখৈর্যোক্তুমিচ্ছসি।
নাহমদ্য সমাবেষ্টুং শক্যঃ কাম পুনস্ৎবয়া॥ 12-176-39 (72062)
নির্বেদমহমাসাদ্য দ্রব্যনাশাদ্যদৃচ্ছয়া।
নিবৃত্তিং পরমাং প্রাপ্য নাদ্য কামান্বিচিন্তয়ে॥ 12-176-40 (72063)
অতিক্লেশান্সহামীহ নাহং বুদ্ধ্যাম্যবুদ্ধিমান্।
নিকৃতো ধননাশেন শয়ে সর্বাঙ্গবিজ্বরঃ॥ 12-176-41 (72064)
পরিত্যজামি কাম ৎবাং হিৎবা সর্বং মনোগতম্।
ন ৎবং ময়া পুনঃ কাম নস্যোতেনেব রংস্যসে॥ 12-176-42 (72065)
ক্ষমিষ্যে ক্ষিপমাণানাং ন হিংসিষ্যে বিহিংসিতঃ।
দ্বেষ্যমুক্তঃ প্রিয়ং বক্ষ্যাম্যনাদৃত্য তদপ্রিয়ম্॥ 12-176-43 (72066)
তৃপ্তঃ স্বস্থেন্দ্রিয়ো নিত্যং যথালব্ধেন বর্তয়ন্।
ন সকামং করিষ্যামি ৎবামহং শত্রুমাত্মনঃ॥ 12-176-44 (72067)
নির্বেদং নির্বৃতিং তৃপ্তিং শান্তিং সত্যং দমং ক্ষমাম্।
সর্বভূতদয়াং চৈব বিদ্ধি মাং শরণাগতম্॥ 12-176-45 (72068)
তস্মাৎকামশ্চ লোভশ্চ তৃষ্ণা কার্পণ্যমেব চ।
ত্যজন্তু মাং প্রতিষ্ঠন্তং সৎবস্থো হ্যস্মি সাংপ্রতম্॥ 12-176-46 (72069)
প্রহায় কামং লোভং চ ক্রোধং পারুষ্যমেব চ।
নাদ্য লোভবশং প্রাপ্তো দুঃখং প্রাপ্স্যাম্যনাত্মবান্॥ 12-176-47 (72070)
যদ্যস্ত্যজতি কামানাং তৎসুখস্যাভিপূর্যতে।
কামস্য বশগো নিত্যং দুঃখমেব প্রপদ্যতে॥ 12-176-48 (72071)
কামানুবন্ধং নুদতে যৎকিংচিৎপুরুষো রজঃ।
কামক্রোধোদ্ভবং দুঃখমহ্রীররতিরেব চ॥ 12-176-49 (72072)
এষ ব্রহ্মপ্রতিষ্ঠোঽহং গ্রীষ্মে শীতমিব হ্রদম্।
শাম্যামি পরিনির্বামি সুখমাসে চ কেবলম্॥ 12-176-50 (72073)
যচ্চ কামসুখং লোকে যচ্চ দিব্যং মহৎসুখম্।
তৃষ্ণাক্ষয়সুখস্যৈতে নার্হতঃ ষোডশীং কলাম্॥ 12-176-51 (72074)
আত্মনা সপ্তমং কামং হৎবা শত্রুমিবোত্তমম্।
প্রাপ্যাবধ্যং ব্রহ্মপুরং রাজেব চ বসাম্যহম্॥ 12-176-52 (72075)
এতাং বুদ্ধিং সমাস্থায় মঙ্কির্নির্বেদমাগতঃ।
সর্বান্কামান্পরিত্যজ্য প্রাপ্য ব্রহ্ম মহৎসুখম্॥ 12-176-53 (72076)
দম্যনাশকৃতে মঙ্কিরমৃতৎবং কিলাগমৎ।
অচ্ছিনৎকামমূলং স তেন প্রাপ পরাং গতিম্॥ 12-176-54 (72077)
অত্রাপ্যুদাহরন্তীমং শ্লোকং মোক্ষোপসংহিতম্।
গীতং বিদেহরাজেন জনকেন প্রশাম্যতা॥ 12-176-55 (72078)
অনন্তমিব মে বিত্তং যস্য মে নাস্তি কিংচন।
মিথিলায়াং প্রদীপ্তায়াং ন মে দহ্যতি কিংচন॥ 12-176-56 (72079)
অত্রৈবোদাহরন্তীমং বোধ্যস্য পদসংচয়ম্।
নির্বেদং প্রতি বিন্যস্তং তং নিবোধ যুধিষ্ঠির॥ 12-176-57 (72080)
বোধ্যং শান্তমৃষিং রাজা নাহুষঃ পর্যপৃচ্ছত।
নির্বেদাচ্ছান্তিমাপন্নং শাস্ত্রপ্রজ্ঞানতর্পিতম্॥ 12-176-58 (72081)
উপদেশং মহাপ্রাজ্ঞ শমস্যোপদিশস্ব মে।
কাং বুদ্ধিং সমনুপ্রাপ্য শান্তশ্চরসি নির্বৃতঃ॥ 12-176-59 (72082)
বোধ্য উবাচ। 12-176-60x (5897)
উপদেশেন বর্তামি নানুশাস্মীহ কংচন।
লক্ষণং তস্য বক্ষ্যেঽহং তৎস্বয়ং পরিমৃষ্যতাম্॥ 12-176-60 (72083)
পিঙ্গলা কুররঃ সর্পঃ সারঙ্গান্বেষণং বনে।
ইষুকারঃ কুমারী চ ষডেতে গুরবো মম॥ 12-176-61 (72084)
[*ভীষ্ম উবাচ। 12-176-62x (5898)
আশা বলবতী রাজন্নৈরাশ্যং পরমং সুখম্।
আশাং নিরাশাং কৃৎবা তু সুখং স্বপিতি পিঙ্গলা॥ 12-176-62 (72085)
সামিষং কুররং দৃষ্ট্বা বধ্যমানং নিরামিষৈঃ।
আমিষস্য পরিত্যাগাৎকুররঃ সুখমেধতে॥ 12-176-63 (72086)
গৃহারম্ভো হি দুঃখায় ন সুখায় কদাচন।
সর্পঃ পরকৃতং বেশ্ম প্রবিশ্য সুখমেধতে॥ 12-176-64 (72087)
সুখং জীবন্তি মুনয়ো ভৈক্ষ্যবৃত্তিং সমাশ্রিতাঃ।
অদ্রোহণৈব ভূতানাং সারঙ্গ ইব পক্ষিণঃ॥ 12-176-65 (72088)
`অল্পেভ্যশ্চ মহদ্ভ্যশ্চ শাস্ত্রেভ্যো মতিমান্নরঃ।
সর্বতঃ সারমাদদ্যাৎপুষ্পেভ্য ইব ষট্পদঃ॥' 12-176-66 (72089)
ইষুকারো নরঃ কশ্চিদিপাবাসক্তমানসঃ।
সমীপেনাপি গচ্ছন্তং রাজানং নাববুদ্ধবান্॥ 12-176-67 (72090)
বহূনাং কলহো নিত্যং দ্বয়োঃ সংকথনং ধ্রুবম্।
একাকী বিচরিষ্যানি কুমারীশঙ্খকো যথা॥] ॥ 12-176-68 (72091)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষট্সপ্তত্যধিকশততমোঽধ্যায়ঃ॥ 176॥
Mahabharata - Shanti Parva - Chapter Footnotes
12-176-3 পদানি পদনীয়ান্যাশ্রয়ণীয়ানি। প্রশান্তয়ে মোক্ষায়। এষ ইতি বিধেয়াপেক্ষে লিঙ্গৈকৎবে॥ 12-176-5 দম্যগোয়ুগং দ্বৌ বৎসতরৌ। দ্বিৎবে গোয়ুগজিতি গোয়ুগচ্প্রত্যযঃ॥ 12-176-7 উৎক্ষিষ্য তুলাভাজনদ্বয়বদুপরিভূমের্নীৎবা॥ 12-176-9 অবিহিতং দৈবেনা নুপস্থাপিতং ঈহিতুমেষ্টুম্। শ্রদ্ধয়া ফলপ্রাপ্তিনিশ্চয়েন। ঈহাং চেষ্টাং॥ 12-176-10 যুক্তস্যাবহিতচিত্তস্য। অনুতিষ্ঠতোঽর্থপ্রাপ্ত্যুপায়ান্। সংগত্যা দম্যোষ্ট্রসংবন্ধেন। দৈবং দেবেনেশ্বরেণ নির্মিতম্॥ 12-176-11 উদ্যম্যোদ্যম্য মোক্ষার্থমুদ্যমং কৃৎবা বিষমেণ কৃচ্ছ্রেণ দম্যৌ গচ্ছতঃ। কাকতালীয়ং দৈবকৃতং সংগমম্। উন্ভাথঃ কূটয়ন্ত্রম্। উৎপথেনৈব ধাবতঃ ইতি ঝ. পাঠঃ॥ 12-176-12 বাশব্দ ইবার্থে॥ 12-176-13 উপপদ্যেত যদি লোকদৃষ্টান্তেন পৌরুষাস্তিৎবং যুজ্যেত তর্হি ফলব্যভিচারাত্তদপি দৈবায়ত্তমেবোপপদ্যতে ন স্বাতন্ত্র্যেণেত্যর্থঃ॥ 12-176-17 বিধিৎসানাং ধনাদ্যর্থং প্রবৃত্তীনাম্। গতপূর্বঃ পূর্বং গতঃ প্রাপ্তো গত পূর্বঃ॥ 12-176-18 কামুককা মাদিধর্মবৎ হে মনঃ নির্বিদ্য বৈরাগ্যং প্রাপ্যশাম্য শমং গচ্ছ। নিকৃতঃ বঞ্চিতঃ প্রবৃত্তিনৈষ্ফত্যাৎ॥ 12-176-20 মোক্ষ্যসে ত্যক্ষ্যসে॥ 12-176-21 ক্রীডনকঃ ক্রীডামৃগঃ। জাতু কদাচিৎ। প্রেষ্যতাং দাস্যম্। কামাভাবে কোঽপি কস্যচিদপি ন প্রেষ্যঃ স্যাদিত্যর্থঃ॥ 12-176-22 অন্তং নাপ্নুবন্ অতো হেতোস্ত্যক্ৎবা॥ 12-176-23 নূনং তে হৃদয়ং কামেতি ঝ. পাঠঃ॥ 12-176-24 প্রিয়ং জায়াদি॥ 12-176-25 নভবিষ্যসি বিনশিষ্যসি॥ 12-176-26 ঈহা লিপ্সা চেষ্টা বা। তদা ধনস্য ধনায়েত্যর্থঃ। লব্ধ্বা চিন্তা নাশভয়াৎ। যথা মৃত্যুস্তথা দুঃখকৃৎ। শ্রমেঽপি ফলং সংদিগ্ধম্॥ 12-176-27 পরিত্যাগে দেহস্য পরস্বৎবাপাদনেঽপি ন লভতে। মার্গতি মৃগয়তে॥ 12-176-28 অনুতর্পুলস্তৃষ্ণাবৃদ্ধিকৃৎ। মদ্বিলাপনং মন্নাশঃ। এতৎ তৃষ্ণাবৃদ্ধ্যাখ্যম্। প্রতি বুদ্ধোঽস্মি অতো মাং সংত্যজ। হে কামেতি শেষঃ॥ 12-176-29 ভূতগ্রামো যাতু স্বকারণং প্রতি। পঞ্চৎবমস্ৎবিত্যর্থঃ॥ 12-176-31 যোগে বিষয়ে বুদ্ধিং করষ্যামীতি নিশ্চয়ং কুর্বন্ শ্রুতে শ্রবণাদৌ সৎবমেকাগ্নচিত্তং ধারয়ন্ মনশ্চ ব্রহ্মণি ধারয়ন্ বিহরিষ্যামীত্যগ্রিমেণ সংবন্ধঃ॥ 12-176-35 কষ্টতরাঽধনে ইতি সংধিরার্ষঃ॥ 12-176-36 ধনমস্যাস্তীতি ক্লিশ্যন্তি ক্লেশয়ন্তি॥ 12-176-38 অনলোঽগ্নিরিবেত্যর্থঃ॥ 12-176-41 সহামি ইতঃপূর্বং সোঢবানস্মি॥ 12-176-43 ক্ষিপমাণানাং ধিক্কুর্বতাম্॥ 12-176-44 সকামং লব্ধমনোরথম্। হেকামেতি শেষঃ॥ 12-176-45 নির্বৃতিং সুখম্। তৃপ্তিং পূর্ণকামতাম্॥ 12-176-46 প্রতিষ্ঠন্তং মোক্ষায় গন্তুম্॥ 12-176-47 প্রহায় স্থিতোস্মীতি শেষঃ॥ 12-176-49 রজঃ প্রবর্তকো গুণঃ। তচ্চ কামেনানুবধ্নাতীতি কামানুবন্ধম্। দুঃখাদিকং চ কামাদ্যুদ্ভবম্। অতঃ সর্বানর্থমূলং রজস্ত্যাজ্যমিত্যর্থঃ॥ 12-176-50 শাম্যামি কর্মভ্য উপরতিং গচ্ছামি। পরিনির্বামি নির্দুঃখো ভবামি॥ 12-176-54 কামমূলমবিদ্যাম্॥ 12-176-55 অত্রাপ্যুদাহরন্তীমমিতিহাসং পুরাতনং ইতি ঝ. পাঠঃ॥ 12-176-57 পদসংধয়ং শ্লোকম্। বৈরাগ্যার্থমুপন্যস্তম্॥ 12-176-60 তৎ জ্ঞাপ্যম্॥ 12-176-61 সারঙ্গো ভ্রমরস্তস্যাঽন্বেষণমনুগমনম্। ইষ গতৌ দিবাদিঃ॥ 12-176-68 কাচিৎকুমারী পিত্রাদিপরবশা গৃহাগতানতিথীন্প্রচ্ছন্নং ভোজয়িতুমিচ্ছন্তী ব্রীহিনবহন্তুং প্রচক্রমে। তস্যাঃ প্রকোষ্ঠস্থাঃ শঙ্খাশ্চুক্রুশুঃ। সা পরেষাং সূচনা মাভূদিতি শঙ্খান্ভড্ক্ৎবা একৈকমবশেষিতবতীতি শ্রীমদ্ভাগবতে দৃষ্টান্তোঽয়ং ব্যাখ্যাতঃ॥শান্তিপর্ব - অধ্যায় 177
॥ শ্রীঃ ॥
12.177. অধ্যায়ঃ 177
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি প্রপঞ্চস্যানিত্যৎবাদিজ্ঞানপূর্বকবিরক্তেঃ সুখহেতুতায়াং প্রমাণতয়া প্রহ্লাদাজগরমুনিসংবাদানুবাদঃ॥ 1॥Mahabharata - Shanti Parva - Chapter Text
12-177-0 (72092)
যুধিষ্ঠির উবাচ। 12-177-0x (5899)
কেন বৃত্তেন বৃত্তজ্ঞ বীতশোকশ্চরেন্মহীম্।
কিংচ কুর্বন্নরো লোকে প্রাপ্নোতি গতিমুত্তমাম্॥ 12-177-1 (72093)
ভীষ্ম উবাচ। 12-177-2x (5900)
অত্রাপ্যুদাহরন্তীমমিতিহাসং পুরাতনম্।
প্রহ্লাদস্য চ সংবাদং মুনেরাজগরস্য চ॥ 12-177-2 (72094)
চরন্তং ব্রাহ্মণং কংচিৎকল্যচিত্তমনাময়ম্।
পপ্রচ্ছ রাজা প্রহ্লাদো বুদ্ধিমান্প্রাজ্ঞসত্তমঃ॥ 12-177-3 (72095)
প্রহ্লাদ উবাচ। 12-177-4x (5901)
স্বস্থঃ শক্তো মৃদুর্দান্তো নির্বিধিৎসোঽনসূয়কঃ।
সুবাগ্বহুমতো লোকে প্রাজ্ঞশ্চরসি বালবৎ॥ 12-177-4 (72096)
নৈব প্রার্থয়সে লাভং নালাভেষ্বনুশোচসি।
নিত্যতৃপ্ত ইব ব্রহ্মন্ন কিংচিদিব মন্যসে॥ 12-177-5 (72097)
স্রোতসা হ্রিয়মাণাসু প্রজাসু বিমনা ইব।
ধর্মকামার্থকার্যেষু কূটস্থ ইব লক্ষ্যসে॥ 12-177-6 (72098)
নানুতিষ্ঠসি ধর্মার্থৌ ন কামে চাপি বর্তসে।
ইন্দ্রিয়ার্থাননাদৃত্য মুক্তশ্চরসি সাক্ষিবৎ॥ 12-177-7 (72099)
কা নু প্রজ্ঞা শ্রুতং বা কিং বৃত্তির্বা কা নু তে মুনে।
ক্ষিপ্রমাচক্ষ্ব মে ব্রহ্মঞ্শ্রেয়ো যদিহ মন্যসে॥ 12-177-8 (72100)
ভীষ্ম উবাচ। 12-177-9x (5902)
অনুয়ুক্তঃ স মেধাবী লোকধর্মবিধানবিৎ।
উবাচ শ্লক্ষ্ণয়া বাচা প্রহ্লাদমনপার্থয়া॥ 12-177-9 (72101)
পশ্য প্রহ্লাদ ভূতানামুৎপত্তিমনিমিত্ততঃ।
হ্রাসং বৃদ্ধিং বিনাশং চ ন প্রহৃষ্যে ন চ ব্যথে॥ 12-177-10 (72102)
স্বভাবাদেব সংদৃশ্যা বর্তমানাঃ প্রবৃত্তয়ঃ।
স্বভাবনিরতাঃ সর্বাঃ প্রতিপাদ্যা ন কেনচিৎ॥ 12-177-11 (72103)
পশ্য প্রহ্লাদ সংয়োগান্বিপ্রয়োগপরায়ণান্।
সংচয়াংশ্চ বিনাশান্তান্ন ক্বচিদ্বিদধে মনঃ॥ 12-177-12 (72104)
অন্তবন্তি চ ভূতানি গুণয়ুক্তানি পশ্যতঃ।
উৎপত্তিনিধনজ্ঞস্য কিং পর্যায়েণোপলক্ষয়ে। 12-177-13 (72105)
জলজানামপি হ্যন্তং পর্যায়েণোপলক্ষয়ে।
মহতামপি কায়ানাং সূক্ষ্মাণাং চ মহোদধৌ॥ 12-177-14 (72106)
জঙ্গমস্থাবরাণাং চ ভূতানামসুরাধিপ।
পার্থিবানামপি ব্যক্তং মৃত্যুং পশ্যামি সর্বশঃ॥ 12-177-15 (72107)
অন্তরিক্ষচরাণাং চ দানবোত্তমপক্ষিণাম্।
উত্তিষ্ঠতে যথাকালং মৃত্যুর্বলবতামপি॥ 12-177-16 (72108)
দিবি সংচরমাণানি হ্রস্বানি চ মহান্তি চ।
জ্যোতীংষ্যপি যথাকালং পতমানানি লক্ষয়ে॥ 12-177-17 (72109)
ইতি ভূতানি সংপশ্যন্ননুষক্তানি মৃত্যুনা।
সর্বং সামান্যতো বিদ্বান্কৃতকৃত্যঃ সুখং স্বপে॥ 12-177-18 (72110)
সুমহান্তমপি গ্রাসং গ্রসে লব্ধং যদৃচ্ছয়া।
শয়ে পুনরভুঞ্জানো দিবসানি বহূন্যপি॥ 12-177-19 (72111)
আশয়ন্ত্যপি মামন্নং পুনর্বহুগুণং বহু।
পুনরল্পং পুনস্তোকং পুনর্নৈবোপপদ্যতে॥ 12-177-20 (72112)
কণং কদাচিৎখাদামি পিণ্যাকমপি চ গ্রসে।
ভক্ষয়ে শালিমাংসানি ভক্ষাংশ্চোচ্চাবচান্পুনঃ॥ 12-177-21 (72113)
শয়ে কদাচিৎপর্যঙ্কে ভূমাবপি পুনঃ শয়ে।
প্রাসাদে চাপি মে শয়্যা কদাচিদুপপদ্যতে॥ 12-177-22 (72114)
ধারয়ামি চ চীরাণি শাণক্ষৌমাজিনানি চ।
মহার্হাণি চ বাসাংসি ধারয়াম্যহমেকদা॥ 12-177-23 (72115)
ন সন্নিপতিতং ধর্ম্যমুপভোগং যদৃচ্ছয়া।
প্রত্যাচক্ষে ন চাপ্যেনমনুরুধ্যে সুদুর্লভম্॥ 12-177-24 (72116)
অচলমনিধনং শিবং বিশোকং
শুচিমতুলং বিদুষাং মতে প্রবিষ্টম্।
অনভিমতমসেবিতং বিমূঢৈ
র্ব্রতমিদমাজগরং শুচিশ্চরামি॥ 12-177-25 (72117)
অচলিতমতিরচ্যুতঃ স্বধর্মা
ৎপরিমিতসংসরণঃ পরাবরজ্ঞঃ।
বিগতভয়কষায়লোভমোহো
ব্রতমিদমাজগরং শুচিশ্চরামি॥ 12-177-26 (72118)
অনিয়তফলভক্ষ্যভোজ্যপেয়ং
বিধিপরিণামবিভক্তদেশকালম্।
হৃদয়সুখমসেবিতং কদর্যৈ
র্ব্রতমিদমাজগরং সুচিশ্চরামি॥ 12-177-27 (72119)
ইদমিদমিতি তৃষ্ণয়াঽভিভূতং
জনমনবাপ্তধনং বিষীদমানম্।
নিপুণমনুনিশাম্য তত্ৎববুদ্ধ্যা
ব্রতমিদমাজগরং শুচিশ্চরামি॥ 12-177-28 (72120)
বহুবিধমনুদৃশ্য চার্থহেতোঃ
কৃপণমিহার্যমনার্যমাশ্রয়ং তম্।
উপশমরুচিরাত্মবান্প্রশান্তো
ব্রতমিদমাজগরং শুচিশ্চরামি॥ 12-177-29 (72121)
সুখমসুখমলাভমর্থলাভং
রতিমরতিং মরণং চ জীবিতং চ।
বিধিনিয়তমবেক্ষ্য তত্ৎবতোঽহং
ব্রতমিদমাজগরং শুচিশ্চরামি॥ 12-177-30 (72122)
অপগতভয়রাগমোহদর্পো
ধৃতিমতিবুদ্ধিসমন্বিতঃ প্রশান্তঃ।
উপগতফলভোগিনো নিশাম্য
ব্রতমিদমাজগরং শুচিশ্চরামি॥ 12-177-31 (72123)
অনিয়তশয়নাসনঃ প্রকৃত্যা
দমনিয়মব্রতসত্যশৌচয়ুক্তঃ।
অপগতফলসংচয়ঃ প্রহৃষ্টো
ব্রতমিদমাজগরং শুচিশ্চরামি॥ 12-177-32 (72124)
অপগতমসুখার্থমীহনার্থৈ
রুপগতবুদ্ধিরবেক্ষ্য চাত্মসংস্থম্।
তৃপিতমনিয়তং মনো নিয়ন্তুং
ব্রতমিদমাজগরং শুচিশ্চরামি॥ 12-177-33 (72125)
ন হৃদয়মনুরুধ্যতে মনো বা
প্রিয়সুখদুর্লভতামনিত্যতাং চ।
তদুভয়মুপলক্ষয়ন্নিবাহং
ব্রতমিদমাজগরং শুচিশ্চরামি॥ 12-177-34 (72126)
বহু কথিতমিদং হি বুদ্ধিমদ্ভিঃ
কবিভিরপি প্রথয়দ্ভিরাত্মকীর্তিম্।
ইদমিদমিতি তত্রতত্র হন্ত
স্বপরমতৈর্গহনং প্রতর্কয়দ্ভিঃ॥ 12-177-35 (72127)
তদিদমনুনিশাম্য বিপ্রপাতং
পৃথগভিপন্নমিহাবুধৈর্মনুষ্যৈঃ।
অনবসিতমনন্তদোষপারং
নৃপু বিহরামি বিনীতদোষতৃষ্ণঃ॥ 12-177-36 (72128)
ভীষ্ম উবাচ। 12-177-37x (5903)
অজগরচরিতং ব্রতং মহাত্মা
য ইহ নরোঽনুচরেদ্বিনীতরাগঃ।
অপগতভয়লোভমোহমন্যুঃ
স খলু সুখী বিচরেদিমং বিহারম্॥ ॥ 12-177-37 (72129)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তসপ্তত্যধিকশততমোঽধ্যায়ঃ॥ 177॥
Mahabharata - Shanti Parva - Chapter Footnotes
12-177-2 আজগরস্যাঽজগরবৃত্ত্যা জীবতঃ॥ 12-177-4 নির্বিধিৎসো নিরারম্ভঃ॥ 12-177-6 স্রোতসা কামাদিবেগেন। কূটস্থো নির্ব্যাপারঃ॥ 12-177-7 ইন্দ্রিয়ার্থান্ গন্ধরসাদীননাদৃত্য চরসি তন্নির্বাহমাত্রার্থী অশ্নাসি॥ 12-177-8 প্রজ্ঞা তত্ৎবদর্শনম্। শ্রুতং তন্মূলভূতং শাস্ত্রম্। বৃত্তিস্তদর্থানুষ্ঠানম্। শ্রেয়ো মমেতি শেষঃ॥ 12-177-9 অনুয়ুক্তঃ পৃষ্টঃ। লোকস্য ধর্মো জন্মজরাদিস্তস্য বিধানং কারণং তদভিজ্ঞঃ লোকধর্মবিধানবিৎ॥ 12-177-10 অনিমিত্ততঃ কারণহীনাদ্ব্রহ্মণঃ। পশ্য আলোচয়॥ 12-177-12 তস্মাদহং মনো ন ক্বচিদ্বিষয়ে বিদধে ধারয়ামি তদ্বিনাশে শোকোৎপত্তিং জানন্॥ 12-177-15 পার্থিবানাং পৃথিবীস্থানাম্॥ 12-177-19 আজগরীং বৃত্তিং প্রপঞ্চয়তি সুমহান্তমিত্যাদিনা॥ 12-177-20 আশয়ন্তি ভোজয়ন্তি॥ 12-177-26 কষায়ঃ রাগদ্বেষাদিঃ॥ 12-177-28 ধনপ্রাপ্তৌ কর্মৈব কারণং ন পৌরুষমিতি ধিয়া নিশাম্যালোচ্য॥ 12-177-29 অর্থহেতোরনার্যং নীচম্। অর্যং স্বামিনগাশ্রয়তি যঃ কৃপণো দীনজনস্তমনুদৃশ্যোপশমরুচিঃ। আত্মবান্ জিতচিত্তঃ॥ 12-177-30 বিধিনিয়তং দৈবাধীনম্॥ 12-177-31 মতিরালোচনম্। বুদ্ধির্নিশ্চয়ঃ। উপগতং সমীপাগতং ফলং প্রিয়ং যেষাং তান্ ভোগিনঃ সর্পান্ অজগরান্ নিশাম্য দৃষ্ট্বা। ফলভোগিন ইতি মধ্যমপদলোপঃ॥ 12-177-32 প্রকৃত্যা দমাদিয়ুক্তঃ অপগতফলসংচয়স্ত্যক্তয়োগফলসমূহঃ॥ 12-177-33 এষণাবিষয়ৈঃ পুত্রবিত্তাদির্ভির্হেতুভিঃ। অসুখার্থং পরিণামে দুঃখার্থম্। অপগতমাত্মনঃ পরাঙ্ভুখং তৃষিতমনিয়তং চ মনোঽবেক্ষ্য। উপগতবুদ্ধির্লব্ধালোকঃ। আত্মসংস্থমাত্মনি সংস্থা সমাপ্তির্যস্য তত্তথা তুং ব্রতং চরামি॥শান্তিপর্ব - অধ্যায় 178
॥ শ্রীঃ ॥
12.178. অধ্যায়ঃ 178
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ইতরনিপেধপূর্বকং প্রজ্ঞায়াঃ সুখসাধনতায়াং প্রমাণতয়া সৃগালকাশ্যপসংবাদানুবাদঃ॥ 1॥Mahabharata - Shanti Parva - Chapter Text
12-178-0 (72130)
যুধিষ্ঠির উবাচ। 12-178-0x (5904)
বান্ধবাঃ কর্ম বিত্তং বা প্রজ্ঞা বেহ পিতামহ।
নরস্য কা প্রতিষ্ঠা স্যাদেতৎপৃষ্টো বদস্ব মে॥ 12-178-1 (72131)
ভীষ্ম উবাচ। 12-178-2x (5905)
প্রজ্ঞা প্রতিষ্ঠা ভূতানাং প্রজ্ঞা লাভঃ পরো মতঃ।
প্রজ্ঞা নিঃশ্রেয়সী লোকে প্রজ্ঞা স্বর্গো মতঃ সতাম্॥ 12-178-2 (72132)
প্রজ্ঞয়া প্রাপিতার্থো হি বলিরৈশ্বর্যসংক্ষয়ে।
প্রহ্লাদো নমুচির্মঙ্কিস্তস্যাঃ কিং বিদ্যতে পরম্॥ 12-178-3 (72133)
অত্রাপ্যুদাহরন্তীমমিতিহাসং পুরাতনম্।
ইন্দ্রকাশ্যপসংবাদং তন্নিবোধ যুধিষ্ঠির॥ 12-178-4 (72134)
বৈশ্যঃ কশ্চিদৃষিসুতং কাশ্যপং সংশিতব্রতম্।
রথেন পাতয়ামাস শ্রীমান্দৃপ্তস্তপস্বিনম্॥ 12-178-5 (72135)
আর্তঃ স পতিতঃ ক্রুদ্ধস্ত্যক্ৎবাঽঽত্মানমথাব্রবীৎ।
মরিষ্যাম্যধনস্যেহ জীবিতার্থো ন বিদ্যতে॥ 12-178-6 (72136)
তথা মুমূর্ষমাসীনমকূজন্তমচেতসম্।
ইন্দ্রঃ সৃগালরূপেণ বভাষে ক্ষুব্ধমানসম্॥ 12-178-7 (72137)
মনুষ্যযোনিমিচ্ছন্তি সর্বভূতানি সর্বশঃ।
মনুষ্যৎবে চ বিপ্রৎবং সর্ব এবাভিনন্দতি॥ 12-178-8 (72138)
মনুষ্যো ব্রাহ্মণশ্চাসি শ্রোত্রিয়শ্চাসি কাশ্যপ।
সুদুর্লভমবাপ্যৈতন্ন দোষান্মর্তুমর্হসি॥ 12-178-9 (72139)
সর্বে লাভাঃ সাভিমানা ইতি সত্যবতী শ্রুতিঃ।
সংতোষণীয়রূপোঽসি লোভাদ্যদভিমন্যসে॥ 12-178-10 (72140)
অহো সিদ্ধার্থতা তেষাং যেষাং সন্তীহ পাণয়ঃ।
[অতীব স্পৃহয়ে তেষাং যেষাং সন্তীহ পাণয়ঃ॥] 12-178-11 (72141)
পাণিমদ্ভ্যঃ স্পৃহাঽস্মাকং যথা তব ধনস্য বৈ।
ন পাণিলাভাদধিকো লাভঃ কশ্চন বিদ্যতে॥ 12-178-12 (72142)
অপাণিৎবাদ্বয়ং ব্রহ্মন্কণ্টকং নোদ্ধরামহে।
জন্তূনুচ্চাবচানঙ্গে দশতো ন কষাম বা॥ 12-178-13 (72143)
অথ যেষাং পুনঃ পাণী দেবদত্তৌ দশাঙ্গুলী।
উদ্ধরন্তি কৃমীনঙ্গাদ্দশতো নিকষন্তি চ॥ 12-178-14 (72144)
বর্ষাহিমাতপানাং চ পরিত্রাণানি কুর্বতে।
চেলমন্নং সুখং শয়্যাং নিবাতং চোপভুঞ্জতে॥ 12-178-15 (72145)
অধিষ্ঠায় চ গাং লোকে ভুঞ্জতে বাহয়ন্তি চ।
উপায়ৈর্বহুভিশ্চৈব বশ্যানাত্মনি কুর্বতে॥ 12-178-16 (72146)
যে খল্বজিহ্বাঃ কৃপণা অল্পপ্রাণা অপাণয়ঃ।
সহন্তে তানি দুঃখানি দিষ্ট্যা ৎবং ন তথা মুনে॥ 12-178-17 (72147)
দিষ্ট্যা ৎবং ন শৃগালো বৈ ন কৃমির্ন চ মূষকঃ।
ন সর্পো ন চ মণ্ডূকো ন চান্যঃ পাপয়োনিজঃ॥ 12-178-18 (72148)
এতাবতাঽপি লাভেন তোষ্টুমর্হসি কাশ্যপ।
কিং পুনর্যোসি সৎবানাং সর্বেষাং ব্রাহ্মণোত্তমঃ॥ 12-178-19 (72149)
ইমে মাং কৃময়োঽদন্তি যেষামুদ্ধরণায় বৈ।
নাস্তি শক্তিরপাণিৎবাৎপশ্যাবস্থামিমাং মম॥ 12-178-20 (72150)
অকার্যমিতি চৈবেমং নাত্মানং সংত্যজাম্যহম্।
নাতঃ পাপীয়সীং যোনিং পতেয়মপরামিতি॥ 12-178-21 (72151)
মধ্যে বৈ পাপয়োনীনাং সৃগালীয়ামহং গতঃ।
পাপীয়স্যো বহুতরা ইতোঽন্যাঃ পাপয়োনয়ঃ॥ 12-178-22 (72152)
জাত্যৈবৈকে সুখিতরাঃ সন্ত্যন্যে ভৃশদুঃখিতাঃ।
নৈকান্তং সুখমেবেহ ক্বচিৎপশ্যামি কস্যচিৎ॥ 12-178-23 (72153)
মনুষ্যা হ্যাঢ্যতাং প্রাপ্য রাজ্যমিচ্ছন্ত্যনন্তরম্।
রাজ্যাদ্দেবৎবমিচ্ছন্তি দেবৎবাদিন্দ্রতামপি॥ 12-178-24 (72154)
ভবেস্ৎবং যদ্যপি ৎবাঢ্যো ন রাজা ন চ দৈবতম্।
দেবৎবং প্রাপ্য চেন্দ্রৎবং নৈব তুষ্যেস্তথা সতি॥ 12-178-25 (72155)
ন তৃপ্তিঃ প্রিয়লাভেঽস্তি তৃষ্ণা নাদ্ভিঃ প্রশাম্যতি।
সংপ্রজ্বলতি সা ভূয়ঃ সমিদ্ভিরিব পাবকঃ॥ 12-178-26 (72156)
অস্ত্যেব ৎবয়ি শোকোঽপি হর্ষশ্চাপি তথা ৎবয়ি।
সুখদুঃখে তথা চোভে তত্র কা পরিদেবনা॥ 12-178-27 (72157)
পরিচ্ছিদ্যৈব কামানাং সর্বেষাং চৈব কর্মণাম্।
মূলং বুদ্ধীন্দ্রিয়গ্রামং শকুন্তানিব পঞ্জরে॥ 12-178-28 (72158)
ন দ্বিতীয়স্য শিরসশ্ছেদনং বিদ্যতে ক্বচিৎ।
ন চ পাণেস্তৃতীয়স্য যন্নাস্তি ন ততো ভয়ম্॥ 12-178-29 (72159)
ন খল্বপ্যরসজ্ঞস্য কামঃ ক্বচন জায়তে।
সংস্পর্শাদ্দর্শনাদ্বাপি শ্রবণাদ্বাপি জায়তে॥ 12-178-30 (72160)
ন ৎবং স্মরসি বারুণ্যা লট্বাকানাং চ পক্ষিণাম্।
তাভ্যাং চাভ্যধিকো ভক্ষ্যো ন কশ্চিদ্বিদ্যতে ক্বচিৎ॥ 12-178-31 (72161)
যানি চান্যানি ভূতেষু ভক্ষ্যভোজ্যানি কাশ্যপ।
যেষামভুক্তপূর্বাণি তেষামস্মৃতিরেব তে॥ 12-178-32 (72162)
অপ্রাশনমসংস্পর্শমসংদর্শনমেব চ।
পুরুষস্যৈষ নিয়মো মন্যে শ্রেয়ো ন সংশয়ঃ॥ 12-178-33 (72163)
পাণিমন্তো বলবন্তো ধনবন্তো ন সংশয়ঃ।
মনুষ্যা মানুষৈরেব দাসৎবমুপপাদিতাঃ॥ 12-178-34 (72164)
বধবন্ধপরিক্লেশৈঃ ক্লিশ্যন্তে চ পুনঃ পুনঃ।
তে খল্বপি রমন্তে চ মোদন্তে চ হসন্তি চ॥ 12-178-35 (72165)
অপরে বাহুবলিনঃ কৃতবিদ্যা মনস্বিনঃ।
জুগুপ্সিতাং চ কৃপণাং পাপবৃত্তিমুপাসতে॥ 12-178-36 (72166)
উৎসহন্তে চ তে বৃত্তিমন্যামপ্যুপসেবিতুম্।
স্বকর্মণা তু নিয়তং ভবিতব্যং তু তত্তথা॥ 12-178-37 (72167)
ন পুল্কসো ন চণ্ডাল আত্মানং ত্যক্তুমিচ্ছতি।
তয়া তুষ্টঃ স্বয়া যোন্যা মায়াং পশ্যস্ব যাদৃশীম্॥ 12-178-38 (72168)
দৃষ্ট্বা কুণীন্পক্ষহতান্মনুষ্যানাময়াবিনঃ।
সুসংপূর্ণঃ স্বয়া যোন্যা লব্ধলাভোসি কাশ্যপ॥ 12-178-39 (72169)
যদি ব্রাহ্মণদেহস্তে নিরাতঙ্কো নিরাময়ঃ।
অঙ্গানি চ সমগ্রাণি ন চ লোকেষু ধিক্কৃতঃ॥ 12-178-40 (72170)
ন কেনচিৎপ্রবাদেন সত্যেনৈবাপহারিণা।
ধর্মায়োত্তিষ্ঠ বিপ্রর্ষে নাত্মানং ত্যক্তুমর্হসি॥ 12-178-41 (72171)
যদি ব্রহ্মঞ্শৃণোষ্যেতচ্ছ্রদ্দধাসি চ মে বচঃ।
বেদোক্তস্যৈব ধর্মস্য ফলং মুখ্যমবাপ্স্যসি॥ 12-178-42 (72172)
স্বাধ্যায়মগ্নিসংস্কারমপ্রমত্তোঽনুপালয়।
সত্যং দমং চ দানং চ স্পর্ধিষ্ঠা মা চ কেনচিৎ॥ 12-178-43 (72173)
যে কেচন স্বধ্যযনাঃ প্রাপ্তা যজনয়াজনম্।
কথং তে চানুশোচেয়ুর্ধ্যায়েয়ুর্বাঽপ্যশোভনম্॥ 12-178-44 (72174)
ইচ্ছন্তস্তে বিহারায় সুখং মহদবাপ্নুয়ুঃ।
যেঽনুজাতাঃ সুনক্ষত্রে সুতিথৌ সুমুহূর্তকে।
যজ্ঞদানপ্রজেহায়াং যতন্তে শক্তিপূর্বকম্॥ 12-178-45 (72175)
নক্ষত্রেষ্বাসুরেষ্বন্যে দুস্তিথৌ দুর্মুহূর্তজাঃ।
সম্পতন্ত্যাসুরীং যোনিং যজ্ঞপ্রসববর্জিতাঃ॥ 12-178-46 (72176)
অহমাসং পণ্ডিতকো হৈতুকো বেদনিন্দকঃ।
আন্বীক্ষিকীং তর্কবিদ্যামনুরক্তো নিরর্থিকাম্॥ 12-178-47 (72177)
হেতুবাদান্প্রবদিতা বক্তা সংসৎসু হেতুমৎ।
আক্রোষ্টা চাতিবক্তা চ ব্রহ্মবাক্যেষু চ দ্বিজান্॥ 12-178-48 (72178)
নাস্তিকঃ সর্বশঙ্কী চ মূর্খঃ পণ্ডিতমানিকঃ।
তস্যেয়ং ফলনির্বৃত্তিঃ সৃগালৎবং মম দ্বিজ॥ 12-178-49 (72179)
অপি জাতু তথা তৎস্যাদহোরাত্রশতৈরপি।
যদহং মানুষীং যোনিং সৃগালঃ প্রাপ্নুয়াং পুনঃ॥ 12-178-50 (72180)
সংতুষ্টশ্চাপ্রমত্তশ্চ যজ্ঞদানতপোরতঃ।
জ্ঞেয়ং জ্ঞাতা ভবেয়ং বৈ বর্জ্যং বর্জয়িতা তথা॥ 12-178-51 (72181)
ভীষ্ম উবাচ। 12-178-52x (5906)
ততঃ স মুনিরুত্থায় কাশ্যপস্তমুবাচ হ।
অহো বতামি কুশলো বুদ্ধিমাংশ্চেতি বিস্মিতঃ॥ 12-178-52 (72182)
সমবৈক্ষত তং বিপ্রো জ্ঞানদীর্ঘেণ চক্ষুষা।
দদর্শ চৈনং দেবানাং দেবমিন্দ্রং শচীপতিম্॥ 12-178-53 (72183)
ততঃ সংপূজয়ামাস কাশ্যপো হরিবাহনম্।
অনুজ্ঞাতস্তু তেনাথ প্রবিবেশ স্বমালয়ম্॥ ॥ 12-178-54 (72184)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টসপ্তত্যধিকশততমোঽধ্যায়ঃ॥ 178॥
Mahabharata - Shanti Parva - Chapter Footnotes
12-178-5 রথেন রথঘাতেন। বৈশ্যঃ কশ্চিদৃষিং দান্তং ইতি ট. পাঠঃ॥ 12-178-6 আত্মানং ধৈর্যং ত্যক্ৎবা॥ 12-178-7 অকূজন্তং মূর্চ্ছয়া নিঃশব্দম্॥ 12-178-9 শ্রোত্রিয়োঽধীতদেবঃ। দোষাৎ মৌঢ্যাৎ॥ 12-178-10 যৎসংতোষণীয়ং রূপং ৎবং স্বস্যাঽভিমন্যসেঽবমন্যসে॥ 12-178-13 ন কষাম ন নাশয়াম্। 12-178-14 নিকষন্তি কণ্ডূয়নেন॥ 12-178-16 অধিষ্ঠায়াধ্যাস্য। গাং পৃথিবীম্। বলীবর্দাদি বা। আত্মনি আত্মভোগনিমিত্তম্॥ 12-178-17 অল্পপ্রাণা অল্পবলাঃ॥ 12-178-20 অদন্তি দশন্তি॥ 12-178-23 একে দেবাদ্যাঃ। অন্যে পশ্বাদ্যাঃ॥ 12-178-25 যদি কদাচিদ্ভবেস্তথাপি ন তুষ্যেরিতি যোজ্যম্॥ 12-178-28 কামাদীনাং মূলং বুদ্ধীন্দ্রিয়গ্রামং শকুন্তানিব শরীরপঞ্চরে পরিচ্ছিদ্য নিরুধ্য স্থিতস্য ভয়ং নাস্তীত্যুত্তরেণ সংবন্ধঃ॥ 12-178-31 বারুণ্যা মদ্যস্য লট্বাখ্যপক্ষিমাসস্য চ। কর্মণি ষষ্ঠ্যৌ। ৎবং ন স্মরসি ব্রাহ্মণৎবেন তব তদ্রসগ্রহাভাবাৎ॥ 12-178-32 যেষাং যান্যভুক্তপূর্বাণি॥ 12-178-38 অসংতুষ্টঃ স্বয়া বৃত্ত্যা মায়াং প্রেক্ষস্ব যাদৃশীন্। ইতি ট.ড.থ. পাঠঃ॥ 12-178-39 পক্ষহতানর্ধাঙ্গবাতাদিনা নষ্টান্। আময়াবিনোরোগাক্রান্তান্॥ 12-178-41 প্রবাদেন কলঙ্কেন। অপহারিণা জাবিভ্রংশকরেণ॥ 12-178-45 বিহারায় যথোচিতেন যজ্ঞাদিনা বিহর্তুম্॥ 12-178-48 পণ্ডিতকঃ কুৎসিতঃ পণ্ডিতঃ হেতুমদেব বক্তা ন শ্রুতিমৎ। আক্রোষ্টাপরুষবাক্॥ 12-178-49 সর্বশঙ্কী স্বর্গাদৃষ্টাদিসদ্ভাবেঽপি শঙ্কাবান্॥ 12-178-54 হরিবাহনমিন্দ্রম্॥শান্তিপর্ব - অধ্যায় 179
॥ শ্রীঃ ॥
12.179. অধ্যায়ঃ 179
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি তপোদানাদিসৎকর্মণামপি পরম্পরয়া সুখসাধনতাকথনম্॥ 1॥Mahabharata - Shanti Parva - Chapter Text
12-179-0 (72185)
যুধিষ্ঠির উবাচ। 12-179-0x (5907)
যদ্যস্তি দত্তমিষ্টং বা তপস্তপ্তং তথৈব চ।
গুরূণাং বাঽপি শুশ্রূষা তন্মে ব্রূহি পিতামহ॥ 12-179-1 (72186)
ভীষ্ম উবাচ। 12-179-2x (5908)
`যথাঽস্মিংশ্চ তথা তত্র জানীয়াং নৃপসত্তম।
দুষ্কর্তারো যথা লোকে যৎকুর্বন্তি তথা শৃণু॥' 12-179-2 (72187)
আত্মনাঽনর্থয়ুক্তেন পাপে নিবিশতে মনঃ।
স্বকর্ম কলুষং কৃৎবা দুঃখে মহতি ধীয়তে॥ 12-179-3 (72188)
দুর্ভিক্ষাদেব দুর্ভিক্ষং ক্লেশাৎক্লেশং ভয়াদ্ভয়ম্।
মৃতেভ্যঃ প্রমৃতা যান্তি দরিদ্রাঃ পাপকারিণঃ॥ 12-179-4 (72189)
উৎসবাদুৎসবং যান্তি স্বর্গাৎস্বর্গং সুখাৎসুখম্।
শ্রদ্দধানাশ্চ দান্তাশ্চ সৎবস্থাঃ শুভকারিণাঃ॥ 12-179-5 (72190)
ব্যালকুঞ্জরদুর্গেষু সর্পচোরভয়েষু চ।
হস্তাবাপেন গচ্ছন্তি নাস্তিকাঃ কিমতঃ পরম্॥ 12-179-6 (72191)
প্রিয়দেবাতিথেয়াশ্চ বদান্যাঃ প্রিয়সাধবঃ।
ক্ষেম্যমাত্মবতাং মার্গমাস্থিতা হস্তদক্ষিণম্॥ 12-179-7 (72192)
পুলাকা ইব ধান্যেষু পুত্তিকা ইব পক্ষিষু।
তদ্বিধাস্তে মনুষ্যেষু যেষাং ধর্মো ন কারণম্॥ 12-179-8 (72193)
সুশীঘ্রমপি ধাবন্তং বিধানমনুধাবতি।
শেতে সহ শয়ানেন যেনয়েন যথাকৃতম্॥ 12-179-9 (72194)
উপতিষ্ঠতি তিষ্ঠন্তং গচ্ছন্তমনুগচ্ছতি।
করোতি কুর্বতঃ কর্ম ছায়েবাঽনুবিধীয়তে॥ 12-179-10 (72195)
যেনয়েন যথা যদ্যৎপুরা কর্ম সমার্জিতম্।
তত্তদেব নরো ভুঙ্ক্তে নিত্যং বিহিতমাত্মনা॥ 12-179-11 (72196)
স্বকর্মফলনিক্ষেপং বিধানপরিরক্ষিতম্।
ভূতগ্রামমিমং কালঃ সমন্তাৎপরিকর্ষতি॥ 12-179-12 (72197)
অচোদ্যমানানি যথা পুষ্পাণি চ ফলানি চ।
স্বং কালং নাতিবর্তন্তে তথা কর্ম পুরাকৃতম্॥ 12-179-13 (72198)
সংমানশ্চাবমানশ্চ লাভালাভৌ ক্ষয়োদয়ৌ।
প্রবৃত্তানি বিবর্তন্তে বিদ্যানান্তে পুনঃপুনঃ॥ 12-179-14 (72199)
আত্মনা বিহিতং দুঃখমাত্মনা বিহিতং সুখম্।
গর্ভশয়্যামুপাদায় ভুজ্যতে পৌর্বদেহিকম্॥ 12-179-15 (72200)
বালো যুবা চ বৃদ্ধশ্চ যৎকরোতি শুভাশুভম্।
তস্যাংতস্যামবস্থায়াং ভুঙ্ক্তে জন্মনিজন্মনি॥ 12-179-16 (72201)
যথা ধেনুসহস্রেষু বৎসো বিন্দতি মাতরম্।
তথা পূর্বকৃতং কর্ম কর্তারমনুগচ্ছতি॥ 12-179-17 (72202)
সংক্লিন্নমগ্রতো বস্ত্রং পশ্চাচ্ছুধ্যতি বারিণা।
`দুষ্কর্মাপি তথা পশ্চাৎপূয়তে পুণ্যকর্মণা॥ 12-179-18 (72203)
তপসা তপ্যতে দেহস্তপসা বিন্দতে মহৎ॥'
উপবাসৈঃ প্রতপ্তানাং দীর্ঘং সুখমনন্তরম্॥ 12-179-19 (72204)
দীর্ঘকালেন তপসা সেবিতেন তপোবনে।
ধর্মনির্ধূতপাপানাং সংসিদ্ধ্যন্তে মনোরথাঃ॥ 12-179-20 (72205)
শকুনীনামিবাকাশে মৎস্যানামিব চোদকে।
পদং যথা ন দৃশ্যেত তথা ধর্মবিদাং গতিঃ॥ 12-179-21 (72206)
অলমন্যৈরুপালম্ভৈঃ কীর্তিতৈশ্চ ব্যতিক্রমৈঃ।
পেশলং চানুরূপং চ কর্তব্যং হিতমাত্মনঃ॥ ॥ 12-179-22 (72207)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনাশীত্যধিকশততমোঽধ্যায়ঃ॥ 179॥
Mahabharata - Shanti Parva - Chapter Footnotes
12-179-1 যদ্যস্তি সফলমিত্যধ্যাহারঃ। দত্তেষ্টে গৃহস্যস্য ধর্মঃ। তপো বানপ্রস্থস্য। গুরুশুশ্রূষা ব্রহ্মচারিণঃ॥ 12-179-3 নাস্তিক্যমনর্থঃ তেন যুক্তেনাত্মনা কুশাস্ত্রজিতাধ্যায়সয়েন। কলুষং পাপম্॥ 12-179-4 মৃতেভ্যঃ প্রমৃতং যান্তীতি ঝ. পাঠঃ। তত্র মৃতেভ্যো মরণেভ্যঃ। প্রমৃতং মরণান্তরম্। অবিলম্বেন পুনঃপুনর্ম্রিয়ন্ত ইত্যর্থঃ॥ 12-179-5 ধনাঢ্যাঃ শুভকারিণ ইতি ঝ. পাঠঃ॥ 12-179-6 হস্তাববাপ্যেতে প্রবেশ্যেতে যস্মিন্নিতি হস্তাবাপো হস্তনিগডস্তেন নিগডিতাঃ সন্তো নাস্তিকা রাষ্ট্রাদ্দূরীকৃতা ব্যালাদিমৎসু বনেষু গচ্ছন্তীত্যর্থঃ॥ 12-179-7 আতিথেয়মতিথিহিতং মৃষ্টান্নদানাদি। আত্মবতাং জিতচিত্তানাম্। হস্তদক্ষিণং হস্তোপলক্ষিতেন তৎকর্তব্যেন দানাদিনা কর্মণা দক্ষিণমনুকূলম্॥ 12-179-8 পুলাকা গর্তোষ্মণা ভক্তসিক্থবন্নষ্ঠবীজভাবাঃ। পুত্তিকা মশকাঃ। কারণং সুখাদিহেতুঃ॥ 12-179-9 বিধানং প্রাক্কর্ম ধাবন্তং যতমানমনুধাবতি ফলপ্রদানেনানুসরতি। যেন যেন যথা কৃতং তং তং প্রতি তথা প্রাক্কর্মং ফলদমফলদং চ ভবতি॥ 12-179-10 কর্ম প্রাচীনং ছায়েবানুবিধীয়তে পুরুষেণ স্বস্যাতুকূলং ক্রিয়তে॥ 12-179-11 নিত্যমপরিহার্যম্॥ 12-179-12 স্বকর্মণঃ ফলং স্বর্গপশ্বাদি তদেব নিক্ষেপরূপং বিধানেন কর্মজন্যাদৃষ্টেন রক্ষিতং ভূতগ্রামং প্রতি কালঃ সমনুকর্ষতি॥ 12-179-18 সংক্লিন্নং মলেনেতি শেষঃ॥ 12-179-22 উপালম্ভৈরাক্ষেপবাক্যৈঃ। ব্যতিক্রমৈরপরাধৈঃ। অলমুক্তৈঃ পর্যাপ্তম্। পেশকৌশলয়ুক্তং যথাস্যাত্তথা॥শান্তিপর্ব - অধ্যায় 180
॥ শ্রীঃ ॥
12.180. অধ্যায়ঃ 180
Mahabharata - Shanti Parva - Chapter Topics
যুধিষ্ঠিরেণ জগৎসৃষ্টিপ্রকারং পৃষ্টেন ভীষ্মেণ ভরদ্বাজায় ভৃগূদিতসৃষ্টিপ্রকারকথনারম্ভঃ॥ 1॥ ভৃগুণা ভরদ্বাজং প্রতিমহত্তত্ৎবাদিপদ্মপর্যন্তসৃষ্টিপ্রকারকথনম্॥ 2॥ তথা পঝকর্ণিকাভূতমেরুস্থেন ব্রহ্মণা লোকসৃষ্টিকথনম্॥ 3॥Mahabharata - Shanti Parva - Chapter Text
12-180-0 (72249)
যুধিষ্ঠির উবাচ। 12-180-0x (5912)
কুতঃ সৃষ্টমিদং সর্বং জগৎস্থাবরজঙ্গমম্।
প্রলয়ে চ কিমভ্যেতি তন্মে ব্রূহি পিতামহ॥ 12-180-1 (72250)
সসাগরঃ সগগনঃ সশৈলঃ সবলাহকঃ।
সভূমিঃ সাগ্নিপবনো লোকোঽয়ং কেন নির্মিতঃ॥ 12-180-2 (72251)
কথং সৃষ্টানি ভূতানি কথং বর্ণবিভক্তয়ঃ।
শোচাশৌচং কথং তেষাং ধর্মাধর্মাবথো কথম্॥ 12-180-3 (72252)
কীদৃশো জীবতাং জীবঃ ক্ব বা গচ্ছন্তি যে মৃতাঃ।
অস্মাল্লোকাদমুং লোকং সর্বং শংসতু নো ভবান্॥ 12-180-4 (72253)
ভীষ্ম উবাচ। 12-180-5x (5913)
অত্রাপ্যুদাহরন্তীমমিতিহাসং পুরাতনম্।
ভৃগুণাঽভিহিতং শ্রেষ্ঠং ভরদ্বাজায় পৃচ্ছতে॥ 12-180-5 (72254)
কৈলাসশিখরে দৃষ্ট্বা দীপ্যমানমিবৌজসা।
ভৃগুং মহর্ষিমাসীনং ভরদ্বাজোঽন্বপৃচ্ছত॥ 12-180-6 (72255)
সসাগরঃ সগগনঃ শশৈলঃ সবলাহকঃ।
সভূমিঃ সাগ্নিপবনো লোকোঽয়ং কেন নির্মিতঃ॥ 12-180-7 (72256)
কথং সৃষ্টানি ভূতানি কথং বর্ণবিভক্তয়ঃ।
শৌচাশৌচং কথং তেষাং ধর্মাধর্মাবথো কথম্। 12-180-8 (72257)
কীদৃশো জীবতাং জীবঃ ক্ব বা গচ্ছন্তি যে মৃতাঃ।
পরলোকমিমং চাপি সর্বং শংসিতৃমর্হসি॥ 12-180-9 (72258)
এবং স ভগবান্পৃষ্টো ভরদ্বাজেন সংশয়ম্।
ব্রহ্মর্পির্ব্রহ্মসংকাশঃ সর্বং তস্মৈ ততোঽব্রবীৎ॥ 12-180-10 (72259)
ভৃগুরুবাচ। 12-180-11x (5914)
`নারায়ণো জগন্মূর্তিরন্তরাত্মা সনাতনঃ।
কূটস্থোঽক্ষর অব্যক্তো নির্লেপো ব্যাপকঃ প্রভুঃ॥ 12-180-11 (72260)
প্রকৃতেঃ পরতো নিত্যমিন্দ্রিয়ৈরপ্যগোতরঃ।
স সিসৃক্ষুঃ সহস্রাংশাদসৃজৎপুরুষং প্রভুঃ॥' 12-180-12 (72261)
মানসো নাম যঃ পূর্বো বিশ্রুতো বৈ মহর্ষিভিঃ।
অনাদিনিধনো দেবস্তথাঽভেদ্যোঽদজরামরঃ॥ 12-180-13 (72262)
অব্যক্ত ইতি বিখ্যাতঃ শাশ্বতোঽথাক্ষয়োঽব্যযঃ।
যতঃ সৃষ্টানি ভূতানি তিষ্ঠন্তি চ ম্রিয়ন্তি চ॥ 12-180-14 (72263)
সোঽসৃজৎপ্রথমং দেবো মহান্তং নাম নামতঃ।
মহান্সসর্জাহংকারং স চাপি ভগবানথ।
আকাশমিতি বিখ্যাতং সর্বভূতধরঃ প্রভুঃ॥ 12-180-15 (72264)
আকাশাদভবদ্বারি সলিলাদগ্নিমারুতৌ।
অগ্নিমারুতসংয়োগাত্ততঃ সমভবন্মহী॥ 12-180-16 (72265)
ততস্তে গেময়ং দিব্যং পদ্মং সৃষ্টং স্বয়ংভুবা।
তস্মাৎপদ্মাৎসমভবদ্ব্রহ্মা বেদময়ো নিধিঃ॥ 12-180-17 (72266)
অহংকার ইতি খ্যাতঃ সর্বভূতাত্মভূতকৃৎ।
ব্রহ্মা বৈ স মহাতেজা য এতে পঞ্চধাতবঃ॥ 12-180-18 (72267)
শৈলাস্তস্যাস্থিসংজ্ঞাস্তু মেদো মাংসং চ মেদিনী।
সমুদ্রাস্তস্য রুধিরমাকাশমুদরং তথা॥ 12-180-19 (72268)
পবনশ্চৈব নিঃশ্বাসস্তেজোঽগ্নির্নিম্নগাঃ সিরাঃ।
দিবাকরশ্চ সোমশ্চ নয়নে তস্য বিশ্রুতে॥ 12-180-20 (72269)
নভশ্চোর্ধ্বং শিরস্তস্য ক্ষিতিঃ পাদৌ ভুজৌ দিশঃ।
দুর্বিজ্ঞেয়ো হ্যনন্তাত্মা সিদ্ধৈরপি ন সংশয়ঃ॥ 12-180-21 (72270)
স এষ ভগবান্বিষ্ণুরনন্ত ইতি বিশ্রুতঃ।
সর্বভূতাত্মভূতস্থো দুর্বিজ্ঞেয়োঽকৃতাত্মাভঃ॥ 12-180-22 (72271)
অহংকারস্য যঃ স্রষ্টা সর্বভূতোদ্ভবায় বৈ।
যতঃ সমভবদ্বিশ্বং পৃষ্টোঽহং যদিহ ৎবয়া॥ 12-180-23 (72272)
ভরদ্বাজ উবাচ। 12-180-24x (5915)
গগনস্য দিশাং চৈব ভূতলস্যানিলস্য চ।
কান্যত্র পরিমাণানি সংশয়ং ছিন্ধি মেঽর্থিতঃ॥ 12-180-24 (72273)
ভৃগুরুবাচ। 12-180-25x (5916)
অনন্তমেতদাকাশং সিদ্ধচারণসেবিতম্।
রম্যং নানাশ্রয়াকীর্ণং যস্যান্তো নাধিগম্যতে॥ 12-180-25 (72274)
ঊর্ধ্বং গতেরধস্তাত্তু চন্দ্রাদিত্যৌ ন দৃশ্যতঃ।
তত্র দেবাঃ স্বয়ং দীপ্তাঃ সূর্যভাসোঽগ্নিবর্চসঃ॥ 12-180-26 (72275)
তে চাপ্যন্তং ন পশ্যন্তি নভসঃ প্রথিতৌজসঃ।
দুর্গমৎবাদনন্তৎবাদিতি বৈ বিদ্ধি মানদ॥ 12-180-27 (72276)
উপর্যুপরি তৈর্দেবৈঃ প্রজ্বলদ্ভিঃ স্বয়ংপ্রভৈঃ।
নিরুদ্ধমেতদাকাশমপ্রমেয়ং সুরৈরপি॥ 12-180-28 (72277)
পৃথিব্যন্তে সমুদ্রাস্তু সমুদ্রান্তে তমঃ স্মৃতম্।
তপ্নসোঽন্তে জলং প্রাহুর্জলস্যান্তেঽগ্নিরেব চ॥ 12-180-29 (72278)
রসাতলান্তে সলিলং জলান্তে পন্নগাধিপাঃ।
তদন্তে পুনরাকাশমাকাশান্তে পুনর্জলম্॥ 12-180-30 (72279)
এবমন্তং হি নভসঃ প্রমাণং সলিলস্য চ।
অগ্নিমারুতয়োশ্চৈব দুর্জ্ঞেয়ং দৈবতৈরপি॥ 12-180-31 (72280)
অগ্নিমারুততোয়ানাং বর্ণাঃ ক্ষিতিতলস্য চ।
আকাশসদৃশা হ্যেতে ভিদ্যন্তেঽতৎবদর্শনাৎ॥ 12-180-32 (72281)
পঠন্তি চৈব মুনয়ঃ শাস্ত্রেষু বিবিধেষু চ।
ত্রৈলোক্যসাগরে চৈব প্রমাণং বিহিতং যথা॥ 12-180-33 (72282)
অদৃশ্যৎবাদগম্যৎবাৎকঃ প্রমাণমুদাহরেৎ।
সিদ্ধানাং দেবতানাং চ যদা পরিমিতা গতিঃ।
তদা গৌণমনন্তস্য নামানন্তেতি বিশ্রুতম্॥ 12-180-34 (72283)
নামধেয়ানুরূপস্য মানসস্য মহাত্মনঃ।
যদা তু র্দিব্যং যদ্রূপং হ্রসতে বর্ধতে পুনঃ।
কোঽন্যস্তদ্বেদিতুং শক্তো যোপি স্যাত্তদ্বিধোঽপরঃ॥ 12-180-35 (72284)
ততঃ পুষ্করতঃ সৃষ্টঃ সর্বজ্ঞো মূর্তিমান্প্রভুঃ।
ব্রহ্মা ধর্মময়ঃ পূর্বঃ প্রজাপতিরনুত্তমঃ॥ 12-180-36 (72285)
ভরদ্বাজ উবাচ। 12-180-37x (5917)
পুষ্করাদ্যদি সংভূতো জ্যেষ্ঠং ভবতি পুষ্করম্।
ব্রহ্মাণং পূর্বজং চাহ ভবান্সংদেহ এব মে॥ 12-180-37 (72286)
ভৃগুরুবাচ। 12-180-38x (5918)
মানসস্যেহ যা মূর্তির্ব্রহ্মৎবং সমুপাগতা।
তস্যাসনবিধানার্থং পৃথিবী পদ্মমুচ্যতে॥ 12-180-38 (72287)
কর্ণিকাং তস্য পদ্মস্য মেরুর্গগমুচ্ছ্রিতঃ।
তস্য মধ্যে স্থিতো লোকান্সৃজতে জগতঃ প্রভুঃ।
মানসাংশ্চ তথা দেবান্ভূতানি বিবিধানি চ॥ ॥ 12-180-39 (72288)
ইতি শ্রীমন্মহাভারতে শান্তিপর্বণি মোক্ষধর্মপর্বণি অশীত্যধিকশততমোঽধ্যায়ঃ॥ 180॥
Mahabharata - Shanti Parva - Chapter Footnotes
12-180-3 কথমিতি সৃষ্টিপ্রকারপ্রশ্নঃ। বিভক্তয়ো বিভাগাঃ॥ 12-180-4 জীবতাং প্রাণিনাম্॥ 12-180-20 অগ্নীষোমৌ তু চন্দ্রার্কৌ নয়নে ইতি ঝ. পাঠঃ। তত্র অগ্নীষোমাবেব চন্দ্রার্কাবিত্যন্বয়ঃ॥ 12-180-23 ভূতোদ্ভবায় ভূতোৎপত্তয়ে। স্রষ্টাহংকারস্যেতি সংবন্ধঃ। যতো বিশ্বং সমভবদ্যব ৎবয়াহং পৃষ্টস্তত্তুভ্যমুক্তমিতি শেষঃ॥ 12-180-24 ছিন্ধি তৎবত ইতি ঝ. পাঠঃ॥ 12-180-25 আশ্রয়াশ্চতুর্দশভুবনানি॥ 12-180-26 গতেঃ সূর্যরশ্মিগতেরপি ঊর্ধ্বমধস্তাচ্চ চন্দ্রাদিত্যৌ ন দৃশ্যেতে॥ 12-180-27 তেঽপি সূর্যাদিগতেরূর্ধ্বাধস্থা অপি॥ 12-180-32 বর্ণাঃ স্বরূপাণি আকাশসদৃশাঃ আকাশবদনন্তাঃ। অতৎবদর্শনাৎ পৃথিব্যাদীনাং তৎবানবগমাৎ। ভিদ্যন্তে পরিচ্ছিন্নবদাভান্তি॥ 12-180-33 কথতর্হি পঞ্চাশৎকোটিয়োজনবিস্তারায়ামাদিরূপং পরিমাণং পঠন্তীত্যত আহ পঠন্তীতি॥ 12-180-34 অদৃশ্যায় ৎবগম্যায় ইতি ঝ. পাঠঃ॥ 12-180-36 ব্রহ্মা চতুর্মুখঃ॥শান্তিপর্ব - অধ্যায় 181
॥ শ্রীঃ ॥
12.181. অধ্যায়ঃ 181
Mahabharata - Shanti Parva - Chapter Topics
ভরদ্বাজংপ্রতি ভৃগুণা মেরুস্থব্রহ্মণা জলাদিভূম্যন্তসৃষ্টিপ্রকারকথনম্॥ 1॥Mahabharata - Shanti Parva - Chapter Text
12-181-0 (72289)
ভরদ্বাজ উবাচ। 12-181-0x (5919)
মেরুমধ্যে স্থিতো ব্রহ্মা কথং স সসৃজে প্রজাঃ।
এতন্মে সর্বমাচক্ষ্ব যাথাতথ্যেন পৃচ্ছতঃ॥ 12-181-1 (72290)
ভৃগুরুবাচ। 12-181-2x (5920)
প্রজাবিসর্গং পূর্বং স মানসো মনসাঽসৃজৎ।
সংরক্ষণার্থং ভূতানাং সৃষ্টং প্রথমতো জলম্॥ 12-181-2 (72291)
যৎপ্রাণঃ সর্বভূতানাং বর্ধন্তে যেন চ প্রজাঃ।
পরিত্যক্তাশ্চ নশ্যন্তি তেনেদং সর্বমাবৃতম্॥ 12-181-3 (72292)
পৃথিবী পর্বতা মেঘা মূর্তিমন্তশ্চ যে পরে।
সর্বং তদ্বারুণং জ্ঞেয়মাপস্তস্তম্ভিরে হি তাঃ॥ 12-181-4 (72293)
ভরদ্বাজ উবাচ। 12-181-5x (5921)
কথং সলিলমুৎপন্নং কথং চৈবাগ্নিমারুতৌ।
কথং বা মেদিনী সৃষ্টেত্যত্র মে সংশয়ো মহান্॥ 12-181-5 (72294)
ভৃগুরুবাচ। 12-181-6x (5922)
ব্রহ্মকল্পে পুরা ব্রহ্মন্ব্রহ্মর্ষীণাং সমাগমে।
লোকসংভবসন্দেহঃ সমুৎপন্নো মহাত্মনাম্॥ 12-181-6 (72295)
তেঽতিষ্ঠন্ধ্যানমালম্ব্য মৌনমাস্থায় নিশ্চলাঃ।
ত্যক্তাহারাঃ পবনপা দিব্যং বর্ষশতং দ্বিজাঃ॥ 12-181-7 (72296)
তেষাং ব্রহ্মময়ী বাণী সর্বেষাং শ্রোত্রমাগমৎ।
দিব্যা সরস্বতী তত্র সংবভূব নভস্তলাৎ॥ 12-181-8 (72297)
পুরাঽস্তমিতনিঃশব্দমাকাশমচলোপমম্।
নষ্টচন্দ্রার্কপবনং প্রসুপ্তমিব সংবভৌ॥ 12-181-9 (72298)
ততঃ সলিলমুৎপন্নং তমসীবাপরং তমঃ।
তস্মাচ্চ সলিলোৎপীডাৎসমজায়ত মারুতঃ॥ 12-181-10 (72299)
যথা ভাজনমচ্ছিদ্রং নিঃশব্দমিহ লক্ষ্যতে।
তচ্চাম্ভসা পূর্যমাণং সশব্দং কুরুতেঽনিলঃ॥ 12-181-11 (72300)
তথা সলিলসংরুদ্ধে নভসোন্তে নিরন্তরে।
ভিত্ৎবাঽর্ণবতলং বায়ুঃ সমুৎপততি ঘোষবান্॥ 12-181-12 (72301)
স এষ চরতে বায়ুরর্ণবোৎপীডসংভবঃ।
আকাশস্থানমাসাদ্য প্রশান্তিং নাধিগচ্ছতি॥ 12-181-13 (72302)
তস্মিন্বায়্বম্বুসংঘর্ষে দীপ্ততেজা মহাবলঃ।
প্রাদুর্বভূবোর্ধ্বশিখঃ কৃৎবা নিস্তিমিরং নভঃ॥ 12-181-14 (72303)
অগ্নিঃ পবনসংয়ুক্তঃ স্বাৎসমুৎক্ষিপতে জলম্।
সোঽগ্নিমারুতসংয়োগাদ্ধনৎবমুপপদ্যতে॥ 12-181-15 (72304)
তস্যাকাশান্নিপতিতঃ স্নেহস্তিষ্ঠতি যোঽপরঃ।
স সংঘাতৎবমাপন্নো ভূমিৎবমনুগচ্ছতি॥ 12-181-16 (72305)
রসানাং সর্বগন্ধানাং স্নেহানাং প্রাণিনাং তথা।
ভূমির্যোনিরিহ জ্ঞেয়া যস্যাং সর্বং প্রসূয়তে॥ ॥ 12-181-17 (72306)
ইতি শ্রীমন্মহাভারতে শান্তিপর্বণি মোক্ষধর্মপর্বণি একাশীত্যধিকশততমোঽধ্যায়ঃ॥ 181॥
Mahabharata - Shanti Parva - Chapter Footnotes
12-181-3 যৎ জলম্। তেন জলেন॥ 12-181-4 বারুণং বরুণদেবতাসংবন্ধাদাপ্যমিত্যর্থঃ। মূর্তিমৎ মনুষ্যপশ্বাদিবিগ্রহবৎ। আপ্যৎবে হেতুঃ। আপস্তস্তম্ভিরে যত আপস্তম্ভং ধনীভাবং পৃথিব্যাদিরূপং প্রাপ্তাঃ॥ 12-181-6 ব্রহ্মকল্পে ব্রহ্মপ্রথমদিনে। লোকানাং সংভব উৎপত্তিস্তত্র বিষয়ে সংদেহঃ॥ 12-181-8 তেষাং ধর্মময়ীতি ট. ড. পাঠঃ॥ 12-181-9 সরস্বতীমেবাহ পুরেতি। স্তিমিতমাকাশমনন্তমিতি ঝ. পাঠঃ॥শান্তিপর্ব - অধ্যায় 182
॥ শ্রীঃ ॥
12.182. অধ্যায়ঃ 182
Mahabharata - Shanti Parva - Chapter Topics
ভরদ্বাজংপ্রতি ভৃগুণা বৃক্ষাদীনামপি ভৌতিকৎবচৈতন্যাদিসমর্থনম্॥ 1॥Mahabharata - Shanti Parva - Chapter Text
12-182-0 (72307)
ভরদ্বাজ উবাচ। 12-182-0x (5923)
ত এতে ধাতবঃ পঞ্চ ব্রহ্মা যানসৃজৎপুরা।
আবৃতা যৈরিমে লোকা মহাভূতাভিসংজ্ঞিতাঃ॥ 12-182-1 (72308)
যদাঽসৃজৎসহস্রাণি ভূতানাং স মহামতিঃ।
পঞ্চানামেব ভূতৎবং কথং সমুপপদ্যতে॥ 12-182-2 (72309)
ভৃগুরুবাচ। 12-182-3x (5924)
অমিতানাং মহাশব্দো ভূতানাং যাতি সংভবম্।
ততস্তেষাং মহাভূতশব্দোঽয়মুপপদ্যতে॥ 12-182-3 (72310)
চেষ্টা বায়ুঃ খমাকাশমূষ্মাঽগ্নিঃ সলিলং দ্রবঃ।
পৃথিবী চাত্র সংঘাতঃ শরীরং পাঞ্চভৌতিকম্॥ 12-182-4 (72311)
ইত্যেতৈঃ পঞ্চভির্ভূতৈর্যুক্তং স্থাবরজঙ্গমম্।
শ্রোত্রং ঘ্রাণং রমঃ স্পর্শো দৃষ্টিশ্চেন্দ্রিয়সংজ্ঞিতাঃ॥ 12-182-5 (72312)
ভরদ্বাজ উবাচ। 12-182-6x (5925)
পঞ্চভির্যদি ভূতৈস্তু যক্তাঃ স্থাবরজঙ্গমাঃ।
স্থাবরাণাং ন দৃশ্যন্তে শরীরে পঞ্চ ধাতবঃ॥ 12-182-6 (72313)
অনূষ্মণামচেষ্টানাং ঘনানাং চৈব তত্ৎবতঃ।
বৃক্ষা নোপলভ্যন্তে শরীরে পঞ্চ ধাতবঃ॥ 12-182-7 (72314)
ন শৃণুন্তে ন পশ্যন্তি ন গন্ধরসবেদিনঃ।
ন চস্পর্শং বিজানন্তি তে কথং পাঞ্চভৌতিকাঃ॥ 12-182-8 (72315)
অদ্রবৎবাদনগ্নিৎবাদভূতিৎবাদবায়ুতঃ।
আকাশস্যাপ্রমেয়ৎবাদ্বৃক্ষাণাং নাস্তি ভৌতিকম্॥ 12-182-9 (72316)
ভৃগুরুবাচ। 12-182-10x (5926)
ঘনানামপি বৃক্ষাণামাকাশোঽস্তি ন সংশয়ঃ।
তেষাং পুষ্পফলব্যক্তির্নিত্যং সমুপপদ্যতে॥ 12-182-10 (72317)
ঊষ্মতো ম্লায়তে বর্ণং ৎবক্ফলং পুষ্পমেব চ।
ম্লায়তে শীর্যতে চাপি স্পর্শস্তেনাত্র বিদ্যতে॥ 12-182-11 (72318)
বায়্বগ্ন্যশনিনিষ্পেষৈঃ ফলং পুষ্পং বিশীর্যতে।
শ্রোত্রেণ গৃহ্যতে শব্দস্তস্মাচ্ছৃণ্বন্তি পাদপাঃ॥ 12-182-12 (72319)
বল্লী বেষ্টয়তে বৃক্ষং সর্বতশ্চৈব গচ্ছতি।
ন হ্যদৃষ্টেশ্চ মার্গোঽস্তি তস্মাৎপশ্যন্তি পাদপাঃ॥ 12-182-13 (72320)
পুণ্যাপুণ্যৈস্তথা গন্ধৈর্ধূপৈশ্চ বিবিধৈরপি।
অরোগাঃ পুষ্পিতাঃ সন্তি তস্মাজ্জিঘ্রন্তি পাদপাঃ॥ 12-182-14 (72321)
পাদৈঃ সলিলপানাচ্চ ব্যাধীনাং চাপি দর্শনাৎ।
ব্যাধিপ্রতিক্রিয়ৎবাচ্চ বিদ্যতে রসনং দ্রুমে॥ 12-182-15 (72322)
বক্রেণোৎপলনালেন যথোর্ধ্বং জলমাদদেৎ।
তথা পবনসংয়ুক্তঃ পাদৈঃ পিবতি পাদপঃ॥ 12-182-16 (72323)
সুখদুঃখয়োশ্চ গ্রহণাচ্ছিন্নস্য চ বিরোহণাৎ।
জীবং পশ্যামি বৃক্ষাণামচৈতন্যং ন বিদ্যতে॥ 12-182-17 (72324)
তেন তজ্জলমাদত্তং জরয়ত্যগ্নিমারুতৌ।
আহারপরিণামাচ্চ স্নেহো বৃদ্ধিশ্চ জায়তে॥ 12-182-18 (72325)
জঙ্গমানাং চ সর্বেষাং শরীরে পঞ্চ ধাতবঃ।
প্রত্যেকশঃ প্রভিদ্যন্তে যৈঃ শরীরং বিচেষ্টতে॥ 12-182-19 (72326)
ৎবক্চ মাংসং তথাঽস্থীনি মজ্জা স্নায়ুশ্চ পঞ্চমম্।
ইত্যেতদিহ সংঘাতং শরীরে পৃথিবীময়ম্॥ 12-182-20 (72327)
তেজো হ্যগ্নিস্তথা ক্রোধশ্চক্ষুরূষ্মা তথৈব চ।
অগ্নির্জরয়তে যচ্চ পঞ্চাগ্নেয়াঃ শরীরিণঃ॥ 12-182-21 (72328)
শ্রোত্রং ঘ্রাণং তথাঽঽস্যং চ হৃদয়ং কোষ্ঠমেব চ।
আকাশাৎপ্রাণিনামেতে শরীরে পঞ্চ ধাতবঃ॥ 12-182-22 (72329)
শ্লেষ্মা পিত্তমথ স্বেদো বসা শোণিতমেব চ।
ইত্যাপঃ পঞ্চধা দেহে ভবন্তি প্রাণিনাং সদা॥ 12-182-23 (72330)
প্রাণাৎপ্রাণয়তে প্রাণী ব্যানাদ্ব্যায়চ্ছতে তথা।
গচ্ছত্যপানে বাক্চৈব সমাননে সমঃ স্থিতঃ॥ 12-182-24 (72331)
উদানাদুচ্ছ্বসিতি চ প্রতিভেদাচ্চ ভাষতে।
ইত্যেতে বায়বঃ পঞ্চ চেষ্টয়ন্তীহ দেহিনম্॥ 12-182-25 (72332)
ভূমের্গন্ধগুণান্বেত্তি রসং চাদ্ভ্যঃ শরীরবান্।
জ্যোতেঃ পশ্যতি রূপাণি স্পর্শং বেত্তি চ বায়ুতঃ।
`শব্দং শৃণোতি চ তদৈবাকাশাত্তু শরীরবান্॥ 12-182-26 (72333)
গন্ধঃ স্পর্শো রসো রূপং শব্দশ্চাত্র গুণাঃ স্মৃতাঃ।
তস্য গন্ধস্য বক্ষ্যামি বিস্তরাভিহিতান্গুণান্॥ 12-182-27 (72334)
ইষ্টশ্চানিষ্টগন্ধশ্চ মধুরঃ কটুরেব চ।
নির্হারী সংহতঃ স্নিগ্ধো রূক্ষো বিশদ এব চ।
এবং নববিধো জ্ঞেয়ঃ পার্থিবো গন্ধবিস্তরঃ॥ 12-182-28 (72335)
জ্যোতিঃ পশ্যতি চক্ষুর্ভ্যাং স্পর্শং বেত্তি চ বায়ুনা।
শব্দঃ স্পর্শশ্চ রূপং চ রসশ্চাপি গুণাঃ স্মৃতাঃ॥ 12-182-29 (72336)
রসজ্ঞানং তু বক্ষ্যামি তন্মে নিগদতঃ শৃণু।
রসো বহুবিধঃ প্রোক্তঃ সূরিভিঃ প্রথিতাত্মভিঃ॥ 12-182-30 (72337)
মধুরো লবণস্তিক্তঃ কষায়োঽম্লঃ কটুস্তথা।
এবং ষঙ্কিধবিস্তারো রসো বারিময়ঃ স্মৃতঃ॥ 12-182-31 (72338)
শব্দঃ স্পর্শশ্চ রূপং চ ত্রিগুণং জ্যোতিরুচ্যতে।
জ্যোতিঃ পশ্যতি রূপাণি রূপং চ বহুধা স্মৃতম্।
হ্রস্বো দীর্ঘস্তথা স্থূলশ্চতুরস্রোঽণুবৃত্তবান্॥ 12-182-32 (72339)
শুক্লঃ কৃষ্ণস্তথা রক্তঃ পীতো নীলারুণস্তথা।
কঠিনশ্চিক্কণঃ শ্লক্ষ্ণঃ পিচ্ছিলো মৃদুদারুণঃ।
এবং দ্বাদশবিস্তারো জ্যোতীরূপগুণঃ স্মৃতঃ॥ 12-182-33 (72340)
শব্দস্পর্শৌ চ বিজ্ঞেয়ৌ দ্বিগুণো বায়ুরিত্যুত।
বায়ব্যস্তু গুণঃ স্পর্শঃ স্পর্শশ্চ বহুধা স্মৃতঃ॥ 12-182-34 (72341)
উষ্ণঃ শীতঃ সুখো দুঃখঃ স্নিগ্ধো বিশদ এব চ।
তথা খরো মৃদূ রূক্ষো লঘুর্গুরুতরোঽপি চ।
এবং দ্বাদশধা স্পর্শো ব্যাব্যো গুণ উচ্যতে॥ 12-182-35 (72342)
তত্রৈকগুণমাকাশং শব্দ ইত্যেব তৎস্মৃতম্।
তস্য শব্দস্য বক্ষ্যামি বিস্তরং বিবিধাত্মকম্॥ 12-182-36 (72343)
ষড্জ ঋষভগান্ধারৌ মধ্যমো ধৈবতস্তথা।
পঞ্চমশ্চাপি বিজ্ঞেয়স্তথা চাপি নিষাদবান্॥ 12-182-37 (72344)
এষ সপ্তবিধঃ প্রোক্তঃ শব্দ আকাশসংভবঃ।
ত্র্যৈস্বর্যেণ তু সর্বত্র স্থিতোঽপি পটহাদিষু॥ 12-182-38 (72345)
[মৃদঙ্গভেরীশঙ্খানাং স্তনয়িত্নো রথস্য চ।
যঃ কশ্চিচ্ছ্রূয়তে শব্দঃ প্রাণিনো প্রাণিনোঽপি বা।
এতেষামেব সর্বেষাং বিষয়ে সংপ্রকীর্তিতঃ॥ 12-182-39 (72346)
এবং বহুবিধাকারঃ শব্দ আকাশসংভবঃ।
আকাশজং শব্দমাহুরেভির্বায়ুগুণৈঃ সহ॥] 12-182-40 (72347)
অব্যাহতৈশ্চেতয়নে ন বেত্তি বিষমস্থিতৈঃ।
আপ্যায়্যন্তে চ তে নিত্যং ধাতবস্তৈস্তু ধাতুভিঃ॥ 12-182-41 (72348)
আপোঽগ্নির্মারুতশ্চৈব নিত্যং জাগ্রতি দেহিষু।
মূলমেতে শরীরস্য ব্যাপ্য প্রাণানিহ স্থিতা॥ ॥ 12-182-42 (72349)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্ব্যশীত্যধিকশততমোঽধ্যায়ঃ॥ 182॥
Mahabharata - Shanti Parva - Chapter Footnotes
12-182-1 পঞ্চধাতব আকাশাদয়ঃ যে মহাভূতসংজ্ঞাঃ যৈশ্চ লোকা আবৃতা ইতি যোজনা॥ 12-182-2 ভূতানাং প্রাণিনাম্॥ 12-182-4 খংসুষিরম্। অত্র শরীরে দ্রবো লোহিতাদিসংঘাতঃ। কঠিনং মাংসাস্থ্যাদি॥ 12-182-5 শ্রোত্রং খং ঘ্রাণং পৃথিবী রসো রসনেন্দ্রিয়ং জলং স্পর্শঃ স্পর্শনেন্দ্রিয়ং ৎবগ্বায়ুঃ দৃষ্টিশ্চক্ষুরিন্দ্রিয়ং তেজঃ॥ 12-182-9 অপ্রমেয়ৎবাদপ্রতীয়মানৎবাৎ। 12-182-16 নালেন নলিকয়া॥ 12-182-18 তেন বৃক্ষেণ। জরয়তি জরয়তঃ॥ 12-182-21 শরীরিণোঽন্তর্গতোঽগ্নিস্তেজঃ ক্রোধচক্ষুরূষ্মজাঠররূপ ইতি পঞ্চাগ্নেয়াঃ॥ 12-182-22 শ্রোত্রমিন্দ্রিয়ম্। ঘ্রাণং নাসান্ধ্রে। কোষ্ঠমন্নাদিস্থানম্॥ 12-182-24 ব্যায়চ্ছতে বলসাধ্যমুদ্যমং করোতি॥ 12-182-25 প্রতিভেদাদুরঃকণ্ঠশিরঃ স্থানভেদাৎ॥ 12-182-26 ভূমের্ভূম্যা ঘ্রাণরূপয়া। অদ্ভ্য ইতি রসনেন॥ 12-182-28 পার্থিবঃ পৃথিব্যাশ্রিতো মুখ্যো গুণঃ॥ 12-182-29 জ্যোতিঃ পৃথিব্যাদিরূপম্। বায়ুনা ৎবগিন্দ্রিয়েণ। গুণা অপ্রধানভূতাঃ এবং জলাদাবপ্যেকৈকো মুখ্য ইতরেঽপ্রধানা ইতি দ্রষ্টব্যম্॥শান্তিপর্ব - অধ্যায় 183
॥ শ্রীঃ ॥
12.183. অধ্যায়ঃ 183
Mahabharata - Shanti Parva - Chapter Topics
ভরদ্বাজংপ্রতি ভৃগুণা শরীরে প্রাণাপানাদীনাং কার্যবিশেষরূপণম্॥ 1॥Mahabharata - Shanti Parva - Chapter Text
12-183-0 (72350)
ভরদ্বাজ উবাচ। 12-183-0x (5927)
পার্থিবং ধাতুমাশ্রিত্য শারীরোঽগ্নিঃ কথং ভবেৎ।
অবকাশবিশেষেণ কথং বর্তয়তেঽনিলঃ॥ 12-183-1 (72351)
ভৃগুরুবাচ। 12-183-2x (5928)
বায়োর্গতিমহং ব্রহ্মন্কীর্তয়িষ্যামি তেঽনঘ।
প্রাণিনামনিলো দেহান্যথা চেষ্টয়তে বলী॥ 12-183-2 (72352)
শ্রিতো মূর্ধানমগ্নিস্তু শরীরং পরিপালয়ন্।
প্রাণো মূর্ধনি চাগ্নৌ চ বর্তমানো বিচেষ্টনে॥ 12-183-3 (72353)
স জন্তুঃ সর্বভূতাত্মা পুরুষঃ স সনাতনঃ।
মনো বুদ্ধিরহংকারো ভূতানি বিষয়াশ্চ সঃ॥ 12-183-4 (72354)
এবং ৎবিহ স সর্বত্র প্রাণেন পরিপাল্যতে।
কোষ্ঠতস্তু সমানেন স্বাং স্বাং গতিমুপাশ্রিতঃ॥ 12-183-5 (72355)
বস্তিমূলং গুদং চৈব পাবকং সমুপাশ্রিতঃ।
বহন্মূত্রং পুরীষং চাপ্যপানঃ পরিবর্ততে॥ 12-183-6 (72356)
প্রয়ত্নে কর্মণি বলে য একস্ত্রিষু বর্ততে।
উদান ইতি তং প্রাহুরধ্যাত্মকুশলা জনাঃ॥ 12-183-7 (72357)
সংধিষ্বপি চ সর্বেষু সন্নিবিষ্টস্তথাঽনিলঃ।
শরীরেষু মনুষ্যাণাং ব্যান ইত্যুপদিশ্যতে॥ 12-183-8 (72358)
ধাতুষ্বগ্নিস্তু বিততঃ সমানোঽগ্নিঃ সমীরিতঃ।
রসান্ধাতূংশ্চ দোষাংশ্চ বর্তয়ন্নবতিষ্ঠতে॥ 12-183-9 (72359)
অপানপ্রাণয়োর্মধ্যে প্রাণাপানসমাহিতঃ।
সমন্বিতস্ৎবধিষ্ঠানং সম্যক্পচতি পাবকঃ॥ 12-183-10 (72360)
আস্যং হি পায়ুসংয়ুক্তমন্তে স্যাদ্গুদসংজ্ঞিতম্।
স্রোতস্তস্মাৎপ্রজায়ন্তে সর্বস্রোতাংসি দেহিনাম্॥ 12-183-11 (72361)
প্রাণানাং সন্নিপাতাচ্চ সন্নিপাতঃ প্রজায়তে।
ঊষ্মা সোগ্নিরিতি জ্ঞেয়ো যোঽন্নং পচতি দেহিনাম্॥ 12-183-12 (72362)
অগ্নিবেগবহঃ প্রাণো গুদান্তে প্রতিহন্যতে।
স ঊর্ধ্বমাগম্য পুনঃ সমুৎক্ষিপতি পাবকম্॥ 12-183-13 (72363)
পক্বাশয়স্ৎবধো নাভ্যা ঊর্ধ্বমামাশয়ঃ স্মৃতঃ।
নাভিমধ্যে শরীরস্য সর্বে প্রাণাঃ সমাশ্রিতাঃ॥ 12-183-14 (72364)
প্রসৃতা হৃদয়াৎসর্বাস্তির্যগূর্ধ্বমধস্তথা।
বহন্ত্যন্নরসান্নাড্যো দশপ্রাণপ্রচোদিতাঃ॥ 12-183-15 (72365)
এষ মার্গোঽথ যোগানাং যেন গচ্ছন্তি তৎপদম্।
জিতক্লমাসনা ধীরা সূর্ধন্যাত্মানমাদধন্॥ 12-183-16 (72366)
এবং সর্বেষু বিহিতঃ প্রাণাপানেষু দেহিনাম্।
তস্মিন্যোঽবস্থিতো নিত্যমগ্নিঃ স্থাল্যামিবাহিতঃ। ॥ 12-183-17 (72367)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্র্যশীত্যধিকশততমোঽধ্যায়ঃ॥ 183॥
Mahabharata - Shanti Parva - Chapter Footnotes
12-183-5 পৃষ্ঠতস্তু সমানেনেতি ট. থ. পাঠঃ॥ 12-183-10 সমন্বিতঃ সমানেনেতি ট. ড. থ. পাঠঃ॥ 12-183-11 পায়ুপর্যন্তমিতি ঝ. পাঠঃ॥ 12-183-15 হৃদয়াৎসর্বে ইতি ঝ. ট. পাঠঃ॥ 12-183-16 এষ মার্গোঽথ যুক্তানামিতি ট. পাঠঃ॥ 12-183-17 তস্মিন্সমিধ্যতে নিত্যমিতি ঘ. ঝ. পাঠঃ। যো ব্যজ্যত ইতি ট. পাঠঃ॥শান্তিপর্ব - অধ্যায় 184
॥ শ্রীঃ ॥
12.184. অধ্যায়ঃ 184
Mahabharata - Shanti Parva - Chapter Topics
ভরদ্বাজেন ভৃগুংপ্রতি সয়ুক্তিকং সংঘাতান্যজীবপক্ষাক্ষেপঃ॥ 1॥Mahabharata - Shanti Parva - Chapter Text
12-184-0 (72368)
ভরদ্বাজ উবাচ। 12-184-0x (5929)
যদি প্রাণয়তে বায়ুর্বায়ুরেব বিচেষ্টতে।
শ্বসিত্যাভাষতে চৈব তস্মাজ্জীবো নিরর্থকঃ॥ 12-184-1 (72369)
যদূষ্মভাব আগ্নেয়ো বহ্নিনা পচ্যতে যদি।
অগ্নির্জরয়তে চৈতত্তস্মাজ্জীবো নিরর্থকঃ॥ 12-184-2 (72370)
জন্তোঃ প্রমীয়মাণস্য জীবো নৈবোপলভ্যতে।
বায়ুরেব জহাত্যেনমূষ্মভাবশ্চ নশ্যতি॥ 12-184-3 (72371)
যদি বায়ুময়ো জীবঃ সংশ্লেষো যদি বায়ুনা।
বায়ুমণ্ডলবদ্দৃশ্যেদ্গচ্ছন্সহ মরুদ্গণৈঃ॥ 12-184-4 (72372)
শ্লেষ্মং বা যদি বা জীবঃ সহ তেন প্রণশ্যতি।
মহার্ণববিয়ুক্তৎবাদন্যৎসলিলভাজনম্॥ 12-184-5 (72373)
যৎক্ষিপেৎসলিলং কূপে প্রদীপং বা হুতাশনে।
তন্নশ্যত্যুভয়ং তদ্বজ্জীবো বাতানলাত্মকঃ॥ 12-184-6 (72374)
পঞ্চ সাধারণো হ্যস্মিঞ্শরীরে জীবিতং কুতঃ।
তেষামন্যতরত্যাগাচ্চতুর্ণাং নাস্তি সংগ্রহঃ॥ 12-184-7 (72375)
নশ্যন্ত্যাপো হ্যনাধারাদ্বায়ুরুচ্ছ্বাসনিগ্রহাৎ।
নশ্যতে কোষ্ঠভেদাৎখমগ্নির্নশ্যত্যভোজনাৎ॥ 12-184-8 (72376)
ব্যাধিপ্রাণপরিক্লেশৈর্মেদিনী চৈব শীর্যতে।
পীডিতেঽন্যতমে হ্যেষাং সংঘাতো যাতি পঞ্চতাম্॥ 12-184-9 (72377)
তস্মিন্পঞ্চৎবমাপন্নে জীবঃ কিমনুধাবতি।
কিং বেদয়তি বা জীবঃ কিং শৃণোতি ব্রবীতি চ॥ 12-184-10 (72378)
এষা গৌঃ পরলোকস্থং তারয়িষ্যতি মামিতি।
যো দত্ৎবা ম্রিয়তে জন্তুঃ সা গৌঃ কং তারয়িষ্যতি॥ 12-184-11 (72379)
গৌশ্চ প্রতিগ্রহীতা চ দাতা চৈব সমং যদা।
ইহৈব বিলয়ং যান্তি কুতস্তেষাং সমাগমঃ॥ 12-184-12 (72380)
বিহগৈরুপভুক্তস্য শৈলাগ্নাৎপতিতস্য চ।
অগ্নিনা চোপয়ুক্তস্য কুতঃ সংজীবনং পুনঃ॥ 12-184-13 (72381)
ছিন্নস্য যদি বৃক্ষস্য ন মূলং প্রতিরোহতি।
বীজান্যস্য প্ররোহন্তি মৃতঃ ক্ব পুনরেষ্যতি॥ 12-184-14 (72382)
বীজমাত্রং পুরা সৃষ্টং যদেতৎপরিবর্ততে।
মৃতামৃতাঃ প্রণশ্যন্তি বীজাদ্বীজং প্রবর্ততে॥ ॥ 12-184-15 (72383)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুরশীত্যধিকশততমোঽধ্যায়ঃ॥ 184॥
Mahabharata - Shanti Parva - Chapter Footnotes
12-184-3 জন্তোর্দেহেন্দ্রিয়বুদ্ধিসংঘাতস্য। প্রমীয়মাণস্য নশ্যমানস্য। নৈবোপলভ্যতে পলালপৃথক্করণে বীজমিব। তস্মাদ্বায়ুবিয়োগ এব মরণম্। জন্তোঃ প্রকীর্যমাণস্যেতি থ. পাঠঃ॥ 12-184-4 বায়ুময়ো বায়ুপ্রধানো বায়োরন্যঃ। বায়ুমণ্ডলবদ্বাত্যাচক্রবদ্বায়ুনা সহ দৃশ্যঃ স্যাদিত্যর্থঃ। যদি বাতোপমো জীব ইতি ট.পাঠঃ॥ 12-184-5 সংশ্লেষো যদি বাতেন যদি তস্মাৎপ্রণশ্যতীতিঝ. পাঠঃ। তত্র যদি বাতেন জীবস্য সংশ্লেষোঽস্তি তস্মাচ্চ জীবাদন্যো বাতঃ পঞ্চৎবদশায়াং যদি প্রণশ্যতি তর্হি যথা মহার্ণবে ক্ষিপ্তং জলভাজনং সলিলাপগমে দৃশ্যতে তদ্বদ্বায়ুসংশ্লিষ্টো জীবো বায়োরপগমে দৃশ্যেতেত্যর্থঃ॥ 12-184-6 ক্ষিপ্রং প্রবিশ্য নশ্যেত যথা নশ্যত্যসৌ তথেতি ঘ. পাঠঃ॥ 12-184-7 পঞ্চধারণকে ইতি। তেষামন্যতরাভাবাচ্চতুর্ণাং নাস্তি সংশয়ঃ। ইতি চ. ঝ. পাঠঃ॥ 12-184-14 মৃতস্য পুনরাগমনাভাবোঽপি সংসারপ্রবাহস্যাবিচ্ছেদে দৃষ্টান্তমাহ ছিন্নস্যেতি॥ 12-184-15 দার্ষ্টান্তিকমাহ বীজমাত্রমিতি। শরীরমূলং তু বীজমাত্রং প্রত্যক্ষদৃষ্টং রেতএব নৎবদৃষ্টমক্লৃৎবাৎ। প্রবর্ততে দেহরূপেণ পরিণমতে। তথাচ বীজরুহতরুবন্নষ্টানাং নাশ এবেতরেষামুদ্ভব ইতি। তস্মান্নিত্যং সমিধ্যতে ইত্যনুপপন্নম্॥শান্তিপর্ব - অধ্যায় 185
॥ শ্রীঃ ॥
12.185. অধ্যায়ঃ 185
Mahabharata - Shanti Parva - Chapter Topics
ভৃগুণা ভরদ্বাজংপ্রতি সংঘাতাতিরিক্তজীবসমর্থনপূর্বকং তন্নিরূপণম্॥ 1॥Mahabharata - Shanti Parva - Chapter Text
12-185-0 (72384)
ভৃগুরুবাচ। 12-185-0x (5930)
ন প্রণাশোঽস্তি জীবানাং দত্তস্য চ কৃতস্য চ।
যাতি দেহান্তরং প্রাণী শরীরং তু বিশীর্যতে॥ 12-185-1 (72385)
ন শরীরাশ্রিতো জীবস্তস্মিন্নষ্টে প্রণশ্যতি।
যথা সমিৎসু দগ্ধাসু ন প্রণশ্যতি পাবকঃ॥ 12-185-2 (72386)
ভরদ্বাজ উবাচ। 12-185-3x (5931)
অগ্নের্যথা সমিদ্ধস্য যদি নাশো ন বিদ্যতে।
ইন্ধনস্যোপয়োগান্তে স চাগ্নির্নোপলভ্যতে॥ 12-185-3 (72387)
নশ্যতীত্যেব জানামি শান্তমগ্নিমনিন্ধনম্।
মতির্যস্য প্রমাণং বা সংস্থানং বা ন দৃশ্যতে॥ 12-185-4 (72388)
ভৃগুরুবাচ। 12-185-5x (5932)
`জীবস্য চেন্ধনাগ্নেশ্চ সদা নাশো ন বিদ্যতে।'
সমিধামুপয়োগান্তে সন্নেবাগ্নির্ন দৃশ্যতে।
আকাশানুগতৎবাদ্ধি দুর্গ্রহঃ স নিরাশ্রয়ঃ॥ 12-185-5 (72389)
তথা শরীরসংত্যাগে জীবো হ্যাকাশমাশ্রিতঃ।
ন গৃহ্যতে তু সূক্ষ্মৎবাদ্যথা জ্যোতিরনিন্ধনম্॥ 12-185-6 (72390)
প্রাণান্ধারয়তে যোঽগ্নিঃ স জীব উপধার্যতাম্।
বায়ুসংধারণো হ্যগ্নির্নশ্যত্যুচ্ছ্বাসনিগ্রহাৎ॥ 12-185-7 (72391)
তস্মিন্নষ্টে শরীরাগ্নৌ শরীরং তদচেতনম্।
পতিতং যাতি ভূমিৎবময়নং তস্য হি ক্ষিতিঃ॥ 12-185-8 (72392)
জঙ্গমানাং হি সর্বেষাং স্থাবরাণাং তথৈব চ।
আকাশং পবনোঽন্বেতি জ্যোতিস্তমনুগচ্ছতি।
তেষাং ত্রয়াণামেকৎবং দ্বয়ং ভূমৌ প্রতিষ্ঠিতম্॥ 12-185-9 (72393)
যত্র খং তত্র পবনস্তত্রাগ্নির্যত্র মারুতঃ।
অমূর্তয়স্তে বিজ্ঞেয়া আপো মূর্তাস্তথা ক্ষিতিঃ॥ 12-185-10 (72394)
ভরদ্বাজ উবাচ। 12-185-11x (5933)
যদ্যগ্নিমারুতৌ ভূমিঃ খমাপশ্চ শরীরিষু।
জীবঃ কিংলক্ষণস্তত্রেত্যেতদাচক্ষ্ব মেঽনঘ॥ 12-185-11 (72395)
পঞ্চাত্মকে পঞ্চরতৌ পঞ্চবিজ্ঞানসংয়ুতে।
শরীরে প্রাণিনাং জীবং বেত্তুমিচ্ছামি যাদৃশম্॥ 12-185-12 (72396)
মাংসশোণিতসংঘাতে মেদঃ স্নায়্বস্থিসংচয়ে।
ভিদ্যমানে শরীরে তু জীবো নৈবোপলভ্যতে॥ 12-185-13 (72397)
যদ্যজীবং শরীরং তু পঞ্চভূতসমন্বিতম্।
শারীরে মানসে দুঃখে কস্তাং বেদয়তে রুজম্॥ 12-185-14 (72398)
শৃণোতি কথিতং জীবঃ কর্ণাভ্যাং ন শৃণোতি তৎ।
মহর্ষে মনসি ব্যগ্রে তস্মাজ্জীবো নিরর্থকঃ॥ 12-185-15 (72399)
সর্বং পশ্যতি যদ্দৃশ্যং মনোয়ুক্তেন চক্ষুষা।
মনসি ব্যাকুলে তস্মিন্পশ্যন্নপি ন পশ্যতি॥ 12-185-16 (72400)
ন পশ্যতি ন চাঘ্রাতি ন শৃণোতি ন ভাষতে।
ন চ স্পর্শরসৌ বেত্তি নিদ্রাবশগতঃ পুনঃ॥ 12-185-17 (72401)
হৃষ্যতি ক্রুধ্যতে কোঽত্র শোচত্যুদ্বিজতে চ কঃ।
ইচ্ছতি ধ্যায়তি দ্বেষ্টি বাচমীরয়তে চ কঃ॥ 12-185-18 (72402)
ভৃগুরুবাচ। 12-185-19x (5934)
ন পঞ্চসাধারণমত্র কিংচি
চ্ছরীরমেকী বহতেঽন্তরাত্মা।
স বেত্তি গন্ধাংশ্চ রসাঞ্শ্রুতীশ্চ
স্পর্শং চ রূপং চ গুণাশ্চ যেঽন্যে॥ 12-185-19 (72403)
পঞ্চাত্মকে পঞ্চগুণপ্রদর্শী
স সর্বগাত্রানুগতোঽন্তরাত্মা।
স বেত্তি দুঃখানি সুখানি চাত্র
তদ্বিপ্রয়োগাত্তু ন বেত্তি দেহী॥ 12-185-20 (72404)
যদা ন রূপং ন স্পর্শো নোষ্মভাবশ্চ পঞ্চকে।
তদা শান্তে শরীরাগ্নৌ দেহং ত্যক্ৎবা ন নশ্যতি॥ 12-185-21 (72405)
অম্ময়ং সর্বমেবেদমাপো মূর্তিঃ শরীরিণাম্।
তত্রাত্মা মানসো ব্রহ্মা সর্ব ভূতেষু লোককৃৎ॥ 12-185-22 (72406)
[আত্মা ক্ষেত্রজ্ঞ ইত্যুক্তঃ সংয়ুক্তঃ প্রাকৃতৈর্গুণৈঃ।
তৈরেব তু বিনির্মুক্তঃ পরমাত্মেত্যুদাহৃতঃ॥] 12-185-23 (72407)
আত্মানং তং বিজানীহি সর্বলোকবিপাচকম্।
স তস্মিন্সংশ্রিতো দেহে হ্যব্বিন্দুরিব পুষ্করে॥ 12-185-24 (72408)
ক্ষেত্রজ্ঞং তং বিজানীহি নিত্যং লোকহিতাত্মকম্।
তমো রজশ্চ সত্ৎবং চ বিদ্ধি জীবগুণানিমান্॥ 12-185-25 (72409)
সচেতনং জীবগুণং বদন্তি
স চেষ্টতে চেষ্টয়তে চ সর্বম্।
ততঃ পরং ক্ষেত্রবিদো বদন্তি
প্রাবর্তয়দ্যো ভুবনানি সপ্ত॥ 12-185-26 (72410)
ন জীবনাশোঽস্তি হি দেহভেদে
মিথ্যৈতদাহুর্মুত ইত্যবুদ্ধাঃ।
জীবস্তু দেহান্তরিতঃ প্রয়াতি
দশার্ধতৈবাস্য শরীরভেদঃ॥ 12-185-27 (72411)
এবং সর্বেষু ভূতেষু গূঢশ্চরতি সংবৃতঃ।
দৃশ্যতে ৎবগ্র্যযা বুদ্ধ্যা সূক্ষ্ময়া তত্ৎবদর্শিভিঃ॥ 12-185-28 (72412)
তং পূর্বাপররাত্রেষু যুঞ্জানঃ সততং বুধঃ।
লধ্বাহারো বিশুদ্ধাত্মা পশ্যত্যাত্মানংমাত্মনি॥ 12-185-29 (72413)
চিত্তস্য হি প্রসাদেন হিৎবা কর্ম শুভাশুভম্।
প্রসন্নাত্মাঽত্মনি স্থিৎবা সুখমব্যযমশ্নুতে॥ 12-185-30 (72414)
মানসোঽগ্নিঃ শরীরেষু জীব ইত্যভিধীয়তে।
সৃষ্টিঃ প্রজাপতেরেষা ভূতাধ্যাত্মবিনিশ্চয়া॥ ॥ 12-185-31 (72415)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চাশীত্যধিকশততমোঽধ্যায়ঃ॥ 185॥
Mahabharata - Shanti Parva - Chapter Footnotes
12-185-1 এতদ্দূষয়তি ন প্রণাশ ইতি॥ 12-185-3 অনুপলব্ধেরগ্নেরপি নাশ এবেত্যর্থঃ॥ 12-185-5 দগ্ধেন্ধনাগ্নিবৎসন্নেবাত্মা দেহনাশে সতি সৌক্ষ্ম্যান্নোপলভ্যত ইত্যর্থঃ॥ 12-185-6 জীবো হ্যাকাশবৎস্থিত ইতি ঝ.ড. পাঠঃ॥ 12-185-10 অমূর্তয়ঃ অদৃশ্যাঃ। অতস্তেষামপ্যভাবাবধারণং দুঃশকং কিমুত সূক্ষ্মস্য জীবস্যেতি ভাবঃ॥ 12-185-11 শরীরিষু শরীরাকারপরিণামবৎসু সংঘাতেষু॥ 12-185-12 পঞ্চভূতাত্মকে পঞ্চবিষয়রতৌ। পঞ্চবিজ্ঞানানি জ্ঞানকারণানি॥ 12-185-15 মাস্তু দেহেন্দ্রিয়সংঘাতশ্চেতনো যস্মিন্ব্যগ্রে সতি সংঘাতঃ সন্নিকৃষ্টোঽপি শব্দাদীন্ন গৃহ্ণাতি তন্মন এব আত্মাস্ৎবিত্যাহ চতুর্ভিঃ শৃণোতীত্যাদিভিঃ॥ 12-185-19 পঞ্চসাধারণং পঞ্চেন্দ্রিয়াধারং কিংচিন্মনো ন শ্রূয়তে কিংতু অন্তরাত্মা জীব এব বহতে ধারয়তি॥ 12-185-20 তদ্বিপ্রয়োগাৎ তে ন মনসা বিয়োগে॥ 12-185-21 দেহং ত্যক্ৎবা স গচ্ছতি ইতি ট. পাঠঃ॥ 12-185-24 সর্বলোকবিধায়কমিতি ধ. ড. থ. পাঠঃ॥ 12-185-26 ক্ষেত্রবিদং বদন্তীতি ট. পাঠঃ॥ 12-185-27 দশার্ধতা পঞ্চৎবম্। শরীরনাশ এব জীবস্য মরণমিত্যুচ্যতে॥শান্তিপর্ব - অধ্যায় 186
॥ শ্রীঃ ॥
12.186. অধ্যায়ঃ 186
Mahabharata - Shanti Parva - Chapter Topics
ভৃগুণা ভরদ্বাজংপ্রতি সর্বেষাং ব্রাহ্মণৎবাবিশেষেপি ক্ষত্রিয়াদিবর্ণবিভাগস্য তত্তৎস্বৈরাচারনিবন্ধনৎবোক্তিঃ॥ 1॥Mahabharata - Shanti Parva - Chapter Text
12-186-0 (72416)
ভৃগুরুবাচ। 12-186-0x (5935)
অসৃজদ্ব্রাহ্মণানেব পূর্বং ব্রহ্মা প্রজাপতীন্।
আত্মতেজোভিনির্বৃত্তান্ভাস্করাগ্নিসমপ্রভান্॥ 12-186-1 (72417)
ততঃ সত্যং চ ধর্মং চ তপো ব্রহ্ম চ শাশ্বতম্।
আচারং চৈব শৌচং চ সর্গাদৌ বিদধে প্রভুঃ॥ 12-186-2 (72418)
দেবদানবগন্বর্গা দৈত্যাসুরমহোরগাঃ।
যক্ষরাক্ষসনাগাশ্চ পিশাচা মনুজাস্তথা॥ 12-186-3 (72419)
ব্রাহ্মণাঃ ক্ষত্রিয়া বৈশ্যাঃ শূদ্রাশ্চ দ্বিজসত্তম।
যে চান্যে ভূতসঙ্ঘানাং সংঘাতাস্তাংশ্চ নির্মমে॥ 12-186-4 (72420)
ব্রাহ্মণানাং সিতো বর্ণঃ ক্ষত্রিয়াণাং তু লোহিতঃ।
বৈশ্যানাং পীতকো বর্ণঃ শূদ্রাণামসিতস্তথা॥ 12-186-5 (72421)
ভরদ্বাজ উবাচ। 12-186-6x (5936)
চাতুর্বর্ণ্যস্য বর্ণেন যদি বর্ণো বিভজ্যতে।
সর্বেষাং খলু বর্ণানাং দৃশ্যতে বর্ণসংকরঃ॥ 12-186-6 (72422)
কামঃ ক্রোধো ভয়ং লোভঃ শোকশ্চিন্তা ক্ষুধা শ্রমঃ।
সর্বেষাং নঃ প্রভবতি কস্মাদ্বর্ণো বিভজ্যতে॥ 12-186-7 (72423)
স্বেদমূত্রপুরীষাণি শ্লেষ্মা পিত্তং সশোণিতম্।
তনুঃ ক্ষরতি সর্বেষাং কস্মাদ্বর্ণো বিভজ্যতে॥ 12-186-8 (72424)
জঙ্গমানামসঙ্খ্যেয়াঃ স্থাবরাণাং চ জাতয়ঃ।
তেষাং বিবিধবর্ণানাং কুতো বর্ণবিনিশ্চয়ঃ॥ 12-186-9 (72425)
ভৃগুরুবাচ। 12-186-10x (5937)
ন বিশেষোঽস্তি বর্ণানাং সর্বং ব্রাহ্মমিদং জগৎ।
ব্রাহ্মণাঃ পূর্বসৃষ্টা হি কর্মভির্বর্ণতাং গতাঃ॥ 12-186-10 (72426)
কামভোগপ্রিয়াস্তীক্ষ্ণাঃ ক্রোধনাঃ প্রিয়সাহসাঃ।
ত্যক্তস্বধর্মা রক্তাঙ্গাস্তে দ্বিজাঃ ক্ষত্রতাং গতাঃ॥ 12-186-11 (72427)
গোষু বৃত্তিং সমাধায় পীতাঃ কৃষ্যুপজীবিনঃ।
স্বধর্মান্নানুতিষ্ঠন্তি তে দ্বিজা বৈশ্যতাং গতাঃ॥ 12-186-12 (72428)
হিংসানৃতপ্রিয়া লুব্ধাঃ সর্বকর্মোপজীবিনঃ।
কৃষ্ণাঃ শৌচপরিভ্রষ্টাস্তে দ্বিজাঃ শূদ্রতা গতাঃ॥ 12-186-13 (72429)
ইত্যেতৈঃ কর্মভির্ব্যস্তা দ্বিজা বর্ণান্তরং গতাঃ।
ধর্মো যজ্ঞক্রিয়া চৈষাং নিত্যং ন প্রতিষিধ্যতে॥ 12-186-14 (72430)
ইত্যেতে চতুরো বর্ণা যেষাং ব্রাহ্মী সরস্বতী।
বিহিতা ব্রহ্মণা পূর্বং লোভাত্ৎবজ্ঞানতাং গতাঃ॥ 12-186-15 (72431)
ব্রাহ্মণা ব্রহ্মতন্ত্রস্থাস্তপস্তেষাং ন নশ্যতি।
ব্রহ্ম ধারয়তাং নিত্যং ব্রতানি নিয়মাংস্তথা॥ 12-186-16 (72432)
ব্রহ্ম বৈব পরং সৃষ্টং যে তু জানন্তি তে দ্বিজাঃ।
তেষাং বহুবিধাস্ৎবন্যে তত্রতত্র দ্বিজাতয়ঃ॥ 12-186-17 (72433)
পিশাচা রাক্ষসাঃ প্রেতা বিবিধা ম্লেচ্ছজাতয়ঃ।
প্রনষ্টজ্ঞানবিজ্ঞানাঃ স্বচ্ছন্দাচারচেষ্টিতাঃ॥ 12-186-18 (72434)
প্রজা ব্রাহ্মণসংস্কারাঃ স্বকর্মকৃতনিশ্চয়াঃ।
ঋষিভিঃ স্বেন তপসা সৃজ্যন্তে চাপরে পরৈঃ॥ 12-186-19 (72435)
আদিদেবসমুদ্ভূতা ব্রহ্মমূলাক্ষয়াব্যযা।
সা সৃষ্টির্মানসী নাম ধর্মতন্ত্রপরায়ণা॥ ॥ 12-186-20 (72436)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষডশীত্যধিকশততমোঽধ্যায়ঃ॥ 186॥
Mahabharata - Shanti Parva - Chapter Footnotes
12-186-2 স্বর্গায় বিদধে ইতি ধ. ঝ. পাঠঃ॥ 12-186-5 সিতঃ স্বচ্ছঃ সৎবগুণঃ। লোহিতো রজোগুণঃ। পীতকঃ রজস্তমোব্যামিশ্রঃ। অসিতঃ কৃষ্ণঃ॥ 12-186-6 ইদমাক্ষিপতি চাতুর্বর্ণ্যস্যেতি। বর্ণেন জাত্যা বর্ণঃ সাৎবিকৎবাদির্যদি বিভজ্যতে তন্নেতি শেষঃ। তত্র হেতুঃ সর্বেষামিতি॥ 12-186-7 নোঽস্মাকং ব্রাহ্মণানামপি॥ 12-186-9 জগংমানাং পশ্বাদীনাম্॥ 12-186-10 ব্রাহ্মং ব্রাহ্মণৎবজাতিমৎ। বর্ণতাং ক্ষত্রিয়াদিভাবম্॥ 12-186-11 রক্তাঙ্গা রজোগুণময়াঃ॥ 12-186-14 ব্যস্তাঃ পৃথক্কৃতাঃ॥ 12-186-15 চতুরশ্চৎবারঃ। ব্রাহ্মী বেদময়ী॥ 12-186-16 ব্রহ্মতন্ত্রং বেদোক্তানুষ্ঠানম্॥ 12-186-17 যে ন জানন্তি তেঽদ্বিজাঃ ইতি ধ. ঝ. ট. পাঠঃ॥ 12-186-19 ব্রহ্মণি বেদে বিহিতো ব্রাহ্মণঃ সংস্কারো যাসাং তা বেদোক্তসংস্কারবত্যঃ। অপরেঽর্বাচীনা ঋষয়ঃ পরৈঃ প্রাচীনৈঃ সৃজ্যন্তে॥ 12-186-20 অক্ষয়া নাশহীনা। অব্যযা অপচয়হীনা॥শান্তিপর্ব - অধ্যায় 187
॥ শ্রীঃ ॥
12.187. অধ্যায়ঃ 187
Mahabharata - Shanti Parva - Chapter Topics
ভরদ্বাজংপ্রতি ভৃগুণা ব্রাহ্মণাদিবর্ণলক্ষণকথনম্। বৈরাগ্যস্য মুক্তিসাধনতাকথনং চ॥ 1॥Mahabharata - Shanti Parva - Chapter Text
12-187-0 (72437)
ভরদ্বাজ উবাচ। 12-187-0x (5938)
ব্রাহ্মণঃ কেন ভবতি ক্ষত্রিয়ো বা দ্বিজোত্তম।
বৈশ্যঃ শূদ্রশ্চ বিপ্রর্ষে তদ্ব্রূহি বদতাং বর॥ 12-187-1 (72438)
ভৃগুরুবাচ। 12-187-2x (5939)
জাতকর্মাদিভির্যস্তু সংস্কারৈঃ সংস্কৃতঃ শুচিঃ।
বেদাধ্যযনসংপন্নঃ ষট্সু কর্মস্ববস্থিতঃ॥ 12-187-2 (72439)
শৌচাচারস্থিতঃ সম্যগ্বিঘসাশী গুরুপ্রিয়ঃ।
নিত্যব্রতী সত্যপরঃ স বৈ ব্রাহ্মণ উচ্যতে॥ 12-187-3 (72440)
সত্যং দানমথাদ্রোহ আনৃশংস্যং ক্ষমা ধৃণা।
তপশ্চ দৃশ্যতে যত্র স ব্রাহ্মণ ইতি স্মৃতঃ॥ 12-187-4 (72441)
ক্ষত্রজং সেবতে কর্ম দেবাধ্যযনসংগতঃ।
দানাদানরতির্যস্তু স বৈ ক্ষত্রিয় উচ্যতে॥ 12-187-5 (72442)
কৃপিগোরক্ষবাণিজ্যং যো বিশত্যনিশং শুচিঃ।
বেদাধ্যযনসংপন্নঃ স বৈশ্য ইতি সংজ্ঞিতঃ॥ 12-187-6 (72443)
সর্বভক্ষরতির্নিত্যং সর্বকর্মকরোঽশুচিঃ।
ত্যক্তবেদস্ৎবনাচারঃ স বৈ শূদ্র ইতি স্মৃতঃ॥ 12-187-7 (72444)
শূদ্রে চৈতদ্ভবেল্লক্ষ্যং দ্বিজে তচ্চ ন বিদ্যতে।
ন বৈ শূদ্রো ভবেচ্ছ্রদ্রো ব্রাহ্মণো ন চ ব্রাহ্মণঃ॥ 12-187-8 (72445)
সর্বোপায়ৈস্তু লোভস্য ক্রোধস্য চ বিনিগ্রহঃ।
এতৎপবিত্রং জ্ঞাতব্যং তথা চৈবাত্মসংয়মঃ॥ 12-187-9 (72446)
বার্যৌ সর্বাত্মনা তৌ হি শ্রেয়োঘাতার্থমুচ্ছ্রিতৌ॥ 12-187-10 (72447)
নিত্যং ক্রোধাচ্ছ্রিয়ং রক্ষেত্তপো রক্ষেচ্চ মৎসরাৎ।
বিদ্যাং মানাপমানাভ্যামাত্মানং তু প্রমাদতঃ॥ 12-187-11 (72448)
যস্য সর্বে সমারম্ভা নিরাশাবন্ধনা দ্বিজ।
ত্যাগে যস্য হুতং সর্বং স ত্যাগী চ স বুদ্ধিমান্॥ 12-187-12 (72449)
অহিংস্রঃ সর্বভূতানাং মৈত্রায়ণগতিশ্চরেৎ।
পরিগ্রহান্পরিত্যজ্য ভবেদ্বুদ্ধ্যা জিতেন্দ্রিয়ঃ।
অচলং স্থানমাতিষ্ঠেদিহ চামুত্র চোভয়োঃ॥ 12-187-13 (72450)
তপোনিত্যেন দান্তেন মুনিনা সংয়তাত্মনা।
অজিতং জেতুকামেন ভাব্যং সঙ্গেষ্বসঙ্গিনা॥ 12-187-14 (72451)
ইন্দ্রিয়ৈর্গৃহ্যতে যদ্যত্তত্তদ্ব্যক্তমিতি স্থিতিঃ।
অব্যক্তমিতি বিজ্ঞেয়ং লিঙ্গগ্রাহ্যমতীন্দ্রিয়ম্॥ 12-187-15 (72452)
অবিস্রম্ভে ন গন্তব্যং বিস্রম্ভে ধারয়েন্মনঃ।
মনঃ প্রাণে নিগৃহ্ণীয়াৎপ্রাণং ব্রহ্মণি ধারয়েৎ॥ 12-187-16 (72453)
নির্বেদাদেব নির্বায়ান্ন চ কিংচিদ্বিচিন্তয়েৎ।
সুখং বৈ ব্রাহ্মণো ব্রহ্ম স বৈ তেনাধিগচ্ছতি॥ 12-187-17 (72454)
শৌচেন সততং যুক্তঃ সদাচারসমন্বিতঃ।
সানুক্রোশশ্চ ভূতেষু তদ্দ্বিজাতিষু লক্ষণম্॥ ॥ 12-187-18 (72455)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তাশীত্যধিকশততমোঽধ্যায়ঃ॥ 187॥
Mahabharata - Shanti Parva - Chapter Footnotes
12-187-3 বিঘসং ব্রাহ্মণাদিভুক্তশেষম্॥ 12-187-5 ক্ষত্রং হিংসা তদর্থং জাতং ক্ষত্রজং যুদ্ধাত্মকং কর্ম। আদানং প্রজাভ্যঃ॥ 12-187-6 বাণিজ্যা পশুরক্ষা চ কৃষ্যাদানরতিঃ শুচিঃ। ইতি ঝ. পাঠঃ॥ 12-187-8 এতৎসত্যাদিসপ্তকম্। দ্বিজে ত্রৈবর্ণিকে। ধর্ম এব বর্ণবিভাগে কারণং ন জাতিরিত্যর্থঃ॥ 12-187-10 তৌ ক্রোধলোভৌ॥ 12-187-12 আশৈব বন্ধনং তদ্বর্জিতা নিরাশাবন্ধনাঃ সমারম্ভাঃ সম্যগারভ্যন্ত ইতি যজ্ঞাদয়ঃ। হুতমঘ্নৌ ব্রাহ্মণে বা দত্তমগ্নিহোত্রনিত্যশ্রাদ্ধাদি। ত্যাগে ফলত্যাগনিমিত্তম্। নিরাশীর্বন্ধনা দ্বিজেতি ঘ. ঝ.ট. পাঠঃ॥ 12-187-13 মৈত্রং মিত্রভাবস্তদেবায়নং পরং প্রাপ্যং স্থানং তত্র গতির্যস্য সঃ। স্থানমাত্মানমাতিষ্ঠেৎ আভিমুখ্যেন তিষ্ঠেৎ। আত্মধ্যানপরো ভবেদিত্যর্থঃ॥ 12-187-14 সঙ্গেষু মমেদমিতি সঙ্গহেতুষু পুত্রদারাদিষু॥ 12-187-17 নির্বেদাদেব নির্বাণং ন কিংচিদপি ইতি ঘ.ঝ. পাঠঃ। নির্বাণাদেব নির্বায়াৎ ইতি ড. পাঠঃ॥শান্তিপর্ব - অধ্যায় 188
॥ শ্রীঃ ॥
12.188. অধ্যায়ঃ 188
Mahabharata - Shanti Parva - Chapter Topics
ভৃগুণা ভরদ্বাজংপ্রতি ধর্মাধর্ময়োঃ সুখদুঃখসাধনৎবে প্রতিপাদিতে ঋষ্যাদীনাং স্বর্গানপেক্ষণাদ্ব্যভিচারশঙ্কিনা ভরদ্বাজেরতদাক্ষেপঃ॥ 1॥ ভৃগুণা মোক্ষস্বরূপনিরূপণপূর্বকং নিষ্কামকর্মণস্তৎসাধনৎবমক্ষতমিতি স্বাভিপ্রায়াবিষ্করণম্॥ 2॥Mahabharata - Shanti Parva - Chapter Text
12-188-0 (72456)
ভৃগুরুবাচ। 12-188-0x (5940)
সত্যং ব্রহ্ম তপঃ সত্যং সত্যং সৃজতি চ প্রজাঃ।
সত্যেন ধার্যতে লোকঃ স্বর্গং সত্যেন গচ্ছতি॥ 12-188-1 (72457)
অনৃতং তমসো রূপং তমসা নীয়তে হ্যধঃ।
তমোগ্রস্তা ন পশ্যন্তি প্রকাশং তমসাঽঽবৃতম্॥ 12-188-2 (72458)
স্বর্গঃ প্রকাশ ইত্যাহুর্নরকং তম এব চ।
সত্যানৃতাত্তদুভয়ং প্রাপ্যতে জগতীচরৈঃ॥ 12-188-3 (72459)
তত্র ৎবেবংবিধা লোকে বৃত্তিঃ সত্যানৃতে ভবেৎ।
ধর্মাধর্মৌ প্রকাশশ্চ তমো দুঃখং সুখং তথা॥ 12-188-4 (72460)
তত্র যৎসত্যং স ধর্মো যো ধর্মঃ স প্রকাশো যঃ প্রকাশস্তৎসুখমিতি। তত্র যদনৃতং সোঽধর্মো যোঽধর্মস্তত্তমো যত্তমস্তদ্দুঃখমিতি॥ 12-188-5 (72461)
অত্রোচ্যতে। 12-188-6x (5941)
শারীরৈর্মানসৈর্দুঃখৈঃ সুখৈশ্চাপ্যসুখোদয়ৈঃ।
লোকসৃষ্টিং প্রপশ্যন্তো ন মুহ্যন্তি বিচক্ষণাঃ॥ 12-188-6 (72462)
তত্র দুঃখবিমোক্ষার্থং প্রয়তেত বিচক্ষণঃ।
সুখং হ্যনিত্যং ভূতানামিহ লোকে পরত্র চ॥ 12-188-7 (72463)
রাহুগ্রস্তস্য সোমস্য যথা জ্যোৎস্না ন ভাসতে।
তথা তমোভিভূতানাং ভূতানাং ভ্রশ্যতে সুখম্॥ 12-188-8 (72464)
তৎখলু দ্বিবিধং সুখমুচ্যতে শারীরং মানসং চ। ইহ খল্বমুষ্মিংশ্চ লোকে সর্বারম্ভপ্রবৃত্তয়ঃ সুখার্থমভিধীয়ন্তে ন হ্যতঃ পরং ত্রিবর্গফলং বিশিষ্টতরমস্তি স এষ কাম্যো গুণবিশেষো ধর্মার্থগুণারম্ভস্তদ্ধেতুরস্যোৎপত্তিঃ সুখপ্রয়োজনার্থ আরম্ভঃ॥ 12-188-9 (72465)
ভরদ্বাজ উবাচ। 12-188-10x (5942)
যদেতদ্ভবতাঽভিহিতং সুখানাং পরমার্থস্থিতিরিতি তন্ন গৃহ্ণীমো ন হ্যেষামৃষীণাং তপসি স্থিতানামপ্রাপ্য এব কাম্যো গুণবিশেষো ন চৈনমভিলষন্তি চ তপসি শ্রূয়তে ত্রিলোকেকৃদ্ব্রহ্মা প্রভুরেকাকী তিষ্ঠতি। ব্রহ্মচারী ন কামসুখেষ্বাত্মানমবদধাতি। অপিচ ভগবান্বিশ্বেশ্বর [উমাপতিঃ] কামমভিবর্তমানমনঙ্গৎবেন নাশমনয়ৎ। তস্মাদ্ব্রূমো ন তু মহাত্মভিঃ প্রতিগৃহীতোঽয়মর্থো তৎবেষ তাবদ্বিশিষ্টো গুণগণ ইতি। নৈতদ্ভগবান্প্রত্যেতি ভগবতোক্তং সুখানাং পরমার্থস্থিতিরিতি লোকপ্রবাদো হি দ্বিবিধঃ ফলোদয়ঃ সুকৃতাৎসুখমবাপ্যতে দুষ্কৃতাদ্দুঃখমিতি॥ 12-188-10 (72466)
ভৃগুরুবাচ। 12-188-11x (5943)
অত্রোচ্যতে। অনৃতাৎখলু তমঃ প্রাদুর্ভূতং ততস্তমোগ্রস্তা অধর্মমেবানুবর্তন্তে ন ধর্মম্। ক্রোধলোভমোহমদাদিভিরবচ্ছন্না ন খল্বস্মিঁল্লোকে নামুত্র সুখমাপ্নুবন্তি। বিবিধব্যাধিব্রণরুজোপতাপৈরবকীর্যন্তে। বধবন্ধননিরোধপরিক্লেশাদিভিশ্চ ক্ষুৎপিপাসাশ্রমকৃতৈরুপতাপৈরুপতপ্যন্তে। চণ্ডবাতাত্যুষ্ণাতিশীতকৃতৈশ্চ প্রতিভয়ৈঃ শারীরৈর্দুঃখৈরুপতপ্যন্তে। বন্ধুধনবিননাশবিপ্রয়োগকৃতৈশ্চ মানসৈঃ শোকৈরভিভূয়ন্তে জরামৃত্যুকৃতৈশ্চান্যৈরিতি॥ 12-188-11 (72467)
যদৈতৈঃ শারীরৈর্মানসৈর্দুঃখৈর্ন স্পৃশ্যতে তৎসুখং বিদ্যাৎ।
ন চৈতে দোষাঃ স্বর্গে প্রাদুর্ভবন্তি তত্র খলু ভবন্তি॥ 12-188-12 (72468)
সুসুখঃ পবনঃ স্বর্গে গন্ধশ্চ সুরভিস্তথা।
ক্ষুৎপিপাসাশ্রমো নাস্তি ন জরা ন চ পাতকম্॥ 12-188-13 (72469)
নিত্যমেব সুখং স্বর্গে সুখং দুঃখমিহোভয়ম্।
নরকে দুঃখমেবাহুঃ সুখং তু পরমং পদম্॥ 12-188-14 (72470)
পৃথিবী সর্বভূতানাং জনিত্রী তদ্বিধাঃ স্ত্রিয়ঃ।
পুমান্প্রজাপতিস্তত্র শুক্রং তেজোময়ং বিদুঃ॥ 12-188-15 (72471)
ইত্যেতল্লোকনির্মাণং ব্রহ্মণা বিহিতং পুরা।
প্রজা বিপরিবর্ন্ততে স্বৈঃ স্বৈঃ কর্মভিরাবৃতাঃ॥ ॥ 12-188-16 (72472)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টাশীত্যধিকশততমোঽধ্যায়ঃ॥ 188॥
Mahabharata - Shanti Parva - Chapter Footnotes
12-188-9 লোকে বস্তুপ্রবৃত্তয়ঃ ইতি ঝ. পাঠঃ॥ 12-188-10 অনঙ্গৎবেন শমমনয়ৎ ইতি ঝ. পাঠঃ॥ 12-188-11 ক্রোধলোভহিংসানৃতাদিভিরিতি চণ্ডবাতাত্যুষ্ণেতি চ ঝ. পাঠঃ॥ 12-188-16 প্রজাঃ সমনুবর্তন্তে ইতি ঝ. পাঠঃ॥শান্তিপর্ব - অধ্যায় 189
॥ শ্রীঃ ॥
12.189. অধ্যায়ঃ 189
Mahabharata - Shanti Parva - Chapter Topics
ভৃগুণা ভরদ্বাজংপ্রতি চতুরাশ্রমধর্মনিরূপণম্॥ 1॥Mahabharata - Shanti Parva - Chapter Text
12-189-0 (72473)
ভরদ্বাজ উবাচ। 12-189-0x (5944)
দানস্য কিং ফলং প্রোক্তং ধর্মস্য চরিতস্য চ।
তপসশ্চ সুতপ্তস্য স্বাধ্যায়স্য হুতস্য বা॥ 12-189-1 (72474)
ভৃগুরুবাচ। 12-189-2x (5945)
হুতেন শাম্যতে পাপং স্বাধ্যায়ৈঃ শান্তিরুত্তমা।
দানেন ভোগ ইত্যাহুস্তপসা সর্বমাপ্নুয়াৎ॥ 12-189-2 (72475)
দানং তু দ্বিবিধং প্রাহুঃ পরত্রার্থমিহৈব চ।
সদ্ভ্যো যদ্দীয়তে কিংচিত্তৎপরত্রোপতিষ্ঠতে॥ 12-189-3 (72476)
অসদ্ভ্যো দীয়তে যত্তু তদ্দানমিহ ভুজ্যতে।
যাদৃশং দীয়তে দানং তাদৃশং ফলমুচ্যতে॥ 12-189-4 (72477)
ভরদ্বাজ উবাচ। 12-189-5x (5946)
কিং কস্য ধর্মাচরণং কিং বা ধর্মস্য লক্ষণম্।
ধর্মঃ কতিবিধো বাঽপি তদ্ভবান্বক্তুমর্হতি॥ 12-189-5 (72478)
ভৃগুরুবাচ। 12-189-6x (5947)
স্বধর্মাচরণে যুক্তা যে ভবন্তি মনীষিণঃ।
তেষাং স্বর্গফলাবাপ্তির্যোঽন্যথা স বিমুহ্যতে॥ 12-189-6 (72479)
ভরদ্বাজ উবাচ। 12-189-7x (5948)
যদেতচ্চাতুরাশ্রম্যং ব্রহ্মর্ষিবিহিতং পুরা।
তস্য স্বংস্বং সমাচারং যথাবদ্বক্তুমর্হসি॥ 12-189-7 (72480)
ভৃগুরুবাচ। 12-189-8x (5949)
পূর্বমেব ভগবতা ব্রহ্মণা লোকহিতমনুতিষ্ঠতা ধর্মসংরক্ষণার্থমাশ্রমাশ্চৎবারোঽভিনির্দিষ্টাঃ। তত্র গুরুকুলবাসমেব প্রথমমাশ্রমমুদাহরন্তি। সম্যগ্যত্র শৌচসংস্কারনিয়মব্রতবিনিয়তাত্মা উভেসন্ধ্যে ভাস্করাগ্নিদৈবতান্যুপস্থায় বিহায় নিদ্রালস্যে গুরোরভিবাদননবেদাভ্যাসশ্রবণপবিত্রীকৃতান্তরাত্মা [ত্রিষবণমুপস্পৃশ্য ব্রহ্মচর্যাগ্নিপরিচরণগুরুশুশ্রূষানিত্যভিক্ষ্যাদিসর্বনিবেদিতান্তরাত্মা] গুরুবচনির্দেশানুষ্ঠানাপ্রতিকূলো গুরুপ্রসাদলব্ধস্বাধ্যায়তৎপরঃ স্যাৎ॥ 12-189-8 (72481)
ভবতি চাত্র শ্লোকঃ। 12-188-9x (5950)
গুরুং যস্তু সমারাধ্য দ্বিজো বেদমবাপ্নুয়াৎ।
তস্য স্বর্গফলাবাপ্তিঃ শুধ্যতে চাস্য মানসমিতি॥ 12-189-9 (72482)
গার্হস্থ্যং খলু দ্বিতীয়মাশ্রমং বদন্তি। তস্য সমুদাচারলক্ষণং সর্বমনুব্যাখ্যাস্যামঃ। সমাবৃত্তানাং সদাচারাণাং সহধর্মচর্যাফলার্থিনাং গৃহাশ্রমো বিধীয়তে। ধর্মার্থকামাবাপ্ত্যর্থং ত্রিবর্গসাধনমপেক্ষ্যাগর্হিতেন কর্মণা ধনান্যাদায় স্বাধ্যায়োপলব্ধপ্রকর্ষেণ বা ব্রহ্মর্ষিনির্মিতেন বা। হব্যকব্যনিয়মাভ্যাং দৈবতপূজাসমাধিপ্রসাদবিধ্যুপলব্ধেন ধনেন গৃহস্থো গার্হস্থ্যং বর্তয়েৎ। তদ্ধি সর্বাশ্রমাণাং মূলমুদাহরন্তি। গুরুকুলনিবাসিনঃ পরিব্রাজকা যে চান্যে সংকল্পিতব্রতনিয়মধর্মানুষ্ঠায়িনস্তেপামষ্যত এব ভিক্ষাবলিসংবিভাগাঃ প্রবর্তন্তে॥ 12-189-10 (72483)
বানপ্রস্থানাং চ দ্রব্যোপস্কার ইতি প্রায়শঃ খল্বেতে সাধবঃ সাধুপথ্যাশিনঃ স্বাধ্যায়প্রসঙ্গিনস্তীর্থাভিগমনদেশদর্শনার্থং পৃথিবীং পর্যটন্তি তেষাং প্রত্যুত্থানাভিগমনাভিবাদনানসূয়বাক্প্রদানসুখশক্ত্যাসনসুখশয়নাভ্যবহারসৎক্রিয়াচেতি॥ 12-189-11 (72484)
ভবতি চাত্র শ্লোকঃ। 12-189-12x (5951)
অতিথির্যস্য ভগ্নাশো গৃহাৎপ্রতিনিবর্ততে।
স তস্য দুষ্কৃতং দত্ৎবা পুণ্যমাদায় গচ্ছতি॥ 12-189-12 (72485)
অপি চাত্র যজ্ঞক্রিয়াভির্দেবতাঃ প্রীয়ন্তে নিবাপেন পিতরো বেদবিদ্যাভ্যাসশ্রবণধারণেন ঋষয় অপত্যোৎপাদনেন প্রজাপতিরিতি॥ 12-189-13 (72486)
শ্লোকৌ চাত্র ভবতঃ। 12-189-14x (5952)
বৎসলাঃ সর্বভূতানাং বাচ্যাঃ শ্রোত্রসুখা গিরঃ।
পরিবাদাপবাদৌ চ পারুষ্যং চাত্র গর্হিতম্॥ 12-189-14 (72487)
অবজ্ঞানমহংকারো দম্ভশ্চৈব বিগর্হিতঃ।
অহিংসা সত্যমক্রোধঃ সর্বাশ্রমগতং তপঃ॥ 12-189-15 (72488)
অপি চাত্র মাল্যাভরণবস্ত্রাভ্যঙ্গনিত্যোপভোগনৃত্তগীতবাদিত্রশ্রুতিসুখনয়নাভিরামদর্শনানাং প্রাপ্তির্ভক্ষ্যভোজ্যলেহ্যপেয়চোষ্যাণামভ্যবহার্যাণাং বিবিধানামুপভোগঃ স্ববিহারসংতোষঃ কামসুখাবাপ্তিরিতি॥ 12-189-16 (72489)
শ্লোকৌ চাত্র ভবতঃ। 12-189-17x (5953)
ত্রিবর্গগুণনির্বৃত্তির্যস্য নিত্যং গৃহাশ্রমে।
স সুখান্যনুভূয়েহ শিষ্টানাং গতিমাপ্নুয়াৎ॥ 12-189-17 (72490)
উঞ্ছবৃত্তির্গৃহস্থো যঃ স্বধর্মাচরণে রতঃ।
ত্যক্তকামসুখারম্ভঃ স্বর্গস্তস্য ন দুর্লভঃ॥ ॥ 12-189-18 (72491)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোননবত্যধিকশততমোঽধ্যায়ঃ॥ 189॥
Mahabharata - Shanti Parva - Chapter Footnotes
12-189-2 শান্তিরুপরতিঃ॥ 12-189-7 চতুর্ণামাশ্রমাণাং ধর্মশ্চাতুরাশ্রম্যম্॥ 12-189-9 সিধ্যতে চাস্য মানসং ইতি ঝ. পাঠঃ॥ 12-189-10 সমাবৃত্তানাং সমাপিতগুরুকুলবাসানাং স্নাতকানাম্। সহোভৌ চরতাং ধর্মমিতি দংপত্যোঃ সহাধিকারিকং ধর্মং তচ্চর্যাফলং পুত্রজন্ম॥ 12-189-11 দ্রব্যোপস্কারো ধনবর্জনম্। সুখশক্ত্যা সুখবত্যা শক্ত্যা ন তু দেহপীডয়া। সৎক্রিয়া চ কর্তব্যেতি শেষঃ॥ 12-189-13 নিবাপনে পিতৃতর্পণেন॥ 12-189-14 বাৎসল্যাৎসর্বভূতেভ্যঃ ইতি পরিতাপোপতাপশ্চেতি চ. ঝ. পাঠঃ॥ 12-189-18 উঞ্ছঃ কণশ আদানং তেন বৃত্তির্জীবনমস্য। কামসুখমারম্ভাশ্চেতিদ্বন্দ্বঃ॥শান্তিপর্ব - অধ্যায় 190
॥ শ্রীঃ ॥
12.190. অধ্যায়ঃ 190
Mahabharata - Shanti Parva - Chapter Topics
ভৃগুণা ভরদ্বাজংপ্রতি বানপ্রস্থয়ত্যাশ্রময়োর্লক্ষণকথনম্॥ 1॥ তথা হিমবদুত্তরলোকস্য স্বর্গতুল্যৎবপ্রতিপাদনপূর্বকং সুকৃংতিপ্রাপ্যৎবকথনং চ॥ 2॥Mahabharata - Shanti Parva - Chapter Text
12-190-0 (72523)
ভৃগুরুবাচ। 12-190-0x (5955)
বানপ্রস্থাঃ খল্বৃষিধর্মমনুবর্তন্তে পুণ্যানি তীর্থানি নদীপ্রস্রবণান্যুচরন্তি সুবিভক্তেষ্যরণ্যেষু মৃগমহিষবরাহশার্দূলসৃমরগজাকীর্ণেষু তপস্যন্তোঽনুসংচরন্তি ত্যক্তগ্রাম্যবস্ত্রাভ্যবহারোপভোগা বন্যৌষধিফলমূলপর্ণপরিমিতবিচিত্রনিয়তাহারাঃ স্থানাসনিনো ভূমিপাষাণসিকতাশর্করাবালুকাভস্মশায়িনঃ কাশকুশচর্মবল্কলসংবৃতাঙ্গাঃ কেশশ্মশ্রুনখরোমধারিণো নিয়তকালোপস্পর্শনা অস্কন্নকালবহিহোমানুষ্ঠায়িনঃ সমিৎকুশকুসুমাপহারার্চনসংমার্জনহোমান্তলব্ধবিশ্রয়াঃ শীতোষ্ণ [বর্ষ]পবনবিনিষ্টপ্তবিভিন্নসর্বৎবচো বিবিধনিয়ময়োগচর্যানুষ্ঠানহৃত [পরিশুষ্ক] মাংসশোণিতৎবগস্থিভূতা ধৃতিপরাঃ সৎবয়োগাচ্ছরীরাণ্যুদ্বহন্তি॥ 12-190-1 (72524)
ভবতি চাত্র শ্লোকঃ। 12-190-2x (5956)
যশ্চৈতাং নিয়তশ্চর্যাং ব্রহ্মর্ষিবিহিতাং চরেৎ।
স দহেদগ্নিবদ্দোষাঞ্জয়েল্লোকাংশ্চ দুর্জয়ান্॥ 12-190-2 (72525)
পরিব্রাজকানাং পুনরাচারঃ। তদ্যথা বিমুচ্যধনকলত্রপরিবর্হণং সঙ্গেষ্বাত্মনঃ স্নেহপাশানবধূয় পরিব্রজন্তি সমলোষ্টাশ্মকাঞ্চনাস্ত্রিবর্গপ্রবৃত্তেষ্বারম্ভেষ্বসক্তবুদ্ধয়োঽরিমিত্রোদাসীনানাং তুল্যদর্শনাঃ স্থাবরজঙ্গমানাং জরায়ুজাণ্ডজস্বেদজোদ্ভিজ্জানাং ভূতানাং বাঙ্ভনঃ কর্মভিরভিদ্রোহিণোঽনিকেতাঃ পর্বতপুলিনবৃক্ষমূলদেবতায়তনান্যননুচরন্তো বাসার্থমুপেয়ুর্নগরং গ্রামং বা নগরে পঞ্চরাত্রিকা গ্রামে চৈকরাত্রিকাঃ প্রবিশ্চ চ প্রাণধারণার্থং দ্বিজাতীনাং ভবনান্যসংকীর্ণকর্মণামুপতিষ্ঠেয়ুঃ পাত্রপতিতাঽয়াচিতভৈক্ষ্যাঃ কামক্রোধদর্পলোভমোহকার্পণ্যদম্ভপরিবাদাভিমানহিংসানিবৃত্তা ইতি॥ 12-190-3 (72526)
ভবন্তি চাত্র শ্লোকাঃ। 12-190-4x (5957)
অভয়ং সর্বভূতেভ্যো দত্ৎবা যশ্চরতে মুনিঃ।
ন তস্য সর্বভূতেভ্যো ভয়মুৎপদ্যতে ক্বচিৎ॥ 12-190-4 (72527)
কৃৎবাঽগ্নিহোত্রং স্বশরীরসংস্থং
শারীরমগ্নিং স্বমুখে জুহোতি।
যো ভৈক্ষচর্যোপগতৈর্হবির্ভি
শ্চিতাগ্নিনা প্রাপ্য স যাতি লোকা॥ 12-190-5 (72528)
মোক্ষাশ্রমং যঃ কুরুতে যথোক্তং
শুচিঃ সুসংকল্পিতবুদ্ধিয়ুক্তঃ।
অনিন্ধনং জ্যোতিরিব প্রশান্তং
স ব্রহ্মলোকং শ্রয়তে দ্বিজাতিঃ॥ 12-190-6 (72529)
ভরদ্বাজ উবাচ। 12-190-7x (5958)
অস্মাল্লোকাৎপরো লোকঃ শ্রূয়তে নোপলভ্যতে।
তমহং জ্ঞাতুমিচ্ছামি তদ্ভবান্বক্তুমর্হতি॥ 12-190-7 (72530)
ভৃগুরুবাচ। 12-190-8x (5959)
উত্তরে হিমবৎপার্শ্বে পুণ্যে সর্বগুণান্বিতে।
পুণ্যঃ ক্ষেম্যশ্চ কাম্যশ্চ স পরো লোক উচ্যতে॥ 12-190-8 (72531)
তত্র হ্যপাপকর্মাণঃ শুচয়োঽত্যন্তনির্মলাঃ।
লোভমোহপরিত্যক্তা মানবা নিরুপদ্রবাঃ॥ 12-190-9 (72532)
স স্বর্গসদৃশো লোকস্তত্র হ্যুক্তাঃ শুভা গুণাঃ।
নাত্র মৃত্যুঃ প্রভবতি স্পৃশন্তি ব্যাধয়ো ন চ॥ 12-190-10 (72533)
ন লোভঃ পরদারেষু স্বদারনিরতো জনঃ।
ন চান্যোন্যবধস্তত্র দ্রব্যেষু চ ন বিস্ময়ঃ॥ 12-190-11 (72534)
পরোক্ষধর্মো নৈবাস্তি সংদেহো নাপি জায়তে।
কৃতস্য তু ফলং ব্যক্তং প্রত্যক্ষমুপলভ্যতে॥ 12-190-12 (72535)
যানাসনাশনোপেতাঃ প্রাসাদভবনাশ্রয়াঃ।
সর্বকামৈর্বৃতাঃ কেচিদ্ধেমাভরণভূষিতাঃ॥ 12-190-13 (72536)
প্রাণধারণমাত্রং তু কেষাংচিদুপলভ্যতে।
শ্রমেণ মহতা কেচিৎকুর্বন্তি প্রাণধারণম্॥ 12-190-14 (72537)
ইহ ধর্মপরাঃ কেচিৎকেচিন্নৈকৃতিকা নরাঃ।
সুখিতাঃ দুঃখিতাঃ কেচিন্নির্ধনা ধনিনোঽপরে॥ 12-190-15 (72538)
ইহ শ্রমো ভয়ং মোহঃ ক্ষুধা নিদ্রা চ জায়তে।
লোভশ্চার্থকৃতো নৄণাং যেন মুহ্যন্ত্যপণ্ডিতাঃ॥ 12-190-16 (72539)
ইহ অর্তা বহুবিধা ধর্মাধর্মস্য কর্মণঃ।
যস্তদ্বেদোভয়ং প্রাজ্ঞঃ পাপ্মনা ন স লিপ্যতে॥ 12-190-17 (72540)
সোপধং কৃতিঃ স্তেয়ং পরিবাদো হ্যসূয়িতা।
পরোপঘাতো হিংসা চ পৈশুন্যমনৃতং তথা॥ 12-190-18 (72541)
এতানি সেবতে যস্তু তপস্তস্য মিতায়তে।
যস্ৎবেতান্নাচরেদ্বিদ্বাংস্তপস্তস্য প্রবর্ধতে॥ 12-190-19 (72542)
ইহ চিন্তা বহুবিধা ধর্মাধর্মস্য কর্মণঃ।
কর্মভূমিরিয়ং লোকে ইহ কৃৎবা শুভাশুভম্।
শুভৈঃ শুভমবাপ্নোতি কর্তাঽশুভমথান্যথা॥ 12-190-20 (72543)
ইহ প্রজাপতিঃ পূর্বং দেবাঃ সর্ষিগণাস্তথা।
ইষ্টেন তপসা পূতা ব্রহ্মলোকমুপাশ্রিতাঃ॥ 12-190-21 (72544)
উত্তরঃ পৃথিবীভাগঃ সর্বপুণ্যতমঃ শুভঃ।
ইহত্যাস্তত্র জায়ন্তে যে বৈ পুণ্যকৃতো জনাঃ॥ 12-190-22 (72545)
অসৎকর্মাণি কুর্বাণাস্তির্যগ্যোনিষু চাপরে।
ক্ষীণায়ুষস্তথা চান্যে নশ্যন্তি পৃথিবীতলে॥ 12-190-23 (72546)
অন্যোন্যভক্ষণাসক্তা লোভমোহসমন্বিতাঃ।
ইহৈব পরিবর্ন্ততে ন তে যান্ত্যুত্তরাং দিশম্॥ 12-190-24 (72547)
যে গুরূন্পর্যুপাসন্তে নিয়তা ব্রহ্মচারিণঃ।
পন্থানং সর্বলোকানাং তে জানন্তি মনীষিণঃ॥ 12-190-25 (72548)
ইত্যুক্তোঽয়ং ময়া ধর্মঃ সংক্ষেপাদ্ব্রহ্মনির্মিতঃ।
ধর্মাধর্মৌ হি লোকস্য যো বৈ বেত্তি স বুদ্ধিমান্॥ 12-190-26 (72549)
ভীষ্ম উবাচ। 12-190-27x (5960)
ইত্যুক্তো ভৃগুণা রাজন্ভরদ্বাজঃ প্রতাপবান্।
ভৃগুং পরমধর্মাত্মা বিস্মিতঃ প্রত্যপূজয়ৎ॥ 12-190-27 (72550)
এষ তে প্রভবো রাজঞ্জগতঃ সংপ্রকীর্তিতঃ।
নিখিলেন মহাপ্রাজ্ঞ কিং ভূয়ঃ শ্রোতুমিচ্ছসি॥ ॥ 12-190-28 (72551)
ইতি শ্রীমন্মহাভারতে শান্তিপর্বণি মোক্ষধর্মপর্বণি নবত্যধিকশততমোঽধ্যায়ঃ॥ 190॥
Mahabharata - Shanti Parva - Chapter Footnotes
12-190-1 সুবিবিক্তেষ্বরণ্যেষু ইতি ঝ. ড. থ. পাঠঃ॥ 12-190-3 পরিবর্হণং শঠ্যাদিভোগসামগ্রী। পরিব্রাজকানাং পুনরাচারং প্রবদামঃ ইতি ড. থ.পাঠঃ। সঙ্গেষ্বাত্মানমবধূয় স্নেহপাশান্পরিত্যজন্তি। ইতি ট. পাঠঃ। অসঙ্কীর্ণস্থানান্যুপতিষ্ঠেয়ুরিতি ড.থ. পাঠঃ॥ 12-190-5 বিপ্রস্তু ভৈক্ষ্যোষ্ণাতৈর্হবির্ভিশ্চিতাগ্নিনাং স ব্রজতে হি লোকমিতি ঝ. পাঠঃ॥ 12-190-6 সুসঙ্কল্পিতমুক্তবুদ্ধিঃ ইতি ঝ. পাঠঃ॥ 12-190-10 স স্বর্গসদৃশো দেশ ইতি ঝ. পাঠঃ। কালে মৃত্যুঃ ইতি ধ. ঝ.পাঠঃ॥ 12-190-12 পরোক্ষধর্মঃ পরোক্ষফলো ধর্মঃ। পরো হ্যধর্মো নেবাস্তীতি ঝ. পাঠঃ। কৃতস্য তু ফলং তত্র ইতি ধ. ঝ. পাঠঃ॥ 12-190-16 ক্ষুধা তীব্রা চ ইতি ঝ. পাঠঃ॥ 12-190-17 বার্তাঃ কুশলাঃ॥ 12-190-18 সোপধং সদম্ভম্॥ 12-190-19 তপো যোগজধর্মঃ। তপস্তস্য প্রহীয়তে ইতি ঝ. পাঠঃ॥ 12-190-20 চিন্তা বিচারঃ॥ 12-190-21 ব্রহ্মলোকং হিমবৎপার্শ্বম্॥ 12-190-23 যদি সৎকারমৃচ্ছন্তি ইতি ধ. ঝ. পাঠঃ॥ 12-190-24 উত্তরাং দিশং হিমবৎপার্শ্বম্॥শান্তিপর্ব - অধ্যায় 191
॥ শ্রীঃ ॥
12.191. অধ্যায়ঃ 191
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সদাচারনিরূপণম্॥ 1॥Mahabharata - Shanti Parva - Chapter Text
12-191-0 (72552)
যুধিষ্ঠির উবাচ। 12-191-0x (5961)
আচারস্য বিধিং তাত প্রোচ্যমানং ৎবয়াঽনঘ।
শ্রোতুমিচ্ছামি ধর্মজ্ঞ সর্বজ্ঞো হ্যসি মে মতঃ॥ 12-191-1 (72553)
ভীষ্ম উবাচ। 12-191-2x (5962)
দুরাচারা দুর্বিচেষ্টা দুষ্প্রজ্ঞাঃ প্রিয়সাহসাঃ।
অসন্তস্ৎবভিবিখ্যাতাঃ সন্তশ্চাচারলক্ষণাঃ॥ 12-191-2 (72554)
পুরীষং যদি বা মূত্রং যে ন কুবন্তি মানবাঃ।
রাজমার্গে গবাং মধ্যে ধান্যমধ্যে শিবালয়ে।
অগ্ন্যগারে তথা তীরে যে ন কুর্বন্তি তে শুভাঃ॥ 12-191-3 (72555)
শৌচমাবশ্যকং কৃৎবা দেবতানাং চ তর্পণম্।
ধর্মমাহুর্মনুষ্যাণামুপস্পৃশ্য নদীং তরেৎ॥ 12-191-4 (72556)
সূর্যং সদোপতিষ্ঠেন ন স্বপেদ্ভাস্করোদয়ে।
সায়ংপ্রাতর্জপেৎসন্ধ্যাং তিষ্ঠন্পূর্বাং তথেতরাম্॥ 12-191-5 (72557)
পঞ্চার্দ্রো ভোজনং ভুঞ্জ্যাৎপ্রাদ্ভুখো মৌনমাস্থিতঃ।
ন নিন্দ্যাদন্নভক্ষ্যাংশ্চ স্বাদুস্বাদু চ ভক্ষয়েৎ॥ 12-191-6 (72558)
নার্দ্রপাণিঃ সমুত্তিষ্ঠেন্নার্দ্রপাদঃ স্বপেন্নিশি।
দেবর্ষির্নারদঃ প্রাহ এতদাচারলক্ষণম্॥ 12-191-7 (72559)
শোচিষ্কেশমনড্বাহং দেবগোষ্ঠং চতুষ্পথম্।
ব্রাহ্মণং ধার্মিকং চৈব নিত্যং কুর্যাৎপ্রদক্ষিণম্॥ 12-191-8 (72560)
অতিথীনাং চ সর্বেষাং প্রেষ্যাণাং স্বজনস্য চ।
সামাত্যং ভোজনং ভৃত্যৈঃ পুরুষস্য প্রশস্যতে॥ 12-191-9 (72561)
সায়ংপ্রাতর্মনুষ্যাণামশনং বেদনির্মিতম্।
নান্তরা ভোজনং দৃষ্টমুপবাসী তথা ভবেৎ॥ 12-191-10 (72562)
হোমকালে তথ্না জুহ্বন্নৃতুকালে তথা ব্রজন্।
অনন্যস্ত্রীজনঃ প্রাজ্ঞো ব্রহ্মচারী তথা ভবেৎ॥ 12-191-11 (72563)
অমৃতং ব্রাহ্মণোচ্ছিষ্টং জনন্যা হৃদয়ং কৃতম্।
তজ্জনাঃ পর্যুপাসন্তে সত্যং সন্তঃ সমাসতে॥ 12-191-12 (72564)
লোষ্টমদীং তৃণচ্ছেদী নখখাদী তু যো নরঃ।
নিত্যোচ্ছিষ্টঃ সংকসুকো নেহায়ুর্বিন্দতে মহৎ॥ 12-191-13 (72565)
যজুষা সংস্কৃতং মাংসং নিবৃত্তো মাংসভক্ষণাৎ।
ভক্ষয়েন্ন বৃথামাংসং পৃষ্ঠমাংসং চ বর্জয়েৎ॥ 12-191-14 (72566)
স্বদেশে পরদেশে বা অতির্থি নোপবাসয়েৎ।
কাম্যকর্মফলং লব্ধ্বা গুরূণামুপপাদয়েৎ॥ 12-191-15 (72567)
গুরূণামাসনং দেয়ং কর্তব্যং চাভিবাদনম্।
গুরূনভ্যর্চ্য যুজ্যেত আয়ুষা যশসা শ্রিয়া॥ 12-191-16 (72568)
নেক্ষেতাদিত্যমুদ্যন্তং ন চ নগ্নাং পরস্ত্রিয়ম্।
মৈথুনং সততং ধর্ম্যং গুহ্যে চৈব সমাচরেৎ॥ 12-191-17 (72569)
তীর্থানাং হৃদয়ং তীর্থং শুচীনাং হৃদয়ং শুচিঃ।
সর্বমার্যকৃতং ধর্ম্যং বালসংস্পর্শনানি চ॥ 12-191-18 (72570)
দর্শনেদর্শনে নিত্যং সুখপ্রশ্নমুদাহরেৎ।
সায়ং প্রাতশ্চ বিপ্রাণাং প্রদিষ্টমভিবাদনম্॥ 12-191-19 (72571)
দেবগোষ্ঠে গবাং মধ্যে ব্রাহ্মণানাং ক্রিয়াপথে।
স্বাধ্যায়ে ভোজনে চৈব দক্ষিণং পাণিমুদ্ধরেৎ॥ 12-191-20 (72572)
সায়ং প্রাতশ্চ বিপ্রাণাং পূজনং চ যথাবিধি।
পণ্যানাং শোভতে পণ্যং কৃষীণামৃদ্ধ্যতাং কৃষিঃ।
বহুকারং চ সস্যানাং বাহ্যে বাহো গবাং তথা॥ 12-191-21 (72573)
সংপন্নং ভোজনে নিত্যং পানীয়ে তর্পণং তথা।
সুশৃতং পায়সে ব্রূয়াদ্যবাগ্বাং কৃসরে তথা॥ 12-191-22 (72574)
শ্মশ্রুকর্মণি সংপ্রাপ্তে ক্ষুতে স্নানেঽথ ভোজনে।
ব্যাধিতানাং চ সর্বেষামায়ুষ্মমভিনন্দনম্॥ 12-191-23 (72575)
প্রত্যাদিত্যং ন মেহেত ন পশ্যেদাত্মনঃ শকৃৎ।
সুতৈঃ স্ত্রিয়া চ শয়নং সহ ভোজ্যং চ বর্জয়েৎ॥ 12-191-24 (72576)
ৎবংকারং নামধেয়ং চ জ্যেষ্ঠানাং পরিবর্জয়েৎ।
অবরাণাং সমানানামুভয়ং নৈব দুষ্যতি॥ 12-191-25 (72577)
হৃদয়ং পাপবৃত্তানাং পাপমাখ্যাতি বৈকৃতম্।
জ্ঞানপূর্বং বিনশ্যন্তি গূহমানা মহাজনে॥ 12-191-26 (72578)
জ্ঞানপূর্বকৃতং পাপং ছাদয়ন্ত্যবহুশ্রুতাঃ।
নৈনং মনুষ্যাঃ পশ্যন্তি পশ্যন্ত্যেব দিবৌকসঃ॥ 12-191-27 (72579)
পাপেনাপিহিতং পাপং পাপমেবানুবর্ততে।
ধর্মেণাপিহিতো ধর্মো ধর্মমেবানুবর্ততে।
ধার্মিকেণ কৃতো ধর্মো ধর্মমেবানুবর্ততে॥ 12-191-28 (72580)
পাপং কৃতং ন স্মরতীহ মূঢো
বিবর্তমানস্য তদেতি কর্তুঃ।
রাহুর্যথা চন্দ্রমুপৈতি চাপি
তথাঽবুধং পাপমুপৈতি কর্ম॥ 12-191-29 (72581)
আশয়া সংচিতং দ্রব্যং দুঃখেনৈবোপভুজ্যতে।
তদ্বুধা ন প্রশংসন্তি মরণং ন প্রতীক্ষতে॥ 12-191-30 (72582)
মানসং সর্বভূতানাং ধর্মমাহুর্মনীষিণঃ।
তস্মাৎসর্বেষু ভূতেষু মনসা শিবমাচরেৎ॥ 12-191-31 (72583)
এক এব চরেদ্ধর্মং নাস্তি ধর্মে সহায়তা।
কেবলং বিধিমাসাদ্য সহায়ঃ কিং করিষ্যতি॥ 12-191-32 (72584)
ধর্মো যোনির্মনুষ্যাণাং দেবানামমৃতং দিবি।
প্রেত্যভাবে সুখং ধর্মাচ্ন্ছশ্বত্তৈরুপভুজ্যতে॥ ॥ 12-191-33 (72585)
ইতি শ্রীমন্মহাভারতে শান্তিপর্বণি মোক্ষধর্মপর্বণি একনবত্যধিকশততমোঽধ্যায়ঃ॥ 191॥
Mahabharata - Shanti Parva - Chapter Footnotes
12-191-2 আচারো লক্ষণং জ্ঞাপকং যেষাম্॥ 12-191-4 শৌচং কৃৎবা উপস্পৃশ্য আচম্য নদীং তরেদবগাহেৎ। ততস্তর্পণমিতি সংবন্ধঃ॥ 12-191-5 জপেৎসাবিত্রীম্। সন্ধ্যামুপলক্ষ্য তিষ্ঠন্নুপতিষ্ঠেত॥ 12-191-6 পাদৌ পাণী সুখং চেতি পঞ্চ আর্দ্রাণি যস্য। ভোজনমন্নম্॥ 12-191-8 শুচিংদেশমনড্বাহং ইতি ধার্মিকং চৈত্যং ইতি চ ঝ. পাঠঃ॥ 12-191-9 সামান্যং সাধারণম্। পাকভেদং ন কুর্যাদিত্যর্থঃ॥ 12-191-10 তথা কুর্বন্ যথাকালভোজী উপবাসফলং লভেতেত্যর্থঃ॥ 12-191-12 ব্রাহ্মণভুক্তাবশিষ্টং মাতুর্হৃদয়মিব হিতকরং কৃতং ধাত্রা তদ্যে উপাসতে তে সত্যং ব্রহ্ম সমাসতে আসাদয়ন্তি॥ 12-191-13 সংকসুকঃ কামলোভাদিবশঃ॥ 12-191-14 বৃথামাংসমসংস্কৃতমাংসম্॥ 12-191-17 ধর্ম্যং ঋতুকালিকম্। গুহ্যে রহসি॥ 12-191-18 হৃদয়ং রহস্যম্। তীর্থং গুরুঃ। শুচিরগ্নিঃ। আর্যকৃতং শিষ্টাচরিতম্। বালং গোপুচ্ছম্। সর্বমার্যকৃতং চৌক্ষ্যমিতি ঝ. পাঠঃ॥ 12-191-19 প্রদিষ্টং কর্তব্যৎবেনোপদিষ্টম্॥ 12-191-20 দক্ষিণং পাণিমুদ্ধরেৎ যজ্ঞোপবীতী ভবেৎ॥ 12-191-21 বিপ্রাণাং পূজনমেবোত্তমং পণ্যমুত্তমা কৃষিশ্চ তদ্বৎ দৃষ্টফলমিত্যর্থঃ। সস্যানাং ধান্যানাং বহুকারং বহুলীকরণং চ তদেব গবামিন্দ্রিয়াণাং বাহ্যে প্রাপ্যে। বাহপ্রাপণম্। দিব্যস্ত্র্যন্নপানাদীষ্টপ্রাপ্তিরপি বিপ্রাণাং পূজনমেব পণ্যাদিবদেষ্টব্যমিত্যর্থঃ॥ 12-191-22 পূজনপ্রকারমাহ সংপন্নমিতি। ভোজনে দীয়মানে সংপন্নমিতি ব্রূয়াদ্দাতা। সুসংপন্নমিতি প্রতিগ্রহীতা। এবমুত্তরত্র॥ 12-191-23 সংপ্রাপ্তে কৃতে সতি। বিপ্রাণামভিনন্দনং বন্দনাদিনা সংতোষণং কার্যমিতি শেষঃ॥ 12-191-24 প্রত্যাদিত্যমাদিত্যাভিমুখো ন মেহেত ন মূত্রমুৎসৃজেৎ। শকৃৎপুরীষম্। পু্তরৈস্ত্রিয়া চ সুহৃদা সহ ভুক্তং চ বর্জয়েৎ ইতি ট. পাঠঃ॥ 12-191-26 বৈকৃতং নেত্রাদিবিকারঃ। পাপং হৃদয়মাখ্যাতি গূহমানাঃ পাপম্॥ 12-191-28 পাপং পাপিম্। পাপং প্রকাশনীয়ং ধর্মস্তু গোপনীয় ইত্যর্থঃ॥ 12-191-30 মরণং কর্তৃ॥ 12-191-31 মানসং মনোনির্বর্ত্যম্॥শান্তিপর্ব - অধ্যায় 192
॥ শ্রীঃ ॥
12.192. অধ্যায়ঃ 192
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রত্যধ্যাত্মনিরূপণম্॥ 1॥Mahabharata - Shanti Parva - Chapter Text
12-192-0 (72586)
যুধিষ্ঠির উবাচ। 12-192-0x (5963)
অধ্যাত্মং নাম যদিদং পুরুষস্যেহ চিন্ত্যতে।
যদধ্যাত্মং যথা চৈতত্তন্মে ব্রূহি পিতামহ॥ 12-192-1 (72587)
কুতঃ সৃষ্টমিদং সর্বং ব্রহ্মন্স্থাবরজঙ্গমম্।
প্রলয়ে চ কমভ্যেতি তন্মে বক্তুমিহার্হসি॥ 12-192-2 (72588)
ভীষ্ম উবাচ। 12-192-3x (5964)
অধ্যাত্মমিতি মাং পার্থ যদেতদনুপৃচ্ছসি।
তদ্ব্যাখ্যাস্যামি তে তাত শ্রেয়স্করতমং শুভম্॥ 12-192-3 (72589)
[সৃষ্টিপ্রলয়সংয়ুক্তমাচার্যৈঃ পরিদর্শিতম্।]
যজ্জ্ঞাৎবা পুরুষো লেকে প্রীতিং সৌখ্যং চ বিন্দতি।
ফললাভশ্চ তস্য স্যাৎসর্বভূতহিতং চ তৎ॥ 12-192-4 (72590)
`আত্মানমমলং রাজন্নাবৃত্যৈবং ব্যবস্থিতম্।
তস্মিন্প্রকাশতে নিত্যং তমঃ সোমো যথৈব তৎ॥ 12-192-5 (72591)
তদ্বিদ্বান্নষ্টয়াপ্মৈষ ব্রহ্মভূয়ায় কল্পতে।
অণ্ডাবরণভূতানাং পর্যন্তং হি যথা তমঃ॥' 12-192-6 (72592)
পৃথিবী বায়ুরাকাশমাপো জ্যোতিশ্চ পঞ্চমম্।
মহাভূতানি ভূতানাং সর্বেষাং প্রভবাপ্যযৌ॥ 12-192-7 (72593)
যতঃ সৃষ্টানি তত্রৈব তানি যান্তি পুনঃপুনঃ।
মহাভূতানি ভূতেভ্যঃ সাগরস্যোর্ময়ো যথা॥ 12-192-8 (72594)
প্রসার্য চ যথাঙ্গানি কূর্মঃ সংহরতে পুনঃ।
তদ্বদ্ভূতানি ভূতাত্মা সৃষ্ট্বা সংহরতে পুনঃ॥ 12-192-9 (72595)
`স তেষাং গুণসংঘাতঃ শরীরে ভরতর্ষভ।
সততং প্রবিলীয়ন্তে গুণাস্তে প্রভবন্তি চ॥ 12-192-10 (72596)
যদ্বিনা নৈব শৃণুতে ন পশ্যতি ন দীপ্যতে।
যদধীনং যতস্তস্মাদধ্যাত্মমিতি কথ্যতে॥ 12-192-11 (72597)
জ্ঞানং তদেকরূপাখ্যং নানাপ্রজ্ঞান্বিতং তদা।
ন তেবাচাঽনুরূপং স্যাদ্যযা রাসবিবর্জিতম্॥ 12-192-12 (72598)
আকাশাৎখলু যাজ্যেষু ভবন্তি সুমহাগুণাঃ।
ইতি তন্ময়মেবৈতৎসর্বং স্থাবরজঙ্গমম্। 12-192-13 (72599)
প্রলয়ে চ তমভ্যেতি তস্মাদুৎসৃজ্যতে পুনঃ।
মহাভূতেষু ভূতাত্মা সৃষ্ট্বা সংহরতে পুনঃ॥' 12-192-14 (72600)
মহাভূতানি পঞ্চৈব সর্বভূতেষু ভূতকৃৎ।
অকরোত্তেষু বৈষম্য তত্তু জীবো ন পশ্যতি॥ 12-192-15 (72601)
শব্দঃ শ্রোত্রং তথা খানি ত্রয়মাকাশসংভবম্।
বায়োঃ স্পর্শস্তথা চেষ্টা ৎবক্চৈব ত্রিতয়ং স্মৃতম্॥ 12-192-16 (72602)
রূপং চক্ষুস্তথা পাকস্ত্রিবিধং তেজ উচ্যতে।
রসঃ ক্লেদশ্চ জিহ্বা চ ত্রয়ো জলগুণাঃ স্মৃতাঃ॥ 12-192-17 (72603)
ঘ্রেয়ং ঘ্রাণং শরীরং চ এতে ভূমিগুণাস্ত্রয়ঃ।
মহাভূতানি পঞ্চৈব ষষ্ঠং চ মন উচ্যতে॥ 12-192-18 (72604)
ইন্দ্রিয়াণি মনশ্চৈব বিজ্ঞানান্যস্য ভারত।
সপ্তমী বুদ্ধিরিত্যাহুঃ ক্ষেত্রজ্ঞঃ পুনরষ্টমঃ॥ 12-192-19 (72605)
চক্ষুরালোচনায়ৈব সংশয়ং কুরুতে মনঃ।
বুদ্ধিরধ্যবসানায় ক্ষেত্রজ্ঞঃ সাক্ষিবৎস্থিতঃ॥ 12-192-20 (72606)
`চিচ্ছক্ত্যাধিষ্ঠিতা বুদ্ধিশ্চেতনেত্যভিবিশ্রুতা।
চেতনানন্তরো জীবস্তদা বেত্তি চ লক্ষ্যতে॥ 12-192-21 (72607)
নোৎসৃজন্বিসৃজংশ্চৈব শরীরং দৃশ্যতে তমঃ।
তস্মিংশ্চেতোপলব্ধিঃ স্যাত্তমো বা সারয়ন্ত্যুত॥ 12-192-22 (72608)
ঊর্ধ্বং পাদতলাভ্যাং যদর্বাক্চোর্ধ্বং চ পশ্যতি।
এতেন সর্বমেবেদং বিদ্ধ্যভিব্যাপ্তমন্তরম্॥ 12-192-23 (72609)
পুরুষৈরিন্দ্রিয়াণীহ বিজেতব্যানি কৃৎস্নশঃ।
তমো রজশ্চ সৎবং চ তেঽপি ভাবাস্তদাশ্রিতাঃ॥ 12-192-24 (72610)
এতাং বুদ্ধ্বা নরো বুদ্ধ্যা ভূতানামাগতিং গতিম্।
সমবেক্ষ্য শনৈশ্চৈব লভতে শমমুত্তমম্॥ 12-192-25 (72611)
গুণৈর্নেনীয়তে বুদ্ধির্বুদ্ধিরেবেন্দ্রিয়াণ্যপি।
মনঃষষ্ঠানি সর্বাণি বুদ্ধ্যভাবে কুতো গুণাঃ॥ 12-192-26 (72612)
ইতি তন্ময়মেবৈতৎসর্বং স্থাবরজঙ্গমম্।
প্রলীয়তে চোদ্ভবতি তস্মান্নির্দিশ্যতে তথা॥ 12-192-27 (72613)
যেন পশ্যতি তচ্চক্ষুঃ শৃণোতি শ্রোত্রমুচ্যতে।
জিঘ্রতি ঘ্রাণমিত্যাহূ রসং জানাতি জিহ্বয়া॥ 12-192-28 (72614)
ৎবচা স্পর্শয়তে স্পর্শং বুদ্ধির্বিক্রিয়তেঽসকৃৎ।
যেন সংকল্পয়ত্যর্থং কিংচিদ্ভবতি তন্মনঃ॥ 12-192-29 (72615)
অধিষ্ঠানানি বুদ্ধের্হি পৃথগর্থানি পঞ্চধা।
পঞ্চেন্দ্রিয়াণি যান্যাহুস্তান্যদৃশ্যোঽধিতিষ্ঠতি॥ 12-192-30 (72616)
পুরুষাধিষ্ঠিতা বুদ্ধিস্ত্রিষু ভাবেষু বর্ততে।
কদাচিল্লভতে প্রীতিং কদাচিদনুশোচতি॥ 12-192-31 (72617)
ন সুখেন ন দুঃখেন কদাচিদপি বর্ততে।
এবং নরাণাং মনসি ত্রিষু ভাবেষ্ববস্থিতা॥ 12-192-32 (72618)
সেয়ং ভাবাত্মিকা ভাবাংস্ত্রীনেতানতিবর্ততে।
সরিতাং সাগরো ভর্তা মহাবেলামিবোর্মিমান্॥ 12-192-33 (72619)
অবিভাগগতা বুদ্ধির্ভাবে মনসি বর্ততে।
প্রবর্তমানং তু রজস্তদ্ভাবমনুবর্ততে॥ 12-192-34 (72620)
ইন্দ্রিয়াণি হি সর্বাণি প্রবর্তয়তি সা তদা।
ততঃ সৎবং তমো ভাবঃ প্রাতিয়োগাৎপ্রবর্ততে॥ 12-192-35 (72621)
প্রীতিঃ সৎবং রজঃ শোকস্তমো মোহস্তু তে ত্রয়ঃ।
যেয়ে চ ভাবা লোকেঽস্মিন্সর্বেষ্বেতেষু বৈ ত্রিষু॥ 12-192-36 (72622)
ইতি বুদ্ধিগতিঃ সর্বা ব্যাখ্যাতা তব ভারত।
ইন্দ্রিয়াণি চ সর্বাণি বিজেতব্যানি ধীমতা॥ 12-192-37 (72623)
সৎবং রজস্তমশ্চৈব প্রাণিনাং সংশ্রিতাঃ সদা।
ত্রিবিধা বেদনা চৈব সর্বসৎবেষু দৃশ্যতে॥ 12-192-38 (72624)
সাৎবিকী রাজসী চৈব তামসী চেতি ভারত।
সুখস্পর্শঃ সত্ৎবগুণো দুঃখস্পর্শো রজোগুণঃ।
তমোগুণেন সংয়ুক্তৌ ভবতো ব্যাবহারিকৌ॥ 12-192-39 (72625)
তত্র যৎপ্রীতিসংয়ুক্তং কায়ে মনসি বা ভবেৎ।
বর্ততে সাৎবিকো ভাব ইত্যুপেক্ষেত তত্তথা॥ 12-192-40 (72626)
অথ যদ্দুঃখসংয়ুক্তমপ্রীতিকরমাত্মনঃ।
প্রবৃত্তং রজ ইত্যেব তন্ন সংরভ্য চিন্তয়েৎ॥ 12-192-41 (72627)
অথ যন্মোহসংয়ুক্তমব্যক্তবিষয়ং ভবেৎ।
অপ্রতর্ক্যমবিজ্ঞেয়ং তমস্তদুপধারয়েৎ। 12-192-42 (72628)
প্রহর্ষঃ প্রীতিরানন্দঃ সুখং সংশান্তচিত্ততা।
কথংচিদভিবর্তন্ত ইত্যেতে সাৎবিকা গুণা॥ 12-192-43 (72629)
অতুষ্টিঃ পরিতাপশ্চ শোকো লোভস্তথাঽক্ষমা।
লিঙ্গানি রজসস্তানি দৃশ্যন্তে হেৎবহেতুভিঃ॥ 12-192-44 (72630)
অভিমানস্তথা মোহঃ প্রমাদঃ স্বপ্নতন্দ্রিতা।
কথংচিদভিবর্তন্তে বিবিধাস্তামসা গুণাঃ॥ 12-192-45 (72631)
দূরগং বহুধাগামি প্রার্থনাসংশয়াত্মকম্।
মনঃ সুনিয়তং যস্য স সুখী প্রেত্য চেহ চ॥ 12-192-46 (72632)
সৎবক্ষেত্রজ্ঞয়োরেতদন্তরং পশ্য সূক্ষ্ময়োঃ।
সৃজতে তু গুণানেক একো ন সৃজতে গুণান্॥ 12-192-47 (72633)
মশকোদুম্বরৌ বাঽপি সংপ্রয়ুক্তৌ যথা সদা।
অন্যোন্যমেতৌ স্যাতাং চ সংপ্রয়োগস্তথা তয়োঃ॥ 12-192-48 (72634)
পৃথগ্ভূতৌ প্রকৃত্যা তৌ সংপ্রয়ুক্তৌ চ সর্বদা।
যথা মৎস্যো জলং চৈব সংপ্রয়ুক্তৌ তথৈব তৌ॥ 12-192-49 (72635)
ন গুণা বিদুরাত্মানং স গুণান্বেতি সর্বশঃ।
পরিদ্রষ্টা গুণানাং স সংসৃষ্টান্মন্যতে তথা॥ 12-192-50 (72636)
ইন্দ্রিয়ৈস্তু প্রদীপার্থং কুরুতে বুদ্ধিসপ্তমৈঃ।
নির্বিচেষ্টৈরজানদ্ভিঃ পরমাত্মা প্রদীপবৎ॥ 12-192-51 (72637)
সৃজতে হি গুণান্সৎবং ক্ষেত্রজ্ঞঃ পরিপশ্যতি।
সংপ্রয়োগস্তয়োরেষ সৎবক্ষেত্রজ্ঞয়োর্ধ্রুবঃ॥ 12-192-52 (72638)
আশ্রয়ো নাস্তি সৎবস্য ক্ষেত্রজ্ঞস্য চ কশ্চন।
সৎবং মনঃ সংসৃজতে ন গুণান্বৈ কদাচন॥ 12-192-53 (72639)
রশ্মীস্তেষাং স মনসা যদা সম্যঙ্গিয়চ্ছতি।
তদা প্রকাশতেঽস্যাত্মা ঘটে দীপো জ্বলন্নিব॥ 12-192-54 (72640)
ত্যক্ৎবা যঃ প্রাকৃতং কর্ম নিত্যমাত্মরতির্মুনিঃ।
সর্বভূতাত্মভূস্তস্মাৎস গচ্ছেদুত্তমাং গতিম্॥ 12-192-55 (72641)
যথা বারিচরঃ পক্ষী সলিলেন ন লিপ্যতে।
এবমেব কৃতপ্রজ্ঞো ভূতেষু পরিবর্ততে॥ 12-192-56 (72642)
এবং স্বভাবমেবৈতৎস্ববুদ্ধ্যা বিহরেন্নরঃ।
অশোচন্নপ্রহৃষ্যংশ্চ চরেদ্বিগতমৎসরঃ॥ 12-192-57 (72643)
স্বভাবসিদ্ধ্যা যুক্তস্তু স নিত্যং সৃজত গুণান্।
ঊর্ণনাভির্যথা সূত্রং বিজ্ঞেয়াস্তন্তুবদ্গুণাঃ॥ 12-192-58 (72644)
প্রধ্বস্তা ন নিবর্ন্ততে নিবৃত্তির্নোপলভ্যতে।
প্রত্যক্ষেণ পরোক্ষং তদনুমানেন সিধ্যতি॥ 12-192-59 (72645)
এবমেকেঽধ্যবস্যন্তি নিবৃত্তিরিতি চাপরে।
উভয়ং সংপ্রধার্যৈতদ্ব্যবস্যেত যথামতি॥ 12-192-60 (72646)
ইতীমং হৃদয়গ্রত্থিং বুদ্ধিভেদময়ং দৃঢম্।
বিমুচ্য সুখমাসীত ন শোচেচ্ছিন্নসংশয়ঃ॥ 12-192-61 (72647)
মলিনাঃ প্রাপ্নুয়ুঃ শুদ্ধিং যথা পূর্ণাং নদীং নরাঃ।
অবগাহ্য সুবিদ্বাংসো বিদ্ধি জ্ঞানমিদং তথা॥ 12-192-62 (72648)
মহানদ্যা হি পারজ্ঞস্তপ্যতে ন তদন্যথা।
ন তু তপ্যতি তত্ৎবজ্ঞঃ ফলে জ্ঞাতে তরত্যুত॥ 12-192-63 (72649)
এবং যে বিদুরাধ্যাত্মং কেবলং জ্ঞানমুত্তমম্॥ 12-192-64 (72650)
এতাং বুদ্ধা নরঃ সর্বাং ভূতানামাগতিং গতিম্।
অবেক্ষ্য চ শনৈর্বুদ্ধ্যা লভতে শমমুত্তমম্॥ 12-192-65 (72651)
ত্রিবর্গো যস্য বিদিতঃ প্রেক্ষ্য তং স বিমুচ্যতে।
অন্বীক্ষ্য মনসা যুক্তস্তত্ৎবদর্শী নিরুৎসুকঃ॥ 12-192-66 (72652)
ন চাত্মা শক্যতে দ্রষ্টুমিন্দ্রিয়েষু বিভাগশঃ।
তত্রতত্র বিসৃষ্টেষু দুর্বার্যেষ্বকৃতাত্মভিঃ॥ 12-192-67 (72653)
এতদ্বুদ্ধা ভবেদ্বুদ্ধঃ কিমন্যদ্বুদ্ধিলক্ষণম্।
প্রতিগৃহ্য চ নিহ্নোতি হ্যন্যথা চ প্রদৃশ্যতে॥ 12-192-68 (72654)
ন সর্পতি চ যং প্রাহুঃ সর্বত্র প্রতিহন্যতে।
ধূমেন চাপ্রসন্নোঽগ্নির্যথাঽর্কং ন প্রবর্তয়েৎ॥ 12-192-69 (72655)
ধিষ্ণ্যাধিপে প্রসন্নে তু স্থিতিমেতাং নিরীক্ষতে।
অতিক্ষূরাচ্চ সূক্ষ্মৎবাৎপ্রস্থানং ন প্রকাশতে॥ 12-192-70 (72656)
প্রপদ্য তচ্ছ্রুতাহ্নানি চিন্ময়ং স্বীকৃতং বিনা।
বিজ্ঞায় তদ্ধি মন্যন্তে কৃতকৃত্যা মনীষিণঃ॥ 12-192-71 (72657)
ন ভবতি বিদুষাং ততো ভয়ং
যদবিদুষাং সুমহদ্ভয়ং ভবেৎ।
ন হি গতিরধিকাস্তি কস্যচি
ৎসতি হি গুণে প্রবদন্ত্যতুল্যতাম্॥ 12-192-72 (72658)
যঃ করোত্যনভিসন্ধিপূর্বকং
তচ্চ নির্ণুদতি যৎপুরা কৃতম্।
নাপ্রিয়ং তদুভয়ং কুতঃ প্রিয়ং
তস্য তজ্জনয়তীহ সর্বতঃ॥ 12-192-73 (72659)
লোকমাতুরমসূয়তে জন
স্তস্য তজ্জনয়তীহ সর্বতঃ।
লোক আতুরজনান্বিরাবিণ
স্তত্তদেব বহু পশ্য শোচতঃ।
তত্র পশ্য কুশলানশোচতো 12-192-74 (72660)
12-192-74f"
যে বিদুস্তদুভয়ং পদং সতাম্॥ ॥
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বিনবত্যধিকশততমোঽধ্যায়ঃ॥ 192॥
Mahabharata - Shanti Parva - Chapter Footnotes
12-192-47 ক্ষেত্রক্ষেত্রজ্ঞয়োরেতদিতি ধ. পাঠঃ॥ 12-192-61 বুদ্ধিমোহময়ং দৃঢমিতি থ. ধ. পাঠঃ॥ 12-192-63 পারজ্ঞস্তপ্যতে ন চরন্যথেতি ধ. পাঠঃ। পারজ্ঞাস্তরন্তে ন তদন্যথেতি ট.থ. পাঠঃ॥শান্তিপর্ব - অধ্যায় 193
॥ শ্রীঃ ॥
12.193. অধ্যায়ঃ 193
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ধ্যানয়োগকথনম্॥ 1॥Mahabharata - Shanti Parva - Chapter Text
12-193-0 (72661)
ভীষ্ম উবাচ। 12-193-0x (5965)
হন্ত বক্ষ্যামি তে পার্থ ধ্যানয়োগং চতুর্বিধম্।
যং জ্ঞাৎবা শাশ্বতীং সিদ্ধিং গচ্ছন্তীহ মহর্ষয়ঃ॥ 12-193-1 (72662)
যথা স্বনুষ্ঠিতং ধ্যানং তথা কুর্বন্তি যোগিনঃ।
মহর্ষয়ো জ্ঞানতৃপ্তা নির্বাণগতমানসাঃ॥ 12-193-2 (72663)
নাবর্তন্তে পুনঃ পার্থ মুক্তাঃ সংসারদোষতঃ।
অন্মদোষপরিক্ষীণাঃ স্বভাবে পর্যুপস্থিতাঃ॥ 12-193-3 (72664)
নির্দ্বন্দ্বা নিত্যসৎবস্থা বিমুক্তিং নিত্যমশ্রিতাঃ।
অসঙ্গীন্যবিবাদীনি মনঃ শান্তিকরাণি চ॥ 12-193-4 (72665)
তত্র ধ্যানেন সংশ্লিষ্টমেকাগ্রে ধারয়েন্মনঃ।
তত্র চ ধ্যানসংরোধাদথ জ্ঞানী ভবত্যুত॥ 12-193-5 (72666)
চতুর্বিধেষু ভাবেষু যোঽর্থসক্তঃ সদৈব হি।
তজ্জ্ঞাৎবা বাস্তবং তেষামর্থেষু পরিবর্ততে।
পিণ্ডীকৃত্যেন্দ্রিয়গ্রামমাসীনঃ কাষ্ঠবন্মুনিঃ॥ 12-193-6 (72667)
শব্দং ন বিন্দেচ্ছ্রোত্রেণ ৎবচা স্পর্শং ন বেদয়েৎ।
রূপং ন চক্ষুষা বিদ্যাজ্জিহ্বয়া ন রসাংস্তথা॥ 12-193-7 (72668)
ঘ্রেয়াণ্যপি চ সর্বাণি জহ্যাদ্রাণেন যোগবিৎ।
পঞ্চবর্গপ্রমাথীনি নেচ্ছেচ্চৈতানি বীর্যবান্॥ 12-193-8 (72669)
ততো মনসি সংসৃজ্য পঞ্চবর্গ বিচক্ষণঃ।
সমাদধ্যান্মনো ভ্রান্তমিন্দ্রিয়ৈঃ সহ পঞ্চমিঃ॥ 12-193-9 (72670)
বিসংচারি নিরালম্বং পঞ্চদ্বারং চলাচলম্।
পূর্বং ধ্যানপদে ধীরঃ সমাদধ্যান্মনো নরঃ॥ 12-193-10 (72671)
ইন্দ্রিয়াণি মনশ্চৈব যদা পিণ্ডীকরোত্যযম্।
এব ধ্যানপথঃ পূর্বো ময়া সমনুবর্ণিতঃ॥ 12-193-11 (72672)
তস্য তৎপূর্বসংরুদ্ধমাৎসষষ্ঠং মনোঽন্তরা।
স্ফুরিষ্যতি সমুদ্ধান্তং বিদ্যুদম্বুধরে যথা॥ 12-193-12 (72673)
জলবিন্দুর্যথা লোলঃ পর্ণস্থঃ সর্বতশ্চলঃ।
এবমেবাস্য তচ্চিত্তং ভ্রমতি ধ্যানবর্ত্মনি॥ 12-193-13 (72674)
সমাহিতং ক্ষণং কিংচিদ্ধ্যানবর্ত্মনি তিষ্ঠতি।
পুনর্বায়ুপথং প্রাপ্তং মনো ভবতি বায়ুবৎ॥ 12-193-14 (72675)
অনির্বেদো গতক্লেশো গততন্দ্রীরমৎসরঃ।
সমাদধ্যাৎপুনশ্চেতো ধ্যানেন ধ্যানয়োগবিৎ॥ 12-193-15 (72676)
বিচারশ্চ বিবেকশ্চ বিতর্কশ্চোপজায়তে।
মুনেঃ সমাদধানস্য প্রথমং ধ্যানমাদিতঃ॥ 12-193-16 (72677)
মনসা ক্লিশ্যমানস্তু সমাধানং চ কারয়েৎ।
ন নির্বেদং মুনির্গচ্ছেৎকুর্যাদেবাত্মনো হিতম্॥ 12-193-17 (72678)
পাংসুভস্মকরীষাণাং যথা বৈ রাশয়শ্চিতাঃ।
সহসা বারিণা সিক্তা ন যান্তি পরিভাবনম্॥ 12-193-18 (72679)
কিংচিৎস্নিগ্ধং যথা চ স্যাচ্ছুষ্কচূর্ণমভাবিতম্।
ক্রমশস্তু শনৈর্গচ্ছেৎসর্বং তৎপরিভাবনম্॥ 12-193-19 (72680)
এবমেবেন্দ্রিয়গ্রামং শনৈঃ সংপরিভাবয়েৎ।
সংহরেৎক্রমশশ্চৈনং স সম্যক্প্রশমিষ্যতি॥ 12-193-20 (72681)
স্বয়মেব মনশ্চৈবং পঞ্চবর্গং চ ভারত।
পূর্বং ধ্যানপথে স্থাপ্য নিত্যযোগেন শাম্যতি॥ 12-193-21 (72682)
ন তৎপুরুষকারেণ ন চ দৈবেন কেনচিৎ।
সুখমেষ্যতি তত্তস্য ন ভবন্তি বিপত্তয়ঃ॥ 12-193-22 (72683)
সুখেন তেন সংয়ুক্তো রস্যতে ধ্যানকর্মণি।
গচ্ছন্তি যোগিনো হ্যেবং নির্বাণং তন্নিরাময়ম্॥ ॥ 12-193-23 (72684)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিনবত্যধিকশততমোঽধ্যায়ঃ॥ 193॥
Mahabharata - Shanti Parva - Chapter Footnotes
12-193-3 স্বগাবে পর্যবস্থিতা ইতি ঝ. ধ. পাঠঃ॥ 12-193-10 ধ্যানপথে ইতি ড. পাঠঃ॥ 12-193-14 ভ্রনতি জ্ঞানবর্ত্মনীতি ট. ড. পাঠঃ॥শান্তিপর্ব - অধ্যায় 194
॥ শ্রীঃ ॥
12.194. অধ্যায়ঃ 194
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জপফলপ্রকারাদিকথনম্॥ 1॥Mahabharata - Shanti Parva - Chapter Text
12-194-0 (72685)
যুধিষ্ঠির উবাচ। 12-194-0x (5966)
চাতুরাত্রস্যনুক্তং তে রাজধর্মাস্তথৈব চ।
নানাশ্রয়াশ্চ ভগবন্নিতিহাসাঃ পৃথগ্বিধাঃ॥ 12-194-1 (72686)
ধুতাস্ৎবত্তঃ কথাশ্চৈব ধর্ময়ুক্তা মহামতে।
সংদেহোঽস্তি তু কশ্চিন্মে তদ্ভবান্বক্তুমর্হতি॥ 12-194-2 (72687)
জাপকানাং ফলাবাপ্তিং শ্রোতুমিচ্ছামি ভারত।
কিং ফলং জপতামুক্তং ক্ব বা তিষ্ঠন্তি জাপকাঃ॥ 12-194-3 (72688)
জপস্য চ বিধিং কৃৎস্নং বক্তুমর্হসি সেঽনঘ।
জাপকা ইতি কিংচৈতৎসাঙ্খ্যযোগক্রিয়াবিধিঃ॥ 12-194-4 (72689)
কিং যজ্ঞবিধিরেবৈষ কিমেতজ্জপ্যমুচ্যতে।
এতন্মে সর্বমাচক্ষ্ব সর্বজ্ঞো হ্যসি মে মতঃ॥ 12-194-5 (72690)
ভীষ্ম উবাচ। 12-194-6x (5967)
অত্রাপ্যুদাহরন্তীমমিতিহাসং পুরাতনম্।
যমস্য যৎপুরা বৃত্তং কালস্য ব্রাহ্মণস্য চ॥ 12-194-6 (72691)
`ইক্ষ্বাকোশ্চৈব মৃত্যোশ্চ বিবাদে ধর্মকারণাৎ।'
সংন্যাস এব বেদান্তে বর্ততে জপনং প্রতি।
বেদবাদাঙ্গনির্বৃত্তাঃ শান্তা ব্রহ্মণ্যবস্থিতাঃ॥ 12-194-7 (72692)
সাঙ্খ্যযোগৌ তু যাবুক্তৌ মুনিভিঃ সমদর্শিভিঃ।
মার্গৌ তাবপ্যুভাবেতৌ সংশ্রিতৌ ন চ সংশ্রিতৌ॥ 12-194-8 (72693)
যথা সংশ্রূয়তে রাজন্কারণং চাত্র বক্ষ্যতে।
`ক্রমেণ চৈব বিহিতো জপয়জ্ঞবিধির্নৃপ॥ 12-194-9 (72694)
সালম্বনমিতি জ্ঞেয়ং জপয়জ্ঞাত্মকং শুভম্।'
মনঃ সমাধিরেবাত্র তথেন্দ্রিয়জয়ঃ স্মৃতঃ॥ 12-194-10 (72695)
সত্যমগ্নিপরীচারো বিবিক্তানাং চ সেবনম্।
ধ্যানং তপো দমঃ ক্ষান্তিরনসূয়া মিতাশনম্॥ 12-194-11 (72696)
বিষয়প্রতিসংহারো মিতজল্পস্তথা শমঃ।
এষ প্রর্বাকো ধর্মো নিবর্তকমথো শৃণু॥ 12-194-12 (72697)
যথা নিবর্ততে ধর্মো জপতো ব্রহ্মচারিণঃ।
`ন জপো ন চ বৈ ধ্যানং নেচ্ছা ন দ্বেষহর্ষণৌ।
যুজ্যতে নৃপশার্দূল সুসংবেদ্যং হি তৎকিল॥ 12-194-13 (72698)
জপমাবর্তয়ন্নিত্যং জপন্বৈ ব্রহ্মচারিকম্।
তদর্থবুদ্ধ্যা সংয়াতি মনসা জাপকঃ পরম্॥ 12-194-14 (72699)
যথা সংশ্রূয়তে জাপো যেন বৈ জাপকো ভবেৎ।
সংহিতাপ্রণবেনৈব সাবিত্রী চ পরা মতা॥ 12-194-15 (72700)
যদন্যদুচিতং শুদ্ধং বেদস্মৃত্যুপপাদিতম্।'
এতৎসর্বমশেষেণ যথোক্তং পরিবর্তয়েৎ॥ 12-194-16 (72701)
দ্বিবিদং মার্গমাসাদ্য ব্যক্তাব্যক্তমনাময়ম্।
কুশোচ্চয়নিষষ্ণঃ সন্কুশহস্তঃ কুশৈঃ শিখ।
কুশৈঃ পরিবৃতস্তস্মিন্মধ্যে ছন্নঃ কুশৈস্তথা॥ 12-194-17 (72702)
বিষয়েভ্যো নমস্কুর্যাদ্বিষয়ান্ন চ ভাবয়েৎ।
সাম্যমুৎপাদ্য মনসা মনস্যেব মনো দধৎ॥ 12-194-18 (72703)
তদ্ধিয়া ধ্যায়তি ব্রহ্ম জপন্বৈ সংহিতাং হিতাম্।
সংন্যস্যত্যথবা তাং বৈ সমাধৌ পর্যবস্থিতঃ॥ 12-194-19 (72704)
ধ্যানমুৎপাদয়ত্যত্র সংহিতাবলসংশ্রয়াৎ।
`অথাভিমতমন্ত্রেণ প্রণবাদ্যং জপেৎকৃতী॥ 12-194-20 (72705)
যস্মিন্নেবাভিপতিতং মনস্তত্র নিবেশয়েৎ।
সমাধৌ স হি মন্ত্রে তু সংহিতাং বা যথাবিধি।'
শুদ্ধাত্মা তপসা দান্তো নিবৃত্তদ্বেষকামবান্॥ 12-194-21 (72706)
অরাগমোহো নির্দ্বন্দ্বো ন শোচতি ন সজ্জতে।
ন কর্তা করণীয়ানাং নাকার্যাণামিতি স্থিতিঃ॥ 12-194-22 (72707)
ন চাহংকারয়োগেন মনঃ প্রস্থাফ্যেৎক্বচিৎ।
ন চার্থগ্রহণে যুক্তো নাবমানী ন চাক্রিয়ঃ॥ 12-194-23 (72708)
ধ্যানক্রিয়াপরো যুক্তো ধ্যানবান্ধ্যাননিশ্চয়ঃ।
ধ্যানে সমাধিমুৎপাদ্য তদপি ত্যজতি ক্রমাৎ॥ 12-194-24 (72709)
স বৈ তস্যামবস্থায়াং সর্বত্যাগকৃতঃ সুখী।
নিরিচ্ছস্ত্যজতি প্রাণান্ব্রাহ্মীং সংশ্রয়তে তনুম্॥ 12-194-25 (72710)
`নিরালম্বো ভবেৎস্মৃৎবা মরণায় সমাধিমান্।
সর্বাল্লোঁকান্সমাক্রম্য ক্রমাৎপ্রাপ্নোতি বৈ পরম্॥' 12-194-26 (72711)
অথবা নেচ্ছতে তত্র ব্রহ্মকায়নিষেবণম্।
উৎক্রামতি চ মার্গস্থো নৈব ক্বচন জায়তে॥ 12-194-27 (72712)
আত্মবুদ্ধিং সমাস্থায় শান্তীভূতো নিরাময়ঃ।
অমৃতং বিরজাঃ শুদ্ধমাত্মানং প্রতিপদ্যতে॥ ॥ 12-194-28 (72713)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুর্নবত্যধিকশততমোঽধ্যায়ঃ॥ 194॥
Mahabharata - Shanti Parva - Chapter Footnotes
12-194-2 ব্রহ্ময়ুক্তা মহামতে ইতি ড. থ. পাঠঃ॥ 12-194-7 শান্তির্ব্রহ্মণ্যবস্থিতা ইতি ট. ড. থ. পাঠঃ॥ 12-194-13 যথা নিবর্ততে কর্মেতি ঝ. ধ. পাঠঃ॥ 12-194-17 কুশহস্তঃ কুশস্থলীতি ট. ড. থ. পাঠঃ॥ 12-194-18 বিষয়েভ্যো মনো রুন্ধ্যাদিতি ট. পাঠঃ॥ 12-194-19 ব্রহ্ম চ ধ্যায়তে যোগী জপন্বৈ বেদসংহিতামিতি ড. থ. পাঠঃ॥শান্তিপর্ব - অধ্যায় 195
॥ শ্রীঃ ॥
12.195. অধ্যায়ঃ 195
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জাপকোপাখ্যানকথনম্॥ 1॥Mahabharata - Shanti Parva - Chapter Text
12-195-0 (72714)
যুধিষ্ঠির উবাচ। 12-195-0x (5968)
গতীনামুত্তমা প্রাপ্তিঃ কথিতা জাপকেষ্বিহ।
একৈবৈষা গতিস্তেষামুত যান্ত্যপরামপি॥ 12-195-1 (72715)
ভীষ্ম উবাচ। 12-195-2x (5969)
শৃণু বহিতো রাজঞ্জাপকানাং গতিং বিভো।
যথা গচ্ছন্তি নিরয়মনেকং পুরুষর্ষভ॥ 12-195-2 (72716)
যথোক্তমেতৎপূর্বং যো নানুতিষ্ঠতি জাপকঃ॥
একদেশক্রিয়শ্চাত্র নিরয়ং স নিগচ্ছতি॥ 12-195-3 (72717)
অবমানেন কুরুতে ন তুষ্যতি ন শোচতি।
ঈদৃশো জাপকো যাতি নিরয়ং নাত্র সংশয়ঃ॥ 12-195-4 (72718)
অহংকারকৃতশ্চৈব সর্বে নিরয়গ্রামিনঃ।
পরাবমানী পুরুষো ভবিতা নিরয়োপগঃ॥ 12-195-5 (72719)
অভিধ্যাপূর্বকং জপ্যং কুরুতে যশ্চ মোহিতঃ।
যত্রাস্য রাগঃ পততি তত্রতত্রোপপদ্যতে॥ 12-195-6 (72720)
অথৈশ্বর্যপ্রসক্তঃ সঞ্জাপকো যত্র রজ্যতে।
স এব নিরয়স্তস্য নাসৌ তস্মাৎপ্রমুচ্যতে॥ 12-195-7 (72721)
রাগেণ জাপকো জপ্যং কুরুতে যশ্চ মোহিতঃ।
যত্রাস্য রাগঃ পততি তত্র তত্রোপজায়তে॥ 12-195-8 (72722)
দুর্বুদ্ধিরকৃতপ্রজ্ঞশ্চলে মনসি তিষ্ঠতি।
ফলস্যাপচিতিং যাতি নিরয়ং চাধিগচ্ছতি॥ 12-195-9 (72723)
অকৃতব্রজ্ঞকো বালো মোহং গচ্ছতি জাপকঃ।
স মোহান্নিরয়ং যাতি যত্র গৎবাঽনুশোচতি॥ 12-195-10 (72724)
দৃঢগ্রাহী করোমীতি জাপ্যং জপতি জাপকঃ।
ন সংপূর্ণো ন বা যুক্তো নিরয়ং সোঽধিগচ্ছতি॥ 12-195-11 (72725)
অনিমিত্তং পরং যত্তদব্যক্তং ব্রহ্মণি স্থিতম্।
তদ্ভূতো জাপকঃ কস্মাৎসশরীরমিহাবিশেৎ॥ 12-195-12 (72726)
দুষ্প্রজ্ঞানেন নিরয়া বহবঃ সমুদাহৃতাঃ।
প্রশস্তং জাপকৎবং চ দোষাশ্চৈতে তদাত্মকাঃ॥ ॥ 12-195-13 (72727)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চনবত্যধিকশততমোঽধ্যায়ঃ॥ 195॥
Mahabharata - Shanti Parva - Chapter Footnotes
12-195-1 যতীনামিতি ধ. পাঠঃ॥ 12-195-2 এতৎসর্বং য ইতি ট. পাঠঃ॥ 12-195-3 অপূর্ণাঙ্গজপপর ইত্যর্থঃ॥ 12-195-4 অবমানেনাশ্রদ্ধয়া। জপে প্রীত্যাদিরহিতঃ॥ 12-195-5 অহংকারকৃতো দর্পবন্তঃ। পুরুষো জাপকঃ॥ 12-195-6 অভিধ্যাফলাভিসন্ধিঃ। যত্র ফলে রাগঃ প্রীতিস্তত্র তৎফলভোগনিমিত্তমুপপদ্যতে যোগ্যং দেহং প্রাপ্নোতি॥ 12-195-7 স এবতত্র রাগএব॥শান্তিপর্ব - অধ্যায় 196
॥ শ্রীঃ ॥
12.196. অধ্যায়ঃ 196
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জাপকোপাখ্যানম্॥ 1॥Mahabharata - Shanti Parva - Chapter Text
12-196-0 (72728)
যুধিষ্ঠির উবাচ। 12-196-0x (5970)
কীদৃশং নিরয়ং যাতি জাপকো বর্ণয়স্ব মে।
কৌতূহলং হি রাজন্মে তদ্ভবান্বক্তুমর্হতি॥ 12-196-1 (72729)
ভীষ্ম উবাচ। 12-196-2x (5971)
ধর্মস্যাংশপ্রসূতোঽসি ধর্মজ্ঞোঽসি স্বভাবতঃ।
ধর্মমূলাশ্রয়ং বাক্যং শৃণুষ্বাবহিতোঽনঘ॥ 12-196-2 (72730)
অমূনি যানি স্থানানি দেবানামমরাত্মনাম্।
নানাসংস্থানবর্ণানি নানারূপফলানি চ॥ 12-196-3 (72731)
দিব্যানি কামচারীণি বিমানানি সভাস্তথা।
আক্রীডা বিবিধা রাজন্পদ্মিন্যশ্চামলোদকাঃ॥ 12-196-4 (72732)
চতুর্ণাং লোকপালানাং শুক্রস্যাথ বৃহস্পতেঃ।
মরুতাং বিশ্বদেবানাং সাধ্যানামশ্বিনোরপি॥ 12-196-5 (72733)
রুদ্রাদিত্যবসূনাং চ তথাঽন্যেষাং দিবৌকসাম্।
এতে বৈ নিরয়াস্তাত স্থানস্য পরমাত্মনঃ॥ 12-196-6 (72734)
অভয়ং চানিমিত্তং চ ন চ ক্লেশভয়াবৃতম্।
দ্বাভ্যাং মুক্তং ত্রিভির্মুক্তমষ্টাভিস্ত্রিভিরেব চ॥ 12-196-7 (72735)
চতুর্লক্ষণবর্জং তু চতুষ্কারণবর্জিতম্।
অপ্রহর্ষমনানন্দমশোকং বিগতক্লমম্॥ 12-196-8 (72736)
কালঃ সংপচ্যতে তত্র কালস্তত্র ন বৈ প্রভুঃ।
স কালস্য প্রভূ রাজন্সর্বস্যাপি তথেশ্বরঃ॥ 12-196-9 (72737)
`এতদ্বৈ ব্রহ্মণঃ স্থানে জাপকস্য মহাত্মনঃ।
তত্রস্থং পরমাত্মানং ধ্যায়ন্বৈ সুসমাহিতঃ।
হিরণ্যগর্ভঃ সায়ুজ্যং প্রাপ্নুয়াদ্বা নৃপোত্তম॥' 12-196-10 (72738)
আত্মকেবলতাং প্রাপ্তস্তত্র গৎবা ন শোচতি।
ঈদৃশং পরমং স্থানং নিরয়াস্তে চ তাদৃশাঃ॥ 12-196-11 (72739)
এতে তে নিরয়াঃ প্রোক্তাঃ সর্ব এব যথাতথম্।
তস্য স্থানবরস্যেহ সর্বে নিরয়সংজ্ঞিতাঃ॥ ॥ 12-196-12 (72740)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষণ্ণবত্যধিকশততমোঽধ্যায়ঃ॥ 196॥
Mahabharata - Shanti Parva - Chapter Footnotes
12-196-2 ধর্মমূলং বেদঃ পরমাত্মা চ তাবাশ্রয়ৌ যস্য॥ 12-196-3 অমূনি বক্ষ্যমাণানি দেবানাং দিব্যদেহানাম্। সংস্থানান্যাকৃতয়ঃ। বর্ণাঃ শ্বেতপীতাদ্যাঃ। নানারূপাণ্যনেকবিধানি॥ 12-196-4 আক্রৌডাঃ উদ্যানানি॥ 12-196-7 অভয়ং নাশভয়শূন্যম্। অনিমিত্তং স্বভাবসিদ্ধম্। ত্রিভির্গুণৈঃ দ্বাভ্যাং যুক্তং ত্রিভির্যুক্তমিতি ট. পাঠঃ॥ 12-196-8 অপ্রতর্ক্যমনাদ্যনন্তমশোকমিতি ট.ড.থ. পাঠঃ॥ 12-196-9 কালং সংবহতে তত্রেতি ধ. পাঠঃ॥শান্তিপর্ব - অধ্যায় 197
॥ শ্রীঃ ॥
12.197. অধ্যায়ঃ 197
Mahabharata - Shanti Parva - Chapter Topics
জাপকোপাখ্যানে কালয়মধর্মবিপ্রেক্ষ্বাক্বাদীনাং সংবাদঃ॥Mahabharata - Shanti Parva - Chapter Text
12-197-0 (72741)
যুধিষ্ঠির উবাচ। 12-197-0x (5972)
কালমৃত্যুয়মানাং তে ইক্ষ্বাকোর্ব্রাহ্মণস্য চ।
বিবাদো ব্যাহৃতঃ পূর্বং তদ্ভবান্বক্তুমর্হতি॥ 12-197-1 (72742)
ভীষ্ম উবাচ। 12-197-2x (5973)
অত্রাপ্যুদাহরন্তীমমিতিহাসং পুরাতনম্।
ইক্ষ্বাকোঃ সূর্যপুত্রস্য যদ্বৃত্তং ব্রাহ্মণস্য চ॥ 12-197-2 (72743)
কালস্য মৃত্যোশ্চ তথা যদ্বৃত্তং তন্নিবোধ মে।
যথা স তেষাং সংবাদো যস্মিন্স্থানেঽপি চাভবৎ।
`যেনৈব কারণেনাত্র ধর্মবাদসমন্বিতঃ॥' 12-197-3 (72744)
ব্রাহ্মণো জাপকঃ কশ্চিদ্ধর্মবৃত্তো মহায়শাঃ।
ষডঙ্গবিন্মহাপ্রাজ্ঞঃ পৈপ্পলাদিঃ স কৌশিকঃ॥ 12-197-4 (72745)
তস্যাপরোক্ষং বিজ্ঞানং ষডঙ্গেষু বভূব হ।
বেদেষু চৈব নিষ্ণাতো হিমবৎপাদসংশ্রয়ঃ॥ 12-197-5 (72746)
সোয়ং ব্রাহ্মং পস্তেপে সংহিতাং সংয়তো জপন্।
তস্য বর্ষসহস্রং তু নিয়মেন তথা গতম্॥ 12-197-6 (72747)
স দেব্যা দর্শিতঃ সাক্ষাৎপ্রীতাস্মীতি তদা কিল।
জপ্যমাবর্তয়ংস্তূষ্ণীং ন স তাং কিংচিদব্রবীৎ॥ 12-197-7 (72748)
তস্যানুকম্পয়া দেবী প্রীতা সমভবত্তদা।
বেদমাতা ততস্তস্য তজ্জপ্যং সমপূজয়ৎ॥ 12-197-8 (72749)
`চতুর্ভিরক্ষরৈর্যুক্তা সোমপানেঽক্ষরাষ্টকা।
জগদ্বীজসমায়ুক্তা চনুর্বিশাক্ষরাত্মিকা॥' 12-197-9 (72750)
সমাপ্য জপ্যং তূত্থায় শিরসা পাদয়োস্তদা।
পপাত দেব্যা ধর্মাত্মা বচনং চেদমব্রবীৎ॥ 12-197-10 (72751)
দিষ্ট্যা দেবি প্রসন্না ৎবং দর্শনং চাগতা মম।
যদি চাপি প্রসন্নাসি জপ্যে মে রমতাং মনঃ॥ 12-197-11 (72752)
সাবিত্র্যুবাচ। 12-197-12x (5974)
কিং প্রার্থয়সি বিপ্রর্ষে কিং চেষ্টং করবাণি তে।
প্রব্রূহি জপতাং শ্রেষ্ঠ সর্বং তত্তে ভবিষ্যতি॥ 12-197-12 (72753)
ইত্যুক্তঃ স তদা দেব্যা বিপ্রঃ প্রোবাচ ধর্মবিৎ।
জপ্যং প্রতি মমেচ্ছেয়ং বর্ধৎবিতি পুনঃ পুনঃ॥ 12-197-13 (72754)
মনসশ্চ সমাধির্মে বর্ধেতাহরহঃ শুভে।
তত্তথেতি ততো দেবী মধুরং প্রত্যভাষত॥ 12-197-14 (72755)
ইদং চৈবাপরং প্রাহ দেবী তৎপ্রিয়কাম্যযা।
নিরয়ং নৈব যাতা ৎবং যত্র যাতা দ্বিজর্ষভাঃ॥ 12-197-15 (72756)
যাস্যসি ব্রহ্মণঃ স্থানমনিমিত্তমতন্দ্রিতঃ।
সাধু তে ভবিতা চৈতদ্যত্ৎবয়াঽহমিহার্থিতা॥ 12-197-16 (72757)
নিয়তো জপ চৈকাগ্রো ধর্মস্ৎবাং সমুপৈষ্যতি।
কালো মৃত্যুর্যমশ্চৈব সমায়াস্যন্তি তেঽন্তিকম্।
ভবিতা চ বিবাদোঽত্র তব তেষাং চ ধর্মতঃ॥ 12-197-17 (72758)
ভীষ্ম উবাচ। 12-197-18x (5975)
এবমুক্ৎবা ভগবতী জগাম ভবনং স্বকম্॥ 12-197-18 (72759)
ব্রাহ্মণোঽপি জপন্নাস্তে দিব্যং বর্ষশতং তথা।
সদা দান্তো জিতক্রোধঃ সত্যসন্ধোঽনসূয়কঃ॥ 12-197-19 (72760)
সমাপ্তে নিয়মে তস্মিন্নথ বিপ্রস্য ধীমতঃ।
সাক্ষাৎপ্রীতস্তদা ধর্মো দর্শয়ামাস তং দ্বিজম্॥ 12-197-20 (72761)
ধর্ম উবাচ। 12-197-21x (5976)
দ্বিজাতে পশ্য মাং ধর্মমহং ৎবাং দ্রষ্টুমাগতঃ।
জপ্যস্যাস্য ফলং যত্তৎপ্রংপ্রাপ্তং তচ্চ মে শৃণু॥ 12-197-21 (72762)
জিতা লোকাস্ৎবয়া সর্বে যে দিব্যা যে চ মানুষাঃ।
দেবানাং নিলয়ান্সাধো সর্বানুৎক্রম্য যাস্যসি॥ 12-197-22 (72763)
প্রাণত্যাগং কুরু মুনে গচ্ছ লোকান্যথেপ্সিতান্।
ত্যক্ৎবাঽঽত্মনঃ শরীরং চ ততো লোকানবাপ্স্যসি॥ 12-197-23 (72764)
ব্রাহ্মণ উবাচ। 12-197-24x (5977)
কৃতং লোকেন মে ধর্ম গচ্ছ ৎবং চ যথাসুখম্।
বহুদুঃখমহং দেহং নোৎসৃজেয়মহং বিভো॥ 12-197-24 (72765)
ধর্ম উবাচ। 12-197-25x (5978)
`অচলং তে মনঃ কৃৎবা ত্যজ দেহং মহামতে।
অনেন কিং তে সংয়োগঃ কথং মোহং গমিষ্যসি॥' 12-197-25 (72766)
অবশ্যং ভোঃ শরীরং তে ত্যক্তব্যং মুনিপুঙ্গব।
স্বর্গমারোহ ভো বিপ্র কিং বা বৈ রোচতেঽনঘ॥ 12-197-26 (72767)
ব্রাহ্মণ উবাচ। 12-197-27x (5979)
কিমুক্তং ধর্ম কিং নেতি কস্মান্মাং প্রোক্তবানসি।
ত্যজ দেহং দ্বিজেতি ৎবং সসংবুধ্যাত্র মে যদি॥ 12-197-27 (72768)
ন রোচয়ে স্বর্গবাসং বিনা দেহমহং বিভো।
গচ্ছ ধর্ম ন মে শ্রদ্ধা স্বর্গং গন্তুং বিনাঽঽত্মনা॥ 12-197-28 (72769)
ধর্ম উবাচ। 12-197-29x (5980)
অলং দেহে মনঃ কৃৎবা ত্যক্ৎবা দেহং সুখী ভব।
গচ্ছ লোকানরজসো যত্র গৎবা ন শোচসি॥ 12-197-29 (72770)
ব্রাহ্মণ উবাচ। 12-197-30x (5981)
রমে জপন্মহাভাগ কৃতং লোকৈঃ সনাতনৈঃ।
সশরীরেণ গন্তব্যং ময়া স্বর্গং ন চান্যথা॥ 12-197-30 (72771)
ধর্ম উবাচ। 12-197-31x (5982)
`এবং তে কায়সংপ্রাতির্বর্ততে মুনিসত্তম।'
যদি ৎবং নেচ্ছসি ত্যক্তুং শরীরং পশ্য বৈ দ্বিজ।
এষ কালস্তথা মৃত্যুর্যমশ্চ ৎবামুপাগতাঃ॥ 12-197-31 (72772)
ভীষ্ম উবাচ। 12-197-32x (5983)
অথ বৈবস্বতঃ কালো মৃত্যুশ্চ ত্রিতয়ং বিভো।
ব্রাহ্মণং তং মহাভাগমুপগম্যেদমব্রবন্॥ 12-197-32 (72773)
যম উবাচ। 12-197-33x (5984)
তপসোঽস্য সুতপ্তস্য তথা সুচরিতস্য চ।
ফলপ্রাপ্তিস্তব শ্রেষ্ঠা যমোঽহং ৎবামুপব্রুবে॥ 12-197-33 (72774)
কাল উবাচ। 12-197-34x (5985)
যথা বদস্য জপ্যস্য ফলং প্রাপ্তস্ৎবমুত্তমম্।
কালস্তে স্বর্গমারোহুং কালোঽহং ৎবামুপাগতঃ॥ 12-197-34 (72775)
মৃত্যুরুবাচ। 12-197-35x (5986)
মৃত্যুং মাং বিদ্ধি ধর্মজ্ঞ রূপিণং স্বয়মাগতম্।
কালেন চোদিতো বিপ্র ৎবামিতো নেতুমদ্য বৈ॥ 12-197-35 (72776)
ব্রাহ্মণ উবাচ। 12-197-36x (5987)
স্বাগতং সূর্যপুত্রায় কালায় চ মহাত্মনে।
মৃত্যবে চাথ ধর্মায় কিং কার্যং করবাণি বঃ॥ 12-197-36 (72777)
ভীষ্ম উবাচ। 12-197-37x (5988)
অর্ধ্যং পাদ্যং চ দত্ৎবা স তেভ্যস্তত্র সমাগম।
অব্রবীৎপরমপ্রীতঃ স্বশক্ত্যা কিং করোমি বঃ॥ 12-197-37 (72778)
`স্বকার্যনির্ভরা যূয়ং পরোপদ্রবহেতবঃ।
ভবন্তো লোকসামান্যাঃ কিমর্থং ব্রূত সত্তমাঃ॥ 12-197-38 (72779)
যম উবাচ। 12-197-39x (5989)
বয়মপ্যেবমত্যুগ্রা ধাতুরাজ্ঞাপুরঃ সরাঃ।
চোদিতা ধাবমানা বৈ কর্মভাবমনুব্রতাঃ॥ 12-197-39 (72780)
ভীষ্ম উবাচ।' 12-197-40x (5990)
তস্মিন্নেবাথ কালে তু তীর্থয়াত্রামুপাগতঃ।
ইক্ষ্বাকুরগমত্তত্র সমেতা যত্র তে বিভো॥ 12-197-40 (72781)
সর্বানেব তু রাজর্ষিঃ সংপূজ্যাথ প্রণম্য চ।
কুশলপ্রশ্নমকরোৎসর্বেষাং রাজসত্তমঃ॥ 12-197-41 (72782)
তস্মৈ সোঽথাসনং দত্ৎবা পাদ্যমর্ধ্যং তথৈব চ।
অব্রবীদ্ব্রাহ্মণো বাক্যং কৃৎবা কুশলসংবিদম্॥ 12-197-42 (72783)
স্বাগতং তে মহারাজ ব্রূহি যদ্যদিহেচ্ছসি।
স্বশক্ত্যা কিং করোমীহ তদ্ভবান্প্রব্রবীতু মাম॥ 12-197-43 (72784)
রাজোবাচ। 12-197-44x (5991)
রাজাঽহং ব্রাহ্মণশ্চ ৎবং যদা ষট্কর্মসংস্থিতঃ।
দদানি বসু কিংচিত্তে প্রার্থিতং তদ্বদস্ব মে॥ 12-197-44 (72785)
ব্রাহ্মণ উবাচ। 12-197-45x (5992)
দ্বিবিধো ব্রাহ্মণো রাজন্ধর্মশ্চ দ্বিবিধঃ স্মৃতঃ।
প্রবৃত্তশ্চ নিবৃত্তশ্চ নিবৃত্তোঽহ প্রতিগ্রহাৎ॥ 12-197-45 (72786)
তেভ্যঃ প্রয়চ্ছ দানানি যে প্রবৃত্তা নরাধিপ।
অহং ন প্রতিগৃহ্ণামি কিমিষ্টং কিং দদামি তে।
ব্রূহি ৎবং নৃপতিশ্রেষ্ঠ তপসা সাধয়ামি কিম্॥ 12-197-46 (72787)
রাজোবাচ। 12-197-47x (5993)
ক্ষত্রিয়োঽহং ন জানামি দেহীতি বচনং ক্বচিৎ।
প্রয়চ্ছ যুদ্ধমিত্যেবংবাদী চাস্মি দ্বিজোত্তম॥ 12-197-47 (72788)
ব্রাহ্মণ উবাচ। 12-197-48x (5994)
তুষ্যসি ৎবং স্বধর্মেণ তথা তুষ্টা বয়ং নৃপ।
অন্যোন্যস্যোত্তরং নাস্তি যদিষ্টং তৎসমাচর॥ 12-197-48 (72789)
রাজোবাচ। 12-197-49x (5995)
স্বশক্ত্যাঽহং দদানীতি ৎবয়া পূর্বমুদাহৃতম্।
যাচে ৎবাং দীয়তাং মহ্যং জপ্যস্যাস্য ফলং দ্বিজ॥ 12-197-49 (72790)
ব্রাহ্মণ উবাচ। 12-197-50x (5996)
যুদ্ধং মম সদা বাণী যাচতীতি বিকত্থসে।
ন চ যুদ্ধং ময়া সার্ধং কিমর্থং যাচসে পুনঃ॥ 12-197-50 (72791)
রাজোবাচ। 12-197-51x (5997)
বাগ্বজ্রাব্রাহ্মণাঃ প্রোক্তাঃ ক্ষত্রিয়া বাহুজীবিনঃ।
বাগ্যুদ্ধং তদিদং তীব্রং মম বিপ্র ৎবয়া সহ॥ 12-197-51 (72792)
ব্রাহ্মণ উবাচ। 12-197-52x (5998)
সেয়মদ্য প্রতিজ্ঞা মে স্বশক্ত্যা কিং প্রদীয়তাম্।
ব্রূহি দাস্যামি রাজেন্দ্র বিভবে সতি মাচিরম্॥ 12-197-52 (72793)
রাজোবাচ। 12-197-53x (5999)
যত্তদ্বর্ষশতং পূর্ণং জপ্যং বৈ জপতা ৎবয়া।
ফলং প্রাপ্তং তৎপ্রয়চ্ছ মম দিৎসুর্ভবান্যদি॥ 12-197-53 (72794)
ব্রাহ্মণ উবাচ। 12-197-54x (6000)
পরমং গৃহ্যতাং তস্য ফলং যজ্জপিতং ময়া।
অর্ধং ৎবমবিচারেণ ফলং তস্য হ্যবাপ্নুহি॥ 12-197-54 (72795)
অথবা সর্বমেবেহ মামকং জাপকং ফলম্।
রাজন্প্রাপ্নুহি কামং ৎবং যদি সর্বমিহেচ্ছসি॥ 12-197-55 (72796)
রাজোবাচ। 12-197-56x (6001)
কৃতং সর্বেণ ভদ্রং তে জপ্যং যদ্যাচিতং ময়া।
স্বস্তি তেঽস্তু গমিষ্যামি কিংচ তস্য ফলং বদ॥ 12-197-56 (72797)
ব্রাহ্মণ উবাচ। 12-197-57x (6002)
ফলপ্রাপ্তিং ন জানামি দত্তং যজ্জপিতং ময়া।
অয়ং ধর্মশ্চ কালশ্চ যমো মৃত্যুশ্চ সাক্ষিণঃ॥ 12-197-57 (72798)
রাজোবাচ। 12-197-58x (6003)
অজ্ঞাতমস্য ধর্মস্য ফলং কিং মে করিষ্যতি।
ফলং ব্রবীষি ধর্মস্য ন চেজ্জপ্যকৃতস্য মাম্।
প্রাপ্নোতু তৎফলং বিপ্রো নাহমিচ্ছে সসংশয়ম্॥ 12-197-58 (72799)
ব্রাহ্মণ উবাচ। 12-197-59x (6004)
নাদদেঽপরদত্তং বৈ দত্তং বা চাফলং ময়া।
বাক্যং প্রমাণং রাজর্ষে মমাদ্য তব চৈব হি॥ 12-197-59 (72800)
সকৃদংশো নিপততি সকৃৎকন্যা প্রদীতয়ে।
সকৃদেব দদানীতি ত্রীণ্যেতানি সকৃৎসকৃৎ॥ 12-197-60 (72801)
নাভিসংধির্ময়া জপ্যে কৃতপূর্বঃ কদাচন।
জপ্যস্য রাজশার্দূল কথং বেৎস্যাম্যহং ফলম্॥ 12-197-61 (72802)
দদস্বেতি ৎবয়া চোক্তং দত্তং বাচা ফলং ময়া।
ন বাচং দূষয়িষ্যামি সত্যং রক্ষ স্থিরো ভব॥ 12-197-62 (72803)
অথৈবং বদতো মেঽদ্য বচনং ন করিষ্যসি।
মহানধর্মো ভবিতা তব রাজন্মৃষা কৃতঃ॥ 12-197-63 (72804)
ন যুক্তা তু মৃষাবাণী ৎবয়া বক্তুমরিংদম।
তথা ময়াঽপ্যভিহিতং মিথ্যা কর্তুং ন শক্যতে॥ 12-197-64 (72805)
সংশ্রুতং চ ময়া পূর্বং দদানীত্যবিচারিতম্।
তদ্গৃহ্ণীষ্বাবিচারেণ যদি সত্যে স্থিতো ভবান্॥ 12-197-65 (72806)
ইহাগম্য হি মাং রাজঞ্জাপ্যং ফলময়াচথাঃ।
তন্মে নিসৃষ্টং গৃহ্ণীষ্ব ভব সত্যেস্থিতোপি চ॥ 12-197-66 (72807)
নায়ং লোকোঽস্তি ন পরো ন চ পূর্বান্স তারয়েৎ।
কুত এবাপরান্রাজন্মৃষাবাদপরায়ণঃ॥ 12-197-67 (72808)
ন যজ্ঞাধ্যযনে দানং নিয়মাস্তারয়ন্তি হি।
যথা সত্যং পরে লোকে তথেহ পুরুষর্ষভ॥ 12-197-68 (72809)
তপাংসি যানি চীর্ণানি চরিষ্যন্তি চ যত্তপঃ।
সমাশতৈঃ সহস্রৈশ্চ তৎসত্যান্ন বিশিষ্যতে॥ 12-197-69 (72810)
সত্যমেকং পরং ব্রহ্ম সত্যমেকং পরং তপঃ।
সত্যমেকং পরো যজ্ঞঃ সত্যমেকং পরং শ্রুতম্॥ 12-197-70 (72811)
সত্যং বেদেষু জাগর্তি ফলং সত্যে পরং স্মৃতম্।
তপো ধর্মো দমশ্চৈব সর্বং সত্যে প্রতিষ্ঠিতম্॥ 12-197-71 (72812)
সত্যং বেদাস্তথাঙ্গানি সত্যং যজ্ঞাস্তথা বিধিঃ।
ব্রতচর্যা তথা সত্যমোংকারঃ সত্যমেব চ॥ 12-197-72 (72813)
প্রাণিনাং জননং সত্যং সত্যং সন্ততিরেব চ।
সত্যেন বায়ুরভ্যেতি সত্যেন তপতে রবিঃ॥ 12-197-73 (72814)
সত্যেন চাগ্নির্দহতি স্বর্গঃ সত্যে প্রতিষ্ঠিতঃ।
সত্যং যজ্ঞস্তপো বেদাঃ স্তোভা মন্ত্রাঃ সরস্বতী॥ 12-197-74 (72815)
তুলামারোপিতো ধর্মঃ সত্যং চৈবেতি নঃ শ্রুতম্।
সমাং কক্ষাং ধারয়তো যঃ সত্যং ততোঽধিকম্॥ 12-197-75 (72816)
যতো ধর্মস্ততঃ সত্যং সর্বং সত্যেন বর্ধতে।
কিমর্থমনৃতং কর্ম কর্তুং রাজংস্ৎবমিচ্ছসি॥ 12-197-76 (72817)
সত্যে কুরু স্থিরং ভাবং মা রাজন্ননৃতং কৃথাঃ।
কস্মাত্ৎবমনৃতং বাক্যং দেহীতি কুরুষেঽশুভম্॥ 12-197-77 (72818)
যদি জপ্যফলং দত্তং ময়া নেচ্ছসি বৈ নৃপ।
স্বধর্মেভ্যঃ পরিভ্রষ্টো লোকাননুচরিষ্যসি॥ 12-197-78 (72819)
সংশ্রুত্য যো ন দিৎসেত যাচিৎবা যশ্চ নেচ্ছতি।
উভাবানৃতিকাবেতো ন মৃপা কর্তুমর্হসি॥ 12-197-79 (72820)
রাজোবাচ। 12-197-80x (6005)
যোদ্ধব্যং রক্ষিতব্যং চ ক্ষত্রধর্মঃ কিল দ্বিজ।
দাতারঃ ক্ষত্রিয়াঃ প্রোক্তা গৃহ্ণীয়াং ভবতঃ কথম্॥ 12-197-80 (72821)
ব্রাহ্মণ উবাচ। 12-197-81x (6006)
ন চ্ছন্দয়ামি তে রাজন্নাপি তে গৃহমাব্রজম্।
ইহাগম্য তু যাচিৎবা ন গৃহ্ণীষে পুনঃ কথম্॥ 12-197-81 (72822)
ধর্ম উবাচ। 12-197-82x (6007)
অবিবাদোঽস্তু যুবয়োর্বিত্তং মাং ধর্মমাগতম্।
দ্বিজো দানফলৈর্যুক্তো রাজা সত্যফলেন চ॥ 12-197-82 (72823)
স্বর্গ উবাচ। 12-197-83x (6008)
স্বর্গং মাং বিদ্ধি রাজেন্দ্র রূপিণং স্বয়মাগতম্।
অবিবাদোঽস্তু যুবয়োরুমৌ তুল্যফলৌ যুবাম্॥ 12-197-83 (72824)
রাজোবাচ। 12-197-84x (6009)
কৃতং স্বর্গেণ মে কার্যং গচ্ছ স্বর্গ যথাগতম্।
বিপ্রো যদীচ্ছতে দাতুং চীর্ণং গৃহ্ণাতু মে ফলম্॥ 12-197-84 (72825)
ব্রাহ্মণ উবাচ। 12-197-85x (6010)
বাল্যে যদি স্মাদজ্ঞানান্ময়া হস্তঃ প্রসারিতঃ।
নিবৃত্তলক্ষণং ধর্মমুপাসে সংহিতাং জপন্॥ 12-197-85 (72826)
নিবৃত্তং মাং চিরাদ্রাজন্বিপ্রলোভয়সে কথম্।
স্বেন কার্যং করিষ্যামি ৎবত্তো নেচ্ছে ফলং নৃপ।
তপঃস্বাধ্যায়শীলোঽহং নিবৃত্তশ্চ প্রতিগ্রহাৎ॥ 12-197-86 (72827)
রাজোবাচ। 12-197-87x (6011)
যদি বিপ্র বিসৃষ্টং তে জপ্যস্য ফলমুত্তমম্।
আবয়োর্যৎফলং কিংচিৎসহিতং নৌ তদস্ৎবিহ॥ 12-197-87 (72828)
দ্বিজাঃ প্রতিগ্রহে যুক্তা দাতারো রাজবংশজাঃ।
যদি ধর্মঃ ক্ষুতো বিপ্র সহৈব ফলমস্তু নৌ॥ 12-197-88 (72829)
মা বা ভূৎসহ ভোজ্যং নৌ মদীয়ং ফলমাপ্নুহি।
প্রতীচ্ছ মৎকৃতং ধর্মং যদি তে ময়্যনুগ্রহঃ॥ 12-197-89 (72830)
ভীষ্ম উবাচ। 12-197-90x (6012)
ততো বিকৃতবৈষৌ দ্বৌ পুরুষৌ সমুপস্থিতৌ।
গৃহীৎবাঽন্যোন্যমাবেষ্ঠ্য কুচেলাবূচতুর্বচঃ॥ 12-197-90 (72831)
ন মে ধারয়সীত্যেকো ধারয়ামীতি চাপরঃ।
ইহাস্তি নৌ বিবাদোঽয়ময়ং রাজাঽনুশাসকঃ॥ 12-197-91 (72832)
সত্যং ব্রবীম্যহমিদং ন মে ধারয়তে ভবান্।
অনৃতং বদসীহ ৎবমৃণং তে ধারয়াম্যহম্। 12-197-92 (72833)
তাবুভৌ সুভৃশং তপ্তৌ রাজানমিদমৃচতুঃ।
পরীক্ষ্যৌ তু যথা স্যাব নাবামিহ বিগর্হিতৌ॥ 12-197-93 (72834)
বিরূপ উবাচ। 12-197-94x (6013)
ঘারয়ামি নরব্যাঘ্র বিকৃতস্যেহ গোঃ ফলম্।
দদতশ্চ ন গৃহ্ণাতি বিকৃতো মে মহীপতে॥ 12-197-94 (72835)
বিকৃত উবাচ। 12-197-95x (6014)
ন মে ধারয়তে কিংচিদ্বিরূপোঽয়ং নরাধিপ।
মিথ্যা ব্রবীত্যযং হি ৎবাং সত্যাভাসং নরাধিপ॥ 12-197-95 (72836)
রাজোবাচ। 12-197-96x (6015)
বিরূপ কিং ধারয়তে ভবানস্য ব্রবীতু মে।
শ্রুৎবা তথা করিষ্যেঽহমিতি মে ধীয়তে মনঃ॥ 12-197-96 (72837)
বিরূপ উবাচ। 12-197-97x (6016)
শৃণুষ্বাবহিতো রাজন্যথৈতদ্ধারয়াম্যহম্।
বিকৃতস্যাস্য রাজর্ষে নিখিলেন নরাধিপ॥ 12-197-97 (72838)
অনেন ধর্মপ্রাপ্ত্যর্থং শুভা দত্তা পুরাঽনঘ।
ধেনুর্বিপ্রায় রাজর্ষে তপঃস্বাধ্যায়শীলিনে॥ 12-197-98 (72839)
তস্যাশ্চায়ং ময়া রাজন্ফলমভ্যেত্য যাচিতঃ।
বিকৃতেন চ মে দত্তং বিশুদ্ধেনান্তরাত্মনা॥ 12-197-99 (72840)
ততো মে সুকৃতং কর্ম কৃতমাত্মবিশুদ্ধয়ে।
গাবৌ চ কপিলে ক্রীৎবা বৎসলে বহুদোহনে॥ 12-197-100 (72841)
তে চোঞ্ছবৃত্তয়ে রাজন্ময়া সমুপবর্জিতে।
যথাবিধি যথাশ্রদ্ধং তদস্যাহং পুনঃ প্রভো॥ 12-197-101 (72842)
ইহাদ্যৈব প্রয়চ্ছামি গৃহীৎবা দ্বিগুণাং ফলম্।
এবং স্যাৎপুরুষব্যাঘ্র কঃশুদ্ধঃ কোঽত্র দোষবান্॥ 12-197-102 (72843)
এবং বিবদমানৌ স্বস্ত্যামিহাভ্যাগতৌ নৃপ।
কুরু ধর্মমধর্মং বা বিনয়ে নৌ সমাদধ॥ 12-197-103 (72844)
যদি নেচ্ছতি মে দানং যথা দত্তমনেন বৈ।
ভবানত্র স্থিরো ভূৎবা মার্গে স্থাপয়িতাঽদ্য নৌ॥ 12-197-104 (72845)
রাজোবাচ। 12-197-105x (6017)
দীয়মানং ন গৃহ্ণাসি ঋণং কস্মাত্ৎবমদ্য বৈ।
যথৈব তেঽভ্যনুজ্ঞাতং যথা গৃহ্ণীষ্ব মাচিরম্॥ 12-197-105 (72846)
বিকৃত উবাচ। 12-197-106x (6018)
দীয়তামিত্যনেনোক্তং দদানীতি তথা ময়া।
নায়ং মে ধারয়ত্যত্র গচ্ছতাং যত্র বাঞ্ছতি॥ 12-197-106 (72847)
রাজোবাচ। 12-197-107x (6019)
দদতোঽস্য ন গৃহ্ণাসি বিষমং প্রতিভাতি মে।
দণড্যো হি ৎবং মম মতো নাস্ত্যত্র খলু সংশয়ঃ॥ 12-197-107 (72848)
বিকৃত উবাচ। 12-197-108x (6020)
ময়াঽস্য দত্তং রাজর্ষে গৃহ্ণীয়াং তৎকথং পুনঃ।
কো মমাত্রাপরাধো মে দণ্ডমাজ্ঞাপয় প্রভো॥ 12-197-108 (72849)
বিরূপ উবাচ। 12-197-109x (6021)
দীয়মানং যদি ময়া ন গৃহ্ণাসি কথংচন।
নিয়চ্ছতি ৎবাং নৃপতিরয়ং ধর্মানুশাসকঃ॥ 12-197-109 (72850)
বিকৃত উবাচ। 12-197-110x (6022)
স্বয়ং ময়া যাচিতেন দত্তং কথমিহাদ্য তৎ।
গৃহ্ণীয়াং গচ্ছতু ভবানভ্যনুজ্ঞাং দদানি তে॥ 12-197-110 (72851)
ব্রাহ্মণ উবাচ। 12-197-111x (6023)
শ্রুতমেতত্ৎবয়া রাজন্ননয়োঃ কথিতং দ্বয়োঃ।
প্রতিজ্ঞাতং ময়া যত্তে তদ্গৃহাণাবিচারিতম্॥ 12-197-111 (72852)
রাজোবাচ। 12-197-112x (6024)
প্রস্তুতং সুমহৎকার্যমনয়োর্গহ্বরং যথা।
জাপকস্য দৃঢীকারঃ কথমেতদ্ভবিষ্যতি॥ 12-197-112 (72853)
যদি তাবন্ন গৃহ্ণামি জাপকেনাপবর্জিতম্।
কথং ন লিপ্যেয়মহং পাপেন মহতাঽদ্য বৈ॥ 12-197-113 (72854)
তৌ চোবাচ স রাজর্ষিঃ কৃতকার্যৌ গমিষ্যথঃ।
নেদানীং মামিহাসাদ্য রাজধর্মো ভবেন্মৃষা॥ 12-197-114 (72855)
স্বধর্মঃ পরিপাল্যস্তু রাজ্ঞামিতি বিনিশ্চয়ঃ।
বিপ্রধর্মশ্চ গহনো মামনাত্মানমাবিশৎ॥ 12-197-115 (72856)
ব্রাহ্মণ উবাচ। 12-197-116x (6025)
গৃহাণ ধারয়েঽহং চ যাচিতং সংশ্রুতং ময়া।
ন চেদ্ভহীষ্যসে রাজঞ্শপিষ্যে ৎবাং ন সংশয়ঃ॥ 12-197-116 (72857)
রাজোবাচ। 12-197-117x (6026)
ধিগ্রাজধর্মং যস্যায়ং কার্যস্যেহ বিনিশ্চয়ঃ।
ইত্যর্থং মে গ্রহীতব্যং কথং তুল্যং ভবেদিতি॥ 12-197-117 (72858)
এষ পাণিরপূর্বং মে নিক্ষেপার্থং প্রসারিতঃ।
যন্মে ধারয়সে বিপ্র তদিদানীং প্রদীয়তাম্॥ 12-197-118 (72859)
ব্রাহ্মণ উবাচ। 12-197-119x (6027)
সংহিতাং জপতা যাবান্গুণঃ কশ্চিৎকৃতো ময়া।
তৎসর্বং প্রতিগৃহ্ণীষ্ব যদি কিংচিদিহাস্তি মে॥ 12-197-119 (72860)
রাজোবাচ। 12-197-120x (6028)
জলমেতন্নিপতিতং মম পাণৌ দ্বিজোত্তম।
সমমস্তু সহৈবাস্তু প্রতিগৃহ্ণাতু বৈ ভবান্॥ 12-197-120 (72861)
বিরূপ উবাচ। 12-197-121x (6029)
কামক্রোধৌ বিদ্ধি নৌ ৎবমাবাভ্যাং কারিতো ভবান্।
`জিজ্ঞাসমানৌ যুবয়োর্মনোত্থং তু দ্বিজোত্তম॥' 12-197-121 (72862)
সহেতি চ যদুক্তং তে সমা লোকাস্তবাস্য চ।
নায়ং ধারয়তে কিংচিজ্জিজ্ঞাসা ৎবৎকৃতে কৃতা॥ 12-197-122 (72863)
কালো ধর্মস্তথা মৃত্যুঃ কামক্রোধৌ তথা যুবাম্।
সর্বমন্যোন্যনিষ্কর্ষে নিকৃষ্টং পশ্যতস্তব॥ 12-197-123 (72864)
`সর্বেষামুপরিস্থানং ব্রহ্মণো ব্যক্তজন্মনঃ।
যুবয়োঃ স্থানমূলং নির্দ্বন্দ্বমমলাত্মকম্॥ 12-197-124 (72865)
সর্বে গচ্ছাম যত্র স্বান্স্বাঁল্লোকাংশ্চ তথা বয়ম্।'
গচ্ছ লোকাঞ্জিতান্স্বেন কর্মণা যত্র বাঞ্ছসি॥ 12-197-125 (72866)
` ততো ধর্ময়মাদ্যাস্তে বাক্যমূচুর্নপর্দ্বিজৌ।
অস্মাকং যঃ স্মৃতো মূর্ধা ব্রহ্মলোকমিতি স্মৃতং॥ 12-197-126 (72867)
তত্রস্থৌ হি ভবন্তৌ হি যুবাভ্যাং নির্জিতা বয়ম্।
যুবয়োঃ কাম আপন্নস্তৎকাম্যমবিশঙ্কয়া॥' 12-197-127 (72868)
ভীষ্ম উবাচ। 12-197-128x (6030)
জাপকানাং ফলাবাপ্তির্ময়া তে সংপ্রদর্শিতা।
গতিঃ স্থানং চ লোকাশ্চ জাপকেন যথা জিতাঃ॥ 12-197-128 (72869)
প্রয়াতি সংহিতাধ্যায়ী ব্রহ্মাণং পরমেষ্ঠিনম্।
অথবাঽগ্নিং সমায়াতি সূর্যমাবিশতেঽপি বা॥ 12-197-129 (72870)
স তৈজসেন ভাবেন যদি তত্র রমত্যুত।
গুণাংস্তেষাং সমাধত্তে রাগেণ প্রতিমোহিতঃ॥ 12-197-130 (72871)
এবং সোমে তথা বায়ৌ ভূম্যাকাশশরীরগঃ।
সরাগস্তত্র বসতি গুণাংস্তেষাং সমাচরন্॥ 12-197-131 (72872)
অথ তত্র বিরাগী স পরং গচ্ছত্যসংশয়ম্।
পরমব্যযমিচ্ছন্স তমেবাবিশতে পুনঃ॥ 12-197-132 (72873)
অমৃতাচ্চামৃতং প্রাপ্তঃ শান্তীভূতো নিরাত্মবান্।
ব্রহ্মভূতঃ স নির্দ্বন্দ্বঃ সুখী শান্তো নিরাময়ঃ॥ 12-197-133 (72874)
ব্রহ্মস্থানমনাবর্তমেকমক্ষরসংজ্ঞকম্।
অদুঃখমজরং শান্তং স্থানং তৎপ্রতিপদ্যতে॥ 12-197-134 (72875)
চতুর্ভির্লক্ষণৈর্হীনং তথা পড্ভিঃ সষোডশৈঃ।
পুরুষং তমতিক্রম্য আকাশং প্রতিপদ্যতে॥ 12-197-135 (72876)
অথ নেচ্ছতি রাগাত্মা সর্বং তদধিতিষ্ঠতি।
যচ্চ প্রার্থয়তে তচ্চ মনসা প্রতিপদ্যতে॥ 12-197-136 (72877)
অথবা চেক্ষতে লোকান্সর্বান্নিরয়সংজ্ঞিতান্।
নিস্পৃহঃ সর্বতো মুক্তস্তত্র বৈ রমতে সুখম্॥ 12-197-137 (72878)
এবমেষা মহারাজ জাপকস্য গতির্যথা।
এতত্তে সর্বমাখ্যাতং কিং ভূয়ঃ শ্রোতুমর্হসি॥ ॥ 12-197-138 (72879)
ইতি শ্রীমন্মহাভারতে সান্তিপর্বণি মোক্ষধর্মপর্বণি সপ্তনবত্যধিকশততমোঽধ্যায়ঃ॥ 197॥
Mahabharata - Shanti Parva - Chapter Footnotes
12-197-1 আয়ুঃপরিচ্ছেদিকা দেবতা কালঃ। প্রাণবিয়োজিকা মৃত্যুঃ। পুণ্যাপুণ্যফলদায়িকা যমঃ। তৎ তম্॥ 12-197-2 সূর্যপুত্রস্য যমস্য॥ 12-197-4 জাপকো মন্ত্রাধ্যযনপরঃ। পৈপ্পলাদ ইতি ড. পাঠঃ॥ 12-197-7 দেব্যা সাবিত্র্যা দর্শিতো দর্শনদানেনানুগৃহীতঃ॥ 12-197-14 সমাধির্নিয়মঃ॥ 12-197-15 নিরয়ং স্বর্গং ক্ষয়িণম্। যাতা যাস্যসি। যাতা গতাঃ॥ 12-197-16 অনিমিত্তমজন্যম্। যজ্জপ্যে মে রমতাং মন ইতি॥ 12-197-20 দর্শয়ামাস আত্মানং দর্শিতবান্॥ 12-197-24 বহুদুঃখসুখমিতি ঝ.ধ. পাঠঃ॥ 12-197-56 কৃতমলং সর্বেণ জপফলেন॥ 12-197-57 যজ্জপিতং জপ্যং তস্যেতি শেষঃ॥ 12-197-61 অভিসংধিঃ কামঃ। নিষ্কামস্য জপস্যানন্তং ফলমিতি ভাবঃ॥ 12-197-62 দূষয়িষ্যামি অন্যথাকরিষ্যামি॥ 12-197-66 মে ময়া নিসৃষ্টং দত্তম্॥ 12-197-77 দেহীতি উক্ৎবেতি শেষঃ॥ 12-197-81 ন চ্ছন্দয়ামি প্রতিগৃহ্ণীষ্বেতি ন প্রার্থিতবানস্মি॥ 12-197-84 তৎপ্রতীচ্ছতু মে ফলমিতি ধ. পাঠঃ। বহু গৃহ্ণাতু মে ফলমিতি ট. পাঠঃ॥ 12-197-90 দ্বৌ পুরুষৌ কামক্রোধৌ॥ 12-197-93 পরীক্ষ্য ৎবং যথা স্যাবো নাবামিতি ঝ. পাঠঃ॥ 12-197-94 প্রার্থনা হি রাজ্ঞোঽননুরূপেতি তস্য কামো বিকৃতসংজ্ঞঃ। শান্তিস্বভাবস্যাপি জাপকস্য যাচিৎবাপি দীয়মানং ন গৃহ্ণাতীতি রাজানং প্রতি যঃ ক্রোধঃ স বিরূপসংজ্ঞঃ। গোঃ ফলং বাচং ধেনুমুপাসীতেতি শ্রুতের্ধেনুসরূপ্রায়াঃ বাচঃ। জপস্য ফলমিত্যর্থঃ॥ 12-197-98 ধেনুর্বাক্। বিপ্রায় পরমেশ্বরায়॥ 12-197-106 ধারয়ামীতি ঝ. ট. পাঠঃ॥ 12-197-118 নিক্ষেপার্থং প্রতিগৃহ্য প্রদানার্থম্॥ 12-197-131 তেষাং সূর্যাদিলোকপালানাং গুণান্ প্রকাশকৎবাদীন্॥শান্তিপর্ব - অধ্যায় 198
॥ শ্রীঃ ॥
12.198. অধ্যায়ঃ 198
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জপস্য ফলকথনপূর্বকং জাপকোপাখ্যানসমাপনম্॥ 1॥Mahabharata - Shanti Parva - Chapter Text
12-198-0 (72880)
যুধিষ্ঠির উবাচ। 12-198-0x (6031)
কিমুত্তরং তদা তৌ স্ম চক্রতুস্তস্য ভাষিতে।
ব্রাহ্মণো বাঽথবা রাজা তন্মে ব্রূহি পিতামহ॥ 12-198-1 (72881)
অথবা তৌ গতৌ তত্র যদেতৎকীর্তিতং ৎবয়া।
সংবাদো বা তয়োঃ কোঽভূৎকিং বা তৌ তত্র চক্রতুঃ॥ 12-198-2 (72882)
ভীষ্ম উবাচ। 12-198-3x (6032)
তথেত্যেবং প্রতিশ্রুত্য ধর্মং সংপূজ্য জাপকঃ।
যমং কালং চ মৃত্যুং চ স্বর্গং সংপূজ্য চার্হতঃ॥ 12-198-3 (72883)
পূর্বং যে চাপরে তত্র সমেতা ব্রাহ্মণর্ষভাঃ।
সর্বান্সংপূজ্য শিরসা রাজানং সোঽব্রবীদ্দ্বিজঃ॥ 12-198-4 (72884)
ফলেনানেন সংয়ুক্তো রাজর্ষে গচ্ছ মুখ্যতাম্।
ভবতা চাভ্যনুজ্ঞাতো জপেয়ং ভূয় এব হ॥ 12-198-5 (72885)
বরশ্চ মম পূর্বং হি দত্তো দেব্যা মহাবল।
শ্রদ্ধা তে জপতো নিত্যং ভবৎবিতি বিশাংপতে॥ 12-198-6 (72886)
রাজোবাচ। 12-198-7x (6033)
যদ্যেবং সফলা সিদ্ধিঃ শ্রদ্ধা চ জপিতুং তব।
গচ্ছ বিপ্র ময়া সার্ধং জাপকং ফলমাপ্নুহি॥ 12-198-7 (72887)
ব্রাহ্মণ উবাচ। 12-198-8x (6034)
কৃতঃ প্রয়ত্নঃ সুমহান্সর্বেষাং সন্নিধাবিহ।
সহ তুল্যফলাবাবাং গচ্ছাবো যত্র নৌ গতিঃ॥ 12-198-8 (72888)
ভীষ্ম উবাচ। 12-198-9x (6035)
ব্যবসায়ং তয়োস্তত্র বিদিৎবা ত্রিদশেশ্বরঃ।
সহ দেবৈরুপয়যৌ লোকপালৈস্তথৈব চ॥ 12-198-9 (72889)
সাধ্যাশ্চ বিশ্বে মরুতো বাক্যানি সুমহান্তি চ।
নদ্যঃ শৈলাঃ সমুদ্রাশ্চ তীর্থানি বিবিধানি চ॥ 12-198-10 (72890)
তপাংসি সংয়োগবিধির্বেদাস্তোভাঃ সরস্বতী।
নারদঃ পর্বতশ্চৈব বিশ্বাবসুর্হহাহুহূঃ॥ 12-198-11 (72891)
গন্ধর্বশ্চিত্রসেনশ্চ পরিবারগণৈর্যুতঃ।
নাগাঃ সিদ্ধাশ্চ মুনয়ো দেবদেবঃ প্রজাপতিঃ॥ 12-198-12 (72892)
`আজগাম চ দেবেশো ব্রহ্মা বেদময়োঽব্যযঃ।'
বিষ্ণুঃ সহস্রশীর্ষশ্চ দেবোঽচিন্ত্যঃ সমাগমৎ।
অবাদ্যন্তান্তরিক্ষে চ ভের্যস্তূর্যাণি বা বিভো॥ 12-198-13 (72893)
পুষ্পবর্ষাণি দিব্যানি তত্র তেষাং মহাত্মনাম্।
ননৃতুশ্চাপ্সরঃ সঙ্ঘাস্তত্রতত্র সমন্ততঃ॥ 12-198-14 (72894)
অথ স্বর্গস্তথা রূপী ব্রাহ্মণং বাক্যমব্রবীৎ।
সংসিদ্ধস্ৎবং মহাভাগ ৎবং চ সিদ্ধস্তথা নৃপ॥ 12-198-15 (72895)
ভীষ্ম উবাচ। 12-198-16x (6036)
অথ তৌ সহিতৌ রাজন্নন্যোন্যস্য বিধানতঃ।
বিষয়প্রতিসংহারমুভাবেব প্রচক্রতুঃ॥ 12-198-16 (72896)
প্রাণাপানৌ তথোদানং সমানং ব্যানমেব চ।
এবং তৌ মনসি স্থাপ্য দধতুঃ প্রাণয়োর্মনঃ॥ 12-198-17 (72897)
উপস্থিতকৃতৌ তৌ চ নাসিকাগ্রমধো ভ্রুবোঃ।
ভ্রুকুট্যাক্ষ্ণোশ্চ মনসা শনৈর্ধারয়তস্তদা॥ 12-198-18 (72898)
নিশ্চেষ্টাভ্যাং শরীরাভ্যাং স্থিরদৃষ্টী সমাহিতৌ।
জিতাসনৌ সমাধায় র্মূর্ধন্যাত্মানমেব চ॥ 12-198-19 (72899)
তালুদেশমথোদ্দাল্য ব্রাহ্মণস্য মহাত্মনঃ।
জ্যোতির্জ্বালা সুমহতী জগাম ত্রিদিবং তদা॥ 12-198-20 (72900)
হাহাকারস্তথা দিক্ষু সর্বাসু সুমহানভূৎ।
তজ্জ্যোতিঃ স্তূয়মানং স্ম ব্রহ্মাণং প্রাবিশত্তদা॥ 12-198-21 (72901)
ততঃ স্বাগতমিত্যাহ তত্তেজঃ প্রপিতামহঃ।
প্রাদেশমাত্রং পুরুষং প্রত্যুদ্গম্য বিশাংপতে॥ 12-198-22 (72902)
ভূয়শ্চৈবাপরং প্রাহ বচনং মধুরং স্ময়ন্।
জাপকৈস্তুল্যফলতা যোগানাং নাত্র সংশয়ঃ॥ 12-198-23 (72903)
যোগস্য তাবদেতেভ্যঃ প্রত্যক্ষং ফলদর্শনম্।
জাপকানাং বিশিষ্টং তু প্রত্যুত্থানং সমাহিতম্॥ 12-198-24 (72904)
উষ্যতাং ময়ি চেত্যুক্ৎবা ব্যাদদে স ততো মুখম্।
অথাস্যং প্রবিবেশাস্য ব্রাহ্মণো বিগতজ্বরঃ॥ 12-198-25 (72905)
রাজাঽপ্যেতেন বিধিনা ভগবন্তং পিতামহম্।
যথৈব দ্বিজশার্দূলস্তথৈব প্রাবিশত্তদা॥ 12-198-26 (72906)
স্বয়ংভুবমথো দেবা অভিবাদ্য ততোঽব্রুবন্॥ 12-198-27 (72907)
জাপকার্থময়ং যত্নো যদর্থং বয়মাগতাঃ।
কৃতপূজাবিমৌ তুল্যৌ ৎবয়া তুল্যফলান্বিতৌ॥ 12-198-28 (72908)
যোগজাপকয়োস্তুল্যং ফলং সুমহদদ্য বৈ।
সর্বাংল্লোকানতিক্রম্য গচ্ছেতাং যত্র বাঞ্ছিতম্॥ 12-198-29 (72909)
ব্রহ্মোবাচ। 12-198-30x (6037)
মহাস্মৃতিং পঠেদ্যস্তু তথৈবানুস্মৃতিং শুভাম্।
তাবপ্যেতেন বিধিনা গচ্ছেতাং মৎসলোকতাম্॥ 12-198-30 (72910)
যশ্চ যোগে ভবেদ্ভক্তঃ সোঽপি নাস্ত্যত্র সংশয়ঃ।
বিধিনানেন দেহান্তে মম লোকানবাপ্নুয়াৎ।
সাধয়ে গম্যতাং চৈব যথা স্থানানি সিদ্ধয়ে॥ 12-198-31 (72911)
ভীষ্ম উবাচ। 12-198-32x (6038)
ইত্যুক্ৎবা স তদা দেবস্তত্রৈবান্তরধীয়ত।
আমন্ত্র্য চ ততো দেবা যয়ুঃ স্বংস্বং নিবেশনম্॥ 12-198-32 (72912)
তে চ সর্বে মহাত্মানো ধর্মং সৎকৃত্য তত্র বৈ।
পৃষ্ঠতোঽনুয়যূ রাজন্সর্বে সুপ্রীতচেতসঃ॥ 12-198-33 (72913)
এতৎফলং জাপকানাং গতিশ্চৈষা প্রকীর্তিতা।
যথাশ্রুতং মহারাজ কিং ভূয়ঃ শ্রোতুমিচ্ছসি॥ ॥ 12-198-34 (72914)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টনবত্যধিকশততমোঽধ্যায়ঃ॥ 198॥
Mahabharata - Shanti Parva - Chapter Footnotes
12-198-1 তৌ ইক্ষ্বাকুপৈপ্পলাদী। তস্য বিরূপস্য ভাষিতে বচনে বিষয়ে॥ 12-198-3 অর্হতঃ পূজ্যান্॥ 12-198-9 ব্যবসায়ং নিশ্চয়ম্॥ 12-198-11 স্তোভাঃ সামগীতিপূরণার্থনি অক্ষরাণি হায়ি হাবু ইত্যাদীনি॥ 12-198-18 নেত্রাগ্রৈশ্চৈব মনসেতি ট. পাঠঃ॥ 12-198-20 তালুদেশং ব্রহ্মরন্ধ্রম্॥ 12-198-23 যোগানাং যোগিনাম্॥ 12-198-24 এতেভ্য এতেষাং সভ্যানাম্। সমাহিতং বিহিতম্॥ 12-198-30 সংহিতাধ্যায়িনাং ফলমুক্ৎবা ষডঙ্গাধ্যায়িনাং মন্বাদিস্মৃত্যধ্যায়িনাং চ ফলমাহ মহাস্মৃতিমিতি॥শান্তিপর্ব - অধ্যায় 199
॥ শ্রীঃ ॥
12.199. অধ্যায়ঃ 199
Mahabharata - Shanti Parva - Chapter Topics
জ্ঞানয়োগাদেঃ ফলং ভগবদ্বেদনপ্রকারং চ পৃষ্টেন ভীষ্মেণ যুধিষ্ঠিরংপ্রতি তৎকথনায় মনুবৃহস্পতিসংবাদানুবাদঃ॥ 1॥Mahabharata - Shanti Parva - Chapter Text
12-199-0 (72915)
যুধিষ্ঠির উবাচ। 12-199-0x (6039)
কিং ফলং জ্ঞানয়োগস্য বেদানাং নিয়মস্য চ।
ভূতাত্মা চ কথং জ্ঞেয়স্তন্মে ব্রূহি পিতামহ॥ 12-199-1 (72916)
ভীষ্ম উবাচ। 12-199-2x (6040)
অত্রাপ্যুদাহরন্তীমমিতিহাসং পুরাতনম্।
মনোঃ প্রজাপতের্বাদং মহর্ষেশ্চ বৃহস্পতেঃ॥ 12-199-2 (72917)
প্রজাপতিং শ্রেষ্ঠতমং প্রজানাং
দেবর্ষিসঙপ্রবরো মহর্ষিঃ।
বৃহস্পতিঃ প্রশ্নমিমং পুরাণং
প্রপচ্ছ শিষ্যোঽথ গুরুং প্রণম্য॥ 12-199-3 (72918)
যৎকারণং মন্ত্রবিধিঃ প্রবৃত্তো
জ্ঞানে ফলং যৎপ্রবদন্তি বিপ্রাঃ।
যন্মন্ত্রশব্দৈরকৃতপ্রকাশং
তদুচ্যতাং মে ভগবন্যথাবৎ॥ 12-199-4 (72919)
যৎস্তোত্রশাস্ত্রাগমমন্ত্রিবিদ্ভি
র্যজ্ঞৈরনেকৈরথ গোপ্রদানৈঃ।
ফলং মহদ্ভির্যদুপাস্যতে চ
কিং তৎকথং বা ভবিতা ক্ব বা তৎ॥ 12-199-5 (72920)
মহী মহীজাঃ পবনোঽন্তরিক্ষং
জলৌকসশ্চৈব জলং তথা দ্যৌঃ।
দিবৌকসশ্চাপি যতঃ প্রসূতা
স্তদুচ্যতাং মে ভগবন্পুরাণম্॥ 12-199-6 (72921)
জ্ঞানং যতঃ প্রার্থয়তে নরো বৈ
ততস্তদর্থা ভবতি প্রবৃত্তিঃ।
ন চাপ্যহং বেদ পরং পুরাণং
মিথ্যাপ্রবৃত্তিং চ কথং নু কুর্যাম্॥ 12-199-7 (72922)
ঋক্সামসঙ্ঘাংশ্চ যজূংষি চাহং
ছন্দাংসি নক্ষত্রগতিং নিরুক্তম্।
অধীত্য চ ব্যাকরণং সকল্পং
শিক্ষাং চ ভূতপ্রকৃতিং ন বেদ্মি॥ 12-199-8 (72923)
স মে ভবাঞ্শংসতু সর্বমেত
ৎসামান্যশব্দৈশ্চ বিশেষণৈশ্চ।
স মে ভবাঞ্শংসতু তাবদেত
জ্জ্ঞানে ফলং কর্মণি বা যদস্তি॥ 12-199-9 (72924)
যথা চ দেহাচ্চ্যবতে শরীরী
পুনঃ শরীরং চ যথাঽভ্যুপৈতি। 12-199-10 (72925)
মনুরুবাচ।
যদ্যৎপ্রিয়ং যস্য সুখং তদাহু
স্তদেব দুঃখং প্রবদন্ত্যনিষ্টম্॥ 12-199-10x (6041)
ইষ্টং চ মে স্যাদিতরচ্চ ন স্যা
দেতৎকৃতে কর্মবিধিঃ প্রবৃত্তঃ।
ইষ্টং ৎবনিষ্টং চ ন মাং ভজেতে
ত্যেতৎকৃতে জ্ঞানবিধিঃ প্রবৃত্তঃ॥ 12-199-11 (72926)
[কামাত্মকাশ্ছন্দসি কর্ময়োগা
এভির্বিমুক্তঃ পরমশ্নুবীৎ।
নানাবিধে কর্মপথে সুখার্থী
নরঃ প্রবৃত্তো নিরয়ং প্রয়াতি।] 12-199-12 (72927)
বৃহস্পতিরুবাচ। ইষ্টং ৎবনিষ্টং চ সুখাসুখে চ
সাশীস্তপশ্ছন্দতি কর্মভিশ্চ॥ 12-199-12x (6042)
মনুরুবাচ। 12-199-13x (6043)
এভির্বিমুক্তঃ পরমাবিবেশ
এতৎকৃতে কর্মবিধিঃ প্রবৃত্তঃ।
[কামাত্মকাংশ্ছন্দতি কর্ময়োগ
এভির্বিমুক্তঃ পরমাদদীত॥] 12-199-13 (72928)
আত্মাদিভিঃ কর্মভিরিধ্যমানো
ধর্মে প্রবৃত্তো দ্যুতিমান্সুখার্থী।
পরং হি তৎকর্মফলাদপেতং
নিরাশিষো যৎপদমাপ্নুবন্তি॥ 12-199-14 (72929)
প্রজাঃ সৃষ্টা মনসা কর্মণা চ
দ্বাবেবৈতৌ সৎপথৌ লোকজুষ্টৌ।
দৃষ্টং কর্মাশাশ্বতং চান্তবচ্চ
মনস্ত্যাগে কারণং নান্যদস্তি॥ 12-199-15 (72930)
`কামাত্মকৌ ছন্দসি কামভোগা
বেভির্বিয়ুক্তঃ পরমশ্নুবীত।
নানাবিধে কর্মফলে সুখার্থী
নরঃ প্রমত্তো ন পরং প্রয়াতি।
ফলং হি তৎকর্মফলাদপেতং
নিরাশিষো ব্রহ্ম পরং হ্যুপেতম্॥' 12-199-16 (72931)
স্বেনাত্মনা চক্ষুরিব প্রণেতা
নিশাত্যযে তমসা সংবৃতাত্মা।
জ্ঞানং তু বিজ্ঞানগুণেন যুক্তং
কর্মাশুভং পশ্যতি বর্জনীয়ম্॥ 12-199-17 (72932)
সর্পান্কৃশাগ্রাণি তথোদপানং
ৎবা মনুষ্যাঃ পরিবর্জয়ন্তি।
অজ্ঞামতস্তত্র পতন্তি মূঢা
জ্ঞানে ফলং পশ্য যথা বিশিষ্টম্॥ 12-199-18 (72933)
কৃৎস্নস্তু মন্ত্রো বিধিবৎপ্রয়ুক্তো
যজ্ঞা যথোক্তাস্ৎবিহ দক্ষিণাশ্চ।
অন্নপ্রদানং মনসঃ সমাধিঃ
পঞ্চাত্মকং কর্মফলং বদন্তি॥ 12-199-19 (72934)
গুণাত্মকং কর্ম বদন্তি বেদা
স্তস্মান্মন্ত্রো মন্নপূর্বং হি কর্ম।
বিধির্বিধেয়ং মনসোপপত্তিঃ
ফলস্য ভোক্তা তু তথা শরীরী॥ 12-199-20 (72935)
শব্দাশ্চ রূপাণি রসাশ্চ পুণ্যাঃ।
স্পর্শাশ্চ গন্ধাশ্চ শুভাস্তথৈব।
নরোঽত্র হি স্থানগতঃ প্রভুঃ স্যা
দেতৎফলং সিদ্ধ্যতি কর্মণোঽস্য॥ 12-199-21 (72936)
যদ্যচ্ছরীরেণ করোতি কর্ম
শরীরয়ুক্তঃ সমুপাশ্নুতে তৎ।
শরীরমেবায়তনং সুখস্য
দুঃখস্য চাপ্যায়তনং শরীরম্॥ 12-199-22 (72937)
বাচা তু যৎকর্ম করোতি কিংচি
দ্বাচৈব সর্বং সমুপাশ্নুতে তৎ।
মনস্তু যৎকর্ম করোতি কিংচি
ন্মনঃস্থ এবায়মুপাশ্নুতে তৎ॥ 12-199-23 (72938)
যথায়থা কর্মগুণাং ফলার্থী
করোত্যযং কর্মফলে নিবিষ্টঃ।
তথাতথাঽয়ং গুণসংপ্রয়ুক্তঃ
শুভাশুভং কর্মফলং ভুনস্তি॥ 12-199-24 (72939)
মৎস্যো যথা স্রোত ইবাভিপাতী
তথা কৃতং পূর্বমুপৈতি কর্ম।
শুভে ৎবসৌ তুষ্যতি দুষ্কৃতে তু
ন তুষ্যতে বৈ পরমঃ শরীরী॥ 12-199-25 (72940)
যতো জগৎসর্বমিদং প্রসূতং
জ্ঞাৎবাঽঽত্মবন্তো হ্যুপয়ান্তি শান্তিম্।
যন্মন্ত্রশব্দেরকৃতপ্রকাশং
তদুচ্যমানং শণু মে পরং যৎ॥ 12-199-26 (72941)
রসৈর্বিমুক্তং বিবিধৈশ্চ গন্ধৈ
রশব্দমস্পর্শমরূপবচ্চ।
অগ্রাহ্যমব্যক্তমবর্ণমেকং
পঞ্চপ্রকারান্সসৃজে প্রজানাম্॥ 12-199-27 (72942)
ন স্ত্রী পুমান্নাপি নপুংসকং চ
ন সন্ন চাসৎসদসচ্চ তন্ন।
পশ্যন্তি তদ্ব্রহ্মবিদো মনুষ্যা
স্তদক্ষরং ন ক্ষরতীতি বিদ্ধি॥ ॥ 12-199-28 (72943)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনদ্বিশততমোঽধ্যায়ঃ॥ 199॥
শান্তিপর্ব - অধ্যায় 200
॥ শ্রীঃ ॥
12.200. অধ্যায়ঃ 200
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মনুবৃহস্পতিসংবাদানুবাদঃ॥ 1॥Mahabharata - Shanti Parva - Chapter Text
12-200-0 (72959)
মনুরুবাচ। 12-200-0x (6046)
অক্ষরাৎখং ততো বায়ুস্ততো জ্যোতিস্ততো জলম্।
জলাৎপ্রসূতা জগতী জগত্যা জায়তে জগৎ॥ 12-200-1 (72960)
ইমে শরীরৈর্জলমেব গৎবা
জলাচ্চ তেজঃ পবনান্তরিক্ষম্।
খাদ্বৈ নিবর্তন্তি ন ভাবিনস্তে
যে ভাবিনস্তে পরমাপ্নুবন্তি॥ 12-200-2 (72961)
নোষ্ণং ন শীতং মৃদু নাপি তীক্ষ্ণং
নাম্লং কষায়ং মধুরং ন তিক্তম্।
ন শব্দবন্নাপি চ গন্ধবত্ত
ন্ন রূপবত্তৎপরমস্বভাবম্॥ 12-200-3 (72962)
স্পর্শং তনুর্বেদ রসং চ জিহ্বা
ঘ্রাণং চ গন্ধাঞ্শ্রবণে চ শব্দান্।
রূপাণি চক্ষুর্নচ তৎপরং য
দ্গৃহ্ণন্ত্যনধ্যাত্মবিদো মনুষ্যাঃ॥ 12-200-4 (72963)
নিবর্তয়িৎবা রসনাং রসেভ্যো
ঘ্রাণং চ গন্ধাচ্ছ্রবণে চ শব্দাৎ।
স্পর্শাত্তনুং রূপগুণাত্তু চক্ষু
স্ততঃ পরং পশ্যতি তৎস্বভাবম্॥ 12-200-5 (72964)
যতো গৃহীৎবা হি করোতি যচ্চ
যস্মিংশ্চ যামারভতে প্রবৃত্তিম্।
যস্মৈ চ যদ্যেন চ যশ্চ কর্তা
যৎকারণং তং স্বমুপেয়মাহুঃ॥ 12-200-6 (72965)
যদ্বাঽপ্যভূদ্ব্যাপকং সাধকং চ
যন্মন্ত্রবৎস্থাস্যতি চাপি লোকে।
যঃ সর্বহেতুঃ পরমার্থকারী
তৎকারণং কার্যমতো যদন্যৎ॥ 12-200-7 (72966)
যথা হি কশ্চিৎসুকৃতৈর্মনুষ্যঃ
শুভাশুভং প্রাপ্নুতে চাবিরোধাৎ।
এবং শরীরেষু শুভাশুভেষু
স্বকর্মভির্জ্ঞানমিদং নিবদ্ধম্॥ 12-200-8 (72967)
যথা প্রদীপ্তঃ পুরতঃ প্রদীপঃ।
প্রকাশমন্যস্য করোতি দীপ্যন্।
তথেহ পঞ্চেন্দ্রিয়দীপবৃক্ষা
জ্ঞানপ্রদীপ্তাঃ পরবন্ত এব॥ 12-200-9 (72968)
যথা চ রাজ্ঞো বহবো হ্যমাত্যাঃ
পৃথক্ প্রমাণং প্রবদন্তি যুক্তাঃ।
তদ্বচ্ছরীরেষু ভবন্তি পঞ্চ
জ্ঞানৈকদেশাঃ পরমঃ স তেভ্যঃ॥ 12-200-10 (72969)
যথার্চিষোঽগ্নেঃ পবনস্য বেগা
মরীচয়োঽর্কস্য নদীষু চাপঃ।
গচ্ছন্তি চায়ান্তি চ সংয়তাশ্চ
তদ্বচ্ছরীরাণি শরীরিণাং তু॥ 12-200-11 (72970)
যথা চ কশ্চিৎপরশুং গৃহীৎবা
ধূমং ন পশ্যেজ্জ্বলনং চ কাষ্ঠে।
তদ্বচ্ছরীরোদরপাণিপাদং
ছিত্ৎবা ন পশ্যন্তি ততো যদন্য॥ 12-200-12 (72971)
তান্যেব কাষ্ঠানি যথা বিমথ্য
ধূমং চ পশ্যেজ্জ্বলনং চ যোগাৎ।
তদ্বৎসুবুদ্ধিঃ সমমিন্দ্রিয়ার্থৈ
র্বুদ্ধঃ পরং পশ্যতি তৎস্বভাবম্॥ 12-200-13 (72972)
যথাত্মনোঽঙ্গং পতিতং পৃথিব্যাং
স্বপ্নান্তরে পশ্যতি চাত্মনোঽন্যৎ।
শ্রোত্রাদিয়ুক্তঃ সুমনাঃ সুবুদ্ধি
র্লিঙ্গাত্তথা গচ্ছতি লিঙ্গমন্যৎ॥ 12-200-14 (72973)
উৎপত্তিবৃদ্ধিক্ষয়মসন্নিপাতৈ
র্ন যুজ্যতেঽসৌ পরমঃ শরীরী।
অনেন লিঙ্গেন তু লিঙ্গমন্য
দ্গচ্ছত্যদৃষ্টঃ প্রতিসন্ধিয়োগাৎ॥ 12-200-15 (72974)
ন চক্ষুষা পশ্যতি রূপমাত্মনো
ন চাপি সংস্পর্শমুপৈতি কিংচিৎ।
ন চাপি তৈঃ সাধয়তে স্বকার্যং
তে তং ন পশ্যন্তি স পশ্যতে তান্॥ 12-200-16 (72975)
যথা সমীপে জ্বলতোঽনলস্য
সংতাপজং রূপমুপৈতি কশ্চিৎ।
ন চান্তরা রূপগুণং বিভর্তি
তথৈব তদ্দৃশ্যতে রূপমস্য॥ 12-200-17 (72976)
তথা মনুষ্যঃ পরিমুচ্য কায়
মদৃশ্যমন্যদ্বিশতে শরীরম্।
বিসৃজ্য ভূতেষু মহৎসু দেহং
তদাশ্রয়ং চৈব বিভর্তি রূপম্॥ 12-200-18 (72977)
খং বায়ুমগ্নিং সলিলং তথোর্বী
সমন্ততোঽভ্যাবিশতে শরীরী।
নান্যাশ্রয়াঃ কর্মসু বর্তমানাঃ
শ্রোত্রাদয়ঃ পঞ্চগুণাঞ্শ্রয়ন্তে॥ 12-200-19 (72978)
শ্রোত্রং নভো ঘ্রাণমথো পৃথিব্যা
স্তেজোময়ং রূপমথো বিপাকঃ।
জলাশ্রয়ং তেজ উক্তং রসং চ
বায়্বাত্মকঃ স্পর্শকৃতো গুণশ্চ॥ 12-200-20 (72979)
মহৎসু ভূতেষু চ সন্তি পঞ্চ
পঞ্চেন্দ্রিয়ার্থেষু তথেন্দ্রিয়াণি।
সর্বাণি চৈতানি মনোনুগানি
বুদ্ধিং মনোঽন্বেতি মতিঃ স্বভাবম্॥ 12-200-21 (72980)
শুভাশুভং কর্ম কৃতং যদস্য
তদেব প্রেত্যাদদতেঽন্যদেহে।
মনোঽনুবর্তন্তি পরাবরাণি
জলৌকসঃ স্রোত ইবানুকূলম্॥ 12-200-22 (72981)
চলং যথা দৃষ্টিপথং পরৈতি
সূক্ষ্মং মহদ্রূপমিবাবভাতি।
তাতপ্যমানো ন পতেচ্চ ধীরঃ
পরং তথা বুদ্ধিপথং পরৈতি॥ ॥ 12-200-23 (72982)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বিশততমোঽধ্যায়ঃ॥ 200॥
Mahabharata - Shanti Parva - Chapter Footnotes
12-200-13 পৃথক্পরং পশ্যতি তৎস্বভাবমিতি ড. পাঠঃ॥ 12-200-20 শ্রোত্রং খত ইতি ঝ. পাঠঃ। জলাশ্রয়ঃ স্বেদ উক্তো রসশ্চেতি ধ. পাঠঃ। জলাশ্রয়ং জ্ঞানমুক্তমিতি ট. ড. থ. পাঠঃ॥ 12-200-23 স্বরূপমালোচয়তে চ রূপমিতি ঝ. পাঠঃ॥শান্তিপর্ব - অধ্যায় 201
॥ শ্রীঃ ॥
12.201. অধ্যায়ঃ 201
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মনুবৃহস্পতিসংবাদানুবাদঃ॥ 1॥Mahabharata - Shanti Parva - Chapter Text
12-201-0 (72983)
মনুরুবাচ। 12-201-0x (6047)
যদিন্দ্রিয়ৈস্তূপগতৈঃ পুরস্তা
ৎপ্রাপ্তান্গুণান্সংস্মরতে চিরায়।
তেষ্বিন্দ্রিয়েষূপহতেষু পশ্চা
ৎস বুদ্ধিরূপঃ পরমঃ স্বভাবঃ॥ 12-201-1 (72984)
য ইন্দ্রিয়ার্থান্যুগপৎসমন্তা
ন্নাবেক্ষতে কৃৎস্নশস্তুল্যকালম্।
যথাক্রমং সংচরতে স বিদ্বাং
স্তস্মাৎস একঃ পরমঃ শরীরী॥ 12-201-2 (72985)
রজস্তমঃ সৎবমথো তৃতীয়ং
গচ্ছত্যসৌ জ্ঞানগুণান্বিরূপান্।
`ন তৈর্নিবদ্ধঃ স তু বধ্নাতি বিশ্বং
ন চানুয়াতীহাগুণান্পরাত্মা।'
তথেন্দ্রিয়াণ্যাবিশতে শরীরী
হুতাশনং বায়ুরিবেন্ধনস্থম্॥ 12-201-3 (72986)
ন চক্ষুষা পশ্যতি রূপমাত্মনো
ন পশ্যতি স্পর্শনমিন্দ্রিয়েন্দ্রিয়ম্।
ন শ্রোত্রলিঙ্গং শ্রবণেন দর্শনং
তথা কৃতং পশ্যতি তদ্বিনশ্যতি॥ 12-201-4 (72987)
শ্রোত্রাদীনি ন পশ্যন্তি স্বংস্বমাত্মানমাত্মনা।
সর্বজ্ঞঃ সর্বদর্শী চ ক্ষেত্রজ্ঞস্তানি পশ্যতি॥ 12-201-5 (72988)
যথা হিমবতঃ পার্শ্বে পৃষ্ঠং চন্দ্রমসো যথা।
ন দৃষ্টপূর্বং মনুজৈর্ন চ তন্নাস্তি তাবতা॥ 12-201-6 (72989)
তদ্বদ্ভূতেষু ভূতাত্মা সূক্ষ্মো জ্ঞানাত্মবানসৌ।
অদৃষ্টপূর্বশ্চক্ষুর্ম্যাং ন চাসৌ নাস্তি তাবতা॥ 12-201-7 (72990)
পশ্যন্নপি যথা লক্ষ্ম জনঃ সোমেন বিন্দতি।
এবমস্তি ন চোৎপন্নং ন চ তন্ন পরায়ণম্॥ 12-201-8 (72991)
রূপবন্তমরূপৎবাদুদয়াস্তমনে বুধাঃ।
ধিয়া সমনুপশ্যন্তি তদ্গতাঃ সবিতুর্গতিম্॥ 12-201-9 (72992)
তথা বুদ্ধিপ্রদীপেন দূরস্থং সুবিপশ্চিতঃ।
প্রত্যাসন্নং নিষীদন্তি জ্ঞেয়ং জ্ঞানাভিসংহিতম্॥ 12-201-10 (72993)
ন হি স্বল্বনুপায়েন কশ্চিদর্থোঽভিসিদ্ধ্যতি।
সূত্রজালৈর্যথা মৎস্যান্বধ্নন্তি জলজীবিনঃ॥ 12-201-11 (72994)
মৃগৈর্মৃগাণাং গ্রহণং পক্ষিণাং পক্ষিভির্যথা।
গজানাং চ গজৈরেব জ্ঞেয়ং জ্ঞানেন গৃহ্যতে॥ 12-201-12 (72995)
অহিরেব হ্যহেঃ পাদান্পশ্যতীতি নিদর্শনম্।
তদ্বন্মূর্তিষু মূর্তিস্থং জ্ঞেয়ং জ্ঞানেন পশ্যতি॥ 12-201-13 (72996)
নোৎসহন্তে যথা বেত্তুমিন্দ্রিয়ৈরিন্দ্রিয়াণ্যপি।
তথৈবেহ পরা বুদ্ধিঃ পরং বুদ্ধ্যা ন পশ্যতি॥ 12-201-14 (72997)
যথা চন্দ্রো হ্যমাবাস্যামলিঙ্গৎবান্ন দৃশ্যতে।
ন চ নাশোঽস্য ভবতি তথা বিদ্ধি শরীরিণম্॥ 12-201-15 (72998)
ক্ষীণকোশো হ্যমাবাস্যাং চন্দ্রমা ন প্রকাশতে।
তদ্বন্মূর্তিবিমুক্তোঽসৌ শরীরী নোপলভ্যতে॥ 12-201-16 (72999)
যথা কোশান্তরং প্রাপ্য চন্দ্রমা ভ্রাজতে পুনঃ।
তদ্বল্লিঙ্গান্তরং প্রাপ্য শরীরী ভ্রাজতে পুনঃ॥ 12-201-17 (73000)
জন্ম বুদ্ধিঃ ক্ষয়শ্চাস্য প্রত্যক্ষেণোপলভ্যতে।
সা তু চন্দ্রমসো ব্যক্তির্ন তু তস্য শরীরিণঃ॥ 12-201-18 (73001)
উৎপত্তিবৃদ্ধিব্যযতো যথা স ইতি গৃহ্যতে।
চন্দ্র এব ৎবমাবাস্যাং তথা ভবতি মূর্তিমান্॥ 12-201-19 (73002)
নাভিসর্পদ্বিমুঞ্চদ্বা শশিনং দৃশ্যতে তমঃ।
বিসৃজংশ্চোপসর্পংশ্চ তদ্বৎপশ্য শরীরিণম্॥ 12-201-20 (73003)
যথা চন্দ্রার্কসংয়ুক্তং তমস্তদুপলভ্যতে।
তদ্বচ্ছরীরসংয়ুক্তং জ্ঞানং তদুপলভ্যতে॥ 12-201-21 (73004)
যথা চন্দ্রার্কনির্মুক্তঃ স রাহুর্নোপলভ্যতে।
তদ্বচ্ছরীরনির্মুক্তঃ শরীরী নোপলভ্যতে॥ 12-201-22 (73005)
যথা চন্দ্রো হ্যমাবাস্যাং নক্ষত্রৈর্যুজ্যতে গতঃ।
তদ্বচ্ছরীরনির্মুক্তঃ ফলৈর্যুজ্যতি কর্মণঃ॥ ॥ 12-201-23 (73006)
ইতি শ্রীমন্মহাভারতে শান্তিপর্বণি মোক্ষধর্মপর্বণি একাধিকদ্বিশততমোঽধ্যায়ঃ॥ 201॥
Mahabharata - Shanti Parva - Chapter Footnotes
12-201-4 স্পর্শনমিন্দ্রিয়াণামিতি ধ. পাঠঃ॥ 12-201-8 এবমস্তি নবেত্যন্যো ন বেত্তি ন পরায়ণম্ ইতি ধ. পাঠঃ॥ 12-201-13 জ্ঞানেন গৃহ্যতে ইতি ট.ড.থ.পাঠঃ॥শান্তিপর্ব - অধ্যায় 202
॥ শ্রীঃ ॥
12.202. অধ্যায়ঃ 202
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ভনুবৃহস্পতিসংবাদানুবাদঃ॥ 1।Mahabharata - Shanti Parva - Chapter Text
12-202-0 (73007)
মনুরুবাচ। 12-202-0x (6048)
যথা ব্যক্তমিদং শেতে স্বপ্নে চরতি চেতনম্।
জ্ঞানমিন্দ্রিয়সংয়ুক্তং তদ্বৎপ্রেত্য ভবাভবৌ॥ 12-202-1 (73008)
যথাঽম্ভসি প্রসন্নে তু রূপং পশ্যতি চক্ষুষা।
তদ্বৎপ্রসন্নেন্দ্রিয়বাঞ্জ্ঞেয়ং জ্ঞানেন পশ্যতি॥ 12-202-2 (73009)
স এব লুলিতে তস্মিন্যথা রূপং ন পশ্যতি।
তথেন্দ্রিয়াকুলীভাবে জ্ঞেয়ং জ্ঞানে ন পশ্যতি॥ 12-202-3 (73010)
অবুদ্ধিরজ্ঞানকৃতা অবুদ্ধ্যা দূষ্যতে মনঃ।
দুষ্টস্য মনসঃ পঞ্চ সংপ্রদুষ্যন্তি মানসাঃ॥ 12-202-4 (73011)
অজ্ঞানতৃপ্তো বিষয়েষ্ববগাঢো ন পশ্যতি।
স দৃষ্ট্বৈব তু পূতাত্মা বিষয়েভ্যো নিবর্ততে॥ 12-202-5 (73012)
তর্ষচ্ছেদো ন ভবতি পুরুষস্যেহ কল্মষাৎ।
নিবর্ততে তদা তর্ষঃ পাপমন্তর্গতং যদা॥ 12-202-6 (73013)
`অন্তর্গতেন পাপেন দহ্যমানেন চেতসা।
শুভাশুভবিকারেণ ন স ভূয়োঽভিজায়তে॥' 12-202-7 (73014)
বিষয়েষু তু সংসর্গাচ্ছাশ্বতস্য তু সংশ্রয়াৎ।
মনসা চান্যথা কাড্ক্ষন্পরং ন প্রতিপদ্যতে॥ 12-202-8 (73015)
জ্ঞানমুৎপদ্যতে পুংসাং ক্ষয়াৎপাপস্য কর্মণঃ।
অথাদর্শতলপ্রখ্যে পশ্যত্যাত্মানমাত্মনি॥ 12-202-9 (73016)
প্রসৃতৈরিন্দ্রিয়ৈর্দুঃখী তৈরেব নিয়তৈঃ সুখী।
তস্মাদিন্দ্রিয়চোরেভ্যো যচ্ছেদাত্মানমাত্মনা॥ 12-202-10 (73017)
ইন্দ্রিয়েভ্যো মনঃ পূর্বং বুদ্ধিঃ পরতরা ততঃ।
বুদ্ধেঃ পরতরং জ্ঞানং জ্ঞানাৎপরতরং পরম্॥ 12-202-11 (73018)
অব্যক্তাৎপ্রসৃতং জ্ঞানং ততো বুদ্ধিস্ততো মনঃ।
মনঃ শ্রোত্রাদিভির্যুক্তং শব্দাদীন্সাধু পশ্যতি॥ 12-202-12 (73019)
যস্তাংস্ত্যজতি শব্দাদীন্সর্বাশ্চ ব্যক্তয়স্তথা।
`প্রসৃতানীন্দ্রিয়াণ্যেব প্রতিসংহরতি কূর্মবৎ।'
বিমুঞ্চত্যাকৃতিগ্রামাংস্তান্মুক্ৎবাঽমৃতমশ্নুতে॥ 12-202-13 (73020)
উদ্যন্হি সবিতা যদ্বৎসৃজতে রশ্মিমণ্ডলম্।
`দৃশ্যতে মণ্ডলং তস্য ন চ দৃশ্যেত মণ্ডলী।
তদ্বদ্দেহস্তু সংদৃশ্য আত্মাঽদৃশ্যঃ পরঃ সদা॥ 12-202-14 (73021)
গ্রস্তং হ্যুদ্গিরতে নিত্যমুদ্গীথং বেত্তি নিত্যশঃ।
বাল্যে রথাভ্যাং যোগেন তৎবজ্ঞানং তু সংমতম্॥' 12-202-15 (73022)
স এবাস্তমুপাগচ্ছংস্তদেবাত্মনি যচ্ছতি।
`আদত্তে সর্বভূতানাং রসভূতং বিকাসবান্॥' 12-202-16 (73023)
অন্তরাত্মা তথা দেহমাবিশ্যেন্দ্রিয়রশ্মিভিঃ।
প্রাপ্যেন্দ্রি গুণান্পঞ্চ সোঽস্তমাবৃত্ত্য গচ্ছতি।
`রশ্মিমণ্ড হীনস্তু ন চাসৌ নাস্তি তাবতা॥' 12-202-17 (73024)
প্রণীতং কর্মণা মার্গং নীয়মানঃ পুনঃ পুনঃ।
প্রাপ্নোত্যযং কর্মফলং প্রবৃত্তং ধর্মমাপ্তবান্॥ 12-202-18 (73025)
বিষয়া বিনিবর্তন্তে নিরাহারস্য দেহিনঃ।
রসবর্জং রসোঽপ্যস্য পরং দৃষ্ট্বা নিবর্ততে॥ 12-202-19 (73026)
বুদ্ধিঃ কর্মগুণৈর্হীনা যদা মনসি বর্ততে।
তদা সংপদ্যতে ব্রহ্ম তত্রৈব প্রলয়ং গতম্॥ 12-202-20 (73027)
অস্পর্শনমশৃণ্বানমনাস্বাদমদর্শনম্।
অঘ্রাণমবিতর্কং চ সৎবং প্রবিশতে পরম্॥ 12-202-21 (73028)
`অব্যক্তাৎপ্রসৃতং জ্ঞানং ততো বুদ্ধিস্ততো মনঃ।
আত্মনঃ প্রসৃতা বুদ্ধিরব্যক্তং জ্ঞানমুচ্যতে॥ 12-202-22 (73029)
তস্মাদ্বুদ্ধিঃ স্মৃতা তজ্জ্ঞৈর্মনস্তস্মাত্ততঃ স্মৃতম্।
তস্মাদাকৃতয়ঃ পঞ্চ মনঃ পরমমুচ্যতে॥ 12-202-23 (73030)
তস্মাৎপরতরা বুদ্ধির্জ্ঞানং তস্মাৎপরং স্মৃতম্।
ততঃ সূক্ষ্মস্ততো হ্যাত্মা তস্মাৎপরতরং ন চ।
ইন্দ্রিয়াণি নিরীক্ষন্তে মনসৈতানি সর্বশঃ॥' 12-202-24 (73031)
মনস্যাকৃতয়ো মগ্না মনস্ৎবভিগতং মতিম্।
মতিস্ৎবভিগতা জ্ঞানং জ্ঞানং চাভিগতং মহৎ॥ 12-202-25 (73032)
নেন্দ্রিয়ৈর্মনসঃ সিদ্ধির্ন বুদ্ধিং বুধ্যতে মনঃ।
ন বুদ্ধির্বুধ্যতেঽব্যক্তং সূক্ষ্মং ৎবেতানি পশ্যতি॥ ॥ 12-202-26 (73033)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্ব্যধিকদ্বিশততমোঽধ্যায়ঃ॥ 202॥
Mahabharata - Shanti Parva - Chapter Footnotes
12-202-5 অজ্ঞানদুষ্টো বিষয়েষ্ববগাঢো ন দৃশ্যতে ইতি ধ. পাঠঃ॥ 12-202-21 অঘ্রাণমবিতর্ষং চেতি থ. পাঠঃ॥শান্তিপর্ব - অধ্যায় 203
॥ শ্রীঃ ॥
12.203. অধ্যায়ঃ 203
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মনুবৃহস্পতিসংবাদানুবাদঃ॥ 1॥Mahabharata - Shanti Parva - Chapter Text
12-203-0 (73034)
মনুরুবাচ। 12-203-0x (6049)
দুঃখোপঘাতে শারীরে মানসে চাপ্যুপস্থিতে।
যস্মিন্ন শক্যতে কর্তুং যত্নস্তং নানুচিন্তয়েৎ॥ 12-203-1 (73035)
ভৈষজ্যমেতদ্দুঃখস্য যদেতন্নানুচিন্তয়েৎ।
চিন্ত্যমানং হি চাভ্যেতি ভূয়শ্চাপি প্রবর্ততে॥ 12-203-2 (73036)
প্রজ্ঞয়া মানসং দুঃখং হন্যাচ্ছারীরমৌষধৈঃ।
এতদ্বিজ্ঞানসামর্থ্যং ন বালৈঃ সমতামিয়াৎ॥ 12-203-3 (73037)
অনিত্যং যৌবনং রূপং জীবিতং দ্রব্যসংচয়ঃ।
আরোগ্যং প্রিয়সংবাসো গৃধ্যেত্তত্র ন পণ্ডিতঃ॥ 12-203-4 (73038)
ন জানপদিকং দুঃখমেকঃ শোচিতুমর্হতি।
অশোচন্প্রতিকুর্বীত যদি পশ্যেদুপক্রমম্॥ 12-203-5 (73039)
সুখাদ্বহুতরং দুঃখং জীবিতে নাস্তি সংশয়ঃ।
স্রিগ্ধস্য চেন্দ্রিয়ার্থেষু মোহান্মরণমপ্রিয়ম্॥ 12-203-6 (73040)
পরিত্যজতি যো দুঃখং সুখং বাঽপ্যুভয়ং নরঃ।
অভ্যেতি ব্রহ্ম সোত্যন্তং ন তে শোচন্তি পণ্ডিতাঃ॥ 12-203-7 (73041)
দুঃখমর্থা হি যুজ্যন্তে পালনে ন চ তে সুখম্।
দুঃখেন চাধিগম্যন্তে নাশমেষাং ন চিন্তয়েৎ॥ 12-203-8 (73042)
জ্ঞানং জ্ঞেয়াভির্নিবৃত্তং বিদ্ধি জ্ঞানগুণং মনঃ।
প্রজ্ঞাকরণসংয়ুক্তং ততো বুদ্ধিঃ প্রবর্ততে॥ 12-203-9 (73043)
যদা কর্মগুণোপেতা বুদ্ধির্মনসি বর্ততে।
তদা প্রজ্ঞায়তে ব্রহ্ম ধ্যানয়োগসমাধিনা॥ 12-203-10 (73044)
সেয়ং গুণবতী বুদ্ধির্গুণেষ্বেবাভিবর্ততে।
অপরাদভিনিঃ স্রৌতি গিরেঃ শৃঙ্গাদিবোদকম্॥ 12-203-11 (73045)
যদা নির্গুণমাপ্নোতি ধ্যানং মনসি পূর্বজম্।
তদা প্রজ্ঞায়তে ব্রহ্ম নিকষং নিকষে যথা॥ 12-203-12 (73046)
মনস্ৎবসংহৃতং বুদ্ধ্যা হীন্দ্রিয়ার্থনিদর্শকম্।
ন সমর্থং গুণাপেক্ষি নির্গুণস্য নিদর্শনে॥ 12-203-13 (73047)
সর্বাণ্যেতানি সংবার্য দ্বারাণি মনসি স্থিতঃ।
মনস্যেকাগ্রতাং কৃৎবা তৎপরং প্রতিপদ্যতে॥ 12-203-14 (73048)
যথা মহান্তি ভূতানি নিবর্তন্তে গুণক্ষয়ে।
তথেন্দ্রিয়াণ্যুপাদায় বুদ্ধির্মনসি বর্ততে॥ 12-203-15 (73049)
যদা মনসি সা বুদ্ধির্বর্ততেঽন্তরচারিণী।
ব্যবসায়গুণোপেতা তদা সংপদ্যতে মনঃ॥ 12-203-16 (73050)
গুণবদ্ভির্গুণোপেতং যদা ধ্যানগতং মনঃ।
তদা সর্বান্গুণান্হিৎবা নির্গুণং প্রতিপদ্যতে॥ 12-203-17 (73051)
অব্যক্তস্যেহ বিজ্ঞানে নাস্তি তুল্যং নিদর্শনম্।
যত্র নাস্তি পদন্যাসঃ কস্তং বিষয়মাপ্নুয়াৎ॥ 12-203-18 (73052)
তপসা চানুমানেন গুণৈর্জাত্যা শ্রুতেন চ।
নিনীষেৎপরমং ব্রহ্ম বিশুদ্ধেনান্তরাত্মনা॥ 12-203-19 (73053)
গুণহীনো হি তং মার্গং বহিঃ সমনুবর্ততে।
গুণাভাবাৎপ্রকৃত্যা বা নিস্তর্ক্যং জ্ঞেয়সংমিতম্॥ 12-203-20 (73054)
নৈর্গুণ্যাদ্ব্রহ্ম চাপ্নোতি সগুণৎবান্নিবর্ততে।
গুণপ্রসারিণী বুদ্ধির্হুতাশন ইবেন্ধনে॥ 12-203-21 (73055)
যদা পঞ্চ বিয়ুক্তানি ইন্দ্রিয়াণি স্বকর্মভিঃ।
তদা তৎপরমং ব্রহ্ম সংমুক্তং প্রকৃতেঃ পরম্॥ 12-203-22 (73056)
এবং প্রকৃতিতঃ সর্বে সংভবন্তি শরীরিণঃ।
নিবর্তন্তে নিবৃত্তৌ চ স্বর্গে নৈবোপয়ান্তি চ॥ 12-203-23 (73057)
পুরুষপ্রকৃতির্বুদ্ধির্বিশেষাশ্চেন্দ্রিয়াণি চ।
অহংকারোঽভিমানশ্চ সংভূতো ভূতসংজ্ঞকঃ॥ 12-203-24 (73058)
এতস্যাদ্যা প্রবৃত্তিস্তু প্রধানাৎসংপ্রবর্ততে।
দ্বিতীয়া মিথুনব্যক্তিমবিশেষান্নিয়চ্ছতি॥ 12-203-25 (73059)
ধর্মাদুৎকৃষ্যতে শ্রেয়স্তথা ধর্মোঽষ্যধর্মতঃ।
রাগবান্প্রকৃতিং হ্যেতি বিরক্তো জ্ঞানবান্ভবম্॥ ॥ 12-203-26 (73060)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্র্যধিকদ্বিশততমোঽধ্যায়ঃ॥ 203॥
Mahabharata - Shanti Parva - Chapter Footnotes
12-203-5 উপক্রমং প্রতীকারোপায়ম্॥ 12-203-6 মরণং ভবতি॥ 12-203-7 তে ব্রহ্মাভিগতাঃ॥শান্তিপর্ব - অধ্যায় 204
॥ শ্রীঃ ॥
12.204. অধ্যায়ঃ 204
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মনুবৃহস্পতিসংবাদানুবাদসমাপনম্॥ 1॥Mahabharata - Shanti Parva - Chapter Text
12-204-0 (73061)
মনুরুবাচ। 12-204-0x (6050)
`তদেব সততং মন্যে ন শক্যমনুবর্ণিতুম্।
যথা নিদর্শনং বস্তু ন শক্যমনুবোধিতুম্॥ 12-204-1 (73062)
যথাহি সারং জানাতি ন কথংচন সংস্থিতম্।
পরকায়চ্ছবিস্তদ্বদ্দেহেঽয়ং চেতনস্তথা॥ 12-204-2 (73063)
বিনা কায়ং ন সা চ্ছায়া তাং বিনা কায়মস্ত্যুত।
তদ্বদেব বিনা নাস্তি প্রকৃতেরিহ বর্তনম্॥ 12-204-3 (73064)
ইদং বৈ নাস্তি নেদমস্তি পরং বিনা।
জীবাত্মনা ৎবসৌ ছিন্নস্ৎবেষ চৈব পরাত্মনা॥ 12-204-4 (73065)
তত্তবেতি বিদুঃ কেচিদতথ্যমিতি চাপরে।
উভয়ং মে মতং বিদ্বন্মুক্তিহেতৌ সমাহিতম্॥ 12-204-5 (73066)
বিমুক্তৈশ্চ মৃগঃ সোঽপি দৃশ্যতে সংয়তেন্দ্রিয়ঃ।
সর্বেষাং ন হি দৃশ্যো হি তটিদ্বৎস্ফুরতি হ্যসৌ॥ 12-204-6 (73067)
ব্রাহ্মণস্য সমাদৃশ্যো বর্ততে সোঽপি কিং পুনঃ।
বিদ্যতে পরমঃ শুদ্ধঃ সাক্ষিভূতো বিভাবসুঃ॥ 12-204-7 (73068)
শ্রুতিরেষা ততো নিত্যা তস্মাদেকঃ পরো মতঃ।
ন প্রয়োজনমুদ্দিশ্য চেষ্টা তস্য মহাত্মনঃ॥ 12-204-8 (73069)
তাদৃশোস্ৎবিতি মন্তব্যস্তথা সত্যং মহাত্মনা।
নানাসংস্থেন ভেদেন সদা গতিবিভেদবৎ।
তস্য ভেদঃ সমাখ্যাতো ভেদো হ্যস্তি তথাবিধঃ॥ 12-204-9 (73070)
এবং বিদ্বন্বিজানীহি পরমাত্মানমব্যযম্।
তত্তদ্গুণবিশেষেণ সংজ্ঞানামনুসংয়ুতম্॥ 12-204-10 (73071)
সর্বেশ্বরঃ সর্বময়ঃ স চ সর্বপ্রবর্তকঃ।
সর্বাত্মকঃ সর্বশক্তিঃ সর্বকারণকারণম্॥ 12-204-11 (73072)
সর্বসাধারণঃ সর্বৈরুপাস্যশ্চ মহাত্মভিঃ।
বাসুদেবেতি বিখ্যাতস্তং বিদিৎবাঽশ্নুতেঽমৃতম্॥' 12-204-12 (73073)
যদা তে প়ঞ্চভিঃ পঞ্চ যুক্তানি মনসা সহ।
অথ তদ্দ্রক্ষ্যতে ব্রহ্ম মণৌ সূত্রমিবার্পিতম্॥ 12-204-13 (73074)
তদেব চ যথা সূত্রং সুবর্ণে বর্ততে পুনঃ।
মুক্তাস্বথ প্রবালেষু মৃন্ময়ে রাজতে তথা॥ 12-204-14 (73075)
তদ্বদ্গোঽশ্বমনুষ্যেষু তদ্বদ্ধস্তিমৃগাদিষু।
তদ্বৎকীটপতঙ্গেষু প্রসক্তাত্মা স্বকর্মভিঃ॥ 12-204-15 (73076)
যেনয়েন শরীরেণ যদ্যৎকর্ম করোত্যযম্।
তেনতেন শরীরেণ তত্তৎফলমুপাশ্নুতে॥ 12-204-16 (73077)
যথা হ্যেকরসা ভূমিরোষধ্যর্থানুসারিণী।
তথা কর্মানুগা বুদ্ধিরন্তরাত্মাঽনুদর্শিনী॥ 12-204-17 (73078)
জ্ঞানপূর্বোদ্ভবা লিপ্সা লিপ্সাপূর্বাভিসন্ধিতা।
অভিসন্ধিপূর্বকং কর্ম কর্মমূলং ততঃ ফলম্॥ 12-204-18 (73079)
ফলং কর্মত্মকং বিদ্যাৎকর্ম জ্ঞেয়াত্মকং তথা।
জ্ঞেয়ং জ্ঞানাত্মকং বিদ্যাজ্জ্ঞানং সদসদাত্মকম্॥ 12-204-19 (73080)
`তদেবমিষ্যতে ব্রহ্ম সংখ্যানাদ্বিনিভিদ্যতে।'
জ্ঞানানাং চ ফলানাং চ জ্ঞেয়ানাং কর্মণাং তথা।
ক্ষয়ান্তে যৎফলং বিদ্যাজ্জ্ঞানং জ্ঞেয়প্রতিষ্ঠিতম্॥ 12-204-20 (73081)
মহদ্ধি পরমং ভূতং যুক্তাঃ পশ্যন্তি যোগিনঃ।
অবুধাস্তং ন পশ্যন্তি হ্যাত্মস্থং গুণবুদ্ধয়ঃ॥ 12-204-21 (73082)
পৃথিবীরুপতো রূপমপামিহ মহত্তরম্।
অদ্ভ্যো মহত্তরং তেজস্তেজসঃ পবনো মহান্॥ 12-204-22 (73083)
পবনাচ্চ মহদ্ব্যোম তস্মাৎপরতরং মনঃ।
মনসো মহতী বুদ্ধির্বুদ্ধেঃ কালো মহান্স্মৃতঃ॥ 12-204-23 (73084)
কালাৎস ভগবান্বিষ্ণুর্যস্য সর্বমিদং জগৎ।
নাদির্ন মধ্যং নৈবান্তস্তস্য দেবস্য বিদ্যতে॥ 12-204-24 (73085)
অনাদিৎবাদমধ্যৎবাদনন্তৎবাচ্চ সোঽব্যযঃ।
অত্যেতি সর্বদুঃখানি দুঃখং হ্যন্তবদুচ্যতে॥ 12-204-25 (73086)
তদ্ব্রহ্ম পরমং প্রোক্তং তদ্ধাম পরমং পদম্।
তদ্গৎবা কালবিষয়াদ্বিমুক্তা মোক্ষমাশ্রিতাঃ॥ 12-204-26 (73087)
গুণেষ্বেতে প্রকাশন্তে নির্গুণৎবাত্ততঃ পরম্।
নিবৃত্তিলক্ষণো ধর্মস্তথাঽঽনন্ত্যায় কল্পতে॥ 12-204-27 (73088)
ঋচো যজূংষি সামানি শরীরাণি ব্যপাশ্রিতাঃ।
জিহ্বাগ্রেষু প্রবর্তন্তে যত্নসাধ্যাবিনাশিনঃ॥ 12-204-28 (73089)
ন চৈবমিষ্যতে ব্রহ্ম শরীরাশ্রয়সংভবম্।
ন যত্নসাধ্যং তদ্ব্রহ্ম নাদিমধ্যং ন চান্তবন্॥ 12-204-29 (73090)
ঋচামাদিস্তথা সাম্নাং যজুষামাদিরুচ্যতে।
অন্তশ্চাদিমতাং দৃষ্টো ন ৎবাদির্ব্রহ্মণঃ স্মৃতঃ॥ 12-204-30 (73091)
অনাদিৎবাদনন্তৎবাত্তদনন্তমথাব্যযম্।
অব্যযৎবাচ্চ নির্দুঃখং দ্বন্দ্বাভাবস্ততঃ পরম্॥ 12-204-31 (73092)
অদৃষ্টতোঽনুপায়াচ্চ প্রতিসন্ধেশ্চ কর্মণঃ।
ন তেন মর্ত্যাঃ পশ্যন্তি যেন গচ্ছান্ত তৎপদম্॥ 12-204-32 (73093)
বিষয়েষু চ সংসর্গাচ্ছাশ্বতস্য চ সংশয়াৎ।
মনসা চান্যদাকাঙ্ক্ষন্পরং ন প্রতিপদ্যতে॥ 12-204-33 (73094)
গুণান্যদিহ পশ্যন্তি তদিচ্ছন্ত্যপরে জনাঃ।
