Kumbhaghonam Edition in Bangla Script
13. অনুশাসনপর্ব
অনুশাসনপর্ব - অধ্যায় 001
॥ শ্রীঃ ॥
13.1. অধ্যায়ঃ 001
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরেণ ভীষ্মংপ্রতি পুনঃ শমাদিকথনপ্রার্থনা॥ 1॥ ভীষ্মাদিনিধনে স্বস্যৈব হেতুৎববুদ্ধ্যা স্বোপালম্ভনপূর্বকং শোচন্তং যুধিষ্ঠিরংপ্রতি ভীষ্মেণ জীবস্য কর্মণ্যস্বাতন্ত্রয়মভিধায় তন্নিদর্শনতয়া গৌতমীলুব্ধকাদিসংবাদানুবাদঃ॥ 2 ॥Mahabharata - Anushaasana Parva - Chapter Text
13-1-0 (81169)
॥ শ্রীবেদব্যাসায় নমঃ॥ 13-1-0x (6718)
নারায়ণং নমস্কৃত্য নরং চৈব নরোত্তমম্।
দেবীং সরস্বতীং চৈব(ব্যাসং)ততো জয়মুদীরয়েৎ॥ 13-1-1 (81170)
বৈশম্পায়ন উবাচ।
`শরতল্পে মহাত্মানং শয়ানমপরাজিতম্।
যুধিষ্ঠির উপাগম্য প্রণিপত্যেদমব্রবীৎ॥' 13-1-1x (6719)
শমো বহুবিধাকারঃ সূক্ষ্ম উক্তঃ পিতামহ।
ন চ মে হৃদয়ে শান্তিরস্তি শ্রুৎবেদমীদৃশম্॥ 13-1-2 (81171)
অস্মিন্নর্থে বহুবিধা শান্তিরুক্তা পিতামহ।
স্বকৃতাৎকা নু শান্তি স্যাচ্ছমাদ্বহুবিধাদপি॥ 13-1-3 (81172)
শরাচিতং শরীরং হি তীব্রব্রণমুদীক্ষ্য তে।
শমং নোপলভে বীর দুষ্কৃতান্যেব চিন্তয়ন্॥ 13-1-4 (81173)
রুধিরেণাবসিক্তাঙ্গং প্রস্রবন্তং যথাচলম্।
ৎবাং দৃষ্ট্বা পুরুষব্যাঘ্র সীদে বর্ষাস্বিবাম্বুজম্॥ 13-1-5 (81174)
অতঃ কষ্টতরং কিন্নু মৎকৃতে যৎপিতামহঃ।
ইমামবস্থাং `গমিতঃ প্রত্যমিত্রৈ রণাজিরে॥ 13-1-6 (81175)
তথা চান্যে নৃপতয়ঃ সহপুত্রাঃ সবান্ধবাঃ।
মৎকৃতে নিধনং প্রাপ্তাঃ কিন্নু কষ্টতরং ততঃ॥ 13-1-7 (81176)
বয়ং হি ধার্তরাষ্ট্রাশ্চ কামমন্যুবশং গতাঃ।
কৃৎবেদং নিন্দিতং কর্ম প্রাপ্স্যামঃ কাং গতিং নৃপ॥ 13-1-8 (81177)
ইদং তু ধার্তরাষ্ট্রাস্য শ্রেয়ো মন্যে জনাধিপ।
ইমামবস্থাং সংপ্রাপ্তং যদসৌ ৎবাং ন পশ্যতি॥ 13-1-9 (81178)
সোঽহমার্তিকরো রাজন্সুহৃদ্বধকরস্তথা।
ন শান্তিমধিগচ্ছামি পশ্যংস্ৎবাং দুঃখিতং ক্ষিতৌ॥ 13-1-10 (81179)
দুর্যোধনো হি সমরে সহসৈন্যঃ সহানুজঃ।
নিহতঃ ক্ষত্রধর্মেঽস্মিন্দুসত্মা কুলপাংসনঃ॥ 13-1-11 (81180)
ন স পশ্যতি দুষ্টাত্মা ৎবামদ্য পতিতং ক্ষিতৌ।
অতঃ শ্রেয়ো মৃতং মন্যে নেহ জীবিতমাত্মনঃ॥ 13-1-12 (81181)
অহং হি সমরে বীর গমিতঃ শত্রুভিঃ ক্ষয়ম্।
অভবিষ্যং যদি পুরা সহ ভ্রাতৃভিরচ্যুত।
ন ৎবামেবং সুদুঃখার্তমদ্রাক্ষং সায়কার্দিতম্॥ 13-1-13 (81182)
নূনং হি পাপকর্মাণো ধাত্রা সৃষ্টাঃ স্ম হে নৃপ॥ 13-1-14 (81183)
অন্যস্মিন্নপি লোকে বৈ যথা মুচ্যেম কিল্বিষাৎ।
তথা প্রশাধি মাং রাজন্মম চেদিচ্ছসি প্রিয়ম্॥ 13-1-15 (81184)
ভীষ্ম উবাচ। 13-1-16x (6720)
পরতন্ত্রং কথং হেতুমাত্মানমনু পশ্যসি।
কর্মণাং হি মহাভাগ সূক্ষ্মং হ্যেতদতীন্দ্রিয়ম্॥ 13-1-16 (81185)
অত্রাপ্যুদাহরন্তীমমিতিহাসং পুরাতনম্।
সংবাদং মৃত্যুগৌতম্যোঃ কাললুব্ধকপন্নগৈঃ॥ 13-1-17 (81186)
গৌতমী নাম কাঽপ্যাসীৎস্থবিরা শমসংয়ুতা।
সর্পেণ দষ্টং স্বং পুত্রমপশ্যদ্গতচেতনম্॥ 13-1-18 (81187)
অথ তং স্নায়ুপাশেন বদ্ধ্বা সর্পমমর্ষিতঃ।
লুব্ধকোঽর্জুনকো নাম নাম গৌতম্যাঃ সমুপানয়ৎ॥ 13-1-19 (81188)
তাং চাব্রবীদয়ং তে স পুত্রহা পন্নগাধমঃ।
ব্রহি ক্ষিপ্রং মহাভাগে বধ্যতাং কেন হেতুনা॥ 13-1-20 (81189)
অগ্নৌ প্রক্ষিপ্যতামেষ চ্ছিদ্যতাং খণ্ডশোপি বা।
ন হ্যং বালহা পাপশ্চিরং জীবিতুমর্হতি॥ 13-1-21 (81190)
গৌতম্যুবাচ। 13-1-22x (6721)
বিসৃজৈনমবুদ্ধিস্ৎবমবধ্যোঽর্জুনক ৎবয়া।
কো হ্যাত্মানং গুরুং কুর্যাৎপ্রাপ্তব্যে সতি চিন্তয়ন্ 13-1-22 (81191)
প্লবন্তে ধর্মলঘবো লোকেঽম্ভসি যথা প্লবাঃ।
মজ্জন্তি পাপগুরবঃ শস্ত্রং স্কন্নমিবোদকে॥ 13-1-23 (81192)
নাস্যামৃতৎবং ভবিতৈবং হতেঽস্মি-
ঞ্জীবত্যস্মিন্কোঽত্যযঃ স্যাদয়ং তে।
অস্যোৎসর্গে প্রাণয়ুক্তস্য জন্তো-
র্মৃত্যুং লোকে কো ন গচ্ছেদনন্তে॥ 13-1-24 (81193)
লুব্ধক উবাচ। 13-1-25x (6722)
জানাম্যহং নেহ গুণাগুণজ্ঞাঃ
সদায়ুক্তা গুরবো বৈ ভবন্তি।
স্বর্গস্য তে সূপদেশা ভবন্তি
তস্মাৎক্ষুদ্রং সর্পমেনং হনিষ্যে॥ 13-1-25 (81194)
শমমীপ্সন্তঃ কালয়োগং ত্যজন্তি
সদ্যঃ শুচং ৎবর্থবিদস্ত্যজন্তি।
শ্রিয়ঃ ক্ষয়ঃ শোচতাং নিত্যশো হি
তস্মাচ্ছুচং মুঞ্চ হতে ভুজঙ্গে॥ 13-1-26 (81195)
গৌতম্যুবাচ। 13-1-27x (6723)
ন চৈবার্তির্বিদ্যতেঽস্মদ্বিধানাং
ধর্মাত্মানঃ সর্বদা সঞ্জনা হি।
নিত্যায়স্তো বালজনো ন চাহং
ধর্মোপৈতি প্রভবাম্যস্য নাহম্॥ 13-1-27 (81196)
ন ব্রাহ্মণানাং কোপোঽস্তি কুতঃ কোপাচ্চ যাতনা।
মার্দবাৎক্ষম্যতাং সাধো মুচ্যতামেষ পন্নগঃ॥ 13-1-28 (81197)
লুব্ধক উবাচ। 13-1-29x (6724)
হৎবা লাভঃ শ্রেয় এবাব্যযঃ স্যা-
ৎসদ্যোলাভঃস্যাদ্বলিভ্যঃ প্রশস্তঃ।
কালাল্লাভো যস্তু সদ্যো ভবেত
শ্রেয়োলাভঃ কুৎসিতে ৎবীদৃশি স্যাৎ॥ 13-1-29 (81198)
গৌতম্যুবাচ। 13-1-30x (6725)
কাঽর্থপ্রাপ্তির্গৃহ্য শত্রুং নিহত্য
কা কামাপ্তিঃ প্রাপ্য শত্রুং ন মুক্ৎবা।
কস্মাৎসৌম্যাহং ন ক্ষমে নো ভুজঙ্গে
মোক্ষার্থং বা কস্য হেতোর্ন কুর্যাম্॥ 13-1-30 (81199)
লুব্ধক উবাচ। 13-1-31x (6726)
অস্মাদেকাদ্বহবো রক্ষিতব্যা
নৈকো বহুভ্যো গৌতমি রক্ষিতব্যঃ।
কৃতাগসং ধর্মহেতোস্ত্যজন্তি
সরীসৃপং পাপমিমং ত্যজ ৎবম্॥ 13-1-31 (81200)
গৌতম্যুবায় 13-1-32x (6727)
নাস্মিন্হতে পন্নগে পুত্রকো মে
সম্প্রাপ্স্যতে লুব্ধক জীবিতং বৈ।
গুণং চান্যং নাস্য বধে প্রপশ্যে
তস্মাৎসর্পং লুব্ধক মুঞ্চ জীবম্॥ 13-1-32 (81201)
লুব্ধক উবাচ। 13-1-33x (6728)
বৃত্রং হৎবা দেবরাট্ শ্রেষ্ঠভাগ্বৈ
যজ্ঞং হৎবা ভাগমবাপ চৈব।
শূলী দেবো দেববৃত্তং চর ৎবং
ক্ষিপ্রং সর্পং জহি মা ভূত্তে বিশঙ্কা॥ 13-1-33 (81202)
ভীষ্ম উবাচ। 13-1-34x (6729)
অসকৃৎপ্রোচ্যমানাঽপি গৌতমী ভুজগং প্রতি।
লুব্ধকেন মহাভাগা সা পাপে নাকরোন্মতিম্॥ 13-1-34 (81203)
ঈষদুচ্ছ্বসমানস্তু কৃচ্ছ্রাৎসংস্তভ্য পন্নগঃ।
উৎসসর্জ গিরং মন্দাং মানুষীং পাশপীডিতঃ॥ 13-1-35 (81204)
সর্প উবাচ। 13-1-36x (6730)
কো ন্বর্জুনক দোষোঽত্র বিদ্যতে মম বালিশ।
অস্বতন্ত্রং হি মাং মৃত্যুর্বিবশং যদচূচুদৎ॥ 13-1-36 (81205)
তস্যায়ং বচনাদ্দষ্টো ন কোপেন ন কাম্যযা।
তস্য তৎকিল্বিষং লুব্ধ বিদ্যতে যদি কিঞ্চন। 13-1-37 (81206)
লুব্ধক উবাচ। 13-1-38x (6731)
যদ্যন্যবশগেনেদং কৃতং তে পন্নগাশুভম্।
কারণং বৈ ৎবমপ্যত্র তস্মাত্ৎবমপি কিল্বিষী॥ 13-1-38 (81207)
মৃৎপাত্রস্য ক্রিয়ায়াং হি দণ্ডচক্রাদয়ো যথা।
কারণৎবে প্রকল্প্যন্তে তথা ৎবমপি পন্নগ॥ 13-1-39 (81208)
কিল্বিষী চাপি মে বধ্যঃ কিল্বিষী চাসি পন্নগ।
আত্মানং কারণং হ্যত্র ৎবমাখ্যাসি ভুজঙ্গম॥ 13-1-40 (81209)
সর্প উবাচ। 13-1-41x (6732)
সর্ব এতে হ্যস্ববশা দণ্ডচক্রাদয়ো যথা।
তথাহমপি তস্মান্মে নৈষ দোষো মতস্তব॥ 13-1-41 (81210)
অথবা মতমেতত্তে তেপ্যন্যোঽন্যপ্রয়োজকাঃ।
কার্যকারণসন্দেহো ভবত্যন্যোন্যচোদনাৎ॥ 13-1-42 (81211)
এবং সতি ন দোষো মে নাস্মি বধ্যো ন কিল্বিষী।
কিল্বিষং সমবায়ে স্যান্মন্যসে যদি কিল্বিষম্॥ 13-1-43 (81212)
লুব্ধক উবাচ। 13-1-44x (6733)
কারণং যদি স্যাদ্বৈ ন কর্তা স্যাস্ৎবমপ্যুত।
বিনাশে কারণং ৎবং চ তস্মাদ্বধ্যোঽসি মে মতঃ॥ 13-1-44 (81213)
অসত্যপি কৃতে কার্যে নেহ পন্নগ লিপ্যতে।
তস্মান্নাত্রৈব হেতুঃ স্যাদ্বধ্যঃ কিং বহু ভাষসে॥ 13-1-45 (81214)
সর্প উবাচ। 13-1-46x (6734)
কার্যাভাবে ক্রিয়া ন স্যাৎসত্যসত্যপি কারণে।
তস্মাৎসমেঽস্মিন্হেতৌ মে বাচ্যো হেতুর্বিশেষতঃ॥ 13-1-46 (81215)
যদ্যহং কারণৎবেন মতো লুব্ধক তত্ৎবতঃ।
অন্যঃ প্রয়োক্তাস্যাদত্র কিন্নু জন্তুবিনাশনে॥ 13-1-47 (81216)
লুব্ধক উবাচ। 13-1-48x (6735)
বধ্যস্ৎবং মম দুর্বুদ্ধে বালঘাতী নৃশংসকৃৎ।
ভাষসে কিং বহু পুনর্বধ্যঃ সন্পন্নগাধম॥ 13-1-48 (81217)
সর্প উবাচ। 13-1-49x (6736)
যথা হবীংষি জুহ্বানা মখে বৈ লুব্ধকর্ৎবিজঃ।
ন ফলং প্রাপ্নুবন্ত্যত্র ফলয়োগে তথা হ্যহম্॥ 13-1-49 (81218)
ভীষ্ম উবাচ। 13-1-50x (6737)
তথা ব্রুবতি তস্মিংস্তু পন্নগে মৃত্যুচোদিতে।
আজগাম ততো মৃত্যুঃ পন্নগং চাব্রবীদিদম্॥ 13-1-50 (81219)
প্রচোদিতোঽহং কালেন পন্নগ ৎবামচূচুদম্।
বিনাশহেতুর্নাস্য ৎবমহং ন প্রাণিনঃ শিশোঃ॥ 13-1-51 (81220)
যথা বায়ুর্জলধরান্বিকর্ষতি ততস্ততঃ।
তদ্বজ্জলদবৎসর্প কালস্যাহং বশানুগঃ॥ 13-1-52 (81221)
সাৎবিকা রাজসাশ্চৈব তামসা যে চ কেচন।
ভাবাঃ কালাত্মকাঃ সর্বে প্রবর্তন্তেহ জন্তুষু॥ 13-1-53 (81222)
জঙ্গমাঃ স্থাবরাশ্চৈব দিবি বা যদি বা ভুবি।
সর্বে কালাত্মকাঃ সর্প কালাত্মকমিদং জগৎ॥ 13-1-54 (81223)
প্রবৃত্তয়শ্চ লোকে যা তথৈব চ নিবৃত্তয়ঃ।
তাসাং বিকৃতয়ো যাশ্চ সর্বং কালাত্মকং স্মৃতম্॥ 13-1-55 (81224)
আদিত্যশ্চন্দ্রমা বিষ্ণুরাপো বায়ুঃ শতক্রতুঃ।
অগ্নিঃ খং পৃথিবী মিত্রঃ পর্জন্যো বসবোঽদিতিঃ॥ 13-1-56 (81225)
সরিতঃ সাগরাশ্চৈব ভাবাভাবৌ চ পন্নগ।
সর্বে কালেন সৃজ্যন্তে হ্রিয়ন্তে চ পুনঃপুনঃ॥ 13-1-57 (81226)
এবং জ্ঞাৎবা কথং মাং সদোষং সর্প মন্যসে।
অথ চৈবং গতে দোষে ময়ি ৎবমপি দোষবান্॥ 13-1-58 (81227)
সর্প উবাচ। 13-1-59x (6738)
নির্দোষং দোষবন্তং বা ন ৎবাং মৃত্যো ব্রবীম্যহম্।
ৎবয়াঽহং চোদিত ইতি ব্রবীম্যেতাবদেব তু॥ 13-1-59 (81228)
যদি কালে তু দোষোঽস্তি যদি তত্রাপি নেষ্যতে।
দোষো নৈব পরীক্ষ্যো মে ন হ্যত্রাধিকৃতা বয়ম্॥ 13-1-60 (81229)
নির্মোক্ষস্ৎবস্য দোষস্য ময়া কার্যো যথা তথা।
মৃত্যোরপি ন দোষঃ স্যাদিতি মেঽত্র প্রয়োজনম্॥ 13-1-61 (81230)
ভীষ্ম উবাচ। 13-1-62x (6739)
সর্পোঽথার্জুনকং প্রাহ শ্রুতং তে মৃত্যুভাষিতম্।
নানাগসং মাং পাশেন সন্তাপয়িতুমর্হসি। 13-1-62 (81231)
লুব্ধক উবাচ। 13-1-63x (6740)
মৃত্যোঃ শ্রুতং মে বচনং তব চৈব ভুজঙ্গম।
নৈব তাবদদোষৎবং ভবতি ৎবয়ি পন্নগ॥ 13-1-63 (81232)
মৃত্যুস্ৎবং চৈব হেতুর্হি বালস্যাস্য বিনাশনে।
উভয়ং কারণং মন্যে ন কারণমকারণম্॥ 13-1-64 (81233)
ধিঙ্ভৃত্যুং চ দুরাত্মানং ক্রূরং দুঃখকরং সতাম্।
ৎবাং চৈবাহং বধিষ্যামি পরপাপস্য কারণম্॥ 13-1-65 (81234)
মৃত্যুরুবাচ। 13-1-66x (6741)
বিবশৌ কালবশগাবাবাং নির্দিষ্টকারিণৌ।
নাবাং দোষেণ গন্তব্যৌ যদি সম্যক্প্রপশ্যসি॥ 13-1-66 (81235)
লুব্ধক উবাচ। 13-1-67x (6742)
যুবামুভৌ কালবশৌ যদি মে মৃত্যুপন্নগৌ।
হর্ষক্রোধৌ যথা স্যাতামেতদিচ্ছামি বেদিতুম্॥ 13-1-67 (81236)
মৃত্যুরুবাচ। 13-1-68x (6743)
যা কাচিদেব চেষ্টা স্যান্সর্বা কালপ্রচোদিতা।
পূর্বমেবৈতদুক্তং হি ময়া লুব্ধক তৎবতঃ॥ 13-1-68 (81237)
তস্মাদুভৌ কালবশাবাবাং নির্দিষ্টকারিণৌ।
নাবাং দোপেণ গন্তব্যৌ ৎবয়া লুব্ধক কর্হিচিৎ॥ 13-1-69 (81238)
ভীষ্ম উবাচ। 13-1-70x (6744)
অথোপগম্য কালস্তু তস্মিন্ধর্মার্থসংশয়ে।
অব্রবীৎপন্নগং মৃত্যুং লুব্ধং চার্জুনকং তথা॥ 13-1-70 (81239)
ন হ্যহং নাপ্যযং মৃত্যুর্নায়ং লুব্ধক পন্নগঃ।
কিল্বিষী জন্তুমরণে ন বয়ং হি প্রয়োজকাঃ॥ 13-1-71 (81240)
অকরোদ্যদয়ং কর্ম তন্নোঽর্জুনক চোদকম্।
বিনাশহেতুর্নান্যোঽস্য বধ্যতেঽয়ং স্বকর্মণা॥ 13-1-72 (81241)
যদনেন কৃতং কর্ম তেনায়ং নিধনং গতঃ।
বিনাশহেতুঃ কর্মাস্য সর্বে কর্মবশা বয়ম্॥ 13-1-73 (81242)
কর্মদায়াদবাঁল্লোকঃ কর্মসম্বন্ধলক্ষণঃ।
কর্মাণি চোদয়ন্তীহ যথান্যোন্যং তথাবয়ম্॥ 13-1-74 (81243)
যথা মৃৎপিণ্ডতঃ কর্তা কুরুতে যদ্যদিচ্ছতি।
এবমাত্মকৃতং কর্ম মানবঃ প্রতিপদ্যতে॥ 13-1-75 (81244)
যথা চ্ছায়াতপৌ নিত্যং সুসম্বদ্ধৌ নিরন্তরম্।
তথা কর্ম চ কর্তা চ সম্বদ্ধাবাত্মকর্মভিঃ॥ 13-1-76 (81245)
এবং নাহং ন বৈ মৃত্যুর্ন সর্পো ন তথা ভব ন্।
ন চেয়ং ব্রাহ্মণী বৃদ্ধা শিশুরেবাত্র কারণম্॥ 13-1-77 (81246)
তস্মিংস্তথা ব্রুবাণে তু ব্রাহ্মণী গৌতমী নৃপ।
স্বকর্মপ্রত্যযাঁল্লোকান্মৎবাঽর্জুনকমব্রবীৎ॥ 13-1-78 (81247)
নৈব কালো ন ভুজগো ন মৃত্যুরিহ কারণম্।
স্বকর্মভিরয়ং বালঃ কালেন নিধং গতঃ॥ 13-1-79 (81248)
ময়া চ তৎকৃতং কর্ম যেনায়ং মে মৃতঃ সুতঃ।
যাতু কালস্তথা মৃত্যুর্মুঞ্চার্জুনক পন্নগম্॥ 13-1-80 (81249)
ভীষ্ম উবাচ। 13-1-81x (6745)
ততো যথাগতং জগ্মুর্মৃত্যুঃ কালোঽথ পন্নগঃ।
অভূদ্বিশোকোঽর্জুনকো বিশোকা চৈব গৌতমী॥ 13-1-81 (81250)
এতচ্ছ্রুৎবা শমং গচ্ছ মা ভূঃ শোকপরো নৃপ।
স্বকর্মপ্রত্যযাঁল্লোকাংস্ত্রীন্বিদ্ধি সমিতিংজয়॥ 13-1-82 (81251)
নৈব ৎবয়া কৃতং কর্ম নাপি দুর্যোধনেন বৈ।
কালেনৈতৎকৃতং বিদ্ধি নিহতা যেন পার্থিবাঃ॥ 13-1-83 (81252)
বৈশম্পায়ন উবাচ। 13-1-84x (6746)
ইত্যেতদ্বচনং শ্রুৎবা বভূব বিগতজ্বরঃ।
যুধিষ্ঠরো মহাতেজাঃ পপ্রচ্ছেদং চ ধর্মবিৎ॥ ॥ 13-1-84 (81253)
ইতি শ্রীমন্মহাভারতে অনুশাসনপর্বণি দানধর্মপর্বণি প্রথমোঽধ্যায়ঃ॥ 1 ॥
অনুশাসনপর্ব - অধ্যায় 002
॥ শ্রীঃ ॥
13.2. অধ্যায়ঃ 002
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি গার্হস্থ্যাশ্রয়ণেনাতিথিসৎকারস্য শ্রেয়ঃসাধনতায়াং সুদর্শনোপাখ্যানকথনম্॥ 1 ॥Mahabharata - Anushaasana Parva - Chapter Text
13-2-0 (81254)
যুধিষ্ঠির উবাচ। 13-2-0x (6747)
পিতামহ মহাপ্রাজ্ঞ সর্বশাস্ত্রবিশারদ।
শ্রুতং মে মহদাখ্যানমিদং মতিমতাংবর॥ 13-2-1 (81255)
ভূয়স্তু শ্রোতুমিচ্ছামি ধর্মার্থসহিতং নৃপ।
কথ্যমানং ৎবয়া কিঞ্চিত্তন্মে ব্যাখ্যাতুমর্হসি॥ 13-2-2 (81256)
কেন মৃত্যুর্গৃহস্থেন ধর্মমাশ্রিত্য নির্জিতঃ।
ইত্যেতদ্ধর্মমাচক্ষ্ব তত্ৎবেনাপি চ পার্থিব॥ 13-2-3 (81257)
ভীষ্ম উবাচ। 13-2-4x (6748)
অত্রাপ্যুদাহরন্তীমমিতিহাসং পুরাতনম্।
যথা মৃত্যর্গৃহস্থেন ধর্মমাশ্রিত্য নির্জিতঃ॥ 13-2-4 (81258)
মনোঃ প্রজাপতে রাজন্নিক্ষ্বাকুরভবৎসুতঃ।
তস্য পুত্রশতং জজ্ঞে নৃপতেঃ সূর্যবর্চসঃ॥ 13-2-5 (81259)
দশমস্তস্য পুত্রস্তু দশাশ্বো নাম ভারত।
মাহিষ্মত্যামভূদ্রাজা ধর্মাত্মা সত্যবিক্রমঃ॥ 13-2-6 (81260)
দশাশ্বস্য সুতস্ৎবাসীদ্রাজা পরমধার্মিকঃ।
সত্যে তপসি দানে চ যস্য নিত্যং রতং মনঃ॥ 13-2-7 (81261)
মদিরাশ্ব ইতি খ্যাতঃ পৃথিব্যাং পৃথিবীপতিঃ।
ধনুর্বেদে চ বেদে চ নিরতো যোঽভবৎসদা॥ 13-2-8 (81262)
মদিরাশ্বস্য পুত্রস্তু দ্যুতিমান্নাম পার্থিবঃ।
মহাভাগো মহাতেজা মহাসৎবো মহাবলঃ॥ 13-2-9 (81263)
পুত্রো দ্যুতিমতস্ৎবাসীদ্রাজা পরমধার্মিকঃ।
সর্বলোকেষু বিখ্যাতঃ সুবীরো নাম নামতঃ।
ধর্মাত্মা কোশবাংশ্চাপি দেবরাজ ইবাপরঃ॥ 13-2-10 (81264)
সুবীরস্য তু পুত্রোঽভূৎসর্বসঙ্গ্রামদুর্জয়ঃ।
দুর্জয়ো নাম বিখ্যাতঃ সর্বশস্ত্রভৃতাংবর॥ 13-2-11 (81265)
দুর্জয়স্যেন্দ্রবপুষঃ পুত্রোঽগ্নিসদৃশদ্যুতিঃ।
দুর্যোধনো নাম মহান্রাজা রাজর্ষিসত্তমঃ॥ 13-2-12 (81266)
তস্যেন্দ্রসমবীর্যস্য সঙ্গ্রামেষ্বনিবর্তিনঃ।
বিষয়ে বাসবস্তস্য সম্যগেব প্রবর্ষতি॥ 13-2-13 (81267)
রত্নৈর্ধনৈশ্চ পশুভিঃ সস্যৈশ্চাপি পৃথগ্বিধৈঃ।
নগরং বিষয়শ্চাস্য প্রতিপূর্ণস্তদাঽভবৎ॥ 13-2-14 (81268)
ন তস্য বিষয়ে চাভূৎকৃপণো নাপি দুর্গতঃ।
ব্যাধিতো বা কৃশো বাঽপরি তস্মিন্নাভূন্নরঃ ক্বচিৎ॥ 13-2-15 (81269)
সুদক্ষিণো মধুরবাগনসূয়ুর্জিতেন্দ্রিয়ঃ।
ধর্মাত্মা চানৃশংসশ্চ বিক্রান্তোঽথাবিকত্থনঃ॥ 13-2-16 (81270)
যজ্বা চ দান্তো মেধাবী ব্রহ্মণ্যঃ সত্যসঙ্গরঃ।
ন চাবমন্তা দাতা চ বেদবেদাঙ্গপারগঃ॥ 13-2-17 (81271)
তং নর্মদা দেবনদী পুণ্যা শীতজলা শিবা।
চকমে পুরুষব্যাঘ্রং স্বেন ভাবেন ভারত॥ 13-2-18 (81272)
তস্যাং জজ্ঞে তদা নদ্যাং কন্যা রাজীবলোচনা।
নাম্না সুদর্শনা রাজন্রূপেণ চ সুদর্শনা॥ 13-2-19 (81273)
তাদৃগ্রূপা ন নারীষু ভূতপূর্বা যুধিষ্ঠির।
দুর্যোধনসুতা যাদৃগভবদ্বরবর্ণিনী॥ 13-2-20 (81274)
তামগ্নিশ্চকমে সাক্ষাদ্রাজকন্যাং সুদর্শনাম্।
স্বরূপং দীপ্তিমৎকৃৎবা শরদর্কসমদ্যুতি॥ 13-2-21 (81275)
সা চাগ্নিশরণে রাজ্ঞঃ শুশ্রূষাকৃতনিশ্চয়া।
নিয়ুক্তা পিতৃসন্দেশাদারিরাধয়িষুঃ শিখিম্॥ 13-2-22 (81276)
তস্যা মনোহরং রূপং দৃষ্ট্বা দেবো হুতাশনঃ।
মন্মথেন সমাদিষ্টঃ পত্নীৎবে যততে মিথঃ॥ 13-2-23 (81277)
ভজ মামনবদ্যাঙ্গি কামাৎকমললোচনে।
রম্ভোরু মৃগশাবাক্ষি পূর্ণচন্দ্রনিভাননে॥ 13-2-24 (81278)
তবেদং পদ্মপত্রাক্ষং মুখং দৃষ্ট্বা মনোহরম্।
ভ্রূলতাললিতং কান্তমনঙ্গো বাধতে হি মাম্॥ 13-2-25 (81279)
ললাটং চন্দ্ররেখাভং শিরোরুহবিভূষিতম্।
দৃষ্ট্বা তে পত্রলেখান্তমনঙ্গো বাধতে ভৃশম্॥ 13-2-26 (81280)
বালাতপেন তুলিতং সস্বেদপুলকোদ্গমম্।
বিম্বাধরোষ্ঠবদনং বিবুদ্ধমিব পঙ্কজম্।
অতীব চারুবিভ্রান্তং মদমাবহতে মম॥ 13-2-27 (81281)
দন্তপ্রকাশনিয়তা বাণী তব সুরক্ষিতা।
তাম্রপল্লবসংকাশা জিহ্বেয়ং মে মনোহরা॥ 13-2-28 (81282)
সমাঃ স্নিগ্ধাঃ সুজাতাশ্চ সহিতাশ্চ দ্বিজাস্তব।
দ্বিজপ্রিয়ে প্রসীদস্ব ভজ মাং সুভগা হ্যসি॥ 13-2-29 (81283)
মনোজ্ঞং সুকৃতাপাঙ্গং মুখং তব মনোহরম্।
স্তনৌ তে সংহতৌ ভীরু হারাভরণভূষিতৌ॥ 13-2-30 (81284)
পক্ববিল্বপ্রতীকাশৌ কর্কশৌ সঙ্গমক্ষমৌ।
গম্ভীরনাভিসুভগে ভজ মাং বরবর্ণিনি॥ 13-2-31 (81285)
ভীষ্ম উবাচ। 13-2-32x (6749)
সৈবমুক্তা বিরহিতে পাবকেন মহাত্মনা।
ঈষদাকম্পহৃদয়া ব্রীডিতা বাক্যমব্রবীৎ॥ 13-2-32 (81286)
নলু নাম কুলীনানাং কন্যকানাং বিশেষতঃ।
মাতা পিতা প্রভবতঃ প্রদানে বান্ধবাশ্চ যে॥ 13-2-33 (81287)
পাণিগ্রহণমন্ত্রৈশ্চ হুতে চৈব বিভাবসৌ।
সতাং মধ্যে নিবিষ্টায়াঃ কন্যায়াঃ শরণং পতিঃ 13-2-34 (81288)
সাঽহং নাত্মবশা দেব পিতরং বরয়স্ব মে। 13-2-35 (81289)
অথ নাতিচিরাদ্রাজা কালাদ্দুর্যোধনস্তদা।
যজ্ঞসম্ভারনিপুণান্মন্ত্রীনাহূয় চোক্তবান্।
যজ্ঞং যক্ষ্যেঽহমিতি বৈ সম্ভারান্সম্ভ্রিয়ন্তু মে॥ 13-2-36 (81290)
ততঃ সমাহিতে তস্য যজ্ঞে ব্রাহ্মণসত্তমৈঃ।
বিপ্ররূপী হুতবহো নৃপং কন্যাময়াচত॥ 13-2-37 (81291)
ন তু রাজা প্রদানায় তস্মৈ ভাবমকল্পয়ৎ।
দরিদ্রশ্চাসবর্ণশ্চ মমায়মিতি পার্থিবঃ।
ইতি তস্মৈ ন বৈ কন্যাং দিৎসাং চক্রে নরাধিপঃ॥ 13-2-38 (81292)
অথ দীক্ষামুপেতস্য যজ্ঞে তস্য মহাত্মনঃ।
আহিতো হবনার্থায় বেদ্যামগ্নিঃ প্রণশ্যত॥ 13-2-39 (81293)
ততঃ স ভীতো নৃপতির্ভৃশং প্রব্যথিতেন্দ্রিয়ঃ।
মন্ত্রিণো ব্রাহ্মণাংশ্চৈব পপ্রচ্ছ কিমিদং ভবেৎ।
যজ্ঞে সমিদ্ধো ভগবান্নষ্টো মে হব্যবাহনঃ॥ 13-2-40 (81294)
সম্মন্ত্রকুশলৈস্তৈস্তৈর্ব্রাহ্মণৈর্বেদপারগৈঃ।
ঋৎবিগ্ভির্মন্ত্রকুশলৈর্যজ্যতাং বা হুতাশনঃ॥ 13-2-41 (81295)
অথ ঋক্সাময়জুষাং ব্রাহ্মণৈর্বেদপারগৈঃ।
বেদতৎবার্থকুশলৈস্ততঃ সোমপুরস্করৈঃ॥ 13-2-42 (81296)
গুহ্যৈশ্চ নামভিঃ সর্বৈরাহূতো হব্যবাহনঃ।
স্বরূপং দীপ্তিমৎকৃৎবা শরদর্কসমদ্যুতিঃ॥ 13-2-43 (81297)
ততো মহাত্মা তানাহ দহনো ব্রাহ্মণর্ষভান্।
বরয়াম্যাত্মনোঽর্থায় দুর্যোধনসুতামিতি॥ 13-2-44 (81298)
ততস্তে কল্যমুত্থায় তস্মৈ রাজ্ঞে ন্যবেদয়ন্।
ব্রাহ্মণা বিস্মিতাঃ সর্বে যদুক্তং চিত্রভানুনা॥ 13-2-45 (81299)
ততঃ স রাজা তচ্ছ্রুৎবা বচনং ব্রহ্মবাদিনাম্।
অবাপ্য পরমং হর্ষং তথেতি প্রাহ বুদ্ধিমান্॥ 13-2-46 (81300)
অয়াচত চ তং শুল্কং ভগবন্তং বিভাবসুম্।
নিত্যং সান্নিধ্যমিহ তে চিত্রভানো ভবেদিতি॥ 13-2-47 (81301)
তমাহ ভগবানগ্নিরেবমস্ৎবিতি পার্থিবম্।
ততঃ সান্নিধ্যমদ্যাপি মাহিষ্মত্যাং বিভাবসোঃ॥
দৃষ্টং হি সহদেবেন দিশং বিজয়তা চ তৎ। 13-2-48 (81302)
ততস্তাং সমলঙ্কৃত্য কন্যামহতবাসসম্।
দদৌ দুর্যোধনো রাজা পাবকায় মহাত্মনে॥ 13-2-49 (81303)
প্রতিজগ্রাহ চাগ্নিস্তু রাজকন্যাং সুদর্শনাম্।
বিধিনা বেদদৃষ্টেন বসোর্ধারামিবাধ্বরে॥ 13-2-50 (81304)
তস্যা রূপেণ শীলেন কুলেন বপুষা শ্রিয়া।
অভবৎপ্রীতিমানগ্নির্গর্ভং চাস্যাং সমাদধে॥ 13-2-51 (81305)
তস্যাঃ সমভবৎপুত্রো নাম্নাঽগ্নেয়ঃ সুদর্শনঃ॥ 13-2-52 (81306)
সুদর্শনস্তু রূপেণ পূর্ণেন্দুসদৃশোপমঃ।
শিশুরেবাধ্যগাৎসর্বং পরং ব্রহ্ম সনাতনম্॥ 13-2-53 (81307)
অথৌঘবান্নাম নৃপো নৃগস্যাসীৎপিতামহঃ।
তস্যাপ্যোঘবতী কন্যা পুত্রশ্চৌঘরথোঽভবৎ॥ 13-2-54 (81308)
তামোঘবান্দদৌ তস্মৈ স্বয়মোঘবতীং সুতাম্।
সুদর্শনায় বিদুষে ভার্যার্থে দেবরূপিণীম্॥ 13-2-55 (81309)
স গৃহস্থাশ্রমরতস্তয়া সহ সুদর্শনঃ।
কুরুক্ষেত্রেঽবসদ্রাজন্নোঘবত্যা সমন্বিতঃ॥ 13-2-56 (81310)
গৃহস্থশ্চাবজেষ্যামি মৃত্যুমিত্যেব স প্রভো।
প্রতিজ্ঞামকরোদ্ধীমান্দীপ্ততেজা বিশাম্পতে॥ 13-2-57 (81311)
তামেবৌঘবতীং রাজন্স পাবকসুতোঽব্রবীৎ।
অতিথেঃ প্রতিকূলং তে ন কর্তব্যং কথঞ্চন॥ 13-2-58 (81312)
যেনয়েন চ তুষ্যেত নিত্যমেব ৎবয়াঽতিথিঃ।
অপ্যাত্মনঃ প্রদানেন ন তে কার্যা বিচারণা॥ 13-2-59 (81313)
এতদ্ব্রতং মম সদা হৃদি সম্পরিবর্ততে।
গৃহস্থানাং চ সুশ্রোণি নাতিথের্বিদ্যতে পরম্॥ 13-2-60 (81314)
প্রমাণং যদি বামোরু বচস্তে মম শোভনে।
ইদং বচনমব্যগ্রা হৃদি ৎবং ধারয়েঃ সদা॥ 13-2-61 (81315)
নিষ্ক্রান্তে ময়ি কল্যাণি তথা সন্নিহিতেঽনঘে।
নাতিথিস্তেঽবমন্তব্যঃ প্রমাণং যদ্যহং তব॥ 13-2-62 (81316)
তমব্রবীদোঘবতী তথা মূর্ধ্নি কৃতাঞ্জলিঃ।
ন মে ৎবদ্বচনাৎকিঞ্চিন্ন কর্তব্যং কথঞ্চন॥ 13-2-63 (81317)
জিগীষমাণস্তু গৃহে তদা মৃত্যুঃ সুদর্শনম্।
পৃষ্ঠতোঽন্বগমদ্রাজন্রন্ধ্রান্বেষী তদা সদা॥ 13-2-64 (81318)
ইধ্মার্থং তু গতে তস্মিন্নগ্রিপুত্রে সুদর্শনে।
অতিধির্ব্রাহ্মণঃ শ্রীমাংস্তামাহৌঘবতীং তদা॥ 13-2-65 (81319)
আতিথ্যং কৃতমিচ্ছামি ৎবয়াঽদ্য বরবর্ণিনি।
প্রমাণং যদি ধর্মস্তে গৃহস্থাশ্রমসম্মতঃ॥ 13-2-66 (81320)
ইত্যুক্তা তেন বিপ্রেণি রাজপুত্রী যশস্বিনী।
বিধিনা প্রতিজগ্রাহ বেদোক্তেন বিশাংপতে॥ 13-2-67 (81321)
আসনং চৈব পাদ্যং চ তস্মৈ দত্ৎবা দ্বিজাতয়ে।
প্রোবাচৌঘবতী বিপ্রং কেনার্থঃ কিং দদামি তে॥ 13-2-68 (81322)
তামব্রবীত্ততো বিপ্রো রাজপুত্রীং সুদর্শনাম্।
ৎবয়া মমার্থঃ কল্যাণি নির্বিশঙ্কৈতদাচর॥ 13-2-69 (81323)
যদি প্রমাণং ধর্মস্তে গৃহস্থাশ্রমসম্মতঃ।
প্রদানেনাত্মনো রাজ্ঞি কর্তুমর্হসি মে প্রিয়ম্॥ 13-2-70 (81324)
স তয়া ছন্দ্যমানোঽন্যৈরীপ্সিতৈর্নৃপকন্যযা।
নান্যমাত্মপ্রদানাৎস তস্যা বব্রে পরং দ্বিজঃ॥ 13-2-71 (81325)
সা তু রাজসুতা স্মৃৎবা ভর্তুর্বচনমাদিতঃ।
তথেতি লজ্জমানা সা তমুবাচ দ্বিজর্ষভম্॥ 13-2-72 (81326)
ততো বিহস্য বিপ্রর্ষিঃ সা চৈবোপবিবেশ হ।
সংস্মৃত্য ভর্তুর্বচনং গৃহস্থাশ্রমকাঙ্ক্ষিণঃ॥ 13-2-73 (81327)
অথেধ্মান্সমুপাদায় স পাবকিরুপাগমৎ।
মৃত্যুনা রৌদ্রভাবেন নিত্যং বন্ধুরিবান্বিতঃ॥ 13-2-74 (81328)
ততস্ৎবাশ্রমমাগম্য স পাবকসুতস্তদা।
তাং ব্যাজহারৌঘবতীং ক্বাসি যাতেতি চাসকৃৎ॥ 13-2-75 (81329)
তস্মৈ প্রতিবচঃ সা তু ভর্ত্রে ন প্রদদৌ তদা।
করাভ্যাং তেন বিপ্রেণ স্পৃষ্টা ভর্তৃব্রতা সতী॥ 13-2-76 (81330)
উচ্ছিষ্টাঽস্মীতি মন্বানা লজ্জিতা ভর্তুরেব চ।
তূষ্ণীংভূতাঽভবৎসাধ্বী বিপ্রকোপাচ্চ শঙ্কিতা॥ 13-2-77 (81331)
অথ তাং কিন্বিতি পুনঃ প্রোবাচ স সুদর্শনঃ।
ক্ব সা সাধ্বী ক্ব সায়াতা গরীয় কিমতো মম॥ 13-2-78 (81332)
পতিব্রতা সত্যশীলা নিত্যং চৈবার্জবে রতা।
কথং ন প্রত্যুদেত্যদ্য স্ময়মানা যথাপুরম্॥ 13-2-79 (81333)
উটজস্থস্তু তং বিপ্রঃ প্রত্যুবাচ সুদর্শনম্।
অতিথিং বিদ্ধি সম্প্রাপ্তং ব্রাহ্মণং পাবকে চ মাম্॥ 13-2-80 (81334)
অনয়া ছন্দ্যমানোঽহং ভার্যযা তব সত্তম।
তৈস্তৈরতিথিসৎকারৈর্ব্রহ্মন্নেষা বৃতা ময়া॥ 13-2-81 (81335)
আত্মপ্রদানবিধিনা মামর্চতি শুভাননা।
অনূরূপং যদত্রান্যত্তদ্ভবান্কর্তুমর্হতি॥ 13-2-82 (81336)
কূটমুদ্গরহস্তস্তু মৃত্যুস্তং বৈ সমন্বগাৎ।
হীনপ্রতিজ্ঞমত্রৈবং বধিষ্যামীতি চিন্তয়ন্॥ 13-2-83 (81337)
সুদর্শনস্তু মনসা কর্মণা চক্ষুষা গিরা।
ত্যক্তের্ষ্যস্ত্যক্তমন্যুশ্চ স্ময়মানোঽব্রবীদিদম্॥ 13-2-84 (81338)
সুরতং তেঽস্তু বিপ্রাগ্র্য প্রীতির্হি পরমা মম।
গৃহস্থস্য হি ধর্মোঽগ্র্যঃ সম্প্রাপ্তাতিথিপূজনম্॥ 13-2-85 (81339)
অতিথিঃ পূজিতো যস্য গৃহস্থস্য তু গচ্ছতি।
নান্যস্তস্মাৎপরো ধর্ম ইতি প্রাহুর্মনীষিণঃ॥ 13-2-86 (81340)
প্রাণাশ্চ মম দারাশ্চ যচ্চান্যদ্বিদ্যতে বসু।
অতিথিভ্যো ময়া দেয়মিতি মে ব্রতমাহিতম্॥ 13-2-87 (81341)
নিঃসন্দিগ্ধং যথা বাক্যমেতন্মে সমুদাহৃতম্।
তেনাহং বিপ্র সত্যেন স্বয়মাত্মানমালভে॥ 13-2-88 (81342)
পৃথিবী বায়ুরাকাশমাপো জ্যোতিশ্চ পঞ্চমম্।
বুদ্ধিরাত্মা মনঃ কালো দিশশ্চৈব গুণা দশ॥ 13-2-89 (81343)
নিত্যমেব হি পশ্যন্তি দেহিনাং দেহসংশ্রিতাঃ।
সুকৃতং দুষ্কৃতং চাপি কর্ম কর্মবতাংবর॥ 13-2-90 (81344)
যথৈষা নানৃতা বাণী ময়াঽদ্য সমুদীরিতা।
তেন সত্যেন মাং দেবাঃ পালয়ন্তু দহন্তু বা॥ 13-2-91 (81345)
ততো নাদঃ সমভবদ্দিক্ষু সর্বাসু ভারত।
অসকৃৎসত্যমিত্যেবং নৈতন্মিথ্যেতি সর্বতঃ॥ 13-2-92 (81346)
উটজাত্তু ততস্তস্মান্নিশ্চক্রাম স বৈ দ্বিজঃ।
বপুষা দ্যাং চ ভূমিং চ ব্যাপ্য বায়ুরিবোদ্যতঃ॥ 13-2-93 (81347)
স্বরেণ বিপ্রঃ শৈক্ষেণ ত্রীংল্লোকাননুনাদয়ন্।
উবাচ চৈনং ধর্মজ্ঞং পূর্বমামন্ত্র্য নামতঃ॥ 13-2-94 (81348)
ধর্মোঽহমস্মি ভদ্রং তে জিজ্ঞাসার্থং তবানঘ।
প্রাপ্তঃ সত্যং চ তে জ্ঞাৎবা প্রীতির্মে পরমা ৎবয়ি॥ 13-2-95 (81349)
বিজিতশ্চ ৎবয়া মৃত্যুর্যোঽয়ং ৎবামনুগচ্ছতি।
রন্ধ্রান্বেষী তব সদা ৎবয়া ধৃত্যা বশীকৃতঃ॥ 13-2-96 (81350)
ন চাস্তি শক্তিস্ত্রৈলোক্যে কস্য চিৎপুরুষোত্তম।
পতিব্রতামিমাং সাধ্বীং তবোদ্বীক্ষিতুমপ্যুত॥ 13-2-97 (81351)
রক্ষিতা ৎবদ্গুণৈরেষা পাতিব্রত্যগুণৈস্তথা।
অধৃষ্যা যদিয়ং ব্রূয়াত্তথা তন্নান্যথা ভবেৎ॥ 13-2-98 (81352)
এষা হি তপসা স্বেন সংয়ুক্তা ব্রহ্মবাদিনী।
পাবনার্থং চ লোকস্য সরিচ্ছ্রেষ্ঠা ভবিষ্যতি॥ 13-2-99 (81353)
অর্ধেনৌঘবতী নাম ৎবামর্ধেনানুয়াস্যতি।
শরীরেণ মহাভাগা যোগো হ্যস্যা বশে স্থিতঃ।
অনয়া সহ লোকাংশ্চ গন্তাঽসি তপসার্জিতান্॥ 13-2-100 (81354)
যত্র নাবৃত্তিমভ্যেতি শাশ্বতাংস্তাননুত্তমান্।
অনেন চৈব দেহেন লোকাংস্ৎবমভিপৎস্যসে॥ 13-2-101 (81355)
নির্জিতশ্চ ৎবয়া মৃত্যুরৈশ্বর্যং চ তবোত্তমম্।
পঞ্চভূতান্যতিক্রান্তঃ স্ববীর্যাচ্চ মনোজবঃ। 13-2-102 (81356)
গৃহস্থধর্মেণানেন কামক্রোধৌ চ তে জিতৌ॥
স্নেহো রাগশ্চ তন্দ্রী চ মোহো দ্রোহশ্চ কেবলঃ।
তব শুশ্রূষয়া রাজন্রাজপুত্র্যা চ নির্জিতাঃ॥ 13-2-103 (81357)
ভীষ্ম উবাচ। 13-2-104x (6750)
শুক্লানাং তু সহস্রেণ বাজিনাং রথমুত্তমম্।
যুক্তং প্রগৃহ্য ভগবান্বাসবোপ্যাজগাম তম্॥ 13-2-104 (81358)
মৃত্যুরাত্মা চ লোকাশ্চ জিতা ভূতানি পঞ্চ চ।
বুদ্ধিঃ কালো মদো মোহঃ কামক্রোধৌ তথৈব চ 13-2-105 (81359)
তস্মাদ্গৃহাশ্রমস্থস্য নান্যদ্দৈবতমস্তি বৈ।
ঋতেঽতিথিং নরব্যাঘ্র মনসৈতদ্বিচারয়॥ 13-2-106 (81360)
অতিথিঃ পূজিতো যদ্ধি ধ্যায়তে মনসা শুভম্।
ন তৎক্রতুশতেনাপি তুল্যমাহুর্মনীপিণ॥ 13-2-107 (81361)
সুদত্তং সুকৃতং বাঽপি কম্পয়েদপ্যনর্চিতঃ॥ 13-2-108 (81362)
পাত্রং ৎবতিথিমাসাদ্য শীলাঢ্যং যো ন পূজয়েৎ।
স দত্ৎবা তুষ্কৃতং তস্মৈ পুণ্যমাদায় গচ্ছতি॥ 13-2-109 (81363)
এতত্তে কথিতং পুত্র ময়াঽঽখ্যানমনুত্তমম্।
যথা হি বিজিতো মৃত্যুর্গৃহস্থেন পুরাঽভবৎ॥ 13-2-110 (81364)
ধন্যং যশস্যমায়ুষ্যমিদমাখ্যানমুত্তমম্।
বুভূষতাঽভিমন্তব্যং সর্বদুশ্চরিতাপহম্॥ 13-2-111 (81365)
ইদং যঃ কথয়েদ্বিদ্বানহন্যহনি ভারত।
সুদর্শনস্য চরিতং পুণ্যাঁল্লোকানবাপ্নুয়াৎ॥ ॥ 13-2-112 (81366)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিতীয়োঽধ্যায়ঃ॥ 2 ॥
Mahabharata - Anushaasana Parva - Chapter Footnotes
7-2-15 দুর্গতো দরিদ্রঃ॥ 7-2-21 চকমে কাময়ামাস॥ 7-2-38 অসবর্ণঃ অক্ষত্রিয়ঃ। দিৎসাং দাতুমিচ্ছাম্॥ 7-2-39 প্রণশ্যত নাদৃশ্যত॥ 7-2-43 দর্শয়ামাসেতি শেষঃ। 7-2-45 কল্যং প্রাতঃ॥ 7-2-49 অহতং নবং বাসো যস্যাস্তাম্॥ 7-2-50 বসোর্ধারাং সন্ততাং ঘৃতধারাম্॥ 7-2-53 দৃশাভ্যাং দৃগ্ভ্যাং সহিতং সদৃশং বক্রং তস্মিন্ পূর্ণেন্দোরুপমা সাদৃশ্যং যস্য পূর্ণেন্দুসদৃশোপমঃ॥ 7-2-57 গৃহস্থশ্চ গৃহস্থ এব॥ 7-2-59 আত্মনঃ শরীরস্য॥ 7-2-62 প্রমাণং হিতজ্ঞাপকম্॥ 7-2-63 কিঞ্চিন্ন কর্তব্যমিতি ন অপিতু কর্তব্যমেব॥ 7-2-64 পৃষ্ঠতস্তস্যাপ্রত্যক্ষং গৃহেঽন্বগমৎ॥ 7-2-65 ব্রাহ্মণস্তদ্রূপী মৃত্যুঃ॥ 7-2-69 এতদ্রতপ্রদানম্॥ 7-2-70 রাজ্ঞি রাজকন্যে॥ 7-2-71 ছন্দ্যমানঃ প্রলোভ্যমানঃ॥ 7-2-77 বিপ্রকারাচ্চ শঙ্কিতেতি থ. পাঠ॥ 7-2-82 অনুরূপং স্ত্রীদূষণানুগুণং দণ্ডম্॥ 7-2-83 কূটমুদ্গরো লোহদণ্ডঃ। হীনপ্রতিজ্ঞং ত্যক্তাতিথিব্রতম্॥ 7-2-89 গুণাঃ ইন্দ্রিয়াণি তদভিমানিন্যো দেবতা ইত্যর্থঃ॥ 7-2-94 শৈক্ষেণ উদাত্তাদিধর্মবতা॥ 7-2-100 অর্ধেন ওঘবতী নাম নদী ভবিষ্যতীতি শেষঃ। যোগো হীতি যোগসিদ্ধেয়মতঃ শরীরদ্বয়ং করিষ্যতীত্যর্থঃ॥ 7-2-103 রাজন্নিতি ঋষিরাজৎবাৎ রাজজামানৃৎবাদ্বা সংবোধনম্॥ 7-2-105 বুদ্ধিরিত্যাদাবপি জিতেত্যাদ্যনুষঙ্গঃ॥ 7-2-111 বুভূষতা মিচ্ছতা॥অনুশাসনপর্ব - অধ্যায় 003
॥ শ্রীঃ ॥
13.3. অধ্যায়ঃ 003
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ব্রাহ্মণ্যস্য ক্ষত্রিয়াদিদৌর্লভ্যে দৃষ্টান্ততয়া মতঙ্গোপাখ্যানকথনারম্ভঃ॥ 1 ॥ তত্রেন্দ্রমতঙ্গসংবাদানুবাদারম্ভঃ॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
প্রজ্ঞাশ্রুতাভ্যাং বৃত্তেন শীলেন চ যথা ভবান্।
গুণৈশ্চ বিবিধৈঃ সর্বৈর্বয়সা চ সমন্বিতঃ॥ 13-3-1 (81367)
ভবান্বিশিষ্টো বুদ্ধ্যা চ প্রজ্ঞয়া তপসা তথা।
`সর্বেষামেব জাতানাং সতামেতন্ন সংশয়ঃ॥' 13-3-2 (81368)
তস্মাদ্ভবন্তং পৃচ্ছামি ধর্মং ধর্মভৃতাংবর।
নান্যস্ৎবদন্যো লোকেষু প্রষ্টব্যোস্তি নরাধিপ॥ 13-3-3 (81369)
ক্ষত্রিয়ো যদি বা বৈশ্যঃ শূদ্রো বা রাজসত্তম।
ব্রাহ্মণ্যং প্রাপ্নুয়াদ্যেন তন্মে ব্যাখ্যাতুমর্হসি॥ 13-3-4 (81370)
`ব্রাহ্মণ্যং যদি দুষ্প্রাপং ত্রিভির্বর্ণৈর্নরাধিপ।'
তপসা বা সুমহতা কর্মণা বা শ্রুতেন বা।
ব্রাহ্মণ্যমথ চেদিচ্ছেৎকথং শক্যং পিতামহ॥ 13-3-5 (81371)
ভীষ্ম উবাচ। 13-3-6x (6751)
ব্রাহ্মণ্যমতিদুষ্প্রাপ্যং বর্ণৈঃ ক্ষত্রাদিভিস্ত্রিভিঃ।
পরং হি সর্বভূতানাং স্থানমেতদ্যুধিষ্ঠির॥ 13-3-6 (81372)
বহ্বিস্তু সংসরন্যোনীর্জায়মানঃ পুনঃপনঃ।
পর্যায়ে তাত কস্মিংশ্চিদ্ব্রাহ্মণো নাম জায়তে॥ 13-3-7 (81373)
অত্রাপ্যুদাহরন্তীমমিতিহাসং পুরাতনম্।
মতঙ্গস্য চ সংবাদং গর্দভ্যাশ্চ যুধিষ্ঠির॥ 13-3-8 (81374)
দ্বিজাতেঃ কস্যচিত্তাত তুল্যবর্ণঃ সুতস্ৎবভূৎ।
মতঙ্গো নাম নাম্নাঽঽসীৎসর্বৈঃ সমুদিতো গুণৈঃ॥ 13-3-9 (81375)
স যজ্ঞকারঃ কৌন্তেয় পিত্রোৎসৃষ্টঃ পরংতপ।
প্রায়াদ্গর্দভয়ুক্তেন রথেনাপ্যাশুগামিনা॥ 13-3-10 (81376)
স বালং গর্দভং রাজন্বহন্তং মাতুরন্তিকে।
নিরবিধ্যৎপ্রতোদেন নাসিকায়াং পুনঃপুনঃ॥ 13-3-11 (81377)
তং দৃশ্য নসি নির্ভিন্নং গর্দভী পুত্রগৃদ্ধিনী।
উবাচ মা শুচঃ পুত্র চণ্ডালস্ৎবাভিবিধ্যতি॥ 13-3-12 (81378)
ব্রাহ্মণো দারুণো নাস্তি মৈত্রো ব্রাহ্মণ উচ্যতে।
আচার্যঃ সর্বভূতানাং শাস্তা কিং প্রহরিষ্যতি॥ 13-3-13 (81379)
অয়ং তু পাপপ্রকৃতির্বালে ন কুরুতে দয়াম্।
স্বয়োনিং মানয়ত্যেষ ভাবো ভাবং নিয়চ্ছতি॥ 13-3-14 (81380)
এতচ্ছ্রুৎবা মতঙ্গস্তু দারুণং রাসভীবচঃ।
অবতীর্য রথাত্তূর্ণং রাসভীং প্রত্যভাষত॥ 13-3-15 (81381)
ব্রূহি রাসভি কল্যাণি মাতা মে যেন দূষিতা।
কেন মাং বেৎসি চণ্ডালং ব্রাহ্মণ্যং কেন মেঽনশৎ।
তত্ৎবেনৈতন্মহাপ্রাজ্ঞে ব্রূহি সর্বমশেষতঃ॥ 13-3-16 (81382)
গর্দভ্যুবাচ। 13-3-17x (6752)
ব্রাহ্মণ্যাং বৃষলেন ৎবং মত্তায়াং নাপিতেন হ।
জাতস্ৎবমসি চণ্ডালো ব্রাহ্মণ্যং তেন তেঽনশৎ॥ 13-3-17 (81383)
এবমুক্তো মতঙ্গস্তু প্রতিপ্রায়াদ্গৃহং পুনঃ।
তমাগতমভিপ্রেক্ষ্য পিতা বাক্যমথাব্রবীৎ॥ 13-3-18 (81384)
যস্ৎবং যজ্ঞার্থসংসিদ্ধৌ নিয়ুক্তো গুরুকর্মণি।
কস্মাৎপ্রতিনিবৃত্তোসি কচ্চিন্ন কুশলং তব॥ 13-3-19 (81385)
মতঙ্গ উবাচ। 13-3-20x (6753)
অন্ত্যযোনিরয়োনির্বা কথং স কুশলী ভবেৎ।
কুশলং তু কুতস্তস্য যস্যেয়ং জননী পিতঃ॥ 13-3-20 (81386)
ব্রাহ্মণ্যাং বৃষলাঞ্জাতং পিতর্বেদয়তে হি মাম্।
অমানুষী গর্দভীয়ং তস্মাত্তপ্স্যে তপো মহৎ॥ 13-3-21 (81387)
এবমুক্ৎবা স পিতরং প্রতস্থে কৃতনিশ্চয়ঃ।
ততো গৎবা মহারণ্যমতপৎসুমহত্তপঃ॥ 13-3-22 (81388)
ততঃ স তাপয়ামাস বিবুধাংস্তপসাঽন্বিতঃ।
মতঙ্গঃ সুসুখং প্রেপ্সুঃ স্থানং সুচরিতাদপি॥ 13-3-23 (81389)
তং তথা তপসা যুক্তমুবাচ হরিবাহনঃ।
মতঙ্গ তপ্স্যসে কিং ৎবং ভোগানুৎসৃজ্য মানুষান্॥ 13-3-24 (81390)
বরং দদামি তে হন্ত বৃণীষ্ব ৎবং যদিচ্ছসি।
যচ্চাপ্যবাপ্যং হৃদি তে সর্বং তদ্ব্রূহি মা চিরম্॥ 13-3-25 (81391)
মতঙ্গ উবাচ। 13-3-26x (6754)
ব্রাহ্মণ্যং কাময়ানোঽহমিদমারব্ধবাংস্তপঃ।
গচ্ছেয়ং তদবাপ্যেহ বর এষ বৃতো ময়া॥ 13-3-26 (81392)
ভীষ্ম উবাচ। 13-3-27x (6755)
এতচ্ছ্রুৎবা তু বচনং তমুবাচ পুরদরঃ।
মতঙ্গ দুর্লভমিদং বিপ্রৎবং প্রার্থ্যতে ৎবয়া॥ 13-3-27 (81393)
ব্রাহ্মণ্যং প্রার্থয়ানস্ৎবমপ্রাপ্যমকৃতাত্মভিঃ।
বিনশিষ্যসি দুর্বুদ্ধে তদুপারম মা চিরম্॥ 13-3-28 (81394)
শ্রেষ্ঠং যৎসর্বভূতেষু তপো যদতিবর্ততে।
তদগ্র্যং প্রার্থয়ানস্ৎবমচিরাদ্বিনশিষ্যসি॥ 13-3-29 (81395)
দেবতাসুরমর্ত্যেষু যৎপবিত্রং পরং স্মৃতম্।
চণ্ডালয়োনৌ জাতেন ন তৎপ্রাপ্যং কথঞ্চন॥ ॥ 13-3-30 (81396)
ইতি শ্রীমন্মহাভারতে অনুশাসনপর্বণি দানধর্মপর্বণি তৃতীয়োঽধ্যায়ঃ॥ 3 ॥
Mahabharata - Anushaasana Parva - Chapter Footnotes
7-3-1 বৃত্তমাচারঃ। শীলং বিনয়ঃ॥ 7-3-4 ব্রাহ্মণ্যং চেদিচ্ছেত্তর্হি কেন প্রাপ্তুয়াত্তদিতি অনুষজ্য ব্যাখ্যেয়ম্॥ 7-3-7 পর্যায়ে আবৃত্তৌ জন্মনাম্॥ 7-3-9 তুল্যবর্ণঃ অন্যবর্ণজোঽপি জাতকর্মাদিসংস্কারয়োগাত্তুল্যবর্ণৎবং গতঃ। নাম প্রসিদ্ধম্॥ 7-3-10 যজ্ঞকারঃ যজ্ঞং কারয়ন্ আর্ৎবিজ্যং কুর্বন্নিত্যর্থঃ। প্রায়াৎ অগ্নিচয়নার্থমিষ্টকা আনেতুমিত্যর্থাদ্গম্যতে॥ 7-3-11 বালং অশিক্ষিতম্॥ 7-3-14 বালে ৎবয়ি। ভাবঃ জাতিস্বভাবঃ। ভাবং বুদ্ধিং নিয়চ্ছতি মার্গান্তরাদপকর্ষতি। ভাবং ভাবোঽধিগচ্ছতীতি থ.ধ.পাঠঃ॥ 7-3-15 করুণং রাসভীবচ ইতি ধ.পাঠঃ॥ 7-3-19 সংসিদ্ধৌ সংসিদ্ধ্যর্থম্॥ 7-3-20 অন্ত্যযোনিশ্চণ্ডালজাতিঃ। অয়োনিস্তদন্যঃ কুৎসিতয়োনিঃ। তয়োর্হীনকর্মতয়া কুশলিৎবং নাস্তীত্যর্থঃ॥ 7-3-23 সুচরিতাত্তপসশ্চ হেতোঃ স্থানং ব্রাহ্মণ্যং সুখেন প্রেপ্সুর্বিবুধাংস্তাপয়ামাসেতি সম্বন্ধঃ॥ 7-3-24 হরিবাহন ইন্দ্রঃ॥অনুশাসনপর্ব - অধ্যায় 004
॥ শ্রীঃ ॥
13.4. অধ্যায়ঃ 004
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মতঙ্গেন ব্রাহ্মণ্যপ্রাপ্তয়ে বর্ষশতং তপশ্চরণম্॥ 1 ॥ তম্প্রতীন্দ্রেণ প্রাণিনাং কথংচিন্মানুষৎবলাভেপি নানানীচয়োনিষু পরিভ্রমণপূর্বকং ক্রমেণ ত্রৈবর্ণিকৎবমাত্রপ্রাপ্তিকথনেন ব্রাহ্মণ্যস্য দুর্লভৎবোক্তিঃ॥ 2 ॥Mahabharata - Anushaasana Parva - Chapter Text
ভীষ্ম উবাচ।
এবমুক্তো মতঙ্গস্তু সংশিতাত্মা যতব্রতঃ।
অতিষ্ঠদেকপাদেন বর্ষাণাং শতমচ্যুতঃ॥ 13-4-1 (81397)
তমুবাচ ততঃ শক্রঃ পুনরেব মহায়শাঃ।
ব্রাহ্মণ্যং দুর্লভং তাত প্রার্থয়ানো ন লপ্স্যসে॥ 13-4-2 (81398)
মতঙ্গ পরমং স্থানং প্রার্থয়ন্বিনশিষ্যসি।
মা কৃথাঃ সাহসং পুত্র নৈষ ধর্মপথস্তব॥ 13-4-3 (81399)
`বিমার্গতো মার্গমাণঃ সর্বথা নভবিষ্যসি'।
ন হি শক্যং ৎবয়া প্রাপ্তুং ব্রাহ্মণ্যমিহ দুর্মতে।
অপ্রাপ্যং প্রার্থয়ানো হি নচিরাদ্বিনশিষ্যসি॥ 13-4-4 (81400)
মতঙ্গ পরমং স্থানং বার্যমাণোঽসকৃন্ময়া।
চিকীর্ষস্যেব তপসা সর্বথা নভবিষ্যসি॥ 13-4-5 (81401)
তির্যগ্যোনিগতঃ সর্বো মানুষ্যং যদি গচ্ছতি।
স জায়তে পুল্কসো বা চণ্ডালো বাঽপ্যসংশয়ঃ॥ 13-4-6 (81402)
পুল্কসঃ পাপয়োনির্বা যঃ কশ্চিদিহ লক্ষ্যতে।
স তস্যামেব সুচিরং মতঙ্গ পরিবর্ততে॥ 13-4-7 (81403)
ততো দশশতে কালে লভতে শূদ্রতামপি।
শূদ্রয়োনাবপি ততো বহুশঃ পরিবর্ততে॥ 13-4-8 (81404)
ততস্ত্রিংশদ্গণে কালে লভতে বৈশ্যতামপি।
বৈশ্যতায়াং চিরং কালং তত্রৈব পরিবর্ততে।
ততঃ ষষ্টিগুণে কালে রাজন্যো নাম জায়তে॥ 13-4-9 (81405)
ততঃ ষষ্টিগুণে কালে লভতে ব্রহ্মবন্ধুতাম্।
ব্রহ্মবন্ধুশ্চিরং কালং ততস্তু পরিবর্ততে॥ 13-4-10 (81406)
ততস্তু দ্বিশতে কালে লভতে কাণ্ডপৃষ্ঠতাম্।
কাণ্ডপৃষ্ঠশ্চিরং কালং তত্রৈব পরিবর্ততে॥ 13-4-11 (81407)
ততস্তু ত্রিশতে কালে লভতে জপতামপি।
তং চ প্রাপ্য চিরং কালং তত্রৈব পরিবর্ততে॥ 13-4-12 (81408)
ততশ্চতুঃশতে কালে শ্রোত্রিয়ো নাম জায়তে।
শ্রোত্রিয়ৎবে চিরং কালং তত্রৈব পরিবর্ততে॥ 13-4-13 (81409)
তদেবং শোকহর্ষৌ তু কামদ্বেষৌ চ পুত্রক।
অতিমানাতিবাদৌ চ প্রবিশেতে দ্বিজাধমম্॥ 13-4-14 (81410)
তাংশ্চেজ্জয়তি শত্রূন্স তদা প্রাপ্নোতি সদ্গতিম্।
অথ তে বৈ জয়ন্ত্যেনং তালং পক্বমিবাপতেৎ॥ 13-4-15 (81411)
মতঙ্গ সম্প্রধার্যৈবং যদহং ৎবামচূচুদম্।
বৃণীষ্ব কামমন্যং ৎবং ব্রাহ্মণ্যং হি সুদুর্লভম্॥ ॥ 13-4-16 (81412)
ইতি শ্রীমন্মহাভারতে অনুশাসনপর্বণি দানধর্মপর্বণি চতুর্থোঽধ্যায়ঃ॥ 4 ॥।
Mahabharata - Anushaasana Parva - Chapter Footnotes
7-4-11 কাণ্ডপৃষ্ঠতাং শস্ত্রজীবিৎবম্॥ 7-4-12 জপতাং গায়ত্রীমাত্রসেবিনাং কুলে জন্মেতি শেষঃ॥ 7-4-13 শ্রোত্রিয়ঃ অধীতবেদঃ॥ 7-4-14 তৎ তদা শ্রোত্রিয়ৎবলাভেঽপি॥ 7-4-15 তে শোকাদয়ঃ। এনং শ্রোত্রিয়ম্॥অনুশাসনপর্ব - অধ্যায় 005
॥ শ্রীঃ ॥
13.5. অধ্যায়ঃ 005
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ইন্দ্রেণ পুনর্ব্রাহ্মণ্যপ্রাপ্তয়ে তপস্যতে মতঙ্গায় ব্রাহ্মণ্যস্য দুষ্প্রাপৎবকথনপূর্বকমিতরাভীষ্টবরদানম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
এবমুক্তো মতঙ্গস্তু সংশিতাত্মা যতব্রতঃ।
সহস্রমেকপাদেন ততো ধ্যানে ব্যতিষ্ঠত॥ 13-5-1 (81413)
তং সহস্রাবরে কালে শক্রো দ্রষ্টুমুপাগমৎ।
তদেব চ পুনর্বাক্যমুবাচ বলবৃত্রহা॥ 13-5-2 (81414)
মতঙ্গ উবাচ। 13-5-3x (6756)
ইদং বর্ষসহস্রং বৈ ব্রহ্মচারী সমাহিতঃ।
অতিষ্ঠমেকপাদেন ব্রাহ্মণ্যং নাপ্নুয়াং কথম্॥ 13-5-3 (81415)
শক্র উবাচ। 13-5-4x (6757)
চণ্ডালয়োনো জাতেন নাবাপ্যং বৈ কথঞ্চন।
অন্যং কামং বৃণীষ্ব ৎবং মা বৃথা তেঽস্ৎবয়ং শ্রমঃ॥ 13-5-4 (81416)
এবমুক্তো মতঙ্গস্তু ভৃশং শোকপরায়ণঃ।
অধ্যতিষ্ঠদ্গয়াং গৎবা সোঽঙ্গুষ্টেন শতং সমাঃ॥ 13-5-5 (81417)
সুদুর্বহং বহন্যোগং কৃশো ধমনিসন্ততঃ।
ৎবগস্থিভূতো ধর্মাত্মা স ততাপেতি নঃ শ্রুতম্॥ 13-5-6 (81418)
তং তপন্তমভিদ্রুত্য পাণিং জগ্রাহ বাসবঃ।
বরাণামীশ্বরো দাতা সর্বভূতহিতে রতঃ॥ 13-5-7 (81419)
শক্র উবাচ। 13-5-8x (6758)
মতঙ্গ ব্রাহ্মণৎবং তে বিরুদ্ধমিহ দৃশ্যতে।
ব্রাহ্মণ্যং দুর্লভতরং সংবৃতং পরিপন্থিভিঃ॥ 13-5-8 (81420)
পূজয়ন্সুখমাপ্নোতি দুঃখমাপ্নোত্যপূজয়ন্।
ব্রাহ্মণে সর্বভূতানাং যোগক্ষেমঃ সমাহিতঃ॥ 13-5-9 (81421)
ব্রাহ্মণেভ্যোঽনুতৃপ্যন্তে পিতরো দেবতাস্তথা।
ব্রাহ্মণঃ সর্বভূতানাং মতঙ্গ পর উচ্যতে॥ 13-5-10 (81422)
ব্রাহ্মণঃ কুরুতে তদ্ধি যথা যদ্যচ্চ বাঞ্ছতি॥ 13-5-11 (81423)
বহ্বীস্তু সংসরন্যোনীর্জায়মানঃ পনুঃপুনঃ।
পর্যায়ে তাত কস্মিংশ্চিদ্ব্রাহ্মণ্যমিহ বিন্দতি॥ 13-5-12 (81424)
তদুৎসৃজ্যেহ দুষ্প্রাপং ব্রাহ্মণ্যমকৃতাত্মভিঃ।
অন্যং বরং বৃণীষ্ব ৎবং দুর্লভোঽয়ং হি তে বরঃ॥ 13-5-13 (81425)
কিং মাং তুদসি দুঃখার্তং মৃতং মারয়সে চ মাম্।
ৎবাং তু শোচামি যো লব্ধ্বা ব্রাহ্মণ্যং ন বুভূষসে॥ 13-5-14 (81426)
ব্রাহ্মণ্যং যদি দুষ্প্রাপং ত্রিভির্বর্ণৈর্দুরাসদম্।
সুদুর্লভং সদাবাপ্য নানুতিষ্ঠন্তি মানবাঃ॥ 13-5-15 (81427)
যে পাপেভ্যঃ পাপতমাস্তেষামধম এব সঃ।
ব্রাহ্মণ্যং যোঽবজানীতে ধনং লব্ধ্বেব দুর্লভম্॥ 13-5-16 (81428)
দুষ্প্রাপং খলু বিপ্রৎবং প্রাপ্তং দুরনুপালনম্।
দুরবাপমবাপ্যৈতন্নানুতিষ্ঠন্তি মানবাঃ॥ 13-5-17 (81429)
একারামো হ্যহং শক্র নির্ন্দ্বদ্বো নিষ্পরিগ্রহঃ।
অহিংসাদমমাস্থায় কথং নার্হামি বিপ্রতাম্॥ 13-5-18 (81430)
দৈবং তু কথমেতদ্বৈ যদহং মাতৃদোষতঃ।
এতামবস্থাং সম্প্রাপ্তো ধর্মজ্ঞঃ সন্পুরন্দরং॥ 13-5-19 (81431)
নূনং দৈবং ন শক্যং হি পৌরুষেণাতিবর্তিতুম্।
যদর্থং যত্নবানেব ন লভে বিপ্রতাং বিভো॥ 13-5-20 (81432)
এবংগতে তু ধর্মজ্ঞ দাতুমর্হসি মে বরম্।
যদি তেঽহমনুগ্রাহ্যঃ কিচিদ্বা সুকৃতং মম॥ 13-5-21 (81433)
বৈশম্পায়ন উবাচ। 13-5-22x (6759)
বৃণীষ্বেতি তদা প্রাহ ততস্তং বলবৃত্রহা।
চোদিতস্তু মহেন্দ্রেণ মতঙ্গঃ প্রাব্রবীদিদম্॥ 13-5-22 (81434)
যথা কামবিহারী স্যাং কামরূপী বিহঙ্গমঃ।
ব্রহ্মক্ষত্রাবিরোধেন পূজাং চ প্রাপ্নুয়ামহম্॥ 13-5-23 (81435)
যথা মমাক্ষয়া কীর্তির্ভবেচ্চাপি পুরন্দর।
কর্তুমর্হসি তদ্দেব শিরসা ৎবাং প্রসাদয়ে॥ 13-5-24 (81436)
শক্র উবাচ। 13-5-25x (6760)
মতঙ্গ গম্যতাং শীঘ্রমেবমেতদ্ভবিষ্যতি।
স্ত্রিয়ঃ সর্বাস্ৎবয়া লোকে যক্ষ্যন্তে ভূতিকর্মণি॥ 13-5-25 (81437)
ছন্দোদেব ইতি খ্যাতঃ স্ত্রীণাং পূজ্যো ভবিষ্যসি।
কীর্তিশ্চ তেঽতুলা বৎস ত্রিষু লোকেষু যাস্যতি॥ 13-5-26 (81438)
এবং তস্মৈ বরং দত্ৎবা বাসবোঽন্তরধীয়ত।
প্রাণাংস্ত্যক্ৎবা মতঙ্গোপি প্রাপ তৎস্থানমুত্তমম্॥ 13-5-27 (81439)
এবমেব পরং স্থানং মর্ত্যানাং ভরতর্ষভ।
ব্রাহ্মণ্যং নাম দুষ্প্রাপমিন্দ্রেণোক্তং মহাত্মনা॥ ॥ 13-5-28 (81440)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চমোধ্যায়ঃ॥ 5 ॥
Mahabharata - Anushaasana Parva - Chapter Footnotes
7-5-1 সহস্রং বৎসরাম্॥ 7-5-7 অভিদ্রুত্য গৎবা॥ 7-5-8 পরিপন্থিভিঃ কামাদ্যৈশ্চোরৈঃ সংবৃতমতো দুঃসংরক্ষ্যমপীত্যর্থঃ॥ 7-5-9 অপূজয়ন্ ব্রাহ্মণ্যমিতি শেষঃ॥ 7-5-10 ব্রাহ্মণেভ্যস্তদ্দ্বারা দেবাদয়স্তৃপ্যন্তীত্যর্থঃ॥ 7-5-11 যদ্যদ্বাঞ্ছতি তত্তৎকুরুতে॥ 7-5-15 নানুতিষ্ঠন্তি তদুচিতান্ শমদমাদীন্ন সেবন্তেঽতঃ প্রাপ্তমপি দুঃসংরক্ষ্যমিতি ভাবঃ॥ 7-5-16 অবজানীতে অবজ্ঞাং করোতি। ন রক্ষতীতি যাবৎ॥ 7-5-19 দৈবং প্রাক্কর্ম। যৎ যতঃ এতাং অব্রাহ্মণৎবরূপাম্॥অনুশাসনপর্ব - অধ্যায় 006
॥ শ্রীঃ ॥
13.6. অধ্যায়ঃ 006
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরেণ ভীষ্মংপ্রত সবিস্তরং বিশ্বামিত্রচরিত্রানুবাদপূর্বকং তস্য ব্রাহ্মণ্যপ্রাপ্তিহেতুপ্রশ্নঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
ব্রাহ্মণ্যং যদি দুষ্প্রাপ্যং ত্রিভির্বর্ণৈর্নরাধিপ।
কথং প্রাপ্তং মহারাজ ক্ষত্রিয়েণ মহাত্মনা॥ 13-6-1 (81441)
বিশ্বামিত্রেণ ধর্মাত্মন্ব্রাহ্মণৎবং নরর্ষভ।
শ্রোতুমিচ্ছামি তত্ৎবেন তন্মে ব্রূহি পিতামহ॥ 13-6-2 (81442)
তেন হ্যমিতবীর্যেণ বসিষ্ঠস্য মহাত্মনঃ।
হতং পুত্রশতং সদ্যস্তপসাঽপি পিতামহ॥ 13-6-3 (81443)
যাতুধানাশ্চ বহবো রাক্ষসাস্তিগ্মতেজসঃ।
মন্যুনাঽঽবিষ্টদেহেন সৃষ্টাঃ কালান্তকোপমাঃ॥ 13-6-4 (81444)
মহান্কুশিকবংশশ্চ ব্রহ্মর্ষিশতসংকুলঃ।
স্থাপিতো নরলোকেঽস্মিন্বিদ্বদ্ব্রাহ্মণসংকুলঃ॥ 13-6-5 (81445)
ঋতীকস্যাত্মজশ্চৈব শুনঃশেপো মহাতপাঃ।
বিমোক্ষিতো মহাসত্রাৎপশুতামপ্যুপাগতঃ॥ 13-6-6 (81446)
হরিশ্চন্দ্রক্রতৌ দেবাংস্তোষয়িৎবাঽঽত্মতেজসা।
পুত্রতামনুসংপ্রাপ্তো বিশ্বামিত্রস্য ধীমতঃ॥ 13-6-7 (81447)
নাভিবাদয়তে জ্যেষ্ঠং দেবরাতং নরাধিপ।
পুত্রাঃ পঞ্চশতং চাপি শপ্তাঃ শ্বপচতাং গতাঃ॥ 13-6-8 (81448)
ত্রিশঙ্কুর্বন্ধুভির্মুক্ত ঐক্ষ্বাকঃ প্রীতিপূর্বকম্।
অবাক্শিরাদিবং নীতো দক্ষিণামাশ্রিতোদিশম্॥ 13-6-9 (81449)
বিশ্বামিত্রস্য ভগিনী নদী দেবর্ষিসেবিতা।
কৌশিকীতি কৃতা পুণ্যা ব্রহ্মর্ষিসুরসেবিতা॥ 13-6-10 (81450)
তপোবিঘ্নকরী চৈব পঞ্চচূডা সুসংমতা।
রম্ভা নামাপ্সরাঃ শাপাদ্যস্য শৈলৎবমাগতা॥ 13-6-11 (81451)
তথৈবাস্য ভয়াদ্বদ্ধ্বা বসিষ্ঠঃ সলিলে পুরা।
আত্মানং মঞ্জয়ঞ্শ্রীমান্বিপাশঃ পুনরুত্থিতঃ॥ 13-6-12 (81452)
তদাপ্রভৃতি পুণ্যা হি বিপাশাঽভূন্মহানদী।
বিখ্যাতা কর্মণা তেন বসিষ্ঠস্য মহাত্মনঃ॥ 13-6-13 (81453)
বশ্যশ্চ ভগবান্যেন দেবসেনাগ্রগঃ প্রভুঃ।
স্তুতঃ প্রীতমনাশ্চাসীচ্ছাপাচ্চৈনমমুঞ্চত॥ 13-6-14 (81454)
ধ্রুবস্যৌত্তানপাদস্য ব্রহ্মর্ষীণাং তথৈব চ।
মধ্যে জ্বলতি যো নিত্যমুদীচীমাশ্রিতো দিশম্॥ 13-6-15 (81455)
তস্যৈতানি চ কর্মাণি তথাঽন্যানি চ কৌরব।
ক্ষত্রিয়স্যেত্যতো জাতমিদং কৌহতূলং মম॥ 13-6-16 (81456)
কিমেতদিতি তত্ৎবেন প্রব্রূহি ভরতর্ষভ।
দেহান্তরমনাসাদ্য কথং স ব্রাহ্মণোঽভবৎ॥ 13-6-17 (81457)
এতত্তৎবেন মে তাত সর্বমাখ্যাতুমর্হসি।
মতঙ্গস্য যথাতত্ৎবং তথৈবৈতদ্বদস্ব মে॥ 13-6-18 (81458)
স্থানে মতঙ্গো ব্রাহ্মণ্যং নালভদ্ভরতর্ষভ।
চণ্ডালয়োনৌজাতো হি কথং ব্রাহ্মণ্যমাপ্তবান্॥ ॥ 13-6-19 (81459)