পরং নৈবাভিকাঙ্ক্ষন্তি নির্গুণৎবাদ্গুণার্থিনঃ॥ 12-204-34 (73095)
গুণৈর্যস্ৎববরৈর্যুক্তঃ কথং বিদ্যাদ্গুণানিমান্।
অনুমানাদ্ধি গন্তব্যং গুণৈরবয়বৈঃ পরম্॥ 12-204-35 (73096)
সূক্ষ্মেণ মনসা বিদ্মো বাচা বক্তুং ন শক্নুমঃ।
মনো হি মনসা গ্রাহ্যং দর্শনেন চ দর্শনম্॥ 12-204-36 (73097)
জ্ঞানেন নির্মলীকৃত্য বুদ্ধিং বুদ্ধ্যা মনস্তথা।
মনসা চেন্দ্রিয়গ্রামমক্ষরং প্রতিপদ্যতে॥ 12-204-37 (73098)
বুদ্ধিপ্রহীণো মনসা সমৃদ্ধ
স্তথাঽনিরাশীর্গুণতামুপৈতি।
পরং ত্যজন্তীহ বিলোভ্যমানা
হুতাশনং বায়ুরিবেন্ধনস্থম্॥ 12-204-38 (73099)
গুণাদানে বিপ্রয়োগে চ তেষাং
মনঃ সদা বিদ্ধি পরাবরাভ্যাম্।
অনেনৈব বিধিনা সংপ্রবৃত্তো
গুণাদানে ব্রহ্ম শরীরমেতি॥ 12-204-39 (73100)
অব্যক্তাত্মা পুরুষোঽব্যক্তকর্মা
সোঽব্যক্তৎবং গচ্ছতি হ্যন্তকালে।
তৈরেবায়ং চেন্দ্রিয়ৈর্বর্ধমানৈ
র্গ্লায়দ্ভির্বা বর্ততেঽকামরূপঃ॥ 12-204-40 (73101)
সর্বৈরয়ং চেন্দ্রিয়ৈঃ সংপ্রয়ুক্তো
দেহং প্রাপ্তঃ যঞ্চভূতাশ্রয়ঃ স্যাৎ।
ন সামর্থ্যাদ্গচ্ছতি কর্মণেহ
হীনস্তেন পরমেণাব্যযেন॥ 12-204-41 (73102)
পৃথ্ব্যা নরঃ পশ্যতি নান্তমস্যা
হ্যন্তশ্চাস্যা ভবিতা চেতি বিদ্ধি।
পরং ন যাতীহ বিলোভ্যমানো
যথা প্লবং বায়ুরিবার্ণবস্থম্॥ 12-204-42 (73103)
দিবাকরো গুণমুপলভ্য নির্গুণো
যথা ভবেদপগতরশ্মিমণ্ডলঃ।
তথাং হ্যসৌ মুনিরিহ নির্বিশেষবান্
স নির্গুণং প্রবিশতি ব্রহ্ম চাব্যযম্॥ 12-204-43 (73104)
অনাগতং সুকৃতবতাং পরাং গতিং
স্বয়ংভুবং প্রভবনিধানমব্যযম্।
সনাতনং যদমৃতমব্যযং ধ্রুবং
নিচায়্য তৎপরমমৃতৎবমশ্নুতে॥ ॥ 12-204-44 (73105)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুরধিকদ্বিশততমোঽধ্যায়ঃ॥ 204॥
Mahabharata - Shanti Parva - Chapter Footnotes
12-204-16 যেনয়েন পিত্র্যেণ দৈবেন গান্ধর্বেণ প্রাজাপত্যেন বা প্রাপ্যেণ হেতুভূতেন যস্য যস্য দেহস্য প্রাপ্ত্যর্থমিত্যর্থঃ। যদ্যৎকর্ম যজ্ঞাদিকম্॥ 12-204-33 শাশ্বতস্য দর্শনাৎ ইতি ঝ. পাঠঃ॥ 12-204-40 যো ব্যক্তৎবং গচ্ছতি ব্রহ্মভূয়ঃ। সুপুষ্পিতৈঃ কর্মভিরিদ্ধ্যমানঃ সায়ংদিবো বর্ততে কর্মরূপঃ ইতি ধ. পাঠঃ॥শান্তিপর্ব - অধ্যায় 205
॥ শ্রীঃ ॥
12.205. অধ্যায়ঃ 205
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি নিবন্ধনেন স্বমাতরংপ্রতি অরণ্যৎবেন রূপিতস্য সংসারচক্রস্য বিবরণম্॥ 1॥ তথা নারদসাবিত্রীসংবাদঃ॥ 2॥ নারদেন তপসা শ্রীভগবদপরোক্ষীকরণম্॥ 3॥Mahabharata - Shanti Parva - Chapter Text
12-205-0 (73106)
* যুধিষ্ঠির উবাচ। 12-205-0x (6051)
পিতামহ মহাপ্রাজ্ঞ দুঃখশোকসমাকুলে।
সংসারচক্রে লোকানাং নির্বেদো নাস্তি কিংন্বিদম্॥ 12-205-1 (73107)
ভীষ্ম উবাচ। 12-205-2x (6052)
অত্রাপ্যুদাহরন্তীমমিতিহাসং পুরাতনম্।
নিবন্ধনস্য সংবাদং ভোগবত্যা নৃপোত্তম॥ 12-205-2 (73108)
মুনিং নিবন্ধনং শুষ্কং ধমনীয়াকৃতিং তথা।
নিরারম্ভং নিরালম্বমসজ্জন্তং চ কর্মণি।
পুত্রং দৃষ্ট্বাঽপ্যুবাচার্তং মাতা ভোগবতী তদা॥ 12-205-3 (73109)
উত্তিষ্ঠ মূঢ কিং শেষে নিরপেক্ষঃ সুহৃজ্জনৈঃ।
নিরালম্বো ধনোপায়ে পৈতৃকং তব কিং ধনম্॥ 12-205-4 (73110)
নিবন্ধন উবাচ। 12-205-5x (6053)
পৈতৃকং মে মহন্মাতঃ সর্বদুঃখালয়ং ৎবিহ।
অস্ত্যেতত্তদ্বিধাতায় যতিষ্যে তত্র মা শুচঃ॥ 12-205-5 (73111)
ইদং শরীরমত্যুগ্রং পিত্রা দত্তমসংশয়ম্।
তমেব পিতরং গৎবা ধনং তিষ্ঠতি শাশ্বতম্॥ 12-205-6 (73112)
কশ্চিন্মহতি সংসারে বর্তমান---।
বনদুগমভিপ্রাপ্তো মহৎক্রব্যা-----॥ 12-205-7 (73113)
সিংহব্যাঘ্রগজাকারৈরতিঘোরৈর্মহা-----।
সমন্তাৎসুপরিক্ষিপ্তং স দৃষ্ট্বা ব্যথতে পুমান্॥ 12-205-8 (73114)
স তদ্বনং হ্যনুচরন্বিপ্রধাবন্নিতস্ততঃ।
বীক্ষমাণো দিশঃ সর্বাঃ শরণার্থং প্রধাবতি॥ 12-205-9 (73115)
অথাপশ্যদ্বনং রূঢং সমন্তাদ্বাগুরাবৃতম্।
বনমধ্যে চ তত্রাসীদুদপানঃ সমাবৃতঃ॥ 12-205-10 (73116)
বল্লিভিস্তৃণসংছিন্নৈর্গূঢাভিরভিসংবৃতঃ।
স পপাত দ্বিজস্তত্র বিজনে সলিলাশয়ে॥ 12-205-11 (73117)
বিলগ্নশ্চাভবত্তস্মিঁল্লতাসন্তানসঙ্কুলে।
বাহুভ্যাং সংপরিষ্বক্তস্তয়া পরমসৎবয়া॥ 12-205-12 (73118)
স তথা লম্বতে তত্র ঊর্ধ্বপাদো হ্যধশ্শিরাঃ।
অধস্তত্রৈব জাতশ্চ জম্বূবৃক্ষঃ সুদুস্তরঃ॥ 12-205-13 (73119)
কূপস্য তস্য বেলায়া অপশ্যৎসুমহাফলম্।
বৃক্ষং বহুবিধং ব্যোমং বল্লীপুষ্পসমাকুলম্॥ 12-205-14 (73120)
নানারূপা মধুকরাস্তস্মিন্বুক্ষঽভবন্কিল।
তেষাং মধূনাং বহুধা ধারা প্রববৃতে তদা॥ 12-205-15 (73121)
বিলম্বমানঃ স পুমান্ধারাং পিবতি সর্বদা।
ন তস্য তৃষ্ণা বিরতা পীয়মানস্য সংকটে॥ 12-205-16 (73122)
পরীপ্সতি চ তাং নিত্যমতৃপ্তঃ স পুনঃ পুনঃ।
এবং স বসতে তত্র দুঃখিদুঃখী পুনঃ পুনঃ॥ 12-205-17 (73123)
ময়া তু তদ্ধনং দেয়ং তব দাস্যামি চেচ্ছসি।
তস্য চ প্রার্থিতঃ সোথ দৎবা মুক্তিমবাপ সঃ॥ 12-205-18 (73124)
সা চ ত্যক্ৎবাঽর্থসংকল্পং জগাম পরমাং গতিম্॥ 12-205-19 (73125)
এবং সংসারচক্রস্য স্বরূপজ্ঞা নৃপোত্তম।
পরং বৈরাগ্যমাগম্য গচ্ছন্তি পরমং পদম্॥ 12-205-20 (73126)
যুধিষ্ঠির উবাচ। 12-205-21x (6054)
এবং সংসারচক্রস্য স্বরূপং বিদিতং ন মে।
পৈতৃকং তু ধনং প্রোক্তং কিং তদ্বিদ্বন্মহাত্মনা॥ 12-205-21 (73127)
কান্তারমিতি কিং প্রোক্তং কো হস্তী স তু কূপকঃ।
কিংসংজ্ঞিকো মহাবৃক্ষো মধু বাঽপি পিতামহ॥ 12-205-22 (73128)
এবং মে সংশয়ং বিদ্ধি ধনশব্দং কিমুচ্যতে।
কথং লব্ধং ধনং তেন তথা চ কিমিদং ৎবিহ॥ 12-205-23 (73129)
ভীষ্ম উবাচ। 12-205-24x (6055)
উপাখ্যানমিদং সর্বং মোক্ষবিদ্ভিরুদাহৃতম্।
সুমতিং বিন্দতে যেন বন্ধনাশশ্চ ভারত॥ 12-205-24 (73130)
এতদুক্তং হি কান্তারং মহান্সংসার এব সঃ।
যে তে প্রতিষ্ঠিতা ব্যালা ব্যাধয়স্তে প্রকীর্তিতাঃ॥ 12-205-25 (73131)
যা সা নারী মহাঘোরা বর্ণরূপবিনাশিনী।
তামাহুশ্চ জরাং প্রাজ্ঞাঃ পরিষ্বক্তং যয়া জগৎ॥ 12-205-26 (73132)
যস্তত্র কূপে বসতে মহাহিঃ কাল এব সঃ।
যো বৃক্ষঃ স চ মৃত্যুর্হি স্বকৃতং তস্য তৎফলম্॥ 12-205-27 (73133)
যে তু কৃষ্ণাঃ সিতা রাজন্মূষিকা রাত্র্যহানি বৈ॥ 12-205-28 (73134)
দ্বিষট্কপদসংয়ুক্তো যো হস্তী ষণ্মুখাকৃতিঃ।
স চ সংবৎসরঃ প্রোক্তঃ পাশমাসর্তবো মুখাঃ॥ 12-205-29 (73135)
এতৎসংসারচক্রস্য স্বরূপং ব্যাহৃতং ময়া।
এবং লব্ধধনং রাজংস্তৎস্বরূপং বিনাশয়॥ 12-205-30 (73136)
এতজ্জ্ঞাৎবা তু সা রাজন্পরং বৈরাগ্যমাস্থিতা।
যথোক্তবিধিনা ভূয়ঃ পরং পদমবাপ সঃ॥ 12-205-31 (73137)
ধত্তে ধারয়তে চৈব এতস্মাৎকারণাদ্ধনম্।
তদ্গচ্ছ চামৃতং শুদ্ধং হিরণ্যমমৃতং তপঃ॥ 12-205-32 (73138)
তৎস্বরূপো মহাদেবঃ কৃষ্ণো দেবকিনন্দনঃ।
তস্য প্রসাদাদ্দুঃখস্য নাশং প্রাপ্স্যসি মানদ॥ 12-205-33 (73139)
একঃ কর্তা স কৃষ্ণশ্চ জ্ঞানিনাং পরমা গতিঃ॥ 12-205-34 (73140)
ইদমাশ্রিত্য দেবেন্দ্রো দেবা রুদ্রাস্তথাঽশ্বিনৌ।
স্বেস্বে পদে বিবিশিরে ভুক্তিমুক্তিবিদো জনাঃ॥ 12-205-35 (73141)
ভূতানামন্তরাত্মাঽসৌ স নিত্যপদসংবৃতঃ।
শ্রূয়তামস্য সদ্ভাবঃ সম্যগ্জ্ঞানং যথা তব॥ 12-205-36 (73142)
ভবেদেতন্নিবোধ ৎবং নারদায় পুরা হরিঃ।
দর্শয়িৎবাঽঽত্মনো রূপং যদবোচৎস্বয়ং বিভুঃ॥ 12-205-37 (73143)
পুরা দেবঋষিঃ শ্রীমান্নারদঃ পরমার্থবান্।
চচার পৃথিবীং কৃৎস্নাং তীর্থান্যনুচরন্প্রভুঃ॥ 12-205-38 (73144)
হিমবৎপাদমাশ্রিত্য বিচার্য চ পুনঃপুনঃ।
স দদর্শ হ্রদং তত্র পদ্মোৎপলসমাকুলম্॥ 12-205-39 (73145)
দদর্শ কন্যাং তত্তীরে সর্বাভরণভূষিতাম্।
শোভমানাং শ্রিয়া রাজন্ক্রীডন্তীমুৎপলৈস্তথা॥ 12-205-40 (73146)
সা মহাত্মানমালোক্য নারদেত্যাহ ভামিনী।
তস্যাঃ সমীপমাসাদ্য তস্থৌ বিস্মিতমানসঃ॥ 12-205-41 (73147)
বীক্ষমাণং তমাজ্ঞায় সা কন্যা চারুবাসিনী।
বিজজৃম্ভে মহাভাগা স্ময়মানা পুনঃ পুনঃ॥ 12-205-42 (73148)
তস্মাৎসমভবদ্বক্রাৎপুরুষাকৃতিসংয়ুতঃ।
রত্নবিন্দুচিতাঙ্গস্তু সর্বাভরণভূষিতঃ॥ 12-205-43 (73149)
আদিত্যসদৃশাকারঃ শিরসা ধারয়ন্মণিম্।
পুনরেব তদাকারসদৃশঃ সমজায়ত॥ 12-205-44 (73150)
তৃতীয়স্তু মহারাজ বিবিধাভরণৈর্যুতঃ।
প্রদক্ষিণং তু তাং কৃৎবা বিবিধধ্বনয়স্তু তাম্॥ 12-205-45 (73151)
ততঃ সর্বেণ বিপ্রর্ষিঃ কন্যাং পপ্রচ্ছ তাং শুভাম্॥ 12-205-46 (73152)
কা ৎবং পরমকল্যাণি পদ্মেন্দুসদৃশাননে।
ন জানে ৎবাং মহাদেবি ব্রূহি সত্যমনিন্দিতে॥ 12-205-47 (73153)
কন্যোবাচ। 12-205-48x (6056)
সাবিত্রী নাম বিপ্রর্ষে শৃণু ভদ্রং তবাস্তু বৈ।
কিং করিষ্যামি তদ্ব্রূহি তব যচ্চেতসি স্থিতম্॥ 12-205-48 (73154)
নারদ উবাচ। 12-205-49x (6057)
অভিবাদয়ে ৎবাং সাবিত্রি কৃতার্থোঽহমনিন্দিতে।
এতং মে সংশয়ং দেবি বক্তুমর্হসি শোভনে॥ 12-205-49 (73155)
যস্তু বৈ প্রথমোৎপন্নঃ কোঽসৌ স পুরুষাকৃতিঃ।
বিন্দবস্তু মহাদেবি মূর্ধ্নি জ্যোতির্ময়াকৃতিঃ॥ 12-205-50 (73156)
কন্যোবাচ। 12-205-51x (6058)
অগ্রজঃ প্রথমোৎপন্নো যজুর্বেদস্তথাঽপরঃ।
তৃতীয়ঃ সামবেদস্তু সংশয়ো ব্যেতু তে মুনে॥ 12-205-51 (73157)
বেদাশ্চ বিন্দুসংয়ুক্তা যজ্ঞস্য ফলসংশ্রিতাঃ।
যত্তদ্দৃষ্টং মহজ্জ্যোতির্জ্যোতিরিত্যুচ্যতে বুধৈঃ॥ 12-205-52 (73158)
ঋষে জ্ঞেয়ং ময়া চাঽপীত্যুক্ৎবা চান্তরধীয়ত।
ততঃ স বিস্ময়াবিষ্টো নারদঃ পুরুষর্ষভ।
ধ্যানয়ুক্তঃ স তু চিরং ন বুবোধ মহামতিঃ॥ 12-205-53 (73159)
ততঃ স্নাৎবা মহাতেজা বাগ্যতো নিয়তেন্দ্রিয়ঃ।
তুষ্টাব পুরুষব্যাঘ্রো জিজ্ঞাসুশ্চ তদদ্ভুতম্॥ 12-205-54 (73160)
ততো বর্ষশতে পূর্ণে ভগবাঁলোকভাবনঃ।
প্রাদুশ্চকার বিশ্বাত্মা ঋষেঃ পরমসৌহৃদাৎ॥ 12-205-55 (73161)
তমাগতং জগন্নাথং সর্বকারণকারণম্।
অখিলামরমৌল্যঙ্গরুক্মারুণপদদ্বয়ম্॥ 12-205-56 (73162)
বৈনতেয়পদস্পর্শকিণশোভিতজানুকম্।
পীতাম্বরলসৎকাঞ্চীদামবদ্ধকটীতটম্॥ 12-205-57 (73163)
শ্রীবৎসবক্ষসং চারুমণিকৌস্তুভকন্ধরম্।
মন্দস্মিতমুখাম্ভোজং চলদায়তলোচনম্॥ 12-205-58 (73164)
নম্রচাপানুকরণনম্রভ্রূয়ুগশোভিতম্।
নানারত্নমণীবজ্রস্ফুরন্মকরকুণ্ডলম্॥ 12-205-59 (73165)
ইন্দ্রনীলনিভাসং তং কেয়ূরমকুটোজ্জ্বলম্।
দেবৈরিন্দ্রপুরোগৈশ্চ ঋষিসঙঘৈরভিষ্টুতম্॥ 12-205-60 (73166)
নারদো জয়শব্দেন ববন্দে শিরসা হরিম্॥ 12-205-61 (73167)
ততঃ স ভগবাঞ্শ্রীমান্মেঘগম্ভীরয়া গিরা।
প্রাহেশঃ সর্বভূতানাং নারদং পতিতং ক্ষিতৌ॥ 12-205-62 (73168)
ভদ্রমস্তু ঋষে তুভ্যং বরং বরয় সুব্রত।
যত্তে মনসি সুব্যক্তমস্তি চ প্রদদামি তন্॥ 12-205-63 (73169)
স চেমং জয়শব্দেন প্রসীদেত্যাতুরো মুনিঃ।
প্রোবাচ হৃদি সংরূঢং শঙ্খচক্রগদাধরম্॥ 12-205-64 (73170)
বিবক্ষিতং জগন্নাথ ময়া জ্ঞাতং ৎবয়াঽচ্যুত।
তৎপ্রসীদ হৃষীকেশ শ্রোতুমিচ্ছামি তদ্ধরে॥ 12-205-65 (73171)
ততঃ স্ময়ন্মহাবিষ্ণুরভ্যভাষত নারদম্।
যদ্দৃষ্টং মম রূপং তু বেদানাং শিরসি ৎবয়া॥ 12-205-66 (73172)
নির্দ্বন্দ্বা নিরহংকারাঃ শুচয়ঃ শুদ্ধলোচনাঃ।
তং মাং পশ্যন্তি সততং তান্পৃচ্ছ যদিহেচ্ছসি॥ 12-205-67 (73173)
যে যোগিনো মহাপ্রাজ্ঞা মদংশা যে ব্যবস্থিতাঃ।
তেষাং প্রসাদং দেবর্ষে মৎপ্রসাদমবৈহি তৎ॥ 12-205-68 (73174)
ভীষ্ম উবাচ। 12-205-69x (6059)
ইত্যুক্ৎবা স জগামাথ ভগবান্ভূতভাবনঃ।
তস্মাদ্ব্রজ হৃষীকেশং কৃষ্ণং দেবকিনন্দনম্॥ 12-205-69 (73175)
এতমারাধ্য গোবিন্দং গতা মুক্তিং মহর্ষয়ঃ।
এষ কর্তা বিকর্তা চ সর্বকারণকারণম্॥ 12-205-70 (73176)
ময়াঽপ্যেতচ্ছ্রুতং রাজন্নারদাত্তু নিবোধ তৎ।
স্বয়মেব সমাচষ্ট নারদো ভগবান্মুনিঃ॥ 12-205-71 (73177)
সমস্তসংসারবিঘাতকারণং
ভজন্তি যে বিষ্ণুমনন্যমানসাঃ।
তে যান্তি সায়ুজ্যমতীব দুর্লভ
মিতীব নিত্যং হৃদি বর্ণয়ন্তি॥' ॥ 12-205-72 (73178)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চাধিকদ্বিশততমোঽধ্যায়ঃ॥ 205॥
Mahabharata - Shanti Parva - Chapter Footnotes
* অয়মধ্যায়ঃ ধ. পুস্তক এব দৃশ্যতে। 12-205-65 ময়া বিবক্ষিতং ৎবয়া জ্ঞাতমিতি সংবন্ধঃ॥ 12-205-69 ব্রজ শরণমিতি শেষঃ॥শান্তিপর্ব - অধ্যায় 206
॥ শ্রীঃ ॥
12.206. অধ্যায়ঃ 206
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ভূতাদিজগৎসৃষ্টিপ্রকারনিরূপণম্॥ 1॥ তথা নারদোদিতনৃসিংহাদিভগবৎপ্রাদুর্ভাবচরিত্রনিরূপণপূর্বকং শ্রীকৃষ্ণস্য সর্বোত্তমৎবপ্রতিপাদনেন তদ্ধ্যানবিধানম্॥ 2॥Mahabharata - Shanti Parva - Chapter Text
12-206-0 (73179)
যুধিষ্ঠির উবাচ। 12-206-0x (6060)
পিতামহ মহাপ্রাজ্ঞ পুণ়্ডরীকাক্ষমচ্যুতম্।
কর্তারমকৃতং বিষ্ণুং ভূতানাং প্রভবাপ্যযম্॥ 12-206-1 (73180)
নারায়ণং হৃষীকেশং গোবিন্দমপরাজিতম্।
তত্ৎবেন ভরতশ্রেষ্ঠ শ্রোতুমিচ্ছামি কেশবম্॥ 12-206-2 (73181)
ভীষ্ম উবাচ। 12-206-3x (6061)
শ্রুতোঽয়মর্থো রামস্য জামদগ্ন্যস্য জল্পতঃ।
নারদস্য চ দেবর্ষেঃ কৃষ্ণদ্বৈপায়নস্য চ॥ 12-206-3 (73182)
অসিতো দেবলস্তাত বাল্মীকিশ্চ মহাতপাঃ।
মার্কণ্ডেয়শ্চ গোবিন্দে কথয়ন্ত্যদ্ভুতং মহৎ॥ 12-206-4 (73183)
`কেশবস্য ময়া রাজন্ন শক্যা বর্ণিতুং গুণাঃ।
ঈদৃশোঽসৌ হৃষীকেশো বাসুদেবঃ পরাৎপরঃ॥' 12-206-5 (73184)
কেশবো ভরতশ্রেষ্ঠ ভগবানীশ্বরঃ প্রভুঃ।
পুরুষঃ সর্বমিত্যেব শ্রূয়তে বহুধা বিভুঃ॥ 12-206-6 (73185)
কিংতু যানি বিদুর্লোকে ব্রাহ্মণাঃ শার্ঙ্গধন্বনি।
মহাত্মনি মহাবাহো শৃণু তানি যুধিষ্ঠির॥ 12-206-7 (73186)
যানি চাহুর্মনুষ্যেন্দ্র যে পুরাণবিদো জনাঃ।
শ্রুৎবা সর্বাণি গোবিন্দো কীর্তয়িষ্যামি তান্যহম্॥ 12-206-8 (73187)
মহাভূতানি ভূতাত্মা মহাত্মা পুরুষোত্তমঃ।
বায়ুর্জ্যোতিস্তথা চাপঃ খং চ গাং চান্বকল্পয়ৎ॥ 12-206-9 (73188)
স সৃষ্ট্বা পৃথিবীং চৈব সর্বভূতেশ্বরঃ প্রভুঃ।
অপ্স্বেব শয়নং চক্রে মহাত্মা পুরুষোত্তমঃ॥ 12-206-10 (73189)
সর্বতেজোময়স্তস্মিঞ্শয়ানঃ শয়নে শুভে।
সোঽগ্রজং সর্বভূতানাং সংকর্ষণমচিন্তয়ৎ॥ 12-206-11 (73190)
আশ্রয়ং সর্বভূতানাং মনসেতীহ শুশ্রুম্।
স ধারয়তি ভূতানি উভে ভূতভবিষ্যতী॥ 12-206-12 (73191)
`প্রদ্যুম্নমসৃজত্তস্মাৎসর্বতেজঃ প্রকাশকম্।
অনিরুদ্ধস্ততো জজ্ঞে সর্বশক্তির্মহাদ্যুতিঃ॥ 12-206-13 (73192)
অপ্সু ব্যোমগতঃ শ্রীমান্যোগনিদ্রামুপেয়িবান্।
তস্মাৎসংজজ্ঞিরে দেবা ব্রহ্মবিষ্ণুমহেশ্বরাঃ।
লয়স্থিত্যন্তকর্মাণস্রয়স্তে সুমহৌজসঃ॥' 12-206-14 (73193)
ততস্তস্মিন্মহাবাহৌ প্রাদুর্ভূতে মহাত্মনি।
ভাস্করপ্রতিমং দিব্যং নাভ্যাং পদ্মমজায়ত॥ 12-206-15 (73194)
স তত্র ভগবান্দেবঃ পুষ্করে ভ্রাজয়ন্দিশঃ।
ব্রহ্মা সমভবত্তাত সর্বভূতপিতামহঃ॥ 12-206-16 (73195)
তস্মিন্নপি মহাবাহৌ প্রাদুর্ভূতে মহাত্মনি।
তমসঃ পূর্বজো জজ্ঞে মধুর্নাম মহাসুরঃ॥ 12-206-17 (73196)
তমুগ্রমুগ্রকর্মাণমুগ্রাং বুদ্ধিং সমাস্থিতম্।
ব্রহ্মণোপচিতিং কুর্বঞ্জঘান পুরুষোত্তমঃ॥ 12-206-18 (73197)
তস্য তাত বধাৎসর্বে দেবদানবমানবাঃ।
মধুসূদনমিত্যাহুর্ঋষভং সর্বসাৎবতাম্॥ 12-206-19 (73198)
ব্রহ্মাঽনুসসৃজে পুত্রান্মানসান্দক্ষসপ্তমান্।
মরীচিমত্র্যঙ্গিরসৌ পুলস্ত্যং পুলহং ক্রতুম্॥ 12-206-20 (73199)
মরীচিঃ কশ্যপং তাত পুত্রমগ্রজমগ্রজঃ।
মানসং জনয়ামাস তৈজসং ব্রহ্মবিত্তমম্॥ 12-206-21 (73200)
অঙ্গুষ্ঠাৎসসৃজে ব্রহ্মা মরীচেরপি পূর্বজম্।
সোঽভবদ্ভরতশ্রেষ্ঠ দক্ষো নাম প্রজাপতিঃ॥ 12-206-22 (73201)
তস্য পূর্বমজায়ন্ত দশ তিস্রশ্চ ভারত॥
প্রজাপতের্দুহিতরস্তাসাং জ্যেষ্ঠাঽভবদ্দিতিঃ॥ 12-206-23 (73202)
সর্বধর্মবিশেষজ্ঞঃ পুণ্যকীর্তির্মহায়শাঃ।
মারীচঃ কশ্যপস্তাত সর্বাসামভবৎপতিঃ॥ 12-206-24 (73203)
উৎপাদ্য তু মহাভাগস্তাসামবরজা দশ।
দদৌ ধর্মায় ধর্মজ্ঞো দক্ষ এব প্রজাপতিঃ॥ 12-206-25 (73204)
ধর্মস্য বসবঃ পুত্রা রুদ্রাশ্চামিততেজসঃ।
বিশ্বেদেবাশ্চ সাধ্যাশ্চ মরুৎবন্তশ্চ ভারত॥ 12-206-26 (73205)
অপরাশ্চ যবীয়স্যস্তাভ্যোঽন্যাঃ সপ্তবিংশতিঃ।
সোমস্তাসাং মহাভাগঃ সর্বাসামভবৎপতিঃ॥ 12-206-27 (73206)
ইতরাস্তু ব্যজায়ন্ত গন্ধবোস্তুরগান্দ্বিজান্।
গাশ্চ কিংপুরুষান্মৎস্যানুদ্ভিজ্জাংশ্চ বনস্পতীন্॥ 12-206-28 (73207)
আদিত্যানদিতির্জজ্ঞে দেবশ্রেষ্ঠান্মহাবলান্।
তেষাং বিষ্ণুর্বামনোঽভূদ্গোবিন্দশ্চাভবৎপ্রভুঃ॥ 12-206-29 (73208)
তস্য বিক্রমণাচ্চাপি দেবানাং শ্রীর্ব্যবর্ধত।
দানবাশ্চ পরাভূতা দৈতেয়াশ্চাসুরী প্রজা॥ 12-206-30 (73209)
বিপ্রচিত্তিপ্রধানাংশ্চ দানবানসৃজদ্দনুঃ।
দিতিস্তু সর্বানসুরান্মহাসৎবানজীজনৎ॥ 12-206-31 (73210)
`ততঃ সসর্জ ভগবান্মৃত্যুং লোকভয়ংকরম্।
হর্তারং সর্ব ভূতানাং সসর্জ চ জনার্দনঃ॥ 12-206-32 (73211)
অহোরাত্রং চ কালং চ যথর্তু মধুসূদনঃ।
পূর্বাহ্ণং চাপরাহ্ণং চ সর্বমেবান্বকল্পয়ৎ॥ 12-206-33 (73212)
লব্ধ্বাপঃ সোঽসৃজন্মেঘাংস্তথা স্থাবরজঙ্গমান্।
পৃথিবীং সোঽসৃজদ্বিশ্বাং সহীতাং ভূরিতেজসা॥ 12-206-34 (73213)
ততঃ কৃষ্ণো মহাভাগঃ পুনরেব যুধিষ্ঠির।
ব্রাহ্মণানাং শতং শ্রেষ্ঠং মুখাদেবাসৃজৎপ্রভুঃ॥ 12-206-35 (73214)
বাহুভ্যাং ক্ষত্রিয়শতং বৈশ্যানামূরুতঃ শতম্।
পদ্ভ্যাং শূত্রশতং চৈব কশেবো ভরতর্ষভ॥ 12-206-36 (73215)
স এবং চতুরো বর্ণান্সমুৎপাদ্য মহাতপাঃ।
অধ্যক্ষং সর্ব ভূতানাং ধাতারমকরোৎস্বয়ম্॥ 12-206-37 (73216)
বেদবিদ্যাবিধাতারং ব্রহ্মাণমতিতদ্যুতিম্।
ভূতমাতৃগণাধ্যক্ষং বিরূপাক্ষং চ সোঽসৃজৎ॥ 12-206-38 (73217)
শাসিতারং চ পাপানাং পিতৃণাং সমবর্তিনম্।
অসৃজৎসর্বভূতাত্মা নিধিপং চ ধনেশ্বরম্॥ 12-206-39 (73218)
যাদসামসৃজন্নাথং বরুণং চ জলেশ্বরম্।
বাসবং সর্বদেবানামধ্যক্ষমকরোৎপ্রভুঃ॥ 12-206-40 (73219)
যাবদ্যাবদভূচ্ছ্রদ্ধা দেহং ধারয়িতুং নৃণাম্।
তাবত্তাবদজীবংস্তে নাসীদ্যমকৃতং ভয়ম্॥ 12-206-41 (73220)
ন চৈষাং মৈথুনো ধর্মো বভূব ভরতর্ষভ।
সংকল্পাদেব চৈতেষাং গর্ভঃ সমুপপদ্যতে॥ 12-206-42 (73221)
ততস্রেতায়ুগে কালে সংস্পর্শাজ্জায়তে প্রজা।
ন হ্যভূন্মৈথুনো ধর্মস্তেষামপি জনাধিপ॥ 12-206-43 (73222)
দ্বাপরে মৈথুনো ধর্মঃ প্রজানামভবন্নৃপ।
তথা কলিয়ুগে রাজন্দ্বন্দ্বমাপেদিরে জনাঃ॥ 12-206-44 (73223)
এষ ভূতপতিস্তাত স্বধ্যক্ষশ্চ তথোচ্যতে।
নিরপেক্ষাংশ্চ কৌন্তেয় কীর্তয়িষ্যামি তচ্ছৃণু॥ 12-206-45 (73224)
দক্ষিণাপথজন্মানঃ সর্বে করভৃতস্তব।
আন্ধ্রাঃ পুলিন্দাঃ শবরাশ্চূচুপা মদ্রকৈঃ সহ॥ 12-206-46 (73225)
উত্তরাপথজন্মানঃ কীর্তয়িষ্যামি তানপি।
যে তু কাম্ভোজগান্ধারাঃ কিরাতা বর্বরৈঃ সহ॥ 12-206-47 (73226)
এতে পাপকৃতস্তাত চরন্তি পৃথিবীমিমাম্।
বকশ্বপাকগৃধ্রাণাং সধর্মাণো নরাধিপ॥ 12-206-48 (73227)
নৈতে কৃতয়ুগে তাত চরন্তি পৃথিবীমিমাম্।
ত্রেতাপ্রভুতি বর্ধন্তে তে জনা ভরতর্ষভ॥ 12-206-49 (73228)
ততস্তস্মিন্মহাঘোরে সংন্ধ্যাকালে যুগান্তিকে।
রাজানঃ সমসজ্জন্ত সমাসাদ্যেতরেতম্॥ 12-206-50 (73229)
`ঐন্দ্রং রূপং সমাস্থায় হ্যসুরেভ্যো চরন্মহীম্।
স এব ভগবান্দেবো বেদিৎবং চ গতা মহী॥ 12-206-51 (73230)
এবংভূতে সৃষ্টির্নারসিংহাদয়ঃ ক্রমাৎ।
প্রাদুর্ভাবাঃ স্মৃতা বিষ্ণোর্জগতীরক্ষণায় বৈ॥ 12-206-52 (73231)
এষ কৃষ্ণো মহায়োগী তত্তৎকার্যানুরূপণম্।
হিরণ্যকশিপুং দৈত্যং হিরণ্যাক্ষং তথৈব চ॥ 12-206-53 (73232)
রাবণং চ মহাদৈত্যং হৎবাসৌ পুরুষোত্তমঃ।
ভূমের্দুঃখোপনাশার্থং ব্রহ্মশক্রাদিভিঃ স্তুতঃ॥ 12-206-54 (73233)
আত্মনোঽঙ্গান্মহাতেজা উদ্ববর্হ জনার্দনঃ।
সিতকৃষ্ণৌ মহারাজ কেশৌ হরিরুদারধীঃ॥ 12-206-55 (73234)
বসুদেবস্য দেবক্যামেষ জাত ইহোত্তমঃ।
দেহবানিহ বিশ্বাত্মা সংবন্ধী তে জনার্দনঃ॥ 12-206-56 (73235)
আবির্বভূব যোগীন্দ্রো মনোতীতো জগৎপতিঃ।
অচিন্ত্যঃ পুরুষব্যাঘ্র নৈব কেবলমানুষঃ॥ 12-206-57 (73236)
অব্যক্তাদিবিশেষান্তং পরিমাণার্থসংয়ুতম্।
ক্রীডা হরেরিদং সর্বং ক্ষরমিত্যেব ধার্যতাম্॥ 12-206-58 (73237)
অক্ষরং তৎপরং নিত্যং বৈরূপ্যং জগতো হরেঃ।
তদ্বিদ্ধি রূপমতুলমমৃতৎবং ভবজ্জিতম্॥ 12-206-59 (73238)
তদেব কৃষ্ণো দাশার্হঃ শ্রীমাঞ্শ্রীবৎসলক্ষণঃ।
ন ভূতসৃষ্টিসংস্থানং দেহোঽস্য পরমাত্মনঃ॥ 12-206-60 (73239)
দেহবানিহ যো বিষ্ণুরসৌ মায়াময়ো হরিঃ।
আত্মনো লোকরক্ষার্থং ধ্যাহি নিত্যং সনাতনম্॥ 12-206-61 (73240)
অঙ্গানি চতুরে বেদা মীমাংসা ন্যায়বিস্তরঃ।
ইতিহাসপুরাণানি ধর্মাঃ স্বায়ংভুবাদয়ঃ॥ 12-206-62 (73241)
য এনং প্রতিবর্তন্তে বেদান্তানি চ সর্বশঃ।
ভক্তিহীনা ন তৈর্যান্তি নিত্যমেনং কথংচন॥ 12-206-63 (73242)
সর্বভূতেষু ভূতাত্মা তত্তদ্বুদ্ধিং সমাস্থিতঃ।
তস্মাদ্বুদ্ধস্ৎবমেবৈনং ধ্যাহি নিত্যমতন্দ্রিতঃ॥' 12-206-64 (73243)
এবমেষ কুরুশ্রেষ্ঠ প্রাদুর্ভাবো মহাত্মনঃ।
এবং দেবর্ষিরাচষ্ট নারদঃ সর্বলোকদৃক্॥ 12-206-65 (73244)
নারদোঽপ্যথ কৃষ্ণস্য পরং মেনে নরাধিপ।
শাশ্বতৎবং মহাবাহো যথাবদ্ভরতর্ষভ॥ 12-206-66 (73245)
এবমেব মহাবাহুঃ কেশবঃ সত্যবিক্রমঃ।
অচিন্ত্যঃ পুণ্ডরীকাক্ষো নৈষ কেবলমানুষঃ॥ 12-206-67 (73246)
`এবংবিধোঽসৌ পুরুষঃ কো বৈনং বেত্তি সর্বদা।
এতত্তে কথিতং রাজন্ভূয়ঃ শ্রোতুং কিমিচ্ছসি'॥ ॥ 12-206-68 (73247)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষডধিকদ্বিশততমোঽধ্যায়ঃ॥ 206॥
Mahabharata - Shanti Parva - Chapter Footnotes
12-206-1 কর্তারমমৃতং বিষ্ণুমিতি ড. থ. পাঠঃ॥ 12-206-25 ততস্ৎবরজসো দশেতি ড. থ. পাঠঃ॥ 12-206-28 দ্বিরদাংশ্চ বনস্পতীনিতি ড. পাঠঃ। বিশদাংশ্চ বনস্পতীনিতি ধ. পাঠঃ। ইতরাঃ কশ্যপস্ত্রিয়ঃ। ব্যজায়ন্ত ব্যজনয়ন্ত॥ 12-206-35 শতমনন্তম্॥ 12-206-39 সমবর্তিনং যমম্॥শান্তিপর্ব - অধ্যায় 207
॥ শ্রীঃ ॥
12.207. অধ্যায়ঃ 207
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মরীচ্যাদিব্রহ্মপুত্রবংশকথনপূর্বকং প্রাচ্যাদিদিগ্গতমহর্ষিনামনির্দেশঃ॥ 1।Mahabharata - Shanti Parva - Chapter Text
12-207-0 (73248)
যুধিষ্ঠির উবাচ। 12-207-0x (6062)
কে পূর্বমাসন্পতয়ঃ প্রজানাং ভরতর্ষভ।
কে চর্ষয়ো মহাভাগা দিক্ষু প্রত্যেকশঃ স্থিতাঃ॥ 12-207-1 (73249)
ভীষ্ম উবাচ। 12-207-2x (6063)
শ্রূয়তাং ভরতশ্রেষ্ঠ যন্মাং ৎবং পরিপৃচ্ছসি।
প্রজানাং পতয়ো যে চ দিক্ষু যে চর্ষয়ঃ স্মৃতাঃ॥ 12-207-2 (73250)
একঃ স্বয়ংভূর্ভগবানাদ্যো ব্রহ্মা সনাতনঃ।
ব্রহ্মণঃ সপ্ত বৈ পুত্রা মহাত্মানঃ স্বয়ংভুবঃ॥ 12-207-3 (73251)
মরীচিরত্র্যঙ্গিরসৌ পুলস্ত্যঃ পুলহঃ ক্রতুঃ।
বসিষ্ঠশ্চ মহাভাগঃ সদৃশো বৈ স্বয়ংভুবা॥ 12-207-4 (73252)
সপ্ত ব্রহ্মণ ইত্যেতে পুরাণে নিশ্চয়ং গতাঃ।
অত ঊর্ধ্বং প্রবক্ষ্যামি সর্বানেব প্রজাপতীন্॥ 12-207-5 (73253)
অত্রিবংশতমুৎপন্নো ব্রহ্ময়োনিঃ সনাতনঃ।
প্রাচনবর্হির্ভগবাংস্তস্মাৎপ্রাচেতসো দশ॥ 12-207-6 (73254)
দশানাং তনয়স্ৎবেকো দক্ষো নাম প্রজাপতিঃ।
তস্য দ্বে নামনী লোকে দক্ষঃ ক ইতি চোচ্যতে॥ 12-207-7 (73255)
মরীচেঃ কশ্যপঃ পুত্রস্তস্য দ্বে নামনী স্মৃতে।
অরিষ্টনেমিরিত্যেকে কশ্যপেত্যপরে বিদুঃ॥ 12-207-8 (73256)
অত্রেশ্চৈবৌরসঃ শ্রীমান্রাজা সোমশ্চ বীর্যবান্।
সহস্রং যশ্চ দিব্যানাং যুগানাং পর্যুপাসিতা॥ 12-207-9 (73257)
অর্যমা চৈব ভগবান্যে চাস্য তনয়া বিভো।
এতে প্রদেশাঃ কথিতা ভুবনানাং প্রভাবনাঃ॥ 12-207-10 (73258)
শশবিন্দোশ্চ ভার্যাণাং সহস্রাণি দশাচ্যুত।
একৈকস্যাং সহস্রং তু তনয়ানামভূত্তদা॥ 12-207-11 (73259)
এবং শতসহস্রাণি দশ তস্য মহাত্মনঃ।
পুত্রাণাং চ ন তে সংচিদিচ্ছন্ত্যন্যং প্রজাপতিম্॥ 12-207-12 (73260)
প্রজামাচক্ষতে বিপ্রাঃ পুরাণাঃ শাশবিন্দবীম্।
স বৃষ্ণিবংশপ্রভবো মহাবংশঃ প্রজাপতেঃ॥ 12-207-13 (73261)
এতে প্রজানাং পতয়ঃ সমুদ্দিষ্টা যশস্বিনঃ॥ 12-207-14 (73262)
`শশবিন্দুস্তু রাজর্ষির্মহায়োগী মহামনাঃ।
অধ্যাত্মবিৎসহস্রাণাং ভার্যাণাং দশমধ্যগঃ॥ 12-207-15 (73263)
স যোগী যোগমাপন্নস্ততঃ সায়ুচ্যতাং গতঃ।'
অতঃ পরং প্রবক্ষ্যামি দেবাংস্ত্রিভুবনেশ্বরান্॥ 12-207-16 (73264)
ভয়োংঽশশ্চার্যমা চৈব মিত্রোঽথ বরুণস্তথা।
সবিতা চৈব ঘাতা চ বিবস্বাংশ্চ মহাবলঃ॥ 12-207-17 (73265)
ৎবষ্টা পূষা তথৈবেন্দ্রো দ্বাদশো বিষ্ণুরুচ্যতে।
ইত্যেতে দ্বাদশাদিত্যাঃ কশ্যপস্যাত্মসংভবাঃ॥ 12-207-18 (73266)
নাসত্যশ্চৈব দস্রশ্চ স্মৃতো দ্বাবশ্বিনাবপি।
মার্তণ্ডস্যাত্মজাবেতাবাত্মস্য প্রজাপতেঃ॥ 12-207-19 (73267)
ৎবষ্টুশ্চৈবাত্মজঃ শ্রীমান্বিশ্বরূপো মহায়শাঃ॥ 12-207-20 (73268)
অজৈকপাদহির্বুধ্ন্যো বিরূপাক্ষোঽথ রৈবতঃ।
হরশ্চ বহুরূপশ্চ ত্র্যম্বকশ্চ সুরেশ্বরঃ॥ 12-207-21 (73269)
সাবিত্রশ্চ জয়ন্তশ্চ পিনাকী চাপরাজিতঃ।
`একাদশৈতে কথিতা রুদ্রাস্ত্রিভুবনেশ্বরাঃ॥' 12-207-22 (73270)
পূর্বমেব মহাভাগা বসবোঽষ্টৌ প্রকীর্তিতাঃ।
এত এববিধা দেবা মনোরেব প্রজাপতেঃ।
তে চ পূর্বং সুরাশ্চেতি দ্বিবিধাঃ পিতরঃ স্মৃতাঃ॥ 12-207-23 (73271)
শীলয়ৌবনয়োস্ৎবন্যস্তথাঽন্যে সিদ্ধসাধ্যযোঃ।
ঋভবো মরুতশ্চৈব দেবানাং চোদিতো গণঃ॥ 12-207-24 (73272)
এবমেতে সমাম্নাতা বিশ্বেদেবাস্তথাঽশ্বিনৌ।
আদিত্যাঃ ক্ষত্রিয়াস্তেষাং বিশশ্চ মরুতস্তথা॥ 12-207-25 (73273)
অশ্বিনৌ তু স্মৃতৌ শূদ্রৌ তপস্যুগ্রে সমাস্থিতৌ।
স্মৃতাস্ৎবঙ্গিরসো দেবা ব্রাহ্মণা ইতি নিশ্চয়ঃ।
ইত্যেতৎসর্বদেবানাং চাতুর্বর্ণ্যং প্রকীর্তিতম্॥ 12-207-26 (73274)
এতান্বৈ প্রাতরুত্থায় দেবান্যস্তু প্রকীর্তয়েৎ।
স্বজাদন্যকৃতাচ্চৈব সর্বপাপাৎপ্রমুচ্যতে॥ 12-207-27 (73275)
যবক্রীতোঽথ রৈভ্যশ্চ অর্বাবসুপরাবসূ।
ঔশিজশ্চৈব কক্ষীবান্বলশ্চাঙ্গিরসঃ স্মৃতঃ॥ 12-207-28 (73276)
ঋষির্মেধাতিথেঃ পুত্রঃ কণ্বো বর্হিষদস্তথা।
ত্রৈলোক্যভাবনাস্তাত প্রাচ্যাং সপ্তর্ষয়স্তথা॥ 12-207-29 (73277)
উন্মুচো বিমুচশ্চৈব স্বস্ত্যাত্রেয়শ্চ বীর্যবান্।
প্রমুচশ্চেধ্মবাহশ্চ ভগবাংশ্চ দৃঢব্রতঃ॥ 12-207-30 (73278)
মিত্রাবরুণয়োঃ পুত্রস্তথাঽগস্ত্যঃ প্রতাপবান্।
এতে ব্রহ্মর্ষয়ো নিত্যমাস্থিতা দক্ষিণাং দিশম্॥ 12-207-31 (73279)
উষঙ্গুঃ কবষো ধৌম্যঃ পরিব্যাধশ্চ বীর্যবান্।
একতশ্চ দ্বিতশ্চৈব ত্রিতশ্চৈবং মহর্ষয়ঃ॥ 12-207-32 (73280)
অত্রেঃ পুত্রশ্চ দুর্বাসাস্তথা সারস্বতঃ প্রভুঃ।
এতে চৈব মহাত্মানঃ পশ্চিমামাশ্রিতা দিশম্॥ 12-207-33 (73281)
অত্রিশ্চৈব বসিষ্ঠশ্চ কাশ্যপশ্চ মহানুষিঃ।
গৌতমোঽথ ভরদ্বাজো বিশ্বামিত্রোঽথ কৌশিকঃ॥ 12-207-34 (73282)
তথৈব পুত্রো ভগবানৃচীকস্য মহাত্মনঃ।
জমদগ্নিশ্চ সপ্তৈতে উদীচীমাশ্রিতা দিশম্॥ 12-207-35 (73283)
এতে প্রতিদিশং সর্বে কীর্তিতাস্তিগ্মতেজসঃ।
সাক্ষিভূতা মহাত্মানো ভুবনানাং প্রভাবনাঃ॥ 12-207-36 (73284)
এবমেতে মহাত্মানঃ স্থিতাঃ প্রত্যেকশো দিশম্।
এতেষাং কীর্তনং কৃৎবা সর্বপাপাৎপ্রমুচ্যতে॥ 12-207-37 (73285)
যস্যাংয়স্যাং দিশি হ্যেতে তাং দিশং শরণং গতঃ।
মুচ্যতে সর্বপাপেভ্যঃ স্বস্তিমাংশ্চ তথা ভবেৎ॥ ॥ 12-207-38 (73286)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তাধিকদ্বিশততমোঽধ্যায়ঃ॥ 207॥
Mahabharata - Shanti Parva - Chapter Footnotes
12-207-9 অঙ্গশ্চ পৌরবঃ শ্রীমান্রাজা ভৌমশ্চ বীর্তবান্ ইতি ড. থ. পাঠঃ। অংশশ্চৈবৌরসঃ শ্রীমান্রাজা ভৌমশ্চ বীর্যবানিতি ধ. পাঠঃ॥ 12-207-10 প্রদেশাঃ প্রদিশন্তি আজ্ঞাপয়ন্তীতি প্রেদশা ঈশনশীলা ইত্যর্থঃ। প্রভাবনাঃ প্রকর্ষেণ স্নষ্টারশ্চ॥ 12-207-27 স্বজাৎ স্বয়ং কামতোঽকামতশ্চ কৃতাৎ। অন্যসংসর্গজাৎ॥ 12-207-28 নীলশ্চাঙ্গিরসঃ স্মৃত ইতি ড.ধ. পাঠঃ॥ 12-207-29 ত্রৈলোক্যগায়না ইতি ড. থ.পাঠঃ॥শান্তিপর্ব - অধ্যায় 208
॥ শ্রীঃ ॥
12.208. অধ্যায়ঃ 208
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি হরের্বরাহাবতারনিরূপণম্॥ 1॥Mahabharata - Shanti Parva - Chapter Text
12-208-0 (73287)
যুধিষ্ঠির উবাচ। 12-208-0x (6064)
পিতামহ মহাপ্রাজ্ঞ যুধি সত্যপরাক্রম।
শ্রোতুমিচ্ছামি কার্ৎস্ন্যেন বৃষ্ণমব্যযমীশ্বরম্॥ 12-208-1 (73288)
যচ্চাস্য তেজঃ সুমহদ্যচ্চ কর্ম পুরা কৃতম্।
তন্মে সর্বং যথাতত্ৎবং ব্রূহি ৎবং পুরুষর্ষভ॥ 12-208-2 (73289)
তির্যগ্যোনিগতো রূপং কথং ধারিতবান্প্রভুঃ।
কেন কার্যনিসর্গেণ তমাখ্যাহি মহাবল॥ 12-208-3 (73290)
ভীষ্ম উবাচ। 12-208-4x (6065)
পুরাঽহং মৃগয়াং যাতো মার্কণ্ডেয়াশ্রমে স্থিতঃ।
তত্রাপশ্যং মুনিগণান্সমাসীনান্সহস্রশঃ॥ 12-208-4 (73291)
ততস্তে মধুপর্কেণ পূজাং চক্রুরথো ময়ি।
প্রতিগৃহ্য চ তাং পূজাং চক্রুরথো ময়ি। 12-208-5 (73292)
কথৈষা কথিতা তত্র কশ্যপেন মহর্ষিণা।
মনঃ প্রহ্বাদিনীং দিব্যাং তামিহৈকমনাঃ শৃণু॥ 12-208-6 (73293)
পুরা দানবমুখ্যা হি ক্রোধলোভসমন্বিতাঃ।
বলেন মত্তাঃ শতশো নরকাদ্যা মহাসুরাঃ॥ 12-208-7 (73294)
তথৈব চান্যে বহবো দানবা যুদ্ধদুর্মদাঃ।
ন সহন্তে স্ম দেবানাং সমৃদ্ধিং তামনুত্তমাম্॥ 12-208-8 (73295)
`নরাকাদ্যা মহাঘোরা হিরণ্যাক্ষমুপাশ্রিতাঃ।
উদ্যোগং পরমং চক্রুর্দেবানাং নিগ্রহে তদা॥ 12-208-9 (73296)
নিয়ুতং বৎসরাণাং তু বায়ুভক্ষোঽভবত্তদা।
হিরণ্যাক্ষো মহারৌদ্রো লেভে দেবাৎপিতামহাৎ।
বরানচিন্ত্যানতুলাঞ্শতশোঽথ সহস্রশঃ॥' 12-208-10 (73297)
দানবৈরর্দ্যমানাস্তু দেবা দেবর্ষয়স্তথা।
ন শর্ম লেভিরে রাজন্ক্লিশ্যমানাস্ততস্ততঃ॥ 12-208-11 (73298)
পৃথিবীমার্তরূপাং তে সমপশ্যন্দিবৌকসঃ।
দানবৈরভিসংকীর্ণাং ঘোররূপৈর্মহাবলৈঃ।
ভারার্তামপ্রহৃষ্টাং চ দুঃখিতাং সংনিমজ্জতীম্॥ 12-208-12 (73299)
`গৃহীৎবা পৃথিবী দেবী পাতালে ন্যবসত্তদা।
ততস্ত্রৈলোক্যমখিলং নিরোষধিগণান্বিতম্।
নিঃস্বাধ্যায়বষট্কারমভূৎসর্বং সমন্ততঃ॥' 12-208-13 (73300)
অথাদিতেয়াঃ সংত্রস্তা ব্রহ্মাণমিদমব্রুবন্।
কথং শক্ষ্যামহে ব্রহ্মন্দানবৈরভিমর্দনম্॥ 12-208-14 (73301)
`হিরণ্যাক্ষেণ ভগবন্গৃহীতেয়ং বসুন্ধরা।
ন শক্ষ্যামো বয়ং তত্র প্রবেষ্টুং জলদুর্গমম্॥ 12-208-15 (73302)
তানাহ ভগবান্ব্রহ্মা মুনিরেব প্রসাদ্যতাম্।
অগস্ত্যোঽসৌ মহাতেজাঃ পাতু তজ্জলমঞ্জসা॥ 12-208-16 (73303)
তথেতি চোক্ৎবা তে দেবা মুনিমূচুর্মুদান্বিতাঃ।
ত্রায়স্ব লোকান্বিপ্রর্ষে জলমেতৎক্ষয়ং নয়॥ 12-208-17 (73304)
তথেতি চোক্ৎবা ভগবান্কালানলসমদ্যুতিঃ।
ধ্যায়ঞ্জলাদনিবহং স ক্ষণেন পপৌ জলম্॥ 12-208-18 (73305)
শোষিতে তু সমুদ্রে চ দেবাঃ সর্ষিপুরোগমাঃ।
ব্রহ্মাণং প্রণিপত্যোচুর্মুনিনা শোষিতং জলম্।
ইতি ভূয়ঃ সমাচক্ষ্ব কিং করিষ্যামহে বিভো॥ 12-208-19 (73306)
স্বয়ংভূস্তানুবাচেদং নিসৃষ্টোঽত্র বিধির্ময়া॥ 12-208-20 (73307)
তে বরেণাভিসংপন্না বলেন চ মদেন চ।
নাববুদ্ধ্যন্তি সংমূঢা বিষ্ণুমব্যক্তদর্শনম্।
বরাহরূপিণং দেবমধৃষ্যমমরৈরপি॥ 12-208-21 (73308)
এষ বেগেন গৎবা হি যত্র তে দানবাধমাঃ।
অন্তর্ভূমিগতা ঘোরা নিবসন্তি সহস্রশঃ।
শময়িষ্যতি তচ্ছ্রুৎবা জহৃষুঃ সুরসত্তমাঃ॥ 12-208-22 (73309)
ততো বিষ্ণুর্মহাতেজা বারাহং রূপমাস্থিতঃ।
অন্তর্ভূমিং সংপ্রবিশ্য জগাম দিতিজান্প্রতি॥ 12-208-23 (73310)
দৃষ্ট্বা চ সহিতাঃ সর্বে দৈত্যাঃ সৎবমমানুষম্।
প্রসহ্য তরসা সর্বে সংতস্থুঃ কালমোহিতাঃ॥ 12-208-24 (73311)
ততস্তে সমভিদ্রুত্য বরাহং জগৃহুঃ সমম্।
সংক্রুদ্ধাশ্চ বরাহং তং ব্যকর্ষন্ত সমন্ততঃ॥ 12-208-25 (73312)
দানবেন্দ্রা মহাকায়া মহাবীর্যবলোচ্ছ্রিতাঃ।
নাশক্নুবংশ্চ কিংচিত্তে তস্য কর্তুং তদা বিভো॥ 12-208-26 (73313)
ততোঽগচ্ছন্বিস্ময়ং তে দানবেন্দ্রা ভয়ং তথা।
সংশয়ং গতমাত্মানং মেনিরে চ সহস্রশঃ॥ 12-208-27 (73314)
ততো দেবাধিদেবঃ স যোগাত্মা যোগসারথিঃ।
যোগমাস্থায় ভগবাংস্তদা ভরতসত্তম॥ 12-208-28 (73315)
বিননাদ মহানাদং ক্ষোভয়ন্দৈত্যদানবান্।
সন্নাদিতা যেন লোকাঃ সর্বাশ্চৈব দিশো দশ॥ 12-208-29 (73316)
তেন সন্নাদশব্দেন লোকানাং ক্ষোভ আগমৎ।
সংশ্রান্তাশ্চ দিশঃ সর্বা দেবাঃ শক্রপুরোগমাঃ॥ 12-208-30 (73317)
নির্বিচেষ্টং জগচ্চাপি বভূবাতিভৃশং তদা।
স্থাবরং জঙ্গমং চৈব তেন নাদেন মোহিতম্॥ 12-208-31 (73318)
ততস্তে দানবাঃ সর্বে তেন নাদেন ভীষিতাঃ।
পেতুর্গতাসবশ্চৈব বিষ্ণুতেজঃ প্রমোহিতাঃ॥ 12-208-32 (73319)
`ত্রস্তাংশ্চ দেবানালোক্য ব্রহ্মা প্রাহ পিতামহঃ।
যোগেশ্বরোঽয়ং ভগবান্বারাহং রূপমাস্থিতঃ।
নর্দমানোঽত্র সংয়াতি মা ভৈষ্ট সুরসত্তমাঃ॥ 12-208-33 (73320)
এবমুক্ৎবা ততো ব্রহ্মা নমশ্চক্রে পিতামহঃ।
দেবতা মুনয়শ্চৈব বিষ্ণুং বৈ মুক্তিহেতবে॥ 12-208-34 (73321)
ততো হরির্মহাতেজা ব্রহ্মাণমভিনন্দ্য চ।'
রসাতলগতশ্চাপি বরাহস্ত্রিদশদ্বিষাম্।
খুরৈর্বিদারয়ামাস মাংসমেদোস্থিসংচয়ান্॥ 12-208-35 (73322)
নাদেন তেন মহতা সনাতন ইতি স্মৃতঃ।
পদ্মনাভো মহায়োগী ভূতাত্মা ভূতভাবনঃ॥ 12-208-36 (73323)
ততো দেবগণাঃ সর্বে পিতামহমুপাদ্রবন্।
তত্র গৎবা মহাত্মানমূচুশ্চৈব জগৎপতিম্॥ 12-208-37 (73324)
নাদোঽয়ং কীদৃশো দেব নেতং বিদ্ম বয়ং প্রভো।
কোসৌ হি কস্য বা নাদো যেন বিহ্বলিতং জগৎ।
দেবাশ্চ দানবাশ্চৈব মোহিতাস্তস্য তেজসা॥ 12-208-38 (73325)
এতস্মিন্নন্তরে বিষ্ণুর্বারাহং রূপমাস্থিতঃ।
উদতিষ্ঠন্মহাবাহো স্তূয়মানো মহর্ষিভিঃ॥ 12-208-39 (73326)
পিতামহ উবাচ। 12-208-40x (6066)
`দিব্যং------ যুদ্ধমাসীন্মহাত্মনোঃ।
হিরণ্যাক্ষস্য বিষ্ণোশ্চ সর্বসংক্ষোভকারণম্॥ 12-208-40 (73327)
জঘান চ হিরণ্যাক্ষমন্তর্ভূমিগতং হরিঃ।
তদাকর্ণ্য মহাতেজা ব্রহ্মা মধুরমব্রবীৎ॥' 12-208-41 (73328)
পীতামহ উবাচ। 12-208-42x (6067)
নিহত্য দানবপতীন্মহাবর্ষ্মা মহাবলঃ।
এষ দেবো মহায়োগী ভূতাত্মা ভূতভাবনঃ॥ 12-208-42 (73329)
সর্বভূতেশ্বরো যোগী মুনিরাত্মা তথাঽঽত্মনঃ।
স্থিরীভবত কৃষ্ণোঽয়ং সর্ববিধ্নবিনাশনঃ॥ 12-208-43 (73330)
কৃৎবা কর্মাতিসাধ্বেতদশক্যমমিতপ্রভঃ।
সমায়াতঃ স্বমাত্মানং মহাভাগো মহাদ্যুতিঃ॥ 12-208-44 (73331)
পদ্মনাভো মহায়োগী পুরাণপুরুষোত্তমঃ।
ন সংতাপো ন ভীঃ কার্যা শোকো বা সুরসত্তমৈঃ॥ 12-208-45 (73332)
বিধিরেষ প্রভাবশ্চ কালঃ সংক্ষয়কারকঃ।
লোকান্ধারয়তা তেন নাদো মুক্তো মহাত্মনা॥ 12-208-46 (73333)
স এষ হি মহাবাহুঃ সর্বলোকনমস্কৃতঃ।
অচ্যুতঃ পুণ়্ডরীকাক্ষঃ সর্বভূতাদিরীশ্বরঃ॥ ॥ 12-208-47 (73334)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টাধিকদ্বিশততমোঽধ্যায়ঃ॥ 208॥
Mahabharata - Shanti Parva - Chapter Footnotes
12-208-36 ভূতাচার্যঃ স ভূতরাট্র ইতি ঝ. ড.থ. পাঠঃ॥শান্তিপর্ব - অধ্যায় 209
॥ শ্রীঃ ॥
12.209. অধ্যায়ঃ 209
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বাসুদেবতৎবকথনম্॥ 1॥Mahabharata - Shanti Parva - Chapter Text
12-209-0 (73335)
`* যুধিষ্ঠির উবাচ। 12-209-0x (6068)
পিতামহ মহাপ্রাজ্ঞ কেশবস্য মহাত্মনঃ।
বক্তুমর্হসি তত্ৎবেন মাহাত্ম্যং পুনরেব তু॥ 12-209-1 (73336)
ন তৃপ্যাম্যহমপ্যেনং পশ্যঞ্শৃণ্বংশ্চ ভারত।
এবং কৃষ্ণং মহাবাহো তস্মাদেতদ্ব্রবীহি মে॥ 12-209-2 (73337)
ভীষ্ম উবাচ। 12-209-3x (6069)
শৃণু রাজন্কথামেতাং বৈষ্ণবীং পাপনাশনীম্।
নারদো মাং পুরা প্রাহ যামহং তে বদামি তাম্॥ 12-209-3 (73338)
দেবর্ষির্নারদঃ পূর্বং তৎবং বেৎস্যামি বৈ হরেঃ।
ইতি সংচিন্ত্য মনসা দধ্যৌ ব্রহ্ম সনাতনম্॥ 12-209-4 (73339)
হিমালয়ে শুভে দিব্যে দিব্যং বর্ষশতং কিল।
অনুচ্ছ্বসন্নিরাহারঃ সংয়তাত্মা জিতেন্দ্রিয়ঃ॥ 12-209-5 (73340)
ততোঽন্তরিক্ষে বাগাসীত্তং মুনিপ্রবরং প্রতি।
মেঘগম্ভীরনির্ঘোষা দিব্যা বাহ্যাঽশরীরিণী॥ 12-209-6 (73341)
কিমর্থং ৎবং সমাপন্নো ধ্যানং মুনিবরোত্তম।
অহং দদামি তে জ্ঞানং ধর্মাদ্যং বা বৃণীষ্ব মাম্॥ 12-209-7 (73342)
তচ্ছ্রুৎবা মুনিরালোচ্য সংভ্রমাবিষ্টমানসঃ।
কিংনু স্যাদিতি সংচিন্ত্য বাক্যমাহাপরং প্রতি॥ 12-209-8 (73343)
কস্ৎবং ভবানণ্ডং বিভেদ মধ্যে
সমাস্থিতো বাক্যমুদীরয়ন্মাম্।
ন রূপমন্যত্তব দৃশ্যতে বৈ
ঈদৃগ্বিধস্ৎবং সমধিষ্ঠিতোঽসি॥ 12-209-9 (73344)
পুনস্তমাহ স মুনিমনন্তোঽহং বৃহত্তরঃ।
ন মাং মূঢা বিজানন্তি জ্ঞানিনো মাং বিদন্ত্যুত॥ 12-209-10 (73345)
তং প্রত্যাহ মুনিঃ শ্রীমান্প্রণতো বিনয়ান্বিতঃ।
ভবন্তং জ্ঞাতুমিচ্ছামি তব তৎবং ব্রবীহি মে॥ 12-209-11 (73346)
তস্য তদ্বচনং শ্রুৎবা নারদং প্রাহ লোকপঃ।
জ্ঞানেন মাং বিজানীহি নান্যথা শক্তিরস্তি তে॥ 12-209-12 (73347)
নারদ উবাচ। 12-209-13x (6070)
কীদৃগ্বিধং তু তজ্জ্ঞানং যেন জানামি তে তনুম্।
অনন্ত তন্মে ব্রূহি ৎবং যদ্যনুগ্রহবানহম্॥ 12-209-13 (73348)
লোকপাল উবাচ। 12-209-14x (6071)
বিকল্পহীনং বিপুলং তস্য চূরং শিবং পরম্।
জ্ঞানং তত্তেন জানাসি সাধনং প্রতি তে মুনে॥ 12-209-14 (73349)
অত্রাবৃত্য স্থিতং হ্যেতত্তচ্ছুদ্ধমিতরন্মৃষা।
এতত্তে সর্বমাখ্যাতং সংক্ষেপান্মুনিসত্তম॥ 12-209-15 (73350)
নারদ উবাচ। 12-209-16x (6072)
ৎবমেব তব যত্তৎবং ব্রূহি লোকগুরো মম।
ভবন্তং জ্ঞাতুমিচ্ছামি কীদৃগ্ভূতস্ৎবমব্যয॥ 12-209-16 (73351)
ততঃ প্রহস্য ভগবান্মেঘগম্ভীরয়া গিরা।
প্রাহেশঃ সর্বভূতানাং ন মে চাস্যং শ্রুতির্ন চ॥ 12-209-17 (73352)
ন ঘ্রাণজিহ্বে দৃক্চৈব ৎবচা নাস্তি তথা মুনে।
কথং বক্ষ্যামি চাত্মানমশরীরস্তথাপ্যহম্॥ 12-209-18 (73353)
তজ্জ্ঞাৎবা বিস্ময়াবিষ্টো মুনিরাহ প্রণম্য তম্।
যেন ৎবং পূর্বমাত্মানমনন্তোঽহং বৃহত্তরঃ।
শতোঽহমিতি মাং প্রীতঃ প্রোক্তবানসি তৎকথম্॥ 12-209-19 (73354)
পুনস্তমাহ ভগবাংস্তবাপ্যক্ষাণি সন্তি বৈ।
ৎবমেনং ব্রূহি চাত্মানং যদি শক্নোষি নারদ॥ 12-209-20 (73355)
আত্মা যথা তব মুনে বিদিতস্তু ভবিষ্যতি।
মাং চ জানাসি তেন ৎবমেকং সাধনমাবয়োঃ।
ইত্যুক্ৎবা ভগবান্দেবস্ততো নোবাচ কিংচন॥ 12-209-21 (73356)
নারদোঽপ্যুৎস্ময়ন্খিন্নঃ ক্ব গতোঽসাবিতি প্রভুঃ।
স্থিৎবা স দীর্ঘকালং চ মুনির্ব্যামূঢমানসঃ॥ 12-209-22 (73357)
আহ মাং ভগবান্দেবস্ৎবনন্তোঽহং বৃহত্তরঃ।
তেনাহমিতি সর্বস্য কো বানন্তো বৃহত্তরঃ॥ 12-209-23 (73358)
কেয়মুর্বী হ্যনন্তাখ্যা বৃহতী নূনমেব সা।
যস্যাং জানন্তি ভূতানি বিলীনানি ততস্ততঃ।
এনাং পৃচ্ছামি তরুণীং সৈষা নূনমুবাচ মাম্॥ 12-209-24 (73359)
ইত্যেবং স মুনিঃ শ্রীমান্কৃৎবা নিশ্চয়মাত্মনঃ।
স ভূতলং সমাবিশ্য প্রণিপত্যেদমব্রবীৎ॥ 12-209-25 (73360)
আশ্চর্যাসি চ ধন্যাসি বৃহতী ৎবং বসুন্ধরে।
ৎবামত্র বেত্তুমিচ্ছামি যাগ্দৃভূতাঽসি শোভনে॥ 12-209-26 (73361)
তচ্ছ্রুৎবা ধরণী দেবী স্ময়মানাঽব্রবীদিদম্।
নাহং হি বৃহতী বিপ্র ন চানন্তা চ সত্তম॥ 12-209-27 (73362)
কারণং মম যো গন্ধো গন্ধাত্মানং ব্রবীহি তম্।
ততো মুনিস্তদ্ধি তৎবং প্রণিপত্যেদমব্রবীৎ॥ 12-209-28 (73363)
কারণং মে জলং মত্তো বৃহত্তরতমং হি তৎ॥ 12-209-29 (73364)
স সমুদ্রং মুনির্গৎবা প্রণিপত্যেদমব্রবীৎ।
আশ্চর্যোসি চ ধন্যোসি হ্যনন্তোসি বৃহত্তরঃ॥ 12-209-30 (73365)
ভবন্তং বেত্তুমিচ্ছামি কীদৃগ্ভূতস্ত্যমব্যয।
তচ্ছ্রুৎবা সরিতানাথঃ সমুদ্রো মুনিমব্রবীৎ॥ 12-209-31 (73366)
কারণং মেঽত্র সংপৃচ্ছ রসাত্মানং বৃহত্তরম্।
ততো বৃহত্তরং বিদ্বংস্ৎবং পৃচ্ছ মুনিসত্তম॥ 12-209-32 (73367)
ততো মুনির্যথায়োগং জলং তৎবমবেক্ষ্য তৎ।
জলাত্মানং প্রণম্যাহ জলতৎবস্থিতো মুনিঃ॥ 12-209-33 (73368)
আশ্চর্যোসি চ ধন্যোসি হ্যনন্তোসি বৃহত্তরঃ।
ভবন্তং শ্রোতুমিচ্ছামিকীদৃগ্ভূতস্ৎবমব্যয॥ 12-209-34 (73369)
ততো রসাত্ম--মুনিমাহ পুনঃ পুনঃ।
মমাপি কারণং পৃচ্ছ তেজোরূপং বিভাবসুম্।
নাহং বৃহত্তরো ব্রহ্মন্নাপ্যনন্তশ্চ সত্তম্॥ 12-209-35 (73370)
ততোঽগ্নিং প্রণিপত্যাহ মুনির্বিস্মিতমানসঃ।
যজ্ঞাত্মানং মহাবাসং সর্বভূতনমস্কৃতম্॥ 12-209-36 (73371)
আশ্চর্যোসি চ ধন্যোসি হ্যনন্তশ্চ বৃহত্তরঃ।
ভবন্তং বেত্তুমিচ্ছামি কীদৃগ্ভূতস্ৎবমব্যয॥ 12-209-37 (73372)
ততঃ প্রহস্য ভগবান্মুনিং স্বিষ্টকৃদব্রবীৎ।
নাহং বৃহত্তরো ব্রহ্মন্নাপ্যনন্তশ্চ সত্তম।
কারণং মম রূপং যত্তং পৃচ্ছ মুনিসত্তম॥ 12-209-38 (73373)
ততো যোগক্রমেণৈব প্রতীতং তং প্রবিশ্য সঃ।
রূপাত্মানং প্রণম্যাহ নারদো বদতাংবরঃ॥ 12-209-39 (73374)
আশ্চর্যোসি চ ধন্যোসি হ্যনন্তোসি বৃহত্তরঃ।
ভবন্তং বেত্তুমিচ্ছামি কীদৃগ্ভূতস্ৎবমব্যয॥ 12-209-40 (73375)
উৎস্ময়িৎবা তু রূপাত্মা তং মুনিং প্রত্যুবাচ হ।
বায়ুর্মে কারণং ব্রহ্মংস্তং পৃচ্ছ মুনিসত্তম।
মত্তো বহুতরঃ শ্রীমাননন্তশ্চ মহাবিলম্॥ 12-209-41 (73376)
স মারুতং প্রণম্যাহ ভগবান্মুনিসত্তমঃ।
যোগসিদ্ধো মহায়োগী জ্ঞানবিজ্ঞানপারগঃ॥ 12-209-42 (73377)
আশ্চর্যোসি চ ধন্যোসি হ্যনন্তোসি বৃহত্তরঃ।
ভবন্তং বেত্তুমিচ্ছামি কীদৃগ্ভূতস্ৎবমব্যয॥ 12-209-43 (73378)
ততো বায়ুর্হি সংপ্রাহ নারদং মুনিসত্তমম্।
কারণং পৃচ্ছ ভগবন্স্পর্শাত্মানং মমাদ্য বৈ॥ 12-209-44 (73379)
মত্তো বৃহত্তরঃ শ্রীমাননন্তশ্চ তথৈব সঃ।
ততোস্য বচনং শ্রুৎবা স্পর্শাত্মানমুবাচ সঃ॥ 12-209-45 (73380)
আশ্চর্যোসি চ ধন্যোসি হ্যনন্তোসি বৃহত্তরঃ।
ভবন্তং বেত্তুমিচ্ছামি কীদৃগ্ভূতস্ৎবমব্যয॥ 12-209-46 (73381)
তস্য তদ্বচনং শ্রুৎবা স্পর্শাত্মা মুনিমব্রবীৎ।
নাহং বৃহত্তরো ব্রহ্মন্নাপ্যনন্তশ্চ সত্তম॥ 12-209-47 (73382)
কারণং মম চৈবেমমাকাশং চ বৃহত্তরম্।
তং পৃচ্ছ মুনিশার্দূল সর্বব্যাপিনমব্যযম্॥ 12-209-48 (73383)
তচ্ছ্রুৎবা নারদঃ শ্রীমান্বাক্যং বাক্যবিশারদঃ।
আকাশং সমুপাগম্য প্রণম্যাহ কৃতাঞ্জলিঃ॥ 12-209-49 (73384)
আশ্চর্যোসি ন ধন্যোসি হ্যনন্তোসি বৃহত্তরঃ।
ভবন্তং বেত্তুমিচ্ছামি কীদৃগ্ভূতস্ৎবমব্যয॥ 12-209-50 (73385)
আকাশস্তমুবাচেদং প্রহসন্মুনিসত্তমম্।
নাহং বৃহত্তরো ব্রহ্মঞ্শব্দো বৈ কারণং মম।
তং পৃচ্ছ মুনিশার্দূল স বৈ মত্তো বৃহত্তরঃ॥ 12-209-51 (73386)
ততো হ্যাবিশ্য চাকাশং শব্দাত্মানমুবাচ হ।
স্বরব্যঞ্জনসংয়ুক্তং নানাহেতুবিভূষিতম্।
বেদাখ্যং পরমং গুহ্যং বেদকারণমচ্যুতম্॥ 12-209-52 (73387)
আশ্চর্যোসি চ ধন্যোসি হ্যনন্তোসি বৃহত্তরঃ।
ভবন্তং শ্রোতুমিচ্ছামি কীদৃগ্ভূতস্ৎবমব্যয॥ 12-209-53 (73388)
বেদাত্মা প্রত্যুবাচেদং নারদং মুনিপুঙ্গবম্।
ময়া কারণভূতেন সর্ববেত্তা পিতামহঃ॥ 12-209-54 (73389)
ব্রহ্মণো বুদ্ধিসংস্থানমাস্থিতোঽহং মহামুনে।
তস্মাদ্বৃহত্তরো মত্তঃ পদ্ময়োনির্মহামতিঃ।
তং পৃচ্ছ মুনিশার্দূল সর্বকারণকারণম্॥ 12-209-55 (73390)
ব্রহ্মলোকং ততো গৎবা নারদো মুনিপুঙ্গবৈঃ।
সেব্যমানং মহাত্মানং লোকপালৈর্মরুদ্গণৈঃ॥ 12-209-56 (73391)
সমুদ্রৈশ্চ সরিদ্ভিশ্চ ভূততৎবৈঃ সভূধরৈঃ।
গন্ধর্বৈরপ্সরোভিশ্চ জ্যোতিষাং চ গণৈস্তথা॥ 12-209-57 (73392)
স্তুতিস্তোমগ্রহস্তোভৈস্তথা বেদৈর্মুনীশ্বরৈঃ।
উপাস্যমানং ব্রহ্মাণং লোকনাথং পরাৎপরম্॥ 12-209-58 (73393)
হিরণ্যগর্ভং বিশ্বেশং চতুর্বক্রেণ ভূষিতম্।
প্রণম্য প্রাঞ্জলিঃ প্রহ্বস্তমাহ মুনিপুঙ্গবঃ॥ 12-209-59 (73394)
আশ্চর্যোসি চ ধন্যোসি হ্যনন্তোসি বৃহত্তরঃ।
ভবন্তং বেত্তুমিচ্ছামি কীদৃগ্ভূতস্ৎবমব্যয॥ 12-209-60 (73395)
তচ্ছ্রুৎবা ভগবান্ব্রহ্মা সর্বলোকপিতামহঃ।
উৎস্ময়ন্মুনিমাহেদং কর্মমূলস্য লোপকম্॥ 12-209-61 (73396)
নাহং বৃহত্তরো ব্রহ্মন্নাপ্যনন্তশ্চ সত্তম।
লোকানাং মম সর্বেষাং নাথভূতো বৃহত্তরঃ॥ 12-209-62 (73397)
নন্দগোপকুলে গোপকুমারৈঃ পরিবারিতঃ।
সমস্তজগতাং গোপ্তা গোপবেষেণ সংস্থিতঃ॥ 12-209-63 (73398)
মদ্রূপং চ সমাস্থায় জগৎসৃষ্টিং করোতি সঃ।
ঐশানমাস্থিতঃ শ্রীমান্হন্তি নিত্যং হি পাতি চ॥ 12-209-64 (73399)
বিষ্ণুঃ স্বরূপরূপোঽসৌ কারণং স হরির্মম।
তং পৃচ্ছ মুনিশার্দূল স চানন্তো বৃহত্তরঃ॥ 12-209-65 (73400)
ততোঽবতীর্য ভগবান্ব্রহ্মলোকান্মহামুনিঃ।
নন্দগোপকুলে বিষ্ণুমেনং কৃষ্ণং জগৎপতিম্॥ 12-209-66 (73401)
বালক্রীডনকাসক্তং বৎসজালবিভূষিতম্।
পায়যিৎবাথ বধ্নন্তং ধূলিধূম্রাননং পরম্॥ 12-209-67 (73402)
গাহমানৈর্হসদ্ভিশ্চ নৃত্যদ্ভিশ্চ সমন্ততঃ।
পাণিবাদনকৈশ্চৈব সংবৃতং বেণুবাদকৈঃ॥ 12-209-68 (73403)
প্রণিপত্যাব্রবীদেনং নারদো ভগবান্মুনিঃ।
আশ্চর্যোসি চ ধন্যোসি হ্যনন্তশ্চ বৃহত্তরঃ।
বেত্তাঽসি চাব্যযশ্চাসি বেত্তুমিচ্ছামি যাদৃশম্॥ 12-209-69 (73404)
ততঃ প্রহস্য ভগবান্নারদং প্রত্যুবাচ হ।
মত্তঃ পরতরং নাস্তি মত্তঃ সর্বং প্রতিষ্ঠিতম্॥ 12-209-70 (73405)
মতো বৃহত্তরং নান্যদহমেব বৃহত্তরঃ।
আকাশে চ স্থিতঃ পূর্বমুক্তবানহমেব তে॥ 12-209-71 (73406)
ন মাং বেত্তি জনঃ কশ্চিন্মায়া মম দুরত্যযা।
ভক্ত্যা ৎবনন্যযা যুক্তা মাং বিজানন্তি যোগিনঃ॥ 12-209-72 (73407)
প্রিয়োসি মম ভক্তোসি মম তৎবং বিলোকয়।
দদামি তব তজ্জ্ঞানং যেন তৎবং প্রপশ্যসি॥ 12-209-73 (73408)
অন্যেষাং চৈব ভক্তানাং মম যোগরতাত্মনাম্।
দদামি দিব্যং জ্ঞানং চ যেন তৎবং প্রপশ্যসি॥ 12-209-74 (73409)
অন্যেষাং চৈব ভক্তানাং মম যোগরতাত্মনাম্।
দদামি দিব্যং জ্ঞানং চ তেন তে যান্তি মৎপদম্॥ 12-209-75 (73410)
এবমুক্ৎবা যয়ৌ কৃষ্ণো নন্দগোপগৃহং হরিঃ॥ 12-209-76 (73411)
ভীষ্ম উবাচ। 12-209-77x (6073)
এতত্তে কথিতং রাজন্বিষ্ণুতৎবমনুত্তমম্।
ভজস্বৈনং বিশালাক্ষং জপন্কৃষ্ণেতি সত্তম॥ 12-209-77 (73412)
মোহয়ন্মাং তথা ৎবাং চ শৃণোত্যেষ ময়েরিতান্।
ধর্মাত্মা চ মহাবাহো ভক্তান্রক্ষতি নান্যথা॥ ॥ 12-209-78 (73413)
ইতি শ্রীমন্মহাভারতে শান্তিপর্বণি মোক্ষধর্মপর্বণি নবাধিকদ্বিশততমোঽধ্যায়ঃ॥ 209॥
শান্তিপর্ব - অধ্যায় 210
॥ শ্রীঃ ॥
12.210. অধ্যায়ঃ 210
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি নারদায় শ্রীনারায়ণোক্তস্য প্রয়াণকালে শ্রীভগবদনুস্মৃতিপ্রকারস্য কথনম্॥ 1॥Mahabharata - Shanti Parva - Chapter Text
12-210-0 (73436)
`যুধিষ্ঠির উবাচ। 12-210-0x (6075)
পিতামহ মহাপ্রাজ্ঞ সর্বশাস্ত্রবিশারদ।
প্রয়াণকালে কিং জপ্যং মোক্ষিভিস্তত্ৎবচিন্তকৈঃ॥ 12-210-1 (73437)
কিংনু স্মরন্কুরুশ্রেষ্ঠ মরণে সমুপস্থিতে।
প্রাপ্নুয়াৎপরমাং সিদ্ধিং শ্রোতুমিচ্ছামি তৎবতঃ॥ 12-210-2 (73438)
ভীষ্ম উবাচ। 12-210-3x (6076)
ৎবদ্যুক্তশ্চ হিতঃ সূক্ষ্ম উক্তঃ প্রশ্নস্ৎবয়াঽনঘ।
শৃণুষ্বাবহিতো রাজন্নারদেন পুরা শ্রুতম্॥ 12-210-3 (73439)
শ্রীবৎসাঙ্কং জগদ্বীজমনন্তং লোকসাক্ষিণম্।
পুরা নারায়ণং দেবং নারদঃ পর্যপৃচ্ছত॥ 12-210-4 (73440)
অক্ষরং পরমং ব্রহ্ম নির্গুণং তমসঃ পরম্।
আহুর্বৈদ্যং পরং ধাম ব্রহ্মাদিকমলোদ্ভবম্॥ 12-210-5 (73441)
ভগবন্ভূতভব্যেশ শ্রদ্দধানৈর্জিতেন্দ্রিয়ৈঃ।
কথং ভক্তৈর্বিচিন্ত্যোসি যোগিভির্মোক্ষকাঙ্ক্ষিভিঃ॥ 12-210-6 (73442)
কিংনু জপ্যং জপেন্নিত্যং কাল্যমুত্থায় মানবঃ।
স্মরেচ্চ ম্রিয়মাণো বৈ বিশেষেণ মহাদ্যুতে॥ 12-210-7 (73443)
কথং যুঞ্জন্সমাধ্যায়েদ্ব্রূহি তৎবং সনাতনম্॥ 12-210-8 (73444)
শ্রুৎবা চ নারদোক্তং তু দেবানামীশ্বরঃ স্বয়ম্।
প্রোবাচ ভগবান্বিষ্ণুর্নারদং বরদঃ প্রভুঃ॥ 12-210-9 (73445)
হন্ত তে কথয়িষ্যামি ইমাং দিব্যামনুস্মৃতিম্।
যামধীত্য প্রয়াণে তু মদ্ভাবয়োপপদ্যতে॥ 12-210-10 (73446)
ওংকারমগ্রতঃ কৃৎবা মাং নমস্কৃত্য নারদ।
একাগ্রঃ প্রয়তো ভূৎবা ইমং মন্ত্রমুদীরয়েৎ॥ 12-210-11 (73447)
ওং নমো ভগবতে বাসুদেবায়েতি॥ 12-210-12 (73448)
ইত্যুক্তো নারদঃ প্রাহ প্রাঞ্জলিঃ প্রণতঃ স্থিতঃ।
সর্বদেবেশ্বরং বিষ্ণুং সর্বাত্মানং হরিং প্রভুম্॥ 12-210-13 (73449)
নারদ উবাচ। 12-210-14x (6077)
অব্যযং শাশ্বতং দেবং প্রভবং পুরুষোত্তমম্।
প্রপদ্যে প্রাঞ্জলির্বিষ্ণুমক্ষরং পরমং পদম্॥ 12-210-14 (73450)
পুরাণং প্রভবং বিষ্ণুমক্ষয়ং লোকসাক্ষিণম্।
প্রপদ্যে পুণ্ডরীকাক্ষমীশং ভক্তানুকম্পিনম্॥ 12-210-15 (73451)
লোকনাথং সহস্রাক্ষমদ্ভুতং পরদং পদম্।
ভগবন্তং প্রপন্নোঽস্মি ভূতভব্যভবৎপ্রভুম্॥ 12-210-16 (73452)
স্রষ্টারং সর্বলোকানামনন্তং সর্বতোমুখম্।
পদ্মনাভং হৃষীকেশং প্রপদ্যে সত্যমচ্যুতম্॥ 12-210-17 (73453)
হিরণ্যগর্ভমমৃতং ভূগর্ভং পরতঃ পরম্।
প্রভোঃ প্রভুমনাদ্যন্তং প্রপদ্যে তং রবিপ্রভম্॥ 12-210-18 (73454)
সহস্রশীর্ষং পুরুষং মহর্ষি তৎবভাবনম্।
প্রপদ্যে সূক্ষ্মমচলং বরেণ্যমভয়প্রদম্॥ 12-210-19 (73455)
নারায়ণং পুরাণর্ষি যোগাত্মানং সনাতনম্।
সংস্থানং সর্বতৎবানাং প্রপদ্যে ধ্রুবমীশ্বরম্॥ 12-210-20 (73456)
যঃ প্রভুঃ সর্বভূতানাং যেন সর্বমিদং ততম্।
পরাবরগুরুর্বিষ্ণুঃ স মে দেবঃ প্রসীদতু॥ 12-210-21 (73457)
যস্মাদুৎপদ্যতে ব্রহ্মা পদ্ময়োনিঃ সনাতনঃ।
ব্রহ্ময়োনির্হি বিশ্বাত্মা স মে বিষ্ণুঃ প্রসীদতু॥ 12-210-22 (73458)
যঃ পুরা প্রলয়ে প্রাপ্তে নষ্টে স্থাবরজঙ্গমে।
ব্রহ্মাদিষু প্রলীনেষু নষ্টে লোকপরাবরে॥ 12-210-23 (73459)
আভূতসংপ্লবে চৈব প্রলীনেঽপ্রাকৃতো মহান্।
একস্তিষ্ঠতি বিশ্বাত্মা স মে বিষ্ণুঃ প্রসীদতু॥ 12-210-24 (73460)
চতুর্ভিশ্চ চতুর্ভিশ্চ দ্বাভ্যাং পঞ্চভিরেব চ।
হুয়তে চ পুনর্দ্বাভ্যাং স মে বিষ্ণুঃ প্রসীদতু॥ 12-210-25 (73461)
পর্জন্যঃ পৃথিবী সস্যং কালো ধর্মঃ ক্রিয়াক্রিয়ে।
গুণাকরঃ স মে বভ্রুর্বাসুদেবঃ প্রসীদতু॥ 12-210-26 (73462)
অগ্নীষোমার্কতারাণাং ব্রহ্মরুদ্রেন্দ্রয়োগিনাম্।
যস্তেজয়তি তেজাংসি স মে বিষ্ণুঃ প্রসীদতু॥ 12-210-27 (73463)
যোগাবাস নমস্তুভ্যং সর্বাবাস বরপ্রদ।
যজ্ঞগর্ভ হিরণ্যাঙ্গং পঞ্চয়জ্ঞ নমোস্তু তে॥ 12-210-28 (73464)
চতুর্মূর্তে পরং ধাম লক্ষ্ম্যাবাস পরার্চিত।
সর্বাবাস নমস্তেঽস্তু বাসুদেব প্রধানকৃৎ॥ 12-210-29 (73465)
অজস্ৎবনাময়ঃ পন্থা হ্যমূর্তির্বিশ্বমূর্তিধৃৎ।
বিকর্তঃ পঞ্চকাজ্ঞ নমস্তে জ্ঞানসাগর॥ 12-210-30 (73466)
অব্যক্তাদ্ব্যক্তমুৎপন্নমব্যক্তাদ্যঃ পরোঽক্ষরঃ।
যস্মাৎপরতরং নাস্তি তমস্মি শরণং গতঃ॥ 12-210-31 (73467)
ন প্রধানো ন চ মহান্পুরুষশ্চেতনো হ্যজঃ।
অনয়োর্যঃ পরতরস্তমস্মি শরণং গতঃ॥ 12-210-32 (73468)
চিন্তয়ন্তো হি যং নিত্যং ব্রহ্মেশানাদয়ঃ প্রভুম্।
নিশ্চয়ং নাধিগচ্ছন্তি তমস্মি শরণং গতঃ॥ 12-210-33 (73469)
জিতেন্দ্রিয়া মহাত্মানো জ্ঞানধ্যানপরায়ণাঃ।
যং প্রাপ্য ন নিবর্তন্তে তমস্মি শরণং গতঃ॥ 12-210-34 (73470)
একাংশেন জগৎসর্বমবষ্টভ্য বিভুঃ স্থিতঃ।
অগ্রাহ্যং নির্গুণং নিত্যং তমস্মি শরণং গতঃ॥ 12-210-35 (73471)
সোমার্কাগ্নিময়ং তেজো যা চ তারময়ী দ্যুতিঃ।
দিবি সংজায়তে যোঽয়ং স মহাত্মা প্রসীদতু॥ 12-210-36 (73472)
গুণাদির্নির্গুণশ্চাদ্যো লক্ষ্মীবাংশ্চেতনো হ্যজঃ।
সূক্ষ্মঃ সর্বগতো যোগী স মহাত্মা প্রসীদতু॥ 12-210-37 (73473)
সাঙ্খ্যযোগাশ্চ যে চান্যে সিদ্ধাশ্চ পরমর্ষয়ঃ।
যং বিদিৎবা বিমুচ্যন্তে স মহাত্মা প্রসীদতু॥ 12-210-38 (73474)
অব্যক্তঃ সমধিষ্ঠাতা অচিন্ত্যঃ সদসৎপরঃ।
অস্থিতিঃ প্রকৃতিশ্রেষ্ঠঃ স মহাত্মা প্রসীদতু॥ 12-210-39 (73475)
ক্ষেত্রজ্ঞঃ পঞ্চধা ভুঙ্ক্তে প্রকৃতিং পঞ্চভির্মুখৈঃ।
মহান্গুণাংশ্চ যো ভুঙ্ক্তে স মহাত্মা প্রসীদতু॥ 12-210-40 (73476)
সূর্যমধ্যে স্থিতঃ সোমস্তস্য মধ্যে চ যা স্থিতা।
ভূতবাহ্যা চ যা দীপ্তিঃ স মহাত্মা প্রসীদতু॥ 12-210-41 (73477)
নমস্তে সর্বতঃ সর্বং সর্বতোক্ষিশিরোমুখ।
নির্বিকার নমস্তেঽস্তু সাক্ষী ক্ষেত্রধ্রুবস্থিতিঃ॥ 12-210-42 (73478)
অতীন্দ্রিয় নমস্তুভ্যং লিঙ্গৈর্ব্যক্তৈর্ন মীয়সে।
যে চ ৎবাং নাভিজানন্তি সংসারে সংসরন্তি তে॥ 12-210-43 (73479)
কামক্রোধবিনির্মুক্তা রাগদ্বেষবিবর্জিতাঃ।
মান্যভক্তা বিজানন্তি ন পুনর্ভবকা দ্বিজাঃ॥ 12-210-44 (73480)
একান্তিনো হি নির্দ্বন্দ্বা নিরাশীঃকর্মকারিণঃ।
জ্ঞানাগ্নিদগ্ধকর্মাণস্ৎবাং বিশন্তি বিচিন্তকাঃ॥ 12-210-45 (73481)
অশরীরং শরীরস্থং সমং সর্বেষু দেহিষু।
পুণ্যপাপবিনির্মুক্তা ভক্তাস্ৎবাং প্রাবিশন্ত্যুত॥ 12-210-46 (73482)
অব্যক্তং বুদ্ধ্যহঙ্কারমনোভূতেন্দ্রিয়াণি চ।
ৎবয়ি তানি চ তেষু ৎবং ন তেষু ৎবং ন তে ৎবয়ি॥ 12-210-47 (73483)
একৎবান্যৎবনানাৎবং যে বিদুর্যান্তি তে পরম্।
সমোসি সর্বভূতেষু ন তে দ্বেষ্যোস্তি ন প্রিয়ঃ॥ 12-210-48 (73484)
সমৎবমভিকাঙ্ক্ষেঽহং ভক্ত্যা বৈ নান্যচেতসা।
চরাচরমিদং সর্বং ভূতগ্রামং চতুর্বিধম্।
ৎবয়া ৎবয়্যেব তৎপ্রোতং সূত্রে মণিগণা ইব॥ 12-210-49 (73485)
স্রষ্টা ভোক্তাসি কূটস্থো হ্যতৎবং তৎবসংজ্ঞিকঃ।
অকর্তা হেতুরচলঃ পৃথগাত্মন্যবস্থিতঃ॥ 12-210-50 (73486)
ন তে ভূতেষু সংয়োগো ভূততৎবগুণাধিকঃ।
অহঙ্কারেণ বুদ্ধ্যা বা ন তে যোগস্ত্রিভির্গুণৈঃ॥ 12-210-51 (73487)
ন মোক্ষধর্মো বা ন ৎবং নারম্ভো জন্ম বা পুনঃ।
জরামরণমোক্ষার্থং ৎবাং প্রপন্নোস্মি সর্বগ॥ 12-210-52 (73488)
ঈশ্বরোসি জগন্নাথ ততঃ পরম উচ্যসে।
ভক্তানাং যদ্ধিতং দেব তদ্ধ্যাহি ত্রিদশেশ্বর॥ 12-210-53 (73489)
বিষয়ৈরিন্দ্রিয়ৈর্বাঽপি ন মে ভূয়ঃ সমাগমঃ।
পৃথিবীং যাতু গন্ধো বৈ রসং যাতু জলং তথা॥ 12-210-54 (73490)
তেজো হুতাশনং যাতু স্পর্শো যাতু চ মারুতম্।
শ্রোত্রমাকাশমপ্যেতু মনো বৈকারিকং পুনঃ॥ 12-210-55 (73491)
ইন্দ্রিয়াণ্যপি সংয়ান্তু স্বাসুস্বাসু চ যোনিষু।
পৃথিবী যাতু সলিলমাপোগ্নিমনলোঽনিলম্॥ 12-210-56 (73492)
বায়ুরাকাশমপ্যেতু মনশ্চাকাশ এব চ।
অহংকারং মনো যাতু মোহনং সর্বদেহিনাম্॥ 12-210-57 (73493)
অহংকারস্ততো বুদ্ধিং বুদ্ধিরব্যক্তমচ্যুত॥ 12-210-58 (73494)
প্রধানে প্রকৃতিং যাতে গুণসাম্যে ব্যবস্থিতে।
বিয়োগঃ সর্বকরণৈর্গুণৈর্ভূতৈশ্চ মে ভবেৎ॥ 12-210-59 (73495)
নিষ্কেবলং পদং তাত কাঙ্ক্ষেঽহং পরমং তব।
একীভাবস্ৎবয়া মেঽস্তু ন মে জন্ম ভবেৎপুনঃ॥ 12-210-60 (73496)
ৎবদ্বুদ্ধিস্ৎবদ্গতপ্রাণস্ৎবদ্ভক্তিস্ৎবৎপরায়ণঃ।
ৎবামেবাহং স্মরিষ্যামি মরণে পর্যুপস্থিতে॥ 12-210-61 (73497)
পূর্বদেহকৃতা যে তু ব্যাধয়ঃ প্রবিশন্তু মাম্।
অর্দয়ন্তু চ দুঃখানি ঋণং মে প্রবিমুঞ্চতু॥ 12-210-62 (73498)
অনুধ্যাতোঽসি দেবেশ ন মে জন্ম ভবেৎপুনঃ।
তস্মাদ্ব্রবীমি কর্মাণি ঋণং মে ন ভবেদিতি॥ 12-210-63 (73499)
নোপতিষ্ঠন্তু মাং সর্বে ব্যাধয়ঃ পূর্বসংচিতাঃ।
অনৃণো গন্তুমিচ্ছামি তদ্বিষ্ণোঃ পরমং পদম্॥ 12-210-64 (73500)
শ্রীভগবানুবাচ। 12-210-65x (6078)
অহং ভগবতস্তস্য মম চাসৌ সনাতনঃ।
তস্যাহং ন প্রণশ্যাসি স চ মে ন প্রণশ্যতি॥ 12-210-65 (73501)
কর্মেন্দ্রিয়ামি সংয়ম্য পঞ্চ বুদ্ধীন্দ্রিয়াণি চ।
দশেন্দ্রিয়াণি মনসি অহংকারে তথা মনঃ॥ 12-210-66 (73502)
অহংকারং তথা বুদ্ধৌ বুদ্ধিমাত্মনি যোজয়েৎ।
যতবুদ্ধীন্দ্রিয়ঃ পশ্যেদ্বুদ্ধ্যা বুদ্ধ্যেৎপরাৎপম্॥ 12-210-67 (73503)
মমায়মিতি যস্যাহং যেন সর্বমিদং তততম্।
ততো বুদ্ধেঃ পরং বুদ্ধ্বা লভতে ন পুনর্ভবম্॥ 12-210-68 (73504)
মরণে সমনুপ্রাপ্তে যশ্চৈবং মামনুস্মরেৎ।
অপি পাপসমাচারঃ স যাতি পরমাং গতিম্॥ 12-210-69 (73505)
ওং নমো ভগবতে তস্মৈ দেহিনাং পরমাত্মনে।
নারায়ণায় ভক্তানামেকনিষ্ঠায় শাশ্বতে॥ 12-210-70 (73506)
ইমামনুস্মৃতিং দিব্যাং বৈষ্ণবীং সুসমাহিতঃ।
স্বপন্বিবুদ্ধশ্চ পঠেদ্যত্র তত্র সমভ্যসেৎ॥ 12-210-71 (73507)
পৌর্ণমাস্যামমাবাস্যাং দ্বাদশ্যাং চ বিশেষতঃ।
শ্রাবয়েচ্ছ্রদ্দধানাংশ্চ মদ্ভক্তাংশ্চ বিশেষতঃ॥ 12-210-72 (73508)
যদ্যহংকারমাশ্রিত্য যজ্ঞদানতপঃ ক্রিয়াঃ।
কুর্বংস্তৎফলমাপ্নোতি পুনরাবর্তনং ন তু॥ 12-210-73 (73509)
অভ্যর্চয়ন্পিতৄন্দেবান্পঠঞ্জুহ্বন্যলিং দদৎ।
জ্বলন্নগ্নিং স্মরেদ্যো মাং স যাতি পরমাং গতিম্॥ 12-210-74 (73510)
যজ্ঞো দানং তপশ্চৈব পাবনানি শরীরিণাম্।
যজ্ঞং দানং তপস্তস্মাৎকুর্যাদাশীর্বিবর্জিতঃ॥ 12-210-75 (73511)
নম ইত্যেব যো ব্রূয়ান্মদ্ভক্তঃ শ্রদ্ধয়ান্বিতঃ।
তস্যাক্ষয়ো ভবেল্লোকঃ শ্বপাকস্যাপি নারদ॥ 12-210-76 (73512)
কিং পুনর্যে যজন্তে মাং সাধকা বিধিপূর্বকম্।
শ্রদ্ধাবন্তো যতাত্মানস্তে মাং যান্তি মদাশ্রিতাঃ॥ 12-210-77 (73513)
কর্মাণ্যাদ্যন্তবন্তীহ মদ্ভক্তোঽমৃতমশ্নুতে।
মামেব তস্মাদ্দেবর্ষে ধ্যাহি নিত্যমতন্দ্রিতঃ।
অবাপ্স্যসি ততঃ সিদ্ধিং দ্রক্ষ্যস্যেব পদং মম॥ 12-210-78 (73514)
অজ্ঞানিনে চ যো জ্ঞানং দদ্যাদ্ধর্মোপদেশনম্।
কৃৎস্নাং বা পৃথিবীং দদ্যাত্তেন তুল্যং ন তৎফলম্॥ 12-210-79 (73515)
তস্মাৎপ্রেদয়ং সাধুভ্যো জন্মবন্ধভয়াপহম্।
এবং দত্ৎবা নরশ্রেষ্ঠ শ্রেয়ো বীর্যং চ বিন্দতি॥ 12-210-80 (73516)
অশ্বমেধসহস্রাণাং সহস্রং যঃ সমাচরেৎ।
নাসৌ পদমবাপ্নোতি মদ্ভক্তৈর্যদবাপ্যতে॥ 12-210-81 (73517)
ভীষ্ম উবাচ। 12-210-82x (6079)
এবং পৃষ্টঃ পুরা তেন নারদেন সুরর্ষিণা।
যদুবাচ তদাঽসৌ ভো তদুক্তং তব সুব্রত॥ 12-210-82 (73518)
ৎবমপ্যেকমনা ভূৎবা ধ্যাহি জ্ঞেয়ং গুণাতিগম্।
ভজস্ব সর্বভাবেন পরমাত্মানমব্যযম্॥ 12-210-83 (73519)
শ্রুৎবৈতন্নারদো বাক্যং দিব্যং নারায়ণেরিতম্।
অত্যন্তভক্তিমান্দেব একান্তৎবমুপেয়িবান্॥ 12-210-84 (73520)
নারায়ণমৃষিং দেবং দশবর্ষাণ্যনন্যভাক্।
ইদং জপন্বৈ প্রাপ্নোতি তদ্বিষ্ণোঃ পরমং পদম্॥ 12-210-85 (73521)
কিং তস্য বহুভির্মন্ত্রৈর্ভক্তির্যস্য জনার্দনে।
নমো নারায়ণায়েতি মন্ত্রঃ সর্বার্থসাধকঃ॥ 12-210-86 (73522)
ইমাং রহস্যাং পরমামনুস্মৃতি
মধীত্য বুদ্ধিং লভতে চ নৈষ্ঠিকীম্।
বিহায় দুঃখান্যবমুচ্য সঙ্কটা
ৎস বীতরাগো বিগতজ্বরঃ সুখী॥ ॥ 12-210-87 (73523)
ইতি শ্রীমন্মহাভারতে শান্তিপর্বণি মোক্ষধর্মপর্বণি দশাধিকদ্বিশততমোঽধ্যায়ঃ॥ 210॥
Mahabharata - Shanti Parva - Chapter Footnotes
12-210-1 শ্রুৎবা তস্য তু দেবর্ষের্বাক্যং বাচস্পতিঃ স্বয়মিতি থ. পাঠঃ॥ 12-210-14 অব্যক্তং শাশ্বতং দেবমি ট.থ. পাঠঃ॥ 12-210-15 পুরাণং প্রভবং নিত্যমিতি ট. থ. পাঠঃ॥ 12-210-30 ত্রিকর্তঃ পঞ্চকালজ্ঞেতি ট.থ. পাঠঃ॥ 12-210-44 ন পুনর্মারকা দ্বিজা ইতি ট. থ. পাঠঃ॥ 12-210-46 ৎবাং বিশন্তি বিনিশ্চিতা ইতি ধ. পাঠঃ॥ 12-210-52 ন মে ধর্মো হ্যধর্মো বেতি ট. থ. পাঠঃ॥ 12-210-54 পৃথিবীং যাতু মে ঘ্রাণং যাতু মে রসনং জলম্। রূপং হুতাশনং যাতু ইতি ট. থ. পাঠঃ॥ 12-210-60 নিষ্কেবলং বরং দেবেতি ধ. পাঠঃ॥ 12-210-74 জপন্ভিন্নং স্মরেদিতি ধ. পাঠঃ॥ 12-210-78 মদ্ভক্তো নান্তমশ্নুত ইতি ট. থ. পাঠঃ॥ 12-210-82 যদুবাচ তদা শংভুরিতি ট. থ. পাঠঃ॥ 12-210-87 স বীতরাগো বিচরেদিমাং মহীম্। ইতি ট. থ. পাঠঃ॥শান্তিপর্ব - অধ্যায় 211
॥ শ্রীঃ ॥
12.211. অধ্যায়ঃ 211
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি গরুডেনাত্মানং প্রত্যুক্তশ্রীভগবন্মহিমানুবাদঃ॥ 1॥Mahabharata - Shanti Parva - Chapter Text
12-211-0 (73524)
* যুধিষ্ঠির উবাচ। 12-211-0x (6080)
দেবানুরমনুষ্যেষু ঋষিমুখ্যেষু বা পুনঃ।
বিষ্ণোস্তৎবং যথাখ্যাতং কো বিদ্বাননুবেত্তি তৎ॥ 12-211-1 (73525)
এতন্মে সর্বমাচক্ষ্ব ন মে তৃপ্তির্হি তৎবতঃ।
বর্ততে ভরতশ্রেষ্ঠ সর্বজ্ঞোঽসীতি মে মতিঃ॥ 12-211-2 (73526)
ভীষ্ম উবাচ। 12-211-3x (6081)
কারিতোঽহং ৎবয়া রাজন্যদৄত্তং চ পুরা মম।
গরুডেন পুরা মহ্যং সংবাদোঽভূভৃতোত্তম্॥ 12-211-3 (73527)
পুরাহং তপ আস্থায় বাসুদেবপরায়ণঃ।
ধ্যায়ন্স্তুবন্নমস্যংশ্চ যজমানস্তমেবচ।
গঙ্গদ্বীপে সমাসীনো দশবর্ষাণি ভারত॥ 12-211-4 (73528)
মাতা চ মম তা দেবী জননী লোকপাবনী।
সমাসীনা সমীপে মে রক্ষণার্থং মমাচ্যুত॥ 12-211-5 (73529)
তস্মিন্কালেঽদ্ভুতঃ শ্রীমান্সর্ববেদময়ঃ প্রভুঃ।
সুপর্ণঃ পততাংশ্রেষ্ঠো মেরুমন্দরসন্নিভঃ।
আজগাম বিশুদ্ধাত্মা গঙ্গাং দ্রষ্টুং মহায়শাঃ॥ 12-211-6 (73530)
তমাগতং মহাত্মানং প্রত্যুদ্গম্যাহমর্থিতঃ।
প্রণিপত্য যথান্যায়ং কৃতাজ্জলিরবস্থিতঃ॥ 12-211-7 (73531)
সোঽপি দেবো মহাভাগামভিনন্দ্য চ জাহ্নবীম্।
তথা চ পূজিতঃ শ্রীমানুণেপাবিশদাসনে॥ 12-211-8 (73532)
ততঃ কথান্তরে তং বৈ বচনং চেদমব্রবম্।
বেদবেদ মহাবীর্য বৈনতেগ মহাবল॥ 12-211-9 (73533)
নারায়ণং হৃষীকেশং সহমানোঽনিশং হরিম্।
জানাসি তং যথা বক্তুং যাদৃগ্ভূতো জনার্দনঃ।
মমাপি তস্য সদ্ভাতং বক্তুমর্হসি সত্তম॥ 12-211-10 (73534)
গরুড উবাচ। 12-211-11x (6082)
শৃণু ভীষ্ম যথান্যায়ং পুরা ৎবমিহ সত্তমাঃ।
অনেকে পুনয়ঃ সিদ্ধা মানসোত্তরবাসিনঃ॥
পগচ্ছুর্মা মহাপ্রাজ্ঞা বাসুদেবপরায়ণাঃ॥ 12-211-11 (73535)
পক্ষীন্দ্র বাসুদেবস্য তৎবং বেৎসি পরং পদম্।
স্বসা সয়ো ন তস্যাস্তি সন্নিকৃষ্টপ্রিয়োপি চ॥ 12-211-12 (73536)
তেষামহং বচঃ শ্রুৎবা প্রণিপত্য মহাহরিম্।
অব্রবং চ যথাবৃত্তং মম নারায়ণস্য চ॥ 12-211-13 (73537)
শৃণুধ্বং মুনিশার্দূলা হৃৎবা সোমমহং পুরা।
আকাশে পতমানস্তু বাক্যং তত্র শৃণোমি বৈ॥ 12-211-14 (73538)
সাধুসাধু মহাবাহো প্রীতোস্মি তব দর্শনাৎ।
বৃণীষ্ব বচনং মত্তঃ পক্ষীন্দ্র গরুডাধুনা॥ 12-211-15 (73539)
ৎবামহং ভক্তিতৎবজ্ঞো ব্রবৈ বচনমুত্তমম্।
ইত্যাহ স্ম ধ্রুবং তত্র মামাহ ভগবান্পুনঃ॥ 12-211-16 (73540)
ঋষিরস্মি মহাবীর্য ন মাং জানাতি বা ময়ি।
অসূয়তি চ মাং মূঢ তচ্ছ্রুৎবা গর্বমাস্থিতঃ॥ 12-211-17 (73541)
অহং দেবনিকায়ানাং মধ্যে বচনমব্রবম্।
ঋষে পূর্বং বরং মত্তস্ৎবং বৃণীষ্ব ততো হ্যহম্।
বৃণে ৎবত্তো বরং পশ্চাদিত্যেবং মুনিসত্তমাঃ॥ 12-211-18 (73542)
তস্মাত্ৎবাং ভগবান্দেবঃ শ্রীমাঞ্শ্রীবৎসলক্ষণঃ।
অদ্য পশ্যতি পক্ষীন্দ্র বাহনং ভব মে সদা।
বৃণেঽহং বরমেতদ্ধি ৎবত্তোঽদ্য পতগেশ্বর॥ 12-211-19 (73543)
তথেতি তং বীক্ষ্য মাতামনহংকারমাস্থিতম্।
জেতুকামো হ্যহং বিষ্ণুং মায়যা মায়িনং হরিম্॥ 12-211-20 (73544)
ৎবত্তো হ্যহং বৃণে ৎবদ্য বরং ঋষিবরোত্তম।
তবোপরিষ্টাৎস্থাস্যামি বরমেতৎপ্রয়চ্ছ মে॥ 12-211-21 (73545)
তথেতি চ হসন্প্রাহ হরির্নারায়ণঃ প্রভুঃ।
ধ্বজং চ মে ভব সদা ৎবমেব বিহগেশ্বর।
উপরিষ্টাৎস্থিতিস্তেঽস্তু মম পক্ষীন্দ্র সর্বদা॥ 12-211-22 (73546)
ইত্যুক্ৎবা ভগবান্দেবঃ শঙ্খচক্রগদাধরঃ।
সহস্রচরণঃ শ্রীমান্সহস্রাদিত্যসন্নিভঃ॥ 12-211-23 (73547)
সহস্রশীর্ষা পুরুষঃ সহস্রনয়নো মহান্।
সহস্রমকুটোঽচিন্ত্যঃ সহস্রবদনো বিভুঃ॥ 12-211-24 (73548)
বিদ্যুন্মালানিভৈর্দিব্যৈর্নানাভরণরাজিভিঃ।
ক্বচিৎসংদৃশ্যমানস্তু চতুর্বাহুঃ ক্বচিদ্বরিঃ॥ 12-211-25 (73549)
ক্বচিজ্জ্যোতির্ময়োচিন্ত্যঃ ক্বচিৎস্কন্ধে সমাহিতঃ।
এবং মম জয়ন্দেবস্তত্রৈবান্তরধীয়ত॥ 12-211-26 (73550)
ততোঽহং বিস্ময়াপন্নঃ কৃৎবা কার্যমনুত্তমম্।
অস্যাবিমুচ্য জননীং ময়া সহ মুনীশ্বরাঃ॥ 12-211-27 (73551)
অচিন্ত্যোঽয়মহং ভূয়ঃ কোঽসৌ মামব্রবীৎপুরা।
কীদৃগ্বিধঃ স ভগবানিতি মৎবা তমাস্থিতঃ॥ 12-211-28 (73552)
অনন্তরং দেবদেবং স্কন্ধে মম সমাশ্রিতম্।
অদ্রাক্ষং পুণ্ডরীকাক্ষং বহমানোঽহমদ্ভুতম্॥ 12-211-29 (73553)
অবশস্তস্য ভাবেন যত্র যত্র স চেচ্ছতি।
বিস্ময়াপন্নহৃদয়ো হ্যহং কিমিতি চিন্তয়ন্।
অন্তর্জলমহং সর্বং বহমানোঽগমং পুনঃ॥ 12-211-30 (73554)
সেন্দ্রৈর্দেবৈর্মহাভাগৈর্ব্রহ্মাদ্যৈঃ কল্পজীবিভিঃ।
স্তূয়মানো হ্যহমপি তৈস্তৈরভ্যর্চিতঃ পৃথক্॥ 12-211-31 (73555)
ক্ষীরোদস্যোত্তরে কূলে দিব্যে মণিময়ে শুভে।
বৈকর্ণনাম সদনং হরেস্তস্য মহাত্মনঃ॥ 12-211-32 (73556)
দিব্যং তেজোময়ং শ্রীমদচিন্ত্যমমরৈরপি।
তেজোনিলময়ৈঃ স্তম্ভৈর্নানাসংস্থানসংস্থিতৈঃ॥ 12-211-33 (73557)
বিভূষিতং হিরণ্যেন ভাস্বরেণ সমন্ততঃ।
দিব্যং জ্যোতিঃ সমায়ুক্তং গীতবাদিত্রশোভিতম্॥ 12-211-34 (73558)
শৃণোমি শব্দং তত্রাহং ন পশ্যামি শরীরিণম্।
ন চ স্থলং ন চান্যচ্চ পাদয়োস্তং সমন্ততঃ।
বেপমানো হ্যহং তত্র বিষ্ঠিতোঽহং কৃতাঞ্জলিঃ॥ 12-211-35 (73559)
ততো ব্রহ্মাদয়ো দেবা লোকপালাস্তথৈব চ।
সনন্দনাদ্যা মুনয়স্তথাঽন্যে পরজীবিনঃ॥ 12-211-36 (73560)
প্রাপ্তাস্তত্র সভাদ্বারি দেবগন্ধর্বসত্তমাঃ।
ব্রহ্মাণং পরতঃ কৃৎবা কৃতাঞ্জলিপুটাস্তদা॥ 12-211-37 (73561)
ততস্তদন্তরে তস্মিন্ক্ষীরোদার্ণবশীকরৈঃ।
বোধ্যমানো মহাবিষ্ণুরাবির্ভূত ইবাবভৌ॥ 12-211-38 (73562)
ফণাসহস্রমালাঢ্যং শেষমব্যক্তসংস্থিতম্।
পশ্যাম্যহং মুদাঽঽকাশে যস্যোপরি জনার্দনম্॥ 12-211-39 (73563)
দীর্ঘবৃত্তৈঃ সমৈঃ পীনৈঃ কেয়ূরবলয়োজ্জ্বলৈঃ।
চর্তুভির্বাহুভির্যুক্তং------------॥ 12-211-40 (73564)
পিতাম্বরেণ সংবীতং কৌস্তুভেন বিরাজিতম্।
বক্ষস্থলেন সংয়ুক্তং পদ্ময়াঽধিষ্ঠিতেন চ॥ 12-211-41 (73565)
ঈষদুন্মীলিতাক্ষং তং সর্বকারণকারণম্।
ক্ষীরোদস্যোপরি বভৌ নীলাভ্রং পরমং যথা॥ 12-211-42 (73566)
ন কশ্চিদ্বদতে কশ্চিন্ন ব্যাহরতি কশ্চন।
ব্রহ্মাদিস্তম্বপর্যন্তং মাশব্দমিতি রোষিতম্।
ভ্রুকুটীকুটিলাক্ষাস্তে নানাভূতগণাঃ স্থিতাঃ॥ 12-211-43 (73567)
কৃৎবা চ প্রস্থিতং তত্র জগতাং হিতকাম্যযা।
গচ্ছধ্বমিতি মামুক্ৎবা গরুডেত্যাহ মাং ততঃ॥ 12-211-44 (73568)
ততোঽহং প্রণিপত্যাগ্রে কৃতাঞ্জলিরবস্থিতঃ।
আগচ্ছেতি চ মামুক্ৎবা পূর্বোত্তরপথং গতঃ॥ 12-211-45 (73569)
অতীব মৃদুভাবেন গচ্ছন্নিব স দৃশ্যতে।
অয়ুতং নিয়ুতং চাহং প্রয়ুতং চার্বুদং তথা।
পতমানোঽহমনিশং যোজনানি ততস্ততঃ॥ 12-211-46 (73570)
ননু তৎবমহং ভক্তো বিষ্ঠিতোস্মি প্রশাস্তু নঃ।
আগচ্ছ গরুডেত্যেবং পুনরাহ স মাধবঃ॥ 12-211-47 (73571)
ততো ভূয়ো হ্যহং পাতং পতমানো বিহায়সম্।
আজগাম ততো ঘোরং শতকোটিসমাবৃতম্॥ 12-211-48 (73572)
তামসানীব ভূতানি পর্বতাভানি তত্র হ।
সমানানীব পদ্মানি ততোঽহং ভীত আস্থিতঃ॥ 12-211-49 (73573)
ততো মাং কিংকরো ঘোরঃ শতয়োজনমায়তম্।
নিগৃহ্য পাণিনা তস্মাচ্চিক্ষেপ চ স লোষ্টবৎ॥ 12-211-50 (73574)
তত্তমোঽহমতিক্রম্য হ্যাপং চৈব বিহায়সম্।
হুঙ্কারঘোপং তত্রাহমশনীপাতসন্নিভান্।
কর্ণমূলে হ্যশৃণ্বন্তস্ততো ভূতৈঃ সমাস্থিতঃ॥ 12-211-51 (73575)
ততোঽহং দেবদেবেশ ত্রাহি মাং পুষ্করেক্ষণ।
ইত্যব্রবমহং তত্র ততো বিষ্ণুরুবাচ মাম্॥ 12-211-52 (73576)
সুষিরস্য মুখে কশ্চিন্মাং চিক্ষেপ ভয়ঙ্করঃ।
অতীতোঽহং ক্ষণাদগ্নিমপশ্যং বায়ুমণ্ডলম্॥ 12-211-53 (73577)
আকাশমিব সংপ্রেক্ষ্য ক্ষেপ্তুকামমুপাগতঃ।
তত্রাহং দুঃখিতো ভূতঃ ক্রোশমানো হ্যবস্থিতঃ॥ 12-211-54 (73578)
ক্ষণান্তরেণ ঘোরেণ ক্রুদ্ধো হি পরমাত্মনা।
স্বপক্ষরাজিনা দৃষ্ট্বা মাং চিক্ষেপ ভয়ঙ্করঃ॥ 12-211-55 (73579)
-----গরুডকুলং সহস্রাদিত্যসন্নিভম্।
মাং দৃষ্ট্বাঽপ্যথ সংস্থেঽথ হ্যল্পকালোঽতিদুর্বলঃ॥ 12-211-56 (73580)
অহো বিহঙ্গমঃ প্রাপ্ত ইতি বিস্ময়মানসাঃ।
মাং দৃষ্ট্বোচুরহং তত্র পশ্যামি গরুডধ্বজম্॥ 12-211-57 (73581)
সহস্রয়োজনায়ামং সহস্রাদিত্যবর্চসম্।
সহস্রগরুডারূঢং গরুডাস্তে মহাবলাঃ॥ 12-211-58 (73582)
অত্যাশ্চর্যমিমং দেব বপুষাঽস্মৎকুলোদ্ভবঃ।
স্বল্পপ্রাণঃ স্বল্পকায়ঃ কোসৌ পক্ষী ইহাগতঃ॥ 12-211-59 (73583)
তচ্ছ্রুৎবাঽহং নষ্টগর্বো ভীতো লজ্জাসমন্বিতঃ।
স্বয়ং বুদ্ধ্শ্চ সংবিগ্নস্ততো হ্যশৃণবং পুনঃ॥ 12-211-60 (73584)
আগচ্ছ গরুডেত্যেব ততোঽহং যানমাস্থিতঃ।
পরার্ধ্যং চ ততো গৎবা যোজনানাং শতং পুনঃ।
তত্রাপশ্যমহং যো বৈ ব্রহ্মাণং পরমেষ্ঠিনম্॥ 12-211-61 (73585)
তত্রাপি চাপরং তত্র শতকোটিপিতামহান্।
পুনরেহীত্যুবাচোচ্চৈর্ভগবান্মধুসূদনঃ॥ 12-211-62 (73586)
মহাকুলং ততোঽপশ্যং প্রমাণানি তমব্যযম্।
কপিত্থফলসংকাশমন্ধকারৈঃ সমাশ্রিতম্॥ 12-211-63 (73587)
তত্র স্থিতো হরিঃ শ্রীমানণ্ডমেকং বিভেদ হ।
মহদ্ভূতং হি মাং গৃহ্য দত্ৎবা বৈ প্রাক্ষিপৎপুনঃ॥ 12-211-64 (73588)
তন্সধ্যে সাগরান্সপ্ত ব্রহ্মাণং চ তথা সুরান্।
পশ্যাম্যহং যথায়োগং মাতরং স্বকুলং তথা॥ 12-211-65 (73589)
এবং ময়াঽনুভূতং হি তৎবান্বেষণকাঙ্ক্ষিণা।
শিবিকাসদৃশং মাং বৈ পশ্যধ্বং মুনিসত্তমাঃ॥ 12-211-66 (73590)
ইত্যেবমব্রবং বিপ্রান্ভীষ্ম যন্মে পুরাঽভবৎ।
তত্তে সর্বং যথান্যায়মুক্তবানস্মি সত্তম॥ 12-211-67 (73591)
যোগিনস্তং প্রপশ্যন্তি জ্ঞানং দৃষ্ট্বা পরং হরিম্।
নান্যথা শক্যরূপোসৌ জ্ঞানগম্যঃ পরঃ পুমান্॥ 12-211-68 (73592)
অনন্যযা চ ভক্ত্যা চ প্রাপ্তুং শক্যো মহাহরিঃ॥ 12-211-69 (73593)
ভীষ্ম উবাচ। 12-211-70x (6083)
ইত্যেবমুক্ৎবা ভগবান্সুপর্ণঃ পক্ষিরাট্ প্রভুঃ।
আমন্ত্র্য জননীং মে বৈ তত্রৈবান্তরধীয়ত॥ 12-211-70 (73594)
তস্মাদ্রাজেন্দ্র সর্বাত্মা বাসুদেবঃ প্রধানকৃৎ।
জ্ঞানেন ভক্ত্যা সুলভো নান্যথেতি মতির্মম॥' ॥ 12-211-71 (73595)
ইতি শ্রীমন্মহাভারতে শান্তিপর্বণি মোক্ষধর্মপর্বণি একাদশাধিকদ্বিশততমোঽধ্যায়ঃ॥ 211॥
Mahabharata - Shanti Parva - Chapter Footnotes
* ক্ষয়মধ্যায়ো ধ. পুস্ক এব দৃশ্যতে।শান্তিপর্ব - অধ্যায় 212
॥ শ্রীঃ ॥
12.212. অধ্যায়ঃ 212
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শিষ্যায় গুরূক্তবার্ষ্ণেয়াধ্যাত্মৎবানুবাদঃ॥ 1॥Mahabharata - Shanti Parva - Chapter Text
12-212-0 (73596)
যুধিষ্ঠির উবাচ। 12-212-0x (6084)
যোগং মে পরমং তাত মোক্ষস্য বদভারত।
তমহং তত্ৎবতো জ্ঞাতুমিচ্ছামি বদতাংবর॥ 12-212-1 (73597)
`ভূয়োপি জ্ঞানসদ্ভাবে স্থিত্যর্থং ৎবাং ব্রবীম্যহম্।
অচিন্ত্যং বাসুদেবাখ্যং তস্মাৎপ্রব্রূহি সত্তম॥' 12-212-2 (73598)
ভীষ্ম উবাচ। 12-212-3x (6085)
অত্রাপ্যুদাহ ন্তীমমিতিহাসং পুরাতনম্।
সংবাদং মোক্ষসংয়ুক্তং শিষ্যস্য গুরুণা সহ॥ 12-212-3 (73599)
কশ্চিদ্ব্রাহ্মণমাসীনমাচার্যমৃষিসত্তমম্।
তেজোরাশিং মহাত্মানং সত্যসন্ধং জিতেন্দ্রিয়ম্॥ 12-212-4 (73600)
শিষ্যঃ পরমমেধাবী শ্রেয়োর্থী সুসমাহিতঃ।
চরণাবুপসংগৃহ্য স্থিতঃ প্রাঞ্জলিরব্রবীৎ॥ 12-212-5 (73601)
উপাসনাৎপ্রসন্নোঽসি যদি বৈ ভগবন্মম।
সংশয়ো মে মহান্কশ্চিত্তং মে ব্যাখ্যাতুমর্হসি।
কুতশ্চাহং কুতশ্চ ৎবং তৎসম্যগ্ব্রূহি যৎপরম্॥ 12-212-6 (73602)
কথং চ সর্বভূতেষু সমেষু দ্বিজসত্তম।
সম্যগ্বৃত্তা নিবর্তন্তে বিপরীতাঃ ক্ষয়োদয়াঃ॥ 12-212-7 (73603)
বেদেষু চাপি যদ্বাক্যং লৌকিকং ব্যাপকং চ যৎ।
এতদ্বিদ্বন্যথাতত্ৎবং সর্বং ব্যাখ্যাতুমর্হসি॥ 12-212-8 (73604)
গুরুরুবাচ। 12-212-9x (6086)
শৃণু শিষ্য মহাপ্রাজ্ঞ ব্রহ্মগুহ্যমিদং পরম্।
অধ্যাত্মং সর্বভূতানামাগমানাং চ যদ্বসু॥ 12-212-9 (73605)
বাসুদেবঃ সর্বমিদং বিশ্বস্য ব্রহ্মণো সুখম্।
সত্যং দানং তপো যজ্ঞস্তিতিক্ষা দম আর্জবম্॥ 12-212-10 (73606)
পুরুষং সনাতনং বিষ্ণুং যং তং বেদবিদো বিদুঃ।
সর্গপ্রলয়কর্তারমব্যক্তং ব্রহ্ম শাশ্বতম্॥ 12-212-11 (73607)
তদিদং ব্রহ্ম বার্ষ্ণোয়মিতিহাসং শৃণুষ্ব মে।
ব্রাহ্মণো ব্রাহ্মণৈঃ শ্রাব্যো রাজন্যঃ ক্ষত্রিয়ৈস্ততা॥ 12-212-12 (73608)
[বৈশ্যো বৈশ্যৈস্তথা শ্রাব্যঃ শূদ্রঃ শূদ্রৈর্মহামনাঃ।]
মাহাত্ম্যং দেবদেবস্য বিষ্ণোরমিততেজসঃ॥ 12-212-13 (73609)
অর্হস্ৎবমসি কল্যাণং বার্ষ্ণেয়াধ্যাত্মমুত্তমম্॥ 12-212-14 (73610)
`যমচ্যুতং পরং নিত্যং লিঙ্গহীনং চ নির্মলম্।
নির্বাণমমৃতং শ্রীমত্তদ্বিষ্ণোঃ পরমং পদম্॥ 12-212-15 (73611)
ভবে চ ভেদবদ্ভিন্নং প্রদানং গুণকারকম্।
তস্মিন্ন সজ্যতে নিত্যং স এষ পুরুষোঽপরঃ॥ 12-212-16 (73612)
পুরুষাধিষ্ঠিতং নিত্যং প্রধানং ব্রহ্ম কারণম্।
কালস্বরূপং রূপেণ বিষ্ণুনা প্রভবিষ্ণুনা॥ 12-212-17 (73613)
ক্ষোভ্যমাণং সৃজত্যেব নানাভূতানি ভাগশঃ।
তদ্দৃষ্ট্বা পুরুষোতৎবং সাক্ষীভূৎবা প্রবর্ততে।
তৎপ্রবিশ্য যথায়োগমভিন্নো ভিন্নলক্ষণঃ॥' 12-212-18 (73614)
কালচক্রমনাদ্যন্তং ভাবাভাবস্বলক্ষণম্।
ত্রৈলোক্যে সর্বভূতেষু চক্রবৎপরিবর্ততে॥ 12-212-19 (73615)
যত্তদক্ষরমব্যক্তমমৃতং ব্রহ্ম শাশ্বতম্।
বদন্তি পুরুষব্যাঘ্র কেশবং পুরুষর্ষভম্॥ 12-212-20 (73616)
`তদক্ষরমচিন্ত্যং বৈ ভিন্নরূপেণ দৃশ্যতে।
পশ্য কালাখ্যমনিশং ন চোষ্ণং নাতিশীতলম্॥ 12-212-21 (73617)
ন সন্ত্যেতে গুণাস্তস্মিংতথা তস্মাৎপ্রবর্ততে।
শীতলোঽয়মনুপ্রাপ্তঃ কালো গ্রীষ্মস্তথৈব চ॥ 12-212-22 (73618)
বক্ষ্যন্তি সর্বভূতানি হ্যেতে সূর্যোদয়ং প্রতি।
আগচ্ছন্তি নিবর্তন্তি স কালো গুণরাশয়ঃ॥ 12-212-23 (73619)
ন চৈব প্রকৃতিস্থেন কালয়ুক্তেন নিত্যশঃ।
গুণৈঃ সংভোগমরতিস্তৎববিজ্ঞানকোবিদম্।
পুরুষাধিষ্ঠিতা নিত্যং প্রকৃতিঃ সূয়তে পরা॥' 12-212-24 (73620)
পিতৄন্দেবানৃষীংশ্চৈব তথা বৈ যক্ষরাক্ষসান্।
নাগাসুরমনুষ্যাংশ্চ সৃজতে মনসাঽব্যযঃ॥ 12-212-25 (73621)
তথৈব বেদশাস্ত্রাণি লোকধর্মাংশ্চ শাশ্বতান্।
প্রলয়ে প্রকৃতিং যাতান্যুগাদৌ সৃজতে পুনঃ॥ 12-212-26 (73622)
যথর্তুষ্বৃতুলিঙ্গানি নানারূপাণি পর্যযে।
দৃশ্যন্তে তানি তান্যেব তথা ভাবা যুগাদিষু॥ 12-212-27 (73623)
অথ যদ্যদ্যদা ভাবি কালয়োগাদ্যুগাদিষু।
তত্তদুৎপদ্যতে জ্ঞানং লোকয়াত্রাবিধানজম্॥ 12-212-28 (73624)
`শ্রুতিরেষা সমাখ্যাতা তদর্থং কারণাত্মনা।
অনাম্নায়বিধানাদ্বৈ বেদা হ্যন্তর্হিতা যথা॥' 12-212-29 (73625)
যুগান্তে হ্যস্তভূতানি শাস্ত্রাণি বিবিধানি চ।
সর্বসৎববিনা দ্বৈ জীবাত্মনিত্যযা স্মৃতাঃ।
অন্যস্মিন্নণ্ডসদ্ভাবে বর্তমানানি নিত্যশঃ॥ 12-212-30 (73626)
যুগান্তেঽন্তর্হিতান্বেদান্সেতিহাসান্মহর্ষয়ঃ।
লেভিরে তপসা পূর্বমনুজ্ঞাতাঃ স্বয়ংভুবা॥ 12-212-31 (73627)
`নিয়োগাদ্ব্রহ্মণো বিপ্রা লোকতন্ত্রপ্রবর্তকাঃ।'
বেদবিদ্ভগবান্ব্রহ্মা বেদাঙ্গানি বৃহস্পতিঃ।
ভার্গবো নীতিশাস্ত্রং তু জগাদ জগতো হিতম্॥ 12-212-32 (73628)
গান্ধর্বং নারদো বেদ ভরদ্বাজো ধনুর্গ্রহম্।
দেবর্ষিচরিতং গর্গো কৃষ্ণাত্রেয়শ্চিকিৎসিতম্॥ 12-212-33 (73629)
`ন্যায়তন্ত্রং হি কার্ৎস্ন্যেন গৌতমো বেদ তৎবতঃ।
বেদান্তকর্মায়োগং চ বেদবিদ্ব্রহ্মবিদ্বিভুঃ।
দ্বৈপায়নো নিজগ্রাহ শিল্পশাস্ত্রং ভৃগুঃ পুনঃ॥ 12-212-34 (73630)
ন্যায়তন্ত্রাণ্যনেকানি তস্তৈরুক্তানি বাদিভিঃ।
হেৎবাগমসদাচারৈর্যদুক্তং তদুপাস্যতে॥ 12-212-35 (73631)
অনাদ্যং তৎপরং ব্রহ্ম ন দেবা নর্ষয়ো বিদুঃ।
একস্তদ্বেদ ভগবান্ধাতা নারায়ণঃ প্রভুঃ॥ 12-212-36 (73632)
নারায়ণাদৃষিগণাস্তথা মুখ্যাঃ সুরাসুরাঃ।
রাজর্ষয়ঃ পুরাণাশ্চ পরমং দুঃখভেষডম্।
`বক্ষ্যেঽহং তব যৎপ্রাপ্তমৃষেদ্বৈপোয়নান্ময়া॥' 12-212-37 (73633)
পুরুষাধিষ্ঠিতান্ভাবান্প্রকৃতিঃ সূয়তে যদা।
হেতুয়ুক্তমতঃ পূর্বং জগৎসংপরিবর্ততে॥ 12-212-38 (73634)
দীপাদন্যে যথা দীপাঃ প্রবর্তন্তে সহস্রশঃ।
প্রকৃতিঃ সূয়তে সদ্বদানন্ত্যান্নাপচীয়তে॥ 12-212-39 (73635)
অব্যক্তকর্মজা বুদ্ধিরহংকারং প্রসূয়তে।
আকাশং চাপ্যহংকারাদ্বায়ুরাকাশসংভবঃ॥ 12-212-40 (73636)
বায়োস্তেজস্ততশ্চাপ অদ্ভ্যোঽথ বসুধোদ্গতা।
মূলপ্রকৃতয়ো হ্যষ্টৌ জগদেতাস্ববস্থিতম্॥ 12-212-41 (73637)
জ্ঞানেন্দ্রিয়াণ্যতঃ পঞ্চ পঞ্চ কর্মেন্দ্রিয়াণ্যপি।
বিষয়াঃ পঞ্চ চৈকং চ বিকারাঃ ষোডশং মনঃ॥ 12-212-42 (73638)
শ্রোত্রং ৎবক্চক্ষুষী জিহ্বা ঘ্রাণং জ্ঞানেন্দ্রিয়াণ্যশ্চ।
পাদৌ পায়ুরুপস্থশ্চ হস্তৌ বাক্কর্মণী অপি॥ 12-212-43 (73639)
শব্দঃ স্পর্শশ্চ রূপং চ রসো গন্ধস্তথৈব চ।
বিজ্ঞেয়ং ব্যাপকং চিত্তং তেষু সর্বগতং মনঃ॥ 12-212-44 (73640)
`বুদ্ধীন্দ্রিয়ার্থা ইত্যুক্তা দশসংসর্গয়োনয়ঃ।
সদসদ্ভাবয়োগে চ মন ইত্যভিধীয়তে॥ 12-212-45 (73641)
ব্যবসায়গুণা বুদ্ধিরহংকারোঽভিমানকঃ।
ন বীজং দেহয়োগে চ কর্মবীজপ্রবর্তনাৎ॥' 12-212-46 (73642)
রসজ্ঞানে তু জিহ্বেয়ং ব্যাহৃতে বাক্যথৈব চ।
ইন্দ্রিয়ৈর্বিবিধৈর্যুক্তং সর্বৈর্ব্যতং মনস্তথা॥ 12-212-47 (73643)
বিদ্যাত্তু ষোডশৈতানি দৈবতানি বিভাগশঃ।
দেহেষু জ্ঞানকর্তারমুপাসীনমুপাসতে॥ 12-212-48 (73644)
তত্র সোমগুণা জিহ্বা গন্ধস্তু পৃথিবীগুণঃ।
শ্রোত্রে শব্দগুণে চৈব চক্ষুরগ্নের্গুণস্তথা।
স্পর্শং বায়ুগুণং বিদ্যাৎসর্বভূতেষু সর্বদা॥ 12-212-49 (73645)
মনঃ সৎবগুণং প্রাহু সৎবমব্যক্তজং তথা।
সর্বভূতাত্মভূতস্থং তস্মাদ্বুদ্ধ্যেত বুদ্ধিমান্॥ 12-212-50 (73646)
এতে ভাবা জগৎসর্বং বহন্তি সচরাচরম্।
শ্রিতা বিরজসং দেবং যমাহুঃ পরমং পদম্॥ 12-212-51 (73647)
নবদ্বারং পুরং পুণ্যমেতৈর্ভাবৈঃ স্মন্বিতম্।
ব্যাপ্য শেতে মহানাত্মা তস্মাৎপুরুষ উচ্যতে॥ 12-212-52 (73648)
অজরশ্চামরশ্চৈব ব্যক্তাব্যক্তোপদেশবান্।
ব্যাপকঃ সগুণঃ সূক্ষ্মঃ সর্বভূতগুণাশ্রয়ঃ॥ 12-212-53 (73649)
যথা দীপঃ প্রকাশাত্মা হ্রস্বো বা যদি বা মহান্।
জ্ঞানাত্মানং তথা বিদ্যাৎপুরুষং সর্বজন্তুষু॥ 12-212-54 (73650)
শ্রোত্রং বেদয়তে বেদ্যং স শৃণোতি স পশ্যতি।
কারণং তস্য দেহোঽয়ং স কর্তা সর্বকর্মণাম্॥ 12-212-55 (73651)
অগ্নির্দারুগতো যদ্বদ্ভিন্নে দারৌ ন দৃশ্যতে।
তথৈবাত্মা শরীরস্থ ঋতে যোগান্ন দৃশ্যতে॥ 12-212-56 (73652)
অগ্নির্যথা হ্যুপায়েন মথিৎবা দারু দৃশ্যতে।
তথৈবাত্মা শরীরস্থো যোগেনৈবাত্র দৃশ্যতে॥ 12-212-57 (73653)
নদীষ্বাপো যথা যুক্তা যথা সূর্যে মরীচয়ঃ।
সংতন্বানা যথা যান্তি তথা দেহাঃ শরীরিণাম্॥ 12-212-58 (73654)
স্বপ্নয়োগে যথৈবাত্মা পঞ্চেন্দ্রিয়সমায়ুতঃ।
দেহমুৎসৃজ্য বৈ যাতি তথৈবাত্মোপলভ্যতে॥ 12-212-59 (73655)
কর্মণা ব্যাপ্যতে সর্বং কর্মণৈবোপপদ্যতে।
কর্মণা নীয়তেঽন্যত্র স্বকৃতেন বলীয়সা॥ 12-212-60 (73656)
স তু দেহাদ্যথা দেহং ত্যক্ৎবাঽন্যং প্রতিপদ্যতে।
তথা তং সংপ্রবক্ষ্যামি ভূতগ্রামং স্বকর্মজম্॥ ॥ 12-212-61 (73657)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বাদশাধিকদ্বিশততমোঽধ্যায়ঃ॥ 212॥
Mahabharata - Shanti Parva - Chapter Footnotes
12-212-7,8 ভূতেষু পঞ্চসূপাদানকারণেষু সমেষু সৎসু বিপরীতা বিষমাঃ কথং ক্ষয়োদয়া নিবর্তন্তে নিতরাং বর্তন্তে। বেদেষু যদ্বাক্যং বর্ণধর্মব্যবস্থাপরং, লৌকিকং স্মৃতিবাক্যং তাদৃশং ব্যাপকং সর্ববর্ণা শ্রমসাধারণং ইদমপি কথম্। হেতুসাম্যেঽপি কার্যবৈষম্যে কিং বীজং তদ্ব্রহীত্যর্থঃ। শ্লোকদ্বয়মেকং বাক্যম্॥ 12-212-9 ব্রহ্ম গুহ্য বেদগোপ্যম্। বসু ধনং তদ্বদ্রক্ষণীয়মুপকারকং বা॥ 12-212-10 ব্রহ্মণো মুখং বেদাদিঃ প্রণবঃ। উপায়োপেয়যোরভেদাৎপ্রণবাদীনাং বাসুদেবৎবম্॥ 12-212-11 উপেয়স্বরূপমাহ পুরুষমিতি॥ 12-212-12 এতদেবায়ং কৃষ্ণ ইত্যাহ তদিতি। বার্ষ্ণেয়ং বৃষ্ণিষু কৃতাবতারম্। ইতিহাসং তৎস্বরূপপ্রকাশনপরং গ্রন্থম্। রাজন্যঃ ক্ষত্রিয়স্তথেতি ড. পাঠঃ॥ 12-212-27 ভাবাভাবৌ সৃষ্টিপ্রলয়ৌ স্বলক্ষণং স্বরূপজ্ঞাপকৌ যস্য। প্রত্যব্দং যথা বসন্তাদিষ্বাম্রাদয়ো নিয়মেন পুষ্পিতা ভবন্ত্যেবং ব্রহ্মহরবিষ্ণুষু প্রতিকল্পং সৃষ্টিপ্রলয়স্থিতিকর্তৃৎবং তদাতদ আবির্ভবতি। তথা ব্রহ্মহরাদিষু ইতি ট. পাঠঃ। ব্রহ্মাপরাদিষ্বিতি ড. পাঠঃ। ব্রহ্মাক্ষরাদিষ্বিতি ধ. পাঠঃ॥ 12-212-31 অনুজ্ঞাতা উপদিষ্টাঃ। স্বয়ংভুবা ব্রহ্মণা॥ 12-212-33 দত্তাত্রেয়শ্চিকিৎসিতমিতি ট. ড. পাঠঃ॥ 12-212-35 হেতুর্যুক্তিঃ। আগমো বেদঃ। সদাচারঃ প্রত্যক্ষম্। তৈঃ প্রমাণৈঃ॥ 12-212-36 অনাদ্যং নাস্তি আদ্যং কারণং যস্য তৎ॥ 12-212-42 শব্দাদিবিষয়াঃ পঞ্চ বিকারাঃ ইতি থ.পাঠঃ॥ 12-212-43 বাক্কর্মণামপি ইতি থ. পাঠঃ॥ 12-212-48 জ্ঞানকর্তার উদাসীনমুপাসতে ইতি ধ. পাঠঃ॥ 12-212-49 শ্রোত্রং নভোগুণং চৈব ইতি ঝ. পাঠঃ॥ 12-212-50 ঈশ্বরস্তৎস্থমুপাধিৎবেন তত্র স্থিতং সর্বান্তরঙ্গং সত্ৎবং জানীয়াৎ। সত্ৎববিশিষ্টস্য জ্ঞেয়ৎবেঽপি বিদ্বিবেকে পরিশেষাদচিতঃ সৎবস্যৈব জ্ঞেয়ৎবমস্তীতি সৎবমেব বুদ্ভ্যেতেত্যুক্তম্॥ 12-212-51 যমাদুঃ প্রকৃতেঃ পরমিতি ঝ. পাঠঃ॥ 12-212-52 ব্যাপকঃ স গুণৈঃ সূক্ষ্মঃ ইতি থ. পাঠঃ॥ 12-212-55 ভেদেনৈবাত্র দৃশ্যতে ইতি ট. থ. পাঠঃ। শরীরস্থো যোগেনৈবানুদৃশ্যতে ইতি ঝ. পাঠঃ॥ 12-212-57 সংততৎবাদ্যথা যান্তি ইতি ঝ. পাঠঃ॥ 12-212-59 কর্মণা জায়তে পূর্বং ইতি ট. পাঠঃ। কর্মণা বাধ্যতে রূপং ইতি পাঠঃ॥শান্তিপর্ব - অধ্যায় 213
॥ শ্রীঃ ॥
12.213. অধ্যায়ঃ 213
Mahabharata - Shanti Parva - Chapter Topics
ভীষ্মেম যুধিষ্ঠিরংপ্রতি শিষ্যংপ্রত্যুক্তজগৎসৃষ্ট্যাদিপ্রতিপাদকগুরুবাক্যানুবাদঃ॥ 1॥Mahabharata - Shanti Parva - Chapter Text
12-213-0 (73658)
গুরুরুবাচ। 12-213-0x (6087)
চতুর্বিধানি ভূতানি স্থাবরাণি চরাণি চ।
অব্যক্তপ্রভবান্যাহুরব্যক্তনিধনানি চ।
অব্যক্তলক্ষণং বিদ্যাদব্যক্তাত্মাত্মকং মনঃ॥ 12-213-1 (73659)
যথাঽশ্বত্থকণীকায়ামন্তর্ভূতো মহাদ্রুমঃ।
নিষ্পন্নো দৃশ্যতে ব্যক্তমব্যক্তাৎসংভবস্তথা॥ 12-213-2 (73660)
`আত্মানমনুসংয়াতি বুদ্ধিরব্যক্তজা তথা।
তামন্বেতি মনো যদ্বল্লোহবর্মণি সন্নিধৌ॥' 12-213-3 (73661)
অভিদ্রবত্যযস্কান্তময়োনিশ্চেতনং যথা।
স্বভাবহেতুজা ভাবা যদ্বদন্যদপীদৃশম্॥ 12-213-4 (73662)
তদ্বদব্যক্তজা ভাবাঃ কর্তুঃ কারণলক্ষণাঃ।
অচেতনাশ্চেতয়িতুঃ কারণাদভিসংগতাঃ॥ 12-213-5 (73663)
ন ভূর্ন খং দ্যৌর্ভূতানি নর্ষয়ো ন সুরাসুরাঃ।
নান্যদাসীদৃতে জীবমাসেদুর্ন তু সংহতিম্॥ 12-213-6 (73664)
সর্বং নিত্যং সর্বগতং মনোহেতুৎবলক্ষণম্।
অজ্ঞানকর্ম নির্দিষ্টমেতৎকারণলক্ষণম্॥ 12-213-7 (73665)
তৎকারণেন সংয়ুক্তং কার্যসংগ্রহকারকম্।
যেনৈতদ্বর্ততে চক্রমনাদিনিধনং মহৎ॥ 12-213-8 (73666)
`যেন স্বভাবসদ্ভাবং হেতুভূতা সকারণা।
এবং প্রাকৃতবিস্তারো হ্যাশ্রিত্য পুরুষং পরম্॥' 12-213-9 (73667)
অব্যক্তনাভং ব্যক্তারং বিকারপরিমণ্ডলম্।
ক্ষেত্রজ্ঞাধিষ্ঠিতং চক্রং স্নিগ্ধাক্ষং বর্ততে ধ্রুবম্॥ 12-213-10 (73668)
স্নিগ্ধৎবাত্তিলবৎসর্বং চক্রেঽস্মিন্পীড্যতে জগৎ।
তিলপীডৈরিবাক্রম্য ভোগৈরজ্ঞানসংভবৈঃ॥ 12-213-11 (73669)
`প্রাণেনায়ং হি শান্তে তু বিরোধাৎপ্রতিপালনম্।
দেহস্যেষূন্য আস্তে যঃ শুদ্ধোঽচিন্ত্যঃ সনাতনঃ॥ 12-213-12 (73670)
ভ্রাময়ন্নেষতো যাতি কালচক্রসমন্বিতঃ।
ভূতানি মোহয়ন্নিত্যং চক্রস্য চ রয়ং গতঃ॥ 12-213-13 (73671)
স্নেহদ্রব্যসমায়োগে ক্ষেত্রপাচং ন বস্তুষু।
তিলবৎপীডিতে চক্রে হ্যাধিয়ন্ত্রনিপীডিতে।
বহিশ্চাধিষ্ঠিতে যদ্বজ্জ্ঞানিনাং কর্মসংভবম্'॥ 12-213-14 (73672)
কর্ম তৎকুরুতে তর্ষাদহংকারপরিগ্রহম্।
কার্যকারণসংয়োগে স হেতুরুপপাদিতঃ॥ 12-213-15 (73673)
`যথাঽঽকর্ণ্য চ তচ্ছিষ্যস্তৎবজ্ঞানমনুত্তমম্।'
নাত্যেতি কারণং কার্যং ন কার্যং কারণং তথা।
কার্যাণ্যমূনি করণে কালো ভবতি হেতুমান্॥ 12-213-16 (73674)
হেতুয়ুক্তাঃ প্রকৃতয়ো বিকারাশ্চ পরস্পরম্।
অন্যোন্যমভিবর্তন্তে পুরুষাধিষ্ঠিতাঃ সদা॥ 12-213-17 (73675)
সৎবরজস্তামসৈর্ভাবৈশ্চ্যুতো হেতুবলান্বিতঃ।
ক্ষেত্রজ্ঞমেবানয়াতি পাংসুর্বাতেরিতো যথা॥ 12-213-18 (73676)
ন চ তৈঃ স্পৃশ্যতে ভাবৈর্ন তে তেন মহাত্মনা।
সরজস্কোঽরজস্কশ্চ স বৈ বায়ুর্ভবেদ্যথা॥ 12-213-19 (73677)
তথৈতদন্তরং বিদ্যাৎসৎবক্ষেত্রজ্ঞয়োর্বুধঃ।
অভ্যাসাৎস তথা যুক্তো ন গচ্ছেৎপ্রকৃতিং পুনঃ॥ 12-213-20 (73678)
সংদেহমেতমুৎপন্নমচ্ছিনদ্ভগবানৃষিঃ।
তথা বার্তাং সমীক্ষেত কৃতলক্ষণসংবিদম্॥ 12-213-21 (73679)
বীজান্যগ্ন্যুপদগ্ধানি নরো হন্তি যথা পুনঃ।
জ্ঞানদগ্ধৈস্তথা ক্লেশৈর্নাত্মা সংপদ্যতে পুনঃ॥ ॥ 12-213-22 (73680)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রয়োদশাধিকদ্বিশততমোঽধ্যায়ঃ॥ 213॥
Mahabharata - Shanti Parva - Chapter Footnotes
12-213-9 বিদ্যাদব্যক্তাত্মকমেব চ ইতি থ. পাঠঃ॥ 12-213-16 কার্যব্যক্তেন করণে ইতি ঝ. পাঠঃ॥ 12-213-18 রাজসৈস্তামসৈর্ভাবৈঃ ইতি ঝ. পাঠঃ॥শান্তিপর্ব - অধ্যায় 214
॥ শ্রীঃ ॥
12.214. অধ্যায়ঃ 214
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শিষ্যায় গুরূক্তবার্ষ্ণেয়াধ্যাত্মানুবাদঃ॥ 1॥Mahabharata - Shanti Parva - Chapter Text
12-214-0 (73681)
গুরুরুবাচ। 12-214-0x (6088)
প্রবৃত্তিলক্ষণো ধর্মো যথা সমুপলভ্যতে।
তেষাং বিজ্ঞাননিষ্ঠানামন্যত্তৎবং ন রোচতে॥ 12-214-1 (73682)
দুর্লভা বেদবিদ্বাংসো বেদোক্তেষু ব্যবস্থিতাঃ।
প্রয়োজনং মহত্ৎবাত্তু মার্গমিচ্ছন্তি সংস্তুতম্॥ 12-214-2 (73683)
`বেদস্য ন বিদুর্ভাবং জ্ঞানমার্গপ্রতিষ্ঠিতম্।'
সদ্ভিরাচরিতৎবাত্তু বৃত্তমেতদগর্হিতম্।
ইয়ং সা বুদ্ধিরভ্যেত্য যথা যাতি পরাং গতিম্॥ 12-214-3 (73684)
শরীরবানুপাদত্তে মোহাৎসর্বান্পরিগ্রহান্।
কামক্রোধাদিভির্ভাবৈর্যুক্তো রাজসতামসৈঃ॥ 12-214-4 (73685)
নাশুদ্ধমাচরেত্তস্মাদভীপ্সন্দেহয়াপনম্।
কর্মণাং বিবরং কুর্বন্ন লোকানাপ্নুয়াচ্ছুভান্॥ 12-214-5 (73686)
লোহয়ুক্তং তথা হেম বিপক্বং ন বিরাজতে।
তথাঽপক্বকষায়াখ্যং বিজ্ঞানং ন প্রকাশতে॥ 12-214-6 (73687)
`কেচিদাত্মগুণং প্রাপ্তাস্তে মুক্তাশ্চক্রবন্ধনাৎ।
ইতরে দুঃখসন্দ্বন্দ্বাস্তথা দুঃখপরায়ণাঃ॥ 12-214-7 (73688)
শুকাকর্মানুরূপং তে জায়মানাঃ পুনঃ পুনঃ।
ক্রোধলোভমদাবিষ্টা মূঢান্তঃ করণাঃ সদা॥ 12-214-8 (73689)
যথা--- সংছায়া নাস্তি নিত্যতয়া পরা।
গুণানেব তথা চিন্ত্যা সন্ত্যেতি চ বিদুর্বুধাঃ॥' 12-214-9 (73690)
যশ্চাধর্মং চরেল্লোভাৎকামক্রোধাবনুপ্লুবন্।
ধর্ম্যং পন্থানমুৎক্রম্য সানুবন্ধো বিনশ্যতি॥ 12-214-10 (73691)
`অচলং জ্ঞানমপ্রাপ্য চলচিত্তশ্চলানিয়াৎ।'
শব্দাদীন্বিষয়াংস্তস্মান্ন সংরাগাদুপপ্লবেৎ।
ক্রোধো হর্ষো বিষাদশ্চ জায়ন্তে হি পরস্পরাৎ॥ 12-214-11 (73692)
`গুণাঃ কার্যাঃ ক্রোধহর্ষৌ সুখদুঃখে প্রিয়াপ্রিয়ে।
দ্বন্দ্বান্যথৈবমাদীনি বিজয়েচ্চৈব সর্ববিৎ॥' 12-214-12 (73693)
পঞ্চভূতাত্মকে দেহে সত্ৎবরাজসতাভসে।
কমভিষ্টুবতে চায়ং কং বা ক্রোশতি কিং বদন্॥ 12-214-13 (73694)
স্পর্শরূপরসাদ্যেষু সঙ্গং গচ্ছন্তি বালিশাঃ।
নাবগচ্ছন্তি বিজ্ঞানাদাত্মানং পার্থিবং গুণম্॥ 12-214-14 (73695)
মৃন্ময়ং শরণং যদ্বন্মৃদৈব পরিলিপ্যতে।
পার্থিবোঽয়ং তথা দেহো মৃদ্বিকারান্ন নশ্যতি॥ 12-214-15 (73696)
মধু তৈলং পয়ঃ সর্পির্মাংসানি লবণং গুডঃ।
ধান্যানি ফলমূলানি মৃদ্বিকারাঃ সহাম্ভসা॥ 12-214-16 (73697)
যদ্বৎকান্তারমাতিষ্ঠন্নৌৎসুক্যং সমনুব্রজেৎ।
গ্রাম্যমাহারমাদদ্যাদস্বাদ্বপি হি যাপনম্॥ 12-214-17 (73698)
তদ্বৎসংসারকান্তারমাতিষ্ঠঞ্শ্রমতৎপরঃ।
যাত্রার্থমদ্যাদাহারং ব্যাধিতো ভেষজং যথা॥ 12-214-18 (73699)
`ভক্ষণে শ্বাপদৈর্মার্গাদিতি চারং করোতি চেৎ।
এবং সংসারমার্গেণ যাত্রার্থং বিষয়াণি চ॥ 12-214-19 (73700)
ন গচ্ছেদ্ভোগবিজ্ঞানাদুন্মার্গে পদ্যতে তদা।
তস্মাদদুঃখতো মার্গমাস্থিতস্তমনুস্মরেৎ॥ 12-214-20 (73701)
নানাপর্ণফলা বৃক্ষা বহবঃ সন্তি তত্র হি।
ভোক্তারো মুনয়শ্চৈব তস্মাৎপরতরং বনম্॥ 12-214-21 (73702)
অনুমানৈস্তথাশাস্ত্রৈর্যশসা বিক্রমেণ চ।'
সত্যশৌচার্জবত্যাগৈর্বর্চসা বিক্রমেণ চ।
ক্ষান্ত্যা ধৃত্যা চ বুদ্ধ্যা চ মনসা তপসৈব চ॥ 12-214-22 (73703)
ভাবান্সর্বান্যথাবৃত্তান্সংবসেত যথাক্রমম্।
শান্তিমিচ্ছন্নদীনাত্মা সংয়চ্ছেদিন্দ্রিয়াণি চ॥ 12-214-23 (73704)
সত্ৎবেন রজসা চৈব তমসা চৈব মোহিতাঃ।
চক্রবৎপরিবর্তন্তে হ্যজ্ঞানাজ্জন্তবো ভৃশম্॥ 12-214-24 (73705)
তস্মাৎসম্যক্পরীক্ষেত দোষানজ্ঞানসংভবান্।
অজ্ঞানপ্রভবং নিত্যমহংকারং পরিত্যজেৎ॥ 12-214-25 (73706)
মহাভূতানীন্দ্রিয়াণি গুণাঃ সত্ৎবং রজস্তমঃ।
`দেহমূলং বিজানীহি নৈতানি ভগবানতঃ॥ 12-214-26 (73707)
উপায়তঃ প্রবক্ষ্যামি তং চ মৃত্যুং দুরাসদম্।
ত্রৈলোক্যং সেশ্বরং সর্বমহংকারে প্রতিষ্ঠিতম্॥ 12-214-27 (73708)
যথেহ নিয়তঃ কালো দর্শয়ত্যার্তবান্গুণান্।
তদ্বদ্ভতেষ্বহংকারং বিদ্যাদ্ভূতপ্রবর্তকম্॥ 12-214-28 (73709)
সংমোহকং তমো বিদ্যাৎকৃষ্ণমজ্ঞানসংভবম্।
প্রকৃতের্গুণসংজাতো মহানহংক্রিয়া ততঃ॥ 12-214-29 (73710)
অহংকারাৎপুনঃ পশ্চাদ্ভূতগ্রামমুদাহৃতম্।
অব্যক্তস্য গুণেভ্যস্তু তদ্গুণাংশ্চ নিবোধ তান্॥ 12-214-30 (73711)
প্রীতিদুঃখনিবদ্ধাংশ্চ সমস্তাংস্ত্রীনথো গুণান্।
সত্ৎবস্য রজসশ্চৈব তমসশ্চ নিবোধ তান্॥ 12-214-31 (73712)
প্রসাদো হর্ষজা প্রীতিরসংদেহো ধৃতিঃ স্মৃতিঃ।
এতান্সত্ৎবগুণান্বিদ্যাদিমান্রাজসতামসান্॥ 12-214-32 (73713)
`অসন্তোষোঽক্ষমাঽধৈর্যমতৃপ্তির্বিষয়াদিষু।
রাজসাশ্চ গুণা হ্যেতে তৎপরং তামসাঞ্শৃণু॥ 12-214-33 (73714)
মোহস্তন্দ্রী তথা দুঃখং নিদ্রাঽঽলস্যং প্রমাদতা।
বিষাদী দীর্ঘসূত্রশ্চ তত্তামসমুদাহৃতম্॥' 12-214-34 (73715)
কামক্রোধৌ প্রমাদশ্চ লোভমোহৌ ভয়ং ক্লমঃ।
বিষাদশোকাবরতির্মানদর্পাবনার্যতা॥ 12-214-35 (73716)
দোষাণামেবমাদীনাং পরীক্ষ্য গুরুলাঘবম্।
বিমৃশেদাত্মসংস্থানমেকৈকমনুসংততম্॥ 12-214-36 (73717)
`যস্মিন্প্রতিষ্ঠিতং চেদং যস্মিন্সজ্জ্ঞাননির্গতিঃ।
সর্বভূতাধিকং নিত্যমহংকারং বিলোকয়েৎ॥ 12-214-37 (73718)
বিলোকমানঃ স তদা স্ববুদ্ধ্যা সূক্ষ্ময়া পুনঃ।
তদেব ভাতি তদ্রূপমাত্মনা যৎসুনির্মলম্॥' 12-214-38 (73719)
শিষ্য উবাচ। 12-214-39x (6089)
কে দোষা মনসা ত্যক্তাঃ কে বুদ্ধ্যা শিথিলীকৃতাঃ
কে পুনঃ পুনরায়ান্তি কে মোহাদচলা ইব॥ 12-214-39 (73720)
কেষাং বলাবলং বুদ্ধ্যা হেতুভির্বিমৃশেদ্বুধঃ।
`এতন্মে সর্বমাচক্ষ্ব যথা বিদ্যামহং বিভো।
মহ্যং শুশ্রূষবে বিদ্বন্বক্ষ্যেতদ্বুদ্ধিনিশ্চিতম্॥ 12-214-40 (73721)
শান্তৎবাদপরান্তাচ্চ আরম্ভাদপি চৈকতঃ।
প্রোক্তো হ্যত্র যথা হেতুরেবমাহুর্মনীষিণঃ॥ 12-214-41 (73722)
গুরুরুবাচ।' 12-214-42x (6090)
দোষৈর্মূলাদবচ্ছিন্নৈর্বিশুদ্ধাত্মা বিমুচ্যতে।
বিনাশয়তি সংভূতময়স্ময়ময়ো যথা।
তথা কৃতাত্মা সহজৈর্দোষৈর্নশ্যতি রাজসৈঃ॥ 12-214-42 (73723)
`সহজৈরবিশুদ্ধাত্মা দোষৈর্নশ্যতি তামসৈঃ।'
রাজসং তামসং চৈব শুদ্ধাত্মা কালসংভবম্॥ 12-214-43 (73724)
`শময়েৎসত্ৎবমাস্থায় বুদ্ধ্যা কেবলয়া দ্বিজঃ।
ত্যজেচ্চ মনসা চেতঃ শুদ্ধাত্মা বুদ্ধিমাস্থিতঃ' 12-214-44 (73725)
তৎসর্বং দেহিনাং বীজং সত্ৎবমাত্মবতঃ সমম্।
তস্মাদাত্মবতা বর্জ্যং রজশ্চ তম এব চ॥ 12-214-45 (73726)
রজস্তমোভ্যাং নির্মুক্তং সত্ৎবং নির্মলতামিয়াৎ।
`আহারান্বর্জয়েন্নিত্যং রাজসাংস্তামসানপি॥ 12-214-46 (73727)
তে ব্রহ্ম পুনরায়ান্তি ন মোহাদচলা ইব।'
অথবা মন্ত্রবদ্ব্রূয়ুর্মাংসাদীনাং যজুষ্কৃতম্॥ 12-214-47 (73728)
স বৈ হেতুরনাদানে শুদ্ধধর্মানুপালনে।
রজসা কাময়ুক্তানি কার্যাণ্যপি সমাপ্নুতে॥ 12-214-48 (73729)
অর্থয়ুক্তানি চাত্যর্থং কামান্সর্বাংশ্চ সেবতে।
তমসা লোভয়ুক্তানি ক্রোধজানি চ সেবতে।
হিংসাবিহারাভিরতস্তন্দ্রীনিদ্রাসমন্বিতঃ॥ 12-214-49 (73730)
সৎবস্থঃ সাৎবিকান্ভাবাঞ্শুদ্ধান্পশ্যতি সংশ্রিতঃ।
স দেহী বিমলঃ শ্রীমাঞ্শ্রদ্ধাবিদ্যাসমন্বিতঃ॥ ॥ 12-214-50 (73731)
ইতি শ্রীমন্মহাভারতে শান্তিপ্রবণি মোক্ষধর্মপর্বণি চতুর্দশাধিকদ্বিশততমোঽধ্যায়ঃ॥ 214॥
Mahabharata - Shanti Parva - Chapter Footnotes
12-214-9 প্রয়োজনমত্তত্ৎবাত্তু ইতি ট. থ. পাঠঃ॥ 12-214-15 মৃদ্বিকারৈর্বিলিপ্যতে ইতি ধ. পাঠঃ॥ 12-214-23 যথাবৃত্তান্সমীক্ষ্য বিষয়াত্মকান্ ইতি ঝ. পাঠঃ॥ 12-214-40 বক্ষি ব্রূহি। বচ পরিভাষণ ইতি ধাতোর্লোটি মধ্যমপুরুষৈকবচনম্॥শান্তিপর্ব - অধ্যায় 215
॥ শ্রীঃ ॥
12.215. অধ্যায়ঃ 215
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বার্ষ্ণেয়াধ্যাত্মানুবাদঃ॥ 1॥Mahabharata - Shanti Parva - Chapter Text
12-215-0 (73732)
গুরুরুবাচ। 12-215-0x (6091)
রজসা সাধ্যতে মোহস্তমশ্চ ভরতর্ষভ।
ক্রোধলোভৌ ভয়ং দর্প এতেষাং সাদনাচ্ছুচিঃ॥ 12-215-1 (73733)
পরমং পরমাত্মানং দেবমক্ষয়মব্যযম্।
বিষ্ণুমব্যক্তসংস্থানং বিদুস্তং দেবসত্তমম্॥ 12-215-2 (73734)
তস্য মায়াপিনদ্ধাঙ্গা জ্ঞান ভ্রষ্টা নিরাশিষঃ।
মানবা জ্ঞানসংমোহাত্ততঃ কামং প্রয়ান্তি বৈ॥ 12-215-3 (73735)
কামাৎক্রোধমবাপ্যাথ লোভমোহৌ চ মানবাঃ।
মানদর্পাবহংকারমহংকারাত্ততঃ ক্রিয়াঃ॥ 12-215-4 (73736)
ক্রিয়াভিঃ স্নেহসংবন্ধঃ স্নেহাচ্ছোকমনন্তরম্।
অথ দুঃখসমারম্ভা জরাজন্মকৃতক্ষণাঃ॥ 12-215-5 (73737)
জন্মতো গর্ভবাসং তু শুক্রশোণিতসংভবম্।
পুরীষমূত্রবিক্লেদং শোণিতপ্রভবাবিলম্॥ 12-215-6 (73738)
তৃষ্ণাভিভূতস্তৈর্বদ্ধস্তানেবাভিপরিপ্লবন্।
` তথা নরকগর্তস্থস্তৃষ্ণারজ্জুভিরাচিতঃ।
পুণ্যপাপপ্রণুন্নাঙ্গো জায়তে স যথা কৃমিঃ॥ 12-215-7 (73739)
মশকৈর্মৎকুণৈর্দষ্টস্তথা চিত্রবধার্দিতঃ।
নানাব্যাধিভিরাকীর্ণঃ কথংচিদ্যৌবনং গতঃ॥ 12-215-8 (73740)
কূর্মোৎসৃজতি ভূয়শ্চ রজ্জুঃ স্বস্বমুখেপ্সয়া।
যোষিতং নরকং গৃহ্য জন্মকর্মবশানুগঃ॥ 12-215-9 (73741)
পুরক্ষেত্রনিমিত্তং যদ্দুঃখং বক্তুং ন শক্যতে।
কস্তত্র নিন্দকশ্চৈব নরকে পচ্যতে ভৃশম্॥ 12-215-10 (73742)
বার্ধক্যমনুলঙ্ঘেত তত্র কর্মারভেৎপুনঃ।
ভগবান্সংস্তুতঃ পশ্চাৎকিং প্রবক্ষ্যামি তে ভৃশম্'॥ 12-215-11 (73743)
সংসারতন্ত্রবাহিন্যস্তত্র বুদ্ধ্যেত যোষিতঃ।
প্রকৃত্যাঃ ক্ষেত্রভূতাস্তা নরাঃ ক্ষেত্রজ্ঞলক্ষণাঃ।
তস্মাদেবাবিশেষেণ নরোঽতীয়াদ্বিশেষতঃ॥ 12-215-12 (73744)
কৃত্যা হ্যেতা ঘোররূপা মোহয়ন্ত্যবিচক্ষণান্।
রজস্যন্তর্হিতা মূর্তিরিন্দ্রিয়াণাং সনাতনী॥ 12-215-13 (73745)
তস্মাত্তর্ষাত্মকাদ্রাগাদ্বীজাজ্জায়ন্তি জন্তবঃ।
স্বদেহজানস্বসংজ্ঞান্যদ্বদঙ্গাৎকৃমীংস্ত্যজেৎ।
স্বসংজ্ঞানস্বকাংস্তদ্বৎসুতসংজ্ঞান্কৃমীংস্ত্যজেৎ॥ 12-215-14 (73746)
শুক্রতো রসতশ্চৈব দেহাজ্জায়ন্তি জন্তবঃ।
স্বভাবাৎকর্ময়োগাদ্বা তানুপেক্ষেত বুদ্ধিমান্॥ 12-215-15 (73747)
রজস্তমসি পর্যস্তং সৎবং চ রজসি স্থিতম্।
জ্ঞানাধিষ্ঠানমজ্ঞানং বুদ্ধ্যংহংকারলক্ষণম্॥ 12-215-16 (73748)
তদ্বীজং দেহিনামাদ্দুস্তদ্বীজং জীবসংজ্ঞিতম্।
কর্মণা কালয়ুক্তেন সংসারপরিবর্তনম্॥ 12-215-17 (73749)
রমত্যযং যথা স্বপ্নে মনসা দেহবানিব।
কর্মগর্ভৈর্গুণৈর্দেহী গর্ভে তদুপলভ্যতে॥ 12-215-18 (73750)
কর্মণা বীজভূতেন চোদ্যতে যদ্যদিন্দ্রিয়ম্।
জায়তে তদহংকারাদ্রাগয়ুক্তেন চেতসা॥ 12-215-19 (73751)
শব্দরাগাচ্ছ্রোত্রমস্য জায়তে ভাবিতাত্মনঃ।
রূপরাগাত্তথা চক্ষুর্ঘ্রাণং গন্ধজিঘৃক্ষয়া॥ 12-215-20 (73752)
সংস্পর্শেভ্যস্তথা বায়ুঃ প্রাণাপানব্যপাশ্রয়ঃ।
ব্যানোদানৌ সমানশ্চ পঞ্চধা দেহয়াপনম্॥ 12-215-21 (73753)
সংজাতৈর্জায়তে গাত্রৈঃ কর্মজৈর্ব্রহ্মণা বৃতঃ।
দুঃখাদ্যন্তৈর্দুঃখমধ্যৈর্নরঃ শারীরমানসৈঃ॥ 12-215-22 (73754)
দুঃখং বিদ্যাদুপাদানাদভিমানাচ্চ বর্ধতে।
ত্যাগাত্তেভ্যো নিরোধঃ স্যান্নিরোধজ্ঞো বিমুচ্যতে॥ 12-215-23 (73755)
ইন্দ্রিয়াণাং রজস্যেব প্রলয়প্রভবাবুভৌ।
পরীক্ষ্য সংচরেদ্বিদ্বান্যথাবচ্ছাস্ত্রচক্ষুষা॥ 12-215-24 (73756)
জ্ঞানেন্দ্রিয়াণীন্দ্রিয়ার্থান্নোপসর্পন্ত্যতর্ষুলম্।
জ্ঞানৈশ্চ করণৈর্দেহী ন দেহং পুননর্হতি॥ ॥ 12-215-25 (73757)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চদশাধিকদ্বিশততমোঽধ্যায়ঃ॥ 215॥
Mahabharata - Shanti Parva - Chapter Footnotes
12-215-12 তস্মাদেব বিশেষেণ বিনশ্যেয়ুর্বিপশ্চিতঃ ইতি থ. পাঠঃ। তস্মাদেতা বিশেষেণ নরা নৈয়ুর্বিপশ্চিতঃ ইতি থ. পাঠঃ॥ 12-215-13 শত্রুমারণার্থং মন্ত্রময়ী শক্তিঃ কৃত্যা সৈব এতাঃ॥ 12-215-14 স্নহোজ্জায়ন্তি জন্তব ইতি থ. ধ. পাঠঃ॥ 12-215-17 তদ্বীজং বীজসংজ্ঞিতমিতি ধ. পাঠঃ। তৎসংস্থং দেহবন্ধনমিতি থ. পাঠঃ। তজ্জ্ঞানং জীবসংস্থিতমিতি ট. পাঠঃ॥শান্তিপর্ব - অধ্যায় 216
॥ শ্রীঃ ॥
12.216. অধ্যায়ঃ 216
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ব্রহ্মচর্যোপায়াদিপ্রতিপাদকবার্ষ্ণেয়াধ্যাত্মানুবাদঃ॥ 1॥Mahabharata - Shanti Parva - Chapter Text
12-216-0 (73758)
গুরুরুবাচ। 12-216-0x (6092)
অত্রোপায়ং প্রবক্ষ্যামি যথাবচ্ছাস্ত্রচক্ষুষা।
তত্ৎবজ্ঞানাচ্চরন্রাজন্প্রাপ্নুয়াৎপরমাং গতিম্॥ 12-216-1 (73759)
সর্বেষামেব ভূতানাং পুরুষঃ শ্রেষ্ঠ উচ্যতে।
পুরুষেভ্যো দ্বিজানাহুর্দ্বিজেভ্যো মন্ত্রদর্শিনঃ॥ 12-216-2 (73760)
সর্বভূতাত্মভূতাস্তে সর্বজ্ঞাঃ সর্বদর্শিনঃ।
ব্রাহ্মণা বেদশাস্ত্রজ্ঞাস্তত্ৎবার্থগতনিশ্চয়াঃ॥ 12-216-3 (73761)
নেত্রহীনো যথা হ্যেকঃ কৃচ্ছ্রাণি লভতেঽধ্বনি।
জ্ঞানহীনস্তথা লোকে তস্মাজ্জ্ঞানবিদোঽধিকাঃ॥ 12-216-4 (73762)
তাংস্তানুপাসতে ধর্মান্ধর্মকামা যথাগমম্।
ন ৎবেষামর্থসামান্যমন্তরেণ গুণানিমান্॥ 12-216-5 (73763)
বাগ্দেহমনসাং শৌচং ক্ষমা সত্যং ধৃতিঃ স্মৃতিঃ।
সর্বধর্মেষু ধর্মজ্ঞা জ্ঞাপয়ন্তি গুণাঞ্ছুভান্॥ 12-216-6 (73764)
যদিদং ব্রহ্মণো রূপং ব্রহ্মংচর্যমিতি স্মৃতম্।
পরং তৎসর্বধর্মেভ্যস্তেন যান্তি পরাং গতিম্॥ 12-216-7 (73765)
লিঙ্গসংয়োগহীনং যচ্ছব্দস্পর্শবিবর্জিতম্।
শ্রোত্রেণ শ্রবণং চৈব চক্ষুষা চৈব দর্শনম্॥ 12-216-8 (73766)
বাক্সংভাষাপ্রবৃত্তং যত্তন্মনঃ পরিবর্জিতম্।
বুদ্ধ্যা চাধ্যবসীয়ীত ব্রহ্মচর্যমকল্মষম্॥ 12-216-9 (73767)
সম্যগ্বৃত্তির্ব্রহ্মলোকং প্রাপ্নুয়ান্মধ্যমঃ সুরান্।
দ্বিজাগ্র্যো জায়তে বিদ্বান্কন্যসীং বৃত্তিমাস্থিতঃ॥ 12-216-10 (73768)
সুদুষ্করং ব্রহ্মচর্যমুপায়ং তত্র মে শৃণু।
সংপ্রদীপ্তমুদীর্ণং চ নিগৃহ্ণীয়াদ্দ্বিজো মনঃ॥ 12-216-11 (73769)
যোষিতাং ন কথা শ্রাব্যা ন নিরীক্ষ্যা নিরম্বরাঃ।
কথংচিদ্দর্শনাদাসাং দুর্বলানাং বিশেদ্রজঃ॥ 12-216-12 (73770)
রাগোৎপন্নশ্চেরৎকৃচ্ছ্রমহ্নস্ত্রিঃ প্রবিশেদপঃ।
মগ্নস্ৎবপ্স্বেব মনসা ত্রির্জপেদঘমর্ষণম্॥ 12-216-13 (73771)
পাপ্মানং নির্দহেদেবমন্তর্ভূতরজোময়ম্।
জ্ঞানয়ুক্তেন মনসা সংততেন বিচক্ষণঃ॥ 12-216-14 (73772)
কুণপামেধ্যসংয়ুক্তং যদ্বদচ্ছিদ্রবন্ধনম্।
তদ্বদ্দেহগতং বিদ্যাদাত্মানং দেহবন্ধনম্॥ 12-216-15 (73773)
`অমেধ্যপূর্ণং যদ্ভাণ্ডং শ্লেষ্মান্তকলিলাবৃতম্।
নেচ্ছতে বীক্ষিতুং ভাণ্ডং কুতঃ স্প্রষ্টুং প্রবর্ততে॥ 12-216-16 (73774)
দেহভাণ্ডং মলৈঃ পূর্ণং বহিঃ স্বেদজলাবৃতম্।
বীভৎসং নরনারীণাং জ্ঞানিনাং নরকং মতম্॥ 12-216-17 (73775)
ছিদ্রকুম্ভো যথা স্রাবং সৃজতে তদ্গতং দৃঢম্।
অন্তস্যং স্রংসতে তদ্বজ্জলং দেহেষু দেহিনাম্॥ 12-216-18 (73776)
শ্লেষ্মাশ্রুমূত্রকলিলং পুরীষং শুক্লমেব চ।
কফজালবিনির্যাসঃ সরসশ্চিত্ত মুঞ্চয়॥' 12-216-19 (73777)
বাতপিত্তকফান্রক্তং ৎবঙ্ভাংসং স্নায়ুমস্থি চ।
মজ্জাং দেহং সিরাজালৈস্তর্পয়ন্তি রসা নৃণাম্॥ 12-216-20 (73778)
দশ বিদ্যাদ্ধমন্যোঽত্র পঞ্চেন্দ্রিয়গুণাবহাঃ।
যাভিঃ সূক্ষ্মাঃ প্রজায়ন্তে ধমন্যোঽন্যাঃ সহস্রশঃ॥ 12-216-21 (73779)
এবমেতাঃ সিরা নদ্যো রসোদা দেহসাগরম্।
তর্পয়ন্তি যথাকালমাপগা ইব সাগরম্॥ 12-216-22 (73780)
মধ্যে চ হৃদয়স্যৈকা সিরা তত্র মনোবহা।
শুক্রং সংকল্পজং নৄণাং সর্বগাত্রৈর্বিমুঞ্চতি॥ 12-216-23 (73781)
সর্বগাত্রপ্রতায়িন্যস্তস্যা হ্যনুগতাঃ সিরাঃ।
নেত্রয়োঃ প্রতিপদ্যন্তে বহন্ত্যস্তৈজসং গুণম্॥ 12-216-24 (73782)
পয়স্যন্তর্হিতং সর্পির্যদ্বন্নির্মথ্যতে খজৈঃ।
শুক্রং নির্মথ্যতে তদ্বদ্দেহসংকল্পজৈঃ খজৈঃ॥ 12-216-25 (73783)
স্বপ্নেঽপ্যেবং যথাঽভ্যেতি মনঃ সংকল্পজং রজঃ।
শুক্রমস্পর্শজং দেহাৎসৃজন্ত্যস্য মনোবহাঃ॥ 12-216-26 (73784)
মহর্ষির্ভগবানত্রির্বেদ তচ্ছ্রুক্রসংভবম্।
নৃবীজমিন্দ্রদৈবত্যং তস্মাদিন্দ্রিয়মুচ্যতে॥ 12-216-27 (73785)
যে বৈ শুক্রগতিং বিদ্যুর্ভূতসংকরকারিকাম্।
বিরাগা দগ্ধদোষাস্তে নাপ্নুয়ুর্দেহসংভবম্॥ 12-216-28 (73786)
গুণানাং সাম্যমাগম্য মনসৈব মনোবহম্।
দেহকর্ম নুদন্প্রাণানন্তকালে বিমুচ্যতে॥ 12-216-29 (73787)
ভবিতা মনসো জ্ঞানং মন এব প্রজায়তে।
জ্যোতিষ্মদ্বিরজো নিত্যং মন্ত্রসিদ্ধং মহাত্মনাম্॥ 12-216-30 (73788)
তস্মাত্তদভিঘাতায় কর্ম কুর্যাদকল্মষম্।
দেহবীজং সমুৎপন্নমস্মিৎকর্মণি বিদ্যতে॥ 12-216-31 (73789)
ন স্মরেন্ন প্রয়ুঞ্জীত জ্ঞানী তৎকর্ম বুদ্ধিমান্।
রজস্তমশ্চ হিৎবেহ ন তির্যগ্গতিমাপ্নুয়াৎ॥ 12-216-32 (73790)
তরুণাধিগতং জ্ঞানং জরাদুর্বলতাং গতম্।
বিপক্ববুদ্ধিঃ কালেন আদত্তে মানসং বলম্॥ 12-216-33 (73791)
`এব পুত্রকলত্রেষু জ্ঞাতিসংবন্ধিবন্ধুষু।
আদত্তে হৃদয়ে কামং ব্যাধ্যাদিভিরভিপ্লুতঃ॥ 12-216-34 (73792)
যতস্ততঃ পরিপতন্নবিন্দন্সুখমণ্বপি।
বহুদুঃখসমাপন্নঃ পশ্চান্নির্বেদমাস্থিতঃ।
জ্ঞানবৃক্ষং সমাশ্রিত্য পশ্চান্নির্বৃতিমশ্নুতে॥' 12-216-35 (73793)
সুদুর্গমিব পন্থানমতীত্য গুণবন্ধনম্।
যথা পশ্যেত্তথা দোষানতীত্যামৃতমশ্নুতে॥ ॥ 12-216-36 (73794)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষোডশাধিকদ্বিশততমোঽধ্যায়ঃ॥ 216॥
Mahabharata - Shanti Parva - Chapter Footnotes
12-216-10 কন্যসীং কনীয়সীম্॥ 12-216-11 নিগৃহ্ণীয়াচ্চলং মন ইতি ধ. পাঠঃ॥ 12-216-12 রজো রাগঃ॥ 12-216-20 সিরানাড্যস্তাসাং জালৈঃ॥ 12-216-21 ধমন্যো নাড্যঃ। যাভিঃ সূক্ষ্মাঃ প্রতায়ন্তে ইতি ঝ. পাঠঃ॥ 12-216-24 সর্বগাত্রপ্রবাহিন্যঃ ইতি ধ. পাঠঃ॥ 12-216-25 স্বজৈর্মন্থনদণ্ডৈঃ। দেহস্থাৎ সংকল্পাৎ খেভ্য ইন্দ্রিয়েভ্যশ্চ জাতৈঃ সংকল্পজৈঃ স্বজৈঃ স্ত্রীদর্শনস্পর্শনাদিভিঃ॥ 12-216-26 শুক্রং সংকল্পজং দেহাৎসৃজত্যস্য মনোবহা ইতি ঝ. পাঠঃ॥ 12-216-27 ত্রিবীজমিন্দ্রদৈবত্যং ইতি ঝ. পাঠঃ॥ 12-216-31 তদভিঘাতায় মনোনাশায়। অকল্মষং নিবৃত্তিরূপম্॥ 12-216-32 যথেষ্টাং গতিমাপ্নুয়াৎ ইতি ঝ. পাঠঃ। তত্র যথা যেন প্রকারেণ ইষ্টাং গতিং মোক্ষম্॥ 12-216-33 জরয়া দুর্বলতা তাং। তৃতীয়া তৎকৃতার্থেনেতি সমাসঃ। মানসংবলং সংকল্পমাদত্তে সংহরতি। কালে পূর্বভাগ্যেন নতু দৃষ্টয়োগ্যতয়া॥ 12-216-36 গুণা দেহেন্দ্রিয়াদয়স্তদেব বন্ধনম্॥শান্তিপর্ব - অধ্যায় 217
॥ শ্রীঃ ॥
12.217. অধ্যায়ঃ 217
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বৈরাগ্যাদিমোক্ষসাধনপ্রতিপাদকগুরুবাক্যানুবাদঃ॥ 1॥Mahabharata - Shanti Parva - Chapter Text
12-217-0 (73795)
গুরুরুবাচ। 12-217-0x (6093)
দুরন্তেষ্বিন্দ্রিয়ার্থেষু সক্তাঃ সীদন্তি জন্তবঃ।
যে ৎবসক্তা মহাত্মানস্তে যান্তি পরমাং গতিম্॥ 12-217-1 (73796)
জন্মমৃত্যুজরাদুঃখৈর্ব্যাধিভির্মানসক্লমৈঃ।
দৃষ্ট্বৈব সংততং লোকং ঘটেন্মোক্ষায় বুদ্ধিমান্॥ 12-217-2 (73797)
বাঙ্ভনোভ্যাং শরীরেণ শুচিঃ স্যাদনহংকৃতঃ।
প্রশান্তো জ্ঞানবান্ভিক্ষুর্নিরপেক্ষশ্চরেৎসুখম্॥ 12-217-3 (73798)
`বশা মোক্ষবতাং পাশাস্তাসাং রূপং প্রদর্শকম্।
দুর্গ্রহং পশ্যমানোঽপি মন্যতে মোহিতস্তদা॥ 12-217-4 (73799)
এবং পশ্যন্তমাত্মানমনুধ্যাতং হি বন্ধুষু।
অয়থাৎবেন জানামি ভেদরূপেণ সংস্থিতম্॥' 12-217-5 (73800)
অথবা মনসঃ সঙ্গং পশ্যেদ্ভূতানুকম্পয়া।
তত্রাপ্যুপেক্ষাং কুর্বীত জ্ঞাৎবা কর্মফলং জগৎ॥ 12-217-6 (73801)
যৎকৃতং স্যাচ্ছুভং কর্ম পাপং বা যদি বাঽশ্নুতে।
তস্মাচ্ছুভানি কর্মাণি কুর্যাদ্বা বুদ্ধিকর্মভিঃ॥ 12-217-7 (73802)
অহিংসা সত্যবচনং সর্বভূতেষু চার্জবম্।
ক্ষমা চৈবাপ্রমাদশ্চ যস্যৈতে স সুখী ভবেৎ॥ 12-217-8 (73803)
`অনক্ষসাধ্যং তদ্ব্রহ্ম নির্মলং জগতঃ পরম্।
স্বাত্মপ্রকাশমগ্রাহ্যমহেতুকমচঞ্চলম্॥ 12-217-9 (73804)
বিবেকজ্ঞানবাচিস্থো হ্যাশুরূপেণ সংস্থিতঃ।
বৈকারিকাৎপ্রদৃশ্যেতৈ গৈরিকে মধুধারবৎ॥' 12-217-10 (73805)
যশ্চৈনং পরমং ধর্মং সর্বভূতসুখাবহম্।
দুঃখান্নিঃ সরণং বেদ তত্ৎবজ্ঞঃ স সুখী ভবেৎ॥ 12-217-11 (73806)
তস্মাৎসমাহিতং বুদ্ধ্যা মনো ভূতেষু ধারয়েৎ।
নাপথ্যায়েন্ন স্পৃহয়েন্নাবদ্ধং চিন্তয়েদসৎ॥ 12-217-12 (73807)
অথামোঘপ্রয়ত্নেন মনো জ্ঞানে নিবেশয়েৎ।
সুবাচোঽথ প্রয়োগেণ মনোজ্ঞং সংপ্রবর্ততে॥ 12-217-13 (73808)
বিবেকয়িৎবা তদ্বাক্যং ধর্মসূক্ষ্মমবেক্ষ্য চ।
সত্যাং বাচমহিংস্রাং চ বদেদনপবাদিনীম্॥ 12-217-14 (73809)
কল্কাপেতামপরুষামনৃশংসামপৈশুনীম্।
ঈদৃগল্পং চ বক্তব্যমবিক্ষিপ্তেন চেতসা॥ 12-217-15 (73810)
বাক্যবন্ধেন সংরাগবিহারাদ্ব্যাহরেদ্যদি।
বুদ্ধ্যাঽপ্যনুগৃহীতেন মনসা কর্ম তামসম্॥ 12-217-16 (73811)
রজোভূতৈর্হি করণৈঃ কর্মণি প্রতিপদ্যতে।
স দুঃখং প্রাপ্য লোকেঽস্মিন্নরকায়োপপদ্যতে।
তস্মান্মনোবাক্শরীরৈরাচরেদ্বৈর্যমাত্মনঃ॥ 12-217-17 (73812)
প্রকীর্ণ এব ভারো হি যদ্বদ্ধার্যেত দস্যুভিঃ।
প্রতিলোমাং দিশং বুদ্ধ্বা সংসারমবুধাস্তথা।
`সংসারমার্গমাপন্নঃ প্রতিলোমং বিবর্জয়েৎ॥' 12-217-18 (73813)
তামেব চ যথা দস্যূন্হৎবা গচ্ছেচ্ছিবাং দিশম্।
তথা রজস্তমঃ কর্মাণ্যুৎসৃজ্য প্রাপ্নুয়াচ্ছুভম্॥ 12-217-19 (73814)
নিঃসংদিগ্ধমনীহো বৈ মুক্তঃ সর্বপরিগ্রহৈঃ।
বিবিক্তচারী লঘ্বাশী তপস্বী নিয়তেন্দ্রিয়ঃ॥ 12-217-20 (73815)
জ্ঞানদগ্ধপরিক্লেশঃ প্রয়োগরতিরাত্মবান্।
নিষ্প্রচারেণ মনসা পরং তদধিগচ্ছতি॥ 12-217-21 (73816)
ধৃতিমানাত্মবান্বুদ্ধিং নিগৃহ্ণীয়াদসংশয়ম্।
মনো বুদ্ধ্যা নিগৃহ্ণীয়াদ্বিষয়ান্মনসাঽঽত্মনঃ।
`যোজয়িৎবা মনস্তত্র নিশ্চলং পরমাত্মনি॥ 12-217-22 (73817)
যোগাভিসন্ধিয়ুক্তস্য ব্রহ্ম তৎসংপ্রকাশতে।
ঐকান্ত্যং তদিদং বিদ্ধি সর্ববস্ৎবন্তরস্থিতিঃ॥ 12-217-23 (73818)
বিশেষহীনং গৃহ্ণন্তি বিশেষাং কারণাত্মিকাম্।
অথবা ন প্রভুস্তত্র পরমাত্মনি বর্তিতুম্।
আগামিত্তত্ৎবং যোগাত্মা যোগতন্ত্রমুপক্রমেৎ॥' 12-217-24 (73819)
নিগৃহীতেন্দ্রিয়স্যাস্য কুর্বাণস্য মনো বশে।
দেবতাস্তাঃ প্রকাশন্তে হৃষ্টা যান্তি তমীশ্বরম্॥ 12-217-25 (73820)
তাভিঃ সংয়ুক্তমনসো ব্রহ্ম তৎসংপ্রকাশতে।
শনৈশ্চাপগতে সৎবে ব্রহ্মভূয়ায় কল্পতে॥ 12-217-26 (73821)
অথবা ন প্রবর্তেত যোগতন্ত্রৈরুপক্রমেৎ।
যোগতন্ত্রময়ং তন্ত্রং বৃত্তিঃ স্যাত্ততদাচরেৎ॥ 12-217-27 (73822)
কণকুল্মাষপিণ্যাকশাকয়াবকসক্তবঃ।
তথা মূলফলং ভৈক্ষ্যং পর্যায়েণোপয়োজয়েৎ॥ 12-217-28 (73823)
আহারনিয়মং চৈব দেশে কালে চ সাৎবিকঃ।
তৎপরীক্ষ্যানুবর্তেত যৎপ্রবৃত্ত্যনুবর্তকম্॥ 12-217-29 (73824)
প্রবৃত্তং নোপরুন্ধেত শনৈরগ্নিমিবেন্ধয়েৎ।
জ্ঞানৈধিতং তথা জ্ঞানমর্কবৎসংপ্রকাশতে॥ 12-217-30 (73825)
জ্ঞানাধিষ্ঠানমজ্ঞানং ত্রীল্লোঁকানধিতিষ্ঠতি।
বিজ্ঞানানুগতং জ্ঞানমজ্ঞানেনাপকৃষ্যতে॥ 12-217-31 (73826)
পৃথক্ৎবাৎসংপ্রয়োগাচ্চ নাসূয়ুর্বেদ শাশ্বতম্।
স তয়োরপবর্গজ্ঞো বীতরাগো বিমুচ্যতে॥ 12-217-32 (73827)
বয়োতীতো জরামৃত্যূ জিৎবা ব্রহ্ম সনাতনম্।
অমৃতং তদবাপ্নোতি যত্তদক্ষরমব্যযম্॥ ॥ 12-217-33 (73828)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তদশাধিকদ্বিশততমোঽধ্যায়ঃ॥ 217॥
Mahabharata - Shanti Parva - Chapter Footnotes
12-217-2 ক্লমৈঃ ক্লেশৈঃ সংততং ব্যাপ্তং দৃষ্ট্বৈব নতু মমেদানীং ক্লেশো নাস্তীত্যুপেক্ষেত॥ 12-217-3 ঘটনমেবাহাধ্যায়েন বাগিতি। চরেদ্গুরুরিতি ধ.পাঠঃ॥ 12-217-6 পশ্যেদ্ভূতাদিকং যথা ইতি ধ. পাঠঃ॥ 12-217-12 নাপথ্যায়েৎ পরানিষ্টং ন চিন্তয়েৎ। অবদ্ধং স্বস্যায়োগ্যং রাজ্যাদিকং ন স্পৃহয়েৎ। অসন্নষ্টং ভাবি বা স্ত্রীপুত্রাদিকং ন চিন্তয়েৎ॥ 12-217-13 বাচামোধপ্রয়াসেন মনোজ্ঞং তৎপ্রবর্ততে ইতি ঝ. পাঠঃ॥ 12-217-14 বিবক্ষতা চ তদ্বাক্যং ধর্মং সূক্ষ্মমবেক্ষতা ইতি ঝ. পাঠঃ॥ 12-217-15 কল্কাপেতাং শাঠ্যেন হীনাম্॥ 12-217-16 বাক্প্রবদ্ধো হি সংসারো বিরাগাৎ ইতি ঝ. পাঠঃ॥ 12-217-17 রজোভূতৈঃ প্রবৃত্তিপরৈঃ॥ 12-217-20 অনীহশ্চেষ্টাশূন্যঃ॥ 12-217-21 প্রয়োগো যোগাঙ্গানামনুষ্ঠানং তত্র রতিঃ প্রীতির্যস্য। নিষ্প্রচারেণ নিরুদ্ধেন॥ 12-217-26 এতৈশ্চাভিমতৈঃ সর্বৈরিতি ধ. পাঠঃ॥শান্তিপর্ব - অধ্যায় 218
॥ শ্রীঃ ॥
12.218. অধ্যায়ঃ 218
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শিষ্যায় গুরূক্তবার্ষ্ণেয়াধ্যাত্মানুবাদঃ॥ 1॥Mahabharata - Shanti Parva - Chapter Text
12-218-0 (73829)
গুরুরুবাচ। 12-218-0x (6094)
নিষ্কল্মষং ব্রহ্মচর্যমিচ্ছতাচরিতুং সদা।
নিদ্রা সর্বাত্মনা ত্যাজ্যা স্বপ্নদোষমবেক্ষতা॥ 12-218-1 (73830)
স্বপ্নে হি রজসা দেহী তমসা চাভিভূয়তে।
দেহান্তরমিবাপন্নশ্চরত্যপগতস্মৃতিঃ॥ 12-218-2 (73831)
জ্ঞানাভ্যাসাজ্জাগরিতা জিজ্ঞাসার্থমনন্তরম্।
বিজ্ঞানাভিনিবেশাত্তু স জাগর্ত্যনিশং সদা॥ 12-218-3 (73832)
অত্রাহ কোন্বয়ং ভাবঃ স্বপ্নে বিষয়বানিব।
প্রলীনৈরিন্দ্রিয়ৈর্দেহী বর্ততে দেহবানিব॥ 12-218-4 (73833)
অত্রোচ্যতে যথা হ্যেতদ্বেদ যোগেশ্বরো হরিঃ।
তথৈতদুপপন্নার্থং বর্ণয়ন্তি মহর্ষয়ঃ॥ 12-218-5 (73834)
ইন্দ্রিয়াণাং শ্রমাৎস্বপ্নমাহুঃ সর্বগতং মনঃ।
`তন্ময়ানীন্দ্রিয়াণ্যাহুস্তাবদ্গচ্ছন্তি তানি বৈ॥ 12-218-6 (73835)
অত্রাহুস্ত্রিতয়ং নিত্যমতথ্যমিতি চেচ্চ ন।
প্রথমে বর্তমানোঽসৌ ত্রিতয়ং চেতি সর্বদা॥ 12-218-7 (73836)
নেতরাবুপসংগম্য বিজানাতি কথংচন।
স্বপ্নাবস্থাগতো হ্যেষ স্বপ্ন ইত্যেব বেত্তি চ॥ 12-218-8 (73837)
তদপ্যসদৃশং যুক্ত্যা ত্রিতয়ং মোহলক্ষণম্।
যদাত্মত্রিতয়ান্মুক্তস্তদা জানাত্যসৎকৃতঃ॥' 12-218-9 (73838)
মনসস্ৎবপ্রলীনৎবাত্তত্তদাহুর্নিদর্শনম্।
কার্যে চাসক্তমনসঃ সংকল্পো জাগ্রতো হ্যপি।
যদ্বন্মনোরথৈশ্চর্যং স্বপ্নে তদ্বন্মনোগতম্॥ 12-218-10 (73839)
সংসারাণামসংখ্যানাং কামাত্মা তদবাপ্নুয়াৎ।
মনস্যন্তর্হিতং সর্বং বেদ সোত্তমপূরুষঃ॥ 12-218-11 (73840)
গুণানামপি যদ্যেতৎকর্মণা চাপ্যুপস্থিতম্।
তত্তচ্ছংসন্তি ভূতানি মনো যদ্ভাবিতং যথা॥ 12-218-12 (73841)
ততস্তমুপসর্পন্তি গুণা রাজসতামসাঃ।
সাৎবিকা বা যথায়োগমানন্তর্যফলোদয়ম্॥ 12-218-13 (73842)
ততঃ পশ্যন্ত্যসংবন্ধান্বাতপিত্তকফোত্তরান্।
রজস্তমোভবৈর্ভাবৈস্তদপ্যাহুর্দুরত্যযম্॥ 12-218-14 (73843)
প্রসন্নৈরিন্দ্রিয়ৈর্যদ্যৎসংকল্পয়তি মানসম্।
তত্তৎস্বপ্নেপ্যুপরতে মনো বুদ্ধির্নিরীক্ষতে॥ 12-218-15 (73844)
ব্যাপকং সর্বভূতেষু বর্ততে দীপবন্মনঃ।
আত্মপ্রভাবাত্তং বিদ্যাৎসর্বা হ্যাত্মনি দেবতাঃ॥ 12-218-16 (73845)
মনস্যন্তর্হিতং দ্বারং দেহমাস্থায় মানুষম্।
যত্তৎসদসদব্যক্তং স্বপিত্যস্মিন্নিদর্শনম্॥ 12-218-17 (73846)
`ব্যক্তভেদমতীতোঽসৌ চিন্মাত্রং পরিদৃশ্যতে।'
সর্বভূতাত্মভূতস্থং তমধ্যাত্মগুণং বিদুঃ॥ 12-218-18 (73847)
লিপ্সেন মনসা যশ্চ সংকল্পাদৈশ্বরং গুণম্।
আত্মপ্রসাদাত্তং বিদ্যাৎসর্বা হ্যাত্মনি দেবতাঃ॥ 12-218-19 (73848)
এবং হি তপসা যুঞ্জ্যাদর্কবত্তমসঃ পরম্।
ত্রৈলোক্যপ্রকৃতির্দেহী তমসোন্তে মহেশ্বরম্॥ 12-218-20 (73849)
তপো হ্যধিষ্ঠিতং দেবৈস্তপোঘ্নমসুরৈস্তমঃ।
এতদ্দেবাসুরৈর্গুপ্তং তদাহুর্জ্ঞানলক্ষণম্॥ 12-218-21 (73850)
সত্ৎবং রজস্তমশ্চেতি দেবাসুরগুণান্বিদুঃ।
সত্ৎবং দেবগুণং বিদ্যাদিতরাবাসুরৌ গুণৌ॥ 12-218-22 (73851)
`সত্ৎবং মনস্তথা বুদ্ধির্দেবা ইত্যভিশংব্দিতাঃ।
তৈরেব হি বৃতস্তস্মাজ্জ্ঞাৎবৈবং পরমং-----॥ 12-218-23 (73852)
নিদ্রাবিকল্পেন সতাং---- বিশতি লোকবৎ।
স্বস্থো ভবতি গূঢাত্মা কলুষৈঃ পরিবর্জিতঃ॥ 12-218-24 (73853)
নিশাদিকা যে কথিতা লোকানাং কলুষা মতাঃ।
তৈর্হীনং যৎপুরং শুদ্ধং বাহ্যাভ্যন্তরবর্তিনম্।
সদানন্দময়ং নিত্যং ভূৎবা তৎপরমন্বিয়াৎ॥ 12-218-25 (73854)
এবমাখ্যাতমত্যর্থং ব্রহ্মচর্যমকল্মষম্।
সর্বসংয়োগহীনং তদ্বিষ্ণ্বাখ্যং পরমং পদম্।
অচিন্ত্যমদ্ভুতং লোকে জ্ঞানেন পরিবর্ততে॥' 12-218-26 (73855)
ব্রহ্ম তৎপরমং জ্ঞানমমৃতং জ্যোতিরক্ষরম্।
যে বিদুর্ভাবিতাত্মানস্তে যান্তি পরমাং গতিম্॥ 12-218-27 (73856)
হেতুমচ্ছক্যমাখ্যাতুমেতাবজ্জ্ঞানচক্ষুষা।
প্রত্যাহারেণ বা শক্যমব্যক্তং ব্রহ্ম বেদিতুম্॥ ॥ 12-218-28 (73857)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টাদশাধিকদ্বিশততমোঽধ্যায়ঃ॥ 218॥
Mahabharata - Shanti Parva - Chapter Footnotes
12-218-2 অপগতস্পৃহঃ ইতি ঝ. পাঠঃ॥ 12-218-11 বেদ সোঽন্তরপূরুষঃ ইতি ট. পাঠঃ॥ 12-218-16 অপ্রতিমং মনঃ ইতি ধ. পাঠঃ। অপ্রতিধং মনঃ ইতি ঝ. পাঠঃ॥ 12-218-21 গুপ্তং জ্ঞানাজ্ঞানস্য লক্ষণমিতি থ. ধ. পাঠঃ॥ 12-218-27 ব্রহ্ম তৎপরমং বেদ্যং ইতি ট. থ. পাঠঃ। যে বিদুঃ সাৎবিকাত্মানঃ ইতি থ. পাঠঃ॥শান্তিপর্ব - অধ্যায় 219
॥ শ্রীঃ ॥
12.219. অধ্যায়ঃ 219
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শিষ্যায় গুরূক্তবার্ষ্ণেয়াধ্যাত্মানুবাদসমাপনম্॥ 1॥Mahabharata - Shanti Parva - Chapter Text
12-219-0 (73858)
গুরুরুবাচ। 12-219-0x (6095)
ন স বেদ পরং ব্রহ্ম যো ন বেদ চতুষ্টয়ম্।
ব্যক্তাব্যক্তং চ যত্তত্ৎবং সংপ্রোক্তং পরমর্ষিণা॥ 12-219-1 (73859)
ব্যক্তং মৃত্যুমুখং বিদ্যাদব্যক্তমমৃতং পদম্।
নিবৃত্তিলক্ষণং ধর্মমৃষির্নারায়ণোঽব্রবীৎ॥ 12-219-2 (73860)
তত্রৈবাবস্থিতং সর্বং ত্রৈলোক্যং সচরাচরম্।
নিবৃত্তিলক্ষণং ধর্মমব্যক্তং ব্রহ্ম শাশ্বতম্॥ 12-219-3 (73861)
প্রবৃত্তিলক্ষণং ধর্মং প্রজাপতিরতথাব্রবীৎ।
প্রবৃত্তিঃ পুনরাবৃত্তির্নিবৃত্তিঃ পরমা গতিঃ॥ 12-219-4 (73862)
তাং গতিং পরমামেতি নিবৃত্তিপরমো মুনিঃ।
জ্ঞানতত্ৎবপরো নিত্যং শুভাশুভনিদর্শকঃ॥ 12-219-5 (73863)
তদেবমেতৌ বিজ্ঞেয়াবব্যক্তপুরুষাবুভৌ।
অব্যক্তপুরুষাভ্যাং তু যৎস্যাদন্যন্মহত্তরম্॥ 12-219-6 (73864)
তং বিশেষমবেক্ষেতি বিশেষেণ বিচক্ষণঃ।
অনাদ্যন্তাবুভাবেতাবলিঙ্গৌ চাপ্যুভাবপি॥ 12-219-7 (73865)
উভৌ নিত্যাবনুচরৌ মহদ্ভ্যশ্চ মহত্তরৌ।
সামান্যমেতদুভয়োরেবং হ্যন্যদ্বিশেষণম্॥ 12-219-8 (73866)
প্রকৃত্যা সর্গধর্মিণ্যা তথা ত্রিগুণসৎবয়া।
বিপরীতমতো বিদ্যাৎক্ষেত্রজ্ঞস্য স্বলক্ষণম্॥ 12-219-9 (73867)
প্রকৃতেশ্চ বিকারাণাং দ্রষ্টারমগুণান্বিতম্।
`ক্ষেত্রজ্ঞমাহুর্জীবং তু কর্তারং গুণসংবৃতম্॥ 12-219-10 (73868)
অগ্রাহ্যং যেন জানন্তি তজ্জ্ঞানং দংশিতশ্চ তৎ।
তেনৈব দংশিতো নিত্যং ন গুণঃ পরিভূয়তে॥ 12-219-11 (73869)
অগ্রাহ্যৌ পুরুষাবেতাবলিঙ্গৎবাদসঙ্গিনৌ।
সংয়োগলক্ষণোৎপত্তিঃ কর্মজা গৃহ্যতে যথা॥ 12-219-12 (73870)
করণৈঃ কর্মনির্বৃত্তৈঃ কর্তা যদ্যদ্বিচেষ্টতে।
কীর্ত্যতে শব্দসংজ্ঞাভিঃ কোঽহমেষোপ্যসাবিতি॥ 12-219-13 (73871)
`মমাপি কায়মিতি চ তদজ্ঞো নিত্যসংবৃতঃ।'
উষ্ণীষবান্যথা বস্ত্রৈস্ত্রিভির্ভবতি সংবৃতঃ।
সংবৃতোঽয়ং তথা দেহী সত্ৎবরাজসতামসৈঃ॥ 12-219-14 (73872)
`ভেদবস্তু ৎবভেদেন জানাতি স যদা পুমান্।
তদা পরং পরাত্মাঽসৌ ভবত্যেব নিরঞ্জনঃ॥ 12-219-15 (73873)
ক্রিয়ায়োগে চ ভেদাখ্যে বহু সংক্ষিপ্যতে ক্বচিৎ।
বসুরুদ্রগণাদ্যেষু স্বানুভোগেন ভোগতঃ॥ 12-219-16 (73874)
এবমেষ পরঃ সত্ৎবো নানারূপেণ সংস্থিতঃ।
সংক্ষিপ্তো দৃশ্যতে পশ্চাদেকরূপেণ বিষ্ঠিতঃ॥' 12-219-17 (73875)
তস্মাচ্চতুষ্টয়ং বেদ্যমেতৈর্হেতুভিরাবৃতম্।
তথাসংজ্ঞো হ্যযং সম্যগন্তকালে ন মুহ্যতি।
`বায়ুর্বিধো যথা ভানুর্বিপ্রকাশং গমিষ্যতি॥' 12-219-18 (73876)
শ্রিয়ং দিব্যামভিপ্রেপ্সুর্বর্ষ্মবান্মনসা শুচিঃ।
শারীরৈর্নিয়মৈরুগ্রৈশ্চরেন্নিষ্কল্মষং তপঃ॥ 12-219-19 (73877)
ত্রৈলোক্যং তপসা ব্যাপ্তমন্তর্ভূতেন ভাস্বতা।
সূর্যশ্চ চন্দ্রমাশ্চৈব ভাসতস্তপসা দিবি॥ 12-219-20 (73878)
`অন্যচ্চ ধর্মসাম্যং যত্তপস্তৎকীর্ত্যতে পুনঃ।'
প্রকাশস্তপসো জ্ঞানং লোকে সংশব্দিতং তপঃ॥ 12-219-21 (73879)
রজস্তমোঘ্নং যৎকর্ম তপসস্তৎস্বলক্ষণম্।
`ত্রিতয়ং হ্যেতদাখ্যাতং যদ্যস্মাদ্ভাসিতুং পুনঃ॥ 12-219-22 (73880)
স্বভাসা ভাসয়ংশ্চাপি চন্দ্রমা হ্যত্র বর্ততে।
সূর্যযোগে তু যঃ সন্ধিস্তপঃ সর্বং প্রদীপ্যতে॥' 12-219-23 (73881)
ব্রহ্মচর্যমহিংসা চ শারীরং তপ উচ্যতে।
বাঙ্ভনোনিয়মঃ সম্যঙ্ভানসং তপ উচ্যতে॥ 12-219-24 (73882)
বিধিজ্ঞেভ্যো দ্বিজাতিভ্যো গ্রাহ্যমন্নং বিশিষ্যতে।
আহারনিয়মেনাস্য পাপ্মা শাম্যতি রাজসঃ॥ 12-219-25 (73883)
বৈমনস্যং চ বিষয়ে যান্ত্যস্য করণানি চ।
তস্মাত্তন্মাত্রমাদদ্যাদ্যাবদত্র প্রয়োজনম্॥ 12-219-26 (73884)
অন্তকালে বলোৎকর্ষাচ্ছনৈঃ কুর্যাদনাতুরঃ।
এবং যুক্তেন মনসা জ্ঞানং যদুপপদ্যতে॥ 12-219-27 (73885)
রজোবর্জ্যো হ্যযং দেহী দেহবাঞ্ছব্দবাংশ্চরেৎ।
কার্যৈরব্যাহতমতির্বৈরাগ্যাৎপ্রকৃতৌ স্থিতঃ॥ 12-219-28 (73886)
আ দেহাদপ্রমাদাচ্চ দেহান্তাদ্বিপ্রমুচ্যতে।
হেতুয়ুক্তঃ সদা সার্গো ভূতানাং প্রলয়স্তথা॥ 12-219-29 (73887)
পরপ্রত্যযসর্গে তু নিয়মো নাতিবর্ততে।
এবং তৎপ্রভবাং প্রজ্ঞামাসতে যে বিষর্যযে॥ 12-219-30 (73888)
ধৃত্যা দেহান্ধারয়ন্তো বুদ্ধিসংক্ষিপ্তচেতসঃ।
স্থানেভ্যো ধ্বংসমানাশ্চ সূক্ষ্মৎবাত্তদুপাসতে॥ 12-219-31 (73889)
যথাগমং চ তৎসর্বং বুদ্ধ্যা তন্নৈব বুদ্ধ্যতে।
দেহান্তং কশ্চিদন্বাস্তে ভাবিতাত্মা নিরাশ্রয়ঃ॥ 12-219-32 (73890)
যুক্তো ধারণয়া কশ্চিৎসতঃ কেচিদুপাসতে।
অভ্যস্যন্তি পরং দেবং বিদ্যাসংশব্দিতাক্ষরম্॥ 12-219-33 (73891)
অন্তকালে হ্যুপাসন্তে তপসা দগ্ধকিল্বিষাঃ।
সর্ব এতে মহাত্মানো গচ্ছন্তি পরমাং গতিম্॥ 12-219-34 (73892)
সূক্ষ্মং বিশেষণং তেষামবেক্ষেচ্ছাস্ত্রচক্ষুষা।
দেহং তু পরমং বিদ্যাদ্বিমুক্তমপরিগ্রহম্॥ 12-219-35 (73893)
অন্তরিক্ষাদন্যতরং ধারণাসক্তমানসম্।
মর্ত্যলোকাদ্বিমুচ্যন্তে বিদ্যাসংসক্তচেতসঃ॥ 12-219-36 (73894)
ব্রহ্মভূতা বিরজসস্ততো যান্তি পরাং গতিম্।
এবমেকায়নং ধর্মমাহুর্বেদবিদো জনাঃ॥ 12-219-37 (73895)
যথাজ্ঞানমুপাসন্তঃ সর্বে যান্তি পরাং গতিম্।
কষায়বর্জিতং----তেষামুৎপদ্যতেঽমলম্।
যান্তি তেঽপি----- কান্বিশুধ্যন্তি যথাবলং॥ 12-219-38 (73896)
ভগবন্তমজং দিব্য বিষ্ণুমব্যক্তসংজ্ঞিতম্।
ভাবেন যান্তি শুদ্ধা যে জ্ঞানতৃপ্তা নিরাশিষঃ॥ 12-219-39 (73897)
জ্ঞাৎবাঽঽত্মস্থং------- ন নিবর্তন্তি তেঽব্যযাঃ।
প্রাপ্য তৎপরমং স্থানমোদন্তেঽক্ষরমব্যযম্॥ 12-219-40 (73898)
এতাবদেতদ্বিজ্ঞানমেতদস্তি চ নাস্তি চ।
তৃষ্ণাবদ্ধং জগৎসর্বং চক্রবৎপরিবর্ততে॥ 12-219-41 (73899)
বিসতন্তুর্যথৈবায়মন্তস্থঃ সর্বতো বিসে।
তৃষ্ণাতন্তুরনাদ্যন্তস্তথা দেহগতঃ সদা॥ 12-219-42 (73900)
সূচ্যা সূত্রং যথা বস্ত্রে সংসারয়তি বায়কঃ।
তদ্বৎসংসারসূত্রং হি তৃষ্ণাসূচ্যা নিবদ্ধ্যতে॥ 12-219-43 (73901)
`ইতস্ততঃ সমাহৃত্য রূপং নির্বর্তয়িষ্যতি।'
বিকারং প্রকৃতিং চৈব পুরুষং চ সনাতনম্॥ 12-219-44 (73902)
যো যথাবদ্বিজানাতি স বিতৃষ্ণো বিমুচ্যতে।
যাতি নিত্যং স সদ্ভাবমাত্মনো বৈ মহদ্ভুবম্॥ 12-219-45 (73903)
ভীষ্ম উবাচ। 12-219-46x (6096)
প্রকাশং ভগবানেতদৃষির্নারায়ণোঽমৃতম্।
ভূতানামনুকম্পার্থং জগাদ জগতো হিতম্॥ ॥ 12-219-46 (73904)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনবিংশত্যধিকদ্বিশততমোঽধ্যায়ঃ॥ 219॥
Mahabharata - Shanti Parva - Chapter Footnotes
12-219-1 ন স বেদ পরং ধর্মং ইতি ধ. পাঠঃ॥ 12-219-22 তপসস্তচ্চ লক্ষণমিতি থ. পাঠঃ। তৎবলক্ষণমিতি ধ. পাঠঃ॥ 12-219-25 গ্রাহ্যমন্নং তপস্থিভিরিতি ট. থ. পাঠঃ॥ 12-219-29 দেহান্তে বিপ্রমুচ্যত ইতি ট. থ. পাঠঃ। সদোৎসর্গ ইতি ধ. পাঠঃ॥ 12-219-38 বিমুচ্যন্তে যথাবলমিতি ঝ. পাঠঃ। বিশুধ্যন্তো যথাবলমিতি ট. থ. পাঠঃ॥ 12-219-46 প্রকাশং স্পষ্টম্। অমৃতং মোক্ষসাধনম্॥শান্তিপর্ব - অধ্যায় 220
॥ শ্রীঃ ॥
12.220. অধ্যায়ঃ 220
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জনকাথ পঞ্চশিখোক্তনাস্তিকাদিমতখণ্ডনানুবাদঃ॥ 1॥Mahabharata - Shanti Parva - Chapter Text
12-220-0 (73921)
যুধিষ্ঠির উবাচ। 12-220-0x (6098)
কেন বৃত্তেন বৃত্তজ্ঞো জনকো মিথিলাধিপঃ।
জগাম মোক্ষং ধর্মজ্ঞো ভোগানুৎসৃজ্য বুদ্ধিমান্॥ 12-220-1 (73922)
ভীষ্ম উবাচ। 12-220-2x (6099)
অত্রাপ্যুদাহরন্তীমমিতিহাসং পুরাতনম্।
যেন বৃত্তেন ধর্মজ্ঞঃ স জগাম মহৎসুখম্॥ 12-220-2 (73923)
জনকো জনদেবস্তু মিথিলায়াং জনাধিপ।
ঔর্ধ্বদেহিকধর্মাণামাসীদ্যুক্তো বিচিন্তনে॥ 12-220-3 (73924)
তস্য স্ম শতমাচার্যা বসন্তি সততং গৃহে।
দর্শয়ন্তঃ পৃথগ্ধর্মান্নানাপাষণ্ডবাদিনঃ॥ 12-220-4 (73925)
স তেষাং প্রেত্যভাবেন প্রেত্য গাতৌ বিনিশ্চয়ে।
আগমস্থঃ স ভূয়িষ্ঠমাত্মতত্ৎবেন তুষ্যন্তি॥ 12-220-5 (73926)
তত্র পঞ্চশিখো নাম কাপিলেয়ো মহামুনিঃ।
পরিধাবন্মহীং কৃৎস্নাং জগাম যলামথ॥ 12-220-6 (73927)
সর্বসংন্যাসধর্মাণাং তত্ৎবজ্ঞাননিশ্চয়ে।
সুপর্যবসিতার্থশ্চ নির্দ্বন্দ্বো নষ্টগশয়ঃ॥ 12-220-7 (73928)
ঋষীণামাহুরেকং যং কামাদ-----নৃষু।
শাশ্বতং সুখমত্যন্তমন্বি---সুদুর্লভম্॥ 12-220-8 (73929)
যমাহুঃ কপিলং সাঙ্খ্যাঃ পরমর্ষি প্রজাপতিম্।
সমেত্য তেন রূপেণ বিস্মাপয়তি হি স্বয়ম্॥ 12-220-9 (73930)
আসুরেঃ প্রথমং শিষ্যং যমাহুশ্চিরজীবিনম্।
পঞ্চস্রোতসি যঃ সত্রমাস্তে বর্ষসহস্রিকম্॥ 12-220-10 (73931)
তমাসীনং সমাগম্য কাপিলং মণ্ডলং মহৎ।
[পঞ্চস্রোতসি নিষ্ণাতঃ পঞ্চরাত্রবিশারদঃ। 12-220-11 (73932)
পঞ্চজ্ঞঃ পঞ্চকৃৎপঞ্চগুণঃ পঞ্চশিখঃ স্মৃতঃ।]
পুরুষাবস্থমব্যক্তং পরমার্থং ন্যবেদয়ৎ॥ 12-220-12 (73933)
ইষ্ট্বা সত্রেণ সংপৃষ্টো ভূয়শ্চ তপসাঽঽসুরিঃ।
ক্ষেত্রক্ষেত্রজ্ঞয়োর্ব্যক্তিং বুবুধে দেবদর্শনাৎ॥ 12-220-13 (73934)
যত্তদেকাক্ষরং ব্রহ্ম নানারূপং প্রদৃশ্যতে।
`বোধায়নপরান্বিপ্রানৃষিভাবমুপাগতঃ।'
আসুরির্মণ্ডলে তস্মিন্প্রতিপেদে তদব্যযম্॥ 12-220-14 (73935)
তস্য পঞ্চশিখঃ শিষ্যো মানুষ্যাঃ পয়সা ভৃতঃ।
ব্রাহ্মণী কপিলা নাম কাচিদাসীৎকুটুম্বিনী॥ 12-220-15 (73936)
তস্যাঃ পুত্রৎবমাগম্য স্ত্রিয়াঃ স পিবতি স্তনৌ।
ততঃ স কাপিলেয়ৎবং লেভে বুদ্ধিং চ নৈষ্ঠিকীম্॥ 12-220-16 (73937)
এতন্মে ভগবানাহ কাপিলেয়স্য সংভবম্।
তস্য তৎকাপিলেয়ৎবং সর্ববিত্ৎবমনুত্তমম্॥ 12-220-17 (73938)
সামান্যং জনকং জ্ঞাৎবা ধর্মজ্ঞানামনুত্তমম্।
উপেত্য শতমাচার্যান্মোহয়ামাস হেতুভিঃ॥ 12-220-18 (73939)
`নিরাকরিষ্ণুস্তান্সর্বাংস্তেষাং হেতুগুণান্বহূন্।
শ্রাবয়ামাস মতিমান্মুনিঃ পঞ্চশিখো নৃপ॥' 12-220-19 (73940)
জনকস্ৎবভিসংরক্তঃ কাপিলেয়ানুদর্শনাৎ।
উৎসৃজ্য শতমাচার্যান্পৃষ্ঠতোঽনুজগাম তম্॥ 12-220-20 (73941)
তস্মৈ পরমকল্যায় প্রণতায় চ ধর্মতঃ।
অব্রবীৎপরমং মোক্ষং যতঃ সাঙ্খ্যং বিধীয়তে॥ 12-220-21 (73942)
জাতিনির্বেদমুক্ৎবা স কর্মনির্বেদমব্রবীৎ।
কর্মনির্বেদমুক্ৎবা চ সর্বনির্বেদমব্রবীৎ॥ 12-220-22 (73943)
যদর্থং ধর্মসংসর্গঃ কর্মণাং চ ফলোদয়ঃ।
তমনাশ্বাসিকং মোহং বিনাশি চলমধ্রুবম্॥ 12-220-23 (73944)
দৃশ্যমানে বিনাশে চ প্রত্যক্ষে লোকসাক্ষিকে।
আগমাৎপরমস্তীতি ব্রুবন্নপি পরাজিতঃ॥ 12-220-24 (73945)
আত্মনা হ্যাত্মনো নিত্যং ক্লেশমৃত্যুজরাময়ম্।
আত্মানং মন্যতে মোহাত্তদসম্যক্পরং মতম্॥ 12-220-25 (73946)
অথ চেদেবমপ্যস্তি যল্লোকে নোপপদ্যতে।
অজরোঽয়মমৃত্যুশ্চ রাজাঽসৌ মন্যতে তথা॥ 12-220-26 (73947)
অস্তি নাস্তীতি চাপ্যেতত্তস্মিন্নসতি লক্ষণে।
কিমধিষ্ঠায় তদ্ব্রূয়াল্লোকয়াত্রাবিনিশ্চয়ম্॥ 12-220-27 (73948)
প্রত্যক্ষং হ্যেতয়োর্মূলং কৃতান্তৈতিহ্যযোরপি।
প্রত্যক্ষেণাগমো ভিন্নঃ কৃতান্তো বা ন কশ্চন॥ 12-220-28 (73949)
যত্রতত্রানুমানেঽস্মিন্কৃতং ভাবয়তোঽপি চ।
নান্যো জীবঃ শরীরস্য নাস্তিকানাং মতে স্মৃতঃ॥ 12-220-29 (73950)
রেতো বটকণীকায়াং ঘৃতপাকাধিবাসনম্।
জাতিঃ স্মৃতিরয়স্কান্তঃ সূর্যকান্তোঽম্বুভক্ষণম্॥ 12-220-30 (73951)
প্রেত্য ভূতাপ্যযশ্চৈব দেবতাভ্যুপয়াচনম্।
মৃতে কর্মনিবৃত্তিশ্চ প্রমাণমিতি নিশ্চয়ঃ॥ 12-220-31 (73952)
ন ৎবেতে হেতবঃ সন্তি যে কেচিন্মূর্তিসংস্থিতাঃ।
অমূর্তস্য হি মূর্তেন সামান্যং নোপপদ্যতে॥ 12-220-32 (73953)
অবিদ্যাকর্মচেষ্টানাং কেচিদাহুঃ পুনর্ভবে।
কারণং লোভমোহৌ তু দোষাণাং চ নিষেবণম্॥ 12-220-33 (73954)
অবিদ্যাং ক্ষেত্রমাহুর্হি কর্মবীজং তথা কৃতম্।
তৃষ্ণাসংজননং স্নেহ এষ তেষাং পুনর্ভবঃ॥ 12-220-34 (73955)
তস্মিন্মূঢে চ জগ্ধে চ দেহে মরণধর্মিণি।
অন্যোঽসৌ জায়তে প্রেতস্তদাহুস্তৎবমক্ষয়ম্॥ 12-220-35 (73956)
যদা স্বরূপতশ্চান্যো জাতিতঃ শ্রুতিতোঽর্থতঃ।
কথমস্মিন্স ইত্যেবং সংবোধঃ স্যাদসংহিতঃ॥ 12-220-36 (73957)
এবং সতি চ কা প্রীতির্দানবিদ্যাতপোবলৈঃ।
যদ্যদাচরিতং কর্ম সর্বমন্যৎপ্রপদ্যতে॥ 12-220-37 (73958)
যদি হ্যযমিহৈবান্যৈঃ প্রাকৃতৈর্দুঃখিতো ভবেৎ।
সুখিতো দুঃখিতৈর্বাঽপি দৃশ্যো হ্যস্যবিনির্ণয়ঃ॥ 12-220-38 (73959)
যদা হি মুসলৈর্হন্যুঃ শরীরং ন পুনর্ভবেৎ।
পৃথগ্জ্ঞানং যদন্যচ্চ যেনৈতন্নোপপদ্যতে॥ 12-220-39 (73960)
ঋতুসংবৎসরৌ তিথ্যঃ শীতোষ্ণেঽথ প্রিয়াপ্রিয়ে।
যথাঽতীতা ন দৃশ্যন্তে তাদৃশঃ সৎবসংক্ষয়ঃ॥ 12-220-40 (73961)
জরয়াঽভিপরীতস্য মৃত্যুনা ন বিনাশিনা।
দুর্বলং দুর্বলং পূর্বং গৃহস্যেব বিনশ্যতি॥ 12-220-41 (73962)
ইন্দ্রিয়াণী মনো বায়ুঃ শোণিতং মাংসমস্থি চ।
আনুপূর্ব্যা বিনশ্যন্তি স্বং ধাতুমুপয়ান্তি চ॥ 12-220-42 (73963)
লোকয়াত্রাবিধানং চ দানধর্মফলাগমঃ।
তদর্থং বেদশব্দাশ্চ ব্যবহারাশ্চ লৌকিকাঃ॥ 12-220-43 (73964)
ইতি সম্যঙ্ভনস্যেতে বহবঃ সন্তি হেতবঃ।
এতদাসীন্মমাস্তীতি ন কশ্চিৎপ্রতিপদ্যতে॥ 12-220-44 (73965)
তেষাং বিমৃশতামেবং তত্তৎসমভিধাবতাম্।
ক্বচিন্নিবিশতে বুদ্ধিস্তত্র জীর্যতি বৃক্ষবৎ॥ 12-220-45 (73966)
এবমর্থৈরনর্থৈশ্চ দুঃখিতাঃ সর্বজন্তবঃ।
আগমৈরপকৃষ্যন্তে হস্তিপৈর্হস্তিনো যথা॥ 12-220-46 (73967)
`ন জাতু কামঃ কামানামুপভোগেন শাম্যতি।
হবিষা কৃষ্ণবর্ত্মেব ভূয় এবাভিবর্ধতে॥' 12-220-47 (73968)
অর্থাংস্তথাঽত্যন্তমুখাবহাংশ্চ
লিপ্সন্ত এতে বহবো বিশুষ্কাঃ।
মহত্তরং দুঃখমনুপ্রপন্না
হিৎবা সুখং মৃত্যুবশং প্রয়ান্তি॥ 12-220-48 (73969)
বিনাশিনো হ্যধ্নুবজীবিতস্য
কিং বন্ধুভির্মিত্রপরিগ্রহৈশ্চ।
বিহায় যো গচ্ছতি সর্বমেব
ক্ষণেন গৎবা ন নিবর্ততে চ॥ 12-220-49 (73970)
ভূব্যোমতোয়ানলবায়বোঽপি
সদা শরীরং প্রতিপালয়ন্তি।
ইতীদমালক্ষ্য রতিঃ কুতো ভবে
দ্বিনাশিনো হ্যস্য ন কর্ম বিদ্যতে॥ 12-220-50 (73971)
ইদমনুপধিবাক্যমচ্ছলং
পরমনিরাময়মাত্মসাক্ষিকম্।
নরপতিরভিবীক্ষ্য বিস্মিতঃ
পুনরনুয়োক্তুমিদং প্রচক্রমে॥ ॥ 12-220-51 (73972)
ইতি শ্রীমন্মহাভারতে শান্তিপর্বণি মোক্ষধর্মপর্বণি বিংশত্যধিকদ্বিশততমোঽধ্যায়ঃ॥ 220॥
Mahabharata - Shanti Parva - Chapter Footnotes
12-220-2 মহৎসুখং মোক্ষম্॥ 12-220-3 জনকো জনকবংশ্যঃ নাম্রা জনদেবঃ॥ 12-220-4 পাষণ্ডা লোকায়তাদয়স্তেষাং বাদিনঃ প্রতিভটৎবেন জেতারঃ॥ 12-220-6 কাপিলেয়ঃ কপিলায়াঃ পুত্রঃ। পরিধাবন্ একত্র বাসমকুর্বন্॥ 12-220-7 সুপর্যবসিতার্থঃ সম্যঙ্নিশ্চিতপ্রয়োজনঃ॥ 12-220-8 কামাদবসিতং যদৃচ্ছয়া স্থিতম্। নৃষু সুখং অন্বিচ্ছন্তম্। স্থাপয়িতুমিতি শেষঃ॥ 12-220-9 কপিলং তৎপ্রশিষ্যৎবাত্তত্তুল্যম্॥ 12-220-15 মনুষ্যো বয়সা বৃত ইতি ধ. পাঠঃ। ধৃত ইতি ট.থ.পাঠঃ॥ 12-220-17 ভগবান্মার্কণ্ডেয়ঃ সনৎকুমারো বা॥ 12-220-18 সামান্যং সর্বেষ্বাচার্যেষু সমবুদ্ধিম্॥ 12-220-21 কল্যায় সমর্থায়॥ 12-220-22 জাতির্জন্ম। কমং যাগাদি। সর্বং ব্রহ্মলোকান্তম্। তেষু নির্বেদঃ ক্ষয়িষ্ণুৎবাৎ॥ 12-220-23 তং মোহমব্রবীদিত পূর্বেণান্বয়ঃ॥ 12-220-25 অনাত্মা হ্যাত্মনঃ ক্লেশং জন্মমৃত্যুজরাময়ৎ ইতি ট. থ. পাঠঃ॥ 12-220-29 যত্রকুত্রাপ্যনুমানে ঈদৃশানিষ্টনিত্যাত্মান্যতমসাধকে সাধ্যসিদ্ধিং ভাবয়তঃ কৃতং অলম্। ভাবনয়ালমিত্যর্থঃ। উক্তবিধয়ানুমানস্যাপ্রমাণৎবাৎ। শরীরস্য শরীরাৎ॥ 12-220-30 রেতো ধাতুর্বটকণিকা ধৃতধূমাধিবাসনমিতি ধ. পাঠঃ। সূর্যকান্তাগ্নিমোক্ষণমিতি থ. পাঠঃ॥ 12-220-35 ব্যূঢে চ দগ্ধে চেতি ধ. পাঠঃ। অন্যোন্যাজ্জায়তে স্নেহস্তমাহুঃ সৎবসংক্ষয়মিতি ধ. পাঠঃ॥ 12-220-38 সুখিতৈঃ সুখিতো বাপি দৃষ্টো হ্যস্য বিনির্ণয় ইতি ট. থ. পাঠঃ॥শান্তিপর্ব - অধ্যায় 221
॥ শ্রীঃ ॥
12.221. অধ্যায়ঃ 221
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি অনকং প্রত্যুক্তপঞ্চশিখবাক্যানুবাদঃ॥ 1॥Mahabharata - Shanti Parva - Chapter Text
12-221-0 (73973)
`*ভীষ্ম উবাচ। 12-221-0x (6100)
জনকো নরদেবস্তু জ্ঞাপিতঃ পরমর্ষিণা।
পুনরেবানুপপ্রচ্ছ সাংপরায়ে ভবাভবৌ॥ 12-221-1 (73974)
ভগবন্যদিদং প্রেত্য সংজ্ঞা ভবতি কস্যচিৎ।
এবং সতি কিমজ্ঞানং জ্ঞানং বা কিং করিষ্যতি॥ 12-221-2 (73975)
বিবাদাদেব সিদ্ধোঽসৌ কারণস্যেব বেদনা।
চেতনো বিদ্যতে হ্যত্র হৈতুকং চ মনোগতম্॥ 12-221-3 (73976)
আগমাদেব সিদ্ধোঽসৌ স্বতাঃ সিদ্ধা ইতি শ্রুতিঃ।
বর্ততে পৃথগন্যোন্যং ন হ্যপঃশ্রিত্য কর্মসু॥ 12-221-4 (73977)
চেতনো হ্যংশবস্তত্র স্বমূর্তং ধারয়ন্ত্যতঃ।
স্বভাবং পৌরুষং কর্ম হ্যাত্মানং তমুপাশ্রিতম্।
তমাশ্রিত্য প্রবর্তন্তে দেহিনো দেহবন্ধনাঃ॥ 12-221-5 (73978)
গুণজ্ঞানমভিজ্ঞানং তস্য লিঙ্গানুশব্দয়ৎ।
পৃথিব্যাদিষু ভূতেষু তত্তদাহুর্নিদর্শনম্॥ 12-221-6 (73979)
আত্মাঽসৌ বর্ততে ভিন্নস্তত্রতত্র সমন্বিতঃ।
পরমাত্মা তথীবৈকো দেবেঽস্মিন্নিতি বৈ শ্রুতিঃ॥ 12-221-7 (73980)
আকাশং বায়ুরূষ্ভা চ স্নেহো যচ্চাপি পার্থিবম্।
যথা ত্রিধা প্রবর্তন্তে তথাঽসৌ পুরুষঃ স্মৃতঃ॥ 12-221-8 (73981)
পপস্যন্তর্হিতং যদ্বত্তদ্বদ্ব্যাপ্তং মহাত্মকম্।
পূর্বং নৈশ্চর্যযোগেন তস্মাদেতন্ন শেপবান্॥ 12-221-9 (73982)
শব্দাঃ কালঃ ক্রিয়া দেহো মমৈকস্বৈব কল্পনা।
স্বভাবং তন্ময়ং ৎবেদং মায়ারূপং তু ভেদবৎ॥ 12-221-10 (73983)
নানাখ্যং পরং শুদ্ধং নির্বিকল্পং পরাত্মকম্।
লিঙ্গাদি দেবমধ্যাস্তে জ্ঞানং দেবস্য তত্তথা॥ 12-221-11 (73984)
চিন্ময়োঽয়ং হি নাদাখ্যঃ শব্দশ্চাসৌ মনো মহান্।
গতিমানুত সংধত্তে বর্ণমত্তৎপদান্বিতম্॥ 12-221-12 (73985)
কায়ো নাস্তি চ তেষাং বৈ অবকাশস্তথা পরম্।
এতেনোঢা ইতি চাখ্যাতাঃ সর্বে তে ধর্মদূষকাঃ॥ 12-221-13 (73986)
অবন্ধনমবিজ্ঞানাজ্জ্ঞানং তদ্ভুবমব্যযম্।
নানাভেদবিকল্পনে যেষামাত্মা স্মৃতঃ সদা॥ 12-221-14 (73987)
প্রকৃতেরপরস্তেষাং বহবোঽপ্যাত্মবাদিনঃ।
বিরোধো হ্যাত্মসন্মায়াং ন তেষাং সিদ্ধ এব হি।
অন্যদা চ গৃহীতৈ-----বেদবাহ্যাস্ততঃ স্মৃতাঃ॥ 12-221-15 (73988)
একানেকাত্মকং তেষাং প্রতিষেধো হি ভেদনুৎ।
তস্মাদ্বেদস্য হৃদয়মদ্বৈধ্যমিতি বিদ্ধি তৎ॥ 12-221-16 (73989)
বেদাদৃষ্টেরয়ং লোকঃ সর্বার্থেষু প্রবর্ততে।
তস্মাচ্চ স্মৃতয়ো জাতাঃ সেতিহাসাঃ পৃথগ্বিধাঃ॥ 12-221-17 (73990)
ন যন্ন সাধ্যং তদ্ব্রহ্ম নাদিমধ্যং ন চান্তবৎ।
ইন্দ্রিয়াণি চ ভূরীণি পরা চ প্রকৃতির্মনঃ॥ 12-221-18 (73991)
আত্মা চ পরমঃ শুদ্ধঃ প্রোক্তোঽসৌ পরমঃ পুমান্॥ 12-221-19 (73992)
উৎপত্তিলক্ষণং চেদং বিপরীতমথোভয়োঃ।
যো বেত্তি প্রকৃতিং নিত্যং তথা চৈবাত্মনস্তু তাম্।
প্রদহত্যেষ কর্মাখ্যং দাবোদ্ভূত ইবানলঃ॥ 12-221-20 (73993)
চিন্মাত্রপরমঃ শুদ্ধঃ সর্বাকৃতিষু বর্ততে॥ 12-221-21 (73994)
আকাশকল্পং বিমলং নানাশক্তিসমন্বিতম্।
তাপনং সর্বভূতানাং জ্যোতিষাং মধ্যমস্থিতিম্।
দুঃখমস্তি ন নির্দুঃখং তদ্বিদ্বান্ন চ লিপ্যতি॥ 12-221-22 (73995)
অসাবশ্নাতি যদ্বত্তদ্বমরোঽশ্নাতি যন্মধু।
এবমেব মহানাত্মা নাত্মানমববুধ্যতে॥ 12-221-23 (73996)
এবংভূতস্ৎবমিত্যত্র স্বাধিতো বুদ্ধ্যতে পরম।
বুধস্য বোধনং তত্র ক্রিয়তে সদ্ভিরিত্যুত।
ন বুধস্যেতি বৈ কশ্চিন্ন তথাবচ্ছৃণুষ্ব মে॥ 12-221-24 (73997)
শোকমস্য ন গৎবা তে শাস্ত্রাণাং শাস্ত্রদস্যবঃ।
লোকং নিধ্নন্তি সংভিন্না জ্ঞাতিনোত্র বদন্ত্যুত॥ 12-221-25 (73998)
এবং তস্য বিভোঃ কৃত্যং ধাতুরস্য মহাত্মনঃ।
ক্ষমন্তি তে মহাত্মানঃ সর্বদ্বন্দ্ববিবর্জিতাঃ॥ 12-221-26 (73999)
অতোঽন্যথা মহাত্মানমন্যথা প্রতিপদ্যতে।
কিং তেন ন কৃতং পাপং চোরেণাত্মাপহারিণা॥ 12-221-27 (74000)
তস্য সংয়োগয়োগেন শুচিরপ্যশুচির্ভবেৎ।
অশুচিশ্চ শুচিশ্চাপি জ্ঞানাদ্দেহাদয়ো যথা॥ 12-221-28 (74001)
দৃশ্যং ন চৈব দৃষ্টং স্যাদ্দৃষ্টং দৃশ্যং তু নৈব চ॥ 12-221-29 (74002)
অতীতত্রিতয়াঃ সিদ্ধা জ্ঞানরূপেণ সর্বদা।
এবং ন প্রতিপদ্যন্তে রাগমোহমদান্বিতাঃ॥ 12-221-30 (74003)
বেদবাহ্যা দুরাত্মানঃ সংসারে দুঃখভাগিনঃ।
আগমানুগতজ্ঞানা বুদ্ধিয়ুক্তা ভবন্তি তে॥ 12-221-31 (74004)
বুদ্ধ্যা ভবতি বুদ্ধ্যা ৎবং যদ্বুদ্ধং চাত্মরূপবৎ।
তমস্যন্ধে ন সংদেহাৎপরং যান্তি ন সংশয়ঃ॥ 12-221-32 (74005)
নিত্যনৈমিত্তিকান্কৃৎবা পাপহানিমবাপ্য চ।
শুদ্ধসৎবা মহাত্মানো জ্ঞাননির্ধূতকল্মষাঃ॥ 12-221-33 (74006)
অসক্তাঃ পরিবর্তন্তে সংসরন্ত্যথ বায়ুবৎ।
ন যুজ্যন্তেঽথবা ক্লেশৈরহংভাবোদ্ভবৈঃ সহ॥ 12-221-34 (74007)
ইতস্ততঃ সমাহৃত্য জ্ঞানং নির্বর্ণয়ন্ত্যুত।
জ্ঞানান্বিতস্তমো হন্যাদর্কবৎস মহামতিঃ॥ 12-221-35 (74008)
এবমাত্মানমন্বীক্ষ্য নানাদুঃখসমন্বিতম্।
দেহং পঙ্কমলে মগ্নং নির্মলং পরমার্থতঃ॥ 12-221-36 (74009)
তমেবং সর্বদুঃখাত্তু মোচয়েৎপরমাত্মবান্।
ব্রহ্মচর্যব্রতোপেতঃ সর্বসঙ্গবহিষ্কৃতঃ।
লঘ্বাহারো বিশুদ্ধাত্মা পরং নির্বাণমৃচ্ছতি॥ 12-221-37 (74010)
ইন্দ্রিয়াণি মনো বায়ুঃ শোণিতং মাংসমস্থি চ।
আনুপূর্ব্যাদ্বিনশ্যন্তি স্বং ধাতুমুপয়ান্তি চ॥ 12-221-38 (74011)
কারণানুগতং কার্যং যদি তচ্চ বিনশ্যতি।
অলিঙ্গস্য কথং লিঙ্গং যুজ্যতে তন্মৃষা দৃঢম্॥ 12-221-39 (74012)
ন ৎবেব হেতবঃ সন্তি যে কেচিন্মূর্তিসংস্থিতাঃ।
অমর্ত্যস্য চ মর্ত্যেন সামান্যং নোপপদ্যতে॥ 12-221-40 (74013)
লোকদৃষ্টো যথা জাতেঃ স্বেদজঃ পুরুষঃ স্ত্রিয়াম্।
কৃতানুস্মরণাৎসিদ্ধো বেদগম্যঃ পরঃ পুমান্॥ 12-221-41 (74014)
প্রত্যক্ষানুগতো বেদো নামহেতুভিরিষ্যতে॥ 12-221-42 (74015)
যথা শাখা হি বৈ শাখা তরোঃ সংবধ্যতে তদা।
শ্রুত্যা তথাপরোপ্যাত্মা দৃশ্যতে সোঽপ্যলিঙ্গবান্।
অলিঙ্গসাধ্যং তদ্ব্রহ্ম বহবঃ সন্তি হেতবঃ॥ 12-221-43 (74016)
লোকয়াত্রাবিধানং চ দানধর্মফলাগমঃ।
তদর্থং বেদশব্দাশ্চ ব্যবহারাশ্চ লৌকিকাঃ॥ 12-221-44 (74017)
ইতি সম্যঙ্ভনস্যেতে বহবঃ সন্তি হেতবঃ।
এতদস্তীদমস্তীতি ন কিংচিৎপ্রতিদৃশ্যতে॥ 12-221-45 (74018)
তেষাং বিমৃশতামেবং তত্তৎসমভিধাবতাম্।
ক্বচিন্নিবিশতে বুদ্ধিস্তত্র জীর্যতি বৃক্ষবৎ॥ 12-221-46 (74019)
এবমর্থৈরনর্থৈশ্চ দুঃখিতাঃ সর্বজন্তবঃ।
আগমৈরপকৃষ্যন্তি হস্তিনো হস্তিপৈর্যথা॥ 12-221-47 (74020)
ন জাতু কামঃ কামামামুপভোগেন শাম্যতি।
হবিষা কৃষ্ণবর্ত্মেব ভূয় এবাভির্বধতে॥ 12-221-48 (74021)
অর্থাংস্তথাঽত্যন্তদুঃখাবহাংশ্চ
লিপ্সন্ত একে বহবো বিশুষ্কাঃ।
মহত্তরং দুঃখমভিপ্রপন্না
হিৎবা সুখং মৃত্যুবশং প্রয়ান্তি॥ 12-221-49 (74022)
বিনাশিনো হ্যধ্রুবজীবিতস্য
কিং বন্ধুভির্মন্ত্রপরিগ্রহৈশ্চ।
বিহায় যো গচ্ছতি সর্বমেব
ক্ষণেন গৎবা ন নিবর্ততে চ॥ 12-221-50 (74023)
স্বং ভূমিতোয়ানলবায়বো হি
সদা শরীরং প্রতিপালয়ন্তি।
ইতীদমালক্ষ্য কুতো রতির্ভবে
দ্বিনাশিনো হ্যস্য ন কর্ম বিদ্যতে॥ 12-221-51 (74024)
ইদমনুপধিবাক্যমচ্ছলং
পরমনিরাময়মাত্মসাক্ষিকম্।
নরপতিরনুবীক্ষ্য বিস্মিতঃ
পুনরনুয়োক্তুমিদং প্রচক্রমে॥' ॥ 12-221-52 (74025)
ইতি শ্রীমন্মহাভারতে শান্তিপর্বণি মোক্ষধর্মপর্বণি একবিংশত্যধিকদ্বিশততমোঽধ্যায়ঃ॥ 221॥
Mahabharata - Shanti Parva - Chapter Footnotes
* অয়মধ্যাবো ব. পুস্তকএব দৃশ্যতে।শান্তিপর্ব - অধ্যায় 222
॥ শ্রীঃ ॥
12.222. অধ্যায়ঃ 222
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জনকায় পঞ্চশিখোক্তসাংপরায়িকভাবাদিপ্রতিপাদকবাক্যানুবাদঃ॥ 1॥Mahabharata - Shanti Parva - Chapter Text
12-222-0 (74026)
ভীষ্ম উবাচ। 12-222-0x (6101)
জনকো নরদেবস্তু জ্ঞাপিতঃ পরমর্ষিণা।
পুনরেবানুপপ্রচ্ছ সাংপরায়ে ভবাভবৌ॥ 12-222-1 (74027)
জনক উবাচ। 12-222-2x (6102)
ভগবন্যদি ন প্রেত্য সংজ্ঞা ভবতি কস্যচিৎ।
এবং সতি কিমজ্ঞানং জ্ঞানং বা কিং করিষ্যতি॥ 12-222-2 (74028)
সর্বমুচ্ছেদনিষ্ঠং স্যাৎপশ্য চৈতদ্দ্বিজোত্তম।
অপ্রমত্তঃ প্রমত্তো বা কিং বিশেষং করিষ্যতি॥ 12-222-3 (74029)
অসংসর্গো হি ভূতেষু সংসর্গো বা বিনাশিষু।
কস্মৈ ক্রিয়েত তৎবেন নিশ্চয়ঃ কোঽত্র তত্ৎবতঃ॥ 12-222-4 (74030)
ভীষ্ম উবাচ। 12-222-5x (6103)
তমসা হি প্রতিচ্ছন্নং বিভ্রান্তমিব চাতুরম্।
পুনঃ প্রশময়ন্বাক্যৈঃ কবিঃ পঞ্চশিখোঽব্রবীৎ॥ 12-222-5 (74031)
উচ্ছেদনিষ্ঠা নেহাস্তি ভা নিষ্ঠা ন বিদ্যতে।
অয়ং হ্যপি সমাহারঃ শরীরেন্দ্রিয়চেতসাম্।
বর্ততে পৃথগন্যোন্যমপ্যপাশ্রিত্য কর্মসু॥ 12-222-6 (74032)
ধাবতঃ পঞ্চ তেষাং তু খং বায়ুর্জ্যোতিরম্বু ভূঃ।
তে স্বভাবেন তিষ্ঠন্তি বিয়ুজ্যন্তে স্বভাবতঃ॥ 12-222-7 (74033)
আকাশো বায়ুরূষ্মা চ স্নেহো যশ্চাপি পার্থিবঃ।
এষ পঞ্চসমাহারঃ শরীরমপি নৈকধা॥ 12-222-8 (74034)
`অহং বাচ্যং দ্বিজানাং যদ্বিশিষ্টং বুদ্ধিরূপবৎ।
বাচামগোচরং নিত্যং জ্ঞেয়মেবং ভবিষ্যতি॥ 12-222-9 (74035)
জ্ঞানং জ্ঞেয়ং তথা জ্ঞানং ত্রিবিধং জ্ঞানমুচ্যতে।'
জ্ঞানমূষ্মা চ বায়ুশ্চ ত্রিবিধঃ কর্মসংগ্রহঃ॥ 12-222-10 (74036)
ইন্দ্রিয়াণীন্দ্রিয়ার্থাশ্চ স্বভাবশ্চেতনা মনঃ।
প্রাণাপানৌ বিকারশ্চ ধাতবশ্চাত্র নিঃসৃতাঃ॥ 12-222-11 (74037)
`প্রাণাদয়স্তথা স্পর্শা ন সংবাধগতাস্তথা।
পুত্রাধীনং ভবিষ্যেত চিন্মাত্রঃ স পরঃ পুমান্॥ 12-222-12 (74038)
শ্রবণং স্পর্শনং জিহ্বা দৃষ্টির্নাসা তথৈব চ।
ইন্দ্রিয়াণীতি পঞ্চৈতে চিত্তপূর্বগমা গুণাঃ॥ 12-222-13 (74039)
তত্র বিজ্ঞানসংয়ুক্তা ত্রিবিধা চেতনা ধ্রুবা।
সুখদুঃখেতি যামাহুরদুঃখেত্যসুখেতি চ॥ 12-222-14 (74040)
শব্দঃ স্পর্শশ্চ রূপং চ রসো গন্ধশ্চ মূর্তয়ঃ।
এতে হ্যামরণাৎপঞ্চ ষঙ্গুণা জ্ঞানসিদ্ধয়ে॥ 12-222-15 (74041)
তেষু কর্মবিসর্গশ্চ সর্বতৎবার্থনিশ্চয়ঃ।
তমাহুঃ পরমং শুক্রং `পারে চ রজসঃ প্রভুম্॥ 12-222-16 (74042)
বিরাগাদ্বর্ততে তস্মিন্মতো রজসি নিত্যগম্।
তস্মিন্প্রসন্নে সংপশ্যে' দ্বুদ্ধিরিত্যব্যযং মহৎ॥ 12-222-17 (74043)
ইমং গুণসমাহারমাত্মভাবেন পশ্যতঃ।
অসম্যদ্গর্শিনো দুঃখমনন্তং নোপশাম্যতি॥ 12-222-18 (74044)
`তস্মাদেতেষু মেধাবী ন প্রসজ্যেত বুদ্ধিমান্।'
অনাত্মেতি চ যদ্দৃষ্টং তন্নাহং ন মমেত্যপি।
বর্ততে কিমধিষ্ঠানা প্রসক্তা দুঃখসংততিঃ॥ 12-222-19 (74045)
যত্র সম্যঙ্ভনো নাম ত্যাগমাত্রমনুত্তমম্।
শৃণু যত্তব মোক্ষায় ভাষ্যমাণং ভবিষ্যতি॥ 12-222-20 (74046)
ত্যাগ এব হি সর্বেষাং যুক্তানামপি কর্মণাম্।
নিত্যদুঃখবিনীতানাং শ্লেষো দুঃখবহো হতঃ॥ 12-222-21 (74047)
দ্রব্যত্যাগে তু কর্মাণি ভোগত্যাগে ব্রতান্যপি।
সুখত্যাগে তপোয়োগং সর্বত্যাগে সমাপনা॥ 12-222-22 (74048)
তস্য মার্গোঽয়মদ্বৈধঃ সর্বত্যাগস্য দর্শিতঃ।
বিপ্রহাণায় দুঃখস্য দুর্গতিস্ৎবন্যথা ভবেৎ॥ 12-222-23 (74049)
`শেতে জরামৃত্যুভয়ৈর্বিমুক্তঃ
ক্ষীণে পুণ্যে বিগতে চ পাপে।
তপোনিমিত্তে বিগতে চ নিষ্ঠে
ফলে যথাঽঽকাশমলিঙ্গ এব॥' 12-222-24 (74050)
পঞ্চজ্ঞানেন্দ্রিয়াণ্যুক্ৎবা মনঃষষ্ঠানি চেতসি।
মনঃষষ্ঠানি বক্ষ্যামি পঞ্চকর্মেন্দ্রিয়াণি তু॥ 12-222-25 (74051)
হস্তৌ কর্মেন্দ্রিয়ং জ্ঞেয়মথ পাদৌ গতীন্দ্রিয়ম্।
প্রজনানন্দয়োঃ শেফো নিসর্গে পায়ুরিন্দ্রিয়ম্॥ 12-222-26 (74052)
বাক্চ শব্দবিশেষার্থং গতিং পঞ্চান্বিতাং বিদুঃ।
এবমেকাদশৈতানি বুদ্ধ্যা তূপহতং মনঃ॥ 12-222-27 (74053)
কর্ণৌ শব্দশ্চ চিত্তং চ ত্রয়ঃ শ্রবণসংগ্রহে।
তথা স্পর্শে তথা রূপে তথৈব রসগন্ধয়োঃ॥ 12-222-28 (74054)
এবং পঞ্চত্রিকা হ্যেতে গুণাস্তদুপলব্ধয়ে।
যেনায়ং ত্রিবিধো ভাবঃ পর্যায়াৎসমুংপস্থিতঃ॥ 12-222-29 (74055)
সাৎবিকো রাজসশ্চাপি তামসশ্চাপি তে ত্রয়ঃ।
ত্রিবিধা বেদনা যেষু প্রসূতাঃ সর্বসাধনাঃ॥ 12-222-30 (74056)
প্রহর্ষঃ প্রীতিরানন্দঃ সুখং সংশান্তচিত্ততা।
অকুতশ্চিৎকুতশ্চিদ্বা চিন্তিতঃ সাৎবিকো গুণঃ॥ 12-222-31 (74057)
অতুষ্টিঃ পরিতাপশ্চ শোকো লোভস্তথাঽক্ষমা।
লিঙ্গানি রজসস্তানি দৃশ্যন্তে হেৎবহেতুতঃ॥ 12-222-32 (74058)
অবিবেকস্তথা মোহঃ প্রমাদঃ স্বপ্নতন্দ্রিতা।
কথংচিদপি বর্তন্তে বিবিধাস্তামসা গুণাঃ॥ 12-222-33 (74059)
তত্র যৎপ্রীতিসংয়ুক্তং কায়ে মনসি বা ভবেৎ।
বর্ততে সাৎবিকো ভাব ইত্যপেক্ষেত তত্তথা॥ 12-222-34 (74060)
যত্তু সন্তাপসংয়ুক্তমপ্রীতিকরমাত্মনঃ।
প্রবৃত্তং রজ ইত্যেবং ততস্তদপি চিন্তয়েৎ॥ 12-222-35 (74061)
অথ যন্মোহসংয়ুক্তং কায়ে মনসি বা ভবেৎ।
অপ্রতর্ক্যমবিজ্ঞেয়ং তমস্তদুপধারয়েৎ॥ 12-222-36 (74062)
শ্রোত্রং ব্যোমাশ্রিতং ভূতং শব্দঃ শ্রোত্রং সমাশ্রিতঃ।
নোভয়ং শব্দবিজ্ঞানে বিজ্ঞানস্তেতরস্য বা॥ 12-222-37 (74063)
এবং ৎবক্চক্ষুষী জিহ্বা নাসিকা চেতি পঞ্চমী।
স্পর্শে রূপে রসে গন্ধে তানি চেতো মনশ্চ তৎ॥ 12-222-38 (74064)
স্বকর্ময়ুগপদ্ভাবো দশস্বেতেষু তিষ্ঠতি।
চিত্তমেকাদশং বিদ্ধি বুদ্ধির্দ্বাদশমী ভবেৎ॥ 12-222-39 (74065)
তেষাময়ুগপদ্ভাব উচ্ছেদো নাস্তি তামসঃ।
আস্থিতো যুগপদ্ভাবে ব্যবহারঃ স লৌকিকঃ॥ 12-222-40 (74066)
ইন্দ্রিয়াণ্যুপসৃত্যাপি দৃষ্ট্বা পূর্বং শ্রুতাগমাৎ।
চিন্তয়ন্ননুপর্যেতি ত্রিভিরেবান্বিতো গুণৈঃ॥ 12-222-41 (74067)
যত্তমোপহতং চিত্তমাশুসংচারমধ্রুবম্।
করোত্যুপরমং কায়ে তদাহুস্তামসং সুখম্॥ 12-222-42 (74068)
যদ্যদাগমসংয়ুক্তং ন কৃচ্ছ্রাদুপশাম্যতি।
অথ তত্রাপ্যুপাদত্তে তমো ব্যক্তমিবানৃতম্॥ 12-222-43 (74069)
এবমেব প্রসঙ্খ্যাতঃ স্বকর্মপ্রত্যযো গুণঃ।
কথংচিদ্বর্ততে সম্যক্কেষাংচিদ্বা নিবর্ততে॥ 12-222-44 (74070)
`অহমিত্যেষ বৈ ভাবো নান্যত্র প্রতিতিষ্ঠতি।
যস্য ভাবো দৃঢো নিত্যং স বৈ বিদ্বাংস্তথেতরঃ॥ 12-222-45 (74071)
দেহধর্মস্তথা নিত্যং সর্বভূতেষু বৈ দৃঢঃ।
এতেনৈবানুমানেন ত্যাজ্যো ধর্মস্তথা হ্যসৌ॥ 12-222-46 (74072)
জ্ঞানেন মুচ্যতে জন্তুর্ধর্মাত্মা জ্ঞানবান্ভবেৎ।
ধর্মেণ ধার্যতে লোকঃ সর্বং ধর্মে প্রতিষ্ঠিতম্॥ 12-222-47 (74073)
সর্বার্থজনকশ্চৈব ধর্মঃ সর্বস্য কারণম্।
সর্বো হি দৃশ্যতে লোকে ন সর্বার্থঃ কথংচন॥ 12-222-48 (74074)
সর্বত্যাগে কৃতে তস্মাৎপরমাত্মা প্রসীদতি।
ব্যক্তাদব্যক্তমতুলং লোকেষু পরিবর্ততে॥' 12-222-49 (74075)
এতদাহুঃ সমাহারং ক্ষেত্রমধ্যাত্মচিন্তকাঃ।
স্থিতো মনসি যো ভাবঃ স বৈ ক্ষেত্রজ্ঞ উচ্যতে॥ 12-222-50 (74076)
এবং সতি ক উচ্ছেদঃ শাশ্বতো বা কথং ভবেৎ।
স্বভাবাদ্বর্তমানেষু সর্বভূতেষু হেতুষু॥ 12-222-51 (74077)
যথার্ণবগতা নদ্যো ব্যক্তীর্জহতি নাম চ।
নতু স্বতাং নিয়চ্ছন্তি তাদৃশঃ সৎবসংক্ষয়ঃ॥ 12-222-52 (74078)
এবং সতি কুতঃ সংজ্ঞা প্রেত্যভাবে পুনর্ভবেৎ।
প্রতিসংমিশ্রিতে জীবে গৃহ্যমাণে চ সর্বতঃ॥ 12-222-53 (74079)
ইমাং চ যো বেদ বিমোক্ষবুদ্ধি
মাত্মানমন্বিচ্ছতি চাপ্রমত্তঃ।
ন লিপ্যতে কর্মফলৈরনিষ্টৈঃ
পত্রং বিসস্যেব জলেন সিক্তম্॥ 12-222-54 (74080)
দৃঢৈর্হি পাশৈর্বহুভির্বিমুক্তঃ
প্রজানিমিত্তৈরপি দৈবতৈশ্চ।
যদা হ্যসৌ সুখদুঃখে জহাতি
মুক্তস্তদাগ্র্যাং গতিমেত্যলিঙ্গঃ॥ 12-222-55 (74081)
শ্রুতিপ্রমাণাগমমঙ্গলৈশ্চ
শেতে জরামৃত্যুভয়াদভীতঃ।
ক্ষীণে চ পুণ্যে বিগতে চ পাপে
ততো নিমিত্তে চ ফলে বিনষ্টে।
অলেপমাকাশমলিঙ্গমেব
মাস্থায় পশ্যন্তি মহত্যসক্তাঃ॥ 12-222-56 (74082)
যথোর্ণনাভিঃ পরিবর্তমান
স্তন্তুক্ষয়ে তিষ্ঠতি পাত্যমানঃ।
তথা বিমুক্তঃ প্রজহাতি দুঃখং
বিধ্বংসতে লোষ্ঠ ইবাদ্রিমৃচ্ছন্॥ 12-222-57 (74083)
যথা রুরুঃ শৃঙ্গমথো পুরাণং
হিৎবা ৎবচং বাঽপ্যুরগো যথা চ।
বিহায় গচ্ছত্যনবেক্ষমাণ
স্তথা বিমুক্তো বিজহাতি দুঃখম্॥ 12-222-58 (74084)
দ্রুমং যথাবাঽপ্যুদকৈ পতন্ত
মুৎসৃজ্য পক্ষী নিপতত্যসক্তঃ।
তথা হ্যসৌ সুখদুঃখে বিহায়
মুক্তঃ পরাদ্ধর্যাং গতিমেত্যলিঙ্গঃ॥ 12-222-59 (74085)
`ইমান্স্বলোকাননুপশ্য সর্বা
ন্ব্রজন্যথাঽঽকাশমিবাপ্নুকামঃ।
ইমাং হি গাথাং প্রলপন্যথাঽস্তি
সমস্তসঙ্কল্পবিশেষমুক্তঃ।
অহং হি সর্বং কিল সর্বভাবে
হ্যহং তদন্তর্হ্যহমেব ভোক্তা॥' 12-222-60 (74086)
অপিচ ভবতি মৈথিলেন গীতং
নগরমুপাহিতমগ্নিনাঽভিবীক্ষ্য।
ন খলু মম তুষোঽপি দহ্যতেঽত্র
স্বয়মিদমাহ কিল স্ম ভূমিপালঃ॥ 12-222-61 (74087)
ভীষ্ম উবাচ। 12-222-62x (6104)
ইদমমৃতপদং বিদেহরাজা
স্বয়মিহ পঞ্চশিখেন ভাষ্যমাণম্।
নিখিলমভিসমীক্ষ্য নিশ্চিতার্থঃ
পরমসুখী বিজহার বীতশোকঃ॥ 12-222-62 (74088)
ইমং হি যঃ পঠতি বিমোক্ষনিশ্চয়ং
মহীপতে সততমবেক্ষতে তথা।
উপদ্রবান্নানুভবত্যদুঃখিতঃ
প্রমুচ্যতে কপিলমিবৈত্য মৈথিলঃ॥ ॥ 12-222-63 (74089)
ইতি শ্রীমন্মহাভারতে শান্তিপর্বণি মোশ্রধর্মপর্বণি দ্বাবিংশত্যধিকদ্বিশততমোঽধ্যায়ঃ॥ 222॥
Mahabharata - Shanti Parva - Chapter Footnotes
12-222-2 ভগবন্যবিদং প্রোক্তং ইতি ট. ড. থ. পাঠঃ॥ 12-222-3 পঞ্চৎবে তদ্দ্বিজোত্তমেতি ধ. পাঠঃ॥ 12-222-6 উচ্ছেদনিষ্ঠা দেহেঽস্তি ইতি ট. থ. পাঠঃ॥ 12-222-13 চিত্তরূপং গমা গুণাঃ ইতি ধ. পাঠঃ॥ 12-222-15 গন্ধশ্চ পঞ্চমঃ ইতি ড. পাঠঃ। আমরণাদ্যুক্তা ইতি ট. ড. থ. পাঠঃ॥ 12-222-20 তত্তু সম্যঙ্ভাতং নাম স্যাগশাস্ত্রমনুত্তমমিতি ট. ড. থ. পাঠঃ। অত্র সম্যগ্বধো নাম ত্যাগশাস্ত্রমনুত্তমমিতি ঝ. পাঠঃ॥ 12-222-21 নিত্যং মিথ্যা বিনীতানাং ক্লেশো দুঃখবহো মতঃ ইতি ঝ. পাঠঃ॥ 12-222-22 সর্বশাস্ত্রতাৎপর্যং ত্যাগে এবেত্যাহ দ্রব্যেতি। দ্রব্যাদিত্যাগনিমিত্তং যজ্ঞকর্মাদীন্যুপদিশন্তীতি শেষঃ। সর্বত্যাগনিমিত্তং যোগমুপদিশন্তি। যতঃ সা ত্যাগস্য সমাপনা সমাপ্তিঃ পরাকাষ্ঠেত্যর্থঃ॥ 12-222-27 বুচ্দ্যাশু বিসৃজেন্মনঃ ইতি ঝ. পাঠঃ॥ 12-222-34 ইত্যুপেক্ষেত তং তথা ইতি ড. ধ. পাঠঃ॥ 12-222-35 যত্ৎবসন্তোষসংয়ুক্তং ইতি ঝ. পাঠঃ॥ 12-222-40 উচ্ছেদো নাস্তি মানসঃ ইতি ড. থ. পাঠঃ। তামসে ইতি ঝ. পাঠঃ॥ 12-222-41 ইন্দ্রিয়াণ্যপি সূক্ষ্মাণি ইতি ঝ. পাঠঃ॥ 12-222-42 তামসং গুণং ইতি ট. ড. পাঠঃ। তামসং বুধাঃ ইতি ঝ. পাঠঃ॥ 12-222-43 ন কৃচ্ছ্রমনুপশ্যতি ইতি ঝ. পাঠঃ॥ 12-222-52 নদাশ্চ তানি যচ্ছন্তি ইতি ঝ. পাঠঃ॥ 12-222-58 রুরুর্মৃগভেদঃ॥ 12-222-59 পরার্দ্ভ্যাং শ্রেষ্ঠাম্॥ 12-222-63 অবেক্ষতে অর্থতঃ পর্যালোচয়তি। কপিলং কপিলপ্রশিষ্যং পঞ্চশিখম্॥শান্তিপর্ব - অধ্যায় 223
॥ শ্রীঃ ॥
12.223. অধ্যায়ঃ 223
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জনকোপাখ্যানকথনম্॥ 1॥Mahabharata - Shanti Parva - Chapter Text
12-223-0 (74090)
`* যুধিষ্ঠির উবাচ। 12-223-0x (6105)
কিং কারণং মহাপ্রাজ্ঞ দহ্যমানশ্চ মৈথিলঃ।
মিথিলাং নেহ ধর্মাত্মা প্রাহ বীক্ষ্য বিদাহিতাম্॥ 12-223-1 (74091)
ভীষ্ম উবাচ। 12-223-2x (6106)
শ্রৃয়তাং নৃপশার্দূল যদর্থং দীপিতা পুরা।
বহ্নিনা দীপিতা সা তু তন্মে শৃণু মহামতে॥ 12-223-2 (74092)
জনকো জনদেবস্তু কর্মাণ্যাধ্যায় চাত্মনি।
সর্বভাবমনুপ্রাপ্য ভাবেন বিচচার সঃ॥ 12-223-3 (74093)
যজন্দদংস্তথা জুহ্বন্পালয়ন্পৃথিবীমিমাম্।
অধ্যাত্মবিন্মহাপ্রাজ্ঞস্তন্ময়ৎবেন নিষ্ঠিতঃ॥ 12-223-4 (74094)
স তস্য হৃদি সংকল্পং জ্ঞাতুমৈচ্ছৎস্বয়ং প্রভুঃ।
সর্বলোকাধিপস্তত্র দ্বিজরূপেণ সংয়ুতঃ॥ 12-223-5 (74095)
মিথিলায়াং মহাবুদ্ধির্ব্যলীকং কিংচিদাচরন্।
স গৃহীৎবা দ্বিজশ্রেষ্ঠৈর্নৃপায় প্রতিবেদিতঃ॥ 12-223-6 (74096)
অপরাধং সমুদ্দিশ্য তং রাজা প্রত্যভাষত।
ন ৎবাং ব্রাহ্মণ দণ্ডেন নিয়োক্ষ্যামি কথংচন॥ 12-223-7 (74097)
মম রাজ্যাদ্বিনির্গচ্ছ যাবৎসীমা ভুবো মম।
তচ্ছ্রুৎবা ব্রাহ্মণো গৎবা রাজানং প্রত্যুবাচ হ॥ 12-223-8 (74098)
করিষ্যে বচনং রাজন্ব্রবীহি মম জানতঃ।
কা সীমা তব ভূমেস্তু ব্রূহি ধর্মং মমাদ্য বৈ॥ 12-223-9 (74099)
তচ্ছ্রুৎবা মৈথিলো রাজা লজ্জয়াবনতাননঃ।
নোবাচ বচনং বিপ্রং তৎববুদ্ধ্যা সমীক্ষ্য তৎ॥ 12-223-10 (74100)
পুনঃপুনশ্চ তং বিপ্রশ্চোদয়ামাস সৎবরম্।
ব্রূহি রাজেন্দ্র গচ্ছামি তব রাজ্যা দ্বিবাসিতঃ॥ 12-223-11 (74101)
ততো নৃপো বিচার্যৈবমাহ ব্রাহ্মণপুঙ্গবম্।
আবাসো বা ন মেঽস্ত্যত্র সর্বা বা পৃথিবী মম।
গচ্ছ বা তিষ্ঠ বা ব্রহ্মন্নিতি মে নিশ্চিতা মতিঃ॥ 12-223-12 (74102)
ইত্যুক্তঃ স তথা তেন মৈথিলেন দ্বিজোত্তমঃ।
অব্রবীত্তং মহাত্মানং রাজানং মন্ত্রিভির্বৃতম্॥ 12-223-13 (74103)
ৎবমেবং পদ্মনাভস্য নিত্যং পক্ষপদাহিতঃ।
অহো সিদ্ধার্থরূপোঽসি গমিষ্যে স্বস্তি তেঽস্তু বৈ॥ 12-223-14 (74104)
ইত্যুক্ৎবা প্রয়যৌ বিপ্রস্তজ্জিজ্ঞাসুর্দ্বিজোত্তমান্।
অদহচ্চাগ্নিনা তস্য মিথিলাং ভগবান্স্বয়ম্॥ 12-223-15 (74105)
প্রদীপ্যমানাং মিথিলাং দৃষ্ট্বা রাজা ন কম্পিতঃ।
জনৈঃ স পরিপৃষ্টস্তু বাক্যমেতদুবাচ হ॥ 12-223-16 (74106)
অনন্তং বত মে বিত্তং ভাব্যং মে নাস্তি কিংচন।
মিথিলায়াং প্রদীপ্তায়াং ন মে কিংচন দহ্যতে॥ 12-223-17 (74107)
তদস্য ভাষমাণস্য শ্রুৎবা শ্রুৎবা হৃদি স্থিতম্।
পুনঃ সংজীবয়ামাস মিথিলাং তাং দ্বিজোত্তমঃ॥ 12-223-18 (74108)
আত্মানং দর্শয়ামাস বরং চাস্নৈ দদ্রৌ পুনঃ।
ধর্মে তিষ্ঠস্ব সদ্ভাবো বুদ্ধিস্তেঽর্থে নরাধিপ॥ 12-223-19 (74109)
সত্যে তিষ্ঠস্ব নির্বিণ্ণঃ স্বস্তি তেঽস্তু ব্রজাম্যহম্।
ইত্যুক্ৎবা ভগবাংশ্চৈনং তত্রৈবান্তরধীয়ত।
এতত্তে কথিতং রাজন্কিং ভূয়ঃ শ্রোতুমিচ্ছসি॥' ॥ 12-223-20 (74110)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রয়োবিংশত্যধিকদ্বিশততমোঽধ্যায়ঃ॥ 223॥
Mahabharata - Shanti Parva - Chapter Footnotes
* 223, 223 এতদধ্যায়দ্বয়ং ধ. পুস্তকএব দৃশ্যতে।শান্তিপর্ব - অধ্যায় 224
॥ শ্রীঃ ॥
12.224. অধ্যায়ঃ 224
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি গার্হস্থ্যে স্থিতস্যাপি ভগবদুপাসকস্য জ্ঞানিনঃ পুরুষার্থসিদ্ধৌ দৃষ্টান্ততয়া সুবর্চলাশ্বেতকেতূপাখ্যানকথনম্॥ 1॥Mahabharata - Shanti Parva - Chapter Text
12-224-0 (74111)
`যুধিষ্ঠির উবাচ। 12-224-0x (6107)
অস্তি কশ্চিদ্যদি বিভো সদারো নিয়তো গৃহে।
অতীতসর্বসংসারঃ সর্বদ্বন্দ্ববিবর্জিতঃ।
তং মে ব্রূহি মহাপ্রাজ্ঞ দুর্লভঃ পুরুষো মহান্॥ 12-224-1 (74112)
ভীষ্ম উবাচ। 12-224-2x (6108)
শৃণু রাজন্যথাবৃত্তং যন্মাং ৎবং পৃষ্টবানসি।
ইতিহাসমিমং শুদ্ধং সংসারভয়ভেষজম্॥ 12-224-2 (74113)
দেবলো নাম বিপ্রর্ষিঃ সর্বশাস্ত্রার্থকোবিদঃ।
ক্রিয়াবান্ধার্মিকো নিত্যং দেবব্রাহ্মণপূজকঃ॥ 12-224-3 (74114)
সুতা সুবর্চলা নাম তস্য কল্যাণলক্ষণা।
নাতিহ্রস্বা নাতিকৃশা নাতিদীর্ঘা যশস্বিনী।
প্রদানসময়ং প্রাপ্তা পিতা তস্য হ্যচিন্তয়ৎ॥ 12-224-4 (74115)
অস্যাঃ পতিঃ কুতো বেতি ব্রাহ্মণঃ শ্রোত্রিয়ঃ পরঃ।
বিদ্বান্বিপ্রো হ্যকুটুম্বঃ প্রিয়বাদী মহাতপাঃ॥ 12-224-5 (74116)
ইত্যেবং চিন্তয়ানং তং রহস্যাহ সুবর্চলা॥ 12-224-6 (74117)
অন্ধায় মাং মহাপ্রাজ্ঞ দেহ্যনন্ধায় বৈ পিতঃ।
এবং স্মর সদা বিদ্বন্মমেদং প্রার্থিতং মুনে॥ 12-224-7 (74118)
পিতোবাচ। 12-224-8x (6109)
ন শক্যং প্রার্থিতং বৎসে ৎবয়াঽদ্য প্রতিভাতি মে।
অন্ধতানন্ধতা চেতি বিকারো মম জায়তে॥ 12-224-8 (74119)
উন্মত্তেবাশুভং বাক্যং ভাষসে শুভলোচনে॥ 12-224-9 (74120)
সুবর্চলোবাচ। 12-224-10x (6110)
নাহমুন্মত্তভূতাঽদ্য বুদ্ধিপূর্বং ব্রবীমি তে।
বিদ্যতে চেৎপতিস্তাদৃক্স মাং ভরতি বেদবিৎ॥ 12-224-10 (74121)
যেভ্যস্ৎবং মন্যসে দাতুং মামিহানয় তান্দ্বিজান্।
তাদৃশং তং পতিং তেষু বরয়িষ্যে যথাতথম্॥ 12-224-11 (74122)
ভীষ্ম উবাচ। 12-224-12x (6111)
তথেতি চোক্ৎবা তাং কন্যামৃষিঃ শিষ্যানুবাচ হ।
ব্রাহ্মণান্বেদসংপন্নান্যোনিগোত্রবিশোধিতান্॥ 12-224-12 (74123)
মাতৃতঃ পিতৃতঃ শুদ্ধাঞ্শুদ্ধানাচারতঃ শুভান্।
অরোগান্বুদ্ধিসংপন্নাঞ্শীলসৎবগুণান্বিতান্॥ 12-224-13 (74124)
অসংকীর্ণাংশ্চ গোত্রেষু বেদব্রতসমন্বিতান্।
ব্রাহ্মণান্স্নাতকাঞ্শীঘ্রং মাতাপিতৃসমন্বিতান্।
নিবেষ্টুকামান্কন্যাং মে দৃষ্ট্বাঽঽনয়ত শিষ্যকাঃ॥ 12-224-14 (74125)
তচ্ছ্রুৎবা ৎবরিতাঃ শিষ্যা হ্যাশ্রমেষু ততস্ততঃ।
গ্রামেষু চ ততো গৎবা ব্রাহ্মণেভ্যো ন্যবেদয়ন্॥ 12-224-15 (74126)
ঋষেঃ প্রভাবং মৎবা তে কন্যায়াশ্চ দ্বিজোত্তমাঃ।
অনেকমুনয়ো রাজন্সংপ্রাপ্তা দেবলাশ্রমম্॥ 12-224-16 (74127)
অনুমান্য যথান্যায়ং মুনীন্মুনিকুমারকান্।
অভ্যর্চ্য বিধিবত্তত্র কন্যামাহ পিতা মহান্॥ 12-224-17 (74128)
এতেঽপি মুনয়ো বৎসে স্বপুত্রৈকমতা ইহ।
বেদবেদাঙ্গসংপন্নাঃ কুলীনাঃ শীলসংমতাঃ॥ 12-224-18 (74129)
যেঽমী তেষু বরং ভদ্রে ৎবমিচ্ছসি মহাব্রতম্।
তং কুমারং বৃণীষ্বাদ্য তস্মৈ দাস্যাম্যহং শুভে॥ 12-224-19 (74130)
তথেতি চোক্ৎবা কল্যাণী তপ্তহেমনিভা তদা।
সর্বলক্ষণসংপন্না বাক্যমাহ যশস্বিনী॥ 12-224-20 (74131)
বিপ্রাণাং সমিতীর্দৃষ্ট্বা প্রণিপত্য তপোধনান্।
যদ্যস্তি সমিতৌ বিপ্রো হ্যন্ধোঽনন্ধঃ স মে বরঃ॥ 12-224-21 (74132)
তচ্ছ্রুৎবা মুনয়স্তত্র বীক্ষমাণাঃ পরস্পরম্।
নোচুর্বিপ্রা মহাভাগাঃ কন্যাং মৎবা হ্যবেদিকাং॥ 12-224-22 (74133)
কুৎসয়িৎবা মুনিং তত্র মনসা মুনিসত্তমাঃ।
যথাগতং যয়ুঃ ক্রুদ্ধা নানাদেশনিবাসিনঃ॥ 12-224-23 (74134)
কন্যা চ সংস্থিতা তত্র পিতৃবেশ্মনি ভামিনী॥ 12-224-24 (74135)
ততঃ কদাচিদ্ব্রহ্মণ্যো বিদ্বান্ন্যায়বিশারদঃ।
ঊহাপোহবিধানজ্ঞো ব্রহ্মচর্যসমন্বিতঃ॥ 12-224-25 (74136)
বেদবিদ্বেদতৎবজ্ঞঃ ক্রিয়াকল্পবিশারদঃ।
আত্মতৎববিভাগজ্ঞঃ পিতৃমান্গুণসাগরঃ॥ 12-224-26 (74137)
শ্বেতকেতুরিতি খ্যাতঃ শ্রুৎবা বৃত্তান্তমাদরাৎ।
কন্যার্থং দেবলং চাপি শীঘ্রং তত্রাগতোঽভবৎ॥ 12-224-27 (74138)
উদ্দালকসুতং দৃষ্ট্বা শ্বেতকেতুং মহাব্রতম্।
যথান্যায়ং চ সংপূজ্য দেবলঃ প্রত্যভাষত॥ 12-224-28 (74139)
কন্যে এষ মহাভাগে প্রাপ্তো ঋষিকুমারকঃ।
বরয়ৈনং মহাপ্রাজ্ঞং বেদবেদাঙ্গপারগম্॥ 12-224-29 (74140)
তচ্ছ্রুৎবা কুপিতা কন্যা ঋষিপুত্রমুদৈক্ষত।
তাং কন্যামাহ বিপ্রর্ষিঃ সোঽহং ভদ্রে সমাগতঃ॥ 12-224-30 (74141)
অন্ধোঽহমত্র তৎবং হি তথা মন্যে চ সর্বদা।
বিশালনয়নং বিদ্ধি তথা মাং হীনসংশয়ম্।
বৃণীষ্ব মাং বরারোহে ভজে চ ৎবামনিন্দিতে॥ 12-224-31 (74142)
যেনেদং বীক্ষতে নিত্যং বৃণোতি স্পৃশতেঽথবা।
ঘ্রায়তে বক্তি সততং যেনেদং সার্যতে পুনঃ॥ 12-224-32 (74143)
যেনেদং মন্যতে তৎবং যেন বুধ্যতি বা পুনঃ।
ন চক্ষুর্বিদ্যতে হ্যেতৎস বৈ ভূতান্ধ উচ্যতে॥ 12-224-33 (74144)
যস্মিন্প্রবর্ততে চেদং পশ্যঞ্ছৃণ্বন্স্পৃশন্নপি।
জিঘ্রংশ্চ রসয়ংস্তদ্বদ্বর্ততে যেন চক্ষুষা॥ 12-224-34 (74145)
তন্মে নাস্তি ততো হ্যন্ধো বৃণু ভদ্রেঽদ্য মামতঃ।
লোকদৃষ্ট্যা করোমীহ নিত্যনৈমিত্তিকাদিকম্॥ 12-224-35 (74146)
আত্মদৃষ্ট্যা চ তৎসর্বং বিলিপ্যাসি চ নিত্যশঃ।
স্থিতোঽহং নির্ভরঃ শান্তঃ কার্যকারণভাবনঃ॥ 12-224-36 (74147)
অবিদ্যযা তরন্মৃত্যুং বিদ্যযা তং তথাঽমৃতম্।
যথাপ্রাপ্তং তু সংদৃশ্য বসামীহ বিমৎসরঃ।
ক্রীতে ব্যবসিতং ভদ্রে ভর্তাঽহং তে বৃণীষ্ব মাম্॥ 12-224-37 (74148)
ভীষ্ম উবাচ। 12-224-38x (6112)
ততঃ সুবর্চলা দৃষ্ট্বা প্রাহ তং দ্বিজসত্তমম্।
মনসাঽসি বৃতো বিদ্বঞ্শেষকর্তা পিতা মম।
বৃণীষ্ব পিতরং মহ্যমেষ বেদবিধিক্রমঃ॥ 12-224-38 (74149)
তদ্বিজ্ঞায় পিতা তস্যা দেবলো মুনিসত্তমঃ।
শ্বেতকেতুং চ সংপূজ্য তথৈবোদ্দালকেন তম্॥ 12-224-39 (74150)
মুনীনামগ্রতঃ কন্যাং প্রদদৌ জলপূর্বকম্।
উদাহরন্তি বৈ তত্র শ্বেতকেতুং নিরীক্ষ্য তম্॥ 12-224-40 (74151)
হৃৎপুণ্ডরীকনিলয়ঃ সর্বভূতাত্মকো হরিঃ।
শ্বেতকেতুস্বরূপেণ স্থিতোঽসৌ মধুসূদনঃ॥ 12-224-41 (74152)
প্রীয়তাং মাধবো দেবঃ পত্নী চেয়ং সুতা মম।
প্রতিপাদয়ামি তে কন্যাং সহধর্মচরীং শুভাম্।
ইত্যুক্ৎবা প্রদদৌ তস্মৈ দেবলো মুনিপুঙ্গবঃ॥ 12-224-42 (74153)
প্রতিগৃহ্য চ তাং কন্যাং শ্বেতকেতুর্মহায়শাঃ।
উপয়ম্য যথান্যায়মত্র কৃৎবা যথাবিধি॥ 12-224-43 (74154)
সমাপ্য তন্ত্রং মুনিভির্বৈবাহিকমনুত্তমম্।
স গার্হস্থ্যে বসন্ধীমান্ভার্যাং তামিদমব্রবীৎ॥ 12-224-44 (74155)
যানি চোক্তানি বেদেষু তৎসর্বং কুরু শোভনে।
ময়া সহ যথান্যায়ং সহধর্মচরী মম্॥ 12-224-45 (74156)
অহমিত্যেব ভাবেন স্থিতোঽহং ৎবং তথৈব চ।
তস্মাৎকর্মাণি কুর্বীথাঃ কুর্যাং তে চ ততঃ পরম্॥ 12-224-46 (74157)
ন মমেতি চ ভাবেন জ্ঞানাগ্নিনিলয়েন চ।
অনন্তরং তথা কুর্যাস্তানি কর্মাণি ভস্মসাৎ॥ 12-224-47 (74158)
এবং ৎবয়া চ কর্তব্যং সর্বদা দুর্ভগা ময়া।
যদ্যদাচরতি শ্রেষ্ঠস্তত্তদেবেতরো জনঃ।
তস্মাল্লোকস্য সিদ্ধ্যর্থং কর্তব্যং চাত্মসিদ্ধয়ে॥ 12-224-48 (74159)
উক্ৎবৈবং স মহাপ্রাজ্ঞঃ সর্বজ্ঞানৈকভাজনঃ।
পুত্রানুৎপাদ্য তস্যাং চ যজ্ঞৈঃ সংতর্প্য দেবতাঃ॥ 12-224-49 (74160)
আত্ময়োগপরো নিত্যং নির্দ্বন্দ্বো নিষ্পরিগ্রহঃ।
ভার্যাং তাং সদৃশীং প্রাপ্য বুদ্ধিং ক্ষেত্রজ্ঞয়োরিব॥ 12-224-50 (74161)
লোকমন্যমনুপ্রাপ্তৌ ভার্যা ভর্তা তথৈব চ।
সাক্ষিভূতৌ জগত্যস্মিংশ্চরমাণৌ মুদাঽন্বিতৌ॥ 12-224-51 (74162)
ততঃ কদাচিদ্ভর্তারং শ্বেতকেতুং সুবর্চলা।
পপ্রচ্ছ কো ভবানত্র ব্রূহি মে তদ্দ্বিজোত্তম॥ 12-224-52 (74163)
তামাহ ভগবান্বাগ্মী তয়া জ্ঞাতো ন সংশয়ঃ।
দ্বিজোত্তমেতি মামুক্ৎবা পুনঃ কমনুপৃচ্ছসি॥ 12-224-53 (74164)
সা তমাহ মহাত্মানং পৃচ্ছামি হৃদি শায়িনম্।
তচ্ছ্রুৎবা প্রত্যুবাচৈনাং স ন বক্ষ্যতি ভামিনি॥ 12-224-54 (74165)
নামগোত্রসমায়ুক্তমাত্মানং মন্যসে যদি।
তন্মিথ্যাগোত্রসদ্ভাবে বর্ততে দেহবন্ধনম্॥ 12-224-55 (74166)
অহমিত্যেষ ভাবোঽত্র ৎবয়ি চাপি সমাহিতঃ।
ৎবমপ্যহমহং সর্বমহমিত্যেব বর্ততে।
নাত্র তৎপরমার্থং বৈ কিমর্থমনুপৃচ্ছসি॥ 12-224-56 (74167)
ততঃ প্রহস্য সা হৃষ্টা ভর্তারং ধর্মচারিণী।
উবাচ বচনং কালে স্ময়মানা তদা নৃপ॥ 12-224-57 (74168)
কিমনেকপ্রকারেণ বিরোধেন প্রয়োজনম্।
ক্রিয়াকলাপৈর্ব্রহ্মর্ষে জ্ঞাননষ্টোঽসি সর্বদা।
তন্মে ব্রূহি মহাপ্রাজ্ঞ যথাঽহং ৎবামনুব্রতা॥ 12-224-58 (74169)
শ্বেতকেতুরুবাচ। 12-224-59x (6113)
যদ্যদাচরতি শ্রেষ্ঠস্তত্তদেবেতরো জনঃ।
বর্ততে তেন লোকোঽয়ং সংকীর্ণশ্চ ভবিষ্যতি॥ 12-224-59 (74170)
সংকীর্ণে চ তথা ধর্মে বর্ণঃ সংকরমেতি চ।
সংকরে চ প্রবৃত্তে তু মাৎস্যো ন্যায়ঃ প্রবর্ততে॥ 12-224-60 (74171)
তদনিষ্টং হরের্ভদ্রে ধাতুরস্য মহাত্মনঃ।
পরমেশ্বরসংক্রীডা লোকসৃষ্টিরিয়ং শুভে॥ 12-224-61 (74172)
যাবৎপাসব উদ্দিষ্টাস্তাবত্যোঽস্য বিভূতয়ঃ।
তাবত্যশ্চৈব মায়াস্তু তাবত্যোঽস্যাশ্চ শক্তয়ঃ॥ 12-224-62 (74173)
এবং সুগহ্বরে যুক্তো যত্র মে তদ্ভবাভবম্।
ছিত্ৎবা জ্ঞানাসিনা গচ্ছেৎস বিদ্বান্স চ মে প্রিয়ঃ।
সোঽহমেব ন সন্দেহঃ প্রতিজ্ঞা ইতি তস্য বৈ॥ 12-224-63 (74174)
যে মূঢাস্তে দুরাত্মানো ধর্মসংকরকারকাঃ।
মর্যাদাভেদকা নীচা নরকে যান্তি জন্তবঃ॥ 12-224-64 (74175)
আসুরীং যোনিমাপন্না ইতি দেবানুশাসনম্॥ 12-224-65 (74176)
ভগবত্যা তথা লোকে রক্ষিতব্যং ন সংশয়ঃ।
মর্যাদালোকরক্ষার্থমেবমস্তি তথা স্থিতঃ॥ 12-224-66 (74177)
সুবর্চলোবাচ। 12-224-67x (6114)
শব্দঃ কোত্র ইতি খ্যাতস্তথাঽর্থং চ মহামুনে।
আকৃত্যা পতয়ো ব্রূহি লক্ষণেন পৃথক্পৃথক্॥ 12-224-67 (74178)
শ্বেতকেতুরুবাচ। 12-224-68x (6115)
ব্যত্যযেন চ বর্ণানাং পরিবাদকৃতো হি যঃ।
স শব্দ ইতি বিজ্ঞেয়স্তন্নিপাতোঽর্থ উচ্যতে॥ 12-224-68 (74179)
সুবর্চলোবাচ। 12-224-69x (6116)
শব্দার্থয়োর্হি সংবন্ধস্ৎবনয়োরস্তি বা ন বা।
তন্মে ব্রূহি যথাতৎবং শব্দস্যানেঽর্থ এব চেৎ॥ 12-224-69 (74180)
শ্বেতকেতুরুবাচ। 12-224-70x (6117)
শব্দার্থয়োর্ন চৈবাস্তি সংবন্ধোঽত্যন্ত এব হি।
পুষ্করে চ যথা তোয়ং তথাঽস্মীতি চ বেত্থ তৎ॥ 12-224-70 (74181)
সুবর্চলোবাচ। 12-224-71x (6118)
অর্থে স্থিতির্হি শব্দস্য নান্যথা চ স্থিতির্ভবেৎ।
বিদ্যতে চেন্মহাপ্রাজ্ঞ বিনাঽর্থং ব্রূহি সত্তম॥ 12-224-71 (74182)
শ্বেতকেতুরুবাচ। 12-224-72x (6119)
সসংসর্গোঽতিমাত্রস্তু বাচকৎবেন বর্ততে।
অস্তি চেদ্বর্ততে নিত্যং বিকারোচ্চারণেন বৈ॥ 12-224-72 (74183)
সুবর্চলোবাচ। 12-224-73x (6120)
শব্দস্থানোত্র ইত্যুক্তস্তথাঽর্থ ইতি মে কৃতঃ।
অর্থঃ স্থিতো ন তিষ্ঠেচ্চ বিরূঢমিহ ভাষিতম্॥ 12-224-73 (74184)
শ্বেতকেতুরুবাচ। 12-224-74x (6121)
ন বিকূলোঽত্র কথিতো নাকাশং হি বিনা জগৎ।
সংবন্ধস্তত্র নাস্ত্যেব তদ্বদিত্যেষ মন্যতাম্॥ 12-224-74 (74185)
সুবর্চলোবাচ। 12-224-75x (6122)
সদাঽহংকারশব্দোঽয়ং ব্যক্তমাত্মনি সংশ্রিতঃ।
ন বাচস্তত্র বর্তন্তে ইতি মিথ্যা ভবিষ্যতি॥ 12-224-75 (74186)
শ্বেতকেতুরুবাচ। 12-224-76x (6123)
অহংশব্দো হ্যহংভাবো নাত্মভাবে শুভব্রতে।
ন বর্তন্তে পরেঽচিন্ত্যে বাচঃ সগুণলক্ষণাঃ॥ 12-224-76 (74187)
সুবর্চলোবাচ। 12-224-77x (6124)
অহং গাত্রৈকতঃ শ্যামা ভাবনপি তথৈব চ।
তন্মে ব্রূহি যথান্যায়মেবং চেন্মুনিসত্তম॥ 12-224-77 (74188)
শ্বেতকেতুরুবাচ। 12-224-78x (6125)
মৃণ্ময়ে হি ঘটে ভাবস্তাদৃগ্ভাব ইহেষ্যতে।
অয়ং ভাবঃ পরেঽচিন্ত্যে হ্যাত্মভাবো যথাচ তৎ॥ 12-224-78 (74189)
অহং ৎবমেতদিত্যেব পরে সংকল্পনা ময়া।
তস্মাদ্বাচো ন বর্তন্ত ইতি নৈব বিরুধ্যতে॥ 12-224-79 (74190)
তস্মাদ্বামেন বর্তন্তে মনসা ভীরু সর্বশঃ।
যথাঽঽকাশগতং বিশ্বং সংসক্তমিব লক্ষ্যতে॥ 12-224-80 (74191)
সংসর্গে সতি সংবন্ধাত্তদ্বিকারং ভবিষ্যতি।
অনাকাশগতং সর্বং বিকারে চ সদা গতম্॥ 12-224-81 (74192)
তদ্ব্রহ্ম পরমং শুদ্ধমনৌষম্যং ন শক্যতে।
ন দৃশ্যতে তথা তচ্চ দৃশ্যতে চ মতির্মম॥ 12-224-82 (74193)
সুবর্চলোবাচ। 12-224-83x (6126)
নির্বিকারং হ্যমূর্তি চ নিরয়ং সর্বগং তথা।
দৃশ্যতে চ বিয়ন্নিত্যং দৃগাত্মা তেন দৃশ্যতে॥ 12-224-83 (74194)
শ্বেতকেতুরুবাচ। 12-224-84x (6127)
ৎবচা স্পৃশতি বৈ বায়ুমাকাশস্থং পুনঃ পুনঃ।
তৎস্থং গন্ধং তথাঘ্রাতি জ্যোতিঃ পশ্যতি চক্ষুষা॥ 12-224-84 (74195)
তমোরশ্মিগণশ্চৈব মেঘজালং তথৈব চ।
বর্ষং তারাগণং চৈব নাকাশং দৃশ্যতে পুনঃ॥ 12-224-85 (74196)
আকাশস্যাপ্যথাকাশং সদ্রূপমিতি নিশ্চিতম্।
তদর্থে কল্পিতা হ্যেতে তৎসত্যো বিষ্ণুরেব চ।
যানি নামানি গৌণানি হ্যুপচারাৎপরাত্মনি॥ 12-224-86 (74197)
ন চক্ষুষা ন মনসা ন চান্যেন পরো বিভুঃ।
চিন্ত্যতে সূক্ষ্ময়া বুদ্ধ্যা বাচা বক্তুং ন শক্যতে॥ 12-224-87 (74198)
এতৎপ্রপঞ্চমখিলং তস্মিন্সর্বং প্রতিষ্ঠিতম্।
মহাঘটোঽল্পকশ্চৈব যথা মহ্যাং প্রতিষ্ঠিতৌ॥ 12-224-88 (74199)
ন চ স্ত্রী ন পুমাংশ্চৈব যথৈব ন নপুংসকঃ।
কেবলজ্ঞানমাত্রং তত্তস্মিন্সর্বং প্রতিষ্ঠিতম্॥ 12-224-89 (74200)
ভূমিসংস্থানয়োগেন বস্তুসংস্থানয়োগতঃ।
রসভেদা যথা তোয়ে প্রকৃত্যামাত্মনস্তথা॥ 12-224-90 (74201)
তদ্বাক্যস্মরণান্নিত্যং তৃপ্তিং বারি পিবন্নিব।
প্রাপ্নোতি জ্ঞানমখিলং তেন তৎসুখমেধতে॥ 12-224-91 (74202)
সুবর্চলোবাচ। 12-224-92x (6128)
অনেন সাধ্যং কিং স্যাদ্বৈ শব্দেনেতি মতির্মম।
বেদগম্যঃ পরোঽচিন্ত্য ইতি পৌরাণিকা বিদুঃ॥ 12-224-92 (74203)
নিরর্থকো যথা লোকে তদ্বৎস্যাদিতি মে মতিঃ।
নিরীক্ষ্যৈবং যথান্যায়ং বক্তুমর্হসি মেঽনঘ॥ 12-224-93 (74204)
শ্বেতকেতুরুবাচ। 12-224-94x (6129)
বেদগম্যং পরং শুদ্ধমিতি সত্যা পরা শ্রুতিঃ।
ব্যাহত্যা নৈতদিত্যাহ ব্যুপলিঙ্গে চ বর্ততে॥ 12-224-94 (74205)
নিরর্থকো ন চৈবাস্তি শব্দো লৌকিক উত্তমে।
অনন্বয়াস্তথা শব্দা নিরর্থা ইতি লৌকিকৈঃ॥ 12-224-95 (74206)
গৃহ্যন্তে তদ্বদিত্যেব ন বর্তন্তে পরাত্মনি।
অগোচরৎবং বচসাং যুক্তমেবং তথা শুভে॥ 12-224-96 (74207)
সাধনস্যোপদেশাচ্চ হ্যুপায়স্য চ সূচনাৎ।
উপলক্ষণয়োগেন ব্যাবৃত্ত্যা চ প্রদর্শনাৎ।
বেদগম্যঃ পরঃ শুদ্ধ ইতি মে ধীয়তে মতিঃ॥ 12-224-97 (74208)
অধ্যাত্মধ্যানসংভূতমভূতং----- বৎস্ফুটম্।
জ্ঞানং বিদ্ধি শুভাচারে তেন যান্তি পরাং গতিম্॥ 12-224-98 (74209)
যদি মে ব্যাহৃতং গুহ্যং শ্রুতং ন তু ৎবয়া শুভে।
তথ্যমিত্যেব বা শুদ্ধে জ্ঞানং জ্ঞানবিলোচনে॥ 12-224-99 (74210)
নানারূপবদস্যৈবমৈশ্বর্যং দৃশ্যতে শুভে।
ন বায়ুস্তং ন সূর্যস্তং নাগ্নিস্তত্তৎপরং পদম্॥ 12-224-100 (74211)
অনেন পূর্ণমেতদ্ধি হৃদি ভূতমিহেষ্যতে।
এতাবদাত্মবিজ্ঞানমেতাবদ্যদহং স্মৃতম্।
আবয়োর্ন চ সৎবে বৈ তস্মাদজ্ঞানবন্ধনম্॥ 12-224-101 (74212)
ভীষ্ম উবাচ। 12-224-102x (6130)
এবং সুবর্চলা হৃষ্টা প্রোক্তা ভর্ত্রা যথার্থবৎ।
পরিচর্যমাণা হ্যনিশং তৎববুদ্ধিসমন্বিতা॥ 12-224-102 (74213)
ভর্তা চ তামনুপ্রেক্ষ্য নিত্যনৈমিত্তিকান্বিতঃ।
পরমাত্মনি গোবিন্দে বাসুদেবে মহাত্মনি॥ 12-224-103 (74214)
সমাধায় চ কর্মাণি তন্ময়ৎবেন ভাবিতঃ।
কালেন মহতা রাজন্প্রাপ্নোতি পরমাং গতিম্॥ 12-224-104 (74215)
এতত্তে কথিতং রাজন্যস্মাত্ৎবং পরিপৃচ্ছসি।
গার্হস্থ্যং চ সমাস্থায় গতৌ জায়াপতী পরম্' ॥ 12-224-105 (74216)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুর্বিংশত্যধিকদ্বিশততমোঽধ্যায়ঃ॥ 224॥
শান্তিপর্ব - অধ্যায় 225
॥ শ্রীঃ ॥
12.225. অধ্যায়ঃ 225
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি দান্তলক্ষণকথনপূর্বকং দমপ্রশংসনম্॥ 1॥Mahabharata - Shanti Parva - Chapter Text
12-225-0 (74217)
যুধিষ্ঠির উবাচ। 12-225-0x (6131)
কিং কুর্বন্সুখমাপ্নোতি কিং কুর্বন্দুঃখমাপ্নুয়াৎ।
কিং কুর্বন্নির্ভয়ো লোকে সিদ্ধশ্চরতি ভারত॥ 12-225-1 (74218)
ভীষ্ম উবাচ। 12-225-2x (6132)
দমমেব প্রশংসন্তি বৃদ্ধাঃ শ্রুতিসমাধয়ঃ।
সর্বেষামেব বর্ণানাং ব্রাহ্মণস্য বিশেষতঃ॥ 12-225-2 (74219)
নাদান্তস্য ক্রিয়াসিদ্ধির্যথাবদুপপদ্যতে।
ক্রিয়া তপশ্চ দেবাশ্চ দমে সর্বং প্রতিষ্ঠিতম্॥ 12-225-3 (74220)
দমস্তেজো বর্ধয়তি পবিত্রং দম উচ্যতে।
বিপাষ্মা নির্ভয়ো দান্তঃ পুরুষো বিন্দতে মহৎ॥ 12-225-4 (74221)
সুখং দান্তঃ প্রস্বপিতি সুখং চ প্রতিবুধ্যতে।
সুখং লোকে বিপর্যেতি মনশ্চাস্য প্রসীদতি॥ 12-225-5 (74222)
তেজো দমন ধ্রিয়তে তত্র তীক্ষ্ণোঽধিগচ্ছতি।
অমিত্রাংশ্চ বহূন্নিত্যং পৃথগাত্মনি পশ্যতি॥ 12-225-6 (74223)
ক্রব্যাদ্ভ্য ইব ভূতানামদান্তেভ্যঃ সদা ভয়ম্।
তেষাং বিপ্রতিষেধার্থং রাজা সৃষ্টঃ স্বয়ংভুবা॥ 12-225-7 (74224)
আশ্রমেষু চ সর্বেষু দম এব বিশিষ্যতে। 12-225-8b`ধর্মঃ সংরক্ষ্যতে তৈস্তু যতস্তে ধর্মসেতবঃ।'
যচ্চ তেষু ফলং ধর্ম্যং ভূয়ো দান্তে তদুচ্যতে॥ 12-225-8 (74225)
তেষাং লিঙ্গানি বক্ষ্যানি যেষাং সমুদয়ো দমঃ।
অকার্পণ্যমসংরম্ভঃ সংতোষঃ শ্রদ্দধানতা॥ 12-225-9 (74226)
অক্রোধ আর্জবং নিত্যং নাতিবাদোঽভিমানিতা।
গুরুপূজাঽনসূয়া চ দয়া ভূতেষ্বপৈশুনম্॥ 12-225-10 (74227)
জনবাদমৃষাবাদস্তুতিনিন্দাবিবর্জনম্।
সাধুকামাংশ্চ স্পৃহয়েন্নায়তিং প্রত্যযেষু চ॥ 12-225-11 (74228)
অবৈরকৃৎসূপচারঃ সমো নিন্দাপ্রশংসয়োঃ।
সুবৃত্তঃ শীলসংপন্নঃ প্রসন্নাত্মাঽঽত্মবাঞ্শুচিঃ॥ 12-225-12 (74229)
প্রাপ্য লোকে চ সৎকারং স্বর্গং বৈ প্রেত্য গচ্ছতি।
দুর্গমং সর্বভূতানাং প্রাপয়ন্মোদতে সুখী॥ 12-225-13 (74230)
সর্বভূতহিতে যুক্তো ন স্ম যো দ্বিষতে জনম্।
মহাহ্রদ ইবাক্ষোভ্যঃ প্রাজ্ঞস্তৃপ্তঃ প্রসীদতি॥ 12-225-14 (74231)
অভয়ং যস্য ভূতেভ্যঃ সর্বেষামভয়ং যতঃ।
নমস্যঃ সর্বভূতানাং দান্তো ভবতি বুদ্ধিমান্॥ 12-225-15 (74232)
ন হৃষ্যতি মহত্যর্থে ব্যসনে চ ন শোচতি।
সদাঽপরিমিতপ্রজ্ঞঃ স দান্তো দ্বিজ উচ্যতে॥ 12-225-16 (74233)
কর্মভিঃ শ্রুতসংপন্নঃ সদ্ভিরাচারেতঃ শুচিঃ।
সদৈব দমসংয়ুক্তস্তস্য ভুঙ্ক্তে মহাফলম্॥ 12-225-17 (74234)
অনসূয়াঽক্ষমা শান্তিঃ সংতোষঃ প্রিয়বাদিতা।
সত্যং দানমনায়াসো নৈষ মার্গো দুরাত্মনাম্॥ 12-225-18 (74235)
কামক্রোধৌ চ লোভশ্চ পরস্যের্ষ্যা বিকত্থনা।
`অতুষ্টিরনৃতং মোহ এষ মার্গো দুরাত্মনাম্॥' 12-225-19 (74236)
কামক্রোধৌ বশে কৃৎবা ব্রহ্মচারী জিতেন্দ্রিয়ঃ।
বিক্রম্য ঘোরে তমসি ব্রাহ্মণঃ সংশিতব্রতঃ।
কালাকাঙ্ক্ষী চরেল্লোকান্নিরপায় ইবাত্মবান্॥ ॥ 12-225-20 (74237)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চবিংশত্যধিকদ্বিশততমোঽধ্যায়ঃ॥ 225॥
Mahabharata - Shanti Parva - Chapter Footnotes
12-225-2 শ্রুতিসমাধয়ো বেদদ্রষ্ঠারঃ॥ 12-225-3 তপশ্চ সত্যং চেতি ঝ. পাঠঃ॥ 12-225-6 তীক্ষ্ণো রাজসঃ। অমিত্রান্ কামাদীন্॥ 12-225-7 ক্রব্যাদ্ভ্যো ব্যাঘ্রাদিভ্যো মাংসভক্ষকেভ্যঃ॥ 12-225-8 ভূয়োঽধিকম্॥ 12-225-9 সমুদেত্যস্মাদিতি সমুদয়ো হেতুঃ। অকার্পণ্যমদীনৎবম্। অসংরম্ভোঽভিনিবেশাভাবঃ॥ 12-225-11 প্রত্যযেষু সুখদুঃখাদ্যনুভবেষু। আয়তিমুত্তরকালম্। ন স্পৃহয়েৎ। প্রাপ্তং সুখাদিকং ভুঞ্জীত নতু কালান্তরীয়ৌ তজ্জৌ হর্ষবিষাদৌ চিন্তনীয়াবিত্যর্থঃ॥ 12-225-12 সূপচারঃ শাঠ্যবর্জিতাদরঃ॥ 12-225-13 দুর্গমং দুষ্কালে দুর্লভমন্নাদি প্রাপয়ন্ দয়াবানিত্যর্থঃ॥ 12-225-15 দান্তো ভবতি ধর্মবিৎ ইতি ধ. পাঠঃ॥ 12-225-19 ডম্ভো দর্পশ্চ মানশ্চ নৈষ মার্গো মহাত্মনাম্ ইতি ট. ড. পাঠঃ॥শান্তিপর্ব - অধ্যায় 226
॥ শ্রীঃ ॥
12.226. অধ্যায়ঃ 226
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি তপউপবাসাদিনিরূপণম্॥ 1॥Mahabharata - Shanti Parva - Chapter Text
12-226-0 (74238)
যুধিষ্ঠির উবাচ। 12-226-0x (6133)
দ্বিজাতয়ো ব্রতোপেতা যদিদং ভুঞ্জতে হবিঃ।
অন্নং ব্রাহ্মণকামায় কথমেতৎপিতামহ॥ 12-226-1 (74239)
ভীষ্ম উবাচ। 12-226-2x (6134)
অবেদোক্তব্রতোপেতা ভুঞ্জানাঃ কার্যকারিণঃ।
বেদোক্তেষু চ ভুঞ্জানা ব্রতলুব্ধা যুধিষ্ঠির॥ 12-226-2 (74240)
যুধিষ্ঠির উবাচ। 12-226-3x (6135)
যদিদং তপ ইত্যাহুরুপবাসং পৃথগ্জনাঃ।
এতত্তপো মহারাজ উতাহো কিং তপো ভবেৎ॥ 12-226-3 (74241)
ভীষ্ম উবাচ। 12-226-4x (6136)
মাসপক্ষোপবাসেন মন্যন্তে যত্তপো জনাঃ।
আত্মতন্ত্রোপধাতস্তু ন তপস্তৎসতাং মতম্॥ 12-226-4 (74242)
ত্যাগশ্চ সন্নতিশ্চৈব শিষ্যতে তপ উত্তমম্।
সদোপবাসী স ভবেদ্ব্রহ্মচারী সদা ভবেৎ॥ 12-226-5 (74243)
মুনিশ্চ স্যাৎসদা বিপ্রো দৈবতং চ সদা ভবেৎ।
কুটুম্বিকো ধর্মপরঃ সদাঽস্বপ্নশ্চ ভারত॥ 12-226-6 (74244)
অমাংসাদী সদা চ স্যাৎপবিত্রী চ সদা ভবেৎ।
অমৃতাশী সদা চ স্যান্ন চ স্যাদ্বিষভোজনঃ॥ 12-226-7 (74245)
বিধসাশী সদা চ স্যাৎসদা চৈবাতিথিপ্রিয়ঃ।