ইতি শ্রীমন্মহাভারতে অনুশাসনপর্বণি দানদর্মপর্বণি ষষ্ঠোঽধ্যায়ঃ॥ 6 ॥
Mahabharata - Anushaasana Parva - Chapter Footnotes
7-6-1 শুনঃশেষো দেবাংস্তোষয়িৎবা তৈর্মোক্ষিতঃ সন্পুত্রতাং বিশ্বামিত্রস্যানুসম্প্রাপ্ত ইত্যুত্তরেণ সম্বন্ধঃ॥ 7-6-8 নাভিবাদয়তে ন নমস্কুর্বন্তি। অনুস্বারলোষ আর্ষঃ। দেবরাতং দেবৈর্বিশ্বামিত্রায় দত্তং তেন চ জ্যেষ্ঠং কৃতং সন্তম্। শপ্তা যেনেতি শেষঃ॥ 7-6-9 বন্ধুভির্মুক্তঃ। বসিষ্ঠশাপেন চণ্ডালতাং গতৎবাৎ। দিবং যেন নীতঃ॥ 7-6-11 পঞ্চ চূডাঃ বলয়ভেদা যস্যাঃ সা॥ 7-6-14 ত্রিশঙ্কুং যাজয়ন্বিশ্বামিত্রো বসিষ্টপুত্রৈঃ শপ্তঃ শ্বপচস্য যাজকস্ৎবং শ্বপচো ভবিষ্যসীতি। তং শাপমৃতং কর্তুং বিশ্বামিত্রঃ কস্যাংচিদাপদি শ্বজাঘনীং চৌর্যেণার্জয়িৎবা পক্তুমারেভে। তামিন্দ্রঃ শ্যেনরূপেণ হৃতবান্। তাবতৈবায়ং শাপান্মুক্তো ববর্ষ চেন্দ্র ইতি। দেবসেনানামগ্রগঃ শ্রেষ্ঠ ইন্দ্রঃ॥ 7-6-15 জ্বলতি তারারূপেণ॥অনুশাসনপর্ব - অধ্যায় 007
॥ শ্রীঃ ॥
13.7. অধ্যায়ঃ 007
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি বিশ্বামিত্রস্যোৎপত্তিপ্রকারকথনেনৈব ব্রাহ্মণ্যপ্রাপ্তিপ্রকারকধনম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
শ্রূয়তাং পার্থ তত্ৎবেন বিশ্বামিত্রো যথা পুরা।
ব্রাহ্মণৎবং গতস্তাৎ ব্রহ্মর্ষিৎবং তথৈব চ॥ 13-7-1 (81460)
ভরতস্যান্ববায়ে বৈ মিথিলো নাম পার্থিবঃ।
বভূব ভরতশ্রেষ্ঠ যজ্বা ধর্মভৃতাংবরঃ॥ 13-7-2 (81461)
তস্য পুত্রো মহানাসীঞ্জহ্নুর্নাম নরেশ্বরঃ।
দুহিতৃৎবমনুপ্রাপ্তা গঙ্গা যস্য মহাত্মনঃ॥ 13-7-3 (81462)
তস্যাত্মজস্তুল্যগুণঃ সিন্ধুদ্বীপো মহায়শাঃ।
সিন্ধুদ্বীপাচ্চ রাজর্ষির্বলাকাশ্বো মহাবলঃ॥ 13-7-4 (81463)
বল্লভস্তস্য তনয়ঃ সাক্ষাদ্ধর্ম ইবাপরঃ।
কুশিকস্তস্য তনয়ঃ সহস্রাক্ষসমদ্যুতিঃ॥ 13-7-5 (81464)
কুশিকস্যাত্মজঃ শ্রীমান্গাধির্নাম জনেশ্বরঃ।
অপুত্রঃ প্রসবেনার্থী বনবাসমুপাবসৎ॥ 13-7-6 (81465)
কন্যা জজ্ঞে সুতাত্তস্য বনে নিবসতঃ সতঃ।
নাম্না সত্যবতী নাম রূপেণাপ্রতিমা ভুবি॥ 13-7-7 (81466)
তাং বব্রে ভার্গবঃ শ্রীমাংশ্চ্যবনস্যাত্মসম্ভবঃ।
ঋচীক ইতি বিখ্যাতো বিপুলে তপসি স্থিতঃ॥ 13-7-8 (81467)
স তাং ন প্রদদৌ তস্মৈ ঋচীকায় মহাত্মনে।
দরিদ্র ইতি মৎবা বৈ গাধিঃ শত্রুনিবর্হণঃ॥ 13-7-9 (81468)
প্রত্যাখ্যায় পুনর্যান্তমব্রবীদ্রাজসত্তপ্রঃ।
শুল্কং প্রদীয়তাং মহ্যং ততো বৎস্যসি মে সুতাম্॥ 13-7-10 (81469)
ঋচীক উবাচ। 13-7-11x (6761)
কিং প্রয়চ্ছামি রাজেন্দ্র তুভ্যং শুল্কমহং নৃপ।
দুহিতুর্ব্রূহ্যসংসক্তো মাঽভূত্তত্র বিচারণা॥ 13-7-11 (81470)
গাধিরুবাচ। 13-7-12x (6762)
চন্দ্ররশ্মিপ্রকাশানাং হয়ানাং বাতরহসাম্।
একতঃ শ্যামকর্ণানাং সহস্রং দাহ ভার্গব॥ 13-7-12 (81471)
ভীষ্ম উবাচ। 13-7-13x (6763)
ততঃ স ভৃগুশার্দূলশ্চ্যবনস্যাত্মজঃ প্রভুঃ।
অব্রবীদ্বরুণং দেবমাদিত্যং পতিমম্ভসাম্॥ 13-7-13 (81472)
একতঃ শ্যামকর্ণানাং হয়ানাং চন্দ্রবর্চসাম্।
সহস্রং বাতবেগানাং ভিক্ষে ৎবাং দেবসত্তম॥ 13-7-14 (81473)
তথেতি বরুণো দেব আদিত্যো ভৃগুসত্তমম্।
উবাচ যত্র তে চ্ছন্দস্তত্রোত্থাস্যন্তি বাজিনঃ॥ 13-7-15 (81474)
ধ্যাতমাত্রে ঋচীকেন হয়ানাং চন্দ্রবর্চসাম্।
গঙ্গাজলাৎসমুত্তস্থৌ সহস্রং বিপুলৌজসাম্॥ 13-7-16 (81475)
অদূরে কান্যকুব্জস্য গঙ্গায়াস্তীরমুত্তমম্।
অশ্বতীর্থং তদদ্যাপি মানবাঃ পরিচক্ষতে॥ 13-7-17 (81476)
ততো বৈ গাধয়ে তাত সহস্রং বাজিনাং শুভম্।
ঋচীকঃ প্রদদৌ প্রীতঃ শুল্কার্থং তপতাং বরঃ॥ 13-7-18 (81477)
ততঃ স বিস্মিতো রাজা গাধিঃ শাপভয়েন চ।
দদৌ তাং সমলঙ্কৃত্য কন্যাং ভৃগুসুতায় বৈ॥ 13-7-19 (81478)
জগ্রাহ বিধিবৎপাণিং তস্যা ব্রহ্মর্ষিসত্তমঃ।
সা চ তং পতিমাসাদ্য পরং হর্ষমবাপ হ॥ 13-7-20 (81479)
স তুতোষ চ ব্রহ্মর্ষিস্তস্যা বৃত্তেন ভারত।
ছন্দয়ামাস চৈবৈনাং বরেণ বরবর্ণিনীম্॥ 13-7-21 (81480)
মাত্রে তৎসর্বমাচখ্যৌ সা কন্যা রাজসত্তম।
অথতামব্রবীন্মাতা সুতাং কিঞ্চিদবাঙ্মুখীম্॥ 13-7-22 (81481)
মমাপি পুত্রি ভর্তা তে প্রসাদং কর্তুমর্হতি।
অপত্যস্য প্রদানেন সমর্থশ্চ মহাতপাঃ॥ 13-7-23 (81482)
ততঃ সা ৎবরিতং গৎবা তৎসর্বং প্রত্যবেদয়ৎ।
মাতুশ্চিকীর্ষিতং রাজন্ঋচীকস্তামথাব্রবীৎ॥ 13-7-24 (81483)
গুণবন্তং চ পুত্রং বৈ ৎবং চ সাঽথ জনিষ্যথ।
জনন্যাস্তব কল্যাণি মা ভূদ্বৈ প্রণয়োঽন্যথা॥ 13-7-25 (81484)
তব চৈব গুণশ্লাঘী পুত্র উৎপৎস্যতে মহান্।
অস্মদ্বংশকরঃ শ্রীমাংস্তব ভ্রাতা চ বংশকৃৎ॥ 13-7-26 (81485)
ঋতুস্নাতা চ সাঽশ্বত্থং ৎবং চ বৃক্ষমুদুম্বরম্।
পরিষ্বজেতং কল্যাণি তত ইষ্টমবাপ্স্যথঃ॥ 13-7-27 (81486)
চরুদ্বয়মিদং চৈব মন্ত্রপূতং শুচিস্মিতে।
ৎবং চ সা চোপভুঞ্জীতং ততঃ পুত্রাববাপ্স্যথঃ॥ 13-7-28 (81487)
ততঃ সত্যবতী হৃষ্টা মাতরং প্রত্যভাষত।
যদৃচীকেন কথিতং তচ্চাচখ্যৌ চরুদ্বয়ম্॥ 13-7-29 (81488)
তামুবাচ ততো মাতা সুতাং সত্যবতীং তদা।
পুত্রি পূর্বোপপন্নায়াঃ কুরুষ্ব বচনং মম॥ 13-7-30 (81489)
ভর্ত্রা য এষ দত্তস্তে চরুর্মন্ত্রপুরস্কৃতঃ।
এনং প্রয়চ্ছ মহ্যং ৎবং মদীয়ং ৎবং গৃহাণ চ॥ 13-7-31 (81490)
ব্যত্যাসং বৃক্ষয়োশ্চাপি করবাব শুচিস্মিতে।
যদি প্রমাণং বচনং মম মাতুরনিন্দিতে॥ 13-7-32 (81491)
স্বমপত্যং বিশিষ্টং হি সর্ব ইচ্ছত্যনাবিলম্।
ব্যক্তং ভগবতা চাত্র কৃতমেবং ভবিষ্যতি॥ 13-7-33 (81492)
ততো মে ৎবচ্চরৌ ভাবঃ পাদপে চ সমুধ্যমে।
কথং বিশিষ্টো ভ্রাতা মে ভবেদিত্যেব চিন্তয় 13-7-34 (81493)
তথাচ কৃতবত্যৌ তে মাতা সত্যবতী চ সা।
অথ গর্ভাবনুপ্রাপ্তে উভে তে বৈ যুধিষ্ঠির॥ 13-7-35 (81494)
দৃষ্ট্বা গর্ভমনুপ্রাপ্তাং ভার্যাং স চ মহানৃষিঃ।
উবাচ তাং সত্যবতীং দুর্মনা ভৃগুসত্তমঃ॥ 13-7-36 (81495)
ব্যত্যাসেনোপয়ুক্তস্তে চরুর্ব্যক্তং ভবিষ্যতি।
ব্যত্যাসঃ পাদপে চাপি সুব্যক্তং তে কৃতঃ শুভে॥ 13-7-37 (81496)
ময়া হি বিশ্বং যদ্ব্রাহ্ম ৎবচ্চরৌ সন্নিবেশিতম্।
ক্ষত্রবীর্যং চ সকলং চরৌ তস্যা নিবেশিতম্॥ 13-7-38 (81497)
ত্রৈলোক্যবিখ্যাতগুণং ৎবং বিপ্রং জনয়িষ্যসি।
সা চ ক্ষত্রং বিশিষ্টং বৈ তত এতৎকৃতং ময়া॥ 13-7-39 (81498)
ব্যত্যাসস্তু কৃতো যস্মাত্ৎবয়া মাত্রা চ তে শুভে।
তস্মাৎসা ব্রাহ্মণং শ্রেষ্ঠং মাতা তে জনয়িষ্যতি॥ 13-7-40 (81499)
ক্ষত্রিয়ং তূগ্রকর্মাণং ৎবং ভদ্রে জনয়িষ্যসি।
ন হি তে তৎকৃতং সাধু মাতৃস্নেহেন ভামিনি॥ 13-7-41 (81500)
সা শ্রুৎবা শোকসংতপ্তা পপাত বরবর্ণিনী।
ভূমৌ সত্যবতী রাজংশ্ছিন্নেব রুচিরা লতা॥ 13-7-42 (81501)
প্রতিলভ্য চ সা সঞ্জ্ঞাং শিরসা প্রণিপত্য চ।
উবাচ ভার্যা ভর্তারং গাধেয়ী ভার্গবর্ষভম্॥ 13-7-43 (81502)
প্রসাদয়ন্ত্যাং ভার্যায়াং ময়ি ব্রহ্মবিদাংবর।
প্রসাদং কুরু বিপ্রর্ষে ন মে স্যাত্ত্রত্রিয়ঃ সুতঃ॥ 13-7-44 (81503)
কামং মমোগ্রকর্মা বৈ পৌত্রো ভবিতুমর্হতি।
ন তু মে স্যাৎসুতো ব্রহ্মন্নেষ মে দীয়তাং বরঃ॥ 13-7-45 (81504)
এবমস্ৎবিতি হোবাচ স্বাং ভার্যাং সুমহাতপাঃ।
ততঃ সা জনয়ামাস জমদগ্নিং সুতং শুভম্॥ 13-7-46 (81505)
বিশ্বামিত্রং চাজনয়দ্গাধিভার্যা যশস্বিনী।
ঋষেঃ প্রসাদাদ্রাজেন্দ্র ব্রহ্মর্ষি ব্রহ্মবাদিনম্॥ 13-7-47 (81506)
ততো ব্রাহ্মণতাং যাতো বিশ্বামিত্রো মহাতপাঃ।
ক্ষত্রিয়ঃ সোঽপ্যথ তথা ব্রহ্মবংশস্য কারকঃ॥ 13-7-48 (81507)
তস্য পুত্রা মহাত্মানো ব্রহ্মবংশবিবর্ধনাঃ।
তপস্বিনো ব্রহ্মবিদো গোত্রকর্তার এব চ॥ 13-7-49 (81508)
মধুচ্ছন্দশ্চ ভগবান্দেবরাতশ্চ বীর্যবান্।
অক্ষীণশ্চ শকুন্তশ্চ বভ্রুঃ কালপথস্তথা॥ 13-7-50 (81509)
যাজ্ঞবল্ক্যশ্চ বিখ্যাতস্তথা স্থূণো মহাব্রতঃ।
উলূকো যমদূতশ্চ তথর্ষিঃ সৈন্ধবায়নঃ॥ 13-7-51 (81510)
পর্ণজঙ্ঘশ্চ ভগবান্গাবলশ্চ মহানৃষিঃ।
ঋষির্বজ্রস্তথা খ্যাতঃ সালঙ্কায়ন এব চ॥ 13-7-52 (81511)
লীলাঢ্যো নারদশ্চৈব তথা কূর্চামুখঃ স্মৃতঃ।
বাদুলির্মুসলশ্চৈব বক্ষোগ্রীবস্তথৈব চ। 13-7-53 (81512)
আঙ্ঘ্রিকো নৈকদৃক্চৈব শিলায়ূপঃ সিতঃ শুচিঃ।
চক্রকো মারুতন্তব্যো বাতঘ্নোঽথাশ্বলায়নঃ॥ 13-7-54 (81513)
শ্যামায়নোঽথ গার্গ্যশ্চ জাবালিঃ সুশ্রুতস্তথা।
কারীষিরথ সংশ্রুত্যঃ পরপৌরবতন্তবঃ॥ 13-7-55 (81514)
মহানৃষিশ্চ কপিলস্তথর্ষিস্তাডকায়নঃ।
তথৈব চোপগহনস্তথর্ষিশ্চাসুরায়ণঃ॥ 13-7-56 (81515)
মার্দমর্ষির্হিরণ্যাক্ষো জঙ্গারির্বাভ্রবায়ণিঃ।
ভূতির্বিভূতিঃ সূতশ্চ সুরকৃত্তু তথৈব চ॥ 13-7-57 (81516)
অরালির্নাচিকশ্চৈব চাম্পেয়োজ্জয়নৌ তথা।
নবতন্তুর্বকনখঃ সেয়নো যতিরেব চ॥ 13-7-58 (81517)
অম্ভোরুদশ্চারুমৎস্যঃ শিরীষী চাথ গার্দভিঃ।
ঊর্জয়োনিরুদাপেক্ষী নারদী চ মহানৃষিঃ।
বিশ্বামিত্রাত্মজাঃ সর্বে মুনয়ো ব্রহ্মবাদিনঃ॥ 13-7-59 (81518)
তথৈব ক্ষত্রিয়ো রাজন্বিশ্বামিত্রো মহাতপাঃ।
ঋচীকেনাহিতং ব্রহ্ম পরমেতদ্যুধিষ্ঠির॥ 13-7-60 (81519)
এতত্তে সর্বমাখ্যাতং তৎবেন ভরতর্ষভ।
বিশ্বামিত্রস্য বৈ জন্ম সোমসূর্যাগ্নিতেজসঃ॥ 13-7-61 (81520)
যত্রয়ত্র চ সন্দেহো ভূয়স্তে রাজসত্তম।
তত্রতত্র চ মাং ব্রূহি চ্ছেত্তাঽস্মি তব সংশয়ান্॥ ॥ 13-7-62 (81521)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তমোঽধ্যায়ঃ॥ 7 ॥
Mahabharata - Anushaasana Parva - Chapter Footnotes
7-7-1 ব্রাহ্মণেষ্বপি ঋষিৎবং মন্ত্রদ্রষ্টৃৎবং গোত্রপ্রবর্তকৎবং বা॥ 7-7-2 ভরতস্যান্বয়ে চৈবাজমীঢ ইতি ঝ.পাঠঃ॥ 7-7-5 পিপ্পলস্তস্য তনয় ইতি য, পাঠঃ। পল্লবস্তস্যেতি ট. পাঠঃ॥ 7-7-6 প্রসবেন সোমাভিষবনিমিত্তেন। অর্থী পুত্রার্থী॥ 7-7-7 সুতাৎ সোমা ভিষবোপলক্ষিকতাদ্যজ্ঞাৎ॥ 7-7-8 ভার্গবো ভৃগোর্গোত্রাপত্যম্॥ 7-7-10 বৎস্যসি উদ্বাহেন প্রাপ্স্যসি॥ 7-7-11 অসংসক্তো নিঃসংশয়ঃ॥ 7-7-13 আদিত্যমদিতেঃ পুত্রম্॥ 7-7-15 বরেণ পুত্রং তে দাস্যামীত্যনুগ্রহেণ॥ 7-7-30 পূর্বোপপন্নায়া ভর্তুঃ সম্বন্ধাৎপূর্বমুপপন্নায়াঃ গুরুৎবেন প্রাপ্তায়াস্তব ভর্ত্রপেক্ষয়াহং গরীয়সীত্যর্থঃ। পুত্রি পূর্বপ্রপন্নায়া ইতি ট.ধ পাঠঃ॥ 7-7-44 ক্ষত্রিয়ঃ ক্ষত্রিয়বদুগ্রক্রমা॥ 7-7-53 ঊর্ঘ্বলির্মুসলশ্চেতি ট.ধ.পাঠ॥অনুশাসনপর্ব - অধ্যায় 008
॥ শ্রীঃ ॥
13.8. অধ্যায়ঃ 008
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণি যুধিষ্ঠিরংপ্রতি বীতহব্যস্য ব্রাহ্মণ্যপ্রাপ্তিপ্রকারকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
শ্রুতং মে মহদাখ্যানমেতৎকুরুকুলোদ্বহ।
সুদুষ্প্রাপং যদ্ব্রবীষি ব্রাহ্মণ্যং বদতাংবর॥ 13-8-1 (81522)
বিশ্বামিইত্রো মহারাজ রাজা ব্রাহ্মণতাং গতঃ।
কথিতং ভবতা সর্বং বিস্তরেণ পিতামহ॥ 13-8-2 (81523)
তচ্চ রাজন্ময়া সর্বং শ্রুতং বুদ্ধিমতাংবর।
আগমো হি পরোঽস্মাকং ৎবত্তঃ কৌরবনন্দন॥ 13-8-3 (81524)
বীতহব্যশ্চ নৃপতিঃ শ্রুতো মে বিপ্রতাং গতঃ।
তদেব তাবদ্গাঙ্গেয় শ্রোতুমিচ্ছাম্যহং বিভো॥ 13-8-4 (81525)
স কেন কর্মণা প্রাপ্তো ব্রাহ্মণ্যং রাজসত্তমঃ।
বরেণ তপসা বাঽপি তন্মে ব্যাখ্যাতুমর্হসি॥ 13-8-5 (81526)
ভীষ্ম উবাচ। 13-8-6x (6764)
শৃণু রাজন্যথা রাজা বীতহব্যো মহায়শাঃ।
রাজর্ষির্দুর্লভং প্রাপ্তো ব্রাহ্মণ্যং লোকসৎকৃতম্॥ 13-8-6 (81527)
মনোর্মহাত্মনস্তাত প্রজা ধর্মেণ শাসতঃ।
বভূব পুত্রো ধর্মাত্মা শর্যাতিরিতি বিশ্রুতঃ॥ 13-8-7 (81528)
তস্যান্ববায়ে দ্বৌ রাজন্রাজানৌ সম্বভূবতুঃ।
হৈহয়স্তালজঙ্ঘশ্চ বৎসেষু জয়তাংবর॥ 13-8-8 (81529)
হৈহয়স্য তু রাজেন্দ্র দশসু স্ত্রীষু ভারত।
শতং বভূব পুত্রাণাং শূরাণামনিবর্তিনাম্।
তুল্যরূপপ্রভাবানাং বলিনাং যুদ্ধশালিনাম্॥ 13-8-9 (81530)
ধনুর্বেদে চ বেদে চ সর্বত্রৈব কৃতশ্রমাঃ॥ 13-8-10 (81531)
কাশিষ্বপি নৃপো রাজন্দিবোদাসপিতামহঃ।
হর্যশ্ব ইতি বিখ্যাতো বভূব জয়তাংবরঃ॥ 13-8-11 (81532)
স বীতহব্যদায়াদৈরাগত্য পুরুষর্ষভ।
গঙ্গায়মুনয়োর্মধ্যে সঙ্গ্রামে বিনিপাতিতঃ॥ 13-8-12 (81533)
তং তু হৎবা নরপতিং হৈহয়াস্তে মহারথাঃ।
প্রতিজগ্মুঃ পুরীং রম্যাং বৎসানামকুতোভয়াঃ॥ 13-8-13 (81534)
হর্যশ্বস্য চ দায়াদঃ কাশিরাজোঽভ্যষিচ্যত।
সুদেবো দেবসংকাশঃ সাক্ষাদ্ধর্ম ইবাপরঃ॥ 13-8-14 (81535)
স পালয়ামাস মহীং ধর্মাত্মা কাশিনন্দনঃ।
তৈর্বীতহব্যৈরাগত্য যুধি সর্বৈর্বিনির্জিতঃ॥ 13-8-15 (81536)
তমথাজৌ বিনির্জিত্য প্রতিজগ্মুর্যথাগতম্।
সৌদেবিস্ৎবথ কাশীশোদিবোদাসোঽভ্যষিচ্যত॥ 13-8-16 (81537)
দিবোদাসস্তু বিজ্ঞায় বীর্য তেষাং যতাত্মনাম্।
বারাণসীং মহাতেজা নির্মমে শক্রশাসনাৎ॥ 13-8-17 (81538)
বিপ্রক্ষত্রিয়সম্বাধাং বৈশ্যশূদ্রসমাকুলাম্।
নৈকদ্রব্যোচ্চয়বতীং সমৃদ্ধবিপণাপণাম্॥ 13-8-18 (81539)
গঙ্গায়া উত্তরে কূলে বপ্রান্তে রাজসত্তম্॥
গোমত্যা দক্ষিণে কূলে শক্রস্যেবামরাবতীম্। 13-8-19 (81540)
তত্র তং রাজশার্দূলং নিবসন্তং মহীপতিম্।
আগত্য হৈহয়া ভূয়ঃ পর্যধাবন্ত ভারত॥ 13-8-20 (81541)
স নিষ্ক্রম্য দদৌ যুদ্ধং তেভ্যো রাজা মহাবলঃ।
দেবাসুরসমং ঘোরং দিবোদাসো মহাদ্যুতিঃ॥ 13-8-21 (81542)
স তু যুদ্ধে মহারাজ দিনানাং দশতীর্দশ।
হতবাহনভূয়িষ্ঠস্ততো দৈন্যমুপাগমৎ॥ 13-8-22 (81543)
হতয়োধস্ততো রাজন্ক্ষীণকোশশ্চক ভূমিপঃ।
দিবোদাসঃ পুরীং ত্যক্ৎবা পলায়নপরোঽভবৎ॥ 13-8-23 (81544)
গৎবাঽঽশ্রমপদং রম্যং ভরদ্বাজস্য ধীমতঃ।
জগাম শরণং রাজা কৃতাঞ্জলিররিংদম্॥ 13-8-24 (81545)
তমুবাচ ভরদ্বাজো জ্যেষ্ঠঃ পুত্রো বৃহস্পতেঃ।
পুরোধাঃ শীলসম্পন্নো দিবোদাসং মহীপতিম্॥ 13-8-25 (81546)
কিমাগমনকৃত্যং তে সর্বং প্রবূহি মে নৃপ।
যত্তে প্রিয়ং তৎকরিষ্যে ন মেঽত্রাস্তি বিচারণা॥ 13-8-26 (81547)
রাজোবাচ। 13-8-27x (6765)
ভগবন্বৈতহব্যৈর্মে যুদ্ধে বংশঃ প্রণাশিতঃ।
অহমেকঃ পরিদ্যূনো ভবন্তং শরণং গতঃ॥ 13-8-27 (81548)
শিষ্যস্নেহেন ভগবংস্ৎবং মাং রক্ষিতুমর্হসি।
একশেষঃ কৃতো বংশো মম তৈঃ পাপকর্মভিঃ॥ 13-8-28 (81549)
তমুবাচ মহাভাগো ভরদ্বাজঃ প্রতাপবান্।
ন ভেতব্যং ন ভেতব্যং সৌদেব ব্যেতু তে ভয়ম্॥ 13-8-29 (81550)
অহমিষ্টিং করিষ্যামি পুত্রার্থং তে বিশাম্পতে।
বীতহব্যসহস্রাণি যেন ৎবং প্রহরিষ্যসি॥ 13-8-30 (81551)
তত ইষ্টিং চকারর্ষিস্তস্য বৈ পুত্রকামিকীম্।
অথাস্য তনয়ো জজ্ঞে দৈবোদাসঃ প্রতর্দনঃ॥ 13-8-31 (81552)
স জাতমাত্রো ববৃধে সমাঃ সদ্যস্ত্রয়োদশ।
বেদং চাপি জগৌ কৃৎস্নং ধনুর্বেদং চ ভারত॥ 13-8-32 (81553)
যোগেন চ *****বিষ্টো ভরদ্বাজেন ধীমতা।
কৃৎস্নং হি তেজো যল্লোকে তদেতদ্দেহমাবিশৎ॥ 13-8-33 (81554)
ততঃ স কবচী ধন্বী স্তূয়মানঃ সুরর্ষিভিঃ।
বন্দিভির্বন্দ্যমানশ্চ বভৌ সূর্য ইবোদিতঃ॥ 13-8-34 (81555)
স রথী বদ্ধনিস্ত্রিংশো বভৌ দীপ্ত ইবানলঃ।
প্রয়যৌ স ধনুর্ধুন্বন্বিবর্ষিষুরিবাম্বুদঃ॥ 13-8-35 (81556)
তং দৃষ্ট্বা পরমং হর্ষং সুদেবতনয়ো যয়ৌ।
মেনে চ মনসা দগ্ধান্বৈতহব্যান্স পার্থিবঃ॥ 13-8-36 (81557)
ততোসৌ যৌবরাজ্যে চ স্থাপয়িৎবা প্রতর্দনম্।
কৃতকৃত্যং তদাঽঽত্মানং স রাজা প্রত্যপদ্যত॥ 13-8-37 (81558)
ততস্তু বৈতহব্যানাং বধায় স মহীপতিঃ।
পুত্রং প্রস্থাপয়াসাস প্রতর্দনমরিংদমম্॥ 13-8-38 (81559)
সরথঃ স তু সংতীর্য গঙ্গামাশু পরাক্রমী।
প্রয়যৌ বীতহব্যানাং পুরীং পরপুরংজয়ঃ॥ 13-8-39 (81560)
বৈতহব্যাস্তু সংশ্রুত্য রথঘোষং সমুদ্ধতম্।
নির্যযুর্নগরাকারৈ রথৈঃ পররথারুজৈঃ॥ 13-8-40 (81561)
নিষ্ক্রম্য তে নরব্যাঘ্রা দংশিতাশ্চিত্রয়োধিনঃ।
প্রতর্দনং সমাজগ্মুঃ শরবর্ষৈরুদায়ুধাঃ॥ 13-8-41 (81562)
শস্ত্রৈশ্চ বিবিধাকারৈ রথৌঘৈশ্চ যুধিষ্ঠির।
অভ্যবর্ষন্ত রাজানং হিমবন্তমিবাম্বুদাঃ॥ 13-8-42 (81563)
অস্ত্রৈরস্ত্রাণি সংবার্য তেষাং রাজা প্রতর্দনঃ।
জঘান তান্মহাতেজা বজ্রানলসমৈঃ শরৈঃ॥ 13-8-43 (81564)
কৃত্তোত্তমাঙ্গাস্তে রাজন্ভল্লৈঃ শতসহস্রশঃ।
অপতন্রুধিরার্দ্রাঙ্গা নিকৃত্তা ইব কিংশুকাঃ॥ 13-8-44 (81565)
হতেষু তেষু সর্বেষু বীতহব্যঃ সুতেষ্বথ।
প্রাদ্রবন্নগরং হিৎবা ভৃগোরাশ্রমমপ্যুত॥ 13-8-45 (81566)
যয়ৌ ভৃগুং চ শরণং বীতহব্যো নরাধিপঃ।
অভয়ং চ দদৌ তস্মৈ বীতহব্যায় ভার্গবঃ।
আসনং শিষ্যমধ্যে চ ভৃগুরন্যৎসমাদিশৎ॥ 13-8-46 (81567)
অথানুপদমেবাশু তত্রাগচ্ছৎপ্রতর্দনঃ।
স প্রাপ্য চাশ্রমপদং দিবোদাসাত্মজোঽব্রবীৎ॥ 13-8-47 (81568)
ভোভো কেঽত্রাশ্রমে সন্তি ভৃগোঃ শিষ্যা মহাত্মনঃ।
দ্রষ্টুমিচ্ছে মুনিমহং তস্যাচক্ষত মামিতি॥ 13-8-48 (81569)
স তং বিদিৎবা তু ভৃগুর্নিশ্চক্রামাশ্রমাত্তদা।
পূজয়ামাস চ ততো বিধিনা নৃপসত্তমম্॥ 13-8-49 (81570)
উবাচ চৈনং রাজেন্দ্র কিং কার্যং ব্রূহি পার্থিব।
স চোবাচ নৃপস্তস্মৈ যদাগমনকারণম্॥ 13-8-50 (81571)
রাজোবাচ। 13-8-51x (6766)
অয়ং ব্রহ্মন্নিতো রাজা বীতহব্যো বিসর্জ্যতাম্।
অস্য পুত্রৈর্হি মে কৃৎস্নো ব্রহ্মন্বংশঃ প্রণাশিতঃ॥ 13-8-51 (81572)
উৎসাদিতশ্চ বিষয়ঃ কাশীনাং রত্নসঞ্চয়ঃ।
এতস্য বীর্যদৃপ্তস্য হতং পুত্রশতং ময়া।
অস্যেদানীং বধাদদ্য ভবিষ্যাম্যনৃণঃ পিতুঃ॥ 13-8-52 (81573)
তমুবাচ কৃপাবিষ্টো ভৃগুর্ধর্মভৃতাংবরঃ।
নেহাস্তি ক্ষত্রিয়ঃ কশ্চিৎসর্বে হীমে দ্বিজাতয়ঃ॥ 13-8-53 (81574)
এতত্তু বচনং শ্রুৎবা ভৃগোস্তথ্যং প্রতর্দনঃ।
পাদাবুপস্পৃশ্য শনৈঃ প্রহৃষ্টো বাক্যমব্রবীৎ॥ 13-8-54 (81575)
এবমপ্যস্মি ভগবন্কৃতকৃত্যো ন সংশয়ঃ।
য এষ রাজা বীর্যেণ স্বজাতিং ত্যাজিতো ময়া॥ 13-8-55 (81576)
অনুজানীহি মাং ব্রহ্মন্ধ্যায়স্ব চ শিবেন মাম্।
ত্যাজিতো হি ময়া জাতিমেব রাজা ভৃগূদ্বহ॥ 13-8-56 (81577)
ততস্তেনাভ্যনুজ্ঞাতো যয়ৌ রাজা প্রতর্দনঃ।
যথাগতং মহারাজ মুক্ৎবা বিষমিবোরগঃ॥ 13-8-57 (81578)
ভৃগোর্বচনমাত্রেণ স চ ব্রহ্মর্ষিতাং গতঃ।
বীতহব্যো মহারাজ ব্রহ্মবাদিৎবমেব চ॥ 13-8-58 (81579)
তস্য গৃৎসমদঃ পুত্রো রূপেণেন্দ্র ইবাপরঃ।
শক্রস্ৎবমিতি যো দৈত্যৈর্নিগৃহীতঃ কিলাভবৎ॥ 13-8-59 (81580)
ঋগ্বেদে বর্ততে চাগ্র্যা শ্রুতির্যস্য মহাত্মনঃ।
যত্র গৃৎসমদো রাজন্ব্রাহ্মণৈঃ স মহীয়তে॥ 13-8-60 (81581)
স ব্রহ্মচারী বিপ্রর্ষিঃ শ্রীমান্গৃৎসমদোঽভবৎ।
পুত্রো গৃৎসমদস্যাপি বিপ্রঃ সাবৈনসোঽভবৎ॥ 13-8-61 (81582)
সাবৈনসস্য পুত্রো বৈ বিতস্ত্যস্তস্য চাত্মজঃ।
বিতস্ত্যস্য সুতস্তস্য শিবস্তশ্চাত্মজোঽভবৎ॥ 13-8-62 (81583)
শ্রবাস্তস্য সুতশ্চর্ষিঃ শ্রবসশ্চাভবত্তমঃ।
তমসশ্চ প্রকাশোঽভূত্তনয়ো দ্বিজসত্তমঃ॥ 13-8-63 (81584)
প্রকাশস্য চ বাগিন্দ্রো বভূব জয়তাংবরঃ।
তস্যাত্মজশ্চ প্রমিতির্বেদবেদাঙ্গপারগঃ॥ 13-8-64 (81585)
ঘৃতাচ্যাং তস্য পুত্রস্তু রুরুর্নামোদপদ্যত।
প্রমদ্বরায়াং তু রুরোঃ পুত্রঃ সমুদপদ্যত।
শুনকো নাম বিপ্রর্ষির্যস্য পুত্রোঽথ শৌনকঃ॥ 13-8-65 (81586)
এবং বিপ্রৎবমগমদ্বীতহব্যো নরাধিপঃ।
ভৃগোঃ প্রসাদাদ্রাজেন্দ্র ক্ষত্রিয়ঃ ক্ষত্রিয়র্ষভ॥ 13-8-66 (81587)
এষ তে কথিতো বংশো রাজন্গার্ৎসমদো ময়া।
বিস্তরেণ মহারাজ কিমন্যদনুপৃচ্ছসি॥ ॥ 13-8-67 (81588)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টমোঽধ্যায়ঃ॥ 8 ॥
Mahabharata - Anushaasana Parva - Chapter Footnotes
7-8-7 শয়্যাতিরিতি বিশ্রুত ইতি ট.ঘ.পাঠঃ॥ 7-8-10 তে চেতি শেষঃ॥ 7-8-12 বীতহব্যদায়াদৈঃ। হৈহয়স্যৈব নামান্তরং বীতহব্য ইতি তৎপুত্রৈঃ॥ 7-8-13 বৎসানাং বৎসবংশ্যানাং রাজ্ঞাম্॥ 7-8-19 বপ্রান্তে তটসমীপে॥ 7-8-22 দশতীর্দশ সহস্রমিত্যর্থঃ॥ 7-8-27 পরিদ্যূনঃ সর্বতোনিরস্তঃ॥ 7-8-32 সদ্যো ববৃধে ত্রয়োদশবার্ষিকোঽভূৎ সদ্যশ্চ বেদান্ জগৌ॥ 7-8-33 যোগেন যোগবলেন॥ 7-8-48 তস্য তংপ্রতি মাং আগতং আচক্ষত কথয়ত॥ 7-8-58 আখ্যায়িকাতাৎপর্থমাহ ভৃগোরিতি॥ 7-8-60 যত্র গার্ৎসমদং ব্রহ্ম ব্রাহ্মণৈঃ সমুদাহৃতম্। ইতি ধ.পাঠঃ॥অনুশাসনপর্ব - অধ্যায় 009
॥ শ্রীঃ ॥
13.9. অধ্যায়ঃ 009
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি সদৃষ্টান্তপ্রদর্শনং দৈবাদপি পুরুষকারস্য প্রাবল্যপ্রতিপাদনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
পিতামহ মহাপ্রাজ্ঞ সর্বসাস্ত্রবিশারদ।
দৈবে পুরুষকারে চ কিংস্বিচ্ছ্রেষ্ঠতরং ভবেৎ॥ 13-9-1 (81589)
ভীষ্ম উবাচ। 13-9-2x (6767)
অত্রাপ্যুদাহরন্তীমমিতিহাসং পুরাতনম্।
বসিষ্ঠস্য চ সংবাদং ব্রহ্মণশ্চ যুধিষ্ঠির॥ 13-9-2 (81590)
দৈবমানুষয়োঃ কিংস্বিৎকর্মণোঃ শ্রেষ্ঠমিত্যুত।
পুরা বসিষ্ঠো ভগবান্পিতামহমপৃচ্ছত॥ 13-9-3 (81591)
ততঃ পদ্মোদ্ভবো রাজন্দেবদেবঃ পিতামহঃ।
উবাচ মধুরং বাক্যমর্থবদ্ধেতুভূষিতম্॥ 13-9-4 (81592)
`বীজতো হ্যঙ্কুরোৎপত্তিরঙ্কুরাৎপর্ণসম্ভবঃ।
পর্ণান্নালাঃ প্রসূয়ন্তে নালাৎস্কন্ধঃ প্রবর্ততে॥ 13-9-5 (81593)
স্কন্ধাৎপ্রবর্ততে পুষ্পং পুষ্পাৎসংবর্ধতে ফলম্।
ফলান্নির্বর্ততে বীজং বীজাৎস্যাৎসম্ভবঃ পুনঃ'॥ 13-9-6 (81594)
নাবীজং জায়তে কিঞ্চিন্ন বীজেনে বিনা ফলম্।
বীজাদ্বীজং প্রভবতি নাবীজং বিদ্যতে ফলম্॥ 13-9-7 (81595)
যাদৃশং বপতে বীজং ক্ষেত্রমাসাদ্য বাপকঃ।
সুকৃতে দুষ্কৃতে বাঽপি তাদৃশং লভতে ফলম্॥ 13-9-8 (81596)
যথা বীজং বিনা ক্ষেত্রমুপ্তং ভবতি নিষ্ফলম্।
তথা পুরুষকারেণ বিনা দৈবং ন সিধ্যতি॥ 13-9-9 (81597)
ক্ষেত্রং পুরুষকারস্তু দৈবং বীজমুদাহৃতম্।
ক্ষেত্রবীজসমায়োগাত্ততঃ সস্যং সমৃদ্ধ্যতে॥ 13-9-10 (81598)
কর্মণঃ ফলনির্বৃত্তিং স্বয়মশ্নাতি কারকঃ।
প্রত্যক্ষং দৃশ্যতে লোকে কৃতস্যাপ্যকৃতস্য চ॥ 13-9-11 (81599)
শুভেন কর্মণা সৌখ্যং দুঃখং পাপেন কর্মণা।
কৃতং সর্বত্র লভতে নাকৃতং ভুজ্যতে ক্বচিৎ॥ 13-9-12 (81600)
কৃতী সর্বত্র লভতে প্রতিষ্ঠাং ভাগ্যবীক্ষিতঃ।
অকৃতী লভতে ভ্রষ্টঃ ক্ষতে ক্ষারাবসেচনম্॥ 13-9-13 (81601)
তপসা রূপসৌভাগ্যং রত্নানি বিবিধানি চ।
প্রাপ্যতে কর্মণা সর্বং ন দৈবাদকৃতাত্মনা॥ 13-9-14 (81602)
তথা স্বর্গশ্চ ভোগশ্চ নিষ্ঠা যা চ মনীষিতা।
সর্বং পুরুষকারেণ কৃতেনেহোপলভ্যতে॥ 13-9-15 (81603)
জ্যোতীংষি ত্রিদশা নাগা যক্ষাশ্চন্দ্রার্কমারুতাঃ।
সর্বে পুরুষকারেণ মানুষ্যাদ্দেবতাং গতাঃ॥ 13-9-16 (81604)
অর্থো বা মিত্রবর্গো বা ঐশ্বর্যং বা কুলান্বিতম্।
শ্রীশ্চাপি দুর্লভা ভোক্তুং তথৈবাকৃতকর্মভিঃ॥ 13-9-17 (81605)
শৌচেন লভতে বিপ্রঃ ক্ষত্রিয়ো বিক্রমেণ তু।
বৈশ্যঃ পুরুষকারেণ শূদ্রঃ শুশ্রূষয়া শ্রিয়ম্॥ 13-9-18 (81606)
নাদাতারং ভজন্ত্যর্থা ন ক্লীবং নাপি নিষ্ক্রিয়ম্।
নাকর্মশীলং নাশূরং তথা নৈবাতপস্বিনম্॥ 13-9-19 (81607)
যেন লোকাস্ত্রয়ঃ সৃষ্টা দৈত্যাঃ সর্বাশ্চ দেবতাঃ।
স এষ ভগবান্বিষ্ণুঃ সমুদ্রে তপ্যতে তপঃ॥ 13-9-20 (81608)
স্বং চেৎকর্মফলং ন স্যাৎসর্বমেবাফলং ভবেৎ।
লোকো দৈবং সমালক্ষ্য উদাসীনো ভবেদ্যদি॥ 13-9-21 (81609)
অকৃৎবা মানুষং কর্ম যো দৈবমনুবর্ততে।
বৃথা শ্রাম্যতি সম্প্রাপ্য পতিং ক্লীবমিবাঙ্গনা॥ 13-9-22 (81610)
ন তথা মানুষে লোকে ফলমস্তি শুভাশুভে।
যথা ত্রিদশলোকে হি ফলমল্পেন জায়তে॥ 13-9-23 (81611)
কৃতঃ পুরুষকারস্তু দৈবমেবানুবর্ততে।
ন দৈবমকৃতে কিঞ্চিৎকস্যচিদ্দাতুমর্হতি॥ 13-9-24 (81612)
যথা স্থানান্যনিত্যানি দৃশ্যন্তে দৈবতেষ্বপি।
কথং কর্ম বিনা দৈবং স্থাস্যতি স্থাপয়িষ্যতঃ॥ 13-9-25 (81613)
ন দৈবতানি লোকেঽস্মিন্ব্যাপারং যান্তি কস্যচিৎ।
ব্যাসঙ্গং জনয়ন্ত্যুগ্রমাত্মাভিভবশঙ্কয়া॥ 13-9-26 (81614)
ঋষীণাং দেবতানাং চ সদা ভবতি বিগ্রহঃ।
কস্য বাচা হ্যদৈবং স্যাদ্যতো দৈবং প্রবর্ততে॥ 13-9-27 (81615)
কথং তস্য সমুৎপত্তির্যতো দৈবং প্রবর্ততে।
এবং ত্রিদশলোকেঽপি প্রাপ্যতে পরমং সুখম্॥ 13-9-28 (81616)
আত্মৈব হ্যাত্মনো বন্ধুরাত্মৈব রিপুরাত্মনঃ।
আত্মৈব হ্যাত্মনঃ সাক্ষী কৃতস্যাপ্যকৃতস্য চ॥ 13-9-29 (81617)
কৃতং চ বিকৃতং কিঞ্চিৎসিদ্ধ্যতে গুরুকর্মণা।
সুকৃতং দুষ্কৃতং কর্ম অকৃতার্থং প্রপদ্যতে॥ 13-9-30 (81618)
দেবানাং শরণং পুণ্যং সর্বং পুণ্যৈরবাপ্যতে।
পুণ্যহীনং নরং প্রাপ্য কিং দৈবং প্রকরিষ্যতি॥ 13-9-31 (81619)
পুরা যয়াতির্বিভ্রষ্টশ্চ্যাবিতঃ পতিতঃ ক্ষিতৌ।
পুনরারোপিতঃ স্বর্গং দৌহিত্রৈঃ পুণ্যকর্মভিঃ॥ 13-9-32 (81620)
পুরূরবাশ্চ রাজর্ষির্দ্বিজৈরভিহিতঃ পুরা।
ঐল ইত্যভিবিখ্যাতঃ স্বর্গং প্রাপ্তো মহীপতিঃ॥ 13-9-33 (81621)
অশ্বমেধাদিভির্যজ্ঞৈঃ সৎকৃতঃ কোসলাধিপঃ।
মহর্ষিশাপাৎসৌদাসঃ পুরুষাদৎবমাগতঃ॥ 13-9-34 (81622)
অশ্বত্থামা চ রামশ্চ মুনিপুত্রৌ ধনুর্ধরৌ।
ন গচ্ছতঃ স্বর্গলোকং বেদদৃষ্টেন কর্মণা॥ 13-9-35 (81623)
বসুর্যজ্ঞশতৈরিষ্ট্বা দ্বিতীয় ইব বাসবঃ।
মিথ্যাভিধানেনৈকেন রসাতলতলং গতঃ॥ 13-9-36 (81624)
বলির্বৈরোচনির্বদ্ধো ধর্মপাশেন দৈবতৈঃ।
বিষ্ণোঃ পুরুষকারেণ পাতালসদনঃ কৃপঃ॥ 13-9-37 (81625)
শক্রস্যাথ রথোপস্থে বিষ্ঠিতো জনমেজয়ঃ।
দ্বিজস্ত্রীণাং বধং কৃৎবা কিং দৈবেন ন বারিতঃ॥ 13-9-38 (81626)
অজ্ঞানাদ্ব্রাহ্মণং হৎবা স্পৃষ্টো বালবধেন চ।
বৈশম্পায়নবিপ্রর্ষিঃ কিং দৈবেন ন বারিতঃ॥ 13-9-39 (81627)
গোপ্রদানেন মিথ্যা চ ব্রাহ্মণেভ্যো মহামখে।
পুরা নৃগশ্চ রাজর্ষিঃ কৃকলাসৎবমাগতঃ॥ 13-9-40 (81628)
ধুন্ধুমারশ্চ রাজর্ষিঃ সত্রেষ্বেব জরাং গতঃ।
প্রীতিদায়ং পরিত্যজ্য সুষ্বাপ স গিরিব্রজে॥ 13-9-41 (81629)
পাণ্ডবানাং হৃতং রাজ্যং ধার্তরাষ্ট্রৈর্মহাবলৈঃ।
পুনঃ প্রত্যাহৃতং চৈব ন দৈবাদ্ভুজসংশ্রয়াৎ॥ 13-9-42 (81630)
তপোনিয়মসংয়ুক্তা মুনয়ঃ সংশিতব্রতাঃ।
কিং তে দৈববলাচ্ছাপমুৎসৃজন্তে ন কর্মণা॥ 13-9-43 (81631)
পাপমুৎসৃজতে লোকে সর্বং প্রাপ্য সুদুর্লভম্।
লোভমোহসমাপন্নং ন দৈবং ত্রায়তে নরম্॥ 13-9-44 (81632)
যথাঽঽগ্নিঃ পবনোদ্ভূতঃ সুসূক্ষ্মোঽপি মহান্ভবেৎ।
তথা কর্মসমায়ুক্তং দৈবং সাধু বিবর্ধতে॥ 13-9-45 (81633)
যথা তৈলক্ষয়াদ্দীপঃ প্রম্লানিমুপগচ্ছতি।
তথা কর্মক্ষয়াদ্দৈবং প্রম্লানিমুপগচ্ছতি॥ 13-9-46 (81634)
বিপুলমপি ধনৌঘং প্রাপ্য ভোগান্ত্রিয়ো বা
পুরুষ ইহ ন শক্তঃ কর্মহীনো হি ভোক্তুম্।
সুবিহিতমপি চার্থং দৈবতে রক্ষ্যমাণং
পুরুষ ইহ মহাত্মা প্রাপ্নুতে নিত্যযুক্তঃ॥ 13-9-47 (81635)
ব্যযগুমপি সাধুং কর্মণা সংশ্রয়ন্তে
ভবতী মনুজলোকাদ্দৈবলোকো বিশিষ্টঃ।
বহুতরসুসমৃদ্ধ্যা মানুষাণাং গৃহাণি
পিতৃবনভবনাভং দৃশ্যতে চামরাণাম্॥ 13-9-48 (81636)
ন চ ফলতি বিকর্মা জীবলোকে ন দৈবং
ব্যপনয়তি বিমার্গং নাস্তি দৈবে প্রভুৎবম্।
গুরুমিব কৃতমগ্র্যং কর্ম সংয়াতি দৈবং
নয়তি পুরুষকারঃ সঞ্চিতস্তত্রতত্র॥ 13-9-49 (81637)
এতত্তে সর্বমাখ্যাতং ময়া বৈ মুনিসত্তম।
ফলং পুরুষকারস্য সদা সংদৃশ্য তত্ৎবতঃ॥ 13-9-50 (81638)
অভ্যুত্থানেন দৈবস্য সমারব্ধেন কেনচিৎ।
বিধিনা কর্মণা চৈব স্বর্গমার্গমবাপ্নুয়াৎ॥ ॥ 13-9-51 (81639)
ইতি শ্রীমন্মহাভারতে অনুশাসনপর্বণি দানধর্মপর্বণি নবমোঽধ্যায়ঃ॥ 9 ॥
Mahabharata - Anushaasana Parva - Chapter Footnotes
7-9-13 নাকৃতী লভতেঽভীষ্টং ক্ষিতিঃ ক্ষীরাবসেচনমিতি ধ.পাঠঃ॥ 7-9-16 চন্দ্রার্কতারকা ইতি ধ.পাঠঃ। 7-9-18 লভতে শ্রিয়মিতি সর্বত্র সম্বন্ধঃ॥ 7-9-24 অকৃতে কর্মাভাবে সতি॥ 7-9-26 ব্যাপারং পুণ্যরূপং যান্তি অনুমোদন্তে। উগ্রং ধর্মবিঘ্নকরম্। এবং সঞ্জনয়ন্ত্যুগ্রা আত্মনির্ভয়শঙ্কয়েতি ধ.পাঠঃ॥ 7-9-27 যদ্যপ্যেবং কর্মপরৎবং দেবর্ষীণামস্তি তথাপি অদৈবং দৈবাভাবো ন বক্তুং শক্য ইত্যর্থঃ॥ 7-9-28 যতো যস্মাদ্দৈবং প্রবর্ততে তস্য কর্মণোঽপি দৈবং বিনা কথমুৎপত্তিঃ স্যান্ন কথমপি॥অনুশাসনপর্ব - অধ্যায় 010
॥ শ্রীঃ ॥
13.10. অধ্যায়ঃ 010
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি শুভাশুভকর্মফলপ্রতিপাদনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কর্মণাং চ সমস্তানাং ফলিনাং ভরতর্ষভ।
ফলানি মহতাং শ্রেষ্ট প্রব্রূহি পরিপৃচ্ছতঃ॥ 13-10-1 (81640)
ভীষ্ম উবাচ। 13-10-2x (6768)
হন্ত তে কথয়িষ্যামি যন্মাং পৃচ্ছসি ভারত।
রহস্যং যদৃষীণাং তু তচ্ছৃণুষ্ব যুধিষ্ঠির।
যা গতিঃ প্রাপ্যতে যেন প্রেত্যভাবে চিরেপ্সিতা॥ 13-10-2 (81641)
যেনয়েন শরীরেণ যদ্যৎকর্ম করোতি যঃ।
তেনতেন শরীরেণ তত্তৎফলমুপাশ্নুতে॥ 13-10-3 (81642)
যস্যাংয়স্যামবস্থায়াং যৎকরোতি শুভাশুভম্।
তস্যাংতস্যামবস্থায়াং ভুঙ্ক্তে জন্মনিজন্মনি॥ 13-10-4 (81643)
ন নশ্যতি কৃতং কর্ম চিত্তপঞ্চেন্দ্রিয়ৈরিহ।
তে হ্যস্য সাক্ষিণো নিত্যং ষষ্ঠ আত্মা শুভাশুভে॥ 13-10-5 (81644)
চক্ষুর্দদ্যান্মনো দদ্যাদ্বাচং দদ্যাচ্চ সূনৃতাম্।
অনুব্রজেদুপাসীত স যজ্ঞঃ পঞ্চদক্ষিণঃ॥ 13-10-6 (81645)
যো দদ্যাদপরিক্লিষ্টমন্নমধ্বনি বর্ততে।
শ্রান্তায়াদৃষ্টপূর্বায় তস্য পুণ্যফলং মহৎ॥ 13-10-7 (81646)
স্থণ্ডিলেষু শয়ানানাং গৃহাণি শয়নানি চ।
চীরবল্কলসংবীতে বাসাংস্যাভরণানি চ॥ 13-10-8 (81647)
বাহনানি চ যানানি যোগাত্মনি তপোধনে।
অগ্নীনুপশয়ানস্য রাজ্ঞঃ পৌরুষমেব চ॥ 13-10-9 (81648)
রসানাং প্রতিসংহারে সৌভাগ্যমনুগচ্ছতি।
আমিষপ্রতিসংহারে পশূন্পুত্রাংশ্চ বিন্দতি॥ 13-10-10 (81649)
অবাক্শিরাস্তু যো লম্বেদুদবাসং চ যো বসেৎ।
মণ্ডূকশায়ী চ নরো লভতে চেপ্সিতাং গতিম্॥ 13-10-11 (81650)
পাদ্যমাসনমেবাথ দীপমন্নং প্রতিশ্রয়ম্।
দদ্যাদতিথিপূজার্থং স যজ্ঞঃ পঞ্চদক্ষিণঃ॥ 13-10-12 (81651)
বীরাসনং বীরশয়্যাং বীরস্থানমুপাসতঃ।
অক্ষয়াস্তস্য বৈ লোকাঃ সর্বকামগমাস্তথা॥ 13-10-13 (81652)
ধনং লভেত দানেন মৌনেনাজ্ঞাং বিশাংপতে।
উপভোগাংশ্চ তপসা ব্রহ্মচর্যেণ জীবিতম্॥ 13-10-14 (81653)
রূপমৈশ্বর্যমারোগ্যমহিংসাফলমশ্নুতে।
ফলমূলাশিনো রাজ্যং স্বর্গঃ পর্ণাশিনাং ভবেৎ॥ 13-10-15 (81654)
প্রায়োপবেশিনো রাজন্সর্বত্র সুখমুচ্যতে।
গবাঢ্যঃ শাকদীক্ষায়াং স্বর্গগামী তৃণাশনঃ॥ 13-10-16 (81655)
স্ত্রিয়স্ত্রিষবণং স্নাৎবা বায়ুং পীৎবা ক্রতুং লভেৎ।
স্বর্গং সত্যেন লভতে দীক্ষয়া কুলমুত্তমম্॥ 13-10-17 (81656)
সলিলাশী ভবেদ্যস্তু সদাগ্নিঃ সংস্কৃতো দ্বিজঃ।
মরুৎসাধয়তো রাজ্যং নাকপৃষ্ঠমনাশিনে॥ 13-10-18 (81657)
উপবাসং চ দীক্ষায়ামভিষেকং চ পার্থিব।
কৃৎবা দ্বাদশবর্ষাণি বীরস্থানাদ্বিশিষ্যতে॥ 13-10-19 (81658)
অধীত্য সর্ববেদান্বৈ সদ্যো দুঃখাদ্বিমুচ্যতে।
`তৎপাঠধারণাৎস্বর্গমর্থজ্ঞানাৎপরাং গতিম্॥ 13-10-20 (81659)
বিতৃষ্ণানাং বেদজপাৎস্বর্গমোক্ষফলং স্মৃতম্।'
মানসং হি চরন্ধর্ম স্বর্গলোকমুপাশ্নুতে॥ 13-10-21 (81660)
যা দুস্ত্যজা দুর্মতিভির্যা ন জীর্যতি জীর্যতঃ।
যোসৌপ্রাণান্তিকোরোগস্তাংতৃষ্ণাং ত্যজতঃ সুখং॥ 13-10-22 (81661)
যথা ধেনুসহস্রেষু বৎসো বিন্দতি মাতরম্।
এবং পূর্বকৃতং কর্ম কর্তারমনুগচ্ছতি॥ 13-10-23 (81662)
অচোদ্যমানানি যথা পুষ্পাণি চ ফলানি চ।
স্বকালং নাতিবর্তন্তে তথা কর্ম পুরাকৃতম্॥ 13-10-24 (81663)
জীর্যন্তি জীর্যতঃ কেশা দন্তা জীর্যন্তি জীর্যতঃ।
চক্ষুঃ শ্রোত্রে চ জীর্যেতে তৃষ্ণৈকা ন তু জীর্যতে॥ 13-10-25 (81664)
যেন প্রীণন্তি পিতরস্তেন প্রীতঃ প্রজাপতিঃ।
মাতা চ যেন প্রীণাতি পৃথিবী তেন পূজিতা।
যেন প্রীণাত্যুপাধ্যায়স্তেন স্যাদ্ব্রহ্ম পূজিতম্॥ 13-10-26 (81665)
সর্বে তস্যাদৃতা ধর্মা যস্যৈতে ত্রয় আদৃতাঃ।
অনাদৃতাস্তু যস্যৈতে সর্বাস্তস্যাফলাঃ ক্রিয়াঃ॥ 13-10-27 (81666)
বৈশম্পায়ন উবাচ। 13-10-28x (6769)
ভীষ্মস্যৈতদ্বচঃ শ্রুৎবা বিস্মিতাঃ কুরুপুঙ্গবাঃ।
আসন্প্রহৃষ্টমনসঃ প্রীতিমন্তোঽভবংস্তদা॥ 13-10-28 (81667)
যন্মন্ত্রে ভবতি বৃথোপয়ুজ্যমানে
যৎসোমে ভবতি বৃথাঽভিষূয়মাণে।
যচ্চাগ্নৌ ভবতি বৃথাঽভিহূয়মানে
তৎসর্বং ভবতি বৃথাঽভিধীয়মানে॥ 13-10-29 (81668)
ইত্যেতদৃষিণা প্রোক্তমুক্তবানস্মি ভারত।
শুভাশুভফলপ্রাপ্তৌ কিমতঃ শ্রোতুমিচ্ছসি॥ ॥ 13-10-30 (81669)
ইতি শ্রীমন্মহাভারতে অনুশাসনপর্বণি দানধর্মপর্বণি দশমোঽধ্যায়ঃ॥ 10 ॥
Mahabharata - Anushaasana Parva - Chapter Footnotes
7-10-2 গতিঃ ফলম্। যেন কর্মণা। প্রেত্যভাবে মরণোত্তরং দেহান্তরপ্রাপ্তৌ॥ 7-10-5 অস্য কর্তুঃ॥ 7-10-6 দদ্যাদভ্যাগতায়েতি শেষঃ॥ 7-10-8 বানপ্রস্থধর্মাণাং ফলান্যাহ স্থণ্ডিলেষ্বিত্যাদিনা॥ 7-10-9 যোগাত্মনি যোগয়ুক্তচিত্তে॥ 7-10-11 সততং চৈকশায়ী যঃ স ইতি ঝ.পাঠঃ। তত্র একশায়ী ব্রহ্মচর্যবান্॥ 7-10-13 বীরা আসতেঽস্মিন্নিতি বীরাসনং রণদেশং উপেত্য বীরশয়্যাং তত্র দীর্ঘনিদ্রাং চ প্রাপ্য বীরস্থানং স্বর্গলোকম্॥ 7-10-14 আজ্ঞামবিচ্ছিন্নামিতি শেষঃ। তপসা কৃচ্ছ্রাদিনা জীবিতমায়ুঃ॥ 7-10-16 শাকদীক্ষায়াং শাকমাত্রাশননিয়মে॥ 7-10-17 ক্রতুং সংকল্পং সত্যসংকল্পৎবমিতি যাবৎ। দীক্ষয়া যজ্ঞেন॥ 7-10-18 সদাগ্নিঃ অবিচ্ছিন্নাগ্নিহোত্রঃ॥ 7-10-19 অভিষেকং তীর্থাটনম্। বীরস্থানাৎস্বর্গাদপি বিশিষ্যতে॥ 7-10-22 মানসং ধর্মং বিবৃণোতি যেতি॥অনুশাসনপর্ব - অধ্যায় 011
॥ শ্রীঃ ॥
13.11. অধ্যায়ঃ 011
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি শুকবাসবসংবাদানুবাদেনানৃশংস্যপ্রশংসনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
আনৃশংস্যস্য ধর্মজ্ঞ গুণান্ভক্তজনস্য চ।
শ্রোতুমিচ্ছামি ধর্মজ্ঞ তন্মে ব্রূহি পিতামহ॥ 13-11-1 (81670)
ভীষ্ম উবাচ। 13-11-2x (6770)
অত্রাপ্যুদাহরন্তীমমিতিহাসং পুরাতনম্।
বাসবস্য চ সংবাদং শুকস্য চ মহাত্মনঃ॥ 13-11-2 (81671)
বিষয়ে কাশিরাজস্য গ্রামান্নিষ্ক্রম্য লুব্ধকঃ।
সবিষং কাণ্ডমাদায় মৃগয়ামাস বৈ মৃগম্॥ 13-11-3 (81672)
তত্র চামিষলুব্ধেন লুব্ধকেন মহাবনে।
অবিদূরে মৃগান্দৃষ্ট্বা বাণঃ প্রতিসমাহিতঃ॥ 13-11-4 (81673)
তেন দুর্বারিতাস্ত্রেণ নিমিত্তচপলেষুণা।
মহান্বনতরুস্তত্র বিদ্ধো মৃগজিঘাংসয়া॥ 13-11-5 (81674)
স তীক্ষ্ণবিষদিগ্ধেন শরেণাতিবলাৎক্ষতঃ।
উৎসৃজ্য ফলপত্রাণি পাদপঃ শোষমাগতঃ॥ 13-11-6 (81675)
তস্মিন্বৃক্ষে তথাভূতে কোটরেষু চিরোষিতঃ।
ন জহাতি শুকো বাসং তস্য ভক্ত্যা বনস্পতেঃ॥ 13-11-7 (81676)
নিষ্প্রচারো নিরাহারো গ্লানঃ শিথিলবাগপি।
কৃতজ্ঞঃ সহ বৃক্ষেণ ধর্মাত্মা সোপ্যশুষ্যত॥ 13-11-8 (81677)
তমুদারং মহাসৎবমতিমানুষচেষ্টিতম্।
সমদুঃখসুখং দৃষ্ট্বা বিস্মিতঃ পাকশাসনঃ॥ 13-11-9 (81678)
ততশ্চিন্তামুপগতঃ শক্রঃ কথময়ং দ্বিজঃ।
তির্যগ্যোনাবসম্ভাব্যমানৃশংস্যমবস্থিতঃ॥ 13-11-10 (81679)
অথবা নাত্র চিত্রং হীত্যভবদ্বাসবস্য তু।
প্রাণিনামপি সর্বেষাং সর্বং সর্বত্র দৃশ্যতে॥ 13-11-11 (81680)
ততো ব্রাহ্মণবেষেণি মানুষং রূপমাস্থিতঃ।
অবতীর্য মহীং শক্রস্তং পক্ষিণমুবাচ হ॥ 13-11-12 (81681)
শুক ভো পক্ষিণাংশ্রেষ্ঠ দাক্ষেয়ী সুপ্রজাস্ৎবয়া।
পৃচ্ছে ৎবাং শুকমেনং ৎবং কস্মান্ন ত্যজসি দ্রুমম্॥ 13-11-13 (81682)
অথ পৃষ্টঃ শুকঃ প্রাহ মূর্ধ্না সমভিবাদ্য তম্।
স্বাগতং দেবরাজ ৎবং বিজ্ঞাতস্তপসা ময়া॥ 13-11-14 (81683)
ততো দশশতাক্ষেণ সাধুসাধ্বিতি ভাষিতম্।
অহো বিজ্ঞানমিত্যেবং মনসা পূজিতস্ততঃ॥ 13-11-15 (81684)
তমেবং শুভকর্মাণং শুকং পরমধার্মিকম্।
জানন্নপি চ তৎপাপং পপ্রচ্ছ বলসূদনঃ॥ 13-11-16 (81685)
নিষ্পত্রমফলং শুষ্কমশরণ্যং পতত্ত্রিণাম্।
কিমর্থং সেবসে বৃক্ষং যদা মহদিদং বনম্॥ 13-11-17 (81686)
অন্যেঽপি বহবো বৃক্ষাঃ পত্রসংছন্নকোটরাঃ।
শুভাঃ পর্যাপ্তসঞ্চারা বিদ্যন্তেঽস্মিন্মহাবনে॥ 13-11-18 (81687)
গতায়ুষমসামর্থ্যং ক্ষীণসারং হতশ্রিয়ম্।
বিমৃশ্য প্রজ্ঞয়া ধীর জহীমং হ্যস্থিরং দ্রুমম্॥ 13-11-19 (81688)
ভীষ্ম উবাচ। 13-11-20x (6771)
তদুপশ্রুত্য ধর্মাত্মা শুকঃ শক্রেণ ভাষিতম্।
সুদীর্ঘমতিনিঃশ্বস্য দীনো বাক্যমুবাচ হ॥ 13-11-20 (81689)
অনতিক্রমণীয়ানি দৈবতানি শচীপতে।
যত্রাভবংস্তত্র ভবাংস্তন্নিবোধ সুরাধিপ॥ 13-11-21 (81690)
অস্মিন্নহং দ্রুমে জাতঃ সাধুভিশ্চ গুণৈর্যুতে।
চালভাবেন সঙ্গুপ্তঃ শত্রুভিশ্চ ন ধর্ষিতঃ॥ 13-11-22 (81691)
কিমনুক্রোশ্যং বৈফল্যমুৎপাদয়সি মেঽনঘ।
`অনুরক্তস্য ভক্তস্য সংস্পৃশে ন চ পাবকম্।'
আনৃশংস্যাভিয়ুক্তস্য ভক্তস্যানন্যগস্য চ॥ 13-11-23 (81692)
অনুক্রোশো হি সাধূনাং মহদ্ধর্মস্য লক্ষণম্।
অনুক্রোশশ্চ সাধূনাং সদা প্রীতিং প্রয়চ্ছতি॥ 13-11-24 (81693)
ৎবমেব দৈবতৈঃ সর্বৈঃ পৃচ্ছ্যসে ধর্মসংশয়াৎ।
অতস্ৎবং দেবদেবানামাধিপত্যে প্রতিষ্ঠিতঃ॥ 13-11-25 (81694)
নার্হসে মাং সহস্রাক্ষ দ্রুমং ত্যাজয়িতুং চিরাৎ।
সমস্থমুপজীবন্বৈ বিষমস্থং কথং ত্যজেৎ॥ 13-11-26 (81695)
তস্য বাক্যেন সৌম্যেন হর্ষিতঃ পাকশাসনঃ।
শুকং প্রোবাচ ধর্মজ্ঞমানৃশংস্যেন তোষিতঃ॥ 13-11-27 (81696)
বরং বৃণীষ্বেতি তদা স চ বব্রে বরং শুকঃ।
আনৃশংস্যপরো নিত্যং তস্য বৃক্ষস্য সম্ভবম্॥ 13-11-28 (81697)
বিদিৎবা চ দৃঢাং ভক্তিং তাং শুকে শীলসম্পদম্।
প্রীতঃ ক্ষিপ্রমথো বৃক্ষমমৃতেনাবসিক্তবান্॥ 13-11-29 (81698)
ততঃ ফলানি পত্রাণি শাখাশ্চাপি মনোহরাঃ।
শুকস্য দৃঢভক্তিৎবাচ্ছ্রীমত্তাং প্রাপ স দ্রুমঃ॥ 13-11-30 (81699)
শুকশ্চ কর্মণা তেন আনৃশংস্যকৃতেন বৈ।
আয়ুষোন্তে মহারাজ প্রাপ শক্রসলোকতাম্॥ 13-11-31 (81700)
এবমেব মনুষ্যেন্দ্র ভক্তিমন্তং সমাশ্রিতঃ।
সর্বার্থসিদ্ধিং লভতে শুকং প্রাপ্য যথা দ্রুমঃ॥ ॥ 13-11-32 (81701)
ইতি শ্রীমন্মহাভারতে অনুশাসনপর্বণি দানধর্মপর্বণি একাদশোঽধ্যায়ঃ॥ 11 ॥
Mahabharata - Anushaasana Parva - Chapter Footnotes
7-11-3 বিষয়ে দেশে। কাণ্ডং বাণম্॥ 7-11-4 তত্র মৃগয়ায়াম্॥ 7-11-5 দুর্বারিতাস্ত্রেণ দুর্বার্যশস্ত্রেণ। নিমিত্তাল্লক্ষ্যাচ্চপলশ্চলিত ইষুর্যস্য তেন। নিমিত্তবিফলেষুণেতি ধ. পাঠঃ॥ 7-11-6 দিগ্ধেন লিপ্তেন॥ 7-11-10 দ্বিজঃ পক্ষী। আনৃশংস্য পরদুঃখেন দুঃখিৎবম্॥ 7-11-11 সর্বেষাং নৃতির্যগাদীনাম্। সর্বত্র জাতৌ। সর্বং কৃপাঽনৈষ্টুর্যাদিকং দৃশ্যতে ইতি বাসবস্য বুদ্ধিরভবদিতি সম্বন্ধঃ॥ 7-11-13 দাক্ষেয়ো দক্ষদৌহিত্রী শুকীনাম॥ 7-11-14 তপসা জ্ঞানদৃষ্ট্যা॥ 7-11-23 অনুক্রোশ্য কৃপায়িৎবা। বৈফল্যং জন্মন ইতি শেষঃ॥ 7-11-25 সংশয়াৎ সংশয়ং প্রাপ্য। অতঃ সংশয়চ্ছেত্তৃৎবাৎ॥ 7-11-28 সম্ভবং সম্যগৌশ্বর্যং বরং বব্রে॥অনুশাসনপর্ব - অধ্যায় 012
॥ শ্রীঃ ॥
13.12. অধ্যায়ঃ 012
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ব্রাহ্মণপ্রশংসনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
যথৈব তে নমস্কার্যাঃ প্রোক্তাঃ শক্রেণ মানদ।
এতন্মে সর্বমাচক্ষ্ব যেভ্যঃ স্পৃহয়সে নৃপঃ॥ 13-12-1 (81702)
উত্তমাপদ্গতস্যাপি যত্র তে বর্ততে মনঃ।
মনুষ্যলোকে সর্বস্মিন্যদমুত্রেহ চাপ্যুত॥ 13-12-2 (81703)
ভীষ্ম উবাচ। 13-12-3x (6772)
স্পৃহয়ামি দ্বিজাতিভ্যো যেষাং ব্রহ্ম পরং ধনম্।
যেষাং সংপ্রত্যযঃ স্বর্গস্তপঃস্বাধ্যায়সাধনম্॥ 13-12-3 (81704)
যেষাং বালাশ্চ বৃদ্ধাশ্চ পিতৃপৈতামহীং ধুরম্।
উদ্বহন্তি ন সীদন্তি তেভ্যো বৈ স্পৃহয়াম্যহম্॥ 13-12-4 (81705)
বিদ্যাস্বভিবিনীতানাং দান্তানাং মৃদুভাষিণাম্।
শ্রুতবৃত্তোপপন্নানাং সদাঽক্ষরবিদাং সতাম্॥ 13-12-5 (81706)
সংসৎসু বদতাং তাত হংসানামিব সঙ্ঘশঃ।
মঙ্গল্যরূপা রুচিরা দিব্যজীমূতনিঃস্বনাঃ॥ 13-12-6 (81707)
সম্যগুচ্চরিতা বাচঃ শ্রূয়ন্তে হি যুধিষ্ঠির।
শুশ্রূষমাণে নৃপতৌ প্রেত্য চেহ সুখাবহাঃ॥ 13-12-7 (81708)
যে চাপি তেষাং শ্রোতারঃ সদা সদসি সম্মতাঃ।
বিজ্ঞানগুণসম্পন্নাস্তেভ্যশ্চ স্পৃহয়াম্যহম্॥ 13-12-8 (81709)
সুসংস্কৃতানি প্রয়তাঃ শুচীনি গুণবন্তি চ।
দদত্যন্নানি তৃপ্ত্যর্থং ব্রাহ্মণেভ্যো যুধিষ্ঠর।
যে চাপি সততং রাজংস্তেভ্যশ্চ স্পৃহয়াম্যহম্॥ 13-12-9 (81710)
শক্যং হ্যেবাহবে যোদ্ধুং ন দাতুমনসূয়িতুম্॥ 13-12-10 (81711)
শূরা বীরাশ্চ শতশঃ সন্তি লোকে যুধিষ্ঠির।
তেষাং সংখ্যায়মানানাং দানশূরো বিশিষ্যতে॥ 13-12-11 (81712)
`ভদ্রং তু জন্ম সম্প্রাপ্য ভূয়ো ব্রাহ্মণকো ভবেৎ।
বন্ধুমধ্যে কুলে জাতঃ সুদুরাপমবাপ্নুয়াৎ॥' 13-12-12 (81713)
ধন্যঃ স্যাং যদ্যহং ভূয়ঃ সৌম্যব্রাহ্মণকোপি বা।
কুলে জাতো ধর্মগতিস্তপোবিদ্যাপরায়ণঃ॥ 13-12-13 (81714)
ন মে ৎবত্তঃ প্রিয়তরো লোকেঽস্মিন্পাণ্ডুনন্দন।
ৎবত্তশ্চাপি প্রিয়তরা ব্রাহ্মণা এব ভারত॥ 13-12-14 (81715)
যথা মম প্রিয়তমাস্ৎবত্তো বিপ্রাঃ কুরূত্তম।
তেন সত্যেন গচ্ছেয়ং লোকান্যত্র স শন্তনুঃ॥ 13-12-15 (81716)
ন মে পিতা প্রিয়তরো ব্রহ্মণেভ্যস্তথাঽভবৎ।
ন মে পিতুঃ পিতা বাঽপি যে চান্যেঽপি সুহৃঞ্জনাঃ॥ 13-12-16 (81717)
ন হি মে বৃজিনং কিঞ্চিদ্বিদ্যতে ব্রাহ্মণেষ্বিহ।
অণু বা যদি বা স্থূলং বিদ্যতে সাধুকর্মসু॥ 13-12-17 (81718)
কর্মণা মনসা বাঽপি বাচা বাঽপি পরংতপ।
যন্মে কৃতং ব্রাহ্মণেভ্যস্তেনাদ্য ন তপাম্যহম্॥ 13-12-18 (81719)
ব্রহ্মণ্য ইতি মামাহুস্তয়া বাচাঽস্মি তোষিতঃ।
এতদেব পবিত্রেভ্যঃ সর্বেভ্যঃ পরমং স্মৃতম্॥ 13-12-19 (81720)
পশ্যামি লোকানমলাঞ্শুচীন্ব্রাহ্মণতোষণাৎ।
তেষু মে তাত গন্তব্যমহ্নায় চ চিরায় চ॥ 13-12-20 (81721)
যথা ভর্ত্রাশ্রয়ো ধর্মঃ স্ত্রীণাং লোকে যুদিষ্ঠির।
স দেবঃ সা গতির্নান্যা ক্ষত্রিয়স্য তথা দ্বিজাঃ॥ 13-12-21 (81722)
ক্ষত্রিয়ঃ শতবর্ষী চ দশবর্ষী দ্বিজোত্তমঃ।
পিতাপুত্রৌ চ বিজ্ঞেয়ৌ তয়োর্হি ব্রাহ্মণো গুরুঃ॥ 13-12-22 (81723)
নারী তু পত্যভাবে বৈ দেবরং কুরুতে পতিম্।
পৃথিবী ব্রাহ্মণালাভে ক্ষত্রিয়ং কুরুতে পতিম্॥ 13-12-23 (81724)
`ব্রাহ্মণানুজ্ঞয়া গ্রাহ্যং রাজ্যং চ সপুরোহিতৈঃ।
তদ্রক্ষণেন স্বর্গোঽস্য তৎকোপান্নরকোঽক্ষয়ঃ॥' 13-12-24 (81725)
পুত্রবচ্চৈব তে রক্ষ্যা উপাস্যা গুরুবচ্চ তে।
অগ্নিবচ্চোপচার্যা বৈ ব্রাহ্মণাঃ কুরুসত্তম্॥ 13-12-25 (81726)
ঋজুন্সতঃ সত্যশীলান্সর্বভূতহিতে রতান্।
আশীবিষানিব ক্রুদ্ধান্দ্বিজান্পরিচরেৎসদা॥ 13-12-26 (81727)
তেজসস্তপসশ্চৈব নিত্যং বিভ্যেদ্যুধিষ্ঠির।
উভে চৈতে পরিত্যাজ্যে তেজশ্চৈব তপস্তথা॥ 13-12-27 (81728)
ব্যবসায়স্তয়োঃ শীঘ্রমুভয়োরেব বিদ্যতে।
হন্যুঃ ক্রুদ্ধা মহারাজ ব্রাহ্মণা যে তপস্বিনঃ॥ 13-12-28 (81729)
`দূরতো মাতৃবৎপূজ্যা বিপ্রদারাঃ সুরক্ষয়া।
অকোপনাপরাধেন ভূয়ো নরকমশ্নুতে॥ 13-12-29 (81730)
ভূয়ঃ স্যাদুভয়ং দত্তং ব্রাহ্মণাদ্যদকোপনাৎ।
কুর্যাদুভয়তঃ শেষং দত্তশেষং ন শেষয়েৎ॥ 13-12-30 (81731)
দণ্ডপাণির্যথা গোষ্ঠং পালো নিত্যং হি রক্ষয়েৎ।
ব্রাহ্মণেষু স্থিতং ব্রহ্ম ক্ষত্রিয়ঃ পরিপালয়েৎ॥ 13-12-31 (81732)
পিতেব পুত্রান্রক্ষেথা ব্রাহ্মণান্ব্রহ্মতেজসঃ।
গৃহে চৈষামবেক্ষেথাঃ কিংস্বিদস্তীতি জীবনম্॥ ॥ 13-12-32 (81733)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বাদশোঽধ্যায়ঃ॥ 12 ॥
Mahabharata - Anushaasana Parva - Chapter Footnotes
7-12-2 যদমুত্রেহ চ হিতং তদ্বদেতি শেষঃ॥ 7-12-5 অক্ষরং ব্রহ্ম তদ্বিদাম্॥ 7-12-6 হংসসাদৃশ্যং ক্ষীরনীরয়োরিব সারসারয়োর্বিবেচনাৎ॥ 7-12-7 নৃপতৌ নৃপতেঃ সমীপে উচ্চরিতাঃ॥ 7-12-8 যে চাপি তেষাং দাতার ইতি ধ. পাঠঃ॥ 7-12-13 ব্রাহ্মণকঃ কুৎসিতব্রাহ্মণোপি যদ্যহং স্যাং তর্হি ধন্যঃ কিমুত ফুলে জাতঃ॥ 7-12-17 যৃজিনং সঙ্কটম্। ফলাশেথিয়াবৎ। পূজ্যৎবাদেব তান্পূজয়ামি নতু ফলায়েত্যর্থঃ॥ 7-12-18 তেন ব্রাহ্মণারাবনেন। ন তপামি ন ব্যথাং প্রাপ্তোমি॥ 7-12-19 ব্রহ্মণ্যো ব্রহ্মজাতৌ আসক্তঃ॥ 7-12-27 ব্রাহ্মণাদ্বিভ্যেৎ নতু তত্র তেজস্তপসী স্বীয়ে প্রকাশয়েদিত্যর্থঃ। তেজঃ ক্রোধবলম্। তপো যোগবলম্॥ 7-12-28 তয়োস্তপস্তেজসোর্ব্রহ্মণক্ষত্রিয়স্থয়োর্ব্যবসায়ঃ ফলমভিভবরূপং শীঘ্রং তীব্রং তথাপি তপস্বিন এবেতরান্ হন্যুর্ন তেজস্বিন ইত্যর্থঃ॥ 7-12-30 ল্যব্লোপে পঞ্চমী। অকোপনং ব্রাহ্মণং প্রাপ্য যদ্ভূয়ঃ বহুতরং উভয়ং তপস্তেজআখ্যং স্যাৎ তদ্দত্তং খণ্ডিতং ভবতীতি শেষঃ। উভয়ত উভয়ং চেৎ শেষং কুর্যাদ্ দত্তশেষং শেষয়েদিত্যন্বয়ঃ। দ্বাভ্যাং অন্যোন্যস্মিন্প্রয়ুক্তং তেজআদিদ্বয়ং ন নিঃশেষং নশ্যতি কিন্তু শেষম্। ক্ষমাবতা খণ্ডিতস্য তস্যাবশিষ্টং তু ন শেষয়েন্ন শিষ্যতে অপিতু নিঃশেষমেব নশ্যতীত্যর্থঃ॥ 30 ॥ 7-12-32 অভাবে তদ্দেয়মিত্যর্থঃ॥ 7-12-42 দ্বাদশোঽধ্যায়ঃ॥অনুশাসনপর্ব - অধ্যায় 013
॥ শ্রীঃ ॥
13.13. অধ্যায়ঃ 013
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ক্রমেণ ক্রোধস্যাতিথেশ্চ নিন্দাপ্রশংসনপরবেদচতুষ্টয়সংবাদানুবাদঃ॥ 1 ॥Mahabharata - Anushaasana Parva - Chapter Text
ভীষ্ম উবাচ।
অত্রাপ্যুদাহরন্তীমমিতিহাসং পুরাতনম্।
চতুর্ণামপি বেদানাং সংবাদং শৃণু পুত্রক॥ 13-13-1 (81734)
ঋগ্বেদ উবাচ। 13-13-2x (6773)
গৃহানাশ্রয়মাণস্য অগ্নিহোত্রং চ জুহ্বতঃ।
সর্বং সুকৃতমাদত্তে যঃ সায়ে নুদ্যতেঽতিথিঃ॥ 13-13-2 (81735)
ন স্কন্দতে ন ব্যথতে নাস্যোর্ধ্বং সর্পতে রজঃ।
বরিষ্ঠমগ্নিহোত্রাচ্চ ব্রাহ্মণস্য মুখে হুতম্॥ 13-13-3 (81736)
সামবেদ উবাচ। 13-13-4x (6775)
ন চেদ্ধন্তি পিতরং মাতরং বা
ন ব্রাহ্মণং নাপবাদং করোতি।
যৎকিংচিদন্যদ্বৃজিনং করোতি।
প্রীতোঽতিথিস্তদুপহন্তি পাপম্॥ 13-13-4 (81737)
অথর্ববেদ উবাচ। 13-13-5x (6776)
যৎক্রোধনো যজতে যদ্দদাতি
যদ্বা তপস্তপ্যতি যজ্জুহোতি।
বৈবস্বতো হরতে সর্বমস্য
মোঘং চেষ্টং ভবতি ক্রোধনস্য॥ ॥ 13-13-6 (81738)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রয়োদশোঽধ্যায়ঃ॥ 13 ॥
অনুশাসনপর্ব - অধ্যায় 014
॥ শ্রীঃ ॥
13.14. অধ্যায়ঃ 014
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ব্রাহ্মণানাং পতিব্রতানাং চ মহিমপ্রতিপাদকেন্দ্রাগ্ন্যাদিসংবাদানুবাদঃ॥ 1 ॥Mahabharata - Anushaasana Parva - Chapter Text
ভীষ্ম উবাচ।
ভূয়স্তু শৃণু রাজেন্দ্র ধর্মান্ধর্মভৃতাংবর॥ 13-14-1 (81739)
অত্রাপ্যুদাহরন্তীমমিতিহাসং পুরাতনম্।
ইন্দ্রাগ্ন্যোঃ সূর্যশচ্যোশ্চ তন্মে নিগদতঃ শৃণু॥ 13-14-2 (81740)
ইন্দ্র উবাচ। 13-14-3x (6777)
রাজ্যে বিপ্রান্প্রপশ্যামি কামক্রোধবিবর্জিতান্।
এতেন সত্যবাক্যেন পাদঃ কুম্ভস্য পূর্যতাম্॥ 13-14-3 (81741)
অগ্নিরুবাচ। 13-14-4x (6778)
যথাঽহং তত্র নাশ্নামি যত্র নাশ্নন্তি বৈ দ্বিজাঃ
এতেন সত্যবাক্যেন পাদঃ কুম্ভস্য পূর্যতাম্॥ 13-14-4 (81742)
সূর্য উবাচ। 13-14-5x (6779)
যথা গোব্রাহ্মণস্যার্থে ন তপামি যথাবলম্।
এতেন সত্যবাক্যেন পাদঃ কুম্ভস্য পূর্যতাম্॥ 13-14-5 (81743)
শচ্যুবাচ। 13-14-6x (6780)
কর্মণা মনসা বাচা নাবমন্যে পুরন্দরম্।
এতেন সত্যবাক্যেন পাদঃ কুম্ভস্য পূর্যতাম্॥ ॥ 13-14-6 (81744)
ইতি শ্রীমন্মহাভারতে অনুশাসনপর্বণি দানধর্মপর্বণি চতুর্দশোঽধ্যায়ঃ॥ 14 ॥
Mahabharata - Anushaasana Parva - Chapter Footnotes
7-14-3 যথা রাজ্যং প্রপাস্যামি কামকোধবিবর্জিত ইতি পাঠান্তরম্। পাস্যামি পালয়িষ্যামি। পা পালন ইতি ধাতোঃ। পাদঃ কুম্ভস্য পূর্বতামিতি। চতুর্ভাগাদেকো ভাগঃ পাদঃ। কুম্ভে একপাদোনতয়োদকপূরিতে সতি চতুর্থঃ পাদঃ স্বয়মেব পূর্যতামিত্যর্থঃ। যথা সত্যবলেনাগ্নিরনুষ্ণো ভবতি তদ্বদিত্যর্থঃ॥অনুশাসনপর্ব - অধ্যায় 015
॥ শ্রীঃ ॥
13.15. অধ্যায়ঃ 015
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ভগবন্মহিমপ্রতিপাদকব্যাসবাসুদেবসংবাদানুবাদঃ॥ 1 ॥Mahabharata - Anushaasana Parva - Chapter Text
ভীষ্ম উবাচ।
অত্রাপ্যুদাহরন্তীমমিতিহাসং পুরাতনম্।
মদ্ররাজস্য সংবাদং ব্যাসস্য চ মহাত্মনঃ॥ 13-15-1 (81745)
বৈতানে কর্মণি ততে কুন্তীপুত্র যথা পুরা।
উক্তঃ স ভগবান্যজ্ঞে তথা তত্রাশৃণোদ্ভবান্॥ 13-15-2 (81746)
মদ্ররাজ উবাচ। 13-15-3x (6781)
কানি তীর্থানি ভগবন্ফলার্থাশ্চেহ কেঽঽশ্রমাঃ।
ক ইজ্যতে কশ্চ যজ্ঞঃ কো যূপঃ ক্রমতে চ কঃ॥ 13-15-3 (81747)
কশ্চাধ্বরে শস্যতে গীতিশব্দৈঃ
কশ্চাধ্বরে গীয়তে বল্গুভাষৈঃ।
কো ব্রহ্মশব্দৈঃ স্তুতিভিঃ স্তূয়তে চ
কস্যেহ বৈ হবিরধ্বর্যবঃ কল্পয়ন্তি॥ 13-15-4 (81748)
বর্ণাশ্রমে গোফলে কশ্চ সোমে
কশ্চোংকারঃ কশ্চ বেদার্থমার্গঃ।
পৃষ্টস্তন্মে ব্রূহি সর্বং মহর্ষে
লোকজ্যেষ্ঠং কস্য বিজ্ঞানমাহুঃ॥ 13-15-5 (81749)
দ্বৈপায়ন উবাচ। 13-15-6x (6782)
লোকজ্যেষ্ঠং যস্য বিজ্ঞানমাহু
র্যোনিজ্যেষ্ঠং যস্য বদন্তি জন্ম।
পূতাত্মানো ব্রাহ্মণা বেদমুখ্যা
অস্মিন্প্রশ্নো দীয়তাং কেশবায়॥ 13-15-6 (81750)
ব্রাহ্মণ উবাচ। 13-15-7x (6783)
বালো জাত্যা ক্ষত্রধর্মার্থশীলো
জাতো দেবক্যাং শূরপুত্রেণ বীর।
বেত্তুং বেদানর্হতে ক্ষত্রিয়ো বৈ
দাশার্হাণামুত্তমঃ পুষ্করাক্ষঃ॥ 13-15-7 (81751)
বাসুদেব উবাচ। 13-15-8x (6784)
পারাশর্য ব্রূহি যদ্ব্রাহ্মণেভ্যঃ
প্রীতাত্মা বৈ ব্রহ্মকল্পঃ সুমেধাঃ।
পৃষ্টো যজ্ঞার্থং পাণ্ডবস্যাতিতেজা
এতচ্ছ্রেয়স্তস্য লোকস্য চৈব॥ 13-15-8 (81752)
ব্যাস উবাচ। 13-15-9x (6785)
উক্তং বাক্যং যদ্ভবান্মামবোচ-
ৎপ্রশ্নং চিত্রং নাহমত্রোৎসহেঽদ্য।
ছেত্তুং বিস্পষ্টং তিষ্ঠতি ৎবদ্বিধে বৈ
লোকজ্যেষ্ঠে বিশ্বরূপে সুনাভে॥ 13-15-9 (81753)
বাসুদেব উবাচ। 13-15-10x (6786)
তত্ৎবং বাক্যং ব্রূহি যত্ৎবং মহর্ষে
যস্মিন্কৃষ্ণঃ প্রোচ্যতে বৈ যথাবৎ।
প্রীতস্তেঽহং জ্ঞানশক্ত্যা যথাব-
ত্তস্মান্নির্দেশে কর্মণাং ব্রূহি সিদ্ধিম্॥ 13-15-10 (81754)
বৈশম্পায়ন উবাচ। 13-15-11x (6787)
উক্তবাক্যে সত্তমে যাদবানাং
কৃষ্ণো ব্যাসঃ প্রাঞ্জলির্বাসুদেবম্।
বিপ্রৈঃ সার্ধং পূজয়ন্দেবদেবং
কৃষ্ণং বিষ্ণুং বাসুদেবং বভাষে॥ 13-15-11 (81755)
ব্যাস উবাচ। 13-15-12x (6788)
13-15-12 (81756)
আনন্ত্যং তে বিশ্বকর্মংস্তবৈবং
রূপং পৌরাণং শাশ্বতং চ ধ্রুবং চ।
কস্তে বুদ্ধ্যেদ্বেদবাদেষু চৈত-
ল্লোকে হ্যস্মিঞ্শাসকস্ৎবং পিতেব॥
অনুশাসনপর্ব - অধ্যায় 016
॥ শ্রীঃ ॥
13.16. অধ্যায়ঃ 016
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ভগবন্মহিমপ্রতিপাদকব্যাসবচনানুবাদঃ॥ 1 ॥Mahabharata - Anushaasana Parva - Chapter Text
`ভীষ্ম উবাচ।
দ্বারকায়াং যথা প্রাহ পুরাঽয়ং মুনিসত্তমঃ।
বেদবিপ্রময়ৎবং তু বাসুদেবস্য তচ্ছৃণু॥ 13-16-1 (81757)
যূপং বিষ্ণুং বাসুদেবং বিজান-
ন্সর্বান্বিপ্রান্বোধতে তৎবদর্শি।
বিষ্ণুং ক্রান্তং বাসুদেবং বিজান-
ন্বিপ্রো বিপ্রৎবং গচ্ছতে তৎবদর্শী॥ 13-16-2 (81758)
বিষ্ণুর্যজ্ঞস্ৎবিজ্যতে চাপি বিষ্ণুঃ
কৃষ্ণো বিষ্ণুর্যশ্চ কৃৎস্নঃ প্রভুশ্চ।
কৃষ্ণো বেদাঙ্গং বেদবাদাশ্চ কৃষ্ণ
এবং জানন্ব্রাহ্মণো ব্রহ্ম এতি॥ 13-16-3 (81759)
স্থানং সর্বং বৈষ্ণবং যজ্ঞমার্গে
চাতুর্হোত্রং বৈষ্ণবং তত্র কৃষ্ণঃ।
সর্বৈর্ভাবৈরিজ্যতে সর্বকামৈঃ
পুণ্যাঁল্লোকান্ব্রাহ্মণাঃ প্রাপ্নুবন্তি॥ 13-16-4 (81760)
সোমং সদ্ভাবাদ্যে চ জাতং পিবন্তি
দীপ্তিং কর্ম যে বিদানাশ্চরন্তি।
একান্তমিষ্টং চিন্তয়ন্তো দিবিস্থা-
স্তে বৈ স্থানং প্রাপ্নুবন্তি ব্রতজ্ঞাঃ॥ 13-16-5 (81761)
ওমিত্যেতদ্ধ্যায়মানো ন গচ্ছে-
দ্দুর্গং পন্থানং পাপকর্মাপি বিপ্রঃ।
সর্বং কৃষ্ণং বাসুদেবং হি বিগ্রাঃ
কৃৎবা ধ্যানং দুর্গতিং ন প্রয়ান্তি॥ 13-16-6 (81762)
আজ্যং যজ্ঞঃ স্রুক্স্রুবৌ যজ্ঞদাতা
ইচ্ছা পত্নী পত্নিশালা হবীংষি।
ইধ্যাঃ পুরোডাশং সর্বদা হোতৃকর্তা
কৃৎস্নং বিষ্ণুং সংবিজানংস্তমেতি॥ 13-16-7 (81763)
যোগেয়োগে কর্মণাং চাভিহারে
যুক্তে বৈতানে কর্মণি ব্রাহ্মণস্য।
পুষ্ট্যর্থেষু প্রাপ্নুয়াৎকর্মসিদ্ধিং
শান্ত্যর্থেষু প্রাপ্নুয়াৎসর্বশান্তিম্ট'॥ ॥ 13-16-8 (81764)
ইতি শ্রীমন্মহাভারতে অনুশাসনপর্বণি দানধর্মপর্বণি ষোডশোঽধ্যায়ঃ॥ 16 ॥
অনুশাসনপর্ব - অধ্যায় 017
॥ শ্রীঃ ॥
13.17. অধ্যায়ঃ 017
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ভক্তিশ্রদ্ধাদীনাং ভুক্তিসাধনতাপ্রতিপাদকব্যাসবাক্যানুবাদঃ॥ 1 ॥Mahabharata - Anushaasana Parva - Chapter Text
`দ্বৈপায়ন উবাচ।
শ্রদ্দাত্যাগং নির্বৃতিং চাপি পূজাং
সত্যং ধর্মং যঃ কৃতং চাভ্যুপৈতি।
কামদ্বেষৌ ত্যজ্য সর্বেষু তুল্যঃ
শ্রদ্ধাপূতঃ সর্বয়জ্ঞেষু যোগ্যঃ॥ 13-17-1 (81765)
যস্মিন্যজ্ঞে সর্বভূতাঃ প্রহৃষ্টাঃ
সর্বে চারম্ভাঃ শাস্ত্রদৃষ্টাঃ প্রবৃত্তাঃ।
ধর্ম্যৈরর্থ্যৈর্যে যজন্তে ধ্রুবং তে
পূতাত্মানো ধর্মমেকং ভজন্তে॥ 13-17-2 (81766)
একাক্ষরং দ্ব্যক্ষরমেকমেব
সদা যজন্তে নিয়তাঃ প্রতীতাঃ।
দৃষ্ট্বা মনাগর্চয়িৎবা স্ম বিপ্রাঃ
সতাং মার্গং তং ধ্রুবং সম্ভজন্তে॥ 13-17-3 (81767)
পাপাত্মানঃ ক্রোধরগাভিভূতাঃ
কৃষ্ণে ভক্তা নাম সঙ্কীর্তয়ন্তঃ।
পূতাত্মানো যজ্ঞশীলাঃ সুমেধা
যজ্ঞস্যান্তে কীর্তিলোকান্ভজন্তে॥ 13-17-4 (81768)
একো বেদো ব্রাহ্মণানাং বভূব
চতুষ্পাদস্ত্রিগুণো ব্রহ্মশীর্ষঃ।
পাদংপাদং ব্রাহ্মণা বেদমাহু-
স্ত্রেতাকালে তং চ তং বিদ্ধি শীর্ষম্॥' ॥ 13-17-5 (81769)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তদশোঽধ্যায়ঃ॥ 17 ॥
অনুশাসনপর্ব - অধ্যায় 018
॥ শ্রীঃ ॥
13.18. অধ্যায়ঃ 018
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি শ্রীকৃষ্ণমহিমপ্রতিপাদকব্যাসমদ্ররাজসংবাদানুবাদঃ॥ 1 ॥Mahabharata - Anushaasana Parva - Chapter Text
`দ্বৈপায়ন উবাচ।
সর্বে বেদাঃ সর্ববেদ্যাঃ সশাস্ত্রাঃ
সর্বে যজ্ঞাঃ সর্ব ইত্যশ্চ কৃষ্ণঃ।
বিদুঃ কৃষ্ণং ব্রাহ্মণাস্তৎবতো যে
তেষাং রাজন্সর্বয়জ্ঞঃ সমাপ্তঃ॥ 13-18-1 (81770)
জ্ঞেয়ো যোগী ব্রাহ্মণৈর্বেদতৎবৈ-
রারণ্যকৈঃ সৈষ কৃষ্ণঃ প্রভুৎবাৎ।
সর্বান্যজ্ঞান্ব্রাহ্মণান্ব্রহ্ম চৈব
ব্যাপ্যাতিষ্ঠদ্দেবদেবস্ত্রিলোকে॥ 13-18-2 (81771)
স এষ দেবঃ শক্রমীশং যজানং
প্রীত্যা প্রাহ ক্রতুয়ষ্টারমগ্র্যম্
ন মা শক্রো বেদবেদার্থতৎবা-
দ্ভক্তো ভক্ত্যা শুদ্ধভাবপ্রধানঃ॥ 13-18-3 (81772)
মা জানন্তে ব্রহ্মশীর্ষং বরিষ্ঠং
বিশ্বে বিশ্বং ব্রহ্ময়োনিং হ্যযোনিম্।
সর্বত্রাহং শাশ্বতঃ শাশ্বতেশঃ
কৃৎস্নো বেদোঽগ্নির্নির্গুণোঽনন্ততেজাঃ॥ 13-18-4 (81773)
সর্বে দেবা বাসুদেবং যজন্তে
ততো বুদ্ধ্যা মার্গমাণাস্তনূনাম্।
সর্বান্কামান্প্রাপ্নুবন্তে বিশালাং-
স্ত্রৈলোক্যেঽস্মিন্কৃষ্ণনামাভিধানাৎ॥ 13-18-5 (81774)
কৃষ্ণো যজ্ঞৈরিজ্যতে যায়জূকৈঃ
কৃষ্ণো বীর্যৈরিজ্যতে বিক্রমদ্ভিঃ।
কৃষ্ণো বাক্যৈরিজ্যতে সম্মৃশানৈঃ
কৃষ্ণো মুক্তৈরিজ্যতে বীতমোহৈঃ॥ 13-18-6 (81775)
বিদ্যাবন্তঃ সোমপা যে বিপাপা
ইষ্ট্বা যজ্ঞের্গোচরং প্রার্থয়ন্তে। 13-18-7 (81776)
ভবগানুবাচ।
সর্বং ক্রান্তং দেবলোকং বিশাল-
মন্তে গৎবা মুক্তিলোকং ভজন্তি॥ 13-18-7x (6789)
এবং সর্বে ৎবাশ্রমাঃ সুব্রতা যে
মাং জানন্তো যান্তি লোকানদীনান্।
যে ধ্যানদীক্ষামুদ্বহন্তো বিপাপা
জ্যোতির্ভূৎবা দেবলোকং ভজন্তি॥ 13-18-8 (81777)
পূজ্যন্তে মাং পূজয়ন্তঃ প্রহৃষ্টা
মাং জানন্তঃ শ্রদ্ধয়া বাসুদেবম্।
ভক্ত্যা তুষ্টোঽহং তস্য সত্ৎবং প্রয়চ্ছে
সৎবস্পৃষ্টো বীতমোহোঽয়মেতি॥ 13-18-9 (81778)
দ্বৈপায়ন উবাচ। 13-18-10x (6790)
জ্যোতীংষি শুক্তানি চ যানি লোকে
ত্রয়ো লোকা লোকপালাস্ত্রয়শ্চ।
ত্রয়োঽগ্নয়শ্চাহুতয়শ্চ পঞ্চ
সর্বে দেবা দেবকীপুত্র এব॥ 13-18-10 (81779)
ভীষ্ম উবাচ। 13-18-11x (6791)
ব্যাসস্যৈতদ্বচঃ শ্রুৎবা মদ্ররাজঃ সহর্ষিভিঃ।
ব্যাসং কৃষ্ণং চ বিধিবৎপ্রীতাত্মা প্রত্যপূজয়ৎ॥ 13-18-11 (81780)
বৈশম্পায়ন উবাচ। 13-18-12x (6792)
কবিঃ প্রয়াতস্তু মহর্ষিপুত্রো
দ্বৈপায়নস্তদ্বচনং নিশম্য।
জগাম পৃথ্বীং শিরসা মহাত্মা
নমশ্চ কৃষ্ণায় চকার ভীষ্মঃ॥' ॥ 13-18-12 (81781)
ইতি শ্রীমন্মহাভারতে অনুশাসনপর্বণী দানধর্মপর্বণি অষ্টাদশোঽধ্যায়ঃ॥ 18 ॥
অনুশাসনপর্ব - অধ্যায় 019
॥ শ্রীঃ ॥
13.19. অধ্যায়ঃ 019
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
শ্রীকৃষ্ণেন ভীষ্মংপ্রতি যুধিষ্ঠিরায় গরুডোপাখ্যানকথনচোদনা॥ 1 ॥Mahabharata - Anushaasana Parva - Chapter Text
`যুধিষ্ঠির উবাচ।
গরুডঃ পক্ষিণাং শ্রেষ্ঠ ইতি পূর্বং পিতামহ।
উক্তস্ৎবয়া মহাবাহো শ্বেতবাহং প্রশংসতা॥ 13-19-1 (81782)
অত্র কৌতূহল ইতি শ্রবণে জায়তে মতিঃ।
কথং গরুত্মান্পক্ষীণাং শ্রৈষ্ঠ্যং প্রাপ পরন্তপ॥ 13-19-2 (81783)
সুপর্ণো বৈনতেয়শ্চ কেন শত্রুশ্চ ভোগিনাম্।
কিংবীর্যঃ কিংবলশ্চাসৌ বক্তুমর্হসি ভারত॥ 13-19-3 (81784)
ভীষ্ম উবাচ। 13-19-4x (6793)
বাসুদেব মহাবাহো দেবকী সুপ্রজাস্ৎবয়া।
শ্রুতং তে ধর্মরাজস্য মম হর্ষবিবর্ধন॥ 13-19-4 (81785)
সুপর্ণং শংস ইত্যেব মামাহ কুরুনন্দনঃ।
অস্য প্রবক্তুমিচ্ছামি ৎবয়াঽজ্ঞপ্তো মহাদ্যুতে॥ 13-19-5 (81786)
ৎবং হি শৌরে মহাবাহো সুপর্ণঃ প্রোচ্যসে পুরা।
অনাদিনিধনে কালে গরুডশ্চাসি কেশব॥ 13-19-6 (81787)
তস্মাৎপূর্বং প্রসাদ্য ৎবাং ধর্মপুত্রায় ধীমতে।
গরুডং পততাংশ্রেষ্ঠং বক্তুমিচ্ছামি মাধব॥ 13-19-7 (81788)
বাসুদেব উবাচ। 13-19-8x (6794)
যথৈব মাং ভবান্বেদ তথা বেদ যুধিষ্ঠিরঃ।
যথা চ গরুডো জাতস্তথাঽস্মৈ ব্রূহি তৎবতঃ'॥ ॥ 13-19-8 (81789)
ইতি শ্রীমন্মহাভারতে অনুশাসনপর্বণি দানধর্মপর্বণি একোনবিংশোঽধ্যায়ঃ॥ 19 ॥
অনুশাসনপর্ব - অধ্যায় 020
॥ শ্রীঃ ॥
13.20. অধ্যায়ঃ 020
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কশ্যপেন স্বভার্যযোঃ কদ্রূবিনতয়োঃ ক্রমেণি পুত্রসহস্রতদ্দ্বয়লাভরূপবরদানম্॥ 1 ॥ কদ্র্বা অণ্ডসহস্রাৎসর্পসহস্রবিনির্গমে উৎকণ্ঠিতয়া বিনতয়া স্বীয়াণ্ডদ্বয়ে একতরাণ্ডবিভেদনম্॥ 2 ॥ অকালেঽণ্ডভেদনাদসমগ্রাঙ্গতয়া জাতেনারূপেণ বিনতায়ৈ দাস্যপ্রাপ্তিরূপশাপদানম্॥ 3 ॥Mahabharata - Anushaasana Parva - Chapter Text
`ভীষ্ম উবাচ।
যুধিষ্ঠির মহাবাহো শৃণু রাজন্যথাতথম্।
গরুডং পক্ষিণাং শ্রেষ্ঠং বৈনতেয়ং মহাবলম্॥ 13-20-1 (81790)
তথা চ গরুডো রাজন্সুপর্ণশ্চ যথাঽভবৎ।
যথা চ ভুজগান্হন্তি তথা মে ব্রুবতঃ শৃণু॥ 13-20-2 (81791)
পুরাঽহং তাত রামেণি জামদগ্ন্যেন ধীমতা।
কৈলাসশিখরে রম্যে মৃগান্নিঘ্নন্সহস্রশঃ॥ 13-20-3 (81792)
তমহং তাত দৃষ্টৈব শস্ত্রণ্যুৎসৃজ্য সর্বশঃ।
অভিবাদ্য পূর্বং রামায় বিনয়েনোপতস্থিবান্॥ 13-20-4 (81793)
তমহং কথান্তে বরদং সুপর্ণস্য বলৌজসী।
অপৃচ্ছং স চ মাং প্রীতঃ প্রত্যুবাচ যুধিষ্ঠির॥ 13-20-5 (81794)
কদ্রূশ্চ বিনতা চাস্তাং প্রজাপতিসুতে উভে।
তে তু ধর্মেণোপয়েমে মারীচঃ কশ্যপঃ প্রভুঃ॥ 13-20-6 (81795)
প্রাদাত্তাভ্যাং বরং প্রীতো ভার্যাভ্যাং সুমহাতপাঃ॥ 13-20-7 (81796)
তত্র কদ্রূর্বরং বব্রে পুত্রাণাং দশতঃ শতম্।
তুল্যতেজঃপ্রভাবানাং সর্বেষাং তুল্যজন্মনাম্॥ 13-20-8 (81797)
বিনতা তু বব্রে দ্বৌ পুত্রৌ বীরৌ ভরতসত্তম।
কদ্রূপুত্রসহস্রেণ তুল্যবেগপরাক্রমৌ॥ 13-20-9 (81798)
স তু তাভ্যাং বরং প্রাদাত্তথেত্যুক্ৎবা মহাতপাঃ।
জনয়ামাস তান্পুত্রাং স্তাভ্যামাসীদ্যথা পুরা॥ 13-20-10 (81799)
কদ্রূঃ প্রজজ্ঞে হ্যণ্ডানাং তথৈব দশতঃশতম্।
অণ্ডে দ্বে বিনতা চৈব দর্শনীয়তরে শুভে॥ 13-20-11 (81800)
তানি ৎবণ্ডানি তু তয়োঃ কদ্রূবিনতয়োর্দ্বয়োঃ।
সোপস্বেদেষু পাত্রেষু নিদধুঃ পরিচারিণঃ॥ 13-20-12 (81801)
নিস্সরন্তি তদাঽণ্ডেভ্যঃ কদ্রূপুত্রা ভুজঙ্গমাঃ।
পঞ্চবর্ষশতে কালে দৃষ্ট্বাঽমোঘবলৌজসঃ॥ 13-20-13 (81802)
বিনতা তেষু জাতেষু পন্নগেষু মহাত্মসু।
বিপুত্রা পুত্রসংতাপাদ্দণ্ডমেকং বিভেদ হ॥ 13-20-14 (81803)
কিমনেন করিষ্যেঽহমিতি বাক্যমভাষত।
নহি পঞ্চশতে কালে পুরা পুত্রৌ দদর্শ সা॥ 13-20-15 (81804)
সাপশ্যদণ্ডান্নিষ্ক্রান্তং বিনাপত্রং মনস্বিনম্।
পূর্বকায়োপসম্পন্নং বিয়ুক্তমিতরেণ হ॥ 13-20-16 (81805)
দৃষ্ট্বা তু তং তথারূপমসমগ্রশরীরিণম্।
পুত্রদুঃখান্বিতাঽশোচৎস চ পক্ষী তথা গতঃ॥ 13-20-17 (81806)
অব্রবীচ্চ মুদা যুক্তঃ পর্যশ্রুনয়নস্তদা।
মাতরং চ পলাশী হ হতোঽহমিতি চাসকৃৎ॥ 13-20-18 (81807)
ন ৎবয়া কাঙ্ক্ষিতঃ কালো যাবানেবাত্যগাৎপুরা।
আবাং ভবায় পুত্রৌ তে শ্বসনাদ্বলবত্তরৌ॥ 13-20-19 (81808)
ঈর্ষ্যাক্রোধাভিভূতৎবাদ্যোহমেবং কৃতস্ৎবয়া।
তস্মাত্ৎবমপি মে মাতর্দাসীভাবং গমিষ্যসি॥ 13-20-20 (81809)
পঞ্চবর্ষশতানি ৎবং স্পর্ধসে বৈ যয়া সহ।
দাসী তস্যা ভবিত্রীতি সাশ্রুপাতমুবাচ হ॥ 13-20-21 (81810)
এষ চৈব মহাভাগে বলী বলবতাংবরঃ।
মোক্ষয়িষ্যতি তে মাতর্দাসীভাবান্মমানুজঃ॥' ॥ 13-20-22 (81811)
ইতি শ্রীমন্মহাভারতে অনুশাসনপর্বণি দানধর্মপর্বণি বিংশোঽধ্যায়ঃ॥ 20 ॥
Mahabharata - Anushaasana Parva - Chapter Footnotes
7-20-3 রামেণ সঙ্গত ইতি শেষঃ॥অনুশাসনপর্ব - অধ্যায় 021
॥ শ্রীঃ ॥
13.21. অধ্যায়ঃ 021
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বর্ষসহস্রান্তে পরিণতাদণ্ডাদ্বিনির্গতেন গরুডেন মাতৃপার্শ্বং বিহায় চিরাদ্দেশান্তরেষ্বেব সঞ্চরণম্॥ 1 ॥ কদাচনং কদ্রূবিনতাক্ষ্যাং সমুদ্রান্তে উচ্চৈরশ্রবসো হয়স্য দর্শনম্॥ 2 ॥ কদ্র্বা হয়স্য বর্ণং পৃষ্টয়া বিনতয়া সর্বাঙ্গশ্বেতৎবকথনম্। `কদ্র্বা তু নীলবালৎবকথনম্॥ 3 ॥' তথা বিবদমানাভ্যাং তাভ্যাং স্বোক্তব্যত্যাসে অন্যতরয়াঽন্যতরস্যা দাস্যবহনরূপপণবন্ধনম্॥ 4 ॥Mahabharata - Anushaasana Parva - Chapter Text
`ভীষ্ম উবাচ।
বিনতা পুত্রশোকার্তা শাপাদ্ভীতা চ ভারত।
প্রতীক্ষতে স্ম তং কালং যঃ পুত্রোক্তস্তদাঽভবৎ॥ 13-21-1 (81812)
ততোঽপ্যতীতে পঞ্চশতে বর্ষাণাং কালসংয়ুগে।
গরুডোঽথ মহাবীর্যো জজ্ঞে ভুজগভুগ্বলী॥ 13-21-2 (81813)
বন্ধুরাস্যঃ শিখী পত্রকোশঃ কূর্মনখো মহান্।
রক্তাক্ষঃ সংহতগ্রীবো হ্রস্বপাদো মহাশিরাঃ॥ 13-21-3 (81814)
যস্ৎবণ্ডাৎস বিনির্ভিন্নো নিষ্ক্রান্তো ভরতর্ষভ।
বিনতাপূর্বজঃ পুত্রঃ সোঽরুণো দৃশ্যতে দিবি॥ 13-21-4 (81815)
পূর্বাং দিশামভিপ্রেত্য সূর্যস্যোদয়নং প্রতি।
অরুণোঽরুণসংকাশো নাম্না চৈবারুণঃ স্মৃতঃ॥ 13-21-5 (81816)
জাতমাত্রস্তু বিহগো গরুডঃ পন্নগাশনঃ।
বিহায় মাতরং ক্ষিপ্রমগমৎসর্বতো দিশঃ॥ 13-21-6 (81817)
স তদা ববৃধেঽতীব সর্বকামৈঃ কদাঽর্চিতঃ।
পিতামহবিসৃষ্টেন ভোজনেন বিশাংপতে॥ 13-21-7 (81818)
তস্মিংশ্চ বিহগে তত্র যথাকামং বিবর্ধতি।
কদ্রূশ্চ বিনতা চৈবাগচ্ছতাং সাগরং প্রতি॥ 13-21-8 (81819)
দদৃশাতে তু তে যান্তমুচ্চৈশ্শ্রবসমন্তিকাৎ।
স্নাৎবোপবৃত্তং ৎবরিতং পীতবন্তং চ বাজিনম্॥ 13-21-9 (81820)
ততঃ কদ্রূর্হসন্ত্যেব বিনতামিদমব্রবীৎ।
হয়স্য বর্ণঃ কো ন্বত্র ব্রূহি যস্তে মতঃ শুভে॥ 13-21-10 (81821)
বিনতোবাচ। 13-21-11x (6795)
একবর্ণো হয়ো রাজ্ঞি সর্বশ্বেতো মতো মম।
বর্ণং বা কীদৃশং তস্য মন্যতে ৎবং মনস্বিনি॥ 13-21-11 (81822)
কদ্রূরুবাচ। 13-21-12x (6796)
সর্বশ্বেতো মতস্তুভ্যং য এষ হয়সত্তমঃ।
ব্রূহি কল্যাণি দীব্যাবো বর্ণান্যৎবেন ভামিনি॥ 13-21-12 (81823)
বিনতোবাচ। 13-21-13x (6797)
যদ্যার্যে দীব্যসি ৎবং মে কঃ পণো নো ভবিষ্যতি।
সা তজ্জ্ঞাৎবা পণেয়ং বৈ জ্ঞাৎবা তু বিপণে ৎবয়া॥ 13-21-13 (81824)
কদ্রূরুবাচ। 13-21-14x (6798)
জিতা দাসী ভবের্মে ৎবমহং চাপ্যসিতেক্ষণে।
নৈকবর্ণৈকবর্ণৎবে বিনতে রোচতে চ তে॥ 13-21-14 (81825)
রোচতে মে পণে রাজ্ঞি দাসীৎবেন ন সংশয়ঃ।
সত্যমাতিষ্ঠ ভদ্রং তে সত্যে স্থাস্যামি চাপ্যহম্'॥ ॥ 13-21-15 (81826)
ইতি শ্রীমন্মহাভারতে অনুশাসনপর্বণি দানধর্মপর্বণি একবিংশোঽধ্যায়ঃ॥ 21 ॥
অনুশাসনপর্ব - অধ্যায় 022
॥ শ্রীঃ ॥
13.22. অধ্যায়ঃ 022
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কদ্র্বা স্বপুত্রান্প্রতি বিনতয়া সহ স্বস্য পণবন্ধননিবেদনপূর্বকমুচ্চৈরশ্রবসো বালে স্বাঙ্গবেষ্টনেন নৈল্যসম্পাদনচোদনা॥ 1 ॥Mahabharata - Anushaasana Parva - Chapter Text
`ভীষ্ম উবাচ।
বিনতা তু তথেত্যুক্ৎবা কৃতসংশয়না পণে।
কদ্রূরপি তথেত্যুক্ৎবা পুত্রানিদমুবাচ হ॥ 13-22-1 (81827)
ময়া কৃতঃ পণঃ পুত্রা মিথো বিনতয়া সহ।
উচ্চৈরশ্রবসি গান্ধর্বে তচ্ছৃণুধ্বং ভুজঙ্গমাঃ॥ 13-22-2 (81828)
অব্রবং নৈকবর্ণং তং সৈকবর্ণমথাব্রবীৎ।
জিতা দাসী ভবেৎপুত্রাঃ সা বাঽহং বা ন সংশয়ঃ॥ 13-22-3 (81829)
একবর্ণশ্চ বাজী স চন্দ্রকোকনদপ্রভঃ।
সাঽহং দাসী ভবিষ্যামি জিতা পুত্রা ন সংশয়ঃ॥ 13-22-4 (81830)
তে যূয়মশ্বপ্রবরমাবিশধ্বমতন্দ্রিতাঃ।
সর্বশ্বেতং বালধিষু বালা ভূৎবাঞ্জনপ্রভাঃ॥ 13-22-5 (81831)
সর্পা ঊচুঃ। 13-22-5x (6799)
নিকৃত্যা ন জয়ঃ শ্রেয়ান্মাতঃ সত্যা গিরঃ শৃণু।
আয়ত্যাং চ তদাৎবে চ ন চ ধর্মোঽত্র বিদ্যতে॥ 13-22-6 (81832)
সা ৎবং ধর্মাদপেতং বৈ কুলস্যৈবাহিতং তব।
নিকৃত্যা বিজয়ং মাতর্মা স্ম কার্ষীঃ কথঞ্চনা॥ 13-22-7 (81833)
যদ্যধর্মেণ বিজয়ং বয়ং কাঙ্ক্ষামহে ক্বচিৎ।
ৎবয়া নাম নিবার্যাঃ স্ম মা কুরুধ্বমিতি ধ্রুবম্॥ 13-22-8 (81834)
সা ৎবমস্মানপি সতো বিপাপানৃজুবুদ্ধিনঃ।
কল্মষেণাভিসংয়োক্তুং কাঙ্ক্ষসে লোভমোহিতা॥ 13-22-9 (81835)
তে বয়ং ৎবাং পরিত্যজ্য দ্রবিষ্যাম দিশো দশ।
যত্র বাক্যং ন তে মাতঃ পুনঃ শ্রোষ্যাম ঈদৃশম্॥ 13-22-10 (81836)
গুরোরপ্যবলিপ্তস্য কার্যাকার্যমজানতঃ।
উৎপথং প্রতিপন্নস্য পরিত্যাগো বিধীয়তে॥ 13-22-11 (81837)
কদ্রূরুবাচ। 13-22-12x (6800)
শৃণোমি বিবিধা বাচো হেতুমত্যঃ সমীরিতাঃ।
বক্রমার্গনিবৃত্ত্যর্থং তদহং বো ন রোচয়ে॥ 13-22-12 (81838)
ন চ তৎপণিতং মন্দাঃ শক্যং জেতুমতোঽন্বথা।
জিতে নিকৃত্যা শ্রুৎবৈতৎক্ষেমং কুরুত পুত্রকাঃ॥ 13-22-13 (81839)
শ্বোঽহং প্রভাতসময়ে জিতা ধর্মেণ পুত্রকাঃ।
শৈলূষিণী ভবিষ্যামি বিনতায়া ন সংশয়ঃ॥ 13-22-14 (81840)
ইহ চামুত্র চার্থায় পুত্রানিচ্ছন্তি মাতরঃ।
সেয়মীহা বিপন্না মে যুষ্মানাসাদ্য সঙ্গতাম্॥ 13-22-15 (81841)
ইহ বা তারয়েৎপুত্রঃ প্রেত্য বা তারয়েৎপিতৄন্।
মাত্র চিত্রং ভবেকিঞ্চিৎপুনাতীতি চ পুত্রকঃ॥ 13-22-16 (81842)
তে যূয়ং তারণার্থায় মম পুত্রা মনোজবাঃ।
আবিশধ্বং হয়শ্রেষ্ঠং বালা ভূৎবাঽঞ্জনপ্রভাঃ॥ 13-22-17 (81843)
জানাম্যধর্মং সকলং বিজিতা বিনতা ভবেৎ।
নিকৃত্যা দাসভাবস্তু যুষ্মানপ্যবপীডয়েৎ॥ 13-22-18 (81844)
নিকৃত্যা বিজয়ো বেতি দাসৎবং বা পরাভবে।
উভয়ং নিশ্চয়ং কৃৎবা জয়ো বৈ ধার্মিকো বরঃ॥ 13-22-19 (81845)
যদ্যপ্যধর্মো বিজয়ো যুষ্মানেব স্পৃশেৎপুনঃ।
গুরোর্বচনমাস্থায় ধর্মো বা সম্ভবিষ্যতি'॥ ॥ 13-22-20 (81846)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বাবিংশোঽধ্যায়ঃ॥ 22 ॥
অনুশাসনপর্ব - অধ্যায় 023
॥ শ্রীঃ ॥
13.23. অধ্যায়ঃ 023
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কদ্র্বা স্ববচনতিরস্কারিণঃ কাংশ্চন পুত্রান্প্রতি জনমেজয়সর্পসত্রে নিধনরূপশাপদানম্॥ 1 ॥ কৈশ্চন সর্পৈরুচ্চৈরশ্রবসো বালে স্বাঙ্গবেষ্টনেন নৈল্যসম্পাদনম্॥ 2 ॥ ততঃ কদ্রূচোদনয়া হয়বালে নৈল্যদর্শিন্যা বিনতয়া তদ্দাস্যাঙ্গীকরণম্॥ 3 ॥Mahabharata - Anushaasana Parva - Chapter Text
`ভীষ্য উবাচ।
শ্রুৎবা তু বচনং মাতুঃ ক্রুদ্ধায়াস্তে ভুজঙ্গমাঃ।
কৃচ্ছ্রেণৈবান্বমোদন্ত কেচিদ্ধিৎবা দিশো গতাঃ॥ 13-23-1 (81847)
যে প্রতস্থুর্দিশস্তত্র ক্রুদ্ধা তানশপদ্ভৃশম্।
ভুজঙ্গমানাং মাতাঽসৌ কদ্রূর্বৈরকরী তদা॥ 13-23-2 (81848)
উৎপৎস্যতি হি রাজন্যঃ পাণ্ডবো জনমেজয়ঃ।
চতুর্থো ধন্বিনাং শ্রেষ্ঠাৎকুন্তীপুত্রাদ্ধনঞ্জয়াৎ॥ 13-23-3 (81849)
স সর্পসত্রমাহর্তা ক্রুদ্ধঃ কুরুকুলোদ্বহঃ।
তস্মিন্সত্রেঽগ্নিনা যুষ্মান্পঞ্চৎবমুপনেষ্যতি॥ 13-23-4 (81850)
এবং ক্রুদ্ধাঽশপন্মাতা পন্নগান্ধর্মচারিণঃ।
গুরোঃ পরিত্যাগকৃতং নৈতদন্যদ্ভবিষ্যতি॥ 13-23-5 (81851)
এবং শপ্তা দিশঃ প্রাপ্তাঃ পন্নগা ধর্মচারিণঃ।
বিহায় মাতরং ক্রুদ্ধা গতা বৈরকরীং তদা॥ 13-23-6 (81852)
তত্র যে বৃজিনং তস্যা অনাপন্না ভুজঙ্গমাঃ।
তে তস্য বাজিনো বালা বভূবুরসিতপ্রভাঃ॥ 13-23-7 (81853)
তান্দৃষ্ট্বা বালধিস্থাংশ্চ পুত্রান্কদ্রূরথাব্রবীৎ।
বিনতামথ সংহৃষ্টা হয়োসৌ দৃশ্যতামিতি॥ 13-23-8 (81854)
একবর্ণো ন বা ভদ্রে পণো নৌ সুব্যবস্থিতঃ।
উতকাদুত্তরন্তং তং হয়ং চৈব চ ভামিনি॥ 13-23-9 (81855)
সা ৎববক্রমতির্দেবী বিনতা জিহ্মগামিনীম্।
অব্রবীদ্ভগিনীং কিঞ্চিদ্বিহসন্তীব ভারত॥ 13-23-10 (81856)
হন্ত পশ্যাব গচ্ছাবঃ সুকৃতো নৌ পণঃ শুভে।
দাসী বা তে ভবিষ্যামি ৎবং বা দাসী ভবিষ্যসি॥ 13-23-11 (81857)
এবং স্থিরং পণং কৃৎবা হয়ং তে তং দদর্শতুঃ।
কৃৎবা সাক্ষিণমাত্মানং ভগিন্যৌ কুরুসত্তম॥ 13-23-12 (81858)
সা দৃষ্ট্বৈব হয়ং মন্দং বিনতা শোককর্শিতা।
শ্বেতং চন্দ্রাংশুবালং তং কালবালং মনোজবম্॥ 13-23-13 (81859)
তত্র সা ব্রীলিতা বাক্যং বিনতা সাশ্রুবিন্দুকা।
উবাচ কালবালোঽয়ং তুরগো বিজিতং ৎবয়া॥ 13-23-14 (81860)
দাসী মাং প্রেষয় স্বার্থে যথা কামবশাং শুভে।
দাস্যশ্চ কামকারা হি ভর্তৃণাং নাত্র সংশয়ঃ'॥ ॥ 13-23-15 (81861)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রয়োবিংশোঽধ্যায়ঃ॥ 23 ॥
Mahabharata - Anushaasana Parva - Chapter Footnotes
7-23-9 হয়মুদ্দিশ্য নৌ পণঃ সুব্যবস্থিত ইতি শেষেণান্বয়ঃ॥অনুশাসনপর্ব - অধ্যায় 024
॥ শ্রীঃ ॥
13.24. অধ্যায়ঃ 024
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
নারদেন গরুডংপ্রতি বিনতায়াঃ কদ্রূদাস্যনিবেদনম্॥ 1 ॥ তচ্ছ্রবণখিন্নেন তেন কদ্রূংপ্রতি স্বমাতুর্দাস্যান্মোচনয়াচনা ॥ 2 ॥ কদ্র্বা গরুডংপ্রত্যমৃতানয়নে মাতুর্দাস্যান্মোচনোক্তিঃ॥ 3 ॥Mahabharata - Anushaasana Parva - Chapter Text
`ভীষ্ম উবাচ।
ততঃ কদ্রূর্হসন্তী চ বিনতাং ধর্মচারিণীম্।
দাসীবৎপ্রেষয়ামাস সা চ সর্বং চকার তৎ॥ 13-24-1 (81862)
ন বিবর্ণা ন সংক্ষুব্ধা ন চ ক্রুদ্ধা ন দুঃখিতা।
প্রেষ্যকর্ম চকারাস্যা বিনতা কমলেক্ষণা॥ 13-24-2 (81863)
ইমা দিশশ্চতস্রোঽস্যাঃ প্রেষ্যভাবেন বর্তিতাঃ।
অথ স্ম বৈনতেয়ং বৈ বলদর্পৌ সমীয়তুঃ॥ 13-24-3 (81864)
তং দর্পবশমাপন্নং পরিধাবন্তমন্তিকাৎ।
দদর্শ নারদো রাজন্দেবর্ষির্দর্পসংয়ুতম্॥ 13-24-4 (81865)
তমব্রবীচ্চ দেবর্ষির্নারদঃ প্রহসন্নিব।
কিং দর্পবশমাপন্নো ন বৈ পশ্যসি মাতরম্॥ 13-24-5 (81866)
বলেন দৃপ্তঃ সততমহংমানকৃতঃ সদা।
দাসীং পন্নগরাজস্য মাতুরন্তর্গৃহে সতীম্॥ 13-24-6 (81867)
তমব্রবীদ্বৈনতেয়ঃ কর্ম কিং তন্মহামতে।
জনয়িত্রী ময়ি সুতে জাতা দাসী তপস্বিনী॥ 13-24-7 (81868)
অথাব্রবীদৃষির্বাক্যং দীব্যতী বিজিতা খগ।
নিকৃত্যা পন্নগেন্দ্রস্য মাত্রা পুত্রৈঃ পুরা সহ॥ 13-24-8 (81869)
গরুড উবাচ। 13-24-9x (6801)
কথং জিতা নিকৃত্যা সা ভগবঞ্জননী মম।
ব্রূহি তন্মে যথাবৃত্তং শ্রুৎবা বেৎস্যে ততঃ পরম্॥ 13-24-9 (81870)
ততস্তস্য যথাবৃত্তং সর্বং তন্নারদস্তদা।
আচখ্যৌ ভরতশ্রেষ্ঠ যথাবৃত্তং পতত্রিণঃ॥ 13-24-10 (81871)
তচ্ছ্রুৎবা বৈনতেয়স্য কোপো হৃদি সমাবিশৎ।
জগর্হে পন্নগান্সর্বান্মাত্রা সহ পরংতপঃ॥ 13-24-11 (81872)
ততস্তু রোষাদ্দুঃখাচ্চ তূর্ণমুৎপত্যক পক্ষিরাট্।
জগাম যত্র মাতাঽস্য কৃচ্ছ্রে মহতি বর্ততে॥ 13-24-12 (81873)
তত্রাপশ্যত্ততো দীনাং জটিলাং মলিনাং কৃশাম্।
তোয়দেন প্রতিচ্ছন্নাং সূর্যাভামিব মাতরম্॥ 13-24-13 (81874)
তস্য দুঃখাচ্চ রোষাচ্চ নেত্রাভ্যামশ্রু চাস্রবৎ।
প্রবৃত্তিং চ নিবৃত্তিং চ পৌরুষে প্রতিতস্থুষঃ॥ 13-24-14 (81875)
অনুক্ৎবা মাতরং কিঞ্চিৎপতত্রিবরপুঙ্গবঃ।
কদ্রূমেব স ধর্মাত্মা বচনং প্রত্যভাষত॥ 13-24-15 (81876)
যদি ধর্মেণ মে মাতা জিতা যদ্যপ্যধর্মতঃ।
জ্যেষ্ঠা ৎবমসি মে মাতা ধর্মঃ সর্বঃ স মে মতঃ॥ 13-24-16 (81877)
ইয়ং তু মে স্যাৎকৃপণা ময়ি পুত্রেঽম্ব দুঃখিতা।
অনুজানীহি তাং সাধু মৎকৃতে ধর্মদর্শিনি॥ 13-24-17 (81878)
কদ্রূঃ শ্রুৎবাস্য তদ্বাক্যং বৈনতেয়স্য ধীমতঃ।
উবাচ বাক্যং দুষ্প্রজ্ঞা পরীতা দুঃখমূর্চ্ছিতা॥ 13-24-18 (81879)
নাহং তব ন তে মাতুর্বৈনতেয় কথঞ্চন।
কুর্যাং প্রিয়মনিষ্টাত্মা মাং ব্রবীষি খগ দ্বিজা॥ 13-24-19 (81880)
তাং তদা ব্রুবতীং বাক্যমনিষ্টং ক্রূরভাষিণীম্।
দারুণাং সূনৃতাভিস্তামনুনেতুং প্রচক্রমে॥ 13-24-20 (81881)
গরুড রুবাচ। 13-24-21x (6802)
জ্যেষ্ঠা ৎবমসি কল্যাণি মাতুর্মে ভামিনি প্রিয়া।
সোদর্যী মম চাসি ৎবং জ্যেষ্ঠা মাতা ন সংশয়ঃ॥ 7--24-22x কদ্রূরুবাচ। 13-24-21 (81882)
বিহঙ্গম যথাকামং গচ্ছ কামগম দ্বিজ।
সূনৃতাভিস্ৎবয়া মাতা নাদাসী শক্যমণ্ডজ॥ 13-24-22 (81883)
অমৃতং যদ্যাহরেস্ৎবং বিহঙ্গং জননীং তব।
অদাসীং মম পশ্যেমাং বৈনতেয় ন সংশয়ঃ॥ ॥ 13-24-23 (81884)
ইতি শ্রীমন্মহাভারতে অনুশাসনপর্বণি দানধর্মপর্বণি চতুর্বিংশোঽধ্যায়ঃ॥ 24 ॥
অনুশাসনপর্ব - অধ্যায় 025
॥ শ্রীঃ ॥
13.25. অধ্যায়ঃ 025
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কদ্র্বাঽমৃতাহরণং চোদিতেন গরুডেন স্বপিতরি কশ্যপে তন্নিবেদনম্॥ 1 ॥ তেন তস্য দুষ্করৎবকথনে গরুডেন স্বেন তস্য সুকরৎবোক্তিঃ॥ 2 ॥ কশ্যপেন গরুডংপ্রতি গজকচ্ছপবৃত্তান্তকথনপূর্বকং তয়োর্ভক্ষণাদ্বলাপ্যায়নসম্পাদনেনামৃতাহরণচোদনা॥ 3 ॥Mahabharata - Anushaasana Parva - Chapter Text
`ভীষ্ম উবাচ।
তথেত্যুক্ৎবা তু বিহগঃ প্রতিজ্ঞায় মহাদ্যুতিঃ।
অমৃতাহরণে বাচং ততঃ পিতরমব্রবীৎ॥ 13-25-1 (81885)
কামং বৈ সূনৃতা বাচো বিসৃজ্য চ মুহুর্মুহুঃ।
যচ্চাপ্যনুজ্ঞাং মাতুর্বৈ ন চ সা হ্যনুমন্যতে॥ 13-25-2 (81886)
সা মা বহুবিধা বাচো বজ্রকল্পা বিসৃজ্য বৈ।
ভগবন্বিনতা দাসী মম মাতা মহাদ্যুতে॥ 13-25-3 (81887)
কদ্রূঃ প্রেষয়তে চৈব দাসীয়মিতি চাব্রবীৎ।
আহরামৃতমিত্যেব মোক্ষ্যতে বিনতা ততঃ॥ 13-25-4 (81888)
সোহং মাতৃবিমোক্ষার্থমাহরিষ্য ইতি ব্রুবন্।
অমৃতং প্রার্থিতস্তূর্ণমাহর্তুং প্রতিনন্দ্য বৈ॥ 13-25-5 (81889)
পিতোবাচ। 13-25-6x (6803)
অমৃতং তাত দুষ্প্রাপং দেবৈরপি কুতস্ৎবয়া।
রক্ষ্যতে হি ভৃশং পুত্র রক্ষিভিস্তন্নিবোধ মে॥ 13-25-6 (81890)
গুপ্তমদ্ভির্ভৃশং সাধু সর্বতঃ পরিবারিতম্।
অনন্তরমথো গুপ্তং জ্বলতা জাতবেদসা॥ 13-25-7 (81891)
ততঃ শতসহস্রাণি অয়ুতান্যর্বুদানি চ।
রক্ষন্ত্যমৃতমত্যন্তং কিঙ্করা নাম রাক্ষসাঃ॥ 13-25-8 (81892)
তেষাং শক্ত্যৃষ্টিশূলাংশ্চ শতঘ্ন্যঃ পট্টসাস্তথা।
আয়ুধা রক্ষিণাং তাত বজ্রকল্পাঃ শিলাস্তথা॥ 13-25-9 (81893)
ততো জালেন মহতা অবনদ্ধং সমন্ততঃ।
অয়স্ময়েন বৈ তাত বৃত্রহন্তুঃ স্ম শাসনাৎ॥ 13-25-10 (81894)
তত্ৎবমেবংবিধং তাত কথং প্রার্থয়সেঽমৃতম্।
সুরক্ষিতং বজ্রভৃতাং বৈনতেয় বিহঙ্গম।
ইন্দ্রেণ দেবৈর্নাগৈশ্চ খড্গৈর্গিরিজলাদিভিঃ॥ 13-25-11 (81895)
গরুড উবাচ। 13-25-13x (6804)
পুত্রগৃদ্ধ্যা ব্রবীষ্যেতচ্ছৃণু তাত বিনিশ্চয়ম্।
বলবানুপায়বানস্মি ভূয়ঃ কিং করবাণি তে॥ 13-25-12 (81896)
তমব্রবীৎপিতা হৃষ্টঃ প্রহসন্বৈ পুনঃ পুনঃ।
যদি তৌ ভক্ষয়েস্তাত ক্রূরৌ কচ্ছপবারণৌ॥ 13-25-13 (81897)
তথা বলমমেয়ং তে ভবিতা তন্ন সংশয়ঃ।
অমৃতস্যৈব চাহর্তা ভবিষ্যসি ন সংশয়ঃ॥ 13-25-14 (81898)
গরুড উবাচ। 13-25-15x (6805)
ক্ব তৌ ক্রূরৌ মহাভাগ বর্তেতে হস্তিকচ্ছপৌ।
ভক্ষয়িষ্যাম্যহং তাত বলস্যাপ্যায়নং প্রতি॥ 13-25-15 (81899)
কশ্যপ উবাচ। 13-25-16x (6806)
পর্বতো বৈ সমুদ্রান্তে নভঃ স্তব্ধ্বেব তিষ্ঠতি।
উরগো নাম দুষ্প্রাপঃ পুরা দেবগণৈরপি॥ 13-25-16 (81900)
গোরুতানি স বিস্তীর্ণঃ পুষ্পিতদ্রুমসানুমান্।
তত্র পন্থাঃ কৃতস্তাত কুঞ্জরেণ বলীয়সা॥ 13-25-17 (81901)
গোরুতান্যুচ্ছ্রয়স্তস্য নব সপ্ত চ পুত্রক।
গচ্ছতাঽগচ্ছতা চৈব ক্ষপিতঃ স মহাগিরিঃ॥ 13-25-18 (81902)
তাবান্ভূমিসমস্তাত কৃতঃ পন্থাঃ সমুত্থিতঃ।
তেন গৎবা স মাতঙ্গঃ পিপাসুর্যুদ্ধমিচ্ছতি॥ 13-25-19 (81903)
তমতীত্য তু শৈলেন্দ্রং হ্রদঃ কোকনদায়ুতঃ।
কনকেতি চ বিখ্যাতস্তত্র কূর্মো মহাবলঃ॥ 13-25-20 (81904)
গোরুতানি স বিস্তীর্ণঃ কচ্ছপঃ কুঞ্জরশ্চ সঃ।
আয়ামতশ্চাপি সমৌ তেজোবলসমন্বিতৌ॥ 13-25-21 (81905)
পুনরাবৃত্তিমাপন্নৌ তাবেতৌ মধুকৈটভৌ।
জন্মান্তরে বিপ্রমূঢৌ পরস্পরবধৈষিণৌ॥ 13-25-22 (81906)
যদা স নাগো ব্রজতি পিপাসুস্তং জলাশয়ম্।
তদৈনং কচ্ছপো রোষাৎপ্রতিয়াতি মহাবলঃ॥ 13-25-23 (81907)
নখৈশ্চ দশনৈশ্চাপি নিমজ্যোন্মজ্য বাঽসকৃৎ।
বিদদারাগ্রহস্তেন কুঞ্জরং তং জলেচরঃ॥ 13-25-24 (81908)
নাগরাডপি তোয়ার্থী পিপাসুশ্চরণৈরপি।
অগ্রহস্তেন দন্তাভ্যাং নিবারয়তি বারিজম্॥ 13-25-25 (81909)
স তু তোয়াদনুত্তিষ্ঠন্বারিজো গজয়ূথপম্।
নখৈশ্চ দশনৈশ্চৈব দ্বিরদং প্রতিষেধতি॥ 13-25-26 (81910)
নিবারিতো গজশ্রেষ্ঠঃ পুনর্গচ্ছতি স্বং বনম্।
পিপাসুঃ ক্লিন্নহস্তাগ্রো রুধিরেণ সমুক্ষিতঃ॥ 13-25-27 (81911)
তৌ গচ্ছ সহিতৌ পুত্র যদি শক্নোষি ভক্ষয়।
ন তৌ পৃথক্তয়া শক্যাবপ্রমত্তৌ বলে স্থিতৌ'॥ ॥ 13-25-28 (81912)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চবিংশোঽধ্যায়ঃ॥ 25॥
Mahabharata - Anushaasana Parva - Chapter Footnotes
7-25-17 গোরুতানি গব্যূতীঃ॥অনুশাসনপর্ব - অধ্যায় 026
॥ শ্রীঃ ॥
13.26. অধ্যায়ঃ 026
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
গরুঢেন গজকচ্ছপাবাসমেত্য চরণাভ্যাং তয়োর্গ্রহণম্॥ 1 ॥ তথা তয়োর্ভক্ষণায় নৈমিষারণ্যস্থমহাতরুশাখায়াং বেগান্নিপতনম্॥ 2 ॥ তথা স্বনিপতনমাত্রেণ ভজ্যমানশাখায়া অধোভাগে লম্বমানমুনিগণাবলোকনাত্তুণ্ডেন তচ্ছাখাগ্রহণপূর্বকং পুনরুৎপতনম্॥ 3 ॥ তথা দেবদূতবচনাৎসমুদ্রান্তে শাখাবিসর্জনেন তন্নিবাসিনাং কুবিন্দানাং হননম্॥ 4 ॥Mahabharata - Anushaasana Parva - Chapter Text
`গরুড উবাচ।
কথং তৌ ভগবঞ্শক্যৌ ময়া বারণকচ্ছপৌ॥
যুগপদ্গৃহীতং তং মে ৎবমুপায়ং বক্তুমর্হসি॥ 13-26-1 (81913)
কশ্যয উবাচ। 13-26-2x (6807)
যোদ্ধুকামে গজে তস্মিন্মুহূর্তং স জলেচরঃ।
উত্তিষ্ঠতি জলাত্তূর্ণং যোদ্ধুকামঃ পুনঃপুনঃ॥ 13-26-2 (81914)
জলজং নির্গতং তাত প্রমত্তং চৈব বারণম্।
গ্রহীষ্যসি পতঙ্গেশ নান্যো যোগোঽত্র বিদ্যতে॥ 13-26-3 (81915)
ভীষ্ম উবাচ। 13-26-4x (6808)
ইত্যেমুক্তো বিহগস্তদ্গৎবা বনমুত্তমম্।
দদর্শ বারণেন্দ্রং তং মেঘাচলসমপ্রভম্॥ 13-26-4 (81916)
তাং স নাগো গিরের্বীথিং সম্প্রাপ্ত ইব ভারতঃ।
স তং দৃষ্ট্বা মহাভাগঃ সম্প্রহৃষ্টতনূরুহঃ॥ 13-26-5 (81917)
বিভক্ষয়িষতো রাজন্দারুণস্য মহাত্মনঃ॥
মাতঙ্গং কচ্ছপং চৈব প্রহর্ষঃ সুমহানভূৎ॥ 13-26-6 (81918)
অথ বেগেন মহতা খেচরঃ স মহাবলঃ।
সঙ্কুচ্য সর্বগাত্রাণি কৃচ্ছ্রেণৈবান্বপদ্যত॥ 13-26-7 (81919)
তথা গৎবা তমধ্বানং বারণপ্রবরো বলী।
নিশশ্বাস মহাশ্বাসঃ শ্রমাদ্বিশ্রমণায় চ॥ 13-26-8 (81920)
তস্য নিশ্বাসবাতেন মদগন্ধেন চৈব হ।
উদতিষ্ঠন্মহাকূর্মো বারণপ্রতিষেধকঃ॥ 13-26-9 (81921)
তয়োঃ সুতুমুলং যুদ্ধং দদর্শ পতগেশ্বরঃ।
কচ্ছপেন্দ্রদ্বিরদয়োরিন্দ্রপ্রহ্বাদয়োরিব॥ 13-26-10 (81922)
স্পৃশন্তমগ্রহস্তেন তোয়ং বারণয়ূথপম্।
দন্তৈর্নস্তৈশ্চ জলজো বারয়ামাস ভারত॥ 13-26-11 (81923)
জলজং বারণোঽপ্যেবং চরণৈঃ পুষ্করেণ চ।
প্রত্যষেধন্নিমজ্জন্তমুন্মজ্জন্তং তথৈব চ॥ 13-26-12 (81924)
মুহূর্তমভবদ্যুদ্ধং তয়োর্ভীমপ্রদর্শনম্।
অথ তস্মাজ্জলাদ্রাজন্কচ্ছপঃ স্থলমাস্থিতঃ॥ 13-26-13 (81925)
স তু নাগঃ প্রভগ্রোঽপি পিপাসুর্ন ন্যবর্তত।
তোয়গৃধ্নুঃ শনৈস্তর্ষাদপাসর্পত পৃষ্ঠতঃ॥ 13-26-14 (81926)
তং দৃষ্ট্বা জলজস্তূর্ণমপসর্পন্তমাহবাৎ।
অভিদুদ্রাব বেগেন বজ্রয়াণিরিবাসুরম্॥ 13-26-15 (81927)
তং রোষাৎস্থলমুত্তীর্ণমসম্প্রাপ্তং গজোত্তমম্।
উভাবেব সমস্তৌ তু জগ্রাহ বিনতাসুতঃ॥ 13-26-16 (81928)
চরণেন তু সব্যেন জগ্রাহ স গজোত্তমম্।
প্রস্পন্দমানং বলবান্দক্ষিণেন তু কচ্ছপম্॥ 13-26-17 (81929)
উৎপপাত ততস্তূর্ণং পন্নগেন্দ্রনিষূদতঃ।
দিবং খং চ সমুৎপত্য পক্ষাভ্যামপরাজিতঃ॥ 13-26-18 (81930)
তেন চোৎপততা তূর্ণং সঙ্গৃহীতৌ নখৈর্ভৃশম্।
বজ্রগর্ভৈঃ সুনিশিতৈঃ প্রাণাংস্তূর্ণং মুমোচতুঃ॥ 13-26-19 (81931)
তৌ গৃহ্য বলবাংস্তূর্ণং স্রস্তপাদশিরোধরৌ।
বিবল্গন্নিব খে ক্রীডন্খেচরোঽভিজগাম হ॥ 13-26-20 (81932)
অত্তুকামস্ততো বীরঃ পৃথিব্যাং পৃথিবীপতে।
নিরৈক্ষত ন চাপশ্যদ্দ্রুমং পর্যাপ্তমাসিতুম্॥ 13-26-21 (81933)
নৈমিষং ৎবথ সম্প্রাপ্য দেবারণ্যং মহাদ্যুতিঃ।
অপশ্যত দ্রুমং কঞ্চিচ্ছাখাস্কন্ধসমাবৃতম্॥ 13-26-22 (81934)
হিমবচ্ছিখরপ্রখ্যং যোজনদ্বয়মুচ্ছ্রিতম্।
পরিণাহেন রাজেন্দ্র নল্বমাত্রং সমন্ততঃ॥ 13-26-23 (81935)
তস্য শাখাঽভবৎকাচিদায়তা পঞ্চয়োজনম্।
দৃঢমূলা দৃঢস্কন্ধা বজ্রপত্রসমাচিতা॥ 13-26-24 (81936)
তত্রোপবিষ্টঃ সহসা বৈনতেয়ো নিগৃহ্য তৌ।
অত্তুকামস্ততঃ শাখা তস্য বেগাদবাপতৎ॥ 13-26-25 (81937)
তাং পতন্তীমভিপ্রেক্ষ্য প্রেক্ষ্য চর্ষিগণানধঃ।
আসীনান্বসুভিঃ সার্ধং সত্রেণ জগতীপতে॥ 13-26-26 (81938)
বৈখানসান্নাম যতীন্বালখিল্যগণানপি।
তত্র ভীরাবিশত্তস্য পতগেন্দ্রস্য ভারত॥ 13-26-27 (81939)
তান্দৃষ্ট্বা স যতীংস্তত্র সমাসীনান্সুরৈঃ সহ।
তুণ্ডেন গৃহ্য তাং শাখামুৎপপাত খগেশ্বরঃ।
তৌচ পক্ষী ভুজঙ্গাশো ব্যোম্নি ক্রীডন্নিবাব্রজৎ॥ 13-26-28 (81940)
তং দৃষ্ট্বা গুরুসম্ভারং প্রগৃহ্যোৎপতিতং খগম্।
ঋষয়স্তেঽব্রুবন্সর্বে গরুডোঽয়মিতি স্ম হ।
ন ৎবন্যঃ ক্ষমতে কশ্চিদ্যথাঽয়ং বীর্যবান্খগঃ॥ 13-26-29 (81941)
অসৌ যচ্ছতি ধর্মাত্মা গুরুভারসমন্বিতঃ।
অয়ং ক্রীডন্নিবাকাশে তস্মাদ্গরুড এব সঃ॥ 13-26-30 (81942)
এবং তে সময়ং সর্বে বসবশ্চ দিবৌকসঃ।
অকার্ষুঃ পক্ষিরাজস্য গরুডেত্যেব নাম হ॥ 13-26-31 (81943)
স পক্ষী পৃথিবীং সর্বাং পরিধাবংস্ততস্ততঃ।
মুমুক্ষঃ শাখিনঃ শাখাং ন স্ম দেশমপশ্যত॥ 13-26-32 (81944)
স বাচমশৃণোদ্দিব্যামুপর্যুপরি জল্পতঃ।
দেবদূতস্য বিস্পষ্টমাভাষ্য গরুডেতি চ॥ 13-26-33 (81945)
বৈনতেয় কুবিন্দেষু সমুদ্রান্তে মহাবল।
পাত্যতাং শাখিনঃ শাখা ন হি তে ধর্মনিশ্চয়াঃ॥ 13-26-34 (81946)
তচ্ছ্রুৎবা গরুডস্তূর্ণং জগাম লবণাম্ভসঃ।
উদ্দেশং যত্র তে মন্দাঃ কুবিন্দাঃ পাপকর্মিণঃ॥ 13-26-35 (81947)
ততো গৎবা ততঃ শাখাং মুমোচ পততাংবরঃ।
তয়া হতা ********* দাস্তদা ষড্বিংশতো নৃপ॥ 13-26-36 (81948)
স দেশো রাজশার্দূল খ্যাতঃ পরমদারুণঃ।
শাখাপতগ ইত্যেব কুবিন্দানাং মহাত্মনাম্॥' ॥ 13-26-37 (81949)
ইতি শ্রীমন্মহাভারতে অনুশাসনপর্বণি দানধর্মপর্বণি ষড্বিংশোঽধ্যায়ঃ॥ 26 ॥
Mahabharata - Anushaasana Parva - Chapter Footnotes
7-26-36 তুণ্ডেন শাখাং গৃহীৎবা কশ্যপসমীপং গতে গরুডে শাখায়া অধোভাগলম্বিনামৃষীণাং কস্যপপ্রার্থনয়া শাখাবিসর্জনেন হিমবদ্গিরিগমনমাদিপর্বোক্তমত্রানুসন্ধেয়ম্॥অনুশাসনপর্ব - অধ্যায় 027
॥ শ্রীঃ ॥
13.27. অধ্যায়ঃ 027
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
গরুডেন শৈলাগ্রে উপবিশ্য গজকচ্ছপয়োর্ভক্ষণম্॥ 1 ॥ ততঃ স্বর্গেঽমৃতসমীপং গতেন তেন তত্র পরিতো জ্বলদগ্নিদর্শনভয়া********* প্রতি তচ্ছমনোপায়প্রশ্নঃ॥ 2 ॥ ব্রহ্মণা তম্প্রতি নবনীতপ্রক্ষেপেণাগ্নিসংশামনচেদনা॥ 3 ॥Mahabharata - Anushaasana Parva - Chapter Text
`ভীষ্ম উবাচ।
হৎবা তং পক্ষিশার্দূলঃ কুবিন্দানাং জনং ব্রতী।
উপোপবিশ্য শৈলাগ্রে ভক্ষয়ামাস তাবুভৌ।
বারণং কচ্ছর্প চৈব সংহৃষ্টঃ স পতত্রিরাট্॥ 13-27-1 (81950)
তয়োঃ স রুধিরং পীৎবা মেদসী চ পরন্তপ।
সংহৃষ্টঃ যততাংশ্রেষ্ঠো লব্ধ্বা বলমনুত্তমম্।
জংগাম দেবরাজস্য ভবনং পন্নগাশনঃ॥ 13-27-2 (81951)
তং প্রণম্য মহাত্মানং পাবকং বিস্ফুলিঙ্গিনম্।
রাত্রিদিবং প্রজ্বলিতং রক্ষার্থমমৃতস্য হ॥ 13-27-3 (81952)
তং দৃষ্ট্বা বিহগেন্দ্রস্য ভয়ং তীব্রমুপাবিশৎ।
নতু তোয়ান্ন রক্ষিভ্যো ভয়মস্যোপপদ্যতে॥ 13-27-4 (81953)
পক্ষিৎবমাত্মনো দৃষ্ট্বা জ্বলন্তং চ হুতাশনম্।
পিতামহমথো গৎবা দদর্শ ভুজগাশনঃ॥ 13-27-5 (81954)
তং প্রণম্য মহাত্মানং গরুডঃ প্রয়তাঞ্জলিঃ।
প্রোবাচ তদসন্দিগ্ধং বচনং পন্নগেশ্বরঃ॥ 13-27-6 (81955)
উদ্যতং গুরুকৃত্যে মাং ভগবন্ধর্মনিশ্চিতম্।
বিমোক্ষণার্থং মাতুর্হি দাসভাবাদনিন্দিতম্॥ 13-27-7 (81956)
কদ্রূসকাশমমৃতং ময়াহর্তব্যমীশ্বর।
তদা মে জননী দেব দাসভাবাৎপ্রমোক্ষ্যতে॥ 13-27-8 (81957)
তত্রামৃতং প্রজ্বলিতো নিত্যমীশ্বর রক্ষতি।
হিরণ্যরেতা ভগবান্পাকশাসনশাসনাৎ॥ 13-27-9 (81958)
তত্র মে দেবদেবেশ ভয়ং তীব্রমথাবিশৎ।
জ্বলন্তং পাবকং দৃষ্ট্বা পক্ষিৎবং চাত্মনঃ প্রভো॥ 13-27-10 (81959)
সমতিক্রমিতুং শক্যঃ কথং স্যাৎপাবকো ময়া।
তস্যাভ্যুপায়ং বরদ বক্তুমীশোঽসি মে প্রভো॥ 13-27-11 (81960)
তমব্রবীন্মহাভাগ তপ্যমানং বিহঙ্গমম্।
অগ্নেঃ সংশমনোপায়মুৎসয়ন্ত পুনঃপুনঃ॥ 13-27-12 (81961)
পয়সা শাম্যতে বৎস সর্পিষা চ হুতাশনঃ।
শরীরস্থোপি ভূতানাং কিং পুনঃ প্রজ্বলন্ভুবি॥ 13-27-13 (81962)
নবনীতং পয়ো বাঽপি পাবকে ৎবং সমাদধেঃ।
ততো গচ্ছ যথাকামং ন ৎবা ধক্ষ্যতি পাবকঃ॥' ॥ 13-27-14 (81963)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তবিংশোঽধ্যায়ঃ॥ 27 ॥
Mahabharata - Anushaasana Parva - Chapter Footnotes
7-27-7 জানীহীতি শেষঃ॥অনুশাসনপর্ব - অধ্যায় 028
॥ শ্রীঃ ॥
13.28. অধ্যায়ঃ 028
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
গরুডেন নবনীতপ্রক্ষেপেণ মন্দীভূতাভ্যুল্লঙ্ঘনপূর্বকমমৃতরক্ষিণাং পক্ষপ্রহারেণ নিরাকরণম্॥ 1 ॥ তথাঽমৃতমাহৃত্য বিমতি সমুৎপতনম্॥ 2 ॥ তথা স্বস্যোপরি ইন্দ্রেণ বজ্রে বিসৃষ্টে তৎসন্মাননায়ৈকতনূরুহবিস্রংসনম্॥ 3 ॥Mahabharata - Anushaasana Parva - Chapter Text
`ভীষ্ম উবাচ।
পিতামহবচঃ শ্রুৎবা গরুডঃ পততাংবরঃ।
জগাম গোকুলং কিঞ্চিন্নবনীতজিহীর্ষয়া॥ 13-28-1 (81964)
নবনীতং তথাঽপশ্যন্মথিতং কলশে স্থিতম্।
তদাদায় ততোঽগচ্ছদ্যতস্তদ্রক্ষ্যতেঽমৃতম্॥ 13-28-2 (81965)
স তত্র গৎবা পতগস্তির্যক্তোয়ং মহাবলঃ।
হুতাশনমপক্রম্য নবনীতমপাতয়ৎ॥ 13-28-3 (81966)
সো র্চিষ্মান্মন্দবেগোঽভূৎসর্পিষা তেন তর্পিতঃ।
ধূমকেতুর্ন জজ্বাল ধূমমেব সসর্জ হ॥ 13-28-4 (81967)
তমতীত্যাশু গরুডো হৃষ্টাত্মা জাতবেদসম্।
রক্ষাংসি সমতিক্রামৎপক্ষবাতেন পাতয়ন্॥ 13-28-5 (81968)
তে পতন্তি শিরোভিস্চ জানুভিশ্চরণৈস্তথা।
উৎসৃজ্য শস্ত্রাবরণং পক্ষিপক্ষসমাহতাঃ॥ 13-28-6 (81969)
উৎপ্লুত্য চাবৃতান্নাগান্হৎবা চক্রং ব্যতীত্য চ।
অরান্তরেণ শিরসা ভিত্ৎবা জালং সমাদ্রবৎ॥ 13-28-7 (81970)
স ভিত্ৎবা শিরসা জালং বজ্রবেগসমো বলী।
উজ্জহার ততঃ শীঘ্রমমৃতং ভুজগাশনঃ॥ 13-28-8 (81971)
তদাদায়াদ্রবচ্ছীঘ্রং গরুডঃ শ্বসনো যথা।
অথ সন্নাহমকরোদ্বৃত্রহা বিবুধৈঃ সহ॥ 13-28-9 (81972)
ততো মাতলিসংয়ুক্তং হরিভিঃ স্বর্ণমালিভিঃ।
আরুরোহ রথং শীঘ্রং সূর্যাগ্নিসমতেজসম্॥ 13-28-10 (81973)
সোঽভ্যদ্রবৎপক্ষিরাজং বৃত্রহা পাকশাসনঃ।
উদ্যম্য নিশিতং বজ্রং বজ্রহস্তো মহাবলঃ॥ 13-28-11 (81974)
তথৈব গরুডো রাজন্বজ্রহস্তং সমাদ্রবৎ।
ততো বৈ মাতলিং প্রাহ শীঘ্রং বাহয় বাজিনঃ॥ 13-28-12 (81975)
অথ দিব্যং মহাঘোরং গরুডায় সসর্জ হ।
বজ্রং সহস্রনয়নস্তিগ্মবেগপরাক্রমঃ॥ 13-28-13 (81976)
উৎসিসৃক্ষন্তমাজ্ঞায় বজ্রং বৈ ত্রিদশেশ্বরম্।
তূর্ণং বেগপরো ভূৎবা জগাম পততাংবরঃ॥ 13-28-14 (81977)
পিতামহনিসর্গেণ জ্ঞাৎবা লব্ধবরঃ খগঃ।
আয়ুধানাং বরং বজ্রমথ শক্রমুবাচ হ॥ 13-28-15 (81978)
বৃত্রহন্নেষ বজ্রস্তে বরো লব্ধঃ পিতামহাৎ।
অতঃ সম্মানমাকাঙ্ক্ষন্মুঞ্চাম্যেকং তনূরুহম্॥ 13-28-16 (81979)
এতেনায়ুধরাজেন যদি শক্তোসি বৃত্রহন্।
হন্যাস্ৎবং পরয়া শক্তয়া গচ্ছাম্যহমনাময়ঃ॥ 13-28-17 (81980)
তত্তু তূর্ণং তদা বজ্রং স্বেন বেগেন ভারত।
জঘান পরয়া শক্ত্যা ন চৈনমদহদ্ভৃশম্॥ 13-28-18 (81981)
ততো দেবর্ষয়ো রাজন্গচ্ছন্তো বৈ বিহায়সা।
দৃষ্ট্বা বজ্রং বিবক্তং তং পক্ষইপর্ণেঽব্রুবন্বচঃ॥ 13-28-19 (81982)
সুপর্ণঃ পক্ষিগরুডো যস্য পর্ণে বরায়ুধম্।
বিষক্তং দেবরাজস্য বৃত্রহন্তুঃ সনাতনম্॥ 13-28-20 (81983)
এবং সুপর্ণো বিহগো বৈনতেয়ঃ প্রতাপবান্।
ঋষয়স্তং বিজানন্তি চাগ্নেয়ং বৈষ্ণবং পুনঃ॥ 13-28-21 (81984)
বেদাভিষ্টুতমত্যর্থং স্বর্গমার্গফলপ্রদম্।
তনুপর্ণং সুপর্ণস্য জগৃহুর্বর্হিণস্তথা॥ 13-28-22 (81985)
ময়ূরাবিস্মিতাঃ সর্বে আদ্রবন্তি স্ম বজ্রিণম্॥' ॥ 13-28-23 (81986)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টাবিংশোঽধ্যায়ঃ॥ 28 ॥
অনুশাসনপর্ব - অধ্যায় 029
॥ শ্রীঃ ॥
13.29. অধ্যায়ঃ 029
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
গরুডেন কদ্রূংপ্রত্যমৃতানয়নকথনম্॥ 1 ॥ কদ্র্বা বিনতায়া দাস্যান্মোচনম্॥ 2 ॥ গরুডেন পুনরিন্দ্রায়ামৃতপ্রত্যর্পণম্॥ 3 ॥Mahabharata - Anushaasana Parva - Chapter Text
`ভীষ্ম উবাচ।
ততো ব্রজ্রং সহস্রাক্ষো দৃষ্ট্বা সক্তং বরায়ুধম্।
ঋষীংশ্চ দৃষ্ট্বা সহসা সুপর্ণমিদমব্রবীৎ॥ 13-29-1 (81987)
ন তে সুপর্ণ পশ্যামি প্রভাবং তেন যোধয়ে।
ইত্যুক্তে ন ময়া রক্ষা শক্যা কর্তুমতোঽন্যথা।
ইদং বজ্রং ময়া সার্ধং নিবৃত্তং হি যথাগতম্॥ 13-29-2 (81988)
ততঃ সহস্রনয়নে নিবৃত্তে গরুডস্তথা।
কদ্রূমভ্যগমত্তূর্ণমমৃতং গৃহ্য ভারতঃ॥ 13-29-3 (81989)
গরুড উবাচ। 13-29-4x (6809)
তদাহৃতং ময়া শীঘ্রমমৃতং জননীকৃতে।
অদাসী সা ভবৎবদ্য বিনতা ধর্মিচারিণী॥ 13-29-4 (81990)
কদ্রূরুবাচ। 13-29-5x (6810)
স্বাগতং স্বাহৃতং চেদমমৃতং বিনতাত্মজ।
অদাসী জননী তেঽদ্য পুত্র কামবশা শুভা। 13-29-5 (81991)
এবমুক্তে তদা সা চ সম্প্রাপ্তা বিনতা গৃহম্॥
উপনীয় যথান্যায়ং বিহগো বলিনাংবরঃ। 13-29-6 (81992)
স্মৃৎবা নিকৃত্যা বিজয়ং মাতুঃ সম্প্রতিপদ্য চ॥
বধং চ ভুজগেন্দ্রাণাং যে বালাস্তস্য বাজিনঃ। 13-29-7 (81993)
বভূবুরসিতপ্রখ্যা নিকৃত্যা বৈ জিতং ৎবয়া॥
তামুবাচ ততো ন্যায়্যং বিহগো বলিনাংবরঃ। 13-29-8 (81994)
উঞ্জহারামৃতং তূর্ণমুৎপপাত চ রংহসা॥
তদ্গৃহীৎবাঽমৃতং তূর্ণং প্রয়ান্তমপরাজিতম্। 13-29-9 (81995)
কিমর্থং বৈনতেয় ৎবমাহৃত্যামৃতমুত্তমম্।
পুনর্হরতি দুর্বুদ্ধে মা জাতু বৃজিতং কৃথাঃ॥ 13-29-10 (81996)
সুপর্ণি উবাচ। 13-29-11x (6811)
অমৃতাহরণং মেঽদ্য যৎকৃতং জননীকৃতে।
ভবত্যা বচনাদেতদাহরামৃতমিত্যুত॥ 13-29-11 (81997)
আহৃতং তদিদং শীঘ্রং মুক্তা চ জননী মম।
হরাম্যেষ পুনস্তত্র যত এতন্ময়াঽঽহৃতম্॥ 13-29-12 (81998)
যদি মাং ভবতী ব্রূয়াদমৃতং মে চ দীয়তাম্।