[শ্রদ্দধানঃ সদা চ স্যাদ্দেবতাদ্বিজপূজকঃ]॥ 12-226-8 (74246)
যুধিষ্ঠির উবাচ। 12-226-9x (6137)
কথং সদোপবাসী স্যাদ্ব্রহ্মচারী কথং ভবেৎ।
বিঘসাশী কথং চ স্যাৎসদা চৈবাতিথিপ্রয়িঃ॥ 12-226-9 (74247)
ভীষ্ম উবাচ। 12-226-10x (6138)
অন্তরা প্রাতরাশং চ সায়মাশং তথৈব চ।
সদোপবাসী স ভবেদ্যো ন ভুঙ্ক্তেঽন্তরা পুনঃ॥ 12-226-10 (74248)
ভার্যাং গচ্ছন্ব্রহ্মচারী ঋতৌ ভবতি ব্রাহ্মণঃ।
ঋতবাদী ভবেন্নিত্যং জ্ঞাননিত্যশ্চ যো নরঃ॥ 12-226-11 (74249)
ন ভক্ষয়েদ্বৃথা মাংসমমাংসাশী ভবত্যপি।
দাননিত্যঃ পবিত্রীস্যাদস্বপ্নশ্চ দিবাঽস্বপন্॥ 12-226-12 (74250)
ভৃত্যাতিথিষু যো ভুঙ্ক্তে ভুক্তবৎসু সদা নরঃ।
অমৃতং কেবলং ভুঙ্ক্তে ইতি বিদ্ধি যুধিষ্ঠির॥ 12-226-13 (74251)
অভুক্তবৎসু ভুঞ্জানো বিষমশ্নাতি বৈ দ্বিজঃ।
অদত্ৎবা যোঽতিথিভ্যোঽন্নং ন ভুঙ্ক্তে সোতিথিপ্রিয়ঃ।
`অভুক্ৎবা দৈবতেভ্যশ্চ যো ন ভুঙ্ক্তে সদৈবতম্' 12-226-14 (74252)
দেবতাভ্যঃ পিতৃভ্যশ্চ ভৃত্যেভ্যোঽতিথিভিঃ সহ।
অবশিষ্টং তু যোঽশ্নাতি তমাহুর্বিঘসাশিনম্॥ 12-226-15 (74253)
তেষাং লোকা হ্যপর্যন্তাঃ সদনে ব্রহ্মণা সহ।
উপস্থিতাশ্চাপ্সরোভিঃ পরিয়ান্তি দিবৌকসঃ॥ 12-226-16 (74254)
দেবতাভিশ্চ যে সার্ধং পিতৃভ্যশ্চোপভুঞ্জতে।
রমন্তে পুত্রপৌত্রৈশ্চ তেষাং গতিরনুত্তমা॥ ॥ 12-226-17 (74255)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষঙ্বিশত্যধিকদ্বিশততমোঽধ্যায়ঃ॥ 226॥
Mahabharata - Shanti Parva - Chapter Footnotes
12-226-1 দ্বিজাতয়স্ত্রৈবর্ণিকাঃ। হবির্দেবতাশেষম্॥ 12-226-2 ভুজ্জানা অভোজ্যং মাংসাদীতি শেষঃ। কার্যকারিণঃ কামাচারবন্তঃ। ইহৈব সতিতা ইত্যর্থঃ। ব্রতলুব্ধা দীক্ষোক্তফলানুরাগিণঃ স্বর্গং প্রাপ্য পতিষ্যন্তীত্যর্থঃ॥ 12-226-4 হ্যত্মতন্ত্রমাত্মবিদ্যা তস্যা উপঘাতো বিঘ্নঃ॥ 12-226-5 ভূতভয়ংকরকর্মসংন্যাসস্ত্যাগঃ। সন্নতির্ভূতারাধনম্॥ 12-226-7 অমৃতাশী সদা চ স্যাদ্দেবতাতিথিপূজকঃ ইতি ঝ. ড. পাঠঃ॥ 12-226-9 অতিথির্বৈশ্বদেবান্তে প্রাপ্তঃ॥ 12-226-12 বৃথা দেবপিতৃশেষং বিনা॥ 12-226-14 অভুক্তবৎসু নাশ্নানঃ সততং যস্তু বৈদ্বিজঃ। অভোজনেন তেনাস্য জিতঃ স্বর্গো ভবত্যুত্তেতি ঝ. পাঠঃ॥শান্তিপর্ব - অধ্যায় 227
॥ শ্রীঃ ॥
12.227. অধ্যায়ঃ 227
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ভগবৎস্বরূপনিরূপকমুনিসনৎকুমারসংবাদানুবাদঃ॥ 1॥Mahabharata - Shanti Parva - Chapter Text
12-227-0 (74256)
`* যুধিষ্ঠির উবাচ। 12-227-0x (6139)
কেচিদাহুর্দ্বিধা লোকে ত্রিধা রাজন্ননেকধা।
ন প্রত্যযো ন চান্যচ্চ দৃশ্যতে ব্রহ্ম নৈব তৎ॥ 12-227-1 (74257)
নানাবিধানি শাস্ত্রাণি উক্তাশ্চৈব পৃথগ্বিধাঃ।
কিমধিষ্ঠায় তিষ্ঠামি তন্মে ব্রূহি পিতামহ॥ 12-227-2 (74258)
ভীষ্ম উবাচ। 12-227-3x (6140)
স্বেস্বে যুক্তা মহাত্মানঃ শাস্ত্রেষু প্রভবিষ্ণবঃ।
বর্তন্তে ষণ্ডিতা লোকে কো বিদ্বান্কশ্চ পণ্ডিতঃ॥ 12-227-3 (74259)
সর্বেষাং তৎবমজ্ঞায় যথারুচি তথা ভবেৎ।
অস্মিন্নর্থে পুরাভূতমিতিহাসং পুরাতনম্॥ 12-227-4 (74260)
মহাবিবাদসংয়ুক্তমৃষীণাং ভাবিতাত্মনাম্।
হিমবৎপার্শ্ব আসীনা ঋষয়ঃ সংশিতব্রতাঃ॥ 12-227-5 (74261)
ষণ্ণাং তানি সহস্রাণি ঋষীণাং গণমাহিতম্।
তত্র কেচিদ্ধুবং বিশ্বং সেশ্বরং তু নিরীশ্বরম্॥ 12-227-6 (74262)
প্রাকৃতং কারণং নাস্তি সর্বং নৈবমিদং জগৎ।
অনেন চাপরে বিপ্রাঃ স্বভাবং কর্ম চাপরে॥ 12-227-7 (74263)
পৌরুষং কর্ম দৈবং চ যৎস্বভাবাদিরেব তম্।
নানাহেতুশতৈর্যুক্তা নানাশাস্ত্রপ্রবর্তকাঃ॥ 12-227-8 (74264)
স্বভাবাদ্ব্রাহ্মণা রাজঞ্জিগীপন্তঃ পরস্পরম্।
ততস্তু মূলমুদ্ভূতং বাদিপ্রত্যর্থিসংয়ুতম্॥ 12-227-9 (74265)
পাত্রদণ্ডবিঘাতং চ বল্কলাজিনবাসসাম্।
একে মন্যুসমাপন্নাস্ততঃ শান্তা দ্বিজোত্তমাঃ॥ 12-227-10 (74266)
বসিষ্ঠমব্রুবন্সর্বে ৎবং নো ব্রূহি সনাতনম্।
নাহং জানামি বিপ্রেন্দ্রাঃপ্রত্যুবাচ স তান্প্রভুঃ॥ 12-227-11 (74267)
তে সর্বে সহিতা বিপ্রা নারদং ঋষিমনুবন্।
ৎবং নো ব্রূহি মহাভাগ তৎববিচ্চ ভবানসি॥ 12-227-12 (74268)
নাহং দ্বিজা বিজানামি ক্ব হি গচ্ছাম সংগতাঃ।
ইতি তানাহ ভগবাংস্ততঃ প্রাহ চ স দ্বিজান্॥ 12-227-13 (74269)
কো বিদ্বানিহ লোকেঽস্মিন্নমোহোঽমৃতমদ্ভুতম্।
তচ্চ তে শুশ্রুবুর্বাক্যং ব্রাহ্মণা হ্যশরীরিণঃ॥ 12-227-14 (74270)
সনদ্ধাম দ্বিজা গৎবা পৃচ্ছধ্বং স চ বক্ষ্যতি॥ 12-227-15 (74271)
তমাহ কশ্চিদ্বিজবর্যসত্তমো
বিভাণ্ডকো মণ্ডিতবেদরাশিঃ।
কস্ৎবং ভবানর্থবিভেদমধ্যে
ন দৃশ্যসে বাক্যমুদীরয়ংশ্চ॥ 12-227-16 (74272)
অথাহেদং তং ভগবান্সনন্তং
মহামুনে বিদ্ধি মাং পণ্ডিতোঽসি
ঋষিং পুরাণং সততৈকরূপং
যমক্ষয়ং বেদবিদো বদন্তি॥ 12-227-17 (74273)
পুনস্তমাহেদমসৌ মহাত্মা
স্বরূপসংস্থং বদ আহ পার্থ।
ৎবমেকোঽস্মদৃষিপুঙ্গবাদ্য
নসৎস্বরূপমথবা পুনঃ কিম্॥ 12-227-18 (74274)
অথাহ গম্ভীরতরানুবাদং
বাক্যং মহাত্মা হ্যশরীর আদিঃ।
ন তে মুনে শ্রোত্রমুখেঽপি চাস্যং
ন পাদহস্তৌ প্রপদাত্মকে ন॥ 12-227-19 (74275)
ব্রুবন্মুনীন্সত্যমথো নিরীক্ষ্য
স্বমাহ বিদ্বান্মনসা নিগম্য।
ঋষে কথং বাক্যমিদং ব্রবীষি
ন চাস্য মন্তা ন চ বিদ্যতে চেৎ॥ 12-227-20 (74276)
ন শুশ্রুবুস্ততস্তত্তু প্রতিবাক্যং দ্বিজোত্তমাঃ।
নিরীক্ষমাণা আকাশং প্রহসন্তস্ততস্ততঃ॥ 12-227-21 (74277)
আশ্চর্যমিতি মৎবা তে যয়ুর্হৈমং মহাগিরিম্।
সনৎকুমারসঙ্কাশং সগণা মুনিসত্তমাঃ॥ 12-227-22 (74278)
তং পর্বতং সমারুহ্য দদৃশুর্ধ্যানমাশ্রিতাঃ।
কুমারং দেবমর্হন্তং বেদপারাবিবর্জিতম্॥ 12-227-23 (74279)
ততঃ সংবৎসরে পূর্ণে প্রকৃতিস্থং মহামুনিম্।
সনৎকুমারং রাজেন্দ্র প্রণিপত্য দ্বিজাঃ স্থিতাঃ॥ 12-227-24 (74280)
আগতান্ভগবানাহ জ্ঞাননির্ধূতকল্মষঃ।
জ্ঞাতং ময়া মুনিগণা বাক্যং তদশরীরিণঃ।
কার্যমদ্য যথাকামং পৃচ্ছধ্বং মুনিপুঙ্গবাঃ॥ 12-227-25 (74281)
তমব্রুবন্প্রাঞ্জলয়ো মহামুনিং
দ্বিজোত্তমং জ্ঞাননিধিং সুনির্মলম্।
কথং বয়ং জ্ঞাননিধিং বরেণ্যং
যক্ষ্যামহে বিশ্বরূপং কুমার॥ 12-227-26 (74282)
প্রসীদ নো ভগবঞ্জ্ঞানলেশং
মধুপ্রয়াতায় সুখায় সন্তঃ।
যত্তৎপদং বিশ্বরূপং মহামুনে
তত্র ব্রূহি কিং তত্র মহানুভাব॥ 12-227-27 (74283)
স তৈর্বিয়ুক্তো ভগবান্মহাত্মা
যঃ সঙ্গবান্সত্যবিত্তচ্ছৃণুষ্ব।
অনেক সাহস্রকলেষু চৈব
প্রসন্নধাতুং চ শুভাজ্ঞয়া সৎ॥ 12-227-28 (74284)
যথাহ পূর্বং যুষ্মাসু হ্যশরীরী দ্বিজোত্তমাঃ।
তথৈব বাক্যং তৎসত্যমজানন্তশ্চ কীর্তিতম্॥ 12-227-29 (74285)
শৃণুধ্বং পরমং কারণমস্তি কথমবগম্যতে। অহন্যহনি পাকবিশেষো দৃশ্যতে তেন মিশ্রং সর্বং মিশ্রয়তে। যথা মণ্ডলী দৃশি সর্বেষামস্তি নিদর্শনম্। অস্তি চক্ষুষ্মতামস্তি জ্ঞানে স্বরূপং পশ্যতি। যথা দর্পণান্তং নিদর্শনম্॥ 12-227-30 (74286)
স এব সর্বং বিদ্বান্ন বিভেতি ন গচ্ছতি কুত্রাহং কস্য নাহং কেন কেনেত্যবর্তমানো বিজানাতি॥ 12-227-31 (74287)
স যুগতো ব্যাপী। স পৃথক্স্থিতঃ। তদপরমার্থঃ॥ 12-227-32 (74288)
যথা বায়ুরেকঃ সন্বহুধেরিতঃ। আশ্রয়বিশেষো বা যস্যাশ্রয়ং যথাবদ্দ্বিজে মৃগে ব্যাঘ্রে চ মনুজে বেণুংসশ্রয়ো ভিদ্যতে বায়ুরথৈকঃ। আত্মা তথাঽসৌ পরমাত্মাঽসাবন্য ইব ভাতি॥ 12-227-33 (74289)
এবমাত্মা স এব গচ্ছতি সর্বমাত্মা পশ্যঞ্শৃণোতি ন চ ঘ্রাতি ন ভাষতে॥ 12-227-34 (74290)
চক্রেঽস্য তং মহাত্মানং পরিতো দশ রশ্ময়ঃ।
বিনিষ্ক্রম্য যথা সূর্যমনুগচ্ছন্তি তং প্রভুম্॥ 12-227-35 (74291)
দিনেদিনেঽস্তমভ্যেতি পুনরুদ্গচ্ছতে দিশঃ।
তাবুভৌ ন রবৌ চাস্তাং তথা বিত্ত শরীরিণম্॥ 12-227-36 (74292)
পতিতে বিত্ত বিপ্রেন্দ্রং ভক্ষণে চরণে পরঃ।
ঊর্ধ্বমেকস্তথাঽধস্তাদেকস্তিষ্ঠতি চাপরঃ॥ 12-227-37 (74293)
হিরণ্যসদনং জ্ঞেয়ং সমেত্য পরমং পদম্।
আত্মনা হ্যাত্মদীপং তমাত্মনি হ্যাত্মপূরুষম্॥ 12-227-38 (74294)
সংচিতং সংচিতং পূর্বং ভ্রমরো বর্ততে ভ্রমম্।
যোঽভিমানীব জানাতি ন মুহ্যতি ন হীয়তে॥ 12-227-39 (74295)
ন চক্ষুষা পশ্যতি কশ্চনৈনং
হৃদা মনীষা পশ্যতি রুপমস্য।
ন শুক্লং ন কৃষ্ণং পরমার্থভাবং
গুহাশয়ং জ্ঞানদেবীকরস্থম্॥ 12-227-40 (74296)
ব্রাহ্মণস্য ন সাদৃশ্যে বর্ততে সোঽপি কিং পুনঃ।
ইজ্যতে যস্তু মন্ত্রেণ যজমানো দ্বিজোত্তমঃ॥ 12-227-41 (74297)
নৈব ধর্মী ন চাধমীং দ্বন্দ্বাতীতো বিমৎসরঃ।
জ্ঞানতৃপ্তঃ সুখং শেতে হ্যমৃতাত্মা ন সংশয়ঃ॥ 12-227-42 (74298)
এবমেব জগৎসৃষ্টিং কুরুতে মায়যা প্রভুঃ।
ন জানাতি বিমূঢাত্মা কারণং চাত্মনো হ্যসৌ॥ 12-227-43 (74299)
ধ্যাতা দ্রষ্টা তথা মন্তা বোদ্ধা দৃষ্টান্স এব সঃ।
কো বিদ্বান্পরমাত্মানমনন্তং লোকভাবনম্।
যত্তু শক্যং ময়া প্রোক্তং গচ্ছধ্বং মুনিপুঙ্গবাঃ॥ 12-227-44 (74300)
ভীষ্ম উবাচ। 12-227-45x (6141)
এবং প্রণম্য বিপ্রেন্দ্রা জ্ঞানসাগরসংভবম্।
সনৎকুমারং সংদৃষ্ট্বা জগ্মুস্তে রুচিরং পুনঃ॥ 12-227-45 (74301)
তস্মাত্ৎবমপি কৌন্তেয় জ্ঞানয়োগপরো ভব।
জ্ঞানমেবং মহারাজ সর্বদুঃখবিনাশনম্॥ 12-227-46 (74302)
ইদং মহাদুঃখসমাকরাণাং
নৃণাং পরিত্রাণবিনির্মিতং পুরা।
পুরাণপুংসা ঋষিণা মহাত্মনা
মহামুনীনাং প্রবরেণ তদ্ভুবম্॥' ॥ 12-227-47 (74303)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তবিংশত্যধিকদ্বিশততমোঽধ্যায়ঃ॥ 227॥
Mahabharata - Shanti Parva - Chapter Footnotes
* 227,228, এতদব্যায়দ্বয়ং থ. পুস্তক এব দৃশ্যতে।শান্তিপর্ব - অধ্যায় 228
॥ শ্রীঃ ॥
12.228. অধ্যায়ঃ 228
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি তপশ্শব্দস্য মতভেদেন নানার্থকৎবকথনপূর্বকং স্বমতে তস্য জ্ঞানার্থকৎবাভিধানম্॥ 1॥ জ্ঞানস্য মোক্ষসাধনৎবে দৃষ্টান্ততয়া সুবর্চলাচরিত্রকথনম্॥ 2॥Mahabharata - Shanti Parva - Chapter Text
12-228-0 (74304)
` যুধিষ্ঠির উবাচ। 12-228-0x (6142)
যদিদং তপ ইত্যাহুঃ কিং তপঃ সংপ্রকীর্তিতম্।
উপবাসমথান্যত্তু বেদাচারমথো নু কিম্।
শাস্ত্রং তপো মহাপ্রাজ্ঞ তন্মে ব্রূহি পিতামহ॥ 12-228-1 (74305)
ভীষ্ম উবাচ। 12-228-2x (6143)
পক্ষমাসোপবাসাদীন্মন্যন্তে বৈ তপোধনাঃ।
বেদব্রতাদীনি তপ অপরে বেদপারগাঃ।
বেদপারায়ণং চান্যে চাহুস্তৎবমথাপরে॥ 12-228-2 (74306)
যথাবিহিতমাচারস্তপঃ সর্বং ব্রতং গতাঃ।
আত্মবিদ্যাবিধানং যত্তত্তপঃ পরিকীর্তিতম্॥ 12-228-3 (74307)
ত্যাগস্তপস্তথা শান্তিস্তপ ইন্দ্রিয়নিগ্রহঃ।
ব্রহ্মচর্যং তপঃ প্রোক্তমাহুরেবং দ্বিজাতয়ঃ॥ 12-228-4 (74308)
সদোপবাসো যো বিদ্বান্ব্রহ্মচারী সদা ভবেৎ॥ 12-228-5 (74309)
যো মুনিশ্চ সদা ধীমান্বিঘসাশী বিমৎসরঃ।
ততস্ৎবনন্তমপ্যাহুর্যো নিত্যমতিথিপ্রিয়ঃ॥ 12-228-6 (74310)
নান্তরাশীস্ততো নিত্যমুপবাসী মহাব্রতঃ।
ঋতুগামী তথা প্রোক্তো বিঘসাশী স্মৃতো বুধৈঃ॥ 12-228-7 (74311)
ভৃত্যশেষং তু যো ভুঙ্ক্তে যজ্ঞশেষং তথাঽমৃতম্।
এবং নানার্থসংয়োগং তপঃ শশ্বদুদাহৃতম্॥ 12-228-8 (74312)
কেষাং লোকা হ্যপর্যন্তাঃ সর্বে সত্যব্রতে স্থিতাঃ।
যেঽপি কর্মময়ং প্রাহুস্তে দ্বিজা ব্রাহ্মণাঃ স্মৃতাঃ।
রমন্তে দিব্যভোগৈশ্চ পূজিতা হ্যপ্সরোগণৈঃ॥ 12-228-9 (74313)
জ্ঞানাত্মকং তপশ্শব্দং যে বদন্তি বিনিশ্চিতাঃ।
তে হ্যন্তরাঽঽত্মসদ্ভাবং প্রপন্না নৃপসত্তম॥ 12-228-10 (74314)
এতত্তে নৃপশার্দূল প্রোক্তং যৎপৃষ্ট্বানসি।
যথা বস্তুনি সংজ্ঞানি বিবিধানি ভবন্ত্যুত॥ 12-228-11 (74315)
যুধিষ্ঠির উবাচ। 12-228-12x (6144)
পিতামহ মহাপ্রাজ্ঞ রাজাধীনা নৃপাঃ পুনঃ।
অন্যানি চ সহস্রাণি নামানি বিবিধানি চ॥ 12-228-12 (74316)
প্রতিয়োগীনি বৈ তেষাং ছন্নান্যস্তমিতানি চ।
দৃঢং সর্বং প্রাকৃতকভিদং সর্বত্র পশ্য বৈ॥ 12-228-13 (74317)
তস্মাদ্যথাগতং রাজন্যথারুচি নৃণাং ভবেৎ।
অস্মিন্নর্থে পুরাবৃত্তং শৃণু রাজন্যুধিষ্ঠির॥ 12-228-14 (74318)
ব্রাহ্মণানাং সমূহে তু যদুবাচ সুবর্চলা।
দেবলস্য সুতা বিদ্বন্সর্বলক্ষণশোভিতা॥ 12-228-15 (74319)
কন্যা সুবর্চলা নাম যোগভাবিতচেতনা।
হেতুনা কেন জাতা সা নির্দ্বন্দ্বা নষ্টসংশয়া॥ 12-228-16 (74320)
সাঽব্রবীৎপিতরং বিপ্রং বরান্বেষণতৎপরা॥ 12-228-17 (74321)
অন্ধায় মাং মহাপ্রাজ্ঞ দেহি বীক্ষ্য সুলোচনম্।
এবং স্ম চ পিতঃ শশ্বন্ময়েদং---মুনে॥ 12-228-18 (74322)
পিতোবাচ। 12-228-19x (6145)
ন শক্যং প্রার্থিতুং বৎসে ৎবয়াঽদ্য প্রতিভাতি মে।
অন্ধতাঽনন্ধতা চেতি বিচারো মম জায়তে।
উন্মত্তেব সুতে বাক্যং ভাষসে পৃথুলোচনে॥ 12-228-19 (74323)
কন্যোবাচ। 12-228-20x (6146)
নাহমুন্মত্তভূতাঽঽদ্য বুদ্ধিপূর্বং ব্রবীমি তে।
বিদ্ধি বৈতাদৃশং লোকে স মাং ভজতি বেদবিৎ॥ 12-228-20 (74324)
যান্যাংস্ৎবং মন্যসে দাতুং মাং দ্বিজোত্তম তানিহ।
আনয়ান্যান্মহাভাগ হ্যহং দ্রক্ষ্যামি তেষু তম্॥ 12-228-21 (74325)
তথেতি চোক্ৎবা তাং বিপ্রঃ প্রেষয়ামাস শিষ্যকান্।
ঋষেঃ প্রভাবং দৃষ্ট্বা তে কন্যায়াশ্চ দ্বিজোত্তমাঃ।
অনেকমুনয়ো রাজন্সংপ্রাপ্তা দেবলাশ্রমম্॥ 12-228-22 (74326)
তানাগতানথাভ্যর্চ্যং কন্যামাহ পিতা মহান্।
যদীচ্ছসি বরং ভদ্রে তং বিপ্রং বরয় স্বয়ম্॥ 12-228-23 (74327)
তথেচি চোক্ৎবা কল্যাণী তপ্তহেমনিভাননা।
করসংমিতমধ্যাঙ্গী বাক্যমাহ তপোধনাঃ॥ 12-228-24 (74328)
যদ্যস্তি সংমতো বিপ্রো হ্যন্ধোঽনন্ধঃ স মে বরঃ।
নোচুর্বিপ্রা মহাভাগাং প্রতিবাক্যং যয়ুশ্চ তে॥ 12-228-25 (74329)
কন্যা চ তিষ্ঠতামত্র পিতুর্বেশ্মনি ভারত॥ 12-228-26 (74330)
শ্বেতকেতুঃ কহালস্য শ্যালঃ পরমধর্মবিৎ।
শ্রুৎবা ব্রহ্মা তদাগম্য কন্যামাহ মহীপতে॥ 12-228-27 (74331)
সোহং ভদ্রে সমাবৃত্তস্ৎবয়োক্তো যঃ পুরা দ্বিজঃ।
বিশালনয়নং বিদ্ধি মামন্ধোঽহং বৃণীষ্ব মাম্॥ 12-228-28 (74332)
সুবর্চলোবাচ। 12-228-29x (6147)
কথং বিশালনেত্রোঽসি কথং বা ৎবমলোচনঃ।
ব্রূহি পশ্চাদহং বিদ্বন্পরীক্ষে ৎবাং দ্বিজোত্তম॥ 12-228-29 (74333)
দ্বিজ উবাচ। 12-228-30x (6148)
শব্দে স্পর্শে তথা রূপে রসে গন্ধে সহেতুকম্।
ন মে প্রবর্ততে চেতো ন প্রত্যক্ষং হি তেষু মে।
অলোচনোঽহং তস্মাদ্ধি ন গতির্বিদ্যতে যতঃ॥ 12-228-30 (74334)
যেন পশ্যতি সুশ্রোণি ভাষতে স্পৃশতে পুনঃ।
ভুজ্যতে ঘ্রায়তে নিত্যং শৃণোতি মনুতে তথা॥ 12-228-31 (74335)
তচ্চক্ষুর্বিদ্যতে মহ্যং যেন পশ্যতি বৈ স্ফুটম্।
সুলোচনোঽহং ভদ্রে বৈ পৃচ্ছ বা কিং বদামি তে।
সর্বমস্মিন্ন মে বিদ্যা বিদ্বান্হি পরমার্থতঃ॥ 12-228-32 (74336)
সা বিশুদ্ধা ততো ভূৎবা শ্বেতকেতুং মহামুনিম্।
প্রণম্য পূজয়ামাস তাং ভার্যাং স চ লব্ধবান্॥ 12-228-33 (74337)
বৈরাগ্যসংয়ুতা কন্যা তাদৃশং পরিমুত্তমম্।
প্রাপ্তা রাজন্মহাপ্রাজ্ঞ তস্মাদর্থঃ পৃথক্পৃথক্॥ 12-228-34 (74338)
এতত্তে কথিতং রাজন্কিং ভূয়ঃ শ্রোতুমিচ্ছসি॥' ॥ 12-228-35 (74339)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টাবিংশত্যধিকদ্বিশততমোঽধ্যায়ঃ॥ 228॥
শান্তিপর্ব - অধ্যায় 229
॥ শ্রীঃ ॥
12.229. অধ্যায়ঃ 229
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জ্ঞানস্য শ্রেয়ঃসাধনৎবজ্ঞানোপায়াদিপ্রতিপাদকেন্দ্রপ্রহ্নাদসংবাদানুবাদঃ॥ 1॥Mahabharata - Shanti Parva - Chapter Text
12-229-0 (74340)
যুধিষ্ঠির উবাচ। 12-229-0x (6149)
যদিদং কর্ম লোকেঽস্মিঞ্শুভং বা যদি বাঽশুভম্।
পুরুষং যোজয়ত্যেব ফলয়োগেন ভারত॥ 12-229-1 (74341)
কর্তা স্বিত্তস্য পুরুষ উতাহো নেতি সংশয়ঃ।
এতদিচ্ছামি তত্ৎবেন ৎবত্তঃ শ্রোতুং পিতামহ॥ 12-229-2 (74342)
ভীষ্ম উবাচ। 12-229-3x (6150)
অত্রাপ্যুদাহরন্তীমমিতিহাসং পুরাতনম্।
প্রহ্লাদস্য চ সংবাদমিন্দ্রস্য চ যুধিষ্ঠির॥ 12-229-3 (74343)
অসক্তং ধূতপাপ্মানং কুলে জাতং বহুশ্রুতম্।
অস্তব্ধমনহংকারং সৎবস্থং সংয়তেন্দ্রিয়ম্॥ 12-229-4 (74344)
তুল্যনিন্দাস্তুতিং দান্তং শূন্যাগারসমাকৃতিম্।
চরাচরাণাং ভূতানাং বিদিতপ্রভবাপ্যযম্॥ 12-229-5 (74345)
অক্রুধ্যন্তমহৃষ্যন্তমপ্রিয়েষু প্রিয়েষু চ।
কাঞ্চনে বাঽথ লোষ্ঠে বা উভয়োঃ সমদর্শনম্॥ 12-229-6 (74346)
আত্মনি শ্রেয়সি জ্ঞানে ধীরং নিশ্চিতনিশ্চয়ম্॥
পরাবরজ্ঞং ভূতানাং সর্বজ্ঞং সর্বদর্শনম্॥ 12-229-7 (74347)
`অব্যক্তাত্মনি গোবিন্দে বাসুদেবে মহাত্মনি।
হৃদয়েন সমাবিষ্টং সর্বভাবপ্রিয়ংকরম্॥ 12-229-8 (74348)
ভক্তং ভাগবতং নিত্যং নারায়ণপরায়ণম্।
ধ্যায়ন্তং পরমাত্মানং হিরণ্যকশিপোঃ সুতম্॥' 12-229-9 (74349)
শক্রঃ প্রহ্লাদমাসীনমেকান্তে সংয়তেন্দ্রিয়ম্।
বুভুৎসমানস্তৎপ্রজ্ঞামভিগম্যেদমব্রবীৎ॥ 12-229-10 (74350)
যৈঃ কৈশ্চিৎসংমতো লোকে গুণৈঃ স্যাৎপুরুষো নৃষু।
ভবত্যনপগান্সর্বাংস্তান্গুণাঁল্লক্ষয়ামহে॥ 12-229-11 (74351)
অথ তে লক্ষ্যতে বুদ্ধিঃ সমা বালজনৈরিহ।
আত্মানং মন্যমানঃ সঞ্শ্রেয়ঃ কিমিহ মন্যসে॥ 12-229-12 (74352)
বদ্ধঃ পাশৈশ্চ্যুতঃ স্থানাদ্দ্বিষতাং বশমাগতঃ।
শ্রিয়া বিহীনঃ প্রহ্লাদ শোচিতব্যে ন শোচসি॥ 12-229-13 (74353)
প্রজ্ঞালাভেন দৈতেয় উতাহো ধৃতিমত্তথা।
প্রহ্লাদ স্বস্থরূপোঽসি পশ্যন্ব্যসনমাত্মনঃ॥ 12-229-14 (74354)
ভীষ্ম উবাচ। 12-229-15x (6151)
ইতি সংচোদিতস্তেন ধীরো নিশ্চিতনিশ্চয়ঃ।
উবাচ শ্লক্ষ্ণয়া বাচা স্বাং প্রজ্ঞামনুবর্ণয়ন্॥ 12-229-15 (74355)
প্রহ্লাদ উবাচ। 12-229-16x (6152)
প্রবৃত্তিং চ নিবৃত্তিং চ ভূতানাং যো ন বুধ্যতে।
তস্য স্তম্ভো ভবেদ্বাল্যান্নাস্তি স্তংভোঽনুপশ্যতঃ॥ 12-229-16 (74356)
`গহনং সর্বভূতানাং ধ্যেয়ং নিত্যং সনাতনম্।
অনিগ্রহমনৌপম্যং সর্বাকারং পরাৎপরম্॥ 12-229-17 (74357)
সর্বাবরণসংভূতং তস্মাদেতৎপ্রবর্ততে।
তন্ময়া অপি সংপশ্য নানালক্ষণলক্ষিতাঃ॥ 12-229-18 (74358)
স বৈ পাতি জগৎস্রষ্টা বিষ্ণুরিত্যভিশব্দিতঃ।
পুনর্দর্শতি সংপ্রাপ্তে------সুরেশ্চরঃ॥' 12-229-19 (74359)
স্বভাবাৎসংপ্রবর্তন্তে নিবর্তন্তে তথৈব চ।
সর্বে ভাবাস্তথা ভাবাঃ পুরুষার্থো ন বিদ্যতে॥ 12-229-20 (74360)
পুরুষার্থস্য চাভাবে নাস্তি কশ্চিৎস্বকারকঃ।
স্বয়ং চ কুর্বতস্তস্য জাতু মানো ভবেদিহ॥ 12-229-21 (74361)
যস্তু কর্তারমাত্মানং মন্যতে সাধ্বসাধু বা।
তস্য দোষবতী প্রজ্ঞা অতত্ৎবজ্ঞেতি মে মতিঃ॥ 12-229-22 (74362)
যদি স্যাৎপুরুষঃ কর্তা শক্রাত্মশ্রেয়সে ধ্রুবম্।
আরম্ভাস্তস্য সিদ্ধ্যেয়ুর্ন তু জাতু পরাভবেৎ॥ 12-229-23 (74363)
অনিষ্টস্য হি নির্বৃত্তিরনিবৃত্তিঃ প্রিয়স্য চ।
লক্ষ্যতে যতমানানাং পুরুষার্থস্ততঃ কুতঃ॥ 12-229-24 (74364)
অনিষ্টস্যাভিনির্বৃত্তিমিষ্টসংবৃতিমেব চ।
অপ্রয়ত্নেন পশ্যামঃ কেষাং চিত্তৎস্বভাবতঃ॥ 12-229-25 (74365)
প্রতিরূপতরাঃ কেচিদ্দৃস্যন্তে বুদ্ধিমত্তরাঃ।
বিরূপেভ্যোঽল্পবুদ্ধিভ্যো লিপ্সমানা ধনাগমং॥ 12-229-26 (74366)
স্বভাবপ্রেরিতাঃ সর্বে নিবিশন্তে গুণা যদা।
শুভাশুভাস্তদা তত্র তস্য কিং মানকারণম্॥ 12-229-27 (74367)
স্বভাবাদেব তৎসর্বমিতি মে নিশ্চিতা মতিঃ।
আত্মপ্রতিষ্ঠা প্রজ্ঞা বা মম নাস্তি ততোঽন্যথা॥ 12-229-28 (74368)
কর্মজং ৎবিহ মন্যন্তে পলয়োগং শুভাশুভম্।
কর্মণাং বিষয়ং কৃৎস্নমহং বক্ষ্যামি তচ্ছৃণু॥ 12-229-29 (74369)
যথা বেদয়তে কশ্চিদোদনং পায়সং হ্যদন্।
এবং সর্বাণি কর্মাণি স্বভাবস্যৈব লক্ষণম্॥ 12-229-30 (74370)
বিকারানেব যো বেদ ন বেদ প্রকৃতিং পরাম্।
তস্য স্তংভোঽভবেদ্বাল্যান্নাস্তি স্তংভোঽনুপশ্যতঃ॥ 12-229-31 (74371)
স্বভাবভাবিনো ভাবান্সর্বানেবেহ নিশ্চয়ে।
বুদ্ধ্যমানস্য দর্পো বা মানো বা কিং করিষ্যতি॥ 12-229-32 (74372)
বেদ ধর্মবিধিং কৃৎস্নং ভূতানাং চাপ্যনিত্যতাম্।
তস্মাচ্ছক্র ন শোচারি সর্বং হ্যেবেদমন্তবৎ॥ 12-229-33 (74373)
নির্মমো নিরহংকারো নিরীহো মুক্তবন্ধনঃ।
স্বস্থো ব্যপেতঃ পশ্যামি ভূতানাং প্রভবাপ্যযৌ॥ 12-229-34 (74374)
কৃতপ্রজ্ঞস্য দান্তস্য বিতৃষ্ণায় নিরাশিষঃ।
নায়াসো বিদ্যতে শক্র পশ্যতো যোগবিত্তয়া॥ 12-229-35 (74375)
প্রকৃতৌ চ বিকারে চ ন মে প্রীতির্ন চ দ্বিষে।
দ্বেষ্টারং চ ন পশ্যামি যো মমাদ্য বিরুধ্যতি॥ 12-229-36 (74376)
নোর্ধ্বং নাবাঙ্বতির্যক্চ ন ক্বচিচ্ছক্র কাময়ে।
ন হি জ্ঞেয়ে ন বিজ্ঞানে নাজ্ঞানে বিদ্যতেঽন্তরম্॥ 12-229-37 (74377)
শক্র উবাচ। 12-229-38x (6153)
যেনৈষা লভ্যতে প্রজ্ঞা যেন শান্তিরবাপ্যতে।
প্রব্রূহি তমুপায়ং মে সম্যক্প্রহ্লাদ পৃচ্ছতে॥ 12-229-38 (74378)
প্রহ্লাদ উবাচ। 12-229-39x (6154)
আর্জবেনাপ্রমাদেন প্রসাদেনাত্মবত্তয়া।
গুরুশুশ্রূষয়া শক্র পুরুষো লভতে মহৎ॥ 12-229-39 (74379)
স্বভাবাল্লভতে প্রজ্ঞাং শান্তিমেতি স্বভাবতঃ।
স্বভাবাদেব তৎসর্বং যৎকিংচিদনুপশ্যতি॥ 12-229-40 (74380)
`নৈবান্তরং বিজানাতি শ্রুৎবা গুরুমুখাত্ততঃ।
বাক্যং বাক্যার্থবিজ্ঞানমালোক্য মনসা যতিঃ॥ 12-229-41 (74381)
বিবেকপ্রত্যযাপন্নমাত্মানমনুপশ্যতি।
বিরজ্যতি ততো ভীত্যা পরমেশ্বরমৃচ্ছতি॥ 12-229-42 (74382)
ত্রাতারং সর্বদুঃখানাং তৎসুখান্বেষণং ততঃ।
করোতি সদ্ভিঃ সংসর্গমলং সন্তঃ সুখায় বৈ॥ 12-229-43 (74383)
সতাং সকাশাদাজ্ঞায় মার্গং লক্ষণবত্তয়া।
সর্বসঙ্গবিনির্মুক্তঃ পরমাত্মানমৃচ্ছতি॥ 12-229-44 (74384)
বিষয়েচ্ছাকৃতো ধর্মং সরজস্কো ভয়াবহঃ।
ধর্মহানিমবাপ্নোতি ক্রমাত্তেন নরঃ পুনঃ॥ 12-229-45 (74385)
ভক্তিহীনো ভবত্যেব পরমাত্মনি চাচ্যুত।
বাচকে বাঽপি চ স্থানং ন হন্ত্যেব বিমোচিতঃ॥ 12-229-46 (74386)
সার্ক্ষ্যে চাস্য রতির্নিত্যং সংসারে চ রতির্ভবেৎ।
তস্য নিত্যমবিজ্ঞানাদাত্মাচৈব ন সিদ্ধ্যতি॥ 12-229-47 (74387)
উন্মত্তবৃত্তির্ভবতি ক্রমাদেবং প্রবর্ততে।
আশৌচং বর্ধতে নিত্যং ন শাম্যতি কথংচন॥ 12-229-48 (74388)
বিষয়ে চান্বিতস্যাস্য মোক্ষবাঞ্ছা ন জায়তে।
হেৎবাভাসেষু সংলীনঃ স্তৌতি বৈষয়িকান্গুণান্॥ 12-229-49 (74389)
ন শাস্ত্রাণি শৃণোত্যেব মানদর্পসমন্বিতঃ।
স্বতঃসিদ্ধং ন ভোগস্তং স্বতঃ সিদ্ধং ন বেত্তি চ।
চিদ্রূপধারণং চৈব পরসৃষ্টিমথাব্যযম্॥ 12-229-50 (74390)
নানায়োনিগতস্তেন ভ্রাম্যমাণঃ স্বকর্মভিঃ।
তীর্ণপারং ন জানাতি মহামোহসমন্বিতঃ।
আচার্যসংশ্রয়াদ্বিদ্যাদ্বিনয়ং সমুপাগতঃ॥ 12-229-51 (74391)
অনুকূলেষু ধর্মেষু চিনোত্যেনং ততস্ততঃ।
আচার্য ইতি চ খ্যাতস্তেনাসৌ বলবৃত্রহন্॥ 12-229-52 (74392)
নিয়তেনৈব সদ্ভাবস্তেন জন্মান্তরাদিষু।
কর্মসঞ্চয়তূলৌঘঃ ক্ষিপ্যতে জ্ঞানবায়ুনা॥ 12-229-53 (74393)
এবং যুক্তসমাচারঃ সংসারবিনিবর্তকঃ।
অনুকূলবৃত্তিং সততং ছিনত্ত্যেব ভৃগুর্যথা॥ 12-229-54 (74394)
যেন চায়ং সমাপন্নং বৈতৃষ্ণ্যং নাধিগচ্ছতি।
অভ্যন্তরঃ স্মৃতঃ শক্র তৎসাম্যং পরিবর্জয়েৎ॥ 12-229-55 (74395)
প্রথমং তৎকৃতেনৈব কর্মণা পরিমৃচ্ছতি।
দ্বিতীয়ং স্বপ্নয়োগং চ কর্মণা পরিগচ্ছতি॥ 12-229-56 (74396)
এতৈরক্ষৈঃ সমাপন্নঃ প্রত্যক্ষোঽসৌ সমাস্থিতঃ।
সুপুপ্ত্যাখ্যস্তুরীয়োসৌ ন চ হ্যাবরণান্বিতঃ॥ 12-229-57 (74397)
লোকবৃত্ত্যা তমীশানং যজঞ্জুহ্বন্যমী ভবেৎ।
আত্মন্যায়াসয়োগেন নিষ্ক্রিয়ং স পরাৎপরম্॥ 12-229-58 (74398)
আয়ামে তাং বিজানাতি মায়ৈষা পরমাত্মনঃ।
প্রাতিভাসিকসামান্যাদ্বুদ্ধের্যা সংবিদাত্মিকা॥ 12-229-59 (74399)
স্ফুলিঙ্গসত্ৎবসদৃশাদগ্নিভাবো যথা ভবেৎ।
শিশূনামেবমজ্ঞানামাত্মভাবোঽন্যথা স্মৃতঃ॥ 12-229-60 (74400)
সাধ্যেঽপ্যবস্তুভূতাখ্যে মিত্রামিত্রাদয়ঃ কুতঃ।
তদভাবে তু শোকাদ্যা ন বর্তন্তে সুরেশ্বর॥ 12-229-61 (74401)
এবং বুধ্যস্ব ভগবন্সমবুদ্ধিং সমন্বিয়াৎ।
উপায়মেতদাখ্যাতং মা বক্রং গচ্ছ দেবপ॥ 12-229-62 (74402)
জ্ঞানেন পশ্যতে কর্ম জ্ঞানিনাং ন প্রবর্তকম্।
যাবদারব্ধমস্যেহ তাবন্নৈবোপশাম্যতি॥ 12-229-63 (74403)
তদন্তে তং প্রয়াত্যেব ন বিদ্বানিতি মে মতিঃ।
যদস্য বাচকং বক্ষ্যে সংস্মরে তদ্ভবেত্তদা॥ 12-229-64 (74404)
তেনতেন চ ভাবেন অপায়ং তত্র পশ্যতি।
স্থানভেদেষু বাগেষা তালুসংস্থা যথা তথা॥ 12-229-65 (74405)
তদ্বদুদ্ধিগতা হ্যর্থা বুদ্ধিমাত্মগতঃ সদা॥ 12-229-66 (74406)
সমস্তসংকল্পবিশেষমুক্তং
পরং পরাণাং পরমং মহাত্মা।
ত্রয়্যন্তবিদ্ভিঃ পরিগীয়তেঽসৌ
বিষ্ণুর্বিভুর্বাস্তি গুণো ন নিত্যম্॥ 12-229-67 (74407)
বর্ণেষু লোকেষু বিশেষণেষু
স বাসুদেবো বসনান্মহাত্মা।ট
গুণানুরূপং স চ কর্মরূপং
দদাতি সর্বস্য সমস্তরূপম্।
ন সংদৃশে তিষ্ঠতি রুপমস্য
ন চক্ষুষা পশ্যতি কশ্চিদেনম্॥ 12-229-68 (74408)
ভক্ত্যা চ ধৃত্যা চ সমাহিতাত্মা
জ্ঞানস্বরূপং পরিপশ্যতীহ॥ 12-229-69 (74409)
বদন্তি তন্মে ভগবান্দদৌ স
স এব শেষং মঘবান্মহাত্মা।
এবং মমোপায়মবৈহি শক্র
তস্মাল্লোকো নাস্তি মহ্যং সদৈব॥' 12-229-70 (74410)
ভীষ্ম উবাচ। 12-229-71x (6155)
ইত্যুক্তো দৈত্যপতিনা শক্রো বিস্ময়মাগমৎ।
প্রীতিমাংশ্চ তদা রাজংস্তদ্বাক্যং প্রত্যপূজয়ৎ॥ 12-229-71 (74411)
স তদাভ্যর্চ্য দৈত্যেন্দ্রং ত্রৈলোক্যপতিরীশ্বরঃ।
অসুরেন্দ্রমুপামন্ত্র্য জগাম স্বং নিবেশনম্॥ ॥ 12-229-72 (74412)
ইতি শ্রীমন্মহাভারতে শন্তিপর্বণি মোক্ষধর্মপর্বণি একোনত্রিংশদধিকদ্বিশততমোঽধ্যায়ঃ॥ 229॥
Mahabharata - Shanti Parva - Chapter Footnotes
12-229-2 শ্রোতুং ৎবত্তো বদস্ব মে ইতি ট. থ. পাঠঃ॥ 12-229-4 অসক্তং ফলেচ্ছারহিতম্। সংয়মে রতং ইতি ট. থ. পাঠঃ। সময়ে রতং ইতি ঝ. পাঠঃ॥ 12-229-5 শূন্যাগারনিবাসিনং ইতি ঝ. পাঠঃ॥ 12-229-7 আত্মনি প্রতীচি। শ্রেয়স্যানন্দরূপে। জ্ঞানে চিন্মাত্রে। ধীরং কুতর্কানভিভূতম্। সর্বজ্ঞং সমদর্শনমিতি ঝ. পাঠঃ॥ 12-229-11 ভবতি ৎবয়ি। অনপগান্ স্থিরান্॥ 12-229-12 বালজনৈঃ সমারাগদ্বেষাদিরাহিত্যাৎ। মন্যমানো জানন্নাত্মজ্ঞানার্থং কিং শ্রেয়ঃ প্রশস্ততরং সাধনম্॥ 12-229-15 তদুক্তমনুবর্ণয়ন্ ইতি ধ. পাঠঃ॥ 12-229-21 নাস্তি কাচিৎস্বকা রতিঃ ইতি থ. পাঠঃ॥ 12-229-25 অনিষ্টস্যাপ্যনির্বৃত্তিমিষ্টনির্বৃত্তিমেব চ ইতি ট. থ. পাঠঃ॥ 12-229-30 কশ্চিদোদনং বায়সো হ্যদন্নিতি ঝ. পাঠঃ॥ 12-229-32 বুধ্যমানস্য বৈ দর্পং মনো বা ইতি ধ. পাঠঃ॥ 12-229-35 পশ্যতো লোকবিদ্যযা ইতি ধ. পাঠঃ। লোকমব্যযং ইতি ঝ. পাঠঃ॥ 12-229-36 যো মামদ্য মমায়তে ইতি ঝ. পাঠঃ॥ 12-229-37 ন জ্ঞানে কর্ম বিদ্যতে ইতি ঝ. পাঠঃ॥ 12-229-38 প্রজ্ঞা জ্ঞানম্। শান্তিস্তৎফলম্॥ 12-229-39 মহৎ মোক্ষম্॥শান্তিপর্ব - অধ্যায় 230
॥ শ্রীঃ ॥
12.230. অধ্যায়ঃ 230
Mahabharata - Shanti Parva - Chapter Topics
ইন্দ্রবলিসংবাদঃ॥ 1॥ ইন্দ্রাবমানিতেন বলিনা তংপ্রতি গর্বভঞ্জকবচনোপন্যাসঃ॥ 2॥Mahabharata - Shanti Parva - Chapter Text
12-230-0 (74467)
যুধিষ্ঠির উবাচ। 12-230-0x (6166)
যয়া বুদ্ধ্যা মহীপালো ভ্রষ্টশ্রীর্বিচরেন্মহীম্।
কালদণ্ডবিনিষ্পিষ্টস্তন্মে ব্রূহি পিতামহ॥ 12-230-1 (74468)
ভীষ্ম উবাচ। 12-230-2x (6167)
অত্রাপ্যুদাহরন্তীমমিতিহাসং পুরাতনম্।
বাসবস্য চ সংবাদং বলের্বৈরোচনস্য চ॥ 12-230-2 (74469)
পিতামহমুপাগম্য প্রণিপত্য কৃতাঞ্জলিঃ।
সর্বানেবাসুরাঞ্জিৎবা বলিং পপ্রচ্ছ বাসবঃ॥ 12-230-3 (74470)
যস্য স্ম দদতো বিত্তং ন কদাচন হীয়তে।
তং বলিং নাধিগচ্ছামি ব্রহ্মন্নাচক্ষ্ব মে বলিম্॥ 12-230-4 (74471)
স বায়ুর্বরুণশ্চৈব স রবিঃ স চ চন্দ্রমাঃ।
সোঽগ্নিস্তপতি ভূতানি জলং চ স ভবত্যুত॥ 12-230-5 (74472)
তং বলিং নাধিগচ্ছামি ব্রহ্মন্নাচক্ষ্ব মে বলিম্।
স এব হ্যস্তময়তে স স্ম বিদ্যোততে দিশঃ॥ 12-230-6 (74473)
স বর্ষতি স্ম বর্ষাণি যথাকালমতন্দ্রিতঃ।
তং বলিং নাধিগচ্ছামি ব্রহ্মন্নাচক্ষ্ব মে বলিম্॥ 12-230-7 (74474)
ব্রহ্মোবাচ। 12-230-8x (6168)
নৈতত্তে সাধু মঘবন্যদেনমনুপৃচ্ছসি।
পৃষ্টস্তু নানৃতং ব্রূয়াত্তস্মাদ্বক্ষ্যামি তে বলিম্॥ 12-230-8 (74475)
উষ্ট্রেষু যদি বা গোষু খরেষ্বশ্বেষু বা পুনঃ।
বরিষ্ঠো ভবিতা জন্তুঃ শূন্যাগারে শচীপতে॥ 12-230-9 (74476)
শক্র উবাচ। 12-230-10x (6169)
যদি স্ম বলিনা ব্রহ্মঞ্শূন্যাগারে সমেয়িবান্।
হন্যামেনং ন বা হন্যাং তদ্ব্রহ্মন্ননুশাধি মাম্॥ 12-230-10 (74477)
ব্রহ্মোবাচ। 12-230-11x (6170)
মা স্ম শক্র বলিং হিংসীর্ন বলির্বধমর্হতি।
ন্যায়স্তু শক্র প্রষ্টব্যস্ৎবয়া বাসব কাম্যযা॥ 12-230-11 (74478)
ভীষ্ম উবাচ। 12-230-12x (6171)
এবমুক্তো ভগবতা মহেন্দ্রঃ পৃথিবীং তদা।
চচারৈরাবতস্কন্ধমধিরুহ্য শ্রিয়া বৃতঃ॥ 12-230-12 (74479)
ততো দদর্শ স বলিং খরবেষেণ সংবৃতম্।
যথাখ্যাতং ভগবতা শূন্যাগারকৃতালয়ম্॥ 12-230-13 (74480)
শক্র উবাচ। 12-230-14x (6172)
খরয়োনিমনুপ্রাপ্তস্তুপভক্ষোঽসি দানব।
ইদং তে যোনিরসমা শোচস্যাহো ন শোচসি॥ 12-230-14 (74481)
অদৃষ্টং বত পশ্যামি দ্বিষতাং বশমাগতম্।
শ্রিয়া বিহীনং মিত্রৈশ্চ ভ্রষ্টৈশ্বর্যপরাক্রমম্॥ 12-230-15 (74482)
যত্তদ্যানসহস্রৈস্ৎবং জ্ঞাতিভিঃ পরিবারিতঃ।
লোকান্প্রতাপয়ন্সর্বান্যাস্যস্মানবিতর্কয়ন্॥ 12-230-16 (74483)
ৎবন্মুখাশ্চৈব দৈতেয় ব্যতিষ্ঠংস্তব শাসনে।
অকৃষ্টপচ্যা পৃথিবী তবৈশ্বর্যে বভূব হ॥ 12-230-17 (74484)
ইদং চ তেঽদ্য ব্যসনং শোচস্যাহো ন শোচসি।
যদাঽতিষ্ঠঃ সমুদ্রস্য পূর্বকূলে বিলেলিখন্॥ 12-230-18 (74485)
জ্ঞাতিভ্যো বিভজন্বিত্তং তদাসীত্তে মনঃ কথম্।
যত্তে সহস্রসমিতা ননুতুর্দেবসোষিতঃ॥ 12-230-19 (74486)
বহূনি বর্ষপূগানি বিহারে দীপ্যতঃ শ্রিয়া।
সর্বাঃ পুষ্করমালিন্যঃ সর্বাঃ কাঞ্চনসপ্রভাঃ॥ 12-230-20 (74487)
কথমদ্য তদা চৈব মনস্তে দানবেশ্বর।
ছত্রং তবাসীৎসুমহৎসৌবর্ণং রত্নভূষিতম্॥ 12-230-21 (74488)
ননৃতুস্তত্র গন্ধর্বাঃ ষট্সহস্রাণি সপ্তচা।
যূপস্তবাসীৎসুমহান্যজতঃ সর্বকাঞ্চনঃ॥ 12-230-22 (74489)
যত্রাদদঃ সহস্রাণি অয়ুতানাং গবাং দশ।
অনন্তরং সহস্রেণ তদাঽঽসীদ্দৈত্যা কা মতিঃ॥ 12-230-23 (74490)
যদা চ পৃথিবীং সর্বাং যজমানোঽনুপর্যগাঃ।
শম্যাক্ষেপেণ বিধিনা তদাঽঽসীৎকিংতু তে হৃদি॥ 12-230-24 (74491)
ন তে পশ্যামি ভৃঙ্গারং ন চ্ছত্রং ব্যজনং ন চ।
ব্রহ্মদত্তাং চ তে মালাং ন পশ্যাম্যসুরাধিপ॥ 12-230-25 (74492)
`ভীষ্ম উবাচ। 12-230-26x (6173)
ততঃ প্রহস্য স বলির্বাসবেন সমীরিতম্।
নিশম্য মানগম্ভীরং সুররাজমথাব্রবীৎ॥ 12-230-26 (74493)
অহো হি তব বালিশ্যমিহ দেবগণাধিপ।
অয়ুক্তং দেবরাজস্য তব কষ্টমিদং বচঃ॥' 12-230-27 (74494)
ন ৎবং পশ্যসি ভৃঙ্গারং ন চ্ছন্নং ব্যজনং ন চ।
ব্রহ্মদত্তাং চ মে মালাং ন ৎবং দ্রক্ষ্যসি বাসব॥ 12-230-28 (74495)
গুহায়াং নিহিতানি ৎবং মম রত্নানি পৃচ্ছসি।
যদা মে ভবিতা কালস্তদা ৎবং তানি দ্রক্ষ্যসি॥ 12-230-29 (74496)
`ন জানীষে ভবান্সিদ্ধিং শুভাঙ্গস্বরূপরূপিণীম্।
কালেন ভবিতা সর্বো নাত্র গচ্ছতি বাসব॥' 12-230-30 (74497)
ন ৎবেতদনুরূপং তে যশসো বা কুলস্য চ।
সমৃদ্ধার্থোঽসমৃদ্ধার্থং যন্মাং কত্থিতুমিচ্ছসি॥ 12-230-31 (74498)
ন হি দুঃখেষু শোচন্তে ন প্রহৃষ্যন্তি চর্দ্ধিষু।
কৃতপ্রজ্ঞাঃ জ্ঞানতৃপ্তাঃ ক্ষান্তাঃ সন্তো মনীষিণঃ॥ 12-230-32 (74499)
ৎবং তু প্রাকৃতয়া বুদ্ধ্যা পুরংদর বিকত্থসে।
যদাঽহমিব ভাবী স্যাস্তদা নৈবং বদিষ্যসি॥ 12-230-33 (74500)
`ঐশ্বর্যমদমত্তো মাং স ৎবং কিংচিন্ন বুদ্ধ্যসে।
রাজ্যাদ্বিনিপতানেন সোহং ন ৎবপরাজিতঃ॥' ॥ 12-230-34 (74501)
ইতি শ্রীমন্মহাভারতে শন্তিপর্বণি মোশ্রধর্মপর্বণি ত্রিংশদধিকদ্বিশততমোঽধ্যায়ঃ॥ 230॥
Mahabharata - Shanti Parva - Chapter Footnotes
12-230-1 ভ্রষ্টশ্রীর্বিন্দতে মহীম্ ইতি ধ. পাঠঃ॥ 12-230-4 স্ববীর্যখ্যাপনায় বলিং স্তৌতি যস্যেত্যাদিনা॥ 12-230-9 গোষু বৃষভেষু। শৃন্যাগারপ্রতিশ্রয়ঃ ইতি ট. থ. ধ. পাঠঃ॥ 12-230-15 ভ্রষ্টবীর্যপরাক্রমম্ ইতি ঝ. পাঠঃ॥ 12-230-17 অফুষ্টয়চ্যা কৃষণংজিনা ধান্যপ্রসৃঃ॥ 12-230-18 বিলেলিহন্ ইতি ধ. পাঠঃ। তত্র তালুগ্রস্তং জগাকুর্বশিত্যর্থঃ॥ 12-230-24 সূক্ষ্মাগ্রঃ স্থূলমূলঃ ষট্ত্রিংশদঙ্গুলো দণ্ডঃ শম্যা সা বলবতা ক্ষিপ্তা ভাতহূরে পতেতাবদেকং দেবপ্রজনম্। এবং সর্বাপি পৃথিবী শম্যাপ্রক্ষেপবিভেদা। তব দেবগজনানামপর্যাপ্তাভূদিত্যর্থঃ। পর্যগাঃ পরিহৃত্য গতবান্॥ 12-230-25 ভৃঙ্গারঃ সৌবণং উদপাত্রবিশেষঃ॥ 12-230-35 বিনিপতানেন বিনিপতনেন॥শান্তিপর্ব - অধ্যায় 231
॥ শ্রীঃ ॥
12.231. অধ্যায়ঃ 231
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সর্যস্যাপি কালনিয়ামকেশ্বরনিয়ম্যৎবপ্রতিপাদকশক্রবলিসংবাদানুবাদঃ॥ 1॥Mahabharata - Shanti Parva - Chapter Text
12-231-0 (74502)
ভীষ্ম উবাচ। 12-231-0x (6174)
পুনেরব তু সং শক্রঃ অহসন্নিদমব্রবীৎ।
নিশ্বসন্তং যথা গায়ং প্রত্যাহারায় ভারত॥ 12-231-1 (74503)
যথজ্ঞানসহস্রেণ জ্ঞাতিভিঃ পরিবারিতঃ।
লোকান্যতাপয়ন্তর্বান্যাস্যস্মানবিতর্কয়ন্॥ 12-231-2 (74504)
দৃষ্ট্বা সুকৃষ্ণাং চেমাগয়স্থামাত্মনো বলে।
জ্ঞাতিমিত্রপরিত্যক্তঃ শোচস্যাহো ন শোচসি॥ 12-231-3 (74505)
প্রীতিং প্রাপ্যাতুলাং পূর্বং লোকাংশ্চাত্মবশে স্থিতান্।
বিনিপাতমিমং চাদ্য শোচস্যাহো ন শোচসি॥ 12-231-4 (74506)
বলিরুবাচ। 12-231-5x (6175)
`গর্বং হিৎবা তথা মানং দেবরাজ শৃণুষ্ব মে।
ময়া চ ৎবাঽনুসদ্ভাবং পূর্বমাচরিতং মহৎ॥ 12-231-5 (74507)
অবশ্যকালপর্যায়মাত্মনঃ পরিবর্তনম্।
অবিদঁল্লোকমাহাত্ম্যং-------॥' 12-231-6 (74508)
অনিত্যমুপলক্ষ্যেহ কালপর্যায়মাত্মনঃ।
তস্মাচ্ছক্র ন শোচামি সর্বং হ্যেবেদমন্তবৎ॥ 12-231-7 (74509)
অন্তবন্ত ইমে দেহা ভূতানাং চ সুরাধিপ।
তেন শক্র ন শোচামি নাপরাধাদিদং মম॥ 12-231-8 (74510)
জীবিতং চ শরীরং চ জাত্যা বৈ সহ জায়তে।
উভে সহ বিবর্ধেতে উভে সহ বিনশ্যতঃ॥ 12-231-9 (74511)
ন হীদৃশমহংভাবমবশঃ প্রাপ্য কেবলম্।
যদেবমভিজানামি কা ব্যথা মে বিজানতঃ॥ 12-231-10 (74512)
ভূতানাং নিধনং নিষ্ঠা স্রোতসামিব সাগরঃ।
নৈতৎসম্যগ্বিজানন্তো নরা মুহ্যন্তি বজ্রধৃৎ॥ 12-231-11 (74513)
যে ৎবেবং নাভিজানন্তি রজোমোহপরায়ণাঃ।
তে কৃচ্ছ্রং প্রাপ্য সীদন্তি বুদ্ধির্যেষাং প্রণশ্যতি॥ 12-231-12 (74514)
বুদ্ধিলাভাত্তু পুরুষঃ সর্বং তুদতি কিল্বিষম্।
বিপাপ্মা লভতে সৎবং সৎবস্থঃ সংপ্রসীদতি॥ 12-231-13 (74515)
ততস্তু যে নিবর্তন্তে জায়ন্তে বা পুনঃ পুনঃ।
কৃপণাঃ পরিতপ্যন্তে তৈরর্থৈরভিচোদিতাঃ॥ 12-231-14 (74516)
অর্থসিদ্ধিমনর্থং চ জীবিতং মরণং তথা।
সুখং দুঃখং ফলং চৈব ন দ্বেষ্মি ন চ কাময়ে॥ 12-231-15 (74517)
হতং হন্তি হতো হ্যেব যো নরো হন্তি কংচন।
উভৌ তৌ ন বিজানীতো যশ্চ হন্তি হতশ্চ যঃ॥ 12-231-16 (74518)
হৎবা জিৎবা চ মঘবন্যঃ কশ্চিৎপুরুষায়তে।
অকর্তা হ্যেব ভবতি কর্তা হ্যেব করোতি তৎ॥ 12-231-17 (74519)
কো হি লোকস্য কুরুতে বিনাশপ্রভবাবুভৌ।
কৃতং হি তৎকৃতেনৈব কর্তা তস্যাপি চাপরঃ॥ 12-231-18 (74520)
পৃথিবী জ্যোতিরাকাশমাপো বায়ুশ্চ পঞ্চমঃ।
এতদ্যোনীনি ভূতানি তত্র কা পরিদেবনা॥ 12-231-19 (74521)
মহাবিদ্যোঽল্পবিদ্যশ্চ বলবান্দুর্বলশ্চ যঃ।
দর্শনীয়ো বিরূপশ্চ সুভগো দুর্ভগশ্চ যঃ॥ 12-231-20 (74522)
সর্বং কালঃ সমাদত্তে গম্ভীরঃ স্বেন তেজসা।
তস্মিন্কালবশং প্রাপ্তে কা ব্যথা মে বিজানতঃ॥ 12-231-21 (74523)
দগ্ধমেবানুদহতে হতমেবানুহন্যতে।
নশ্যতে নষ্টমেবাগ্রে লব্ধব্যং লভতে নরঃ॥ 12-231-22 (74524)
নাস্য দ্বীপঃ কুতঃ পারো নাবারঃ সংপ্রদৃশ্যতে।
নান্তমস্য প্রপশ্যামি বিধের্দিব্যস্য চিন্তয়ন্॥ 12-231-23 (74525)
যদি মে পশ্যতঃ কালো ভূতানি ন বিনাশয়েৎ।
স্যান্মে হর্ষশ্চ দর্পশ্চ ক্রোধশ্চৈব শচীপতে॥ 12-231-24 (74526)
তুষভক্ষং তু মাং জ্ঞাৎবা প্রবিবিক্তজনে গৃহে।
বিভ্রতং গার্দভং রূপমাগত্য পরিগর্হসে॥ 12-231-25 (74527)
ইচ্ছন্নহং বিকুর্যাং হি রূপাণি বহৃধাঽঽত্মনঃ।
বিভীষণানি যানীক্ষ্য পলায়েথাস্ৎবমেব মে॥ 12-231-26 (74528)
কালঃ সর্বং সমাদত্তে কালঃ সর্বং প্রয়চ্ছতি।
কালেন বিহিতং সর্বং মা কৃথাঃ শক্র পৌরুষম্॥ 12-231-27 (74529)
পুরা সর্বং প্রব্যথিতং ময়ি ক্রুদ্ধে পুরংদর।
`বিদ্রবন্তি ৎবয়া সার্ধং সর্ব এব দিবৌকসঃ॥' 12-231-28 (74530)
অবৈমি ৎবস্য লোকস্য কর্মং শক্র সনাতনম্।
ৎবমপ্যেবমবেক্ষস্ব মাঽঽত্মনা বিস্মগং গমঃ॥ 12-231-29 (74531)
প্রভবশ্চ প্রভাবশ্চ নাত্মসংস্থঃ কদাচন।
কৌমারমেব তে চিত্তং তথৈবাদ্য যথা পুরা।
সমবেক্ষস্ব মঘবন্বুদ্ধিং বিন্দস্ব নৈষ্ঠিকীম্॥ 12-231-30 (74532)
দেবা মনুষ্যাঃ পিতরো গন্ধর্বোরগরাক্ষসাঃ।
আসন্সর্বে মম বশে তৎসর্বং বেত্থ বাসব॥ 12-231-31 (74533)
নমস্তস্যৈ দিশেঽপ্যস্তু যস্যাং বৈরোচনো বলিঃ।
ইতি মামভ্যপদ্যন্ত বুদ্ধিমাৎসর্যমোহিতাঃ॥ 12-231-32 (74534)
নাহং তদনুশোচামি নাত্মভ্রংশং শচীপতে।
এবং মে নিশ্চিতা বুদ্ধিঃ শাস্তুস্তিষ্ঠাম্যহং বশে॥ 12-231-33 (74535)
দৃশ্যতে হি কুলে জাতো দর্শনীয়ঃ প্রতাপবান্।
দুঃখং জীবন্সহামাত্যো ভবিতব্যং হি তত্তথা॥ 12-231-34 (74536)
দৌষ্কুলেয়স্তথা মূঢো দুর্জাতঃ শক্র দৃশ্যতে।
সুখং জীবন্সহামাত্যো ভবিতব্যং হি তত্তথা॥ 12-231-35 (74537)
কল্যাণী রূপসংপন্না দুর্ভগা শক্র দৃশ্যতে।
অলক্ষণা বিরূপা চ সুভগা দৃশ্যতে পরা॥ 12-231-36 (74538)
নৈতদস্মৎকৃতং শক্র নৈতচ্ছক্র ৎবয়া কৃতম্।
যত্তমেবং গতো বজ্রিন্যচ্চাপ্যেবং গতা বয়ম্॥ 12-231-37 (74539)
ন কর্ম তব নান্যেষাং কুতো মম শতক্রতো।
ঋদ্ধির্বাঽপ্যথবা নর্দ্ধিঃ পর্যায়কৃতমেব তৎ॥ 12-231-38 (74540)
পশ্যামি ৎবাং বিরাজন্তং দেবরাজমবস্থিতম্।
শ্রীমন্তং দ্যুতিমন্তং চ গর্জমানং মমোপরি॥ 12-231-39 (74541)
এবং নৈব ন চেৎকালো মামাক্রম্য স্থিতো ভবেৎ।
পাতয়েয়মহং ৎবাঽদ্য সবজ্রমপি মুষ্টিনা॥ 12-231-40 (74542)
ন তু বিক্রমকালোঽয়ং শান্তিকালোঽয়মাগতঃ।
কালঃ স্থাপয়তে সর্বং কালঃ পচতি বৈ তথা॥ 12-231-41 (74543)
মাং চেদভ্যাগতঃ কালো দানবেশ্বরমূর্জিতম্।
গর্জন্তং প্রতপন্তং চ কমন্যং নাগমিষ্যতি॥ 12-231-42 (74544)
দ্বাদশানাং তু ভবতামাদিত্যানাং মহাত্মনাম্।
তেজাংস্যেকেন সর্বেষাং দেবরাজ ধৃতানি মে॥ 12-231-43 (74545)
অহমেবোদ্বহাম্যাপো বিসৃজামি চ বাসব।
তপামি চৈব ত্রৈলোক্যং বিদ্যোতাম্যহমেব চ॥ 12-231-44 (74546)
সংরক্ষামি বিলুম্পামি দদাম্যহমথাদদে।
সংয়চ্ছামি নিয়চ্ছামি লোকেষু প্রভুরীশ্বরঃ॥ 12-231-45 (74547)
তদদ্য বিনিবৃত্তং মে প্রভুৎবমমরাধিপ।
কালসৈন্যাবগাঢস্য সর্বং ন প্রতিভাতি মে॥ 12-231-46 (74548)
নাহং কর্তা ন চৈব ৎবং নান্যঃ কর্তা শচীপতে।
পর্যায়েণ হি ভুজ্যন্তে লোকাঃ শক্র যদৃচ্ছয়া॥ 12-231-47 (74549)
মাসমাসার্ধবেশ্মানমহোরাত্রাভিসংবৃতম্।
ঋতুদ্বারং বায়ুমুখমায়ুর্বেদবিদো জনাঃ॥ 12-231-48 (74550)
আহুঃ সর্বমিদং চিন্ত্যং জনাঃ কেচিন্মনীষয়া।
`অনিত্যপঞ্চবর্ষাণি ষষ্ঠো দৃশ্যতি দেহিনাম্॥' 12-231-49 (74551)
অস্যাঃ পঞ্চৈব চিন্তায়াঃ পর্যেষ্যামি চ পঞ্চধা।
`ততস্তানি ন পশ্যামি কালে তমপি বৃত্রহন্॥' 12-231-50 (74552)
গম্ভীরং গহনং ব্রহ্ম মহত্তোয়ার্ণবং যথা।
অনাদিনিধনং চাহুরক্ষরং ক্ষরমেব চ॥ 12-231-51 (74553)
সত্ৎবেষু লিঙ্গমাবিশ্য নির্লিঙ্গমপি তৎস্বয়ম্।
মন্যন্তে ধ্রুবমেবৈনং যে জনাস্তত্ৎবদর্শিনঃ॥ 12-231-52 (74554)
`যমিন্দ্রিয়াণি সর্বাণি নানুপশ্যন্তি পঞ্চধা।
তং কালমিতি জানীহি যস্য সর্বমিদং বশে॥' 12-231-53 (74555)
ভূতানাং তু বিষর্যাসং কুরুতে ভগবানিতি।
ন হ্যেতাবদ্ভবেদ্গ্রাম্যং ন যস্মাৎপ্রভবেৎপুনঃ॥ 12-231-54 (74556)
গতিং হি সর্বভূতানামগৎবা ক্ব গমিষ্যতি।
যো ধাবতা ন হাতব্যস্তিষ্ঠন্নপি ন হীয়তে॥ 12-231-55 (74557)
তমিন্দ্রিয়াণি সর্বাণি নানুপশ্যন্তি পঞ্চধা।
আহুশ্চৈনং কেচিদগ্নিং কেচিদাহুঃ প্রজাপতিম্॥ 12-231-56 (74558)
ঋতূন্মাসার্ধমাসাংশ্চ দিবসাংশ্চ ক্ষণাংস্তথা।
পূর্বাহ্ণমপরাহ্ণং চ মধ্যাহ্নমপি চাপরে॥ 12-231-57 (74559)
মুহূর্তমপি চৈবাহুরেকং সন্তমনেকধা।
তং কালমিতি জানীহি যস্য সর্বমিদং বশে॥ 12-231-58 (74560)
বহূনীন্দ্রসহস্রাণি সমতীতানি বাসব।
বলবীর্যোপপন্নানি যথৈব ৎবং শচীপতে॥ 12-231-59 (74561)
ৎবামপ্যতিবলং শক্র দেবরাজং বলোৎকটম্।
প্রাপ্তে কালে মহাবীর্যঃ কালঃ সংশময়িষ্যতি॥ 12-231-60 (74562)
য ইদং সর্বমাদত্তে তস্মাচ্ছক্র স্থিরো ভব।
ময়া ৎবয়া চ পূর্বৈশ্চ ন স শক্যোঽতিবর্তিতুম্॥ 12-231-61 (74563)
যামেতাং প্রাপ্য জানীষে রাজ্যশ্রিয়মনুত্তমাম্।
স্থিতা ময়ীতি তন্মিথ্যা নৈষা হ্যেকত্র তিষ্ঠতি॥ 12-231-62 (74564)
স্থিতা হীন্দ্রসহস্রেষু ৎবদ্বিশিষ্টতমেষ্বিয়ম্।
মাং চ লোলা পরিত্যজ্য ৎবামগাদ্বিবুধাধিপ॥ 12-231-63 (74565)
মৈবং শক্র পুনঃ কার্ষীঃ শান্তো ভবিতুমর্হসি।
ৎবামপ্যেবংবিধং জ্ঞাৎবা ক্ষিপ্রমন্যং গমিষ্যতি।
`কালেন চোদিতা শক্র মা তে গর্বঃ শতক্রতো॥ 12-231-64 (74566)
ক্ষমস্ব কালয়োগং তমাগতং বিদ্ধি দেবপ।
নির্লজ্জশ্চৈব কস্মাত্ৎবং দেবরাজ বিকত্থসে॥ 12-231-65 (74567)
সর্বাসুরাণামধিপঃ সর্বদেবভয়ংকরঃ।
জিতবান্ব্রহ্মণো লোকং কো বিদ্যাদাগতং গতিম্॥' ॥ 12-231-66 (74568)
ইতি শ্রীমন্মহাভারতে শান্তিপর্বণি মোক্ষধর্মপর্বণি একত্রিংশদধিকদ্বিশততমোঽধ্যায়ঃ॥ 231॥
Mahabharata - Shanti Parva - Chapter Footnotes
12-231-1 যথা নাগং প্রব্যাহারায় ইতি ধ. পাঠঃ॥ 12-231-11 নিষ্ঠা পরাগতিঃ॥ 12-231-19 মনোঽপি পাঞ্চভৌতিকমিত্যর্থঃ। ভূতানি স্থূলসূক্ষ্মশরীরাণি॥ 12-231-22 দগ্ধং কালাত্মনেশ্বরেণাঽনুদহতে বহ্নয়াদিঃ। এবমগ্রেঽপি॥ 12-231-26 ঈক্ষ্য দৃষ্ট্বা॥ 12-231-29 ধর্মং বৃদ্ধিহাসবত্ৎবম্॥ 12-231-30 প্রভব ঐশ্বর্যম্। প্রভাবস্তদাবিষ্করণাম্। নাত্মসংস্থো নাত্মাধীনঃ। কৌমারং বালস্যেবাজ্ঞং তব চিত্তম্॥ 12-231-33 শাস্তুরীশ্বরস্য॥ 12-231-36 সুভগা ভাগ্যবতী॥ 12-231-38 নর্দ্ধিঃ ঋদ্ধ্যভাবঃ। পর্যায়ঃ কালক্রমস্তেন কৃতম্॥ 12-231-40 এবং মম গর্দভৎবাদিকং নৈব স্যাদিতি শেষঃ। নচেদিত্যাদি তত্রোপপত্তিঃ॥ 12-231-44 উদ্বহাসি মেধো ভূৎবা সূর্যো ভূৎবা শোষয়ামীতি বার্থঃ। আপঃ অপঃ॥ 12-231-46 কালসৈন্যং মাসার্ধমাসাদি॥ 12-231-47 পর্যায়েণ কালক্রমেণ ভুজ্যন্তে পাল্যন্তে সংহিয়ন্তে বা॥শান্তিপর্ব - অধ্যায় 232
॥ শ্রীঃ ॥
12.232. অধ্যায়ঃ 232
Mahabharata - Shanti Parva - Chapter Topics
বলিশরীরান্নির্গন্ত্যা শ্রিয়া শক্নং প্রতি স্বনির্গমনকারণাভিধানপূর্বকং ততঃ স্বস্য স্থানচতুষ্টয়বরণম্॥ 1॥ ইন্দ্রবলিসংবাদশ্চ॥ 2॥Mahabharata - Shanti Parva - Chapter Text
12-232-0 (74569)
ভীষ্ম উবাচ। 12-232-0x (6176)
শতক্রতুরথাপশ্যদ্বলের্দীপ্তাং মহাত্মনঃ।
স্বরূপিণীং শরীরাদ্ধি নিষ্ক্রামন্তীং তদা শ্রিয়ম্॥ 12-232-1 (74570)
তাং দৃষ্ট্বা প্রভয়া দীপ্তাং ভগবান্পাককশাসনঃ।
বিস্ময়োৎফুল্লনয়নো বলিং পপ্রচ্ছ বাসবঃ॥ 12-232-2 (74571)
বলে কেয়মপক্রান্তা রোচমানা শিখণ্ডিনী।
ৎবত্তঃ স্থিতা সকেয়ূরা দীপ্যমানা স্বতেজসা॥ 12-232-3 (74572)
বলিরুবাচ। 12-232-4x (6177)
ন হীমামাসুরীং বেদ্মি ন দৈবীং চ ন মানুষীম্।
ৎবমেনাং পৃচ্ছ বা মা বা যথেষ্টং কুরু বাসব॥ 12-232-4 (74573)
শক্র উবাচ। 12-232-5x (6178)
কা ৎবং বলেরপক্রান্তা রোচমানা শিখণ্ডিনী।
অজানতো মমাচক্ষ্ব নামধেয়ং শুচিস্মিতে॥ 12-232-5 (74574)
কা ৎবং তিষ্ঠসি মামেবং দীপ্যমানা স্বতেজসা।
হিৎবা দৈত্যবরং সুভ্রু তন্মমাচক্ষ্ব পৃচ্ছতঃ॥ 12-232-6 (74575)
শ্রীরুবাচ। 12-232-7x (6179)
ন মাং বিরোচনো বেদ নায়ং বৈরোচনো বলিঃ।
আহুর্মাং দুঃসহেত্যেবং বিধিৎসেতি চ মাং বিদুঃ॥ 12-232-7 (74576)
ভূতির্লক্ষ্মীতি মামাহুঃ শ্রীরিত্যেব চ বাসব।
ৎবং মাং শক্র ন জানীষে সর্বে দেবা ন মাং বিদুঃ॥ 12-232-8 (74577)
শক্র উবাচ। 12-232-9x (6180)
কিমিদং ৎবং মম কৃতে উতাহো বলিনঃ কৃতে।
দুঃসহে বিজহাস্যেনং চিরসংবাসিনী সতী॥ 12-232-9 (74578)
শ্রীরুবাচ। 12-232-10x (6181)
নো ধাতা ন বিধাতা মাং বিদধাতি কথংচন।
কালস্তু শক্র পর্যাগান্মৈবং শক্রাবমন্যথাঃ॥ 12-232-10 (74579)
শক্র উবাচ। 12-232-11x (6182)
কথং ৎবয়া বলিস্ত্যক্তঃ কিমর্থং বা শিখণ্ডিনি।
কথং চ মাং ন জহ্যাস্ৎবং তন্মে ব্রূহি শুচিস্মিতে॥ 12-232-11 (74580)
শ্রীরুবাচ। 12-232-12x (6183)
সত্যে স্থিতাঽস্মি দানে চ ব্রতে তপসি চৈব হি।
পরাক্রমে চ ধর্মে চ পরাচীনস্ততো বলিঃ॥ 12-232-12 (74581)
ব্রহ্মণ্যোঽয়ং পুরা ভূৎবা সত্যবাদী জিতেন্দ্রিয়ঃ।
অভ্যসূয়ন্ব্রাহ্মণান্বৈ উচ্ছিষ্টশ্চাস্পৃশদ্ধৃতম্॥ 12-232-13 (74582)
যজ্ঞশীলঃ সদা ভূৎবা মামেব যজতে স্বয়ম্।
ততঃ প্রহায় মূঢাত্মা কালেনোপনিপীডিতঃ॥ 12-232-14 (74583)
অপক্রান্তা ততঃ শক্র ৎবয়ি বৎস্যামি বাসব।
অপ্রমত্তেন ধার্যাঽস্মি তপসা বিক্রমেণ চ॥ 12-232-15 (74584)
শক্র উবাচ। 12-232-16x (6184)
কোঽস্তি দেবমনুষ্যেষু সর্বভূতেষু বা পুমান্।
যস্ৎবামেকো বিষহিতুং শক্নুয়াৎকমলালয়ে॥ 12-232-16 (74585)
শ্রীরুবাচ। 12-232-17x (6185)
নৈব দেবো ন গন্ধর্বো নাসুরো নং চ ন্রাক্ষসঃ।
যো মামেকো বিষহিতুং শক্তঃ কশ্চিৎপুরংদর॥ 12-232-17 (74586)
শক্র উবাচ। 12-232-18x (6186)
তিষ্ঠেথা ময়ি নিত্যং ৎবং যথা তদ্ব্রূহি মে শুভে।
তৎকরিষ্যামি তে বাক্যমৃতং তদ্বক্তুমর্হসি॥ 12-232-18 (74587)
শক্র উবাচ। 12-232-19x (6187)
স্থাস্যামি নিত্যং দেবেন্দ্র যথা ৎবয়ি নিবোধ তৎ।
বিধিনা বেদদৃষ্টেন চতুর্ধা বিভজস্ব মাম্॥ 12-232-19 (74588)
শক্র উবাচ। 12-232-20x (6188)
অহং বৈ ৎবাং নিধাস্যামি যথাশক্তি যথাবলম্।
ন তু মেঽতিক্রমঃ স্যাদ্বৈ সদা লক্ষ্মি তবান্তিকে॥ 12-232-20 (74589)
ভূমিরেব মনুষ্যেষু ধারিণী ভূতভাবিনী।
সা তে পাদং তিতিক্ষেত সমর্থা হীতি মে মতিঃ॥ 12-232-21 (74590)
শ্রীরুবাচ। 12-232-22x (6189)
এষ মে নিহিতঃ পাদো যোঽয়ং ভূমৌ প্রতিষ্ঠিতঃ।
দ্বিতীয়ং শক্র পাদং মে তস্মাৎসুনিহিতং কুরু॥ 12-232-22 (74591)
শক্র উবাচ। 12-232-23x (6190)
আপ এব মনুষ্যেষু দ্রবন্ত্যঃ পরিধারণে।
তাস্তে পাদং তিতিক্ষন্তামলমাপস্তিতিক্ষিতুম্॥ 12-232-23 (74592)
শ্রীরুবাচ। 12-232-24x (6191)
এষ মে নিহিতঃ পাদো যোঽয়মপ্সু প্রতিষ্ঠিতঃ।
তৃতীয়ং শক্র পাদং মে তস্মাৎসুনিহিতং কুরু॥ 12-232-24 (74593)
শক্র উবাচ। 12-232-25x (6192)
যস্মিন্বেদাশ্চ যজ্ঞাশ্চ যস্মিন্দেবাঃ প্রতিষ্ঠিতাঃ।
তৃতীয়ং পাদমগ্নিস্তে সুধৃতং ধারয়িষ্যতি॥ 12-232-25 (74594)
শ্রীরুবাচ। 12-232-26x (6193)
এষ মে নিহিতঃ পাদো যোঽয়মগ্নৌ প্রতিষ্ঠিতঃ।
চতুর্থং শক্র পাদং মে তস্মাৎসুনিহিতং কুরু॥ 12-232-26 (74595)
শক্র উবাচ। 12-232-27x (6194)
যে বৈ সন্তো মনুষ্যেষু ব্রহ্মণ্যাঃ সত্যবাদিনঃ।
তেতে পাদং তিতিক্ষন্তামলং সন্তস্তিতিক্ষিতুম্॥ 12-232-27 (74596)
শ্রীরুবাচ। 12-232-28x (6195)
এষ মে নিহিতঃ পাদো যোঽয়ং সৎসু প্রতিষ্ঠিতঃ।
এবং হি নিহিতাং শক্র ভূতেষু পরিধৎস্ব মাম্॥ 12-232-28 (74597)
শক্র উবাচ। 12-232-29x (6196)
`ভূমিশুদ্ধিং ততঃ কৃৎবা অদ্ভিঃ সংতর্পয়ন্তি যে।
ভূতানি চ যজন্ত্যগ্নৌ তেষাং ৎবমনপায়িনী॥ 12-232-29 (74598)
যে ক্রিয়াভিঃ সুরক্তাভির্হেতুয়ুক্তাঃ সমাহিতাঃ।
জ্ঞানবন্তো বিবৎসায়াং লব্ধা মাদ্যন্তি যোগিনঃ॥' 12-232-30 (74599)
ভূতানামিহ যো বৈ ৎবাং ময়া বিনিহিতাং সতীম্।
উপহন্যাৎস মে দ্বেষ্যস্তথা শৃণ্বন্তু মে বচঃ॥ 12-232-31 (74600)
`ভীষ্ম উবাচ। 12-232-32x (6197)
তথেতি চোক্ৎবা সা ভ্রষ্টা সর্বলোকনমস্কৃতা।
বাসবং পালয়ামাস সা দেবী কমলালয়া॥' 12-232-32 (74601)
ততস্ত্যক্তঃ শ্রিয়া রাজা দৈত্যানাং বলিরব্রবীৎ॥ 12-232-33 (74602)
যাবৎপুরস্তাৎপ্রতপেত্তাবদ্বৈ দক্ষিণাং দিশম্।
পশ্চিমাং তাবদেবাপি তথোদীচীং দিবাকরঃ॥ 12-232-34 (74603)
তথা মধ্যংদিনে সূর্যো নাস্তমেতি যদা তদা।
পুনর্দেবাসুরং যুদ্ধং ভাবি জেতাঽস্মি বস্তদা॥ 12-232-35 (74604)
সর্বলোকান্যদাঽঽদিত্যো মধ্যস্থস্তাপয়িষ্যতি।
তদা দেবাসুরে যুদ্ধে জেতাঽহং ৎবাং শতক্রতো॥ 12-232-36 (74605)
শক্র উবাচ। 12-232-37x (6198)
ব্রহ্মণাঽস্মি সমাদিষ্টো ন হন্তব্যো ভবানিতি।
তেন তেঽহং বলে বজ্রং ন বিমুঞ্জামি মূর্ধনি॥ 12-232-37 (74606)
যথেষ্টং গচ্ছ দৈত্যেন্দ্র স্বস্তি তেঽস্তু মহাসুর॥ 12-232-38 (74607)
আদিত্যো নৈব তপিতা কদাচিন্মধ্যতঃ স্থিতঃ।
স্থাপিতো হ্যস্য সময়ঃ পূর্বমেব স্বয়ংভুবা॥ 12-232-39 (74608)
অজস্রং পরিয়াত্যেষ সত্যেনাবতপন্প্রজাঃ।
অয়নং তস্য ষণ্মাসা উত্তরং দক্ষিণং তথা।
যেন সংয়াতি লোকেষু শীতোষ্ণে বিসৃজন্রবিঃ॥ 12-232-40 (74609)
ভীষ্ম উবাচ। 12-232-41x (6199)
এবমুক্তস্তু দৈত্যেন্দ্রো বলিরিন্দ্রেণ ভারত।
জগাম দক্ষিণামাশামুদীচীং তু পুরংদরঃ॥ 12-232-41 (74610)
ইত্যেতদ্বলিনা গীতমনহংকারসংজ্ঞিতম্।
বাক্যং শ্রুৎবা সহস্রাক্ষঃ স্বমেবারুরুহে তদা॥ ॥ 12-232-42 (74611)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বাত্রিংশদধিকদ্বিশততমোঽধ্যায়ঃ॥ 232॥
Mahabharata - Shanti Parva - Chapter Footnotes
12-232-31 বিত্তং তীর্থাদিপুণ্যং যজ্ঞাদিধর্মো বিদ্যা চেতি শ্রিয়শ্চৎবারঃ পাদা ভূমৌ জলেঽগ্নৌ বিদ্বৎসু চ নিহিতাস্তেষামুপঘাতঃ স্তেয়কামাশৌচাশমৈঃ॥ 12-232-34 বৈবস্বতমন্বন্তরমেবাষ্টধা বিভজ্য তদন্তে সর্বপুর্যুচ্ছেদে সতি মন্বন্তরান্তরে বলিরিন্দ্রো ভবিষ্যতীতি জ্ঞেয়ম্। তদিদমুক্তং যাবৎপুরস্তাৎপ্রতপেদিত্যাদিনা শ্লোকত্রয়েণ॥ 12-232-36 যদাদিত্যো হ্যেকস্থ ইতি ঝ. ধ. পাঠঃ॥শান্তিপর্ব - অধ্যায় 233
॥ শ্রীঃ ॥
12.233. অধ্যায়ঃ 233
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি আপদি শোকত্যাগপূর্বকং ভগবদনুচিন্তনাদেঃ শ্রেয়ঃ সাধনতাপ্রতিপাদকশক্রনমুচিসংবাদানুবাদঃ॥ 1॥Mahabharata - Shanti Parva - Chapter Text
12-233-0 (74612)
`যুধিষ্ঠির উবাচ। 12-233-0x (6200)
ব্যসনেষু নিমগ্নস্য কিং শ্রেয়স্তদ্ব্রবীহি মে।
ভূয় এব মহাবাহো স্থিত্যর্থং তং ব্রবীহি মে॥' 12-233-1 (74613)
ভীষ্ম উবাচ। 12-233-2x (6201)
অত্রৈবোদাহন্তীমমিতিহাসং পুরাতনম্।
শতক্রতোশ্চ সংবাদং নমুচেশ্চ যুধিষ্ঠির॥ 12-233-2 (74614)
শ্রিয়া বিহীনমাসীনমক্ষোভ্যমিব সাগরম্।
ভবাভবজ্ঞং ভূতানামিত্যুবাচ পুরংদরঃ॥ 12-233-3 (74615)
বদ্ধঃ পাশৈশ্চ্যুতঃ স্থানাদ্দ্বিপতাং বশমাগতঃ।
শ্রিয়া বিহীনো নমুচে শোচস্যাহো ন শোচসি॥ 12-233-4 (74616)
নমুচিরুবাচ। 12-233-5x (6202)
অনবাপ্যং চ শোকেন শরীরং চোপশুষ্যতি।
অমিত্রাশ্চ প্রহৃষ্যন্তি শোকে নাস্তি সহায়তা।
তস্মাচ্ছক্র ন শোচামি সর্বং হ্যেবেদমন্তবৎ॥ 12-233-5 (74617)
সংতাপাদ্ধশ্যতে রূপং সংতাপাদ্ধশ্যতে শ্রিয়ঃ।
সংতাপাদ্ধশ্যতে চায়ুর্ধর্মশ্চৈব সুরেশ্বর॥ 12-233-6 (74618)
বিনীয় খলু তদ্দুঃখমাগতং বৈ মনস্সুখম্।
ধ্যাতব্যং মনসা হৃদ্যং কল্যাণং সংবিজানতা॥ 12-233-7 (74619)
যথায়থা হি পুরুষঃ কল্যাণে কুরুতে মনঃ।
তথৈবাস্য প্রসিধ্যন্তি সর্বার্থা নাত্র সংশয়ঃ॥ 12-233-8 (74620)
একঃ শাস্তা ন দ্বিতীয়োঽস্তি শাস্তা
গর্ভে শয়ানং পুরুষং শাস্তি শাস্তা।
তেনানুয়ুক্তঃ প্রবণাদিবোদকং
যথা নিয়ুক্তোঽস্মি তথা ভবামি॥ 12-233-9 (74621)
ভাবাভাবাবজিনানন্গরীয়ো
জানামি শ্রেয়ো ন তু তৎকরোমি।
আশাসু হর্ম্যাসু হৃদাসু কুর্বন্
যথা নিয়ুক্তোঽস্মি তথা বহামি॥ 12-233-10 (74622)
যথায়থাঽস্ম প্রাপ্তব্যং প্রাপ্নোত্যেব তথাতথা।
ভবিতব্যং যথা যচ্চ ভবত্যেব তথাতথা॥ 12-233-11 (74623)
যত্রয়ত্রৈব সংয়ুক্তো ধাত্রা গর্ভে পুনঃ পুনঃ।
তত্রতত্রৈব বসতি ন যত্র স্বয়মিচ্ছতি॥ 12-233-12 (74624)
ভাবো যোঽয়মনুপ্রাপ্তো ভবিতব্যমিদং মম।
ইতি যস্য সদা ভাবো ন স শোচেৎকদাচন॥ 12-233-13 (74625)
পর্যায়ৈর্হন্যমানানামভিষঙ্গো ন বিদ্যতে।
দুঃখমেতত্তু যদ্দ্বেষ্টা কর্তাঽহমিতি মন্যতে॥ 12-233-14 (74626)
ঋষীংশ্চ দেবাংশ্চ মহাসুরাংশ্চ
ত্রৈবিদ্যবৃদ্ধাংশ্চ বনে মুনীংশ্চ।
কা নাপদো নোপনমন্তি লোকে
পরাবরজ্ঞাস্তু ন সংভ্রমন্তি॥ 12-233-15 (74627)
ন পণ্ডিতঃ ক্রুদ্ধ্যতি নাভিষজ্যতে
ন চাপি সংসীদতি ন প্রহৃষ্যতি।
ন চার্থকৃচ্ছ্রব্যসনেষু শোচতে
স্থিতঃ প্রকৃত্যা হিমবানিবাচলঃ॥ 12-233-16 (74628)
যমর্থসিদ্ধিঃ পরমা ন হর্ষয়ে
ত্তথৈব কালে ব্যসনং ন মোহয়েৎ।
সুখং চ দুঃখং চ তথৈব মধ্যমং
নিষেবতে যঃ স ধুরধরো নরঃ॥ 12-233-17 (74629)
যাংয়ামবস্থাং পুরুষোঽধিগচ্ছে
ত্তস্যাং রমেতাপরিতপ্যমানঃ।
এবং প্রবৃদ্ধং প্রণুদন্মনোজং
সংতাপনীলং সকলং শরীরাৎ॥ 12-233-18 (74630)
ন তৎসদঃ সৎপরিষৎসভা চ
সা প্রাপ্য যাং ন কুরুতে সদা ভয়ম্।
ধর্মতত্ৎবমবগাহ্য বুদ্ধিমা
ন্যোঽভ্যুপৈতি স ধুরংধরঃ পুমান্॥ 12-233-19 (74631)
প্রাজ্ঞস্য কর্মাণি দুরন্বয়ানি
ন বৈ প্রাজ্ঞো মুহ্যতি মোহকালে।
স্থানাচ্চ্যুতশ্চেন্ন মুমোহ গৌতম
স্তাবৎকৃচ্ছ্রামাপদং প্রাপ্য বৃদ্ধঃ॥ 12-233-20 (74632)
ন মন্ত্রবলবীর্যেণ প্রজ্ঞয়া পৌরুষেণ চ।
[ন শীলেন ন বৃত্তেন তথা নৈবার্থসংপদা।]
অলভ্যং লভতে মর্ত্যস্তত্র কা পরিদেবনা॥ 12-233-21 (74633)
যদেবমভিজাতস্য ধাতারো বিদধুঃ পুরা।
তদেবানুভবিষ্যামি কিং মে মৃত্যুঃ করিষ্যতি॥ 12-233-22 (74634)
লব্ধব্যান্যেব লভতে গন্তব্যান্যেব গচ্ছতি।
প্রাপ্তব্যান্যেব চাপ্নোতি দুঃখানি চ সুখানি চ॥ 12-233-23 (74635)
এতদ্বিদিৎবা কার্ৎস্ন্যেন যো ন মুহ্যতি মানবঃ।
কুশলী সর্বদুঃখেষু স বৈ সর্বধনী নরঃ॥ ॥ 12-233-24 (74636)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রয়স্ত্রিংশদধিকদ্বিশততমোঽধ্যায়ঃ॥ 233॥
Mahabharata - Shanti Parva - Chapter Footnotes
12-233-3 ভবাভবজ্ঞমুৎপত্তিপ্রলয়জ্ঞম্॥ 12-233-5 সহায়তা শোকস্য দুঃখাপনোদে হেতুৎবং নাস্তীত্যর্থঃ॥ 12-233-6 শ্রিয়ঃ সকাশাৎ॥ 12-233-7 বিনীয় নিরস্য। হৃদ্যং হৃৎস্থম্। কল্যাণং মোক্ষম্॥ 12-233-9 প্রবণান্নিম্রদেশাৎ॥ 12-233-18 প্রণুদন্ দূরীকুর্বন্। সন্তাপমায়ারাকরং শরীরাৎ ইতি ঝ. পাঠঃ॥ 12-233-19 শ্রৌতস্মার্তলৌকিকন্যায়ান্যায়বিবেচকা জনসমাজাঃ সদঃ পর্ষৎসভাখ্যাঃ। সংসৎসদঃ পরিষদঃ সভাসদঃ সম্প্রাপ্য যো ন কুরুতে সদা ভয়ম্। ইতি ট. থ. ধ. পাঠঃ॥ 12-233-20 ন মুমোহ চোত্তমঃ ইতি ধ. পাঠঃ॥ 12-233-24 কুশলঃ সুখদুঃখেষু ইতি ট. থ. পাঠঃ॥শান্তিপর্ব - অধ্যায় 234
॥ শ্রীঃ ॥
12.234. অধ্যায়ঃ 234
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বিপদি ধৈর্যালম্বনস্য সুখসাধনতাপ্রতিপাদকবলিশক্নসংবাদানুবাদঃ॥ 1॥Mahabharata - Shanti Parva - Chapter Text
12-234-0 (74637)
যুধিষ্ঠির উবাচ। 12-234-0x (6203)
মগ্নস্য ব্যসনে কৃচ্ছ্রে কিং শ্রেয়ঃ পুরুষস্য হি।
বন্ধুনাশে মহীপাল রাজ্যনাশেঽথবা পুনঃ॥ 12-234-1 (74638)
ৎবং হি নঃ পরমো বক্তা লোকেঽস্মিন্ভরতর্ষভ।
এতদ্ভবন্তং পৃচ্ছামি তন্মে ৎবং বক্তুমর্হসি॥ 12-234-2 (74639)
ভীষ্ম উবাচ। 12-234-3x (6204)
পুত্রদারৈঃ সুখৈশ্চৈব বিয়ক্তস্য ধনেন চ।
মগ্নস্য ব্যসনে কৃচ্ছ্রে ধৃতিঃ শ্রেয়স্করী নৃপ।
ধৈর্যেণ যুক্তস্য সতঃ শরীরং ন বিশীর্যতে॥ 12-234-3 (74640)
[বিশোকতা সুখং ধত্তে ধত্তে চারোগ্যমুত্তমম্।]
আরোগ্যাচ্চ শরীরস্য স পুনর্বিন্দতে শ্রিয়ম্॥ 12-234-4 (74641)
যশ্চ প্রাজ্ঞো নরস্তাত সাৎবিকীং বৃত্তিমাস্থিতঃ।
তস্যৈশ্বর্যং চ ধৈর্যং চ ব্যবসায়শ্চ কর্মসু॥ 12-234-5 (74642)
অত্রৈবোদাহরন্তীমমিতিহাসং পুরাতনম্।
বলিবাসবসংবাদং পুনরেব যুধিষ্ঠির॥ 12-234-6 (74643)
বৃত্তে দেবাসুরে যুদ্ধে দৈত্যদানবসংক্ষয়ে।
বিষ্ণুক্রান্তেষু লোকেষু দেবরাজে শতক্রতৌ॥ 12-234-7 (74644)
ইজ্যমানেষু দেবেষু চাতুর্বর্ণ্যে ব্যবস্থিতে।
সমৃধ্যমানে ত্রৈলোক্যে প্রীতিয়ুক্তে স্বয়ংভুবি॥ 12-234-8 (74645)
রুদ্রৈর্বসুভিরাদিত্যৈরশ্বিভ্যামপি চর্ষিভিঃ।
গন্ধর্বৈর্ভুজগেন্দ্রৈশ্চ সিদ্ধৈশ্চান্যৈর্বৃতঃ প্রভুঃ॥ 12-234-9 (74646)
চতুর্দন্তং সুদান্তং চ বারণেন্দ্রং শ্রিয়া বৃতম্।
আরুহ্যৈরাবণং শক্রস্ত্রৈলোক্যমনুসংয়যৌ॥ 12-234-10 (74647)
স কদাচিৎসমুদ্রান্তে কস্মিংশ্চিদ্গিরিগহ্বরে।
বলিং বৈরোচনিং বজ্রী দদর্শোপসসর্প চ॥ 12-234-11 (74648)
তমৈরাবতমূর্ধস্থং প্রেক্ষ্য দেবগণৈর্বৃতম্।
সুরেন্দ্রমিন্দ্রং দৈত্যেন্দ্রো ন শুশোচ ন বিব্যথে॥ 12-234-12 (74649)
দৃষ্ট্বা তমবিকারস্থং তিষ্ঠন্তং নির্ভয়ং বলিম্।
অধিরূঢো দ্বিপশ্রেষ্ঠমিত্যুবাচ শতক্রতুঃ॥ 12-234-13 (74650)
দৈত্য ন ব্যথসে শৌর্যাদথবা বৃদ্ধসেবয়া।
তপসা ভাবিতৎবাদ্বা সর্বথৈতৎসুদুষ্করম্॥ 12-234-14 (74651)
শত্রুভির্বশমানীতো হীনঃ স্থানাদনুত্তমাৎ।
বৈরোচনে কিমাশ্রিত্য শোচিতব্যে ন শোচসি॥ 12-234-15 (74652)
শ্রৈষ্ট্যং প্রাপ্য স্বজাতীনাং ভুক্ৎবা ভোগাননুত্তমান্।
হৃতস্বরত্নরাজ্যস্ৎবং ব্রূহি কস্মান্ন শোচসি॥ 12-234-16 (74653)
ঈশ্বরো হি পুরা ভূৎবা পিতৃপৈতামহে পদে।
তত্ৎবমদ্য হৃতং দৃষ্ট্বা সপত্নৈঃ কিং ন শোচসি॥ 12-234-17 (74654)
বদ্ধশ্চ বারুণৈঃ পাশৈর্বজ্রেণ চ সমাহতঃ।
হৃতদারো হৃতধনো ব্রূহি কস্মান্ন শোচসি॥ 12-234-18 (74655)
নষ্টশ্রীর্বিভবভ্রষ্টো যন্ন শোচসি দুষ্করম্।
ত্রৈলোক্যরাজ্যনাশে হি কোঽন্যো জীবিতুমুৎসহেৎ॥ 12-234-19 (74656)
এতচ্চান্যচ্চ পরুষং ব্রুবন্তং পরিভূয় তম্।
শ্রুৎবা দুঃখমসংভ্রান্তো বলির্বৈরোচনোঽব্রবীৎ॥ 12-234-20 (74657)
নিগৃহীতে ময়ি ভৃশং শক্র কিং কত্থিতেন তে।
বজ্রমুদ্যম্য তিষ্ঠন্তং পশ্যামি ৎবাং পুরংদর॥ 12-234-21 (74658)
অশক্তঃ পূর্বমাসীস্ৎবং কথংচিচ্ছক্ততাং গতঃ।
কস্ৎবদন্য ইমাং বাচং সুক্রূরাং বক্তুমর্হতি॥ 12-234-22 (74659)
যস্তু শত্রোর্বশস্থস্য শক্তোঽপি কুরুতে দয়াম্।
হস্তপ্রাপ্তস্য বীরস্য তং চৈব পুরুষং বিদুঃ॥ 12-234-23 (74660)
অনিশ্চয়ো হি যুদ্ধেষু দ্বয়োর্বিবদমানয়োঃ।
একঃ প্রাপ্নোতি বিজয়মেকশ্চৈব পরাজয়ম্॥ 12-234-24 (74661)
মা চ তে ভূৎস্বভাবোঽয়ং ময়ি দানবপুঙ্গবে।
ঈশ্বরঃ সর্বভূতানাং বিক্রমেণ জিতো বলাৎ॥ 12-234-25 (74662)
নৈতদস্মৎকৃতং শক্র নৈতচ্ছক্র কৃতং ৎবয়া।
যত্ৎবমেবং গতো বজ্রিন্যদ্বাঽঽপ্যেবং গতা বয়ম্॥ 12-234-26 (74663)
অহমাসং যথাঽদ্য ৎবং ভবিতা ৎবং যথা বয়ম্।
মাবমংস্থা ময়া কর্ম দুষ্কৃতং কৃতমিত্যুত॥ 12-234-27 (74664)
সুখদুঃখে হি পুরুষঃ পর্যায়েণাধিগচ্ছতি।
পর্যায়েণাসি শক্রৎবং প্রাপ্তঃ শক্র ন কর্মণা॥ 12-234-28 (74665)
কালঃ কালে নয়তি মাং ৎবাং চ কালো নয়ত্যযম্।
তেনাহং ৎবং যথা নাদ্য ৎবং চাপি ন যথা বয়ম্॥ 12-234-29 (74666)
ন মাতৃপিতৃশুশ্রূষা ন চ দৈবতপূজনম্।
নান্যো গুণসমাচারঃ পুরুষস্য সুখাবহঃ॥ 12-234-30 (74667)
ন বিদ্যা ন তপো দানং ন মিত্রাণি ন বান্ধবাঃ।
শক্নুবন্তি পরিত্রাতুং নরং কালেন পীডিতম্॥ 12-234-31 (74668)
নাগামিনমনর্থং হি প্রতিঘাতশতৈরপি।
শক্নুবন্তি প্রতিব্যোঢুমৃতে বুদ্ধিবলান্নরাঃ॥ 12-234-32 (74669)
পর্যায়ৈর্হন্যমানানাং পরিত্রাতা ন বিদ্যতে।
ইদং তু দুঃখং যচ্ছক্র কর্তাঽহমিতি মন্যসে॥ 12-234-33 (74670)
যদি কর্তা ভবেৎকর্তা ন ক্রিয়েত কদাচন।
যস্মাত্তু ক্রিয়তে কর্তা তস্মাৎকর্তাঽপ্যনীশ্বরঃ॥ 12-234-34 (74671)
কালেন ৎবাঽহমজয়ং কালেনাহং জিতস্ৎবয়া।
গন্তা গতিমতাং কালঃ কালঃ কলয়তি প্রজাঃ॥ 12-234-35 (74672)
ইন্দ্র প্রাকৃতয়া বুদ্ধ্যা প্রলপন্নাববুদ্ধ্যসে।
কেচিত্ৎবাং বহুমন্যন্তে শ্রৈষ্ঠ্যং প্রাপ্তং স্বকর্মণা॥ 12-234-36 (74673)
কথমস্মদ্বিধো নাম জানঁল্লোকপ্রবৃত্তয়ঃ।
কালেনাভ্যাহতঃ শোচেন্মুহ্যেদ্বাঽপ্যথবিভ্রমেৎ॥ 12-234-37 (74674)
কথং কালপরীতস্য মম বা মদ্বিধস্য বা।
বুদ্ধির্ব্যসনমাসাদ্য ভিন্না নৌরিব সীদতি॥ 12-234-38 (74675)
অহং চ ৎবং চ যে চান্যে ভবিষ্যন্তি সুরাধিপাঃ।
তে সর্বে শক্র যাস্যন্তি মার্গমিন্দ্রশতৈর্গতম্॥ 12-234-39 (74676)
ৎবামপ্যেবং সুদুর্ধর্ষং জ্বলন্তং পরয়া শ্রিয়া।
কালে পরিণতে কালঃ কলয়িষ্যতি মামিব॥ 12-234-40 (74677)
বহূনীন্দ্রসহস্রাণি দৈবতানাং যুগে যুগে।
অভ্যতীতানি কালেন কালো হি দুরতিক্রমঃ॥ 12-234-41 (74678)
ইদং তু লব্ধ্বা সংস্থানমাত্মানং বহু মন্যসে।
সর্বভূতভবং দেবং ব্রহ্মাণমিব শাশ্বতম্॥ 12-234-42 (74679)
ন চেদমচলং স্থানমনন্তং বাঽপি কস্যচিৎ।
ৎবং তু বালিশয়া বুদ্ধ্যা মমেদমিতি মন্যসে॥ 12-234-43 (74680)
অবিশ্বস্তে বিশ্বসিষি মন্যসে বাঽধ্রুবে ধ্রুবম্।
নিত্যং কালপরীতাত্মা ভবত্যেবং সুরেশ্বর॥ 12-234-44 (74681)
মমেয়মিতি মোহাত্ৎবং রাজশ্রিয়মভীপ্সসি।
নেয়ং তব ন চাস্মাকং ন চান্যেষাং স্থিরা মতা॥ 12-234-45 (74682)
অতিক্রম্য বহূনন্যাংস্ৎবয়ি তাবদিয়ং গতা।
কংচিৎকালমিয়ং স্থিৎবা ৎবয়ি বাসব চঞ্চলা॥ 12-234-46 (74683)
গৌর্নিবাসমিবোৎসৃজ্য পুনরন্যং গমিষ্যতি।
সুরেশা যে হ্যতিক্রান্তাস্তান্ন সংখ্যাতুমুৎসহে॥ 12-234-47 (74684)
ৎবত্তো বহুতরাশ্চান্যে ভবিষ্যন্তি পুরংদর।
সবৃক্ষৌষধিগুল্মেয়ং সসরিৎপর্বতাকরা॥ 12-234-48 (74685)
তানিদানীং ন পশ্যামি যৈর্ভুক্তেয়ং পুরা মহী।
পৃথুরৈলো ময়ো ভীমো নরকঃ শম্বরস্তথা॥ 12-234-49 (74686)
অশ্বগ্রীবঃ পুলোমা চ স্বর্ভানুরমিতপ্রভঃ]
প্রহ্লাদো নমুচির্দক্ষো বিপ্রচিত্তির্বিরোচনঃ॥ 12-234-50 (74687)
হ্রীনিষেবঃ সুহোত্রশ্চ ভূরিহা পুষ্পবান্বৃষঃ।
সত্যেষুর্ঋষভো বাহুঃ কপিলাশ্বো নিরূপকঃ॥ 12-234-51 (74688)
বাণঃ কার্তস্বরো বহ্নির্বিশ্বদংষ্ট্রোঽথ নৈর্ঋতিঃ।
সংকোচোঽথ বরীতাক্ষো বরাহাশ্বো রুচিপ্রভঃ॥ 12-234-52 (74689)
বিশ্বজিৎপ্রতিরূপশ্চ বৃষাণ্ডো বিষ্করো মধুঃ।
হিরণ্যকশিপুশ্চৈব কৈটভশ্চৈব দানবঃ॥ 12-234-53 (74690)
দৈতেয়া দানবাশ্চৈব সর্বে তে নৈর্ঋতৈঃ সহ।
এতে চান্যে চ বহবঃ পূর্বে পূর্বতরাশ্চ যে॥ 12-234-54 (74691)
দৈত্যেন্দ্রা দানবেন্দ্রাশ্চ যাংশ্চান্যাননুশুশ্রুম্।
বহবঃ পূর্বদৈত্যেন্দ্রাঃ সংত্যজ্য পৃথিবীং গতাঃ॥ 12-234-55 (74692)
কালেনাভ্যাহতাঃ সর্বে কালো হি বলবত্তরঃ।
সর্বৈঃ ক্রতুশতৈরিষ্টং ন ৎবমেকঃ শতক্রতুঃ॥ 12-234-56 (74693)
সর্বে ধর্মপরাশ্চাসন্সর্বে সততসত্রিণঃ।
অন্তরিক্ষচরাঃ সর্বে সর্বেঽভিমুখয়োধিনঃ॥ 12-234-57 (74694)
সর্বে সংহননোপেতাঃ সর্বে পরিঘবাহবঃ।
সর্বে মায়াশতধরাঃ সর্বে তে কামরূপিণঃ।
সর্বে সমরমাসাদ্য ন শ্রূয়ন্তে পরাজিতাঃ॥ 12-234-58 (74695)
সর্বে সত্যব্রতপরাঃ সর্বে কামবিহারিণঃ।
সর্বে বেদব্রতপরাঃ সর্বে চৈব বহুশ্রুতাঃ॥ 12-234-59 (74696)
সর্বে সংমতমৈশ্বর্যমীশ্বরাঃ প্রতিপেদিরে।
ন চৈশ্বর্যমদস্তেষাং ভূতপূর্বো মহাত্মনাম্॥ 12-234-60 (74697)
সর্বে যথার্হদাতারঃ সর্বে বিগতমৎসরাঃ।
সর্বে সর্বেষু ভূতেষু যথাবৎপ্রতিপেদরে॥ 12-234-61 (74698)
সর্বে দাক্ষায়ণীপুত্রাঃ প্রাজপত্যা মহাবলাঃ।
জ্বলন্তঃ প্রতপন্তশ্চ কালেন প্রতিসংহৃতাঃ॥ 12-234-62 (74699)
ৎবং চৈবেমাং যদা ভুক্ৎবা পৃথিবীং ত্যক্ষ্যসে পুনঃ।
ন শক্ষ্যসি তদা শক্র নিয়ন্তুং শোকমাত্মনঃ॥ 12-234-63 (74700)
মুঞ্চেচ্ছাং কামভোগেষু মুঞ্জেমং শ্রীভবং মদম্।
এবং স্বরাজ্যনাশে ৎবং শোকং সংপ্রসহিষ্যসি॥ 12-234-64 (74701)
শোককালে শুচো মা ৎবং হর্ষকালে চ মা হৃষঃ।
অতীতানাগতং হিৎবা প্রত্যুৎপন্নেন বর্তয়॥ 12-234-65 (74702)
মাং চেদভ্যাগতঃ কালঃ সদা যুক্তমতন্দ্রিতঃ।
ক্ষমস্ব ন চিরাদিন্দ্র ৎবামপ্যুপগমিষ্যতি॥ 12-234-66 (74703)
ত্রাসয়ন্নিব দেবেন্দ্র বাগ্ভিস্তক্ষসি মামিহ।
সংয়তে ময়ি ননং ৎবমাত্মানং বহু মন্যসে॥ 12-234-67 (74704)
কালঃ প্রথমমায়ান্মাং পঞ্চাত্ৎবামনুধাবতি।
তেন গর্জসি দেবেন্দ্র পূর্বং কালহতে ময়ি॥ 12-234-68 (74705)
কো হি স্থাতুমলং লোকে মম ক্রুদ্ধস্য সংয়ুগে।
কালস্তু বলবান্প্রাপ্তস্তেন তিষ্ঠসি বাসব॥ 12-234-69 (74706)
যত্তদ্বর্ষসহস্রান্তং তূর্ণং ভবিতুমর্হতি।
যথা মে সর্বগাত্রাণি ন সুস্থানি মহৌজসঃ॥ 12-234-70 (74707)
অহমৈন্দ্রাচ্চ্যুতঃ স্থানাত্ৎবমিন্দ্রঃ প্রকৃতো দিবি।
সুচিত্রে জীবলোকেঽস্মিন্নুপাস্যঃ কালপর্যযঃ॥ 12-234-71 (74708)
কিং হি কৃৎবা স্বমিন্দ্রোঽদ্য কিং বা কৃৎবা বয়ং চ্যুতাঃ।
কালঃ কর্তা বিকর্তা চ সর্বমন্যদকারণম্॥ 12-234-72 (74709)
নাশং বিনাশমৈশ্বর্যং সুখদুঃখে ভবাভবৌ।
বিদ্বান্প্রাপ্যৈবমত্যর্থং ন প্রহৃষ্যেন্ন চ ব্যথেৎ॥ 12-234-73 (74710)
ৎবমেব হীন্দ্র বেত্থাস্মান্বেদাহং ৎবাং চ বাসব।
কিং কত্থসে মাং কিংচ ৎবং কালেন নিরপত্রয়ঃ॥ 12-234-74 (74711)
ৎবমেব হি পুরা বেত্থ যত্তদা পৌরুষং মম।
সমরেষু চ বিক্রান্তং পর্যাপ্তং তন্নিদর্শনম্॥ 12-234-75 (74712)
আদিত্যাশ্চৈব রুদ্রাশ্চ সাধ্যাশ্চ বসুভিঃ সহ।
ময়া বিনির্জিতাঃ পূর্বং মরুতশ্চ শচীপতে॥ 12-234-76 (74713)
ৎবমেব শক্র জানাসি দেবাসুরসমাগমে।
সমেতা বিবুধা ভগ্নাস্তরসা সমরে ময়া॥ 12-234-77 (74714)
পর্বতাশ্চাসকৃৎক্ষিপ্তাঃ সবনাঃ সবনৌকসঃ।
সশৃঙ্গশিখরা ভগ্নাঃ সমরে মূর্ধ্নিং তে ময়া॥ 12-234-78 (74715)
কিং নু শক্যং ময়া কর্তুং কালো হি দুরতিক্রমঃ।
ন হি ৎবাং নোৎসহে হন্তুং সবজ্রমপি মুষ্টিনা॥ 12-234-79 (74716)
ন তু বিক্রমকালোঽয়ং ক্ষমাকালোঽয়মাগতঃ।
তেন ৎবাং মর্ষয়ে শক্র দুর্মর্ষণতরস্ৎবয়া॥ 12-234-80 (74717)
তং মাং পরিণতে কালে পরীতং কালবহ্নিনা।
নিয়তং কালপাশেন বদ্ধং শক্র বিকত্থসে॥ 12-234-81 (74718)
অয়ং স পুরুষঃ শ্যামো লোকস্য দুরতিক্রমঃ।
বদ্ধ্বা তিষ্ঠতি মাং রৌদ্রঃ পশুং রশনয়া যথা॥ 12-234-82 (74719)
লাভালাভৌ সুখং দুঃখং কামক্রোধৌ ভবাভবৌ।
বধো বন্ধপ্রমোক্ষশ্চ সর্বং কালেন লভ্যতে॥ 12-234-83 (74720)
নাহং কর্তা ন কর্তা ৎবং কর্তা যস্তু সদা প্রভুঃ।
সোয়ং পচতি কালো মাং বৃক্ষে ফলমিবাগতম্॥ 12-234-84 (74721)
যান্যেব পুরুষঃ কুর্বন্সুখৈঃ কালেন যুজ্যতে।
পুনস্তান্যেব কুর্বাণো দুঃখৈঃ কালেন যুজ্যতে॥ 12-234-85 (74722)
ন চ কালেন কালজ্ঞঃ স্পৃষ্টঃ শোচিতুমর্হতি।
তেন শক্র ন শোচামি নাস্তি শোকে সহায়তা॥ 12-234-86 (74723)
যদা হি শোচতঃ শোকো ব্যসনং নাষকর্ষতি।
সামর্থ্যং শোচতো নাস্তীত্যতোঽহং নাদ্য শোচিমি॥ 12-234-87 (74724)
ভীষ্ম উবাচ। 12-234-88x (6205)
এবমুক্তঃ সহস্রাক্ষো ভগবান্পাকশাসনঃ।
প্রতিসংহৃত্য সংরম্ভমিত্যুবাচ শতক্রতুঃ॥ 12-234-88 (74725)
সবজ্রমুদ্যতং বাহুং দৃষ্ট্বা পাশাংশ্চ বারুণান্।
কস্যেহ ন ব্যথেদ্বুদ্ধির্মৃত্যোরপি জিঘাংসতঃ॥ 12-234-89 (74726)
সা তে ন ব্যথতে বুদ্ধিরচলা তত্ৎবদর্শিনী।
ব্রুবন্ন ব্যথসেঽদ্য ৎবং ধৈর্যাৎসত্যপরাক্রম॥ 12-234-90 (74727)
কো হি বিশ্বাসমর্থেষু শরীরে বা শরীরভৃৎ।
কর্তুমুৎসহতে লোকে দৃষ্ট্বা সংপ্রস্থিতং জগৎ॥ 12-234-91 (74728)
অহমপ্যেবমেবৈনং লোকং জানাম্যশাশ্বতম্।
কালাগ্নাবাহিতং ঘোরে গুহ্যে সততগেঽক্ষরে॥ 12-234-92 (74729)
ন চাত্র পরিহারোঽস্তি কালস্পৃষ্টস্য কস্যচিৎ।
সূক্ষ্মাণাং মহতাং চৈব ভূতানাং পরিপচ্যতাম্॥ 12-234-93 (74730)
অনীশস্যাপ্রমত্তস্য ভূতানি পচতঃ সদা।
অনিবৃত্তস্য কালস্য ক্ষয়ং প্রাপ্তো ন মুচ্যতে॥ 12-234-94 (74731)
অপ্রমত্তঃ প্রমত্তেষু কালো জাগর্তি দেহিষু।
প্রয়ত্নেনাপ্যপক্রান্তো দৃষ্টপূর্বো ন কেনচিৎ॥ 12-234-95 (74732)
পুরাণঃ শাশ্বতো ধর্মঃ সর্বপ্রাণভৃতাং সমঃ।
কালো ন পরিহার্যশ্চ ন চাস্যাস্তি ব্যতিক্রমঃ॥ 12-234-96 (74733)
অহোরাত্রাংশ্চ মাসাংশ্চ ক্ষণান্কাষ্ঠা লবান্কলাঃ।
সংপীডয়তি যঃ কালো বৃদ্ধিং বার্ধুপিকো যথা॥ 12-234-97 (74734)
ইদমদ্য করিষ্যামি শ্বঃ কর্তাঽস্মীতি বাদিনম্।
কালো হরতি সংপ্রাপ্তো নদীবেগ ইব দ্রুমম্॥ 12-234-98 (74735)
ইদানীং তাবদেবাসৌ ময়া দৃষ্টঃ কথং মৃতঃ।
ইতি কালেন হ্রিয়তাং প্রলাপঃ শ্রূয়তে নৃণাম্॥ 12-234-99 (74736)
নশ্যন্ত্যর্থাস্তথা ভোগাঃ স্থানমৈশ্বর্যমেব চ।
জীবিতং জীবলোকস্য কালেনাগম্য নীয়তে॥ 12-234-100 (74737)
উচ্ছ্রায়া বিনিপাতান্তা ভাবোঽভাবঃ স এব চ।
অনিত্যমধ্রুবং সর্বং ব্যবসায়ো হি দুষ্করঃ॥ 12-234-101 (74738)
সা তে ন ব্যথতে বুদ্ধিরচলা তত্ৎবদর্শিনী।
অহমাসং পুরা চেতি মনসাঽপি ন বুদ্ধ্যতে॥ 12-234-102 (74739)
কালেনাক্রম্য লোকেঽস্মিন্পচ্যমানে বলীয়সা।
অজ্যেষ্ঠমকনিষ্ঠং চ ক্ষিপ্যমাণো ন বুদ্ধ্যতে॥ 12-234-103 (74740)
ঈর্ষ্যাভিমানলোভেষু কামক্রোধভয়েষু চ।
স্পৃহামোহাভিমানেষু লোকঃ সক্তো বিমুহ্যতি॥ 12-234-104 (74741)
ভবাংস্তু ভাবতত্ৎবজ্ঞো বিদ্বাঞ্জ্ঞানতপোন্বিতঃ।
কালং পশ্যতি সুব্যক্তং পাণাবামলকং যথা॥ 12-234-105 (74742)
কালচারিত্রতত্ৎবজ্ঞঃ সর্বশাস্ত্রবিশারদঃ।
বৈরোচতে কৃতার্থোঽসি স্পৃহণীয়ো বিজানতাম্॥ 12-234-106 (74743)
সর্বলোকো হ্যযং মন্যে বুদ্ধ্যা পরিগতস্ৎবয়া।
বিহরন্সর্বতোমুক্তো ন ক্বচিচ্চ বিষীদসি॥ 12-234-107 (74744)
রজশ্চ হি তমশ্চ ৎবাং স্পৃশতে ন জিতেন্দ্রিয়ম্।
নিষ্প্রীতিং নষ্টসংতাপমাত্মানং ৎবমুপাসসে॥ 12-234-108 (74745)
সুহৃদং সর্বভূতানাং নির্বৈরং শান্তমানসম্।
দৃষ্ট্বা ৎবাং মম সংজাতা ৎবয়্যনুক্রোশিনী মতিঃ॥ 12-234-109 (74746)
নাহমেতাদৃশং বুদ্ধং হন্তুমিচ্ছামি বন্ধনৈঃ।
আনৃশংস্যং পরো ধর্মো হ্যনুক্রোশশ্চ মে ৎবয়ি॥ 12-234-110 (74747)
মোক্ষ্যন্তে বারুণাঃ পাশাস্তবেমে কালপর্যযাৎ।
প্রজানামুপচারেণ স্বস্তি তেঽস্তু মহাসুর॥ 12-234-111 (74748)
যদা শ্বশ্রূং স্নুষা বৃদ্ধাং পরিচারেণ যোক্ষ্যতে।
পুত্রশ্চ পিতরং মোহাৎপ্রেষয়িষ্যতি কর্মসু॥ 12-234-112 (74749)
ব্রাহ্মণৈঃ কারয়িষ্যন্তি বৃষলাঃ পাদধাবনম্।
শূদ্রাশ্চ ব্রাহ্মণীং ভার্যামুপয়াস্যন্তি নির্ভয়াঃ॥ 12-234-113 (74750)
বিয়োনিষু বিমোক্ষ্যন্তি বীজানি পুরুষা যদা।
সংকরং কাংস্যভাণ্ডৈশ্চ বলিং চৈব কুপাত্রকৈঃ॥ 12-234-114 (74751)
চাতুর্বর্ণ্যং যদা কৃৎস্নমমর্যাদং ভবিষ্যতি।
একৈকস্তে তদা পাশঃ ক্রমশঃ পরিমোক্ষ্যতে॥ 12-234-115 (74752)
অস্মত্তস্তে ভয়ং নাস্তি সময়ং প্রতিপালয়।
সুখী ভব নিরাবাধঃ স্বস্থচেতা নিরাময়ঃ॥ 12-234-116 (74753)
ভীষ্ম উবাচ। 12-234-117x (6206)
তমেবমুক্ৎবা ভগবাঞ্ছতক্রতুঃ
প্রতিপ্রয়াতো গজরাজবাহনঃ।
বিজিত্য সর্বানসুরান্সুরাধিপো
ননন্দ হর্ষেণ বভূব চৈকরাট্॥ 12-234-117 (74754)
মহর্ষয়স্তুষ্টুবুরঞ্জসা চ তং
বৃষাকর্পি সর্বচরাচরেশ্বরম্।
হিমাপহো হব্যমুবাহ চাধ্বরে
তথাঽমৃতং চার্পিতমীশ্বরোঽপি হি॥ 12-234-118 (74755)
দ্বিজোত্তমৈঃ সর্বগতৈরভিষ্টুতো
বিদীপ্ততেজাঃ শতমন্যুরীশ্বরঃ।
প্রশান্তচেতা মুদিতঃ স্বমালয়ং
ত্রিবিষ্টপং প্রাপ্য মুমোদ বাসবঃ॥ ॥ 12-234-119 (74756)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুস্ত্রিংশদধিকদ্বিশততমোঽধ্যায়ঃ॥ 234॥
Mahabharata - Shanti Parva - Chapter Footnotes
12-234-20 শ্রুৎবামুখমসংভ্রান্ত ইতি ঝ. ট. থ. পাঠঃ॥শান্তিপর্ব - অধ্যায় 235
॥ শ্রীঃ ॥
12.235. অধ্যায়ঃ 235
Mahabharata - Shanti Parva - Chapter Topics
গঙ্গাপুলিনগতয়োঃ শক্রনারদয়োঃ সমীপংপ্রতি শ্রীদেব্যা আগমনম্॥ 1॥ শক্রংপ্রতি শ্রিয়া স্বস্য দেত্যেষু নিবাসবিপ্রবাসয়োঃ কারণীভূততদ্গুণদোষাভিধানম্॥ 2॥Mahabharata - Shanti Parva - Chapter Text
12-235-0 (74757)
যুধিষ্ঠির উবাচ। 12-235-0x (6207)
পূর্বরূপাণি মে রাজন্পুরুষস্য ভবিষ্যতঃ।
পরাভবিষ্যতশ্চৈব তন্মে ব্রূহি পিতামহ॥ 12-235-1 (74758)
ভীষ্ম উবাচ। 12-235-2x (6208)
মন এব মনুষ্যস্য পূর্বরূপাণি শংসতি।
ভবিষ্যতশ্চ ভদ্রং তে তথৈব ন ভবিষ্যতঃ॥ 12-235-2 (74759)
অত্রাপ্যুদাহরন্তীমমিতিহাসং পুরাতনম্।
শ্রিয়া শক্রস্য সংবাদং তন্নিবোধ যুধিষ্ঠির॥ 12-235-3 (74760)
মহতস্তপসো ব্যষ্ট্যা পশ্যঁল্লোকৌ পরাবরৌ।
সামান্যমৃষিভির্গৎবা ব্রহ্মলোকনিবাসিভিঃ॥ 12-235-4 (74761)
ব্রহ্মেবামিতদীপ্তৌজাঃ শান্তপাপ্মা মহাতপাঃ।
বিচচার যথাকালং ত্রিষু লোকেষু নারদঃ॥ 12-235-5 (74762)
কদাচিৎপ্রাতরুত্থায় পিস্পৃক্ষুঃ সলিলং শুচি।
ধ্রুবদ্বারভবাং গঙ্গাং জগামাবততার চ॥ 12-235-6 (74763)
`মেরুপাদোদ্ভবাং গঙ্গাং নারায়ণপদচ্যুতাম্।
স বীক্ষমাণো হৃষ্টাত্মা তং দেশমভিজগ্মিবান্॥ 12-235-7 (74764)
যং--দেবজবাকীর্ণং সূক্ষ্মকাঞ্জনবালুকম্।
গঙ্গাদ্বীপং সমাসাদ্য নানাবৃক্ষৈরলঙ্কৃতম্॥ 12-235-8 (74765)
সালতালাশ্বকর্ণানাং চন্দনানাং চ রাজিভিঃ।
মণ্ডিতং বিবিধৈঃ পুষ্পৈর্হংসকারণ্ডবায়ুতম্॥ 12-235-9 (74766)
নদীপুলিনমাসাদ্য স্নাৎবা সংতর্প্য দেবতাঃ।
জজাপ জপ্যং ধর্মাত্মা তন্ময়ৎবেন ভাস্বতা॥' 12-235-10 (74767)
সহস্রনয়নশ্চাপি বজ্রী শম্বরপাকহা।
তস্যা দেবর্ষিজুষ্টায়াস্তীরমভ্যাজগাম হ॥ 12-235-11 (74768)
তাবাপ্লুত্য যতাত্মানৌ কৃতজপ্যৌ সমাসতঃ।
নদ্যাঃ পুলিনমাসাদ্য সূক্ষ্মকাঞ্চনবালুকম্॥ 12-235-12 (74769)
পুণ্যকর্মভিরাখ্যাতা দেবর্ষিকথিতাঃ কথাঃ।
চক্রতুস্তৌ তথাঽঽসীনৌ মহর্ষিকথিতাস্তথা।
পূর্ববৃত্তব্যতীতানি কথয়ন্তৌ সমাহিতৌ॥ 12-235-13 (74770)
অদ্য ভাস্করমুদ্যন্তং রশ্মিজালপুরস্কৃতম্।
পূর্ণমণ্ডলমালোক্য তাবুত্থায়োপতস্থতুঃ॥ 12-235-14 (74771)
`বিবিক্তে পুণ্যদেশে তু রমমাণৌ মুদা যুতৌ।
দদৃশাতেঽন্তরিক্ষে তৌ সূর্যস্যোদয়নং প্রতি॥ 12-235-15 (74772)
জ্যোতির্জ্বালসমাকীর্ণং জ্যোতিষাং গণমণ্ডিতম্।
অভিতস্তূদয়ন্তং তমর্কমর্কমিবাপরম্॥ 12-235-16 (74773)
আকাশো দদৃশে জ্যোতিরুদ্যতার্চিঃ সমপ্রভম্।
`অর্কস্য তেজসা তুল্যং তদ্ভাস্করসমপ্রভম্।'
তয়োঃ সমীপং তং প্রাপ্তং প্রত্যদৃশ্যত ভারত॥ 12-235-17 (74774)
তৎসুপর্ণার্করচিতমাস্থিতং বৈষ্ণবং পদম্।
ভাভিরপ্রতিমং ভাতি ত্রৈলোক্যমবভাসয়ৎ॥ 12-235-18 (74775)
`দৃষ্ট্বা তৌ তু বিক্রান্তৌ প্রাঞ্জলী সমুপাস্থিতৌ।
ক্রমাৎসংপ্রেক্ষ্যমাণৌ তৌ বিমানং দিব্যমদ্ভুতম্॥ 12-235-19 (74776)
তস্মিংস্তদা সতীং কান্তাং লোককান্তাং পরাং শুভাম্।
ধাত্রীং লোকস্য রমণীং লোকমাতরমচ্যুতাম্॥' 12-235-20 (74777)
দিব্যাভিরুপশোভাভিরপ্সরোভিঃ পুরস্কৃতাম্।
বৃহতীমংশুমৎপ্রখ্যাং বৃহদ্ভানোরিবার্চিষম্॥ 12-235-21 (74778)
নক্ষত্রকল্পাভরণাং তারাপঙ্ক্তিসমস্রজম্।
শ্রিয়ং দদৃশতুঃ পদ্মাং সাক্ষাৎপদ্মদলস্থিতাম্॥ 12-235-22 (74779)
সাঽবরুহ্য বিমানাগ্রাদঙ্গনানামনুত্তমা।
অভ্যাগচ্ছন্ত্রিলোকেশং শক্রং চর্ষি চ নারদম্॥ 12-235-23 (74780)
নারদানুগতঃ সাক্ষান্মঘবাংস্তামুপাগমৎ।
কৃতাঞ্জলিপুটো দেবীং নিবেদ্যাত্মানমাত্মনা॥ 12-235-24 (74781)
চক্রে চানুপমাং পূজাং তস্যাশ্চাপি স সর্বংবিৎ।
দেবরাজঃ শ্রিয়ং রাজন্বাক্যং চেদমুবাচ হ॥ 12-235-25 (74782)
কা ৎবং কেন চ কার্যেণ সংপ্রাপ্তা চারুহাসিনি।
কুতশ্চাগম্যতে সুভ্রু গন্তব্যং ক্ব চ তে শুভে॥ 12-235-26 (74783)
শ্রীরুবাচ। 12-235-27x (6209)
পুণ্যেষু ত্রিষু লোকেষু সর্বে স্থাবরজঙ্গমাঃ।
মমাত্মভাবমিচ্ছন্তো যতন্তে পরমাত্মনা॥ 12-235-27 (74784)
সাঽহং বৈ পঙ্কজে জাতা সূর্যরশ্মিপ্রবোধিতে।
ভূত্যর্তং সর্বভূতানাং পদ্মা শ্রীঃ পদ্মমালিনী॥ 12-235-28 (74785)
অহং লক্ষ্মীরহং ভূতিঃ শ্রীশ্চাহং বলসূদন।
অহং শ্রদ্ধা চ মেধা চ সন্নতির্বিজিতিঃ স্থিতিঃ॥ 12-235-29 (74786)
অহং ধৃতিরহং সিদ্ধিরহং সংভূতিরেব চ।
অহং স্বাহা স্বধা চৈব সংস্তুতির্নিয়তিঃ কৃতিঃ॥ 12-235-30 (74787)
রাজ্ঞাং বিজয়মানানাং সেনাগ্নেষু ধ্বজেষু চ।
নিবসে ধর্মশীলানাং বিষয়েষু পুরেষু চ॥ 12-235-31 (74788)
জিতকাশিনি শূরে চ সংগ্রামেষ্বনিবর্তিনি।
নিবসামি মনুষ্যেন্দ্রে সদৈব বলসূদন॥ 12-235-32 (74789)
ধর্মনিত্যে মহাবুদ্ধৌ ব্রহ্মণ্যে সত্যবাদিনি।
প্রশ্রিতে দানশীলে চ সদৈব নিবসাম্যহম্॥ 12-235-33 (74790)
অসুরেষ্ববসং পূর্বং সত্যধর্মনিবন্ধনাৎ।
বিপরীতাংস্তু তান্বুদ্ধ্বা ৎবয়ি বাসমরোচয়ম্॥ 12-235-34 (74791)
শক্র উবাচ। 12-235-35x (6210)
কথং বৃত্তেষু দৈত্যেষু ৎবমবাৎসীর্বরানানে।
দৃষ্ট্বা চ কিমিহাগাস্ৎবং হিৎবা দৈতেয়দানবান্॥ 12-235-35 (74792)
শ্রীরুবাচ। 12-235-36x (6211)
স্বধর্মমনুতিষ্ঠৎসু ধৈর্যাদচলিতেষু চ।
স্বর্গমার্গাভিরামেষু সৎবেষু নিরতা হ্যহম্॥ 12-235-36 (74793)
দানাধ্যযনয়জ্ঞেজ্যাপিতৃদৈবতপূজনম্।
গুরূণামতিথীনাং চ তেষাং নিত্যমবর্তত॥ 12-235-37 (74794)
সুসংমৃষ্টগুহাশ্চাসঞ্জিতস্ত্রীকা হুতাগ্নয়ঃ।
গুরুশুশ্রূষকা দান্তা ব্রহ্মণ্যাঃ সত্যবাদিনঃ॥ 12-235-38 (74795)
শ্রদ্দধানা জিতক্রোধা দানশীলাঽনসূয়বঃ।
ভৃতপুত্রা ভৃতামাত্যা ভৃতদারা হ্যনীর্ষবঃ॥ 12-235-39 (74796)
অমর্ষেণ ন চান্যোন্যং স্পৃহয়ন্তে কদাচন।
ন চ জাতূপতপ্যন্তি ধীরাঃ পরসমৃদ্ধিভিঃ॥ 12-235-40 (74797)
দাতারঃ সংগ্রহীতার আর্যাঃ করুণবেদিনঃ।
মহাপ্রসাদা ঋজবো দৃঢভক্তা জিতেন্দ্রিয়াঃ॥ 12-235-41 (74798)
সংতুষ্টভৃত্যসচিবাঃ কৃতজ্ঞাঃ প্রিয়বাদিনঃ।
যথার্হমানার্থকরা হ্রীনিষেবা যতব্রতাঃ॥ 12-235-42 (74799)
নিত্যং পর্বসু সুস্নাতাঃ স্বনুলিপ্তাঃ স্বলঙ্কৃতাঃ।
উপবাসতপঃ শীলাঃ প্রতীতা ব্রহ্মবাদিনঃ॥ 12-235-43 (74800)
নৈনানভ্যুদিয়াৎসূর্যো নৈবাস্বপ্স্যন্প্রগেশয়াঃ।
রাত্রৌ দধি চ সক্তূংশ্চ নিত্যমেব ব্যবর্জয়ন্॥ 12-235-44 (74801)
কাল্যং ঘৃতং তু চান্বীক্ষ্য প্রয়তা ব্রহ্মবাদিনঃ।
পঙ্গল্যান্যপি চাপশ্যন্ব্রহ্মাণাংশ্চাপ্যপূজয়ন্॥ 12-235-45 (74802)
সদা হি দদতাং ধর্ম্যং সদাচাপ্রতিগৃহ্ণতাম্।
অর্ধং চ রাত্র্যাঃ স্বপতাং দিবা চাস্বপতাং তথা॥ 12-235-46 (74803)
কৃপণানাথবৃদ্ধানাং দুর্বলাতুরয়োষিতাম্।
দয়াং চ সংবিভাগং চ নিত্যমেবান্বমোদতাম্।
কালো যাতঃ সুখেনৈব ধর্মমার্গে নিবর্ততাম্॥ 12-235-47 (74804)
ত্রস্তং বিষণ্ণমুদ্বিগ্নং ভয়ার্তং ব্যাধিপীডিতম্।
হৃতস্বং ব্যসনার্তং চ নিত্যমাশ্বাসয়ন্তি তে॥ 12-235-48 (74805)
ধর্মমেবানুবর্তন্তে ন হিংসন্তি পরস্পরম্।
অনুকূলাশ্চ কার্যেষু গুরুবৃদ্ধোপসেবিনঃ॥ 12-235-49 (74806)
পিতৄন্দেবাতিথীংশ্চৈব গুরূংশ্চৈবাভ্যপূজয়ন্।
অবশেষাণি চাশ্নন্তি নিত্যং সত্যতপোধৃতাঃ॥ 12-235-50 (74807)
নৈকেঽশ্নন্তি সুসংপন্নং ন গচ্ছন্তি পরস্ত্রিয়ম্।
সর্বভূতেষ্ববর্তন্ত যথাঽঽত্মনি দয়াং প্রতি॥ 12-235-51 (74808)
নৈবাকাশে ন পশুষু নায়োনৌ চ ন পর্বসু।
ইন্দ্রিয়স্য বিসর্গং তে রোচয়ন্তি কদাচন॥ 12-235-52 (74809)
নিত্যং দানং তথা দাক্ষ্যমার্জবং চৈব নিত্যদা।
উৎসাহোঽথানহকারঃ পরমং সৌহৃদং ক্ষমা॥ 12-235-53 (74810)
সত্যং দানং তপঃ শৌচং কারুণ্যং বাগনিষ্ঠুরা।
মিত্রেষু চানভিদ্রোহঃ সর্বং তেষ্বভবৎপ্রভো॥ 12-235-54 (74811)
নিদ্রা তন্দ্রীরসংপ্রীতিরসূয়াঽথানবেক্ষিতা।
অরতিশ্চ বিষাদশ্চ স্পৃহা চাপ্যবিশন্ন তান্॥ 12-235-55 (74812)
সাঽহমেবংগুণেষ্বেব দানবেষ্ববসং পুরা।
প্রজাসর্গমুপাদায় যাবদ্গুণবিপর্যযম্॥ 12-235-56 (74813)
ততঃ কালবিপর্যাসে তেষাং গুণবিপর্যযাৎ।
অপশ্যং নির্গতং ধর্মং কামক্রোধবশাত্মনাম্॥ 12-235-57 (74814)
সভাসদাং চ বৃদ্ধানাং সতাং কথয়তাং কথাঃ।
প্রাহসন্নভ্যসূয়ংশ্চ সর্ববুদ্ধান্গুরূন্পরান্॥ 12-235-58 (74815)
যুবানশ্চ সমাসীনা বৃদ্ধানপি গতান্সতঃ।
নাভ্যুত্থানাভিবাদাভ্যাং যথাপূর্বমপূজয়ন্॥ 12-235-59 (74816)
বর্তয়ত্যেব পিতরি পুত্রঃ প্রভবতে তথা।
অমিত্রভৃত্যতাং প্রাপ্য খ্যাপয়ন্ত্যনপত্রপাঃ॥ 12-235-60 (74817)
তথা ধর্মাদপেতেন কর্মণা গর্হিতেন যে।
মহতঃ প্রাপ্নুবন্ত্যর্থাংস্তেষাং তত্রাভবৎস্পৃহা॥ 12-235-61 (74818)
উচ্চৈশ্চাভ্যবদন্রাত্রৌ নীচৈস্তত্রাগ্নিরজ্বলৎ।
পুত্রাঃ পিতৃনত্যচরন্নার্যশ্চাত্যচরন্পতীন্॥ 12-235-62 (74819)
মাতরং পিতরং বৃদ্ধমাচার্যমতিথিং গুরুম্।
গুরুৎবান্নাভ্যনন্দন্ত কুমারান্নান্বপালয়ন্॥ 12-235-63 (74820)
ভিক্ষাং বলিমদত্ৎবা চ স্বয়মন্নানি ভুঞ্জতে।
অনিষ্ট্বাঽসংবিভজ্যাথ পিতৃদেবাতিথীন্গুরূন্॥ 12-235-64 (74821)
ন শৌচমন্বরুদ্ধ্যন্ত তেষাং সূদজনাস্তথা।
মনসা কর্মণা বাচা ভক্ষ্যমাসীদনাবৃতম্॥ 12-235-65 (74822)
`বালানাং প্রেক্ষমাণানাং ভক্তান্যশ্নন্তি মোহিতাঃ।
একো দাসো ভবেত্তেষাং তেষাং দাসীদ্বয়ং তথা॥ 12-235-66 (74823)
ত্রিগবা দানবাঃ কেচিচ্চতুরোজাস্তথা পরে।
ষডশ্বাঃ সপ্তমাতঙ্গাঃ পঞ্চমাহিষিকাঃ পরে॥ 12-235-67 (74824)
রাত্রৌ দধি চ সক্তূংশ্চ নিত্যমেবাবিবর্জিতাঃ।
অন্তর্দশাহে চাশ্নন্তি গবাং ক্ষিরং বিচেতনাঃ॥ 12-235-68 (74825)
ক্রমদোহং ন কুর্বন্তি বৎসস্তন্যানি ভুঞ্জতে।
অনাথাং কৃপণাং ভার্যাং ঘ্নন্তি নিত্যং শপন্তি চ॥ 12-235-69 (74826)
শূদ্রান্নপুষ্টা বিপ্রাস্তু নির্লজ্জাশ্চ ভবন্ত্যুত।
সংকীর্ণানি চ ধান্যানি নাত্যবেক্ষৎকুটুংবিনী॥ 12-235-70 (74827)
মার্জারকুক্কুটশ্বানৈঃ ক্রীডাং কুর্বন্তি মানবাঃ।
গৃহে কণ্টকিনো বৃক্ষাস্তথা নিষ্পাববল্লরী॥ 12-235-71 (74828)
যজ্ঞিয়াশ্চ তথা বৃক্ষাস্তেষামাসন্দুরাত্মনাম্।
কূপস্নানরতা নিত্যং পর্বমৈথুনগামিনঃ॥ 12-235-72 (74829)
তিলানশ্নন্তি রাত্রৌ চ তৈলাভ্যক্তাশ্চ শেরতে।
বিভীতককরঞ্জানাং ছায়ামূলনিবাসিনঃ॥ 12-235-73 (74830)
করবীরং চ তে পুষ্পং ধারয়ন্তি চ মোহিতাঃ।
পদ্মবিজানি খাদন্তি পুষ্পং জিঘ্রন্তি মোহিতাঃ॥ 12-235-74 (74831)
ন ভোক্ষ্যন্তি তথা নিত্যং দৈত্যাঃ কালেন মোহিতাঃ।
নিন্দন্তি স্তবনং বিষ্ণোস্তস্য নিত্যদ্বিষো জনাঃ॥ 12-235-75 (74832)
হোমধূমো ন তত্রাসীদ্বেদঘোষস্তথৈব চ।
যজ্ঞাশ্চ ন প্রবর্তন্তে যথাপূর্বং গৃহেগৃহে॥ 12-235-76 (74833)
শিষ্যাচার্যক্রমো নাসীৎপুত্রৈরাত্মপিতুঃ পিতা।
বিষ্ণুং ব্রহ্মণ্যদেবেশং হিৎবা পাষণ্ডমাশ্রিতাঃ॥ 12-235-77 (74834)
হব্যকব্যবিহীনাশ্চ জ্ঞানাধ্যযনবর্জিতাঃ।
দেবস্বাদানরুচয়ো ব্রহ্মস্বরুচয়স্তথা।
স্তুতিমঙ্গলহীনানি দেবস্থানানি সর্বশঃ॥' 12-235-78 (74835)
বিপ্রকীর্ণানি ধান্যানি কাকমূষিকভোজনম্।
অপাবৃতং পয়োতিষ্ঠদুচ্ছিষ্টাশ্চাস্পৃশন্ধৃতম্॥ 12-235-79 (74836)
কুদ্দালং দাত্রপিটকং প্রকীর্ণং কাংস্যভোজনম্।
দ্রব্যোপকরণং সর্বং নান্ববৈক্ষৎকুটুম্বিনী॥ 12-235-80 (74837)
প্রাকারাগারবিধ্বংসান্ন স্ম তে প্রতিকুর্বতে।
`ক্ষুদ্রাঃ সংস্কারহীনাশ্চ নার্যো হ্যুদরপোষণাঃ॥ 12-235-81 (74838)
শৌচাচারপরিভ্রষ্টা নির্লজ্জা ভোগবঞ্চিতাঃ।
উভাভ্যামেব পাণিভ্যাং শিরঃ কণ্ডূয়নান্বিতাঃ।
গৃহজালাভিসংস্থানা হ্যাসংস্তত্র স্ত্রিয়ঃ পুনঃ॥ 12-235-82 (74839)
শ্বশ্রূশ্বশুরয়োর্মধ্যে ভর্তারং কৃতকং যথা।
প্রেক্ষয়ন্তি চ নির্লজ্জা নার্যঃ কুলজলক্ষণাঃ॥' 12-235-83 (74840)
নাদ্রিয়ন্তে পশূন্বদ্ধ্বা যবসেনোদকেন চ।
বালানাং প্রেক্ষমাণানাং স্বয়ং ভক্ষ্যমভক্ষয়ন্।
তথা ভৃত্যজনং সর্বমসংতর্প্য চ দানবাঃ॥ 12-235-84 (74841)
পায়সং কৃসরং মাংসমপূপানথ শষ্কুলীঃ।
অপাচয়ন্নাত্মনোঽর্থে বৃথা মাংসান্যভক্ষয়ন্॥ 12-235-85 (74842)
উৎসূর্যশায়িনশ্চাসন্সর্বে চাসন্প্রগেশয়াঃ।
আবৃত্তকলহাশ্চাত্র দিবারাত্রং গৃহেগৃহে॥ 12-235-86 (74843)
অনার্যাশ্চার্যমাসীনং পর্যুপাসন্ন তত্র হ।
আশ্রমস্থান্বিকর্মস্থাঃ প্রাদ্বিষন্ত পরস্পরম্॥ 12-235-87 (74844)
সংকরাশ্চাভ্যবর্তন্ত ন চ শৌচমবর্তত।
যে চ বেদবিদো বিপ্রা বিস্পষ্টমনুচশ্চ যে।
নিরন্তরবিশেষাস্তে বহুমানাবমানয়োঃ॥ 12-235-88 (74845)
ভাবমাভরণং বেষং গতং স্থিতমবেক্ষিতম্।
অসেবন্ত ভুজিষ্যা বৈ দুর্জনাচরিতং বিধিম্॥ 12-235-89 (74846)
স্ত্রিয়ঃ পুরুষবেষেণ পুংসঃ স্ত্রীবেষধারিণঃ।
ক্রীডারতিবিহারেষু পরাং মুদমবাপ্নুবন্॥ 12-235-90 (74847)
প্রভবদ্ভিঃ পুরা দায়ানর্হেভ্যঃ প্রতিপাদিতান্।
নাভ্যবর্ন্তত নাস্তিক্যাদ্বর্তন্তঃ সংভবেষ্বপি॥ 12-235-91 (74848)
মিত্রেণাভ্যর্থিতং দ্রব্যমর্থী সংশ্রয়তে ক্বচিৎ।
বালকোট্যগ্রমাত্রেণ স্বার্থেনাঘ্নত তদ্বসু॥ 12-235-92 (74849)
পরস্বাদানরুচয়ো বিপণব্যবহারিণঃ।
অদৃশ্যন্তার্যবর্ণষু শৃদ্রাশ্চাপি তপোধনাঃ॥ 12-235-93 (74850)
অধীয়তেঽব্রতাঃ কেচিদ্বৃথা ব্রতমথাপরে।
অশুশ্রূষুর্গুরোঃ শিষ্যঃ কশ্চিচ্ছিপ্যসখো গুরুঃ॥ 12-235-94 (74851)
পিতা চৈব জনিত্রী চ শ্রান্তৌ বৃত্তোৎসবাবিব।
অপ্রভুৎবে স্থিতৌ বৃদ্ধাবন্নং প্রার্থয়তঃ সুতান্॥ 12-235-95 (74852)
তত্র বেদবিদঃ প্রাজ্ঞা গাম্ভীর্যে সাগরোপমাঃ।
কৃষ্যাদিষ্বভবন্সক্তা মূর্খাঃ শ্রাদ্ধান্যভুঞ্জত॥ 12-235-96 (74853)
প্রাতঃ সায়ং চ সুপ্রশ্নং কল্পনং প্রেষণক্রিয়াঃ।
শিষ্যানপ্রহিতাস্তেষামকুর্বন্গুরবশ্চ হ॥ 12-235-97 (74854)
শ্বশ্রূশ্বশুরয়োরগ্রে বধূঃ প্রেষ্যানশাসত।
অন্বশাসচ্চ ভর্তারং সমাহ্বায়াভিজল্পতি॥ 12-235-98 (74855)
প্রয়ত্নেনাপি চারক্ষচ্চিত্তং পুত্রস্য বৈ পিতা।
ব্যভজচ্চাপি সংরম্ভাদ্দুঃখবাসং তথাঽবসৎ॥ 12-235-99 (74856)
অগ্নিদাহেন চোরৈর্বা রাজভির্বা হৃতং ধনম্।
দৃষ্ট্বা দ্বেষাৎপ্রাহসন্ত সুহৃৎসংভাবিতা হ্যপি॥ 12-235-100 (74857)
কৃতঘ্না নাস্তিকাঃ পাপা গুরুদারাভিমর্শিনঃ।
`শ্বশুরানুগতাঃ সর্বে হ্যুৎসৃজ্য পিতরৌ সুতাঃ॥ 12-235-101 (74858)
স্বকর্মণা চ জাতোঽহমিত্যেবংবাদিনস্তথা।'
অভক্ষ্যভক্ষণরতা নির্মর্যাদা হতৎবিষঃ॥ 12-235-102 (74859)
তেষ্বেবমাদীনাচারানাচরৎসু বিপর্যযে।
নাহং দেবেন্দ্র বৎস্যামি দানবেষ্বিতি মে মতিঃ॥ 12-235-103 (74860)
তন্মাং স্বয়মনুপ্রাপ্তাভিনন্দ শচীপতে।
ৎবয়াঽর্চিতাং মাং দেবেশ পুরো ধাস্যন্তি দেবতাঃ॥ 12-235-104 (74861)
যত্রাহং তত্র মৎকান্তা মদ্বিশিষ্টা মদর্পণাঃ।
সপ্তদেব্যো জয়াষ্টভ্যো বাসমেষ্যন্তি তেঽষ্টধা॥ 12-235-105 (74862)
আশা শ্রদ্ধা ধৃতিঃ ক্ষান্তির্বিজিতিঃ সন্নতিঃ ক্ষমা।
অষ্টমী বৃত্তিরেতাসাং পুরোগা পাকশাসন॥ 12-235-106 (74863)
তাশ্চাহং চাসুরাংস্ত্যক্ৎবা যুষ্মদ্বিষয়মাগতাঃ।
ত্রিদশেষু নিবৎস্যামো ধর্মনিষ্ঠান্তরাত্মসু॥ 12-235-107 (74864)
ইত্যুক্তবচনাং দেবীং প্রীত্যর্থং চ ননন্দতুঃ।
নারদশ্চাত্র দেবর্ষির্বৃত্রহন্তা চ বাসবঃ॥ 12-235-108 (74865)
ততোঽনলসখো বায়ুঃ প্রববৌ দেববর্ত্মসু।
ইষ্টগন্ধঃ সুখস্পর্শঃ সর্বেন্দ্রিয়সুখাবহঃ॥ 12-235-109 (74866)
শুচৌ চাভ্যর্থিতে দেশে ত্রিদশাঃ প্রায়শঃ স্থিতাঃ।
লক্ষ্মীসহিতমাসীনং মঘবন্তং দিদৃক্ষবঃ॥ 12-235-110 (74867)
ততো দিবং প্রাপ্য সহস্রলোচনঃ।
স্ত্রিয়োপপন্নঃ সুহৃদা মহর্ষিণা।
রথেন হর্যশ্বয়ুজা সুরর্ষভঃ
সদঃ সুরাণামভিসৎকৃতো যয়ৌ॥ 12-235-111 (74868)
অথেঙ্গিতং বজ্রধরস্য নারদঃ
শ্রিয়শ্চ দেব্যা মনসা বিচারয়ন্।
শ্রিয়ৈ শশংসামরদৃষ্টপৌরুষঃ
শিবেন তত্রাগমনং মহর্ষিভিঃ॥ 12-235-112 (74869)
ততোঽমৃতং দ্যৌঃ প্রববর্ষ ভাস্বতী
পিতামহস্যায়তনে স্বয়ংভুবঃ।
অনাহতা দুন্দুভয়োঽথ নেদিরে
তথা প্রসন্নাশ্চ দিশশ্চকাশিরে॥ 12-235-113 (74870)
যথর্তু সস্যেষু ববর্ষ বাসবো
ন ধর্মমার্গাদ্বিচচাল কশ্চন।
অনেকরত্নাকরভূষণা চ ভূঃ
সুঘোষঘোষাশ্চ দিবৌকসাং জয়ে॥ 12-235-114 (74871)
ক্রিয়াভিরামা মনুজা মনস্বিনো
বভুঃ শুভে পুণ্যকৃতাং পথি স্থিতাঃ।
নরামরাঃ কিন্নরয়ক্ষরাক্ষসাঃ
সমৃদ্ধিমন্তঃ সুমনস্বিনোঽভবন্॥ 12-235-115 (74872)
ন জাৎবকালে কুসুমং কুতঃ ফলং
পপাত বৃক্ষাৎপবনেরিতাদপি।
রসপ্রদাঃ কামদুঘাশ্চ ধেনবো
ন দারুণা বাগ্বিচচার কস্যচিৎ॥ 12-235-116 (74873)
ইমাং সপর্যাং সহ সর্বকামদৈঃ
শ্রিয়াশ্চ শক্রপ্রমুখৈশ্চ দৈবতৈঃ।
পঠন্তি যে বিপ্রসদঃ সমাগতাঃ
সমৃদ্ধকামাঃ শ্রিয়মাপ্নুবন্তি তে॥ 12-235-117 (74874)
ৎবয়া কুরূণাং বর যৎপ্রচোদিতং
ভবাভবস্যেহ পরং নিদর্শনম্।
তদদ্য সর্বং পরিকীর্তিতং ময়া
পরীক্ষ্য তত্ৎবং পরিগন্তুমর্হসি॥ 12-235-118 (74875)
`সংস্মৃত্য বুদ্ধীন্দ্রিয়গোচরাতিগং
স্বগোচরে সর্বকৃতালয়ং তম্।
হরিং মহাপাগ্রহরং জনাস্তে
সংস্মৃত্য সংপূজ্য বিধূতপাপাঃ॥ 12-235-119 (74876)
যমৈশ্চ নিত্যং নিয়মৈশ্চ সংয়তা
স্তৎবং চ বিষ্ণোঃ পরিপশ্যমানাঃ।
দেবানুসারেণ বিমুক্তিয়োগং
তে গাহমানাঃ পরমাপ্নুবন্তি॥ 12-235-120 (74877)
এবং রাজেন্দ্র সততং জপহোমপরায়ণঃ।
বাসুদেবপরো নিত্যং জ্ঞানধ্যানপরায়ণঃ॥ 12-235-121 (74878)
দানধর্মরতির্নিত্যং প্রজাস্ৎবং পরিপালয়।
বাসুদেবপরো নিত্যং জ্ঞানধ্যানপরায়ণান্।
বিশেষেণার্চয়েথাস্ৎবং সততং পর্যুপাস্ব চ॥' ॥ 12-235-122 (74879)
ইতি শ্রীমন্মহাভারতে শান্তিপর্বণি মোক্ষধর্মপর্বণি প়ঞ্চত্রিংশদধিকদ্বিশততমোঽধ্যায়ঃ॥ 235॥
Mahabharata - Shanti Parva - Chapter Footnotes
12-235-6 ভবমৌলিভবাং গঙ্গাং ইতি ধ. পাঠঃ॥ 12-235-26 বিজিতিঃ স্মৃতিঃ ট.ড. পাঠঃ॥ 12-235-29 ইতি ট. ড. ধ. পাঠঃ॥ 12-235-44 ধৈর্যাদুদ্ধারিতারিষু ইতি নচাপ্যাসন্প্রগেশয়াঃ ইতি ধ. পাঠঃ॥ 12-235-45 কার্যং কৃতং চান্ববেক্ষ্য ইতি ট. পাঠঃ॥ 12-235-60 মৃত্যা ভর্ত্রন্তরং প্রাপ্য ইতি ট. পাঠঃ॥ 12-235-80 প্রকীর্ণং কাংস্যভাজনমিতি ঝ. পাঠঃ॥শান্তিপর্ব - অধ্যায় 236
॥ শ্রীঃ ॥
12.236. অধ্যায়ঃ 236
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বৈরাগ্যাদিপূর্যকভগবজ্জ্ঞানস্য শ্রেয়ঃ সাধনৎবপরাসিতজৈগীষব্যসংবাদানুবাদঃ॥ 1॥Mahabharata - Shanti Parva - Chapter Text
12-235-0 (74880)
যুধিষ্ঠির উবাচ। 12-235-0x (6212)
কিংশীলঃ কিংসমাচারঃ কিংবিদ্যঃ কিংপরাক্রমঃ।
প্রাপ্নোতি ব্রহ্মণঃ স্থানং যৎপরং প্রকৃতের্ধ্রুবম্॥ 12-236-1 (74881)
ভীষ্ম উবাচ। 12-236-2x (6213)
মোক্ষধর্মেষু নিয়তো লধ্বাহারো জিতেন্দ্রিয়ঃ।
প্রাপ্নোতি ব্রহ্মণঃ স্থানং তৎপরং প্রকৃতের্ধ্রুবম্॥ 12-236-2 (74882)
অত্রাপ্যুদাহরন্তীমমিতিহাসং পুরাতনম্।
জৈগীষব্যস্য সংবাদমসিতস্য চ ভারত॥ 12-236-3 (74883)
`মহাদেবান্তরে বৃত্তং দেব্যাশ্চৈবান্তরে তথা।
যথাবচ্ছৃণু রাজেন্দ্র জ্ঞানদং পাপনাশনম্॥' 12-236-4 (74884)
জৈগীষব্যং নহাপ্রজ্ঞং ধর্নাণামাগতাগমম্।
অক্রুধ্যন্তমহৃষ্যন্তমসিতো দেবলোঽব্রবীৎ॥ 12-236-5 (74885)
ন প্রীমসে বন্দ্যমানো নিন্দ্যমানো ন কুপ্যসে।
কা তে প্রজ্ঞা কুতশ্চৈষা কিং তে তস্যাঃ পরায়ণম্॥ 12-236-6 (74886)
ভীষ্ম উবাচ। 12-236-7x (6214)
ইতি তেনানুয়ুক্তঃ স তমৃপাচ মহাতপাঃ।
মহদ্বাক্যপ্রসংদিগ্ধং পুষ্কলার্থপদং শুচি॥ 12-236-7 (74887)
জৈগীষব্য উবাচ। 12-236-8x (6215)
যা যতিয়ৌ পরা নিষ্ঠা যা শান্তিঃ পুণ্যকর্মণাম্।
তাং তেঽহং সং প্রবক্ষ্যামি যাং মাং পৃচ্ছসি বৈ দ্বিজ॥ 12-236-8 (74888)
নিন্বৎসু বা সপ্তা নিত্যং প্রশংসৎসু চ দেবল।
নিহবন্তি চ যে তেষাং সময়ং সুকৃতং চ যৎ॥ 12-236-9 (74889)
উক্তাশ্চ ন বিবক্ষ্যন্তি বক্তারমহিতে হিতম্।
প্রতিহন্তুং ন চেচ্ছন্তি হন্তারং বৈ মনীষিণঃ॥ 12-236-10 (74890)
নাপ্রাপ্তমনুশোচন্তি প্রাপ্তকালানি কুর্বতে।
ন চাতীতানি শোচন্তি ন চৈতান্প্রতিজানতে॥ 12-236-11 (74891)
সংপ্রাপ্তানাং চ পূজ্যানাং কামাদর্থেষু দেবল।
যথোপপত্তিং কুর্বন্তি শক্তিমন্তো ধৃতব্রতাঃ॥ 12-236-12 (74892)
পক্ববিদ্যা মহাপ্রাজ্ঞা জিতক্রোধা জিতেন্দ্রিয়াঃ।
মনসা কর্মণা বাচা নাপরাধ্যন্তি কস্যচিৎ॥ 12-236-13 (74893)
অনীর্ষবো ন চোন্যোন্যং বিহিংসন্তি কদাচন।
ন চ জাতূপতপ্যন্তে ধীরাঃ পরসমৃদ্ধিভিঃ॥ 12-236-14 (74894)
নিন্দাপ্রশংসে চাত্যর্থং ন বদন্তি পরস্য চ।
ন চ নিন্দাপ্রশংসাভ্যাং বিক্রিয়ন্তে কদাচন॥ 12-236-15 (74895)
সর্বতশ্চ প্রশান্তা যে সর্বভূতহিতে রতাঃ।
ন কুধ্যন্তি স হৃষ্যন্তি নাপরাধ্যন্তি কস্যচিৎ॥ 12-236-16 (74896)
বিমুচ্য হৃদয়গ্রন্থিং চঙ্কম্যন্তে যথাসুখম্।
ন চৈষাং বান্ধবাঃ সন্তি যে চান্যেষাং চ বান্ধবাঃ॥ 12-236-17 (74897)
অমিত্রাশ্চ ন সন্ত্যেষাং যে চামিত্রা ন কস্যচিৎ।
য এবং কুর্বতে মর্ত্যাঃ সুখং জীবন্তি সর্বদা॥ 12-236-18 (74898)
যে ধর্মং চানুরুধ্যন্তে ধর্মজ্ঞা দ্বিজসত্তমাঃ।
যে হ্যতো বিচ্যুতা মার্গাত্তে হৃষ্যন্ত্যুদ্বিজন্তি চ॥ 12-236-19 (74899)
আস্থিতস্তমহং মার্গমসূয়িষ্যামি কং কথম্।
নিন্দ্যমানঃ প্রশস্তো বা হৃষ্যেয়ং কেন হেতুনা॥ 12-236-20 (74900)
যদ্যদিচ্ছন্তি তত্তস্মাদধিগচ্ছন্তি মানবাঃ।
ন মে নিন্দাপ্রশংসাভ্যাং হ্রাসবৃদ্ধী ভবিষ্যতঃ॥ 12-236-21 (74901)
অমৃতস্যেব সংতৃপ্যেদবমানস্য তত্ৎববিৎ।
বিষস্যেবোদ্বিজেন্নিত্যং সংমানস্য বিচক্ষণঃ॥ 12-236-22 (74902)
অবজ্ঞাতঃ সুখং শেতে ইহ চামুত্র চোভয়োঃ।
বিমুক্তঃ সর্বপাপেভ্যো যোঽবমন্তা স বুধ্যতে॥ 12-236-23 (74903)
পরাং গতিং চ যে কেচিৎপ্রার্থয়ন্তি মনীষিণঃ।
এতদ্ব্রতং সমাশ্রিত্য সুখমেধন্তি তে জনাঃ॥ 12-236-24 (74904)
সর্বতশ্চ সমাহৃত্য ক্রতূন্সর্বাঞ্জিতেন্দ্রিয়ঃ।
প্রাপ্নোতি ব্রহ্মণঃ স্থানং যৎপরং প্রকৃতের্ধ্রুবম্॥ 12-236-25 (74905)
নাস্য দেবা ন গন্ধর্বা ন পিশাচা ন রাক্ষসাঃ।
পদমন্ববরোহন্তি প্রাপ্তস্য পরমাং গতিম্॥ 12-236-26 (74906)
`এতচ্ছ্রুৎবা মুনেস্তস্য বচনং দেবলস্তথা।
তদধীনো ভবচ্ছিষ্যঃ সর্বদ্বন্দ্ববিনিষ্ঠিতঃ॥ 12-236-27 (74907)
অথান্যত্তু পুরাবৃতং জৈগীষব্যস্য ধীমতঃ।
শৃণু রাজন্নবহিতঃ সর্বজ্ঞানসমন্বিতঃ॥ 12-236-28 (74908)
যমাহুঃ সর্বলোকেশং সর্বলোকনমস্কৃতম্।
অষ্টমূর্তি জগন্মূর্তিমিষ্টসংধিবিভূষিতম্॥
যং প্রাপ্তা ন বিষীদন্তি ন শোচন্ত্যুদ্বিজন্তি চ॥ 12-236-29 (74909)
যস্য স্বাভাবিকী শক্তিরিদং বিশ্বং চরাচরম্।
যাতি সজ্জতি সর্বাত্মা স দেবঃ পরমেশ্বরঃ॥ 12-236-30 (74910)
মেরোরুত্তরপূর্বে তু সর্বরত্নবিভূষিতে।
অচিন্ত্যে বিমলে স্থানে সর্বর্তুকুসুমান্বিতে॥ 12-236-31 (74911)
বৃক্ষৈশ্চ শোভিতে নিত্যং দিব্যবায়ুসমীরিতে।
নানাভূতগণৈর্যুক্তঃ সর্বদেবনমস্কৃতঃ॥ 12-236-32 (74912)
তত্র বিদ্যাধরগণা গন্ধর্বাপ্সরসাং গণাঃ।
লোকপালাঃ সমুদ্রাশ্চ নদ্যঃ শৈলাঃ সরাংসি চ॥ 12-236-33 (74913)
ঋষয়ো বালখিল্যাশ্চ যজ্ঞাঃ স্তোভাহ্বয়াস্তথা।
উপাসাংচক্রিরে দেবং প্রজানাং পতয়স্তথা॥ 12-236-34 (74914)
তত্র রুদ্রো মহাদেবো দেব্যা চৈব সহোময়া।
আস্তে বৃষধ্বজঃ শ্রীমান্সোমসূর্যাগ্নিলোচনঃ॥ 12-236-35 (74915)
তত্রৈবং দেবমালোক্য দেবী ধাত্রী বিভাবরী।
উমা দেবী পরেশানমপৃচ্ছদ্বিনয়ান্বিতা॥ 12-236-36 (74916)
অর্থঃ কোঽথার্থশক্তিঃ কা ভগবন্ব্রূহি মেঽর্থিতঃ।
তয়ৈবং পরিপৃষ্টোঽসৌ প্রাহ দেবো মহেশ্বরঃ॥ 12-236-37 (74917)
অর্থোঽহমর্থশক্তিস্ৎবং ভোক্তাঽহং ভোজ্যমেব চ।
রূপং বিদ্ধি মহাভাগে প্রকৃতিস্ৎবং পরো হ্যহম্॥ 12-236-38 (74918)
অহং বিষ্ণুরহং ব্রহ্মা হ্যহং যজ্ঞস্তথৈব চ।
আবয়োর্ন চ ভেদোঽস্তি পরমার্থস্ততোঽবলে।
তথাপি বিদ্মস্তে ভেদং কিং মাং ৎবং পরিপৃচ্ছসি॥ 12-236-39 (74919)
এবমুক্তা ততঃ প্রাহ হ্যধিকং হ্যেতয়োর্বদ।
শ্রেষ্ঠং বেদ মহাদেব নম ইত্যেব ভামিনী॥ 12-236-40 (74920)
তদন্তরে স্থিতো বিদ্বান্বসুরূপো মহামুনিঃ।
জৈগীষব্যঃ স্ময়ন্প্রাহ হ্যর্থ ইত্যেব নাদয়ন্॥ 12-236-41 (74921)
শ্রেষ্ঠোন্যোঽস্মান্মহীপিণ্ডা তল্লীনা শক্তিরাপরা।
মুদ্রিকাদিবিশেষেণ বিস্তৃতা সংভৃতেতি চ॥ 12-236-42 (74922)
তচ্ছ্রুৎবা বচনং দেবী কোসাবিত্যব্রবীদ্রুষা।
বাক্যমস্যাদ্য সংভঙ্ক্ৎবা প্রোক্তবানিতি শংকরম্॥ 12-236-43 (74923)
তচ্ছ্রুৎবা নির্গতো ধীমানাশ্রমং স্বং মহামুনিঃ।
স্থানাৎস্বর্গগণে বিদ্বান্যোগৈশ্বর্যসমন্বিতঃ॥ 12-236-44 (74924)
ততঃ প্রহস্য ভগবান্সর্বপাপহরো হরঃ।
প্রাহ দেবীং প্রশান্তাত্মা জৈগীষব্যো মহামুনিঃ॥ 12-236-45 (74925)
ভক্তো মম সখা চৈব শিষ্যশ্চাত্র মহামুনিঃ।
জৈগীষব্য ইতি খ্যাতঃ প্রোক্ৎবাসা নির্গতঃ শুভে॥ 12-236-46 (74926)
তচ্ছ্রুৎবা সাঽথ সংক্রুদ্ধা ন ন্যায়্যং তেন বৈ কৃতম্।
বিকৃতাঽহং ৎবয়া দেব মুনিনা চ তথাকৃতা॥ 12-236-47 (74927)
অত*জ্ঞাদয়দেবেশ মধ্যে প্রাপ্তং ন তচ্ছ্রুতম্।
তচ্ছ্রুৎবা ভগবানাহ মহাদেবঃ পিনাকধৃৎ॥ 12-236-48 (74928)
নিরপেক্ষো মুনির্যোগী মামুপাশ্রিত্য সংস্থিতঃ।
নির্দ্বন্দ্বঃ সততং ধীমান্সমরূপস্বভাবধৃৎ॥ 12-236-49 (74929)
তস্মাৎক্ষমস্ব তং দেবি রক্ষিতব্যস্ৎবয়া চ সঃ॥ 12-236-50 (74930)
ইত্যুক্তা প্রাহ সা দেবী মুনেস্তস্য মহাত্মনঃ।
নিরাশৎবমহং দ্রষ্টুমিচ্ছাম্যন্তকনাশন॥ 12-236-51 (74931)
তথেতি চোক্ৎবা তাং দেবো বৃষমারুহ্য সৎবরম্।
দেবগন্ধর্বসঙ্ঘৈশ্চ স্তূয়মানো জগৎপতিঃ॥ 12-236-52 (74932)
অজরামরশুদ্ধাত্মা যত্রাস্তে স মহামুনিঃ।
ইতস্ততঃ সমাহৃত্য বীরসংঘৈর্মহায়শাঃ॥ 12-236-53 (74933)
দেহপ্রাবরণার্থং বৈ সংসরন্স তদা মুনিঃ।
প্রত্যুদ্গম্য মহাদেবং যথার্হং প্রতিপূজ্য চ।
পুনঃ স পূর্ববৎকথাং সূচ্যা সূত্রেণ সূচয়ৎ॥ 12-236-54 (74934)
তমাহ ভগবাঞ্শংভুঃ কিং প্রদাস্যামি তে মুনে।
বৃণীষ্ব মত্তঃ সর্বং ৎবং জৈগীষব্য যদীচ্ছসি॥ 12-236-55 (74935)
নাবলোকয়মানস্তু দেবদেবং মহামুনিঃ।
অনবাপ্তং ন পশ্যামি ৎবত্তো গোবৃষভধ্বজ।
কৃতার্থঃ পরিপূর্ণোঽহং যত্তে কার্যং তু গম্যতাম্॥ 12-236-56 (74936)
প্রহসংস্তু পুনঃ শর্বো বৃণীষ্বেতি তমব্রবীৎ।
অবশ্যং হি বরো প্রত্তঃ শ্রাব্যং বরমনুত্তমম্॥ 12-236-57 (74937)
জৈগীষব্যস্তমাহেদং শ্রোতব্যং চ ৎবয়া মম।
সূচীমনু মহাদেব সূত্রং সমনুগচ্ছতঃ॥ 12-236-58 (74938)
ততঃ প্রহস্য ভগবান্গৌরীমালোক্য শঙ্করঃ।
স্বস্থানং প্রয়যৌ হৃষ্টঃ সর্বদেবনমস্কৃতঃ॥ 12-236-59 (74939)
এতত্তে কথিতং রাজন্যস্মাত্ৎবং পরিপৃচ্ছসি।
নির্দ্বন্দ্বা যোগিনো নিত্যাঃ সর্বশস্তে স্বয়ংভুবঃ॥' ॥ 12-236-60 (74940)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষট্ত্রিংশদধিকদ্বিশংততমোঽধ্যায়ঃ॥ 236॥
Mahabharata - Shanti Parva - Chapter Footnotes
12-236-8 যা শক্তিঃ পুণ্বকমেণাং ইতি ট. পাঠঃ॥ 12-236-12 সংপ্রদানং চ পূজ্যানাং ইতি ট. থ. পাঠঃ॥শান্তিপর্ব - অধ্যায় 237
॥ শ্রীঃ ॥
12.237. অধ্যায়ঃ 237
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সদ্গুণানাং জনবশীকরণকারণৎবে দৃষ্টান্ততয়া উগ্রসেনায় কৃষ্ণোদিতনারদগুণানুবাদঃ॥ 1॥Mahabharata - Shanti Parva - Chapter Text
12-237-0 (74941)
যুধিষ্ঠির উবাচ। 12-237-0x (6216)
প্রিয়ঃ সর্বস্য লোকস্য সর্বসৎবাভিনন্দিতঃ।
গুণৈঃ তর্পৈরুপেতশ্চ কোন্বস্তি ভুবি মানবঃ॥ 12-237-1 (74942)
ভীষ্ম উবাচ। 12-237-2x (6217)
অত্র তে বর্তয়িষ্যামি পৃচ্ছতো ভরতর্ষভ।
উগ্রসেনস্য সংবাদং নারদে কেশবস্য চ॥ 12-237-2 (74943)
উগ্রসেন উবাচ। 12-237-3x (6218)
যস্য সংকল্পতে লোকো নারদস্য প্রকীর্তনে।
মন্যে স গুণসংপন্নো ব্রূহি তন্মম পৃচ্ছতঃ॥ 12-237-3 (74944)
বাসুদেব উবাচ। 12-237-4x (6219)
কুকুরাধিপ যান্মন্যে শৃণু তান্মে বিবক্ষতঃ।
নারদস্য গুণান্সাধূন্সংক্ষেপেণ নরাধিপ॥ 12-237-4 (74945)
ন চারিত্রনিমিত্তোঽস্যাহংকারো দেহপাতনঃ।
অভিন্নশ্রুতচারিত্রস্তস্মাৎসর্বত্র পূজিতঃ॥ 12-237-5 (74946)
অরতিঃ ক্রোধচাপল্যে ভয়ং নৈতানি নারদে॥
অদীর্ঘসূত্রঃ শূরশ্চ তস্মাৎসর্বত্র পূজিতঃ॥ 12-237-6 (74947)
উপাস্যো নারদো বাঢং বাচি নাস্য ব্যতিক্রমঃ।
কামতো যদি বা লোভাত্তস্মাৎসর্বত্র পূজিতঃ॥ 12-237-7 (74948)
অধ্যাত্মবিধিতত্ৎবজ্ঞঃ ক্ষান্তঃ শক্তো জিতেন্দ্রিয়ঃ।
ঋজুশ্চ সত্যবাদী চ তস্মাৎসর্বত্র পূজিতঃ॥ 12-237-8 (74949)
তেজসা যশসা বুদ্ধ্যা জ্ঞানেন বিনয়েন চ।
জন্মনা তপসা বৃদ্ধস্তস্মাৎসর্বত্র পূজিতঃ॥ 12-237-9 (74950)
সুশীলঃ সুখসংবেশঃ সুভোজঃ স্বাদরঃ শুচিঃ।
সুবাক্যশ্চাপ্যনীর্ষ্যশ্চ তস্মাৎসর্বত্র পূজিতঃ॥ 12-237-10 (74951)
কল্যাণং কুরুতে বাঢং পাপমস্মিন্ন বিদ্যতে।
ন প্রীয়তে পরানর্থৈস্তস্মাৎসর্বত্র পূজিতঃ॥ 12-237-11 (74952)
বেদশ্রূতিভিরাখ্যানৈরর্থানভিজিগীষতি।
তিতিক্ষুরনবজ্ঞশ্চ তস্মাৎসর্বত্র পূজিতঃ॥ 12-237-12 (74953)
সমৎবাচ্চ প্রিয়ো নাস্তি নাপ্রিয়শ্চ কথংচন।
মনোঽনুকূলবাদী চ তস্মাৎসর্বত্র পূজিতঃ॥ 12-237-13 (74954)
বহুশ্রুতশ্চিত্রকথঃ পণ্ডিতোঽনলসোঽশঠঃ।
অদীনোঽক্রোধনোঽলুব্ধস্তস্মাৎসর্বত্র পূজিতঃ॥ 12-237-14 (74955)
নার্থে ধনে বা কামে বা ভূতপূর্বোঽস্য বিগ্রহঃ।
দোষাশ্চাস্য সমুচ্ছিন্নাস্তস্মাৎসর্বত্র পূজিতঃ॥ 12-237-15 (74956)
দৃঢভক্তিরনিন্দ্যাত্মা শ্রুতবাননৃশংসবান্।
বীতসংমোহদোষশ্চ তস্মাৎসর্বত্র পূজিতঃ॥ 12-237-16 (74957)
অসক্তঃ সর্বসঙ্গেষু সক্তাত্মেব চ লক্ষ্যতে।
অদীর্ঘসংশয়ো বাগ্মী তস্মাৎসর্বত্র পূজিতঃ॥ 12-237-17 (74958)
সমাধির্নাস্য কামার্থৈ নাত্মানং স্তৌতি কর্হিচিৎ।
অনীর্ষুর্মৃদুসংবাদস্তস্মাৎসর্বত্র পূজিতঃ॥ 12-237-18 (74959)
`নাহংকারে মুক্তিরস্য চারিত্রে বুদ্ধিরাস্থিতা।
বেদার্থবিদ্বিভাগেন যজ্ঞবিদ্যোগবিৎকবিঃ।
ভক্তিমান্য সদা বিদ্বাংস্তস্মাৎসর্বত্র পূজিতঃ॥ 12-237-19 (74960)
ত্রিগুণং গুণভোক্তারং পঞ্চয়জ্ঞাত্মকং তথা।
যথাবৎস বিজানাতি তস্মাৎসর্বত্র পূজিতঃ॥ 12-237-20 (74961)
কল্যাণং কুরুতে বাঢং পাপমস্মিন্ন বিদ্যতে।
ন প্রীয়তে পরানর্থৈস্তস্মাৎসর্বত্র পূজ্যতে॥' 12-237-21 (74962)
লোকস্য বিবিধং চিত্তং প্রেক্ষতে চাপ্যকুৎসয়ন্।
সংসর্গবিদ্যাকুশলস্তস্মাৎসর্বত্র পূজিতঃ॥ 12-237-22 (74963)
নাসূয়ত্যাগমং কংচিৎস্বনয়েনোপজীবতি।
অবন্ধ্যকালোঽবশ্যাত্মা তস্মাৎসর্বত্র পূজিতঃ॥ 12-237-23 (74964)
কৃতশ্রমঃ কৃতপ্রজ্ঞো ন চ তৃপ্তঃ সমাধিতঃ।
নিত্যযুক্তোঽপ্রমত্তশ্চ তস্মাৎসর্বত্র পূজিতঃ॥ 12-237-24 (74965)
নাপত্রপশ্চ যুক্তশ্চ নিয়ুক্তঃ শ্রেয়সে পরৈঃ।
অভেত্তা পরগুহ্যানাং তস্মাৎসর্বত্র পূজিতঃ॥ 12-237-25 (74966)
ন হৃষ্যত্যর্থলাভেষু নালাভে তু ব্যথত্যপি।
স্থিরবুদ্ধিরসক্তাত্মা তস্মাৎসর্বত্র পূজিতঃ॥ 12-237-26 (74967)
তং সর্বগুণসংপন্নং দক্ষং শুচিমনাময়ম্।
কালজ্ঞং চ প্রিয়জ্ঞং চ কঃ প্রিয়ং ন করিষ্যতি॥ 12-237-27 (74968)
`ইত্যুক্তঃ সংপ্রশস্যৈনমুগ্রসেনো গতো গৃহাৎ।
আস্তে কৃষ্ণস্তথৈকান্তে পর্যঙ্কে রত্নভূষিতে॥ 12-237-28 (74969)
কদাচিত্তত্র ভগবান্প্রবিবেশ মহামুনিঃ।
তমভ্যর্চ্য যথান্যায়ং তূষ্ণীমাস্তে জনার্দনঃ॥ 12-237-29 (74970)
তং খিন্নমিব সংলক্ষ্য কেশবং বাক্যমব্রবীৎ।
কিমিদং কেশব তব বৈমনস্যং জনার্দন।
অভূতপূর্বং গোবিন্দ তন্মে ব্যাখ্যাতুমর্হসি॥ 12-237-30 (74971)
শ্রীবাসুদেব উবাচ। 12-237-31x (6220)
নাসুহৃৎপরমং মেঽদ্য নাপদোঽর্হতি বেদিতুম্।
অপণ্ডিতো বাপি সুহৃৎপণ্ডিতো বাঽপ্যনাত্মবান্॥ 12-237-31 (74972)
স ৎবং সুহৃচ্চ বিদ্বাংশ্চ জিতাত্মা শ্রোতুমর্হসি।
অপ্যেতদ্ধৃদি যদ্দুঃখং তদ্ভবাঞ্শ্রোতুমর্হতি॥ 12-237-32 (74973)
দাস্যমৈশ্বর্যবাদেন জ্ঞাতীনাং চ করোম্যহম্।
দ্বিষন্তি সততং ক্রুদ্ধা জ্ঞাতিসংবন্ধিবান্ধবাঃ॥ 12-237-33 (74974)
দিব্যা অপি তথা ভোগা দত্তাস্তেষাং ময়া পৃথক্।
তথাঽপি চ দ্বিষন্তো মাং বর্তন্তে চ পরস্পরম্॥ 12-237-34 (74975)
নারদ উবাচ। 12-237-35x (6221)
অনায়সেন শস্ত্রেণ পরিমৃজ্যানুমৃজ্য চ।
জিহ্বামুদ্ধর চৈতেষাং ন বক্ষ্যন্তি ততঃ পরম্॥ 12-237-35 (74976)
ভগবানুবাচ। 12-237-36x (6222)
অনায়সং কথং বিন্দ্যাং শস্ত্রং মুনিবরোত্তম।
যেনষামুদ্ধরে জিহ্বাং ব্রূহি তন্মে যথাতথম্॥ 12-237-36 (74977)
নারদ উবাচ। 12-237-37x (6223)
গোহিরণ্যং চ বাসাংসি রত্নাদ্যং যদ্ধনং বহু।
আস্যে প্রক্ষিপ চৈতেষাং শস্ত্রমেতদনায়সম্॥ 12-237-37 (74978)
সুহৃৎসংবন্ধিমিত্রাণাং গুরূণাং স্বজনস্য চ।
আখ্যাতং শস্রমেতদ্ধি তেন চ্ছিন্ধি পুনঃ পুনঃ॥ 12-237-38 (74979)
তবৈশ্বর্যপ্রদানানি শ্লাধ্যমেষাং বচাংসি চ।
সমর্থং ৎবামভিজ্ঞায় প্রবদন্তি চ তে নরাঃ॥ 12-237-39 (74980)
ভীষ্ম উবাচ। 12-237-40x (6224)
ততঃ প্রহস্য ভগবান্সংপূজ্য চ মহামুনিম্।
তথাঽকরোন্মহাতেজা মুনিবাক্যেন চোদিতঃ॥ 12-237-40 (74981)
এবংপ্রভাবো ব্রহ্মর্ষির্নারদো মুনিসত্তমঃ।
পৃষ্টবানসি যন্মাং ৎবং তদুক্তং রাজসত্তম॥ 12-237-41 (74982)
সর্বধর্মহিতে যুক্তাঃ সত্যধর্মপরায়ণাঃ।
লোকপ্রিয়ৎবং গচ্ছন্তি জ্ঞানবিজ্ঞানকোবিদাঃ॥' ॥ 12-237-42 (74983)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তত্রিংশদধিকদ্বিশততমোঽধ্যায়ঃ॥ 237॥
Mahabharata - Shanti Parva - Chapter Footnotes
12-237-12 তিতিক্ষুরনবদ্যশ্চেতি ট. পাঠঃ॥ 12-237-31 অসুহৃত্নাপুরুষঃ॥শান্তিপর্ব - অধ্যায় 238
॥ শ্রীঃ ॥
12.238. অধ্যায়ঃ 238
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সৃষ্ট্যাদিপ্রতিপাদকব্যাসশুকসংবাদানুবাদঃ॥ 1॥Mahabharata - Shanti Parva - Chapter Text
12-238-0 (74984)
যুধিষ্ঠির উবাচ। 12-238-0x (6225)
আদ্যন্তং সর্বভূতানাং জ্ঞাতুমিচ্ছামি কৌরব।
ধ্যানং কর্ম চ কালং চ তথৈবায়ুর্যুগেয়ুগে॥ 12-238-1 (74985)
লোকতত্ৎবং চ কার্ৎস্ন্যেন ভূতানামাগতিং গতিম্।
সর্গশ্চ নিধনং চৈব কুত এতৎপ্রবর্ততে॥ 12-238-2 (74986)
`ভেদকং ভেদতৎবং চ তথাঽন্যেষাং মতং তথা।
অবস্থাত্রিতয়ং চৈব যাদৃশং চ পিতামহ॥' 12-238-3 (74987)
যদি তেঽনুগ্রহে বুদ্ধিরস্মাস্বিহ সতাং বর।
এতদ্ভবন্তং পৃচ্ছামি তদ্ভবান্প্রব্রবীতু মে॥ 12-238-4 (74988)
পূর্বং হি কথিতং শ্রুৎবা ভৃগুভাষিতমুত্তমম্॥
ভরদ্বাজস্য বিপ্রর্ষেস্ততো মে বুদ্ধিরুত্তমা॥ 12-238-5 (74989)
জাতা পরমধর্মিষ্ঠা দিব্যসংস্থানসংস্থিতা।
ততো ভূয়স্তু পৃচ্ছামি তদ্ভবান্বক্তুমর্হতি॥ 12-238-6 (74990)
ভীষ্ম উবাচ। 12-238-7x (6226)
অত্র তে বর্তয়িষ্যেঽহমিতিহাসং পুরাতনম্।
জগৌ যদ্ভগবান্ব্যাসঃ পুত্রায় পরিপৃচ্ছতে॥ 12-238-7 (74991)
অধীত্য বেদানখিলান্সাঙ্গোপনিষদস্তথা।
অন্বিচ্ছন্নৈষ্ঠিকং কর্ম ধর্মনৈপুণদর্শনাৎ॥ 12-238-8 (74992)
কৃষ্ণদ্বৈপায়নং ব্যাসং পুত্রো বৈয়াসকিঃ শুকঃ।
পপ্রচ্ছ সংশয়মিমং ছিন্নধর্মার্থসংশয়ম্॥ 12-238-9 (74993)
শ্রীশুক উবাচ। 12-238-10x (6227)
ভূতগ্রামস্য র্ক্তারং কালজ্ঞানে চ নিশ্চিতম্।
`জ্ঞানং ব্রহ্ম চ যোগং চ গবাত্মকমিদং জগৎ॥ 12-238-10 (74994)
ত্রিতয়ে ৎবেনমায়াতি তথা হ্যেষোঽপি বা পুনঃ।
কেনৈব চ বিভাগঃ স্যাত্তুরীয়ো লক্ষণৈর্বিনা॥ 12-238-11 (74995)
জ্ঞানজ্ঞেয়ান্তরে কোসৌ কোয়ং ভাবস্তু ভেদবৎ।
যজ্জ্ঞানং লক্ষণং চৈব তেষাং কর্তারমেব চ।'
ব্রাহ্মণস্য চ যৎকৃত্যং তদ্ভবান্বক্তুমর্হতি॥ 12-238-12 (74996)
ভীষ্ম উবাচ। 12-238-13x (6228)
তস্মৈ প্রোবাচ তৎসর্বং পিতা পুত্রায় পৃচ্ছতে।
অতীতানাগতে বিদ্বান্সর্বজ্ঞঃ সর্বধর্মবিৎ॥ 12-238-13 (74997)
`পৃচ্ছতস্তব সৎপুত্র যথাবৎকীর্তয়াম্যহম্।
শৃণুষ্বাবহিতো ভূৎবা যথাঽঽবৃতমিদং জগৎ॥ 12-238-14 (74998)
কার্যাদি কারণান্তং যৎকার্যান্তং কারণাদিকম্।
জ্ঞানং তদুভয়ং বিত্ৎবা সত্যং চ পরমং শুভম্॥ 12-238-15 (74999)
ব্রহ্মেতি চাভিবিখ্যাতং তদ্বৈ পশ্যন্তি সূরয়ঃ।
ব্রহ্মতেজোময়ং ভূতং ভূতকারণমদ্ভুতম্॥ 12-238-16 (75000)
আসীদাদৌ ততস্ৎবাহুঃ প্রাধান্যমিতি তদ্বিদঃ।
ত্রিগুণাং তাং মহামায়াং বৈষ্ণবীং প্রকৃতিং বিদুঃ॥ 12-238-17 (75001)
তদীদৃশমনাদ্যন্তমব্যক্তমজরং ধ্রুবম্।
অপ্রতর্ক্যমবিজ্ঞেয়ং ব্রহ্মাগ্রে বৈকৃতং চ তৎ॥ 12-238-18 (75002)
তদ্বৈ প্রধানমুদ্দিষ্টং ত্রিসূক্ষ্মং ত্রিগুণাত্মকম্।
সম্যগ্যোগগুণং স্বস্থং তদিচ্ছাক্ষোভিতং মহৎ॥ 12-238-19 (75003)
শক্তিত্রয়াত্মিকা তস্য প্রকৃতিঃ কারণাত্মিকা।
অস্বতন্ত্রা চ সততং বিদধিষ্ঠানসংয়ুতা॥ 12-238-20 (75004)
স্বভাবাখ্যং সমাপন্না মোহবিগ্রহধারিণী।
বিবিধস্যাস্য জীবস্য ভোগার্থং সমুপাগতা॥ 12-238-21 (75005)
যথা সংনিধিমাত্রেণ গন্ধক্ষোভায় জায়তে।
মনস্তদ্বদশেষস্য পরাৎপর ইতি স্মৃতঃ॥ 12-238-22 (75006)
সৃষ্ট্বা প্রবিশ্য তত্তস্মিন্ক্ষোভয়ামাস বিষ্ঠিতঃ।
সাৎবিকো রাজসশ্চৈব তামসশ্চ ত্রিধা মহান্॥ 12-238-23 (75007)
প্রধানতৎবাদুদ্ভূতো মহৎবাচ্চ মহান্স্মৃতঃ।
প্রধানতৎবমুদ্ভূতং মহত্তৎবং সমাবৃণোৎ॥ 12-238-24 (75008)
কালাত্মনাঽভিভূতং তৎকালোংঽশঃ পরমাত্মনঃ।
পুরুষশ্চাপ্রমেয়াত্মা স এব ইতি গীয়তে॥ 12-238-25 (75009)
ত্রিগুণোসৌ মহাজ্ঞাতঃ প্রধান ইতি বৈ শ্রুতিঃ॥ 12-238-26 (75010)
সাৎবিকো রাজসশ্চৈব তামসশ্চ ত্রিধাত্মকঃ।
ত্রিবিধোঽয়মহঙ্কারো মহত্তৎবাদজায়ত॥ 12-238-27 (75011)
তামসোঽসাবহঙ্কারো ভূতাদিরিতি সংজ্ঞিতঃ।
ভূতানামাদিভূতৎবাদ্রক্তাহিস্তামসঃ স্মৃতঃ॥ 12-238-28 (75012)
ভূতাদিঃ স বিকুর্বাণঃ শিষ্টং তন্মাত্রকং ততঃ।
সসর্জ শব্দং তন্মাত্রমাকাশং শব্দলক্ষণম্॥ 12-238-29 (75013)
শব্দলক্ষণমাকাশং শব্দতন্মাত্রমাবৃণোৎ।
তেন সংপীড্যমানস্তু স্পর্শমাত্রং সসর্জ হ॥ 12-238-30 (75014)
শব্দমাত্রং তদাকাশং স্পর্শমাত্রং সমাবৃণোৎ।
সসর্জ বায়ুস্তেনাসৌ পীড্যমান ইতি শ্রুতিঃ॥ 12-238-31 (75015)
স্পর্শমাত্রং তদা বায়ূ রূপমাত্রং সমাবৃণোৎ।
তেন সংপীড্যমানস্তু সসর্জাগ্নিমিতি শ্রুতিঃ॥ 12-238-32 (75016)
রূপমাত্রং ততো বহ্নিং সমুৎসৃজ্য সমাবৃণোৎ।
তেন সংপীড্যমানস্তু রসমাত্রং সসর্জ হ॥ 12-238-33 (75017)
রুপমাত্রগতং তেজো রসমাত্রং সমাবৃণোৎ।
তেন সংপীড্যমানস্তু সসর্জাম্ভ ইতি শ্রুতিঃ॥ 12-238-34 (75018)
রসমাত্রাত্মকং ভূয়ো রসং তন্মাত্রমাবৃণোৎ।
তেন সংপীড্যমানস্তু গন্ধং তন্মাত্রকং ততঃ॥ 12-238-35 (75019)
সসর্জ গন্ধং তন্মাত্রমাবৃণোৎকরকং ততঃ।
তেন সংপীড্যমানস্তু কাঠিন্যং চ সসর্জ হ॥ 12-238-36 (75020)
পৃথিবী জায়তে তস্মাদ্গন্ধতন্মাত্রজাত্তথা॥ 12-238-37 (75021)
অম্ময়ং সর্বমেবেদমাপস্তস্তম্ভিরে পুনঃ।
ভূতানীমানি জাতানি পৃথিব্যাদীনি বৈ শ্রুতিঃ॥ 12-238-38 (75022)
ভূতানাং মূর্তিরেবৈষামন্নং চৈষাং মতা বুধৈঃ।
তস্মিংস্তস্মিংস্তু তন্মাত্রা তন্মাত্রা ইতি তে স্মৃতাঃ॥ 12-238-39 (75023)
তৈজসানীন্দ্রিয়াণ্যাহুর্দেবা বৈকারিকা দশ।
একাদশং মনশ্চাত্র দেবা বৈকারিকাঃ স্মৃতাঃ॥ 12-238-40 (75024)
এষামুদ্ধর্তকঃ কালো নানাভেদবদাস্থিতঃ।
পরমাত্মা চ ভূতাত্মা গুণভেদেন সংস্থিতঃ।
এক এব ত্রিধা ভিন্নঃ করোতি বিবিধাঃ ক্রিয়াঃ॥ 12-238-41 (75025)
ব্রহ্মা সৃজতি ভূতানি পাতি নারায়ণোঽব্যযঃ।
রুদ্রো হন্তি জগন্মূর্তিঃ কাল এষ ক্রিয়াবুধঃ॥ 12-238-42 (75026)
কালোপি তন্ময়োচিন্ত্যস্ত্রিগুণাত্মা সনাতনঃ।
অব্যক্তোসাবচিন্ত্যোসৌ বর্ততে ভিন্নলক্ষণঃ॥ 12-238-43 (75027)
কালাত্মনা ৎবিদং ভিন্নমভিন্নং শ্রূয়তে হি যৎ।
অনাদ্যন্তমজং দিব্যমব্যক্তমজরং ধ্রুবম্।'
অপ্রতর্ক্যমবিজ্ঞেয়ং ব্রহ্মাগ্রে সংপ্রবর্ততে॥ 12-238-44 (75028)
কাষ্ঠা নিমেষা দশ পঞ্চ চৈব
ত্রিংশত্তু কাষ্ঠা গণয়েৎকলাং তাম্।
ত্রিংশৎকলশ্চাপি ভবেন্মুহূর্তো
ভাগঃ কলায়া দশমশ্চ যঃ স্যাৎ॥ 12-238-45 (75029)
ত্রিংশন্মুহূর্তং তু ভবেদহশ্চ
রাত্রিশ্চ সঙ্খ্যা মুনিভিঃ প্রণীতা।
মাসঃ স্মৃতো রাত্র্যহনী চ ত্রিংশু
ৎসংবৎসরো দ্বাদশমাস উক্তঃ॥ 12-238-46 (75030)
সংবৎসরং দ্বে অয়নে বদন্তি
সঙ্খ্যাবিদো দক্ষিণমুত্তরং চ॥ 12-238-47 (75031)
পহোরাত্রৌ বিভজতে সূর্যো মানুষলৌকিকৌ।
রাত্রিঃ স্বপ্নায় সংয়াতি চেষ্টায়ৈ কর্মণামহঃ॥ 12-238-48 (75032)
পিত্র্যে রাত্র্যহনী মাসঃ প্রবিভাগস্তয়োঃ পুনঃ।
শুক্লোঽহঃ কর্মচেষ্টায়াং কৃষ্ণঃ স্বপ্নায় শর্বরী॥ 12-238-49 (75033)
দৈবে রাত্র্যহনী হ্যব্দঃ প্রবিভাগস্তয়োঃ পুনঃ।
অহস্তত্রোদগয়নং রাত্রিঃ স্যাদ্দক্ষিণায়নম্॥ 12-238-50 (75034)
যে তে রাত্র্যহনী পূর্বং কীর্তিতে দৈবলৌকিকে।
তয়োঃ সঙ্খ্যায় বর্ষাগ্রং ব্রাহ্নে বক্ষ্যাম্যহঃ ক্ষপে॥ 12-238-51 (75035)
তেষাং সংবৎসরাগ্নাণি প্রবক্ষ্যাম্যনুপূর্বশঃ।
কৃতে ত্রেতায়ুগে চৈব দ্বাপরে চ কলৌ তথা॥ 12-238-52 (75036)
চৎবার্যাহুঃ সহস্রাণি বর্ষাণাং তৎকৃতং যুগম্।
তস্য তাবচ্ছতী সংধ্যা সংধ্যাংশশ্চ তথাবিধঃ॥ 12-238-53 (75037)
ইতরেষু সসংধ্যেষু সংধ্যাংশেষু ততস্ত্রিষু।
একাপায়েন সংয়ান্তি সহস্রাণি শতানি চ॥ 12-238-54 (75038)
এতানি শাশ্বতাঁল্লোকান্ধারয়ন্তি সনাতনান্।
এতদ্ব্রহ্মবিদাং তাত বিদিতং ব্রহ্ম শাশ্বতম্॥ 12-238-55 (75039)
চতুষ্পাৎসকলো ধর্মঃ সত্যং চৈব কৃতে যুগ।
নাধর্মেণাগমঃ কশ্চিদ্যুগে তস্মিন্প্রবর্ততে॥ 12-238-56 (75040)
ইতরেষ্বাগমাদ্ধর্মঃ পাদশস্ৎববরোপ্যতে।
`সত্যং শৌত্রং তথায়ুশ্চ ধর্মশ্চাপৈতি পাদশঃ।'
চৌর্যকানৃতমায়াভিরধর্মশ্চোপচীয়তে॥ 12-238-57 (75041)
অরোগাঃ সর্বসিদ্ধার্থাশ্চতুর্বর্ষশতায়ুষঃ।
কৃতে ত্রেতায়ুগে ৎবেষাং পাদশো হ্রসতে বয়ঃ॥ 12-238-58 (75042)
বেদবাদাশ্চানুয়ুগং হ্রসন্তীতীহ ন শ্রুতম্।
আয়ূংষি চাশিষশ্চৈব বেদস্যৈব চ যৎফলম্॥ 12-238-59 (75043)
অন্যে কৃতয়ুগে ধর্মাস্ত্রেতায়াং দ্বাপরেঽপরে।
অন্যে কলিয়ুগে ধর্মা যথাশক্তি কৃতা ইব॥ 12-238-60 (75044)
তপঃ পরং কৃতয়ুগে ত্রেতায়াং সত্যমুত্তমম্।
দ্বাপরে যজ্ঞমেবাহুর্দানমেব কলৌ যুগে॥ 12-238-61 (75045)
এতাং দ্বাদশসাহস্ত্রীং যুগাখ্যাং কবয়ো বিদুঃ।
সহস্রপরিবর্তং তদ্ব্রাহ্মং দিবসমুচ্যতে॥ 12-238-62 (75046)
রাত্রিস্তু তাবতী ব্রাহ্মী তদাদৌ বিশ্বমীশ্বরঃ।
প্রলয়েত্মানমাবিশ্য সুপ্ৎবাসোঽন্তে বিবুধ্যতে॥ 12-238-63 (75047)
সহস্রয়ুগপর্যন্তমহর্যদ্ব্রহ্মণে বিদুঃ।
রাত্রিং যুগসহস্রাং তাং তেঽহোরাত্রবিদো জনাঃ॥ 12-238-64 (75048)
প্রতিবুদ্ধো বিকুরুতে ব্রহ্মাক্ষয়্যং ক্ষপাক্ষয়ে।
সৃজতে চ মহদ্ভূতং তস্মাদ্ব্যক্তাত্মকং মনঃ॥ 12-238-65 (75049)
মনঃ সৃষ্টিং বিকুরুতে চোদ্যমানং সিসৃক্ষয়া।
আকাশং জায়তে তস্মাত্তস্য শব্দে গুণো মতঃ॥ 12-238-66 (75050)
আকাশাত্তু বিকুর্বাণাৎসর্বগন্ধবহঃ শুচিঃ।
বলবাঞ্জায়তে বায়ুস্তস্য স্পর্শো গুণো মতঃ॥ 12-238-67 (75051)
বায়োরপি বিকুর্বাণাজ্জ্যোতির্ভবতি ভাস্বরম্।
রোচনং জনয়েচ্ছুদ্ধং তদ্রূপগুণমুচ্যতে॥ 12-238-68 (75052)
জ্যোতিষোপি বিকুর্বাণাদ্ভবন্ত্যাপো রসাত্মিকাঃ।
অদ্ভ্যো গন্ধবহা ভূমিঃ পূর্বেষাং সৃষ্টিরুচ্যতে॥ 12-238-69 (75053)
`ব্রহ্মতেজোময়ং শুক্লং যস্য সর্বমিদং জগৎ।
একস্য ব্রহ্মভূতস্য দ্বয়ং স্থাবরজঙ্গমম্॥ 12-238-70 (75054)
অহর্মুখে বিবুদ্ধং তৎসৃজতে বিদ্যযা জগৎ।
অগ্র এব মহদ্ভূতমাশু ব্যক্তাত্মকং মনঃ॥ 12-238-71 (75055)
অভিভূয়েহ চাতিষ্ঠদ্ব্যসৃদৎসপ্ত মানসান্।
দূরগং বহুধাগামি প্রার্থনাসংশয়াত্মকম্॥ 12-238-72 (75056)
মনঃ সৃষ্টিং ন কুরুতে চোদ্যমানং সিসৃক্ষয়া।
আকাশোজায়তে তস্মাত্তস্য শব্দো গুণো মতঃ॥ 12-238-73 (75057)
আকাশাত্তু বিকুর্বাণাৎসর্বগন্ধবহঃ শুচিঃ।
বলবাঞ্জায়তে বায়ুস্তস্য স্পর্শগুণং বিদুঃ॥ 12-238-74 (75058)
বায়োরপি বিকুর্বাণাজ্জ্যোতির্ভূতং তমোনুদম্।
রোচিষ্ণুর্জায়তে তত্র তদ্রূপগুণমুচ্যতে॥ 12-238-75 (75059)
জ্যোতিষোপি বিকুর্বাণাদ্ভবন্ত্যাপো রসাত্মিকাঃ।
অদ্ভ্যো গন্ধবহা ভূমিঃ পূর্বেষাং সৃষ্টিরুচ্যতে॥' 12-238-76 (75060)
গুণাঃ পূর্বস্য পূর্বস্য প্রাপ্নুবন্ত্যুত্তরোত্তরম্।
তেষাং যাবদ্গুণং যদ্যত্তত্তাবদ্গুণকং স্মৃতম্॥ 12-238-77 (75061)
উপলভ্যাপ্সু চেদ্গন্ধং কেচিদ্ব্রয়ুরনৈপুণাৎ।
পৃথিব্যামেব তং বিদ্যাদপাং বায়োশ্চ সংশ্রিতম্॥ 12-238-78 (75062)
এতে সপ্তবিধাত্মানো নানাবীর্যাঃ পৃথক্পৃথক্।
নাশক্নুবন্প্রজাঃ স্রষ্টুভসমাগম্য কৃৎস্নশঃ॥ 12-238-79 (75063)
তে সমেত্য মহাত্মানো হ্যন্যোন্যমভিসংশ্রিতাঃ।
শরীরাশ্রয়ণং প্রাপ্তাস্ততঃ পুরুষ উচ্যতে॥ 12-238-80 (75064)
শ্রয়ণাচ্ছরীরী ভবতি মূর্তিমান্ষোডশাত্মকঃ।
তমাবিশন্তি ভূতানি মহান্তি সহ কর্মণা॥ 12-238-81 (75065)
সর্বভূতান্যুপাদায় তপসশ্চরণায় হি।
আদিকর্তা মহাভূতং তমেবাহুঃ প্রজাপতিম্॥ 12-238-82 (75066)
স বৈ সৃজতি ভূতানি স এব পুরুষঃ পরঃ।
অজো জনয়তে ব্রহ্মা দেবর্ষিপিতৃমানবান্॥ 12-238-83 (75067)
লোকান্নদীঃ সমুদ্রাংশ্চ দিশঃ শৈলান্বনস্পতীন্।
নরকিন্নররক্ষাংসি বয়ঃ পশুমৃগোরগান্।
অব্যযং চ ব্যযং চৈব দ্বয়ং স্থাবরজঙ্গমম্॥ 12-238-84 (75068)
তেষাং যে যানি কর্মাণি প্রাক্সৃষ্ট্যাং প্রতিপেদিরে।
তান্যেব প্রতিপাদ্যন্তে সৃজ্যমানাঃ পুনঃ পুনঃ॥ 12-238-85 (75069)
হিংস্রাহিংস্রে মৃদুক্রূরে ধর্মাধর্মাবৃত্তানৃতে।
তদ্ভাবিতাঃ প্রপদ্যন্তে তস্মাত্তত্তস্য রোচতে॥ 12-238-86 (75070)
মহাভূতেষু নানাৎবমিন্দ্রিয়ার্থেষু মূর্তিষু।
বিনিয়োগং চ ভূতানাং ধাতৈব বিদধাত্যুত॥ 12-238-87 (75071)
কেচিৎপুরুষকারং তু প্রাহুঃ কর্মবিদো জনাঃ।
দৈবমিত্যপরে বিপ্রাঃ স্বভাবং ভূতচিন্তকাঃ॥ 12-238-88 (75072)
পৌরুষং কর্ম দৈবং চ ফলবৃত্তিস্বভাবতঃ।
ত্রয় এতেঽপৃথগ্ভূতা অবিবেকঃ কথংচন॥ 12-238-89 (75073)
এবমেতচ্চ দৈবং চ দ্ভূতং সৃজতে জগৎ।
কর্মস্থা বিষয়ং ব্রূয়ুঃ সৎবস্থাঃ সমদর্শিনঃ॥ 12-238-90 (75074)
ততো নিঃশ্রেয়সং জন্তোস্তস্য মূলং শমো দমঃ।
তেন সর্বানবাপ্নোতি যান্কামান্মনসেচ্ছতি॥ 12-238-91 (75075)
তপসা তদবাপ্নোতি যদ্ভূতং সৃজতে জগৎ।
স তদ্ভূতশ্চ সর্বেষাং ভূতানাং ভবতি প্রভুঃ॥ 12-238-92 (75076)
ঋষয়স্তপসা বেদানধ্যৈষন্ত দিবানিশম্।
অনাদিনিধনা নিত্যা বাগুৎসৃষ্টা স্বয়ংভুবা॥ 12-238-93 (75077)
ঋষীণাং নামধেয়ানি যাশ্চ বেদেষু সৃষ্টয়ঃ।
নাম রূপং চ ভূতানাং কর্মণাং চ প্রবর্তনম্॥ 12-238-94 (75078)
বেদশব্দেভ্য এবাদৌ নির্মিমীতে স ঈশ্বরঃ।
নামধেয়ানি চর্ষীণাং যাশ্চ বেদেষু সৃষ্টয়ঃ।
শর্বর্যন্তেষু জাতানামন্যেভ্যো বিদধাত্যজঃ॥ 12-238-95 (75079)
নামভেদতপঃ কর্ময়জ্ঞাখ্যা লোকসিদ্ধয়ে।
আত্মসিদ্ধিস্তু বেদেষু প্রোচ্যতে দশভিঃ ক্রমৈঃ॥ 12-238-96 (75080)
যদুক্তং বেদবাদেষু গহনং বেদদৃষ্টিভিঃ।
তদন্তেষু যথায়ুক্তং ক্রময়োগেন লক্ষ্যতে॥ 12-238-97 (75081)
কর্মজোঽয়ং পৃথগ্ভাবো দ্বন্দ্বয়ুক্তো হি দেহিনঃ।
আত্মসিদ্ধিস্তু বিজ্ঞানাজ্জহাতি প্রায়শো বলম্॥ 12-238-98 (75082)
দ্বে ব্রহ্মণী বেদিতব্যে শব্দব্রহ্ম পরং চ যৎ।
শব্দব্রহ্মণি নিষ্ণাতঃ পরং ব্রহ্মাধিগচ্ছতি॥ 12-238-99 (75083)
আলম্ভয়জ্ঞাঃ ক্ষত্রাশ্চ হবির্যজ্ঞা বিশঃ স্মৃতাঃ।
পরিচারয়জ্ঞাঃ শূদ্রাস্তু তপোয়জ্ঞা দ্বিজাতয়ঃ॥ 12-238-100 (75084)
ত্রেতায়ুগে বিধিস্ৎবেষ যজ্ঞানাং ন কৃতে যুগে।
দ্বাপরে বিপ্লবং যান্তি যজ্ঞাঃ কলিয়ুগে তথা॥ 12-238-101 (75085)
অপৃথগ্ধর্মিণো মর্ত্যা ঋক্সামানি যজূংষি চ।
কাম্যা ইষ্টীঃ পৃথক্দৃষ্ট্বা তপোভিস্তপ এব চ॥ 12-238-102 (75086)
ত্রেতায়াং তু সমস্তা যে প্রাদুরাসন্মহাবলাঃ।
সংয়ন্তারঃ স্থাবরাণাং জঙ্গমানাং চ সর্বশঃ॥ 12-238-103 (75087)
ত্রেতায়াং সংহতা বেদা যজ্ঞা বর্ণাস্তথৈব চ।
সংরোধাদায়ুষস্ৎবেতে ব্যস্যন্তে দ্বাপরে যুগে॥ 12-238-104 (75088)
দৃশ্যন্তে ন চ দৃশ্যন্তে বেদাঃ কলিয়ুগেঽখিলাঃ।
উৎসীদন্তে সয়জ্ঞাশ্চ কেবলা ধর্মপীডিতাঃ॥ 12-238-105 (75089)
কৃতে যুগে যস্তু ধর্মো ব্রাহ্মণেষু প্রদৃশ্যতে।
আত্মবৎসু তপোবৎসু শ্রুতবৎসু প্রতিষ্ঠিতঃ॥ 12-238-106 (75090)
স ধর্মঃ প্রৈতি সংয়োগং যথাধর্মং যুগেয়ুগে।
বিক্রিয়ন্তে স্বধর্মস্থা বেদবাদা যথাগমম্॥ 12-238-107 (75091)
যথা বিশ্বানি ভূতানি বৃষ্ট্যা ভূয়াংসি প্রাবৃষি।
সৃজ্যন্তে জঙ্গমস্থানি তথা ধর্মা যুগেয়ুগে॥ 12-238-108 (75092)
যথর্তুষ্বৃতুলিঙ্গানি নানারূপাণি পর্যযে।
দৃশ্যন্তে তানি তান্যেব তথা ব্রহ্মহরাদিষু॥ 12-238-109 (75093)
বিহিতং কালনানাৎবমনাদিনিধনং তথা।
কীর্তিতং যৎপুরস্তাত্তে তৎসূতে চাতি চ প্রজাঃ॥ 12-238-110 (75094)
দদাতি ভবনস্থানং ভূতানাং সংয়মো যমঃ।
স্বভাবেনৈব বর্তন্তে দ্বন্দ্বয়ুক্তানি ভূরিশঃ॥ 12-238-111 (75095)
সর্বকালক্রিয়া বেদাঃ কর্তা কার্যং ক্রিয়াফলম্।
প্রোক্তং তে পুত্র সর্বং বৈ যন্মাং ৎবং পরিপৃচ্ছসি॥ ॥ 12-238-112 (75096)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টত্রিংশদধিকদ্বিশততমোঽধ্যায়ঃ॥ 238॥
Mahabharata - Shanti Parva - Chapter Footnotes
12-238-9 সংশয়ং সংশয়বিষয়ম্। ছিন্নধর্মার্থসংশয়ং ব্যাস ম্॥ 12-238-45 দশপঞ্চ চ স্থাৎ ইতি ট. থ. ধ. পাঠঃ॥ 12-238-54 একপাদেন হীয়ন্তে ইতি ঝ. পাঠঃ॥ 12-238-60 অন্যে কলিয়ুগে নৄণাং যুগহ্না সানুরূপতঃ ইতি ঝ. পাঠঃ॥ 12-238-68 রোচিষ্ণু জায়তে শুক্রং ইতি ঝ. থ. পাঠঃ॥ 12-238-89 অবিবেকং তু কেচন ইতি ঝ. পাঠঃ॥ 12-238-94 যাশ্চ লোকেষু সৃষ্টয়ঃ ইতি ট. থ . পাঠঃ॥ 12-238-95 যাশ্চ লোকেষু সৃষ্টয়ঃ ইতি ট. থ. পাঠঃ॥ 12-238-97 কর্ময়োগেষু লক্ষ্যতে ইতি ধ. পাঠঃ॥ 12-238-100 আলম্ভঃ পশুহিংসা। হবির্ব্রীহ্যাদিকম্। পরিচারস্ত্রৈবর্ণিকসেবা। তপো ব্রহ্মোপাসনম্। আরম্ভয়জ্ঞা রাজানঃ ইতি ট. পাঠঃ। আরম্ভয়জ্ঞা বৈশ্বস্য হবির্যজ্ঞা নৃপস্য তু। ইতি ধ. পাঠঃ॥ 12-238-101 বিধিরপ্রবৃত্তপ্রবর্তনম্। তত্র ত্রেতায়ামেব নতু কৃতে। স্বতএব তত্র তৎসিদ্ধেঃ॥ 12-238-108 তিষ্ঠন্তীতি স্থানি স্থাবরাণি জঙ্গমানি চ স্থানি চ জঙ্গমস্থানি। ভূয়াংসি বৃদ্ধিমত্তরাণি॥ 12-238-111 এতদ্ধি প্রভবস্থানং ইতি ঝ. ট. পাঠঃ। দধাতি ভবতি স্থানং ভূতানাং সময়ো মতং। ইতি ঝ. পাঠঃ॥ 12-238-112 সর্গঃ সৃষ্টিঃ। কালো দর্শাদিঃ। ক্রিয়াং যজ্ঞশ্রাদ্ধাদিঃ। বেদাস্তৎপ্রকাশকাঃ। কর্তা তদনুষ্ঠাতা। কার্যং দেহাদিপরিস্পন্দঃ। ক্রিয়াফলং স্বর্গঃ॥শান্তিপর্ব - অধ্যায় 239
॥ শ্রীঃ ॥
12.239. অধ্যায়ঃ 239
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শুকায় শ্রীব্যাসোদিতপ্রলয়প্রকারাদ্যনুবাদঃ॥ 1॥Mahabharata - Shanti Parva - Chapter Text
12-239-0 (75097)
ব্যাস উবাচ। 12-239-0x (6229)
প্রত্যাহারং তু বক্ষ্যামি শর্বর্যাদৌ গতেঽহনি।
যথেদং কুরুতেঽধ্যাত্মং সুসূক্ষ্মং বিশ্বমীশ্বরঃ॥ 12-239-1 (75098)
দিবি সূর্যস্তথা সপ্ত দহন্তি শিখিনোঽর্চিষঃ।
সর্বমেতত্তদাঽর্চির্ভিঃ পূর্ণং জাজ্বল্যতে জগৎ॥ 12-239-2 (75099)
পৃথিব্যাং যানি ভূতানি জঙ্গমানি ধ্রুবাণি চ।
তান্যেবাগ্রে প্রলীয়ন্তে ভূমিৎবমুপয়ান্তি চ॥ 12-239-3 (75100)
ততঃ প্রলীনে সর্বাস্মিন্স্থাবরে জঙ্গমে তথা।
অকাষ্ঠা নিস্তৃণা ভূমির্দৃশ্যতে কূর্মপৃষ্ঠবৎ॥ 12-239-4 (75101)
ভূমেরপি গুণং গন্ধমাপ আদদতে যদা।
আত্তগন্ধা তদা ভূমিঃ প্রলয়ৎবায় কল্পতে॥ 12-239-5 (75102)
আপস্তত্র প্রতিষ্ঠন্তে ঊর্মিমত্যো মহাস্বনাঃ।
সর্বমেবেদমাপূর্য তিষ্ঠন্তি চ চরন্তি চ॥ 12-239-6 (75103)
অপামপি গুণাংস্তাত জ্যোতিরাদদতে যদা।
আপস্তদা ৎবাত্তগুণা জ্যোতিঃ ষূপরমন্তি বৈ॥ 12-239-7 (75104)
যদাঽঽদিত্যং স্থিতং মধ্যে গূহন্তি শিখিনোঽর্চিষঃ।
সর্বমেবেদমর্চির্ভিঃ পূর্ণং জাজ্বল্যতে নমঃ॥ 12-239-8 (75105)
জ্যোতিষোঽপি গুণং রূপং বায়ুরাদদতে যদা।
প্রশাম্যতি ততো জ্যোতির্বায়ুর্দোধূয়তে মহান্॥ 12-239-9 (75106)
ততস্তু মূলমাসাদ্য বায়ুঃ সংভবমাত্মনঃ।
অধশ্চোর্ধ্বং চ তির্যক্চ দোধবীতি দিশো দশ॥ 12-239-10 (75107)
বায়োরপি গুণং স্পর্শমাকাশং গ্রসতে যদা।
প্রশাম্যতি তদা বায়ুঃ খং তু তিষ্ঠতি নানদন্॥ 12-239-11 (75108)
অরূপমরসস্পর্শমগন্ধং ন চ মূর্তিমৎ।
সর্বলোকপ্রণুদিতং স্বং তু তিষ্ঠতি নানদৎ॥ 12-239-12 (75109)
আকাশস্য গুণং শব্দমভিব্যক্তাত্মকং মনঃ।
`গ্রসতে চ যদা সোঽপি শাম্যতি প্রতিসংচরে।'
মনসো ব্যক্তমব্যক্তং ব্রাহ্মঃ সংপ্রতিসংচরঃ॥ 12-239-13 (75110)
তদাঽঽত্মগুণমাবিশ্য মনো গ্রসতি চন্দ্রমাঃ।
মনস্যুপরতে চাত্মা চন্দ্রমস্যুপতিষ্ঠতে॥ 12-239-14 (75111)
তং তু কালেন মহতা সংকল্পং কুরুতে বশে।
চিত্তং গ্রসতি সংকল্পস্তচ্চ জ্ঞানমনুত্তমম্॥ 12-239-15 (75112)
কালো গিরতি বিজ্ঞানং কালং বলমিতি শ্রুতিঃ।
বলং কালো গ্রসতি তু তং বিদ্বান্কুরুতে বশে॥ 12-239-16 (75113)
[আকাশস্য তদা ঘোষং তং বিদ্বান্কুরুতেঽঽত্মনি।]
তদব্যক্তং পরং ব্রহ্ম তচ্ছাশ্বতমনুত্তমম্।
এবং সর্বাণি ভূতানি ব্রহ্মৈব প্রতিসংহরেৎ॥ 12-239-17 (75114)
যথাবৎকীর্তিতং সত্যমেবমেতদসংশয়ম্।
বোধ্যং বিদ্যাময়ং দৃষ্ট্বা যোগিভিঃ পরমাত্মভিঃ॥ 12-239-18 (75115)
এবং বিস্তারসংক্ষেপৌ ব্রহ্মাব্যক্তে পুনঃপুনঃ।
যুগসাহস্রয়োরাদাবহোরাত্র্যাস্তথৈব চ॥ ॥ 12-239-19 (75116)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনবিংশত্যধিকদ্বিশততমোঽধ্যায়ঃ॥ 239॥
Mahabharata - Shanti Parva - Chapter Footnotes
12-239-1 ক্রমপ্রাপ্তং প্রলয়মাহ প্রত্যাহারমিতি। প্রতীপমুৎপত্তিক্রমবিপরীতমাহরণং প্রত্যাহারঃ॥ 12-239-2 সংকর্ষণমুখোদ্ভূতস্য শিখিনোঽগ্নেরর্চিষঃ সপ্তেতি সংবন্ধঃ। অর্চির্মিঃ সৌরীভিরাগ্নেয়ীভিশ্চ জ্বালাভিঃ॥ 12-239-3 ধ্রুবাণি স্থাবরাণি॥ 12-239-4 নির্বৃক্ষা নিস্তৃণেতি ঝ. পাঠঃ॥ 12-239-5 গন্ধং কাঠিন্যহেতুম্। ধৃতবদ্ভূমিঃ কাঠিন্যং ত্যক্ৎবা জলমাত্রং ভবতীত্যর্থঃ। প্রলয়ৎবায় কারণভাবায়॥ 12-239-7 আপোপ্যাত্তগুণা অগ্নিনা শোষিতপসা অগ্নিমাত্রং ভবন্তি॥ 12-239-8 যথা রসগুমাংস্তাসাং গ্রসন্তি শিখিনোঽর্চিষ ইতি ট. থ. পাঠঃ॥ 12-239-9 রূপং বায়ুরাদদতে। আঙ্পূর্বস্য দদ দানে ইত্যস্য রূপম্॥ 12-239-10 ততস্তু স্বনমাসাদ্যেতি ঝ. পাঠঃ। তত্র স্বনং শব্দতন্মাত্রমিত্যর্থঃ॥ 12-239-13 ব্রাহ্মোঽয়ং প্রতিসংচর ইতি ধ. পাঠঃ॥ 12-239-16 কালো হরতি বিজ্ঞানমিতি থ. পাঠঃ॥ 12-239-18 বোধ্যং বোধয়িতুং যোগ্যমন্বর্থনামানং শিষ্যম্। বিদ্যাময়ং অত্যৌৎকণ্ডেন বিদ্যার্থিৎবাৎ॥ 12-239-19 বিস্তার সংক্ষেপৌ সৃষ্টিপ্রলয়াবুক্তাবিতি শেষঃ॥শান্তিপর্ব - অধ্যায় 240
॥ শ্রীঃ ॥
12.240. অধ্যায়ঃ 240
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ব্যাসেন শুকায়োক্তব্রাহ্মণধর্মানুবাদঃ॥ 1॥ ব্রাহ্মণেভ্যো দানমহিমানুবাদঃ॥ 2॥Mahabharata - Shanti Parva - Chapter Text
12-240-0 (75160)
ব্যাস উবাচ। 12-240-0x (6231)
ভূতগ্রামে নিয়ুক্তং যত্তদেতৎকীর্তিতং ময়া।
ব্রাহ্মণস্য তু যৎকৃত্যং তত্তে বক্ষ্যামি সাংপ্রতম্॥ 12-240-1 (75161)
জাতকর্মপ্রভৃত্যস্য কর্মণাং দক্ষিণাবতাম্।
ক্রিয়া স্যাদাসমাবৃত্তেরাচার্যে বেদপারগে॥ 12-240-2 (75162)
অধীত্য বেদানখিলান্গুরুশুশ্রূষণে রতঃ।
গুরূণামনৃণো ভূৎবা সমাবর্তেত যজ্ঞবিৎ॥ 12-240-3 (75163)
আচার্যেণাভ্যনুজ্ঞাতশ্চতুর্ণামেকমাশ্রমম্।
আবিমোক্ষাচ্ছরীরস্য সোঽবতিষ্ঠেদ্যথাবিধি॥ 12-240-4 (75164)
প্রজাসর্গণ দারৈশ্চ ব্রহ্মচর্যেণ বা পুনঃ।
বনে গুরুসকাশে বা যতিধর্মেণ বা পুনঃ॥ 12-240-5 (75165)
গৃহস্থস্ৎবেষ ধর্মাণাং সর্বেষাং মূলমুচ্যতে।
যত্র পক্বকষায়ো হি দান্তঃ সর্বত্র সিধ্যতি॥ 12-240-6 (75166)
প্রজাবান্শ্রোত্রিয়ো যজ্বা মুক্ত এব ঋণৈস্ত্রিভিঃ।
অথান্যানাশ্রমান্পশ্চাৎপূতো গচ্ছেত কর্মভিঃ॥ 12-240-7 (75167)
যৎপৃথিব্যাং পুণ্যতমং বিদ্যাৎস্থানং তদাবসেৎ।
যতেত তস্মিন্প্রামাণ্যং গন্তুং যশসি চোত্তমে॥ 12-240-8 (75168)
তপসা বঃ সুমহতা বিদ্যানাং পারণেন বা।
ইজ্যযা বা প্রদানৈর্বা বিপ্রাণাং বর্ধতে যশঃ॥ 12-240-9 (75169)
যাবদস্য ভবত্যস্মিন্কীর্তির্লোকে যশস্করী।
তাবৎপুণ্যকৃতাঁল্লোকাননন্তান্পুরুষোঽশ্নুতে॥ 12-240-10 (75170)
অধ্যাপয়েদধীয়ীত যাজয়েত যজেত বা।
ন বৃথা প্রতিগৃহ্ণীয়ান্ন চ দদ্যাৎকথংচন॥ 12-240-11 (75171)
যাজ্যতঃ শিষ্যতো বাঽপি কন্যায়া বা ধনং মহৎ।
যদ্যাগচ্ছেদ্যজেদ্দদ্যান্নৈকোঽশ্নীয়াৎকথংচন॥ 12-240-12 (75172)
গৃহমাবসতো হ্যস্য নান্যত্তীর্থমুদাহৃতম্।
দেবর্ষিপিতৃগুর্বর্থং বৃদ্ধাতুরবুভুক্ষতাম্॥ 12-240-13 (75173)
অন্তর্হিতাভিতপ্তানাং যথাশক্তি বুভূষতাম্।
দ্রব্যাণামতিশক্ত্যাঽপি দেয়মেষাং কৃতাদপি॥ 12-240-14 (75174)
অর্হতামনুরূপাণাং নাদেয়ং হ্যস্তি কিংচন।
উচ্চৈঃ শ্রবসমপ্যক্ষং কাশ্যপায় মহাত্মনে।
দত্ৎবা জগাম প্রহ্লাদো লোকান্দেবৈরভিষ্টুতান্॥ 12-240-15 (75175)
অনুনীয় তথা কাব্যঃ সত্যসন্ধো মহাব্রতঃ।
স্বৈঃ প্রাণৈর্ব্রাহ্মণপ্রাণান্পরিত্রায় দিবং গতঃ॥ 12-240-16 (75176)
রন্তিদেবশ্চ সাংকৃত্যো বসিষ্ঠায় মহাত্মনে।
অপঃ প্রদায় শীতোষ্ণা নাকপৃষ্ঠে মহীয়তে॥ 12-240-17 (75177)
আত্রেয়শ্চেন্দ্রদ্রুময়ে হ্যর্হতে বিবিধং ধনম্।
দত্ৎবা লোকান্যযৌ ধীমাননন্তান্স মহীপতিঃ॥ 12-240-18 (75178)
শিবিরৌশীনরোঽঙ্গানি সুতং চ প্রিয়মৌরসম্।
ব্রাহ্মণার্থমুপাকৃত্য নাকপৃষ্ঠমিতো গতঃ॥ 12-240-19 (75179)
প্রতর্দনঃ কাশিপতিঃ প্রদায় নয়নে স্বকে।
ব্রাহ্মণায়াতুলাং কীর্তিমিহ চামুত্র চাশ্নুতে॥ 12-240-20 (75180)
দিব্যমষ্টশলাকং তু সৌবর্ণং পরমর্দ্ধিমৎ।
ছত্রং দেবাবৃধো দত্ৎবা সরাষ্ট্রোঽভ্যগমদ্দিবম্॥ 12-240-21 (75181)
সাংকৃতিশ্চ তথাঽঽত্রেয়ঃ শিষ্যেভ্যো ব্রহ্ম নির্গুণম্।
উপদিশ্য মহাতেজা গতো লোকাননুত্তমান্॥ 12-240-22 (75182)
অম্বরীষো গবাং দত্ৎবা ব্রাহ্মণেভ্যঃ প্রতাপবান্।
অর্বুদানি দশৈকং চ সরাষ্ট্রোঽভ্যগমদ্দিবম্॥ 12-240-23 (75183)
সাবিত্রী কুণ্ডলে দিব্যে শরীরং জনমেজয়ঃ।
ব্রাহ্মণার্থে পরিত্যজ্য জগ্মতুর্লোকমুত্তমম্॥ 12-240-24 (75184)
সর্বরত্নং বৃষাদর্বির্যুবনাশ্বঃ প্রিয়াঃ স্ত্রিয়ঃ।
রম্যমাবসথং চৈব দত্ৎবামুং লোকমাস্থিতঃ॥ 12-240-25 (75185)
নিমী রাষ্ট্রং চ বৈদেহো জামদগ্ন্যো বসুংধরাম্।
ব্রাহ্মণেভ্যো দদৌ চাপি গয়শ্চোর্বী সপত্তনাম্॥ 12-240-26 (75186)
অবর্ষতি চ পর্জন্যে সর্বভূতানি ভূতকৃত।
বসিষ্ঠো জীবয়ামাস প্রজাপতিরিব প্রজাঃ॥ 12-240-27 (75187)
করংধমস্য পুত্রস্তু মরুতো নৃপতিস্তথা।
কন্যামঙ্গিরসে দত্ৎবা দিবমাশু জগাম হ॥ 12-240-28 (75188)
ব্রহ্মদত্তশ্চ পাঞ্চাল্যো রাজা বুদ্ধিমতাং বরঃ।
নিধিং শঙ্খং দ্বিজাগ্র্যেভ্যো দত্ৎবা লোকানবাপ্তবান্॥ 12-240-29 (75189)
রাজা মিত্রসহশ্চাপি বসিষ্ঠায় মহাত্মনে।
মদয়ন্তীং প্রিয়াং দত্ৎবা তয়া সহ দিবং গতঃ॥ 12-240-30 (75190)
সহস্রজিচ্চ রাজর্ষিঃ প্রাণানিংষ্টান্মহায়শাঃ।
ব্রাহ্মণার্থং পরিত্যজ্য গতো লোকাননুত্তমান্॥ 12-240-31 (75191)
সর্বকামৈশ্চ সংপূর্ণং দত্ৎবা বেশ্ম হিরণ্ময়ম্।
মুদ্গলায় গতঃ স্বর্গং শতদ্যুম্নো মহীপতিঃ॥ 12-240-32 (75192)
নাম্না চ দ্যুতিমান্নাম সাল্বরাজঃ প্রতাপবান্।
দত্ৎবা রাজ্যমৃচীকায় গতো লোকাননুত্তমান্॥ 12-240-33 (75193)
লোমপাদশ্চ রাজর্ষিঃ শান্তাং দত্ৎবা সুতাং প্রভুঃ।
ঋশ্যশৃঙ্গায় বিপুলৈঃ সর্বকামৈরয়ুজ্যত॥ 12-240-34 (75194)
মদিরাশ্বশ্চ রাজর্ষির্দত্ৎবা কন্যাং সুমধ্যমাম্।
হিরণ্যহস্তায় গতো লোকান্দেবৈরভিষ্টুতান্॥ 12-240-35 (75195)
দত্ৎবা শতসহস্রং তু গবাং রাজা প্রসেনজিৎ।
সবৎসানাং মহাতেজা গতো লোকাননুত্তমান্॥ 12-240-36 (75196)
এতে চান্যে চ বহবো দানেন তপসৈব চ।
মহাত্মানো গতাঃ স্বর্গং শিষ্টাত্মানো জিতেন্দ্রিয়াঃ॥ 12-240-37 (75197)
তেষাং প্রতিষ্ঠিতা কীর্তির্যাবৎস্থাস্যতি মেদিনী।
দানয়জ্ঞপ্রজাসর্গৈরেতে হি দিবমাপ্নুবন্॥ ॥ 12-240-38 (75198)
ইতি শ্রীমন্মহাভারতে শান্তিপর্বণি মোক্ষধর্মপর্বণি চৎবারিংশদধিকদ্বিশততমোঽধ্যায়ঃ॥ 240॥
Mahabharata - Shanti Parva - Chapter Footnotes
12-240-14 কৃতাৎপক্বান্নাদপি॥শান্তিপর্ব - অধ্যায় 241
॥ শ্রীঃ ॥
12.241. অধ্যায়ঃ 241
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ব্যাসকৃতব্রাহ্মণধর্মকথনপূর্বকজ্ঞানপ্রশংসনানুবাদঃ॥ 1॥Mahabharata - Shanti Parva - Chapter Text
12-241-0 (75199)
ব্যাস উবাচ। 12-241-0x (6232)
ত্রয়ীং বিদ্যামবেক্ষেত বেদেপূত্তমতাং গতঃ।
ঋক্সামবর্ণাক্ষরতো যজুষোঽথর্বণস্তথা॥ 12-241-1 (75200)
[তিষ্ঠত্যেতেষু ভগবান্ষট্সু কর্মসু সংস্থিতঃ।]
বেদবাদেষু কুশলা হ্যধ্যাত্মকুশলাশ্চ যে॥ 12-241-2 (75201)
সৎববন্তো মহাভাগাঃ পশ্যন্তি প্রভবাপ্যযৌ।
এবং ধর্মেণ বর্তেত ক্রিয়াঃ শিষ্টবদাচরেৎ॥ 12-241-3 (75202)
অসংরোধেন ভূতানাং বৃত্তিং লিপ্সেত বৈ দ্বিজঃ।
সদ্ভ্য আগতবিজ্ঞানঃ শিষ্টঃ শাস্ত্রবিচক্ষণঃ॥ 12-241-4 (75203)
স্বধর্মেণ ক্রিয়া লোকে কুর্বাণঃ সোঽপ্যসঙ্করঃ।
তিষ্ঠতে তেষু গৃহবান্ষট্সু কর্মসু স দ্বিজঃ॥ 12-241-5 (75204)
পঞ্চভিঃ সততং যজ্ঞৈঃ শ্রদ্দধানো যজেত চ।
ধৃতিমানপ্রমত্তশ্চ দান্তো ধর্মবিদাত্মবান্।
বীতহর্ষমদক্রোধো ব্রাহ্মণো নাবসীদতি॥ 12-241-6 (75205)
দানমধ্যযনং যজ্ঞস্তপো হ্রীরার্জবং দমঃ।
এতৈর্বিবর্ধতে তেজঃ পাপ্মানং চাপকর্ষতি॥ 12-241-7 (75206)
ধূতপাপ্মা চ মেধাবী লঘ্বাহারো জিতেন্দ্রিয়ঃ।
কামক্রোধৌ বশে কৃৎবা নিনীষেদ্ব্রহ্মণঃ পদম্॥ 12-241-8 (75207)
অগ্নীংশ্চ ব্রাহ্মণাংশ্চার্চেদ্দেবতাঃ প্রণমেত চ।
বর্জয়েদুশতীং বাচং হিংসাং চাধর্মসংহিতাম্॥ 12-241-9 (75208)
এষা পূর্বতরা বৃত্তির্ব্রাহ্মণস্য বিধীয়তে।
জ্ঞানাগমেন কর্মাণি কুর্বন্কর্মসু সিদ্ধ্যতি॥ 12-241-10 (75209)
পঞ্চেন্দ্রিয়জলাং ঘোরাং লোভকূলাং সুদুস্তরাম্।
মন্যুপঙ্কামনাধৃষ্যাং নদীং তরতি বুদ্ধিমান্॥ 12-241-11 (75210)
কালমভ্যুদ্যতং পশ্যেন্নিত্যমত্যন্তমোহনম্॥ 12-241-12 (75211)
মহতা বিধিদৃষ্টেন বলিনাঽপ্রতিঘাতিনা।
স্বভাবস্রোতসা বৃত্তমুহ্যতে সততং জগৎ॥ 12-241-13 (75212)
কালোদকেন মহতা বর্ষাবর্তেন সংততম্।
মাসোর্মিণর্তুবেগেন পক্ষোলপতৃণেন চ॥ 12-241-14 (75213)
নির্মষোন্মেষফেনেন অহোরাত্রজবেন চ।
কামগ্রাহেণ ঘোরেণ বেদয়জ্ঞপ্লবেন চ॥ 12-241-15 (75214)
ধর্মদ্বীপেন ভূতানাং চার্থকামরবেণ চ।
ঋতবাঙ্ভোক্ষতীরেণ বিহিংসাতরুবাহিনা॥ 12-241-16 (75215)
যুগহ্রদৌঘমধ্যেন ব্রহ্মপ্রায়ভবেন চ।
ধাত্রা সৃষ্টানি ভূতানি কৃষ্যন্তে যমসাদনম্॥ 12-241-17 (75216)
এতৎপ্রজ্ঞাময়ৈর্ধীরা নিস্তরন্তি মনীষিণঃ।
প্লবৈরপ্লববন্তো হি কিং করিষ্যন্ত্যচেতসঃ॥ 12-241-18 (75217)
উপপন্নং হি যৎপ্রাজ্ঞো নিস্তরেন্নেতরো জনঃ।
দূরতো গুণদোষৌ হি প্রাজ্ঞঃ সর্বত্র পশ্যতি॥ 12-241-19 (75218)
সংশয়াত্তু স কামাত্মা চলচিত্তোঽল্পচেতনঃ।
অপ্রাজ্ঞো ন তরত্যেনং যো হ্যাস্তে ন স গচ্ছতি॥ 12-241-20 (75219)
অপ্লবো হি মহাদোষং মুহ্যমানো ন গচ্ছতি।
কামগ্রাহগৃহীতস্য জ্ঞানমপ্যস্য ন প্লবঃ॥ 12-241-21 (75220)
তস্মাদুন্মজ্জনস্যার্থে প্রয়তেত বিচক্ষণঃ।
এতদুন্মজ্জনং তস্য যদয়ং ব্রাহ্মণো ভবেৎ॥ 12-241-22 (75221)
ত্র্যবদাতে কুলে জাতস্ত্রিসংদেহস্ত্রিকর্মকৃৎ।
তস্মাদুন্মজ্জনং তিষ্ঠেৎপ্রজ্ঞয়া নিস্তরেদ্যথা॥ 12-241-23 (75222)
সংস্কৃতস্য হি দান্তস্য নিয়তস্য যতাত্মনঃ।
প্রাজ্ঞস্যানন্তরা সিদ্ধিরিহ লোকে পরত্র চ॥ 12-241-24 (75223)
বর্তেত তেষু গৃহবানক্রুধ্যন্ননসূয়কঃ।
পঞ্চভিঃ সততং যজ্ঞৈর্বিঘসাশী যজেত চ॥ 12-241-25 (75224)
সতাং ধর্মেণ বর্তেত ক্রিয়াং শিষ্টবদাচরেৎ।
অসংরোধেন লোকস্য বৃত্তিং লিপ্সেদগর্হিতাম্॥ 12-241-26 (75225)
শ্রুতবিজ্ঞানতত্ৎবজ্ঞঃ শিষ্টাচারবিচক্ষণঃ।
স্বধর্মেণ ক্রিয়াবাংশ্চ কর্মণা সোঽপ্যসংকরঃ॥ 12-241-27 (75226)
ক্রিয়াবাঞ্শ্রদ্দধানো কহি দান্তঃ প্রায়োঽনসূয়কঃ।
ধমার্ধর্মবিশেষজ্ঞঃ সর্বং তরতি দুস্তরম্॥ 12-241-28 (75227)
ধৃতিমানপ্রমত্তশ্চ দান্তো ধর্মবিদাত্মবান্।
বীতহর্ষমদক্রোধো ব্রাহ্মণো নাবসীদতি॥ 12-241-29 (75228)
এষা পুরাতনী বৃত্তির্ব্রাহ্মণস্য বিধীয়তে।
জ্ঞানবৃদ্ধ্যৈব কর্মাণি কুর্বন্সর্বত্র সিধ্যতি॥ 12-241-30 (75229)
অধর্মং ধর্মকামো হি করোতি হ্যবিচক্ষণঃ।
ধর্মং বা ধর্মসংকাশং শোচন্নিব করোতি সঃ॥ 12-241-31 (75230)
ধর্মং করোমীতি করোত্যধর্ম
মধর্মকামশ্চ করোতি ধর্মম্।
উভে বালঃ কর্মণী ন প্রজানম্
সংজায়তে ম্রিয়তে চাপি দেহী॥ ॥ 12-241-32 (75231)
ইতি শ্রীমন্মহাভারতে শান্তিপর্বণি মোক্ষধর্মপর্বণি একচৎবারিংশদধিকদ্বিশততমোঽধ্যায়ঃ॥ 241॥
Mahabharata - Shanti Parva - Chapter Footnotes
12-241-1 বেদেষূক্তামথাঙ্গত ইতি ঝ. পাঠঃ॥ 12-241-7 এতৈর্বর্ধয়তে ইতি ঝ. পাঠঃ॥ 12-241-12 কামমন্যূদ্ধতং পশ্যন্নিত্যমত্যন্তমোহিতমিতি ট. থ. ধ. পাঠঃ॥ 12-241-17 ব্রহ্মপ্রায়ভবেন ব্রহ্মকার্যভূতেন। স্রোতসা যুগভূতেন ব্রহ্মপ্রায়ভবেন চেতি ট. থ. পাঠঃ॥ 12-241-23 অবদাতেষু শুদ্ধেষু কুলেষ্বিতি শেষঃ। ত্রিষ্বধ্যাপনয়াজনপ্রতিগ্রহেষু সংদেহবাংস্তত্রাপ্রবৃত্ত ইত্যর্থখঃ। ত্রিকর্মকৃৎ স্বাধ্যায়যজনদানকৃৎ॥ 12-241-27 শিষ্টশাস্ত্রবিচক্ষণ ইতি ট. থ. পাঠঃ॥শান্তিপর্ব - অধ্যায় 242
॥ শ্রীঃ ॥
12.242. অধ্যায়ঃ 242
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জ্ঞানস্য শ্রেয়ঃসাধনতাপরশুকসংবোধ্যকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-242-0 (75232)
ব্যাস উবাচ। 12-242-0x (6233)
অথ চেদ্রোচয়েদেতদুহ্যতে মনসা তথা।
উন্মজ্জংশ্চ নিমজ্জংশ্চ জ্ঞানবান্প্লববান্ভবেৎ॥ 12-242-1 (75233)
প্রজ্ঞয়া নির্মিতৈর্ধীরাস্তারয়ন্ত্যবুধান্প্লবৈঃ।
নাবুধাস্তারয়ন্ত্যন্যানাত্মানং বা কথংচন॥ 12-242-2 (75234)
ছিন্নদোষো মুনির্যোগয়ুক্তো যুঞ্জীত দ্বাদশ।
দশকর্মসুখানর্থানুপায়াপায়নিষ্ক্রিয়ঃ॥ 12-242-3 (75235)
চক্ষুরাচারসংগ্রাহৈর্মনসা দর্শনেন চ।
যচ্ছেদ্বাঙ্ভনসী বুদ্ধ্যা য ইচ্ছেজ্জ্ঞানমুত্তমম্॥ 12-242-4 (75236)
জ্ঞানেন যচ্ছেদাত্মানং য ইচ্ছেচ্ছান্তিমাত্মনঃ।
এতেষাং চেদনুদ্রষ্টা পুরুষোঽপি সুদারুণঃ॥ 12-242-5 (75237)
যদি বা সর্ববেদজ্ঞো যদি বাঽপ্যনৃচো দ্বিজঃ।
যদি বা ধার্মিকো যজ্বা যদি বা পাপকৃত্তমঃ॥ 12-242-6 (75238)
যদি বা পুরুষব্যাঘ্রো যদি বৈক্লব্যধারণঃ।
তরত্যেবং মহাদুর্গং জরামরণসাগরম্॥ 12-242-7 (75239)
এবং হ্যেতেন যোগেন যুঞ্জানো হ্যেবমন্ততঃ।
অপি জিজ্ঞাসমানোঽপি শব্দব্রহ্মাঽতিবর্ততে॥ 12-242-8 (75240)
ধর্মোপস্থো হ্রীবরূথ উপায়াপায়কূবরঃ।
অপানাক্ষঃ প্রাণয়ুগঃ প্রজ্ঞায়ুর্জীববন্ধনঃ॥ 12-242-9 (75241)
চেতনাবন্ধুরশ্চারুশ্চাচারগ্রহনেমিমান্।
দর্শনস্পর্শনবহো ঘ্রাণশ্রবণবাহনঃ॥ 12-242-10 (75242)
প্রজ্ঞানাভিঃ সর্বতন্ত্রপ্রতোদো জ্ঞানসারথিঃ।
ক্ষেত্রজ্ঞাধিষ্ঠিতো ধীরঃ শ্রদ্ধাদমপুরঃ সরঃ॥ 12-242-11 (75243)
ত্যাগরশ্ম্যনুগঃ ক্ষেম্যঃ শৌচগো ধ্যানগোতরঃ।
জীবয়ুক্তো রথো দিব্যো ব্রহ্মলোকে ধিরাজতে॥ 12-242-12 (75244)
অথ সংৎবরমাণস্য রথমেবং যুয়ুক্ষতঃ।
অক্ষরং গন্তুমনসো বিধিং বক্ষ্যামি শীঘ্রগম্॥ 12-242-13 (75245)
সপ্ত যো ধারণাঃ কৃৎস্না বাগ্যতঃ প্রতিপদ্যতে।
পৃষ্ঠতঃ পার্শ্বতশ্চান্যাস্তাবত্যস্তাঃ প্রধারণাঃ॥ 12-242-14 (75246)
ক্রমশঃ পার্থিবং যচ্চ বায়ব্যং খং তথা পয়ঃ।
জ্যোতিষো যত্তদৈশ্বর্যমহংকারস্য বুদ্ধিতঃ।
অব্যক্তস্য তথৈশ্বর্যং ক্রমশঃ প্রতিপদ্যতে॥ 12-242-15 (75247)
বিক্রমাশ্চাপি যস্যৈতে তথা যুঙ্ক্তে স যোগতঃ।
তথাঽস্য যোগয়ুক্তস্য সিদ্ধিমাত্মনি পশ্যতঃ॥ 12-242-16 (75248)
নির্মুচ্যমানঃ সূক্ষ্মৎবাদ্রূপাণীমানি পশ্যতঃ।
শৈশিরস্তু যথা ধূমঃ সূক্ষ্মঃ সংশ্রয়তে নভঃ॥ 12-242-17 (75249)
তথা দেহাদ্বিমুক্তস্য পূর্বরূপং ভবত্যুত।
অথ ধূমস্য বিরমেদ্দ্বিতীয়ং রূপদর্শনম্॥ 12-242-18 (75250)
জলরূপমিবাকাশে তত্রৈবাত্মনি পশ্যতি।
অপাং ব্যতিক্রমে চাস্য বহ্নিরূপং প্রকাশতে॥ 12-242-19 (75251)
তস্মিন্নুপরতে চাস্য বায়ব্যং সূক্ষ্মমব্যযম্।
রূপং প্রকাশতে তস্য পীতবস্ত্রবদব্যযম্॥ 12-242-20 (75252)
তস্মিন্নুপরতে রুপমাকাশস্য প্রকাশতে।
তস্মিন্নুপরতে চাস্য বুদ্ধিরূপং প্রকাশতে।
ঊর্ণারূপসবর্ণস্য তস্য রূপং প্রকাশতে॥ 12-242-21 (75253)
অথ শ্বেতাং গতিং গৎবা সোহঙ্কারে প্রকাশতে।
সুশুক্লং চেতসঃ সৌক্ষ্ম্যমপ্যুক্তং ব্রাহ্মণস্য বৈ॥ 12-242-22 (75254)
এতেষ্বপি হি জাতেষু ফলজাতানি মে শৃণু।
জাতস্য পার্থিবৈশ্বর্যৈঃ সৃষ্টিরিষ্টা বিধীয়তে॥ 12-242-23 (75255)
প্রজাপতিরিবাক্ষোভ্যঃ শরীরাৎসৃজতে প্রজাঃ।
অঙ্গুল্যঙ্গুষ্ঠমাত্রেণ হস্তপাদেন বা তথা॥ 12-242-24 (75256)
পৃথিবীং কম্পয়ত্যেকো গুণো বায়োরিতি শ্রুতিঃ।
আকাশভূতশ্চাকাশে সবর্ণৎবাৎপ্রকাশতে।
বর্ণতো গৃহ্যতে চাপ্সু নাপঃ পিবতি চাশয়া॥ 12-242-25 (75257)
ন চাস্য তেজসাং রূপং দৃশ্যতে শাম্যতে তথা।
অহংকারেঽস্য বিজিতে পঞ্চৈতে স্যুর্বশানুগাঃ॥ 12-242-26 (75258)
ষণ্ণামাত্মনি বুদ্ধৌ চ জিতায়াং প্রভবত্যথ।
নির্দোষা প্রতিভা হ্যেনং কৃৎস্না সমভিবর্ততে॥ 12-242-27 (75259)
তথৈব ব্যক্তমাত্মানমব্যক্তং প্রতিপদ্যতে।
যতো নিঃসরতে লোকো ভবতি ব্যক্তসংজ্ঞকঃ॥ 12-242-28 (75260)
তত্রাব্যক্তময়ীং বিদ্যাং শৃণু ৎবং বিস্তরেণ মে।
তথা ব্যক্তময়ং চৈব সংখ্যাপূর্বং নিবোধ মে॥ 12-242-29 (75261)
পঞ্চবিংসতিতত্ৎবানি তুল্যান্যুভয়তঃ সমম্।
যোগে সাঙ্খ্যেঽপি চ তথা বিশেষং তত্র মে শৃণু॥ 12-242-30 (75262)
প্রোক্তং তদ্ব্যক্তমিত্যেব জায়তে বর্ধতে চ যৎ।
জীর্যতে ম্রিয়তে চৈব চতুর্ভির্লক্ষণৈর্যুতম্॥ 12-242-31 (75263)
বিপরীতমতো যত্তু তদব্যক্তমুদাহৃতম্।
দ্বাবাত্মানৌ চ বেদেষু সিদ্ধান্তেষ্বপ্যুদাহৃতৌ॥ 12-242-32 (75264)
চতুর্লক্ষণজং ৎবাদ্যং চতুর্বর্গং প্রচক্ষতে।
ব্যক্তমব্যক্তজং চৈব তথা বুদ্ধিরথেতরৎ॥
সৎবং ক্ষেত্রজ্ঞ ইত্যেতদ্দ্বয়মব্যক্তদর্শনম্॥ 12-242-33 (75265)
দ্বাবাত্মানৌ চ বেদেষু বিষয়েষ্বনুরজ্যতঃ।
বিষয়াৎপ্রতিসংহারঃ সাঙ্খ্যানাং বিদ্ধি লক্ষণম্॥ 12-242-34 (75266)
নির্মমশ্চানহংকারো নির্দ্বন্দ্বশ্ছিন্নসংশয়ঃ।
নৈব ক্রুধ্যতি ন দ্বেষ্টি নানৃতা ভাষতে গিরঃ॥ 12-242-35 (75267)
আক্রুষ্টস্তাডিতশ্চৈব মৈত্রীয়ং ধ্যাতি নাশুভম্।
বাগ্দণ্ডকর্মমনসাং ত্রয়াণাং চ নিবর্তকঃ॥ 12-242-36 (75268)
সমঃ সর্বেষু ভূতেষু ব্রহ্মাণমভিবর্ততে।
নৈবেচ্ছতি ন চানিচ্ছো যাত্রামাত্রব্যবস্থিতঃ॥ 12-242-37 (75269)
অলোলুপোঽব্যথো দান্তো নাকৃতির্ন নিরাকৃতিঃ।
নাস্যেন্দ্রিয়মনেকাগ্রং নাবিক্ষিপ্তমনোরথঃ॥ 12-242-38 (75270)
সর্বভূতসদৃঙ্ভৈত্রঃ সমলোষ্টাশ্মকাঞ্চনঃ।
তুল্যপ্রিয়াপ্রিয়ো ধীরস্তুল্যনিন্দাত্মসংস্তুতিঃ॥ 12-242-39 (75271)
অস্পৃহঃ সর্বকামেভ্যো ব্রহ্মচর্যদৃঢব্রতঃ।
অহিংস্রঃ সর্বভূতানামীদৃক্সাঙ্খ্যো বিমুচ্যতে॥ 12-242-40 (75272)
যথা যোগাদ্বিমুচ্যন্তে কারণৈর্যৈর্নিবোধ তৎ।
যোগৈশ্বর্যমতিক্রান্তো যোঽতিক্রামতি মুচ্যতে॥ 12-242-41 (75273)
ইত্যেষা ভাবজা বুদ্ধিঃ কথিতা তে ন সংশয়ঃ।
এবং ভবতি নির্দ্বন্দ্বো ব্রহ্মাণং চাধিগচ্ছতি॥ ॥ 12-242-42 (75274)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বিচৎবারিংশদধিকদ্বিশততমোঽধ্যায়ঃ॥ 242॥
Mahabharata - Shanti Parva - Chapter Footnotes
12-242-1 উহ্যেত স্রোতসা যথেতি ঝ. পাঠঃ॥ 12-242-3 দেশকর্মানুরাগার্থানুপায়েতি ঝ. পাঠঃ॥ 12-242-4 চক্ষুরাহারসংহারৈরিতি ঝ. পাঠঃ। যচ্ছেদ্বাচং মনো বুদ্ধ্যেতি থ. পাঠঃ॥ 12-242-12 ত্যাগসূক্ষ্মানুগ ইতি ঝ. ধ. পাঠঃ॥ 12-242-17 নির্মথ্যমানঃ সূক্ষ্মাত্মা রূপাণ্যেতানি দর্শয়েৎ ইতি ট. থ. পাঠঃ॥ 12-242-25 বর্ণতো গৃহ্যতে চাপি কামাৎপিবতি চাশয়ানিতি ঝ. পাঠঃ॥ 12-242-36 বাঙ্ভনঃ কায়দণ্ডানামিতি ট. থ. পাঠঃ॥শান্তিপর্ব - অধ্যায় 243
॥ শ্রীঃ ॥
12.243. অধ্যায়ঃ 243
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ভূতেষু তারতম্যকতনপূর্বকজ্ঞানপ্রশংসাপরশুকসংবোধ্যকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-243-0 (75275)
ব্যাস উবাচ। 12-243-0x (6234)
অথ জ্ঞানপ্লবং ধীরো গৃহীৎবা শান্তিমাত্মনঃ।
উন্মজ্জংশ্চ নিমজ্জংশ্চ বিদ্যামেবাভিসংশ্রয়েৎ॥ 12-243-1 (75276)
শুক উবাচ। 12-243-2x (6235)
কিং তজ্জ্ঞানমথো বিদ্যা যথা নিস্তরতে দ্বয়ম্।
প্রবৃত্তিলক্ষণো ধর্মো নিবৃত্তিরিতি চৈব হি॥ 12-243-2 (75277)
ব্যাস উবাচ। 12-243-3x (6236)
যস্তু পশ্যন্স্বভাবেন বিনাভাবমচেতনঃ।
পুষ্ণাতি স পুনঃ সর্বান্প্রজ্ঞয়া মুক্তহেতুকঃ॥ 12-243-3 (75278)
যেষাং চৈকান্তভাবেন স্বভাবঃ কারণং মতম্।
দূর্বাতৃণবৃসীকা যে তে লভন্তে ন কিংচন॥ 12-243-4 (75279)
যেচৈনং পক্ষমাশ্রিত্য নিবর্তন্ত্যল্পমেধসঃ।
স্বভাবং কারণং জ্ঞাৎবা ন শ্রেয়ঃ প্রাপ্নুবন্তি তে॥ 12-243-5 (75280)
স্বভাবো হি বিনাশায় মোহকর্মমনোভবঃ।
নিরুক্তমেতয়োরেতৎস্বভাবপরিভাবয়োঃ॥ 12-243-6 (75281)
কৃষ্যাদীনীহ কর্মাণি সস্যসংহরণানি চ।
প্রজ্ঞাবদ্ভিঃ প্রক্লৃপ্তানি যানাসনগৃহাণি চ॥ 12-243-7 (75282)
আক্রীডানাং গৃহাণাং চ গদানামগদস্য চ।
প্রজ্ঞাবন্তঃ প্রবক্তারো জ্ঞানবদ্ভিরনুষ্ঠিতাঃ॥ 12-243-8 (75283)
প্রজ্ঞা সংয়োজয়ত্যর্থৈঃ প্রজ্ঞা শ্রেয়োঽধিগচ্ছতি।
রাজানো ভুঞ্জতে রাজ্যং প্রজ্ঞয়া তুল্যলক্ষণাঃ॥ 12-243-9 (75284)
পরাবরং তু ভূতানাং জ্ঞানেনৈবোপলভ্যতে।
বিদ্যযা তাত সৃষ্টানাং বিদ্যৈবেহ পরা গতিঃ॥ 12-243-10 (75285)
ভূতানাং জন্ম সর্বেষাং বিবিধানাং চতুর্বিধম্।
জরায়ুজাণ্ডজোদ্ভিজ্জস্বেদজং চোপলক্ষয়েৎ॥ 12-243-11 (75286)
স্থাবরেভ্যো বিশিষ্টানি জঙ্গমান্যুপধারয়েৎ।
উপপন্নং হি যচ্চেষ্টা বিশিষ্যেত বিশেষ্যযা॥ 12-243-12 (75287)
আহুর্দ্বিবহুপাদানি জঙ্গমানি দ্বয়ানি তু।
বহুষাদ্ভ্যো বিশিষ্টানি দ্বিপাদানি বহূন্যপি॥ 12-243-13 (75288)
দ্বিপদানি দ্বয়ান্যাহুঃ পার্থিবানীতরাণি চ।
পার্থিবানি বিশিষ্টানি তানি হ্যন্নানি ভুঞ্জতে॥ 12-243-14 (75289)
পার্থিবানি দ্বয়ান্যাহুর্মধ্যমান্যুত্তমানি তু।
মধ্যমানি বিশিষ্টানি জাতিধর্মোপধারণাৎ॥ 12-243-15 (75290)
মধ্যমানি দ্বয়ান্যাহুর্ধর্মজ্ঞানীতরাণি চ।
ধর্মজ্ঞানি বিশিষ্টানি কার্যাকার্যোপধারণাৎ॥ 12-243-16 (75291)
ধর্মজ্ঞানি দ্বয়ান্যাহুর্বেদজ্ঞানীতরাণি চ।
বেদজ্ঞানি বিশিষ্টানি বেদো হ্যেষু প্রতিষ্ঠিতঃ॥ 12-243-17 (75292)
বেদজ্ঞানি দ্বয়ান্যাহুঃ প্রবক্তৃণীতরাণি চ।
প্রবক্তৄণি বিশিষ্টানি সর্বধর্মোপধারণাৎ॥ 12-243-18 (75293)
বিজ্ঞায়ন্তে হি যৈর্বেদাঃ সধর্মাঃ সক্রিয়াফলাঃ।
সধর্মা নিখিলা বেদাঃ প্রবক্তৃভ্যো বিনিঃসৃতাঃ॥ 12-243-19 (75294)
প্রবক্তৄণি দ্বয়ান্যাহুরাত্মজ্ঞানীতরাণি চ।
আত্মজ্ঞানি বিশিষ্টানি জন্মাজন্মোপধারণাৎ॥ 12-243-20 (75295)
ধর্মদ্বয়ং হি যো বেদ স সর্বজ্ঞঃ স সর্ববিৎ।
সত্যাশীঃ সত্যসংকল্পঃ সত্যঃ শুচিরথেশ্বরঃ॥ 12-243-21 (75296)
ধর্মজ্ঞানপ্রতিষ্ঠং হি তং দেবা ব্রাহ্মণং বিদুঃ।
শব্দব্রহ্মণি নিষ্ণাতং পরে চ কৃতনিশ্চয়ম্॥ 12-243-22 (75297)
অন্তস্থং চ বহিষ্ঠং চ যেঽধিয়জ্ঞাধিদৈবতম্।
জানন্তি তান্নমস্যামস্তে দেবাস্তাত তে দ্বিজাঃ॥ 12-243-23 (75298)
তেষু বিশ্বমিদং ভূতং সাগ্রং চ জগদাহিতম্।
তেষাং মাহাত্ম্যভাবস্য সদৃশং নাস্তি কিংচন॥ 12-243-24 (75299)
আদ্যন্তনিধনং চৈব কর্ম চাতীত্য সর্বশঃ।
চতুর্বিধস্য ভূতস্য সর্বস্যেশাঃ স্বয়ংভুবঃ॥ ॥ 12-243-25 (75300)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিচৎবারিংশদধিকদ্বিশততমোঽধ্যায়ঃ॥ 243॥
Mahabharata - Shanti Parva - Chapter Footnotes
12-243-3 মুক্তহেতুকানিতি ঝ. পাঠঃ॥ 12-243-4 পূৎবা তৃণমিষীকাং বেতি ঝ. পাঠঃ॥ 12-243-7 সস্যসংগ্রহণানি চেতি থ. পাঠঃ॥ 12-243-8 গদানাং রোগাণাম্। অগদস্যৌষধস্য। অনুষ্ঠিতাঃ প্রয়োজিতাঃ। গতানামাগতস্য চেতি ট. থ। পাঠঃ॥ 12-243-9 তুল্যলক্ষণাঃ প্রজ্ঞাধিক্যাদ্বৈশ্বর্যাধিক্যভাজঃ॥ 12-243-12 যচ্চেষ্টে বিশিষ্যেত নিচেষ্টক ইতি ট. থ. পাঠঃ॥ 12-243-14 পার্থিবানি পৃথিবীচরাণি মানুষাণি। ইতরাণি স্বেচরাণি॥ 12-243-19 সর্বয়জ্ঞাঃ ক্রিয়া বেদা ইতি ধ. পাঠঃ॥ 12-243-21 ধর্মদ্বয়ং প্রবৃত্তিনিবত্তিরূপং। সত্যাগীতি ঝ. পাঠঃ। সত্যক্ষান্তিঃ স ঈশ্বর ইতি ট.থ. পাঠঃ॥ 12-243-22 শব্দব্রহ্মণি বেদশাস্ত্রে॥শান্তিপর্ব - অধ্যায় 244
॥ শ্রীঃ ॥
12.244. অধ্যায়ঃ 244
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মতভেদয়ুগধর্মভেদাদিপ্রতিপাদকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-244-0 (75301)
ব্যাস উবাচ। 12-244-0x (6237)
এষা পূর্বতরা বৃত্তির্ব্রাহ্মণস্য বিধীয়তে।
জ্ঞানবানেব কর্মাণি কুর্বন্সর্বত্র সিদ্ধ্যতি॥ 12-244-1 (75302)
তত্র চেন্ন ভবেদেবং সংশয়ঃ কর্মনিশ্চয়ে।
কিংতু কর্মস্বভাবোঽয়ং জ্ঞানং কর্মেতি বা পুনঃ॥ 12-244-2 (75303)
তত্র বেদবিবিৎসায়াং জ্ঞানং চেৎপুরুষং প্রতি।
উপপত্ত্যুপলব্ধিভ্যাং বর্ণয়িষ্যামি তচ্ছৄণু॥ 12-244-3 (75304)
পৌরুষং কারণং কেচিদাহুঃ কর্মসু মানবাঃ।
দৈবমেকে প্রশংসন্তি স্বভাবমপরে জনাঃ॥ 12-244-4 (75305)
পৌরুষং কর্ম দৈবং চ ফলবৃত্তিস্বভাবতঃ।
ত্রয়মেতৎপৃথগ্ভূতমবিবেকং তু কেচন॥ 12-244-5 (75306)
এতদেবং চ নৈবং ন চ চোভে নানুভে তথা।
কর্মস্থা বিষয়ং ব্রূয়ুঃ সৎবস্থাঃ সমদর্শিনঃ॥ 12-244-6 (75307)
ত্রেতায়াং দ্বাপরে চৈব কলিজাশ্চ সসংশয়াঃ।
তপস্বিনঃ প্রশান্তাশ্চ সৎবস্থাশ্চ কৃতে যুগে॥ 12-244-7 (75308)
অপৃথগ্দর্শনাঃ সর্বে ঋক্সামসু যজুঃষু চ।
কামদ্বষৌ পৃথগ্দৃষ্ট্বা তপঃ কৃত উপাসতে॥ 12-244-8 (75309)
তপোধর্মেণ সংয়ুক্তস্তপোনিত্যঃ সুসংশিতঃ।
তেন সর্বানবাপ্নোতি কামান্যান্মনসেচ্ছতি॥ 12-244-9 (75310)
তপসা তদবাপ্নোতি যদ্ভূতং সৃজতে জগৎ।
তদ্ভূতশ্চ ততঃ সর্বভূতানাং ভবতি প্রভুঃ॥ 12-244-10 (75311)
তদুক্তং বেদবাদেষু গহনং বেদদর্শিভিঃ।
বেদান্তেষু পুনর্ব্যক্তং ক্রময়োগেন লক্ষ্যতে॥ 12-244-11 (75312)
আরম্ভয়জ্ঞাঃ ক্ষব্রাশ্চ হবির্যজ্ঞা বিশঃ স্মৃতাঃ।
পরিচারয়জ্ঞাঃ শূদ্রাশ্চ জপয়জ্ঞা দ্বিজাতয়ঃ॥ 12-244-12 (75313)
পরিনিষ্ঠিতকার্যো হি স্বাধ্যায়েন দ্বিজো ভবেৎ।
কুর্যাদন্যন্ন বা কুর্যান্মৈত্রো ব্রাহ্মণ উচ্যতে॥ 12-244-13 (75314)
ত্রেতাদৌ সকলা বেদা যজ্ঞা বর্ণাশ্রমাস্তথা।
সংরোধাদায়ুষস্ৎবেতে ব্যস্যন্তে দ্বাপরে যুগে॥ 12-244-14 (75315)
দ্বাপরে বিপ্লবং যান্তি বেদাঃ কলিয়ুগে তথা।
দৃশ্যন্তে নাপি দৃশ্যন্তে কলেরন্তে পুনঃ কিল॥ 12-244-15 (75316)
উৎসীদন্তি স্বধর্মাশ্চ তত্রাধর্মেণ পীডিতাঃ।
গবাং ভূমেশ্চ যে চাপামোষধীনাং চ যে রসাঃ॥ 12-244-16 (75317)
অধর্মান্তর্হিতা বেদা বেদধর্মাস্তথাঽঽশ্রমাঃ।
বিক্রিয়ন্তে স্বধর্মাশ্চ স্থাবরাণি চরাণি চ॥ 12-244-17 (75318)
যথা সর্বাণি ভূতানি বৃষ্টথা তৃপ্যন্তি প্রাবৃষি।
সৃজন্তে সর্বতোঽঙ্গানি তথা বেদা যুগেয়ুগে॥ 12-244-18 (75319)
বিহিতং কালনানাৎবমনাদিনিধনং চ যৎ।
কীর্তিতং যৎপুরস্তাত্তে যতঃ সংয়ান্তি চ প্রজাঃ॥ 12-244-19 (75320)
যচ্চেদং প্রভবঃ স্থানং ভূতানাং সংয়মো যমঃ।
স্বভাবেনৈব বর্তন্তে দ্বন্দ্বসৃষ্টানি ভূরিশঃ॥ 12-244-20 (75321)
সর্গঃ কালো ধৃতির্বেদাঃ কর্তা কার্যং ক্রিয়াফলম্।
এতত্তে কথিতং তাত যন্মাং ৎবং পরিপৃচ্ছসি॥ ॥ 12-244-21 (75322)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুশ্চৎবারিংশদধিকদ্বিশততমোঽধ্যায়ঃ॥ 244॥
Mahabharata - Shanti Parva - Chapter Footnotes
12-244-5 ইতি ক্রমেণ মীমাংসকস্য দৈবজ্ঞস্য শূন্যবাদিলোকায়তয়োশ্চ মতান্যুপন্যস্যৈতেষাংষ। বিকল্পসমুচ্চয়াবাহ পৌরুষমিতি। পৌরুষং দৈবং ন কর্ম দৃষ্টাদৃষ্টয়ত্নঃ। স্বভাবমনুসৃত্য কর্মকালৌ ফলদাবিত্যর্থঃ। অবিবেকং সমুচ্চয়ম্। পৃথগ্ভূতমেকমেব প্রধানং নৎবিতরাবিত্যর্থঃ॥ 12-244-6 আর্হতমত আহ এতদিতি। এবমেতন্ন চাপ্যেবমুভে এবং নচাপ্যুভে ইতি ধ. পাঠঃ॥ 12-244-10 সত্যং তপশ্চ ভূতানাং সর্বেষাং ভবতি প্রভুরিতি থ. পাঠঃ। স, তদ্রূপশ্চ সর্বেষাং ভূতানাং ভবতি প্রভুরিতি ধ. পাঠঃ॥ 12-244-21 ধর্মঃ কাল ইতি ধ. পাঠঃ॥শান্তিপর্ব - অধ্যায় 245
॥ শ্রীঃ ॥
12.245. অধ্যায়ঃ 245
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বর্ণাশ্রমোচিতধর্মানুষ্ঠানপূর্বকব্রহ্মজ্ঞানস্য তৎপ্রাপ্তিসাধনৎবাদিপ্রতিপাদকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-245-0 (75323)
ভীষ্ম উবাচ। 12-245-0x (6238)
ইত্যুক্তোঽভিপ্রশস্যৈতৎপরমর্ষেস্তু শাসনম্।
মোক্ষধর্মার্থসংয়ুক্তমিদং প্রষ্টুং প্রচক্রমে॥ 12-245-1 (75324)
শুক উবাচ। 12-245-2x (6239)
প্রজাবাঞ্শ্রোত্রিয়ো যজ্বা কৃতপ্রজ্ঞোঽনসূয়কঃ।
অনাগতমনৈতিহ্যং কথং ব্রহ্মাধিগচ্ছতি॥ 12-245-2 (75325)
তপসা ব্রহ্মচর্যেণ সর্বত্যাগেন মেধয়া।
সাঙ্খ্যে বা যদি বা যোগ এতৎপৃষ্টো বদস্ব মে॥ 12-245-3 (75326)
মনসশ্চেন্দ্রিয়াণাং চ যথৈকাগ্র্যমবাপ্যতে।
যেনোপায়েন পুরুষৈস্তত্ৎবং ব্যাখ্যাতুমর্হসি॥ 12-245-4 (75327)
ব্যাস উবাচ। 12-245-5x (6240)
নান্যত্র বিদ্যাতপসোর্নান্যত্রেন্দ্রিয়নিগ্রহাৎ।
নান্যত্র লোভসংত্যাগাৎসিদ্ধিং বিন্দতি কশ্চন॥ 12-245-5 (75328)
মহাভূতানি সর্বাণি পূর্বসৃষ্টিঃ স্বয়ংভুবঃ।
ভূয়িষ্ঠং প্রাণভৃৎকায়ে নিবিষ্টানি শরীরিষু॥ 12-245-6 (75329)
ভূমের্দেহো জলাস্ত্রোতো জ্যোতিষশ্চক্ষুষী স্মৃতে।
প্রাণাপানাশ্রয়ো বায়ুঃ স্বেষ্বাকাশং শরীরিণাম্॥ 12-245-7 (75330)
ক্রান্তে বিষ্ণুর্বলে শক্রঃ কোষ্ঠেঽগ্নির্ভোক্তুমিচ্ছতি।
কর্ণয়োঃ প্রদিশঃ শ্রোত্রে জিহ্বায়াং বাক্ সরস্বতী॥ 12-245-8 (75331)
কর্ণৌ ৎবক্চক্ষুষী জিহ্বা নাসিকা চৈব পঞ্চমী।
দশ তানীন্দ্রিয়োক্তানি দ্বারাণ্যাহারসিদ্ধয়ে॥ 12-245-9 (75332)
শব্দঃ স্পর্শস্তথা রূপং রসো গন্ধশ্চ পঞ্চমঃ।
ইন্দ্রিয়াণি পৃথক্স্বার্থান্মনসা দর্শয়ন্ত্যুত॥ 12-245-10 (75333)
ইন্দ্রিয়াণি মনো যুঙ্ক্তে বশ্যান্যন্তেব বাজিনঃ।
মনশ্চাপি সদা ভুক্তে ভূতাত্মা হৃদয়াশ্রিতঃ॥ 12-245-11 (75334)
ইন্দ্রিয়াণাং তথৈবৈষাং সর্বেষামীশ্বরং মনঃ।
নিয়মে চ বিসর্গে চ ভূতাত্মা মানসস্তথা॥ 12-245-12 (75335)
ইন্দ্রিয়াণীন্দ্রিয়ার্থাশ্চ স্বভাবশ্চেতনা মনঃ।
প্রাণাপানৌ চ জীবশ্চ নিত্যং দেহেষু দেহিনাম্॥ 12-245-13 (75336)
আশ্রয়ো নাস্তি সৎবস্য গুণঃ সত্ৎবস্য চেতনা।
সৎবং হি তেজঃ সৃজতি ন গুণান্বৈ কথংচন॥ 12-245-14 (75337)
এবং সপ্তদশং দেহে বৃতং ষোডশভির্গুণৈঃ।
মনীষীমনসা বিপ্রঃ পশ্যত্যাত্মানমাত্মনি॥ 12-245-15 (75338)
ন হ্যযং চক্ষুষা দৃশ্যো ন চ সর্বৈরপীন্দ্রিয়ৈঃ।
মনসা দীপভূতেন মহানাত্মা প্রকাশতে॥ 12-245-16 (75339)
অশব্দস্পর্শরূপং তদরসাগন্ধমব্যযম্।
অশরীরং শরীরেষু নিরীক্ষতে নিরিন্দ্রিয়ম্॥ 12-245-17 (75340)
অব্যক্তং সর্বদেহেষু মর্ত্যেষ্বমৃতমাহিতম্।
যোঽনুপশ্যতি স প্রেত্য কল্পতে ব্রহ্মভূয়সে॥ 12-245-18 (75341)
বিদ্যাভিজনসংপন্নে ব্রাহ্মণে গবি হস্তিনি।
শুনি চৈব শ্বপাকে চ পণ্ডিতাঃ সমদর্শিনঃ॥ 12-245-19 (75342)
স হি সর্বেষু ভূতেষু জঙ্গমেষু ধ্রুবেষু চ।
বসত্যেকো মহানাত্মা যেন সর্বমিদং ততম্॥ 12-245-20 (75343)
সর্বভূতেষু চাত্মানং সর্বভূতানি চাত্মনি।
যদা পশ্যতি ভূতাত্মা ব্রহ্ম সংপদ্যতে তদা॥ 12-245-21 (75344)
যাবানাত্মনি মে হ্যাত্মা তাবানাত্মা পরাত্মনি।
য এবং সততং বেদ সোঽমৃতৎবায় কল্পতে॥ 12-245-22 (75345)
সর্বভূতাত্মভূতস্য সর্বভূতহিতস্য চ।
দেবাঽপি মার্গে মুহ্যন্তি অপদস্য পদৈষিণঃ॥ 12-245-23 (75346)
শকুন্তানামিবাকাশে মৎস্যানামিব চোদকে।
যথা গতির্ন দৃশ্যেত তথা জ্ঞানবিদাং গতিঃ॥ 12-245-24 (75347)
কালঃ পচতি ভূতানি সর্বাণ্যেবাত্মনাঽঽত্মনি।
যস্মিংস্তু পচ্যতে কালস্তং বেদেহ ন কশ্চন॥ 12-245-25 (75348)
ন স ঊর্ধ্বং ন তির্যক্চ নাধশ্চরতি যঃ পুনঃ।
ন মধ্যে প্রতিগৃহ্ণীতে নৈব কিংচিৎকুতশ্চন॥ 12-245-26 (75349)
সর্বেঽন্তস্থা ইমে লোকা বাহ্যমেষাং ন কিংচন।
যঃ সহস্র সমা গচ্ছেদ্যথা বাণো গুণচ্যুতঃ॥ 12-245-27 (75350)
নৈবান্তং কারণস্যেয়াদ্যদ্যপি স্যান্মনোজবঃ।
তস্মাৎসূক্ষ্মাৎসূক্ষ্মতরং নাস্তি স্থূলতরং ততঃ॥ 12-245-28 (75351)
সর্বতঃ পাণিপাদং তৎসর্বতোক্ষিশিরোমুখম্।
সর্বতঃ শ্রুতিমল্লোকে সর্বমাবৃরত্য তিষ্ঠতি॥ 12-245-29 (75352)
তদেবাণোরণুতরং তন্মহদ্ভ্যো মহত্তরম্।
তদন্তঃ সর্বভূতানাং ধ্রুবং তিষ্ঠন্ন দৃশ্যতে॥ 12-245-30 (75353)
অক্ষরং চ ক্ষরং চৈব দ্বৈধীভাবোঽয়মাত্মনঃ।
ক্ষরঃ সর্বেষু ভূতেষু দিবি হ্যমৃতমক্ষরম্॥ 12-245-31 (75354)
নবদ্বারং পুরং গৎবা হংসো হি নিয়তো বশী।
ঈশঃ সর্বস্য ভূতস্য স্থাবরস্য চরস্য চ॥ 12-245-32 (75355)
হানিভঙ্গবিকল্পানাং নবানাং সংচয়েন চ।
শরীরাণামজস্যাহুর্হংসৎবং পারদর্শিনঃ॥ 12-245-33 (75356)
হংসোক্তং চাক্ষরং চৈব কূটস্থং যত্তদক্ষরম্।
তদ্বিদ্বানক্ষরং প্রাপ্য জহাতি প্রাণজন্মনী॥ ॥ 12-245-34 (75357)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চচৎবারিংশদধিকদ্বিশততমোঽধ্যায়ঃ॥ 245॥
Mahabharata - Shanti Parva - Chapter Footnotes
12-245-2 অনাগতং প্রত্যক্ষানুমানাভ্যামজ্ঞাতম্। অনৈতিহ্যং ইদমিত্থমিতি বেদেনাপি ন নির্দেশ্যম্॥ 12-245-5 বিদ্যাদিপদৈঃ ক্রমেণাশ্রমচতুষ্ট্যধর্মা উক্তাঃ॥ 12-245-7 খেষু নাসাদিরন্ধ্রেষু॥ 12-245-8 ক্রান্তে পাদে বলে পাণৌ চ বিষ্ণুশক্রৌ তৎপ্রয়োক্তারৌ তিষ্ঠতঃ। কর্ণৌ স্থানং শ্রোত্রমিন্দ্রিয়ং দিশো দেবতাঃ। জিহ্বা স্থানং বাগিন্দ্রিয়ং সরস্বতী দেবতা। এতচ্চান্যষামপি স্থানাদীনামুপলক্ষণম্॥ 12-245-9 আহারঃ শব্দাদিগ্রহঃ॥শান্তিপর্ব - অধ্যায় 246
॥ শ্রীঃ ॥
12.246. অধ্যায়ঃ 246
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি যোগস্বরূপাদিনিরূপকশুকসংবোধ্যকব্যাসবচনানুবাদঃ॥ 1॥Mahabharata - Shanti Parva - Chapter Text
12-246-0 (75358)
ব্যাস উবাচ। 12-246-0x (6241)
পৃচ্ছতস্তব সৎপুত্র যথাবদিহ তত্ৎবতঃ।
সাঙ্খ্যন্যায়েন সংয়ুক্তং যদেতৎকীর্তিতং ময়া॥ 12-246-1 (75359)
যোগকৃত্যং তু তে কৃৎস্নং বর্তয়িষ্যামি তচ্ছৃণু।
একৎবং বুদ্ধিমনসোরিন্দ্রিয়াণাং চ সর্বশঃ॥ 12-246-2 (75360)
আত্মনোঽব্যথিনস্তাৎ জ্ঞানমেতদনুত্তমম্।
তদেতদুপশান্তেন দান্তেনাধ্যাত্মশীলিনা॥ 12-246-3 (75361)
আত্মারামেণ বুদ্ধেন বোদ্ধব্যং শুচিকর্মণা।
যোগদোষান্সমুচ্ছিন্দ্যাৎপঞ্চ যান্কবয়ো বিদুঃ॥ 12-246-4 (75362)
কামং ক্রোধং ত্ত লোভং চ ভয়ং স্বপ্নং চ পঞ্চমম্।
ক্রোধং শমেন জয়তি কামং সংকল্পবর্জনাৎ॥ 12-246-5 (75363)
সত্ৎবসংসেবনাদ্ধীরো নিদ্রামুচ্ছেত্তুমর্হতি।
ধৃত্যা শিশ্নোদরং রক্ষেৎপাণিপাদং চ চক্ষুষা॥ 12-246-6 (75364)
চক্ষুঃশ্রোত্রে চ মনসা মনো বাচং চ কর্মণা।
অপ্রমাদাদ্ভয়ং জহ্যাল্লোভং প্রাজ্ঞোপসেবনাৎ॥ 12-246-7 (75365)
এবমেতান্যোগদোষাঞ্চয়েন্নিত্যমতন্দ্রিতঃ।
অগ্নীংশ্চ ব্রাহ্মণাংশ্চার্চেদ্দেবতাঃ প্রণমেত চ॥ 12-246-8 (75366)
বর্জয়েদুশতীং বাচং হিংসায়ুক্তাং মনোনুদাম্।
ব্রহ্ম তেজোময়ং শুক্রং যস্য সর্বমিদং ততম্॥ 12-246-9 (75367)
এতস্য সূত্রভূতস্য দ্বয়ং স্থাবরজঙ্গমম্।
ধ্যানমধ্যযনং দানং সত্যং হ্রীরার্জবং ক্ষমা॥ 12-246-10 (75368)
শোচমাহারসংশুদ্ধিরিন্দ্রিয়াণাং চ নিগ্রহঃ।
এতৈর্বিবর্ধতে তেজঃ পাপ্মানং চাপকর্ষতি॥ 12-246-11 (75369)
সিদ্ধ্যন্তি চাস্য সর্বার্থা বিজ্ঞানং চ প্রবর্ধতে।
সমঃ সর্বেষু ভূতেষু লব্ধালব্ধেন বর্তয়েৎ॥ 12-246-12 (75370)
ধূতপাপ্মা তু তেজস্বী লঘ্বাহারো জিতেন্দ্রিয়ঃ।
কামক্রোধৌ বশে কৃৎবা নিনীষেদ্ব্রহ্মণঃ পদম্॥ 12-246-13 (75371)
মনসশ্চেন্দ্রিয়াণাং চ কৃৎবৈকাগ্র্যং সমাহিতঃ।
পূর্বরাত্রেঽপরাত্রে চ ধারয়েন্মন আত্মনি॥ 12-246-14 (75372)
জন্তোঃ পঞ্চেন্দ্রিয়স্যাস্য যদেকং ছিদ্রমিন্দ্রিয়ম্।
ততোঽস্য স্রবতে প্রজ্ঞা দৃতেঃ পাদাদিবোদকম্॥ 12-246-15 (75373)
মনস্তু পূর্বমাদদ্যাৎকুমীনমিব মৎস্যহা।
ততঃ শ্রোত্রং ততশ্চক্ষুর্জিহ্বা ঘ্রাণং চ যোগবিৎ॥ 12-246-16 (75374)
তত এতানি সংয়ম্য মনসি স্থাপয়েদ্যতিঃ।
তথৈবাপো হ্যসংকল্পান্মনো হ্যাত্মনি ধারয়েৎ॥ 12-246-17 (75375)
পঞ্চেন্দ্রিয়াণি সংধায় মনসি স্থাপয়েদ্যতিঃ।
যদৈতান্যবতিষ্ঠন্তি মনঃষষ্ঠানি চাত্মনি॥ 12-246-18 (75376)
প্রসীদন্তি চ সংস্থায় তদা ব্রহ্ম প্রকাশতে।
বিধূম ইব সপ্তার্চিরাদিত্য ইব দীপ্তিমান্॥ 12-246-19 (75377)
বৈদ্যুতোঽগ্নিরিবাকাশে দৃশ্যতেঽঽত্মা তথাঽঽত্মনি।
সর্বস্তত্র স সর্বত্র ব্যাপকৎবাচ্চ দৃশ্যতে॥ 12-246-20 (75378)
তং পশ্যন্তি মহাত্মানো ব্রাহ্মণা যে মনীষিণঃ।
ধৃতিমন্তো মহাপ্রাজ্ঞাঃ সর্বভূতহিতে রতাঃ॥ 12-246-21 (75379)
এবং পরিমিতং কালমাচরন্সংশিতব্রতঃ।
আসীনো হি রহস্যেকো গচ্ছেদক্ষরসাম্যতাম্॥ 12-246-22 (75380)
বিমোহো ভ্রম আবর্তো ঘ্রাণং শ্রবণদর্শনে।
অদ্ভুতানি রসস্পর্শে শীতোষ্ণে মারুতাকৃতিঃ॥ 12-246-23 (75381)
প্রতিভামুপসর্গাংশ্চাপ্যুপসংগৃহ্য যোগতঃ।
তাংস্তত্ৎববিদনাদৃত্য আত্মন্যেব নিবর্তয়েৎ॥ 12-246-24 (75382)
কুর্যাৎপরিচয়ং যোগে ত্রৈকাল্যে নিয়তো মুনিঃ।
গিরিশৃঙ্গে তথা চৈত্যে বৃক্ষাগ্রেষু চ যোজয়েৎ॥ 12-246-25 (75383)
সংনিয়ম্যেন্দ্রিয়গ্রামং কোষ্ঠে ভাণ্ডমনা ইব।
একাগ্রং চিন্তয়েন্নিত্যং যোগান্নোদ্বেজয়েন্মনঃ॥ 12-246-26 (75384)
যেনোপায়েন শক্যেত সংনিয়ন্তুং চলং মনঃ।
তত্তদ্যুক্তো নিষেবেত ন চৈব বিচলেত্ততঃ॥ 12-246-27 (75385)
শূন্যা গিরি---শ্বৈব দেবতায়তনানি চ।
শূন্যাগারা---কাগ্রো নিবাসার্থমুপক্রমেৎ॥ 12-246-28 (75386)
নাভিষ্ব---বাচা কর্মণা মনসাঽপি বা।
উপে-----রো লব্ধালব্ধে সমো ভবেৎ॥ 12-246-29 (75387)
যশ্চৈন-----ন্দেত যশ্চৈনমভিবাদয়েৎ।
সমস্ত-----ভয়োর্নাভিধ্যায়েচ্ছুভাশুভম্॥ 12-246-30 (75388)
ন প্রহৃ---ভেষু নালাভেষু চ চিন্তয়েৎ।
সমঃ স-------ষু সধর্মা মাতরিশ্বনঃ॥ 12-246-31 (75389)
এবং সর্বাত্মনঃ সাধোঃ সর্বত্র সমদর্শিনঃ।
ষণ্মাসান্নিত্যযুক্তস্য শব্দব্রহ্মাতিবর্ততে॥ 12-246-32 (75390)
বেদনার্তাঃ প্রজা দৃষ্ট্বা সমলোষ্টাশ্মকাঞ্চনঃ।
এতস্মিন্নিরতো মার্গে বিরমেন্ন চ মোহিতঃ॥ 12-246-33 (75391)
অপি বর্ণাবকৃষ্টস্তু নারী বা ধর্মকাঙ্ক্ষিণী।
তাবপ্যেতেন মার্গেণ গচ্ছেতাং পরমাং গতিম্॥ 12-246-34 (75392)
অজং পুরাণমজরং সনাতনং
যদিন্দ্রিয়ৈরুপলভেত নিশ্চলৈঃ।
অণোরণীয়ো মহতো মহত্তরং
তদাত্মনা পশ্যতি যুক্তমাত্মবান্॥ 12-246-35 (75393)
ইদং মহর্ষের্বচনং মহাত্মনো
যথাবদুক্তং মনসাঽনুদৃশ্য চ।
অবেক্ষ্য চেমাং পরমেষ্ঠিসাম্যতাং
প্রয়ান্তি যাং ভূতগতিং মনীষিণঃ॥ ॥ 12-246-36 (75394)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষট্চৎবারিংশদধিকদ্বিশততমোঽধ্যায়ঃ॥ 246॥
Mahabharata - Shanti Parva - Chapter Footnotes
12-246-3 আত্মনো ব্যযিন ইতি ধ. পাঠঃ॥ 12-246-9 সর্বমিদং রস ইতি ঝ. পাঠঃ॥ 12-246-10 একস্য সর্বং ভূতস্যেতি ড. পাঠঃ॥ 12-246-12 বিজ্ঞানং চ প্রকাশত ইতি ড. থ. পাঠঃ॥ 12-246-15 দৃতেশ্বর্মকোশস্য॥ 12-246-16 কুমীনং জালদংশক্ষমং মীনম্। কুলীরমিব মৎস্যহেতি ড. থ. পাঠঃ॥ 12-246-18 তং চ জ্ঞানেনেতি ড. থ. পাঠঃ। পঞ্চজ্ঞানেন সংধায় মনঃ সংস্থাপয়েদ্যতিরিতি ধ. পাঠঃ॥ 12-246-23 প্রমাদো ভ্রম ইতি ড.থ. পাঠঃ॥ 12-246-24 মনসৈব নিবর্তয়েদিতি ড. থ. পাঠঃ॥ 12-246-26 কোষ্ঠং ভাণ়্ডং যথৈয় চেতি ধ. পাঠঃ॥ 12-246-30 যশ্চৈনমভিনন্দেত যশ্চৈনমপবাদয়েৎ ইতি ঝ. পাঠঃ॥ 12-246-32 সর্বাত্মনা সাধোরিতি ড. পাঠঃ। স্বস্থাত্মন ইতি ঝ. পাঠঃ॥শান্তিপর্ব - অধ্যায় 247
॥ শ্রীঃ ॥
12.247. অধ্যায়ঃ 247
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বিদ্যাকর্মস্বরূপাদিনিরূপকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-247-0 (75395)
শুক উবাচ। 12-247-0x (6242)
যদিদং বেদবচনং কুরু কর্ম ত্যজেতি চ।
কাং দিশং বিদ্যযা যান্তি কাং চ গচ্ছন্তি কর্মণা॥ 12-247-1 (75396)
এতদ্বৈ শ্রোতুমিচ্ছামি তদ্ভবান্প্রব্রবীতু মে।
এতচ্চান্যোন্যবৈরূপ্যে বর্তেতে প্রতিকূলতঃ॥ 12-247-2 (75397)
ভীষ্ম উবাচ। 12-247-3x (6243)
ইত্যুক্তঃ প্রত্যুবাচেদং পরাশরসুতঃ সুতম্।
কর্মবিদ্যাময়াবেতৌ ব্যাখ্যাস্যামি ক্ষরাক্ষরৌ॥ 12-247-3 (75398)
যাং দিশং বিদ্যযা যান্তি যাং চ গচ্ছন্তি কর্মণা।
শৃণুষ্বৈকমনা বৎস গহ্বরং হ্যেতদন্তরম্॥ 12-247-4 (75399)
অস্তি ধর্ম ইতি হ্যুক্ৎবা নাস্তীত্যত্রৈব যো বদেৎ।
তস্য পক্ষস্য সদৃশমিদং মম ভবেদথ॥ 12-247-5 (75400)
দ্বাবিমাবথ পন্থানৌ যত্র বেদাঃ প্রতিষ্ঠিতাঃ।
প্রবৃত্তিলক্ষণো ধর্মো নিবৃত্তৌ চ ব্যবস্থিতঃ॥ 12-247-6 (75401)
কর্মণা বধ্যতে জন্তুর্বিদ্যযা তু প্রমুচ্যতে।
তস্মাৎকর্ম ন কুর্বন্তি যতয়ঃ পারদর্শিনঃ॥ 12-247-7 (75402)
কর্মণা জায়তে প্রেত্য মূর্তিমান্ষোডশাত্মকঃ।
বিদ্যযা জায়তে নিত্যমব্যযো হ্যক্ষরাত্মকঃ॥ 12-247-8 (75403)
কর্ম ৎবেকে প্রশংসন্তি স্বল্পবুদ্ধিতয়া নরাঃ।
তেন তে দেহজালানি রময়ন্ত উপাসতে॥ 12-247-9 (75404)
যে স্ম বুদ্ধিং পরাং প্রাপ্তা ধমৈর্নপুণ্যদর্শিনঃ।
ন তে কর্ম প্রশংসন্তি কূপং নদ্যাং পিবন্নিব॥ 12-247-10 (75405)
কর্মণঃ ফলমাপ্নোতি সুখদুঃখে ভবাভবৌ।
বিদ্যযা তদবাপ্নোতি যত্র গৎবা ন শোচতি॥ 12-247-11 (75406)
যত্র গৎবা ন ম্রিয়তে যত্র গৎবা ন জায়তে।
ন জীর্যতে যত্র গৎবা যত্র গৎবা ন বর্ধতে॥ 12-247-12 (75407)
যত্র তদ্ব্রহ্ম পরমমব্যক্তমচলং ধ্রবম্।
অব্যাহতমনায়াসমমৃতং চাবিয়োগি চ॥ 12-247-13 (75408)
দ্বন্দ্বৈর্ন যত্র বাধ্যন্তে মানসেন চ কর্মণা।
সমাঃ সর্বত্র মৈত্রাশ্চ সর্বভূতহিতে রতাঃ॥ 12-247-14 (75409)
বিদ্যাময়োঽন্যঃ পুরুষস্তাত কর্মময়োঽপরঃ।
বিদ্ধি চন্দ্রমসং দর্শে সূক্ষ্ময়া কলয়া স্থিতম্।
`বিদ্যাময়ং তং পুরুষং নিত্যং জ্ঞানগুণাত্মকম্॥' 12-247-15 (75410)
তদেতদৃষিণা প্রোক্তং বিস্তরেণানুমীয়তে।
নবং তু শশিনং দৃষ্ট্বা বক্রতন্তুমিবাম্বরে॥ 12-247-16 (75411)
একাদশবিকারাত্মা কলাসংভারসংভৃতঃ।
মৃর্তিমানিতি তং বিদ্ধি তাত কর্ম গুণাত্মকম্॥ 12-247-17 (75412)
`তস্মিন্যঃ সংস্থিতো হ্যগ্নির্নিত্যংস্থাল্যামিবাহিতঃ।
আত্মানং তং বিজানীহি নিত্যং ত্যাগজিতাত্মকং॥ 12-247-18 (75413)
দেবো যঃ সংশ্রিতস্তস্মিন্নব্বিন্দুরিব পুষ্করে।
ক্ষেত্রজ্ঞং তং বিজানীয়ান্নিত্যং যোগজিতাত্মকম্॥ 12-247-19 (75414)
তমোরজশ্চ সত্ৎবং চ বিদ্ধি জীবগুণাত্মকম্।
জীবমাত্মগুণং বিদ্যাদাত্মানং প-----নঃ॥ 12-247-20 (75415)
অচেতনং জীবগুণং বদন্তি
স চেষ্টতে চেষ্টয়তে চ সর্বম্
ততঃ পরং ক্ষেত্রবিদো বদন্তি
প্রাকল্পয়দ্যো ভুবনানি সপ্ত॥ ॥ 12-247-21 (75416)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তচৎবারিংশদধিকদ্বিশততমোঽধ্যায়ঃ॥
Mahabharata - Shanti Parva - Chapter Footnotes
12-247-3 ক্ষরাক্ষরৌ নশ্বরানশ্বরৌ মার্গাবিতি শেষঃ। পরাশরসুতঃ শুক মিতি ধ. পাঠঃ॥ 12-247-13 যদ্যাতি পরমং ব্রহ্ম পুরাণমচলমিতি ট.ড. পাঠঃ॥ 12-247-21 স চেষ্টতে জীবয়তে চেতি ঝ. পাঠঃ॥শান্তিপর্ব - অধ্যায় 248
॥ শ্রীঃ ॥
12.248. অধ্যায়ঃ 248
Mahabharata - Shanti Parva - Chapter Topics
শুকপ্রতি ব্যাসেন ব্রহ্মচর্যাশ্রমধর্মনিরূপণম্॥ 1॥Mahabharata - Shanti Parva - Chapter Text
12-248-0 (75417)
শুক উবাচ। 12-248-0x (6244)
ক্ষরাৎপ্রভৃতি যঃ সর্গঃ সগুণানীন্দ্রিয়াণি চ।
বুদ্ধ্যৈশ্বর্যাতিসর্গোঽয়ং প্রধানশ্চাত্মনঃ শ্রুতম্॥ 12-248-1 (75418)
ভূয় এব তু লোকেঽস্মিন্সদ্বৃতিং কালহেতুকীম্।
যয়া সন্তঃ প্রবর্তন্তে তদিচ্ছাম্যনুবর্তিতুম্॥ 12-248-2 (75419)
বেদে বচনমুক্তং তু কুরু কর্ম ত্যজেতি চ।
কথমেতদ্বিজানীয়াং তচ্চ ব্যাখ্যাতুমর্হসি॥ 12-248-3 (75420)
লোকবৃত্তান্ততৎবজ্ঞঃ পূতোঽহং গুরুশাসনাৎ।
কৃৎবা বুদ্ধিং বিমুক্তাত্মা দ্রক্ষ্যাম্যাত্মানমব্যযং॥ 12-248-4 (75421)
ব্যাস উবাচ। 12-248-5x (6245)
এষা বৈ বিহিতা বৃত্তিঃ পুরস্তাদ্ব্রহ্মণা স্বয়ম্।
এষা পূর্বতরৈঃ সদ্ভিরাচীর্ণা পরমর্ষিভিঃ॥ 12-248-5 (75422)
ব্রহ্মচর্যেণ বৈ লোকাঞ্জয়ন্তি পরমর্ষয়ঃ।
আত্মনশ্চ হৃদি শ্রেয়ো হ্যন্বিচ্ছন্মনসাঽঽত্মনি॥ 12-248-6 (75423)
বনে মূলফলাশী চ তপ্যন্সুবিপুলং তপঃ।
পুণ্যায়তনচারী চ ভূতানামবিহিংসক॥ 12-248-7 (75424)
বিধূমে সন্নমুসলে বানপ্রস্থপ্রতিশ্রয়ে।
কালে প্রাপ্তে চরন্ভৈক্ষং কল্পতে ব্রহ্মভূয়সে॥ 12-248-8 (75425)
নিস্তুতির্নির্নমস্কারঃ পরিত্যজ্য শুভাশুভে।
অরণ্যে বিচরৈকাকী যেনকেনচিদাশিতঃ॥ 12-248-9 (75426)
শুক উবাচ। 12-248-10x (6246)
যদিদং বেদবচনং লোকবাদে বিরুধ্যতে।
প্রমাণে চাপ্রমাণে চ বিরুদ্ধে শাস্ত্রতঃ কুতঃ॥ 12-248-10 (75427)
ইত্যেতচ্ছ্রোতুমিচ্ছামি প্রমাণং তূভয়ং কথম্।
কর্মণামবিরোধেন কথমেতৎপ্রবর্ততে॥ 12-248-11 (75428)
ভীষ্ম উবাচ। 12-248-12x (6247)
ইত্যুক্তঃ প্রত্যুবাচেদং গন্ধবত্যাঃ সুতঃ সুতম্।
ঋষিস্তৎপূজয়ন্বাক্যং পুত্রস্যামিততেজসঃ॥ 12-248-12 (75429)
ব্যাস উবাচ। 12-248-13x (6248)
ব্রহ্মচারী গৃহস্থশ্চ বানপ্রস্থোঽথ ভিক্ষুকঃ।
যথোক্তকারিণঃ সর্বে গচ্ছন্তি পরমাং গতিম্॥ 12-248-13 (75430)
একো বাঽপ্যাশ্রমানেতান্যোঽনুতিষ্ঠেদ্যথাবিধি।
অকামদ্বেষসংয়ুক্তঃ স পরত্র মহীয়তে॥ 12-248-14 (75431)
চতুষ্পদী হি নিঃশ্রেয়ণী ব্রহ্মণ্যেষা প্রতিষ্ঠিতা।
এতামাশ্রিত্য নিঃশ্রেণীং ব্রহ্মলোকে মহীয়তে॥ 12-248-15 (75432)
আয়ুষস্তু চতুর্ভাগং ব্রহ্মচার্যনসূয়কঃ।
গুরৌ বা গুরুপুত্রে বা বসেদ্ধর্মার্থকোবিদঃ॥ 12-248-16 (75433)
জঘন্যশায়ী পূর্বং স্যাদুত্থায় গুরুবেশ্মনি।
যচ্চ শিষ্যেণ কর্তব্যং কার্যং দাসেন বা পুনঃ॥ 12-248-17 (75434)
কৃতমিত্যেব তৎসর্বং কৃৎবা তিষ্ঠেত পার্শ্বতঃ।
কিংকরঃ সর্বকারী স্যাৎসর্বকর্মসু কোবিদঃ॥ 12-248-18 (75435)
কর্মাতিশেষেণ গুরাবধ্যেতব্যং বুভূষতা।
দক্ষিণেনোপসাদী স্যাদাকূতো নুল্মাশ্রয়েৎ॥ 12-248-19 (75436)
শুচির্দক্ষো গুণোপেতো ব্রূয়াদিষ্টমিবান্তরা।
চক্ষুষ গুরুমব্যগ্রো নিরীক্ষেত জিতেন্দ্রিয়ঃ॥ 12-248-20 (75437)
নাভুক্তবতি চাশ্নীয়াদপীতবতি নো পিবেৎ।
নাতিষ্ঠতি তথাসীত নাসুপ্তে প্রস্বপেত চ॥ 12-248-21 (75438)
উত্তানাভ্যাং চ পাণিভ্যাং পাদাবস্য মৃদু স্পৃশেৎ।
দক্ষিণং দক্ষিণেনৈব সব্যং সব্যেন পীডয়েৎ॥ 12-248-22 (75439)
অভিবাদ্য গুরুং ব্রূয়াদধীষ্ব ভগবন্নিতি।
ইদং করিষ্যে ভগবন্নিদং চাপি কৃতং ময়া॥ 12-248-23 (75440)
ব্রহ্মংস্তদপি কর্তাঽস্মি যদ্ভাবন্বক্ষ্যতে পুনঃ।
ইতি সর্বমনুজ্ঞাপ্য নিবেদ্য গুরবে পুনঃ। 12-248-24 (75441)
কুর্যাৎকৃৎবা চ তৎসর্বমাখ্যেয়ং গুরবে পুনঃ।
যাংস্তু গন্ধান্রসান্বাঽপি ব্রহ্মচারী ন সেবতে॥ 12-248-25 (75442)
সেবেত তান্সমাবৃত্ত ইতি ধর্মেষু নিশ্চয়ঃ।
যে কেচিন্নিয়মেনোক্তা নিয়মা ব্রহ্মচারিণঃ॥ 12-248-26 (75443)
তান্সর্বাননুগৃহ্ণীয়াদ্ভবেচ্চানপগো গুরোঃ।
স এবং গুরবে প্রীতিমুপহৃত্য যথাবলম্॥ 12-248-27 (75444)
অগ্রাম্যেণা মেষ্বেবং শিষ্যো বর্ততে কর্মণা।
বদব্রতোপবাসেন চতুর্থে চ-------।
গুরবে দক্ষিণাং দত্ৎবা সমাবতেদ্যথাতিধি----॥ 12-248-28 (75445)
ধর্মলব্ধৈর্যুতো দারৈরগ্নীনুৎপাদ্য যনতঃ।
দ্বিতীয়মায়ুষো ভাগং গৃহমেধী ভবেদ্ব্রতী॥ ॥ 12-248-29 (75446)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টচৎবারিংশদধিকদ্বিশততমোঽধ্যায়ঃ॥ 248॥
Mahabharata - Shanti Parva - Chapter Footnotes
12-248-2 সদ্বৃত্তিং সতামাচারম্। কালহৈতুকীং যুগানুসারিণীম্। অনুবর্তিতুং পুনঃ শ্রোতুম্। হৈতুকীং ক্রিয়াম্ ইতি ট. থ. পাঠঃ॥ 12-248-3 কুরু কর্ম ত্যজেতি শ্রুত্যোরেতদেতমবিরোধং চ কথং বিজানীয়াং বিষয়বিভাগেন বিবিচ্য কথং জানীয়াম্॥ 12-248-4 লোকবৃত্তান্তো লোকরীতিঃ তস্য তত্ৎবং ধর্মাধর্মমূলকৎবং তজ্জ্ঞঃ। পূতো ধর্মানুষ্ঠানেন। বুদ্ধিং কৃৎবা সংস্কৃত্য। বিমুক্তাত্মা ত্যক্তদেহঃ॥ 12-248-5 এষা কর্মভির্বুদ্ধিং সংস্কৃত্য তয়াত্মদর্শনমিত্যেবংরূপা॥ 12-248-12 গন্ধবত্যাঃ যোজনগন্ধায়াঃ সুতো ব্যাসঃ॥ 12-248-15 চতুষ্পদী চাতুরাশ্রম্যরূপা॥ 12-248-19 কর্মাতিশেষেণ নিঃশেষং কর্ম কৃৎবেত্যর্থঃ॥ 12-248-21 অভুক্তবতি গুরাবিতি শেষঃ॥ 12-248-23 অধীষ্বাধ্যাপয়॥ 12-248-26 সমাবৃত্তঃ সমাপিতব্রহ্মচর্যকৃত্যঃ। বিস্তরেণোক্তা ইতি ঝ. পাঠঃ॥ 12-248-27 অনপগঃ সমীপস্থঃ॥ 12-248-28 আশ্রমাদাশ্রমেষ্বেবমিতি ঝ. পাঠঃ॥শান্তিপর্ব - অধ্যায় 249
॥ শ্রীঃ ॥
12.249. অধ্যায়ঃ 249
Mahabharata - Shanti Parva - Chapter Topics
Mahabharata - Shanti Parva - Chapter Text
12-249-0 (75447)
ব্যাস উবাচ। 12-249-0x (6249)
--তীয়মায়ুষো ভাগং গৃহমেধী গৃহে বসেৎ।
ধর্মলব্ধৈর্যুতো দারৈরগ্নীনাহৃত্য সুব্রতঃ॥ 12-249-1 (75448)
গৃহস্থবৃত্তয়শ্চৈব চতস্রঃ কবিভিঃ স্মৃতাঃ।
কুমূলধান্যঃ প্রথমঃ কুম্ভধান্যস্ৎবনন্তরম্॥ 12-249-2 (75449)
অশ্বস্তনোঽথ কাপোতীমাশ্রিতো বৃত্তিমাহরেৎ।
তেষাং পরঃ পরো জ্যায়ান্ধর্মতো লোকজিত্তমঃ॥ 12-249-3 (75450)
ষট্কর্মাবর্তয়ত্যেকস্ত্রিভিরন্যঃ প্রবর্ততে।
দ্বাভ্যামেকশ্চতুর্থস্তু ব্রহ্মসত্রে ব্যবস্থিতঃ॥ 12-249-4 (75451)
গৃহমেধিব্রতান্যত্র মহান্তীহ প্রচক্ষতে।
নাত্মার্থে পাচয়েদন্নং ন বৃথা ঘাতয়েৎপশূন্॥ 12-249-5 (75452)
প্রাণী বা যদি বাঽপ্রাণী সংস্কারং যজুষাঽর্হতি।
ন দিবা প্রস্বপেজ্জাতু ন পূর্বাপররাত্রয়োঃ॥ 12-249-6 (75453)
ন ভুঞ্জীতান্তরাকালে নানৃতাবাহ্বয়েৎস্ত্রিয়ম্।
নাস্যানশ্নন্গৃহে বিপ্রো বসেৎকশ্চিদপূজিতঃ॥ 12-249-7 (75454)
তথাস্যাতিথয়ঃ পূজ্যা হব্যকব্যবহাঃ সদা।
বেদবিদ্যাব্রতস্নাতাঃ শ্রোত্রিয়া বেদপারগাঃ॥ 12-249-8 (75455)
স্বকর্মজীবিনো দান্তাঃ ক্রিয়াবন্তস্তপস্বিনঃ।
তেষাং হব্যং চ কব্যং চাপ্যর্হণার্থং বিধীয়তে॥ 12-249-9 (75456)
নখরৈঃ সংপ্রয়াতস্য স্বকর্মব্যাপকস্য চ।
অপবিদ্ধাগ্নিহোত্রস্য গুরোর্বাঽলীকচারিণঃ॥ 12-249-10 (75457)
সংবিভাগোঽত্র ভূতানাং সর্বেষামেব শিষ্যতে।
তথৈবাপচমানেভ্যঃ প্রদেয়ং গৃহমেধিনা॥ 12-249-11 (75458)
বিস্সাশী ভবেন্নিত্যং নিত্যং চামৃতভোজনঃ।
অসুত --শেষং স্যাদ্ভোজনং হবিষা সমম্॥ 12-249-12 (75459)
ভৃত্যশেষ তু যোঽশ্নাতি তমাহুর্বিঘসা শিনম্।
বিঘসং ভৃত্যশেষং তু যজ্ঞশেষমথাস্মৃতয়॥ 12-249-13 (75460)
স্বদারনিরতো দান্তো হ্যনসূয়ুর্জিতেন্দ্রিয়ঃ।
ঋৎবিক্পুরোহিতাচার্যর্মালুলাতিথিনংশ্রিতৈঃ॥ 12-249-14 (75461)
বৃদ্ধবালাতুরৈর্বৈদ্যৈর্জ্ঞাতিসংবন্ধিরান্ধবৈঃ।
মাতাপিতৃভ্যাং জামীভির্ভ্রাত্রা পুত্রেণ ভাবয়া॥ 12-249-15 (75462)
দুহিত্রা দাসবর্গেণ বিবাদং ন সমাচরৎ।
এতান্বিমুচ্য সংবাদান্সর্বপাপৈর্বিমুচ্যতে॥ 12-249-16 (75463)
এতৈর্জিতস্তু জয়তি সর্বাল্লোঁকান্ন সংশয়ঃ।
আচার্যো ব্রহ্মলোকেশঃ প্রাজাপত্যে পিতা প্রভুঃ॥ 12-249-17 (75464)
অতিথিস্ৎবিন্দ্রলোকস্য দেবলোকস্য চর্ৎবিজঃ।
জাময়োঽপ্সরসাং লোকে বৈশ্বদেবে তু জ্ঞাতয়ঃ॥ 12-249-18 (75465)
সংবন্ধিবান্ধবা দিক্ষু পৃথিব্যাং মাতৃমাতুলৌ।
বৃদ্ধবাবাতুরকৃশাস্ৎবাকাশে প্রভবিষ্ণবঃ॥ 12-249-19 (75466)
ভ্রাতা জ্যেষ্ঠঃ সমঃ পিত্রা ভার্যা পুত্রঃ স্বকা তনুঃ।
ছায়া স্বা দাসবর্গশ্চ দুহিতা কৃপণং পরম্॥ 12-249-20 (75467)
তস্মাদেতৈরধিক্ষিপ্তঃ সহেন্নিত্যমসংজ্বরঃ।
গৃহধর্মরতো বিদ্বান্ধর্মনিত্যো জিতক্লমঃ॥ 12-249-21 (75468)
ন চার্থবদ্ধঃ কর্মাণি ধর্মং বা কিংচিদাচরেৎ।
গৃহস্থবৃত্তয়স্তিস্রস্তাসাং নিঃশ্রেয়সং পরম্॥ 12-249-22 (75469)
পরংপরং তথৈবাহুশ্চাতুরাশ্রম্যমেব তৎ।
যে চোক্তা নিয়মাস্তেষাং সর্বং কার্যং বুভূষতা॥ 12-249-23 (75470)
কুম্ভধান্যৈরুচ্ছশিলৈঃ কাপোতীং চাস্থিতাস্তথা।
যস্মিংশ্চৈতে বসন্ত্যর্হাস্তদ্রাষ্ট্রমভিবর্ধতে॥ 12-249-24 (75471)
দশ পূর্বান্দশ পরান্পুনাতি চ পিতামহান্।
গৃহস্থবৃত্তীশ্চাপ্যেতা বর্তয়েদ্যো গতব্যথঃ॥ 12-249-25 (75472)
স চক্রধরলোকানাং সদৃশীমাপ্নুয়াদ্গতিম্।
বিতেন্দ্রিয়াণামথবা গতিরেষা বিধীয়তে॥ 12-249-26 (75473)
সর্বলোকো গৃহস্থানামুদারমনসাং হিতঃ।
-- বিমানসংয়ুক্তো বেদদৃষ্টঃ -----॥ 12-249-27 (75474)
--লোকো গৃহস্থানাং প্রতিষ্ঠা নিবতাত্মনান্।
ব্রহ্মণা বিহিতা শ্রেণিরেষা পস্পাদ্বিধীয়তে।
দ্বিতীয়ং ক্রমশঃ প্রাপ্য স্বর্গলোকে মহীয়তে॥ 12-249-28 (75475)
অতঃ পরং পরমমুদারমাশ্রম্
তৃতীয়মাহুস্ত্যজতাং কলেবরম্।
বনৌকসাং গৃহপতিনামনুত্তমং
শৃণুষ্ব সংশ্লিষ্টশরীরকারিণাম্॥ ॥ 12-249-29 (75476)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনপঞ্চাশদধিকদ্বিশততমোঽধ্যায়ঃ॥ 249॥
Mahabharata - Shanti Parva - Chapter Footnotes
12-249-2 বৃত্তয়ো জীবিকাঃ॥ 12-249-3 কাপোতীমুঞ্ছবৃত্তিম্॥ 12-249-4 ষট্ যজনয়াজনাধ্যযনাধ্যাপনদানপ্রতিগ্রহাঃ কর্ম তস্য একো গৃহস্থাঃ ত্রিভির্যজনাধ্যযনদানৈঃ। অন্যো বানপ্রস্থঃ দ্বাভ্যাং দানাধ্যযনাভ্যাম্। ব্রহ্মসত্রে প্রণবোপাস্তৌ॥ 12-249-5 অত্র গার্হস্থ্যে॥ 12-249-6 প্রাণী ছাগাদিঃ। অপ্রাণী অশ্বত্যাদিঃ। যজুষা ছেদনমন্ত্রেণৈব ক্রৎবর্থমেব সংস্কারমর্হতি নতু ভক্ষণমাত্রার্থম্॥ 12-249-7 অন্তরা ভোজনদ্বয়মধ্যে। স্ত্রিয়ং মৈথুনায়েতি শেষঃ॥ 12-249-10 নখরৈর্নখৈঃ। দম্ভার্থং নখলোমধরস্য। অপবিদ্ধমবিধিনা ত্যক্তমগ্নিহোত্রং যেন তস্য। এবংবিধানাং চাণ্ডালাদীনাং চ ভূতানামত্র গার্হস্থ্যে সংবিভাগোঽস্তি॥ 12-249-11 অপচমানেভ্যো ব্রহ্মচারিসংন্যাসিভ্যঃ। তথৈব যাচমানেভ্য ইতি ধ. পাঠঃ॥ 12-249-15 জামীভিঃ সগোত্রস্ত্রীভিঃ॥ 12-249-16 সংবাদানংশাদ্যর্থং কলহান্॥ 12-249-17 আচার্যাদয়ঃ সম্যগারাধিতা ব্রহ্মলোকাদীন্ প্রতি নয়ন্তীত্যাহাচার্য ইতি সার্ধাভ্যাম্॥ 12-249-20 কৃপণং কৃপাস্থানমিতি রত্নগর্ভঃ॥ 12-249-22 নচেতি। অর্থাশয়াঽগ্নিহোত্রাদীন্ন কুর্যাৎ। তিস্রো বক্ষ্যমাণাঃ কুম্ভধান্যমুঞ্ছশিলং কাপোতীং চ তাসাং পরমুত্তরমুত্তরং শ্রেয়ঃ॥ 12-249-23 চাতুরাশ্রম্যমধ্যেঽপি পরং পরং শ্রেয়ঃ॥ 12-249-26 চক্রধরাশ্চক্রবর্তিনো মান্ধাত্রাদয়স্তল্লোকানাং সদৃশীং গতিং তত্তুল্যতাম্॥ 12-249-27 সুপুষ্পিতো রমণীয়ঃ॥ 12-249-29 গৃহপতিনাং হস্বৎবমার্ষম্। গৃহস্থেভ্যঃ শ্রেষ্ঠং সংশ্লিষ্টমস্থিচর্মমাত্রসংশ্লেষবৎ তচ্চ তচ্ছরীরং চ তস্য কারিণাং শরীরশোষকাণামিত্যর্থঃ। শরীরকর্মণামিতি ধ. পাঠঃ॥শান্তিপর্ব - অধ্যায় 250
॥ শ্রীঃ ॥
12.250. অধ্যায়ঃ 250
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বনস্থধর্মপ্রতিপাদকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-250-0 (75477)
ভীষ্ম উবাচ। 12-250-0x (6250)
প্রোক্তা গৃহস্থবৃত্তিস্তে বিহিতা যা মনীষিভিঃ।
তদনন্তরমুক্তং যত্তন্নিবোধ যুধিষ্ঠির॥
`ব্যাসেন কথিতং পূর্বং পুত্রায় সুমহাত্মনে।' 12-250-1 (75478)
ব্যাস উবাচ। 12-250-2x (6251)
ক্রয়----ৎববধৃয়ৈনাং তৃতীয়াং বৃত্তিমুত্তমাম্।
সংয়োগব্রত----বানপ্রস্থাশ্রমৌকসাম্॥ 12-250-2 (75479)
শ্রূয়তাং পুত্র ভদ্রং তে সর্বলোকাশ্রমাত্মনাম্।
প্রেক্ষাপূর্বং যদা পত্ত্যেদ্বলীপলিতমাত্মনা॥ 12-250-3 (75480)
অপত্যস্যৈব চাপণ্যং বনমেব তদাঽঽশ্রয়েৎ॥ 12-250-4 (75481)
তৃতীয়মায়ুষো ভাগং বানপ্রস্থাশ্রমে বসেৎ।
তানেবাগ্নীন্পস্ৎবিরেদ্যজমানো দি--কসঃ॥ 12-250-5 (75482)
নিয়------নিয়তারাহঃ ষষ্ঠভক্তো ---ত্তবান।
তদাগ্রহাত্রং তো --- যজ্ঞাঙ্গাং ব সর্বশঃ॥ 12-250-6 (75483)
অবৈকৃষ্টং ব্রীহিয়ব নীবারে বিঘসানি চ।
হবীংষি সংপ্রয়চ্ছেত মখেষ্বত্রাপি পঞ্চসু॥ 12-250-7 (75484)
বানপ্রস্খাশ্রমেঽপ্যেতাশ্চতস্রো বৃত্তয়ঃ স্মৃতাঃ।
সদ্যঃ প্রক্ষালকাঃ কেচিৎকেচিন্মাসিকসংচয়াঃ॥ 12-250-8 (75485)
বার্ষিকং সংচয়ং কেচিৎকেতিদ্দ্বাদশবার্ষিকম্।
কুর্বন্ত্যতিথিপূজার্থং যজ্ঞতন্ত্রার্থমেব বা॥ 12-250-9 (75486)
অভ্রাবকাশা বর্ষাসু হেমন্তে জলসংশ্রয়াঃ।
গ্রীষ্মে চ পঞ্চতপসঃ শশ্বচ্চ মিতভোজনাঃ॥ 12-250-10 (75487)
ভূমৌ বিপরিবর্তন্তে তিষ্ঠন্তি প্রপদৈরপি।
স্থানাসনৈর্বর্তয়ন্তি স বনেষ্বভিষিঞ্চতে॥ 12-250-11 (75488)
দন্তোলূখলিকাঃ কেচিদশ্মকুট্টাস্তথা পরে।
শুক্লপক্ষে পিবন্ত্যেকে যবাগূং ক্বথিতাং সকৃৎ॥ 12-250-12 (75489)
কৃষ্ণপক্ষে পিবন্ত্যন্যে ভুঞ্জতে বা যথাগতম্।
মূলৈরেকে ফলৈরেকে পুষ্পৈরেকে দৃঢব্রতাঃ॥ 12-250-13 (75490)
বর্তয়ন্তি যথান্যায়ং বৈখানসমতং শ্রিতাঃ।
এতাশ্চান্যাশ্চ বিবিধা দীক্ষাস্তেষাং মনীষিণাম্॥ 12-250-14 (75491)
চতুর্থশ্চৌপনিষদো ধর্মঃ সাধারণঃ স্মৃতঃ।
বানপ্রস্থাদ্গৃহস্থাচ্চ ততোঽন্যঃ সংপ্রবর্ততে।
অস্মিন্নেব যুগে তাত বিতৈস্তৎবার্থদর্শিভিঃ॥ 12-250-15 (75492)
অগস্ত্যঃ সপ্তঋষয়ো মধুচ্ছন্দোঽধমর্ষণঃ।
সাংকৃতিঃ সুদিবাতণ্ডির্যথাবাসো কৃতশ্রমঃ॥ 12-250-16 (75493)
অহোবীর্যস্তথা কাব্যস্তাণ্ড্যো মেধাতিথিদুঽ।
বলবান্কর্ণনির্বাকঃ শূন্যপালঃ কৃতশ্রম-----।
এতে ধর্মে সুবিদ্বাংসস্ততঃ স্বর্গমুসাগমন॥ 12-250-17 (75494)
তাত প্রত্যক্ষধর্মাণস্তথা কাথবারা গণাঃ।
ঋষীণামুগ্রতপসাং ধর্মনৈপুণেদর্শিনাম্॥ 12-250-18 (75495)
অন্যে চাপরিমেয়াশ্চ ব্রাহ্মণা বনমশ্রিততাঃ।
বৈখাতসা বালখিল্যাঃ সৈকতাচ্চ তথা পরে॥ 12-250-19 (75496)
কর্মভিস্তে নিরানন্দা ধর্মনিত্যা জিতেন্দ্রিয়াঃ।
গতাঃ প্রত্যক্ষধর্মাণস্তে সর্বে বনমাশ্রিতাঃ॥ 12-250-20 (75497)
অনক্ষত্রাস্ৎবনাধৃষ্যা দৃশ্যতে জ্যোতিষাং গণাঃ।
জরয়া চ পরিদ্যূনা ব্যাধিনা চ প্রপীডিতাঃ॥ 12-250-21 (75498)
চতুর্থে চায়ুষঃ শেষে বানপ্রস্থাশ্রমং ত্যজেৎ।
সাদ্যস্কাং সংনিরুপ্যেষ্টিং সর্ববেদসদক্ষিণাম্॥ 12-250-22 (75499)
আত্ময়াজী সোঽত্মরতিরাত্মক্রীডাত্মসংশ্রয়ঃ।
আত্মন্যগ্নীন্সমারোপ্য ত্যক্ৎবা সর্বপরিগ্রহান্॥ 12-250-23 (75500)
সাদ্যস্কাংশ্চ যজেদ্যজ্ঞানিষ্টীশ্চৈবেহ সর্বদা।
যদৈব যাজিনাং যজ্ঞাদাত্মনীজ্যা প্রবর্ততে॥ 12-250-24 (75501)
ত্রীংশ্চৈবাগ্নীংস্ত্যজেৎসম্যগাত্মন্যেবাত্মমোক্ষণাৎ।
প্রাণেভ্যো যজুষাং পঞ্চ ষট্ প্রাশ্নীয়াদকুৎসয়ন্॥ 12-250-25 (75502)
কেশলোমনখান্বাপ্য বানপ্রস্থো মুনিস্ততঃ।
আশ্রমাদাশ্রমং পুণ্যং পূতো গচ্ছতি কর্মভিঃ॥ 12-250-26 (75503)
অভয়ং সর্বভূতেভ্যো দত্ৎবা যঃ প্রব্রজেদ্দ্বিজঃ।
লোকাস্তেজোময়াস্তস্য প্রেত্য চানন্ত্যমশ্নুতে॥ 12-250-27 (75504)
সুশীলবৃত্তো ব্যপনীতকল্মষো
নচেহ নামুত্র চ কর্তুমীহতে।
অরোপমোহো গতসন্ধিবিগ্রহো
ভবেদুদাসীনবদাত্মবিন্নরঃ॥ 12-250-28 (75505)
যমেষু চৈবানুগতেষু ন ব্যথে
ৎস্বশাস্ত্রমূত্রাহুতিমন্ত্রবিক্রমঃ।
ভবেদ্যথেষ্টা গতিরাত্ময়াজিনো
ন সংশয়ো ধর্মপরে জিতেন্দ্রিয়ে॥ 12-250-29 (75506)
ততঃ পরং শ্রেষ্ঠমতীব সদ্গুণৈ
রধিষ্ঠিতং ত্রীনধিবৃত্তিমুত্তমম্।
চতুর্থমুক্তং পরমাশ্রমং শৃণু
প্রকীর্ত্যমানং পরমং পরায়ণম্॥ ॥ 12-250-30 (75507)
ইতি শ্রীমন্মহাভারতে শান্তিপর্বণি মোশ্রধর্মপর্বণি পঞ্চাশদধিকদ্বিশততমোঽধ্যায়ঃ॥ 250॥
Mahabharata - Shanti Parva - Chapter Footnotes
12-250-2 এবাং গৃহস্থবৃত্তিমবধূয় তিরস্কৃত্য কাং তৃতীয়াং কাপোতীং বৃত্তিমপি। সংয়োগঃ সহধর্মচারিণীসংয়োগস্তত্র যদ্ব্রতং তেন খিন্নানাম্। বানপ্রস্থাশ্রম ওক ব্যাশ্রয়ো যেষাং তেষাং বৃত্তিঃ শ্রূয়তামিতি দ্বয়োঃ সংবন্ধঃ॥ 12-250-3 সর্বে লোকা আশ্রমাশ্চাঽঽত্মায়েষাম্। সংবিভাগশমাদিময়ৎবাৎ সর্বাশ্রমফলমত্রৈবান্তর্ভূতামিত্যর্থঃ॥ 12-250-4 বিগ্রহং তু যদা পশ্যেদিতি ধ. পাঠঃ॥ 12-250-6 ষষ্ঠভুক্ত ইতি ধ. পাঠঃ॥ 12-250-7 অত্রাপি বনেপি॥ 12-250-10 শাশ্বতামৃতভোজিন ইতি ধ. পাঠঃ॥ 12-250-15 চতুর্থশ্চতুর্থাশ্রমে বিহিত ঔপনিষদঃ শান্ত্যাদির্ধর্মঃ সাধারণঃ সর্বেষ্বাশ্রমেষু। অন্যোঽসাধারণঃ। সর্বার্থদর্শিভিরিতি ধ. পাঠঃ॥ 12-250-16 সাংকৃতিশ্চ সুদীপ্তার্চির্যবক্রীতঃ সুতশ্রমঃ ইতি ধ. পাঠঃ॥ 12-250-17 চলে বাকশ্চ নির্বাক ইতি ট.ধ. পাঠঃ॥ 12-250-21 অনক্ষত্রাঃ নক্ষত্রগ্রহতারাভ্যোঽন্যে॥ 12-250-22 সর্ববেদসদক্ষিণাং সর্বস্বদক্ষিণাম্॥ 12-250-23 আত্ময়াজী জীবচ্ছ্রাদ্ধাদিকৃৎ। আত্মক্রীডশ্চাঽঽত্মসংশ্রয়শ্চ নতু স্ত্র্যাদিক্রীডো রাজাদ্যাশ্রয়ঃ॥ 12-250-24 সাদ্যস্কান্ সদ্যএব ক্রিয়ন্তে তান্ ব্রহ্ময়জ্ঞাদীন্ তাবদ্যজেৎ। যদৈব যস্মিন্নেব কালে যাজিনাং যজ্বনাং যজ্ঞাৎ কর্মময়াদন্যা আত্মনীজ্যা আত্ময়জ্ঞ প্রবর্ততে তাবদেব তান্ কুর্যাদিত্যর্থঃ॥ 12-250-25 যজ্ঞঃ সদৈবাত্মনি বর্তত ট. ধ. পাঠঃ॥ 12-250-26 বাপ্য বাপয়িৎবা॥ 12-250-29 স্বস্য সংন্যাসবিধেঃ শাস্ত্রং তত্রস্থং সূত্রং আহুতিমন্ত্রশ্চ তত্রোভয়াত্রাপি বিক্রমঃ পরাক্রমো যস্য স তথা॥ 12-250-30 ত্রীনাশ্রমানপেক্ষ্যাধিষ্ঠিতমধিকৎবেন স্থিতম্। যতোঽধিবৃত্তিমধিকা শমাদ্যাত্মিকা বৃত্তির্যস্মিংস্তম্॥শান্তিপর্ব - অধ্যায় 251
॥ শ্রীঃ ॥
12.251. অধ্যায়ঃ 251
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি তুরীথাশ্রমধর্মপ্রতিপাদকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-251-0 (75508)
শ্রীশুক উবাচ। 12-251-0x (6252)
বর্তমানস্তয়েবাত্র বানপ্রস্থাশ্রমে যথা।
যোক্তব্যোঽঽত্মা কথং শক্ত্যা পরং বৈ কাঙ্ক্ষতা পদম্॥ 12-251-1 (75509)
ব্যাস উবাচ। 12-251-2x (6253)
প্রাপ্য সংস্কারমেতাভ্যামাশ্রমাভ্যাং ততঃ পরম্।
যৎকার্যং পরমার্থার্থং তদিহৈকমনাঃ শৃণু॥ 12-251-2 (75510)
কষায়ং পাচয়িৎবাঽঽশু শ্রেণিস্থানেষু চ ত্রিষু।
প্রব্রজেচ্চ পরং স্থানং পারিব্রাজ্যমনুত্তমম্॥ 12-251-3 (75511)
যদ্ভবানেবমভ্যস্য বর্ততাং শ্রূয়তাং তথা।
এক এব চরেদ্ধর্মং সিদ্ধ্যর্থমসহায়বান্॥ 12-251-4 (75512)
একশ্চরতিঃ যঃ পশ্যন্ন জহাতি ন হীয়তে।
অনগ্নিরনিকেতশ্চ গ্রামমন্নার্থমাশ্রয়েৎ॥ 12-251-5 (75513)
অশ্বস্তনবিধাতা স্যান্মুনির্ভাবসমন্বিতঃ।
লঘ্বাশী নিয়তাহারঃ সকৃদন্ননিষেবিতা॥ 12-251-6 (75514)
ণলং বৃক্ষমলানি কুচেলমসদৃ-------।
উপক্ষা সর্বভূতানামেতাবদ্ভিক্ষুলক্ষণাম্॥ 12-251-7 (75515)
যস্মিন্বাচা প্রাবিশন্তি কূপে প্রাপ্তাঃ শিলাইব।
ন বক্তারং পুনর্যান্তি স কৈবল্যাশ্রমে বসেৎ॥ 12-251-8 (75516)
নৈব পশ্যেন্ন শৃণুয়াদবাচ্যং জাতু কস্যচিৎ।
ব্রাহ্মণানাং বিশেষেণ নৈব ব্রূয়াৎকথংচন॥ 12-251-9 (75517)
বদ্ব্রাহ্মণস্য কুশলং তদেব সততং বদেৎ।
তূষ্ণীমাসীত নিন্দায়াং কুর্বন্ভৈষজ্যমাত্মনঃ॥ 12-251-10 (75518)
যেন পূর্ণমিবাকাশং ভবত্যেকেন সর্বদা।
শূন্যং যেন জনাকীর্ণং তং দেবা ব্রাহ্মণং বিদুঃ॥ 12-251-11 (75519)
যেনকেন চিদাচ্ছন্নো যেনকেনচিদাশিতঃ।
যত্র ক্বচন শায়ী চ তং দেবা ব্রাহ্মণং বিদুঃ॥ 12-251-12 (75520)
অহেরিব গণাদ্ভীতঃ সন্মানান্মরণাদিব।
কুণপাদিব চ স্ত্রীভ্যস্তং দেবা ব্রাহ্মণং বিদুঃ॥ 12-251-13 (75521)
ন কুদ্ধ্যেন্ন প্রহৃষ্যেচ্চ মানিতোঽমানিতশ্চ যঃ।
সর্বভূতেষ্বভয়দস্তং দেবা ব্রাহ্মণং বিদুঃ॥ 12-251-14 (75522)
নাভিনন্দেত মরণং নাভিনন্দেত জীবিতম্।
কালমেব প্রতীক্ষেত নিদেশং ভৃতকো যথা॥ 12-251-15 (75523)
অনভ্যাহতচিত্তঃ স্যাদনভ্যাহতবাগ্ভবেৎ।
নির্মুক্তঃ সর্বপাপেভ্যো নিরমিত্রস্য কিং ভয়ম্॥ 12-251-16 (75524)
অভয়ং সর্বভূতেভ্যো ভূতানামভয়ং যতঃ।
তস্য মোহাদ্বিমুক্তস্য ভয়ং নাস্তি কুতশ্চন॥ 12-251-17 (75525)
যথা নাগপদেঽন্যানি পদানি পদগামিনাম্।
সর্বাণ্যেবাপিলীয়ন্তে পদজাতানি কৌঞ্জরে॥ 12-251-18 (75526)
এবং সর্বমহিংসায়াং ধর্মার্থমভিধীয়তে।
অমৃতঃ স নিত্যং ভবতি যো হিংসাং ন প্রপদ্যতে॥ 12-251-19 (75527)
অহিসংকঃ সমঃ সত্যো ধৃতিমান্নিয়তেন্দ্রিয়ঃ।
শরণ্যঃ সর্বভূতানাং গতিমাপ্নোত্যনুত্তমাম্॥ 12-251-20 (75528)
এবং প্রজ্ঞানতৃপ্তস্য নির্ভয়স্য নিরাশিষঃ।
ন মৃত্যুরতিগো ভাবঃ স মৃত্যুং নাধিগচ্ছতি॥ 12-251-21 (75529)
বিমুক্তং সর্বসঙ্গেভ্যো মুনিমাকাশবৎস্থিতম্।
অস্বমেকচরং শান্তং তং দেবা ব্রাহ্মণং বিদুঃ॥ 12-251-22 (75530)
জীবিতং যস্য ধর্মার্থং ধর্মো হর্যর্থমেব চ।
অহোরাত্রাশ্চ পুণ্যার্থং তং দেবা ব্রাহ্মণং বিদুঃ॥ 12-251-23 (75531)
নিরাশিষমনারম্ভং নির্নমস্কারমস্তুতিম্।
নির্মুক্তে বন্ধনৈঃ সর্বৈস্তং দেবা ব্রাহ্মণং বিদুঃ॥ 12-251-24 (75532)
সর্বাণি ভূতানি সুখে রমন্তে
সর্বাণি দুঃখস্য ভৃশং ত্রসন্তে।
তেষাং ভয়োৎপাদনজাতখেদঃ
কুর্যান্ন কর্মাণি হি শ্রদ্দধানঃ॥ 12-251-25 (75533)
দানং হি ভূতাভয়দক্ষিণায়াঃ
সর্বাণি দানান্যধিতিষ্ঠতীহ।
তীক্ষ্ণাং তনুং যঃ প্রথমং জহাতি
সোঽনন্তমাপ্নোত্যভয়ং প্রজাভ্যঃ॥ 12-251-26 (75534)
স দত্তমাস্যেন হবির্জুহোতি
লোকস্য নাভির্জগতঃ প্রতিষ্ঠা।
তস্যাঙ্গমঙ্গানি কৃতাকৃতং চ
বৈশ্বানরঃ সর্বমিদং প্রপেদে॥ 12-251-27 (75535)
প্রাদেশমাত্রে হৃদি নিঃসৃতং য
ত্তস্মিন্প্রাণানাত্ময়াজী জুহোতি।
তস্যাগ্নিহোত্রং হুতমাত্মসংস্থং
সর্বেষু লোকেষু সদৈবতেষু॥ 12-251-28 (75536)
দেবং ত্রিধাতুং ত্রিবৃতং সুপর্ণ
যে বিদ্যুরগ্র্যাং পরমাত্মতাং চ।
তে সর্বলোকেষু মহীয়মানা
দেবাঃ সমর্থা অমৃতং বহন্তি॥ 12-251-29 (75537)
বেদাংশ্চ বেদ্যং তু বিধিং চ কৃৎস্ন
মথো নিরুক্তং পরমার্থতাং চ।
সর্বং শরীরাত্মনি যঃ প্রবেদ
তস্য স্ম দেবাঃ স্পৃহয়ন্তি নিত্যম্॥ 12-251-30 (75538)
ভূমাবসক্তং দিবি চাপ্রমেয়ং
হিরণ্ময়ং যোঽণ্ডজমণ্ডমধ্যে।
পতত্রিণং পক্ষিণমন্তরিক্ষে
যো বেদ ভোগ্যাত্মনি দীপ্তরশ্মিঃ॥ 12-251-31 (75539)
আবর্তমানমজরং বিবর্তনং
ষণ্ণাভিকং দ্বাদশারং সুপর্ব।
যস্যেদমাস্যোপরি যাতি বিশ্বং
যৎকালচক্রং নিহিতং গুহায়াম্॥ 12-251-32 (75540)
যঃ সংপ্রজানঞ্জগতঃ শরীরং
সর্বান্স লোকানধিগচ্ছতীহ।
তস্মিন্হিতং তর্পয়তীহ দেবাং
স্তে বৈ তৃপ্তাস্তর্পয়ন্ত্যাস্যমস্য॥ 12-251-33 (75541)
তেজোময়ো নিত্যময়ঃ পুরাণো
লোকাননন্তানভয়ানুপৈতি।
ভূতানি যস্মান্ন ত্রসন্তে কদাচি
ৎস ভূতানাং ন ত্রসতে কদাচিৎ॥ 12-251-34 (75542)
অগর্হণীয়ো ন চ গর্হতেঽন্যা
ন্স বৈ বিপ্রঃ পরমাত্মানমীক্ষেৎ।
বিনীতমোহো ব্যপনীতকল্মষো
ন চেহ নামুত্র চ সোঽন্নমর্চ্ছতি॥ 12-251-35 (75543)
অরোষমোহঃ সমলোষ্টকাঞ্চনঃ
প্রহীণশোকো গতসন্ধিবিগ্রহঃ।
অপেতনিন্দাস্তুতিরপ্রিয়াপ্রিয়
শ্চরন্নুদাসীনবদেষ ভিক্ষুকঃ॥ ॥ 12-251-36 (75544)
ইতি শ্রীমন্মহাভারতে শান্তিপর্বণি মোক্ষধর্মপর্বণি একপঞ্চাশদধিকদ্বিশততমোঽধ্যায়ঃ॥ 251॥
Mahabharata - Shanti Parva - Chapter Footnotes
12-251-3 কষায়ং চিত্তদোষং পাচয়িৎবা বিশ্লথং কৃৎবা। স্থানেষ্বাশ্রমেষ্বনুত্তমম্। ইদং মতং শ্রেষ্ঠমিত্যর্থঃ॥ 12-251-8 আক্রুশ্যমানো নাক্রোশেদিত্যর্থঃ। ত্রস্তা দ্বিপা ইবেতি ঝ. পাঠঃ॥ 12-251-10 ভৈষজ্যং ভবরোগচিকিৎসাম্॥ 12-251-13 অহেঃ সর্পাৎ গণাজ্জনসমূহাৎ। সৌহিত্যান্নরকাদিবেতি ঝ. পাঠঃ॥ 12-251-15 নিদেশমাজ্ঞাম্। নির্বেদং ভৃতকো যথেতি থ. পাঠঃ॥ 12-251-16 অভ্যাহতং দোষাক্রান্তম্। নিরমিত্রস্যাজাতশত্রোঃ। 12-251-17 সর্বভূতেভ্যো যস্তেতি শেষঃ॥ 12-251-18 নাগপদে হস্তিপদে। পদগামিনাং নৃপশ্বাদীনাং পদান্যপিলীয়ন্তে তিরোধীয়ন্তে। তথেন্দ্রাদীনাং পদজাতানি স্থানানি। কৌঞ্জরে ক্লং পৃথিবীং শরীররূপাং জরথতীতি কুঞ্জরঃ সমাধিস্থো যোগী তস্য স্থানে কৌঞ্জরে পদে॥ 12-251-21 স মুক্তিমুপগচ্ছতীতি থ. পাঠঃ॥ 12-251-23 ধর্মো রত্যর্থমেব চেতি ধ. পাঠঃ॥ 12-251-24 অক্ষীণং ক্ষীণকর্মাণং তমিতি ধ. পাঠঃ॥ 12-251-27 উত্তান আস্যেনেতি ঝ. পাঠঃ॥ 12-251-29 দেবাঃ সমর্ত্যাঃ সুকৃতং বদন্তীতি ঝ. পাঠঃ॥শান্তিপর্ব - অধ্যায় 252
॥ শ্রীঃ ॥
12.252. অধ্যায়ঃ 252
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কঠবল্ল্যর্থপ্রতিপাদকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-252-0 (75545)
ব্যাস উবাচ। 12-252-0x (6254)
প্রকৃতেস্তু বিকারা যে ক্ষেত্রজ্ঞস্তৈরধিষ্ঠিতঃ।
ন চৈনং তে প্রজানন্তি স তু জানাতি তানপি॥ 12-252-1 (75546)
তৈশ্চৈবং কুরুতে কার্যং মনঃষষ্ঠৈরিহেন্দ্রিয়ৈঃ।
সুদান্তৈরিব সংয়ন্তা দৃঢৈঃ পরমবাজিভিঃ॥ 12-252-2 (75547)
ইন্দ্রিয়েভ্যঃ পরে হ্যর্থা অর্থেভ্যঃ পরমং মনঃ।
মনসস্তু পরা বুদ্ধির্বুদ্ধেরাত্মা মহান্পরঃ॥ 12-252-3 (75548)
মহতঃ পরমব্যক্তমব্যক্তাৎপুরুষঃ পরঃ।
পুরুষান্ন পরং কিংচিৎসা কাষ্ঠা সা পরা গতিঃ॥ 12-252-4 (75549)
এবং সর্বেষু ভূতেষু গূঢোত্মা ন প্রকাশতে।
দৃশ্যতে ৎবগ্র্যযা বুদ্ধ্যা সূক্ষ্ময়া সূক্ষ্মদর্শিভিঃ॥ 12-252-5 (75550)
অন্তরাত্মনি সংলীয় মনঃ ষষ্ঠানি মেধয়া।
ইন্দ্রিয়াণীন্দ্রিয়ার্থাংশ্চ বহুচিন্ত্যমচিন্তয়ন্॥ 12-252-6 (75551)
ধ্যানোপরমণং কৃৎবা বিদ্যাসংপাদিতং মনঃ।
অনিশ্চরঃ প্রশান্তাত্মা ততোর্চ্ছত্যমৃতং পদম্॥ 12-252-7 (75552)
ইন্দ্রিয়াণাং তু সর্বেষাং পশ্যাত্মা চলিতস্মৃতিঃ।
আত্মনঃ সংপ্রদানেন মর্ত্যো মৃত্যুমুপাশ্নুতে॥ 12-252-8 (75553)
হিৎবা তু সর্বসংকল্পান্সৎবে চিত্তং নিবেশয়েৎ।
সৎবে চিত্তং সমাবেশ্য ততঃ কালংজরো ভবেৎ॥ 12-252-9 (75554)
চিত্তপ্রসাদেন যতির্জহাতীহ শুভাশুভম্।
প্রসন্নাত্মাত্মনি স্থিৎবা সুখমত্যন্তমশ্নুতে॥ 12-252-10 (75555)
লক্ষণং তু প্রসাদস্য যথা তৃপ্তঃ সুখং স্বপেৎ।
নিবাতে বা যথা দীপো দীপ্যমানো ন কম্পতে॥ 12-252-11 (75556)
এবং পূর্বাপরে রাত্রৌ যুঞ্জন্নাত্মানমাত্মনি।
লঘ্বাহারো বিশুদ্ধাত্মা পশ্যত্যাত্মানমাত্মনি॥ 12-252-12 (75557)
রহস্যং সর্ববেদানামনৈতিহ্যমনাগতম্।
আত্মপ্রত্যযিকং শাস্ত্রমিদং পুত্রানুশাসনম্॥ 12-252-13 (75558)
ধর্মাখ্যানেষু সর্বেষু চিত্রাখ্যানেষু যদ্বসু।
দৃশ্যতে ঋক্সহস্রাণি নির্মথ্যামৃতমুদ্ধৃতম্॥ 12-252-14 (75559)
নবনীতং যথা দধ্নঃ কাষ্ঠাদগ্নির্যথৈব চ।
তথৈব বিদুষাং জ্ঞানং পুত্রহেতোঃ সমুদ্ধৃতম্॥ 12-252-15 (75560)
স্নাতকানামিদং শাস্ত্রং বাচ্যং পুত্রানুশাসনম্।
তদিতং নাপ্রশান্তায় নাদান্তায়াতপস্বিনে॥ 12-252-16 (75561)
নাবেদবিদুষে বাচ্যং তথা নানুগতায় চ।
নাসূয়কায়ানৃজবে ন চানির্দিষ্টকারিণে॥ 12-252-17 (75562)
ন তর্কশাস্ত্রদগ্ধায় তথৈব পিশুনায় চ।
শ্লাঘিনে শ্লাঘনীয়ায় প্রশান্তায় তপস্বিনে॥ 12-252-18 (75563)
ইদং প্রিয়ায় পুত্রায় শিষ্যায়ানুগতায় চ।
রহস্যধর্মং বক্তব্যং নান্যস্মৈ তু কথংচন॥ 12-252-19 (75564)
যদ্যপ্যস্য মহীং দদ্যাদ্রত্নপূর্ণামিমাং নরঃ।
ইদমেব ততঃ শ্রেয় ইতি মন্যেত তত্ৎববিৎ॥ 12-252-20 (75565)
অতো গুহ্যতরার্থং তদধ্যাত্মমতিমানুষম্।
যত্তন্মহর্ষিভির্জুষ্টং বেদান্তেষু চ গীয়তে॥ 12-252-21 (75566)
তত্তেঽহং সংপ্রবক্ষ্যামি যন্মাং ৎবং পরিপৃচ্ছসি॥ 12-252-22 (75567)
যচ্চ তে মনসি বর্ততে পরং
যত্র চাস্তি তব সংশয়ঃ ক্বচিৎ।
শ্রূয়তাময়মহং তবাগ্রতঃ
পুত্র কিং হি কথয়ামি তে পুনঃ॥ ॥ 12-252-23 (75568)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বিপঞ্চাশদধিকদ্বিশততমোঽধ্যায়ঃ॥ 252॥
Mahabharata - Shanti Parva - Chapter Footnotes
12-252-4 অব্যক্তাৎপরতোঽমৃতম্। অমৃতান্ন পরং ইতি ঝ. থ. পাঠঃ॥ 12-252-5 মহাত্মা তৎবদর্শিভিরিতি থ. ধ. পাঠঃ॥শান্তিপর্ব - অধ্যায় 253
॥ শ্রীঃ ॥
12.253. অধ্যায়ঃ 253
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি অধ্যাত্মবিষয়কব্যাসবাক্যানুবাদঃ॥ 1॥Mahabharata - Shanti Parva - Chapter Text
12-253-0 (75569)
শুক উবাচ। 12-253-0x (6255)
অধ্যাত্মং বিস্তরেণেহ পুনরেব বদস্ব মে।
যদধ্যাত্মং যথা বেদ ভগবন্নৃষিসত্তম॥ 12-253-1 (75570)
ব্যাস উবাচ। 12-253-2x (6256)
অধ্যাত্মং যদিদং তাত পুরুষস্যেহ বিদ্যতে।
তত্তেঽহং বর্তয়িষ্যামি তস্য ব্যাখ্যামিমাং শৃণু॥ 12-253-2 (75571)
ভূমিরাপস্তথা জ্যোতির্বায়ুরাকাশ এব চ।
মহাভূতানি ভূতানাং সাগরস্যোর্ময়ো যথা॥ 12-253-3 (75572)
প্রসার্যেহ যথাঽঙ্গানি কূর্মঃ সংহরতে পুনঃ।
তদ্বন্মহান্তি ভূতানি যবীয়ঃসু বিকুর্বতে॥ 12-253-4 (75573)
ইতি তন্ময়মেবেদং সর্বং স্থাবরজঙ্গমম্।
সর্গে চ প্রলয়ে চৈব তস্মিন্নির্দিশ্যতে তথা॥ 12-253-5 (75574)
মহাভূতানি পঞ্চৈব সর্বভূতেষু ভূতকৃৎ।
অকরোত্তাত বৈষম্যং যস্মিন্যদনুপশ্যতি॥ 12-253-6 (75575)
শুক উবাচ। 12-253-7x (6257)
অকরোদ্যচ্ছরীরেষু কথং তদুপলক্ষয়েৎ।
ইন্দ্রিয়াণি গুণাঃ কেচিৎকথং তানুপলক্ষয়েৎ॥ 12-253-7 (75576)
ব্যাস উবাচ। 12-253-8x (6258)
এতত্তে বর্তয়িষ্যামি যথাবদনুপূর্বকঃ।
শৃণু তত্ৎবমিহৈকাগ্রো যথা তত্ৎবং যথা চ তৎ॥ 12-253-8 (75577)
শব্দঃ শ্রোত্রং তথা খানি ত্রয়মাকাশসংভবম্।
প্রাণশ্রেষ্টা তথা স্পর্শ এতে বায়ুগুণাস্ত্রয়ঃ॥ 12-253-9 (75578)
রূপং চক্ষুর্বিপাকশ্চ ত্রিধা জ্যোতির্বিধীয়তে।
রসোঽথ রসনং স্নেহো গুণাস্ৎবেতে ত্রয়োঽম্ভসঃ॥ 12-253-10 (75579)
ঘ্রেয়ং ঘ্রাণং শরীরং চ ভূমেরেতে গুণাস্ত্রয়ঃ।
`শ্রোত্রং ৎবক্চক্ষুষী জিহ্বা নাসিকা চৈব পঞ্চমী॥ 12-253-11 (75580)
এতাবানিন্দ্রিয়গ্রামো ব্যাখ্যাতঃ পাঞ্চভৌতিকঃ।
বায়োঃ স্পর্শো রসোঽদ্ভ্যশ্চ জ্যোতিষো রুপমুচ্যতে।
আকাশপ্রভবঃ শব্দো গন্ধো ভূমিগুণঃ স্মৃতঃ॥ 12-253-12 (75581)
মনো বুদ্ধিঃ স্বভাবশ্চ ত্রয় এতে মনোময়াঃ।
ন গুণানতিবর্তন্তে গুণেভ্যঃ পরমাগতাঃ॥ 12-253-13 (75582)
যথা কূর্ম ইহাঙ্গানি প্রসার্য বিনিয়চ্ছতি।
এবমেবেন্দ্রিয়গ্রামং বুদ্ধিঃ সৃষ্ট্বা নিয়চ্ছতি॥ 12-253-14 (75583)
যদূর্ধ্বং পাদতলয়োরবাঙ্ভূর্ধ্নশ্চ পশ্যতি।
এতস্মিন্নেব কৃত্যে তু বর্ততে বুদ্ধিরুত্তমা॥ 12-253-15 (75584)
গুণান্নেনীয়তে বুদ্ধির্বুদ্ধিরেবেন্দ্রিয়াণ্যপি।
মনঃ ষষ্ঠানি সর্বাণি বুদ্ধ্য ভাবে কৃতো গুণাঃ॥ 12-253-16 (75585)
ইন্দ্রিয়াণি নরে পঞ্চ ষষ্ঠং তু মন উচ্যতে।
সপ্তমীং বুদ্ধিমেবাহুঃ ক্ষেত্রজ্ঞং পুনরষ্টমম্॥ 12-253-17 (75586)
চক্ষুরালোচনায়ৈব সংশয়ং কুরুতে মনঃ।
বুদ্ধিরধ্যবসানায় সাক্ষী ক্ষেত্রজ্ঞ উচ্যতে॥ 12-253-18 (75587)
রজস্তমশ্চ সৎবং চ ত্রয় এতে স্বয়োনিজাঃ।
সমাঃ সর্বেষু ভূতেষু তান্গুণানুপলক্ষয়েৎ॥ 12-253-19 (75588)
তত্র যৎপ্রীতিসংয়ুক্তং কিংচিদাত্মনি লক্ষয়েৎ।
প্রশান্তমিব সংশুদ্ধং সৎবং তদুপধারয়েৎ॥ 12-253-20 (75589)
যত্তু সংতাপসংয়ুক্তং কায়ে মনসি বা ভবেৎ।
প্রবৃত্তং রজ ইত্যেবং তত্র চাপ্যুপলক্ষয়েৎ॥ 12-253-21 (75590)
যত্তু সংমোহসংয়ুক্তমব্যক্তবিষয়ং ভবেৎ।
অপ্রতর্ক্যমবিজ্ঞেয়ং তমস্তদুপধার্যতাম্॥ 12-253-22 (75591)
প্রহর্ষঃ প্রীতিরানন্দঃ সাম্যং স্বস্থাত্মচিত্ততা।
অকস্মাদ্যদি বা কস্মাদ্বর্তন্তে সাৎবিকা গুণাঃ॥ 12-253-23 (75592)
অভিমানো মৃষাবাদো লোভো মোহস্তথাঽক্ষমা।
লিঙ্গানি রজসস্তানি বর্তন্তে হেৎবহেতুতঃ॥ 12-253-24 (75593)
তথা মোহঃ প্রমাদশ্চ নিদ্রা তন্দ্রা প্রবোধিতা।
কথংচিদভিবর্তন্তে বিজ্ঞেয়াস্তামসা গুণাঃ॥ ॥ 12-253-25 (75594)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিপঞ্চশদধিকদ্বিশততমোঽধ্যায়ঃ॥ 253॥
Mahabharata - Shanti Parva - Chapter Footnotes
12-253-3 মিভূতানি ভূতানামিতি ধ. পাঠঃ॥ 12-253-6 সুরনরতির্যগাদিরূণ বৈষম্যমকরোৎ। তত্র হেতুঃ। যস্মিন্কর্মণি নিমিত্তে সতি যদনুপশ্যতি অন্তকালে। যংয়ং বাপি স্মরন্ ভাবং ত্যজত্যন্তে পরম্॥ তংতমেবৈতীতি স্মৃতেঃ॥ 12-253-9 পর্শঃ স্পর্শনেন্দ্রিয় --- যুগুণা বায়ু---॥ 12-253-10 বিপাকো জাঠরঃ॥ 12-253-11 শরীরং কঠিনাংশবাহুল্যাৎপার্থিবম্। ইন্দ্রিয়গ্রামৈঃ সহ পাঞ্চভৌতিক্রো বিকারঃ॥ 12-253-12 স্পর্শাদয়ো বায়্বাদীনাং গুণাস্তদ্বিকারৈঃ স্পর্শনাদীন্দ্রিয়ৈর্গৃহ্যন্তে। বায়োঃ প্রাণ ইতি ধ. পাঠঃ॥ 12-253-13 এতেত্ময়োনিজা ইতি থ. পাঠঃ॥শান্তিপর্ব - অধ্যায় 254
॥ শ্রীঃ ॥
12.254. অধ্যায়ঃ 254
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জ্ঞানাদিস্তাধনপ্রতিপাদকব্যাসবাক্যনুবাদঃ॥ 1॥Mahabharata - Shanti Parva - Chapter Text
12-254-0 (75595)
ব্যাস উবাচ। 12-254-0x (6259)
মনঃ প্রসৃজতে ভাবং বুদ্ধিরধ্যবসায়িনী।
হৃদয়ং প্রিয়াপ্রিয়ে বেদ ত্রিবিধা কর্মবেদনা॥ 12-254-1 (75596)
ইন্দ্রিয়েভ্যঃ পরা হ্যর্থা অর্থেভ্যঃ পরমং মনঃ।
মনসস্তু পরা বুদ্ধির্বুদ্ধেরাত্মা পরো মতঃ॥ 12-254-2 (75597)
বুদ্ধিরাত্মা মনুষ্যস্য বুদ্ধিরেবাত্মনো গতিঃ।
যদা বিকুরুতে ভাব তদা ভবতি সা মনঃ॥ 12-254-3 (75598)
ইন্দ্রিয়াণাং পৃথগ্ভাবাদ্বুদ্ধির্বিক্রিয়তেঽসকৃৎ।
শৃণ্বতী ভবতি শ্রোত্রং স্পৃশতী স্পর্শ উচ্যতে॥ 12-254-4 (75599)
পশ্যতী ভবতে দৃষ্টী রসতী রসনং ভবেৎ।
জিঘ্রতী ভবতি ঘ্রাণং বুদ্ধির্বিক্রিয়তে পৃথক্॥ 12-254-5 (75600)
ইন্দ্রিয়াণীতি তান্যাহুস্তেষ্বদৃশ্যোঽধিতিষ্ঠতি।
তিষ্ঠতী পুরুষে বুদ্ধিস্ত্রিষু ভাবেষু বর্ততে॥ 12-254-6 (75601)
কদাচিল্লভতে প্রীতিং কদাচিদপি শোচতি।
ন সুখেন ন দুঃখেন কদাচিদিহ যুজ্যতে॥ 12-254-7 (75602)
সেয়ং ভাবাত্মিকা ভাবাংস্ত্রীনেতাননুবর্ততে।
সরিতাং সাগরো ভর্তা মহাবেলামিবোর্মিমান্॥ 12-254-8 (75603)
যদা প্রার্থয়তে কিংচিত্তদা ভবতি সা মনঃ।
অধিষ্ঠানানি বৈ বুদ্ধ্যাং পৃথগেতানি সংস্মরেত।
ইন্দ্রিয়াণ্যেবমেতানি বিজেতব্যানি কৃৎস্নশঃ॥ 12-254-9 (75604)
সর্বাণ্যেবানুপূর্ব্যেণ যদ্যদাঽনুবিধীয়তে।
অবিভাগগতা বুদ্ধির্ভাবে মনসি বর্ততে। 12-254-10c` প্রবর্তমানং তু রজঃ সৎবমপ্যনুবর্ততে॥' 12-254-10 (75605)
যে চৈব ভাবা বর্তন্তে সর্ব এষ্বেব তে ত্রিষু।
অন্বর্থাঃ সংপ্রবর্তন্তে রথনেমিমরা ইব॥ 12-254-11 (75606)
প্রদীপার্থং মনঃ কুর্যাদিন্দ্রিয়ৈর্বুদ্ধিসত্তমৈঃ।
নিশ্চরদ্ভির্যথায়োগমুদাসীনৈর্যদৃচ্ছয়া॥ 12-254-12 (75607)
এবং স্বভাবমেবেদমিতি বিদ্বান্ন মুহ্যতি।
অশোচন্নপ্রহৃষ্যন্হি নিত্যং বিগতমৎসরঃ॥ 12-254-13 (75608)
ন চাত্মা শক্যতে দ্রষ্টুমিন্দ্রিয়ৈঃ কামগোচরৈঃ।
প্রবর্তমানৈরনয়ৈর্দুর্ধর্ষৈরকৃতাত্মভিঃ॥ 12-254-14 (75609)
তেষাং তু মনসা রশ্মীন্যদা সম্যঙ্ক্তিয়চ্ছতি।
তদা প্রকাশতেঽস্যাত্মা দীপদীপ্তা যথাঽঽকৃতিঃ॥ 12-254-15 (75610)
সর্বেষামেব ভূতানাং মনস্যুপরতে যথা।
প্রকাশং ভবতে সর্বং তথেদমুপধার্যতাম্॥ 12-254-16 (75611)
যথা বারিচরঃ পক্ষী ন লিপ্যতি জলে চরন্।
বিমুক্তাত্মা তথা যোগী গুণদোষৈর্ন লিপ্যতে॥ 12-254-17 (75612)
এবমেব কৃতপ্রজ্ঞো ন দোষৈর্বিষয়াংশ্চরন্।
অসজ্জমানঃ সর্বেষু কথংচন ন লিপ্যতে॥ 12-254-18 (75613)
ত্যক্ৎবা পূর্বকৃতং কর্ম রতির্যস্য সদাঽঽত্মনি।
সর্বভূতাত্মভূতস্য গুণবর্গেষ্বসজ্জতঃ॥ 12-254-19 (75614)
সৎবমাত্মা প্রসরতি গুণান্বাঽপি কদাচন।
ন গুণা বিদুরাত্মানং গুণান্বেদ স সর্বদা॥ 12-254-20 (75615)
পরিদ্রষ্টা গুণানাং চ পরিস্রষ্টা যথাতথম্।
ক্ষেতক্ষেত্রজ্ঞয়োরেতদন্তরং বিদ্ধি সূক্ষ্ময়োঃ॥ 12-254-21 (75616)
সৃজতেঽত্র গুণানেক একো ন সৃজতে গুণান্।
পৃথগ্ভূতৌ প্রকৃত্যা তৌ সংপ্রয়ুক্তৌ চ সর্বদা॥ 12-254-22 (75617)
যথা মৎস্যোঽদ্ভিরন্যঃ স্যাৎসংপ্রয়ুক্তৌ তথৈব তৌ।
মশকোদুম্বরৌ বাঽপি সংপ্রয়ুক্তৌ যথা সহ॥ 12-254-23 (75618)
ইষীকা বা যথা মুঞ্জে পৃথক্চ সহ চৈব চ।
তথৈব সহিতাবেতাবন্যোন্যস্মিন্প্রতিষ্ঠিতৌ॥ ॥ 12-254-24 (75619)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুঃপঞ্চাশদধিকদ্বিশততমোঽধ্যায়ঃ॥ 254॥
শান্তিপর্ব - অধ্যায় 255
॥ শ্রীঃ ॥
12.255. অধ্যায়ঃ 255
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জ্ঞানাদিপ্রশংসাপরব্যাসবাক্যানুবাদঃ॥ 1॥Mahabharata - Shanti Parva - Chapter Text
12-255-0 (75620)
ব্যাস উবাচ। 12-255-0x (6260)
সৃজতে ত্রিগুণান্সৎবং ক্ষেত্রজ্ঞস্ৎবধিতিষ্ঠতি।
গুণান্বিক্রিয়তে সর্বানুদাসীনবদীশ্বরঃ॥ 12-255-1 (75621)
স্বভাবয়ুক্তং তৎসৎবং যদিমান্সৃজতে গুণান্।
ঊর্ণনাভির্যথা সূত্রং সৃজতে তন্তুবদ্গুণান্॥ 12-255-2 (75622)
প্রধ্বস্তা ন নিবর্তন্তে প্রবৃত্তির্নোপলভ্যতে।
এবমেকে ব্যবস্যন্তি নিবৃত্তিরিতি চাপরে॥ 12-255-3 (75623)
উভয়ং সংপ্রধার্যৈতদধ্যবস্যেদ্যথামতি।
অনেনৈব বিধানেন ভবেদ্গর্ভশয়ো মহান্॥ 12-255-4 (75624)
অনাদিনিধনং নিত্যং তং বুদ্ধ্বা বিচরেন্নরঃ।
অক্রুধ্যন্নপ্রহৃষ্যংশ্চ নিত্যং বিগতমৎসরঃ॥ 12-255-5 (75625)
ইত্যেবং হৃদয়গ্রন্থিং বুদ্ধিচিন্তাময়ং দৃঢম্।
অতীত্য সুখমাসীত অশোচংশ্ছিন্নসংশয়ঃ॥ 12-255-6 (75626)
তাম্যেয়ুঃ প্রচ্যুতাঃ পৃথ্ব্যাং যথা পূর্ণাং নদীং নরাঃ।
অবগাঢা হ্যবিদ্বাংসো বিদ্ধি লোকমিমং তথা॥ 12-255-7 (75627)
ন তু তাম্যতি বৈ বিদ্বান্স্থলে চরতি তত্ৎববিৎ।
এবং যো বিন্দতেঽঽত্মানং কেবলং জ্ঞানমাত্মনঃ॥ 12-255-8 (75628)
এবং বুদ্ধ্বা নরঃ সর্বং ভূতানামাগতিং গতিম্।
সমবেক্ষ্য চ বৈষম্যং লভতে শমমুত্তমম্॥ 12-255-9 (75629)
এতদ্বৈ জন্মসামর্থ্যং ব্রাহ্মণস্য বিশেষতঃ।
আত্মজ্ঞানং শমশ্চৈব পর্যাপ্তং তৎপরায়ণম্॥ 12-255-10 (75630)
এতদ্বুদ্ধ্বা ভবেদ্বুদ্ধঃ কিমন্যদ্বুদ্ধলক্ষণম্।
বিজ্ঞায়ৈতদ্বিমুচ্যন্তে কৃতকৃত্যা মনীষিণঃ॥ 12-255-11 (75631)
ন ভবতি বিদুষাং মহদ্ভয়ং
যদবিদুষাং সুমহদ্ভয়ং পরত্র।
ন হি গতিরধিকাঽস্তি কস্যচি
দ্ভবতি হি যা বিদুষঃ সনাতনী॥ 12-255-12 (75632)
লোকমাতুরমসূয়তে জন
স্তত্তদেব চ নিরীক্ষ্য শোচতে।
তত্র পশ্য কুশলানশোচতো
যে বিদুস্তদুভয়ং কৃতাকৃতম্॥ 12-255-13 (75633)
যৎকরোত্যনভিসন্ধিপূর্বকং
তচ্চ নির্ণুদতি ---
ন প্রিয়ং তদুভয়ং ন চাপ্রিয়
তস্য তজ্জনয়তীহ কুর্বতঃ॥ ॥ 12-255-14 (75634)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চপঞ্চাশদধিকদ্বিশততমোঽধ্যায়ঃ॥ 255॥
Mahabharata - Shanti Parva - Chapter Footnotes
12-255-2 ঊর্ণনাভির্যথা সৎবমিতি ট. ড. পাঠঃ॥ 12-255-7 নাত্যেয়ুঃ প্রচ্যুতা ইতি ধ. পাঠঃ॥শান্তিপর্ব - অধ্যায় 256
॥ শ্রীঃ ॥
12.256. অধ্যায়ঃ 256
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জ্ঞানোপায়াদিপ্রতিপাদকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-256-0 (75635)
শুক উবাচ। 12-256-0x (6261)
যস্মাদ্ধর্মাৎপরো ধর্মো বিদ্যদে নেহ কশ্চন।
যো বি----- ন্প্রব্রবীতু মে॥ 12-256-1 (75636)
ব্যাস উবাচ। 12-256-2x (6262)
ধর্মং তি সংপ্রবক্ষ্যামি পুরাণমৃষিসংস্তুতম্।
বিশিষ্টং সর্বধর্মেভ্যস্তমিহৈকমনাঃ শৃণু॥ 12-256-2 (75637)
ইন্দ্রিয়া-----প্রমাথীনি বুদ্ধ্যা সংয়ম্য যত্নতঃ।
সর্বতো
------------
--------॥ 12-256-3 (75638)
মনসশ্চেন্দ্রিয়াণা চাপ্যকাগ্র্য পরমং তপ।
তজ্জ্যায়ঃ সর্বধর্মেভ্যঃ স ধর্মঃ পর উচ্য॥ 12-256-4 (75639)
তানি সর্বাণি সংধায় মনঃষষ্ঠানি মেধয়া।
আত্মতৃপ্ত ইবাসীত বহুচিন্ত্যমচিন্তয়ন্॥ 12-256-5 (75640)
গোচরেভ্যো নিবৃত্তানি যদা স্থাস্যন্তি বেশ্মনি।
তদা ৎবমাত্মনাঽঽত্মানং পরং দ্রক্ষ্যসি শাশ্বতম্॥ 12-256-6 (75641)
সর্বাত্মানং মহাত্মানং বিধূমমিব পাবকম্।
তং পশ্যন্তি মহাত্মানো ব্রাহ্মণা যে মনীষিণঃ॥ 12-256-7 (75642)
যথা পুষ্পফলোপেতো বহুশাখো মহাদ্রুমঃ।
আত্মনো নাভিজানীতে ক্ব মে পুষ্পং ক্ব মে ফলম্॥ 12-256-8 (75643)
এবমাত্মা ন জানীতে ক্ব গভিষ্যে কুতস্ৎবহম্।
অন্যো হ্যত্রান্তরাত্মাঽস্তি যঃ সর্বমনুপশ্যতি॥ 12-256-9 (75644)
জ্ঞানদীপেন দীপ্তেন পশ্যত্যাত্মানমাত্মনা।
দৃষ্ট্বা ৎবমাত্মনাঽঽত্মানং নিরাত্মা ভব সর্ববিৎ॥ 12-256-10 (75645)
বিমুক্তঃ সর্বপাপেভ্যো বিমুক্তৎবগিবোরগঃ।
পরাং বুদ্ধিমবাপ্যেহ বিপাপ্মা বিগতজ্বরঃ॥ 12-256-11 (75646)
সর্বতঃ প্রবহাং ঘোরাং নদীং লোকপ্রবাহিনীম্।
পঞ্চেন্দ্রিয়গ্রাহবতীং মনঃসংকল্পরোধসম্॥ 12-256-12 (75647)
লোভমোহতৃণচ্ছন্নাং কামক্রোধসরীসৃপাম্।
সত্যতীর্থানৃতক্ষোভাং ক্রোধপঙ্কাং সরিদ্বরাম্॥ 12-256-13 (75648)
অব্যক্তপ্রভবাং শীঘ্রাং দুস্তরামকৃতাত্মভিঃ।
প্রতরস্ব নদীং বুদ্ধ্যা কামগ্রাহসমাকুলাম্॥ 12-256-14 (75649)
------------
তালদ্স্তরাম্।
আত্মকমা---------জিহ্বাবর্তাং দুরাসদাম্॥ 12-256-15 (75650)
যাং তরন্তি কৃতপ্রজ্ঞা ধৃতিমন্তো মনীষিণঃ।
তাং তীর্ণঃ সর্বতোমুক্তো বিধূতাত্মাঽঽত্মবিচ্ছুচিঃ॥ 12-256-16 (75651)
উত্তমাং বুদ্ধিমাস্থায় ব্রহ্মভূয়ং ভবিষ্যসি।
সংতীর্ণঃ সর্বসংক্লেশান্প্রসন্নাত্মা বিকল্মষঃ॥ 12-256-17 (75652)
ভূমিষ্ঠানীব ভূতানি পর্বতস্থো নিশাময়।
অক্রুধ্যন্নপ্রহৃষ্যংশ্চ অনৃশংসমতিস্তথা॥ 12-256-18 (75653)
ততো দ্রক্ষ্যসি সর্বেষাং ভূতানাং প্রভবাপ্যযৌ।
এনং বৈ সর্বভূতেভ্যো বিশিষ্টং মেনিরে বুধাঃ।
ধর্মং ধর্মভৃতাং শ্রেষ্ঠা মুনয়স্তত্ৎবদর্শিনঃ॥ 12-256-19 (75654)
আত্মনো ব্যাপিনো জ্ঞানমিদং পুত্রানুশাসনম্।
প্রয়তায় প্রবক্তব্যং হিতায়ানুগতায় চ॥ 12-256-20 (75655)
আত্মজ্ঞানমিদং গুহ্যং সর্বগুহ্যতমং মহৎ।
অব্রুবং যদহং তাত আত্মসাক্ষিকমঞ্জসা॥ 12-256-21 (75656)
নৈব স্ত্রী ন পুমানেতন্নৈব বেদ নপুংসকম্।
অদুঃখমসুখং ব্রহ্ম ভূতভব্যভবাত্মকম্॥ 12-256-22 (75657)
নৈতজ্জ্ঞাৎবা পুমান্স্ত্রী বা পুনর্ভবমবাপ্নুতে।
স্বভাবপ্রতিপত্ত্যর্থমেতদ্ধর্মং বিধীয়তে॥ 12-256-23 (75658)
যথা মতানি সর্বাণি তথৈতানি যথাতথা।
কথিতানি ময়া পুত্র ভবন্তি ন ভবন্তি চ॥ 12-256-24 (75659)
তৎপ্রীতিয়ুক্তেন গুণান্বিতেন
পুত্রেণ সৎপুত্র দমান্বিতেন।
পৃষ্টো হি সংপ্রীতিমনা যথার্থং
ব্রূয়াৎসুতস্যেহ যদুক্তমেতৎ॥ ॥ 12-256-25 (75660)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষট্পঞ্চাশদধিকদ্বিশততমোঽধ্যায়ঃ॥ 256॥
Mahabharata - Shanti Parva - Chapter Footnotes
12-256-3 নিষ্যতিষ্ণূনি নিষ্যতনশীলানি সংনিয়ম্যৈকাগ্র্যং সংবন্ধঃ॥ 12-256-15 --ত্মজন্মোদ্ভবামিতি ট. ধ. পাঠঃ॥শান্তিপর্ব - অধ্যায় 257
॥ শ্রীঃ ॥
12.257. অধ্যায়ঃ 257
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সাধনসামগ্রীপ্রতিপাদকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-257-0 (75661)
ব্যাস উবাচ। 12-257-0x (6263)
---গন্ধান্রসান্নানুরুন্ধ্যাৎসখং বা
--------কীর্তি চ যশশ্চ নচ্ছ-।
----- বৈ প্রাচরঃ পশ্যতো ব্রাহ্মণস্য॥ 12-257-1 (75662)
----নধীয়ীত শুশ্রূষুর্ব্রহ্মচর্যবান্।
ঋবো যজূংষি সামানি বেদবেদাঙ্গপারগঃ॥ 12-257-2 (75663)
জ্ঞানী যঃ সর্বভূতানাং সর্ববিৎসর্বভূতবিৎ।
নাকামো ম্রিয়তে জাতু
------------
-॥ 12-257-3 (75664)
ইষ্টী------শ্রাপ্য ক্রতূশ্চবাপ্তদাক্ষণান্।
প্রাপ্নোতি নৈব ব্রাহ্মণ্যমবিজ্ঞানাৎকথংচন॥ 12-257-4 (75665)
যদা চায়ং ন বিভেতি যদা চাস্মান্ন বিয়তি।
যদা নেচ্ছতি ন দ্বেষ্টি ব্রহ্ম সংপদ্যতে তদা॥ 12-257-5 (75666)
যদা ন কুরুতে ভাবং সর্বভূতেষু পাপকম্।
কর্মণা মনসা বাচা ব্রহ্ম সংপদ্যতে তদা॥ 12-257-6 (75667)
কামবন্ধনমেবেদং নান্যদস্তীহ বন্ধনম্।
কামবন্ধনমুক্তো হি ব্রহ্মভূয়ায় কল্পতে॥ 12-257-7 (75668)
কামতো মুচ্যমানস্তু ধূমাভ্রাদিব চন্দ্রমাঃ।
বিরজাঃ কালমাকাঙ্ক্ষন্ধীরো ধৈর্যেণ বর্ততে॥ 12-257-8 (75669)
আপূর্যমাণমচলপ্রতিষ্ঠং
সমুদ্রমাপঃ প্রবিশন্তি যদ্বৎ।
তদ্বৎকামা যং প্রবিশন্তি সর্বে
স শান্তিমাপ্নোতি ন কামকামঃ॥ 12-257-9 (75670)
ক কামকান্তো ন তু কামকামঃ
স বৈ কামাৎস্বর্গমুপৈতি দেহী॥ 12-257-10 (75671)
বেদস্যোপনিপদ্দানং দানস্যোপনিষদ্দমঃ।
দমস্যোপনিপদ্দানং দানস্যোপনিপত্তপঃ॥ 12-257-11 (75672)
তপসোপনিপত্ত্যাগস্ত্যাগস্যোপনিপৎসুখম্।
সুখস্যোপনিপৎস্বর্গঃ স্বর্গস্যোপনিপচ্ছমঃ॥ 12-257-12 (75673)
ক্লেদনং শোকমনসোঃ সংতীর্ণং তৃষ্ণয়া সহ।
সৎবমৃচ্ছতি সংতোপাচ্ছান্তিলক্ষণমুত্তমম্॥ 12-257-13 (75674)
বিশোকো নির্মমঃ শাংতঃ প্রশাংতাত্মাঽত্মবিচ্ছুচিঃ।
পঙ্গির্লক্ষণবানেতৈঃ সমগ্রঃ পুনরেষ্যতি॥ 12-257-14 (75675)
পঙ্ভিঃ সৎবগুণোপেতৈঃ প্রাজ্ঞৈরধিগতং ত্রিভিঃ।
যে বিদুঃ প্রত্যগাত্মানমিহস্থানমৃতান্বিদুঃ॥ 12-257-15 (75676)
অকৃত্রিমমসংহার্যং প্রাকৃতং নিরুপস্কৃতম্।
অধ্যাত্মবিৎকৃতপ্রজ্ঞঃ সুখমব্যযমশ্নুতে॥ 12-257-16 (75677)
নিষ্প্রচারং মনঃ কৃৎবা প্রতিষ্ঠাপ্য চ সর্বশঃ।
যাময়ং লভতে তুষ্টিং সা ন শক্যাঽঽত্মনোন্যথা॥ 12-257-17 (75678)
যেন তৃপ্যত্যভুঞ্জানো যেন তৃপ্যত্যবিত্তবান্।
যেনাস্নেহো বলং ধত্তে যস্তং বেদ স বেদবিৎ॥ 12-257-18 (75679)
অসঙ্গো হ্যাত্মনো দ্বারাণ্যপিধায় বিচিন্তয়ন্।
যো হ্যাস্তে ব্রাহ্মণঃ শিষ্টঃ স আত্মরতিরুচ্যতে॥ 12-257-19 (75680)
সমাহিতং পরে তত্ৎবে ক্ষীণকামমবস্থিতম্।
সর্বতঃ সুখমন্বেতি বপুশ্চান্দ্রমসং যথা॥ 12-257-20 (75681)
অবিশেষাণি ভূতানি গুণাংশ্চ জহতো মুনেঃ।
সুখেনাপোহ্যতে দুঃখং ভাস্করেণ তমো যথা॥ 12-257-21 (75682)
তমতিক্রান্তকর্মাণমতিক্রান্তগুণক্ষয়ম্।
ব্রাহ্মণং বিপয়াশ্লিষ্টং জরামৃত্যূ ন বিন্দতঃ॥ 12-257-22 (75683)
স যদা সর্বতো মুক্তঃ সমঃ পর্যবতিষ্ঠতে।
ইন্দ্রিয়াণীন্দ্রিয়ার্থাংশ্চ শরীরস্থোঽতিবর্ততে॥ 12-257-23 (75684)
কারণং পরমং প্রাপ্য অতিক্রান্তস্য কার্যতাম্।
পুনরাবর্তনং নাস্তি সংপ্রাপ্তস্য পরাৎপরম্॥ ॥ 12-257-24 (75685)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তপঞ্চাশদধিকদ্বিশততমোঽধ্যায়ঃ॥ 257॥
Mahabharata - Shanti Parva - Chapter Footnotes
12-257-9 সকামকামো নতু কামকামঃ স বৈ লোকং স্বর্গমুপৈতি দেহীতি ট. ড. পাঠঃ॥ 12-257-16 অধ্যাত্মসুকূতপ্রজ্ঞমিতি ট.ড. পাঠঃ॥শান্তিপর্ব - অধ্যায় 258
॥ শ্রীঃ ॥
12.258. অধ্যায়ঃ 258
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি আকাশাদিভূতগুণাদিপ্রতিপাদকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-258-0 (75686)
ব্যাস উবাচ। 12-258-0x (6264)
দ্বন্দ্বাসি মোক্ষজিজ্ঞাসুরর্থধর্মানুতিষ্ঠতঃ।
বক্রা গুণবতা শিষ্যঃ শ্রাব্যঃ পূর্বমিদং মহৎ॥ 12-258-1 (75687)
আকাশং মারুতো জ্যোতিরা--পৃথ্বী চ পঞ্চমী।
ভাবাভাবৌ চ কালশ্চ সর্বভূতেষু পঞ্চসু॥ 12-258-2 (75688)
অন্তরাত্মকমাকাশং তন্ময়ং শ্রোত্রমিন্দ্রিয়ম্।
তস্য শব্দং গুণং বিদ্যান্মুনিঃ শাস্ত্রবিধানবিৎ॥ 12-258-3 (75689)
চরণং মারুতাত্মেতি প্রাণাপানৌ চ তন্ময়ৌ।
স্পর্শনং চেন্দ্রিয়ং বিদ্যাত্তথা স্পর্শং চ তন্ময়ম্॥ 12-258-4 (75690)
তাপঃ পাকঃ প্রকাশশ্চ জ্যোতিশ্চক্ষুশ্চ তন্ময়ম্।
তস্য রূপং গুণং বিদ্যাত্তমোনাশকমাত্মবান্॥ 12-258-5 (75691)
প্রক্লেদো দ্রবতা স্নেহ ইত্যপামুপদিশ্যতে।
[অসৃঙ্ভজ্জা চ যচ্চান্যৎস্নিগ্ধং বিদ্যাত্তদাত্মকম্॥]
রসনং চেন্দ্রিয়ং জিহ্বা রসশ্চাপাং গুণো মতঃ॥ 12-258-6 (75692)
সংঘাতঃ পার্থিবো ধাতুরস্থিদন্তনখানি চ।
শ্মশ্চু রোম চ কেশাশ্চ সিরা স্নায়ু চ চর্ম চ॥ 12-258-7 (75693)
ইন্দ্রিয়ং ঘ্রাণসংজ্ঞাতং নাসিকেত্যভিসংজ্ঞিতা।
গন্ধশ্চৈবেন্দ্রিয়ার্থোঽয়ং বিজ্ঞেয়ঃ পৃথিবীময়ঃ॥ 12-258-8 (75694)
উত্তরেষু গুণাঃ সর্বে সন্তি পূর্বেষু নোত্তরাঃ।
পঞ্চানাং ভূতসঙ্ঘানাং সংততিং মুনয়ো বিদুঃ॥ 12-258-9 (75695)
মনো নবমমেষাং তু বুদ্ধিস্তু দশমী স্মৃতা।
একাদশস্ৎবন্তরাত্মা স সর্বঃ পর উচ্যতে॥ 12-258-10 (75696)
ব্যবসায়াত্মিকা বুদ্ধির্মনো ব্যাকরণাত্মকম্।
কর্মানুমানাদ্বিজ্ঞেয়ঃ স জীবঃ ক্ষেত্রসংজ্ঞকঃ॥ 12-258-11 (75697)
এভিঃ কালাত্মকৈর্ভাবৈর্যঃ সর্বৈঃ সর্বমন্বিতম্।
পশ্যত্যকলুয়ং বুদ্ধ্যা স মোহং নানুবর্ততে॥ ॥ 12-258-12 (75698)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টপঞ্চাশদধিকদ্বিশততমোঽধ্যায়ঃ॥ 258॥
Mahabharata - Shanti Parva - Chapter Footnotes
12-258-1 দ্বন্দ্বান্নির্মোক্ষজিজ্ঞাসুরিতি ধ. পাঠঃ॥ 12-258-9 উত্তরেষু ভূতেষু পূর্বভূতগুণাঃ সন্তি॥ 12-258-11 মনোব্যাহরণাত্মকমিতি ট. থ. পাঠঃ॥শান্তিপর্ব - অধ্যায় 259
॥ শ্রীঃ ॥
12.259. অধ্যায়ঃ 259
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি যোগিপ্রশংসাদিপরব্যাসবাক্যানুবাদঃ॥ 1॥Mahabharata - Shanti Parva - Chapter Text
12-259-0 (75699)
ব্যাস উবাচ। 12-259-0x (6265)
শরীরাদ্বিপ্রমুক্তং হি সূক্ষ্মভূতং শরীরিণম্।
কর্মভিঃ পরিপশ্যন্তি শাস্ত্রোক্তৈঃ শাস্ত্রচেতসঃ॥ 12-259-1 (75700)
যথা মরীচ্যঃ সহিতাশ্চরন্তি
গচ্ছন্তি তিষ্ঠন্তি চ দৃশ্যমানাঃ।
দেহৈর্বিমুক্তানি বরন্তি লোকাং
স্তথৈব সৎবান্যতিমানুষাণি॥ 12-259-2 (75701)
প্রতিরূপং যথৈবাপ্সু তাবৎসূর্যস্য লক্ষ্যতে।
সৎববাংস্তু তথা সৎবং প্রতিরূপং স পশ্যতি॥ 12-259-3 (75702)
তানি সূক্ষ্মাণি সৎবানি বিমুক্তানি শরীরতঃ।
তেন তৎবেন তৎবজ্ঞাঃ পশ্যন্তি নিয়তেন্দ্রিয়াঃ॥ 12-259-4 (75703)
স্বপতাং জাগ্রতাং চৈষ সর্বেষামাত্মচিন্তিতম্।
প্রধানাদ্বৈধয়ুক্তানাং দহ্যতে কর্মজং রজঃ॥ 12-259-5 (75704)
যথাঽহনি তথা রাত্রৌ যথা রাত্রৌ তথাঽহনি।
বশে তিষ্ঠতি সৎবাত্মা সততং যোগয়োগিনাম্॥ 12-259-6 (75705)
তেষাং নিত্যং সদা নিত্যো ভূতাত্মা সততং গুণৈঃ।
সপ্তভিস্ৎবন্বিতঃ সূক্ষ্মৈশ্চরিষ্ণুরজরামরঃ॥ 12-259-7 (75706)
মনোবুদ্ধিপরাভূতঃ স্বদেহপরদেহবিৎ।
স্বপ্নেষ্বপি ভবত্যেষ বিজ্ঞাতা সুখদুঃখয়োঃ॥ 12-259-8 (75707)
তত্রাপি লভতে দুঃখং তত্রাপি লভতে সুখম্।
কামং ক্রোধং চ তত্রাপি কৃৎবা ব্যসনমৃচ্ছতি॥ 12-259-9 (75708)
প্রীণিতশ্চাপি ভবতি মহতোঽর্থানবাপ্য হি।
করোতি পুণ্যং তত্রাপি জাগ্রন্নিব চ পশ্যতি॥ 12-259-10 (75709)
সদোষ্মান্তর্গতশ্চাপি গর্ভৎবং সমুপেয়িবান্।
দশ মাসান্বসন্কুক্ষৌ নৈষোঽন্নমিব জীর্যতে॥ 12-259-11 (75710)
তমেতমতিতেজোংশং ভূতাত্মানং হৃদি স্থিতম্।
তমোরজোভ্যামাবিষ্টা নানুপশ্যন্তি মূর্তিষু॥ 12-259-12 (75711)
যোগশাস্ত্রপরা ভূৎবা স্বমাত্মানং পরীপ্সবঃ।
`তমোরজোভ্যাং নির্মুক্তাস্তং প্রপশ্যন্তি মূর্তিষু।'
অনুচ্ছ্বাসান্যমূর্তানি যানি বজ্রোপমান্যপি॥ 12-259-13 (75712)
পৃথগ্ভূতেষু সৃষ্টেষু চতুর্ষ্বাশ্রমকর্মসু।
সমাধৌ যোগমেবৈতচ্ছাণ্ডিল্যঃ সমমব্রবীৎ॥ 12-259-14 (75713)
বিদিৎবা সপ্তসূক্ষ্মাণি ষডঙ্গং চ মহেশ্বরম্।
প্রধানবিনিয়োগজ্ঞঃ পরং ব্রহ্মানুপশ্যতি॥ ॥ 12-259-15 (75714)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনষষ্ট্যধিকদ্বিশততমোঽধ্যায়ঃ॥ 259॥
Mahabharata - Shanti Parva - Chapter Footnotes
12-259-8 স্বপ্নেষ্বপি স্বদেহং পরদেহং চ স্থূলাদন্যং বেত্তীতি তথা॥ 12-259-13 বজ্রোপমানি ব্রাহ্মপ্রলয়েঽপ্যবিনাশীনি॥শান্তিপর্ব - অধ্যায় 260
॥ শ্রীঃ ॥
12.260. অধ্যায়ঃ 260
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কামাদিশক্তিপ্রতিপাদনপূর্বকতজ্জয়োপায়প্রতিপাদনপরব্যাসবাক্যানুবাদঃ॥ 1॥Mahabharata - Shanti Parva - Chapter Text
12-260-0 (75749)
ব্যাস উবাচ। 12-260-0x (6269)
হৃদি কামদ্রুমশ্চিত্রো মোহসংচয়সংভবঃ।
ক্রোধমানমহাস্কন্ধো বিবিৎসাপরিবেষণঃ॥ 12-260-1 (75750)
তস্য চাজ্ঞানমাধারঃ প্রমাদঃ পরিষেচনম্।
সোঽভ্যসূয়াপলাশো হি পুরা দুষ্কৃতসারবান্॥ 12-260-2 (75751)
সংমোহচিন্তাবিটপঃ শোকশাখো ভয়াঙ্কুরঃ।
মোহনীভিঃ পিপাসাভির্লতাভিরনুবেষ্টিতঃ॥ 12-260-3 (75752)
উপাসতে মহাবৃক্ষং সুলুব্ধাস্তৎফলেপ্সবঃ।
আয়তৈঃ সংয়ুতাঃ পাশৈঃ ফলদং পরিবেষ্ট্য তম্॥ 12-260-4 (75753)
যস্তান্পাশান্বশে কৃৎবা তং বৃক্ষমপকর্ষতি।
গতঃ স দুঃখয়োরন্তং জরামরণয়োর্দ্বয়োঃ॥ 12-260-5 (75754)
সংরোহত্যকৃতপ্রজ্ঞঃ সসৎবো হন্তি পাদপম্।
স তমেবাহতো হন্তি বিষং গ্রস্তমিবাতুরম্॥ 12-260-6 (75755)
তস্যানুগতমূলস্য মূলমুদ্ভিয়তে বলাৎ।
যোগপ্রসাদাৎকৃতিনা সাম্যেন পরমাসিনা॥ 12-260-7 (75756)
এবং যো বেদ কামস্য কেবলং পরিসর্পণম্।
এতচ্চ কামশাস্ত্রস্য সুদুঃখান্যতিবর্ততে॥ 12-260-8 (75757)
শরীরং পুরমিত্যাহুঃ স্বামিনী বুদ্ধিরিষ্যতে।
তত্র বুদ্ধেঃ শরীরস্থং মনো নামার্থচিন্তকম্॥ 12-260-9 (75758)
ইন্দ্রিয়াণি জনাঃ পৌরাস্তদর্থং তু পরা কৃতিঃ।
তত্র দ্বৌ দারুণৌ দোষৌ তমো নাম রজস্তথা।
তদর্থমুপজীবন্তি পৌরাঃ সহ পুরেশ্বরৈঃ॥ 12-260-10 (75759)
অদ্বারেণ তমেবার্থং দ্বৌ দোষাবুপজীবতঃ।
তত্র বুদ্ধির্হি দুর্ধর্ষা মনঃ সাধর্ম্যমুচ্যতে॥ 12-260-11 (75760)
পৌরাশ্চাপি মনস্তৃপ্তাস্তেষামপি চলা স্থিতিঃ।
যদর্থং বুদ্ধিরধ্যাস্তে সোঽনর্থঃ পরিষীদতি॥ 12-260-12 (75761)
`পৌরমন্ত্রবিয়ুক্তায়াঃ সোঽর্থঃ সংসীদতি ক্রমাৎ'।
যদর্থং পৃথগধ্যাস্তে মনস্তৎপরিষীদতি॥ 12-260-13 (75762)
পৃথগ্ভূতং মনো বুদ্ধ্যা মনো ভবতি কেবলম্।
তত্রৈনং বিকৃতং শূন্যং রজঃ পর্যবতিষ্ঠতে॥ 12-260-14 (75763)
তন্মনঃ কুরুতে সখ্যং রজসা সহ সংগতম্।
তং চাদায় জনং পৌরং রজসে সংপ্রয়চ্ছতি॥ ॥ 12-260-15 (75764)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষষ্ট্যধিকদ্বিশততমোঽধ্যায়ঃ॥ 260॥
Mahabharata - Shanti Parva - Chapter Footnotes
12-260-1 বিধিৎসা পরিষেচন ইতি ঝ. পাঠঃ॥ 12-260-3 শোকশাখাভয়ংকর ইতি ড. থ. পাঠঃ॥ 12-260-4 ফলাদায়িভিরন্বিত ইতি ধ. পাঠঃ। পাশৈঃ ফলানি পরিভক্ষয়ন্নিতি ড. থ. পাঠঃ॥ 12-260-5 ত্যাগপ্রমাদ কৃতিনেতি ড. থ. পাঠঃ॥শান্তিপর্ব - অধ্যায় 261
॥ শ্রীঃ ॥
12.261. অধ্যায়ঃ 261
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি পৃথিব্যাদিভূদগুণপ্রতিপাদকব্যাসবাক্যানুবাদঃ॥ 1॥Mahabharata - Shanti Parva - Chapter Text
12-261-0 (75765)
ভীষ্ম উবাচ। 12-261-0x (6270)
ভূতানাং গুণসঙ্খ্যানং ভূয়ঃ পুত্র নিশাময়।
দ্বৈপায়নমুখাদ্ধষ্টং শ্লাঘয়া পরয়াঽনঘ॥ 12-261-1 (75766)
দীপ্তানলনিভঃ প্রাহ ভগবান্ধূমবৎসলঃ।
ততোঽহমপি বক্ষ্যামি ভূয়ঃ পুত্র নিদর্শনম্॥ 12-261-2 (75767)
ভূমেঃ স্থৈর্যং গুরুৎবং চ কাঠিন্যং প্রসবাত্মতা।
গন্ধো ভারশ্চ শক্তিশ্চ সংঘাতঃ স্থাপনা ধৃতিঃ॥ 12-261-3 (75768)
অপাং শৈত্যং রসঃ ক্লেদো দ্রবৎবং স্নেহসৌম্যতা।
জিহ্বাবিস্যন্দনং চাপি ভৌমানাং শ্রপণং তথা॥ 12-261-4 (75769)
অগ্নের্দুর্ধর্ষতা জ্যোতিস্তাপঃ পাকঃ প্রকাশনম্।
শৌচং রাগো লঘুস্তৈক্ষ্ণ্যং সততং চোর্ধ্বভাগিতা॥ 12-261-5 (75770)
বায়োরনিয়মস্পর্শো বাদস্থানং স্বতন্ত্রতা।
বলং শৈধ্যং চ মোক্ষং চ কর্ম চেষ্টাত্মতা ভবঃ॥ 12-261-6 (75771)
আকাশস্য গুণঃ শব্দো ব্যাপিৎবং ছিদ্রতাঽপি চ।
অনাশ্রয়মনালম্বমব্যক্তমবিকারিতা॥ 12-261-7 (75772)
অপ্রতীঘাতিতা চৈব শ্রোতৎবং বিবরাণি চ।
গুণাঃ পঞ্চাশতং প্রোক্তাঃ পঞ্চভূতবিভাবিতাঃ॥ 12-261-8 (75773)
ফলোপপত্তির্ব্যক্তিশ্চ বিসর্গঃ কল্পনা ক্ষমা।
সদসচ্চাশুতা চৈব মনসো নব বৈ গুণাঃ॥ 12-261-9 (75774)
ইষ্টানিষ্টবিপত্তিশ্চ ব্যবসায়ঃ সমাধিতা।
সংশয়ঃ প্রতিপত্তিশ্চ বুদ্ধেঃ পঞ্চ গুণান্বিদুঃ॥ 12-261-10 (75775)
যুধিষ্ঠির উবাচ। 12-261-11x (6271)
কথং পঞ্চগুণা বুদ্ধিঃ কথং পঞ্চেন্দ্রিয়া গুণাঃ।
এতন্মে সর্বমাচক্ষ্ব সূক্ষ্মজ্ঞানং পিতামহ॥ 12-261-11 (75776)
ভীষ্ম উবাচ। 12-261-12x (6272)
আহুঃ ষষ্টিং ভূতগুণান্বৈ
ভূতবিষক্তান্প্রকৃতিবিসৃষ্টান্।
নিত্যবিষক্তাংশ্চাক্ষরসৃষ্টা
ন্পুত্র ন নিত্যং তদিহ বদন্তি॥ 12-261-12 (75777)
তৎপুত্রচিন্তাকলিলং তদুক্ত
মনাগতং বৈ তব সংপ্রতীহ।
ভূতার্থবত্ৎবং তদবাপ্য সর্বং
ভূতপ্রভাবাদ্ভব শান্তবুদ্ধিঃ॥ ॥ 12-261-13 (75778)
ইতি শ্রীমন্মহাভারতে শান্তিপর্বণি মোক্ষধর্মপর্বঁণি একষষ্ট্যধিকদ্বিশততমোঽধ্যায়ঃ॥ 261॥
Mahabharata - Shanti Parva - Chapter Footnotes
12-261-2 ধর্মবৎসল ইতি ড. পাঠঃ॥ 12-261-4 জিহ্বা রসনেন্দ্রিয়ম্। বিস্যন্দনং প্রস্রবণম্। ভৌমানাং তণ্ডুলাদীনাং শ্রপণং পাচনম্। বিষ্যন্দনং চৈব ভূমাবাস্রবণং তথেতি থ. পাঠঃ। বিষ্যন্দনং ভূমের্দেহেষ্বাশ্রয়ণং তথেতি ধ. পাঠঃ॥ 12-261-5 জ্যোতির্জ্বলনকর্ম। লঘুঃ শীঘ্রগামিৎবম্। দশমশ্চোর্ধ্বভাগিতেতি থ.ধ. পাঠঃ॥ 12-261-6 অনিয়মস্পর্শোঽনুষ্ণাশীতস্পর্শঃ। বাদস্থানং বাগিন্দ্রিয়গোলকানি। স্বতন্ত্রতা গমনাদৌ। মোক্ষো মূত্রাদেঃ। কর্ম উৎক্ষেপণাদি। চেষ্টা শ্বাসপ্রশ্বাসাদিঃ। ভবো জন্মমরণে। বায়োস্তির্যগ্গতিঃ স্পর্শে ইতি ড. থ. পাঠঃ। চলং শৈঘ্র্যং চ গমনং চেষ্টা কর্মাত্মতা তথা ইতি ড. থ. পাঠঃ॥ 12-261-7 অনাশ্রয়মাশ্রয়ৎবাভাবঃ। অনালম্বনমাশ্রয়ান্তরশূন্যৎবম্। অব্যক্তং রূপস্পর্শশূন্যৎবাৎ। অবিকারিতা দ্রব্যান্তরানারম্ভকৎবম্॥ 12-261-8 পঞ্চভূতাত্মভাবিতাঃ পঞ্চানাং ভূতানামাত্মা প্রাতিস্বিকং স্বরূপং তত্র লক্ষিতাঃ॥ 12-261-9 ব্যক্তিঃ স্মরণম্। বিসর্গো বিপরীতঃ সর্গো ভ্রান্তিঃ। কল্পনা মনোরথবৃত্তিঃ। ক্ষমা প্রসিদ্ধ। সৎ বৈরাগ্যাদি। অসৎ রাগদ্বেষাদি। আশুতা অস্তিরৎবম্॥ 12-261-10 ইষ্টানিষ্টানাং বৃত্তিবিশেষাণাং বিপত্তির্নাশো নিদ্রারূপা বৃত্তিরিত্যর্থঃ। ব্যবসায় উৎসাহঃ। সমাধিতা চিত্তস্থৈর্যং নিরোধ ইত্যর্থঃ। প্রতিপত্তিঃ প্রত্যক্ষাদিপ্রমাণবৃত্তিঃ॥শান্তিপর্ব - অধ্যায় 262
॥ শ্রীঃ ॥
12.262. অধ্যায়ঃ 262
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি নারদাকম্পনসংবাদানুবাদঃ॥ 1॥ নারদেনাকম্পনং প্রতি স্থাণুপ্রজাপতিসংবাদানুবাদারম্ভঃ॥ 2॥Mahabharata - Shanti Parva - Chapter Text
12-262-0 (75779)
যুধিষ্ঠিরং উবাচ। 12-262-0x (6273)
য ইমে পৃথিবীপালাঃ শেরতে পৃথিবীতলে।
পৃতনামধ্য এতে হি গতসত্ৎবা মহাবলাঃ॥ 12-262-1 (75780)
একৈকশো ভীমবলা নাগায়ুতবলাস্তথা।
এতে হি নিহতাঃ সঙ্খ্যে তুল্যতেজীবলৈর্নরৈঃ॥ 12-262-2 (75781)
নৈষাং পশ্যামি হন্তারং প্রাণিনাং সংয়ুগে পুরা।
বিক্রমেণোপসংপন্নাস্তেজোবলসমন্বিতাঃ॥ 12-262-3 (75782)
অথ চেমে মহাপ্রাজ্ঞাঃ শেরতে হি গতাসবঃ।
মৃতা ইতি চ শব্দোঽয়ং বর্তত্যেষু গতাসুষু॥ 12-262-4 (75783)
ইমে মৃতা নৃপতয়ঃ প্রায়শো ভীমবিক্রমাঃ।
তত্র মে সংশয়ো জাতঃ কুতঃ সংজ্ঞা মৃতা ইতি॥ 12-262-5 (75784)
কস্য মৃত্যুঃ কুতো মৃত্যুঃ কেন মৃত্যুরিহ প্রজাঃ।
হরত্যমরসংকাশ তন্মে ব্রূহি পিতামহ॥ 12-262-6 (75785)
ভীষ্ম উবাচ। 12-262-7x (6274)
পুরা কৃতয়ুগে তাত রাজা হ্যাসীদকম্পনঃ।
স শত্রুবশমাপন্নঃ সংগ্রামে ক্ষীণবাহনঃ॥ 12-262-7 (75786)
তস্য পুত্রো হরির্নাম নারায়ণসমো বলে।
স শত্রুভির্হতঃ সঙ্খ্যে সবলঃ সপদানুগঃ॥ 12-262-8 (75787)
স রাজা শত্রুবশগঃ পুত্রশোকসমন্বিতঃ।
যদৃচ্ছয়া শান্তিপরো দদর্শ ভুবি নারদম্॥ 12-262-9 (75788)
তস্মৈ স সর্বমাচষ্ট যথাবৃত্তং জনেশ্বরঃ।
শত্রুভির্গ্রহণং সঙ্খ্যে পুত্রস্য মরণং তথা॥ 12-262-10 (75789)
তস্য তদ্বচনং শ্রুৎবা নারদোঽথ তপোধনঃ।
আখ্যানমিদমাচষ্ট পুত্রশোকাপহং তদা॥ 12-262-11 (75790)
নারদ উবাচ। 12-262-12x (6275)
রাজঞ্শৃণু মহাখ্যানং মমেদং বহুবিস্তরম্।
যথাবৃত্তং শ্রুতং চৈব ময়াঽপি বসুধাধিপ॥ 12-262-12 (75791)
প্রজাঃ সৃষ্ট্বা মহাতেজাঃ প্রজাসর্গে পিতামহঃ।
অতীব বৃদ্ধা বহুলা নামৃষ্যত পুনঃ প্রজাঃ॥ 12-262-13 (75792)
ন হ্যন্তরমভূৎকিংচিৎক্বচিজ্জন্তুভিরচ্যুত।
নিরুচ্ছ্বাসমিবোন্নদ্ধং ত্রৈলোক্যমভবন্নৃপ॥ 12-262-14 (75793)
তস্য চিন্তা সমুৎপন্না সংহারং প্রতি ভূপতে।
চিন্তয়ন্নাধ্যগচ্ছচ্চ সংহারে হেতুকারণম্॥ 12-262-15 (75794)
তস্য রোপান্মহারাজ খেভ্যোঽগ্নিরুদতিষ্ঠত।
তেন সর্বা দিশো রাজন্দদাহ স পিতামহঃ॥ 12-262-16 (75795)
ততো দিবং ভুবং খং চ জগচ্চ সচরাচরম্।
দদাহ পাবকো রাজন্ভগবৎকোপসংভবঃ॥ 12-262-17 (75796)
তত্রাদহ্যন্ত ভূতানি জঙ্গমানি ধ্রুবাণি চ।
মহতা ক্রোধবেগেন কুপিতে প্রপিতামহে॥ 12-262-18 (75797)
ততো হরো জটী স্থাণুর্দেবোঽধ্বরপতিঃ শিবঃ।
জগাম শরণং দেবো ব্রহ্মাণং পরমেষ্ঠিনম্॥ 12-262-19 (75798)
তস্মিন্নভিগতে স্থাণৌ প্রজানাং হিতকাম্যযা।
অব্রবীদ্বরদো দেবো জ্বলন্নিব তদা শিবম্॥ 12-262-20 (75799)
করবাণ্যদ্য কং কামং ব্নরার্হোঽসি মতো মম।
কর্তা হ্যসি প্রিয়ং শংভো তব যদ্ধৃদি বর্ততে॥ ॥ 12-262-21 (75800)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বিষষ্ট্যধিকদ্বিশততমোঽধ্যায়ঃ॥ 262॥
Mahabharata - Shanti Parva - Chapter Footnotes
12-262-1 গতসংজ্ঞা মহাবলা ইতি থ. পাঠঃ॥ 12-262-16 খেভ্য ইন্দ্রিয়চ্ছিদ্রেভ্যঃ॥ 12-262-17 খং খস্থং গ্রহনক্ষত্রাদি॥ 12-262-19 স্থাণুঃ শ্মশাননিলয়ঃ শিব ইতি ড. থ. পাঠঃ॥শান্তিপর্ব - অধ্যায় 263
॥ শ্রীঃ ॥
12.263. অধ্যায়ঃ 263
Mahabharata - Shanti Parva - Chapter Topics
স্থাণুবচনাদ্ব্রহ্মণা লোকদাহককোপাগ্নেরন্তর্নিয়মনম্॥ 1॥ তথা স্বচক্ষুরাদীন্দ্রিয়েভ্যো জাতাং মৃত্যুদেবীংপ্রতি প্রজাসংহারে নিয়োজনম্॥ 2॥Mahabharata - Shanti Parva - Chapter Text
12-263-0 (75801)
স্থাণুরুবাচ। 12-263-0x (6276)
প্রজাসর্গনিমিত্তং মে কার্যবত্তামিমাং প্রভো।
বিদ্ধি সৃষ্টাস্ৎবয়া হীমা মা কুপ্যাসাং পিতামহ॥ 12-263-1 (75802)
তব তেজোগ্নিনা দেব প্রজা দহ্যন্তি সর্বশঃ।
তা দৃষ্ট্বা মম কারুণ্যং মা কুপ্যাসাং জগৎপ্রভো॥ 12-263-2 (75803)
প্রজাপতিরুবাচ। 12-263-3x (6277)
ন কুপ্যে ন চ মে কামো নভবেয়ুঃ প্রজা ইতি।
লাঘবার্থং ধরণ্যাস্তু ততঃ সংহার ইষ্যতে॥ 12-263-3 (75804)
ইয়ং হি মাং সদা দেবী ভারার্তা সমচোদয়ৎ।
সংহারার্থং মহাদেব ভারেণাপ্সু নিমজ্জতী॥ 12-263-4 (75805)
যদাঽহং নাধিগচ্ছামি বুদ্ধ্যা বহু বিচারয়ন্।
সংহারমাসাং বৃদ্ধানাং ততো মাং ক্রোধ আবিশৎ॥ 12-263-5 (75806)
স্থাণুরুবাচ। 12-263-6x (6278)
সংহারাত্ৎবং নিবর্তস্য মা ক্রুধো বিবুধেশ্বর।
মা প্রজাঃ স্থাবরং চৈব জঙ্গমং চ ব্যনীনশঃ॥ 12-263-6 (75807)
পল্বলানি চ সর্বাণি সর্বং চৈব তৃণীলপম্।
স্থাবরং জঙ্গমং চৈব ভূতগ্রামং চতুর্বিধম্॥ 12-263-7 (75808)
অকালে ভস্মসাদ্ভূতং জগৎসর্বমুপপ্লুতম্।
প্রসীদ ভগবন্সাধো বর এষ বৃতো ময়া॥ 12-263-8 (75809)
নষ্টা ন পুনরেষ্যন্তি প্রজা হ্যেতাঃ কথংচন।
তস্মান্নিবর্ততামেতত্তেন স্বেনেব তেজসা॥ 12-263-9 (75810)
উপায়মন্যং সংপশ্য ভূতানাং হিতকাম্যযা।
যথামী জন্তবঃ সর্বে ন দহ্যেরন্পিতামহ॥ 12-263-10 (75811)
অভাবং হি ন গচ্ছেয়ুরুৎসন্নপ্রজনাঃ প্রজাঃ।
`পুত্রৎবেনানুসংকল্প্যে তদাঽহং তপ্য দানবৈঃ।'
অধিদৈবে নিয়ুক্তোস্মি ৎবয়া লোকহিতেপ্সুনা॥ 12-263-11 (75812)
ৎবদ্ভবং হি জগন্নাথ এতৎস্থাবরজঙ্গমম্।
প্রসাদ্য ৎবাং মহাদেব যাচাম্যাবৃত্তিজাঃ প্রজাঃ॥ 12-263-12 (75813)
নারদ উবাচ। 12-263-13x (6279)
শ্রুৎবা তু বচনং দেবঃ স্থাণোর্নিয়তবাঙ্ভনাঃ।
তেজস্তৎসন্নিজগ্রাহ পুনরেবান্তরাত্মনি॥ 12-263-13 (75814)
ততোঽগ্নিমুপসংগৃহ্য ভগবাঁল্লোকপূজিতঃ।
প্রবৃত্তিং চ নিবৃত্তিং চ কল্পয়ামাস বৈ প্রভুঃ॥ 12-263-14 (75815)
উপসংহরতস্তস্য তমগ্নিং রোষজং তদা।
প্রাদুর্বভূব বিশ্বেভ্যঃ খেভ্যো নারী মহাত্মনঃ॥ 12-263-15 (75816)
কৃষ্ণরক্তাম্বরধরা কৃষ্ণনেত্রতলান্তরা।
দিব্যকুণ্ডলসংপন্না দিব্যাভরণভূষিতা॥ 12-263-16 (75817)
সা বিনিঃসৃত্য বৈ খেভ্যো দক্ষিণামাশ্রিতা দিশম্।
দদৃশাতে চ তাং কন্যাং দেবৌ বিশ্বেশ্বরাবুভৌ॥ 12-263-17 (75818)
তামাহূয় তদা দেবো লোকানামাদিরীশ্বরঃ।
মৃত্যো ইতি মহীপাল জহি চেমাঃ প্রজা ইতি॥ 12-263-18 (75819)
ৎবং হি সংহারবুদ্ধ্যা মে চিন্তিতা রুষিতেন চ।
তস্মাৎসংহর সর্বাস্ৎবং প্রজাঃ সজডপণ্ডিতাঃ॥ 12-263-19 (75820)
অবিশেষেণ চৈব ৎবং প্রজাঃ সংহর কামিনি।
মম ৎবং হি নিয়োগেন শ্রেয়ঃ পরমবাপ্স্যসি॥ 12-263-20 (75821)
এবমুক্তা তু যা দেবী মৃত্যুঃ কমলমালিনী।
প্রদধ্যৌ দুঃখিতা বালা সাশ্রুপাতমতীব চ॥ 12-263-21 (75822)
পাণিভ্যাং চৈব জগ্রাহ তান্যশ্রূণি জনেশ্বরঃ।
মানবানাং হিতার্থায় যয়াচে পুনরেব হ॥ ॥ 12-263-22 (75823)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিষষ্ট্যধিকদ্বিশততমোঽধ্যায়ঃ॥ 263॥
Mahabharata - Shanti Parva - Chapter Footnotes
12-263-1 কার্যবত্তামর্থিৎবম্। মা কুপ্য কোপং মা কুরু। আসাং আসু॥ 12-263-3 নভবেয়ুর্নশ্যেয়ুঃ॥ 12-263-7 উলয়ং তৃণবিশেষঃ॥ 12-263-10 নিবর্তেরন্পরংতপেতি ধ. পাঠঃ থ. ধ. পাঠঃ॥ 12-263-11 অধিদৈবে অহংকারাধিষ্ঠাতৃৎবে॥ 12-263-12 আবৃত্তিজাঃ প্রজা যাচামি যাচে। আবৃত্ত্যা জাতাঃ। মৃৎবা মৃৎবা পুনর্জায়ন্তামিত্যর্থঃ॥ 12-263-13 সংনিজগ্রাহ সংহৃতবান্॥ 12-263-14 প্রবৃত্তিং জন্ম। নিবৃত্তিং মরণম্ অনেন নাত্যন্তং প্রজানামুচ্ছেদো নাপ্যত্যন্তং ভূমের্ভার ইতি দর্শিতম্॥ 12-263-17 উভৌ ব্রহ্মরুদ্রৌ॥ 12-263-22 মৃত্যোরশ্রুপাতেয়ুগপৎ সর্বভূতক্ষয়ো মাভূদিতি ভাবঃ॥শান্তিপর্ব - অধ্যায় 264
॥ শ্রীঃ ॥
12.264. অধ্যায়ঃ 264
Mahabharata - Shanti Parva - Chapter Topics
নারদেন মৃত্যুব্রহ্মসংবাদানুবাদপূর্বকমকম্পনস্য পুত্রশোকাপনোদনম্॥ 1॥Mahabharata - Shanti Parva - Chapter Text
12-264-0 (75824)
নারদ উবাচ। 12-264-0x (6280)
বিনীয় দুঃখমবলা সাঽঽত্মনৈবায়তেক্ষণা।
উবাচ প্রাঞ্জলির্ভূৎবা তমেবাবর্জিতা তদা॥ 12-264-1 (75825)
ৎবয়া সৃষ্টা কথং নারী মাদৃশী বদতাং বর।
রৌদ্রকর্মাভিজায়েত সর্বপ্রাণিভয়ংকরী॥ 12-264-2 (75826)
বিভেম্যহমধর্মস্য ধর্ম্যমাদিশ কর্ম মে।
ৎবং মাং ভীতামবেক্ষস্ব শিবেনেশ্বরচক্ষুষা॥ 12-264-3 (75827)
বালান্বৃদ্ধান্বয়স্থাংশ্চ ন হরেয়মনাগসঃ।
প্রাণিনঃ প্রাণিনামীশ নমস্তেঽস্তু প্রসীদ মে॥ 12-264-4 (75828)
প্রিয়ান্পুত্রান্বয়স্যাংশ্চ ভ্রাতৄন্মাতৄঃ পিতৃনপি।
অপধ্যাস্যন্তি যদ্যেবং মৃতাস্তেভ্যো বিভেম্যহম্॥ 12-264-5 (75829)
কৃপণাশ্রুপরিক্লেদো দহেন্মাং শাশ্বতীঃ সমাঃ।
তেভ্যোঽহং বলবদ্ভীতা শরণং ৎবামুপাগতা॥ 12-264-6 (75830)
যমস্য ভবনে দেব পাত্যন্তে পাপকর্মিণঃ।
প্রসাদয়ে ৎবাং বরদ প্রসাদং কুরু মে প্রভো॥ 12-264-7 (75831)
এতদিচ্ছাম্যহং কামং ৎবত্তো লোকপিতামহ।
ইচ্ছেয়ং ৎবৎপ্রসাদাচ্চ তপস্তপ্তুং মহেশ্বর॥ 12-264-8 (75832)
পিতামহ উবাচ। 12-264-9x (6281)
ৎবং হিং সংহারবুদ্ধ্যা মে চিন্তিতা রুষিতেন চ।
তস্মাৎসংহর সর্বাস্ৎবং প্রজা মা চ বিচারয়॥ 12-264-9 (75833)
এতদেবমবশ্যং হি ভবিতা নৈতদন্যথা।
ক্রিয়তামনবদ্যাঙ্গি যথোক্তং মদ্বচোঽনঘে॥ 12-264-10 (75834)
এবমুক্তা মহাবাহো মৃত্যুঃ পরপুরংজয়।
ন ব্যাজহার তস্থৌ চ প্রহ্বা ভগবদুন্মুখী॥ 12-264-11 (75835)
পুনঃ পুনরথোক্তা সা গতসত্ৎবেব ভামিনী।
তূষ্ণীমাসীত্ততো দেবো লোকানামীশ্বরেশ্বরঃ॥ 12-264-12 (75836)
প্রসসাদ কিল ব্রহ্মা স্বয়মেবাত্মনাঽঽত্মনি।
স্ময়মানশ্চ লোকেশো লোকান্সর্বানবৈক্ষত॥ 12-264-13 (75837)
নিবৃত্তরোষে তস্মিংস্তু ভগবত্যপরাজিতে।
সা কন্যাঽথ জগামাস্য সমীপাদিতি নঃশ্রুতম্॥ 12-264-14 (75838)
অপসৃত্যাপ্রতিশ্রুত্য প্রজাসংহরণং তদা।
ৎবরমাণেব রাজেন্দ্র মৃত্যুর্ধেনুকমভ্যগাৎ॥ 12-264-15 (75839)
সা তত্র পরমং দেবী তপোঽচরত দুশ্চরম্।
সমা হ্যেকপদে তস্থৌ দশপদ্মানি পঞ্চ চ॥ 12-264-16 (75840)
তাং তথা কুর্বতীং তত্র তপঃ পরমদুশ্চরম্।
পুনরেব মহাতেজা ব্রহ্মা বচনমব্রবীৎ॥ 12-264-17 (75841)
কুরুষ্ব মে বচো মৃত্যো তদনাদৃত্য সৎবরা।
তথৈবৈকপদে তাত পুনরন্যানি সপ্ত সা॥ 12-264-18 (75842)
তস্থৌ পদ্মানি ষট্ চৈব পঞ্চ দ্বে চৈব মানদ।
ভূয়ঃ পদ্মায়ুতং তাত মৃগৈঃ সহ চচার সা॥ 12-264-19 (75843)
দ্বে চায়ুতে নরশ্রেষ্ঠ বায়্বাহারা মহামতে।
পুনরেব ততো রাজন্মৌনমাতিষ্ঠদুত্তমম্॥ 12-264-20 (75844)
অপ্সু বর্ষসহস্রাণি সপ্ত চৈকং চ পার্থিব।
ততো জগাম সা কন্যা কৌশিকীং নৃপসত্তম॥ 12-264-21 (75845)
তত্র বায়ুজলাহারা চচার নিয়মং পুনঃ।
ততো যয়ৌ মহাভাগা গঙ্গাং মেরুং চ কেবলম্॥ 12-264-22 (75846)
তস্থৌ দার্বিব নিশ্চেষ্টা প্রজানাং হিতকাম্যযা।
ততো হিমবতো মূর্ধ্নিং যত্র দেবাঃ সমীজিরে॥ 12-264-23 (75847)
তত্রাঙ্গুষ্ঠেন রাজেন্দ্র নিখর্বমচরত্তপঃ।
তস্থৌ পিতামহং চৈব তোষয়ামাস যত্নতঃ॥ 12-264-24 (75848)
ততস্তামব্রবীত্তত্র লোকানাং প্রপিতামহঃ।
কিমিদং বর্তসে পুত্রি ক্রিয়তাং মম তদ্বচঃ॥ 12-264-25 (75849)
ততোঽব্রবীৎপুনর্মৃত্যুর্ভগবন্তং পিতামহম্।
ন হরেয়ং প্রজা দেব পুনস্ৎবাঽহং প্রসাদয়ে॥ 12-264-26 (75850)
তামধর্মভয়াদ্ভীতাং পুনরেব প্রয়াচতীম্।
তদাঽব্রবীদ্দেবদেবো নিগৃহ্যেদং বচস্ততঃ॥ 12-264-27 (75851)
অধর্মো নাস্তি তে মৃত্যো সংয়চ্ছেমাঃ প্রজাঃ শুভে।
ময়াঽপ্যুক্তং মৃষা ভদ্রে ভবিতা নেহ কিংচন॥ 12-264-28 (75852)
ধর্মঃ সনাতনশ্চ ৎবামিহৈবানুপ্রবেক্ষ্যতি।
অহং চ বিবুধাশ্চৈব ৎবদ্ধিতে নিরতাঃ সদা॥ 12-264-29 (75853)
ইমন্যং চ তে কামং দদানি মনসেপ্সিতম্।
ন ৎবাং দোষেণ যাস্যন্তি ব্যাধিসংপীডিতাঃ প্রজাঃ॥ 12-264-30 (75854)
পুরুষেষু চ রূপেণ পুরুষস্ৎবং ভবিষ্যসি।
স্ত্রীষু স্ত্রীরূপিণী চৈব তৃতীয়েষু নপুংসকম্॥ 12-264-31 (75855)
সৈবমুক্তা মহারাজ কৃতাঞ্জলিরুবাচ হ।
পুনরেব মহাত্মানং নেতি দেবেশমব্যযম্॥ 12-264-32 (75856)
তামব্রবীত্তদা দেবো মৃত্যো সংহর মানবান্।
অধর্মস্তে ন ভবিতা যথা ধ্যাস্যাম্যহং শুভে॥ 12-264-33 (75857)
`ৎবং হি শক্তা চ যুক্তা চ পূর্বোৎপন্না চ ভামিনি।
অনুশিষ্টা চ নির্দোষা তস্মাত্ৎবং কুরু মে মতম্'॥ 12-264-34 (75858)
যানশ্রুবিন্দূন্পতিতানপশ্যং
যে পাণিভ্যাং ধারিতাস্তে পুরস্তাৎ।
তে ব্যাধয়ো মানবান্ঘোররূপাঃ
প্রাপ্তে কালে পীডয়িষ্যন্তি মৃত্যো॥ 12-264-35 (75859)
সর্বেষাং ৎবং প্রাণিনামন্তকালে
কামক্রোধৌ সহিতৌ যোজয়েথাঃ।
এবং ধর্মস্ৎবামুপৈষ্যত্যমোঘো
ন চাধর্মং লপ্স্যসে তুল্যবৃত্তিঃ॥ 12-264-36 (75860)
এবং ধর্মং পালয়িষ্যস্যথো ৎবং
ন চাত্মানং মঞ্জয়িষ্যস্যধর্মে।
তস্মাৎকামং রোচয়াভ্যাগতং ৎবং
সা ৎবং সাধো সংহরস্বেহ জন্তূন্॥ 12-264-37 (75861)
সা বৈ তদা মৃত্যুসংজ্ঞা কৃতাস্ত্রী
শাপাদ্ভীতা বাঢমিত্যব্রবীত্তম্।
অথো প্রাণান্প্রাণিনামন্তকালে
কামক্রোধৌ প্রাপ্য নিত্যং নিহন্তি॥ 12-264-38 (75862)
মৃত্যোর্যে তে ব্যাধয়শ্চাশ্চুপাতা
মনুষ্যাণাং যুজ্যতে যৈঃ শরীরম্।
সর্বেষাং বৈ প্রাণিনাং প্রাণনান্তে
তস্মাচ্ছোকং মা কৃথা বুদ্ধ্য বুদ্ধ্যা॥ 12-264-39 (75863)
সর্বে দেবাঃ প্রাণিনাং প্রাণনান্তে
গৎবা বৃত্তাঃ সন্নিবৃত্তাস্তথৈব।
এবং সর্বে মানবাঃ প্রাণনান্তে
গৎবা বৃত্তা দেববদ্রাজসিংহ॥ 12-264-40 (75864)
বায়ুর্ভীমো ভীমনাদো মহৌজাঃ
সর্বেষাং চ প্রাণিনাং প্রাণভূতঃ।
অনাবৃত্তির্দেহিনাং দেহপাতে
তস্মাদ্বায়ুর্দেবদেবো বিশিষ্টঃ॥ 12-264-41 (75865)
সর্বে দেবা মর্ত্যসংজ্ঞাবিশিষ্টাঃ
সর্বে মর্ত্যা দেবসংজ্ঞাবিশিষ্টাঃ।
তস্মাৎপুত্রং মা শুচো রাজসিংহ
পুত্রঃ স্বর্গং প্রাপ্যতে মোদতে হে॥ 12-264-42 (75866)
এবং মৃত্যুর্দেবসৃষ্টা প্রজানাং
প্রাপ্তে কালে সংহরন্তী যথাবৎ।
তস্যাশ্চৈব ব্যাধয়স্তেঽশ্রুপাতাঃ
প্রাপ্তে কালে সংহরন্তীহ জন্তূন্॥ ॥ 12-264-43 (75867)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুষ্ষষ্ট্যধিকদ্বিশততমোঽধ্যায়ঃ॥ 264॥
Mahabharata - Shanti Parva - Chapter Footnotes
12-264-1 বিনীয় প্রমার্জ্য। আবর্জিতা ঋজুভূতা। সাৎবতীবায়তে ক্ষণেতি ট. ড. পাঠঃ॥ 12-264-5 প্রিয়ান্ পুত্রানিত্যস্য ন হরেয়মিতি পূর্বেণান্বয়ঃ। তত্র হেতুঃ। যেষাং সংবন্ধিনো মৃতাস্তে যদ্যপধ্যাস্যন্তি শপ্স্যন্তে তর্হি তেষাং তেভ্যো বিভেম্যহম্। অপধ্যাস্যন্তি যে দেবমিতি থ. পাঠঃ॥ 12-264-6 বলবদত্যন্তম্॥ 12-264-7 নিবেদয়ে ৎবা বরদেতি ট. ড. পাঠঃ॥ 12-264-9 মৃত্যো সংকল্পিতা মে ৎবং প্রজাসংহারহেতুনা। গচ্ছ সংহরেতি ঝ. পাঠঃ॥ 12-264-15 অপ্রতিশ্রুত্যাঽনঙ্গীকৃত্য। ধেনুকং গোতীর্থং মায়ান্তর্বর্তি॥ 12-264-21 কৌশিকী গণ্ডকী নদীম্॥ 12-264-23 দার্বিব স্থাণুরিব॥ 12-264-27 নেগৃহ্য হঠং কৃৎবা॥ 12-264-35 কালয়িষ্যন্তি মৃত্যো ইতি ঝ. পাঠঃ॥ 12-264-38 প্রাপ্য প্রাপয়্য॥ 12-264-39 প্রাণনান্তে জীবনান্তে। বুদ্ধ্য জানীহি। প্রাণিনাং প্রায়ণান্তে ইতি ধ. পাঠঃ॥ 12-264-41 নানাবৃত্তির্দেহিনাং দেহভেদে ইতি ঝ. পাঠঃ॥ 12-264-42 দেবাঃ ক্ষীণপুণ্যা মর্ত্যৎবং মর্ত্যাশ্চ কৃতপুণ্যা দেবৎবং প্রাপ্নুবন্তীত্যর্থঃ॥শান্তিপর্ব - অধ্যায় 265
॥ শ্রীঃ ॥
12.265. অধ্যায়ঃ 265
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ধর্মলক্ষণকথনম্॥ 1॥Mahabharata - Shanti Parva - Chapter Text
12-265-0 (75868)
যুধিষ্ঠির উবাচ। 12-265-0x (6282)
ইমে বৈ মানসাঃ সর্বে ধর্মং প্রতি বিশঙ্কিতাঃ।
কোঽয়ং ধর্মঃ কুতো ধর্মস্তন্মে ব্রূহি পিতামহ॥ 12-265-1 (75869)
ধর্মস্ৎবয়মিহার্থঃ কিমমুত্রার্থোপি বা ভবেৎ।
উভয়ার্থো হি বা ধর্মস্তন্মে ব্রূহি পিতামহ॥ 12-265-2 (75870)
ভীষ্ম উবাচ। 12-265-3x (6283)
সদাচারঃ স্মৃতির্বেদাস্ত্রিবিধং ধর্মলক্ষণম্।
চতুর্থমর্থমপ্যাহুঃ কবয়ো ধর্মলক্ষণম্॥ 12-265-3 (75871)
অবিধ্যুক্তানি কর্মাণি ব্যবস্যন্ত্যুপ্তমূষরে।
লোকয়াত্রার্থমেবেহ ধর্মস্য নিয়মঃ কৃতঃ॥ 12-265-4 (75872)
উভয়ত্র সুখোদর্ক ইহ চৈব পরত্র চ।
অলব্ধ্বা নিপুণং ধর্মং পাপঃ পাপে প্রসজ্জতি॥ 12-265-5 (75873)
ন চ পাপকৃতঃ পাপান্মুচ্যন্তে কেচিদাপদি।
অপাপবাদী ভবতি যথা ভবতি ধর্মবিৎ।
ধর্মস্য নিষ্ঠা স্বাচারস্তমেবাশ্রিত্য চাবসেৎ॥ 12-265-6 (75874)
যথাধর্মসমাবিষ্টো ধনং গৃহ্ণাতি তস্করঃ।
রমতে নির্হরস্তেনঃ পরবিত্তমরাজকে॥ 12-265-7 (75875)
যদাস্য তদ্ধরন্ত্যন্যে তদা রাজানমিচ্ছতি।
তদা তেষাং স্পৃহয়তে যে বৈ তুষ্টাঃ স্বকৈর্ধনৈঃ॥ 12-265-8 (75876)
অভীতঃ শুচিরভ্যেতি রাজদ্বারমশঙ্কিতঃ।
ন হি দুশ্চরিতং কিংচিদন্তরাত্মনি পশ্যতি॥ 12-265-9 (75877)
সত্যস্য বচনং সাধু ন সত্যাদ্বিদ্যতে পরম্।
সত্যেন বিধৃতং সর্বং সর্বং সত্যে প্রতিষ্ঠিতম্॥ 12-265-10 (75878)
অপি পাপকৃতো রৌদ্রাঃ সত্যং কৃৎবা মিথঃকৃতম্।
অদ্রোহমবিসংবাদং প্রবর্তন্তে তদাশ্রয়াঃ॥ 12-265-11 (75879)
তে চেন্মিথ্যা ধৃতিং কুর্যুর্বিনশ্যেয়ুরসংশয়ম্।
ন হর্তব্যং পরধনমিতি ধর্মবিদো বিদুঃ॥ 12-265-12 (75880)
মন্যন্তে বলবন্তস্তং দুর্বলৈঃ সংপ্রবর্তিতম্।
যদা নিয়তিদৌর্বল্যমথৈষামেব রোচতে॥ 12-265-13 (75881)
ন হ্যত্যন্তং বলয়ুতা ভবন্তি সুখিনোপি বা।
তস্মাদনার্জবে বুদ্ধির্ন কার্যা তে কদাচন॥ 12-265-14 (75882)
অসাধুভ্যোঽস্য ন ভয়ং ন চৌরেভ্যো ন রাজতঃ।
অকিংচিৎকস্যচিৎকুর্বন্নির্ভয়ঃ শুচিরাবসেৎ॥ 12-265-15 (75883)
সর্বতঃ শঙ্কতে স্তেনো মৃগো গ্রামমিবেয়িবান্।
বহুধাঽঽচরিতং পাপমন্যত্রৈবানুপশ্যতি॥ 12-265-16 (75884)
মুদিতঃ শুচিরভ্যেতি সর্বতো নির্ভয়ঃ সদা।
ন হি দুশ্চরিতং কিংচিদাত্মনোঽন্যেষু পশ্যতি॥ 12-265-17 (75885)
দাতব্যমিত্যযং ধর্ম উক্তো ভূতহিতে রতৈঃ।
তং মন্যন্তে ধনয়ুতাঃ কৃপণৈঃ সংপ্রবর্তিতম্॥ 12-265-18 (75886)
যদা নিয়তিকার্পণ্যমথৈপামব রোচতে।
ধনবন্তোপি নাত্যন্তং ভবন্তি সুখিনোপি বা॥ 12-265-19 (75887)
যদন্যৈর্বিহিতং নেচ্ছেদাত্মনঃ কর্ম পূরুষঃ।
ন তৎপরেষু কুর্বীত জানন্নপ্রিয়মাত্মনঃ॥ 12-265-20 (75888)
যোঽন্যস্য স্যাদুপপতিঃ স কং কিং বক্তুমর্হতি।
যদন্যস্য ততঃ কুর্যান্ন মৃষ্যেদিতি মে মতিঃ॥ 12-265-21 (75889)
জীবিতুং যঃ স্বয়ং চেচ্ছেৎকথং সোঽন্যং প্রঘাতয়েৎ।
যদ্যদাত্মন ইচ্ছেত তৎপরস্যাপি চিন্তয়েৎ॥ 12-265-22 (75890)
অতিরিক্তঃ সংবিভজেদ্ভোগৈরন্যানকিংচনান্।
এতস্মাৎকারণাদ্ধাত্রা কুসীদং সংপ্রবর্তিতম্॥ 12-265-23 (75891)
যস্মিংস্তু দেবাঃ সময়ে সন্তিষ্ঠেরংস্তথা ভবেৎ।
অথ চেল্লোভসময়ে স্থিতির্ধর্মোঽপি শোভনা॥ 12-265-24 (75892)
সর্বং প্রিয়াভ্যুপগতং পুণ্যমাহুর্মনীষিণঃ।
পশ্যৈতং লক্ষণোদ্দেশং ধর্মাধর্মে যুধিষ্ঠির॥ 12-265-25 (75893)
লোকসংগ্রহসংয়ুক্তং বিধাত্রা বিহিতং পুরা।
সূক্ষ্মধর্মার্থনিয়তং সতাং চরিতমুত্তমম্॥ 12-265-26 (75894)
ধর্মলক্ষণমাখ্যাতমেতত্তে কুরুসত্তম।
তস্মাদনার্জবে বুদ্ধির্ন তে কার্যা কথংচন॥ ॥ 12-265-27 (75895)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চষষ্ট্যধিকদ্বিশততমোঽধ্যায়ঃ॥ 265॥
Mahabharata - Shanti Parva - Chapter Footnotes
12-265-14 তস্মাদর্থার্জনে বুদ্ধিরিতি থ. পাঠঃ॥ 12-265-16 পাপং মনস্যেবাধিগচ্ছতীতি থ. পাঠঃ॥ 12-265-18 ক্ষন্তব্যমিত্যযং ধর্ম ইতি ধ. পাঠঃ॥ 12-265-21 যোঽন্যস্য স্বাদুবদ্বক্তি কস্তং হিংসিতুমিচ্ছতীতি ট. থ. পাঠঃ॥ 12-265-22 যঃ স্বয়ং নেচ্ছেদিতি ধ. পাঠঃ॥শান্তিপর্ব - অধ্যায় 266
॥ শ্রীঃ ॥
12.266. অধ্যায়ঃ 266
Mahabharata - Shanti Parva - Chapter Topics
যুধিষ্ঠিরেণ ভীষ্মংপ্রতি ধর্মপ্রামাণ্যাক্ষেপঃ॥ 1॥Mahabharata - Shanti Parva - Chapter Text
12-266-0 (75896)
যুধিষ্ঠির উবাচ। 12-266-0x (6284)
সূক্ষ্মং সাধু সমাদিষ্টং ভবতা ধর্মলক্ষণম্।
প্রতিভা ত্যস্তি মে কাচিত্তাং ব্রূয়ামনুমানতঃ॥ 12-266-1 (75897)
ভূয়াংসো হৃদয়ে যে মে প্রশ্নাস্তে ব্যাহৃতাস্ৎবয়া।
ইদং ৎবন্যৎপ্রবক্ষ্যামি ন রাজন্নিগ্রহাদিব॥ 12-266-2 (75898)
ইমানি হি প্রাণয়ন্তি সৃদন্ত্যুত্তারয়ন্তি চ।
ন ধর্মঃ পরিপাঠেন শক্যো ভারত বেদিতুম্॥ 12-266-3 (75899)
অন্যো ধর্মঃ সমস্থস্য বিষমস্থস্য চাপরঃ।
আপদস্তু কথং শক্যাঃ পরিপাঠেন বেদিতুম্॥ 12-266-4 (75900)
সদাচারো মচো ধর্মঃ সংতস্ৎবাচারলক্ষণাঃ।
সাধ্যাসাধ্যং কথং শক্যং সদাচারো হ্যলক্ষণঃ॥ 12-266-5 (75901)
দৃশ্যতে ধর্মরূপেণ হ্যধর্মং প্রাকৃতশ্চরন্।
ধর্মং চাধর্মরূপেণ কশ্চিদপ্রাকৃতশ্চরন্॥ 12-266-6 (75902)
পুনরস্য প্রমাণং হি নির্দিষ্টং শাস্ত্রকোবিদৈঃ।
বেদবাদাশ্চানুয়ুগং হ্রসন্তীতীহ নঃ শ্রুতম্॥ 12-266-7 (75903)
অন্যে কৃতয়ুগে ধর্মাস্ত্রেতায়াং দ্বাপরে পরে।
অন্যে কলিয়ুগে ধর্মা যথাশক্তি কৃতা ইব॥ 12-266-8 (75904)
আম্নায়বচনং সত্যমিত্যযং লোকসংগ্রহঃ।
আম্নায়েভ্যঃ পুনর্বেদাঃ প্রসৃতাঃ সর্বতোমুখাঃ॥ 12-266-9 (75905)
তে চেৎসর্বপ্রমাণং বৈ প্রমাণং হ্যত্র বিদ্যতে।
প্রমাণং চ প্রমাণেন বিরুদ্ধ্যেচ্ছাস্ত্রতা কুতঃ॥ 12-266-10 (75906)
ধর্মস্য ক্রিয়মাণস্য বলবদ্ভির্দুরাত্মভিঃ।
যদা বিক্রিয়তে সংস্থা ততঃ সাঽপি প্রণশ্যতি॥ 12-266-11 (75907)
বিদ্মশ্চৈনং ন বা বিদ্মঃ শক্যং বা বেদিতুং ন বা।
অণীয়ান্ক্ষুরধারায়া গরীয়ানপি পর্বতাৎ॥ 12-266-12 (75908)
গন্ধর্বনগরাকারঃ প্রথমং সংপ্রদৃশ্যতে।
অন্বীক্ষ্যমাণঃ কবিভিঃ পুনর্গচ্ছত্যদর্শনম্॥ 12-266-13 (75909)
নিপানানীব গোভ্যাশে ক্ষেত্রে কুল্যে চ ভারত।
স্মৃতো হি শাশ্বতো ধর্মো বিপ্রহীণো ন দৃশ্যতে॥ 12-266-14 (75910)
কামাদন্যে ভয়াদন্যে কারণৈরপরৈস্তথা।
অসন্তোঽপি বৃথাচারং ভজন্তে বহবোঽপরে॥ 12-266-15 (75911)
ধর্মো ভবতি স ক্ষিপ্রং বিলোমস্তেষ্বসাধুষু।
অথৈতানাহুরুন্মত্তানপি চাবহসন্ত্যুত॥ 12-266-16 (75912)
মহাজনা হ্যুপাবৃত্তা রাজধর্মং সমাশ্রিতাঃ।
ন হি সর্বহিতঃ কশ্চিদাচারঃ সংপ্রবর্ততে॥ 12-266-17 (75913)
তেনৈবান্যঃ প্রভবতি সোঽপরং বাধতে পুনঃ।
দৃশ্যতে চৈব স পুনস্তুল্যরূপো যদৃচ্ছয়া॥ 12-266-18 (75914)
যেনৈবান্যঃ প্রভবতি সোঽপরানপি বাধতে।
আচারাণামনৈকাগ্র্যং সর্বেষামেব লক্ষয়েৎ॥ 12-266-19 (75915)
চিরাভিপন্নঃ কবিভিঃ পূর্বং ধর্ম উদাহৃতঃ।
তেনাচারেণ পূর্বেণ সংস্থা ভবতি শাশ্বতী॥ ॥ 12-266-20 (75916)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষট্ষষ্ট্যধিকদ্বিশততমোঽধ্যায়ঃ॥ 266॥
Mahabharata - Shanti Parva - Chapter Footnotes
12-266-2 নিগ্রহাৎ কুতর্কাগ্রহেণ॥ 12-266-9 প্রসূতাঃ সর্বতোমুখা ইতি ধ. পাঠঃ॥ 12-266-16 অপি বাচং হসন্ত্যুতেতি ধ. পাঠঃ॥ 12-266-20 সংস্থা মর্যাদা॥শান্তিপর্ব - অধ্যায় 267
॥ শ্রীঃ ॥
12.267. অধ্যায়ঃ 267
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জাজলিচরিত্রকথনারম্ভঃ॥ 1॥ ধার্মিকংমন্যেন জাজলিনা খেচরকৃতাবজ্ঞয়া তুলাধারসমীপগমনম্॥ 2॥Mahabharata - Shanti Parva - Chapter Text
12-267-0 (75917)
ভীষ্ম উবাচ। 12-267-0x (6285)
অত্রাপ্যুদাহরন্তীমমিতিহাসং পুরাতনম্।
তুলাধারস্য বাক্যানি ধর্মে জাজলিনা সহ॥ 12-267-1 (75918)
বনে বনচরঃ কশ্চিজ্জাজলির্নাম বৈ দ্বিজঃ।
সাগরোদ্দেশমাগম্য তপস্তেপে মহাতপাঃ॥ 12-267-2 (75919)
নিয়তো নিয়তাহারশ্চীরাজিনজটাধরঃ।
মলপঙ্কধরো ধীমান্বহূন্বর্ষগণান্মুনিঃ॥ 12-267-3 (75920)
স কদাচিন্মহাতেজা জলবাসো মহীপতে।
চচার লোকান্বিপ্রর্ষিঃ প্রেক্ষমাণো মনোজবঃ॥ 12-267-4 (75921)
স চিন্তয়ামাস মুনির্জলমধ্যে কদাচন।
বিপ্রেক্ষ্য সাগরান্তাং বৈ মহীং সবনকাননাম্॥ 12-267-5 (75922)
ন ময়া সদৃশোঽস্তীহ লোকে স্থাবরজঙ্গমে।
অপ্সু বৈহায়সং গচ্ছেন্ময়া যোঽন্যঃ সহেতি বৈ॥ 12-267-6 (75923)
স দৃশ্যমানো রক্ষোভির্জলমধ্যে চ ভারত।
আস্ফোটয়ত্তদাঽঽকাশে ধর্মঃ প্রাপ্তো ময়েতি বৈ॥ 12-267-7 (75924)
অব্রুবংশ্চ পিশাচাস্তং নৈবং ৎবং বক্তুমর্হসি।
তুলাধারো বণিগ্ধর্মা বারাণস্যাং মহায়শাঃ।
সোঽপ্যেবং নার্হতে বক্তুং যথা ৎবং দ্বিজসত্তম॥ 12-267-8 (75925)
ইত্যুক্তো জাজলির্ভূতৈঃ প্রত্যুবাচ মহাতপাঃ।
পশ্যেয়ং তমহং প্রাজ্ঞং তুলাধারং যশস্বিনম্॥ 12-267-9 (75926)
ইতি ব্রুবাণং তমৃষিং রক্ষাংস্যুত্থায় সাগরাৎ।
অব্রুবন্গচ্ছ পন্থানমাস্থায়েমং দ্বিজোত্তম্॥ 12-267-10 (75927)
ইত্যুক্তো জাজলির্ভূতৈর্জগাম বিমনাস্তদা।
বারাণস্যাং তুলাধারং সমাসাদ্যাব্রবীদিদম্॥ 12-267-11 (75928)
যুধিষ্ঠির উবাচ। 12-267-12x (6286)
কিং কৃতং দুষ্করং তাত কর্ম জাজলিনা পুরা।
যেন সিদ্ধিং পরাং প্রাপ্তস্তন্মে ব্যাখ্যাতুমর্হসি॥ 12-267-12 (75929)
ভীষ্ম উবাচ। 12-267-13x (6287)
অতীব তপসা যুক্তো ঘোরেণ স বভূব হ।
নদ্যুপস্পর্শনপরঃ সায়ংপ্রাতর্মহাতপাঃ॥ 12-267-13 (75930)
অগ্নীন্পরিচরন্সম্যক্স্বাধ্যায়পরমো দ্বিজঃ।
বানপ্রস্থ বিধানজ্ঞো জাজলির্জ্বলিতঃ শ্রিয়া॥ 12-267-14 (75931)
বনে তপস্যতিষ্ঠৎস ন চাধর্মমবৈক্ষত।
বর্ষাস্বাকাশশায়ী চ হেমন্তে জলসংশ্রয়ঃ॥ 12-267-15 (75932)
বাতাতপসহো গ্রীষ্মে ন চাধর্মমবিন্দত।
দুঃখশয়্যাশ্চ বিবিধা ভূমৌ চ পরিবর্তনম্॥ 12-267-16 (75933)
ততঃ কদাচিৎস মুনির্বর্ষাস্বাকাশমাস্থিতঃ।
অন্তরিক্ষাজ্জলং মূর্ধ্নাং প্রত্যগৃহ্ণান্মুহুর্মুহুঃ॥ 12-267-17 (75934)
আপ্লুতস্য জটাঃ ক্লিন্না বভূবুর্গ্রথিতাঃ প্রভো।
অরণ্যগমনান্নিত্যং মলিনোঽমলসংয়ুতঃ॥ 12-267-18 (75935)
স কদাচিন্নিরাহারো বায়ুভক্ষো মহাতপাঃ।
তস্থৌ কাষ্ঠবদব্যগ্রো ন চচাল চ কর্হিচিৎ॥ 12-267-19 (75936)
তস্য স্ম স্থাণুভূতস্য নির্বিচেষ্টস্য ভারত।
কুলিঙ্গশকুনৌ রাজন্নীডং শিরসি চক্রতুঃ॥ 12-267-20 (75937)
স তৌ দয়াবান্ব্রহ্মর্ষিরুপপ্রৈক্ষত দংপতী।
কুর্বাণৌ নীডকং তত্র জটাসু তৃণতন্তুভিঃ॥ 12-267-21 (75938)
যদা ন স চলত্যেব স্থাণুভূতো মহাতপাঃ।
ততস্তৌ সুখবিশ্বস্তৌ সুখং তত্রোষতুস্তদা॥ 12-267-22 (75939)
অতীতাস্বথ বর্ষাসু শরৎকাল উপস্থিতে।
প্রাজাপত্যেন বিধিনা বিশ্বাসাৎকামমোহিতৌ॥ 12-267-23 (75940)
তত্রোৎপাদয়তাং রাজঞ্শিরস্যণ্ডানি খেচরৌ।
তান্যবুধ্যত তেজস্বী স বিপ্রঃ সংশিতব্রতঃ॥ 12-267-24 (75941)
বুদ্ধ্বা চ স মহাতেজা ন চচাল চ জাজলিঃ।
ধর্মে কৃতমনা নিত্যং নাধর্মং স ৎবরোচয়ৎ॥ 12-267-25 (75942)
অহন্যহনি চাগত্য ততস্তৌ তস্য মূর্ধনি।
আশ্বাসিতৌ নিবসতঃ সংপ্রহৃষ্টৌ তদা বিভৌ॥ 12-267-26 (75943)
অণ্ডেভ্যস্ৎবথ পুষ্টেভ্যঃ প্রাজায়ন্ত শকুন্তকাঃ।
ব্যবর্ধন্ত চ তত্রৈব ন চাকম্পত জাজলিঃ॥ 12-267-27 (75944)
স রক্ষমাণস্ৎবণ়্ডানি কুলিঙ্গানাং ধৃতব্রতঃ।
তথৈব তস্থৌ ধর্মাত্মা নির্বিচেষ্টঃ সমাহিতঃ॥ 12-267-28 (75945)
ততস্তু কালে রাজেন্দ্র বভূবুস্তেঽথ পক্ষিণঃ।
বুবুধে তাংস্তু স মুনির্জাতপক্ষান্কুলিঙ্গকান্॥ 12-267-29 (75946)
ততঃ কদাচিত্তাংস্তত্র পশ্যন্পক্ষীন্যতব্রতঃ।
বভূব পরমপ্রীতস্তদা মতিমতাং বরঃ॥ 12-267-30 (75947)
তথা তানভিসংবৃদ্ধান্দৃষ্ট্বা চৈবাপ্তবান্মুদম্।
শকুনৌ নির্ভয়ৌ তত্র ঊষতুশ্চাত্মজৈঃ সহ॥ 12-267-31 (75948)
জাতপক্ষাংশ্চ সোঽপশ্যদুড্ডীনান্পুনরাগতান্।
সায়ংসায়ং দ্বিজান্বিপ্রো ন চাকম্পত জাজলিঃ॥ 12-267-32 (75949)
কদাচিৎপুনরভ্যেত্য পুনর্গচ্ছন্তি সংততম্।
ত্যক্তা মাতাপিতৃভ্যাং তে নচাকম্পত জাজলিঃ॥ 12-267-33 (75950)
তথা তে দিবসং চাপি গৎবা সায়ং পুনর্নৃপ।
উপাবর্তন্ত তত্রৈব নিবাসার্থং শকুন্তকাঃ॥ 12-267-34 (75951)
কদাচিদ্দিবসান্পঞ্চ সমুৎপত্য বিহগমাঃ।
ষষ্ঠেঽহনি সমাজগ্মুর্ন চাকম্পত জাজলিঃ॥ 12-267-35 (75952)
ক্রমেণ চ পুনঃ সর্বে দিবসান্সুবহূনথ।
নোপাবর্তন্ত শকুনা জাতপক্ষাশ্চ তে যদা॥ 12-267-36 (75953)
কদাচিন্মাসমাত্রেণ সমুৎপত্য বিহংগমাঃ।
নৈবাগচ্ছংস্ততো রাজন্প্রাতিষ্ঠত স জাজলিঃ॥ 12-267-37 (75954)
ততস্তেষু প্রলীনেষু জাজলির্জাতবিস্ময়ঃ।
সিদ্ধোস্মীতি মতিং চক্রে ততস্তং মান আবিশৎ॥ 12-267-38 (75955)
স তথা নির্গতান্দৃষ্ট্বা শকুন্তান্নিয়তব্রতঃ।
সংভাবিতাত্মা সংভাব্য ভৃশং প্রীতস্তদাঽভবৎ॥ 12-267-39 (75956)
স নদ্যাং সমুপস্পৃশ্য তর্পয়িৎবা হুতাশনম্।
উদয়ন্তমথাদিত্যমভ্যাগচ্ছন্মহাতপাঃ॥ 12-267-40 (75957)
সংভাব্য চটকান্মূর্ধ্নি জাজলির্জপতাংবরঃ।
আস্ফোটয়ত্তথাঽঽকাশে ধর্মঃ প্রাপ্তো ময়েতি বৈ॥ 12-267-41 (75958)
অথান্তরিক্ষে বাগাসীত্তাং চ শুশ্রাব জাজলিঃ।
ধর্মেণ ন সমস্ৎবং বৈ তুলাধারস্য জাজলে॥ 12-267-42 (75959)
বারাণস্যাং মহাপ্রাজ্ঞস্তুলাধারঃ প্রতিষ্ঠিতঃ।
সোঽপ্যেবং নার্হতে বক্তুং যথা ৎবং ভাষসে দ্বিজ॥ 12-267-43 (75960)
সোমর্ষবশমাপন্নস্তুলাধারদিদৃক্ষয়া।
পৃথিবীমচরদ্রাজন্যত্রসায়ংগৃহো মুনিঃ॥ 12-267-44 (75961)
কালেন মহতাঽগচ্ছৎস তু বারাণসীং পুরীম্।
বিক্রীণন্তং চ পণ্যানি তুলাধারং দদর্শ সঃ॥ 12-267-45 (75962)
সোঽপি দৃষ্ট্বৈব তং বিপ্রমায়ান্তং ভাণ্ডজীবনঃ।
সমুত্থায় সুসংহৃষ্টঃ স্বাগতেনাভ্যপূজয়ৎ॥ 12-267-46 (75963)
তুলাধার উবাচ। 12-267-47x (6288)
আয়ানেবাসি বিদিতো মম ব্রহ্মন্ন সংশয়ঃ।
ব্রবীমি যত্তু বচনং তচ্ছৃণুষ্ব দ্বিজোত্তম॥ 12-267-47 (75964)
সাগরানূপমাশ্রিত্য তপস্তপ্তং ৎবয়া মহৎ।
ন চ ধর্মস্য সংজ্ঞাং ৎবং পুরা বেত্থ কথংচন॥ 12-267-48 (75965)
ততঃ সিদ্ধস্য তপসা তব বিপ্র শকুন্তকাঃ।
ক্ষিপ্রং শিরস্যজায়ন্ত তে চ সংভাবিতাস্ৎবয়া॥ 12-267-49 (75966)
জাতপক্ষা যদা তে চ গতা সংচরিতুং ততঃ।
মন্যমানস্ততো ধর্মং চটকপ্রভবং দ্বিজ।
খে বাচাং ৎবমথাশ্রৌষীর্মাং প্রতি দ্বিজসত্তম॥ 12-267-50 (75967)
অমর্ষবশমাপন্নস্ততঃ প্রাপ্তো ভবানিহ।
করবাণি প্রিয়ং কিং তে তদ্ব্রূহি দ্বিজসত্তম॥ ॥ 12-267-51 (75968)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তষষ্ট্যধিকদ্বিশততমোঽধ্যায়ঃ॥ 267॥
Mahabharata - Shanti Parva - Chapter Footnotes
12-267-1 জাংজলিনা সহেতি ড. থ. পাঠঃ। তুলাধারবাক্যানি ধর্মে প্রমাণৎবেনোদাহরন্তীত্যর্থঃ॥ 12-267-4 প্রেক্ষমাণো মহাজলমিতি ধ. পাঠঃ॥ 12-267-5 জলধ্যে মহীং বিপ্রেক্ষ্য তপোবলাদ্দূরদর্শনাদিসিদ্ধিং প্রাপ্যেত্যর্থঃ॥ 12-267-6 বৈহায়সমাকাশমতং গ্রহনক্ষত্রাদি গচ্ছেৎ অবগচ্ছেৎ। ময়া সহ গচ্ছেশঃ সোঽন্যঃ কোস্ততি যোজ্যম্॥ 12-267-13 উপস্পশংনরতঃ স্রামাচমনরতঃ॥ 12-267-14 স্ত্রিয়া বেদবিদ্যযা॥ 12-267-18 অমলসংয়ুতঃ নিষ্পাপঃ॥ 12-267-21 উপপ্রৈক্ষতোপেক্ষাংচক্রে। ন বারিতবানিত্যর্থঃ॥ 12-267-23 প্রাজাপত্যেন গর্ভাধানবিধিনা॥ 12-267-29 তে শকুন্তকাঃ পক্ষিণঃ পক্ষবন্তো বভূবুঃ॥ 12-267-30 পক্ষীন্। আর্ষো মৎবর্থীয় ইঃ॥ 12-267-32 দ্বিজান্ শকুন্তান্॥ 12-267-38 প্রলীনেষু প্রডীনেষু। মানো গর্বঃ॥ 12-267-41 সংভাব্য বর্ধয়িৎবা। আস্ফোটয়দ্বাহুশব্দমকরোৎ॥ 12-267-46 ভাণ্ডং মূলবণিগ্ধনং তেন জীবনং যস্য॥ 12-267-47 আয়ানাগচ্ছন্। আগতেনাসি বিদিত ইতি থ. পাঠঃ॥ 12-267-48 সাগরানূপং সাগরসমীপস্থং সজলং প্রদেশম্॥শান্তিপর্ব - অধ্যায় 268
॥ শ্রীঃ ॥
12.268. অধ্যায়ঃ 268
Mahabharata - Shanti Parva - Chapter Topics
তুলাধারেণ জাজলয়ে ধর্মরহস্যোপদেশঃ॥ 1॥Mahabharata - Shanti Parva - Chapter Text
12-268-0 (75969)
ভীষ্ম উবাচ। 12-268-0x (6289)
ইত্যুক্তঃ স তদা তেন তুলাধারেণ ধীমতা।
প্রোবাচ বচনং ধীমাঞ্জাজলির্জপতাংবরঃ॥ 12-268-1 (75970)
জাজলিরুবাচ। 12-268-2x (6290)
বিক্রীণতঃ সর্বরসান্সর্বগন্ধাংশ্চ বাণিজ।
বনস্পতীনোষধীশ্চ তেষাং মূলফলানি চ॥ 12-268-2 (75971)
অগ্র্যা সা নৈষ্ঠিকী বুদ্ধিঃ কুতস্ৎবামিয়মাগতা।
এতদাচক্ষ্ব মে সর্বং নিখিলেন মহামতে॥ 12-268-3 (75972)
ভীষ্ম উবাচ। 12-268-4x (6291)
এবমুক্তস্তুলাধারো ব্রাহ্মণেন যশস্বিনা।
উবাচ ধর্মসূক্ষ্মাণি বৈশ্যো ধর্মার্থতত্ৎববিৎ॥ 12-268-4 (75973)
বেদাহং জাজলে ধর্মং সরহস্যং সনাতনম্।
সর্বভূতহিতং মৈত্রং পুরাণং যং জনা বিদুঃ॥ 12-268-5 (75974)
অদ্রোহেণৈব ভূতানামল্পদ্রোহেণ বা পুনঃ।
যা বৃত্তিঃ স পরো ধর্মস্তেন জীবামি জাজলে॥ 12-268-6 (75975)
পরিচ্ছিন্নৈঃ কাষ্ঠতৃণৈর্ময়েদং শরণং কৃতম্।
অলক্তং পদ্মকং তুঙ্গং গন্ধাংশ্চোচ্চাবচাংস্তথা॥ 12-268-7 (75976)
রসাংশ্চ তাংস্তান্বিপ্রর্ষে মদ্যবর্জ্যান্বহূনহম্।
ক্রীৎবা বৈ প্রতিবিক্রীণে পরহস্তাদমায়যা॥ 12-268-8 (75977)
সর্বেষাং যঃ সুহৃন্নিত্যং সর্বেষাং চ হিতে রতঃ।
কর্মণা মনসা বাচা স ধর্মং বেদ জাজলে॥ 12-268-9 (75978)
নানুরুধ্যে বিরুধ্যে বা ন দ্বেষ্মি ন চ কাময়ে।
সমোঽহং সর্বভূতেষু পশ্য মে জাজলে ব্রতম্।
তুলা মে সর্বভূতেষু সমা তিষ্ঠতি জাজলে॥ 12-268-10 (75979)
নাহং পরেষাং কৃত্যানি প্রশংসামি ন গর্হয়ে।
আকাশস্যেব বিপ্রেন্দ্র পশ্যঁল্লোকস্য চিত্রতাম্॥ 12-268-11 (75980)
`কৃপা মে সর্বভূতেষু সমা তিষ্ঠতি জাজলে।
ইষ্টানিষ্টনিয়ুক্তস্য প্রিয়দ্বেষৌ বহিষ্কৃতৌ॥' 12-268-12 (75981)
ইতি মাং ৎবং বিজানীহি সর্বলোকস্য জাজলে।
সমং মতিমতাং শ্রেষ্ঠ সমলোষ্টাশ্মকাঞ্চনম্॥ 12-268-13 (75982)
যথাঽন্ধবধিরোত্মত্তা উচ্ছ্বাসপরমাঃ সদা।
দেবৈরপিহিতদ্বারাঃ সোপমা পশ্যতো মম॥ 12-268-14 (75983)
যথা বৃদ্ধাতুরকৃশা নিস্পৃহা বিষয়ান্প্রতি।
তথাঽর্থকামভোগেষু মমাপি বিগতা স্পৃহা॥ 12-268-15 (75984)
যদা চায়ং ন বিভেতি যদা চাস্মান্ন বিভ্যতি।
যদা নেচ্ছতি ন দ্বেষ্টি তদা সিদ্ধ্যতি বৈ দ্বিজ॥ 12-268-16 (75985)
যদা ন কুরুতে ভাবং সর্বভূতেষু পাপকম্।
কর্মণা মনসা বাচা ব্রহ্ম সংপদ্যতে তদা॥ 12-268-17 (75986)
ন ভূতো ন ভবিষ্যোঽস্তি ন চ ধর্মোস্তি কশ্চন।
যোঽভয়ঃ সর্বভূতানাং স প্রাপ্নোত্যভয়ং পদম্॥ 12-268-18 (75987)
যস্মাদুদ্বিজতে লোকঃ সর্বো মৃত্যুমুখাদিব।
বাক্ক্রূরাদ্দণ্ডপরুষাৎস প্রাপ্নোতি মহদ্ভয়ম্॥ 12-268-19 (75988)
যথাবদ্বর্তমানানাং বৃদ্ধানাং পুত্রপৌত্রিণাম্।
অনুবর্তামহে বৃত্তমহিংস্ত্রাণাং মহাত্মনাম্॥ 12-268-20 (75989)
প্রনষ্টঃ শাশ্বতো ধর্মঃ সদাচারেণ মোহিতঃ।
তেন বৈদ্যস্তপস্বী বা বলবান্বা বিমুহ্যতে॥ 12-268-21 (75990)
আচারাজ্জাজলে প্রাজ্ঞঃ ক্ষিপ্রং ধর্মমবাপ্নুয়াৎ।
এবং যঃ সাধুভির্দান্তশ্চরেদদ্রোহচেতসা॥ 12-268-22 (75991)
নদ্যাং চেহ যথা কাষ্ঠমুহ্যমানং যদৃচ্ছয়া।
যদৃচ্ছয়ৈব কাষ্ঠেন সন্ধি গচ্ছেত কেনচিৎ॥ 12-268-23 (75992)
তত্রাপরাণি দারূণি সংসৃজ্যন্তে ততস্ততঃ।
তৃণকাষ্ঠকরীপাণি কদাচিন্ন সমীক্ষয়া॥ 12-268-24 (75993)
যস্মান্নোদ্বিজতে ভূতং জাতু কিংচিৎকথংচন।
অভয়ং সর্বভূতেভ্যঃ স প্রাপ্নোতি সদা মুনে॥ 12-268-25 (75994)
যস্মাদুদ্বিজতে বিদ্বন্সর্বলোকো বৃকাদিব।
ক্রোশতস্তীরমাসাদ্য যথা সর্বে জলেচরাঃ॥ 12-268-26 (75995)
এবমেবায়মাচারঃ প্রাদুর্ভূতো যতস্ততঃ।
সহায়বান্দ্রব্যবান্যঃ সুভগোঽথ পরস্তথা॥ 12-268-27 (75996)
ততস্তানেব কবয়ঃ শাস্ত্রেষু প্রবদন্ত্যুত।
কীর্ত্যর্থমল্পহৃল্লেখাঃ পটবঃ কৃৎস্ননির্ণয়াঃ॥ 12-268-28 (75997)
তপোভির্যজ্ঞদানৈশ্চ বাক্যৈঃ প্রজ্ঞাশ্রিতৈস্তথা।
প্রাপ্নোত্যভয়দানস্য যদ্যৎফলমিহাশ্নুতে॥ 12-268-29 (75998)
লোকে যঃ সর্বভূতেভ্যো দদাত্যভয়দক্ষিণাম্।
স সত্যযজ্ঞৈরীজানঃ প্রাপ্নোত্যভয়দক্ষিণাম্॥ 12-268-30 (75999)
ন ভূতানামহিংসায়া জ্যায়ান্ধর্মোঽস্তি কশ্চন।
যস্মান্নোদ্বিজতে ভূতং জাতু কিংচিৎকথংচন।
সোঽভয়ং সর্বভূতেভ্যঃ সংপ্রাপ্নোতি মহামুনে॥ 12-268-31 (76000)
যস্মাদুদ্বিজতে লোকঃ সর্পাদ্বেশ্মগতাদিব।
ন স ধর্মমবাপ্নোতি ইহ লোকে পরত্র চ॥ 12-268-32 (76001)
সর্বভূতাত্মভূতস্য সর্বভূতানি পশ্যতঃ।
দেবাঽপি মার্গে মুহ্যন্তি হ্যপদস্য পদৈপিণঃ॥ 12-268-33 (76002)
দানং ভূতাভয়স্যাহুঃ সর্বদানেভ্য উত্তমম্।
ব্রবীমি তে সত্যমিদং শ্রদ্ধৎস্ব মম জাজলে॥ 12-268-34 (76003)
স এব সুভগো ভূৎবা পুনর্ভবতি দুর্ভগঃ।
ব্যাপত্তিং কর্মণাং দৃষ্ট্বা জুগুপ্সন্তি জনাঃ সদা॥ 12-268-35 (76004)
অকারণো হি নৈবাস্তি ধর্মঃ সূক্ষ্মো হি জাজলে।
ভূতভব্যার্থমেবেহ ধর্মপ্রবচনং কৃতম্॥ 12-268-36 (76005)
সূক্ষ্মৎবান্ন স বিজ্ঞাতুং শক্যতে বহুনিহ্নবঃ।
উপলভ্যান্তরা চান্যানাচারানববুধ্যতে॥ 12-268-37 (76006)
যে চ চ্ছিন্দন্তি বৃষণান্যে চ ভিন্দন্তি নস্তকান্।
বহন্তি মহতো ভারান্বধ্নন্তি দময়ন্তি চ।
হৎবা সৎবানি খাদন্তি তান্কথং ন বিগর্হসে॥ 12-268-38 (76007)
মানুষা মানুপানেব দাসভোগেন ভুঞ্জতে।
বধবন্ধনিরোধেন কারয়ন্তি দিবানিশম্॥ 12-268-39 (76008)
আত্মনশ্চাপি জানাতি যদ্দুঃখং বধবন্ধনে।
পঞ্চেন্দ্রিয়েষু ভূতেষু সর্বং বসতি দৈবতম্॥ 12-268-40 (76009)
আদিত্যশ্চন্দ্রমা বায়ুর্ব্রহ্মা প্রাণঃ ক্রতুর্যমঃ।
তানি জীবানি বিক্রীয় কা মৃতেষু বিচারণা॥ 12-268-41 (76010)
অজোঽগ্নির্বরুণো মেপঃ সূর্যোঽশ্বঃ পৃথিবী বিরাট্।
ধেনুর্বৎসশ্চ সোমো বৈ বিক্রীয়ৈতন্ন সিধ্যতি॥ 12-268-42 (76011)
কা তৈলে কা ধৃতে ব্রহ্মন্মধুন্যপ্স্বোষধীষু বা॥ 12-268-43 (76012)
অদংশমশকে দেশে সুখসংবর্ধিতান্পশূন্।
তাংশ্চ মাতুঃ প্রিয়াঞ্জানন্নাক্রম্য বহুধা নরাঃ॥ 12-268-44 (76013)
বহুদংশাকুলান্দেশান্নয়ন্তি বহুকর্দমান্।
বাহসংপীডিতা ধুর্যাঃ সীদন্ত্যবিধিনা পরে॥ 12-268-45 (76014)
ন মন্যে ভ্রূণহত্যাঽপি বিশিষ্টা তেন কর্মণা।
কৃপিং সাধ্বিতি মন্যন্তে সা চ বৃত্তিঃ সুদারুণা॥ 12-268-46 (76015)
ভূমিং ভূমিশয়াংশ্চৈব হন্তি কাষ্ঠৈরয়োমুখৈঃ।
তথৈবানডুহো যুক্তান্ক্ষুত্তৃষ্ণাশ্রমকর্শিতান্॥ 12-268-47 (76016)
অধ্ন্যা ইতি গবাং নাম ক এতা হন্তুমর্হতি।
মহচ্চকারাকুশলং বৃথা যো গাং নিহন্তি হ॥ 12-268-48 (76017)
ঋপয়ো যতয়ো হ্যেতন্নহুপে প্রত্যবেদয়ন্।
গাং মাতরং চাপ্যবধীর্বৃপভং চ প্রজাপতিম্।
অকার্যং নহুপাকাপীংর্লপ্স্যামস্ৎবৎকৃতে ব্যথাম্॥ 12-268-49 (76018)
শতং চৈকং চ রোগাণাং সর্বভূতেষ্বপাতয়ন্।
ঋপয়স্তে মহাভাগাঃ প্রশস্তাস্তে চ জাজলে॥ 12-268-50 (76019)
ভ্রৃণহং নহুষং ৎবাহুর্ন তং ভোক্ষ্যামহে বয়ম্।
ইত্যুক্ৎবা তে মহাত্মানঃ সর্বে তত্ৎবার্থদর্শিনঃ।
ঋষয়ো যতয়ঃ শান্তাস্তপসা প্রত্যেষধয়ন্॥ 12-268-51 (76020)
ঈদৃশানশিবান্ঘোরানাচারানিহ জাজলে।
কেবলাচরিতৎবাত্তু নিপুণো নাববুধ্যসে॥ 12-268-52 (76021)
কারণাদ্ধর্মমন্বিচ্ছন্ন লোকং বিরসং চরেৎ॥ 12-268-53 (76022)
যো হন্যাদ্যশ্চ মাং স্তৌতি তত্রাপি শৃণু জাজলে।
সমৌ তাবপি মে স্থাতাং ন হি মে স্তঃ প্রিয়াপ্রিয়ে।
এতদীদৃশকং ধর্মং প্রশংসন্তি মনীষিণঃ॥ 12-268-54 (76023)
উপপত্ত্যা হি সংপন্নো যতিভিশ্চৈব সেব্যতে।
সততং ধর্মশীলৈশ্চ নিপুণেনোপলক্ষিতঃ॥ ॥ 12-268-55 (76024)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টষষ্ট্যধিকদ্বিশততমোঽধ্যায়ঃ॥ 268॥
Mahabharata - Shanti Parva - Chapter Footnotes
12-268-2 বাণিজ বণিক্পুত্র॥ 12-268-3 অধ্যগা নৈষ্ঠকীং বুদ্ধিং কুতস্ৎবামিদমাগতমিতি ঝ. পাঠঃ॥ 12-268-7 পদ্মকং তুঙ্গং চ কাষ্ঠবিশেষৌ। কস্তূর্যাদীন্গন্ধান্॥ 12-268-8 রসান্ লবণাদীন্॥ 12-268-16 ন দ্বেষ্টি ব্রহ্ম সংপদ্যতে তদেতি ঝ. পাঠঃ॥ 12-268-26 দৃষ্টান্তে বডবাগ্নিঃ॥ 12-268-33 সম্যগ্ভৃতানি পশ্যত ইতি ধ. পাঠঃ॥ 12-268-35 ব্যাপত্তি নাশম্। কর্মণাং কর্মফলানাং স্বর্গাদীনাম্॥ 12-268-36 অকারণঃ কারণমনুষ্ঠানপ্রয়োজকং ফলং তদ্ধীনঃ॥ 12-268-38 যদুক্তমলক্তপদ্মকাদীন্যপণ্যানি বিক্রীণাসীতি তত্রাহ যেচেতি। নস্তকান্ নাসাগর্ভান্। বহন্তি বাহয়ন্তি॥ 12-268-39 দাসভাবেন ভুঞ্জতে ইতি ঝ. পাঠঃ॥ 12-268-45 অবিধিনা কৎবর্থাপি হিংসা দোপাবহা কিমুতাঽকৎবর্থেত্যর্থঃ॥ 12-268-47 ভূমিশয়ান্সর্পাদীন্। অয়োমুখং কাষ্ঠং লাঙ্গলম্॥ 12-268-48 ন হন্তুং শক্যা অধ্ন্যা ইতি যোগাদ্গবমাবধ্যৎবং শ্রৌতমিত্যর্থঃ॥ 12-268-50 নহুপকৃতা গোবৃপহত্যা সর্বভূতেষ্বেকাধিকশতরোগরূপেণ ক্ষিপ্তত্যর্থঃ॥ 12-268-51 এবমুক্ৎবাপি তপসা ধ্যানেন তং প্রত্যবেদয়ন্ প্রতীপমবেদয়ন্। হন্তারমপি ধীপূর্বমহন্তারং নহুপং ধ্যানবলেন জ্ঞাৎবা তথৈব লোকেঽপি প্রমাদাৎকৃতোঽপি গোবধো ব্যাধিরূপেণ সর্বলোকাপকারায়াভৃত কিমুত বুদ্ধিপূর্বং কুত ইতি জ্ঞাপিতবন্ত ইত্যর্থঃ॥ 12-268-52 কেবলেতি পূর্বৈঃ কৃত ইত্যন্ধপরংপরামাত্রাৎকরোপি নতু তত্ৎববুদ্ধ্যা॥শান্তিপর্ব - অধ্যায় 269
॥ শ্রীঃ ॥
12.269. অধ্যায়ঃ 269
Mahabharata - Shanti Parva - Chapter Topics
তুলাধারেণ জাজলয়ে ধর্মরহস্যোপদেশঃ॥ 1॥Mahabharata - Shanti Parva - Chapter Text
12-269-0 (76025)
জাজলিরুবাচ। 12-269-0x (6292)
যথা প্রবর্তিতো ধর্মস্তুলাং ধারয়তা ৎবয়া।
স্বর্গদ্বারং চ বত্তিং চ ভূতানামবরোৎস্যতে॥ 12-269-1 (76026)
কৃষ্যা হ্যন্নং প্রভবতি ততস্ৎবমপি জিবসি।
পশুভিশ্চৌষধীভিশ্চ মর্ত্যা জীবন্তি বাণিজ॥ 12-269-2 (76027)
ততো যজ্ঞঃ প্রভবতি নাস্তিক্যমপি জল্পসি।
ন হি বর্তেদয়ং লোকো বার্তামুৎসৃজ্য কেবলাম্॥ 12-269-3 (76028)
তুলাধার উবাচ। 12-269-4x (6293)
বক্ষ্যামি জাজলে বৃত্তিং নাস্মি ব্রাহ্মণ নাস্তিকঃ।
ন যজ্ঞং চ বিনিন্দামি যজ্ঞবিত্তু সুদুর্লভঃ॥ 12-269-4 (76029)
নমো ব্রাহ্মণ যজ্ঞায় যে চ যজ্ঞবিদো জনাঃ।
স্বয়জ্ঞং ব্রাহ্মণা হিৎবা ক্ষত্রয়জ্ঞমনুষ্ঠিতাঃ॥ 12-269-5 (76030)
লুব্ধৈর্বিত্তপরৈর্ব্রহ্মন্নাস্তিকৈঃ সংপ্রবর্তিতম্।
বেদবাদানভিজ্ঞানাং সত্যাভাসমিবানৃতম্॥ 12-269-6 (76031)
ইদং দেয়মিদং দেয়মিতি নান্যচ্চিকীর্ষতি।
অতঃ স্তৈন্যং প্রভবতি বিকর্মাণি চ জাজলে॥ 12-269-7 (76032)
যদেব সুকৃতং হব্যং তেন তুষ্যন্তি দেবতাঃ।
নমস্কারেণ হবিষা স্বাধ্যায়ৈরৌষধৈস্তথা।
পূজা স্যাদ্দেবতানাং হি যথাশাস্ত্রনিদর্শনম্॥ 12-269-8 (76033)
ইষ্টাপূর্তাদসাধূনাং বিদুষাং জায়তে প্রজা।
লুব্ধেভ্যো জায়তে লুব্ধঃ সমেভ্যো জায়তে সমঃ॥ 12-269-9 (76034)
যজমানা যথাঽঽত্মানমৃৎবিজশ্চ তথা প্রজাঃ।
যজ্ঞাৎপ্রজা প্রভবতি নভসোঽম্ভ ইবামলম্॥ 12-269-10 (76035)
অগ্নৌ প্রাস্তাহুতির্ব্রহ্মন্নাদিত্যমুপগচ্ছতি।
আদিত্যাজ্জায়তে বৃষ্টির্বৃষ্টেরন্নং ততঃ প্রজাঃ॥ 12-269-11 (76036)
তস্মাৎসুনিষ্ঠিতাঃ পূর্বে সর্বান্কামাংশ্চ লেভিরে।
অকৃষ্টপচ্যা পৃথিবী আশীর্ভির্বীররুধোঽভবন্॥ 12-269-12 (76037)
ন তে যজ্ঞেষ্বাত্মসু বা ফলং পশ্যন্তি কিংচন।
শঙ্কমানাঃ ফলং যজ্ঞে যে যজেরন্কথংচন॥ 12-269-13 (76038)
জানন্তঃ সর্বথা সাধু লুব্ধা বিত্তপ্রয়োজনাঃ।
স স্ম পাপকৃতাং লোকান্গুচ্ছেদশুভকর্মণা॥ 12-269-14 (76039)
প্রমাণমপ্রমাণেন যঃ কুর্যাদশুভং নরঃ।
পাপাত্মা সোঽকৃতপ্রজ্ঞঃ সদৈবেহ দ্বিজোত্তম॥ 12-269-15 (76040)
কর্তব্যমিতি কর্তব্যং বেত্তি বৈ ব্রাহ্মণো ভয়ম্।
ব্রহ্মৈব বর্ততে লোকে নৈব কর্তব্যতাং পুনঃ॥ 12-269-16 (76041)
বিগুণং চ পুনঃ কর্ম জ্যায় ইত্যনুশুশ্রুম্।
সর্বভূতোপকারশ্চ ফলভাবে চ সংয়মঃ॥ 12-269-17 (76042)
সত্যযজ্ঞা দময়জ্ঞা অলুব্ধাশ্চাত্মবৃত্তয়ঃ।
উৎপন্নত্যাগিনঃ সর্বে জনা আসন্নমৎসরাঃ॥ 12-269-18 (76043)
ক্ষেত্রক্ষেত্রজ্ঞতত্ৎবজ্ঞাঃ স্বয়জ্ঞপরিনিষ্ঠিতাঃ।
ব্রাহ্মং বেদমধীয়ন্তস্তোষয়ন্ত্যপরানপি॥ 12-269-19 (76044)
অখিলং দৈবতং সর্বং ব্রহ্ম ব্রহ্মণি সংশ্রিতম্।
তৃপ্যন্তি তৃপ্যতো দেবাস্তৃপ্তাঽতৃপ্তস্য জাজলে॥ 12-269-20 (76045)
যথা সর্বরসৈস্তৃপ্তো নাভিনন্দতি কিংচন।
তথা প্রজ্ঞানতৃপ্তস্য নিত্যতৃপ্তিঃ সুখোদয়া॥ 12-269-21 (76046)
ধর্মাধারা ধর্মসুখাঃ কৃৎস্নব্যবসিতাস্তথা।
অস্তি নস্তত্ৎবতো ভূয় ইতি প্রাজ্ঞস্ৎববেক্ষতে॥ 12-269-22 (76047)
জ্ঞানবিজ্ঞানিনঃ কেচিৎপরং পারং তিতীর্ষবঃ।
অতীব পুণ্যদং পুণ্যং পুণ্যাভিজনসংহিতম্॥ 12-269-23 (76048)
যত্র গৎবা ন শোচন্তি চ চ্যবন্তি ব্যথন্তি চ।
তে তু তদ্ব্রহ্মণঃ স্থানং প্রাপ্নুবন্তীহ সাৎবিকাঃ॥ 12-269-24 (76049)
নৈব তে স্বর্গমিচ্ছন্তি ন যজন্তি যশোধনাঃ।
সতাং বর্ত্মানুবর্তন্তে যথাবলমহিংসয়া॥ 12-269-25 (76050)
বনস্পতীনোষধীশ্চ ফলমূলানি তে বিদুঃ।
ন চৈতানৃৎবিজো লুব্ধা যাজয়ন্তি ফলার্থিনঃ॥ 12-269-26 (76051)
স্বমেব চার্থং কুর্বাণা যজ্ঞং চক্রুঃ পুনর্দ্বিজাঃ।
পরিনিষ্ঠিতকর্মাণাঃ প্রজানুগ্রহকাম্যযা॥ 12-269-27 (76052)
তস্মাত্তানৃৎবিজো লুব্ধা যাজয়ন্ত্যশুভান্নরান্।
প্রাপয়েয়ুঃ প্রজাঃ স্বর্গে স্বধর্মাচরণেন বৈ।
ইতি মে বর্ততে বুদ্ধিঃ সমা সর্বত্র জাজলে॥ 12-269-28 (76053)
প্রয়ুঞ্জতে যেন যজ্ঞে সদা প্রাজ্ঞা দ্বিজর্ষভাঃ।
তেন তে দেবয়ানেন পথা যান্তি মহামুনে॥ 12-269-29 (76054)
আবৃত্তিস্তস্য চৈকস্য নাস্ত্যাবৃত্তির্মনীষিণাঃ।
উভৌ তৌ দেবয়ানেন গচ্ছতো জাজলে যথা॥ 12-269-30 (76055)
স্বয়ং চৈষামনডুহো যুঞ্জন্তি চ বহন্তি চ।
স্বয়মুস্রাশ্চ দুহ্যন্তে মনঃসংকল্পসিদ্ধিভিঃ॥ 12-269-31 (76056)
স্বয়ং যূপানুপাদায় যজন্তে স্বাপ্তদক্ষিণাঃ।
যস্তথা ভাবিতাত্মা স্যাৎস গামালব্ধুমর্হতি॥ 12-269-32 (76057)
ওষধীভিস্তথা ব্রহ্মন্যজেরংস্তে ন তাদৃশাঃ।
শ্রদ্ধয়া গাং পুরস্কৃত্য তদৃতং প্রব্রবীমি তে॥ 12-269-33 (76058)
নিরাশিষমনারম্ভং নির্নমস্কারমস্তুতিম্।
অক্ষীণং ক্ষীণকর্মাণং তং দেবা ব্রাহ্মণং বিদুঃ॥ 12-269-34 (76059)
ন শ্রাবয়ন্ন চ যজন্ন দদদ্ব্রাহ্মণেষু চ।
কাম্যাং বৃত্তিং লিপ্সমানঃ কাং গতিং যাতি জাজলে।
ইদং তু দৈবতং কৃৎবা যথা যজ্ঞমবাপ্নুয়াৎ॥ 12-269-35 (76060)
জাজলিরুবাচ। 12-269-36x (6294)
[ন বৈ মুনীনাং শৃণুমঃ স্ম তত্ৎবং
পৃচ্ছামি তে বাণিজ কষ্টমেতৎ।
পূর্বেপূর্বে চাস্য নাবেক্ষমাণা
নাতঃ পরং তমৃষয়ঃ স্থাপয়ন্তি॥ 12-269-36 (76061)
যস্মিন্নেবাত্মতীর্থেন পশবঃ প্রাপ্নুয়ুর্মখম্।]
অথ স্ম কর্মণা কেন বাণিজ প্রাপ্নুয়াৎসুখম্।
শংস মে তন্মহাপ্রাজ্ঞ ভৃশং বৈ শ্রদ্দধামি তে॥ 12-269-37 (76062)
তুলাধার উবাচ। 12-269-38x (6295)
উত যজ্ঞা উতায়জ্ঞা মস্বং নার্হন্তি তে ক্বচিৎ।
আজ্যেন পয়সা দধ্না সৎকৃত্যামিক্ষয়া ৎবচা।
বালৈঃ শৃঙ্গেণ পাদেন সংভরত্যেব গৌর্মখম্॥ 12-269-38 (76063)
পত্নীব্রতেন বিধিনা প্রকরোতি নিয়োজয়ন্।
ইষ্টং তু দৈবতং কৃৎবা যথা যজ্ঞমবাপ্নুয়াৎ॥ 12-269-39 (76064)
পুরোডাশো হি সর্বেষাং পশূনাং মেধ্য উচ্যতে।
সর্বা নদ্যঃ সরস্বত্যঃ সর্বে পুণ্যাঃ শিলোচ্চয়াঃ।
জাজলে তীর্থমাত্মেব মা স্ম দেশাতিথির্ভব॥ 12-269-40 (76065)
এতানীদৃশকান্ধর্মানাচরন্নিহ জাজলে।
কারণৈর্ধর্মমন্বিচ্ছন্স লোকানাপ্নুতে শুভান্॥ 12-269-41 (76066)
ভীষ্ম উবাচ। 12-269-42x (6296)
এতানীদৃশকান্ধর্মাংস্তুলাধারঃ প্রশংসতি।
উপপত্ত্যাঽভিসংপন্নান্নিত্যং সদ্ভির্নিষেবিতান্॥ ॥ 12-269-42 (76067)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনসপ্তত্যধিকদ্বিশততমোঽধ্যায়ঃ॥ 269॥
Mahabharata - Shanti Parva - Chapter Footnotes
12-269-3 নাস্তিক্যং হিংসাত্মকৎবেন যজ্ঞনিন্দা॥ 12-269-9 বিগুণা জায়তে প্রজেতি ঝ. পাঠঃ॥ 12-269-25 যজন্তে চাবিহিংসয়েতি ঝ. পাঠঃ॥ 12-269-38 অশক্তানাং তু বালৈর্গোপুচ্ছে পিতৃতর্পণাদিনা। শৃঙ্গেণ গোশৃঙ্গেণাভিষেকাদিনা। পাদ্দেনেতি পাদরজসেত্যর্থঃ। এতেষাং গোস্পর্শনাদীনাং চ সদ্যঃ পাপনাশকৎবং পরলোকপ্রদৎবং চ স্মৃত্যুক্তং দর্শিতম্॥ 12-269-41 ঈদৃশকানহিংস্রান্। কারণৈরর্থিৎবসমর্থৎববিদ্বত্ৎবতারতম্যৈঃ॥ 12-269-42 উপপত্ত্যা যুত্তয়া॥শান্তিপর্ব - অধ্যায় 270
॥ শ্রীঃ ॥
12.270. অধ্যায়ঃ 270
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জাজলিতুলাধারসংবাদানুবাদঃ॥ 1॥Mahabharata - Shanti Parva - Chapter Text
12-270-0 (76068)
তুলাধার উবাচ। 12-270-0x (6297)
সদ্ভির্বা যদি বাঽসদ্ভিঃ পন্থানমিমমাশ্রিতঃ।
প্রত্যক্ষং ক্রিয়তাং সাধু ততো জ্ঞাস্যসি তদ্যথা॥ 12-270-1 (76069)
এতে শকুন্তা বহবঃ সমন্তাদ্বিচরন্তি হ।
তবোত্তমাঙ্গে সংভূতাঃ শ্যেনাশ্চান্যাশ্চ জাতয়ঃ॥ 12-270-2 (76070)
আহূয়ৈনান্মহাব্রহ্মন্বিশমানাংস্ততস্ততঃ।
পশ্যেমান্হস্তপাদৈশ্চ শ্লিষ্টান্দেহেষু সর্বশঃ॥ 12-270-3 (76071)
সংভাবয়ন্তি পিতরং ৎবয়া সংভাবিতাঃ স্বগাঃ।
অসংশয়ং পিতা বৈ ৎবং পুত্রানাহ্বয় জাজলে॥ 12-270-4 (76072)
ভীষ্ম উবাচ। 12-270-5x (6298)
ততো জাজলিনা তেন সমাহূতাঃ পতত্রিণঃ।
বাচমুচ্চারয়ন্তি স্ম ধর্মস্য বচনাৎকিল॥ 12-270-5 (76073)
তুলাধার উবাচ। 12-270-6x (6299)
অহিংসাদি কৃতং কর্ম ইহ চৈব পরত্র চ।
শ্রদ্ধাং নিহন্তি বৈ ব্রহ্মন্সা হতা হন্তি তং নরম্॥ 12-270-6 (76074)
সমানাং শ্রদ্দধানানাং সংয়তানাং সুচেতসাম্।
কুর্বতাং যজ্ঞ ইত্যেব ন যজ্ঞো জাতু নেষ্যতে॥ 12-270-7 (76075)
শ্রদ্ধা বৈ সাৎবিকী দেবী সূর্যস্য দুহিতা দ্বিজ।
সাবিত্রী প্রসবিত্রী চ হবির্বাঙ্ভনসী ততঃ॥ 12-270-8 (76076)
বাগ্বৃদ্ধং ত্রায়তে শ্রদ্ধা মনোবৃদ্ধং চ জাজলে।
শ্রদ্ধাবৃদ্ধং বাঙ্ভনসী ন যজ্ঞস্ত্রাতুমর্হতি॥ 12-270-9 (76077)
অত্র গাথা ব্রহ্মগীতাঃ কীর্তয়ন্তি পুরাবিদঃ।
শুচেরশ্রদ্দধানস্য শ্রদ্দধানস্যর চাশুচেঃ॥ 12-270-10 (76078)
দেবা বিত্তমমন্যন্ত সদৃশং যজ্ঞকর্মণি।
শ্রোত্রিয়স্য কদর্যস্য বদান্যস্য চ বার্ধুষেঃ॥ 12-270-11 (76079)
মীমাংসিৎবোভয়ং দেবাঃ সমমন্নমকল্পয়ন্।
প্রজাপতিস্তানুবাচ বিষমং কৃতমিত্যুত॥ 12-270-12 (76080)
শ্রদ্ধাপূতং বদান্যস্য হতমশ্রদ্ধয়েতরৎ।
ভোজ্যমন্নং বদান্যস্য কদর্যস্য ন বার্ধুষেঃ॥ 12-270-13 (76081)
অশ্রদ্দধান এবৈকো দেবানাং নার্হতে হবিঃ।
তস্যৈবান্নং ন ভোক্তব্যমিতি ধর্মবিদো বিদুঃ॥ 12-270-14 (76082)
অশ্রদ্ধা পরমং পাপং শ্রদ্ধা পাপপ্রমোচনী।
জহাতি পাপং শ্রদ্ধাবান্সর্পো জীর্ণামিব ৎবচম্॥ 12-270-15 (76083)
জ্যায়সী যা পবিত্রাণাং নিবৃত্তিঃ শ্রদ্ধয়া সহ।
নিবৃত্তশীলদোষো যঃ শ্রদ্ধাবান্পূত এব সঃ॥ 12-270-16 (76084)
কিং তস্য তপসা কার্যং কিং বৃত্তেন কিমাত্মনা।
শ্রদ্ধাময়োঽয়ং পুরুষো যো যচ্ছ্রদ্ধঃ স এব সঃ॥ 12-270-17 (76085)
ইতি ধর্মঃ সমাখ্যাতঃ সদ্ভির্ধর্মার্থদর্শিভিঃ।
বয়ং জিজ্ঞাসমানাস্তু সংপ্রাপ্তা ধর্মদর্শনাৎ॥ 12-270-18 (76086)
শ্রদ্ধাং কুরু মহাপ্রাজ্ঞ ততঃ প্রাপ্স্যসি যৎপরম্॥ 12-270-19 (76087)
`জাজলিরুবাচ। 12-270-20x (6300)
ন বৈ মুনীনাং শৃণুমশ্চ তৎবং
পৃচ্ছামি তে বাণিজ তৎবমেতৎ।
পূর্বে হি পূর্বেঽপ্যনবেক্ষমাণা
নাতঃ পরং তে ঋষয়ঃ স্থাপয়ন্তি॥ 12-270-20 (76088)
যস্মিন্নেবানুতীর্থেন পশবঃ প্রাপ্নুয়ুঃ সুখম্।
পত্নীব্রতেন বিধিনা প্রকরোতি নিয়োজয়ন্।'
শ্রদ্ধাবাঞ্শ্রদ্দধানশ্চ ধর্মশ্চৈব হি বাণিজ॥ 12-270-21 (76089)
তুলাধার উবাচ। 12-270-22x (6301)
স্ববর্ত্মনি স্থিতশ্চৈব গরীয়ানেব জাজলে॥ 12-270-22 (76090)
ভীষ্ম উবাচ। 12-270-23x (6302)
ততোঽচিরেণ কালেন তুলাধারঃ স এব চ।
দিবং গৎবা মহাপ্রাজ্ঞৌ বিহরেতাং যথাসুখম্।
স্বংস্বং স্থানমুপাগম্য স্বকর্মফলনির্মিতম্॥ 12-270-23 (76091)
এবং বহুবিধার্থং চ তুলাধারেণ ভাপিতম্।
সম্যক্চৈবমুপালব্ধো ধর্মশ্চোক্তঃ সনাতনঃ॥ 12-270-24 (76092)
তস্য বিখ্যাতবীর্যস্য শ্রুৎবা বাক্যানি জাজলিঃ।
তুলাধারস্য কৌন্তেয় শান্তিমেবান্বপদ্যত॥ 12-270-25 (76093)
`সমানাং শ্রদ্দধানানাং যুক্তানাং চ যথাবলম্।
কুর্বতাং যজ্ঞ ইত্যেব নায়জ্ঞো জাতু নেষ্যতে॥' 12-270-26 (76094)
এবং বহুমতার্থং চ তুলাধারেণ ভাষিতম্।
যথৌপম্যোপদেশেন কিং ভূয়ঃ শ্রোতুমিচ্ছসি॥ ॥ 12-270-27 (76095)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তত্যধিকদ্বিশততমোঽধ্যায়ঃ॥ 270॥
Mahabharata - Shanti Parva - Chapter Footnotes
12-270-1 অয়ং পন্থাঃ সমাশ্রিত ইতি ট. থ. পাঠঃ॥ 12-270-3 ততস্ততঃ তেষু তেষু নীডেষু প্রবেশায় শ্লিষ্টান্ সংকুচিতহস্তপাদান্॥ 12-270-5 বাচমুচ্চারয়ন্তি। নিঃশঙ্কং প্রত্যুত্তরং প্রয়চ্ছন্তীত্যর্থঃ। তত্র হেতুঃ ধর্মস্যাঽহিংসাত্মকস্য সংবন্ধিনো বচনাৎপ্রিয়বচনাদিত্যর্থঃ॥ 12-270-6 হিংসা আদিপদার্থঃ। ইহ পরত্র চ প্রত্যক্ষফলমিতি শেষঃ। তত্র হিংসাফলমাহ শ্রদ্ধামিতি। হিংসা শ্রদ্ধাং বিশ্বাসং নিহন্তীত্যধ্যাহৃত্য যোজ্যম্। তং বিশ্বাসঘাতিনম্। স্পর্ধানিহন্তি তং ধর্মং স হতো হন্তীতি ধ. পাঠঃ। হিংসা নিহন্তি বৈ ধর্মসংহতো হন্তীতি থ. পাঠঃ॥ 12-270-7 সমানাং লাভালাভয়োঃ যজ্ঞঃ কর্তব্য ইত্যেবাভিসংধায় কুর্বতাং ফলং চাভিসংধায়েতি এবার্থঃ। তেষাং যজ্ঞো নেষ্বত ইতি ন। সংগতানাং সুচেতসামিতি ধ. পাঠঃ॥ 12-270-9 বাচা স্বরবর্ণবিপর্যাসেন যদ্বৃদ্ধং ছিন্নং নষ্টং মন্ত্রাদ্যুচ্চারণে তচ্ছ্রদ্ধা ত্রায়তে সমাধত্তে। মনসা ব্যগ্রেণ যন্নষ্টং দেবতাধ্যানাদি॥ 12-270-12 মীমাংসিৎবা বিচার্য॥ 12-270-14 হবির্দাতুমিতি শেষঃ॥ 12-270-17 যৎ যা সাৎবিকী রাজসী তামসী বা শ্রদ্ধা যস্য স যচ্ছ্রদ্ধঃ। স এব স সাৎবিকো রাজসস্তামসো বা॥ 12-270-18 ধর্মদর্শনাখ্যান্মুনেধৈর্মং বয়ং প্রাপ্তবন্তঃ॥ 12-270-19 স্পর্ধাং জহি মহাপ্রাজ্ঞেতি ধ. পাঠঃ॥ 12-270-21 শ্রদ্ধাবান্বেদবাক্যে। শ্রদ্দধানস্তদর্থমনুষ্ঠাতুং মমেদং শ্রেয় ইতি নিশ্চয়বান্। ধর্মো ধর্মাত্মা॥ 12-270-22 গরীয়ানেব ভূতলে ইতি ট. থ. পাঠঃ॥ 12-270-27 যর্থাপম্যোপদেশেন যথায়দ্দষ্টান্তকীর্তনেন॥শান্তিপর্ব - অধ্যায় 271
॥ শ্রীঃ ॥
12.271. অধ্যায়ঃ 271
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি হিংসাত্যাগপূর্বকং শরীরাবিরোধেন ধর্মাচরণচোদনা॥ 1॥Mahabharata - Shanti Parva - Chapter Text
12-271-0 (76096)
`যুধিষ্ঠির উবাচ। 12-271-0x (6303)
শরীরমাপদশ্চৈব ন বিদন্ত্যবিহিংসকাঃ।
কথং যাত্রা শরীরস্য নিরারম্ভস্য সেৎস্যতে॥ 12-271-1 (76097)
ভীষ্ম উবাচ। 12-271-2x (6304)
যথা শরীরং ন ম্লায়েন্নৈব মৃত্যুবশং ভবেৎ।
তথা কর্মসু বর্তেত সমর্থো ধর্মমাচরেৎ॥' 12-271-2 (76098)
অত্রাপ্যুদাহরন্তীমমিতিহাসং পুরাতনম্।
প্রজানামনুকম্পার্থং গীতং রাজ্ঞা বিচখ্যুনা॥ 12-271-3 (76099)
ছিন্নস্থূণং বৃপং দৃষ্ট্বা বিরাবং চ গবাং ভৃশম্।
গোগৃহে যজ্ঞবাটে চ প্রেক্ষমাণঃ স পার্থিবঃ॥ 12-271-4 (76100)
স্বস্তি গোভ্যোঽস্তু লোকেষু ততো নির্বচনং কৃতম্।
হিংসায়াং হি প্রবৃত্তায়ামাশীরেষা তু কল্পিতা॥ 12-271-5 (76101)
অব্যবস্থিতমর্যাদৈর্বিমূঢৈর্নাস্তিকৈর্নরৈঃ।
সংশয়াত্মভিরব্যক্তৈর্হিংসা সমনুদর্শিতা॥ 12-271-6 (76102)
সর্বকর্মগ্বহিংসাং হি ধর্মাত্মা মনুরব্রবীৎ।
কামকারাদ্বিহিংসন্তি বহির্বেদ্যাং পশূন্নরাঃ॥ 12-271-7 (76103)
তস্মাৎপ্রমাণতঃ কার্যো ধর্মঃ সূক্ষ্মো বিজানতা।
অহিংসা হ্যেব সর্বেভ্যো ধর্মেভ্যো জ্যায়সী মতা॥ 12-271-8 (76104)
উপোষ্য সংশিতো ভূৎবা হিৎবা বেদকৃতাং শুচিঃ।
আচার ইত্যনাচারঃ কৃপণাঃ ফলহেতবঃ॥ 12-271-9 (76105)
যদি চ্ছিন্দন্তি বৃক্ষাংশ্চ যূপাংশ্চোদ্দিশ্য মানবাঃ।
বৃথা মাংসানি খাদন্তি নৈপ ধর্মঃ প্রশস্যতে॥ 12-271-10 (76106)
সুরাং মৎস্যান্মধু মাংসমাসবং কৃসরৌদনম্।
ধূর্তৈঃ প্রবর্তিতং হ্যেতন্নৈতদ্বেদেষু কল্পিতম্।
কামান্মোহাচ্চ লোভাচ্চ লৌল্যমেতৎপ্রবর্তিতম্॥ 12-271-11 (76107)
বিষ্ণুমেবাভিজানন্তি সর্বয়জ্ঞেষু ব্রাহ্মণাঃ।
পায়সৈঃ সুমনোভিশ্চ তস্যৈব যজনং স্মৃতম্॥ 12-271-12 (76108)
যজ্ঞিয়াশ্চৈব যে বৃক্ষা বেদেষু পরিকল্পিতাঃ।
যচ্চাপি কিংচিৎকর্তব্যমন্যচ্চোক্ষৈঃ সুসংস্কৃতম্।
মহাসৎবৈঃ শুদ্ধভাবৈঃ সর্বং দেবার্হমেব তৎ॥ 12-271-13 (76109)
যুধিষ্ঠির উবাচ। 12-271-14x (6305)
শরীরমাপদশ্চাপি বিবদন্ত্যবিহংসতঃ।
কথং যাত্রা শরীরস্য নিরারম্ভস্য সেৎস্যতে॥ 12-271-14 (76110)
ভীষ্ম উবাচ। 12-271-15x (6306)
যথা শরীরং ন গ্লায়েন্নেয়ান্মৃত্যুবশং যথা।
তথা কর্মসু বর্তেত সমর্থো ধর্মমাচরেৎ॥ ॥ 12-271-15 (76111)
ইতি শ্রীমন্মহাভারতে শান্তিপর্বণি মোক্ষধর্মপর্বণি একসপ্তত্যধিকদ্বিশততমোঽধ্যায়ঃ॥ 271॥
Mahabharata - Shanti Parva - Chapter Footnotes
12-271-4 ছিন্না বিশস্তা স্থূণা প্রতিমা শরীরং যস্য তম্॥ 12-271-5 নিশ্চিতং বচনং নির্বচনম্। এষা স্বস্তি গোভ্যোঽস্ৎবিতি হিংসা কতৌ পশ্বালম্ভঃ॥ 12-271-9 বেদকৃতাং বেদোক্তাং হিংসাম্। আচার ইতি বুদ্ধ্যা অনাচারঃ আচরণহীনঃ॥ 12-271-12 বিষ্ণুমেব যজন্তীহেতি ট. থ. পাঠঃ॥ 12-271-13 চোক্ষৈর্বিশুদ্ধৈঃ॥ 12-271-14 আপদঃ শরীরং শোপয়ন্তি শরীরং চাপদাং নাশমিচ্ছত্যতোঽত্যন্তং হিংসাশূন্যস্য কথং শরীরনির্বাহ ইত্যাহ শরীরমিতি॥শান্তিপর্ব - অধ্যায় 272
॥ শ্রীঃ ॥
12.272. অধ্যায়ঃ 272
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি চিরকারিকোপাখ্যানকথনম্॥ 1॥Mahabharata - Shanti Parva - Chapter Text
12-272-0 (76112)
যুধিষ্ঠির উবাচ। 12-272-0x (6307)
কথং কার্যং পরীক্ষেত শীঘ্রং বাঽথ চিরেণ বা।
সর্বথা কার্যদুর্গেঽস্মিন্ভবান্নঃ পরমো গুরুঃ॥ 12-272-1 (76113)
ভীষ্ম উবাচ। 12-272-2x (6308)
অত্রাপ্যুদাহরন্তীমমিতিহাসং পুরাতনম্।
চিরকারেস্তু যৎপূর্বং বৃত্তমাঙ্গিরসাং কুলে॥ 12-272-2 (76114)
`গৌতমস্য সুতা হ্যাসন্বীয়াংশ্চিরকারিকঃ।'
চিরকারিক ভদ্রং তে ভদ্রং তে চিরকারিক।
চিরকারী হি মেধাবী নাপরাধ্যতি কর্মসু॥ 12-272-3 (76115)
চিরকারী মহাপ্রাজ্ঞো গৌতমস্যাভবৎসুতঃ।
চিরেণ সর্বকার্যাণি বিমৃশ্যার্থান্প্রপদ্যতে॥ 12-272-4 (76116)
চিরং স চিন্তয়ত্যর্থাংশ্চিরং জাগ্রচ্চিরং স্বপন্।
চিরং কার্যাভিষত্তিং চ চিরকারী তথোচ্যতে॥ 12-272-5 (76117)
অলসগ্রহণং প্রাপ্তো দুর্মেধাবীতি চোচ্যতে।
বুদ্ধিলাঘবয়ুক্তেন জনেনাদীর্ঘদর্শিনা॥ 12-272-6 (76118)
ব্যভিচারে তু কস্মিংশ্চিদ্ব্যতিক্রম্যাপরান্সুতান্।
পিত্রোক্তঃ কুপিতেনাথ জহীমাং জননীমিতি॥ 12-272-7 (76119)
ইত্যুক্ৎবা স তদা বিপ্রো গৌতমো জপতাং বরঃ।
অবিমৃশ্য মহাভাগো বনমেব জগাম সঃ॥ 12-272-8 (76120)
স তথেতি চিরেণোক্ৎবা স্বভাবাচ্চিরকারিকঃ।
বিমৃশ্য চিরকারিৎবাচ্চিন্তয়ামাস বৈ চিরম্॥ 12-272-9 (76121)
পিতুরাজ্ঞাং কথং কুর্যাং ন হন্যাং মাতরং কথম্।
কথং ধর্মচ্ছলে নাস্মিন্নিমজ্জেয়মসাধুবৎ॥ 12-272-10 (76122)
পিতুরাজ্ঞা পরো ধর্মঃ স্বধর্মো মাতৃরক্ষণম্।
অস্বতন্ত্রং চ পুত্রৎবং কিংতু মাং নানুপীডয়েৎ॥ 12-272-11 (76123)
স্ত্রিয়ং হৎবা মাতরং চ কো হি জাতু সুখী ভবেৎ।
পিতরং চাপ্যবজ্ঞায় কঃ প্রতিষ্ঠামবাপ্নুয়াৎ॥ 12-272-12 (76124)
অনবজ্ঞা পিতুর্যুক্তা স্বধর্মো মাতৃরক্ষণম্।
যুক্তক্ষমাবুভাবেতৌ নাতিবর্তেতমাং কথম্॥ 12-272-13 (76125)
পিতা হ্যাত্মানমাধত্তে জায়ায়াং জায়তামিতি।
শীলচারিত্রগোত্রস্য ধারণার্থং কুলস্য চ॥ 12-272-14 (76126)
সোঽহং মাত্রা স্বয়ং পিত্রা পুত্রৎবে প্রকৃতঃ পুনঃ।
বিজ্ঞানং মে কথং ন স্যাদ্দ্বৌ বুদ্ধ্যে চাত্মসংভবম্॥ 12-272-15 (76127)
জাতকর্মণি যৎপ্রাহ পিতা যচ্চোপকর্মণি।
পর্যাপ্তঃ স দৃঢীকারঃ পিতুর্গৌরবনিশ্চয়ে॥ 12-272-16 (76128)
গুরুরগ্র্যঃ পরো ধর্মঃ পোষণাধ্যাপনান্বিতঃ।
পিতা যদাহ ধর্মঃ স বেদেষ্বপি সুনিশ্চিতঃ॥ 12-272-17 (76129)
প্রীতিমাত্রং পিতুঃ পুত্রঃ সর্বং পুত্রস্য বৈ পিতা।
শরীরাদীনি দেয়ানি পিতা ৎবেকঃ প্রয়চ্ছতি॥ 12-272-18 (76130)
তস্মাৎপিতুর্বচঃ কার্যং ন বিচার্যং কদাচন।
পাতকান্যপি পূয়ন্তে পিতুঃর শাসনকারিণঃ॥ 12-272-19 (76131)
ভাগ্যভোগে প্রসবনে সর্বলোকনিদর্শনে।
ধাত্র্যাশ্চৈব সমায়োগে সীমন্তোন্নয়নে তথা॥ 12-272-20 (76132)
পিতা ধর্মঃ পিতা স্বর্গঃ পিতা হি পরমং তপঃ।
পিতরি প্রীতিমাপন্নে সর্বাঃ প্রীণন্তি দেবতাঃ॥ 12-272-21 (76133)
আশিষস্তা ভজন্ত্যনং পুরুষং প্রাহ যৎপিতা।
নিষ্কৃতিঃ সর্বপাপানাং পিতা যচ্চাভিনন্দতি॥ 12-272-22 (76134)
মুচ্যতে বন্ধনাৎপুরুষং ফলং বৃক্ষান্প্রমুচ্যতে।
ক্লিশ্যন্নপি সুতস্নেহৈঃ পিতা পুত্রং ন মুঞ্চতি॥ 12-272-23 (76135)
এতদ্বিচিন্তিতং তাবৎপুত্রস্য পিতৃগৌরবম্।
পিতা নাল্পতরং স্থানং চিন্তয়িষ্যামি মাতরম্॥ 12-272-24 (76136)
যো হ্যযং ময়ি সংঘাতো মর্ত্যৎবে পাঞ্চভৌতিকঃ।
অস্য মে জননী হেতুঃ পাবকস্য যথাঽরণিঃ॥ 12-272-25 (76137)
মাতা দেহারণিঃ পুংসাং সর্বস্যার্তস্য নির্বৃতিঃ।
মাতৃলাভে সনাথৎবমনাথৎবং বিপর্যযে॥ 12-272-26 (76138)
ন চ শোচতি নাপ্যেনং স্থাবির্যমপকর্ষতি।
শ্রিয়া হীনোঽপি যো গেহমম্বেতি প্রতিপদ্যতে॥ 12-272-27 (76139)
পুত্রপৌত্রোপপন্নোপি জননীং যঃ সমাশ্রিতঃ।
অপি বর্ষশতস্যান্তে স দ্বিহায়নবচ্চরেৎ॥ 12-272-28 (76140)
সমর্থং বাঽসমর্থং বা কৃশং বাপ্যকৃশং তথা।
রক্ষত্যেব সুতং মাতা নান্যঃ পোষ্টা বিধানতঃ॥ 12-272-29 (76141)
তদা স বৃদ্ধো ভবতি তদা ভবতি দুঃখিতঃ।
তদা শূন্যং জগত্তস্য যদা মাত্রা বিয়ুজ্যতে॥ 12-272-30 (76142)
নাস্তি মাতৃসমা চ্ছায়া নাস্তি মাতৃসমা গতিঃ।
নাস্তি মাতৃসমং ত্রাণং নাস্তি মাতৃসমা প্রিয়া॥ 12-272-31 (76143)
কুক্ষৌ সংধারণাদ্ধাত্রী জননাজ্জননী স্মৃতা।
অঙ্গানাং বর্ধনাদম্বা বীরসূৎবেন বীরসূঃ॥ 12-272-32 (76144)
শিশোঃ শুশ্রূষণাচ্ছুশ্রূর্মাতা দেহমনন্তরম্।
চেতনাবান্স কো হন্যাদ্যস্য নাসুষিরং শিরঃ॥ 12-272-33 (76145)
দংপত্যোঃ প্রাণসংশ্লেষে যোঽভিসন্ধিঃ কৃতঃ কিল।
তং মাতা চ পিতা চেতি ভূতার্থো মাতরি স্থিতঃ॥ 12-272-34 (76146)
মাতা জানাতি যদ্গোত্রং মাতা জানাতি যস্য সঃ।
মাতুর্ভরণমাত্রেণ প্রীতিঃ স্নেহঃ পিতুঃ প্রজাঃ॥ 12-272-35 (76147)
পাণিবন্ধং স্বয়ং কৃৎবা সহধর্মমুপেত্য চ।
যদা যাস্যন্তি পুরুষাঃ স্ত্রিয়ো নার্হন্তি যাপ্যতাং॥ 12-272-36 (76148)
ভরণাদ্ধি স্ত্রিয়ো ভর্তা পালনাদ্ধি পতিস্তথা।
গুণস্যাস্য নিবৃত্তৌ তু ন ভর্তা ন পুনঃ পতিঃ॥ 12-272-37 (76149)
এবং স্ত্রী নাপরাঘ্নোতি নর এবাপরাধ্যতি।
ব্যুচ্চরংশ্চ মহাদোষং নর এবাপরাধ্যতি॥ 12-272-38 (76150)
স্ত্রিয়া হি পরমো ভর্তা দৈবতং পরমং স্মৃতম্।
তস্মাত্মনা তু সদৃশমাত্মানং পরমং দদৌ॥ 12-272-39 (76151)
নাপরাধোঽস্তি নারীণাং নর এবাপরাধ্যতি।
সর্বকার্যাপরাধ্যৎবান্নাপরাধ্যন্তি চাঙ্গনাঃ॥ 12-272-40 (76152)
যশ্চনোক্তোঽথ নির্দেশঃ স্ত্রিয়া মৈথুনবৃদ্ধয়ে।
তস্য স্মারয়তো ব্যক্তমধর্মো নাস্তি সংশয়ঃ॥ 12-272-41 (76153)
এবং নারীং মাতরং চ গৌরবে চাধিকে স্থিতাম্।
অবধ্যাং তু বিজানীয়ুঃ পশবোঽপ্যবিচক্ষণাঃ॥ 12-272-42 (76154)
দেবতানাং সমাবায়মেকস্থং পিতরং বিদুঃ।
মর্ত্যানাং দেবতানাং চ স্নেহাদভ্যেতি মাতরম্॥ 12-272-43 (76155)
এবং বিমৃশতস্তস্য বিরকারিতয়া বহু।
দীর্ঘঃ কালো ব্যতিক্রান্তস্ততোস্যাভ্যাগমৎপিতা॥ 12-272-44 (76156)
মেধাতিথির্মহাপ্রাজ্ঞো গৌতমস্তপসি স্থিতঃ।
বিমৃশ্য তেন কালেন পত্ন্যাঃ সংস্থাব্যতিক্রমম্॥ 12-272-45 (76157)
সোঽব্রবীদ্ভৃশসংতপ্তো দুঃখেনাশ্রূণি বর্তয়ন্।
শ্রুতধৈর্যপ্রসাদেন পশ্চাত্তাপমুপাগতঃ॥ 12-272-46 (76158)
আশ্রমং মম সংপ্রাপ্তস্ত্রিলোকেশঃ পুরংদরঃ।
অতিথিব্রতমাস্থায় ব্রাহ্মণ্যং রূপমাস্থিতঃ॥ 12-272-47 (76159)
স ময়া সান্ৎবিতো বাগ্ভিঃ স্বাগতেনাভিষূজিতঃ।
অর্ধ্যং পাদ্যং যথান্যায়ং ময়া চ প্রতিপাদিতঃ॥ 12-272-48 (76160)
পরবানস্মি চেত্যুক্তঃ প্রণয়িষ্যতি তেন চ।
অত্র চাকুশলে জাতে স্ত্রিয়া নাস্তি ব্যতিক্রমঃ॥ 12-272-49 (76161)
এবং ন স্ত্রী ন চৈবাহং নাধ্বগস্ত্রিদশেশ্বরঃ।
অপরাধ্যতি ধর্মস্য প্রমাদস্ৎবপরাধ্যতি॥ 12-272-50 (76162)
ঈর্ষ্যাজং ব্যসনং প্রাহুস্তেন চৈবোর্ধ্বরেতসঃ।
ঈর্ষ্যযা ৎবহমাক্ষিপ্তো মগ্নো দুষ্কৃতসাগরে॥ 12-272-51 (76163)
হৎবা সাধ্বীং চ নারীং চ ব্যসনিৎবাচ্চ বাসিতাম্।
ভর্তব্যৎবেন ভার্যাং চ কো নু মাং তারয়িষ্যতি॥ 12-272-52 (76164)
অন্তরেণ ময়াঽঽজ্ঞপ্তশ্চিরকারীত্যুদারধীঃ।
যদ্যদ্য চিরকারী স্যাৎস মাং ত্রায়েত পাতকাৎ॥ 12-272-53 (76165)
চিরকারিক ভদ্রং তে ভদ্রং তে চিরকারিক।
যদ্যদ্য চিরকারী ৎবং ততোঽসি চিরকারিকঃ॥ 12-272-54 (76166)
ত্রাহি মাং মাতরং চৈব তপো যচ্চার্জিতং ৎবয়া।
আত্মানং পাতকেভ্যশ্চ ভবাদ্য চিরকারিকঃ॥ 12-272-55 (76167)
সহজং চিরকারিৎবমতিপ্রজ্ঞতয়া তব।
সফলং তত্তথা তেঽস্তু ভবাদ্য চিরকারিকঃ॥ 12-272-56 (76168)
চিরমাংশসিতো মাত্রা চিরং গর্ভেণ ধারিতঃ।
সফলং চিকারিৎবং কুরু ৎবং চিরকারিক॥ 12-272-57 (76169)
চিরায়তে চ সংতাপাচ্চিরং স্বপিতি ধারিতঃ।
আবয়োশ্চিরসংতাপাদবেক্ষ্য চিরকারিক॥ 12-272-58 (76170)
ভীষ্ম উবাচ। 12-272-59x (6309)
এবং স দুঃখিতো রাজন্মহর্ষির্গৌতমস্তদা।
চিরকারিং দদর্শাথ পুত্রং স্থিতমথান্তিকে॥ 12-272-59 (76171)
চিরকারী তু পিতরং দৃষ্ট্বা পরমদুঃখিতঃ।
শস্ত্রং ত্যক্ৎবা ততো মূর্ধ্না প্রসাদায়োপচক্রমে॥ 12-272-60 (76172)
গৌতমস্তং ততো দৃষ্ট্বা শিরসা পতিতং ভুবি।
পত্নীং চৈব নিরাকারাং পরামভ্যাগমন্মুদম্॥ 12-272-61 (76173)
ন হি সা তেন সংভেদং পত্নী নীতা মহাত্মনা।
বিজনে চাশ্রমস্থেন পুত্রশ্চাপি সমাহিতঃ॥ 12-272-62 (76174)
হন্যা ইতি সমাদেশঃ শস্ত্রপাণৌ সুতে স্থিতে।
বিনীতে প্রসবত্যর্থে বিবাসে চাত্মকর্মসু॥ 12-272-63 (76175)
বুদ্ধিশ্চাসীৎসুতং দৃষ্ট্বা পিতুশ্চরণয়োর্নতম্।
শস্ত্রগ্রহণচাপল্যং সংবৃণোতি ভয়াদিতি॥ 12-272-64 (76176)
ততঃ পিত্রা চিরং স্তুৎবা চিরং চাঘ্রায় মূর্ধনি।
চিরং দোর্ভ্যাং পরিষ্বজ্য চিরং জীবেত্যুদাহৃতঃ॥ 12-272-65 (76177)
এবং স গৌতমঃ পুত্রং প্রীতিহর্ষগুণৈর্যুতঃ।
অভিনন্দ্য মহাপ্রজ্ঞ ইদং বচনমব্রবীৎ॥ 12-272-66 (76178)
চিরকারিক ভদ্রং তে চিরকারী চিরং ভব।
চিরায় যদি তে সৌম্য চিরমস্মি ন দুঃখিতঃ॥ 12-272-67 (76179)
গাথাশ্চাপ্যব্রবীদ্বিদ্বান্গৌতমো মুনিসত্তমঃ।
চিরকারিষু ধীরেষু গুণোদ্দেশসমাশ্রয়াঃ॥ 12-272-68 (76180)
চিরেণ মিত্রং বধ্নীয়াচ্চিরেণ চ কৃতং ত্যজেৎ।
চিরেণ হি কৃতং মিত্রং চিরং ধারণমর্হতি॥ 12-272-69 (76181)
রাগে দর্পে চ মানে চ দ্রোহে পাপে চ কর্মণি।
অপ্রিয়ে চৈব কর্তব্যে চিরকারী প্রশস্যতে॥ 12-272-70 (76182)
বন্ধূনাং সুহৃদাং চৈব ভৃত্যানাং স্ত্রীজনস্য চ।
অব্যক্তেষ্বপরাধেষু চিরকারী প্রশস্যতে॥ 12-272-71 (76183)
এবং স গৌতমস্তত্র প্রীতঃ পুত্রস্য ভারত।
কর্মণা তেন কৌরব্য চিরকারিতয়া তথা॥ 12-272-72 (76184)
এবং সর্বেষু কার্যেষু বিমৃশ্য পুরুষস্ততঃ।
চিরেণ নিশ্চয়ং কৃৎবা চিরং ন পরিতপ্যতে॥ 12-272-73 (76185)
চিরং ধারয়তে রোষং চিরং কর্ম নিয়চ্ছতি।
পশ্চাত্তাপকরং কর্ম ন কিংচিদুপপদ্যতে॥ 12-272-74 (76186)
চিরং বৃদ্ধানুপাসীত চিরমন্যাংশ্চ পূজয়েৎ।
চিরং ধর্মং নিষেবেত কুর্যাচ্চান্বেষণং চিরম্॥ 12-272-75 (76187)
চিরমন্বাস্য বিদুষশ্চিরং শিষ্টান্নিষেব্য চ।
চিরং বিনীয় চাত্মানং চিরং চাত্যনবজ্ঞতাম্॥ 12-272-76 (76188)
ব্রুবতশ্চ পরস্যাপি বাক্যং ধর্মোপসংহিতম্।
চিরং পৃষ্টোঽপি চ ব্রূয়াচ্চিরং ন পরিতপ্যতে॥ 12-272-77 (76189)
উপাস্য বহুলাস্তস্মিন্নাশ্রমো সুমহাতপাঃ।
সমাঃ স্বর্গং গতো বিপ্রঃ পুত্রেণ সহিতস্তদা॥ ॥ 12-272-78 (76190)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বিসপ্তত্যধিকদ্বিশততমোঽধ্যায়ঃ॥ 272॥
Mahabharata - Shanti Parva - Chapter Footnotes
12-272-1 কার্যদুর্গে গুর্বাদিবচনাদবশ্যকর্তব্যে হিংসাময়ৎবেন দুষ্করে চ সতীত্যর্থঃ॥ 12-272-4 সর্বকার্যাণি বিমর্শাৎপ্রত্যপদ্ব্যতেতি থ. ধ. পাঠঃ॥ 12-272-6 গৃহ্যতে উপাদীয়তে লোকেঽনেনেতি গ্রহ্রণং নামধেয়ম্। অলস ইতি গ্রহণমলসগ্রহণং প্রাপ্তঃ॥ 12-272-7 পিত্রা গৌতমেন। ইমাং জননীমহল্যাং জহি সংহর॥ 12-272-10 ধর্মচ্ছলে ধর্মসংকটে॥ 12-272-13 যুক্তমুচিতম্। ক্ষমং সুখানুষ্টেয়ম্। নাতিবর্তেতমামতিশয়েন নাতিবর্তে। তিডন্তাত্তমপ আম্ নাতিবর্তে ৎবহং কথম্ ইতি ধ. পাঠঃ॥ 12-272-14 পিতা হ্যাত্মানমাদত্তে মাতা ভস্ত্রা হ্যনিন্দিতেতি ট. পাঠঃ। গোত্রস্য নাম্নঃ॥ 12-272-15 বুদ্ধ্যে জানামি। সংভবমুৎপত্তিহেতুম্॥ 12-272-26 নির্বৃতিঃ সুখং তৎকর্ত্রী॥ 12-272-27 হে অম্ব ইত্যুক্ৎবা॥ 12-272-28 দ্বিহায়নবদ্দ্বিবর্ষবান্ ভবেৎ। অপি বর্ষশতস্যান্তে হায়নৎবেন বর্ততে ইতিধ. পাঠঃ॥ 12-272-32 বীরসূর্বীরপুত্রসূঃ॥ 12-272-33 অসুষিরং কর্ণনাসাদিসুষিরহীনং যঃ শৃণোতি পশ্যতি জিঘ্রতি ভক্ষয়তি চ স মাতরং ন হন্যাদিত্যর্থঃ॥ 12-272-34 প্রাণ উপস্থেন্দ্রিয়ং তৎসংশ্লেষে মৈথুনে ইত্যর্থঃ। অভিসংধিঃ পুত্রো মে গৌরো জায়েতেত্যাদিরূপোঽভিলাষঃ। মাতা পিতা বা উভৌ বা কুরুতস্তত্র ভূতার্থো যাথার্থ্যং মাতর্যেব তৎকর্তৃৎবং স্থিতং নিষ্ঠিতং পিতরি তু সোঽভিলাষঃ পাক্ষিকো ভবতীত্যর্থঃ। দংপত্যোঃ পাণিসংশ্লেষে ইতি ধ. পাঠঃ॥ 12-272-35 ভরণমাত্রেণ গর্ভধারণমাত্রেণ সংবন্ধেন মাতা পুত্রে প্রীতিমাহ্লাদং স্নেহমাসক্তিং চ করোতি। বস্তুতস্তু পিতুরেব প্রজাঃ। পিতুরাজ্ঞাঽনুল্লড্ঘনীয়েতি ভাবঃ॥ 12-272-36 যাপ্যতাং ত্যাজ্যতাম্॥ 12-272-37 তথাচ ভর্তৃৎবাদিগুণশূন্যস্যোন্মত্তস্যেব বচনান্মাতরং ন হিংসিষ্যে ইত্যাশয়ঃ॥ 12-272-38 ব্যুচ্চরন্ পোষণাদিকমকুর্বন্ মহাদোষং প্রাপ্নোতীতি শেষঃ॥ 12-272-40 সর্বেষু কার্যেষ্বপরাধ্যৎবাদনুরোধ্যৎবাদল্পবলৎবেন সর্বথা পুরুষাধীনৎবাৎ॥ 12-272-41 চনশব্দোঽপ্যর্থে॥ 12-272-42 পশবোঽপি পশুপ্রায়া অপি॥ 12-272-43 সমাবায়ঃ সমূহঃ। মর্ত্যানাং দেবতানাং চ সমাবায়ং মাতরং স্নেহাদভ্যোতীতি যোজনা। মাতা তু ইহ লোকে পালয়িত্রী চেতি ভাবঃ॥ 12-272-45 তেন তাবতা কালেন। সংস্থাব্যতিক্রমং মরণানৌচিত্যম্॥ 12-272-49 পরবান্ প্রণয়িষ্যতি ময়ি প্রণয়ং করিষ্যতি। অত্রাস্মিন্নর্থে চিন্তিতে সতি। অকুশলে ইন্দ্রলৌল্যেন স্ত্রীদূষণে জাতে বিষয়ে স্ত্রিয়া অহল্যায়া ব্যতিক্রমো নাস্তি॥ 12-272-53 অন্তরেণ প্রমাদেন॥ 12-272-61 নিরাকারা পাষাণভূতাম্॥শান্তিপর্ব - অধ্যায় 273
॥ শ্রীঃ ॥
12.273. অধ্যায়ঃ 273
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি প্রজাপালনপ্রকারপ্রতিপাদকদ্যুমৎসেনসত্যবৎসংবাদানুবাদঃ॥ 1॥Mahabharata - Shanti Parva - Chapter Text
12-273-0 (76191)
যুধিষ্ঠির উবাচ। 12-273-0x (6310)
কথং রাজা প্রজা রক্ষেন্ন চ কিংচিৎপ্রতাপয়েৎ।
পৃচ্ছামি ৎবাং সতাং শ্রেষ্ঠ তন্মে ব্রূহি পিতামহ॥ 12-273-1 (76192)
ভীষ্ম উবাচ। 12-273-2x (6311)
অত্রাপ্যুদাহরন্তীমমিতিহাসং পুরাতনম্।
দ্যুমৎসেনস্য সংবাদং রাজ্ঞা সত্যবতা সহ॥ 12-273-2 (76193)
অব্যাহৃতং ব্যাজহার সত্যবানিতি নঃ শ্রুতম্।
বধায় নীয়মানেষু পিতুরেবানুশাসনাৎ॥ 12-273-3 (76194)
অধর্মতাং যাতি ধর্মো যাত্যধর্মশ্চ ধর্মতাম্।
বধো নাম ভবেদ্ধর্মো নৈতদ্ভবিতুমর্হতি॥ 12-273-4 (76195)
দ্যুমৎসেন উবাচ। 12-273-5x (6312)
অথ চেদবধো ধর্মোঽধর্মঃ কো জাতুচিদ্ভবেৎ।
দস্যবশ্চেন্ন হন্যেরন্সত্যবন্সংকরো ভবেৎ॥ 12-273-5 (76196)
মমেদমিতি নাস্যৈতৎপ্রবর্তেত কলৌ যুগে।
লোকয়াত্রা ন চৈব স্যাদশ্চ চেদ্বেত্থ শংস নঃ॥ 12-273-6 (76197)
সত্যবানুবাচ। 12-273-7x (6313)
সর্ব এব ত্রয়ো বর্ণাঃ কার্যা ব্রাহ্মণবন্ধনাঃ।
ধর্মপাশনিবদ্ধানাং নাল্পোঽপ্যপচরিষ্যতি॥ 12-273-7 (76198)
যো যস্তেষামপচরেত্তমাচক্ষীত বৈ দ্বিজঃ।
অয়ং মে ন শৃণোতীতি তস্মিন্রাজা প্রধারয়েৎ॥ 12-273-8 (76199)
তত্ৎবাভাবেন যচ্ছাস্ত্রং তৎকুর্যান্নান্যথা বধঃ।
অসমীক্ষ্যৈব কর্মাণি নীতিশাস্ত্রং যথাবিধি।
দস্যূন্নিহন্তি বৈ রাজা ভূয়সো বাঽপ্যনাগসঃ॥ 12-273-9 (76200)
ভার্যা মাতা পিতা পুত্রো হন্যন্তে পুরুষেণ তে।
পরেণাপকৃতো রাজা তস্মাৎসম্যক্প্রধারয়েৎ॥ 12-273-10 (76201)
অসাধুশ্চৈব পুরুষো লভতে শীতমেকদা।
সাধোশ্চাপি হ্যসাধুভ্যঃ শোভনা জায়তে প্রজাঃ॥ 12-273-11 (76202)
ন মূলঘাতঃ কর্তব্যো নৈষ ধর্মঃ সনাতনঃ।
অপি খল্ববধেনৈব প্রায়শ্চিত্তং বিধীয়তে॥ 12-273-12 (76203)
উদ্বে তেন বন্ধেন বিরূপকরণেন চ।
বধদণ্ডেন ক্লিশ্যা ন পুরোহিতসসদি॥ 12-273-13 (76204)
যদা পুরোহিতং বা তে পর্যেয়ুঃ শরণৈপিণঃ।
করিষ্যামঃ পুনর্ব্রহ্মন্ন পাপমিতি বাদিনঃ॥ 12-273-14 (76205)
তদা বিসর্গমর্হাঃ স্যুরিতীদং ধাতৃশাসনম্।
বিভ্রদ্দণ্ডাজিনং মুণ্ডো ব্রাহ্মণোঽর্হতি শাসনম্॥ 12-273-15 (76206)
গরীয়াংসো গরীয়াংসমপরাধে পুনঃ পুনঃ।
তদা বিসর্গমর্হন্তি ন যথা প্রথমে তথা॥ 12-273-16 (76207)
দ্যুমৎসেন উবাচ। 12-273-17x (6314)
যত্রয়ত্রৈব শক্যেরন্সংয়ন্তুং সময়ে প্রজাঃ।
স তাবান্প্রোচ্যতে ধর্মো যাবন্ন প্রতিলঙ্ঘ্যতে।
অহন্যমানেষু পুনঃ সর্বমেব পরাভবেৎ॥ 12-273-17 (76208)
পূর্বে পূর্বতরে চৈব সুশাস্যা হ্যভবঞ্জনাঃ।
মৃদবঃ সত্যভূয়িষ্ঠা অল্পদ্রোহাল্পমন্যবঃ॥ 12-273-18 (76209)
পুরা ধিগ্দণ্ড এবাসীদ্বাগ্দণ্ডস্তদনন্তরম্।
আসীদাদানদণ্ডোঽপি বধদণ্ডোঽদ্য বর্ততে॥ 12-273-19 (76210)
বধেনাপি ন শক্যন্তে নিয়ন্তুমপরে জনাঃ॥ 12-273-20 (76211)
নৈব দস্যুর্মনুষ্যাণাং ন দেবানামিতি শ্রুতিঃ।
ন গন্ধর্বপিতৃণাং চ কঃ কস্যেহ ন কশ্চন॥ 12-273-21 (76212)
পক্বং শ্মশানাদাদত্তে পিশাচাংশ্চাপি দৈবতম্।
তেষু যঃ সময়ং কশ্চিৎকুর্বীত হতবুদ্ধিষু॥ 12-273-22 (76213)
সত্যবানুবাচ। 12-273-23x (6315)
তান্ন শক্নোষি চেৎসাধূন্পরিত্রাতুমহিংসয়া।
কস্যচিদ্ভূতভব্যস্য লোভেনান্তং তথা কুরু॥ 12-273-23 (76214)
রাজানো লোকয়াত্রার্থং তপ্যন্তে পরমং তপঃ।
তেঽপত্রপন্তি তাদৃগ্ভ্যস্তথাবৃত্তা ভবন্তি চ॥ 12-273-24 (76215)
বিত্রাস্যমানাঃ সুকৃতো ন কামাদ্ধন্তি দুষ্কৃতীন্।
সুকৃতেনৈব রাজানো ভূয়িষ্ঠং শাসতে প্রজাঃ॥ 12-273-25 (76216)
শ্রেয়সঃ শ্রেয়সোঽপ্যেবং বৃত্তং লোকোঽনুবর্ততে।
সদৈব হি গুরোর্বৃত্তমনুবর্তন্তি মানবাঃ॥ 12-273-26 (76217)
দ্যুমৎসেন উবাচ। 12-273-27x (6316)
আত্মানমসমাধায় সমাধিৎসতি যঃ পরান্।
বিষয়েষ্বিন্দ্রিয়বশং মানবাঃ প্রহসন্তি তম্॥ 12-273-27 (76218)
যো রাজ্ঞো দম্ভমোহেন কিংচিৎকুর্যাদসাংপ্রতম্।
সর্বোপায়ৈর্নিয়ম্যঃ স তথা পাপান্নিবর্ততে॥ 12-273-28 (76219)
আত্মৈবাদৌ নিয়ন্তব্যো দুষ্কৃংতং সংনিয়চ্ছতা।
দণ্ডয়েচ্চ মহাদণ্ডৈরপি বন্ধূননন্তরান্॥ 12-273-29 (76220)
`যো রাজা লোভমোহেন কিংচিৎকুর্যাদসাংপ্রতম্।
সর্বোপায়ৈর্নিয়ম্যঃ স তথা পাপান্নিবর্ততে॥' 12-273-30 (76221)
যত্র বৈ পাপকৃন্নীচো ন মহদ্দুঃখমর্চ্ছতি।
বর্ধন্তে তত্র পাপানি ধর্মো হ্রসতি চ ধ্নুবম্॥ 12-273-31 (76222)
ইতি কারুণ্যশীলস্তু বিদ্বান্বৈ ব্রাহ্মণোঽন্বশাৎ।
ইতি চৈবানুশিষ্টোঽস্মি পূর্বৈস্তাতপিতামহৈঃ।
আশ্বাসয়দ্ভিঃ সুভৃশমনুক্রোশাত্তথৈব চ॥ 12-273-32 (76223)
এতৎপ্রথমকল্পেন রাজা কৃতয়ুগে জয়েৎ।
পাদোনেনাপি ধর্মেণ গচ্ছেত্রেতায়ুগে তথা।
দ্বাপরে তু দ্বিপাদেন পাদেন ৎববরে যুগে॥ 12-273-33 (76224)
তথা কলিয়ুগে প্রাপ্তে রাজ্ঞো দুশ্চরিতেন হ।
ভবেৎকালবিশেষেণ কলা ধর্মস্য পোডশী॥ 12-273-34 (76225)
অথ প্রথমকল্পেন সত্যবন্সংকরো ভবেৎ।
আয়ুঃ শক্তিং চ কালং চ নির্দিশ্য তপ আদিশেৎ॥ 12-273-35 (76226)
সত্যায় হি যথা নেহ জহ্যাদ্ধর্মফলং মহৎ।
ভূতানামনুকম্পার্থং মনুঃ স্বায়ংভুবোঽব্রবীৎ॥ ॥ 12-273-36 (76227)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিসপ্তত্যধিকদ্বিশততমোঽধ্যায়ঃ॥ 273॥
Mahabharata - Shanti Parva - Chapter Footnotes
12-273-3 অব্যাহৃতং দণ্ড্যানামপ্যদণ্ড্যৎবং প্রাক্কেনাপ্যনুক্তম্। বধায় বষ্যেষ্বিতি শেষঃ॥ 12-273-4 বধো নাম স চ ধর্ম ইতি বদতোব্যাঘাত ইত্যর্থঃ॥ 12-273-8 অপচরেদ্ব্রাহ্মণবচনমতিক্রামেৎ। প্রধারয়েদ্দণ্ডম্। অধর্মেণ শৃণোতীতি ট. থ. পাঠঃ॥ 12-273-10 অনপরাধিবধাৎ জন্মন্যস্মিন্নেব পাপং ফলতীত্যাহ ভার্যেতি॥ 12-273-11 সাধোঃ সকাশাৎ শীলং লভতে॥ 12-273-14 তে দস্যবঃ॥ 12-273-15 বিভ্রদিতি সংন্যাসিনোঽপি শাস্যাং ইত্যর্থঃ॥ 12-273-16 গরীয়াংসমপি শাস্যুরিতি শেষঃ। পুনঃপুনরপরাধে কৃতে তদা তে বিসর্গং নার্হন্তি। প্রথমাপরাথে ইবেতি ব্যতিরেকদৃষ্টান্তঃ॥ 12-273-18 ধর্মোল্লঙ্ঘনেঽপ্যহন্যমানেষু চোরেষু পূর্বে পূর্বকালে॥ 12-273-19 অদ্য কলৌ॥ 12-273-21 নৈব দস্যুষু দয়া কার্যেত্যাহ। নৈবেতি। কঃ কস্যেহেতি প্রশ্নঃ। ন কশ্চন কস্যাপীত্যুত্তরম্॥ 12-273-22 চোরেষু মর্যাদাকরণমপি ন সংভবতীত্যাহ পক্কমিতি। তেষু সময়ং শাস্ত্রমর্যাদাং যঃ কুর্বীত স পক্বং শ্মশানাদাদত্তে পিশাচান্ দৈবতৎবেন গৃহ্ণাতি। পাত্রং শ্মশানাদিতি ড. পাঠঃ। পদ্মং শ্মশানাদিতি ঝ. পাঠঃ। তত্র পদ্মং শবালংকারমিত্যর্থঃ॥ 12-273-23 লাভেনাথ তথা কুর্বিতি ড. পাঠঃ॥ 12-273-24 তে রাজানস্তাদৃগ্ভ্যঃ স্তেনেভ্যোঽপত্রপন্তে মমাপি রাজ্যে স্তেন ইতি লজ্জাং কুর্বতেঽতস্যথা বৃত্তা লোকয়াত্রার্থং প্রজানাং নির্দোষৎবং কাময়ানাঃ পিতর ইব তপস্বিনো ভবন্তি॥ 12-273-25 বিত্রাস্যমানা ইতি ত্রাসেনৈব প্রজাঃ সাধ্ব্যো ভবন্তি॥ 12-273-29 দুষ্কৃতং দুষ্টকর্মকারিষ্যম্॥ 12-273-32 আশ্বাসয়দ্ভিঃ দ্রজা ইতি শেষঃ॥ 12-273-33 এতদ্ভূমণ্ডলং প্রথমকল্পনে মুখ্যেবার্হিসাভবেন দণ্ডেন জয়েদ্বশীকুর্যাৎ। ধিগ্দণ্ডং বাগ্দণ্ডমাদাতদণ্ডং বধৃদণ্ডং চ যুগক্রমেণ প্রজাসু প্রবর্ণয়েদিতি তাৎপর্যম্॥ 12-273-35 নির্দিশ্য নিশ্চিত্য। তপোদণ্ডম্। রাজভিঃ কৃতদণ্ডাস্তু সুচ্দ্যন্তি গলিনা জানা ইতি দণ্ডস্যাপি তপোবচ্ছুদ্ধিহেতুৎবস্মৃতেঃ॥ 12-273-36 সত্যায় ব্রহ্মপ্রাপ্তয়ে। হি প্রতিদ্ধম্। মহদ্ধমংফলং জ্ঞানম্। গয়া যেন প্রকারেণেহ ন জহ্যাত্তাদৃশমহিংসাখ্যং ধর্মং মনুরব্রবীৎ॥শান্তিপর্ব - অধ্যায় 274
॥ শ্রীঃ ॥
12.274. অধ্যায়ঃ 274
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ফলানিচ্ছয়া যজ্ঞাদেঃ কর্তব্যতাপ্রতিপাদকগোকপিলসংবাদানুবাদঃ॥ 1॥Mahabharata - Shanti Parva - Chapter Text
12-274-0 (76228)
যুধিষ্ঠির উবাচ। 12-274-0x (6317)
অবিরোধেন ভূতানাং ত্যাগঃ ষাঙ্গুণ্যকারকঃ।
যঃ স্যাদুময়ভাগ্ধর্মস্তন্মে ব্রূহি পিতামহ॥ 12-274-1 (76229)
গার্হস্থ্যস্য চ ধর্মস্য যোগধর্মস্য চোভয়োঃ।
অদূরসংপ্রস্থিতয়োঃ কিংস্বিচ্ছ্রেয়ঃ পিতামহ॥ 12-274-2 (76230)
ভীষ্ম উবাচ। 12-274-3x (6318)
উভৌ ধর্মৌ মহাভাগাবৃভৌ পরমদুশ্চরৌ।
উভৌ নহাফলৌ তৌ তু সদ্ভিরাচরিতাবুভৌ॥ 12-274-3 (76231)
অব তে বর্তয়িষ্যাসি প্রামাণ্যমুভয়োস্তয়োঃ।
শুণুষ্বৈকমতাঃ পার্থ চ্ছিন্নধর্মার্থসংশয়ম্॥ 12-274-4 (76232)
অত্রাপ্যুদাহরন্তীমমিতিহাসং পুরাতনম্।
কপিলস্য গোশ্চ সংবাদং তন্নিবোধ যুধিষ্ঠির॥ 12-274-5 (76233)
আম্নায়মনুপশ্যন্হি পুরাণং শাশ্বতং ধ্রুবম্।
নহুষঃ পূর্বমালেভে ৎবষ্টুর্গামিতি নঃ শ্রুতম্॥ 12-274-6 (76234)
তাং নিয়ুক্তামদীনাত্মা সৎবস্থঃ সংয়মে রতঃ।
জ্ঞানবান্নিয়তাহারো দদর্শ কপিলস্তথা॥ 12-274-7 (76235)
স বুদ্ধিমুত্তমাং প্রাপ্তো নৈষ্ঠিকীমকুতোভয়াম্।
স্বরেণ শিথিলাং সত্যাং বেদা 3 ইত্যব্রবীৎসকৃৎ॥ 12-274-8 (76236)
তাং গামৃষিঃ স্যূমরশ্মিঃ প্রবিশ্য যতিমব্রবীৎ।
হংহো বেদা 3 যদি মতা ধর্মাঃ কেনাপরে মতাঃ॥ 12-274-9 (76237)
তপস্বিনো ধৃতিমতঃ শ্রুতিবিজ্ঞানচক্ষুষঃ।
সর্বমার্ষং হি মন্যন্তে ব্যাহৃতং বিদিতাত্মনঃ॥ 12-274-10 (76238)
তস্যৈবং গততৃষ্ণস্য বিজ্বরস্য নিরাশিষঃ।
কা বিবক্ষাঽস্তি বেদেষু নিরারম্ভস্য সর্বতঃ॥ 12-274-11 (76239)
কপিল উবাচ। 12-274-12x (6319)
নাহং বেদান্বিনিন্দামি ন বিবক্ষ্যামি কর্হিচিৎ।
পৃথগাশ্রমিণাং কর্মাণ্যেকার্থানীতি নঃ শ্রুতম্॥ 12-274-12 (76240)
গচ্ছত্যেব পরিত্যাগী বানপ্রস্থশ্চ গচ্ছতি।
গৃহস্থো ব্রহ্মচারী চ উভৌ তাবপি গচ্ছতঃ॥ 12-274-13 (76241)
দেবয়ানা হি পন্থানশ্চৎবারঃ শাশ্বতা মতাঃ।
নৈষাং জ্যায়ঃ কনীয়স্ৎবং ফলেষূক্তং বলাবলম্॥ 12-274-14 (76242)
এবং বিদিৎবা সর্বার্থানারভেতেতি বৈদিকম্।
নারভেতেতি চান্যত্র নৈষ্ঠিকী শ্রূয়তে শ্রুতিঃ॥ 12-274-15 (76243)
অনারম্ভে হ্যদোষঃ স্যাদারম্ভে দোষ উত্তমঃ।
এবং স্থিতস্য শাস্ত্রস্য দুর্বিজ্ঞেয়ং বলাবলম্॥ 12-274-16 (76244)
যদত্র কিংচিৎপ্রত্যক্ষমহিংসায়াঃ পরং মতম্।
ঋতে ৎবাগমশাস্ত্রেভ্যো ব্রূহি তদ্যদি পশ্যসি॥ 12-274-17 (76245)
স্যূমরশ্মিরুবাচ। 12-274-18x (6320)
স্বর্গকামো যজেতেতি সততং শ্রূয়তে শ্রুতিঃ।
ফলং প্রকল্প্য পূর্বং হি ততো যজ্ঞঃ প্রতায়তে॥ 12-274-18 (76246)
অজশ্চাশ্বশ্চ মেষশ্চ র্গৌশ্চ পক্ষিগণাশ্চ যে।
গ্রাম্যারণ্যাশ্চৌষধয়ঃ প্রাণস্যান্নমিতি শ্রুতিঃ॥ 12-274-19 (76247)
তথৈবান্নং হ্যহরহঃ সায়ংপ্রাতর্নিরূপ্যতে।
পশবশ্চাথ ধান্যং চ যজ্ঞস্যাঙ্গমিতি শ্রুতিঃ॥ 12-274-20 (76248)
এতানি সহ যজ্ঞেন প্রজাপতিরকল্পয়ৎ।
তেন প্রজাপতির্দেবান্যজ্ঞেনায়জত প্রভুঃ॥ 12-274-21 (76249)
তদন্যোন্যবরাঃ সর্বে প্রাণিনঃ সপ্তসপ্ত চ॥ 12-274-22 (76250)
`গৌরজো মনুজঃ শ্বা বা অশ্বাশ্বতরগর্দভাঃ।
এতে গ্রাম্যাঃ সমাখ্যাতাঃ পশবঃ সপ্ত সাধুভিঃ॥ 12-274-23 (76251)
সিংহা ব্যাঘ্রা বরাহাশ্চ মহিষা বারণাস্তথা।
হরিণঃ শললাশ্চৈব সপ্তারণ্যাস্তথা স্মৃতাঃ॥' 12-274-24 (76252)
যজ্ঞেষূপাকৃতং বিশ্বং প্রাহুরুত্তমসংজ্ঞিতম্॥ 12-274-25 (76253)
এতচ্চৈবাভ্যনুজ্ঞাতং পূর্বৈঃ পূর্বতরৈস্তথা।
কো জাতু ন বিচিন্বীত বিদ্বান্স্বাং শক্তিমাত্মনঃ॥ 12-274-26 (76254)
পশবশ্চ মনুষ্যাশ্চ দ্রুমাশ্চৌষধিভিঃ সহ।
স্বর্গমেবাভিকাঙ্ক্ষন্তে ন চ স্বর্গোস্তি তে মখাৎ॥ 12-274-27 (76255)
ওষধ্যঃ পশবো বৃক্ষা বীরুদাজ্যং পয়ো দধি।
হবির্ভূমির্দিশঃ শ্রদ্ধা কালশ্চৈতানি দ্বাদশ॥ 12-274-28 (76256)
ঋচো যজূংষি সামানি ঋৎবিজশ্চাপি ষোডশ।
অগ্নির্জ্ঞেয়ো গৃহপতিঃ স সপ্তদশ উচ্যতে॥ 12-274-29 (76257)
অঙ্গান্যেতানি যজ্ঞস্য যজ্ঞো মূলমিতি শ্রুতিঃ।
আজ্যেন পয়সা দধ্না শকৃতাঽঽমিক্ষয়া ৎবচা॥ 12-274-30 (76258)
বালৈঃ শৃঙ্গেণ পাদেন সংভবত্যেব গৌর্মখম্।
এবং প্রত্যকেশঃ সর্বং যদ্যদস্য বিধীয়তে॥ 12-274-31 (76259)
যজ্ঞং বহন্তি সংভূয় সহৎবিংগ্ভিঃ সদক্ষিণৈঃ।
সংহৃত্যৈতানি সর্বাণি যজ্ঞং নির্বর্তয়ন্ত্যুত॥ 12-274-32 (76260)
যজ্ঞার্থানি হি সৃষ্টানি যথার্থা শ্রূয়তে শ্রুতিঃ।
এবং পূর্বতরাঃ পূর্বে প্রবৃত্তাশ্চৈব মানবাঃ॥ 12-274-33 (76261)
ন হিনস্তি নারভতে নাভিদ্রুহ্যতি কিংচন।
যজ্ঞৈর্যষ্টব্যমিত্যেব যো যজত্যফলেপ্সয়া॥ 12-274-34 (76262)
যজ্ঞাঙ্গান্যপি চৈতানি যথোক্তান্যপি সর্বশঃ।
বিধিনা বিধিয়ুক্তানি তারয়ন্তি পরস্পরম্॥ 12-274-35 (76263)
আম্নায়মার্ষং পশ্যামি যস্মিন্বেদাঃ প্রতিষ্ঠিতাঃ।
তং বিদ্বাংসোঽনুপশ্যন্তি ব্রাহ্মণস্যানুদর্শনাৎ॥ 12-274-36 (76264)
ব্রাহ্মণপ্রভবো যজ্ঞো ব্রাহ্মণার্পণ এব চ।
অনুয়জ্ঞং জগৎসর্বং যজ্ঞশ্চানুজগৎসদা॥ 12-274-37 (76265)
ওমিতি ব্রহ্মণো যোনির্নমঃ স্বাহা স্বধা বষট্।
যস্যৈতানি প্রয়ুজ্যন্তে যথাশক্তি কৃতান্যপি॥ 12-274-38 (76266)
ন তস্য ত্রিষু লোকেষু পরলোকভয়ং বিদুঃ।
ইতি বেদা বদন্তীহ সিদ্ধাশ্চ পরমর্ষয়ঃ॥ 12-274-39 (76267)
ঋচো যজূংহি সামানি স্তোত্রাশ্চ বিধিচোদিতাঃ।
যস্মিন্নেতানি সর্বাণি ভবন্তীহ স বৈ দ্বিজঃ॥ 12-274-40 (76268)
অগ্ন্যাধেয়ে যদ্ভবতি যচ্চ সোমে সুতে দ্বিজ।
যচ্চেতরৈর্মহায়জ্ঞৈর্বেদ তদ্ভগবাংস্তথা॥ 12-274-41 (76269)
তস্মাদ্ব্রহ্মন্যজেচ্চৈব যাজয়েচ্চাবিচারয়ন্।
যজতো যজ্ঞবিধিনা প্রেত্য স্বর্গফলং মহৎ॥ 12-274-42 (76270)
নায়ং লোকোস্ত্যযজ্ঞানাং পরশ্চেতি বিনিশ্চয়ঃ।
বেদবাদবিদশ্চৈব প্রমাণমুভয়ং তদা॥ ॥ 12-274-43 (76271)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুঃসপ্তত্যধিকদ্বিশততমোঽধ্যায়ঃ॥ 274॥
Mahabharata - Shanti Parva - Chapter Footnotes
12-274-1 যোগঃ পাঙ্গুণ্যকারিত ইতি ড. পাঠঃ॥ 12-274-3 উভৌ গার্হস্থ্যযোগধর্মৌ॥ 12-274-6 ৎবষ্টুস্ৎবষ্ট্রে গৃহাগতায় মধুপর্কে গামালেভে। যষ্টুং গামিতীতি ট. থ. পাঠঃ॥ 12-274-7 নিয়ুক্তাং হন্তুং পুরস্কৃতাং দৃষ্ট্বা বেদা ইত্যব্রবীদিতি দ্বয়োঃ সংবন্ধঃ॥ 12-274-8 বেদা ইতি গর্হায়াং প্লুতিঃ॥ 12-274-9 প্রবিশ্য যোগবলেনেত্যর্থঃ। যতিং কপিলমুনিম্। হংহো ইতি বিস্ময়ে। বেদা যদি মতাঃ গর্হিতৎবেন সংমতাঃ। অত্রাপি গর্হার্থায়াঃ প্লুতেরনুবাদঃ। অপরে হিংসাশূন্যাধর্মাঃ কেন মতাঃ। প্রামাণ্যমপ্রামাণ্যং বা কর্মজ্ঞানকাণ্ডয়োস্তুল্যমতো নান্যতরন্নিন্দেৎপ্রশংসেদ্বেতি ভাবঃ॥ 12-274-10 বিলক্ষণপুরুষস্য ভাষিতং সত্যমিতি জনা মন্যন্তে। কিং বিদিতাত্মনঃ নিত্যজ্ঞানবতঃ পরমেশ্বরস্য ব্যাহৃতম্॥ 12-274-12 বিবক্ষ্যামি বিষমান্ বক্ষ্যামি॥ 12-274-13 একার্থৎবমাহ গচ্ছত্যেবেতি। পরিত্যাগী সংন্যাসী। গচ্ছত্যেব পরং পদমিতি শেষঃ॥ 12-274-14 দেবয়ানাঃ দেবমাত্মানং যান্ত্যেভিরিতি তথাভূতাশ্চৎবার আশ্রমাঃ॥ 12-274-22 তস্মাদ্যাগপরাঃ সর্বে ইতি ধ. পাঠঃ॥ 12-274-34 নাপি দূহ্যতি কিংচনেতি ট. ড. পাঠঃ॥ 12-274-39 ইতি লোকা বদন্তীহেতি ধ. পাঠঃ॥ 12-274-41 যচ্চ সোমে স্থিতং জগৎ। ইতি ড. পাঠঃ॥শান্তিপর্ব - অধ্যায় 275
॥ শ্রীঃ ॥
12.275. অধ্যায়ঃ 275
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি গোকপিলসংবাদানুবাদঃ॥ 1॥Mahabharata - Shanti Parva - Chapter Text
12-275-0 (76272)
কপিল উবাচ। 12-275-0x (6321)
এতাবদনুপশ্যন্তো যতয়ো যান্তি মার্গগাঃ।
নৈষাং সর্বেষু লোকেষু কশ্চিদস্তি ব্যতিক্রমঃ॥ 12-275-1 (76273)
নির্দ্বন্দ্বা নির্নমস্কারা নিরাশীর্বন্ধনা বুধাঃ।
বিমুক্তাঃ সর্বপাপেভ্যশ্চরন্তি শুচয়োঽমলাঃ॥ 12-275-2 (76274)
অপবর্গেঽথ সংত্যাগে বুদ্ধৌ চ কৃতনিশ্চয়াঃ।
ব্রহ্মিষ্ঠা ব্রহ্মভূতাশ্চ ব্রহ্মণ্যেব কৃতালয়াঃ॥ 12-275-3 (76275)
যেঽশোকা নষ্টরজসস্তেষাং লোকাঃ সনাতনাঃ।
তেষাং গতিং পরাং প্রাপ্য গার্হস্থ্যে কিং প্রয়োজনম্॥ 12-275-4 (76276)
স্যূমরশ্মিরুবাচ। 12-275-5x (6322)
যদ্যেষাং পরমা নিষ্ঠা যদ্যেষাং পরমা গতিঃ।
গৃহস্থানব্যপাশ্রিত্য নাশ্রমোঽন্যঃ প্রবর্ততে॥ 12-275-5 (76277)
যথা মাতরমাশ্রিত্য সর্বে জীবন্তি জন্তবঃ।
এবং গার্হস্থ্যমাশ্রিত্য বর্তন্ত ইতরাশ্রমাঃ॥ 12-275-6 (76278)
গৃহস্থ এব যজতে গৃহস্থস্তপ্যতে তপঃ।
গার্হস্থ্যমস্য ধর্মস্য মূলং যৎকিংচিদেব হি॥ 12-275-7 (76279)
প্রজনাদ্যভিনির্বৃত্তাঃ সর্বে প্রাণভৃতো মুনেঃ।
প্রজনং চাপ্যুতান্যত্র ন কথংচন বিদ্যতে॥ 12-275-8 (76280)
যাস্তু স্যুর্বহিরোষধ্যো বহিরন্যাস্তথাঽদ্রিজাঃ।
ওষধিভ্যো বহির্যস্মাৎপ্রাণী কশ্চিন্ন বিদ্যতে॥ 12-275-9 (76281)
কস্যৈষা বাগ্ভবেৎসত্যা মোক্ষো নাস্তি গৃহাদিতি।
অশ্রদ্দধানৈরপ্রাজ্ঞৈঃ সূক্ষ্মদর্শনবর্জিতৈঃ॥ 12-275-10 (76282)
নিরাশৈরলসৈঃ শ্রান্তৈস্তপ্যমানৈঃ স্বকর্মভিঃ।
শমস্যোপরমো দৃষ্টঃ প্রব্রজ্যায়ামপণ়্ডিতৈঃ॥ 12-275-11 (76283)
ত্রৈলোক্যস্যেব হেতুর্হি মর্যাদা শাশ্বতী ধ্রুবা।
ব্রাহ্মণো নাম ভগবাঞ্জন্মপ্রভৃতি পূজ্যতে॥ 12-275-12 (76284)
প্রাগ্গর্ভাঘানমন্ত্রা হি প্রবর্তন্তে দ্বিজাতিষু।
অবিশ্বস্তেষু বর্তন্তে বিশ্বস্তেষ্বপি সংশ্রিতাঃ॥ 12-275-13 (76285)
দাহে পুনঃ সংশ্রয়ণে সংশ্রিতে পাত্রভোজনে।
দানং গবাং পশূনাং বা পিণ্ডানামপ্সু মজ্জনম্॥ 12-275-14 (76286)
অর্চিষ্মন্তো বর্হিষদঃ ক্রব্যাদাঃ পিতরস্তথা।
মৃতস্যাপ্যনুমন্যন্তে মন্ত্রা মন্ত্রাশ্চ কারণম্॥ 12-275-15 (76287)
এবং ক্রোশৎসু বেদেষু কুতো মোক্ষোঽস্তি কস্যচিৎ।
ঋণবন্তো যদা মর্ত্যাঃ পিতৃদেবদ্বিজাতিষু॥ 12-275-16 (76288)
শ্রিয়া বিহীনৈরলসৈঃ পণ্ডিতৈশ্চ পলায়িতম্।
বেদবাদাপরিজ্ঞানং সত্যাভাসমিবানৃতম্॥ 12-275-17 (76289)
ন বৈ পাপৈর্হিয়তে কৃষ্যতে বা
যো ব্রাহ্মণো যজতে বেদশাস্ত্রৈঃ।
ঊর্ধ্বং যজন্পশুভিঃ সার্ধমেতি
ততঃ পুনস্তর্কয়তে ন কামান্॥ 12-275-18 (76290)
ন বেদানাং পরিভবান্ন শাঠ্যেন ন মায়যা।
মহৎপ্রাপ্নোতি পুরুষো ব্রাহ্মণো ব্রহ্ম বিন্দতি॥ 12-275-19 (76291)
কপিল উবাচ। 12-275-20x (6323)
দর্শশ্চ পূর্ণমাসশ্চ অগ্নিহোত্রং চ ধীমতাম্।
চাতুর্মাস্যানি চৈবাসংস্তেষু যজ্ঞঃ সনাতনঃ॥ 12-275-20 (76292)
অনারম্ভাঃ সুধৃতয়ঃ শুচয়ো ব্রহ্মসংজ্ঞিতাঃ।
ব্রাহ্মণা এব তে দেবাংস্তর্পন্ত্যমৃতৈরিব॥ 12-275-21 (76293)
সর্বভূতাত্মভূতস্য সর্বভূতানি পশ্যতঃ।
দেবাঽপি মার্গে মুহ্যন্তি হ্যপদস্য পদৈষিণঃ॥ 12-275-22 (76294)
চতুর্দ্বারং পুরুষ চর্তুর্মুখং
চতুর্মুখো নৈনমুপৈতি নিন্দা।
বাহুভ্যাং পদ্ভ্যামুদরাদুপস্থা
ত্তেষাং দ্বারং দ্বারপালো বুভূষেৎ॥ 12-275-23 (76295)
নাক্ষৈর্দীব্যেন্নাদদীতান্যবিত্তং
ন বাঽয়োনীয়স্য শৃতং প্রগৃহ্ণাৎ।
ক্রুদ্ধো ন চৈব প্রহরেত ধীমাং
স্তথাস্য তৎপাণিপাদং সুগুপ্তম্॥ 12-275-24 (76296)
নাক্রোশমৃচ্ছেন্ন বৃথা বদেচ্চ
ন পৈশুনং জনবাদং চ কুর্যাৎ।
সত্যব্রতো মিতভাষোঽপ্রমত্ত
স্তথাঽস্য বাগ্দ্বারমথো সুগুপ্তম্॥ 12-275-25 (76297)
নানাশনঃ স্যান্ন মহাশনঃ স্যা
ন্ন লোলুপঃ সাধুভিরাগতঃ স্যাৎ।
যাত্রার্থমাহারমিহাদদীত
তথাঽস্য স্যাজ্জাঠরদ্বারগুপ্তিঃ॥ 12-275-26 (76298)
ন বীরপত্নীং বিহরেত নারীং
ন চাপি নারীমনৃতাবাহ্বয়ীত।
ভার্যাব্রতং হ্যাত্মনি ধারয়ীত
তথাস্যোপস্থদ্বারগুপ্তির্ভবেৎ॥ 12-275-27 (76299)
দ্বারাণি যস্য সর্বাণি সুগুপ্তানি মনীষিণঃ।
উপস্থমুদরং পাণী বাক্চতুর্থী স বৈ দ্বিজঃ॥ 12-275-28 (76300)
মোঘান্যগুপ্তদ্বারস্য সর্বাণ্যেব ভবন্ত্যুত।
কিং তস্য তপসা কার্যং কিং যজ্ঞেন কিমাত্মনা॥ 12-275-29 (76301)
অনুত্তরীয়বসনমনুপস্তীর্ণশায়িনম্।
বাহূপধানং শাম্যন্তং তং দেবা ব্রাহ্মণং বিদুঃ॥ 12-275-30 (76302)
দ্বন্দ্বারামেষু সর্বেষু য একো রমতে মুনিঃ।
পরেষামননুধ্যায়ংস্তং দেবা ব্রাহ্মণং বিদুঃ॥ 12-275-31 (76303)
যেন সর্বমিদং বুদ্ধং প্রকৃতির্বিকৃতিশ্চ যা।
গতিজ্ঞঃ সর্বভূতানাং তং দেবা ব্রাহ্মণং বিদুঃ॥ 12-275-32 (76304)
অভয়ং সর্বভূতেভ্যঃ সর্বেষামভয়ং যতঃ।
সর্বভূতাত্মভূতো যস্তং দেবা ব্রাহ্মণং বিদুঃ॥ 12-275-33 (76305)
নান্তরেণানুজানাতি বেদানাং যৎক্রিয়াফলম্।
অবিজ্ঞায় চ তৎসর্বমন্যদ্রোচয়তে ফলম্॥ 12-275-34 (76306)
স্বকর্মভিঃ সংশ্রিতানাং তপো ঘোরৎবমাগমৎ।
তং সদাচারমাশ্চর্যং পুরাণং শাশ্বতং ধ্রুবম্॥ 12-275-35 (76307)
অশক্নুবন্তশ্চরিতুং কিংচিদ্ধর্মেষু সূত্রিতম্।
নিরাপদ্ধর্ম আচারো হ্যপ্রমাদো পরাভবঃ॥ 12-275-36 (76308)
ফলবন্তি চ কর্মাণি ব্যুষ্টিমন্তি ধ্রবাণি চ।
বিগুণানি চ পশ্যন্তি তথা নৈকানি কেন চ॥ 12-275-37 (76309)
গুণাশ্চাত্র সুদুর্জ্ঞেয়া জ্ঞাতাশ্চাত্র সুদুষ্করাঃ।
অনুষ্ঠিতাশ্চান্তবন্ত ইতি ৎবমনুপশ্যসি॥ 12-275-38 (76310)
স্যূমরশ্মিরুবাচ। 12-275-39x (6324)
যথা চ বেদপ্রামাণ্যং ত্যাগশ্চ সফলো যথা।
তৌ পন্থানাবুভৌ ব্যক্তৌ ভগবংস্তদ্ব্রবীহি মে॥ 12-275-39 (76311)
কপিল উবাচ। 12-275-40x (6325)
প্রত্যক্ষমিহ পশ্যন্তি ভবন্তঃ সৎপথে স্থিতাঃ।
প্রত্যক্ষং তু কিমত্রাস্তি যদ্ভবন্ত উপাসতে॥ 12-275-40 (76312)
স্যূমরশ্মিরুবাচ। 12-275-41x (6326)
স্যূমরশ্মিরহং ব্রহ্মঞ্জিজ্ঞাসার্থমিহাগতঃ।
শ্রেয়স্কামঃ প্রত্যবোচমার্জবান্ন বিবক্ষয়া॥ 12-275-41 (76313)
ইমং চ সংশয়ং ঘোরং ভগবান্প্রব্রবীতু মে।
প্রত্যক্ষমিহ পশ্যন্তো ভবন্তঃ সৎপথে স্থিতাঃ।
কিমত্র প্রত্যক্ষতমং ভবন্তো যদুপাসতে॥ 12-275-42 (76314)
অন্যত্র তর্কশাস্ত্রেভ্য আগমার্থং যথাগমম্।
আগমো বেদবাদাস্তু তর্কশাস্ত্রাণি চাগমঃ॥ 12-275-43 (76315)
যথাশ্রমমুপাসীত আগমস্তত্র সিধ্যতি।
সিদ্ধিঃ প্রত্যক্ষরূপা চ দৃশ্যত্যাগমনিশ্যযাৎ॥ 12-275-44 (76316)
নৌর্নাবীব নিবদ্ধা হি স্রোতসা সনিবন্ধনা।
হ্রিয়মাণা কথ বিপ্র কুবুদ্ধীংস্তারয়িষ্যতি॥ 12-275-45 (76317)
এতদ্ব্রবীতু ভগবানুপপন্নোঽস্ম্যধীহি ভো।
নৈব ত্যাগী ন সংতুষ্টো নাশোকো ন নিরাময়ঃ।
নানির্বিবিৎসো নাবৃত্তো নাপবৃত্তোঽস্তি কশ্চন॥ 12-275-46 (76318)
ভবন্তোঽপি চ হৃষ্যন্তি শোচন্তি চ যথা বয়ম্।
ইন্দ্রিয়ার্থাশ্চ ভবতাং সমানাঃ সর্বজন্তুষু॥ 12-275-47 (76319)
এবং চতুর্ণাং বর্ণানামাশ্রমাণাং প্রবৃত্তিষু।
একমালম্বমানানাং নির্ণয়ে কিং নিরাময়ম্।
`এতদ্ব্রবীতু ভগবানুপপন্নোস্য্যধীহি ভো॥' 12-275-48 (76320)
কপিল উবাচ। 12-275-49x (6327)
যদ্যদাচরতে শাস্ত্রমর্থ্যং সর্বপ্রবৃত্তিষু।
যস্য যত্র হ্যনুষ্ঠানং তস্য তত্তু নিরাময়ম্॥ 12-275-49 (76321)
সর্বং প্রাপয়তি জ্ঞানং যে জ্ঞানং হ্যনুবর্ততে।
জ্ঞানাদপেত্য যা বৃত্তিঃ সা বিনাশয়তি প্রজাঃ॥ 12-275-50 (76322)
ভবন্তো জ্ঞানিনো নিত্যং সর্বতশ্চ নিরময়াঃ।
ঐকাত্ম্যং নাম কশ্চিদ্ধি কদাচিদভিপদ্যতে॥ 12-275-51 (76323)
শাস্ত্রং হ্যবুদ্ধ্বা তত্ৎবেন কেচিদ্বাদবলাজ্জনাঃ।
কামদ্বেষাভিভূতৎবাদহংকারবশং গতাঃ॥ 12-275-52 (76324)
যাথাতথ্যমবিজ্ঞায় শাস্ত্রাণাং শাস্ত্রদস্যবঃ।
ব্রহ্মস্তেনা নিরারম্ভা অপক্বমনসোঽশিবাঃ॥ 12-275-53 (76325)
নৈর্গুণ্যমেব পশ্যন্তি ন গুণাননুয়ুঞ্জতে।
তেষাং তমঃ শরীরাণাং তম এব পরায়ণম্॥ 12-275-54 (76326)
যো যথাপ্রকৃতির্জন্তুঃ প্রকৃতেঃ স্যাদ্বশানুগঃ।
তস্য দ্বেষশ্চ কামশ্চ ক্রোধো দম্ভোঽনৃতং মদঃ।
নিত্যমেবানুবর্তন্তে গুণাঃ প্রকৃতিসংভবাঃ॥ 12-275-55 (76327)
যে তদ্বুদ্ধ্বাঽনুপশ্যন্তঃ সংত্যজেয়ুঃ শুভাশুভম্।
পরাং গতিমভীপ্সন্তো যতয়ঃ সংয়মে রতাঃ॥ 12-275-56 (76328)
স্যূমরশ্মিরুবাচ। 12-275-57x (6328)
সর্বমেতত্ৎবয়া ব্রহ্মঞ্শাস্ত্রতঃ পরিকীর্তিতম্।
ন হ্যবিজ্ঞায় শাস্ত্রার্থং প্রবর্তন্তে প্রবৃত্তয়ঃ॥ 12-275-57 (76329)
যঃ কশ্চিন্ন্যায়্য আচারঃ সর্বং শাস্ত্রমিতি শ্রুতিঃ।
যদন্যায়্যমশাস্ত্রং তদিত্যেষা শ্রূয়তে শ্রুতিঃ॥ 12-275-58 (76330)
ন প্রবৃত্তির্ঋতে শাস্ত্রাৎকাচিদস্তীতি নিশ্চয়ঃ।
যদন্যদ্বেদবাদেভ্যস্তদশাস্ত্রমিতি শ্রুতিঃ॥ 12-275-59 (76331)
শাস্ত্রাদপেতং পশ্যন্তি বহবোঽত্যর্থমানিনঃ।
শাস্ত্রদোষান্ন পশ্যন্তি ইহ চামুত্র চাপরে।
[ইন্দ্রিয়ার্থাশ্চ ভবতাং সমানাঃ সর্বজন্তুষু॥ 12-275-60 (76332)
এবং চতুর্ণাং বর্ণানামাশ্রমাণাং প্রবৃত্তিষু।
একমালম্বমানানাং নির্ণয়ে সর্বতো দিশম্॥ 12-275-61 (76333)
আনন্ত্যং বদমানেন শক্তেনাবর্জিতাত্মনা]।
অবিজ্ঞানহতপ্রজ্ঞা হীনপ্রজ্ঞাস্তমোবৃতাঃ॥ 12-275-62 (76334)
শক্যং ৎবেকেন যুক্তেন কৃতকৃত্যেন সর্বশঃ।
পিণ্ডমাত্রং ব্যপাশ্রিত্য চরিতুং সর্বতো দিশম্॥ 12-275-63 (76335)
`নাত্যন্তং বন্দমানেন শক্তেন বিজিতাত্মনা।'
বেদবাদং ব্যপাশ্রিত্য মোক্ষোঽস্তীতি প্রভাপিতুম্।
অপেতন্যায়শাস্ত্রেণ সর্বলোকবিগর্হিণা॥ 12-275-64 (76336)
ইদং তু দুষ্করং কর্ম কুটুম্বমভিসংশ্রিতম্।
দানমধ্যযনং যজ্ঞঃ প্রজাসংতানমার্জবম্॥ 12-275-65 (76337)
যদ্যেতদেবং কৃৎবাঽপি ন বিমোক্ষোঽস্তি কস্যচিৎ।
ধিক্কর্তারং চ কার্যং চ শ্রমশ্চায়ং নিরর্থকঃ॥ 12-275-66 (76338)
নাস্তিক্যমন্যথা চ স্যাদ্বেদানাং পৃষ্ঠতঃ ক্রিয়া।
এতস্যানন্ত্যমিচ্ছামি ভগবঞ্শ্রোতুমঞ্জসা॥ 12-275-67 (76339)
তত্ৎবং বদস্ব মে ব্রহ্মন্নুপসন্নোস্ম্যধীহি ভোঃ।
যথা তে বিদিতো মোক্ষস্তথেচ্ছাম্যুপশিক্ষিতুম্॥ ॥ 12-275-68 (76340)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চসপ্তত্যধিকদ্বিশততমোঽধ্যায়ঃ॥ 275॥
Mahabharata - Shanti Parva - Chapter Footnotes
12-275-11 শ্রমস্যোপরমো দৃষ্ট ইতি ট.থ. পাঠঃ॥ 12-275-14 দানং পুনঃ সংগ্রহণং সংশ্রিতা পাত্রভোজনম্। ইতি ট. থ. পাঠঃ। দাহঃ পুনঃ সংচয়নং সংস্থিতঃ পাত্রভোজনমিতি ধ. পাঠঃ॥ 12-275-19 ব্রহ্ম ব্রহ্মণি বিন্দতীতি ট. থ. পাঠঃ॥ 12-275-20 তেষু ধর্মঃ সনাতন ইতি ঝ. পাঠঃ॥ 12-275-22 সর্বজ্ঞানেন পশ্যতঃ ইতি ট. পাঠঃ॥ 12-275-24 নায়োনিজস্যেহ স্রুবং প্রগৃহ্ণাদিতি ট.থ. পাঠঃ। নায়োনিজস্যৈব সুতাং প্রগৃহ্ণাদিতি ধ. পাঠঃ॥ 12-275-26 সাধুরনাগসঃ স্যাদিতি ট. থ. পাঠঃ॥ 12-275-27 ধৈর্যব্রতং হ্যাত্মনীতি ধ. পাঠঃ॥ 12-275-39 যথা চ দেবব্রাহ্মণ্যমত্যাগশ্চ কলৌ যথেতি থ. পাঠঃ॥ 12-275-44 যথাগমমুপাসীতেতি থ. পাঠঃ যথাকামমুপাসীতেতি ধ.পাঠঃ॥শান্তিপর্ব - অধ্যায় 276
॥ শ্রীঃ ॥
12.276. অধ্যায়ঃ 276
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি গোকপিলসংবাদানুবাদঃ॥ 1॥Mahabharata - Shanti Parva - Chapter Text
12-276-0 (76341)
কপিল উবাচ। 12-276-0x (6329)
বেদাঃ প্রমাণং লোকানাং ন বেদাঃ পৃষ্ঠতঃ কৃতাঃ।
দ্বে ব্রহ্মণী বেদিতব্যে শব্দব্রহ্ম পরং চ যৎ॥ 12-276-1 (76342)
শব্দব্রহ্মণি নিষ্ণাতঃ পরং ব্রহ্মাধিগচ্ছতি।
শরীরমেতৎকুরুতে যদ্বেদে কুরুতে তনুম্॥ 12-276-2 (76343)
কৃতশুদ্ধশরীরো হি পাত্রং ভবতি ব্রাহ্মণঃ।
আনন্ত্যমনুচিন্ত্যেদং কর্মণাং তদ্ব্রবীমি তে॥ 12-276-3 (76344)
নিরাগমমনৈতিহ্যমত্যক্ষং লোকসাক্ষিকম্।
ধর্ম ইত্যেব যে যজ্ঞান্বিতন্বন্তি নিরাশিষঃ॥ 12-276-4 (76345)
উৎপন্নত্যাগিনো লুব্ধাঃ কৃপাসূয়াবিবর্জিতাঃ।
ধনিনামেষ বৈ পন্থাস্তীর্থেষু প্রতিপাদনম্॥ 12-276-5 (76346)
অনাশ্রিতাঃ পাপকৃত্যাঃ কদাচিৎকর্ময়োগিনঃ।
মনঃ সংকল্পসংসিদ্ধা বিশুদ্ধজ্ঞাননিশ্চয়াঃ॥ 12-276-6 (76347)
অক্রুধ্যন্তোঽনসূয়ন্তো নিরহংকারমৎসরাঃ।
জ্ঞাননিষ্ঠাস্ত্রিশুক্লাশ্চ সর্বভূতহিতে রতাঃ॥ 12-276-7 (76348)
আসন্গৃহস্থা ভূয়িষ্ঠা অপক্রান্তাঃ স্বকর্মসু।
রাজানশ্চ তথা যুক্তা ব্রাহ্মণাশ্চ যথাবিধি॥ 12-276-8 (76349)
সমা হ্যার্জবসংপন্নাঃ সংতুষ্টা জ্ঞাননিশ্চয়াঃ।
প্রত্যক্ষধর্মাঃ শুচয়ঃ শ্রদ্দধানাঃ পরাবরে॥ 12-276-9 (76350)
পুরস্তাদ্ভাবিতাত্মানো যথাবচ্চরিতব্রতাঃ।
চরন্তি ধর্মং কৃচ্ছ্রেঽপি দুর্গে চৈবাপি সংহতাঃ॥ 12-276-10 (76351)
সংহত্য ধর্মং চরতাং পুরাঽঽসীৎসুখমেব তৎ।
তেষাং নাসীদ্বিধাতব্যং প্রায়শ্চিত্তং কথংচন॥ 12-276-11 (76352)
সত্যং হি ধর্মমাস্থায় দুরাধর্ষতমা মতাঃ।
ন মাত্রামনুরুধ্যন্তে ন ধর্মচ্ছলমন্ততঃ॥ 12-276-12 (76353)
য এব প্রথমঃ কল্পস্তমেবাত্র চরন্মহান্॥ 12-276-13 (76354)
অস্যাং স্থিতৌ স্থিতানাং হি প্রায়শ্চিত্তং ন বিদ্যতে।
যদা তু দুর্বলাত্মানঃ প্রায়শ্চিত্তং তদা ভবেৎ॥ 12-276-14 (76355)
এত এবংবিধাঃ প্রাহুঃ পুরাণা যজ্ঞবাহনাঃ।
ত্রৈবিদ্যবৃদ্ধাঃ শুচয়ো বৃত্তবন্তো যশস্বিনঃ॥ 12-276-15 (76356)
যজন্তোঽহরহর্যজ্ঞৈর্নিরাশীর্বন্ধনা বুধাঃ।
তেষা যজ্ঞাশ্চ বেদাশ্চ কর্মাণি চ যথাগমম্॥ 12-276-16 (76357)
আগমাশ্চ যথাকামং সংকল্পাশ্চ যথাব্রতম্।
অপেতকামক্রোধানাং দুশ্চরাচারকর্মণাম্॥ 12-276-17 (76358)
স্বকর্মভিঃ শংসিতানাং প্রকৃত্যা শংসিতাত্মনাম্।
ঋজূনাং শমনিত্যানাং স্বেষু কর্মসু বর্ততাম্॥ 12-276-18 (76359)
সর্বমানন্ত্যমেবাসীদিতি নঃ শাশ্বতাশ্চুতিঃ।
তেষামদীনসৎবানাং দুশ্চরাচারকর্মণাম্॥ 12-276-19 (76360)
স্বকর্মভিঃ সংসিতানাং তপো ঘোরৎবমাগতম্।
সং সদাচারমাশ্চর্যং পুরাণং শাশ্বতং ধ্রুবম্॥ 12-276-20 (76361)
অশক্নুবদ্ভিশ্চরিতুং কিংচিদ্ধর্মেষু সূচিতম্।
নিরাপদ্ধর্ম আচারো হ্যপ্রমাদোঽপরাভবঃ॥ 12-276-21 (76362)
সর্ববর্ণেষু যত্তেষু নাসীৎকশ্চিদ্ব্যতিক্রমঃ।
ধর্মমেকং চতুষ্পাদমাশ্রিতাস্তে নরা বিভো॥ 12-276-22 (76363)
তং সন্তো বিধিবৎপ্রাপ্য গচ্ছন্তি পরমাং গতিম্।
গৃহেভ্য এব নিষ্ক্রম্য বনমন্যে সমাশ্রিতাঃ॥ 12-276-23 (76364)
গৃহমেবাভিসংশ্রিত্য ততোঽন্যে ব্রহ্মচারিণঃ।
`ব্যস্তমেকং চতুর্ধা তু ব্রাহ্মণা আশ্রমং বিদুঃ॥ 12-276-24 (76365)
সর্বে সর্বত্র তিষ্ঠন্তো গচ্ছন্তি পরমাং গতিম্।
এব এবংবিধাঃ প্রাহুঃ পুরাণা ব্রহ্মচারিণঃ॥' 12-276-25 (76366)
ত এতে দিবি দৃশ্যন্তে জ্যোতির্ভূতা দ্বিজাতয়ঃ।
নক্ষত্রাণীব ধিষ্ণ্যেষু বহবস্তারকাগণাঃ।
আনন্ত্যমুপসংপ্রাপ্তাঃ সংতোষাদিতি বৈদিকম্॥ 12-276-26 (76367)
যদ্যাগচ্ছন্তি সংসারং পুনর্যোনিষু তাদৃশাঃ।
ন লিপ্যন্তে পারকৃত্যৈঃ কদাচিৎকর্ময়োনিতঃ॥ 12-276-27 (76368)
এবমেব ব্রহ্মচারী শুশ্রূষুর্ঘোরনিশ্চয়ঃ।
এবংয়ুক্তো ব্রাহ্মণঃ স্যাদন্যো ব্রাহ্মণকো ভবেৎ॥ 12-276-28 (76369)
কর্মৈব পুরুষস্যাহ শুভং বা যদি বাঽশুভম্।
এবং পক্বকষায়াণামানন্ত্যেন শ্রুতেন চ॥ 12-276-29 (76370)
সর্বমানন্ত্যমেবাসীদিতি নঃ শাশ্বতী শ্রুতিঃ।
তেষামপেততৃষ্ণানাং নির্ণিক্তানাং শুভাত্মনাম্॥ 12-276-30 (76371)
চতুর্থ ঔপনিষদো ধর্মঃ সাধারণঃ স্মৃতঃ।
সংসিদ্ধৈঃ সেব্যতে নিত্যং ব্রাহ্মণৈর্নিয়তাত্মভিঃ॥ 12-276-31 (76372)
সংতোষমূলস্ত্যাগাত্মা জ্ঞানাধিষ্ঠানমুচ্যতে।
অপবর্গমতির্নিত্যো যতিধর্মঃ সনাতনঃ॥ 12-276-32 (76373)
সাধারণঃ কেবলো বা যথাবলমুপাস্যতে।
গচ্ছন্তে বলিনঃ ক্ষেমং দুর্বলোঽত্রাবসীদতি।
ব্রাহ্মণঃ পদমন্বিচ্ছন্সংসারান্মুচ্যতে শুচিঃ॥ 12-276-33 (76374)
স্যূমরশ্মিরুবাচ। 12-276-34x (6330)
যে ভুঞ্জতে যে দদতে যজন্তেঽধীয়তে চ যে।
মাত্রাভির্ধর্মলুব্ধাভির্যে বা ত্যাগং সমাশ্রিতাঃ॥ 12-276-34 (76375)
এতেষাং প্রেত্যভাবে তু কতমঃ স্বর্গজিত্তমঃ।
এতদাচক্ষ্ব মে ব্রহ্মন্যাথাতথ্যেন পৃচ্ছতঃ॥ 12-276-35 (76376)
কপিল উবাচ। 12-276-36x (6331)
পরিগ্রহাঃ শুভাঃ সর্বে গুণতোঽভ্যুদয়াশ্চ তে।
ন তু ত্যাগসুখং প্রাপ্তা এতত্ৎবমপি পশ্যসি॥ 12-276-36 (76377)
স্যূমরশ্মিরুবাচ। 12-276-37x (6332)
ভবন্তো জ্ঞাননিষ্ঠা বৈ গৃহস্থাঃ কর্মনিশ্চয়াঃ।
আশ্রমাণাং চ সর্বেষাং নিষ্ঠায়ামৈক্যমুচ্যতে॥ 12-276-37 (76378)
একৎবেন পৃথক্ৎবেন বিশেষো নান্য উচ্যতে।
তদ্যথাবদ্যথান্যায়ং ভগবান্প্রব্রবীতু মে॥ 12-276-38 (76379)
কপিল উবাচ। 12-276-39x (6333)
শরীরপক্তিঃ কর্মাণি জ্ঞানং তু পরমা গতিঃ।
পক্বে কষায়বিজ্ঞানং যথা জ্ঞানং চ তিষ্ঠতি॥ 12-276-39 (76380)
আনৃশংস্যং ক্ষমা শান্তিরহিংসা সত্যমার্জবম্।
অদ্রোহোঽনভিমানশ্চ হ্রীস্তিতিক্ষা শমস্তথা॥ 12-276-40 (76381)
পন্থানো ব্রহ্মণস্ৎবেত এতৈঃ প্রাপ্নোতি যৎপরম্।
তদ্বিদ্বাননুবুদ্ধ্যেত মনসা কর্মনিশ্চয়ম্॥ 12-276-41 (76382)
যাং বিপ্রাঃ সর্বতঃ শান্তা বিশুদ্ধা জ্ঞাননিশ্চয়াঃ।
গতিং গচ্ছন্তি সংতুষ্টাস্তামাহুঃ পরমাং গতিম্॥ 12-276-42 (76383)
বেদাংশ্চ বেদিতব্যং চ বিদিৎবা চ যথাস্থিতিম্।
এবং বেদবিদিত্যাহুরতোঽন্যো বাতরেচকঃ॥ 12-276-43 (76384)
সর্বং বিদুর্বেদবিদো বেদে সর্বং প্রতিষ্ঠিতম্।
বেদে হি নিষ্ঠা সর্বস্য যদ্যদস্তি চ নাস্তি চ॥ 12-276-44 (76385)
এষৈব নিষ্ঠা সর্বত্র যত্তদস্তি চ নাস্তি চ।
এতদন্তং চ মধ্যং চ সচ্চাঽসচ্চ বিজানতঃ॥ 12-276-45 (76386)
সমাপ্তং ত্যাগ ইত্যেব শম ইত্যেব নিশ্চিতম্।
সংতোষ ইত্যনুগতমপবর্গে প্রতিষ্ঠিতম্॥ 12-276-46 (76387)
ঋতং সত্যং বিদিতং বেদিতব্যং
সর্বস্যাত্মা স্থাবরং জঙ্গমং চ।
সর্বং সুখং যচ্ছিবমুত্তরং চ
ব্রহ্মাব্যক্তং প্রভবশ্চাব্যযং চ॥ 12-276-47 (76388)
তেজঃ ক্ষমা শান্তিরনাময়ং শুভং
তথাবিধং ব্যোম সনাতনং ধ্রুবম্।
এতৈঃ শব্দৈর্গম্যতে বুদ্ধিনেত্রৈ
স্তস্মৈ নমো ব্রহ্মণে ব্রাহ্মণায়॥ ॥ 12-276-48 (76389)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষট্সপ্তত্যধিকদ্বিশততমোঽধ্যায়ঃ॥ 276॥
Mahabharata - Shanti Parva - Chapter Footnotes
12-276-5 ধনানামেষ বৈ পন্থা ইতি ঝ.ট. থ. পাঠঃ॥ 12-276-14 দুর্বলাত্মন উৎপন্নং প্রায়শ্চিত্তমিতি শ্রুতিঃ ইতি ঝ. পাঠঃ॥ 12-276-39 কষায়পঙ্ক্তি কর্মাণীতি ট. থ. পাঠঃ॥ 12-276-41 মনসা ধর্মনিশ্চয়মিতি ধ. পাঠঃ॥ 12-276-43 রতোন্যো বেদবাদক ইতি ট. থ. পাঠঃ। বেদপাতক ইতি ধ. পাঠঃ॥ 12-276-46 ইত্যেব সর্ববেদেষু নিষ্ঠিতমিতি ঝ. পাঠঃ॥শান্তিপর্ব - অধ্যায় 277
॥ শ্রীঃ ॥
12.277. অধ্যায়ঃ 277
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ধর্মার্থকামেষু ধর্মস্যৈব জ্যায়স্ৎবপ্রতিপাদককুণ্ডধারচরিত্রপ্রতিপাদনম্॥ 1॥Mahabharata - Shanti Parva - Chapter Text
12-277-0 (76390)
যুধিষ্ঠির উবাচ। 12-277-0x (6334)
ধর্মমর্থং চ কামং চ বেদাঃ শংসন্তি ভারত।
কস্য লাভো বিশিষ্টোঽত্র তন্মে ব্রূহি পিতামহ॥ 12-277-1 (76391)
ভীষ্ম উবাচ। 12-277-2x (6335)
অত্র তে বর্তয়িষ্যামি ইতিহাসং পুরাতনম্।
কুণ্ডধারেণ যৎপ্রীত্যা ভক্তায়োপকৃতং পুরা॥ 12-277-2 (76392)
অধনো ব্রাহ্মণঃ কশ্চিৎকামাদ্ধনমবৈক্ষত।
যজ্ঞার্থং সততোঽর্থার্থী তপোঽতপ্যত দারুণম্॥ 12-277-3 (76393)
স নিশ্চয়মথো কৃৎবা পূজয়ামাস দেবতাঃ।
ভক্ত্যা ন চৈবাধ্যগচ্ছদ্ধনং সংপূজ্য দেবতাঃ॥ 12-277-4 (76394)
ততশ্চিন্তামনুপ্রাপ্তঃ কতমদ্দৈবতং তু তৎ।
যন্মে দ্রুতং প্রসীদেত মানুষৈরজডীকৃতম্॥ 12-277-5 (76395)
সোঽথ সৌম্যেন মনসা দেবানুচরমন্তিকে।
প্রত্যপশ্যজ্জলধরং কুণ্ডধারমবস্থিতম্॥ 12-277-6 (76396)
দৃষ্ট্বৈব তং মহাবাহুং তস্য ভক্তিরজায়ত।
অয়ং মে ধাস্যতি শ্রেয়ো বপুরেতদ্ধি তাদৃশম্॥ 12-277-7 (76397)
সংনিকৃষ্টশ্চ দেবস্য ন চান্যৈর্মানুষৈর্বৃতঃ।
এষ মে দাস্যতি ধনং প্রভূতং শীঘ্রমেব চ॥ 12-277-8 (76398)
ততো ধূপৈশ্চ গন্ধৈশ্চ মাল্যৈরুচ্চাবচৈরপি।
বলিভির্বিবিধাভিশ্চ পূজয়ামাস তং দ্বিজঃ॥ 12-277-9 (76399)
ততস্ৎবল্পেন কালেন তুষ্টো জলধরস্তদা।
তস্যোপকারনিয়তামিমাং বাচমুবাচ হ॥ 12-277-10 (76400)
ব্রহ্মঘ্নে চ সুরাপে চ চোরে ভগ্নব্রতে তথা।
নিষ্কৃতির্বিহিতা সদ্ভিঃ কৃতঘ্নে নাস্তি নিষ্কৃতিঃ॥ 12-277-11 (76401)
আশায়াস্তনয়োঽধর্মঃ ক্রোধোঽসূয়াসুতঃ স্মৃতঃ।
লোভঃ পুত্রো নিকৃত্যাস্তু কৃতঘ্নো নার্হতি প্রজাং॥ 12-277-12 (76402)
ততঃ স ব্রাহ্মণঃ স্বপ্নে কুণ্ডধারস্য তেজসা।
অপশ্যৎসর্বভূতানি কুশেষু শয়িতস্তদা॥ 12-277-13 (76403)
শমেন তপসা চৈব ভক্ত্যা চ নিরুপস্কৃতঃ।
শুদ্ধাত্মা ব্রাহ্মণো রাত্রৌ নিদর্শনমপশ্যত॥ 12-277-14 (76404)
মাণিভদ্রং স তত্রস্থং দেবতানাং মহাদ্যুতিম্।
অপশ্যত মহাত্মানং ব্যাদিশন্তং যুধিষ্ঠির॥ 12-277-15 (76405)
তত্র দেবাঃ প্রয়চ্ছন্তি রাজ্যানি চ ধনানি চ।
শুভৈঃ কর্মভিরারব্ধাঃ প্রচ্ছিদন্ত্যশুভেষু চ॥ 12-277-16 (76406)
পশ্যতামথ যক্ষাণং কুণ্ডধারো মহাদ্যুতিঃ।
নিষ্পত্য পতিতো ভূমৌ দেবানাং ভরতর্ষভ॥ 12-277-17 (76407)
ততস্তু দেববচনান্মণিভদ্রো মহামনাঃ।
উবাচ পতিতং ভূমৌ কুণ্ডধার কিমিচ্ছসি॥ 12-277-18 (76408)
কুণ্ডধার উবাচ। 12-277-19x (6336)
যদি প্রসন্না দেবা মে ভক্তোঽয়ং ব্রাহ্মণো মম।
অস্যানুগ্রহমিচ্ছামি কৃতং কিংচিৎসুখোদয়ম্॥ 12-277-19 (76409)
ততস্তং মাণিভদ্রস্তু পুনর্বচনমব্রবীৎ
দেবানামেব বচনাৎকুণ্ডধারং মাহদ্যুতিম্॥ 12-277-20 (76410)
উত্তিষ্ঠোত্তিষ্ঠ ভদ্রং তে কৃতকৃত্যঃ সুখী ভব।
ধনার্থী যদি বিপ্রোঽয়ং ধনমস্মৈ প্রদীয়তাম্॥ 12-277-21 (76411)
যাবদ্ধনং প্রার্থয়তে ব্রাহ্মণোঽয়ং সথা তব।
দেবানাং শাসনাত্তাবদসঙ্খ্যেয়ং দদাম্যহম্॥ 12-277-22 (76412)
বিচার্য কুণ্ডধারস্তু মানুষ্যং চলমধ্রুবম্।
তপসো মতিমাধত্ত ব্রাহ্মণস্য যশস্বিনঃ॥ 12-277-23 (76413)
কুণ্ডধার উবাচ। 12-277-24x (6337)
নাহং ধনানি যাচামি ব্রাহ্মণায় ধনপ্রদ।
অন্যমেবাহমিচ্ছামি ভক্তায়ানুগ্রহং কৃতম্॥ 12-277-24 (76414)
পৃথিবীং রত্নপূর্ণাং বা মহদ্বা রত্নসংচয়ম্।
ভক্তায় নাহমিচ্ছমি ভবেদেষ তু ধার্মিকঃ॥ 12-277-25 (76415)
ধর্মেঽস্য রমতাং বুদ্ধির্ধর্মং চৈবোপজীবতু।
ধর্মপ্রধানো ভবতু মমৈষোঽনুগ্রহো মতঃ॥ 12-277-26 (76416)
মাণিভদ্র উবাচ। 12-277-27x (6338)
সদা ধর্মফলং রাজ্যং সুখানি বিবিধানি চ।
ফলান্যেবায়মশ্নাতু কায়ক্লেশবিবর্জিতঃ॥ 12-277-27 (76417)
ভীষ্ম উবাচ। 12-277-28x (6339)
ততস্তদেব বহুশঃ কুণ্ডধারো মহায়শাঃ।
অভ্যাসমকরোদ্ধর্মে ততস্তুষ্টাস্তু দেবতাঃ॥ 12-277-28 (76418)
মাণিভদ্র উবাচ। 12-277-29x (6340)
প্রীতাস্তে দেবতাঃ সর্বা দ্বিজস্যাস্য তথৈব চ।
ভবিষ্যত্যেষ ধর্মাত্মা ধর্মে চাধরস্যতে মতিঃ॥ 12-277-29 (76419)
ভীষ্ম উবাচ। 12-288-30x (6341)
ততঃ প্রীতো জলধরঃ কৃতকার্যো যুধিষ্ঠির।
ঈপ্সিতং মনসো লব্ধ্বা বরমন্যৈঃ সুদুর্লভম্॥ 12-277-30 (76420)
ততোঽপশ্যত চীরাণি সূক্ষ্মাণি দ্বিজসত্তমঃ।
পার্শ্বতোঽভ্যাশতো ন্যস্তান্যথ নির্বেদমাগতঃ॥ 12-277-31 (76421)
ব্রাহ্মণ উবাচ। 12-277-32x (6342)
অয়ং ন সুকৃতং বেত্তি কো ন্বন্যো বেৎস্যতে কৃতম্।
গচ্ছামি বনমেবাহং পরং ধর্মেণ জীবিতুম্॥ 12-277-32 (76422)
ভীষ্ম উবাচ। 12-277-33x (6343)
নির্বেদাদ্দেবতানাং চ প্রসাদাৎস দ্বিজোত্তমঃ।
বনং প্রবিশ্য সুমহত্তপ আরব্ধবাংস্তদা॥ 12-277-33 (76423)
দেবতাতিথিশেষেণ ফলমূলাশনো দ্বিজঃ।
ধর্মে চাস্য মহারাজ দৃঢা বুদ্ধিরজায়ত॥ 12-277-34 (76424)
ত্যক্ৎবা মূলফলং সর্বং পর্ণাহারোঽভবদ্দ্বিজঃ।
পর্ণং ত্যক্ৎবা জলাহারঃ পুনরাসীদ্দ্বিজস্তদা॥ 12-277-35 (76425)
বায়ুভক্ষস্ততঃ পশ্চাদ্বহূন্বর্ষগণানভূৎ।
ন চাস্য ক্ষীয়তে প্রাণস্তদদ্ভুতমিবাভবৎ॥ 12-277-36 (76426)
ধর্মে চ শ্রদ্দধানস্য তপস্যুগ্রে চ বর্ততঃ।
কালেন মহতা তস্য দিব্যা দৃষ্টিরজায়ত॥ 12-277-37 (76427)
তস্য বুদ্ধিঃ প্রাদুরাসীদ্যদি দদ্যামহং ধনম্।
তুষ্টঃ কস্যচিদেবেহ মিথ্যা বাঙ্গ ভবেন্মম॥ 12-277-38 (76428)
ততঃ প্রহৃষ্টবদনো ভূয় আরব্ধবাংস্তপঃ।
ভূয়শ্চাচিন্তয়ৎসিদ্ধো যৎপরং সোঽভিমন্যতে॥ 12-277-39 (76429)
যদি দদ্যামহং রাজ্যং তুষ্টো বৈ যস্য কস্যচিৎ।
স ভবেদচিরাদ্রাজা ন মিথ্যা বাগ্ভবেন্মম॥ 12-277-40 (76430)
তস্য সাক্ষাৎকুণ্ডধারো দর্শয়ামাস ভারত।
ব্রাহ্মণস্য তপোয়োগাৎসৌহৃদেনাভিচোদিতঃ॥ 12-277-41 (76431)
সমাগম্য স তেনাথ পূজাং চক্রে যথাবিধি।
ব্রাহ্মণঃ কুণ্ডধারস্য বিস্মিতশ্চাভবন্নৃপ॥ 12-277-42 (76432)
ততোঽব্রবীৎকুণ্ডধারো দিব্যং তে চক্ষুরুত্তমম্।
পশ্য রাজ্ঞাং গতিং বিপ্র লোকাংশ্চৈব তু চক্ষুষা॥ 12-277-43 (76433)
ততো রাজসহস্রাণি মগ্নানি নিরয়ে তদা।
দূরাদপশ্যদ্বিপ্রঃ স দিব্যযুক্তেন চক্ষুষা॥ 12-277-44 (76434)
কুণ্ডধার উবাচ। 12-277-45x (6344)
মাং পূজয়িৎবা ভাবেন যদি ৎবং দুঃখমাপ্নুয়াঃ।
কৃতং ময়া ভবেৎকিং তে কশ্চ তেঽনুগ্রহো ভবেৎ॥ 12-277-45 (76435)
পশ্যপশ্য চ ভূয়স্ৎবং কামানিচ্ছেৎকথং নরঃ।
স্বর্গদ্বারং হি সংরুদ্ধং মানুষেষু বিশেষতঃ॥ 12-277-46 (76436)
ভীষ্ম উবাচ। 12-277-47x (6345)
ততোঽপশ্যৎস কামং চ ক্রোধং লোভং ভয়ং মদম্।
নিদ্রাং তন্দ্রীং তথাঽঽলস্যমাবৃত্ত্য পুরুষান্স্থিতান্॥' 12-277-47 (76437)
কুণ্ডধার উবাচ। 12-277-48x (6346)
এতৈর্লোকাঃ সুসংরুদ্ধা দেবানাং মানুষাদ্ভয়ম্।
তথৈব দেববচনাদ্বিঘ্নং কুর্বন্তি সর্বশঃ॥ 12-277-48 (76438)
ন দেবৈরননুজ্ঞাতঃ কশ্চিদ্ভবতি ধার্মিকঃ।
এষ শক্তোস্মি তপসা দাতুং রাজ্যং ধনানি চ॥ 12-277-49 (76439)
ভীষ্ম উবাচ। 12-277-50x (6347)
ততঃ পপাত শিরসা ব্রাহ্মণস্তোয়ধারিণে।
উবাচ চৈনং ধর্মাত্মা মহান্মেঽনুগ্রহঃ কৃতঃ॥ 12-277-50 (76440)
কামলোভানুবন্ধেন পুরা তে যদসূয়িতম্।
ময়া স্নেহমবিজ্ঞায় তত্র মে ক্ষন্তুমর্হসি॥ 12-277-51 (76441)
ক্ষান্তমেব ময়েত্যুক্ৎবা কুণ্ডধারো দ্বিজর্ষভম্।
সংপরিষ্বজ্য বাহুভ্যাং তত্রৈবান্তরধীয়ত॥ 12-277-52 (76442)
ততঃ সর্বাংস্তদা লোকান্ব্রাহ্মণোঽনুচচার হ।
কুণ্ডধারপ্রসাদেন তপসা সিদ্ধিমাগতঃ॥ 12-277-53 (76443)
বিহায়সা চ গমনং তথা সংকল্পিতার্থতা।
ধর্মাচ্ছক্ত্যা তথা যোগাদ্যা চৈব পরমা গতিঃ॥ 12-277-54 (76444)
দেবতা ব্রাহ্মণাঃ সন্তো যক্ষা মানুষচারণাঃ।
ধার্মিকান্পূজয়ন্তীহ ন ধনাঢ্যান্ন কামিনঃ॥ 12-277-55 (76445)
সুপ্রসন্না হি তে দেবা যত্তে ধর্মে রতা মতিঃ।
ধনে সুখকলা কাচিদ্ধর্মে তু পরমং সুখম্॥ ॥ 12-277-56 (76446)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তসপ্তত্যধিকদ্বিশততমোঽধ্যায়ঃ॥ 277॥
Mahabharata - Shanti Parva - Chapter Footnotes
12-277-6 জলধরং মেঘম্। কুণ্ডধারং নামতঃ॥ 12-277-7 ধাস্যতি বিঘাস্যতি। তস্য বুদ্ধিরজায়তেতি ট. থ. পাঠঃ। দাস্যতি শ্রেয় ইতি ট. থ. ধ. পাঠঃ॥ 12-277-10 ইমাং গাধামগায়তেতি ধ. পাঠঃ॥ 12-277-14 নিরুপস্কৃতো ভোগবর্জিতঃ॥ 12-277-15 ব্যাদিশন্তং দেবাজ্ঞয়া যাচকেভ্যঃ ফলানি সমর্পয়ন্তম্॥ 12-277-16 অশুভেষু কর্মসূপস্থিতেষু প্রাগ্দত্তমপি রাজ্যাদিকং প্রচ্ছিন্দন্তি হরন্তি॥ 12-277-17 ভূমৌ পতিতো ব্রাহ্মণহিতার্থী। অগ্রতঃ পতিতো ভূমাবিতি ধ. পাঠঃ॥ 12-277-18 কুণ্ডধার কিমিষ্যত ইতি ঝ. ধ. পাঠঃ॥শান্তিপর্ব - অধ্যায় 278
॥ শ্রীঃ ॥
12.278. অধ্যায়ঃ 278
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি হিংসাহেতুতয়া যজ্ঞস্যাপ্যপ্রাশস্ত্যপ্রতিপাদকনারদবচনানুবাদঃ॥ 1॥Mahabharata - Shanti Parva - Chapter Text
12-278-0 (76447)
যুধিষ্ঠির উবাচ। 12-278-0x (6348)
বহূনাং যজ্ঞতপসামেকার্থানাং পিতামহ।
ধর্মার্থং ন সুখার্থার্থং কথং যজ্ঞঃ সমাহিতঃ॥ 12-278-1 (76448)
ভীষ্ম উবাচ। 12-278-2x (6349)
অত্র তে বর্তয়িষ্যামি নারদেনানুকীর্তিতম্।
উঞ্ছবৃত্তেঃ পুরাবৃত্তং যজ্ঞার্থে ব্রাহ্মণস্য চ॥ 12-278-2 (76449)
নারদ উবাচ। 12-278-3x (6350)
রাষ্ট্রে ধর্মোত্তরে শ্রেষ্ঠে বিদর্ভেষ্বভবদ্দ্বিজঃ।
উঞ্ছবৃত্তির্ঋষিঃ কশ্চিদ্যজ্ঞং যষ্টুং সমাদধে॥ 12-278-3 (76450)
শ্যামাকমশনং তত্র সূর্যপর্ণী সুবর্চলা।
তিক্তং চ বিরসং শাকং তপসা স্বাদুতাং গতম্॥ 12-278-4 (76451)
উপগম্য বনে পৃথ্বীং সর্বভূতাবিহিংসয়া।
অপি মূলফলৈরিষ্টো যজ্ঞঃ স্বর্গ্যঃ পরংতপ॥ 12-278-5 (76452)
তস্য ভার্যা ব্রতকৃশা শুচিঃ পুষ্করমালিনী।
যজ্ঞপত্নী সমানীতা সত্যেনানুবিধীয়তে॥ 12-278-6 (76453)
সা তু শাপপরিত্রস্তা তৎস্বভাবানুর্তিনী।
মায়ূরজীর্ণপর্ণানাং বস্ত্রং তস্যাশ্চ বর্ণিতম্॥ 12-278-7 (76454)
অকাময়া কৃতস্তত্র যজ্ঞো হোত্রনুমার্গতঃ।
শুকস্য পুনরাজাতিরবধ্যানাদধর্মবৎ॥ 12-278-8 (76455)
তস্মিন্বনে সমীপস্থো মৃগোঽভূৎসহচারিকঃ।
বচোভিরব্রবীৎসত্যং ৎবয়েদং দুষ্কৃতং কৃতম্॥ 12-278-9 (76456)
যদি মন্ত্রাঙ্গহীনোঽয়ং যজ্ঞো ভবতি বৈকৃতঃ।
মা ভোঃপ্রক্ষিপ হোত্রে ৎবং গচ্ছ স্বর্গমতন্দ্রিতঃ॥ 12-278-10 (76457)
ততস্তু যজ্ঞে সাবিত্রী সাক্ষাত্তং সংন্যমন্ত্রয়ৎ।
নিমন্ত্রয়ন্তী প্রত্যুক্তা ন হন্যাং সহবাসিনম্॥ 12-278-11 (76458)
এবমুক্ৎবা নিবৃত্তা সা প্রবৃত্তা যজ্ঞপাবকাৎ।
কিংনু দুশ্চরিতং যজ্ঞে দিদৃক্ষুঃ সা রসাতলম্॥ 12-278-12 (76459)
স তু বদ্ধাঞ্জলিং সত্যময়াচদ্ধরিণঃ পুনঃ।
সত্যেন স পরিষ্বজ্য সংদিষ্টো গম্যতামিতি॥ 12-278-13 (76460)
ততঃ স হরিণো গৎবা পদান্যষ্টৌ ন্যবর্তত।
সাধু হিংসয় মাং সত্য হতো যাস্যামি সদ্গদিতম্॥ 12-278-14 (76461)
পশ্য হ্যপ্সরসো দিব্যা ময়া দত্তেন চক্ষুষা।
বিমানানি বিচিত্রাণি গন্ধর্বাণাং মহাত্মনাম্॥ 12-278-15 (76462)
ততঃ স সুচিরং দৃষ্ট্বা স্পৃহালগ্নেন চক্ষুষা।
মৃগমালোক্য হিংসায়াং স্বর্গবাসং সমর্থয়ৎ॥ 12-278-16 (76463)
স তু ধর্মো মৃগো ভূৎবা বহুবর্ষোষিতো বনে।
তস্য নিষ্কৃতিমাধত্ত ন ৎবসৌ যজ্ঞসংবিধিঃ॥ 12-278-17 (76464)
তস্য তেনানুভাবেন মৃগহিংসাত্মনস্তদা।
তপো মহৎসমুচ্ছিন্নং তস্মাদ্ধিংসা ন যজ্ঞিয়া॥ 12-278-18 (76465)
ততস্তং ভগবান্ধর্মো যজ্ঞং যাজয়ত স্বয়ম্।
সমাধানং চ ভার্যায়া লেভে স তপসা পরম্॥ 12-278-19 (76466)
অহিংসা পরো ধর্মো হিংসাধর্মস্তথা হিতঃ।
সত্যং তেঽহং প্রবক্ষ্যামি নো ধর্মঃ সত্যবাদিনাম্॥ ॥ 12-278-20 (76467)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টসপ্তত্যধিকদ্বিশততমোঽধ্যায়ঃ॥ 278॥
Mahabharata - Shanti Parva - Chapter Footnotes
12-278-3 কশ্চিৎস চ যজ্ঞং সমাদধ ইতি ট. থ. পাঠঃ॥ 12-278-4 শ্যামাকমশনমদনীয়। সূর্যপর্ণী সুবর্চলেতি শাকবিশেষৌ। ত্রয়মেতদ্বন্যং যজ্ঞিয়দ্রব্যম্। সূর্যপত্রী সুবর্চলেতি ট. থ. ধ. পাঠঃ॥ 12-278-6 পুষ্করমালিনী নামতঃ। সত্যে সত্যসংজ্ঞে ভর্তরি নানুবিধীয়তে হিংসা যজ্ঞমশ্রেয়স্ৎবেন মন্যমানা অনুবিধানমানুকূল্যং ন করোতি॥ 12-278-7 তথাপি শাপাদ্ভীতা সতী ভর্তুঃ স্বভাবমনুরুধ্যাস্তে ইত্যর্থঃ। ময়ূরপঞ্ছৈঃ সন্নিবেশবিশেষেণ গুম্ফিতৈস্তস্যা বস্ত্রং বর্ণিতং বিস্তারিতম্॥ 12-278-8 শুক্রস্য পুনরাজ্ঞাভিঃ পর্ণাদো নাম ধর্মবিদিতি ঝ. পাঠঃ॥ 12-278-9 সহচারিকো যজমানস্য সত্যসংজ্ঞস্য প্রতিবেশী স মৃগোঽভূন্মৃগো ভূৎবা চ সত্যং মুনিমব্রবীৎ। দুষ্কৃতমিতি। সতিসামর্থ্যে মন্ত্রাঙ্গহীনং যজ্ঞং কুর্বতাং দুষ্কৃতং ভবতীত্যর্থঃ॥ 12-278-10 ননু দরিদ্রেণ ময়ানুকল্পেনৈব শ্যামাকচরুণা পশুকার্যং ক্রিয়ত ইত্যাশঙ্ক্যাহ যদীতি। হোত্রে হূয়তেঽস্মিন্নিতি ব্যুৎপত্ত্যা অগ্নৌ। মাং পর্ণাদং মৃগভূতম্॥ 12-278-11 সাবিত্রী সবিতৃমণ্ডলাধিষ্ঠাত্রী দেবতা প্রত্যক্ষমেত্য সংন্যমন্ত্রয়ৎ মদর্তেঽয়ং পশুরগ্নৌ হোতব্য ইত্যুক্তবতী। প্রত্যুক্তা প্রত্যাখ্যাতা। তত্র হেতুঃ ন হন্যামিতি॥ 12-278-12 রসাতলং দিদৃক্ষুঃ প্রবৃত্তা তিরোভূদিত্যর্থঃ॥ 12-278-13 সত্যং সত্যসংজ্ঞম্। অয়াচত মামগ্নৌ প্রক্ষিপেতি প্রার্থিতবান্। ততো হিংসায়াং দোষং পশ্যতা সংদিষ্ট আজ্ঞপ্তঃ॥ 12-278-16 হিংসায়াং কৃতায়ামেব স্বর্গবাসং প্রাপ্নোতীতি সমর্থয়ৎ সমর্থিতবানিতি সংবন্ধঃ॥ 12-278-17 কেনচিন্নিমিত্তেন মৃগতাং প্রাপ্তো ধর্মস্তস্য নিমিত্তস্য নিষ্কৃতিং প্রতীকারমাধত্ত স্বাত্মানং মোচিতবান্নৎবসৌ যজ্ঞস্য সমীচীনো বিধিহিসাময়ৎবাৎ॥। 12-278-18 অনুভাবেন পশুং হৎবা স্বর্গং প্রাপ্স্যামীত্যভিপ্রায়েণ। যজ্ঞিয়া যজ্ঞায় হিতা॥ 12-278-19 যাজয়ত অডভাব আর্ষঃ। যাজিতবান্। ভার্যায়াঃ পুষ্করমালিন্যাঃ হিংসাময়যজ্ঞমনিচ্ছন্ত্যাঃ॥ 12-278-20 তথা তেন স্বর্গপ্রদৎবেন রূপেণ হিতঃ। সত্যবাদিনাং ব্রহ্মবাদিনাং ৎবসৌ নো ধর্মঃ অহিংসা সকলো ধর্ম ইতি ঝ. পাঠঃ॥শান্তিপর্ব - অধ্যায় 279
॥ শ্রীঃ ॥
12.279. অধ্যায়ঃ 279
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ধর্মাচরণস্য শ্রেয়স্সাধনৎবপ্রতিপাদনম্॥ 1॥Mahabharata - Shanti Parva - Chapter Text
12-279-0 (76468)
যুধিষ্ঠির উবাচ। 12-279-0x (6351)
কথং ভবতি পাপাত্মা কথং ধর্মং করোতি বা।
কেন নির্বেদমাদত্তে মোক্ষং বা কেন গচ্ছতি॥ 12-279-1 (76469)
ভীষ্ম উবাচ। 12-279-2x (6352)
বিদিতাঃ সর্বধর্মাস্তে স্থিত্যর্থমনুপৃচ্ছসি।
শৃণু মোক্ষং সনির্বেদং পাপং ধর্মং চ মূলতঃ॥ 12-279-2 (76470)