তথা কুর্যাং ন বা কুর্যাং ন হি ৎবমমৃতক্ষমা।
ময়া ধর্মেণ সত্যেন বিনতা চ সমুদ্ধৃতা॥ 13-29-13 (81999)
ভীষ্ম উবাচ। 13-29-14x (6812)
ততো গৎবাঽথ গরুডঃ পুরন্দরমুবাচ হ।
ইদং ময়া বৃত্রহন্তর্হৃতং তেঽমৃতমুত্তমম্।
মাত্রর্থে হি তথৈবেদং গৃহাণামৃতমাহৃতম্॥ 13-29-14 (82000)
মাতা চ মম দেবেশ দাসীৎবমুপজগ্মুষী।
ভুজঙ্গমানাং মাতুর্বৈ সা মুক্তাঽমৃতদর্শনাৎ॥ 13-29-15 (82001)
এতচ্ছ্রুৎবা সহস্রাক্ষঃ সুপর্ণমনুমন্যতে।
উবাচ চ মুদা যুক্তো দিষ্ট্যাদিষ্ট্যেতি বাসবঃ॥ 13-29-16 (82002)
ক্রষয়ো যে সহস্রাক্ষমুপাসন্তি সুরৈঃ সহ।
তে সর্বে চ মুদা যুক্তা বিশ্বেদেবাস্তথৈব চ॥ 13-29-17 (82003)
ততস্তমৃষয়ঃ সর্বে দেবাশ্চ ভরতর্ষভ।
ঊচুঃ পুরন্দরং দৃষ্টা গরুডো লভতাং বরম্॥ 13-29-18 (82004)
ততঃ শচীপতির্বাক্যমুবাচ প্রহসন্নিব।
জনিষ্যতি হৃষীকেশঃ স্বয়মেবৈষ পক্ষিরাট্॥ 13-29-19 (82005)
কেশবঃ পুণ্ডরীকাক্ষঃ শূরপুত্রস্য বেশ্মনি।
স্বয়ং ধর্মস্য রক্ষার্থং বিভজ্য ভুজগাশনঃ॥ 13-29-20 (82006)
এষ তে পাণ্ডবশ্রেষ্ঠ গরুডোঽথ পতত্রিরাট্।
সুপর্ণো বৈনতেয়শ্চ কীর্তিতো ভদ্রমস্তু তে॥ 13-29-21 (82007)
তদেতদ্ভরতশ্রেষ্ঠ ময়াঽঽখ্যানং প্রকীর্তিতম্।
সুপর্ণস্য মহাবাহো কিং ভূয়ঃ কথয়ামি তে॥' ॥ 13-29-22 (82008)
ইতি শ্রীমন্মহাভারতে অনুশাসনপর্বণি দানধর্মপর্বণি একোনবিংশোঽধ্যায়ঃ॥ 29 ॥
Mahabharata - Anushaasana Parva - Chapter Footnotes
7-29-1 জিতং ৎবয়েতি তাং কদ্রূমুবাচেত্যুত্তরেণ সম্বন্ধঃ॥অনুশাসনপর্ব - অধ্যায় 030
॥ শ্রীঃ ॥
13.30. অধ্যায়ঃ 030
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রাহ্মণায় প্রতিশ্রুতার্থাপ্রদানস্যানর্থহেতুতায়াং দৃষ্টান্ততয়া সৃগালবানরসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
ব্রাহ্মণানাং তু যে লোকে প্রতিশ্রুত্য পিতামহ।
ন প্রয়চ্ছন্তি লোভাত্তে কে ভবন্তি মহামতে॥ 13-30-1 (82009)
এতন্মে তৎবতো ব্রূহি ধর্মে ধর্মভৃতাংবর।
প্রতিশ্রুত্য দুরাত্মানো ন প্রয়চ্ছন্তি যে নরাঃ॥ 13-30-2 (82010)
ভীষ্ম উবাচ। 13-30-3x (6813)
যো ন দদ্যাৎপ্রতিশ্রুত্য স্বল্পং বা যদি বা বহু।
আশাস্তস্য হতাঃ সর্বাঃ ক্লীবস্যেব প্রজাফলম্॥ 13-30-3 (82011)
যাং রাত্রিং জায়তে পাপো যাং চ রাত্রিং বিনশ্যতি।
এতস্মিন্নন্তরে যদ্যৎসুকৃতং তস্য ভারত॥ 13-30-4 (82012)
যচ্চ তস্য হুতং কিঞ্চিদ্দত্তং বা ভরতর্ষভ।
তপস্তপ্তমথো বাঽপি সর্বং তস্যোপহন্যতে॥ 13-30-5 (82013)
অথৈতদ্বচনং প্রাহুর্ধর্মশাস্ত্রবিদো জনাঃ।
নিশাস্য ভরতশ্রেষ্ঠ বুদ্ধ্যা পরময়ুক্তয়া॥ 13-30-6 (82014)
অপি চোদাহরন্তীমং ধর্মশাস্ত্রবিদো জনাঃ।
অশ্বানাং শ্যামকর্ণানাং সহস্রেণ স মুচ্যতে॥ 13-30-7 (82015)
অত্রৈবোদাহরন্তীমমিতিহাসং পুরাতনম্।
সৃগালস্য চ সংবাদং বানরস্য চ ভারত॥ 13-30-8 (82016)
তৌ সখায়ৌ পুরা হ্যাস্তাং মানুষৎবে পরংতপ।
অন্যাং যোনিং সমাপন্নৌ সৃগালীং বানরীং তথা।
সম্ভাষণাত্ততঃ সখ্যং তত্রতত্র পরস্পরম্॥ 13-30-9 (82017)
ততঃ পরাসূন্খাদন্তং সৃগালং বানরোঽব্রবীৎ।
শ্মশানমধ্যে সম্প্রেক্ষ্য পূর্বজাতিমনুস্মরন্॥ 13-30-10 (82018)
কিং ৎবয়া পাপকং পূর্বং কৃতং কর্ম সুদারুণম্।
যস্ৎবং শ্মশানে মৃতকান্পূতিকানৎসি কুৎসিতান্॥ 13-30-11 (82019)
এবমুক্তঃ প্রত্যুবাচ সৃগালো বানরং তদা।
ব্রাহ্মণস্য প্রতিশ্রুত্য ন ময়া তদুপাহৃতম্॥ 13-30-12 (82020)
তৎকৃতে পাপিকাং যোনিমাপন্নোস্মি প্লবঙ্গম।
তস্মাদেবংবিধং ভক্ষ্যং ভক্ষয়ামি বুভুক্ষিতঃ॥ 13-30-13 (82021)
ভীষ্ম উবাচ। 13-30-14x (6814)
সৃগালো বানরং প্রাহ পুনরেব নরোত্তম।
কিং ৎবয়া পাতকং কর্ম কৃতং যেনাসি বানরঃ॥ 13-30-14 (82022)
বানর উবাচ। 13-30-15x (6815)
স চাপ্যাহ ফলাহারো ব্রাহ্মণানাং প্লবঙ্গমঃ।
তস্মান্ন ব্রাহ্মণস্বং তু হর্ত্তব্যং বিদুষা সদা।
সীমাবিবাদে মোক্তব্যং দাতব্যং চ প্রতিশ্রুতম্॥ 13-30-15 (82023)
ভীষ্ম উবাচ। 13-30-16x (6816)
ইত্যেতদ্ব্রুবতো রাজন্ব্রাহ্মণস্য ময়া শ্রুতম্।
কথাং কথয়তঃ পুণ্যাং ধর্মজ্ঞস্য পুরাতনীম্॥ 13-30-16 (82024)
শ্রুতং চাপি ময়া ভূয়ঃ কৃষ্ণস্যাপি বিশাংপতে।
কথাং কথয়তঃ পূর্বং ব্রাহ্মণং প্রতি পাণ্ডব॥ 13-30-17 (82025)
ন হর্তব্যং বিপ্রধনং ক্ষন্তব্যং তেষু নিত্যশঃ।
বালাশ্চ নাবমন্তব্যা দরিদ্রাঃ কৃপণা অপি॥ 13-30-18 (82026)
এবমেব চ মাং নিত্যং ব্রাহ্মণাঃ সংদিশন্তি বৈ।
প্রতিশ্রুতং ভবেদ্দেয়ং নাশা কার্যা দ্বিজোত্তমে॥ 13-30-19 (82027)
ব্রাহ্মণো হ্যাশয়া পূর্বং কৃতয়া পৃথিবীপতে।
সুসমিদ্ধো যতা দীপ্তঃ পাবকস্তদ্বিধঃ স্মৃতঃ॥ 13-30-20 (82028)
যং নিরীক্ষেত সঙ্ক্রুদ্ধ আশয়া পূর্বজাতয়া।
প্রদহেচ্চ হিতং রাজন্কক্ষমক্ষয়্যভুগ্যথা॥ 13-30-21 (82029)
স এব হি যদা তুষ্টো বচসা প্রতিনন্দতি।
ভবত্যগদসংকাশো বিষয়ে তস্য ভারত॥ 13-30-22 (82030)
পুত্রান্পৌত্রান্পশূংশ্চৈব বান্ধবান্সচিবাংস্তথা।
পুরং জনপদং চৈব শান্তিরিষ্টেন পোষয়েৎ॥ 13-30-23 (82031)
এতদ্ধি পরমং তেজো ব্রাহ্মণস্যেহ দৃশ্যতে।
সহস্রকিরণস্যেব সবিতুর্ধরণীতলে॥ 13-30-24 (82032)
তস্মাদ্দাতব্যমেবেহ প্রতিশ্রুত্য যুধিষ্ঠির।
যদীচ্ছেচ্ছোভনাং জাতিং প্রাপ্তুং ভরতসত্তম॥ 13-30-25 (82033)
ব্রাহ্মণস্য হি দত্তেন ধ্রুবং স্বর্গো হ্যনুত্তমঃ।
শক্যঃ প্রাপ্তুং বিশেষেণ দানং হি মহতী ক্রিয়া॥ 13-30-26 (82034)
ইতো দত্তেন জীবন্তি দেবতাঃ পিতরস্থা।
তস্মাদ্দানানি দেয়ানি ব্রাহ্মণেভ্যো বিজানতা॥ 13-30-27 (82035)
মহদ্ধি ভরতশ্রেষ্ঠ ব্রাহ্মণস্তীর্থমুচ্যতে।
বেলায়াং ন তু কস্যাং চিদ্গচ্ছেদ্বিপ্রো হ্যপূজিতঃ॥ ॥ 13-30-28 (82036)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিংশোঽধ্যায়ঃ॥ 30 ॥
Mahabharata - Anushaasana Parva - Chapter Footnotes
7-30-6 নিশাম্য বিচার্য॥ 7-30-10 ততঃ পুরা সখায়ং তং সৃগালমিতি থ.ধ.পাঠঃ॥ 7-30-16 ব্রুবতোঽধ্যাপকস্য কথাং কথয়তো মুখাৎ শ্রুতম্॥ 7-30-17 কৃষ্ণস্য ব্যাসস্য। নৃগকথাং কথয়তো বাসুদেবস্য বা মুখাৎ॥ 7-30-19 আশা বন্ধ্যাশা॥ 7-30-21 অক্ষয়্যং পিত্রর্থমুদ্দিষ্টং দানং ভুঙ্ক্তে ইত্যক্ষয়্যভুগগ্নিঃ॥ 7-30-22 অগদসংকাশঃ চিকিৎসকতুল্যঃ॥ 7-30-23 শান্তিরিষ্টেন শান্ত্যাহিতেন ক্ষেমেণ॥ 7-30-30 ত্রিংশোঽধ্যায়ঃ॥অনুশাসনপর্ব - অধ্যায় 031
॥ শ্রীঃ ॥
13.31. অধ্যায়ঃ 031
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি শূদ্রোপদেশস্যানর্থহেতুতায়াং দৃষ্টান্ততয়া মুনিশূদ্রয়োঃ কথাকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
মিত্রসৌহার্দয়োগেন উপদেশং করোতি যঃ।
জাত্যাঽধরস্য রাজর্ষে দোষস্তস্য ভবেন্ন বা॥ 13-31-1 (82037)
এতদিচ্ছামি তত্ৎবেন ব্যাখ্যাতুং বৈ পিতামহ।
সূক্ষ্মা গতির্হি ধর্মস্যি যত্র মুহ্যন্তি মানবাঃ॥ 13-31-2 (82038)
ভীষ্ম উবাচ। 13-31-3x (6817)
অত্র তে বর্তয়িষ্যামি শৃণু রাজন্যথাক্রমম্।
`মদুক্তং বচনং রাজন্যথান্যায়ং যথাগমম্।'
ঋষীণাং বদতাং পূর্বং শ্রুতমাসীদ্যথা পুরা॥ 13-31-3 (82039)
উপদেশো ন কর্তব্যো জাতিহীনস্য কস্য চিৎ।
উপদেশে মহান্দোষ উপাধ্যায়স্য ভাষ্যতে॥ 13-31-4 (82040)
`নাধ্যাপয়েচ্ছূদ্রমিহ তথা নৈব চ যাজয়েৎ।'
নিদর্শনমিদং রাজঞ্শৃণু মে ভরতর্ষভ॥ 13-31-5 (82041)
দুরুক্তবচনে রাজন্যথাপূর্বং যুধিষ্ঠির।
ব্রহ্মাশ্রমপদে বৃত্তং পার্শ্বে হিমবতঃ শুভে॥ 13-31-6 (82042)
তত্রাশ্রমপদং পুণ্যং নানাবৃক্ষগণায়ুতম্।
নানাগুল্মলতাকীর্ণং মৃগদ্বিজনিষেবিতম্।
সিদ্ধচারণসংঘুষ্টং রম্যং পুষ্পিতকাননম্॥ 13-31-7 (82043)
ব্রতিভির্বহুভিঃ কীর্ণং তাপসৈরুপশোভিতম্।
ব্রাহ্মণৈশ্চ মহাভাগৈঃ সূর্যজ্বলনসন্নিভৈঃ॥ 13-31-8 (82044)
নিয়মব্রতসম্পন্নৈঃ সমাকীর্ণং তপস্বিভিঃ।
দীক্ষিতৈর্ভরতশ্রেষ্ঠ যতাহারৈঃ কৃতাত্মভিঃ॥ 13-31-9 (82045)
বেদাধ্যযনঘোষৈশ্চ নাদিতং ভরতর্ষভ।
বালখিল্যৈশ্চ বহুভির্যতিভিশ্চ নিষেবিতম্॥ 13-31-10 (82046)
তত্র কশ্চিৎসমুৎসাহং কৃৎবা শূদ্রো দয়ান্বিতঃ।
আগতো হ্যাশ্রমপদং পূজিতশ্চ তপস্বিভিঃ॥ 13-31-11 (82047)
তাংস্তু দৃষ্ট্বা মুনিগণান্দেবকল্পান্মহৌজসঃ।
বিবিধাং বহতো দীক্ষাং সম্প্রাহৃষ্যত ভারত॥ 13-31-12 (82048)
অথাস্য বুদ্ধিরভাবত্তাপস্যে ভরতর্ষভ।
ততোঽব্রবীৎকুলপতিং পাদৌ সঙ্গৃহ্য ভারত॥ 13-31-13 (82049)
ভবৎপ্রসাদাদিচ্ছামি ধর্মং চর্তুং দ্বিজর্ষভ।
তস্মাদভিগতং ৎবং মাং প্রব্রাজয়িতুমর্হসি॥ 13-31-14 (82050)
বর্ণাবরোঽহং ভগবঞ্শূদ্রো জাত্যাঽস্মি সত্তম।
শুশ্রূষাং কর্তুমিচ্ছামি প্রপন্নায় প্রসীদ মে॥ 13-31-15 (82051)
কুলপতিরুবাচ। 13-31-16x (6818)
ন শক্যমিহ শূদ্রেণ লিঙ্গমাশ্রিত্য বর্তিতুম্।
আস্যতাং যদি তে বুদ্ধিঃ শুশ্রূষানিরতো ভব॥ 13-31-16 (82052)
শুশ্রূষয়া পরাঁল্লোকানবাপ্স্যসি ন সংশয়ঃ॥ 13-31-17 (82053)
ভীষ্ম উবাচ। 13-31-18x (6819)
এবমুক্তস্তু মুনিনা স শূদ্রোঽচিন্তয়ন্নৃপ।
কথমত্র ময়া কার্যং শ্রুদ্ধা ধর্মপরা চ মে॥ 13-31-18 (82054)
বিজ্ঞাতমেবং ভবতু করিষ্যে প্রিয়মাত্মনঃ।
গৎবাঽঽশ্রমপদাদ্দূরমুটজং কৃতবাংস্তু সঃ॥ 13-31-19 (82055)
তত্র বেদীং চ ভূমিং চ দেবতায়তনানি চ।
নিবেশ্য ভরতশ্রেষ্ঠ নিয়মস্থোঽভবন্মুনিঃ॥ 13-31-20 (82056)
অভিষেকাংশ্চ নিয়মান্দেবতায়তনেষু চ।
বলিং চ কৃৎবা হুৎবা চ দেবতাং চাপ্যপূজয়ৎ॥ 13-31-21 (82057)
সঙ্কল্পনিয়মোপেতঃ ফলাহারো জিতেন্দ্রিয়ঃ।
নিত্যং সন্নিহিতাভিস্তু ওষধীভিঃ ফলৈস্তথা॥ 13-31-22 (82058)
অতিথীন্পূজয়ামাস যথাবৎসমুপাগতান্।
এবং হি সুমহান্কালো ব্যত্যক্রামত তস্য বৈ॥ 13-31-23 (82059)
অথাস্য মুনিরাগচ্চৎসঙ্গত্যা বৈ তমাশ্রমম্।
সম্পূজ্য স্বাগতেনর্ষিং বিধিবৎসমতোষয়ৎ॥ 13-31-24 (82060)
অনূকূলাঃ কথাঃ কৃৎবা যথাগতমপৃচ্ছত।
ঋষিঃ পরমতেজস্বী ধর্মাত্মা সংশিতব্রতঃ॥ 13-31-25 (82061)
এবং সুবহুশস্তস্য শূদ্রস্য ভরতর্ষভ।
সোঽগচ্ছদাশ্রমমৃষিঃ শূদ্রং দ্রষ্টুং নরর্ষভঃ॥ 13-31-26 (82062)
অথ তং তাপসং শূদ্রঃ সোঽব্রবীদ্ভরতর্ষভ।
পিতৃকার্যং করিষ্যামি তত্র মেঽনুগ্রহং কুরু॥ 13-31-27 (82063)
বাঢমিত্যেব তং বিপ্র উবাচ ভরতর্ষভ।
শুচির্ভূৎবা স শূদ্রস্তু তস্যর্ষেঃ পাদ্যমানয়ৎ॥ 13-31-28 (82064)
অথ দর্ভাশ্চ বন্যাংশ্চ ওষধীর্ভরতর্ষভ।
পবিত্রমাসনং চৈব বৃসীং চি সমুপানয়ৎ॥ 13-31-29 (82065)
অথ দক্ষিণমাবৃত্য বৃসীং চরমশৈর্ষিকীম্।
কৃতামন্যায়তো দৃষ্ট্বা তং শূদ্রমৃষিরব্রবীৎ॥ 13-31-30 (82066)
কুরুষ্বৈতাং পূর্বশীর্ষাং ভবাংশ্চোদঙ্মুখঃ শুচিঃ।
স চ তৎকৃতবাঞ্শূদ্রঃ সর্বং যদৃষিরব্রবীৎ॥ 13-31-31 (82067)
যথোপদিষ্টং মেধাবী দর্ভার্ঘাদি যথাতথম্।
হব্যকব্যবিধিং কৃৎস্নমুক্তং তেন তপস্বিনা॥ 13-31-32 (82068)
ঋষিণা পিতৃকার্যেষু সদা ধর্মপথে স্থিতঃ।
পিতৃকার্যে কৃতে চাপি বিসৃষ্টঃ স জগাম হ॥ 13-31-33 (82069)
অথ দীর্ঘস্য কালস্য স তপ্যঞ্শূদ্রতাপসঃ।
বনে পঞ্চৎবমগমৎসুকৃতেন চ তেন বৈ।
অজায়ত মহারাজ বংশে স চ মহাদ্যুতিঃ॥ 13-31-34 (82070)
তথৈব স ঋষিস্তাত কালধর্মমবাপ হ।
পুরোহিতকুলে বিপ্রঃ স জাতোঽস্য বশানুগঃ॥ 13-31-35 (82071)
এবং তৌ তত্র সম্ভূতাবুভৌ শূদ্রমুনী তদা।
ক্রমেণ বর্ধিতৌ চাপি বিদ্যাসু কুশলাবুভৌ॥ 13-31-36 (82072)
অথর্ববেদে বেদে চ বভূবর্ষিঃ সুনিষ্ঠিতঃ।
কল্পপ্রয়োগে চোৎপন্নে জ্যোতিষে চ পরং গতঃ।
সাঙ্খ্যে চৈব পরা প্রীতিস্তস্য চৈবং ব্যবর্ধত॥ 13-31-37 (82073)
পিতর্যুপরতে চাপি কৃতশৌচস্তু পার্থিবঃ।
অভিষিক্তঃ প্রকৃতিভী রাজপুত্রঃ স পার্থিবঃ॥ 13-31-38 (82074)
অভিষিক্তেন স ঋষিরভিষিক্তঃ পুরোহিতঃ॥ 13-31-39 (82075)
স তং পুরোধায় সুখমবসদ্ভরতর্ষভঃ।
রাজ্যং শশাস ধর্মেণ প্রজাশ্চ পরিপালয়ন্॥ 13-31-40 (82076)
পুণ্যাহবাচনে নিত্যং ধর্মকার্যেষু চাসকৃৎ।
উৎস্ময়ন্প্রাহসচ্চাপি দৃষ্ট্বা রাজা পুরোহিতম্।
এবং স বহুশো রাজন্পুরোধসমুপাহসৎ॥ 13-31-41 (82077)
লক্ষয়িৎবা পুরোধাস্তু বহুশস্তং নরাধিপম্।
উৎস্ময়ন্তং চ সততং দৃষ্ট্বা তং মন্যুমানভূৎ॥ 13-31-42 (82078)
অথ শূন্যে পুরোধাস্তু সহ রাজ্ঞা সমাগতঃ।
কথাভিরনুকূলাভী রাজানং চাভ্যোরচয়ৎ॥ 13-31-43 (82079)
ততোঽব্রবীন্নরেন্দ্রং স পুরোধা ভরতর্ষভ।
বরমিচ্ছাম্যহং ৎবেকং ৎবয়া দত্তং মহাদ্যুতে॥ 13-31-44 (82080)
রাজোবাচ। 13-31-45x (6820)
বরাণাং তে শতং দদ্যাং কিং বতৈকং দ্বিজোত্তম।
স্নেহাচ্চ বহুমানাচ্চ নাস্ত্যদেয়ং হি মে তব॥ 13-31-45 (82081)
পুরোহিত উবাচ। 13-31-46x (6821)
একং বৈ বরমিচ্ছামি যদি তুষ্টিসি পার্থিব।
প্রতিজানীহি তাবত্ৎবং সত্যং যদ্বদ নানৃতম্॥ 13-31-46 (82082)
ভীষ্ম উবাচি। 13-31-47x (6822)
বাঢমিত্যেব তং রাজা প্রত্যুবাচ যুধিষ্ঠির।
যদি জ্ঞাস্যামি বক্ষ্যামি অজানন্ন তু সংবদে॥ 13-31-47 (82083)
পুরোহিত উবাচ। 13-31-48x (6823)
পুণ্যাহবাচনে নিত্যং ধর্মকৃত্যেষু চাসকৃৎ।
শান্তিহোমেষু চ সদা কিং ৎবং হসসি বীক্ষ্য মাং॥ 13-31-48 (82084)
সব্রীডং বৈ ভবতি হি মনো মে হসতা ৎবয়া।
কাময়া শাপিতো রাজন্নান্যথাবক্তুমর্হসি॥ 13-31-49 (82085)
ভাব্যং হি কারণেনাত্র ন তে হাস্যমকারণম্।
কৌতূহলং মে সুভৃশং তত্ৎবেন কথমস্ব মে॥ 13-31-50 (82086)
রাজোবাচ। 13-31-51x (6824)
এবমুক্তে ৎবয়া বিপ্র যদবাচ্যং ভবেদপি।
অবশ্যমেব বক্তব্যং শৃণুষ্বৈকমনা দ্বিজ॥ 13-31-51 (82087)
পূর্বদেহে যথা বৃত্তং তন্নিবোধ দ্বিজোত্তম।
জাতিং স্মরাম্যহং ব্রহ্মন্নবধানেন মে শৃণু॥ 13-31-52 (82088)
শুদ্রোঽহমভবং পূর্বং তপসে কৃতনিশ্চয়ঃ।
ঋষিরুগ্রতপাস্ৎবং চ তদাঽভূর্দ্বিজসত্তম॥ 13-31-53 (82089)
প্রীয়তা হি তদা ব্রহ্মন্মমানুগ্রহবুদ্ধিনা।
পিতৃকার্যে ৎবয়া পূর্বমুপদেশঃ কৃতোঽনঘ॥ 13-31-54 (82090)
বৃস্যাং দর্ভেষু হব্যে চ কব্যে চ মুনিসত্তম।
এতেন কর্মদোষেণ পুরোধাস্ৎবমজায়থাঃ॥ 13-31-55 (82091)
অহং রাজা চ বিপ্রেন্দ্র পশ্য কালস্য পর্যযম্।
মৎকৃতস্যোপদেশস্য ৎবয়াঽবাপ্তমিদং ফলম্॥ 13-31-56 (82092)
এতস্মাৎকারণাদ্ব্রহ্মন্প্রহসে ৎবাং দ্বিজোত্তম।
ন ৎবাং পরিভবন্ব্রহ্মনপ্রহসামি গুরুর্ভবান্॥ 13-31-57 (82093)
বিপর্যযেণ মে মন্যুস্তেন সন্তপ্যতে মনঃ।
জাতিং স্মরাম্যহং তুভ্যমতস্ৎবাং প্রহসামি বৈ॥ 13-31-58 (82094)
এবং তবোগ্রং হি তপ উপদেশেন নাশিতম্।
পুরোহিতৎবমুৎসৃজ্য যতস্ব ৎবং পুনর্ভবে॥ 13-31-59 (82095)
ইতস্ৎবমধমামন্যাং মা যোনিং প্রাপ্স্যসে দ্বিজ।
গৃহ্যতাং দ্রবিণং বিপ্র পূতাত্মা ভব সত্তম॥ 13-31-60 (82096)
ভীষ্ম উবাচ। 13-31-61x (6825)
ততো বিসৃষ্টো রাজ্ঞা তু বিপ্রো দানান্যনেকশঃ।
ব্রাহ্মণেভ্যো দদৌ বিত্তং ভূমিং গ্রামাংশ্চ সর্বশঃ॥ 13-31-61 (82097)
কৃচ্ছ্রাণি চীর্ৎবা চ ততো যথোক্তানি দ্বিজোত্তমৈঃ।
তীর্থানি চাপি গৎবা বৈ দানানি বিবিধানি চ॥ 13-31-62 (82098)
দত্ৎবা গাশ্চৈব বিপ্রেভ্যঃ পূতাত্মাঽভবদাত্মবান্।
তমেব চাশ্রমং গৎবা চচার বিপুলং তপঃ॥ 13-31-63 (82099)
ততঃ সিদ্ধিং পরাং প্রাপ্তো ব্রাহ্মণো রাজসত্তম।
সম্মতস্চাভবত্তেষামাশ্রমে তন্নিবাসিনাম্॥ 13-31-64 (82100)
এবং প্রাপ্তো মহৎকৃচ্ছ্রমৃষিঃ সন্নৃপসত্তম।
ব্রাহ্মণেন ন বক্তব্যং তস্মাদ্বর্ণাবরে জনে॥ 13-31-65 (82101)
`বর্জয়েদুপদেশং চ সদৈব ব্রাহ্মণো নৃপ।
উপদেশং হি কুর্বাণো দ্বিজঃ কৃচ্ছ্রমবাপ্নুয়াৎ॥ 13-31-66 (82102)
নেষিতব্যং সদা বাচা দ্বিজেন নৃপসত্তম।
ন চ প্রবক্তব্যমিহ কিঞ্চিদ্বর্ণাবরে নরে॥' 13-31-67 (82103)
ব্রাহ্মণাঃ ক্ষত্রিয়া বৈশ্যাস্ত্রয়ো বর্ণা দ্বিজাতয়ঃ।
এতেষু কথয়ন্রাজন্ব্রাহ্মণো ন প্রদুষ্যতি॥ 13-31-68 (82104)
তস্মাৎসদ্ভির্ন বক্তব্যং কস্যচিৎকিংচিদগ্রতঃ।
সূক্ষ্মা গতির্হি ধর্মস্য দুর্জ্ঞেয়া হ্যকৃতাত্মভিঃ॥ 13-31-69 (82105)
তস্মান্মৌনেন মুনয়ো দীক্ষাং কুর্বন্তি চাদৃতাঃ।
দুরুক্তস্য ভয়াদ্রাজন্নাভাষন্তে চ কিঞ্চন॥ 13-31-70 (82106)
ধার্মিকা গুণসম্পন্নাঃ সত্যার্জবসমন্বিতাঃ।
দুরুক্তবাচাভিহিতৈঃ প্রাপ্নুবন্তীহ দুষ্কৃতম্॥ 13-31-71 (82107)
উপদেশো ন কর্তব্যো হ্যজ্ঞাৎবা যস্যকস্য চিৎ।
উপদেশাদ্ধি তৎপাপং ব্রাহ্মণঃ সমবাপ্নুয়াৎ॥ 13-31-72 (82108)
বিমৃশ্য তস্মাৎপ্রাজ্ঞেন বক্তব্যং ধর্মমিচ্ছতা।
সত্যানৃতেন হি কৃত উপদেশো হিনস্তি হি॥ 13-31-73 (82109)
বক্তব্যমিহ পৃষ্টেন বিনিশ্চয়বিপর্যযম্।
স চোপদেশঃ কর্তব্যো যেন ধর্মমবাপ্নুয়াৎ॥ 13-31-74 (82110)
এতত্তে সর্বমাখ্যাতমুপদেশকৃতে ময়া।
মহান্ক্লেশো হি ভবতি তস্মান্নোপদিশেদিহ॥ ॥ 13-31-75 (82111)
ইতি শ্রীমন্মহাভারতে অনুশাসনপর্বণি দানধর্মপর্বণি একবিংশোঽধ্যায়ঃ॥ 31 ॥
Mahabharata - Anushaasana Parva - Chapter Footnotes
7-31-1 মিত্রমুপকারমপেক্ষ্যোপকর্তা। সুহৃদুপকারমনপেক্ষ্যোপকর্তা। লোভাৎ কৃপয়া বেত্যর্থঃ॥ 7-31-4 উপাধ্যায়স্যোপদেশকর্তুঃ॥ 7-31-6 দুরুক্তং দুঃখস্থং নীচং প্রতি উক্তং বচনম্॥ 7-31-8 ব্রতিভির্ব্রহ্মচারিভিঃ। তাপসৈর্বানপ্রস্থৈঃ॥ 7-31-10 যতিভিঃ সংন্যাসিভিঃ॥ 7-31-11 দয়ান্বিতঃ সর্বভূতাভয়দানেন প্রব্রজ্যাং কৃতবানিত্যর্থঃ॥ 7-31-12 দীক্ষাং নিয়মম্॥ 7-31-13 প্রব্রাজয়িতুং বিধিবৎ স্বোচিতং কর্ম ত্যাজয়িতুম্॥ 7-31-14 প্রব্রজায়িতুং বিধিবৎ স্বোচিতং কর্ম ত্যাজয়িতুম্॥ 7-31-16 লিঙ্গং সংন্যাসিচিহ্নম্॥ 7-31-19 আত্মনঃ প্রিয়ং বিক্ষেপকস্য শুশ্রূষাখ্যস্য স্বধর্মস্য ত্যাগম্। লিঙ্গধারণানধিকারেঽপি ত্যাগমাত্রে সর্বস্যাধিকারাৎ। উটজং পর্ণসালাম্॥ 7-31-20 বেদীং পূজার্থম্। ভূমিং শয়নাদ্যর্থম্॥ 7-31-21 অভিষেকান্ ত্রিসন্ধ্যং স্রানানি॥ 7-31-22 সঙ্কল্পস্য নিয়মো নিগ্রহঃ। চিত্তবৃত্তিনিরোধ ইতি যাবৎ। তেন উপেতঃ॥ 7-31-30 বৃসীং চরমশৈর্ষিকীং আসনকূর্চং পশ্চিমাগ্রম্॥ 7-31-37 বেদে ঋগ্বেদাদিত্রয়ে। কল্পপ্রয়োগে সূত্রোক্তয়জ্ঞপ্রয়োগে॥ 7-31-43 মৎকৃতস্য মহ্যং কৃতস্য॥ 7-31-58 বিপর্যযেণ বৈপরীত্যেন মন্যুর্দৈন্যম্॥ 7-31-59 ভবে ভবনিমিত্তম্॥ 7-31-63 সত্যানৃতেন বাণিজ্যেন ধনলোভেনেত্যর্থঃ॥অনুশাসনপর্ব - অধ্যায় 032
॥ শ্রীঃ ॥
13.32. অধ্যায়ঃ 032
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহীলক্ষ্যা রুক্মিণীংপ্রতি স্বাবাসস্থলনির্দেশঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কীদৃশে পুরুষে তাত স্ত্রীষু ভরতর্ষভ।
ভীষ্ম উবাচ। 13-32-2x (6826)
অত্র তে বর্ণয়িষ্যামি যথাবৃত্তং যথাশ্রুতম্।
রুক্মিণী দেবকীপুত্রসন্নিধৌ পর্যপৃচ্ছত॥ 13-32-2 (82113)
নারায়ণস্যাঙ্কগতাং জ্বলন্তীং
দৃষ্ট্বা শ্রিয়ং পদ্মসমানবক্ত্রাম্। 13-32-3 (82114)
কৌতূহলাদ্বিস্মিতচারুনেত্রা
পপ্রচ্ছ মাতা মকরধ্বজস্যষ॥ 13-32-4 (82115)
কানীহ ভূতান্যুপসেবসে ৎবং
সন্তিষ্ঠসে কানি চ সেবসে ৎবম্।
তানি ত্রিলোকেশ্বরভূতকান্তে
তত্ৎবেন মে ব্রূহি মহর্ষিকন্যে॥ 13-32-4 (82116)
এবং তদা শ্রীরাভিভাষ্যমাণা
দেব্যা সমক্ষং গরুডধ্বজস্য।
উবাচ বাক্যং মধুরাভিধানং
মনোহরং চন্দ্রমুখী প্রসন্না॥ 13-32-5 (82117)
শ্রীরুবাচ। 13-32-6x (6827)
বসামি নিত্যং সুভগে প্রগল্ভে
দক্ষে নরে কর্মণি বর্তমানে।
অক্রোধনে দেবপরে কৃতজ্ঞে
জিতেন্দ্রিয়ে নিত্যমুদীর্ণসৎবে॥ 13-32-6 (82118)
নাকর্মশীলে পুরুষে বসামি
ন নাস্তিকে সাঙ্করিকে কৃতঘ্নে।
ন ভিন্নবৃত্তে ন নৃশংসবৃত্তে
ন চাবিনীতে ন গুরুষ্বসূয়কে॥ 13-32-7 (82119)
যে চাল্পতেজোবলসত্ৎবমানাঃ
ক্লিশ্যন্তি কুপ্যন্তি চ যত্রতত্র।
ন চৈব তিষ্ঠামি তথাবিধেষু
নরেষু সঙ্গুপ্তমনোরথেষু॥ 13-32-8 (82120)
যশ্চাত্মনি প্রার্থয়তে ন কিঞ্চি-
দ্যশ্চ স্বভাবোপহতান্তরাত্মা।
দ্যশ্চ স্বভাবোপহতান্তরাত্মা।
নরেষু নাহং নিবসামি স্ম্যক্॥ 13-32-9 (82121)
বসামি ধর্মশীলেষু ধর্মজ্ঞেষু মহাত্মসু।
বৃদ্ধসেবিষু দান্তেষু সৎবজ্ঞেষু মহাত্মসু॥ 13-32-10 (82122)
অবন্ধ্যকালেষু সদা দানশৌচরতষু চ।
ব্রহ্মচর্যতপোজ্ঞানগোদ্বিজাতিপ্রিয়েষু চ॥ 13-32-11 (82123)
স্ত্রীষু কান্তাসু শান্তাসু দেবদ্বিজপরাসু চ।
বিশুদ্ধগৃহভাণ্ডাসু গোধান্যাভিরতাসু চ॥ 13-32-12 (82124)
স্বধর্মশীলেষু চ ধর্মবিৎসু
বৃদ্ধোপসেবানিরতে চ দান্তে।
কৃতাত্মনি ক্ষান্তিপরে সমর্থে
ক্ষান্তাসু দান্তাসু তথাঽবলাসু।
সত্যস্বভাবার্জবসংয়ুতাসু
বসাগি দেবদ্বিজপূজিকাসু॥ 13-32-13 (82125)
প্রকীর্ণভাণ্ডামনবেক্ষ্যকারিণীং
সদা চ ভর্তুঃ প্রতিকূলবাদিনীম্। 13-32-14 (82126)
লোলামদক্ষামবলেপিনীং চ
ব্যপেতশৌচাং কলহপ্রিয়াং চ।
নিদ্রাভিভূতাং সততং শয়ানা-
মেবংবিধাং স্ত্রীং পরিবর্জয়ামি॥ 13-32-15 (82127)
সত্যাসু নিত্যং প্রিয়দর্শনাসু
সৌভাগ্যযুক্তাসু গুণান্বিতাসু।
বসামি নারীষু পতিব্রতাসু
কল্যাণশীলাসু বিভূষিতাসু॥ 13-32-16 (82128)
যানেষু কন্যাসু বিভূষণেষু
যজ্ঞেষু মেঘেষু চ বৃষ্টিমৎসু।
বসামি ফুল্লাসু চ পদ্মিনীষু
নক্ষত্রবীথীষু চ শারদীষু॥ 13-32-17 (82129)
গজেষু গোষ্ঠেষু তথাঽঽসনেষু
সরঃসু ফুল্লোৎপলপঙ্কজেষু।
নদীষু হংসস্বননাদিতাসু
ক্রৌঞ্চাবঘুষ্টস্বরশোভিতাসু॥ 13-32-18 (82130)
বিকীর্ণকূলদ্রুমরাজিতাসু
তপস্বিসিদ্ধদ্বিজসেবিতাসু।
বসামি নিত্যং সুবহূদকাসু
সিম্হৈর্গজৈশ্চাকুলিতোদকাসু॥ 13-32-19 (82131)
মত্তে গজে গোবৃষভে নরেন্দ্রে
সিম্হাসনে সৎপুরুষেষু নিত্যম্॥ 13-32-20 (82132)
যস্মিঞ্চনো হব্যভুজং জুহোতি
গোব্রাহ্মণং চার্চতি দেবতাশ্চ
কালে চ পুষ্পৈর্বলয়ঃ ক্রিয়ন্তে
তস্মিন্গৃহে নিত্যমুপৈমি বাসম্॥ 13-32-21 (82133)
স্বাধ্যায়নিত্যেষু সদা দ্বিজেষু
ক্ষত্রে চ ধর্মাভিরতে সদৈব।
বৈশ্যে চ কৃষ্যাভিরতে বসামি
শূদ্রে চ শুশ্রূষণনিত্যযুক্তে॥ 13-32-22 (82134)
নারায়ণে ৎবেকমনা বসামি
সর্বেণ ভাবেন শরীরভূতা।
তস্মিন্হি ধর্মঃ সুমহান্নিবিষ্টো
ব্রহ্মিণ্যতা চাত্র তথা প্রিয়ৎবম্॥ 13-32-23 (82135)
নাহং শরীরেণ বসামি দেবি
নৈবং ময়া শক্যমিহাভিধাতুম্।
ভাবেন যস্মিন্নিবসামি পুংসি
স বর্ধতে ধর্ময়শোর্থকামৈঃ॥ ॥ 13-32-24 (82136)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বাত্রিংশোঽধ্যায়ঃ॥ 32 ॥
Mahabharata - Anushaasana Parva - Chapter Footnotes
7-32-2 পর্যপৃচ্ছত শ্রিয়মিত্যপকৃষ্যতে॥ 7-32-4 উপসেবসে গজতুরগাদিরূপেণ। সংতিষ্ঠসে শৌর্যাদিরূপেণ পুরুষে বসসি॥ 7-32-5 দেব্যা রুক্মিণ্যা॥ 7-32-6 প্রগল্ভে বাগ্মিনি। দক্ষে অনরুসে। বসামি সত্ৎবে ইতি ট.থ.ধ.পাঠঃ॥ 7-32-8 তেজঃ শৌর্যং। সৎবং বুদ্ধিঃ। যত্র তত্র বিশিষ্টপুরুষে। সঙ্গুপ্তমনোরথেষু অন্যৎ ঘ্যায়ন্ত্যন্যদ্দর্শয়ন্তি তাদৃশেষু॥ 7-32-23 ভাবেন আদরেণ শরীরভূতা শরীরবতী॥ 7-32-24 নারায়ণাদন্যত্র ধর্মাদিবৃদ্ধিরূপেণৈব বসামি ন শরীরেণেত্যর্থঃ॥ 7-32-32 দ্বাত্রিংশোঽধ্যায়ঃ॥অনুশাসনপর্ব - অধ্যায় 033
॥ শ্রীঃ ॥
13.33. অধ্যায়ঃ 033
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি কৃতঘ্নস্য প্রায়শ্চিত্তবিষয়ে দৃষ্টান্ততয়া বৎসনাভমুনিচরিত্রকথনম্॥ 1 ॥Mahabharata - Anushaasana Parva - Chapter Text
`যুধিষ্ঠির উবাচ।
প্রায়শ্চিত্তং কৃতঘ্নানাং প্রতিব্রূহি পিতামহ।
মাতৄঃ পিতৄন্গুরুংশ্চৈব যেঽবমন্যন্তি মোহিতাঃ॥ 13-33-1 (82137)
যে চাপ্যন্তে পরে তাত কৃতঘ্না নিরপত্রপাঃ।
তেষাং গতিং মহাবাহো শ্রোতুমিচ্ছামি তৎবতঃ॥ 13-33-2 (82138)
ভীষ্ম উবাচ। 13-33-3x (6828)
কৃতঘ্নানাং গতিস্তাত নরকে শাশ্বতীঃ সমাঃ।
মাতাপিতৃগুরূণাং চ যে ন তিষ্ঠন্তি শাসনে।
ক্রিমিকীটপিপীলেষু জায়ন্তে স্থাবরেষু চ॥ 13-33-3 (82139)
দুর্লভো হি পুনস্তেষাং মানুষ্যে পুনরুদ্ভবঃ।
অত্রাপ্যুদাহরন্তীমমিতিহাসং পুরাতনম্॥ 13-33-4 (82140)
বৎসনাভো মহাপ্রাজ্ঞো মহর্ষিঃ সংশিতব্রতঃ।
বল্মীকভূতো ব্রহ্মর্ষিস্তপ্যতে সুমহত্তপঃ॥ 13-33-5 (82141)
তস্মিংশ্চ তপ্যতি তপো বাসবো ভরতর্ষভ।
ববর্ষ সমুহদ্বর্ষং সবিদ্যুৎস্তনয়িত্নুমান্॥ 13-33-6 (82142)
তত্র সপ্তাহবর্ষং তু মুমুচে পাকশাসনঃ।
নিমীলিতাক্ষস্তদ্বর্ষং প্রত্যগৃহ্যত বৈ দ্বিজঃ॥ 13-33-7 (82143)
তস্মিন্পততি বর্ষে তু শীতবাতসমন্বিতে।
বিশীর্ণধ্বস্তশিখরো বল্মীকোঽশনিতাডিতঃ॥ 13-33-8 (82144)
তাড্যমানে ততস্তস্মিন্বৎসনাভে মহাত্মনি।
কারুণ্যাত্তস্য ধর্মঃ স্বমানৃশংস্যমথাকরোৎ॥ 13-33-9 (82145)
চিন্তয়ানস্য ব্রহ্মর্ষি তপন্তমতিধার্মিকম্।
অনুরূপা মতিঃ ক্ষিপ্রমুপজাতা স্বভাবজা॥ 13-33-10 (82146)
স্বং রূপং মাহিষং কৃৎবা ********* মনোহরম্।
রক্ষার্থং বৎসনামস্য চতুষ্পাদুপরিস্থিতঃ॥ 13-33-11 (82147)
যদা ৎবপগতং বর্ষং বৃষ্টিবাতসমন্বিতম্।
ততো মহিষরুপেণ ধর্মো ধর্মভৃতাংবর।
শনৈর্বল্মীকমুৎসৃজ্য প্রাদ্রবদ্ভরতর্ষভ॥ 13-33-12 (82148)
স্থিতেঽস্মিন্বৃষ্টিসম্পাতে বীক্ষতে স্ম মহাতপাঃ।
দিশশ্চ বিপুলাস্তত্র গিরীণাং শিখরাণি চ॥ 13-33-13 (82149)
দৃষ্ট্বা চ পৃথিবীং সর্বাং সলিলেন পরিপ্লুতাম্।
জলাশয়ান্স তান্দৃষ্ট্বা বিপ্রঃ প্রমুদিতোঽভবৎ॥ 13-33-14 (82150)
অচিন্তয়দ্বিস্মিতশ্চি বিপ্রঃ প্রমুদিতোঽভবৎ॥
অচিন্তয়দ্বিস্তিতশ্চ বর্ষাৎকেনাভিরক্ষিতঃ।
ততোঽপশ্যৎস মহিষমবস্থিতমদূরতঃ॥ 13-33-15 (82151)
তির্যগ্যোনাবপি কথং দৃশ্যতে ধর্মবৎসলঃ॥ 13-33-16 (82152)
অতো নু ভদ্রমহিষঃ শিলাপট্টমবস্থিতঃ।
পীবরশ্চৈব বল্যশ্চ বহুমাংসো ভবেদয়ম্॥ 13-33-17 (82153)
তস্য বুদ্ধিরিয়ং জাতা ধর্মসংসক্তজা মুনেঃ।
কৃতঘ্না নরকং যান্তি যে চ বিশ্বস্তঘাতিনঃ॥ 13-33-18 (82154)
নিষ্কৃতিং নৈব পশ্যামি কৃতঘ্নানাং কথঞ্চন।
ক্রতে প্রাণিপরিত্যাগাদ্ধর্মজ্ঞানাং বচো যথা॥ 13-33-19 (82155)
অকৃৎবা ভরণং পিত্রোরদত্ৎবা গুরুদক্ষিণাম্।
কৃতঘ্নতাং চ সম্প্রাপ্য মরণান্তা চ নিষ্কৃতিঃ॥ 13-33-20 (82156)
আকাঙ্ক্ষায়ামুপেক্ষায়াং চোপপাতকমুত্তমম্।
তস্মাৎপ্রাণান্পরিত্যক্ষ্যে প্রায়শ্চিত্তার্থমিত্যুত॥ 13-33-21 (82157)
স মেরুশিখরং গৎবা নিস্যঙ্কেনান্তরাত্মনা।
প্রায়শ্চিত্তং কর্তুকামঃ শরীরং ত্যক্তুমুদ্যতঃ।
নিগৃহীতশ্চ ধর্মাত্মা হস্তে ধর্মেণ ধর্মবিৎ॥ 13-33-22 (82158)
ধর্মি উবাচ। 13-33-23x (6829)
বৎসনাভ মহাপ্রাজ্ঞ বহুবর্ষশতায়ুষ।
পরিতুষ্টোস্মি ত্যাগেন নিস্সঙ্গেন তথাঽঽত্মনঃ॥ 13-33-23 (82159)
এবং ধর্মভৃতঃ সর্বে বিমৃশন্তি কৃতাকৃতম্।
ন কশ্চিদ্বৎসনাভস্য যস্য নোপহতং মনঃ॥ 13-33-24 (82160)
যশ্চানবদ্যশ্চরতি শক্তো ধর্মং চ সর্বশঃ।
নিবর্তস্ব মহাপ্রাজ্ঞ্ পূতাত্মা হ্যসি শাশ্বতঃ'॥ ॥ 13-33-25 (82161)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রয়স্ত্রিংশোঽধ্যায়ঃ॥ 33 ॥
Mahabharata - Anushaasana Parva - Chapter Footnotes
7-33-17 বল্যঃ বলিকর্মার্হঃ। পীবরশ্চৈব বধ্যশ্বেতি পাঠান্তরম্॥অনুশাসনপর্ব - অধ্যায় 034
॥ শ্রীঃ ॥
13.34. অধ্যায়ঃ 034
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি স্ত্রীপুংসয়োঃ সমায়োগে স্ত্রিয়াএব সুখাধিক্যে সবাদতয়া ভঙ্গাস্বনোপাখ্যানকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
স্ত্রীপুংসয়োঃ সম্প্রয়োগে স্পর্শঃ কস্যাধিকো ভবেৎ।
এতস্মিন্সংশয়ে রাজন্যথাবদ্বক্তুমর্হসি॥ 13-34-1 (82162)
ভীষ্ম উবাচ। 13-34-2x (6830)
অত্রাপ্যুদাহরন্তীমমিতিহাসং পুরাতনম্।
ভঙ্গাস্বনেন শক্রস্য যথা বৈরমভূৎপুরা॥ 13-34-2 (82163)
পুরা ভঙ্গাস্বনো নাম রাজর্ষিরতিধার্মিকঃ।
অপুত্রঃ পুরুষব্যাঘ্র পুত্রার্থং যজ্ঞমাহরৎ॥ 13-34-3 (82164)
অগ্নিষ্টুতং স রাজর্ষিরিন্দ্রদ্বিষ্টং মহাবলঃ।
প্রায়শ্চিত্তেষু মর্ত্যানাং পুত্রকামেষু চেষ্যতে॥ 13-34-4 (82165)
ইন্দ্রো জ্ঞাৎবা তু তং যজ্ঞং মহাভাগঃ সুরেশ্বরঃ।
অন্তরং তস্য রাজর্ষেরন্বিচ্ছন্নিয়তাত্মনঃ।
ন চৈবাস্যান্তরং রাজন্স দদর্শ মহাত্মনঃ॥ 13-34-5 (82166)
কস্য চিত্ৎবথ কালস্য মৃগয়াং গতবান্নৃপঃ।
ইদমন্তরমিত্যেব শক্রো নৃপমমোহয়ৎ॥ 13-34-6 (82167)
একাশ্বেন চ রাজর্ষির্ভ্রান্ত ইন্দ্রেণ মোহিতঃ।
ন দিশোঽবিন্দত নৃপঃ ক্ষুৎপিপাসার্দিতস্তদা॥ 13-34-7 (82168)
ইতশ্চেতশ্চ ধাবন্বৈ শ্রমতৃষ্ণার্দিতো নৃপ।
সরোঽপশ্যৎসুরুচিরং পূর্ণং পরমবারিণা॥ 13-34-8 (82169)
সোঽবগাহ্য সরস্তাত পায়যামাস বাজিনম্॥ 13-34-9 (82170)
অথ পীতোদকং সোঽশ্বং বৃক্ষে বদ্ধ্বা নৃপোত্তমঃ।
অবগাহ্য ততঃ স্নাতস্তত্র স্ত্রীৎবমবাপ্তবান্॥ 13-34-10 (82171)
আত্মানং স্ত্রীকৃতং দৃষ্ট্বা ব্রীডিতো নৃপসত্তমঃ।
চিন্তানুগতসর্বাত্মা ব্যাকুলেন্দ্রিয়চেতনঃ॥ 13-34-11 (82172)
আরোহিষ্যে কথং ৎবশ্বং কথং যাস্যামি বৈ পুরম্।
ইষ্টেনাগ্নিষ্টুতা চাপি পুত্রাণাং শতমৌরসম্॥ 13-34-12 (82173)
জাতং মহাবলানাং মে তান্প্রবক্ষ্যামি কিন্নবহম্।
দারেষু চাত্মকীয়েষু পৌরজানপদেষু চ॥ 13-34-13 (82174)
মৃদুৎবং চ তনুৎবং চ পরাধীনৎবমেব চ।
`হাসভাবাদি লাবণ্যং স্ত্রীগুণাদ্বা কুতূহলম্।'
স্ত্রীগুণা ঋষিভিঃ প্রোক্তা ধর্মতত্ৎবার্থদর্শিভিঃ॥ 13-34-14 (82175)
ব্যায়ামঃ কর্কশৎবং চ বীর্যং চ পুরুষে গুণাঃ॥ 13-34-15 (82176)
পৌরুষং বিপ্রনষ্টং স্ত্রীৎবং কেনাপি মেঽভবৎ।
স্ত্রীভাবাৎপুনরশ্বং তং কথমারোঢুমুৎসহে॥ 13-34-16 (82177)
মহতা ৎবথ খেদেন আরুহ্যাশ্বং নরাধিপঃ।
পুনরায়াৎপুরং তাত স্ত্রীভূতো নৃপসত্তমঃ। 13-34-17 (82178)
পুত্রা দারাশ্চ ভৃত্যাশ্চ পৌরজানপদাশ্চ তে।
কিন্ন্বিদং ৎবিতি বিজ্ঞায় বিস্ময়ং পরমং গতাঃ॥ 13-34-18 (82179)
অথোবাচ স রাজর্ষিঃ স্ত্রীভূতো বদতাংবরঃ।
মৃগয়ামস্মি নির্যাতো বলৈঃ পরিবৃতো দৃঢম্।
উদ্ভান্তঃ প্রাবিশং ঘোরামটবীং দৈবমোহিতঃ॥ 13-34-19 (82180)
অটব্যাং চ সুঘোংরায়াং তৃষ্ণার্তো নষ্টচেতনঃ।
সরঃ সুরুচিরপ্রখ্যমপশ্যং পক্ষিভির্বৃতম্॥ 13-34-20 (82181)
তত্রাবগাঢঃ স্ত্রীভূতো ব্যক্তং দৈবান্ন সংশয়ঃ।
`অতৃপ্ত এব পুত্রাণাং দারাণাং চ ধনস্য চ॥' 13-34-21 (82182)
নামগোত্রাণি চাভাব্য দারাণাং মন্ত্রিণাং তথা।
আহ পুত্রাংস্ততঃ সোঽথ স্ত্রীভূতঃ পার্তিবোত্তমঃ।
সম্প্রীত্যা ভুজ্যতাংরাজ্যং বনং যাস্যামি পুত্রকাঃ॥ 13-34-22 (82183)
স পুত্রাণাং শতং রাজা অভিষিচ্য বনং গতঃ।
গৎবা চৈবাশ্রমং সা তু তাপসং প্রত্যপদ্যত॥ 13-34-23 (82184)
তাপসেনাস্য পুত্রাণামাশ্রমেষ্বভবচ্ছতম্।
অথ সাঽঽদায় তান্সর্বান্পূর্বপুত্রানভাষত॥ 13-34-24 (82185)
পুরুষৎবে সুতা যূয়ং স্ত্রীৎবে চেমে শতং সুতাঃ।
একত্র ভুজ্যতাং রাজ্যং ভ্রাতৃভাবেন পুত্রকাঃ॥ 13-34-25 (82186)
সহিতা ভ্রাতরস্তেঽথ রাজ্যং বুভুজিরে তদা॥ 13-34-26 (82187)
তান্দৃষ্ট্বা ভাতৃভাবেন ভুঞ্জানান্রাজ্যমুত্তমম্।
চিন্তয়ামাস দেবেন্দ্রো মন্যুনাঽথ পরিপ্লুতঃ।
উপকারোঽস্য রাজর্ষেঃ কৃতো নাপকৃতং ময়া॥ 13-34-27 (82188)
ততো ব্রাহ্মণরুপেণ দেবরাজঃ শতক্রতুঃ।
ভেদয়ামাস তান্গৎবা নগরং বৈ নৃপাত্মজান্॥ 13-34-28 (82189)
ভ্রাতৃণাং নাস্তি সৌভ্রাত্রং যেঽপ্যেকস্য পিতঃ সুতাঃ।
কশ্যপস্য সুরাশ্চৈব অসুরাশ্ব সুতাস্তথা। 13-34-29 (82190)
রাজ্যহেতোর্বিবদিতাঃ কশ্যপস্য সুরাসুরাঃ॥
যূয়ং ভঙ্গাস্বনাপত্যাস্তাপসস্যেতরে সুতাঃ। 13-34-30 (82191)
যুষ্মাকং ভেদিতাস্তে তু যুদ্ধেঽন্যোন্যমপাতয়ন্।
তচ্ছ্রুৎবা তাপসী চাপি সংতপ্তা প্ররুরোদ হ॥ 13-34-31 (82192)
ব্রাহ্মণচ্ছদ্মনাঽভ্যেত্য তামিন্দ্রোঽথান্বপৃচ্ছত।
কেন দুঃখেন সংতপ্তা রোদিষি ৎবং বরাননে॥ 13-34-32 (82193)
ব্রাহ্ম্ণং তং ততো দৃষ্ট্বা সা স্ত্রী করণমব্রবীৎ।
পুত্রাণাং দ্বে শতে ব্রহ্মন্কালেন বিনিপাতিতে॥ 13-34-33 (82194)
অহং রাজাঽভব বিপ্র তত্র পূর্বং শতং মম।
সমুৎপন্নং সুরূপাণাং পুত্রাণাং ব্রাহ্মণোত্তম॥ 13-34-34 (82195)
কদাচিন্মৃগয়াং যাত উদ্ধান্তো গহনে বনে।
অবগাঢশ্চ সরসি স্ত্রীভূতো ব্রাহ্মণোত্তম॥ 13-34-35 (82196)
পুত্রান্রাজ্যে প্রতিষ্ঠাপ্য বনমস্মি ততো গতঃ॥ 13-34-36 (82197)
স্ত্রিয়াশ্চ মে পুত্রশতং তাপসেন মহাত্মনা।
আশ্রমে জনিতং ব্রহ্মন্নীতং তন্নগরং ময়া॥ 13-34-37 (82198)
তেষাং চ বৈরমুৎপন্নং কালয়োগেন বৈ দ্বিজ।
এতচ্ছোচাম্যহং ব্রহ্মন্দৈবেন সমভিপ্লুতা॥ 13-34-38 (82199)
ইন্দ্রস্তাং দুঃশিতাং দৃষ্ট্বা অব্রবীৎপরুষং বচঃ॥ 13-34-39 (82200)
পুরা সুদুঃসহং ভদ্রে মম দুঃখং ৎবয়া কৃতম্।
ইন্দ্রদ্বিষ্টেন যজতা মামনাহূয় ধিষ্ঠিতম্।
ইন্দ্রোঽহমস্মি দুর্বুদ্ধে বৈরং তে পাতিতং ময়া॥ 13-34-40 (82201)
ইন্দ্রং দৃষ্ট্বা তু রাজর্ষিঃ পাদয়োঃ শিরসা গতঃ।
প্রসীদ ত্রিদশশ্রেষ্ঠ পুত্রকামেন স ক্রতুঃ।
ইষ্টস্ত্রিদশশার্দূল তত্র মে ক্ষন্তুমর্হসি॥ 13-34-41 (82202)
প্রণিপাতেন তস্যেন্দ্রঃ পরিতুষ্টো বরং দদৌ॥ 13-34-42 (82203)
পুত্রাস্তে কতমে রাজঞ্জীবন্ৎবেতৎপ্রচক্ষ্ব মে।
স্ত্রীভূতস্য হি যে জাতাঃ পুরুষস্যাথ যেঽভবন্॥ 13-34-43 (82204)
তাপসী তু ততঃ শক্রমুবাচ প্রয়তাঞ্জলিঃ।
স্ত্রীভূতস্য হি যে পুত্রাস্তে মে জীবন্তু বাসব॥ 13-34-44 (82205)
ইন্দ্রস্তু বিস্মিতো দৃষ্ট্বা স্ত্রিয়ং পপ্রচ্ছ তাং পুনঃ।
পুরুষোৎপাদিতা যে তে কথং দ্বেষ্যাঃ সুতাস্তব॥ 13-34-45 (82206)
স্ত্রীভূতস্য হি যে জাতাঃ স্নেহস্তেভ্যোঽধিকঃ কথম্।
কারণং শ্রোতুমিচ্ছামি তন্মে বক্তুমিহার্হসি ॥ 13-34-46 (82207)
স্ত্র্যুবাচ। 13-34-47x (6831)
স্ত্রিয়াস্ৎবভ্যধিকঃ স্নেহো ন ততা পুরুষস্য বৈ।
তস্মাত্তে শক্র জীবন্তু যে জাতাঃ স্ত্রীকৃতস্য বৈ॥ 13-34-47 (82208)
ভীষ্ম উবাচ। 13-34-48x (6832)
এবমুক্তস্ততস্ৎবিন্দ্রঃ প্রীতো বাক্যমুবাচ হ।
সর্ব এবেহ জীবন্তু পুত্রাস্তে সত্যবাদিনি॥ 13-34-48 (82209)
বরং চ বৃণু রাজেন্দ্র যং ৎবমিচ্ছসি সুব্রত।
পুরুষৎবমথ স্ত্রীৎবং মত্তো যদভিকাঙ্ক্ষসে॥ 13-34-49 (82210)
স্ত্র্যুবাচ। 13-34-50x (6833)
স্ত্রীৎবমেব বৃণে শক্র পুংস্ৎবং নেচ্ছামি বাসব।
এবমুক্তস্তু দেবেন্দ্রস্তাং স্ত্রিয়ং প্রত্যুবাচ হ॥ 13-34-50 (82211)
পুরুষৎবং কথং ত্যক্ৎবা স্ত্রীৎবং রোচয়সে বিভো।
এবমুক্তঃ প্রত্যুবাচ স্ত্রীভূতো রাজসত্তমঃ॥ 13-34-51 (82212)
স্ত্রিয়াঃ পুরুষসংয়োগে প্রীতিরভ্যধিকা সদা।
এতস্মাৎকারণাচ্ছক্র স্ত্রীৎবমেব বৃণোম্যহম্॥ 13-34-52 (82213)
রমাভি চাধিকং স্ত্রীৎবে সত্যং বৈ দেবসত্তম।
স্ত্রীভাবেন হি তুষ্যামি গম্যতাং ত্রিদশাধিপ॥ 13-34-53 (82214)
এবমস্ৎবিতি চোক্ৎবা তামাপৃচ্ছ্য ত্রিদিবং গতঃ।
এবং স্ত্রিয়া মহারাজ অধিকা প্রীতিরুচ্যতে॥ ॥ 13-34-54 (82215)
ইতি শ্রীমন্মহাভারতে অনুশাসনপর্বণি দানধর্মপর্বণি চতুস্ত্রিংশোঽধ্যায়ঃ॥ 34 ॥
Mahabharata - Anushaasana Parva - Chapter Footnotes
7-34-1 স্পর্শঃ বৈষয়িকং সুখম্॥ 7-34-4 তত্র হ্যগ্নিদেব স্তূয়তে। সচ পুত্রপ্রদঃ ক্রতুঃ সচেন্দ্রদ্বিষ্টস্তত্রেন্দ্রস্য প্রাধান্যাভাবাৎ॥ 7-34-5 যজ্ঞং কৃতমিতি শেষঃ॥ 7-34-14 মৃদুৎবাদয়ঃ স্ত্রীগুণা আগতাঃ॥ 7-34-15 কর্কশৎবাদয়ঃ পুরুষগুণাঃ নষ্টাঃ॥ 7-34-23 প্রত্যপদ্যত ভর্তৃৎবেন স্বীকৃতবতী॥ 7-34-27 স্ত্রীৎবদানেন দ্বিগুণিতপুত্রপ্রাপ্তিরূপ উপকারএব জাতো ন স্ত্রীৎবকৃতোঽপকার ইত্যর্থঃ॥ 7-34-40 ইন্দদ্বিষ্টেন অপ্রিষ্টুতা যজ্ঞেন। ধিষ্ঠিতমধিষ্ঠিতম্। ক্রতূনিতি শেষঃ॥অনুশাসনপর্ব - অধ্যায় 035
॥ শ্রীঃ ॥
13.35. অধ্যায়ঃ 035
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি মনোবাক্কায়রূপকরণৈর্দুষ্কর্মপরিৎপাগপূর্বকং শুভকর্মকরণস্য ভগবৎপ্রসাদনহেতুৎবোক্তিঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কিং কর্তব্যং মনুষ্যেণ লোকয়াত্রাহিতার্থিনা।
কথং বৈ লোকয়াত্রাং তু কিংশীলশ্চ সমাচরেৎ॥ 13-35-1 (82216)
ভীষ্ম উবাচ। 13-35-2x (6834)
`দেবে নারায়ণে ভক্তিঃ শংকরে সাধুপূজয়া।
ধ্যানেনাথ জপঃ কার্যঃ স্বধর্মৈঃ শুচিচেতসা॥' 13-35-2 (82217)
কায়েন ত্রিবিধং কর্ম বাচা চাপি চতুর্বিধম্।
মনসা ত্রিবিধং চৈব দশ কর্মপথাংস্ত্যজেৎ॥ 13-35-3 (82218)
প্রাণাতিপাতঃ স্তৈন্যং চ পরদারাভিমর্শনম্।
ত্রীণি পাপানি কায়েন সর্বতঃ পরিবর্জয়েৎ॥ 13-35-4 (82219)
অসৎপ্রলাপং পারুষ্যং পৈশুন্যমনৃতং তথা।
চৎবারি বাচা রাজেন্দ্র ন জল্পেন্নানুচিন্তয়েৎ॥ 13-35-5 (82220)
অনভিধ্যা পরখেষু সর্বসৎবেষু সৌহৃদম্।
কর্মণাং ফলমস্তীতি ত্রিবিধং মনসা চরেৎ॥ 13-35-6 (82221)
তস্মাদ্বাক্বায়মনসা নাচরেদশুভং নরঃ।
শুভান্যেবাচরঁল্লোকে ভক্তো নারায়ণস্য হি।
তস্যৈব তু পদং সূক্ষ্মং প্রসাদাদশ্নুয়াৎপরম্॥' ॥ 13-35-7 (82222)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চত্রিংশোঽধ্যায়ঃ॥ 35 ॥
Mahabharata - Anushaasana Parva - Chapter Footnotes
7-35-1 লোকয়াত্রাং লোকদ্বয়শ্রেয়ঃসাধনম্॥ 7-35-3 সুভং কর্মফলং চরেদিতি ধ.পাঠঃ॥ 7-35-4 প্রাণাতিপাতো হিংসা॥ 7-35-5 পারুষ্যং নিষ্ঠুরভাষণম্। পৈশুন্যং রাজদ্বারাদৌ পরদোষসূচনম্। অনতং মিথ্যাবাদঃ মনসাপ্যেবং বদিষ্যামিতি নানুচিন্তয়েৎ॥ 7-35-6 অনভিধ্যেতি শ্লোকেন পরদ্রব্যেষ্বভিধ্যানং পরস্যানিষ্টচিন্তনং বেদবাদেষু নাস্তিক্যমিতি ত্রীণি ত্যাজ্যানি লক্ষয়েৎ। ত্যজেদিত্যুপক্রমাৎ॥অনুশাসনপর্ব - অধ্যায় 036
॥ শ্রীঃ ॥
13.36. অধ্যায়ঃ 036
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরেণ ভীষ্মাংপ্রতি শ্রুতধর্মাননূদ্য প্রাণিনাং সাংসারিকদুঃখানুবর্ণনপূর্বকং স্বস্য সংসারনির্বেদনিবেদনেন পুনর্বিস্তরেণ বৈষ্ণবধর্মকথনপ্রার্থনা॥ 1 ॥Mahabharata - Anushaasana Parva - Chapter Text
`যুধিষ্ঠির উবাচ।
চিত্তং মে দূয়তে তাত লোকে পরমবিন্দতঃ॥ 13-36-1 (82223)
অশাশ্বতমিদং সর্বং জগৎস্থাবরজঙ্গমম্।
ক্রতে নারায়ণং পুণ্যং প্রতিভাতি পিতামহ॥ 13-36-2 (82224)
নারায়ণো হি বিশ্বাত্মা পুরুষঃ পুষ্করেক্ষণঃ।
তস্যাস্য দেবকীসূনোঃ শ্রুতং কৃৎস্নং ৎবয়াঽনঘ॥ 13-36-3 (82225)
ভীষ্ম উবাচ। 13-36-4x (6835)
যুধিষ্ঠির মহাপ্রাজ্ঞ ময়া দৃষ্টং চ সঙ্গরে॥ 13-36-4 (82226)
যুধিষ্ঠির উবাচ। 13-36-5x (6836)
ৎবত্ত এব তু রাজেন্দ্র রাজধর্মাশ্চ পুষ্কলাঃ।
শ্রুতং পুরাণমখিলং নারদেন নিবেদিতম্।
গুহ্যং নারায়ণাখ্যানং ত্রিবিধক্লেশনাশনম্॥ 13-36-5 (82227)
একান্তিধর্মনিয়মাঃ সমাসব্যাসকল্পিতাঃ।
কথিতা বৈ মহাভাগ ৎবয়া বৈ মদনুগ্রহাৎ॥ 13-36-6 (82228)
লোকরক্ষণকর্তৃৎবং তস্যৈব হরিমেধসঃ।
আতিথেয়বিধিশ্চৈব তপাংসি নিয়মাশ্চ যে॥ 13-36-7 (82229)
বেদবাদপ্রসিদ্ধাশ্চ বাজপেয়াদয়ো মখাঃ।
যজ্ঞা দ্রবিণনিষ্পাদ্যা অগ্নিহোত্রানুপালিতাঃ॥ 13-36-8 (82230)
জপয়জ্ঞাশ্চ বিবিধা ব্রাহ্মণানাং তপস্বিনাম্।
একাদশবিধাঃ প্রোক্তা হবির্যজ্ঞা দ্বিজাতিনাম্॥ 13-36-9 (82231)
তেষাং ফলবিশেষাশ্চ উঞ্ছধর্মাস্তথৈব চ।
অহন্যহনি যে প্রোক্তা মহায়জ্ঞা দ্বিজাতিনাম্॥ 13-36-10 (82232)
বেদশ্রবণধর্মাশ্চ ব্রহ্ময়জ্ঞফলং তথা।
বেদব্রতবিধানং চ নিয়মাশ্চৈব বৈদিকাঃ॥ 13-36-11 (82233)
স্বাহা স্বধা প্রণীতে চ ইষ্টাপূর্তফলং তথা।
উত্তরোত্তরসেবায়ামাশ্রমাণাং চ যৎফলম্॥ 13-36-12 (82234)
প্রত্যেকশশ্চ নিষ্ঠায়ামাশ্রমাণাং মহামতে।
মাসপক্ষোপবাসানাং সম্যগুক্তফলং চ যৎ॥ 13-36-13 (82235)
অনাশিতানাং যে লোকা যে চ পঞ্চতপা নরাঃ।
বীরাধ্বানং প্রপন্নানাং যা গতিশ্চাগ্নিহোত্রিণাম্॥ 13-36-14 (82236)
গ্রীষ্মে পঞ্চতপানাং চ শিশিরে জলচারিণাম্।
বর্ষে স্থণ্ডিলশায়ীনাং ফলং যৎপরিকীর্তিতম্॥ 13-36-15 (82237)
লোকে চক্রচরাণাং চ দ্বিজানাং যৎফলং স্মৃতম্।
অন্নাদীনাং চ দানানাং যৎফলং পরিকীর্তিতম্॥ 13-36-16 (82238)
সর্বতীর্থাভিষিক্তানাং নরাণাং চ ফলোদয়ঃ।
রাজ্ঞাং ধর্মাশ্চ যে লোকে সম্যক্পালয়তাং প্রজাঃ॥ 13-36-17 (82239)
যে চ সত্যব্রতা লোকে যে তীর্থে কৃতশ্রমাঃ।
মাতাপিতৃপরা যে চ গুরুবৃত্তীশ্চ সংশ্রিতাঃ॥ 13-36-18 (82240)
গোব্রাহ্মণপরিত্রাণে রাষ্ট্রাতিক্রমণে তথা।
ত্যজন্ত্যভিমুখাঃ প্রাণান্নির্ভয়াঃ সৎবমাশ্রিতাঃ॥ 13-36-19 (82241)
সহস্রদক্ষিণানাং চ যা গতির্বদনাং বর।
যে চ সংধ্যামুপাসন্তে সম্যগুক্তা মহাব্রতাঃ॥ 13-36-20 (82242)
তথা যোগবিধানং চ যদ্গ্রন্থেষ্বভিশব্দিতম্।
বেদাদ্যাঃ শ্রুতয়শ্চাপি শ্রুতা মে গুরুসত্তম॥ 13-36-21 (82243)
সিদ্ধান্তনির্ণয়াশ্চাপি দ্বৈপায়নমুখোদ্গতাঃ।
শ্রুতাঃ পঞ্চ মহায়জ্ঞা যেষু সর্বং প্রতিষ্ঠিতম্॥ 13-36-22 (82244)
তৎপ্রভেদেষু যে ধর্মাস্তেঽপি বৈ কৃৎস্নশঃ শ্রুতাঃ।
ন চ দূষয়িতুং শক্যাঃ সদ্ভিরুক্তা হি তে তথা॥ 13-36-23 (82245)
এতেষাং কিল ধর্মাণামুত্তমো বৈষ্ণবো বিধিঃ।
রক্ষতে ভগবান্বিষ্ণুর্ভক্তমাত্মশরীরবৎ॥ 13-36-24 (82246)
কর্মণো হি কৃতেস্যেহ কামিতস্য দ্বিজোত্তম।
ফলং হ্যবশ্যং ভোক্তব্যমৃষির্দ্বৈপায়নোঽব্রবীৎ॥ 13-36-25 (82247)
ভোগান্তে চাপি পতনং গতিঃ পূর্বং প্রভাষিতা।
ন মে প্রীতিকরাস্ৎবেতে বিষোদর্কা হি মে মতাঃ॥ 13-36-26 (82248)
বধাৎকৃষ্টতরং মন্যে গর্ভবাসং মহাদ্যুতে।
দিষ্টান্তে যানি দুঃখানি পুরুষো বিন্দতে বিভো।
ততঃ কষ্টতরাণীহ গর্ভবাসে হি বিন্দতি॥ 13-36-27 (82249)
ততশ্চাভ্যাধিকাং তীব্রাং বেদনাং লভতে নরঃ।
গর্ভাপক্রমণে তাত কর্মণাসুপসর্পণে॥ 13-36-28 (82250)
তস্মান্মে নিশ্চয়ো জাতো ধর্মেষ্বেতেষু ভারত।
তদিচ্ছামি কুরুশ্রেষ্ঠ ৎবৎপ্রসাদান্মহামতে।
তং ধর্মং চেহ বেত্তুং বৈ যো জরাজন্মমৃত্যুহা॥ 13-36-29 (82251)
যেনোষ্ণদা বৈতরণী অসিপত্রবনং চ তৎ।
কুণ্ডানি চাগ্নিতপ্তানি ক্ষুরধারাপথস্তথা।
শাল্মলীং চ মহাঘোরামায়সীং ঘোরকণ্টকাম্॥ 13-36-30 (82252)
মাতাপিতৃকতে চাপি সুহৃন্মিত্রার্থকারণাৎ।
আত্মহেতোশ্চ পাপানি কৃতানীহ নরৈশ্চ যৈঃ।
তেষাং ফলোদয়ং কষ্টমৃষির্দ্বৈপায়নোঽব্রবীৎ॥ 13-36-31 (82253)
কুম্ভীপাকপ্রদীপ্তানাং শূলার্তানাং চ ক্রন্দতাম্।
রৌরবে ক্ষিপ্যমাণানাং প্রহারৈর্মথিতাত্মনাম্॥ 13-36-32 (82254)
স্তনতামপকৃত্তানাং পিবতামাত্মশোণিতম্।
তেষামেব প্রবদতাং কারুণ্যং নাস্তি যন্ত্রতঃ॥ 13-36-33 (82255)
তৃষ্ণাশুষ্কোষ্ঠকণ্ঠানাং বিহ্বলানামচেতসাম্।
সর্বদুঃখাভিভূতানাং রুজার্তানাং চ ক্রোশতাম্॥ 13-36-34 (82256)
বেদনার্তা হি ক্রন্দন্তি পূরয়ন্তো দিশো দশ॥ 13-36-35 (82257)
একঃ করোতি পাপানি সহভোজ্যানি বান্ধবৈঃ।
তেষামেকঃ ফলং ভুঙ্ক্তে কষ্টং বৈবস্বতে গৃহে॥ 13-36-36 (82258)
যেন নৈতাং গতিং গচ্ছেন্ন বিণ্মূত্রাস্থিপিচ্ছিলে।
বিষ্ঠামূত্রকৃমীমধ্যে বহুজন্তুনিষেবিতে॥ 13-36-37 (82259)
কো গর্ভবাসাৎপরতো নরকোঽন্যো বিধীয়তে।
যত্র বাসকৃতো যোগঃ কুক্ষৌ বাসো বিধীয়তে॥ 13-36-38 (82260)
জাতো বিস্তীর্ণশোকঃ স্যাদ্ভবেত বিগতজ্বরঃ।
ন চৈষ লভ্যতে কামো জাতমাত্রং হি মানবম্।
আবিশন্তীহ দুঃখানি মনোবাক্কায়িকানি তু॥ 13-36-39 (82261)
তৈরস্বতন্ত্রো ভবতি পীড্যমানো ভয়ানকৈঃ।
তৈর্গর্ভবাসং গচ্ছতি অবশো জায়তে তথা॥ 13-36-40 (82262)
অবশশ্চেহতে জন্তুর্ব্রজত্যবশ এব হি।
জরসা রূপবিধ্বংসং প্রাপ্নোত্যবশ এব তু॥ 13-36-41 (82263)
শরীরভেদমাপ্নোতি জীর্যতেঽবশ এব তু।
এবং হ্যনিয়তো মৃত্যুর্ভবত্যেব সদা নৃষু॥ 13-36-42 (82264)
গর্ভেষু ম্রিয়তে কশ্চিজ্জায়মানস্তথাঽপরঃ।
জাতা ম্রিয়ন্তে বহবো যৌবনস্থাস্তথাঽপরে।
মধ্যভাবে তু নশ্যন্তি স্থবিরো মৃত এব তু॥ 13-36-43 (82265)
কো জন্মনো নোদ্বিজতে স্বয়ম্ভূরপি যো ভবেৎ।
কুতস্ৎবস্মদ্বিধস্তাত মরণস্য বশানুগঃ॥ 13-36-44 (82266)
নিত্যাবিষ্টো ভয়েনাহং মনসা কুরুসত্তম।
মুহূর্তমপ্যহং শর্ম ন বিন্দামি মহামতে॥ 13-36-45 (82267)
কালাত্মনি তিরোভূতো নিত্যং তদ্গুণবর্জিতঃ।
অন্নৈর্বহুবিধৈঃ পুষ্টং বস্ত্রৈর্নানাবিধৈর্বৃতম্॥ 13-36-46 (82268)
চন্দনাগরুদিগ্ধাঙ্গং মণিমুক্তাবিভূষিতম্।
যানৈর্বহুবিধৈর্যাতমেকান্তেনৈব লালিতম্॥ 13-36-47 (82269)
যৌবনোদ্ধতরূপাভির্মন্দবিহ্বলগামিভিঃ।
ইষ্টিভিরভিরামাভির্বরস্ত্রীভিরয়ন্ত্রিতম্॥ 13-36-48 (82270)
রমিতং সুচিরং কালং শরীরমমিতপ্রভম্।
অবিতৃপ্তা গমিষ্যন্তি হিৎবা প্রাণাংস্তথাঽপরে॥ 13-36-49 (82271)
স্বর্গেঽপ্যনিয়তা ভূতিস্তথৈবাকাশসংশ্রয়ে।
দেবাঽপ্যধিষ্ঠানবশাস্তস্মাদ্দেবং ন কাময়ে॥ 13-36-50 (82272)
কামানাং নাস্ত্যধিষ্ঠানমকামস্তু নিবর্ততে।
লোকসঙ্গ্রহধর্মাস্তু সর্ব এব ন সংশয়ঃ॥ 13-36-51 (82273)
ডোলাসধর্মা ধর্মজ্ঞ ঋষির্দ্বৈপায়নোঽব্রবীৎ।
অস্মাৎকো বিষমং দুঃখমারোহেত বিচক্ষণঃ॥ 13-36-52 (82274)
বিদ্যমানে সমে মার্গে ডোলাধর্মবিবর্জিতে।
কো হ্যাত্মানং প্রিয়ং লোকে ডোলাসাধর্ম্যতাংনয়েৎ॥ 13-36-53 (82275)
চরাচরৈঃ সর্বভূতৈর্গন্তব্যমবিশঙ্কয়া।
অস্মাল্লোকাৎপরং লোকমপাথেয়মদৈশিকম্।
ঘোরং তমঃ প্রবেষ্টব্যমত্রাতারমবান্ধবম্॥ 13-36-54 (82276)
যে তু তং কিল ধর্মজ্ঞা ধর্মং নারায়ণেরিতম্।
অনন্যমনসো দান্তাঃ স্মরন্তি নিয়তব্রতাঃ॥ 13-36-55 (82277)
ততস্তেনৈব পশ্যন্তি প্রাপ্নুব্তি পরং পদম্।
রক্ষতে ভগবান্বিষ্ণুর্ভক্তানাত্মশরীরবৎ॥ 13-36-56 (82278)
কুলালচক্রপ্রতিমে ভ্রাম্যমাণেষু জন্তুষু।
মাতাপিতৃসহস্রাণি সম্প্রাপ্তানি ময়া গুরো॥ 13-36-57 (82279)
স্নেহাপন্নেন পীতাস্তু মাতৄণাং বিবিধাঃ স্তলাঃ॥ 13-36-58 (82280)
পুত্রদারসহস্রাণি ইষ্টানিষ্টশতানি চ।
প্রাপ্তান্যধিষ্ঠানবশাদতীতানি তথৈব চ।
ন ক্বচিন্ন সুখং প্রাপ্তং ন ক্বচিচ্ছাশ্বতী স্থিতিঃ॥ 13-36-59 (82281)
স্থানৈর্মহদ্ভির্বিভ্রংশো দুঃখলব্ধৈঃ পুনঃ পুনঃ।