বিজ্ঞানার্থং হি পঞ্চানামিচ্ছাপূর্বং প্রবর্ততে।
প্রাপ্যতাং বর্ততে কামো দ্বেষো বা ভরতর্ষভ॥ 12-279-3 (76471)
ততস্তদর্থং যততে কর্ম চারভতে মহৎ।
ইষ্টানাং রূপগন্ধানামভ্যাসং চ চিকীর্ষতি॥ 12-279-4 (76472)
ততো রাগঃ প্রভবতি দ্বেষশ্চ তদনন্তরম্।
ততো লোভঃ প্রভবতি মোহশ্চ তদনন্তরম্॥ 12-279-5 (76473)
লোভমোহাভিভূতস্য রাগদ্বেষান্বিতস্য চ।
ন ধর্মে জায়তে বুদ্ধির্ব্যাজাদ্ধর্মং করোতি চ॥ 12-279-6 (76474)
ব্যাজেন চরতে ধর্মমর্থং ব্যাজেন রোচতে।
ব্যাজেন সিদ্ধ্যমানেষু ধর্মেষু কুরুনন্দন॥ 12-279-7 (76475)
তত্রৈব কুরুতে বুদ্ধিং ততঃ পাপং চিকীর্ষতি।
সুহৃদ্ভির্বার্যমাণোঽপি পণ়্ডিতৈশ্চাপি ভারত॥ 12-279-8 (76476)
উত্তরং ন্যায়সংবদ্ধং ব্রবীতি বিধিচোদিতম্।
অধর্মস্ত্রিবিধস্তস্য বর্ধতে রাগমোহজঃ॥ 12-279-9 (76477)
পাপং চিন্তয়তে কর্ম প্রব্রবীতি করোতি চ।
তস্যাধর্মপ্রবৃত্তস্য দোষান্পশ্যন্তি সাধবঃ॥ 12-279-10 (76478)
একশীলাশ্চ মিত্রৎবং ভজন্তে পাপকর্মিণঃ।
স নেহ সুখমাপ্নোতি কুত এব পরত্র বৈ॥ 12-279-11 (76479)
এবং ভবতি পাপাত্মা ধর্মাত্মানং তু মে শৃণু।
যথা কুশলধর্মা স কুশলং প্রতিপদ্যতে॥ 12-279-12 (76480)
কুশলেনৈব ধর্মেণ গতিমিষ্টাং প্রপদ্যতে।
য এতান্প্রজ্ঞয়া দোষান্পূর্বমেবানুপশ্যতি॥ 12-279-13 (76481)
কুশলস্তু সুখার্থায় সাধূংশ্চাপ্যুপসেবতে।
তস্য সাধুসমাচারাদভ্যাসাচ্চৈব বর্ধতে॥ 12-279-14 (76482)
প্রাজ্ঞো ধর্মে চ রমতে ধর্মং চৈবোপজীবতি।
সোঽথ ধর্মাদবাপ্তেষু ধনেষু কুরুনন্দন॥ 12-279-15 (76483)
তস্যৈব সিঞ্চতে মূলং গুণান্পশ্যতি যত্র বৈ।
ধর্মাত্মা ভবতি হ্যেবং মিত্রং চ লভতে শুভম্॥ 12-279-16 (76484)
স মিত্রধনলাভাত্তু প্রেত্য চেহ চ নন্দতি।
শব্দে স্পর্শে রসে রূপে তথা গন্ধে চ ভারত॥ 12-279-17 (76485)
প্রভুৎবং লভতে জন্তুর্ধর্মস্যৈতৎফলং বিদুঃ।
স তু ধর্মফলং লব্ধ্বা ন তৃষ্যতি যুধিষ্ঠির॥ 12-279-18 (76486)
ধর্মে স্থিতানাং কৌন্তেয় সর্বভোগক্রিয়াসু চ।
অতৃপ্যমাণো নির্বেদমাদত্তে জ্ঞানচক্ষুষা।
প্রজ্ঞাচক্ষুর্যদা কামে দোষমেবানুপশ্যতি॥ 12-279-19 (76487)
শব্দে স্পর্শে তথা রূপে ন চ ভাবয়তে মনঃ।
বিমুচ্যতে তদা কামান্ন চ ধর্মং বিমুঞ্চতি॥ 12-279-20 (76488)
সর্বত্যাগে চ যততে দৃষ্ট্বা লোকং ক্ষয়াত্মকম্।
ততো মোক্ষায় যততে নানুপায়াদুপায়তঃ॥ 12-279-21 (76489)
শনৈর্নির্বেদমাদত্তে পাপং কর্ম জহাতি চ।
ধর্মাত্মা চৈব ভবতি মোক্ষং চ লভতে পরম্॥ 12-279-22 (76490)
এতত্তে কথিতং তাত যন্মাং ৎবং পরিপৃচ্ছসি।
পাপং ধর্মস্তথা মোক্ষো নির্বেদশ্চৈব ভারত॥ 12-279-23 (76491)
তস্মাদ্ধর্মে প্রবর্তেথাঃ সর্বাবস্থং যুধিষ্ঠির।
ধর্মে স্থিতানাং কৌন্তেয় সিদ্ধির্ভবতি শাশ্বতী॥ ॥ 12-279-24 (76492)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনাশীত্যধিকদ্বিশততমোঽধ্যায়ঃ॥ 279॥
Mahabharata - Shanti Parva - Chapter Footnotes
12-279-7 ব্যাজেন কপটেন। অর্থমর্থজাতম্॥ 12-279-9 ন্যায়সংবদ্ধমাহারে ব্যবহারে চ ত্যক্তলজ্জঃ সুখী ভবেদিত্যাদি। ত্রিবিধঃ কায়িকো বাচিকো মানসশ্চ॥ 12-279-10 পাপং পরানিষ্টম্॥ 12-279-12 কুশলং কল্যাণং পরহিতমিত্যর্থঃ॥ 12-279-19 নির্বেদং বৈরাগ্যম্॥ 12-279-20 ভাবয়তে চিন্তাবশং করোতি। বিরজ্যতি তদা কামে ইতি ড. থ. পাঠঃ॥শান্তিপর্ব - অধ্যায় 280
॥ শ্রীঃ ॥
12.280. অধ্যায়ঃ 280
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মোক্ষোপায়প্রতিপাদনম্॥ 1॥Mahabharata - Shanti Parva - Chapter Text
12-280-0 (76493)
যুধিষ্ঠির উবাচ। 12-280-0x (6353)
মোক্ষঃ পিতামহেনোক্ত উপায়ান্নানুপায়তঃ।
তমুপায়ং যথান্যায়ং শ্রোতুমিচ্ছামি ভারত॥ 12-280-1 (76494)
ভীষ্ম উবাচ। 12-280-2x (6354)
ৎবয়্যেবৈতন্মহাপ্রাজ্ঞ যুক্তং নিপুণদর্শনম্।
যদুপায়েন সর্বার্থং নিত্যং মৃগয়সেঽনঘ॥ 12-280-2 (76495)
করণে ঘটস্য যা বুদ্ধির্ঘটোৎপত্তৌ ন সা মতা।
এবং ধর্মাভ্যপায়েষু নান্যদ্ধর্মেষু কারণম্॥ 12-280-3 (76496)
পূর্বে সমুদ্রে যঃ পন্থাঃ স ন গচ্ছতি পশ্চিমম্।
একঃ পন্থা হি মোক্ষস্য তন্মে বিস্তরতঃ শৃণু॥ 12-280-4 (76497)
ক্ষময়া ক্রোধমুচ্ছিন্দ্যাৎকামং সংকল্পবর্জনাৎ।
সৎবসংসেবানদ্ধীরো নিদ্রামুচ্ছেত্তুমর্হতি॥ 12-280-5 (76498)
অপ্রমাদাদ্ভয়ং রক্ষেচ্ছ্বাসং ক্ষেত্রজ্ঞশীলনাৎ।
ইচ্ছাং দ্বেষং চ কামং চ ধৈর্যেণ বিনিবর্তয়েৎ॥ 12-280-6 (76499)
ভ্রমং সংমোহমাবর্তমভ্যাসাদ্বিনিবর্তয়েৎ।
নিদ্রাং চাপ্রতিভাং চৈব জ্ঞানাভ্যাসেন তত্ৎববিৎ॥ 12-280-7 (76500)
উপদ্রবাংস্তথা রোগান্হিতজীর্ণমিতাশনাৎ।
লোভং মোহং চ সংতোষাদ্বিষয়াংস্তত্ৎবদর্শনাৎ॥ 12-280-8 (76501)
অনুক্রোশাদধর্মং চ জয়েদ্ধর্মমবেক্ষয়া।
আয়ত্যা চ জয়েদাশামর্থং সঙ্গবিবর্জনাৎ॥ 12-280-9 (76502)
অনিত্যৎবেন চ স্নেহং ক্ষুধং যোগেন পণ্ডিতঃ।
কারুণ্যেনাত্মনো মানং তৃষ্ণাং চ পরিতোষতঃ॥ 12-280-10 (76503)
উত্থানেন জয়েত্তন্দ্রীং বিতর্কং নিশ্চয়াজ্জয়েৎ।
মৌনেন বহুভাষাং চ শৌর্যেণ চ ভয়ং জয়েৎ॥ 12-280-11 (76504)
যচ্ছেদ্বাঙ্ভনসী বুদ্ধ্যা তাং যচ্ছেজ্জ্ঞানচক্ষুষা।
জ্ঞানমাত্মা মহান্যচ্ছেত্তং যচ্ছেজ্জ্ঞানমাত্মনঃ॥ 12-280-12 (76505)
তদেতদুপশান্তেন বোদ্ধব্যং শুচিকর্মণা।
যোগদোষান্সমুচ্ছিদ্যাৎপঞ্চ যান্কবয়ো বিদুঃ॥ 12-280-13 (76506)
কামং ক্রোধং চ লোভং চ ভয়ং স্বপ্নং চ পঞ্চমম্।
পরিত্যজ্য নিষেবেত তথেমান্যোগসাধনান্॥ 12-280-14 (76507)
ধ্যানমধ্যযনং দানং সত্যং হ্রীরার্জবং ক্ষমা।
শৌচমাহারতঃ শুদ্ধিরিন্দ্রিয়াণাং চ সংয়মঃ॥ 12-280-15 (76508)
এতৈর্বিবর্ধতে তেজঃ পাপ্মানমপহন্তি চ।
সিধ্যন্তি চাস্য সংকল্পা বিজ্ঞানং চ প্রবর্ততে॥ 12-280-16 (76509)
ধূতপাপঃ স তেজস্বী লধ্বাহারো জিতেন্দ্রিয়ঃ।
কামক্রোধৌ বশে কৃৎবা নিনীষেদ্ব্রহ্মণঃ পদম্॥ 12-280-17 (76510)
অমূঢৎবমসঙ্গিৎবং কামক্রোধবিবর্জনম্।
অদৈন্যমনুদীর্ণৎবমনুদ্বেগো ব্যবস্থিতিঃ॥ 12-280-18 (76511)
এষ মার্গো হি মোক্ষস্য প্রসন্নো বিমলঃ শুচিঃ।
তথা বাক্কায়মনসাং নিয়মঃ কামতোঽন্যথা॥ ॥ 12-280-19 (76512)
ইতি শ্রীমন্মহাভারতে শান্তিপর্বণি মোক্ষধর্মপর্বণি অশীত্যধিকদ্বিশততমোঽধ্যায়ঃ॥ 280॥
Mahabharata - Shanti Parva - Chapter Footnotes
12-280-9 অয়েদ্ধর্মমুপেক্ষয়েতি ট. থ. ধ. পাঠঃ॥ 12-280-12 জ্ঞানমাত্মাববোধেন যচ্ছেদাত্মানমাত্মনেতি ঝ. পাঠঃ॥শান্তিপর্ব - অধ্যায় 281
॥ শ্রীঃ ॥
12.281. অধ্যায়ঃ 281
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ভূতোৎপত্তিবিনাশাদিপ্রতিপাদকদেবলনারদসংবাদানুবাদঃ॥ 1॥Mahabharata - Shanti Parva - Chapter Text
12-281-0 (76513)
ভীষ্ম উবাচ। 12-281-0x (6355)
অত্রৈবোদাহরন্তীমমিতিহাসং পুরাতনম্।
নারদস্য চ সংবাদং দেবলস্যাসিতস্য চ॥ 12-281-1 (76514)
আসীনং দেবলং বৃদ্ধং বুদ্ধ্বা বুদ্ধিমতাং বরম্।
নারদঃ পরিপপ্রচ্ছ ভূতানাং প্রভবাপ্যযম্॥ 12-281-2 (76515)
নারদ উবাচ। 12-281-3x (6356)
কুতঃ সৃষ্টমিদং বিশ্বং ব্রহ্মন্স্থাবরজঙ্গমম্।
প্রলয়ে চ কমভ্যেতি তদ্ভবান্প্রব্রবীতু মে॥ 12-281-3 (76516)
অসিত উবাচ। 12-281-4x (6357)
যেভ্যঃ সৃজতি ভূতানি কালো ভাবপ্রচোদিতঃ।
মহাভূতানি পঞ্চেতি তান্যাহুর্ভূতচিন্তকাঃ॥ 12-281-4 (76517)
তেভ্যঃ সৃজতি ভূতানি কাল আত্মপ্রচোদিতঃ।
এতেভ্যো যঃ পরং ব্রূয়াদসদ্ব্রূয়াদসংশয়ম্॥ 12-281-5 (76518)
বিদ্ধি নারদ পঞ্চৈতাঞ্শাশ্বতানচলান্ধ্রুবান্।
মহতস্তেজসো রাশীন্কালষষ্ঠান্স্বভাবতঃ॥ 12-281-6 (76519)
আপশ্চৈবান্তরিক্ষং চ পৃথিবী বায়ুপাবকৌ।
অসিদ্ধিঃ পরমেতেভ্যো ভূতেভ্যো মুক্তসংশয়ম্॥ 12-281-7 (76520)
নোপপত্ত্যা ন বা যুক্ত্যা ৎবসদ্ব্রূয়াদসংশয়ম্।
বেত্থৈতানভিনির্বৃত্তান্ষডেতে যস্য রাশয়ঃ॥ 12-281-8 (76521)
পঞ্চৈব তানি কালশ্চ ভাবাভাবৌ চ কেবলৌ।
অষ্টৌ ভূতানি ভূতানাং শাশ্বতানি ভবাব্যযৌ॥ 12-281-9 (76522)
অভাবভাবিতেষ্বেব তেভ্যশ্চ প্রভবন্ত্যপি।
বিনষ্টোঽপ্যনুতান্যেব জন্তুর্ভবতি পঞ্চধা॥ 12-281-10 (76523)
তস্য ভূমিময়ো দেহঃ শ্রোত্রমাকাশসংভবম্।
সূর্যাচ্চক্ষুরসুর্বায়োরদ্ভ্যস্তু খলু শোণিতম্॥ 12-281-11 (76524)
চক্ষুষী নাসিকাকর্ণৌ ৎবক্ জিহ্বেতি চ প়ঞ্চমী।
ইন্দ্রিয়াণীন্দ্রিয়ার্থানাং জ্ঞানানি কবয়ো বিদুঃ॥ 12-281-12 (76525)
দর্শনং শ্রবণং ঘ্রাণং স্পর্শনং রসনং তথা।
উপপত্ত্যা গুণান্বিদ্ধি পঞ্চ পঞ্চসু ধাতুষু॥ 12-281-13 (76526)
রূপং গন্ধো রসঃ স্পর্শঃ শব্দশ্চৈবাথ তদ্গুণাঃ।
ইন্দ্রিয়ৈরুপলভ্যন্তে পঞ্চধা পঞ্চ পঞ্চভিঃ॥ 12-281-14 (76527)
রূপং গন্ধং রসং স্পর্শং শব্দং চৈবাথ তদ্গুণান্।
ইন্দ্রিয়াণি ন বুধ্যন্তে ক্ষেত্রজ্ঞস্তৈস্তু বুধ্যতে॥ 12-281-15 (76528)
চিত্তমিন্দ্রিয়সংঘাতাৎপরং তস্মাৎপরং মনঃ।
মনসস্তু পরা বুদ্ধিঃ ক্ষেত্রজ্ঞো বুদ্ধিতঃ পরঃ॥ 12-281-16 (76529)
পূর্বং চেতয়তে জন্তুরিন্দ্রিয়ৈর্বিষয়ান্পৃথক্।
বিচার্য মনসা পশ্চাদথ বুদ্ধ্যা ব্যবস্যতি।
ইন্দ্রিয়ৈরুপসৃষ্টার্থান্মৎবা যস্ৎবধ্যবস্যতি॥ 12-281-17 (76530)
চিত্তমিন্দ্রিয়সংঘাতং মনো বুদ্ধিস্তথাঽষ্টমী।
অষ্টৌ জ্ঞানেন্দ্রিয়াণ্যাহুরেতান্যধ্যাত্মচিন্তকাঃ॥ 12-281-18 (76531)
পাণিং পাদং চ পায়ুং চ মেহনং পঞ্চমং মুখম্।
ইতি সংশব্দ্যমানানি শৃণু কর্মেন্দ্রিয়াণ্যপি॥ 12-281-19 (76532)
জল্পনাভ্যবহারার্থং মুখমিন্দ্রিয়মুচ্যতে।
গমনেন্দ্রিয়ং তথা পাদৌ কর্মণঃ করণে করৌ॥ 12-281-20 (76533)
পায়ূপস্থং বিসর্গার্থমিন্দ্রিয়ে তুল্যকর্মণী।
বিসর্গে চ পুরীষস্য বিসর্গে চাপি কামিকে॥ 12-281-21 (76534)
মনঃ ষষ্ঠান্যথৈতানি বাচা সম্যগ্যথাগমম্।
জ্ঞানচেষ্টেন্দ্রিয়গুণাঃ সর্বেষাং শব্দিতা ময়া॥ 12-281-22 (76535)
ইন্দ্রিয়াণাং স্বকর্মভ্যঃ শ্রমাদুপরমো যদা।
ভবতীন্দ্রিয়সংন্যাসাদথ স্বপিতি বৈ নরঃ॥ 12-281-23 (76536)
ইন্দ্রিয়াণাং ব্যুপরমে মনোঽব্যুপরতং যদি।
সেবতে বিষয়ানেব তং বিদ্যাৎস্বপ্নদর্শনম্॥ 12-281-24 (76537)
সাৎবিকাশ্চৈব যে ভাবাস্তথা রাজসতামসাঃ।
কর্ময়ুক্তাঃ প্রশংসন্তি সাৎবিকান্নেতরাংস্তথা॥ 12-281-25 (76538)
আনন্দঃ কর্মণাং সিদ্ধিঃ প্রতিপত্তিঃ পরা গতিঃ।
সাৎবিকস্য নিমিত্তানি ভাবান্সংশ্রয়সে স্মৃতিঃ॥ 12-281-26 (76539)
জন্তুষ্বেকতমেষ্বেবং ভাবং যো বা সমাস্থিতঃ।
ভাবয়োরীপ্সিতং নিত্যং প্রত্যক্ষং গমনং দ্বয়োঃ॥ 12-281-27 (76540)
ইন্দ্রিয়াণি চ ভাবাশ্চ গুণাঃ সপ্তদশ স্মৃতাঃ।
তেষামষ্টাদশো দেহী যঃ শরীরে স শাশ্বতঃ॥ 12-281-28 (76541)
অথবা সশরীরাস্তে গুণাঃ সর্বে শরীরিণাম্।
সংশ্রিতাস্তদ্বিয়োগে হি সশরীরা ন সন্তি তে॥ 12-281-29 (76542)
অথবা সংবিভাগেন শরীরং পাঞ্চভৌতিকম্।
একশ্চ দশ চাষ্টৌ চ গুণাঃ সহ শরীরিণাম্।
ঊষ্মণা সহ বিশো বা সংঘাতঃ পাঞ্চভৌতিকঃ॥ 12-281-30 (76543)
মহান্সংধারয়ত্যেতচ্ছরীরং বায়ুনা সহ।
সত্যপ্রভাবয়ুক্তস্য নিমিত্তং দেহভেদনে॥ 12-281-31 (76544)
তথৈবোৎপদ্যতে কিংচিৎপঞ্চৎবং গচ্ছতে তথা।
পুণ্যপাপবিনাশান্তে পুণ্যপাপসমীরিতঃ।
দেহং বিশতি কালেন ততোঽয়ং কর্মসংভবম্॥ 12-281-32 (76545)
হিৎবাহিৎবা হ্যযং প্রৈতি দেহাদ্দেহং কৃতাশ্রয়ঃ।
কালসংচোদিতঃ ক্ষেত্রী বিশীর্ণাদ্বা গৃহাদ্গৃহম্॥ 12-281-33 (76546)
তং তু নৈবানুতপ্যন্তে প্রাজ্ঞা নিশ্চিতনিশ্চয়াঃ।
কৃপণাস্ৎবনুতপ্যন্তে জনাঃ সংবন্ধিমানিনঃ॥ 12-281-34 (76547)
ন হ্যযং কস্যচিৎকশ্চিন্নাস্য কশ্চন বিদ্যতে।
ভবত্যেকো হ্যযং নিত্যং শরীরে সুখদুঃখকৃৎ॥ 12-281-35 (76548)
নৈব সংজায়তে জন্তুর্ন চ জাতু বিপদ্যতে।
যাতি দেহময়ং মুক্ৎবা কদাচিৎপরমাং গতিম্॥ 12-281-36 (76549)
পুণ্যপাপময়ং দেহং ক্ষপয়ন্কর্মসংক্ষয়াৎ।
ক্ষীণদেহঃ পুনর্দেহী ব্রহ্মৎবমুপগচ্ছতি॥ 12-281-37 (76550)
পুণ্যপাপক্ষয়ার্থং হি সাঙ্খ্যজ্ঞানং বিধীয়তে।
তৎক্ষয়ে হৃদি পশ্যন্তি ব্রহ্মভাবে পরাং গতিম্॥ ॥ 12-281-38 (76551)
ইতি শ্রীমন্মহাভারতে শান্তিপর্বণি মোক্ষধর্মপর্বণি একাশীত্যধিকদ্বিশততমোঽধ্যায়ঃ॥ 281॥
Mahabharata - Shanti Parva - Chapter Footnotes
12-281-13 পঞ্চধেতি ঝ. পাঠঃ॥ 12-281-37 ক্ষীণভোগঃ পুনর্দেহীতি ধ. পাঠঃ॥শান্তিপর্ব - অধ্যায় 282
॥ শ্রীঃ ॥
12.282. অধ্যায়ঃ 282
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি তৃষ্ণাত্যাগস্য সুখসাধনতাপ্রতিপাদকজনকমাণ্ডব্যসংবাদানুবাদঃ॥ 1॥Mahabharata - Shanti Parva - Chapter Text
12-282-0 (76552)
যুধিষ্ঠির উবাচ। 12-282-0x (6358)
ভ্রাতরঃ পিতরঃ পৌত্রা জ্ঞাতয়ঃ সুহৃদঃ সুতাঃ।
অর্থহেতোর্হতাঃ ক্রূরৈরস্মাভিঃ পাপবুদ্ধিভিঃ॥ 12-282-1 (76553)
যেয়মর্থোদ্ভবা তৃষ্ণা কথমেতাং পিতামহ।
নিবর্তয়েয়ং পাপানি তৃষ্ণয়া কারিতা বয়ম্॥ 12-282-2 (76554)
ভীষ্ম উবাচ। 12-282-3x (6359)
অত্রাপ্যুদাহরন্তীমমিতিহাসং পুরাতনম্।
গীতং বিদেহরাজেন মাণ্ডব্যায়ানুপৃচ্ছতে॥ 12-282-3 (76555)
সুসুখং বত জীবামি যস্য মে নাস্তি কিংচন।
মিথিলায়াং প্রদীপ্তায়াং ন মে দহ্যতি কিংচন॥ 12-282-4 (76556)
অর্থাঃ খলু সমৃদ্ধা হি গাঢং দুঃখং বিজানতাম্।
অসমৃদ্ধাস্ৎবপি সদা মোহয়ন্ত্যবিচক্ষণান্॥ 12-282-5 (76557)
যচ্চ কামসুখং লোকে যচ্চ দিব্যং মহৎসুখম্।
তৃষ্ণাক্ষয়সুখস্যৈতে নার্হতঃ ষোডশীং কলাম্॥ 12-282-6 (76558)
যথৈব শৃঙ্গং গোঃ কালে বর্ধমানস্য বর্ধতে।
তথৈব তৃষ্ণা বিত্তেন বর্ধমানেন বর্ধতে॥ 12-282-7 (76559)
কিংচিদেব মমৎবেন যদা ভবতি কল্পিতম্।
তদেব পরিতাপায় নাশে সংপদ্যতে পুনঃ॥ 12-282-8 (76560)
ন কামাননুরুধ্যেত দুঃখং কামেষু বৈ রতিঃ।
প্রাপ্যার্থমুপয়ুঞ্জীত ধর্মং কামান্বিবর্জয়েৎ॥ 12-282-9 (76561)
বিদ্বান্সর্বেষু ভূতেষু ব্যাঘ্রমাংসোপমো ভবেৎ।
কৃতকৃত্যো বিশুদ্ধাত্মা সর্বং জ্যজতি বৈ স্বয়ম্॥ 12-282-10 (76562)
উভে সত্যানৃতে ত্যক্ৎবা শোকানন্দৌ প্রিয়াপ্রিয়ে।
ভয়াভয়ে চ সংত্যজ্য ভব শান্তো নিরাময়ঃ॥ 12-282-11 (76563)
যা দুস্ত্যজা দুর্মতিভির্যা ন জীর্যতি জীর্যতঃ।
যোসৌ প্রাণান্তিকো রোগস্তাং তৃষ্ণাং ত্যজতঃ সুখং॥ 12-282-12 (76564)
চারিত্রমাত্মনঃ পশ্যংশ্চন্দ্রশুদ্ধমনাময়ম্।
ধর্মাত্মা লভতে কীর্তি প্রেত্য চেহ যথাসুখম্॥ 12-282-13 (76565)
রাজ্ঞস্তদ্বচনং শ্রুৎবা প্রীতিমানভবদ্দ্বিজঃ।
পূজয়িৎবা চ তদ্বাক্যং মাণ্ডব্যো মোক্ষমাশ্রিতঃ॥ ॥ 12-282-14 (76566)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্ব্যশীত্যধিকদ্বিশততমোঽধ্যায়ঃ॥ 282॥
শান্তিপর্ব - অধ্যায় 283
॥ শ্রীঃ ॥
12.283. অধ্যায়ঃ 283
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি কালস্য দ্রুততরপাতিতয়া সদ্যস্সাধনস্য সংপাদনীয়ৎবে প্রমাণতয়া পিতৃপুত্রসংবাদানুবাদঃ॥ 1॥Mahabharata - Shanti Parva - Chapter Text
12-283-0 (76567)
* যুধিষ্ঠির উবাচ। 12-283-0x (6360)
অতিক্রামতি কালেঽস্মিন্সর্বভূতভয়াবহে।
কিং শ্রেয়ঃ প্রতিপদ্যেত তন্মে ব্রূহি পিতামহ॥ 12-283-1 (76568)
ভীষ্ম উবাচ। 12-283-2x (6361)
অত্রাপ্যুদাহরন্তীমমিতিহাসং পুরাতনম্।
পিতুঃ পুত্রেণ সংবাদং তং নিবোধ যুধিষ্ঠির॥ 12-283-2 (76569)
দ্বিজাতেঃ কস্যজিৎপার্থ স্বাধ্যায়নিরতস্য বৈ।
পুত্রো বভূব মেধাবী মেধাবী নাম নামতঃ॥ 12-283-3 (76570)
সোঽব্রবীৎপিতরং পুত্রঃ স্বাধ্যায়করণে রতম্।
মোক্ষধর্মেষ্বকুশলং মোক্ষধর্মবিচক্ষণঃ॥ 12-283-4 (76571)
পুত্র উবাচ। 12-283-5x (6362)
ধীরঃ কিংস্বিত্তাত কুর্যাৎপ্রজানন্
ক্ষিপ্রং হ্যায়ুর্ভ্রশ্যতে মানবানাম্।
পিতস্তথাঽঽখ্যাহি যথার্থয়োগং
মমানুপূর্ব্যা যেন ধর্মং চরেয়ম্॥ 12-283-5 (76572)
পিতোবাচ। 12-283-6x (6363)
অধীত্য বেদান্ব্রহ্মচর্যেষু পুত্র
পুত্রানিচ্ছেৎপাবনার্থং পিতৃণাম্।
অগ্নীনাধায় বিধিবচ্চেষ্টয়জ্ঞো
বনং প্রবিশ্যাথ মুনির্বুভূষেৎ॥ 12-283-6 (76573)
পুত্র উবাচ। 12-283-7x (6364)
এবমভ্যাহতে লোকে সর্বতঃ পরিবারিতে।
অমোধাসু পতন্তীষু কিং ধীর ইব ভাষসে॥ 12-283-7 (76574)
পিতোবাচ। 12-283-8x (6365)
কথমভ্যাহতো লোকঃ কেন বা পরিবারিতঃ।
অমোঘাঃ কাঃ পতন্তীহ কিংনু ভীষয়সীব মাম্॥ 12-283-8 (76575)
পুত্র উবাচ। 12-283-9x (6366)
মৃত্যুনাঽঽভ্যাহতো লোকো জস্যা পরিবারিতঃ।
অহোরাত্রাঃ পতন্তীমে তচ্চ কস্মান্ন বুধ্যসে॥ 12-283-9 (76576)
যদাহমেব জানামি ন মৃত্যুস্তিষ্ঠতীতি হ।
সোহং কথং প্রতীক্ষিপ্যে জ্ঞানেনাপিহিতশ্চরন্॥ 12-283-10 (76577)
রাত্র্যাংরাত্র্যাং ব্যতীতায়ামায়ুরল্পতরং যদা।
গাধোদকে মৎস্য ইব সুখং বিন্দেত কস্তদা॥ 12-283-11 (76578)
`যামেকরাত্রিং প্রথমাং গর্ভো বিশতি মাতরম্।
তামেব রাত্রিং প্রস্বাপ্য মরণায় বিবর্তকঃ॥' 12-283-12 (76579)
পুষ্পাণীব বিচিন্বন্তমন্যত্র গতমানসম্।
অনবাপ্তেষু কামেষু মৃত্যুরভ্যেতি গানবম্॥ 12-283-13 (76580)
শ্বঃ কার্যমদ্য কুর্বীত পূর্বাঙ্গে চাপরাহিকম্।
ন হি প্রতীক্ষতে মৃত্যুঃ কৃতং বাঽস্য ন বা কৃতম্॥ 12-283-14 (76581)
অদ্যৈব কুরু যচ্ছ্রেয়ো মা ৎবাং কালোঽত্যগান্মহান্।
কো হি জানাতি কস্যাদ্য মৃত্যুকালো মবিষ্যতি॥ 12-283-15 (76582)
অকৃতেষ্বেব কার্যেষু মৃত্যুর্বৈ সংপ্রকর্ষতি।
যুবৈব ধর্মশীলঃ স্যাদনিমিত্তং হি জীবিতম্॥ 12-283-16 (76583)
কৃতে ধর্ম ভবেৎপ্রীতিরিহ প্রেত্য চ শাশ্বতী।
মোহেন হি সমাবিষ্টঃ পুত্রদারার্তমুদ্যতঃ॥ 12-283-17 (76584)
কৃৎবা কার্যমকার্যং বা তুষ্টিমেষাং প্রয়চ্ছতি।
তং পুত্রপশুসংপন্নং ব্যাভক্তমনসং নরম্॥ 12-283-18 (76585)
সপ্তং ব্যায়ং মহৌঘো বা মৃত্যুরাদায় গচ্ছতি।
সংবিন্বানকমেবৈনং কামানামবিতৃপ্তকম্॥ 12-283-19 (76586)
বৃকীবোরপমাসাদ্য মুত্যুরাদায় গচ্ছতি।
ইদং কৃতমিদং কার্যমিদমন্যৎকৃতাকৃতম্॥ 12-283-20 (76587)
এবমীহাসমায়ুক্তং মৃত্যুরাদায় গচ্ছতি।
কৃতানাং ফলমপ্রাপ্তং কার্যাণাং কর্মসঙ্গিনাম্॥ 12-283-21 (76588)
ক্ষেত্রাপণগৃহাসক্তং মৃত্যুরাদায় গচ্ছতি।
দুর্বলং বলবন্তং চ প্রাজ্ঞং শূরং জডং কবিম্॥ 12-283-22 (76589)
অপ্রাপ্তসর্বকামার্থং মৃত্যুরাদায় গচ্ছতি।
মৃত্যুর্জরা চ ব্যাধিশ্চদুঃখং চানেককারণম্॥ 12-283-23 (76590)
অসংত্যাজ্যং যদা মর্ত্যৈঃ কিং স্বস্থ ইব তিষ্ঠতি।
জাতমেবান্তকোঽন্তায় জরা চাভ্যেতি দেহিনম্॥ 12-283-24 (76591)
অনুষক্তা দ্বয়েনৈতে ভাবাঃ স্থাবরজঙ্গমাঃ।
ন মৃত্যুসেনামায়ান্তীং জাতু কশ্চিৎপ্রবাধতে॥ 12-283-25 (76592)
বলাৎসত্যমৃতে ৎবেকং সত্যে হ্যমৃতমাশ্রিতম্।
মৃত্যোর্বা গৃহমেতদ্বৈ যা গ্রামে বসতো রতিঃ॥ 12-283-26 (76593)
দেবানামেষু বৈ গোষ্ঠো যদরণ্যমিতি শ্রুতিঃ।
নিবন্ধনী রজ্জুরেষা যা গ্রামে বসতো রতিঃ॥ 12-283-27 (76594)
ছিত্ৎবৈনাং সুকৃতো যান্তি নৈনাং ছিন্দন্তি দুষ্কৃতঃ।
যো ন হিংসতি সৎবানি মনোবাক্কর্মহেতুভিঃ॥ 12-283-28 (76595)
জীবিতার্থাপনয়নৈঃ প্রাণিভির্ন স বধ্যতে।
তস্মাৎসত্যব্রতাচারঃ সত্যব্রতপরায়ণঃ॥ 12-283-29 (76596)
সত্যকামঃ সমো দান্তাঃ সত্যেনৈবান্তকং জয়েৎ।
অমৃতং চৈব মৃত্যুশ্চ দ্বয়ং দেহে প্রতিষ্ঠিতম্॥ 12-283-30 (76597)
মৃত্যুরাপদ্যতে মোহাৎসত্যেনাপদ্যতেঽমৃতম্।
সোহং সত্যমহিংসাথীং কামক্রোধবহিষ্কৃতঃ॥ 12-283-31 (76598)
সমাশ্রিত্য সুখং ক্ষেমী মৃত্যুং হাস্যাম্যমৃত্যুবৎ।
শান্তিয়জ্ঞরতো দান্তো ব্রহ্ময়জ্ঞে স্থিতো মুনিঃ॥ 12-283-32 (76599)
বাঙ্ভনঃ কর্ময়জ্ঞশ্চ ভবিষ্যাম্যুদগায়নে।
পশুয়জ্ঞৈঃ কথং হিংস্রৈর্মাদৃশো যষ্টুমর্হতি॥ 12-283-33 (76600)
অন্তবদ্ভিরুত প্রাজ্ঞঃ ক্ষত্রয়জ্ঞৈঃ পিশাচবৎ।
আত্মন্যেবাত্মনা জাত আত্মনিষ্ঠোঽপ্রজঃ পিতঃ॥ 12-283-34 (76601)
আত্ময়জ্ঞো ভবিষ্যামি ন মাং তারয়তি প্রজা।
যস্য বাঙ্ভনসী স্যাতাং সম্যক্প্রণিহিতে সদা॥ 12-283-35 (76602)
তপস্ত্যাগশ্চ যোগশ্চ স তৈঃ সর্বমবাপ্নুয়াৎ।
নাস্তি বিদ্যাসমং চক্ষুর্নাস্তি বিদ্যাসমং ফলম্॥ 12-283-36 (76603)
নাস্তি রাগসমং দুঃখং নাস্তি ত্যাগসমং সুখম্॥ 12-283-37 (76604)
নৈতাদৃশং ব্রাহ্মণস্যাস্তি বিত্তং
যথৈকতা সমতা সত্যতা চ।
শীলে স্থিতির্দণ্ডবিধানমার্জবং
ততস্ততশ্চোপরমঃ ক্রিয়াভ্যঃ॥ 12-283-38 (76605)
কিং তে ধনৈর্বান্ধবৈর্বাঽপি কিং তে
কিং তে দারৈব্রাহ্মণ যো মরিষ্যসি।
আত্মানমন্বিচ্ছ গৃহা প্রবিষ্টং
পিতামহাস্তে ক্ব গতাঃ পিতা চ॥ 12-283-39 (76606)
ভীষ্ম উবাচ। 12-283-40x (6367)
পুত্রস্যৈতদ্বচঃ শ্রুৎবা তথাকার্ষীৎপিতা নৃপ।
তথা ৎবমপি রাজেন্দ্র সত্যধর্মপরো ভব॥ ॥ 12-283-40 (76607)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্র্যশীত্যধিকদ্বিশততমোঽধ্যায়ঃ॥ 283॥
Mahabharata - Shanti Parva - Chapter Footnotes
* যদ্যপ্যযমধ্যায়ঃ পূর্বত্র 174 তমাধ্যায়তয়া স্থাপিতঃ। তথাপি ড. থে. তরপুস্তকেষু দ্বিতীয়বারমত্রাপি দৃশ্যমানতয়াঽস্মাভিরত্রাপি স্থাপিতঃ।শান্তিপর্ব - অধ্যায় 284
॥ শ্রীঃ ॥
12.284. অধ্যায়ঃ 284
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মোক্ষসাধনপ্রতিপাদকহারীতগীতানুবাদঃ॥ 1॥Mahabharata - Shanti Parva - Chapter Text
12-284-0 (76608)
যুধিষ্ঠির উবাচ। 12-284-0x (6368)
কিংশীলঃ কিংসমাচারঃ কিংবিদ্যঃ কিংপরায়ণঃ।
প্রাপ্নোতি ব্রহ্মণঃ স্থানং যৎপরং প্রকৃতের্ধ্রুবম্॥ 12-284-1 (76609)
ভীষ্ম উবাচ। 12-284-2x (6369)
মোক্ষধর্মেষু নিরতো লঘ্বাহারো জিতেন্দ্রিয়ঃ।
প্রাপ্নোতি পরমং স্থানং যৎপরং প্রকৃতের্ধ্রুবম্॥ 12-284-2 (76610)
`অত্রাপ্যুদাহরন্তীমমিতিহাসং পুরাতনম্।
হারীতেন পুরা গীতং তং নিবোধ যুধিষ্ঠির॥ 12-284-3 (76611)
স্বগৃহাদভিনিঃসৃত্য লাভেঽলাভে সমো মুনিঃ।
সমুপোঢেষু কামেষু নিরপেক্ষঃ পরিব্রজেৎ॥ 12-284-4 (76612)
ন চক্ষুষা ন মনসা ন বাচা দূষয়েৎপরম্।
ন প্রত্যক্ষং পরোক্ষং বা দূষণং ব্যাহরেৎক্বচিৎ॥ 12-284-5 (76613)
ন হিংস্যাৎসর্বভূতানি মৈত্রায়ণগতিশ্চরেৎ।
নেদং জীবিতমাসাদ্য বৈরং কুর্বীত কেনচিৎ॥ 12-284-6 (76614)
অতিবাদাংস্তিতিক্ষেত নাভিমন্যেত কংচন।
ক্রোধ্যমানঃ প্রিয়ং ব্রূয়াদাক্রুষ্টঃ কুশলং বদেৎ॥ 12-284-7 (76615)
প্রদক্ষিণং চ সব্যং চ গ্রামমধ্যে চ নাচরেৎ।
ভৈক্ষচর্যামনাপন্নো ন গচ্ছেৎপূর্বকেতনম্॥ 12-284-8 (76616)
অবকীর্ণঃ সুগুপ্তশ্চ ন বাচাঽপ্যপ্রিয়ং চরেৎ।
মৃদুঃ স্যাদপ্রতীকারো বিস্রব্ধঃ স্যাদরোষণঃ॥ 12-284-9 (76617)
বিধূমে ন্যস্তমুসলে ব্যঙ্গারে ভুক্তবজ্জনে।
অতীতে পাত্রসংচারে ভিক্ষাং লিপ্সেত বৈ মুনিঃ॥ 12-284-10 (76618)
প্রাণয়াত্রিকমাত্রঃ স্যান্মাত্রালাভেষ্বনাদৃতঃ।
অলাভে ন বিহন্যেত লাভশ্চৈনং ন হর্ষয়েৎ॥ 12-284-11 (76619)
লাভং সাধারণাং নেচ্ছেন্ন ভুঞ্জীতাভিপূজিতঃ।
অভিপূজিতলাভং হি জুগুপ্সেতৈব তাদৃশঃ॥ 12-284-12 (76620)
ন চান্নদোষান্নিন্দেত ন গুণানভিপূজয়েৎ।
শয়্যাসনে বিবিক্তে চ নিত্যমেবাভিপূজয়েৎ॥ 12-284-13 (76621)
শূন্যাগারং বৃক্ষমূলমরণ্যমথবা গুহাম্।
অজ্ঞাতচর্যাং গৎবাঽন্যাং ততোঽন্যত্রৈব সংবিশেৎ॥ 12-284-14 (76622)
অনুরোধবিরোধাভ্যাং সমঃ স্যাদচলো ধ্রুবঃ।
সুকৃতং দুষ্কৃতং চোভে নানুরুধ্যেত কর্মণি॥ 12-284-15 (76623)
নিত্যতৃপ্তঃ সুসংতৃষ্টঃ প্রসন্নবদনেন্দ্রিয়ঃ।
বিভীর্জপ্যপরো মৌনী বৈরাগ্যং সমুপাশ্রিতঃ॥ 12-284-16 (76624)
অভ্যস্তং ভৌতিকং পশ্যন্ভূতানামাগতিং গতিম্।
বিস্মিতঃ সর্বদর্শী চ পক্বাপক্বেন বর্তয়ন্।
আত্মারামঃ প্রশান্তাত্মা লঘ্বাহারো জিতেন্দ্রিয়ঃ॥ 12-284-17 (76625)
বাচো বেগং মনসঃ ক্রোধবেগং
হিংসাবেগমুদরোপস্থবেগম্।
এতান্বেগান্বিনয়েদ্বৈ তপস্বী
নিন্দা চাস্য হৃদয়ং নোপহন্যাৎ॥ 12-284-18 (76626)
মধ্যস্থ এব তিষ্ঠেত প্রশংসানিন্দয়োঃ সমঃ।
এতৎপবিত্রং পরমং পরিব্রাজক আশ্রয়েৎ॥ 12-284-19 (76627)
মহাত্মা সর্বতো দান্তঃ সর্বত্রৈবানপাশ্রিতঃ।
অপূর্বচারকঃ সৌম্যো হ্যনিকেতঃ সমাহিতঃ॥ 12-284-20 (76628)
বানপ্রস্থগৃহস্থাভ্যাং ন সংসৃজ্যেত কর্হিচিৎ।
অজ্ঞাতলিপ্সং লিপ্সেত ন চৈনং হর্ষ আবিশেৎ॥ 12-284-21 (76629)
বিজানতাং মোক্ষ এষ শ্রমঃ স্যাদবিজানতাম্।
মোক্ষয়ানমিদং কৃৎস্নং বিদুষাং হারিতোঽব্রবীৎ॥ 12-284-22 (76630)
অভয়ং সর্বভূতেভ্যো দত্ৎবা যঃ প্রব্রজেদ্গৃহাৎ।
লোকাস্তেজোময়াস্তস্য তথাঽনন্ত্যায় কল্পতে॥ ॥ 12-284-23 (76631)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুরশীত্যধিকদ্বিশততমোঽধ্যায়ঃ॥ 284॥
Mahabharata - Shanti Parva - Chapter Footnotes
12-284-2 প্রাপ্নোতি ব্রহ্মণঃ স্থানমিতি ঝ. থ. পাঠঃ॥ 12-284-4 সমুষোঢেষূপস্থিতেষ্বপি। সংমুখেষু চ কামেষু ইতি ট. ধ. পাঠঃ। সমো দুঃখেষু কামেষু ইতি থ. পাঠঃ॥ 12-284-6 মৈত্রায়ণগতো মিত্রঃ সূর্যস্তস্যেদং মৈত্রং তদয়নং গমনং তচ্চ মৈত্রায়ণং তত্র গতঃ। সূর্যবৎপ্রত্যহং বিভিন্নমার্গঃ। গ্রামৈকরাত্রবিধিনা চরেদিত্যর্থঃ মৈত্রায়ণগতিং চরেদিতি ট. ড. পাঠঃ॥ 12-284-7 নাতিমন্যেৎকথংচনেতি ট. ড. পাঠঃ॥ 12-284-8 গ্রামমধ্যে জনসমাজে প্রদক্ষিণমনুকূলং সব্যং প্রতিকূলং বা নাচরেৎ॥ 12-284-9 অবতীর্ণঃ সুগুপ্তশ্চেতি ট. ধ. পাঠঃ। অপ্রিয়ং বদদিতি ঝ. পাঠঃ। অবকীর্ণো মূঢৈঃ পাংসুভিশ্ছন্নঃ। ধিক্কৃত ইত্যর্থঃ। তথাপি সুগুপ্তোঽচপলঃ স্বধর্মে নিষ্ঠাবান্॥ 12-284-11 অনুয়াত্রিকমর্থী স্যাদিতি ড. পাঠঃ॥ 12-284-12 সাধারণং সর্বংয়োগ্যং স্রক্বুন্দনাদিলাভম্॥ 12-284-16 ধ্যানজল্পপরো মৌনীতি ট. ড. পাঠঃ॥ 12-284-17 সব্যক্তং ভৌতিকং স্বর্গ্যং ইতি ড. ধ. পাঠঃ। নিঃস্পৃহঃ সমদর্শী চেতি ঝ. পাঠঃ। সুব্রতো দান্ত ইতি ট. ড. পাঠঃ॥ 12-284-20 অজ্ঞাতনিষ্ঠাং লিপ্সেতেতি ধ. পাঠঃ॥শান্তিপর্ব - অধ্যায় 285
॥ শ্রীঃ ॥
12.285. অধ্যায়ঃ 285
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বৃত্রগীতানুবাদঃ॥ 1॥Mahabharata - Shanti Parva - Chapter Text
12-285-0 (76632)
যুধিষ্ঠির উবাচ। 12-285-0x (6370)
ধন্যাধন্যা ইতি জনাঃ সর্বেঽস্মান্প্রবদন্ত্যুত।
ন দুঃখিততরঃ কশ্চিৎপুমানস্মাভিরস্তি হ॥ 12-285-1 (76633)
লোকসংভাবিতৈর্দুঃখং যৎপ্রাপ্তং কুরুসত্তম।
প্রাপ্য জাতিং মনুষ্যেষু দেবৈরপি পিতামহ॥ 12-285-2 (76634)
কদা বয়ং করিষ্যামঃ সংন্যাসং দুঃখভেষজম্।
দুঃখমেতচ্ছরীরাণাং ধারণং কুরুসত্তম॥ 12-285-3 (76635)
বিমুক্তাঃ সপ্তদশভির্হেতুভূতৈশ্চ পঞ্চভিঃ।
ইন্দ্রিয়ার্থৈর্গুণৈশ্চৈব অষ্টাভিশ্চ পিতামহ॥ 12-285-4 (76636)
ন গচ্ছন্তি পুনর্ভাবং মুনয়ঃ সংশিতব্রতাঃ।
কদা বয়ং গমিষ্যামো রাজ্যং হিৎবা পরংতপ॥ 12-285-5 (76637)
ভীষ্ম উবাচ। 12-285-6x (6371)
নাস্ত্যনন্তং মহারাজ সর্বং সঙ্খ্যানগোচরম্।
পুনর্ভাবোপি সংখ্যাতো নাস্তি কিংচিদিহাচলম্॥ 12-285-6 (76638)
ন চাপি গম্যতে রাজন্নৈষ দোষঃ প্রসঙ্গতঃ।
উদ্যোগাদেব ধর্মজ্ঞাঃ কালেনৈব গমিষ্যথ॥ 12-285-7 (76639)
নেশেঽয়ং সততং দেহী নৃপতে পুণ্যপাপয়োঃ।
তত এব সমুত্থেন তমসা রুধ্যতেঽপি চ॥ 12-285-8 (76640)
যথাঞ্জনময়ো বায়ুঃ পুনর্মানঃশিলং রজঃ।
অনুপ্রবিশ্য তদ্বর্ণো দৃশ্যতে রঞ্জয়ন্দিশঃ॥ 12-285-9 (76641)
তথা কর্মফলৈর্দেহী রঞ্জিতস্তমসা বৃতঃ।
বিবর্ণো বর্ণমাশ্রিত্য দেহেষু পরিবর্ততে॥ 12-285-10 (76642)
জ্ঞানেন হি যদা জন্তুরজ্ঞানপ্রভবং তমঃ।
ব্যপোহতি তদা ব্রহ্ম প্রকাশেত সনাতনম্॥ 12-285-11 (76643)
অয়ত্নসাধ্যং মুনয়ো বদন্তি
চে চাপি মুক্তাস্তদুপাসিতব্যাঃ।
ৎবয়া চ লোকেন চ সামরেণ
তস্মান্ন শাম্যন্তি মহর্ষিসঙ্ঘাঃ॥ 12-285-12 (76644)
অস্মিন্নর্থে পুরা গীতং শৃণুষ্বৈকমনা নৃপ।
যথা দৈত্যেন বৃত্রেণ ভ্রষ্টৈশ্বর্যেণ চেষ্টিতম্॥ 12-285-13 (76645)
নির্জিতেনাসহায়েন হৃতরাজ্যেন ভারত।
অশোচতা শত্রুমধ্যে বুদ্ধিমাস্থায় কেবলাম্॥ 12-285-14 (76646)
ভ্রষ্টৈশ্বর্যং পুরা বৃত্রমুশনা বাক্যমব্রবীৎ।
কচ্চিৎপরাজিতস্যাদ্য ন ব্যথা তেঽস্তি দানব॥ 12-285-15 (76647)
বৃত্র উবাচ। 12-285-16x (6372)
সত্যেন তপসা চৈব বিদিৎবা সংক্ষয়ং হ্যহম্।
ন শোচামি ন হৃষ্যামি ভূতানামাগতিং গতিম্॥ 12-285-16 (76648)
কালসংচোদিতা জীবা মজ্জন্তি নরকেঽবশাঃ।
পরিহৃষ্টানি সর্বাণি দিব্যান্যাহুর্মনীষিণঃ॥ 12-285-17 (76649)
ক্ষপয়িৎবা তু তং কালং গণিতং কালচোদিতাঃ।
সাবশেষেণ কালেন সংধাবন্তি পুনঃপুনঃ॥ 12-285-18 (76650)
তির্যগ্যোনিসহস্রাণি গৎবা নরকমেব চ।
নির্গচ্ছন্ত্যবশা জীবাঃ কালবন্ধনবন্ধনাঃ॥ 12-285-19 (76651)
এবং সংসরমাণানি হ্যহং ভূতানি দৃষ্টবান্।
যথা কর্ম তথা লাভ ইতি শাস্ত্রনিদর্শনম্॥ 12-285-20 (76652)
তির্যগ্গচ্ছন্তি নরকং মানুষ্যং দৈবমেব চ।
সুখদুঃখে প্রিয়ে দ্বেষ্যে চরিৎবা পূর্বমেব চ॥ 12-285-21 (76653)
কৃতান্তবিধিসংয়ুক্তঃ সর্বো লোকঃ প্রপদ্যতে।
গতং গচ্ছন্তি চাধ্বানং সর্বভূতানি সর্বদা॥ 12-285-22 (76654)
কালসঙ্খ্যানসঙ্খ্যেয়ং সৃষ্টিস্থিতিপরায়ণম্।
তং ভাষমাণং ভগবানুশনা প্রত্যভাষত।
ইমান্দুষ্টপ্রলাপাংস্ৎবং তাত কস্মাৎপ্রভাষতে॥ 12-285-23 (76655)
বৃত্র উবাচ। 12-285-24x (6373)
প্রত্যক্ষমেতদ্ভবতস্তথাঽন্যেষাং মনীষিণাম্।
ময়া যজ্জয়লুব্ধেন পুরা তপ্তং মহত্তপঃ॥ 12-285-24 (76656)
গন্ধানাদায় ভূতানাং রসাংশ্চ বিবিধানপি।
অবর্ধং ত্রীন্সমাক্রম্য লোকান্বৈ স্বেন তেজসা॥ 12-285-25 (76657)
জ্বালামালাপরিক্ষিপ্তো বৈহায়সগতিস্তথা।
অজেয়ঃ সর্বভূতানামাসং নিত্যমপেতভীঃ॥ 12-285-26 (76658)
ঐশ্বর্যং তপসা প্রাপ্তং ভ্রষ্টং তচ্চ স্বকর্মভিঃ।
ধৃতিমাস্থায় ভগবন্ন শোচামি ততস্ৎবহম্॥ 12-285-27 (76659)
যুয়ুৎসতা মহেন্দ্রেণ পুরা সার্ধং মহাত্মনা।
ততো মে ভগবান্দৃষ্টো হরির্নারায়ণঃ প্রভুঃ॥ 12-285-28 (76660)
বৈকুণ্ঠঃ পুরুষোঽনন্তঃ শুক্লো বিষ্ণুঃ সনাতনঃ।
মুঞ্জকেশো হরিশ্মশ্রুঃ সর্বভূতপিতামহঃ॥ 12-285-29 (76661)
নূনং তু তস্য তপসঃ সাবশেষং মমাস্তি বৈ।
যদহং প্রষ্টুমিচ্ছামি ভবন্তং কর্মণঃ ফলম্॥ 12-285-30 (76662)
ঐশ্বর্যং বৈ মহদ্ব্রহ্মন্বর্ণে কস্মিন্প্রতিষ্ঠিতম্।
নিবর্ততে চাপি পুনঃ কথমৈশ্বর্যমুত্তমম্॥ 12-285-31 (76663)
ভবন্তি কস্মাদ্ভূতানি প্রবর্তন্তে যথা পুনঃ।
কিং বা ফলং পরং প্রাপ্য জীবস্তিষ্ঠতি শাশ্বতঃ॥ 12-285-32 (76664)
কেন বা কর্মণা শক্যমথ জ্ঞানেন কেন বা।
ব্রহ্মর্ষে তৎফলং প্রাপ্তুং তন্মে ব্যাখ্যাতুমর্হসি॥ 12-285-33 (76665)
ইতীদমুক্তঃ স মুনিস্তদানীং
প্রত্যাহ যত্তচ্ছৃণু রাজসিংহ।
ময়োচ্যমানং পুরুষর্ষভ ৎব
মনন্যচিত্তঃ সহ সোদরীয়ৈঃ॥ ॥ 12-285-34 (76666)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চাশীত্যধিকদ্বিশততমোঽধ্যায়ঃ॥ 285॥
Mahabharata - Shanti Parva - Chapter Footnotes
12-285-2 দেবৈর্ধর্মাদিভিঃ। জাতিং জন্ম॥ 12-285-3 সুখসংজ্ঞিকমিতি ধ. পাঠঃ॥ 12-285-5 ব্রজন্তি যেষু ন ভবমিতি ধ. পাঠঃ॥ 12-285-7 ন চাপি মন্যতে রাজন্নেষ ধর্মোঽত্রসন্তত ইতি ধ. পাঠঃ॥ 12-285-8 নেশে নেষ্টে। ঈদৃশো যততে দেহীতি ট.ড. পাঠঃ॥ 12-285-9 যথাঞ্জনচয়ং বায়ুরিতি ড. ধ. পাঠঃ॥ 12-285-18 সংভবন্তি পুনঃপুনরিতি ঝ. পাঠঃ॥ 12-285-23 ধীমন্দুষ্টপ্রলাপাংস্ৎবমিতি ঝ. পাঠঃ। দুষ্টপ্রলাপান্ অসুরভাববিনাশকান্ অসুরে ভূৎবা কথং ভাষস ইত্যর্থঃ॥ 12-285-25 গন্ধাদ্যাদানং তদাশ্রয়োপমর্দেন। অবর্ধং হিংসিতবান্॥ 12-285-26 বৈহায়সগতিশ্চরন্নিতি ঝ. ধ. পাঠঃ॥শান্তিপর্ব - অধ্যায় 286
॥ শ্রীঃ ॥
12.286. অধ্যায়ঃ 286
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বৃত্রায় সনৎকুমারোক্তবিষ্ণুমাহাত্ম্যানুবাদঃ॥ 1॥Mahabharata - Shanti Parva - Chapter Text
12-286-0 (76667)
উশনোবাচ। 12-286-0x (6374)
নমস্তস্মৈ ভগবতে দেবায় প্রভবিষ্ণবে।
যস্য পৃথ্বী তলং তাত সাকাশং বাহুগোচরঃ॥ 12-286-1 (76668)
মূর্ধা যস্য ৎবনন্তং চ স্থানং দানবসত্তম।
তস্যাহং তে প্রবক্ষ্যামি বিষ্ণোর্মাহাত্ম্যমুত্তমম্॥ 12-286-2 (76669)
ভীষ্ম উবাচ। 12-286-3x (6375)
তয়োঃ সংবদতোরেবমাজগাম মহামুনিঃ।
সনৎকুমারো ধমার্ত্মা সংশয়চ্ছেদনায় বৈ॥ 12-286-3 (76670)
স পূজিতোঽসুরেন্দ্রেণ মুনিনোশনসা তথা।
নিষসাদাসনে রাজন্মহার্হে মুনিপুঙ্গবঃ॥ 12-286-4 (76671)
তমাসীনং মহাপ্রজ্ঞমুশনা বাক্যমব্রবীৎ।
ব্রূহ্যস্মৈ দানবেন্দায় বিষ্ণোর্মাহাত্ম্যমুত্তমম্॥ 12-286-5 (76672)
সনৎকুমারস্তু বচঃ শ্রুৎবা প্রাহ বচোঽর্থবৎ।
বিষ্ণোর্মাহাত্ম্যসংয়ুক্তং দানবেন্দ্রায় ধীমতে॥ 12-286-6 (76673)
শৃণু সর্বমিদং দৈত্য বিষ্ণোর্মাহাত্ম্যমুত্তমম্।
বিষ্ণৌ জগৎস্থিতং সর্বমিতি বিদ্ধি পরংতপ॥ 12-286-7 (76674)
অস্মিন্গচ্ছন্তি বিলয়মস্মাচ্চ প্রভবন্ত্যুত।
অবত্যেষ মহাবাহুর্ভূতগ্রামং চরাচরম্।
এষ চাক্ষিপতে কালে কালে চ সৃজতে পুনঃ॥ 12-286-8 (76675)
নৈষ দানব তে শক্যস্তপসা নৈব চেজ্যযা।
সংপ্রাপ্তুমিন্দ্রিয়াণাং তু সংয়মেনৈব শক্যতে॥ 12-286-9 (76676)
বাহ্যে চাভ্যন্তরে চৈব কর্মণা মনসি স্থিতঃ।
নির্মলীকুরুতে বুদ্ধ্যা সোঽমুত্রানন্ত্যমশ্নুতে॥ 12-286-10 (76677)
যথা হিরণ্যকর্তা বৈ রূপ্যমগ্নৌ বিশোধয়েৎ।
বহুশোঽতিপ্রয়ত্নেন মহতাঽঽত্মকৃতেন হ॥ 12-286-11 (76678)
তদ্বজ্জাতিশতৈর্জীবঃ শুদ্ধ্যতেঽল্পেন কর্মণা।
যত্নেন মহতা চৈয়বাপ্যেকজাতৌ বিশুদ্ধ্যতে॥ 12-286-12 (76679)
লীলয়াঽল্পং যথা গাত্রাৎপ্রমৃজ্যাদাত্মনো রজঃ।
বহুয়ত্নেন মহতা দোষনির্হরণং তথা॥ 12-286-13 (76680)
যথা চাল্পেন মাল্যেন বাসিতং তিলসর্ষপম্।
ন মুঞ্চতি স্বকং গন্ধং তথা সূক্ষ্মস্য দর্শনম্॥ 12-286-14 (76681)
তদেব বহুভির্মাল্যৈর্বাস্যমানং পুনঃ পুনঃ।
বিমুচ্য তং স্বকং গন্ধং মাল্যগন্ধেঽবতিষ্ঠতে॥ 12-286-15 (76682)
এবং জাতিশতৈর্যুক্তো গুণৈরেব প্রসঙ্গিষু।
বুদ্ধ্যা নিবর্ততে দোষো যত্নেনাভ্যাসজেন হ॥ 12-286-16 (76683)
কর্মণা স্বেন রক্তানি বিরক্তানি চ দানব।
যথা কর্মবিশেষাংশ্চ প্রাপ্নুবন্তি তথা শৃণু॥ 12-286-17 (76684)
যথাবৎসংপ্রবর্তন্তে যস্মিংস্তিষ্ঠতি চানিশম্।
তত্তেঽনুপূর্ব্যা ব্যাখ্যাস্যে তদিহৈকমনাঃ শৃণু॥ 12-286-18 (76685)
অনাদিনিধনঃ শ্রীমান্হরির্নারায়ণঃ প্রভুঃ।
দেবঃ সৃজতি ভূতানি স্থাবরাণি চরাণি চ॥ 12-286-19 (76686)
এষ সর্বেষু ভূতেষু ক্ষরশ্চাক্ষর এব চ।
একাদশ বিকারাত্মা জগৎপিবতি রশ্মিভিঃ॥ 12-286-20 (76687)
পাদৌ তস্য মহীং বিদ্ধি মূর্ধানং দিবমেব চ।
বাহবস্তু দিশো দৈত্য শ্রোত্রমাকাশমেব চ॥ 12-286-21 (76688)
তস্য তেজোময়ঃ সূর্যো মনশ্চন্দ্রমসি স্থিতম্।
বুদ্ধির্জ্ঞানগতা নিত্যং রসস্ৎবপ্সু প্রবর্ততে॥ 12-286-22 (76689)
ভ্রুবোরনন্তরাস্তস্য গ্রহা দানবসত্তম।
নক্ষত্রচক্রং নেত্রং চ আস্যমগ্নিং চ দানব।
তং বিশ্বভূতং বিশ্বাদিং পরমং বিদ্ধি চেশ্বরম্॥ 12-286-23 (76690)
রজস্তমশ্চ সৎবং চ বিদ্ধি নারায়ণাত্মকম্।
সোশ্রমাণাং মুখং তাত কর্মণস্তৎফলং বিদুঃ॥ 12-286-24 (76691)
অকর্মণঃ ফলং চৈব স এব পরমোঽব্যযঃ।
ছন্দাংসি যস্য রোমাণি হ্যক্ষরং চ সরস্বতী॥ 12-286-25 (76692)
বহ্বাশ্রয়ো বহুমুখো ধর্মো হৃদি সমাশ্রিতঃ।
স ব্রহ্মপরমো ধর্মস্তপশ্চ সদসচ্চ সঃ॥ 12-286-26 (76693)
শ্রোত্রশাস্ত্রগ্রহোপেতঃ ষোড্শর্ৎবিক্ক্রতুশ্চ সঃ।
পিতামহশ্চ রুদ্রশ্চ সোঽশ্বিনৌ স পুরংদরঃ॥ 12-286-27 (76694)
মিত্রোঽথ বরুণশ্চৈব যমোঽথ ধনদস্তথা।
তে পৃথগ্দর্শনাস্তস্য সংবিদন্তি তথৈকতাম্।
একস্য বিদ্ধি দেবস্য সর্বং জগদিদং বশে॥ 12-286-28 (76695)
নানাভূতস্য দৈত্যেন্দ্র তস্যৈকৎবং বদন্ত্যপি।
জন্তুঃ পশ্যতি বিজ্ঞানাত্ততঃ সৎবং প্রকাশতে॥ 12-286-29 (76696)
সংহারবিক্ষেপসহস্রকোটী
স্তিষ্ঠন্তি জীবাঃ প্রচরন্তি চান্যে।
প্রজাবিসর্গস্য চ পারিমাণ্যং
বাপীসহস্রাণি বহূনি দৈত্য॥ 12-286-30 (76697)
বাপ্যঃ পুনর্যোজনবিস্তৃতাস্তাঃ
ক্রোশং চ গম্ভীরতয়াঽবগাঢাঃ।
আয়ামতঃ পঞ্চশতাশ্চ সর্বাঃ
প্রত্যেকশো যোজনতঃ প্রবৃদ্ধাঃ॥ 12-286-31 (76698)
বাপ্যা জলং ক্ষিপ্যতি বালকোট্যা
ৎবহ্না সকৃচ্চাপ্যথ ন দ্বিতীয়ম্।
তাসাং ক্ষয়ে বিদ্ধি পরং বিসর্গং
সংহারমেকং চ তথা প্রজানাম্॥ 12-286-32 (76699)
ষ়ড্জীববর্ণাঃ পরমং প্রমাণং
কৃষ্ণো ধূম্রো নীলমথাস্য মধ্যম্।
রক্তং পুনঃ সহ্যতরং সুখং তু
হারিদ্রবর্ণং সুসুখং চ শুক্লম্॥ 12-286-33 (76700)
পরং তু শুক্লং বিমলং বিশোকং
গতক্লমং সিদ্ধ্যতি দানবেন্দ্র।
গৎবা তু যোনিপ্রভবাণি দৈত্য
সহস্রশঃ সিদ্ধিমুপৈতি জীবঃ॥ 12-286-34 (76701)
গতিং চ যাং দর্শনমাহ দেবো
গৎবা শুভং দর্শনমেব চাপি।
গতিঃ পুনর্বর্ণকৃতা প্রজানাং
বর্ণস্তথা কালকৃতোঽসুরেন্দ্র॥ 12-286-35 (76702)
শতং সহস্রাণি চতুর্দশেহ
পরা গতির্জীবগণস্য দৈত্য।
আরোহণং তৎকৃতমেব বিদ্ধি
স্থানং তথা নিঃসরণং চ তেষাম্॥ 12-286-36 (76703)
`যোঽস্মাদথ ভ্রশ্যতি কালয়োগা
ৎকৃষ্ণে বর্ণে তিষ্ঠতি সর্বকৃষ্টে।
অতিপ্রসক্তো নিরয়াচ্চ দৈত্য
ততস্ততঃ সংপরিবর্ততে চ॥' 12-286-37 (76704)
কৃষ্ণস্য বর্ণস্য গতির্নিকুষ্টা
স মজ্জতে নরকে পচ্যমানঃ।
স্থানং তথা দুর্গতিভিস্তু তস্য
প্রজাবিসর্গান্সুবহূন্বদন্তি॥ 12-286-38 (76705)
শতং সহস্রাণি ততশ্চরিৎবা
প্রাপ্নোতি বর্ণং হরিতং তু পশ্চাৎ।
স চৈব তস্মিন্নিবসত্যনিশো
যুগক্ষয়ং তমসা সংবৃতাত্মা॥ 12-286-39 (76706)
স বৈ যদা সৎবগুণেন যুক্ত
স্তমো ব্যপোহন্ঘটতে স্ববুদ্ধ্যা।
স লোহিতং বর্ণমুপৈতি নীলা
ন্মনুষ্যলোকে পরিবর্ততে চ॥ 12-286-40 (76707)
স তত্র সংহারবিসর্গমেকং
স্বকর্মজৈর্বন্ধনৈঃ ক্লিশ্যমানঃ।
ততঃ স হারিদ্রমুপৈতি বর্ণং
সংহারবিক্ষেপশতে ব্যতীতে॥ 12-286-41 (76708)
হারিদ্রবর্ণস্তু প্রজাবিসর্গা
ৎসহস্রশস্তিষ্ঠতি সংচরন্বৈ।
অবিপ্রমুক্তো নিরয়ে চ দৈত্য
ততঃ সহস্রাণি দশাপরাণি॥ 12-286-42 (76709)
গতীঃ সহস্রাণি চ পঞ্চ তস্য
চৎবারি সংবর্তকৃতানি চৈব।
বিমুক্তমেনং নিরয়াচ্চ বিদ্ধি
সর্বেষু চান্যেষু চ সংভবেষু॥ 12-286-43 (76710)
স দেবলোকে বিহরত্যভীক্ষ্ণং
ততশ্চ্যুতো মানুষতামুপৈতি
সংহারবিক্ষেপশতানি চাষ্টৌ
মর্ত্যেষু তিষ্ঠন্নমৃতৎবমেবি॥ 12-286-44 (76711)
সোঽস্মাদয় ভ্রশ্যতি কালয়োগা
ৎকৃষ্ণে তলে তিষ্ঠতি সর্বকৃষ্টে।
যথা ৎবয়ং সিধ্যতি জীবলোক
স্তত্তেঽভিধাস্যাম্যসুরপ্রবীর॥ 12-286-45 (76712)
দৈবানি স ব্যূহশতানি সপ্ত
রক্তো হরিদ্রোঽথ তথৈব শুক্লঃ।
সংশ্রিত্য সংধাবতি শুক্লমেত
মষ্টাবরানর্চ্যতমান্স লোকান্। 12-286-46 (76713)
অষ্টৌ চ ষষ্টিং চ শতানি চৈব
মনোবিরুদ্ধানি মহাদ্যুতীনাম্।
শুক্লস্য বর্ণস্য পরা গতির্যা
ত্রীণ্যেব রুদ্ধানি মহানুভাব॥ 12-286-47 (76714)
সংহারাবিক্ষেপমনিষ্টমেকং
চৎবারি চান্যানি বসত্যনীশঃ।
ষষ্ঠস্য বর্ণস্য পরা গতির্যা
সিদ্ধাবসিদ্ধস্য গতক্লমস্যর॥ 12-286-48 (76715)
সপ্তোচরং তত্র বসত্যনীশঃ
সংহারবিক্ষেপশতং সশেষঃ।
সংহারবিক্ষেপমনিষ্টমেকং
চৎবারি চান্যানি বসত্যনীশঃ।
তস্মাদুপাবৃত্য মনুষ্যলোকে
ততো মহান্মানুষতামুপৈতি॥ 12-286-49 (76716)
তস্মাদুপাবৃত্য ততঃ ক্রমেণ
সোগ্রেণ সংতিষ্ঠতি ভূতসর্গম্।
স সপ্তকৃৎবশ্চ পরৈতি লোকা
ন্সংহারবিক্ষেপকৃতপ্রবাসঃ॥ 12-286-50 (76717)
সপ্তৈব সংহারমুপপ্লবানি
সংভাব্য সংতিষ্ঠতি জীবলোকে।
ততোঽব্যযং স্থানমনন্তমেতি
দেবস্য বিষ্ণোরথ ব্রহ্মণথ।
শেষস্য চৈবাথ নরস্য চৈব
দেবস্য বিষ্ণোঃ পরমস্য চৈব॥ 12-286-51 (76718)
সংহারকালে পরদিগ্ধকায়া
ব্রহ্মাণমায়ান্তি সদা প্রজাহি।
চেষ্টাত্মনো দেবগণাশ্চ সর্বে
যে ব্রহ্মলোকে হ্যমরাঃ স্ম তেঽপি॥ 12-286-52 (76719)
প্রজানিসর্গে তু স শেষকালে
স্থানানি স্বান্যেব সরন্তি জীবাঃ।
নিঃশেষতস্তৎপদং বান্তি চান্তে
সর্বে দেবা যে সদৃশা মনুষ্যাঃ॥ 12-286-53 (76720)
যে তু চ্যুতাঃ সিদ্ধলোকাৎক্রমেণ
তেষাং গতিং যান্তি যথাঽঽনুপূর্ব্যা।
জীবাঃ পরে তদ্বলবেষরূপাঃ
স্বকং বিধিং যান্তি বিষর্যযেণ॥ 12-286-54 (76721)
স যাবদেবাস্তি সশেষভুক্তিঃ
প্রজাশ্চ দেব্যৌ চ তথৈব শুক্লে।
তাবত্তদঙ্গেষু বিশুদ্ধভাবঃ
সংয়ম্য পঞ্চেন্দ্রিয়রূপমেতৎ॥ 12-286-55 (76722)
শুদ্ধাং গতিং তাং পরমাং প্রয়াতি
শুদ্ধেন নিত্যং মনসা বিচিন্বন্।
ততোঽব্যযং স্থানমুপৈতি ব্রহ্ম
দুষ্প্রাপমন্যেন স শাশ্বতং বৈ।
ইত্যেতদাখ্যাতমহীনসৎব
নারায়ণস্যেহ বলং ময়া তে॥ 12-286-56 (76723)
বৃত্র উবাচ। 12-286-57x (6376)
এবং গতে মে ন বিষাদোস্তি কশ্চি
ৎসম্যক্চ পশ্যামি বচস্তথৈতৎ।
শ্রুৎবা তু তে বাচমদীনসৎব
বিকল্মষোস্ম্যদ্য তথা বিপাষ্মা॥ 12-286-57 (76724)
প্রবৃত্তমেতদ্ভগবন্মহর্ষে
মহাদ্যুতেশ্চক্রমনন্তবীর্যম্।
বিষ্ণোরনন্তস্য সনাতনং ত
ৎস্থানং সর্গা যত্র সর্বং প্রবৃত্তাঃ।
স বৈ মহাত্মা পুরুষোত্তমো বৈ
তস্মিজ্জগৎসর্বমিদং প্রতিষ্ঠিতম্॥ 12-286-58 (76725)
ভীষ্ম উবাচ। 12-286-59x (6377)
এবমুক্ৎবা স কৌন্তেয় বৃত্রঃ প্রাণানবাসৃজৎ।
যোজয়িৎবা তথাঽঽত্মানং পরং স্থানমবাপ্তবান্॥ 12-286-59 (76726)
যুধিষ্ঠির উবাচ। 12-286-60x (6378)
অয়ং স ভগবান্দেবঃ পিতামহ জনার্দনঃ।
সনৎকুমারো বৃত্রায় যত্তদাখ্যাতবান্পুরা॥ 12-286-60 (76727)
ভীষ্ম উবাচ। 12-286-61x (6379)
মূলস্থায়ী স ভগবান্স্বেনানন্তেন তেজসা।
তৎস্থঃ সৃজতি তান্ভাবানাত্মরূপান্মহামনাঃ॥ 12-286-61 (76728)
তুরীয়াংশেন তস্যেমং বিদ্ধি কেশবমচ্যুতম্।
`তুরীয়াংশেন ব্রহ্মাণং তস্য বিদ্ধি মহাত্মনঃ।'
তুরীয়ার্ধেন লোকাংস্ত্রীন্ভাবয়ত্যেব বুদ্ধিমান্॥ 12-286-62 (76729)
অর্বাক্স্থিতস্তু যঃ স্থায়ী কল্পান্তে পরিবর্ততে।
স শেতে ভগবানপ্সু যোঽসাবতিবলঃ প্রভুঃ।
তান্বিঘাতা প্রসন্নাত্মা লোকাংশ্চরতি শাশ্বতান্॥ 12-286-63 (76730)
সর্বাণ্যশূন্যানি করোত্যনন্তঃ
সনাতনঃ সংচরতে চ লোকান্।
স চানিরুদ্ধঃ সৃজতে মহাত্মা
তৎস্থং জগৎসর্বমিদং বিচিত্রম্॥ 12-286-64 (76731)
যুধিষ্ঠির উবাচ। 12-286-65x (6380)
বৃত্রেণ পরমার্থজ্ঞ দৃষ্টা মন্যেত্মনো গতিঃ।
সুখাত্তস্মাৎস সুখিতো ন শোচতি পিতামহ॥ 12-286-65 (76732)
শুক্লঃ শুক্লাভিজাতীয়ঃ সাধ্যো নাবর্ততেঽনঘ।
তির্যগ্গতেশ্চ নির্মুক্তো নিরয়াচ্চ পিতামহ॥ 12-286-66 (76733)
হারিদ্রবর্ণে রক্তে বা বর্তমানস্তু পার্থিব।
তির্যগেবানুপশ্যেত কর্মভিস্তামসৈর্বৃতঃ॥ 12-286-67 (76734)
বয়ং তু ভৃশমাপন্না রক্তাঃ কষ্টাঃ সুখেঽসুখে।
কাং গতিং প্রতিপৎস্যামো নীলাং কৃষ্ণাধমামথ॥ 12-286-68 (76735)
ভীষ্ম উবাচ। 12-286-69x (6381)
শুদ্ধাভিজনসংপন্নাঃ পাণ্ডবাঃ সংশিতব্রতাঃ।
বিহত্য দেবলোকেষু পুনর্মানুষমেধ্যথ॥ 12-286-69 (76736)
প্রজাবিসর্গং চ সুখেন লোকে
প্রেত্যান্যেদেহেষু সুখানি ভুক্ৎবা।
সুখেন সংয়াস্যথ সিদ্ধসঙ্খ্যাং
মা বো ভয়ং ভবতু ন বোঽস্তু পাপম্॥ ॥ 12-286-70 (76737)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষ়ডশীত্যধিকদ্বিশততমোঽধ্যায়ঃ॥ 286॥
Mahabharata - Shanti Parva - Chapter Footnotes
12-286-1 তলমধোভাগঃ। সাকাশমাকাশসহিতং সর্বমুপরিতনম্। বাহুগোচরো মধ্যস্থমিত্যর্থঃ। যস্য পৃথ্বীতলং পাদমাশা বৈ বহুগোচরা ইতি ট. থ. পাঠঃ॥ 12-286-2 অনন্তং স্থানং মোক্ষঃ॥ 12-286-9 নৈষ দানকৃতা শক্য ইতি থ. পাঠঃ॥ 12-286-11 মহতাল্পকৃতেন চেতি ধ. পাঠঃ॥ 12-286-12 জাতিশতৈর্জন্মশতৈঃ একজাতৌ একজন্মন্যপি॥ 12-286-22 অপ্সু প্রতিষ্ঠিত ইতি ঝ. পাঠঃ॥ 12-286-23 নেত্রাভ্যাং পাদয়োর্ভূশ্চ দানয়েতি ঝ. পাঠঃ॥ 12-286-24 ফলং তাতেতি ঝ. পাঠঃ॥ 12-286-29 ততো ব্রহ্ম প্রকাশতে ইতি ঝ. পাঠঃ॥ 12-286-30 বাপীসহস্রাণি ততোঽপ্যশীতিঃ ইতি ধ. পাঠঃ॥ 12-286-31 যোজনবিস্তৃতাশ্চেতি থ. পাঠঃ॥ 12-286-34 গৎবাশুয়োনিপ্রভাবানুতীত্যেতি ধ. পাঠঃ॥ 12-286-35 দর্শনমাপজীব ইতি থ. ধ. পাঠঃ॥ 12-286-36 জীবগুণস্য দৈত্যেতি ঝ. থ. পাঠঃ॥ 12-286-38 প্রজানিসর্গাৎসবহূন্বদন্তীতি ট. থ. পাঠঃ॥ 12-286-39 যুগক্ষয়ে তপসেতি ঝ. পাঠঃ॥ 12-286-44 তিষ্ঠগ্রমলৎবমেতীতি ট.থ. পাঠঃ॥ 12-286-50 স্বর্গং সুখং তিষ্ঠতি ভূতসর্গমিতি ট. পাঠঃ। বিক্ষেপকৃতপ্রভাব ইতি ঝ. পাঠঃ॥ 12-286-51 সিদ্ধিলোকে ইতি থ. ধ. পাঠঃ। সংতিষ্ঠতি সর্বলোকে ইতি ট. পাঠঃ॥ 12-286-53 নিশ্শেষা বৈ তৎপদং যান্ততি ট. থ. ধ. পাঠঃ॥ 12-286-55 সশেষভাব ইতি ট. পাঠঃ। দিব্যাশ্চ তথৈব শুক্লে ইতি ধ. পাঠঃ। তাবত্তরত্যেষ বিশুদ্ধভাব ইতিং ধ. পাঠঃ॥ 12-286-56 দুষ্প্রাপমভ্যেতি স ইতি ঝ. ট. থ. পাঠঃ॥ 12-286-61 মহাদেবো ভগবান্স্বেন তেজসেতি ঝ. পাঠঃ। নানারূপান্মহামনা ইতি ঝ. ট. থ. পাঠঃ॥ 12-286-64 সনৎকুমারশ্চরতে চেতি ধ. পাঠঃ॥ 12-286-65 মন্যে শুভা গতিরিতি থ. পাঠঃ॥ 12-286-66 নাবর্ততে পুনরিতি ধ. পাঠঃ॥ 12-286-68 রক্তাঃ কামমুখেষু বৈ ইতি ধ. পাঠঃ। দুঃখমুখেঽমুখে ইতি ঝ. পাঠঃ॥ 12-286-70 প্রত্যেত্য দেবেষু সুখানি বুক্ৎবেতি ঝ. পাঠঃ। মা বো ভয়ং ভূদ্বিমলাঃ স্থ সর্বে ইতি চ. ঝ. পাঠঃ॥শান্তিপর্ব - অধ্যায় 287
॥ শ্রীঃ ॥
12.287. অধ্যায়ঃ 287
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শক্রবৃত্রয়ুদ্ধবর্ণনম্॥ 1॥Mahabharata - Shanti Parva - Chapter Text
12-287-0 (76738)
যুধিষ্ঠির উবাচ। 12-287-0x (6382)
অহো ধর্মিষ্ঠতা তস্য বৃত্রস্যামিততেজসঃ।
যস্য বিজ্ঞানমতুলং বিষ্ণোর্ভক্তিশ্চ তাদৃশী॥ 12-287-1 (76739)
দুর্বিজ্ঞেয়মিদং তস্য বিষ্ণোরমিততেজসঃ।
কথং বা রাজশার্দূল পদং তু জ্ঞাতবানসৌ॥ 12-287-2 (76740)
ভবতা কথিতং হ্যেতচ্ছ্রদ্দধে চাহমচ্যুত।
ভূয়শ্চ মে সমুৎপন্না বুদ্ধিরব্যক্তদর্শনা॥ 12-287-3 (76741)
কথং বিনিহতো বৃত্রঃ শক্রেণ ভরতর্ষভ।
ধার্মিকো বিষ্ণুভক্তশ্চ তত্ৎবজ্ঞশ্চ তদন্বয়ে॥ 12-287-4 (76742)
এতন্মে সংশয়ং ব্রূহি পৃচ্ছতে ভরতর্ষভ।
বৃত্রঃ স রাজশার্দূল যথা শক্রেণ নির্জিতঃ॥ 12-287-5 (76743)
যথা চৈবাভবদ্যুদ্ধং তচ্চাচক্ষ্ব পিতামহ।
বিস্তরেণ মহাবাহো পরং কৌতূহলং হি মে॥ 12-287-6 (76744)
ভীষ্ম উবাচ। 12-287-7x (6383)
রথেনেন্দ্রঃ প্রয়াতো বৈ সার্ধং সুরগণৈঃ পুরা।
দদর্শাথাগ্রতো বৃত্রং ধিষ্ঠিতং পর্বতোপমম্॥ 12-287-7 (76745)
যোজনানাং শতান্যূর্ধ্বং পঞ্চোন্ছ্রিতমরিংদম্।
শতানি বিস্তরেণাথ ত্রীণি চাভ্যধিকানি বৈ॥ 12-287-8 (76746)
তৎপ্রেক্ষ্য তাদৃশং রূপং ত্রৈলোক্যেনাপি দুর্জয়ম্।
বৃত্রস্য দেবাঃ সংত্রস্তা ন শান্তিমুপলেভিরে॥ 12-287-9 (76747)
শক্রস্য তু তদা রাজন্নূরুস্তম্ভো ব্যজায়ত।
ভয়াদ্বৃত্রস্য সহসা দৃষ্ট্বা তদ্রূপমুত্তমম্॥ 12-287-10 (76748)
ততো নাদঃ সমভবদ্বাদিত্রাণাং চ নিঃস্বনঃ।
দেবাসুরাণাং সর্বেষাং তস্মিন্যুদ্ধে হ্যুপস্থিতে॥ 12-287-11 (76749)
অথ বৃত্রস্য কৌরব্য দৃষ্ট্বা শক্রমবস্থিতম্।
ন সংভ্রমো ন ভীঃ কাচিদাস্থা বা সমজায়ত॥ 12-287-12 (76750)
ততঃ সমভবদ্যুদ্ধং ত্রৈলোক্যস্য ভয়ংকরম্।
শক্রস্য চ সুরেন্দ্রস্য বৃত্রস্য চ মহাত্মনঃ॥ 12-287-13 (76751)
অসিভিঃ পট্টসৈঃ শূলৈঃ শক্তিতোমরম্রুদ্গরৈঃ।
শিলাভির্বিবিধাভিশ্চ কার্মুকৈশ্চ মহাস্বনৈঃ॥ 12-287-14 (76752)
অস্ত্রৈশ্চ বিবির্ধৌর্দিব্যৈঃ পাবকোল্কাভিরেব চ।
দেবাসুরৈস্ততঃ সৈন্যৈঃ সর্বমাসীৎসমাকুলম্॥ 12-287-15 (76753)
পিতামহপুরোগাশ্চ সর্বে দেবগণাস্তদা।
ঋষয়শ্চ মহাভাগাস্তদ্যুদ্ধং দ্রষ্টুমাগমন্॥ 12-287-16 (76754)
বিমানাগ্র্যৈর্মহারাজ সিদ্ধাশ্চ ভরতর্ষভ।
গন্ধর্বাশ্চ বিমানাগ্রৈরপ্সরোভিঃ সমাগমন্॥ 12-287-17 (76755)
ততোঽন্তরিক্ষমাবৃত্য বৃত্রো ধর্মভূতাং বরঃ।
অশ্মবর্ষেণ দেবেন্দ্রং সর্বতঃ সমবাকিরৎ॥ 12-287-18 (76756)
ততো দেবগণাঃ ক্রুদ্ধাঃ সর্বতঃ শরবৃষ্টিভিঃ।
অশ্মবর্ষমপোহন্ত বৃত্রপ্রেরিতমাহবে॥ 12-287-19 (76757)
বৃত্রস্তু কুরুশার্দূল মহামায়ো মহাবলঃ।
মোহয়ামাস দেবেন্দ্রং মায়ায়ুদ্ধেন সর্বশঃ॥ 12-287-20 (76758)
তস্য বৃত্রার্দিতস্যাথ মোহ আসীচ্ছতক্রতোঃ।
রথন্তরেণ তং তত্র বসিষ্ঠঃ সমবোধয়ৎ॥ 12-287-21 (76759)
বসিষ্ঠ উবাচ। 12-287-22x (6384)
দেবশ্রেষ্ঠোঽস্তি দেবেন্দ্র দৈত্যাসুরনিবর্হণ।
ত্রৈলোক্যবলসংয়ুক্তঃ কস্মাচ্ছক্র বিষীদসি॥ 12-287-22 (76760)
এষ ব্রহ্মা চ বিষ্ণুশ্চ শিবশ্চৈব জগৎপতিঃ।
সোমশ্চ ভগবান্দেবঃ সর্বে চ পরমর্ষয়ঃ॥ 12-287-23 (76761)
`সমুদ্বিগ্নং সমীক্ষ্য ৎবাং স্বস্তীত্যূচুর্জয়ায় তে।'
মা কার্ষীঃ কশ্মলং শক্র কশ্চিদেবেতরো যথা।
আর্যাং যুদ্ধে মতিং কৃৎবা জহি শত্রূন্সুরাধিপ॥ 12-287-24 (76762)
এষ লোকগুরুস্ত্র্যক্ষঃ সর্বলোকনমস্কৃতঃ।
নিরীক্ষতে ৎবাং ভগবাংস্ত্যজ মোহং সুরাধিপ॥ 12-287-25 (76763)
এতে ব্রহ্মর্ষয়শ্চৈব বৃহস্পতিপুরোগমাঃ।
স্তবেন শক্র দিব্যেন স্তুবন্তি ৎবাং জয়ায় বৈ॥ 12-287-26 (76764)
ভীষ্ম উবাচ। 12-287-27x (6385)
এবং সংবোধ্যমানস্য বসিষ্ঠেন মহাত্মনা।
অতীব বাসবস্যাসীদ্বলমুত্তমতেজসঃ॥ 12-287-27 (76765)
ততো বুদ্ধিমুপাগম্য ভগবান্পাকশাসনঃ।
যোগেন মহতা যুক্তস্তাং মায়াং ব্যপকর্ষত॥ 12-287-28 (76766)
ততোঽঙ্গিরঃ সুতঃ শ্রীমাংস্তে চৈব সুমহর্ষয়ঃ।
দৃষ্ট্বা বৃত্রস্য বিক্রান্তুমুপাগম্য মহেশ্বরম্॥ 12-287-29 (76767)
ঊচুর্বৃত্রবিনাশার্থং লোকানাং হিতকাম্যযা।
ততো ভগবতস্তেজো জ্বরো ভূৎবা জগৎপতেঃ॥ 12-287-30 (76768)
সমাবিশত্তদা রৌদ্রং বৃত্রং লোকপতিং তদা।
বিষ্ণুশ্চ ভগবান্দেবঃ সর্বলোকাভিপূজিতঃ॥ 12-287-31 (76769)
ঐন্দ্রং সমাবিশুদ্বজ্রং লোকসংরক্ষণে রতঃ।
ততো বৃহস্পতির্ধীমানুপাগম্য শতক্রতুম্।
বসিষ্ঠশ্চ মহাতেজাঃ সর্বে চ পরমর্ষয়ঃ॥ 12-287-32 (76770)
তে সমাসাদ্য বরদং বাসবং লোকপূজিতম্।
ঊচুরেকাগ্রমনসো জহি বৃত্রমিতি প্রভো॥ 12-287-33 (76771)
মহেশ্বর উবাচ। 12-287-34x (6386)
এষ বৃত্রো মহাঞ্শক্রে বলেন মহতা বৃতঃ।
বিশ্বাত্মা সর্বগশ্চৈব বহুমায়শ্চ বিশ্রুতঃ॥ 12-287-34 (76772)
তদেনমসুরশ্রেষ্ঠং ত্রৈলোক্যেনাপি দুর্জয়ম্।
জহি ৎবং যোগমাস্থায় মাবমংস্থাঃ সুরেশ্বর॥ 12-287-35 (76773)
অনেন হি তপস্তপ্তং বলার্থমমরাধিপ।
ষষ্টিং বর্ষসহস্রাণি ব্রহ্মা চাস্মৈ বরং দদৌ॥ 12-287-36 (76774)
মহত্ৎবং যোগিনাং চৈব মহামায়ৎবমেব চ।
মহাবলৎবং চ তথা তেজশ্চাগ্র্যং সুরেশ্বর॥ 12-287-37 (76775)
এতত্ৎবাং মামকং তেজঃ সমাবিশতি বাসব।
বৃত্রমেবং ৎববধ্যং তং বজ্রেণ জহি দানবম্॥ 12-287-38 (76776)
শক্র উবাচ। 12-287-39x (6387)
ভগবংস্ৎবৎপ্রসাদেন দিতিজং সুদুরাসদম্।
বজ্রেণ নিহনিষ্যামি পশ্যতস্তে সুরর্ষভ॥ 12-287-39 (76777)
ভীষ্ম উবাচ। 12-287-40x (6388)
আবিশ্যমানে দৈত্যে তু জ্বরেণাথ মহাসুরে।
দেবতানামৃষীণাং চ হর্ষান্নাদো মহানভূৎ॥ 12-287-40 (76778)
ততো দুন্দুভয়শ্চৈব শঙ্খ্যাশ্চ সুমহাস্বনাঃ।
মুরজা ডিণ্ডিভাশ্চৈব প্রাবাদ্যন্ত সহস্রশঃ॥ 12-287-41 (76779)
অসুরাণাং তু সর্বেষাং স্মৃতিলোপো মহানভূৎ।
মায়ানাশশ্চ বলবান্ক্ষণেন সমপদ্যত॥ 12-287-42 (76780)
তমাবিষ্টমথো জ্ঞাৎবা ঋষয়ো দেবতাস্তথা।
স্তুবন্তঃ শক্নমীশানং তথা প্রাচোদয়ন্নপি॥ 12-287-43 (76781)
রথস্থস্য হি শক্রস্য যুদ্ধকালে মহাত্মনঃ।
ঋষিভিঃ স্তূয়মানস্য রূপমাসীন্সুদুর্দৃশম্॥ ॥ 12-287-44 (76782)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তাশীত্যধিকদ্বিশততমোঽধ্যায়ঃ॥ 287॥
Mahabharata - Shanti Parva - Chapter Footnotes
12-287-21 অথান্তরে চ তং তত্রেতি ধ. পাঠঃ॥ 12-287-22 সুরারাতিনিবর্হণেতি থ. পাঠঃ॥ 12-287-24 কশ্চিদেব নরো যথেতি ধ. পাঠঃ॥ 12-287-25 এষ দেবগুরুস্ৎবদ্যেতি ধ. পাঠঃ॥ 12-287-26 স্তুবন্ত্যাত্মজয়ায় বৈ ইতি ধ. পাঠঃ॥ 12-287-34 বহুমায়াসু বিশ্রুত ইতি থ. পাঠঃ॥ 12-287-42 ধৃতিলোপো মহানভূৎ ইতি থ. পাঠঃ॥শান্তিপর্ব - অধ্যায় 288
॥ শ্রীঃ ॥
12.288. অধ্যায়ঃ 288
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শক্রকৃতবৃত্রসংহারকথনম্॥ 1॥ তথা শক্রমাক্রান্তবত্যা ব্রহ্মহত্যায়া অগ্ন্যাদিষু ব্রহ্মকৃত বিভজনকথনম্॥ 2॥Mahabharata - Shanti Parva - Chapter Text
12-280-0 (76783)
ভীষ্ম উবাচ। 12-280-0x (6389)
বৃত্রস্য তু মহারাজ জ্বরাবিষ্টস্য সর্বশঃ।
অভবন্যানি লিঙ্গানি শরীরে তানি মে শৃণু॥ 12-288-1 (76784)
জ্বলিতাস্যোঽভবদ্ধোরো বৈবর্ণ্যং চাগমৎপরম্।
গাত্রকম্পশ্চ সুমহাঞ্শ্বাসশ্চাপ্যভবন্মহান্॥ 12-288-2 (76785)
রোমহর্ষশ্চ তীব্রোঽভূন্নিঃশ্বাসশ্চ মহান্নৃপ।
শিবা চাশিবসংকাশা তস্য বক্রাৎসুদারুণা॥ 12-288-3 (76786)
নিষ্পপাত মহাঘোরা স্মৃতির্নষ্টাস্য ভারত।
উৎকাশ্চ জ্বলিতাস্তস্য দীপ্তাঃ পার্শ্বে প্রপেদিরে॥ 12-288-4 (76787)
গৃধ্রাঃ কঙ্কা বলাকাশ্চ বাচোঽমুঞ্চন্সুদারুণাঃ।
বৃত্রস্যোপরি সংহৃষ্টাশ্চক্রবৎপরিবভ্রমুঃ॥ 12-288-5 (76788)
ততস্তং রথমাস্থায় দেবাপ্যায়িত আহবে।
বজ্রোদ্যতকরঃ শক্রস্তং দৈত্যং প্রত্যবৈক্ষত॥ 12-288-6 (76789)
অমানুষমথো নাদং স মুমোচ মহাসুরঃ।
ব্যজৃম্ভচ্চৈব রাজেন্দ্র তীব্রজ্বরসমন্বিতঃ॥ 12-288-7 (76790)
অথাস্য জৃম্ভতঃ শক্রস্ততো বজ্রমবাসৃজৎ।
স বজ্রঃ সুমহাতেজা কালান্তকয়মোপমঃ॥ 12-288-8 (76791)
ক্ষিপ্রমেব মহাকায়ং বৃত্রং দৈত্যমপাতয়ৎ।
ততো নাদঃ সমভবৎপুনরেব সমন্ততঃ॥ 12-288-9 (76792)
বৃত্রং বিনিহিতং দৃষ্ট্বা দেবানাং ভরতর্ষভ।
বৃত্রং তু হৎবা মঘবা দানবারির্মহায়শাঃ॥ 12-288-10 (76793)
বজ্রেণ বিষ্ণুয়ুক্তেন দিবমেব সমাবিশৎ।
অথ বৃত্রস্য কৌরব্য শরীরাদভিনিঃসৃতা॥ 12-288-11 (76794)
ব্রহ্মহত্যা মহাঘোরা রৌদ্রা লোকভয়াবহা।
করালদশনা ভীমা বিকৃতা কৃষ্ণপিঙ্গলা॥ 12-288-12 (76795)
প্রকীর্ণমূর্ধজা চৈব ঘোরনেত্রা চ ভারত।
কপালমালিনী চৈব কৃত্যেব ভরতর্ষভ॥ 12-288-13 (76796)
রুধিরার্দ্রা চ ধর্মজ্ঞ চীরবল্কলবাসিনী।
সাঽভিনিষ্ক্রম্য রাজেন্দ্র তাদৃগ্রৃপা ভয়াবহা॥ 12-288-14 (76797)
বজ্রিণং মৃগয়ামাস তদা ভরতসত্তম।
কস্যচিত্ৎবথ কালস্য বৃত্রহা কুরুনন্দন॥ 12-288-15 (76798)
স্বর্গায়াভিমুখঃ প্রায়াল্লোকানাং হিতকাম্যযা।
সা বিনিঃসরমাণং তু দৃষ্ট্বা শক্রং মহৌজসম্॥ 12-288-16 (76799)
কণ্ঠে জগ্রাহ দেবেন্দ্রং সুলগ্না চাভবত্তদা।
স হি তস্মিন্সমুৎপন্নে ব্রহ্মবধ্যাকৃতে ভয়ে॥ 12-288-17 (76800)
নলিন্যা বিসমধ্যস্থ উবাসাব্দগণান্বহূন্।
অনুসৃত্য তু যত্নাৎস তয়া বৈ ব্রহ্মহত্যযা॥ 12-288-18 (76801)
তদা গৃহীতঃ কৌরব্য নিস্তেজাঃ সমপদ্যত।
তস্যা ব্যপোহনে শক্রঃ পরং যত্নং চকার হ॥ 12-288-19 (76802)
ন চাশকত্তাং দেবেন্দ্রো ব্রহ্মবধ্যাং ব্যপোহিতুম্।
গৃহীত এব তু তয়া দেবেন্দ্রো ভরতর্ষভ॥ 12-288-20 (76803)
পিতামহমুপাগম্য শিরসা প্রত্যপূজয়ৎ।
জ্ঞাৎবা গৃহীতং শক্রং স দ্বিজপ্রবরবধ্যযা॥ 12-288-21 (76804)
ব্রহ্মা স চিন্তয়ামাস তদা ভরতসত্তম।
তামুবাচ মহাবাহো ব্রহ্মবধ্যাং পিতামহঃ॥ 12-288-22 (76805)
স্বরেণ মধুরেণাথ সান্ৎবয়ন্নিব ভারত।
মুচ্যতাং ত্রিদশেন্দ্রোয়ং মৎপ্রিয়ং কুরু ভামিনী॥ 12-288-23 (76806)
ব্রূহি কিং তে করোম্যদ্য কামং কিং ৎবমিহেচ্ছসি॥ 12-288-24 (76807)
ব্রহ্মহত্যোবাচ। 12-288-25x (6390)
ত্রিলোকপূজিতে দেবে প্রীতে ত্রৈলোক্যকর্তরি।
কৃতমেব হি মন্যামি নিবাসং তু বিধৎস্ব মে॥ 12-288-25 (76808)
ৎবয়া কৃতেয়ং মর্যাদা লোকসংরক্ষণার্থিনা।
স্থাপনা বৈ সুমহতী ৎবয়া দেব প্রবর্তিতা॥ 12-288-26 (76809)
প্রীতে তু ৎবয়ি ধর্মজ্ঞ সর্বলোকেশ্বর প্রভো।
শক্রাদপগমিষ্যামি নিবাসং সংবিধৎস্ব মে॥ 12-288-27 (76810)
ভীষ্ম উবাচ। 12-288-28x (6391)
তথেতি তাং প্রাহ তদা ব্রহ্মবধ্যাং পিতামহঃ।
উপায়তঃ স শক্রস্য ব্রহ্মবধ্যাং ব্যপোহিতুম্॥ 12-288-28 (76811)
ততঃ স্বয়ংভুবা ধ্যাতস্তত্র বহ্নির্মহাত্মনা।
ব্রহ্মাণমুপসংগম্য ততো বচনমব্রবীৎ॥ 12-288-29 (76812)
প্রাপ্তোঽস্মি ভগবন্দেব ৎবৎসকাশমনিন্দিৎ।
যৎকর্তব্যং ময়া দেব তদ্ভবান্বক্তুমর্হতি॥ 12-288-30 (76813)
ব্রহ্মোবাচ। 12-288-31x (6392)
বহুধা বিভজিষ্যামি ব্রহ্মবধ্যামিমামহম্।
শক্রস্যাদ্য বিমোক্ষার্থং চতুর্ভাগং প্রতীচ্ছ বৈ॥ 12-288-31 (76814)
অগ্নিরুবাচ। 12-288-32x (6393)
মম মোক্ষস্য কোঽন্তো বৈ ব্রহ্মন্ধ্যায়স্ব বৈ প্রভো।
এতদিচ্ছামি বিজ্ঞাতুং তৎবতো লোকপূজিত॥ 12-288-32 (76815)
ব্রহ্মোবাচ। 12-288-33x (6394)
যস্ৎবাং জ্বলন্তমাসাদ্য স্বয়ং বৈ মানবঃ ক্বচিৎ।
বীজৌষধিরসৈর্বহ্নে ন যক্ষ্যতি তমোবৃতঃ॥ 12-288-33 (76816)
তমেষা যাস্যতি ক্ষিপ্রং তত্রৈব চ নিবৎস্যতি।
ব্রহ্মবধ্যা হব্যবাহ ব্যেতু তে মানসো জ্বরঃ॥ 12-288-34 (76817)
ইত্যুক্তঃ প্রতিজগ্রাহ তদ্বচো হব্যকব্যভুক্।
পিতামহস্য ভগবাংস্তথা চ তদভূৎপ্রভো॥ 12-288-35 (76818)
ততো বৃক্ষৌষধিতৃণং সমাহূয় পিতামহঃ।
ইমমর্থং মহারাজ বক্তুং সমুপচক্রমে॥ 12-288-36 (76819)
`ইয়ং পুত্রাদনুপ্রাপ্তা ব্রহ্মহত্যা মহাভয়া।
পুরুহূতং চতুর্থাংশমস্যা যূয়ং প্রতীচ্ছত॥' 12-288-37 (76820)
ততো বৃক্ষৌষধিতৃণং তথৈবোক্তং যথাতথম্।
ব্যথিতং বহ্নিবদ্রাজন্ব্রহ্মাণমিদমব্রবীৎ॥ 12-288-38 (76821)
অস্মাকং ব্রহ্মবধ্যায়াঃ কোঽন্তো লোকপিতামহ।
স্বভাবনিহতানস্মান্ন পুনর্হন্তুমর্হসি॥ 12-288-39 (76822)
বয়মগ্নিং তথা শীতং বর্ষং চ পবনেরিতম্।
সহামঃ সততং দেব তথা চ্ছেদনভেদনে॥ 12-288-40 (76823)
ব্রহ্মবধ্যামিমামদ্য ভবতঃ শাসনাদ্বয়ম্।
গ্রহীষ্যামস্ত্রিলোকেশ মোক্ষং চিন্তয়তাং ভবান্। 12-288-41 (76824)
ব্রহ্মোবাচ। 12-288-42x (6395)
পর্বকালে তু সংপ্রাপ্তে যো বৈ ছেদনভেদনম্।
করিষ্যতি নরো মোহাত্তমেষাঽনুগমিষ্যতি॥ 12-288-42 (76825)
ভীষ্ম উবাচ। 12-288-43x (6396)
ততো বৃক্ষৌষধিতৃণমেবমুক্তং মহাত্মনা।
ব্রহ্মাণমভিসংপূজ্য জগামাশু যথাগতম্॥ 12-288-43 (76826)
আহূয়াপ্সরসো দেবস্ততো লোকপিতামহঃ।
বাচা মধুরয়া প্রাহ সান্ৎবয়ন্নিব ভারত॥ 12-288-44 (76827)
ইয়মিন্দ্রাদনুপ্রাপ্তা ব্রহ্মবধ্যা বরাঙ্গনাঃ।
চতুর্থমস্যা ভাগাংশং ময়োক্তাঃ সংপ্রতীচ্ছত॥ 12-288-45 (76828)
অপ্সরস ঊচুঃ। 12-288-46x (6397)
গ্রহণে কৃতবুদ্ধীনাং দেবেশ তব শাসনাৎ।
মোক্ষং সময়তোঽস্মাকং চিন্তয়স্ব পিতামহ॥ 12-288-46 (76829)
ব্রহ্মোবাচ। 12-288-47x (6398)
রজস্বলাসু নারীষু যো বৈ মৈথুনমাচরেৎ।
তমেষা যাস্যতি ক্ষিপ্রং ব্যেতু বো মানসো জ্বরঃ॥ 12-288-47 (76830)
ভীষ্ম উবাচ। 12-288-48x (6399)
তথেতি হৃষ্টমনস ইত্যুক্ৎবাঽঽপ্সরসাং গণাঃ।
স্বানি স্থানানি সংপ্রাপ্য রেমিরে ভরতর্ষভ॥ 12-288-48 (76831)
ততস্ত্রিলোককৃদ্দেবঃ পুনরেব মহাতপাঃ।
অথঃ সংচিন্তয়ামাস ধ্যাতাস্তাশ্চাপ্যথাগমন্॥ 12-288-49 (76832)
তাস্তু সর্বাঃ সমাগম্য ব্রহ্মাণমমিতৌজসম্।
ইদমূচুর্বচো রাজন্প্রণিপত্য পিতামহম্॥ 12-288-50 (76833)
ইমাঃ স্ম দেব সংপ্রাপ্তাস্ৎবৎসকাশমরিংদম্।
শাসনাত্তব লোকেশ সমাজ্ঞাপয় নঃ প্রভো॥ 12-288-51 (76834)
ব্রহ্মোবাচ। 12-288-52x (6400)
ইয়ং বৃত্রাদনুপ্রাপ্তা পুরুহূতং মহাভয়া।
ব্রহ্মবধ্যা চতুর্থাংশমস্যা যূয়ং প্রতীচ্ছত॥ 12-288-52 (76835)
আপ ঊচুঃ। 12-288-53x (6401)
এবং ভবতু লোকেশ যথা বদসি নঃ প্রভো।
মোক্ষং সময়তোঽস্মাকং সংচিন্তয়িতুমর্হসি॥ 12-288-53 (76836)
ৎবং হি দেবেশ সর্বস্য জগতঃ পরমা গতিঃ।
কোঽন্যঃ প্রসাদ্যো হি ভবেদ্যঃ কৃচ্ছ্রান্নঃ সমুদ্ধরেৎ॥ 12-288-54 (76837)
ব্রহ্মোবাচ। 12-288-55x (6402)
অল্পা ইতি মতিং কৃৎবা যো নরো বুদ্ধিমোহিতঃ।
শ্লেষ্মমূত্রপুরীষাণি যুষ্মাসু প্রতিমোক্ষ্যতি॥ 12-288-55 (76838)
তমিয়ং যাস্যতি ক্ষিপ্রং তত্রৈব চ নিবৎস্যতি।
তথা বো ভবিতা মোক্ষ ইতি সত্যং ব্রবীমি বঃ॥ 12-288-56 (76839)
ততো বিমুচ্য দেবেন্দ্রং ব্রহ্মবধ্যা যুধিষ্ঠির।
যথা নিসৃষ্টং তং বাসমগমদ্দেবশাসনাৎ॥ 12-288-57 (76840)
এবং শক্রেণ সংপ্রাপ্তা ব্রহ্মবধ্যা জনাধিপ।
পিতামহমনুজ্ঞাপ্য সোঽশ্বমেধমকল্পয়ৎ॥ 12-288-58 (76841)
শ্রূয়তে চ মহারাজ সংপ্রাপ্তা বাসবেন বৈ।
ব্রহ্মবধ্যা ততঃ শুদ্ধিং হয়মেধেন লব্ধবান্॥ 12-288-59 (76842)
সমবাপ্য শ্রিয়ং দেবো হৎবাঽরীংশ্চ সহস্রশঃ।
প্রহর্ষমতুলং লেভে বাসবঃ পৃথিবীপতে॥ 12-288-60 (76843)
বৃত্রস্য রুধিরাচ্চৈব বুদ্বুদাঃ পার্থ জজ্ঞিরে।
দ্বিজাতিভিরভক্ষ্যাস্তে দীক্ষিতৈশ্চ তপোধনৈঃ॥ 12-288-61 (76844)
সর্বাবস্থং ৎবমপ্যেষাং দ্বিজাতীনাং প্রিয়ং কুরু।
ইমে হি ভূতলে দেবাঃ প্রথিতাঃ কুরুনন্দন॥ 12-288-62 (76845)
এবং শক্রেণ কৌরব্য বুদ্ধিসৌক্ষ্ম্যান্মহাসুরঃ।
উপায়পূর্বং নিহতো বৃত্রো হ্যমিততেজসা॥ 12-288-63 (76846)
এবং ৎবমপি কৌন্তেয় পৃথিব্যামপরাজিতঃ।
ভবিষ্যসি যথা দেবঃ শতক্রতুরমিত্রহা॥ 12-288-64 (76847)
যে তু শক্রকথাং দিব্যামিমাং পর্বসুপর্বসু।
বিপ্রমধ্যে বদিষ্যন্তি ন তে প্রাপ্স্যন্তি কিল্বিষং॥ 12-288-65 (76848)
ইত্যেতদ্বৃত্রমাশ্রিত্য শক্রস্যাত্যদ্ভুতং মহৎ।
কথিতং কর্ম তে তাত কিং ভূয়ঃ শ্রোতুমিচ্ছসি॥ ॥ 12-288-66 (76849)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টাশীত্যধিকদ্বিশততমোঽধ্যায়ঃ॥ 288॥
Mahabharata - Shanti Parva - Chapter Footnotes
12-288-4 স্মৃতিঃ সা তস্য ভারতেতি ঝ. ধ. পাঠঃ॥ 12-288-11 বিসমেব সমাবিশদিতি ধ. পাঠঃ॥ 12-288-13 কৃশা চ ভরতর্ষভেতি ধ.ধ. পাঠঃ॥ 12-288-14 চীরবস্ত্রা বিভীষণেতি থ. পাঠঃ॥ 12-288-16 বসান্নিস্সরমাণৎবিতি ধ. পাঠঃ। জগ্রাহ বথ্যা দেবেন্দ্রমিতি ঝ. পাঠঃ॥ 12-288-18 বিসমধ্যস্থো বভূবাব্দগণানিতি থ. ধ. পাঠঃ॥ 12-288-19 নিশ্চেষ্ঠঃ সমপদ্যতেতি, তস্যাশ্চাপনয়ে শক্র ইতি থ. পাঠঃ॥ 12-288-31 শক্রাস্যাধবিমোক্ষার্থমিতি ঝ. পাঠঃ॥ 12-288-33 যঃ আহিতাগ্নিরধিকারী বীজৈঃ পুরোডাশাদিনা ওষধিরসৈ সোমেন পয় আদিভির্বা॥ 12-288-39 দৈবেনাভিহতানস্মানিতি ঝ. পাঠঃ॥ 12-288-49 ততস্তু লোককৃদ্দেব ইতি থ. পাঠঃ॥ 12-288-31 শিখণ্ডাঃ পার্থ জজ্ঞিরে ইতি ঝ. পাঠঃ॥শান্তিপর্ব - অধ্যায় 289
॥ শ্রীঃ ॥
12.289. অধ্যায়ঃ 289
Mahabharata - Shanti Parva - Chapter Topics
দক্ষয়জ্ঞে ভাগালাভেন রুষ্টস্য রুদ্রস্য ললাটতটোদ্গতস্বেদাদগ্নিরূপজ্বরোৎপত্তিঃ॥ 1॥ ব্রহ্মবচনাদ্রুদ্গেণ জ্বরস্য পৃথিব্যাদিষু বিভজনম্॥ 2॥Mahabharata - Shanti Parva - Chapter Text
12-289-0 (76850)
যুধিষ্ঠির উবাচ। 12-289-0x (6403)
পিতামহ মহাপ্রাজ্ঞ সর্বশাস্ত্রবিশারদ।
অস্মিন্বৃত্রবধে তাত বিবক্ষা মম জায়তে॥ 12-289-1 (76851)
জ্বরেণ মোহিতো বৃত্রঃ কথিতস্তে জনাধিপ।
নিহতো বাসবেনেহ বজ্রেণেতি মমানঘ॥ 12-289-2 (76852)
কথমেষ মহাপ্রাজ্ঞ জ্বরঃ প্রাদুর্বভূব হ।
জ্বরোৎপত্তিং নিপুণতঃ শ্রোতুমিচ্ছাম্যহং প্রভো॥ 12-289-3 (76853)
ভীষ্ম উবাচ। 12-289-4x (6404)
শৃণু রাজঞ্জ্বরস্যেমং সংভবং লোকবিশ্রুতম্।
বিস্তরং চাস্য বক্ষ্যামি যাদৃশশ্চৈব ভারত॥ 12-289-4 (76854)
পুরা মেরোর্মহারাজ শৃঙ্গং ত্রৈলোক্যবিশ্রুতম্।
জ্যোতিষ্কং নাম সাবিত্রং সর্বরত্নবিভূষিতম্॥ 12-289-5 (76855)
অপ্রমেয়মনাধৃষ্যং সর্বলোকেষু ভারত।
তত্র দেবো গিরিতটে হেমধাতুবিভূষিতে॥ 12-289-6 (76856)
পর্যঙ্ক ইব বিভ্রাজন্নুপবিষ্টো বভূব হ।
শৈলরাজসুতা চাস্য নিত্যং পার্শ্বে স্থিতা বভৌ।
তথা দেবা মহাত্মানো বসবশ্চামিতৌজসঃ॥ 12-289-7 (76857)
তথৈব চ মহাত্মানাবশ্বিনৌ ভিষজাং বরৌ।
তথা বৈশ্রবণো রাজা গুহ্যকৈরভিসংবৃতঃ॥ 12-289-8 (76858)
যক্ষাণামীশ্বরঃ শ্রীমান্কৈলাসনিলয়ঃ প্রভুঃ।
`শঙ্খপদ্মনিধিভ্যাং চ লক্ষ্ম্যা পরময়া সহ।'
উপাসন্ত মহাত্মানমুশনা চ মহাকবিঃ॥ 12-289-9 (76859)
সনৎকুমারপ্রমুখাস্তথৈব চ মহর্ষয়ঃ।
অঙ্গিরঃ প্রমুখাশ্চৈব তথা দেবর্ষয়োঽপরে॥ 12-289-10 (76860)
বিশ্বাবসুশ্চ গন্ধর্বস্তথা নারদপর্বতৌ।
অপ্সরোগণসঙ্ঘাশ্চ সমাজগ্মুরনেকশঃ॥ 12-289-11 (76861)
ববৌ সুখঃ শিবো বায়ুর্নানাগন্ধবহঃ শুচিঃ।
সর্বর্তুকুসুমোপেতাঃ পুষ্পবন্তো দ্রুমাস্তথা॥ 12-289-12 (76862)
তথা বিদ্যাধরাশ্চৈব সিদ্ধাশ্চৈব তপোধনাঃ।
মহাদেবং পশুপতিং পর্যুপাসন্ত ভারত॥ 12-289-13 (76863)
ভূতানি চ মহারাজ নানারূপধরাণ্যথ।
রাক্ষসাশ্চ মহারৌদ্রাঃ পিশাচাশ্চ মহাবলাঃ॥ 12-289-14 (76864)
বহুরূপধরা হৃষ্টা নানাপ্রহরণোদ্যতাঃ।
দেবস্যানুচরাস্তত্র তস্থিরে চানলোপমাঃ॥ 12-289-15 (76865)
নন্দী চ ভগবাংস্তত্র দেবস্যানুমতে স্থিতঃ।
প্রগৃহ্য জ্বলিতং শূলং দীপ্যমানং স্বতেজসা॥ 12-289-16 (76866)
গঙ্গা চ সরিতাং শ্রেষ্ঠা সর্বতীর্থজলোদ্ভবা।
পর্যুপাসত তং দেব রূপিণী কুরুনন্দন॥ 12-289-17 (76867)
স এবং ভগবাংস্তত্র পূজ্যমানঃ সুরর্ষিভিঃ।
দেবৈশ্চ সুমহাতেজা মহাদেবো ব্যতিষ্ঠত॥ 12-289-18 (76868)
কস্যচিত্ৎবথ কালস্য দক্ষো নাম প্রজাপতিঃ।
পূর্বোক্তেন বিধানেন যক্ষ্যমাণোঽন্বপদ্যত॥ 12-289-19 (76869)
ততস্তস্য মখং দেবাঃ সর্বে শক্রপুরোগমাঃ।
গমনায় সমাগম্য বুদ্ধিমাপেদিরে তদা॥ 12-289-20 (76870)
তে বিমানৈর্মহাত্মানো জ্বলনার্কসমপ্রভৈঃ।
দেবস্যানুমতেঽগচ্ছন্গঙ্গাদ্বারমিতি শ্রুতিঃ॥ 12-289-21 (76871)
প্রস্থিতা দেবতা দৃষ্ট্বা শৈলরাজসুতা তদা।
উবাচ বচনং সাধ্বী দেবং পশুপতিং পতিম্॥ 12-289-22 (76872)
ভগবন্ক্বনু যান্ত্যেতে দেবাঃ শক্রপুরোগমাঃ।
ব্রূহি তত্ৎবেন তত্ৎবজ্ঞ সংশয়ো মে মহানয়ম্॥ 12-289-23 (76873)
মহেশ্বর উবাচ। 12-289-24x (6405)
দক্ষো নাম মহাভাগে প্রজানাং পতিরুত্তমঃ।
হয়মেধেন জয়তে তত্র যান্তি দিবৌকসঃ॥ 12-289-24 (76874)
উমোবাচ। 12-289-25x (6406)
যজ্ঞমেতং মহাদেব কিমর্থং নাধিগচ্ছতি।
কেন বা প্রতিষেধেন গমনং তে ন বিদ্যতে॥ 12-289-25 (76875)
মহেশ্বর উবাচ। 12-289-26x (6407)
সুরৈরেব মহাভাগে পূর্বমেতদনুষ্ঠিতম্।
যজ্ঞেষু সর্বেষু মম ন ভাগ উপকল্পিতঃ॥ 12-289-26 (76876)
পূর্বোপায়োপপন্নেন মার্গেণ বরবর্ণিনি।
ন মে সুরাঃ প্রয়চ্ছন্তি ভাগং যজ্ঞস্য ধর্মতঃ॥ 12-289-27 (76877)
উমোবাচ। 12-289-28x (6408)
ভগবন্সর্বভূতেষু প্রভাবাভ্যধিকো গুণৈঃ।
অজয়্যশ্চাপ্যধৃষ্যশ্চ তেজসা যশসা শ্রিয়া॥ 12-289-28 (76878)
অনেন তে মহাভাগ প্রতিষেধেন ভাগতঃ।
অতীব দুঃখমুৎপন্নং বেপথুশ্চ মমানঘ॥ 12-289-29 (76879)
ভীষ্ম উবাচ। 12-289-30x (6409)
এবমুক্ৎবা তু সা দেবী দেবং পশুপতিং পতিম্।
তুষ্ণীংভূতাঽভবদ্রাজন্দহ্যমানেন চেতসা॥ 12-289-30 (76880)
অথ দেব্যা মতং জ্ঞাৎবা হৃদ্গতং যচ্চিকীর্ষিতম্।
স সমাজ্ঞাপয়ামাস তিষ্ঠ ৎবমিতি নন্দিনম্॥ 12-289-31 (76881)
ততো যোগবলং কৃৎবা সর্বয়োগেশ্বরেশ্বরঃ।
তং যজ্ঞং স মহাতেজা ভীমৈরনুচরৈস্তদা॥ 12-289-32 (76882)
সহসা ঘাতয়ামাস দেবদেবঃ পিনাকধৃৎ।
কেচিন্নাদানমুঞ্চন্ত কেচিদ্ধাসাংশ্চ চক্রিরে॥ 12-289-33 (76883)
রুধিরেণাপরে রাজংস্তত্রাগ্নিং সমবাকিরন্।
কেচিদ্যূপান্সমুৎপাট্য ব্যাক্ষিপন্বিকৃতাননাঃ॥ 12-289-34 (76884)
আস্যৈরন্যে চাগ্রসন্ত তথৈব পরিচারকান্।
ততঃ স যজ্ঞো নৃপতের্বধ্যমানঃ সমন্ততঃ॥ 12-289-35 (76885)
আস্থায় মৃগরূপং বৈ স্বমেবাভ্যগমত্তদা।
তং তু যজ্ঞং তথারূপং গচ্ছন্তমুপলভ্য সঃ॥ 12-289-36 (76886)
ধনুরাদায় বাণেন তদান্বসরত প্রভুঃ।
ততস্তস্য সুরেশস্য ক্রোধাদমিততেজসঃ॥ 12-289-37 (76887)
ললাটাৎপ্রসৃতো ঘোরঃ স্বেদবিন্দুর্বভূব হ।
তস্মিন্যতিতমাত্রে চ স্বেদবিন্দৌ তদা ভুবি॥ 12-289-38 (76888)
প্রাদুর্বভূব সুমহানগ্নিঃ কালানলোপমঃ।
তত্র চাজায়ত তদা পুরুষঃ পুরুষর্ষভ॥ 12-289-39 (76889)
হ্রস্বোঽতিমাত্রং রক্তাক্ষো হরিশ্মশ্রুর্বিভীষণঃ।
ঊর্ধ্বকেশোঽতিরোমাঙ্গঃ শ্যেনোলূকস্তথৈব চ॥ 12-289-40 (76890)
করালকৃষ্ণবর্ণশ্চ রক্তবাসাস্তথৈব চ।
তং যজ্ঞং সুমহাসৎবোঽদহৎকক্ষমিবানলঃ॥ 12-289-41 (76891)
ব্যচরৎসর্বতো দেবান্প্রাদ্রবৎস ঋষীংস্তথা।
দেবাশ্চাপ্যাদ্রবন্সর্বে ততো ভীতা দিশো দশ॥ 12-289-42 (76892)
তেন তস্মিন্বিচরতা পুরুষেণ বিশাংপতে।
পৃথিবী হ্যচলদ্রাজন্নতীব ভরতর্ষভ॥ 12-289-43 (76893)
হাহাভূতং জগৎসর্বমুপলক্ষ্য তদা প্রভুঃ।
পিতামহো মহাদেবং দর্শয়ন্প্রত্যভাষত॥ 12-289-44 (76894)
ব্রহ্মোবাচ। 12-289-45x (6410)
ভবতোপি সুরাঃ সর্বে ভাগং দাস্যন্তি বৈ প্রভো।
ক্রিয়তাং প্রতিসংহারঃ সর্বদেবেশ্বর ৎবয়া॥ 12-289-45 (76895)
ইমা হি দেবতাঃ সর্বা ঋষয়শ্চ পরংতপ।
তব ক্রোধান্মহাদেব ন শান্তিমুপলেভিরে॥ 12-289-46 (76896)
যশ্চৈষ পুরুষো জাতঃ স্বেদাত্তে বিবুধোত্তম।
জ্বরো নামৈষ ধর্মজ্ঞ লোকেষু প্রচরিষ্যতি॥ 12-289-47 (76897)
একীভূতস্য ন ৎবস্য ধারণে তেজসঃ প্রভো।
সমর্থা সকলা পৃথ্বী বহুধা সৃজ্যতাময়ম্॥ 12-289-48 (76898)
ইত্যুক্তো ব্রহ্মণা দেবো ভাগে চাপি প্রকল্পিতে।
ভগবন্তং তথেত্যাহ ব্রহ্মাণমমিতৌজসম্॥ 12-289-49 (76899)
পরাং চ প্রীতিমগমদুৎস্ময়ংশ্চ পিনাকধৃৎ।
অবাপ চ তদা ভাগং যথোক্তং ব্রহ্মণা ভবঃ॥ 12-289-50 (76900)
জ্বরং চ সর্বধর্মজ্ঞো বহুধা ব্যসৃজত্তদা।
শান্ত্যর্থং সর্বভূতানাং শৃণু তচ্চাপি পুত্রক॥ 12-289-51 (76901)
শীর্ষাভিতাপো নাগানাং পর্বতানাং শিলাজতু।
অপাং তু নীলিকাং বিদ্ধি নির্মোকং ভুজগেষু চ॥ 12-289-52 (76902)
খোরকঃ সৌরভেয়াণামূষরং পৃথিবীতলে।
পশূনামপি ধর্মজ্ঞ দৃষ্টিপ্রত্যবরোধনম্॥ 12-289-53 (76903)
রন্ধ্রাগতমথাশ্বানাং শিখোদ্ভেদশ্চ বর্হিণাম্।
নেত্ররোগঃ কোকিলানাং জ্বরঃ প্রোক্তো মহাত্মনা॥ 12-289-54 (76904)
অবীনাং পিত্তভেদশ্চ সর্বেষামিতি নঃ শ্রুতম্।
শুকানামপি সর্বেষাং হিক্কিকা প্রোচ্যতে জ্বরঃ॥ 12-289-55 (76905)
শার্দূলষ্বথ ধর্মজ্ঞ শ্রমো জ্বর ইহোচ্যতে।
মানুষেষু তু ধর্মজ্ঞ জ্বরো নামৈষ বিশ্রুতঃ॥ 12-289-56 (76906)
মরণে জন্মনি তথা মধ্যে চাবিশতে নরম্।
এতন্মাহেশ্বরং তেজো জ্বরো নাম সুদারুণঃ॥ 12-289-57 (76907)
নমস্যশ্চৈব মান্যশ্চ সর্বপ্রাণিভিরীশ্বরঃ।
অনেন হি সমাবিষ্টো বৃত্রো ধর্মভূতাং বরঃ॥ 12-289-58 (76908)
ব্যজৃম্ভত ততঃ শক্রস্তস্মৈ বজ্রমবাসৃজৎ।
প্রবিশ্য বজ্রং বৃত্রং চ দারয়ামাসং ভারত॥ 12-289-59 (76909)
দারিতশ্চ স বজ্রেণ মহায়োগী মহাসুরঃ।
জগাম পরমং স্থানং বিষ্ণোরমিততেজসঃ॥ 12-289-60 (76910)
বিষ্ণুভক্ত্যা হি তেনেদং জগদ্ব্যাপ্তমভূৎপুরা।
তস্মাচ্চ নিহতো যুদ্ধে বিষ্ণোঃ স্থানমবাপ্তবান্॥ 12-289-61 (76911)
ইত্যেষ বৃত্রমাশ্রিত্য জ্বরস্য মহতো ময়া।
বিস্তরঃ কথিতঃ পুত্র কিমন্যৎপ্রব্রবীমি তে॥ 12-289-62 (76912)
ইমাং জ্বরোৎপত্তিমদীনমানসঃ
পঠেৎসদা যঃ সুসমাহিতো নরঃ।
বিমুক্তরোগঃ স সুখী মুদা যুতো
লভেত কামান্স যথা মনীষিতান্॥ ॥ 12-289-63 (76913)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোননবত্যধিকদ্বিশততমোঽধ্যায়ঃ॥ 289॥
Mahabharata - Shanti Parva - Chapter Footnotes
12-289-6 সিদ্ধং লোকেষু ভারতেতি ট. থ. পাঠঃ॥ 12-289-15 তস্থিরে চাচলোপমা ইতি ধ. পাঠঃ॥ 12-289-21 জ্বলিতৈর্জ্বলনপ্রভৈরিতি ট. থ. ধ. পাপঃ॥ 12-289-26 সর্বমেতদনুষ্ঠিতমিতি ট. ধ. পাঠঃ॥ 12-289-28 প্রভবস্যধিকো গুণৈরিতি ধ. পাঠঃ॥ 12-289-32 সর্বলোকমহেশ্বর ইতি ধ. পাঠঃ॥ 12-289-36 আধায় মৃগরূপং ইতি ধ. পাঠঃ॥ 12-289-40 ঊর্ধ্বকেশোতিরিক্তাঙ্গ ইতি থ. পাঠঃ॥ 12-289-44 হাহাভূতে প্রবৃত্তে তু নাদে লোকভয়ংকরে ইতি ট. ধ. পাঠঃ॥ 12-289-52 শিলাজতু ধাতুবিশেষঃ। নীলিকা শৈবালম্॥ 12-289-53 খোরকঃ পশূনাং পাদরোগঃ॥ 12-289-54 রন্ধ্রাগতং অশ্বগলরন্ধ্রগতং মাংসখণ্ডম্। রন্ধ্রোদ্রমনমশ্বানামিতি ট. থ. পাঠঃ। রন্ধ্রোদ্ভবশ্চ মৎস্যানামিতি ধ. পাঠঃ॥ 12-289-55 পিত্তভেদশ্চ সর্বেষাং প্রাণিনামিতি নঃ শ্রুতমিতি ট. ধ. পাঠঃ॥শান্তিপর্ব - অধ্যায় 290
॥ শ্রীঃ ॥
12.290. অধ্যায়ঃ 290
Mahabharata - Shanti Parva - Chapter Topics
বীরভদ্রেণ দক্ষয়জ্ঞভঙ্গঃ॥ 1॥ দক্ষকৃতস্তুতিপ্রসন্নেন রুদ্রেণ দক্ষায় বরদানম্॥ 2॥Mahabharata - Shanti Parva - Chapter Text
12-290-0 (76914)
জনমেজয় উবাচ। 12-290-0x (6411)
প্রাচেতসস্য দক্ষস্য কথং বৈবস্বতেন্তরে।
বিনাশমগমদ্ব্রহ্মন্হয়মেধঃ প্রজাপতেঃ। 12-290-1 (76915)
`কথং স চাভবদ্ব্রহ্মন্হয়মেব প্রজাপতেঃ॥' 12-290-1x (6412)
দেব্যা মন্যুকৃতং মৎবা ক্রুদ্ধঃ সর্বাত্মকঃ প্রভুঃ।
প্রসাদাত্তস্য দক্ষেণ স যজ্ঞঃ সংধিতঃ কথম্।
এতদ্বেদিতুমিচ্ছেয়ং তন্মে ব্রূহি যথাতথম্॥ 12-290-2 (76916)
বৈশম্পায়ন উবাচ। 12-290-3x (6413)
পুরা হিমবতঃ পৃষ্ঠে দক্ষো বৈ যজ্ঞমাহরৎ।
গঙ্গাদ্বারে শুভে দেশে ঋষিসিদ্ধনিষেবিতে॥ 12-290-3 (76917)
গন্ধর্বাপ্সরসাকীর্ণে নানাদ্রুমলতাবৃতে।
ঋষিসঙ্ঘৈঃ পরিবৃতং দক্ষং ধর্মভৃতাং বরম্॥ 12-290-4 (76918)
পৃথিব্যামন্তরিক্ষে চ যে চ স্বর্লোকবাসিনঃ।
সর্বে প্রাজ্জলয়ো ভূৎবা উপতস্থুঃ প্রজাপতিম্॥ 12-290-5 (76919)
দেবদানবগন্ধর্বাঃ পিশাচোরগরাক্ষসাঃ।
হাহা হূহূশ্চ গন্ধর্বৌ তুম্বুরুর্নারদস্তথা॥ 12-290-6 (76920)
বিশ্বাবসুর্বিশ্বসেনো গন্ধর্বাপ্সরসস্তথা।
আদিত্যা বসবো রদ্রাঃ সাধ্যাঃ সহ মরুদ্গণৈঃ॥ 12-290-7 (76921)
ইন্দ্রেণ সহিতাঃ সর্বে আগতা যজ্ঞভাগিনঃ।
ঊষ্মপাঃ সোমপাশ্চৈব ধূমপা আজ্যপাস্তথা॥ 12-290-8 (76922)
ঋষয়ঃ পিতরশ্চৈব আগতা ব্রহ্মণা সহ।
এতে চান্যে চ বহবো ভূতগ্রামাশ্চতুর্বিধাঃ॥ 12-290-9 (76923)
জরায়ুজাণ্ডজাশ্চৈব সহসা স্বেদজোদ্ভিজৈঃ।
আহূতা মন্ত্রিতাঃ সর্বে দেবাশ্চ সহ পত্নিভিঃ॥ 12-290-10 (76924)
বিরাজন্তে বিমানস্থা দীপ্যমানা ইবাগ্নয়ঃ।
তান্দৃষ্ট্বা মন্যুনাঽঽবিষ্টো দধীচির্বাক্যমব্রবীৎ॥ 12-290-11 (76925)
নায়ং যজ্ঞো ন বা ধর্মো যত্র রুদ্রো ন ইজ্যতে।
বধবন্ধং প্রপন্না বৈ কিংনু কালস্য পর্যযঃ॥ 12-290-12 (76926)
কিংনু মোহান্ন পশ্যন্তি বিনাশং পর্যুপস্থিতম্।
উপস্থিতং ভয়ং ঘোরং ন বুধ্যন্তি যহাধ্বরে॥ 12-290-13 (76927)
ইত্যুক্ৎবা স মহায়োগী পশ্যতি ধ্যানচক্ষুষা।
স পশ্যতি মহাদেবং দেবীং চ বরদাং শুভাম্॥ 12-290-14 (76928)
নারদং চ মহাত্মানং তস্যা দেব্যাঃ সমীপতঃ।
সংতোষং পরমং লেভে ইতি নিশ্চিত্য যোগবিৎ॥ 12-290-15 (76929)
একমন্ত্রাস্তু তে সর্বে যেনেশো ন নিমন্ত্রিতঃ।
তস্মাদ্দেশাদপক্রম্য দধীচির্বাক্যমব্রবীৎ॥ 12-290-16 (76930)
অপূজ্যপূজনাচ্চৈব পূজ্যানাং চাপ্যপূজনাৎ।
নৃঘাতকসমং পাপং শশ্বৎপ্রাপ্নোতি মানবঃ॥ 12-290-17 (76931)
অনৃতং নোক্তপূর্বং মে ন চ বক্ষ্যে কদাচন।
দেবতানামৃষীণাং চ মধ্যে সত্যং ব্রবীম্যহম্॥ 12-290-18 (76932)
আগতং পশুভর্তারং স্রষ্টারং জগতঃ পতিম্।
অধ্বরে হ্যগ্রভোক্তারং হ্যর্বেষাং পশ্যত প্রভুম্॥ 12-290-19 (76933)
দক্ষ উবাচ। 12-290-20x (6414)
সন্তি নো বহবো রুদ্রাঃ শূলহস্তাঃ কপর্দিনঃ।
একাদশস্থানগতা নাহং বেদ্মি মহেশ্বরম্॥ 12-290-20 (76934)
দধীচিরুবাচ। 12-290-21x (6415)
সর্বেষামেব মন্ত্রোঽয়ং যেনাসৌ ন নিমন্ত্রিতঃ।
যথাঽহং শংকরাদূর্ধ্বং নান্যং পশ্যামি দৈবতম্।
তথা দক্ষস্য বিপুলো যজ্ঞোঽয়ং নভবিষ্যতি॥ 12-290-21 (76935)
দক্ষ উবাচ। 12-290-22x (6416)
এতন্মখেশায় সুবর্ণপাত্রে
হবিঃ সমস্তং বিধিমন্ত্রপূতম্।
বিষ্ণোর্নয়াম্যপ্রতিমস্য ভাগং
প্রভুর্বিভুশ্চাহবনীয় এষঃ॥ 12-290-22 (76936)
দেব্যুবাচ। 12-290-23x (6417)
কিং নাম দানং নিয়মং তপো বা
কুর্যামহং যেন পতির্মমাদ্য।
` লভেত ভাগং চ তথৈব সর্বং
প্রভুর্বিভুশ্চাহবনীয় এষঃ।'
লভেত ভাগং ভগবানচিন্ত্যো
হ্যর্ধং তথা ভাগমথো তৃতীয়ম্॥ 12-290-23 (76937)
এবং ব্রুবাণাং ভগবান্স্বপত্নীং
প্রহৃষ্টরূপঃ ক্ষুভিতামুবাচ।
ন বেৎসি মাং দেবি কৃশোদরাঙ্গি
কিং নাম যুক্তং বচনং মখেশে॥ 12-290-24 (76938)
অহং বিজানামি বিশালনেত্রে
ধ্যানেন হীনা ন বিদন্ত্যসন্তঃ।
তবাদ্য মোহেন চ সেন্দ্রদেবা
লোকাস্ত্রয়ঃ সর্বত এব মূঢাঃ॥ 12-290-25 (76939)
মামধ্বরে শংসিতারঃ স্তুবন্তি
রথন্তরং সামগাশ্চোপগান্তি।
মাং ব্রাহ্মণা ব্রহ্মবিদো যজন্তে
মমাধ্বর্যবঃ কল্পয়ন্তে চ ভাগম্॥ 12-290-26 (76940)
দেব্যুবাচ। 12-290-27x (6418)
সুপ্রাকৃতোঽপি পুরুষঃ সর্বঃ স্ত্রীজনসংসদি।
স্তৌতি গর্বায়তে চাপি স্বমাত্মানং ন সংশয়ঃ॥ 12-290-27 (76941)
শ্রীভগবানুবাচ। 12-290-28x (6419)
নাত্মানং স্তৌমি দেবেশি পশ্য মে তনুমধ্যমে।
যং স্রক্ষ্যামি বরারোহে যাগার্থে বরবর্ণিনি॥ 12-290-28 (76942)
ইত্যুক্ৎবা ভগবান্পত্নীমুমাং প্রাণৈরপি প্রিয়াম্।
সোঽসৃজদ্ভগবান্বক্রাদ্ভূতং ঘোরং প্রহর্ষণম্॥ 12-290-29 (76943)
তমুবাচাক্ষিপ মখং দক্ষস্যেতি মহেশ্বরঃ।
ততো বক্রাদ্বিমুক্তেন সিংহেনৈকেন লীলয়া॥ 12-290-30 (76944)
দেব্যা মন্যুব্যপোহার্থং হতো দক্ষস্য বৈ ক্রতুঃ।
মন্যুনা চ মহাভীমা মহাকালী মহেশ্বরী॥ 12-290-31 (76945)
আত্মনঃ কর্মসাক্ষিৎবে তেন সার্ধং সহানুগা।
দেবস্যানুমতং মৎবা প্রণম্য শিরসা ততঃ॥ 12-290-32 (76946)
আত্মনঃ সদৃশঃ শৌর্যাদ্বলরূপসমন্বিতঃ।
স এব ভগবান্ক্রোধঃ প্রতিরূপসমন্বিতঃ॥ 12-290-33 (76947)
অনন্তবলবীর্যশ্চ অনন্তবলপৌরুষঃ।
বীরভদ্র ইতি খ্যাতো দেব্যা মন্যুপ্রমার্জকঃ॥ 12-290-34 (76948)
সোঽসৃজদ্রোমকূষেভ্যো রৌম্যান্নাম গণেশ্বরান্।
রুদ্রতুল্যা গণা রৌদ্রা রুদ্রবীর্যপরাক্রমাঃ॥ 12-290-35 (76949)
তে নিপেতুস্ততস্তূর্ণং দক্ষয়জ্ঞবিহিংসয়া।
ভীমরূপা মহাকায়াঃ শতশোঽথ সহস্রশঃ॥ 12-290-36 (76950)
ততঃ কিলকিলাশব্দৈরাকাশং পূরয়ন্তি চ।
তেন শব্দেন মহতা ত্রস্তাস্তত্র দিবৌকসঃ॥ 12-290-37 (76951)
পর্বতাশ্চ ব্যশীর্যন্ত চকম্পে চ বসুংধরা।
মারুতাশ্চৈব ঘূর্ণন্তে চুক্ষুভে বরুণালয়ঃ॥ 12-290-38 (76952)
অগ্নয়ো নৈব দীপ্যন্তে নৈব দীপ্যতি ভাস্করঃ।
গ্রহা চৈব প্রকাশন্তে নক্ষত্রাণি ন চন্দ্রমাঃ॥ 12-290-39 (76953)
ঋষয়ো ন প্রকাশন্তে ন দেবা ন চ মানুষাঃ।
এবং তু তিমিরীভূতে নির্দহন্ত্যপমানিতাঃ॥ 12-290-40 (76954)
প্রহরন্ত্যপরে ঘোরা যূপানুৎপাটয়ন্তি চ।
প্রমর্দন্তি তথা চান্যে বিমর্দন্তি তথাঽপরে॥ 12-290-41 (76955)
আধাবন্তি প্রধাবন্তি বায়ুবেগা মনোজবাঃ।
চূর্ণ্যন্তে যজ্ঞপাত্রাণি দিব্যান্যাভরণানি চ॥ 12-290-42 (76956)
বিশীর্যরমাণা দৃশ্যন্তে তারা ইব নভস্তলে।
দিব্যান্নপানভক্ষ্যাণাং রাশয়ঃ পর্বতোপমাঃ॥ 12-290-43 (76957)
ক্ষীরনদ্যোঽথ দৃশ্যন্তে ধৃতপায়সকর্দমাঃ।
দধিমণ্ডেদকা দিব্যাঃ খণ্ডশর্করবালুকাঃ॥ 12-290-44 (76958)
ষড্রসা নিবহন্ত্যেতা গুডকুল্যা মনোরমাঃ।
উচ্চাবচানি মাংসানি ভক্ষ্যাণি বিবিধানি চ॥ 12-290-45 (76959)
পানকানি চ দিব্যানি লেহ্যচোষ্যাণি যানি চ।
ভৃঞ্জতে বিবিধৈর্বক্রৈর্বিলুম্পন্ত্যাক্ষিপন্তি চ॥ 12-290-46 (76960)
রুদ্রকোপান্মহাকায়াঃ কালাগ্নিসদৃশোপমাঃ।
ক্ষোভয়ন্সুরসৈন্যানি ভীক্ষয়ন্তঃ সমন্ততঃ॥ 12-290-47 (76961)
ক্রীডন্তি বিবিধাকারাশ্চিক্ষিষুঃ সুরয়োষিতঃ।
রুদ্রক্রোধাৎপ্রয়ত্নেন সর্বদেবৈঃ সুরক্ষিতম্॥ 12-290-48 (76962)
তং যজ্ঞমদহচ্ছীঘ্নং রুদ্রকর্মা সমন্ততঃ।
চকার ভৈরবং নাদং সর্বভূতভয়ংকরম্॥ 12-290-49 (76963)
ছিত্ৎবা শিরো বৈ যজ্ঞস্য ননাদ চ মুমোদ চ।
ততো ব্রহ্মাদয়ো দেবা দক্ষশ্চৈব প্রজাপতিঃ॥ 12-290-50 (76964)
ঊচুঃ প্রাঞ্জলয়ঃ সর্বে কথ্যতাং কো ভবানিতি। 12-290-51 (76965)
বীরভদ্র উবাচ।
নাহং রুদ্রো ন বা দেবী নৈব ভোক্তুমিহাগতঃ॥ 12-290-51x (6420)
দেব্যা মন্যুকৃতং মৎবা ক্রুদ্ধঃ সর্বাত্মকঃ প্রভুঃ।
দ্রষ্টুং বা নৈব বিপ্রেন্দ্রান্নৈব কৌতূহলেন বা॥ 12-290-52 (76966)
তব যজ্ঞবিঘাতার্থং সংপ্রাপ্তং বিদ্ধি মামিহ।
বীরভদ্র ইতি খ্যাতো রুদ্রকোপাদ্বিনিঃসৃতঃ॥ 12-290-53 (76967)
ভদ্রকালীতি বিখ্যাতা দেব্যাঃ কোপাদ্বিনিঃ সৃতা।
প্রেষিতৌ দেবদেবেন যজ্ঞান্তিকমিহাগতৌ॥ 12-290-54 (76968)
শরণং গচ্ছ বিপ্রেন্দ্র দেবদেবমুমাপতিম্।
বরং ক্রোধোঽপি দেবস্য বরদানং ন চান্যতঃ॥ 12-290-55 (76969)
বীরভদ্রবচঃ শ্রুৎবা দক্ষো ধর্মভৃতাং বরঃ।
তোষয়ামাস স্তোত্রেণ প্রণিপত্যং মহেশ্বরম্॥ 12-290-56 (76970)
প্রপদ্যে দেবমীশানং শাশ্বতং ধ্রুবমব্যযম্।
মহাদেবং মহাত্মানং বিশ্বস্য জগতঃ পতিম্॥ 12-290-57 (76971)
দক্ষপ্রজাপতের্যজ্ঞেঃ দ্রব্যৈস্তৈঃ সুসমাহিতৈঃ।
আহূতা দেবতাঃ সর্বা ঋষয়শ্চ তপোধনাঃ॥ 12-290-58 (76972)
দেবো নাহূয়তে তত্র বিশ্বকর্মা মহেশ্বরঃ।
তত্র ক্রুদ্ধা মহাদেবী গণাংস্তত্র ব্যসর্জয়ৎ॥ 12-290-59 (76973)
প্রদীপ্তে যজ্ঞবাটে তু বিদ্গুতেষু দ্বিজাতিষু।
তারাগণমনুপ্রাপ্তে রৌদ্রে দীপ্তে মহাত্মনি॥ 12-290-60 (76974)
শূলনির্ভিন্নহৃদয়ৈঃ কূজদ্ভিঃ পরিচারকৈঃ।
নিখাতোৎপাটিতৈর্যূরপবিদ্ধৈরিতস্ততঃ॥ 12-290-61 (76975)
উৎপতদ্ভিঃ পতদ্ভিশ্চ গৃধ্রৈরামিষগৃদ্ধিভিঃ।
পক্ষবাতবিনির্ধূতৈঃ শিবাশতনিনাদিতৈঃ॥ 12-290-62 (76976)
যক্ষগন্ধর্বসঙ্ঘৈশ্চ পিশাচোরগরাক্ষমৈঃ।
প্রাণাপানৌ সংনিরুধ্য বক্রস্থানেন যত্নতঃ॥ 12-290-63 (76977)
বিচার্য সর্বতো দৃষ্টিং বহুদৃষ্টিরমিত্রজিৎ।
সহসা দেবদেবেশো হ্যগ্নিকুণ্ডাৎসমুত্থিতঃ॥ 12-290-64 (76978)
বিভ্রৎসূর্যসহস্রস্য তেজঃ সংবর্তকোপমঃ।
স্মিতং কৃৎবাঽব্রবীদ্বাক্যং ব্রূহি কিং করবাণি তে॥ 12-290-65 (76979)
শ্রাবিতে চ মখাধ্যায়ে দেবানাং গুরুণা ততঃ।
তমুবাচাজ্জলিং কৃৎবা দক্ষো দেবং প্রজাপতিঃ॥ 12-290-66 (76980)
ভীতশঙ্কিতবিত্রস্তঃ সবাষ্পবদনেক্ষণঃ।
যদি প্রসন্নো ভগবান্যদি চাহং ভবৎপ্রিয়ঃ॥ 12-290-67 (76981)
যদি বাঽহভনুগ্রাহ্যো যদি বা বরদো মম।
যদ্দগ্ধং ভক্ষিতং পীতমশিত্তং যচ্চ নাশিতম্॥ 12-290-68 (76982)
চূর্ণীকৃতাপবিদ্ধং চ যজ্ঞসংভারমীদৃশম্।
দীর্ঘকালেন মহতা প্রয়ত্নেন সুসংচিতম্।
তন্ন মিথ্যা ভবেন্মহ্যং বরমেতমহং বৃণে॥ 12-290-69 (76983)
তথাঽস্ৎবিত্যাহ ভগবান্ভগনেত্রহরো হরঃ।
ধর্মাধ্যক্ষো বিরূপাক্ষস্ত্র্যক্ষো দেবঃ প্রজাপতিঃ॥ 12-290-70 (76984)
জানুভ্যামবনীং গৎবা দক্ষো লব্ধ্বা ভবাদ্বরম্।
নাম্নামষ্টসহস্রেণ স্তুতবান্বৃষভধ্বজম্॥ 12-290-71 (76985)
যুধিষ্ঠির উবাচ। 12-290-72x (6421)
যৈর্নামঘেয়ৈঃ স্তুতবান্দক্ষো দেবং প্রজাপতিঃ।
বক্তুমর্হসি মে তাত শ্রোতুং শ্রদ্ধা মমানঘ॥ 12-290-72 (76986)
ভীষ্ম উবাচ। 12-290-73x (6422)
শ্রূয়তাং দেবদেবস্য নামান্যদ্ভূতকর্মণঃ।
গূঢব্রতস্য গুহ্যানি প্রকাশানি চ ভারত॥ 12-290-73 (76987)
নমস্তে দেবদেবেশ দেবারিবলসূদন।
দেবেন্দ্রবলবিষ্টম্ভ দেবদানবপূজিত॥ 12-290-74 (76988)
সহস্রাক্ষ বিরূপাক্ষ ত্র্যক্ষ যক্ষাধিপপ্রিয়।
সর্বতঃ পাণিপাদান্ত সর্বতোক্ষিশিরোমুখং॥ 12-290-75 (76989)
সর্বতঃ শ্রুতিমংল্লোকে সর্বমাবৃত্য তিষ্ঠসি।
শঙ্কুকর্ণ মহাকর্ণ কুম্ভকর্ণার্ণবালয়॥ 12-290-76 (76990)
গজেন্দ্রকর্ণ গোকর্ণ পাণিকর্ণ নমোস্তু তে।
শতোদর শতাবর্ত শতজিহ্ন নমোস্তু তে॥ 12-290-77 (76991)
গায়ন্তি ৎবা গায়ত্রিণোঽর্চন্ত্যর্কমর্কিণঃ।
ব্রহ্মাণং ৎবা শতক্রতুমূর্ধ্বং খমিব মেনিরে॥ 12-290-78 (76992)
মূর্তৌ হি তে মহামূর্তে সমুদ্রাম্বরসন্নিভ।
সর্বা বৈ দেবতা হ্যস্মিন্গাবো গোষ্ঠ ইবাসতে॥ 12-290-79 (76993)
ভবচ্ছরীরে পশ্যামি সোমমগ্নিং জলেশ্বরম্।
আদিত্যমথ বৈ বিষ্ণুং ব্রহ্মাণং চ বৃহস্পতিম্॥ 12-290-80 (76994)
ভগবান্কারণং কার্যং ক্রিয়া করণমেব চ।
অসতশ্চ সতশ্চৈব তথৈব প্রভবাপ্যযৌ॥ 12-290-81 (76995)
নমো ভবায় শর্বায় রুদ্রায় বরদায় চ।
পশূনাং পতয়ে নিত্যং নমোস্ৎবন্ধকঘাতিনে॥ 12-290-82 (76996)
ত্রিজটায় ত্রিশীর্ষায় ত্রিশূলবরপাণিনে।
ত্র্যম্বকায় ত্রিনেত্রায় ত্রিপুরঘ্নায় বৈ নমঃ॥ 12-290-83 (76997)
নমশ্চণ্ডায় কৃণ্ডায় অণ্ডায়াণ্ডধরায় চ।
দণ্ডিনে সমকর্ণায় দণ্ডিমুণ্ডায় বৈ নমঃ॥ 12-290-84 (76998)
নমোর্ধ্বদংষ্ট্রকেশায় শুক্লায়াবততায় চ।
বিলোহিতায় ধূম্রায় নীলগ্নীবায় বৈ নমঃ॥ 12-290-85 (76999)
নমোস্ৎবপ্রতিরূপায় বিরূপায় শিবায় চ।
সূর্যায় সূর্যমালায় সূর্যধ্বজপতাকিনে॥ 12-290-86 (77000)
নমঃ প্রমথনাথায় বৃষস্কন্ধায় ধন্বিনে।
শত্রুংদমায় দণ্ডায় পর্ণচীরপটায় চ॥ 12-290-87 (77001)
নমো হিরণ্যগর্ভায় হিরণ্যকবচায় চ।
হিরণ্যকৃতচূডায় হিরণ্যপতয়ে নমঃ॥ 12-290-88 (77002)
নমঃ স্তুতায় স্তুত্যায় স্তূয়মানায় বৈ নমঃ।
সর্বায় সর্বভক্ষায় সর্বভূতান্তরাত্মনে॥ 12-290-89 (77003)
নমো হোত্রেঽথ মন্ত্রায় শুক্লধ্বজপতাকিনে।
নমো নাভায় নাভ্যায় নমঃ কটকটায় চ॥ 12-290-90 (77004)
নমোস্তু কৃশনাসায় কৃশাঙ্গায় কৃশায় চ।
সংহৃষ্টায় বিহৃষ্টায় নমঃ কিলকিলায় চ॥ 12-290-91 (77005)
নমোস্তু শয়মানায় শয়িতায়োত্থিতায় চ।
স্থিতায় ধাবমানায় মুণ্ডায় জটিলায় চ॥ 12-290-92 (77006)
নমো নর্তনশীলায় মুখবাদিত্রবাদিনে।
নাদ্যোপহারলুব্ধায় গীতবাদিত্রশালিনে॥ 12-290-93 (77007)
নমো জ্যেষ্ঠায় শ্রেষ্ঠায় বলপ্রমথনায় চ।
কালনাথায় কল্যায় ক্ষয়ায়োপক্ষয়ায় চ॥ 12-290-94 (77008)
ভীমদুন্দুভিহাসায় ভীমব্রতধরায় চ।
উগ্রায় চ নমো নিত্যং নমোস্তু দশবাহবে॥ 12-290-95 (77009)
নমঃ কপালহস্তায় চিতিভস্মপ্রিয়ায় চ।
বিভীষণায় ভীষ্মায় ভীমব্রতধরায় চ॥ 12-290-96 (77010)
নমো বিকৃতবক্রায় খঙ্গজিহ্বায় দংষ্ট্রিণে।
পক্বামমাংসলুব্ধায় তুম্বীবীণাপ্রিয়ায় চ॥ 12-290-97 (77011)
নমো বৃষায় বৃষ্যায় গোবৃষায় বৃষায় চ।
কটংকটায় দণ্ডায় নমঃ পচপচায় চ॥ 12-290-98 (77012)
নমঃ সর্ববরিষ্ঠায় বরায় বরদায় চ।
বরমাল্যগন্ধবস্ত্রায় বরাতিবরদে নমঃ॥ 12-290-99 (77013)
নমো রক্তবিরক্তায় ভাবনায়াক্ষমালিনে।
সংভিন্নায় বিভিন্নায় চ্ছায়ায়াতপনায় চ॥ 12-290-100 (77014)
অঘোরঘোররূপায় ঘোরঘোরতরায় চ।
নমঃ শিবায় শান্তায় নমঃ শান্ততমায় চ॥ 12-290-101 (77015)
একপাদ্বহুনেত্রায় একশীর্ষ্ণে নমোস্তু তে।
রুদ্রায় ক্ষুদ্রলুব্ধায় সংবিভাগপ্রিয়ায় চ॥ 12-290-102 (77016)
পঞ্চালায় সিতাঙ্গায় নমঃ শমশমায় চ।
নমশ্চণ্ডিকঘণ্টায় ঘণ্টায়াঘণ্টঘণ্টিনে॥ 12-290-103 (77017)
সহস্রাধ্মাতঘণ্টায় ঘণ্টামালাপ্রিয়ায় চ।
প্রাণঘণ্টায় গন্ধায় নমঃ কলকলায় চ॥ 12-290-104 (77018)
হূংহূংহূংকারপারায় হূংহূংকারপ্রিয়ায় চ।
নমঃ শমশমে নিত্যং গিরিবৃক্ষালয়ায়া চ॥ 12-290-105 (77019)
গর্ভমাংসসৃগালায় তারকায় তরায় চ।
নমো যজ্ঞায় যজিনে হুতায় প্রহুতায় চ॥ 12-290-106 (77020)
যজ্ঞবাহায় দান্তায় তপ্যায়াতপনায় চ।
নমস্তটায় তট্যায় তটানাং পতয়ে নমঃ॥ 12-290-107 (77021)
অন্নদায়ান্নপতয়ে নমস্ৎবন্নভুজে তথা।
নমঃ সহস্রশীর্ষায় সহস্রচরণায় চ॥ 12-290-108 (77022)
সহস্রোদ্যতশূলায় সহস্রনয়নায় চ।
নমো বালার্কবর্ণায় বালরূপধরায় চ॥ 12-290-109 (77023)
বালানুচরগোপ্তায় বালক্রীডনকায় চ।
নমোবৃদ্ধায় লুব্ধায় ক্ষুব্ধায় ক্ষোভণায় চ॥ 12-290-110 (77024)
তরঙ্গাঙ্কিতকেশায় মুঞ্জকেশায় বৈ নমঃ।
নমঃ ষট্কর্মতুষ্টায় ত্রিকর্মনিরতায় চ॥ 12-290-111 (77025)
বর্ণাশ্রমাণাং বিধিবৎপৃথক্কর্মনিবর্তিনে।
নমো ঘুষ্যায় ঘোষায় নমঃ কলকলায় চ॥ 12-290-112 (77026)
শ্বেতপিঙ্গলনেত্রায় কৃষ্ণরক্তেক্ষণায় চ।
প্রাণভগ্নায় দণ্ডায় স্ফোটনায় কৃশায় চ॥ 12-290-113 (77027)
ধর্মকামার্থমোক্ষাণাং কথনীয়কথায় চ।
সাঙ্খ্যায় সাঙ্খ্যমুখ্যায় সাঙ্খ্যযোগপ্রবর্তিনে॥ 12-290-114 (77028)
নমো রথ্যবিরথ্যায় চতুষ্পথরথায় চ।
কৃষ্ণাজিনোত্তরীয়ায় ব্যালয়জ্ঞোপবীতিনে॥ 12-290-115 (77029)
ঈশানবজ্রসংঘাতহরিকেশ নমোস্তু তে।
ত্র্যম্বকাম্বিকনাথায় ব্যক্তাব্যক্ত নমোস্তু তে॥ 12-290-116 (77030)
কাম কামদ কামঘ্ন তৃপ্তাতৃপ্তবিচারিণে।
সর্ব সর্বদ সর্বঘ্ন সংন্ধ্যারাগ নমোস্তু তে॥ 12-290-117 (77031)
`মহাবল মহাবাহো মহাসৎব মহাদ্যুতে।
মহামেঘচলপ্রখ্য মহাকাল নমোস্তু তে।
স্থূলজীর্ণাঙ্গজটিলে বৎকলাজিনধারিণে॥ 12-290-118 (77032)
দীপ্তসূর্যাগ্নিজটিনে বৎকলাজিনবাসসে।
রসহস্রসূর্যপ্রতিম তপোনিত্য তমোস্তু তে॥ 12-290-119 (77033)
উন্মাদনুশতাবর্ত গঙ্গাতোয়ার্দ্রমূর্ধজ।
চন্দ্রবর্ত যুগাবর্ত মেঘাবর্ত নমোস্তু তে॥ 12-290-120 (77034)
ৎবমন্নমত্তা ভোক্তা চ অন্নদোঽন্নভুগেব চ।
অন্নস্রষ্টা চ পক্তা চ পক্কভুক্পবনোঽনলঃ॥ 12-290-121 (77035)
জরায়ুজাণ্ডজাশ্চৈব স্বেদজাশ্চ তথোদ্ভিজাঃ।
ৎবমেব দেবদেবেশ ভূতগ্রামশ্চতুর্বিধঃ॥ 12-290-122 (77036)
চরাচরস্য স্রষ্টা ৎবং প্রতিহর্তা তথৈব চ।
ৎবামাহুর্ব্রহ্মবিদুষো ব্রহ্ম ব্রহ্মবিদাংবর॥ 12-290-123 (77037)
মনসঃ পরমা যোনিঃ খং বায়ুর্জ্যোতিষাং নিধিঃ।
ঋক্সামানি তথোঙ্কারমাহুস্ৎবাং ব্রহ্মবাদিনঃ॥ 12-290-124 (77038)
হায়িহায়ি হুবাহায়ি হাবুহায়ি তথাঽসকৃৎ।
গায়ন্তি ৎবাং সুরশ্রেষ্ঠ সামগা ব্রহ্মবাদিনঃ॥ 12-290-125 (77039)
যজুর্ময়ো ঋঙ্ভয়শ্চ ৎবমাহুতিময়স্তথা।
পঠ্যসে স্তুতিভিশ্চৈব বেদোপনিষদাং গণৈঃ॥ 12-290-126 (77040)
ব্রাহ্মণাঃ ক্ষত্রিয়া বৈশ্যাঃ শূদ্রা বর্ণাবরাশ্চ যে।
ৎবমেব মেঘসঙ্ঘাশ্চ বিদ্যুৎস্তনিতগর্জিতঃ॥ 12-290-127 (77041)
সংবৎসরস্ৎবামুতবো মাসো মাসার্ধমেব চ।
যুগং নিমেষাঃ কাষ্ঠাস্ৎবং নক্ষত্রাণি গ্রহাঃ কলাঃ॥ 12-290-128 (77042)
বৃক্ষাণাং ককুদোসি ৎবং গিরীণাং শিখরাণি চ।
ব্যাঘ্রো মৃগাণাং পততাং তার্ক্ষ্যোঽনন্তশ্চ ভোগিনাম্॥ 12-290-129 (77043)
ক্ষীরাদো হ্যুদধীনাং চ যন্ত্রাণাং ধনুরেব চ।
বজ্রঃ প্রহরণানাং চ ব্রতানাং সত্যমেব চ॥ 12-290-130 (77044)
ৎবমেব দ্বেষ ইচ্ছা চ রাগো মোহঃ ক্ষমাক্ষমে।
ব্যবসায়ো ধৃতির্লোভঃ কামক্রোধৌ জয়াজয়ৌ॥ 12-290-131 (77045)
ৎবং গদী ৎবং শরী চাপী খট্বাঙ্গী ঝর্ঝরী তথা।
ছেত্তা ভেত্তা প্রহর্তা ৎবং নেতা মন্তা পিতা মতঃ॥ 12-290-132 (77046)
দশলক্ষণসংয়ুক্তো ধর্মোঽর্থঃ কাম এব চ।
গঙ্গা সমুদ্রাঃ সরিতঃ পল্বলানি সংরাসি চ॥ 12-290-133 (77047)
লতা বল্ল্যস্তৃণৌষধ্যঃ পশবো মৃগপক্ষিণঃ।
দ্রব্যকর্মসমারম্ভঃ কালঃ পুষ্পফলপ্রদঃ॥ 12-290-134 (77048)
আদিশ্চান্তশ্চ দেবানাং গায়ত্র্যোঙ্কার এব চ।
হরিতো রোহিতো নীলঃ কৃষ্ণো রক্তস্তথাঽরুণঃ।
কদ্রুশ্চ কপিলশ্চৈব কপোতো মেচকস্তথা॥ 12-290-135 (77049)
অবর্ণশ্চ সুবর্ণশ্চ বর্ণকারো ঘনোপমঃ।
সুবর্ণনামা চ তথা সুবর্ণপ্রিয় এব চ॥ 12-290-136 (77050)
ৎবমিন্দ্রশ্চ যমশ্চৈব বরুণো ধনদোঽনলঃ।
উপপ্লবশ্চিত্রভানুঃ স্বর্ভানুর্ভানুরেব চ॥ 12-290-137 (77051)
হোত্রং হোতা চ হোম্যং চ হুতং চৈব তথা প্রভুঃ।
ত্রিসৌপর্ণং তথা ব্রহ্ম যজুষাং শতরুদ্রিয়ম্॥ 12-290-138 (77052)
পবিত্রং চ পবিত্রাণাং মঙ্গলানাং চ মঙ্গলম্।
গিরিকো হিণ্ডুকো বৃক্ষো জীবঃ পুদ্গল এব চ॥ 12-290-139 (77053)
প্রাণঃ সত্ৎবং রজশ্চৈব তমশ্চাপ্রমদস্তথা।
প্রাণোপানঃ সমানশ্চ উদানো ব্যান এব চ॥ 12-290-140 (77054)
উন্মেষশ্চ নিমেষশ্চ ক্ষুতং জৃম্ভিতমেব চ।
লোহিতান্তর্গতা দৃষ্টির্মহাবক্রো মহোদরঃ॥ 12-290-141 (77055)
সূচীরোমা হরিশ্মশ্রুরূর্ধ্বকেশশ্চলাচলঃ।
গীতবাদিত্রতত্ৎবজ্ঞো গীতবাদনকপ্রিয়ঃ॥ 12-290-142 (77056)
মৎস্যো জলচরো জাল্যোঽকলঃ কেলিকলঃ কলিঃ।
অকালশ্চাতিকালশ্চ দুষ্কালঃ কাল এব চ॥ 12-290-143 (77057)
মৃত্যুঃ ক্ষুরশ্চ কৃত্যশ্চ পক্ষোঽপক্ষক্ষয়ংকরঃ।
মেঘকালো মহাদংষ্ট্রঃ সংবর্তকবলাহকঃ॥ 12-290-144 (77058)
ঘণ্টোঽঘণ্টো ঘটী ঘণ্টী চরুচেলী মিলীমিলী।
ব্রহ্মকায়িকমগ্নীনাং দণ্ডী মুণ্ডস্ত্রিদণ্ডধৃক্॥ 12-290-145 (77059)
চতুর্যুগশ্চতুর্বেদশ্চাতুর্হোত্রপ্রবর্তকঃ।
চাতুরাশ্রম্যবেতা চ চাতুর্বর্ণ্যকরশ্চ যঃ॥ 12-290-146 (77060)
সদা চাক্ষপ্রিয়ো ধূর্তো গণাধ্যক্ষো গণাধিপঃ।
রক্তমাল্যাম্বরঘরো গিরিশো গিরিকপ্রিয়ঃ॥ 12-290-147 (77061)
শিল্পিকঃ শিল্পিনাংশ্রেষ্ঠঃ সর্বশিল্পপ্রবর্তকঃ।
ভগনেত্রাঙ্কুশশ্চণ্ডঃ পূষ্ণো দন্তবিনাশনঃ॥ 12-290-148 (77062)
স্বাহাস্বধাবষট্কারো নমস্কারো নমো নমঃ।
গূঢব্রতো গুহ্যতপাস্তারকস্তারকাময়ঃ॥ 12-290-149 (77063)
ধাতা বিধাতা সংধাতা বিধাতা ধারণো ধরঃ।
ব্রহ্মা তপশ্চ সত্যং চ ব্রহ্মচর্যমথার্জবম্॥ 12-290-150 (77064)
ভূতাত্মা ভূতকৃদ্ভূতো ভূতভব্যবোদ্ভবঃ।
ভূর্ভুবঃ স্বরিতশ্চৈব ধ্রুবো দান্তো মহেশ্বরঃ॥ 12-290-151 (77065)
দীক্ষিতোঽদীক্ষিতঃ ক্ষান্তো দুর্দান্তোঽদান্তনাশনঃ।
চন্দ্রাবর্তয়ুগাবর্তঃ সংবর্তঃ সংপ্রবর্তকঃ॥ 12-290-152 (77066)
কামো বিন্দুরণুঃ স্থূলঃ কর্ণিকারস্রজপ্রিয়ঃ।
নন্দীমুখো ভীমমুখঃ সুমুখো দুর্মুখোঽমুখঃ॥ 12-290-153 (77067)
চতুর্মুখো বহুমুখো রণেষ্বগ্নিমুখস্তথা।
হিরণ্যগর্ভঃ শকুনির্মহোরগপতির্বিরাট্॥ 12-290-154 (77068)
অধর্মহা মহাপার্শ্বশ্চণ্ডধারো গণাধিপঃ।
গোনর্দো গোপ্রতারশ্চ গোবৃষেশ্বরবাহনঃ॥ 12-290-155 (77069)
ত্রৈলোক্যগোপ্তা গোবিন্দো গোমার্গোঽমার্গ এব চ।
শ্রেষ্ঠঃ স্থিরশ্চ স্থাণুশ্চ নিষ্কম্পঃ কম্প এব চ॥ 12-290-156 (77070)
দুর্বারণো দুর্বিষহো দুঃসহো দুরতিক্রমঃ।
দুর্ধর্পো দুষ্প্রকম্পশ্চ দুর্বিষো দুর্জয়ো জয়ঃ॥ 12-290-157 (77071)
শশঃ শশাঙ্কঃ শমনঃ শীতোষ্ণক্ষুজ্জরাধিকৃৎ।
আধয়ো ব্যাধয়শ্চৈব ব্যাধিহা ব্যাধিরেব চ॥ 12-290-158 (77072)
মম যজ্ঞমৃগব্যাধো ব্যাধীনামাগমো গমঃ।
শিখণ্ডী পুণ্ডরীকাক্ষঃ পুণ্ডরীকবনালয়ঃ॥ 12-290-159 (77073)
দণ্ডধারস্ত্র্যম্বকশ্চ উগ্রদণ্ডোঽণ্ডনাশনঃ।
বিষাগ্নিপাঃ সুরশ্রেষ্ঠঃ সোমপাস্ৎবং মরুৎপতিঃ॥ 12-290-160 (77074)
অমৃতপাস্ৎবং জগন্নাথ দেবদেব গণেশ্বরঃ।
বিষাগ্নিপা মৃত্যুপাশ্চ ক্ষীরপাঃ সোমপাস্তথা।
মধুশ্চ্যুতানামগ্রপাস্ৎবং ৎবমেব তুষিতাদ্যপাঃ॥ 12-290-161 (77075)
হিরণ্যরেতাঃ পুরুষস্ৎবমেব
ৎবং স্ত্রী পুমাংস্ৎবং চ নপুংসকং চ।
বালো যুবা স্থবিরো জীর্ণদংষ্ট্রস্ৎবং
নাগেন্দ্র শক্রস্ৎবং বিশ্বকৃদ্বিশ্বকর্তা॥ 12-290-162 (77076)
বিশ্বকৃদ্বিশ্বকৃতাং বরেণ্যস্ৎবং বিশ্ববাহো
বিশ্বরূপস্তেজস্বী বিশ্বতোমুখঃ।
চন্দ্রাদিত্যৌ চক্ষুষী তে হৃদয়ং চ পিতামহঃ। 12-290-163 (77077)
মহোদধিঃ সরস্বতী বাগ্বলমনলোঽ
নিলঃ অহোরাত্রং নিমেষোন্মেষকর্মা॥ 12-290-164 (77078)
ন ব্রহ্মা ন চ গোবিন্দঃ পৌরাণা ঋষয়ো ন তে।
মাহাত্ম্যং বেদিতুং শক্তা যাথাতথ্যেন তে শিব॥ 12-290-165 (77079)
যা মূর্তয়ঃ সুসূক্ষ্মাস্তে ন মহ্যং যান্তি দর্শনম্।
ত্রাহি মাং সততং রক্ষ পিতা পুত্রমিবৌরসম্॥ 12-290-166 (77080)
রক্ষ মাং রক্ষণীয়োঽহং তবানঘ নমোস্তু তে।
ভক্তানুকম্পী ভগবান্ভক্তশ্চাহং সদা ৎবয়ি॥ 12-290-167 (77081)
যঃ সহস্রাণ্যনেকাপি পুংসামাবৃত্য দুর্দৃশঃ।
তিষ্ঠত্যেকঃ সমুদ্রান্তে স মে গোপ্তাঽস্তু নিত্যশঃ॥ 12-290-168 (77082)
যং বিনিদ্রা জিতশ্বাসাঃ সৎবস্থাঃ সংয়তেন্দ্রিয়াঃ।
জ্যোতিঃ পশ্যন্তি যুঞ্জানাস্তস্মৈ যোগাত্মনে নমঃ॥ 12-290-169 (77083)
জটিলে দণ্ডিনে নিত্যং লম্বোদরশরীরিণে।
কমণ্ডলুনিষঙ্গায় তস্মৈ ব্রহ্মাত্মনে নমঃ॥ 12-290-170 (77084)
যস্য কেশেষু জীমূতা নদ্যঃ সর্বাঙ্গসন্ধিষু।
কুক্ষৌ সমুদ্রাশ্চৎবারস্তস্মৈ তোয়াত্মনে নমঃ॥ 12-290-171 (77085)
সংভক্ষ্য সর্বভূতানি যুগান্তে পর্যুপস্থিতে।
যঃ শেতে জলমধ্যস্থস্তং প্রপদ্যেঽম্বুশায়িনম্॥ 12-290-172 (77086)
প্রবিশ্য বদনং রাহোর্যঃ সোমং পিবতে নিশি।
গ্রসত্যর্কং চ স্বর্ভানুর্ভূৎবা মাং সোঽভিরক্ষতু॥ 12-290-173 (77087)
যে চানুপতিতা গর্ভা যথা ভাগানুপাসতে।
নমস্তেভ্যঃ স্বধা স্বাহা প্রাপ্নুবন্তু মুদং তু তে॥ 12-290-174 (77088)
যেঽঙ্গুষ্ঠমাত্রাঃ পুরুষা দেহস্থাঃ সর্বদেহিনাম্।
রক্ষন্তু তে হি মাং নিত্যং নিত্যং চাপ্যায়যন্তু মাম্॥ 12-290-175 (77089)
যেন রোদন্তি দেহস্থা দেহিনো রোদয়ন্তি চ।
হর্ষয়ন্তি ন হৃষ্যন্তি নমস্তেভ্যোঽস্তু নিত্যশঃ॥ 12-290-176 (77090)
যে নদীষু সমুদ্রেষু পর্বতেষু গুহাসু চ।
বৃক্ষমূলেষু গোষ্ঠেষু কান্তারে গহনেষু চ॥ 12-290-177 (77091)
চতুষ্পথেষু রথ্যাসু চৎবরেষু তটেষু চ।
হস্ত্যশ্বরথশালাসু জীর্ণোদ্যানালয়েষু চ॥ 12-290-178 (77092)
যেষু পঞ্চসু ভূতেষু দিশাসু বিদিশাসু চ।
চন্দ্রার্কয়োর্মধ্যগতা যে চ চন্দ্রার্করশ্মিষু॥ 12-290-179 (77093)
রসাতলগতা যে চ যে চ তস্মৈ পরং গতাঃ।
নমস্তেভ্যো নমস্তেভ্যো নমস্তেভ্যোস্তু নিত্যশঃ॥ 12-290-180 (77094)
যেষাং ন বিদ্যতে সঙ্খ্যা প্রমাণং রুপমেব চ।
অসংখ্যেয়গুণা রুদ্রা নমস্তেভ্যোস্তু নিত্যশঃ॥ 12-290-181 (77095)
সর্বভূতকরো যস্মাৎসর্বভূতপতির্হরঃ।
সর্বভূতান্তরাত্মা চ তেন ৎবং ন নিমন্ত্রিতঃ॥ 12-290-182 (77096)
ৎবমেব হীজ্যসে যস্মাদ্যজ্ঞৈর্বিবিধদক্ষিণৈঃ।
ৎবমেব কর্তা সর্বস্য তেন ৎবং ন নিমন্ত্রিতঃ॥ 12-290-183 (77097)
অথবা মায়যা দেব সূক্ষ্ময়া তব মোহিতঃ।
এতস্মাৎকারণাদ্বাঽপি তেন ৎবং ন নিমন্ত্রিতঃ॥ 12-290-184 (77098)
প্রসীদ মম ভদ্রং তে ভব ভাবগতস্য মে।
ৎবয়ি মে হৃদয়ং দেব ৎবয়ি বুদ্ধির্মনস্ৎবয়ি॥ 12-290-185 (77099)
স্তুৎবৈবং স মহাদেবং বিররাম প্রজাপতিঃ।
ভগবানপি সুপ্রীতঃ পুনর্দক্ষমভাষত॥ 12-290-186 (77100)
পরিতুষ্টোঽস্মি তে দক্ষ স্তবেনানেন সুব্রত।
বহুনাত্র কিমুক্তেন মৎসমীপে ভবিষ্যসি॥ 12-290-187 (77101)
অশ্বমেধসহস্রস্য বাজপেয়শতস্য চ।
প্রজাপতে মৎপ্রসাদাৎফলভাগী ভবিষ্যসি॥ 12-290-188 (77102)
অথৈনমব্রবীদ্বাক্যং লোকস্যাধিপতির্ভবঃ।
আশ্বাসনকরং বাক্যং বাক্যবিদ্বাক্যসংমিতম্॥ 12-290-189 (77103)
দক্ষ দক্ষ ন কর্তব্যো মন্যুর্বিঘ্নমিমং প্রতি।
অহং যজ্ঞহরস্তুভ্যং দৃষ্টমেতৎপুরাতনম্॥ 12-290-190 (77104)
ভূয়শ্চ তে বরং দদ্মি তং ৎবং গৃহ্ণীষ্ব সুব্রত।
প্রসন্নবদনো ভূৎবা তদিহৈকমনাঃ শৃণু॥ 12-290-191 (77105)
বেদাৎষডঙ্গাদুদ্ধৃত্য সাঙ্খ্যযোগাচ্চ যুক্তিতঃ।
তপঃ সুতপ্তং বিপুলং দুশ্চরং দেবদানবৈঃ॥ 12-290-192 (77106)
অপূর্বং সর্বতোভদ্রং সর্বতোমুখমব্যযম্।
অব্দৈর্দশাহসংয়ুক্তং গূঢমপ্রাজ্ঞনিন্দিতম্॥ 12-290-193 (77107)
বর্ণাশ্রমকৃতৈর্ধর্মৈর্বিপরীতং ক্বচিৎসমম্।
গতান্তৈরধ্যবসিতমত্যাশ্রমমিদং ব্রতম্॥ 12-290-194 (77108)
ময়া পাশুপতং দক্ষ শুভমুৎপাদিতং পুরা।
তস্য চীর্ণস্য তৎসম্যক্ফলং ভবতি পুষ্কলম্॥ 12-290-195 (77109)
তচ্চাস্তু তে মহাভাগ ত্যজ্যতাং মানসো জ্বরঃ।
এবমুক্ৎবা মহাদেবঃ সপত্নীকঃ সহানুগঃ।
অদর্শনমনুপ্রাপ্তো দক্ষস্যামিতবিক্রমঃ॥ 12-290-196 (77110)
দক্ষপ্রোক্তং স্তবমিমং কীর্তয়েদ্যঃ শৃণোতি বা।
নাশুভং প্রাপ্নুয়াৎকিংচিদ্দীর্ঘমায়ুরবাপ্নুয়াৎ॥ 12-290-197 (77111)
যথা সর্বেষু দেবেষু বরিষ্ঠো ভগবাঞ্ছিবঃ।
তথা স্তবো বরিষ্ঠোঽয়ং স্তবানাং ব্রহ্মসংমিতঃ॥ 12-290-198 (77112)
যশোরাজ্যসুখৈশ্বর্যকামার্থধনকাঙ্ক্ষিভিঃ।
শ্রোতব্যো ভক্তিমাস্থায় বিদ্যাকামৈশ্চ যত্নতঃ॥ 12-290-199 (77113)
ব্যাধিতো দুঃখিতো দীনশ্চোরগ্রস্তো ভয়ার্দিতঃ।
রাজকার্যাভিয়ুক্তো বা মুচ্যতে মহতো ভয়াৎ॥ 12-290-200 (77114)
অনেনৈব তু দেহেন গণানাং সমতাং ব্রজেৎ।
তেজসা যশসা চৈব যুক্তো ভবতি নির্মলঃ॥ 12-290-201 (77115)
ন রাক্ষসাঃ পিশাচা বা ন ভূতা ন বিনায়কাঃ।
বিঘ্নং কুর্যুর্গৃহে তস্য যত্রায়ং পঠ্যতে স্তবঃ॥ 12-290-202 (77116)
শৃণুয়াচ্চৈব যা নারী তদ্ভক্তা ব্রহ্মচারিণী।
পিতৃপক্ষে মাতৃপক্ষে পূজ্যা ভবতি দেববৎ॥ 12-290-203 (77117)
শৃণুয়াদ্যঃ স্তবং কৃৎস্নং কীর্তয়েদ্বা সমাহিতঃ।
তস্য সর্বাণি কর্মাণি সিদ্ধিং গচ্ছন্ত্যভীক্ষ্ণশঃ॥ 12-290-204 (77118)
মনসা চিন্তিতং যচ্চ যচ্চ বাচাঽনুকীর্তিতম্।
সর্বং সংপদ্যতে তস্য স্তবস্যাস্যানুকীর্তনাম্॥ 12-290-205 (77119)
দেবস্য চ গুহস্যাপি দেব্যা নন্দীশ্বরস্য চ।
বলিং সুবিহিতং কৃৎবা দমেন নিয়মেন চ॥ 12-290-206 (77120)
ততস্তু যুক্তো গৃহ্ণীয়ান্নামান্যাশু যথাক্রমম্।
ঈপ্সিতাঁল্লভতে সোর্থান্ভোগান্কামাংশ্চ মানবঃ॥ 12-290-207 (77121)
মৃতশ্চ স্বর্গমাপ্নোতি তির্যক্ষু চ ন জায়তে।
ইত্যাহ ভগবান্ব্যাসঃ পরাশরসুতঃ প্রভুঃ॥ ॥ 12-290-208 (77122)
ইতি শ্রীমন্মহাভারতে শান্তিপর্বণি মোক্ষধর্মপর্বণি নবত্যধিকদ্বিশততমোঽধ্যায়ঃ॥ 290॥
Mahabharata - Shanti Parva - Chapter Footnotes
12-290-12 বধং চ সংপ্রপন্না বৈ কিন্তু কালস্যেতি ধ. পাঠঃ॥ 12-290-24 ক্ষুভিতো হ্যুবাচেতি ধ. পাঠঃ॥ 12-290-28 যং দদামি বরারোহে যোগার্থে ইতি ধ. পাঠঃ॥ 12-290-41 প্রহরন্ত্যধ্বরে ঘোরা ইতি ধ. পাঠঃ॥ 12-290-47 ক্ষোভয়ন্ত্যশুভৈর্বকৈরিতি ধ. পাঠঃ॥ 12-290-62 যজ্ঞঘাতবিনির্ঘাতৈঃ শিবাশতনিনাদিতৈরিতি ধ. পাঠঃ॥ 12-290-63 বকস্থানেন পদ্মাসনাপরপর্যায়েণ যোগাসনেন॥ 12-290-69 তৃণীকৃতাপবিদ্ধং চেতি ধ. পাঠঃ॥ 12-290-78 স্বমিব যেমিরে ইতি ধ. পাঠঃ॥ 12-290-84 নমশ্চণ্ডায় মুণ়্ডায়েতি ধ. পাঠঃ॥ 12-290-85 শুদ্ধায়াত্মকৃতায় চেতি ধ. পাঠঃ॥ 12-290-90 মহামাত্রায় মন্ত্রায়েতি ধ. পাঠঃ॥ 12-290-97 বহুজিহ্বায় দংষ্ট্রিণি ইতি ধ. পাঠঃ॥ 12-290-98 ক্রিডক্রিডায় চণ়্ডায়েতি ধ. পাঠঃ॥ 12-290-103 নমশ্চণ্ডিকদণ্ডায় চণ্ডায়াদন্ডদণ়্ডিনে ইতি ধ. পাঠঃ॥ 12-290-104 সহস্রধাতুচণ্ডায় রুণ়্ডমালাপ্রিয়ায় চেতি ধ. পাঠঃ॥ 12-290-109 বালসূর্যধরায় চেতি ধ. পাঠঃ॥ 12-290-110 বালাতুরাণাং গোপায়েতি ধ. পাঠঃ॥ 12-290-114 সাংখ্যায় সাংখ্যযোগায়েতি ধ. পাঠঃ॥ 12-290-116 ঈশানব্রহ্মসংভূতেতি ধ. পাঠঃ॥শান্তিপর্ব - অধ্যায় 291
॥ শ্রীঃ ॥
12.291. অধ্যায়ঃ 291
Mahabharata - Shanti Parva - Chapter Topics
ভীষ্মেণ যুধিষ্ঠিরং প্রত্যধ্যাত্মকথনম্॥ 1॥Mahabharata - Shanti Parva - Chapter Text
12-291-0 (77123)
* যুধিষ্ঠির উবাচ। 12-291-0x (6423)
অধ্যাত্মং নাম যদিদং পুরুষস্যেহ বিদ্যতে।
যদধ্যাত্মং যতশ্চৈব তন্মে ব্রূহি পিতামহ॥ 12-291-1 (77124)
ভীষ্ম উবাচ। 12-291-2x (6424)
সর্বজ্ঞানং পরং বুদ্ধ্যা যন্মাং ৎবমনুপৃচ্ছসি।
তদ্ব্যাখ্যাস্যামি তে তাত তস্য ব্যাখ্যামিমাং শৃণু॥ 12-291-2 (77125)
পৃথিবী বায়ুরাকাশমাপো জ্যোতিশ্চ পঞ্চমম্।
মহাভূতানি ভূতানাং সর্বেষাং প্রভবাপ্যযৌ॥ 12-291-3 (77126)
স তেষাং গুণসংঘাতঃ শরীরং ভরতর্ষভ।
সততং হি প্রলীয়ন্তে গুণাস্তে প্রভবন্তি চ॥ 12-291-4 (77127)
ততঃ সৃষ্টানি ভূতানি তানি যান্তি পুনঃ পুনঃ।
মহাভূতানি ভূতেভ্য ঊর্ময়ঃ সাগরে যথা॥ 12-291-5 (77128)
প্রসারয়িৎবেহাঙ্গানি কূর্মঃ সংহরতে যথা।
তদ্বদ্ভূতানি ভূতানামল্পীয়াংসি স্থবীয়সাম্॥ 12-291-6 (77129)
আকাশাৎখলু যো ঘোষঃ সংঘাতস্তু মহীগুণঃ।
বায়োঃ প্রাণো রসস্ৎবদ্ভ্যো রূপং তেজস উচ্যতে॥ 12-291-7 (77130)
ইত্যেতন্ময়মেবৈতৎসর্বং স্থাবরজঙ্গমম্।
প্রলয়ে চ তমভ্যেতি তস্মাদুদ্দিশ্যতে পুনঃ॥ 12-291-8 (77131)
মহাভূতানি পঞ্চৈব সর্বভূতেষু ভূতকৃৎ।
বিষয়ান্কল্পয়ামাস যস্মিন্যদনুপশ্যতি॥ 12-291-9 (77132)
শব্দশ্রোত্রে তথা খানি ত্রয়মাকাশয়োনিজম্।
রসঃ স্নেহশ্চ জিহ্বা চ অপামেতে গুণাঃ স্মৃতাঃ॥ 12-291-10 (77133)
রূপং চক্ষুর্বিপাকশ্চ ত্রিবিধং জ্যোতিরূচ্যতে।
ঘ্রেয়ং ঘ্রাণং শরীরং চ এতে ভূমিগুণাঃ স্মৃতাঃ॥ 12-291-11 (77134)
প্রাণঃ স্পর্শশ্চ চেষ্টা চ বায়োরেতে গুণাঃ স্মৃতাঃ।
ইতি সর্বগুণা রাজন্ব্যাখ্যাতাঃ পাঞ্চভৌতিকাঃ॥ 12-291-12 (77135)
সত্ৎবং রজস্তমঃ কালঃ কর্ম বুদ্ধিশ্চ ভারত।
মনঃ ষষ্ঠানি চৈতেষু ঈশ্বরঃ সমকল্পয়ৎ॥ 12-291-13 (77136)
যদূর্ধ্বপাদতলয়োরবাড্যূর্ধ্নশ্চ পশ্যসি।
এতস্মিন্নেব কৃৎস্নেয়ং বর্ততে বুদ্ধিরন্তরে॥ 12-291-14 (77137)
ইন্দ্রিয়াণি নরে পঞ্চ ষষ্ঠং তু মন উচ্যতে।
সপ্তমীং বুদ্ধিমেবাহুঃ ক্ষেত্রজ্ঞঃ পুনরষ্টমঃ॥ 12-291-15 (77138)
ইন্দ্রিয়াণি চ কর্তা চ বিচেতব্যানি ভাগশঃ।
তমঃ সৎবং রজস্তৈব তেঽপি ভাবাস্তদাশ্রয়াঃ॥ 12-291-16 (77139)
চক্ষুরালোচনায়ৈব সংশয়ং কুরুতে মনঃ।
বুদ্ধিরধ্যবসানায় সাক্ষী ক্ষেত্রজ্ঞ উচ্যতে॥ 12-291-17 (77140)
তমঃ সৎবং রজশ্চেতি কালঃ কর্ম চ ভারত।
গুণৈর্নেনীয়তে বুদ্ধির্বুদ্ধিরেবেন্দ্রিয়াণি চ।
মনঃ ষষ্ঠানি সর্বাণি বুদ্ধ্যভাবে কুতো গুণাঃ॥ 12-291-18 (77141)
যেন পশ্যতি তচ্চক্ষুঃ শৃণ্বতী শ্রোত্রমুচ্যতে।
জিঘ্রতী ভবতি ঘ্রাণং রসতী রসনা রসান্॥ 12-291-19 (77142)
স্পর্শনং স্পর্শতী স্পর্শান্বুদ্ধির্বিক্রিয়তেঽসকৃৎ।
যদা প্রার্থয়তে কিংচিত্তদা ভবতি সা মনঃ॥ 12-291-20 (77143)
অধিষ্ঠানানি বুদ্ধ্যা হি পৃথগেতানি পঞ্চধা।
ইন্দ্রিয়াণীতি তান্যাহুস্তেষু দুষ্টেষু দুষ্যতি॥ 12-291-21 (77144)
পুরুষে তিষ্ঠতী বুদ্ধিস্ত্রিষু ভাবেষু বর্ততে।
কদাচিল্লভতে প্রীতিং কদাচিদপি শোচতি॥ 12-291-22 (77145)
ন সুখেন ন দুঃখেন কদাচিদপি বর্ততে।
সেয়ং ভাবাত্মিকা ভাবাংস্ত্রীনেতান্পরিবর্ততে॥ 12-291-23 (77146)
সরিতাং সাগরো ভর্তা যথা বেলামিবোর্মিমান্।
ইতি ভাবগতা বুদ্ধির্ভাবে মনসি বর্ততে॥ 12-291-24 (77147)
প্রবর্তমানং তু রজস্তদ্ভাবেনানুর্ততে।
প্রহর্ষঃ প্রীতিরানন্দঃ সুখং সংশান্তচিত্ততা॥ 12-291-25 (77148)
কথংচিদুপপদ্যন্তে পুরুষে সাৎবিকা গুণাঃ।
পিরদাহস্তথা শোকঃ সংতাপোঽপূর্তিরক্ষমা॥ 12-291-26 (77149)
লিঙ্গানি রজসস্তানি দৃশ্যন্তে হেৎবহেতুভিঃ।
অবিদ্যা রাগমোহৌ চ প্রমাদঃ স্তব্ধতা ভয়ম্॥ 12-291-27 (77150)
অসমৃদ্ধিস্তথা দৈন্যং প্রমোহঃ স্বপ্নতন্দ্রিতা।
কথংচিদুপবর্তন্তে বিবিধাস্তামসা গুণাঃ॥ 12-291-28 (77151)
তত্র যৎপ্রীতিসংয়ুক্তং কায়ে মনসি বা ভবেৎ।
বর্ততে সাৎবিকো ভাব ইত্যুপেক্ষেত তত্তথা॥ 12-291-29 (77152)
অথ যদ্দুঃখসংয়ুক্তমপ্রীতিকরমাত্মনঃ।
প্রবৃত্তং রজ ইত্যেব তদসংরভ্য চিন্তয়েৎ॥ 12-291-30 (77153)
অথ যন্মোহসংয়ুক্তং কায়ে মনসি বা ভবেৎ।
অপ্রতর্ক্যমবিজ্ঞেয়ং তমস্তদুপধারয়েৎ॥ 12-291-31 (77154)
ইতি বুদ্ধিগতীঃ সর্বা ব্যাখ্যাতা যাবতীরিহ।
এতদ্বুদ্ধ্বা ভবেদ্বুদ্ধঃ কিমন্যদ্বুদ্ধলক্ষণম্॥ 12-291-32 (77155)
সৎবক্ষেত্রজ্ঞয়োরেতদন্তরং বিদ্ধি সূক্ষ্ময়োঃ।
সৃজতেঽত্র গুণানেক একো ন সৃজতে গুণান্॥ 12-291-33 (77156)
পৃথগ্ভূতৌ প্রকৃত্যা তু সংপ্রয়ুক্তৌ চ সর্বদা।
যথা মৎস্যোঽদ্ভিরন্যঃ স্যাৎসংপ্রয়ুক্তো ভবেত্তথা॥ 12-291-34 (77157)
ন গুণা বিদুরাত্মানং স গুণান্বেদ সর্বতঃ।
পরিদ্রষ্টা গুণানাং তু সংস্রষ্টা মন্যতে যথা॥ 12-291-35 (77158)
আশ্রয়ো নাস্তি সৎবস্য গুণসর্গেণ চেতনা।
সৎবমস্য সৃজন্ত্যন্যে গুণান্বেদ কদাচন॥ 12-291-36 (77159)
সৃজতে হি গুণান্সৎবং ক্ষেত্রজ্ঞঃ পরিপশ্যতি।
সংপ্রয়োগস্তয়োরেষ সৎবক্ষেত্রজ্ঞয়োর্ধ্রুবঃ॥ 12-291-37 (77160)
ইন্দ্রিয়ৈস্তু প্রদীপার্থং ক্রিয়তে বুদ্ধিরন্তরা।
নিশ্চক্ষুর্ভিরজানদ্ভিরিন্দ্রিয়াণি প্রদীপবৎ॥ 12-291-38 (77161)
এবং স্বভাবমেবৈতত্তদ্বুদ্ধ্বা বিহরন্নরঃ।
অশোচন্নপ্রহৃষ্যংশ্চ স বৈ বিগতমৎসরঃ॥ 12-291-39 (77162)
স্বভাবসিদ্ধমেবৈতদ্যদিমান্সৃজতে গুণান্।
ঊর্ণনাভির্যথা সূত্রং বিজ্ঞেয়াস্তন্তুবদ্গুণাঃ॥ 12-291-40 (77163)
প্রধ্বস্তা ন নিবর্তন্তে প্রবৃত্তির্নোপলভ্যতে।
এবমেকে ব্যবস্যন্তি নিবৃত্তিরিতি চাপরে॥ 12-291-41 (77164)
ইতীদং হৃদয়গ্রন্থিং বুদ্ধিচিন্তাময়ং দৃঢম্।
বিমুচ্য সুখমাসীত বিশোকশ্ছিন্নসংশয়ঃ॥ 12-291-42 (77165)
তাম্যেয়ুঃ প্রচ্যুতাঃ পৃথ্বীং মোহপূর্ণাং নদীং নরাঃ।
যথা গাধমবিদ্বাংসো বুদ্ধিয়োগময়ং তথা॥ 12-291-43 (77166)
নৈব তাম্যন্তি বিদ্বাংসঃ প্লবন্তঃ পারমম্ভসঃ।
অধ্যাত্মবিদুষো ধীরা জ্ঞানং তু পরমং প্লবঃ॥ 12-291-44 (77167)
ন ভবতি বিদুষাং মহদ্ভয়ং
যদবিদুষাং সুমহদ্ভয়ং ভবেৎ।
ন হি গতিরধিকাঽস্তি কস্যচি
ৎসকৃদুপদর্শয়তীহ তুল্যতাম্॥ 12-291-45 (77168)
যৎকরোতি বহুদোষমেকত
স্তচ্চ দূষয়তি যৎপুরা কৃতম্।
নাপ্রিয়ং তদুভয়ং করোত্যসৌ
যচ্চ দূষয়তি যৎকরোতি চ॥ ॥ 12-291-46 (77169)
ইতি শ্রীমন্মহাভারতে শান্তিপর্বণি মোক্ষধর্মপর্বণি একনবত্যধিকদ্বিশততমোঽধ্যায়ঃ॥ 291॥
Mahabharata - Shanti Parva - Chapter Footnotes
* 192 তমাধ্যায়তয়া পূর্বং বিদ্যমান এবায়মধ্যায়ঃ খ. ধ. ঝ. পুস্তকেষু ক্বচিৎক্বচিৎপাঠভেদেন পুনরপি দৃশ্যতে ন দৃশ্যতে চ দাক্ষিণাত্যবহুকোশেষু।শান্তিপর্ব - অধ্যায় 292
॥ শ্রীঃ ॥
12.292. অধ্যায়ঃ 292
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জ্ঞানস্য দুঃখাদিনিবর্তকৎবপ্রতিপাদকনারদসমঙ্গসংবাদানুবাদঃ॥ 1॥Mahabharata - Shanti Parva - Chapter Text
12-292-0 (77170)
যুধিষ্ঠির উবাচ। 12-292-0x (6425)
শোকাদ্দুঃখাচ্চ মৃত্যোশ্চ ত্রসন্তে প্রাণিনঃ সদা।
উভয়ং নো যথা ন স্যাত্তন্মে ব্রূহি পিতামহ॥ 12-292-1 (77171)
ভীষ্ম উবাচ। 12-292-2x (6426)
অত্রাপ্যুদাহরন্তীমমিতিহাসং পুরাতনম্।
নারদস্য চ সংবাদং সমঙ্গস্য চ ভারত॥ 12-292-2 (77172)
নারদ উবাচ। 12-292-3x (6427)
উরসেব প্রণমসে বাহুভ্যাং তরসীব চ।
সংপ্রহৃষ্টমনা নিত্যং বিশোক ইব লক্ষ্যসে॥ 12-292-3 (77173)
উদ্বেগং ন হি তে কিংচিৎসুসূক্ষ্মমপি লক্ষয়ে।
নিত্যতৃপ্ত ইব স্বস্থো বালবচ্চ বিচেষ্টসে॥ 12-292-4 (77174)
সমঙ্গ উবাচ। 12-292-5x (6428)
ভূতং ভব্যং ভবিষ্যচ্চ সর্বভূতেষু নারদ।
তেষাং তত্ৎবানি জানামি ততো ন বিমনা হ্যহম্॥ 12-292-5 (77175)
উপক্রমানহং বেদ পুনরেব ফলোদয়ান্।
লোকে ফলানি চিত্রাণি ততো ন বিমনা হ্যহম্॥ 12-292-6 (77176)
অনাথাশ্চাপ্রতিষ্ঠাশ্চ গতিমন্তশ্চ নারদ।
অন্ধা জডাশ্চ জীবন্তি পশ্যাস্মানপি জীবতঃ॥ 12-292-7 (77177)
বিহিতেনৈব জীবন্তি অরোগাঙ্গা দিবৌকসঃ।
বলবন্তোঽবলাশ্চৈব তদ্বদস্মান্সভাজয়॥ 12-292-8 (77178)
সহস্রিণোঽপি জীবন্তি জীবন্তি শতিনস্তথা।
শাকেন চান্যে জীবন্তি পশ্যাস্মানপি জীবতঃ॥ 12-292-9 (77179)
যদা ন শোচেমহি কিং নু নঃ স্যা
দ্ধর্মেণ বা নারদ কর্মণা বা।
কৃতান্তবশ্যানি যদা সুখানি
দুঃখানি বা যন্ন বিধর্ষয়ন্তি॥ 12-292-10 (77180)
যস্মৈ প্রাজ্ঞাঃ কথয়ন্তে মনুষ্যাঃ
প্রজ্ঞামূলং হীন্দ্রিয়াণাং প্রসাদঃ।
মুহ্যন্তি শোচন্তি তথেন্দ্রিয়াণি
প্রজ্ঞালাভো নাস্তি মূঢেন্দ্রিয়স্য॥ 12-292-11 (77181)
মূঢস্য দর্পঃ স পুনর্মোহ এব
মূঢস্য নায়ং ন পরোঽস্তি লোকঃ।
ন হ্যেব দুঃখানি সদা ভবন্তি
সুখস্য বা নিত্যশো লাভ এব॥ 12-292-12 (77182)
ভাবাত্মকং সংপরিবর্তমানং
ন মাদৃশঃ সংজ্বরং জাতু কুর্যাৎ।
ইষ্টান্ভোগান্নানুরুধ্যেৎসুখং বা
ন চিন্তয়েদ্দুঃখমভ্যাগতং বা॥ 12-292-13 (77183)
সমাহিতো ন স্পৃহয়েৎপরেষাং
নানাগতং চাভিনন্দেচ্চ লাভম্।
ন চাপি হৃষ্যেদ্বিপুলেঽর্থলাভে
তথাঽর্থনাশে চ ন বৈ বিষীদেৎ॥ 12-292-14 (77184)
ন বান্ধবা ন চ বিত্তং ন কৌল্যং
ন চ শ্রুতং ন চ মন্ত্রা ন বীর্যম্।
দুঃখান্ত্রাতুং সর্ব এবোৎসহন্তে
পরত্র শীলেন তু যান্তি শান্তিম্॥ 12-292-15 (77185)
নাস্তি বুদ্ধিরয়ুক্তস্য নায়োগাদ্বিন্দতে সুখম্।
ধৃতিশ্চ দুঃখত্যাগশ্চেত্যুভয়ং তু সুখং নৃপ॥ 12-292-16 (77186)
প্রিয়ং হি হর্ষজননং হর্ষ উৎসেকবর্ধনঃ।
উৎসেকো নরকায়ৈব তস্মাত্তান্সংত্যজাম্যহম্॥ 12-292-17 (77187)
এতাঞ্শোকভয়োৎসেকান্মোহনান্সুখদুঃখয়োঃ।
পশ্যামি সাক্ষিবল্লোকে দেহস্যাস্য বিচেষ্টনাৎ॥ 12-292-18 (77188)
অর্থকামৌ পরিত্যজ্য বিশোকো বিগতজ্বরঃ।
তৃষ্ণামোহৌ তু সংত্যজ্য চরামি পৃথিবীমিমাম্॥ 12-292-19 (77189)
ন চ মৃত্যোর্ন চাধর্মান্ন লোভান্ন কুতশ্চন।
পীতামৃতস্যেবাত্যন্তমিহ বামুত্র বা ভয়ম্॥ 12-292-20 (77190)
এতদ্ব্রহ্মন্বিজানামি মহৎকৃৎবা তপোঽব্যযম্।
তেন নারদ সংপ্রাপ্তো ন মাং শোকঃ প্রবাধতে॥ ॥ 12-292-21 (77191)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বিনবত্যধিকদ্বিশততমোঽধ্যায়ঃ॥ 292॥
Mahabharata - Shanti Parva - Chapter Footnotes
12-292-8 পশবোঽপি হি জীবন্তীতি তদ্বদস্মান্বিভাবয়েতি চ. ধ. পাঠঃ॥ 12-292-10 দুঃখানি চার্থং ন বিবর্ধয়ন্তীতি ধ. পাঠঃ॥ 12-292-11 যৎপ্রজ্ঞানং কথয়ন্তে ইতি থ. পাঠঃ॥ 12-292-16 নায়োগে বিন্দতে সুখমিতি। মতিঃ সুখং চ যোগঃ স্যাদুভয়ং ন সুখোদয়মিতি চ ঝ. পাঠঃ॥শান্তিপর্ব - অধ্যায় 293
॥ শ্রীঃ ॥
12.293. অধ্যায়ঃ 293
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শ্রেয়ঃসাধনানাং কথনম্॥ 1॥Mahabharata - Shanti Parva - Chapter Text
12-293-0 (77192)
যুধিষ্ঠির উবাচ। 12-293-0x (6429)
অতত্ৎবজ্ঞস্য শাস্ত্রাণাং সংততং সংশয়াত্মনঃ।
অকৃতব্যবসায়স্য শ্রেয়ো ব্রূহি পিতামহ॥ 12-293-1 (77193)
ভীষ্ম উবাচ। 12-293-2x (6430)
গুরুপূজা চ সততং বৃদ্ধানাং পর্যুপাসনম্।
শ্রবণং চৈব বিদ্যানাং কূটস্থং শ্রেয় উচ্যতে॥ 12-293-2 (77194)
অত্রাপ্যুদাহরন্তীমমিতিহাসং পুরাতনম্।
গালবস্য চ সংবাদং দেবর্ষের্নারদস্য চ॥ 12-293-3 (77195)
বীতমোহক্লমং বিপ্রং জ্ঞানতৃপ্তং জিতেন্দ্রিয়ঃ।
শ্রেয়স্কামো যতান্মানং নারদং গালবোঽব্রবীৎ॥ 12-293-4 (77196)
যৈঃ কৈশ্চিৎসংমতো লোকে গুণৈশ্চ পুরুষো নৃষু।
ভবত্যনপগান্সর্বাংস্তান্গুণাঁল্লক্ষয়ামহে॥ 12-293-5 (77197)
ভবানেবংবিধোঽস্মাকং সংশয়ং ছেত্তুমর্হতি।
অমূঢশ্চিরমূঢানাং লোকতত্ৎবমজানতাম্॥ 12-293-6 (77198)
জ্ঞানে হ্যেবং প্রবৃত্তিঃ স্যাৎকার্যাণামবিশেষতঃ।
যৎকার্যং ন ব্যবস্যামস্তদ্ভবান্বক্তুমর্হতি॥ 12-293-7 (77199)
ভগবন্নাশ্রমাঃ সর্বে পৃথগাচারদর্শিনঃ।
ইদং শ্রেয় ইদং শ্রেয় ইতি সর্বে প্রবোধিতাঃ॥ 12-293-8 (77200)
তাংস্তু বিপ্রস্থিতানদৃষ্ট্বা শাস্ত্রৈঃ শাস্ত্রাভিনন্দিনঃ।
স্বশাস্ত্রৈঃ পিরতুষ্টাশ্চ শ্রেয়ো নোপলভামহে॥ 12-293-9 (77201)
শাস্ত্রং যদি ভবেদেকং শ্রেয়ো ব্যক্তং ভবেত্তদা।
শাস্ত্রৈশ্চ বহুভির্ভূয়ঃ শ্রেয়ো গুহ্যং প্রবেশিতম্॥ 12-293-10 (77202)
এতস্মাৎকারণাচ্ছ্রেয়ো গহনং প্রতিভাতি মে।
ব্রবীতু ভগবাংস্তন্মে উপসন্নোস্ম্যধীহি ভো॥ 12-293-11 (77203)
নারদ উবাচ। 12-293-12x (6431)
আশ্রমাস্তাত চৎবারো যথা সংকল্পিতাঃ পৃথক্।
তান্সর্বাননুপশ্য ৎবং সমাশ্রিত্যৈব গালব॥ 12-293-12 (77204)
তেষাংতেষাং তথাহি ৎবমাশ্রমাণাং ততস্ততঃ।
নানারূপং গুণোদ্দেশং পশ্য বিপ্রস্থিতং পৃথক্॥ 12-293-13 (77205)
ন যান্তি চৈব তে সম্যগভিপ্রেতমসংশয়ম্।
অন্যেঽপশ্যংস্তথা সম্যগাশ্রমাণাং পরাং গতিম্॥ 12-293-14 (77206)
যত্তু নিঃশ্রেয়সং সম্যক্তচ্চৈবাসংশয়াত্মকম্।
অনুগ্রহং চ মিত্রাণামমিত্রাণাং চ নিগ্রহম্॥ 12-293-15 (77207)
সংগ্রহং চ ত্রিবর্গস্য শ্রেয় আহুর্মনীষিণঃ।
নিবৃত্তিঃ কর্মণঃ পাপাৎসততং পুণ্যশীলতা॥ 12-293-16 (77208)
সদ্ভিশ্চ সমুদাচারঃ শ্রেয় এতদসংশয়ম্।
মার্দবং সর্বভূতেষু ব্যবহারেষু চার্জবম্॥ 12-293-17 (77209)
বাক্চৈব মধুরা প্রোক্তা শ্রেয় এতদসংশয়ম্।
দেবতাভ্যঃ পিতৃভ্যশ্চ সংবিভাগোঽতিথিষ্বপি॥ 12-293-18 (77210)
অসংত্যাগশ্চ ভূত্যানাং শ্রেয় এতদসংশয়ম্।
সত্যস্য বচনং শ্রেয়ঃ সত্যজ্ঞানং তু দুষ্করম্॥ 12-293-19 (77211)
যদ্ভূতহিতমত্যন্তমেতৎসত্যং ব্রবীম্যহম্।
অহংকারস্য চ ত্যাগঃ প্রমাদস্য চ নিগ্রহঃ॥ 12-293-20 (77212)
সংতোষশ্চৈকচর্যা চ কূটস্থং শ্রেয় উচ্যতে।
ধর্মেণ বেদাধ্যযনং বেদাঙ্গানাং তথৈব চ॥ 12-293-21 (77213)
জ্ঞানার্থানাং চ জিজ্ঞাসা শ্রেয় এতদসংশয়ম্।
শব্দরূপরসস্পর্শান্সহ গন্ধেন কেবলান্॥ 12-293-22 (77214)
নাত্যর্থমুপসেবেত শ্রেয়সোর্থী কথংচন॥ 12-293-23 (77215)
নক্তংচর্যাং দিবাস্বপ্নমালস্যং পৈশুনং মদম্।
অতিয়োগময়োগং চ শ্রেয়সোর্থী পরিত্যজেৎ॥ 12-293-24 (77216)
আত্মোৎকর্ষং ন মার্গেত পরেষাং পরিনিন্দয়া।
স্বগুণৈরেব মার্গেতি বিপ্রকর্ষং পৃথগ্জনাৎ॥ 12-293-25 (77217)
নির্গুণাস্ৎবেব ভূয়িষ্ঠমাত্মসংভাবিতা নরাঃ।
দোষৈরন্যান্গুণবতঃ ক্ষিপন্ত্যাত্মগুণক্ষয়াৎ॥ 12-293-26 (77218)
অনূচ্যমানাস্তু পুনস্তে মন্যন্তে মহাজনাৎ।
গুণবত্তরমাত্মানং স্বেন মানেন দর্পিতাঃ॥ 12-293-27 (77219)
অব্রুবন্কস্যচিন্নিন্দামাত্মপূজামবর্ণয়ন্।
বিপশ্চিদ্গুণসংপন্নঃ প্রাপ্নোত্যেব মহদ্যশঃ॥ 12-293-28 (77220)
অব্রুবন্বাঽতিসুরভির্গন্ধঃ সুমনসাং শুচিঃ।
তথৈবাব্যাহরন্ভাতি বিমলো ভানুরম্বরে॥ 12-293-29 (77221)
এব মাদীনি চান্যানি পরিত্যক্তানি মেধয়া।
জ্বলন্তি যশসা লোকে যানি ন ব্যাহরন্তি চ॥ 12-293-30 (77222)
ন লোকে দীপ্যতে মূর্খঃ কেবলাত্মপ্রশংসয়া।
অপি চাপিহিতঃ শ্বভ্রে কৃতবিদ্যঃ প্রকাশতে॥ 12-293-31 (77223)
অসদুচ্চৈরপি প্রোক্তঃ শব্দঃ সমুপশাম্যতি।
দীপ্যতে ৎবেব লোকেষু শনৈরপি সুভাষিতম্॥ 12-293-32 (77224)
মূঢানামবলিপ্তানামসারং ভাষিতং বহু।
দর্শয়ত্যন্তরাত্মানমগ্নিরূপমিবাংশুমান্॥ 12-293-33 (77225)
এতস্মাৎকারণাৎপ্রজ্ঞাং মৃগয়ন্তে পৃথগ্বিধাম্।
প্রজ্ঞালাভো হি ভূতানামুত্তমঃ প্রতিভাতি মে॥ 12-293-34 (77226)
নাপৃষ্টঃ কস্যচিদ্ব্রূয়ান্নাপ্যন্যায়েন পৃচ্ছতঃ।
জানন্নপি চ মেধাবী জডবৎসমুপাবিশেৎ॥ 12-293-35 (77227)
ততো বাসং পরীক্ষেত ধর্মনিত্যেষু সাধুষু।
মনুষ্যেষু বদান্যেষু স্বধর্মনিরতেষু চ॥ 12-293-36 (77228)
চতুর্ণাং যত্র বর্ণানাং ধর্মব্যতিকরো ভবেৎ।
ন তত্র বাসং কুর্বীত শ্রেয়োর্থী বৈ কথংচন॥ 12-293-37 (77229)
নিরারম্ভোঽপ্যযমিহ যথালব্ধোপজীবনঃ।
পুণ্যং পুণ্যেষু বিমলং পাপং পাপেষু চাপ্নুয়াৎ॥ 12-293-38 (77230)
অপামগ্নেস্তথেন্দোশ্চ স্পর্শং বেদয়তে যথা।
তথা পশ্যামহে স্পর্শমুভয়োঃ পুণ্যপাপয়োঃ॥ 12-293-39 (77231)
অপশ্যন্তোঽন্যবিষয়ং ভুঞ্জতে বিঘসাশিনঃ।
ভুঞ্জানাশ্চান্যবিষয়ান্বিষয়ান্বিদ্ধি কর্মণাম্॥ 12-293-40 (77232)
যত্রাগময়মানানামসৎকারেণ পৃচ্ছতাম্।
প্রব্রূয়াদ্ব্রহ্মাণো ধর্মং ত্যজেত্তং দেশমাত্মবান্॥ 12-293-41 (77233)
শিষ্যোষাধ্যায়িকা বৃত্তির্যত্র স্যাৎসুসমাহিতা।
যথাবচ্ছাস্ত্রসংপন্না কস্তং দেশং পরিত্যজেৎ॥ 12-293-42 (77234)
আকাশস্থা ধ্রুবং যত্র দোষং ব্রূয়ুর্বিপশ্চিতাম্।
আত্মপূজাভিকামো বৈ কো বসেত্তত্র পণ্ডিতঃ॥ 12-293-43 (77235)
যত্র সংলোডিতা লুব্ধৈঃ প্রায়শো ধর্মসেতবঃ।
প্রদীপ্তমিব চেলান্তং কস্তং দেশং ন সংত্যজেৎ॥ 12-293-44 (77236)
যত্র ধর্মমনাশঙ্কাশ্চরেয়ুর্বীতমৎসরাঃ।
ভবেত্তত্র বসেচ্চৈব পুণ্যশীলেষু সাধুষু॥ 12-293-45 (77237)
ধর্মমর্থনিমিত্তং চ চরেয়ুর্যত্র মানবাঃ।
ন তাননুবসেজ্জাতু তে হি পাপকৃতো জনাঃ॥ 12-293-46 (77238)
কর্মণাং যত্র পাপেন বর্তন্তে জীবিতেপ্সবঃ।
ব্যবধাবেত্ততস্তূর্ণং সসর্পাচ্ছরণাদিব॥ 12-293-47 (77239)
যেন খট্বাং সমারূঢঃ কর্মণাঽনুশয়ী ভবেৎ।
আদিতস্তন্ন কর্তব্যমিচ্ছতা ভবমাত্মনঃ॥ 12-293-48 (77240)
যত্র রাজা চ রাজ্ঞশ্চ পুরুষাঃ প্রত্যনন্তরাঃ।
কুটুম্বিনামগ্রভুজস্ত্যজেত্তদ্রাষ্ট্রমাত্মবান্॥ 12-293-49 (77241)
শ্রোত্রিয়াস্ৎবগ্রভোক্তারো ধর্মনিত্যাঃ সনাতনাঃ।
যাজনাধ্যাপনে যুক্তা যত্র তদ্রাষ্ট্রমাবসেৎ॥ 12-293-50 (77242)
স্বাহাস্বধাবষট্কারা যত্র সম্যগনুষ্ঠিতাঃ।
অজস্রং চৈব বর্তন্তে বসেত্তত্রাবিচারয়ন্॥ 12-293-51 (77243)
অশুচীন্যত্র পশ্যেত ব্রাহ্মণান্বৃত্তিকর্শিতান্।
ত্যজেত্তদ্রাষ্ট্রমাসন্নমুপসৃষ্টমিবামিষম্॥ 12-293-52 (77244)
প্রীয়মাণা নরা যত্র প্রয়চ্ছেয়ুরয়াচিতাঃ।
স্বস্থচিত্তো বসেত্তত্র কৃতকৃত্য ইবাত্মবান্॥ 12-293-53 (77245)
দণ্ডো যত্রাবিনীতেষু সৎকারশ্চ কৃতাত্মসু।
চরেত্তত্র বসেচ্চৈব পুণ্যশীলেষু সাধুষু॥ 12-293-54 (77246)
উপসৃষ্টেষু দান্তেষু দুরাচারেষু সাধুষু।
অবিনীতেষু লুব্ধেষু সুমহদ্দণ্ডধারণম্॥ 12-293-55 (77247)
যত্র রাজা ধর্মনিত্যো রাজ্যং ধর্মেণ পালয়েৎ।
অপাস্য কামান্কামেশো বসেত্তত্রাবিচারয়ন্॥ 12-293-56 (77248)
যথাশীলা হি রাজানঃ সর্বান্বিষয়বাসিনঃ।
শ্রেয়সা যোজয়ত্যাশু শ্রেয়সি প্রত্যুপস্থিতে॥ 12-293-57 (77249)
পৃচ্ছতস্তে ময়া তাত শ্রেয় এতদুদাহৃতম্।
ন হি শক্যং প্রধানেন শ্রেয়ঃ সঙ্খ্যাতুমাত্মনঃ॥ 12-293-58 (77250)
এবং প্রবর্তমানস্য বৃত্তিং প্রাণিহিতাত্মনঃ।
তপসৈবেহ বহুলং শ্রেয়ো ব্যক্তং ভবিষ্যতি॥ ॥ 12-293-59 (77251)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিনবত্যধিকদ্বিশততমোঽধ্যায়ঃ॥ 293॥
Mahabharata - Shanti Parva - Chapter Footnotes
12-293-2 শ্রবণং চৈব শাস্ত্রাণামিতি ঝ. পাঠঃ॥ 12-293-4 শ্রেয়স্কামং জিতাত্মানমিতি থ. পাঠঃ॥ 12-293-7 প্রবৃত্তিঃ স্যাৎকার্যাকার্যে বিজানত ইতি ধ. পাঠঃ॥ 12-293-9 নানাবিধা গিরস্তাস্তু দৃষ্ট্বা শাস্ত্রাভিনন্দিন ইতি ধ. পাঠঃ॥ 12-293-11 শ্রেয়ঃ কলিলং প্রতি ভাতি যে ইতি ঝ. পাঠঃ। উপপন্নোস্ম্যধীহি ভো ইতি ধ. পাঠঃ॥ 12-293-14 ঋজু পশ্যন্তি যে সম্যগিতি ধ. পাঠঃ॥ 12-293-19 অসংত্যাগশ্চ ভূতানামিতি ধ. পাঠঃ॥ 12-293-20 প্রণয়স্য চ নিগ্রহ ইতি ধ. পাঠঃ॥ 12-293-22 বেদ্যার্থানাং চ জিজ্ঞাসেতি ধ. পাঠঃ॥ 12-293-37 কর্মব্যতিকরো ভবেদিতি ধ. পাঠঃ॥ 12-293-43 আকারং গূহমানায় দোষান্ব্রূয়ুর্বিপশ্চিতাম্ ইতি ধ. পাঠঃ॥ 12-293-45 ধর্মশীলেষু সাধুষ্বিতি ধ. পাঠঃ॥ 12-293-48 ইচ্ছতা হিতমাত্মন ইতি ধ. পাঠঃ॥ 12-293-55 যে দান্তেষু উপসৃষ্টাঃ সক্রোধাস্তেষু যেচ সাধুষু দুরাচারাস্তেষু। উপসৃষ্টেষ্বদান্তেষু দুরাচারেষ্বসাধুষ্বিতি ধ. পাঠঃ॥ 12-293-59 বৃত্তিং প্রণিহিতাত্মন ইতি ধ. পাঠঃ॥শান্তিপর্ব - অধ্যায় 294
॥ শ্রীঃ ॥
12.294. অধ্যায়ঃ 294
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মুক্তিসাধনপ্রতিপাদকসগরারিষ্টনেমিসংবাদানুবাদঃ॥ 1॥Mahabharata - Shanti Parva - Chapter Text
12-294-0 (77252)
যুধিষ্ঠির উবাচ। 12-294-0x (6432)
কথং নু যুক্তঃ পৃথিবীং চরেদস্মদ্বিধো নৃপঃ।
নিত্যং কৈশ্চ গুণৈর্যুক্তঃ সঙ্গপাশাদ্বিমুচ্যতে॥ 12-294-1 (77253)
ভীষ্ম উবাচ। 12-294-2x (6433)
অত্র তে বর্তয়িষ্যেঽহমিতিহাসং পুরাতনম্।
অরিষ্টনেমিনা প্রোক্তং সগরায়ানুপৃচ্ছতে॥ 12-294-2 (77254)
সগর উবাচ। 12-294-3x (6434)
কিং শ্রেয়ঃ পরমং ব্রহ্মন্কৃৎবেহ সুখমশ্নুতে।
কথং ন শোচেন্ন ক্ষুভ্যেদেতদিচ্ছামি বেদিতুম্॥ 12-294-3 (77255)
ভীষ্ম উবাচ। 12-294-4x (6435)
এবমুক্তস্তদা তার্ক্ষ্যঃ সর্বশাস্ত্রবিদাং বরঃ।
বিবুধ্য সংপদং চাগ্র্যাং সদ্বাক্যমিদমব্রবীৎ॥ 12-294-4 (77256)
সুখং মোক্ষসুখং লোকে ন চ মূঢোঽবগচ্ছতি।
প্রসক্তঃ পুত্রপশুষু ধনধান্যসমাকুলঃ॥ 12-294-5 (77257)
সক্তবুদ্ধিরশান্তাত্মা স ন শক্যশ্চিকিৎসিতুম্।
স্নেহপাশসিতো মূঢো ন স মোক্ষায় কল্পতে॥ 12-294-6 (77258)
স্নেহজানিহ তে পাশান্বক্ষ্যামি শৃণু তান্মম।
সকর্ণকেন শিরসা শক্যাশ্ছেত্তুং বিজানতা॥ 12-294-7 (77259)
সংভাব্য পুত্রান্কালেন যৌবনস্থান্নিবেশ্য চ।
সমর্থাজ্জীবনে জ্ঞাৎবা মুক্তশ্চর যথাসুখম্॥ 12-294-8 (77260)
ভার্যাং পুত্রবতীং বৃদ্ধাং লালিতাং পুত্রবৎসলাম্।
জ্ঞাৎবা প্রজহি কালেন পরার্থমনুদৃশ্য চ॥ 12-294-9 (77261)
সাপত্যো নিরপত্যো বা মুক্তশ্চর যথাসুখম্।
ইন্দ্রিয়ৈরিন্দ্রিয়ার্থাংস্ৎবমনুভূয় যথাবিধি॥ 12-294-10 (77262)
কৃতকৌন্তূহলস্তেষু মুক্তশ্চর যথাসুখম্।
উপপত্ত্যোপলব্ধেষু লোকেষু চ সমো ভব॥ 12-294-11 (77263)
এষ তাবৎসমাসেন তব সংকীর্তিতো ময়া।
মোক্ষার্থো বিস্তরেণাথ ভূয়ো বক্ষ্যামি তচ্ছৃণু॥ 12-294-12 (77264)
মুক্তা বীতভয়া লোকে চরন্তি সুখিনো নরাঃ।
সক্তভাবা বিনশ্যন্তি নরাস্তত্র ন সংশয়ঃ॥ 12-294-13 (77265)
আহারসংচয়ে সক্তা যথা কীটপিপীলিকাঃ।
অসক্তাঃ সুখিনো লোকে সক্তাশ্চৈব বিনাশিনঃ॥ 12-294-14 (77266)
স্বজনে ন চ তে চিন্তা কর্তব্যা মোক্ষবুদ্ধিনা।
ইমে ময়া বিনাভূতা ভবিষ্যন্তি কথং ৎবিতি॥ 12-294-15 (77267)
স্বয়মুৎপদ্যতে জন্তুঃ স্বয়মেব বিবর্ধতে।
সুখদুঃখে তথা মৃত্যুং স্বয়মেবাধিগচ্ছতি॥ 12-294-16 (77268)
ভোজনাচ্ছাদনে চৈব মাত্রা পিত্রা চ সংগ্রহম্।
স্বকৃতে নাধিগচ্ছন্তি লোকে নাস্ত্যকৃতং পুরা॥ 12-294-17 (77269)
ধাত্রা বিহিতভক্ষ্যাণি সর্বভূতানি মেদিনীম্।
লোকে বিপরিধাবন্তি রক্ষিতানি স্বকর্মভিঃ॥ 12-294-18 (77270)
স্বয়ং মৃৎপিণ্ডভূতস্য পরতন্ত্রস্য সর্বদা।
কো হেতুঃ স্বজনং দ্বেষ্টুং রক্ষিতং বাঽদৃঢাত্মনঃ॥ 12-294-19 (77271)
স্বজনং হি যদা মৃত্যুর্হন্ত্যেব ভুবি পশ্যতঃ।
কৃতেঽপি যত্নে মহতি তত্র বোদ্ধব্যমাত্মনা॥ 12-294-20 (77272)
জীবন্তমপি চৈবৈনং ভরণে রক্ষণে তথা।
অসমাপ্তে পরিত্যজ্য পশ্চাদপি মরিষ্যসি॥ 12-294-21 (77273)
যদা মৃতং চ স্বজনং ন জ্ঞাস্যসি কথংচন।
সুখিতং দুঃখিতং বাঽপি ননু বোদ্ধব্যমাত্মনা॥ 12-294-22 (77274)
মৃতে বা ৎবয়ি জীবে বা যদা ভোক্ষ্যতি বৈ জনঃ।
স্বকৃতং ননু বুদ্ধ্বৈবং কর্তব্যং হিতমাত্মনঃ॥ 12-294-23 (77275)
এবং বিজানঁল্লোকেঽস্মিন্কঃ কস্যেত্যভিনিশ্চিতঃ।
মোক্ষে নিবেশয় মনো ভূয়শ্চাপ্যুপধারয়॥ 12-294-24 (77276)
ক্ষুৎপিপাসাদয়ো ভাবা জিতা যস্যেহ দেহিনঃ।
ক্রোধো লোভস্তথা মোহঃ সৎববান্মুক্ত এব সঃ॥ 12-294-25 (77277)
দ্যূতে পানে তথা স্ত্রীষু মৃগয়ায়াং চ যো নরঃ।
ন প্রমাদ্যতি সংমোহাৎসততং মুক্ত এব সঃ॥ 12-294-26 (77278)
দিবসেদিবসে নাম রাত্রৌরাত্রৌ পুমান্সদা।
ভোক্তব্যমিতি যঃ স্বিন্নো দোষবুদ্ধিঃ স উচ্যতে॥ 12-294-27 (77279)
আত্মভাবং তথা স্ত্রীষু সক্তমেব পুনঃ পুনঃ।
যঃ পশ্যতি সদা যুক্তো যথাবন্মুক্ত এব সঃ॥ 12-294-28 (77280)
সংভবং চ বিনাশং চ ভূতানাং চেষ্টিতং তথা।
যস্তত্ৎবতো বিজানাতি লোকেঽস্মিন্মুক্ত এব সঃ॥ 12-294-29 (77281)
প্রস্থং বাহসহস্রেষু যাত্রার্থং চৈব কোটিষু।
প্রাসাদে মঞ্চকং স্থানং যঃ পশ্যতি স মুচ্যতে॥ 12-294-30 (77282)
মৃত্যুনাঽভ্যাহতং লোকং ব্যাধিভিশ্চোপপীডিতম্।
অবৃত্তিকর্শিতং চৈব যঃ পশ্যতি স মুচ্যতে॥ 12-294-31 (77283)
যঃ পশ্যতি স সংতুষ্টো নপশ্যংশ্চ বিহন্যতে।
যশ্চাপ্যল্পেন সংতুষ্টো লোকেঽস্মিন্মুক্ত এব সঃ॥ 12-294-32 (77284)
অগ্নীষোমাবিদং সর্বমিতি যশ্চানুপশ্যতি।
ন চ সংস্পৃশ্যতে ভাবৈরদ্ভুতৈর্মুক্ত এব সঃ॥ 12-294-33 (77285)
পর্যঙ্কশয়্যা ভূমিশ্চ সামনে যস্য দেহিনঃ।
শাল্যন্নং চ কদন্নং চ যস্য স্যান্মুক্ত এব সঃ॥ 12-294-34 (77286)
ক্ষৌমং চ কুশচীরং চ কৌশেয়ং বল্কলানি চ।
আবিকং চর্ম চ সমং যস্য স্যান্মুক্ত এব সঃ॥ 12-294-35 (77287)
পঞ্চভূতসমুদ্ভূতং লোকং যশ্চানুপশ্যতি।
তথাচ বর্ততে দৃষ্ট্বা লোকেঽস্মিন্মুক্ত এব সঃ॥ 12-294-36 (77288)
সুখদুঃখে সমে যস্য লাভালাভৌ জয়াজয়ৌ।
ইচ্ছাদ্বেষৌ ভয়োদ্বেগৌ সর্বথা মুক্ত এব সঃ॥ 12-294-37 (77289)
রক্তমূত্রপুরীষাণাং দোষাণাং সংচয়াংস্তথা।
শরীরং দোষবহুলং দৃষ্ট্বা চৈব বিমুচ্যতে॥ 12-294-38 (77290)
বলীপলিতসংয়োগং কার্শ্যং বৈবর্ণ্যমেব চ।
কুজভাবং চ জরয়াঃ যঃ পশ্যতি স মুচ্যতেত॥ 12-294-39 (77291)
পুংস্ৎবোপঘাতং কালেন দর্শনোপরমং তথা।
বাধির্যং প্রাণমন্দৎবং যঃ পশ্যতি স মুচ্যতে॥ 12-294-40 (77292)
গতানৃষীংস্তথা দেবানসুরাংশ্চ তথা গতান্।
লোকাদস্মাৎপরং লোকং যঃ পশ্যতি স মুচ্যতে॥ 12-294-41 (77293)
প্রভাবৈরন্বিতাস্তৈস্তৈঃ পার্থিবেন্দ্রাঃ সহস্রশঃ।
যে গতাঃ পৃথিবীং ত্যক্ৎবা ইতি জ্ঞাৎবা বিমুচ্যতে॥ 12-294-42 (77294)
অর্থাংশ্চ দুর্লভাঁল্লোকে ক্লেশাংশ্চ সুলভাংস্তথা।
দুঃখং চৈব কুটুম্বার্থে যঃ পশ্যতি স মুচ্যতে॥ 12-294-43 (77295)
অপত্যানাং চ বৈগুণ্যং জনং বিগুণমেব চ।
পশ্যন্ভূয়িষ্ঠশো লোকে কো মোক্ষং নাভিপূজয়েৎ॥ 12-294-44 (77296)
শাস্ত্রাল্লোকাচ্চ যো বুদ্ধঃ সর্বং পশ্যতি মানবঃ।
অসারমিব মানুষ্যং সর্বথা মুক্তা এব সঃ॥ 12-294-45 (77297)
এতচ্ছ্রুৎবা মম বচো ভবাংশ্চরতু মুক্তবৎ।
গার্হস্থ্যাদ্যদি তে মোক্ষে কৃতা বুদ্ধিরবিক্লবা॥ 12-294-46 (77298)
তত্তস্য বচনং শ্রুৎবা সম্যক্স পৃথিবীপতিঃ।
মোক্ষজৈশ্চ গুণৈর্যুক্তঃ পালয়ামাস চ প্রজাঃ॥ ॥ 12-294-47 (77299)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুর্নবত্যধিকদ্বিশততমোঽধ্যায়ঃ॥ 294॥
Mahabharata - Shanti Parva - Chapter Footnotes
12-294-1 কথং বিমুক্তঃ পৃথিবীমিতি থ. পাঠঃ॥ 12-294-5 নচ লোকোঽবগচ্ছতীতি থ. ধ. পাঠঃ॥ 12-294-8 নিবেশ্য দারৈঃ সংয়োজ্য॥ 12-294-9 পরার্থমন্তিমং পুরুষার্থং মোক্ষম্। প্রজহি ত্যজ॥ 12-294-11 কৃতকৌতূহলঃ ছিন্নৌৎসুক্যঃ। লাভেষু চ সমো ভবেতি থ.ধ. পাঠঃ॥ 12-294-12 মোক্ষার্থো মোক্ষপ্রয়োজনঃ॥ 12-294-13 মুক্তাশ্ছিন্নস্নেহপাশাঃ। সক্তভাবাঃ বিষয়াসক্তবিত্তাঃ॥ 12-294-30 বাহঃ ধান্যপূর্ণং শকটম্। সহস্রেষু কোটিষ্বিতি সমানাধিকরণম্। প্রস্থং পুরুষাহারপরিমিতং ধান্যম্। যাত্রার্থং দেহব্যবহারার্থম্। অধিকসংগ্রহো ব্যর্থং ইতি যঃ পশ্যতি॥ 12-294-31 অবৃত্তির্জীবিকায়া অভাবঃ॥ 12-294-32 নপশ্যন্নিত্যেকং পদম্। মৃত্যুনাভ্যাহতং লোকমিত্যনুকৃষ্যতে॥ 12-294-33 অগ্নির্জাঠরো ভোক্তা। সোমোঽন্নং ভোজ্যম্॥ 12-294-34 শালয়শ্চ কদগ্নং চেতি ঝ. ধ. পাঠঃ॥ 12-294-38 শ্লেষ্মমূত্রপুরীষাণামিতি ধ. পাঠঃ। ছর্দিমূত্রেতি থ. পাঠঃ॥ 12-294-40 বাধির্যং ঘ্রাণমন্দৎবমিতি ধ. পাঠঃ॥ 12-294-42 প্রতাপৈরন্বিতা ইতি থ. পাঠঃ॥শান্তিপর্ব - অধ্যায় 295
॥ শ্রীঃ ॥
12.295. অধ্যায়ঃ 295
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ভার্গবচরিত্রকথনম্॥ 1॥Mahabharata - Shanti Parva - Chapter Text
12-295-0 (77300)
যুধিষ্ঠির উবাচ। 12-295-0x (6436)
তিষ্ঠতে মে সদা তাত কৌতূহলমিদং হৃদি।
তদহং শ্রোতুমিচ্ছামি ৎবত্তঃ কুরুপিতামহ॥ 12-295-1 (77301)
কথং দেবর্ষিরুশনা সদা কাব্যো মহামতিঃ।
অসুরাণাং প্রিয়কারঃ সুরাণামপ্রিয়ে রতঃ॥ 12-295-2 (77302)
বর্ধয়ামাস তেজশ্চ কিমর্থমমিতৌজসাম্।
নিত্যং বৈরনিবদ্ধাশ্চ দানবাঃ সুরসত্তমৈঃ॥ 12-295-3 (77303)
কথং চাপ্যুশনা প্রাপ শুক্রৎবমমরদ্যুতিঃ।
ঋদ্ধিং চ স কথং প্রাপ্তঃ সর্বমেতদ্ব্রবীহি মে॥ 12-295-4 (77304)
ন যাতি চ স তেজস্বী মধ্যেন নভসঃ কথম্।
এতদিচ্ছামি বিজ্ঞাতুং নিখিলেন পিতামহ॥ 12-295-5 (77305)
ভীষ্ম উবাচ। 12-295-6x (6437)
শৃণু রাজন্নবহিতঃ সর্বমেতদ্যথাতথম্।
যথামতি যথা চৈতচ্ছ্রুতপূর্বং ময়াঽনঘ॥ 12-295-6 (77306)
এষ ভার্গবদায়াদো মুনির্মান্যো দৃঢব্রতঃ।
সুরাণাং বিপ্রিয়করো নিমিত্তে কারণাত্মকে॥ 12-295-7 (77307)
ইন্দ্রোঽথ ধনদো রাজা যক্ষরক্ষোধিপঃ সদা।
প্রভবিষ্ণুশ্চ কোশস্য জগতশ্চ তথা প্রভুঃ॥ 12-295-8 (77308)
তস্যাত্মানমথাবিশ্য যোগসিদ্ধো মহামুনিঃ।
রুদ্ধ্বা ধনপতিং দেবং যোগেন হৃতবান্বসু॥ 12-295-9 (77309)
হৃতে ধনে ততঃ শর্ম ন লেভে ধনদস্তথা।
আপন্নমন্যুঃ সংবিগ্নঃ সোভ্যগাৎসুরসত্তমম্॥ 12-295-10 (77310)
নিবেদয়ামাস তদা শিবায়ামিততেজসে।
দেবশ্রেষ্ঠায় রুদ্রায় সৌম্যায় বহুরূপিণে॥ 12-295-11 (77311)
যোগাত্মকেনোশনসা রুদ্ধ্বা মম হৃতং বসু।
যোগেনাত্মগতং কৃৎবা নিঃসৃতশ্চ মহাতপাঃ॥ 12-295-12 (77312)
এতচ্ছ্রুৎবা ততঃ ক্রুদ্ধো মহায়োগী মহেশ্বরঃ।
সংরক্তনয়নো রাজঞ্শূলমাদায় তস্থিবান্॥ 12-295-13 (77313)
ক্বাসৌ ক্বাসাবিতি প্রাহ গৃহীৎবা পরমায়ুধম্।
উশনা দূরতস্তস্য হ্যভূজ্জ্ঞাৎবা চিকীর্ষিতম্॥ 12-295-14 (77314)
স মহায়োগিনো বুদ্ধ্বা তং রোষং বৈ মহাত্মনঃ।
গতিমাগমনং বেত্তি স্থানং চৈব ততঃ প্রভুঃ॥ 12-295-15 (77315)
সংচিন্ত্যেগ্রেণ তপসা মহাত্মানং মহেশ্বরম্।
উশনা যোগসিদ্ধাত্মা শূলাগ্রে প্রত্যদৃশ্যত॥ 12-295-16 (77316)
বিজ্ঞাতরূপঃ স তদা তপঃ সিদ্ধোঽথ ধন্বিনা।
জ্ঞাৎবা শূলং চ দেবেশঃ পাণিনা সমনাময়ৎ॥ 12-295-17 (77317)
আনতেনাথ শূলেন পাণিনামিততেজসা।
পিনাকমিতি চোবাচ শূলমুগ্রায়ুধঃ প্রভুঃ॥ 12-295-18 (77318)
পাণিমধ্যগতং দৃষ্ট্বা ভার্গবং তমুমাপতিঃ।
আস্যং বিবৃত্য ভ্রকুটিং পাণিং সংপ্রাক্ষিপচ্ছনৈঃ॥ 12-295-19 (77319)
স তু প্রবিষ্ট উশনা কোষ্ঠং মাহেশ্বরং প্রভুঃ।
ব্যচরচ্চাপি তত্রাসৌ মহাত্মা ভৃগুনন্দনঃ॥ 12-295-20 (77320)
যুধিষ্ঠির উবাচ। 12-295-21x (6438)
কিমর্থং ব্যচরদ্রাজন্নুশনা তস্য ধীমতঃ।
জঠরে দেবদেবস্য কিংচাকার্ষীন্মহাদ্যুতিঃ॥ 12-295-21 (77321)
ভীষ্ম উবাচ। 12-295-22x (6439)
পুরা সোঽন্তর্জলগতঃ স্থাণুভূতো মহাব্রতঃ।
বর্ষাণামভবদ্রাজন্প্রয়ুতান্যর্বুদানি চ॥ 12-295-22 (77322)
উদতিষ্ঠত্তপস্তপ্ৎবা দুশ্চরং চ মহাহ্রদাৎ।
ততো দেবাতিদেবস্তং ব্রহ্মা বৈ সমসর্পত॥ 12-295-23 (77323)
তপোবৃদ্ধিমপৃচ্ছচ্চ কুশলং চৈবমব্যযঃ।
তপঃ সুচীর্ণমিতি চ প্রোবাচ বৃষভধ্বজঃ॥ 12-295-24 (77324)
তৎসংয়োগেন বৃদ্ধিং চাপ্যপশ্যৎস তু শংকরঃ।
মহামতিরচিন্ত্যাত্মা সত্যধর্মরতঃ সদা॥ 12-295-25 (77325)
স তেনাঢ্যো মহায়োগী তপসা চ ধনেন চ।
ব্যরাজত মহারাজ ত্রিষু লোকেষু বীর্যবান্॥ 12-295-26 (77326)
ততঃ পিনাকী যোগাত্মা ধ্যানয়োগং সমাবিশৎ।
উশনা তু সমুদ্বিগ্নো নিলিল্যে জঠরে ততঃ॥ 12-295-27 (77327)
তুষ্টাব চ মহায়োগী দেবং তত্রস্থ এব চ।
নিঃসারং কাঙ্ক্ষমাণঃ স তেন স্ম প্রতিহন্যতে॥ 12-295-28 (77328)
উশনা তু তথোবাচ জঠরস্থো মহামুনিঃ।
প্রসাদং মে কুরুষ্বেতি পুনঃ পুনররিংদম্॥ 12-295-29 (77329)
তমুবাচ মহাদেবো গচ্ছ শিশ্নেন মোক্ষণম্।
ইতি সর্বাণি স্রোতাংসি রুদ্ধ্বা ত্রিদশপুঙ্গবঃ॥ 12-295-30 (77330)
অপশ্যমানস্তদ্দ্বারং সর্বতঃ পিহিতো মুনিঃ।
পর্যক্রামদ্দহ্যমান ইতশ্চেতশ্চ তেজসা॥ 12-295-31 (77331)
স বৈ নিষ্ক্রম্য শিশ্নেন শুক্রৎবমভিপেদিবান্।
কার্যেণ তেন নভসো নাধ্যগচ্ছত মধ্যতঃ॥ 12-295-32 (77332)
`তত এব চ দেবেষু অপ্রবিষ্টো মহামুনিঃ।
পৌরোহিত্যং চ দৈত্যানাং শক্রতেজোবিবৃদ্ধয়ে॥' 12-295-33 (77333)
বিনিষ্ক্রান্তং তু তং দৃষ্ট্বা জ্বলন্তমিব তেজসা।
ভবো রোষসমাবিষ্টঃ শূলোদ্যতকরঃ স্থিতঃ॥ 12-295-34 (77334)
অবারয়ত তং দেবী ক্রুদ্ধং পশুপতিং পতিম্।
পুত্রৎবমগমদ্দেব্যা বারিতে শংকরে চ সঃ॥ 12-295-35 (77335)
দেব্যুবাচ। 12-295-36x (6440)
হিংসনীয়স্ৎবয়া নৈব মম পুত্রৎবমাগতঃ।
ন হি দেবোদরাৎকশ্চিন্নিঃসৃতো নাশমর্হতি॥ 12-295-36 (77336)
ততঃ প্রীতো ভবো দেব্যাঃ প্রহসংশ্চেদমব্রবীৎ।
গচ্ছৎবেষ যথাকামমিতি রাজন্পুনঃ পুনঃ॥ 12-295-37 (77337)
ততঃ প্রণম্য বরদং দেবং দেবীমুমাং তথা।
উশনা প্রাপ তদ্ধীমান্গতিমিষ্টাং মহামুনিঃ॥ 12-295-38 (77338)
এতত্তে কথিতং তাত ভার্গবস্য মহাত্মনঃ।
চরিতং ভরতশ্রেষ্ঠ যন্মাং ৎবং পরিপৃচ্ছসি॥ ॥ 12-295-39 (77339)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চনবত্যধিকদ্বিশততমোঽধ্যায়ঃ॥ 295॥
Mahabharata - Shanti Parva - Chapter Footnotes
12-295-3 বর্ধয়ামাস চিচ্ছেদ। অমিতৌজসাং দেবানাম্॥ 12-295-4 শুক্রৎবং শুক্রোৎপন্নৎবম্॥ 12-295-5 তস্যাকাশগতিঃ কুতঃ কুণ্ঠিতেত্যর্থঃ॥ 12-295-7 কারণা ক্রিয়া তদাত্মকে নিমিত্তে সতি॥ 12-295-8 ইন্দ্রো জগতঃ॥ 12-295-9 তস্য ধনদস্য। আত্মানং শরীরম্॥ 12-295-10 আপন্নমন্যুঃ প্রাপ্তদৈন্যঃ॥ 12-295-17 সঃ শুক্র। ধন্বিনা রুদ্রেণ। শূলং শুক্রয়ুতম্। তপস্সিদ্ধেন চক্ষুষেতি থ. পাঠঃ। তপস্সিদ্ধেন চেতসেতি ধ. পাঠঃ॥ 12-295-20 কোষ্ঠমুদরম্॥ 12-295-21 ব্যচরদেব নৎবন্নবনীর্ণতাং গতঃ। কিংচ তাদৃশমকার্ষীত্তপ ইতি শেষঃ॥ 12-295-26 স শুক্রঃ॥ 12-295-27 নিলিল্যে নিতরাং গতিং জগাম বভ্রামেত্যর্থঃ॥ 12-295-28 নিঃসারং নির্গমম্। তেন রুদ্রেণ॥ 12-295-32 তেন শিশ্রান্নির্গমনেন কার্যেণ নিমিত্তেন॥শান্তিপর্ব - অধ্যায় 296
॥ শ্রীঃ ॥
12.296. অধ্যায়ঃ 296
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শ্রেয়ঃসাধনপ্রতিপাদকপরাশরগীতানুবাদঃ॥ 1॥Mahabharata - Shanti Parva - Chapter Text
12-296-0 (77340)
যুধিষ্ঠির উবাচ। 12-296-0x (6441)
অতঃ পরং মহাবাহো যচ্ছ্রেয়স্তদ্ব্রবীহি মে।
ন তৃপ্যাম্যমৃতস্যেব বচসস্তে পিতামহ॥ 12-296-1 (77341)
কিং কর্ম পুরুষঃ কৃৎবা শুভং পুরুষসত্তম।
শ্রেয়ঃ পরমবাপ্নোতি প্রেত্য চেহ চ তদ্বদ॥ 12-296-2 (77342)
ভীষ্ম উবাচ। 12-296-3x (6442)
অত্র তে বর্তয়িষ্যামি যথা পূর্বং মহায়শাঃ।
পরাশরং মহাত্মানং পপ্রচ্ছ জনকো নৃপঃ॥ 12-296-3 (77343)
কিং শ্রেয়ঃ সর্বভূতানামস্মিঁল্লোকে পরত্র চ।
যদ্ভবেৎপ্রতিপত্ৎব্যং তদ্ভবান্প্রব্রবীতু মে॥ 12-296-4 (77344)
ততঃ স তপসা যুক্তঃ সর্বধর্মবিধানবিৎ।
নৃপায়ানুগ্রহমনা মুনির্বাক্যমথাব্রবীৎ॥ 12-296-5 (77345)
পরাশর উবাচ। 12-296-6x (6443)
ধর্ম এব কৃতঃ শ্রেয়ানিহ লোকে পরত্র চ।
তস্মাদ্ধি পরমং নাস্তি যথা প্রাহুর্মনীষিণঃ॥ 12-296-6 (77346)
প্রতিপদ্য নরো ধর্মং স্বর্গলোকে মহীয়তে।
ধর্মাত্মকঃ কর্মবিধির্দেহিনাং নৃপসত্তম॥ 12-296-7 (77347)
তস্মিন্ত্রাশ্রমিণঃ সন্তঃ স্বকর্মাণীহ কুর্বতে॥ 12-296-8 (77348)
চতুর্বিধা হি লোকেঽস্মিন্যাত্রা তাত বিধীয়তে।
মর্ত্যা যত্রাবতিষ্ঠন্তে সা চ কামাৎপ্রবর্ততে॥ 12-296-9 (77349)
সুকৃতাসুকৃতং কর্ম নিষেব্য বিবিধৈঃ ক্রমৈঃ।
দশার্ধপ্রবিভক্তানাং ভূতানাং বিবিধা গতিঃ॥ 12-296-10 (77350)
সৌবর্ণং রাজতং চাপি যথা ভাণ্ডং নিষিচ্যতে।
তথা নিপিচ্যতে জন্তুঃ পূর্বকর্মবশানুগঃ॥ 12-296-11 (77351)
নাবীজাজ্জায়তে কিংচিন্নাকৃৎবা সুখমেধতে।
সুকৃতৈর্বিন্দতে সৌখ্যং প্রাপ্য দেহক্ষয়ং নরঃ॥ 12-296-12 (77352)
দৈবং তাত ন পশ্যামি নাস্তি দৈবস্য সাধনম্।
স্বভাবতো হি সংসিদ্ধা দেবগন্ধর্বদানবাঃ॥ 12-296-13 (77353)
প্রেত্য যান্ত্যকৃতং কর্ম ন স্মরন্তি সদা জনাঃ।
তে বৈ তস্য ফলপ্রাপ্তৌ কর্ম চাপি চতুর্বিধম্॥ 12-296-14 (77354)
লোকয়াত্রাশ্রয়শ্চৈব শব্দো বেদাশ্রয়ঃ কৃতঃ।
শান্ত্যর্থং মনসস্তাত নৈতদ্বৃদ্ধানুশাসনম্॥ 12-296-15 (77355)
চক্ষুষা মনসা বাচা কর্মণা চ চতুর্বিধম্।
কুরুতে যাদৃশং কর্ম তাদৃশং প্রতিপদ্যতে॥ 12-296-16 (77356)
নিরন্তরং চ মিশ্রং চ লভতে কর্ম পার্থিব।
কল্যাণং যদি বা পাপং ন তু নাশোঽস্য বিদ্যতে॥ 12-296-17 (77357)
কদাচিৎসুকৃতং তাত কূটস্থমিব তিষ্ঠতি।
মজ্জমানস্য সংসারে যাবদ্দুঃখাদ্বিমুচ্যতে॥ 12-296-18 (77358)
ততো দুঃখক্ষয়ং কৃৎবা সুকৃতং কর্ম সেবতে।
সুকৃতক্ষয়াচ্চ দুষ্কৃতং তদ্বিদ্ধি মনুজাধিপ॥ 12-296-19 (77359)
দমঃ ক্ষমা ধৃতিস্তেজঃ সংতোষঃ সত্যবাদিতা।
হ্রীরহিংসাঽব্যসনিতা দাক্ষ্যং চেতি সুখাবহাঃ॥ 12-296-20 (77360)
দুষ্কৃতে সুকৃতে চাপি ন জন্তুর্নিয়তো ভবেৎ।
নিত্যং মনঃ সমাধানে প্রয়তেত বিচক্ষণঃ॥ 12-296-21 (77361)
নায়ং পরস্য সুকৃতং দুষ্কৃতং চাপি সেবতে।
করোতি যাদৃশং কর্ম তাদৃশং প্রতিপদ্যতে॥ 12-296-22 (77362)
সুখদুঃখে সমাধায় পুমানন্যেন গচ্ছতি।
অন্যেনৈব জনঃ সর্বঃ সংগতো যশ্চ পার্থিবঃ॥ 12-296-23 (77363)
পরেষাং যদসূয়েত ন তৎকুর্যাৎস্বয়ং নরঃ।
যো হ্যসূয়ুস্তথা যুক্তঃ সোঽবহাসং নিয়চ্ছতি॥ 12-296-24 (77364)
ভীরূ রাজন্যো ব্রাহ্মণঃ সর্বভক্ষ্যো
বৈশ্যোঽনীহাবান্হীনবর্ণোঽলসশ্চ।
বিদ্বাংশ্রাশীলো বৃত্তহীনঃ কুলীনঃ
সত্যাদ্বিভ্রষ্টো ব্রাহ্মণস্ত্রী চ তুষ্টা॥ 12-296-25 (77365)
রাগী যুক্তঃ পচমানোঽঽত্মহেতো
র্মূর্খো বক্তা নৃপহীনং চ রাষ্ট্রম্।
এতে সর্বে শোচ্যতাং যান্তি রাজ
ন্যশ্রায়ুক্তঃ স্নেহহীনঃ প্রজাসু॥ ॥ 12-296-26 (77366)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষণ্ণবত্যধিকদ্বিশততমোঽধ্যায়ঃ॥ 296॥
Mahabharata - Shanti Parva - Chapter Footnotes
12-296-18 করস্থমিব তিষ্ঠতীতি থ. পাঠঃ॥ 12-296-26 রাগী মুক্ত ইতি থ. পাঠঃ॥শান্তিপর্ব - অধ্যায় 297
॥ শ্রীঃ ॥
12.297. অধ্যায়ঃ 297
Mahabharata - Shanti Parva - Chapter Topics
ভীষ্মেণ যুধিষ্ঠিরং প্রতি শ্রেয়ঃসাধনপ্রতিপাদকপরাশরগীতানুবাদঃ॥ 1॥Mahabharata - Shanti Parva - Chapter Text
12-297-0 (77367)
পরাশর উবাচ। 12-297-0x (6444)
মনোরথরথং প্রাপ্য ইন্দ্রিয়ার্থহয়ং নরঃ।
রশ্মিভির্জ্ঞানসংভূতৈর্যো গচ্ছতি স বুদ্ধিমান্॥ 12-297-1 (77368)
সেবাশ্রিতেন মনসা বৃত্তিহীনস্য শস্যতে।
দ্বিজাতিহস্তান্নির্বৃত্তা ন তু তুল্যাৎপরস্পরাৎ॥ 12-297-2 (77369)
আয়ুর্নসুলভং লব্ধ্বা নাবকর্ষেদ্বিশাংপতে।
উৎকর্ষার্থং প্রয়ততে নরঃ পুণ্যেন কর্মণা॥ 12-297-3 (77370)
বর্ণেভ্যো হি পরিভ্রষ্টো ন বৈ সংমানমর্হতি।
ন তু যঃ সৎক্রিয়াং প্রাপ্য রাজসং কর্ম সেবতে॥ 12-297-4 (77371)
বর্ণোৎকর্ষমবাপ্নোতি নরঃ পুণ্যেন কর্মণা।
দুর্লভং তমলব্ধা হি হন্যাৎপাপেন কর্মণা॥ 12-297-5 (77372)
অজ্ঞানাদ্ধি কৃতং পাপং তপসৈবাভিনির্ণুদেৎ।
পাপং হি কর্ম ফলতি পাপমেব স্বয়ংকৃতম্।
তস্মাৎপাপং ন সেবেত কর্ম দুঃখফলোদয়ম্॥ 12-297-6 (77373)
পাপানুবন্ধং যৎকর্ম যদ্যপি স্যান্মহাফলম্।
তন্ন সেবেত মেধাবী শুচিঃ কুশলিনং যথা॥ 12-297-7 (77374)
কিংকষ্টমনুপশ্যামি ফলং পাপস্য কর্মণঃ।
প্রত্যাপন্নস্য হি ততো নাত্মা তাবদ্বিরোচতে॥ 12-297-8 (77375)
প্রত্যাপত্তিশ্চ যস্যেহ বালিশস্য ন জায়তে।
তস্যাপি সুমহাংস্তাপঃ প্রস্থিতস্যোপজায়তে॥ 12-297-9 (77376)
বিরক্তং শোধ্যতে বস্ত্রং ন তু কৃষ্ণোপসংহিতম্।
প্রয়ত্নেন মনুষ্যেন্দ্র পাপমেবং নিবোধ মে॥ 12-297-10 (77377)
স্বয়ং কৃৎবা তু যঃ পাপং শুভমেবানুতিষ্ঠতি।
প্রায়শ্চিত্তং নরঃ কর্তুমুভয়ং সোঽশ্নুতে পৃথক্॥ 12-297-11 (77378)
অজ্ঞানাত্তু কৃতাং হিংসামহিংসা ব্যপকর্ষতি।
ব্রাহ্মণাঃ শাস্ত্রনির্দেশাদিত্যাহুর্ব্রহ্মবাদিনঃ॥ 12-297-12 (77379)
তথা কামকৃতং নাস্য বিহিংসৈবানুকর্ষতি।
ইত্যাহুর্ব্রহ্মশাস্ত্রজ্ঞা ব্রাহ্মণা ব্রহ্মবাদিনঃ॥ 12-297-13 (77380)
অহং তু তাবৎপশ্যামি কর্ম যদ্ধর্ততে কৃতম্।
গুণয়ুক্তং প্রকাশং বা পাপেনানুপসংহিতম্॥ 12-297-14 (77381)
যথা সূক্ষ্মাণি কর্মাণি ফলন্তীহ যথাতথম্।
বুদ্ধিয়ুক্তানি তানীহ কৃতানি মনসা সহ॥ 12-297-15 (77382)
ভবত্যল্পফলং কর্ম সেবিতং নিত্যমুল্বণম্।
অবুদ্ধিপূর্বং ধর্মজ্ঞ কৃতমুগ্রেণ কর্মণা॥ 12-297-16 (77383)
কৃতানি যানি কর্মাণি দৈবতৈর্মুনিভিস্তথা।
ন চরেত্তানি ধর্মাত্মা শ্রুৎবা চাপি ন কুৎসয়েৎ॥ 12-297-17 (77384)
সংচিন্ত্য মনসা রাজন্বিদিৎবা শক্তিমাত্মনঃ।
করোতি যঃ শুভং কর্ম স বৈ ভদ্রাণি পশ্যতি॥ 12-297-18 (77385)
নবে কপালে সলিলং সংন্যস্তং হীয়তে যথা।
নবেতরে তথা ভাবং প্রাপ্নোতি সুখভাবিতম্॥ 12-297-19 (77386)
সতোয়েঽন্যত্তু যত্তোয়ং তস্মিন্নেব প্রসিচ্যতে।
তদ্ধি বৃদ্ধিমবাপ্নোতি সলিলে সলিলং যথা॥ 12-297-20 (77387)
এবং কর্মাণি যানীহ বুদ্ধিয়ুক্তানি পার্থিব।
সমানি চৈব যানীহ তানি পুণ্যতমান্যপি॥ 12-297-21 (77388)
রাজ্ঞা জেতব্যাঃ শত্রবশ্চোন্নতাশ্চ
সম্যক্কর্তব্যং পালনং চ প্রজানাম্।
অগ্নিশ্চেয়ো বহুভিশ্চাপি যজ্ঞৈ
রন্ত্যে মধ্যে বা বনমাশ্রিত্য স্থেয়ম্॥ 12-297-22 (77389)
দমান্বিতঃ পুরুষো ধর্মশীলো
ভূতানি চাত্মানমিবানুপশ্যেৎ।
গরীয়সঃ পূজয়েদাত্মশক্ত্যা
সত্যেন শীলেন সুখং নরেন্দ্র॥ ॥ 12-297-23 (77390)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তনবত্যধিকদ্বিশততমোঽধ্যায়ঃ॥ 297॥
Mahabharata - Shanti Parva - Chapter Footnotes
12-297-2 দ্বিজাতিহীনা নির্বৃত্তা ইতি থ. পাঠঃ॥ 12-297-5 দুর্লভং জন্ম লব্ধ্যা হীতি থ. পাঠঃ। দুষ্কৃতং কর্ম লব্ধ্যা হীতি ধ. পাঠঃ॥ 12-297-7 কুশলিনং কারুকং চণ্ডালবিশেষমিত্যর্থঃ॥ 12-297-8 কুৎসিতং চ তৎকষ্টং চ কিংকষ্টম্॥ 12-297-9 প্রত্যাপত্তির্বৈরাগ্যম্॥ 12-297-11 সোঽশ্নুতে ফলমিতি ধ. পাঠঃ॥ 12-297-23 দয়ান্বিতঃ পুরুষ ইতি থ. পাঠঃ॥শান্তিপর্ব - অধ্যায় 298
॥ শ্রীঃ ॥
12.298. অধ্যায়ঃ 298
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি যথাবিভবশক্তিধর্মাচরণস্য শ্রেয়ঃসাধনতাপ্রতিপাদকপরাশরগীতানুবাদঃ॥ 1॥Mahabharata - Shanti Parva - Chapter Text
12-298-0 (77391)
পরাশর উবাচ। 12-298-0x (6445)
কঃ কস্য চোপকুরুতে কশ্চ কস্মৈ প্রয়চ্ছতি।
প্রাণী করোত্যযং কর্ম সর্বমাত্মার্থমাত্মনা॥ 12-298-1 (77392)
গৌরবেণ পরিত্যক্তং নিঃস্নেহং পরিবর্জয়েৎ।
সোদর্যং ভ্রাতরমপি কিমুতান্যং পৃথগ্জনম্॥ 12-298-2 (77393)
বিশিষ্টস্য বিশিষ্টাচ্চ তুল্যৌ দানপ্রতিগ্রহৌ।
তয়োঃ পুণ্যতরং দানং তদ্দ্বিজস্য প্রয়চ্ছতঃ॥ 12-298-3 (77394)
ন্যায়াগতং ধনং বর্ণৈর্ন্যায়েনৈব বিবর্ধিতম্।
সংরক্ষ্যং যত্নমাস্থায় ধর্মার্থমিতি নিশ্চয়ঃ॥ 12-298-4 (77395)
ন ধর্মার্থী নৃশংসেন কর্মণা ধনমার্জয়েৎ।
শক্তিতঃ সর্বকার্যাণি কুর্যান্নর্দ্ধিমনুস্মরন্॥ 12-298-5 (77396)
অপো হি প্রয়তাঃ শীতাস্তাপিতা জ্বলনেন বা।
শক্তিতোঽতিথয়ে দত্ৎবা ক্ষুধার্তায়াঽশ্নুতে ফলম্॥ 12-298-6 (77397)
রন্তিদেবেন লোকেষ্টা সিদ্ধিঃ প্রাপ্তা মহাত্মনা।
ফলপত্রৈরথো মূলৈর্মুনীনচিংতবাংশ্চ সঃ॥ 12-298-7 (77398)
তৈরেব ফলপত্রৈশ্চ স মাঠরমতোষয়ৎ।
তস্মাল্লেভে পরং স্থানং শৈব্যোঽপি পৃথিবীপতিঃ॥ 12-298-8 (77399)
দেবতাতিথিভৃত্যেভ্যঃ পিতৃভ্যশ্চাত্মনস্তথা।
ঋণবাঞ্জায়তে মর্ত্যস্তস্মাদনৃণতাং ব্রজেৎ॥ 12-298-9 (77400)
স্বাধ্যায়েন মহর্ষিভ্যো দেবেভ্যো যজ্ঞকর্মণা।
পিতৃভ্যঃ শ্রাদ্ধদানেন নৃণামভ্যর্চনেন চ॥ 12-298-10 (77401)
পাকশেপাবহার্যেণ পালনেনাত্মনোঽপি চ।
যথাবদ্ভৃত্যবর্গস্য চিকীর্ষেৎকর্ম আদিতঃ॥ 12-298-11 (77402)
প্রয়ত্নেন চ সংসিদ্ধা ধনৈরপি বিবর্জিতাঃ।
সম্যগ্ঘৃৎবা হুতবহং মুনয়ঃ সিদ্ধিমাগতাঃ॥ 12-298-12 (77403)
বিশ্বামিত্রস্য পুত্রৎবমৃচীকতনয়োঽগমৎ।
ঋগ্ভিঃ স্তুৎবা মহাবাহো দেবান্বৈ যজ্ঞভাগিনঃ॥ 12-298-13 (77404)
গতঃ শুক্রৎবমুশনা দেবদেবপ্রসাদনাৎ।
দেবীং স্তুৎবা তু গগনে মোদতে তেজসা বৃতঃ॥ 12-298-14 (77405)
অসিতো দেবলশ্চৈব তথা নারদপর্বতৌ।
কক্ষীবাঞ্জামদগ্ন্যশ্চ রামস্তাণ্ড্যস্তথাঽঽত্মবান্॥ 12-298-15 (77406)
বসিষ্ঠো জমদগ্নিশ্চ বিশ্বামিত্রোঽত্রিরেব চ।
ভরদ্বাজো হরিশ্মশ্রুঃ কুণ্ডধারঃ শ্রুতশ্রবাঃ॥ 12-298-16 (77407)
এতে মহর্ষয়ঃ স্তুৎবা বিষ্ণুমৃগ্ভিঃ সমাহিতাঃ।
লেভিরে তপসা সিদ্ধিং প্রসাদাত্তস্য ধীমতঃ॥ 12-298-17 (77408)
অনর্হাশ্চার্হতাং প্রাপ্তাঃ সন্তঃ স্তুৎবা তমেব হ।
ন তু বৃদ্ধিমিহান্বিচ্ছেৎকর্ম কৃৎবা জুগুপ্সিতম্॥ 12-298-18 (77409)
যেঽর্থা ধর্মেণ তে সত্যা যেঽধর্মেণ ধিগস্তু তান্।
ধর্মং বৈ শাশ্বতং লোকে ন জহ্যাদ্ধনকাঙ্ক্ষয়া॥ 12-298-19 (77410)
আহিতাগ্নির্হি ধর্মাত্মা যঃ স পুণ্যকৃদুত্তমঃ।
বেদা হি সর্বে রাজেন্দ্র স্থিতাস্ত্রিষ্বগ্নিষু প্রভো॥ 12-298-20 (77411)
চ চাপ্যগ্ন্যাহিতো বিপ্রঃ ক্রিয়া যস্য ন হীয়তে।
শ্রেয়ো হ্যনাহিতাগ্নিৎবমগ্নিহোত্রং ন নিষ্ক্রিয়ম্॥ 12-298-21 (77412)
অগ্নিরাত্মা চ মাতা চ পিতা জনয়িতা তথা।
গুরুশ্চ নরশার্দূল পরিচর্যা যথাতথম্॥ 12-298-22 (77413)
মানং ত্যক্ৎবা যো নরো বৃদ্ধসেবী
বিদ্বান্ক্লীবঃ পশ্যতি প্রীতিয়োগাৎ।
দাক্ষ্যেণ হীনো ধর্ময়ুক্তো ন দান্তো
লোকেঽস্মিন্বৈ পূজ্যতে সদ্ভিরার্যঃ॥ ॥ 12-298-23 (77414)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টনবত্যধিকদ্বিশততমোঽধ্যায়ঃ॥ 298॥
Mahabharata - Shanti Parva - Chapter Footnotes
12-298-2 সোদর্যং বা সুতমপীতি থ. ধ. পাঠঃ॥ 12-298-8 স মাতুরমতোষয়দিতি থ. ধ॥ 12-298-9 দেবর্ষ্যতিথিভৃত্যেভ্য ইতি থ. ধ. পাঠঃ॥ 12-298-11 বাচা শেষাবহার্যেণেতি ঝ. পাঠঃ। চিকীর্ষেদ্ধর্মমাশ্রিত ইতি ধ. পাঠঃ॥ 12-298-14 মোদতে যশসা বৃত ইতি ঝ. পাঠঃ॥শান্তিপর্ব - অধ্যায় 299
॥ শ্রীঃ ॥
12.299. অধ্যায়ঃ 299
Mahabharata - Shanti Parva - Chapter Topics
ভীষ্মেণ যুধিষঠিরংপ্রতি ব্রাহ্মণাদিবর্ণধর্মাদিপ্রতিপাদকপরাশরগীতানুবাদঃ॥ 1॥Mahabharata - Shanti Parva - Chapter Text
12-299-0 (77415)
পরাশর উবাচ। 12-299-0x (6446)
বৃত্তিঃ সকাশাদ্বর্ণেভ্যস্ত্রিভ্যো হীনস্য শোভনা।
প্রীত্যোপনীতা নির্দিষ্টা ধর্মিষ্ঠান্কুরুতে সদা॥ 12-299-1 (77416)
বৃত্তিশ্চেন্নাস্তি শূদ্রস্য পিতৃপৈতামহী ধ্রুবা।
ন বৃত্তিং পরতো মার্গেচ্ছুশ্রূষাং তু প্রয়োজয়েৎ॥ 12-299-2 (77417)
সদ্ভিস্তু সহ সংসর্গঃ শোভতে ধর্মদর্শিভিঃ।
নিত্যং সর্বাস্ববস্থাসু নাসদ্ভিরিতি মে মতিঃ॥ 12-299-3 (77418)
যথোদয়গিরৌ দ্রব্যং সন্নিকর্ষেণ দীপ্যতে।
তথা সৎসন্নিকর্ষেণ হীনবর্ণোঽপি দীয়তে॥ 12-299-4 (77419)
যাদৃশেন হি বর্ণেন ভাব্যতে শুক্লমম্বরম্।
তাদৃশং কুরুতে রূপমেতদেবমবেহি মে॥ 12-299-5 (77420)
তস্মাদ্গুণেষু রজ্যেথা মা দোষেষু কদাচন।
অনিত্যমিহ মর্ত্যানাং জীবিতং হি চলাচলম্॥ 12-299-6 (77421)
সুখে বা যদি বা দুঃখে বর্তমানো বিচক্ষণঃ।
যশ্চিনোতি শুভান্যেব স ভদ্রাণীহ পশ্যতি॥ 12-299-7 (77422)
ধর্মাদপেতং যৎকর্ম যদ্যপি স্যান্মহাফলম্।
ন তৎসেবেত মেধাবী ন তদ্ধিতমিহোচ্যতে॥ 12-299-8 (77423)
`ধর্মেণ সহিতং যত্তু ভবেদল্পফলোদয়ম্।
তৎকার্যমবিশঙ্কেন কর্মাত্যন্তং সুখাবহম্॥' 12-299-9 (77424)
যো হৃৎবা গোসহস্রাণি নৃপো দদ্যাদরক্ষিতা।
স শব্দমাত্রফলভাগ্রাজা ভবতি তস্করঃ॥ 12-299-10 (77425)
স্বয়ংভূরসৃজচ্চাগ্রে ধাতারং লোকসৎকৃতম্।
ধাতাঽসৃজৎপুত্রমেকং লোকানাং ধারণে রতম্॥ 12-299-11 (77426)
তমর্চয়িৎবা বৈশ্যস্তু কুর্যাদত্যর্থমৃদ্ধিমৎ।
রক্ষিতব্যং তু রাজন্যৈরুপয়োজ্যং দ্বিজাতিভিঃ॥ 12-299-12 (77427)
অজিহ্নৈরশঠক্রোধৈর্হব্যকব্যপ্রয়োক্তৃভিঃ।
শূর্দৈর্নির্মার্জনং কার্যমেবং ধর্মো ন নশ্যতি॥ 12-299-13 (77428)
অপ্রনষ্টে ততো ধর্মে ভবন্তি সুখিতাঃ প্রজাঃ।
সুখেন তাসাং রাজেন্দ্র মোদন্তে দিবি দেবতাঃ॥ 12-299-14 (77429)
তস্মাদ্যো রক্ষতি নৃপঃ স ধর্মেণেতি পূজ্যতে।
অধীতে চাপি যো বিপ্রো বৈশ্যো যশ্চার্জনে রতঃ॥ 12-299-15 (77430)
যশ্চ শুশ্রূষতে শূদ্রঃ সততং নিয়তেন্দ্রিয়ঃ।
অতোঽন্যথা মনুষ্যেন্দ্র স্বধর্মাৎপরিহীয়তে॥ 12-299-16 (77431)
প্রাণসংতাপনির্দিষ্টাঃ কাকিণ্যোঽপি মহাফলাঃ।
ন্যায়েনোপার্জিতা দত্তাঃ কিমুতান্যাঃ সহস্রশঃ॥ 12-299-17 (77432)
সৎকৃত্য হি দ্বিজাতিভ্যো যো দদাতি নরাধিপঃ।
যাদৃশং তাদৃশং নিত্যমশ্নাতি ফলমূর্জিতম্॥ 12-299-18 (77433)
অভিগম্য তু যদ্দত্তং ধর্ম্যমাহুরভিষ্টুতম্।
যাচিতেন তু যদ্দত্তং তদাহুর্মধ্যমং ফলম্॥ 12-299-19 (77434)
অবজ্ঞয়া দীয়তে যত্তথৈবাশ্রদ্ধয়াঽপি বা।
তদাহুরধমং দানং মুনয়ঃ সত্যবাদিনঃ॥ 12-299-20 (77435)
অতিক্রামেন্মজ্জমানো বিবিধেন নরঃ সদা।
তথা প্রয়ত্নং কুর্বীত যথা মুচ্যেত সংশয়াৎ॥ 12-299-21 (77436)
দমেন শোভতে বিপ্রঃ ক্ষত্রিয়ো বিজয়েন তু।
ধনেন বৈশ্যঃ শৃদ্রস্তু নিত্যং দাক্ষ্যেণ শোভতে॥ ॥ 12-299-22 (77437)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনত্রিশততমোঽধ্যায়ঃ॥ 299॥
Mahabharata - Shanti Parva - Chapter Footnotes
12-299-1 নিত্যং হীনস্য শোভনেতি ধ. পাঠঃ॥ 12-299-6 তস্মাদ্গুণেষু রমতামিতি থ. পাঠঃ॥ 12-299-7 স তন্ত্রাণীহেতি ঝ. পাঠঃ॥ 12-299-10 যো ধৃৎবা গোসহস্রাণীতি ঝ. পাঠঃ॥ 12-299-12 কুর্যাদর্থং সমৃদ্ধিষ্বিতি ধ. পাঠঃ॥ 12-299-17 কাকিণ্যো বিংশতিবরাটিকাঃ॥ 12-299-21 তথা মুচ্যেত কিল্বিষাদিতি থ. পাঠঃ॥ 12-299-22 দাক্ষ্যেণ সেবার্থোৎসাহেন॥শান্তিপর্ব - অধ্যায় 300
॥ শ্রীঃ ॥
12.300. অধ্যায়ঃ 300
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বর্ণধর্মাদিপ্রতিপাদকপরাশরগীতানুবাদঃ॥ 1॥Mahabharata - Shanti Parva - Chapter Text
12-300-0 (77438)
পরাশর উবাচ। 12-300-0x (6447)
প্রতিগ্রহার্জিতা বিপ্রে ক্ষত্রিয়ে যুধি নির্জিতাঃ।
বৈশ্যে ন্যায়ার্জিতাশ্চৈব শূদ্রে শুশ্রূষয়ার্জিতাঃ॥ 12-300-1 (77439)
স্বল্পাঽপ্যর্থাঃ প্রশস্যন্তে ধর্মস্যার্থে মহাফলাঃ।
নিত্যং ত্রয়াণাং বর্ণানাং শুশ্রূষুঃ শূদ্র উচ্যতে॥ 12-300-2 (77440)
ক্ষত্রধর্মা বৈশ্যধর্মা নাবৃত্তিঃ পততে দ্বিজঃ।
শূদ্রধর্মা যদা তু স্যাত্তদা পততি বৈ দ্বিজঃ॥ 12-300-3 (77441)
বাণিজ্যং পাশুপাল্যং চ তথা শিল্পোপজিবনম্।
সূদ্রস্যাপি বিধীয়ন্তে যদা বৃত্তির্ন জায়তে॥ 12-300-4 (77442)
রঙ্গাবতরণং চৈব তথা রূপোপজীবনম্।
মদ্যমাংসোপজীব্যং চ বিক্রয়ং লোহচর্মণোঃ॥ 12-300-5 (77443)
অপূর্বিণা ন কর্তব্যং কর্ম লোকে বিগর্হিতম্।
কৃতপূর্বিণস্তু ত্যজতো মহান্ধর্ম ইতি শ্রূতিঃ॥ 12-300-6 (77444)
সংসিদ্ধঃ পুরুষো লোকে যদাচরতি পাপকম্।
মদেনাভিপ্লুতমনাস্তচ্চ ন গ্রাহ্যমুচ্যতে॥ 12-300-7 (77445)
শ্রূয়ন্তে হি পুরাণেষু প্রজা ধিগ্দণ্ডশাসনাঃ।
দান্তা ধর্মপ্রধানাশ্চ ন্যায়ধর্মানুবৃত্তিকাঃ॥ 12-300-8 (77446)
ধর্ম এব সদা নৄণামিহ রাজন্প্রশস্যতে।
ধর্মবৃদ্ধা গুণানেব সেবন্তে হি নরা ভুবি॥ 12-300-9 (77447)
তং ধর্মমসুরাস্তাত নামৃষ্যন্ত নরাধিপ।
বিবর্ধমানাঃ ক্রমশস্তত্র তেঽন্বাবিশন্প্রজাঃ॥ 12-300-10 (77448)
তাসাং দর্পঃ সমভবৎপ্রজানাং ধর্মনাশনঃ।
দর্পাত্মনাং ততঃ পশ্চাৎক্রোধস্তাসামজায়ত॥ 12-300-11 (77449)
ততঃ ক্রোধাভিভূতানাং বৃত্তং লজ্জাসমন্বিতম্।
হ্রীশ্চৈবাপ্যনশদ্রাজংস্ততো মোহো ব্যজায়ত॥ 12-300-12 (77450)
ততো মোহপরীতাস্তা নাপশ্যন্ত যথা পুরা।
পরস্পরাবমর্দেন বর্ধয়ন্ত্যো যথাসুখম্॥ 12-300-13 (77451)
তাঃ প্রাপ্য তু স ধিগ্দণ্ডো ন কারণমতো ভবৎ।
ততোঽভ্যগচ্ছন্দেবাংশ্চ ব্রাহ্মণাংশ্চাবমন্য হ॥ 12-300-14 (77452)
এতস্মিন্নেব কালে তু দেবা দেববরং শিবম্।
অগচ্ছঞ্শরণং ধীরং বহুরূপং গুণাধিকম্॥ 12-300-15 (77453)
তেন স্ম তে গগনগাঃ সপুরাঃ পাতিতাঃ ক্ষিতৌ।
ত্রিধাঽপ্যেকেন বাণেন দেবাপ্যায়িততেজসা॥ 12-300-16 (77454)
তেষামধিপতিস্ৎবাসীদ্ভীমো ভীমপরাক্রমঃ।
দেবতানাং ভয়করঃ স হতঃ শূলপাণিনা॥ 12-300-17 (77455)
তস্মিন্হতেঽথ স্বং ভাবং প্রত্যপদ্যন্ত মানবাঃ।
প্রাবর্তন্ত চ বৈ বেদাঃ শাস্ত্রাণি চ যথা পুরা॥ 12-300-18 (77456)
ততোঽভিষিচ্য রাজ্যেন দেবানাং দিবি বাসবম্।
সপ্তর্ষয়শ্চান্বয়ুঞ্জন্নরাণাং দণ্ডধারণে॥ 12-300-19 (77457)
সপ্তর্ষীণামথোর্ধ্বং চ বিপৃথুর্নাম পার্থিবঃ।
রাজানঃ ক্ষত্রিয়াশ্চৈব মণ্ডলেষু পৃথক্পৃথক্॥ 12-300-20 (77458)
মহাকুলেষু যে জাতা বৃদ্ধাঃ পূর্বতরাশ্চ যে।
তেষামপ্যাসুরো ভাবো হৃদয়ান্নাপসর্পতি॥ 12-300-21 (77459)
তস্মাত্তেনৈব ভাবেন সানুষঙ্গেণ পার্থিবাঃ।
আসুরাণ্যেব কর্মাণি ন্যসেবন্ভীমবিক্রমাঃ॥ 12-300-22 (77460)
প্রত্যতিষ্ঠংশ্চ তেষ্বেব তান্যেব স্থাপয়ন্ত্যপি।
ভজন্তে তানি চাদ্যাপি যে বালিশতরা নরাঃ॥ 12-300-23 (77461)
তস্মাদহং ব্রবীমি ৎবাং রাজন্সংচিন্ত্য শাস্ত্রতঃ।
সংসিদ্ধাবাগমং কুর্যাৎকর্ম হিংসাত্মকং ত্যজেৎ॥ 12-300-24 (77462)
ন সংকরেণ দ্রবিণং প্রচিন্বীয়াদ্বিচক্ষণঃ।
ধর্মার্থং ন্যায়মুৎসৃজ্য ন তৎকল্যাণমুচ্যতে॥ 12-300-25 (77463)
স ৎবমেবংবিধো দান্তঃ ক্ষত্রিয়ঃ প্রিয়বান্ধবঃ।
প্রজা ভৃত্যাংশ্চ পুত্রাংশ্চ স্বধর্মেণানুপালয়॥ 12-300-26 (77464)
ইষ্টানিষ্টসমায়োগে বৈরং সৌহার্দমেব চ।
অথ জাতিসহস্রাণি বহূনি পরিবর্ততে॥ 12-300-27 (77465)
তস্মাদ্গুণেষু রজ্যেথা মা দোষেষু কথংচন।
নির্গুণোঽপি হি দুর্বুদ্ধিরাত্মনঃ সোতিরিচ্যতে॥ 12-300-28 (77466)
মানুষেষু মহারাজ ধর্মাধর্মৌ প্রবর্ততঃ।
ন তথাঽন্যেষু ভূতেষু মনুষ্যরহিতেষ্বিহ॥ 12-300-29 (77467)
ধর্মশীলো নরো বিদ্বানীহকোঽনীহকোপি বা।
আত্মভূতঃ সদা লোকে চরেদ্ভূতান্যহিংসয়া॥ 12-300-30 (77468)
যদা ব্যপেতহৃল্লেখং মনো ভবতি তস্য বৈ।
নানৃতং চৈব ভবতি তদা কল্যাণমৃচ্ছতি॥ ॥ 12-300-31 (77469)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিশততমোঽধ্যায়ঃ॥ 300॥
Mahabharata - Shanti Parva - Chapter Footnotes
12-300-1 প্রতিগ্রহাগতা বিপ্রে ইতি ঝ. থ. পাঠঃ॥ 12-300-3 ন পতত ইতি সংবন্ধঃ। ক্ষত্রধর্মাদ্বৈশ্যধর্মান্নাপন্নঃ পততে দ্বিজ ইতি ধ. পাঠঃ॥ 12-300-4 শিল্পং চিত্রলেখনাদি। বৃত্তিঃ সেবারূপা॥ 12-300-5 রঙ্গে খ্যাদিবেষেণ অবতরণম্॥ 12-300-6 অপূর্বিণা যেন পূর্বং মদ্যাদ্যুপজীবনং ন কৃতং সোঽপূর্বী তেন তন্ন কর্তব্যম্॥ 12-300-7 সংসিদ্ধো লব্ধান্নবস্ত্রাদিঃ॥ 12-300-9 ধর্মবৃদ্ধ্যা গুণানেবেতি থ. পাঠঃ॥ 12-300-12 অনশৎ অনবয়ত॥ 12-300-16 ত্রিদৈবত্যেন বাণেনেতি ধ. পাঠঃ। বাণেন দেবস্যামিততেজস ইতি থ. পাঠঃ॥শান্তিপর্ব - অধ্যায় 301
॥ শ্রীঃ ॥
12.301. অধ্যায়ঃ 301
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি তপঃপ্রশংসাদিপরপরাশরগীতনুবাদঃ॥ 1॥Mahabharata - Shanti Parva - Chapter Text
12-301-0 (77470)
পরাশর উবাচ। 12-301-0x (6448)
এষ ধর্মবিধিস্তাত গৃহস্থস্য প্রকীর্তিতঃ।
তপোবিধিং তু বক্ষ্যামি তন্মে নিগদতঃ শৃণু॥ 12-301-1 (77471)
প্রায়েণ চ গৃহস্থস্য মমৎবং নাম জায়তে।
সঙ্গাগতং নরশ্রেষ্ঠ ভাবৈ রাজসতামসৈঃ॥ 12-301-2 (77472)
গৃহাণ্যাশ্রিত্য গাবশ্চ ক্ষেত্রাণি চ ধনানি চ।
দারাঃ পুত্রাশ্চ ভৃত্যাশ্চ ভবন্তীহ নরস্য বৈ॥ 12-301-3 (77473)
এবং তস্য প্রবৃত্তস্য নিত্যমেবানুপশ্যতঃ।
রাগদ্বেষৌ বিবর্ধেতে হ্যনিত্যৎবমপশ্যতঃ॥ 12-301-4 (77474)
রাগদ্বেষাভিভূতং চ নরং দ্রব্যবশানুগম্।
মোহজস্তারতির্নাম সমুপৈতি নরাধিপ॥ 12-301-5 (77475)
কৃতার্থ ভোগিনং মৎবা সর্বো রতিপরায়ণঃ।
লাভং প্রাত্যসুখাদন্যং রতিতো নানুপশ্যতি॥ 12-301-6 (77476)
ততো লোভাভিভূতাত্মা সঙ্গাদ্বধর্যতে জনম্।
দুষ্টার্থং চৈব তস্যেহ জনস্যার্থং চিকীর্ষতি॥ 12-301-7 (77477)
স জানত্রপি চাকার্যমর্থার্থং সেবতে নরঃ।
বালস্নেহপরীতাত্মা তৎক্ষয়াচ্চানুতপ্যতে॥ 12-301-8 (77478)
ততো দানেন সংপন্নো রক্ষন্নাত্মপরাজয়ম্।
করোতি যেন ভোনী স্যামিতি তস্মাদ্বিনশ্যতি॥ 12-301-9 (77479)
তদ্যদি বুদ্ধিয়ুক্তানাং শাশ্বতং ব্রহ্মবাদিনাম্।
অভিচ্ছতাং শুভং কর্ম নরাণাং ত্যজতাং সুখম্॥ 12-301-10 (77480)
লোকায়তননাশাচ্চ ধননাশাচ্চ পার্থিব।
আধিব্যাধিপ্রতাপাচ্চ নির্বেদমুপগচ্ছতি॥ 12-301-11 (77481)
নির্বেদাদাত্মসংবোধঃ সংবোধাদাত্মদর্শনম্।
শাস্ত্রার্থদর্শনাদ্রাজসংস্তপ এবানুপশ্যতি॥ 12-301-12 (77482)
দুর্লভো হি মনুষ্যেন্দ্র নরঃ প্রত্যবমর্শবান্।
যো বৈ প্রিয়সুখে ক্ষীণে তপঃ কর্তুং ব্যবস্যতি॥ 12-301-13 (77483)
তপঃ সর্বগতং তাত হীনস্যাপি বিধীয়তে।
জিতেন্দ্রিয়স্য দান্তস্য স্বর্গমার্গপ্রবর্তকম্॥ 12-301-14 (77484)
প্রজাপতিঃ প্রজাঃ পূর্বমসৃজত্তপসা বিভুঃ।
ক্বচিৎক্বচিদ্ব্রতপরো ব্রতান্যাস্থায় পার্থিব॥ 12-301-15 (77485)
আদিত্যা বসবো রুদ্রাস্তথৈবাগ্ন্যশ্বিমারুতাঃ।
বিশ্বেদেবাস্তথা সাধ্যাঃ পিতরোঽথ মরুদ্গণাঃ॥ 12-301-16 (77486)
যক্ষরাক্ষসগন্ধর্বাঃ সিদ্ধাশ্চান্যে দিবৌকসঃ।
সংসিদ্ধাস্তপসা তাত যে চান্যে স্বর্গবাসিনঃ॥ 12-301-17 (77487)
যে চাদৌ ব্রাহ্মণাঃ সৃষ্টা ব্রহ্মণা তপসা পুরা।
তে ভাবয়ন্তঃ পৃথিবীং বিচরন্তি দিবং তথা॥ 12-301-18 (77488)
মর্ত্যলোকে চ রাজানো যে চান্যে গৃহমেধিনঃ।
মহাকুলেষু দৃশ্যন্তে তৎসর্বং তপসঃ ফলম্॥ 12-301-19 (77489)
কৌশেয়ানি চ বস্ত্রাণি শুভান্যাভরণানি চ।
বাহনাসনপানানি তৎসর্বং তপসঃ ফলম্॥ 12-301-20 (77490)
মনোনুকূলাঃ প্রমদা রূপবত্যঃ সহস্রশঃ।
বাসঃ প্রাসাদপৃষ্ঠে চ তৎসর্বং তপসঃ ফলম্॥ 12-301-21 (77491)
শয়নানি চ মুখ্যানি ভোজ্যানি বিবিধানি চ।
অভিপ্রেতানি সর্বাণি ভবন্তি শুভকর্মিণাম্॥ 12-301-22 (77492)
নাপ্রাপ্যং তপসঃ কিংচিন্ত্রৈলোক্যেঽপি পরংতপ।
উপভোগপরিত্যাগঃ ফলান্যকৃতকর্মণাম্॥ 12-301-23 (77493)
সুখিতো দুঃখিতো বাঽপি নরো লোভং পরিত্যজেৎ।
অবেক্ষ্য মনসা শাস্ত্রং বুদ্ধ্যা চ নৃপসত্তম॥ 12-301-24 (77494)
অসংতোষোঽসুখথায়েতি লোভাদিন্দ্রিয়বিভ্রমঃ।
ততোঽস্য নশ্যতি প্রজ্ঞা বিদ্যেবাভ্যাসবর্জিতা॥ 12-301-25 (77495)
নষ্টপ্রজ্ঞো যদা তু স্যাত্তদা ন্যায়ং ন পশ্যতি।
তস্মাৎসুখক্ষয়ে প্রাপ্তে পুমানুগ্রতপশ্চরেৎ॥ 12-301-26 (77496)
যদিষ্টং তৎসুখং প্রাহুর্দ্বেষ্যং দুঃখমিহেষ্যতে।
কৃতাকৃতস্য তপসঃ ফলং পশ্যস্ব যাদৃশম্॥ 12-301-27 (77497)
নিত্যং ভদ্রাণি পশ্যন্তি বিষয়াংশ্চোপভুঞ্জতে।
প্রাকাশ্যং চৈবং গচ্ছন্তি কৃৎবা নিষ্কল্মষং তপঃ॥ 12-301-28 (77498)
অপ্রিয়াণ্যবমানাশ্চ দুঃখং বহুবিধাত্মকম্।
ফলার্থী সৎপথং ত্যক্ৎবা প্রাপ্নোতি বিষয়াত্মকম্॥ 12-301-29 (77499)
ধর্মে তপসি দানে চ বিচিকিৎসাঽস্য জায়তে।
স কৃৎবা পাপকান্যেব নিরয়ং প্রতিপদ্যতে॥ 12-301-30 (77500)
সুখে তু বর্তমানো বৈ দুঃখে বাঽপি নরোত্তম্।
সুবৃত্তাদ্যো ন চলতে শাস্ত্রচক্ষুঃ স মানবঃ॥ 12-301-31 (77501)
ইষুপ্রপাতমাত্রং হি স্পর্শয়োগে রতিঃ স্মৃতা।
রসনে দর্শনে ঘ্রাণে শ্রবণে চ বিশাংপতে॥ 12-301-32 (77502)
ততোঽস্য জায়তে তীব্রা বেদনা তৎক্ষয়াৎপুনঃ।
বুধা যে ন প্রশংসন্তি মোক্ষং সুখমনুত্তমম্॥ 12-301-33 (77503)
ততঃ ফলার্থং সর্বস্য ভবন্তি জ্যায়সে গুণাঃ।
ধর্মবৃদ্ধ্যা চ সততং কামার্থাভ্যাং ন হীয়তে॥ 12-301-34 (77504)
অপ্রয়ত্নাগতাঃ সেব্যা গৃহস্থৈর্বিষয়াঃ সদা।
প্রয়ত্নেনোপগম্যশ্চ স্বধর্ম ইতি মে মতিঃ॥ 12-301-35 (77505)
মানিনাং কুলজাতানাং নিত্যং শাস্ত্রার্থচক্ষুষাম্।
ক্রিয়াধর্মবিমুক্তানামশক্ত্যা সংবৃতাত্মনাম্॥ 12-301-36 (77506)
ক্রিয়মাণং যদা কর্ম নাশং গচ্ছতি মানুষম্।
তেষাং নান্যদৃতে লোকে তপসঃ কর্ম বিদ্যতে॥ 12-301-37 (77507)
সর্বাত্মনাঽনুকুর্বীত গৃহস্থঃ কর্মনিশ্চয়ম্।
দাক্ষ্যেণ হব্যকব্যার্থং স্বধর্মে বিচরন্নৃপ॥ 12-301-38 (77508)
যথা নদীনদাঃ সর্বে সাগরে যান্তি সংস্থিতিম্।
এবমাশ্রমিণঃ সর্বে গৃহস্থে যান্তি সংস্থিতিম্॥ ॥ 12-301-39 (77509)
ইতি শ্রীমন্মহাভারতে শান্তিপর্বণি মোক্ষধর্মপর্বণি একাধিকত্রিশততমোঽধ্যায়ঃ॥ 301॥
Mahabharata - Shanti Parva - Chapter Footnotes
12-301-2 সমাণ্যং নরশ্রেহেতি ধ. পাঠঃ॥ 12-301-6 ভোগিনং আত্মানমিতি শেষঃ। রত্যর্থং চ ধনং ত্যক্ৎবা স বৈ রতিপরায়ণ ইতি ধ. পাঠঃ॥ 12-301-7 পুষ্ঠার্থং চেহ দেহস্যেতি ধ. পাঠঃ॥ 12-301-10 তপসা সিদ্ধিয়ুক্তানাং শাশ্বতং দ্রহাদর্শনম্ ইতি থ. ধ. পাঠঃ॥ 12-301-12 সংবোধাচ্ছাস্রদর্শনমিতি ধ. পাঠঃ॥ 12-301-14 তপঃ স্বর্গফলং তাতেতি থ. পাঠঃ॥ স্বর্গমার্গপ্রদর্শকমিতি ট. থ. পাঠঃ॥ 12-301-15 ক্বচিদ্দ্বহ্যপর ইতি ঝ. পাঠঃ॥শান্তিপর্ব - অধ্যায় 302
॥ শ্রীঃ ॥
12.302. অধ্যায়ঃ 302
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি নানাধর্মপ্রতিপাদকপরাশরগীতানুবাদঃ॥ 1॥Mahabharata - Shanti Parva - Chapter Text
12-302-0 (77510)
জনক উবাচ। 12-302-0x (6449)
বর্ণো বিশেষবর্ণানাং মহর্ষে কেন জায়তে।
এতদিচ্ছাম্যহং জ্ঞাতুং তদ্ব্রূহি বদতাং বর॥ 12-302-1 (77511)
যদেতজ্জায়তেঽপত্যং স এবায়মিতি শ্রুতিঃ।
কথং ব্রাহ্মণতো জাতো বিশেষগ্রহণং গতঃ॥ 12-302-2 (77512)
পরাশর উবাচ। 12-302-3x (6450)
এবমেতন্মহারাজ যেন জাতঃ স এব সঃ।
তপসস্ৎবপকর্ষেণ জাতিগ্রহণতাং গতঃ॥ 12-302-3 (77513)
সুক্ষেত্রাচ্চ সুবীজাচ্চ পুণ্যো ভবতি সংভবঃ।
অতোঽন্যতরতো হীনাদবরো নাম জায়তে॥ 12-302-4 (77514)
বক্রাদ্ভুজাভ্যামূরুভ্যাং পদ্ভ্যাং চৈবাথ জজ্ঞিরে।
সৃজতঃ প্রজাপতের্লোকানিতি ধর্মবিদো বিদুঃ॥ 12-302-5 (77515)
মুখজা ব্রাহ্মণাস্তাত বাহুজাঃ ক্ষত্রিয়াঃ স্মৃতাঃ।
ঊরুজা ধনিনো রাজন্পাদজাঃ পরিচারকাঃ॥ 12-302-6 (77516)
চতুর্ণামেব বর্ণানামাগমঃ পুরুষর্ষভ।
অতোন্যে ৎবতিরিক্তা যে তে বৈ সংকরজাঃ স্মৃতাঃ॥ 12-302-7 (77517)
ক্ষত্রিয়াতিরথাম্বষ্ঠা উগ্রা বৈদেহকাস্তথা।
শ্বপাকাঃ পুল্কসাঃ স্তেনা নিষাদাঃ সূতমাগধাঃ॥ 12-302-8 (77518)
অয়োগাঃ কারণা ব্রাত্যাশ্চাণ্ডালাশ্চ নরাধিপ।
এতে চতুর্ভ্যো বর্ণেভ্যো জায়ন্তে বৈ পরস্পরাৎ॥ 12-302-9 (77519)
জনক উবাচ। 12-302-10x (6451)
ব্রহ্মণৈকেন জাতানাং নানাৎবং গোত্রতঃ কথম্।
বহূনীহ হি লোকে বৈ গোত্রাণি মুনিসত্তম॥ 12-302-10 (77520)
যত্র তত্র কথং জাতাঃ স্বয়োনিং মুনয়ো গতাঃ।
শূদ্রয়োনৌ সমুৎপন্না বিয়োনৌ চ তথা পরে॥ 12-302-11 (77521)
পরাশর উবাচ। 12-302-12x (6452)
রাজন্নৈতদ্ভবেদ্ব্রাহ্মমপকৃষ্টেন জন্মনা।
মহাত্মনাং সমুৎপত্তিস্তপসা ভাবিতাত্মনাম্॥ 12-302-12 (77522)
উৎপাদ্য পুত্রান্মুনয়ো নৃপতে যত্র তত্র হ।
স্বেনৈব তপসা তেষামৃষিৎবং বিদধুঃ পুনঃ॥ 12-302-13 (77523)
পিতামহশ্চ মে পূর্বমৃশ্যশৃঙ্গশ্চ কাশ্যপঃ।
বেদস্তাণ্ড্যঃ কৃপশ্চৈব কাক্ষীবৎকমঠাদয়ঃ॥ 12-302-14 (77524)
যবক্রীতশ্চ নৃপতে দ্রোণশ্চ বদতাংবরঃ।
আয়ুর্মতঙ্গো দত্তশ্চ দ্রুমদো মাৎস্য এব চ॥ 12-302-15 (77525)
এতে স্বাং প্রকৃতিং প্রাপ্তা বৈদেহ তপসো বলাৎ।
প্রতিষ্ঠিতা বেদবিদো দমেন তপসৈব হি॥ 12-302-16 (77526)
মূলগোত্রাণি চৎবারি সমুৎপন্নানি পার্থিব।
অঙ্গিরাঃ কশ্যপশ্চৈব বসিষ্ঠো ভৃগুরেব চ॥ 12-302-17 (77527)
কর্মতোঽন্যানি গোত্রাণি সমুৎপন্নানি পার্থিব।
নামধেয়ানি তপসা তানি চ গ্রহণং সতাম্॥ 12-302-18 (77528)
জনক উবাচ। 12-302-19x (6453)
বিশেষধর্মান্বর্ণানাং প্রব্রূহি ভগবন্মম।
ততঃ সামান্যধর্মাংশ্চ সর্বত্র কুশলো হ্যসি॥ 12-302-19 (77529)
পরাশর উবাচ। 12-302-20x (6454)
প্রতিগ্রহো যাজনং চ তথৈবাধ্যাপনং নৃপ।
বিশেষধর্মা বিপ্রাণাং রক্ষা ক্ষত্রস্য শোভনা॥ 12-302-20 (77530)
কৃষিশ্চ পাশুপাল্যং চ বাণিজ্যং চ বিশামপি।
দ্বিজানাং পরিচর্যা চ শূদ্রকর্ম নরাধিপ॥ 12-302-21 (77531)
বিশেষধর্মা নৃপতে বর্ণানাং পরিকীর্তিতাঃ।
ধর্মান্সাধারণাংস্তাত বিস্তরেণ শৃণুষ্ব মে॥ 12-302-22 (77532)
আনৃশংস্যমর্হিসা চাপ্রমাদঃ সংবিভাগিতা।
শ্রাদ্ধকর্মাতিথেয়ং চ সত্যমক্রোধ এব চ॥ 12-302-23 (77533)
স্বেষু দারেষু সংতোষঃ শৌচং নিত্যাঽনসূয়তা।
আত্মজ্ঞানং তিতিক্ষা চ ধর্মাঃ সাধারণা নৃপ॥ 12-302-24 (77534)
ব্রাহ্মণাঃ ক্ষত্রিয়া বৈশ্যাস্রয়ো বর্ণা দ্বিজাতয়ঃ।
অত্র তেষামধীকারো ধর্মেষু দ্বিপদাং বর॥ 12-302-25 (77535)
বিকর্মাবস্থিতা বর্ণাঃ পতন্তি নৃপতে ত্রয়ঃ।
উন্নমন্তি যথা সন্ত আশ্রিত্যেহ স্বকর্মসু॥ 12-302-26 (77536)
ন চাপি শূদ্রঃ পততীতি নিশ্চয়ো
ন চাপি সংস্কারমিহার্হতীতি বা।
শ্রুতিপ্রয়ুক্তং ন চ ধর্মমাপ্নুতে
ন চাস্য ধর্মে প্রতিষেধনং কৃতম্॥ 12-302-27 (77537)
বৈদেহকং শূদ্রমুদাহরন্তি
দ্বিজা মহারাজ শ্রুতোপপন্নাঃ।
অহং হি পশ্যামি নরেন্দ্র দেবং
বিশ্বস্য বিষ্ণুং জগতঃ প্রধানম্॥ 12-302-28 (77538)
সতাং বৃত্তমধিষ্ঠায় নিহীনা উদ্দিধীর্ষবঃ।
মন্ত্রবর্জং ন দুষ্যন্তি কুর্বাণাঃ পৌষ্টিকীঃ ক্রিয়াঃ॥ 12-302-29 (77539)
যথায়থা হি সদ্বৄত্তমালম্বন্তীতরে জনাঃ।
যথাতথা সুখং প্রাপ্য প্রেত্য চেহ চ মোদতে॥ 12-302-30 (77540)
জনক উবাচ। 12-302-31x (6455)
কিং কর্ম দূষয়ত্যেনমথো জাতির্মহামুনে।
সংদেহো মে সমুৎপন্নস্তন্মে ব্যাখ্যাতুমর্হসি॥ 12-302-31 (77541)
পরাশর উবাচ। 12-302-32x (6456)
অসংশয়ং মহারাজ উভয়ং দোষকারকম্।
কর্ম চৈব হি জাতিশ্চ বিশেষং তু নিশাময়॥ 12-302-32 (77542)
জাত্যা চ কর্মণা চৈব দুষ্টং কর্ম ন সেবতে।
জাত্যা দুষ্টশ্চ যঃ পাপং ন করোতি স পূরুষঃ॥ 12-302-33 (77543)
জাত্যা প্রধানং পুরুষং কুর্বাণং কর্ম ধিক্কৃতম্
কর্ম তদ্দূষয়ত্যেনং তস্মাৎকর্ম ন শোভনম্॥ 12-302-34 (77544)
জনক উবাচ। 12-302-35x (6457)
কানি কর্মাণি ধর্ম্যাণি লোকেঽস্মিন্দ্বিজসত্তম্।
ন হিংসন্তীহ ভূতানি ক্রিয়মাণানি সর্বদা॥ 12-302-35 (77545)
পরাশর উবাচ। 12-302-36x (6458)
শৃণু মেঽত্র মহারাজ যন্মাং ৎবং পরিপৃচ্ছসি।
যানি কর্মাণ্যহিংস্রাণি নরং ত্রায়ন্তি সর্বদা॥ 12-302-36 (77546)
সংন্যস্যাগ্নীনুদাসীনাঃ পশ্যন্তি বিগতজ্বরাঃ।
নৈঃশ্রেয়সং কর্মপথং সমারুহ্য যথাক্রমম্॥ 12-302-37 (77547)
প্রশ্রিতা বিনয়োপেতা দমনিত্যাঃ সুসংশিতাঃ।
পয়ান্তি স্থানমজরং সর্বকর্মবিবর্জিতাঃ॥ 12-302-38 (77548)
সর্বে বর্ণা ধর্মকার্যাণি সম্যক্
কৃৎবা রাজন্সত্যবাক্যানি চোক্ৎবা।
ত্যক্ৎবা ধর্মং দারুণং জীবলোকে
যান্তি স্বর্গং নাত্র কার্যো বিচারঃ॥ ॥ 12-302-39 (77549)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্ব্যধিকত্রিশততমোঽধ্যায়ঃ॥ 302॥
Mahabharata - Shanti Parva - Chapter Footnotes
12-302-6 ঊরুজা বণিজো রাজন্নিতি ধ. পাঠঃ॥ 12-302-10 নানাৎবং ব্রহ্মক্ষত্রিয়াদিভাবেন ভিন্নৎবম্। গোত্রতঃ অন্বয়তঃ। গোত্রাণি ব্রহ্মক্ষত্রিয়াদীনি উগ্রাম্বষ্ঠাদীনি চ। তস্মাজ্জাতিতারতম্যময়ুক্তমিত্যর্থঃ॥ 12-302-11 যথা কাক্ষীবতা শূদ্রায়ামুৎপাদিতাঃ পুত্রা ব্রাহ্মণৎবং নীতা নতু তে নিষাদৎবং প্রাপ্তা ইত্যর্থঃ। তস্মাৎকারণদ্বারা কার্যদ্বারা বা জাতিভেদো ন যুক্ত ইতি ভাবঃ॥ 12-302-14 বসুস্তাণ্ড্য ইতি থ. পাঠঃ। বটস্তাণ্ড্য ইতি ধ. পাঠঃ॥ 12-302-16 তপসো শ্রয়াদিতি থ. পাঠঃ॥ 12-302-26 নিরয়েত্রয় ইতি থ. পাঠঃ॥শান্তিপর্ব - অধ্যায় 303
॥ শ্রীঃ ॥
12.303. অধ্যায়ঃ 303
Mahabharata - Shanti Parva - Chapter Topics
ভূষ্মেণ যুধিষ্ঠিরংপ্রতি ধর্মাদিসাধনতয়া মানুষ্যপ্রশংসাপূর্বকং নানাধর্মপ্রতিপাদকপরাশারগীতানুবাদঃ॥ 1॥Mahabharata - Shanti Parva - Chapter Text
12-303-0 (77550)
পরাশর উবাচ। 12-303-0x (6459)
পিতা সখায়ো গুরবঃ স্ত্রিয়শ্চ
ন নির্গুণানাং প্রভবন্তি লোকে।
অনন্যভক্তাঃ প্রিয়বাদিনশ্চ
হিতাশ্চ বশ্যাশ্চ তথৈব রাজন্॥ 12-303-1 (77551)
পিতা পরং দৈবতং মানবানাং
মাতুর্বিশিষ্টং পিতরং বদন্তি।
জ্ঞানস্য লাভং পরমং বদন্তি
জিতেন্দ্রিয়ার্থাঃ পরমাপ্নুবন্তি॥ 12-303-2 (77552)
রণাজিরে যত্র শরাগ্নিসংস্তরে
নৃপাত্মজো ঘাতমবাপ্য দহ্যতে।
প্রয়াতি লোকানমরৈঃ সুদুর্লভা
ন্নিষেবতে স্বর্গফলং যথাসুখম্॥ 12-303-3 (77553)
শ্রান্তং ভীতং ভ্রষ্টশস্ত্রং রুদন্তং
পরাঙ্ভুখং পারিবর্হৈশ্চ হীনম্।
অনুদ্যন্তং রোগিণং যাচমানং
ন বৈ হিংস্যাদ্বালবৃদ্ধৌ চ রাজন্॥ 12-303-4 (77554)
পারিবর্হৈঃ সুসংয়ুক্তমুদ্যতং তুল্যতাং গতম্।
অতিক্রমেত্তং নৃপতিঃ সংগ্রামে ক্ষত্রিয়াত্মজম্॥ 12-303-5 (77555)
তুল্যাদিহ বধঃ শ্রেয়ান্বিশিষ্টাচ্চেতি নিশ্চয়ঃ।
নিহীনাৎকাতরাচ্চৈব কৃপণাদ্গর্হিতো বধঃ॥ 12-303-6 (77556)
পাপাৎপাপসমাচারান্নিহীনাচ্চ নরাধিপ।
পাপ এষ বধঃ প্রোক্তো নরকায়েতি নিশ্চয়ঃ॥ 12-303-7 (77557)
ন কশ্চিত্রাতি বৈ রাজন্দিষ্টান্তবশমাগতম্।
সাবশেষায়ুষং চাপি কশ্চিন্নৈবাপকর্ষতি॥ 12-303-8 (77558)
স্নিগ্ধৈশ্চ ক্রিয়মাণানি কর্মাণীহ নিবর্তয়েৎ।
হিংসাত্মকানি সর্বাণি নায়ুরিচ্ছেৎপরায়ুষা॥ 12-303-9 (77559)
গৃহস্থানাং তু সর্বেষাং বিনাশমভিকাঙ্ক্ষতাম্।
নিধনং শোভনং তাত পুলিনেষু ক্রিয়াবতাম্॥ 12-303-10 (77560)
আয়ুষি ক্ষয়মাপন্নে পঞ্চৎবমুপগচ্ছতি।
তথা হ্যকারণাদ্ভবতি কারণৈরুপপাদিতম্॥ 12-303-11 (77561)
তথা শরীরং ভবতি দেহাদ্যেনোপপাদিতম্।
অধ্বানং গতকশ্চায়ং প্রাপ্তশ্চায়ং গৃহাদ্গৃহম্॥ 12-303-12 (77562)
দ্বিতীয়ং কারণং তত্র নান্যৎকিংচন বিদ্যতে।
তদ্দেহং দেহিনাং যুক্তং মোক্ষভূতেষু বর্ততে॥ 12-303-13 (77563)
শিরাস্নায়্বস্থিসংঘাতং বীভৎসামেধ্যসংকুলম্।
ভূতানামিন্দ্রিয়াণাং চ গুণানাং চ সমাগমম্॥ 12-303-14 (77564)
ৎবগন্তং দেহমিত্যাহুর্বিদ্বাংসোঽধ্যাত্মচিন্তকাঃ।
গুণৈরপি পরিক্ষীণং শরীরং মর্ত্যতাং গতম্॥ 12-303-15 (77565)
শরীরিণা পরিত্যক্তং নিশ্চেষ্টং গতচেতনম্।
ভূতৈঃ প্রকৃতিমাপন্নৈস্ততো ভূমৌ নিমজ্জতি॥ 12-303-16 (77566)
ভাবিতং কর্ময়োগেন জায়তে তত্রতত্র হ।
ইদং শরীরং বৈদেহ ম্রিয়তে যত্রয়ত্র হ।
তৎপ্রপাতে পরো দৃষ্টো বিসর্গঃ কর্মণস্তথা॥ 12-303-17 (77567)
ন জায়তে তু নৃপতে কংচিৎকালময়ং পুনঃ।
পরিভ্রমতি ভূতাত্মা দ্যামিবাম্বুধরো মহান্॥ 12-303-18 (77568)
স পুনর্জায়তে রাজন্প্রাপ্যেহায়তনং নৃপঃ।