ধননাশশ্চ সম্প্রাপ্তো লব্ধ্বা দুঃখেন তদ্ধনম্।
অধ্বগানামিব পথি চ্ছায়ামাশ্রিত্য সঙ্গমঃ॥ 13-36-60 (82282)
এবং কর্মবশো লোকো জ্ঞাতীনাং হিতসঙ্গমঃ।
বিশ্রম্য চ পুনর্যাতি কর্মভির্দর্শিতাং গতিম্॥ 13-36-61 (82283)
এতদীদৃশকং দৃষ্ট্বা জ্ঞাৎবা চৈব সমাগমম্।
কো ন বিভ্যেৎকুরুশ্রেষ্ঠ বিষ্ঠান্নস্যেব ভোজনাৎ॥ 13-36-62 (82284)
বুদ্ধিশ্চ মে সমুৎপন্না বৈষ্ণবে ধর্মবিস্তরে।
তদেষ শিরসা পাদৌ গতোঽস্মি ভগবংস্তব।
শরণং চ প্রপন্নোঽস্মি গন্তব্যে শরণে ধ্রুবে॥ 13-36-63 (82285)
জন্মমৃত্যুজরাখিন্নস্ত্রিভির্দুঃখৈর্নিপীডিতঃ।
ইচ্ছামি ভবতা ত্রাতুমেভ্যস্ৎবত্তো মহামতে।
তস্যাদ্য যুগধর্মস্য শ্রবণাৎকুরুপুঙ্গব॥ 13-36-64 (82286)
এতদাদ্যযুগোদ্ভূতং ত্রেতায়াং তত্তিরোহিতম্।
স এব ধর্মমখিলমৃষির্দ্বৈপায়নোঽব্রবীৎ॥' ॥ 13-36-65 (82287)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্ত্রিংশোঽধ্যায়ঃঠ॥ 36 ॥
Mahabharata - Anushaasana Parva - Chapter Footnotes
7-36-3 পুরুষঃ পুষ্করো বিভুরিতি ট.থ.ধ. পাঠঃ॥অনুশাসনপর্ব - অধ্যায় 037
॥ শ্রীঃ ॥
13.37. অধ্যায়ঃ 037
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রহ্মাদিসর্বজগতামনিত্যৎবাদিকথনপূর্বকং নারায়ণস্য নিত্যৎবাদিকথনেন তদুপাসনবিধানম্॥ 1 ॥Mahabharata - Anushaasana Parva - Chapter Text
`ভীষ্ম উবাচ।
সদৃশং রাজশার্দূল বৃত্তস্য চ কুলস্য চ॥ 13-37-1 (82288)
কো রাজ্যং বিপুলং গৃহ্য স্ফীতাকারং পুনর্মহৎ।
নির্জিতারাতিসামন্তং দেবরাজ্যোপমং সুখম্॥ 13-37-2 (82289)
রাজ্যে রাজ্যগুণা যে চ তান্ব্যুদস্য নরাধিপ।
দোষং পশ্যতি রাজেন্দ্র দেহেঽস্মিন্পাঞ্চভৌতিকে॥ 13-37-3 (82290)
অতিক্রান্তাস্ৎবয়া রাজন্বৃত্তেন প্রপিতামহাঃ।
ধর্মো বিগ্রহবান্ধীরো বিদুরশ্চ মহায়শাঃ॥ 13-37-4 (82291)
সঞ্জয়শ্চ মহাতেজা যে চান্যে দিব্যদর্শনাঃ।
প্রবৃত্তজ্ঞানসম্পন্নাস্তৎবজ্ঞানবিদো নৃপ॥ 13-37-5 (82292)
তেঽতিক্রান্তা মহারাজ ব্রহ্মাদ্যাঃ সসুরাসুরাঃ।
অনিত্যং দুঃখসংতপ্তং জগদেতন্ন সংশয়ঃ॥ 13-37-6 (82293)
এবমেতান্মহাবাহো ব্রহ্মাদ্যান্সসুরাসুরান্।
অনিত্যান্সততং পশ্য মনুষ্যাদিষু কা কথা॥ 13-37-7 (82294)
নিত্যাং তু প্রকৃতীমাহ যাঽসৌ প্রসবধর্মিণী।
অরূপিণীমনির্দেশ্যামকৃতাং পুরুষাতিগাম্॥ 13-37-8 (82295)
তামত্যন্তসুখাং সৌম্যাং নির্বাণমিতি সংজ্ঞিতাম্।
আহুর্ব্রহ্মর্ষয়ো হ্যাদ্যাং ভুবি চৈব মহর্ষয়ঃ॥ 13-37-9 (82296)
তয়া পুরুষরূপিণ্যা ধর্মপ্রকৃতিকোঽনঘ।
স যাত্যেব হি নির্বাণং যত্তৎপ্রকৃতিসংজ্ঞিতম্॥ 13-37-10 (82297)
স এষ প্রাকৃতো ধর্মো ভ্রাজত্যাদিয়ুগে নৃপ।
বিকারধর্মাঃ শেষেষু যুগেষু ভরতর্ষভ।
ভ্রাজন্তেঽভ্যধিকং বীর সংসারপথগোচরাঃ॥ 13-37-11 (82298)
প্রকৃতীনাং চ সর্বাসামকৃতা প্রকৃতিঃ স্মৃতা।
এবং প্রকৃতিধর্মা হি বরাং প্রকৃতিমাশ্রিতা॥ 13-37-12 (82299)
পশ্যন্তি পরমাং লোকে দৃষ্টাদৃষ্টানুদর্শিনীম্।
সৎবাদিয়ুগপর্যন্তে ত্রেতায়ুগসমুদ্ভবে॥ 13-37-13 (82300)
কামং কাময়মানেষু ব্রাহ্মণেষু তিরোহিতঃ।
কুপথেষু তু ধর্মেষু প্রাদুর্ভূতেষু কৌরব।
জাতো মন্দপ্রচারো হি ধর্মঃ কলিয়ুগে নৃপ॥ 13-37-14 (82301)
নিত্যস্তু পুরুষো জ্ঞেয়ো বিশ্বরূপো নিরঞ্জনঃ।
ব্রহ্মাদ্যা অপি দেবাশ্চ যং সদা পর্যুপাসতে॥ 13-37-15 (82302)
তং চ নারায়ণং বিদ্ধি পরং ব্রহ্মেতি শাশ্বতম্।
তৎকর্ম কুরু কায়েন ধ্যায়স্ব মনসা চ তম্॥ 13-37-16 (82303)
কীর্তয়স্ব চ তন্নাম বাচা সর্বত্র ভূপতে।
তৎপদং প্রাপ্নুহি প্রাপ্যং শাশ্বতং চাপুনর্ভবম্॥ 13-37-17 (82304)
ইত্যেতদ্বিষ্ণুমাশ্রিত্য সংসারগ্রহমোক্ষণম্।
কথিতং তে মহাবাহো কিং ভূয়ঃ শ্রোতুমিচ্ছসি॥' ॥ 13-37-18 (82305)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তত্রিংশোঽধ্যায়ঃ॥ 37 ॥
Mahabharata - Anushaasana Parva - Chapter Footnotes
7-37-3 দেহেঽস্মিন্পঞ্চবিংশক ইতি ট. থ. ধ. পাঠঃ॥অনুশাসনপর্ব - অধ্যায় 038
॥ শ্রীঃ ॥
13.38. অধ্যায়ঃ 038
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি তৎবসৃষ্ট্যাদিপ্রতিপাদকনারদসনৎকুমারসংবাদানুবাদঃ॥ 1 ॥Mahabharata - Anushaasana Parva - Chapter Text
`যুধিষ্ঠির উবাচ।
ক্লিশ্যমানেষু ভূতেষু জাতীমরণসাগরে।
যৎপ্রাপ্য ক্লেশং নাপ্নোতি তন্মে ব্রূহি পিতামহ॥ 13-38-1 (82306)
ভীষ্ম উবাচ। 13-38-2x (6837)
অত্রাপ্যুদাহরন্তীমমিতিহাসং পুরাতনম্।
সনৎকুমারস্য সতঃ সংবাদং নারদস্য চ॥ 13-38-2 (82307)
সনৎকুমারো ভগবান্ব্রহ্মপুত্রো মহায়শাঃ।
পূর্বজাতাস্ত্রয়স্তস্য কথ্যন্তে ব্রহ্মবাদিনঃ॥ 13-38-3 (82308)
সনকঃ সনন্দনশ্চৈব তৃতীয়শ্চ সনাতনঃ।
জাতমাত্রাশ্চ তে সর্বে প্রতিবুদ্ধা ইতি শ্রুতিঃ॥ 13-38-4 (82309)
চতুর্থশ্চৈব তেষাং স ভগবান্যোগবিত্তমঃ।
সনৎকুমার ইতি বৈ কথয়ন্তি মহর্ষয়ঃ॥ 13-38-5 (82310)
হৈরণ্যগর্ভঃ স মুনির্বসিষ্ঠঃ পঞ্চমঃ স্মৃতঃ।
ষষ্ঠঃ স্থাণুঃ স ভগবানমেয়াত্মা ত্রিশূলধৃৎ॥ 13-38-6 (82311)
ততোঽপরে সমুৎপন্নাঃ পাবকাদারুণে ক্রতৌ।
মনসা স্বয়ংভুবো হীমে মরীচিপ্রমুখাস্তথা॥ 13-38-7 (82312)
ভুগুর্মরীচেরনুজো ভৃগোরপ্যঙ্গিরাস্তথা।
অনুজোঙ্গিরসোঽথাত্রিঃ পুলস্ত্যোত্রেস্তথাঽনুজঃ॥ 13-38-8 (82313)
পুলস্ত্যস্যানুজো বিদ্বান্পুলহো ন মহাদ্যুতিঃ।
পঠ্যন্তে ব্রহ্মজা হ্যেতে বিদ্বদ্বিরমিতৌজসঃ॥ 13-38-9 (82314)
সর্বমেতন্মহারাজ কুর্বন্নাদিগুরুর্মহান্।
প্রভুর্বিভুরনন্তশ্রীর্ব্রহ্মা লোকপিতামহঃ॥ 13-38-10 (82315)
মূর্তিমন্তোঽমৃতীভূতাস্তেজসাঽতিতপোন্বিতাঃ।
সনকপ্রভৃতয়স্তত্র যে চ প্রাপ্তাঃ পরং পদম্।
কৃৎস্নং ক্ষয়মনুপ্রাপ্য বিমুক্তা মূর্তিবন্ধনাৎ॥ 13-38-11 (82316)
সনৎকুমারস্তু বিভুর্যোগমাস্থায় যোগবিৎ।
ত্রীঁল্লোকানচরচ্ছশ্বদৈর্যেণ পরেণ হি॥ 13-38-12 (82317)
রুদ্রশ্চাপ্যষ্টগুণিতং যোগং প্রাপ্তো মহায়শাঃ।
সূক্ষ্মমষ্টগুণং রাজন্নিতরে নৃপসত্তম॥ 13-38-13 (82318)
মরীচিপ্রমুখাস্তাত সর্বে সৃষ্ট্যর্থমেব তে।
নিয়ুক্তা রাজশার্দূল তেষাং সৃষ্টিং শৃণুষ্ব মে॥ 13-38-14 (82319)
সপ্ত ব্রহ্মণ ইত্যেতে পুরাণে নিশ্চয়ং গতাঃ।
সর্বে বেদেষু চৈবোক্তাঃ খিলেষু চ ন সংশয়ঃ॥ 13-38-15 (82320)
ইতিহাসপুরাণে চ শ্রুতিরেষা সনাতনী।
ব্রাহ্মণা বরদানেতান্প্রাহুর্বেদান্তপারগাঃ॥ 13-38-16 (82321)
এতেষাং পিতরস্তাত পুত্রা ইত্যনুচক্ষতে।
গণাঃ সপ্ত মহারাজ মূর্তয়োঽমূর্তয়স্তথা॥ 13-38-17 (82322)
পিতৃণাং চৈব রাজেন্দ্র পুত্রা দেবা ইতি শ্রুতিঃ।
দেবৈর্ব্যাপ্তা ইমে লোকা ইত্যেবমনুশুশ্রুম॥ 13-38-18 (82323)
কৃষ্ণদ্বৈপায়নাচ্চৈব দেবস্থানাত্তথৈব ত।
দেবলাচ্চ নরশ্রেষ্ঠ কাশ্যপাচ্চ ময়া শ্রুতম্॥ 13-38-19 (82324)
গৌতমাদপি কৌণ্ডিন্যাদ্বারদ্বাজাত্তথৈব চ।
মার্কণ্ডেয়াত্তথৈবৈতদৃষের্দেবমতাদপি॥ 13-38-20 (82325)
পিত্রা চ মম রাজেন্দ্র শ্রাদ্ধকালে প্রভাষিতম্।
পরং রহস্যং বেদান্তং প্রিয়ং হি পরমাত্মনঃ॥ 13-38-21 (82326)
অতঃ পরং প্রবক্ষ্যামি যন্মাং পৃচ্ছসি ভারতঃ।
তদিহৈকমনোবুদ্ধিঃ শৃণুষ্বাবহিতো নৃপ।
স্বায়ংভুবস্য সংবাদং নারদস্য চ ধীমতঃ॥ 13-38-22 (82327)
সনৎকুমারো ভগবান্দিব্যং জজ্বাল তেজসা।
অঙ্গুষ্ঠমাত্রো ভূৎবা বৈ বিচচার মহাদ্যুতিঃ॥ 13-38-23 (82328)
স কদাচিন্মহাভাগো মেরুপৃষ্ঠং সমাগমৎ।
নারদেন নরশ্রেষ্ঠ মুনিনা ব্রহ্মবাদিনা॥ 13-38-24 (82329)
জিজ্ঞাসমানাবন্যোন্যং সকাশে ব্রহ্মণস্ততঃ।
ব্রহ্ম ভাগবতৌ তাত পরমার্থার্থচিন্তকৌ॥ 13-38-25 (82330)
মতিমান্মতিমচ্ছ্রেষ্ঠং বুদ্ধিমান্বুদ্ধিমত্তরম্।
ক্ষেত্রবিৎক্ষেত্রবিচ্ছ্রেষ্ঠং জ্ঞানবিজ্জ্ঞানমত্তমম্॥ 13-38-26 (82331)
সনৎকুমারং তৎবজ্ঞং ভগবন্তমরিংদম।
লোকবিল্লোকবিচ্ছ্রেষ্ঠমাত্মবিচ্চাত্মবিত্তমম্।
সর্ববেদার্থকুশলং সর্বশাস্ত্রবিশারদম্॥ 13-38-27 (82332)
সাঙ্খ্যযোগং চ যো বেদ পাণাবামলকং যথা।
নারদোঽথ নরশ্রেষ্ঠ তং পপ্রচ্ছ মহাদ্যুতিঃ॥ 13-38-28 (82333)
নারদ উবাচ। 13-38-29x (6838)
ত্রয়োবিংশতিতৎবস্য অব্যক্তস্য মহামুনে।
প্রভবং চাপ্যযং চৈব শ্রোতুমিচ্ছামি তৎবতঃ॥ 13-38-29 (82334)
অধ্যাত্মমধিভূতং চ অধিদৈবং তথৈব চ।
কালসঙ্খ্যাশ্চ সর্গং চ স্রষ্টারং পুরুষং প্রভুম্। 13-38-30 (82335)
যং বিস্বমুপজীবন্তি যেন সর্বমিদং ততম্।
যং প্রাপ্য ন নিবর্তন্তে তদ্ভবান্বক্তুমর্হতি॥ 13-38-31 (82336)
সনৎকুমার উবাচ। 13-38-32x (6839)
যং বিশ্বমুপজীবন্তি যমাহুঃ পুরুষং পরম্।
তং বৈ শৃণু মহাবুদ্ধে নারায়ণমনাময়ম্॥ 13-38-32 (82337)
এষ নারায়ণো নাম যং বিশ্বমুপজীবতি।
এষ স্রষ্টা বিধাতা চ ভর্তা পালয়িতা প্রভুঃ॥ 13-38-33 (82338)
প্রাপ্যৈনং ন নিবর্তন্তে যতয়োঽধ্যাত্মচিন্তকাঃ।
এতাবদেব বক্তব্যং ময়া নারদ পৃচ্ছতে॥ 13-38-34 (82339)
পরং ন বেদ্মি তৎসর্গং যাবাংশ্চায়ং যথাপ্যহম্।
শ্রূয়তামানুপূর্ব্যেণ ন চ সর্গঃ প্রয়ত্নতঃ॥ 13-38-35 (82340)
যথা কালপরীমাণং তৎবানামৃষিসত্তম।
অধ্যাত্মমধিভূতং চ অধিদৈবং তথৈব চ।
কালসংখ্যাং চ সর্গং চ সর্বমেব মহামুনে॥ 13-38-36 (82341)
তমসঃ কুর্বতঃ সর্গং তামসো হ্যভিধীয়তে।
ব্রহ্মবিদ্ভির্দ্বিজৈর্নিত্যং নিত্যমধ্যাত্মচিন্তকৈঃ॥ 13-38-37 (82342)
পর্যায়নামান্যেতস্য কথয়ন্তি মনীষিণঃ।
তানি তে সম্প্রবক্ষ্যামি তদিহৈকমনাঃ শৃণু॥ 13-38-38 (82343)
মহার্ণবোঽর্ণবশ্চৈব সলিলং চ গুণাস্তথা।
বেদাস্তপাংসি যজ্ঞাশ্চ ধর্মাশ্চ ভগবান্বিভুঃ।
প্রাণঃ সাংবর্তকোগ্নিশ্চ ব্যোম কালস্তথৈব চ॥ 13-38-39 (82344)
নামান্যেতানি ব্রহ্মর্ষে শরীরস্যেশ্বরস্য বৈ।
কীর্তিতানি দ্বিজশ্রেষ্ঠ ময়া শাস্ত্রানুসারতঃ॥ 13-38-40 (82345)
চতুর্যুগসহস্রাণি চতুর্যুগমরিংদম।
প্রাহুঃ কল্পসহস্রং বৈ ব্রাহ্মণাস্তৎবদর্শিনঃ॥ 13-38-41 (82346)
দশকল্পসহস্রাণি অব্যযস্য মহানিশা।
তথৈব দিবসং প্রাহুর্যোগাঃ সাংখ্যাশ্চ তৎবতঃ॥ 13-38-42 (82347)
নিশাসুপ্তোথ ভগবান্ক্ষপান্তে প্রত্যবুধ্যত।
পশ্চাদ্বুদ্ধ্বা সসর্জাপস্তাসু বীর্যমবাসৃজৎ॥ 13-38-43 (82348)
তদণ্ডমভবদ্ধৈমং সহস্রাংশুসমপ্রভম্।
অহংকৃৎবা ততস্তস্মিন্সসর্জ প্রভুরীশ্বরঃ॥ 13-38-44 (82349)
হিরণ্যগর্ভং বিস্বাত্মা ব্রহ্মাণাং জলবন্মুনিম্।
ভূতভব্যভবিষ্যস্য কর্তারমনঘং বিভুম্।
মূর্তিমন্তং মহাত্মানং বিশ্বশভুং স্বয়ংভুবম্॥ 13-38-45 (82350)
অণিমা লঘিমা প্রাপ্তিরীশানো জ্যোতিষাং নরম্।
চক্রে তিরোধাং ভগবানেৎকৃৎবা মহায়শাঃ॥ 13-38-46 (82351)
এতস্যাপি নিশামাহুর্বেদবেদাঙ্গপারগাঃ।
পঞ্চকল্পসহস্রাণি অহরেতাবদেব চ॥ 13-38-47 (82352)
স সর্গং কুরুত ব্রহ্মা তামসশ্চানুপূর্ব্যশঃ।
সৃজতেঽহং ৎবহংকারং পরমেষ্ঠিনমব্যযম্॥ 13-38-48 (82353)
অহঙ্কারেণৈব লোকা ব্যাপ্তাঃ সাহংকৃতেন বৈ।
যেনাবিষ্টানি ভূতানি মজ্জন্ত্যব্যক্তসাগরে॥ 13-38-49 (82354)
দেবর্ষিদানবনরা যক্ষগন্ধর্বকিন্নরাঃ।
উন্মজ্জন্তি নিমজ্জন্তি ঊর্ধ্বাধস্তির্যগেব চ॥ 13-38-50 (82355)
এতস্যাপি নিশামাহুস্তৃতীয়ামথ কুর্বতঃ।
ত্রীণি কল্পসহস্রাণি অহরেতাবদেব তু॥ 13-38-51 (82356)
অহঙ্কারস্তু সৃজতি মহাভূতানি পঞ্চ বৈ।
পৃথিবী বায়ুরাকাশমাপো জ্যোতিশ্চ পঞ্চমম্॥ 13-38-52 (82357)
এতেষাং গুণতৎবানি পঞ্চ প্রাহুর্দ্বিজাতয়ঃ।
শব্দে স্পর্শে চ রূপে চ রসে গন্ধে তথৈব চ॥ 13-38-53 (82358)
গুণেষ্বেতেষ্বভিরতাঃ পঙ্কলগ্না ইব দ্বিপাঃ।
নোত্তিষ্ঠন্ত্যবশীভূতাঃ সক্তা অব্যক্তসাগরে॥ 13-38-54 (82359)
এতেষামিহ বৈ সর্বং চতুর্থমিহ কুর্বতঃ।
চতুর্যুগসহস্রে বৈ অহোরাত্রাস্তথৈব চ॥ 13-38-55 (82360)
অনন্ত ইতি বিখ্যাতঃ পঞ্চমঃ সর্গ উচ্যতে।
ইন্দ্রিয়াণি দশৈকং চ যথাশ্রুতিনিদর্শনাৎ॥ 13-38-56 (82361)
মনঃ সর্বমিদং তাত বিশ্বং সর্বমিদং জগৎ।
ন তথান্যানি ভূতানি বলবন্তি যথা মনঃ॥ 13-38-57 (82362)
এতস্যাপি হ বৈ সর্গং ষষ্ঠমাহুর্দ্বিজাতয়ঃ।
অহঃ কল্পসহস্রং বৈ রাত্রিরেতাবতী তথা॥ 13-38-58 (82363)
ঊর্ধ্বস্রোতস্তু বৈ সর্গং সপ্তমং ব্রহ্মণো বিদুঃ।
অষ্টমং চাপ্যধঃস্রোতস্তির্যক্তু নবমঃ স্মৃতঃ॥ 13-38-59 (82364)
এতানি নব সর্গাণি তৎবানি চ মহামুনে।
চতুর্বিংশতিতৎবানি তৎবসংখ্যানি তেঽনঘ॥ 13-38-60 (82365)
সর্বস্য প্রভবঃ পূর্বমুক্তো নারায়ণঃ প্রভুঃ।
অব্যযঃ প্রভবশ্চৈব অব্যক্তস্য মহামুনে।
প্রবক্ষ্যাম্যপরং তৎবং যস্য যস্যেশ্বরশ্চ যঃ॥ 13-38-61 (82366)
অধ্যাত্মমধিভূতং চ অধিদৈবং তথৈব চ।
যথাশ্রুতং যথাদৃষ্টং তৎবতো বৈ নিবোধ মে॥' ॥ 13-38-62 (82367)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টত্রিংশোঽধ্যায়ঃ॥ 38 ॥
অনুশাসনপর্ব - অধ্যায় 039
॥ শ্রীঃ ॥
13.39. অধ্যায়ঃ 039
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
সনৎকুমারেণ নারদম্প্রতি প্রলয়প্রকারাদিকথনম্॥ 1 ॥ তথা ভূতাদিনিরূপণম্॥ 2 ॥Mahabharata - Anushaasana Parva - Chapter Text
`সনৎকুমার উবাচ।
অধঃস্রোতসি সর্গে চ তির্যক্স্রোতসি চৈব হি।
এতাভ্যামীশ্বরং বিন্দ্যাদূর্ধ্বস্রোতস্তথৈব চ॥ 13-39-1 (82368)
কর্মেন্দ্রিয়াণাং পঞ্চানামীশ্বরো বুদ্ধিগোচরঃ।
বুদ্ধীন্দ্রিয়াণামপি তু ঈশ্বরো মন উচ্যতে॥ 13-39-2 (82369)
মনসঃ পঞ্চভূতানি সগুণান্যাহুরীশ্বরম্।
ভূতানামীশ্বরং বিদ্যাদ্ব্রহ্মাণং পরমেষ্ঠিনম্॥ 13-39-3 (82370)
ভবান্হি কুশলশ্চৈব ধর্মেষ্বেষু পরেষু বৈ।
কালাগ্নিরহ্নঃ কল্পান্তে জগদ্দহতি চাংশুভিঃ॥ 13-39-4 (82371)
ততঃ সর্বাণি ভূতানি স্থাবরাণি চরাণি চ।
মহাভূতানি দগ্ধানি স্বাং যোনিং গমিতানি বৈ॥ 13-39-5 (82372)
কূর্মপৃষ্ঠনিভা ভূমির্নির্দগ্ধকুশকণ্টকা।
নির্বৃক্ষা নিস্তৃণা চৈব দগ্ধা কালাগ্নিনা তদা॥ 13-39-6 (82373)
জগৎপ্রলীনং জগতি জগচ্চাপি প্রলীয়তে।
নষ্টিগন্ধা তদা সূক্ষ্মা জলমেবাভবত্তদা॥ 13-39-7 (82374)
ততো ময়ূখজালেন সূর্যস্ৎবাপীয়তে জলম্।
রসাত্মা লীয়তে চার্কে তথা ব্রাহ্মণসত্তম॥ 13-39-8 (82375)
অন্তরিক্ষগতান্ভূতান্প্রদহত্যনলস্তদা।
অগ্নিভূতং তদা ব্যোম ভবতীত্যভিচক্ষতে॥ 13-39-9 (82376)
তং তথা বিস্ফুরদ্বহ্নিং বায়ুর্জরয়তে মহান্।
মহতা বলবেগেন আদত্তে তং হি ভানুমান্॥ 13-39-10 (82377)
বায়োরপি গুণং স্পর্শমাকাশং গ্রসতে যদা।
প্রশাম্যতি তদা বায়ুঃ খং তু তিষ্ঠতি নানদৎ॥ 13-39-11 (82378)
তস্য তং নিনদং শব্দমাদত্তে বৈ মনস্তদা।
স শব্দগুণহীনাত্মা তিষ্ঠতে মূর্তিমাংস্তু বৈ॥ 13-39-12 (82379)
ভুঙ্ক্তে চ স তদা ব্যোম মনস্তাত দিগাত্মকম্।
ব্যোমাত্মনি বিনষ্টে তু সঙ্কল্পাত্মা বিবর্ধতে॥ 13-39-13 (82380)
সঙ্কল্পাত্মানমাদত্তে চিত্তং বৈ স্বেন তেজসা।
চিত্তং গ্রসত্যহঙ্কারস্তদা বৈ মুনিসত্তম॥ 13-39-14 (82381)
বিনষ্টে চ তদা চিত্তে অহঙ্কারোঽভবন্মহান্।
অহঙ্কারং তদাদত্তে মহান্ব্রহ্মা প্রজাপতিঃ॥ 13-39-15 (82382)
অভিমানে বিনষ্টে তু মহান্ব্রহ্মা বিরাজতে।
তং তদা ত্রিষু লোকেষু মূর্তিষ্বেবাগ্রমূর্তিজম্॥ 13-39-16 (82383)
যেন বিশ্বমিদং কৃৎস্নং নির্মিতং বৈ গুণার্থিনা।
মূর্তং জলেচরমপি ব্যবসায়গুণাত্মকম্।
গ্রসিষ্ণুর্ভগবান্ব্রহ্মা ব্যক্তাব্যক্তমসংশয়ম্॥ 13-39-17 (82384)
এষোঽব্যযস্য প্রলয়ো ময়া তে পরিকীর্তিতঃ।
অধ্যাত্মমধিভূতং চ অধিদৈবং চ শ্রূয়তাম্॥ 13-39-18 (82385)
আকাশং প্রথমং ভূতং শ্রোত্রমধ্যাত্মং শব্দোধিভূতং দিশোধিদৈবতং॥ 13-39-19 (82386)
বায়ুর্দ্বিতীয়ং ভূতং ৎবগধ্যাত্মং স্পর্শোধিভূতং বিদ্যুদধিদৈবতং স্যাৎ॥ 13-39-20 (82387)
জ্যোতিস্তৃতীয়ং ভূতং চক্ষুরধ্যাত্মং রূপমধিভূতং সূর্যোধিদৈবতং স্যাৎ॥ 13-39-21 (82388)
আপশ্চতুর্থং ভূতং জিহ্বাধ্যাত্মং রসোধিভূতং বরুণোধিদৈবতং স্যাৎ॥ 13-39-22 (82389)
পৃথিবী পঞ্চমং ভূতং ধ্রাণমধ্যাত্মং গন্ধোধিভূতং বায়ুরধিদৈবতং স্যাৎ॥ 13-39-23 (82390)
পাঞ্চভৌতিকমেতচ্চতুষ্টয়ং বর্ণিতম্। অত ঊর্ধ্বমিন্দ্রিয়মনুবর্ণয়িষ্যামঃ॥ 13-39-24 (82391)
পাদাবধ্যাত্মং গন্তব্যমধিভূতং বিষ্ণুরধিদৈবতং স্যাৎ॥ 13-39-25 (82392)
হস্তাবধ্যাত্মং কর্তব্যমধিভূতমিন্দ্রোঽধিদৈবতং স্যাৎ॥ 13-39-26 (82393)
পায়ুরধ্যাত্মং বিসর্গোঽধিভূতং মিত্রোঽধিদৈবতং স্যাৎ॥ 13-39-27 (82394)
উপস্থোঽধ্যাত্মমানন্দোঽধিভূতং প্রজাপতিরবধিদৈবতং স্যাৎ। 13-39-28 (82395)
বাগধ্যাত্মং বক্তব্যমধিভূতমগ্নিরধিদৈবতং স্যাৎ॥ 13-39-29 (82396)
মনোঽধ্যাত্মং মন্তব্যমধিভূতং চন্দ্রমা অধিদৈবতং স্যাৎ॥ 13-39-30 (82397)
অহঙ্কারোঽধ্যাত্মমভিমানোঽধিভূতং বিরিঞ্চোঽধিদৈবতং স্যাৎ। 13-39-31 (82398)
বুদ্ধিরধ্যাত্মং ব্যবসায়োঽধিভূতং ব্রহ্মাধিদৈবতং স্যাৎ॥ 13-39-32 (82399)
এবমব্যক্তো ভগবান্সকৃৎকৃৎস্নান্কুরুতে সম্হরতে চ। কস্মাৎক্রীডার্থম্॥ 13-39-33 (82400)
যথাঽঽদিত্যোংঽশুজালং ক্ষিপতি সম্হরতে চ এবমব্যক্তো গুণান্সৃজতি সম্হরতে চ॥ 13-39-34 (82401)
যথাঽর্ণবাদূর্মিমালানিচ যশ্চোর্ধ্বমুত্তিষ্ঠতে সম্হরতে চ।
যথা চান্তরিক্ষাদভ্রমাকাশমুত্তিষ্ঠতি স্তনিতগর্জিতোন্মিশ্রং তদ্বত্তত্রৈব প্রাণশৎ।
এবমব্যক্তো গুণান্সৃজতি সম্হরতি চ॥ 13-39-35 (82402)
যথা কূর্মোঽঙ্গানি কামাৎপ্রসারয়তে পুনশ্চ প্রবেশয়তি এবমব্যক্তো ভগবান্লোকান্প্রকাশয়তি প্রবেশয়তে চ॥ 13-39-36 (82403)
এবং চেতনশ্চ ভগবান্পঞ্চবিংশঃ শুচিস্তেনাধিষ্ঠিতা প্রকৃতিশ্চেতয়তি নিত্যং সহধর্মা চ। ভগবতোঽব্যক্তস্য ক্রিয়াবতোক্রিয়াবতশ্চ প্রকৃতিঃ ক্রিয়াবানজরামরঃ ক্ষেত্রজ্ঞো নারায়ণাখ্যঃ পুরুষঃ॥ 13-39-37 (82404)
ভীষ্ম উবাচ। 13-39-38x (6840)
ইত্যেতন্নারদায়োক্তং কুমারেণ চ ধীমতা।
এতচ্ছ্রুৎবা দ্বিজো রাজন্সর্বয়জ্ঞফলং লভেৎ॥' ॥ 13-39-38 (82405)
ইতি শ্রীমন্মহাভারতে অনুশাসনপর্বণি দানধর্মপর্বণি একোনচৎবারিংশোঽধ্যায়ঃ॥ 39 ॥
অনুশাসনপর্ব - অধ্যায় 040
॥ শ্রীঃ ॥
13.40. অধ্যায়ঃ 040
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ব্রহ্মণা দেবান্প্রতি নারায়ণমহিমপ্রতিপাদকগরুডকশ্যপসংবাদানুবাদঃ॥ 1 ॥Mahabharata - Anushaasana Parva - Chapter Text
`যুধিষ্ঠর উবাচ।
আত্মন্যগ্নৌ সমাধ্নায় য এতে কুরুনন্দন।
দ্বিজাতয়ো ব্রতোপেতা জপয়জ্ঞপরায়ণাঃ॥ 13-40-1 (82406)
যজন্ত্যারম্ভয়জ্ঞৈশ্চ মানসং যজ্ঞমাস্থিতাঃ।
অগ্নিভ্যশ্চ পরং নাস্তি যেষামেষোঽব্যবস্থিতঃ॥ 13-40-2 (82407)
তেষাং গতির্মহাপ্রাজ্ঞ কীদৃশী কিম্পরাশ্চ তে।
এতদিচ্ছামি তৎবেন ৎবত্তঃ শ্রোতুং পিতামহ॥ 13-40-3 (82408)
ভীষ্ম উবাচ। 13-40-4x (6841)
অত্র তে বর্তয়িষ্যামি ইতিহাসং পুরাতনম্।
বৈকুণ্ঠস্য চ সংবাদং সুপর্ণস্য চ ভারত॥ 13-40-4 (82409)
অমৃতস্য সমুৎপত্তৌ দেবানামসুরৈঃ সহ।
ষষ্টিবর্ষসহস্রাণি দৈবাসুরমবর্তত। 13-40-5 (82410)
তত্র দেবাস্তু দৈতেয়ৈর্বধ্যন্তে ভৃশদারুণৈঃ।
ত্রাতারং নাধিগচ্ছন্তি বধ্যমানা মহাসুরৈঃ॥ 13-40-6 (82411)
আর্তাস্তে দেবদেবেশং প্রপন্নাঃ শরণৈষিণঃ।
পিতামহং মহাপ্রাজ্ঞং বধ্যমানাঃ সুরেতরৈঃ॥ 13-40-7 (82412)
তা দৃষ্ট্বা দেবতা ব্রহ্মা সম্ভ্রান্তেন্দ্রিয়মানসঃ।
বৈকুণ্ঠং শরণং দেবং প্রতিপেদে চ তৈঃ সহ॥ 13-40-8 (82413)
ততঃ স দেবৈঃ সহিতঃ পদ্ময়োনির্নরেশ্বর।
তুষ্টাব প্রাঞ্জলির্ভূৎবা নারায়ণমনাময়ম্॥ 13-40-9 (82414)
ৎবদ্রূপচিন্তনান্নাম্নাং স্মরণাদর্চনাদপি।
তপোয়োগাদিভিশ্চৈব শ্রেয়ো যান্তি মনীষিণঃ॥ 13-40-10 (82415)
ভক্তবৎসল পদ্মাক্ষ পরমেশ্বর পাপহন্।
পরমাত্মাঽবিকারাদ্য নারায়ণ নমোংস্তু তে॥ 13-40-11 (82416)
নমস্তে সর্বলোকাদে সর্বাত্মামিতবিক্রম।
সর্বভূতভবিষ্যেশ সর্বভূতমহেশ্বর 13-40-12 (82417)
দেবানামপি দেবস্ৎবং সর্ববিদ্যাপরায়ণঃ।
জগদ্বীজসমাহার জগতঃ পরমো হ্যসি॥ 13-40-13 (82418)
ত্রায়স্ব দেবতা বীর দানবাদ্যৈঃ সুপীডিতাঃ।
লোকাংশ্চ লোকপালাংশ্চ ঋষীংশ্চ জয়তাংবর॥ 13-40-14 (82419)
বেদাঃ সাঙ্গোপনিষদঃ সরহস্যাঃ সসঙ্গ্রহাঃ।
সোঙ্কারাঃ সবষট্কারাঃ প্রাহুস্ৎবাং যজ্ঞমুত্তমম্॥ 13-40-15 (82420)
পবিত্রাণাং পবিত্রং চ মঙ্গলানাং চ মঙ্গলম্।
তপস্বিনাং তপশ্চৈব দৈবতং দেবতাস্বপি॥ 13-40-16 (82421)
এবমাদিপুরস্কারৈর্ঋক্সাময়জুষাং গণৈঃ।
বৈকুণ্ঠং তুষ্টুবুর্দেবাঃ সর্বে ব্রহ্মর্ষিভিঃ সহ॥ 13-40-17 (82422)
ততোঽন্তরিক্ষে বাগাসীন্মেঘগম্ভীরনিস্বনা।
জেষ্যধ্বং দানবান্যূয়ং ময়ৈব সহ সঙ্গরে॥ 13-40-18 (82423)
ততো দেবগণানাং চ দানবানাং চ যুধ্যতাম্।
প্রাদুরাসীন্মহাতেজাঃ শার্ঙ্গচক্রগদাধরঃ॥ 13-40-19 (82424)
সুপর্ণপৃষ্ঠমাস্থায় তেজসা প্রদহন্নিব।
ব্যধমদ্দানবান্সর্বান্বাহুদ্রবিণতেজসা॥ 13-40-20 (82425)
তং সমাসাদ্য সমরে দৈত্যদানবপুঙ্গবাঃ।
ব্যনশ্যন্ত মহারাজ পতঙ্গা ইব পাবকম্॥ 13-40-21 (82426)
স বিজিত্যাসুরান্সর্বান্দানবাংশ্চ মহামতিঃ।
পশ্যতামেব দেবানাং তত্রৈবান্তরধীয়ত॥ 13-40-22 (82427)
তং দৃষ্ট্বান্তর্হিতং দেবা বিষ্ণুং দেবামিতদ্যুতিম্।
বিস্ময়োৎফুল্লনয়না ব্রহ্মাণমিদমব্রুবন্॥ 13-40-23 (82428)
ভগবন্সর্বলোকেশ সর্বলোকপিতামহ।
ইদমত্যদ্ভুতং বৃত্তং তন্নঃ শংসিতুমর্হসি॥ 13-40-24 (82429)
দৈবাসুরেঽস্মিন্সঙ্গ্রামে ত্রাতা যেন বয়ং বিভো।
এতদ্বিজ্ঞাতুমিচ্ছামঃ কুতোসৌ কশ্চ তৎবতঃ॥ 13-40-25 (82430)
কোঽয়মস্মান্পরিত্রায় তূষ্ণীমেব যথাগতম্।
প্রতিপ্রয়াতো দিব্যাত্মা তং নঃ শংসিতুমর্হসি॥ 13-40-26 (82431)
এবমুক্তঃ সুরৈঃ সর্বৈর্বচনং বচনার্থবিৎ।
উবাচ পদ্মনাভস্য পূর্বরূপং প্রতি প্রভো॥ 13-40-27 (82432)
ব্রহ্মোবাচ। 13-40-28x (6842)
ন হ্যেনং বেদ তৎবেন ভুবনং ভুবনেশ্বরম্।
সঙ্খ্যাতুং নৈব চাত্মানং নির্গুণং গুণিনাং বরম্॥ 13-40-28 (82433)
অত্র তে বর্তয়িষ্যামি ইতিহাসং পুরাতনম্।
সুপর্ণস্য চ সংবাদমৃষীণাং চাপি দেবতাঃ॥ 13-40-29 (82434)
পুরা ব্রহ্মর্ষয়শ্চৈব সিদ্দাশ্চ ভুবনেশ্বরম্।
আশ্রিত্য হিমবৎপৃষ্ঠে চক্রিরে বিবিধাঃ কথাঃ॥ 13-40-30 (82435)
তেষাং কথয়তাং তত্র কথান্তে পততাং বরঃ।
প্রাদুরাসীন্মহাতেজা বাহশ্চক্রগদাভৃতঃ॥ 13-40-31 (82436)
স তানৃষীন্সমাসাদ্য বিনয়াবনতাননঃ।
অবতীর্য মহাবীর্যস্তানৃষীনভিজগ্মিবান্॥ 13-40-32 (82437)
অভ্যর্চিতঃ স ঋষিভিঃ স্বাগতেন মহাবলঃ।
উপাবিশত তেজস্বী ভূমৌ বেগবতাং বরঃ॥ 13-40-33 (82438)
তমাসীনং মহাত্মানং বৈনতেয়ং মহাদ্যুতিম্।
ঋষয়ঃ পরিপপ্রচ্ছুর্মহাত্মানস্তপস্বিনঃ॥ 13-40-34 (82439)
কৌতূহলং বৈনতেয় পরং নো হৃদি বর্ততে।
তস্য নান্যোস্তি বক্তেহ ৎবামৃতে পন্নগাশন॥ 13-40-35 (82440)
তদাখ্যাতমিহেচ্ছামো ভবতা প্রশ্নমুত্তমম্।
এবমুক্তঃ প্রত্যুবাচ প্রাঞ্জলির্বিনতাসুতঃ॥ 13-40-36 (82441)
ধন্যোস্ম্যনুগৃহীতোস্মি যন্মাং ব্রহ্মর্ষিসত্তমাঃ।
প্রষ্টব্যং প্রষ্টুমিচ্ছন্তি প্রীতিমন্তোঽনসূয়কাঃ॥ 13-40-37 (82442)
কিং ময়া ব্রূত বক্তব্যং কার্যং চ বদতাং বরাঃ।
যূয়ং হি মাং যথায়ুক্তং সর্বং বৈ প্রষ্টুমর্হথ॥ 13-40-38 (82443)
নমস্কৃৎবা হ্যনন্তায় ততস্ত ঋষিসত্তমাঃ।
প্রষ্টুং প্রচক্রমুস্তত্র বৈনতেয়ং মহাবলম্॥ 13-40-39 (82444)
দেবদেবং মহাত্মানং নারায়ণমনাময়ম্।
ভবানুপাস্তে বরদং কুতোঽসৌ কশ্চ তৎবতঃ॥ 13-40-40 (82445)
প্রকৃতির্বিকৃতির্বাঽস্য কীদৃশী ক্বনু সংস্থিতিঃ।
এতদ্ভবন্তং পৃচ্ছামো দেবোঽয়ং ক্ব কৃতালয়ঃ॥ 13-40-41 (82446)
এথ ভক্তপ্রিয়ো দেবঃ প্রিয়ভক্তস্তথৈব চ।
ৎবং প্রিয়শ্চাস্য ভক্তশ্চ নান্যঃ কাশ্যপ বিদ্যতে॥ 13-40-42 (82447)
মুষ্ণন্নিব মনশ্চক্ষূংষ্যবিভাব্যতনুর্বিভুঃ।
অনাদিমধ্যনিধনো ন বিদ্মৈনং কুতো হ্যসৌ॥ 13-40-43 (82448)
বেদেষ্বপি চ বিশ্বাত্মা গীয়তে ন চ বিদ্মহে।
তৎবতস্তৎবভূতাত্মা বিভুর্নিত্যঃ সনাতনঃ॥ 13-40-44 (82449)
পৃথিবী বায়ুরাকাশমাপো জ্যোতিশ্চ পঞ্চমম্।
গুণাশ্চৈষাং যথাসঙ্খ্যং ভাবাভাবৌ তথৈব চ॥ 13-40-45 (82450)
তমঃ সৎবং রজশ্চৈব ভাবাশ্চৈব তদাত্মকাঃ।
মনো বুদ্ধিশ্চ তেজশ্চ বুদ্ধিগম্যানি তৎবতঃ।
জায়ন্তে তাত তস্মাদ্ধি তিষ্ঠতে তেষ্বসৌ বিভুঃ॥ 13-40-46 (82451)
সঞ্চিন্ত্য বহুধা বুদ্ধ্যা নাধ্যবস্যামহে পরম্।
তস্য দেবস্য তৎবেন তন্নঃ শংস যথাতথম্॥ 13-40-47 (82452)
এতমেব পরং প্রশ্নং কৌতূহলসমন্বিতাঃ।
এবং ভবন্তং পৃচ্ছামস্তন্নঃ শংসিতুমর্হসি॥ 13-40-48 (82453)
সুপর্ণ উবাচ। 13-40-49x (6843)
স্থূলতো যস্তু ভগবাংস্তেনৈব স্বেন হেতুনা।
ত্রৈলোক্যস্য তু রক্ষার্থং দৃশ্যতে রূপমাস্থিতঃ॥ 13-40-49 (82454)
ময়া তু মহদাশ্চর্যং পুরা দৃষ্টং সনাতনে।
দেবে শ্রীবৎসনিলয়ে তচ্ছৃণুধ্বমশেষতঃ॥ 13-40-50 (82455)
ন স্ম শক্যো ময়া বেত্তুং ন ভবদ্ভিঃ কথঞ্চন।
যথা মাং প্রাহ ভগবাংস্তথা তচ্ছ্রুয়তাং মম॥ 13-40-51 (82456)
ময়াঽমৃতং দেবতানাং মিষতামৃষিসত্তমাঃ।
হৃতং বিপাট্য তং যন্ত্রং বিদ্রাব্যামৃতরক্ষিণঃ॥ 13-40-52 (82457)
দেবতা বিমুখীকৃত্য সেন্দ্রাঃ সমরুতো মৃধে।
উন্মথ্যাশু গিরীংশ্চৈব বিক্ষোভ্য চ মহোদধিং॥ 13-40-53 (82458)
তং দৃষ্ট্বা মম বিক্রান্তং বাগুবাচাশরীরিণী।
প্রীতোস্মি তে বৈনতেয় কর্মণাঽনেন সুব্রত।
অবৃথা তেঽস্তু মদ্বাক্যং ব্রূহি কিং করবাণি তে॥ 13-40-54 (82459)
তামেবংবাদিনীং বাচমহং প্রত্যুক্তবাংস্তদা।
জ্ঞাতুমিচ্ছামি কস্ৎবং হি ততো মে দাস্যসে বরম্।
প্রকৃতির্বিকৃতির্বা ৎবং দেবো বা দানবোপি বা॥ 13-40-55 (82460)
ততো জলদগম্ভীরং প্রহস্য বদতাংবরঃ।
উংবাচ বরদঃ প্রীতঃ কালে ৎবং মাঽভিবেৎস্যসি॥ 13-40-56 (82461)
বাহনং ভব মে সাধো বরং দদ্মি তবোত্তমম্।
ন তে বীর্যেণ সদৃশঃ কশ্চিল্লোকে ভবিষ্যতি॥ 13-40-57 (82462)
পতঙ্গ পততাংশ্রেষ্ঠ ন দেবো নাপি দানবঃ।
মৎসখিৎবমনুপ্রাপ্তো দুর্ধর্ষশ্চ ভবিষ্যসি॥ 13-40-58 (82463)
তমব্রবং দেবদেবং মামেবংবাদিনং পরম্।
প্রয়তঃ প্রাঞ্জলির্ভূৎবা প্রণম্য শিরসা বিভুম্॥ 13-40-59 (82464)
এবমেতন্মহাবাহো সর্বমেতদ্ভবিষ্যতি।
বাহনং তে ভবিষ্যামি যথা বদতি মাং ভবান্॥ 13-40-60 (82465)
মম চাপি মহাবুদ্ধে নিশ্চয়ং শ্রূয়তামিতি।
ধ্বজস্তেঽহং ভবিষ্যামি রথস্থস্য ন সংশয়ঃ॥ 13-40-61 (82466)
তথাস্ৎবিতি স মামুক্ৎবা ভূয়ঃ প্রাহ মহামনাঃ।
ন তে গতিবিঘাতোঽদ্য ভবিষ্যত্যমৃতং বিনা॥ 13-40-62 (82467)
এবং কৃৎবা তু সময়ং দেবদেবঃ সনাতনঃ।
মামুক্ৎবা সাধয়স্বেতি যথাঽভিপ্রায়তো গতঃ॥ 13-40-63 (82468)
ততোঽহং কৃতসংবাদো যেন কেনাপি সত্তমাঃ।
কৌতূহলসমাবিষ্টঃ পিতরং কশ্যপং গতঃ॥ 13-40-64 (82469)
সোহং পিতরমাসাদ্য প্রণিপত্যাভিবাদ্য চ।
সর্বমেতদ্যথাতথ্যমুক্তবান্পিতুরন্তিকে॥ 13-40-65 (82470)
শ্রুৎবা তু ভগবান্মহ্যং ধ্যানমেবান্বপদ্যত।
স মুহূর্তমিব ধ্যাৎবা মামাহ বদতাং বরঃ॥ 13-40-66 (82471)
ধন্যোস্যনুগৃহীতশ্চ যত্ৎবং তেন মহাত্মনা।
সংবাদং কৃতবাংস্তাত গুহ্যেন পরমাত্মনা॥ 13-40-67 (82472)
স্থূলদৃশ্যঃ স ভগবাংস্তেন তেনৈব হেতুনা।
দৃশ্যতেঽব্যক্তরূপস্থঃ প্রধানপ্রভবাপ্যযঃ॥ 13-40-68 (82473)
ময়া হি স মহাতেজা নান্যযোগসমাধিনা।
তপসোগ্রেণ তেজস্বী তোষিতস্তপসাংনিধিঃ॥ 13-40-69 (82474)
ততো মে দর্শয়ামাস তোষয়ন্নিব পুত্রক।
শ্বেতপীতারুণনিভঃ কদ্রূকপিলপিঙ্গলঃ॥ 13-40-70 (82475)
রক্তনীলাসিতনিভঃ সহস্রোদরপাণিমান্।
দ্বিসাহস্রমহাবক্ত্র একাক্ষঃ শতলোচনঃ॥ 13-40-71 (82476)
অনিষ্পন্দা নিরাহারাঃ সমানাঃ সূর্যতেজসা।
তমুপাসন্তি পরমং গুহ্যমক্ষরমব্যযম্॥ 13-40-72 (82477)
সমাসাদ্য তু তং বিশ্বমহং মূর্ধ্না প্রণম্য চ।
ঋগ্যজুঃসামভিঃ স্তুৎবা শরণ্যং শরণং গতঃ॥ 13-40-73 (82478)
মহামেঘৌঘধীরেণ স্বরেণ জয়তাংবরঃ।
আভাষ্য পুত্রপুত্রেতি ইদমাহ ধৃতং বচঃ॥ 13-40-74 (82479)
ৎবয়াঽভ্যুদয়কামেন তপশ্চীর্ণং মহামুনে।
অমুক্তস্ৎবং সমাসঙ্গৈরবিমুক্তোঽদ্য পশ্যসি॥ 13-40-75 (82480)
যদা সঙ্গৈর্বিমুক্তশ্চ গতমোহো গতস্পৃহঃ।
ভবিষ্যসি সদা ব্রহ্ম মামনুধ্যাস্যসে দ্বিজ॥ 13-40-76 (82481)
ঐকান্তিকীং মতিং কৃৎবা মদ্ভক্তো মৎপরায়ণঃ।
জ্ঞাস্যসে মাং ততো ব্রহ্মন্বীতমোহশ্চ তৎবতঃ॥ 13-40-77 (82482)
তেন ৎবং কৃতসংবাদঃ স্বতঃ সর্বহিতৈষিণা।
বিশ্বরূপেণ দেবেন পুরুষেণ মহাত্মনা।
তমেবারাধয় ক্ষিপ্রং তমারাধ্য ন সীদসি॥ 13-40-78 (82483)
সোহমেবং ভগবতা পিত্রা ব্রহ্মর্ষিসত্তমাঃ।
অনুনীতো যথান্যায়ং স্বমেব ভবনং গতঃ॥' ॥ 13-40-79 (82484)
ইতি শ্রীমন্মহাভারতে অনুশাসনপর্বণি দানধর্মপর্বণি চৎবারিংশোঽধ্যায়ঃ॥ 40 ॥
অনুশাসনপর্ব - অধ্যায় 041
॥ শ্রীঃ ॥
13.41. অধ্যায়ঃ 041
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ব্রহ্মণা দেবান্প্রতি গরুডস্য বদরীনারায়ণানুগমনাদিপ্রতিপাদকগরুডমুনিগণসংবাদানুবাদঃ॥ 1 ॥Mahabharata - Anushaasana Parva - Chapter Text
`সুপর্ণ উবাচ।
সোঽহমামন্ত্র্য পিতরং তদ্ভাবগতমানসঃ।
স্বমেবালয়মাসাদ্য তমেবার্থমচিন্তয়ম্॥ 13-41-1 (82485)
তদ্ভাবগতভাবাত্মা তদ্ভূতগতমানসঃ।
গোবিন্দং চিন্তয়ন্নাসে শাশ্বতং পরমব্যযম্॥ 13-41-2 (82486)
ধৃতং বভূব হৃদয়ং নারায়ণদিদৃক্ষয়া।
সোহং বেগং সমাস্থায় মনোমারুতবেগবান্।
রম্যাং বিশালাং বদরীং গতো নারায়ণাশ্রমম্॥ 13-41-3 (82487)
ততস্তত্র হরিং জগতঃ প্রভবং বিভুম্।
গোবিন্দং পুণ্ডরীকাক্ষং প্রণতঃ শিরসা হরিম্।
ঋগ্যজুস্সামভিশ্চৈনং তুষ্টাব পরয়া মুদা॥ 13-41-4 (82488)
অথাপশ্যং সুবিপুলমশ্বত্থং দেবসংশ্রয়ম্॥ 13-41-5 (82489)
চতুর্দ্বিগুণপীনাংসঃ শঙ্কচক্রগদাধরঃ।
প্রাদুর্বভূব পুরুষঃ পীতবাসাঃ সনাতনঃ।
মধ্যাহ্নার্কপ্রতীকাশস্তেজসা ভাসয়ন্দিশঃ॥ 13-41-6 (82490)
সংস্তুতঃ সংবিদং কৃৎবা ব্রজেতি শ্রেয়সে রতঃ।
প্রাগুদীচীং দিশং দেবঃ প্রতস্থে পুরুষোত্তমঃ।
দিশশ্চ বিদিশশ্চৈব ভাসয়ন্স্বেন তেজসা॥ 13-41-7 (82491)
তমহং পুরুষং দিব্যং ব্রজন্তমমিতৌজসম্।
অনুবব্রাজ বেগেন শনৈর্গচ্ছন্তমব্যযম্॥ 13-41-8 (82492)
যোজনানাং সহস্রাণি ষষ্টিমষ্টৌ তথা শতম্।
তথা শতসহস্রং চ শতং দ্বিগুণমেব চ॥ 13-41-9 (82493)
স গৎবা দীর্গমধ্বানমপশ্যমহমদ্ভুতম্।
মহান্তং পাবকং দীপ্তমর্চিষ্মন্তমনিন্ধনম্॥ 13-41-10 (82494)
শতয়োজনবিস্তীর্ণং তস্মাদ্দ্বিগুণমায়তম্।
বিবেশ স মহায়োগী পাবকং পাবকদ্যুতিঃ॥ 13-41-11 (82495)
তত্র শংভুস্তপস্তেপে মহাদেবঃ সহোময়া।
স তেন সংবিদং কৃৎবা পাবকং সমতিক্রমৎ॥ 13-41-12 (82496)
শ্রমাভিভূতেন ময়া কথঞ্চিদনুগম্যতে॥ 13-41-13 (82497)
গৎবা স দীর্ঘমধ্বানং ভাস্করেণাবভাসিতম্।
অভাস্করমমর্যাদং বিবেশ সুমহত্তমঃ॥ 13-41-14 (82498)
অথ দৃষ্টিঃ প্রতিহতা মম তত্র বভূব হ।
যথাস্বভাবং ভূতাত্মা বিবেশ স মহাদ্যুতিঃ॥ 13-41-15 (82499)
ততোঽহমভবং মূঢো জডান্ধবধিরোপমঃ।
দিশশ্চ বিদিশশ্চৈব ন বিজজ্ঞে তমোবৃতঃ॥ 13-41-16 (82500)
অবিজানন্নহং কিঞ্চিত্তস্মিংস্তমসি সংবৃতে।
সসংভ্রান্তেন মনসা ব্যথাং পরমিকাং গতঃ॥ 13-41-17 (82501)
সোঽহং প্রপন্নঃ শরণং দেবদেবং সনাতনম্।
প্রাঞ্চলির্মনসা ভূৎবা বাক্যমেতত্তদোক্তবান্॥ 13-41-18 (82502)
ভগবন্ভূতভব্যেশ ভবদ্ভূতকৃদব্যয।
শরণং সম্প্রপন্নং মাং ত্রাতুমর্হস্যরিংদম॥ 13-41-19 (82503)
অহং তু তত্ৎবজিজ্ঞাসুঃ কোসি কস্যাসি কুত্র বা।
সম্প্রাপ্তঃ পদবীং দেব স মাং সংত্রাতুমর্হসি॥ 13-41-20 (82504)
আবির্ভূতঃ পুরাণাত্মা মামেহীতি সনাতনঃ।
ততোপরান্ততো দেবো বিশ্বস্য গতিরাত্মবান্।
মোহয়ামাস মাং তত্র দুর্বিভাব্যবপুর্বিভুঃ॥ 13-41-21 (82505)
স্বভাবমাত্মনস্তত্র দর্শয়ন্স্বয়মাত্মনা।
শ্রমং মে জনয়ামাস ভয়ং চাভয়দঃ প্রভুঃ॥ 13-41-22 (82506)
খিন্ন ইত্যেব মাং মৎবা ভগবানব্যযোঽচ্যুতঃ।
শব্দেনাশ্বাসয়ামাস জগাহে চ তমো মহৎ॥ 13-41-23 (82507)
অহং তমেবানুগতঃ শ্রমালসপদশ্চরন্।
মনসা দেবদেবেশং ধ্যাতুং সমুপচক্রমে॥ 13-41-24 (82508)
তথাগতং তু মাং জ্ঞাৎবা ভগবানমিতদ্যুতিঃ।
তমঃ প্রণাশয়ামাস মমানুগ্রহকাঙ্ক্ষয়া॥ 13-41-25 (82509)
ততঃ প্রনষ্টে তমসি তমহং দীপ্ততেজসম্।
অপশ্যং তেজসা ব্যাপ্তং মধ্যাহ্ন ইব ভাস্করম্॥ 13-41-26 (82510)
স্বয়ংপ্রভাংশ্চ পুরুষান্স্ত্রিয়শ্চ পরমাদ্ভুতাঃ।
অপশ্যমহমব্যগ্রস্তস্মিন্দেশে সহস্রশঃ॥ 13-41-27 (82511)
ন তত্র দ্যোততে সূর্যো নক্ষত্রাণি তথৈব চ।
ন তত্র চন্দ্রমা ভাতি ন বায়ুর্বাতি পাংসুলঃ॥ 13-41-28 (82512)
তত্র তূর্যাণ্যনেকানি গীতানি মধুরাণি চ।
অদৃশ্যানি মনোজ্ঞানি শ্রূয়ন্তে সর্বতোদিশম্॥ 13-41-29 (82513)
স্রবন্তি বৈডূর্যলতাঃ পদ্মোৎপলঝষাকুলাঃ।
মুক্তাসিকতবপ্রাশ্চ সরিতো নির্মলোদকাঃ॥ 13-41-30 (82514)
অগতিস্তত্র দেবানামসুরাণাং তথৈব চ।
গন্ধর্বনাগয়ক্ষাণাং রাক্ষসানাং তথৈব চ॥ 13-41-31 (82515)
স্বয়ংপ্রভাস্তত্র নরা দৃশ্যন্তেঽদ্ভুতদর্শনাঃ।
যেষাং ন দেবতাস্তুল্যাঃ প্রভাভির্ভাবিতাত্মনাম্॥ 13-41-32 (82516)
স চ তানপ্যতিক্রম্য দৈবতৈরপি পূজিতঃ।
বিবেশ জ্বলনং দীপ্তমনিন্ধনমনৌপমম্॥ 13-41-33 (82517)
জ্বালাভির্মাং প্রবিষ্টং চ জ্বলন্তং সর্বতোদিশম্।
দৈত্যদানবরক্ষোভির্দৈবতৈশ্চাপি দুস্সহম্॥ 13-41-34 (82518)
জ্বালামালিনমাসাদ্য তমগ্নিমহমব্যযম্।
অবিষহ্যতমং মৎবা মনসেদমচিন্তয়ম্॥ 13-41-35 (82519)
ময়া হি সমরেষ্বগ্নিরনেকেষু মহাদ্যুতিঃ।
প্রবিষ্টশ্চাপবিদ্ধশ্চ ন চ মাং দগ্ধবান্ক্বচিৎ॥ 13-41-36 (82520)
অয়ং চ দুস্সহঃ শশ্বত্তেজসাঽতিহুতাশনঃ।
অত্যাদিত্যপ্রকাশার্চিরনলো দীপ্যতে মহান্॥ 13-41-37 (82521)
স তথা দহ্যমানোপি তেজসা দীপ্তবর্চসা।
প্রপন্নঃ শরণং দেবং শঙ্কচক্রগদাধরম্॥ 13-41-38 (82522)
ভক্তশ্চানুগতশ্চেতি ত্রাতুমর্হসি মাং বিভো।
যথা মাং ন দহেদগ্নিঃ সদ্যো দেব তথা কুরু॥ 13-41-39 (82523)
এবং বিলপমানস্য জ্ঞাৎবা মে বচনং প্রভুঃ।
মা ভৈরিতি বচঃ প্রাহ মেঘগম্বীরনিস্বনঃ॥ 13-41-40 (82524)
স মামাশ্বাস্য বচনং প্রাহেদং ভগবান্বিভুঃ।
মম ৎবং বিদিতঃ সৌম্য যথাবত্তৎবদর্শনে॥ 13-41-41 (82525)
জ্ঞাপিতশ্চাপি যৎপিত্রা তচ্চাপি বিদিতং মহৎ।
বৈনতেয় মমাপ্যেবমহং বেদ্যঃ কথঞ্চন॥ 13-41-42 (82526)
মহদেতৎস্বরূপং মে ন তে বেদ্যং কথঞ্চন।
মাং হি বিন্দন্তি বিদ্বাংসো যে জ্ঞানে পরিনিষ্ঠিতাঃ॥
নির্মমা নিরহঙ্কারা নিরাশীর্বন্ধনায়ুতাঃ॥ 13-41-43 (82527)
ভবাংস্তু সততং ভক্তো মন্মনাঃ পক্ষিসত্তম।
স্থূলংমাং বেৎস্যসে তস্মাজ্জগতঃ কারণেস্থিতম্'॥ ॥ 13-41-44 (82528)
ইতি শ্রীমন্মহাভারতে অনুশাসনপর্বণি দানধর্মপর্বণি একচৎবারিংশোঽধ্যায়ঃ॥ 41 ॥
অনুশাসনপর্ব - অধ্যায় 042
॥ শ্রীঃ ॥
13.42. অধ্যায়ঃ 042
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ব্রহ্মণা দেবান্প্রতি শ্রীনারায়ণমহিমপ্রতিপাদকগরুডমুনিগণসংবাদানুবাদঃ॥ 1 ॥Mahabharata - Anushaasana Parva - Chapter Text
`সুপর্ণ উবাচ।
এবং দত্তাভয়স্তেন ততোঽহমৃষিসত্তমাঃ।
নষ্টখেদশ্রমভয়ঃ ক্ষণেন হ্যভবং তদা॥ 13-42-1 (82529)
স শনৈর্যাতি ভগবান্গত্যা লঘুপরাক্রমঃ।
অহং তু সুমহাবেগমাস্তায়ানুব্রজামি তম্॥ 13-42-2 (82530)
স গৎবা দীর্ঘমধ্বানমাকাশমমিতহ্যুতিঃ।
মনসাঽপ্যগমং দেবমাসসাদাত্মতৎববিৎ॥ 13-42-3 (82531)
অথ দেবঃ সমাসাদ্য মনসঃ সদৃশং জবম্।
মোহয়িৎবা চ মাং তত্র ক্ষণেনান্তরধীয়ত॥ 13-42-4 (82532)
তত্রাম্বুধরধীরেণ ভোশব্দেনানুনাদিনা।
অয়ং ভোঽহমিতি প্রাহ বাক্যং বাক্যবিশারদঃ॥ 13-42-5 (82533)
শব্দানুসারী তু ততস্তং দেশমহমাব্রজম্।
তত্রাপশ্যং ততশ্চাহং শ্রীমদ্ধংসয়ুতং সরঃ॥ 13-42-6 (82534)
স তৎসরঃ সমাসাদ্য ভগবানাত্মবিত্তমঃ।
ভোশব্দপ্রতিসৃষ্টেন স্বরেণ প্রতিবাদিনা॥ 13-42-7 (82535)
বিবেশ দেবঃ স্বাং যোনিং মামিদং চাভ্যভাষত।
বিশস্ব সলিলং সৌম্য সুখমত্র বসামহে॥ 13-42-8 (82536)
ততশ্চ প্রাবিশং তত্র সহ তেন মহাত্মনা।
দৃষ্টবানদ্ভুততরং তস্মিন্সরসি ভাস্বতাম্॥ 13-42-9 (82537)
অগ্নীনামপ্রণীতানামিদ্ধানামিন্ধনৈর্বিনা।
দীপ্তানামাজ্যসিক্তানাং স্যানেষ্বর্চিষ্মতাং সদা॥ 13-42-10 (82538)
দীপ্তিস্তেষামনাজ্যানাং প্রাপ্তাজ্যানামিবাভবৎ।
অনিদ্ধানামিব সতামিদ্ধানামিব ভাস্বতাম্॥ 13-42-11 (82539)
অথাহং বরদং দেবং নাপশ্যং তত্র সঙ্গতম্।
ততঃ সম্মোহমাপন্নো বিষাদভগমং পরম্॥ 13-42-12 (82540)
অপশ্যং চাগ্নিহোত্রাণি শতশোঽথ সহস্রশঃ।
বিধিনা সম্প্রণীতানি ধিষ্ণ্যেষ্বাজ্যবতাং তদা॥ 13-42-13 (82541)
অসংভৃষ্টতলাশ্চৈব বেদীঃ কুসুমসংস্তৃতাঃ।
কুশপদ্মোৎপলাসঙ্গাঃ কলশাংশ্চ হিরণ্ময়ান্॥ 13-42-14 (82542)
অগ্নিহোত্রাণি চিত্রাণি শতশোঽথ সহস্রশঃ।
অগ্নিহোত্রায় যোগ্যানি যানি দ্রব্যাণি কানিচিৎ।
তানি চাত্র সমৃদ্ধানি দৃষ্টবানস্ম্যনেকশঃ॥ 13-42-15 (82543)
মনোহৃদ্যতমশ্চাগ্নিঃ সুরভিঃ পুণ্যলক্ষণঃ।
আজ্যগন্ধো মনোগ্রাহী ঘ্রাণচক্ষুস্সুখাবহঃ॥ 13-42-16 (82544)
তেষাং তত্রাগ্নিহোত্রাণামীডিতানাং সহস্রশঃ।
সমীপে ৎবদ্ভুততমমপশ্যমহমব্যযম্॥ 13-42-17 (82545)
চন্দ্রাংশুকাশশুভ্রাণাং তুষারোদ্ভেদবর্চসাম্।
বিমলাদিত্যভাসানাং স্থণ্ডিলানি সহস্রশঃ।
দৃষ্টান্যগ্নিসমীপে তু ধ্যুতিমন্তি মহান্তি চ॥ 13-42-18 (82546)
এষু চাগ্নিসমীপেষু শুশ্রাব সুপদাক্ষরাঃ।
প্রভাবান্তরিতানাং তু প্রস্পষ্টাক্ষরভাষিণাম্।
ঋগ্যজুঃসামগানাং চ মধুরাঃ সুস্বরা গিরঃ॥ 13-42-19 (82547)
সুসংমৃষ্টতলৈস্তৈস্তু বৃহদ্বির্দীপ্ততেজসৈঃ।
পাবকৈঃ পাবিতাত্মাহমভবং লঘুবিক্রমঃ॥ 13-42-20 (82548)
ততোঽহং তেষু ধিষ্ণ্যেষু জ্বলমানেষু যজ্বনাম্।
তং দেশং প্রণমিৎবাঽথ অন্বেষ্টুমুপচক্রমে॥ 13-42-21 (82549)
তান্যনেকসহস্রাণি পর্যটংস্তু মহাজবাৎ।
অপশ্যমানস্তং দেবং ততোঽহং ব্যথিতোঽভবম্॥ 13-42-22 (82550)
ততস্তেষ্বগ্নিহোত্রেষু জ্বলৎসু বিমলার্চিষু।
ভানুমৎসু ন পশ্যামি দেবদেবং সনাতনম্॥ 13-42-23 (82551)
ততোঽহং তানি দীপ্তানি পরীয় ব্যস্থিতেন্দ্রিয়ঃ।
নান্তং তেষাং প্রপশ্যামি খেদশ্চ সহসাভবৎ॥ 13-42-24 (82552)
বিসৃত্য সর্বতো দৃষ্টিং ভয়মোহসমন্বিতঃ।
শ্রমং পরংমমাপন্নশ্চিন্তয়ানস্ৎবচেতনঃ॥ 13-42-25 (82553)
তস্মিন্ন খলু বর্তেঽহং লোকে যত্রৈতদীদৃশম্।
ঋগ্যজুস্সামনির্ঘোষঃ শ্রূয়তে ন চ দৃশ্যতে॥ 13-42-26 (82554)
ন চ পশ্যামি তং দেবং যেনাহমিহ চোদিতঃ।
এবং চিন্তাসভাপন্নঃ প্রধ্যাতুমুপচক্রমে॥ 13-42-27 (82555)
ততশ্চিন্তয়তো মহ্যং মোহেনাবিষ্টচেতসঃ।
মহাশব্দঃ প্রাদুরাসীৎসুভৃশং মে ব্যথাকরঃ॥ 13-42-28 (82556)
অথাহং সহসা তত্র শৃণোমি বিপুলধ্বনিম্।
অপশ্যং চ সুপর্ণানাং সহস্রাণ্যযুতানি চ॥ 13-42-29 (82557)
অভ্যদ্রবন্ত মামেব বিপুলদ্যুতিরংহসঃ।
তেষামহং প্রভাবেণ সর্বথৈবাবরোঽভবম্॥ 13-42-30 (82558)
সোঽহং সমন্ততঃ সর্বৈঃ সুপর্ণৈরতিতেজসৈঃ।
দৃষ্ট্বাঽঽত্মানং পরিগতং সম্ভ্রমং পরমং গতঃ॥ 13-42-31 (82559)
বিনয়াবনতো ভূৎবা নমশ্চক্রে মহাত্মনে।
অনাদিনিধনায়ৈভির্নামভিঃ পরমাত্মনে॥ 13-42-32 (82560)
নারায়ণায় শুদ্ধায় শাশ্বতায় ধ্রুবায় চ।
ভূতভব্যভবেশায় শিবায় শিবমূর্তয়ে॥ 13-42-33 (82561)
শিবয়োনেঃ শিবাদ্যায়ি শিবপূজ্যতমায় চ।
ঘোররূপায় মহতে যুগান্তকরণায় চ॥ 13-42-34 (82562)
বিশ্বায় বিশ্বদেবায় বিশ্বেশায় মহাত্মনে।
সহস্রোদরপাদায় সহস্রনয়নায় চ॥ 13-42-35 (82563)
সহস্রবাহবে চৈব সহস্রবদনায় চ।
শুচিশ্রবায় মহতে ঋতুসংবৎসরায় চ॥ 13-42-36 (82564)
ঋগ্যজুঃসামবক্ত্রায় অথর্বশিরসে নমঃ।
হৃষীকেশায় কৃষ্ণায় দ্রুহিণোরুক্রমায় চ॥ 13-42-37 (82565)
বৃহদ্বেগায় তার্ক্ষ্যায় বরাহায়ৈকশৃঙ্গিণে।
শিপিবিষ্টায় সত্যায় হরয়েঽথ শিখণ্ডিনে॥ 13-42-38 (82566)
হুতাশায়োর্ধ্ববক্ত্রায় রৌদ্রানীকায় সাধবে।
সিন্ধবে সিন্ধুবর্ষঘ্নে দেবানাং সিন্ধবে নমঃ॥ 13-42-39 (82567)
গরুত্মতে ত্রিনেত্রায় সুধর্মায় বৃষাকৃতে।
সম্ম্রাডুগ্রে সংকৃতয়ে বিরজে সম্ভবে ভবে॥ 13-42-40 (82568)
বৃষায় বৃষরূপায় বিভবে ভূর্ভুবায় ব।
দীপ্তসৃষ্টায় যজ্ঞায় স্থিরায় স্থবিরায় চ॥ 13-42-41 (82569)
অচ্যুতায় তুষারায় বীরায় চ সমায় চ।
জিষ্ণবে পুরুহূতায় বসিষ্ঠায় বরায় চ॥ 13-42-42 (82570)
সত্যেশায় সুরেশায় হরয়েঽথ শিখণ্ডিনে।
বর্হিষায় বরেণ্যায় বসবে বিশ্ববেধসে॥ 13-42-43 (82571)
কিরীটিনে সুকেশায় বাসুদেবায় শুষ্মিণে।
বৃহদুক্থ্যসুষেণায় যুগ্যে দুন্দুভয়ে তথা॥ 13-42-44 (82572)
ভয়েসখায় বিভবে ভরদ্বাজেঽভয়ায় চ।
ভাস্করায় চ চন্দ্রায় পদ্মনাভায় ভূরিণে॥ 13-42-45 (82573)
পুনর্বসুভৃতৎবায় জীবপ্রভবিষায় চ।
বষট্কারায় স্বাহায় স্বধায় নিধনায় চ॥ 13-42-46 (82574)
ঋচে চ যজুষে সাম্নে ত্রৈলোক্যপতয়ে নমঃ।
শ্রীপদ্মায়াত্মসদৃশে ধরণীধারিণে পরে॥ 13-42-47 (82575)
সৌম্যাসৌম্যস্বরূপায় সৌম্যে সুমনসে নমঃ।
বিশ্বায় চ সুবিশ্বায় বিশ্বরূপধরায় চ॥ 13-42-48 (82576)
কেশবায় সুকেশায় রশ্মিকেশায় ভূরিণে।
হিরণ্যগর্ভায় নমঃ সৌম্যায় বৃষরূপিণে॥ 13-42-49 (82577)
নারায়ণাগ্র্যবপুষে পুরুহূতায় বজ্রিণে।
বর্মিণে বৃষসেনায় ধর্মসেনায় রোধসে।
মুনয়ে জ্বরমুক্তায়ি জ্বরাধিপতয়ে নমঃ॥ 13-42-50 (82578)
অনেত্রায় ত্রিনেত্রায় পিঙ্গলায় বিডূর্মিণে।
তপোব্রহ্মনিধানায় যুগপর্যায়িণে নমঃ॥ 13-42-51 (82579)
শরণায় শরণ্যায় ভক্তেষ্টশরণায় চ।
নমঃ সর্বভবেশায় ভূতভব্যভবায় চ॥ 13-42-52 (82580)
পাহি মাং দেবদেবেশ কোপ্যজোসি সনাতনঃ।
এবং গতোস্মি শরণং শরণ্যং ব্রহ্ময়োনিনম্॥ 13-42-53 (82581)
স্তব্যং স্তবং স্তুতবতস্তত্তমো মে প্রণশ্যত।
ভয়ং চ মে ব্যপগতং পক্ষিণোঽন্তর্হিতাঽভবন্॥ 13-42-54 (82582)
শৃণোমি চ গিরং দিব্যামন্তর্ধানগতাং শিবাম্।
মা ভৈর্গরুত্মন্দান্তোসি পুনঃ সেন্দ্রান্দিবৌকসঃ।
স্বং চৈব ভবনং গৎবা দ্রক্ষ্যসে পুত্রবান্ধবান্॥ 13-42-55 (82583)
ততস্তস্মিন্ক্ষণেনৈব সহসৈব মহাদ্যুতিঃ।
প্রত্যদৃশ্যত তেজস্বী পুরস্তাৎস মমান্তিকে॥ 13-42-56 (82584)
সমাগম্য ততস্তেন শিবেন পরমাত্মনা।
অপশ্যং চাহমায়ান্তং নরনারায়ণাশ্রমে।
চতুর্দ্বিগুণবিন্যাসং তং চ দেবং সনাতনম্॥ 13-42-57 (82585)
যজতস্তানৃষীন্দেবান্বদতো ধ্যায়তো মুনীন্।
যুক্তান্সিদ্ধান্নৈষ্ঠিকাংশ্চ জপতো যজতো গৃহে॥ 13-42-58 (82586)
পুষ্পপূরপরিক্ষিপ্তং ধূপিতং দীপিতং হুতম্।
বন্দিতং সিক্তসম্মৃষ্টং নরনারায়ণাশ্রমম্॥ 13-42-59 (82587)
তদদ্ভুতমহং দৃষ্ট্বা বিস্মিতোস্মি তদাঽনঘাঃ।
জগাম শিরসা দেবং প্রয়তেনান্তরাত্মনা॥ 13-42-60 (82588)
তদত্যদ্ভুতসঙ্কাসং কিমেতদিতি চিন্তয়ন্।
নাধ্যগচ্ছং পরং দিব্যং তস্য সর্বভবাত্মনঃ॥ 13-42-61 (82589)
প্রণিপত্য সুদুর্ধর্ষং পুনঃ পুনরুদীক্ষ্য চ।
শিরস্যঞ্জলিমাধায় বিস্ময়োৎফুল্ললোচনঃ।
অবোচং তমদীনার্থং শ্রেষ্ঠানাং শ্রেষ্ঠমুত্তমম্॥ 13-42-62 (82590)
নমস্তে ভগবন্দেব ভূতভব্যভবৎপ্রভো।
যদেতদদ্ভুতং দেব ময়া দৃষ্টং ৎবদাশ্রয়ম্॥ 13-42-63 (82591)
অনাদিমদ্যপর্যন্তং কিং তচ্ছংসিতুমর্হসি।
যদি জানাসি সাং ভক্তং যদি বাঽনুগ্রহো ময়ি।
শংস সর্বমশেষেণ শ্রোতব্যং যদি চেন্ময়া॥ 13-42-64 (82592)
স্বভাবস্তব দুর্জ্ঞেয়ঃ প্রাদুর্ভাবো ভবস্য চ।
ভবদ্ভূতভবিষ্যেশ সর্বথা গহনং ভবান্॥ 13-42-65 (82593)
ব্রূহি সর্বমশেষেণ তদাশ্চর্যং মহামুনে।
কিং তদত্যদ্ভুতং বৃত্তং তেষ্বগ্নিষু সমন্ততঃ॥ 13-42-66 (82594)
কানি তান্যগ্নিহোত্রাণি কেষাং শব্দঃ শ্রুতো ময়া।
শৃণ্বতাং ব্রহ্ম সততমদৃশ্যানাং মহাত্মনাম্॥ 13-42-67 (82595)
এতন্মে ভগবন্কৃষ্ণ ব্রূহি সর্বমশেষতঃ।
গৃণন্ত্যগ্নিসমীপেষু কে চ তে ব্রহ্মরাশয়ঃ॥' ॥ 13-42-68 (82596)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিচৎবারিংশোঽধ্যায়ঃ॥ 42 ॥
অনুশাসনপর্ব - অধ্যায় 043
॥ শ্রীঃ ॥
13.43. অধ্যায়ঃ 043
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বদরীনারায়ণেন গরুডংপ্রতি স্বমহিমোক্তিঃ॥ 1 ॥ গরুডেন মুনিগণান্প্রতি স্বানুভূতনারায়ণমহিমোক্তিঃ॥ 2 ॥Mahabharata - Anushaasana Parva - Chapter Text
`ভগবানুবাচ।
মাং ন দেবা ন গন্ধর্বা নাসুরা ন ব রাক্ষসাঃ।
বিদুস্তৎবেন সৎবস্থং সূক্ষ্মাত্মানমবস্থিতম্॥ 13-43-1 (82597)
চতুর্ধাঽহং বিভক্তাত্মা লোকানাং হিতকাম্যযা।
ভূতভব্যভবিষ্যাদিরনাদির্বিশ্বকৃত্তমঃ॥ 13-43-2 (82598)
পৃথিবী বায়ুরাকাশমাপো জ্যোতিশ্চ পঞ্চমম্।
মনো বুদ্ধিশ্চ চেতশ্চ তমঃ সৎবং রজস্তথা॥ 13-43-3 (82599)
প্রকৃতির্বিকৃতিশ্চৈব বিদ্যাবিদ্যে শুভাশুভে।
মত্ত এতানি জায়ন্তে নাহমেভ্যঃ কথঞ্চন॥ 13-43-4 (82600)
যৎকিংচিচ্ছ্রেয়সা যুক্তং শ্রেয়স্করমনুত্তমম্।
ধর্ময়ুক্তং চ পুণ্যং চ সোঽহমস্মি নিরাময়ঃ॥ 13-43-5 (82601)
যৎস্বভাবাত্মতৎবজ্ঞৈঃ কারণৈরুপলক্ষ্যতে।
অনাদিমধ্যনিধনঃ সোন্তরাত্মাঽস্মি শাশ্বতঃ॥ 13-43-6 (82602)
যত্তু মে পরমং গুহ্যং রূপং সূক্ষ্মার্থদর্শিভিঃ।
গৃহ্যতে সূক্ষ্মভাবজ্ঞৈঃ সোঽবিভাব্যোস্মি শাশ্বতঃ॥ 13-43-7 (82603)
তত্তু মে পরমং গুহ্যং যেন ব্যাপ্তমিদং জগৎ।
সোহঙ্গতঃ সর্বসৎবঃ সর্বস্য প্রভবোঽব্যযঃ॥ 13-43-8 (82604)
মত্তো জায়ন্তি ভূতানি ময়া ধার্যন্ত্যহর্নিশম্।
ময়্যেব বিলয়ং যান্তি প্রলয়ে পন্নগাশন॥ 13-43-9 (82605)
যো মাং যথা বেদয়তি তথা তস্যাস্মি কাশ্যপ।
মনোবুদ্ধিগতঃ শ্রেয়ো বিদধামি বিহঙ্গম॥ 13-43-10 (82606)
মাং তু জ্ঞাতুং কৃতা বুদ্ধির্ভবতা পক্ষিসত্তম।
শৃণু যোঽহং যতশ্চাহং যদর্থশ্চাহমুদ্যতঃ॥ 13-43-11 (82607)
যে কেচিন্নিয়তাত্মানস্ত্রেতাগ্নিপরমার্চিতাঃ।