মনসঃ পরমো হ্যাত্মা ইন্দ্রিয়েভ্যঃ পরং মনঃ॥ 12-303-19 (77569)
বিবিধানাং চ ভূতানাং জঙ্গমাঃ পরমা নৃপ।
জঙ্গমানামপি তথা দ্বিপদাঃ পরমা মতাঃ।
দ্বিপদানামপি তথা দ্বিজা বৈ পরমাঃ স্মৃতাঃ॥ 12-303-20 (77570)
দ্বিজানামপি রাজেন্দ্র প্রজ্ঞাবন্তঃ পরা মতাঃ।
প্রাজ্ঞানামাত্মসংবুদ্ধাঃ সংবুদ্ধানামমানিনঃ॥ 12-303-21 (77571)
জাতমন্বেতি মরণং নৃণামিতি বিনিশ্চয়ঃ।
অন্তবন্তি হি কর্মাণি সেবন্তে গুণতঃ প্রজাঃ॥ 12-303-22 (77572)
আপন্নে তূত্তরাং কাষ্ঠাং সূর্যে যো নিধনং ব্রজেৎ।
নক্ষত্রে চ মুহূর্তে চ পুণ্যে রাজন্স পুণ্যকৃৎ॥ 12-303-23 (77573)
অয়োজয়িৎবা ক্লেশেন জনং প্লাপ্য চ দুষ্কৃতম্।
মৃত্যুনাঽঽত্মকৃতেনেহ কর্ম কৃৎবাঽঽত্মশক্তিতঃ॥ 12-303-24 (77574)
বিষমুদ্বন্ধনং দাহো দস্যুহস্তাত্তথ বধঃ।
দংষ্ট্রিভ্যশ্চ পশুভ্যশ্চ প্রাকৃতো বধ উচ্যতে॥ 12-303-25 (77575)
ন চৈভিঃ পুণ্যকর্মাণো যুজ্যন্তে চাভিসংধিজৈঃ।
এবংবিধৈশ্চ বহুভিরপরৈঃ প্রাকৃতৈরপি॥ 12-303-26 (77576)
ঊর্ধ্বং ভিত্ৎবা প্রতিষ্ঠন্তে প্রাণাঃ পুণ্যবতাং নৃপ।
মধ্যতো মধ্যপুণ্যানামধো দুষ্কৃতকর্মণাম্॥ 12-303-27 (77577)
একঃ শত্রুর্ন দ্বিতীয়োস্তি শত্রু
রজ্ঞানতুল্যঃ পুরুষস্য রাজন্।
যেনাবৃতঃ কুরুতে সংপ্রয়ুক্তো
ঘোরাণি কর্মাণি সুদারুণানি॥ 12-303-28 (77578)
প্রবোধনার্থং শ্রুতিধর্ময়ুক্তং
বৃদ্ধানুপাস্য প্রভবেত যস্য।
প্রয়ত্নসাধ্যো হি স রাজপুত্র
প্রজ্ঞাশরেণোন্মথিতঃ পরৈতি॥ 12-303-29 (77579)
অধীত্য বেদং তপসা ব্রহ্মচারী
যজ্ঞাঞ্শক্ত্যা সন্নিসৃজ্যেহ পঞ্চ।
বনং গচ্ছেৎপুরুষো ধর্মকামঃ
শ্রেয়ঃ কৃৎবা স্থাপয়িৎবা স্ববংশম্॥ 12-303-30 (77580)
উপভোগৈরপি ত্যক্তং নাত্মানং সাদয়েন্নরঃ।
চণ্ডালৎবেঽপি মানুষ্যং সর্বথা তাত শোভনম্॥ 12-303-31 (77581)
ইয়ং হি যোনিঃ প্রথমা যাং প্রাপ্য জগতীয়তে।
আত্মা বৈ শক্যতে ত্রাতুং কর্মভিঃ শুভলক্ষণৈঃ॥ 12-303-32 (77582)
কথং ন বিপ্রণশ্যেম যোনিতোস্যা ইতি প্রভো।
কুর্বন্তি ধর্মং মনুজাঃ শ্রুতিপ্রামাণ্যদর্শনাৎ॥ 12-303-33 (77583)
যো দুর্লভতরং প্রাপ্য মানুষ্যং দ্বিষতে নরঃ।
ধর্মাবমন্তা কামাত্মা ভবেৎস খলু বঞ্চ্যতে॥ 12-303-34 (77584)
যস্তু প্রীতিপুরাণেন চক্ষুষা তাত পশ্যতি।
দীপোপমানি ভূতানি যাবদর্থান্ন পশ্যতি॥ 12-303-35 (77585)
সান্ৎবেনানুপ্রদানেন প্রিয়বাদেন চাপ্যুত।
সমদুঃখসুখো ভূৎবা স পরত্র মহীয়তে॥ 12-303-36 (77586)
দানং ত্যাগঃ শোভনা মুর্তিমদ্ভ্যো
ভূয়ঃ প্লাব্যং তপসা বৈ শরীরম্।
সরস্বতীনৈমিষপুষ্করেষু
যে চাপ্যন্যে পুণ্যদেশাঃ পৃথিব্যাম্॥ 12-303-37 (77587)
গৃহেষু যেষামসবঃ পতন্তি
তেষামথো নির্হরণং প্রশস্তম্।
যানেন বৈ প্রাপণং চ শ্মশানে
শুচৌ দেশে বিধিনা চৈব দাহঃ॥ 12-303-38 (77588)
ইষ্টিঃ পুষ্টির্যজনং যাজনং চ
দার্গ পুণ্যানাং কর্মণাং চ প্রয়োগঃ।
শক্ত্যা পিত্র্যং যচ্চ কিংচিৎপ্রশস্তং
সর্বাণ্যাত্মার্থে মানবোঽয়ং করোতি॥ 12-303-39 (77589)
`গৃহস্থানাং চ সর্বেষাং বিনাশমভিকাঙ্ক্ষতাম্।
নিধনং শোভনং তাত পুলিনেষু ক্রিয়াবতাম্॥' 12-303-40 (77590)
ধর্মশাস্ত্রাণি বেদাশ্চ ষ়ডঙ্গানি নরাধিপ।
শ্রেয়সোর্থে বিধীয়ন্তে নরস্যাক্লিষ্টকর্মণঃ॥ 12-303-41 (77591)
ভীষ্ম উবাচ। 12-303-42x (6460)
এতদ্বৈ সর্বমাখ্যাতং মুনিনা সুমহাত্মনা।
বিদেহরাজায় পুরা শ্রয়েসোর্থে নরাধিপ॥ ॥ 12-303-42 (77592)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্র্যধিকত্রিশততমোঽধ্যায়ঃ॥ 303॥
Mahabharata - Shanti Parva - Chapter Footnotes
12-303-2 লাভং লাভহেতুম্॥ 12-303-4 পারিবর্হৈ রথাশ্বকবচাদিভিঃ॥ 12-303-5 অতিক্রমেজ্জয়েৎ॥ 12-303-8 দিষ্টান্তো মৃত্যুঃ॥ 12-303-9 সন্নদ্ধৈঃ ক্রিয়মাণানীতি থ. পাঠঃ। হিংসাত্মকানি কর্মাণীতি ধ. পাঠঃ॥ 12-303-10 পুলিনেষু পুলিনবৎসু তীর্থেষু নিধনং মরণং শ্রেয়ঃ॥ 12-303-15 শরীরং মন্দতাং গতমিতি ধ. পাঠঃ॥ 12-303-17 তৎস্বভাবো পরো দৃষ্ট ইতি ঝ. পাঠঃ॥ 12-303-32 আত্মা বৈ শক্যতে জ্ঞাতুমিতি ধ. পাঠঃ॥ 12-303-36 সাংৎবেনান্নপ্রদানেনেতি ঝ. পাঠঃ॥ 12-303-35 প্রীতিপুরাণেন প্রীত্যা চিরংতনেন দীপোপমানি স্নেহেন সংবর্ধনীয়ানি। যাক্দর্থান্ সর্বান্বিষয়ান্ দয়াবান্ ভূতানি পশ্যতি বিরক্তোঽর্থান্ন পশ্যতি যঃ স মহীয়তে ইত্যুত্তরেণ সংবন্ধঃ॥ 12-303-38 শৌচেনং নূনং বিধিনা চেতি ধ. পাঠঃ॥শান্তিপর্ব - অধ্যায় 304
॥ শ্রীঃ ॥
12.304. অধ্যায়ঃ 304
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শ্রেয়ঃসাধনকলাপপ্রতিপাদকপরাশরগীতানুবাদসমাপনম্॥ 1॥Mahabharata - Shanti Parva - Chapter Text
12-304-0 (77593)
ভীষ্ম উবাচ। 12-304-0x (6461)
পুনরেব তু পপ্রচ্ছ জনকো মিথিলাধিপঃ।
পরাশরং মহাত্মানং ধর্মে পরমনিশ্চয়ম্॥ 12-304-1 (77594)
জনক উবাচ। 12-304-2x (6462)
কিং শ্রেয়ঃ কা গতির্ব্রহ্মন্কিং কৃতং ন বিনশ্যতি।
ক্ব গতো ন নিবর্তেত তন্মে ব্রূহি মহামতে॥ 12-304-2 (77595)
পরাশর উবাচ। 12-304-3x (6463)
অসঙ্গঃ শ্রেয়সো মূলং জ্ঞানং জ্ঞানগতিঃ পরা।
চীর্ণং তপো ন প্রণশ্যেদ্বাপঃ ক্ষেত্রে ন নশ্যতি॥ 12-304-3 (77596)
ছিত্ৎবাঽধর্মময়ং পাশং যদা ধর্মেঽভিরজ্যতে।
দত্ৎবাঽভয়কৃতং দানং তদা সিদ্ধিমবাপ্নুতে॥ 12-304-4 (77597)
যো দদাতি সহস্রাণি গবামশ্বশতানি চ।
অভয়ং সর্বভূতেভ্যঃ সদা তমভিবর্ততে॥ 12-304-5 (77598)
বসন্বিষয়মধ্যেঽপি ন বসত্যেব বুদ্ধিমান্।
সংবসত্যেব দুর্বুদ্ধিরসৎসু বিষয়েষ্বপি॥ 12-304-6 (77599)
নাধর্মঃ শ্লিষ্যতে প্রাজ্ঞং পয়ঃ পুষ্করপর্ণবৎ।
অপ্রাজ্ঞমধিকং পাপং শ্লিষ্যতে জতুকাষ্ঠবৎ॥ 12-304-7 (77600)
নাধর্মঃ কারণাপেক্ষী কর্তারমভিমুঞ্চতি।
কর্তা খলু যথাকালং ততঃ সমভিপদ্যতে॥ 12-304-8 (77601)
ন ভিদ্যন্তে কৃতাত্মান আত্মপ্রত্যযদর্শিনঃ।
বুদ্ধিকর্মেন্দ্রিয়াণাং হি প্রমত্তো যো ন বুধ্যতে।
শুভাশুভে প্রসক্তাত্মা প্রাপ্নোতি সুমহদ্ভয়ম্॥ 12-304-9 (77602)
বীতরাগো জিতক্রোধঃ সম্যগ্ভবতি যঃ সদা।
বিষয়ে বর্তমানোঽপি ন স পাপেন যুজ্যতে॥ 12-304-10 (77603)
মর্যাদায়াং বর্তমানোঽপি নাবসীদতি।
পুষ্টস্রোত ইবাসক্তঃ স্ফীতো ভবতি সংচয়ঃ॥ 12-304-11 (77604)
যথা ভানুগতং তেজো মণিঃ শুদ্ধঃ সমাধিনা।
আদত্তে রাজশার্দূল তথা যোগঃ প্রবর্ততে॥ 12-304-12 (77605)
যথা তিলানামিহ পুণ্যসংশ্রয়া
ৎপৃথক্পৃথগ্যাতি গুণোঽতিসাম্যতাম্।
তথা নরাণাং ভুবি ভাবিতাত্মনাং
যথাশ্রয়ং সৎবগুণঃ প্রবর্ততে॥ 12-304-13 (77606)
জহাতি দারান্বিবিধাশ্চ সংপদঃ
পদং চ যানং বিবিধাশ্চ সৎক্রিয়াঃ।
ত্রিবিষ্টপে জাতমতির্যদা নর
স্তদাঽস্য বুদ্ধির্বিষয়েষু ভিদ্যতে॥ 12-304-14 (77607)
প্রসক্তবুদ্ধির্বিষয়েষু যো নরো
ন বুধ্যতে হ্যাত্মহিতং কথংচন।
স সর্বভাবানুগতেন চেতসা
নৃপাঽঽমিষেণেব ঝষো বিকৃষ্যতে॥ 12-304-15 (77608)
সংঘাতবন্মর্ত্যলোকঃ পরস্পরমপাশ্রিতঃ।
কদলীগর্ভনিঃসারো নৌরিবাপ্সু নিমজ্জতি॥ 12-304-16 (77609)
ন ধর্মকালঃ পুরুষস্য নিশ্চিতো
ন চাপি মৃত্যুঃ পুরুষং প্রতীক্ষতে।
সদা হি ধর্মস্য ক্রিয়ৈব শোভনা
তদা নরো মৃত্যুমুখান্নিবর্ততে॥ 12-304-17 (77610)
যথাঽন্ধঃ স্বগৃহে যুক্তো হ্যভ্যাসাদেব গচ্ছতি।
তথা যুক্তেন মনসা প্রাজ্ঞো গচ্ছতি তাং গতিম্॥ 12-304-18 (77611)
মরণং জন্মনি প্রোক্তং জন্ম বৈ মরণাশ্রিতম্।
অবিদ্বান্মোক্ষধর্মেষু বদ্ধো ভ্রমতি চক্রবৎ॥ 12-304-19 (77612)
বুদ্ধিমার্গপ্রয়াতস্য সুখং ৎবিহ পরত্র চ।
বিস্তরাঃ ক্লেশসংয়ুক্তাঃ সংক্ষেপাস্তু সুখাবহাঃ।
পরার্থং বিস্তরাঃ সর্বে ত্যাগমাংত্মহিতং বিদুঃ॥ 12-304-20 (77613)
যথা মৃণালানুগতমাশু মুঞ্চতি কর্দমম্।
তথাঽঽত্মা পুরুষস্যেহ মনসা পরিমুচ্যতে॥ 12-304-21 (77614)
মনঃ প্রণয়তেঽঽত্মানং স এনমভিয়ুঞ্জতি।
যুক্তো যদা স ভবতি তদা তং পশ্যতে পরম্॥ 12-304-22 (77615)
পরার্থে বর্তমানস্তু স্বং কার্যং যোঽভিমন্যতে।
ইন্দ্রিয়ার্থেষু সক্তঃ স স্বকার্যাৎপরিহীয়তে॥ 12-304-23 (77616)
অধস্তির্যগ্গতিং চৈব স্বর্গে চৈব পরাং গতিম্।
প্রাপ্নোতি সুকৃতৈরাত্মা প্রাজ্ঞস্যেহেতরস্য চ॥ 12-304-24 (77617)
মৃন্ময়ে ভাজনে পক্বে যথা বৈ নশ্যতি দ্রবঃ।
তথা শরীরং তপসা তপ্তং বিষয়মশ্নুতে॥ 12-304-25 (77618)
বিষয়ানশ্নুতে যস্তু ন স ভোক্ষ্যত্যসংশয়ম্।
যস্তু ভোগাংস্ত্যজেদাত্মা স বৈ ভোক্তুং ব্যবস্যতি॥ 12-304-26 (77619)
নীহারেণ হি সংবীতঃ শিশ্নোদরপরায়ণঃ।
জাত্যন্ধ ইব পন্থানমাবৃতাত্মা ন বুধ্যতে॥ 12-304-27 (77620)
বণিগ্যথা সমুদ্রাদ্বৈ যথার্থং লভতে ধনম্।
তথা মর্ত্যার্ণবাজ্জন্তোঃ কর্মবিজ্ঞানতো গতিঃ॥ 12-304-28 (77621)
অহোরাত্রময়ে লোকে জরারূপেণ সংচরন্।
মৃত্যুর্গ্রসতি ভূতানি পবনং পন্নগো যথা॥ 12-304-29 (77622)
স্বয়ং কৃতানি কর্মাণি জাতো জন্তুঃ প্রপদ্যতে।
নাকৃতং লভতে কশ্চিৎকিংচিদত্র প্রিয়াপ্রিয়ম্॥ 12-304-30 (77623)
সয়ানং যান্তমাসীনং প্রবৃত্তং বিষয়েষু চ।
শুভাশুভানি কর্মাণি প্রপদ্যন্তে নরং সদা॥ 12-304-31 (77624)
ন হ্যন্যত্তীরমাসাদ্য পুনস্তর্তুং ব্যবস্যতি।
দুর্লভো দৃশ্যতে হ্যস্য বিনিপাতো মহার্ণবে॥ 12-304-32 (77625)
যথা ভাবাবসন্না হি নৌর্মহাম্ভসি তন্তুনা।
যথা মনোভিয়োগাদ্বৈ শরীরং প্রচিকীর্ষতি॥ 12-304-33 (77626)
যথা সমুদ্রমভিতঃ সংশ্রিতাঃ সরিতোঽপরাঃ।
তথাঽন্যাপ্রকৃতির্যোগাদভিসংশ্রিয়তে সদা॥ 12-304-34 (77627)
স্নেহপাশৈর্বহুবিধৈরাসক্তমনসো নরাঃ।
প্রকৃতিস্থা বিষীদন্তি জলে সৈকতবেশ্মবৎ॥ 12-304-35 (77628)
শরীরগৃহসংস্থস্য শৌচতীর্থস্য দেহিনঃ।
বুদ্ধিমার্গপ্রয়াতস্য সুখং ৎবিহ পরত্র চ॥ 12-304-36 (77629)
বিস্তরাঃ ক্লেশসংয়ুক্তাঃ সংক্ষেপাস্তু সুখাবহাঃ।
পরার্থং বিস্তরাঃ সর্বে ত্যাগমাত্মহিতং বিদুঃ॥ 12-304-37 (77630)
সংকল্পজো মিত্রবর্গো জ্ঞাতয়ঃ কারণাত্মকাঃ।
ভার্যা পুত্রশ্চ দাসশ্চ স্বমর্থমনুয়ুঞ্জতে॥ 12-304-38 (77631)
ন মাতা ন পিতা কিংচিৎকস্যচিৎপ্রতিপদ্যতে।
দানপথ্যৌদনো জন্তু স্বকর্মফলমশ্নুতে॥ 12-304-39 (77632)
মাতা পুত্রঃ পিতা ভ্রাতা ভার্যা মিত্রজনস্তথা।
অষ্টাপদপদস্থানে লাক্ষামুদ্রেব লক্ষ্যতে॥ 12-304-40 (77633)
সর্বাণি কর্মাণি পুরাকৃতানি
শুভাশুভান্যাত্মনো যান্তি জন্তোঃ।
উপস্থিতং কর্মফলং বিদিৎবা
বুদ্ধিং তথা চোদয়তেঽন্তরাত্মা॥ 12-304-41 (77634)
ব্যবসায়ং সমাশ্রিত্য সহায়ান্যোঽধিগচ্ছতি।
ন তস্য কশ্চিদারম্ভঃ কদাচিদবসীদতি॥ 12-304-42 (77635)
অদ্বৈধমনসং যুক্তং শূরং ধীরং বিপশ্চিতম্।
ন শ্রীঃ সংত্যজতে নিত্যমাদিত্যমিব রশ্ময়ঃ॥ 12-304-43 (77636)
আস্তিক্যব্যবসায়াভ্যামুপায়ান্বিতয়া ধিয়া।
য আরভত্যনিন্দ্যাত্মা ন সোঽর্থাৎপরিসীদতি॥ 12-304-44 (77637)
সর্বঃস্বানি শুভাশুভানি নিয়তং কর্মাণি জন্তুঃস্বয়ং
গর্ভাৎসংপ্রতিপদ্যতে তদুভয়ং যত্তেন পূর্বং কৃতম্।
মৃত্যুশ্চাপরিহারবান্সমগতিঃ কালেন বিচ্ছেদিনা
দারোশ্চূর্ণমিবাশ্মসারবিহিতং কর্মান্তিকং প্রাপয়েৎ 12-304-45 (77638)
স্বরূপতামাত্মকৃতং চ বিস্তরং
কুলান্বয়ং দ্রব্যসমৃদ্ধিসংচয়ম্।
নরো হি সর্বো ভলতে যথাকৃতং
শুভাশুভেনাত্মকৃতেন কর্মণা॥ 12-304-46 (77639)
ভীষ্ম উবাচ। 12-304-47x (6464)
ইত্যুক্তো জনকো রাজন্যাথাতথ্যং মনীষিণা।
শ্রুৎবা ধর্মবিদাং শ্রেষ্ঠঃ পরাং মুদমবাপ হ॥ ॥ 12-304-47 (77640)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুরধিকত্রিশততমোঽধ্যায়ঃ॥ 304॥
Mahabharata - Shanti Parva - Chapter Footnotes
12-304-2 শ্রেয়ঃ শ্রেয়ঃ সাধনম্। ক্ব গৎবা ন নিবর্তন্ত ইতি ড. থ. পাঠঃ॥ 12-304-3 জ্ঞানং চৈব পরা গতিরিতি ড. থ. পাঠঃ। ন প্রণশ্যেৎসংসিদ্ধো ন নিবর্ততে ইতি ড. থ. পাঠঃ॥ 12-304-5 স দানমতিবর্ততে ইতি ধ. পাঠঃ॥ 12-304-11 যথা নদ্যাং বদ্ধঃ সেতুর্নৈব সীদতি স্রোতঃপুষ্টিং করোতি এবমসক্তো ধর্ম এব সেতুর্যস্য সঃ। মর্যাদায়াং বদ্ধো নৈব সীদতি। সংচয়স্তপাবৃদ্ধিশ্চ স্ফীতা ভবতীত্যর্থঃ॥ 12-304-13 যথানিলানামিহ পুষ্পসংচয়াদিতি ধ. পাঠঃ॥ 12-304-14 জহাতি রাজন্বিহিতেন সংপদা সদশ্বয়ানং বিবিধাশ্চ শয়্যাঃ ইতি ধ. পাঠঃ॥ 12-304-15 আমিষেণ বডিশমর্ভিতেন। ঝষো মৎস্যঃ। ন বিন্দতে হ্যাত্মপদং কদাচনেতি ড. থ. পাঠঃ॥ 12-304-16 সংঘাতবদ্দেহেন্দ্রিয়াদিসমুদায়বৎ। মর্ত্যলোকঃ স্ত্রীপুত্রপশ্বাদিসমুদায়ঃ। অপাশ্রিত উপকারকঃ॥ 12-304-19 জন্মনি জন্মনিমিত্তম্॥ 12-304-20 বিস্তরাঃ বৈতানিকান্যগ্রিহোত্রাদীনি। সংক্ষেপাস্ত্যাগাদয়ঃ॥ 12-304-23 স্বকার্যং যো নিবর্ততে ইতি থ. ধ. পাঠঃ॥ 12-304-25 মৃণ্ময়ে ভাজনে বহ্নৌ যথা বৈ শুষ্যতে দ্রবমিতি ড. থ. পাঠঃ॥ 12-304-41 বান্তি ফলং দাতুমিতি শেষঃ॥ 12-304-42 ব্যপসায়মুদ্যোগম্॥ 12-304-43 অদ্বৈধমনসং একাগ্রচিত্তম্॥ 12-304-45 গর্ভাৎ গর্ভপ্রবেশমারভ্য। যৎ যস্মাত্তদুভয়ং শুভাশুভম্। অপরিহারবান্পরিহর্তুমশক্যঃ। কালেন প্রাপ্তেন বিচ্ছেদিনা জীবননাশকেন সহায়েন সৃত্যুঃ কর্মান্তিকং দিষ্টান্তং বিনাশাখ্যং প্রাপয়েৎ। দারোঃ কাষ্ঠস্য চূর্ণং অশ্মসারবিহিতং ককচকৃতম্। সমা সীতোষ্ণসাম্যবতী গতির্যস্য স সমগতির্বায়ুঃ। দারুচূর্ণমিব মৃত্যুর্নরং কালেনান্তং নয়তীত্যর্থঃ। কর্মান্তরং প্রাপয়েদিতি ধ. পাঠঃ॥ 12-304-46 স্বরূপতাং স্বস্য রূপং হিরণ্যং পশবো বিবাহা ইতি শ্রুতং রূপমিব রূপং যস্য স্বকুলানুসারি বিবাহাদিকং তদেব তত্তা তাম্। আত্মকৃতং বিস্তরং পুত্রসংতত্যাদিপৌষ্কল্যম্। কুলান্বয়ং সৎকুলে জন্ম। যথাকৃতং কৃতমনতিক্রম্য সর্বং প্রাক্কর্মবশাদেব লভ্যতে॥শান্তিপর্ব - অধ্যায় 305
॥ শ্রীঃ ॥
12.305. অধ্যায়ঃ 305
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি মোক্ষসাধনপ্রতিপাদকহংসসাধ্যসংবাদানুবাদঃ॥ 1॥Mahabharata - Shanti Parva - Chapter Text
12-305-0 (77641)
যুধিষ্ঠির উবাচ। 12-305-0x (6465)
সত্যং দমং ক্ষমাং প্রজ্ঞাং প্রশংসন্তি পিতামহ।
বিদ্বাংসো মনুজা লোকে কথমেতন্মতং তব॥ 12-305-1 (77642)
ভীষ্ম উবাচ। 12-305-2x (6466)
অত্র তে বর্তয়িষ্যেঽহমিতিহাসং পুরাতনম্।
সাধ্যানামিহ সংবাদং হংসস্য চ যুধিষ্ঠির॥ 12-305-2 (77643)
হংসো ভূৎবাঽথ সৌবর্ণস্ৎবজো নিত্যঃ প্রজাপতিঃ।
স বৈ পর্যেতি লোকাংস্ত্রীনথ সাধ্যানুপাগমৎ॥ 12-305-3 (77644)
সাধ্যা ঊচুঃ। 12-305-4x (6467)
শকুনে বয়ং স্ম দেবা বৈ সাধ্যাস্ৎবামনুয়ুঙ্ক্ষ্মহে।
পৃচ্ছামস্ৎবাং মোক্ষধর্মং ভবাংশ্চ কিল মোক্ষবিৎ॥ 12-305-4 (77645)
শ্রুতোসি নঃ পণ্ডিতো ধীরবাদী
সাধুঃ শব্দশ্চরতে তে পতত্রিন্।
কিং মন্যসে শ্রেষ্ঠতমং দ্বিজ ৎবং
কস্মিন্মনস্তে রমতে মহাত্মন্॥ 12-305-5 (77646)
তন্নঃ কার্যং পক্ষিবর প্রশাধি
যৎকার্যাণাং মন্যসে শ্রেষ্ঠমেকম্।
যৎকৃৎবা বৈ পুরুষঃ সর্ববন্ধৈ
র্বিমুচ্যতে বিহগেন্দ্রেহ শীঘ্রম্॥ 12-305-6 (77647)
হংস উবাচ। 12-305-7x (6468)
ইদং কার্যমমৃতাশাঃ শৃণুধ্বং
তপো দমঃ সত্যমাত্মাভিগুপ্তিঃ।
গ্রন্থীন্বিমুচ্য হৃদয়স্য সর্বা
ন্প্রিয়াপ্রিয়ে স্বং বশমানয়ীত॥ 12-305-7 (77648)
নারুতুদঃ স্যান্ন নৃশংসবাদী
ন হীনতঃ পরমভ্যাদদীত।
যয়াঽস্য বাচা পর উদ্বিজেত
ন তাং বদেদুশতিং পাপলোক্যাম্॥ 12-305-8 (77649)
বাক্সায়কা বদনান্নিষ্যতন্তি
যৈরাহতঃ শোচতি রাত্র্যহানি।
পরস্য নামর্মসু তে পতন্তি
তান্পণ্ডিতো নাবসৃজেৎপরেষু॥ 12-305-9 (77650)
পরশ্চেদেনমতিবাদবাণৈ
র্ভৃশং বিধ্যেচ্ছম এবেহ কার্যঃ।
সংরোষ্যমাণঃ প্রতিহৃষ্যতে যঃ
স আদত্তে সুকৃতং বৈ পরস্য॥ 12-305-10 (77651)
ক্ষেপায়মাণমভিষঙ্গব্যলীকং
নিগৃহ্ণাতি জ্বলিতং যশ্চ মন্যুম্।
অদুষ্টচেতা মুদিতোঽনসূয়ুঃ
স আদত্তে সুকৃতং বৈ পরেষাম্॥ 12-305-11 (77652)
আক্রুশ্যমানো ন বদামি কিংচি
ৎক্ষমাম্যহং তাড্যমানশ্চ নিত্যম্।
শ্রেষ্ঠং হ্যেতদ্যৎক্ষমামাহুরার্যাঃ
সত্যং তথৈবার্জবমানৃশংস্যম্॥ 12-305-12 (77653)
বেদস্যোপনিষৎসত্যং সত্যস্যোপনিষদ্দমঃ।
দমস্যোপনিষন্মোক্ষ এতৎসর্বানুশাসনম্॥ 12-305-13 (77654)
বাচো বেগং মনসঃ ক্রোধবেগং
বিধিৎসাবেগমুদরোপস্থবেগম্।
এতান্বেগান্যো বিষহেদুদীর্ণাং
স্তং মন্যেঽহং ব্রাহ্মণং বৈ মুনিং চ॥ 12-305-14 (77655)
অক্রোধনঃ ক্রুধ্যতাং বৈ বিশিষ্ট
স্তথা তিতিক্ষুরতিতিক্ষোর্বিশিষ্টঃ।
অমানুষান্মানুষো বৈ বিশিষ্ট
স্তথাঽজ্ঞানাজ্জ্ঞানবান্বৈ বিশিষ্টঃ॥ 12-305-15 (77656)
আক্রুশ্যমানো নাক্রোশেন্মন্যুরেবং তিতিক্ষতঃ।
আক্রোষ্টারং নির্দহতি সুকৃতং চাস্য বিন্দতি॥ 12-305-16 (77657)
যো নায়ুক্তঃ প্রাহ রূক্ষং প্রিয়ং বা
যো বা হতো ন প্রতিহন্তি ধৈর্যাৎ।
পাপং চ যো নেচ্ছতি তস্য হন্তু
স্তস্যেহ দেবাঃ স্পৃহয়ন্তি নিত্যম্॥ 12-305-17 (77658)
পাপীয়সঃ ক্ষমেতৈব শ্রেয়সঃ সদৃশস্য চ।
বিমানিতো হতোক্রুষ্ট এবং সিদ্ধিং গমিষ্যতি॥ 12-305-18 (77659)
সদাঽহমার্যান্নিভৃতোপ্যুপাসে
ন মে বিধিৎসোৎসহতে ন রোষঃ।
ন চাপ্যহং লিপ্সমানঃ পরৈমি
ন চৈব কিংচিদ্বিষমেণ যামি॥ 12-305-19 (77660)
নাহং শপ্তঃ প্রতিশপামি কংচি
দ্দমং দ্বারং হ্যমৃতস্যেহ বেদ্মি।
গুহ্যং ব্রহ্ম তদিদং ব্রবীমি
ন মানুষাচ্ছ্রেষ্ঠতরং হি কিংচিৎ॥ 12-305-20 (77661)
নির্মুচ্যমানঃ পাপেভ্যো ঘনেভ্য ইব চন্দ্রমাঃ।
বিরজাঃ কালমাকাঙ্ক্ষন্ধীরো ধৈর্যেণ সিধ্যতি॥ 12-305-21 (77662)
যঃ সর্বেষাং ভবতি হ্যর্চনীয়
উৎসেচনে স্তম্ভ ইবাভিজাতঃ।
যস্মৈ বাচং সুপ্রসন্নাং বদন্তি
স বৈ দেবান্গচ্ছতি সংয়তাত্মা॥ 12-305-22 (77663)
ন তথা বক্তুমিচ্ছন্তি কল্যাণান্পুরুষে গুণান্।
যথৈষাং বক্তুমিচ্ছন্তি নৈর্গুণ্যমনুয়ুঞ্জকাঃ॥ 12-305-23 (77664)
যস্য বাঙ্ভনসী গুপ্তে সম্যক্প্রণিহিতে সদা।
বেদাস্তপশ্চ ত্যাগশ্চ স ইদং সর্বমাপ্নুয়াৎ॥ 12-305-24 (77665)
আক্রোশনবিমানাভ্যাং নাবুধান্বোধয়েদ্বুধঃ।
তস্মান্ন বর্ধয়েদন্যং ন চাত্মানং বিহিংসয়েংৎ॥ 12-305-25 (77666)
অমৃতস্যেব সংতৃপ্যেদবমানস্য পণ্ডিতঃ।
সুখং হ্যবমতঃ শেতে যোঽবমন্তা স নশ্যতি॥ 12-305-26 (77667)
যৎক্রোধনো যজতি যদ্দদাতি
যদ্বা তপস্তপ্যতি যজ্জুহোতি।
বৈবস্বতস্তদ্ধরতেঽস্য সর্বং
মোঘঃ শ্রমো ভবতি হি ক্রোধনস্য॥ 12-305-27 (77668)
চৎবারি যস্য দ্বারাণি সুগুপ্তান্যমরোত্তমাঃ।
উপস্থমুদরং হস্তৌ বাক্চতুর্থী স ধর্মবিৎ॥ 12-305-28 (77669)
সত্যং দমং হ্যার্জবমানৃশংস্যং
ধৃতিং তিতিক্ষামভিসেবমানঃ।
স্বাধ্যায়নিত্যোঽস্পৃহয়ন্যরেষা
মেকান্তশীল্যূর্ধ্বগতির্ভবেৎসঃ॥ 12-305-29 (77670)
সর্বান্দেদাননুচরন্বৎসবচ্চতুরঃ স্তনান্।
ন পাবনতমং কিংচিৎসত্যাদ্গধ্যগমং ক্বচিৎ॥ 12-305-30 (77671)
আচক্ষেঽহং মনুষ্যেভ্যো দেবেভ্যঃ প্রতিসংচরন্।
সত্যং স্বর্গস্য সোপানং পারাবারস্য নৌরিব॥ 12-305-31 (77672)
যাদৃশৈঃ সংবিবদতে যাদৃশাংশ্চোপসেবতে।
যাদৃগিচ্ছেচ্চ ভবিতুং তাদৃগ্ভবতি পূরুষঃ॥ 12-305-32 (77673)
যদি সন্তং সেবতি যদ্যসন্তং
তপস্বিনং যদি বা স্তেনমেব।
বাসো যথা রাগবশং প্রয়াতি
তথা স তেষাং বশমভ্যুপৈতি॥ 12-305-33 (77674)
সদা দেবাঃ সাধুভিঃ সংবদন্তে
ন মানুষং বিষয়ং যান্তি দ্রষ্টুম্।
নেন্দুঃ সমঃ স্যাদসমো হি বায়ু
রুচ্চাবচং বিষয়ং যঃ স বেদ॥ 12-305-34 (77675)
অদুষ্টং বর্তমানে তু হৃদয়ান্তরপূরুষে।
তেনৈব দেবাঃ প্রীয়ন্তে সতাং মার্গস্থিতেন বৈ॥ 12-305-35 (77676)
বিশ্নোদরে যে নিরতাঃ সদৈব
স্তেনা নরা বাক্যরুষাশ্চ নিত্যম্।
অপেতধর্মানিতি তান্বিদিৎবা
দূরাদ্দেবঃ সংপরিবর্জয়ন্তি॥ 12-305-36 (77677)
ন বৈ দেবা হীনসৎবেন তোষ্যাঃ
সর্বাশিনা দুষ্কৃতকর্মণা বা।
সত্যব্রতা যে তু নরাঃ কৃতজ্ঞা
ধর্মে রতাস্তৈঃ সহ সংভজন্তে॥ 12-305-37 (77678)
অব্যাহৃতং ব্যাহৃতাচ্ছ্রেয় আহুঃ
সত্যং বদেদ্ব্যাহৃতং তদ্দ্বিতীয়ম্।
ধর্ম্যং বদেদ্ব্যাহৃতং তত্তৃতীয়ং
প্রিয়ং বদেদ্ব্যাহৃতং তচ্চতুর্থম্॥ 12-305-38 (77679)
সাধ্যা ঊচুঃ। 12-305-39x (6469)
কেনায়মাবৃতো লোকঃ কেন বা ন প্রকাশতে।
কেন ত্যজতি মিত্রাণি কেন স্বর্গং ন গচ্ছতি॥ 12-305-39 (77680)
হংস উবাচ। 12-305-40x (6470)
অজ্ঞানেনাবৃতো লোকো মাৎসর্যান্ন প্রকাশতে।
লোভাত্ত্যজতি মিত্রাণি সঙ্গাৎস্বর্গং ন গচ্ছতি॥ 12-305-40 (77681)
সাধ্যা ঊচঃ। 12-305-41x (6471)
কঃ স্বিদেকো রমতে ব্রাহ্মণানাং
কঃ স্বিদেকো বহুভির্জোষমাস্তে।
কঃ স্বিদেকো বলবান্দুর্বলোপি
কঃ স্বিদেষাং কলহং নান্ববৈতি॥ 12-305-41 (77682)
হংস উবাচ। 12-305-42x (6472)
প্রাজ্ঞ একো রমতে ব্রাহ্মণানাং
প্রাজ্ঞশ্চৈকো বহুভির্জোষমাস্তে
প্রাজ্ঞ একো বলবান্দুর্বলোঽপি
প্রাজ্ঞ এষাং কলহং নান্ববৈতি॥ 12-305-42 (77683)
সাধ্যা ঊচুঃ। 12-305-43x (6473)
কিং ব্রাহ্মণানাং দেবৎবং কিংচ সাধুৎবমুচ্যতে।
অসাধুৎবে চ কিং তেষাং কিমেষাং মানুষং মতম্॥ 12-305-43 (77684)
হংস উবাচ। 12-305-44x (6474)
স্বাধ্যায় এষাং দেবৎবং ব্রতং সাধুৎবমুচ্যতে।
অসাধুৎবং পরীবাদো মৃত্যুর্মানুষ্যমুচ্যতে॥ 12-305-44 (77685)
ভীষ্ম উবাচ। 12-305-45x (6475)
` ইত্যুক্ৎবা পরমো দেবো ভগবান্নিত্য অব্যযঃ।
সাধ্যৈর্দেবগণৈঃ সার্ধং দিবমেবারুরোহ সঃ॥ 12-305-45 (77686)
এতদ্যশস্যমায়ুষ্যং পুণ্যং স্বর্গায় চ ধ্রুবম্।
দর্শিতং দেবদেবেন পরমেণাব্যযেন চ॥' 12-305-46 (77687)
সংবাদ ইত্যযং শ্রেষ্ঠঃ সাধ্যানাং পরিকীর্তিতঃ।
ক্ষেত্রং বৈ কর্মণাং যোনিঃ সদ্ভাবঃ সত্যমুচ্যতে॥ ॥ 12-305-47 (77688)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চাধিকত্রিশততমোঽধ্যায়ঃ॥ 305॥
Mahabharata - Shanti Parva - Chapter Footnotes
12-305-5 হে দ্বিজ পক্ষিন্॥ 12-305-7 ভো অমৃতাশা অমৃতভুজো দেবাঃ তপঃ স্বধর্মাচরণম্। প্রন্থীন্ রাগাদীন্॥ 12-305-8 অংরুতুদো মর্মচ্ছিৎ॥ 12-305-11 ক্ষেপায়মাণমধিক্ষেপকারিণম্। অভিষঙ্গব্যলীকমভিনিবেশবশাদপ্রিয়ম্॥ 12-305-13 উপনিষদ্রহস্যং বেদাধিগমস্য ফলং সত্যবচনমিত্যর্থঃ। দমস্যোপনিষত্ত্যাগ ইতি ধ. পাঠঃ॥ 12-305-14 বিধিৎসা বিশিষ্টা পিপাসা। ধেট্ পানেঽস্য রূপম্। তৃষ্ণাবেগমিত্যর্থঃ। ব্রাহ্মণং ব্রহ্মিষ্টম্। মুনিং ধ্যায়িনম্॥ 12-305-15 অজ্ঞানাজ্জ্ঞানহীনান্মূঢাৎ॥ 12-305-17 অত্যুক্তোঽত্যন্তং নিন্দিতঃ॥ 12-305-19 নিভৃতোঽপি পূর্ণোঽপি। বিধিৎসা তৃষ্ণা। উৎসহতে উল্লসতি। পরৈমি ধর্মাদপগচ্ছামি॥ 12-305-20 ব্রহ্ম মহৎ॥ 12-305-23 নৈর্গুণ্যং দোষম্। অনুয়ুঞ্জকাঃ স্পর্ধাবন্তঃ॥ 12-305-25 অবুধান্ আক্রোষ্টৄন্ শুনকানিবন বোধয়েৎ। ন বর্ধয়েৎ ন হিংসয়েৎ। মবুধ্বা বর্ধতে বুধ ইতি ড. পাঠঃ॥ 12-305-29 অস্পৃহয়ন্পরেষাং আশাং জিতবান্॥ 12-305-31 আচক্ষে কথয়ামি। পারাবারস্য সমুদ্রস্য॥ 12-305-34 ইন্দুরমৃতময়োঽপি ন সমঃ কিংতূপচয়াপচয়ধর্মা। তথা বায়ুরপ্যসম এব। মন্দমধ্যমতীব্রভেদাৎ। এবং সর্বং বিষয়মুচ্চাবয়মুপচয়াপচয়বন্তং যো বেদ স এব বেদ নান্য ইত্যর্থঃ॥ 12-305-37 হীনসৎবেন নীচবুদ্ধিনা। সংভজন্তে সুখং বিভজ্য সেবন্তে॥ 12-305-38 অব্যাহৃতং মৌনম্॥শান্তিপর্ব - অধ্যায় 306
॥ শ্রীঃ ॥
12.306. অধ্যায়ঃ 306
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি যোগনিরূপণম্॥ 1॥Mahabharata - Shanti Parva - Chapter Text
12-306-0 (77689)
যুধিষ্ঠির উবাচ। 12-306-0x (6476)
সাঙ্খ্যে যোগে চ মে তাত বিশেষং বক্তুমর্হসি।
তব ধর্মজ্ঞ সর্বং হি বিদিতং কুরুসত্তম॥ 12-306-1 (77690)
ভীষ্ম উবাচ। 12-306-2x (6477)
সাঙ্খ্যাঃ সাঙ্খ্যং প্রশংসন্তি যোগা যোগং দ্বিজাতয়ঃ।
বদন্তি কারণং শ্রেষ্ঠং স্বপক্ষোদ্ভাবনায় বৈ॥ 12-306-2 (77691)
অনীশ্বরঃ কথং মুচ্যেদিত্যেবং শত্রুসূদন।
বদন্তি কারণশ্রৈষ্ঠ্যং যোগাঃ সম্যঙ্ভনীষিণঃ॥ 12-306-3 (77692)
বদন্তি কারণং চেদং সাঙ্খ্যাঃ সম্যগ্দ্বিজাতয়ঃ।
বিজ্ঞায়েহ গতীঃ সর্বা বিরক্তো বিষয়েষু যঃ॥ 12-306-4 (77693)
ঊর্ধ্বং চ দেহাৎসুব্যক্তং বিমুচ্যেদিতি নান্যথা।
এতদাহুর্মহাপ্রাজ্ঞাঃ সাঙ্খ্যং বৈ মোক্ষদর্শনম্॥ 12-306-5 (77694)
স্বপক্ষে কারণং গ্রাহ্যং সমর্থং বচনং হিতম্।
শিষ্টানাং হি মতং গ্রাহ্যং ৎবদ্বিধৈঃ শিষ্টসংমতৈঃ॥ 12-306-6 (77695)
প্রত্যক্ষহেতবো যোগাঃ সাঙ্খ্যাঃ শাস্ত্রবিনিশ্চয়াঃ।
উভে চৈতে মতে তত্ৎবে মম তাত যুধিষ্ঠির॥ 12-306-7 (77696)
উভে চৈতে মতে জ্ঞানে নৃপতে শিষ্টসংমতে।
অনুষ্ঠিতে যথাশাস্ত্রং নয়েতাং পরমাং গতিম্॥ 12-306-8 (77697)
তুল্যং শৌচং তয়োরেকং দয়া ভূতেষু চানঘ।
ব্রতানাং ধারণং তুল্যং দর্শনং ন সমং তয়োঃ।
`তয়োস্তু দর্শনং সম্যক্সূক্ষ্মাভাবে প্রসজ্যতে॥' 12-306-9 (77698)
যুধিষ্ঠির উবাচ। 12-306-10x (6478)
যদি তুল্যং ব্রতং শৌচং দয়া চাত্র ফলং তথা।
ন তুল্যং দর্শনং কস্মাত্তন্মে ব্রূহি পিতামহ॥ 12-306-10 (77699)
ভীষ্ম উবাচ। 12-306-11x (6479)
রাগং মোহং তথা স্নেহং কামং ক্রোধং চ কেবলম্।
যোগাচ্ছিত্ৎবা ততো দোষান্পঞ্চৈতান্প্রাপ্নুবন্তি তে॥ 12-306-11 (77700)
যথা চানিমিষাঃ স্থূলা জালং ছিত্ৎবা পুনর্জলম্।
প্রাপ্নুবন্তি তথা যোগাস্তৎপদং বীতকল্মষাঃ॥ 12-306-12 (77701)
তথৈব বাগুরাং ছিত্ৎবা বলবন্তো যথা মৃগাঃ।
প্রাপ্নুয়ুর্বিমলং মার্গং বিমুক্তাঃ সর্ববন্ধনৈঃ॥ 12-306-13 (77702)
লোভজানি তথা রাজন্বন্ধনানি বলান্বিতাঃ।
ছিত্ৎবা যোগাৎপরং মার্গং গচ্ছন্তি বিমলং শিবম্॥ 12-306-14 (77703)
অবলাশ্চ মৃগা রাজন্বাগুরাসু যথা পরে।
বিনশ্যন্তি ন সংদেহস্তদ্বদ্যোগবলাদৃতে॥ 12-306-15 (77704)
বলহীনাশ্চ কৌন্তেয় যথা জালং গতা ঝষাঃ।
অন্তং গচ্ছন্তি রাজেন্দ্র যোগাস্তদ্বৎসুদুর্বলাঃ॥ 12-306-16 (77705)
যথা চ শকুনাঃ সূক্ষ্মং প্রাপ্য জালমরিংদম।
তত্র সক্তা বিপদ্যন্তে মুচ্যন্তে চ বলান্বিতাঃ॥ 12-306-17 (77706)
কর্মজৈর্বন্ধনৈর্বদ্ধাস্তদ্বদ্যোগাঃ পরংতপ।
অবলা বৈ বিনশ্যন্তি মুচ্যন্তে চ বলান্বিতাঃ॥ 12-306-18 (77707)
অল্পকশ্চ যথা রাজন্বহ্নিঃ শাম্যতি দুর্বলঃ।
আক্রান্ত ইন্ধনৈঃ স্থূলৈস্তদ্বদ্যোগো বলঃ প্রভো॥ 12-306-19 (77708)
স এব চ যদা রাজন্বহ্নির্জাতবলঃ পুনঃ।
সমীরণয়ুতঃ ক্ষিপ্রং দহেৎকৃৎস্নাং মহীমপি॥ 12-306-20 (77709)
তদ্বজ্জাতবলো যোগী দীপ্ততেজা মহাবলঃ।
অন্তকাল ইবাদিত্যঃ কৃৎস্নং সংশোষয়েজ্জগৎ॥ 12-306-21 (77710)
দুর্বলশ্চ যথা রাজন্স্রোতসা হিয়তে নরঃ।
বলহীনস্তথা যোগো বিষয়ৈর্হ্রিয়তেঽবশঃ॥ 12-306-22 (77711)
তদেব চ মহাস্রোতো বিষ্টম্ভয়তি বারণঃ।
তদ্বদ্যোগবলং লব্ধ্বা ব্যূহতে বিষয়ান্বহূন্॥ 12-306-23 (77712)
বিশন্তি চাবশাঃ পার্থ যোগাদ্যোগবলান্বিতাঃ।
প্রজাপতীনৃষীন্দেবান্মহাভূতানি চেশ্বরাঃ॥ 12-306-24 (77713)
ন যমো নান্তকঃ ক্রুদ্ধো ন নৃত্যুর্ভীমবিক্রমঃ।
ঈশতে নৃপতে সর্বে যোগস্যামিততেজসঃ॥ 12-306-25 (77714)
আত্মনাং চ সহস্রাণি বহূনি ভরতর্ষভ।
যোগঃ কুর্যাদ্বলং প্রাপ্য তৈশ্চ সর্বৈর্মহীং চরেৎ॥ 12-306-26 (77715)
প্রাপ্নুয়াদ্বিষয়ান্কশ্চিৎপুনশ্চোগ্রং তপশ্চরেৎ।
সংক্ষিপেচ্চ পুনস্তাত সূর্যস্তেতোগুণানিব॥ 12-306-27 (77716)
বলস্থস্য হি যোগস্য বন্ধনেশস্য পার্থিব।
বিমোক্ষে প্রভবিষ্ণুৎবমুপপন্নমসংশয়ম্॥ 12-306-28 (77717)
বলানি যোগপ্রাপ্তানি ময়ৈতানি বিশাংপতে।
নিদর্শনার্থং সূক্ষ্মাণি বক্ষ্যামি চ পুনস্তব॥ 12-306-29 (77718)
আত্মনশ্চ সমাধানে ধারণাং প্রতি বা বিভো।
নিদর্শনানি সূক্ষ্মাণি শৃণু মে ভরতর্ষভ॥ 12-306-30 (77719)
অপ্রমত্তো যথা ধন্বী লক্ষ্যং হন্তি সমাহিতঃ।
যুক্তঃ সম্যক্তথা যোগী মোক্ষং প্রাপ্নোত্যসশয়ম্॥ 12-306-31 (77720)
স্নেহপূর্ণে যথা পাত্রে মন আধায় নিশ্চলম্।
পুরুষো যুক্ত আরোহেৎসোপানং যুক্তমানসঃ॥ 12-306-32 (77721)
যুক্তস্তথাঽয়মাত্মানং যোগঃ ষার্থিব নিশ্চলম্।
করোত্যমলমাত্মানং ভাস্করোপমদর্শনম্॥ 12-306-33 (77722)
যথা চ নাবং কৌন্তেয় কর্ণধারঃ সমাহিতঃ।
মহার্ণবগতাং শীঘ্রং নয়েৎপার্থিব পত্তনম্॥ 12-306-34 (77723)
তদ্বদাত্মসমাধানং যুক্ৎবা যোগেন তৎববিৎ।
দুর্গমং স্থানমাপ্নোতি হিৎবা দেহমিমং নৃপ॥ 12-306-35 (77724)
সারথিশ্চ যথা যুক্ৎবা সদশ্বান্সুসমাহিতঃ।
দেশমিষ্টং নয়ত্যাশু ধন্বিনং পুরুষর্ষভ॥ 12-306-36 (77725)
তথৈব নৃপতে যোগী ধারণাসু সমাহিতঃ।
প্রাপ্নোত্যাশু পরং স্থানং লক্ষং মুক্ত ইবাশুগঃ॥ 12-306-37 (77726)
আবেশ্যাত্মনি চাত্মানং যোগী তিষ্ঠতি যোচলঃ।
পাপং হন্তি পুনীতানাং পদমাপ্নোতি সোঽজরম্॥ 12-306-38 (77727)
নাভ্যাং কণ্ঠে চ শীর্ষে চ হৃদি বক্ষসি পার্শ্বয়োঃ।
দর্শনে শ্রবণে চাপি ঘ্রাণে চামিতবিক্রম॥ 12-306-39 (77728)
স্থানেষ্বেতেষু যো যোগী মহাব্রতসমাহিতঃ।
আত্মনা সূক্ষ্মমাত্মানং যুঙ্ক্তে সম্যগ্বিশাংপতে॥ 12-306-40 (77729)
স শীঘ্রমচলপ্রখ্যং কর্ম দগ্ধ্যা শুভাশুভম্।
উত্তমং যোগমাস্থায় যদীচ্ছতি বিমুচ্যতে॥ 12-306-41 (77730)
যুধিষ্ঠির উবাচ। 12-306-42x (6480)
আহারান্কীদৃশান্কৃৎবা কানি জিৎবা চ ভারত।
যোগী বলমবাপ্নোতি তদ্ভবান্বক্তুমর্হতি॥ 12-306-42 (77731)
ভীষ্ম উবাচ। 12-306-43x (6481)
কণানাং ভক্ষণে যুক্তঃ পিণ্যাকস্য চ ভারত।
স্নেহানাং বর্জনে যুক্তো যোগী বলমবাপ্নুয়াৎ॥ 12-306-43 (77732)
ভুঞ্জানো যাবকং রূক্ষং দীর্ঘকালমরিংদম্।
একাহারো বিশুদ্ধাত্মা যোগী বলমবাপ্নুয়াৎ॥ 12-306-44 (77733)
পক্ষান্মাসানৃতূংশ্চৈতান্সংবৎসরানহস্তথা।
অপঃ পীৎবা পয়োমিশ্রা যোগী বলমবাপ্নুয়াৎ॥ 12-306-45 (77734)
অখণ্ডমপি বা মাংসং সততং মনুজেশ্বর।
উপোষ্য সম্যক্শুদ্ধাত্মা যোগী বলমবাপ্নুয়াৎ॥ 12-306-46 (77735)
কামং জিৎবা তথা ক্রোধং শীতোষ্ণে বর্ষমেব চ।
ভয়ং শোকং তথা শ্বাসং পৌরুষান্বিষয়াংস্তথা॥ 12-306-47 (77736)
অরতিং দুর্জয়াং চৈব ঘোরাং তৃষ্ণাং চ পার্থিব।
স্পর্শং নিদ্রাং তথা তন্দ্রীং দুর্জয়াং নৃপসত্তম॥ 12-306-48 (77737)
দীপয়ন্তি মহাত্মানঃ সূক্ষ্মমাত্মানমাত্মনা।
বীতরাগা মহাপ্রজ্ঞা ধ্যানাধ্যযনসংপদা॥ 12-306-49 (77738)
দুর্গস্ৎবেপ মতঃ পন্থা ব্রাহ্মণানাং বিপশ্চিতাম্।
ন কশ্চিদ্ব্রজতি হ্যস্মিন্ক্ষেমেণ ভরতর্ষভ॥ 12-306-50 (77739)
যথা কশ্চিদ্বনং ঘোরং বহুসর্পসরীসৃপম্।
শ্বভ্রবত্তোয়হীনং চ দুর্গমং বহুকণ্টকম্॥ 12-306-51 (77740)
অভক্ষমটবীপ্রায়ং দাবদগ্ধমহীরুহম্।
পন্থানং তস্করাকীর্ণং ক্ষেমেণাভিপতেদ্যুবা॥ 12-306-52 (77741)
যোগমার্গং তথাঽঽসাদ্য যঃ কশ্চিদ্ব্রজতে দ্বিজঃ।
ক্ষেমেণোপরমেন্মার্গাদ্বহুদোষো হি স স্মৃতঃ॥ 12-306-53 (77742)
সুস্থেয়ং ক্ষুরধারাসু নিশিতাসু মহীপতে।
ধারণাসু তু যোগস্য দুঃস্থেয়মকৃতাত্মভিঃ॥ 12-306-54 (77743)
বিপন্না ধারণাস্তাত নয়ন্তি ন শুভাং গতিম্।
নেতৃহীনা যথা নাবঃ পুরুষানর্ণবে নৃপ॥ 12-306-55 (77744)
যস্তু তিষ্ঠতি কৌন্তেয় ধারণাসু যথাবিধি।
মরণং জন্ম দুঃখং চ সুখং চ স বিমুঞ্চতি॥ 12-306-56 (77745)
নানাশাস্ত্রেষু নিষ্পন্নং যোগেষ্বিদমুদাহৃতম্।
পরং যোগস্য যৎকৃত্যং নিশ্চিতং তদ্দ্বিজাতিষু॥ 12-306-57 (77746)
পরং হি তদ্ব্রহ্মময়ং মহাত্ম
ন্ব্রহ্মাণমীশং বরদং চ বিষ্ণুম্।
ভবং চ ধর্মং চ ষ়ডাননং চ
ষট্ব্রহ্মপুত্রাংশ্চ মহান্ভাবান্॥ 12-306-58 (77747)
তমশ্চ কষ্টং সুমহদ্রজশ্চ
সৎবং বিশুদ্ধং প্রকৃতিং পরাং চ।
সিদ্ধিং চ দেবীং বরুণস্য পত্নীং
তেজশ্চ কৃৎস্নং সুমহচ্চ ধৈর্যম্॥ 12-306-59 (77748)
তারাধিপং খে বিমলং সতারং
বিশ্বাংশ্চ দেবানুরগান্পিতৃংশ্চ।
শৈলাংশ্চ কৃৎস্নানুদধীংশ্চ ঘোরা
ন্নদীশ্চ সর্বাঃ সবনান্ঘনাংশ্চ॥ 12-306-60 (77749)
নাগান্নগান্যক্ষগণান্দিশশ্চ
গন্ধর্বসংঘান্পুরুষান্স্ত্রিয়শ্চ।
পরাৎপরং প্রাপ্য মহান্মহাত্মা
বিশেত যোগী নচিরাদ্বিমুক্তঃ॥ 12-306-61 (77750)
কথা চ যেয়ং নৃপতে প্রসক্তা
দেবে মহাবীর্যতমৌ শুভেয়ম্।
যোগী স সর্বানভিভূয় মর্ত্যা
ন্নারায়ণাত্মা কুরুতে মহাত্মা॥ ॥ 12-306-62 (77751)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষডধিকত্রিশততমোঽধ্যায়ঃ॥ 306॥
Mahabharata - Shanti Parva - Chapter Footnotes
12-306-1 তব সর্বজ্ঞেতি থ.ধ. পাঠঃ॥ 12-306-2 কারণং হেতুঃ যুক্তিরিতি যাবৎ। স্বপক্ষস্যোদ্ভাবনায় উৎকর্ণায় কারণং শ্রৈঠ্যমিতি থ. পাঠঃ॥ 12-306-5 সাংখ্যা বৈ মোক্ষদর্শিন ইতি ধ. পাঠঃ॥ 12-306-7 উভে চৈতে মতে যুক্তে ইতি ধ. পাঠঃ॥ 12-306-9 ভূতানাং ধারণং তুল্যমিতি ধ. পাঠঃ॥ 12-306-14 ছিত্ৎবা যোগাঃ পরমিতি ট. থ. পাঠঃ॥ 12-306-23 ব্যূহতে বিক্ষিপতি তুচ্ছীকরোতীত্যর্থঃ॥ 12-306-24 অবশাঃ স্বতন্ত্রাঃ॥ 12-306-26 আত্মানং চ সহস্রাণীতি ট. থ. পাঠঃ। সৌভর্যাদিবদ্যুগপদনেকদেহধারণং যোগিনাং দৃষ্টমিত্যর্থঃ॥ 12-306-28 বন্ধনেশস্য বন্ধনং ছেত্তুং সমর্থস্য॥ 12-306-29 বলানি যোগে প্রোক্তানি ইতি ধ. পাঠঃ। ময়া উক্তানীতি শেষঃ॥ 12-306-32 পাত্রে শিরসি ধৃতে॥ 12-306-33 যোগী পার্থিব নিশ্চলমিতি থ. পাঠঃ॥ 12-306-38 অবেক্ষ্যাত্মনীতি ঝ. পাঠঃ। জলং হন্তেব মীনানামিতি ট. পাঠঃ॥ 12-306-44 একারামো বিশুদ্ধাত্মেতি ঠ. ধ. পাঠঃ॥ 12-306-45 ঋতূংশ্চিত্রান্সংচরশ্চ গৃহাংস্তথেতি ধ. পাঠঃ॥ 12-306-51 বহুসংকটমিতি ধ. পাঠঃ॥ 12-306-52 অভক্তমটবীপ্রায়মিতি ট. ধ. পাঠঃ॥ 12-306-62 যোগান্সর্বাননুভূয়েহ মর্ত্য ইতি ধ. পাঠঃ॥শান্তিপর্ব - অধ্যায় 307
॥ শ্রীঃ ॥
12.307. অধ্যায়ঃ 307
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সাঙ্খ্যনিরূপণম্॥ 1॥Mahabharata - Shanti Parva - Chapter Text
12-307-0 (77752)
যুধিষ্ঠির উবাচ। 12-307-0x (6482)
সম্পক্ৎবয়াঽয়ং নৃপতে বর্ণিতঃ শিষ্টসংমতঃ।
যোগমার্গো যথান্যায়ং শিষ্যায়েহ হিতৈষিণা॥ 12-307-1 (77753)
সাঙ্খ্যে ৎবিদানীং কার্ৎস্ন্যেন বিধিং প্রব্রূহি পৃচ্ছতে।
ত্রিষু লোকেষু যজ্জ্ঞানং সর্বং তদ্বিদিতং হি তে॥ 12-307-2 (77754)
ভীষ্ম উবাচ। 12-307-3x (6483)
শৃণু মে ৎবমিদং কৃৎস্নং সাঙ্খ্যানাং বিদিতাত্মনাম্।
বিদিতং যতিভিঃ সর্বৈঃ কপিলাদিভিরীশ্বরৈঃ॥ 12-307-3 (77755)
যস্মিন্নবিভ্রমাঃ কেচিদ্দৃশ্যন্তে মনুজর্ষভ।
গুণাশ্চ যস্মিন্বহবো দোষহানিশ্চ কেবলা॥ 12-307-4 (77756)
জ্ঞানেন পরিসঙ্খ্যায় সদোষান্বিষয়ান্নৃপ।
মানুষান্দুর্জয়ান্কৃৎস্নান্পৈশাচান্বিষয়াংস্তথা॥ 12-307-5 (77757)
রাক্ষসান্বিষয়াঞ্জ্ঞাৎবা যক্ষাণাং বিষয়াংস্তথা।
বিষয়ানৌরগাঞ্জ্ঞাৎবা গান্ধর্ববিষয়াংস্তথা॥ 12-307-6 (77758)
পিতৃণাং বিষয়াঞ্জ্ঞাৎবা তির্যক্ষু চরতাং নৃপ।
সুপর্ণবিষয়াঞ্জ্ঞাৎবা মরুতাং বিষয়াংস্তথা॥ 12-307-7 (77759)
রাজর্ষিবিষয়াঞ্জ্ঞাৎবা ব্রহ্মর্ষিবিষয়াংস্তথা।
আসুরান্বিষয়াঞ্জ্ঞাৎবা বৈশ্বদেবাংস্তথৈব চ॥ 12-307-8 (77760)
দেবর্ষিবিষয়াঞ্জ্ঞাৎবা যোগানামপি চেশ্বরান্।
প্রজাপতীনাং বিষয়ান্ব্রহ্মণো বিষয়াংস্তথা॥ 12-307-9 (77761)
আয়ুষশ্চ পরং কালং লোকে বিজ্ঞায় তত্ৎবতঃ।
সুখস্য চ পরং তত্ৎবং বিজ্ঞায় বদতাং বর॥ 12-307-10 (77762)
প্রাপ্তে কালে চ যদ্দুঃখং সততং বিষয়ৈষিণাম্।
তির্যক্ষু পততাং দুঃখং পততাং নরকে চ যৎ॥ 12-307-11 (77763)
স্বর্গস্য চ গুণান্কৃৎস্নান্দোষান্সর্বাংশ্চ ভারত।
`পরিসংখ্যানসংখ্যানং সৎবং সাংখ্যগুণাত্মকম্।'
বেদবাদে যেঽপি দোষা গুণা যে চাপি বৈদিকাঃ॥ 12-307-12 (77764)
জ্ঞানয়োগে চ যে দোষা গুণা যোগে চ যে নৃপ।
সাঙ্খ্যজ্ঞানে চ যে দোষাস্তথৈব চ গুণা নৃপ।
`ইতরেষু চ যে দোষা গুণাস্তেষু চ ভারত॥' 12-307-13 (77765)
সৎবং দশগুণং জ্ঞাৎবা রজো নবগুণং তথা।
তমশ্চাষ্টগুণং জ্ঞাৎবা বৃদ্ধিং সপ্তগুণাং তথা॥ 12-307-14 (77766)
ষঙ্গুণং চ মনো জ্ঞাৎবা নভঃ পঞ্চগুণং তথা।
বুদ্ধিং চতুর্গুণাং জ্ঞাৎবা তমশ্চ ত্রিগুণং তথা॥ 12-307-15 (77767)
দ্বিগুণং চ রজো জ্ঞাৎবা সৎবমেকগুণং পুনঃ।
সর্গং বিজ্ঞায় তত্ৎবেন প্রলয়ে প্রেক্ষ্য চাত্মনঃ॥ 12-307-16 (77768)
জ্ঞানবিজ্ঞানসংপন্নাঃ কারণৈর্ভাবিতাঃ শুভাঃ।
প্রাপ্নুবন্তি শুভং মোক্ষং সূক্ষ্মা ইব নভঃ পরম্॥ 12-307-17 (77769)
রূপেণ দৃষ্টিং সংয়ুক্তাং ঘ্রাণং গন্ধগুণেন চ।
শব্দে সক্তং তথা শ্রোত্রং জিহ্বা রসগুণেষু চ॥ 12-307-18 (77770)
ৎবচং স্পর্শে তথা সক্তাং বায়ুং নভসি চাশ্রিতম্।
মোহং তমসি সংয়ুক্তং লোভমর্থেষু সংশ্রিতম্॥ 12-307-19 (77771)
বিষ্ণৌ ক্রান্তং বলং শক্রে কোষ্ঠে সক্তং তথাঽনলম্।
অপ্সু দেবীং সমাসক্তামপস্তেজসি সংশ্রিতাঃ॥ 12-307-20 (77772)
তেজঃ সূক্ষ্মে চ সংয়ুক্তং বায়ুং নভসি চাশ্রিতম্।
নভো মহতি সংয়ুক্তং মহদ্বুদ্ধৌ চ সংশ্রিতম্॥ 12-307-21 (77773)
বুদ্ধিং তমসি সংসক্তাং তমো রজসি সংশ্রিতম্।
রজঃ সৎবে তথা সক্তং সৎবং সক্তং তথাঽঽত্মনি॥ 12-307-22 (77774)
সক্তমাত্মানমীশে চ দেবে নারায়ণে তথা।
দেবং মোক্ষে চ সংসক্তং মোক্ষং সক্তং তু ন ক্বচিৎ॥ 12-307-23 (77775)
জ্ঞাৎবা সৎবয়ুতং দেহং বৃতং ষোডশভির্গুণৈঃ।
স্বভাবং চেতনাং চৈব জ্ঞাৎবা দেহসমাশ্রিতে॥ 12-307-24 (77776)
মধ্যস্থমেকমাত্মানং পাপং যস্মিন্ন বিদ্যতে।
দ্বিতীয়ং কর্ম বিজ্ঞায় নৃপতে বিষয়ৈষিণাম্॥ 12-307-25 (77777)
ইন্দ্রিয়াণীন্দ্রিয়ার্থাংশ্চ সর্বানাত্মনি সংশ্রিতান্।
দুর্লভৎবং চ মোক্ষস্য বিজ্ঞায় শ্রুতিপূর্বকম্॥ 12-307-26 (77778)
প্রাণাপানৌ সমানং চ ব্যানোদানৌ চ তত্ৎবতঃ।
আবহং চানিলং জ্ঞাৎবা প্রবহং চানিলং পুনঃ॥ 12-307-27 (77779)
সপ্তবাতাংস্তথা শেষান্সপ্তধা বিহিতান্পুনঃ।
প্রজাপতীনৃষীংশ্চৈব মার্গাংশ্চৈব বহূন্বরান্॥ 12-307-28 (77780)
সপ্তর্ষীশ্চ বহূঞ্জ্ঞাৎবা রাজর্ষীশ্চ পরংতপ।
সুরর্ষীন্মহতশ্চান্যান্ব্রহ্মর্ষীন্সূর্যসন্নিভান্॥ 12-307-29 (77781)
ঐশ্বর্যাচ্চ্যাবিতান্দৃষ্ট্বা কালেন মহতা নৃপ।
মহতাং ভূতসঙ্ঘানাং শ্রুৎবা নাশং চ পার্থিব॥ 12-307-30 (77782)
গতিং চাপ্যশুভাং জ্ঞাৎবা নৃপতে পাপকর্মিণাম্।
বৈতরণ্যাং চ যদ্দুঃখং পতিতানাং যমক্ষয়ে॥ 12-307-31 (77783)
যোনীষু চ বিচিত্রাসু সংসারানশুভাংস্তথা।
জঠরে চাশুভে বাসং শোণিতোদকভাজনে॥ 12-307-32 (77784)
শ্লেষ্মমূত্রপুরীষে চ তীব্রগন্ধসমন্বিতে।
শুক্রশোণিতসংঘাতে মজ্জাস্নায়ুপরিগ্রহে॥ 12-307-33 (77785)
সিরাশতসমাকীর্ণে নবদ্বারে পুরেঽশুচৌ।
বিজ্ঞায়াহিতমাত্মানং যোগাংশ্চ বিবিধান্নৃপ॥ 12-307-34 (77786)
তামসানাং চ জন্তূনাং রমণীয়াবৃতাত্মনাম্।
সাৎবিকানাং চ জন্তূনাং কুৎসিতং ভরতর্ষভ॥ 12-307-35 (77787)
গর্হিতং মহতামর্থে সাঙ্খ্যানাং বিদিতাত্মনাম্।
উপপ্লবাংস্তথা ঘোরাঞ্শশিনস্তেজসস্তথা॥ 12-307-36 (77788)
তারাণাং পতনং দৃষ্ট্বা নক্ষত্রাণাং চ পর্যযম্।
দ্বন্দ্বানাং বিপ্রয়োগং চ বিজ্ঞায় কৃপণ নৃপ॥ 12-307-37 (77789)
অন্যোন্যভক্ষণং দৃষ্ট্বা ভূতানামপি চাশুভম্।
বাল্যে মোহং চ বিজ্ঞায় ক্ষয়ং দেহস্য চাশুভম্॥ 12-307-38 (77790)
রাগে মোহে চ সংপ্রাপ্তে ক্বচিৎসৎবং সমাশ্রিতম্।
সহস্রেষু নরঃ কশ্চিন্মোক্ষবুদ্ধিং সমাশ্রিতঃ॥ 12-307-39 (77791)
দুর্লভৎবং চ মোক্ষস্য বিজ্ঞায় শ্রুতিপূর্বকম্।
বহুমানমলব্ধেষু লব্ধে মধ্যস্থতাং পুনঃ॥ 12-307-40 (77792)
বিষয়াণাং চ দৌরাত্ম্যং বিজ্ঞায় নৃপতে পুনঃ।
গতাসূনাং চ কৌন্তেয় দেহান্দৃষ্ট্বা তথাঽশুভান্॥ 12-307-41 (77793)
বাসং কুলেষু জন্তূনাং দুঃখং বিজ্ঞায় ভারত।
ব্রহ্মঘ্নানাং গতিং জ্ঞাৎবা পতিতানাং সুদারুণাম্॥ 12-307-42 (77794)
সুরাপানে চ সক্তানাং ব্রাহ্মণানাং দুরাত্মনাম্।
গুরূদারপ্রসক্তানাং গতিং বিজ্ঞায় চাশুভাম্॥ 12-307-43 (77795)
জননীষু চ বর্তন্তে যেন সম্যগ্যুধিষ্ঠির।
সদেবকেষু লোকেষু যেন বর্তন্তি মানবাঃ॥ 12-307-44 (77796)
তেন জ্ঞানেন বিজ্ঞায় গতিং চাশুভকর্মণাম্
তির্যগ্যোনিগতানাং চ বিজ্ঞায় চ গতিং পৃথক্॥ 12-307-45 (77797)
বেদবাদাংস্তথা চিত্রানৃতূনাং পর্যযাংস্তথা।
ক্ষয়ং সংবৎসরাণাং চ মাসানাং চ ক্ষয়ং তথা॥ 12-307-46 (77798)
পক্ষক্ষয়ং তথা দৃষ্ট্বা দিবসানাং চ সংক্ষয়ম্।
ক্ষয়ং বৃদ্ধিং চ চন্দ্রস্য দৃষ্ট্বা প্রত্যক্ষতস্তথা॥ 12-307-47 (77799)
বৃদ্ধিং দৃষ্ট্বা সমুদ্রাণাং ক্ষয়ং তেষাং তথা পুনঃ।
ক্ষয়ং ধনানাং দৃষ্ট্বা চ পুনর্বৃদ্ধিং তথৈব চ॥ 12-307-48 (77800)
সংয়োগানাং ক্ষয়ং দৃষ্ট্বা যুগানাং চ বিশেষতঃ।
ক্ষয়ং চ দৃষ্ট্বা শৈলানাং ক্ষয়ং চ সরিতাং তথা॥ 12-307-49 (77801)
বর্ণানাং চ ক্ষয়ং দৃষ্ট্বা ক্ষয়ান্তং চ পুনঃ পুনঃ।
জরা মৃত্যুস্তথা জন্ম দৃষ্ট্বা দুঃখানি চৈব হ॥ 12-307-50 (77802)
দেহদোষাংস্তথা জ্ঞাৎবা তেষাং দুঃখং চ তত্ৎবতঃ।
দেহবিক্লবতাং চৈব সম্যগ্বিজ্ঞায় তত্ৎবতঃ॥ 12-307-51 (77803)
আত্মদোষাংশ্চ বিজ্ঞায় সর্বানাত্মনি সংশ্রিতান্।
স্বদেহাদুত্থিতান্গব্ধাংস্তথা বিজ্ঞায় চাশুভান্।
`মূত্রশ্লেষ্মপুরীষাদীন্স্বেদজাংশ্চ সুকুৎসিতান্॥' 12-307-52 (77804)
যুধিষ্ঠির উবাচ। 12-307-53x (6484)
কান্স্বগাত্রোদ্ভবান্দোষান্পশ্যস্যমিতবিক্রম।
এতন্মে সংশয়ং কৃৎস্নং বক্তুমর্হসি তত্ৎবতঃ॥ 12-307-53 (77805)
ভীষ্ম উবাচ। 12-307-54x (6485)
পঞ্চ দোষান্প্রভো দেহে প্রবদন্তি মনীষিণঃ।
মার্গজ্ঞাঃ কাপিলাঃ সাঙ্খ্যাঃ শৃণু তানরিসূদন॥ 12-307-54 (77806)
কামক্রোধৌ ভয়ং নিদ্রা পঞ্চমঃ শ্বাস উচ্যতে॥ 12-307-55 (77807)
এতে দোষাঃ শরীরেষু দৃশ্যন্তে সর্বদেহিনাম্।
ছিন্দন্তি ক্ষময়া ক্রোধং কামং সংকল্পবর্জনাৎ॥ 12-307-56 (77808)
সৎবসংসেবনান্নিদ্রামপ্রমাদাদ্ভয়ং তথা।
ছিন্দন্তি পঞ্চমং শ্বাসমল্পাহারতয়া নৃপ॥ 12-307-57 (77809)
গুণান্গুণশতৈর্জ্ঞাৎবা দোষান্দোষশতৈরপি।
হেতূন্হেতুশতৈশ্চিত্রৈশ্চিত্রান্বিজ্ঞায় তত্ৎবতঃ॥ 12-307-58 (77810)
অপাং ফেনোপমং লোকং বিষ্ণোর্মায়াশতৈশ্বিতম্।
চিত্রভিত্তিপ্রতীকাশং নলসারমনর্থকম্॥ 12-307-59 (77811)
তমঃ শ্বভ্রনিভং দৃষ্ট্বা বর্ষবুদ্বুদসংনিভম্।
ক্লেশপ্রায়ং সুখাদ্ধীনং নাশোত্তরমিহাবশম্॥ 12-307-60 (77812)
রজস্তমসি সংমগ্নং পঙ্কে দ্বীপমিবাবশম্।
সাঙ্খ্যা রাজন্মহাপ্রাজ্ঞাস্ত্যক্ৎবা দেহং প্রজাকৃতং॥ 12-307-61 (77813)
জ্ঞানয়োগেন সাঙ্খ্যেন ব্যাপিনা মহতা নৃপ।
রাজসানশুভান্গন্ধাংস্তাংমসাংশ্চ তথাবিধান্॥ 12-307-62 (77814)
পুণ্যাংশ্চ সাৎবিকান্গন্ধান্স্পর্শজান্দেহসংশ্রিতান্।
ছিত্ৎবাঽঽশু জ্ঞানশস্ত্রেণ তপো দণ্ডেন ভারত॥ 12-307-63 (77815)
ততো দুঃখোদধিং ঘোরং চিন্তাশোকমহাহ্রদম্।
ব্যাধিমৃত্যুমহাগ্রাহং মহাভয়মহোরগম্॥ 12-307-64 (77816)
তমঃকূর্মং রজোমীনং প্রজ্ঞয়া সংতরন্ত্যুত।
স্নেহপঙ্কং জরাদুর্গং জ্ঞানদীপমরিংদম্॥ 12-307-65 (77817)
কর্মাগাধং সত্যতীরং স্থিতব্রতমরিংদম্।
হিংসাশীঘ্রমহাবেগং নানারসসমাকরম্॥ 12-307-66 (77818)
নানাপ্রীতিমহারত্নং দুঃখজ্বরসমীরণম্।
শোকতৃষ্ণামহাবর্তং তীক্ষ্ণব্যাধিমহাগজম্॥ 12-307-67 (77819)
অস্থিসংঘাতসংঘট্টং শ্লেষ্মফেনমরিংদম্।
দানমুক্তাকরং ঘোরং শোণিতহ্রদবিদ্রুমম্॥ 12-307-68 (77820)
হসিতোৎক্রুষ্টনির্ঘোষং নানাজ্ঞানসুদুস্তরম্।
রোদনাশ্রুমলক্ষারং সঙ্গত্যাগপরায়ণম্। 12-307-69 (77821)
পুত্রদারজলৌকৌঘং মত্রিবান্ধবপত্তনম্।
অহিংসাসত্যমর্যাদং প্রাণত্যাগমহোর্মিণম্॥ 12-307-70 (77822)
বেদান্তগমনদ্বীপং সর্বভূতদয়োদকম্।
মোক্ষদুর্লাভবিষয়ং ব়ডবামুখসাগরম্॥ 12-307-71 (77823)
তরন্তি মুনয়ঃ সিদ্ধা জ্ঞানয়ানেন ভারত।
তীর্ৎবাঽতিদুস্তরং জন্ম বিশন্তি বিমলং নভঃ॥ 12-307-72 (77824)
তত্র তান্সুকৃতীন্সাঙ্খ্যান্সূর্যো বহতি রশ্মিভিঃ।
পদ্মতন্তুবদাবিশ্য প্রসহ্য বিষয়ান্নৃপ॥ 12-307-73 (77825)
তত্র তান্প্রবহো বায়ুঃ প্রতিগৃহ্ণাতি ভারত।
বীতরাগান্যতীন্সিদ্ধান্বীর্যযুক্তাংস্তপোধনান্॥ 12-307-74 (77826)
সূক্ষ্মঃ শীতঃ সুগন্ধী চ সুখস্পর্শশ্চ ভারত।
সপ্তানাং মরুতাং শ্রেষ্ঠো লোকান্গচ্ছতি যঃ শুভান্।
স তান্বহতি কৌন্তেয় নভসঃ পরমাং গতিম্॥ 12-307-75 (77827)
নভো বহতি লোকেশ রজসঃ পরমাং গতিম্।
`তমো বহতি লোকেশ রজসঃ পরমাং গতিম্।'
রজো বহতি রাজেন্দ্র সৎবস্য পরমাং গতিম্॥ 12-307-76 (77828)
সৎবং বহতি রাজেন্দ্র পরং নারায়ণং প্রভুম্।
প্রভুর্বহতি শুদ্ধাত্মা পরমাত্মানমাত্মনা॥ 12-307-77 (77829)
পরমাত্মানমাসাদ্য তদ্ভূতা যতয়োঽমলাঃ।
অমৃতৎবায় কল্পন্তে ন নিবর্তন্তি বা বিভো॥ 12-307-78 (77830)
পরমা সা গতিঃ পার্থ নির্দ্বন্দ্বানাং মহাত্মনাম্।
সত্যার্জবরতানাং বৈ সর্বভূতদয়াবতাম্॥ 12-307-79 (77831)
যুধিষ্ঠির উবাচ। 12-307-80x (6486)
স্থানমুত্তমমাসাদ্য ভগবন্তং স্থিরব্রতাঃ।
আজন্মমরণং বা তে স্মরন্ত্যুত ন বাঽনঘ॥ 12-307-80 (77832)
যদত্র তথ্যং তন্মে ৎবং যথাবদ্বক্তুমর্হসি।
ৎবদৃতে পুরুষং নান্যং প্রষ্টুমর্হামি কৌরব॥ 12-307-81 (77833)
মোক্ষে দোষো মহানেষ প্রাপ্য সিদ্ধিগতানৃষীন্।
যদি তত্রৈব বিজ্ঞানে বর্তন্তে যতয়ঃ পরে॥ 12-307-82 (77834)
প্রবৃত্তিলক্ষণং ধর্মং পশ্যামি পরমং নৃপ।
মগ্নস্য হি পরে জ্ঞানে কিং ন দুঃখতরং ভবেৎ। 12-307-83 (77835)
ভীষ্ম উবাচ। 12-307-84x (6487)
যথান্যায়ং ৎবয়া তাত প্রশ্নঃ পৃষ্টঃ সুসংকটঃ।
বুধানামপি সংমোহঃ প্রশ্নেঽস্মিন্ভরতর্ষভ॥ 12-307-84 (77836)
অত্রাপি তত্ৎবং পরমং শৃণু সম্যঙ্ভয়েরিতম্।
বুদ্ধিশ্চ পরমা যত্র কাপিলানাং মহাত্মনাম্॥ 12-307-85 (77837)
ইন্দ্রিয়াণ্যেব বুধ্যন্তে স্বদেহে দেহিনাং নৃপ।
কারণান্যাত্মনস্তানি সূক্ষ্মঃ পশ্যতি তৈস্তু সঃ॥ 12-307-86 (77838)
আত্মনা বিপ্রহীণানি কাষ্ঠকুড্যসমানি তু।
বিনশ্যন্তি ন সংদেহঃ ফেনা ইব মহার্ণবে॥ 12-307-87 (77839)
ইন্দ্রিয়ৈঃ সহ সুপ্তস্য দেহিনঃ শত্রুতাপন।
সূক্ষ্মশ্চরতি সর্বত্র নভসীব সমীরণঃ॥ 12-307-88 (77840)
স পশ্যতি যথান্যায়ং স্পর্শান্স্পৃশতি বা বিভো।
বুধ্যমানো যথাপূর্বমখিলেনেহ ভারত॥ 12-307-89 (77841)
ইন্দ্রিয়াণীহ সর্বাণি স্বে স্বে স্থানে যথাবিধি।
অনীশৎবাৎপ্রলীয়ন্তে সর্পা হতবিষা ইব॥ 12-307-90 (77842)
ইন্দ্রিয়াণাং তু সর্বেষাং স্বস্থানেষ্বেব সর্বশঃ।
আক্রম্য গতয়ঃ সূক্ষ্মাশ্চরত্যাত্মা ন সংশয়ঃ॥ 12-307-91 (77843)
সৎবস্য চ গুণান্কৃৎস্নান্নজসশ্চ গুণান্পুনঃ।
গুণাংশ্চ তমসঃ সর্বান্গুণান্বুদ্ধেশ্চ ভারত॥ 12-307-92 (77844)
গুণাংশ্চ মনসশ্চাপি নভসশ্চ গুণাংশ্চ সঃ।
গুণান্বায়োশ্চ ধর্মাত্মংস্তেজসাং চ গুণান্পুনঃ॥ 12-307-93 (77845)
অপাং গুণাংস্তথা পার্থ পার্থিংবাংশ্চ গুণানপি।
সর্বাত্মনা গুণৈর্ব্যাপ্তঃ ক্ষেত্রজ্ঞেষু যুধিষ্ঠির॥ 12-307-94 (77846)
আত্মা চ যাতি ক্ষেত্রজ্ঞং কর্মণী চ শুভাশুভে।
শিষ্যা ইব মহাত্মানমিন্দ্রিয়াণি চ তং প্রভো॥ 12-307-95 (77847)
প্রকৃতিং চাপ্যতিক্রম্য গচ্ছত্যাত্মানমব্যযম্।
পরং নারায়ণং দেবং নির্দ্বন্দ্বং প্রকৃতেঃ পরম্॥ 12-307-96 (77848)
বিমুক্তঃ সর্বপাপেভ্যঃ প্রবিষ্টস্তমনাময়ম্।
পরমাত্মানমগুণং ন নিবর্ততি ভারত॥ 12-307-97 (77849)
শিষ্টং তত্র মনস্তাত ইন্দ্রিয়াণি চ ভারত।
আগচ্ছন্তি যথাকালং গুরোঃ সংদেশকারিণঃ॥ 12-307-98 (77850)
শক্যং চাল্পেন কালেন শান্তিং প্রাপ্তুং গুণার্থিনা।
এবমুক্তেন কৌন্তেয় যুক্তজ্ঞানেন মোক্ষিণা॥ 12-307-99 (77851)
সাঙ্খ্যা রাজন্মহাপ্রাজ্ঞা গচ্ছন্তি পরমাং গতিম্।
জ্ঞানেনানেন কৌন্তেয় তুল্যং জ্ঞানং ন বিদ্যতে॥ 12-307-100 (77852)
অত্র তে সংশয়ো মা ভূজ্জ্ঞানং সাংখ্যং পরং মতম্।
অক্ষরং ধ্রুবমব্যক্তং পূর্ণং ব্রহ্ম সনাতনম্॥ 12-307-101 (77853)
অনাদিমধ্যনিধনং নির্দ্বন্দ্বং কর্তৃ শাশ্বতম্।
কূটস্থং চৈব নিত্যং চ যদ্বদন্তি শমাত্মকাঃ॥ 12-307-102 (77854)
যতঃ সর্বাঃ প্রবর্তন্তে সর্গপ্রলয়বিক্রিয়াঃ।
যচ্চ শংসন্তি শাস্ত্রেষু বদন্তি পরমর্ষয়ঃ॥ 12-307-103 (77855)
সর্বে বিপ্রাশ্চ দেবাশ্চ তথা শমবিদো জনাঃ।
ব্রহ্মণ্যং পরমং দেবমনন্তং পরমচ্যুতম্॥ 12-307-104 (77856)
প্রার্থয়ন্তশ্চ তং বিপ্রা বদন্তি গুণবুদ্ধয়ঃ।
সম্যগ্যুক্তাস্তথা যোগাঃ সাঙ্খ্যাশ্চামিতদর্শনাঃ॥ 12-307-105 (77857)
অমূর্তেস্তস্য কৌন্তেয় সাঙ্খ্যং মূর্তিরিতি শ্রুতিঃ।
অভিজ্ঞানানি তস্যাহুর্মতং হি ভরতর্ষভ॥ 12-307-106 (77858)
দ্বিবিধানীহ ভূতানি পৃথিব্যাং পৃথিবীপতে।
জঙ্গমাজঙ্গমাখ্যানি জঙ্গমং তু বিশিষ্যতে॥ 12-307-107 (77859)
জ্ঞানং মহদ্যদ্ধি মহৎসু রাজ
ন্বেদেষু সাঙ্খ্যেষু তথৈব যোগে।
যচ্চাপি দৃষ্টং বিবিধং পুরাণে
সাঙ্খ্যাগতং তন্নিখিলং নরেন্দ্র॥ 12-307-108 (77860)
যচ্চেতিহাসেষু মহৎসু দৃষ্টং
যচ্চার্থশাস্ত্রে নৃপ শিষ্টজুষ্টে।
জ্ঞানং চ লোকে যদিহাস্তি কিংচি
ৎসাঙ্খ্যাগতং তচ্চ মহন্মহাত্মন্॥ 12-307-109 (77861)
শমশ্চ দৃষ্টঃ পরমং বলং চ
জ্ঞানং চ সাঙ্খ্যং চ যথাবদুক্তম্।
তপাংসি সূক্ষ্মাণি সুখানি চৈব
সাঙ্খ্যে যথাবদ্বিহিতানি রাজন্॥ 12-307-110 (77862)
বিপর্যযে তস্য হি পার্থ দেবা
ন্গচ্ছন্তি সাঙ্খ্যাঃ সততং সুখেন।
তাংশ্চানুসংচার্য ততঃ কৃতার্থাঃ
পতন্তি বিপ্রেষু যতেষু ভূয়ঃ॥ 12-307-111 (77863)
হিৎবা চ দেহং প্রবিশন্তি মোক্ষং
দিবৌকসো দ্যামিব পার্থ সাঙ্খ্যাঃ।
অতোঽধিকং তেঽভিরতা মহার্থে
সাঙ্খ্যে দ্বিজাঃ পার্থিব শিষ্টজুষ্টে॥ 12-307-112 (77864)
তেষাং ন তির্যগ্গমনং হি দৃষ্টং
নার্বাগ্গতিঃ পাপকৃতাধিবাসঃ।
চ চাবুধানামপি তে দ্বিজাতয়ো
যে জ্ঞানমেতন্নৃপতেঽনুরক্তাঃ॥ 12-307-113 (77865)
সাঙ্খ্যং বিশালং পরমং পুরাণং
মহার্ণবং বিমলমুদাহরন্তি
কৃৎস্নং চ সাঙ্খ্যং নৃপতে মহাত্মা
নারায়ণো ধারয়তেঽপ্রমেয়ম্॥ 12-307-114 (77866)
এতন্ময়োক্তং নরদেব তত্ৎবং
নারায়ণো বিশ্বমিদং পুরাণম্।
স সর্গকালে চ করোতি সর্গং
সংহারকালে চ তদত্তি ভূয়ঃ॥ 12-307-115 (77867)
সংহৃত্য সর্বং নিজদেহসংস্থং
কৃৎবাঽপ্সু শেতে জগদন্তরাত্মা॥ ॥ 12-307-116 (77868)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তাধিকত্রিশততমোঽধ্যায়ঃ॥ 307॥
Mahabharata - Shanti Parva - Chapter Footnotes
12-307-1 সম্যক্ৎবয়া যজ্ঞপতে ইতি থ. পাঠঃ॥ 12-307-4 যস্মিন্ন বিশ্রমাঃ ইতি থ. পাঠঃ॥ 12-307-5 দোষান্বিষয়জান্নৃপেতি থ. পাঠঃ॥ 12-307-9 বিষয়াংশ্চ প্রণাশান্তান্ব্রহ্মণো বিষয়াংস্তথেতি ধ. পাঠঃ॥ 12-307-19 তনুং স্পর্শো ইতি ঝ. পাঠঃ॥ 12-307-20 কোষ্ঠে উদরে। দেবীং পৃথ্বীম্॥ 12-307-24 সৎবগুণং দেহমিতি ঝ. পাঠঃ॥ 12-307-36 উপপ্লবান্ উপরাগান্। তেজসঃ সূর্যস্য॥ 12-307-37 নরাণাং পতনং দৃষ্ট্বেতি থ. পাঠঃ। বন্ধূনাং বিপ্রয়োগং চেতি ট. পাঠঃ। দ্বন্দ্বানাং দম্পতীনাম্॥ 12-307-39 ক্বচিৎপুংসি॥ 12-307-40 বহুমানং অত্যাদরম্। মধ্যস্থতাং ঔদাসীন্যম্॥ 12-307-41 দৌরাত্ম্যং বন্ধহেতুতাম্॥ 12-307-42 কুলেষু গৃহেষু॥ 12-307-45 বিজ্ঞায় গতয়ঃ পৃথগিতি থ. পাঠঃ॥ 12-307-48 ক্ষয়ং বনানামিতি থ. পাঠঃ॥ 12-307-59 নলসারং নলতৃণবদন্তঃসারদ্দীনম্॥ 12-307-60 ক্লেশপ্রায়ং ক্লেশবহুলম্॥ 12-307-65 স্পর্শদ্বিপমরিংদমেতি ট. থ. পাঠঃ॥ 12-307-67 ব্যাধিমহারুজমিতি থ. পাঠঃ॥ 12-307-76 তমসঃ পরমাং গতিমিতি থ. পাঠঃ॥ 12-307-83 মগ্নস্য হি পরং জ্ঞানমিতি ঝ. পাঠঃ॥ 12-307-85 তথাপি পরমং তৎবমিতি ট. থ. পাঠঃ॥ 12-307-104 সর্বে দেবাশ্চ বেদাশ্চেতি ট. পাঠঃ॥শান্তিপর্ব - অধ্যায় 308
॥ শ্রীঃ ॥
12.308. অধ্যায়ঃ 308
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ক্ষরাক্ষরলক্ষণপ্রতিপাদকজনকবসিষ্ঠসংবাদানুবাদঃ॥ 1॥Mahabharata - Shanti Parva - Chapter Text
12-308-0 (77869)
যুধিষ্ঠির উবাচ। 12-308-0x (6488)
কিং তদক্ষরমিত্যুক্তং যস্মান্নাবর্ততে পুনঃ।
কিংচ তৎক্ষরমিত্যুক্তং যস্মাদাবর্ততে পুনঃ॥ 12-308-1 (77870)
অক্ষরধরয়োর্ব্যক্তিং পৃচ্ছাম্যরিনিষূদন।
উপলব্ধুং মহাবাহো তত্ৎবেন কুরুনন্দন॥ 12-308-2 (77871)
ৎবং হি জ্ঞাননিধির্বিপ্রৈরুচ্যসে বেদপারগৈঃ।
ঋষিভিশ্চ মহাভাগৈর্যতিভিশ্চ মহাত্মভিঃ॥ 12-308-3 (77872)
শেষমত্যং দিনানাং তে দক্ষিণায়নভাস্করে।
আবৃত্তে ভগবত্যর্কে গন্তাসি পরমাং গতিম্॥ 12-308-4 (77873)
ৎবয়ি প্রতিগতে শ্রেয়ঃ কুতঃ শ্রোষ্যামহে বয়ম্।
কুরুবংশপ্রদীপস্ৎবং জ্ঞানদীপেন দীপ্যসে॥ 12-308-5 (77874)
তদেতচ্ছ্রোতুমিচ্ছামি ৎবত্তঃ কুরুকুলোদ্বহ।
ন তৃষ্যামীহ রাজেন্দ্র শৃণ্বন্নমৃতমীদৃশম্॥ 12-308-6 (77875)
ভীষ্ম উবাচ। 12-308-7x (6489)
অত্র তে বর্তয়িষ্যামি ইতিহাসং পুরাতনম্।
বসিষ্ঠস্য চ সংবাদং করালজনকস্য চ॥ 12-308-7 (77876)
বসিষ্ঠং শ্রেষ্ঠমাসীনমৃষীণাং ভাস্করদ্যুতিম্।
পপ্রচ্ছ জনকো রাজা জ্ঞানং নৈঃশ্রেয়সং পরম্॥ 12-308-8 (77877)
পরমধ্যাত্মকুশলমধ্যাত্মগতিনিশ্চয়ম্।
মৈত্রাবরুণিমাসীনমভিবাদ্য কৃতাঞ্জলিঃ॥ 12-308-9 (77878)
স্বক্ষরং প্রশ্রিতং বাক্যং মধুরং চাপ্যনুল্বণম্।
পপ্রচ্ছর্ষিবরং রাজা করালজনকঃ পুরা॥ 12-308-10 (77879)
ভগবঞ্শ্রোতুমিচ্ছামি পরং ব্রহ্ম সনাতনম্।
যস্মান্ন পুনরাবৃত্তিমাপ্নুবন্তি মনীষিণঃ॥ 12-308-11 (77880)
যচ্চ তৎক্ষরমিত্যুক্তং যত্রেদং ক্ষরতে জগৎ।
যচ্চাক্ষরমিতি প্রোক্তং শিবং ক্ষেম্যমনাময়ম্॥ 12-308-12 (77881)
বসিষ্ঠ উবাচ। 12-308-13x (6490)
শ্রূয়তাং পৃথিবীপাল ক্ষরতীদং যথা জগৎ।
যন্ন ক্ষরতি পূর্বেণ যাবৎকালেন চাপ্যথ॥ 12-308-13 (77882)
যুগং দ্বাদশসাহস্রং কল্পং বিদ্ধি চতুর্যুগম্।
দশকল্পশতাবৃত্তমহস্তদ্ব্রাহ্মমুচ্যতে॥ 12-308-14 (77883)
রাত্রিশ্চৈতাবতী রাজন্যস্যান্তে প্রতিবুধ্যতে।
সৃজত্যনন্তকর্মাণং মহান্তং ভূতমগ্রজম্॥ 12-308-15 (77884)
মূর্তিমন্তমমূর্তাত্মা বিশ্বং শংভুঃ স্বয়ংভুবম্।
অণিমা লঘিমা প্রাপ্তিরীশানং জ্যোতিরব্যযম্॥ 12-308-16 (77885)
সর্বতঃ পাণিপাদং তৎসর্বতোক্ষিশিরোমুখম্।
সর্বতঃ শ্রুতিমল্লোকে সর্বমাবৃত্য তিষ্ঠতি॥ 12-308-17 (77886)
হিরণ্যগর্ভো ভগবানেষ বুদ্ধিরিতি স্মৃতঃ।
মহানিতি চ যোগেষু বিরিঞ্চিরিতি চাপ্যজঃ॥ 12-308-18 (77887)
সাঙ্খ্যে চ পঠ্যতে শাস্ত্রে নামভির্বহুধাত্মকঃ।
বিচিত্ররূপো বিশ্বাত্মা একাক্ষর ইতি স্মৃতঃ॥ 12-308-19 (77888)
বৃতং নৈকাত্মকং যেন কৃতং ত্রৈলোক্যমাত্মনা।
তথৈব বহুরূপৎবাদ্বিশ্বরূপ ইতি স্মৃতঃ॥ 12-308-20 (77889)
এষ বৈ বিক্রিয়াপন্নঃ সৃজত্যাত্মানমাত্মনা।
অহংকারং মহাতেজাঃ প্রজাপতিরংকৃতম্॥ 12-308-21 (77890)
অব্যক্তাদ্ব্যক্তমাপন্নং বিদ্যাসর্গং বদন্তি তম্।
মহান্তং চাপ্যহংকারমবিদ্যাসর্গমেব চ॥ 12-308-22 (77891)
অপরশ্চ পরশ্চৈব সমুৎপন্নৌ তথৈকতঃ।
বিদ্যাবিদ্যেতি বিখ্যাতে শ্রুতিশাস্ত্রার্থচিন্তকৈঃ॥ 12-308-23 (77892)
ভূতসর্গমহংকারাত্তৃতীয়ং বিদ্ধি পার্থিব।
অহংকারেষু সর্বেষু চতুর্থং বিদ্ধি বৈকৃতম্॥ 12-308-24 (77893)
বায়ুর্জ্যোতিরথাকাশমাপোঽথ পৃথিবী তথা।
শব্দঃ স্পর্শশ্চ রূপং চ রসো গন্ধস্তথৈব চ॥ 12-308-25 (77894)
এবং যুগপদুৎপন্নং দশবর্গমসংশয়ম্।
পঞ্চমং বিদ্ধি রাজেন্দ্র ভৌতিকং সর্গমর্থবৎ॥ 12-308-26 (77895)
শ্রোত্রং ৎবক্চক্ষুষী জিহ্বা ঘ্রাণমেব চ পঞ্চমম্।
বাক্চ হস্তৌ চ পাদৌ চ পায়ুর্মেঢ্রং তথৈব চ॥ 12-308-27 (77896)
বুদ্ধীন্দ্রিয়াণি চৈতানি তথা কর্মেন্দ্রিয়াণি চ।
সংভূতানীহ যুগপন্মনসা সহ পার্থিব॥ 12-308-28 (77897)
এষা তত্ৎবচতুর্বিশৎসর্বাকৃতিষু বর্ততে।
যাং জ্ঞাৎবা নাভিশোচন্তি ব্রাহ্মণাস্তত্ৎবদর্শিনঃ॥ 12-308-29 (77898)
এতদ্দেহং সমাখ্যানং ত্রৈলোক্যে সর্বদেহিষু।
বেদিতব্যং নরশ্রেষ্ঠ সদেবনরদানবে॥ 12-308-30 (77899)
সয়ক্ষভূতগন্ধর্বে সকিন্নরমহোরগে।
সচারণপিশাচে বৈ সদেবর্ষিনিশাচরে॥ 12-308-31 (77900)
সদংশকীটমশক্রে সপূতিকৃমিমূষিকে।
শুনি শ্বপাকে চৈণেয়ে সচাণ্ডালে সপুল্কসে॥ 12-308-32 (77901)
হস্ত্যশ্বখরশার্দূলে সবৃকে গবি চৈব হ।
যচ্চ মূর্তিময়ং কিচিৎসর্বত্রৈতন্নিদর্শনম্॥ 12-308-33 (77902)
জলে ভুবি তথাঽঽকাশে নান্যত্রেতি বিনিশ্চয়ঃ।
স্থানং দেহবতামস্তি ইত্যেবমনুশুশ্রুম॥ 12-308-34 (77903)
কৃৎস্নমেতাবতস্তাত ক্ষরতে ব্যক্তসংজ্ঞিতম্।
অহন্যহনি ভূতাত্মা ততঃ ক্ষর ইতি স্মৃতঃ॥ 12-308-35 (77904)
এতদ্ধি ক্ষরমিত্যুক্তং ক্ষরতীদং যথা জগৎ।
জগন্মোহাত্মকং প্রাহুরব্যক্তং ব্যক্তসংজ্ঞকম্॥ 12-308-36 (77905)
মহাংশ্চৈবাগ্রজো নিত্যমেতৎক্ষরনিদর্শনম্।
কথিতং তে মহারাজন্যস্মান্নাবর্ততে পুনঃ॥ 12-308-37 (77906)
পঞ্চর্বিশতিমো বিষ্ণুর্নিস্তত্ৎবস্তত্ৎবসংজ্ঞিতঃ।
তত্ৎবসংশ্রয়ণাদেতত্তৎবমাহুর্মনীষিণঃ॥ 12-308-38 (77907)
যন্মর্ত্যমসৃজদ্ব্যক্তং তত্তন্মূর্ত্যধিতিষ্ঠতি।
চতুর্বিশতিমোঽব্যক্তো হ্যমূর্তঃ পঞ্চবিংশকঃ॥ 12-308-39 (77908)
স এব হৃদি সর্বাসু মূর্তিষ্বাত্মাবতিষ্ঠতে।
চেতয়ংশ্চেতনান্নিত্যং সর্বমূর্তিরমূর্তিমান্॥ 12-308-40 (77909)
সর্বপ্রত্যযধর্মিণ্যাং স সর্গঃ প্রত্যযাত্মকঃ।
গোচরে বর্ততে নিত্যং নির্গুণো গুণসংজ্ঞিতে॥ 12-308-41 (77910)
এবমেষ মহানাত্মা সর্গপ্রলয়কোবিদঃ।
বিকুর্বাণঃ প্রকৃতিমানভিমন্যত্যবুদ্ধিমান্॥ 12-308-42 (77911)
তমঃ সৎবরজোয়ুক্তস্তাসু তাস্বিহ যোনিষু।
লীয়তে প্রতিবুদ্ধৎবাদবুদ্ধজনসেবনাৎ॥ 12-308-43 (77912)
সহবাসনিবাসাত্মা নান্যোঽহমিতি মন্যতে।
যোঽহং সোহমিতি হ্যুক্ৎবা গুণানেবানুবর্ততে॥ 12-308-44 (77913)
তমসা তামসান্ভাবান্বিবিধান্প্রতিপদ্যতে।
রজসা রাজসাংশ্চৈব সাৎবিকান্সৎবসংশ্রয়াৎ॥ 12-308-45 (77914)
শুক্ললোহিতকৃষ্ণানি রূপাণ্যেতানি ত্রীণি তু।
সর্বাণ্যেতানি রূপাণি যানীহ প্রাকৃতানি বৈ॥ 12-308-46 (77915)
তামসা নিরয়ং যান্তি রাজসা মানুপানথ।
সাৎবিকা দেবলোকায় গচ্ছন্তি সুখভাগিনঃ॥ 12-308-47 (77916)
নিষ্কৈবল্যেন পাপেন তির্যগ্যোনিমবাপ্নুয়াৎ।
পুণ্যপাপেন মানুষ্যং পুণ্যেনৈকেন দেবতাঃ॥ 12-308-48 (77917)
এবমব্যক্তবিষয়ং ক্ষরমাহুর্মনীষিণঃ।
পঞ্চবিংশতিমো যোঽয়ং জ্ঞানাদেব প্রবর্ততে॥ ॥ 12-308-49 (77918)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টাধিকত্রিশততমোঽধ্যায়ঃ॥ 308॥
Mahabharata - Shanti Parva - Chapter Footnotes
12-308-5 জ্ঞানদ্রব্যেণ দীপ্যস ইতি ড. ধ. পাঠঃ॥ 12-308-7 করালনামাজনকঃ করালজনকস্তস্য। এতত্তে বর্তয়িষ্যামীতি ট. ড. থ. পাঠঃ॥ 12-308-9 কুশলং ঊহাপোহসমর্থম্। গতিরনুভবস্তেন নিশ্চয়োঽস্যাস্তীতি তথা। মৈত্রাবরুণিং বসিষ্ঠম্॥ 12-308-22 মহতশ্চাপ্যহংকারমিতি ড. ধ. পাঠঃ॥ 12-308-23 অবিধিশ্চ বিধিশ্চৈবেতি ঝ. পাঠঃ। শ্রুতিশ্চাধ্যাত্মচিন্তকৈরিতি ড. থ.ধ. পাঠ॥ 12-308-37 এতৎক্ষেত্রনিদর্শনমিতি ট. ড. ধ. পাঠঃ॥ 12-308-39 যাং তু মূর্তি সৃজত্যেষা তাং মূর্তিমধিতিষ্ঠতীতি ট. পাঠঃ॥ 12-308-41 সর্গপ্রলয়ধর্মিণ্যা সসর্গপ্রলয়াত্মক ইতি ঝ. পাঠঃ॥ 12-308-42 সর্গপ্রত্যযকোবিদ ইতি ট. ধ. পাঠঃ। অক্ষরঃ ক্ষরমাত্মানমভিমজ্জত্যবুদ্ধিমানিতি থ. পাঠঃ॥ 12-308-44 সহবাসবিনাশিৎবান্নান্যোঽহমিতি ঝ. পাঠঃ॥ 12-308-46 জাতানি প্রাকৃতানি বৈ ইতি ড. থ. পাঠঃ। জানীহি প্রাকৃতানি বৈ ইতি ধ. পাঠঃ॥শান্তিপর্ব - অধ্যায় 309
॥ শ্রীঃ ॥
12.309. অধ্যায়ঃ 309
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জীবানামজ্ঞাননিমিত্তকানর্থপ্রাপ্ত্যাদিপ্রতিপাদকবসিষ্ঠকরালজনকসংবাদানুবাদঃ॥ 1॥Mahabharata - Shanti Parva - Chapter Text
12-309-0 (77919)
বসিষ্ঠ উবাচ। 12-309-0x (6491)
এবমপ্রতিবুদ্ধৎবাদবুদ্ধমনুবর্তনাৎ।
দেহাদ্দেহসহস্রাণি তথা সমভিপদ্যতে॥ 12-309-1 (77920)
তির্যগ্যোনিসহস্রেষু কদাচিদ্দেবতাস্বপি।
উপপদ্যতি সংয়োগাদ্গুণৈঃ সহ গুণক্ষয়াৎ॥ 12-309-2 (77921)
মানুষৎবাদ্দিবং যাতি দিবো মানুষ্যমেতি চ।
মানুষ্যান্নিরয়স্থানমনন্তং প্রতিপদ্যতে॥ 12-309-3 (77922)
কোশকারো যথাঽঽত্মানং কীটঃ সমনুরুন্ধতি।
সূত্রতন্তুগুণৈর্নিত্যং তথাঽয়মগুণো গুণৈঃ॥ 12-309-4 (77923)
দ্বন্দ্বমেতি চ নির্দ্বন্দ্বস্তাসু তাস্বিহ যোনিষু।
শীর্ষরোগেঽক্ষিরোগে চ দন্তশূলে গলগ্রহে॥ 12-309-5 (77924)
জলোদরে তৃষারোগে জ্বরগণ্ডে বিষূচকে।
শ্বিত্রকুষ্ঠেঽগ্নিদগ্ধে চ সিধ্মাপস্মারয়োরপি॥ 12-309-6 (77925)
যানি চান্যানি দ্বন্দ্বানি প্রাকৃতানি শরীরিষু।
উৎপদ্যন্তে বিচিত্রাণি তান্যেষোঽপ্যভিমন্যতে॥ 12-309-7 (77926)
অভিমন্যত্যভীমানাত্তথৈব সুকৃতান্যপি॥ 12-309-8 (77927)
শুক্লবাসাশ্চ দুর্বাসাঃ শায়ী নিত্যমধস্তথা।
মণ্ডূকশায়ী চ তথা বীরাসনগতস্তথা॥ 12-309-9 (77928)
চীরধারণমাকাশে শয়নং স্থানমেব চ।
ইষ্টকাপ্রস্তরে চৈব কণ্টকপ্রস্তরে তথা॥ 12-309-10 (77929)
ভস্মপ্রস্তরশায়ী চ ভূমিশয়্যাঽনুলেপনঃ।
বীরস্থানাম্বুপঙ্কে চ শয়নং ফলকেষু চ॥ 12-309-11 (77930)
বিবিধাসু চ শয়্যাসু ফলগৃদ্ধ্যান্বিতস্তথা।
মুঞ্জমেখলনগ্নৎবং ক্ষৌমকৃষ্ণাজিনানি চ॥ 12-309-12 (77931)
শণবালপরীধানো ব্যাঘ্রচর্মপরিচ্ছদঃ।
সিংহতচর্মপরীধানঃ পট্টবাসাস্তথৈব চ॥ 12-309-13 (77932)
ফলকপরিধানশ্চ তথা কণ্টকবস্রধৃৎ।
কীটকার্পাসবসনশ্চীরবাসাস্তথৈব চ॥ 12-309-14 (77933)
বস্রাণি চান্যানি বহূন্যভিমন্যত্যবুদ্ধিমান্।
ভোজনানি বিচিত্রাণি রত্নানি বিবিধানি চ॥ 12-309-15 (77934)
একবস্রান্তরাশিৎবমেককালিকভোজনম্।
চতুর্থাষ্টমকালশ্চ ষষ্ঠকালিক এব চ॥ 12-309-16 (77935)
ষ়ড্রাত্রভোজনশ্চৈব তথৈবাষ্টাহভোজনঃ।
সপ্তরাত্রদশাহারো দ্বাদশাহিকভোজনঃ॥ 12-309-17 (77936)
মাসোপবাসী মূলাশী ফলাহারস্তথৈব চ।
বায়ুভক্ষোঽম্বুপিণ্যাকদধিগোময়ভোজনঃ॥ 12-309-18 (77937)
গোমূত্রভোজনশ্চৈব শাকপুষ্পাদ এব চ।
শেবালভোজনশ্চৈব তথাঽঽচামেন বর্তয়ন্॥ 12-309-19 (77938)
বর্তয়ঞ্শীর্ণপর্মৈশ্চ প্রকীর্ণফলভোজনঃ।
বিবিধানি চ কৃচ্ছ্রাণি সেবতে সিদ্ধিকাঙ্ক্ষয়া॥ 12-309-20 (77939)
চান্দ্রায়ণানি বিধিবল্লিঙ্গানি বিবিধানি চ।
চাতুরাশ্রম্যপন্থানমাশ্রয়ত্যপথানপি॥ 12-309-21 (77940)
উপাশ্রমানপ্যপরান্পাষণ্ডান্বিবিধানপি।
বিবিক্তাশ্চ শিলাচ্ছায়াস্তথা প্রস্রবণানি চ॥ 12-309-22 (77941)
পুলিনানি বিবিক্তানি বিবিক্তানি বনানি চ।
দেবস্থানানি পুণ্যানি বিবিক্তানি সরাংসি চ॥ 12-309-23 (77942)
বিবিক্তাশ্চাপি শৈলানাং গুহা গৃহনিভোপমাঃ।
বিবিক্তানি চ জপ্যানি ব্রতানি বিবিধানি চ॥ 12-309-24 (77943)
নিয়মান্বিবিধাংশ্চাপি বিবিধানি তপাংসি চ।
যজ্ঞাংশ্চ বিবিধাকারান্বিধীংশ্চ বিবিধাংস্তথা॥ 12-309-25 (77944)
বণিক্পথং দ্বিজক্ষত্রং বৈশ্যং শূদ্রাংস্তথৈব চ।
দানং চ বিবিধাকারং দীনান্ধকৃপণাদিষু॥ 12-309-26 (77945)
অভিমন্যত্যসংবোধাত্তথৈব ত্রিবিধান্গুণান্।
সৎবং রজস্তমশ্চৈব ধর্মার্থৌ কাম এব চ॥ 12-309-27 (77946)
প্রকৃত্যাঽঽত্মানমেবাত্মা এবং প্রবি ভজত্যুত।
স্বধাকারবষট্কারৌ স্বাহাকারনমস্ক্রিয়াঃ॥ 12-309-28 (77947)
যাজনাধ্যাপনং দানং তথৈবাহুঃ প্রতিগ্রহম্।
যজনাধ্যযনে চৈব যচ্চান্যদপি কিংচন॥ 12-309-29 (77948)
জন্মমৃত্যুবিবাদে চ তথা বিশসনেঽপি চ।
শুভাশুভময়ং সর্বমেতদাহুঃ ক্রিয়াফলম্॥ 12-309-30 (77949)
প্রকৃতিঃ কুরুতে দেবী ভবং প্রলয়মেব চ।
দিবসান্তে গুণানেতানভ্যেত্যৈকোঽবতিষ্ঠতে॥ 12-309-31 (77950)
রশ্মিজালমিবাদিত্যস্তত্তৎকালে নিয়চ্ছতি।
এবমেষোঽসকৃৎসর্বং ক্রীডার্থমভিমন্যতে॥ 12-309-32 (77951)
আত্মরূপগুণানেতান্বিবিধান্হৃদয়প্রিয়ান্।
এবমেব বিকুর্বাণঃ সর্গপ্রলয়ধর্মিণী॥ 12-309-33 (77952)
ক্রিয়াং ক্রিয়াপথে রক্তস্ত্রিগুণাংস্ত্রিগুণাধিপঃ।
ক্রিয়াং ক্রিয়াপথোপেতস্তথা তদভিমন্যতে॥ 12-309-34 (77953)
প্রকৃত্যা সর্বমেবেদং জগদন্ধীকৃতং বিভো।
রজসা তমসা চৈব ব্যাপ্তং সর্বমনেকধা॥ 12-309-35 (77954)
এবং দ্বন্দ্বান্যথৈতানি বর্তন্তে ময়ি নিত্যশঃ।
মমৈবৈতানি জায়ন্তে ধাবন্তে তানি মামিতি॥ 12-309-36 (77955)
নিস্তর্তব্যান্যথৈতানি সর্বাণীতি নরাধিপ।
মন্যতেঽয়ং হ্যবুদ্ধিৎবাত্তথৈব সুকৃতান্যপি॥ 12-309-37 (77956)
ভোক্তব্যানি ময়ৈতানি দেবলোকগতেন বৈ।
ইহৈব চৈনং ভোক্ষ্যামি শুভাশুভফলোদয়ম্॥ 12-309-38 (77957)
পুণ্যমেব তু কর্তব্যং তৎকুৎবা সুসুখং মম।
যাবদন্তং চ মে সৌখ্যং জাত্যাং জাত্যাং ভবিষ্যতি॥ 12-309-39 (77958)
ভবিষ্যতি চ মে দুঃখং কৃতেনেহাপ্যনন্তকম্।
মহদ্দুঃখং হি মানুষ্যং নিরয়ে চাপি মজ্জনম্॥ 12-309-40 (77959)
নিরয়াচ্চাপি মানুষ্যং কালেনৈষ্যাম্যহং পুনঃ।
মনুষ্যৎবাচ্চ দেবৎবং দেবৎবাৎপৌরুষং পুনঃ॥ 12-309-41 (77960)
মনুষ্যৎবাচ্চ নিরয়ং পর্যায়েণোপগচ্ছতি।
য এবং বেত্তি নিত্যং বৈ নিরাত্মাত্মগুণৈর্বৃতঃ॥ 12-309-42 (77961)
তেন দেবমনুষ্যেষু নিরয়ে চোপপদ্যতে।
মমৎবেনাবৃতো নিত্যং তত্রৈব পরিবর্ততে॥ 12-309-43 (77962)
সর্গকোটিসহস্রাণি মরণান্তাসু যোনিষু।
য এবং কুরুতে কর্ম শুভাশুভফলাত্মকম্॥ 12-309-44 (77963)
স এবং ফলমাপ্নোতি ত্রিষু লোকেষু মূর্তিমান্।
প্রকৃতিঃ কুরুতে কর্ম শুভাশুভফলাত্মকম্।
প্রকৃতিশ্চ তদশ্নাতি ত্রিষু লোকেষু কামগা॥ 12-309-45 (77964)
তির্যগ্যোনিমনুষ্যৎবে দেবলোকে তথৈব চ।
ত্রীণি স্থানানি চৈতানি জানীয়াৎপ্রাকৃতানিহ॥ 12-309-46 (77965)
অলিঙ্গাং প্রকৃতিং ৎবাহুর্লিঙ্গৈরনুমিমীমহে।
তথৈব পৌরুষং লিঙ্গমনুমানাদ্ধি গম্যতে॥ 12-309-47 (77966)
স লিঙ্গান্তরমাসাদ্য প্রাকৃতং লিঙ্গমব্রণম্।
ব্রণদ্বারাণ্যধিষ্ঠায় কর্মণাঽঽত্মনি পশ্যতি॥ 12-309-48 (77967)
শ্রোত্রাদীনি তু সর্বাণি পঞ্চ কর্মেন্দ্রিয়াণ্যথ।
বাগাদীনি প্রবর্তন্তে গুণেষ্বিহ গুণৈঃ সহ॥ 12-309-49 (77968)
অহমেতানি বৈ সর্বং ময়্যেতানীন্দ্রিয়াণি হ।
নিরিন্দ্রিয়ো হি মন্তেত ব্রণবানস্মি নির্ব্রণঃ॥ 12-309-50 (77969)
অলিঙ্গো লিঙ্গমাত্মানমকালঃ কালমাত্মনঃ।
অসৎবং সৎবমাত্মানমতত্ৎবং তত্ৎবমাত্মনঃ॥ 12-309-51 (77970)
অমৃত্যুর্মৃত্যুমাত্মানমচরশ্চরমাত্মনঃ।
অক্ষেত্রঃ ক্ষেত্রমাত্মানমসর্গঃ সর্গমাত্মনঃ॥ 12-309-52 (77971)
অতপাস্তপ আত্মানমগতির্গতিমাত্মনঃ।
অভবো ভবমাত্মানমভয়ো ভয়মাত্মনঃ॥ 12-309-53 (77972)
`অকর্তা কর্তৃ চাত্মানমবীজো বীজমাত্মনঃ।'
অক্ষরঃ ক্ষরমাত্মানমবুদ্ধিস্ৎবভিমন্যতে॥ ॥ 12-309-54 (77973)
ইতি শ্রীমন্মহাভারতে শান্তিপর্বণি মোক্ষধর্মপর্বণি নবাধিকত্রিশততমোঽধ্যায়ঃ॥ 309॥
Mahabharata - Shanti Parva - Chapter Footnotes
12-309-1 অবুদ্ধমনুবর্তত ইতি ঝ. ট. পাঠঃ। অবুদ্ধং অবোধং অজ্ঞানম্। ভাবে নিষ্ঠা ন তেন নঞ্সমাসঃ॥ 12-309-2 গুণক্ষয়াৎ গুণসামর্থ্যাৎ। ক্ষি ক্ষয়ৈশ্বর্যযোরিত্যৈশ্বর্যার্থস্য ক্ষিধাতো রূপম্॥ 12-309-6 যক্ষ্মাপস্মারয়োরপি ইতি ধ. পাঠঃ॥ 12-309-7 তান্যেষোঽপ্যভিপদ্যতে ইতি ধ. পাঠঃ॥ 12-309-9 মণ্ডূকবৎপাণিপাদং সংকোচ্যন্যুব্জঃ শেতে ইতি মণ্ডূকশায়ী॥ 12-309-10 আকাশে নিরাবরণেদেশে॥ 12-309-12 ফলগৃদ্ধ্যা ফলাশা॥ 12-309-13 শাণীবালপরীধান ইতি ঝ. পাঠঃ॥ 12-309-14 ফলকং ভূর্জৎবগাদি॥ 12-309-19 আচামেন ভক্তমণ্ডেন॥ 12-309-24 গৃহেষু যে নিভাঃ নিতরাং ভান্তি তে। দিব্যগৃহোপমা ইত্যর্থঃ॥ 12-309-30 বিশসনে সংগ্রামে॥ 12-309-31 ভবং সৃষ্টিম্। অভ্যেত্য গ্রসিৎবা॥ 12-309-34 ক্রিয়াপয়ে কর্মমার্গে॥ 12-309-39 যাবদ্দানস্য মে সৌখ্যং ইতি ট. ড. থ. পাঠঃ॥ 12-309-51 অগতির্গতিমাত্মন ইতি ধ. পাঠঃ॥শান্তিপর্ব - অধ্যায় 310
॥ শ্রীঃ ॥
12.310. অধ্যায়ঃ 310
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি প্রাণিনাং শরীরাদিসংবন্ধাদিপ্রকারপ্রতিপাদকবসিষ্ঠকরালজনকসংবাদানুবাদঃ॥ 1॥Mahabharata - Shanti Parva - Chapter Text
12-310-0 (77974)
বসিষ্ঠ উবাচ। 12-310-0x (6492)
এবমপ্রতিবুদ্ধৎবাদবুদ্ধজনসেবনাৎ।
সর্গকোটিসহস্রাণি মরণান্তানি গচ্ছতি॥ 12-310-1 (77975)
ধাম্না ধামসহস্রাণি পতনান্তানি গচ্ছতি।
তির্যগ্যোনৌ মনুষ্যৎবে দেবলোকে তথৈব চ॥ 12-310-2 (77976)
চন্দ্রমা ইব ভূতানাং পুনস্তত্র সহস্রশঃ।
লীয়তেঽপ্রতিবুদ্ধৎবাদেবমেষ হ্যবুদ্ধিমান্॥ 12-310-3 (77977)
কলা পঞ্চদশী যোনিস্তদ্ধাম ইতি মন্যতে।
নিত্যমেতং বিজানীহি সোমং বৈ ষৌডশীং কলাম্॥ 12-310-4 (77978)
কলয়া জায়তে জন্তুঃ পুনঃ পুনরবুদ্ধিমান্।
ধাম তস্যোপয়ুঞ্জন্তি ভূয় এবোপজায়তে॥ 12-310-5 (77979)
ষোডশী তু কলা সূক্ষ্মা স সোম উপধার্যতাম্।
ন তূপয়ুজ্যতে দেবৈর্দেবানুপয়ুনক্তি সা॥ 12-310-6 (77980)
এতামক্ষপয়িৎবা হি জায়তে নৃপসত্তম।
সা হ্যস্য প্রকৃতির্দৃষ্টা তৎক্ষয়ান্মোক্ষ উচ্যতে॥ 12-310-7 (77981)
তদেবং ষোডশকলং দেহমব্যক্তসংজ্ঞিকম্।
মমায়মিতি মন্বানস্তত্রৈব পরিবর্ততে॥ 12-310-8 (77982)
পঞ্চবিংশস্তথৈবাত্মা তস্যৈবাপ্রতিবোধনাৎ।
বিমলশ্চ বিশুদ্ধশ্চ শুদ্ধামলনিষেবণাৎ॥ 12-310-9 (77983)
অশুদ্ধ এব শুদ্ধাত্মা তাদৃগ্ভবতি পার্থিব।
অবুদ্ধসেবনাচ্চাপি বুদ্ধোঽপ্যবুদ্ধতাং ব্রজেৎ॥ 12-310-10 (77984)
তথৈবাপ্রতিবুদ্ধোঽপি বিজ্ঞেয়ো নৃপসত্তম।
প্রকৃতেস্ত্রিগুণায়াস্তু সেবনাৎপ্রাকৃতো ভবেৎ॥ 12-310-11 (77985)
করালজনক উবাচ। 12-310-12x (6493)
অক্ষরক্ষরয়োরেষু দ্বয়োঃ সংবন্ধ উচ্যতে।
স্ত্রীপুংসোশ্চাপি ভগবন্সংবন্ধস্তদ্বদুচ্যতে॥ 12-310-12 (77986)
ঋতে তু পুরুষং নেহ স্ত্রী গর্ভং ধারয়ত্যুত।
ঋতে স্ত্রিয়ং ন পুরুষো রূপং নির্বর্তয়েত্তথা॥ 12-310-13 (77987)
অন্যোন্যস্যাভিসংবন্ধাদন্যোন্যগুণসংশ্রয়াৎ।
রূপং নির্বর্তয়ত্যেতদেবং সর্বাসু যোনিষু॥ 12-310-14 (77988)
স্ত্রীপুংসোরভিসংবন্ধাদন্যোন্যগুণসংশ্রয়াৎ।
ঋতৌ নির্বর্ত্যতে রূপং তদ্বক্ষ্যামি নিদর্শনম্॥ 12-310-15 (77989)
যে গুণাঃ পুরুষস্যেহ যে চ মাতৃগুণাস্তথা।
অস্থি স্নায়ু চ মজ্জানং জানীমঃ পৈতৃকান্দ্বিজ॥ 12-310-16 (77990)
ৎবঙ্ভাংসং শোণিতং চেতি মাতৃজান্যপি শুশ্রুম।
এবমেতাদ্দ্বিজশ্রেষ্ঠ বেদে শাস্ত্রে চ পঠ্যতে॥ 12-310-17 (77991)
প্রমাণং যচ্চ বেদোক্তং শাস্ত্রোক্তং যচ্চ পঠ্যতে।
বেদশাস্ত্রপ্রমাণানাং প্রমাণং তৎসনাতনম্॥ 12-310-18 (77992)
[অন্যোন্যগুণসংরোধাদন্যোন্যগুণসংশ্রয়াৎ।]
এবমেবাভিসংবদ্ধৌ নিত্যং প্রকৃতিপূরুষৌ॥ 12-310-19 (77993)
পশ্যামি ভগবংস্তস্মান্মোক্ষধর্মো ন বিদ্যতে।
অথবাঽনন্তরকৃতং কিংচিদেব নিদর্শনম্।
তন্মমাচক্ষ্ব তত্ৎবেন প্রত্যক্ষো হ্যসি সর্বথা॥ 12-310-20 (77994)
মোক্ষকামা বয়ং চাপি কাঙ্ক্ষামো যদনাময়ম্।
অদেহমজরং নিত্যমতীন্দ্রিয়মনীশ্বরম্॥ 12-310-21 (77995)
বসিষ্ঠ উবাচ। 12-310-22x (6494)
যদেতদুক্তং ভবতা দেবশাস্ত্রনিদর্শনম্।
এবমেতদ্যথা চৈতন্ন গৃহ্ণাতি তথা ভবান্॥ 12-310-22 (77996)
ধার্যতে হি ৎবয়া গ্রন্থ উভয়োর্বেদশাস্ত্রয়োঃ।
ন চ গ্রন্থস্য তত্ৎবজ্ঞো যথাবত্ৎবং নরেশ্বরঃ॥ 12-310-23 (77997)
যো হি বেদে চ শাস্ত্রে চ গ্রন্থধারণতৎপরঃ।
ন চ গ্রন্থার্থতত্ৎবজ্ঞস্তস্য তদ্বারণং বৃথা॥ 12-310-24 (77998)
মারং স বহতে তস্য গ্রন্থস্যার্থং ন বেত্তি যঃ।
যস্তু গ্রন্থার্থতত্ৎবজ্ঞো নাস্য গ্রন্থগুণো বৃথা॥ 12-310-25 (77999)
গ্রন্থস্যার্থস্য পৃষ্টঃ সংস্তাদৃশো বক্তুমর্হতি।
যথাতত্ৎবাভিগমনাদর্থং তস্য স বিন্দতি॥ 12-310-26 (78000)
বস্তু সংসৎসু কথয়েদ্গ্রন্থার্থস্থূলবুদ্ধিমান্।
স কথং মন্দবিজ্ঞানো গ্রন্থং বক্ষ্যতি নির্ণয়াৎ॥ 12-310-27 (78001)
নির্ণয়ং চাপি ছিদ্রাত্মা ন তং বক্ষ্যতি তত্ৎবতঃ।
সোপহাস্যাত্মতামেতি যস্মাচ্চাবাপ্তবানপি॥ 12-310-28 (78002)
তস্মাত্ৎবং শৃণু রাজেন্দ্র যথৈতদনুদৃশ্যতে।
যাথাতথ্যেন সাঙ্খ্যেষু যোগেষউ চ মহাত্মসু॥ 12-310-29 (78003)
যদেব যোগাঃ পশ্যন্তি সাঙ্খ্যৈস্তদবগম্যতে।
একং সাঙ্খ্যং চ যোগং চ যঃ পশ্যতি স বুদ্ধিমান্॥ 12-310-30 (78004)
ৎবঙ্ভাংসং রুঘিরং মেদঃ পিত্তং মজ্জা চ স্নায়ু চ।
এতদৈন্দ্রিয়কং তাত তদ্ভবানিদমাহ মাম্॥ 12-310-31 (78005)
দ্রব্যাদ্দ্রব্যস্য নির্বৃত্তিরিন্দ্রিয়াদিন্দ্রিয়ং তথা।
দেহাদ্দেহমবাপ্নোতি বীজাদ্বীজং তথৈব চ॥ 12-310-32 (78006)
নিরিন্দ্রিয়স্যাবীজস্য নির্দ্রব্যস্যাপ্যদেহিনঃ।
কথং গুণা ভবিষ্যন্তি নির্গুণৎবান্মহাত্মনঃ॥ 12-310-33 (78007)
গুণা গুণেষু জায়ন্তে তত্রৈব নিবিশন্তি চ।
এবং গুণাঃ প্রকৃতিতো জায়ন্তে নিবিশন্তি চ॥ 12-310-34 (78008)
ৎবঙ্ভাংসং রুধিরং মেদঃ পিত্তং মজ্জাঽস্থি স্নায়ু চ।
অষ্টৌ তান্যথ শুক্রেণ জানীহি প্রাকৃতানি বৈ॥ 12-310-35 (78009)
পুমাংশ্চৈবাপুমাংশ্চৈব ত্রৈলিঙ্গ্যং প্রাকৃতং স্মৃতম্।
ন বা পুমান্পুমাংশ্চৈব স লিঙ্গীত্যভিধীয়তে॥ 12-310-36 (78010)
অলিঙ্গাৎপ্রকৃতির্লিঙ্গৈরুপালভ্যতি সাত্মজৈঃ।
যথা পুষ্পফলৈর্নিত্যমৃতবো মূর্তয়স্তথা॥ 12-310-37 (78011)
এবমপ্যনুমানেন হ্যলিঙ্গমুপলভ্যতে।
পঞ্চবিংশতিমস্তাত লিঙ্গেষু নিয়তাত্মকঃ॥ 12-310-38 (78012)
অনাদিনিধনোঽনন্তঃ সর্বদর্শী নিরাময়ঃ।
কেবলং ৎবভিমানিৎবাদগুণেষ্বগুণা উচ্যতে॥ 12-310-39 (78013)
গুণা গুণবতঃ সন্তি নির্গুণস্য কুতো গুণাঃ।
তস্মাদেবং বিজানন্তি যে জনা গুণদর্শিনঃ॥ 12-310-40 (78014)
যদা ৎবেষ গুণনিব প্রকৃতাবনুমন্যতে।
তদা স গুণবানেব পরমং নানুপশ্যতি॥ 12-310-41 (78015)
যত্তং বুদ্ধেঃ পরং প্রাহুঃ সাঙ্খ্যযোগাশ্চ সর্বশঃ।
বুধ্যমানং মহাপ্রাজ্ঞমবুদ্ধপরিবর্জনাৎ॥ 12-310-42 (78016)
অপ্রবুদ্ধমথাব্যক্তং গুণং প্রাহুরনীশ্বরম্।
নির্গুণং চেশ্বরং নিত্যমধিষ্ঠাতারমেব চ॥ 12-310-43 (78017)
প্রকৃতেশ্চ গুণানাং চ পঞ্চবিংশতিকং বুধাঃ।
সাঙ্খ্যযোগে চ কুশলা বুধ্যন্তে পরমৈষিণঃ॥ 12-310-44 (78018)
যদা প্রবুদ্ধাস্ৎবব্যক্তমবস্থাজন্মভীরবঃ।
বুধ্যমানং প্রবুদ্ধেন গময়ন্তি সমন্ততঃ॥ 12-310-45 (78019)
এতন্নিদর্শনং সম্যগসম্যক্চার্থদর্শনম্।
বুধ্যমানাপ্রবুদ্ধানা পৃথগ্পৃথগরিংদম্॥ 12-310-46 (78020)
পরস্পরেণৈতদুক্তং ক্ষরাক্ষরনিদর্শনম্।
একৎবমক্ষরং প্রাহুর্নানাৎবং ক্ষরমুচ্যতে॥ 12-310-47 (78021)
পঞ্চবিংশতিনিষ্ঠোঽয়ং যদা সম্যক্প্রচক্ষতে।
একৎবং দর্শনং চাস্য নানাৎবং চাপ্যদর্শনম্॥ 12-310-48 (78022)
তত্ৎবনিস্তত্ৎবয়োরেতৎপৃথগ্নেব নিদর্শনম্।
পঞ্চবিংশতিতৎবং তু তত্ৎবমাহুর্মনীষিণঃ॥ 12-310-49 (78023)
নিস্তত্ৎবং পঞ্চবিংশস্য পরমাহুর্নিদর্শনম্।
বর্গস্য বর্গমাচারং তত্ৎবং তত্ৎবাৎসনাতনম্॥ ॥ 12-310-50 (78024)
ইতি শ্রীমন্মহাভারতে শান্তিপর্বণি মোক্ষধর্মপর্বণি দশাধিকত্রিশততমোঽধ্যায়ঃ॥ 310॥
Mahabharata - Shanti Parva - Chapter Footnotes
12-310-9 তস্যৈব প্রতিসাধনাৎ ইতি ট. থ. পাঠঃ॥ 12-310-11 তথৈব প্রতিবুদ্ধোঽপীতি থ. ধ. পাঠঃ॥ 12-310-15 রত্যর্থমভিসংবন্ধাদিতি ট. পাঠঃ॥ 12-310-27 ন যঃ সংসৎস্বিতি ঝ. পাঠঃ॥ 12-310-28 যস্মাচ্চৈবাত্মবানপীতি ঝ. পাঠঃ॥ 12-310-29 যোগেশেষু মহ্যত্মস্বিতি ধ. পাঠঃ॥ 12-310-33 নিরিন্দ্রিয়স্য বীজস্যেতি ট. ড. থ. পাঠঃ॥ 12-310-36 স্ত্রীলিঙ্গং মাকৃতং স্মৃতমিতি ড. থ. পাঠঃ॥ 12-310-42 যং তু বুদ্ধেঃ পরং ইতি ট. পাঠঃ। যত্তদ্বুদ্ধেরিতি ঝ. পাঠঃ॥ 12-310-43 সগুণং প্রাহুরীশ্বরমিতি ট. পাঠঃ। অগুণং প্রাহুরিতি ঝ. পাঠঃ॥ 12-310-46 অসত্যৎবার্থদর্শনমিতি ড.পাঠঃ। অসক্ৎবার্থদর্শনমিতি ট. থ. পাঠঃ॥ 12-310-49 পঞ্চবিংশতিকৎবং তু ইতি ট. পাঠঃ। পঞ্চবিংশতিসর্গং তু ইতি ঝ. পাঠঃ॥শান্তিপর্ব - অধ্যায় 311
॥ শ্রীঃ ॥
12.311. অধ্যায়ঃ 311
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সাঙ্খ্যপ্রতিপাদকবসিষ্ঠকরালজনকসংবাদানুবাদঃ॥ 1॥Mahabharata - Shanti Parva - Chapter Text
12-311-0 (78025)
জনক উবাচ। 12-311-0x (6495)
মানাৎবৈকৎবমিত্যুক্তং ৎবয়ৈতদৃষিসত্তম।
পশ্যামি বাভিসংদিগ্ধমেতয়োর্বৈ নিদর্শনম্॥ 12-311-1 (78026)
তথাঽবুদ্ধপ্রবুদ্ধাভ্যাং বুধ্যমানস্য চানঘ।
স্থূলবুদ্ধ্যা ন পশ্যামি তত্ৎবমেতন্ন সংশয়ঃ॥ 12-311-2 (78027)
অক্ষরক্ষরয়োর্যুক্তং ৎবয়া যদপি কারণম্।
তদপ্যস্থিরবুদ্ধিৎবাৎপ্রনষ্টমিব মেঽনঘ॥ 12-311-3 (78028)
তদেত্তচ্ছ্রোতুমিচ্ছামি নানাৎবৈকৎবদর্শনম্।
প্রবুদ্ধমপ্রবুদ্ধং চ বুধ্যমানং চ তত্ৎবতঃ॥ 12-311-4 (78029)
বিদ্যাবিদ্যে চ ভগবন্নক্ষরং ক্ষরমেব চ।
সাঙ্খ্যং যোগং চ কার্ৎস্ন্যেন পৃথক্চৈবাপৃথক্চ হ॥ 12-311-5 (78030)
বসিষ্ঠ উবাচ। 12-311-6x (6496)
হন্ত তে সংপ্রবক্ষ্যামি যদেতদনুপৃচ্ছসি।
যোগকৃত্যং মহারাজ পৃথগেব শৃণুষ্ব মে॥ 12-311-6 (78031)
যোগকৃত্যং তু যোগানাং ধ্যানমেব পরং বলম্।
তচ্চাপি দ্বিবিধং ধ্যানমাহুর্বেদবিদো জনাঃ॥ 12-311-7 (78032)
একাগ্রতা চ মনসঃ প্রাণায়ামস্তথৈব চ।
প্রাণায়ামস্তু সগুণো নির্গুণো মনসস্তথা॥ 12-311-8 (78033)
মূত্রোৎসর্গপুরীষে চ ভোজনে চ নরাধিপ।
দ্বিকালং নাভিয়ুজ্জীত শেষং যুঞ্জীত তৎপরঃ॥ 12-311-9 (78034)
ইন্দ্রিয়াণীন্দ্রিয়ার্থেভ্যো নিবর্ত্য মনসা মুনিঃ।
দশদ্বাদশভির্বাপি চতুর্বিশাৎপরং ততঃ॥ 12-311-10 (78035)
তং চোদনাভির্মতিমানাত্মানং চোদয়েদথ।
তিষ্ঠন্তমজরং যং তু যত্তদুক্তং মনীষিভিঃ॥ 12-311-11 (78036)
তৈশ্চাত্মা সততং যোজ্য ইত্যেবমনুশুশ্রুম্।
দ্রুতং হ্যহীনমনসো নান্যথেতি বিনিশ্চয়ঃ॥ 12-311-12 (78037)
বিমুক্তঃ সর্বসঙ্গেভ্যো লধ্বাহারো জিতেন্দ্রিয়ঃ॥
পূর্বরাত্রেঽপররাত্রে চ ধারয়েত মনোঽঽত্মনি॥ 12-311-13 (78038)
স্থিরীকৃত্যেন্দ্রিয়গ্রামং মনসা মিথিলেশ্বর।
মনো বুদ্ধ্যা স্থিরং কৃৎবা পাষাণ ইব নিশ্চলঃ॥ 12-311-14 (78039)
স্থাণুবচ্চাপ্যকম্পঃ স্যাদ্দারুবচ্চাপি নিশ্চলঃ।
বুধা বিধিবিধানজ্ঞাস্তদা যুক্তং প্রচক্ষতে॥ 12-311-15 (78040)
ন শৃণোতি ন চাঘ্রাতি ন রস্যতি ন পশ্যতি।
ন চ স্পর্শং বিজানাতি ন সংকল্পয়তে মনঃ॥ 12-311-16 (78041)
ন চাভিমন্যতে কিংচিন্ন চ বুধ্যতি কাষ্ঠবৎ।
তদা প্রকৃতিমাপন্নং যুক্তমাহুর্মনীষিণঃ॥ 12-311-17 (78042)
নির্বাতে হি যথা দীপ্যন্দীপস্তদ্বৎপ্রকাশতে।
নির্লিঙ্গো বিচলশ্চোর্ধ্বং ন তির্যগ্গতিমাপ্নুয়াৎ॥ 12-311-18 (78043)
তদা তমনুপশ্যেত যস্মিন্দৃষ্টে তু কথ্যতে।
হৃদয়স্থোঽন্তরাত্মেতি জ্ঞেয়ো জ্ঞস্তাত মদ্বিধৈঃ॥ 12-311-19 (78044)
বিধূম ইব সপ্তার্চিরাদিত্য ইব রশ্মিমান্।
বৈদ্যুতোঽগ্নিরিবাকাশে দৃশ্যতেঽঽত্মা তথাঽঽত্মনি॥ 12-311-20 (78045)
সংপশ্যন্তি মহাত্মানো ধৃতিমন্তো মনীষিণঃ।
ব্রাহ্মণা ব্রহ্ময়োনিস্থা হ্যযোনিমমৃতাত্মকম্॥ 12-311-21 (78046)
তদেবাহুরণুভ্যোঽণু তন্মহদ্ভ্যো মহত্তরম্।
তত্তত্র সর্বভূতেষু ধ্রুবং তিষ্ঠন্ন দৃশ্যতে॥ 12-311-22 (78047)
বুদ্ধিদ্রব্যেণ দৃশ্যেত মনোদীপেন লোককৃৎ।
মহতস্তমসস্তাত পারে তিষ্ঠন্ন তামসঃ॥ 12-311-23 (78048)
স চ মানস ইত্যুক্তস্তৎবজ্ঞৈর্বেদপারগৈঃ।
বিমলো বিতমস্কশ্চ নির্লিঙ্গোঽলিঙ্গসংজ্ঞকঃ॥ 12-311-24 (78049)
যোগমেতত্তু যোগানাং মন্যে যোগস্য লক্ষণম্।
এবং পশ্যং প্রপশ্যন্তি আত্মস্থমজরং পরম্॥ 12-311-25 (78050)
যোগদর্শনমেতাবদুক্তং তে তৎবতো ময়া।
সাঙ্খ্যাজ্ঞানং প্রবক্ষ্যামি পরিসংখ্যানদর্শনম্॥ 12-311-26 (78051)
অব্যক্তমাহুঃ প্রকৃতিং পরাং প্রকৃতিবাদিনঃ।
তস্মান্মহৎসমুৎপন্নং দ্বিতীয়ং রাজসত্তম॥ 12-311-27 (78052)
অহংকারস্তু মহতস্তৃতীয় ইতি নঃ শ্রুতম্।
পঞ্চভূতান্যহংকারাদাহুঃ সাঙ্খ্যনিদর্শিনঃ॥ 12-311-28 (78053)
এতাঃ প্রকৃতয়শ্চাষ্টৌ বিকারাশ্চাপি ষোডশ।
পঞ্চ চৈব বিশেষা বৈ তথা পঞ্চেন্দ্রিয়াণি চ॥ 12-311-29 (78054)
এতাবদেব তত্ৎবানাং সাঙ্খ্যা আহুর্মনীষিণঃ।
সাঙ্খ্যে বিধিবিধানজ্ঞা নিত্যং সাঙ্খ্যপথে রতাঃ॥ 12-311-30 (78055)
যস্মাদ্যদভিজায়েত তত্তত্রৈব প্রলীয়তে।
লীয়ন্তে প্রতিলোমানি সৃজ্যন্তে চান্তরাত্মনা॥ 12-311-31 (78056)
অনুলোমেন জায়ন্তে লীয়ন্তে প্রতিলোমতঃ।
গুণা গুণেষু সততং সাগরস্যোর্ময়ো যথা॥ 12-311-32 (78057)
সর্বপ্রলয় এতাবান্প্রকৃতের্নৃপসত্তম।
একৎবং প্রলয়ে চাস্য বহুৎবং চ যদাঽসৃজৎ॥ 12-311-33 (78058)
এবমেব চ রাজেন্দ্র বিজ্ঞেয়ং জ্ঞেয়চিন্তকৈঃ।
অধিষ্ঠাতা য ইত্যুক্তস্তস্যাপ্যেতন্নিদর্শনম্॥ 12-311-34 (78059)
একৎবং চ বহুৎবং চ প্রকৃতেরনুতত্ৎববান্।
একৎবং প্রলয়ে চাস্য বহুৎবং চ প্রবর্তনাৎ॥ 12-311-35 (78060)
বহুধাঽঽত্মানমকরোৎপ্রকৃতিঃ প্রসাবত্মিকা।
তচ্চ ক্ষেত্রং মহানাত্মা পঞ্চবিংশোঽধিতিষ্ঠতি॥ 12-311-36 (78061)
অধিষ্ঠাতেতি রাজেন্দ্র প্রোচ্যতে যতিসত্তমৈঃ।
অধিষ্ঠানাদধিষ্ঠাতা ক্ষেত্রাণামিতি নঃ শ্রুতম্॥ 12-311-37 (78062)
ক্ষেত্রং জানাতি চাব্যক্তং ক্ষেত্রজ্ঞ ইতি চোচ্যতে।
অব্যক্তকে পুরে শেতে পুরুষশ্চেতি কথ্যতে॥ 12-311-38 (78063)
অন্যদেব চ ক্ষেত্রং স্যাদন্যঃ ক্ষেত্রজ্ঞ উচ্যতে।
ক্ষেত্রমব্যক্তমিত্যুক্তং জ্ঞাতা বৈ পঞ্চবিংশকঃ॥ 12-311-39 (78064)
অন্যদেব বচো জ্ঞানং স্যাদন্যজ্জ্ঞেয়মুচ্যতে।
জ্ঞানমব্যক্তমিত্যুক্তং জ্ঞেয়ো বৈ পঞ্চবিংশকঃ॥ 12-311-40 (78065)
অব্যক্তং ক্ষেত্রমিত্যুক্তং যথাসৎবং তথেশ্বরম্।
অনীশ্বরমতত্ৎবং চ তত্ৎবং তৎপঞ্চবিংশকম্॥ 12-311-41 (78066)
সাঙ্খ্যদর্শনমেতাবৎপরিসঙ্খ্যানদর্শনম্।
সাঙ্খ্যাঃ প্রকুর্বতে চৈব প্রকৃতিং চ প্রচক্ষতে॥ 12-311-42 (78067)
তত্ৎবানি চ চতুর্বিশৎপরিসংখ্যায় তত্ৎবতঃ।
সাঙ্খ্যাঃ সহ প্রকৃত্যা তু নিস্তত্ৎবঃ পঞ্চবিংশকঃ॥ 12-311-43 (78068)
পঞ্চবিংশো প্রবুদ্ধাত্মা বুধ্যমান ইতি স্মৃতঃ।
যদা তু বুধ্যতেঽঽত্মানং তদা ভবতি কেবলঃ॥ 12-311-44 (78069)
সম্যগ্দর্শনমেতাবদ্ভাষিতং তব তত্ৎবতঃ।
এবমেতদ্বিজানন্তঃ সাম্যতাং প্রতিয়ান্ত্যুত॥ 12-311-45 (78070)
সম্যঙ্গিদর্শনং নাম প্রত্যক্ষং প্রকৃতেস্তথা।
গুণতত্ৎবাদ্যথৈতানি নির্গুণোঽন্যস্তথা ভবেৎ॥ 12-311-46 (78071)
ন ৎবেবং বর্তমানানামবৃত্তির্বিদ্যতে পুনঃ।
বিদ্যতেঽক্ষরভাবৎবে স পরাৎপরমব্যযম্॥ 12-311-47 (78072)
পশ্যেরন্নেকমতয়ো ন সম্পক্তেষু দর্শনম্।
তেঽব্যক্তং প্রতিপদ্যন্তে পুনঃ পুনররিংদম্॥ 12-311-48 (78073)
সর্বমেতদ্বিজানন্তো নাসর্বস্য প্রবোধনাৎ।
ব্যক্তীভূতা ভবিষ্যন্তি ব্যক্তস্য বশবর্তিনঃ॥ 12-311-49 (78074)
সর্বমবর্যক্তমিত্যুক্তমসর্বঃ পঞ্চবিংশকঃ।
য এনমভিজানন্তি ন ভয়ং তেষু বিদ্যতে॥ ॥ 12-311-50 (78075)
ইতি শ্রীমন্মহাভারতে শান্তিপর্বণি মোক্ষধর্মপর্বণি একাদশাধিকত্রিশততমোঽধ্যায়ঃ॥ 311॥
Mahabharata - Shanti Parva - Chapter Footnotes
12-311-3 অক্ষরক্ষরয়োরুক্তমিতি ট. পাঠঃ। অক্ষরক্ষরয়োগেন ৎবয়েতি থ. পাঠঃ॥ 12-311-7 তত্রাপি বিবিধমিতি ড. থ. পাঠঃ॥ 12-311-9 বিকারং নাভিয়ুজ্জীতেতি ড. থ. পাঠঃ। ত্রিকালং নাভিয়ুজ্জীতেতি ঝ. পাঠঃ॥ 12-311-10 মনসাত্মনীতি ট. পাঠঃ॥ 12-311-12 দ্রুতং হ্যদীনেতি ধ. পাঠঃ॥ 12-311-19 দৃষ্টেতি কথ্যত ইতি ট. ড. থ. পাঠঃ॥ 12-311-21 যং পশ্যন্তি মহাত্মান ইতি ট. ধ. পাঠঃ॥ 12-311-41 তথা তৎবং তথেশ্বরমিতি ট. ড. থ. পাঠঃ॥ 12-311-47 বিদ্যতে ক্ষরভাবৎবং যো নৈবং বেত্তি পার্থিব ইতি ট. ড. থ. পাঠঃ॥ 12-311-49 ন সর্বস্য প্রবোধ নাদিতি ধ. পাঠঃ॥শান্তিপর্ব - অধ্যায় 312
॥ শ্রীঃ ॥
12.312. অধ্যায়ঃ 312
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বিদ্যাঽবিদ্যাদিপ্রতিপাদকবসিষ্ঠকরালজনকসংবাদানুবাদঃ॥ 1॥Mahabharata - Shanti Parva - Chapter Text
12-312-0 (78076)
বসিষ্ঠ উবাচ। 12-312-0x (6497)
সাঙ্খ্যদর্শনমেতাবদুক্তং তে নৃপসত্তম্।
বিদ্যাবিদ্যে ৎবিদানীং মে ৎবং নিবোধানুপূর্বশঃ॥ 12-312-1 (78077)
অবিদ্যামাহুরব্যক্তং সর্গপ্রলয়ধর্মিণীম্।
সর্গপ্রলয়নির্মুক্তো বিদ্যো বৈ পঞ্চবিংশকঃ॥ 12-312-2 (78078)
`একৎবং চ বহুৎবং চ প্রকৃতেরনু তত্ৎববিৎ।'
পরস্পরং তু বিদ্যাং বৈ ৎবং নিবোধানুপূর্বশঃ।
যথোক্তমৃষিভিস্তাত সাঙ্খ্যস্যাস্য নিদর্শনম্॥ 12-312-3 (78079)
কর্মেন্দ্রিয়াণাং সর্বেষাং বিদ্যা বুদ্ধীন্দ্রিয়ং স্মৃতম্।
বুদ্ধীন্দ্রিয়াণাং চ তথা বিশেষা ইতি নঃ শ্রুতম্॥ 12-312-4 (78080)
বিশেষাণাং মনস্তেষাং বিদ্যামাহুর্মনীষিণঃ।
মনসঃ পঞ্চভূতানি বিদ্যা ইত্যভিচক্ষতে॥ 12-312-5 (78081)
অহংকারস্তু ভূতানাং পঞ্চানাং নাত্র সংশয়ঃ।
অহংকারস্য চ তথা বুদ্ধির্বিদ্যা নরেশ্বর॥ 12-312-6 (78082)
বুদ্ধেঃ প্রকৃতিরব্যক্তং তত্ৎবানাং পরমেশ্বরম্।
বিদ্যা জ্ঞেয়া নরশ্রেষ্ঠ বিধিশ্চ পরমঃ স্মৃতঃ॥ 12-312-7 (78083)
অব্যক্তস্য পরং প্রাহুর্বিদ্যাং বৈ পঞ্চবিংশকম্।
সর্বস্য সর্বমিত্যুক্তং জ্ঞেয়ং জ্ঞানস্য পার্থিব॥ 12-312-8 (78084)
জ্ঞানমব্যক্তমিত্যুক্তং জ্ঞেয়ো বৈ পঞ্চবিংশকঃ।
তথৈব জ্ঞানমব্যক্তং বিজ্ঞাতা পঞ্চবিংশক॥ 12-312-9 (78085)
বিদ্যাবিদ্যার্থিতত্ৎবেন ময়োক্তা তে বিশেষতঃ।
অক্ষরং চ ক্ষরং চৈব যদুক্তং তন্নিবোধ মে॥ 12-312-10 (78086)
উভাবেতৌ ক্ষরাবুক্তাবুভাবেতৌ ক্ষরাক্ষরৌ।
কারণং তু প্রবক্ষ্যামি যথাখ্যাতো ন জানতঃ॥ 12-312-11 (78087)
অনাদিনিধনাবেতাবুভাবেবেশ্বরৌ মতৌ।
তত্ৎবসংজ্ঞাবুভাবেতৌ প্রোচ্যতে জ্ঞানচিন্তকৈঃ॥ 12-312-12 (78088)
সর্গপ্রলয়ধর্মৎবাদব্যক্তং প্রাহুরক্ষরম্।
তদেতদ্গুণসর্গায় বিকুর্বাণং পুনঃপুনঃ॥ 12-312-13 (78089)
গুণানাং মহদাদীনামুৎপদ্যন্তে পরম্পরাঃ।
অধিষ্ঠানং ক্ষেত্রমাহুরেতত্তৎপঞ্চবিংশকম্॥ 12-312-14 (78090)
যদা তু গুণজালং তদব্যক্তাত্মনি সংক্ষিপেৎ।
তদা সহ গুণৈস্তৈস্তু পঞ্চবিংশো বিলীয়তে॥ 12-312-15 (78091)
গুণা গুণেষু লীয়ন্তে তদৈকা প্রকৃতির্ভবেৎ।
ক্ষেত্রজ্ঞোঽপি যদা তাত তৎক্ষেত্রে সংপ্রলীয়তে॥ 12-312-16 (78092)
তদাঽক্ষরৎবং প্রকৃতির্গচ্ছতে গুণসংজ্ঞিতা।
নির্গুণৎবং চ বৈদেহ গুণেষ্বপ্রতিবর্তনাৎ॥ 12-312-17 (78093)
এবমেব চ ক্ষেত্রজ্ঞঃ ক্ষেত্রজ্ঞানপরিক্ষয়াৎ।
প্রকৃত্যা নির্গুণস্ৎবেষ ইত্যেবমনুশুশ্রুম॥ 12-312-18 (78094)
ক্ষরো ভবত্যেষ যদা তদা গুণবতী মিথঃ।
প্রকৃতিং ৎবিভজানাতি নির্গুণৎবং তথাঽঽত্মনঃ॥ 12-312-19 (78095)
তদা বিশুদ্ধো ভবতি প্রকৃতেঃ পরিবর্জনাৎ।
অন্যোঽহমন্যেয়মিতি যদা বুধ্যতি বুদ্ধিমান্॥ 12-312-20 (78096)
তদৈষা ৎবন্যতামেতি ন চ মিশ্রৎবতাং ব্রজেৎ।
প্রকৃত্যা চৈব রাজেন্দ্র মিশ্রোঽনন্যশ্চ দৃশ্যতে॥ 12-312-21 (78097)
যদা তু গুণজালং তৎপ্রাকৃতং বিজুগুপ্সতে।
পশ্যতে চাপরং পশ্যং তদা পশ্যন্ন সংস্বজেৎ॥ 12-312-22 (78098)
কিমহং কৃতবানেবং যোহং কালমিমং জনম্।
`যদা মৎস্যোদকং জ্ঞানমনুবর্তিতবাংস্তদা।'
মৎস্যো জালং হ্যবিজ্ঞানাদনুবর্তিতবানিহ॥ 12-312-23 (78099)
অহমেব হি সংমোহাদন্যমন্যং জনাজ্জনম্।
মৎস্যো যথোদকজ্ঞানাদনুবর্তিতবানহম্॥ 12-312-24 (78100)
মৎস্যোঽন্যৎবং যথা জ্ঞানাদুদকান্নাভিমন্যতে।
আত্মানং তদ্বদজ্ঞানাদন্যৎবং চৈব বেদয়হম্॥ 12-312-25 (78101)
মমাস্তু ধিগবুদ্ধস্য যোঽহমজ্ঞ ইমং পুনঃ।
অনুবর্তিতবান্মোহাদন্যমন্যং জনাজ্জনম্॥ 12-312-26 (78102)
অয়মত্র ভেবদ্বন্ধুরনেন সহ মে ক্ষমম্।
সাম্যমেকৎবতাং যাস্যে যাদৃশস্তাদৃশস্ৎবহম্॥ 12-312-27 (78103)
তুল্যতামিহ পশ্যামি সদৃশোঽহমনেন বৈ।
অয়ং হি বিমলোঽব্যক্তমহমীদৃশকস্তথা॥ 12-312-28 (78104)
যোঽহমজ্ঞানসংমোহাদজ্ঞয়া সংপ্রবৃত্তবান্।
সসঙ্গয়াঽহং নিঃসঙ্গঃ স্থিতঃ কালমিমং ৎবহম্॥ 12-312-29 (78105)
অনয়াঽহং বশীভূতঃ কালমেতং ন বুদ্ধবান্।
উচ্চমধ্যমনীচানাং তামহং কথমাবসে॥ 12-312-30 (78106)
সমানয়া ন যাচেহ সহবাসমহং কথম্।
গচ্ছাম্যবুদ্ধভাবৎবাদেষেদানীং স্থিরো ভবে॥ 12-312-31 (78107)
সহবাসং ন যাস্যামি কালমেতদ্ধি বঞ্চনাৎ।
বঞ্চিতোস্ম্যনয়া যদ্ধি নির্বিকারো বিকারয়া॥ 12-312-32 (78108)
ন চায়মপরাধোঽস্যা হ্যপরাধো হ্যযং মম।
যোঽহমত্রাভবং সক্তঃ পরাঙ্ভুখমুপস্থিতঃ॥ 12-312-33 (78109)
ততোস্মি বহুরূপাসু স্থিতো মূর্তিষ্বমূর্তিমান্।
অমূর্তশ্চাপি মূর্তাত্মা মমৎবেন প্রধর্ষিতঃ॥ 12-312-34 (78110)
প্রকৃতেরনয়ৎবেন তাসু তাস্বিহ যোনিষু।
নির্মমস্য মমৎবেন কিং কৃতং তাসু তাসু চ॥ 12-312-35 (78111)
যোনীষু বর্তমানেন নষ্টসংজ্ঞেন চেতসা।
ন মমাত্রানয়া কার্যমহংকারকৃতাত্মনা॥ 12-312-36 (78112)
আত্মানং বহুধা কৃৎবা যেয়ং ভূয়ো যুনক্তি মাম্।
ইদানীমেষ বুদ্ধোস্মি নির্মমো নিরহংকৃতঃ॥ 12-312-37 (78113)
মমৎবমনয়া নিত্যমহংকারকৃতাত্মকম্।
অপেত্যাহমিমাং হিৎবা সংশ্রয়িষ্যে নিরাময়ম্॥ 12-312-38 (78114)
অনেন সাম্যং যাস্যামি নানয়াঽহমচেতসা।
ক্ষণং মম সহানেন নৈকৎবমনয়া সহ॥ 12-312-39 (78115)
এবং পরমসংবোধাৎপঞ্চবিংশোঽনুবুদ্ধবান্।
অক্ষরৎবং নিয়চ্ছেত ত্যক্ৎবা ক্ষরমনাময়ম্॥ 12-312-40 (78116)
অব্যক্তং ব্যক্তকর্মাণং সগুণং নির্গুণং তথা।
নির্গুণং পরমং দৃষ্ট্বা তাদৃগ্ভবতি মৈথিল॥ 12-312-41 (78117)
অক্ষরক্ষরয়োরেতদুক্তং তৎবনিদর্শনম্।
ময়েহ জ্ঞানসংপন্নং যথাশ্রূতিনিদর্শনাৎ॥ 12-312-42 (78118)
নিঃসংদিগ্ধং চ সূক্ষ্মং চ বিবুদ্ধং বিমলং যথা।
প্রবক্ষ্যামি তুতে ভূয়স্তন্নিবোধ যথাশ্রুতম্॥ 12-312-43 (78119)
সাঙ্খ্যযোগৌ ময়া প্রোক্তৌ শাস্ত্রদ্বয়নিদর্শনাৎ।
যদেব শাস্ত্রং সাঙ্খ্যোক্তং যোগদর্শনমেব তৎ॥ 12-312-44 (78120)
প্রবোধনকরং জ্ঞানং সাঙ্খ্যানামবনীপতে।
বিস্পষ্টং প্রোচ্যতে তত্র শিষ্যাণাং হিতকাম্যযা॥ 12-312-45 (78121)
পৃথক্চৈবমিদং শাস্ত্রমিত্যাহুঃ কুশলা জনাঃ।
অস্মিংশ্চ শাস্ত্রে যোগানাং পুনর্দধি পুনঃ শরঃ॥ 12-312-46 (78122)
পঞ্চবিংশাৎপরং তত্ৎবং ন পশ্যতি নরাধিপ।
সাঙ্খ্যানাং তু পরং তত্ৎবং যথাবদনুবর্ণিতম্॥ 12-312-47 (78123)
বুদ্ধমপ্রতিবুদ্ধং চ বুধ্যমানং চ তত্ৎবতঃ।
বুধ্যমানং চ বুদ্ধং চ প্রাহুর্যোগনিদর্শনম্॥ ॥ 12-312-48 (78124)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বাদশাধিকত্রিশততমোঽধ্যায়ঃ॥ 312॥
Mahabharata - Shanti Parva - Chapter Footnotes
12-312-10 বিদ্যাবিদ্যার্থতৎবেনেতি ট. পাঠঃ॥ 12-312-14 অধিষ্ঠানং ক্ষেমমাহুরিতি ড. থ. পাঠঃ॥ 12-312-22 ন সংসৃজেদিতি ধ. পাঠঃ॥ 12-312-25 উদকাদভিমন্যত ইতি ট. ধ. পাঠঃ॥ 12-312-35 প্রাকৃতেন মমৎবেনেতি ঝ. পাঠঃ॥ 12-312-37 শ্রেয়ো ভূয়ো যুনক্তিমামিতি ধ.পাঠঃ॥ 12-312-41 অব্যক্তং ব্যক্তধর্মাণমিতি ঝ. পাঠঃ॥ 12-312-46 পুনর্বেদে পুরঃসর ইতি ঝ. পাঠঃ॥ 12-312-47 পঠ্যতে ন নরাধিপেতি ঝ. পাঠঃ॥শান্তিপর্ব - অধ্যায় 313
॥ শ্রীঃ ॥
12.313. অধ্যায়ঃ 313
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি বুদ্ধাবুদ্ধস্বরূপনিরূপকবসিষ্ঠকরালজনকসংবাদানুবাদসমাপনম্॥ 1॥Mahabharata - Shanti Parva - Chapter Text
12-313-0 (78125)
বসিষ্ঠ উবাচ। 12-313-0x (6498)
অপ্রবুদ্ধমথাব্যক্তমিমং গুণবিধিং শৃণু।
গুণান্ধারয়তে হ্যেষা সৃজত্যাক্ষিপতে তথা॥ 12-313-1 (78126)
অজস্রং ৎবিহ ক্রীডার্থং বিকরোতি জনাধিপ।
আত্মানং বহুধা কৃৎবা তান্যেব প্রবিচক্ষতে॥ 12-313-2 (78127)
এতদেবং বিকুর্বাণং বুধ্যমানো ন বুধ্যতে।
অব্যক্তবোধনাচ্চৈব বুধ্যমানং বদন্ত্যপি॥ 12-313-3 (78128)
ন ৎবেব বুধ্যতেঽব্যক্তং সগুণং বাঽথ নির্গুণম্।
কদাচিত্ৎবেব খল্বেতদাহুরপ্রতিবুদ্ধকম্॥ 12-313-4 (78129)
বুধ্যতে যদি বাঽব্যক্তমেতদ্বৈ পঞ্চবিংশকম্।
বুধ্যমানো ভবত্যেষ সঙ্গাত্মক ইতি শ্রুতিঃ।
অনেনাপ্রতিবুদ্ধেতি বদন্ত্যব্যক্তমচ্যুতম্॥ 12-313-5 (78130)
অব্যক্তোবোধনাচ্চাপি বুধ্যমানং বদন্ত্যুত।
পঞ্চবিংশং মহাত্মানং ন চাসাবপি বুধ্যতে॥ 12-313-6 (78131)
ষঙ্বিশং বিমলং বুদ্ধমপ্রমেয়ং সনাতনম্।
স তু তং পঞ্চবিংশং চ চতুর্বিশং চ বুধ্যতে॥ 12-313-7 (78132)
দৃশ্যাদৃশ্যৌ হ্যনুগতাবুভাবেব মহাদ্যুতী।
অব্যক্তং তত্তু তদ্ব্রহ্ম বুধ্যতে তাত কেবলম্॥ 12-313-8 (78133)
কেবলং পঞ্চবিংশং চ চতুর্বিশং চ পশ্যতি।
বুধ্যমানো যদাত্মানমন্যোঽহমিতি মন্যতে॥ 12-313-9 (78134)
তদা প্রকৃতিমানেষ ভবত্যব্যক্তলোচনঃ।
বুধ্যতে চ পরাং বুদ্ধিং বিমলামমলাং যদা॥ 12-313-10 (78135)
ষঙ্বিংশং রাজশার্দূল তথা বুদ্ধৎবমাব্রজেৎ।
ততস্ত্যজতি সোঽব্যক্তং সর্গপ্রলয়ধর্মি বৈ॥ 12-313-11 (78136)
নির্গুণঃ প্রকৃতিং বেদ গুণয়ুক্তামচেতনাম্।
ততঃ কেবলধর্মাঽসৌ ভবত্যব্যক্তদর্শনাৎ॥ 12-313-12 (78137)
কেবলেন সমাগম্য বিমুক্তোঽঽত্মানমাপ্নুয়াৎ।
এতং বৈ তত্ৎবমিত্যাহুর্নিস্তত্ৎবমজরামরম্॥ 12-313-13 (78138)
তত্ৎবসংশ্রয়ণাদেষ তত্ৎববান্ন চ মানদ।
পঞ্চবিংশতিতত্ৎবানি প্রবদন্তি মনীষিণঃ॥ 12-313-14 (78139)
ন চৈষ তত্ৎববাংস্তাত নিস্তত্ৎবস্ৎবেষ বুদ্ধিমান্।
এষ মুঞ্চতি তত্ৎবং হি ক্ষিপ্রং বুদ্ধৎবলক্ষণম্॥ 12-313-15 (78140)
ষাঙ্বিংশোঽহমিতি প্রাজ্ঞো গৃহ্যমাণোঽজরামরঃ।
কেবলেন বলেনৈব সমতাং যাত্যসংশয়ম্॥ 12-313-16 (78141)
ষঙ্বিংশেন প্রবুদ্ধেন বুধ্যমানো হ্যবুদ্ধিমান্।
এবং নানাৎবমিত্যুক্তং সাঙ্খ্যশ্রুতিনিদর্শনাৎ॥ 12-313-17 (78142)
চেতনেন সমেতস্য পঞ্চবিংশতিকস্য চ।
একৎবং বৈ ভবত্যস্য যদা বুদ্ধ্যা ন বুধ্যতে॥ 12-313-18 (78143)
বুধ্যমানোপ্রবুদ্ধেন সমতাং যাতি মৈথিল।
সঙ্গধর্মা ভবত্যেষ নিঃসঙ্গাত্মা নরাধিপ॥ 12-313-19 (78144)
নিঃসঙ্গাত্মানমাসাদ্য ষঙ্বিংশকমজং বিভুম্।
বিভুস্ত্যজতি চাব্যক্তং যদা ৎবেতাদ্বিবুধ্যতে॥ 12-313-20 (78145)
চতুর্বিশং মহাভাগ ষঙ্বিংশস্য প্রবোধনাৎ।
এষ হ্যপ্রতিবুদ্ধশ্চ বুধ্যমানশ্চ তেঽনঘ॥ 12-313-21 (78146)
প্রোক্তো বুদ্ধশ্চ তত্ৎবেন যথাশ্রুতিনিদর্শনাৎ।
নানাৎবৈকৎবমেতাবদ্দ্রষ্টব্যং শাস্ত্রদৃষ্টিভিঃ॥ 12-313-22 (78147)
মশকোদুম্বরে যদ্বদন্যৎবং তদ্বদেতয়োঃ।
মৎস্যোদকে যথা তদ্বদন্যৎবমুপলভ্যতে॥ 12-313-23 (78148)
এবমেবাবগন্তব্যং নানাৎবৈকৎবমেতয়োঃ।
এতদ্ধি মোক্ষ ইত্যুক্তমব্যক্তজ্ঞানসংজ্ঞিতম্॥ 12-313-24 (78149)
পঞ্চবিংশতিকস্যাস্য যোঽয়ং দেহেষু বর্ততে।
এষ মোক্ষয়িতব্যেতি প্রাহুরব্যক্তগোচরাৎ॥ 12-313-25 (78150)
সোয়মেবং বিমুচ্যেত নান্যথেতি বিনিশ্চয়ঃ।
পরেণ পরধর্মা চ ভবত্যেষ সমেত্য বৈ॥ 12-313-26 (78151)
বিশুদ্ধর্মা শুদ্ধেন বুদ্ধেন চ স বুদ্ধিমান্।
বিমুক্তধর্মা মুক্তেন সমেত্য পুরুষর্ষভ॥ 12-313-27 (78152)
বিয়োগধর্মিণা চৈব বিয়োগাত্মা ভবত্যথ।
বিমোক্ষিণা বিমোক্ষশ্চ সমেত্যেহ তথা ভবেৎ॥ 12-313-28 (78153)
শুদ্ধধর্মা শুচিশ্চৈব ভবত্যমিতদীপ্তিমান্।
বিমলাত্মা চ ভবতি সমেত্য বিমলাত্মনা॥ 12-313-29 (78154)
কেবলাত্মা তথা চৈব কেবলেন সমেত্য বৈ।
স্বতন্ত্রশ্চ স্বতন্ত্রেণ স্বতন্ত্রৎবমবাপ্নুতে॥ 12-313-30 (78155)
এতাবদেতৎকথিতং ময়া তে
তথ্যং মহারাজ যথার্থতত্ৎবম্।
অমৎসরৎবং প্রতিগৃহ্য চার্থং
সনাতনং ব্রহ্ম বিশুদ্ধমাদ্যম্॥ 12-313-31 (78156)
নাবেদনিষ্ঠস্য জনস্য রাজ
ন্প্রদেয়মেতৎপরমং ৎবয়া ভবেৎ।
বিবিৎসমানায় বিবোধকারণং
প্রবোধহেতোঃ প্রণতস্য শাসনম্॥ 12-313-32 (78157)
ন দেয়মেতচ্চ তথাঽনৃতাত্মনে
শঠায় ক্লীবায় ন জিহ্নবুদ্ধয়ে।
ন পণ্ডিতজ্ঞানপরোপতাপিনে
দেয়ং ৎবয়েদং বিনিবোধ যাদৃশে॥ 12-313-33 (78158)
শ্রদ্ধান্বিতায়াথ গুণান্বিতায়
পরাপবাদাদ্বিরতায় নিত্যম্।
বিশুদ্ধয়োগায় বুধায় চৈব
ক্রিয়াবতে চ ক্ষমিণে হিতায়॥ 12-313-34 (78159)
বিবিক্তশীলায় বিধিপ্রিয়ায়
বিবাদহীনায় বহুশ্রুতাম্।
বিজানতে চৈব দমক্ষমাবতে
শক্তায় চৈকাত্মশমায় দেহিনাম্॥ 12-313-35 (78160)
এতৈর্গুণৈর্হীনতমে ন দেয়
মেতৎপরং ব্রহ্ম বিশুদ্ধমাহুঃ।
ন শ্রেয়সা যোক্ষ্যতি তাদৃশে কৃতং
ধর্মপ্রবক্তারমপাত্রদানাৎ॥ 12-313-36 (78161)
পৃথ্বীমিমাং যদ্যপি রত্নপূর্ণাং
দদ্যান্ন দেয়ং ৎবিদমব্রতায়।
জিতেন্দ্রিয়ায়ৈতদসংশয়ং তে
ভবেৎপ্রদেয়ং পরমং নরেন্দ্র॥ 12-313-37 (78162)
করাল মা তে ভয়মস্তু কিংচি
দেতচ্ছ্রুতং ব্রহ্ম পরং ৎবয়াঽদ্য।
যথাবদুক্তং পরমং পবিত্রং
বিশোকমত্যন্তমনাদিমধ্যম্॥ 12-313-38 (78163)
অগাধজন্মামরণং চ রাজ
ন্নিরাময়ং বীতভয়ং শিবং চ।
সমীক্ষ্য মোহং ত্যজ বাঽদ্য সর্ব
জ্ঞানস্য তত্ৎবার্থমিদং বিদিৎবা॥ 12-313-39 (78164)
অবাপ্তমেতদ্ধি ময়া সনাতনা
দ্ধিরণ্যগর্ভাদ্যজতো নরাধিপ।
প্রসাদ্য যত্নেন তমুগ্রতেজসং
সনাতনং ব্রহ্ম যথাঽদ্য বৈ ৎবয়া॥ 12-313-40 (78165)
পৃষ্টস্ৎবয়া চাস্মি যথা নরেন্দ্র
তথা ময়েদং ৎবয়ি চোক্তমদ্য।
তথাঽবাপ্তং ব্রহ্মণো মে নরেন্দ্র
মহাজ্ঞানং মোক্ষবিদাং পরায়ণম্॥ 12-313-41 (78166)
ভীষ্ম উবাচ। 12-313-42x (6499)
এতদুক্তং পরং ব্রহ্ম যস্মান্নাবর্ততে পুনঃ।
পঞ্চবিংশো মহারাজ পরমর্ষিনিদর্শনাৎ॥ 12-313-42 (78167)
পুনরাবৃত্তিমাপ্নোতি পরং জ্ঞানমবাপ্য চ।
নাববুধ্যতি তত্ৎবেন বুধ্যমানোঽজরামরম্॥ 12-313-43 (78168)
এতন্নিঃ শ্রেয়সকরং জ্ঞানং তে পরমং ময়া।
কথিতং তত্ৎবতস্তাত শ্রুৎবা দেবর্ষিতো নৃপ॥ 12-313-44 (78169)
হিরণ্যগর্ভাদৃষিণা বসিষ্ঠেন মহাত্মনা।
বসিষ্ঠাদৃষিশার্দূলান্নারদোঽবাপ্তবানিদম্॥ 12-313-45 (78170)
নারদাদ্বিদিতং মহ্যমেতদ্ব্রহ্ম সনাতনম্।
মা শুচঃ কৌরবেন্দ্র ৎবং শ্রুৎবৈতৎপরমং পদম্॥ 12-313-46 (78171)
যেন ক্ষরাক্ষরে বিত্তে ভয়ং তস্য ন বিদ্যতে।
বিদ্যতে তু ভয়ং তস্য যো নৈতদ্বেত্তি পার্থিব॥ 12-313-47 (78172)
অবিজ্ঞানাচ্চ মূঢাত্মা পুনঃ পুনরুপাদ্রবৎ।
প্রেত্য জাতিসহস্রাণি মরণান্তান্যুপাশ্নুতে॥ 12-313-48 (78173)
দেবলোকং তথা তির্যঙ্ভনুষ্যমপি চাশ্নুতে।
যদি শুধ্যতি কালেন তস্মাদজ্ঞানসাগরাৎ॥ 12-313-49 (78174)
`উত্তীর্ণোঽস্মাদগাধাৎস পরমাপ্নোতি শোভনম্।'
অজ্ঞানসাগরো ঘোরো হ্যব্যক্তোঽগাধ উচ্যতে।
অহন্যহনি মজ্জন্তি যত্র ভূতানি ভারত॥ 12-313-50 (78175)
যস্মাদগাধাদব্যক্তাদুত্তীর্ণস্ৎবং সনাতনাৎ।
তস্মাত্ৎবং বিরজাশ্চৈব বিতমস্কশ্চ পার্থিব॥ ॥ 12-313-51 (78176)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রয়োদশাধিকত্রিশততমোঽধ্যায়ঃ॥ 313॥
Mahabharata - Shanti Parva - Chapter Footnotes
12-313-3 অব্যক্তবোধনং চৈনমিতি ড. থ. পাঠঃ। অব্যক্তবোধনাচ্চৈনমিতি ট. পাঠঃ॥ 12-313-9 চতুর্বিশং ন পশ্যতীতি ঝ. পাঠঃ॥ 12-313-10 বুদ্ধ্যতে বিমলং বুদ্ধবিশুদ্ধমচলোপমমিতি ধ. পাঠঃ॥ 12-313-11 ষঙ্বিশো রাজশার্দূলেতি ঝ. পাঠঃ। প্রলয়ধর্মিণি ইতি থ. পাঠঃ॥ 12-313-13 এতদ্বৈ তৎবমিতি ধ. পাঠঃ॥ 12-313-15 ক্ষিপ্রং বুদ্ধ্যা সুলক্ষণমিতি ড. থ. পাঠঃ। ক্ষিপ্রং বুদ্ধ্বা স্বলক্ষণমিতি ট. পাঠঃ॥ 12-313-18 একৎবং চৈব তৎবস্যেতি ধ. পাঠঃ॥ 12-313-47 বিত্তে বিজ্ঞাতে॥শান্তিপর্ব - অধ্যায় 314
॥ শ্রীঃ ॥
12.314. অধ্যায়ঃ 314
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শ্রেয়ঃসাধনধর্মপ্রতিপাদকজনকানুশাসনানুবাদঃ॥ 1॥Mahabharata - Shanti Parva - Chapter Text
12-314-0 (78177)
ভীষ্ম উবাচ। 12-314-0x (6500)
মৃগয়াং বিচরন্কশ্চিদ্বিজনে জনকাত্মজঃ।
বনে দদর্শ বিপ্রেন্দ্রমৃষিং বংশধরং ভৃগোঃ॥ 12-314-1 (78178)
তমাসীনমুপাসীনঃ প্রণম্য শিরসা মুনিম্।
পশ্চাদনুমতস্তেন পপ্রচ্ছ বসুমানিদম্॥ 12-314-2 (78179)
ভগবন্কিমিদং শ্রেয়ঃ প্রেত্য চাপীহ বা ভবেৎ।
পুরুষস্যাধ্রুবে দেহে কামস্য বশবর্তিনঃ॥ 12-314-3 (78180)
সৎকৃত্য পরিপৃষ্টঃ সন্সুমহাত্মা মহাতপাঃ।
নিজগাদ ততস্তস্মৈ শ্রেয়স্করমিদং বচঃ॥ 12-314-4 (78181)
ঋষিরুবাচ। 12-314-5x (6501)
মনসঃ প্রতিকূলানি প্রেত্য চেহ নচেচ্ছসি।
ভূতানাং প্রতিকূলেভ্যো নিবর্তস্য যতেন্দ্রিয়ঃ॥ 12-314-5 (78182)
ধর্মঃ সদা হিতঃ পুংসাং ধর্মশ্চৈবাশ্রয়ঃ সতাম্।
ধর্মাল্লোকাস্ত্রয়স্তাত প্রবৃত্তাঃ সচরাচরাঃ॥ 12-314-6 (78183)
স্বাদুকামুক কামানাং বৈতৃষ্ণ্যং কিং ন গচ্ছসি।
মধু পশ্যসি দুর্বুদ্ধে প্রপাতং নানুপশ্যসি॥ 12-314-7 (78184)
যথা জ্ঞানে পরিচয়ঃ কর্তব্যস্তৎফলার্থিনা।
তথা ধর্মে পরিচয়ঃ কর্তব্যস্তৎফলার্থিনা॥ 12-314-8 (78185)
অসতা ধর্মকামেন বিশুদ্ধং কর্ম দুষ্করম্।
সতা তু ধর্মকামেন সুকরং কর্ম দুষ্করম্॥ 12-314-9 (78186)
বনে গ্রাম্যসুখাচারো যথাগ্রাম্যস্তথৈব সঃ।
গ্রামে বনসুখাচারো যথা বনচরস্তথা॥ 12-314-10 (78187)
মনোবাক্কর্মগে ধর্মে কুরু শ্রদ্ধাং সমাহিতঃ।
নিবৃত্তৌ বা প্রবৃত্তৌ বা সংপ্রধার্য গুণাগুণান্॥ 12-314-11 (78188)
নিত্যং চ বহু দাতব্যং সাধুভ্যশ্চানসূয়তা।
প্রার্থিতং ব্রাহ্মণেভ্যশ্চ সৎকৃতং দেশকালয়োঃ॥ 12-314-12 (78189)
শুভেন বিধিনা লব্ধমর্হায় প্রতিপাদয়েৎ।
ক্রোধমুৎসৃজ্য দত্ৎবাঽথ নানুতপ্যেন্ন কীর্তয়েৎ॥ 12-314-13 (78190)
অনৃশংসঃ শুচির্দান্তঃ সত্যবাগার্জবে স্থিতঃ।
যোনিকর্মবিশুদ্ধশ্চ পাত্রং স্যাদ্বেদবিদ্দ্বিজঃ॥ 12-314-14 (78191)
সংস্কৃতা চৈকপত্নী চ জাত্যা যোনিরিহেষ্যতে।
ঋগ্যজুঃসামগো বিদ্বান্ষট্কর্মা পাত্রমুচ্যতে॥ 12-314-15 (78192)
স এব ধর্মঃ সোঽধর্মস্তং তং প্রতি নরং ভবেৎ।
পাত্রাকর্মবিশেষেণ দেশকালাববেক্ষ্য চ॥ 12-314-16 (78193)
লীলয়াঽল্পং যথা গাত্রাৎপ্রমৃজ্যাত্তু রজঃ পুমান্।
বহুয়ত্নেন চ মহৎপাপনির্হরণং তথা॥ 12-314-17 (78194)
বিরিক্তস্য যথা সম্যগ্ঘৃতং ভবতি ভেষজম্।
তথা নির্হৃতদোষস্য প্রেত্য ধর্মঃ সুখাবহঃ॥ 12-314-18 (78195)
মানসং সর্বভূতেষু বর্ততে বৈ শুভাশুভম্।
অশুভেভ্যঃ সমাক্ষিপ্য শুভেষ্বেবাবধারয়॥ 12-314-19 (78196)
সর্বং সর্বেণা সর্বত্র ক্রিয়মাণং চ পূজয়।
স্বধর্মে যত্র রাগস্তে কামং ধর্মো বিধীয়তাম্॥ 12-314-20 (78197)
অধৃতাত্মন্ধৃতৌ তিষ্ঠ দুর্বদ্ধে বুদ্ধিমান্ভব।
অপ্রশান্তঃ প্রশাম্য ৎবমপ্রাজ্ঞঃ প্রাজ্ঞবচ্চর॥ 12-314-21 (78198)
তেজসা শক্যতে প্রাপ্তুমুপায়ঃ সহচারিণা।
ইহ চ প্রেত্য চ শ্রেয়স্তস্য মূলং ধৃতিঃ পরা॥ 12-314-22 (78199)
রাজর্ষিরধৃতিঃ স্বর্গাৎপতিতো হি মহাভিষঃ।
যয়াতিঃ ক্ষীণপুণ্যোপি ধৃত্যা লোকানবাপ্তবান্॥ 12-314-23 (78200)
তপস্বিনাং ধর্মবতাং বিদুষাং চোপসেবনাৎ।
প্রাপ্স্যসে বিপুলাং বুদ্ধিং তথা শ্রেয়োঽভিপৎস্যসে॥ 12-314-24 (78201)
ভীষ্ম উবাচ। 12-314-25x (6502)
স তু স্বভাবসংপন্নস্তচ্ছ্রুৎবা মুনিভাষিতম্।
বিনিবর্ত্য মনঃ কামাদ্ধর্মে বুদ্ধিং চকার হ॥ ॥ 12-314-25 (78202)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুর্দশাধিকত্রিশততমোঽধ্যায়ঃ॥ 314॥
Mahabharata - Shanti Parva - Chapter Footnotes
12-314-5 বৈতৃষ্ণং কো ন গচ্ছতি ইতি ধ. পাঠঃ। কিং ন পৃচ্ছসীতি থ. পাঠঃ॥ 12-314-15 একস্যৈব পত্নী একপত্নী নৎবন্যপূর্বা। জাত্যাঃ পুত্রোৎপত্তেঃ যোনিঃ স্যতানম্॥শান্তিপর্ব - অধ্যায় 315
॥ শ্রীঃ ॥
12.315. অধ্যায়ঃ 315
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ভূতসৃষ্টিপ্রকারাদিপ্রতিপাদকজনকয়াজ্ঞবল্ক্যসংবাদানুবাদঃ॥ 1॥Mahabharata - Shanti Parva - Chapter Text
12-315-0 (78203)
যুধিষ্ঠির উবাচ। 12-315-0x (6503)
ধর্মাধর্মবিমুক্তং যদ্বিমুক্তং সর্বসংশয়াৎ।
জন্মমৃত্যুবিমুক্তং চ বিমুক্তং পুণ্যপাপয়োঃ॥ 12-315-1 (78204)
যচ্ছিবং নিত্যমভয়ং নিত্যমক্ষরমব্যযম্।
শুচি নিত্যমনায়াসং তদ্ভবান্বক্তুমর্হতি॥ 12-315-2 (78205)
ভীষ্ম উবাচ। 12-315-3x (6504)
অত্র তে বর্তয়িষ্যামি ইতিহাসং পুরাতনম্।
যাজ্ঞবল্ক্যস্য সংবাদং জনকস্য চ ভারত॥ 12-315-3 (78206)
যাজ্ঞবল্ক্যমৃষিশ্রেষ্ঠং দৈবরাতির্মহায়শাঃ।
পপ্রচ্ছ জনকো রাজা প্রশ্নং প্রশ্নবিদাংবরঃ॥ 12-315-4 (78207)
জনক উবাচ। 12-315-5x (6505)
কতীন্দ্রিয়াণি বিপ্রর্ষে কতি প্রকৃতয়ঃ স্মৃতাঃ।
কিমব্যক্তং পরং ব্রহ্ম তস্মাচ্চ পরতস্তু কিম্॥ 12-315-5 (78208)
প্রভবং চাপ্যযং চৈব কালসঙ্খ্যাং তথৈব চ।
বক্তুমর্হসি বিপ্রেন্দ্র ৎবদনুগ্রহকাঙ্ক্ষিণঃ॥ 12-315-6 (78209)
অজ্ঞানাৎপরিপৃচ্ছামি ৎবং হি জ্ঞানময়ো নিধিঃ।
তদহং শ্রোতুমিচ্ছামি সর্বমেতদসংশয়ম্॥ 12-315-7 (78210)
যাজ্ঞবল্ক্য উবাচ। 12-315-8x (6506)
শ্রূয়তামবনীপাল যদেতদনুপৃচ্ছসি।
যোগানাং পরমং জ্ঞানং সাঙ্খ্যানাং চ বিশেষতঃ॥ 12-315-8 (78211)
ত তবাবিদিতং কিংচিন্মাং তু জিজ্ঞাসতে ভবান্।
পৃষ্টেন চাপি বক্তব্যমেষ ধর্মঃ সনাতনঃ॥ 12-315-9 (78212)
অষ্টৌ প্রকৃতয়ঃ প্রোক্তা বিকারাশ্চাপি ষোডশ।
আসাং তু সপ্ত ব্যক্তানি প্রাহুরধ্যাত্মচিন্তকাঃ॥ 12-315-10 (78213)
অব্যক্তং চ মহাংশ্চৈব তথাঽহংকার এব চ।
পৃথিবী বায়ুরাকাশমাপো জ্যোতিশ্চ পঞ্চমম্॥ 12-315-11 (78214)
এতাঃ প্রকৃতয়স্ৎবষ্টৌ বিকারানপি মে শৃণু।
শ্রোত্রং ৎবক্চৈব চক্ষুশ্চ জিহ্বা ঘ্রাণং চ পঞ্চমম্॥ 12-315-12 (78215)
শব্দঃ স্পর্শশ্চ রূপং চ রসো গন্ধস্তথৈব চ।
বাক্চ হস্তৌ চ পাদৌ চ পায়ুর্মেঢ্রং তথৈব চ॥ 12-315-13 (78216)
এতে বিশেষা রাজেন্দ্রা মহাভূতেষু পঞ্চসু।
বুদ্ধীন্দ্রিয়াণ্যথৈতানি সবিশেষাণি মৈথিল॥ 12-315-14 (78217)
মনঃ ষোডশকং প্রাহুরধ্যাত্মগতিচিন্তকাঃ।
ৎবং চৈবান্যে চ বিদ্বাংসস্তত্ৎববুদ্ধিবিশারদাঃ॥ 12-315-15 (78218)
অব্যক্তাচ্চ মহানাত্মা সমুৎপদ্যতি পার্থিব।
প্রথমং সর্গমিত্যেতদাহুঃ প্রাধানিকং বুধাঃ॥ 12-315-16 (78219)
মহতশ্চাপ্যহংকার উৎপদ্যতি নরাধিপ।
দ্বিতীয়ং সর্গমিত্যাহুরেতদ্বুদ্ধ্যাত্মকং স্মৃতম্॥ 12-315-17 (78220)
অহংকারাচ্চ সংভূতং মনো ভূতগুণাত্মকম্।
তৃতীয়ঃ সর্গ ইত্যেষ আহংকারিক উচ্যতে॥ 12-315-18 (78221)
মনসস্তু সমুদ্ভূতা মহাভূতা নরাধিপ।
চতুর্থং সর্গমিত্যেতন্মানসং চিন্তনাত্মকম্॥ 12-315-19 (78222)
শব্দঃ স্পর্শশ্চ রূপং চ রসো গন্ধস্তথৈব চ।
পঞ্চমং সর্গমিত্যাহুর্ভৌতিকং ভূতচিন্তকাঃ॥ 12-315-20 (78223)
শ্রোত্রং ৎবক্চৈব চক্ষুশ্চ জিহ্বা ঘ্রাণং চ পঞ্চমম্।
সর্গং তু ষষ্ঠমিত্যাহুর্বহুচিন্তাত্মকং স্মৃতম্॥ 12-315-21 (78224)
অধঃ শ্রোত্রেন্দ্রিয়গ্রাম উৎপদ্যদি নরাধিপ।
সপ্তমং সর্গমিত্যাহুরেতদৈন্দ্রিয়কং স্মৃতম্॥ 12-315-22 (78225)
ঊর্ধ্বং স্রোতস্তথা তির্যগুৎপদ্যতি নরাধিপ।
অষ্টমং সর্গমিত্যাহুরেতদার্জবকং স্মৃতম্॥ 12-315-23 (78226)
তির্যক্স্রোতস্ৎবধঃস্রোত উৎপদ্যতি নরাধিপ।
নবমং সর্গমিত্যাহুরেতদার্জবকং বুধাঃ॥ 12-315-24 (78227)
এতে বৈ নব সর্গা হি তত্ৎবানি চ নরাধিপ।
চতুর্বিশতিরুক্তানি যথাশ্রুতিনিদর্শনম্॥ 12-315-25 (78228)
অত ঊর্ধ্বং মহারাজ গুণস্যৈতস্য তত্ৎবতঃ।
মহাত্মভিরনুপ্রোক্তাং কালসঙ্খ্যাং নিবোধ মে॥ ॥ 12-315-26 (78229)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চদশাধিকত্রিশততমোঽধ্যায়ঃ॥ 315॥
শান্তিপর্ব - অধ্যায় 316
॥ শ্রীঃ ॥
12.316. অধ্যায়ঃ 316
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি অণ্ডাদিসৃষ্টিপ্রকারাদিপ্রতিপাদকজনকয়াজ্ঞবল্ক্যসংবাদানুবাদঃ॥ 1॥Mahabharata - Shanti Parva - Chapter Text
12-316-0 (78230)
যাজ্ঞবল্ক্য উবাচ। 12-316-0x (6507)
অব্যক্তস্য নরশ্রেষ্ঠ কালসঙ্খ্যাং নিবোধ মে।
পঞ্চকল্পসহস্রাণি দ্বিগুণান্যহরুচ্যতে॥ 12-316-1 (78231)
রাত্রিরেতাবতী চাস্য প্রতিবুদ্ধো নরাধিপ।
সৃজত্যোষধিমেবাগ্রে জীবনং সর্বদেহিনাম্॥ 12-316-2 (78232)
ততো ব্রহ্মাণমসৃজদ্ধৈরণ্যাণ্ডসমুদ্ভবম্।
সা মূর্তিঃ সর্বভূতানামিত্যেবমনুশুশ্রুম॥ 12-316-3 (78233)
সংবৎসরমুষিৎবাণ্ডে নিষ্ক্রম্য চ মহামুনিঃ।
সংদধেঽর্ধং মহীং কৃৎস্নাং দিবমর্ধং প্রজাপতিঃ॥ 12-316-4 (78234)
দ্যাবাপৃথিব্যোরিজ্যেষ রাজন্বেদেষু পঠ্যতে।
তয়োঃ শকলয়োর্মধ্যমাকাশমকরোৎপ্রভুঃ॥ 12-316-5 (78235)
এতস্যাপি চ সঙ্খ্যানং বেদবেদাঙ্গপারগৈঃ।
দশকল্পসহস্রাণি পাদোনান্যহরুচ্যতে॥ 12-316-6 (78236)
রাত্রিমেতাবতীং চাস্ব প্রাহুরধ্যাত্মচিন্তকাঃ।
সৃজত্যহংকারমৃষির্ভূতং দিব্যাত্মকং তথা॥ 12-316-7 (78237)
চতুরশ্চাপরান্পুত্রান্দেহাৎপূর্বং মহানৃষিঃ।
তে বৈ পিতৃভ্যঃ পিতরঃ শ্রূয়ন্তেং রাজসত্তম॥ 12-316-8 (78238)
দেবাঃ পিতৄণাং চ সুতা দেবৈর্লোকাঃ সমাবৃতাঃ।
চরাচরা নরশ্রেষ্ঠ ইত্যেবমনুশুশ্রুম॥ 12-316-9 (78239)
পরমেষ্ঠী ৎবহংকারোঽসৃজদ্ভূতানি পঞ্চধা।
পৃথিবী বায়ুরাকাশমাপো জ্যোতিশ্চ পঞ্চমম্॥ 12-316-10 (78240)
এতস্যাপি নিশামাহুস্তৃতীয়মথ কুর্বতঃ।
পঞ্চ কল্পসহস্রাণি তাবদেবাহরুচ্যতে॥ 12-316-11 (78241)
শব্দঃ স্পর্শশ্চ রূপং চ রসো গন্ধশ্চ পঞ্চমঃ।
এতে বিশেষা রাজেন্দ্র মহাভূতেষু পঞ্চসু॥ 12-316-12 (78242)
যৈরাবিষ্টানি ভূতানি অহন্যহনি পার্থিব।
অন্যোন্যং স্পৃহয়ন্ত্যেতে অন্যোন্যস্যাহিতে রতাঃ॥ 12-316-13 (78243)
অন্যোন্যমতিবর্তন্তে অন্যোন্যস্পর্ধিনস্তথা।
তে বধ্যমানা হ্যন্যোন্যং গুণৈর্হারিভিরব্যযাঃ॥ 12-316-14 (78244)
ইহৈব পরিবর্তন্তে তির্যগ্যোনিপ্রবেশিনঃ।
ত্রীণি কল্পসহস্রাণি এতেষামহরুচ্যতে॥ 12-316-15 (78245)
রাত্রিরেতাবতী চৈব মনসশ্চ নরাধিপ।
মনশ্চরতি রাজেন্দ্র চরিতং সর্বমিন্দ্রিয়ৈঃ॥ 12-316-16 (78246)
ন চেন্দ্রিয়াণি পশ্যন্তি মন এবাত্র পশ্যতি।
চক্ষুঃ পশ্যতি রূপাণি মনসা তু ন চক্ষুষা॥ 12-316-17 (78247)
মনসি ব্যাকুলে চক্ষুঃ পশ্যন্নপি ন পশ্যতি।
অথেন্দ্রিয়াণি সর্বাণি পশ্যন্তীত্যভিচক্ষতে॥ 12-316-18 (78248)
মনস্যুপরতে রাজন্নিন্দ্রিয়োপরমো ভবেৎ॥ 12-316-19 (78249)
ন চেন্দ্রিয়ব্যুপরমে মনস্যুপরমো ভবেৎ।
এবং মনঃ প্রধানানি ইন্দ্রিয়াণি প্রভাবয়েৎ॥ 12-316-20 (78250)
ইন্দ্রিয়াণাং তু সর্বেষামীশ্বরং মন উচ্যতে।
এতদ্বিশন্তি ভূতানি সর্বাণীহ মহায়শঃ॥ ॥ 12-316-21 (78251)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষোডশাধিকত্রিশততমোঽধ্যায়ঃ॥ 316॥
Mahabharata - Shanti Parva - Chapter Footnotes
12-316-4 সংদধেঽয়ং মহীমিতি ড. থ. পাঠঃ॥ 12-316-8 পুত্রান্দেবানিতি ড. থ. পাঠঃ। পুত্রান্পূর্বমেব মহানৃষিরিতি। পিতৄণাং পিতর ইতি ঝ. পাঠঃ॥ 12-316-13 অন্যোন্যস্য হিতে রতা ইতি ঝ. ধ. পাঠঃ॥ 12-316-21 এতদ্বশে হি ভূতানীতি ট. ড. থ. পাঠঃ॥শান্তিপর্ব - অধ্যায় 317
॥ শ্রীঃ ॥
12.317. অধ্যায়ঃ 317
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জগৎপ্রলয়প্রকারাদিপ্রতিপাদকজনকয়াজ্ঞবল্ক্যসংবাদানুবাদঃ॥ 1॥Mahabharata - Shanti Parva - Chapter Text
12-317-0 (78252)
যাজ্ঞবল্ক্য উবাচ। 12-317-0x (6508)
তত্ৎবানাং সর্গসঙ্খ্যা চ কালসঙ্খ্যা তথৈব চ।
ময়া প্রোক্তাঽনুপূর্বেণ সংহারমপি মে শৃণু॥ 12-317-1 (78253)
যতা সংহরতে জন্তূন্সসর্জ চ পুনঃ পুনঃ।
অনাদিনিধনো ব্রহ্মা নিত্যশ্চাক্ষর এব চ। 12-317-2 (78254)
অহঃক্ষয়মথো বুদ্ধ্বা নিশি স্বপ্নমনাস্তথা।
চোদয়ামাস ভগবানব্যক্তোঽহংকৃতং নরম্॥ 12-317-3 (78255)
ততঃ শতসহস্রাংশুরব্যক্তেনাভিচোদিতঃ।
কৃৎবা দ্বাদশধাঽঽত্মানমাদিত্যো জ্বলদগ্নিবৎ॥ 12-317-4 (78256)
চতুর্বিধং প্রজাজাতং নির্দহত্যাশু তেজসা।
জরায়্বণ্ডস্বেদজাতমুদ্ভিজ্জং স নরাধিপ॥ 12-317-5 (78257)
এতদুন্মেষমাত্রেণ বিনষ্টং স্থাণুজঙ্গমম্।
কূর্মপৃষ্ঠসমা ভূমির্ভবত্যথ সমন্ততঃ॥ 12-317-6 (78258)
জগদ্দগ্ধ্বাঽমিতবলঃ কেবলাং জগর্তী ততঃ।
অম্ভসা বলিনা ক্ষিপ্রমাপূরয়তি সর্বশঃ॥ 12-317-7 (78259)
ততঃ কালাগ্নিমাসাদ্য তদম্ভো যাতি সংক্ষয়ম্।
বিনষ্টেঽম্ভসি রাজেন্দ্র জাজ্বলত্যনলো মহান্॥ 12-317-8 (78260)
তমপ্রমেয়াতিবলং জ্বলমানং বিভাবসুম্।
ঊষ্মাণং সর্বভূতানাং সপ্তাচিংপমথাঞ্জসা॥ 12-317-9 (78261)
ভক্ষয়ামাস ভগবান্বায়ুরষ্টাত্মকো বলী।
বিচরন্নমিতপ্রাণস্তির্যগূর্ধ্বমধস্তথা॥ 12-317-10 (78262)
তমপ্রতিবলং ভীমমাকাশং গ্রসতে পুনঃ।
আকাশমপ্যভিনদন্মনো গ্রসতি চারিকম্॥ 12-317-11 (78263)
মনো গ্রসতি সর্বাত্মা সোহংকারঃ প্রজাপতিঃ।
অহংকারো মহানাত্মা ভূতভব্যভবিষ্যবিৎ॥ 12-317-12 (78264)
তমপ্যনুপমাত্মানং বিশ্বং শংভুঃ প্রজাপতিঃ।
অণিমা লঘিমা প্রাপ্তিরীশানো জ্যোতিরব্যযঃ॥ 12-317-13 (78265)
সর্বতঃ পাণিপাদং তৎসর্বতোক্ষিশিরোমুখম্।
সর্বতঃ শ্রুতিমল্লোকে সর্বমাবৃত্য তিষ্ঠতি॥ 12-317-14 (78266)
হৃদয়ং সর্বভূতানাং পর্বণাঽঙ্গুষ্ঠমাত্রকঃ।
অণুগ্রসত্যনন্তো হি মহাত্মা বিশ্বমীশ্বরঃ॥ 12-317-15 (78267)
ততঃ সমভবৎসর্বমক্ষয়াব্যযমব্রণম্।
ভূতভব্যভবিষ্যাণাং স্রষ্টারমনঘং তথা॥ 12-317-16 (78268)
এষোপ্যযস্তে রাজেন্দ্র যথাবৎসমুদাহৃতঃ।
অধ্যাত্মমধিভূতং চ শ্রূয়তাং চাধিদৈবতম্॥ ॥ 12-317-17 (78269)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তদশাধিকত্রিশততমোঽধ্যায়ঃ॥ 317॥
Mahabharata - Shanti Parva - Chapter Footnotes
12-317-4 সংদধেঽয়ং মহীমিতি ড. থ. পাঠঃ॥ 12-317-8 পুত্রান্দেবানিতি ড. থ. পাঠঃ। পুত্রান্পূর্বংমেব মহানৃষিরিতি। পিতৄণাং পিতর ইতি ঝ. পাঠঃ॥ 12-317-13 অন্যোন্যস্য হিতে রতা ইতি ঝ. ধ. পাঠঃ॥ 12-317-21 এতদ্বশে হি ভূতানীতি ট. ড. থ. পাঠঃ॥শান্তিপর্ব - অধ্যায় 318
॥ শ্রীঃ ॥
12.318. অধ্যায়ঃ 318
Mahabharata - Shanti Parva - Chapter Topics
যাজ্ঞবল্ক্যেন জনকংপ্রতি ইন্দ্রিয়তদ্বিষয়তদভিমানিদেবতাকথনম্॥ 1॥ তথা সৎবাদিগুণত্রয়কার্যধর্মপ্রতিপাদনম্॥ 2॥Mahabharata - Shanti Parva - Chapter Text
12-318-0 (78270)
যাজ্ঞবল্ক্য উবাচ। 12-318-0x (6509)
পাদাবধ্যাত্মমিত্যাহুর্ব্রাহ্মণাস্তত্ৎবদর্শিনঃ।
গন্তব্যমধিভূতং চ বিষ্ণুস্তত্রাধিদৈবতম্॥ 12-318-1 (78271)
পায়ুরধ্যাত্মমিত্যাহুর্যথাতত্ৎবার্থদর্শিনঃ।
বিসর্গমধিভূতং চ মিত্রস্তত্রাধিদৈবতম্॥ 12-318-2 (78272)
উপস্থোঽধ্যাত্মমিত্যাহুর্যথায়োগপ্রদর্শিনঃ।
অধিভূতং তথাঽঽনন্দো দৈবতং চ প্রজাপতিঃ॥ 12-318-3 (78273)
হস্তাবধ্যাত্মমিত্যাহুর্যথাসঙ্খ্যানদর্শিনঃ।
কর্তব্যমধিভূতং তু ইন্দ্রস্তত্রাধিদৈবতম্॥ 12-318-4 (78274)
বাগধ্যাত্মমিতি প্রাহুর্যথাশ্রুতিনিদর্শিনঃ।
বক্তব্যমধিভূতং তু বহ্নিস্তত্রাধিদৈবতম্॥ 12-318-5 (78275)
চক্ষুরধ্যাত্মমিত্যাহুর্যথাশ্রুতিনিদর্শিনঃ।
রূপমত্রাধিভূতং তু সূর্যশ্চাপ্যধিদৈবতম্॥ 12-318-6 (78276)
শ্রোত্রমধ্যাত্মমিত্যাহুর্যথাশ্রুতিনিদর্শিনঃ।
শব্দস্তত্রাধিভূতং তু দিশশ্চাত্রাধিদৈবতম্॥ 12-318-7 (78277)
জিহ্বামধ্যাত্মমিত্যাহুর্যথাশ্রুতিনিদর্শিনঃ।
রস এবাধিভূতং তু আপস্তত্রাধিদৈবতম্॥ 12-318-8 (78278)
ঘ্রাণমধ্যাত্মমিত্যাহুর্থথাশ্রুতিনিদর্শিনঃ।
গন্ধ এবাধিভূতং তু পৃথিবী চাধিদৈবতম্॥ 12-318-9 (78279)
ৎবগধ্যাত্মমিতি প্রাহুস্তত্ৎববুদ্ধিবিশারদাঃ।
স্পর্শমেবাধিভূতং তু পবনশ্চাধিদৈবতম্॥ 12-318-10 (78280)
মনোঽধ্যাত্মমিতি প্রাহুর্যথা শাস্ত্রবিশারদাঃ।
মন্তব্যমধিভূতং তু চন্দ্রমাশ্চাধিদৈবতম্॥ 12-318-11 (78281)
আহংকারিকমধ্যাত্মমাহুস্তত্ৎবনিদর্শিনঃ।
অভিমানোঽধিভূতং তু বুদ্ধিশ্চাত্রাধিদৈবতম্॥ 12-318-12 (78282)
বুদ্ধিরধ্যাত্মমিত্যাহুর্যথাবদভিদর্শিনঃ।
বোদ্ধব্যমধিভূতং তু ক্ষেত্রজ্ঞশ্চাধিদৈবতম্॥ 12-318-13 (78283)
এষা তে ব্যক্তিতো রাজন্বিভূতিরনুদর্শিতা।
আদৌ মধ্যে তথাঽন্তে চ যথা তত্ৎবেন তত্ৎববিৎ॥ 12-318-14 (78284)
প্রকৃতির্গুণান্বিকুরুতে স্বচ্ছন্দেনাত্মকাম্যযা।
ক্রীডার্থে তু মহারাজ শতশোঽথ সহস্রশঃ॥ 12-318-15 (78285)
যথা দীপসহস্রাণি দীপান্মর্ত্যাঃ প্রকুর্বতে।
প্রকৃতিস্তথা বিকুরুতে পুরুষস্য গুণান্বহূন্॥ 12-318-16 (78286)
সৎবমানন্দ উদ্রেকঃ প্রীতিঃ প্রাকাম্যমেব চ।
সুখং শুদ্ধৎবমারোগ্যং সংতোষঃ শ্রদ্দধানতা॥ 12-318-17 (78287)
অকার্পণ্যমসংরম্ভঃ ক্ষমা ধৃতিরহিংসতা।
সমতা সত্যমানৃণ্যমার্জবং হ্রীরচাপলম্॥ 12-318-18 (78288)
শৌচমার্দবমাচারমলৌল্যং হৃদ্যসংভ্রমঃ।
ইষ্টানিষ্টবিয়োগানাং কৃতানামবিকত্থনা॥ 12-318-19 (78289)
দানেন চাত্মগ্রহণমস্পৃহৎবং পরার্থতা।
সর্বভূতদয়া চৈব সৎবস্যৈতে গুণাঃ স্মৃতাঃ॥ 12-318-20 (78290)
রজোগুণানাং সংঘাতো রূপমৈশ্বর্যবিগ্রহৌ।
অত্যাগিৎবমকারুণ্যং সুখদুঃখোপসেবনম্॥ 12-318-21 (78291)
পরাপবাদেষু রতির্বিবাদানাং চ সেবনম্।
অহংকারস্ৎবসৎকারশ্চিন্তা বৈরোপসেবনম্॥ 12-318-22 (78292)
পরিতাপোঽভিহরণং হ্রীনাশোঽনার্জবং তথা।
ভেদঃ পরুষতা চৈব কামক্রোধো মদস্তথা॥ 12-318-23 (78293)
দর্পো দ্বেষোঽতিমানশ্চ এতে প্রোক্তা রজোগুণাঃ।
তামসানাং তুং সংঘাতান্প্রবক্ষ্যাম্যুপধার্যতাম্॥ 12-318-24 (78294)
মোহোঽপ্রকাশস্তামিস্রমন্ধতামিস্রসংজ্ঞিতম্।
মরণং চান্ধতামিস্রং তামিস্রং ক্রোধ উজ্যতে॥ 12-318-25 (78295)
তমসো লক্ষণানীহ ভক্ষণাদ্যভিরোচনম্।
ভোজনানামপর্যাপ্তিস্তথা পেয়েষ্বতৃপ্ততা॥ 12-318-26 (78296)
গন্ধবাসো বিহারেষু শয়নেষ্বাসনেষু চ।
দিবাস্বপ্নে বিবাদে চ প্রমাদেষু চ বৈ রতিঃ॥ 12-318-27 (78297)
নৃত্যবাদিত্রগীতানামজ্ঞানাচ্ছ্রদ্দধানতা।
দ্বেষো ধর্মবিশেষাণামেতে বৈ তামসা গুণাঃ॥ ॥ 12-318-28 (78298)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টাদশাধিকত্রিশততমোঽধ্যায়ঃ॥ 318॥
Mahabharata - Shanti Parva - Chapter Footnotes
12-318-4 যথা তৎবনিদর্শিনঃ ইতি থ. পাঠঃ॥ 12-318-19 শৌচতারমপারুপ্যমপৈশুনমিতি ড. পাঠঃ। ইষ্টাপূর্ববিশেষাণামিতি ট. ড. পাঠঃ॥শান্তিপর্ব - অধ্যায় 319
॥ শ্রীঃ ॥
12.319. অধ্যায়ঃ 319
Mahabharata - Shanti Parva - Chapter Topics
যাজ্ঞবল্ক্যেন জনকংপ্রতি সাৎবিকাদিসারতম্যনিরূপণম্॥ 1॥ জনকেন যাজ্ঞবল্ক্যংপ্রতি তৎবকথনপ্রার্থনা চ॥ 2॥Mahabharata - Shanti Parva - Chapter Text
12-319-0 (78299)
যাজ্ঞবল্ক্য উবাচ। 12-319-0x (6510)
এতে প্রধানস্য গুণাস্ত্রয়ঃ পুরুষসত্তম।
কৃৎস্নস্য চৈব জগতস্তিষ্ঠন্ত্যনপগাঃ সদা॥ 12-319-1 (78300)
অব্যক্তরূপো ভগবাঞ্শতধা চ সহস্রধা।
শতধা সহস্রধা চৈব তথা শতসহস্রধা॥ 12-319-2 (78301)
কোটিশশ্চ করোত্যেব প্রকৃত্যাঽঽত্মানমাত্মনা।
সাৎবিকরণোত্তমং স্থানং রাজসস্যেহ মধ্যমম্॥ 12-319-3 (78302)
তামসস্বাধমং স্থানং প্রাহুরধ্যাত্মচিন্তকাঃ।
কেবলেনেহ পুণ্যেন ভতিভূর্ধ্বামবাপ্নুয়াৎ॥ 12-319-4 (78303)
পুণ্যপাপেন মানুষ্যমধর্মেণাপ্যঘোগতিম্।
দ্বন্দ্বনেষাং ত্রয়াণাং তু সন্নিপাতং চ তৎবতঃ॥ 12-319-5 (78304)
সৎবস্য রজসশ্চৈব তমসশ্চ শৃণুষ্ব মে।
সৎবস্য তু রজো দৃষ্টং রজসশ্চ তমস্তথা॥ 12-319-6 (78305)
তমসশ্চ তথা সৎবং সৎবস্যাব্যক্তমেব চ।
অধ্যক্তঃ সৎবসংয়ুক্তো দেবলোকময়াপ্নুয়াৎ॥ 12-319-7 (78306)
রবাসৎবসমায়ুক্তো মানুষেষু প্রপদ্যতে।
রসস্তমোভ্যাং সংয়ুক্তস্তির্যগ্যোনিষু জায়তে॥ 12-319-8 (78307)
রাজসৈস্তামসৈঃ সৎবৈর্যুক্তো মানুষমাপ্নুয়াৎ।
পুণ্যপাপবিয়ুক্তানাং স্থানমাহুর্মহাত্মনাম্॥ 12-319-9 (78308)
শাশ্বতং চাব্যযং চৈবমক্ষয়ং চামৃতং চ তৎ।
জ্ঞানিনাং সংভবং শ্রেষ্ঠং স্থানমব্রণমচ্যুতম্।
অতীন্দ্রিয়মবীজং চ জন্মমৃত্যুতমোনুদম্॥ 12-319-10 (78309)
অব্যক্তস্থং পরং যত্তৎপৃষ্টস্তেঽহং নরাধিপ।
স এব প্রকৃতিস্থো হি তৎস্থ ইত্যভিধীয়তে॥ 12-319-11 (78310)
অচেতনা চৈব মতা প্রকৃতিশ্চাপি পার্থিব।
এতেনাধিষ্ঠিতা চৈব সৃজতে সংহরত্যপি॥ 12-319-12 (78311)
জনক উবাচ। 12-319-13x (6511)
অনাদিনিধনাবেতাবুভাবেব মহামতে।
অমূর্তিমন্তাবচলাবপ্রকম্প্যগুণাগুণৌ॥ 12-319-13 (78312)
অগ্রাহ্যাবৃষিশার্দূল কথমেকো হ্যচেতনঃ।
চেতনাবাংস্তথা চৈকঃ ক্ষেত্রজ্ঞ ইতি ভাষিতঃ॥ 12-319-14 (78313)
ৎবং হি বিপ্রেন্দ্র কার্ৎস্ন্যেন র্মোক্ষধর্মমুপাসসে।
সাকল্পং মোক্ষধর্মস্য শ্রোতুমিচ্ছামি তত্ৎবতঃ॥ 12-319-15 (78314)
নিস্তৎবং কেবলৎবং চ বিনাভাবং তথৈব চ।
দৈবতানি চ মে ব্রূহি দেহং যান্যাশ্রিতানি বৈ॥ 12-319-16 (78315)
তথৈবোৎক্রাণিণঃ স্থানং দেহিনো বৈ বিপদ্যতঃ।
কালেন যদ্ধি প্রাপ্নোতি স্থানং তৎপ্রব্রবীহি মে॥ 12-319-17 (78316)
সাঙ্খ্যজ্ঞানং চ তত্ৎবেন পৃথগ্যোগং তথৈব চ।
অরিষ্টানি চ তত্ৎবানি বক্তুমর্হসি সত্তম।
বিদিতং সর্বমেতত্তে পাণাবামলকং যথা॥ ॥ 12-319-18 (78317)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনবিংশত্যধিকত্রিশততমোঽধ্যায়ঃ॥ 319॥
Mahabharata - Shanti Parva - Chapter Footnotes
12-319-12 সচ্চেতনশ্চৈপ মতঃ প্রকৃতিস্থশ্চ পার্থিবেতি ট. ড. পাঠঃ॥ 12-319-13 অপ্রকম্প্যৌ ত্রণাব্রণাবিতি ট. ড. পাঠঃ। অপ্রকম্প্যৌ বৃষাবৃষাবিতি থ. পাঠঃ॥ 12-319-16 অস্তিৎবং কেব ৎবং চেতি ঝ. পাঠঃ॥ 12-319-17 দেহিনোঽপি বিয়ুজ্যত ইতি ট. পাঠঃ॥ 12-319-18 অনুক্তানি চ তৎবেনেতি ট. পাঠঃ॥শান্তিপর্ব - অধ্যায় 320
॥ শ্রীঃ ॥
12.320. অধ্যায়ঃ 320
Mahabharata - Shanti Parva - Chapter Topics
যাজ্ঞবল্ক্যেন জনকংপ্রতি সাঙ্খ্যদর্শনকথনম্॥ 1॥Mahabharata - Shanti Parva - Chapter Text
12-320-0 (78318)
যাজ্ঞবল্ক্য উবাচ। 12-320-0x (6512)
ন শক্যো নির্গুণস্তাত গুণীকর্তুং বিশাংপতে।
গুণবাংশ্চাপ্যগুণবান্যথাতত্ৎবং নিবোধ মে॥ 12-320-1 (78319)
গুণৈর্হি গুণবানেব নির্গুণশ্চাগুণস্তথা।
প্রাহুরেবং মহাত্মানো মুনয়স্তত্ৎবদর্শিনঃ॥ 12-320-2 (78320)
গুণস্বভাবস্ৎবব্যক্তো গুণানেবাভিবর্ততে।
উপয়ুঙ্ক্তে চ তানেব স চৈবাজ্ঞঃ স্বভাবতঃ॥ 12-320-3 (78321)
অব্যক্তস্তু ন জানীতে পুরুষোঽজ্ঞঃ স্বভাবতঃ।
ন মত্তঃ পরমোস্তীতি নিত্যমেবাভিমন্যতে॥ 12-320-4 (78322)
অনেন কারণেনৈতদব্যক্তং স্যাদচেতনম্।
নিত্যৎবাচ্চাক্ষরৎবাচ্চ ক্ষরৎবান্ন তদন্যথা॥ 12-320-5 (78323)
যদাঽজ্ঞানেন কুর্বীত গুণসর্গং পুনঃপুনঃ।
যদাত্মানং ন জানীতে তদাঽঽত্মাপি ন মুচ্যতে॥ 12-320-6 (78324)
কর্তৃৎবাচ্চাপি সর্গাণাং সর্গধর্মা তথোচ্যতে।
কর্তৃৎবাচ্চাপি যোগানাং যোগধর্মা তথোচ্যতে॥ 12-320-7 (78325)
কর্তৃৎবাৎপ্রকৃতীনাং চ তথা প্রকৃতিধর্মিতা॥ 12-320-8 (78326)
কর্তৃৎবাচ্চাপি বীজানাং বীজধর্মা তথোচ্যতে।
গুণানাং প্রসবৎবাচ্চ প্রলয়ৎবাত্তথৈব চ॥ 12-320-9 (78327)
`কর্তৃৎবাৎপ্রলয়ানাং তু তথা প্রলয়ধর্মি চ।
কর্তৃৎবাৎপ্রভবাণাং চ তথা প্রভবধর্মি চ॥ 12-320-10 (78328)
বীজৎবাৎপ্রকৃতিৎবাচ্চ প্রলয়ৎবাত্তথৈব চ।'
উপেক্ষৎবাদনন্যৎবাদভিমানাচ্চ কেবলম্॥ 12-320-11 (78329)
মন্যন্তে যতয়ঃ সিদ্ধা অধ্যাত্মজ্ঞা গতজ্বরাঃ।
অনিত্যং নিত্যমব্যক্তং ব্যক্তমেতদ্ধি শুশ্রুম॥ 12-320-12 (78330)
অব্যক্তৈকৎবমিত্যাহুর্নানাৎবং পুরুষাস্তথা।
সর্বভূতদয়াবন্তঃ কেবলং জ্ঞানমাস্থিতাঃ॥ 12-320-13 (78331)
অন্যঃ স পুরুষোঽব্যক্তস্ৎবধ্রুবো ধ্রুবসংজ্ঞকঃ।
যথা মুঞ্জ ইষীকাণাং তথৈবৈতদ্ধি জায়তে।
`ন চৈব মুঞ্জসংয়োগাদিষীকা তত্র বুধ্যতে॥' 12-320-14 (78332)
অন্যচ্চ মশকং বিদ্যাদন্যচ্চোদুম্বরং তথা।
চ চোদুম্বরসংয়োগৈর্মশকস্তত্র লিপ্যতে॥ 12-320-15 (78333)
অন্য এব তথা মৎস্যস্তদন্যদুদুকং স্মৃতম্।
ন চোদকস্য স্পর্শেন মৎস্যো লিপ্যতি সর্বশঃ॥ 12-320-16 (78334)
অন্যো হ্যগ্নিরুখাঽপ্যন্যা নিত্যমেবমবেহি ভোঃ।
ন চোপলিপ্যতে সোঽগ্নিরুখাসংস্পর্শনেন বৈ॥ 12-320-17 (78335)
পুষ্করং ৎবন্যদেবাত্র তথাঽন্যদুদকং স্মৃতম্।
ন চোদকস্য স্পর্শেন লিপ্যতে তত্র পুষ্করম্॥ 12-320-18 (78336)
এতেষাং সহবাসং চ নিবাসং চৈব নিত্যশঃ।
যাথাতথ্যেন পশ্যন্তি ন নিত্যং প্রাকৃতা জনাঃ॥ 12-320-19 (78337)
যে ৎবন্যথৈব পশ্যন্তি ন সম্যক্তেষু দর্শনম্।
তে ব্যক্তং নিরয়ং ঘোরং প্রবিশন্তি পুনঃ পুনঃ॥ 12-320-20 (78338)
সাঙ্খ্যদর্শনমেতত্তে পরিসঙ্খ্যানমুত্তমম্।
এবং হি পরিসংখ্যায় সাঙ্খ্যাঃ কেবলতাং গতাঃ॥ 12-320-21 (78339)
যে ৎবন্যে তত্ৎবকুশলাস্তেষামেতন্নিদর্শনম্।
অতঃ পরং প্রবক্ষ্যামি যোগানামনুদর্শনম্॥ ॥ 12-320-22 (78340)
ইতি শ্রীমন্মহাভারতে শান্তিপর্বণি মোক্ষধর্মপর্বণি বিংশত্যধিকত্রিশততমোঽধ্যায়ঃ॥ 320॥
Mahabharata - Shanti Parva - Chapter Footnotes
12-320-3 গুণাম্নৈবাতিবর্তত ইতি ঝ. পাঠঃ॥ 12-320-5 যদজ্ঞানেন কুরুতে নির্গুণঃ সগুণঃ পুনরিতি ড. পাঠঃ॥ 12-320-6 যদজ্ঞানং ন জানীষে তদিত্যব্যক্তমুচ্যত ইতি থ. পাঠঃ॥ 12-320-7 কর্তৃৎবাচ্চৈব ধর্মাণামিতি ট. পাঠঃ। কর্তৃৎবাচ্চাপি যোনীনাং যোনিধর্মেত্যথোচ্যত ইতি ট. ড. পাঠঃ॥ 12-320-17 উখা মৃৎপাত্রবিশেষঃ॥শান্তিপর্ব - অধ্যায় 321
॥ শ্রীঃ ॥
12.321. অধ্যায়ঃ 321
Mahabharata - Shanti Parva - Chapter Topics
যাজ্ঞবল্ক্যেন জনকংপ্রতি যোগনিরূপণম্॥ 1॥Mahabharata - Shanti Parva - Chapter Text
12-321-0 (78341)
যাজ্ঞবল্ক্য উবাচ। 12-321-0x (6513)
সাঙ্খ্যজ্ঞানং ময়া প্রোক্তং যোগজ্ঞানং নিবোধ মে।
যথাশ্রুতং যথাদৃষ্টং তত্ৎবেন নৃপসত্তম॥ 12-321-1 (78342)
নাস্তি সাঙ্খ্যসমং জ্ঞানং নাস্তি যোগসমং বলম্।
তাবুভাবেকচর্যৌ তাবুভাবনিধনৌ স্মৃতৌ॥ 12-321-2 (78343)
পৃথক্পৃথক্প্রপশ্যন্তি যেঽপ্যবুদ্ধিরতা নরাঃ।
বয়ং তু রাজন্পশ্যাম একমেব তু নিশ্চয়াৎ॥ 12-321-3 (78344)
যদেব যোগাঃ পশ্যন্তি তৎসাঙ্খ্যৈরপি দৃশ্যতে।
একং সাঙ্খ্যং চ যোগং চ যঃ পশ্যতি স তত্ৎববিৎ॥ 12-321-4 (78345)
রুদ্রপ্রধানানপরান্বিদ্ধি যোগানরিংদম্।
তেনৈব চাথ দেহেন বিচরন্তি দিশো দশ॥ 12-321-5 (78346)
যাবদ্ধি প্রলয়স্তাত সূক্ষ্মেণাষ্টগুণেন হ।
যোগেন লোকান্বিচরন্সুখং সংন্যস্য চানঘ॥ 12-321-6 (78347)
তাবদেবাষ্টগুণিনং যোগপ্রাহুর্মনীষিণঃ।
সূক্ষ্মমষ্টগুণং প্রাহুর্নেতরং নৃপসত্তম॥ 12-321-7 (78348)
দ্বিগুণং যোগত্যং তু যোগানাং প্রাহুরুত্তমম্।
সগুণং নির্গুণং চৈব যথাশাস্ত্রনিদর্শনম্॥ 12-321-8 (78349)
ধারণং চৈব মনসঃ প্রাণায়ামশ্চ পার্থিব।
একাগ্রতা চ মনসঃ প্রাণায়ামস্তথৈব চ॥ 12-321-9 (78350)
প্রাণায়ামো হি সগুণো নির্গুণং ধারয়েন্মনঃ।
যদ্যদৃশ্যতি মুঞ্চন্বৈ প্রাণান্মৈথিলসত্তম।
বাতাধিক্যং ভবত্যেব তস্মাত্তং ন সমাচরেৎ॥ 12-321-10 (78351)
নিশায়াঃ প্রথমে যামে চোদনা দ্বাদশ স্মৃতাঃ।
মধ্যে স্বপ্নাৎপরে যামে দ্বাদশৈব তু চোদনাঃ॥ 12-321-11 (78352)
তদেবমুপশান্তেন দান্তেনৈকান্তশীলিনা।
আত্মারামেণ বুদ্ধেন যোক্তব্যোঽঽত্মা ন সংশয়ঃ॥ 12-321-12 (78353)
পঞ্চানামিন্দ্রিয়াণাং তু দোষানাক্ষিপ্য পঞ্চধা।
শব্দং রূপং তথা স্পর্শং রসং গন্ধং তথৈব চ॥ 12-321-13 (78354)
প্রতিভামপবর্গং চ প্রতিসংহৃত্য মৈথিল।
ইন্দ্রিয়গ্রামমখিলং মনস্যভিনিবেশ্য হ॥ 12-321-14 (78355)
মনস্তথৈবাহংকারে প্রতিষ্ঠাপ্য নরাধিপ।
অহংকারং তথা বুদ্ধৌ বুদ্ধিং চ প্রকৃতাবপি॥ 12-321-15 (78356)
এবং হি পরিসংখ্যায় ততো ধ্যায়ন্তি কেবলম্।
বিরজস্কমলং নিত্যমনন্তং শুদ্ধমব্রণম্॥ 12-321-16 (78357)
তস্থুষং পুরুষং নিত্যমভেদ্যমজরামরম্।
শাশ্বতং চাব্যযং চৈব ঈশানং ব্রহ্ম চাখ্যম্॥ 12-321-17 (78358)
যুক্তস্য তু মহারাজ লক্ষণান্যুপধারম্।
লক্ষণং তু প্রসাদস্য যথা তৃপ্তঃ সুখং স্বয়েৎ॥ 12-321-18 (78359)
নির্বাতে তু যথা দীপো জ্বলেৎস্নেহস --ধতঃ।
নিশ্চলোর্ধ্বশিখস্তদ্বদ্যুক্তমাহুর্মনীষিণ॥ 12-321-19 (78360)
পাষাণ ইব মেঘোত্থৈর্যথা বিন্দুভিরাহতঃ।
নালং চালয়িতুং শক্যস্তথা যুক্তস্য লক্ষণম্॥ 12-321-20 (78361)
শক্তদুন্দুভিনির্ঘোষৈর্বিধিধৈর্গীতবাদিতৈঃ।
ক্রিয়মাণৈর্ন কম্পেত যুক্তস্যৈতন্নিদর্শনম্॥ 12-321-21 (78362)
তৈলপাত্রং যথা পূর্ণং করাভ্যাং গৃহ্য পূরুষঃ।
সোপানমারুহেদ্ভীতস্তর্জ্যমানোঽসিষণিভিঃ॥ 12-321-22 (78363)
সংয়তাত্মা ভয়াত্তেষাং ন পাত্রাদ্বিন্দুমুৎসৃজেৎ।
তথৈবোত্তরমাগম্য একাগ্রমনসস্তথা॥ 12-321-23 (78364)
স্থিরৎবাদিন্দ্রিয়াণাং তু নিশ্চলস্তথৈব চ।
এবং যুক্তস্য তু মুনের্লক্ষণান্যুপল----॥ 12-321-24 (78365)
স্বয়ুক্তঃ পশ্যতে ব্রহ্ম যত্তৎপরম----যম্।
মহতস্তমসো মধ্যে স্থিতং জ্ব নসা--ভম্॥ 12-321-25 (78366)
এতেন কেবলং যাতি ত্যক্ৎবা দেহমসাক্ষিকম্।
কালেন মহতা রাজঞ্শ্রুতিরেষা সনাতনী॥ 12-321-26 (78367)
এতদ্ধি যোগং যোগানাং কিমন্যদ্যোগলক্ষণম্।
বিজ্ঞায় তদ্ধি মন্যন্তে কৃতকৃত্যা মনীষিণঃ॥ ॥ 12-321-27 (78368)
ইতি শ্রীমন্মহাভারতে শান্তিপর্বণি মোক্ষধর্মপর্বণি একবিংশত্যধিকত্রিশততমোঽধ্যায়ঃ॥ 321॥
Mahabharata - Shanti Parva - Chapter Footnotes
12-321-2 তাবুভাবেকপক্ষৌ তু ইতি ট. পাঠঃ॥ 12-321-3 যেঽল্পবুদ্ধিপরায়ণা ইতি ট. ড. পাঠঃ॥ 12-321-6 সুখং বসতি চানঘেতি ট. ড. পাঠঃ॥ 12-321-8 নির্গুণং যোগকৃত্যং ৎবিতি ট. পাঠঃ॥ 12-321-10 দৃশ্যতে যত্র মুঞ্জন্বৈ ইতি ট. ড. পাঠঃ॥ 12-321-14 মনস্যগির এব চেতি ড. পাঠঃ। পূতিকামুপসর্গং বেতি ড. পাঠঃ॥ 12-321-24 হিয়মাণৈর্ন কম্পেয়ুরিতি ড. পাঠঃ॥ 12-321-26 কালেন কেবলং জানঞ্শ্রুতিরেষা সনাতনীতি ড. পাঠঃ॥শান্তিপর্ব - অধ্যায় 322
॥ শ্রীঃ ॥
12.322. অধ্যায়ঃ 322
Mahabharata - Shanti Parva - Chapter Topics
যাজ্ঞবল্ক্যেন জনকংপ্রতি প্রাণিনামুৎক্রমণস্থানবিশেষপ্রয়োজ্যফলবিশেষকথনম্॥ 1॥ তথা প্রাণিনাং মরণসূচক দুঃশকুনকথনম্॥ 2॥Mahabharata - Shanti Parva - Chapter Text
12-322-0 (78369)
যাজ্ঞবল্ক্য উবাচ। 12-322-0x (6514)
তথৈবোৎক্রমতাং স্থানং শৃণুষ্বাবহিতো নৃপ।
পদ্ভ্যামুৎক্রমমাণস্য বৈষ্ণবং স্থানমুচ্যতে॥ 12-322-1 (78370)
জঙ্ঘাভ্যাং তু বসূন্দেবানাপ্নুয়াদিতি নঃ শ্রুতম্।
জানুভ্যাং চ মহাভাগান্সাধ্যান্দেবানবাপ্নুয়াৎ॥ 12-322-2 (78371)
পায়ুনোৎক্রমমাণস্তু মৈত্রং স্থানমবাপ্নুয়াৎ।
পৃথিবীং জঘনেনাথ ঊরুভ্যাং চ প্রজাপতিম্॥ 12-322-3 (78372)
পার্শ্বাভ্যাং মরুতো দেবান্নাসাভ্যামিন্দুমেব চ।
বাহুভ্যামিন্দ্রমিত্যাহুরুরসা রুদ্রমেব চ॥ 12-322-4 (78373)
গ্রীবয়া তু মুনিশ্রেষ্ঠং নরমাপ্নোত্যনুত্তমম্।
বিশ্বেদেবান্মুখেনাথ দিশঃ শ্রোত্রেণ চাপ্নুয়াৎ॥ 12-322-5 (78374)
ঘ্রাণেন গন্ধবহনং নেত্রাভ্যাং সূর্যমেব চ।
ভ্রূভ্যাং চৈবাশ্বিনৌ দেবৌ ললাটেন পিতৃনথ॥ 12-322-6 (78375)
ব্রহ্মাণমাপ্নোতি বিভুং মূর্ধ্না দেবাগ্রজং তথা।
এতান্যুৎক্রমণস্থানান্যুক্তানি মিথিলেশ্বর॥ 12-322-7 (78376)
অরিগনি প্রবক্ষ্যামি বিহিতানি মনীষিভিঃ।
সংবৎসরাদ্ধিমোক্ষস্তু সংভবেত শরীরিণঃ॥ 12-322-8 (78377)
যোঽরুন্ধতীং ন পশ্যেত দৃষ্টপূর্বা কদাচন।
তথৈব ধ্রুবমতিত্যাহুঃ পূর্ণেন্দুং দীপমেব চ॥ 12-322-9 (78378)
খণ্ডাভাসং দক্ষিণতস্তেঽপি সংবৎসরায়ুষঃ।
পরচক্ষুষি চাত্মানং যে ন পশ্যন্তি পার্থিবঃ॥ 12-322-10 (78379)
আত্মচ্ছায়াকৃতীভূতং তেঽপি সংবৎসরায়ুষঃ।
অতিদ্যুতিরতিপ্রজ্ঞা অপ্রজ্ঞা চাদ্যুতিস্তথা॥ 12-322-11 (78380)
প্রকৃতের্বিক্রিয়াপত্তিঃ ষণ্মাসান্মৃত্যুলক্ষণম্।
দৈবতান্যবজানাতি ব্রাহ্মণৈশ্চ বিরুধ্যতে॥ 12-322-12 (78381)
কৃষ্ণশ্যাবচ্ছবিচ্ছায়ঃ ষণ্মাসান্মৃত্যুলক্ষণম্।
শীর্ণনাভিং যথা চক্রং ছিদ্রং সোমং প্রপশ্যতি॥ 12-322-13 (78382)
তথৈব চ সহস্রাংশুং সপ্তরাত্রেণ মৃত্যুভাক্।
শবগন্ধমুপাঘ্রাতি সপ্তরাত্রেণ মৃত্যুভাক্। 12-322-14 (78383)
কর্ণনাসাবনমনং দন্তদৃষ্টিবিরাগিতাং॥
কর্ণনাসাবনমনং দন্তদৃষ্টিবিরাগিতা॥ 12-322-15 (78384)
সংজ্ঞালোপো নিরূষ্মৎবং সদ্যোমৃত্যুনিদর্শনম্।
অকস্মাচ্চ স্রবেদ্যস্য বামমক্ষি নরাধিপ॥ 12-322-16 (78385)
মূর্ধ্রতশ্চোৎপতেদ্ধূমঃ সদ্যোমৃত্যুনিদর্শনম্।
এতাবন্তি ৎবরিষ্টানি বিদিৎবা মানবোঽঽত্মবান্॥ 12-322-17 (78386)
নিশি চাহনি চাত্মানং যোজয়েৎপরমাত্মনি।
প্রতীক্ষমাণস্তৎকালং যঃ কালঃ প্রকৃতো ভবেৎ॥ 12-322-18 (78387)
অথাস্য নেষ্টং মরণং স্থাতুমিচ্ছেদিমাং ক্রিয়াম্।
সর্বগন্ধান্রসাংশ্চৈব ধারয়ীত সমাহিতঃ॥ 12-322-19 (78388)
`তথা মৃত্যুমুপাদায় তৎপরেণান্দরাত্মনা।'
স সাঙ্খ্যধারণং চৈব বিদিৎবা মনুজর্ষভ।
জয়েচ্চ মৃত্যুং যোগেন তৎপরেণান্তরাত্মনা॥ 12-322-20 (78389)
গচ্ছেৎপ্রাপ্যাক্ষয়ং কৃৎস্নমজন্ম শিবমব্যযম্।
শাশ্বতং স্থানমচলং দুষ্প্রাপমকৃতাত্মভিঃ॥ ॥ 12-322-21 (78390)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বাবিংশত্যধিকত্রিশততমোঽধ্যায়ঃ॥ 322॥
Mahabharata - Shanti Parva - Chapter Footnotes
12-322-8 সংবৎসরবিয়োগস্য সংভবে নু ইতি ধ. পাঠঃ॥ 12-322-10 খণ্ডভাগং দক্ষিণত ইতি থ. পাঠঃ॥ 12-322-13 ছিদ্রং ছিদ্রবন্তম্॥ 12-322-14 সুরভিদ্রব্যে শবগন্ধগ্রহ ইত্যর্থঃ॥শান্তিপর্ব - অধ্যায় 323
॥ শ্রীঃ ॥
12.323. অধ্যায়ঃ 323
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি জনকয়াজ্ঞবল্ক্যসংবাদানুবাদঃ॥ 1॥Mahabharata - Shanti Parva - Chapter Text
12-323-0 (78391)
যাজ্ঞবল্ক্য উবাচ। 12-323-0x (6515)
অব্যক্তস্থং পরং যত্তৎপৃষ্টস্তেঽহং নরাধিপ।
পরং গুহ্যমিমং প্রশ্নং শৃণুষ্বাবহিতো নৃপ॥ 12-323-1 (78392)
যথার্ষেণেহ বিধিনা চরতাঽবমতেন হ।
ময়াঽঽদিত্যাদবাপ্তানি যজূংষি মিথিলাধিপ॥ 12-323-2 (78393)
মহতা তপসা দেবস্তপিষ্ণুঃ সেবিতো ময়া।
প্রীতেন চাহং বিভুনা সূর্যেণোক্তস্তদাঽনঘ॥ 12-323-3 (78394)
বরং বৃণীষ্ব বিপ্রর্ষে যদিষ্টং তে সুদুর্লভম্।
তং তে দাস্যামি প্রীতাত্মা মৎপ্রসাদো হি দুর্লভঃ॥ 12-323-4 (78395)
ততঃ প্রণম্য শিরসা ময়োক্তস্তপতাংবরঃ।
যজূংষি নোপয়ুক্তানি ক্ষিপ্রমিচ্ছামি বেদিতুম্॥ 12-323-5 (78396)
ততো মাং ভগবানাহ বিতরিষ্যামি তে দ্বিজ।
সরস্বতীহ বাগ্ভূতা শরীরং তে প্রবেক্ষ্যতি॥ 12-323-6 (78397)
ততো মামাহ ভগবানাস্যং স্বং বিবৃতং কুরু।
বিবৃতং চ ততো মেঽঽস্যং প্রবিষ্টা চ সরস্বতী॥ 12-323-7 (78398)
ততো বিদহ্যমানোঽহং প্রবিষ্টোঽম্ভস্তদাঽনঘ।
অবিজ্ঞানাদমর্ষাচ্চ ভাস্করস্য মহাত্মনঃ॥ 12-323-8 (78399)
ততো বিদহ্যমানং মামুবাচ ভগবান্রবিঃ।
মুহূর্তং সহ্যতাং দাহস্ততঃ শীতীভবিষ্যতি॥ 12-323-9 (78400)
শীতীভূতং চ মাং দৃষ্ট্বা ভগবানাহ ভাস্করঃ।
প্রতিভাস্যতি তে বেদঃ সখিলঃ সোত্তরো দ্বিজ॥ 12-323-10 (78401)
কৃৎস্নং শতপথং চৈব প্রণেষ্যসি দ্বিজর্ষভ।
তস্যান্তে চাষুনর্ভাবে বুদ্ধিস্তব ভবিষ্যতি॥ 12-323-11 (78402)
প্রাপ্স্যসে চ যদিষ্টং তৎসাঙ্খ্যযোগেপ্সিতং পদম্।
এতাবদুক্ৎবা ভগবানস্তমেবাভ্যবর্তত॥ 12-323-12 (78403)
ততোঽনুব্যাহৃতং শ্রুৎবা গতে দেবে বিভাবসৌ।
গৃহমাগত্য সংহৃষ্টোঽচিন্তয়ং বৈ সরস্বতীম্॥ 12-323-13 (78404)
ততঃ প্রবৃত্তাঽতিশুভা স্বরব্যঞ্জনভূষিতা।
ওংকারমাদিতঃ কৃৎবা মম দেবী সরস্বতী॥ 12-323-14 (78405)
ততোঽহমর্ধ্যং বিধিবৎসরস্বত্যৈ ন্যবেদয়ম্।
পরং যত্নমবাপ্যৈব নিষণ্ণস্তৎপরায়ণঃ॥ 12-323-15 (78406)
ততঃ শতপথং কৃৎস্নং সরহস্যং সসংগ্রহম্।
চক্রে সপরিশেষং চ হর্ষেণ পরমেণ হ॥ 12-323-16 (78407)
কৃৎবা চাধ্যযনং তেষাং শিষ্যাণাং শতমুত্তমম্।
বিপ্রিয়ার্থং সশিষ্যস্য মাতুলস্য মহাত্মনঃ॥ 12-323-17 (78408)
ততঃ সশিষ্যেণ ময়া সূর্যেণেব গভস্তিভিঃ।
ব্যস্তো যজ্ঞো মহারাজ পিতুস্তব মহাত্মনঃ॥ 12-323-18 (78409)
মিষতো দেবলস্যাপি ততোঽর্ধং হৃতবান্বসু।
স্ববেদদক্ষিণায়ার্থে বিমর্দে মাতুলেন হ॥ 12-323-19 (78410)
সুমন্তুনাঽথ পৈলেন তথা জৈমিনিনা চ বৈ।
পিত্রা তে মুনিভিশ্চৈব ততোঽহমনুমানিতঃ॥ 12-323-20 (78411)
দশ পঞ্চ চ প্রাপ্তানি যজূংষ্যর্কান্ময়াঽনঘ।
তথৈব রোমহর্ষেণ পুরাণমবধারিতম্॥ 12-323-21 (78412)
বীজমেতৎপুরস্কৃত্য দেবীং চৈব সরস্বতীম্।
সূর্যস্য চানুভাবেন প্রবৃত্তোঽহং নরাধিপ॥ 12-323-22 (78413)
কর্তুং শতপথং চেদমপূর্বং চ কৃতং ময়া।
যথাভিলপিতং মার্গং তথা তচ্চোপপাদিতম্॥ 12-323-23 (78414)
শিষ্যাণামখিলং কৃৎস্নমনুজ্ঞাতং সসংগ্রহম্।
সর্বে চ শিষ্যাঃ শুচয়ো গতাঃ পরমহর্ষিতাঃ॥ 12-323-24 (78415)
শাখাঃ পঞ্চদশেমাস্তু বিদ্যা ভাস্করদর্শিতা।
প্রতিষ্ঠাপ্য যথাকামং বেদ্যং তদনুচিতয়ম্॥ 12-323-25 (78416)
কিমত্র ব্রহ্মণ্যমৃতং কিংচ বেদ্যমনুত্তমম্।
চিন্তয়ংস্তত্র চাগত্য গন্ধর্বো মামপৃচ্ছত॥ 12-323-26 (78417)
বিশ্বাবসুস্ততো রাজন্বেদান্তজ্ঞানকোবিদঃ।
চতুর্বিশাংস্ততোঽপৃচ্ছৎপ্রশ্নান্বেদস্য পার্থিব॥ 12-323-27 (78418)
পঞ্চবিংশতিমং প্রশ্নং পপ্রচ্ছান্বীক্ষিকীং তদা।
`তথৈব পুরুষব্যাঘ্র মিত্রং বরুণমেব চ॥' 12-323-28 (78419)
জ্ঞানং জ্ঞেয়ং তথা জ্ঞোঽজ্ঞঃ কস্তপা অতপাস্তথা।
সূর্যাতিসূর্য ইতি চ বিদ্যাবিদ্যে তথৈব চ॥ 12-323-29 (78420)
বেদ্যাবেদ্যং তথা রাজন্নচলং চলমেব চ।
অব্যযং চাক্ষরং ক্ষেম্যমেতৎপ্রশ্নমনুত্তমম্॥ 12-323-30 (78421)
অথোক্তশ্চ মহারাজ রাজা গন্ধর্বসত্তমঃ।
পৃষ্টবানানুপূর্ব্যেণ প্রশ্নমর্থবদুত্তমম্॥ 12-323-31 (78422)
মুহূর্তমুষ্যতাং তাবদ্যাবদেনং বিচিন্তয়ে।
বাঢমিত্যেব কৃৎবা স তূর্ষ্ণীং গন্ধর্ব আস্থিতঃ॥ 12-323-32 (78423)
ততোঽনুচিন্তয়মহং ভূয়ো দেবীং সরস্বতীম্।
মনসা স চ মে প্রশ্নো দধ্নো ধৃতমিবোদ্ধৃতঃ॥ 12-323-33 (78424)
তত্রোপনিষদং চৈব পরিশেষং চ পার্থিব।
মথ্নামি মনসা তাত দৃষ্ট্বা চান্বীক্ষিকীং পরাম্॥ 12-323-34 (78425)
চতুর্থী রাজশার্দূল বিদ্যৈষা সাংপরায়িকী।
উদীরিতা ময়া তুভ্যং পঞ্চবিংশাঽধিতিষ্ঠতা॥ 12-323-35 (78426)
অথোক্তস্তু ময়া রাজন্রাজা বিশ্বাবসুস্তদা।
শ্রূয়তাং যদ্ভবানস্মান্প্রশ্নং সংপৃষ্টবানিহ॥ 12-323-36 (78427)
বিশ্বাবিশ্বেতি যদিদং গন্ধর্বেন্দ্রানুপৃচ্ছসি।
বিশ্বাব্যক্তং পরং বিদ্যাদ্ভূতভব্যভয়ংকরম্॥ 12-323-37 (78428)
ত্রিগুণং গুণকর্তৃৎবাদ্বিশ্বান্যো নিষ্কলস্তথা।
বিশ্বাবিশ্বেতি মিথুনমেবমেবানুদৃশ্যতে॥ 12-323-38 (78429)
অব্যক্তং প্রকৃতিঃ প্রাহুঃ পুরুষেতি চ নির্গুণম্।
তথৈব মিত্রং পুরুষং বরুণং প্রকৃতিং তথা॥ 12-323-39 (78430)
জ্ঞানং তু প্রকৃতিং প্রাহুর্জ্ঞেয়ং পুরুষমেব চ।
অজ্ঞমব্যক্তমিত্যুক্তং জ্ঞস্তু নিষ্কল উচ্যতে॥ 12-323-40 (78431)
কস্তপা অতপাঃ প্রোক্তঃ কোসৌ পুরুষ উচ্যতে।
তপাস্তু প্রকৃতিং প্রাহুরতপা নিষ্কলঃ স্মৃতঃ॥ 12-323-41 (78432)
`সূর্যমব্যক্তমিত্যুক্তমতিসূর্যস্তু নিষ্কলঃ।
অবিদ্যা প্রোক্তমব্যক্তং বিদ্যা পুরুষ উচ্যতে॥' 12-323-42 (78433)
তথৈবাবেদ্যমব্যক্তং বেদ্যঃ পুরুষ উচ্যতে।
চলাচলমিতি প্রোক্তং ৎবয়া তদপি মে শৃণু॥ 12-323-43 (78434)
চলাং তু প্রকৃতিং প্রাহুঃ কারণং ক্ষেপসর্গয়োঃ।
অক্ষেপসর্গয়োঃ কর্তা নিশ্চলঃ পুরুষঃ স্মৃতঃ॥ 12-323-44 (78435)
অজ্ঞাবুভৌ ধ্রুবৌ চৈব অক্ষয়ৌ চাপ্যুভাবপি॥ 12-323-45 (78436)
অজৌ নিত্যাবুভৌ প্রাহুরধ্যাত্মগতিনিশ্চয়াঃ।
অক্ষয়ৎবাৎপ্রজননে অজমত্রাহুরব্যযম্।
অক্ষয়ং পুরুষং প্রাহুঃ ক্ষয়ো হ্যস্য ন বিদ্যতে॥ 12-323-46 (78437)
গুণক্ষয়ৎবাৎপ্রকৃতিঃ কর্তৃৎবাদক্ষয়ং বুধাঃ।
এষা তেঽন্বীক্ষিকী বিদ্যা চতুর্থী সাংপরায়িকী॥ 12-323-47 (78438)
বিদ্যোপেতং ধনং কৃৎবা কর্মণা নিত্যকর্মণি।
একান্তদর্শনা বেদাঃ সর্বে বিশ্বাবসো স্মৃতাঃ॥ 12-323-48 (78439)
জায়ন্তে চ ম্রিয়ন্তে চ যস্মিন্নেতে যতশ্চ্যুতাঃ।
বেদার্থং যে ন জানীতে বেদ্যং গন্ধর্বসত্তম॥ 12-323-49 (78440)
সাঙ্গোপাঙ্গানপি যদি পঞ্চ বেদানধীয়তে।
বেদবেদ্যং ন জানীতে বেদভারবহো হি সঃ॥ 12-323-50 (78441)
যো ঘৃতার্থী খরাক্ষীরং মথেদ্গন্ধর্বসত্তম।
বিষ্ঠাং তত্রানুপশ্যেত ন মণ়্ডং ন চ বৈ ঘৃতম্॥ 12-323-51 (78442)
তথা বেদ্যমবেদ্যং চ বেদবিদ্যো ন বিন্দতি।
স কেবলং মূঢমতির্বেদভারবহঃ স্মৃতঃ॥ 12-323-52 (78443)
দ্রষ্টব্যৌ নিত্যমেবৈতৌ তৎপরেণান্তরাত্মনা।
যথাঽস্য জন্মনিধনে ন ভবেতাং পুনঃ পুনঃ॥ 12-323-53 (78444)
অজস্রং জন্মনিধনং চিন্তয়িৎবা ত্রয়ীমিমাম্।
পরিত্যজ্য ক্ষয়মিহ অক্ষয়ং ধর্মমাস্থিতঃ॥ 12-323-54 (78445)
যদাঽনুপশ্যতেঽত্যন্তমহন্যহনি কাশ্যপ।
তদা স কেবলীভূতঃ ষঙ্বিংশমনুপশ্যতি॥ 12-323-55 (78446)
অন্যশ্চ শাশ্বতো ব্যক্তস্তথাঽন্যঃ পঞ্চবিংশকঃ।
তৎস্থং সমনুপশ্যন্তি তমেকমিতি সাধবঃ॥ 12-323-56 (78447)
তেনৈতং নাভিনন্দন্তি পঞ্চবিংসকমচ্যুতম্।
জন্মমৃত্যুভয়াদ্যোগাঃ সাখ্যাশ্চ পরমৈষিণঃ॥ 12-323-57 (78448)
বিশ্বাবসুরুবাচ। 12-323-58x (6516)
পঞ্চবিংশং যদেতত্তে প্রোক্তং ব্রাহ্মণসত্তম।
তদহং ন তথা বেদ্মি তদ্ভবান্বক্তুমর্হতি॥ 12-323-58 (78449)
জৈগীষব্যস্যাসিতস্য দেবলস্য ময়া শ্রুতম্।
পরাশরস্য বিপ্রর্ষের্বার্ষগণ্যস্য ধীমতঃ॥ 12-323-59 (78450)
ভিক্ষোঃ পঞ্চশিখস্যাস্য কপিলস্য শুকস্য চ।
গৌতমস্যাষ্টিংষেণস্য গর্গস্য চ মহাত্মনঃ॥ 12-323-60 (78451)
নারদস্যাসুরেশ্চৈব পুলস্ত্যস্য চ ধীমতঃ।
সনৎকুমারস্য ততঃ শুক্রস্য চ মহাত্মনঃ॥ 12-323-61 (78452)
কশ্যপস্য পিতুশ্চৈব পূর্বমেব ময়া শ্রুতম্।
তদনন্তরং চ রুদ্রস্য বিশ্বরূপস্য ধীমতঃ॥ 12-323-62 (78453)
দৈবতেভ্যঃ পিতৃভ্যশ্চ দৈতেয়েভ্যস্ততস্ততঃ।
প্রাপ্তমেতন্ময়া কৃৎস্নং বেদ্যং নিত্যং বদন্ত্যুত॥ 12-323-63 (78454)
তস্মাত্তদ্বৈ ভবদ্বুদ্ধ্যা শ্রোতুমিচ্ছামি ব্রাহ্মণ।
ভবান্প্রবর্হঃ শাস্ত্রাণাং প্রগল্ভশ্চাতিবুদ্ধিমান্॥ 12-323-64 (78455)
ন তবাবিদিতং কিংচিদ্ভবাঞ্শ্রুতিনিধিঃ স্মৃতঃ।
কথ্যসে দেবলোকে চ পিতৃলোকে চ ব্রাহ্মণ॥ 12-323-65 (78456)
ব্রহ্মলোকগতাশ্চৈব কথয়ন্তি মহর্ষয়ঃ।
পতিশ্চ তপতাং শশ্বদাদিত্যস্তব ভাষিতা॥ 12-323-66 (78457)
সাঙ্খ্যজ্ঞানং ৎবয়া ব্রহ্মন্নবাপ্তং কৃৎস্নমেব চ।
তথৈব যোগশাস্ত্রং চ যাজ্ঞবল্ক্য বিশেষতঃ॥ 12-323-67 (78458)
নিঃসংদিগ্ধং প্রবুদ্ধস্ৎবং বুধ্যমানশ্চরাচরম্।
শ্রোতুমিচ্ছামি তজ্জ্ঞানং ঘৃতং মণ্ডময়ং যথা॥ 12-323-68 (78459)
যাজ্ঞবল্ক্য উবাচ। 12-323-69x (6517)
কৃৎস্নধারিণমেব ৎবাং মন্যে গন্ধর্বসত্তম।
জিজ্ঞাসমে চ মাং রাজংস্তন্নিবোধ যথাশ্রুতম্॥ 12-323-69 (78460)
বুধ্যমানো হি প্রকৃতিং বুধ্যতে পঞ্চবিংশকঃ।
ন তু বুধ্যতি গন্ধর্বপ্রকৃতিঃ পঞ্চবিংশকম্॥ 12-323-70 (78461)
অনেন প্রতিবোধেন প্রধানং প্রবদন্তি তৎ।
সাঙ্খ্যযোগার্থতত্ৎবজ্ঞা যথ্নাশ্রুতিনিদর্শনাৎ॥ 12-323-71 (78462)
পশ্যংস্তথৈব চাপশ্যন্পশ্যত্যন্যঃ সদাঽনঘ।
ষঙ্বিংশং পঞ্চবিংশং চ চতুর্বিশং চ পশ্যতি॥ 12-323-72 (78463)
ন তু পশ্যতি পশ্যংস্তু যশ্চৈনমনুপশ্যতি।
পঞ্চবিংশোঽভিমন্যেত নান্যোঽস্তি পরতো মম॥ 12-323-73 (78464)
ন চতুর্বিশকো গ্রাহ্যো মনুজৈর্জ্ঞানদর্শিভিঃ।
মৎস্যো বোদকমন্বেতি প্রবর্তেত প্রবর্তনাৎ॥ 12-323-74 (78465)
যথৈব বুধ্যতে মৎস্যস্তথৈষোঽপ্যনুবুধ্যতে।
স স্নেহাৎসহবাসাচ্চ সাভিমানাচ্চ নিত্যশঃ॥ 12-323-75 (78466)
স নিমজ্জতি কালস্য যদৈকৎবং ন বুধ্যতে।
উন্মজ্জতি হি কালস্য সমৎবেনাভিসংবৃতঃ॥ 12-323-76 (78467)
যদা তু মন্যতেঽন্যোঽহমন্য এষ ইতি দ্বজিঃ।
তদা স কেবলীভূতঃ ষঙ্বিংশমনুপশ্যতি॥ 12-323-77 (78468)
অন্যশ্চ রাজন্পরমস্তথাঽন্যঃ পঞ্চবিংশকঃ।
তৎস্থৎবাদনুপশ্যন্তি এক এবেতি সাধবঃ॥ 12-323-78 (78469)
তেনৈতন্নাভিনন্দন্তি পঞ্চবিংশকমচ্যুতম্।
জন্মমৃত্যুভয়াদ্ভীতা যোগাঃ সাঙ্খ্যাশ্চ কাশ্যপ।
ষঙ্বিংশমনুপশ্যন্তঃ শুচয়স্তৎপরায়ণাঃ॥ 12-323-79 (78470)
যদা স কেবলীভূতঃ ষঙ্বিংশমনুপশ্যতি।
তদা স সর্ববিদ্বিদ্বান্ন পুনর্জন্ম বিন্দতি॥ 12-323-80 (78471)
এবমপ্রতিবুদ্ধশ্চ বুধ্যমানশ্চ তেঽনঘ।
বুদ্ধিশ্চোক্তা যথাতত্ৎবং ময়া শ্রুতিনিদর্শনাৎ॥ 12-323-81 (78472)
পশ্যাপশ্যং যো ন পশ্যেৎক্ষেম্যং তৎবং চ কাশ্যপ।
কেবলাকেবলং চান্যৎপঞ্চবিংশং পরং চ যৎ॥ 12-323-82 (78473)
বিশ্বাবসুরুবাচ। 12-323-83x (6518)
তথ্যং শুভং চৈতদুক্তং ৎবয়া বিভো।
সম্যক্ক্ষেম্যং দৈবতাদ্যং যথাবৎ।
স্বস্ত্যক্ষয়ং ভবতশ্চাস্তু নিত্যং
বুদ্ধ্যা সদা বুদ্ধিয়ুক্তং নমস্যে॥ 12-323-83 (78474)
যাজ্ঞবল্ক্য উবাচ। 12-323-84x (6519)
এবমুক্ৎবা সংপ্রয়াতো দিবং স
বিভ্রাজন্বৈ শ্রীমতা দর্শনেন।
দৃষ্টশ্চ তুষ্ট্যা পরয়াঽভিনন্দ্য
প্রদক্ষিণং মম কৃৎবা মহাত্মা॥ 12-323-84 (78475)
ব্রহ্মাদীনাং খেচরাণাং ক্ষিতৌ চ
যে চাধস্তাৎসংবসন্তে নরেন্দ্র।
তত্রৈব তদ্দর্শনং দর্শয়ন্বৈ
সম্যক্ক্ষেম্যং যে পথং সংশ্রিতা বৈ॥ 12-323-85 (78476)
সাঙ্খ্যাঃ সর্বে সাঙ্খ্যধর্মে রতাশ্চ
তদ্বদ্যোগা যোগধর্মে রতাশ্চ।
যে চাপ্যন্যে মোক্ষকামা মনুষ্যা
স্তেষামেতদ্দর্শনং জ্ঞানদৃষ্টম্॥ 12-323-86 (78477)
জ্ঞানান্মোক্ষো জায়তে রাজসিংহ
নাস্ত্যজ্ঞানাদেবমাহুর্নরেন্দ্র।
তস্মাজ্জ্ঞানং তত্ৎবতোঽন্তেষিতব্যং
যেনাত্মানং মোক্ষয়েজ্জন্মমৃত্যোঃ॥ 12-323-87 (78478)
প্রাপ্য জ্ঞানং ব্রাহ্মণাৎক্ষত্রিয়াদ্বা
বৈশ্যাচ্ছ্রদ্রাদপি নীচাদভীক্ষ্ণম্।
শ্রদ্ধাতব্যং শ্রদ্দধানেন নিত্যং
ন শ্রদ্ধিনং জন্মমৃত্যূ বিশেতাম্॥ 12-323-88 (78479)
সর্বে বর্ণা ব্রাহ্মণা ব্রহ্মজাশ্চ
সর্বে নিত্যং ব্যাহরন্তে চ ব্রহ্ম।
` যেনাত্মানং মোক্ষয়েজ্জন্মমৃত্যো
স্তত্ৎবং শাস্ত্রং ব্রহ্মবুদ্ধ্যা ব্রবীমি।'
তত্ৎবং শাস্ত্রং ব্রহ্মবুদ্ধ্যা ব্রবীমি
সর্বং বিশ্বং ব্রহ্ম চৈতৎসমস্তম্॥ 12-323-89 (78480)
ব্রহ্মাস্যতো ব্রাহ্মণাঃ সংপ্রসূতা
বাহুভ্যাং বৈ ক্ষত্রিয়াঃ সংপ্রসূতাঃ।
নাভ্যাং বৈশ্যাঃ পাদতশ্চাপি শূদ্রাঃ
সর্বে বর্ণা নান্যথা বেদিতব্যাঃ॥ 12-323-90 (78481)
অজ্ঞানতঃ কর্ময়োনিং ভজন্তে
তাংতাং রাজংস্তে যথা যান্ত্যভাবম্।
তথা বর্ণা জ্ঞানহীনাঃ পতন্তে
ঘোরাদজ্ঞানাৎপ্রাকৃতং যোনিজালম্॥ 12-323-91 (78482)
তস্মাজ্জ্ঞানং সর্বতো মার্গিতব্যং
সর্বত্রস্থং চৈতদুক্তং ময়া তে।
তৎস্থো ব্রহ্মা তস্থিবাংশ্চাপরো য
স্তস্মৈ নিত্যং মোক্ষমাহুর্নরেন্দ্র॥ 12-323-92 (78483)
যত্তে পৃষ্টং তন্ময়া চোপদিষ্টং
যাথাতথ্যং তদ্বিশোকো ভজস্ব।
রাজন্গচ্ছস্বৈতদর্থস্য পারং
সম্যক্প্রোক্তং স্বস্তি তে ৎবস্তু নিত্যম্॥ 12-323-93 (78484)
ভীষ্ম উবাচ। 12-323-94x (6520)
স এবমনুশিষ্টস্তু যাজ্ঞবল্ক্যেন ধীমতা।
প্রীতিমানভবদ্রাজা মিথিলাধিপতিস্তদা॥ 12-323-94 (78485)
গতে মুনিবরে তস্মিন্কৃতে চাপি প্রদক্ষিণম্।
দৈবরাতির্নরপতিরাসীনস্তত্র মোক্ষবিৎ॥ 12-323-95 (78486)
গোকোটিং স্পর্শয়ামাস হিরণ্যস্য তথৈব চ।
রত্নাঞ্জলিমথৈকৈকং ব্রাহ্মণেভ্যো দদৌ তদা॥ 12-323-96 (78487)
বেদহরাজ্যং চ তদা প্রতিষ্ঠাপ্য সুতস্য বৈ।
যতিধর্মমুপাস্যংশ্চাপ্যবসন্মিথিলাধিপঃ॥ 12-323-97 (78488)
সাঙ্খ্যজ্ঞানমধীয়ানো যোগশাস্ত্রং চ কৃৎস্নশঃ।
ধর্মাধর্মং চ রাজেন্দ্র প্রাকৃতং পরিগর্হয়ন্॥ 12-323-98 (78489)
অনন্ত ইতি কৃৎবা স নিত্যং কেবলমেব চ।
ধর্মাধর্মৌ পুণ্যপাপে সত্যাসত্যে তথৈব চ॥ 12-323-99 (78490)
জন্মমৃত্যূ চ রাজেন্দ্র প্রাকৃতং তদচিন্তয়ৎ।
ব্রহ্মাব্যক্তস্য কর্মেদমিতি নিত্যং নরাধিপ॥ 12-323-100 (78491)
পশ্যন্তি যোগাঃ সাঙ্খ্যাশ্চ স্বশাস্ত্রকৃতলক্ষণাঃ।
ইষ্টানিষ্টবিমুক্তং হি তস্থৌ ব্রহ্ম পরাৎপরম্॥ 12-323-101 (78492)
নিত্যং তদাহুর্বিদ্বাংসঃ শুচি তস্মাচ্ছুচির্ভব।
দীয়তে যচ্চ লভতে দত্তং যচ্চানুমন্যতে॥ 12-323-102 (78493)
`অব্যক্তেনেতি তচ্চিন্ত্যমন্যথা মা বিচন্তয়।'
দদাতি চ নরশ্রেষ্ঠ প্রতিগৃহ্ণাতি যচ্চ হ।
দদাত্যব্যক্ত ইত্যেতৎপ্রতিগৃহ্ণাতি যচ্চ বৈ॥ 12-323-103 (78494)
আত্মা হ্যেবাত্মনো হ্যেকঃ কোঽন্যস্তস্মাৎপরো ভবেৎ।
এবং মন্যস্ব সততমন্যথা মা বিচিন্তয়॥ 12-323-104 (78495)
যস্যাব্যক্তং ন বিদিতং সগুণং নির্গুণং পুনঃ।
তেন তীর্থানি যজ্ঞাশ্চ সেবিতব্যা বিপশ্চিতা॥ 12-323-105 (78496)
ন স্বাধ্যায়ৈস্তপোভির্বা যজ্ঞৈর্বা কুরুনন্দন।
লভতেঽব্যক্তিকং স্থানং জ্ঞাৎবাঽব্যক্তং মহীয়তে॥ 12-323-106 (78497)
তথৈব মহতঃ স্থানমাহংকারিকমেব চ।
অহংকারাৎপরং চাপি স্থানানি সমবাপ্নুয়াৎ॥ 12-323-107 (78498)
যে ৎবব্যক্তাৎপরং নিত্যং জানতে শাস্ত্রতৎপরাঃ।
জন্মমৃত্যুবিমুক্তং চ বিমুক্তং সদসচ্চ যৎ॥ 12-323-108 (78499)
এতন্ময়াঽঽপ্তং জনকাৎপুরস্তা
ত্তেনাপি চাপ্তং নৃপ যাজ্ঞবল্ক্যাৎ।
জ্ঞাতং বিশিষ্টং ন তথা হি যজ্ঞা
জ্ঞানেন দুর্গং তরতে ন যজ্ঞৈঃ॥ 12-323-109 (78500)
দুর্গং জন্ম নিধনং চাপি রাজ
ন্ন ভৌতিকং জ্ঞানবিদো বদন্তি।
যজ্ঞৈস্তপোভির্নিয়মৈর্ব্রতৈশ্চ
দিবং সমাসাদ্য পতন্তি ভূমৌ॥ 12-323-110 (78501)
তস্মাদুপাসস্ব পরং মহচ্ছুচি
শিবং বিমোক্ষং বিমলং পবিত্রম্।
ক্ষেত্রং জ্ঞাৎবা পার্থিব জ্ঞানয়জ্ঞ
মুপাস্য বৈ তত্ৎবমৃষির্ভবিষ্যসি॥ 12-323-111 (78502)
যুদুপনিষদমুপাকরোত্তথাঽসৌ
জনকনৃপস্য পুরা হি যাজ্ঞবল্ক্যঃ।
যদুপগণিতশাশ্বতাব্যযং ত
চ্ছুভমমৃতৎবমশোকমর্চ্ছতি॥ ॥ 12-323-112 (78503)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রয়োবিংশত্যধিকত্রিশততমোঽধ্যায়ঃ॥ 323॥
Mahabharata - Shanti Parva - Chapter Footnotes
12-323-2 চরতাবনতেন হেতি ঝ. ধ. পাঠঃ॥ 12-323-3 দেবঃ সবিতা তোষিতো ময়েতি ধ. পাঠঃ॥ 12-323-7 মেঽঽস্যং মমাস্যম্। সংধিরার্ষঃ॥ 12-323-8 মাতুলস্য মহাত্মন ইতি ট. ড. ধ. পাঠঃ॥ 12-323-9 প্রতিষ্ঠাস্যতি তে বেদ ইতি ঝ. ধ. পাঠঃ। শীতীভবিষ্যতিৎবদ্দেহ ইতি শেষঃ॥ 12-323-10 পরশাখীয়ং স্বশাখায়ামপেক্ষাবশাৎ পঠ্যতে তৎখিলমিত্যুচ্যতে। সোত্তরঃ সোপনিষৎকঃ॥ 12-323-11 অপুনর্ভাবে মোক্ষে॥ 12-323-16 চক্রে কর্মকর্তরি প্রয়োগঃষ। স্বয়মেবাবিরভূদিত্যর্থঃ॥ 12-323-17 মাতুলস্য বৈশম্পায়নস্য॥ 12-323-19 ততোর্ধ্যং কৃতবানহমিতি ট. ড. থ. পাঠঃ। দেবলস্য মাতুলপক্ষীয়স্য মিষতঃ পশ্যতঃ পুরস্তাৎ। অর্থে অর্থনিমিত্তং মাতুলাদিভিঃ সহ বিমর্দে সতি সমং বিভজ্য গ্রাহ্যমিতি নির্বন্ধে সতি দেবলসংমত্যাহং দক্ষিণায়া অর্ধং হৃতবান্ স্বীকৃতবানিত্যর্থঃ। দক্ষিণায়ার্থে ইতি সংধিরার্ষঃ॥ 12-323-23 কর্তুং প্রকটীকর্তুম্॥ 12-323-26 ব্রহ্মণ্যং ব্রাহ্মণজাতেহিংতম্॥ 12-323-28 বিশ্বাবিশ্বং তথাশ্বাশ্বং মিত্রং বরুণমেব চেতি ঝ. পাঠঃ॥ 12-323-29 সূর্যাতিসূর্যমিতি চেতি ট. থ. পাঠঃ॥ 12-323-37 বিশ্বমব্যক্তমিত্যুক্তমবিশ্বো নিষ্কলস্তথেতি ট. ড. থ. পাঠঃ॥ 12-323-38 অশ্বশ্চাশ্বা চ মিথুনমিতি ঝ. পাঠঃ॥ 12-323-40 অজ্ঞশ্চ জ্ঞশ্চ পুরুষস্তস্মান্নিষ্কল ইতি ধ. পাঠঃ॥ 12-323-48 বিদ্যাপেতং ধনং কৃৎবেতি ট. থ. পাঠঃ। বিদ্যোপেতং মনঃ কৃৎবেতি ড. পাঠঃ। বিদ্যামেতাং ধনং কৃৎবেতি ধ. পাঠঃ॥ 12-323-56 তস্মাদ্দ্বাবনুপশ্যেতিতি ধ. পাঠঃ। তস্য দ্বাবনুপশ্যেতামিতি ঝ. পাঠঃ॥ 12-323-69 কুৎস্নহারিণমেব ৎবামিতি ট. ড. থ. পাঠঃ॥ 12-323-70 অবুধ্যমানঃ প্রকৃতিমিতি ড. পাঠঃ॥ 12-323-96 ৎপর্শয়ামাস দদৌ॥শান্তিপর্ব - অধ্যায় 324
॥ শ্রীঃ ॥
12.324. অধ্যায়ঃ 324
Mahabharata - Shanti Parva - Chapter Topics
ভীষ্মণ যুধিষ্ঠিরংপ্রতি দারাপত্যাদিষু স্নেহত্যাগপূর্বকং ধর্মাচরণচোদকজনকপঞ্চশিখসংবাদানুবাদঃ॥ 1॥Mahabharata - Shanti Parva - Chapter Text
12-324-0 (78504)
যুধিষ্ঠির উবাচ। 12-324-0x (6521)
ঐশ্বর্যং বা মহৎপ্রাপ্য ধনং বা ভরতর্ষভ।
দীর্ঘমায়ুরবাপ্যাথ কথং মৃত্যুমতিক্রমেৎ॥ 12-324-1 (78505)
তপসা বা সুমহতা কর্মণা বা শ্রুতেন বা।
রসায়নপ্রয়োগৈর্বা কৈর্নাপ্নোতি জরান্তকৌ॥ 12-324-2 (78506)
ভীষ্ম উবাচ। 12-324-3x (6522)
অত্রাপ্যুদাহরন্তীমমিতিহাসং পুরাতনম্।
ভিক্ষোঃ পঞ্চশিখস্যেহ সংবাদং জনকস্য চ॥ 12-324-3 (78507)
বৈদেহো জনকো রাজা মহর্ষি বেদবিত্তমম্।
যর্যপৃচ্ছৎপঞ্চশিখং ছিন্নধর্মার্থসংশয়ম্॥ 12-324-4 (78508)
কেন বৃত্তেন ভগবন্নতিক্রামেজ্জরান্তকৌ।
তপসা বাঽথবা বুদ্ধ্যা কর্মণা বা শ্রুতেন বা॥ 12-324-5 (78509)
এবমুক্তঃ স বৈদেহং প্রত্যুবাচাপরেক্ষবিৎ।
নিবৃত্তির্নৈতয়োরস্তি নাতিবৃত্তিঃ কথংচন॥ 12-324-6 (78510)
ন হ্যহানি নিবর্তন্তে ন মাসা ন পুনঃ ক্ষপাঃ।
সোয়ং প্রপদ্যতেঽধ্বানং চিরায় ধ্রুবমধ্রুবঃ॥ 12-324-7 (78511)
সর্বভূতসমুচ্ছেদঃ স্রোতসেবোহ্যতে সদা।
ঊহ্যমানং নিমজ্জন্তমপ্লবে কালসাগরে॥ 12-324-8 (78512)
জরামৃত্যুমহাগ্রাহে ন কশ্চিদতিবর্ততে।
নৈবাস্য কশ্চিদ্ভবতি নাসৌ ভবতি কস্যচিৎ॥ 12-324-9 (78513)
পথি সংগতমেবেদং দারৈরন্যৈশ্চ বন্ধুভিঃ।
নায়মত্যন্তসংবাসো লব্ধপূর্বো হি কেনচিৎ॥ 12-324-10 (78514)
ক্ষিপ্যন্তে তেনতেনৈব নিষ্টনন্তঃ পুনঃ পুনঃ।
কালেন জাতা যাতা হি বায়ুনেবাভ্রসংচয়াঃ॥ 12-324-11 (78515)
জরামৃত্যূ হি ভূতানাং খাদিতারৌ বৃকাবিব।
বলিনাং দুর্বলানাং চ হ্রস্বানাং মহতামপি॥ 12-324-12 (78516)
এবংভূতেষু ভূতেষু নিত্যভূতাধ্রবেষু চ।
কথং হি হৃষ্যেজ্জাতেষু মৃতেষু চ ন সংজ্বরেৎ॥ 12-324-13 (78517)
কুতোঽহমাগতঃ কোঽস্মি ক্ব গমিষ্যামি কস্য বা।
কস্মিন্স্থিতঃ ক্ব ভবিতা কস্মাৎকিমনুশোচসি॥ 12-324-14 (78518)
দ্রষ্টা স্বর্গস্য ন হ্যস্তি তথৈব নরকস্য চ।
আগমাস্ৎবনতিক্রম্য দদ্যাচ্চৈব যজেত চ॥ ॥ 12-324-15 (78519)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুবিংশত্যধিকত্রিশততমোঽধ্যায়ঃ॥ 324॥
Mahabharata - Shanti Parva - Chapter Footnotes
12-324-14 কুতস্ৎবমাগতঃ ক্বাসি ৎবং গমিষ্যসি কস্যবেতি ড. পাঠঃ॥শান্তিপর্ব - অধ্যায় 325
॥ শ্রীঃ ॥
12.325. অধ্যায়ঃ 325
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সুতভাজনকসংবাদঃ॥ 1॥Mahabharata - Shanti Parva - Chapter Text
12-325-0 (78520)
যুধিষ্ঠির উবাচ। 12-325-0x (6523)
অপরিত্যজ্য গার্হস্থ্যং কুরুরাজর্ষিসত্তম।
কঃ প্রাপ্তো ভূপতিঃ সিদ্ধিং মোক্ষতত্ৎবং বদস্ব মে॥ 12-325-1 (78521)
সংন্যস্যতে যথাঽত্মাঽয়ং ব্যক্তস্যাত্মা যথা চ যৎ।
পরং মোক্ষস্য যচ্চাপি তন্মে ব্রূহি পিতামহ॥ 12-325-2 (78522)
ভীষ্ম উবাচ। 12-325-3x (6524)
অত্রাপ্যুদাহরন্তীমমিতিহাসং পুরাতনম্।
জনকস্য চ সংবাদং সুলভায়াশ্চ ভারত॥ 12-325-3 (78523)
সংন্যাসফলিকঃ কশ্চিদ্বভূব নৃপতিঃ পুরা।
মৈথিলো জনকো নাম ধর্মধ্বজ ইতি শ্রুতঃ॥ 12-325-4 (78524)
স বেদে মোক্ষশাস্ত্রে চ স্বে চ শাস্ত্রে কৃতশ্রমঃ।
ইন্দ্রিয়াণি সমাধায় শশাস বসুধামিমাম্॥ 12-325-5 (78525)
তস্য বেদবিদঃ প্রাজ্ঞাঃ শ্রুৎবা তাং সাধুবৃত্ততাম্।
লোকেষু স্পৃহয়ন্ত্যন্যে পুরুষাঃ পুরুষেশ্বরম্॥ 12-325-6 (78526)
অথ ধর্ময়ুগে তস্মিন্যোগধর্মমনুষ্ঠিতা।
মহীমনুচচারৈকা সুলভা নাম ভিক্ষুকী॥ 12-325-7 (78527)
তয়া জগদিদং কৃৎস্নমটন্ত্যা মিথিলেশ্বরঃ।
তত্রতত্র শ্রুতো মোক্ষে কথ্যমানস্ত্রিদণ্ডিভিঃ॥ 12-325-8 (78528)
সাঽতিসূক্ষ্মাং কথাং শ্রুৎবা তথ্যং নেতি সসংশয়া।
দর্শনে জাতসংকল্পা জনকস্য বভূব হ॥ 12-325-9 (78529)
তত্র সা বিপ্রহায়াঽথ পূর্বরূপং হি যোগতঃ।
অবিভ্রদনবদ্যাঙ্গী রূপমন্যদনুত্তমম্॥ 12-325-10 (78530)
চক্ষুনিংমেষমাত্রেণ লধ্বস্ত্রগতিগামিনী।
বিদেহানাং পুরীং সুভ্রূর্জগাম কমলেক্ষণা॥ 12-325-11 (78531)
সা প্রাপ্য মিথিলাং রম্যাং সমৃদ্ধজনসংকুলাম্।
ভৈক্ষ্যচর্যাপদেশেন দদর্শ মিথিলেশ্বরম্॥ 12-325-12 (78532)
রাজা তস্যাঃ পরং দৃষ্ট্বা সৌকুমার্যং পুনস্তদা।
কেয়ং কস্য কুতো বেতি বভূবাগতবিস্ময়ঃ॥ 12-325-13 (78533)
ততোস্যাঃ স্বাগতং কৃৎবা ব্যাদিশ্য চ বরাসনম্।
পূজিতাং পাদশৌচেন বরান্নেনাপ্যতর্পয়ৎ॥ 12-325-14 (78534)
অথ ভুক্তবতীং প্রীতাং রাজা তাং মন্ত্রিভির্বৃতঃ।
সর্বভাষ্যবিদাং মধ্যে চোদয়ামাস ভিক্ষুকীম্॥ 12-325-15 (78535)
সুলভা ৎবস্য ধর্মেষু মুক্তো নেতি সসংশয়া।
সৎবং সৎবেন যোগজ্ঞা প্রবিষ্টাঽভূন্মহীপতে॥ 12-325-16 (78536)
নেত্রাভ্যাং নেত্রয়োরস্য রশ্মীন্সংয়োজ্য রশ্মিভিঃ।
সা স্ম তং চোদয়িষ্যন্তী যোগবন্ধৈর্ববন্ধ হ॥ 12-325-17 (78537)
জনকোপ্যুৎস্ময়ন্রাজা ভাবমস্যা বিশেষয়ন্।
প্রতিজগ্রাহ ভাবেন ভাবমস্যা নৃপোত্তম॥ 12-325-18 (78538)
তদেকস্মিন্নধিষ্ঠানে সংবাদঃ শ্রূতয়াময়ম্।
ছত্রাদিষু বিমুক্তস্য মুক্তায়াশ্চ ত্রিদণ্ডকৈঃ॥ 12-325-19 (78539)
জনক উবাচ। 12-325-20x (6525)
ভগবত্যাঃ ক্ব চর্যেয়ং কৃতা ক্ব চ গমিষ্যসি।
কস্য চ ৎবং কুতো বেতি পপ্রচ্ছৈনাং মহিপতিঃ॥ 12-325-20 (78540)
শ্রুতে বয়সি জাতৌ চ সদ্ভাবো নাধিগম্যতে।
এষ্বর্থেষূত্তরং তস্মাৎপ্রবেদ্যং মৎসমাগমে॥ 12-325-21 (78541)
ছত্রাদিষু বিশেষেষু মুক্তং মাং বিদ্ধি তত্ৎবতঃ।
সৎবাং সংবেত্তুমিচ্ছামি মানার্হা হি মতাঽসিমে॥ 12-325-22 (78542)
যস্মাচ্চৈতন্ময়া প্রাপ্তং জ্ঞানং বৈশেষিকং পুরা।
যস্য নান্যঃ প্রবক্তাঽস্তি মোক্ষে তমপি মে শৃণু॥ 12-325-23 (78543)
পরাশরসগোত্রস্য বৃদ্ধস্য সুমহাত্মনঃ।
ভিক্ষোঃ পঞ্চশিখস্যাহং শিষ্যঃ পরমসংমতঃ॥ 12-325-24 (78544)
সাঙ্খ্যজ্ঞানে চ যোগে চ মহীপালবিধৌ তথা।
ত্রিবিধে মোক্ষধর্মোস্মিন্গতাধ্বা ছিন্নসংশয়ঃ॥ 12-325-25 (78545)
স যথা শাস্ত্রদৃষ্টেন মার্গেণেহ পরিভ্রমন্।
বার্ষিকাংশ্চতুরো মাসান্পুরা ময়ি সুখোষিতঃ॥ 12-325-26 (78546)
তেনাহং সাঙ্খ্যমুখ্যেন সুদৃষ্টার্থেন তত্ৎবতঃ।
শ্রাবিতস্ত্রিবিধং মোক্ষং ন চ রাজ্যাদ্ধি চালিতঃ॥ 12-325-27 (78547)
সোহং তামখিলাং বৃত্তিং ত্রিবিধাং মোক্ষসংহিতাম্।
মুক্তরাগশ্চরাম্যেকঃ পদে পরমকে স্থিতঃ॥ 12-325-28 (78548)
বৈরাগ্যং পুনরেতস্য মোক্ষস্য পরমো বিধিঃ।
জ্ঞানাদেব চ বৈরাগ্যং জায়তে যেন মুচ্যতে॥ 12-325-29 (78549)
জ্ঞানেন কুরুতে যত্নং যত্নেন প্রাপ্যতে মহৎ।
মহদ্দ্বন্দ্বপ্রমোক্ষায় সা সিদ্ধির্যা বয়োতিগা॥ 12-325-30 (78550)
সেয়ং পরমিকা সিদ্ধিঃ প্রাপ্তা নির্দ্বন্দ্বতা ময়া।
ইহৈব গতমোহেন চরতা মুক্তসঙ্গিনা॥ 12-325-31 (78551)
যথা ক্ষেত্রং মৃদুভূতমদ্ভিরাপ্লাবিতং তথা।
জনয়ত্যঙ্কুরং কর্ম নৃণাং তদ্বৎপুনর্ভবম্॥ 12-325-32 (78552)
যথা চোত্তাপিতং বীজং কপালে যত্রতত্র বা।
প্রাপ্যাপ্যঙ্কুরহেতুৎবমবীজৎবান্ন জায়তে॥ 12-325-33 (78553)
তদ্বদ্ভগবতাঽনেন শিখাপ্রোক্তেন ভিক্ষুণা।
জ্ঞানং কৃতমবীজং মে বিষয়েষু ন জায়তে॥ 12-325-34 (78554)
নামিরজ্যতি কস্মিংশ্চিন্নানর্থে ন পরিগ্রহে।
নাভিরজ্যতি চৈতেষু ব্যর্থৎবাদ্রাগরোষয়োঃ॥ 12-325-35 (78555)
যশ্চ মে দক্ষিণং বাহুং চন্দনেন সমুক্ষয়েৎ।
সব্যং বাঽস্যাপি যস্তক্ষেৎসমাবেতাবুভৌ মম॥ 12-325-36 (78556)
সুখী সোঽহমবাপ্তার্থঃ সমলোষ্টাশ্মকাঞ্চনঃ।
মুক্তসঙ্গঃ স্থিতো রাজ্যে বিশিষ্টোঽন্যৈস্ত্রিদণ্ডিভিঃ॥ 12-325-37 (78557)
মোক্ষে হি ত্রিবিধা নিষ্ঠা দৃষ্টাঽন্যৈর্মোক্ষবিত্তমৈঃ।
জ্ঞানং লোকোত্তরং যচ্চ সর্বত্যাগশ্চ কর্মণাম্॥ 12-325-38 (78558)
জ্ঞাননিষ্ঠাং বদন্ত্যেকে মোক্ষশাস্ত্রবিদো জনাঃ।
কর্মনিষ্ঠাং তথৈবান্যে যতয়ঃ সূক্ষ্মদর্শিনঃ॥ 12-325-39 (78559)
প্রহায়োভয়মপ্যেব জ্ঞানং কর্ম চ কেবলম্।
তৃতীয়েয়ং সমাখ্যাতা নিষ্ঠা তেন মহাত্মনা॥ 12-325-40 (78560)
যমে চ নিয়মে চৈব কামে দ্বেষে পরিগ্রহে।
মানে দম্ভে তথা স্নেহে সদৃশাস্তে কুটুম্বিভিঃ॥ 12-325-41 (78561)
ত্রিদণ্ডাদিষু যদ্যস্তি মোক্ষো জ্ঞানেন কেনচিৎ।
ছত্রাদিষু কথং ন স্যাত্তুল্যহেতৌ পরিগ্রহে॥ 12-325-42 (78562)
যেনয়েন হি যস্যার্থঃ কারণেনেহ কর্মণি।
তত্তদালম্বতে সর্বদ্রব্যে স্বার্থপরিগ্রহে॥ 12-325-43 (78563)
দোষদর্শী তু গার্হস্থ্যে যো ব্রজত্যাশ্রমান্তরে।
উৎসৃজন্পরিগৃহ্ণংশ্চ সোঽপি সঙ্গান্ন মুচ্যতে॥ 12-325-44 (78564)
আধিপত্যে তথা তুল্যে নিগ্রহানুগ্রহাত্মকে।
রাজভির্ভিক্ষুকাস্তুল্যা মুচ্যন্তে কেন হেতুনা॥ 12-325-45 (78565)
অথ সত্যাধিপত্যেঽপি জ্ঞানেনৈবেহ কেবলম্।
মুচ্যন্তে কিং ন মুচ্যন্তে পদে পরমকে স্থিতাঃ॥ 12-325-46 (78566)
কাষায়ধারণং মৌণ্ড্যং ত্রিবিষ্টব্ধং কমণ্ডলুম্।
লিঙ্গান্যুৎপথভূতানি ন মোক্ষায়েতি মে মতিঃ॥ 12-325-47 (78567)
যদি সত্যপি লিঙ্গেঽস্মিঞ্জ্ঞানমেবাত্র কারণম্।
নির্মোক্ষায়েহ দুঃখস্য লিঙ্গমাত্রং নিরর্থকম্॥ 12-325-48 (78568)
অথবা দুঃখশৈথিল্যং বীক্ষ্য লিঙ্গে কৃতা মতিঃ।
কিং তদেবার্থসামান্যং ছত্রাদিষু ন লক্ষ্যতে॥ 12-325-49 (78569)
আকিঞ্চন্যে ন মোক্ষোস্তি কৈঞ্চন্যে নাস্তি বন্ধনম্।
কৈঞ্চন্যে চেতরে চৈব জন্তুর্জ্ঞানেন মুচ্যতে॥ 12-325-50 (78570)
তস্মাদ্ধর্মার্থকামেষু তথা রাজ্যপরিগ্রহে।
বন্ধনায়তনেষ্বেষু বিদ্ধ্যবন্ধে পদে স্থিতম্॥ 12-325-51 (78571)
রাজ্যৈশ্বর্যময়ঃ পাশঃ স্নেহায়তনবন্ধনঃ।
মোক্ষাশ্মনিশিতেনেহ চ্ছিন্নস্ত্যাগাসিনা ময়া॥ 12-325-52 (78572)
সোহমেবং গতো মুক্তো জাতাস্থস্ৎবয়ি ভিক্ষুকি।
অয়থার্থং হি তে বর্ণং বক্ষ্যামি শৃণু তন্মম॥ 12-325-53 (78573)
সৌকুমার্যং তথা রূপং বপুরগ্র্যং তথা বয়ঃ।
তবৈতানি সমস্তানি নিয়মশ্চেতি সংশয়ঃ॥ 12-325-54 (78574)
যচ্চাপ্যননুরূপং তে লিঙ্গস্যাস্য বিচেষ্টিতম্।
মুক্তোঽয়ং স্যান্ন বেতি স্যাদ্ধর্ষিতো মৎপরিগ্রহঃ॥ 12-325-55 (78575)
ন চ কামসমায়ুক্তে যুক্তেঽপ্যস্তি ত্রিদণ্ডকে।
ন রক্ষ্যতে ৎবয়া চেদং ন মুক্তস্যাস্তি গোপনা॥ 12-325-56 (78576)
মৎপক্ষসংশ্রয়াচ্চায়ং শৃণু যস্তে ব্যতিক্রমঃ।
আশ্রয়ন্ত্যাঃ স্বভাবেন মম পূর্বপরিগ্রহম্॥ 12-325-57 (78577)
প্রবেশস্তে কৃতঃ কেন মম রাষ্ট্রে পুরেপি বা।
কস্য বা সন্নিকর্ষাত্ৎবং প্রবিষ্টা হৃদয়ং মম॥ 12-325-58 (78578)
বর্ণপ্রবরমুখ্যাঽসি ব্রাহ্মণী ক্ষত্রিয়স্ৎবহম্।
নাবয়োরেকয়োগোঽস্তি মা কৃথা বর্ণসংকরম্॥ 12-325-59 (78579)
বর্তসে মোক্ষধর্মেণ ৎবং গার্হস্থ্যেঽহমাশ্রমে।
অয়ং চাপি সুকষ্টস্তে দ্বিতীয়াশ্রমসংকরঃ॥ 12-325-60 (78580)
সগোত্রাং বাঽসগোত্রাং বা ন বেদ ৎবাং ন বেত্থ মাম্।
সগোত্রমাবিশন্ত্যাস্তে তৃতীয়ো গোত্রসংকরঃ॥ 12-325-61 (78581)
অথ জীবতি তে ভর্তা প্রোষিতোপ্যথবা ক্বচিৎ।
অগম্যা পরভার্যেতি চতুর্থো ধর্মসংকরঃ॥ 12-325-62 (78582)
সা ৎবমেতান্যকার্যাণি কার্যাপেক্ষা ব্যবস্যসি।
অবিজ্ঞানেন বা যুক্তা মিথ্যাজ্ঞানেন বা পুনঃ॥ 12-325-63 (78583)
অথবাপি স্বতন্ত্রাঽসি স্বদোষেণেহ কেনচিৎ।
যদি কিংচিচ্ছ্রুতং তেঽস্তি সর্বং কৃতমনর্থকম্॥ 12-325-64 (78584)
ইদমন্যত্তৃতীয়ং যে ভাবস্পর্শবিঘাতকম্।
দুষ্টায়াঽলক্ষ্যতে লিঙ্গং বিবৃণ্বত্যা প্রকাশিতম্॥ 12-325-65 (78585)
ন ময়্যেবাভিসন্ধিস্তে জয়ৈষিণ্যা জয়ে কৃতঃ।
যেয়ং মৎপরিষৎকৃৎস্না চেতুমিচ্ছসি তামপি॥ 12-325-66 (78586)
তথাঽর্হতস্ততশ্চ ৎবং দৃষ্টিং স্বাং প্রতিমুঞ্চসি।
মৎপক্ষপ্রতিঘাতায় স্বপক্ষোদ্ভবনায় চ॥ 12-325-67 (78587)
সা স্বেনামর্ষজেন ৎবমৃদ্ধিমোহেন মোহিতা।
ভূয়ঃ সৃজসি যোগাংস্ৎবং বিষামৃতমিবৈকতাম্॥ 12-325-68 (78588)
ইচ্ছতোরত্র যো লাভঃ স্ত্রীপুংসোরমৃতোপমঃ।
অলাভশ্চাপি রক্তস্য সোপি দোষো বিষোষমঃ॥ 12-325-69 (78589)
মা ত্যাক্ষীঃ সাধু জানীষ্ব স্বশাস্ত্রমনুপালয়।
কৃতেয়ং হি বিজিজ্ঞাসা মুক্তো নেতি ৎবয়া মম॥ 12-325-70 (78590)
এতৎসর্বং প্রতিচ্ছন্নং ময়ি নার্হসি গূহিতম্।
সা যদি ৎবং স্বকার্যেণ যদ্যন্যস্য মহীপতেঃ।
তত্ৎবমত্র প্রতিচ্ছন্না ময়ি নার্হসি গূহিতম্॥ 12-325-71 (78591)
ন রাজানং মৃষা গচ্ছেন্ন দ্বিজাতিং কথংচন।
ন স্ত্রিয়ং স্ত্রীগুণোপেতাং হন্যুর্হ্যেতে মৃষাগতাঃ॥ 12-325-72 (78592)
রাজ্ঞাং হি বলমৈশ্বর্যং ব্রহ্ম ব্রহ্মবিদাং বলম্।
রূপয়ৌবনসৌভাগ্যং স্ত্রীণাং বলমনুত্তমম্॥ 12-325-73 (78593)
অত এতৈর্বলৈরেব বলিনঃ স্বার্থমিচ্ছতা।
আর্জবেনাভিগন্তব্যা বিনাশায় হ্যনার্জবম্॥ 12-325-74 (78594)
সা ৎবং জাতিং শ্রুতং বৃত্তং ভাবং প্রকৃতিমাত্মনঃ।
কৃত্যমাগমনে চৈব বক্তুমর্হসি তত্ৎবতঃ॥ 12-325-75 (78595)
ভীষ্ম উবাচ। 12-325-76x (6526)
ইত্যেতৈরসুখৈর্বাক্যৈরয়ুক্তৈরসমঞ্জসৈঃ।
প্রত্যাদিষ্টা নরেন্দ্রেণ সুলভা ন ব্যকম্পত॥ 12-325-76 (78596)
উক্তবাক্যে তু নৃপতৌ সুলভা চারুদর্শনা।
ততশ্চারুতরং বাক্যং প্রচক্রামাথ ভাষিতুম্॥ 12-325-77 (78597)
সুলভোবাচ। 12-325-78x (6527)
নবভির্নবভিশ্চৈব দোষৈর্বাগ্বুদ্ধিদূষণৈঃ।
অপেতমুপপন্নার্থমষ্টাদশগুণান্বিতম্॥ 12-325-78 (78598)
সৌক্ষ্ম্যং সাঙ্খ্যক্রমৌ চোভৌ নির্ণয়ঃ সপ্রয়োজনঃ।
পঞ্চৈতান্যর্থজাতানি বাক্যমিত্যুচ্যতে নৃপ॥ 12-325-79 (78599)
এষামেকৈকশোঽর্থানাং সৌক্ষ্ম্যাদীনাং স্বলক্ষণম্।
শৃণু সংসার্যমাণানাং পদার্থপদবাক্যতঃ॥ 12-325-80 (78600)
জ্ঞানং জ্ঞেয়েষু ভিন্নেষু যদা ভেদেন বর্ততে।
তত্রাতিশয়িনী বুদ্ধিস্তৎসৌক্ষ্ম্যমিতি বর্ততে॥ 12-325-81 (78601)
দোষাণাং চ গুণানাং চ প্রমাণং প্রবিভাগতঃ।
কংচিদর্থমভিপ্রেত্য সা সঙ্খ্যেত্যুপধার্যতাম্॥ 12-325-82 (78602)
ইদং পূর্বমিদং পশ্চাদ্বক্তব্যং যদ্বিবক্ষিতম্।
ক্রময়োগং তমপ্যাহুর্বাক্যং বাক্যবিদো জনাঃ॥ 12-325-83 (78603)
ধর্মকামার্থমোক্ষেষু প্রতিজ্ঞায় বিশেষতঃ।
ইদং তদিতি বাক্যান্তে প্রোচ্যতে স বিনির্ণয়ঃ॥ 12-325-84 (78604)
ইচ্ছাদ্বেষভবৈর্দুঃখৈঃ প্রকর্ষো যত্র জায়তে।
তত্র যা নৃপতে বৃত্তিস্তৎপ্রয়োজনমিষ্যতে॥ 12-325-85 (78605)
তান্যেতানি যথোক্তানি সৌক্ষ্ম্যাদীনি জনাধিপ।
একার্থসমবেতানি বাক্যং মম নিশাময়॥ 12-325-86 (78606)
উপেতার্থমভিন্নার্থং ন্যায়বৃত্তং ন চাধিকম্।
নাশ্লক্ষ্ণং ন চ সংদিগ্ধং বক্ষ্যামি পরমং ততঃ॥ 12-325-87 (78607)
ন গুর্বক্ষরসংয়ুক্তং পরাঙ্যুখপদং ন চ।
নানৃতং ন ত্রিবর্গেণ বিরুদ্ধং নাপ্যসংস্কৃতম্॥ 12-325-88 (78608)
ন ন্যূনং নষ্টশব্দং বা ব্যুৎক্রমাভিহিতং ন চ।
সদোষমভিকল্পেন নিষ্কারণমহেতুকম্॥ 12-325-89 (78609)
কামাৎক্রোধাদ্ভয়াল্লোভাদ্দৈন্যাচ্চানার্থকাত্তথা।
হ্রীতোঽনুক্রোশতো মানান্ন বক্ষ্যামি কথংচন॥ 12-325-90 (78610)
বক্তা শ্রোতা চ বাক্যং চ যদা ৎববিকলং নৃপ।
স মমেতি বিবক্ষায়াং তদা সোর্থঃ প্রকাশতে॥ 12-325-91 (78611)
বক্তব্যে তু যদা বক্তা শ্রোতারমবমন্যতে।
স্বার্থমাহ পরার্থং তত্তদা বাক্যং ন রোহতি॥ 12-325-92 (78612)
অথ যঃ স্বার্থমুৎসৃজ্য পরার্থং প্রাহ মানবঃ।
বিশঙ্কা জায়তে তস্মিন্বাক্যং তদপি দোষবৎ॥ 12-325-93 (78613)
যস্তু বক্তা দ্বয়োরর্থমবিরুদ্ধং প্রভাষতে।
শ্রোতুশ্চৈবাত্মনশ্চৈব স বক্তা নেতরো নৃপ॥ 12-325-94 (78614)
তদর্থবদিদং বাক্যমুপেতং বাক্যসংপদা।
`অবিক্ষিপ্তমনা রাজন্নেকাগ্রঃ শ্রোতুমর্হসি॥ 12-325-95 (78615)
কাঽসি কস্য কুতো বেতি ৎবয়াঽহমিতি চোদিতা।
তত্রোত্তরমিদং বাক্যং রাজন্নেকমনাঃ শৃণু॥' 12-325-96 (78616)
যথা জতু চ কাষ্ঠং চ পাংসবশ্চোদবিন্দবঃ।
সুশ্লিষ্টানি তথা রাজন্প্রাণিনামিহ সংভবঃ॥ 12-325-97 (78617)
শব্দঃ স্পর্শো রসো রূপং গন্ধঃ পঞ্চেন্দ্রিয়াণি চ।
পৃথগাত্মা দশাত্মানং সংশ্লিষ্টা জতুকাষ্ঠবৎ।
ন চৈষাং চোদনা কাচিদস্তীত্যেষ বিনিশ্চয়ঃ॥ 12-325-98 (78618)
একৈকস্যেহ বিজ্ঞানং নাস্ত্যাত্মনি তথা পরে।
ন বেদ চক্ষুশ্চক্ষুষ্ট্বং শ্রোত্রং নাত্মনি বর্ততে॥ 12-325-99 (78619)
তথৈব ব্যভিচারেণ ন বর্তন্তে পরস্পরম্।
প্রশ্লিষ্টং চ ন জানন্তি যথাঽঽপ ইব পাংবসঃ॥ 12-325-100 (78620)
বাহ্যানন্যানপেক্ষন্তে গুণাংস্তানপি মে শৃণু।
রূপং চক্ষুঃ প্রকাশশ্চ দর্শনে হেতবস্ত্রয়ঃ॥ 12-325-101 (78621)
যথৈবাত্র তথাঽন্যেষু জ্ঞানজ্ঞেয়েষু হেতবঃ।
জ্ঞানজ্ঞেয়াংতরেতস্মিন্মনো নামাপরো গুণঃ॥ 12-325-102 (78622)
বিচারয়তি যেনায়ং নিশ্চয়ে সাধ্বসাধুনী।
দ্বাদশস্ৎবপরস্তত্র বুদ্ধির্নাম গুণঃ স্মৃতঃ।
যেংন সংশয়পূর্বেষু বোদ্ধব্যেষু ব্যবস্যতি॥ 12-325-103 (78623)
অথ দ্বাদশকে তস্মিন্সৎবং নামাপরো গুণঃ।
মহাসৎবোঽল্পসৎবো বা জন্তুয়েনানুমীয়তে॥ 12-325-104 (78624)
ক্ষেত্রজ্ঞ ইতি চাপ্যন্যো গুণস্তত চতুর্দশঃ।
মমায়মিতি যেনায়ং মন্যতে ন মমেতি চ॥ 12-325-105 (78625)
অথ পঞ্চদশো রাজন্গুণস্তত্রাপরঃ স্মৃতঃ।
পৃথক্কালসমূহস্য সামগ্র্যং তদিহোচ্যতে॥ 12-325-106 (78626)
গুণস্ৎবেকোঽপরস্তত্র সংঘাত ইতি ষোডশঃ।
আকৃতির্ব্যক্তিরিত্যেতৌ গুণো যস্মিন্সমাশ্রিতৌ॥ 12-325-107 (78627)
সুখাসুখে জন্মমৃত্যূ লাভালাভৌ প্রিয়াপ্রিয়ে।
ইতি চৈকোনর্বিশোঽয়ং দ্বন্দ্বয়োগ ইতি স্মৃতঃ॥ 12-325-108 (78628)
ঊর্ধ্বমেকোনর্বিশত্যা কালো নামাপরো গুণঃ।
ইতীমং বিদ্ধি বিংশত্যা ভূতানাং প্রভবাপ্যযম্॥ 12-325-109 (78629)
বিংশকশ্চৈব সংঘাতো মহাভূতানি পঞ্চ চ।
সদসদ্ভবায়োগৌ তু গুণাবন্যৌ প্রকাশকৌ॥ 12-325-110 (78630)
ইত্যেবং বিংশতিশ্চৈব গুণাঃ সপ্ত চ যে স্মৃতাঃ।
বিধিঃ শুক্রং বলং চেতি ত্রয় এতে গুণাঃ পরে॥ 12-325-111 (78631)
এবং বিংশচ্চ দশ চ কলাঃ সংখ্যানতঃ স্মৃতাঃ।
সমগ্রা যত্র বর্তন্তে তচ্ছরীরমিতি স্মৃতম্॥ 12-325-112 (78632)
অব্যক্তং প্রকৃতিং ৎবাসাং কলানাং কশ্চিদিচ্ছতি।
ব্যক্তং চাসাং তথৈবান্যঃ স্থূলদর্শী প্রপশ্যতি॥ 12-325-113 (78633)
অব্যক্তং যদি বা ব্যক্তং দ্বয়ং বাঽথ চতুষ্টয়ম্।
প্রকৃতিং সর্বভূতানাং পশ্যন্ত্যধ্যাত্মচিন্তকাঃ॥ 12-325-114 (78634)
সেয়ং প্রকৃতিরব্যক্তা কলাভির্ব্যক্ততাং গতা।
ততোঽহং ৎবং চ রাজেন্দ্র চে চাপ্যন্তে শরীরিণঃ। 12-325-115 (78635)
বিন্দুন্যাসাদয়োঽবস্থাঃ শুক্রশোণিতসংভবাঃ।
যাসামেব নিপাতেন কললং নাম জায়তে॥ 12-325-116 (78636)
কললাদ্বুদ্বুদোৎপত্তিঃ পেশী বা বুদ্বুদাৎস্মৃতা।
পেশ্যাস্ৎবঙ্গাভিনির্বৃত্তির্নখরোমাণি চাঙ্গতঃ॥ 12-325-117 (78637)
সংপূর্ণে নবমে মাসি জন্তোর্জাতস্য মৈথিল।
জায়তে নামরূপৎবং স্ত্রীপুমান্বেতি লিঙ্গতঃ॥ 12-325-118 (78638)
জাতমাত্রং তু তদ্রূপং দৃষ্ট্বা তাম্রনখাঙ্গুলি।
কৌমারং রূপমাপন্নং রূপবানুপলভ্যতে॥ 12-325-119 (78639)
কৌমারাদ্যৌবনং চাপি স্থাবির্যং চাপি যৌবনাৎ।
অনেন ক্রময়োগেন পূর্বং পূর্বং ন লভ্যতে॥ 12-325-120 (78640)
কলানাং পৃথগর্থানাং প্রতিভেদঃ ক্ষণে ক্ষণে।
বর্ততে সর্বভূতেষু সৌক্ষ্ম্যাত্তু ন বিভাব্যতে॥ 12-325-121 (78641)
ন চৈষামপ্যযো রাজঁল্লক্ষ্যতে প্রভবো ন চ।
অবস্থায়ামবস্থায়াং দীপস্যেবার্চিষো গতিঃ॥ 12-325-122 (78642)
তস্যাপ্যেবংপ্রক্তারস্য সদশ্বস্যেব ধাবতঃ।
অজস্রং সর্বলোকস্য কঃ কুতো বা ন বা কুতঃ॥ 12-325-123 (78643)
কস্যেদং কস্য বা নেদং কুতো বেদং ন বা কুতঃ।
সংবন্ধঃ কোঽস্তি ভূতানাং স্বৈরপ্যবয়বৈরিহ॥ 12-325-124 (78644)
যথাঽঽদিত্যান্মণেশ্চাপি বীরুদ্ভ্যশ্চৈব পাবকঃ।
জায়ন্ত্যেবং সমুদয়াৎকলানামিহ জন্তবঃ॥ 12-325-125 (78645)
আত্মন্যেবাত্মনাঽঽত্মানং যথা ৎবমনুপশ্যসি।
এবমেবাত্মনাঽঽত্মানমন্যস্মিন্কিং ন পশ্যসি॥ 12-325-126 (78646)
যদ্যাত্মনি পরস্মিংশ্চ সমতামধ্যবস্যসি।
অথ মাং কাঽসি কস্যেতি কিমর্থমনুপৃচ্ছসি॥ 12-325-127 (78647)
ইদং মে স্যাদিদং নেতি দ্বন্দ্বৈর্মুক্তস্য মৈথিল।
কাঽসি কস্য কুতো বেতি বচনৈঃ কিং প্রয়োজনম্॥ 12-325-128 (78648)
রিপৌ মিত্রেঽথ মধ্যস্থে বিজয়ে সন্ধিবিগ্রহে।
কৃতবান্যো মহীপালঃ কিং তস্মিন্মুক্তলক্ষণম্॥ 12-325-129 (78649)
ত্রিবর্গং সপ্তধা ন্যস্তং যো ন বেদেহ কর্মসু।
সঙ্গবান্যস্ত্রিবর্গে চ কিং তস্মিন্মুক্তলক্ষণম্॥ 12-325-130 (78650)
প্রিয়ে বাঽপ্যপ্রিয়ে বাঽপি দুর্বলে বলবত্যপি।
যস্য নাস্তি সমং চক্ষুঃ কিং তস্মিন্মক্তলক্ষণম্॥ 12-325-131 (78651)
তদয়ুক্তস্য তে মোক্ষে যোঽভিমানো ভবেন্নৃপ।
সুহৃদ্ভিঃ সন্নিবার্যস্তেঽবিরক্তস্যেব ভেষজম্॥ 12-325-132 (78652)
তানি তান্যনুসংদৃশ্য সঙ্গস্থানান্যরিংদম্।
আত্মনাঽঽত্মনি সংপশ্য কিমন্যন্মুক্তলক্ষণম্॥ 12-325-133 (78653)
ইমান্যন্যানি সূক্ষ্মাণি মোক্ষমাশ্রিত্য কেনচিৎ।
চতুরঙ্গপ্রবৃত্তানি সঙ্গস্থানানি মে শৃণু॥ 12-325-134 (78654)
য ইমাং পৃথিবীং কৃৎস্নামেকচ্ছত্রাং প্রশাস্তি হ।
একমেব স বৈ রাজা পুরমধ্যাবসত্যুত॥ 12-325-135 (78655)
তৎপুরে চৈকমেবাস্য গৃহং যদধিতিষ্ঠতি।
গৃহে শয়নমপ্যেকং নিশায়াং যত্র লীয়তে॥ 12-325-136 (78656)
শয়্যার্ধং তস্য চাপ্যত্র স্ত্রীপূর্বমধিতিষ্ঠতি।
তদনেন প্রসঙ্গেন ফলেনাল্পেন যুজ্যতে॥ 12-325-137 (78657)
এবমেবোপভোগেষু ভোজনাচ্ছাদনেষু চ।
গুণেষ্বপরিমেয়েষু নিগ্রহানুগ্রহং প্রতি॥ 12-325-138 (78658)
পরতন্ত্রঃ সদা রাজা স্বল্পে সোঽপি প্রসজ্জতে।
সন্ধিবিগ্রহয়োগে চ কুতো রাজ্ঞঃ স্বতন্ত্রতা॥ 12-325-139 (78659)
স্ত্রীষু ক্রীডাবিহারেষু নিত্যমস্যাস্বতন্ত্রতা।
মন্ত্রে চামাত্যসহিতে কুতস্তস্য স্বতন্ত্রতা॥ 12-325-140 (78660)
যদা হ্যাজ্ঞাপয়ত্যন্যাংস্তত্রাস্যোক্তা স্বতন্ত্রতা।
অবশঃ কার্যতে তত্র তস্মিংস্তস্মিন্গুণে স্থিতঃ॥ 12-325-141 (78661)
স্বপ্নকামো ন লভতে স্বপ্তুং কার্যার্থিভির্জনৈঃ।
শয়নে চাপ্যনুজ্ঞাতঃ সুপ্ত উত্থাপ্যতেঽবশঃ॥ 12-325-142 (78662)
স্নাহ্যালভ পিব প্রাশ জুহুধ্যগীন্যজেত্যপি।
বদস্ব শৃণু চাপীতি বিবশঃ কার্যতে পরৈঃ॥ 12-325-143 (78663)
অভিগম্যাভিগম্যৈবং যাচন্তে সততং নরাঃ।