অগ্নিকার্যপরা নিত্যং জপহোমপরায়ণাঃ॥ 13-43-12 (82608)
আত্মন্যগ্নীন্সমাধায় নিয়তা নিয়তেন্দ্রিয়াঃ।
অনন্যমনসস্তে মাং সর্বে বৈ সমুপাসতে॥ 13-43-13 (82609)
যজন্তো জপয়জ্ঞৈর্মাং মানসৈশ্চ সুসংয়তাঃ।
অগ্নীনভ্যুদ্যযুঃ শশ্বদগ্নিষ্বেবাভিসংশ্রিতাঃ॥ 13-43-14 (82610)
অনন্যকার্যাঃ শুচয়ো নিত্যমগ্নিপরায়ণাঃ।
য এবংবুদ্ধ্যো ধীরাস্তে মাং গচ্ছন্তি তাদৃশাঃ॥ 13-43-15 (82611)
অকামহতসঙ্কল্পা জ্ঞানে নিত্যং সমাহিতাঃ।
আত্মন্যগ্নিং সমাধায় নিরাহারা নিরাশিষঃ॥ 13-43-16 (82612)
বিষয়েষু নিরারম্ভা বিমুক্তা জ্ঞানচক্ষুষঃ।
অনন্যমনসো ধীরাঃ স্বভাবনিয়মান্বিতাঃ॥ 13-43-17 (82613)
যত্তদ্বিয়তি দৃষ্টং তৎসরঃ পদ্মোৎপলায়ুতম্।
তত্রাগ্নয়ঃ সন্নিহিতা দীপ্যন্তে স্ম নিরিন্ধনাঃ॥ 13-43-18 (82614)
জ্ঞানামলাশয়াস্তস্মিন্যে চ চন্দ্রাংশুনির্মলাঃ।
উপাসীনা গৃণন্তোঽগ্নিমস্পষ্টাক্ষরভাষিণঃ।
আকাঙ্ক্ষমাণাঃ শুচয়স্তেষ্বগ্রিষু বিহঙ্গম॥ 13-43-19 (82615)
যে ময়া ভাবিতাত্মানো ময়্যেবাভিরতাঃ সদা।
উপাসতে চ মামেব জ্যোতির্ভূতা নিরাময়াঃ॥ 13-43-20 (82616)
তৈর্হি তত্রৈব বস্তব্যং নীরাগাদিভিরচ্যুতৈঃ।
নিরাহারা হ্যনিষ্পন্দাশ্চন্দ্রাংশুসদৃশপ্রভাঃ॥ 13-43-21 (82617)
নির্মলা নিরহঙ্কারা নিরালম্বা নিরাশিষঃ।
মদ্ভক্তাঃ সততং তেবৈ ভক্তাংস্তানপি চাপ্যহম্॥ 13-43-22 (82618)
চতুর্ধাঽহং বিভক্তাত্মা চরামি জগতো হিতঃ।
লোকানাং ধারণার্থায় বিধানং বিদধামি চ॥ 13-43-23 (82619)
যথাবত্তদশেষেণ শ্রোতুমর্হতি মে ভবান্॥ 13-43-24 (82620)
একা মূর্তির্নির্গুণাখ্যা যোগং পরমমাস্থিতা।
দ্বিতীয়া সৃজতে তাত ভূতগ্রামং চরাচরম্॥ 13-43-25 (82621)
সৃষ্টং সংহরতে চৈকা জগৎস্থাবরজঙ্গমম্।
জ্ঞাতাত্মনিষ্ঠা ক্ষপয়ন্মোহয়ন্তীব মায়যা।
ক্ষপয়ন্তী মোহয়তি আত্মনিষ্ঠা স্বমায়যা॥ 13-43-26 (82622)
চতুর্থী মে মহামূর্তির্জগদ্বৃদ্ধিং দদাতি সা।
রক্ষতে চাপি নিয়তা সোহমস্মি নভশ্বরঃ॥ 13-43-27 (82623)
ময়া সর্বমিদং ব্যাপ্তং ময়ি সর্বং প্রতিষ্ঠিতম্।
অহং সর্বজগদ্বীজং সর্বত্রগতিরব্যযঃ॥ 13-43-28 (82624)
যানি তান্যগ্নিহোত্রাণি যে চ চন্দ্রাংশুরাশয়ঃ।
গৃণন্তি বেদং সততং তেষ্বগ্নিষু বিহঙ্গম॥ 13-43-29 (82625)
ক্রমেণ মাং সমায়ান্তি সুখিনো জ্ঞানসংয়ুতাঃ।
তেষামহং তপো দীপ্তং তেজঃ সম্যক্সমাহিতম্।
নিত্যং তে ময়ি বর্তন্তে তেষু চাহমতন্দ্রিতঃ॥ 13-43-30 (82626)
সর্বতো মুক্তসঙ্গেন ময়্যনন্যসমাধিনা।
শক্যঃ সমাসাদয়িতুমহং বৈ জ্ঞানচক্ষুষা॥ 13-43-31 (82627)
মাং স্থূলদর্শনং বিদ্ধি জগতঃ কার্যকারণম্।
মত্তশ্চ সম্প্রসূতান্বৈ বিদ্ধি লোকান্সদৈবতান্॥ 13-43-32 (82628)
ময়া চাপি চতুর্ধাত্মা বিভক্তঃ প্রাণিষু স্যিথঃ।
আত্মভূতো বাসুদেবো হ্যনিরুদ্ধো মতৌ স্যিতঃ॥ 13-43-33 (82629)
সঙ্কর্ষণোঽহঙ্কারে চ প্রদ্যুম্নো মনসি স্যিতঃ।
অন্যথা চ চতুর্দা যৎসম্যক্ৎবং শ্রোতুমর্হসি॥ 13-43-34 (82630)
যত্তৎপদ্মমভূৎপূর্বং তত্র ব্রহ্মা ব্যজায়ত।
ব্রাহ্মণশ্চাপি সম্ভূতঃ শিব ইত্যবধার্যতাম্॥ 13-43-35 (82631)
শিবাৎস্কন্দঃ সংবভূব এতৎসৃষ্টিচতুষ্টয়ম্।
দৈত্যদানবদর্পঘ্নমেবং মাং বিদ্ধি নিত্যশঃ॥ 13-43-36 (82632)
দৈত্যদানবরক্ষোভির্যদা ধর্মঃ প্রপীড্যতে।
তদাঽহং ধর্মবৃদ্ধ্যর্থং মূর্তিমান্ভবিতাঽঽশুগ॥ 13-43-37 (82633)
বেদব্রতপরা যে তু ধীরা নিশ্চিতবুদ্ধ্যঃ।
যোগিনো যোগয়ুক্তাশ্চ তে মাং পশ্যন্তি নান্যথা॥ 13-43-38 (82634)
পঞ্চভিঃ সম্প্রয়ুক্তোঽহং বিপ্রয়ুক্তশ্চ পঞ্চভিঃ।
বর্তমানশ্চ তেষ্বেবং নিবৃত্তশ্চৈব তেষ্বহম্॥ 13-43-39 (82635)
যে বিদুর্জাতসঙ্কল্পাস্তে মাং পশ্যন্তি তাদৃশাঃ॥ 13-43-40 (82636)
স্বং বায়ুরাপো জ্যোতিশ্চ পৃথিবী চেতি পঞ্চমম্।
তদাত্মকোঽস্মি বিজ্ঞেয়ো ন চান্যোস্মীতি নিশ্চিতম্। 13-43-41 (82637)
বর্তমানমতীতং চ পঞ্চবর্গেষু নিশ্চলম্।
শব্দস্পর্শেষু রূপেষু রসগন্ধেষু চাপ্যহম্॥ 13-43-42 (82638)
রজস্তমোভ্যামাবিষ্টা যেষাং বুদ্ধিরনিশ্চিতা।
তে ন পশ্যন্তি মে তৎবং তপসা মহতা হ্যপি॥ 13-43-43 (82639)
নোপবাসৈর্ন নিয়মৈর্ন ব্রতৈর্বিবিধৈরপি।
দ্রষ্টুং বা বেদিতুং বাঽপি ন শক্যা পরমা গতিঃ॥ 13-43-44 (82640)
মহামোহার্থপঙ্কে তু নিমগ্রানাং গতির্হরিঃ।
একান্তিনো ধ্যানপরা যতিভাবাদ্ব্রজন্তি মাম্॥ 13-43-45 (82641)
সৎবয়ুক্তা মতির্যেষাং কেবলাঽঽত্মবিনিশ্চিতা।
তে পশ্যন্তি স্বমাত্মানং পরমাত্মানমব্যযম্॥ 13-43-46 (82642)
অহিংসা সর্বভূতেষু তেষ্ববস্তিতমার্জবম্।
তেষ্বেব চ সমাধায় সম্যগেতি চ মামজম্॥ 13-43-47 (82643)
যদেতৎপরমং গুহ্যমাখ্যানং পরমাদ্ভুতম্।
যত্তেন তদশেষেণ যথাবচ্ছ্রোতুমর্হসি॥ 13-43-48 (82644)
যে ৎবগ্নিহোত্রনিয়তা জপয়জ্ঞপরায়ণাঃ।
তে মামুপাসতে শশ্বদ্যাংস্তাংস্ৎবং দৃষ্টবানসি॥ 13-43-49 (82645)
শাস্ত্রদৃষ্টবিধানজ্ঞা অসক্তাঃ ক্বচিদন্যথা।
শক্যোঽহং বেদিতুং তৈস্তু যন্মে পরমমব্যযম্॥ 13-43-50 (82646)
যে তু সাংখ্যং চ যোগং চ জ্ঞাৎবাঽপ্যধৃতনিশ্চয়াঃ।
ন তে গচ্ছন্তি কুশলাঃ পরাং গতিমনুত্তমাম্॥ 13-43-51 (82647)
তস্মাজ্জ্ঞানেন শুদ্ধেন প্রসন্নাত্মাঽঽন্মবিচ্ছুচিঃ।
আসাদয়তি তদ্ব্রহ্ম যত্র গৎবা ন শোচতি॥ 13-43-52 (82648)
শুদ্ধাভিজনসম্পন্নাঃ শ্রদ্ধায়ুক্তেন চেতসা।
মদ্ভক্ত্যা চ দ্বিজশ্রেষ্ঠা গচ্ছন্তি পরমাং গতিং॥ 13-43-53 (82649)
যদ্গহ্যং পরমং বুদ্ধেরলিঙ্গগ্রহণং চ যৎ।
তৎসূক্ষ্মং গৃহ্যতে বিপ্রৈর্যতিভিস্তত্ৎবদর্শিভিঃ॥ 13-43-54 (82650)
ন বায়ুঃ পবতে তত্র ন তস্মিঞ্জ্যোতিষাং গতিঃ।
ন চাপঃ পৃথিবী চৈব নাকাশং ন মনোগতিঃ॥ 13-43-55 (82651)
তস্মাচ্চৈতানি সর্বাণি প্রজায়ন্তে বিহঙ্গম।
সর্বেভ্যশ্চ স তেভ্যশ্চ প্রভবত্যমলো বিভুঃ॥ 13-43-56 (82652)
স্থূলদর্শনমেতন্মে যদ্দৃষ্টং ভবতাঽনঘ।
এতৎসূক্ষ্মস্য তদ্দ্বারং কার্যাণাং কারণং ৎবহম্॥ 13-43-57 (82653)
দৃষ্টো বৈ ভবতা তস্মাৎসরস্যমিতবিক্রম।
ব্রহ্মণো যদহোরাত্রসঙ্খ্যাভিজ্ঞৈর্বিভাব্যতে॥ 13-43-58 (82654)
এষ কালস্ৎবয়া তত্র সরস্যহমুপাগতঃ।
মাং যজ্ঞমাহুর্যজ্ঞজ্ঞা বেদং বেদবিদো জনাঃ।
মুনয়শ্চাপি মামেব জপয়জ্ঞং প্রচক্ষতে॥ 13-43-59 (82655)
বক্তা মন্তা রসয়িতা ঘ্রাতা দ্রষ্টা প্রদর্শকঃ।
বোদ্ধা বোধয়িতা চাহং গন্তা শ্রোতা চিদাত্মকঃ॥ 13-43-60 (82656)
মামিষ্ট্বা স্বর্গমায়ান্তি তথা চাপ্নুবতে মহৎ।
জ্ঞাৎবা মামেব চৈবান্তে নিঃসঙ্গেনান্তরাত্মনা॥ 13-43-61 (82657)
অহং তেজো দ্বিজাতীনাং মম তেজো দ্বিজাতয়ঃ।
মম যস্তেজসো দেহঃ সোগ্নিরিত্যবগম্যতাম্॥ 13-43-62 (82658)
প্রাণপালঃ শরীরেঽহং যোগিনামহমীশ্বরঃ।
সাংখ্যানামিদমেবাগ্রে ময়ি সর্বমিদং জগৎ॥ 13-43-63 (82659)
ধর্মমর্তং চ কামং চ মোক্ষং চৈবার্জবং জপম্।
তমঃ সৎবং রজশ্চৈব কর্মজং চ ভবাপ্যযম্॥ 13-43-64 (82660)
স তদাঽহং তথারূপস্ৎবয়া দৃষ্টঃ সনাতনঃ।
ততস্ৎবহং পরতরঃ শক্যঃ কালেন বেদিতুম্॥ 13-43-65 (82661)
মম যৎপরমং গুহ্যং শাশ্বতং ধ্রুবমব্যযম্।
তদেবং পরমো গুহ্যো দেবো নারায়ণো হরিঃ।
ন তচ্ছক্যং ভুজঙ্গারে বেত্তুমভ্যুদয়ান্বিতৈঃ॥ 13-43-66 (82662)
নিরারম্ভনমস্কারা নিরাশীর্বন্ধনাস্তথা।
গচ্ছন্তি তং মহাত্মানঃ পরং ব্রহ্ম সনাতনম্॥ 13-43-67 (82663)
স্থূলোঽহমেবং বিহগ ৎবয়া দৃষ্টস্তথাঽনঘ।
এতচ্চাপি ন বেত্ত্যন্যস্ৎবামৃতে পন্নগাশন॥ 13-43-68 (82664)
মা মতিস্তব গান্নাশমেষা গতিরনুত্তমা।
মদ্ভক্তো ভব নিত্যং ৎবং ততো বেৎস্যসি মে পদম্॥ 13-43-69 (82665)
এতত্তে সর্বমাখ্যাতং রহস্যং দিব্যমানুষম্।
এতচ্ছ্রেয়ঃ পরং চৈতৎপন্থানং বিদ্ধি মোক্ষিণাম্॥ 13-43-70 (82666)
এবমুক্ৎবা স ভগবাংস্তত্রৈবান্তরধীয়ত।
পশ্যতো মে মহায়োগী জগামাত্মগতির্গতিম্॥ 13-43-71 (82667)
এতদেবংবিধং তস্য মহিমানং মহাত্মনঃ।
অচ্যুতস্যাপ্রমেয়স্য দৃষ্টবানস্মি যৎপুরা॥ 13-43-72 (82668)
এতদ্বঃ সর্বমাখ্যাতং চেষ্টিতং তস্য ধীমতঃ।
ময়াঽনুভূতং প্রত্যক্ষং দৃষ্ট্বা চাদ্ভুতকর্মণঃ॥' ॥ 13-43-73 (82669)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিচৎবারিংশোঽধ্যায়ঃ॥ 43 ॥
অনুশাসনপর্ব - অধ্যায় 044
॥ শ্রীঃ ॥
13.44. অধ্যায়ঃ 044
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রহ্মণা দেবান্প্রত্যনূদিতসুপর্ণোপাখ্যানকথনসমাপনম্॥ 1 ॥Mahabharata - Anushaasana Parva - Chapter Text
name="anuzAsana-13-44-1x">ঋষয় ঊচুঃ।
অহো শ্রাবিতমাখ্যানং ভবতাঽত্যদ্ভুতং মহৎ।
পুণ্যং যশস্যমায়ুষ্যং স্বর্গ্যং স্বস্ত্যযনং মহৎ॥ 13-44-1 (82670)
এতৎপবিত্রং দেবানামেতদ্গুহ্যং পরংতপ।
এতজ্জ্ঞানবতা জ্ঞেয়মেষা গতিরনুত্তমা॥ 13-44-2 (82671)
য ইমাং শ্রাবয়েদ্বিদ্বান্কথাং পর্বসুপর্বসু
স লোকান্প্রাপ্নুয়াৎপুণ্যান্দেবর্ষিভিরভিষ্টুতান্॥ 13-44-3 (82672)
শ্রাদ্ধকালে চ বিপ্রাণাং য ইমাং শ্রাবয়েচ্ছুচিঃ।
ন তত্র রক্ষসাং ভাগো নাসুরাণাং চ বিদ্যতে॥ 13-44-4 (82673)
অনসূয়ুর্জিতক্রোধঃ সর্বসৎবহিতে রতঃ।
যঃ পঠেৎসততং যুক্তঃ স ব্রজেত্তৎসলোকতাম্॥ 13-44-5 (82674)
বেদান্পারয়তে বিপ্রো রাজা বিজয়বান্ভবেৎ।
বৈশ্যস্তু ধনধান্যাঢ্যঃ শূদ্রঃ সুখমবাপ্নুয়াৎ॥ 13-44-6 (82675)
ভীষ্ম উবাচ। 13-44-7x (6844)
ততস্তে মুনয়ঃ সর্বে সম্পূজ্য বিনতাসুতম্।
স্বানেব চাশ্রমাঞ্জগ্মুর্বভূবুঃ শান্তিতৎপরাঃ॥ 13-44-7 (82676)
স্থূলদর্শিভিরাকৃষ্টো দুর্জ্ঞেয়ো হ্যকৃতাত্মভিঃ।
এষা ধুতির্মহারাজ ধর্ম্যা ধর্মভৃতাংবর॥ 13-44-8 (82677)
সুরাণাং ব্রহ্মণা প্রোক্তা বিস্মিতানাং পরংতপ।
ময়াপ্যেষা কথা তাত কথিতা মাতুরন্তিকে।
বসুভিঃ সত্ৎবসম্পন্নৈস্তবাপ্যেষা ময়োচ্যতে॥ 13-44-9 (82678)
তদগ্নিহোত্রপরমা জপয়জ্ঞপরায়ণাঃ।
নিরাশীর্বন্ধনাঃ সন্তঃ প্রয়ান্ত্যক্ষরসাত্মতাং॥ 13-44-10 (82679)
আরম্ভয়জ্ঞানুৎসৃজ্য জপহোমপরায়ণাঃ।
ধ্যায়ন্তো মনসা বিষ্ণুং গচ্ছন্তি পরমাং গতিম্॥ 13-44-11 (82680)
তদেষ পরমো মোক্ষো মোক্ষদ্বারং চ ভারত।
যথা বিনিশ্চিতাত্মানো গচ্ছন্তি পরমাং গতিম্॥ ॥ 13-44-12 (82681)
ইতি শ্রীমন্মহাভারতে অনুশাসনপর্বণি দানধর্মপর্বণি চতুশ্চৎবারিংশোঽধ্যায়ঃ॥ 44 ॥
অনুশাসনপর্ব - অধ্যায় 045
॥ শ্রীঃ ॥
13.45. অধ্যায়ঃ 045
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মনিয়োগাৎকৃষ্ণেন যুধিষ্ঠিরম্প্রতি মহাদেবমহিমকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
পিতামহ মহেশায় নামান্যাচক্ষ্ব শম্ভবে।
বিদুষে বিশ্বমায়ায় মহাভাগ্যং চ তৎবতঃ॥ 13-45-1 (82682)
ভীষ্ম উবাচ। 13-45-2x (6845)
সুরাসুরগুরো দেব বিষ্ণো ৎবং বক্তুমর্হসি।
শিবায় শিবরূপায় যন্মাঽপৃচ্ছদ্যুধিষ্ঠিরঃ॥ 13-45-2 (82683)
নাম্নাং সহস্রং দেবস্য তণ্ডিনা ব্রহ্মবাদিনা।
নিবেদিতং ব্রহ্মলোকে ব্রহ্মণো যৎপুরাঽভবৎ॥ 13-45-3 (82684)
দ্বৈপায়নপ্রভৃতয়স্তথা চেমে তপোধনাঃ।
ঋষয়ঃ সুব্রতা দান্তাঃ শৃণ্বন্তু গদতস্তব॥ 13-45-4 (82685)
ধ্রুবায় নন্দিনে হোত্রে গোপ্ত্রে বিশ্বসৃজেঽগ্নয়ে।
মহাভাগ্যং বিভোর্ব্রূহি মুণ্ডিনেঽথ কপর্দিনে॥ 13-45-5 (82686)
বাসুদেব উবাচ। 13-45-6x (6846)
ন গতিঃ কর্মণাং শক্যা বেত্তুমীশস্য তত্ৎবতঃ।
হিরণ্যগর্ভপ্রমুখা দেবাঃ সেন্দ্রা মহর্ষয়ঃ॥ 13-45-6 (82687)
ন বিদুর্যস্য নিধনমাদিং বা সূক্ষ্মদর্শিনঃ।
স কথং নামমাত্রেণ শক্যো জ্ঞাতুং সতাং গতিঃ॥ 13-45-7 (82688)
তস্যাহমসুরঘ্নস্য কাংশ্চিদ্ভগবতো গুণান্।
ভবতাং কীর্তয়িষ্যামি ব্রতেশায় যথাতথম্॥ 13-45-8 (82689)
বৈশম্পায়ন উবাচ। 13-45-9x (6847)
এবমুক্ৎবা তু ভগবান্গুণাংস্তস্য মহাত্মনঃ।
উপস্পৃশ্য শুচির্ভূৎবা কথয়ামাস ধীমতঃ॥ 13-45-9 (82690)
বাসুদেব উবাচ। 13-45-10x (6848)
শুশ্রূষধ্বং ব্রাহ্মণেন্দ্রাস্ৎবং চ তাত যুধিষ্ঠির।
ৎবং চাপগেয় নামানি নিশাময় জগৎপতেঃ॥ 13-45-10 (82691)
যদবাপ্তং চ মে পূর্বং সাম্বহেতোঃ সুদুষ্করম্।
যথাবদ্ভগবান্দৃষ্টো ময়া পূর্বং সমাধিনা॥ 13-45-11 (82692)
শম্বরে নিহতে পূর্বং রৌক্মিণেয়েন ধীমতা।
অতীতে দ্বাদশে বর্ষে জাম্ববত্যব্রবীদ্ধি মাম্॥ 13-45-12 (82693)
প্রদ্যুম্নচারুদেষ্ণাদীন্রুক্মিণ্যা বীক্ষ্য পুত্রকান্।
পুত্রার্থিনী মামুপেত্য বাক্যমাহ যুধিষ্ঠির॥ 13-45-13 (82694)
শূরং বলবতাং শ্রেষ্ঠং কান্তরূপমকল্মষম্।
আত্মতুল্যং মম সুতং প্রয়চ্ছাচ্যুত মাচিরম্॥ 13-45-14 (82695)
ন হি তেঽপ্রাপ্যমস্তীহ ত্রিষু লোকেষু কিঞ্চন।
লোকান্সৃজেস্ৎবমপরানিচ্ছন্যদুকুলোদ্বহ॥ 13-45-15 (82696)
ৎবয়া দ্বাদশবর্ষাণি ব্রতীভূতেন শুষ্যতা।
আরাধ্য পশুভর্তারং রুক্মিণ্যাং জনিতাঃ সুতাঃ॥ 13-45-16 (82697)
চারুদেষ্ণঃ সুচারুশ্চ চারুবেশো যশোধরঃ।
চারুশ্রবাশ্চারুয়শাঃ প্রদ্যুম্নঃ সম্ভুরেব চ॥ 13-45-17 (82698)
যথা তে জনিতাঃ পুত্রা রুক্মিণ্যাং চারুবিক্রমাঃ।
তথা মমাপি তনয়ং প্রয়চ্ছ মধুসূদন॥ 13-45-18 (82699)
ইত্যেবং চোদিতো দেব্যা তামবোচং সুমধ্যমাম্।
অনুজানীহি মাং রাজ্ঞি করিষ্যে বচনং তব॥ 13-45-19 (82700)
সা চ মামব্রবীদ্গচ্ছ শিবায় বিজয়ায় চ।
ব্রহ্মা শিবঃ কাশ্যপশ্চ নদ্যো দেবা মনোঽনুগাঃ। 13-45-20 (82701)
ক্ষেত্রৌষধ্যো যজ্ঞবাহাশ্ছন্দাস্যৃষিগণাধ্বরাঃ।
সমুদ্রা দক্ষিণা স্তোভা ঋক্ষাণি পিতরো গ্রহাঃ॥ 13-45-21 (82702)
দেবপত্ন্যো দেবকন্যা দেবমাতর এব চ।
মন্বন্তরাণি গাবশ্চ চন্দ্রমাঃ সবিতা হরিঃ॥ 13-45-22 (82703)
সাবিত্রী ব্রহ্মবিদ্যা চ ঋতবো বৎসরাস্তথা।
ক্ষণা লবা মুহূর্তাশ্চ নিমেষা যুগপর্যযাঃ॥ 13-45-23 (82704)
রক্ষন্তু সর্বত্র গতং ৎবাং যাদব সুখায় চ।
অরিষ্টং গচ্ছ পন্থানমপ্রমত্তো ভবানঘ॥ 13-45-24 (82705)
এবং কৃতস্বস্ত্যযনস্তয়াঽহং
ততোঽভ্যনুজ্ঞায় নরেন্দ্রপুত্রীম্।
পিতুঃ সমীপং নরসত্তমস্য
মাতুশ্চ রাজ্ঞশ্চ তথাঽঽহুকস্য॥ 13-45-25 (82706)
গৎবা সমাবেদ্য যদব্রবীন্মাং
বিদ্যাধরেন্দ্রস্য সুতা ভৃশর্তা।
তানভ্যনুজ্ঞায় তদাঽতিদুঃখা-
দ্গদং তথৈবাতিবলং চ রামম্।
অথোচতুঃ প্রীতিয়ুতৌ তদানীং
ততঃসমৃদ্ধির্ভবতোঽস্ৎববিঘ্নম্॥ 13-45-26 (82707)
প্রাপ্যানুজ্ঞাং গুরুজনাদহং তার্ক্ষ্যমচিন্তয়ম্।
সোবহদ্ধিমবন্তং মাং প্রাপ্য চৈনং ব্যসর্জয়ম্॥ 13-45-27 (82708)
তত্রাহমদ্বুতান্ভাবানপশ্যং গিরিসত্তমে।
ক্ষেত্রং চ তপসাং শ্রেষ্ঠং পশ্যাম্যদ্ভুতমুত্তমম্॥ 13-45-28 (82709)
দিব্যং বৈয়াঘ্রপদ্যস্য উপমন্যোর্মহাত্মনঃ।
পূজিতং দেবগন্ধর্বৈর্ব্রাহ্ময়া লক্ষ্ম্যা সমাবৃতম্॥ 13-45-29 (82710)
ধবককুভকদম্বনারিকেলৈঃ
কুরবককেতকজম্বুপাটলাভিঃ।
বটবরুণকবৎসনাভবিল্বৈঃ
সরলকপিত্থপ্রিয়ালসালতালৈঃ॥ 13-45-30 (82711)
বদরীকুন্দপুন্নাগরৈশোকাম্রাতিমুক্তকৈঃ।
মধূকৈঃ কোবিদারৈশ্চ চম্পকৈঃ পনসৈস্তথা॥ 13-45-31 (82712)
বন্যৈর্বহুবিধৈর্বৃক্ষৈঃ ফলপুষ্পপ্রদৈর্যুতম্।
পুষ্পগুল্মলতাকীর্ণং কদলীষণ্ডশোভিতম্॥ 13-45-32 (82713)
নানাশকুনিসম্ভোজ্যৈঃ ফলৈর্বৃক্ষৈরলঙ্কৃতম্।
যথাস্থানবিনিক্ষিপ্তৈর্ভূষিতং ভস্মরাশিভিঃ॥ 13-45-33 (82714)
রুরুবানরশার্দূলসিংহদ্বীপিসমাকুলম্।
কুরঙ্গবর্হিণাকীর্ণং মার্জারভুজগাবৃতম্।
পূগৈশ্চ মৃগজাতীনাং মহিষর্ক্ষনিষেবিতম্॥ 13-45-34 (82715)
সকৃৎপ্রভিন্নৈশ্চ গজৈর্বিভূষিতং
প্রহৃষ্টনানাবিধপক্ষিসেবিতম্।
সুপুষ্পিতৈরম্বুধরপ্রকাশৈ-
র্মহীরুহাণাং চ বনৈর্বিচিত্রৈঃ॥ 13-45-35 (82716)
নানাপুষ্পরজোমিশ্রো গজদানাধইবাসিতঃ।
দিব্যস্ত্রীগীতবহুলো মারুতোঽভিমুখো ববৌ 13-45-36 (82717)
ধারানিনাদৈর্বিহগপ্রাণাদৈঃ
শুভৈস্তথা বৃংহিতৈঃ কুঞ্জরাণাম্।
গীতৈস্তথা কিন্নরাণামুদারৈঃ
শুভৈঃ স্বনৈঃ সামগানাং চ বীর॥ 13-45-37 (82718)
অচিন্ত্যং মনসাঽপ্যন্যৈঃ সরোভিঃ সমলঙ্কৃতম্।
বিশালৈশ্চাগ্নিশরণৈর্ভূষিতং কুসুমাবৃতৈঃ॥ 13-45-38 (82719)
বিভূষিতং পুণ্যযবিত্রতোয়যা
সদা চ জুষ্টং নৃপ জহ্নুকন্যযা।
বিভূষিতং ধর্মভৃতাং বরিষ্ঠৈ-
র্মহাত্মভির্বহ্নিসমানকল্পৈঃ॥ 13-45-39 (82720)
বায়্বাহারৈরম্বুপৈর্জপ্যনিত্যৈঃ
সম্প্রক্ষালৈর্যোগিভির্ধ্যাননিত্যৈঃ।
ধূমপ্রাশৈরূষ্মপৈঃ ক্ষীরপৈশ্চ
সংজুষ্টং চ ব্রাহ্মণেন্দ্রৈঃ সমন্তাৎ॥ 13-45-40 (82721)
গোচারিণোঽর্থাশ্মকুট্টা দন্তোলূখলিকাস্তথা।
মরীচিপাঃ ফেনপাশ্চ তথৈব মৃগচারিণঃ॥ 13-45-41 (82722)
অশ্বত্থফলভক্ষাশ্চ তথা হ্যুদকশায়িনঃ।
চীচচর্মাম্বরধরাস্তথা বল্কলধারিণঃ॥ 13-45-42 (82723)
সুদুঃখান্নিয়মাংস্তাংস্তান্বহতঃ সুতপোধনান্।
পশ্যন্মুনীন্বহুবিধানপ্রবেষ্টুমুপচক্রমে॥ 13-45-43 (82724)
সূপূজিতং দেবগণৈর্মহাত্মভিঃ
শিবাদিভির্ভারতপুণ্যকর্মভিঃ।
ররাজ তচ্চাশ্রমমণ্ডলং সদা
দিবীব রাজঞ্শশিমণ্ডলং যথা॥ 13-45-44 (82725)
ক্রীডন্তি সর্পৈর্নকুলা মৃগৈর্ব্যাঘ্রাশ্চ মিত্রবৎ।
প্রভাবাদ্দীপ্ততপসাং সন্নিকর্ষান্মহাত্মনাম্॥ 13-45-45 (82726)
তত্রাশ্রমপদে শ্রেষ্ঠে সর্বভূতমনোরম।
সেবিতে দ্বিজশার্দূলৈর্বেদবেদাঙ্গপারগৈঃ॥ 13-45-46 (82727)
নানানিয়মবিখ্যাতৈর্ঋষিভি সুমহান্মভিঃ।
প্রবিশন্নেব চাপশ্যং জটাচীরধরং প্রভুম্॥ 13-45-47 (82728)
তেজসা তপসা চৈব দীপ্যমানং যথাঽনলম্।
শিষ্যৈরনুগতং শান্তং যুবানং ব্রাহ্মণর্বভম্॥ 13-45-48 (82729)
শিরসা বন্দমানং মামুপমন্যুরভাষত॥ 13-45-49 (82730)
স্বাগতং পুণ্ডরীকাক্ষ সফলানি তপাংসি নঃ।
যঃ পূজ্যঃ পূজয়সি মাং দ্রষ্টব্যো দ্রষ্টুমিচ্ছসি॥ 13-45-50 (82731)
`মনুষ্যতানুবৃত্ত্যা ৎবা জ্ঞাৎবা তিষ্ঠাম সর্বগম্।'
তমহং প্রাঞ্জলির্ভূৎবা মৃগপক্ষিষ্বথাগ্নিষু।
ধর্মে চ শিষ্যবর্গে চ সমপৃচ্ছমনাময়ম্॥ 13-45-51 (82732)
ততো মাং ভগবানাহ সাম্না পরমবল্গুনা।
লপ্স্যসে তনয়ং কৃষ্ণি আত্মতুল্যমসংশয়ম্॥ 13-45-52 (82733)
তপঃ সুমহদাস্থায় তোষয়েশানমীশ্বরম্।
ইহ দেবঃ সপত্নীকঃ সমাক্রীডত্যধোক্ষজ॥ 13-45-53 (82734)
ইহৈনং দৈবতশ্রেষ্ঠং দেবাঃ সর্ষিগণাঃ পুরা।
তপসা ব্রহ্মচর্যেণ সত্যেন চ দমেন চ॥ 13-45-54 (82735)
তোষয়িৎবা শুভান্কামান্প্রাপ্তবন্তো জনার্দন।
তেজসাং সপসাং চৈব নিধিঃ স ভগবানিহ॥ 13-45-55 (82736)
শুভাশুভান্বিতান্ভাবান্বিসৃজন্স ক্ষিপন্নপি।
আস্তে দেব্যা সহাচিন্ত্যো যং প্রার্থয়সি শত্রুহন্॥ 13-45-56 (82737)
হিরণ্যকশিপুর্যোঽভূদ্দানবো মেরুকম্পনঃ।
তেন সর্বামরৈশ্বর্যং শর্বাৎপ্রাপ্তং সমার্বুদম্॥ 13-45-57 (82738)
তস্যৈব পুত্রপ্রবরো দমনো নাম বিশ্রুতঃ।
মহাদেববরাচ্ছক্রং বর্ষার্বুদময়োধয়ম্॥ 13-45-58 (82739)
বিষ্ণোশ্চক্রং চ তদ্ধোরং বজ্রমাখণ্ডলস্য চ।
শীর্ণং পুরাঽভবত্তাত গ্রহস্যাঙ্গেষু কেশব॥ 13-45-59 (82740)
[যত্তদ্ভগবতা পূর্বং দত্তং চক্রং তবানঘ।
জলান্তরচরং হৎবা দৈত্যং চ বলগর্বিতম্॥ 13-45-60 (82741)
উৎপাদিতং বৃষাঙ্কেন দীপ্তজ্বলনসন্নিভম্।
দত্তং ভগবতা তুভ্যং দুর্ধষং তেজসাঽদ্ভুতম্॥ 13-45-61 (82742)
ন শক্যং দ্রষ্টুমন্যেন বর্জয়িৎবা পিনাকিনম্।
সুদর্শনং ভবত্যেবং ভবেনোক্তং তদা তু তৎ॥ 13-45-62 (82743)
সুদর্শনং তদা তস্য লোকে নাম প্রতিষ্ঠিতম্।
তজ্জীর্ণমভাবত্তাত গ্রহস্যাঙ্গেষু কেশব। 13-45-63 (82744)
গ্রহস্যাতিবলস্যাঙ্গে বরদত্তস্য ধীমতঃ।
ন শস্ত্রাণি বহন্ত্যঙ্গে চক্রবজ্রশতান্যপি॥] 13-45-64 (82745)
অর্দ্যমানাশ্চ বিবুধা গ্রহেণি সুবলীয়সা।
শিবদত্তবরাঞ্জঘ্নুরসুরেন্দ্রান্সুরা ভৃশম্॥ 13-45-65 (82746)
তৃষ্টো বিদ্যুৎপ্রভস্যাপি ত্রিলোকেশ্বরতাং দদৌ।
শতং বর্ষসহস্রাণাং সর্বলোকেশ্বরোঽভবৎ॥ 13-45-66 (82747)
মমৈবানুচরো নিত্যং ভবিতাসীতি চাব্রবীৎ।
তথা পুত্রসহস্রাণাময়ুতং চ দদৌ প্রভুঃ॥ 13-45-67 (82748)
কুশদ্বীপং চ স দদৌ রাজ্যেন ভগবানজঃ।
[তথা শতমুখো নাম ধাত্রা সৃষ্টো মহাসুরঃ। 13-45-68 (82749)
যেন বর্ষশতং সাগ্রমাত্মমাংসৈর্হুতোঽনলঃ।
তং প্রাহ ভববাংস্তুষ্টঃ কিংকরোমীতি শংকরঃ॥ 13-45-69 (82750)
তং বৈ শতমুখঃ প্রাহ যোগো ভবতু মেঽদ্ভুতঃ।
বলং চ দৈবতশ্রেষ্ঠ শাশ্বতং সম্প্রয়চ্ছ মে॥ 13-45-70 (82751)
তথেতি ভগবানাহ তস্য তদ্বচনং প্রভুঃ।
স্বায়ংভুবঃ ক্রতুশ্চাপি পুত্রার্থমভবৎপুরা॥ 13-45-71 (82752)
আবিশ্য যোগেনাত্মানং ত্রীণি বর্ষশতান্যপি।
তস্য চোপদদৌ পুত্রান্সহস্রং ক্রতুসম্মিতান্।]
যোগেশ্বরং দেবগীতং বেত্থ কৃষ্ণ ন সংশয়ঃ॥ 13-45-72 (82753)
যাজ্ঞবল্ক্য ইতি খ্যাত ঋষিঃ পরমধার্মিকঃ।
আরাধ্য স মহাদেবং প্রাপ্তবানতুলং যশঃ॥ 13-45-73 (82754)
বেদব্যাসশ্চ যোগাত্মা পরাশরসুতো মুনিঃ।
সোঽপি শংকরমারাধ্য প্রাপ্তবানতুলং যশঃ॥ 13-45-74 (82755)
বালখিল্যা মঘবতা হ্যবজ্ঞাতাঃ পুরা কিল।
তৈঃ ক্রুদ্ধৈর্ভগবান্রুদ্রস্তপসা তোষিতো হ্যভূৎ॥ 13-45-75 (82756)
তাংশ্চাপি দৈবতশ্রেষ্ঠঃ প্রাহ প্রীতো জগৎপতিঃ।
সুপর্ণং সোমহর্তারং তপসোৎপাদয়িষ্যথ॥ 13-45-76 (82757)
মহাদেবস্য রোষাচ্চ আপো নষ্টাঃ পুরাঽভবন্।
তাশ্চ সপ্তকপালেন দেবৈরন্যাঃ প্রবর্তিতাঃ॥ 13-45-77 (82758)
ততঃ পানীয়মভবৎপ্রসন্নে ত্র্যম্বকে ভুবি।
অত্রিভার্যা সুতং দত্তং সোমং দুর্বাসসং প্রভো॥ 13-45-78 (82759)
অত্রের্ভার্যাঽপি ভর্তারং সংত্যজ্য ব্রহ্মবাদিনী।
নাহং তব মুনে ভূয়ো বশগা স্যাং কথঞ্চন॥ 13-45-79 (82760)
ইত্যুক্ৎবা সা মহাদেবমগমচ্ছরণং কিল।
নিরাহাস ভয়াদত্রেস্ত্রীণি বর্ষশতান্যপি॥ 13-45-80 (82761)
অশেত মুসলেষ্বেব প্রসাদার্থং ভবস্য সা।
তামব্রবীদ্ধসন্দেবো ভবিতা বৈ সুতস্তব॥ 13-45-81 (82762)
বিনা ভর্ত্রা চরুদ্রেণ ভবিষ্যতি ন সংশয়ঃ।
বংশে তবৈব নাম্না তু খ্যাতিং যাস্যতি চেপ্সিতাম্॥ 13-45-82 (82763)
বিকর্ণশ্চ মহাদেবং তথা ভক্তসুখাবহম্।
প্রসাদ্য ভগবান্সিদ্ধিং প্রাপ্তবান্মধুসূদন॥ 13-45-83 (82764)
শাকল্যঃ সংশিতাত্মা বৈ নববর্ষশতান্যপি।
আরাধয়ামাস ভবং মনোয়জ্ঞেন কেশব॥ 13-45-84 (82765)
তং চাহ ভগবাংস্তুষ্টো গ্রন্থকারো ভবিষ্যসি।
বৎসাক্ষয়া চ তে কীতিস্ত্রেলোক্যে বৈ ভবিষ্যতি॥ 13-45-85 (82766)
অক্ষয়ং চ কুলং তেঽস্তু মহর্ষিভিরলংকৃতম্।
ভবিষ্যতি দ্বিজশ্রেষ্ঠঃ সূত্রকর্তা সুতস্তব॥ 13-45-86 (82767)
সাবর্ণিশ্চাপি বিখ্যাত ঋষিরাসীৎকৃতে যুগে।
ইহ তেন তপস্তপ্তং ষষ্টিবর্ষশতান্যথ॥ 13-45-87 (82768)
তমাহ ভগবান্রুদ্রঃ সাক্ষাত্তুষ্টোস্মি তেঽনঘ।
গ্রন্থকৃল্লোকবিখ্যাতো ভবিতাস্যজরামরঃ॥ 13-45-88 (82769)
শক্রেণি তু পুরা দেবো বারাণস্যাং জনার্দন।
আরাধিতোঽভূদ্ভক্তেন দিগ্বাসা ভস্মগুষ্ঠিতঃ॥
আরাধ্য স মহাদেবং দেবরাজ্যমবাপ্তবান্॥ 13-45-89 (82770)
নারদেন তু ভক্ত্যাঽসৌ ভব আরাধিতঃ পুরা।
তস্য তুষ্টো মহাদেবো জগৌ দেবগুরুর্গুরুঃ॥ 13-45-90 (82771)
তেজসা তপসা কীর্ত্যা ৎবৎসমো ন ভবিষ্যতি।
গীতেন বাদিতব্যেন নিত্যং মামনুয়াস্যসি॥ 13-45-91 (82772)
`বাণঃ স্কন্দসমৎবং চ কামো দর্পবিমোক্ষণম্।
লবণোঽবধ্যতামন্যৈর্দশাস্যশ্চ পুনর্বলম্।
অন্তকোঽন্তমনুপ্রাপ্তস্তস্মাৎকোঽন্যঃ পরঃ প্রভুঃ॥ 13-45-92 (82773)
ময়াঽপি চ যথা দৃষ্টো দেবদেবঃ পুরা বিভো।
সাক্ষাৎপশুপতিস্তাত তচ্চাপি শৃণু মাধব॥ 13-45-93 (82774)
যদর্থং চ ময়া দেবঃ প্রয়তেন তথা বিভো।
আরাধিতো মহাতেজাস্তচ্চাপি শৃণু বিস্তরাৎ॥ 13-45-94 (82775)
যদবাপ্তং চ মে পূর্বং দেবদেবান্মহেশ্বরাৎ।
তৎসর্বং নিখিলেনাদ্য কথয়িষ্যামি তেঽনঘ 13-45-95 (82776)
পুরা কৃতয়ুগে তাত ঋষিরাসীন্মহায়শাঃ।
ব্যাঘ্রপাদ ইতি খ্যাতো বেদবেদাঙ্গপারগঃ।
তস্যাহমভবং পুত্রো ধৌম্যশ্চাপি মমানুজঃ॥ 13-45-96 (82777)
কস্যচিত্ত্থ কালস্য ধৌম্যেন সহ মাধব।
আগচ্ছমাশ্রমং ক্রীডন্মুনীনাং ভাবিতাত্মনাম্॥ 13-45-97 (82778)
তত্রাপি চ ময়া দৃষ্টা দুহ্যমানা পয়স্বিনী।
লক্ষিতং চ ময়া ক্ষীরং স্বাদুতো হ্যমৃতোপমম্॥ 13-45-98 (82779)
তদাপ্রভৃতি চৈবাহমরুদং মধুসূদন।
দীয়তাং দীয়তাং ক্ষীরং মম মাতরিতীরিতা॥ 13-45-99 (82780)
অভাবাচ্চৈব দুগ্ধস্য দুঃখিতা জননী তদা॥ 13-45-100 (82781)
ততঃ পিষ্টং সমালোড্য তোয়েন সহ মাধব।
আবয়োঃ ক্ষীরমিত্যেব পানার্থং সমুপানয়ৎ॥ 13-45-101 (82782)
অথ গব্যং পয়স্তাত কদাচিৎপ্রাশিতং ময়া। 13-45-102 (82783)
পিত্রাঽহং যজ্ঞকালে হি নীতো জ্ঞাতিকুলং মহৎ।
তত্র সা ক্ষরতে দেবী দিব্যা গৌঃ সুরনন্দিনী॥ 13-45-103 (82784)
যস্তাহং তৎপয়ঃ পীৎবা রসেন হ্যমৃতোপমম্।
জ্ঞাৎবা ক্ষীরগুণাংশ্চৈব উপলভ্য হি সম্ভবম্।
স চ পিষ্টরসস্তাত ন মে প্রীতিমুপাবহৎ॥ 13-45-104 (82785)
ততোঽহমব্রুবং বাল্যাজ্জননীমাত্মনস্তদা।
নেদং ক্ষীরোদনং মাতর্যত্ৎবং মে দত্তবত্যসি॥ 13-45-105 (82786)
ততো মামব্রবীন্মাতা দুঃখশোকসমন্বিতা।
পুত্রস্নেহাৎপরিষ্বজ্য মূর্ধ্নি চাঘ্রায় মাধব॥ 13-45-106 (82787)
কুতঃ ক্ষীরোদনং বৎস মুনীনাং ভাবিতাত্মনম্।
বনে নিবসতাং নিত্যং কন্দমূলফলাশিনাম্॥ 13-45-107 (82788)
আস্থিতানাং নদীং দিব্যাং বালখিল্যৈর্নিষেবিতাম্
কুত ক্ষীরং বনস্থানাং মুনীনাং গিরিবাসিনাম্॥ 13-45-108 (82789)
পাবনানাং বনাশানাং বনাশ্রমনিবাসিনাম্।
গ্রাম্যাহারনিবৃত্তানামারণ্যফলভোজিনাম্।
নাস্তি পুত্র পয়োঽরণ্যে সুরভীগোত্রবর্জিতে॥ 13-45-109 (82790)
নদীগহ্বরশৈলেষু তীর্থেষু বিবিধেষু চ।
তপসা জপ্যনিত্যানাং শিবো নঃ পরমা গতিঃ॥ 13-45-110 (82791)
অপ্রসাদ্য বিরূপাক্ষং বরদং স্থাণুমব্যযম্।
কুতঃ ক্ষীরোদনং বৎস সুখানি বসনানি চ॥ 13-45-111 (82792)
তং প্রপদ্য সদা বৎস সর্বভাবেন শঙ্করম্।
তৎপ্রসাদাচ্চ কামেভ্যঃ ফলং প্রাপ্স্যসি পুত্রক॥ 13-45-112 (82793)
জনন্যাস্তদ্বচঃ শ্রুৎবা তদাপ্রভৃতি শত্রুহন্।
[প্রাঞ্জলিঃ প্রণতো ভূৎবা ইদমম্বামবোচয়ং॥ 13-45-113 (82794)
কোঽয়মম্ব মহাদেবঃ স কথং চ প্রসীদতি।
কুত্র বা বসতে দেবো দ্রষ্টব্যো বা কথঞ্চন॥ 13-45-114 (82795)
তুষ্যতে বা কথং শর্বো রূপং তস্য চ কীদৃশম্।
কথং জ্ঞেয়ঃ প্রসন্নো বা দর্শয়েজ্জননী মম॥ 13-45-115 (82796)
এবমুক্তা তদা কৃষ্ণ মাতা মে সুতবৎসলা।
মূর্ঘন্যাধ্রায় গোবিন্দ সবাষ্পাকুললোচনা॥ 13-45-116 (82797)
প্রমার্জন্তী চ গাত্রাণি মম বৈ মধুসূদন॥
দৈন্যমালম্ব্য জননী ইদমাহ সুরোত্তম॥ 13-45-117 (82798)
দুর্বিজ্ঞেয়ো মহাদেবো দুরাধারো দুরন্তকঃ।
দুরাবাধশ্চ দুর্গ্রাহ্যো দুর্দ্দশ্যো হ্যকৃতাত্মভিঃ॥ 13-45-118 (82799)
যস্য রূপাণ্যনেকানি প্রবদন্তি মনীষিণঃ।
স্থানানি চ বিচিত্রাণি প্রাসাদাশ্চাপ্যনেকশঃ॥ 13-45-119 (82800)
কো হি তত্ৎবেন তদ্বেদ ঈশস্য চরিতং শুভম্।
কৃতবান্যানি রূপাণি দেবদেবঃ পুরা কিল।
ক্রীডতে চ তথা শর্বঃ প্রসীদতি যথাচ বৈ॥ 13-45-120 (82801)
হৃদিস্থঃ সর্বভূতানাং বিশ্বরূপো মহেশ্বরঃ।
ভক্তানামনুকম্পার্থং দর্শনং চ যথাশ্রুতম্।
মুনীনাং ব্রুবতাং দিব্যমীশানচরিতং শুভম্॥ 13-45-121 (82802)
কৃতবান্যানি রূপাণি কথিতানি দিবৌকসৈঃ।
অনুগ্রহার্থং বিপ্রাণাং শৃণু বৎস সমাসতঃ॥ 13-45-122 (82803)
তানি তে কীর্তয়িষ্যামি যন্মাং ৎবং পরিপৃচ্ছসি॥ 13-45-123 (82804)
ব্রহ্মবিষ্ণুসুরেন্দ্রাণাং রুদ্রাদিত্যাশ্বিনামপি।
বিশ্বেষামপি দেবানাং বপুর্ধারয়তে ভবঃ॥ 13-45-124 (82805)
নরাণাং দেবনারীণাং তথা প্রেতপিশাচয়োঃ।
কিরাতশবরাণাং চ জলজানামনেকশঃ॥ 13-45-125 (82806)
করোতি ভগবান্রূপমাটব্যশবরাণ্যপি।
কূর্মো মৎস্যস্তথা শঙ্খঃ প্রবালাঙ্কুরভূষণঃ॥ 13-45-126 (82807)
যক্ষরাক্ষসসর্পাণাং দৈত্যদানবয়োরপি।
বপুর্ধারয়তে দেবো ভূয়শ্চ বিলবাসিনাম্॥ 13-45-127 (82808)
ব্যাঘ্রসিংহমৃগাণাং চ তরক্ষ্বৃক্ষপতত্ত্রিণাম্।
উলূকশ্বশৃগালানাং রূপাণি কুরুতেঽপি চ॥ 13-45-128 (82809)
হংসকাকময়ূরাণাং কৃকলাসকসারসাম্।
রূপাণি চ বলাকানাং গৃধ্রচক্রাঙ্গয়োরপি॥ 13-45-129 (82810)
করোতি বা স রূপাণি ধারয়ত্যপি পর্বতম্।
গোরূপং চ মহাদেবো হস্ত্যশ্বোষ্ট্রখরাকৃতিঃ॥ 13-45-130 (82811)
ছাগশার্দূলরূপশ্চ অনেকমৃগরূপধৃক্।
অণ্ডজানাং চ দিব্যানাং বপুর্ধারয়তে ভবঃ॥ 13-45-131 (82812)
দণ্ডী ছত্রী চ কুণ্ডী চ দ্বিজানাং বারণস্তথা।
ষণ্মুখো বৈ বহুমুখস্ত্রিনেত্রো বহুশীর্ষকঃ॥ 13-45-132 (82813)
অনেককটিপাদশ্চ অনেকোদরবক্ত্রধৃৎ।
অনেকপাণিপার্শ্বশ্চ অনেকগপসংবৃতঃ॥ 13-45-133 (82814)
ঋষিগন্ধর্বরূপশ্চ সিদ্ধচারণরূপধৃৎ।
ভস্পপাণ্ডুরগাত্রশ্চ চন্দ্রার্ধকৃতভূষণঃ॥ 13-45-134 (82815)
অনেকরাবসংঘুষ্টশ্চানেকস্তুতিসংস্কৃতঃ।
সর্বভূতান্তকঃ সর্বঃ সর্বলোকপ্রতিষ্ঠিতঃ॥ 13-45-135 (82816)
সর্বলোকান্তরাত্মা চ সর্বগঃ সর্ববাদ্যপি।
সর্বত্র ভগবান্জ্ঞেয়ো হৃদিস্থঃ সর্বদেহিনাম্॥ 13-45-136 (82817)
যো হি যং কাময়েৎকামং যস্মিন্নর্থঽর্চ্যতে পুনঃ।
তৎসর্বং বেত্তি দেবেশস্তং প্রপদ্য যদীচ্ছসি॥ 13-45-137 (82818)
নন্দতে কুপ্যতে চাপি তথা হুংকারয়ত্যপি।
চক্রী শূলী গদাপাণির্মুসলী খড্গপট্টসী॥ 13-45-138 (82819)
ভূধরো নাগমৌঞ্জী চ নাগকুণ্ডলকুণ্ডলী।
নাগয়জ্ঞোপবীতী য নাগচর্মোত্তরচ্ছদঃ॥ 13-45-139 (82820)
হসতে গায়তে চৈব নৃত্যতে চ মনোহরম্।
বাদয়ত্যপি বাদ্যানি বিচিত্রাণি গণৈর্যুতঃ॥ 13-45-140 (82821)
বল্গতে জৃম্বতে চৈব রুদতে রোদয়ত্যপি।
উন্মত্তমত্তরূপং চ ভাষতে চাপি সুস্বরঃ॥ 13-45-141 (82822)
অতীব হসতে রৌদ্রস্ত্রাসয়ন্নয়নৈর্জনম্।
জাগর্তি চৈব স্বপিতি জৃম্ভতে চ যথাসুবম্॥ 13-45-142 (82823)
জপতে জপ্যতে চৈব তপতে তপ্যতে পুনঃ।
দদাতি প্রতিগৃহ্ণাতি যুঞ্জতে ধ্যায়তেঽপি চ॥ 13-45-143 (82824)
বেদীমধ্যে তথা যূপে গোষ্ঠমধ্যে হুতাশনে।
দৃশ্যতে দৃশ্যতে চাপি বালো বৃদ্ধো যুবা তথা॥ 13-45-144 (82825)
ক্রীডতে ঋষিকন্যাভির্ঋষিপত্নীভিরেব চ।
ঊর্ধ্বকেশো মহাশেফো নগ্নো বিকৃতলোচনঃ॥ 13-45-145 (82826)
গৌরঃ শ্যামস্তথা কৃষ্ণঃ পাণ্ডুরো ধূমলোহিতঃ।
বিকৃতাক্ষো বিশালাক্ষো দিগ্বাসাঃ সর্ববাসকঃ॥ 13-45-146 (82827)
অরূপস্যাদ্যরূপস্য অতিরূপাদ্যরূপিণঃ।
অনাদ্যন্তমজস্যান্তং বেৎস্যতে কোস্য তত্ৎবতঃ॥ 13-45-147 (82828)
হৃদি প্রাণো মনো জীবো যোগাত্মা যোগসংজ্ঞিতঃ।
ধ্যানং তৎপরমাত্মা চ ভাবগ্রাহ্যো মহেশ্বরঃ॥ 13-45-148 (82829)
বাদকো গায়নশ্চৈব সহস্রশতলোচনঃ।
একবক্ত্রো দ্বিবক্ত্রশ্চ ত্রিবক্ত্রোঽনেকবক্ত্রকঃ॥ 13-45-149 (82830)
তদ্ভক্তস্তদ্গতো নিত্যং তন্নিষ্ঠস্তৎপরায়ণঃ।
ভজ পুত্র মহাদেবং ততঃ প্রাপ্স্যসি চেপ্সিতং॥ 13-45-150 (82831)
জনন্যাস্তদ্বচঃ শ্রুৎবা তদাপ্রভৃতি শত্রুহন্।]
মম ভক্তির্মহাদেবে নৈষ্ঠিকী সমপদ্যত॥ 13-45-151 (82832)
ততোঽহং তপ আস্থায় তোপয়ামাস শংকরম্।
দিব্যং বর্ষসহস্রং তু বামাঙ্গুষ্ঠাগ্রবিষ্ঠিতঃ॥ 13-45-152 (82833)
একং বর্ষশতং চৈব ফলাহারস্ততোঽভবম্।
দ্বিতীয়ং শীর্ণপর্ণাশী তৃতীয়ং চাম্বুভোজনঃ॥ 13-45-153 (82834)
শতানি সপ্ত চৈবাহং বায়ুভক্ষস্তদাঽভবম্।
একং বর্ষসহস্রং তু দিব্যমারাধিতো ময়া॥ 13-45-154 (82835)
ততস্তুষ্টো মহাদেবঃ সর্বলোকেশ্বরঃ প্রভুঃ।
একভক্ত ইতি জ্ঞাৎবা জিজ্ঞাসাং কুরুতে তদা॥ 13-45-155 (82836)
শক্ররূপং স কৃৎবা তু সর্বৈর্দেবগণৈর্বৃতঃ।
সহস্রাক্ষস্তদা ভূৎবা বজ্রপাণির্মহায়শাঃ॥ 13-45-156 (82837)
সুধাবদাতং রক্তাক্ষং স্তব্ধকর্ণং মদোৎকটম্।
আবেষ্টতকরং ঘোরং চতুর্দষ্ট্রং মহাগজম্॥ 13-45-157 (82838)
সমাস্থিতঃ স ভগবান্দীপ্যমানঃ স্বতেজসা।
আজগাম কিরীটী তু হারকেয়ূরভূষিতঃ॥ 13-45-158 (82839)
পাণ্ডুরেণাতপত্রেণ ধ্রিয়মাণেন মূর্ধনি।
সেব্যভানোপ্সরোভিশ্চ দিব্যগন্ধর্বনাদিতৈঃ॥ 13-45-159 (82840)
ততো মামাহ দেবেন্দ্রস্তুষ্টস্তেঽহং দ্বিজোত্তম।
বরং বৃণীষ্ব মত্তস্ৎবং যত্তে মনসি বর্ততে॥ 13-45-160 (82841)
শক্রস্য তু বচঃ শ্রুৎবা নাহং প্রীতমনাঽভবম্।
অব্রবং চ তদা কৃষ্ণ দেবরাজমিদং বচঃ॥ 13-45-161 (82842)
নাহং ৎবত্তো বরং কাঙ্ক্ষে নান্যস্মাদপি দৈবতাৎ।
মহাদেবাদৃতে সৌম্য সত্যমেতদ্ব্রবীমি তে॥ 13-45-162 (82843)
সত্যংসত্যং হি নঃ শক্র বাক্যমেতৎসুনিশ্চিতম্।
ন যন্মিহেশ্বরং মুক্ৎবা কথাঽন্যা মম রোচতে॥ 13-45-163 (82844)
পশুপতিবচনাদ্ভবামি সদ্যঃ
কৃমিরথবা তরুরপ্যনেকশাখঃ।
অপশুপতিবরপ্রসাদজা মে
ত্রিভুবনরাজ্যবিভূতিরপ্যনিষ্টা॥ 13-45-164 (82845)
[জন্মশ্বপাকমধ্যেঽ-
পি মেঽস্তু হরচরণবন্দনরতস্য।
মা বাঽনীশ্বরভক্তো
ভবানি ভবনেঽপি শক্রস্য॥ 13-45-165 (82846)
বায়্বম্বুভুজোঽপি সতো।
নরস্য দুঃখক্ষয়ঃ কুতস্তস্য।
ভবতি হি সুরাসুরগুরৌ
যস্য ন বিশ্বেশ্বরে ভক্তিঃ॥ 13-45-166 (82847)
অলমন্যাভিস্তেষাং
কথাভিরপ্যন্যধর্ময়ুক্তাভিঃ।
যেষাং ন ক্ষণমপি রুচিতো
হরচরণস্মরণবিচ্ছেদঃ॥ 13-45-167 (82848)
হরচরণনিরতমতিনা
ভবিতব্যমনার্জবং যুগং প্রাপ্য।
সংসারভয়ং ন ভবতি
হরভক্তিরসায়নং পীৎবা॥ 13-45-168 (82849)
দিবসং দিবসার্ধং বা মুহূর্তং বা ক্ষণং লবম্।
ন হ্যলব্ধপ্রসাদস্য ভক্তির্ভবতি শঙ্করে॥] 13-45-169 (82850)
অপি কীটঃ পতঙ্গো বা ভবেয়ং শঙ্করাজ্ঞয়া।
ন তু শক্র ৎবয়া দত্তং ত্রৈলোক্যমপি কাময়ে॥ 13-45-170 (82851)
[শ্বাঽপি মহেশ্বরবচনা-
দ্ভবামি স হি নঃ পরঃ কামঃ।
ত্রিদশগণরাজ্যমপি খলু
নেচ্ছাম্যমহেশ্বরাজ্ঞপ্তম্॥ 13-45-171 (82852)
ন নাকপৃষ্ঠং ন চ দেবরাজ্যং
ন ব্রহ্মলোকং ন চ নিষ্কলৎবম্।
ন সর্বকামানখিলান্বৃণোমি
হরস্য দাসৎবমহং বৃণোমি॥] 13-45-172 (82853)
যাবচ্ছশাঙ্কধবলামলবদ্ধমৌলি-
র্ন প্রীয়তে পশুপতির্ভগবান্মমেশঃ।
তাবজ্জরামরণজন্মশতাভিঘাতৈ-
র্দুঃখানি দেহবিহিতানি সমুদ্বহামি॥ 13-45-173 (82854)
দিবসকরশশাঙ্কবহ্নিদীপ্তং
ত্রিভুবনসারমসারমাদ্যমেকম্।
অজরমমরমপ্রসাদ্য রুদ্রং
জগতি পুমানিহ কো লভেত শান্তিং॥ 13-45-174 (82855)
`ধিক্তেষাং ধিক্তেষাং
পুনরপি চ ধিগস্তু ধিক্তেষাম্।
যেষাং ন বসতি হৃদয়ে
কুপথগতিবিমোক্ষকো রুদ্রঃ'॥ 13-45-175 (82856)
যদি নাম জন্ম ভূয়ো
ভবতি মদীয়ৈঃ পুনর্দোষৈঃ।
তস্মিংস্তস্মিঞ্জন্মনি
ভবে ভবেন্মেঽক্ষয়া ভক্তিঃ॥ 13-45-176 (82857)
শক্র উবাচ। 13-45-177x (6849)
কঃ পুনর্ভবনে হেতুরীশে কারণকারণে।
যেন শর্বাদৃতেঽন্যস্মাৎপ্রসাদং নাভিকাঙ্ক্ষসি॥ 13-45-177 (82858)
[উপমন্যুরুবাচ। 13-45-178x (6850)
সদসদ্ব্যক্তমব্যক্তং যমাহুর্ব্রহ্মবাদিনঃ।
নিত্যমেকমনেকং চ বরং তস্মাদ্বৃণীমহে॥ 13-45-178 (82859)
অনাদিমধ্যপর্যন্তং জ্ঞানৈশ্বর্যমচিন্তিতম্।
আত্মানং পরমং যস্মাদ্বরং তস্মাদ্বৃণীমহে॥ 13-45-179 (82860)
ঐশ্বর্যং সকলং যস্মাদনুৎপাদিতমব্যযম্।
অবীজাদ্বীজসম্ভূতং বরং তস্মাদ্বৃণীমহে॥ 13-45-180 (82861)
তমসঃ পরমং জ্যোতিস্তপস্তদ্বৃত্তিনাং পরম্।
যং জ্ঞাৎবা নানুশোচন্তি বরং তস্মাদ্বৃণীমহে॥ 13-45-181 (82862)
ভূতভাবনভাবজ্ঞং সর্বভূতাভিভাবনম্।
সর্বগং সর্বদং দেবং পূজয়ামি পুরংদর॥ 13-45-182 (82863)
হেতুবাদৈর্বিনির্মুক্তং সাঙ্খ্যযোগার্থদং পরম্।
যমুপাসন্তি তত্ৎবজ্ঞা বরং তস্মাদ্বৃণীমহে॥ 13-45-183 (82864)
মঘবন্মঘবাত্মানং যং বদন্তি সুরেশ্বরম্।
সর্বভূতগুরুং দেবং বরং তস্মাদ্বৃণীমহে॥ 13-45-184 (82865)
যৎপূর্বমসৃজদ্দেবং ব্রহ্মাণং লোকভাবনম্।
অণ্ডমাকাশমাপূর্য বরং তস্মাদ্বৃণীমহে॥ 13-45-185 (82866)
অগ্নিরাপোঽনিলঃ পৃথ্বী খং বুদ্ধিশ্চ মনো মহান্।
স্রষ্টা চৈষাং ভবেদ্যোঽন্যো ব্রূহি কঃ পরমেশ্বরাৎ॥ 13-45-186 (82867)
মনো মতিরহঙ্কারস্তন্মাত্রাণীন্দ্রিয়াণি চ।
ব্রূহি চৈষাং ভবেচ্ছক্র কোঽন্যোস্তি পরমং শিবাৎ॥ 13-45-187 (82868)
স্রষ্টারং ভুবনস্যেহ বদন্তীহ পিতামহম্।
আরাধ্য স তু দেবেশমশ্নুতে মহতীং ক্ষিয়ম্॥ 13-45-188 (82869)
ভগবত্যুত্তমৈশ্বর্যং ব্রহ্মবিষ্ণুপুরোগমম্।
বিদ্যতে বৈ মহাদেবাদ্ব্রূহি কঃ পরমেশ্বরাৎ॥ 13-45-189 (82870)
দৈত্যদানবমুখ্যানামাধিপত্যারিমর্দনাৎ।
কোঽন্যঃ শক্রোতি দেবেশাদ্দিতেঃ সম্পাদিতুং সুতান্॥ 13-45-190 (82871)
দিক্কালসূর্যতেজাংসি গ্রহবায়্বিন্দুতারকাঃ।
বিদ্ধি ৎবেতে মহাদেবাদ্ব্রূহি কঃ পরমেশ্বরাৎ॥ 13-45-191 (82872)
অথোৎপত্তিবিনাশে বা যজ্ঞস্য ত্রিপুরস্য বা।
দৈত্যদানবমুখ্যানামাধিপত্যারিমর্দনঃ॥ 13-45-192 (82873)
কিং চাত্র বহুভিঃ সূক্তৈর্হেতুবাদৈঃ পুরংদর।
সহস্রনয়নং দৃষ্ট্বা ৎবামেব সুরসত্তম॥ 13-45-193 (82874)
পূজিতং সিদ্ধগন্ধর্বৈর্দেবৈশ্চ ঋষিভিস্তথা।
দেবদেবপ্রসাদেন তৎসর্বং কুশিকোত্তম॥ 13-45-194 (82875)
অব্যক্তমুক্তকেশায় সর্বগস্যেদমাত্মকম্।
চেতনাচেতনাদ্যেষু শক্র বিদ্ধি মহেশ্বরাৎ॥ 13-45-195 (82876)
ভুবাদ্যেষু মহান্তেষু লোকালোকান্তরেষু চ।
দ্বীপস্থানেষু মেরোশ্চ বিভবেষ্বন্তরেষু চ। 13-45-196 (82877)
ভগবন্মঘবন্দেবং বদন্তে তত্ৎবদর্শিনঃ॥
যদি দেবাঃ সুরাঃ শক্র পশ্যন্ত্যন্যাং ভবাকৃতিম্। 13-45-197 (82878)
কিং ন গচ্ছন্তি শরণং মর্দিতাশ্চাসুরৈঃ সুরাঃ॥
অভিঘাতেষু দেবানাং সয়ক্ষোরগরক্ষসাম্। 13-45-198 (82879)
পরস্পরবিনাশীষু স্বস্থানৈশ্বর্যদো ভবঃ॥
অন্ধকস্যাথ শুক্রস্য দুন্দুভের্মহিষস্য চ।
যক্ষেন্দ্রবলরক্ষঃসু নিবাতকবচেষু চ।
বরদানাবঘাতায় ব্রূহি কোঽন্যো মহেশ্বরাৎ॥ 13-45-199 (82880)
সুরাসুরগুরোর্বক্ত্রে কস্য রেতঃ পুরা হুতম্।
কস্য বাঽন্যস্য রেতস্তদ্যেন হৈমো গিরিঃ কৃতঃ॥ 13-45-200 (82881)
দিগ্বাসাঃ কীর্ত্যতে কোঽন্যো লোকে কশ্চোর্ধ্বরেতসঃ।
কস্য চার্ধে স্থিতা কান্তা অনঙ্গঃ কেন নির্জিতঃ॥ 13-45-201 (82882)
ব্রূহীন্দ্র পরমং স্থানং কস্য দেবৈঃ প্রশস্যতে।
শ্মশানে কস্য ক্রীডার্থং নৃত্তে বা কোঽভিভাষ্যতে॥ 13-45-202 (82883)
কস্যৈশ্বর্যং সমানং চ ভূতৈঃ কো বাঽপি ক্রীডতে।
কস্য তুল্যবলা দেবগণাশ্চৈশ্বর্যদর্পিতাঃ॥ 13-45-203 (82884)
ঘুষ্যতে হ্যচলং স্থানং কস্য ত্রৈলোক্যপূজিতম্।
বর্ষতে তপতে কোঽন্যো জ্বলতে তেজসা চ কঃ॥ 13-45-204 (82885)
কস্মাদোষধিসম্পত্তিঃ কো বা ধারয়তে বসু।
প্রকামং ক্রীডতে কো বা ত্রৈলোক্যে সচরাচরে॥ 13-45-205 (82886)
জ্ঞানসিদ্ধিক্রিয়ায়োগৈঃ সেব্যমানশ্চ যোগিভিঃ।
ঋষিগন্ধর্বসিদ্ধৈশ্চ বিহিতং কারণং পরম্॥ 13-45-206 (82887)
কর্ময়জ্ঞক্রিয়ায়োগৈঃ সেব্যমানঃ সুরাসুরৈঃ।
নিত্যং কর্মফলৈর্হীনং তমহং কারণং বদে॥ 13-45-207 (82888)
স্থূলং সূক্ষ্মমনৌপম্যমগ্রাহ্যং গুণগোচরম্।
গুণহীনং গুণাধ্যক্ষং পরং মাহেশ্বরং পদম্॥ 13-45-208 (82889)
বিশ্বেশং কারণগুরুং লোককালোকান্তকারণম্।
ভূতাভূতভবিষ্যচ্চ জনকং সর্বকারণম্। 13-45-209 (82890)
অক্ষরাক্ষরমব্যক্তং বিদ্যাবিদ্যে কৃতাকৃতে।
ধর্মাধর্মৌ যতঃ শক্র তমহং কারণং ব্রুবে॥ 13-45-210 (82891)
প্রত্যক্ষমিহ দেবেন্দ্র পশ্য লিঙ্গং ভগাঙ্কিতম্।
দেবদেবেন রুদ্রেণ সৃষ্টিসংহারহেতুনা॥ 13-45-211 (82892)
মাত্রা পূর্বং মমাখ্যাতং কারণং লোকলক্ষণম্।
নাস্তি চেশাৎপরং শক্র তং প্রপদ্য যদীচ্ছসি॥ 13-45-212 (82893)
প্রত্যক্ষং ননু তে সুরেশ বিদিতং সংয়োগলিঙ্গোদ্ভবং
ত্রৈলোক্যং সবিকারনির্গুণগণং ব্রহ্মাদিরেতোদ্ভবম্।
যদ্ব্রহ্মেন্দ্রহুতাশবিষ্ণুসহিতা দেবাশ্চ দৈত্যেশ্বরা
নান্যৎকামসহস্রকল্পিতধিয়ঃ শংসন্তি ঈশাৎপরং॥ 13-45-213 (82894)
তং দেবং সচরাচরস্য জগতো ব্যাখ্যাতবেদ্যোত্তমং
কামার্থী বরয়ামি সংয়তমনা মোক্ষায় সদ্যঃ শিবম্
হেতুভির্বা কিমন্যৈস্তৈরীশঃ কারণকারণম্।
ন শুশ্রুম যদন্যস্য লিঙ্গমভ্যর্চিতং সুরৈঃ॥ 13-45-214 (82895)
কস্যান্যস্য সুরৈঃ সর্বৈর্লিঙ্গং মুক্ৎবা মহেশ্বরম্।
অর্চ্যতেঽর্চিতপূর্বং বা ব্রূহি যদ্যস্তি তে শ্রুতিঃ॥ 13-45-215 (82896)
যস্য ব্রহ্ম চ বিষ্ণুশ্চ ৎবং চাপি সহদৈবতৈঃ।
অর্চয়ধ্বং সদা লিঙ্গং তস্মাচ্ছ্রেষ্ঠতমো হি সঃ॥ 13-45-216 (82897)
ন পদ্মাঙ্গা ন চক্রাঙ্কা ন বজ্রাঙ্কা যতঃ প্রজাঃ।
লিঙ্গাঙ্কা চ ভগাঙ্কা চ তস্মান্মাহেশ্বরী প্রজা॥ 13-45-217 (82898)
দেব্যাঃকরণরূপভাবজনিতাঃসর্বাভগাঙ্কাঃ স্ত্রিয়ো
লিঙ্গেনাপি হরস্য সর্বপুরুষাঃ প্রত্যক্ষচিহ্নীকৃতাঃ।
যোঽন্যৎকারণমীশ্বরাৎপ্রবদতে দেব্যা চ যন্নাঙ্কিতং
ত্রৈলোক্যে সচরাচরে স তু পুমান্বাহ্যো ভবেদ্দুর্মতিঃ॥ 13-45-218 (82899)
পুল্লিঙ্গং সর্বমীশানং স্ত্রীলিঙ্গং বিদ্ধি চাপ্যমাম্।
দ্বাভ্যাং তনুভ্যাং ব্যাপ্তং হি চরাচরমিদং জগৎ॥] 13-45-219 (82900)
তস্মাদ্বরমহং কাঙ্ক্ষে নিধনং বাঽপি কৌশিক।
গচ্ছ বা তিষ্ঠ বা শক্র যথেষ্টং বলসূদন॥ 13-45-220 (82901)
কামমেষ বরো মেস্তু শাপো বাঽথ মহেশ্বরাৎ।
ন চান্যাং দেবতাং কাঙ্ক্ষে সর্বকামফলামপি॥ 13-45-221 (82902)
এবমুক্ৎবা তু দেবেন্দ্রং দুঃখাদাকুলিতেন্দ্রিয়ঃ।
ন প্রসীদতি মে দেবঃ কিমেতদিতি চিন্তয়ন্॥ 13-45-222 (82903)
অথাপশ্যং ক্ষণেনৈব তমেবৈরাবতং পুনঃ।
হংসকুন্দেন্দুসদৃশং মৃণালরজতপ্রভম্॥ 13-45-223 (82904)
বৃষরূপধরং সাক্ষাৎক্ষীরোদমিব সাগরম্।
কৃষ্ণপুচ্ছং মহাকায়ং মধুপিঙ্গললোচনম্॥ 13-45-224 (82905)
বজ্রসারময়ৈঃ শৃঙ্গৈর্নিষ্টপ্তকনকপ্রভৈঃ।
সুতীক্ষ্ণৈর্মৃদুরক্তাগ্রৈরুৎকিরন্তমিবাবনিম্॥ 13-45-225 (82906)
জাম্বূনদেন দাম্না চ সর্বতঃ সমলঙ্কৃতম্।
সুবক্ত্রখুরনাসং চ সুকর্ণং সুকটীতটম্।
সুপার্শ্বং বিপুলস্কন্ধং সুরূপং চারুদর্শনম্॥ 13-45-226 (82907)
ককুদং তস্য চাভাতি স্কন্ধমাপূর্য ধিষ্ঠিতম্।
তুষারগিরিকূটাভং সিতাভ্রশিখরোপমম্॥ 13-45-227 (82908)
তভাস্থিতশ্চ ভগবান্দেবদেবঃ সহোময়া।
অশোভত মহাদেবঃ পৌর্ণমাস্যামিবোডুরাট্॥ 13-45-228 (82909)
`কিরীটং চ জটাভারঃ সর্পাদ্যাভরণানি চ।
বজ্রাদিশূলমাতঙ্গগম্ভীরস্মিতমাগতম্॥' 13-45-229 (82910)
তস্য তেজোভবো বহ্নিঃ সমেঘঃ স্তনয়িত্নুমান্।
সহস্রমিব সূর্যাণাং সর্বমাপূর্য ধিষ্ঠিতঃ॥ 13-45-230 (82911)
ঈশ্বরঃ সুমহাতেজাঃ সংবর্তক ইবানলঃ।
যুগান্তে সর্বভূতানাং দিধক্ষুরিব চোদ্যতঃ॥ 13-45-231 (82912)
তেজসা তু তদা ব্যাপ্তং দুর্নিরীক্ষ্যং সমন্ততঃ।
পুনরুদ্বিগ্নহৃদয় কিমেতদিতি চিন্তয়ম্॥ 13-45-232 (82913)
মুহূর্তমিব তত্তেজো ব্যাপ্য সর্বা দিশো দশ।
প্রশান্তং চ ক্ষণেনৈব দেবদেবস্য মায়যা॥ 13-45-233 (82914)
অথাপশ্যং স্থিতং স্থাণুং ভগবন্তং মহেশ্বরম্।
`সৌরভেয়গতং সৌম্যং বিধূমমিব পাবকম্॥ 13-45-234 (82915)
প্রশান্তমনসং দেবং ত্রিনেত্রমপরাজিতম্।
সহিতং চারুসর্বাঙ্গ্যা পার্বত্যা পরমেশ্বরম্॥' 13-45-235 (82916)
নীলকণ্ঠং মহাত্মনমসক্তং তেজসাং নিধিম্।
অষ্টাদশভুজং স্থাণুং সর্বাভরণভূষিতম্॥ 13-45-236 (82917)
শুক্লাম্বরধরং দেবং শুক্লমাল্যানুলেপনম্।
শুক্লধ্বজমনাধৃষ্যং শুক্লয়জ্ঞোপবীতিনম্॥ 13-45-237 (82918)
গায়দ্ভির্নৃত্যমানৈশ্চ বাদয়দ্ভিশ্চ সর্বশঃ।
বৃতং পার্শ্বচরৈর্দিব্যৈরাত্মতুল্যপরাক্রমৈঃ॥ 13-45-238 (82919)
বালেন্দুমুকুটং পাণ্ডুং শরচ্চন্দ্রমিবোদিতম্।
ত্রিভির্নেত্রৈঃ কৃতোদ্যোতং ত্রিভিঃ সূর্যৈরিবোদিতৈঃ॥ 13-45-239 (82920)
`সর্ববিদ্যাধিপং দেবং শরচ্চন্দ্রসমপ্রভম্।
নয়নাহ্লাদসৌম্যোঽহমপশ্যং পরমেশ্বরম্॥' 13-45-240 (82921)
অশোভতাস্য দেবস্য মালা গাত্রে সিতপ্রভে।
জাতরূপময়ৈঃ পদ্মৈর্গ্রথিতা রত্নভূষিতা॥ 13-45-241 (82922)
মূর্তিমন্তি তথাঽস্ত্রাণি সর্বতেজোময়ানি চ।
ময়া দৃষ্টানি গোবিন্দ ভবস্যামিততেজসঃ॥ 13-45-242 (82923)
ইন্দ্রায়ুধসহস্রাভং ধনুস্তস্য মহাত্মনঃ।
পিনাকমিতি বিখ্যাতং স চ বৈ পন্নগো মহান্॥ 13-45-243 (82924)
সপ্তশীর্ষো মহাকায়স্তীক্ষ্ণদংষ্ট্রো বিষোল্বণঃ।
জ্যাবেষ্টিতমহাগ্রীবঃ স্থিতঃ পুরুষবিগ্রহঃ॥ 13-45-244 (82925)
শরশ্চ সূর্যসঙ্কাশো দৃষ্টঃ পাশুপতাহ্বয়ঃ।
`সহস্রভুজজিহ্বাস্যো ভীষণো নাগবিংগ্রহ॥ 13-45-245 (82926)
শঙ্খশূলাসিভিশ্চৈব পট্টসৈ রূপবান্স্থিতঃ।
যেন চ ত্রিপুরং দগ্ধং সর্বদেবময়ঃ ****** 13-45-246 (82927)
অদ্বিতীয়মনির্দেশ্যং সর্বভূতভয়াবহম্।
সস্ফুলিঙ্গং মহাকায়ং বিসৃজন্তমিবানলম্॥ 13-45-247 (82928)
একপাদং মহাদংষ্ট্রং সহস্রশিরসোদরম্।
সহস্রভুজজিহ্বাক্ষমুদ্গিরন্তমিবানলম্॥ 13-45-248 (82929)
ব্রাহ্মান্নারায়ণাচ্চৈন্দ্রাদাগ্নেয়াদপি বারুণাৎ।
যদ্বিশিষ্টং মহাবাহো সর্বশস্ত্রবিঘাতনম্॥ 13-45-249 (82930)
যেন তত্ত্রিপুরং দগ্ধ্বা ক্ষণাদ্ভস্মীকৃতং পুরা।
শরেণৈকেন গোবিন্দ মহাদেবেন লীলয়া॥ 13-45-250 (82931)
নির্দহেত চ যৎকৃৎস্নং ত্রৈলোক্যং সচরাচরম্।
মহেশ্বরভুজোৎসৃষ্টং নিমেষার্ধান্ন সংশয়ঃ॥ 13-45-251 (82932)
নাবধ্যো যস্য লোকেঽস্মিন্ব্রহ্মবিষ্ণুসুরেষ্বপি।
তদহং দৃষ্টবাংস্তত্র আশ্চর্যমিদমুত্তমম্॥ 13-45-252 (82933)
গুহ্যমস্ত্রবরং নান্যত্তত্তুল্যমধিকং হি বা।
যত্তচ্ছূলমিতি খ্যাতং সর্বলোকেষু শূলিনঃ 13-45-253 (82934)
দারয়েদ্দ্যাং মহী কৃৎস্নাং শোষয়েদ্বা মহোদধিম্।
সংহরেদ্বা জগৎকৃৎস্নং বিসৃষ্টং শূলপাণিনা॥ 13-45-254 (82935)
যৌবনাশ্বো হতো যেন মান্ধাতা সবলঃ পুরা।
চক্রবর্তী মহাতেজাস্ত্রিলোকবিজয়ী নৃপঃ॥ 13-45-255 (82936)
মহাবলো মহাবীর্যঃ শক্রতুল্যপরাক্রমঃ।
করস্থেনৈব গোবিন্দ লবণস্যেহ রক্ষসঃ॥ 13-45-256 (82937)
তচ্ছূলমতিতীক্ষ্ণাগ্রং সুভীমং রোমহর্ষণম্।
ত্রিশিখাং ভ্রুকুটিং কৃৎবা তর্জমানমিব স্থিতম্॥ 13-45-257 (82938)
বিধূমং সার্চিষং কৃষ্ণং কালসূর্যমিবোদিতম্।
সর্পহস্তমনির্দেশ্যং পাশহস্তামিবান্তকম্॥ 13-45-258 (82939)
দৃষ্টবানস্মি গোবিন্দ তদস্ত্রং রুদ্রসন্নিধৌ।
পরশুস্তীক্ষ্ণধারশ্চ দত্তো রামস্য যঃ পুরাঃ॥ 13-45-259 (82940)
মহাদেবেন তুষ্টেন দত্তং ভৃগুসুতায় চ।
কার্তবীর্যো হতো যেন চক্রবর্তী মহামৃধে॥ 13-45-260 (82941)
ত্রিঃসপ্তকৃৎবঃ পৃথিবী যেন নিঃক্ষত্রিয়া কৃতা।
জামদগ্ন্যেন গোবিন্দ রামেণাক্লিষ্টকর্মণা॥ 13-45-261 (82942)
দীপ্তধারঃ সুরৌদ্রাস্যঃ সর্পকণ্ঠাগ্রধিষ্ঠিতঃ॥
অভবচ্ছূলিনোঽভ্যাশে দীপ্তবহ্নিশতোপমঃ। 13-45-262 (82943)
অসঙ্খ্যেয়ানি চাস্ত্রাণি তস্য দিব্যানি ধীমতঃ।
প্রাধান্যতো ময়ৈতানি কীর্তিতানি তবানঘ॥ 13-45-263 (82944)
সব্যদেশে তু দেবস্য ব্রহ্মা লোকপিতামহঃ।
দিব্যং বিমানমাস্থায় হংসয়ুক্তং মনোজবম্॥ 13-45-264 (82945)
বামপার্শ্বগতশ্চাপি তথা নারায়ণঃ স্থিতঃ।
বৈনতেয়ং সমারুহ্য শঙ্খচক্রগদাধরঃ॥ 13-45-265 (82946)
স্কন্দো ময়ূরমাস্থায় স্থিতো দেব্যাঃ সমীপতঃ।
শক্তিঘণ্টে সমাদায় দ্বিতীয় ইব পাবকঃ॥ 13-45-266 (82947)
পুরস্তাচ্চৈব দেবস্য নন্দিং পশ্যাম্যবস্থিতম্।
শূলং বিষ্টভ্য তিষ্ঠন্তং দ্বিতীয়মিব শঙ্করম্॥ 13-45-267 (82948)
স্বায়ংভুবাদ্যা মনবো ভৃগ্বাদ্যা ঋষয়স্তথা।
শক্রাদ্যা দেবতাশ্চৈব সর্ব এব সমভ্যযুঃ॥ 13-45-268 (82949)
সর্বভূতগণাশ্চৈব মাতরো বিবিধাঃ স্থিতাঃ।
তেঽভিবাদ্য মহাত্মানং পরিবার্য সমন্ততঃ॥ 13-45-269 (82950)
অস্তুবন্বিবিধৈঃ সতোত্রৈর্মহাদেবং সুরাস্তদা।
`জগন্মূর্তি মহালিঙ্গং তন্মধ্যে স্ফূতরূপিণম্॥ 13-45-270 (82951)
ব্রহ্মা ভবং তদাঽস্তৌবীদ্রথন্তরমুদীরয়ন্।
জ্যেষ্ঠসাম্না চ দেবেশং জগৌ নারায়ণস্তদা॥ 13-45-271 (82952)
গৃণন্ব্রহ্ম পরং শক্রঃ শতরুদ্রিয়মুত্তমম্।
ব্রহ্মা নারায়ণশ্চৈব দেবরাজশ্চ কৌশিকঃ।
অশোভন্ত মহাত্মানস্ত্রয়স্ত্রয় ইবাগ্নয়ঃ॥ 13-45-272 (82953)
তেষাং মধ্যগতো দেবো ররাজ ভগবাঞ্ছিবঃ।
শরদভ্রবিনির্মুক্তঃ পরিধিস্থ ইবাংশুমান্॥ 13-45-273 (82954)
অয়ুতানি চ চন্দ্রার্কানপশ্যং দিবি কেশব।
ততোঽহমস্তুবং দেবং স্তবেনানেন সুব্রত॥ 13-45-274 (82955)
উপমন্যুরুবাচ। 13-45-275x (6851)
নমো দেবাধিদেবায় মহাদেবায় তে নমঃ।
শক্ররূপায় শক্রায় শক্রবেষধরায় চ॥ 13-45-275 (82956)
নমস্তে বজ্রহস্তায় পিঙ্গলায়ারুণায় চ।
পিনাকপাণয়ে নিত্যং শঙ্খশূলধরায় চ॥। 13-45-276 (82957)
নমস্তে কৃষ্ণবাসায় কৃষ্ণকুঞ্চিতমূর্ধজ।
কৃষ্ণাজিনোত্তরীয়ায় কৃষ্ণাষ্টমিরতায় চ॥ 13-45-277 (82958)
শুক্লবর্ণায় শুক্লায় শুক্লাম্বরধরায় চ।
শুক্লভস্মাবলিপ্তায় শুক্লকর্মরতায় চ॥ 13-45-278 (82959)
নমোস্তু রক্তবর্ণায় রক্তাম্বরধরায় চ।
রক্তধ্বজপতাকায় রক্তস্রগনুলেপিনে॥ 13-45-279 (82960)
নমোস্তু পীতবর্ণায় পীতাম্বরধরায় চ॥ 13-45-280 (82961)
নমোস্তূচ্ছ্রিতচ্ছত্রায় কিরীটবরধারিণে।
অর্ধহারার্দকেয়ূর অর্ধকুণ্ডলকর্ণিনে॥ 13-45-281 (82962)
নমঃ পবনবেগায় নমো দেবায় বৈ নমঃ।
সুরেন্দ্রায় মুনীন্দ্রায় মহেন্দ্রায় নমোস্তু তে॥ 13-45-282 (82963)
নমঃ পদ্মার্ধমালায় উৎপলৈর্মিশ্রিতায় চ।
অর্ধচন্দনলিপ্তায় অর্ধস্রগনুলেপিনে॥ 13-45-283 (82964)
নম আদিত্যবক্ত্রায় আদিত্যনয়নায় চ।
নম আদিত্যবর্ণায় আদিত্যপ্রতিমায় চ॥ 13-45-284 (82965)
নমঃ সোমায় সৌম্যায় সৌম্যবক্ত্রধরায় চ।
সৌম্যরূপায় মুখ্যায় সৌম্যদংষ্ট্রাবিভূষিণে॥ 13-45-285 (82966)
নমঃ শ্যামায় গৌরায় অর্ধপীতার্ধপাণ্ডবে।
নারীনরশরীরায় স্ত্রীপুংসায় নমোস্তু তে॥ 13-45-286 (82967)
নমো বৃষভবাহায় গজেন্দ্রগমনায় চ।
দুর্গমায় নমস্তুভ্যমগম্যাগমনায় চ॥ 13-45-287 (82968)
নমোস্তু গণনীতায় গণবৃন্দরতায় চ।
গুণানুয়াতমার্গায় গণনিত্যব্রতায় চ॥ 13-45-288 (82969)
নমঃ শ্বেতাভ্রবর্ণায় সংধ্যারাগপ্রভাচ য।
অনুদ্দিষ্টামভিধানায় স্বরূপায় নমোস্তু তে॥ 13-45-289 (82970)
নমো রক্তাগ্রবাসায় রক্তসূত্রধরায় চ।
রক্তমালাবিচিত্রায় রক্তাম্বরধরায় চ॥ 13-45-290 (82971)
মণিভূষিতমূর্ধায় নমশ্চন্দ্রার্ধভূষিণে।
বিচিত্রমণিমূর্ধায় কুসুমাষ্টধরায় চ॥ 13-45-291 (82972)
নমোঽগ্নিমুখনেত্রায় সহস্রশশিলোচনে।
অগ্নিরূপায় কান্তায় নমোস্তু গহনায় চ॥ 13-45-292 (82973)
খচরায় নমস্তুভ্যং গোচরাভিরতায় চ।
ভূচরায় ভুবনায় অনন্তায় শিবায় চ॥ 13-45-293 (82974)
নমো দিগ্বাসসে নিত্যমধিবাসসুবাসসে।
নমো জগন্নিবাসায় প্রতিপত্তিসুখায় চ॥ 13-45-294 (82975)
নিত্যমুদ্বদ্ধমুকুটে মহাকেয়ূরধারিণে।
সর্পকণ্ঠোপহারায় বিচিত্রাভরণায় চ॥ 13-45-295 (82976)
নমস্ত্রিনেত্রনেত্রায় সহস্রশতলোচনে।
স্ত্রীপুংসায় নপুংসায় নমঃ সাঙ্খ্যায় যোগিনে॥ 13-45-296 (82977)
শংয়োরভিস্রবন্তায় অথর্বায় নমোনমঃ।
নমঃ সর্বার্তিনাশায় নমঃ শোকহরায় চ॥ 13-45-297 (82978)
নমো মেঘনিনাদায় বহুমায়াধরায় চ।
বীজক্ষেত্রাভিপালায় স্রষ্টারায় নমোনমঃ॥ 13-45-298 (82979)
নমঃ সুরাসুরেশায় বিশ্বেশায় নমোনমঃ।
মনঃ পবনবেগায় নমঃ পবনরূপিণে॥ 13-45-299 (82980)
নমঃ কাঞ্চনমালায় গিরিমালায় বৈ নমঃ।
নমঃ সুরারিমালায় চণ্ডবেগায় বৈ নমঃ॥ 13-45-300 (82981)
ব্রহ্মশিরোপহর্তায় মহিষঘ্নায় বৈ নমঃ।
নমঃ স্ত্রীরূপধারায় যজ্ঞবিধ্বংসনায় চ॥ 13-45-301 (82982)
নমস্ত্রিপুরহর্তায় যজ্ঞবিধ্বংসনায় চ।
নমঃ কামাঙ্গনাশায় কালদণ্ডধরায় চ॥ 13-45-302 (82983)
নমঃ স্কন্দবিশাখায় ব্রহ্মদণ্ডায় বৈ নমঃ।
নমো ভবায় শর্বায় বিশ্বরূপায় বৈ নমঃ॥ 13-45-303 (82984)
ঈশানায় ভবঘ্নায় নমোস্ৎবন্ধকঘাতিনে।
নমো বিশ্বায় মায়ায়চিন্ত্যাচিন্ত্যায় বৈ নমঃ॥ 13-45-304 (82985)
ৎবং নো গতিশ্চ শ্রেষ্ঠশ্চ ৎবমেব হৃদয়ং তথা।]
ৎবং ব্রহ্মা সর্বদেবানাং রুদ্রাণাং নীললোহিতঃ॥ 13-45-305 (82986)
আত্মা চ সর্বভূতানাং সাঙ্খ্যে পুরুষ উচ্যতে।
ঋষভস্ৎবং পবিত্রাণাং যোগিনাং নিষ্কলঃ শিবঃ॥ 13-45-306 (82987)
গৃহস্থস্ৎবমাশ্রগিণামীশ্বরাণাং মহেশ্বরঃ।
কুবেরঃ সর্বয়ক্ষাণাং ক্রতূনাং বিষ্ণুরুচ্যতে॥ 13-45-307 (82988)
পর্বতানাং ভবান্মেরুর্নক্ষত্রাণাং চ চন্দ্রমাঃ।
বসিষ্ঠস্ৎবমৃষীণাং চ গ্রহাণাং সূর্য উচ্যতে॥ 13-45-308 (82989)
আরণ্যানাং পশূনাং চ সিংহস্ৎবং পরমেশ্বরঃ।
গ্রাম্যাণাং গোবৃষশ্চাসি ভবাঁল্লোক্প্রপূজিতঃ॥ 13-45-309 (82990)
আদিত্যানাং ভবান্বিষ্ণুর্বসূনাং চৈব পাবকঃ।
পক্ষিণাং বৈনতেয়স্ৎবমনন্তো ভ্রুজগেষু চ॥ 13-45-310 (82991)
সামবেদশ্চ বেদানাং যজুষাং শতরুদ্রিয়ম্।
সনৎকুমারো যোগানাং সাঙ্খ্যানাং কপিলো হ্যসি॥ 13-45-311 (82992)
শক্রোসি মরুতাং দেব পিতৄণাং হব্যবাডসি॥
ব্রহ্মলোকশ্চ লোকানাং গতীনাং মোক্ষ উচ্যসে॥ 13-45-312 (82993)
ক্ষীরোদঃ সাগরাণাং চ শৈলানাং হিমবান্গিরিঃ।
বর্ণানাং ব্রাহ্মণশ্চাসি বিপ্রাণাং দীক্ষিতো দ্বিজঃ॥ 13-45-313 (82994)
আদিস্ৎবমসি লোকানাং সংহর্তা কাল এব চ
যচ্চান্যদপি লোকে বৈ সর্বতেজোধিকং স্মৃতম্।
তৎসর্বং ভগবানেব ইতি মে নিশ্চিতা মতিঃ॥ 13-45-314 (82995)
নমস্তে ভগবন্দেব নমস্তে ভক্তবৎসলঃ।
যোগেশ্বর নমস্তেঽস্তু নমস্তে বিস্বসম্ভব॥ 13-45-315 (82996)
প্রসীদ মম ভক্তস্য দীনস্য কৃপণস্য চ।
অনৈশ্বর্যেণি যুক্তস্য গতির্ভব সনাতন॥ 13-45-316 (82997)
যচ্চাপরাধং কৃতবানজ্ঞাৎবা পরমেশ্বর।
মদ্ভক্ত ইতি দেবেশ তৎসর্বং ক্ষন্তুমর্হসি॥ 13-45-317 (82998)
মোহিতশ্চাস্মি দেবেশ ৎবয়া রূপবিপর্যযাৎ।
নার্ঘ্যং তেন ময়া দত্তং পাদ্যং চাপি মহেশ্বর॥ 13-45-318 (82999)
এবং স্তুৎবাঽহমীশানং পাদ্যমর্ঘ্যং চ ভক্তিতঃ।
কৃতাঞ্জলিপুটো ভূৎবা সর্বং তস্মৈ ন্যবেদয়ম্॥ 13-45-319 (83000)
ততঃ শীতাম্বুসংয়ুক্তা দিব্যগন্ধসমন্বিতা।
পুষ্পবৃষ্টিঃ শুভা তাত পপাত মম মূর্ধনি॥ 13-45-320 (83001)
দুন্দুভিশ্চ তদা দিব্যস্তাডিতো দেবকিংকরৈঃ।
ববৌ চ মারুতঃ পুণ্যঃ শুচিগন্ধঃ সুখাবহঃ॥ 13-45-321 (83002)
ততঃ প্রীতো মহাদেবঃ সপত্নীকো বৃষধ্বজঃ।
অব্রবীত্ত্রিদশাংস্তত্র হর্ষয়ন্নিব মাং তদা॥ 13-45-322 (83003)
পশ্যধ্বং ত্রিদশাঃ সর্বে উপমন্যোর্মহাত্মনঃ।
ময়ি ভক্তিং পরাং নিত্যমেকভাবাদবস্থিতাম্॥ 13-45-323 (83004)
এবমুক্তাস্তদা কৃষ্ণ সুরাস্তে শূলপাণিনা।
ঊচুঃ প্রাঞ্জলয়ঃ সর্বে নমস্কৃৎবা বৃষধ্বজম্॥ 13-45-324 (83005)
ভগবন্দেবদেবেশ লোকনাথ জগৎপতে।
লভতাং সর্বকামেভ্যঃ ফলং ৎবত্তো দ্বিজোত্তমঃ॥ 13-45-325 (83006)
এবমুক্তস্ততঃ শর্বঃ সুরৈর্ব্রহ্মাদিভিস্তথা।
আহ মাং ভগবানীশঃ প্রহসন্নিব শঙ্করঃ॥ 13-45-326 (83007)
ভগবানুবাচ। 13-45-327x (6852)
বৎসোপমন্যো তৃষ্টোস্মি পশ্য মাং মুনিপুঙ্গব।
দৃঢভক্তোসি বিপ্রর্ষে ময়া জিজ্ঞাসিতো হ্যসি॥ 13-45-327 (83008)
অনয়া চৈব ভক্ত্যা তে অত্যর্থং প্রীতিমানহম্।
তস্মাৎসর্বান্দদাম্যদ্য কামাংস্তব যথোপ্সিতান্॥ 13-45-328 (83009)
এবমুক্তস্য চৈবাথ মহাদেবেন ধীমতা।
হর্ষাদশ্রূণ্যবর্তন্ত রোমহর্ষস্ৎবজায়ত॥ 13-45-329 (83010)
অব্রবং চ তদা দেব হর্ষগদ্গদয়া গিরা।
জানুভ্যামবনীং গৎবা প্রণম্য চ পুনঃপুনঃ॥ 13-45-330 (83011)
অদ্য জাতো হ্যহং দেব সফলং জন্ম চাদ্য মে।
যন্মে সাক্ষান্মহাদেবঃ প্রসন্নস্তিষ্ঠতেঽগ্রতঃ॥ 13-45-331 (83012)
যং ন পশ্যন্তি চৈবাদ্ধা দেবা হ্যমিতবিক্রমম্।
তমহং দৃষ্টবান্দেবং কোঽন্যো ধন্যতরো ময়া॥ 13-45-332 (83013)
এবং ধ্যায়ন্তি বিদ্বাংসঃ পরং তত্ৎবং সনাতনম্।
তদ্বিশেষমতিখ্যাতং যদজং জ্ঞানমক্ষরম্॥ 13-45-333 (83014)
স এষ ভগবান্দেবঃ সর্বসত্ৎবাদিরব্যযঃ।
সর্বতত্ৎববিধানজ্ঞঃ প্রধানপুরুষঃ পরঃ॥ 13-45-334 (83015)
যোঽসৃজদ্দক্ষিণাদঙ্গাদ্ব্রহ্মাণাং লোকসম্ভবম্।
বামপার্শ্বাত্তথা বিষ্ণুং লোকরক্ষার্থমীশ্বরঃ॥ 13-45-335 (83016)
যুগান্তে চৈব সম্প্রাপ্তে রুদ্রমীশোঽসৃজৎপ্রভুঃ।
স রুদ্রঃ সংহরন্কৃৎস্নং জগৎস্থাবরজঙ্গমম্॥ 13-45-336 (83017)
কালো ভূৎবা পরং ব্রহ্ম যাতি সংবর্তকানলঃ।
যুগান্তে সর্বভূতানি গ্রসন্নিব ব্যবস্থিতঃ॥ 13-45-337 (83018)
এষ দেবো মহাদেবো জগৎসৃষ্ট্বা চরাচরম্।
কল্পান্তে চৈব সর্বেষাং স্মৃতিমাক্ষিপ্য তিষ্ঠতি॥ 13-45-338 (83019)
সর্বগঃ সর্বভূতাত্মা সর্বভূতভবোদ্ভবঃ।
আস্তে সর্বগতো নিত্যমদৃশ্যঃ সর্বদৈবতৈঃ॥ 13-45-339 (83020)
যদি দেয়ো বরো মহ্যং যদি তুষ্টোঽসি মে প্রভো।
ভক্তির্ভক্তু মে নিত্যং ৎবয়ি দেব সুরেশ্বর॥ 13-45-340 (83021)
অতীতানাগতং চৈব বর্তমানং চ যদ্বিভো।
জানীয়ামিতি মে বুদ্ধিঃ প্রসাদাৎসুরসত্তম॥ 13-45-341 (83022)
ক্ষীরোদনং চ ভুঞ্জীয়ামক্ষয়ং সহ বান্ধবৈঃ।
আশ্রমে চ সদাঽস্মাকং সান্নিধ্যং পরমস্তু তে॥ 13-45-342 (83023)
এবমুক্তঃ স মাং প্রাহ ভগবাঁল্লোকপূজিতঃ।
মহেশ্বরো মহাতেজাশ্বরাচরগুরুঃ শিবঃ॥ 13-45-343 (83024)
শ্রীভগবানুবাচ। 13-45-344x (6853)
অজরশ্চামরশ্চৈব ভব ৎবং দুঃখবর্জিতঃ।
যশস্বী তেজসা যুক্তো দিব্যজ্ঞানসমন্বিতঃ॥ 13-45-344 (83025)
ঋষীণামভিগম্যশ্চ মৎপ্রসাদাধ্ভবিষ্যসি।
শীলবান্গুণসম্পন্নঃ সর্বজ্ঞঃ প্রিয়দর্শনঃ॥ 13-45-345 (83026)
অক্ষয়ং যৌবনং তেঽস্তু তেজশ্চৈবানলোপমম্।
ক্ষীরোদঃ সাগরশ্চৈব যত্রয়ত্রেচ্ছসি প্রিয়ম্॥ 13-45-346 (83027)
তত্র তে ভবিতা কামং সান্নিধ্যং পয়সোনিধেঃ।
ক্ষীরোদনং চ ভুঙ্খ ৎবমমৃতেন সমন্বিতম্॥ 13-45-347 (83028)
বন্ধুভিঃ সহিতঃ কল্পং ততো মামুপয়াস্যসি।
অক্ষয়া বান্ধবাশ্চৈব কুলং গোত্রং চ তে সদা॥ 13-45-348 (83029)
ভবিষ্যতি দ্বিজশ্রেষ্ঠ ময়ি ভক্তিশ্চ শাশ্বতী।
সান্নিধ্যং চাশ্রমে নিত্যং করিষ্যামি দ্বিজোত্তম॥ 13-45-349 (83030)
তিষ্ঠ বৎস যথাকামং নোৎকণ্ঠাং চ করিষ্যতি।
স্মৃতস্ৎবয়া পুনর্বিপ্র করিষ্যামি চ দর্শনম্॥ 13-45-350 (83031)
এবমুক্ৎবা স ভগবান্সূর্যকোটিসমপ্রভঃ।
ঈশানঃ স বরান্দত্ৎবা তত্রৈবান্তরধীয়ত॥ 13-45-351 (83032)
এবং দৃষ্টো ময়া কৃষ্ণ দেবদেবঃ সমাধিনা।
তদবাপ্তং চ মে সর্বং যদুক্তং তেন ধীমতা॥ 13-45-352 (83033)
প্রত্যক্ষং চৈব তে কৃষ্ণ পশ্য সিদ্ধান্ব্যবস্থিতান্।
ঋষীন্বিদ্যাধরান্যক্ষান্গন্ধর্বাপ্সরসস্তথা॥ 13-45-353 (83034)
পশ্য বৃক্ষলতাগুল্মান্সর্বপুষ্পফলপ্রদান্।
সর্বর্তুকুসুমৈর্যুক্তান্সুখপত্রান্সুগন্ধিনঃ॥ 13-45-354 (83035)
সর্বমেতন্মহাবাহো দিব্যভাবসমন্বিতম্।
প্রসাদাদ্দেবদেবস্য ঈশঅবরস্য মহাত্মনঃ॥ 13-45-355 (83036)
বাসুদেব উবাচ। 13-45-356x (6854)
এতচ্ছ্রুৎবা বচস্তস্য প্রত্যক্ষমিব দর্শনম্।
বিস্ময়ং পরমং গৎবা অব্রবং তং মহামুনিম্॥ 13-45-356 (83037)
ধন্যস্ৎবমসি বিপ্রেন্দ্রি কস্ৎবদন্যোস্তি পুণ্যকৃৎ।
যস্য দেবাধিদেবস্তে সান্নিধ্যং কুরুতেঽঽশ্রমে॥ 13-45-357 (83038)
অপি তাবন্মমাপ্যেবং দদ্যাৎস ভগবাঞ্শিবঃ।
দর্শং মুনিশার্দূল প্রসাদং চাপি শঙ্করঃ॥ 13-45-358 (83039)
উপমন্যুরুবাচ। 13-45-359x (6855)
[দ্রক্ষ্যসে পুণ্ডরীকাক্ষ মহাদেবং ন সংশয়ঃ।
অচিরেণৈব কালেন যথা দৃষ্টো ময়াঽনঘ॥ 13-45-359 (83040)
চক্ষুষা চৈব দিব্যেন পশ্যাম্যমিতবিক্রমম্।
ষষ্ঠে মাসি মহাদেবং দ্রক্ষ্যসে পুরুষোত্তম॥ 13-45-360 (83041)
ষোডশাষ্টৌ বরাংশ্চাপি প্রাপ্স্যসি ৎবং মহেশ্বরাৎ।
সপত্নীকাদ্যদুশ্রেষ্ঠ সত্যমেতদ্ব্রবীমি তে॥ 13-45-361 (83042)
অতীতানাগতং চৈব বর্তমানং চ নিত্যশঃ।
বিদিতং মে মহাবাহো প্রসাদাত্তস্য ধীমতঃ॥] 13-45-362 (83043)
এতান্সহস্রশশ্চান্যান্সমনুধ্যাতবান্হরঃ।
কস্মাৎপ্রসাদং ভগবান্ন কুর্যাত্তব মাধব॥ 13-45-363 (83044)
ৎবাদৃশেন হি দেবানাং শ্লাঘনীয় সমাগমঃ।
ব্রহ্মণঅয়েনানৃশংসেন শ্রদ্দধানেন চাপ্যুত।
জপ্যং তু তে প্রদাস্যামি যেন দ্রক্ষ্যসি শংকরম্॥ 13-45-364 (83045)
শ্রীকৃষ্ণ উবাচ। 13-45-365x (6856)
অব্রবং তমহং ব্রহ্মন্ৎবৎপ্রসাদান্মহামুনে।
দ্রক্ষ্যে দিতিজসঙ্ঘানাং মর্দনং ত্রিদশেশ্বরম্॥ 13-45-365 (83046)
এবং কথয়তস্তস্য মহাদেবাশ্রিতাং কথাম্।
দিনান্যষ্টৌ ততো জগ্মুর্মুহূর্তমিব ভারত॥ 13-45-366 (83047)
দিনেঽষ্টমে তু বিপ্রেণি দীক্ষিতোঽহং যথাবিধি।
দণ্ডী মুণ্ডী কুশী চীরি ঘৃতাক্তো মেখলীকৃতঃ॥ 13-45-367 (83048)
মাসমেকং ফলাহারো দ্বিতীয়ং সলিলাশনঃ।
তৃতীয়ং চ চতুর্থং চ পঞ্চমং চানিলাশঃ॥ 13-45-368 (83049)
একপাদেন তিষ্ঠংশ্চ ঊর্ধ্ববাহুরতন্দ্রিতঃ।
তেজঃ সূর্যসহস্রস্য অপশ্যং দিবি ভারত॥ 13-45-369 (83050)
তস্য মধ্যগতং চাপি তেজসঃ পাণ্ডুনন্দন।
ইন্দ্রায়ুধপিনদ্ধাঙ্গং বিদ্যুন্মালাগবাক্ষকম্।
নীলসৈলচয়প্রখ্যং বলাকাভূষিতাম্বরম্॥ 13-45-370 (83051)
তত্র স্থিতশ্চ ভগবান্দেব্যা সহ মহাদ্যুতিঃ।
তপসা তেজসা কান্ত্যা দীপ্তয়া সহ ভার্যযা॥ 13-45-371 (83052)
ররাজ ভগবাংস্তত্র দেব্যা সহ মহেশ্বরঃ।
সোমেন সহিতঃ সূর্যো যথা মেঘস্থিতস্তথা॥ 13-45-372 (83053)
সংহৃষ্টরোমা কৌন্তেয় বিস্ময়োৎফুল্ললোচনঃ।
অপশ্যং দেবসঙ্ঘানাং গতিমার্তিহরং হরম্॥ 13-45-373 (83054)
কিরীটিনং গদিনং শূলপাণিং
ব্যাঘ্রাজিনং জটিলং দণ্ডপাণিম্।
পিনাকিনং বজ্রিণং তীক্ষ্ণদংষ্ট্রং
শুভাঙ্গদং ব্যালয়জ্ঞোপবীতম্॥ 13-45-374 (83055)
দিব্যাং মালামুরসাঽনেকবর্ণাং
সমুদ্বহন্তং গুল্ফদেশাবলম্বাম্।
চন্দ্রং যথা পরিবিষ্টং সসন্ধ্যং
বর্ষাত্যযে তদ্বদপশ্যমেনম্॥ 13-45-375 (83056)
প্রমথানাং গণৈশ্চৈব সমন্তাৎপরিবারিতম্।
শরদীব সুদুষ্প্রেক্ষ্যং পরিবিষ্টং দিবাকরম্॥ 13-45-376 (83057)
একাদশশতান্যেবং রুদ্রাণাং বৃষবাহনম্
অস্তুবং নিয়তাত্মানং কর্মভিঃ শুভকর্মিণম্॥ 13-45-377 (83058)
আদিত্যা বসবঃ সাধ্যা বিশ্বেদেবাস্তথাঽশ্বিনৌ।
বিশ্বাভিঃ স্তুতিভির্দেবং বিশ্বদেবং সমস্তুবন্॥ 13-45-378 (83059)
শতক্রতুশ্চ ভগবান্বিষ্ণুশ্চাদিতিনন্দনৌ।
ব্রহ্মা রথন্তরং সাম ঈরয়ন্তি ভবান্তিকে॥ 13-45-379 (83060)
যোগীশ্বরাঃ সুবহবো যোগদং পিতরং গুরুম্।
ব্রহ্মর্ষয়শ্চ সসুতাস্তথা দেবর্ষয়শ্চ বৈ॥ 13-45-380 (83061)
পৃথিবীং চান্তরিক্ষং চ নক্ষত্রাণি গ্রহাস্তথা।
মাসার্ধমাসা ক্রতবো রাত্রিঃ সংবৎসরাঃ ক্ষণাঃ॥ 13-45-381 (83062)
মুহূর্তাশ্চ নিমেপাশ্চ তথৈব যুগপর্যযাঃ।
দিব্যা রাজন্নমস্যন্তি বিদ্যাঃ সৎববিদস্তথা॥ 13-45-382 (83063)
সনৎকুমারো দেবাশ্চ ইতিহাসাস্তথৈব চ।
মরীচিরঙ্গিরা অত্রিঃ পুলস্ত্যঃ পুলহঃ ক্রতুঃ॥ 13-45-383 (83064)
মনবঃ সপ্ত সোমশ্চ অর্থবা সবৃহস্পতিঃ।
ভৃগুর্দক্ষঃ কশ্যপশ্চ বসিষ্ঠঃ কাশ্য এব চ॥ 13-45-384 (83065)
ছন্দাংসি দীক্ষা যজ্ঞাশ্চ দক্ষিণাঃ পাবকো হবিঃ।
যজ্ঞোপগানি দ্রব্যাণি মূর্তিমন্তি যুধিষ্ঠির॥ 13-45-385 (83066)
প্রজানাং পালকাঃ সর্বে সরিতঃ পন্নগা নগাঃ।
দেবানাং মাতরঃ সর্বাদেবপত্ন্য সকন্যকাঃ॥ 13-45-386 (83067)
সহস্রাণি মুনীনাং চ অয়ুতান্যর্বুদানি চ।
নমস্যন্তি প্রভুং শান্তং পর্বতাঃসাগরা দিশঃ॥ 13-45-387 (83068)
গন্ধর্বাপ্সরসশ্চৈব গীতবাদিত্রকোবিদাঃ।
দিব্যতালেষু গায়ন্তঃ স্তুবন্তি ভবমদ্ভুতম্॥ 13-45-388 (83069)
বিদ্যাধরা দানবাশ্চ গুহ্যকা রাক্ষসাস্তথা।
সর্বাণি চৈব ভূতানি স্তাবরাণি চরাণি চ।
নমস্যন্তি মহারাজ বাঙ্মনঃ কর্মভির্বিভুম্॥ 13-45-389 (83070)
পুরস্তাদ্ধিষ্ঠিতঃ শর্বো মমাসীস্ত্রিদশেশ্বরঃ॥ 13-45-390 (83071)
পুরস্তদ্ধিষ্ঠিতং দৃষ্ট্বা মমেশানং চ ভারত।
সপ্রজাপতিশক্রান্তং জগন্মামভ্যুদৈক্ষত॥ 13-45-391 (83072)
ঈক্ষিতুং চ মহাদেবং ন মে শক্তিরভূত্তদা।
ততো মামব্রবীদ্দেবঃ পশ্য কৃষ্ণ বদস্ব চ॥ 13-45-392 (83073)
ৎবয়া হ্যারাধিতশ্চাহং শতশোঽথ সহস্রশঃ।
ৎবৎসমো নাস্তি মে কশ্চিত্ত্রিষু লোকষু বৈ প্রিয়ঃ॥ 13-45-393 (83074)
শিরসা বন্দিতে দেবে দেবী প্রীতা হ্যুমা তদা।
ততোঽহমব্রুবং স্থাণুং স্তুতং ব্রহ্মাদিভিঃ সুরৈঃ॥ 13-45-394 (83075)
কৃষ্ণ উবাচ। 13-45-395x (6857)
নমোস্তু তে শাশ্বত সর্বয়োনে
ব্রাহ্মাধিপং ৎবামৃষয়ো বদন্তি।
তপশ্চ সৎবং চ রজস্তমশ্চ
ৎবামেব সত্যং চ বদন্তি সন্তঃ॥ 13-45-395 (83076)
ৎবং বৈ ব্রহ্মা চ রুদ্রশ্চ বরুণোঽগ্নির্মনুর্ভবঃ।
ধাতা ৎবষ্টা বিধাতা চ ৎবং প্রভুঃ সর্বতোমুখঃ॥ 13-45-396 (83077)
ৎবত্তো জাতানি ভূতানি স্থাবরাণি চরাণি চ।
ৎবয়া সৃষ্টমিদং কৃৎস্নং ত্রৈলোক্যং সচরাচরম্॥ 13-45-397 (83078)
যানীন্দ্রিয়াণীহ মনশ্চ কৃৎস্নং
যে বায়বঃ সপ্তি তথৈব চাগ্নয়ঃ।
যে দেবসংস্থাস্তব দেবতাশ্চ
তস্মাৎপরং ৎবামৃষয়ো বদন্তি॥ 13-45-398 (83079)
বেদাশ্চ যজ্ঞাঃ সোমশ্চ দক্ষিণা পাবকো হবিঃ।
যজ্ঞোপগং চ যৎকিংচিদ্ভগবাংস্তদসংশয়ম্॥ 13-45-399 (83080)
ইষ্টং দত্তমধীতং ব্রতানি নিয়মাশ্চ যে।
হ্রীঃ কীর্তিঃ শ্রীর্দ্যুতিস্তুষ্টিঃ সিদ্ধিশ্চৈব তদর্পণী॥ 13-45-400 (83081)
কামঃ ক্রোধো ভয়ং লোভো মদঃ স্তম্ভোথ মৎসরঃ।
আধয়ো ব্যাধয়শ্চৈব ভগবংস্তনবস্তব॥ 13-45-401 (83082)
কৃতির্বিকারঃ প্রণয়ঃ প্রধানং বীজমব্যযম্।
মনসঃ পরমা যোনিঃ প্রভাবশ্চাপি শাশ্বতঃ॥ 13-45-402 (83083)
অব্যক্তঃ পাবনোঽচিন্ত্যঃ সহস্রাংশুর্হিরণ্ময়ঃ।
আদির্গণানাং সর্বেষাং ভবান্বৈজীবিতাশ্রয়ঃ॥ 13-45-403 (83084)
মহানাত্মা মতির্ব্রহ্মা বিশ্বঃ শংভুঃ স্বয়ংভুবঃ।
বুদ্ধিঃ প্রজ্ঞোপলব্ধিশ্চসংবিৎখ্যাতির্ধৃতিঃ স্মৃতিঃ॥ 13-45-404 (83085)
পর্যায়বাচকৈঃ শব্দৈর্মহানাত্মা বিভাব্যতে।
ৎবাং বুদ্ধ্বা ব্রাহ্মণো বেদাৎপ্রমোহং বিনিয়চ্ছতি॥ 13-45-405 (83086)
হৃদয়ং সর্বভূতানাং ক্ষেত্রজ্ঞস্ৎবমৃষিস্তুতঃ॥ 13-45-406 (83087)
সর্বতঃ পাণিপাদস্ৎবং সর্বতোক্ষিশিরোমুখঃ।
সর্বতঃ শ্রুতিমাঁল্লোকে সর্বমাবৃত্য তিষ্ঠসি॥ 13-45-407 (83088)
ফলং ৎবমসি দিগ্মাংশোর্নিমেষাদিষু কর্মসু।
ৎবং বৈ প্রবার্চিঃ পুরুষঃ সর্বস্য হৃদি সংশ্রিতঃ।
অণিমা মহিমা প্রাপ্তিরীশানো জ্যোতিরব্যযঃ॥ 13-45-408 (83089)
ৎবয়ি বুদ্ধির্মতির্লোকাঃ প্রপন্নাঃ সংশ্রিতাশ্চ যে।
ধ্যানিনো নিত্যযোগাশ্চ সত্যসৎবা জিতেন্দ্রিয়াঃ॥ 13-45-409 (83090)
যস্ৎবাং ধ্রুবং বেদয়তে গুহাশয়ং
প্রভুং পুরাণং পুরুষং বিশ্বরূপম্।
হিরণ্ময়ং বুদ্ধিমতাং পরাং গতিং
স বুদ্ধিমান্বুদ্ধিমতীত্য তিষ্ঠতি॥ 13-45-410 (83091)
বিদিৎবা সপ্ত সূক্ষ্মাণি ষডঙ্গং ৎবাং চ মূর্তিতঃ।
প্রধানবিধিয়োগস্থস্ৎবামেব বিশতে বুধঃ॥ 13-45-411 (83092)
এবমুক্তে ময়া পার্থ ভবে চার্তিবিনাশনে।
চরাচরং জগৎসর্গং সিংহনাদং তদাঽকরোৎ॥ 13-45-412 (83093)
তং বিপ্রসঙ্ঘাশ্চ সুরাসুরাশ্চ
নাগাঃ পিশাচাঃ পিতরো বয়াংসি।
রক্ষোগণা ভূতগণাশ্চ সর্বে
মহর্ষয়শ্চৈব তদা প্রণেমুঃ॥ 13-45-413 (83094)
মম মূর্ধ্নি চ দিব্যানাং কুসুমানাং সুগন্ধিনাম্।
রাশয়ো নিপতন্তি স্ম বায়ুশ্চ সুসুখো ববৌ॥ 13-45-414 (83095)
নিরীক্ষ্য ভগবান্দেবীং হ্যুমাং মাং চ জগদ্ধিতঃ।
শতক্রতুং চাভিবীক্ষ্য স্বয়ং মামাহ শঙ্করঃ॥ 13-45-415 (83096)
বিদ্মঃ কৃষ্ণ পরাং ভক্তিমস্মাসু তব শত্রুহন্।
ক্রিয়তামাত্মনঃ শ্রেয়ঃ প্রীতির্হিৎবয়ি মে পরা॥ 13-45-416 (83097)
বৃণীষ্বাষ্টৌ বরান্কৃষ্ণ দাতাঽস্মি তব সত্তম।
ব্রূহি যাদবশার্দূল যানিচ্ছসি সুদুর্লভান্॥ ॥ 13-45-417 (83098)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চচৎবারিংশোঽধ্যায়ঃ॥ 45 ॥
Mahabharata - Anushaasana Parva - Chapter Footnotes
যুধিষ্ঠির উবাচ। যয়াঽঽপগেয় নামানি শ্রুতানীহ জগৎপতেঃ। পিতামহেশায় বিভো নামান্যাচক্ষ্য শম্ভবে॥ 13-45-1 (83099) বভ্রবে বিশ্বরূপায় মহাভাগ্যং চ তত্ৎবতঃ। সুরাসুরগুরৌ দেবে শংকরেঽব্যক্তয়োনয়ে॥ 13-45-2 (83100) ভীষ্ম উবাচ। 13-45-3x (6858) অশক্তোঽহং গুণান্যক্তুং মহাদেবস্য ধীমতঃ। যো হি সর্বগতো দেবো ন চ সর্বত্র দৃশ্যতে॥ 13-45-3 (83101) ব্রহ্মবিষ্ণুসুরেশানাং স্রষ্টা চ প্রভুরেব চ। ব্রহ্মাদয়ঃ পিশাচান্তা যং হি দেবা উপাসতে॥ 13-45-4 (83102) প্রকৃতীনাং পরৎবেন পুরুষস্য চ যঃ পরঃ। চিন্ত্যতে যো যোগবিদ্ভির্ঋষিভিস্তত্ৎবদর্শিভিঃ। অক্ষরং পরমং ব্রহ্ম অসচ্চ সদসচ্চ যঃ॥ 13-45-5 (83103) প্রকৃতিং পুরুষং চৈব ক্ষোভয়িৎবা স্বতেজসা। ব্রহ্মাণমসৃজত্তস্মাদ্দেবদেবঃ প্রজাপতিঃ॥ 13-45-6 (83104) কো হি শক্তো গুণান্বক্তং দেবদেবস্য ধীমতঃ। গর্ভজন্মজরায়ুক্তো মর্ত্যো মৃত্যুসমন্বিতঃ॥ 13-45-7 (83105) কো হি শক্তো ভবং জ্ঞাতুং মদ্বিধঃ পরমেশ্বরম্। ক্রতে নারায়ণাৎপুত্র শঙ্কচক্রগদাধরাৎ॥ 13-45-8 (83106) এষ বিদ্বান্গুণশ্রেষ্ঠো বিষ্ণুঃ পরমদুর্জয়ঃ॥ দিব্যচক্ষুর্মহাতেজা বীক্ষ্যতে যোগচক্ষুষা॥ 13-45-9 (83107) রুদ্রভক্ত্যা তু কৃষ্ণেন জগদ্ব্যাপ্তং মহাত্মনা। তং প্রসাদ্য তদা দেবং বদর্যাং কিল ভারত॥ 13-45-10 (83108) অর্থাৎপ্রিয়তরৎবং চ সর্বলোকেষু বৈ তদা। প্রাপ্তবানেব রাজেন্দ্র সুবর্ণাক্ষান্মহেশ্বরাৎ॥ 13-45-11 (83109) পূর্ণং বর্ষসহস্রং তু তপ্তবানেষ মাধবঃ। প্রসাদ্য বরদং দেবং চরাচরগুরুং শিবম্॥ 13-45-12 (83110) যুগেয়ুগে তু কৃষ্ণেন তোষিতো বৈ মহেশ্বরঃ। ভক্ত্যা পরময়া চৈব প্রীতশ্চৈব মহাত্মনঃ॥ 13-45-13 (83111) ঐশ্বর্যং যাদৃসং তস্য জগদ্যোনের্মহাত্মনঃ॥ তদয়ং দৃষ্টবান্সাক্ষাৎপুত্রার্থে হরিরচ্যুতঃ॥ 13-45-14 (83112) যস্মাৎপরতরং চৈব নান্যং পশ্যামি ভারত। ব্যাখ্যাতুং দেবদেবস্য শক্তো নামান্যশষতঃ॥ 13-45-15 (83113) এষ শক্তো মহাবাহুর্বক্তুং ভগবতো গুণান্। বিভূতিং চৈব কার্ৎস্ন্যেন সত্যাং মাহেশ্বরীং নৃপ॥ 13-45-16 (83114) বৈশম্পায়ন উবাচ। 13-45-17x (6859) 13-45-17 (83115) এবমুক্ৎবা তদা ভীষ্মো বাসুদেবং মহায়শাঃ। ভবমাহাত্ম্যসংয়ুক্তমিদমাহ পিতামহঃ॥ 7-45-2 শিবায় বিষ্ণুরূপায়েতি ঝ.পাঠঃ॥ 7-45-3 তণ্ডিনা ব্রহ্ময়োনিনেতি ঝ.পাঠঃ॥ 7-45-18 তে ৎবয়া॥ 7-45-21 যজ্ঞবাহা ইতি ছন্দসামেব বিশেষণম্। ছন্দাংসি বৈ দেবেভ্যো হব্যমূঢ্ব্রেতি ব্রাহ্মণাৎ তেষাং যজ্ঞবাহৎবসিদ্ধিঃ। স্তোভাঃ সামপূরণান্যক্ষরাণি হুংমা ইত্যাদীনি॥ 7-45-25 নরেন্দ্রপুত্রীং ঋক্ষরাজস্য জাম্ববতো দুহিতরম্॥ 7-45-26 অভ্যনুজ্ঞায় স্থিতং মামিতি শেষঃ। অথোচতুরিত্যর্ধঃ॥ 7-45-33 ভস্মরাশিভিরিতি ভস্মচ্ছন্নৈরগ্নিভইঃ॥ 7-45-40 সম্প্রক্ষালৈঃ মৈত্র্যাদিভিশ্চিত্তশোধনং কুর্বদ্ভিঃ॥ 7-45-41 গোচারিণো গোবন্মুখেনৈব চরন্তো হস্তব্যাপারশূন্যা ইত্যর্থঃ। মরীচিপাশ্চন্দ্ররশ্মি পানেনৈব জীবন্তঃ॥ 7-45-47 নিয়মাঃ অম্বুপানাদয়স্তৈরেবাম্পুষৈঃ ক্ষীরপৈরিত্যাদিনামভিঃ খ্যাতৈঃ। প্রবিশন্নেবাপশ্যমুপমন্যুমিতি শেষঃ॥ 7-45-58 সমানাং সবৎসরণামর্বুদং সমার্বুদম্॥ 7-45-59 প্রহস্য মন্দারনাম্নঃ॥ 7-45-60 ভগবতা মহাদেবেন॥ 7-45-61 উৎপাদিতং তস্যৈব দৈত্যস্য হননার্থম্॥ 7-45-63 জীর্ণং জীর্ণতৃণবদ্ব্যর্থমিত্যর্থঃ॥ 7-45-64 বরদত্তস্য সর্বশস্ত্রাবধ্যস্ৎবং ভবেতি দত্তবরস্য॥ 7-45-77 সপ্তকপালেন ত্র্যম্বকদৈবত্যেন হেতুনা। দেবৈঃ সপ্তকপালেন রুদ্রমিষ্ট্বা আপো নির্মিতা ইত্যর্থঃ॥ 7-45-78 রুদ্রপ্রসাদাজ্জনয়ামাসতি শেষঃ॥ 7-45-81 মুসলেষ্বয়োগ্রেষু কাষ্ঠকীলেষু॥ 7-45-82 চরুদ্রঃ চরোর্দ্রবঃ মণ্ড ইতি যাবৎ। চরুশব্দপূর্বাদ্দ্রবতেরন্যেভ্যোপি দৃশ্যত ইতি ডঃ। ভর্তারংবিনাপি চরুদ্রবপানমাত্রেণ তব পুত্রো ভবিষ্যতীত্যর্থঃ॥ 7-45-96 ধূম্রশ্চাপি মমানুজ ইতি ট.থ.পাঠঃ॥ 7-45-109 পাবনানাং পবনাশিনাম্। বনাশানাং অব্ভক্ষাণাম্॥ 7-45-112 প্রবদ্য প্রপন্নো ভব॥ 7-45-118 দুরাধারঃ মনসি ধর্তুমশক্যঃ 7-45-126 প্রবালাঙ্কুরভূষণে বসন্তস্তেন কালোপ্যযমেবেত্যর্থঃ 7-45-139 ভূধরঃ শেষনাগঃ॥ 7-45-146 সর্ববাসকঃ সর্বস্যাচ্ছাদকঃ 7-45-161 অভবং সন্ধিরার্ষঃ॥ 7-45-165 ভাবা মৈব। ভবানি ভূয়াসম্॥ 7-45-168 অনার্জবং বক্রম্। যুগং কলিয়ুগম্॥ 7-45-174 অসারং নাস্তি সারো যস্মাদন্যস্তম্॥ 7-45-177 ঈশে ঈশস্য। ভবনে সত্তায়াম্। কো হেতুঃ কা যুক্তিঃ। ঈশসত্ৎবে প্রমাণং নাস্তীত্যর্থঃ॥ 7-45-271 রথন্তরজ্যেষ্ঠে সামনী॥ 7-45-278 শুক্লং কর্ম হিংসারহিতো ধ্যানাদিধর্মঃ॥ 7-45-283 মিশ্রিতায় মিশ্রিতমালায়॥ 7-45-295 মুকুটে মুকুটায়॥ 7-45-296 ত্রীণি নেত্রাণীব নেত্রাণি লোকয়াত্রানির্বাহকাণ্যগ্নিচন্দ্রসূর্যাখ্যানি নেত্রাণি যস্য তস্যৈ ত্রিনেত্রনেত্রায়। লোচনে লোচনায়॥ 7-45-298 স্রষ্টারায় ঔণাদিকঃ সৃজেৎবারন্। স্রষ্ট্রে ইত্যর্থঃ॥ 7-45-304 মায়ায় মায়াবিনে॥ 7-45-325 কামেভ্যঃ কামান্ কাম্যমানান্ অর্থান্॥ 7-45-333 ষড্বিংশকমিতি খ্যাতমিতি ট.থ.পাঠঃ॥ 7-45-336 তং ৎবাং প্রণম্য শইরসা প্রসাদ্য প্রার্থয়ে প্রভো ইতি ট.থ.পাঠঃ॥ 7-45-375 পরিবিষ্টং পরিবেষবন্তম্॥অনুশাসনপর্ব - অধ্যায় 046
॥ শ্রীঃ ॥
13.46. অধ্যায়ঃ 046
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কৃষ্ণেন যুধিষ্ঠিরম্প্রতি পার্বতীপরমেশ্বরাভ্যাং স্যস্মৈ বরপ্রদানকথনম্॥ 1 ॥Mahabharata - Anushaasana Parva - Chapter Text
কৃষ্ণ উবাচ।
মূর্ধ্না নিপত্য নিয়তস্তেজঃসন্নিচয়ে ততঃ।
পরমং হর্ষমাগত্য ভগবন্তমথাব্রবম্॥ 13-46-1 (83116)
ধর্মে দৃঢৎবং যুধি শত্রুঘাতং
যশস্তথাঽগ্র্যং পরমং বলং চ
যোগপ্রিয়ৎবং তব সন্নিকর্ষং
বৃণে সুতানাং চ শতং শতানি॥ 13-46-2 (83117)
এবমস্ৎবিতি তদ্বাক্যং ময়োক্তঃ প্রাহ শঙ্করঃ॥ 13-46-3 (83118)
ততো মাং জগতো মাতা ধারিণী সর্বপাবনী।
উবাচোমা প্রণিহিতা শর্বাণী তপসাং নিধিঃ।
দত্তো ভগবতা পুত্রঃ সাম্বো নাম তবানঘ॥ 13-46-4 (83119)
মত্তোপ্যষ্টৌ বরানিষ্টান্গৃহণ ৎবং দদামি তে।
প্রণম্য শিরসা সা চ ময়োক্তা পাণ্ডুনন্দন॥ 13-46-5 (83120)
দ্বিজেষ্বকোপং পিতৃতঃ প্রসাদং
শতং সুতানাং পরমং চ ভোগম্।
কুলে প্রীতিং মাতৃতশ্চ প্রসাদং-
শমপ্রাপ্তিং প্রবৃণে চাপি দাক্ষ্যম্॥ 13-46-6 (83121)
উমোবাচ। 13-46-7x (6860)
এবং ভবিষ্যত্যমরপ্রভাব
নাহং মৃষা জাতু বদে কদাচিৎ।
ভার্যাসহস্রাণি চ ষোডশৈব
তাসু প্রিয়ৎবং চ তথাঽক্ষয়ং 13-46-7 (83122)
প্রীতিং চাগ্র্যাং বান্ধবানাং সকাশা-
দ্দদামি তেঽহং বপুষঃ কাম্যতাং চ।
ভোক্ষ্যন্তে বৈ সপ্ততিং বৈ শতানি
গৃহে তুভ্যমতিথীনাং চ নিত্যম্॥ 13-46-8 (83123)
বাসুদেব উবাচ। 13-46-9x (6861)
এবং দত্ৎবা বরান্দেবো মম দেবী চ ভারত।
অন্তর্হিতঃ ক্ষণে তস্মিন্সগণো ভীমপূর্বজ॥ 13-46-9 (83124)
এতদত্যদ্ভুতং পূর্বং ব্রাহ্মণায়াতিতেজসে।
উপমন্যবে ময়া কৃৎস্নং ব্যাখ্যাতং পার্থিবোত্তম।
নমস্কৃৎবা তু স প্রাহ দেবদেবায় সুব্রত॥ 13-46-10 (83125)
নাস্তি শর্বসমো দেবো নাস্তি শর্বসমা গতিঃ।
নাস্তি শর্বসমো দানে নাস্তি শর্বসমো রণে॥ ॥ 13-46-11 (83126)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্চৎবারিংশোঽধ্যায়ঃ॥ 46 ॥
অনুশাসনপর্ব - অধ্যায় 047
॥ শ্রীঃ ॥
13.47. অধ্যায়ঃ 047
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
উপমন্যুনা কৃষ্ণংপ্রতি তণ্ডিকৃতমহাদেবস্তুত্যনুবাদঃ॥ 1 ॥Mahabharata - Anushaasana Parva - Chapter Text
উপমন্যুরুবাচ।
ঋষিরাসীৎকৃতে তাত তণ্ডিরিত্যেব বিশ্রুতঃ।
দশবর্ষসহস্রাণি তেন দেবঃ সমাধিনা॥ 13-47-1 (83127)
আরাধিতোঽভূদ্ভক্তেন তস্যোদর্কং নিশাময়।
স দৃষ্টবান্মহাদেবমস্তৌষীচ্চ স্তবৈর্বিভুম্॥ 13-47-2 (83128)
[ইতি তণ্ডিস্তপোয়োগাৎপরমাত্মানমব্যযম্।
চিন্তয়িৎবা মহাত্মানমিদমাহ সুবিস্মিতঃ॥ 13-47-3 (83129)
যং পঠন্তি সদা সাঙ্খ্যাশ্চিন্তয়ন্তি চ যোগিনঃ।
পরং প্রধানং পুরুষমধিষ্ঠাতারমীশ্বরম্। 13-47-4 (83130)
উৎপত্তৌ চ বিনাশে চ কারণং যং বিদুর্বুধাঃ।
দেবাসুরমুনীনাং চ পরং যস্মান্ন বিদ্যতে॥ 13-47-5 (83131)
অজং তমহমীশানমনাদিনিধনং প্রভুম্।
অত্যন্তসুখিনং দেবমনঘং শরণং ব্রজে॥ 13-47-6 (83132)
এবং ব্রুবন্নেব তদা দদর্শ তপসান্নিধিম্।
তমব্যযমনৌপম্যমচিন্ত্যং শাশ্বতং ধ্রুবম্॥ 13-47-7 (83133)
নিষ্কলং সকলং ব্রহ্ম নির্গুণং গুণগোচরম্।
যোগিনাং পরমানন্দমক্ষরং মোক্ষসংজ্ঞিতম্॥ 13-47-8 (83134)
মনোরিন্দ্রাগ্নিমরুতাং বিশ্বস্য ব্রহ্মণো গতিম্।
অগ্রাহ্যমচলং শুদ্ধং বুদ্ধিগ্রাহ্যং মনোময়ম্॥ 13-47-9 (83135)
দুর্বিজ্ঞেয়মসঙ্খ্যে দুষ্প্রাপমকৃতাত্মভিঃ।
যোনি বিশ্বস্য জগতস্তমসঃ পরতঃ পরম্॥ 13-47-10 (83136)
যঃ প্রাণবন্তমাত্মানং জ্যোতির্জীবস্থিতং মনঃ।
তং দেবং দর্শনাকাঙ্ক্ষী বহূন্বর্ষগণানৃষিঃ।
তপস্যুগ্রে স্থিতো ভূৎবা দৃষ্ট্বা তুষ্টাব চেশ্বরম্॥] 13-47-11 (83137)
তণ্ডিরুবাচ। 13-47-12x (6862)
পবিত্রাণাং পবিত্রস্ৎবং গতির্গতিমতাংবর॥ 13-47-12 (83138)
অত্যুগ্রং তেজসাং তেজস্তপসাং পরমং তপঃ।
বিশ্বাবসুহিরণ্যাক্ষপুরুহূতনমস্তৃত॥ 13-47-13 (83139)
ভূরিকল্যাণদ বিভো পরং সত্যং নমোস্তু তে।
জাতীমরণভীরূণাং যতীনাং যততাং বিভো॥ 13-47-14 (83140)
নির্বাণদ সহস্রাংশো নমস্তেঽস্তু সুখাশ্রয়।
ব্রহ্মা শতক্রতুর্বিষ্ণুর্বিশ্বেদেবা মহর্ষয়ঃ॥ 13-47-15 (83141)
ন বিদুস্ৎবাং তু তত্ৎবেন কুতো বেৎস্যামহে বয়ম্।
ৎবত্তঃ প্রবর্ততে সর্বং ৎবয়ি সর্বং প্রতিষ্ঠিতম্॥ 13-47-16 (83142)
কালাখ্যঃ পুরুষাখ্যশ্চ ব্রহ্মাখ্যশ্চ ৎবমেব হি।
তনবস্তে স্মৃতাস্তিস্রঃ পুরাণজ্ঞৈঃ সুরর্ষিভিঃ॥ 13-47-17 (83143)
অধিপৌরুষমধ্যাত্মমধিভূতাধিদৈবতম্।
অধিলোকাধিবিজ্ঞানমধিয়জ্ঞস্ৎবমেব হি॥ 13-47-18 (83144)
ৎবাং বিদিৎবাঽঽত্মদেবস্থং দুর্বিদং দৈবতৈরপি।
বিদ্বাংসো যান্তি নির্মুক্তাঃ পরং ভাবমনাময়ম্॥ 13-47-19 (83145)
অনিচ্ছতস্তব বিভো জন্মমৃত্যুরনেকতঃ।
দ্বারং তু স্বর্গমোক্ষাণামাক্ষেপ্তা ৎবং দদাসি চ॥ 13-47-20 (83146)
ৎবং বৈ স্বর্গশ্চ মোক্ষশ্চ কামঃ ক্রোধস্ৎবমেব চ।
সৎবং রজস্মমশ্চৈব অধশ্চোর্ধ্বং ৎবমেব হি॥ 13-47-21 (83147)
ব্রহ্মা ভবশ্চ বিষ্ণুশ্চ স্কন্দেন্দ্রৌ সবিতা যমঃ।
বরুণেন্দূ মনুর্ধাতা বিধাতা ৎবং ধনেশ্বরঃ॥ 13-47-22 (83148)
ভূর্বায়ুঃ সলিলাগ্নিশ্চ খং বাগ্বুদ্ধিঃ স্থিতির্মতিঃ।
কর্ম সত্যানৃতে চোভে ৎবমেবাস্তি চ নাস্তি চ॥ 13-47-23 (83149)
ইন্দ্রিয়াণীন্দ্রিয়ার্থাশ্চ প্রকৃতিভ্যঃ পরং ধ্রুবম্।
বিশ্বাবিশ্বপরো ভাবশ্চিন্ত্যাচিন্ত্যস্ৎবমেব হি॥ 13-47-24 (83150)
যচ্চৈতৎপরমং ব্রহ্ম যচ্চ তৎপরমং পদম্।
যা গতিঃ সাঙ্খ্যযোগানাং স ভবান্নাত্র সংশয়ঃ॥ 13-47-25 (83151)
নূনমদ্য কৃতার্থাঃ স্ম নূনং প্রাপ্তাঃ সতাং গতিম্।
যাং গতিং প্রার্তয়ন্তীহ জ্ঞাননির্মলবুদ্ধয়ঃ॥ 13-47-26 (83152)
অয়ো মূঢাঃ স্ম সুচিরমিমং কালমচেতসা।
যন্ন বিদ্মঃ পরং দেবং শাশ্বতং যং বিদুর্বুধাঃ॥ 13-47-27 (83153)
সেয়মাসাদিতা সাক্ষাত্ৎবদ্ভক্তির্জন্মভির্ময়া।
ভক্তানুগ্রহকৃদ্দেবো যং জ্ঞাৎবাঽমৃতমশ্নুতে॥ 13-47-28 (83154)
দেবাসুরমুনীনাং তু যচ্চ গুহ্যং সনাতনম্।
গুহায়াং নিহিতং ব্রহ্মি দুর্বিজ্ঞেয়ং মুনেরপি॥ 13-47-29 (83155)
স এষ ভগবান্দেবঃ সর্বকৃৎসর্বতোমুখঃ।
সর্বাত্মা সর্বদর্শী চ সর্বগঃ সর্ববেদিতা॥ 13-47-30 (83156)
দেহকৃদ্দেহভৃদ্দেহী দেহভুগ্দেহিনাং গতিঃ।
প্রাণকৃৎপ্রাণভৃৎপ্রাণী প্রাণদঃ প্রাণিনাং গতিঃ॥ 13-47-31 (83157)
অধ্যাত্মগতিরিষ্টানাং ধ্যায়িনামাত্মবেদিনাম্।
অপুনর্ভবকামানাং যা গতিঃ সোঽয়মীশ্বরঃ॥ 13-47-32 (83158)
অয়ং চ সর্বভূতানাং শুভাশুভগতিপ্রদঃ।
অয়ং চ জন্মমরণে বিদধ্যাৎসর্বজন্তুষু।
অয়ং সংসিদ্ধিকামানাং যা গতিঃ সোয়মীস্বরঃ। 13-47-33 (83159)
ভূরাদ্যান্সর্বভুবনানুৎপাদ্য সদিবৌকসঃ।
দধাতি দেবস্তনুভিরষ্টাভির্যো বিভর্তি চ॥ 13-47-34 (83160)
অতঃ প্রবর্ততে সর্বমস্মিন্সর্বং প্রতিষ্ঠিতম্।
অস্মিংশ্চ প্রলয়ং যাতি অয়মেকঃ সনাতনঃ॥ 13-47-35 (83161)
অয়ং স সত্যকামানাং সত্যলোকঃ পরং সতাম্।
অপবর্গশ্চ মুক্তানাং কৈবল্যং চাত্মবেদিনাম্॥ 13-47-36 (83162)
অয়ং ব্রহ্মাদিভিঃ সিদ্ধৈর্গুহায়াং গোপিতঃ প্রুভুঃ।
দেবাসুরমনুষ্যাণামপ্রকাশো ভবেদিতি॥ 13-47-37 (83163)
তং ৎবাং দেবাসুরনরাস্তত্ৎবেন ন বিদুর্ভবম্।
মোহিতাঃ খল্বনেনৈব হৃদিস্থেনাপ্রকাশিনা 13-47-38 (83164)
যে চৈনং প্রতিপদ্যন্তে ভক্তিয়োগেন ভাবিতাঃ।
তেষামেবাত্মনাত্মানং দর্শয়ত্যেষ হৃচ্ছয়ঃ॥ 13-47-39 (83165)
যং জ্ঞাৎবা ন পুনর্জন্ম মরণং চাপি বিদ্যতে।
যং বিদিৎবা পরং বেদ্যং বেদিতব্যং ন বিদ্যতে॥ 13-47-40 (83166)
যং লব্ধ্বা পরমং লাভং নাধিকং মন্যতে বুধঃ।
যাং সূক্ষ্মাং পরমাং প্রাপ্তিং গচ্ছন্নব্যযমক্ষয়ম্॥ 13-47-41 (83167)
যং সাঙ্খ্যা গুণতত্ৎবজ্ঞাঃ সাঙ্খ্যশাস্ত্রবিশারদাঃ।
সূক্ষ্মজ্ঞানতরাঃ সূক্ষ্মং জ্ঞাৎবা মুচ্যন্তি বন্ধনৈঃ 13-47-42 (83168)
যং চ বেদবিদো বেদ্যং বেদান্তে চ প্রতিষ্ঠিতম্।
প্রাণায়ামপরা নিত্যং যং বিশন্তি জপন্তি চ॥ 13-47-43 (83169)
ওংকাররথমারুহ্য তে বিশন্তি মহেশ্বরম্।
অয়ং স দেবয়ানানামাদিত্যো দ্বারমুচ্যতে॥ 13-47-44 (83170)
অয়ং চ পিতৃয়ানানাং চন্দ্রমা দ্বারমুচ্যতে।
এষ কাষ্ঠা দিশশ্চৈব সংবৎসরয়ুগাদি চ॥ 13-47-45 (83171)
দিব্যাদিব্যঃ পরো লাভ অয়নে দক্ষিণোত্তরে।
এনং প্রজাপতিঃ পূর্বমারাধ্য বহুভিঃ স্তবৈঃ॥ 13-47-46 (83172)
প্রজার্থং বরয়ামাস নীললোহিতসংজ্ঞিতম্।
ক্রগ্ভির্যমনুশাসন্তি তত্ৎবে কর্মণি বহ্বৃচাঃ॥ 13-47-47 (83173)
যজুর্ভির্যত্ত্রিধা বেদ্যং জুহ্বত্যধ্বর্যবোঽধ্বরে।
সামভির্যং চ গায়ন্তি সামগাঃ শুদ্ধবুদ্ধয়ঃ॥ 13-47-48 (83174)
ঋতং সত্যং পরং ব্রহ্ম স্তুবন্ত্যাথর্বণা দ্বিজাঃ।
যজ্ঞস্য পরমা যোনিঃ পরিশ্চায়ং পরঃ স্মৃতঃ॥ 13-47-49 (83175)
রাত্র্যহঃ শ্রোত্রনয়নঃ পক্ষমাসশিরোভুজঃ।
ঋতুবীর্যস্তপোধৈর্যো হ্যব্দগুহ্যোরুপাদবান্॥ 13-47-50 (83176)
মৃত্যুর্যমো হুতাশশ্চ কালঃ সংহারবেগবান্।
কালস্য পরমা যোনিঃ কালশ্চায়ং সনাতনঃ॥ 13-47-51 (83177)
চন্দ্রাদিত্যৌ সনক্ষত্রৌ গ্রহাশ্চ সহ বায়ুনা।
ধ্রুবঃ সপ্তর্ষয়শ্চৈব ভুবনাঃ সপ্ত এব চ॥ 13-47-52 (83178)
প্রধানং মহদব্যক্তং বিশেষান্তং সবৈকৃতম্।
ব্রহ্মাদিস্তম্বপর্যন্তং ভূতাদি সদসচ্চ যৎ॥ 13-47-53 (83179)
অষ্টৌ প্রকৃতয়শ্চৈব প্রকৃতিভ্যশ্চ যঃ পরঃ।
অস্য দেবস্য যদ্ভাগং কৃৎস্নং সম্পরিবর্ততে॥ 13-47-54 (83180)
এতৎপরমমানন্দং যত্তচ্ছাশ্বতমেব চ।
এষা গতির্বিরক্তানামেষ ভাবঃ পরঃ সতাম্॥ 13-47-55 (83181)
এতৎপদমনুদ্বিগ্নমেতদ্ব্রহ্ম সনাতনম্।
শাস্ত্রবেদাঙ্গবিদুষামেতদ্ধ্যানং পরং পদম্॥ 13-47-56 (83182)
ইয়ং সা পরমা কাষ্ঠা ইয়ং সা পরমা কলা।
ইয়ং সা পরমা সিদ্ধিরিয়ং সা পরমা গতিঃ॥ 13-47-57 (83183)
ইয়ং সা পরমা শান্তিরিয়ং সা নির্বৃতিঃ পরা।
যং প্রাপ্য কৃতকৃত্যাঃ স্ম ইত্যমন্যন্ত যোগিনঃ॥ 13-47-58 (83184)
ইয়ং তুষ্টিরিয়ং সিদ্ধিরিয়ং শ্রুতিরিয়ং স্মৃতিঃ।
অধ্যাত্মগতিরিষ্টানাং বিদুষাং প্রাপ্তিরব্যযা॥ 13-47-59 (83185)
যজতাং কাময়ানানাং মখৈর্বিপুলদক্ষিণৈঃ।
যা গতির্যজ্ঞশীলানাং সা গতিস্ৎবং ন সংশয়ঃ॥ 13-47-60 (83186)
সম্যগ্যোগজপৈঃ শান্তির্নিয়মৈর্দেহতাপনৈঃ।
তপ্যতাং যা গতির্দেব পরমা সা গতির্ভবান্॥ 13-47-61 (83187)
কর্মন্যাসকৃতানাং চ বিরক্তানাং ততস্ততঃ।
যা গতির্ব্রহ্মিসদনে সা গতিস্ৎবং সনাতন॥ 13-47-62 (83188)
অপুনর্ভবকামানাং বৈরাগ্যে বর্ততাং চ যা।
প্রকৃতীনাং লয়ানাং চ সা গতিস্ৎবং সনাতন॥ 13-47-63 (83189)
জ্ঞানবিজ্ঞানয়ুক্তানাং নিরুপাখ্যা নিরঞ্জনা।
কৈবল্যা যা গতির্দেব পরমা সা গতির্ভবান্॥ 13-47-64 (83190)
বেদশাস্ত্রপুরাণোক্তাঃ পঞ্চ তা গতয়ঃ স্মৃতাঃ।
ৎবৎপ্রসাদাদ্ধি লভ্যন্তে ন লভ্যন্তেঽন্যথা বিভো॥ 13-47-65 (83191)
ইতি তণ্ডিস্তপোরাশিস্তুষ্টাবেসানমাত্মনা।
জগৌ চ পরমং ব্রহ্ম যৎপুরা লোককৃজ্জগৌ॥ 13-47-66 (83192)
উপমন্যুরুবাচ। 13-47-67x (6863)
এবং স্তুতো মহাদেবস্তণ্ডিনা ব্রহ্মবাদিনা।
উবাচ ভগবান্দেব উময়া সহিতঃ প্রভুঃ॥ 13-47-67 (83193)
ব্রহ্মা শতক্রতুর্বিষ্ণুর্বিশ্বেদেবা মহর্ষয়ঃ।
ন বিদুস্ৎবামিতি ততস্তুষ্টঃ প্রোবাচ তং শিবঃ॥ 13-47-68 (83194)
অক্ষয়শ্চাব্যযশ্চৈব ভবিতা দুঃখবর্জিতঃ।
যশস্বী তেজসা যুক্তো দিব্যজ্ঞানসমন্বিতঃ॥ 13-47-69 (83195)
ঋষীণামভিগম্যশ্চ সূত্রকর্তা সুতস্তব।
মৎপ্রসাদাদ্দ্বিজশ্রেষ্ঠ ভবিষ্যতি ন সংশয়ঃ॥ 13-47-70 (83196)
কং বা কামং দদাম্যদ্য ব্রূহি যদ্বৎস কাঙ্ক্ষসে।
প্রাঞ্জলিঃ স উবাচেদং ৎবয়ি ভক্তির্দৃঢাঽস্তু মে॥ 13-47-71 (83197)
উপমন্যুরুবাচ। 13-47-72x (6864)
এতান্দত্ৎবা বরান্দেবো বন্দ্যমানঃ সুরর্ষিভিঃ।
স্তূয়মানশ্চ বিবুধৈস্তত্রৈবান্তরধীয়ত॥ 13-47-72 (83198)
অন্তর্হিতে ভগবতি সানুগে যাদবেশ্বর।
ঋষিরাশ্রমমাগম্য মমৈতৎপ্রোক্তবানিহ॥ 13-47-73 (83199)
যানি চ প্রথিতান্যাদৌ তণ্ডিরাখ্যাতবান্মম
মানানি মানবশ্রেষ্ঠ তানি ৎবং শৃণু সিদ্ধয়ে॥ 13-47-74 (83200)
দশ নামসহস্রাণি দেবেষ্বাহ পিতামহঃ।
সর্বস্য শাস্ত্রেষু তথা দশ নামশতানি চ॥ 13-47-75 (83201)
গুহ্যানীমানি নামানি তণ্ডির্ভগবতোঽচ্যুত।
দেবপ্রসাদাদ্দেবেশঃ পুরা প্রাহ মহাত্মনে॥ ॥ 13-47-76 (83202)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তচৎবারিংশোঽধ্যায়ঃ॥ 47 ॥
Mahabharata - Anushaasana Parva - Chapter Footnotes
7-47-2 উদর্কং ফলোদয়ম্॥ 7-47-27 অচেতসা অজ্ঞানেন ॥ 7-47-42 সূক্ষ্মং লিঙ্গং জ্ঞানেন তরন্ত্যতিকম্য গচ্ছন্তি তে সূক্ষ্মজ্ঞানতরাঃ॥অনুশাসনপর্ব - অধ্যায় 048
॥ শ্রীঃ ॥
13.48. অধ্যায়ঃ 048
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কৃষ্ণেন যুধিষ্ঠিরম্প্রত্যুপমন্যুনা স্বাত্মানং প্রত্যুক্তশিবসহস্রনামানুবাদঃ॥ 1 ॥Mahabharata - Anushaasana Parva - Chapter Text
বাসুদেব উবাচ।
ততঃ স প্রয়তো ভূৎবা মম তাত যুধিষ্ঠির।
প্রাঞ্জলিঃ প্রাহ বিপ্রর্ষির্নামসঙ্গ্রহমাদিতঃ॥ 13-48-1 (83203)
উপমন্যুরুবাচ। 13-48-2x (6865)
ব্রহ্মপ্রোক্তৈর্ঋষিপ্রোক্তৈর্বেদবেদাঙ্গসম্ভবৈ।
সর্বলোকেষু বিখ্যাতং স্তুত্যং স্তোষ্যামি নামভিঃ॥ 13-48-2 (83204)
মহদ্ভির্বিহিতৈঃ সত্যৈঃ সিদ্ধৈঃ সর্বার্থসাধকৈঃ।
ঋষিণা তণ্ডিনা ভক্ত্যা কৃতৈর্বেদকৃতাত্মনা॥ 13-48-3 (83205)
যথোক্তৈঃ সাধুভিঃ খ্যাতৈর্মুনিভিস্তত্ৎবদর্শিভিঃ।
প্রবরং প্রথমং স্বর্গ্যং সর্বভূতহিতং শুভম্॥ 13-48-4 (83206)
শ্রুতেঃ সর্বত্র জগতি ব্রহ্মলোকাবতারিতৈঃ।
সত্যৈস্তৎপরমং ব্রহ্মি ব্রহ্মপ্রোক্তং সনাতনম্।
বক্ষ্যে যদুকুলশ্রেষ্ঠ শৃণুষ্বাবহিতো মম॥ 13-48-5 (83207)
বরয়ৈনং ভবং দেবং ভক্তস্ৎবং পরমেশ্বরম্।
তেন তে শ্রাবয়িষ্যামি যত্তদ্ব্রহ্ম সনাতনম্॥ 13-48-6 (83208)
ন শক্যং বিস্তরাৎকৃৎস্নং বক্তুং সর্বস্য কেনচিৎ।
যুক্তেনাপি বিভূতীনামপি বর্ষশতৈরপি॥ 13-48-7 (83209)
যস্যাদির্মধ্যমন্তং চ সুরৈরপি ন গম্যতে।
কস্তস্য শক্নুয়াদ্বক্তং গুণান্কার্ৎস্ন্যেন মাধব॥ 13-48-8 (83210)
কিন্তু দেবস্য মহতঃ সংক্ষিপ্তার্থপদাক্ষরম্।
শক্তিতশ্চরিতং বক্ষ্যে প্রসাদাত্তস্য ধীমতঃ॥ 13-48-9 (83211)
অপ্রাপ্য তু ততোঽনুজ্ঞাং ন শক্যঃ স্তোতুমীশ্বরঃ।
যদা তেনাভ্যনুজ্ঞাতঃ স্তুতো বৈ স তদা ময়া॥ 13-48-10 (83212)
অনাদিনিধনস্যাহং জগদ্যোনের্মহাত্মনঃ।
নাম্নাং কঞ্চিৎসমুদ্দেশং বক্ষ্যাম্যব্যক্তয়োনিনঃ॥ 13-48-11 (83213)
বরদস্য বরেণ্যস্য বিশ্বরূপস্য ধীমতঃ।
শৃণু নাম্নাং চয়ং কৃষ্ণ যদুক্তং পদ্ময়োনিনা॥ 13-48-12 (83214)
দশ নামসহস্রাণি যান্যাহ প্রপিতামহঃ।
তানি নির্মথ্য মনসা দধ্নো ঘৃতমিবোদ্ধৃতম্॥ 13-48-13 (83215)
গিরেঃ সারং যথা হেম পুষ্পসারং যথা মধু।
ঘৃতাৎসারং যথা মণ্ডস্তথৈতৎসারমুদ্ধৃতম্। 13-48-14 (83216)
সর্বপাপাপহমিদং চতুর্বেদসমন্বিতম্।
প্রয়ত্নেনাধিগন্তব্যং ধার্যং চ প্রয়তাত্মনা॥ 13-48-15 (83217)
মাঙ্গল্যং পৌষ্টিকং চৈব রক্ষোঘ্নং পাবনং মহৎ॥ 13-48-16 (83218)
ইদং ভক্তায় দাতব্যং শ্রদ্দঘানাস্তিকায় চ।
নাশ্রদ্দধানরূপায় নাস্তিকায়াজিতাত্মনে॥ 13-48-17 (83219)
যশ্চাভ্যসূয়তে দেবং কারণাত্মানমীশ্বরম্।
স কৃষ্ণ নরকং যাতি সহপূর্বৈঃ সহাত্মজৈঃ॥ 13-48-18 (83220)
ইদং ধ্যানমিদং যোগমিদং ধ্যেয়মনুত্তমমম্।
ইদং জপ্যমিদং জ্ঞানং রহস্যমিদমুত্তম্॥ 13-48-19 (83221)
যং জ্ঞাৎবা অন্তকালেঽপি গচ্ছেত পরমাং গতিম্।
পবিত্রং মঙ্গলং মেধ্যং কল্যাণমিদমুত্তমম্॥ 13-48-20 (83222)
ইদং ব্রহ্মা পুরা কৃৎবা সর্বলোকপিতামহঃ।
সর্বস্তবানাং রাজৎবে দিব্যানাং সমকল্পয়ৎ॥ 13-48-21 (83223)
তদাপ্রভৃতি চৈবায়মীশ্বরস্য মহাত্মনঃ।
স্তবরাজ ইতি খ্যাতো জগত্যমরপূজিতঃ॥ 13-48-22 (83224)
ব্রহ্মলোকাদয়ং স্বর্গে স্তবরাজোঽবতারিতঃ।
যতস্তণ্ডিঃ পুরা প্রাপ তেন তণ্ডিকৃতোঽভবৎ॥ 13-48-23 (83225)
স্বর্গাচ্চৈবাত্র ভূর্লোকং তণ্ডিনা হ্যবতারিতঃ।
সর্বমঙ্গলমাঙ্গল্যং সর্বপাপপ্রণাশনম্॥ 13-48-24 (83226)
নিগদিষ্যে মহাবাহো স্তবানামুত্তমং স্তবম্।
ব্রহ্মণামপি যদ্ব্রহ্ম পরাণামপি যৎপরম্॥ 13-48-25 (83227)
তেজসামপি যত্তেজস্তপসামপি যত্তপঃ।
শান্তীনামপি যা শান্তির্দ্যুতীনামপি যা দ্যুতিঃ॥ 13-48-26 (83228)
দান্তানামপি যো দান্তো ধীমতামপি যা চ ধীঃ।
দেবানামপি যো দেব ঋষীণামপি যস্ৎবৃষিঃ॥ 13-48-27 (83229)
যজ্ঞানামপি যো যজ্ঞঃ শিবানামপি যঃ শিবঃ।
রুদ্রাণামপি যো রুদ্রঃ প্রভা প্রভবতামপি॥ 13-48-28 (83230)
যোগিনামপি যো যোগী কারণানাং চ কারণম্।
যতো লোকাঃ সম্ভবন্তি নভবন্তি যতঃ পুনঃ॥ 13-48-29 (83231)
সর্বভূতাত্মভূতস্য হরস্যামিততেজসঃ।
অষ্টোত্তরসহস্রং তু নাম্নাং শর্বস্য মে শৃণু।
যচ্ছ্রুৎবা মনুজব্যাঘ্র সর্বান্কামানবাপ্স্যসি॥ 13-48-30 (83232)
স্থিরঃ স্থাণুঃ প্রভুর্ভানুঃ, প্রবরো বরদো বরঃ।
সর্বাত্মা সর্ববিখ্যাতঃ সর্বঃ সর্বকরো ভবঃ॥ 13-48-31 (83233)
জটী চর্মীং শিখী খঙ্গী সর্বাঙ্গঃ সর্বভাবনঃ।
হরশ্চ হরিণাক্ষশ্চ সর্বভূতহরঃ প্রভুঃ॥ 13-48-32 (83234)
প্রবৃত্তিশ্চ নিবৃত্তিশ্চ নিয়তঃ শাশ্বতো ধ্রুবঃ।
শ্মশানবাসী ভগবান্খচরো গোচরোঽর্দনঃ॥ 13-48-33 (83235)
অভিবাদ্যো মহাকর্মা তপস্বী ভূতভাবনঃ।
উন্মত্তবেষপ্রচ্ছন্নঃ সর্বলোকপ্রজাপতিঃ॥ 13-48-34 (83236)
মহারূপো মহাকায়ো বৃষরূপো মহায়শাঃ।
মহাত্মা সর্বভূতাত্মা বিশ্বরূপো মহাহনুঃ॥ 13-48-35 (83237)
লোকপালোঽন্তর্হিতাত্মা প্রসাদো হয়গর্দভিঃ।
পবিত্রং চ মহাংশ্চৈব নিয়মো নিয়মাশ্রিতঃ॥ 13-48-36 (83238)
সর্বকর্মা স্বয়ংভূত আদিরাদিকরো নিধিঃ।
সহস্রাক্ষো বিশালাক্ষঃ সোমো নক্ষত্রসাধকঃ॥ 13-48-37 (83239)
চন্দ্রঃ সূর্যঃ শনিঃ কেতুর্গ্রহো গ্রহপতির্বরঃ।
অত্রিরত্র্যা নমস্কর্তা মৃগবাণার্পণোঽনঘঃ॥ 13-48-38 (83240)
মহাতপা ঘোরতপা অদীনো দীনসাধকঃ।
সংবৎসরকরো মন্ত্রঃ প্রমাণং পরমং তপঃ॥ 13-48-39 (83241)
যোগী যোজ্যো মহাবীজো মহারেতা মহাবলঃ।
সুবর্ণরেতাঃ সর্বজ্ঞঃ সুবীজো বীজবাহনঃ॥ 13-48-40 (83242)
দশবাহুস্ৎবনিমিষো নীলকণ্ঠ উমাপতিঃ।
বিশ্বরূপঃ স্বয়ং শ্রেষ্ঠো বলবীরো বলো গণঃ॥ 13-48-41 (83243)
গণকর্তা গণপতির্দিগ্বাসাঃ কাম এব চ।
মন্ত্রবিৎপরমো মন্ত্রঃ সর্বভাবকরো হরঃ॥ 13-48-42 (83244)
কমণ্ডলুধরো ধন্বী বাণহস্তঃ কপালবান্।
অশনী শতঘ্নী খঙ্গী পট্টিশী চায়ুধী মহান্॥ 13-48-43 (83245)
স্রুবহস্তঃ সুরূপশ্চ তেজস্তেজস্করো নিধিঃ।
উষ্ণীষী চ সুবক্ত্রশ্চ উদগ্রো বিনতস্তথা॥ 13-48-44 (83246)
দীর্ঘশ্চ হরিকেশশ্চ সুতীর্থঃ কুষ্ণ এব চ।
শৃগালরূপঃ সিদ্ধার্থো মুণ্ডঃ সর্বশুভংকরঃ॥ 13-48-45 (83247)
অজশ্চ বহুরূপশ্চ গন্ধধারী কপর্দ্যপি।
ঊর্ধ্বরেতা ঊর্ধ্বলিঙ্গ ঊর্ধ্বশায়ী নভঃস্থলঃ॥ 13-48-46 (83248)
ত্রিজটী চীরবাসাশ্চ রুদ্রঃ সেনাপতির্বিভুঃ।
অহশ্চরো নক্তংচরস্তিগ্মমন্যুঃ সুবর্চসঃ॥ 13-48-47 (83249)
গজহা দৈত্যহা কালো লোকধাতা গুণাকরঃ।
সিংহশার্দূলরূপশ্চি আর্দ্রচর্মাম্বরাবৃতঃ॥ 13-48-48 (83250)
কালয়োগী মহানাদঃ সর্বকামশ্চতুষ্পথঃ।
নিশাচরঃ প্রেতচারী ভূতচারী মহেশ্বরঃ॥ 13-48-49 (83251)
বহুভূতো বহুধরঃ স্বর্ভিনুরমিতো গতিঃ।
নৃত্যপ্রিয়ো নিত্যনর্তো নর্তকঃ সর্বলালসঃ॥ 13-48-50 (83252)