ন চাপ্যুৎসহতে দাতুং বিত্তরক্ষী মহাজনান্॥ 12-325-144 (78664)
দানে কোশক্ষয়োঽপ্যস্য বৈরং চাস্য প্রয়চ্ছতঃ।
ক্ষণেনাস্যোঽপবর্তন্তে দোষা বৈরাগ্যকারকাঃ॥ 12-325-145 (78665)
প্রাজ্ঞাঞ্শূরাংস্তথা বৈদ্যানেকস্থানপি শঙ্কতে।
ভয়মপ্যনয়ে রাজ্ঞো যৈশ্চ নিত্যমুপাস্যতে॥ 12-325-146 (78666)
তথা চৈতে প্রদুষ্যন্তি রাজন্যে কীর্তিতা ময়া।
তথৈবাস্য ভয়ং তেভ্যো জায়তে পশ্য যাদৃশম্॥ 12-325-147 (78667)
সর্বঃ স্বেস্বে গৃহে রাজা সর্বঃ স্বেস্বে গৃহে গৃহী।
নিগ্রহানুগ্রহৌ কুর্বংস্তুল্যো জনক রাজভিঃ॥ 12-325-148 (78668)
পুত্রা দারাস্তথৈবাত্মা কোশো মিত্রাণি সংচয়াঃ।
পরৈঃ সাধারণা হ্যেতে তৈস্তৈরেবাস্য হেতুভিঃ॥ 12-325-149 (78669)
হতো দেশঃ পুরং দগ্ধং প্রধানঃ কুঞ্জরো মৃতঃ।
লোকসাধারণেষ্বেষু মিথ্যাজ্ঞানেন তপ্যতে॥ 12-325-150 (78670)
অমুক্তো মানসৈর্দুঃখৈরিচ্ছাদ্বেষপ্রিয়োদ্ভবৈঃ।
শিরোরোগাদিভী রোগৈস্তথৈব বিনিপাতিভিঃ॥ 12-325-151 (78671)
দ্বন্দ্বৈস্তৈস্তৈরুপহতঃ সর্বতঃ পরিশঙ্কিতঃ।
বহুভিঃ প্রার্থিতং রাজ্যমুপাস্তে গণয়ন্নিশাঃ॥ 12-325-152 (78672)
তদল্পসুখমত্যর্থং বহুদুঃখমসারবৎ।
তৃণাগ্নিজ্বলনপ্রখ্যং ফেনবুদ্বুদসংনিভম্॥ 12-325-153 (78673)
কো রাজ্যমভিপদ্যেত প্রাপ্য চোপশমং লভেৎ।
মমেদমিতি যচ্চেদং পুরং রাষ্ট্রং চ মন্যসে॥ 12-325-154 (78674)
বলং কোশমমাত্যাংশ্চ কস্যৈতানি ন বা নৃপ।
মিত্রামাত্যপুরং রাষ্ট্রং দণ্ডঃ কোশো মহীপতিঃ॥ 12-325-155 (78675)
`সপ্তাঙ্গশ্চৈষ সঙ্ঘাতো রাজ্যমিত্যুচ্যতে নৃপ।'
সপ্তাঙ্গস্যাস্য রাজ্যস্য ত্রিদণ্ডস্যেব তিষ্ঠতঃ।
অন্যোন্যগুণয়ুক্তস্য কঃ কেন গুণতোঽধিকঃ॥ 12-325-156 (78676)
তেষুতেষু হি কালেষু তত্তদঙ্গং বিশিষ্যতে।
যেন যৎসিধ্যতে কার্যং তৎপ্রাধান্যায় কল্পতে॥ 12-325-157 (78677)
সপ্তাঙ্গশ্চৈব সংঘাতস্ত্রয়শ্চান্যে নৃপোত্তম।
সংভূয় দশবর্গোঽয়ং ভুঙ্ক্তে রাজ্যং হি রাজবৎ॥ 12-325-158 (78678)
যশ্চ রাজা মহোৎসাহঃ ক্ষত্রধর্মে রতো ভবেৎ।
স তুষ্যেদ্দশভাগেন ততস্ৎবন্যো দশাবরৈঃ॥ 12-325-159 (78679)
নাস্ত্যসাধারণো রাজা নাস্তি রাজ্যমরাজকম্।
রাজ্যেঽসতি কুতো ধর্মো ধর্মেঽসতি কুতঃ পরম্॥ 12-325-160 (78680)
যোপ্যত্র পরমো ধর্মঃ পবিত্রং রাজরাজ্যযোঃ।
পৃথিবী দক্ষিণা যস্য সোঽশ্বমেধো ন বিদ্যতে॥ 12-325-161 (78681)
সাঽহমেতানি কর্মাণি রাজদুঃখানি মৈথিল।
সমর্থা শতশো বক্তুমথবাঽপি সহস্রশঃ॥ 12-325-162 (78682)
স্বদেহে নাভিষঙ্গো মে কুতঃ পরপরিগ্রহে।
ন মামেবংবিধাং যুক্তামীদৃশং বক্তুমর্হসি॥ 12-325-163 (78683)
ননু নাম ৎবয়া মোক্ষঃ কৃৎস্নঃ পঞ্চশিখাচ্ছ্রুতঃ।
সোপায়ঃ সোপনিষদঃ সোপসঙ্গঃ সনিশ্চয়ঃ॥ 12-325-164 (78684)
তস্য তে মুক্তসঙ্গস্য পাশানাক্রম্য তিষ্ঠতঃ।
ছত্রাদিষু বিশেষেষু পুনঃ সঙ্গঃ কথং নৃপ॥ 12-325-165 (78685)
শ্রুতং তে ন শ্রুতং মন্যে মৃষা বাঽপি শ্রুতং শ্রুতম্।
অথবা শ্রুতসংকাশং শ্রুতমন্যচ্ছ্রুতং ৎবয়া॥ 12-325-166 (78686)
অথাপীমাসু সংজ্ঞাসু লৌকিকীষু প্রতিষ্ঠসে।
অভিষঙ্গাবরোধাভ্যাং বদ্ধস্ৎবং প্রাকৃতো যথা॥ 12-325-167 (78687)
সৎবেনানুপ্রবেশো হি যোঽয়ং ৎবয়ি কৃতো ময়া।
কিং তবাপকৃতং তত্র যদি মুক্তোঽসি সর্বশঃ॥ 12-325-168 (78688)
নিয়মো হ্যেষু ধর্মেষু যতীনাং শূন্যবাসিতা।
শূন্যমাবাসয়ন্ত্যা চ ময়া কিং কস্য দূষিতম্॥ 12-325-169 (78689)
ন পাণিভ্যাং ন বাহুভ্যাং পাদোরুভ্যাং ন চানঘ।
ন গাত্রাক্যবৈরন্যৈঃ স্পৃশামি ৎবাং নরাধিপ॥ 12-325-170 (78690)
কুলে মহতি জাতেন হ্রীমতা দীর্ঘদর্শিনা।
নৈতৎসদসি বক্তব্যং সদ্বাঽসদ্বা মিথঃ কৃতম্॥ 12-325-171 (78691)
ব্রাহ্মণা গুরবশ্চেমে তথা মান্যা গুরূত্তমাঃ।
ৎবং চাথ গুরুরপ্যেষামেবমন্যোন্যগৌরবম্॥ 12-325-172 (78692)
তদেবমনুসংদৃশ্য বাচ্যাবাচ্যং পরীক্ষতা।
স্ত্রীপুংসোঃ সমবায়োঽয়ং ৎবয়া বাচ্যো ন সংসদি॥ 12-325-173 (78693)
যথা পুষ্করপর্ণস্থং জলং তৎপর্ণসংস্থিতম্।
তিষ্ঠত্যস্পৃশতী তদ্বত্ৎবপি বৎস্যামি মৈথিল॥ 12-325-174 (78694)
যদি চাদ্য স্পৃশন্ত্যা মে স্পর্শং জানাসি কংচন।
জ্ঞানং কৃতমবীজং তে কথং তেনেহ ভিক্ষুণা॥ 12-325-175 (78695)
স গার্হস্থ্যাচ্চ্যুতশ্চ ৎবং মোক্ষং চানাপ্য দুর্বিদম্।
উভয়োরন্তরালে বৈ বর্তসে মোক্ষবাদিকঃ॥ 12-325-176 (78696)
ন হি মুক্তস্য মুক্তেন জ্ঞস্যৈকৎবপৃথক্ৎবয়োঃ।
ভাবাভাবসমায়োগে জায়তে বর্ণসংকরঃ॥ 12-325-177 (78697)
বর্ণাশ্রমাঃ পৃথক্ৎবেন দৃষ্টার্থস্যাপৃথক্ৎবতঃ।
নান্যদন্যদিতি জ্ঞাৎবা নান্যদন্যত্র বর্ততে॥ 12-325-178 (78698)
পাপৌ কুণ্ডং তথা কুণ্ডে পয়ঃ পয়সি মক্ষিকা।
আশ্রিতাশ্রয়যোগেন পৃথক্ৎবেনাশ্রিতাঃ পুনঃ॥ 12-325-179 (78699)
ন তু কুণ্ডে পয়োভাবঃ পয়শ্চাপি ন মক্ষিকা।
স্বয়মেবাশ্রয়ন্ত্যেতে ভাবা ন তু পরাশ্রয়ম্॥ 12-325-180 (78700)
পৃথক্ৎবাদাশ্রমাণাং চ বর্ণান্যৎবে তথৈব চ।
পরস্পরপৃথক্ৎবাচ্চ কথং তে বর্ণসংকরঃ॥ 12-325-181 (78701)
নাস্মি পর্ণোত্তমা জাত্যা ন বৈশ্যা নাবরা তথা।
তব রাজন্সবর্ণাঽস্মি শুদ্ধয়োনিরবিপ্লুতা॥ 12-325-182 (78702)
প্রধানো নাম রাজর্ষির্ব্যক্তং তে শ্রোত্রমাগতঃ।
কুলে তস্য সমুৎপন্নাং সুলভাং নাম বিদ্ধি মাম্॥ 12-325-183 (78703)
দ্রোণশ্চ শতশৃঙ্গশ্চ বক্রদ্ধারশ্চ পর্বতঃ।
মম সত্রেষু পূর্বেষাং চিতা মঘবতা সহ॥ 12-325-184 (78704)
সাহং তস্মিন্কুলে জাতা ভর্তর্যসতি মদ্বিধে।
বিনীতা মোক্ষধর্মেষু চরাম্যেকা মুনিব্রতম্॥ 12-325-185 (78705)
নাস্মি সত্রপ্রতিচ্ছন্না ন পরস্বাভিমানিনী।
ন ধর্মসংকরকরী স্বধর্মেঽস্মি দৃঢব্রতা॥ 12-325-186 (78706)
নাস্থিরা স্বপ্রতিজ্ঞায়াং নাসমীক্ষ্য প্রবাদিনী।
নাসমীক্ষ্যাগতা চেহ ৎবৎসকাশং জনাধিপ॥ 12-325-187 (78707)
মোক্ষে তে ভাবিতাং বুদ্ধিং শ্রুৎবাঽহং কুশলৈষিণী।
তব মোক্ষস্য চাপ্যস্য জিজ্ঞাসার্থমিহাগতা॥ 12-325-188 (78708)
ন বর্গস্থা ব্রবীম্যেতৎস্বপক্ষপরপক্ষয়োঃ।
মুক্তো বিমুচ্যতে যশ্চ শান্তৌ যশ্চ ন শাম্যতি॥ 12-325-189 (78709)
যথা শূন্যে পুরাঽগারে ভিক্ষুরেকাং নিশাং বসেৎ।
তথাঽহং ৎবচ্ছরীরেঽস্মিন্নিমাং বৎস্যামি শর্বরীম্॥ 12-325-190 (78710)
সাঽহং মানপ্রদানেন বাগাতিথ্যেন চার্চিতা।
সুপ্তা সুশরণং প্রীতা শ্বো গমিষ্যামি মৈথিল॥ 12-325-191 (78711)
ভীষ্ম উবাচ। 12-325-192x (6528)
ইত্যেতানি স বাক্যানি হেতুমন্ত্যর্থবন্তি চ।
শ্রুৎবা নাধিজগৌ রাজা কিংচিদন্যদতঃ পরং॥ ॥ 12-325-192 (78712)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চবিংশত্যধিকত্রিশততমোঽধ্যায়ঃ॥ 325॥
Mahabharata - Shanti Parva - Chapter Footnotes
12-325-2 অব্যযস্য যথাত্মা চ ব্যক্তস্যাত্মা যথা চ যদিতি ধ. পাঠঃ॥ 12-325-4 সংন্যাসফলং সম্যগ্দর্শনং তদস্যাস্তীতি সংন্যাসফলিকঃ॥ 12-325-5 স্বে শাস্ত্রে দণ্ডনীতৌ॥ 12-325-7 অনুষ্ঠিতা কর্তরিক্তঃ॥ 12-325-8 মোক্ষে মোক্ষশাস্ত্রে নিষ্ণাত ইতি শেষঃ॥ 12-325-9 নেতি নবেতি॥ 12-325-10 ততঃ সা বিপ্রভার্যাশ্চ পূর্বরূপবিয়োগত ইতি ট. ড. পাঠঃ॥ 12-325-11 লঘু শীঘ্রমস্রগত্যা গচ্ছতীতি সা। বিদেহানাং পদমিতি ড. পাঠঃ॥ 12-325-15 ভাষ্যবিদাং সূত্রার্থজ্ঞানাং মধ্যে। অথ ভুক্তবতী প্রীতা রাজানং মন্ত্রিভির্বৃতমিতি। চোদয়ামাসভিক্ষুকীতি চ. ঝ. পাঠঃ॥ 12-325-16 সুলভাঽয়ং স্বধর্মেষু ইতি ধ. পাঠঃ॥ 12-325-18 ভাবমাশয়মেনং মূকং করিষ্যামীত্যেবংরূপম্। বিশেষয়ন্নভিভবন্॥ 12-325-20 ভবত্যাচক্ষ্ব বার্ষেয়ং কুতঃ ক্ব চ গমিষ্যসি ইতি ড. থ. পাঠঃ॥ 12-325-29 মোক্ষস্য পরমো নিধিরিতি ধ. পাঠঃ॥ 12-325-30 সা সিদ্ধির্যা চ যোগিতেতি থ. পাঠঃ॥ 12-325-42 জ্ঞানেন কস্যচিদিতি ঝ. পাঠঃ॥ 12-325-45 আধিপত্যে তথা তুল্যে নিগ্রহানুগ্রহাত্মকাঃ। রাজানো ভিক্ষুকাচার্যা মুচ্যন্তে ইতি ড. থ. পাঠঃ॥ 12-325-46 মুচ্যন্তে সর্বপাপেভ্যো দেহে পরমকে স্থিতা ইতি ঝ. পাঠঃ॥ 12-325-47 লিঙ্গান্যন্যার্থভূতানীতি ট. ড. থ. পাঠঃ॥ 12-325-49 ছত্রাদিষু ন লভ্যত ইতি ট.ড. পাঠঃ॥ 12-325-54 নচৈতানি সমস্তানীতি ধ. পাঠঃ॥ 12-325-58 সংনিসর্গাত্ৎবং ইতি ধ. পাঠঃ॥ 12-325-60 দ্বিতীয়ো বর্ণসংকর ইতি ড. পাঠঃ॥ 12-325-62 প্রেরিতা তেন গচ্ছসীতি ধ. পাঠঃ॥ 12-325-63 কার্যার্থজ্ঞা ব্যবস্যসীতি ধ. পাঠঃ॥ 12-325-65 তদ্বক্তব্যং প্রকাশিতমি ড. পাঠঃ॥ 12-325-67 অর্হতঃ পূজ্যান্ উদ্দিশ্য॥ 12-325-70 মাপ্রাক্ষীরিতি ধ. পাঠঃ॥ 12-325-87 নাপেতার্থং ন ভিন্নার্থং নাপবৃত্তং ন চাধিকমিতি ড. পাঠঃ॥ 12-325-89 ন নিষ্ঠানমহেতুকমিতি ড. পাঠঃ॥ 12-325-90 দৈন্যাদন্যায়্যকাত্তথেতি ড. পাঠঃ॥ 12-325-93 নিঃশঙ্কো জায়তে তস্মিন্নিতি ধ. পাঠঃ॥ 12-325-100 প্রশ্লিষ্টা নাভিজায়ন্তে যথাদ্ভিরিব পাংসব ইতি ড. পাঠঃ॥ 12-325-103 অথ ত্রয়োদশে তস্মিন্বুদ্ধির্নাম গুণঃ স্মৃত ইতি ধ. পাঠঃ॥ 12-325-106 পৃথক্কলাসমূহস্যেতি ঝ. পাঠঃ॥ 12-325-111 বিধিঃ শুদ্ধং বলং চেতীতি ধ. পাঠঃ॥ 12-325-114 অব্যক্তাং যদি বা ব্যক্তাং দ্বয়ীমথ চতুষ্টয়ীমিতি ট. থ. পাঠঃ॥ 12-325-122 ন চৈষামপ্যথো রাজন্নিতি ট. পাঠঃ। ন চাসামপ্যথো রাজন্নিতি ড. পাঠঃ॥ 12-325-128 ইদং মে স্যাদিদং চেতি ইতি ড. থ. পাঠঃ॥ 12-325-130 সপ্তধা ব্যস্তমিতি ড. পাঠঃ॥ 12-325-141 তস্মিংস্তস্মিন্ক্ষণে স্থিত ইতি ঝ. পাঠঃ॥ 12-325-151 তথৈবাভিনিয়ন্তৃভিরিতি ঝ. পাঠঃ॥ 12-325-152 বহুপ্রত্যর্থিকং রাজ্যমিতি ঝ. ধ. পাঠঃ॥ 12-325-168 অঙ্গনানুপ্রবেশোঽপি ইতি ধ. পাঠঃ॥ 12-325-169 নিয়মো হ্যেষু বর্ণেষ্বিতি ঝ. পাঠঃ॥ 12-325-174 জলং তৎপত্রসংজ্ঞিতমিতি ধ. পাঠঃ। তৎপণংমস্পৃশদিতি ঝ. পাঠঃ॥ 12-325-175 যদি বাপ্যস্পৃশন্ত্যা মে ইতি ট. ড. ধ. পাঠঃ॥ 12-325-176 মোক্ষং চাবাপ্য দুর্লভমিতি ড. থ. পাঠঃ॥ 12-325-178 পৃথক্ৎবে চ দৃষ্টাস্যার্থাঃ পৃথক্কৃতা ইতি ট. ড. পাঠঃ॥ 12-325-184 দ্রোণাদয়ঃ পর্বতা মম পূর্বেষআং সত্রেষু মঘবতা সহ চিতাশ্চয়নে ইষ্টকাস্থানে নিবেশিতা ইত্যর্থঃ। চিত্যাং মঘবতা সহেতি থ. পাঠঃ॥ 12-325-185 ভর্তর্যসতি মদ্গৃহে ইতি ধ. পাঠঃ॥ 12-325-186 সত্রপ্রতিচ্ছন্না কপটসংন্যাসিনী। ন পরস্বাপহারিণীতি ঝ. পাঠঃ॥ 12-325-189 মুক্তো ব্যায়চ্ছতে যশ্চেতি ঝ. পাঠঃ॥শান্তিপর্ব - অধ্যায় 326
॥ শ্রীঃ ॥
12.326. অধ্যায়ঃ 326
Mahabharata - Shanti Parva - Chapter Topics
আসুরিণা কপিলং প্রতি অব্যক্তাদিতৎববিষয়কপ্রশ্নঃ॥ 1॥Mahabharata - Shanti Parva - Chapter Text
12-326-0 (78713)
* যুধিষ্ঠির উবাচ। 12-326-0x (6529)
অব্যক্তব্যক্ততৎবানাং নিশ্চয়ং ভরতর্ষভ।
বক্তুমর্হসি কৌরব্য দেবস্যাজস্য যা কৃতিঃ॥ 12-326-1 (78714)
ভীষ্ম উবাচ। 12-326-2x (6530)
অত্রাপ্যুদাহরন্তীমং সংবাদং গুরুশিষ্যযোঃ।
কপিলস্যাসুরেশ্চৈব সর্বদুঃখবিমোক্ষণম্॥ 12-326-2 (78715)
অসুরিরুবাচ। 12-326-3x (6531)
অব্যক্তব্যক্ততৎবানাং নিশ্চয়ং বুদ্ধিনিশ্চয়ম্।
ভগবন্নমিতপ্রজ্ঞ বক্তুমর্হসি মেঽর্থিতঃ॥ 12-326-3 (78716)
কিং ব্যক্তং কিমব্যক্তং কিং ব্যক্তা
ব্যক্তং কিমিতি তৎবানি।
কিমাদ্যং মধ্যমং চ তৎবানাং
কিমধ্যাত্মাধিভূতদৈবতং চ॥ 12-326-4 (78717)
কিংনু সর্গাপ্যযং কতি সর্গাঃ কিং ভূতং
কিং ভবিষ্যং কিং ভব্যং চ কিং জ্ঞানম্।
কো জ্ঞাতা কিং বুদ্ধং কিমপ্রবুদ্ধং
কিং বুধ্যমানং কতি পর্বাণি॥ 12-326-5 (78718)
কতি স্রোতাংসি কতি কর্ময়োনয়ঃ
কিমেকৎবং নানাৎবম্।
কিং সহবাসং নিবাসং
কিং বিদ্যাবিদ্যমিতি॥' ॥ 12-326-6 (78719)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষঙ্বিংশত্যধিকত্রিশততমোঽধ্যায়ঃ॥ 326॥
Mahabharata - Shanti Parva - Chapter Footnotes
* এতদাদয়স্রয়োঽধ্যায়াঃ ধ. পুস্তকে এব বর্তন্তে।শান্তিপর্ব - অধ্যায় 327
॥ শ্রীঃ ॥
12.327. অধ্যায়ঃ 327
Mahabharata - Shanti Parva - Chapter Topics
আসুরিংপ্রতি কপিলেন ব্যক্তাব্যক্ততাবনিরূপণম্॥ 1॥Mahabharata - Shanti Parva - Chapter Text
12-327-0 (78720)
`কপিল উবাচ। 12-327-0x (6532)
যদ্ভবানাহ কিং ব্যক্তিং কিমব্যক্তমিতি অত্র ব্রূমঃ॥ 12-327-1 (78721)
অব্যক্তমগ্রাহ্যমতর্ক্যমপরিমেয়মব্যক্তং ব্যক্তমুপলক্ষ্যতে যথর্তবো মূর্তয়স্তেষু পুষ্পফলৈর্ব্যক্তিরুপলক্ষ্যতে তদ্বদ্ব্যক্তগুণৈরুপলক্ষ্যতে॥ 12-327-2 (78722)
প্রাগ্গতং প্রত্যগ্গতমূর্ধ্বমধস্তির্যক্চ শতশ্চানুগ্রাহ্যৎবাৎসাঽকৃতিঃ॥ 12-327-3 (78723)
ব্যক্ত উত্তমো রজঃ সৎবং তৎপ্রধানং তৎবমক্ষমজরমিত্যেবমাদীন্যব্যক্তনামানি ভবন্তি।
এবমাহ॥ 12-327-4 (78724)
অব্যক্তং বীজধর্মাণং মহাগ্রাহমচেতনম্।
তস্মাদেকগুণো জজ্ঞে তদ্ব্যক্তং তৎবমীশ্বরঃ॥ 12-327-5 (78725)
তদেতদব্যক্তম্। প্রস্নবা ঘারণাদানস্বভাবমাপোধারণে প্রজননে দানে গুণানাং প্রকৃতিঃ সপরাপ্রমত্তং তদেতদস্মিন্কার্যকরণে॥ 12-327-6 (78726)
যদপ্যুক্তং কিমব্যক্তমিতি তত্র ব্রূমঃ। ব্যক্তং নামাঽঽসুরে যৎপূর্বমব্যক্তাদুৎপন্নতৎবমীশ্বরমপ্রতিবুদ্ধগুণস্যগেতৎপুরুষসংজ্ঞিকং মহদিত্যুক্তং বুদ্ধিরিতি চ। সত্তা স্মৃতির্ধৃতির্মেধা ব্যবসায়ঃ সমাধিপ্রাপ্তিরিত্যেবমাদীনি ব্যক্তপর্যায়ে নামানি বদন্ত্যেবমাহ॥ 12-327-7 (78727)
মম ব্যক্তাদুপাত্তাসিদ্ধিরাগতা সংয়মশ্চ মহদ্যতঃ।
পরসর্গশ্চ দীপ্ত্যর্থমৌৎসুক্যং চ পরং তথা॥ 12-327-8 (78728)
যদেষোর্ধ্যস্রোতাভির্মহৎবাদপ্রতিবুদ্ধৎবাচ্চাত্মনঃ যকরোত্যহংকারমব্যক্তাব্যক্ততরম্॥ 12-327-9 (78729)
যদপ্যুক্তং কিমব্যক্ততরমিতি অত্র ব্রূমঃ॥ 12-327-10 (78730)
ব্যক্তাব্যক্ততরং নাম তৃতীয়ং পুরুষসংজ্ঞকম্।
তদেতদুভয়োর্বিরিঞ্চবৈরিঞ্চয়োরেকৈক উৎপত্তিঃ॥
বিরিঞ্চোঽভিমানিন্যবিবেক ঈর্ষ্যা কামঃ ক্রোধো লোভো মদো দর্পো মমকারশ্চৈতান্যহংকারপর্যায়নামানি ভবন্ত্যেবমাহ॥ 12-327-11 (78731)
অহং কর্তেত্যহংকর্তা সসৃজে বিশ্বমীশ্বরঃ।
তৃতীয়মেনং পুরুষমভিমানগুণং বিদুঃ॥ 12-327-13 (78732)
অহংকারাদ্যুগপদুন্মাদয়ামাস পঞ্চ মহাভূতানি শব্দস্পর্শরূপরসগন্ধলক্ষণানি। তান্যেব বুদ্ধ্যন্ত ইত্যেবমাহ॥ 12-327-14 (78733)
ভূতসঙ্ঘমহঙ্কারাদ্যো বিদ্বানববুধ্যসে।
অভিমানমতিক্রম্য মহান্তং প্রতিতিষ্ঠতে॥ 12-327-15 (78734)
ভূতেষু চাপ্যহংকারমশ্বরূপস্তথোচ্যতে।
পুনর্বিষয়হেৎবর্থে স মনস্সংজ্ঞকঃ স্মৃতঃ॥
বিখরাদ্বৈখরং যুগপদিন্দ্রিয়ৈঃ সহোৎপাদয়তি। শ্রোত্রং ঘ্রাণং চক্ষুর্জিহ্বা ৎবগিত্যেতানি শব্দস্পর্শরূপরসগন্ধানববুধ্যন্ত ইতি পঞ্চ বুদ্ধীন্দ্রিয়াণি বদন্ত্যেবমাহুরাচার্যাঃ॥
বাগ্ঘস্তৌ পাদপায়ুরানন্দশ্চেতি পঞ্চেন্দ্রিয়াণি বিশেষমাদিত্যোশ্বীনি নক্ষত্রাণীত্যেতানীন্দ্রিয়াণাং পর্যায়নামানি বদন্ত্যেবমাহ॥ 12-327-16 (78735)
অহংকারাত্তথা ভূতান্যুৎপাদ্য মহদাত্মনোঃ।
বৈখরৎবং ততো রাজ্ঞা বৈখর্যো বিষয়াত্মকঃ॥ 12-327-19 (78736)
বিকারস্থমহংকারমববুধ্যাথ মানবঃ।
মহদৈশ্বর্যমাপ্নোতি যাবদাচন্দ্রতারকম্॥' ॥ 12-327-20 (78737)
ইতি শ্রীমন্মহাভারতে শান্তিপরর্বণি মোক্ষধর্মপর্বণি সপ্তবিংশত্যধিকত্রিশততমোঽধ্যায়ঃ॥ 327॥
শান্তিপর্ব - অধ্যায় 328
॥ শ্রীঃ ॥
12.328. অধ্যায়ঃ 328
Mahabharata - Shanti Parva - Chapter Topics
কপিলেনাসুরি প্রতি তৎববিভাগাদিকথনম্॥ 1॥Mahabharata - Shanti Parva - Chapter Text
12-328-0 (78738)
কপিল উবাচ। 12-328-0x (6533)
যদপ্যুক্তং কতি তৎবানি ভবন্তি তৎবমেতানি।
যমানুপূর্ব্যশঃ প্রোক্তান্যেবমাহ॥ 12-328-1 (78739)
তৎবান্যথোক্তানি। তথাবিদ্যো নিবুদ্ধ্যতে।
ন স পাপেন লিপ্যেত নির্মুক্তঃ সর্বসংকরাৎ॥ 12-328-2 (78740)
যদপ্যুক্তং ইহাদ্যং মধ্যমং চ তৎবানামিত্যত্র ব্রূমঃ॥ 12-328-3 (78741)
এবমাদ্যং মধ্যমং চোক্তং বুদ্ধ্যাদীনি ত্রয়োবিংশতিতৎবানি বিশেষপর্যবসানানি জ্ঞাতব্যানি ভবন্তীত্যেব মামকেনেত্যত্রোচ্যতে॥ 12-328-4 (78742)
তদেব তদ্যদা দত্তব্রাহ্মণক্ষত্রিয়বৈশ্যশূদ্রচণ্ডালপুল্কসাদিরেতানি জ্ঞাতব্যানি বুদ্ধ্যাদীনি বিশেষপর্যবসানানি মন্তব্যানি প্রত্যেতব্যাভ্যুক্তানি এতদাদ্যং মধ্যমং চ। এতস্মাত্তৎবানামুৎপত্তির্ভবতি অত্র প্রলীয়ন্তে। কেচিদাহুরাচার্যাঃ॥ 12-328-5 (78743)
অহমিত্যেতদাত্মকং সশীরসঙ্ঘাতং ত্রিষু লোকেষু ব্যক্তমব্যক্তাধিষ্ঠিতমেতদ্দেবদত্তসংজ্ঞকম্॥ 12-328-6 (78744)
যোগদশমপুরুষদর্শনানাং তু পঞ্চবিংশতিতৎবানাং প্রতিবুধ্যমানয়োর্ব্যতিরিক্তং শুচিব্যভ্রমিত্যাহুরাচার্যাঃ। এবমাহ॥ 12-328-7 (78745)
চতুর্বিশতিতৎবজ্ঞস্ৎবব্যক্তে প্রতিতিষ্ঠতি।
পঞ্চবিংশতিতৎবজ্ঞোঽপ্যব্যক্তমধিতিষ্ঠতি॥' ॥ 12-328-8 (78746)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টাবিংশত্যধিকত্রিশততমোঽধ্যায়ঃ॥ 328॥
শান্তিপর্ব - অধ্যায় 329
॥ শ্রীঃ ॥
12.329. অধ্যায়ঃ 329
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি ব্যাসকৃতশুকানুশাসনানুবাদঃ॥ 1॥Mahabharata - Shanti Parva - Chapter Text
12-329-0 (78747)
যুধিষ্ঠির উবাচ। 12-329-0x (6534)
কথং নির্বেদমাপন্নঃ শুকো বৈয়াসকিঃ পুরা।
এতদিচ্ছাম্যহং শ্রোতুং পরং কৌতূহলং হি মে॥ 12-329-1 (78748)
ভীষ্ম উবাচ। 12-329-2x (6535)
প্রাকৃতেনৈব বৃত্তেন চরন্তমকুতোভয়ম্।
অধ্যাপ্য কৃৎস্নং স্বাধ্যায়মন্বশাদ্বৈ পিতা সুতম্॥ 12-329-2 (78749)
ব্যাস উবাচ। 12-329-3x (6536)
ধর্মং পুত্র নিপেবস্ব সুতীক্ষ্ণৌ চ হিমাতপৌ।
ক্ষুৎপিপাসে চ বায়ুং চ জয় নিত্যং জিতেন্দ্রিয়ঃ॥ 12-329-3 (78750)
সত্যমার্জবমক্রোধমনসূয়াং দমং তপঃ।
অহিংসাং চানৃশংস্যং চ বিধিবৎপরিপালয়॥ 12-329-4 (78751)
সত্যে তিষ্ঠ রতো ধর্মে হিৎবা সর্বমনার্জবম্।
দেবতাতিথিশেষেণ যাত্রাং প্রাণস্য সংলিহ॥ 12-329-5 (78752)
ফেনমাত্রোপমে দেহে জীবে শকুনিবৎস্থিতে।
অনিত্যে প্রিয়সংবাসে কথং স্বপিষি পুত্রক॥ 12-329-6 (78753)
অপ্রমত্তেষু জাগ্রৎসু নিত্যযুক্তেষু শত্রুষু।
অন্তরং লিপ্যমানেষু বালস্ৎবং নাববুধ্যসে॥ 12-329-7 (78754)
অহঃসু গণ্যমানেষু ক্ষীয়মাণে তথাঽঽয়ুষি।
জীবিতে লিখ্যমানে চ কিমুত্থায় ন ধাবসি॥ 12-329-8 (78755)
ঐহলৌকিকনীহন্তে মাংসশোণিতবর্ধনম্।
পারলৌকিককার্যেষু প্রসুপ্তা ভৃশনাস্তিকাঃ॥ 12-329-9 (78756)
ধর্মায় যেঽভ্যসূয়ন্তি বুদ্ধিমোহান্বিতা নরাঃ।
অপথা গচ্ছতাং তেষামনুয়াতাঽপি পীড্যতে॥ 12-329-10 (78757)
যে তু তুষ্টাঃ শ্রুতিপরা মহাত্মানো মহাবলাঃ।
ধর্ম্যং পন্থানমারূঢাস্তানুপাস্স্ব চ পৃচ্ছ চ॥ 12-329-11 (78758)
উপধার্য মতং তেষাং বুধানাং ধর্মদর্শিনাম্।
নিয়চ্ছ পরয়া বুদ্ধ্যা চিত্তমুৎপথগামি বৈ॥ 12-329-12 (78759)
আদ্যকালিকয়া বুদ্ধ্যা দূরেশ্চ ইতি নির্ভয়াঃ।
সর্বভক্ষ্যা ন পশ্যন্তি কর্মভূমিমচেতসঃ॥ 12-329-13 (78760)
ধর্মং নিঃশ্রেণিমাস্থায় কিংচিৎকিংচিৎসমারুহ।
কোশকারবদাত্মানং বেষ্টয়ন্নাববুধ্যসে॥ 12-329-14 (78761)
নাস্তিকং ভিন্নমর্যাদং কূলপাতমিব স্থিতম্।
বামতঃ কুরু বিস্রব্ধো নরং বেণুমিবোদ্ধৃতম্॥ 12-329-15 (78762)
কামক্রোধগ্রাহবতীং পঞ্চেন্দ্রিয়জলাং নদীম্।
নাবং ধৃতিময়ীং কৃৎবা জন্মদুর্গাণি সংতর॥ 12-329-16 (78763)
মৃত্যুনাঽভ্যাহতে লোকে জরয়া পরিপীডিতে।
অমোঘাসু পতন্তীষু ধর্ময়ানেন সংতর॥ 12-329-17 (78764)
তিষ্ঠন্তং চ শয়ানং চ মৃত্যুরন্বেষতে যদা।
নির্বৃত্তিং লভতে কস্মাদকস্মান্মৃত্যুনাঽশিতঃ॥ 12-329-18 (78765)
সংচিন্বানকমেবৈনং কামানামবিতৃপ্তকম্।
বৃকীবোরণমাসাদ্য মৃত্যুরাদায়ং গচ্ছতি॥ 12-329-19 (78766)
ক্রমশঃ সংচিতশিখো ধর্মবুদ্ধিময়ো মহান্।
অন্ধকারে প্রবেষ্টব্যে দীপো যত্নেন ধার্যতাম্॥ 12-329-20 (78767)
সংপতন্দেহজালানি কদাচিদিহ মানুষে।
ব্রাহ্মণ্যং লভতে জন্তুস্তৎপুত্র পরিপালয়॥ 12-329-21 (78768)
ব্রাহ্মণস্য তু দেহোঽয়ং ন কামার্থায় জায়তে।
ইহ ক্লেশায় তপসে প্রেত্য ৎবনুপমং সুখম্॥ 12-329-22 (78769)
ব্রাহ্মণ্যং বহুভিরবাপ্যতে তপোভি
স্তল্লব্ধ্বা ন রতিপরেণ হেলিতব্যম্।
স্বাধ্যায়ে তপসি দমে চ নিত্যযুক্তঃ
মোক্ষার্থী কুশলপরঃ সদা যতস্ব॥ 12-329-23 (78770)
অব্যক্তপ্রকৃতিরয়ং কলাশরীরঃ
সূক্ষ্মাত্মা ক্ষণত্রুটিকা নিমেষরোমা।
যানেতৎসমবলশুক্লকৃষ্ণনেত্রো
মাসাঙ্গো দ্রবতি বয়োহয়ো নরাণাম্॥ 12-329-24 (78771)
তং দৃষ্ট্বা প্রসৃতমজস্রমুগ্রবেগং
গচ্ছন্তং সততমিহান্ববেক্ষমাণম্।
যক্ষুস্তে যদি ন পরপ্রণেতৃনেয়ং
ধর্মে তে রমতু মনঃ পরং নিশাম্য॥ 12-329-25 (78772)
যেঽমী তু প্রচলিতধর্মকামবৃত্তাঃ
ক্রোশন্তঃ সততমনিষ্টসংপ্রয়োগাৎ।
ক্লিশ্যন্তঃ পরিগতবেদনাশরীরা
বহ্বীভিঃ সুভৃশমধর্মবাগুরাভিঃ॥ 12-329-26 (78773)
রাজা সদা ধর্মপরঃ শুভাশুভস্য গোপ্তা
সমীক্ষ্য সুকৃতিনাং দধাতি লোকান্।
বহুবিধমপি চরতি প্রবিশতি
সুখমনুপগতং নিরবদ্যম্॥ 12-329-27 (78774)
শ্বানো ভীষণকায়া অয়োমুখানি বয়াংসি
বলগৃধ্রকুররপক্ষিণাং চ সংঘাতম্।
নরকদনে রুধিরপা গুরুবচন
নুদমুপরতং বিশন্ত্যসন্তঃ॥ 12-329-28 (78775)
মর্যাদা নিয়তাঃ স্বয়ম্ভুবা য ইহেমাঃ
প্রভিনত্তি দশ গুণা মনোঽনুগৎবাৎ।
নিবসতি ভৃশমসুখং পিতৃবিষয়
বিপিনমবগাহ্য স পাপঃ॥ 12-329-29 (78776)
যো লুব্ধ সুভৃশং প্রিয়ানৃতশ্চ মনুষ্যঃ
সততনিকৃতিবঞ্চনাভিরতিঃ স্যাৎ।
উপনিধিভিরসুখকৃৎস পরমনিরয়গো
ভৃশমসুখমনুভবতি দুষ্কৃতকর্মা॥ 12-329-30 (78777)
উষ্ণাং বৈতরণীং মহানদীমব
গাঢোঽসিপত্রবনভিন্নগাত্রঃ।
পরশুবনশয়োনিপতিতো
বসতি চ মহানিরয়ে ভৃশার্তঃ॥ 12-329-31 (78778)
মহাপাদনি কত্থসে ন চাপ্যবেক্ষসে পরম্।
চিরস্য মৃত্যুকারিকামনাগতাং ন বুধ্যসে॥ 12-329-32 (78779)
প্রয়স্যতাং কিমাস্যতে সমুত্থিতং মহদ্ভয়ম্।
অতিপ্রমার্থি দারুণং সুখস্য সংবিধীয়তাম্॥ 12-329-33 (78780)
পুরা মৃতঃ প্রণীয়সে যমস্য রাজশাসনাৎ।
ৎবমন্তকায় দারুণৈঃ প্রয়ত্নমার্জবে কুরু॥ 12-329-34 (78781)
পুরা সমূলবান্ধবং প্রভুর্হরত্যদুঃখবিৎ।
কিয়ত্তবেহ জীবিতং যমে ন চাস্তি বারকঃ॥ 12-329-35 (78782)
পুরা বিবাতি মারুতো যমস্য যঃ পুরঃসরঃ।
পুরৈক এব নীয়সে কুরুষ্ব সাংপরায়িকম্॥ 12-329-36 (78783)
পুরা স এক এব তে প্রবাতি মারুতোঽন্তকঃ।
পুরা চ বিভ্রমন্তি তে দিশো মহাভয়াগমে॥ 12-329-37 (78784)
শ্রুতিশ্চ সন্নিরুধ্যতে পুরা তবেহ পুত্রক।
সমাকুলস্য গচ্ছতঃ সমাধিমুত্তমং কুরু॥ 12-329-38 (78785)
শুভাশুভে পুরা কৃতে প্রমাদকর্মবিপ্লুতে।
স্মরন্পুরাঽনুতপ্যসে নিধৎস্ব কেবলং নিধিম্॥ 12-329-39 (78786)
পুরা জরা কলেবরং বিজর্ঝরীকরোতি তে।
বলাঙ্গরূপহারিণী নিধৎস্ব কেবলং নিধিম্॥ 12-329-40 (78787)
পুরা শরীরমন্তকো ভিনত্তি রোগসায়কৈঃ।
প্রসহ্য জীবিতক্ষয়ে তপো মহৎসমারভ॥ 12-329-41 (78788)
পুরা বৃকা ভয়ংকরা মনুষ্যদেহগোচরাঃ।
অভিদ্রবন্তি সর্বতো যতস্ব পুণ্যশীলনে॥ 12-329-42 (78789)
পুরান্ধকারমেককোঽনুপশ্যসি ৎবরস্ব বৈ।
পুরা হিরণ্ময়ান্নগান্নিরীক্ষসেঽদ্রিমূর্ধনি॥ 12-329-43 (78790)
পুরা কুসঙ্গতানি তে সুহৃন্মুখাশ্চ শত্রবঃ।
বিচালয়ন্তি দর্শনাদ্ধটস্ব পুত্র যৎপরম্॥ 12-329-44 (78791)
ধনস্য যস্য রাজতো ভয়ং ন চাস্তি চোরতঃ।
মৃতং চ যন্ন মুঞ্চতি সমার্জয়স্ব তদ্ধনম্॥ 12-329-45 (78792)
ন তত্র সংবিভজ্যতে স্বকর্মভিঃ পরস্পরম্।
যদেব যস্য যৌতকং তদেব তত্র সোঽশ্নৃতে॥ 12-329-46 (78793)
পরত্র তেন জীব্যতে তদেব পুত্র জীয়তাম্।
ধনং যদক্ষরং ধ্রুবং সমার্জয়স্ব তৎস্বয়ম্॥ 12-329-47 (78794)
ন যাবদেব পচ্যতে মহাজনস্য যাবকম্।
অপক্ব এব যাবকে পুরা প্রলীয়তে ৎবরম্॥ 12-329-48 (78795)
ন মাতৃপুত্রবান্ধবা ন সংস্তুতঃ প্রিয়ো জনঃ।
অনুব্রজন্তি সংকটে ব্রজন্তমেকপাতিনম্॥ 12-329-49 (78796)
যদেব কর্ম কেবলং পুরাকৃতং শুভাশুভম্।
তদেব পুত্র যৌতকং ভবত্যমুত্র গচ্ছতঃ॥ 12-329-50 (78797)
হিরণ্যরত্নসংচয়াঃ শুভাশুভেন সংচিতাঃ।
ন তস্য দেহসংক্ষয়ে ভবন্তি কার্যসাধকাঃ॥ 12-329-51 (78798)
ন পুত্র শান্তিরস্তি তে কৃতাকৃতস্য কর্মণঃ।
ন সাক্ষিকোঽঽত্মনা সমো নৃণামিহাস্তি কশ্চন॥ 12-329-52 (78799)
মনুষ্যদেহশূন্যকং ভবত্যমুত্র গচ্ছতঃ।
প্রবিশ্য বুদ্ধিচক্ষুষা প্রদৃশ্যতে হি সর্বশঃ॥ 12-329-53 (78800)
ইহাগ্নিসূর্যবায়বঃ শরীরমাশ্রিতাস্ত্রয়ঃ।
ত এব তস্য সাক্ষিণো ভবন্তি ধর্মদর্শিনঃ॥ 12-329-54 (78801)
অহনিংশেষু সর্বতঃ স্পৃশৎসু সর্বচারিষু।
প্রকাশগূঢবৃত্তিষু স্বধর্মমেব পালয়॥ 12-329-55 (78802)
অনেকপারিপান্থকে বিরূপরৌদ্রমক্ষিকে।
স্বমেব কর্ম রক্ষ্যতাং স্বকর্ম তত্র গচ্ছতি॥ 12-329-56 (78803)
ন তত্র সংবিভজ্যতে স্বকর্মভিঃ পরস্পরম্।
তথা কৃতং স্বকর্মজং তদেব ভুজ্যতে ফলম্॥ 12-329-57 (78804)
যথাঽপ্সরোগণাঃ ফলং সুখং মহর্ষিভিঃ সহ।
তথাঽঽপ্নুবন্তি কর্মজং বিমানকামগামিনঃ॥ 12-329-58 (78805)
যথেহ যৎকৃতং শুভং বিপাপ্মভিঃ কৃতাত্মভিঃ।
তদাপ্নুবন্তি মানবাস্তথা বিশুদ্ধয়োনয়ঃ॥ 12-329-59 (78806)
প্রজাপতেঃ সলোকতাং বৃহস্পতেঃ শতক্রতোঃ।
ব্রজন্তি তে পরাং গতিং গৃহস্থধর্মসেতুভিঃ॥ 12-329-60 (78807)
সহস্রশোঽপ্যনেকশঃ প্রবক্তুমুৎসহামহে।
অবুদ্ধিমোহনং পুনঃ প্রভুস্তু তেন পাবকঃ॥ 12-329-61 (78808)
গতা ত্রিরষ্টবর্ষতা ধ্রুবোঽসি পঞ্চবিংশকঃ।
কুরষ্ব ধর্মসংচয়ং বয়ো হি তেঽতিবর্ততে॥ 12-329-62 (78809)
পুরা করোতি সোঽন্তকঃ প্রমাদগোমুখাং চমূম্।
যথাগৃহীতমুত্থিতস্ৎবরস্ব ধর্মপালনে॥ 12-329-63 (78810)
যথা ৎবমেব পৃষ্ঠতস্ৎবমগ্রতো গমিষ্যসি।
তথা গতিং গমিষ্যতঃ কিমাত্মনা পরেণ বা॥ 12-329-64 (78811)
যদেকপাতিনাং সতাং ভবত্যমুত্র গচ্ছতাম্।
ভয়েষু সাংপরায়িকং নিধৎস্ব কেবলং নিধিম্॥ 12-329-65 (78812)
সতূলমূলবান্ধবং প্রভুর্হরত্যসঙ্গবান্।
ন সন্তি যস্য বারকাঃ কুরষ্ব ধর্মসংনিধিম্॥ 12-329-66 (78813)
ইদং নিদর্শনং ময়া তবেহ পুত্র সংমতম্।
স্বদর্শনানুপানতঃ প্রবর্ণিতং কুরুষ্ব তৎ॥ 12-329-67 (78814)
দদাতি যঃ স্বকর্মণা ধনানি যস্যকস্যচিৎ।
অবুদ্ধিমোহজৈর্গুণৈঃ স এক এব যুজ্যতে॥ 12-329-68 (78815)
শুভং সমস্তমশ্নুতে প্রকুর্বতঃ শুভাঃ ক্রিয়াঃ।
তদেতদর্থদর্শনং কৃতজ্ঞমর্থসংহিতম্॥ 12-329-69 (78816)
নিবন্ধনী রজ্জুরেষা যা গ্রামে বসতো রতিঃ।
ছিত্ৎবৈতাং সুকৃতো যান্তি নৈনাং ছিদন্তি দুষ্কৃতঃ॥ 12-329-70 (78817)
কিং তে ধনেন কিং বন্ধুভিস্তে
কিং তে পুত্রৈঃ পুত্রক যো মরিষ্যসি।
আত্মানমন্বিচ্ছ গুহাং প্রবিষ্টং
পিতামহাস্তে ক্ব গতাশ্চ সর্বে॥ 12-329-71 (78818)
শ্বঃ কার্যমদ্যে কুর্বীত পূর্বাহ্ণে চাপরাহ্ণিকম্।
ন হি প্রতীক্ষতে মৃত্যুঃ কৃতং বাঽস্য ন বাঽকৃতম্॥ 12-329-72 (78819)
অনুগম্য বিনাশান্তে নিবর্তন্তে হ বান্ধবাঃ।
অগ্নৌ প্রক্ষিপ্য পুরুষং জ্ঞাতয়ঃ সুহৃদস্তথা॥ 12-329-73 (78820)
নাস্তিকান্নিরনুক্রোশান্নরান্পাপমতে স্থিতান্।
বামতঃ কুরু বিস্রব্ধং পরং প্রেপ্সুরতন্দ্রিতঃ॥ 12-329-74 (78821)
এবমভ্যাহতে লোকে কালেনোপনিপীডিতে।
সুমহদ্ধৈর্যমালম্ব্য ধর্মং সর্বাত্মনা কুরু॥ 12-329-75 (78822)
অথেমং দর্শনোপায়ং সম্যগ্যো বেত্তি মানবঃ।
সম্যক্ স্বধর্মং কৃৎবেহ পরত্র সুখমশ্নুতে॥ 12-329-76 (78823)
ন দেহভেদে মরণং বিজানতাং
ন চ প্রণাশঃ স্বনুপালিতে পথি।
ধর্মং হি যো বর্ধয়তে স পণ়্ডিতো
য এব ধর্মাচ্চ্যবতে স দহ্যতে॥ 12-329-77 (78824)
প্রয়ুক্তয়োঃ কর্মপথি স্বকর্মণোঃ
ফলং প্রয়োক্তা লভতে যথাবিধি।
নিহীনকর্মা নিরয়ং প্রপদ্যতে
ত্রিবিষ্টপং গচ্ছতি ধর্মপারগঃ॥ 12-329-78 (78825)
সোপানভূতং স্বর্গস্য মানুষ্যং প্রাপ্য দুর্লভম্।
তথাঽঽত্মানং সমাদধ্যাদ্ধশ্যতে ন পুনর্যথা॥ 12-329-79 (78826)
যস্য নোৎক্রামতি মতিঃ স্বর্গমার্গানুসারিণী।
তমাহুঃ পুণ্যকর্মাণমশোচ্যং মিত্রবান্ধবৈঃ॥ 12-329-80 (78827)
যস্য নোপহতা বুদ্ধির্নিশ্চয়ে হ্যবলম্বতে।
স্বর্গে কৃতাবকাশস্য নাস্তি তস্য মহদ্ভয়ম্॥ 12-329-81 (78828)
তপোবনেষু যে জাতাস্তত্রৈব নিধনং গতাঃ।
তেষামল্পতরো ধর্মঃ কামভোগানজানতাম্॥ 12-329-82 (78829)
যস্তু ভোগান্পরিত্যজ্য শরীরেণ তপশ্চরেৎ।
ন তেন কিংচিন্ন প্রাপ্তং তন্মে বহুমতং ফলম্॥ 12-329-83 (78830)
মাতাপিতৃসহস্রাণি পুত্রদারশতানি চ।
অনাগতান্যতীতানি কস্য তে কস্য বা বয়ম্॥ 12-329-84 (78831)
অহমেকো ন মে কশ্চিন্নাহমন্যস্য কস্যচিৎ।
ন তং পশ্যামি যস্যাহং তন্ন পশ্যামি যো মম॥ 12-329-85 (78832)
ন তেষাং ভবতা কার্যং ন কার্যং তব তৈরপি।
স্বকৃতৈস্তানি জাতানি ভবাংশ্চৈব গমিষ্যতি॥ 12-329-86 (78833)
ইহ লোকে হি ধনিনা পরোঽপি স্বজনায়তে।
স্বজনস্তু দরিদ্রাণাং জীবতামপি নশ্যতি॥ 12-329-87 (78834)
সংচিনোত্যশুভং কর্ম কলত্রাপেক্ষয়া নরঃ।
ততঃ ক্লেশমবাপ্নোতি পরত্রেহ তথৈব চ॥ 12-329-88 (78835)
পশ্যতি চ্ছিন্নভূতং হি জীবলোকং স্বকর্মণা।
তৎকুরুষ্ব তথা পুত্র কৃৎস্নং যৎসমুদাহৃতম্॥ 12-329-89 (78836)
তদেতৎসংপ্রদৃশ্যৈব কর্ম ভূমিং প্রপশ্যতঃ।
শুভান্যাচরিতব্যানি পরলোকমভীপ্সতা॥ 12-329-90 (78837)
মাসর্তুসংজ্ঞাপরিবর্তকেন
সূর্যাগ্নিনা রাত্রিদিবেন্ধনেন।
স্বকর্মনিষ্ঠাফলসাক্ষিকেণ
ভূতানি কালঃ পচতি প্রসহ্য॥ 12-329-91 (78838)
ধনেন কিং যন্ন দদাতি নাশ্নুতে
বলেন কিং যেন রিপুং ন বাধতে।
শ্রুতেন কিং যেন ন ধর্মমাচরে
ৎকিমাত্মনা যো ন জিতেন্দ্রিয়ো বশী॥ 12-329-92 (78839)
ভীষ্ম উবাচ। 12-329-93x (6537)
ইদং দ্বৈপায়নবচো হিতমুক্তং নিশম্য তু।
শুকো গতঃ পরিত্যজ্য পিতরং মোক্ষদৈশিকম্॥ ॥ 12-329-93 (78840)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনত্রিংশদধিকত্রিশততমোঽধ্যায়ঃ॥ 329॥
Mahabharata - Shanti Parva - Chapter Footnotes
12-329-2 স্বাধ্যায়মন্বশিক্ষয়ত স্বয়মিতি ট. থ. ধ. পাঠঃ॥ 12-329-5 হিৎবা সঙ্গমনার্জবমিতি প্রাণস্য লেলিহেতি চ. ধ. পাঠঃ। সংলিহ স্পৃশ। স্বাদ্বস্বাদুবিবেকং মা কার্ষীরিত্যর্থঃ॥ 12-329-6 আমপাত্রোপমে ইতি ধ. পাঠঃ। স্বপিষি পুরুষার্থসাধনে ন প্রবর্তসে॥ 12-329-7 শত্রুষু কামাদিষু। অন্তরং ছিদ্রম্॥ 12-329-8 ন ধাবসি দেবং গুরুং বা শরণং ন যাসি। জীবিতে লিহ্যমানে চেতি ধ. পাঠঃ। জীবিতে লুল্যমানেচেতি ট. পাঠঃ॥ 12-329-10 অপথা অপথেন। বুদ্ধিমোহপরায়ণা ইতি ট. থ. পাঠঃ॥ 12-329-13 আদ্যকালিকয়া বর্তমানমাত্রদর্শিন্যা॥ 12-329-15 কূলপাতং মহানদীপূরম্। রণরেণুমিবোত্থিতমিতি ধ. পাঠঃ। রথরেণুমিবেতি ধ.পাঠঃ। রথরেণুং যথা বামতঃ কুর্বন্তি বামভাগে কুর্বন্তি বর্জয়ন্তীত্যর্থ ইতি রত্নগর্ভঃ। খররেণুমিতি ট. থ. পাঠঃ॥ 12-329-17 অমোঘাসু আয়ুর্হরণেন সফলাসু রাত্রিষু। ধর্মপোতেন সংচরেতি ধ. পাঠঃ। জরয়া পরিবারিত ইতি ট. থ. পাঠঃ॥ 12-329-18 মৃত্যুরন্বেতি তে যদেতি ট. থ. ধ. পাঠঃ। নিবৃত্তিং লম্ভসে যস্মাত্তস্মাত্ৎবং মৃত্যুনাশিত ইতি ধ. পাঠঃ॥ 12-329-19 সংচিন্বানকং ধনাদিসংচয়পরম্॥ 12-329-20 অন্ধকারে সংসারে। দীপো জ্ঞানম্॥ 12-329-22 ইহ ক্লেশায় মহতে প্রেত্যানন্তসুখায় চেতি ধ. পাঠঃ॥ 12-329-24 শুক্লকৃষ্ণৌ পক্ষৌ॥ 12-329-25 চক্ষুর্জ্ঞানং পরপ্রণেতৃনেয়ম্। অন্ধবৎ যদি ন ভবসীত্যর্থঃ। পরং পরলোকং আত্মানং বা॥ 12-329-26 পরিগতং প্রাপ্তং বেদনাশরীরং যমলোকে যাতনাশরীরং যৈস্তে তথাভূতা ভবন্তীতি শেষঃ॥ 12-329-28 শ্নান ইতি নরাণাং কদনং যত্র তস্মিন্নরকে। রুধিরপাঃ কীটাঃ। গুরূণাং মাতৃপি তৃপ্রভৃতীনাং বচনং নুদতি দূরীকরোতি তং উপতরং মৃতম্। শ্বানোভীষিকয়েতি ধ. পাঠঃ॥ 12-329-29 পিতৃবিষয়ে যমলোকে বিপিনমসিপত্রবনং তদেবাবগাহ্য তত্রৈব নিবসতি॥ 12-329-30 নিকৃতির্নীচকর্ম বঞ্চনাচৌর্যাদি। উপনিধিভিশ্ছলেন। অপকীর্তিভিরশুভকৃতঃ কৃৎস্নং পরমনিরয়যাতনাভৃশমসুখমনুভবতি দুষ্কৃতকর্মেতি ট. পাঠঃ॥ 12-329-32 মহাপদানি ব্রহ্মাদীনাং স্থানানি দৃষ্ট্বা কত্থসে ধন্যোঽহমিতি শ্লাঘসে পরংতু ব্রহ্ম নাবেক্ষসে। মৃত্যুকারিকাং জরাম্॥ 12-329-33 প্রয়াস্যতাং মোক্ষমার্গেণ প্রস্থাতব্যম্। সুখস্য প্রমাথি সংবিধীয়তাং প্রয়ত্যতাম্॥ 12-329-34 অন্তকায় অয়তিসুখায়। দারুণৈঃ কৃচ্ছ্রাদিতপোভিঃ॥ 12-329-42 বৃকাঃ কামাদয়ঃ॥ 12-329-43 হিরণ্ময়বৃক্ষদর্শনং মরণচিহ্নম্॥ 12-329-44 তে ৎবাম্॥ 12-329-45 তদ্ধনং বিদ্যাম্॥ 12-329-46 যৌতকং বিবাহাপ্তংধনং দায়াদাগ্রাহ্যম্॥ 12-329-48 যাবকে ঘৃতখণ্ডমিশ্রে যবপিবষ্টবিকারে ৎবরং ৎবরায়ুক্তং যথা স্যাত্তথা প্রলীয়সে ম্রিয়সে। ভোগান্ভুক্ৎবা মোক্ষে যত্নং করিষ্যামীতি ন মন্তব্যমিতি ভাবঃ॥ 12-329-55 যথেন্দ্রিয়েষু সর্বতঃ শ্রুতেষ্বিতি ধ. পাঠঃ॥ 12-329-58 তথাঽঽপ্নুবন্তি কর্মতো বিয়ুদ্ধিমোহনং পুনরিতি ট. ধ. পাঠঃ॥ 12-329-66 কুরুষ্ব ধর্মসংচয়মিতি ধ. পাঠঃ॥ 12-329-72 নহি তদ্বেদ কস্যাদ্যমৃত্যুসেনাভিবীক্ষতে ইতি ধ. পাঠঃ। কো হি তদ্বেদ যস্যাদ্যমৃত্যুসেনাভিবীক্ষত ইতি ট. থ. পাঠঃ॥ 12-329-79 সৃজ্যতে ন পুনর্যথেতি ধ. পাঠঃ। ম্রিয়তে ন পুনর্যথেতি ট. পাঠঃ॥ 12-329-83 তদেব বহুলং মতমিতি ট. ধ. পাঠঃ॥ 12-329-93 হিতয়ুক্তমিতি ধ. পাঠঃ। মোক্ষদৈশিকং মোক্ষোপদেষ্টারম্॥শান্তিপর্ব - অধ্যায় 330
॥ শ্রীঃ ॥
12.330. অধ্যায়ঃ 330
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি সর্বথা ধর্মস্য কর্তব্যতাকথনম্॥ 1॥Mahabharata - Shanti Parva - Chapter Text
12-330-0 (78841)
যুধিষ্ঠির উবাচ। 12-330-0x (6538)
যদ্যস্তি দত্তমিষ্টং বা তপস্তপ্তং তথৈব চ।
গুরূণাং বাঽপি শুশ্রূষা তন্মে ব্রূহি পিতামহ॥ 12-330-1 (78842)
ভীষ্ম উবাচ। 12-330-2x (6539)
আত্মনাঽনর্থয়ুক্তেন পাপে নিবিশতে মনঃ।
স কর্ম কলুষং কৃৎবা ক্লেশে মহতি ধীয়তে॥ 12-330-2 (78843)
দুর্ভিক্ষাদেব দুর্ভিক্ষং ক্লেশাৎক্লেশং ভয়াদ্ভয়ম্।
মৃতেভ্যঃ প্রমৃতা যান্তি দরিদ্রাঃ পাপকর্মিণঃ॥ 12-330-3 (78844)
উৎসবাদুৎসবং যান্তি স্বর্গাৎস্বর্গং সুখাৎসুখম্।
শ্রদ্দধানাশ্চ দান্তাশ্চ ধনস্যাঃ শুভকারিণঃ॥ 12-330-4 (78845)
ব্যালকুঞ্জরদুর্গেষু সর্পচোরভয়েষু চ।
হস্তাবাপেন গচ্ছন্তি নাস্তিকাঃ কিমতঃ পরম্॥ 12-330-5 (78846)
প্রিয়দেবাতিথেয়াশ্চ বদান্যাঃ প্রিয়সাধবঃ।
ক্ষেম্যমাত্মবতা মার্গমাস্থিতা হস্তদক্ষিণাঃ॥ 12-330-6 (78847)
পুলাকা ইব ধান্যেষু পূত্যণ্ডা ইব পক্ষিষু।
তদ্বিধাস্তে মনুষ্যেষু যেষাং ধর্মো ন কারণম্॥ 12-330-7 (78848)
সুশীঘ্রমপি ধাবন্তং বিধানমনুধাবতি।
শেতে সহ শয়ানেন যেনয়েন যথাকৃতম্॥ 12-330-8 (78849)
পাপং তিষ্ঠতি তিষ্ঠন্তং ধাবন্তমনুধাবতি।
করোতি কুর্বতঃ কর্ম চ্ছায়েবানুবিধীয়তে॥ 12-330-9 (78850)
যেনয়েন যথা যদ্যৎপুরা কর্ম সুনিশ্চিতম্।
তত্তদেব নরো ভুঙ্ক্তে নিত্যং বিহিতমাত্মনা॥ 12-330-10 (78851)
সমানকর্মনিক্ষেপং বিধানপরিরক্ষণম্।
ভূতগ্রামমিমং কালঃ সমন্তাদপকর্ষতি॥ 12-330-11 (78852)
অচোদ্যমানানি যথা পুষ্পাণি চ ফলানি চ।
স্বং কালং নাতিবর্তন্তে তথা কর্ম পুরাকৃতম্॥ 12-330-12 (78853)
সমানশ্চাবমানশ্চ লাভালাভৌ জয়াজয়ৌ।
প্রবৃত্তা ন নিবর্তন্তে নিধনান্তাঃ পদেপদে॥ 12-330-13 (78854)
আত্মনা বিহিতং দুঃখমাত্মনা বিহিতং সুখম্।
গর্ভশয়্যামুপাদায় ভজতে পূর্বদেহিকম্॥ 12-330-14 (78855)
বালো যুবা বা বৃদ্ধশ্চ যৎকরোতি শুভাশুভম্।
তস্যাংতস্যামবস্থায়াং ভুঙ্ক্তে জন্মনিজন্মনি॥ 12-330-15 (78856)
যথা ধেনুসহস্রেষু বৎসো বিন্দতি মাতরম্।
তথা পূর্বকৃতং কর্ম কর্তারমনুগচ্ছতি॥ 12-330-16 (78857)
মলিনং হি যথা বস্ত্রং পশ্চাচ্ছুধ্যতি বারিণা।
উপবাসৈঃ প্রতপ্তানাং দীর্ঘং সুখমনন্তকম্॥ 12-330-17 (78858)
দীর্ঘকালেন তপসা সেবিতেন তপোবনে।
ধর্মনির্ধূতপাপানাং সংসিধ্যন্তে মনোরথাঃ॥ 12-330-18 (78859)
শকুনানামিবাকাশে মৎস্যানামিব চোদকে।
পদং যথা ন দৃশ্যেত তথা পুণ্যকৃতাং গতিঃ॥ 12-330-19 (78860)
অলমন্যৈরুপালব্ধৈঃ কীর্তিতৈশ্চ ব্যতিক্রমৈঃ।
পেশলং চানুরূপং চ কর্তব্যং হিতমাত্মনঃ॥ ॥ 12-330-20 (78861)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিংশদধিকত্রিশততমোঽধ্যায়ঃ॥ 330॥
Mahabharata - Shanti Parva - Chapter Footnotes
12-330-6 আস্থিতা হতদক্ষিণা ইতি ধ. পাঠঃ॥ 12-330-10 তত্তদেবোত্তরং ভুঙ্ক্তে ইতি ঝ. পাঠঃ॥ 12-330-13 লাভোঽলাভঃ ক্ষয়াক্ষয়াবিতি ঝ. পাঠঃ॥ 12-330-14 ভুজ্যতে পূর্বদৈহিকমিতি ধ. পাঠঃ॥শান্তিপর্ব - অধ্যায় 331
॥ শ্রীঃ ॥
12.331. অধ্যায়ঃ 331
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শুকোৎপত্তিপ্রকারকথনারম্ভঃ॥ 1॥ তথা পুত্রার্থং ব্যাসতপশ্চর্যাকথনম্॥ 2॥Mahabharata - Shanti Parva - Chapter Text
12-331-0 (78862)
যুধিষ্ঠির উবাচ। 12-331-0x (6540)
কথং ব্যাসস্য ধর্মাত্মা শুকো জজ্ঞে মহাতপাঃ।
সিদ্ধিং চ পরমাং প্রাপ্তস্তন্মে ব্রূহি পিতামহ॥ 12-331-1 (78863)
কস্যাং চোৎপাদয়ামাস শুকং ব্যাসস্তপোধনঃ।
ন হ্যস্য জননীং বিদ্মো জন্ম চাগ্র্যং মহাত্মনঃ॥ 12-331-2 (78864)
কথং চ বালস্য সতঃ সূক্ষ্মজ্ঞানে রতা মতিঃ।
যথা নান্যস্য লোকেঽস্মিন্দ্বিতীয়স্যেহ কস্যচিৎ॥ 12-331-3 (78865)
এতদিচ্ছাম্যহং শ্রোতুং বিস্তরেণ মহামতে।
ন হি মে তৃপ্তিরস্তীহ শৃণ্বতোঽমৃতমুত্তমম্॥ 12-331-4 (78866)
মাহাত্ম্যমাত্ময়োগং চ বিজ্ঞানং চ শুকস্য হ।
যথাবদানুপূর্ব্যেণ তন্মে ব্রূহি পিতামহ॥ 12-331-5 (78867)
ভীষ্ম উবাচ। 12-331-6x (6541)
ন হায়নৈর্ন পলিতৈর্ন বিত্তৈর্ন চ বন্ধুভিঃ।
ঋষয়শ্চক্রিরে ধর্মং যোঽনূচানঃ স নো মহান্॥ 12-331-6 (78868)
তপোমূলমিদং সর্বং যন্মাং পৃচ্ছসি পাণ্ডব।
তদিন্দ্রিয়াণি সংয়ম্য তপো ভবতি নান্যথা॥ 12-331-7 (78869)
ইন্দ্রিয়াণাং প্রসঙ্গেন দোষমৃচ্ছত্যসংশয়ম্।
সংনিয়ম্য তু তান্যেব সিদ্ধিমাপ্নোতি মানবঃ॥ 12-331-8 (78870)
অশ্বমেধসহস্রস্য বাজপেয়শতস্য চ।
যোগস্য কলয়া তাত ন তুল্যং বিদ্যতে ফলম্॥ 12-331-9 (78871)
অত্র তে বর্তয়িষ্যামি জন্ময়োগফলং তথা।
শুকস্যাগ্র্যাং গতিং চৈব দুর্বিদামকৃতাত্মভিঃ॥ 12-331-10 (78872)
মেরুশৃঙ্গে কিল পুরা কর্ণিকারবনায়ুতে।
বিজহার মহাদেবো ভীমৈর্ভূতগণৈর্বৃতঃ॥ 12-331-11 (78873)
শৈলরাজসুতা চৈব দেবী তত্রাভবৎপুরা।
তত্র দিব্যং তপস্তেষে কৃষ্ণদ্বৈপায়নঃ প্রভুঃ॥ 12-331-12 (78874)
যোগেনাত্মানমাবিশ্য যোগধর্মপরায়ণঃ।
ধারয়ন্স তপস্তেপে পুত্রার্থং কুরুসত্তম॥ 12-331-13 (78875)
অগ্নের্ভূমেরপাং বায়োরন্তরিক্ষস্য বা বিভো।
বীর্যেণ সংমিতঃ পুত্রো মম ভূয়াদিতি স্ম হ॥ 12-331-14 (78876)
সংকল্পেনাথ মৌনেন দুষ্প্রাপমকৃতাত্মভিঃ।
বরয়ামাস দেবেশমাস্থিতস্তপ উত্তমম্॥ 12-331-15 (78877)
অতিষ্ঠন্মারুতাহারঃ শতং কিল সমাঃ প্রভুঃ
আরাধয়ন্মহাদেবং বহুরূপমুমাপতিম্॥ 12-331-16 (78878)
তত্র ব্রহ্মর্ষয়শ্চৈব সর্বে দেবর্ষয়স্তথা।
লোকপালাশ্চ লোকেশং সাধ্যাশ্চ বসুভিঃ সহ॥ 12-331-17 (78879)
আদিত্যাশ্চৈব রুদ্রাশ্চ দিবাকরনিশাকরৌ।
মারুতো মরুতশ্চৈব সাগরাঃ সরিতস্তথা॥ 12-331-18 (78880)
অশ্বিনৌ দেবগন্ধর্বাস্তথা নারদপর্বতৌ।
বিশ্বাবসুশ্চ গন্ধর্বঃ সিদ্ধাশ্চাপ্সরসাং গণাঃ॥ 12-331-19 (78881)
তত্র রুদ্রো মহাদেবঃ কর্ণিকারময়ীং শুভাম্।
ধারয়াণঃ স্রজং ভাতি জ্যোৎস্নামিব নিশাকরঃ॥ 12-331-20 (78882)
তস্মিন্দিব্যে বনে রম্যে দেবদেবর্ষিসংকুলে।
আস্থিতঃ পরমং যোগমৃষিঃ পুত্রার্থমচ্যুতঃ॥ 12-331-21 (78883)
ন চাস্য হীয়তে প্রাণো ন গ্লানিরুপজায়তে।
ত্রয়াণামপি লোকানাং তদদ্ভুতমিবাভবৎ॥ 12-331-22 (78884)
জটাশ্চ তেজসা তস্য বৈশ্বানরশিখোপমাঃ।
প্রজ্বলন্ত্যঃ স্ম দৃশ্যন্তে যুক্তস্যামিততেজসঃ॥ 12-331-23 (78885)
মার্কণ্ডেয়ো হি ভগবানেতদাখ্যাতবান্মম।
স দেবচরিতানীহ কথয়ামাস মে তদা॥ 12-331-24 (78886)
এতা অদ্যাপি কৃষ্ণস্য তপসা তেন দীপিতাঃ।
অগ্নিবর্ণা জটাস্তাত প্রকাশন্তে মহাত্মনঃ॥ 12-331-25 (78887)
এবংবিধেন তপসা তস্য ভক্ত্যা চ ভারত।
মহেশ্বরঃ প্রসন্নাত্মা চকার মনসা মতিম্॥ 12-331-26 (78888)
`ততস্তস্য মহাদেবো দর্শয়ামাস সাম্বিকঃ।'
উবাচ চৈবং ভগবাংখ্যম্বকঃ প্রহসন্নিব।
এবংবিধস্তে তনয়ো দ্বৈপায়ন ভবিষ্যতি॥ 12-331-27 (78889)
যথা হ্যগ্নির্যথা বায়ুর্যথা ভূমির্যথা জলম্।
যথাঽঽকারাস্তথা শুদ্ধো ভবিতা তে সুতো মহান্॥ 12-331-28 (78890)
তদ্ভাবভাবী তদ্বুদ্ধিস্তদাঽঽত্মা তদপাশ্রয়ঃ।
তেজসাঽঽবৃত্য লোকাংস্ত্রীন্যশঃ প্রাপ্স্যতি তে সুতঃ॥ ॥ 12-331-29 (78891)
ইতি শ্রীমন্মহাভারতে শান্তিপর্বণি মোক্ষধর্মপর্বণি একত্রিংশদধিকত্রিশততমোঽধ্যায়ঃ॥ 331॥
Mahabharata - Shanti Parva - Chapter Footnotes
12-331-2 কথং চোৎপাদয়ামাসেতি ধ. পাঠঃ॥ 12-331-3 সূক্ষ্মজ্ঞানে স্থিতামতিরিতি ধ. পাঠঃ॥ 12-331-12 দেবী ভর্ত্রাভবৎপুরেতি ধ. পাঠঃ॥ 12-331-15 সংকল্পেনাথ যোগেনেতি ঝ. পাঠঃ॥ 12-331-18 বসবো মরুতশ্চৈবেতি ঝ. পাঠঃ॥ 12-331-22 হীয়তে বর্ণ ইতি ধ. পাঠঃ॥ 12-331-25 কৃষ্ণস্য ব্যাসস্য॥ 12-331-29 যশঃ প্রাপ্স্যতি কেবলমিতি ট. ড. ধ. পাঠঃ॥শান্তিপর্ব - অধ্যায় 332
॥ শ্রীঃ ॥
12.332. অধ্যায়ঃ 332
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি শুকোৎপত্তিপ্রকারকথনম্॥ 1॥Mahabharata - Shanti Parva - Chapter Text
12-332-0 (78892)
ভীষ্ম উবাচ। 12-332-0x (6542)
স লব্ধ্বা পরমং দেবাদ্বরং সত্যবতীসুতঃ।
অরণীং তু ততো গৃহ্য মমন্থাগ্নিচিকীর্ষয়া॥ 12-332-1 (78893)
অথ রূপং পরং রাজন্বিভ্রতীং স্বেন তেজসা।
ঘৃতাচীং নামাপ্সরসমপশ্যদ্ভগবানৃষিঃ॥ 12-332-2 (78894)
ঋষিরপ্সরসং দৃষ্ট্বা সহসা কামমোহিতঃ।
অভবদ্ভগবান্ব্যাসো বনে তস্মিন্যুধিষ্ঠির॥ 12-332-3 (78895)
সা চ দৃষ্ট্বা তদা ব্যাসং কামসংবিগ্নমানসম্।
শুকী ভূৎবা মহারাজ ঘৃতাচী সমুপাগমৎ॥ 12-332-4 (78896)
স তামপ্সরসং দৃষ্ট্বা রূপেণান্যেন সংবৃতাম্।
শরীরজেনানুগতঃ সর্বগাত্রাতিগেন হ॥ 12-332-5 (78897)
স তু ধৈর্যেণ মহতা নিগৃহ্ণন্হৃচ্ছয়ং মুনিঃ।
ন শশাক নিয়ন্তুং তদ্ব্যাসঃ প্রবিসৃতং মনঃ।
ভাবিৎবাচ্চৈব ভাবস্য ঘৃতাচ্যা বপুষা হৃতঃ॥ 12-332-6 (78898)
যত্নান্নিয়চ্ছতস্তস্য মুনেরগ্নিচিকীর্ষয়া।
অরণ্যামেব সহসা তস্য শুক্রমবাপতৎ॥ 12-332-7 (78899)
সোঽবিশঙ্কেন মনসা তথৈব দ্বিজসত্তমঃ।
অরণীং মমন্থ ব্রহ্মর্ষিস্তস্যাং জজ্ঞে শুকো নৃপ॥ 12-332-8 (78900)
শুক্রে নির্মথ্যমানে স শুকো জজ্ঞে মহাতপাঃ।
পরমর্ষির্মহায়োগী অরণীগর্ভসংভবঃ॥ 12-332-9 (78901)
যথাঽধ্বরে সমিদ্ধোঽগ্নির্ভাতি হব্যমুদাবহন্।
তথারূপঃ শুকো জজ্ঞে প্রজ্বলন্নিব তেজসা॥ 12-332-10 (78902)
বিভ্রৎপিতুশ্চ কৌরব্য রূপবর্ণমনুত্তমম্।
বভৌ তদা ভাবিতাত্মা বিধূমোঽগ্নিরিবজ্বলন্॥ 12-332-11 (78903)
তং গঙ্গা সরিতাং শ্রেষ্ঠা মেরুপৃষ্ঠে জনেশ্বর।
স্বরূপিণী তদাঽভ্যেত্য স্নাপয়ামাস বারিণা॥ 12-332-12 (78904)
অন্তরিক্ষাচ্চ কৌরব্য দণ্ডঃ কৃষ্ণাজিনং চ হ।
পপাত ভুবি রাজেন্দ্র শুকস্থার্থে মহাত্মনঃ॥ 12-332-13 (78905)
জেগীয়ন্তে স্ম গন্ধর্বা ননৃতুশ্চাপ্সরোগণাঃ।
দেবদুন্দুভয়শ্চৈব প্রাবাদ্যন্ত সহস্রশঃ॥ 12-332-14 (78906)
বিশ্বাসুশ্চ গন্ধর্বস্তথা তুম্বুরুনারদৌ।
হাহা হূহূশ্চ গন্ধর্বৌ তুষ্টুবুঃ শুকসংভবম্॥ 12-332-15 (78907)
তত্র শক্রপুরোগাশ্চ লোকপালাঃ সমাগতাঃ।
দেবা দেবর্ষয়শ্চৈব তথা ব্রহ্মর্ষয়োঽপি চ॥ 12-332-16 (78908)
দিব্যানি সর্বপুষ্পাণি প্রববর্ষ চ মারুতঃ।
জঙ্গমং স্থাবরং চৈব প্রহৃষ্টমভবজ্জগৎ॥ 12-332-17 (78909)
তং মহাত্মা স্বয়ং প্রীত্যা দেব্যা সহ মহাদ্যুতিঃ।
জতামাত্রং মুনেঃ পুত্রং বিধিনোপানয়ত্তদা॥ 12-332-18 (78910)
তস্য দেবেশ্বরঃ শক্রো দিব্যমদ্ভুতদর্শনম্।
দদৌ কমণ্ডলুং প্রীত্যা দেববাসাংসি চাভিভো॥ 12-332-19 (78911)
হংসাশ্চ শতপত্রাশ্চ সারসাশ্চ সহস্রশঃ।
প্রদক্ষিণমবর্তন্ত শুকাশ্চাষাশ্চ ভারত॥ 12-332-20 (78912)
আরণেয়স্ততো দিব্যং প্রাপ্য জন্ম মহাদ্যুতিঃ।
তত্রৈবোবাস মেধাবী ব্রহ্মচারী সমাহিতঃ॥ 12-332-21 (78913)
উৎপন্নমাত্রং তং বেদাঃ সরহস্যাঃ সসংগ্রহাঃ।
উপতস্থুর্মহারাজ যথাঽস্য পিতরং তথা॥ 12-332-22 (78914)
বৃহস্পতিং চ বব্রে স বেদবেদাঙ্গভাষ্যবিৎ।
উপাধ্যায়ং মহারাজ ধর্মমেবানুচিন্তয়ন্॥ 12-332-23 (78915)
সোঽধীত্য নিখিলান্বেদান্সরহস্যান্সসংগ্রহান্।
ইতিহাসং চ কার্ৎস্ন্যেন ধর্মশাস্ত্রাণি চাভিভো॥ 12-332-24 (78916)
গুরবে দক্ষিণাং দত্ৎবা সমাবৃত্তো মহামুনিঃ।
উগ্রং তপঃ সমারেভে ব্রহ্মচারী সমাহিতঃ॥ 12-332-25 (78917)
দেবতানামৃষীণাং চ বাল্যেঽপি স মহাতপাঃ।
সংমন্ত্রণীয়ো মান্যশ্চ জ্ঞানেন তপসা তথা॥ 12-332-26 (78918)
ন ৎবস্য রমতে বুদ্ধিরাশ্রমেষু নরাধিপ।
ত্রিষু গার্হস্থ্যমূলেষু মোক্ষধর্মানুদর্শিনঃ॥ ॥ 12-332-27 (78919)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বাত্রিংশদধিকত্রিশততমোঽধ্যায়ঃ॥ 332॥
Mahabharata - Shanti Parva - Chapter Footnotes
12-332-1 অরণী সহিতে গৃহ্যেতি ঝ. পাঠঃ। তত্র অরণী দ্বে অধরোত্তরে সহিতে মিথুনরূপে ইত্যর্থঃ॥ 12-332-4 সা চ কৃৎবা তদা ব্যাসমিতি ড. ধ. পাঠঃ॥ 12-332-9 শুকে নির্মথ্যমানে জাতৎবাৎ শুক ইতি রেফলোপেনাস্য নাম কৃতম্॥ 12-332-12 তর্পয়ামাস বারিণেতি ঝ. পাঠঃ॥ 12-332-14 খে গায়ন্তি স্ম গন্ধর্বা ইতি ট. পাঠঃ॥ 12-332-18 মহাত্মা মহাদেবঃ উপানয়ৎ স্বশিষ্যং কৃতবানিতি সংবন্ধঃ॥শান্তিপর্ব - অধ্যায় 333
॥ শ্রীঃ ॥
12.333. অধ্যায়ঃ 333
Mahabharata - Shanti Parva - Chapter Topics
শুকেন ব্যাসাজ্ঞয়া তৎবজিজ্ঞাসয়া মিথিলাস্থং জনকংপ্রত্যগ্গভনম্॥ 1॥Mahabharata - Shanti Parva - Chapter Text
12-333-0 (78920)
ভীষ্ম উবাচ। 12-333-0x (6543)
স মোক্ষমনুচিন্ত্যৈব শুকঃ পিতরমভ্যগাৎ।
প্রাহাভিবাদ্য চ গুরুং শ্রেয়োর্থী বিনয়ান্বিতঃ॥ 12-333-1 (78921)
মোক্ষধর্মেষু কুশলো ভগবান্প্রব্রবীতু মে।
যথা মে মনসঃ শান্তিঃ পরমা সংভবেৎপ্রভো॥ 12-333-2 (78922)
শ্রুৎবা পুত্রস্য তু বচঃ পরমর্ষিরুবাচ তম্।
অধীহি পুত্র মোক্ষং বৈ ধর্মাংশ্চ বিবিধানপি॥ 12-333-3 (78923)
পিতুর্নিয়োগাজ্জগ্রাহ শুকো ধর্মভৃতাং বরঃ।
যোগশাস্ত্রং চ নিখিলং কাপিলং চৈব ভারত॥ 12-333-4 (78924)
স তং ব্রাহ্নয়া শ্রিয়ঃ যুক্তং ব্রহ্মতুল্যপরাক্রমম্।
মেনে পুত্রং যদা ব্যাসো মোক্ষধর্মবিশারদম্॥ 12-333-5 (78925)
উবাচ গচ্ছেতি তদা জনকং মিথিলেশ্বরম্।
স তে বক্ষ্যতি মোক্ষার্থং নিখিলং মিথিলেশ্বরঃ॥ 12-333-6 (78926)
পিতুর্নিয়োগাদগমন্মৈথিলং জনকং নৃপম্।
প্রষ্টুং ধর্মস্য নিষ্ঠাং বৈ মোক্ষস্য চ পরায়ণম্॥ 12-333-7 (78927)
উক্তশ্চ মানুষেণ ৎবং পথা গচ্ছেত্যবিস্মিতঃ।
ন প্রভাবেণ গন্তব্যমন্তরিক্ষচরেণ বৈ॥ 12-333-8 (78928)
আর্জবেনৈব গন্তব্যং ন সুখান্বেষিণা তথা।
নান্বেষ্টব্যা বিশেষাস্তু বিশেষা হি প্রসঙ্গিনঃ॥ 12-333-9 (78929)
অহংকারো ন কর্তব্যো যাজ্যে তস্মিন্নরাধিপে।
স্যাতব্যং চ বশে তস্য স তে ছেৎস্যতি সংশয়ম্॥ 12-333-10 (78930)
স ধর্মকুশলো রাজা মোক্ষশাস্ত্রবিশারদঃ।
যাজ্যো মম স যদ্ব্রূয়াত্তৎকার্যমবিশঙ্কয়া॥ 12-333-11 (78931)
এবমুক্তঃ স ধর্মাত্মা জগাম মিথিলাং মুনিঃ।
পদ্ভ্যাং শক্তোন্তরিক্ষেণ ক্রান্তুং পৃথ্বীং সসাগরাম্॥ 12-333-12 (78932)
স গিরীংশ্চাপ্যতিক্রম্য নদীতীর্থসরাংসি চ।
বহুব্যালমৃগাকীর্ণা হ্যটবীশ্চ বনানি চ॥ 12-333-13 (78933)
মেহোর্হরেশ্চ দ্বে বর্ষে বর্ষং হৈমবতং ততঃ।
ক্রমেণৈবং ব্যতিক্রম্য ভারতং বর্ষমাসদৎ॥ 12-333-14 (78934)
স দেশান্বিবিধান্পশ্যংশ্চীনহূণনিষেবিতান্।
আর্যাবর্তমিমং দেশমাজগাম মহামুনিঃ॥ 12-333-15 (78935)
পিতুর্বচনমাজ্ঞায় তমেবার্থং বিচিন্তয়ন্।
অধ্বানং সোঽতিচক্রাম খচরঃ খে পতবিব॥ 12-333-16 (78936)
পত্তনানি চ রম্যাণি স্ফীতানি নগরাণি চ।
রত্নানি চ বিচিত্রাণি পশ্যন্নপি ন পশ্যতি॥ 12-333-17 (78937)
উদ্যাবানি চ রম্যাণি তথৈবায়তনানি চ।
পুণ্যানি চৈব তীর্থানি সোত্যক্রামদথাধ্বগঃ॥ 12-333-18 (78938)
সোচিরেণৈব কালেন বিদেহানাসসাদ হ।
রক্ষিতান্ধর্মরাজেন জনকেন মহাত্মনা॥ 12-333-19 (78939)
তত্র গ্রামান্বহূন্পশ্যন্বহ্বন্নরসভোজনান্।
পল্লীঘোষান্সমৃদ্ধাংশ্চ বহুগোকুলসংকুলান্॥ 12-333-20 (78940)
স্ফীতাংশ্চ শালিয়বসর্হংসসারসসেবিতান্।
পদ্মিনীভিশ্চ শতশঃ শ্রীমতীভিরলকৃতান্॥ 12-333-21 (78941)
স বিদেহানতিক্রম্য সমৃদ্ধজনসেবিতান্।
মিথিলোপবনং রম্যমাসসাদ সমৃদ্ধিমৎ॥ 12-333-22 (78942)
হস্ত্যশ্বরথসংকীর্ণং নরনারীসমাকুলম্।
পশ্যন্নপশ্যন্নিব তৎসমতিক্রামদচ্যুতঃ॥ 12-333-23 (78943)
মনসা তং বহন্ভারং তমেবার্থং বিচিন্তয়ন্।
আত্মারামঃ প্রসন্নাত্মা মিথিলামাসসাদ হ॥ 12-333-24 (78944)
তস্যা দ্বারং সমাসাদ্য দ্বারপালৈর্নিবারিতঃ।
স্থিতো ধ্যানপরো মুক্তো বিদিতঃ প্রবিবেশ হ॥ 12-333-25 (78945)
স রাজমার্গমাসাদ্য সমৃদ্ধজনকসংকুলম্।
পার্থিবক্ষয়মাসাদ্য নিঃশঙ্কঃ প্রবিবেশ হ॥ 12-333-26 (78946)
তত্রাপি দ্বারপলাস্তমুগ্রবাচা ন্যষেধয়ন্।
তথৈব চ শুক্রস্তত্র নির্মন্যুঃ সমতিষ্ঠত॥ 12-333-27 (78947)
ন চাতপাধ্বসংতপ্তঃ ক্ষুৎপিপাসাশ্রমান্বিতঃ।
প্রতাম্যতি গ্লায়তি বা নাপৈতি চ তথাঽঽতপাৎ॥ 12-333-28 (78948)
তেষাং তু দ্বারপালানামেকঃ শোকসমন্বিতঃ।
মধ্যংগতমিবাদিত্যং দৃষ্ট্বা শুকমবস্থিতম্॥ 12-333-29 (78949)
পূজয়িৎবা যথান্যায়মভিবাদ্য কৃতাঞ্জলিঃ।
প্রাবেশয়ত্ততঃ কক্ষ্যাং প্রথমাং রাজবেশ্মনঃ॥ 12-333-30 (78950)
তত্রাসীনঃ শুকস্তাত মোক্ষমেবান্বচিন্তয়ৎ।
ছায়ায়ামাতপে চৈব সমদর্শী সমদ্যুতিঃ॥ 12-333-31 (78951)
তং মুহূর্তাদিবাগম্য রাজ্ঞো মন্ত্রী কৃতাঞ্জলিঃ।
প্রাবেশয়ত্ততঃ কক্ষ্যাং দ্বিতীয়াং রাজবেশ্মনঃ॥ 12-333-32 (78952)
তত্রান্তঃ পুরসংবদ্ধং মহচ্চৈত্ররথোপমম্।
সুবিভক্তজলাক্রীডং রম্যং পুষ্পিতপাদপম্॥ 12-333-33 (78953)
তং দর্শয়িৎবা স শুকং মন্ত্রী জনকমুত্তমম্।
অর্হমাসনমাদিশ্য নিশ্চক্রামঃ ততঃ পুনঃ॥ 12-333-34 (78954)
তং চারুবেষাঃ সুশ্রোণ্যস্তরুণ্যঃ প্রিয়দর্শনাঃ।
সূক্ষ্মরক্তাম্বরধরাস্তপ্তকাঞ্চনভূষণাঃ॥ 12-333-35 (78955)
সংলাপালাপকুশলা নৃত্তগীতবিশারদাঃ।
স্মিতপূর্বাভিভাষিণ্যো রূপেণাপ্সরসাং সমাঃ॥ 12-333-36 (78956)
ভাবোপচারকুশলা ভাবজ্ঞাঃ সৎবকোবিদাঃ।
পরং পঞ্চাশতং নার্যো বারমুখ্যাঃ সমাদ্রবন্॥ 12-333-37 (78957)
পাদ্যাদীনি প্রতিগ্রাহ্য পূজয়া পরয়াঽর্চয়ন্।
কালোপপন্নেন তদা স্বাদ্বন্নেনাভ্যতর্পয়ন্॥ 12-333-38 (78958)
তস্য ভুক্তবতস্তাত তদন্তঃ পুরকাননম্।
সুরম্যং দর্শয়ামাসুরেকৈকশ্যেন ভারত॥ 12-333-39 (78959)
ক্রীডন্ত্যশ্চ হসন্ত্যশ্চ গায়ন্ত্যশ্চাপি তাঃ শুভম্।
উদারসৎবং সৎবজ্ঞাঃ স্ত্রিয়ঃ পর্যচরংস্তথা॥ 12-333-40 (78960)
আরণেয়স্তু শুদ্ধাত্মা নিঃসংদেহস্ত্রিকর্মকৃৎ।
বশ্যেন্দ্রিয়ো জিতক্রোধো ন হৃষ্যতি ন কুপ্যতি॥ 12-333-41 (78961)
তস্মৈ শয়্যাসনং দিব্যং বরার্হঃ রত্নভূষিতম্।
স্পর্ধ্যাস্তরণসংকীর্ণং দদুস্তাঃ পরমস্ত্রিয়ঃ॥ 12-333-42 (78962)
পাদশৌচং তু কৃৎবৈব শুক্রঃ সংধ্যামুপাস্য চ।
নিষসাদাসনে পুণ্যে তমেবার্থং বিচিন্তয়ন্॥ 12-333-43 (78963)
পূর্বরাত্রে তু তত্রাসৌ হুৎবা ধ্যানপরায়ণঃ।
মধ্যরাত্রে যথান্যায়ং নিদ্রামাহারয়ৎপ্রভুঃ। 12-333-44 (78964)
ততো মুহূর্তাদুত্থায় কৃৎবা শৌচমনন্তরম্।
স্ত্রীভিঃ পরিবৃতো ধীমান্ধ্যানমেবান্বপদ্যত॥ 12-333-45 (78965)
অনেন বিধিনা কর্ষ্ণিস্তদহঃ শেষমচ্যুতঃ।
তাং চ রাত্রিং নৃপকুলে বর্তয়ামাস ভারত॥ ॥ 12-333-46 (78966)
ইতি শ্রীমন্মহাভারতে শান্তিপ্রবণি মোক্ষধর্মপর্বণি ত্রয়স্ত্রিংশদধিকত্রিশততমোঽধ্যায়ঃ॥ 333॥
Mahabharata - Shanti Parva - Chapter Footnotes
12-333-1 মোক্ষং মোক্ষশাস্ত্রম্। অনুচিন্ত্য উপাদেয়ৎবেন জ্ঞাৎবা॥ 12-333-3 ধর্মাংশ্চ ত্রিবিধানপীতি ধ. পাঠঃ॥ 12-333-4 শুকো বেদবিদাংবর ইতি ট. ড. পাঠঃ॥ 12-333-5 মোক্ষবিদ্যাবিশারদমিতি ট. পাঠঃ॥ 12-333-6 মোক্ষার্থং মোক্ষশাস্ত্রার্থং। মোক্ষার্থং নিখিলেন বিশেষত ইতি ট. ড. থ. পাঠঃ॥ 12-333-14 মেরোর্বর্ষমিলাবৃতম্। হরেবংর্ষং হরিবর্ষাখ্যম্। হৈমবন্তং বর্ষং কিংপুরুষাখ্যম্॥ 12-333-24 তং ভারং জিজ্ঞাসাখ্যম্। অর্থং মোক্ষম্॥ 12-333-28 নোপৈতি চ তথা রুষমিতি ড. ধ. পাঠঃ॥ 12-333-37 কালোপচারকুশলা ইতি ড. পাঠঃ॥ 12-333-41 আরণেয়ঃ অরণিজঃ শুকঃ॥ 12-333-42 হেবার্হং রত্নভূষিতমিতি ঝ. পাঠঃ॥ 12-333-44 ভূৎবা ধ্যানপরায়ণ ইতি ঝ. পাঠঃ। অর্ধরাত্রে যথান্যায়মিতি ধ. পাঠঃ॥ 12-333-46 কার্ষ্ণিঃ শুকঃ। অচ্যুতো ধৈর্যাদিতি শেষঃ॥শান্তিপর্ব - অধ্যায় 334
॥ শ্রীঃ ॥
12.334. অধ্যায়ঃ 334
Mahabharata - Shanti Parva - Chapter Topics
জনকেন শুকংপ্রতি মোক্ষসাধনীভূতাশ্রমধর্মকথনপূর্বকং শুকপ্রশংসনম্॥ 1॥Mahabharata - Shanti Parva - Chapter Text
12-334-0 (78967)
ভীষ্ম উবাচ। 12-334-0x (6544)
ততঃ স রাজা জনকো মন্ত্রিভিঃ সহ ভারত।
পুরোহিতং পুরস্কৃত্য সর্বাণ্যন্তঃ পুরাণি চ॥ 12-334-1 (78968)
আসনং চ পুরস্কৃত্য রত্নানি বিবিধানি চ।
শিরসা চার্ধ্যমাদায় গুরুপুত্রং সমভ্যগাৎ॥ 12-334-2 (78969)
স তদাসনমাদায় বহুরত্নবিভূষিতম্।
স্পর্ধ্যাস্তরণসংস্তীর্ণং সর্বতোভদ্রমৃদ্ধিমৎ॥ 12-334-3 (78970)
পুরোধসা সংগৃহীতং হস্তেনালভ্য পার্থিবঃ।
প্রদদৌ গুরুপুত্রায় শুকায় পরমার্চিতম্॥ 12-334-4 (78971)
তত্রোপবিষ্টং তং কার্ষ্ণি শাস্ত্রতঃ প্রতিপূজ্য চ।
পাদ্যং নিবেদ্য প্রথমমর্ধ্যং গাং চ ন্যবেদয়ৎ॥ 12-334-5 (78972)
স চ তাং মন্ত্রবৎপূজাং প্রত্যগৃহ্ণাদ্যথাবিধি।
প্রতিগৃহ্য তু তাং পূজাং জনকাদ্দ্বিজসত্তমঃ॥ 12-334-6 (78973)
গাং চৈব সমনুজ্ঞায় রাজানমনুমান্য চ।
পর্যপৃচ্ছন্মহাতেজা রাজ্ঞঃ কুশলমব্যযম্॥ 12-334-7 (78974)
অনাময়ং চ রাজেন্দ্র শুকঃ সানুচরস্য হ।
অনুজ্ঞাতঃ স তেনাথ নিষসাদ সহানুগঃ॥ 12-334-8 (78975)
কুশলং চাব্যযং চৈব পৃষ্ট্বা বৈয়াসকিং নৃপঃ।
কিমাগমনমিত্যেবং পর্যপৃচ্ছত পার্থিবঃ॥ 12-334-9 (78976)
শুক উবাচ। 12-334-10x (6545)
পিত্রাঽহমুক্তো ভদ্রং তে মোক্ষধর্মার্থকোবিদঃ।
বিদেহরাজো যাজ্যো মে জনকো নাম বিশ্রুতঃ॥ 12-334-10 (78977)
তত্র গচ্ছস্ব বৈ তূর্ণং যদি তে হৃদি সংশয়ঃ।
প্রবৃত্তৌ বা নিবৃত্তৌ বা স তে চ্ছেৎস্যতি সংশয়ং॥ 12-334-11 (78978)
সোহং পিতুর্নিয়োগাত্ৎবামুপপ্রষ্টুমিহাগতঃ।
তন্মে ধর্মভৃতাং শ্রেষ্ঠ যথাবদ্বক্তুমর্হসি॥ 12-334-12 (78979)
কিং কার্যং ব্রাহ্মণেনেহ মোক্ষার্থশ্চ কিমাত্মকঃ।
কথং চ মোক্ষঃ প্রাপ্তব্যো জ্ঞানেন তপসাঽথবা॥ 12-334-13 (78980)
জনক উবাচ। 12-334-14x (6546)
যৎকার্যং ব্রাহ্মণেনেহ জন্মপ্রভৃতি তচ্ছৃণু।
কৃতোপনয়নস্তাত ভবেদ্বেদপরায়ণঃ॥ 12-334-14 (78981)
তপসা গুরুবৃত্ত্যা চ ব্রহ্মচর্যেণ চাভিভো।
দেবতানামৃষীণাং চাপ্যনৃণো হ্যনসূয়কঃ॥ 12-334-15 (78982)
বেদানধীত্য নিয়তো দক্ষিণামপবর্জ্য চ।
অভ্যনুজ্ঞামথ প্রাপ্য সমাবর্তেত বৈ দ্বিজঃ॥ 12-334-16 (78983)
সমাবৃত্তশ্চ গার্হস্থ্যে স্বদারনিরতো বসেৎ।
অনসূয়ুর্যথান্যায়মাহিতাগ্নিরনাবৃতঃ॥ 12-334-17 (78984)
উৎপাদ্য পুত্রং পৌত্রং তু বন্যাশ্রমপদে বসেৎ।
তানেবাগ্নীন্যথাশাস্ত্রমর্চয়ন্নতিথিপ্রিয়ঃ॥ 12-334-18 (78985)
স বনেঽগ্নীন্যথান্যায়মাত্মন্যারোপ্য ধর্মবিৎ।
নির্দ্বন্দ্বো বীতরাগাত্মা ব্রহ্মাশ্রমপদে বসেৎ॥ 12-334-19 (78986)
শুক উবাচ। 12-334-20x (6547)
উৎপন্নে জ্ঞানবিজ্ঞানে প্রত্যক্ষে হৃদি শাশ্বতে।
কিমবশ্যং নিবস্তব্যমাশ্রমেষু বনেষু বা॥ 12-334-20 (78987)
এতদ্ভবন্তং পৃচ্ছামি তদ্ভবান্বক্তুমর্হতি।
যথা বেদার্থতত্ৎবেন ব্রূহি মে ৎবং জনাধিপ॥ 12-334-21 (78988)
জনক উবাচ। 12-334-22x (6548)
ন বিনা জ্ঞানবিজ্ঞানে মোক্ষস্যাধিগমো ভবেৎ।
ন বিনা গুরুসংবন্ধং জ্ঞানস্যাধিগমঃ স্মৃতঃ॥ 12-334-22 (78989)
গুরুঃ প্লাবয়িতা তস্য জ্ঞানং প্লব ইহোচ্যতে।
বিজ্ঞায় কৃতকৃত্যস্তু তীর্ণস্তদুভয়ং ত্যজেৎ॥ 12-334-23 (78990)
অনুচ্ছেদায় লোকানামনুচ্ছেদায় কর্মণাম্।
পূর্বৈরাচরিতো ধর্মশ্চাতুরাশ্রম্যসংশ্রিতঃ॥ 12-334-24 (78991)
অনেন ক্রময়োগেন বহুজাতিষু কর্মণাম্।
কৃৎবা শুভাশুভং কর্ম মোক্ষো নামেহ লভ্যতে॥ 12-334-25 (78992)
ভাবিতৈঃ করণৈশ্চায়ং বহুসংসারয়োনিষু।
আসাদয়তি শুদ্ধাত্মা মোক্ষং বৈ প্রথমাশ্রমে॥ 12-334-26 (78993)
তমাসাদ্য তু মুক্তস্য দৃষ্টার্থস্য বিপশ্চিতঃ।
ত্রিষ্বাশ্রমেষু কোঽন্বর্থো ভবেৎপরমভীপ্সতঃ॥ 12-334-27 (78994)
রাজসাংস্তামসাংশ্চৈব নিত্যং দোষান্বিবর্জয়েৎ।
সাৎবিকং মার্গমাস্থায় পশ্যেদাত্মানমাত্মনা॥ 12-334-28 (78995)
সর্বভূতেষু চাত্মানং সর্বভূতানি চাত্মনি।
সংপশ্যন্নোপলিপ্যেত জলে বারিচরো যথা॥ 12-334-29 (78996)
পক্ষিবৎপ্রায়ণাদূর্ধ্বমমুত্রানন্ত্যমশ্নুতে।
বিহায় দেহান্নির্মুক্তো নির্দ্বন্দ্বঃ প্রশমং গতঃ॥ 12-334-30 (78997)
অত্র গাথাঃ পুরা গীতাঃ শৃণু রাজ্ঞা যয়াতিনা।
ধার্যন্তো যা দ্বিজৈস্তাত মোক্ষশাস্ত্রবিশারদৈঃ॥ 12-334-31 (78998)
জ্যোতিরাত্মনি নান্যত্র সর্বজন্তুষু তৎসমম্।
স্বয়ং চ শক্যতে দ্রষ্টুং সুসমাহিতচেতসা॥ 12-334-32 (78999)
ন বিভেতি পরো যস্মান্ন বিভেতি পরাচ্চ যঃ।
যশ্চ নেচ্ছতি ন দ্বেষ্টি ব্রহ্ম সংপদ্যতে তু সঃ॥ 12-334-33 (79000)
যদা ভাবং ন কুরুতে সর্বভূতেষু পাপকম্।
কর্মণা মনসা বাচা ব্রহ্ম সংপদ্যতে তদা॥ 12-334-34 (79001)
সংয়োজ্য মনসাঽঽত্মানমীর্ষ্যামুৎসৃজ্য মোহনীম্।
ত্যক্ৎবা কামং চ মোহং চ ততো ব্রহ্মৎবমশ্নুতে॥ 12-334-35 (79002)
যদা শ্রাব্যে চ দৃশ্যে চ সর্বভূতেষু চাপ্যযম্।
সমো ভবতি নির্দ্বন্দ্বো ব্রহ্ম সংপদ্যতে তদা॥ 12-334-36 (79003)
যদা স্তুতিং চ নিন্দাং চ সমৎবেনৈব পশ্যতি।
কাঞ্চনং চায়সং চৈব সুখং দুঃখং তথৈব চ॥ 12-334-37 (79004)
শীতমুষ্ণং তথৈবার্থমনর্থং প্রিয়মপ্রিয়ম্।
জীবিতং মরণং চৈব ব্রহ্ম সংপদ্যতে তদা॥ 12-334-38 (79005)
প্রসার্যেহ যথাঙ্গানি কূর্মঃ সংহরতে পুনঃ।
তথেন্দ্রিয়াণি মনসা সংয়ন্তব্যানি ভিক্ষুণা॥ 12-334-39 (79006)
তমঃ পরিগতং বেশ্ম যথা দীপেন দৃশ্যতে।
তথা বুদ্ধিপ্রদীপেন শক্য আত্মা নিরীক্ষিতুম্॥ 12-334-40 (79007)
এতৎসর্বং চ পশ্যামি ৎবয়ি বুদ্ধিমতাং বর।
যচ্চান্যদপি নোক্তং মে তত্ৎবতো বেদ তদ্ভবান্॥ 12-334-41 (79008)
ব্রহ্মর্ষে বিদিতশ্চাসি বিষয়ান্তমুপাগতঃ।
গুরোস্তব প্রসাদেন তব চৈবোপশিক্ষয়া॥ 12-334-42 (79009)
তস্যৈব চ প্রসাদেন প্রাদুর্ভূতং মহাত্মনঃ।
জ্ঞানং দিব্যং মমাপীদং তেনাসি বিদিতো মম॥ 12-334-43 (79010)
অধিকং তব বিজ্ঞানমধিকা চ গতিস্তব।
অধিকং তব চৈশ্বর্যং তচ্চ ৎবং নাববুধ্যসে॥ 12-334-44 (79011)
বাল্যাদ্বা সংশয়াদ্বাপি ভয়াদ্বাঽপ্যবিমোক্ষণাৎ।
উৎপন্নে চাপি বিজ্ঞানে নাধিগচ্ছতি তাং গতিং॥ 12-334-45 (79012)
ব্যবসায়েন শুদ্ধেন মদ্বিধৈশ্ছিন্নসংশয়ঃ।
বিমুচ্য হৃদয়গ্রন্থীনাসাদয়তি তাং গতিম্॥ 12-334-46 (79013)
ভবাংশ্চোৎপন্নবিজ্ঞানঃ স্থিরবুদ্ধিরলোলুপঃ।
ব্যবসায়াদৃতে ব্রহ্মন্নাসাদয়তি তৎপরম্॥ 12-334-47 (79014)
নাস্তি তে সুখদুঃখেষু বিশেষো নাস্তি লোলুপঃ।
নৌৎসুক্যং নৃত্যগীতেষু ন রাগ উপজায়তে॥ 12-334-48 (79015)
ন বন্ধুষ্বনুবন্ধস্তে ন ভয়েষ্বস্তি তে ভয়ম্।
পশ্যামি ৎবাং মহাভাগ তুল্যলোষ্টাশ্মকাঞ্চনম্॥ 12-334-49 (79016)
অহং ৎবামনুপশ্যামি যে চাপ্যন্তে মনীষিণঃ।
আস্থিতং পরমং মার্গমক্ষয়ং তমনাময়ম্॥ 12-334-50 (79017)
যৎফলং ব্রাহ্মণস্যেহ মোক্ষার্থশ্চ যদাত্মকঃ।
তস্মিন্বৈ বর্তসে বিপ্র কিমন্যৎপরিপৃচ্ছসি॥ ॥ 12-334-51 (79018)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুস্ত্রিংশদধিকত্রিশততমোঽধ্যায়ঃ॥ 334॥
Mahabharata - Shanti Parva - Chapter Footnotes
12-334-7 রাজ্যে কুশলমব্যযমিতি ধ. পাঠঃ॥ 12-334-12 মোক্ষঃ কর্তব্য ইতি ট. ড.থ. পাঠঃ॥ 12-334-23 আচার্যঃ প্রাপিতা তস্যেতি ধ. পাঠঃ॥ 12-334-32 নান্যত্র রতং তত্রৈব চৈব তৎ ইতি ধ. পাঠঃ॥ 12-334-41 চচ্চান্যদপি বেত্তব্যমিতি ঝ. পাঠঃ॥ 12-334-44 অধিকং ভবতি জ্ঞানমিতি ড. থ. পাঠঃ॥ 12-334-46 তদ্বিধশ্ছিন্নসংশয় ইতি ধ. পাঠঃ॥ 12-334-48 নাস্তি লোলুপ ইতি ধ. পাঠঃ॥শান্তিপর্ব - অধ্যায় 335
॥ শ্রীঃ ॥
12.335. অধ্যায়ঃ 335
Mahabharata - Shanti Parva - Chapter Topics
জনকাভ্যনুজ্ঞাতেন শুকেন ব্যাসমেত্য স্বস্য জনকেন সহ সংবাদপ্রকারকথনম্॥ 1॥ ব্যাসস্য বৈশম্পায়নাদিভিঃ সহ সংবাদঃ॥ 2॥Mahabharata - Shanti Parva - Chapter Text
12-335-0 (79019)
ভীষ্ম উবাচ। 12-335-0x (6549)
এতচ্ছ্রুৎবা তু বচনং কৃতাত্মা কৃতনিশ্চয়ঃ।
আত্মনাঽঽত্মানমাস্থায় দৃষ্ট্বা চাত্মানমাত্মনা॥ 12-335-1 (79020)
কৃতকার্যঃ সুখী শান্তস্তূষ্ণীং প্রায়াদুদঙ্ভুখঃ।
শৈশিরং গিরিমুদ্দিশ্য সধর্মা মাতরিশ্বনঃ॥ 12-335-2 (79021)
এতস্মিন্নেব কালে তু দেবর্ষির্নারদস্তথা।
হিমবন্তমিয়াদ্দুষ্টুং সিদ্ধচারণসেবিতম্॥ 12-335-3 (79022)
তমপ্সরোগাকীর্ণং গীতস্বননিনাদিতম্।
কিন্নরাণাং সহস্রৈশ্চ ভৃঙ্গরাজৈস্তথৈব চ॥ 12-335-4 (79023)
মদ্গুভিঃ খঞ্জরীটৈশ্চ বিচিত্রৈর্জীবজীবকৈঃ॥ 12-335-5 (79024)
চিত্রবর্ণৈর্ময়ূরৈশ্চ কেকাশতবিরাজিতৈঃ।
রাজহংসসমূহৈশ্চ হৃষ্টৈঃ পরভৃতৈস্তথা॥ 12-335-6 (79025)
পক্ষিরাজো গরুত্মাংশ্চ যং নিত্যমধিতিষ্ঠতি।
চৎবারো লোকপালাশ্চ দেবাঃ সর্ষিগণাস্তথা॥ 12-335-7 (79026)
তত্র নিত্যং সমায়ান্তি লোকস্য হিতকাম্যযা।
বিষ্ণুনা যত্র পুত্রার্থে তপস্তপ্তং মহাত্মনা॥ 12-335-8 (79027)
তত্রৈব চ কুমারেণ বাল্যে ক্ষিপ্তা দিবৌকসঃ।
শক্তির্ন্যস্তা ক্ষিতিতলে ত্রৈলোক্যমবমন্য বৈ॥ 12-335-9 (79028)
তত্রোবাচ জগৎস্কন্দঃ ক্ষিপন্বাক্যমিদং তদা।
যোঽন্যোস্তি মত্তোঽভ্যধিকো বিপ্রা যস্যাধিকং প্রিয়াঃ॥ 12-335-10 (79029)
যো ব্রহ্মণ্যো দ্বিতীয়োঽস্তি ত্রিষু লোকেষু বীর্যবান্।
সোভ্যুদ্ধরৎবিমাং শক্তিমথবা কম্পয়ৎবিতি॥ 12-335-11 (79030)
তচ্ছুৎবা ব্যথিতা লোকাঃ ক ইমামুদ্ধরেদিতি।
অথ দেবগণং সর্বং সংভ্রান্তেন্দ্রিয়মানসম্॥ 12-335-12 (79031)
অপশ্যদ্ভগবান্বিষ্ণুঃ ক্ষিপ্তং সাসুররাক্ষসম্।
কিংন্বত্র সুকৃতং কার্যং ভবেদিতি বিচিন্তয়ন্॥ 12-335-13 (79032)
অনামৃষ্য ততঃ ক্ষেপমবৈক্ষত চ পাবিকম্।
সংপ্রগৃহ্য বিশুদ্ধাত্মা শক্তিং প্রজ্বলিতাং তদা॥ 12-335-14 (79033)
কম্পয়ামাস সব্যেন পাণিনা পুরুষোত্তমঃ।
শক্ত্যাং তু কম্প্যমানায়াং বিষ্ণুনা বলিনা তদা॥ 12-335-15 (79034)
মেদিনী কম্পিতা সর্বা সশৈলবনকাননা।
শক্তেনাপি সমুদ্ধর্তুং কম্পিতা সাঽভবত্তদা॥ 12-335-16 (79035)
রক্ষিতা স্কন্দরাজস্য ধর্ষণা প্রভবিষ্ণুনা।
তাং কম্পয়িৎবা ভগবান্প্রহ্লাদমিদমব্রবীৎ॥ 12-335-17 (79036)
পশ্য বীর্যং কুমারস্য নৈতদন্যঃ করিষ্যতি।
সোঽমৃষ্যমাণস্তদ্বাক্যং সমুদ্ধরণনিশ্চিতঃ॥ 12-335-18 (79037)
জগ্রাহ তাং তদা শক্তিং ন চৈনামভ্যকম্পয়ৎ।
নাদং মহান্তং মুক্ৎবা স মূর্চ্ছিতো গিরিমূর্ঘনি॥ 12-335-19 (79038)
বিহ্বলঃ প্রাপতদ্ভূমৌ হিরণ্যকশিপোঃ সুতঃ।
তত্রোত্তরাং দিশং গৎবা শৈলরাজস্য পার্শ্বতঃ॥ 12-335-20 (79039)
তপোঽতপ্যত দুর্ঘর্ষং তাত নিত্যং বৃষধ্বজঃ।
পাবকেন পরিক্ষিপ্তং দীপ্যতা যস্য চাশ্রমম্॥ 12-335-21 (79040)
আদিত্যপর্বতং নাম দুর্ঘর্ষমকৃতাত্মভিঃ।
ন তত্র শক্যতে গন্তুং যক্ষরাক্ষসদানবৈঃ॥ 12-335-22 (79041)
দশয়োজনবিস্তারমগ্নিজ্বালসমাবৃতম্।
ভগবান্পাবকস্তত্র স্বয়ং তিষ্ঠতি বীর্যবান্॥ 12-335-23 (79042)
সর্বান্বিঘ্নান্প্রশময়ন্মহাদেবস্য ধীমতঃ।
দিব্যং বর্ষসহস্রং হি পাদেনৈকেন তিষ্ঠতঃ॥ 12-335-24 (79043)
দেবান্সংতাপয়ংস্তত্র মহাদেবো মহাব্রতঃ।
ঐন্দ্রীং তু দিশমাস্থায় শৈলরাজস্য ধীমতঃ॥ 12-335-25 (79044)
বিবিক্তে পর্বততটে পারাশর্যো মহাতপাঃ।
বেদানধ্যাপয়ামাস ব্যাসঃ শিষ্যান্মহাতপাঃ॥ 12-335-26 (79045)
সুমন্তুং চ মহাভাগং বৈশম্পায়নমেব চ।
জৈমিনিং চ মহাপ্রাজ্ঞং পৈলং চাপি তপস্বিনম্॥ 12-335-27 (79046)
এভিঃ শিষ্যৈঃ পরিবৃতো ব্যাস আস্তে মহাতপাঃ।
তত্রাশ্রমপদং রম্যং দদর্শ পিতুরুত্তমম্।
আরণেয়ো বিশুদ্ধাত্মা নভসীব দিবাকরঃ॥ 12-335-28 (79047)
অথ ব্যাসঃ পরিক্ষিপ্তং জ্বলন্তমিব পাবকম্।
দদৃশে সুতমায়ান্তং দিবাকরসমপ্রভম্॥ 12-335-29 (79048)
অসজ্জমানং বৃক্ষেষু শৈলেষু বিষয়েষু চ।
যোগয়ুক্তং মহাত্মানং যথা বাণং গুণচ্যুতম্॥ 12-335-30 (79049)
সোঽভিগম্য পিতুঃ পাদাবগৃহ্ণাদরণীসুতঃ।
যথোপজোষং তৈশ্চাপি সমাগচ্ছন্মহামুনিঃ॥ 12-335-31 (79050)
ততো নিবেদয়ামাস পিত্রে সর্বমশেষতঃ।
শুকো জনকরাজেন সংবাদং প্রীতমানসঃ॥ 12-335-32 (79051)
এবমধ্যাপয়ঞ্শিষ্যান্ব্যাসঃ পুত্রং চ বীর্যবান্।
উবাস হিমবৎপৃষ্ঠে পারাশর্যো মহামুনিঃ॥ 12-335-33 (79052)
ততঃ কদাচিচ্ছিষ্যাস্তং পরিবার্যাবতস্থিরে।
বেদাধ্যযনসংপন্নাঃ শান্তাত্মানো জিতেন্দ্রিয়াঃ॥ 12-335-34 (79053)
বেদেষু নিষ্ঠাং সংপ্রাপ্য সাঙ্গেষ্বপি তপস্বিনঃ।
অথোচুস্তে তদা ব্যাসং শিষ্যাঃ প্রাঞ্জলয়ো গুরুম্॥
শিষ্যা ঊচুঃ। 12-335-35 (79054)
মহতা তেজসা যুক্তা যশসা চাপি বর্ধিতাঃ।
একং ৎবিদানীমিচ্ছামো গুরুণাঽনুগ্রহং কৃতম্॥ 12-335-36 (79055)
ইতি তেষাং বচঃ শ্রুৎবা ব্রহ্মর্ষিস্তানুবাদ হ।
উচ্যতামিতি তদ্বৎসা যদ্বঃ কার্যং প্রিয়ং ময়া॥ 12-335-37 (79056)
এতদ্বাক্যং গুরোঃ শ্রুৎবা শিষ্যাস্তে হৃষ্টমানসাঃ।
পুনঃ প্রাঞ্জলয়ো ভূৎবা প্রণম্য শিরসা গুরুম্॥ 12-335-38 (79057)
ঊচুস্তে সহিতা রাজন্নিদং বচনমুত্তমম্।
যদি প্রীত উপাধ্যায়ো ধন্যাঃ স্মো মুনিসত্তম॥ 12-335-39 (79058)
কাঙ্ক্ষামস্তু বয়ং সর্বে বরং দত্তং মহর্ষিণা।
পষ্ঠঃ শিষ্যো ন তে খ্যাতিং গচ্ছেদত্র প্রসীদ নঃ॥ 12-335-40 (79059)
চৎবারস্তে বয়ং শিষ্যা গুরুপূত্রশ্চ পঞ্চমঃ।
ইহ বেদাঃ প্রতিষ্ঠেরন্নেষ নঃ কাঙ্ক্ষিতো বরঃ॥ 12-335-41 (79060)
শিষ্যাণাং বচনং শ্রুৎবা ব্যাসো বেদার্থতত্ৎববিৎ।
পরাশরাত্মজো ধীমান্পরলোকার্থচিন্তকঃ॥ 12-335-42 (79061)
উবাচ শিষ্যান্ধর্মাত্মা ধর্ম্যং নৈঃশ্রেয়সং বচঃ।
ব্রাহ্মণায় সদা দেয়ং ব্রহ্ম শুশ্রূষবে তথা॥ 12-335-43 (79062)
ব্রহ্মলোকে নিবাসং যো ধ্রুবং সমভিকাঙ্ক্ষতে।
ভবন্তো বহুলাঃ সন্তু বেদো বিস্তার্যতাময়ম্॥ 12-335-44 (79063)
নাশিষ্যে সংপ্রদাতব্যো নাব্রতে নাকৃতাত্মনি।
এতে শিষ্যগুণাঃ সর্বে বিজ্ঞাতব্যা যথার্থতঃ।
নাপরীক্ষিতচারিত্রে বিদ্যা দেয়া কথংচন॥ 12-335-45 (79064)
যথা হি কনকং শুদ্ধং তাপচ্ছেদনিকর্ষণৈঃ।
পরীক্ষেত তথা শিষ্যানীক্ষেৎকুলগুণাদিভিঃ॥ 12-335-46 (79065)
ন নিয়োজ্যাশ্চ বঃ শিষ্যা অনিয়োগে মহাভয়ে।
যথামতি যথাপাঠং তথা বিদ্যা ফলিষ্যতি॥ 12-335-47 (79066)
সর্বস্তরতু দুর্গাণি সর্বো ভদ্রাণি পশ্যতু।
শ্রাবয়েচ্চতুরো বর্ণান্কৃৎবা ব্রাহ্মণমগ্রতঃ॥ 12-335-48 (79067)
বেদস্যাধ্যযনং হীদং তচ্চ কার্যং মহৎস্মৃতম্।
স্তুত্যর্থমিহ দেবানাং বেদাঃ সৃষ্টাঃ স্বয়ংভুবা॥ 12-335-49 (79068)
যো নির্বদেত সংমোহাদ্ব্রাহ্মণাং বেদপারগম্।
সোঽভিধ্যানাদ্ব্রাহ্মণস্য পরাভূয়াদসংশয়ম্॥ 12-335-50 (79069)
যশ্চাধর্মেণ বিব্রূয়াদ্যশ্চাধর্মেণ পৃচ্ছতি।
তয়োরন্যতরঃ প্রৈতি বিদ্বেষং চাধিগচ্ছতি॥ 12-335-51 (79070)
এতদ্বঃ সর্বমাখ্যাতং স্বাধ্যায়স্য বিধিং প্রতি।
উপকুর্যাচ্চ শিষ্যাণামেতচ্চ হৃদ্বি বো ভবেৎ॥ ॥ 12-335-52 (79071)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চত্রিংশদধিকত্রিশততমোঽধ্যায়ঃ॥ 335॥
Mahabharata - Shanti Parva - Chapter Footnotes
12-335-2 শৈশিরং গিরিং হিমালয়ম্॥ 12-335-4 সহস্রৈশ্চ রাজহঁসৈস্তথৈব চেতি ড. পাঠঃ॥ 12-335-24 আসীদিতি শেষঃ॥শান্তিপর্ব - অধ্যায় 336
॥ শ্রীঃ ॥
12.336. অধ্যায়ঃ 336
Mahabharata - Shanti Parva - Chapter Topics
বৈশম্পায়নাদিশিষ্যপ্রবাসেন বিমনসং ব্যাসংপ্রতি নারদস্যাগমনম্॥ 1॥Mahabharata - Shanti Parva - Chapter Text
12-336-0 (79072)
ভীষ্ম উবাচ। 12-336-0x (6550)
এতচ্ছ্রুৎবা গুরোর্বাক্যং ব্যাসশিষ্যা মহৌজসঃ।
অন্যোন্যং হৃষ্টমনসঃ পরিষস্বজিরে তদা॥ 12-336-1 (79073)
উক্তাঃ স্মো যদ্ভগবতা তদাৎবায়তিসংহিতম্।
তন্নো মনসি সংরূঢং করিষ্যামস্তথা চ তৎ॥ 12-336-2 (79074)
অন্যোন্যং সংবিভাষ্যৈবং সুপ্রীতমনসঃ পুনঃ।
বিজ্ঞাপয়ন্তি স্ম গুরুং পুনর্বাক্যবিশারদাঃ॥ 12-336-3 (79075)
শৈলাদস্মান্মহীং গন্তুং কাঙ্ক্ষিতং নো মহামুনে।
বেদাননেকধা কর্তুং যদি তে রুচিতং প্রভো॥ 12-336-4 (79076)
শিষ্যাণাং বচনং শ্রুৎবা পরাশরসুতঃ প্রভুঃ।
প্রত্যুবাচ ততো বাক্যং ধর্মার্থসহিতং হিতম্॥ 12-336-5 (79077)
ক্ষিতিং বা দেবলোকং বা গম্যতাং যদি রোচতে।
অপ্রমাদশ্চ বঃ কার্যো ব্রহ্ম হি প্রচুরচ্ছলম্॥ 12-336-6 (79078)
তেঽনুজ্ঞাতাস্ততঃ সর্বে গুরুণা সত্যবাদিনা।
জগ্মুঃ প্রদক্ষিণং কৃৎবা ব্যাসং মূর্ধ্নাঽভিবাদ্য চ॥ 12-336-7 (79079)
অবতীর্য মহীং তেঽথ চাতুর্হোত্রমকল্পয়ন্।
সংয়াজয়ন্তো বিপ্রাংশ্চ রাজন্যাংশ্চ বিশস্তথা॥ 12-336-8 (79080)
পূজ্যমানা দ্বিজৈর্নিত্যং মোদমানা গৃহে রতাঃ।
যাজনাধ্যাপনরতাঃ শ্রীমন্তো লোকবিশ্রুতাঃ॥ 12-336-9 (79081)
অবতীর্ণেষু শিষ্যেষু ব্যাসঃ পুত্রসহায়বান্।
তূষ্ণীং ধ্যানপরো ধীমানেকান্তে সমুপাবিশৎ॥ 12-336-10 (79082)
`এতস্মিন্নেব কালে তু দেবর্ষির্নারদস্তথা।
হিমবন্তমগং দ্রষ্টুং সিদ্ধচারণসেবিতম্॥' 12-336-11 (79083)
তং দদর্শাশ্রমপদে নারদঃ সুমহাতপাঃ।
অথৈনমব্রবীৎকালে মধুরাক্ষরয়া গিরা॥ 12-336-12 (79084)
ভোভো মহর্ষে বাসিষ্ঠ ব্রহ্মঘোষো ন বর্ততে।
একো ধ্যানপরস্তূষ্ণীং কিমাস্সে চিন্তয়ন্নিব॥ 12-336-13 (79085)
ব্রহ্মঘোষৈর্বিরহিতঃ পর্বতোঽয়ং ন শোভতে।
রজসা তমসা চৈব সোমঃ সোপপ্লবো যথা॥ 12-336-14 (79086)
ন ভ্রাজতে যথাপূর্বং নিষাদানামিবালয়ঃ।
দেবর্ষিগণজুষ্টোঽপি বেদধ্বনিবিনাকৃতঃ॥ 12-336-15 (79087)
ঋষয়শ্চ হি দেবাশ্চ গন্ধর্বাশ্চ মহৌজসঃ।
বিয়ুক্তা ব্রহ্মঘোষেণ ন ভ্রাজন্তে যথা পুরা॥ 12-336-16 (79088)
নারদস্য বচঃ শ্রুৎবা কৃষ্ণদ্বৈপায়নোঽব্রবীৎ।
মহর্ষে যত্ৎবয়া প্রোক্তং বেদবাদবিচক্ষণ॥ 12-336-17 (79089)
এতন্মনোঽনুকূলং মে ভবানর্হসি ভাষিতুম্।
সর্বজ্ঞঃ সর্বদর্শী চ সর্বত্র চ কুতূহলী॥ 12-336-18 (79090)
ত্রিষু লোকেষু যদ্বৃত্তং সর্বং তব মতে স্থিতম্।
তদাজ্ঞাপয় বিপ্রর্ষে ব্রূহি কিং করবাণি তে॥ 12-336-19 (79091)
যন্ময়া সমনুষ্ঠেয়ং ব্রহ্মর্ষে তদুদাহর।
বিয়ুক্তস্যেহ শিষ্যৈর্মে নাতিহৃষ্টমিদং মনঃ॥ 12-336-20 (79092)
নারদ উবাচ। 12-336-21x (6551)
অনাম্নায়মলা বেদা ব্রাহ্মণস্যাব্রতং মলম্।
মলং পৃথিব্যা বাহ্বীকাঃ স্ত্রীণাং কৌতূহলং মলম্॥ 12-336-21 (79093)
অধীয়তাং ভবান্বেদান্সার্ঘং পুত্রেণ ধীমতা।
বিধুন্বন্ব্রহ্মঘোষেণ রক্ষোভয়কৃতং তমঃ॥ 12-336-22 (79094)
ভীষ্ম উবাচ। 12-336-23x (6552)
নারদস্য বচঃ শ্রুৎবা ব্যাসঃ পরমধর্মবিৎ।
তথেত্যুক্ৎবাঽথ সংহৃষ্টো বেদাভ্যাসে দৃঢব্রতঃ॥ 12-336-23 (79095)
`* উবাচ চ মহাপ্রাজ্ঞং নারদং পুনরেব হি॥ 12-336-24 (79096)
মলং পৃথিব্যা বাহ্লীকা ইত্যুক্তমধুনা ৎবয়া।
কীদৃশাশ্চৈব বাহ্লীকা ব্রূহি মে বদতাং বর॥ 12-336-25 (79097)
নারদ উবাচ। 12-336-26x (6553)
অস্যাং পৃথিব্যাং চৎবারো দেশাঃ পাপজনৈর্বৃতাঃ।
যুগন্ধরস্তু প্রথমস্তথা ভূতিলকঃ স্মৃতঃ॥ 12-336-26 (79098)
অচ্যুতচ্ছল ইত্যুক্তস্তৃতীয়ঃ পারকৃত্তমঃ।
চতুর্থস্তু মহাপাপো বাহ্লীক ইতি সংজ্ঞিতঃ॥ 12-336-27 (79099)
ভৃগোষ্ট্রগর্দভক্ষীরং পিবন্ত্যস্য যুগন্ধরে।
এবকর্ণাস্তু দৃশ্যন্তে জনা বৈ হ্যচ্যুতস্থলে॥ 12-336-28 (79100)
মেহন্তি চ মলং পাপা বিসৃজন্তি জলেষু বৈ।
নিত্যং ভূতিলকেত্যন্নং তজ্জলং চ পিবন্তি চ॥ 12-336-29 (79101)
হরিবাহ্যাস্তু বাহীকা ন স্মরন্তি হরিং ক্বচিৎ।
ঐহলৌকিকমোক্ষং তে মাংসশোণিতবর্ধনাঃ।
বৃথা জাতা ভবিষ্যন্তি বাহ্লীকা ইতি বিশ্রুতাঃ॥ 12-336-30 (79102)
পুষ্করাহারনিরতাঃ পিশাচা যদভাষতে।
মুসুণ্ঠীং পরিগৃহ্যোগ্রাং তচ্ছৃণুষ্ব মহামুনে॥ 12-336-31 (79103)
ব্রাহ্মণীং বহুপুত্রাং তাং পুষ্করে স্নাতুমাগতাম্।
যুগন্ধরে পয়ঃ পীৎবা হ্যুচিতা হ্যচ্যুতস্থলে॥ 12-336-32 (79104)
তথা ভূতিলকে স্নাৎবা বাহ্লীকাংশ্চ নিরীক্ষ্য বৈ।
আগতাঽসি তথা স্নাতুং কথং স্বর্গং ন গচ্ছসি॥ 12-336-33 (79105)
ইত্যুক্ৎবা ব্রাহ্মণীভাণ্ডং পোথয়িৎবা মুসুণ্ঠিনা।
উবাচ ক্রোধতাম্রাক্ষী পিশাচী তীর্থপালিকা॥ 12-336-34 (79106)
এতত্তু তে দিবাবৃত্তং রাত্রৌ বৃত্তমথান্যথা।
গচ্ছ বাহ্লীকসংসর্গাদশুচিৎবং ন সংশয়ঃ॥ 12-336-35 (79107)
যদ্দ্বিষন্তি মহাত্মানং ন স্মরন্তি জনার্দনম্।
ন তেষাং পুণ্যতীর্থেষু গতিঃ সংসর্গিণামপি॥ 12-336-36 (79108)
উদ্যুক্তা ব্রাহ্মণী ভীতা প্রতিয়াতা সুতৈঃ সহ।
স্বদেহস্থা জজাপৈবং সপুত্রা ধ্যানতৎপরা॥ 12-336-37 (79109)
অনন্তস্য হরেঃ শুদ্ধং নাম বৈ দ্বাদশাক্ষরম্।
বৎসরত্রিতয়ে পূর্ণে ব্রাহ্মণী পুনরাগতা॥ 12-336-38 (79110)
সপুত্রা পুষ্করদ্বারং পিশাচ্যাহ তথাগতম্।
নমস্তে ব্রাহ্মণি শুভে পূতাঽহং তব দর্শনাৎ॥ 12-336-39 (79111)
কুরু তীর্থাভিষেকং চ সপুত্রা পাপবর্জিতা।
হরের্নাম্না চ মাং সাধ্বী জলেন স্প্রষ্টুমর্হসি॥ 12-336-40 (79112)
ইত্যুক্তা ব্রাহ্মণী হৃষ্টা পুত্রৈঃ সহ শুভব্রতা।
জলেন প্রোক্ষয়ামাস দ্বাদশাক্ষরসংয়ুতম্॥ 12-336-41 (79113)
তৎক্ষণাদভবচ্ছুদ্ধা পিশাচী দিব্যরূপিণী।
অপ্সরা হ্যভবদ্দিব্যা গতা স্বর্লোকমুত্তভম্॥ 12-336-42 (79114)
ব্রাহ্মণী চৈব কালেন বাসুদেবপরায়ণা।
সপুত্রা চাগতা স্থানমচ্যুতস্য শুভং পরম্॥ 12-336-43 (79115)
এতত্তে কথিতং বিদ্বন্মুনে কালোঽয়মাগতঃ॥ 12-336-44 (79116)
গমিষ্যেঽহং মহাপ্রাজ্ঞ আগমিষ্যামি বৈ পুনঃ।
ইত্যুক্ৎবা স জগামাথ নারদো বদতাংবরঃ॥ 12-336-45 (79117)
দ্বৈপায়নস্তু ভগবাংস্তচ্ছ্রুৎবা মুনিসত্তমাৎ।'
শুকেন সহ পুত্রেণ বেদাভ্যাসমথাকরোৎ।
স্বরেণোচ্চৈঃ সশৈক্ষ্যেণ লোকানাপূরয়ন্নিব॥ 12-336-46 (79118)
তয়োরভ্যসতোরেব নানাধর্মপ্রবাদিনোঃ।
বাতোঽতিমাত্রং প্রববৌ সমুদ্রানিলবেজিতঃ॥ 12-336-47 (79119)
ততোঽনধ্যায় ইতি তং ব্যাসঃ পুত্রমবারয়ৎ।
শুকো বারিতমাত্রস্তু কৌতূহলসমন্বিতঃ॥ 12-336-48 (79120)
অপৃচ্ছৎপিতরং ব্রহ্মন্কুতো বায়ুরভূদয়ম্।
আখ্যাতুমর্হতি ভবান্বায়োঃ সর্বং বিচেষ্টিতম্॥ 12-336-49 (79121)
শুকস্যৈতদ্বচঃ শ্রুৎবা ব্যাসঃ পরমধর্মবিৎ।
অনধ্যায়নিমিত্তেঽস্মিন্নিদং বচনমব্রবীৎ॥ 12-336-50 (79122)
দিব্যং তে চক্ষুরুৎপন্নং স্বস্থং তে নিশ্চলং মনঃ।
তমসা রজসা চাপি ত্যক্তঃ সৎবে ব্যবস্থিতঃ॥ 12-336-51 (79123)
আদর্শে রস্বামিব চ্ছায়াং পশ্যস্যাত্মানমাত্মনা।
ন্যস্যাত্মনি স্বয়ং চেতো বুদ্ধ্যা সমনুচিন্তয়॥ 12-336-52 (79124)
দেবয়ানপথো বিষ্ণুঃ পিতৃয়ানপথো রবিঃ।
দ্বাবেতৌ প্রেত্য পন্থানৌ দিবং চাধশ্চ গচ্ছতঃ॥ 12-336-53 (79125)
পৃথিব্যামন্তরিক্ষে চ যত্র সংবান্তি বায়বঃ।
সপ্তৈতে বায়ুমার্গা বৈ তান্নিবোধানুপূর্বশঃ॥ 12-336-54 (79126)
তত্র দেবগণাঃ সাধ্যাঃ সংবভূবুর্মহাবলাঃ।
তেষামপ্যভবৎপুত্রঃ সমানো নাম দুর্জয়ঃ॥ 12-336-55 (79127)
উদানস্তস্য পুত্রোঽভূদ্ব্যানস্তস্যাভবৎসুতঃ।
অপানশ্চ ততো জ্ঞেয়ঃ প্রাণশ্চাপি ততাঽপরঃ॥ 12-336-56 (79128)
অনপত্যোঽভবৎপ্রাণো দুর্ঘর্ষঃ শত্রুতাপনঃ।
পৃথক্কর্মাণি তেষাং তু প্রবক্ষ্যামি যথাতথম্॥ 12-336-57 (79129)
প্রাণিনাং সর্বতো বায়ুশ্রেষ্টাং বর্তয়তে পৃথক্।
প্রাণনাচ্চৈব ভূতানাং প্রাণ ইত্যভিধীয়তে॥ 12-336-58 (79130)
প্রেরয়ত্যভ্রসংঘাতান্ধূমজাংশ্চোষ্মজাংশ্চ যঃ।
প্রথমঃ প্রথমে মার্গে আবহো নাম যোঽনিলঃ॥ 12-336-59 (79131)
অম্বরে স্নেহমভ্রেভ্যস্তটিদ্ভ্যশ্চ মহাদ্যুতিঃ।
প্রবহো নাম সংবাতি দ্বিতীয়শ্চ সতোয়দঃ॥ 12-336-60 (79132)
উদয়ং জ্যোতিষাং শশ্বৎসোমাদীনাং করোতি যঃ।
অন্তর্দেহেষু চোদানং যং বদন্তি মনীষিণঃ॥ 12-336-61 (79133)
যশ্চতুর্ভ্যঃ সমুদ্রেভ্যো বায়ুর্ধারয়তে জলম্।
উদ্ধৃত্যাদদতে চাপো জীমূতেভ্যোঽম্বরেঽনিলঃ॥ 12-336-62 (79134)
যোঽদ্ভিঃ সংয়োজ্য জীমূতান্পর্জন্যায় প্রয়চ্ছতি।
উদ্বহো নাম বর্ষিষ্ঠস্তৃতীয়ঃ স সদাগতিঃ॥ 12-336-63 (79135)
সমুহ্যমানা বহুধা যেন নীতাঃ পৃথগ্ঘনাঃ।
বর্ষমোক্ষকৃতারম্ভাস্তে ভবন্তি ঘনাঘনাঃ॥ 12-336-64 (79136)
সংহতা যেন চাবিদ্ধা ভবন্তি নদনান্তরাঃ।
রক্ষণার্থায় সংভূতা মেঘৎবমুপশ্যান্তি চ॥ 12-336-65 (79137)
যোঽসৌ বহতি দেবানাং বিমানানি বিহায়সা।
চতুর্থঃ সংবহো নাম বায়ুঃ স গিরিমর্দনঃ॥ 12-336-66 (79138)
যেন বেগবতা তূর্ণং রূক্ষেণারুজতা রসান্।
বায়ুনা বিহতা মেঘা ন ভবন্তি বলাহকাঃ॥ 12-336-67 (79139)
দারুণোৎপাতসংচারো নভসঃ স্তনয়িত্নুমান্।
পঞ্চমঃ স মহাবেগো বিবহো নাম মারুতঃ॥ 12-336-68 (79140)
যস্মিন্পারিপ্লবা দিব্যা ভবন্ত্যাপো বিহায়সা।
পুণ্যং চাকাশগঙ্গায়াস্তোয়ং বিষ্টভ্য তিষ্ঠতি॥ 12-336-69 (79141)
দূরাৎপ্রতিহতো যস্মিন্নেকরশ্মির্দিবাকরঃ।
যো নিরংশুঃ সহস্রস্য যেন ভাতি বসুংধরা॥ 12-336-70 (79142)
যস্মাদাপ্যায়তে সোমো যোনির্দিব্যোঽমৃতস্য যঃ।
ষষ্ঠঃ পিরবহো নাম স বায়ুর্জয়তাংবরঃ॥ 12-336-71 (79143)
সর্বপ্রাণভৃতাং প্রাণান্যোঽনুকালে নিরস্যতি।
যস্য বর্ত্মানুবর্তেতে মৃত্যুবৈবস্বতাবুভৌ॥ 12-336-72 (79144)
সম্যগন্বীক্ষতাং বুদ্ধ্যা শান্তয়াঽধ্যাত্মচিন্তকাঃ।
ধ্যানাভ্যাসাভিরামাণাং যোঽমৃতৎবায় কল্পতে॥ 12-336-73 (79145)
যং সমাসাদ্য বেগেন দিশামন্তং প্রপেদিরে।
দক্ষস্য দশপুত্রাণাং সহস্রাণি প্রজাপতেঃ॥ 12-336-74 (79146)
যেন সৃষ্টঃ পরাভূতো যাত্যেব ন নিবর্ততে।
পরাবহো নাম পরো বায়ুঃ স দুরতিক্রমঃ॥ 12-336-75 (79147)
এবমেতেঽদিতেঃ পুত্রা মারুতাঃ পরমাদ্ভুতাঃ।
অনারতং তে সংবান্তি সর্বগাঃ সর্বধারিণঃ॥ 12-336-76 (79148)
এতত্তু মহদাশ্চর্যং যদয়ং পর্বতোত্তমঃ।
কম্পিতঃ সহসা তেন বায়ুনাঽতিপ্রবায়তা॥ 12-336-77 (79149)
বিষ্ণোর্নিঃ শ্বাসবাতোঽয়ং যদা বেগসমীরিতঃ।
সহসোদীর্যতে তাত জগৎপ্রব্যথতে তদা॥ 12-336-78 (79150)
তস্মাদ্ব্রহ্মবিদো ব্রহ্ম নাধীয়ন্তেঽতিবায়তি।
বায়োর্বায়ুভয়ং হ্যুক্তং ব্রহ্ম তৎপীডিতং ভবেৎ॥ 12-336-79 (79151)
এতাবদুক্ৎবা বচনং পরাশরসুতঃ প্রভুঃ।
উক্ৎবা পুত্রমধীষ্বেতি ব্যোমগঙ্গামগাত্তদা॥ ॥ 12-336-80 (79152)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষট্ত্রিংশদধিকত্রিশততমোঽধ্যায়ঃ॥ 336॥
Mahabharata - Shanti Parva - Chapter Footnotes
12-336-2 তদাৎবায়তিসংহিতম্ তদাৎবে তৎকালে আয়তৌ উত্তরকালে চ সংহিতং সম্যক্হিতম্॥ 12-336-14 সোপপ্লবো রাহুগ্রস্তঃ॥ 12-336-15 বেদধ্বনিনিরাকৃত ইতি ঝ. ট. পাঠঃ॥ 12-336-19 তদাজ্ঞাপয় দেবর্ষে ইতি ড. পাঠঃ॥ 12-336-21 পৃথিব্যা বাহীকা ইতি ড. পাঠঃ॥ 12-336-22 অধীয়তা ভবানিতি ঝ. ড. পাঠঃ। রজোভয়কৃতং তম ইতি ধ. পাঠঃ॥ 12-336-47 সমুদ্রানিলবেগিত ইতি ট.ড. পাঠঃ॥ 12-336-49 পিতরং প্রহ্ল ইতি ট. ড. পাঠঃ। অপৃচ্ছৎপিতরং পুত্র ইতি ধ. পাঠঃ॥ 12-336-52 ব্যস্যাত্মনি স্বয়ং বেদানিতি ঝ. পাঠঃ॥ 12-336-61 অন্তর্দেহেষু চোদানং দ্বিতীয়শ্চ ততোঽনিল ইতি ধ. পাঠঃ॥ 12-336-71 সোমঃ ক্ষীণঃ সংপূর্ণমণ্ডল ইতি ঝ. পাঠঃ॥ 12-336-78 বিষ্ণোর্নিশ্বাসনূতোয়মিতি থ. পাঠঃ॥ 12-336-79 ব্রহ্মবিদো বেদানিতি ঝ. পাঠঃ॥ * 23 তমশ্লেকাদুপরি 44 তমশ্লোকাৎপূর্ব বর্তমানাঃ সার্ধবিশতিশ্লোকা ধ. পুস্তক এব দৃশ্যন্তে।শান্তিপর্ব - অধ্যায় 337
॥ শ্রীঃ ॥
12.337. অধ্যায়ঃ 337
Mahabharata - Shanti Parva - Chapter Topics
নারদেন শুকংপ্রতি ঋষিভ্যঃ সনৎকুমারোক্তদিতবচনানুব॥ 1॥Mahabharata - Shanti Parva - Chapter Text
12-337-0 (79153)
ভীষ্ম উবাচ। 12-337-0x (6554)
এতস্মিন্নন্তরে ভূতে নারদঃ পুনরাগমৎ।
শুকং স্বাধ্যায়নিরতং বেদার্থান্প্রষ্টুমীপ্সবা॥ 12-337-1 (79154)
দেবর্ষি তু শুকো দৃষ্ট্বা নারদং সমুপস্যিতম্।
অর্ধ্যপূর্বেণ বিধিবা বেদোক্তেনাভ্যপূজয়ৎ॥ 12-337-2 (79155)
নারদোঽয়াজবীৎপ্রীতো ব্রূহি ব্রহ্মবিদাং বর।
কেন ৎবাং শ্রেয়সা বৎস যোজয়ামীতি হৃষ্টবৎ॥ 12-337-3 (79156)
নারদস্য বচঃ শ্রুৎবা শুকঃ প্রোবাচ ভারত।
অস্মিঁল্লোকে হিতং যৎস্বাত্তেন মাং যোক্তুমর্হসি॥ 12-337-4 (79157)
নারদ উবাচ। 12-337-5x (6555)
তত্ৎবং জিজ্ঞাসতাং পূর্বনৃষীণাং ভাবিতাত্মনাম্।
সনৎকুমারো ভগবানিদং বতনমব্রবীৎ॥ 12-337-5 (79158)
নাস্তি বিদ্যাসগং চক্ষুর্নাস্তি সত্যসমং তপঃ।
নাস্তি রাগসমং দুঃখং নাস্তি ত্যাগসমং সুখম্॥ 12-337-6 (79159)
নিবৃত্তিঃ কর্মণা পাপাৎসততং পুণ্যশীলতা।
সদ্বৃত্তিঃ সদ্বদাচারঃ শ্রেয় এবদনুত্তমম্॥ 12-337-7 (79160)
নানুবয়সুখং প্রাপ্য যঃ সজ্জতি ন মুচ্যতে।
নালং স দুঃখমোক্ষায় সংয়োগো দুঃখলক্ষণম্॥ 12-337-8 (79161)
সক্তস্য বুদ্ধিশ্চলতি মোহজালবিবর্ধনী।
মোহবালাবৃতো দুঃখমিহ চামুত্র সোঽশ্নুতে॥ 12-337-9 (79162)
সর্বোপাগাত্তু কামস্ব ক্রোধস্য চ বিনিগ্রহঃ।
কার্যঃ শ্রেয়োর্থিনা তৌ হি শ্রেয়োঘাতার্থমুদ্যতৌ॥ 12-337-10 (79163)
নিত্যং ক্রোধাত্তপো রক্ষেচ্ছ্রিয়ং রক্ষেচ্চ মৎসরাৎ।
বিদ্যাং মানাবমানাভ্যামাত্মানং তু প্রমাদতঃ॥ 12-337-11 (79164)
আনৃশংস্যং পরো ধর্মঃ ক্ষমা চ পরমং বলম্।
আত্মজ্ঞানং পরং জ্ঞানং ন সত্যাদ্বিদ্যতে পরম্॥ 12-337-12 (79165)
সত্যস্য বচনং শ্রেয়ঃ সত্যাদপি হিতং বদেৎ।
যদ্ভূতহিতমত্যন্তমেতৎসত্যং মতং মম॥ 12-337-13 (79166)
সর্বারম্ভপরিত্যাগী নিরাশীর্নিষ্পরিগ্রহঃ।
যেন সর্বং পরিত্যক্তং স বিদ্বান্স চ পণ্ডিতঃ॥ 12-337-14 (79167)
ইন্দ্রিয়ৈরিন্দ্রিয়ার্থান্যশ্চরত্যাত্মবশৈরিহ।
আসজ্জমানঃ শান্তাত্মা নির্বিকারঃ সমাহিতঃ॥ 12-337-15 (79168)
অত্মভূতৈরতদ্ভূতঃ সহ চৈব বিনৈব চ।
স বিমুক্তঃ পরং শ্রেয়ো নচিরেণাধিগচ্ছতি॥ 12-337-16 (79169)
অদর্শনমসংস্পর্শস্তথাঽসংভাষণং তদা।
যস্য ভূতৈঃ সহ মুনে স শ্রেয়ো বিন্দতে পরম্॥ 12-337-17 (79170)
ন হিংস্যাৎসর্বভূতানি মৈত্রায়গণতশ্চরেৎ।
নেদং জন্ম সমাসাদ্য বৈরং কুর্বীত কেনচিৎ॥ 12-337-18 (79171)
আকিঞ্চন্যং সুসংতোষো নিরাশীস্ৎবমচাপলম্।
এতদাহুঃ পরং শ্রেয় আত্মজ্ঞস্য জিতাত্মনঃ॥ 12-337-19 (79172)
পরিগ্রহং পরিত্যজ্য ভব তাত জিতেন্দ্রিয়ঃ।
অশোকং স্থানমাতিষ্ঠ ইহ চামুত্র চাভয়ম্॥ 12-337-20 (79173)
নিরামিষা ন শোচন্তি ত্যজেদামিষমাত্মনঃ।
পরিত্যজ্যামিষং সৌভ্য দুঃখতাপাদ্বিমোক্ষ্যসে॥ 12-337-21 (79174)
তপোনিত্যেন দান্তেন মুনিনা সংয়তাত্মনা।
অজিতং জেতুকামেন ভাব্যং সঙ্গেষ্বসঙ্গিনা॥ 12-337-22 (79175)
গুণসঙ্গেষ্বনাসক্ত একচর্যারতঃ সদা।
ব্রাহ্মণো নচিরাদেব সুখমায়াত্যনুত্তমম্॥ 12-337-23 (79176)
দ্বন্দ্বারামেষু ভূতেষু য একো রমতে মুনিঃ।
বিদ্ধি প্রজ্ঞানতৃপ্তং তং জ্ঞানতৃপ্তো ন শোচতি॥ 12-337-24 (79177)
শুভৈর্লভতি দেবৎবং ব্যামিশ্রের্জন্ম মানুষম্।
অশুভৈশ্চাপ্যধোজন্ম কর্মভির্লভতেঽবশঃ॥ 12-337-25 (79178)
তত্র মৃত্যুবশো দুঃখৈঃ সততং সমভিদ্রুতঃ।
সংসারে পচ্যতে জন্তুস্তৎকথং নাববুধ্যসে॥ 12-337-26 (79179)
অহিতে হিতসংজ্ঞস্ৎবমধ্রুবে ধ্রুবসংজ্ঞকঃ।
অনর্থে চার্থসংজ্ঞস্ৎবং কিমর্থং নাববুধ্যসে॥ 12-337-27 (79180)
সংবেষ্ট্যমানং বহুভির্মোহাত্তন্তুভিরাত্মজৈঃ।
কোশকার ইবাত্মানং বেষ্টয়ন্নাববুধ্যসে॥ 12-337-28 (79181)
অলং পরিগ্রহেণেহ দোষবান্হি পরিগ্রহঃ।
কৃমির্হি কোশকারস্তু বধ্যতে স পরিগ্রহাৎ॥ 12-337-29 (79182)
পুত্রদারকুটুম্বেষু সক্তাঃ সীদন্তি জন্তবঃ।
সরঃপঙ্কার্ণবে মগ্না জীর্ণা বনগজা ইব॥ 12-337-30 (79183)
মহাজালসমাকৃষ্টান্স্থলে মৎস্যানিবোদ্ধৃতান্।
মোহজালসমাকৃষ্টান্পশ্য জন্তূন্সুদুঃখিতান্॥ 12-337-31 (79184)
কুটুম্বং পুত্রদারাংশ্চ শরীরং সংচয়াশ্চ যে।
পারক্যমধ্রুবং সর্বং কিং স্বং সুকৃতদুষ্কৃতম্॥ 12-337-32 (79185)
যদা সর্বান্পরিত্যজ্য গন্তব্যমবশেন তে।
অনর্থে কিং প্রসক্তস্ৎবং সমর্থং নানুতিষ্ঠসি॥ 12-337-33 (79186)
অবিশ্রান্তমনালম্বমপাথেয়মদৈশিকম্।
তমঃ কান্তারমধ্বানং কথমেকো গমিষ্যসি॥ 12-337-34 (79187)
ন হি ৎবাং প্রস্থিতং কশ্চিৎপৃষ্ঠতোঽনুগমিষ্যতি।
সুকৃতং দুষ্কৃতং চ ৎবাং যাস্যন্তমনুয়াস্যতঃ॥ 12-337-35 (79188)
বিদ্যা কর্ম চ শৌচং চ জ্ঞানং চ বহুবিস্তরম্।
অর্থার্থমনুসার্যন্তে সিদ্ধার্থস্য বিমুচ্যতে॥ 12-337-36 (79189)
নিবন্ধনী রজ্জুরেষা যা গ্রামে বসতো রতিঃ।
ছিত্ৎবৈতাং সুকৃতো যান্তি নৈনাং ছিন্দন্তি দুষ্কৃতঃ॥ 12-337-37 (79190)
রূপকূলাং মনঃস্রোতাং স্পর্শদ্বীপাং রসাবহাম্।
গন্ধপঙ্কাং শব্দজলাং স্বর্গমার্গদুরাবহাম্॥ 12-337-38 (79191)
ক্ষমারিত্রাং সত্যময়ীং ধর্মস্থৈর্যপদাঙ্কুরাম্।
ত্যাগবাতাধ্বগাং শীঘ্রাং নৌতার্যাং তাং নদীং তরেৎ॥ 12-337-39 (79192)
ত্যজ ধর্মমধর্মং চ উভে সত্যানৃতে ত্যজ।
উভে সত্যানৃতে ত্যক্ৎবা যেন ত্যজসি তং ত্যজ॥ 12-337-40 (79193)
ত্যজ ধর্মমসংকল্পাদধর্মং চাপ্যলিপ্সয়া।
উভে সত্যানৃতে বুদ্ধ্যা বুদ্ধিং পরমনিশ্চয়াৎ॥ 12-337-41 (79194)
অস্থিস্থূণং স্নায়ুয়ুতং মাংসশোণিতলেপনম্।
চর্মাবনদ্ধং দুর্গন্ধিং পূর্ণং মূত্রপুরীষয়োঃ॥ 12-337-42 (79195)
জরাশোকসমাবিষ্টং রোগায়তনমাতুরম্।
রজস্বলমনিত্যং চ ভূতাবাসমিমং ত্যজ॥ 12-337-43 (79196)
ইদং বিশ্বং জগৎসর্বমজগচ্চাপি যদ্ভবেৎ।
মহাভূতাত্মকং সর্বং মহদ্যৎপরমাণু চ॥ 12-337-44 (79197)
`মহাভূতানি খং বায়ুরগ্নিরাপস্তথা মহী।
ষষ্ঠং তু চেতনা যা তু আত্মা সপ্তমমুচ্যতে।'
অষ্টমং তু মনো জ্ঞেয়ং বুদ্ধিস্তু নবমী স্মৃতা॥ 12-337-45 (79198)
ইন্দ্রিয়াণি চ পঞ্চৈব তমঃ সৎবং রজস্তথা।
ইত্যেষ সপ্তদশকো রাশিরব্যক্তসংজ্ঞকঃ॥ 12-337-46 (79199)
সর্বৈরিহেন্দ্রিয়ার্থৈশ্চ ব্যক্তাব্যক্তৈর্হি সংহিতঃ।
চতুর্বিশক ইত্যেষ ব্যক্তাব্যক্তময়ো গণঃ॥ 12-337-47 (79200)
এতৈঃ সর্বৈঃ সমায়ুক্তঃ পুমানিত্যভিধীয়তে।
ত্রিবর্গং তু সুখং দুঃখং জীবিতং মরণং তথা॥ 12-337-48 (79201)
য ইদং বেদ তত্ৎবেন স বেদ প্রভবাপ্যযৌ।
পারম্পর্যেহ বোদ্ধব্যং জ্ঞানানাং যচ্চ কিংচন॥ 12-337-49 (79202)
ইন্দ্রিয়ৈর্গৃহ্যতে যদ্যত্তত্তদ্ব্যক্তমিতি স্থিতিঃ।
অব্যক্তমিতি বিজ্ঞেয়ং লিঙ্গগ্রাহ্যমতীন্দ্রিয়ম্॥ 12-337-50 (79203)
ইন্দ্রিয়ৈর্নিয়তৈর্দেহী ধারাভিরিব তর্প্যতে।
লোকে বিততমাত্মানং লোকাংশ্চাত্মনি পশ্যতি॥ 12-337-51 (79204)
পরাবরদৃশঃ শক্তির্জ্ঞানমূলা ন নশ্যতি।
পশ্যতঃ সর্বভূতানি সর্বাবস্থাসু সর্বদা॥ 12-337-52 (79205)
ব্রহ্মভূতস্য সংয়োগো নাশুভেনোপপদ্যতে।
জ্ঞানেন বিবিধান্ক্লেশানতিবৃত্তস্য মোহজান্॥ 12-337-53 (79206)
লোকে বুদ্ধিপ্রকাশেন লোকমার্গো ন রিষ্যতে।
অনাদিনিধনজ্ঞং তমাত্মনি স্থিতমব্যযম্॥ 12-337-54 (79207)
অকর্তারমমূর্তং চ ভগবানাহ তীর্থবিৎ।
যো জন্তুঃ স্বকৃতৈস্তৈস্তৈঃ কর্মভির্নিত্যদুঃখিতঃ॥ 12-337-55 (79208)
স দুঃখপ্রতিঘাতার্থং হন্তি জন্তূননেকধা।
ততঃ কর্ম সমাদত্তে পুনরন্যন্নবং বহু॥ 12-337-56 (79209)
তপ্যতেঽথ পুনস্তেন ভুক্ৎবা পথ্যমিবাতুরঃ।
অজস্রমেব মোহান্ধো দুঃখেষু সুখসংজ্ঞিতঃ॥ 12-337-57 (79210)
বধ্যতে মথ্যতে চৈব কর্মভির্মন্থবৎসদা।
ততো নিবদ্ধঃ স্বাং যোনিং কর্মণামুদয়াদিহ॥ 12-337-58 (79211)
পরিভ্রমতি সংসারং চক্রবদ্বহুবেদনঃ।
সৎবং নির্বৃত্তবন্ধস্তু নিবৃত্তশ্চাপি কর্মতঃ॥ 12-337-59 (79212)
সর্ববিৎসর্বজিৎসিদ্ধৌ ভব ভাববিবর্জিতঃ।
সংয়মেন নবং বন্ধং নিবর্ত্য তপসো বলাৎ।
সংপ্রাপ্তা বহবঃ সিদ্ধিমপ্যবাধাং সুখোদয়াম্॥ ॥ 12-337-60 (79213)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তত্রিংশদধিকত্রিশততমোঽধ্যায়ঃ॥ 337॥
Mahabharata - Shanti Parva - Chapter Footnotes
12-337-1 বেদার্থান্ধক্তুভীপ্সয়েতি ড. পাঠঃ॥ 12-337-6 নাস্তি সত্যাৎপরং তপ ইতি ধ. পাঠঃ॥ 12-337-8 যঃ সজ্জতি স মুহ্যতীতি ঝ. পাঠঃ॥ 12-337-13 সত্যস্য পালনং শ্রেয় ইতি ট. পাঠঃ॥ 12-337-15 ইন্দ্রিয়ৈরিন্দ্রিয়ার্থেভ্য ইতি ট. ড. পাঠঃ॥ 12-337-24 পঞ্চানামেষু ভূতেষু য একো রমতে মুনিরিতি ট. পাঠঃ॥ 12-337-36 বিদ্যা কর্ম চ শৌর্যং চেতি ট. ড. পাঠঃ॥ 12-337-39 ক্ষমৈবাঽরিত্রাণি নৌচালনদণ্ডা যস্যাম্। ধর্মস্থৈর্যবটারকাম্ ইতি ঝ. পাঠঃ। তত্র ধর্মস্যৈর্যং বটারকা নৌকাকর্ষণরজ্জুর্যস্যাং তামিত্যর্থঃ। যোগবাতাধ্বগাং কৃৎবেতি ট. পাঠঃ। কৃৎবা নদীং তরেদিতি ধ. পাঠঃ॥ 12-337-44 মহদ্যৎপরমাণুবদিতি ট. থ. পাঠঃ॥ 12-337-54 রিষ্যতে হিংস্যতে॥ 12-337-55 তীর্থবিন্মোক্ষোপায়বিৎ॥ 12-337-60 সংয়মেন ধারণাধ্যানসমাধ্যাত্মকেন। নবং দৃষ্টিমাত্রণোৎপত্রং॥শান্তিপর্ব - অধ্যায় 338
॥ শ্রীঃ ॥
12.338. অধ্যায়ঃ 338
Mahabharata - Shanti Parva - Chapter Topics
নারদন শুকংপ্রতি মোক্ষমার্গপ্রদর্শকহিতোপদেশঃ॥ 1॥Mahabharata - Shanti Parva - Chapter Text
12-388-0 (79214)
নারদ উবাচ। 12-388-0x (6556)
অশোকং শোকনাশার্থং শাস্ত্রং শান্তিকরং শিবম্।
নিশম্য লভতে বুদ্ধিং তাং লব্ধ্বা সুখমেধতে॥ 12-338-1 (79215)
শোকস্থানসহস্রাণি ভয়স্থানশতানি চ।
দিবসেদিবসে মূঢমাবিশন্তি ন পণ্ডিতম্॥ 12-338-2 (79216)
তস্মাদনিষ্টনাশার্থমিতিহাসং নিবোধ মে।
তিষ্ঠতে চেদ্বশে বুদ্ধির্লভতে শোকনাশনম্॥ 12-338-3 (79217)
অনিষ্টসংপ্রয়োগাচ্চ বিপ্রয়োগাৎপ্রিয়স্য চ।
মনুষ্যা মানসৈর্দুঃখৈর্যুজ্যন্তে স্বল্পবুদ্ধ্যঃ॥ 12-338-4 (79218)
দ্রব্যেষু সমতীতেষু যে গুণাস্তান্ন চিন্তয়েৎ।
ন তানাদ্রিয়মাণস্য স্নেহবন্ধঃ প্রমুচ্যতে॥ 12-338-5 (79219)
দোষদর্শী ভবেত্তত্র যত্র রাগঃ প্রবর্ততে।
অনিষ্ট্বদ্ধিতং পশ্যেত্তথা ক্ষিপ্রং বিরজ্যতে॥ 12-338-6 (79220)
নার্থো ন ধর্মো ন যশো যোঽতীতমনুশোচতি।
অপ্যভাবেন যুজ্যেত তচ্চাস্য ন নিবর্ততে॥ 12-338-7 (79221)
গুণৈর্ভূতানি যুজ্যন্তে বিয়ুজ্যন্তে তথৈব চ।
সর্বাণি নৈতদেকস্য শোকস্থানং হি যুজ্যতে॥ 12-338-8 (79222)
মৃতং বা যদি বা নষ্টং যোঽতীতমনুশোচতি।
দুঃখেন লভতে দুঃখং দ্বাবনর্থৌ প্রপদ্যতে॥ 12-338-9 (79223)
নাশ্রু কুর্বন্তি যে বুদ্ধ্যা দৃষ্ট্বা লোকেষু সংততিম্।
সম্যক্প্রপশ্যতঃ সর্বং নাশ্রুকর্মোপপদ্যতে॥ 12-338-10 (79224)
দুঃখোপঘাতে শারীরে মানসে চাপ্যুপস্থিতে।
যস্মিন্ন শক্যতে কর্তুং যত্নস্তন্নানুচিন্তয়েৎ॥ 12-338-11 (79225)
ভৈষজ্যমেতদ্দুঃখস্য যদেতন্নানুচিন্তয়েৎ।
চিন্ত্যমানং হি ন ব্যেতি ভূয়শ্চাপি প্রবর্ধতে॥ 12-338-12 (79226)
প্রজ্ঞয়া মানসং দুঃখং হন্যাচ্ছারীরমৌষধৈঃ।
এতদ্বিজ্ঞানমসামর্থ্যং ন বালৈঃ সমতামিয়াৎ॥ 12-338-13 (79227)
অনিত্যং যৌবনং রূপং জীবিতং দ্রব্যসংচয়ঃ।
আরোগ্যং প্রিয়সংসর্গো গৃধ্যেত্তত্র ন পণ্ডিতঃ॥ 12-338-14 (79228)
ন জানপদিকং দুঃখমেকঃ শোচিতুমর্হতি।
অশোচন্প্রতিকুর্বীত যদি পশ্যেদুপক্রমম্॥ 12-338-15 (79229)
সুখাদ্বহুতরং দুঃখং জীবিতে নাত্র সংশয়ঃ।
স্নিগ্ধৎবং চেন্দ্রিয়ার্থেষু মোহান্মরণমপ্রিয়ম্॥ 12-338-16 (79230)
পরিত্যজতি যো দুঃখং সুখং বাঽপ্যুভয়ং নরঃ।
অভ্যেতি ব্রহ্ম সোত্যন্তং ন তং শোচন্তি পণ্ডিতাঃ॥ 12-338-17 (79231)
ত্যজন্তে দুঃখমর্থা হি পালনেন চ তে সুখাঃ।
দুঃখেন চাধিগম্যন্তে নাশমেষাং ন চিন্তয়েৎ॥ 12-338-18 (79232)
অন্যামন্যাং ধনাবস্থাং প্রাপ্য বৈশেষিকীং নরাঃ।
অতৃপ্তা যান্তি বিধ্বংসং সংতোষং যান্তি পণ্ডিতাঃ॥ 12-338-19 (79233)
সর্বে ক্ষয়ান্তা নিচয়াঃ পতনান্তাঃ সমুচ্ছ্রয়াঃ।
সংয়োগা বিপ্রয়োগান্তা মরণান্তং হি জীবিতম্॥ 12-338-20 (79234)
অন্তো নাস্তি পিপাসায়াস্তুষ্টিস্তু পরমং সুখম্।
তস্মাৎসংতোষমেবেহ ধনং পশ্যন্তি পণ্ডিতাঃ॥ 12-338-21 (79235)
নিমেষমাত্রমপি হি বয়ো গচ্ছন্ন তিষ্ঠতি।
স্বশরীরেষ্বনিত্যেষু নিত্যং কিমনুচিন্তয়েৎ॥ 12-338-22 (79236)
ভূতেষু ভাবং সংচিন্ত্য যে বুদ্ধ্বা মনসঃ পরম্।
ন শোচন্তি গতাধ্বানঃ পশ্যন্তঃ পরমাং গতিং॥ 12-338-23 (79237)
সংচিন্বানকমেবৈনং কামানামবিতৃপ্তকম্।
ব্যাঘ্রঃ পশুমিবাসাদ্য মৃত্যুরাদায় গচ্ছতি॥ 12-338-24 (79238)
তথাঽপ্যুপায়ং সংপশ্যেদ্দুঃখস্য পরিমোক্ষণে।
অশোচন্নারভেতৈব যুক্তশ্চাব্যসনী ভবেৎ॥ 12-338-25 (79239)
শব্দে স্পর্শে চ রূপে চ গন্ধেষু চ রসেষু চ।
নোপভোগাৎপরং কিংচিদ্ধনিনো বাঽধনস্য চ॥ 12-338-26 (79240)
প্রাক্সংপ্রয়োগাদ্ভূতানাং নাস্তি দুঃখং পরায়ণম্।
বিপ্রয়োগাত্তু সর্বস্য ন শোচেৎপ্রকৃতিস্থিতঃ॥ 12-338-27 (79241)
ধৃত্যা শিশ্নোদরং রক্ষেৎপাণিপাদং চ চক্ষুষা।
চক্ষুঃশ্রোত্রে চ মনসা মনো বাচং চ বিদ্যযা॥ 12-338-28 (79242)
প্রণয়ং প্রতিসংহৃত্য সস্নিগ্ধেষ্বিতরেষু চ।
বিচরেদসমুন্নদ্ধঃ স সুখী স চ পণ্ডিতঃ॥ 12-338-29 (79243)
অধ্যাত্মরতিরাসীনো নিরপেক্ষো নিরামিষঃ।
আত্মনৈব সহায়েন যশ্চরেৎস সুখী ভবেৎ॥ ॥ 12-338-30 (79244)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টত্রিংশদধিকত্রিশততমোঽধ্যায়ঃ॥ 338॥
Mahabharata - Shanti Parva - Chapter Footnotes
12-338-1 শান্তিপরমিতি ধ. পাঠঃ॥ 12-338-5 তাননাদ্রিয়মাণস্য স্নেহবন্ধ ইতি ধ. পাঠঃ॥ 12-338-8 শোকস্থানং হি বিদ্যত ইতি ঝ. ট. পাঠঃ॥ 12-338-9 দ্বাবনর্থৌ ইষ্ঠস্ত্র্যাদিদেহবিনাশঃ স্বশরীরতাপশ্চ। শেষগ্রন্থঃ স্পষ্টার্থো ব্যাখ্যাতপ্রায়শ্চেতি ন ব্যাখ্যায়তে॥ 12-338-11 দুঃখোপঘাতৈঃ শারীরৈর্মানসৈশ্চাপ্যুপস্থিতে ইতি ধ. পাঠঃ॥ 12-338-12 চিন্ত্যমানং হি নাপৈতীতি ধ. পাঠঃ॥ 12-338-18 দুঃখেন চাপি ত্যজতে পালনে ন চ তে সুখমিতি ধ. পাঠঃ॥ 12-338-23 ভূতেষ্বভাবং সংচিন্ত্য যে বুদ্ধ্যা তমসঃ পরমিতি ধ. পাঠঃ॥ 12-338-27 নাস্তি দুঃখমনাময়মিতি ট. থ. ধ. পাঠঃ॥শান্তিপর্ব - অধ্যায় 339
॥ শ্রীঃ ॥
12.339. অধ্যায়ঃ 339
Mahabharata - Shanti Parva - Chapter Topics
নারদবচনাজ্জাতবৈরাগ্যেণ শুকেন সূর্যমণ্ডলপ্রবিবিক্ষয়া ব্যাসনারদয়োর্নিবেদনপূর্বকং কৈলাসশিখরারোহণম্॥ 1॥Mahabharata - Shanti Parva - Chapter Text
12-339-0 (79245)
নারদ উবাচ। 12-339-0x (6557)
সুখদুঃখবিপর্যাসো যদা সমনুপদ্যতে।
নৈনং প্রজ্ঞা সুনীতং বা ত্রায়তে নাপি পৌরুষম্॥ 12-339-1 (79246)
স্বভাবাদ্যত্নমাতিষ্ঠেদ্যত্নবান্নাবসীদতি।
জরামরণরোগেভ্যঃ প্রিয়মাত্মানমুদ্ধরেৎ॥ 12-339-2 (79247)
রুজন্তি হি শরীরাণি রোগাঃ শারীরমানসাঃ।
সায়কা ইব তীক্ষ্ণাগ্রাঃ প্রয়ুক্তা দৃঢধন্বিভিঃ॥ 12-339-3 (79248)
ব্যথিতস্য বিধিৎসাভিস্ত্রস্যতো জীবিতৈষিণঃ।
অবশস্য বিনাশায় শরীরমপকৃষ্যতে॥ 12-339-4 (79249)
স্রবন্তি ন নিবর্তন্তে স্রোতাংসি সরিতামিব।
আয়ুরাদায় মর্ত্যানাং রাত্র্যহানি পুনঃ পুনঃ॥ 12-339-5 (79250)
ব্যত্যযো হ্যযমত্যন্তং পক্ষয়োঃ শুক্লকৃষ্ণয়োঃ।
জাতান্মর্ত্যাঞ্জরয়তি নিমেষান্নাবতিষ্ঠতে॥ 12-339-6 (79251)
সুখদুঃখানি ভূতানামজরো জরয়ত্যসৌ।
আদিত্যো হ্যস্তমভ্যেতি পুনঃ পুনরুদেতি চ॥ 12-339-7 (79252)
অদৃষ্টপূর্বানাদায় ভাবানপরিশঙ্কিতান্।
ইষ্টানিষ্টান্মনুষ্যাণামস্তং গচ্ছন্তি রাত্রয়ঃ॥ 12-339-8 (79253)
যোয়দিচ্ছেদ্যথাকামময়ত্নাচ্চ তদাপ্নুয়াৎ।
যদি স্যান্ন পরাধীনং পুরুষস্য ক্রিয়াফলম্॥ 12-339-9 (79254)
সংয়তাশ্চ হি দক্ষাশ্চ মতিমন্তশ্চ মানবাঃ।
দৃশ্যন্তে নিষ্ফলাঃ সন্তঃ প্রহীণাঃ সর্বকর্মভিঃ॥ 12-339-10 (79255)
অপরে বালিশাঃ সন্তো নির্গুণাঃ পুরুষাধমাঃ।
অশুভৈরপি সংয়ুক্তা দৃশ্যন্তে সর্বকামিনঃ॥ 12-339-11 (79256)
ভূতানামপরঃ কশ্চিদ্ধিংসায়াং সততোত্থিতঃ।
বঞ্চনায়াং চ লোকস্য স সুখেষ্বেব জীর্যতে॥ 12-339-12 (79257)
অচেষ্টমানমাসীনং শ্রীঃ কংচিদুপতিষ্ঠতে।
কশ্চিৎকর্মানুসৃত্যান্যো নাপ্রাপ্যমধিগচ্ছতি॥ 12-339-13 (79258)
অপরাধং সমাচক্ষ্ব পুরুষস্য স্বভাবতঃ।
শুক্রমন্যত্র সংভূতং পুনরন্যত্র গচ্ছতি॥ 12-339-14 (79259)
তস্য যোনৌ প্রসক্তস্য গর্ভো ভবতি বা ন বা।
আম্রপুষ্পোপমা যস্য নির্বৃত্তিরুপলভ্যতে॥ 12-339-15 (79260)
কেষাংচিৎপুত্রকামানামনুসন্তানমিচ্ছতাম্।
সিদ্ধৌ প্রয়তমানানাং ন চাণ্ডমুপজায়তে॥ 12-339-16 (79261)
গর্ভাচ্চোদ্বিজমানানাং ক্রুদ্ধাদাশীবিষাদিব।
আয়ুষ্মাঞ্জায়তে পুত্রঃ কথং প্রেতঃ পিতেব হ॥ 12-339-17 (79262)
দেবানিষ্ট্বা তপস্তপ্ৎবা কৃপণৈঃ পুত্রগৃদ্ধিভিঃ।
দশ মাসান্পরিধৃতা জায়ন্তে কুলপাংসনাঃ॥ 12-339-18 (79263)
অপরে ধনধান্যানি ভোগাংশ্চ পিতৃসংচিতান্।
বিপুলানভিজায়ন্তে লব্ধাস্তৈরেব মঙ্গলৈঃ॥ 12-339-19 (79264)
অন্যোন্যং সমভিপ্রেত্য মৈথুনস্য সমাগমে।
উপদ্রব ইবাবিষ্টো যোনিং গর্ভঃ প্রপদ্যতে॥ 12-339-20 (79265)
শীর্ণং পরশরীরাণি চ্ছিন্নবীজং শরীরিণম্।
প্রাণিনং প্রাণংসরোধে মাংসশ্লেষ্মবিচেষ্টিতম্॥ 12-339-21 (79266)
নির্দগ্ধং পরদেহেঽপি পরদেহং চলাচলম্।
বিনশ্যন্তং বিনাশান্তে ভাবি নাবমিবাহিতম্॥ 12-339-22 (79267)
সঙ্গত্যা জঠরে ন্যস্তং রেতোবিন্দুমচেতনম্।
কেন যত্নেন জীবন্তং গর্ভং ৎবমিহ পশ্যসি॥ 12-339-23 (79268)
অন্নপানানি জীর্যন্তে যত্র ভক্ষাশ্চ ভক্ষিতাঃ।
তস্মিন্নেবোদরে গর্ভঃ কিং নান্নমিব জীর্যতে॥ 12-339-24 (79269)
গর্ভে মূত্রপুরীষাণাং স্বভাবনিয়তা গতিঃ।
ধারণে বা বিসর্গে বা ন কর্তা বিদ্যতেঽবশঃ॥ 12-339-25 (79270)
স্রবন্তি হ্যুদরাদ্গর্ভা জায়মানাস্তথা পরে।
আগমেন তথাঽন্যেষাং বিনাশ উপপদ্যতে॥ 12-339-26 (79271)
এতস্মাদ্যোনিসংবন্ধাদ্যো জীবঃ পরিমুচ্যতে।
প্রজাং চ লভতে কাংচিৎপুনর্দ্বন্দ্বেষু সজ্জতি॥ 12-339-27 (79272)
স তস্য সহজাতস্য সপ্তমীং নবমীং দশাম্।
প্রাপ্নুবন্তি ততঃ পঞ্চ ন ভবন্তি শতায়ুষঃ॥ 12-339-28 (79273)
নাভ্যুত্থানে মনুষ্যাণাং যোগাঃ স্যুর্নাত্র সংশয়ঃ॥
ব্যাধিভিশ্চ বিমথ্যন্তে ব্যাধৈঃ ক্ষুদ্রমৃগা ইব॥ 12-339-29 (79274)
ব্যাধিভির্ভক্ষ্যমাণানাং ত্যজতাং বিপুলং ধনম্।
বেদনাং নাপকর্ষন্তি যতমানাশ্চিকিৎসকাঃ॥ 12-339-30 (79275)
তে চাপি নিপুণা বৈদ্যাঃ কুশলাঃ সংভৃতৌষধাঃ।
ব্যাধিভিঃ পরিকৃষ্যন্তে মৃগা ব্যাধৈরিবার্দিতাঃ॥ 12-339-31 (79276)
তে পিবন্তঃ কষায়াংশ্চ সর্পীষি বিবিধানি চ।
দৃশ্যন্তে জরয়া ভগ্না নগা নাগৈরিবোত্তমৈঃ॥ 12-339-32 (79277)
কে বা ভুবি চিকিৎসন্তে রোগার্তান্মৃগপক্ষিণঃ।
শ্বাপদানি দরিদ্রাংশ্চ প্রায়ো নার্তা ভবন্তি তে॥ 12-339-33 (79278)
পৌরানপি দুরাধর্ষান্নৃপতীনুগ্রতেজসঃ।
আক্রম্য খাদন্তে রোগাঃ পশূন্পশুপচা ইব॥ 12-339-34 (79279)
ইতি লোকমনাক্রন্দং মোহশোকপরিপ্লুতম্।
স্রোতসা সহসা ক্ষিপ্তং হ্রিয়মাণং বলীয়সা॥ 12-339-35 (79280)
ন ধনেন ন রাজ্যেন নোগ্রেণ তপসা তথা।
স্বভাবমতিবর্তন্তে যে নিয়ুক্তাঃ শরীরিণঃ॥ 12-339-36 (79281)
ন ম্রিয়েরন্ন জীর্যেরন্সর্বে স্যুঃ সর্বকামিনঃ।
নাপ্রিয়ং প্রতিপশ্যেয়ুরুত্থানস্য ফলে সতি॥ 12-339-37 (79282)
উপর্যুপরি লোকস্য সর্বো ভবিতুমীহতে।
যততে চ যথাশক্তি ন চ তদ্বর্ততে তথা॥ 12-339-38 (79283)
ঐশ্বর্যমদমত্তাংশ্চ মত্তান্মদ্যমদেন চ।
অপ্রমত্তাশ্চ শূরাশ্চ বিক্রান্তাঃ পর্যুপাসতে॥ 12-339-39 (79284)
ক্লেশাঃ প্রতিনিবর্তন্তে কেষাংচিদসমীক্ষিতাঃ।
স্বংস্বং ন পুনরন্যেষাং ন কিংচিদধিগম্যতে॥ 12-339-40 (79285)
মহচ্চ ফলবৈপম্যং দৃশ্যতে কর্মসিদ্ধিষু।
বহন্তি শিবিকামন্যে যান্ত্যন্যে শিবিকাগতাঃ॥ 12-339-41 (79286)
সর্বেষামৃদ্ধিকামানামন্যে রথপুরঃসরাঃ।
মনুজাশ্চ গতস্ত্রীকাঃ শতশো বিবিধাঃ স্ত্রিয়ঃ॥ 12-339-42 (79287)
দ্বন্দ্বারামেষু ভূতেষু গচ্ছন্ত্যেকৈকশো নরাঃ।
ইদমন্যৎপরং পশ্য মাঽত্র মোহং করিষ্যসি॥ 12-339-43 (79288)
ত্যজ ধর্মমধর্মং চ উভে সত্যানৃতে ত্যজ।
উভে সত্যানৃতে ত্যক্ৎবা যেন ত্যজসি তং ত্যজ॥ 12-339-44 (79289)
এতত্তে পরমং গুহ্যমাখ্যাতমৃষিসত্তম।
যেন দেবাঃ পরিত্যজ্য মর্ত্যলোকং দিবং গতাঃ॥ 12-339-45 (79290)
নারদস্য বচঃ শ্রুৎবা শুকঃ পরমবুদ্ধিমান্।
সংচিন্ত্য মনসা ধীরো নিশ্চয়ং নাধ্যগচ্ছত॥ 12-339-46 (79291)
পুত্রদারৈর্মহান্ক্লেশো বিদ্যাম্নায়ে মহাঞ্ছ্রমঃ।
কিংনু স্যাচ্ছাশ্বতং স্থানমল্পক্লেশং মহোদয়ম্॥ 12-339-47 (79292)
ততো মুহূর্তং সংচিন্ত্য নিশ্চিতাং গতিমাত্মনঃ।
পরাবরজ্ঞো ধর্মস্য পরাং নৈঃশ্রেয়সীং গতিম্॥ 12-339-48 (79293)
কথং ৎবহমসংশ্লিষ্টো গচ্ছেয়ং গতিমুত্তমাম্।
নাবর্তেয়ং যথা ভূয়ো যোনিসংসারসাগরে॥ 12-339-49 (79294)
পরং ভাবং হি কাঙ্ক্ষামি যত্র নাবর্ততে পুনঃ।
সর্বসঙ্গান্পরিত্যজ্য নিশ্চিতো মনসা গতিম্॥ 12-339-50 (79295)
তত্র যাস্যামি যত্রাত্মা শর্ম মেঽধিগমিষ্যতি।
অক্ষয়শ্চাব্যযশ্চৈব যত্র স্থাস্যামি শাশ্বতঃ॥ 12-339-51 (79296)
ন তু যোগমৃতে শক্ত্যা প্রাপ্নুয়াং পরমাং গতিম্।
অনুবন্ধো বিমুক্তস্য কর্মভির্নোপপদ্যতে॥ 12-339-52 (79297)
যস্মাদ্যোগং সমাস্থায় ত্যক্ৎবা গৃহকলেবরম্।
বায়ুভূতঃ প্রবেক্ষ্যামি তেজোরাশিং দিবাকরম্॥ 12-339-53 (79298)
ন হ্যেপ ক্ষয়তাং যাতি সোমঃ সুরগণৈর্যথা।
কম্পিতঃ পততে ভূমিং পুনশ্চৈবাধিরোহতি॥ 12-339-54 (79299)
ক্ষীয়তে হি সদা সোমঃ পুনশ্চৈবাভিপূর্যতে।
নেচ্ছাম্যেবং বিদিৎবৈতে হ্রাসবৃদ্ধী পুনঃ পুনঃ॥ 12-339-55 (79300)
রবিস্তু সংতাপয়তে লোকান্রশ্মিভিরুল্বণৈঃ।
সর্বতস্তেজ আদত্তে নিত্যমক্ষয়মণ্ডলঃ॥ 12-339-56 (79301)
অতো মে রোচতে গন্তুমাদিত্যং দীপ্ততেজসম্।
অত্র বৎস্যামি দুর্ধর্ষো নিঃসঙ্গেনান্তরাত্মনা॥ 12-339-57 (79302)
সূর্যস্যর সদনে চাহং নিক্ষিপ্যেদং কলেবরম্।
ঋষিভিঃ সহ বৎস্যামি সৌরং তেজোঽতিদুঃসহং॥ 12-339-58 (79303)
আপৃচ্ছামি নগান্নাগান্গিরীনুর্বী দিশো দশ।
দেবদানবগন্ধর্বান্পিশাচোরগরাক্ষসান্॥ 12-339-59 (79304)
লোকেষু সর্বভূতানি প্রবেক্ষ্যামি ন সংশয়ঃ।
পশ্যন্তু যোগবীর্যং মে সর্বে দেবাঃ সহর্ষিভিঃ॥ 12-339-60 (79305)
অথানুজ্ঞাপ্য তমৃষিং নারদং লোকবিশ্রুতম্।
তস্মাদনুজ্ঞাং সংপ্রাপ্য জগাম পিতরং প্রতি॥ 12-339-61 (79306)
সোঽভিবাদ্য মহাত্মানং কৃষ্ণদ্বৈপায়নং মুনিম্।
শুকঃ প্রদক্ষিণং কৃৎবা কৃষ্ণমাপৃষ্টবান্মুনিম্॥ 12-339-62 (79307)
শ্রুৎবা চর্ষিস্তদ্বচনং শুকস্য
প্রীতো মহাত্মা পুনরাহ চৈনম্।
ভোভো পুত্র স্থীয়তাং তাবদদ্য
যাবচ্চক্ষুঃ প্রীণয়ামি ৎবদর্থে॥ 12-339-63 (79308)
নিরপেক্ষঃ শুকো ভূৎবা নিঃস্নেহো মুক্তসংশয়ঃ।
মোক্ষমেবানুসংচিন্ত্য গমনায় মনো দধে॥ 12-339-64 (79309)
পিতরং স পরিত্যজ্য জগাম মুনিসত্তমঃ।
কৈলাসপৃষ্ঠং বিপুলং সিদ্ধসঙ্ঘনিষেবিতম্॥ ॥ 12-339-65 (79310)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনচৎবারিংশদধিকত্রিশততমোঽধ্যায়ঃ॥ 339॥
Mahabharata - Shanti Parva - Chapter Footnotes
12-339-1 বিপর্যাসঃ সুখে দুঃখধীর্দুঃখে সুখধীঃ॥ 12-339-4 বিধিৎসাভিঃ পিপাসাভিস্তৃষ্ণাভিঃ॥ 12-339-6 ব্যত্যযঃ পৌর্বাপর্যম্॥ 12-339-11 অশীর্ভিরপ্যসংয়ুক্তাঃ ইতি ধ. পাঠঃ॥ 12-339-13 কর্মী কর্মানুসৃত্যান্য ইতি থ. পাঠঃ। কশ্চিচ্চ কর্ম কুর্বন্হি নাপ্রাপ্যমিতি ধ. পাঠঃ॥ 12-339-17 কথং প্রেত্য ইবাভবদিতি ঝ. পাঠঃ॥ 12-339-27 যো বীজং পরিমুচ্যত ইতি ঝ. পাঠঃ॥ 12-339-28 সহজাতস্য জন্মাদ্যন্তাং তু বৈ দশামিতি ধ. পাঠঃ। ন ভবন্তি গতায়ুষ ইতি ঝ. পাঠঃ॥ 12-339-29 রোগাঃ স্যুরিতি ধ. পাঠঃ। যোগাঃ সামর্থ্যানি॥ 12-339-33 কে বাহুর্বিচিকিৎসন্তে ইতি ট. ধ. পাঠঃ॥ 12-339-34 ধীরানপি দুরাধর্ষানিতি ধ. পাঠঃ॥ 12-339-35 অনাকন্দং বেদনয়া মূঢম্॥ 12-339-36 স্বভাবান্নাতিবর্তন্তে যে নিয়ুক্তাঃ শরীরিষ্বিতি ট. থ. ধ. পাঠঃ॥ 12-339-37 উত্থানস্য ফলং প্রতি ইতি থ. ধ. পাঠঃ॥ 12-339-40 স্বংস্বং চ পুনরন্যেষামিতি ঝ. পাঠঃ॥ 12-339-42 গতশ্রীকা ইতি ট. পাঠঃ॥ 12-339-49 অসংশ্লিষ্টঃ সর্বোপাধিনির্মুক্তঃ॥ 12-339-52 শক্যা প্রাপ্তুং সা পরমা গতিরিতি থ. পাঠঃ। অববন্ধো হি যুক্তস্যেতি থ. পাঠঃ॥শান্তিপর্ব - অধ্যায় 340
॥ শ্রীঃ ॥
12.340. অধ্যায়ঃ 340
Mahabharata - Shanti Parva - Chapter Topics
শুকেন কৈলাসশিখরাদন্তরিক্ষোৎপতনম্॥ 1॥ শুকেনাত্মানমবলোকয়তো দেবান্প্রতি ব্যাসেন শুকেত্যাক্রোশে তংপ্রতিপ্রতিবচনচোদনা॥ 2॥Mahabharata - Shanti Parva - Chapter Text
12-340-0 (79311)
ভীষ্ম উবাচ। 12-340-0x (6558)
গিরিশৃঙ্গং সমারুহ্য সুতো ব্যাসস্য ভারত।
সমে দেশে বিবিক্তে স নিঃশলাক উপাবিশৎ॥ 12-340-1 (79312)
ধারয়ামাস চাত্মানং যথাশাস্ত্রং যথাবিধি।
পাদপ্রভৃতিগাত্রেষু ক্রমেণ ক্রময়োগবিৎ॥ 12-340-2 (79313)
ততঃ স প্রাঙ্ভুখো বিদ্বানাদিত্যে নাচিরোদিতে।
পাণিপাদং সমাধায় বিনীতবদুপাবিশৎ॥ 12-340-3 (79314)
ন তত্র পক্ষিসংপাতো ন শব্দো নাপি দর্শনম্।
যত্র বৈয়াসকির্ধীমান্যোক্তুং সমুপচক্রমে॥ 12-340-4 (79315)
স দদর্শ তদাঽঽত্মানং সর্বসঙ্গবিনিঃসৃতম্।
প্রজহাস ততো হাসং শুকঃ সংপ্রেক্ষ্য তৎপরম্॥ 12-340-5 (79316)
স পুনর্যোগমাস্থায় মোক্ষমার্গোপলব্ধয়ে।
মহায়োগেশ্বরো ভূৎবা সোঽত্যক্রামদ্বিহায়সম্॥ 12-340-6 (79317)
ততঃ প্রদক্ষিণং কৃৎবা দেবর্ষি নারদং ততঃ।
নিবেদয়ামাস চ তং স্বং যোগং পরমর্ষয়ে॥ 12-340-7 (79318)
শুক উবাচ। 12-340-8x (6559)
দৃষ্টো মার্গঃ প্রবৃত্তোস্মি স্বস্তি তেঽস্তু তপোধন।
ৎবৎপ্রসাদাদ্গমিষ্যামি গতিমিষ্টাং মহাদ্যুতে॥ 12-340-8 (79319)
নারদেনাভ্যনুজ্ঞাতঃ শুকো দ্বৈপায়নাত্মজঃ।
অভিবাদ্য পুনর্যোগমাস্থায়াকাশমাবিশৎ॥ 12-340-9 (79320)
কৈলাসপৃষ্ঠাদুৎপত্য স পপাত দিবং তদা।
অন্তরিক্ষচরঃ শ্রীমান্ব্যাসপুত্রঃ সুনিশ্চিতঃ॥ 12-340-10 (79321)
তমুদ্যন্তং দ্বিজশ্রেষ্ঠং বৈনতেয়সমদ্যুতিম্।
দদৃশুঃ সর্বভূতানি মনোঽমারুতরংহসম্॥ 12-340-11 (79322)
ব্যবসায়েন লোকাংস্ত্রীন্সর্বান্সোঽথ বিচিন্তয়ন্।
আস্থিতো দিব্যমধ্বানং পাবকার্কসমপ্রভঃ॥ 12-340-12 (79323)
তমেকমনসং যান্তমব্যগ্রমকুতোভয়ম্।
দদৃশুঃ সর্বভূতানি জঙ্গমানীতরাণি চ॥ 12-340-13 (79324)
যথাশক্তি যথান্যায়ং পূজয়াংচক্রিরে তদা।
পুষ্পবর্ষেশ্চ দিব্যৈস্তমলংচক্রুর্দিবৌকসঃ॥ 12-340-14 (79325)
তং দৃষ্ট্বা বিস্মিতাঃ সর্বে গন্ধর্বাপ্সরসাং গণাঃ।
ঋষয়শ্চৈব সংসিদ্ধাঃ পরং বিস্ময়মাগতাঃ॥ 12-340-15 (79326)
অন্তরিক্ষগতঃ কোঽয়ং তপসা সিদ্ধিমাগতঃ।
অধঃ কায়োর্ধ্ববক্রশ্চ নেত্রৈঃ সমতিবাহ্যতে॥ 12-340-16 (79327)
ততঃ পরমধর্মাত্মা ত্রিষু লোকেষু বিশ্রুতঃ।
ভাস্করং সমুদীক্ষন্স প্রাঙ্ভুখো বাগ্যতোঽগমৎ।
শব্দেনাকাশমখিলং পূরয়ন্নিব সর্বশঃ॥ 12-340-17 (79328)
তমাপতন্তং সহসা দৃষ্ট্বা সর্বাপ্সরোগণাঃ।
সংভ্রান্তমনসো রাজন্নাসন্পরমবিস্মিতাঃ।
পঞ্চচূডাপ্রভৃতয়ো ভৃশমুৎফুল্ললোচনাঃ॥ 12-340-18 (79329)
দৈবতং কতমং হ্যেতদুত্তমাং গতিমাস্থিতম্।
সুনিশ্চিতমিহায়াতি বিমুক্তমিব নিঃস্পৃহম্॥ 12-340-19 (79330)
ততঃ সমভিচক্রাম মলয়ং নাম পর্বতম্।
উর্বশী পূর্বচিত্তিশ্চ যং নিত্যমুপসেবতঃ॥ 12-340-20 (79331)
তস্য ব্রহ্মর্ষিপুত্রস্য বিস্ময়ং যয়তুঃ পরম্।
অহো বুদ্ধিসমাধানং বেদাভ্যাসরতে দ্বিজে॥ 12-340-21 (79332)
অচিরেণৈব কালেন নভশ্চরতি চন্দ্রবৎ।
পিতৃশুশ্রূষয়া বুদ্ধিং সংপ্রাপ্তোঽয়মনুত্তমাম্॥ 12-340-22 (79333)
পিতৃভক্তো দৃঢতপাঃ পিতুঃ সুদয়িতঃ সুতঃ।
অনন্যমনসা তেন কথং পিত্রা বিসর্জিতঃ॥ 12-340-23 (79334)
উর্বশ্যা বচনং শ্রুৎবা শুকঃ পরমধর্মবিৎ।
উদৈক্ষত দিশঃ সর্বা বচনে গতমানসঃ॥ 12-340-24 (79335)
সোঽন্তরিক্ষং মহীং চৈব সশৈলবনকাননাম্।
বিলোকয়ামাস তদা সরাংসি সরিতস্তথা॥ 12-340-25 (79336)
ততো দ্বৈপায়নসুতং বহুমানাৎসমন্ততঃ।
কৃতাঞ্জলিপুটাঃ সর্বা নিরীক্ষন্তে স্ম দেবতাঃ॥ 12-340-26 (79337)
অব্রবীত্তাস্তদা বাক্যং শুকঃ পরমধর্মবিৎ।
পিতা যদ্যনুগচ্ছেন্মাং ক্রোশমান শুকেতি বৈ॥ 12-340-27 (79338)
তস্য প্রতিবচো দেয়ং সর্বৈরেব সমাহিতৈঃ।
এতন্মে স্নেহনঃ সর্বে বচনং কর্তুমর্হথ॥ 12-340-28 (79339)
শুকস্য বচন শ্রুৎবা দিশঃ সজলকাননাঃ।
সমুদ্রাঃ সরিতঃ শৈলাঃ প্রত্যূচুস্তং সমন্ততঃ॥ 12-340-29 (79340)
যথা জ্ঞাপয়সে বিপ্র বাঢমেবং ভবিষ্যতি।
ঋষের্ব্যাহরতো বাক্যং প্রতিবক্ষ্যামহে বয়ম্॥ ॥ 12-340-30 (79341)
ইতি শ্রীমন্মহাভারতে শান্তিপর্বণি মোক্ষধর্মপর্বণি চৎবারিংশদধিকত্রিশততমোঽধ্যায়ঃ॥ 340॥
Mahabharata - Shanti Parva - Chapter Footnotes
12-340-1 নিঃশলাকে নিস্তৃণে॥ 12-340-16 অধঃকায়াৎ ঊর্ধ্বং বকং যস্য। সূর্যে দত্তদৃষ্টিরতঃ স্বদেহস্যাধোভাগং ন পশ্যতীত্যর্থঃ॥শান্তিপর্ব - অধ্যায় 341
॥ শ্রীঃ ॥
12.341. অধ্যায়ঃ 341
Mahabharata - Shanti Parva - Chapter Topics
অন্তরিক্ষাদ্গিরিশিখরে নিপতিতেন শুকেন তদ্বিভেদনপূর্বকং ততো নিষ্ক্রমণম্॥ 1॥ ততঃ পুত্রবিয়োগবিষপণস্য ব্যাসস্য রুদ্রেণ সমাশ্বাসনম্॥ 2॥Mahabharata - Shanti Parva - Chapter Text
12-341-0 (79342)
ভীষ্ম উবাচ। 12-341-0x (6560)
ইত্যেবমুক্ৎবা বচনং ব্রহ্মর্ষিঃ সুমহাতপাঃ।
প্রাতিষ্ঠত শুকঃ সিদ্ধিং হিৎবা দোষাংশ্চতুর্বিধান্॥ 12-341-1 (79343)
তমো হ্যষ্টগুণং হিৎবা জহৌ পঞ্চবিধং রজঃ।
ততঃ সৎবং জহৌ ধীমাংস্তদদ্ভুতমিবাভবৎ॥ 12-341-2 (79344)
ততস্তস্মিন্পদে নিত্যে নির্গুণে লিঙ্গবর্জিতে।
ব্রহ্মণি প্রত্যতিষ্ঠৎস বিধূমোঽগ্নিরিব জ্বলন্॥ 12-341-3 (79345)
উৎকাপাতা দিশাং দাহো ভূমিকম্পস্তথৈব চ।
প্রাদুর্ভূতাঃ ক্ষণে তস্মিংস্তদদ্ভুতমিবাভবৎ॥ 12-341-4 (79346)
দ্রুমাঃ শাখাশ্চ মুমুচুঃ শিখরাণি চ পর্বতাঃ।
নির্ঘাতশব্দৈর্গুরুভির্ভূমির্ব্যাদীর্যতেব হ॥ 12-341-5 (79347)
ন বভাসে সহস্রাংশুর্ন জজ্বাল চ পাবকঃ।
হ্রদাশ্চ সরিতশ্চৈব চুক্ষুভুঃ সাগরাস্তথা॥ 12-341-6 (79348)
ববর্ষ বাসবস্তোয়ং রসবচ্চ সুগন্ধি চ।
ববৌ সমীরণশ্চাপি দিব্যগন্ধবহঃ শুচিঃ॥ 12-341-7 (79349)
স শৃঙ্গেঽপ্রতিমে দিব্যে হিমবন্মেরুসংনিভে।
সংশ্লিষ্টে স্বতেপীতে দ্বে রুক্মরূপ্যময়ে শুভে॥ 12-341-8 (79350)
শতয়োজনবিস্তারে তির্যগূর্ধ্বং চ ভারত।
উদীচীং দিশমাস্থায় রুচিরে সংদদর্শ হ॥ 12-341-9 (79351)
সোঽবিশঙ্কেন মনসা তথৈবাভ্যপতচ্ছুকঃ॥ 12-341-10 (79352)
ততঃ পর্বতশৃঙ্গে দ্বে সহসৈব দ্বিধাকৃতে।
অদৃশ্যেতাং মহারাজ তদদ্ভুতমিবাভবৎ॥ 12-341-11 (79353)
ততঃ পর্বতশৃঙ্গাভ্যাং সহসৈব বিনিঃসৃতঃ।
ন চ প্রতিজঘানাস্য স গতিং পর্বতোত্তমঃ॥ 12-341-12 (79354)
ততো মহানভূচ্ছব্দো দিবি সর্বদিবৌকসাম্।
গন্ধর্বাণামৃষীণাং চ যে চ শৈলনিবাসিনঃ॥ 12-341-13 (79355)
দৃষ্ট্বা শুকমতিক্রান্তং পর্বতং চ দ্বিধা কৃতম্।
সাধুসাধ্বিতি তত্রাসীন্নাদঃ সর্বত্র ভারত॥ 12-341-14 (79356)
স পূজ্যমানো দেবৈশ্চ গন্ধর্বৈর্ঋশিভিস্তথা।
যক্ষরাক্ষসসঙ্ঘৈশ্চ বিদ্যাধরগণৈস্তথা॥ 12-341-15 (79357)
দিব্যৈঃ পুষ্পৈঃ সমাকীর্ণমন্তরিক্ষং সমন্ততঃ।
আসীৎকিল মহারাজ শুকাভিপতনে তদা॥ 12-341-16 (79358)
ততো মন্দাকিনীং রম্যামুপরিষ্টাদভিব্রজন্।
শুকো দদর্শ ধর্মাত্মা পুষ্পিতদ্রুমকাননাম্॥ 12-341-17 (79359)
তস্যাং ক্রীডন্ত্যভিরতাঃ স্নান্তি চৈবাপ্সরোগণাঃ।
শূন্যাকারং নিরাকারাঃ শুকং দৃষ্ট্বা বিবাসসঃ॥ 12-341-18 (79360)
তং প্রক্রামন্তমাজ্ঞায় পিতা স্নেহসমন্বিতঃ।
উত্তমাং গতিমাস্থায় পৃষ্ঠতোঽনুসসার হ॥ 12-341-19 (79361)
শুকস্তু মারুতাদূর্ধ্বং গতিং কৃৎবান্তরিক্ষগাম্।
দর্শয়িৎবা প্রভাবং স্বং সর্বভূতোঽভবত্তদা॥ 12-341-20 (79362)
মহায়োগগতিং ৎবগ্র্যাং ব্যাসোত্থায় মহাতপাঃ।
নিমেষান্তরমাত্রেণ শুকাভিপতনং যয়ৌ॥ 12-341-21 (79363)
স দদর্শ দ্বিধা কৃৎবা পর্বতাগ্রং শুকং গতম্।
শশংসুর্ঋষয়স্তত্র কর্ম পুত্রস্য তত্তদা॥ 12-341-22 (79364)
ততঃ শুকেতি দীর্ঘেণ শব্দেনাক্রন্দিতস্তদা।
স্বয়ং পিত্রা স্বরেণোচ্চৈস্ত্রীল্লোঁকাননুনাদ্য বৈ॥ 12-341-23 (79365)
শুকঃ সর্বগতো ভূৎবা সর্বাত্মা সর্বতোমুখঃ।
প্রত্যভাষত ধর্মাত্মা ভোঃশব্দেনানুনাদয়ন্॥ 12-341-24 (79366)
তত একাক্ষরং নাদং ভোরিত্যেব সমীরয়ন্।
প্রত্যাহরঞ্জগৎসর্বমুচ্চৈঃ স্থাবরজঙ্গমম্॥ 12-341-25 (79367)
ততঃপ্রভৃতি চাদ্যাপি শব্দানুচ্চারিতান্পৃথক্।
গিরিগহ্বরপৃষ্ঠেষু ব্যাহরন্তি শুকং প্রতি॥ 12-341-26 (79368)
অন্তর্হিতঃ প্রভাবং তু দর্শয়িৎবা শুকস্তদা।
গুণান্সংত্যজ্য শব্দাদীন্পদমভ্যগমৎপরম্॥ 12-341-27 (79369)
মহিমানং তু তং দৃষ্ট্বা পুত্রস্যামিততেজসঃ।
নিষসাদ গিরিপ্রস্থে পুত্রমেবানুচিন্তয়ন্॥ 12-341-28 (79370)
ততো মন্দাকিনীতীরে ক্রীডন্তোঽঽপ্সরসাং গণাঃ।
আসাদ্য তমৃষিং সর্বাঃ সংভ্রান্তা গতচেতসঃ॥ 12-341-29 (79371)
জলে নিলিল্যিরে কাশ্চিৎকাশ্চিদ্গুল্মান্প্রপেদিরে।
বসনান্যাদদুঃ কাশ্চিত্তং দৃষ্ট্বা মুনিসত্তমম্॥ 12-341-30 (79372)
তাং মুক্ততাং তু বিজ্ঞায় মুনিঃ পুত্রস্য বৈ তদা।
সক্ততামাত্মনশ্চৈব প্রীতোঽভূদ্বীডিতশ্চ হ॥ 12-341-31 (79373)
তং দেবগন্ধর্ববৃতো মহর্ষিগণপূজিতঃ।
পিনাকহস্তো ভগবানভ্যাগচ্ছত শংকরঃ॥ 12-341-32 (79374)
তমুবাচ মহাদেবঃ সান্ৎবপূর্বমিদং বচঃ।
পুত্রশোকাভিসংতপ্তং কৃষ্ণদ্বৈপায়নং তদা॥ 12-341-33 (79375)
অগ্নের্ভূমেরপাং বায়োরন্তরিক্ষস্য চৈব হ।
বীর্যেণ সদৃশঃ পুত্রঃ পুরা মত্তস্ৎবয়া বৃতঃ॥ 12-341-34 (79376)
স তথালক্ষণো জাতস্তপসা তব সংভৃতঃ।
মম চৈব প্রসাদেন ব্রহ্মতেজোময়ঃ শুচিঃ॥ 12-341-35 (79377)
স গতিং পরমাং প্রাপ্তো দুষ্প্রাপামজিতেন্দ্রিয়ৈঃ।
দৈবতৈরপি বিপ্রর্ষে তং ৎবং কিমনুশোচসি॥ 12-341-36 (79378)
যাবৎস্থাস্যন্তি গিরয়ো যাবৎস্থাস্যন্তি সাগরাঃ।
তাবত্তবাক্ষয়া কীর্তিঃ সপুত্রস্য ভবিষ্যতি॥ 12-341-37 (79379)
ছায়াং স্বপুত্রসদৃশীং সর্বতোঽনপগাং সদা।
দ্রক্ষ্যসে ৎবং চ লোকেঽস্মিন্মৎপ্রসাদান্মহামুনে॥ 12-341-38 (79380)
সোঽনুগীতো ভগবতা স্বয়ং রুদ্রেণ ভারত।
ছায়াং পশ্যন্পরাবৃত্তঃ স মুনিঃ পরয়া মুদা॥ 12-341-39 (79381)
ইতি জন্ম গতিশ্চৈব শুকস্য ভরতর্ষভ।
বিস্তরেণ সমাখ্যাতা যন্মাং ৎবং পরিপৃচ্ছসি॥ 12-341-40 (79382)
এতদাচষ্ট মে রাজন্দেবর্ষির্নারদঃ পুরা।
ব্যাসশ্চৈব মহায়োগী সংজল্পেষু পদেপদে॥ 12-341-41 (79383)
ইতিহাসমিমং পুণ্যং মোক্ষধর্মার্থসংহিতম্।
ধারয়েদ্যঃ শমপরঃ স গচ্ছেৎপরমাং গতিম্॥ ॥ 12-341-42 (79384)
ইতি শ্রীমন্মহাভারতে শান্তিপর্বণি মোক্ষধর্মপর্বণি একচৎবারিংশদধিকত্রিশততমোঽধ্যায়ঃ॥ 341॥
Mahabharata - Shanti Parva - Chapter Footnotes
12-341-1 সিদ্ধিং শ্রুৎবা দোষান্বহুপ্রিয়ানিতি ট. পাঠঃ॥ 12-341-5 নির্ঘাতশব্দৈর্গুরুভির্হিমবান্দীর্যতীব হেতি ঝ. ট. থ. পাঠঃ॥ 12-341-6 দিশশ্চ সরিতশ্চৈবেতি ধ. পাঠঃ। দ্গুমাশ্চ সরিতশ্চৈবেতি ট. পাঠঃ॥ 12-341-21 ব্যাস উত্থায়। সংধিরার্ষঃ॥ 12-341-23 ততঃ শুকেতি দীর্ঘেণ শৌক্ষ্যেণাক্রন্দিতং তথেতি ট. থ. পাঠঃ॥ 12-341-25 তত একাক্ষরাং বাচং ভো ইত্যেব সমীরয়দিতি থ. পাঠঃ॥ 12-341-30 বাসাংস্যাদদিরে কাশ্চিদিতি থ. পাঠঃ॥ 12-341-36 দুষ্প্রাপামকৃতাত্মভিরিতি ট. থ. পাঠঃ॥ 12-341-42 ধারয়েদ্যঃ স পরম ইতি ধ. পাঠঃ॥শান্তিপর্ব - অধ্যায় 342
॥ শ্রীঃ ॥
12.342. অধ্যায়ঃ 342
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি দৈবপিত্র্যকর্মানুষ্ঠানস্যাবশ্যকৎবপ্রতিপাদকনারদনানায়ণসংবাদানুবাদঃ॥ 1॥Mahabharata - Shanti Parva - Chapter Text
12-342-0 (79385)
যুধিষ্ঠির উবাচ। 12-342-0x (6561)
গৃহস্থো ব্রহ্মচারী বা বানপ্রস্থোঽথ ভিক্ষুকঃ।
য ইচ্ছেৎসিদ্ধিমাস্থাতুং দেবতাং কাং যজেত সঃ॥ 12-342-1 (79386)
কুতো হ্যস্য ধ্রুবঃ স্বর্গঃ কুতো নৈঃশ্রেয়সং পরম্।
বিধিনা কেন জুহুয়াদ্দৈবং পিত্র্যং তথৈব চ॥ 12-342-2 (79387)
মুক্তশ্চ কাং গতিং গচ্ছেন্মোক্ষশ্চৈব কিমাত্মকঃ।
স্বর্গতশ্চৈব কিং কুর্যাদ্যেন ন চ্যবতে দিবঃ॥ 12-342-3 (79388)
দেবতানাং চ কো দেবঃ পিতৄণাং চ পিতা তথা।
তস্মাৎপরতরং যচ্চ তন্মে ব্রূহি পিতামহ॥ 12-342-4 (79389)
ভীষ্ম উবাচ। 12-342-5x (6562)
গূঢং মাং প্রশ্নবিৎপ্রশ্নং পৃচ্ছসে ৎবমিহানঘ।
ন হ্যেতত্তর্কয়া শক্যং বক্তুং বর্ষশতৈরপি॥ 12-342-5 (79390)
ঋতে দেবপ্রসাদাদ্বা রাজঞ্জ্ঞানাগমেন বা।
গহনং হ্যেতদাখ্যানং ব্যাখ্যাতব্যং তবারিহন্॥ 12-342-6 (79391)
অত্রাপ্যুদাহরন্তীমমিতিহাসং পুরাতনম্।
নারদস্য চ সংবাদমৃষের্নারায়ণস্য চ॥ 12-342-7 (79392)
নারায়ণো হি বিশ্বাত্মা চতুর্মূর্তিঃ সনাতনঃ।
ধর্মাত্মজঃ সংবভূব পিতৈবং মেঽভ্যভাষত॥ 12-342-8 (79393)
কৃতে যুগে মহারাজ পুরা স্বায়ংভুবেঽন্তরে।
নরো নারায়ণশ্চৈব হরিঃ কৃষ্ণস্তথৈব চ॥ 12-342-9 (79394)
তেষাং নারায়ণনরৌ তপস্তেপতুরব্যযৌ।
বদর্যাশ্রমমাসাদ্য শকটে কনকাময়ে॥ 12-342-10 (79395)
অষ্টচক্রং হি তদ্যানং ভূতয়ুক্তং মনোরমম্।
তত্রাদ্যৌ লোকনাথৌ তৌ কৃশৌ ধমনিসংততৌ॥ 12-342-11 (79396)
তপসা তেজসা চৈব দুর্নিরীক্ষ্যৌ সুরৈরপি।
যস্য প্রসাদং কুর্বাতে স দেবৌ দ্রষ্টুমর্হতি॥ 12-342-12 (79397)
নূনং তয়োরনুমতে হৃদি হৃচ্ছপচোদিতঃ।
মহামেরোগিংরেঃ শৃঙ্গাৎপ্রত্যুতো গন্ধমাদনম্॥ 12-342-13 (79398)
নারদঃ সুমহদ্ভূতং সর্বলোকানচীচরৎ।
তং দেশমগমদ্রাজন্বদর্যাশ্রমমাশুগঃ॥ 12-342-14 (79399)
তয়োরাহ্নিকবেলায়াং তস্য কৌতূহলং ৎবভূৎ।
ইদং তদাস্পদং কৃৎস্নং যস্মিঁল্লোকাঃ প্রতিষ্ঠিতাঃ॥ 12-342-15 (79400)
সদেবাসুরগন্ধর্বাঃ সকিন্নরমহোরগাঃ।
একা মূর্তিরিয়ং পূর্বং জাতা ভূয়শ্চতুর্বিধা॥ 12-342-16 (79401)
ধর্মস্য কুলসংতানে ধর্মাদেভির্বিবর্ধিতঃ।
অহো হ্যনুগৃহীতোঽদ্য ধর্ম এভিঃ সুরৈরিহ॥ 12-342-17 (79402)
নরনারায়ণাভ্যাং চ কৃষ্ণেন হরিণা তথা।
অত্র কৃষ্ণো হরিশ্চৈব কস্মিংশ্চিৎকারণান্তরে॥ 12-342-18 (79403)
স্থিতৌ ধর্মসুতাবেতৌ তথা তপসি ধিষ্ঠিতৌ।
এতৌ হি পরমং ধাম কাঽনয়োরাহ্নিকক্রিয়া॥ 12-342-19 (79404)
পিতরৌ সর্বভূতানাং দৈবতং চ যশস্বিনৌ।
কাং দেবতাং তু যজতঃ পিতৄন্বা কান্মহামতী॥ 12-342-20 (79405)
ইতি সংচিন্ত্য মনসা ভক্ত্যা নারায়ণস্য তু।
সহসা প্রাদুরভবৎসমীপে দেবয়োস্তদা॥ 12-342-21 (79406)
কৃতে দৈবে চ পিত্র্যে চ ততস্তাভ্যাং নিরীক্ষিতঃ।
পূজিতশ্চৈব বিধিনা যথাপ্রোক্তেন শাস্ত্রতঃ॥ 12-342-22 (79407)
তদ্দৃষ্ট্বা মহদাশ্চর্যমপূর্বং বিধিবিস্তরম্।
উপোপবিষ্টঃ সুপ্রীতো নারদো ভগবানৃষিঃ॥ 12-342-23 (79408)
নারায়ণং সংনিরীক্ষ্য প্রসন্নেনান্তরাত্মনা।
নমস্কৃত্য মহাদেবমিদং বচনমব্রবীৎ॥ 12-342-24 (79409)
বেদেষু সপুরাণেষু সাঙ্গোপাঙ্গেষু গীয়সে।
ৎবমজঃ শাশ্বতো ধাতা মাতা মৃতমনুত্তমম্॥ 12-342-25 (79410)
প্রতিষ্ঠিতং ভূতভব্যং ৎবয়ি সর্বমিদং জগৎ।
চৎবারো হ্যাশ্রমা দেব সর্বে গার্হস্থ্যমূলকাঃ॥ 12-342-26 (79411)
যজন্তে ৎবামহরহর্নানামূর্তিসমাস্থিতম্।
পিতা মাতা চ সর্বস্য দেবতানাং চ শাশ্বতম্।
কং ৎবদ্য যজসে দেবং পিতরং কং ন বিদ্মহে॥ 12-342-27 (79412)
`কমর্চসি মহাভাগ তন্মে প্রব্রূহি পৃচ্ছতঃ॥' 12-342-28 (79413)
শ্রীভগবানুবাচ। 12-342-29x (6563)
অবাচ্যমেতদ্বক্তব্যমাত্মগুহ্যং সনাতনম্।
তব ভক্তিমতো ব্রহ্মন্বক্ষ্যামি তু যথাতথম্॥ 12-342-29 (79414)
যত্তৎসূক্ষ্মমবিজ্ঞেয়মব্যক্তমচলং ধ্রুবম্।
ইন্দ্রিয়ৈন্দ্রিয়ার্থৈশ্চ সর্বভূতৈশ্চ বর্জিতম্॥ 12-342-30 (79415)
স হ্যন্তরাত্মা ভূতানাং ক্ষেত্রজ্ঞশ্চেতি কথ্যতে।
ত্রিগুণব্যতিরিক্তো বৈ পুরুষশ্চেতি কল্পিতঃ॥ 12-342-31 (79416)
তস্মাদব্যক্তমুৎপন্নং ত্রিগুণং দ্বিজসত্তম।
অব্যক্তাব্যক্তভাবস্থা যা সা প্রকৃতিরব্যযা॥ 12-342-32 (79417)
তাং যোনিমাবয়োর্বিদ্ধি যোসৌ সদসদাত্মকঃ।
আবাভ্যাং পূজ্যতে যো হি দৈবে পিত্র্যে চ কল্প্যতে॥ 12-342-33 (79418)
নাস্তি তস্মাৎপরোঽন্যো হি পিতা দেবোঽথবা দ্বিজ।
আত্মা হি নৌ স বিজ্ঞেয়স্ততস্তং পূজয়াবহে॥ 12-342-34 (79419)
তেনৈষা প্রথিতা ব্রহ্মন্মর্যাদা লোকমাবিনী।
দৈবং পিত্র্যং চ কর্তব্যমিতি তস্যানুশাসনম্॥ 12-342-35 (79420)
ব্রহ্মা স্থাণুর্মনুর্দক্ষো ভৃগুর্ধর্মস্তথা যমঃ।
মরীচিরঙ্গিরাশ্চাত্রিঃ পুলস্ত্যঃ পুলহঃ ক্রতুঃ॥ 12-342-36 (79421)
বসিষ্ঠঃ পরমেষ্ঠী চ বিবস্বান্সোম এব চ।
কর্দমশ্চাপি যঃ প্রোক্তঃ ক্রোধো বিক্রীত এব চ॥ 12-342-37 (79422)
*একবিংশতিরুৎপন্নাস্তে প্রজাপতয়ঃ স্মৃতাঃ।
তস্য দেবস্য মর্যাদাং পূজয়ন্তঃ সনাতনীম্॥ 12-342-38 (79423)
দৈবং পিত্র্যং চ সততং তস্য বিজ্ঞায় তত্ৎবতঃ।
আত্মপ্রাপ্তানি চ ততো জানন্তি দ্বিজসত্তমাঃ॥ 12-342-39 (79424)
স্বর্গস্থা অপি যে কেচিত্তান্নমস্যন্তি দেহিনঃ।
তে তৎপ্রসাদাদ্গচ্ছন্তি তেনাদিষ্টফলাং গতিম্॥ 12-342-40 (79425)
যে হীনাঃ সপ্তদশভির্গুণৈঃ কর্মভিরেব চ।
কলাঃ পঞ্চদশ ত্যক্ৎবা তে মুক্তা ইতি নিশ্চয়ঃ॥ 12-342-41 (79426)
মুক্তানাং তু গতির্ব্রহ্মন্ক্ষেত্রজ্ঞ ইতি কল্পিতা।
স হি সর্বগতিশ্চৈব নির্গুণশ্চৈব কথ্যতে॥ 12-342-42 (79427)
দৃশ্যতে জ্ঞানয়োগেন আবাং চ প্রসৃতৌ ততঃ।
এবং জ্ঞাৎবা তমাত্মানং পূজয়াবঃ সনাতনম্॥ 12-342-43 (79428)
তং বেদাশ্চাশ্রমাশ্চৈব নানাতনুসমাশ্রিতম্।
ভক্ত্যা সংপূজয়ন্ত্যদ্য গতিং চৈষাং দদাতি সঃ॥ 12-342-44 (79429)
যে তু তদ্ভাবিতা লোকে হ্যেকান্তিৎবং সমাস্থিতাঃ।
এতদভ্যধিকং তেষাং যত্তে তং প্রবিশন্ত্যুত॥ 12-342-45 (79430)
ইতি গুহ্যসমুদ্দেশস্তব নারদ কীর্তিতঃ।
ভক্ত্যা প্রেম্ণা চ বিপ্রর্ষে অস্মদ্ভক্ত্যা চ তে শ্রুতঃ॥ ॥ 12-342-46 (79431)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বিচৎবারিংশদধিকত্রিশততমোঽধ্যায়ঃ॥ 342॥
Mahabharata - Shanti Parva - Chapter Footnotes
12-342-3 কিং কুর্যাৎকথং ন চলতে দিব ইতি ধ. পাঠঃ॥ 12-342-5 অতিগূঢমিতি প্রশ্নমিতি ট. পাঠঃ। নহ্যেতদন্যথা শক্যমিতি ধ. পাঠঃ। তর্কয়া তক্রেণ আর্ষো লিঙ্গব্যত্যযঃ॥ 12-342-6 জ্ঞানাগমেন ঋতে বিনা॥ 12-342-8 চতস্রো মূর্তয়ো নরাদ্যাঃ॥ 12-342-17 ধর্মস্য মূলসংতানো মহানিতি বিবর্ধিত ইতি ধ. পাঠঃ॥ 12-342-19 স্থিতৌ ধর্মোত্তরৌ হ্যেতাবিতি ঝ. পাঠঃ॥ 12-342-25 সপুরাণেষু শাস্ত্রেষু চ মহামতিরিতি ধ. পাঠঃ। ধাতা বিধাতা মৃত্যুরুত্তম ইতি থ. পাঠঃ॥ 12-342-34 আত্মা হি নঃ স বিজ্ঞেয় ইতি ঝ. পাঠঃ॥ 12-342-35 তেনৈব স্থাপিতা ব্রহ্মন্নিতি থ. পাঠঃ॥শান্তিপর্ব - অধ্যায় 343
॥ শ্রীঃ ॥
12.343. অধ্যায়ঃ 343
Mahabharata - Shanti Parva - Chapter Topics
বদরীনারায়ণাভ্যনুজ্ঞাতেন নারদেন শ্বেতদ্বীপংপ্রতি গমনম্॥ 1॥ শ্বেতদ্বীপবর্ণনম্॥ 2॥ ভীষ্মেণ যুধিষ্ঠিরংপ্রতি নারদোদিতোপরিচরবসুচরিতানুবাদারম্ভঃ॥ 3॥ মরীচ্যাদিচিত্রশিখণ্ডিভির্নারায়ণানুগ্রহেণ স্বকৃতধর্মশাস্ত্রস্য বৃহস্পতৌ স্থাপনম্॥ 4॥Mahabharata - Shanti Parva - Chapter Text
12-343-0 (79432)
ভীষ্ম উবাচ। 12-343-0x (6564)
স এবমুক্তো দ্বিপদাং বরিষ্ঠো
নারায়ণেনোত্তমপূরুষেণ।
জগাদ বাক্যং দ্বিপদাং বরিষ্ঠং
নারায়ণং লোকহিতাধিবাসম্॥ 12-343-1 (79433)
নারদ উবাচ। 12-343-2x (6565)
যদর্থমাত্মপ্রভবেহ জন্ম
ৎবয়োত্তমং ধর্মগৃহে চতুর্ধা।
তৎসাধ্যতাং লোকহিতার্থমদ্য
গচ্ছামি দ্রষ্টুং প্রকৃতিং তবাদ্যাম্॥ 12-343-2 (79434)
বেদাঃ স্বধীতা মম লোকনাথ
তপ্তং তপো নানৃতমুক্তপূর্বম্।
পূজাং গুরূণাং সততং করোমি
পরস্য গুহ্যং ন তু ভিন্নপূর্বম্॥ 12-343-3 (79435)
গুপ্তানি চৎবারি যথাগমং মে
শত্রৌ চ মিত্রে চ সমোস্মি নিত্যম্।
তং চাদিদেবং সততং প্রপন্ন
একান্তভাবেন বৃণোভ্যজস্রম্॥ 12-343-4 (79436)
এভির্বিশেষৈঃ পরিশৃদ্ধসৎবঃ
কস্মান্ন পশ্যেয়মনন্তমীশম্।
তৎপারমেষ্ঠ্যস্য বচো নিশম্য
নারায়ণঃ শাশ্বতধর্মগোপ্তা॥ 12-343-5 (79437)
গচ্ছেতি তং নারদমুক্তবান্স
সংপূজয়িৎবা বিধিবৎক্রিয়াভিঃ।
ততো বিসৃষ্টঃ পরমেষ্ঠিপুত্রঃ
সোঽভ্যর্চয়িৎবা তমৃষিং পুরাণম্॥ 12-343-6 (79438)
খমুৎপপাতোত্তময়োগয়ুক্ত
স্ততোঽধিমেরৌ সহসা নিলিল্যে।
তত্রাবতস্থে চ মুনির্মুর্হুত
মেকান্তমাসাদ্য গিরেঃ স শৃঙ্ক্তে॥ 12-343-7 (79439)
আলোকয়ন্নুত্তরপশ্চিমেন
দদর্শ চাপ্যদ্ভুতমুক্তরূপম্।
ক্ষীরোদধের্যোত্তরতো হি দ্বীপঃ
শ্বেতঃ স নাম্না প্রথিতো বিশালঃ॥ 12-343-8 (79440)
মেরোঃ সহস্রৈঃ স হি যোজনানাং
দ্বাত্রিংশতোর্ধ্বং কবিভির্নিরুক্তঃ।
অনিন্দ্রিয়াশ্চানশনাশ্চ তত্র
নিষ্পন্দহীনাঃ সুসুগন্ধিনস্তে॥ 12-343-9 (79441)
শ্বেতাঃ পুমাংসো গতসর্বপাপা
শ্চক্ষুর্মুষঃ পাপকৃতাং নরাণাম্।
বজ্রাস্থিকায়াঃ সমমানোন্মানা
দিব্যাবয়বরূপাঃ শুভসারোপেতাঃ॥ 12-343-10 (79442)
ছত্রাকৃতিশীর্ষা মেঘৌঘনিনাদাঃ
সমমুষ্কচতুষ্কা রাজীবচ্ছদপাদাঃ।
ষষ্ঠ্যা দন্তৈর্যুক্তাঃ শুক্লৈরষ্টাভির্দংষ্ট্রাভির্যে
জিহ্বাভির্যে বিশ্ববক্রংলেলিহ্যন্তে সূর্যপ্রখ্যম্॥ 12-343-11 (79443)
দেবং ভক্ত্যা বিশ্বোৎপন্নং
যস্মাৎসর্বে লোকাঃ সংপ্রসূতাঃ।
সর্বগাত্রাশ্চ সূক্ষ্মাঃ সহাঙ্গকা
বেদা ধর্মা মুনয়ঃ শান্তা দেবাঃ
সর্বে তস্য নিসর্গ ইতি॥ 12-343-12 (79444)
যুধিষ্ঠির উবাচ। 12-343-13x (6566)
অনিন্দ্রিয়া নিরাহারা অনিষ্পন্দাঃ সুগন্ধিনঃ।
কথং তে পুরুষা জাতাঃ কা তেষাং গতিরুত্তমা॥ 12-343-13 (79445)
যে চ মুক্তা ভবন্তীহ নরা ভরতসত্তম।
তেষাং লক্ষণমেতদ্ধি তচ্ছ্বেতদ্দ্বীপবাসিনাম্॥ 12-343-14 (79446)
তস্মান্মে সংশয়ং ছিন্ধি পরং কৌতূহলং হি মে।
ৎবং হি সর্বকথারামস্ৎবাং চৈবোপাশ্রিতা বয়ম্॥ 12-343-15 (79447)
ভীষ্ম উবাচ। 12-343-16x (6567)
বিস্তীর্ণৈষা কথা রাজঞ্শ্রুতা মে পিতৃসন্নিধৌ।
যৈষা তব হি বক্তব্যা কথাসারো হি সা মতা॥ 12-343-16 (79448)
`শন্তনোঃ কথয়ামাস নারদো মুনিসত্তমঃ।
রাজ্ঞা পৃষ্টঃ পুরা প্রাহ তত্রাহং শ্রুতবান্পুরা॥' 12-343-17 (79449)
রাজোপরিচরো নাম বভূবাধিপতির্ভুবঃ।
আখণ়্ডলসখঃ খ্যাতো ভক্তো নারায়ণং হরিং॥ 12-343-18 (79450)
ধার্মিকো নিত্যভক্তশ্চ পিতুর্নিত্যমতন্দ্রিতঃ।
সাম্রাজ্যং তেন সংপ্রাপ্তং নারায়ণবরাৎপুরা॥ 12-343-19 (79451)
সাৎবতং বিধিমাস্থায় প্রাক্সূর্যমুখনিঃসৃতম্।
পূজয়ামাস দেবেশং তচ্ছেষেণ পিতামহান্॥ 12-343-20 (79452)
পিতৃশেষেণ বিপ্রাংশ্চ সংবিভজ্যাশ্রিতাংশ্চ সঃ।
শেষান্নভুক্সত্যপরঃ সর্বভূতেষ্বহিংসকঃ॥ 12-343-21 (79453)
সর্বভাবেন ভক্তঃ স দেবদেবং জনার্দনম্।
অনাদিমধ্যনিধনং লোককর্তারমব্যযম্॥ 12-343-22 (79454)
তস্য নারায়ণে ভক্তিং বহতোঽমিত্রকর্শিনঃ।
একশয়্যাসনং দেবো দত্তবান্দেবরাট্ স্বয়ম্॥ 12-343-23 (79455)
আত্মরাজ্যং ধনং চৈব কলত্রং বাহনং তথা।
যত্তদ্ভাগবতং সর্বমিতি তৎপ্রেষিতং সদা॥ 12-343-24 (79456)
কাম্যনৈমিত্তিকা রাজন্যজ্ঞিয়াঃ পরমক্রিয়াঃ।
সর্বাঃ সাৎবতমাস্থায় বিধিং চক্রে সমাহিতঃ॥ 12-343-25 (79457)
পাঞ্চরাত্রবিদো মুখ্যাস্তস্য গেহে মহাত্মনঃ।
বরান্নং ভগবৎপ্রোক্তং ভুঞ্জতে বাঽগ্রভোজনম্॥ 12-343-26 (79458)
তস্য প্রশাসতো রাজ্যং ধর্মেণামিত্রঘাতিনঃ।
নানৃতা বাক্সমভবন্মনো দুষ্টং ন চাভবৎ।
ন চ কায়েন কৃতবান্স পাপং পরমণ্বপি॥ 12-343-27 (79459)
যে হি তে ঋষয়ঃ খ্যাতাঃ সপ্ত চিত্রশিখণ্ডিনঃ।
তৈরেকমতিভির্ভূৎবা যৎপ্রোক্তং শাস্ত্রমুত্তমম্॥ 12-343-28 (79460)
বেদৈশ্চতুর্ভিঃ সমিতং কৃতং মেরৌ মহাগিরৌ।
আস্যৈঃ সপ্তভিরুদ্গীর্ণং লোকধর্মমনুত্তমম্॥ 12-343-29 (79461)
মরীচিরত্র্যঙ্গিরসৌ পুলস্ত্যঃ পুলহঃ ক্রতুঃ।
বসিষ্ঠশ্চ মহাতেজাস্তে হি চিত্রশিখণ্ডিনঃ॥ 12-343-30 (79462)
সপ্ত প্রকৃতয়ো হ্যেতাস্তথা স্বায়ংভুবোঽষ্টমঃ।
এতাভির্ধার্যতে লোকস্তাভ্যাঃ শাস্ত্রং বিনিঃসৃতং॥ 12-343-31 (79463)
একাগ্রমনসো দান্তা মুনয়ঃ সংয়মে রতাঃ।
ভূতভব্যভবিষ্যজ্ঞাঃ সত্যধর্মপরায়ণাঃ॥ 12-343-32 (79464)
ইদং শ্রেয় ইদং ব্রহ্ম ইদং হিতমনুত্তমম্।
লোকান্সংচিন্ত্য মনসা ততঃ শাস্ত্রং প্রচক্রিরে॥ 12-343-33 (79465)
তত্র ধর্মার্থকামা হি মোক্ষঃ পশ্চাচ্চ কীর্তিতঃ।
মর্যাদা বিবিধাশ্চৈব দিবি ভূমৌ চ সংস্থিতাঃ॥ 12-343-34 (79466)
আরাধ্য তপসা দেবং হরিং নারায়ণং প্রভুম্।
দিব্যং বর্ষসহস্রং বৈ সর্বে তে ঋষিভিঃ সহ॥ 12-343-35 (79467)
নারায়ণানুশিষ্টা হি তদা দেবী সরস্বতী।
বিবেশ তানৃষীন্সর্বাল্লোঁকানাং হিতকাম্যযা॥ 12-343-36 (79468)
ততঃ প্রবর্তিতা সম্যক্তপোবিদ্ভির্দ্বিজাতিভিঃ।
শব্দে চার্থে চ হেতৌ চ এষা প্রথমসর্গজা॥ 12-343-37 (79469)
আদাবেব হি তচ্ছাস্ত্রমোংকারস্বরপূজিতম্।
ঋষিভিঃ শ্রাবিতং তত্র যত্র কারুণিকোহ্যসৌ॥ 12-343-38 (79470)
ততঃ প্রসন্নো ভগবাননির্দিষ্টশরীরগঃ।
ঋষীনুবাচ তান্সর্বানদৃশ্যঃ পুরুষোত্তমঃ॥ 12-343-39 (79471)
কৃতং শতসহস্রং হি শ্লোকানাং হিতমুত্তমম্।
লোকতন্ত্রস্য কৃৎস্নস্য যস্মাদ্ধর্মঃ প্রবর্ততে॥ 12-343-40 (79472)
প্রবৃত্তৌ চ নিবৃত্তৌ চ যস্মাদেতদ্ভবিষ্যতি।
যজুর্ঋক্সামভির্জুষ্টমথর্বাঙ্গিরসৈস্তথা॥ 12-343-41 (79473)
যথাপ্রমাণং হিং ময়া কৃতো ব্রহ্ম প্রসাদতঃ।
রুদ্রশ্চ ক্রোধজো বিপ্রা যূয়ং প্রকৃতয়স্তথা। 12-343-42 (79474)
সূর্যাচন্দ্রমসৌ বায়ুর্ভূমিরাপোঽগ্নিরেব চ।
সর্বে চ নক্ষত্রগণা যচ্চ ভূতাভিশব্দিতম্॥ 12-343-43 (79475)
অধিকারেষু বর্তন্তে যথাস্বং ব্রহ্মবাদিনঃ।
সর্বে প্রমাণং হি যথা তথা তচ্ছাস্ত্রমুত্তমম্॥ 12-343-44 (79476)
ভবিষ্যতি প্রমাণং বৈ এতন্মদনুশাসনম্।
তস্মাৎপ্রবক্ষ্যতে ধর্মান্মনুঃ স্বায়ংভুবঃ স্বয়ম্॥ 12-343-45 (79477)
উশনা বৃহস্পতিশ্চৈব যদোৎপন্নৌ ভবিষ্যতঃ।
তদা প্রবক্ষ্যতঃ শাস্ত্রং যুষ্মন্মতিভিরুদ্ধৃতম্॥ 12-343-46 (79478)
স্বায়ংভুবেষু ধর্মেষু শাস্ত্রে চোশনসা কৃতে।
বৃহস্পতিমতে চৈব লোকেষু প্রতিচারিতে॥ 12-343-47 (79479)
যুষ্মৎকৃতমিদং শাস্ত্রং প্রজাপালো বসুস্ততঃ।
বৃহস্পতিসকাশাদ্বৈ প্রাপ্স্যতে দ্বিজসত্তমাঃ॥ 12-343-48 (79480)
স হি মদ্ভাবনিরতো মদ্ভক্তশ্চ ভবিষ্যতি।
তেন শাস্ত্রেণ লোকেষু ক্রিয়াঃ সর্বাঃ করিষ্যতি॥ 12-343-49 (79481)
এতদ্ধি যুষ্মচ্ছাস্ত্রাণাং শাস্ত্রমুত্তমসংজ্ঞিতম্।
এতদর্থ্যং চ ধর্ম্যং চ রহস্যং চৈতদুত্তমম্॥ 12-343-50 (79482)
অস্য প্রবর্তনাচ্চৈব প্রজাবন্তো ভবিষ্যথ।
স চ রাজশ্রিয়া যুক্তো ভবিষ্যতি মহান্বসুঃ॥ 12-343-51 (79483)
সংস্থিতে তু নৃপে তস্মিঞ্শাস্ত্রমেতৎসনাতনম্।
অন্তর্ধাস্যতি তৎসর্বমেতদ্বঃ কথিতং ময়া॥ 12-343-52 (79484)
এতাবদুক্ৎবা বচনমদৃশ্যঃ পুরুষোত্তমঃ।
বিসৃজ্য তানৃষীন্সর্বান্কামপি প্রসৃতো দিশম্॥ 12-343-53 (79485)
ততস্তে লোকপিতরঃ সর্বলোকার্থচিন্তকাঃ।
প্রাবর্তয়ন্ত তচ্ছাস্ত্রং ধর্ময়োনিং সনাতনম্॥ 12-343-54 (79486)
উৎপন্নেঽঙ্গিরসে চৈব যুগে প্রথমকল্পিতে।
সাঙ্গোপনিষদং শাস্ত্রং স্থাপয়িৎবা বৃহস্পতৌ॥ 12-343-55 (79487)
জগ্মুর্যথেপ্সিতং সর্বলোকানাং সর্বধর্মপ্রবর্তকাঃ॥ ॥ 12-343-56 (79488)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিচৎবারিংশদধিকত্রিশততমোঽধ্যায়ঃ॥ 343॥
Mahabharata - Shanti Parva - Chapter Footnotes
12-343-2 জন্ম অবতারঃ। আদ্যাং মূর্তি শ্বেতদ্বীপস্থাম্॥ 12-343-4 চৎবারি পাণিপাদোদরোপস্থানি॥ 12-343-6 সংপূজয়িৎবাত্মবিধিকিয়াভিরিতি ঝ. পাঠঃ॥ 12-343-8 উত্তরপশ্চিমেন বায়ব্যকোণতঃ। যোত্তরতঃ যঃ উত্তরতঃ॥ 12-343-9 মেরুমূলাদ্বত্রিশৎসহস্রয়োজনার্দূর্ধ্বম্। সুগন্ধিঃ পরমাত্মা। সুগন্ধিং পুষ্টিবর্ধনমিতি মন্ত্রলিঙ্গাৎ। শোভনঃ সোঽস্ত্যেষাং ধ্যানগোচর ইতি সুসুগন্ধিনঃ॥ 12-343-10 শ্বেতাঃ শুদ্ধসৎবপ্রধানাঃ॥ 12-343-11 ছত্রাকৃতিশীর্ষা নির্মাংসগ্রীবৎবাৎ। সমং পীনৎবরহিতং মুষ্কৌ বৃষণৌ চতুষঅকমংসয়োঃ কঠ্যোশ্চান্তরালং চ মুষ্কচতুষ্কং বাহুচতুষ্কং বা। ষষ্ট্যা ষষ্টিসংখ্যৈর্দন্তৈরিব জগচ্চণকচর্বণক্ষমৈঃ সংবৎসরৈর্যুক্তাঃ। অষ্টৌ দিশঃ সর্বেপামাশ্রয়ভূতাস্তাভিশ্চ যুক্তাঃ। দেশকালৌ যেষাং মুখমধ্যে প্রবিষ্টাবিত্যর্থঃ। সূর্যেণ প্রখ্যায়তে স্ফুটীক্রিয়তে দিনমাসর্তুসংবৎসরাত্মা মহাকালস্তম্। বিশ্ববক্রং বিশ্বং বক্রে যস্য তাদৃশম্। জিহ্নাভিরিব স্বাঙ্গভূতাভী রসনাশক্তিভির্লেলিহ্যন্তে পায়সমিব লিহন্তি। ছত্রাকৃতিশীর্ষাণো মেঘৌঘস্তনিতসমনিনাদাঃ সমমুষ্কা রুচিরতরাশ্চতুর্মুষ্কাবর্জিতরক্ততলপাদাঃ ইতি ধ. পাঠঃ॥ 12-343-12 বিশ্বোৎপন্নং বিশ্বমুৎপন্নং যস্মাৎ। বেদাদয়স্তস্য নিসর্গঃ অয়ত্নরচিতাঃ॥ 12-343-16 কথাসারো হি স স্মৃত ইতি থ. পাঠঃ॥ 12-343-18 আখণ্ডলসম ইতি ধ. পাঠঃ॥ 12-343-19 সাৎবতং সাৎবতানাং পাঞ্চরাত্রাণাং হিতং। তচ্ছেষেণ বিষ্ণুশেষেণ॥ 12-343-21 পিতৄনৃষীংশ্চ বিপ্রাংশ্চেতি ধ. পাঠঃ॥ 12-343-26 প্রায়ণং ভগবৎপ্রোক্তমিতি ঝ. পাঠঃ॥ 12-343-29 বেদৈশ্চতুর্ভিঃ সহিতমিতি ধ. পাঠঃ॥ 12-343-34 মোক্ষপন্থাশ্চ কীর্তিত ইতি ধ. পাঠঃ॥ 12-343-54 ধর্মকামার্থচিন্তকা ইতি ধ. পাঠঃ॥শান্তিপর্ব - অধ্যায় 344
॥ শ্রীঃ ॥
12.344. অধ্যায়ঃ 344
Mahabharata - Shanti Parva - Chapter Topics
বৃহস্পতিনা উপরিচরবসোর্যাজনম্॥ 1॥ তত্র শ্রীহরিণা পরোক্ষতয়া ভাগগ্রহণাৎক্রুদ্ধং বৃহস্পতিংপ্রতি একতাদিভিঃ শ্বেতদ্বীপবর্ণনপূর্বকং ভগবন্মহিমোক্ত্যা পরিসান্ৎবনম্॥ 2॥Mahabharata - Shanti Parva - Chapter Text
12-344-0 (79489)
ভীষ্ম উবাচ। 12-344-0x (6568)
ততোঽতীতে মহাকল্পে উৎপন্নেঽঙ্গিরসঃ সুতে।
বভূবুর্নির্বৃতা দেবা জাতে দেবপুরোহিতে॥ 12-344-1 (79490)
বৃহদ্ব্রহ্ম মহচ্চেতি শব্দাঃ পর্যায়বাচকাঃ।
এভিঃ সমন্বিতো রাজন্গুণৈর্বিদ্বান্বৃহস্পতিঃ॥ 12-344-2 (79491)
তস্য শিষ্যো বভূবাগ্র্যো রাজোপরিচরো বসুঃ।
অধীতবাংস্তদা শাস্ত্রং সম্যক্চিত্রশিখণ্ডিজং॥ 12-344-3 (79492)
স রাজা ভাবিতঃ পূর্বং দৈবেন বিধিনা বসুঃ।
পালয়ামাস পৃথিবীং দিবমাখণ্ডলো যথা॥ 12-344-4 (79493)
তস্য যজ্ঞো মহানাসীদশ্বমেধো মহাত্মনঃ।
বৃহস্পতিরুপাধ্যায়স্তত্র হোতা বভূব হ॥ 12-344-5 (79494)
প্রজাপতিসুতাশ্চাত্র সদস্যাশ্চাভবংস্ত্রয়ঃ।
একতশ্চ দ্বিতশ্চৈব ত্রিতশ্চৈব মর্হষয়ঃ॥ 12-344-6 (79495)
ধনুষাখ্যোঽথ রৈভ্যশ্চ অর্বাবসুপরাবসূ।
ঋষির্মোধাতিথিশ্চৈব তাণ্ড্যশ্চৈব মহানৃষিঃ॥ 12-344-7 (79496)
ঋষিঃ শান্তির্মহাভাগস্তথা বেদশিরাশ্চ যঃ।
ঋষিশ্রেষ্ঠশ্চ কপিলঃ শালিহোত্রপিতা স্মৃতঃ॥ 12-344-8 (79497)
আদ্যঃ কঠস্তৈত্তিরিশ্চ বৈশম্পায়নপূর্বজঃ।
কণ্বোঽথ দেবহোত্রশ্চ এতে ষোডশ কীর্তিতাঃ॥ 12-344-9 (79498)
সংভূতাঃ সর্বসংভারাস্তস্মিন্রাজন্মহাক্রতৌ।
ন তত্র পশুঘাতোঽভূৎস রাজৈবং স্থিতোঽভবৎ॥ 12-344-10 (79499)
অহিংস্রঃ শুচিরক্ষুদ্রো নিরাশীঃ কর্মসংস্তুতঃ।
আরণ্যকপদোদ্ভূতা ভাগাস্তত্রোপকল্পিতাঃ॥ 12-344-11 (79500)
প্রীতস্ততোঽস্য ভগবান্দেবদেবঃ পুরাতনঃ।
সাক্ষাত্তং দর্শয়ামাস সোদৃশ্যোঽন্যেন কেনচিৎ॥ 12-344-12 (79501)
স্বয়ং ভাগমুপাঘ্রায় পুরোডাশং গৃহীতবান্।
অদৃশ্যেন হৃতো ভাগো দেবেন হরিমেধসা॥ 12-344-13 (79502)
বৃহস্পতিস্ততঃ ক্রুদ্ধঃ স্রুচমুদ্যম্য বেগিতঃ।
আকাশং ঘ্নন্স্রুচঃ পাতৈ রোষাদশ্রূণ্যবর্তয়ৎ॥ 12-344-14 (79503)
উবাচ চোপরিচরং ময়া ভাগোঽয়মুদ্যতঃ।
গ্রাহ্যঃ স্বয়ং হি দেবেন মৎপ্রত্যক্ষং ন সংশয়ঃ॥ 12-344-15 (79504)
উদ্যতা যজ্ঞভাগা হি সাক্ষাৎপ্রাপ্তাঃ সুরৈরিহ।
কিমর্থমিহ ন প্রাপ্তো দর্শনং মে হরির্নৃপ॥ 12-344-16 (79505)
ভীষ্ম উবাচ। 12-344-17x (6569)
ততঃ স তং সমুদ্ভূতং ভূমিপালো মহান্বসুঃ।
প্রসাদয়ামাস মুনিং সদস্যাস্তে চ সর্বশঃ॥ 12-344-17 (79506)
`হুতস্ৎবয়া বদানীহ পুরোডাশস্য যাবতী।
গৃহীতা দেবদেবেন মৎপ্রত্যক্ষং ন সংশয়ঃ॥ 12-344-18 (79507)
ইত্যেবমুক্তে বসুনা সরোষশ্চাব্রবীদ্গুরুঃ।
ন যজেয়মহং চাত্র পরিভূতস্ৎবয়া নৃপ॥ 12-344-19 (79508)
ৎবয়া পশুর্বারিতশ্চ কৃতঃ পিষ্টময়ঃ পশুঃ।
ৎবং দেবং পশ্যসে নিত্যং ন পশ্যেয়মহং কথম্॥ 12-344-20 (79509)
বসুরুবাচ। 12-344-21x (6570)
পশুহিংসা বারিতা চ যজুর্বেদাদিমন্ত্রতঃ।
অহং ন বারয়ে হিংসাং দ্রক্ষ্যাম্যেকান্তিকো হরিম্।
তস্মাৎকোপো ন কর্তব্যো ভবতা গুরুণা ময়ি॥ 12-344-21 (79510)
বসুমেবং ব্রুবাণং তু ক্রুদ্ধ এব বৃহস্পতিঃ।
উবাচ ঋৎবিজশ্চৈব কিং নঃ কর্মেতি বারয়ন্॥ 12-344-22 (79511)
অথৈকতো দ্বিতশ্চৈব ত্রিতশ্চৈব মহর্ষয়ঃ।'
ঊচুশ্চৈনমসংভ্রান্তা ন রোষং কর্তুমর্হসি॥ 12-344-23 (79512)
`শৃণু ৎবং বচনং পুত্র অস্মাভিঃ সমুদাহৃতম্।'
নৈষ ধর্মঃ কৃতয়ুগে যত্ৎবং রোষমিহাহিথাঃ॥ 12-344-24 (79513)
অরোষণো হ্যসৌ দেবো যস্য ভাগোঽয়মুদ্যতঃ।
ন শক্যঃ স ৎবয়া দ্রষ্টুমস্মাভির্বা বৃহস্পতে।
যস্য প্রসাদং কুরুতে স বৈ তং দ্রষ্টুমর্হতি॥ 12-344-25 (79514)
বয়ং হি ব্রহ্মণঃ পুত্রা মানসাঃ পরিকীর্তিতাঃ।
গতা নিঃশ্রেয়সার্থং হি কদাচিদ্দিশমুত্তরাম্॥ 12-344-26 (79515)
তপ্ৎবা বর্ষসহস্রাণি চৎবারি তপ উত্তমম্।
একপাদা স্থিতাঃ সম্যক্কাষ্ঠভূতাঃ সমাহিতাঃ॥ 12-344-27 (79516)
মেরোরুত্তরভাগে তু ক্ষীরোদস্যানুকূলতঃ।
স দেশো যত্র নস্তপ্তং তপঃ পরমদারুণম্॥ 12-344-28 (79517)
বরেণ্যং বরদং তং বৈ দেবদেবং সনাতনম্।
কথং পশ্যেমহি বয়ং দেবং নারায়ণং ৎবিতি॥ 12-344-29 (79518)
অথ ব্রতস্যাবভৃথে বাগুবাচাশরীরিণী।
স্নিগ্ধগম্ভীরয়া বাচা প্রহর্ষণকরী বিভো॥ 12-344-30 (79519)
সুতপ্তং বস্তপো বিপ্রাঃ প্রসন্নেনান্তরাত্মনা।
যূয়ং জিজ্ঞাসবো ভক্তাঃ কথং দ্রক্ষ্যথ তং বিভুম্॥ 12-344-31 (79520)
ক্ষীরোদধেরুত্তরতঃ শ্বেতদ্বীপো মহাপ্রভঃ।
তত্র নারায়ণপরা মানবাশ্চন্দ্রবর্চসঃ॥ 12-344-32 (79521)
একান্তভাবোপগতাস্তে ভক্তাঃ পুরুষোত্তমম্।
তে সহস্রার্চিষং দেবং প্রবিশন্তি সনাতনম্॥ 12-344-33 (79522)
অনিন্দ্রিয়া নিরাহারা অনিষ্পন্দাঃ সুগন্ধিনঃ।
একান্তিনস্তে পুরুষাঃ শ্বেতদ্বীপনিবাসিনঃ। 12-344-34ca গচ্ছধ্বং তত্র মুনয়স্তত্রাত্মা মে প্রকাশিতঃ॥ 12-344-34 (79523)
অথ শ্রুৎবা বয়ং সর্বে বাচং তামশরীরিণীম্।
যথাখ্যাতেন মার্গেণ তং দেশং প্রবিশেমহি॥ 12-344-35 (79524)
প্রাপ্য শ্বেতং মহাদ্বীপং তচ্চিত্তাস্তদ্দিদৃক্ষবঃ।
`সহসা হি গতাঃ সর্বে তেজসা তস্য মোহিতাঃ॥' 12-344-36 (79525)
ততোঽস্মদ্দৃষ্টিবিষয়স্তদা প্রতিহতোঽভবৎ।
ন চ পশ্যাম পুরুষং তত্তেজোহতদর্শনাঃ॥ 12-344-37 (79526)
ততো নঃ প্রাদুরভবদ্বিজ্ঞানং দেবয়োগজম্।
ন কিলাতপ্ততপসা শক্যতে দ্রষ্টমঞ্জসা॥ 12-344-38 (79527)
ততঃ পুনর্বর্ষশতং তপ্ৎবা তাৎকালিকং মহৎ।
ব্রতাবসানে চ শুভান্নরান্দদৃশিমো বময়্॥ 12-344-39 (79528)
শ্বেতাংশ্চন্দ্রপ্রতীকাশান্সর্বলক্ষণলক্ষিতান্।
নিত্যাঞ্জলিকৃতান্ব্রহ্ম জপতঃ প্রাগুদঙ্ভুখান্॥ 12-344-40 (79529)
মানসো নাম স জপো জপ্যতে তৈর্মহাত্মভিঃ।
তেনৈকাগ্রমনস্ৎবেন প্রীতো ভবতি বৈ হরিঃ॥ 12-344-41 (79530)
যাঽভবন্মুনিশার্দূল ভাঃ সূর্যস্য যুগক্ষয়ে।
একৈকস্য প্রভা তাদৃক্সাঽভবন্মানবস্য হ॥ 12-344-42 (79531)
তেজোনিবাসঃ স দ্বীপ ইতি বৈ মেনিরে বয়ম্।
ন তত্রাভ্যধিকঃ কশ্চিৎসর্বে তে সমতেজসঃ॥ 12-344-43 (79532)
অথ সূর্যসহস্রস্য প্রভাং যুগপদুত্থিতাম্।
সহসা দৃষ্টবন্তঃ স্ম পুনরেব বৃহস্পতে॥ 12-344-44 (79533)
সহিতাশ্চাভ্যধাবন্ত ততস্তে মানবা দ্রুতম্।
কৃতাঞ্জলিপুষ্টা হৃষ্টা নম ইত্যেব বাদিনঃ॥ 12-344-45 (79534)
ততো হি বদতাং তেষামশ্রৌষ্ম বিপুলং ধ্বনিম্।
বলিঃ কিলোপহ্রিয়তে তস্য দেবস্য তৈর্নরৈঃ॥ 12-344-46 (79535)
বয়ং তু তেজসা তস্য সহসা হৃতচেতসঃ।
ন কিংচিদপি পশ্যামো হতচক্ষুর্বলেন্দ্রিয়াঃ॥ 12-344-47 (79536)
একস্তু শব্দো বিততঃ শ্রুতোঽস্মাভিরুদীরিতঃ।
`আকাশং পূরয়ন্সর্বং শিক্ষাক্ষরসমন্বিতঃ॥ 12-344-48 (79537)
জিতং তে পুণ্ডরীকাক্ষ নমস্তে বিশ্বভাবন।
নমস্তেঽস্তু হৃষীকেশ মহাপুরুষ পূর্বজ।
ইতি শব্দঃ শ্রুতোঽস্মাভিঃ শিক্ষাক্ষরসমন্বিতঃ॥ 12-344-49 (79538)
এতস্মিন্নন্তরে বায়ুঃ সর্বগন্ধবহঃ শুচিঃ।
দিব্যান্যুবাহ পুষ্পাণি কর্মণ্যাশ্চৌষধীস্তথা॥ 12-344-50 (79539)
তৈরিষ্টঃ পঞ্চকালজ্ঞৈর্হরিরেকান্তিভির্নরৈঃ।
ভক্ত্যা পরময়া যুক্তৈর্মনোবাক্কর্মভিস্তদা॥ 12-344-51 (79540)
নূনং তত্রাগতো দেবো যথা তৈর্বাগুদীরিতা।
বয়ং ৎবেনং ন পশ্যামো মোহিতাস্তস্য মায়যা॥ 12-344-52 (79541)
মারুতে সন্নিবৃত্তে চ বলৌ চ প্রতিপাদিতে।
চিন্তাব্যাকুলিতাত্মানো জাতাঃ স্মোঙ্গিসাংবর॥ 12-344-53 (79542)
মানবানাং সহস্রেষু তেষু বৈ শুদ্ধয়োনিষু।
অস্মান্ন কশ্চিন্মনসা চক্ষুষা বাঽপ্যপূজয়ৎ॥ 12-344-54 (79543)
তেঽপি স্বস্থা মুনিগণা এক ভাবমনুব্রতাঃ।
নাস্মাসু দধিরে ভাবং ব্রহ্মভাবমনুষ্ঠিতাঃ॥ 12-344-55 (79544)
ততোঽস্মান্সুপরিশ্রান্তাংস্তপসা চাতিকর্শিতান্।
উবাচ স্বস্থং কিমপি ভূতং তত্রাশরীরকম্॥ 12-344-56 (79545)
দেব উবাচ। 12-344-57x (6571)
দৃষ্টা বঃ পুরুষাঃ শ্বেতাঃ সর্বেন্দ্রিয়বিবর্জিতাঃ।
দৃষ্টো ভবতি দেবেশ এভির্দৃষ্টৈর্দ্বিজোত্তমৈঃ॥ 12-344-57 (79546)
গচ্ছধ্বং মুনয়ঃ সর্বে যথাগতমিতোঽচিরাৎ।
ন স শক্যস্ৎবভক্তেন দ্রষ্টুং দেবঃ কথংচন॥ 12-344-58 (79547)
কামং কালেন মহতা একান্তিৎবমুপাগতৈঃ।
শক্যো দ্রষ্টুং স ভগবান্প্রভামণ্ডলদুর্দৃশঃ॥ 12-344-59 (79548)
মহৎকার্যং চ কর্তব্যং যুষ্মাভির্দ্বিজসত্তমাঃ।
ইতঃ কৃতয়ুগেঽতীতে বিপর্যাসং গতেঽপি চ॥ 12-344-60 (79549)
বৈবস্বতেঽন্তরে বিপ্রাঃ প্রাপ্তে ত্রেতায়ুগে পুনঃ।
সুরাণাং কার্যসিদ্ধ্যর্থং সহায়া বৈ ভবিষ্যথ॥ 12-344-61 (79550)
ততস্তদদ্ভুতং বাক্যং নিশম্যৈবামৃতোপমম্।
তস্য প্রসাদাৎপ্রাপ্তাঃ স্মো দেশমীপ্সিংতমঞ্জসা॥ 12-344-62 (79551)
এবং সুতপসা চৈব হব্যকব্যস্তৈথৈব চ।
দেবোঽস্মাভির্ন দৃষ্টঃ স কথং ৎবং দ্রষ্টুমর্হসি॥ 12-344-63 (79552)
নারায়ণো মহদ্ভূতং বিশ্বসৃগ্ঘব্যকব্যভুক্।
অনাদিনিধনোঽব্যক্তো দেবদানবপূজিতঃ॥ 12-344-64 (79553)
এবমেকতবাক্যেন দ্বিতত্রিতমতেন চ।
অনুনীতঃ সদস্যৈশ্চ বৃহস্পতিরুদারধীঃ।
সমাপয়ত্ততো যজ্ঞং দৈবতং সমপূজয়ৎ॥ 12-344-65 (79554)
সমাপ্তয়জ্ঞো রাজাঽপি প্রজাং পালিতবান্বসুঃ।
ব্রহ্মশাপাদ্দিবো ভ্রষ্টঃ প্রবিবেশ মহীং ততঃ॥ 12-344-66 (79555)
স রাজা রাজশার্দূল সত্যধর্মপরায়ণঃ।
অন্তর্ভূমিগতশ্চৈব সততং ধর্মবৎসলঃ॥ 12-344-67 (79556)
নারায়ণপরো ভূৎবা নারায়ণজপং জপন্।
তস্যৈব চ প্রসাদেন পুনরেবোত্থিতস্তু সঃ॥ 12-344-68 (79557)
মহীতলাদ্গতঃ স্থানং ব্রহ্মণঃ সমনন্তরম্।
পরাং গতিমনুপ্রাপ্ত ইতি নৈষ্ঠিকমঞ্জসা॥ ॥ 12-344-69 (79558)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে চতুশ্চৎবারিংশদধিকত্রিশততমোঽধ্যায়ঃ॥ 344॥
Mahabharata - Shanti Parva - Chapter Footnotes
12-344-31 ক্রুদ্ধং দ্রক্ষ্যথ তং প্রভুমিতি ধ. পাঠঃ॥ 12-344-34 অতীন্দ্রিয়া নিরাহারা ইতি ধ. পাঠঃ॥ 12-344-43 পুরুষব্যত্যয আর্ষঃ॥শান্তিপর্ব - অধ্যায় 345
॥ শ্রীঃ ॥
12.345. অধ্যায়ঃ 345
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি উপরিচরবসোঃ শাপপ্রাপ্তিতদ্বিমোচনপ্রকারকথনম্॥ 1॥Mahabharata - Shanti Parva - Chapter Text
12-345-0 (79559)
যুধিষ্ঠির উবাচ। 12-345-0x (6572)
যদা ভক্তো ভগবতি আসীদ্রাজা মহান্বসুঃ।
কিমর্থং স পরিভ্রষ্টো বিবেশ বিবরং ভুবঃ॥ 12-345-1 (79560)
ভীষ্ম উবাচ। 12-345-2x (6573)
অত্রাপ্যুদাহরন্তীমমিতিহাসং পুরাতনম্।
ঋষীণাং চৈব সংবাদং ত্রিদশানাং চ ভারত॥ 12-345-2 (79561)
`ইয়ং বৈ কর্মভূমিঃ স্যাৎস্বর্গো ভোগায় কল্পিতঃ।
তস্মাদিন্দ্রো মহীং প্রাপ্য যজনাপ তু দীক্ষিতঃ॥ 12-345-3 (79562)
সবনীয়পশোঃ কাল আগতে তু বৃহস্পতিঃ।
পিষ্টমানীয়তামত্র পশ্বর্থমিতি ভাষত॥ 12-345-4 (79563)
তচ্ছ্রুৎবা দেবতাঃ সর্বা ইদমূচুর্দ্বিজোত্তমম্।
বৃহস্পতিং মাংসগৃদ্ধাঃ পৃথক্পৃথগিদং পুনঃ॥' 12-345-5 (79564)
অজেন যষ্টব্যমিতি প্রাহুর্দেবা দ্বিজোত্তমান্।
স চ ছাগোপ্যজো জ্ঞেয়ো নান্যঃ পশুরিতি স্থিতিঃ॥ 12-345-6 (79565)
ঋষয় ঊচুঃ। 12-345-7x (6574)
বীজৈর্যজ্ঞেষু যষ্টব্যমিতি বৈ বৈদিকী শ্রুতিঃ।
অজসংজ্ঞানি বীজানি চ্ছাগং নো হন্তুমর্হথ॥ 12-345-7 (79566)
নৈষ ধর্মঃ সতাং দেবা যত্র বধ্যেত বৈ পশুঃ।
ইদং কৃতয়ুগং শ্রেষ্ঠং কথং বধ্যেত বৈ পশুঃ॥ 12-345-8 (79567)
ভীষ্ম উবাচ। 12-345-9x (6575)
তেষাং সংবদতামেবমৃষীণাং বিবুধৈঃ সহ।
মার্গাগতো নৃপশ্রেষ্ঠস্তং দেশং প্রাপ্তবান্বসুঃ॥ 12-345-9 (79568)
অন্তরিক্ষচরঃ শ্রীমান্সহস্রবলবাহনঃ।
তং দৃষ্ট্বা সহসাঽঽয়ান্তং বসুং তে ৎবন্তরিক্ষগম্॥ 12-345-10 (79569)
ঊচুর্দ্বিজাতয়ো দেবানেষ চ্ছেৎস্যতি সংশয়ম্।
যজ্বা দানপতিঃ শ্রেষ্ঠঃ সর্বভূতহিতপ্রিয়ঃ।
কথংস্বিদন্যথা ব্রূয়াদেষ বাক্যং মহান্বসুঃ॥ 12-345-11 (79570)
এবং তে সংবিদং কৃৎবা বিবুধা ঋষয়স্তথা।
অপৃচ্ছন্সহিতাঽভ্যেত্য বসুং রাজানমন্তিকাৎ॥ 12-345-12 (79571)
ভো রাজন্কেন যষ্টব্যমজেনাহোস্বিদৌষধৈঃ।
এতন্নঃ সংশয়ং ছিন্ধি প্রমাণং নো ভবান্মতঃ॥ 12-345-13 (79572)
স তান্কৃতাঞ্জলির্ভূৎবা পরিপপ্রচ্ছ বৈ বসুঃ।
কস্য বৈ কো মতঃ পক্ষো ব্রূত সত্যং দ্বিজোত্তমাঃ॥ 12-345-14 (79573)
ঋষয় ঊচুঃ। 12-345-15x (6576)
ধান্যৈর্যষ্টব্যমিত্যেব পক্ষোঽস্মাকং নরাধিপ।
দেবানাং তু পশুঃ পক্ষো মতো রাজন্বদস্ব নঃ॥ 12-345-15 (79574)
ভীষ্ম উবাচ। 12-345-16x (6577)
দেবানাং তু মতং জ্ঞাৎবা বসুনা পক্ষসংশ্রয়াৎ।
ছাগেনাজেন যষ্টব্যমেবমুক্তং বচস্তদা॥ 12-345-16 (79575)
কুপিতাস্তে ততঃ সর্বে মুনয়ঃ সূর্যবর্চসঃ।
ঊচুর্বসুং বিমানস্থং দেবপক্ষার্থবাদিনম্॥ 12-345-17 (79576)
সুরপক্ষো গৃহীতস্তে যস্মাত্তস্মাদ্দিবঃ পত।
অদ্যপ্রভৃতি তে রাজন্নাকাশে বিহতা গতিঃ॥ 12-345-18 (79577)
অস্মাচ্ছাপাভিঘাতেন মহীং ভিত্ৎবা প্রবেক্ষ্যসি।
` বিরুদ্ধং বেদসূত্রাণামুক্তং যদি ভবেন্নৃপ।
বয়ং বিরুদ্ধবচনা যদি তত্র পতামহে॥' 12-345-19 (79578)
ততস্তস্মিন্মুহূর্তেঽথ রাজোপরিচরস্তদা।
অধো বৈ সংবভূবাশু ভূমের্বিবরগো নৃপ॥ 12-345-20 (79579)
স্মৃতিস্ৎবেবং ন বিজহৌ তদা নারায়ণাজ্ঞয়া॥ 12-345-21 (79580)
দেবাস্তু সহিতাঃ সর্বে বমোঃ শাপবিমোক্ষণম্।
চিন্তয়ামাসুরব্যগ্রাঃ সুকৃতং হি নৃপস্য তৎ॥ 12-345-22 (79581)
অনেনাস্মৎকৃতে রাজ্ঞা শাপঃ প্রাপ্তো মহাত্মনা।
অস্য প্রতিপ্রিয়ং কার্যং সহিতৈর্নো দিবৌকসঃ॥ 12-345-23 (79582)
ইতি বুদ্ধ্যা ব্যবস্যাশু গৎবা নিশ্চয়মীশ্বরাঃ।
ঊচুঃ সংহৃষ্টমনসো রাজোপরিচরং তদা॥ 12-345-24 (79583)
ব্রহ্মণ্য দেবভক্তস্ৎবং সুরাসুরগুরুর্হরিঃ।
কামং স তব তুষ্টাত্মা কুর্যাচ্ছাপবিভোক্ষণম্॥ 12-345-25 (79584)
মাননা তু দ্বিজাতীনাং কর্তব্যা বৈ মহাত্মনাম্।
অবশ্যং তপসা তেষাং ফলিতব্যং নৃপোত্তম॥ 12-345-26 (79585)
যতস্ৎবং সহসা ভ্রষ্ট আকাশান্মেদিনীতলম্।
`বিরুদ্ধং বেদসূত্রাণাং ন বক্তব্যং হিতার্থিনা॥ 12-345-27 (79586)
অস্মৎপক্ষনিমিত্তেন ব্যসনং প্রাপ্তমীদৃশম্।'
একং ৎবনুগ্রহং তুভ্যং দদ্মো বৈ নৃপ্রসত্তম।
যাবত্ৎবং শাপদোষেণ কালমাসিপ্যসেঽনঘ॥ 12-345-28 (79587)
ভূমের্বিবরগো ভূৎবা তাবত্ৎবং কালমাপ্স্যসি।
যজ্ঞেষু সুহুতাং বিপ্রৈর্বসোর্ধারাং সমাহিতৈঃ॥ 12-345-29 (79588)
প্রাপ্স্যসেঽস্মদনুধ্যানান্মা চ ৎবাং গ্লানিরাবিশেৎ।
ন ক্ষুৎপিপাসে রাজেন্দ্র ভূমেশ্ছিদ্রে ভবিষ্যতঃ॥ 12-345-30 (79589)
বসোর্ধারামিপীতৎবাত্তেজসাঽঽপ্যায়িতেন চ।
স দেবোঽস্মদ্বরাৎপ্রীতো ব্রহ্মলোকং হি নেষ্যতি॥ 12-345-31 (79590)
এবং দত্ৎবা বরং রাজ্ঞে সর্বে তে চ দিবৌকসঃ।
ঋতুং সমাপ্য পিষ্টেন মুনীনাং বচনাত্তদা॥' 12-345-32 (79591)
গতাঃ ধমবনং দেবা ঋষগশ্চ তপোধনাঃ।
`গৃহীৎবা দক্ষিণাং সর্বে গতঃ স্বানাশ্রমান্পুনঃ॥ 12-345-33 (79592)
বসুং বিচিন্ত্য শক্রশ্চ প্রবিনেশামরাবতীম্।
বসুর্বিবরগস্তত্র ব্যলীকস্য ফলং গুরোঃ॥' 12-345-34 (79593)
চক্রে বসুস্ততঃ পূজাং বিষ্বক্সেনায় ভারত।
জপ্যং জগৌ চ সততং নারায়ণমুখোদ্গবম্॥ 12-345-35 (79594)
তত্রাপি পঞ্চভির্যজ্ঞৈঃ পঞ্চকালানরিংদম্।
অয়জদ্ধরিং সুরপতিং ভূমের্বিবরগোঽপি সন্॥ 12-345-36 (79595)
ততোঽস্য তুষ্টো ভগবান্ভক্ত্যা নারায়ণো হরিঃ।
অনন্যভক্তস্য সতস্তৎপরস্য জিতাত্মনঃ॥ 12-345-37 (79596)
বরদো ভগবান্বিষ্ণুঃ সমীপস্থং দ্বিজোত্তমম্।
গরুত্মন্তং মহাবেগমাবভাষেঽপ্সিতং তদা॥ 12-345-38 (79597)
দ্বিজোত্তম মহাভাগ পশ্যতাং বচনান্মম।
সম্রাড্রাজা বসুর্নাম ধর্মাত্মা সংশিতব্রতঃ॥ 12-345-39 (79598)
ব্রাহ্মণানাং প্রকোপেন প্রবিষ্টো বসুধাতলম্।
মানিতাস্তে তু বিপ্রেন্দ্রাস্ৎবং তু গচ্ছ দ্বিজোত্তম্॥ 12-345-40 (79599)
ভূমের্বিবরসংগুপ্তং গরুডেহ মমাজ্ঞয়া।
অধশ্চরং নৃপশ্রেষ্ঠং খেচরং কুরু মাচিরম্॥ 12-345-41 (79600)
গরুত্মানথ বিক্ষিপ্য পক্ষৌ মারুতবেগবান্।
বিবেশ বিবরং ভূমের্যত্রাস্তে বাগ্যতো বসুঃ॥ 12-345-42 (79601)
তত এনং সমুৎক্ষিপ্য সহসা বিনতাসুতঃ।
উৎপপাত নভস্তূর্ণং তত্র চৈনমমুঞ্চত॥ 12-345-43 (79602)
অস্মিন্মুহুর্তে সংজজ্ঞে রাজোপরিচরঃ পুনঃ।
সশরীরো গতশ্চৈব ব্রহ্মলোকং নৃপোত্তমঃ॥ 12-345-44 (79603)
এবং তেনাপি কৌন্তেয় বাগ্দোষাদ্দেবতাজ্ঞয়া।
প্রাপ্তা গতিরধস্তাত্তু দ্বিজশাপান্মহাত্মনা॥ 12-345-45 (79604)
কেবলং পুরুষস্তেন সেবিতো হরিরীশ্বরঃ।
ততঃ শীঘ্রং জহৌ শাপং ব্রহ্মলোকমবাপ চ॥ 12-345-46 (79605)
ভীষ্ম উবাচ। 12-345-47x (6578)
এতত্তে সর্বমাখ্যাতং সংভূতা মানবা যথা।
নারদোঽপি যথা শ্বেতং দ্বীপং স গতবানৃষিঃ।
তত্তে সর্বং প্রবক্ষ্যামি শৃণুষ্বৈকমনা নৃপ॥ ॥ 12-345-47 (79606)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চচৎবারিংশদধিকত্রিশততমোঽধ্যায়ঃ॥ 345॥
Mahabharata - Shanti Parva - Chapter Footnotes
12-345-7 অজস্থস্ম মেধস্য বীজেষু সংক্রমাদ্বীজান্যেবাজসংজ্ঞানীতি যুক্তম্॥ 12-345-23 অস্য প্রতিক্রিয়া কার্যেতি ধ. পাঠঃ॥শান্তিপর্ব - অধ্যায় 346
॥ শ্রীঃ ॥
12.346. অধ্যায়ঃ 346
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি দডুনামভির্নারদকৃতশ্বেতদ্বীপগতভগবৎস্তোত্রানুবাদঃ॥ 1॥Mahabharata - Shanti Parva - Chapter Text
12-346-0 (79607)
ভীষ্ম উবাচ। 12-346-0x (6579)
প্রাপ্য শ্বেতং মহাদ্বীপং নারদো ভগবানৃষিঃ।
দদর্শ তানেব নরাঞ্শ্বেতাংশ্চন্দ্রসমপ্রভান্॥ 12-346-1 (79608)
পূজয়ামাস শিরসা মনসা তৈশ্চ পূজিতঃ।
দিদৃক্ষুর্জপ্যপরমঃ সর্বকৃচ্ছ্রগতঃ স্থিতঃ॥ 12-346-2 (79609)
ভূৎবৈকাগ্রমনা বিপ্র ঊর্ধ্ববাহুঃ সমাহিতঃ।
স্তোত্রং জগৌ স বিশ্বায় নির্গুণায় গুণাত্মনে॥ 12-346-3 (79610)
নারদ উবাচ। 12-346-4x (6580)
12-346-4 (79611)
ওঁ নমস্তে দেবদেবেশ নিষ্ক্রিয় নির্গুণ লোকসাক্ষিন্ ক্ষেত্রজ্ঞ পুরুষোত্তম অনন্ত পুরুষ মহাপুরুষ পুরুষোত্তম ত্রিগুণ প্রধান অমৃত অমৃতাখ্য অনন্তাখ্য ব্যোম অমৃতাত্মন্ সনাতন সদসদ্ব্যক্তাব্যক্ত ঋতধাম আদিদেব বসুপ্রদ প্রজাপতে সুপ্রজাপতে বনস্পতে মহাপ্রজাপতে ঊর্জস্পতে বাচস্পতে জগৎপতে মনস্পতে দিবস্পতে মরুৎপতে সলিলপতে পৃথিবীপতে দিক্পতে পূর্বনিবাস গুহ্য ব্রহ্মপুরোহিত ব্রহ্মকায়িক রাজিক মহারাজিক চাতুর্মহারাজিক আভাসুর মহাভাসুর সপ্তমহাভাগ সপ্তমহাস্বরয়াম্য মহায়াম্য সংজ্ঞাসংজ্ঞ *তুপিত মহাতুষিত প্রমর্দন পরিনির্মিত অপরিনির্মিত বশবর্তিন্ অপরিনিন্দিত অপরিমিত বশবর্তিন্ অবশবর্তিন্ যজ্ঞ মহায়জ্ঞ অসংয়জ্ঞ যজ্ঞসংভব যজ্ঞয়োনে যজ্ঞগর্ভ যজ্ঞহৃদয় যজ্ঞস্তুত যজ্ঞভাগহর পঞ্চয়জ্ঞ পঞ্চকালকর্তৃপতে পাঞ্চরাত্রিক বৈকুণ্ঠ অপরাজিত মানসিক নাবমিক নামনামিক পরস্বামিন্ সুস্নাতহংস পরমহংস মহাহংস পরমজ্ঞেয় হিরণ্যেশয় বেদেশয় দেবেশয় কুশেশয়ব্রহ্মেশয় পদ্মেশয় বিশ্বেশ্বর বিষ্বক্সেন ৎবং জগদন্বয়স্ৎবং জগৎপ্রকৃতিস্তবাগ্নিরাস্যং বডবামুখোঽগ্নিস্ৎবমাহুতিঃ সারথিস্ৎবং বষট্কারস্ৎবমোংকারস্ৎবং তপস্ৎবং মনস্ৎবং চন্দ্রমাঃ পূর্ণাঙ্গস্ৎবং চক্ষুরাজ্যম্ ৎবং সূর্যস্ৎবং দিশাংগজস্ৎবং দিগ্ভানো বিদিগ্ভানো হয়শিরঃ প্রথমত্রিসৌপর্ণো বর্ণধরঃ পঞচাগ্রে ত্রিণাচিকেত ষডঙ্গনিধান প্রাগ্জোতিষ জ্যেষ্ঠসামগ সামিকব্রতধরাথর্বশিরাঃ পঞ্চমহাকল্প ফেনপাচার্য বালখিল্য বৈখানসা ভগ্নয়োগা ভগ্নব্রতা ভগ্নপরিসংখ্যান যুগাদে যুগমধ্য যুগনিধনাখণ্ডল প্রাচীনগর্ভকৌশিক পুরুষ্টুত পুরুহূত বিশ্বকৃদ্বিশ্বজিদ্বিশ্বরূপানন্তগতেঽনন্তভোগাঽনন্তাঽনাদেঽমধ্যাঽব্যক্তমধ্যাঽব্যক্তনিধন ব্রতাবাস সমুদ্রাধিবাস যশোবাস তপোবাস দমাবাস লক্ষ্ম্যাবাস বিদ্যাবাস কীর্ত্যাবাস শ্রীবাস সর্বাবাস বাসুদেব সর্বচ্ছন্দক হরিহয় হরিমেধ মহায়জ্ঞভাগহর বরপ্রদ সুখপ্রদ ধনপ্রদ হরিমেধ যম নিয়ম মহানিয়ম কৃচ্ছ্রাঽতিকৃচ্ছ্রা মহাকুচ্ছ্র সর্বকৃচ্ছ্র নিয়মধর নিবৃত্তভ্রম নিবৃত্তিধর্মপ্রবরগত প্রবচনগত পৃশ্নিগর্ভপ্রবৃত্ত প্রবৃত্তবেদক্রিয়াঽজসর্বগতে সর্বদর্শিনং নগ্রাহ্যাঽক্ষয়াঽচল মহাবিভূতে মাহাত্ম্যশরীর পবিত্র মহাপবিত্র হিরণ্যময় বৃহদপ্রতর্ক্যাঽবিজ্ঞেয় ব্রহ্মাগ্র্য প্রজাসর্গকর প্রজানিধনকর মহামায়াধর বিদ্যাধর যোগধর চিত্রশিখণ্ডিন্ বরপ্রদ পুরোডাশভাগহর গতাধ্বরচ্ছিন্নতৃষ্ণ চ্ছিন্নসংশয় সর্বতোবৃত্ত নিবৃত্তরূপ ব্রাহ্মণরূপ চ্ছিন্নসংশয় সর্বতোবৃত্ত নিবৃত্তরূপ ব্রাহ্মণরূপ ব্রাহ্মণপ্রিয় বিশ্বর্মূর্তে মহামূর্তে বান্ধব ভক্তবৎসল ব্রহ্মণ্যদেব ভক্তোঽহং ৎবাং দিদৃক্ষুরেকান্তদর্শনায় নমোনমঃ॥
Mahabharata - Shanti Parva - Chapter Footnotes
12-346-2 জপ্যপরমঃ সর্বভূতহিতে রত ইতি ধ. পাঠঃ॥ 12-346-3 ঊর্ধ্ববাহুর্মহামুনিরিতি ট. থ. পাঠঃ। মহামতিরিতি ধ. পাঠঃ। নির্গুণায় মহাত্মন ইতি ট. থ. ধ. পাঠঃ॥ * রুষিত- মহারুষিতেতি ধ. পাঠঃ।শান্তিপর্ব - অধ্যায় 347
॥ শ্রীঃ ॥
12.347. অধ্যায়ঃ 347
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রতি নারদায় শ্বেতদ্বীপস্থহর্যুক্তস্বকৃতসৃষ্টিপ্রকারানুবাদঃ॥ 1॥Mahabharata - Shanti Parva - Chapter Text
12-347-0 (79612)
ভীষ্ম উবাচ। 12-347-0x (6581)
এবং স্তুতঃ স ভগবান্ গুহ্যৈস্তথ্যৈশ্চ নামভিঃ।
`ভগবান্বিশ্বসৃক্সিংহঃ সর্বমূর্তিময়ঃ প্রভুঃ।'
দর্শয়ামাস মুনয়ে রূপং তৎপরমং হরিঃ॥ 12-347-1 (79613)
কিংচিচ্চন্দ্রাদ্বিশুদ্ধাত্মা কিংচিচ্চন্দ্রাদ্বিশেষবান্।
কৃশানুবর্ণঃ কিংচিচ্চ কিংচিদ্ধিষ্ণ্যাকৃতিঃ প্রভুঃ॥ 12-347-2 (79614)
শুকপত্রনিভঃ কিংচিৎকিংচিৎস্ফটিকসন্নিভঃ।
নীলাঞ্জনচয়প্রখ্যো জাতরূপপ্রভঃ ক্বচিৎ॥ 12-347-3 (79615)
প্রবালাঙ্কুরবর্ণশ্চ শ্বেতবর্ণস্তথা ক্বচিৎ।
ক্বচিৎসুবর্ণবর্ণাভো বৈদূর্যসদৃশঃ ক্বচিৎ॥ 12-347-4 (79616)
নীলবৈর্দূর্যসদৃশ ইন্দ্রনীলনিভঃ ক্বচিৎ।
ময়ূরগ্রীববর্ণাভো মুক্তাহারনিভঃ ক্বচিৎ॥ 12-347-5 (79617)
এতান্বহুধান্বর্ণান্রূপৈর্বিভ্রৎসনাতনঃ।
সহস্রনয়নঃ শ্রীমাঞ্ছতশীর্ষঃ সহস্রপাৎ॥ 12-347-6 (79618)
সহস্রোদরবাহুশ্চ অব্যক্ত ইতি চ ক্বচিৎ।
ওংকারমুদ্গিরন্বক্রাৎসাবিত্রীং চ তদন্বয়াম্॥ 12-347-7 (79619)
শেষেভ্যশ্চৈব বক্রেভ্যশ্চতুর্বেদান্গিরন্বহূন্।
আরণ্যকং জগৌ দেবো হরির্নারায়ণো বশী॥ 12-347-8 (79620)
বেদিং কমণ্ডলুং দর্ভান্মণিরূপাংস্তথা কুশান্।
অজিনং দণ্ডকাষ্ঠং চ জ্বলিতং চ হুতাশনম্।
ধারয়ামাস দেবেশো হস্তৈর্যজ্ঞপতিস্তদা॥ 12-347-9 (79621)
তং প্রসন্নং প্রসন্নাত্মা নারদো দ্বিজসত্তমঃ।
বাগ্যতঃ প্রণতো ভূৎবা ববন্দে পরমেশ্বরম্॥ 12-347-10 (79622)
তমুবাচ নতং মূর্ধ্না দেবানামাদিরব্যযঃ॥ 12-347-11 (79623)
শ্রীভগবানুবাচ। 12-347-12x (6582)
একতশ্চ দ্বিতশ্চৈব ত্রিতশ্চৈব মহর্ষয়ঃ।
ইমং দেশমনুপ্রাপ্তা মম দর্শনলালসাঃ॥ 12-347-12 (79624)
ন চ মাং তে দদৃশিরে ন চ দ্রক্ষ্যতি কশ্চন।
ঋতে হ্যৈকান্তিকশ্রেষ্ঠাত্ৎবং চৈবৈকান্তিকোত্তম॥ 12-347-13 (79625)
মমৈতাস্তনবঃ শ্রেষ্ঠা জাতা ধর্মগৃহে দ্বিজ।
তাস্ৎবং ভজস্ব সততং সাধয়স্ব যথাগতম্॥ 12-347-14 (79626)
বৃণীষ্ব চ বরং প্রিয় মত্তস্ৎবং যদিহেচ্ছসি।
প্রসন্নোঽহং তবাদ্যেহ বিশ্বমূর্তিরিহাব্যযঃ॥ 12-347-15 (79627)
নারদ উবাচ। 12-347-16x (6583)
অদ্য মে তপসো দেব যমস্য নিয়মস্য চ।
সদ্যঃ ফলমবাপ্তং বৈ দৃষ্টো যদ্ভগবান্ময়া॥ 12-347-16 (79628)
বর এষ মমাত্যন্তং দৃষ্টস্ৎবং যৎসনাতনঃ।
ভগবন্বিশ্বদৃক্ সিংহঃ সর্বমূর্তির্মহান্প্রভুঃ॥ 12-347-17 (79629)
ভীষ্ম উবাচ। 12-347-18x (6584)
এবং সংদর্শয়িৎবা তু নারদং পরমেষ্ঠিজম্।
উবাচ বচনং ভূয়ো গচ্ছ নারদ মাচিরম্॥ 12-347-18 (79630)
ইমে হ্যনিন্দ্রিয়াহারা মদ্ভক্তাশ্চন্দ্রবর্চসঃ।
একাগ্রাশ্চিন্তয়েয়ুর্মাং নৈষাং বিঘ্নো ভবেদিতি॥ 12-347-19 (79631)
সিদ্ধা হ্যেতে মহাভাগাঃ পুরা হ্যেকান্তিনোঽভবন্।
তমোরজোভির্নির্মুক্তা মাং প্রবেক্ষ্যন্ত্যসংশয়ম্॥ 12-347-20 (79632)
ন দৃশ্যশ্চক্ষুষা যোঽসৌ ন স্পৃশ্যঃ স্পর্শনেন চ।
ন ঘ্রেয়শ্চৈব গন্ধেন রসেন চ বিবর্জিতঃ॥ 12-347-21 (79633)
সৎবং রজস্তমশ্চৈব ন গুণাস্তং ভজন্তি বৈ।
যশ্চ সর্বগতঃ সাক্ষী লোকস্যাত্মেতি কথ্যতে॥ 12-347-22 (79634)
ভূতগ্রামশরীরেষু নশ্যৎসু ন বিনশ্যতি।
অজো নিত্যঃ শাশ্বতশ্চ নির্গুণো নিষ্কলস্তথা॥ 12-347-23 (79635)
দ্বির্দ্বাদশেভ্যস্তত্ৎবেভ্যঃ খ্যাতো যঃ পঞ্চবিংশকঃ।
পুরুষো নিষ্ক্রিয়শ্চৈব জ্ঞানদৃশ্যশ্চ কথ্যতে॥ 12-347-24 (79636)
যং প্রবিশ্য ভবন্তীহ মুক্তা বৈ দ্বিজসত্তমাঃ।
স বাসুদেবো বিজ্ঞেয়ঃ পরমাত্মা সনাতনঃ॥ 12-347-25 (79637)
পশ্য দেবস্য মাহাত্ম্যং মহিমানং চ নারদ।
শুভাশুভৈঃ কর্মভির্যো ন লিপ্যতি কদাচন॥ 12-347-26 (79638)
সৎবং রজস্তমশ্চেতি গুণানেতান্প্রচক্ষতে।
এতে সর্বশরীরেষু তিষ্ঠন্তি বিচরন্তি চ॥ 12-347-27 (79639)
এতান্গুণাংস্তু ক্ষেত্রজ্ঞো ভুঙ্ক্তে নৈভিঃ স ভুজ্যতে।
নির্গুণো গুণভুক্চৈব গুণস্রষ্টা গুণাতিগঃ॥ 12-347-28 (79640)
জগৎপ্রতিষ্ঠা দেবর্ষে পৃথিব্যপ্সু প্রলীয়তে।
জ্যোতিষ্যাপঃ প্রলীয়ন্তে জ্যোতির্বায়ৌ প্রলীয়তে॥ 12-347-29 (79641)
খে বায়ুঃ প্রলয়ং যাতি মনস্যাকাশমেব চ।
মনো হি পরমং ভূতং তদব্যক্তে প্রলীয়তে॥ 12-347-30 (79642)
অব্যক্তং পুরুষে ব্রহ্মন্নিষ্ক্রিয়ে সংপ্রলীয়তে।
নাস্তি তস্মাৎপরতরঃ পুরুষাদ্বৈ সনাতনাৎ॥ 12-347-31 (79643)
নিত্যং হি নাস্তি জগতি ভূতং স্থাবরজঙ্গমম্।
ঋতে তমেকং পুরুষং বাসুদেবং সনাতনম্।
সর্বভূতাত্মভূতো হি বাসুদেবো মহাবলঃ॥ 12-347-32 (79644)
পৃথিবী বায়ুরাকাশমাপো জ্যোতিশ্চ পঞ্চমম্।
তে সমেতা মহাত্মানঃ শরীরমিতি সংজ্ঞিতম্॥ 12-347-33 (79645)
তদাবিশতি যো ব্রহ্মন্ন দৃশ্যো লঘুবিক্রমঃ।
উৎপন্ন এব ভবতি শরীরং চেষ্টয়ন্প্রভুঃ॥ 12-347-34 (79646)
ন বিনা ধাতুসংঘাতং শরীরং ভবতি ক্বচিৎ।
ন চ জীবং বিনা ব্রহ্মন্বায়বশ্চেষ্টয়ন্ত্যুত॥ 12-347-35 (79647)
স জীবঃ পরিসংখ্যাতঃ শেষঃ সংকর্ষণঃ প্রভুঃ।
তস্মাৎসনৎকুমারৎবং যোঽলভৎস্বেন কর্মণা॥ 12-347-36 (79648)
যস্মিংশ্চ সর্বভূতানি প্রদ্যুম্নঃ পরিপঠ্যতে।
তস্মাৎপ্রসূতো যঃ কর্তা কারণং কার্যমেব চ॥ 12-347-37 (79649)
তস্মৎসর্বং সংভবতি জগৎস্থাবরজঙ্গমম্।
সোঽনিরুদ্ধঃ স ঈশানো ব্যক্তিঃ সা সর্বকর্মসু॥ 12-347-38 (79650)
যো বাসুদেবো ভগবান্ক্ষেত্রজ্ঞো নির্গুণাত্মকঃ।
জ্ঞেয়ঃ স এব রাজেন্দ্র জীবঃ সংকর্ষণঃ প্রভুঃ॥ 12-347-39 (79651)
সংকর্ষণাচ্চ প্রদ্যুম্নো মনোভূতঃ স উচ্যতে।
প্রদ্যুম্নাদ্যোঽনিরূদ্ধস্তু সোহংকারঃ স ঈশ্বরঃ॥ 12-347-40 (79652)
মত্তঃ সর্বং সংভবতি জগৎস্থাবরজঙ্গমম্।
অক্ষরং চ ক্ষরং চৈব সচ্চাসচ্চৈব নারদ॥ 12-347-41 (79653)
মাং প্রবিশ্য ভবন্তীহ মুক্তা ভক্তাস্তু যে মম।
অহং হি পুরুষো জ্ঞেয়ো নিষ্ক্রিয়ঃ পঞ্চবিংশকঃ॥ 12-347-42 (79654)
নির্গুণো নিষ্কলশ্চৈব নির্দ্বন্দ্বো নিষ্পরিগ্রহঃ।
এতত্ৎবয়া ন বিজ্ঞেয়ং রূপবানিতি দৃশ্যতে॥ 12-347-43 (79655)
ইচ্ছন্মুহূর্তান্নশ্যেয়মীশোঽহং জগতো গুরুঃ।
মায়া হ্যেষা ময়া সৃষ্টা যন্মাং পশ্যসি নারদ॥ 12-347-44 (79656)
সর্বভূতগুণৈর্যুক্তং নৈবং ৎবং জ্ঞাতুমর্হসি।
ময়ৈতৎকথিতং সম্যক্তব মূর্তিচতুষ্টয়ম্॥ 12-347-45 (79657)
অহং হি জীবসংজ্ঞো বৈ ময়ি জীবঃ সমাহিতঃ।
মৈবং তে বুদ্ধিরত্রাভূর্দ্দৃষো জীবো ময়েতি বৈ॥ 12-347-46 (79658)
অহং সর্বত্রগো ব্রহ্মন্ভূতগ্রামান্তরাত্মকঃ।
ভূতগ্রামশরীরেষু নশ্যৎসু ন নশাম্যহম্॥ 12-347-47 (79659)
সিদ্ধা হি তে মহাভাগা নরা হ্যেকান্তিনোঽভবন্।
তমোরজোভ্যাং নির্মুক্তাঃ প্রবেক্ষ্যন্তি চ মাং মুনে॥ 12-347-48 (79660)
`অহং কর্তা চ কার্যং চ কারণং চাপি নরাদ।
ন দৃশ্যশ্চক্ষুষা দেবঃ স্পৃশ্যো ন স্পর্শনেন চ।
আঘ্রেয়ো নৈব গন্ধেন রসেন চ বিসর্জিতঃ॥ 12-347-49 (79661)
সৎবং রজস্তমশ্চৈব ন গুণাস্তে ভবন্তি হি।
স হি সর্বগতঃ সাক্ষী লোকস্যাত্মেতি কথ্যতে॥' 12-347-50 (79662)
হিরণ্যগর্ভো লোকাদিশ্চতুর্বক্রোঽনিরুক্তগঃ।
ব্রহ্মা সনাতনো দেবো মম বহ্বর্থচিন্তকঃ॥ 12-347-51 (79663)
ললাটাচ্চৈব মে রুদ্রো দেবঃ ক্রোধাদ্বিনিঃসৃতঃ।
পশ্যৈকাদশ মে রুদ্রান্দক্ষিণং পার্শ্বমাস্থিতান্॥ 12-347-52 (79664)
দ্বাদশৈব তথাঽঽদিত্যান্বামপার্শ্বে সমাস্থিতান্।
অগ্রতশ্চৈব মে পশ্য বসূনষ্টৌ সুরোত্তমান্॥ 12-347-53 (79665)
নাসত্যং চৈব দস্রং চ ভিষজৌ পশ্য পৃষ্ঠতঃ।
সর্বান্প্রজাপতীন্পশ্য পশ্য সপ্তঋর্ষীস্তথা॥ 12-347-54 (79666)
বেদান্যজ্ঞাংশ্চ শতশঃ পশ্যামৃতমথৌষধীঃ।
তপাংসি নিয়মাংশ্চৈব যমানপি পৃথগ্বিধান্॥ 12-347-55 (79667)
তথাঽষ্টগুণমৈশ্বর্যমেকস্থং পশ্য মূর্তিমৎ।
শ্রিয়ং লক্ষ্মীং চ কীর্তিং চ পৃথিবীং চ ককুদ্মিনী॥ 12-347-56 (79668)
বেদানাং মাতরং পশ্য মৎস্থাং দেবীং সরস্বতীম্।
ধ্রুবং চ জ্যোতিষাং শ্রেষ্ঠং পশ্য নারদ খেচরম্॥ 12-347-57 (79669)
অম্ভোধরান্সমুদ্রাংশ্চ সরাংসি সরিতস্তথা।
মূর্তিমন্তঃ পিতৃগণাংশ্চতুরঃ পশ্য সত্তম॥ 12-347-58 (79670)
ত্রীংশ্চৈবেমান্গুণান্পশ্য মৎস্থান্মূর্তিবিবর্জিতান্।
দেবকার্যাদপি মুনে পিতৃকার্যং বিশিষ্যতে॥ 12-347-59 (79671)
দেবানাং চ পিতৃণাং চ পিতা হ্যেকোঽহমাদিতঃ।
অহং হয়শিরা ভূৎবা সমুদ্রে পশ্চিমোত্তরে॥ 12-347-60 (79672)
পিবামি সুহুতং হব্যং কব্যং চ শ্রদ্ধয়াঽন্বিতম্।
ময়া সৃষ্টঃ পুরা ব্রহ্মা মাং যজ্ঞময়জৎস্বয়ম্॥ 12-347-61 (79673)
ততস্তস্মৈ বরান্প্রীতো দত্তবানস্ম্যনুত্তমান্।
মৎপুত্রৎবং চ কল্পাদৌ লোকাধ্যক্ষৎবমেব চ॥ 12-347-62 (79674)
অহংকারকৃতং চৈব নামপর্যায়বাচকম্।
ৎবয়া কৃতাং চ মর্যাদাং নাতিক্রংস্যতি কশ্চন॥ 12-347-63 (79675)
ৎবং চৈব বরদো ব্রহ্মন্বরেপ্সূনাং ভবিষ্যসি।
সুরাসুরগণানাং চ ঋষীণাং চ তপোধন॥ 12-347-64 (79676)
পিতৃণাং চ মহাভাগ সততং সংশিতব্রত।
বিবিধানাং চ ভূতানাং ৎবমুপাস্যো ভবিষ্যসি॥ 12-347-65 (79677)
প্রাদুর্ভাবগতশ্চাহং সুরকার্যেষু নিত্যদা।
অনুশাস্যস্ৎবয়া ব্রহ্মন্নিয়োজ্যশ্চ সুতো যথা॥ 12-347-66 (79678)
এতাংশ্চান্যাংশ্চ রুচিরান্ব্রহ্মণেঽমিততেজসে।
`এবং রুদ্রায় মনবে ইন্দ্রায়ামিততেজসে।'
অহং দত্ৎবা বরান্প্রীতো নিবৃত্তিপরমোঽভবম্॥ 12-347-67 (79679)
নির্বাণং সর্বধর্মাণাং নিবৃত্তিঃ পরমা স্মৃতা।
তস্মান্নিবৃত্তিমাপন্নশ্চরেৎসর্বাঙ্গনির্বৃতঃ॥ 12-347-68 (79680)
বিদ্যাসহায়বন্তং মামাদিত্যস্থং সনাতনম্।
কপিলং প্রাহুরাচার্যাঃ সাঙ্খ্যনিশ্চিতনিশ্চয়াঃ॥ 12-347-69 (79681)
হিরণ্যগর্ভো ভগবানেষ চ্ছন্দসি সংস্তুতঃ।
সোহং যোগগতির্ব্রহ্মন্যোগশাস্ত্রেষু শব্দিতঃ॥ 12-347-70 (79682)
এষোঽহং ব্যক্তিমাশ্রিত্য তিষ্ঠামি দিবি শাশ্বতঃ।
ততো যুগসহস্রান্তে সংহরিষ্যে জগৎপুনঃ॥ 12-347-71 (79683)
কৃৎবাঽঽত্মস্থানি ভূতানি স্থাবরাণি চরাণি চ।
একাকী বিদ্যযা সার্ধং বিহরিষ্যে জগৎপুনঃ॥ 12-347-72 (79684)
ততো ভূয়ো জগৎসর্বং করিষ্যামীহ বিদ্যযা।
অস্মিন্মূর্তিশ্চতুর্থী যা সাঽসৃজচ্ছেষমব্যযম্॥ 12-347-73 (79685)
স হি সংকর্ষণঃ প্রোক্তঃ প্রদ্যুম্নঃ সোপ্যজীজনৎ।
প্রদ্যুম্নাদনিরুদ্ধোঽহং সর্গো মম পুনঃ পুনঃ॥ 12-347-74 (79686)
অনিরুদ্ধাত্তথা ব্রহ্মা তন্নাভিকমলোদ্ভবঃ।
ব্রহ্মণঃ সর্বভূতানি চরাণি স্থাবরাণি চ॥ 12-347-75 (79687)
এতাং সৃষ্টিং বিজানীহি কল্পাদিষু পুনঃ পুনঃ।
যথা সূর্যস্য গগনাদুদয়াস্তমনে ইহ।
নষ্টে পুনর্বলাৎকাল আনয়ত্যমিতদ্যুতে॥ ॥ 12-347-76 (79688)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে সপ্তচৎবারিংশদধিকত্রিশততমোঽধ্যায়ঃ॥ 347॥
Mahabharata - Shanti Parva - Chapter Footnotes
12-347-1 স্তব্যৈশ্চ নামভিরিতি থ. পাঠঃ। তং মুনিং দর্শয়ামাসনারদং বিশ্বরূপধৃদিতি ঝ. ধ. পাঠঃ॥ 12-347-7 গায়ত্রীং চ তদন্বয়ামিতি ধ. পাঠঃ॥ 12-347-9 বেদিং কমণ্ডলুং শুভ্রান্মণীনুপানহৌ কুশানিতি ঝ. পাঠঃ॥ 12-347-13 দদৃশিরে দদৃশুঃ॥ 12-347-19 মদ্ভক্তাঃ সূর্যবর্চস ইতি ধ. পাঠঃ॥ 12-347-22 ন গুণাঃ সংভবন্তি হীতি ধ. পাঠঃ॥ 12-347-35 শরীরং চেন্দ্রিয়াণি চেতি ধ. পাঠঃ॥ 12-347-37 মানসঃ সর্বভূতানামিতি ধ. পাঠঃ॥ 12-347-38 ব্যক্তঃ সর্বেষু কর্মস্বিতি ট. পাঠঃ॥ 12-347-42 মাং প্রবিশ্য ভজন্তীহেতি ধ. পাঠঃ॥ 12-347-53 বসূনষ্টৌ সমাশ্রিতানিতি থ. পাঠঃ॥ 12-347-55 বেদান্যজ্ঞান্পশূংশ্চৈব স্রুক্চ দর্ভমহৌষধীরিতি থ. পাঠঃ॥ 12-347-57 ব্রহ্মণ্যং জ্যোতিষাং শ্রেষ্ঠমিতি ধ. পাঠঃ॥ 12-347-61 ব্রহ্মা মদ্যজ্ঞময়জৎস্বজিতি ট. ধ. পাঠঃ॥ 12-347-68 তস্মিন্নিবৃত্তিমাপন্নে চরেৎসর্বত্র বিষ্ঠিত ইতি ধ. পাঠঃ। চরেৎসর্বত্র নিস্স্পৃহ ইতি ট. পাঠঃ॥ 12-347-70 হিরণ্যগর্ভো ভগবান্বিশ্বয়োনিঃ সনাতন ইতি ট. পাঠঃ॥ 12-347-71 তিষ্ঠামমি ভুবি শাশ্বত ইতি থ. পাঠঃ॥ 12-347-75 তত্রাদিকমলোদ্ভবঃ ইতি ধ. পাঠঃ॥শান্তিপর্ব - অধ্যায় 348
॥ শ্রীঃ ॥
12.348. অধ্যায়ঃ 348
Mahabharata - Shanti Parva - Chapter Topics
শ্বেতদ্বীপস্থেন হরিণা নারদংপ্রতি স্বদশাবতারচরিত্রকথনম্॥ 1॥Mahabharata - Shanti Parva - Chapter Text
12-348-0 (79689)
ভীষ্ম উবাচ। 12-348-0x (6585)
নারদঃ পরিপ্রপচ্ছ ভগবন্তং জনার্দনম্।
একার্ণবে মহাঘোরে নষ্টে স্থাবরজঙ্গমে। 12-348-1 (79690)
শ্রীভগবানুবাচ। 12-348-2x (6586)
শৃণু নারদ তৎবেন প্রাদুর্ভাবান্মহামুনে।
মৎস্যঃ কূর্মো বরাহশ্চ নরসিংহোঽথ বামনঃ।
রামো রামশ্চ রামশ্চ বুদ্ধঃ কল্কীতি তে দশ॥ 12-348-2 (79691)
পূর্বং মীনো ভবিষ্যামি স্থাপয়িষ্যাম্যহং প্রজাঃ।
লোকান্বৈ ধারয়িষ্যামি মজ্জমানান্মহার্ণবে॥ 12-348-3 (79692)
দ্বিতীয়ঃ কূর্মরূপো মে হেমকূটনিভঃ স্মৃতঃ।
মন্দরং ধারয়িষ্যামি অমৃতার্থং দ্বিজোত্তম॥ 12-348-4 (79693)
মপ্রাং মহার্ণবে ঘোরে ভারাক্রান্তাং ভুবং পুনঃ।
ততো বলাদহং বিদ্বন্সর্বভূতহিতায় বৈ॥' 12-348-5 (79694)
সৎবৈরাক্রান্তসর্বাঙ্গাং নষ্টাং সাগরমেখলাম্।
আনয়িষ্যামি স্বং স্থানং বারাহং রূপমাস্থিতঃ।
হিরণ্যাক্ষং হনিষ্যামি দৈতেয়ং বলগর্বিতম্॥ 12-348-6 (79695)
নারসিংহং বষুঃ কৃৎবা হিরণ্যকশিষুং পুনঃ।
সুরকার্যে হনিষ্যামি যজ্ঞঘ্নং দিতিনন্দনম্॥ 12-348-7 (79696)
বিরোচনস্য বলবান্বলিঃ পুত্রো মহাসুরঃ।
অবধ্যঃ সর্বলোকানাং সদেবাসুররক্ষসাম্।
ভবিষ্যতি স শক্রং চ স্বরাজ্যাচ্চ্যাবয়িষ্যতি॥ 12-348-8 (79697)
ত্রৈলোক্যেঽপহৃতে তেন বিমুখে চ শচীপতৌ।
অদিত্যাং দ্বাদশঃ পুত্রঃ সংভবিষ্যামি কশ্যপান্॥ 12-348-9 (79698)
`বটুর্গৎবা যজ্ঞসদঃ স্তূয়মানো দ্বিজোত্তমৈঃ।
যজ্ঞস্তুতিং করিষ্যামি শ্রুৎবা প্রীতো ভবেদ্বলিঃ॥ 12-348-10 (79699)
কিমিচ্ছসি বটো ব্রূহীত্যুক্তো যাচে মহদ্বরম্।
দীয়তাং ত্রিপদীমাত্রমিতি যাচে মহাঽঽসুরম্॥ 12-348-11 (79700)
স দদ্যান্ময়ি সংপ্রীতঃ প্রতিষিদ্ধশ্চ মন্ত্রিভিঃ।
যাবজ্জলং হস্তগতং ত্রিভির্বিক্রমণৈর্যুতম্॥' 12-348-12 (79701)
ততো রাজ্যং প্রদাস্যামি শক্রায়ামিততেজসে।
দেবতাঃ স্থাপয়িষ্যামি স্বস্বস্থানেষু নারদ॥ 12-348-13 (79702)
বলিং চৈব করিষ্যামি পাতালতলবাসিনম্।
দানবং চ বলিশ্রেষ্ঠমবধ্যং সর্বদৈবতৈঃ॥ 12-348-14 (79703)
ত্রেতায়ুগে ভবিষ্যামি রামো ভৃগুকুলোদ্বহঃ।
ক্ষত্রং চোৎসাদয়িষ্যামি সমৃদ্ধবলবাহনম্॥ 12-348-15 (79704)
সংধৌ তু সমনুপ্রাপ্তে ত্রেতায়াং দ্বাপরস্য চ।
রামো দাশরথির্ভূৎবা ভবিষ্যামি জগৎপতিঃ॥ 12-348-16 (79705)
ত্রিতোপঘাতাদ্বৈরূপ্যমেকতোঽথ দ্বিতস্তথা।
প্রাপ্স্যেতে বানরৎবং হি প্রজাপতিসুতাবৃষী॥ 12-348-17 (79706)
তয়োর্যে ৎবন্বয়ে জাতা ভবিষ্যন্তি বনৌকসঃ।
মহাবলা মহাবীর্যাঃ শক্রতুল্যপরাক্রমাঃ। 12-348-18 (79707)
তে সহায়া ভবিষ্যন্তি সুরকার্যে মম দ্বিজ॥
ততো রক্ষঃপতিং ঘোরং পুলস্ত্যকুলপাংসনম্।
হনিষ্যে রাবণং রৌদ্রং সগণং লোককণ্টকম্॥ 12-348-19 (79708)
` বিভীষণায় দাস্যামি রাজ্যং তস্য যথাক্রমম্
অয়োধ্যাবাসিনঃ সর্বান্নেষ্যেঽহং লোকমব্যযম্॥' 12-348-20 (79709)
দ্বাপরস্য কলেশ্চৈব সংধৌ পার্যবসানিকে।
প্রাদুর্ভাবঃ কংসহেতোর্মথুরায়াং ভবিষ্যতি॥ 12-348-21 (79710)
তত্রাহং দানবান্হৎবা সুবহূন্দেবকণ্টকান্।
কুশস্থলীং করিষ্যাসি নিবাসং দ্বারকাং পুরীম্॥ 12-348-22 (79711)
বসানস্তত্র বৈ পুর্যামদিতের্বিপ্রিয়ংকরম্।
হনিষ্যে নরকং ভৌমং মুরং পীঠং চ দানবম্॥ 12-348-23 (79712)
প্রাগ্জ্যোতিষং পুরং রম্যং নানাধনসমন্বিতম্।
কুশস্থলীং নষ্যিষ্যামি হৎবা বৈ দানবোত্তমান্॥ 12-348-24 (79713)
`কৃকলাস ভূতং চ নৃগং মোচয়িষ্যে চ বৈ পুনঃ॥ 12-348-25 (79714)
তত্র পৌত্রনিমিত্তেন গৎবা বৈ শোণিতং পুরম্।
বাণস্য চ পুরং গৎবা করিষ্যে কদনং মহৎ॥' 12-348-26 (79715)
শংকরং রমহাসেনং বাণপ্রিয়হিতে রতম্।
পরাজেষ্যাম্যথোদ্যুক্তৌ দেবৌ লোকনমস্কৃতৌ॥ 12-348-27 (79716)
ততঃ সুতং বলের্জিৎবা বাণং বাহুসহস্ত্রিণম্।
বিনাশয়িষ্যামি ততঃ সর্বান্সৌভনিবাসিনঃ॥ 12-348-28 (79717)
যঃ কালয়বনঃ খ্যাতো গর্গতেজোভিসংবৃতঃ।
ভবিষ্যতি বধস্তস্য মত্ত এব দ্বিজোত্তম॥ 12-348-29 (79718)
`কংসং কেশিং তথাক্রূরমরিষ্টং চ মহাসুরম্।
চাণূরং চ মহাবীর্যং মুষ্টিকং চ মহাবলম্॥ 12-348-30 (79719)
প্রলম্বং ধেনুকং চৈব অরিষ্টং বৃষরূপিণম্।
কালীয়ং চ বশে কৃৎবা যমুনায়া মহাহ্রদে॥ 12-348-31 (79720)
গোকুলেষু ততঃ পশ্চাদ্ভবার্থে তু মহাগিরিম্।
সপ্তরাত্রং ধরিষ্যামি বর্ষমাণে তু বাসবে॥ 12-348-32 (79721)
অপক্রান্তে ততো বর্ষে গিরিমূর্ধ্নিং ব্যবস্থিতঃ।
ইন্দ্রেণ সহ সংবাদং করিষ্যামি তদা দ্বিজ।
লঘ্বাচ্ছিদ্য ধনং সর্বং বাসুদেবং চ পৌণ্ড্রকম্॥' 12-348-33 (79722)
জরাসন্ধশ্চ বলবান্সর্বরাজবিরোধনঃ
ভবিষ্যত্যসুরঃ স্ফীতো ভূমিপালো গিরিব্রজে॥ 12-348-34 (79723)
মম বুদ্ধিপরিস্পন্দাদ্বধস্তস্য ভবিষ্যতি।
শিশুপালং বধিষ্যামি যজ্ঞে ধর্মসুতস্য বৈ॥ 12-348-35 (79724)
`দুর্যোধনাপরাধেন যুধিষ্ঠিরগুণেন চ।'
সমাগতেষু বলিষু পৃথিব্যাং সর্বরাজসু॥ 12-348-36 (79725)
বাসবিঃ সুসহায়ো বৈ মম ৎবেকো ভবিষ্যতি।
যুধিষ্ঠিরং স্থাপয়িষ্যে স্বরাজ্যে ভ্রাতৃভিঃ সহ॥ 12-348-37 (79726)
এবং লোকা বদিষ্যন্তি নরনারায়ণাবৃষী।
উদ্যুক্তৌ দহতঃ ক্ষত্রং লোককার্যার্থমীশ্বরৌ॥ 12-348-38 (79727)
`শস্ত্রৈর্নিপতিতাঃ সর্বে নৃপা যাস্যন্তি বৈ দিবম্॥' 12-348-39 (79728)
কৃৎবা ভারাবতরণং বসুধায়া যথেপ্সিতম্।
সর্বসাৎবতমুখ্যানাং দ্বারকায়াশ্চ সত্তম॥ 12-348-40 (79729)
করিষ্যে প্রলয়ং ঘোরমাত্মজ্ঞানাভিসংশ্রয়ঃ।
`দ্বারকামাত্মসাৎকৃৎবা সমুদ্রং গময়াম্যহম্॥ 12-348-41 (79730)
ততঃ কলিয়ুগস্যাদৌ দ্বিজরাজতরুং শ্রিতঃ।
ভীষয়া মাগধেনৈব ধর্মরাজগৃহে বসন্॥ 12-348-42 (79731)
কাষায়বস্রসংবীতো মুণ্ডিতঃ শুক্লদন্তবান্।
শুদ্ধোদনসুতো বুদ্ধো মোহয়িষ্যামি মানবান্॥ 12-348-43 (79732)
শূদ্রাঃ সুদ্ধেষু ভুজ্যন্তে ময়ি বুদ্ধৎবমাগতে।
ভবিষ্যন্তি নরাঃ সর্বে বুদ্ধাঃ কাষায়সংবৃতাঃ॥ 12-348-44 (79733)
অনধ্যায়া ভবিষ্যন্তি বিপ্রা যাগবিবর্জিতাঃ।
অগ্নিহোত্রাণি সীদন্তি গুরুপূজা চ নশ্যতি॥ 12-348-45 (79734)
ন শৃণ্বন্তি পিতুঃ পুত্রা ন স্নুষা নৈব ভ্রাতরঃ।
ন পৌত্রা ন কলত্রা বা বর্তন্তেঽপ্যধমোত্তমাঃ॥ 12-348-46 (79735)
এবংভূতং জগৎসর্বং শ্রুতিস্মৃতিবিবর্জিতম্।
ভবিষ্যতি কলৌ পূর্ণে হ্যশুদ্ধো ধর্মসংকরঃ॥ 12-348-47 (79736)
তেষাং সকাশাদ্ধর্মজ্ঞা দেবব্রহ্মবিদো নরাঃ।
ভবিষ্যন্তি হ্যশুদ্ধাশ্চ ন্যায়চ্ছলবিভাষিণঃ॥ 12-348-48 (79737)
যে নষ্টধর্মশ্রোতারস্তে সমাঃ পাপনিশ্চয়ে।
তস্মাদেতা ন সংভাষ্যা ন স্পৃশ্যা চ হিতার্থিভিঃ।
উপবাসত্রয়ং কুর্যাত্তৎসংসর্গবিশুদ্ধয়ে॥ 12-348-49 (79738)
ততঃ কলিয়ুগস্যান্তে ব্রাহ্মণো হরিপিঙ্গলঃ।
কল্কির্বিষ্ণুয়শঃ পুত্রো যাজ্ঞবল্ক্যঃ পুরোহিতঃ॥ 12-348-50 (79739)
তস্মিন্নাশে বনগ্রামে তিষ্ঠেৎসোন্নাসিমো হয়ঃ।
সহয়া ব্রাহ্মণাঃ সর্বে তৈরহং সহিতঃ পুনঃ।
ম্লেচ্ছানুৎসাদয়িষ্যামি পাষণ়্ডাংশ্চৈব সর্বশঃ॥ 12-348-51 (79740)
পাষণ্ডশ্চ কলৌ তত্র মায়যৈব বিনশ্যতে।
পাষণ়্ডকাংশ্চৈব হৎবা তত্রান্তং প্রলয়ে হ্যহম্॥ 12-348-52 (79741)
ততঃ পশ্চাদ্ভবিষ্যামি যজ্ঞেষু নিরতঃ সদা।
রাজ্যং প্রশাসতি পুনঃ কুন্তীপুত্র যুধিষ্ঠিরে॥' 12-348-53 (79742)
কর্মাণ্যপরিমেয়ানি চতুর্মূর্তিধরো হ্যহম্।
কৃৎবা লোকান্গমিষ্যামি স্বানহং ব্রহ্মসৎকৃতান্॥ 12-348-54 (79743)
হংসঃ কূর্মশ্চ মৎস্যশ্চ প্রাদুর্ভাবা দ্বিজোত্তম।
বরাহো নরসিংহশ্চ বামনো রাম এব চ।
রামো দাশরথিশ্চৈব সাৎবতঃ কল্কিরেব চ॥ 12-348-55 (79744)
যদা বেদশ্রুতির্নষ্টা ময়া প্রত্যাহৃতা পুনঃ।
সর্বদাঃ সশ্রুতীকাশ্চ কৃতাঃ পূর্বং কৃতে যুগে॥ 12-348-56 (79745)
অতিক্রান্তাঃ পুরাণেষু শ্রুতাস্তে যদি বা ক্বচিৎ।
অতিক্রান্তাশ্চ বহবঃ প্রাদুর্ভাবা মমোত্তমাঃ॥ 12-348-57 (79746)
লোককার্যাণি কৃৎবা চ পুনঃ স্বাং প্রকৃতিং গতাঃ।
ন হ্যেতদ্ব্রহ্মণা প্রাপ্তমীদৃশং মম দর্শনম্॥ 12-348-58 (79747)
যত্ৎবয়া প্রাপ্তমদ্যেহ একান্তগতবুদ্ধিনা।
এতত্তে সর্বমাখ্যাতং ব্রহ্মন্ভক্তিমতো ময়া।
পুরাণং চ ভবিষ্যং চ সরহস্যং চ সত্তম॥ 12-348-59 (79748)
ভীষ্ম উবাচ। 12-348-60x (6587)
এবং স ভগবান্দেবো বিশ্বমূর্তিধরোঽব্যযঃ।
এতাবদুক্ৎবা বচনং তত্রৈবান্তর্দধে পুনঃ॥ 12-348-60 (79749)
নারদোঽপি মহাতেজাঃ প্রাপ্যানুগ্রহমীপ্সিতম্।
নরনারায়ণৌ দ্রষ্টুং বদর্যাশ্রমমাদ্রবৎ॥ 12-348-61 (79750)
ইদং মহোপনিষদং চতুর্বেদসমন্বিতম্।
সাংখ্যযোগকৃতং তেন পঞ্চরাত্রানুশব্দিতম্॥ 12-348-62 (79751)
নারায়ংণমুখোদীতং নারদোঽশ্রাবয়ৎপুনঃ।
ব্রহ্মণঃ সদনে তাত যথাদৃষ্টং যথাশ্রুতম্॥ 12-348-63 (79752)
যুধিষ্ঠির উবাচ। 12-348-64x (6588)
এতদাশ্চর্যভূতং হি মাহাত্ম্যং তস্য ধীমতঃ।
কিং বৈ ব্রহ্মা ন জানীতে যতঃ শুশ্রাব নারদাৎ॥ 12-348-64 (79753)
পিতামহোঽপি ভগবাংস্তস্মাদ্দেবাদনন্তরঃ।
কথং স ন বিজানীয়াৎপ্রভাবমমিতৌজসঃ॥ 12-348-65 (79754)
ভীষ্ম উবাচ। 12-348-66x (6589)
মহাকল্পসহস্রাণি মহাকল্পশতানি চ।
সমতীতানি রাজেন্দ্র সর্গাশ্চ প্রলয়াশ্চ হ॥ 12-348-66 (79755)
সর্গস্যাদৌ স্মৃতো ব্রহ্মা প্রজাসর্গকরঃ প্রভুঃ।
জানাতি দেবপ্রবরং ভূয়শ্চাতোধিকং নৃপ।
পরমাত্মানমীশানমাত্মনঃ প্রভবং তথা॥ 12-348-67 (79756)
যে ৎবন্যে ব্রহ্মসদনে সিদ্ধসঙ্ঘাঃ সমাগতাঃ।
তেভ্যস্তচ্ছ্রাবয়ামাস পুরাণং বেদসংমিতম্॥ 12-348-68 (79757)
অষ্টাবিংশৎসহস্রাণি ঋষীণাং ভাবিতাত্মনাম্।
আত্মানুগামিনাং ব্রহ্মা শ্রাবয়ামাস তৎবতঃ।
এবং পুরা প্রাপ্তমিদং ভানুনা মুনিভাষিতম্॥ 12-348-69 (79758)
বর্ষষষ্টিসহস্রাণি ষষ্টিবর্ষশতানি চ।
সূর্যস্য তপতো লোকান্নির্মিতা যে পুরঃসরাঃ।
তেষামকথয়ৎসূর্যঃ সর্বেষাং ভাবিতাত্মনাম্॥ 12-348-70 (79759)
সূর্যানুগামিভিস্তাত ঋষিভিস্তৈর্মহাত্মভিঃ।
মেরৌ সমাগতা দেবাঃ শ্রাবিতাশ্চেদনুত্তমম্॥ 12-348-71 (79760)
দেবানাং তু সকাশাদ্বৈ ততঃ শ্রুৎবাঽসিতো দ্বিজঃ।
শ্রাবয়ামাস রাজেন্দ্র পিতৄন্বৈ মুনিসত্তমঃ॥ 12-348-72 (79761)
মম চাপি পিতা তাত কথয়ামাস শংতনুঃ।
ততো ময়াপি শ্রুৎবা চ কীর্তিতং তব ভারত॥ 12-348-73 (79762)
সুরৈর্বা মুনিভির্বাপি পুরাণং যৈরিদং শ্রুতম্।
সর্বে তে পরমাত্মানং পূজয়ন্তে সমন্ততঃ॥ 12-348-74 (79763)
ইদমাখ্যানমার্ষেয়ং পারম্পর্যাগতং নৃপ।
নাবাসুদেবভক্তায় ৎবয়া দেয়ং কথংচন॥ 12-348-75 (79764)
`আখ্যানমুত্তমং চেদং শ্রাবয়েদ্যঃ সদা নৃপ।
তদৈব মনুজো ভক্তঃ শুচির্ভূৎবা সমাহিতঃ।
প্রাপ্নুয়াদচিরাদ্রাজন্বিষ্ণুলোকং চ শাশ্বতম্॥' 12-348-76 (79765)
মত্তোন্যানি চ তে রাজন্নুপাখ্যানশতানি বৈ।
যানি শ্রুতানি সর্বাণি তেষাং সারোয়মুদ্ধৃতঃ॥ 12-348-77 (79766)
সুরাসুরৈর্যথা রাজন্নির্মথ্যামৃতমুদ্ধৃতম্।
এবমেতৎপুরা বিপ্রৈঃ কথামৃতমিহোদ্ধৃতম্॥ 12-348-78 (79767)
যশ্চেদং পঠতে নিত্যং যশ্চেদং শৃণুয়ান্নরঃ।
একান্তভাবোপগত একান্তে সুসমাহিতঃ॥ 12-348-79 (79768)
প্রাপ্য শ্বেতং মহাদ্বীপং ভূৎবা চন্দ্রপ্রভো নরঃ।
স সহস্রার্চিপং দেবং প্রবিশেন্নাত্র সংশয়ঃ॥ 12-348-80 (79769)
মুচ্যেদার্তস্তথা রোগাচ্ছ্রুৎবেমামাদিতঃ কথাম্।
জিজ্ঞাসুর্লভতে কামান্ভক্তো ভক্তগতিং ব্রজেৎ॥ 12-348-81 (79770)
ৎবয়াপি সততং রাজত্রভ্যর্চ্যঃ পুরুষোত্তমঃ।
স হি মাতা পিতা চৈব কৃৎস্নস্য জগতো গুরুঃ॥ 12-348-82 (79771)
ব্রহ্মণ্যদেবো ভগবান্প্রীয়তাং তে সনাতনঃ।
যুধিষ্ঠির মহাবাহো মহাবুদ্ধির্জনার্দনঃ॥ 12-348-83 (79772)
বৈশম্পায়ন উবাচ। 12-348-84x (6590)
শ্রুৎবৈতদাখ্যানবরং ধর্মরাড্জনমেজয়।
ভ্রাতরশ্চাস্য তে সর্বে নারায়ণপরাভবন্॥ 12-348-84 (79773)
জিতং ভগবতা তেন পুরুষেণেতি ভারত।
নিত্যং জপ্যপরা ভূৎবা সারস্বতমুদীরয়ন্॥ 12-348-85 (79774)
যো হ্যস্মাকং গুরুঃ শ্রেষ্ঠঃ কৃষ্ণদ্বৈপায়নো মুনিঃ।
জগৌ পরমকং জপ্যং নারায়ণমুদীরয়ন্॥ 12-348-86 (79775)
গৎবান্তরিক্ষাৎসততং ক্ষীরোদমমৃতাশয়ম্।
পূজয়িৎবা চ দেবেশং পুনরায়াৎস্বগাশ্রমম্॥ 12-348-87 (79776)
ভীষ্ম উবাচ। 12-348-88x (6591)
এতত্তে সর্বমাখ্যাতং নারদোক্তং ময়েরিতম্।
পারম্পর্যাগতং হ্যেতৎপিত্রা মে কথিতং পুরা॥ 12-348-88 (79777)
সৌতিরুবাচ। 12-348-89x (6592)
এতত্তে সর্বমাখ্যাতং বৈশম্পায়নকীর্তিতম্।
জনমেজয়েন তচ্ছ্রুৎবা কৃতং সম্যগ্যথাবিধি॥ 12-348-89 (79778)
যূয়ং হি তপ্ততপসঃ সর্বে চ চরিতব্রতাঃ।
শৌনকস্য মহাসত্রং প্রাপ্তাঃ সর্বে দ্বিজোত্তমাঃ। 12-348-90 (79779)
যজধ্বং সুহুতৈর্যজ্ঞৈঃ শাশ্বতং পরমেশ্বরম্।
পারম্পর্যাগতং হ্যেতৎপিত্রা মে কথিতং পুরা॥ ॥ 12-348-91 (79780)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে অষ্টচৎবারিংশদধিকত্রিশততমোঽধ্যায়ঃ॥ 348॥
Mahabharata - Shanti Parva - Chapter Footnotes
12-348-2 রামশ্চ কৃষ্ণঃ কল্কী চ তে দশেতি থ. পাঠঃ॥ 12-348-6 যজ্ঞঘ্নং বলগর্বিতমিতি ধ. পাঠঃ॥ 12-348-9 অদিত্যাং দ্বাদশাদিত্য ইতি ঝ. পাঠঃ॥ 12-348-15 ততঃ কৃতয়ুগে প্রাপ্তে দ্বাত্রিংশদ্যুগপর্যযে। ভবিষ্যামি ঋষিস্তত্র জমদগ্নিকুলোদ্ভবঃ। ইতি ধ. পাঠঃ॥ 12-348-19 রাবণং দৃপ্তং সর্বলোকৈককণ্টকমিতি ট. পাঠঃ॥ 12-348-21 দ্বপারস্য কলেশ্চৈব অষ্টার্বিশচ্চতুর্যুগে। প্রাদুর্ভাবং করিষ্যামি ভূয়ো বৃষ্ণিকুলোদ্ভবঃ। মধুরায়াং কংসহেতোর্বাসুদেবেতি নামতঃ। তৃতীয়ো রাম ইত্যেব বসুদেবসুতো বলীতি থ. ধ. পাঠঃ। কলেশ্চৈব অষ্টার্বিশচ্চতুর্যুগে ইতি ধ. পাঠঃ॥ 12-348-58 ঈদৃশং ব্রহ্মদর্শনমিতি ধ. পাঠঃ॥শান্তিপর্ব - অধ্যায় 349
॥ শ্রীঃ ॥
12.349. অধ্যায়ঃ 349
Mahabharata - Shanti Parva - Chapter Topics
শ্রীহরের্থজ্ঞেষ্বগ্রভাগভাক্ৎবপ্রকারং পৃষ্টেন সৌতিনা তৎকথনায় শৌনকাদীন্প্রতি ব্রহ্মাদীনাং শ্বেতদ্বীপগমনাদিপ্রতিপাদক ব্যাসবৈশম্পায়নাদিসংবাদানুবাদঃ॥ 1॥Mahabharata - Shanti Parva - Chapter Text
12-349-0 (79781)
শৌকন উবাচ। 12-349-0x (6593)
কথং স ভগবান্দেবো যজ্ঞেষ্বগ্রহরঃ প্রভুঃ।
যজ্ঞধারী চ সততং বেদবেদাঙ্গবিত্তথা॥ 12-349-1 (79782)
নিবৃত্তং চাস্থিতো ধর্মং ক্ষেমী ভাগবতঃ প্রভুঃ।
নিবৃত্তিধর্মান্বিদধে স এব ভগবান্প্রভুঃ॥ 12-349-2 (79783)
কথং প্রবৃত্তিধর্মেষু ভাগার্হা দেবতাঃ কৃতাঃ।
কথং নিবৃত্তিধর্মাশ্চ কৃতা ব্যাবৃত্তবুদ্ধয়ঃ॥ 12-349-3 (79784)
এতং নঃ সংশয়ং সৌতে ছিন্ধি গুহ্যং সনাতনম্।
ৎবয়া নারায়ণকথাঃ শ্রুতা বৈ ধর্মসংহিতাঃ॥ 12-349-4 (79785)
সৌতিরুবাচ। 12-349-5x (6594)
জনমেজয়েন যৎপৃষ্টঃ শিষ্যো ব্যাসস্য ধীমতঃ।
তত্তেঽহং কথয়িষ্যামি পৌরাণং শৌনকোত্তম॥ 12-349-5 (79786)
শ্রুৎবা মাহাত্ম্যমেতস্য দেহিনাং পরমাত্মনঃ।
জনমেজয়ো মহাপ্রাজ্ঞো বৈশম্পায়নমব্রবীৎ॥ 12-349-6 (79787)
ইমে সব্রহ্যকা লোকাঃ সসুরাসুরমানবাঃ।
ক্রিয়াস্বভ্যুদয়োক্তাসু সক্তা দৃশ্যন্তি সর্বশঃ॥ 12-349-7 (79788)
মোক্ষশ্চোক্তস্ৎবয়া ব্রহ্মন্নির্বাণং পরমং সুখম্।
যে তু মুক্তা ভবন্তীহ পুণ্যপাপবিবর্জিতাঃ।
তে সহস্রার্চিষং দেবং প্রবিশন্তীহ শুশ্রুম্॥ 12-349-8 (79789)
অয়ং হি দুরনুষ্ঠেয়ো মোক্ষধর্মঃ সনাতনঃ।
যং হিৎবা দেবতাঃ সর্বা হব্যকব্যভুজোঽভবন্॥ 12-349-9 (79790)
কিংচ ব্রহ্মা চ রুদ্রশ্চ বলভিৎপ্রভুঃ।
সূর্যস্তারাধিপো বায়ুরগ্নির্বরুণ এব চ॥ 12-349-10 (79791)
আকাশং জগতী চৈব যে চ শেষা দিবৌকসঃ।
প্রলয়ং ন বিজানন্তি আত্মনঃ পরিনির্মিতম্॥ 12-349-11 (79792)
ততস্তেনাস্থিতা মার্গং ধ্রুবমক্ষরমব্যযম্।
স্মৃৎবা কালপরীমাণং প্রবৃত্তিং যে সমাস্থিতাঃ।
দোষঃ কালপরীমাণো মহানেষ ক্রিয়াবতাম্॥ 12-349-12 (79793)
এতন্মে সংশয়ং বিপ্র হৃদি শল্যমিবার্পিতম্।
ছিন্ধীতিহাসকথনাৎপরং কৌতূহলং হি মে॥ 12-349-13 (79794)
কথং ভাগহরাঃ প্রোক্তা দেবতাঃ ক্রতুষু দ্বিজ।
কিমর্থং চাধ্বরে ব্রহ্মন্নিজ্যন্তে ত্রিদিবৌকসঃ॥ 12-349-14 (79795)
যে চ ভাগং প্রগৃহ্ণন্তি যজ্ঞেষু দ্বিজসত্তম।
তে যজন্তো মহায়জ্ঞৈঃ কস্য ভাগং দদন্তি বৈ॥ 12-349-15 (79796)
বৈশম্পায়ন উবাচ। 12-349-16x (6595)
অহো গূঢতমঃ প্রশ্নস্ৎবয়া পৃষ্টো জনেশ্বর।
নাতপ্ততপসা হ্যেষ নাবেদবিদুষা তথা।
নাপুরাণবিদা চৈব শক্যো ব্যাহর্তুমঞ্জসা॥ 12-349-16 (79797)
হন্ত তে কথয়িষ্যামি যন্মে পৃষ্টঃ পুরা গুরুঃ।
কৃষ্ণদ্বৈপায়নো ব্যাসো বেদব্যাসো মহানৃষিঃ॥ 12-349-17 (79798)
সুমন্তুর্জৈমিনিশ্চৈব পৈলশ্চ সুদৃঢব্রতঃ।
অহং চতুর্থঃ শিষ্যো বৈ পঞ্চমশ্চ শুকঃ স্মৃতঃ॥ 12-349-18 (79799)
এতান্সমাগতান্সর্বান্পঞ্চ শিষ্যান্দমান্বিতান্।
শৌচাচারসমায়ুক্তাঞ্জিতক্রোধাঞ্জিতেন্দ্রিয়ান্॥ 12-349-19 (79800)
বেদানধ্যাপয়ামাস মহাভারতপঞ্চমান্।
মেরৌ গিরিবরে রম্যে সিদ্ধচারণসেবিতে॥ 12-349-20 (79801)
তেষামভ্যস্যতাং বেদান্কদাচিৎসংশয়োঽভবৎ।
এষ বৈ যস্ৎবয়া পৃষ্টস্তেন তেষাং প্রকীর্তিতঃ॥ 12-349-21 (79802)
ততঃ শ্রুতো ময়া চাপি তবাখ্যেয়োঽদ্য ভারত॥ 12-349-22 (79803)
শিষ্যাণাং বচনং শ্রুৎবা সর্বাজ্ঞানতমোনুদঃ।
পরাশরসুতঃ শ্রীমান্ব্যাসো বাক্যমথাব্রবীৎ॥ 12-349-23 (79804)
ময়া হি সুমহত্তপ্তং তপঃ পরমদারুণম্।
ভূতং ভব্যং ভবিষ্যং চ জানীয়ামিতি সত্তমাঃ॥ 12-349-24 (79805)
তস্য মে তপ্ততপসো নিগৃহীতেন্দ্রিয়স্য চ।
নারায়ণপ্রসাদেন ক্ষীরোদস্যানুকূলতঃ॥ 12-349-25 (79806)
ত্রৈকালিকমিদং জ্ঞানং প্রাদুর্ভূতং যথেপ্সিতম্।
তচ্ছৃণুধ্বং যথান্যায়ং বক্ষ্যে সংশয়মুত্তমম্॥ 12-349-26 (79807)
যথা বৃত্তং হি কল্পাদৌ দৃষ্টং মে জ্ঞানচক্ষুষা।
পরমাত্মেতি যং প্রাহুঃ সাঙ্খ্যযোগবিদো জনাঃ॥ 12-349-27 (79808)
মহাপুরুষসংজ্ঞাং স লভতে স্বেন কর্মণা।
তস্মাৎপ্রসূতমব্যক্তং প্রধানং তং বিদুর্বুধাঃ॥ 12-349-28 (79809)
অব্যক্তাদ্ব্যক্তমুৎপন্নং লোকসৃষ্ট্যর্থমীশ্বরাৎ।
অনিরুদ্ধো হি লোকেষু মহানাত্মেতি কথ্যতে॥ 12-349-29 (79810)
যোসৌ ব্যক্তৎবমাপন্নো নির্মমে চ পিতামহম্।
যোঽহংকার ইতি প্রোক্তঃ সর্বতেজোময়ো হি সঃ॥ 12-349-30 (79811)
পৃথিবী বায়ুরাকাশমাপো জ্যোতিশ্চ পঞ্চমম্।
অহংকারপ্রসূতানি মহাভূতানি পঞ্চধা॥ 12-349-31 (79812)
মহাভূতানি সৃষ্ট্বৈব তান্গুণান্নির্মমে পুনঃ।
ভূতেভ্যশ্চৈব নিষ্পন্না মূর্তিমন্তশ্চ তাঞ্শৃণু॥ 12-349-32 (79813)
মরীচিরঙ্গিরাশ্চাত্রিঃ পুলস্ত্যঃ পুলহঃ ক্রতুঃ।
বসিষ্ঠশ্চ মহাত্মা বৈ মনুঃ স্বায়ংভুবস্তথা।
জ্ঞেয়াঃ প্রকৃতয়োঽষ্টৌ তা যাসু লোকাঃ প্রতিষ্ঠিতাঃ॥ 12-349-33 (79814)
বেদান্বেদাঙ্গসংয়ুক্তান্যজ্ঞয়জ্ঞাঙ্গসংয়ুতান্।
নির্মমে লোকসিদ্ধ্যর্থং ব্রহ্মা লোকপিতামহঃ॥ 12-349-34 (79815)
অষ্টাভ্যঃ প্রকৃতিভ্যশ্চ জাতং বিশ্বমিদং জগৎ॥ 12-349-35 (79816)
রুদ্রো রোষাত্মকো জাতো দশান্যান্সোসৃজস্ৎবয়ম্।
একাদশৈতে রুদ্রাস্তু বিকারাঃ পুরুষাঃ স্মৃতাঃ॥ 12-349-36 (79817)
তে রুদ্রাঃ প্রকৃরতিশ্চৈব সর্বে চৈব সুরর্ষয়ঃ।
উৎপন্না লোকসিদ্ধ্যর্থং ব্রহ্মাণং সমুপস্থিতাঃ॥ 12-349-37 (79818)
বয়ং সৃষ্টা হি ভগবংস্ৎবয়া চ প্রভবিষ্ণুনা।
যেন যস্মিন্নধীকারে বর্তিতব্যং পিতামহ॥ 12-349-38 (79819)
যোসৌ ৎবয়াঽভিনির্দিষ্টো হ্যধিকারোঽর্থচিন্তকঃ।
পরিপাল্যঃ কথং তেন সাহংকারেণ কর্তৃণা॥ 12-349-39 (79820)
প্রদিশস্ব বলং তস্য যোঽধিকারার্থচিন্তকঃ।
এবমুক্তো মহাদেবো দেবাংস্তানিদমব্রবীৎ॥ 12-349-40 (79821)
ব্রহ্মোবাচ। 12-349-41x (6596)
সাধ্বহং জ্ঞাপিতো দেবা যুষ্মাভির্ভদ্রমস্তু বঃ।
মমাপ্যেষা সমুৎপন্না চিন্তা যা ভবতামিহ॥ 12-349-41 (79822)
লোকতন্ত্রস্য কৃৎস্নস্য কথং কার্যঃ পরিগ্রহঃ।
কথং বলক্ষয়ো ন স্যাদ্যুষ্মাকং হ্যাত্মনশ্চ বৈ॥ 12-349-42 (79823)
ইতঃ সর্বেঽপি গচ্ছামঃ শরণং লোকসাক্ষিণম্।
মহাপুরুষমব্যক্তং স নো বক্ষ্যতি যদ্ধিতম্॥ 12-349-43 (79824)
ততস্তে ব্রহ্মণা সার্ধমৃষয়ো বিবুধাস্তথা।
ক্ষীরাদস্যোত্তরং কূলং জগ্মূর্লোকহিতার্থিনঃ॥ 12-349-44 (79825)
তে তপঃ সমুপাতিষ্ঠন্ব্রহ্মোক্তং বেদকল্পিতম্।
স মহানিয়মো নাম তপশ্চর্যা সুদারুণা॥ 12-349-45 (79826)
ঊর্ধ্বদৃগ্বাহবশ্চৈব একাগ্রমনসোঽভবন্।
একপাদস্থিতাঃ সর্বে কাষ্ঠভূতাঃ সমাহিতাঃ॥ 12-349-46 (79827)
দিব্যং বর্ষসহস্রং তে তপস্তপ্ৎবা সুদারুণম্।
শুশ্রুবুর্মধুরাং বাণীং বেদবেদাঙ্গভূষিতাম্॥ 12-349-47 (79828)
বাগুবাচ। 12-349-48x (6597)
ভোভোঃ সব্রহ্যকা দেবা ঋষয়শ্চ তপোধনাঃ।
স্বাগতেনার্চ্য বঃ সর্বাঞ্শ্রাবয়ে বাক্যমুত্তমম্॥ 12-349-48 (79829)
বিজ্ঞাতং বো ময়া কার্যং তচ্চ লোকহিতং মহৎ।
প্রবৃত্তিয়ুক্তং কর্তব্যং যুষ্মৎপ্রাণোপবৃংহণম্॥ 12-349-49 (79830)
সুতপ্তং বস্তপো দেবা মমারাধনকাম্যযা।
ভোক্ষ্যথাস্য মহাসৎবাস্তপসঃ ফলমুত্তমম্॥ 12-349-50 (79831)
এষ ব্রহ্মা লোকগুরুঃ সর্বলোকপিতামহঃ।
যূয়ং চ বিবুধশ্রেষ্ঠা মাং যজধ্বং সমাহিতাঃ॥ 12-349-51 (79832)
সর্বে ভাগান্কল্পয়ধ্বং যজ্ঞেষু মম নিত্যশঃ।
তত্র শ্রেয়োঽভিধাস্যামি যথাঽধীকারমীশ্বরাঃ॥ 12-349-52 (79833)
বৈশম্পায়ন উবাচ। 12-349-53x (6598)
শ্রুৎবৈতদ্দেবদেবস্য বাক্যং হৃষ্টতনূরুহাঃ।
ততস্তে বিবুধাঃ সর্বে ব্রহ্মা তে চ মহর্ষয়ঃ॥ 12-349-53 (79834)
বেদদৃষ্টেন বিধিনা বৈষ্ণবং ক্রতুমাহরন্।
তস্মিন্সত্রে সদা ব্রহ্মা স্বয়ং ভাগমকল্পয়ৎ॥ 12-349-54 (79835)
দেবা দেবর্ষয়শ্চৈব স্বংস্বং ভাগমকল্পয়ম্।
তে কার্তয়ুগধর্মাণো ভাগাঃ পরমসৎকৃতাঃ॥ 12-349-55 (79836)
প্রাহুরাদিত্যবর্ণং তং পুরুষং তমসঃ পরম্।
বৃহন্তং সর্বগং দেবমীশানং বরদং প্রভুম্॥ 12-349-56 (79837)
ততোঽথ বরদৌ দেবস্তান্সর্বানমরান্স্থিতান্।
অশরীরো বভাপেদং বাক্যং স্বস্থো মহেশ্বরঃ॥ 12-349-57 (79838)
যেন যঃ কল্পিতো ভাগঃ স তথা মামুপাগতঃ।
প্রীতোঽহং প্রদিশাম্যদ্য ফলমাবৃত্তিলক্ষণম্।
এতদ্বো লক্ষণং দেবা মৎপ্রসাদসমুদ্ভবম্॥ 12-349-58 (79839)
যূয়ং যজ্ঞৈরিজ্যমানাঃ সমাপ্তবরদক্ষিণৈঃ।
যুগেয়ুগে ভবিষ্যধ্বং প্রবৃত্তিফলভাগিনঃ॥ 12-349-59 (79840)
যজ্ঞৈর্যে চাপি যক্ষ্যন্তি সর্বলোকেষু বৈ সুরাঃ।
কল্পয়িষ্যন্তি বো ভাগাংস্তে নরা বেদকল্পিতান্॥ 12-349-60 (79841)
যো মে যথা কল্পিতবান্ভাগমস্মিন্মহাক্রতৌ।
স তথা যজ্ঞভাগার্হো বেদসূত্রে ময়া কৃতঃ॥ 12-349-61 (79842)
যূয়ং লোকান্ভাবয়ধ্বং যজ্ঞভাগফলোচিতাঃ।
সর্বার্থচিন্তকা লোকে ময়াঽধীকারনির্মিতাঃ॥ 12-349-62 (79843)
যাঃ ক্রিয়াঃ প্রচরিষ্যন্তি প্রবৃত্তিফলসৎকৃতাঃ।
তাভিরাপ্যায়িতবলা লোকান্বৈ ধারয়িষ্যথ॥ 12-349-63 (79844)
যূয়ং হি ভাবিতা যজ্ঞৈঃ সর্বয়জ্ঞেষু মানবৈঃ।
মাং ততো ভাবয়িষ্যধ্বমেষা বো ভাবনা মম॥ 12-349-64 (79845)
ইত্যর্থং নির্মিতা বেদা যজ্ঞাশ্চৌষধিভিঃ সহ।
এভিঃ সম্যক্প্রয়ুক্তৈর্হি প্রীয়ন্তে দেবতাঃ ক্ষিতৌ॥ 12-349-65 (79846)
নির্মাণমেতদ্যুষ্মাকং প্রবৃত্তিগুণকল্পিতম্।
ময়া কৃতং সুরশ্রেষ্ঠা যবাৎকল্পক্ষয়াদিহ।
চিন্তয়ধ্বং লোকহিতং যথাদীকারমীশ্বরাঃ॥ 12-349-66 (79847)
মরীচিরঙ্গিরাশ্চাত্রিঃ পুলস্ত্যঃ পুলহঃ ক্রতুঃ।
বসিষ্ঠ ইতি সপ্তৈতে মনসা নির্মিতা হি তে॥ 12-349-67 (79848)
এতে বেদবিদো মুখ্যা বেদাচার্যাশ্চ কল্পিতাঃ।
প্রবৃত্তিধর্মিণশ্চৈব প্রাজাপত্যে চ কল্পিতাঃ॥ 12-349-68 (79849)
অয়ং ক্রিয়াবতাং পন্থা ব্যক্তীভূতঃ সনাতনঃ।
অনিরুদ্ধ ইতি প্রোক্তো লোকসর্গকরঃ প্রভুঃ॥ 12-349-69 (79850)
সনঃ সনৎসুজাতশ্চ সনকঃ সমনন্দনঃ।
সনৎকুমারঃ কপিলঃ সপ্তমশ্চ সনাতনঃ॥ 12-349-70 (79851)
সপ্তৈতে মানসাঃ প্রোক্তা ঋষয়ো ব্রহ্মণঃ সুতাঃ।
স্বয়মাগতবিজ্ঞানা নিবৃত্তিং ধর্মমাস্থিতাঃ॥ 12-349-71 (79852)
এতে যোগবিদো মুখ্যাঃ সাঙ্খ্যশাস্ত্রবিশারদাঃ।
আচার্যা ধর্মশাস্ত্রেষু মোক্ষধর্মপ্রবর্তকাঃ॥ 12-349-72 (79853)
যতোঽহং প্রসৃতঃ পূর্বমব্যক্তাত্রিগুণো মহান্।
তস্মাৎপরতরো যোসৌ ক্ষেত্রজ্ঞ ইতি কল্পিতঃ॥ 12-349-73 (79854)
সোহং ক্রিয়াবতাং পন্থাঃ পুনরাবৃত্তিদুর্লভঃ।
যো যথা নির্মিতো জন্তুর্যস্মিন্যস্মিংশ্চ কর্মণি॥ 12-349-74 (79855)
প্রবৃত্তৌ বা নিবৃত্তৌ বা তৎফলং সোশ্নুতেঽবশঃ।
এষ লোকগুরুর্ব্রহ্মা জগদাদিকরঃ প্রভুঃ॥ 12-349-75 (79856)
এষ মাতা পিতা চৈব যুষ্মাকং চ পিতামহঃ।
ময়াঽনুশিষ্টো ভবিতা সর্বভূতবরপ্রদঃ॥ 12-349-76 (79857)
অস্য চৈবাত্মজো রুদ্রো ললাটাদ্যঃ সমুত্থিতঃ।
ব্রহ্মানুশিষ্টো ভবিতা সর্বভূতধরঃ প্রভুঃ॥ 12-349-77 (79858)
গচ্ছধ্বং স্বানধীকারাংশ্চিন্তয়ধ্বং যথাবিধি।
প্রবর্তন্তাং ক্রিয়াঃ সর্বাঃ সর্বলোকেষু মাচিরম্॥ 12-349-78 (79859)
প্রদিশ্যন্তাং চ কর্মাণি প্রাণিনাং গতয়স্তথা।
পরিনিষ্ঠিতকালানি আয়ূংষীহ সুরোত্তমাঃ॥ 12-349-79 (79860)
ইদং কৃতয়ুগং নাম কালঃ শ্রেষ্ঠঃ প্রবর্তিতঃ।
অহিংস্যা যজ্ঞপশবো যুগেঽস্মিন্ন তদন্যথা॥ 12-349-80 (79861)
চতুষ্পাৎসকলো ধর্মো ভবিষ্যত্যত্র বৈ সুরাঃ।
ততস্ত্রেতায়ুগং নাম ত্রয়ী যত্র ভবিষ্যতি॥ 12-349-81 (79862)
প্রোক্ষিতা যত্র পশবো বধং প্রাপ্স্যন্তি বৈ মখে।
যত্র পাদশ্চতুর্থো বৈ ধর্মস্য ন ভবিষ্যতি॥ 12-349-82 (79863)
ততো বৈ দ্বাপরং নাম মিশ্রঃ কালো ভবিষ্যতি।
দ্বিপাদহীনো ধর্মশ্চ যুগে তস্মিন্ভবিষ্যতি॥ 12-349-83 (79864)
ততস্তিষ্যেঽথ সংপ্রাপ্তে যুগে কলিপুরস্কৃতে।
একপাদস্থিতো ধর্মো যত্র তত্র ভবিষ্যতি॥ 12-349-84 (79865)
দেবা ঊচুঃ। 12-349-85x (6599)
দেবা দেবর্ষয়শ্চোচুস্তমেবংবাদিনং গুরুম্।
একপাদস্থিতে ধর্মে যত্র ক্বচন গামিনি।
কথং কর্তব্যমস্মাভির্ভগবংস্তদ্বদস্ব নঃ॥ 12-349-85 (79866)
শ্রীভগবানুবাচ। 12-349-86x (6600)
`গুরবো যত্র পূজ্যন্তে সাধুবৃত্তসমন্বিতাঃ।
বস্তব্যং তত্র যুষ্মাভির্যত্র ধর্মো ন হীয়তে॥' 12-349-86 (79867)
যত্র বেদাশ্চ যজ্ঞাশ্চ তপঃ সত্যং দমস্তথা।
অহিংসা ধর্মসংয়ুক্তাঃ প্রচরেয়ুঃ সুরোত্তমাঃ।
স বো দেশঃ সেবিতব্যো মা বোঽধর্মঃ পদা স্পৃশেৎ॥ 12-349-87 (79868)
ব্যাস উবাচ। 12-349-88x (6601)
তেঽনুশিষ্টা ভগবতা দেবাঃ সপিগণাস্তথা।
নমস্কৃৎবা ভগবতে জগ্মুর্দেশান্যথেপ্সিতান্॥ 12-349-88 (79869)
গতেষু ত্রিদিবৌকস্সু ব্রহ্মৈকঃ পর্যবস্থিতঃ।
দিদৃক্ষুর্ভগবন্তং তমনিরুদ্ধতনৌ স্থিতম্॥ 12-349-89 (79870)
তং দেবো দর্শয়ামাস কৃৎবা হয়শিরো মহৎ।
সাঙ্গানাবর্তয়ন্বেদান্কমণ্ডলুত্রিদণ্ডধৃক্॥ 12-349-90 (79871)
ততোঽশ্বশিরসং দৃষ্ট্বাতং দেবমমিতৌজসম্।
লোককর্তা প্রভুর্ব্রহ্মা লোকানাং হিতকাম্যযা॥ 12-349-91 (79872)
মূর্ধ্না প্রণম্য বরদং তস্থৌ প্রাঞ্জলিরগ্রতঃ।
স পরিষ্বজ্য দেবেন বচনং শ্রাবিতস্তদা॥ 12-349-92 (79873)
ভগবানুবাচ। 12-349-93x (6602)
লোককার্যগতীঃ সর্বাস্ৎবং চিন্তয় যথাবিধি।
ধাতা ৎবং সর্বভূতানাং ৎবং প্রভুর্জগতো গুরুঃ।
ৎবয়্যাবেশিতভারোঽহং ধৃতিং প্রাপ্স্যাম্যথাঞ্জসা॥ 12-349-93 (79874)
যদা চ সুরকার্যং তে অবিষহ্যং ভবিষ্যতি।
প্রাদুর্ভাবং গমিষ্যামি তদাত্মজ্ঞানদৈশিকঃ॥ 12-349-94 (79875)
ব্যাস উবাচ। 12-349-95x (6603)
এবমুক্ৎবা হয়শিরাস্তত্রৈবান্তরধীয়ত।
তেনানুশিষ্টো ব্রহ্মাপি স্বং লোকমচিরাদ্গতঃ॥ 12-349-95 (79876)
এবমেষ মহাভাগঃ পদ্মনাভঃ সনাতনঃ।
যজ্ঞেষ্বগ্রহরঃ প্রোক্তো যজ্ঞধারী চ নিত্যদা॥ 12-349-96 (79877)
নিবৃত্তিং চাস্থিতো ধর্মং গমিমক্ষয়ধর্মিণাম্।
প্রবৃত্তিধর্মান্বিদধে কৃৎবা লোকস্য চিত্রতাম্॥ 12-349-97 (79878)
স আদিঃ স মধ্যঃ স চান্তঃ প্রজানাং
স ধাতা স ধেয়ং স কর্তা স কার্যম্।
যুগান্তে প্রসুপ্তঃ সুসংক্ষিপ্য লোকান্
যুগাদৌ প্রবুদ্ধো জগদ্ধ্যুৎসসর্জ॥ 12-349-98 (79879)
তস্মৈ নমধ্বং দেবায় নির্গুণায় মহাত্মনে।
অজায় বিশ্বরূপায় ধাম্নে সর্বদিবৌকসাম্॥ 12-349-99 (79880)
মহাভূতাধিপতয়ে রুদ্রাণাং পতয়ে তথা।
আদিত্যপতয়ে চৈব বসূনাং পতয়ে তথা॥ 12-349-100 (79881)
অশ্বিভ্যাং পতয়ে চৈব মরুতাং পতয়ে তথা।
বেদয়জ্ঞাধিপতয়ে বেদাঙ্গপতয়েঽপি চ॥ 12-349-101 (79882)
সমুদ্রাবসিনে নিত্যং হরয়ে মুঞ্জকেশিনে।
শান্তায় সর্বভূতানাং মোক্ষধর্মানুভাষিণে॥ 12-349-102 (79883)
তপসাং তেজসাং চৈব পতয়ে যশসামপি।
বচসাং পতয়ে নিত্যং সরিতাং পতয়ে তথা॥ 12-349-103 (79884)
কপর্দিনে বরাহায় একশৃঙ্গায় ধীমতে।
বিবস্বতেঽশ্বশিরসে চতুর্মূর্তিধৃতে সদা।
সূক্ষ্মায় জ্ঞানদৃশ্যায় অজরায়াক্ষয়ায় চ॥ 12-349-104 (79885)
এষ দেবঃ সংচরতি সর্বত্র গতিরব্যযঃ।
[এষ চৈতৎপরং ব্রহ্ম জ্ঞেয়ো বিজ্ঞানচক্ষুষা॥] 12-349-105 (79886)
এবমেতৎপুরা দৃষ্টং ময়া বৈ জ্ঞানচক্ষুষা।
কথিতং তচ্চ বৈ সর্বং ময়া পৃষ্টেন তত্ৎবতঃ॥ 12-349-106 (79887)
ক্রিয়তাং মদ্বচঃ শিষ্যাঃ সেব্যতাং হরিরীশ্বরঃ।
গীয়তাং বেদশব্দৈশ্চ পূজ্যতাং চ যথাবিধি॥ 12-349-107 (79888)
বৈশম্পায়ন উবাচ। 12-349-108x (6604)
ইত্যুক্তাস্তু বয়ং তেন বেদব্যাসেন ধীমতা।
সর্বে শিষ্যা সুতশ্চাস্য শুকঃ পরমধর্মবিৎ॥ 12-349-108 (79889)
স চাস্মাকমুপাধ্যায়ঃ সহাস্মাভির্বিশাংপতে।
চতুর্বেদোদ্গতাভিস্তমৃগ্ভিঃ সমভিতুষ্টুবে॥ 12-349-109 (79890)
এতত্তে সর্বমাখ্যাতং যন্মাং ৎবং পরিপৃচ্ছসি।
এবং মেঽকথয়দ্রাজন্পুরা দ্বৈপায়নো গুরুঃ॥ 12-349-110 (79891)
যশ্চেদং শৃণুয়ান্নিত্যং যশ্চৈনং পরিকীর্তয়েৎ।
নমো ভগবতে কৃৎবা সমাহিতমতির্নরঃ॥ 12-349-111 (79892)
ভবত্যরোগো মতিমান্বলরূপসমন্বিতঃ।
আতুরো মুচ্যতে রোগাদ্বদ্ধো মুচ্যেত বন্ধনাৎ॥ 12-349-112 (79893)
কামকামী লভেৎকামং দীর্ঘং চায়ুরবাপ্নুয়াৎ।
ব্রাহ্মণঃ সর্ববেদী স্যাৎক্ষত্রিয়ো বিজয়ী ভবেৎ॥ 12-349-113 (79894)
বৈশ্যো বিপুললাভঃ স্যাচ্ছূদ্রঃ সুখমবাপ্নুয়াৎ।
অপুত্রো লভতে পুত্রং কন্যা চৈবেপ্সিতং পতিম্॥ 12-349-114 (79895)
লগ্নগর্ভা বিমুচ্যেত গর্ভিণী জনয়েৎসুতম্।
বন্ধ্যা প্রসবমাপ্নোতি পুত্রপৌত্রসমৃদ্ধিমৎ॥ 12-349-115 (79896)
ক্ষেমেণ গচ্ছেদধ্বানমিদং যঃ পঠতে পথি।
যো যং কামং কাময়তে স তমাপ্নোতি চ ধ্রুবম্॥ 12-349-116 (79897)
ইদং মহর্ষের্বচনং বিনিশ্চিতং
মহাত্মনঃ পুরুষবরস্য কীর্তিতম্।
সমাগমং চর্ষিদিবৌকসামিমং
নিশম্য ভক্তাঃ সুসুখং লভন্তে॥ ॥ 12-349-117 (79898)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে একোনপঞ্চাশদধিকত্রিশততমোঽধ্যায়ঃ॥ 349॥
Mahabharata - Shanti Parva - Chapter Footnotes
12-349-1 যজ্ঞেষ্বাহূয়তে প্রভুরিতি ট. ধ. পাঠঃ॥ 12-349-2 ক্ষেমং ভাগবতং প্রভুরিতি ট. পাঠঃ॥ 12-349-12 স্মৃতিকালপরীমাণমিতি ঝ. পাঠঃ॥ 12-349-29 লোকেষু মহারাজেতি কথ্যত ইতি থ. পাঠঃ॥ 12-349-32 নিষ্পন্নানষ্টৌ মূর্তিমতঃ শৃণ্বিতি ধ. পাঠঃ॥ 12-349-35 নির্মমে লোকসৃষ্ট্যর্থমিতি থ. ধ. পাঠঃ॥ 12-349-90 কমণ্ডলুপবিত্রধৃগিতি ধ. পাঠঃ॥ 12-349-94 তদাত্মজ্ঞানয়োগজমিতি ট. ধ. পাঠঃ॥শান্তিপর্ব - অধ্যায় 350
॥ শ্রীঃ ॥
12.350. অধ্যায়ঃ 350
Mahabharata - Shanti Parva - Chapter Topics
বৈশম্পায়নেন জনমেজয়ংপ্রতি অর্জুনায় স্বমাহাত্ম্যখ্যাপনপূর্বকং শ্রীকৃষ্ণকৃতনারায়ণাদিস্বনামনির্বচনানুবাদঃ॥ 1॥Mahabharata - Shanti Parva - Chapter Text
12-350-0 (79899)
জনমেজয় উবাচ। 12-350-0x (6605)
অস্তৌষীদ্বৈদিকৈর্ব্যাসঃ সশিষ্যো মধুসূদনম্।
নামভির্বিবিধৈরেষাং নিরুক্তং ভগবন্মম॥ 12-350-1 (79900)
বক্তুমর্হসি শুশ্রূষোঃ প্রজাপতিপতের্হরঃ।
শ্রুৎবা ভবেয়ং যৎপূতঃ শরচ্চন্দ্র ইবামলঃ॥ 12-350-2 (79901)
বৈশম্পায়ন উবাচ। 12-350-3x (6606)
শৃণু রাজন্যথাচষ্ট ফল্গুনস্য হরিঃ প্রভুঃ।
প্রসন্নাত্মাত্মনো নাম্নাং নিরুক্তং গুণকর্মজম্॥ 12-350-3 (79902)
নামভিঃ কীর্তিতৈস্তস্য কেশবস্য মহাত্মনঃ।
পৃষ্টবান্কেশবং রাজন্ফগুনঃ পরবীরহা॥ 12-350-4 (79903)
অর্জুন উবাচ। 12-350-5x (6607)
ভগবন্ভূতভব্যেশ সর্বভূতসৃগব্যয।
লোকধাম জগন্নাথ লোকানামভয়প্রদ॥ 12-350-5 (79904)
যানি নামানি তে দেব কীর্তিতানি মহর্ষিভিঃ।
বেদেষু সপুরাণেষু যানি গুহ্যানি কর্মভিঃ॥ 12-350-6 (79905)
তেষাং নিরুক্তং ৎবত্তোঽহং শ্রোতুমিচ্ছামি কেশব।
ন হ্যন্যো বর্ণয়েন্নাম্নাং নিরুক্তং ৎবামৃতে প্রভো॥ 12-350-7 (79906)
শ্রীভগবানুবাচ। 12-350-8x (6608)
ঋগ্বেদে সয়জুর্বেদে তথৈবাথর্বসামসু।
পুরাণে সোপনিষদে তথৈব জ্যোতিষেঽর্জুন॥ 12-350-8 (79907)
সাঙ্খ্যে চ যোগশাস্ত্রে চ আয়ুর্বেদে তথৈব চ।
বহূনি মম নামানি কীর্তিতানি মহর্ষিভিঃ॥ 12-350-9 (79908)
গৌণানি তত্র নামানি কর্মজানি চ কানিচিৎ।
নিরুক্তং কর্মজানাং ৎবং শৃণুষ্ব প্রয়তোঽনঘ॥ 12-350-10 (79909)
কথ্যমানং ময়া তাত ৎবং হি মেঽর্ধং স্মৃতঃ পুরা।
নমোঽতিয়শমে তস্মৈ দেবানাং পরমাত্মনে॥ 12-350-11 (79910)
নারায়ণায় বিশ্বায় নির্গুণায় গুণাত্মনে।
যস্য প্রসাদজো ব্রহ্মা রুদ্রস্য ক্রোধসংভবঃ॥ 12-350-12 (79911)
যোসৌ যোনির্হি সর্বস্য স্থাবরস্য চরস্য চ।
অষ্টাদশগুণং যত্তৎসৎবং সৎববতাংবর॥ 12-350-13 (79912)
প্রকৃতিঃ সা পরা মহ্যং রোদসী লোকধারিণী।
ঋতা সত্যাঽমরা জয়্যা লোকানামাত্মসংজ্ঞিতা॥ 12-350-14 (79913)
তস্মাৎসর্বাঃ প্রবর্তন্তে সর্গপ্রলয়বিক্রিয়াঃ।
তপো যজ্ঞশ্চ যষ্টা চ পুরাণঃ পুরুষো বিরাট্॥ 12-350-15 (79914)
অনিরুদ্ধ ইতি প্রোক্তো লোকানাং প্রভবাপ্যযঃ।
ব্রাহ্মে রাত্রিক্ষয়ে প্রাপ্তে তস্য হ্যমিততেজসঃ॥ 12-350-16 (79915)
প্রসাদাৎপ্রাদুরভবৎপদ্মমর্কনিভং ক্ষণাৎ।
তত্র ব্রহ্মা সমভবৎস তস্যৈব প্রসাদজঃ॥ 12-350-17 (79916)
অহ্নঃ ক্ষয়ে ললাটাচ্চ সুতো দেবস্য বৈ তথা।
ক্রোধাবিষ্টস্য সংজজ্ঞে রুদ্রঃ সংহারকারকঃ॥ 12-350-18 (79917)
এতৌ দ্বৌ বিবুধশ্রেষ্ঠৌ প্রসাদক্রোধজাবুভৌ।
তদাদর্শিতপন্থানৌ সৃষ্টিসংহারকারকৌ॥ 12-350-19 (79918)
নিমিত্তমাত্রং তাবত্র সর্বপ্রাণিবরপ্রদৌ।
কপদীং জটিলো মুণ্ডঃ শ্মশানগৃহসেবকঃ॥ 12-350-20 (79919)
উগ্রব্রতচরো রুদ্রো যোগী ত্রিপুরদারণঃ।
দক্ষক্রতুহরশ্চৈব ভগনেত্রহরস্তথা॥ 12-350-21 (79920)
নারায়ণাত্মকো জ্ঞেয়ঃ পাণ্ডবেয় যুগেয়ুগে।
তস্মিন্হি পূজ্যমানে বৈ দেবদেবে মহেশ্বরে॥ 12-350-22 (79921)
সংপূজিতো ভবৎপার্থ দেবো নারায়ণঃ প্রভুঃ।
অহমাত্মা হি লোকানাং বিশ্বেষাং পাণ্ডুনন্দন॥ 12-350-23 (79922)
তস্মাদাত্মানমেবাগ্রে রুদ্রং সংপূজয়াম্যহম্।
যদ্যহং নার্চয়েয়ং বৈ ঈশানং বরদং শিবম্॥ 12-350-24 (79923)
আত্মানং নার্চয়েৎকশ্চিদিতি মে ভাবিতাত্মনঃ।
ময়া প্রমাণং হি কৃতং লোকঃ সমনুবর্ততে॥ 12-350-25 (79924)
প্রমাণানি হি পূজ্যানি ততস্তং পূজয়াম্যহম্।
যস্তং বেত্তি স মাং বেত্তি যোঽনু তং স হি মামনু॥ 12-350-26 (79925)
রুদ্রো নারায়ণশ্চৈব সৎবমেকং দ্বিধা কৃতম্।
লোকে চরতি কৌন্তেয় ব্যক্তিস্থং সর্বকর্মসু॥ 12-350-27 (79926)
ন হি মে কেনচিদ্দেয়ো বরঃ পাণ্ডবনন্দন।
ইতি সংচিন্ত্য মনসা পুরাণং রুদ্রমীশ্বরম্॥ 12-350-28 (79927)
পুত্রার্থমারাধিতবানহমাত্মানমাত্মনা।
ন হি বিষ্ণুঃ প্রণমতি কস্মৈচিদ্বিবুধায় চ॥ 12-350-29 (79928)
ঋতে আত্মানমেবেতি ততো রুদ্রং নমাম্যহম্।
সব্রহ্মকাঃ সরুদ্রাশ্চ সেন্দ্রা দেবাঃ সহর্ষিভিঃ॥ 12-350-30 (79929)
অর্চয়ন্তি সুরশ্রেষ্ঠং দেবং নারায়ণং হরিম্।
ভবিষ্যতাং বর্ততাং চ ভূতানাং চৈব ভারত॥ 12-350-31 (79930)
সর্বেষামগ্রণীর্বিষ্ণুঃ সেব্যঃ পূজ্যশ্চ নিত্যশঃ।
নমস্ব হব্যদং বিষ্ণুং তথা শরণদং নমঃ। 12-350-32 (79931)
বরদং নমস্ব কৌন্তেয় হব্যকব্যভুজং নমঃ।
চতুর্বিধা মম জনা ভক্তা এব হি মে শ্রুতম্॥ 12-350-33 (79932)
তেষামেকান্তিনঃ শ্রেষ্ঠা যে চৈবানন্যদেবতাঃ।
অহমেব গতিস্তেষাং নিরাশীঃ কর্মকারিণাম্॥ 12-350-34 (79933)
যে চ শিষ্টাস্ত্রয়ো ভক্তাঃ ফলকামা হি তে মতাঃ।
সর্বে চ্যবনধর্মাণঃ প্রতিবুদ্ধস্তু শ্রেষ্ঠভাক্॥ 12-350-35 (79934)
ব্রহ্মাণং শিতিকণ্ঠং চ যাশ্চান্যা দেবতাঃ স্মৃতাঃ।
প্রবুদ্ধচর্যাঃ সেবন্তো মামেবৈষ্যন্তি যৎফলম্॥ 12-350-36 (79935)
ভক্তং প্রতি বিশেষস্তে এষ পার্থানুকীর্তিতঃ।
ৎবং চৈবাহং চ কৌন্তেয় নরনারায়ণৌ স্মৃতৌ॥ 12-350-37 (79936)
ভারাবতরণার্থং তু প্রবিষ্টৌ মানুষীং তনুম্।
নানীভ্যধ্যাত্ময়োগাংশ্চ যোঽহং যস্মাচ্চ ভারত॥ 12-350-38 (79937)
নিবৃত্তিলক্ষণো ধর্মস্তথাঽঽভ্যদয়িকোঽপি চ।
নরাণাময়নং খ্যাতমহমেকঃ সনাতনঃ॥ 12-350-39 (79938)
আপো নারা ইতি প্রোক্তা আপো বৈ নরসূনবঃ।
অয়নং মম তাঃ পূর্বমতো নারায়ণোস্ম্যহম্॥ 12-350-40 (79939)
ছাদয়ামি জগদ্বিশ্বং ভূৎবা সূর্য ইবাংশুভিঃ।
সর্বভূতাধিবাসশ্চ বাসুদেবস্ততো হ্যহম্॥ 12-350-41 (79940)
গতিশ্চ সর্বভূতানাং প্রজনশ্চাপি ভারত।
ব্যাপ্তে ম রোদসী পার্থ কান্তিশ্চাভ্যধিকা মম। 12-350-42 (79941)
অধিভূতনিবিষ্টশ্চ তদ্বিশ্বং চাস্মি ভারত।
ক্রমণাচ্চাপ্যহং পার্থ বিষ্ণুরিত্যভিসংজ্ঞিতঃ॥ 12-350-43 (79942)
দমাৎসিদ্ধিং পরীপ্সন্তো মাং জনাঃ কাময়ন্তি হ।
দিবং চোর্বী চ মধ্যং চ তস্মাদ্দামোদরো হ্যহম্॥ 12-350-44 (79943)
পৃশ্নিরিত্যুচ্যতে চান্নং বেদা আপোঽমৃতং তথা।
মমৈতানি সদা গর্ভঃ পৃশ্নিগর্ভস্ততো হ্যহম্॥ 12-350-45 (79944)
ঋষয়ঃ প্রাহুরেবং মাং ত্রিতং কূপনিপাতিতম্।
পৃশ্নিগর্ভ ত্রিতং পাহীত্যেকতদ্বিতপাতিতম্॥ 12-350-46 (79945)
ততঃ স ব্রহ্মণঃ পুত্র আদ্যো হ্যৃষিবরস্ত্রিতঃ।
উত্ততারোদপানাদ্বৈ পৃশ্নিগর্ভানুকীর্তনাৎ॥ 12-350-47 (79946)
সূর্যস্য তপতো লোকানগ্নেঃ সোমস্য চাপ্যুত।
অংশবো যৎপ্রকাশন্তে মমৈতে কেশসংজ্ঞিতাঃ॥ 12-350-48 (79947)
সর্বজ্ঞাঃ কেশবং তস্মান্মামাহুর্দ্বিজসত্তমাঃ।
স্বপত্ন্যামাহিতো গর্ভ উচথ্যেন মহাত্মনা॥ 12-350-49 (79948)
উচথ্যেঽন্তহিংতে চৈব কদাচিদ্দেবতাজ্ঞয়া।
বৃহস্পতিরথাবিন্দত্তাং পত্নীং তস্য ধীমতঃ॥ 12-350-50 (79949)
ততো বৈ তমৃষিশ্রেষ্ঠং মৈথুনোপগতং তথা।
উবাচ গর্ভঃ কৌন্তেয় পঞ্চভূতগুণাত্মকঃ॥ 12-350-51 (79950)
পূর্বাগতোঽহং বরদ নার্হস্যম্বাং প্রবাধিতুম্।
এতদ্বৃহস্পতিঃ শ্রুৎবা চুক্রোধ চ শশাপ চ॥ 12-350-52 (79951)
মৈথুনায়াগতো যস্মাত্ৎবয়াঽহং বিনিবারিতঃ।
তস্মাদন্ধো যাস্যসি ৎবং মচ্ছাপান্নাত্র সংশয়ঃ॥ 12-350-53 (79952)
স শাপাদৃষিমুখ্যস্য দীর্ঘং তম উপেয়িবান্।
স হি দীর্ঘতমা নাম নাম্না হ্যাসীদৃষিঃ পুরা॥ 12-350-54 (79953)
বেদানবাপ্য চতুরঃ সাঙ্গোপাঙ্গান্সনাতনান্।
প্রয়োজয়ামাস তদা নাম গুহ্যমিদং মম॥ 12-350-55 (79954)
আনুপূর্ব্যেণ বিধিনা কেশবেতি পুনঃ পুনঃ।
স চক্ষুষ্মান্সমভবদ্গৌতমশ্চাভবৎপুনঃ॥ 12-350-56 (79955)
এবং হি বরদং নাম কেশবেতি মমার্জুন।
দেবানামথ সর্বেষামৃষীণাং চ মহাত্মনাম্॥ 12-350-57 (79956)
অগ্নিঃ সোমেন সংয়ুক্ত একয়োনির্মুখং কৃতম্।
অগ্নীষোমময়ং তস্মাজ্জগৎকৃৎস্নং চরাচরম্॥ 12-350-58 (79957)
অপি হি পুরাণে ভবতি একয়োন্যাবগ্নীষোমৌ দেবাশ্চাগ্নিমুখা ইতি। একয়োনিৎবাচ্চ পরস্পরং হর্ষয়ন্তো লোকান্ধারয়ন্ত ইতি ॥ ॥ 12-350-59 (79958)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে পঞ্চাশদধিকত্রিশততমোঽধ্যায়ঃ॥ 350॥
Mahabharata - Shanti Parva - Chapter Footnotes
12-350-1 নিরুক্তং নির্বচনম্॥ 12-350-3 গুণকর্মজং গুণঃ সর্বজ্ঞৎবাদিস্তজ্জম্। কর্ম জগৎসৃষ্ট্যাদি তজ্জম্॥ 12-350-14 ঋতা সত্যা মহারাজ যা লোকানামসংজ্ঞিতা ইতি থ. পাঠঃ॥ 12-350-17 পদ্মং পদ্মনিভেক্ষণেতি ঝ. পাঠঃ॥ 12-350-32 স্তব্যঃ পূজ্যশ্চ নিত্যশ ইতি ধ. পাঠঃ॥ 12-350-33 চতুর্বিধাঃ আর্তো জিজ্ঞাসুরর্থাথাং জ্ঞানী চেতি গীতোক্তাঃ॥ 12-350-40 তেন নারায়ণোঽস্ম্যহমিতি ট. ধ. পাঠঃ॥ 12-350-41 বাসয়ামিজগদ্বিশ্বমিতি ধ. পাঠঃ॥ 12-350-42 সর্বভূতানাং ব্রহ্মাদীনাং চ ভারতেতি থ. পাঠঃ॥ 12-350-45 পৃচ্ছন্ত্যেনং জিজ্ঞাসবো ধর্মজাতমিতি বা পৃচ্ছন্ত্যেনং ক্ষুধিতাদয় ইতি বা পৃশ্নির্বেদোঽত্রাদি বা গর্ভো গর্ভস্থানি॥শান্তিপর্ব - অধ্যায় 351
॥ শ্রীঃ ॥
12.351. অধ্যায়ঃ 351
Mahabharata - Shanti Parva - Chapter Topics
শ্রীকৃষ্ণেনার্জুনংপ্রতি সৃষ্টিপ্রকারকথনম্॥ 1॥ তথা ব্রাহ্মণমহিমানুবর্ণনম্॥ 2॥Mahabharata - Shanti Parva - Chapter Text
12-351-0 (79959)
অর্জুন উবাচ। 12-351-0x (6609)
অগ্নীষোমৌ কথং পূর্বমেকয়োনী প্রকীর্তিতৌ।
এষ মে সংশয়ো বীর তং ছিন্ধি মধুসূদন॥ 12-351-1 (79960)
শ্রীভগবানুবাচ। 12-351-2x (6610)
হন্ত তে বর্তয়িষ্যামি পুরাণং পাণ্ডুনন্দন।
আত্মতেজোদ্ভবং পার্থ শৃণুষ্বৈকমনা নৃপ॥ 12-351-2 (79961)
সংপ্রক্ষালনকালেঽতিক্রান্তে চতুর্যুগসহস্রান্তে।
অব্যক্তে সর্বভূতপ্রলয়ে সর্বভূতস্থাবরজঙ্গমে।
জ্যোতির্ধরণিবায়ুরহিতে অন্ধে তমসি জলৈকার্ণবেলোকে॥ 12-351-3 (79962)
মমায়মিত্যবিদিতভূতসংজ্ঞকেঽদ্বিতীয়ে প্রতিষ্ঠিতে॥ 12-351-4 (79963)
ন বৈ রাত্র্যাং ন দিবসে ন সতি নাসতি ন ব্যক্তে নচাপ্যব্যক্তে ব্যবস্থিতে॥ 12-351-5 (79964)
এতস্যামবস্থায়াং নারায়ণগুণাশ্রয়াদজরামরাদতীন্দ্রিয়াদগ্রাহ্যাদসংভবাৎসত্যাদহিংস্যাল্লবাদিভিরদ্বিতীয়াদপ্রবৃত্তিবিশেষাদবৈরাদক্ষয়াদমরাদজরাদমূর্তিতঃ সর্বব্যাপিনঃ সর্বকর্তুঃ শাশ্বতাত্তমসঃ পরাৎপুরুষঃ প্রাদুর্ভূতোস্য পুরুষস্য ব্রহ্ময়োনের্ব্রহ্মণঃ প্রাদুর্ভাবে হরিরব্যযঃ॥ 12-351-6 (79965)
নিদর্শনমপি হ্যত্র ভবতি॥ 12-351-7 (79966)
নাসীদহো ন রাত্রিরাসীন্ন সদাসীন্নাসদাসীত্তম এব পুরস্তাদভবদ্বিশ্বরূপম্। সা বিশ্বরূপস্য রজনী হি এবমস্যার্থোঽনুভাষ্যতে॥ 12-351-8 (79967)
তস্যেদানীং তমঃ সংভবস্য পুরুষস্য ব্রহ্ময়োনের্ব্রহ্মণঃ প্রাদুর্ভাবে স পুরুষঃ প্রজাঃ সিসৃক্ষমাণো নেত্রাভ্যামগ্নীষোমৌ সসর্জ। ততো ভূতসর্গেষু সৃষ্টেষু প্রজাঃ ক্রমবশাদ্ব্রহ্মক্ষত্রমুপাতিষ্ঠন্। যঃ সোমস্তদ্ব্রহ্ম যদ্ব্রহ্ম তে ব্রাহ্মণা যোঽগ্নিস্তৎক্ষত্রং ক্ষত্রাদ্ব্রহ্মবলবত্তরম্। কস্মাদিতি পরং ভূতং নোৎপন্নপূর্বং দীপ্যমানেঽগ্নৌ জুহোতি যো ব্রাহ্মণমুখে জুহোতীতি কৃৎবা ব্রবীমি ভূতসর্গঃ কৃতো ব্রহ্মণা ভূতানি চ প্রতিষ্ঠাপ্য ত্রৈলোক্যং ধার্যত ইতি মন্ত্রবাদোপি হি ভবতি॥ 12-351-9 (79968)
ৎবমগ্নে যজ্ঞানাং হোতা বিশ্বেষাং হিতো দেবানাং মানুষাণাং চ জগত ইতি॥ 12-351-10 (79969)
নিদর্শনং চাত্র ভাবতি বিশ্বেপামগ্নে যজ্ঞানাং ৎবং হোতেতি। ৎবং হিতো দেবৈর্মনুষ্যৈর্জগত ইতি॥ 12-351-11 (79970)
অগ্নির্হি যজ্ঞানাং হোতা কর্তা স চাগ্নির্ব্রহ্ম॥ 12-351-12 (79971)
ন হ্যৃতে মন্ত্রাণাং হবনমস্তি ন বিনা পুরুষং তপঃ সংভবতি। হবির্মন্ত্রাণাং সংপূজা বিদ্যতে দেবমানুপঋষীণামনেন ৎবং হোতেতি নিয়ুক্তঃ। যে চ মানুষহোত্রাধিকারাস্তে চক্রুর্ব্রাহ্মণস্য হি যাজনং বিধীয়তে ন ক্ষত্রবৈশ্যযোর্দ্বিজাত্যোস্তস্মাদ্ব্রাহ্মণা হ্যগ্নিভূতা যজ্ঞানুদ্বহন্তি। যজ্ঞাস্তে দেবাংস্তর্পয়ন্তি দেবাঃ পৃথিবীং ভাবয়ন্তি শতপথেঽপি হি ব্রাহ্মণমুখে ভবতি॥ 12-351-13 (79972)
অগ্নৌ সমিদ্ধে স জুহোতি যো বিদ্বান্ ব্রাহ্মণমুখেনাহুতিং জুহোতি॥ 12-351-14 (79973)
এবমপ্যগ্নিভূতা ব্রাহ্মণা বিদ্বাংসোঽগ্নিং ভাবয়ন্তি অগ্নির্বিষ্ণুঃ সর্বভূতান্যনুপ্রবিশ্য প্রাণান্ধারয়তি॥ 12-351-15 (79974)
অপিচাত্র সনৎকুমারগীতাঃ শ্লোকা ভবন্তি।
ব্রহ্মা বিশ্বং সৃজৎপূর্বং সর্বাদির্নিরবস্করঃ।
ব্রহ্মঘোষৈর্দিবং তিষ্ঠন্ত্যমরা ব্রহ্ময়োনয়ঃ॥ 12-351-16 (79975)
ব্রাহ্মণানামৃতং বাক্যং কর্মশ্রদ্ধাতপাংসি চ।
ধারয়ন্তি মহীং দ্যাং চ শৈত্যাদ্বায়্বমৃতং তথা॥ 12-351-17 (79976)
নাস্তি সত্যাৎপরো ধর্মো নাস্তি মাতৃসমো গুরুঃ।
ব্রাহ্মণেভ্যঃ পরং নাস্তি প্রেত্য চেহ চ ভূতয়ে॥ 12-351-18 (79977)
নৈষামুক্ষা বহতি নোত বাহা
ন গর্গরো মথ্যতি সংপ্রদানে।
অপধ্বস্তা দস্যুভূতা ভবন্তি
যেষাং রাষ্ট্রে ব্রাহ্মণা বৃত্তিহীনাঃ॥ 12-351-19 (79978)
তে চ পুরাণেতিহাসপ্রামাণ্যান্নারায়ণমুখোদ্গতাঃ।
সর্বাত্মানঃ সর্বকর্তারঃ সর্বভাবাশ্চ ব্রাহ্মণাশ্চ॥ 12-351-20 (79979)
বাক্সংয়মকালে হি তস্য বরপ্রদস্য দেবদেবস্য ব্রাহ্মণাঃ প্রথমং প্রাদুর্ভূতা ব্রাহ্মণেভ্যশ্চ শেষা বর্ণাঃ প্রাদুর্ভূতাঃ॥ 12-351-21 (79980)
ইত্থং চ সুরাসুরবিশিষ্টা ব্রাহ্মণা বেদময়া ব্রহ্মভূতেন পুরা স্বয়মেবোৎপাদিতাঃ সুরাসুরমহর্ষয়ো ভূতবিশেষাঃ স্থাপিতা নিগৃহীতাশ্চ তেষাং প্রভাবঃ শ্রূয়তাম্॥ 12-351-22 (79981)
অহল্যাধর্ষণনিমিত্তং হি গৌতমাদ্ধরিশ্মশ্রুতামিন্দ্রঃ প্রাপ্তঃ। গৌতমনিমিত্তং চেন্দ্রো মুষ্কবিয়োগং মেপবৃষণৎবং চাবাপ॥ 12-351-23 (79982)
অশ্বিনোর্গ্রহপ্রতিষেধোদ্যতবজ্রস্য পুরন্দরস্য চ্যবনেন স্তম্ভিতৌ বাহূ॥ 12-351-24 (79983)
ঋতুবধপ্রাপ্তমন্যুনা চ দক্ষেণ ভূয়স্তপসা চাত্মানং সংয়োজ্য ত্রিনেত্রাকৃতিরন্যা ললাটে রুদ্রস্যোৎপাদিতা॥ 12-351-25 (79984)
ত্রিপুরবধার্থং দীক্ষামুপগতস্য রুদ্রস্য উশনসাজটাঃ শিরস উৎকৃত্যাগ্নৌ প্রয়ুক্তাস্ততঃ প্রাদুর্ভূতা ভুজগাস্তৈরস্য ভুজগৈঃ পীড্যমানঃ কণ্ঠো নীলতামুপগতঃ। পূর্বে চ মন্বন্তরে স্বায়ংভুবে নারায়ণহস্তবন্ধগ্রহণান্নীলকণ্ঠৎবমুপনীতঃ॥ 12-351-26 (79985)
অমৃতোৎপাদনে পুনর্ভক্ষণতাং বায়ুসমীকৃতস্য বিষস্যোপগতশ্চ তদ্ভক্ষণমিতি তন্নিমিত্তমেব চন্দ্রকলা ব্রহ্মণা নিহিতা। আঙ্গিরসবৃহস্পতেরুপস্পৃশতো ন প্রসাদং গতবত্যঃ কিলাপঃ। অথ বৃহস্পতিরদ্ভ্যশ্চুক্রোধ যস্মান্মমোপস্পৃশতঃ কলুপীভূতা নচ প্রসাদমুপগতাস্ততস্মাদদ্যপ্রভৃতি ঝষমকরমৎস্যকচ্ছপজন্তুমণ্ডূকসংকীর্ণাঃ কলুষীভবতেতি। তদাপ্রভৃত্যাপো যাদোভিঃ সংকীর্ণাঃ কলুষীভবতেতি। তদাপ্রভৃত্যাপো যাদোভিঃ সংকীর্ণাঃ সংবৃত্তাঃ॥ 12-351-27 (79986)
বিশ্বরূপো হি বৈ ৎবাষ্ট্রঃ পুরীহিতো দেবানামাসীৎ। স্বস্ত্রীয়োসুরাণাং স প্রত্যক্ষং দেবেভ্যো ভাগমদাৎপরোক্ষমসুরেভ্যঃ॥ 12-351-28 (79987)
অথ হিরণ্যকশিষুং পুরস্কৃত্য বিশ্বরূপমাতরং স্বসারমসুরা বরময়াচন্ত হে স্বসরয়ং তে পুত্রস্ৎবাষ্ট্রো বিশ্বরূপস্ত্রিশিরা দেবানাং পুরোহিতঃ প্রত্যক্ষং দেবেভ্যোভাগমদাৎ পরোক্ষমস্মাকং ততো দেবা বর্ধন্তে বয়ং ক্ষীয়ামস্তদেনং ৎবং বারয়িতুমর্হসি তথা যথাঽস্মান্ভজেদিতি॥ 12-351-29 (79988)
অথ বিশ্বরূপং নন্দনবনমুপগতং মাতোবাচ পুত্র কিং পরপক্ষবর্ধনস্ৎবং মাতুলপক্ষং নাশয়সি। নার্হস্যেবং কর্তুমিতি স বিশ্বরূপো মাতুর্বাক্যমনতিক্রমণীয়মিতি মৎবা সংপূজ্য হিরণ্যকশিপুমগাৎ॥ 12-351-30 (79989)
হৈরণ্যগর্ভাচ্চ বসিষ্ঠাদ্ধিরণ্যকশিষুঃ শাপং প্রাপ্তবান্যস্মাত্ৎবয়াঽন্যো বৃতো হোতা তস্মাদসমাপ্তয়জ্ঞস্ৎবমপূর্বাৎসৎবজাতাদ্বধং প্রাপ্স্যসীতি তচ্ছাপদানাদ্ধিরণ্যকশিষুঃ প্রাপ্তবান্বধম্॥ 12-351-31 (79990)
অথ বিশ্বরূপো মাতৃপক্ষবর্ধনোত্যর্থং তপস্ব্যভবত্তস্য ব্রতভঙ্গার্থমিন্দ্রো বহ্নীঃ শ্রীমত্যোঽপ্সরসো নিয়ুয়োজ তাশ্চ দৃষ্ট্বা মনঃ ক্ষুভিতং তস্যাভবত্তাসু চাপ্সরঃসু নচিরাদেব সক্তোঽভবৎসক্তং চৈনং জ্ঞাৎবা অপ্সরস ঊচুর্গচ্ছামহে বয়ং যথাগতমিতি॥ 12-351-32 (79991)
তাস্ৎবাষ্ট্র উবচা। ক্ব গমিষ্যথাস্যতাং তাবন্ময়া সহ শ্রেয়ো ভবিষ্যতীতি তাস্তমব্রুবন্বয়ং দেবস্ত্রিয়োঽপ্সরস ইন্দ্রং দেবং বরদং পুরা প্রভবিষ্ণুং বৃণীমহ ইতি॥ 12-351-33 (79992)
অথ তা বিশ্বরূপোঽব্রবীদদ্যৈব সেন্দ্রা দেবা নভবিষ্যন্তীতি ততো মন্ত্রাঞ্জজাপ তৈর্মন্ত্রৈরবর্ধতত্রিশিরা একেনাস্যেন সর্বলোকেষু যথাবদ্দ্বিজৈঃ ক্রিয়াবদ্ভির্যজ্ঞেষু সুহৃতং সোমং পপৌ একে(1)নান্নমেকেন সেন্দ্রান্দেবানথেন্দ্রস্তং বিবর্ধমানং সোমপানাপ্যায়িতসর্বগাত্রং দৃষ্ট্বা চিন্তামাপেদে সহ দেবৈঃ॥ 12-351-34 (79993)
তে দেবাঃ সেন্দ্রা ব্রহ্মাণমভিজগ্মুস্ত ঊচুর্বিশ্বরূপেণ সর্বয়জ্ঞেষু সুহুতঃ সোমঃ পীয়তে বয়মভাগাঃ সংবৃত্তা অসুরপক্ষো বর্ধতে বয়ং ক্ষীয়ামস্তদর্হসি নো বিধাতুং শ্রেয়োঽনন্তরমিতি॥ 12-351-35 (79994)
তান্ব্রহ্মোবাচ ঋষির্ভার্গবস্তপস্তপ্যতে দধীচঃ স যাচ্যতাং বরং স যথা কলেবরং জহ্যাৎ তস্যাস্থিভির্বজ্রং ক্রিয়তামিতি॥ 12-351-36 (79995)
ততো দেবাস্তত্রাগচ্ছন্যত্র দধীচো ভগবানৃষিস্তপস্তেপে সেন্দ্রা দেবাস্তমভিগম্যোচুর্ভগবংস্তপসা কুশলমবিঘ্নং চেতি॥ 12-351-37 (79996)
তান্দধীচ উবাচ স্বাগতং ভবতাং উচ্যতাং কিং ক্রিয়তাং যদ্বক্ষ্যথ তৎকরিষ্যামি॥ 12-351-38 (79997)
তে তমব্রুবঞ্শরীপরিত্যাগং লোকহিতার্থং ভগবান্কর্তুমর্হতীতি॥ 12-351-39 (79998)
`এবমুক্তো দধীচস্তানব্রবীৎ। সহস্রং বর্ষাণামৈন্দ্রং পদমবাপ্যতে ময়া যদি জহ্যাম্। তথেত্যুক্ৎবেন্দ্রঃ স্বস্থানং দৎবা তপস্ব্যভবৎ। ইন্দ্রো দধীচোঽভবৎ। তাবৎপূর্বেণ সেন্দ্রা দেবা আগমন্কালোঽয়ং দেহন্যাসায়েতি। ' অথ দধীচস্তথৈবা বিমনাঃ সুখদুঃখসমো মহায়োগী আত্মনি পরমাত্মানং সমাধায় শরীরপরিত্যাগং চকার॥ 12-351-40 (79999)
`শ্রুতিরপ্যত্র ভবতি ইন্দ্রো দধীচোস্থিভিকৃতমিতি' তস্য পরমাত্মন্যপসৃতে তান্যস্থীতি বিধাতা সংগৃহ্য বজ্রমকরোত্তেন বজ্রেণাভেদ্যেনামধৃষ্যেণ ব্রহ্মাস্থিসংভূতেন বিষ্ণুপ্রবিষ্টেনেন্দ্রো বিশ্বরূপং জঘান শিরসাং চাস্য চ্ছেদনমকরোত্তক্ষ্ণ যজ্ঞপশোঃ শিরস্তে দদানীত্যুক্ৎবা। তস্মাদনন্তর বিশ্বরূপগাত্রমথনসংভবং ৎবাষ্ট্রোৎপাদিতমেবারিং বৃত্রমিন্দ্রো জঘান॥ 12-351-41 (80000)
(2)তস্যাং দ্বৈধীভূতানাং ব্রহ্মবধ্যায়াং ভয়াদিন্দ্রো দেবরাজ্যং পর্যত্যজদপ্সু সংভবাং চ শীতলাং মানসসরোগতাং নলিনীং প্রতিপেদে তত্র চৈশ্বর্যযোগাদণুমাত্রো ভূৎবা বিসগ্রন্থিং প্রবিবেশ॥ 12-351-42 (80001)
অথ ব্রহ্মবধ্যাকৃতে প্রনষ্টে ত্রৈলোক্যনাথে শচীপতৌ জগদনীশ্বরং বভূব দেবান্ রজস্তমশ্চাবিবেশমন্ত্রা ন প্রাবর্তন্ত মহার্ষীণাং রক্ষাংসি প্রাদুরভবন্ ব্রহ্ম চোৎসাদনং জগামানিন্দ্রাশ্চাবলালোকাঃ সুপ্রধৃষ্যা বভূবুঃ ॥ 12-351-43 (80002)
অথ দেবা ঋষয়শ্চায়ুষঃ পুত্রং নহুষং নাম দেবরাজ্যেঽভিষিপিচুর্নহুষঃ পঞ্চভিঃ শতৈর্জ্যোতিষাং ললাটে জ্বলদ্ভিঃ সর্বতেজোহরৈস্ত্রিবিষ্টপং পালয়াংবভূব॥ 12-351-44 (80003)
অথ লোকাঃ প্রকৃতিমাপেদিরে স্বস্থাশ্চ হৃষ্টাশ্চ বভূবুঃ॥ 12-351-45 (80004)
অথোবাচ নহুষঃ সর্বং মাং শক্রোপভোগ্যমুপস্থিতমৃতে শচীমিতি স এবমুক্ৎবা শচীসমীপমগমদ্বৃহস্পতিগৃহে চাসীনামুবাচনাং সুভগেঽহমিন্দ্রো দেবানাং ভজস্ব মামিতি তং শচীপ্রত্যুবাচ প্রকৃত্যা ৎবং ধর্মবৎসলঃ সোমবংশোদ্ভবশ্চ নার্হসি পরপত্নীধর্ষণং কর্তুমিতি॥ 12-351-46 (80005)
তামথোবাচ নহুষ ঐন্দ্রং পদমধ্যাস্যতে ময়াঽহমিন্দ্রস্য রাজ্যরত্নহরো নাত্রাধর্মঃ কশ্চিত্ৎবমিন্দ্রোপভুক্তেতি সা তমুবাচাস্তি মম কিংচিদ্ব্রতমপর্যবসিতং তস্যাবভৃথে ৎবামুপগমিষ্যামি কৈশ্চিদেবাহোভিরিতি স শচ্যৈবমভিহিতো জগাম॥ 12-351-47 (80006)
অথ শচী দুঃখশোকার্তা ভর্তৃদর্শনলালসানহুষভয়গৃহীতা বৃহস্পতিমুপাগচ্ছৎস চ তামত্যুদ্বিগ্নাং দৃষ্ট্বৈব ধ্যানং প্রবিশ্য ভর্তৃকার্যতৎপরাং জ্ঞাৎবা বৃহস্পতিরুবাচানেনৈব ব্রতেন তপসা চান্বিতা দেবীং বরদামুপশ্রুতিমাহ্বয় তদা সা তে ইন্দ্রং দর্শয়িষ্যতীতি সাঽথ মহানিয়মস্থিতা দেবীং বরদামুপশ্রুতিং মন্ত্রৈরাহ্বয়ৎসোপশ্রুতিঃ শচীসমীপমগাদুবাচ চৈনামিয়মস্তীতি ৎবয়াঽঽহূতোপস্থিতা কিং তে প্রিয়ং করবাণীতি তাং ভূর্ধ্না প্রণম্যোবাচ শচী ভগবত্যর্হসি মে ভর্তারং দর্শয়িতুং ৎবং সত্যা মাতা সতাং চেতি সৈনাং মানসং সরোঽনয়ত্তত্রেন্দ্রং বিসগ্রন্থিগতমদর্শয়ৎ॥ 12-351-48 (80007)
তামথ পত্নীং শচীং কৃশাং রলানাং চেন্দ্রো দৃষ্ট্বা চিন্তয়াংবভূব অহো মম দুঃখমিদমুপগতং নষ্টং হি মামিয়মন্বিষ্য যৎপত্ন্যভ্যগমদ্দুঃস্বার্তেতি তামিন্দ্র উবাচ (1)কথং বর্যসীতি সা তমুবাচ নহু(2)পো মামাহ্বয়তি পত্নীং কর্তুং কালশ্চাস্য ময়া কৃত ইতি তামিন্দ্র উবাচ গচ্ছ নহুষস্ৎবয়া বাচ্যোঽপূর্বেণ মামৃষিয়ুক্তেন যানেন ৎবমধিরূঢ উদ্বহস্বেতি। ইন্দ্রস্য মহান্তি বাহনানি সন্তি মনঃ প্রিয়াণ্যধিরূঢানি ময়া ৎবমন্যেনোপয়াতুমর্হতীতি সৈবমুক্তা হৃষ্টা জগামেন্দ্রোপি বিসগ্রন্থিমেবাবিবেশ ভূয়ঃ॥ 12-351-49 (80008)
অথেন্দ্রাণীমভ্যাগতাং দৃষ্ট্বা তামুবাচ নহুষো `যন্মে ৎবয়া কালঃ পরিকল্পিতঃ' পূর্ণঃ স কাল ইতি তং শচ্যব্রবীচ্ছক্রেণ যথোক্তং স মহর্ষিয়ুক্তং বাহনমধিরূঢঃ শচীসমীপমুপাগচ্ছৎ॥ 12-351-50 (80009)
অথ মৈত্রাবরুণিঃ কুম্ভয়োনিরগস্ত্য ঋষিবরো মহর্ষীন্ ধিক্ক্রিয়মাণাংস্তান্নহুষেণাপশ্যৎ তদ্দুষ্করমিতি স্বয়মপি গৃহীতঃ পদ্ভ্যাং চাস্পৃশ্যত ততঃ স নহুষমব্রবীদকার্যপ্রবৃত্ত পাপ পতস্ব মহীং সর্পো ভব যাবদ্ভূমির্গিরয়শ্চ তিষ্ঠেয়ুস্তাবদিতি সমহর্ষিবাক্যসমকালমেব তস্মাদ্যানাদবাপতৎ॥ 12-351-51 (80010)
অথানিন্দ্রং পুনস্ত্রৈলোক্যমভবৎ ততো দেবা ঋষয়শ্চ ভগবন্তং বিষ্ণুং শরণমিন্দ্রার্থেঽভিজগ্মুরূচুশ্চৈনং ভগবন্নিন্দ্রং ব্রহ্মহত্যাভিভূতং ত্রাতুমর্হসীতি ততঃ স বরদস্তানব্রবীদশ্বমেধং যজ্ঞং বৈষ্ণবং শক্রোঽভিয়জতাং ততঃ স্বস্থানং প্রাপ্স্যতীতি ততো দেবা ঋষয়শ্চেন্দ্রং নাপশ্যন্যদা তদা শচীমূচুর্গচ্ছ সুভগে ইন্দ্রমানয়স্বেতি সা তৎসর ইন্দ্রমাহ্বয়ৎ। ইন্দ্রশ্চ তস্মাৎসরসঃ প্রত্যুত্থায় গৎবা সরস্বতীমভিজগাম বৃহস্পতিশ্চাশ্বমেঘং মহাক্রতুং শক্রায়াহারৎ তত্র কৃষ্ণসারঙ্গং মেধ্যমশ্বমৎসৃজ্য পাবনং তমেব কৃৎবা ইন্দ্রং মরুৎপতিং বৃহস্পতিঃ স্বং স্থানং প্রাপয়ামাস॥ 12-351-52 (80011)
ততঃ স দেবরাট্ দেবৈর্ঋষিভিঃ স্তূয়মানস্ত্রিবিষ্টপস্থো নিষ্কল্মষো বভূব হ ব্রহ্মবধ্যাং চতুর্ষু স্থানেষু ব্যভজৎ বনিতাবৃক্ষগির্যবনিষু।' বনিতাসু রজঃ। বৃক্ষেষু নির্যাসঃ। গিরিষু শিম্বঃ পৃথিব্যামূষরঃ তেঽস্পৃশ্যাঃ। তস্মাদ্ধবিরলবণং পচ্যতে, এবমিন্দ্রো ব্রহ্মতেজঃ প্রভাবোপবৃংহিতঃ শত্রুবধং কৃৎবা স্বং স্থানং প্রাপিতঃ॥ 12-351-53 (80012)
`নহুষস্য শাপমোক্ষার্থং দেবৈর্ঋষিভিশ্চ যাচ্যমানোঽগস্ত্যঃ প্রাহ।
যাবৎস্বকুলজঃ শ্রীমান্ধর্মরাড্ভ্রাতৃভির্যুতঃ।
ভীমস্তস্যানুজস্তং ৎবং গ্রহীতা তু যুধিষ্ঠরঃ।
কথয়িৎবা স্বকান্প্রশ্নাংস্ৎবাং চ তং চ বিমোক্ষ্যতি॥' 12-351-54 (80013)
আকাশগঙ্গাগতশ্চ পুরা ভরদ্বাজো মহর্ষিরুপাস্পৃশত্রীন্ক্রমান্ক্রমতা বিষ্ণুনাঽভ্যাসাদিত স ভরদ্বাজেন সলক্ষণেন পাণিনোরসি তাডিতঃ সলক্ষণোরস্কঃ সংবৃত্তঃ॥ 12-351-55 (80014)
ভৃগুণা মহর্ষিণা শপ্তোঽগ্নিঃ সর্বভক্ষৎবমুপানীতঃ॥ 12-351-56 (80015)
অদিতির্বৈ দেবানামন্নমপচদেতদ্ভুক্ৎবা সুরা অসুরান্হনিষ্যন্তীতি তত্র বুধো ব্রতচর্যারামাপ্তাবাগচ্ছদদিতিং চায়াচদ্ভিক্ষাং দেহীতি তত্র দেবৈঃ পূর্বমেতৎপ্রাশ্যং নান্যেনেত্যদিতির্ভিক্ষাং নাদাদথ ভিক্ষাপ্রত্যাখ্যানরূষিতেন বুধেন ব্রহ্মভূতেনাদিতিঃ শপ্তা অদিরেরুদরে ভবিষ্যতি ব্যথা বিবস্বতো দ্বিতীয়জন্মন্যণ্ডসংজ্ঞিতস্য অণ্ডং মাতুরদিত্যা মারিতং স মার্তাণ্ডো বিবস্বানভবচ্ছ্রাদ্ধদেবঃ॥ 12-351-57 (80016)
দক্ষস্য যা দৈ দুহিতরঃ ষষ্টিরাসংস্তাসাং কশ্যপারয় ত্রয়োদশ প্রাদাদ্দশ ধর্মায় দশ মনবে সপ্তবিঁশতিমিন্দবে তাসু তুল্যাসু নক্ষত্রাখ্যাং গতাসু সোমো রোহিণ্যামভ্যধিকং প্রীতিমান ভূত্ততস্তাঃ শিষ্টাঃ পত্ন্য ইর্ষ্যাব্রত্যঃ পিতুঃ সমীপং গৎবেমমর্থং শশংসুর্ভগবন্নস্মাসু তুল্যপ্রভাবাসু সোমো রোহিণীং প্রত্যধিকং ভজতীতি সোঽব্রবীদ্যক্ষ্মৈনমাবেক্ষ্যত ইতি দক্ষশাপাচ্চ সোমং রাজানং যক্ষ্মা বিবেশ স যক্ষ্মণাঽঽবিষ্টো দক্ষমগাদ্দক্ষশ্চৈনমব্রবীন্ন সমং বর্তস ইতি তত্রর্ষয়ঃ সোমমব্রুবন্ক্ষীয়সে যক্ষ্মণা পশ্চিমায়াং দিশি সমুদ্রে হিরণ্যসরস্তীর্থং তত্র গৎবা আত্মানমভিষেচয়স্বেত্যথাগচ্ছৎসোমস্তত্র হিরণ্যসরস্তীর্থং গৎবা চাত্মনঃ সেচনমকরোৎ স্নাৎবা চাত্মানং পাপ্মনো মোক্ষয়ামাস তত্র চাব ভাসিতস্তীর্থে যদা সোমস্তদাপ্রভৃতি চ তীর্থং তৎপ্রভাসমিতি নাম্না খ্যাতং বভূব॥ 12-351-58 (80017)
তচ্ছাপাদদ্যাপি ক্ষীয়তে সোমোঽমাবাস্যান্তরস্থঃ পৌর্ণমাসীমাত্রেঽধিষ্ঠিতো মেঘলেখাপ্রতিচ্ছন্নং বপুর্দর্শয়তি মেঘসদৃশং বর্ণমগমত্তদস্য শশলক্ষ্মবিমলমভবৎ॥ 12-351-59 (80018)
স্থূলশিরা মহর্ষির্মেরোঃ প্রাগুত্তরে দিগ্বিভাগে তপস্তেপে ততস্তস্য তপস্তপ্যমানস্য সর্বগন্ধবহঃ শুচির্বায়ুর্বায়মানঃ শরীরমস্পৃশৎস তপসা তাপিতশরীরঃ কৃশো বায়ুনোপবীজ্যমানো হৃদয়ে পরিতোষমগমত্তত্র কিল তস্যানিলব্যজনকৃতপরিতোষস্য সদ্যো বনস্পতয়ঃ পুষ্পশোভাং নিদর্শিতবন্ত ইতি স এতাঞ্শশাপ ন সর্বকালং পুষ্পফলবন্তো ভবিষ্যথেতি॥ 12-351-60 (80019)
নারায়ণো লোকহিতার্থং ব়ডবামুখো নাম পুরা মহর্ষির্বভূব তস্য মেরৌ তপস্তপ্যতঃ সমুদ্র আহূতো নাগতস্তেনামর্ষিতেনাত্মগাত্রোষ্মণাঃ সমুদ্রঃ স্তিমিতজলঃ কৃতঃ স্বেদপ্রস্যন্দনসদৃশশ্চাস্য লবণভাবো জনিতঃ॥ 12-351-61 (80020)
উক্তশ্চাপ্যপেয়ো ভবিষ্যস্তেতচ্চ তে তোয়ং বডবামুখসংজ্ঞিতেন পেপীয়মানং মধুরং ভবিষ্যতি তদেতদদ্যাপি বডবামুখসংজ্ঞিতেনানুবর্তিনা তোয়ং সমুদ্রাৎপীয়তে। `পুনরুমা দক্ষকোপাদ্ধিমবতো গিরের্দুহিতা বভূব॥' 12-351-62 (80021)
হিমবতো গিরের্দুহিতরমুমাং কন্যাং রুদ্রশ্চকমে ভৃগুরপি চ মহর্ষির্হিমবন্তমাগত্যাব্রবীৎ কন্যামিমাং মে দেহীতি তমব্রবীদ্ধিমবানভিলষিতো বরো দুহিতুর্হি রুদ্র ইতি তমব্রবীদ্ভৃগুর্যস্মাত্ৎবয়াঽহং কন্যাবরণকৃতভাবঃ প্রত্যাখ্যাতস্তস্মান্ন রত্নানাং ভবান্ভাজনং ভবিষ্যতীতি॥ 12-351-63 (80022)
অদ্যপ্রভৃত্যেতদবস্থিতমৃষিবচনং তদেবংবিধং মাহাত্ম্যং ব্রাহ্মণানাম্॥ 12-351-64 (80023)
ক্ষত্রমপি চ ব্রাহ্মণপ্রসাদাদেব শাশ্বতীমব্যযাং চ পৃথিবীং পত্নীমভিগম্য বুভুজে॥ 12-351-65 (80024)
তদেতদ্ব্রহ্মক্ষত্রগ্নীষোমীয়ং তেন জগদ্ধার্যরতে॥ ॥ 12-351-66 (80025)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে একপঞ্চাশদধিকত্রিশততমোঽধ্যায়ঃ॥ 351॥
Mahabharata - Shanti Parva - Chapter Footnotes
12-351-11 দেবানাং মানুষে জন ইতি ধ. পাঠঃ॥ 12-351-17 বাক্যং মন্ত্রশ্রদ্ধামনাংসি চেতি ট. পাঠঃ॥ 12-351-18 নাস্তি মন্ত্রাৎসমাশ্রয়মিতি ট. পাঠঃ॥ 12-351-19 গর্গরঃ দধীক্ষুতৈলাদিনিপীডনয়ন্ত্রম্॥ 12-351-34 একেনাপঃ সুরামেকেন। 12-351-42 তস্মিন্দ্বিধাভূতে তদ্ব্রহ্মবধ্যাভয়াৎ ইতি ট. ধ. পাঠঃ। 12-351-49 কথং কর্তাসীতীতি ধ. পাঠঃ। নহুষো মাং দুষ্টস্তর্কয়তীতি থ. ধ. পাঠঃ॥শান্তিপর্ব - অধ্যায় 352
॥ শ্রীঃ ॥
12.352. অধ্যায়ঃ 352
Mahabharata - Shanti Parva - Chapter Topics
শ্রীকৃষ্ণেনার্জুনংপ্রতি হৃষীকেশাদিস্বনামনির্বচনম্॥ 1॥ তথা রুদ্গনারায়ণয়ুদ্ধবর্ণনম্॥ 2॥Mahabharata - Shanti Parva - Chapter Text
12-352-0 (80026)
`ভগবানুবাচ। 12-352-0x (6611)
নাম্নাং নিরুক্তং বক্ষ্যামি শৃণুষ্বৈকাগ্রমানসঃ।
সূর্যাচন্দ্রমসৌ শশ্বৎকেশৈর্মে অংশুসংজ্ঞিতৈঃ।'
বোধয়ংস্তাপয়ংশ্চৈব জগদুত্তিষ্ঠতে পৃথক্॥ 12-352-1 (80027)
বোধনাত্তাপনাচ্চৈব জগতো হর্ষণং ভবেৎ।
অগ্নীষোমকৃতৈরেভিঃ কর্মভিঃ পাণ্ডুনন্দন।
হৃষীকেশোঽহমীশানো বরদো লোকভাবনঃ॥ 12-352-2 (80028)
ইলোপহূতং গেহেষু হরে ভাগং ক্রতুষ্বহম্।
বর্ণো মে হরিতঃ শ্রেষ্ঠস্তস্মাদ্ধরিরহং স্মৃতঃ॥ 12-352-3 (80029)
ধামসারো হি লোকানামৃতং চৈব বিচারিতম্।
ঋতধামা ততো বিপ্রৈঃ সদ্যশ্চাহং প্রকীর্তিতঃ॥ 12-352-4 (80030)
নষ্টাং চ ধরণীং পূর্বমবিন্দং বৈ গুহাগতাম্।
গোবিন্দ ইতি তেনাহং দেবৈর্বাগ্ভিরভিষ্টুতঃ॥ 12-352-5 (80031)
শিপিবিষ্টেতি চাখ্যায়াং হীনরোমা চ যো ভবেৎ।
তেনাবিষ্ট তু যৎকিংচিচ্ছিপিবিষ্টেতি চ স্মৃতঃ॥ 12-352-6 (80032)
যাস্কো মামৃপিরব্যগ্রো নৈকয়জ্ঞেষু গীতবান্।
শিপিবিষ্ট ইতি হ্যস্মাদ্গুহ্যনামধরো হ্যহম্॥ 12-352-7 (80033)
স্তুৎবা মাং শিপিবিষ্টেতি যাস্ক ঋষিরুদারধীঃ।
মৎপ্রসাদাদধো নষ্টং নিরুক্তমভিজগ্মিবান্॥ 12-352-8 (80034)
ন হি জাতো ন জায়েয়ং ন জনিষ্যে কদাচন।
ক্ষেত্রজ্ঞঃ সর্বভূতানাং তস্মাদহমজং স্মৃতঃ॥ 12-352-9 (80035)
নোক্তপূর্বং ময়া ক্ষুদ্রমশ্লীলং বা কদাচন।
ঋতা ব্রহ্মসুতা সা মে সত্যদেবী সরস্বতী॥ 12-352-10 (80036)
সচ্চাসচ্চৈব কৌন্তেয় ময়া বেশিতমাত্মনি।
পৌষ্করে ব্রহ্মসদনে সত্যং মাসৃষয়ো বিদুঃ॥ 12-352-11 (80037)
সৎবান্ন চ্যুতপূর্বোঽহং সত্যং বৈ বিদ্ধি মৎকুতম্।
জন্মনীহাভবেৎসৎবং পৌর্বিকং মে ধনংজয়॥ 12-352-12 (80038)
নিরাশীঃ কর্মসংয়ুক্তঃ সৎবতশ্চাপ্যকল্মষঃ।
সাৎবতজ্ঞানগদৃষ্টোঽহং সৎবতামিতি সাৎবতঃ॥ 12-352-13 (80039)
কৃষাণি মেদিনীং পার্থ ভূৎবা কার্ষ্ণায়সো মহান্।
কৃষ্ণো বর্ণশ্চ মে যস্মাত্তস্মাৎকৃষণোঽহমর্জুন॥ 12-352-14 (80040)
ময়া সংশ্লেষিতা ভূমিরদ্ভির্ব্যোম চ বায়ুনা।
বায়ুশ্চ তেজসা সার্ধং বৈকুণ্ঠৎবং ততো মম॥ 12-352-15 (80041)
নির্বাণং পরমং ব্রহ্ম ধর্মোঽসৌ পর উচ্যতে।
তস্মান্ন চ্যুতপূর্বোঽহমচ্যুতস্তেন কর্মণা॥ 12-352-16 (80042)
পৃথিবীনভসী চোভে বিশ্রুতে বিশ্বতোমুখে।
তয়োঃ সংধারণার্থং হি মামধোক্ষজমঞ্জসা॥ 12-352-17 (80043)
নিরুক্তং বেদবিদুপো বেদশব্দার্থচিন্তকাঃ।
তে মাং গায়ন্তি প্রাগ্বংশে অধোক্ষজ ইতি স্মৃতঃ॥ 12-352-18 (80044)
শব্দ একমতৈরেপ ব্যাহৃতঃ পরমর্ষিভিঃ।
নান্যো হ্যধোক্ষজো লোকে ঋতে নারায়ণং প্রভুম্॥ 12-352-19 (80045)
ধৃতং মমার্চিষো লোকে জন্তূনাং প্রাণধারণম্।
ঘৃতার্চিরহমব্যগ্রৈর্বেদজ্ঞৈঃ পরিকীর্তিতঃ॥ 12-352-20 (80046)
ত্রয়ো হি ধাতবঃ খ্যাতাঃ কর্মজা ইতি যে স্মৃতাঃ।
পিত্তং শ্লেষ্মা চ বায়ুশ্চ এষ সংঘাত উচ্যতে॥ 12-352-21 (80047)
এতৈশ্চ ধার্যতে জন্তুরেতৈঃ ক্ষীণৈশ্চ ক্ষীয়তে।
আয়ুর্বেদবিদস্তস্মাত্রিধাতুং মাং প্রচক্ষতে॥ 12-352-22 (80048)
বৃষো হি ভগবান্ধর্মঃ খ্যাতো লোকেষু ভারত।
নেঘণ্টুকপদাখ্যানে বিদ্ধি মাং বৃষমুত্তমম্॥ 12-352-23 (80049)
কপির্বরাহঃ শ্রেষ্ঠশ্চ ধর্মশ্চ বৃষ উচ্যতে।
ৎসমাদ্বৃষাকপিং প্রাহ কশ্যপো মাং প্রজাপতিঃ॥ 12-352-24 (80050)
ন চাদিং ন মধ্যং তথা চৈব নান্তং
কদাচিদ্বিমন্তে দ্বিজা মে সুরাশ্চ।
অনাদ্যো হ্যমধ্যস্তথা চাপ্যনন্তঃ।
প্রগীতোঽহমীশো বিভূর্লোকসাক্ষী॥ 12-352-25 (80051)
শুচীনি শ্রবণীয়ানি শৃণোমীহ ধনংজয়।
ন চ পাপানি গৃহ্ণামি ততোঽহং বৈ শুচিশ্রবাঃ॥ 12-352-26 (80052)
একশৃঙ্গঃ পুরা ভূৎবা বরাহো নন্দিবর্ধনঃ।
ইমাং চোদ্ধৃতবান্ভূমিমেকশৃঙ্গস্ততো হ্যহম্॥ 12-352-27 (80053)
তথৈবাসং ত্রিককুদো বারাহং রূপমাস্থিতঃ।
ত্রিককুত্তেন বিখ্যাতঃ শরীরস্য তু মাপনাৎ॥ 12-352-28 (80054)
নিরিঞ্চ ইতি যৎপ্রোক্তং কাপিল জ্ঞানচিন্তকৈঃ।
স প্রজাপতিরেবাহং চেতনাৎসর্বলোককৃৎ॥ 12-352-29 (80055)
বিদ্যাসহায়বন্তং মামাদিত্যস্থং সনাতনম্।
কপিলং প্রাহুরাচার্যাঃ সাঙ্খ্যা নিশ্চিতনিশ্চয়াঃ॥ 12-352-30 (80056)
হিরণ্যগর্ভো দ্যুতিমান্য এষ চ্ছন্দসি স্তুতঃ।
যোগৈঃ সংপূজ্যতে নিত্যং স এবাহং বিভুঃ স্মৃতঃ॥ 12-352-31 (80057)
একবিংশতিসাহস্রং ঋগ্বেদং মাং প্রচক্ষতে।
সহস্রশাখং যৎসাম যে বৈ বেদবিদো জনাঃ।
গায়ন্ত্যারণ্যকে বিপ্রা মদ্ভক্তাস্তে হি দুর্লভাঃ॥ 12-352-32 (80058)
ষট্পঞ্চাশতমষ্টৌ চ সপ্তত্রিংশতমিত্যত।
যস্মিঞ্শাখা যজুর্বেদে সোহমাধ্বর্যবে স্মৃতঃ॥ 12-352-33 (80059)
পঞ্চকল্পমথর্বাণং কৃত্যাভিঃ পরিবৃংহিতম্।
কল্পয়ন্তি হি মাং বিপ্রা অথর্বাণবিদস্তথা॥ 12-352-34 (80060)
শাখাভেদাশ্চ যে কেচিদ্যাশ্চ শাখাসু গীতয়ঃ।
স্বরবর্ণসমুচ্চারাঃ সর্বাংস্তান্বিদ্ধি মৎকৃতান্॥ 12-352-35 (80061)
যত্তদ্ধয়শিরঃ পার্থ সমুদেতি বরপ্রদম্।
সোহমেবোত্তরে ভাগে ক্রমাক্ষরবিভাগবিৎ॥ 12-352-36 (80062)
রামাদেশিতমার্গেণ মৎপ্রসাদান্মহাত্মনা।
পাঞ্চালেন ক্রমঃ প্রাপ্তস্তস্মাদ্ভূতাৎসনাতনাৎ॥ 12-352-37 (80063)
বাভ্রব্যগোত্রঃ স বভৌ প্রথমং ক্রমপারগঃ।
নারায়ণাদ্বরং লব্ধ্বা প্রাপ্য যোগমনুত্তমম্।
ক্রমং প্রণীয় শিক্ষাং চ প্রণয়িৎবা স গালবঃ॥ 12-352-38 (80064)
পুণ্ডরীকোঽথ রাজা চ ব্রহ্মদত্তঃ প্রতাপবান্।
জাতীমরণজং দুঃখং স্মৃৎবাস্মৃৎবা পুনঃ পুনঃ।
সপ্তজাতিষু মুখ্যৎবাদ্যোগানা সংপদং গতঃ॥ 12-352-39 (80065)
পুরাঽহমাত্মজঃ পার্থ প্রথিতঃ কারণান্তরে।
ধর্মস্য কুরুশার্দূল ততোঽহং ধর্মজঃ স্মৃতঃ॥ 12-352-40 (80066)
নরনারায়ণৌ পূর্বং তপস্তেপতুরব্যযম্।
ধর্ময়ানং সমারূঢৌ পর্বতে গন্ধমাদনে॥ 12-352-41 (80067)
তৎকালসময়ে চৈব দক্ষয়জ্ঞো বভূব হ।
ন চৈবাকল্পয়দ্ভাগং দক্ষো রুদ্রস্য ভারত॥ 12-352-42 (80068)
ততো দধীচিবচনাদ্দক্ষয়জ্ঞমপাহরৎ।
সসর্জ শূলং কোপেন প্রজ্বলন্তং মুহুর্মুহুঃ॥ 12-352-43 (80069)
তচ্ছূলং ভস্মসাৎকৃৎবা দক্ষয়জ্ঞং সবিস্তরম্।
আবয়োঃ সহসাঽগচ্ছদ্বদর্যাশ্রমমন্তিকাৎ।
বেগেন মহতা পার্থ পতন্নারায়ণোরসি॥ 12-352-44 (80070)
তত্তস্যতেজসাঽঽবিষ্টাঃ কেশা নারায়ণস্য হ।
বভূবুর্মুঞ্জবর্ণাস্তু ততোঽহং মুঞ্জকেশবান্॥ 12-352-45 (80071)
তচ্চ শূলং বিনির্ধূতং হুংকারেণ মহাত্মনা।
জগাম শংকরকরং নারায়ণসমাহতম্॥ 12-352-46 (80072)
অথ রুদ্র উপাধাবত্তাবৃষী তপসাঽন্বিতৌ॥ 12-352-47 (80073)
তত এনং সমুদ্ধূতং কণ্ঠে জগ্রাহ পাণিনা।
নারায়ণঃ স বিশ্বাত্মা তেনাস্য শিতিকণ্ঠতা॥ 12-352-48 (80074)
অথ রুদ্রবিঘাতার্থমিষীকাং নর উদ্ধরন্।
মন্ত্রৈশ্চ সংয়ুয়োজাশু সোঽভবৎপরশুর্মহান্॥ 12-352-49 (80075)
ক্ষিপ্তশ্চ সহসা তেন খণ্ডনং প্রাপ্তবাংস্তদা।
ততোঽহং খণ্ডপরশুঃ স্মৃতঃ পরশুখণ্ডনাৎ॥ 12-352-50 (80076)
`রুদ্রস্য ভাগং প্রদদুর্ভাগমুচ্ছেষণং পুনঃ।
শ্রুতিরপ্যত্র ভবতি বেদৈরুক্তস্তথা পুনঃ॥ 12-352-51 (80077)
উচ্ছেপণভাগো বৈ রুদ্রস্তস্যোচ্ছেপণেন হোতব্যমিতি সর্বে গম্যরূপেণ তদা॥' 12-352-52 (80078)
অর্জুন উবাচ। 12-352-53x (6612)
অস্মিন্যুদ্ধে তু বার্ষ্ণেয় ত্রৈলোক্যশমনে তদা।
কো জয় প্রাপ্তবাংস্তত্র শংসৈতন্মে জনার্দন॥ 12-352-53 (80079)
শ্রীভগবানুবাচ। 12-352-54x (6613)
তয়োঃ সংরব্ধয়োর্যুদ্ধে রুদ্রনারায়ণাত্মনোঃ।
উদ্বিগ্রাঃ সহসা কৃৎস্নাঃ সর্বে লোকাস্তদাঽভবন্॥ 12-352-54 (80080)
নাগৃহ্ণাৎপাব্নকঃ শুভ্রং মূখেষু সুহুতং হবিঃ।
বেদা ন প্রতিভান্তি স্ম ঋষীণাং ভাবিতাত্মনাং॥ 12-352-55 (80081)
দেবান্রজস্তমশ্চৈব সমাবিবিশতুস্তদা।
বসুধা সংচকম্পে চ নভশ্চ বিপফাল হ॥ 12-352-56 (80082)
নিষ্প্রভাণি চ তেজাংসি ব্রহ্মা চৈবাসনচ্যুতঃ।
অগাচ্ছোপং সমুদ্রশ্চ হিমবাংশ্চ ব্যশীর্যত॥ 12-352-57 (80083)
তস্মিন্নেবং সমুৎপন্নে নিমিত্তে পাণ্ডুনন্দন।
ব্রহ্মা বৃতো দেবগণার্ঋষিভিশ্চ মহাত্মভিঃ।
আজগামাশু তং দেশং যত্র যুদ্ধমবর্তত॥ 12-352-58 (80084)
সোঽঞ্জলিপ্রগ্রহো ভূৎবা চতুর্বক্রো নিরুক্তগঃ।
উবাচ বচনং রুদ্রং লোকানামস্তু বৈ শিবম্।
ত্যজায়ুধানি বিশ্বেশ জগতো হিতকাম্যযা॥ 12-352-59 (80085)
যদক্ষরমথাব্যক্তমীশং লোকস্য ভাবনম্।
কূটস্থং কর্তৃনির্দ্বন্দ্বমকর্তেতি চ যং বিদুঃ।
ব্যক্তিভাবগতস্যাস্য একা মূর্তিরিয়ং শুভা॥ 12-352-60 (80086)
নরো নারায়ণশ্চৈব জাতৌ ধর্মকুলোদ্বহৌ।
তপসা মহতা যুক্তৌ দেবশ্রেষ্ঠৌ মহাব্রতৌ॥ 12-352-61 (80087)
অহং প্রসাদজস্তস্য কুতশ্চিৎকারণান্তরে।
ৎবং চৈব ক্রোধজস্তাত পূর্বসর্গে সনাতনঃ॥ 12-352-62 (80088)
ময়া চ সার্ধং বরদ বিবুধৈশ্চ মহর্ষিভিঃ।
প্রসাদয়াশু লোকানাং শান্তির্ভবতু মাচিরম্॥ 12-352-63 (80089)
ব্রহ্মণা ৎবেবমুক্তস্তু রুদ্রঃ ক্রোধাগ্নিমুৎসৃজন্।
প্রসাদয়ামাস ততো দেবং নারায়ণং প্রভুম্।
শরণং চ জগামাদ্যং বরেণ্যং বরদং হরিম্॥ 12-352-64 (80090)
ততোঽথ বরদো দেবো জিতক্রোধো জিতেন্দ্রিয়ঃ।
প্রীতিমানভবত্তত্র রুদ্রেণ সহ সংগতঃ॥ 12-352-65 (80091)
ঋষিভির্ব্রহ্মণা চৈব বিবুধৈশ্চ সুপূজিতঃ।
উবাচ দেবমীশানমীশঃ স জগতো হরিঃ॥ 12-352-66 (80092)
যস্ৎবাং বেত্তি স মাং বেত্তি যস্ৎবামনু স মামনু।
নাবয়োরন্তরং কিংচিন্মা তেঽভূদ্বুদ্ধিরন্যথা॥ 12-352-67 (80093)
অদ্যপ্রভৃতি শ্রীবৎসঃ শূলাঙ্কো মে ভবৎবয়ম্।
মম পাণ্যঙ্কিতশ্চাপি শ্রীকণ্ঠস্ৎবং ভবিষ্যসি॥ 12-352-68 (80094)
শ্রীভগবানুবাচ। 12-352-69x (6614)
এবংলক্ষণমুৎপাদ্য পরস্পরকৃতং তদা।
সখ্যং চৈবাতুলং কৃৎবা রুদ্রেণ সহিতাবৃষী।
তপস্তেপতুরব্যগ্রৌ বিসৃজ্য ত্রিদিবৌকসঃ॥ 12-352-69 (80095)
এষ তে কথিতঃ পার্থ নারায়ণজয়ো মৃধে।
নামানি চৈব গুহ্যানি নিরুক্তানি চ ভারত।
ঋষিভিঃ কথিতানীহ যানি সংকীর্তিতানি তে॥ 12-352-70 (80096)
এবং বহুবিধৈ রূপৈশ্চরামীহ বসুংধরাম্।
ব্রহ্মলোকং চ কৌন্যেয় গোলোকং চ সনাতনম্॥ 12-352-71 (80097)
ময়া ৎবং রক্ষিতো যুদ্ধে মহান্তং প্রাপ্তবাঞ্জয়ম্॥ 12-352-72 (80098)
যস্তু তে সোগ্রতো যাতি যুদ্ধে সংপ্রত্যুপস্থিতে।
তং বিদ্ধি রুদ্রং কৌন্তেয় দেবদেবং কপর্দিনম্॥ 12-352-73 (80099)
কালঃ স এব বিহিতঃ ক্রোধজেতি ময়া তব।
নিহতাংস্তেন বৈ পূর্বং হতবানসি যান্রিপূন্॥ 12-352-74 (80100)
অপ্রমেয়প্রভাবং তং দেবদেবমুমাপতিম্।
নমস্ব দেবং প্রয়তো বিশ্বেশং হরমক্ষয়ম্॥ 12-352-75 (80101)
যশ্চ তে কথিতঃ পূর্বং ক্রোধজেতি পুনঃ পুনঃ।
তস্য প্রভাব এবাগ্রে যচ্ছ্রুতং তে ধনংজয়॥ ॥ 12-352-76 (80102)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে দ্বিপঞ্চাশদধিকত্রিশততমোঽধ্যায়ঃ॥ 352॥
Mahabharata - Shanti Parva - Chapter Footnotes
12-352-1 বোধয়ন্স্থাপয়ংশ্চৈবেতি ট. পাঠঃ॥ 12-352-2 বোধনাৎস্থাপনাচ্চৈবেতি ট. পাঠঃ॥ 12-352-3 ইলোপহূতং যোগেনেতি ঝ. পাঠঃ॥ 12-352-6 শিপিবিষ্টং হি তৎস্মৃতমিতি ট. ধ. পাঠঃ॥ 12-352-11 পৌষ্করে মন্নাভিকমলোত্থে॥ 12-352-13 নিরাশীঃ কর্ম নিষ্কামকর্ম॥ 12-352-15 বিগতা কুণ্ঠা পঞ্চানাং ভূতানাং মেলনে অসামর্থ্যং যস্য স বিকুণ্ঠঃ স এব বৈকুণ্ঠঃ॥ 12-352-17 অধইতি পৃথিবী। অক্ষূ ব্যাপ্তাবিত্যতোঽক্ আকাশঃ। তে উভে সঞ্জয়তি সঙ্গেন ধারয়তীত্যধোক্ষজ ইত্যর্থঃ॥ 12-352-18 প্রাগ্বংশে যজ্ঞশালৈকদেজ্ঞে॥ 12-352-20 মম বহ্নিস্বরূপস্যার্চিপো বর্ধকমিতি শেষঃ॥ 12-352-28 শরীরস্য প্রকোপনাদিতি ধ. পাঠঃ॥ 12-352-29 কালিবিজ্ঞানচিন্তকৈরিতি ট. পাঠঃ। রেচনাৎসর্বলোককৃদিতি ধ. পাঠঃ॥ 12-352-43 অপাহরন্নাশিতবান্ রুদ্র ইতি শেষঃ॥ 12-352-44 তচ্ছূলং কর্তৃ॥ 12-352-45 তত্তেজসা শূলতেজসা॥ 12-352-48 এনং সমুদ্ধূতমুড্ডীয়াগতং রুদ্রম্॥ 12-352-50 ক্ষিপ্ত আক্ষিপ্তস্তেন রুদ্রশূলেন রুদ্রেণ বা॥ 12-352-64 বরদং হর ইতি ট. পাঠঃ॥শান্তিপর্ব - অধ্যায় 353
॥ শ্রীঃ ॥
12.353. অধ্যায়ঃ 353
Mahabharata - Shanti Parva - Chapter Topics
শ্বেতদ্বীপাদ্ধদর্যাশ্রমমুপাগতস্য নারদস্য শ্রীনারায়ণেন সংবাদঃ॥ 1॥Mahabharata - Shanti Parva - Chapter Text
12-353-0 (80103)
শৌনক উবাচ। 12-353-0x (6615)
সৌতে সুমহদাখ্যানং ভবতা পরিকীর্তিতম্।
যচ্ছ্রুৎবা মুনয়ঃ সর্বে বিস্ময়ং পরমং গতাঃ॥ 12-353-1 (80104)
সর্বাশ্রমাভিগমনং সর্বতীর্থাবগাহনম্।
ন তথা ফলদং সৌতে নারায়ণকথা যথা॥ 12-353-2 (80105)
পাবিতাঙ্গাঃ স্ম সংবৃত্তাঃ শ্রুৎবেমামাদিতঃ কথাম্।
নারায়ণাশ্রয়াং পুণ্যাং সর্বপাপপ্রমোচনীম্॥ 12-353-3 (80106)
দুর্দর্শো ভগবান্দেবঃ সর্বলোকনমস্কৃতঃ।
সব্রহ্মকৈঃ সুরৈঃ কৃৎস্নৈরন্যৈশ্চৈব মহর্ষিভিঃ॥ 12-353-4 (80107)
দৃষ্টবান্নারদো যত্তু দেবং নারায়ণং হরিম্।
নূনমেনদ্ধ্যনুমতং তস্য দেবস্য সূতজ॥ 12-353-5 (80108)
যদৃষ্টবাঞ্জগন্নাথমনিরুদ্দতনৌ স্থিতম্।
যৎপ্রাদ্রবৎপুনর্ভূয়ো নারদো দেবসত্তমৌ।
নরনারায়ণৌ দ্রষ্টুং কারণং তদ্ব্রবীহি মে॥ 12-353-6 (80109)
সৌতিরুবাচ। 12-353-7x (6616)
তস্মিন্যজ্ঞে বর্তমানে রাজ্ঞঃ পারিক্ষিতস্য বৈ।
কর্মান্তরেষু বিধিবদ্বর্তমানেষু শৌনক॥ 12-353-7 (80110)
কৃষ্ণদ্বৈপায়নং ব্যাসমৃষিং বেদনিধিং প্রভুম্।
পরিপপ্রচ্ছ রাজেন্দ্রঃ পিতামহপিতামহম্॥ 12-353-8 (80111)
জনমেজয় উবাচ। 12-353-9x (6617)
শ্বেতদ্বীপান্নিবৃত্তেন নারদেন সুরর্ষিণা।
ধ্যায়তা ভগবদ্বাক্যং চেষ্টিতং কিমতঃ পরম্॥ 12-353-9 (80112)
বদর্যাশ্রমমাগম্য সমাগম্য চ তাবৃষী।
কিয়ন্তং কালমবসৎকাং কথাং পৃষ্টবাংশ্চ সঃ॥ 12-353-10 (80113)
ইদং শতসহস্রাদ্ধি ভারতাখ্যানবিস্তরাৎ।
আমন্থ্য মতিমন্থেন জ্ঞানোদধিমনুত্তমম্॥ 12-353-11 (80114)
নবনীতং যথা দধ্নো মলয়াচ্চন্দনং যথা।
অরণ্যকং চ বেদেভ্য ওষধীভ্যোঽমৃতং যথা।
সমুদ্ধৃতমিদং ব্রহ্মন্কথামৃতমিদং তথা॥ 12-353-12 (80115)
তপোনিধে ৎবয়োক্তং হি নারায়ণকথাশ্রয়ম্।
স ঈশো ভগবান্দেবঃ সর্বভূতাত্মভাবনঃ॥ 12-353-13 (80116)
অহো নারায়ণং তেজো দুর্দর্শং দ্বিজসত্তম।
যত্রাবিশন্তি কল্পান্তে সর্বে ব্রহ্মাদয়ঃ সুরাঃ॥ 12-353-14 (80117)
ঋষয়শ্চ সগন্ধর্বা যচ্চ কিংচিচ্চরাচরম্।
ন ততোঽস্তি পরং মন্যে পাবতং দিবি চেহ চ॥ 12-353-15 (80118)
সর্বাশ্রমাভিগমনং সর্বতীর্থাবগাহনম্।
ন তথা ফলদং চাপি নারায়ণকথা যথা॥ 12-353-16 (80119)
সর্বথা পাবিতাঃ স্মেহ শ্রুৎবেমামাদিতঃ কথাম্।
হরের্বিশ্বেশ্বরস্যেহ সর্বপাপপ্রণাশনীম্॥ 12-353-17 (80120)
ন চিত্রং কৃতবাংস্তত্র যদার্যো মে ধনংজয়ঃ।
বাসুদেবসহায়ো যঃ প্রাপ্তবাঞ্জয়মুত্তমম্॥ 12-353-18 (80121)
ন চাস্য কিংচিদপ্রাপ্যং মন্যে লোকেষ্বপি ত্রিষু।
ত্রৈলোক্যনাথো বিষ্ণুঃ স যথাঽসীৎসাহ্যকৃৎসখা॥ 12-353-19 (80122)
ধন্যাশ্চ সর্ব এবাসন্ব্রহ্মংস্তে মম পূর্বজাঃ।
হিতায় শ্রেয়সে চৈব যেষামাসীজ্জনার্দনঃ॥ 12-353-20 (80123)
তপসাঽপ্যথ দুর্দর্শো ভগবাঁল্লোকপূজিতঃ।
যং দৃষ্টবন্তস্তে সাক্ষাচ্ছ্রীবৎসাঙ্কবিভূষণম্॥ 12-353-21 (80124)
তেভ্যো ধন্যতরশ্চৈব নারদঃ পরমেষ্ঠিজঃ।
`দৃষ্টবান্যো হরিং দেবং নারায়ণমজং বিভুম্॥' 12-353-22 (80125)
ন চাল্পতেজসমৃষিং বেদ্মি নারদমব্যযম্।
শ্বেতদ্বীপং সমাসাদ্য যেন দৃষ্টঃ স্বয়ং হরিঃ॥ 12-353-23 (80126)
দেবপ্রসাদানুগতং ব্যক্তং তত্তস্য দর্শনম্।
যদ্দৃষ্টবাংস্তদা দেবমনিরূদ্ধতনৌ স্থিতম্॥ 12-353-24 (80127)
বদরীমাশ্রমং যত্তু নারদঃ প্রাদ্রবৎপুনঃ।
নরনারায়ণৌ দ্রষ্টুং কিং নু তৎকারণং মুনে॥ 12-353-25 (80128)
শ্বেতদ্বীপান্নিবৃত্তশ্চ নারদঃ পরমেষ্ঠিজঃ।
বদরীমাশ্রমং প্রাপ্য সমাগম্য চ তাবৃষী।
কিয়ন্তং কালমবসৎপ্রশ্নান্কান্পৃষ্টবাংশ্চ হ॥ 12-353-26 (80129)
শ্বেতদ্বীপাদুপাবৃত্তে তস্মিন্বা সুমহাত্মনি।
কিমব্রূতাং মহাত্মানৌ নরনারায়ণাবৃষী।
তদেতন্মে যথাতত্ৎবং সর্বমাখ্যাতুমর্হসি॥ 12-353-27 (80130)
`সৌতিরুবাচ। 12-353-28x (6618)
তস্য তদ্বচনং শ্রুৎবা কৃষ্ণদ্বৈপায়নস্তদা।
শশাস শিষ্যমাসীনং বৈশম্পায়নমন্তিকে।
তদস্মৈ সর্বমাচক্ষ্ব যন্মত্তঃ শ্রুতবানসি॥ 12-353-28 (80131)
গুরোর্বচনমাজ্ঞায় স তু বিপ্রর্ষভস্তদা।
আচচক্ষে ততঃ সর্বমিতিহাসং পুরাতনম্॥' 12-353-29 (80132)
বৈশম্পায়ন উবাচ। 12-353-30x (6619)
নমো ভগবতে তস্মৈ ব্যাসায়ামিততেজসে।
যস্য প্রসাদাদ্বক্ষ্যামি নারায়ণকথামিমাম্॥ 12-353-30 (80133)
প্রাপ্য শ্বেতং মহাদ্বীপং দৃষ্ট্বা চ হরিমব্যযম্।
নিবৃত্তো নারদো রাজস্তরসা মেরুমাগমৎ।
হৃদয়েনোদ্বহন্ভারং যদুক্তং পরমাত্মনা॥ 12-353-31 (80134)
পশ্চাদস্যাভবদ্রাজন্নাত্মনঃ সাধ্বসং মহৎ।
যদ্গৎবা দূরমধ্বানং ক্ষেমী পুনরিহাগতঃ॥ 12-353-32 (80135)
মেরোঃ প্রচক্রাম ততঃ পর্বতং গন্ধমাদনম্।
নিপপাত চ খাত্তূর্ণং বিশালাং বদরীমনু॥ 12-353-33 (80136)
ততঃ স দদৃশে দেবৌ পুরাণাবৃষিসত্তমৌ।
তপশ্চরন্তৌ সুমহদাত্মনিষ্ঠৌ মহাব্রতৌ॥ 12-353-34 (80137)
তেজসাঽভ্যধিকৌ সূর্যাৎসর্বলোকবিরোচনাৎ।
শ্রীবৎসলক্ষণৌ পূজ্যৌ জটামণ্ডলধারিণৌ॥ 12-353-35 (80138)
জালপাদভুজৌ তৌ তু পাদয়োশ্চক্রলক্ষণৌ।
ব্যূঢোরস্কৌ দীর্ঘভুজৌ তথা মুষ্কচতুষ্কিণৌ॥ 12-353-36 (80139)
ষষ্টিদন্তাবষ্টদংষ্ট্রৌ মেঘৌঘসদৃশস্বনৌ।
স্বাস্যৌ পৃথুললাটৌ চ সুভ্রূসুহনুনাসিকৌ।
আতপত্রেণ সদৃশে শিরসী দেবয়োস্তয়োঃ॥ 12-353-37 (80140)
এবং লক্ষণসংপন্নৌ মহাপুরুষসংজ্ঞিতৌ।
তৌ দৃষ্ট্বা নারদো হৃষ্টস্তাভ্যাং চ প্রতিপূজিতঃ॥ 12-353-38 (80141)
স্বাগতেনাভিভাষ্যাথ পৃষ্টশ্চানাময়ং তথা।
বভূবান্তর্গতমতির্নিরীক্ষ্য পুরুষোত্তমৌ॥ 12-353-39 (80142)
সদোগতাস্তত্র যে বৈ সর্বভূতনমস্কৃতাঃ।
শ্বেতদ্বীপে ময়া দৃষ্টাস্তাদৃশাবৃষিসত্তমৌ॥ 12-353-40 (80143)
ইতি সংচিন্ত্য মনসা কৃৎবা চাভিপ্রদক্ষিণাম্।
স চোপবিবিশে তত্র পীঠে কুশময়ে শুভে॥ 12-353-41 (80144)
ততস্তৌ তপসাং বাসৌ যশসাং তেজসামপি।
ঋষী শমদমোপেতৌ কৃৎবা পৌর্বাহ্ণিকং বিধিম্॥ 12-353-42 (80145)
যশ্চান্নারদমব্যগ্রৌ পাদ্যার্ধ্যাভ্যামথার্চতঃ।
পীঠয়োশ্চোপবিষ্টৌ তৌ কৃতাতিথ্যাহ্নিকৌ নৃপৌ॥ 12-353-43 (80146)
তেষু তত্রোপবিষ্টেষু স দেশোঽভিব্যরাজত।
ভ্রাজ্যাহুতিমহাঞ্বালৈর্যজ্ঞবাটো যথাঽগ্নিভিঃ॥ 12-353-44 (80147)
অথ নারায়ণস্তত্র নারদং বাক্যমব্রবীৎ।
সুখোপবিষ্টং বিশ্রান্তং কৃতাতিথ্যং সুখস্থিতম্॥ 12-353-45 (80148)
অপীদানীং স ভগবান্পরমাত্মা সনাতনঃ।
শ্বেতদ্বীপে ৎবয়া দৃষ্ট আবয়োঃ প্রকৃতিঃ পরা॥ 12-353-46 (80149)
নারদ উবাচ। 12-353-47x (6620)
দৃষ্টো মে পুরুষঃ শ্রীমান্বিশ্বরূপধরোঽব্যযঃ।
সর্বে লোকা হি তত্রস্থাস্তথা দেবাঃ সহর্ষিভিঃ॥ 12-353-47 (80150)
অদ্যাপি চৈনং পশ্যামি যুবাং পশ্যন্সনাতনৌ॥ 12-353-48 (80151)
যৈর্লক্ষণৈরুপেতঃ স হরিরব্যরক্তরূপধৃৎ।
তৈর্লক্ষণৈরুপেতৌ হি ব্যক্তরূপধরৌ যুবাম্॥ 12-353-49 (80152)
দৃষ্টৌ যুবাং ময়া তত্র তস্য দেবস্য পার্শ্বতঃ।
ইহৈব চাগতোঽস্ম্যদ্য বিসৃষ্টঃ পরমাত্মনা॥ 12-353-50 (80153)
কো হি নাম ভবেত্তস্য তেজসা যশসা শ্রিয়া।
সদৃশস্ত্রিষু লোকেষু ঋতে ধর্মাত্মজৌ যুবাম্॥ 12-353-51 (80154)
তেন মে কথিতঃ কৃৎস্নো ধর্মঃ ক্ষেত্রজ্ঞসংজ্ঞিতঃ।
প্রাদুর্ভাবাশ্চ কথিতা ভবিষ্যা ইহ যে যথা॥ 12-353-52 (80155)
তত্র যে পুরুষাঃ শ্বেতাঃ পঞ্চেন্দ্রিয়বিবর্জিতাঃ।
প্রতিবুদ্ধাশ্চ তে সর্বে ভক্তাশ্চ পুরুষোত্তমম্॥ 12-353-53 (80156)
তেঽর্চয়ন্তি সদা দেবং তৈঃ সার্ধং রমতে চ সঃ।
প্রিয়ভক্তো হি ভগবান্পরমাত্মা দ্বিজপ্রিয়ঃ॥ 12-353-54 (80157)
রমতে সোঽর্চ্যমানো হি সদা ভাগবতপ্রিয়ঃ।
বিশ্বভুক্সর্বগো দেবো মাধবো ভক্তবৎসলঃ॥ 12-353-55 (80158)
স কর্তা কারণং চৈব কার্যং চাতিবলদ্যুতিঃ।
হেতুশ্চাজ্ঞাবিধানং চ তত্ৎবং চৈব মহায়শাঃ॥ 12-353-56 (80159)
তপসা যোজ্য সোত্মানং শ্বেতদ্বীপাৎপরং হি যৎ।
তেজ ইত্যভিবিখ্যাতং স্বয়ং ভাসাবভাসিতম্॥ 12-353-57 (80160)
শান্তিঃ সা ত্রিষু লোকেষু বিহিতা ভাবিতাত্মনা।
এতয়া শুভয়া বুদ্ধ্যা নৈষ্ঠিকং ব্রতমাস্থিতঃ॥ 12-353-58 (80161)
ন তত্র সূর্যস্তপতি ন সোমোঽভিবিরাজতে।
ন বায়ুর্বাতি দেবেশে তপশ্চরতি দুশ্চরম্॥ 12-353-59 (80162)
বেদীমষ্টনলোৎসেধাং ভূমাবাস্থায় বিশ্বকৃৎ।
একপাদস্থিতো দেব ঊর্ধ্ববাহুরুদঙ্ভুখঃ॥ 12-353-60 (80163)
সাঙ্গানাবর্তয়ন্বেদাংস্তপস্তেপে সুদুশ্চরম্।
যদ্ব্রহ্ম ঋষয়শ্চৈব স্বয়ং পশুপতিশ্চ যৎ॥ 12-353-61 (80164)
শেষাশ্চ বিবুধশ্রেষ্ঠা দৈত্যদানবরাক্ষসাঃ।
নাগাঃ সুপর্ণা গন্ধর্বাঃ সিদ্ধা রাজর্পয়শ্চ তে॥ 12-353-62 (80165)
হব্যং কব্যং চ সততং বিধিয়ুক্তং প্রয়ুঞ্জতে।
কৃৎস্নং তু তস্য দেবস্য চরণাবুপতিষ্ঠতঃ॥ 12-353-63 (80166)
যাঃ ক্রিয়াঃ সংপ্রয়ুক্তাশ্চ একান্তগতবুদ্ধিভিঃ।
তাঃ সর্বাঃ শিরসা দেবঃ প্রতিগৃহ্ণাতি বৈ স্বয়ং॥ 12-353-64 (80167)
ন তস্যান্যঃ প্রিয়তরঃ প্রতিবুদ্ধৈর্মহাত্মভিঃ।
বিদ্যতে ত্রিষু লোকেষু ততোঽস্যৈকান্তিকং গতঃ॥ 12-353-65 (80168)
ইহ চৈবাগতোঽস্ম্যদ্য বিসৃষ্টঃ পরমাত্মনা।
এবং মে ভগবান্দেবঃ স্বয়মাখ্যাতবান্হরিঃ॥ 12-353-66 (80169)
আসিষ্যে তৎপরো ভূৎবা যুবাভ্যাং সহ নিত্যশঃ॥ ॥ 12-353-67 (80170)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে ত্রিপঞ্চাশদধিকত্রিশততমোঽধ্যায়ঃ॥ 353॥
Mahabharata - Shanti Parva - Chapter Footnotes
12-353-18 কেশবেনাভিসংগুপ্তঃ প্রাপ্তবানাহয়ে জয়মিতি ট. ধ. পাঠঃ॥ 12-353-26 কাঃ কথাঃ পৃষ্টবাংশ্চ স ইতি ধ. পাঠঃ॥ 12-353-31 হৃদয়েনোদ্বহন্ভাবমিতি ধ. পাঠঃ॥ 12-353-36 জালপাদা হংসাস্তদঙ্কিতভুজৌ হংসপাদাঙ্কিতভুজৌ। চক্রলক্ষণৌ চক্রাঙ্কিতপাদৌ। জানুপাতভুজান্তাবিতি ট. পাঠঃ। রক্তপাদভুজান্তাবিতি ধ. পাঠঃ॥ 12-353-40 সমাগতৌ হি তত্রৈতৌ সর্বভূতনমস্কৃতৌ। শ্বেতদ্বীপে ময়া দৃষ্টৌ তাদৃশাবিহ সত্তমাবিতি থ. ধ. পাঠঃ॥ 12-353-57 শ্বেত ইত্যভিবিখ্যাতমিতি ধ. পাঠঃ॥ 12-353-58 লোকেষু সিদ্ধানভাবিতাত্মনামিতি চ. ধ. পাঠঃ॥ 12-353-60 নলবৎপর্বয়ুকত্ৎবান্নলশব্দেনাঙ্গুলং গ্রাহ্মম্॥ 12-353-64 একান্তগতবুদ্ধিরব্যভিচরিতবুদ্ধিভিঃ॥ 12-353-65 ততোস্ম্যেকান্তিতাং গত ইতি থ. ধ. পাঠঃ॥শান্তিপর্ব - অধ্যায় 354
॥ শ্রীঃ ॥
12.354. অধ্যায়ঃ 354
Mahabharata - Shanti Parva - Chapter Topics
নরনারায়ণাভ্যাং নারদায় শ্রীভগবন্মহিমানুবর্ণনম্॥ 1॥ বদর্থাশ্রমে নরাদেন চিরতরং তপশ্চর্যা॥ 2॥Mahabharata - Shanti Parva - Chapter Text
12-354-0 (80171)
নরনারায়ণাবূচতুঃ। 12-354-0x (6621)
ধন্যোস্যনুগৃহীতোসি যত্তে দৃষ্টঃ স্বয়ংপ্রভুঃ।
ন হি তং দৃষ্টবান্কশ্চিৎপদ্ময়োনিরপি স্বয়ম্॥ 12-354-1 (80172)
অব্যক্তয়োনির্ভগবান্দুর্দর্শঃ পুরুষোত্তমঃ।
নারদৈতদ্ধি নৌ সত্যং বচনং সমুদাহৃতম্॥ 12-354-2 (80173)
নাস্য ভক্তাৎপ্রিয়তরো লোকে কশ্চন বিদ্যতে।
ততঃ স্বয়ং দর্শিতবান্স্বমাত্মানং দ্বিজোত্তম॥ 12-354-3 (80174)
তপো হি তপ্যতস্তস্য যৎস্থানং পরমাত্মনঃ।
ন তৎসংপ্রাপ্নুতে কশ্চিদৃতে হ্যাবাং দ্বিতোত্তম॥ 12-354-4 (80175)
যা হি সূর্যসহস্রস্য সমস্তস্য ভবেদ্দ্যুতিঃ।
স্থানস্য সা ভবেত্তস্য স্বয়ং তেন বিরাজতা॥ 12-354-5 (80176)
তস্মাদুত্তিষ্ঠতে বিপ্র দেবাদ্বিশ্বভুবঃ পতেঃ।
ক্ষমা ক্ষমাবতাং শ্রেষ্ঠ যয়া ভূমিস্তু যুজ্যতে॥ 12-354-6 (80177)
তস্মাচ্চোত্তিষ্ঠতে দেবাৎসর্বভূতহিতাদ্রসঃ।
আপো হি তেন যুজ্যন্তে দ্রবৎবং প্রাপ্নুবন্তি চ॥ 12-354-7 (80178)
তস্মাদেব সমুদ্ভূতং তেজো রূপগুণাত্মকম্।
যেন সংয়ুজ্যতে সূর্যস্ততো লোকে বিরাজতে॥ 12-354-8 (80179)
তস্মাদ্দেবাৎসমুদ্ভূতঃ স্পর্শস্তু পুরুষোত্তমাৎ।
যেন স্ম যুজ্যতে বায়ুস্ততো লোকান্বিবাত্যসৌ॥ 12-354-9 (80180)
তস্মাচ্চোত্তিষ্ঠতে শব্দঃ সর্বলোকেশ্বরাৎপ্রভোঃ।
আকাশং যুজ্যতে যেন ততস্তিষ্ঠত্যসংবৃতম্॥ 12-354-10 (80181)
তস্মাচ্চোত্তিষ্ঠতে দেবাৎসর্বভূতগতং মনঃ।
চন্দ্রমা যেন সংয়ুক্তঃ প্রকাশগুণধারণঃ॥ 12-354-11 (80182)
সদ্ভূতোৎপাদকং নাম তৎস্থানং বেদসংজ্ঞিতম্।
বিদ্যাসহায়ো যত্রাস্তে ভগবান্হব্যকব্যভুক্॥ 12-354-12 (80183)
যে হি নিষ্কল্মষা লোকে পুণ্যপাপবিবর্জিতাঃ।
তেষাং বৈ ক্ষেমমধ্বানং গচ্ছতাং দ্বিজসত্তম॥ 12-354-13 (80184)
সর্বলোকে তমোহন্তা আদিত্যো দ্বারমুচ্যতে।
` জ্বালামালী মহাতেজা যেনেদং ধার্যতে জগৎ॥' 12-354-14 (80185)
আদিত্যদগ্ধসর্বাঙ্গা অদৃশ্যাঃ কেনচিৎক্বচিৎ।
পরমাণুভূতা ভূৎবা তু তং দেবং প্রবিশন্ত্যুত॥ 12-354-15 (80186)
তস্মাদপি চ নির্মুক্তা অনিরুদ্ধতনৌ স্থিতাঃ।
মনোভূতাস্ততো ভূৎবা প্রদ্যুম্নং প্রবিশন্ত্যুত॥ 12-354-16 (80187)
প্রদ্যুম্নাচ্চাপি নির্মুক্তা জীবং সংকর্ষণং ততঃ।
বিশন্তি বিপ্রপ্রবরাঃ সাঙ্খ্যা ভাগবতৈঃ সহ॥ 12-354-17 (80188)
ততস্ত্রৈগুণ্যহীনাস্তে পরমাত্মানমঞ্জসা।
প্রবিশন্তি দ্বিজশ্রেষ্ঠাঃ ক্ষেত্রজ্ঞং নির্গুণাত্মকম্।
সর্বাবাসং বাসুদেবং ক্ষেত্রজ্ঞং বিদ্ধি তত্ৎবতঃ॥ 12-354-18 (80189)
সমাহিতমনস্কাশ্চ নিয়তাঃ সংয়তেন্দ্রিয়াঃ।
একান্তভাবোপগতা বাসুদেবং বিশন্তি তে॥ 12-354-19 (80190)
আবামপি চ ধর্মস্য গুহে জাতৌ দ্বিজোত্তম।
রম্যাং বিশালামাশ্রিত্য তপ উগ্রং সমাস্থিতৌ॥ 12-354-20 (80191)
যে তু তস্যৈব দেবস্য প্রাদুর্ভাবাঃ সুরপ্রিয়াঃ।
ভবিষ্যন্তি ত্রিলোকস্থাস্তেষাং স্বস্তীত্যথো দ্বিজ॥ 12-354-21 (80192)
বিধিনা স্বেন যুক্তাভ্যাং যথাপূর্বং দ্বিজোত্তম।
আস্থিতাভ্যাং সর্বকৃচ্ছ্রং ব্রতং সম্যগনুত্তমম্॥ 12-354-22 (80193)
`স্বার্থেন বিধিনা যুক্তঃ সর্বকৃচ্ছ্রব্রতে স্থিতঃ।'
আবাভ্যামপি দৃষ্টস্ৎবং শ্বেতদ্বীপে তপোধন॥ 12-354-23 (80194)
সমাগতো ভগবতা সংকল্পং কৃতবাংস্তথা।
সর্বং হি নৌ সংবিদিতং ত্রৈলোক্যে সচরাচরে॥ 12-354-24 (80195)
যদ্ভবিষ্যতি বৃত্তং বা বর্ততে বা শুভাশুভম্।
সর্বং স তে কথিতবান্দেবদেবো মহামুনে॥ 12-354-25 (80196)
বৈশম্পায়ন উবাচ। 12-354-26x (6622)
এতচ্ছ্রুৎবা তয়োর্বাক্যং তপস্যুগ্রে চ বর্ততোঃ।
নারদঃ প্রাঞ্জলির্ভূৎবা নারায়ণপরায়ণঃ॥ 12-354-26 (80197)
জজাপ বিধিবন্মন্ত্রান্নারায়ণগতান্বহূন্।
দিব্যং বর্ষসহস্রং হি নরনারায়ণাশ্রমে॥ 12-354-27 (80198)
অবসৎস মহাতেজা নারদো ভগবানৃষিঃ।
তাবেবাভ্যর্চয়ন্দেবৌ নরনারায়ণৌ চ তৌ॥ ॥ 12-354-28 (80199)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে চতুঃপঞ্চাদশধিকত্রিশততমোঽধ্যায়ঃ॥ 354॥
Mahabharata - Shanti Parva - Chapter Footnotes
12-354-2 আকাশয়োনির্ভগবানিতি ধ. পাঠঃ॥ 12-354-7 সর্বভূতহিতোরস ইতি থ. পাঠঃ॥ 12-354-15 পরমাণ্বাত্মভূতাস্তু তং দেশং প্রতিসন্ত্যুতেতি থ. পাঠঃ॥ 12-354-17 বিপ্রপ্রবরাস্তেষাং শুদ্ধা গতির্হিসেতি ধ. পাঠঃ॥ 12-354-20 বিশালাং বদরীম্॥শান্তিপর্ব - অধ্যায় 355
॥ শ্রীঃ ॥
12.355. অধ্যায়ঃ 355
Mahabharata - Shanti Parva - Chapter Topics
নারদংপ্রতি নরনারায়ণাভ্যাং পিত্র্যে কর্মণি বিশেষনিরূপণম্॥ 1॥Mahabharata - Shanti Parva - Chapter Text
12-355-0 (80200)
বৈশম্পায়ন উবাচ। 12-355-0x (6623)
কস্যচিত্ৎবথ কালস্য নারদঃ পরমেষ্ঠিজঃ।
দৈবং কৃৎবা যথান্যায়ং পিত্র্যং চক্রে ততঃ পরম্॥ 12-355-1 (80201)
ততস্তং বচনং প্রাহ জ্যেষ্ঠো ধর্মাত্মজঃ প্রভুঃ।
ক ইজ্যতে দ্বিজশ্রেষ্ঠ দৈবে পিত্র্যে চ কল্পিতে॥ 12-355-2 (80202)
ৎবয়া মতিমতাং শ্রেষ্ঠ তন্মে শংস যথাতথম্।
কিমেতৎক্রিয়তে কর্ম ফলং বাঽস্য কিমিষ্যতে॥ 12-355-3 (80203)
নারদ উবাচ। 12-355-4x (6624)
ৎবয়ৈতৎকথিতং পূর্বং দৈবং কর্তব্যমিত্যপি।
দৈবতং চ পরো জ্ঞেয়ঃ পরমাত্মা সনাতনঃ॥ 12-355-4 (80204)
ততস্তদ্ভাবিতো নিত্যং যজে বৈকুণ্ঠমব্যযম্।
তস্মাচ্চ প্রসৃতঃ পূর্বং ব্রহ্মা লোকপিতামহঃ॥ 12-355-5 (80205)
মম বৈ পিতরং প্রীতঃ পরমেষ্ঠ্যপ্যজীজনৎ।
অহং সংকল্পজস্তস্য পুত্রঃ প্রথমকল্পিতঃ॥ 12-355-6 (80206)
যজামি বৈ পিতৄন্সাধো নারায়ণবিধৌ কৃতে।
এবং স এব ভগবান্পিতা মাতা পিতামহঃ॥ 12-355-7 (80207)
ইজ্যতে পিতৃয়জ্ঞেষু ময়া নিত্যং জগৎপতিঃ।
শ্রুতিশ্চাপ্যপরা দেবাঃ পুত্রান্হি পিতরোঽয়জন্॥ 12-355-8 (80208)
বেদশ্রুতিঃ প্রনষ্টা চ পুনরধ্যাপিতা সুতৈঃ।
ততস্তে মন্ত্রদাঃ পুত্রাঃ পিতৄণামিতি বৈদিকম্॥ 12-355-9 (80209)
নূনং সুরৈস্তদ্বিদিতং যুবয়োর্ভাবিতাত্মনোঃ।
পুত্রাশ্চ পিতরশ্চৈব পরস্পরমপূজয়ন্॥ 12-355-10 (80210)
ত্রীন্পিণ্ডান্ন্যস্য বৈ পিত্র্যান্পূর্বং দত্ৎবা কুশানিতি।
কথং তু পিণ্ডসংজ্ঞাং তে পিতরো লেভিরে পুরা॥ 12-355-11 (80211)
নরনারায়ণাবূচতুঃ। 12-355-12x (6625)
ইমাং হি ধরণীং পূর্বং নষ্টাং সাগরমেখলাম্।
গোবিন্দ উজ্জহারাশু বারাহং রূপমাস্থিতঃ॥ 12-355-12 (80212)
স্থাপয়িৎবা তু ধরণীং স্বে স্থানে পুরুষোত্তমঃ।
জলকর্দমলিপ্তাঙ্গো লোককার্যার্থমুদ্যতঃ॥ 12-355-13 (80213)
প্রাপ্তে চাহ্নিককালে তু মধ্যদেশগতে রবৌ।
দংষ্ট্রাবিলগ্নাংস্ত্রীন্পিণ্ডান্বিধূয় সহসা প্রভুঃ॥ 12-355-14 (80214)
স্থাপয়ামাস বৈ পৃথ্ব্যাং কুশানাস্তীর্য নারদ।
স তেষ্বাত্মানমুদ্দিশ্য পিত্র্যং চক্রে যথাবিধি॥ 12-355-15 (80215)
সংকল্পয়িৎবা ত্রীন্পিণ্ডান্স্বেনৈব বিধিনা প্রভুঃ।
আত্মগাত্রোষ্মসংভূতৈঃ স্নেহগর্ভৈস্তিলৈরপি॥ 12-355-16 (80216)
প্রোক্ষ্যাপসব্যং দেবেশঃ প্রাঙ্ভুখঃ কৃতবান্স্বয়ম্।
মর্যাদাস্থাপনার্থং চ ততো বচনমুক্তবান্॥ 12-355-17 (80217)
বৃষাকপিরুবাচ। 12-355-18x (6626)
অহং হি পিতরঃ স্রষ্টুমুদ্যতো লোককৃৎস্বয়ম্।
তস্য চিন্তয়তঃ সদ্যঃ পিতৃকার্যবিধীন্পরান্॥ 12-355-18 (80218)
দংষ্ট্রাভ্যাং প্রবিনির্ধূতা মমৈতে দক্ষিণাং দিশম্।
আশ্রিতা ধরণীং পীড্য তস্মাৎপিতর এব তে॥ 12-355-19 (80219)
ত্রয়ো মূর্তিবিহীনা বৈ পিণ্ডমূর্তিধরাস্ৎবিমে।
ভবন্তু পিতরো লোকে ময়া সৃষ্টাঃ সনাতনাঃ॥ 12-355-20 (80220)
পিতা পিতামহশ্চৈব তথৈব প্রপিতামহঃ।
অহমেবাত্র বিজ্ঞেয়স্ত্রিষু পিণ্ডেষু সংস্থিতঃ।
নাস্তি মত্তোঽধিকঃ কশ্চিৎকো বান্যোর্চ্যো ময়া স্বয়ং 12-355-21 (80221)
অহমেব পিতা লোকে অহমেব পিতামহঃ।
পিতামহপিতা চৈব অহমেবাত্র কারণম্॥ 12-355-22 (80222)
ইত্যেতদুক্ৎবা বচনং দেবদেবো বৃষাকপিঃ।
বরাহপর্বতে বিপ্র দত্ৎবা পিণ্ডান্সবিস্তরান্।
আত্মানং পূজয়িৎবৈব তত্রৈবাদর্শনং গতঃ॥ 12-355-23 (80223)
এতদর্থং সুভমতে পিতরঃ পিণ্ডসংজ্ঞিতাঃ।
লভন্তে সততং পূজাং বৃষাকপিবচো যথা॥ 12-355-24 (80224)
যে যজন্তি পিতৄন্দেবান্গুরূংশ্চৈবাতির্থীস্তথা।
গাশ্চৈব দ্বিজমুখ্যাংশ্চ পিতরং মাতরং তথা॥ 12-355-25 (80225)
কর্মণা মনসা বাচা বিষ্ণুমেব যজন্তি তে।
অন্তর্গতঃ স ভগবান্সর্বসৎবশরীরগঃ॥ 12-355-26 (80226)
সমঃ সর্বেষু ভূতেষু ঈশ্বরঃ সুখদুঃখয়োঃ।
মহান্মহাত্মা সর্বাত্মা নারায়ণ ইতি শ্রুতিঃ॥ ॥ 12-355-27 (80227)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে পঞ্চপঞ্চাশদধিকত্রিশততমোঽধ্যায়ঃ॥ 355॥
Mahabharata - Shanti Parva - Chapter Footnotes
12-355-2 ক ইজ্যতে দ্বিজবরৈর্দৈবে পিত্র্যে চ কর্মণীতি ধ. পাঠঃ॥ 12-355-4 পরো যজ্ঞ ইতি ঝ. পাঠঃ॥ 12-355-6 মম পিতরং প্রজাপতিম্। ব্রহ্মা পরমেষ্ঠীতি সংবন্ধঃ। নারদো দক্ষশাপাৎপ্রজাপতেঃ সকাজ্ঞাৎপুনর্জন্ম প্রাপেতি হরিবংশেঽস্তি। তস্য ব্রহ্মণঃ॥ 12-355-7 নারায়ণবিধৌ তান্ত্রিকে পূজাদৌ॥ 12-355-8 অগ্নিষ্বাত্তাদীন্পুত্রান্ পিতরো দেবা অধ্যাপ্যাসুরৈঃ সহ যুদ্ধার্থং গতাস্ততশ্চিরোপিতানা তেষাং শ্রুতিঃ নষ্টা ন প্রতিভাতি। ততস্তে পুত্রেভ্য এব বেদমধীতয়ন্ত ইত্যাখ্যায়িকা পুরাণান্তরপ্রসিদ্ধা সূচিতা॥ 12-355-9 পুত্রাঃ পিতৃৎবমুপপেদির ইতি ঝ. ধ. পাঠঃ॥ 12-355-11 ন্যস্য বৈ পৃথ্ব্যামিতি ধ. থ. পাঠঃ। পূর্বং পৃথ্ব্যাং কুশান্দৎবা তত্র পিত্রাদ্যুদ্দেশেন পিণ্ডান্ন্যস্যাপূজয়মিতি সংবন্ধঃ॥ 12-355-14 মধ্যংদিনগতে রবাবিতি থ. ধ. পাঠঃ। দংষ্ট্রাবিলগ্নান্মৃৎপিণ়্ডানিতি ট. থ. পাঠঃ॥ 12-355-16 তিলৈরপ ইতি থ. ধ. পাঠঃ॥ 12-355-18 পিতরঃ পিতৄন্॥ 12-355-19 বিষ্ণোঃ শালগ্রামইব পিতৄণাং মূর্তয়ঃ পিণ্ডা এবেত্যাহ। দংষ্ট্রাভ্যামিতি। দংষ্ট্রাভ্যাং প্রবিনির্ধূতা মৃৎপিণ্ডা দক্ষিণাং দিশমিতি ধ. থ. পাঠঃ। দংষ্ট্রাভ্যাং বিনিধূতাংস্ত্রীন্পিণ্ডানাং দক্ষিণাং দিশমিতি ঠ. পাঠঃ। আশ্রিতা শরণীং পিণ্ডা ইতি ঝ. পাঠঃ॥ 12-355-21 পিত্তামহশ্চেত্যাদিনা শ্রাদ্ধং সর্বং বিষ্ণুদৈবত্যমেবেতি পিত্র্যপ্রকারো দর্শিতঃ॥ 12-355-22 ন কো মম পিতা লোক ইতি ধ. পাঠঃ। কো বা মম পিতা লোকে ইতি ঝ. পাঠঃ। মাতামহঃ পিতা চৈবেতি ধ. পাঠঃ॥ 12-355-24 এষা তস্য স্থিতির্বিপ্রেতি ঝ. পাঠঃ॥ 12-355-25 পিতৄন্ভক্ত্যেতি থ. ধ. পাঠঃ॥শান্তিপর্ব - অধ্যায় 356
॥ শ্রীঃ ॥
12.356. অধ্যায়ঃ 356
Mahabharata - Shanti Parva - Chapter Topics
নরনারায়ণানুজ্ঞানেন নারদেন স্বাশ্রমংপ্রতি গমনম্॥ 1॥ বৈশম্পায়নেন জনমেজয়ংপ্রতি শ্রীব্যাসমাহাত্ম্যকথনম্॥ 2॥ সৌতিনা শ্রীনারায়ণগুণবর্ণনপূর্বকং শৌনকাদিভ্যস্তদনুগ্রহাশংসনম্॥ 3॥Mahabharata - Shanti Parva - Chapter Text
12-356-0 (80228)
বৈশম্পায়ন উবাচ। 12-356-0x (6627)
শ্রুৎবৈতন্নারদো বাক্যং নরনারায়ণেরিতম্।
অত্যন্তং ভক্তিমান্দেবে একান্তিৎবমুপেয়িবান্॥ 12-356-1 (80229)
উষিৎবা বর্ষসাহস্রং নরনারায়ণাশ্রমে।
শ্রুৎবা ভগবদাখ্যানং দৃষ্ট্বা চ হরিমব্যযম্।
জগাম হিমবৎকুক্ষাবাশ্রমং স্বং সুরার্চিতম্॥ 12-356-2 (80230)
তাবপি খ্যাতয়শসৌ নরনারায়ণাবৃষী।
তস্মিন্নেবাশ্রমে রম্যে তেপতুস্তপ সত্তমম্॥ 12-356-3 (80231)
ৎবমপ্যমিতবিক্রান্তঃ পাণ্ডবানাং কুলোদ্বহঃ।
পাবিতাত্মাঽদ্য সংবৃত্তঃ শ্রুৎবেমামাদিতঃ কথাম্॥ 12-356-4 (80232)
নৈব তস্যাপরো লোকো নায়ং পার্থিবসত্তম।
কর্মণা মনসা বাচা যো দ্বিষ্যাদ্বিষ্ণুমব্যযম্॥ 12-356-5 (80233)
মজ্জন্তি পিতরস্তস্য নরকে শাশ্বতীঃ সমাঃ।
যো দ্বিষ্যাদ্বিবুধশ্রেষ্ঠং দেবং নারায়ণং হরিম্॥ 12-356-6 (80234)
কথং নাম ভবেদ্দ্বেষ্য আত্মা লোকস্য কস্যচিৎ।
আত্মা হি পুরুষব্যাঘ্র জ্ঞেয়ো বিষ্ণুরিতি শ্রুতিঃ॥ 12-356-7 (80235)
য এষ গুরুরস্মাকমৃষির্গন্ধবতীসুতঃ।
তেনৈতৎকথিতং তাত মাহাত্ম্যং পরমাত্মনঃ।
তস্মাচ্ছ্রুতং ময়া চেদং কথিতং চ তবানঘ॥ 12-356-8 (80236)
নারদেন তু সংপ্রাপ্তঃ সরহস্যঃ সসংগ্রহঃ।
এষ ধর্মো জগন্নাথাৎসাক্ষান্নারায়ণান্নৃপ॥ 12-356-9 (80237)
এবমেষ মহান্ধর্মঃ স তে পূর্বং নৃপোত্তম।
কথিতো হরিগীতাসু সমাসবিধিকল্পিতঃ॥ 12-356-10 (80238)
কৃষ্ণদ্বৈপায়নং ব্যাসং বিদ্ধি নারায়ণং প্রভুম্।
কো হ্যন্যঃ পুণ্ডরীকাক্ষান্মহাভারতকৃদ্ভবেৎ।
ধর্মান্নানাবিধাংশ্চৈব কো ব্রূয়াত্তমৃতে প্রভুম্॥ 12-356-11 (80239)
বর্ততাং তে মহায়জ্ঞো যথাসংকল্পিতস্ৎবয়া।
সংকল্পিতাশ্বমেধস্ৎবং শ্রুতধর্মা চ তত্ৎবতঃ॥ 12-356-12 (80240)
সৌতিরুবাচ। 12-356-13x (6628)
এতত্তু মহদাখ্যানং শ্রুৎবা পারীক্ষিতো নৃপঃ।
ততো যজ্ঞসমাপ্ত্যর্থং ক্রিয়াঃ সর্বাঃ সমারভৎ॥ 12-356-13 (80241)
নারায়ণীয়মাখ্যানমেতত্তে কথিতং ময়া।
পৃষ্টেন শৌনকাদ্যেহ নৈমিষারণ্যবাসিষু॥ 12-356-14 (80242)
নারদেন পুরা যদ্বৈ গুরবে তু নিবেদিতম্।
ঋষীণাং পাণ্ডবানাং চ শৃণ্বতোঃ কৃষ্ণভীষ্ময়োঃ॥ 12-356-15 (80243)
স হি পরমর্ষির্জনভুবনপতিঃ
পৃথুধরণিধরঃ শ্রুতিবিনয়পরঃ।
শমনিয়মনিধির্যমনিয়মপরো দ্বিজবর
সহিতস্তব চ ভবতু গতির্হরিরমরহিতঃ॥ 12-356-16 (80244)
অসুরবধকরস্তপসাংনিধিঃ
সুমহতাং যশসাং চ ভাজনম্।
একান্তিনাং শরণদোঽভয়দো গতিদো
গতিদোস্তু বঃ সুখভাগকরঃ।
মধুকৈটভহা কৃতধর্মবিদাং গতিদো
ভয়দো মখভাগহরোস্তু শরণং স তে॥ 12-356-17 (80245)
ত্রিগুণো বিগুণশ্চতুরাত্মধরঃ
পূর্তেষ্টয়োশ্চ ফলভাগহরঃ।
বিদধাতু নিত্যমজিতোঽতিচলো
গতিরাত্মবতাং সুকৃতিনামৃষীণাম্॥ 12-356-18 (80246)
তং লোকসাক্ষিণমজং পুরুষং পুরাণং
রবিবর্ণমীশ্বরং গতিং বহুশঃ।
প্রণমধ্বমেকমতয়ো যতঃ
সলিলোদ্ভবোপি তমৃষিং প্রণতঃ॥ 12-356-19 (80247)
স হি লোকয়োনিরসৃতস্য পদং
সূক্ষ্মং পরায়ণমচলং হি পদম্।
তৎসাঙ্খ্যযোগিভিরুদাহৃতং তং
বুদ্ধ্যা যতাত্মভিরিদং সনাতনম্॥ ॥ 12-356-20 (80248)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে ষট্পঞ্চাশদধিকত্রিশততমোঽধ্যায়ঃ॥ 356॥
Mahabharata - Shanti Parva - Chapter Footnotes
12-356-15 গুরবে বৃহস্পতয়ে॥ 12-356-16 স নারায়ণঃ॥ 12-356-17 কৃতধর্মঃ কৃতয়ুগধর্মঃ সত্যাদিস্তদ্বিদাম্॥ 12-356-18 চৎবারো বাসুদেবসংকর্ষণপ্রদ্যুম্নানিরুদ্ধাখ্যা আত্মানস্তান্ধারয়তি স তথা। ত্রিগুণাতিগশ্চতুষ্পথধরঃ ইতি ধ. পাঠঃ॥ 12-356-19 সলিলমুদ্ভবো যস্য স নারায়ণঃ শেষশায়ী তমৃষিং বাসুদেবম্॥ 12-356-20 লোকস্যাব্যক্তাদের্যোনিঃ। অমৃতস্য মোক্ষস্য পদং স্থানম্। পদং পদনীয়ম্॥শান্তিপর্ব - অধ্যায় 357
॥ শ্রীঃ ॥
12.357. অধ্যায়ঃ 357
Mahabharata - Shanti Parva - Chapter Topics
শ্রীনারায়ণেন স্বনাভিপদ্মো ব্রহ্মণঃ সর্জনম্॥ 1॥ ততো মধুকৈটভয়োরুৎপাদনম্॥ 2॥ তাভ্যাং ব্রহ্মণো বেদাপহরণম্॥ 3॥ হয়শিরোরূপিণা হরিণা ব্রহ্মণে পুনর্বেদপ্রত্যর্পণপূর্বকং মধুকৈটভসংহরণম্॥ 4॥ বৈশম্পায়নেন জনমেজয়ায় শ্রীনারায়ণমহিমানুবর্ণনম্॥ 5॥Mahabharata - Shanti Parva - Chapter Text
12-357-0 (80249)
শৌনক উবাচ। 12-357-0x (6629)
শ্রুতং ভগবতস্তস্য মাহাত্ম্যং পরমাত্মনঃ।
জন্মধর্মগৃহে চৈব নরনারায়ণাত্মকম্॥ 12-357-1 (80250)
মহাবরাহসৃষ্টা চ পিণ্ডোৎপত্তিঃ পুরাতনী।
প্রবৃত্তৌ চ নিবৃত্তৌ চ যো যথা পরিকল্পিতঃ॥ 12-357-2 (80251)
তথা স নঃ শ্রুতো ব্রহ্মন্কথ্যমানস্ৎবয়াঽনঘ।
হব্যকব্যভুজো বিষ্ণুরুদক্পূর্বে মহোদধৌ॥ 12-357-3 (80252)
যচ্চ তৎকথিতং পূর্বং ৎবয়া হয়শিরো মহৎ।
তচ্চ দৃষ্টং ভগবতা ব্রহ্মণা পরমেষ্ঠিনা॥ 12-357-4 (80253)
কিং তদুৎপাদিতং পূর্বং হরিণা লোকধারিণা।
রূপং প্রভাবং মহতামপূর্বং ধীমতাংবর॥ 12-357-5 (80254)
দৃষ্ট্বা হি বিবুধশ্রেষ্ঠমপূর্বমমিতৌজসম্।
তদশ্বশিরসং পুণ্যং ব্রহ্মা কিমকরোন্মুনে॥ 12-357-6 (80255)
এতন্নঃ সংশয়ং ব্রহ্মন্পুরাণং ব্রহ্মসংভবম্।
কথয়স্বোত্তমমতে মহাপুরুষসংশ্রিতম্।
পাবিতাঃ স্ম ৎবয়া ব্রহ্মন্পুণ্যাঃ কথয় তাঃ কথাঃ॥ 12-357-7 (80256)
সৌতিরুবাচ। 12-357-8x (6630)
কথয়িষ্যামি তে সর্বং পুরাণং বেদসংমিতম্।
জগৌ যদ্ভগবান্ব্যাসো রাজ্ঞঃ পারিক্ষিতস্য বৈ॥ 12-357-8 (80257)
শ্রুৎবাঽশ্বশিরসো মূর্তি দেবস্য হরিমেধসঃ।
উৎপন্নসংশয়ো রাজা এতদেবমচোদয়ৎ॥ 12-357-9 (80258)
জনমেজয় উবাচ। 12-357-10x (6631)
যত্তদ্দর্শিতবান্ব্রাহ্ম দেবং হয়শিরোধরম্।
কিমর্থং তৎসমভবদ্বপুর্দেবোপকল্পিতম্॥ 12-357-10 (80259)
বৈশম্পায়ন উবাচ। 12-357-11x (6632)
যৎকিংচিদিহ লোকে বৈ দেহবদ্ধং বিশাংপতে।
সর্বং পঞ্চভিরাবিষ্টং ভূতৈরীশ্বরবুদ্ধিজৈঃ॥ 12-357-11 (80260)
ঈশ্বরো হি জগৎস্রষ্টা প্রভুর্নারায়ণো বিরাট্।
ভূতান্তরাত্মা বরদঃ সগুণো নির্গুণোপি চ॥ 12-357-12 (80261)
ভূতপ্রলয়মব্যক্তং শৃণুষ্ব নৃপসত্তম॥ 12-357-13 (80262)
ধরণ্যামথ লীনায়ামপ্সু চৈকার্ণবে পুরা।
জ্যোতির্ভূতে জলে চাপি লীনে জ্যোতিষি চানিলে॥ 12-357-14 (80263)
বায়ৌ চাকাশসংলীনে আকাশে চ মনোনুগে।
ব্যক্তে মনসি সংলীনে ব্যক্তে চাব্যক্ততাং গতে॥ 12-357-15 (80264)
অব্যক্তে পুরুষং যাতে পুংসি সর্বগতেঽপি চ।
তম এবাভবৎসর্বং ন প্রাজ্ঞায়ত কিংচন॥ 12-357-16 (80265)
তমসো ব্রহ্মসংভূতং তমোমূলমৃতাত্মকম্।
তদ্বিশ্বভাবসংজ্ঞান্তং পৌরুষীং তনুমাশ্রিতম্॥ 12-357-17 (80266)
সোঽনিরুদ্ধ ইতি প্রোক্তস্তৎপ্রধানং প্রচক্ষতে।
তদব্যক্তমিতি জ্ঞেয়ং ত্রিগুণং নৃপসত্তম॥ 12-357-18 (80267)
বিদ্যাসহায়বান্দেবো বিষ্বক্সেনো হরিঃ প্রভুঃ।
`আদিকর্তা স ভূতানামপ্রমেয়ো হরিঃ প্রভুঃ॥ 12-357-19 (80268)
অপ্স্বেব শয়নং চক্রে নিদ্রায়োগমুপাগতঃ।
জগতশ্চিন্তয়ন্সৃষ্টিং চিত্রাং বহুগুণোদ্ভবাম্॥ 12-357-20 (80269)
তস্য চিন্তয়তঃ সৃষ্টিং মহানাত্মগুণঃ স্মৃতঃ।
অহংকারস্ততো জাতো ব্রহ্মা শুভচতুর্মুখঃ।
হিরণ্যগর্ভো ভগবান্সর্বলোকপিতামহঃ॥ 12-357-21 (80270)
পদ্মেঽনিরুদ্ধাৎসংভূতস্তদা পদ্মনিভেক্ষণঃ।
সহস্রপত্রে দ্যুতিমানুপবিষ্টঃ সনাতনঃ॥ 12-357-22 (80271)
দদৃশেঽদ্ভুতসংকাশো লোকানাপ্যায়যন্প্রভুঃ।
সৎবস্থঃ পরমেষ্ঠী স ততো ভূতগণান্সৃজন্॥ 12-357-23 (80272)
পূর্বমেব চ পদ্মস্য পত্রে সূর্যাংশুসপ্রভে।
নারায়ণকৃতৌ বিন্দূ অপামাস্তাং গুণোত্তরৌ॥ 12-357-24 (80273)
তাবপশ্যৎস ভগবাননাদিনিধনোঽচ্যুতঃ।
একস্তত্রাভবদ্বিন্দুর্মধ্বাভো রুচিরপ্রভঃ॥ 12-357-25 (80274)
স তামসো মধুর্জাতস্তদা নারায়ণাজ্ঞয়া।
কঠিনস্ৎবপরো বিন্দুঃ কৈটভো রাজসস্তু সঃ॥ 12-357-26 (80275)
তাবভ্যধাতবাং শ্রেষ্ঠৌ তমোরজগুণান্বিতৌ।
বলবন্তৌ গদাহস্তৌ পদ্মনালানুসারিণৌ॥ 12-357-27 (80276)
দদৃশাতেঽরবিন্দস্থং ব্রহ্মাণমমিতপ্রভবম্।
সৃজন্তং প্রথমং বেদাংশ্চতুরশ্চারুবিগ্রহান্॥ 12-357-28 (80277)
ততো বিগ্রহবন্তস্তান্বেদান্দৃষ্ট্বাঽসুরোত্তমৌ।
সহসা জগৃহতুর্বেদান্ব্রহ্মণঃ পশ্যতস্তদা॥ 12-357-29 (80278)
অথ তৌ দানবশ্রেষ্ঠৌ বেদান্গৃহ্য সনাতনান্।
রসাং বিবিশতুস্তূর্ণমুদক্পূর্বে মহোদধৌ॥ 12-357-30 (80279)
ততো হৃতেষু দেবেষু ব্রহ্মা কশ্মলমাবিশৎ।
ততো বচনমীশানং প্রাহ বেদৈর্বিনাকৃতঃ॥ 12-357-31 (80280)
ব্রহ্মোবাচ। 12-357-32x (6633)
বেদা মে পরমং চক্ষুর্বেদা মে পরমং বলম্।
বেদা মে পরমং ধাম বেদা মে ব্রহ্ম চোত্তরম্॥ 12-357-32 (80281)
মম বেদা হৃতাঃ সর্বে দানবাভ্যাং বলাদিতঃ।
অন্ধকারা হি মে লোকা জাতা বেদৈর্বিনা কৃতাঃ॥ 12-357-33 (80282)
বেদানৃতে হি কিং কুর্যা লোকানাং সৃষ্টিমুত্তমাম্।
অহো বত মহদ্দুঃখং বেদনাশনজং মম॥ 12-357-34 (80283)
প্রাপ্তং দুনোতি হৃদয়ং তীব্রং শোকপরায়ণম্।
কো হি শোকার্ণবে মগ্নং মামিতোঽদ্য সমুদ্ধরেৎ॥ 12-357-35 (80284)
বদাংস্তাংশ্চানয়েন্নষ্টান্কস্য চাহং প্রিয়ো ভবে।
ইত্যেবং ভাষমাণস্য ব্রহ্মণো নৃপসত্তম॥ 12-357-36 (80285)
হরেঃ স্তোত্রার্থমুদ্ভূতা বুদ্ধির্বুদ্ধিমতাং বর।
ততো জগৌ পরং জপ্যং সাঞ্জলিপ্রগ্রহঃ প্রভুঃ॥ 12-357-37 (80286)
ব্রহ্মোবাচ। 12-357-38x (6634)
ওঁ নমস্তে ব্রহ্মহৃদয় নমস্তে মম পূর্বজ।
লোকাদ্যভুবনশ্রেষ্ঠ সাঙ্খ্যযোগনিধে প্রভো॥ 12-357-38 (80287)
ব্যক্তাব্যক্তকরাচিন্ত্য ক্ষেমং পন্থানমাস্থিতঃ।
বিশ্বভুক্সর্বভূতানামন্তরাত্মন্নয়োনিজ।
অহং প্রসাদজস্তুভ্যং লোকধাম স্বয়ংভুবঃ॥ 12-357-39 (80288)
ৎবত্তো মে মানসং জন্ম প্রথমং দ্বিজপূজিতম্।
চাক্ষুষং বৈ দ্বিতীয়ং মে জন্ম চাসীৎপুরাতনম্॥ 12-357-40 (80289)
ৎবৎপ্রসাদাত্তু মে জন্ম তৃতীয়ং বাচিকং মহৎ।
ৎবত্তঃ শ্রবণজং চাপি চতুর্থং জন্ম মে বিভো॥ 12-357-41 (80290)
নাসত্যং চাপি মে জন্ম ৎবত্তঃ পঞ্চমমুচ্যতে।
অণ্ডজং চাপি মে জন্ম ৎবত্তঃ ষষ্ঠং বিনির্মিতং॥ 12-357-42 (80291)
ইদং চ সপ্তমং জন্ম পদ্মজন্মেতি বৈ প্রভো।
সর্গেসর্গে হ্যহং পুত্রস্তব ত্রিগুণবর্জিত॥ 12-357-43 (80292)
প্রথমঃ পুণ্ডরীকাক্ষঃ প্রধানগুণকল্পিতঃ।
ৎবমীশ্বরঃ স্বভাবশ্চ ভূতানাং ৎবং প্রভাবন॥ 12-357-44 (80293)
ৎবয়া বিনির্মিতোঽহং বৈ বেদচক্ষুর্বয়োতিগ।
তে মে বেদা হৃতাশ্চক্ষুরন্ধো জাতোস্মি জাগৃহি।
দদস্ব চক্ষূংষি মম প্রিয়োঽহং তে প্রিয়োসি মে॥ 12-357-45 (80294)
এবং স্তুতঃ স ভগবান্পুরুষঃ সর্বতোমুখঃ।
জহৌ নিদ্রামথ তদা বেদকার্যার্থমুহ্যতঃ॥ 12-357-46 (80295)
ঐশ্বর্যেণ প্রয়োগেণ দ্বিতীয়াং তনুমাস্থিতঃ।
সুনাসিকেন কায়েন ভূৎবা চন্দ্রপ্রভস্তদা।
কৃৎবা হয়শিরঃ শুভ্রং বেদানামালয়ং প্রভুঃ॥ 12-357-47 (80296)
তস্য মূর্ধা সমভবদ্দ্যৌঃ সনক্ষত্রতারকাঃ।
কেশাশ্চাস্যাভবন্দীর্ঘা রবেরংশুসমপ্রভাঃ॥ 12-357-48 (80297)
কর্ণাবাকাশপাতালে ললাটং ভূতধারিণী।
গঙ্গাসরস্বতী পুণ্যে ভ্রুবাবাস্তাং মহাদ্যুতী॥ 12-357-49 (80298)
চক্ষুষী সোমসূর্যৌং তে নাসা সংধ্যা পুনঃ স্মৃতা।
ওঁকারস্ৎবথ সংস্কারো বিদ্যুজ্জিহ্বা চ নির্মিতা॥ 12-357-50 (80299)
দন্তাশ্চ পিতরো রাজন্সোমপা ইতি বিশ্রুতাঃ।
গোলোকো ব্রহ্মলোকশ্চ ওষ্ঠাবাস্তাং মহাত্মনঃ।
গ্রীবা চাস্যাভবদ্রাজন্কালরাত্রির্গুণোত্তরা॥ 12-357-51 (80300)
এতদ্ধয়শিরঃ কৃৎবা নানামূর্তিভিরাবৃতম্।
অন্তর্দধৌ স বিশ্বেশো বিবেশ চ রসাং প্রভুঃ॥ 12-357-52 (80301)
রসাং পুনঃ প্রবিষ্টশ্চ যোগং পরমমাস্থিতঃ।
শৈক্ষ্যং স্বরং সমাস্থায় উদ্গীতং প্রাসৃজৎস্বরম্॥ 12-357-53 (80302)
সস্বরঃ সানুনাদী চ সর্বশঃ স্নিগ্ধ এব চ।
বভূবান্তর্জলগতঃ সর্বভূতগুণোদিতঃ॥ 12-357-54 (80303)
ততস্তাবসুরৌ কৃৎবা বেদান্সময়বন্ধনান্।
রসাতলে বিনিক্ষিপ্য যতঃ শব্দস্ততো দ্রুতৌ॥ 12-357-55 (80304)
এতস্মিন্নন্তরে রাজন্দেবো হয়শিরোধরঃ।
জগ্রাহ বেদানখিলান্রসালগতান্হরিঃ॥ 12-357-56 (80305)
প্রাদাচ্চ ব্রহ্মণে ভূয়স্ততঃ স্বাং প্রকৃতিং গতঃ॥ 12-357-57 (80306)
স্থাপয়িৎবা হয়শিরা উদক্পূর্বে মহোদধৌ।
বেদানামালয়শ্চাপি বভূবাশ্বরিরাস্ততঃ॥ 12-357-58 (80307)
অথ কিংচিদপশ্যন্তৌ দানবৌ মধুকৈটভৌ।
যত্র দেবা বিনিক্ষিপ্তাস্তৎস্থানং শূন্যমেব চ॥ 12-357-59 (80308)
তত উত্তমমাস্থায় বেগং বলবতাং বরৌ।
পুনরুত্তস্থতুঃ শীঘ্রং রসানামালয়াত্তদা॥ 12-357-60 (80309)
দদৃশাতে চ পুরুষং তমেবাদিকরং প্রভুম্।
শ্বেতং চন্দ্রবিশুদ্ধাভমনিরুদ্ধতনৌ স্থিতম্।ট
ভূয়োপ্যমিতবিক্রান্তং নিদ্রায়োগমুপাগতম্॥ 12-357-61 (80310)
আত্মপ্রমাণরচিতে অপামুপরি কল্পিতে।
শয়নে নাগভোগাঢ্যে জ্বালামালাসমাবৃতে॥ 12-357-62 (80311)
নিষ্কল্মষেণ সৎবেন সংপন্নং রুচিরপ্রভম্।
তং দৃষ্ট্বা দানবেন্দ্রৌ তৌ মহাহাসমমুঞ্চতাম্॥ 12-357-63 (80312)
ঊচতুশ্চ সমাবিষ্টৌ রজসা তমসা চ তৌ।
অয়ং স পুরুষঃ শ্বেতঃ শেতে নিদ্রামুপাগতঃ॥ 12-357-64 (80313)
অনেন নূনং বেদানাং কৃতমাহরণং রসাৎ।
কস্যৈষ কোনু খল্বেষ কিংচ স্বপিতি ভোগবান্।
ইচ্যুচ্চারিতবাক্যৌ তৌ বোধয়ামাসতুর্হরিম্॥ 12-357-65 (80314)
যুদ্ধার্থিনৌ হি বিজ্ঞায় বিবুদ্ধঃ পুরুষোত্তমঃ।
নিরীক্ষ্য চাসুরেন্দ্রৌ তৌ ততো যুদ্ধে মনোদধে॥ 12-357-66 (80315)
অথ যুদ্ধং সমভবত্তয়োর্নারায়ণস্য বৈ॥ 12-357-67 (80316)
রজস্তমোবিষ্টতনূ তাবুভৌ মধুকৈটভৌ।
ব্রহ্মণোপচিতিং কুর্বঞ্জধান মধুসূদনঃ॥ 12-357-68 (80317)
ততস্তয়োর্বধেনাশু বেদাপহরণেন চ।
শোকাপনয়নং চক্রে ব্রহ্মণঃ পুরুষোত্তমঃ॥ 12-357-69 (80318)
ততঃ পরিবৃতো ব্রহ্মা হরিণা বেদসৎকৃতঃ।
নির্মমে স তদা লোকান্কৃৎস্নান্স্থাবরজঙ্গমান্॥ 12-357-70 (80319)
দত্ৎবা পিতামহায়াগ্র্যাং মতিং লোকবিসর্গিকীম্।
তত্রৈবান্তর্দধে দেবো যত এবাগতো হরিঃ॥ 12-357-71 (80320)
তৌ দানবৌ হরির্হৎবা কৃৎবা হয়শিরস্তনুম্।
পুনঃ প্রবৃত্তিধর্মার্থং তামেব বিদধে তনুম্॥ 12-357-72 (80321)
এবমেষ মহাভাগো বভূবাশ্বশিরা হরিঃ।
পৌরাণমেতৎপ্রখ্যাতং রূপং বরদমৈশ্বরম্॥ 12-357-73 (80322)
যো হ্যেতদ্ব্রাহ্মণো নিত্যং শৃণুয়াদ্ধারয়ীত বা।
ন তস্যাধ্যযনং নাশমুপগচ্ছেৎকদাচন॥ 12-357-74 (80323)
আরাধ্য তপসোগ্রেণ দেবং হয়শিরোধরম্।
পাঞ্চালেন ক্রমঃ প্রাপ্তো রামেণ পথি দেশিতে॥ 12-357-75 (80324)
এতদ্ধয়শিরো রাজন্নাখ্যানং তব কীর্তিতম্।
পুরাণং বেদসমিতং যন্মাং ৎবং পরিপৃচ্ছসি॥ 12-357-76 (80325)
যাংয়ামিচ্ছেত্তনুং দেবঃ কর্তুং কার্যবিধৌ ক্বচিৎ।
তাতাং কুর্যাদ্বিকুর্বাণঃ স্বয়মাত্মানমাত্মনা॥ 12-357-77 (80326)
এষ বেদনিধিঃ শ্রীমানেষ বৈ তপসোনিধিঃ।
এষ যোগশ্চ সাঙ্খ্যং চ ব্রহ্ম চাগ্র্যং হবির্বিভুঃ॥ 12-357-78 (80327)
নারায়ণপরা বেদা যাজ্ঞা নারায়ণাত্মকাঃ।
তপো নারায়ণপরং নারায়ণপরা গতিঃ॥ 12-357-79 (80328)
নারায়ণপরং সত্যমৃতং নারায়ণাত্মকম্।
নারায়ণপরো ধর্মঃ পুনরাবৃত্তিদুর্লভঃ॥ 12-357-80 (80329)
প্রবৃত্তিলক্ষণশ্চৈব ধর্মো নারায়ণাত্মকঃ।
নারায়ণাত্মকো গন্ধো ভূমৌ শ্রেষ্ঠতমঃ স্মৃতঃ॥ 12-357-81 (80330)
অপাং চাপি গুণা রাজন্রসা নারায়ণাত্মকাঃ।
জ্যোতিষাং চ পরং রূপং স্মৃতং নারায়ণাত্মকম্॥ 12-357-82 (80331)
নারায়ণাত্মকশ্চাপি স্পর্শো বায়ুগুণঃ স্মৃতঃ।
নারায়ণাত্মকশ্চৈব শব্দ আকাশসংভবঃ॥ 12-357-83 (80332)
মনশ্চাপি ততো ভূতমব্যক্তগুণলক্ষণম্।
নারায়ণপরং কালো জ্যোতিষাময়নং চ যৎ॥ 12-357-84 (80333)
নারায়ণপরা কীর্তিঃ শ্রীশ্চ লক্ষ্ণীশ্চ দেবতাঃ।
নারায়ণপরং সাঙ্খ্যং যোগো নারায়ণাত্মকঃ॥ 12-357-85 (80334)
কারণং পুরুষো হ্যেষাং প্রধানং চাপি কারণম্।
স্বভাবশ্চৈব কর্মাণি দৈবং যেষাং চ কারণম্॥ 12-357-86 (80335)
অধিষ্ঠানং তথা কর্তা করণং চ পৃথগ্বিধম্।
বিবিধা চ তথা চেষ্টা দৈবং চৈবাত্র পঞ্চমম্॥ 12-357-87 (80336)
পঞ্চকারণসংখ্যাতো নিষ্ঠা সর্বত্র বৈ হরিঃ।
তত্ৎবং বিজ্ঞাসমানানাং হেতুভিঃ সর্বতোমুখৈঃ॥ 12-357-88 (80337)
তত্ৎবমেকো মহায়োগী হনির্নারায়ণঃ প্রভুঃ।
ব্রহ্মাদীনাং সলোকানামৃষীণাং চ মহাত্মনাম্॥ 12-357-89 (80338)
সাঙ্খ্যানাং যোগিনাং চাপি যতীনামাত্মবেদিনাম্।
মনীষিতং বিজানাতি কেশবো ন তু তস্য তে॥ 12-357-90 (80339)
যে কেচিৎসর্বলোকেষু দৈবং পিত্র্যং চ কুর্বতে।
দানানি চ প্রয়চ্ছন্তি তপ্যন্তে চ তপো মহৎ॥ 12-357-91 (80340)
সর্বেষামাশ্রয়ো বিষ্ণুরৈশ্বরং বিধিমাস্থিতঃ।
সর্বভূতকৃতাবাসো বাসুদেবেতি চোচ্যতে॥ 12-357-92 (80341)
অয়ং হি নিত্যঃ পরমো মহর্ষি
র্মহাবিভূতির্গুণবান্গুণাখ্যঃ।
গুণৈশ্চ সংয়োগমুপৈতি শীঘ্রং
কালো যথর্তাবৃতুসংপ্রয়ুক্তঃ॥ 12-357-93 (80342)
নৈবাস্য বিন্দন্তি গতিং মহাত্মনো
ন চাগতিং কশ্চিদিহানুপশ্যতি।
জ্ঞানাত্মকাঃ সংয়মিনো মহর্ষয়ঃ।
পশ্যন্তি নিত্যং পুরুষং গুণাধিকম্॥ ॥ 12-357-94 (80343)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে সপ্তপঞ্চাশদধিকত্রিশততমোঽধ্যায়ঃ॥ 357॥
Mahabharata - Shanti Parva - Chapter Footnotes
12-357-3 হব্যকব্যভুজঃ। মূলবিভুজাদিৎবাৎকঃ। অকারান্তঃ শব্দঃ। উদক্পূর্বে ঐশানকোণে। মহোদধৌ তৎসমীপে। ইদমুত্তরান্বয়ি॥ 12-357-5 অপূর্বং প্রাগদৃষ্টম্॥ 12-357-6 অপূর্বং অদ্ভুতম্॥ 12-357-10 তৎ অশ্বশিরোরূপম্॥ 12-357-11 ঈশ্বরবুদ্ধিজৈঃ ঈশ্বরসংকল্পমাত্রজৈঃ॥ 12-357-23 লোকনাথো মহান্প্রভুরিতি ট. পাঠঃ॥ 12-357-38 লোকাদ্যনিধনশ্রেষ্ঠেতি ট. পাঠঃ॥ 12-357-46 দেবকার্যার্থমুদ্যত ইতি ট. ধ. পাঠঃ॥ 12-357-53 ওমিতি প্রাসৃজৎস্বরমিতি থ.ধ. পাঠঃ॥ 12-357-74 শৃণুয়াচ্ছ্রাক্যেত বেতি থ. ধ. পাঠঃ॥ 12-357-90 কেশবো ননু বৈ গতিরিতি ট. পাঠঃ॥ 12-357-93 গুণবান্নির্গুণাখ্য ইতি থ. পাঠঃ॥ 12-357-94 পুরুষং গুণাতিগমিতি ট. পাঠঃ॥শান্তিপর্ব - অধ্যায় 358
॥ শ্রীঃ ॥
12.358. অধ্যায়ঃ 358
Mahabharata - Shanti Parva - Chapter Topics
বৈশম্পায়নেন জনমেজয়ায় একান্তিধর্মনিরূপণপূর্বকং লোকে তৎপ্রচারপ্রকারপ্রতিপাদনম্॥ 1॥Mahabharata - Shanti Parva - Chapter Text
12-358-0 (80344)
জনমেজয় উবাচ। 12-358-0x (6635)
অহো হ্যেকান্তিনঃ সর্বান্প্রীণাতি ভগবান্হরিঃ।
বিধিপ্রয়ুক্তাং পূজাং চ গৃহ্ণাতি শিরসা স্বয়ম্॥ 12-358-1 (80345)
যে তু দগ্ধেন্ধনা লোকে পুণ্যপাপবিবর্জিতাঃ।
তেষাং চ যা হি নির্দিষ্টা পারম্পর্যাগতা গতিঃ॥ 12-358-2 (80346)
চতুর্থ্যাং চৈব তে গত্যাং গচ্ছন্তি পুরুষোত্তমম্।
একান্তিনস্তু পুরুষা গচ্ছন্তি পরমং পদম্॥ 12-358-3 (80347)
নূনমেকান্তধর্মোঽয়ং শ্রেষ্ঠো নারায়ণপ্রিয়ঃ।
অগৎবা গতয়তিস্রো যদ্গচ্ছত্যব্যযং হরিম্॥ 12-358-4 (80348)
সহোপনিষদান্বেদান্যে বিপ্রাঃ সম্যগাস্থিতাঃ।
পঠন্তি বিধিমাস্থায় যে চাপি যতিধর্মিণঃ॥ 12-358-5 (80349)
তেভ্যো বিশিষ্টাং জানামি গতিমেকান্তিনাং নৃণাম্।
কেনৈষ ধর্মঃ কথিতো দেবেন ঋষিণাঽপি বা॥ 12-358-6 (80350)
একান্তিনাং চ কা চর্যা কদা চোৎপাদিতা বিভো।
এতন্মে সংশয়ং ছিন্ধি পরং কৌতূহলং হি মে॥ 12-358-7 (80351)
বৈশম্পায়ন উবাচ। 12-358-8x (6636)
সমুপোঢেষ্বনীকেষু কুরুপাণ্ডবয়োর্মৃধে।
অর্জুনে বিমনস্কে চ গীতা ভগবতা স্বয়ম্॥ 12-358-8 (80352)
আগতিশ্চ গতিশ্চৈব পূর্বং তে কথিতা ময়া।
গহনো হ্যেষ ধর্মো বৈ দুর্বিজ্ঞেয়োঽকৃতাত্মভিঃ॥ 12-358-9 (80353)
সংমিতঃ সামবেদেন পুরৈবাদিয়ুগে কৃতঃ।
ধার্যতে স্বয়মীশেন রাজন্নারায়ণেন হ॥ 12-358-10 (80354)
এতদর্থং মহারাজ পৃষ্টঃ পার্থেন নারদঃ।
ঋষিমধ্যে মহাভাগঃ শৃণ্বতোঃ কৃষ্ণভীষ্ময়োঃ॥ 12-358-11 (80355)
গুরুণা চ ময়াঽপ্যেব কথিতো নৃপসত্তম।
যথা তৎকথিতং তত্র নারদেন তথা শৃণু॥ 12-358-12 (80356)
যদাঽঽসীন্মানজং জন্ম নারায়ণমুখোদ্গতম্।
ব্রহ্মণঃ পৃথিবীপাল তদা নারায়ণঃ স্বয়ম্॥ 12-358-13 (80357)
তেন ধর্মেণ কৃতবান্দৈবং পিত্র্যং চ ভারত।
ফেনপা ঋষয়শ্চৈব তং ধর্মং প্রতিপেদিরে॥ 12-358-14 (80358)
বৈখানসাঃ ফেনপেভ্যো ধর্মং তং প্রতিপদিরে।
বৈখানসেভ্যঃ সোপস্তু ততঃ সোঽন্তর্দধে পুনঃ॥ 12-358-15 (80359)
যদাঽঽসীচ্চাক্ষুষং জন্ম দ্বিতীয়ং ব্রহ্মণো নৃপ।
যদা পিতামহেনৈব সোমাদ্ধর্মঃ পরিশ্রুতঃ॥ 12-358-16 (80360)
নারায়ণাত্মকো রাজন্রুদ্রায় প্রদদৌ চ তম্।
ততো যোগস্থিতো রুদ্রঃ পুরা কৃতয়ুগে নৃপ॥ 12-358-17 (80361)
বালখিল্যানৃষীন্সর্বান্ধর্মমেনমপাঠয়ৎ।
অন্তর্দধে ততো ভূয়স্তস্য দেবস্য মায়যা॥ 12-358-18 (80362)
তৃতীয়ং ব্রহ্মণো জন্ম যদাসীদ্বাচিকং মহৎ।
তত্রৈষ ধর্মঃ সংভূতঃ স্বয়ং নারায়ণান্নৃপ॥ 12-358-19 (80363)
সুপর্ণো নাম তমৃষিঃ প্রাপ্তবান্পুরুষোত্তমাৎ।
তপসা বৈ সুতপ্তেন দমেন নিয়মেন চ॥ 12-358-20 (80364)
ত্রিঃ পরিক্রান্তবানেতৎসুপর্ণো ধর্মসুত্তমম্।
যস্মাত্তস্মাদ্ব্রতং হ্যেতত্রিসৌপর্ণমিহোচ্যেত॥ 12-358-21 (80365)
ঋগ্বেদপাঠপঠিতং ব্রতমেতদ্ধি দুশ্চরম্।
সুপর্ণাচ্চাপ্যধিগতো ধর্ম এষ সনাতনঃ॥ 12-358-22 (80366)
বায়ুনা দ্বিপদশ্রিষ্ঠে প্রথিতো জগদায়ুষা।
বায়োঃ সকাশাৎপ্রাপ্তশ্চ ঋষিভির্বিঘসাশিভিঃ॥ 12-358-23 (80367)
তেভ্যো মহোদধিশ্চৈব প্রাপ্তবান্ধর্মমুত্তমম্।
অন্তর্দধে ততো ভূয়ো নারায়ণসমাহৃতঃ॥ 12-358-24 (80368)
যদা ভূয়ঃ শ্রবণজা সৃষ্টিরাসীন্মহাত্মনঃ।
ব্রহ্মণঃ পুরুষব্যাঘ্র তত্র কীর্তয়তঃ শৃণু॥ 12-358-25 (80369)
জগৎস্রষ্টুমনা দেবো হরির্নারায়ণঃ স্বয়ম্।
চিন্তয়ামাস পুরুষং জগৎসর্গকরং প্রভুম্॥ 12-358-26 (80370)
অথ চিন্তয়তস্তস্য কর্ণাভ্যাং পুরুষঃ স্মৃতঃ।
প্রজাসর্গকরো ব্রহ্মা তমুবাচ জগৎপতিঃ॥ 12-358-27 (80371)
সৃজ প্রজাঃ পুত্র সর্বা মুখতঃ পাদতস্তথা।
শ্রেয়স্তব বিধাস্যামি বলং তেজশ্চ সুব্রত॥ 12-358-28 (80372)
ধর্মং চ মত্তো গৃহ্ণীষ্ব সাৎবতং নাম নামতঃ।
তেন সৃষ্টং কৃতয়ুগং স্থাপয়স্ব যথাবিধি॥ 12-358-29 (80373)
ততো ব্রহ্মা নমশ্চক্রে দেবায় হরিমেধসে।
ধর্মং চাগ্র্যং স জগ্রাহ সরহস্যং সসংগ্রহম্॥ 12-358-30 (80374)
আরণ্যকেন সহিতং নারায়ণমুখোদ্গতম্।
উপদিশ্য ততো ধর্মং ব্রহ্মণেঽমিততেজসে॥ 12-358-31 (80375)
তং কার্তয়ুগধর্মাণং নিরাশীঃ কর্মসংজ্ঞিতম্।
জগাম তমসঃ পারং যত্রাব্যক্তং ব্যবস্থিতম্॥ 12-358-32 (80376)
ততোঽথ বরদো দেবো ব্রহ্মা লোকপিতামহঃ।
অসৃজৎস ততো লোকান্কৃৎস্নান্স্থাবরজঙ্গমান্॥ 12-358-33 (80377)
ততঃ প্রাবর্তত তদা আদৌ কৃতয়ুগং শুভম্।
ততো হি সাৎবতো ধর্মো ব্যাপ্য লোকানবস্থিতঃ॥ 12-358-34 (80378)
তেনৈবাদ্যেন ধর্মেণ ব্রহ্মা লোকবিসর্গকৃৎ।
পূজয়ামাস দেবেশং হরিং নারায়ণং প্রভুম্॥ 12-358-35 (80379)
ধর্মপ্রতিষ্ঠাহেতোশ্চ মনুং স্বারোচিষং ততঃ।
অধ্যাপয়ামাস তদা লোকানাং হিতকাম্যযা॥ 12-358-36 (80380)
ততঃ স্বারোচিষঃ পুত্রং স্বয়ং শঙ্খপদং নৃপ।
অধ্যাপয়ৎপুরাঽব্যগ্রঃ সর্বলোকপতির্বিভুঃ॥ 12-358-37 (80381)
ততঃ শঙ্খপদশ্চাপি পুত্রমাত্মজমৌরসম্।
দিশাপালং সুধর্মাণমধ্যাপয়ত ভারত।
সোঽন্তর্দধে ততো ভূয়ঃ প্রাপ্তে ত্রেতায়ুগে পুনঃ॥ 12-358-38 (80382)
নাসত্যে জন্মনি পুরা ব্রহ্মণঃ পার্থিবোত্তম।
ধর্মমেতং স্বয়ং দেবো হরির্নারায়ণঃ প্রভুঃ॥ 12-358-39 (80383)
তজ্জগাদারবিন্দাক্ষো ব্রহ্মণঃ পশ্যতস্তদা।
সনৎকুমারো ভগবাংস্ততঃ প্রাধীতবান্নৃপ॥ 12-358-40 (80384)
সনৎকুমারাদপি চ বীরণো বৈ প্রজাপতিঃ।
কৃতাদৌ কুরুশার্দূল ধর্মমেতদধীতবান্॥ 12-358-41 (80385)
বীরণশ্চাপ্যধীত্যৈনং রৈভ্যায় মুনয়ে দদৌ।
রৈভ্যঃ পুত্রায় শুদ্ধায় সুব্রতায় সুমেধসে॥ 12-358-42 (80386)
কুক্ষিপালায় চ দদৌ বিশালায় চ ধর্মিণে।
ততোঽপ্যন্তর্দধে ভূয়ো নারায়ণমুখোদ্গতঃ॥ 12-358-43 (80387)
অণ্ডজে জন্মনি পুনর্ব্রহ্মণে হরিয়োনয়ে।
এষ ধর্মঃ সমুদ্ভূতো নারায়ণমুখাৎপুনঃ॥ 12-358-44 (80388)
গৃহীতো ব্রহ্মণা রাজন্প্রয়ুক্তশ্চ যথাবিধি।
অধ্যাপিতাশ্চ মুনয়ো নাম্না বর্হিপদো নৃপ॥ 12-358-45 (80389)
বর্হিষদ্ভ্যশ্চ সংপ্রাপ্তঃ সামবেদান্তগং দ্বিজম্।
জ্যেষ্ঠং নামাভিবিখ্যাতং জ্যেষ্ঠসামব্রতো হরিঃ॥ 12-358-46 (80390)
জ্যেষ্ঠাচ্চাপ্যনুসংক্রান্তো রাজানমবিকম্পনম্।
অন্তর্দধে ততো রাজন্নেষ দর্মঃ প্রভো হরেঃ॥ 12-358-47 (80391)
যদিদং সপ্তমং জন্ম পদ্মজং ব্রহ্মণো নৃপ।
তত্রৈষ ধর্মঃ কথিতঃ স্বয়ং নারায়ণেন হ॥ 12-358-48 (80392)
পিতামহায় শুদ্ধায় যুগাদৌ লোকধারিণে।
পিতামহশ্চ দক্ষায় ধর্মমেতং পুরা দদৌ॥ 12-358-49 (80393)
ততো জ্যেষ্ঠে তু দৌহিত্রে প্রাদাদ্দক্ষো নৃপোত্তম।
আদিত্যে সবিতুর্জ্যেষ্ঠে বিবস্বাঞ্জগৃহে ততঃ॥ 12-358-50 (80394)
ত্রেতায়ুগাদৌ চ ততো বিবস্বান্মমবে দদৌ।
মনুশ্চ লোকভূত্যর্থং সুতায়েক্ষ্বাকবে দদৌ॥ 12-358-51 (80395)
ইক্ষ্বাকুণা চ কথিতো ব্যাপ্য লোকানবস্থিতঃ।
গমিষ্যতি ক্ষয়ান্তে চ পুনর্নারায়ণং নৃপ॥ 12-358-52 (80396)
যতীনাং চাপি যো ধর্মঃ স তে পূর্বং নৃপোত্তম।
কথিতো হরিগীতাসু সমাসবিধিকল্পিতঃ॥ 12-358-53 (80397)
নারদেন সুসংপ্রাপ্তঃ সরহস্যঃ সসংগ্রহঃ।
এষ ধর্মো জগন্নাথাৎসাক্ষান্নারায়ণান্নৃপ॥ 12-358-54 (80398)
এবমেব মহান্ধর্মে আদ্যো রাজন্সনাতনঃ।
দুর্বিজ্ঞেয়ো দুষ্করশ্চ সাৎবতৈর্ধার্যতে সদা॥ 12-358-55 (80399)
ধর্মজ্ঞানেন চৈতেন সুপ্রয়ুক্তেন কর্মণা।
অহিংসাধর্ময়ুক্তেন প্রীয়তে হরিরীশ্বরঃ॥ 12-358-56 (80400)
একব্যূহবিভাগো বা ক্বচিদ্দ্বিব্যূহসংজ্ঞিতঃ।
ত্রিব্যূহশ্চাপি সংখ্যাতশ্চতুর্ব্যূহশ্চ দৃশ্যতে॥ 12-358-57 (80401)
হরিরেব হি ক্ষেত্রজ্ঞো নির্মমো নিষ্কলস্তথা।
জীবশ্চ সর্বভূতেষু পঞ্চভূতগুণাতিগঃ॥ 12-358-58 (80402)
মনশ্চ প্রথিতং রাজন্পঞ্চন্দ্রিয়সমীরণম্।
এষ লোকনিধিঃ শ্রীমানেষু লোকবিসর্গকৃৎ॥ 12-358-59 (80403)
অকর্তা চৈব কর্তা চ কার্যং কারণমেব চ।
যথেচ্ছতি তথা রাজন্ক্রীডতে পুরুষোঽব্যযঃ॥ 12-358-60 (80404)
এষ একান্তিধর্মস্তে কীর্তিতো নৃপসত্তম।
ময়া গুরুপ্রসাদেন দুর্বিজ্ঞেয়োঽকৃতাত্মভিঃ॥ 12-358-61 (80405)
একান্তিনো হি পুরুষা দুর্লভা বহবো নৃপ।
যদ্যেকান্তিভিরাকীর্ণং জগৎস্যাৎকুরুনন্দনঃ॥ 12-358-62 (80406)
অহিংসকৈরাত্মবিদ্ভিঃ সর্বভূতহিতে রতৈঃ।
ভবেৎকৃতয়ুগপ্রাপ্তিরাশীঃ কর্মবিবর্জিতা॥ 12-358-63 (80407)
এবং স ভগবান্ব্যাসো গুরুর্মম বিশাংপতে।
কথয়ামাস ধর্মজ্ঞো ধর্মরাজে দ্বিজোত্তমঃ॥ 12-358-64 (80408)
ঋষীণাং সংনিধৌ রাজঞ্শৃণ্বতোঃ কৃষ্ণভীষ্ময়োঃ।
তস্যাপ্যকথয়ৎপূর্বং নারদঃ সুমহাতপাঃ॥ 12-358-65 (80409)
দেবং পরমকং ব্রহ্ম শ্বেতং চন্দ্রাভমচ্যুতম্।
যত্র চৈকান্তিনো যান্তি নারায়ণপরায়ণাঃ।
`তদেব পরমং স্থানং মুক্তানাং কেবলং ভবেৎ॥' 12-358-66 (80410)
জনমেজয় উবাচ। 12-358-67x (6637)
এবং বহুবিধং ধর্মং প্রবিবুদ্ধৈর্নিষেবিতম্।
ন কুর্বন্তি কথং বিপ্রা অন্যে নানাব্রতে স্থিতাঃ॥ 12-358-67 (80411)
বৈশম্পায়ন উবাচ। 12-358-68x (6638)
তিস্রঃ প্রকৃতয়ো রাজন্দেহবন্ধেষু নির্মিতাঃ।
সাৎবিকী রাজসী চৈব তামসী চৈব ভারত॥ 12-358-68 (80412)
দেহবন্ধেষু পুরুষঃ শ্রেষ্ঠঃ কুরুকুলোদ্বহ।
সাৎবিকঃ পুরুষব্যাঘ্র ভবেন্মোক্ষায় নিশ্চিতঃ॥ 12-358-69 (80413)
অত্রাপি স বিজানাতি পুরুষং ব্রহ্মবিত্তমম্।
নারায়ণাং পরং মোক্ষে ততো বৈ সাৎবিকঃ স্মৃতঃ॥ 12-358-70 (80414)
মনীষিতং চ প্রাপ্নোতি চিন্তয়ন্পুরুষোত্তমম্।
একান্তভক্তঃ সততং নারায়ণপরায়ণঃ॥ 12-358-71 (80415)
মনীষিণো হি যে কেচিদ্যতয়ো মোক্ষধর্মিণঃ।
তেষাং বিচ্ছিন্নতৃষ্ণানাং যোগক্ষেমবহো হরিঃ॥ 12-358-72 (80416)
জায়মানং হি পুরুষং যং পশ্যেন্মধুসূদনঃ।
সাৎবিকস্তু স বিজ্ঞেয়ো ভবেন্মোক্ষে চ নিশ্চিতঃ॥ 12-358-73 (80417)
সাঙ্খ্যযোগেন তুল্যো হি ধর্ম একান্তিসেবিতঃ।
নারায়ণাত্মকে মোক্ষে ততো যান্তি পরাং গতিং॥ 12-358-74 (80418)
নারায়ণেন দৃষ্টস্তচু প্রতিবুদ্ধো ভবেৎপুমান্।
এবমাত্মেচ্ছয়া রাজন্প্রতিবুদ্ধো ন জায়তে॥ 12-358-75 (80419)
রাজসী তামসী চৈব ব্যামিশ্রে প্রকৃতী স্মৃতে।
তদাত্মকং হি পুরুষং জায়মানং বিশাংপতে।
প্রবৃত্তিলক্ষণৈর্যুক্তং নাবেক্ষতি হরিঃ স্বয়ম্॥ 12-358-76 (80420)
পশ্যত্যেনং জায়মানং ব্রহ্মা লোকপিতামহঃ।
রজসা তপসা চৈব মানসং সমভিপ্লুতম্॥ 12-358-77 (80421)
কামং দেবাশ্চ ঋষয়ঃ সৎবস্থা নৃপসত্তম।
হীনাঃ সৎবেন সূক্ষ্মেণ ততো বৈকারিকাঃ স্মৃতাঃ॥ 12-358-78 (80422)
জনমেজয় উবাচ। 12-358-79x (6639)
কথং বৈকারিকো গচ্ছেৎপুরুষঃ পুরুষোত্তমম্।
বদ সর্বং যথাদৃষ্টং প্রবৃত্তিং চ যথাক্রমম্॥ 12-358-79 (80423)
বৈশম্পায়ন উবাচ। 12-358-80x (6640)
সুসূক্ষ্মং তত্ৎবসংয়ুক্তং সংয়ুক্তং ত্রিভিরক্ষরৈঃ।
পুরুষঃ পুরুষং গচ্ছেন্নিষ্ক্রিয়ং পঞ্চবিংশকম্॥ 12-358-80 (80424)
এবমেকং সাঙ্খ্যযোগং বেদারণ্যকমেব চ।
পরস্পরাঙ্গান্যেতানি পাঞ্চরাত্রং চ কথ্যতে॥ 12-358-81 (80425)
এষ একান্তিনাং ধর্মো নারায়ণপরাত্মকঃ॥ 12-358-82 (80426)
যথা সমুদ্রাৎপ্রসৃতা জলৌঘা
স্তমেব রাজন্পুনরাবিশন্তি।
ইমে তথা জ্ঞানমহাজলৌঘা
নারায়ণং বৈ পুনরাবিশন্তি॥ 12-358-83 (80427)
এষ তে কথিতো ধর্মঃ সাৎবতো যদুবান্ধব।
কুরুষ্বৈনং যথান্যায়ং যদি শক্তোসি ভারত॥ 12-358-84 (80428)
এবং হি স মহাভাগো নারদো গুরবে মম।
শ্বেতানাং যতিনাং চাহ একান্তগতিমখ্যাম্॥ 12-358-85 (80429)
ব্যাসশ্চাকথয়ৎপ্রীত্যা ধর্মপুত্রায় ধীমতে।
স এবায়ং ময়া তুভ্যমাখ্যাতঃ প্রসৃতো গুরোঃ॥ 12-358-86 (80430)
ইত্থং হি দুশ্চরো ধর্ম এষ পার্থিবসত্তম।
যথৈব ৎবং তথৈবান্যে ন ভজন্তি চ মোহিতাঃ॥ 12-358-87 (80431)
কৃষ্ণ এব হি লোকানাং ভাবনো মোহনস্তথা।
সংহারকারকশ্চৈব কারণং চ বিশাংপতে॥ ॥ 12-358-88 (80432)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে অষ্টপঞ্চাশদধিকত্রিশততমোঽধ্যায়ঃ॥ 358॥
Mahabharata - Shanti Parva - Chapter Footnotes
12-358-2 দগ্ধেন্ধনাঃ নষ্টবাসনাঃ। পারম্পর্যাগতা গুরুসংপ্রদায়াগতাগতির্জ্ঞানম্॥ 12-358-23 প্রথিতো গদতা পুরেতি থ. পাঠঃ॥ 12-358-25 যদা ভূয়স্তমশ্চাস্য বুদ্ধিরাসীন্মহাত্মনঃ ইতি ট. পাঠঃ॥ 12-358-26 জগৎসর্গকরঃ প্রভুরিতি থ. ধ. পাঠঃ॥ 12-358-31 নাসিক্যে জন্মনীতি থ.ধ. পাঠঃ॥ 12-358-42 রৌত্র্যায় মনবে দদাবিতি ধ. ধ. পাঠঃ। সুব্রতায় সুধন্বত ইতি ট. ধ. পাঠঃ॥ 12-358-44 ব্রহ্মণো হরিমেধস ইতি ট. ধ. পাঠঃ॥ 12-358-49 যুগাদৌ লোকসাক্ষিণে ইতি ট. পাঠঃ॥ 12-358-58 নির্মলো নিষ্কলস্তথেতি ট. পাঠঃ॥ 12-358-59 অতশ্চ প্রথিতো রাজন্পঞ্চেন্দ্রিয়সমীরিতি ইতি থ. ধ. পাঠঃ॥ 12-358-63 কৃতয়ুগপ্রাপ্তিরীদৃশৈঃ কর্মবর্জিতৈরিতি ট. ধ. পাঠঃ। আশীঃ কর্ম কাম্যংকর্ম॥ 12-358-70 নারায়ণপরো মোক্ষ ইতি ঝ. ট. পাঠঃ॥ 12-358-72 যতয়ো মোক্ষকাঙ্ক্ষিণ ইতি ট. ধ. পাঠঃ॥ 12-358-77 এনং রাজসং ব্রহ্মা পশ্যতি প্রবৃত্তিমর্গি নিয়োজয়তীত্যর্থঃ। ব্রহ্মা রুদ্রোঽথবা পুনরিতি থ.ধ. পাঠঃ॥ 12-358-81 পরস্পরান্যান্যেতানীতি ট. পাঠঃ॥ 12-358-87 ধর্মঃ পুণ্যঃ পার্থিবসত্তমেতি থ. পাঠঃ॥ 12-358-88 সংসারকারকশ্চৈবেতি ধ. পাঠঃ॥শান্তিপর্ব - অধ্যায় 359
॥ শ্রীঃ ॥
12.359. অধ্যায়ঃ 359
Mahabharata - Shanti Parva - Chapter Topics
বৈশম্পায়নেন জনমেজয়ংপ্রতি শ্রীব্যাসস্য শ্রীনারায়ণাদপাংতরতম ইতি প্রাদুর্ভাবাদিকথনম্॥ 1॥Mahabharata - Shanti Parva - Chapter Text
12-359-0 (80433)
জনমেজয় উবাচ। 12-359-0x (6641)
সাখ্যং যোগঃ পাঞ্চরাত্রং বেদারণ্যকমেব চ।
জ্ঞানান্যেতানি ব্রহ্মর্ষে লোকেষু প্রচরন্তি হ॥ 12-359-1 (80434)
কিমেতান্যেকনিষ্ঠানিং পৃথঙ্নিষ্ঠানি বা মুনে।
প্রব্রূহি বৈ ময়া পৃষ্টঃ প্রবৃত্তিং চ যথাক্রমম্॥ 12-359-2 (80435)
`কথং বৈকারিকো গচ্ছেৎপুরুষঃ পুরুষোত্তমম্।
বদস্ব ৎবং ময়া পৃষ্টঃ প্রবৃত্তিং চ যথাক্রমম্॥' 12-359-3 (80436)
বৈশম্পায়ন উবাচ। 12-359-4x (6642)
জজ্ঞে বহুজ্ঞং পরমত্যুদারং
যং দ্বীপমধ্যে সুতমাত্মবন্তম্।
পরাশরাৎসত্যবতী মহর্ষি
তস্মৈ নমোঽজ্ঞানতমোনুদায়॥ 12-359-4 (80437)
পিতামহাদ্যং প্রবদন্তি ষষ্ঠং
মহর্ষিমার্ষেয়বিভূতিয়ুক্তম্।
নারায়ণস্যাংশজমেকপুত্রং
দ্বৈপায়নং বেদমহানিধানম্॥ 12-359-5 (80438)
তমাদিকালেষু মহাবিভূতি
র্নারায়ণো ব্রহ্ম মহানিধানম্।
সসর্জ পুত্রার্থমুদারতেজা
ব্যাসং মহাত্মানমজং পুরাণম্॥ 12-359-6 (80439)
জনমেজায় উবাচ। 12-359-7x (6643)
ৎবয়ৈব কথিতঃ পূর্বং সংভবো দ্বিজসত্তম।
বসিষ্ঠস্য সুতঃ শক্তিঃ শক্তিপুত্রঃ পরাশরঃ॥ 12-359-7 (80440)
পরাশরস্য দায়াদঃ কৃষ্ণদ্বৈপায়নো মুনিঃ।
ভূয়ো নারায়ণসুতং ৎবমেবৈনং প্রভাষসে॥ 12-359-8 (80441)
কিমতঃ পূর্বকং জন্ম ব্যাসস্যামিততেজসঃ।
কথয়স্বোত্তমমতে জন্ম নারায়ণোদ্ভবম্॥ 12-359-9 (80442)
বৈশম্পায়ন উবাচ। 12-359-10x (6644)
বেদার্থবেত্তুব্যাসস্য ধর্মিষ্ঠস্য তপোনিধেঃ।
গুরোর্মে জ্ঞাননিষ্ঠস্য হিমবৎপাদ আসতঃ॥ 12-359-10 (80443)
কৃৎবা ভারতমাখ্যানং তপঃ শ্রান্তস্য ধীমতঃ।
শুশ্রূষাং তৎপরা রাজন্কৃতবন্তো বয়ং তদা॥ 12-359-11 (80444)
সুমন্তুর্জৈমিনিশ্চৈব পৈলশ্চ সুদৃঢব্রতঃ।
অহং চতুর্থঃ শিষ্যো বৈ শুকো ব্যাসাত্মজস্তথা॥ 12-359-12 (80445)
এভিঃ পরিবৃতো ব্যাসঃ শিষ্যৈঃ পঞ্চভিরুত্তমৈঃ।
শুশুভে হিমবৎপাদে ভূতৈর্ভূতপতির্যথা॥ 12-359-13 (80446)
বেদানাবর্তয়ন্সাঙ্গান্ভারতার্থাংশ্চ সর্বশঃ।
তমেকমনসং দান্তং যুক্তা বয়মুপাস্মহে॥ 12-359-14 (80447)
কথান্তরেঽথকস্মিংশ্চিৎপৃষ্টোঽস্মাভির্দ্বিজোত্তমঃ।
বেদার্থান্ভারতার্থাংশ্চ জন্ম নারায়ণাত্তথা॥ 12-359-15 (80448)
স পূর্বমুক্ৎবা বেদার্থান্ভারতার্থাংশ্চ তত্ৎববিৎ।
নারায়ণাদিদং জন্ম ব্যাহর্তুমুপচক্রমে॥ 12-359-16 (80449)
শৃণুধ্বমাখ্যানবরমিদমার্ষেয়মুত্তমম্।
আদিকালোদ্ভবং বিপ্রাস্তপসাঽধিগতং ময়া॥ 12-359-17 (80450)
প্রাপ্তে প্রজাবিসর্গে বৈ সপ্তমে পদ্মসংভবে।
নারায়ণো মহায়োগী শভাশুভবিবর্জিতঃ॥ 12-359-18 (80451)
সসৃজে নাভিতঃ পূর্বং ব্রহ্মাণমমিতপ্রভঃ।
ততঃ স প্রাদুরভবদথৈনং বাক্যমব্রবীৎ॥ 12-359-19 (80452)
মম ৎবং নাভিতো জাতঃ প্রজাসর্গকরঃ প্রভুঃ।
সৃজ প্রজাস্ৎবং বিবিধা ব্রহ্মন্সজডপণ্ডিতাঃ॥ 12-359-20 (80453)
স এবমুক্তো বিমুখশ্চিন্তাব্যাকুলমানসঃ।
প্রণম্য বরদং দেবমুবাচ হরিমীশ্বরম্॥ 12-359-21 (80454)
কা শক্তির্মম দেবেশ প্রজাঃ স্রষ্টুং নমোস্তু তে।
অপ্রজ্ঞাবানহং দেব বিধৎস্ব যদনন্তরম্॥ 12-359-22 (80455)
স এবমুক্তো ভগবান্ভূৎবাঽথান্তর্হিতস্ততঃ।
চিন্তয়ামাস দেবেশো বুদ্ধিং বুদ্ধিমতাংবরঃ।
স্বরূপিণী ততো বুদ্ধিরুপতস্থে হরিং প্রভুম্॥ 12-359-23 (80456)
যোগেন চৈনাং নির্যোগঃ স্বয়ং নিয়ুয়ুজে তদা।
স তামৈশ্বর্যযোগস্থাং বুদ্ধিং গতিমতীং সতীম্॥ 12-359-24 (80457)
উবাচ বচনং দেবো বুদ্ধিং বৈ প্রভুরব্যযঃ।
ব্রহ্মাণং প্রবিশস্বেতি লোকসৃষ্ট্যর্থসিদ্ধয়ে।
ততস্তমীশ্বরাদিষ্টা বুদ্ধিঃ ক্ষিপ্রং বিবেশ সা॥ 12-359-25 (80458)
অথৈনং বুদ্ধিসংয়ুক্তং পুনঃ স দদৃশে হরিঃ।
ভূয়শ্চৈব বচঃ প্রাহ সৃজেমা বিবিধাঃ প্রজাঃ॥ 12-359-26 (80459)
বাঢমিত্যেব কৃৎবাঽসৌ যথাঽঽজ্ঞাং শিরসা হরেঃ।
এবমুক্ৎবা স ভগবাংস্তত্রৈবান্তরধায়ত॥ 12-359-27 (80460)
প্রাপ চৈনং মুহূর্তেন স্বং স্থানং দেবসংজ্ঞিতম্।
তাং চৈব প্রকৃতিং প্রাপ্য একীভাবগতোঽভবৎ॥ 12-359-28 (80461)
অথাস্য বুদ্ধিরভবৎপুনরন্যা তদা কিল।
সৃষ্টাঃ প্রজা ইমাঃ সর্বা ব্রহ্মণা পরমেষ্ঠিনা॥ 12-359-29 (80462)
দৈত্যদানবগন্ধর্বরক্ষোগণসমাকুলা।
জাতা হীয়ং বসুমতী ভারাক্রান্তা তপস্বিনী॥ 12-359-30 (80463)
বহবো বলিনঃ পৃথ্ব্যাং দৈত্যদানবরাক্ষসাঃ।
ভবিষ্যন্তি তপোয়ুক্তা বরানপ্রাপ্স্যন্তি চোত্তমান্॥ 12-359-31 (80464)
অবশ্যমেব তৈঃ সর্বৈর্বরদানেন দর্পিতৈঃ।
বাধিতব্যাঃ সুরগণা ঋষয়শ্চ তপোধনাঃ॥ 12-359-32 (80465)
তত্র ন্যায়্যমিদং কর্তুং ভারাবতরণং ময়া।
অথ নানাসমুদ্ভূতৈর্বসুধায়াং যথাক্রমম্॥ 12-359-33 (80466)
নিগ্রহেণ চ পাপানাং সাধূনাং প্রগ্রহেণ চ।
ইদং তপস্বিনী সত্যা ধারয়িষ্যতি মেদিনী॥ 12-359-34 (80467)
ময়া হ্যেষা হি ধ্রিয়তে পাতালস্থেন ভোগিনা।
তস্মাৎপৃথ্ব্যাঃ পরিত্রাণং করিষ্যে সংভবং গতঃ॥ 12-359-35 (80468)
এবং স চিন্তয়িৎবা তু ভগবান্মঘধুসূদনঃ।
রুপাণ্যনেকান্যসৃজৎপ্রাদুর্ভাবভবায় সঃ॥ 12-359-36 (80469)
বারাহং নারসিহং চ বামনং মানুষং তথা।
এভির্ময়া নিহন্তব্যাঃ দুর্বিনীতাঃ সুরারয়ঃ॥ 12-359-37 (80470)
অথ ভূয়ো জগৎস্রষ্টা ভোঃশব্দেনানুনাদয়ন্।
সরস্বতীমুচ্চচার তত্র সারস্বতোঽভবৎ॥ 12-359-38 (80471)
অপান্তরতমা নাম সুতো বাক্সংভবঃ প্রভোঃ।
ভূতভব্যভবিষ্যজ্ঞঃ সত্যবাদী দৃঢব্রতঃ॥ 12-359-39 (80472)
তমুবাচ নতং মূর্ধ্না দেবানামাদিবরব্যযঃ।
বেদাখ্যানে শ্রুতিঃ কার্যা ৎবয়া মতিমতাংবর॥ 12-359-40 (80473)
তস্মাৎকুরু যথাজ্ঞপ্তং মমৈতদ্বচনং মুনে।
তেন ভিন্নাস্তদা বেদা মনোঃ স্বায়ংভুবেন্তরে॥ 12-359-41 (80474)
ততস্তুতোষ ভগবান্হরিস্তেনাস্য কর্মণা।
তপসা চ সুতপ্তেন যমেন নিয়মেন চ॥ 12-359-42 (80475)
মন্বন্তরেষু পুত্র ৎবমেবং লোকপ্রবর্তকঃ।
ভবিষ্যস্যচলো ব্রহ্মন্নপ্রধৃষ্যশ্চ নিত্যশঃ॥ 12-359-43 (80476)
পুনস্তিষ্যে চ সংপ্রাপ্তে কুরবো নাম ভারতাঃ।
ভবিষ্যন্তি মহাত্মানো রাজানঃ প্রথিতা ভুবি॥ 12-359-44 (80477)
তেষাং ৎবত্তঃ প্রসূতানাং কুলভেদো ভবিষ্যতি।
পরস্পরবিনাশার্থং ৎবামৃতে দ্বিজসত্তম॥ 12-359-45 (80478)
তত্রাপ্যনেকধা বেদান্ভেৎস্যসে তপসাঽন্বিতঃ।
কৃষ্ণে যুগে চ সংপ্রাপ্তে কৃষ্ণবর্ণো ভবিষ্যসি॥ 12-359-46 (80479)
ধর্মাণাং বিবিধানাং চ কর্তা জ্ঞানকরস্তথা।
ভবিষ্যসি তপোয়ুক্তো ন চ রাগাদ্বিমোক্ষ্যসে॥ 12-359-47 (80480)
বীতরাগশ্চ পুত্রস্তে পরমাত্মা ভবিষ্যতি।
মহেশ্বরপ্রসাদেন নৈতদ্বচনমন্যথা॥ 12-359-48 (80481)
যং মানসং বৈ প্রবদন্তি বিপ্রাঃ
পিতামহস্যোত্তমবুদ্ধিয়ুক্তম্।
বসিষ্ঠমগ্র্যং চ তপোনিধানং
যস্যাতিসূর্যং ব্যরিরিচ্যতে ভাঃ॥ 12-359-49 (80482)
তস্যান্বপে চাপি ততো মহর্ষিঃ
পরাশরো নাম মহাপ্রভাবঃ।
পিতা স তে বেদনিধির্বরিষ্ঠো
মহাতপা বৈ তপসো নিবাসঃ॥ 12-359-50 (80483)
কানীনগর্ভঃ পিতৃকন্যকায়াং
তস্মাদৃষেস্ৎবং ভবিতা চ পুত্রঃ॥ 12-359-51 (80484)
ভূতভব্যভবিষ্যাণাং জ্ঞানানাং বেৎস্যসে গতিম্।
যে হ্যতিক্রান্তকাঃ পূর্বং সহস্রসুগপর্যযাঃ॥ 12-359-52 (80485)
তাংশ্চ সর্বান্ময়োদ্দিষ্টান্দ্রক্ষ্যসে তপসাঽন্বিতঃ।
পুনর্দ্রক্ষ্যসি চানেকসহস্রয়ুগপর্যযান্॥ 12-359-53 (80486)
অনাদিনিধনং লোকে চক্রহস্তং চ মাং মুনে।
অনুধ্যানান্মম মুনে নৈতদ্বচনমন্যথা।
ভবিষ্যতি মহাসৎব খ্যাতিশ্চাপ্যতুলা তব॥ 12-359-54 (80487)
* শনৈশ্চরঃ সূর্যপুত্রো ভবিষ্যতি মনুর্মহান্।
তস্মিন্মন্বন্তরে চৈব মন্বাদিগণপূর্বকঃ।
ৎবমেব ভবিতা বৎস মৎপ্রসাদান্ন সংশয়ঃ॥ 12-359-55 (80488)
[যৎকিংচিদ্বিদ্যতে লোকে সর্বং তন্মদ্বিচেষ্টিতম্।
অন্যো হ্যন্যং চিন্তয়তি স্বচ্ছন্দং বিদধাম্যহম্॥] 12-359-56 (80489)
এবং সারস্বতমৃষিমপাংতরতমং তথা।
যুক্ৎবা বচনমীশানঃ সাধয়স্বেত্যথাব্রবীৎ॥ 12-359-57 (80490)
সোহং তস্য প্রসাদেন দেবস্য হরিমেধসঃ।
অপাংতরতমো নাম্না ততো জাতোঽঽজ্ঞয়া হরেঃ॥ 12-359-58 (80491)
পুনশ্চ জাতো বিখ্যাতো বসিষ্ঠকুলনন্দনঃ॥ 12-359-59 (80492)
তদেতৎকথিতং জন্ম ময়া পূর্বকমাত্মমঃ।
নারায়ণপ্রসাদেন তদা নারায়ণাংশজম্॥ 12-359-60 (80493)
ময়া হি সুমহত্তপ্তং তপঃ পরমদারুণম্।
পুরা মতিমতাং শ্রেষ্ঠাঃ পরমেণ সমাধিনা॥ 12-359-61 (80494)
এতদ্বঃ কথিতং সর্বং যন্মাং পৃচ্ছত পুত্রকাঃ।
পূর্বজন্ম ভবিষ্যং চ ভক্তানাং স্নেহতো ময়া॥ 12-359-62 (80495)
বৈশম্পায়ন উবাচ। 12-359-63x (6645)
এষ তে কথিতঃ পূর্বঃ সংভবোঽস্মদ্গুরোর্নৃপ।
ব্যাসস্যাক্লিষ্টমনসো যথা পৃষ্টঃ পুনঃ শৃণু॥ 12-359-63 (80496)
সাঙ্খ্যং যোগঃ পাঞ্চরাত্রং বেদাঃ পাশুপতং তথা।
জ্ঞানান্যেতানি রাজর্ষে বিদ্ধি নানামতানি বৈ॥ 12-359-64 (80497)
সাঙ্খ্যস্য বক্তা কপিলঃ পরমর্ষিঃ স উচ্যতে।
হিরণ্যগর্ভো যোগস্য বেত্তা নান্যঃ পুরাতনঃ॥ 12-359-65 (80498)
অপাংতপতমাশ্চৈব বেদাচার্যঃ স উচ্যতে।
প্রাচীনগর্ভং তমৃষিং প্রবদন্তীহ কেচন॥ 12-359-66 (80499)
উমাপতির্ভূতপতিঃ শ্রীকণ্ঠো ব্রহ্মণঃ সুতঃ।
উক্তবানিদমব্যগ্রো জ্ঞানং পাশুপতং শিবঃ॥ 12-359-67 (80500)
পাঞ্চরাত্রস্য কৃৎস্নস্য বক্তা তু ভগবান্স্বয়ম্।
সর্বেষু চ নৃপশ্রেষ্ঠ জ্ঞানেষ্বেতেষু দৃশ্যতে॥ 12-359-68 (80501)
যথাগমং যথাজ্ঞানং নিষ্ঠা নারায়ণঃ প্রভুঃ।
ন চৈনমেবং জানন্তি তমোভূতা বিশাংপতে॥ 12-359-69 (80502)
তমেব শাস্ত্রকর্তারং প্রবদন্তি মনীষিণঃ।
নিষ্ঠাং নারায়ণমৃষিং নান্যোস্তীতি চ বাদিনঃ॥ 12-359-70 (80503)
নিঃসংশয়েষু সর্বেষু নিত্যং বসতি বৈ হরিঃ।
সসংশয়ান্হেতুবলান্নাধ্যাবসতি মাধবঃ॥ 12-359-71 (80504)
পাঞ্চরাত্রবিদো যে তু যথাক্রমপরা নৃপ।
একান্তভাবোপগতাস্তে হরিং প্রবিশন্তি বৈ॥ 12-359-72 (80505)
সাঙ্খ্যং চ যোগং চ সনাতনে দ্বে
বেদাশ্চ সর্বে নিখিলেন রাজন্।
সর্বৈঃ সমস্তৈর্ঋষিভির্নিরুক্তো
নারায়ণো বিশ্বমিদং পুরাণম্॥ 12-359-73 (80506)
শুভাশুভং কর্ম সমীরিতং য
ৎপ্রবর্ততে সর্বলোকেষু কিংচিৎ।
তস্মাদৃপেস্তদ্ভবতীতি বিদ্যা
দ্দিব্যন্তরিক্ষে ভুবি চাপ্সু চেতি॥ ॥ 12-359-74 (80507)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে একোনষষ্ট্যধিকত্রিশততমোঽধ্যায়ঃ॥ 359॥
Mahabharata - Shanti Parva - Chapter Footnotes
12-359-1 সাংখ্যং যোগঃ পঞ্চরাত্রং বেদাঃ পাশুপতং তথা ইতি থ. পাঠঃ। সাংখ্যং যোগঃ পাশুপতং বেদারণ্যকমেবচেতি ধ. পাঠঃ॥ 12-359-5 পিতামহস্যাদ্যো নারায়ণস্তমারভ্য যং ষষ্ঠং বদন্তীতি যোজ্যম্। নারায়ণস্যাঙ্গজমিতি ধ. পাঠঃ॥ 12-359-9 পূর্বজং জন্মেতি ট. পাঠঃ॥ 12-359-19 নাভিজং পত্রমিতি ধ. পাঠঃ॥ 12-359-34 দ্বয়ং তরস্বিনী সত্যেতি ধ. পাঠঃ। ইয়ং সরস্বতী সত্যেতি ট. পাঠঃ॥ 12-359-55 শনৈশ্বরভ্রাতা। সপ্তর্ষিগুণপূর্বক ইতি থ. পাঠঃ॥শান্তিপর্ব - অধ্যায় 360
॥ শ্রীঃ ॥
12.360. অধ্যায়ঃ 360
Mahabharata - Shanti Parva - Chapter Topics
বৈশম্পায়নেন জনমেজয়ংপ্রতি ব্রহ্মরুদ্রসংবাদানুবাদঃ॥ 1॥Mahabharata - Shanti Parva - Chapter Text
12-360-0 (80508)
জনমেজয় উবাচ। 12-360-0x (6646)
বহবঃ পুরুষা ব্রহ্মন্নুতাহো এক এব তু।
কো হ্যত্র পুরুষঃ শ্রেষ্ঠঃ কো বা যোনিরিহোচ্যতে॥ 12-360-1 (80509)
বৈশম্পায়ন উবাচ। 12-360-2x (6647)
বহবঃ পুরুষা লোকে সাঙ্গ্যযোগবিচারণে।
নৈতদিচ্ছন্তি পুরুষমেকং কুরুকুলোদ্বহ॥ 12-360-2 (80510)
বহনাং পুরুষাণাং চ যথৈকা যোনিরুচ্যতে।
তথা তং পুরুষং বিশ্বং ব্যাখ্যাস্যামি গুণাধিকম্॥ 12-360-3 (80511)
নমস্কৃৎবা চ গুরবে ব্যাসায় বিদিতাত্মনে।
তপোয়ুক্তায় দান্তায় বন্দ্যায় পরমপয়ে॥ 12-360-4 (80512)
ইদং পুরুষসূক্তং হি সর্ববেদেষু পার্থিব।
ঋতং সত্যং চ বিখ্যাতমৃপিসিংহেন চিন্তিতম্॥ 12-360-5 (80513)
উৎসর্গেণাপবাদেন ঋষিভিঃ কপিলাদিভিঃ।
অধ্যান্মচিন্তামাশ্রিত্য শাস্ত্রাণ্যুক্তানি ভারত॥ 12-360-6 (80514)
সমাসতেস্তু যদ্ব্যাসঃ পুরুষৈকৎবমুক্তবান্।
তত্তেঽহং সংপ্রবক্ষ্যামি প্রসাদাদমিতৌজসঃ॥ 12-360-7 (80515)
অত্রাপ্যুদাহরন্তীমমিতিহাসং পুরাতনম্।
ব্রহ্মণা সহ সংবাদং ত্র্যম্বকস্য বিশাংপতে॥ 12-360-8 (80516)
ক্ষীরোদস্য সমুদ্রস্য মধ্যে হাটকসপ্রভঃ।
বৈজয়ন্ত ইতি খ্যাতঃ পর্বতপ্রবরো নৃপ॥ 12-360-9 (80517)
তত্রাধ্যাত্মগতিং দেব একাকী প্রবিচিন্তয়ন্।
বৈরাজসদনান্নিত্যং বৈজয়ন্তং নিপেবতে॥ 12-360-10 (80518)
অথ তত্রাঽঽসতস্তস্য চতুর্বক্রস্য ধীমতঃ।
ললাটপ্রভবঃ পুত্রঃ শিব আগাদ্যদৃচ্ছয়া।
আকাশেন মহায়োগী পুরা ত্রিনয়নঃ প্রভুঃ॥ 12-360-11 (80519)
ততঃ খান্নিপপাতাশু ধরণীধরমূর্ধনি।
অগ্রতশ্চাভবৎপ্রীতো ববন্দে চাপি পাদয়োঃ॥ 12-360-12 (80520)
তং পাদয়োনিংপতিতং দৃষ্ট্বা সব্যেন পাণিনা।
অত্থাপয়ামাস তদা প্রভুরেকঃ প্রজাপতিঃ।
উবাচ চৈনং ভগবাংশ্চিরস্যাগতমাত্মজম্॥ 12-360-13 (80521)
পিতামহ উবাচ। 12-360-14x (6648)
স্বাগতং তে মহাবাহো দিষ্ট্যা প্রাপ্তোসি মেঽন্তিকম্।
কচ্চিত্তে কুশলং পুত্র স্বাধ্যায়তপসোঃ সদা।
নিত্যমুগ্রতপাস্ৎবং হি ততঃ পৃচ্ছামি তে পুনঃ॥ 12-360-14 (80522)
রুদ্র উবাচ। 12-360-15x (6649)
ৎবৎপ্রসাদেন ভগবন্স্বাধ্যায়তপসোর্মম।
কৃশলং চাব্যযং চৈব সর্বস্য জগতস্ৎবথ॥ 12-360-15 (80523)
চিরদৃষ্টোমি ভগবন্বৈরাজসদনে ময়া।
ততোঽহং পর্বতং প্রাপ্তস্ৎবিমং ৎবৎপাদসেবিতম্॥ 12-360-16 (80524)
কৌতূহলং চাপি হি মে একান্তগমনেন তে।
নৈতৎকারণমল্পং হি ভবিষ্যতি পিতামহ॥ 12-360-17 (80525)
কিংনু তৎসদনং শ্রেষ্ঠং ক্ষুৎপিপাসাবিবর্জিতম্।
সুরাসুরৈরধ্যুপিতমৃষিভিশ্চামিতপ্রভৈঃ॥ 12-360-18 (80526)
গন্ধর্বৈরেপ্সরোভিশ্চ সততং সংনিষেবিতম্।
উৎসৃজ্যেমং গিরিবরমেকাকী প্রাপ্তবানসি॥ 12-360-19 (80527)
ব্রহ্মোবাচ। 12-360-20x (6650)
বৈজয়ন্তো গিরিবরঃ সততং সেব্যতে ময়া।
অত্রৈকাগ্রেণ মনসা পুরুষশ্চিন্ত্যতে বিরাট্॥ 12-360-20 (80528)
রুদ্র উবাচ। 12-360-21x (6651)
বহবঃ পুরুষা ব্রহ্মংস্ৎবয়া সৃষ্টাঃ স্বয়ংভুব।
সৃজ্যন্তে চাপরে ব্রহ্মন্স চৈকঃ পুরুষো বিরাট্॥ 12-360-21 (80529)
কো হ্যসৌ চিন্ত্যতে ব্রহ্মংস্ৎবয়ৈকঃ পুরুষোত্তমঃ।
এতন্মে সংশয়ং ছিন্ধি মহৎকৌতূহলং হি মে॥ 12-360-22 (80530)
ব্রহ্মোবাচ। 12-360-23x (6652)
বহবঃ পুরুষাঃ পুত্র ৎবয়া যে সমুদাহৃতাঃ।
এবমেতদতিক্রান্তং দ্রষ্টব্যং নৈবমিত্যপি॥ 12-360-23 (80531)
আধারং তু প্রবক্ষ্যামি একস্য পুরুষস্য তে।
বহূনাং পুরুষাণাং স যথৈকা যোনিরুচ্যতে॥ 12-360-24 (80532)
তথা তং পুরুষং বিশ্বং পরমং সুমহত্তমম্।
নির্গুণং নির্গুণা ভূৎবা প্রবিশন্তি সনাতনম্॥ ॥ 12-360-25 (80533)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে ষষ্ট্যধিকত্রিশততমোঽধ্যায়ঃ॥ 360॥
Mahabharata - Shanti Parva - Chapter Footnotes
12-360-2 সাঙ্খ্যযোগবিচারণা ইতি ট. পাঠঃ॥ 12-360-21 স চ কঃ পুরুষো বিরাডিতি ট. ধ. পাঠঃ॥শান্তিপর্ব - অধ্যায় 361
॥ শ্রীঃ ॥
12.361. অধ্যায়ঃ 361
Mahabharata - Shanti Parva - Chapter Topics
ব্রহ্মণা রুদ্রংপ্রতি ভগবন্মহিমপ্রতিপদানম্॥ 1॥Mahabharata - Shanti Parva - Chapter Text
12-361-0 (80534)
ব্রহ্মোবাচ। 12-361-0x (6653)
শৃণু পুত্র যথাহ্যেষ পুরুষঃ শাশ্বতোঽব্যযঃ।
অক্ষয়শ্চাপ্রমেয়শ্চ সর্বগশ্চ নিরুচ্যতে॥ 12-361-1 (80535)
ন স শক্যস্ৎবয়া দ্রষ্টুং ময়াঽন্যৈর্বাঽপি সত্তম।
সগুণৈর্নির্গুণৈর্বিশ্বো জ্ঞানদৃশ্যো হ্যসৌ স্মৃতঃ॥ 12-361-2 (80536)
অশরীরঃ শরীরেষু সর্বেষু নিবসত্যসৌ।
বসন্নপি শরীরেষু ন স লিপ্যতি কর্মভিঃ॥ 12-361-3 (80537)
মমান্তরাত্মা তব চ যে চান্যে দেহসংজ্ঞিতাঃ।
সর্বেষাং সাক্ষিভূতোঽসৌ ন গ্রাহ্যঃ কেনচিক্বচিৎ॥ 12-361-4 (80538)
বিশ্বমূর্ধা বিশ্বভুজো বিশ্বপাদাক্ষিনাসিকঃ।
একশ্চরতি ক্ষেত্রেষু স্বৈরচারী যথাসুখম্॥ 12-361-5 (80539)
ক্ষেত্রাণি হি শরীরাণি বীজং চাপি শুভাশুভম্।
তানি বেত্তি স যোগাত্মা ততঃ ক্ষেত্রজ্ঞ উচ্যতে॥ 12-361-6 (80540)
নাগতির্ন গতিস্তস্য জ্ঞেয়া ভূতেষু কেনচিৎ।
সাঙ্খ্যেন বিধিনা চৈব যোগেন চ যথাক্রমম্॥ 12-361-7 (80541)
চিন্তয়ামি গতিং চাস্য ন গতিং বেদ্মি চোত্তরাম্।
যথাজ্ঞানং তু বক্ষ্যামি পুরুষং তু সনাতনম্॥ 12-361-8 (80542)
তস্যৈকৎবং মহত্ৎবং চ স চৈকঃ পুরুষঃ স্মৃতঃ।
মহাপুরুষশব্দং স বিভর্ত্যেকঃ সনাতনঃ॥ 12-361-9 (80543)
একো হুতাশো বহুধা সমিধ্যতে
একঃ সূর্যস্তপসো যোনিরেকা।
একো বায়ুর্বহুধা বাতি লোকে
মহোদধিশ্চাম্ভসাং যোনিরেকঃ।
পুরুষশ্চৈকো নির্গুণো বিশ্বরূপ
স্তং নির্গুণং পুরুষং চাবিশন্তি॥ 12-361-10 (80544)
হিৎবা গুণময়ং সর্বং কর্মং হিৎবা শুভাশুভম্।
উভে সত্যানৃতে ত্যক্ৎবা এবং ভবতি নির্গুণঃ॥ 12-361-11 (80545)
অচিন্ত্যং চাপি তং জ্ঞাৎবা ভাবসূক্ষ্মং চতুষ্টয়ম্।
বিচরেদ্যোঽসমুন্নদ্ধঃ স গচ্ছেৎপুরুষং শুভম্॥ 12-361-12 (80546)
একং হি পরমাত্মানং কেচিদিচ্ছন্তি পণ্ডিতাঃ।
একাত্মানং তথাঽঽত্মানমপরেধ্যাত্মচিন্তকাঃ॥ 12-361-13 (80547)
তত্র যঃ পরমাত্মা হি স নিত্যো নির্গুণঃ স্মৃতঃ।
স হি নারায়ণো জ্ঞেয়ঃ সর্বাত্মা পুরুষো হি সঃ॥ 12-361-14 (80548)
ন লিপ্যতে ফলৈশ্চাপি পদ্মপত্রমিবাম্ভসা।
কর্মাত্মা ৎবপরো যোসৌ মোক্ষবন্ধৈঃ স যুজ্যতে॥ 12-361-15 (80549)
সসপ্তদশকেনাপি রাশিনা যুজ্যতে চ সঃ।
এবং বহুবিধঃ প্রোক্তঃ পুরুষস্তে যথাক্রমম্॥ 12-361-16 (80550)
যত্তৎকৃৎস্নং লোকতন্ত্রস্য ধাম
বেদ্যং পরং বোধনীয়ং চ বেদৈঃ।
মন্তা মন্তব্যং প্রাশিতা প্রাশনীয়ং
ঘ্রাতা ঘ্রেয়ং স্পর্শিতা স্পর্শনীয়ম্॥ 12-361-17 (80551)
দ্রষ্টা দ্রষ্টব্যং শ্রাবিতা শ্রাবণীয়ং
জ্ঞাতা জ্ঞেয়ং সগুণং নির্গুণং চ।
যদ্বৈ প্রোক্তং তাত সম্যক্প্রধানং
নিত্যং চৈতচ্ছাশ্বতং চাব্যযং চ॥ 12-361-18 (80552)
যদ্বৈ সূতে ধাতুরাদ্যং বিধানং
তদ্বৈ বিপ্রাঃ প্রবদন্তেঽনিরুদ্ধম্।
যদ্বৈ লোকে বৈদিকং কর্ম সাধু
আশীর্যুক্তং তদ্ধি তস্যোপভোগ্যম্॥ 12-361-19 (80553)
দেবাঃ সর্বে মনুয়ঃ সাধু দান্তা
স্তং প্রাগ্বংশে যজ্ঞভাগং ভজন্তে।
অহং ব্রহ্মা আদ্য ঈশঃ প্রজানাং
তস্মাজ্জাতস্ৎবং চ মত্তঃ প্রসূতঃ॥ 12-361-20 (80554)
মত্তো জগজ্জঙ্গমং স্থাবরং চ
সর্বে বেদাঃ সরহস্যা হি পুত্র॥ 12-361-21 (80555)
চতুর্বিভক্তঃ পুরুষঃ স ক্রীডতি যথেচ্ছতি।
এবং স ভগবান্দেবঃ স্বেন জ্ঞানেন বোধয়ৎ॥ 12-361-22 (80556)
এতত্তে কথিতং পুত্র যথাবদনুপৃচ্ছতঃ।
সাঙ্খ্যজ্ঞানে তথা যোগে যথাবদনুবর্ণিতম্॥ ॥ 12-361-23 (80557)
ইতি শ্রীমন্মহাভারতে শান্তিপর্বণি মোক্ষধর্মপর্বণি নারায়ণীয়ে সমাপ্তৌ একষষ্ট্যধিকত্রিশততমোঽধ্যায়ঃ॥ 361॥
Mahabharata - Shanti Parva - Chapter Footnotes
12-361-2 সগুণো নির্গুণো বিশ্ব ইতি ট. ধ. পাঠঃ॥শান্তিপর্ব - অধ্যায় 362
॥ শ্রীঃ ॥
12.362. অধ্যায়ঃ 362
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রত্যুচ্ছবৃত্ত্যুপাখ্যানোষোদ্ধাতকথনম্॥ 1॥Mahabharata - Shanti Parva - Chapter Text
12-362-0 (80558)
যুধিষ্ঠির উবাচ। 12-362-0x (6654)
ধর্মাঃ পিতামহেনোক্তা মোক্ষধর্মাশ্রিতাঃ শুভাঃ।
ধর্মমাশ্রমিণাং শ্রেষ্ঠং বক্তুমর্হতি মে ভবান্॥ 12-362-1 (80559)
ভীষ্ম উবাচ। 12-362-2x (6655)
সর্বত্র বিহিতো ধর্মঃ সত্যঃ সত্যফলোদয়ঃ।
বহুদ্বারস্য ধর্মস্য নেহাস্তি বিফলা ক্রিয়া॥ 12-362-2 (80560)
যস্মিন্যস্মিংশ্চ বিষয়ে যো যো যাতি বিনিশ্চয়ম্।
স তমেবাভিজানাতি নান্যং ভরতসত্তম॥ 12-362-3 (80561)
ইমাং চ ৎবং নরব্যাঘ্র শ্রোতুমর্হসি মে কথাম্।
পুরা শক্রস্য কথিতাং নারদেন মহর্ষিণা॥ 12-362-4 (80562)
মহর্ষির্নারদো রাজন্সিদ্ধস্ত্রৈলোক্যসংমতঃ।
পর্যেতি ক্রমশো লোকান্বায়ুরব্যাহতো যথা॥ 12-362-5 (80563)
স কদাচিন্মহেষ্বাস দেবরাজালয়ং গতঃ।
সৎকৃতশ্চ মহেন্দ্রেণ প্রত্যাসন্নগতোঽভবৎ॥ 12-362-6 (80564)
তং কৃতক্ষণমাসীনং পর্যপৃচ্ছচ্ছত্তীপতিঃ।
মহর্ষে কিংচিদাশ্চর্যমস্তি দৃষ্টং ৎবয়াঽনঘ॥ 12-362-7 (80565)
দৃষ্টমেব হি বিপ্রর্ষে ত্রৈলোক্যং সচরাচরম্।
জাতকৌতূহলো নিত্যং সিদ্ধশ্চরসি সাক্ষিবৎ॥ 12-362-8 (80566)
ন হ্যস্ত্যবিদিতং লোকে দেবর্ষে তব কিংচন।
শ্রুতং বাঽপ্যনুভূতং বা দৃষ্টং বা কথয়স্ব মে॥ 12-362-9 (80567)
তস্মৈ রাজন্সুরেন্দ্রায় নারদো বদতাংবরঃ।
আসীনায়োপপন্নায় প্রোক্তবান্বিপুলাং কথাম্॥ 12-362-10 (80568)
যথা যেন চ কল্পেন স তস্মৈ দ্বিজসত্তমঃ।
কথাং কথিতবান্পৃষ্টস্তথা ৎবমপি মে শৃণু॥ ॥ 12-362-11 (80569)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বিষষ্ট্যধিকত্রিশততমোঽধ্যায়ঃ॥ 362॥
Mahabharata - Shanti Parva - Chapter Footnotes
12-362-2 স্বর্গঃ সত্যফলং মহদিতি ঝ. পাঠঃ॥ 12-362-3 সর্বেষ্বাশ্রমেষু স্বর্গো মোক্ষশ্চাস্তি তেষু যত্র যস্য রুচিস্তেন স কৃতকৃত্যো নান্যং ধর্মং বহু মন্যতে ইতি শ্লোকদ্বয়ার্থঃ॥ 12-362-4 অপিচ ৎবং নরব্যাঘ্রেতি ট. পাঠঃ॥ 12-362-11 কল্পেন ন্যায়েন॥শান্তিপর্ব - অধ্যায় 363
॥ শ্রীঃ ॥
12.363. অধ্যায়ঃ 363
Mahabharata - Shanti Parva - Chapter Topics
মহাপদ্মপুরবাসিনা বিপ্রেণাতিথিপ্রতি সৎকারপূর্বকং পশ্নারম্ভঃ॥ 1॥Mahabharata - Shanti Parva - Chapter Text
12-363-0 (80570)
ভীষ্ম উবাচ। 12-363-0x (6656)
আসীৎকিল নরশ্রেষ্ঠ মহাপদ্মে পুরোত্তমে।
গঙ্গায়া দক্ষিণে তীরে কশ্চিদ্বিপ্রঃ সমাহিতঃ॥ 12-363-1 (80571)
সৌম্যঃ সোমান্বয়ে জাতো জিতাত্মা গোত্রতো ভৃগুঃ।
ধর্মনিত্যো জিতক্রোধো নিত্যতপ্তো জিতেন্দ্রিয়ঃ॥ 12-363-2 (80572)
তপঃস্বাধ্যায়নিরতঃ সত্যঃ সজ্জনসংমতঃ।
ন্যায়প্রাপ্তেন বিত্তেন স্বেন শীলেন চান্বিতঃ॥ 12-363-3 (80573)
জ্ঞাতি সংবন্ধিবিপুলে পুত্রপৌত্রপ্রতিষ্ঠিতে।
কুলে মহতি বিখ্যাতে বিশিষ্টাং বৃত্তিমাস্থিতঃ॥ 12-363-4 (80574)
স পুত্রান্বহুলাঁল্লব্ধ্বা বিপুলে কর্মণি স্থিতঃ।
কুলধর্মাশ্রিতো রাজন্ধরর্মচর্যাস্থিতোঽভবৎ॥ 12-363-5 (80575)
ততঃ স ধর্মং বেদোক্তং তথা শাস্ত্রাক্তমেব চ।
শিষ্টাচীর্ণং চ ধর্মং চ ত্রিবিধং চিন্ত্য চেতসা॥ 12-363-6 (80576)
কিংনু মে স্যাচ্ছুভং কৃৎবা কিং কৃতং কিং পরায়ণম্।
ইত্যেবং চিন্তয়ন্নিত্যং ন চ যাতি বিনিশ্চয়ম্॥ 12-363-7 (80577)
তস্যৈবং চিন্ত্যমানস্য ধর্মং পরমমাস্থিতঃ।
কদাচিদতিথিঃ প্রাপ্তো ব্রাহ্মণঃ সুসমাহিতঃ॥ 12-363-8 (80578)
স তস্মৈ সৎক্রিয়াং চক্রে ক্রিয়ায়ুক্তেন হেতুনা।
বিশ্রান্তং সুসমাসীনমিদং বচনমব্রবীৎ॥ ॥ 12-363-9 (80579)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিষষ্ট্যধিকত্রিশততমোঽধ্যায়ঃ॥ 363॥
Mahabharata - Shanti Parva - Chapter Footnotes
12-363-2 সোমান্বয়ে অত্রিগোত্রে॥শান্তিপর্ব - অধ্যায় 364
॥ শ্রীঃ ॥
12.364. অধ্যায়ঃ 364
Mahabharata - Shanti Parva - Chapter Topics
শ্রেয়ঃসাধনং পৃষ্টেনাতিথিনা ব্রাহ্মণংপ্রতি নানামার্গপ্রদর্শনপূর্বকং স্বস্যাপি সংশয়োৎকীর্তনম্॥ 1॥Mahabharata - Shanti Parva - Chapter Text
12-364-0 (80580)
ব্রাহ্মণ উবাচ। 12-364-0x (6657)
সমুৎপন্নে বিধানেঽস্মিন্বাঙ্ভাধুর্যেণ তেঽনঘ।
মিত্রৎবমভিসংপন্নঃ কিংচিদ্বক্ষ্যামি তচ্ছৃণু॥ 12-364-1 (80581)
গৃহস্থধর্মং বিপ্রেন্দ্র শ্রুৎবা ধর্মগতং ৎবহম্।
ধর্মং পরমকং কুর্যাং কো হি মার্গো ভবেদ্দ্বিজ॥ 12-364-2 (80582)
অহমাত্মানমাস্থায় এক এবাত্মনি স্থিতম্।
দ্রষ্টুমিচ্ছন্ন পশ্যামি বদ্ধঃ সাধারণৈর্গুণৈঃ॥ 12-364-3 (80583)
যাবদেতদতীতং মে বয়ঃ পুত্রফলাশ্রিতম্।
তাবদিচ্ছামি পাথেয়মাদাতুং পারলৌকিকম্॥ 12-364-4 (80584)
অস্মিন্হি লোকসংভারে পরং পারমভীপ্সতঃ।
উৎপন্না মে মতিরিয়ং কুতো ধর্মময়ঃ প্লবঃ॥ 12-364-5 (80585)
সংয়ুজ্যমানানি নিশাম্য লোকে
নির্যাত্যমানানি চ সাৎবিকানি।
দৃষ্ট্বা তু ধর্মধ্বজকেতুমালাং
প্রকীর্যমাণামুপরি প্রজানাম্॥ 12-364-6 (80586)
ন মে মনো রজ্যতি ভোগরাগৈ
র্দৃষ্ট্বা গতিং প্রার্থয়তঃ পরত্র।
তেনাতিথে বুদ্ধিবলাশ্রয়েণ
ধর্মেণ ধর্মে বিনিয়ুঙ্ক্ষ্ব মাং ৎবম্॥ 12-364-7 (80587)
সোঽতিথির্বচনং তস্য শ্রুৎবা ধর্মাভিভাষিণঃ।
প্রোবাচ বচনং শ্লক্ষণং প্রাজ্ঞো মধুরয়া গিরা॥ 12-364-8 (80588)
অহমপ্যত্র মুহ্যামি মমাপ্যেষ মনোরথঃ।
ন চ সংনিশ্চয়ং চামি বহুদ্বারে ত্রিবিষ্টয়ে॥ 12-364-9 (80589)
কেচিন্মোক্ষং প্রশংসন্তি কেচিদ্যজ্ঞফলং দ্বিজাঃ।
বানপ্রস্থাশ্রয়াঃ কেচিদ্গার্হস্থ্যং কেচিদাশ্রিতাঃ॥ 12-364-10 (80590)
রাজধর্মাশ্রয়াঃ কেচিৎকেচিদাত্মফলাশ্রয়াঃ।
গুরুধর্মাশ্রয়াঃ কেচিৎকেচিদ্বাক্সংয়মাশ্রয়াঃ॥ 12-364-11 (80591)
মাতরং পিতরং কেচিচ্ছুশ্রূষন্তো দিবং গতাঃ।
অহিংসয়া পরে স্বর্গং সত্যেন চ তথাঽপরে॥ 12-364-12 (80592)
আহবেঽভিমুখঃ কেচিন্নিহতাস্ত্রিদিবং গতাঃ।
কেচিদুঞ্ছব্রতৈঃ সিদ্ধাঃ স্বর্গমার্গং সমাশ্রিতাঃ॥ 12-364-13 (80593)
কেচিদধ্যযনে যুক্তা বেদব্রতপরাঃ শুভাঃ।
বুদ্ধিমন্তো গতাঃ স্বর্গং তুষ্টাত্মানো জিতেন্দ্রিয়াঃ॥ 12-364-14 (80594)
আর্জবেনাপরে যুক্তা নিহতানার্জবৈর্জনৈঃ।
ঋজবো নাকপৃষ্ঠে বৈ শুদ্ধাত্মানঃ প্রতিষ্ঠিতাঃ॥ 12-364-15 (80595)
এবং বহুবিধৈর্লোকৈর্ধর্মদ্বারৈরনাবৃতৈঃ।
মমাপি মতিরাবিদ্ধা মেঘলেখেব বায়ুনা॥ ॥ 12-364-16 (80596)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুঃষষ্ট্যধিকত্রিশততমোঽধ্যায়ঃ॥ 364॥
Mahabharata - Shanti Parva - Chapter Footnotes
12-364-1 সমুৎপন্নাভিধানোস্মীতি ঝ. পাঠঃ। তত্র আভিধানী বন্ধনরজ্জুঃ। অশ্বাভিধানীমাদত্ত ইতি ব্রাহ্মণাৎ। তেনাভিধানশব্দোপি বন্ধনবাচী। জাতবন্ধন ইত্যর্থঃ॥ 12-364-2 কৃৎবা পুত্রগতং ৎবহমিতি ঝ. পাঠঃ॥ 12-364-5 কুতঃ কৃত্রাশ্রমে। প্লবঃ সংসারাব্ধিতরণসাধনম্॥ 12-364-6 নিশাম্য আলোচ্য। নির্গাত্যমানানি নিপীড্যমানাতি। সাৎবিকানি দেবাদীনি। ধর্মস্য যমস্য ধ্বজাঃ পতাকা দণ্ডোপমা রোগাদয়স্তেষাং মালা সংততিস্তাং দৃষ্ট্বা মে মনো ন রজ্যতীত্যুত্তরেণ সংবন্ধঃ। সমূহ্যমানানি যথা হি লোকে নিহন্যমানানি তথাহি তানি ইতি।প্রকীর্যমাণানীতি চ. ট. পাঠঃ॥শান্তিপর্ব - অধ্যায় 365
॥ শ্রীঃ ॥
12.365. অধ্যায়ঃ 365
Mahabharata - Shanti Parva - Chapter Topics
অতিথিনা ব্রাহ্মণংপ্রতি শ্রেয়ঃসাধনাবগমনায় পদ্মাখ্যনাগসমীপগমনচোদনা॥ 1॥Mahabharata - Shanti Parva - Chapter Text
12-365-0 (80597)
অতিথিরুবাচ। 12-365-0x (6658)
উপদেশং তু তে বিপ্র করিষ্যেঽহং যথাক্রমম্।
গুরুণা মে যথাখ্যাতমর্থতত্ৎবং তু মে শৃণু॥ 12-365-1 (80598)
যত্র পূর্বাভিসর্গে বৈ ধর্মচক্রং প্রবর্তিতম্।
নৈমিষে গোমতীতীরে তত্র নাগহ্রদো মহান্॥ 12-365-2 (80599)
সমগ্রৈস্রিদশৈস্তত্র ইষ্টমাসীদ্দ্বিজর্ষভ।
যত্রেন্দ্রাতিক্রমং চক্রে মাধাতা রাজসত্তমঃ॥ 12-365-3 (80600)
কৃতাধিবাসো ধর্মাত্মা তত্র চক্ষুঃশ্রবা মহান্।
পদ্মনাভো মহানাগঃ পদ্ম ইত্যেব বিশ্রুতঃ॥ 12-365-4 (80601)
স বাচা কর্মণা চৈব মনসা চ দ্বিজর্ষভঃ।
প্রসাদয়তি ভূতানি ত্রিবিধে বর্ত্মনি স্থিতঃ॥ 12-365-5 (80602)
সাম্না ভেদেন দানেন দণডেনেতি চতুর্বিধম্।
পিপমস্থং সমস্থং চ চক্ষুর্ধ্যানেন রক্ষতি॥ 12-365-6 (80603)
তমতিক্রম্য বিধিনা প্রষ্টুমর্হসি কাঙ্ক্ষিত্তম্।
স তে পরমকং ধর্মং ন মিথ্যা দর্শয়িষ্যরতি॥ 12-365-7 (80604)
স হি সর্বাতিথির্নাণো বুদ্ধিশাস্ত্রবিশারদঃ।
গুণৈরনুপমৈর্যুক্তঃ সমস্তৈরাভিকামিকৈঃ॥ 12-365-8 (80605)
প্রকৃত্যা নিত্যসলিলো নিত্যমধ্যযনে রতঃ।
তপোদমাভ্যাং সংয়ুক্তো বৃত্তেনানবরেণ চ॥ 12-365-9 (80606)
যজ্বা দানপতিঃ ক্ষান্তো বৃত্তে চ পরমে স্থিতঃ।
সত্যবাগনসূয়ুশ্চ শীলবান্নিয়তেন্দ্রিয়ঃ॥ 12-365-10 (80607)
শেষান্নভোক্তা বচনানুকূলো
হিতার্জবোৎকৃষ্টকৃতাকৃতজ্ঞঃ।
অবৈরকৃদ্ভূতহিতে নিয়ুক্তো
গঙ্গাহ্রদাম্ভোভিজনোপপন্নঃ॥ ॥ 12-365-11 (80608)
ইতি শ্রীমন্মহাভারতে শান্তিপর্বণি মোক্ষধর্মপর্বণি পঞ্চষষ্ট্যধিকত্রিশততমোঽধ্যায়ঃ॥ 365॥
Mahabharata - Shanti Parva - Chapter Footnotes
12-365-4 চক্ষুঃশ্রবাঃ সর্পঃ॥ 12-365-5 ত্রিবিধে কর্মজ্ঞানোপাস্ত্যাত্মকে॥ 13-365-6 চতুর্বিধং যথা স্যাত্তয়া। চক্ষুঃ চক্ষুরাদি। ধ্যানেন বস্তুতত্ৎবানুসংধানেন॥ 13-365-7 অতিক্রম্যোপগম্য॥ 12-365-8 আভিকামিকৈরভীপ্সিতৈঃ॥শান্তিপর্ব - অধ্যায় 366
॥ শ্রীঃ ॥
12.366. অধ্যায়ঃ 366
Mahabharata - Shanti Parva - Chapter Topics
ব্রাহ্মণেন ধর্মাবগতয়ে নাগগৃহংপ্রতি গমনম্॥ 1॥Mahabharata - Shanti Parva - Chapter Text
12-366-0 (80609)
ব্রাহ্মণ উবাচ। 12-366-0x (6659)
অতিভারোদ্যতস্যৈব ভারাবতরণং মহৎ।
পরাশ্বাসকরং বাক্যমিদং মে ভবতঃ শ্রুতম্॥ 12-366-1 (80610)
অধ্যক্লান্তস্য শয়নং স্থানক্লান্তস্য চাসনম্।
তৃষিতস্যেব পানীয়ং ক্ষুধার্তস্যেব ভোজনম্॥ 12-366-2 (80611)
ঈপ্সিতস্যেব সংপ্রাপ্তিরর্থস্য সময়েঽতিথে।
এপিতস্যাত্মনঃ কালে বৃদ্ধস্যৈব সুতা যথা॥ 12-366-3 (80612)
মনসা চিন্তিতস্যেব প্রীতিস্নিগ্ধস্য দর্শনম্।
প্রহ্লাদয়তি মাং বাক্যং ভবতা যদুদীরিতম্॥ 12-366-4 (80613)
মনশ্চক্ষুরিবাকাশে পশ্যামি বিমৃশামি চ।
প্রজ্ঞানবচনাদ্যোয়মুপদেশো হি মে কৃতঃ॥ 12-366-5 (80614)
বাঢমেবং করিষ্যামি যথা মে ভাষতে ভবান্।
ইমাং হি রজনীং সাধো নিবসস্ব ময়া সহ॥ 12-366-6 (80615)
প্রভাতে যাস্যতি চবান্পর্যাশ্বস্তঃ সুখোপিতঃ।
অসৌ হি ভগবান্সূর্যো মন্দরশ্মিরবাঙ্ভুখঃ॥ 12-366-7 (80616)
ভীষ্ম উবাচ। 12-366-8x (6660)
ততস্তেন কৃতাতিথ্যঃ সোঽনিথিঃ শত্রুসূদন।
উবাস কিল তাং রাত্রিং সহ তেন দ্বিজেন বৈ॥ 12-366-8 (80617)
তৎবং চ ধর্মসংয়ুক্তং তয়োঃ কথয়তোস্তদা।
ব্যতীতা সা নিশা কৃৎস্না সুখেন দিবসোপমা॥ 12-366-9 (80618)
ততঃ প্রভাতসময়ে সোঽতিথিস্তেন পূজিতঃ।
ব্রাহ্মণেন যথাশক্ত্যা স্বকার্যমভিকাঙ্ক্ষতা॥ 12-366-10 (80619)
ততঃ স বিপ্রঃ কৃতকর্মনিশ্চয়ঃ
কৃতাভ্যনুজ্ঞঃ স্বজনেন ধর্মকৃৎ।
যথোপদিষ্টং ভুজগেন্দ্রসংশ্রয়ং
জগাম কালে সুকৃতৈকনিশ্চয়ঃ॥ ॥ 12-366-11 (80620)
ইতি শ্রীমন্মহাভারতে শান্তিপর্বণি মোক্ষধর্মপর্বণি ষট্ষ্ট্যধিকত্রিশততমোঽধ্যায়ঃ॥ 366॥
Mahabharata - Shanti Parva - Chapter Footnotes
12-366-9 চতুর্থধর্মসংয়ুক্তমিতি ঝ. পাঠঃ। তত্র চ র্থধর্মো মোক্ষধর্মস্তেন সংয়ুক্তামিত্যর্থঃ॥ 12-366-11 সংশ্রয়ং গৃহম্॥শান্তিপর্ব - অধ্যায় 367
॥ শ্রীঃ ॥
12.367. অধ্যায়ঃ 367
Mahabharata - Shanti Parva - Chapter Topics
পুলিনবাসিনা ব্রাহ্মণেন স্বস্য ফলাদ্যাহারং প্রার্থয়তাং নাগীয়ানামবধিনির্দেশপূর্বকং প্রতিনিবর্তনম্॥ 1॥Mahabharata - Shanti Parva - Chapter Text
12-367-0 (80621)
ভীষ্ম উবাচ। 12-367-0x (6661)
স বনানি বিচিত্রাণি তীর্থানি চ সরাংসি চ।
অভিগচ্ছন্ক্রমেণ স্ম কংচিন্মুনিমুপস্থিতঃ॥ 12-367-1 (80622)
তং স তেন যথোদ্দিষ্টং নাগং বিপ্রেণ ব্রাহ্মণঃ।
পর্যপৃচ্ছদ্যথান্যায়ং শ্রুৎবৈব চ জগাম সঃ॥ 12-367-2 (80623)
সোঽভিগম্য যথান্যায়ং নাগায়তনমর্থবিৎ।
প্রোক্তবানহমস্মীতি ভোঃশব্দালংকৃতং বচঃ॥ 12-367-3 (80624)
তত্তস্য বচনং শ্রুৎবা রূপিণী ধর্মবৎসলা।
দর্শয়ামাস তং বিপ্রং নাগপত্নী পতিব্রতা। 12-367-4 (80625)
সা তস্মৈ বিধিবৎপূজাং চক্রে ধর্মপরায়ণা।
স্বাগতেনাগতং কৃৎবা কিং করোমীতি চাব্রবীৎ॥ 12-367-5 (80626)
ব্রাহ্মণ উবাচ। 12-367-6x (6662)
বিশ্রান্তোঽভ্যর্চিংতশ্চাস্মি ভবত্যা শ্লক্ষ্ণয়া গিরা।
দ্রষ্টুমিচ্ছামি ভবতি দেবং নাগমনুত্তমম্॥ 12-367-6 (80627)
এতদ্ধি পরমং কার্যমেতন্মে পরমপ্সিতম্।
অনেন চার্থেনাস্ম্যদ্য সংপ্রাপ্তঃ পন্নগাশ্রমম্॥ 12-367-7 (80628)
নাগভার্যোবাচ। 12-367-8x (6663)
আর্যঃ সূর্যরথং বোঢুং গতোঽসৌ মাসচারিকঃ।
সপ্তাষ্টভির্দিনৈর্বিপ্র দর্শয়িষ্যত্যসংশয়ম্॥ 12-367-8 (80629)
এতদ্বিদিতমার্যস্য বিবাসকরণং তব।
ভর্তুর্ভবতু কিংচান্যৎক্রিয়তাং তদ্বদস্ব মে॥ 12-367-9 (80630)
ব্রাহ্মণ উবাচ। 12-367-10x (6664)
অনেন নিশ্চয়েনাহং সাধ্বি সংপ্রাপ্তবানিহ।
প্রতীক্ষন্নাগমং দেবি বৎস্যাম্যস্মিন্প্রহাবনে॥ 12-367-10 (80631)
সংপ্রাপ্তস্যৈব চাব্যগ্রমাবেদ্যোঽহমিহাগতঃ।
ময়াভিগমনং প্রাপ্তো বাচ্যশ্চ বচনং ৎবয়া॥ 12-367-11 (80632)
অহমপ্যত্র বৎস্যামি গোমত্যাঃ পুলিনে শুভে।
কালং পরিমিতাহারো যথোক্তং পরিপালয়ন্॥ 12-367-12 (80633)
ততঃ স বিপ্রস্তাং নাগীং সমাধায় পুনঃপুনঃ।
বেদবিৎপুলিনং নদ্যাঃ প্রয়যৌ ব্রাহ্মণর্ভষঃ॥ ॥ 12-367-13 (80634)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তষষ্ট্যধিকত্রিশততমোঽধ্যায়ঃ॥ 367॥
Mahabharata - Shanti Parva - Chapter Footnotes
12-367-9 বিবাসকরণং প্রবাসকারণম্॥শান্তিপর্ব - অধ্যায় 368
॥ শ্রীঃ ॥
12.368. অধ্যায়ঃ 368
Mahabharata - Shanti Parva - Chapter Topics
পুলিনবাসিনা ব্রাহ্মণেন স্বস্য ফলাদ্যাহারং প্রার্থয়তাং নাগীয়ানামবধিনির্দেশপূর্বকং প্রতিনিবর্তনম্॥ 1॥Mahabharata - Shanti Parva - Chapter Text
12-368-0 (80635)
ভীষ্ম উবাচ। 12-368-0x (6665)
অথ তেন নরশ্রেষ্ঠ ব্রাহ্মণেন তপস্বিনা।
নিরাহারেণ বসতা দুঃখিতাস্তে ভুজঙ্গমাঃ॥ 12-368-1 (80636)
সর্বে সংভূয় সহিতা হ্যস্য নাবস্য বান্ধবাঃ।
ভ্রাতরস্তনয়া ভার্যা যয়ুস্তং ব্রাহ্মণং প্রতি॥ 12-368-2 (80637)
তেঽপশ্যন্পুলিনে তং বৈ বিবিক্তে নিয়তব্রতম্।
সমাসীনং নিরাহারং দ্বিজং জপ্যপরায়ণম্॥ 12-368-3 (80638)
তে সর্বে সমভিক্রম্য বিপ্রমভ্যর্চ্য চাসকৃৎ।
ঊচুর্বাক্যমসংদিগ্ধমাতিথেয়স্য বান্ধবাঃ॥ 12-368-4 (80639)
ষষ্ঠো হি দিবসস্তেঽদ্য প্রাপ্তস্যেহ তপোধন।
ন চাভিভাষসে কিংচিদাহারং ধর্মবৎসল॥ 12-368-5 (80640)
আমানভিগতশ্চাসি বয়ং চ ৎবামুপস্থিতাঃ।
কার্যং চাতিথ্যমস্মাভিরীপ্সিতং তব ঋদ্ধিমৎ॥ 12-368-6 (80641)
মূলং ফলং বা পর্ণং বা পয়ো বা দ্বিজসত্তম।
আহারহেতোরন্নং বা ভোক্তুমর্হসি ব্রাহ্মণ॥ 12-368-7 (80642)
ত্যক্তাহারেণ ভবতা বনে নিবসতা ৎবয়া।
বালবৃদ্ধমিদং সর্বং পীড্যতে ধর্মসংকরাৎ॥ 12-368-8 (80643)
ন হি নো ভ্রূণহা কশ্চিৎপন্নগেষ্বিহ বিদ্যতে।
পূর্বাশী বা কুলে হ্যস্মিন্দেবতাতিথিবন্ধুষু॥ 12-368-9 (80644)
ব্রাহ্মণ উবাচ। 12-368-10x (6666)
উপদেশেন যুষ্মাকমাহারোঽয়ং কৃতো ময়া।
দ্বিরূনং দশরাত্রং বৈ নাগস্যাগমনং প্রতি॥ 12-368-10 (80645)
যদ্যষ্টরাত্রেঽতিক্রান্তে নাগমিষ্যতি পন্নগঃ।
তদাহারং করিষ্যামি তন্নিমিত্তমিদ ব্রতম্॥ 12-368-11 (80646)
কর্তব্যো ন চ সংতাপো গম্যতাং চ যথাগতম্।
তন্নিমিত্তমিদং সর্বং নৈতদ্ভেত্তুগিহার্হথ॥ 12-368-12 (80647)
তে তেন সমনুজ্ঞাতা ব্রাহ্মণেন ভুজঙ্গমাঃ।
স্বমেব ভবনং জগ্মুরকৃতার্থা নরর্ষভ॥ ॥ 12-368-13 (80648)
ইতি শ্রীমন্মহাভারতে শান্তিপর্বণি মোক্ষধর্মপর্বণি অষ্টষষ্ট্যধিকত্রিশততমোঽধ্যায়ঃ॥ 368॥
Mahabharata - Shanti Parva - Chapter Footnotes
12-368-3 বিপিনে নিয়তব্রতমিতি ট. পাঠঃ॥ 12-368-4 সমভিক্রম্য উপেত্য॥ 12-368-6 অস্মাভির্বয়ং সর্বে কুটুম্বিন ইতি ঝ. পাঠঃ॥ 12-368-9 কশ্চিজ্জাতাপদ্যনৃতোপি বেতি ঝ. পাঠঃ॥ 12-368-12 ভবদ্ভিরনুশিষ্ঠোস্মি গম্যতাং চেতি ঝ. পাঠঃ॥শান্তিপর্ব - অধ্যায় 369
॥ শ্রীঃ ॥
12.369. অধ্যায়ঃ 369
Mahabharata - Shanti Parva - Chapter Topics
নাগপত্ন্যা প্রবাসাদাগতং স্বভর্তারং প্রতি ব্রাহ্মণবচননিবেদনম্॥ 1॥Mahabharata - Shanti Parva - Chapter Text
12-369-0 (80649)
ভীষ্ম উবাচ। 12-369-0x (6667)
অথ কালে বহুতিথে পূর্ণে প্রাপ্তো ভুজঙ্গমঃ।
দত্তাভ্যনুজ্ঞঃ স্বং বেশ্ম কৃতকর্মা বিবস্বতা॥ 12-369-1 (80650)
তং ভার্যাঽপ্যুপচক্রাম পাদশৌচাদিভির্গুণৈঃ।
উপপন্নাং চ তাং সাধ্বীং পন্নগঃ পর্যপৃচ্ছত॥ 12-369-2 (80651)
অথ ৎবমসি কল্যাণি দেবতাতিথিপূজনে।
পূর্বমুক্তেন বিধিনা যুক্তা কর্মসু বর্তসে॥ 12-369-3 (80652)
ন খল্বস্যকৃতার্থেন স্ত্রীবুদ্ধ্যা মার্দবীকৃতা।
মদ্বিয়োগেন সুশ্রোণি বিমুক্তা ধর্মসেতুনা॥ 12-369-4 (80653)
নাগভার্যোবাচ। 12-369-5x (6668)
শিষ্যাণাং গুরুশুশ্রূষা বিপ্রাণাং বেদধারণম্।
ভৃত্যানাং স্বামিবচনং রাজ্ঞো লোকানুপালনম্॥ 12-369-5 (80654)
সর্বভূতপরিত্রাণং ক্ষত্রধর্ম ইহোচ্যতে।
বৈশ্যানাং যজ্ঞসংবৃত্তিরাতিথেয়সমন্বিতা॥ 12-369-6 (80655)
বিপ্রক্ষত্রিয়বৈশ্যানাং শুশ্রূষা শূদ্রকর্ম তৎ।
গৃহস্থধর্মো নাগেন্দ্র সর্বভূতহিতৈষিতা॥ 12-369-7 (80656)
নিয়তাহারতা নিত্যং ব্রতচর্যা যথাক্রমম্।
ধর্মো হি ধর্মসংবন্ধাদিন্দ্রিয়াণাং বিশেষতঃ॥ 12-369-8 (80657)
অহং কস্য কুতো বাঽপি কঃ কো মে হ ভবেদিতি।
প্রয়োজনমতির্নিত্যমেবং মোক্ষাশ্রমে বসেৎ॥ 12-369-9 (80658)
পতিব্রতাৎবং ভার্যায়াঃ পরমো ধর্ম উচ্যতে।
তবোপদেশান্নাগেন্দ্র তচ্চ তত্ৎবেন বেদ্মি বৈ॥ 12-369-10 (80659)
সাঽহং ধর্মং বিজানন্তী ধর্ননিত্যে ৎবয়ি স্থিতে।
সৎপথং কথমৃৎসৃজ্য যাস্যামি বিপথং পথঃ॥ 12-369-11 (80660)
দেবতানাং মহাভাগ ধর্মচর্যা ন হীয়তে।
অতিথীনাং চ সৎকারে নিত্যযুক্তাঽস্ম্যতন্দ্রিতা॥ 12-369-12 (80661)
সপ্তাষ্টদিবসাস্ৎবদ্য বিপ্রস্যেহাগতস্য বৈ।
তচ্চ কার্যং ন মে খ্যাতি দর্শনং তব কাঙ্ক্ষতি॥ 12-369-13 (80662)
গোমত্যাস্ৎবেষ পুলিনে ৎবদ্দর্শনসমুৎসুকঃ।
আসীনো বর্তয়ন্ব্রহ্ম ব্রাহ্মণঃ সংশিতব্রতঃ॥ 12-369-14 (80663)
অহং ৎবনেন নাগেন্দ্র সত্যপূর্বং সমাহিতা।
প্রস্থাপ্যো মৎসকাশং স সংপ্রাপ্তো ভুজগোত্তমঃ॥ 12-369-15 (80664)
এতচ্ছ্রুৎবা মহাপ্রাজ্ঞ তত্র গন্তুং ৎবমর্হসি।
দাতুমর্হসি বা তস্য দর্শনং দর্শনশ্রবঃ॥ ॥ 12-369-16 (80665)
ইতি শ্রীমন্মহাভারতে শান্তিপর্বণি মোক্ষধর্মপর্বণি একোনসপ্তত্যধিকত্রিশততমোঽধ্যায়ঃ॥ 369॥
Mahabharata - Shanti Parva - Chapter Footnotes
12-369-4 অকৃতার্থেন ধর্মসেতুনা॥ 12-369-5 বিপ্রাণাং বেদপালনমিতি ট. পাঠঃ॥ 12-369-6 সর্বেষামেব বর্ণানামাতিথেসমন্বিতেতি ট. পাঠঃ॥ 12-369-8 ধর্মসংবন্ধাৎক্ষত্রিয়াণাং বিশেষত ইতি ট. পাঠঃ॥ 12-369-13 মে মাংপ্রতি। খ্যাতি কথয়তি॥ 12-369-14 বর্তয়ন্ আবর্তয়ন্। ব্রহ্ম বেদম্॥ 12-369-16 দর্শনশ্রবঃ হে সর্প। দর্শনং দর্শনার্থিন ইতি ট. পাঠঃ॥শান্তিপর্ব - অধ্যায় 370
॥ শ্রীঃ ॥
12.370. অধ্যায়ঃ 370
Mahabharata - Shanti Parva - Chapter Topics
ব্রাহ্মণসংদেশশ্রবণরুষ্টেন নাগেন পত্নীসুবাক্যেন রোষত্যাগপূর্বকং ব্রাহ্মণংপ্রতি প্রস্থানম্॥ 1॥Mahabharata - Shanti Parva - Chapter Text
12-370-0 (80666)
নাগ উবাচ। 12-370-0x (6669)
অথ ব্রাহ্মণরূপেণ কং তং সমনুপশ্যসি।
মানুষং কেবলং বিপ্রং দেবং বাঽথ শুচিস্মিতে॥ 12-370-1 (80667)
কো হি মাং মানুষঃ শক্তো দ্রষ্টুকামো যশস্বিনি।
সংদর্শনরুচির্বাক্যমাজ্ঞাপূর্বং বদিষ্যতি॥ 12-370-2 (80668)
সুরাসুরগণানাং চ দেবর্ষীনাং চ ভামিনি।
ননু নাগা মহাবীর্যাঃ সৌরভেয়াস্তরস্বিনঃ॥ 12-370-3 (80669)
বন্দনীয়াশ্চ বরদা বয়মপ্যনুয়ায়িনঃ।
মনুষ্যাণাং বিশেষেণ নাবেক্ষ্যা ইতি মে মতিঃ॥ 12-370-4 (80670)
নারভার্যোবাচ। 12-370-5x (6670)
আর্জবেন বিজানামি নাসৌ দেবোঽনিলাশন।
একং তস্মিন্বিজানামি ভক্তিমানতিরোপণ॥ 12-370-5 (80671)
স হি কার্যান্তরাকাঙ্ক্ষী জলেপ্সুঃ স্তোককো যথা।
বর্ষং বর্ষপ্রিয়ঃ পক্ষী দর্শনং তব কাঙ্ক্ষতে॥ 12-370-6 (80672)
হিৎবা ৎবদ্দর্শনং কিংচিদ্বিঘ্নং ন প্রতিপালয়েৎ।
তুল্যোপ্যভিজনে জাতো ন কশ্চিৎপর্যুপাসতে॥ 12-370-7 (80673)
তদ্রোষং সহজং ত্যক্ৎবা ৎবমেনং দ্রষ্টুমর্হসি।
আশাচ্ছেদেন তস্যাদ্য নাত্মানং দরধুমর্হসি॥ 12-370-8 (80674)
আশয়া হ্যভিপন্নানামকৃৎবাঽশ্রুপ্রমার্জনম্।
রাজা বা রাজপুত্রো বা ভ্রূণহত্যৈব যুজ্যতে॥ 12-370-9 (80675)
মৌনে জ্ঞানফলাবাপ্তির্দানেন চ যশো মহৎ।
বাগ্মিৎবং সত্যবাক্যেন পরত্র চ মহীয়তে॥ 12-370-10 (80676)
ভূপ্রদানেন চ গতিং লভত্যাশ্রমসংমিতাম্।
ন্যায়্যস্যার্ধস্য সংপ্রাপ্তিং কৃৎবা ফলমুপাশ্রুতে॥ 12-370-11 (80677)
অভিপ্রেতামসংশ্লিষ্টাং কৃৎবা চাত্মহিতাং ক্রিয়াম্।
ন যাতি নিরয়ং কশ্চিদিতি ধর্মবিদো বিদুঃ॥ 12-370-12 (80678)
নাম উবাচ। 12-370-13x (6671)
অভিমানৈর্ন মানো মে জাতিদোষেণ বৈ মহান্।
রোষঃ সংকল্পজঃ সাধ্বি দগ্ধো বাগগ্নিনা ৎবয়া॥ 12-370-13 (80679)
ন চ রোষাদহং সাধ্বি পশ্যেয়মধিকং তমঃ।
তস্য বক্তব্যতাং যাতি বিশেষেণ ভুজঙ্গমাঃ॥ 12-370-14 (80680)
রোষস্য হি বশং গৎবা দশগ্নীবঃ প্রতাপবান্।
তথা শক্রপ্রতিস্পর্ধী হতো রামেণ সংয়ুগে॥ 12-370-15 (80681)
অন্তঃপুরগতং বৎসং শ্রুৎবা রামেণ নির্হৃতম্।
ধর্মণারোষসংবিগ্নাঃ কার্তবীর্যসুতা হতাঃ॥ 12-370-16 (80682)
জামদগ্ন্যেন রামেণ সহস্রনয়নোপমঃ।
সংয়ুগে নিহতো রোষাৎকার্তবীর্যো মহাবলঃ॥ 12-370-17 (80683)
তদেষ তপসাং শত্রুঃ শ্রেয়সাং বিনিপাতকঃ।
নিগৃহীতো ময়া রোষঃ শ্রুৎবৈবং বচনং তব॥ 12-370-18 (80684)
আত্মানং চ বিশেষেণ প্রশংসাম্যনপায়িনি।
যস্য মে ৎবং বিশালাক্ষি ভার্যা গুণসমন্বিতা॥ 12-370-19 (80685)
এষ তত্রৈব গচ্ছামি যত্র তিষ্ঠত্যসৌ দ্বিজঃ।
সর্বথা চোক্তবান্বাক্যং স কৃতার্থঃ প্রয়াস্যতি॥ ॥ 12-370-20 (80686)
ইতি শ্রীমন্মহাভারতে শান্তিপর্বণি মোক্ষধর্মপর্বণি সপ্তত্যধিকত্রিশততমোঽধ্যায়ঃ॥ 370॥
Mahabharata - Shanti Parva - Chapter Footnotes
12-370-1 কথং ৎবমনুপশ্যসীতি ট. পাঠঃ॥ 12-370-3 সৌরভেয়াঃ দিব্যগন্ধবহাঃ॥ 12-370-6 স্তোককঃ চাতকঃ॥ 12-370-7 ৎবদ্দর্শনং বিনাস্য কোপি বিঘ্নো মাভূদিত্যর্থঃ। অতিথিং ত্যক্ৎবা ন কশ্চিৎস্বকুলে আস্তে ইত্যর্থঃ। নহি ৎবাং দৈবতং কিংচিদ্দ্বিতীয়ং প্রতিপালয়েদিতি ট. পাঠঃ॥ 12-370-9 ভ্রূণহত্যৈব ভ্রূণহত্যযৈব॥ 12-370-10 দানেনাভ্যুদয়ো মহানিতি ট. পাঠঃ॥ 12-370-11 লভত্যাশ্রমসংপদমিতি ট. পাঠঃ॥ 12-370-12 নষ্টস্যার্থস্য সংপ্রাপ্তিং কৃৎবা কামকৃতাঃ ক্রিয়া ইতি ট. পাঠঃ॥ 12-370-14 তস্য রোষস্য বিশেষেণাধিক্যেন॥শান্তিপর্ব - অধ্যায় 371
॥ শ্রীঃ ॥
12.371. অধ্যায়ঃ 371
Mahabharata - Shanti Parva - Chapter Topics
নাগব্রাহ্মণয়োঃ সংলাপঃ॥ 1॥Mahabharata - Shanti Parva - Chapter Text
12-371-0 (80687)
ভীষ্ম উবাচ। 12-371-0x (6672)
স পন্নগপতিস্তত্র প্রয়যৌ ব্রাহ্মণং প্রতি।
তমেব মনসা ধ্যায়ন্কার্যবত্তাং বিচারয়ন্॥ 12-371-1 (80688)
তমতিক্রম্য নাগেন্দ্রো মতিমান্স নরেশ্বর।
প্রোবাচ মধুরং বাক্যং প্রকৃত্যা ধর্মবৎসলঃ॥ 12-371-2 (80689)
ভোভো ক্ষাম্যাভিভাষএ ৎবাং ন রোষং কর্তুমর্হসি।
ইহ ৎবমভিসংপ্রাপ্তঃ কস্যার্থে কিং প্রয়োজনম্॥ 12-371-3 (80690)
আভিমুখ্যাদভিক্রম্য স্নেহাৎপৃচ্ছামি তে দ্বিজ।
বিবিক্তে গোমতীতীরে কং বা ৎবং পর্যুপাসসে॥ 12-371-4 (80691)
ব্রাহ্মণ উবাচ। 12-371-5x (6673)
ধর্মারণ্যং হি মাং বিদ্ধি নাগং দ্রষ্টুমিহাগতম্।
পদ্মনাভং দ্বিজশ্রেষ্ঠ তত্র মে কার্যমাহিতম্॥ 12-371-5 (80692)
তস্য চাহমসান্নিধ্যে শ্রুতবানস্মি তং গতম্।
স্বজনাত্তং প্রতীক্ষামি পর্জন্যমিব কর্ষকঃ॥ 12-371-6 (80693)
তস্য চাক্লেশকরণং স্বস্তিকারসমাহিতম্।
আবর্তয়ামি তদ্ব্রহ্ম যোগয়ুক্তো নিরাময়ঃ॥ 12-371-7 (80694)
নাগ উবাচ। 12-371-8x (6674)
অহো কল্যাণবৃত্তস্ৎবং সাধুঃ সজ্জনবৎসলঃ।
অবাচ্যস্ৎবং মহাভাগ পরং স্নেহেন পশ্যসি॥ 12-371-8 (80695)
অহং স নাগো বিপ্রর্ষে যথা মাং বিন্দতে ভবান্।
আজ্ঞাপয় যথাস্বৈরং কিং করোমি প্রিয়ং তব॥ 12-371-9 (80696)
ভবন্তং স্বজনাদস্মি সংপ্রাপ্তং শ্রুতবানহম্।
অতস্ৎবাং স্বয়মেবাহং দ্রষ্টুমভ্যাগতো দ্বিজ॥ 12-371-10 (80697)
সংপ্রাপ্তশ্চ ভবানদ্য কৃতার্থঃ প্রতিয়াস্যতি।
বিস্রব্ধো মাং দ্বিজশ্রেষ্ঠ বিষয়ে যোক্তমর্হসি॥ 12-371-11 (80698)
বয়ং হি ভবতা সর্বে গুণক্রীতা বিশেষতঃ।
যস্ৎবমাত্মহিতং ত্যক্ৎবা মামেবেহানুরুধ্যসে॥ 12-371-12 (80699)
ব্রাহ্মণ উবাচ। 12-371-13x (6675)
আগতোঽহং মহাভাগ তব দর্শনলালসঃ।
কংচিদর্থমনর্যজ্ঞঃ প্রষ্টুকামো ভুজংগম॥ 12-371-13 (80700)
অহমাত্মানমাত্মস্থো মার্গগাণোঽঽত্মনো গতিম্।
বাসার্থিনং মহাপ্রজ্ঞং চলচ্চিত্তমুপাস্মি হ॥ 12-371-14 (80701)
প্রকাশিতস্ৎবং স গুণৈর্যশোগর্ভগভস্তিভিঃ।
শশাঙ্ককরসংস্পর্শৈর্হৃদ্যৈরাত্মপ্রকাশিতৈঃ॥ 12-371-15 (80702)
তস্য মে প্রশ্নমুৎপন্নং ছিন্ধি ৎবমনিলাশন।
পশ্চাৎকার্যং বদিষ্যামি শ্রোতুমর্হতি তদ্ভবান্॥ ॥ 12-371-16 (80703)
ইতি শ্রীমন্মহাভারতে শান্তিপর্বণি মোক্ষধর্মপর্বণি একসপ্তত্যধিকত্রিশততমোঽধ্যায়ঃ॥ 371॥
Mahabharata - Shanti Parva - Chapter Footnotes
12-371-3 ক্ষাম্য ক্ষমস্ব॥ 12-371-5 ধর্মারণ্যং মুনিং মাং বিদ্ধি। দ্বিজানাং সর্পাণাং শ্রেষ্ঠ। ধর্মারণ্যাদ্ধি মাং বিদ্ধি ইতি ট. পাঠঃ॥ 12-371-6 শ্রুতবানস্মি তাং গতিমিতি ঠ. পাঠঃ॥ 12-371-7 অক্লেশকরণং ক্লেশনিবারকম্॥ 12-371-8 শ্রুৎবাদ্য ৎবং মহাভাগ পরং যত্নেন পশ্যসীতি ট. পাঠঃ॥ 12-371-13 অনর্থজ্ঞঃ অর্থানভিজ্ঞঃ। কংচিদর্থং হি তৎবজ্ঞেতি ট. পাঠঃ॥ 12-371-15 আত্মন্যাত্মপ্রকাশিভিরিতি ট. পাঠঃ॥শান্তিপর্ব - অধ্যায় 372
॥ শ্রীঃ ॥
12.372. অধ্যায়ঃ 372
Mahabharata - Shanti Parva - Chapter Topics
আশ্চর্থকথনং প্রার্থিতেন নাগেন সূর্যমণ্ডলে তত্তুল্যতেজোন্তরপ্রবেশদর্শনকথনম্॥ 1॥Mahabharata - Shanti Parva - Chapter Text
12-372-0 (80704)
ব্রাহ্মণ উবাচ। 12-372-0x (6676)
বিবস্বতো গচ্ছতি পর্যযেণ
বোডুং ভবাংস্তং যথমেকচক্রম্।
আশ্চর্যভূতং যদি তত্র কিংচি
দ্দৃষ্টং ৎবয়াশংসিতুমর্হসি ৎবম্॥ 12-372-1 (80705)
নাগ উবাচ। 12-372-2x (6677)
আশ্চর্যাণামনেকানাং প্রতিষ্ঠা ভগবান্রবিঃ।
যতো ভূতাঃ প্রবর্তন্তে সর্বে ত্রৈলোক্যসংমতাঃ॥ 12-372-2 (80706)
যস্য রশ্মিসহস্রেষু শাখাস্বিব বিহংগমাঃ।
বসন্ত্যাশ্রিত্য মুনয়ঃ সংসিদ্ধা দৈবতৈঃ সহ॥ 12-372-3 (80707)
যতো পায়ুর্বিনিঃসৃত্য সূর্যরশ্ম্যাশ্রিতো মহান্।
বিজৃম্ভত্যম্বরে তত্র কিমাশ্চর্যমতঃ পরম্॥ 12-372-4 (80708)
বিভজ্যং তং তু বিপ্রর্ষে প্রজানাং হিতকাম্যযা।
তোয়ং সৃজতি বর্ষাসু কিমাশ্চর্যমতঃ পরম্॥ 12-372-5 (80709)
যস্য মণ্ডলমধ্যস্থো মহাত্মা পরমৎবিষা। 12-372-6 দীপ্তঃ সমীক্ষতেঽলোকান্কিমাশ্চর্যমতঃ পরম্॥ 12-372-6 (80710)
শুক্রো নামাসিতঃ পাদো যশ্চ বারিধরোঽম্বরে।
তোয়ং সৃজতি বর্ষাসু কিমাশ্চর্যমতঃ পরম্॥ 12-372-7 (80711)
যোঽষ্টমাসাংস্তু শুচিনা কিরণেনোক্ষিতং পয়ঃ।
প্রত্যাদত্তে পুনঃ কালে কিমাশ্চর্যমতঃ পরম্॥ 12-372-8 (80712)
যস্য তেজোবিশেষেষু স্বয়মাত্মা প্রতিষ্ঠিতঃ।
যতো বীজং মহী চেয়ং ধার্যতে সচরাচরম্॥ 12-372-9 (80713)
যত্র দেবো মহাবাহুঃ শাশ্বতঃ পুরুষোত্তমঃ।
অনাদিনিধনো বিপ্র কিমাশ্চর্যমতঃ পরম্॥ 12-372-10 (80714)
আশ্চর্যাণামিবাশ্চর্যমিদমেকং তু মে শৃণু।
বিমলে যন্ময়া দৃষ্টমম্বরে সূর্যসংশ্রয়াৎ॥ 12-372-11 (80715)
পুরা মধ্যাহ্নসময়ে লোকাংস্তপতি ভাস্করে।
প্রত্যাদিত্যপ্রতীকাশঃ সর্বতঃ সমদৃশ্যত॥ 12-372-12 (80716)
স লোকাংস্তেজসা সর্বান্স্বভাসা নির্বিভাসয়ন্।
আদিত্যাধিমুখোঽভ্যেতি গগনং পাটয়ন্নিব॥ 12-372-13 (80717)
হুতাহুতিরিব জ্যোতির্ব্যাপ্য তেজোমরীচিভিঃ।
অনির্দেশ্যেন রূপেণ দ্বিতীয় ইব ভাস্করঃ॥ 12-372-14 (80718)
তস্যাভিগমনপ্রাপ্তৌ হস্তৌ দত্তৌ বিবস্বতা।
তেনাপি দক্ষিণো হস্তো দত্তঃ প্রত্যর্চিতার্থিনা॥ 12-372-15 (80719)
ততো ভিত্ৎবৈব গগন প্রবিষ্টো রশ্মিমণ্ডলম্।
একীভূতং চ তত্তেজঃ ক্ষণেনাদিত্যতাং গতম্॥ 12-372-16 (80720)
তত্র নঃ সংশয়ো জাতস্তয়োস্তেজঃ সমাগমে।
অনয়োঃ কো ভবেৎসূর্যো রথস্থো যোঽয়মাগতঃ॥ 12-372-17 (80721)
তে বয়ং জাতসংদেহাঃ পর্যপৃচ্ছামহে রবিম্।
ক এষ দিবমাক্রম্য গতঃ সূর্য ইবাপরঃ॥ ॥ 12-372-18 (80722)
ইতি শ্রীমন্মহাভারতে শান্তিপর্বণি মোক্ষধর্মপর্বণি দ্বিসপ্তত্যধিকত্রিশততমোঽধ্যায়ঃ॥ 372॥
Mahabharata - Shanti Parva - Chapter Footnotes
12-372-4 বিসৃজত্যম্বরে তোয়মিতি ট. পাঠঃ॥ 12-372-5 তং বাতং পুরোবাতাদিরূপেণ বিভজ্য পরিণামং নীৎবা॥ 12-372-6 মহাত্মান্তর্যামী॥ 12-372-7 পাদইব পাদোঽবয়বঃ নীলমেঘরূপেণাপ্যযমেব বর্ষতীত্যর্থঃ॥ 12-372-9 যতঃ সূর্যাৎ। বীজং ঔষধম্॥ 12-372-12 প্রত্যাদিপ্রতীকাশঃ আদিত্যান্তরতুল্যতেজস্কঃ। সমদৃশ্যত দৃষ্টঃ॥ 12-372-15 দত্তঃ প্রত্যর্চিনার্চিনেতি ট. পাঠঃ॥ 12-372-16 ভিত্ৎবৈব রবিমণ্ডলমিতি ট. পাঠঃ॥শান্তিপর্ব - অধ্যায় 373
॥ শ্রীঃ ॥
12.373. অধ্যায়ঃ 373
Mahabharata - Shanti Parva - Chapter Topics
নাগেব ব্রাহ্মণংপ্রতি সূর্যেণ স্বংপ্রতি তদ্বিম্বপ্রবিষ্টতেজস উঞ্ছবৃত্তিমুনিস্বরূপৎবকথনকথনম্॥ 1॥Mahabharata - Shanti Parva - Chapter Text
12-373-0 (80723)
সূর্য উবাচ। 12-373-0x (6678)
নৈষ দেবোঽনিলসখো নাসুরো ন চ যন্নগঃ।
উঞ্ছবৃত্তিব্রতে সিদ্ধো মুনিরেষ দিবং গতঃ॥ 12-373-1 (80724)
এষ মূলফলাহারঃ শীর্ণপর্ণাশনস্তথা।
অব্ভক্ষো বায়ুভক্ষশ্চ আসীদ্বিপ্রঃ সমাহিতঃ॥ 12-373-2 (80725)
ভবশ্চানেন বিপ্রেণ সংহিতাভিরভিষ্টুতঃ।
স্বর্গদ্বারে কৃতোদ্যোগো যেনাসৌ ত্রিবিদং গতঃ॥ 12-373-3 (80726)
অসংগতিরনাকাঙ্ক্ষী নিত্যমুঞ্ছশিলাশনঃ।
সর্বভূতহিতে যুক্ত এষ বিপ্রো ভুজংগমাঃ॥ 12-373-4 (80727)
ন হি দেবা ন গন্ধর্বা নাসুরা ন চ পন্নগাঃ।
প্রভবন্তীহ ভূতানাং প্রাপ্তানামুত্তমাং গতিম্॥ 12-373-5 (80728)
এতদেবংবিধং দৃষ্টমাশ্চর্যং তত্র মে দ্বিজ।
সংসিদ্ধো মানুষঃ কামং যোসৌ সিদ্ধগতিং গতঃ।
সূর্যেণ সহিতো ব্রহ্মন্পৃথিবীং পরিবর্ততে॥ ॥ 12-373-6 (80729)
ইতি শ্রীমন্মহাভারতে শান্তিপর্বণি মোক্ষধর্মপর্বণি ত্রিসপ্তত্যধিকত্রিশততমোঽধ্যায়ঃ॥ 373॥
Mahabharata - Shanti Parva - Chapter Footnotes
12-373-1 অনিলসখো বহ্নিঃ॥শান্তিপর্ব - অধ্যায় 374
॥ শ্রীঃ ॥
12.374. অধ্যায়ঃ 374
Mahabharata - Shanti Parva - Chapter Topics
ব্রাহ্মণেন নাগামন্ত্রণপূর্বকমিষ্টদেশংপ্রতি প্রস্থানম্॥ 1॥Mahabharata - Shanti Parva - Chapter Text
12-374-0 (80730)
ব্রাহ্মণ উবাচ। 12-374-0x (6679)
আশ্চর্যং নাত্র সংদেহঃ সুপ্রীতোস্মি ভুজঙ্গম।
অন্বর্থোপগতৈর্বাক্যৈঃ পন্থানং চাস্মি দর্শিতঃ॥ 12-374-1 (80731)
স্বস্তি তেঽস্তু গমিষ্যামি সাধো ভুজগসত্তম।
স্মরণীয়োস্মি ভবতা সংপ্রেষণনিয়োজনৈঃ॥ 12-374-2 (80732)
নাগ উবাচ। 12-374-3x (6680)
অনুক্ৎবা হৃদ্গতং কার্যং ক্বেদানীং প্রস্থিতো ভবান্।
উচ্যতাং দ্বিজ যৎকার্যং যদর্থং ৎবমিহাগতঃ॥ 12-374-3 (80733)
উক্তানুক্তে কৃতে কার্যে মামামন্ত্র্য দ্বিজর্ষভ।
ময়া প্রত্যভ্যনুজ্ঞাতস্ততো যাস্যসি সুব্রত॥ 12-374-4 (80734)
ন হি মাং কেবলং দৃষ্ট্বা ত্যক্ৎবা প্রণয়বানিহ।
গন্তুমর্হসি বিপ্রর্ষে বৃক্ষমূলগতো যথা॥ 12-374-5 (80735)
ৎবয়ি চাহং দ্বিজশ্রেষ্ঠ ভবান্ময়ি ন সংশয়ঃ।
লোকোঽয়ং ভবতঃ সর্বঃ কা চিন্তা ময়ি তেঽনঘ॥ 12-374-6 (80736)
ব্রাহ্মণ উবাচ। 12-374-7x (6681)
এবমেতন্মহাপ্রাজ্ঞ বিদিতাত্মন্ভুজঙ্গম।
নাতিরিক্তাস্ৎবয়া দেবাঃ সর্বথৈব যথাতথম্॥ 12-374-7 (80737)
স এব ৎবং স এবাহং যোঽহং স তু ভবানপি।
অহং ভবাংশ্চ ভূতানি সর্বে যত্র গতাঃ সদা॥ 12-374-8 (80738)
আসীত্তু মে ভোগিপতে সংশয়ঃ পুণ্যরসংচয়ে।
সোহমুঞ্ছব্রতং সাধো চরিষ্যাম্যর্থসাধনম্॥ 12-374-9 (80739)
এষ মে নিশ্চয়ঃ সাধো কৃতং কারণমুত্তমম্।
আমন্ত্রয়ামি ভদ্রং তে কৃতার্থোঽস্মি ভুজঙ্গম॥ ॥ 12-374-10 (80740)
ইতি শ্রীমন্মহাভারতে শান্তিপর্বণি মোক্ষধর্মপর্বণি চতুঃসপ্তত্যধিকত্রিশততমোঽধ্যায়ঃ॥ 374॥
Mahabharata - Shanti Parva - Chapter Footnotes
12-374-4 উক্তানুক্তে পৃষ্টে অপৃষ্টেপি ময়ৈব বাৎসল্যাৎকৃতে সতি॥ 12-374-6 অহং ৎবয়ি ভক্তিমানিতি শেষঃ॥ 12-374-8 যত্র চাহং স এব ৎবমেবমাহ ভুজঙ্গমেতি ট. পাঠঃ॥শান্তিপর্ব - অধ্যায় 375
॥ শ্রীঃ ॥
12.375. অধ্যায়ঃ 375
Mahabharata - Shanti Parva - Chapter Topics
ভীষ্মেণ যুধিষ্ঠিরংপ্রত্যুঞ্ছবৃত্ত্যুপাখ্যানোপদেশপরম্পরাক্রমকথনপূর্বকমুঞ্ছবৃত্তিব্রাহ্মণস্য বনপ্রবেশকথনম্॥ 1॥Mahabharata - Shanti Parva - Chapter Text
12-375-0 (80741)
ভীষ্ম উবাচ। 12-375-0x (6682)
স চামন্ত্র্যোরগশ্রেষ্ঠং ব্রাহ্মণঃ কৃতনিশ্চয়ঃ।
দীক্ষাকাঙ্ক্ষী তদা রাজংশ্চ্যবনং ভার্গবং শ্রিতঃ॥ 12-375-1 (80742)
স তেন কৃতসৎকারো ধর্মমেবাধিতস্থিবান্।
তথৈব চ কথামেতাং রাজন্কথিতবাংস্তদা॥ 12-375-2 (80743)
ভার্গবেণাপি রাজেন্দ্র জনকস্য নিবেশনে।
কথৈষা কথিতা পুণ্যা নারদায় মহাত্মনে॥ 12-375-3 (80744)
নারদেনাপি রাজেন্দ্র দেবেন্দ্রস্য নিবেশনে।
কথিতা ভরতশ্রেষ্ঠ পৃষ্টেনাক্লিষ্টকর্মণা॥ 12-375-4 (80745)
দেবরাজেন চ পুরা কথিতৈষা কথা শুভা।
সমস্তেভ্যঃ প্রশস্তেভ্যো বিপ্রেভ্যো বসুধাধিপ॥ 12-375-5 (80746)
যদা চ মম রামেণ যুদ্ধমাসীৎসুদারুণম্।
বসুভিশ্চ তদা রাজন্কথেয়ং কথিতা মম॥ 12-375-6 (80747)
পৃচ্ছমানায় তত্ৎবেন ময়া চৈবোত্তমা তব।
কথেয়ং কথিতা পুণ্যা ধর্ম্যা ধর্মভৃতাংবর॥ 12-375-7 (80748)
তদেব পরমো ধর্মো যন্মাং পৃচ্ছসি ভারত।
আসীদ্ধীরো হ্যনাকাঙ্ক্ষী ধর্মার্থকরণে নৃপ॥ 12-375-8 (80749)
স চ কিল কৃতনিশ্চয়ো দ্বিজো
ভুজগপতিপ্রতিদশিতাত্মকৃত্যঃ।
যমনিয়মসহো বনান্তরং
পরিগণিতোঞ্ছশিলাশনঃ প্রবিষ্টঃ॥ ॥ 12-375-9 (80750)
ইতি শ্রীমন্মহাভারতে শতসাহস্রিকায়াং সংহিতায়াং বৈয়াসিক্যাং শান্তিপর্বণি মোক্ষধর্মপর্বণি উঞ্ছবৃত্ত্যুপাখ্যানে পঞ্চসপ্তত্যধিকত্রিশততমোঽধ্যায়ঃ॥ 375॥