ঘোরো মহাতপাঃ পাশো নিত্যো গিরিরুহো নভঃ।
সহস্রহস্তো বিজয়ো ব্যবসায়ো হ্যতন্দ্রিতঃ॥ 13-48-51 (83253)
অধর্ষণো ধর্ষণাত্মা যজ্ঞহা কামনাশকঃ।
দক্ষয়াগাপহারী চ সুসহো মধ্যমস্তথা॥ 13-48-52 (83254)
তেজোপহারী বলহা মুদিতোঽর্থোঽজিতো বরঃ।
গম্ভীরঘোষো গম্ভীরো গম্ভীরবলবাহনঃ॥ 13-48-53 (83255)
ন্যগ্রোধরূপো ন্যগ্রোধো বৃক্ষকর্ণস্থিতির্বিভুঃ।
সুতীক্ষ্ণদশনশ্চৈব মহাকায়ো মহাননঃ॥ 13-48-54 (83256)
বিষ্বক্সেনো হরির্যজ্ঞঃ সংয়ুগাপীডবাহনঃ।
তীক্ষ্ণতাপশ্চ হর্যশ্বঃ সহায়ঃ কর্মকালবিৎ॥ 13-48-55 (83257)
বিষ্ণুপ্রসাদিতো যজ্ঞঃ সমুদ্রো বডবামুখঃ।
হুতাশনসহায়শ্চ প্রশান্তাত্মা হুতাশনঃ॥ 13-48-56 (83258)
উগ্রতেজা মহাতেজা জন্যো বিজয়কালবিৎ।
জ্যোতিষাময়নং সিদ্ধিঃ সর্ববিগ্রহ এব চ॥ 13-48-57 (83259)
শিংখী মুণ্ডী জটী জ্বালী মূর্তিজো মূর্ধগো বলী।
বেণবী পণবী তালী খলী কালকটংকটঃ॥ 13-48-58 (83260)
নক্ষত্রবিগ্রহমতির্গুণবুদ্ধির্লয়ো গমঃ।
প্রজাপতির্বিশ্ববাহুর্বিভাগঃ সর্বগোমুখঃ॥ 13-48-59 (83261)
বিমোচনঃ সুসরণো হিরণ্যকবচোদ্ভবঃ॥
মেঢ্রজো বলচারী চ মহীচারী স্রুতস্তথা॥ 13-48-60 (83262)
সর্বতূর্যনিনাদী চ সর্বাতোদ্যপরিগ্রহঃ।
ব্যালরূপো গুহাবাসী গুহো মালী তরঙ্গবিৎ॥ 13-48-61 (83263)
ত্রিদশস্ত্রিকালধৃক্কর্মসর্ববন্ধবিমোচনঃ।
বন্ধনস্ৎবসুরেন্দ্রাণাং যুধি শত্রুবিনাশনঃ॥ 13-48-62 (83264)
সাঙ্খ্যপ্রসাদো দুর্বাসাঃ সর্বসাধুনিষেবিতঃ।
প্রস্কন্দনো বিভাগজ্ঞো অতুল্যো যজ্ঞভাগবিৎ॥ 13-48-63 (83265)
সর্ববাসঃ সর্বচারী দুর্বাসা বাসবোঽমরঃ।
হৈমো হেমকরো যজ্ঞঃ সর্বংধারী ধরোত্তমঃ॥ 13-48-64 (83266)
লোহিতাক্ষো মহাক্ষশ্চ বিজয়াক্ষো বিশারদঃ।
সঙ্গ্রহো নিগ্রহঃ কর্তা সর্পচীরনিবাসনঃ॥ 13-48-65 (83267)
মুখ্যোঽমুখ্যশ্চ দেহশ্চ কাহলিঃ সর্বকামদঃ।
সর্বকাসপ্রসাদশ্চ সুবলো বলরূপধৃৎ॥ 13-48-66 (83268)
সর্বকামবরশ্চৈব সর্বদঃ সর্বতোমুখঃ।
আকাশনির্বিরূপশ্চ নিপাতী হ্যবশঃ খগঃ॥ 13-48-67 (83269)
রৌদ্ররূপোংঽশুরাদিত্যো বহুরশ্মিঃ সুবর্চসী।
বসুবেগো মহাবেগো মনোবেগো নিশাচরঃ॥ 13-48-68 (83270)
সর্ববাসী শ্রিয়াবাসী উপদেশকরোঽকরঃ।
মুনিরাত্মনিরালোকঃ সম্ভগ্নশ্চ সহস্রদঃ॥ 13-48-69 (83271)
পক্ষী চ পক্ষরূপশ্চ অতিদীপ্তো বিশাম্পতিঃ।
উন্মাদো মদনঃ কামো হ্যশ্বত্থোঽর্থকরো যশঃ॥ 13-48-70 (83272)
বামদেবশ্চ বামশ্চ প্রাগ্দক্ষিণশ্চ বামনঃ।
সিদ্ধয়োগী মহর্ষিশ্চ সিদ্ধার্থঃ সিদ্ধসাধকঃ॥ 13-48-71 (83273)
ভিক্ষুশ্চ ভিক্ষুরূপশ্চ বিপণো মৃদুরব্যযঃ।
মহাসেনো বিশাখশ্চ ষষ্টিভাগো গবাংপতিঃ॥ 13-48-72 (83274)
বজ্রহস্তশ্চ বিষ্কম্ভী চমূস্তম্ভন এব চ।
বৃত্তাবৃত্তকরস্তালো মধুর্মধুকলোচনঃ॥ 13-48-73 (83275)
বাচস্পত্যো বাজসনো নিত্যমাশ্রমপূজিতঃ।
ব্রহ্মচারী লোকচারী সর্বচারী বিচারবিৎ॥ 13-48-74 (83276)
ঈশান ঈশ্বরঃ কালো নিশাচারী পিনাকবান্।
নিমিত্তস্থো নিমিত্তং চ নন্দির্নন্দিকরো হরিঃ॥ 13-48-75 (83277)
নন্দীশ্বরশ্চ নন্দী চ নন্দনো নন্দিবর্ধনঃ।
ভগহারী নিহন্তা চ কালো ব্রহ্মা পিতামহঃ॥ 13-48-76 (83278)
চতুর্মুখো মহালিঙ্গশ্চারুলিঙ্গস্তথৈব চ।
লিঙ্গাধ্যক্ষঃ সুরাধ্যক্ষো যোগাধ্যক্ষো যুগাবহঃ॥ 13-48-77 (83279)
বীজাধ্যক্ষো বীজকর্তা অব্যাত্মাঽনুগতো বলঃ।
ইতিহাসঃ সকল্পশ্চ গৌতমোঽথ নিশাকরঃ॥ 13-48-78 (83280)
দম্ভো হ্যদম্ভো বৈদম্ভো বশ্যো বশকরঃ কলিঃ।
লোককর্তা পশুপতির্মহাকর্তা হ্যনৌষধঃ॥ 13-48-79 (83281)
অক্ষরং পরমং ব্রহ্মি বলবচ্ছক্র এব চ।
নীতির্হ্যনীতিঃ শুদ্ধাত্মা শুদ্ধো মান্যো গতাগতঃ॥ 13-48-80 (83282)
বহুপ্রসাদঃ সুস্বপ্নো দর্পণোঽথ ৎবভিত্রজিৎ।
বেদকারো মন্ত্রকারো বিদ্বান্সমরমর্দনঃ॥ 13-48-81 (83283)
মহামেঘনিবাসী চ মহাঘোরো বশীকরঃ।
অগ্নিজ্বালো মহাজ্বালো অতিধূম্রো হুতো হিবঃ॥ 13-48-82 (83284)
বৃষণঃ শংকরো নিত্যং বর্চস্বী ধূমকেতনঃ।
নীলস্তথাঙ্গলুব্ধশ্চ শোভনো নিরবগ্রহঃ॥ 13-48-83 (83285)
স্বস্তিদঃ স্বস্তিভাবশ্চ ভাগী ভাগকরো লঘুঃ।
উৎসঙ্গশ্চ মহাঙ্গশ্চি মহাগর্ভপরায়ণঃ॥ 13-48-84 (83286)
কৃষ্ণবর্ণঃ সুবর্ণশ্চ ইন্দ্রিয়ং সর্বদেহিনাম্।
মহাপাদো মহাহস্তো মহাকায়ো মহায়শাঃ॥ 13-48-85 (83287)
মহামূর্ধা মহাভাত্রো মহানেত্রো নিশালয়ঃ।
মহান্তকো মহাকর্ণো মহোষ্ঠশ্চি মহাহনুঃ॥ 13-48-86 (83288)
মহানাসো মহাকম্বুর্মহাগ্রীবঃ শ্মশানভাক্।
মহাবক্ষা মহোরস্কো হ্যন্তরাত্মা মৃগালয়ঃ॥ 13-48-87 (83289)
লম্বনো লম্বিতোষ্ঠশ্চ মহামায়ঃ পয়োনিধিঃ।
মহাদন্তো মহাদংষ্ট্রো মহাজিহ্বো মহামুখঃ॥ 13-48-88 (83290)
মহানখো মহারোমা মহাকেশো মহাজটঃ।
প্রসন্নশ্চ প্রসাদশ্চ প্রত্যযো গিরিসাধনঃ॥ 13-48-89 (83291)
স্নেহনোঽস্নেহনশ্চৈব অজিতশ্চ মহামুনিঃ।
বৃক্ষাকারো বৃক্ষকেতুরনলো বায়ুবাহনঃ॥ 13-48-90 (83292)
গণ্ডলী মেরুধামা চ দেবাধিপতিরেব চ।
অথর্বশীর্ষঃ সামাস্য ঋক্সহস্রামিতেক্ষণঃ॥ 13-48-91 (83293)
যজুঃপাদভুজো গুহ্যঃ প্রকাশো জঙ্গমস্তথা।
অমোঘার্থঃ প্রসাদশ্চ অভিগম্যঃ সুদর্শনঃ॥ 13-48-92 (83294)
উপকারঃ প্রিয়ঃ সর্বঃ কনকঃ কাঞ্চনচ্ছবিঃ।
নাভির্নন্দিকরো ভাবঃ পুষ্করস্থপতিঃ স্থিরঃ॥ 13-48-93 (83295)
দ্বাদশস্ত্রাসনশ্চাদ্যো যজ্ঞো যজ্ঞসমাহিতঃ।
নক্তং কলিশ্চ কালশ্চ মকরঃ কালপূজিতঃ॥ 13-48-94 (83296)
সগণো গণকারশ্চ ভূতবাহনসারথিঃ।
ভস্মশয়ো ভস্মগোপ্তা ভস্মভূতস্তরুর্গণঃ॥ 13-48-95 (83297)
লোকপালস্তথা লোকো মহাত্মা সর্বপূজিতঃ।
শুক্লস্ত্রিশুক্লঃ সম্পন্নঃ শুচির্ভূতনিষেবিতঃ॥ 13-48-96 (83298)
আশ্রমস্থঃ ক্রিয়াদস্থো বিশ্বকর্মমতির্বরঃ।
বিশালশাখস্তাম্রোষ্ঠো হ্যম্বুজালঃ সুনিশ্চলঃ॥ 13-48-97 (83299)
কপিলঃ কপিশঃ শুক্ল আয়ুশ্চৈবি পরোঽপরঃ।
গন্ধর্বো হ্যদিতিস্তার্ক্ষ্যঃ সুবিজ্ঞেয়ঃ সুশারদঃ॥ 13-48-98 (83300)
পরশ্বধায়ুধো দেব অনুকারী সুবান্ধবঃ।
তুম্ববীণো মহাক্রোধ ঊর্ধ্বরেতা জলেশয়ঃ॥ 13-48-99 (83301)
উগ্রো বংশকরো বংশো বংশনাদো হ্যনিন্দিতঃ।
সর্বাঙ্গরূপো মায়াবী সুহৃদো হ্যনিলোঽনলঃ॥ 13-48-100 (83302)
বন্ধনো বন্ধকর্তা চ সুবন্ধনবিমোচনঃ।
স যজ্ঞারিঃ স কামারির্মহাদংষ্ট্রো মহায়ুধঃ॥ 13-48-101 (83303)
বহুধা নিন্দিতঃ শর্বঃ শঙ্করঃ শঙ্করোঽধনঃ।
অমরেশো মহাদেবী বিশ্বদেবঃ সুরারিহা॥ 13-48-102 (83304)
অহির্বুধ্ন্যোঽনিলাভশ্চ চেকিতানো হবিস্তথা।
অজৈকপাচ্চ কাপালী ত্রিশঙ্কুরজিতঃ শিবঃ॥ 13-48-103 (83305)
ধন্বন্তরির্ধূমকেতুঃ স্কন্দো বৈশ্রবণস্তথা।
ধাতা শক্রশ্চ বিষ্ণুশ্চ মিত্রস্ৎবষ্টা ধ্রুবো ধরঃ॥ 13-48-104 (83306)
প্রভাবঃ সর্বগো বায়ুরর্যমা সবিতা রবিঃ।
উষঙ্গুশ্চ বিধাতা চ মাংধাতা ভূতভাবনঃ॥ 13-48-105 (83307)
বিভুর্বর্ণবিভাবী চ সর্বকামগুণাবহঃ।
পদ্মনাভো মহাগর্ভশ্চন্দ্রবক্ত্রোঽনিলোঽনলঃ॥ 13-48-106 (83308)
বলবাংশ্চোপশান্তশ্চ পুরাণঃ পুণ্যচঞ্চুরী।
কুরুকর্তা কুরুবাসী কুরুভূতো গুণৌষধঃ॥ 13-48-107 (83309)
সর্বাশয়ো দর্ভচারী সর্বেষাং প্রাণিনাং পতিঃ।
দেবদেবঃ সুখাসক্তঃ সদসৎসর্বরত্নবিৎ॥ 13-48-108 (83310)
কৈলাসগিরিবাসী চ হিমবদ্ভিরিসংশ্রয়ঃ।
কূলহারী কূলকর্তা বহুবিদ্যো বহুপ্রদঃ॥ 13-48-109 (83311)
বণিজো বর্ধকী বৃক্ষো বকুলশ্চন্দনশ্ছদঃ।
সারগ্রীবো মহাজত্রুরলোলশ্চ মহৌষধঃ॥ 13-48-110 (83312)
সিদ্ধার্থকারী সিদ্ধার্থশ্ছদো ব্যাকরণোত্তরঃ।
সিংহনাদঃ সিংহদংষ্ট্রঃ সিংহগঃ সিংহবাহনঃ॥ 13-48-111 (83313)
প্রভাবাত্মা জগৎকালস্থালো লোকহিতস্তরুঃ।
সারঙ্গো নবচক্রাঙ্গঃ কেতুমালী সভাবনঃ॥ 13-48-112 (83314)
ভূতালয়ো ভূতপতিরহোরাত্রমনিন্দিতঃ॥ 13-48-113 (83315)
বাহিতা সর্বভূতানাং নিলয়শ্চ বিভুর্ভবঃ।
অমোঘঃ সংয়তো হ্যশ্বো ভোজনঃ প্রাণধারণঃ॥ 13-48-114 (83316)
ধৃতিমান্মতিমান্দক্ষঃ সৎকৃতশ্চ যুগাধিপঃ।
গোপালির্গোপতির্গ্রামো গোচর্মবসনো হরিঃ। 13-48-115 (83317)
হিরণ্যবাহুশ্চ ততা গুহাপালঃ প্রবেশিনাম্।
প্রকৃষ্টারির্মহাহর্ষো জিতকামো জিতেন্দ্রিয়ঃ॥ 13-48-116 (83318)
গান্ধারশ্চ সুবাসস্চ তপঃসক্তো রতির্নরঃ।
মহাগীতো মহানৃত্যো হ্যপ্সরোগণসেবিতঃ॥ 13-48-117 (83319)
মহাকেতুর্মহাধাতুর্নৈকসানুচরশ্চলঃ।
আবেদনীয় আদেশঃ সর্বগন্ধসুখাবহঃ॥ 13-48-118 (83320)
তোরণস্তারণো বাতঃ বরিধী পতিখেচরঃ।
সংয়োগো বর্ধনো বৃদ্ধো অতিবৃদ্ধো গুণাধিকঃ॥ 13-48-119 (83321)
নিত্য আত্মসহায়শ্চ দেবাসুরপতিঃ পতিঃ।
যুক্তশ্চ যুক্তবাহুশ্চ দেবো দিবি সুপর্বণঃ॥ 13-48-120 (83322)
আষাঢশ্চ সুষাংঢশ্চ ধ্রুবোঽথ হরিণো হরঃ।
বপুরাবর্তমানেভ্যো বসুশ্রেষ্ঠো মহাপথঃ॥ 13-48-121 (83323)
শিরোহারী বিমর্শশ্চ সর্বলক্ষণলক্ষিতঃ।
অক্ষশ্চ রথয়োগী চ সর্বয়োগী মহাবলঃ॥ 13-48-122 (83324)
সমাম্নায়োঽসমাম্নায়স্তীর্থদেবো মহারথঃ।
নির্জীবো জীবনো মন্ত্রঃ শুভাক্ষো বহুকর্কশঃ॥ 13-48-123 (83325)
রত্নপ্রভূতো রত্নাঙ্গো মহার্ণবনিপানবিৎ।
মূলং বিশালো হ্যমৃতো ব্যক্তাব্যক্তস্তপোনিধিঃ॥ 13-48-124 (83326)
আরোহণোঽধিরোহশ্চ শীলধারী মহায়শাঃ।
সেনাকল্পো মহাকল্পো যোগো যুগকরো হরিঃ॥ 13-48-125 (83327)
যুগরূপো মহারূপো মহানাগহনো বধঃ।
ন্যায়নির্বপণঃ পাদঃ পণ্ডিতো হ্যচলোপমঃ॥ 13-48-126 (83328)
বহুমালো মহামালঃ শশী হরসুলোচনঃ।
বিস্তারো লবণঃ কূপস্ত্রিয়ুগঃ সফলোদয়ঃ॥ 13-48-127 (83329)
ত্রিলোচনো বিষষ্ণাঙ্গো মণিবিদ্ধো জটাধরঃ।
বিন্দুর্বিসর্গঃ সুমুখঃ শরঃ সর্বায়ুধঃ সহঃ॥ 13-48-128 (83330)
নিবেদনঃ সুখাজাতঃ সুগন্ধারো মহাধনুঃ।
গন্ধপালী চ ভগবানুত্থানঃ সর্বকর্মণাম্॥ 13-48-129 (83331)
মন্থানো বহুলো বায়ুঃ সকলঃ সর্বলোচনঃ।
তলস্তালঃ করস্থালী ঊর্ধ্বসংহননো মহান্॥ 13-48-130 (83332)
ধত্রং সুচ্ছত্রো বিখ্যাতো লোকঃ সর্বাশ্রয়ঃ ক্রমঃ।
মুণ্ডো বিরূপো বিকৃতো দণ্ডী কুণ্ডী বিকুর্বণঃ। 13-48-131 (83333)
হর্যক্ষঃ ককুভো বজ্রো শতজিহ্বঃ সহস্রপাৎ।
সহস্রমূর্ধা দেবেন্দ্রঃ সর্বদেবময়ো গুরুঃ॥ 13-48-132 (83334)
সহস্রবাহুঃ সর্বাঙ্গঃ শরণ্যঃ সর্বলোককৃৎ।
পবিত্রং ত্রিককুন্মন্ত্রঃ কনিষ্ঠঃ কৃষ্ণপিঙ্গলঃ। 13-48-133 (83335)
ব্রহ্মদণ্ডবিনির্মাতা শতঘ্নীপাশশক্তিমান্।
পদ্মগর্ভো মহাগর্ভো ব্রহ্মগর্ভো জলোদ্ভবঃ॥ 13-48-134 (83336)
গভস্তির্ব্রহ্মকৃদ্ব্রহ্মী ব্রহ্মবিদ্ব্রাহ্মণো গতিঃ।
অনন্তরুপো নৈকাত্মা তিগ্মতেজাঃ স্বয়ংভুবঃ॥ 13-48-135 (83337)
ঊর্ধ্বগাত্মা পশুপতির্বাতরংহা মনোজবঃ।
চন্দনী পদ্মনালাগ্রঃ সুরভ্যুত্তরণো নরঃ॥ 13-48-136 (83338)
কর্ণিকারমহাস্রগ্বী নীলমৌলিঃ পিনাকধৃৎ।
উমাপতিরুমাকান্তো জাহ্নবীধৃগুমাধবঃ॥ 13-48-137 (83339)
বরো বরাহো বরদো বরেণ্যঃ সুমাহাস্বনঃ।
মহাপ্রসাদো দমনঃ শত্রুহা শ্বেতপিঙ্গলঃ॥ 13-48-138 (83340)
পীতাত্মা পরমাত্মা চ প্রয়তাত্মা প্রধানধৃৎ।
সর্বপার্শ্বমুখস্ত্র্যক্ষো ধর্মসাধারণো বরঃ॥ 13-48-139 (83341)
চরাচরাত্মা সূক্ষ্মাত্মা অমৃতো গোবৃষেশ্বরঃ।
সাধ্যর্ষির্বসুরাদিত্যো বিবস্বান্সবিতাঽমৃতঃ 13-48-140 (83342)
ব্যাসঃ সর্গঃ সুসংক্ষেপো বিস্তরঃ পর্যযো নরঃ।
ঋতু সংবৎসরো মাসঃ পক্ষঃ সঙ্খ্যাসমাপনঃ॥ 13-48-141 (83343)
কলা কাষ্ঠা লবা মাত্রা মুহূর্তাহঃক্ষপাঃ ক্ষণাঃ।
বিশ্বক্ষেত্রং প্রজাবীজং লিঙ্গমাদ্যস্তু নির্গমঃ॥ 13-48-142 (83344)
সদসদ্ব্যক্তমব্যক্তং পিতা মাতা পিতামহঃ।
স্বর্গদ্বারং প্রজাদ্বারং মোক্ষদ্বারং ত্রিবিষ্টপম্॥ 13-48-143 (83345)
নির্বাণং হ্লাদনশ্চৈব ব্রহ্মলোক পরা গতিঃ।
দেবাসুরবিনির্মাতা দেবাসুরপরায়ণঃ॥ 13-48-144 (83346)
দেবাসুরগুরুর্দেবো দেবাসুরনমস্কৃতঃ।
দেবাসুরমহামাত্রো দেবাসুগণাশ্রয়ঃ॥ 13-48-145 (83347)
দেবাসুরগণাধ্যক্ষো দেবাসুরগণাগ্রণীঃ।
দেবাতিদেবো দেবর্ষির্দেবাসুরবরপ্রদঃ॥ 13-48-146 (83348)
দেবাসুরেশ্বরো বিশ্বো দেবাসুরমহেশ্বরঃ।
সর্বদেবময়োচিন্ত্যো দেবতাত্মাঽত্মসম্ভবঃ॥ 13-48-147 (83349)
উদ্ভিত্ত্রিবিক্রমো বৈদ্যো বিরজো নীরজোঽমরঃ॥
ঈড্যো হস্তীশ্বরো ব্যাঘ্রো দেবসিংহো নরর্ষভঃ॥ 13-48-148 (83350)
বিবুধোঽগ্রবরঃ সূক্ষ্মঃ সর্বদেবস্তপোময়ঃ।
সুয়ুক্তঃ শোভনো বজ্রী প্রাসানাং প্রভবোঽব্যযঃ॥ 13-48-149 (83351)
গুহঃ কান্তো নিজঃ সর্গঃ পবিত্রং সর্বপাবনঃ।
শৃঙ্গী শৃঙ্গপ্রিয়ো বভ্রূ রাজরাজো নিরাময়ঃ॥ 13-48-150 (83352)
অভিরামঃ সুরগণো বিরামঃ সর্বসাধঃ।
ললাটাক্ষো বিশ্বদেবো হরিণো ব্রহ্মবর্চসঃ॥ 13-48-151 (83353)
স্থাবরাণাং পতিশ্চৈব নিয়মন্দ্রিয়বর্ধনঃ।
সিদ্ধার্থঃ সিদ্ধভূতার্থোঽচিন্ত্যঃ সত্যব্রতঃ শুচিঃ॥ 13-48-152 (83354)
ব্রতাধিপঃ পরং ব্রহ্ম ভক্তানাং পরমা গতিঃ।
বিমুক্তো মুক্ততেজাশ্চ শ্রীমাঞ্শ্রীবর্ধনো জগৎ॥ 13-48-153 (83355)
যথা প্রধানং ভগবানিতি ভক্ত্যা স্তুতো ময়া।
যন্ন ব্রহ্মাদয়ো দেবা বিদুস্তত্ৎবেন নর্ষয়ঃ।
স্তোতব্যমর্চ্যং বন্দ্যং চ কঃ স্তোষ্যতি জগৎপতিম্॥ 13-48-154 (83356)
ভক্তিং ৎবেবং পুরস্কৃত্য ময়া যজ্ঞপতির্বিভুঃ।
ততোঽভ্যনুজ্ঞাং সম্প্রাপ্য স্তুতো মতিমতাং বরঃ॥ 13-48-155 (83357)
শিবমেভিঃ স্তুবন্দেবং নামভিঃ পুষ্টিবর্ধনৈঃ।
নিত্যযুক্তঃ শুচির্ভক্তঃ প্রাপ্নোত্যাত্মানমাত্মনা॥ 13-48-156 (83358)
এতদ্ধি পরমং ব্রহ্ম পরং ব্রহ্মাধিগচ্ছতি॥ 13-48-157 (83359)
ঋষয়শ্চৈব দেবাশ্চ স্তুবন্ত্যেতেন তৎপরম্॥ 13-48-158 (83360)
স্তূয়মানো মহাদেবস্তষ্যতে নিয়তাত্মভিঃ।
ভক্তানুকম্পী ভগবানাত্মসংস্থাকরো বিভুঃ॥ 13-48-159 (83361)
তথৈব চ মনুষ্যেষু যে মনুষ্যাঃ প্রধানতঃ।
আস্তিকাঃ শ্রদ্ধধানাশ্চ বহুভির্জন্মভিঃ স্তবৈঃ॥ 13-48-160 (83362)
ভক্ত্যা হ্যনন্যমীশানং পরং দেবং সনাতনম্।
কর্মণা মনসা বাচা ভাবেনামিততেজসঃ॥ 13-48-161 (83363)
শয়ানা জাগ্রমাণাশ্চ ব্রজন্নুপবিশংস্তথা।
উন্মিষন্নিমিষংশ্চৈব চিন্তয়ন্তঃ পুনঃপনঃ॥ 13-48-162 (83364)
শৃণ্বন্তঃ শ্রাবয়ন্তশ্চ কথয়ন্তশ্চ তে ভবম্।
স্তুবন্তঃ স্তূয়ামানাশ্চ তুষ্যন্তি চ রমন্তি চ॥ 13-48-163 (83365)
জন্মকোটিসহস্রেষু নানাসংসারয়োনিষু।
জন্তোর্বিগতপাপস্য ভবে ভক্তিঃ প্রজায়তে॥ 13-48-164 (83366)
উৎপন্না চ ভবে ভক্তিরনত্যা সর্বভাবতঃ।
ভাবিনঃ কারণে চাস্য সর্বয়ুক্তস্য সর্বথা॥ 13-48-165 (83367)
এতদ্দেবেষু দুষ্প্রাপং মনুষ্যেষু ন লভ্ততে।
নির্বিঘ্রা নিশ্চলা রুদ্রে ভক্তিরব্যভিচারিণী॥ 13-48-166 (83368)
তস্যৈব চ প্রসাদেন ভক্তিরুৎপদ্যতে নৃণাম্।
যেন যান্তি পরাং সিদ্ধিং তদ্ভাগবতচেতসঃ॥ 13-48-167 (83369)
যে সর্বভাবানুগতাঃ প্রপদ্যন্তে মহেশ্বরম্।
প্রপন্নবৎসলো দেবঃ সংসারাত্তান্সমুদ্ধরেৎ॥ 13-48-168 (83370)
এবমন্যে বিকুর্বন্তি দেবাঃ সংসারমোচনম্।
মনুষ্যাণামৃতে দেবং নান্যা শক্তিস্তপোবলম্॥ 13-48-169 (83371)
ইতি তেনেন্দ্রকল্পেন ভগবান্সদসৎপতিঃ।
কৃত্তিবাসাঃ স্তুতঃ কৃষ্ণ তণ্ডিনা শুভবুদ্ধিনা॥ 13-48-170 (83372)
স্তবমেতং ভগবতো ব্রহ্মা স্বয়মধারয়ৎ।
গীয়তে চ স বুদ্ধ্যেত ব্রহ্ম শংকরসন্নিধৌ॥ 13-48-171 (83373)
ইদং পুণ্যং পবিত্রং চ সর্বদা পাপনাশনম্।
যোগদং মোক্ষদং চৈব স্বর্গদং তোষদং তথা॥ 13-48-172 (83374)
এবমেতৎপঠন্তে য একভক্ত্যা তু শঙ্করম্।
যা গতিঃ সাঙ্খ্যযোগানাং ব্রজন্ত্যেতাং গতিং তদা॥ 13-48-173 (83375)
স্তবমেতং প্রয়ত্নেন সদা রুদ্রস্য সন্নিধৌ।
অব্ধমেকং চরেদ্ভক্তঃ প্রাপ্নুয়াদীপ্সিতং ফলম্॥ 13-48-174 (83376)
এতদ্রহস্যং পরমং ব্রহ্মণো হৃদি সংস্থিতম্।
ব্রহ্মা প্রোবাচ শক্রায় শক্রঃ প্রোবাচ মৃত্যবে॥ 13-48-175 (83377)
মৃত্যুঃ প্রোবাচ রুদ্রেভ্যো রুদ্রেভ্যস্তণ্ডিমাগমৎ।
মহতা তপসা প্রাপ্তস্তণ্ডিনা ব্রহ্মসদ্মানি॥ 13-48-176 (83378)
তণ্ডিঃ প্রোবাচ শুক্রায় গৌতমায় চ ভার্গবঃ।
বৈবস্বতায় মনবে গৌতমঃ প্রাহ মাধব॥ 13-48-177 (83379)
নারায়ণায় সাধ্যায় সমাধিষ্ঠায় ধীমতে।
যমায় প্রাহ ভগবান্সাধ্যো নারায়ণোচ্যুতঃ॥ 13-48-178 (83380)
নাচিকেতায় ভগবানাহ বৈবস্বতো যমঃ।
মার্কণ্ডেয়ায় বার্ষ্ণেয় নাচিকেতোঽভ্যভাষত॥ 13-48-179 (83381)
মার্কণ্ডেয়ান্ময় প্রাপ্তো নিয়মেন জনার্দন।
তবাপ্যহমমিত্রঘ্ন স্তবং দদ্যাং হ্যবিশ্রুতম্। 13-48-180 (83382)
স্বর্গ্যমারোগ্যমায়ুষ্যং ধন্যং বেদেনি সংমিতম্।
নাস্য বিঘ্রং বিকুর্বন্তি দানবা যক্ষরাক্ষসাঃ॥ 13-48-181 (83383)
পিশাচা যাতুধানা বা গুহ্যকা ভুজগা অপি।
যঃ পঠেত শুচিঃ পার্থ ব্রহ্মচারী জিতেন্দ্রিয়ঃ।
অভগ্রয়োগো বর্ষং তু সোঽশ্বমেধফলং লভেৎ॥ ॥ 13-48-182 (83384)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টচৎবারিংশোঽধ্যায়ঃ॥ 48 ॥
Mahabharata - Anushaasana Parva - Chapter Footnotes
7-48-3 সত্যৈরন্বর্যৈঃ বেদে কৃতাত্মনা দত্তচিত্তেন কৃতৈঃ বেদাৎপৃথক্কৃতৈ॥ 7-48-6 বরয় প্রার্থত॥ 7-48-20 পবিত্রং পাপনাশকম্। মেধ্যং যজ্ঞাদিফলপ্রদম্। মঙ্গলমভ্যুদয়করম্। উত্তমং কল্যাণং পরমানন্দরূপম্॥অনুশাসনপর্ব - অধ্যায় 049
॥ শ্রীঃ ॥
13.49. অধ্যায়ঃ 049
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বৈশম্পানেন জনমেজয়ংপ্রতি দ্বৈপায়নাদিভির্যুধিষ্ঠিরম্প্রত্যুক্তমহাদেবমহিমানুবাদঃ॥ 1 ॥Mahabharata - Anushaasana Parva - Chapter Text
বৈশম্পায়ন উবাচ।
মহায়োগী তু তং প্রাহ কৃষ্ণদ্বৈপায়নো মুনিঃ।
পঠস্ব পুত্র ভদ্রং তে প্রীয়তাং তে মহেশ্বরঃ॥ 13-49-1 (83385)
পুরা পুত্র ময়া মেরৌ তপ্যতা পরমং তপঃ।
পুত্রহেতোর্মহারাজ স্তব এষোঽনুকীর্তিতঃ॥ 13-49-2 (83386)
লব্ধবানীপ্সিতং কামমহং বৈ পাণ্ডুনন্দন।
তথা ৎবমপি শর্বাদ্ধি সর্বান্কামানবাপ্স্যসি॥ 13-49-3 (83387)
কপিলশ্চ ততঃ প্রাহ সাঙ্খ্যর্ষির্দেবসম্মতঃ।
ময়া জন্মান্যনেকানি ভক্ত্যা চারাধিতো ভবঃ।
প্রীতশ্চ ভগবাঞ্জ্ঞানং দদৌ মম ভবান্তকম্॥ 13-49-4 (83388)
চারুশীর্ষস্ততঃ প্রাহ শক্রস্য দয়িতঃ সখা।
আলম্বায়ন ইত্যেবং বিশ্রুতঃ করুণাত্মকঃ॥ 13-49-5 (83389)
ময়া গোকর্ণমাসাদ্য তপস্তপ্ৎবা শতং সমাঃ।
অয়োনিজানাং দান্তানাং ধর্মজ্ঞানাং সুবর্চসাম্॥ 13-49-6 (83390)
অজরাণামদুঃখানাং শতবর্ষসহস্রিণাম্।
লব্ধং পুত্র শতং শর্বাৎপুরা পাণ্ডুনৃপাত্মজ॥ 13-49-7 (83391)
বাল্মীকিশ্চাহ ভগবান্যুধিষ্ঠিরমিদং বচঃ।
বিবাদে সাগ্নিমুনিভির্ব্রহ্মঘ্নো বৈ ভবানিতি॥ 13-49-8 (83392)
উক্তঃ ক্ষণেন চাবিষ্টস্তেনাধর্মেণ ভারত।
সোঽহমীশানমনঘমমোঘং শরণং গতঃ॥ 13-49-9 (83393)
মুক্তশ্চাস্মি ততঃ পাপৈস্ততো দুঃখবিনাশনঃ।
আহ মাং ত্রিপুরঘ্নো বৈ যশস্তেঽগ্র্যং ভবিষ্যতি॥ 13-49-10 (83394)
জামদগ্ন্যশ্চ কৌন্তেয়মিদং ধর্মভৃতাংবরঃ।
ঋষিমধ্যে স্থিতঃ প্রাহ জ্বলন্নিব দিবাকরঃ॥ 13-49-11 (83395)
পিতৃবিপ্রবধেনাহমার্তো বৈ পাণ্ডবাগ্রজ।
শুচির্ভূৎবা মহাদেবং গতোস্মি শরণং নৃপ॥ 13-49-12 (83396)
নামভিশ্চাস্তুবং দেবং ততস্তুষ্টোঽভবদ্ভবঃ।
পরশুং চ ততো দেবো দিব্যান্যস্ত্রাণি চৈব মে॥ 13-49-13 (83397)
পাপং চ তে ন ভবিতা অজেয়শ্চ ভবিষ্যসি।
ন তে প্রভবিতা মৃত্যুরজরশ্চ ভবিষ্যসি॥ 13-49-14 (83398)
আহ মাং ভগবানেবং শিখণ্ডী শিববিগ্রহঃ।
তদবাপ্তং চ মে সর্বং প্রসাদাত্তস্য ধীমতঃ॥ 13-49-15 (83399)
বিশ্বামিত্রস্তদোবাচ ক্ষত্রিয়োঽহং তদাঽভবম্।
ব্রাহ্মণোঽহং ভবানীতি ময়া চারাধিতো ভবঃ।
তৎপ্রসাদান্ময়া প্রাপ্তং ব্রাহ্মণ্যং দুর্লভং মহৎ॥ 13-49-16 (83400)
অসিতো দেবলশ্চৈব প্রাহ পাণ্ডুসুতং নৃপম্॥ 13-49-17 (83401)
শাপাচ্ছক্রস্য কৌন্তেয় বিভো ধর্মোঽনশত্তদা।
তন্মে ধর্মং যশশ্চাগ্র্যমায়ুশ্চৈবাদদৎপ্রভুঃ॥ 13-49-18 (83402)
ঋষির্গৃৎসমদো নাম শক্রস্য দয়িতঃ সখা।
প্রাহাজমীঢং ভগবান্বৃহস্পতিসমদ্যুতিঃ॥ 13-49-19 (83403)
বরিষ্ঠো নাম ভগবাংশ্চাক্ষুষস্য মনোঃ সুতঃ।
শতক্রতোরচিন্ত্যস্য সত্রে বর্ষসহস্রিকে॥ 13-49-20 (83404)
বর্তমানেঽব্রবীদ্বাক্যং সাম্নি হ্যুচ্চারিতে ময়া।
রথন্তরে দ্বিজশ্রেষ্ঠ ন সম্যগিতি বর্ততে॥ 13-49-21 (83405)
সমীক্ষস্ব পুনর্বুদ্ধ্যা পাপং ত্যক্ৎবা দ্বিজোত্তম।
অয়জ্ঞবাহিনং পাপমকার্ষীস্ৎবং সুদুর্মতে॥ 13-49-22 (83406)
এবমুক্ৎবা মহাক্রোধঃ প্রাহ শম্ভুং পুনর্বচঃ।
প্রজ্ঞয়া রহিতো দুঃখী নিত্যভীতো বনেচরঃ॥ 13-49-23 (83407)
দশবর্ষসহস্রাণি দশাষ্টৌ চ শতানি চ।
নষ্টপানীয়পবনে মৃগৈরন্যৈশ্চ বর্জিতে॥ 13-49-24 (83408)
অয়জ্ঞীয়দ্রুমে দেশে রুরুসিংহনিষেবিতে।
ভবিতা ৎবং মৃগঃ ক্রূরো মহাদুঃখসমন্বিতঃ॥ 13-49-25 (83409)
তস্য বাক্যস্য নিধনে পার্থ জাতো হ্যহং মৃগঃ।
ততো মাং শরণং প্রাপ্তং প্রাহ যোগী মহেশ্বরঃ॥ 13-49-26 (83410)
অজরশ্চামরশ্চৈব ভবিতা দুখবর্জিতঃ।
সাম্যং মমাস্তু তে সৌখ্যং যুবয়োর্বর্ধতাং ক্রতুঃ॥ 13-49-27 (83411)
অনুগ্রহানেবমেষ করোতি ভগবান্বিভুঃ।
অয়ং ধাতা বিধাতা চ সুখদুঃখে চ সর্বদা॥ 13-49-28 (83412)
অচিন্ত্য এষ ভগবান্কর্মণা মনসা গিরা।
ন মে তাত যুধিশ্রেষ্ঠ বিদ্যযা পণ্ডিতঃ সমঃ॥ 13-49-29 (83413)
বাসুদেবস্তদোবাচ পুনর্মতিমতাংবরঃ।
সুবর্ণাক্ষো মহাদেবস্তপসা তোষিতো ময়া॥ 13-49-30 (83414)
ততোঽথ ভগবানাহ প্রীতো মা বৈ যুধিষ্ঠির।
অর্থাৎপ্রিয়তরঃ কৃষ্ণ মৎপ্রসাদাদ্ভবিষ্যসি॥ 13-49-31 (83415)
অপরাজিতশ্চ যুদ্ধেষু তেজশ্চৈবানলোপমম্।
এবং সহস্রশশ্চান্যান্মহাদেবো বরং দদৌ॥ 13-49-32 (83416)
মণিমন্থেঽথ শৈলে বৈ পুরা সম্পূজিতো ময়া।
বর্ষায়ুতাসহস্রাণাং সহস্রং শতমেব চ॥ 13-49-33 (83417)
ততো মাং ভগবান্প্রীত ইদং বচনমব্রবীৎ।
বরং বৃণীষ্ব ভদ্রং তে যস্তে মনসি বর্ততে॥ 13-49-34 (83418)
ততঃ প্রণম্য শিরসা ইদং বচনমব্রবম্।
যদি প্রীতো মহাদেবো ভক্ত্যা পরময়া প্রভুঃ॥ 13-49-35 (83419)
নিত্যকালং তবেশান ভক্তির্ভবতু মে স্থিরা।
এবমস্ৎবিতি ভগবাংস্তত্রোক্ৎবান্তরধীয়ত॥ 13-49-36 (83420)
জৈগীষব্য উবাচ। 13-49-37x (6866)
মমাষ্টগুণমৈশ্বর্যং দত্তং ভগবতা পুরা।
যত্নেনান্যেন বলিনা বারাণস্যাং যুধিষ্ঠির॥ 13-49-37 (83421)
গর্গ উবাচ। 13-49-38x (6867)
চতুঃষষ্ট্যঙ্গমদদৎকলাজ্ঞানং মমাদ্ভুতম্।
সরস্বত্যাস্তটে তুষ্টো মনোয়জ্ঞেন পাণ্ডব॥ 13-49-38 (83422)
তুল্যং মম সহস্রং তু সুতানাং ব্রহ্মবাদিনাম্।
আয়ুশ্চৈব সপুত্রস্য সংবৎসরশতায়ুতম্॥ 13-49-39 (83423)
পরাশর উবাচ। 13-49-40x (6868)
প্রসাদ্যেহ পুরা শর্বং মনসাঽচিন্তয়ং নৃপ।
মহাতপা মহাতেজা মহায়োগী মহায়শাঃ॥ 13-49-40 (83424)
বেদব্যাসঃ শ্রিয়াবাসো ব্রাহ্মণঃ করুণান্বিতঃ।
অপ্যসাবীপ্সিতঃ পুত্রো মম স্যাদ্বৈ মহেশ্বরাৎ॥ 13-49-41 (83425)
ইতি মৎবা হৃদি মতং প্রাহ মাং সুরসত্তমঃ।
ময়ি সম্ভাবনা যাস্যাঃ ফলাৎকৃষ্ণো ভবিষ্যতি॥ 13-49-42 (83426)
সাবর্ণস্য মনোঃ সর্গে সপ্তর্ষিশ্চ ভবিষ্যতি।
বেদানাং চ স বৈ বক্তা কুরুবংশকরস্তথা॥ 13-49-43 (83427)
ইতিহাসস্য কর্তা চ পুত্রস্তে জগতো হিতঃ।
ভবিষ্যতি মহেন্দ্রস্য দয়িতঃ স মহামুনিঃ॥ 13-49-44 (83428)
অজরশ্চামরশ্চৈব পরাশর সুতস্তব।
এবমুক্ৎবা স ভগবাংস্তত্রৈবান্তরধীয়ত।
যুধিষ্ঠির মহায়োগী বীর্যবানক্ষয়োঽব্যযঃ॥ 13-49-45 (83429)
মাণ্ডব্য উবাচ। 13-49-46x (6869)
অচোরশ্চোরশঙ্কায়াং শূলে ভিন্নো হ্যহং তদা॥ 13-49-46 (83430)
তত্রস্থেন স্তুতো দেবঃ প্রাহ মাং বৈ নরেশ্বর।
মোক্ষং প্রাপ্স্যসি শূলাচ্চ জীবিষ্যসি সমার্বুদম্॥ 13-49-47 (83431)
রুজা শূলকৃতা চৈব ন তে বিপ্র ভবিষ্যতি।
আধিভির্ব্যাধিভিশ্চৈব বর্জিতস্ৎবং ভবিষ্যতি॥ 13-49-48 (83432)
পাদাচ্চতুর্থাৎসম্ভূত আত্মা যস্মান্মুনে তব।
ৎবং ভবিষ্যস্যনুপমো জন্ম বৈ সফলং কুরু॥ 13-49-49 (83433)
তীর্থাভিষেকং সকলং ৎবমবিঘ্নেন চাপ্স্যসি।
স্বর্গং চৈবাক্ষয়ং বিপ্র বিদধামি তবোর্জিতম্॥ 13-49-50 (83434)
এবমুক্ৎবা তু ভগবান্বরেণ্যো বৃষবাহনঃ।
মহেশ্বরো মহারাজঃ কৃত্তিবাসা মহাদ্যুতিঃ।
সগণো দৈবতশ্রেষ্ঠস্তত্রৈবান্তরধীয়ত॥ 13-49-51 (83435)
গালব উবাচ। 13-49-52x (6870)
বিশ্বামিত্রাভ্যনুজ্ঞাতো হ্যহং পিতরমাগতঃ।
অব্রবীন্মাং ততো মাতা দুঃখিতা রুদতী ভৃশম্॥ 13-49-52 (83436)
কৌশিকেনাভ্যনুজ্ঞাতং পুত্রং দেববিভূষিতম্।
ন তাত তরুণং দান্তং পিতা ৎবাং পশ্যতেঽনঘ॥ 13-49-53 (83437)
শ্রুৎবা জনন্যা বচনং নিরাশো গুরুদর্শনে।
নিয়তাত্মা মহাদেবমপশ্যং সোঽব্রবীচ্চ মাম্॥ 13-49-54 (83438)
পিতা মাতা চ তে ৎবং চ পুত্র মৃত্যুবিবর্জিতাঃ।
ভবিষ্যথ বিশ ক্ষিপ্রং দ্রষ্টাসি পিতরং ক্ষয়ে॥ 13-49-55 (83439)
অনুজ্ঞাতো ভগবতা গৃহং গৎবা যুধিষ্ঠির।
অপশ্যং পিতরং তাত ইষ্টিং কৃৎবা বিনিঃসৃতম্।
উপস্পৃশ্য গৃহীৎবেধ্মং কুশাংশ্চ শরণাকুরূন্॥ 13-49-56 (83440)
তান্বিসৃজ্য চ মাং প্রাহ পিতা সাস্রাবিলেক্ষণঃ।
প্রণমন্তং পরিষ্বজ্য মূর্ধ্ন্যুপাঘ্রায় পাণ্ডব॥ 13-49-57 (83441)
দিষ্ট্যা দৃষ্টোসি মে পুত্র কৃতবিদ্য ইহাগত॥ 13-49-58 (83442)
বৈশম্পায়ন উবাচ। 13-49-59x (6871)
এতান্যত্যদ্ভুতান্যেব কর্মাণ্যথ মহাত্মনঃ।
প্রোক্তানি মুনিভিঃ শ্রুৎবা বিস্ময়ামাস পাণ্ডবঃ॥ 13-49-59 (83443)
ততঃ কৃষ্ণোঽব্রবীদ্বাক্যং পুনর্মতিমতাংবরঃ।
যুধিষ্ঠিরং ধর্মনিধিং পুরুহূতমিবেশ্বরঃ॥ 13-49-60 (83444)
উপমন্যুর্ময়ি প্রাহ তপন্নিব দিবাকরঃ।
অশুভৈঃ পাপকর্মাণো যে নরাঃ কলুষীকৃতাঃ॥ 13-49-61 (83445)
ঈশানং ন প্রপদ্যন্তে তমোরাজসবৃত্তয়ঃ। 13-49-62 (83446)
ঈশ্বরং সম্প্রপদ্যন্তে দ্বিজা ভাবিতভাবনাঃ॥ 13-49-63 (83447)
সর্বথা বর্তমানোপি যো ভক্তঃ পরমেশ্বরে।
সদৃশোঽরণ্যবাসীনাং মুনীনাং ভাবিতাত্মনাম্॥ 13-49-64 (83448)
ব্রহ্মৎবং কেশবৎবং বা শক্রৎবং বা সুরৈঃ সহ।
ত্রৈলোক্যস্যাধিপত্যং বা তুষ্টো রুদ্রঃ প্রয়চ্ছতি 13-49-65 (83449)
মনসাঽপি শিবং তাত যে প্রপদ্যন্তি মানবাঃ।
বিধূয় সর্বপাপানি দেবৈঃ সহ বসন্তি তে॥ 13-49-66 (83450)
ভিত্ৎবাভিত্ৎবা চ কূলানি হুৎবা সর্বমিদং জগৎ।
জয়েদ্দেবং বিরূপাক্ষং ন স পাপেন লিপ্যতে॥ 13-49-67 (83451)
সর্বলক্ষণহীনোপি যুক্তো বা সর্বপাতকৈঃ।
সর্বং তুদতি তৎপাপং ভাবয়ঞ্শিবমাত্মনা 13-49-68 (83452)
কীটপক্ষিপতঙ্গানাং তিরশ্চামপি কেশব।
মহাদেবপ্রপন্নানাং ন ভয়ং বিদ্যতে ক্বচিৎ॥ 13-49-69 (83453)
এবমেব মহাদেবং ভক্তা যে মানবা ভুবি।
ন তে সংসারবশগা ইতি মে নিশ্চিতা মতিঃ।
ততঃ কৃষ্ণোঽব্রবীদ্বাক্যং ধর্মপুত্রং যুধিষ্ঠিরম্॥ 13-49-70 (83454)
বিষ্ণুরুবাচ। 13-49-71x (6872)
আদিত্যচন্দ্রাবনিলানলৌ চ
দ্যৌর্ভূমিরাপো বসবোঽথ বিশ্বে।
ধাতাঽর্যমা শুক্রবৃহস্পতী চ
বেদা যজ্ঞা দক্ষিণা বেদবাহাঃ। 13-49-71 (83455)
সোমো যষ্টা যচ্চ হব্যং হবিশ্চ
রক্ষা দীক্ষা সংয়মা যে চ কেচিৎ॥ 13-49-72 (83456)
স্বাহা বৌষট্ ব্রাহ্মণাঃ সৌরভেয়ী
ধর্মং চাগ্র্যং কালচক্রং বলং চ।
যশো দমো বুদ্ধিমতাং স্থিতিশ্চ
শুভাশুভং যে মুনয়শ্চ সপ্ত॥ 13-49-73 (83457)
অগ্র্যা বুদ্ধির্মনসা দর্শনে চ
স্পর্শশ্চাগ্র্যঃ কর্মণাং যা চ সিদ্ধিঃ।
গণা দেবানামূষ্মপাঃ সোমপাশ্চ
লেখাঃ সুয়ামাস্তুষিতা ব্রহ্মকায়াঃ॥ 13-49-74 (83458)
আভাসুরা গন্ধপা ধূমপাশ্চ
বাচা বিরুদ্ধাশ্চ মনোবিরুদ্ধাঃ।
শুদ্ধাশ্চ নির্মাণরতাশ্চ দেবাঃ
স্পর্শাশনা দর্শপা আজ্যপাশ্চ॥ 13-49-75 (83459)
চিন্ত্যদ্যোতা যে চ দেবেষু মুখ্যা
যে চাপ্যন্তে দেবতাশ্চাজমীঢ।
সুপর্ণগন্ধর্বপিশাচদানবা
যক্ষাস্তথা চারণপন্নগাশ্চ॥ 13-49-76 (83460)
স্থূলং সূক্ষ্মং মৃদু চাপ্যসূক্ষ্মং
দুঃখং সুখং দুঃখমনন্তরং চ।
সাঙ্খ্যং যোগং তৎপরাণাং পরং চ
শর্বাঞ্জাতং বিদ্ধি য***********॥ 13-49-77 (83461)
তৎসম্ভূতা ভূতকৃতো বরেণ্যা
সর্বে দেবা ভুবনস্যাস্য গোপাঃ।
আবিশ্যেমাং ধরণীং যেঽভ্যরক্ষন্
পুরাতনীং তস্য দেবস্য সৃষ্টিম্॥ 13-49-78 (83462)
বিচিন্বন্তস্তপসা তৎস্থবীয়ঃ
কিঞ্চিত্তত্ৎবং প্রাণহেতোর্নতোস্মি।
দদাতু বেদঃ স বরানিহেষ্টা-
নভিষ্টুতোঃ নঃ প্রভুরব্যযঃ সদা॥ 13-49-79 (83463)
ইমং স্তবং সন্নিয়তেন্দ্রিয়শ্চ
ভূৎবা শুচির্যঃ পুরুষঃ পঠেত।
অভগ্নয়োগো নিয়তো মাসমেকং
সম্প্রাপ্নুয়াদশ্বমেধে ফলং যৎ॥ 13-49-80 (83464)
বেদান্কৃৎস্নান্ব্রাহ্মণঃ প্রাপ্নুয়াত্তু
জয়েন্নৃপঃ পার্থ মহীং চ কৃৎস্নাম্।
বৈশ্যো লাভং প্রাপ্নুয়ান্নৈপুণং চ
শূদ্রো গতিং প্রেত্য তথা সুখং চ॥ 13-49-81 (83465)
স্তবরাজমিমং কৃৎবা রুদ্রায় দধিরে মনঃ।
সর্বদোষাপহং পুণ্যং পবিত্রং চ যশস্বিনঃ॥ 13-49-82 (83466)
যাবন্ত্যস্য শরীরেষু রোমকূপাণি ভারতঃ।
তাবন্ত্যব্দসহস্রাণি স্বর্গে বসতি মানবঃ॥ ॥ 13-49-83 (83467)
ইতি শ্রীমন্মহাভারতে অনুশাসনপর্বণি দানধর্মপর্বণি একোনপঞ্চাশোঽধ্যায়ঃ॥ 49 ॥
Mahabharata - Anushaasana Parva - Chapter Footnotes
7-49-1 পঠস্ব স্তবমিতি শেষঃ। হে পুত্র যুধিষ্ঠির॥ 7-49-5 আলম্বায়ন আলম্বগোত্রঃ। চতুঃশীর্ষ ইতি ট.থ.পাঠঃ॥ 7-49-7 হে পুত্র শতং পুত্রাণামিতি শেষঃ॥ 7-49-8 বিবাদে বেদবিপরীতবাদে। অগ্নিসহিতৈর্মুনিভিরুক্ত ইতি সম্বন্ধঃ॥ 7-49-9 তেন বেদবিরোধজেন॥ 7-49-12 পিতৃতুল্যা বিপ্রা জ্যেষ্ঠো ভ্রাতা পিতুঃ সম ইতিস্মৃতের্জ্যেষ্ঠা ভ্রাতরস্তেষাং বধেন। স তু বিপ্রবধেনেতি ট.থ পাঠঃ॥ 7-49-15 শিখণ্ডী কপর্দী। শিববিগ্রহঃ কল্যাণশরীরঃ॥ 7-49-18 প্রভুঃ প্রার্থিতঃ সন্নিতি শেষঃ॥ 7-49-21 উচ্চারিতে অন্যথেতি শেষঃ॥ 7-49-22 পাপং বিতথাভিনিবেশং ত্যক্ৎবা সমীক্ষস্ব বিচারয়। অয়জ্ঞবাহিনং ন যজ্ঞং বহতি তং পাপমবাক্ষরপাঠজমপরাধম্॥ 7-49-23 নিধনে অন্দে সদ্য এবেত্যর্থঃ॥ 7-49-27 সাম্যভবৈষম্যম্। যুবয়োর্গৃৎসমদশতক্রৎবোঃ॥ 7-49-31 অর্থঃ সর্বস্মাৎপ্রিয়স্ততোঽপি প্রিয়োঽন্তরাত্মা তত্তুল্যঃ সর্বেষাং ভবিষ্যসীত্যর্থঃ॥ 7-49-33 পূরা পূর্বাবতারে॥ 7-49-42 যা তব ময়ি সম্ভাবনা এতস্মাৎফলমহং প্রাপ্স্যে ইতি অস্যাঃ ফলাৎ পুণ্যাত্তব কৃষ্ণোনাম পুত্রো ভবিষ্যতি॥ 7-49-49 পাদাচ্চতুর্থাৎ। তপঃ শৌচং দয়া সত্যমিতি চৎবারো ধর্মস্য পাদাস্তেষাং চতুর্থাৎসত্যাদেব তবাত্মা শরীরম্॥ 7-49-52 পিতরং দ্রক্ষ্যে ইতি বুদ্ধ্যা গৃহমাগতঃ। দুঃখিতা বৈধব্যদুঃখেন॥ 7-49-55 ক্ষয়ে গৃহে। বিশ প্রবিশ॥ 7-49-56 শরণাকুরূন্ বায়্বাঘাতেন বা স্বয়ং বা পক্বতয়া ফলানামধঃ পতনেন বিশরণং শরণা তৎপ্রধানাঃ কুরবোঽন্নানি শরণাকুরবস্তান্। শৄ বিশরণেঽস্মাদ্ভাবে ল্যুঃ॥ 7-49-57 সাস্রৎবাদাবিলে ঈক্ষণে যস্য॥ 7-49-60 ঈশ্বরো বিষ্ণুঃ॥ 7-49-67 কূলানি গৃহতটাকাদীনি॥ 7-49-68 আত্মনা চিত্তেন॥ 7-49-71 আদিত্যচন্দ্রাবিত্যাদিসর্বং সর্বাজ্জাতং বিদ্ধীতি সপ্তমস্থেনান্বয়ঃ॥ 7-49-72 উপনিষৎ। প্রাধান্যাৎপৃথক্কীর্তনম্। বেদবাহা বেদপাঠকাঃ॥ 7-49-75 বাচাবিরুদ্ধাঃ। বাঙ্নিয়মনশীলাঃ। নির্মাণং অনেকধাভবনং যোগেনানেকশরীরধারণং তত্র রতাঃ॥ 7-49-77 চিন্ত্যদ্যোতাঃ সঙ্কল্পিতমাত্রং বস্তু যেষাং সদ্যঃ পুরতঃ প্রকাশতে তাদৃশাঃ॥অনুশাসনপর্ব - অধ্যায় 050
॥ শ্রীঃ ॥
13.50. অধ্যায়ঃ 050
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি স্ত্রীস্বভাবপ্রদর্শনায় দৃষ্টান্ততয়াঽষ্টাবক্রোপাখ্যানকথনারম্ভঃ॥ অষ্টাবক্রেণ ভার্যাৎবায় বদান্যংপ্রতি কন্যায়াচনম্॥ 2 ॥ তথা বদাব্যনিয়োগাদুত্তরদিগন্তগমনম্॥ 3 ॥ তথোত্তরদিগভিমানিন্যা জরতীরূপ ধারিণ্যা সংবাদঃ॥ 4 ॥Mahabharata - Anushaasana Parva - Chapter Text
যুধিষ্ঠির উবাচ।
যদিদং সহধর্মেতি প্রোচ্যতে ভরতর্ষভ।
পাণিগ্রহণকালে তু স্ত্রীণামেতৎকথং স্মৃতম্॥ 13-50-1 (83468)
আর্ষ এষ ভবেদ্ধর্মঃ প্রাজাপত্যোঽথবাঽসুরঃ।
যদেতৎসহধর্মেতি পূর্বমুক্তং মহর্ষিভিঃ॥ 13-50-2 (83469)
সন্দেহঃ সুমহানেষ বিরুদ্ধ ইতি মে মতিঃ।
ইহ যঃ সহধর্মো বৈ প্রেত্যায়ং বিহিতঃ ক্বনু॥ 13-50-3 (83470)
স্বর্গো মৃতানাং ভবতি সহধর্মঃ পিতামহ।
পূর্বমেকস্তু ম্রিয়********কস্তিষ্ঠতে বদ॥ 13-50-4 (83471)
নানাধর্মফলোপেতা নানাকর্মনিবাসিতাঃ।
নানানিরয়নিষ্ঠান্তা মানুপা বহবো যদা॥ 13-50-5 (83472)
অনৃতাঃ স্ত্রিয় ইত্যেবং সূত্রকারো ব্যবস্যতি।
যদাঽনৃতাঃ স্ত্রিয়স্তাত সহধর্মঃ কুতঃ স্মৃতঃ॥ 13-50-6 (83473)
অনৃতাঃ স্ত্রিয় ইত্যেবং বেদেষ্বপি হি পঠ্যতে।
ধর্মো যঃ পূর্বিকো দৃষ্ট উপচারঃ ক্রিয়াবিধিঃ॥ 13-50-7 (83474)
গহরং প্রতিভাত্যেতন্মম চিন্তয়তোঽনিশম্।
নিঃসন্দেহমিদং সর্বং পিতামহ যথাশ্রুতিঃ॥ 13-50-8 (83475)
যদৈতদ্যাদৃশং চৈতদ্যথা চৈতৎপ্রবর্তিতম্।
নিখিলেন মহাপ্রাজ্ঞ ভবানেতদ্ব্রবীতু মে॥ 13-50-9 (83476)
ভীষ্ম উবাচ। 13-50-10x (6873)
অত্রাপ্যুদাহরন্তীমমিতিহাসং পুরাতনম্।
অষ্টাবক্রস্য সংবাদং দিশয়া সহ ভারত॥ i 13-50-10 (83477)
নির্বিষ্টুকামস্তু পুরা অষ্টাবক্রো মহাতপাঃ।
ঋষেরথ বদান্যস্য বব্রে কন্যাং মহাত্মনঃ॥ 13-50-11 (83478)
সুপ্রভাং নাম বৈ নাম্না রূপেণাপ্রতিমাং ভুবি।
গুণপ্রভাবশীলেন চারিত্রেণ চ শোভনাম্॥ 13-50-12 (83479)
সা তস্যর্ষের্মনো দৃষ্টা জহার শুভলোচনা।
বনরাজী যথা চিত্রা বসন্তে কুসুমাঞচিতা॥ 13-50-13 (83480)
ঋষিস্তমাহ দেয়া মে সুতা তুভ্যং হি তচ্ছৃণু॥ 13-50-14 (83481)
`অনন্যস্ত্রীজনঃ প্রাজ্ঞো হ্যপ্রবাসী প্রিয়ংবদঃ।
সুরূপঃ সম্মতো বীরঃ শীলবান্ভোগভুক্ছুচিঃ॥ 13-50-15 (83482)
দারানুমতয়জ্ঞশ্চ সুনক্ষত্রামথোদ্বেহেৎ।
সভৃত্যঃ স্বজনোপেত ইহ প্রেত্য চ মোদতে॥ 13-50-16 (83483)
গচ্ছ তাবদ্দিশং পুণ্যামুত্তরাং দ্রক্ষ্যসে ততঃ॥ 13-50-17 (83484)
অষ্টাবক্র উবাচ। 13-50-18x (6874)
কিং দ্রষ্টব্যং ময়া তত্র বক্তুমর্হতি মে ভবান্।
তথেদানীং ময়ো কার্যং যথা বক্ষ্যতি মাং ভবান্॥ 13-50-18 (83485)
বদান্য উবাচ। 13-50-19x (6875)
ধনদং সমতিক্রম্য হিমবন্তং চ পর্বতম্।
রুদ্রস্যায়তনং দৃষ্ট্বা সিদ্ধচারণসেবিতম্॥ 13-50-19 (83486)
সংহৃষ্টৈঃ পার্ষদৈর্জুষ্টং নৃত্যদ্ভির্বিবিধাননৈঃ।
দিব্যাঙ্গরাগৈঃ পৈশাচৈরন্যৈর্নানাবিধৈঃ প্রভোঃ॥ 13-50-20 (83487)
পাণিতালসুতালৈশ্চ শম্পাতালৈঃ সমৈস্তথা।
সম্প্রহৃষ্টৈঃ প্রনৃত্যদ্ভিঃ শর্বস্তত্র নিষেব্যতে॥ 13-50-21 (83488)
ইষ্টং কিল গিরৌ স্থানং তদ্দিব্যমিতি শুশ্রুম।
নিত্যং সন্নিহিতো দেবস্তথা তে পার্ষদাঃ স্মৃতাঃ॥ 13-50-22 (83489)
তত্র দেব্যা তপস্তপ্তং সঙ্করার্থং সুদুশ্চরম্।
অতস্তদিষ্টং দেবস্য তথোমায়া ইতি শ্রুতিঃ॥ 13-50-23 (83490)
পূর্বে তত্র মহাপার্শ্বে দেবস্যোত্তরতস্তথা॥
ঋতবঃ কালরাত্রিশ্চ যে দিব্যা যে চ মানুষাঃ॥ 13-50-24 (83491)
দেবং চোপাসতে সর্বে রূপিণঃ কিল তত্র হ।
তদতিক্রম্য ভবনং ৎবয়া যাতব্যমেব হি॥ 13-50-25 (83492)
ততো নীলং বনোদ্দেশং দ্রক্ষ্যসে মেঘসন্নিভম্।
রমণীয়ং মনোগ্রাহি তত্র বৈ দ্রক্ষ্যসে স্ত্রিয়ম্॥ 13-50-26 (83493)
তপস্বিনীং মহাভাগাং বৃদ্ধাং দীক্ষামনুষ্ঠিতাম্।
দ্রষ্টব্যা সা ৎবয়া তত্র সম্পূজ্যা চৈব যত্নতঃ॥ 13-50-27 (83494)
তাং দৃষ্ট্বা বিনিবৃত্তস্ৎবং ততঃ পাণিং গ্রহীষ্যসি।
যদ্যেষ সময়ঃ সর্বঃ সাধ্যতাং তত্র গম্যতাম্॥ 13-50-28 (83495)
অষ্টাবক্র উবাচ। 13-50-29x (6876)
তথাঽস্তু সাধয়িষ্যামি তত্র যাস্যাম্যসংশয়ম্।
যত্র ৎবং বদসে সাধো ভবান্ভবতু সত্যবাক্॥ 13-50-29 (83496)
ভীষ্ম উবাচ। 13-50-30x (6877)
ততোঽগচ্ছৎস ভগবানুত্তরামুত্তরাং দিশম্।
হিমবন্তং গিরিশ্রেষ্ঠং সিদ্ধচারণসেবিতম্॥ 13-50-30 (83497)
স গৎবা দ্বিজশার্দূলো হিমবন্তং মহাগিরিম্।
অভ্যগচ্ছন্নদীং পুণ্যাং বাহুদাং পুণ্যদায়িনীম্॥ 13-50-31 (83498)
অশোকে বিমলে তীর্থে স্নাৎবা বৈ তর্প্য দেবতাঃ।
তত্র বাসায় শয়নে কৌশে সুখমুবাস হ॥ 13-50-32 (83499)
ততো রাত্র্যাং ব্যতীতায়াং প্রাতরুত্থায় স দ্বিজঃ।
স্নাৎবা প্রাদুশ্চকারাগ্নিং হুৎবা চৈবং বিধানতঃ॥ 13-50-33 (83500)
রুদ্রাণীকূপমাসাদ্য হ্রদে তত্র সমাশ্বসৎ।
বিশ্রান্তশ্চ সমুত্থায় কৈলাসমভিতো যয়ৌ॥ 13-50-34 (83501)
সোঽপশ্যৎকাঞ্চনদ্বারং দীপ্যমানমিব শ্রিয়া।
মন্দাকিনীং চ নলিনীং ধনদস্য মহাত্মনঃ॥ 13-50-35 (83502)
অথ তে রাক্ষসাঃ সর্বে যেঽভিরক্ষন্তি পদ্মিনীম্।
প্রত্যুত্থিতা ভগবন্তং মাণিভদ্রপুরোগমাঃ॥ 13-50-36 (83503)
স তান্প্রত্যর্চয়ামাস রাক্ষসান্ভীমবিক্রমান্।
নিবেদয়ত মাং ক্ষিপ্রং ধনদায়েতি চাব্রবীৎ॥ 13-50-37 (83504)
তে রাক্ষসাস্তথা রাজন্ভগবন্তমথাব্রুবন্।
অসৌ বৈশ্রবণো রাজা স্বয়মায়াতি তেঽন্তিকম্॥ 13-50-38 (83505)
বিদিতো ভগবানস্য কার্যমাগমনস্য যৎ।
পশ্যৈনং ৎবং মহাভাগং জ্বলন্তমিব তেজসা॥ 13-50-39 (83506)
ততো বৈশ্রবণোঽভ্যেত্য অষ্টাবক্রমনিন্দিতম্।
বিধিবৎকুশলং পৃষ্ট্বা ততো ব্রহ্মর্ষিমব্রবীৎ॥ 13-50-40 (83507)
সুখং প্রাপ্তো ভবান্কচ্চিৎকিংবা মত্তশ্চিকীর্ষতি।
ব্রূহি সর্বং করিষ্যামি যন্মাং বক্ষ্যসি বৈ দ্বিজ॥ 13-50-41 (83508)
ভবনং প্রবিশ ৎবং মে যথাকামং দ্বিজোত্তম।
সৎকৃতঃ কৃতকার্যশ্চ ভবান্যাস্যত্যবিঘ্নতঃ॥ 13-50-42 (83509)
প্রাবিশদ্ভবনং স্বং বৈ গৃহীৎবা তং দ্বিজোত্তমম্।
আসনং স্বং দদৌ চৈব পাদ্যমর্ঘ্যং তথৈব চ॥ 13-50-43 (83510)
অথোপবিষ্টয়োস্তত্র মাণিভদ্রপুরোগমাঃ।
নিষেদুস্তত্র কৌবেরা যক্ষগন্ধর্বকিন্নরাঃ॥ 13-50-44 (83511)
ততস্তেষাং নিষণ্ণানাং ধনদো বাক্যমব্রবীৎ।
ভবচ্ছন্দং সমাজ্ঞায় নৃত্যেরন্নপ্সরোগণাঃ॥ 13-50-45 (83512)
আতিথ্যং পরমং কার্যং শুশ্রূষা ভবতস্তথা।
সংবর্ততামিত্যুবাচ মুনির্মধুরয়া গিরা॥ 13-50-46 (83513)
যথোর্বরা মিশ্রকেশী রম্ভা চৈবোর্বশী তথা।
অলম্বুসা ঘৃতাচী চ চিত্রা চিত্রাঙ্গদারুচিঃ॥ 13-50-47 (83514)
মনোহরা সুকেশী চ সুমুখী হাসিনী প্রভা।
বিদ্যুতা প্রশমী দান্তা বিদ্যোতা রতিরেব চ॥ 13-50-48 (83515)
এতাশ্চান্যাশ্চ বৈ বহ্ব্যঃ প্রনৃত্তাপ্সরসঃ শুভাঃ।
অবাদয়ংশ্চ গন্ধর্বা বাদ্যানি বিবিধানি চ॥ 13-50-49 (83516)
অথ প্রবৃত্তে গান্ধর্বে দিব্যে ঋষিরুপাবিশৎ।
দিব্যং সংবৎসরং তত্রারমতৈষ মহাতপাঃ॥ 13-50-50 (83517)
ততো বৈশ্রবণো রাজা ভগবন্তমুবাচ হ।
সাগ্রঃ সংবৎসরো যাতো বিপ্রেহ তব পশ্যতঃ॥ 13-50-51 (83518)
হার্যোঽয়ং বিষয়ো ব্রহ্মন্গান্ধর্বো নাম নামতঃ।
ছন্দতো বর্ততাং বিপ্র যথা বদতি বা ভবান্॥ 13-50-52 (83519)
অতিথিঃ পূজনীয়স্ৎবমিদং চ ভবতো গৃহম্।
সর্বমাজ্ঞাপ্যতামাশু পরবন্তো বয়ং ৎবয়ি॥ 13-50-53 (83520)
অথ বৈশ্রবণং প্রীতো ভগবান্প্রত্যভাষত।
অর্চিতোস্মি যথান্যায়ং গমিষ্যামি ধনেশ্বর॥ 13-50-54 (83521)
প্রীতোস্মি সদৃশং চৈব তব সর্বং ধনাধিপ।
তব প্রসাদাদ্ভগবন্মহর্ষেশ্চ মহাত্মনঃ।
নিয়োগাদদ্য যাস্যামি বৃদ্দিমানৃদ্ধিমান্ভব॥ 13-50-55 (83522)
অথ নিষ্ক্রম্য ভগবান্প্রয়যাবুত্তরামুখঃ।
`কৈলাসে সঙ্করাবাসমভিবীক্ষ্য প্রণম্য চ॥ 13-50-56 (83523)
গৌরীশং শঙ্করং দান্তং শরণাগতবৎসলম্।
গঙ্গাধরং গোপতিনং গণাবৃতমকল্পষম্॥' 13-50-57 (83524)
কৈলাসং মন্দরং হৈমং সর্বাননুচচার হ।
তানতীত্য মহাশৈলান্কৈরাতং স্থানমুত্তমম্॥ 13-50-58 (83525)
প্রদক্ষিণং তথা চক্রে প্রয়তঃ শিরসা নতঃ।
ধরণীমবতীর্যাথ পূতাত্মাঽসৌ তদাঽভকবৎ॥ 13-50-59 (83526)
স তং প্রদক্ষিণং কৃৎবা নির্যাতশ্চোত্তরামুখঃ।
সমেন ভূমিভাগেন যয়ৌ প্রীতিপুরস্কৃতঃ॥ 13-50-60 (83527)
ততোঽপরং বনোদ্দেশং রমণীয়মপশ্যত।
সর্বর্তুভির্মূলফলৈঃ পক্ষিভিশ্চ সমন্বিতৈঃ।
রমণীয়ৈর্বনোদ্দেশৈস্তত্রতত্র বিভূষিতম্॥ 13-50-61 (83528)
তত্রাশ্রমপদং দিব্যং দদর্শ ভগবানথ॥ 13-50-62 (83529)
শৈলাংশ্চ বিবিধাকারান্কাঞ্চনান্রত্নভূষিতান্।
মণিভূমৌ নিবিষ্টাশ্চ পুষ্করিণ্যস্তথৈব চ॥ 13-50-63 (83530)
অন্যান্যপি সুরম্যাণি দদর্শ সুবহূন্যথ।
ভৃশং তস্য মনো রমে মহর্ষের্ভাবিতাত্মনঃ॥ 13-50-64 (83531)
স তত্র কাঞ্চনং দিব্যং সর্বরত্নময়ং গৃহম্।
দদর্শাদ্ভুতসঙ্কাশং ধনদস্য গৃহাদ্বরম্॥ 13-50-65 (83532)
মহান্তো যত্র বিবিধা মণিকাঞ্চনপর্বতাঃ।
বিমানানি চ রম্যাণি রত্নানি বিবিধানি চ॥ 13-50-66 (83533)
মন্দারপুষ্পৈঃ সঙ্কীর্ণাং তথা মন্দাকিনীং নদীম্।
স্বয়ম্প্রভাশ্চ মণয়ো বজ্রৈর্ভূমিশ্চ ভূষিতা॥ 13-50-67 (83534)
নানাবিধৈশ্চ ভবনৈর্বিচিত্রমণিতোরণৈঃ।
মুক্তাজালবিনিক্ষিপ্তৈর্মণিরত্নবিভূষিতৈঃ॥ 13-50-68 (83535)
মনোদ্দষ্টিহরৈ রম্যৈঃ সর্বতঃ সংবৃতং শুভৈঃ।
ঋষিভিশ্চাবৃতং তত্র আশ্রমং তং মনোহরম্॥ 13-50-69 (83536)
ততস্তস্যাভবচ্চিন্তা কুত্র বাসো ভবেদিতি।
অথ দ্বারং সমভিতো গৎবা স্থিৎবা ততোঽব্রবীৎ॥ 13-50-70 (83537)
অতিথিং সমনুপ্রাপ্তমভিজানন্তু যেঽত্র বৈ॥ 13-50-71 (83538)
অথ কন্যাঃ পরিবৃতা গৃহাত্তস্মাদ্বিনির্গতাঃ।
নানারূপাঃ সপ্ত বিভো কন্যাঃ সর্বা মনোহরাঃ॥ 13-50-72 (83539)
যাংয়ামপশ্যৎকন্যাং বৈ সাসা তস্য মনোঽহরৎ।
ন চ শক্তো বারয়িতুং মনোঽস্যাথাবসীদতি।
ততো ধৃতিঃ সমুৎপন্না তস্য বিপ্রস্য ধীমতঃ॥ 13-50-73 (83540)
অথ তং প্রমদাঃ প্রাহুর্ভগবান্প্রবিশৎবিতি।
স চ তাসাং সুরুপেণ তস্যৈব ভবনস্য চ।
কৌতূহলং সমাবিষ্টঃ প্রবিবেশ গৃহং দ্বিজঃ॥ 13-50-74 (83541)
তত্রাপশ্যজ্জরায়ুক্তামরজোম্বরধারিণীম্।
বৃদ্ধাং পর্যঙ্কমাসীনাং সর্বাভরণভূষিতাম্॥ 13-50-75 (83542)
স্বস্তীতি তেন চৈবোক্তা সা স্ত্রী প্রত্যবদত্তদা।
প্রত্যুত্থায় চ তং বিপ্রমাস্যতামিত্যুবাচ হ॥ 13-50-76 (83543)
অষ্টাবক্র উবাচ। 13-50-77x (6878)
সর্বাঃ স্বানালয়ান্যান্তু একা মামুপতিষ্ঠতু।
প্রজ্ঞাতা যা প্রশান্তা যা শেষা গচ্ছন্তু চ্ছন্দতঃ॥ 13-50-77 (83544)
ততঃ প্রদক্ষিণীকৃত্য কন্যাস্তাস্তমৃষিং তদা।
নিশ্চক্রমুর্গৃহাত্তস্মাৎসা বৃদ্ধাঽথ ব্যতিষ্ঠতঃ।
তয়া সম্পূজিতস্তত্র শয়নে চাপি নির্মলে॥ 13-50-78 (83545)
অথ তাং সংবিশন্প্রাহ শয়নে ভাস্বরে তদা।
ৎবয়াঽপি সুপ্যতাং ভদ্রে রজনী হ্যতিবর্ততে॥ 13-50-79 (83546)
সংলাপাত্তেন বিপ্রেণ তথা সা তত্র ভাষিতা।
দ্বিতীয়ে শয়নে দিব্যে সংবিবেশ মহাপ্রভে॥ 13-50-80 (83547)
অথ সা বেপমানাঙ্গী নিমিত্তং শীতজং তদা।
ব্যপদিশ্য মহর্ষের্বৈ শয়নং ব্যবরোহত॥ 13-50-81 (83548)
স্বাগতেনাগতাং তাং তু ভগবানভ্যভাষত।
সা জুগূহ ভুজাভ্যাং তু ঋষিং প্রীত্যা নরর্ষভ॥ 13-50-82 (83549)
নির্বিকারমৃষিং চাপি কাষ্ঠকুড্যোপমং তদা।
দুখিতা প্রেক্ষ্য সঞ্জল্পমকার্ষীদৃষিণা সহ॥ 13-50-83 (83550)
ব্রহ্মন্নকামকরোস্তি স্ত্রীণাং পুরুষতো ধৃতিঃ।
কামেন মোহিতা চাহং ৎবাং ভজন্তীং ভজস্ব মাম্॥ 13-50-84 (83551)
প্রহৃষ্টো ভব বিপ্রর্ষে সমাগচ্ছ ময়া সহ।
উপগূহ চ ভাং বিপ্র কামার্তাঽহং ভৃশং ৎবয়ি॥ 13-50-85 (83552)
এতদ্বি তব ধর্মাত্মংস্তপসঃ পূজ্যতে ফলম্।
প্রার্থিতং দর্শনাদেব ভজমানাং ভজস্ব মাম্॥ 13-50-86 (83553)
সদ্ম চেদং ধনং সর্বং যচ্চান্যদপি পশ্যসি।
প্রভুস্ৎবং ভব সর্বত্র ময়ি চৈব ন সংশয়ঃ॥ 13-50-87 (83554)
সর্বান্কামান্বিধাস্যামি রমস্ব সহিতো ময়া।
রমণীয়ে বনে বিপ্র সর্বকামফলপ্রদে॥ 13-50-88 (83555)
ৎবদ্বশাঽহং ভবিষ্যামি রংস্যসে চ ময়া সহ।
সর্বান্কামানুপাশ্নীমো যে দিব্যা যে চ মানুষাঃ॥ 13-50-89 (83556)
নাতঃ পরং হি নারীণাং বিদ্যতে চ কদাচন।
যথা পুরুষসংসর্গঃ পরমেতদ্ধি নঃ ফলম্॥ 13-50-90 (83557)
আত্মচ্ছন্দেন বর্তন্তে নার্যো মন্মথচোদিতাঃ।
ন চ দহ্যন্তি গচ্ছন্ত্যঃ সুতপ্তৈরপি পাংসুভিঃ॥ 13-50-91 (83558)
অষ্টাবক্র উবাচ। 13-50-92x (6879)
পরদারানহং ভদ্রে ন গচ্ছেয়ং কথঞ্চন।
দূষিতং ধর্মশাস্ত্রজ্ঞৈঃ পরদারাভিমর্শনম্॥ 13-50-92 (83559)
`শুদ্ধক্ষেত্রে ব্রহ্মহত্যাপ্রায়শ্চিত্তমথোচ্যতে।
পুনশ্চ পাতকং দৃষ্টং বিপ্রক্ষেত্রে বিশেষতঃ'॥ 13-50-93 (83560)
ভদ্রে নির্বেষ্টুকামোঽহং তত্রাবকিরণং মম।
`প্রায়শ্চিত্তং মহদতো দারগ্রহণপূর্বকম্॥ 13-50-94 (83561)
বীজং ন শুদ্ধ্যতে বোঢুরন্যথা কৃতনিষ্কৃতেঃ।
মাতৃতঃ পিতৃতঃ শুদ্ধো জ্ঞেয়ঃ পুত্রো যথার্থতঃ॥' 13-50-95 (83562)
বিষয়েষ্বনভিজ্ঞোঽহং ধর্মার্থং কিল সন্ততিঃ।
এবং লোকান্গমিষ্যামি পুত্রৈরিতি ন সংশয়ঃ॥ 13-50-96 (83563)
ভদ্রে ধর্মং বিজানীহি জ্ঞাৎবা চোপরমস্ব হ॥ 13-50-97 (83564)
স্ত্র্যুবাচ। 13-50-98x (6880)
নানিলোঽগ্নির্ন বরুণো ন চান্যে ত্রিদশা দ্বিজ।
প্রিয়াঃ স্ত্রীণাং যথা কামো রতিশীলা হি যোষিতঃ॥ 13-50-98 (83565)
সহস্রে কিল নারীণাং প্রাপ্যেতৈকা কদাচন।
তথা শতসহস্রেষু যদি কাচিৎপতিব্রতা॥ 13-50-99 (83566)
নৈতা জানন্তি পিতরং ন কুলং ন চ মাতরম্।
ন ভ্রাতৄন্ন চ ভর্তারং ন চ পুত্রান্ন দেবরান্॥ 13-50-100 (83567)
লীলায়ন্ত্যঃ কুলং ঘ্নন্তি কূলানীব সরিদ্বরাঃ।
দোষান্সর্বাশ্চ মৎবাঽঽশু প্রজাপতিরভাষত॥ 13-50-101 (83568)
ভীষ্ম উবাচ। 13-50-102x (6881)
ততঃ স ঋষিরেকাগ্রস্তাং স্ত্রিয়ং প্রত্যভাষত।
আস্যতাংরুচিতশ্ছন্দঃ কিঞ্চ কার্যং ব্রবীহি মে॥ 13-50-102 (83569)
সা স্ত্রী প্রোবাচ ভগবন্দ্রক্ষ্যসে দেশকালতঃ।
বস তাবন্মহাভাগ কৃতকৃত্যো ভবিষ্যসি॥ 13-50-103 (83570)
ব্রহ্মর্ষিস্তামথোবাচ স তথেতি যুধিষ্ঠির।
বৎস্যেঽহং যাবদুৎসাহো ভবত্যা নাত্র সংশয়ঃ॥ 13-50-104 (83571)
অথর্ষিরভিসম্প্রেক্ষ্য স্ত্রিয়ং তাং জরয়াঽর্দিতাম্।
চিন্তাং পরমিকাং ভেজে সন্তপ্ত ইব চাভবৎ॥ 13-50-105 (83572)
যদ্যদঙ্গং হি সোঽপশ্যত্তস্যা বিপ্রর্ষভস্তদা।
নারমত্তত্রতত্রাস্য দৃষ্টী রূপবিরাগিতা॥ 13-50-106 (83573)
দেবতেয়ং গৃহস্যাস্য শাপাৎকিংনু বিরূপিতা।
অস্যাশ্চ কারণং বেত্তুং ন যুক্তং সহসা ভয়া॥ 13-50-107 (83574)
ইতি চিন্তাবিষক্তস্য তমর্থং জ্ঞাতুমিচ্ছতঃ।
ব্যগমদ্রাত্রিশেষঃ স মনসা ব্যাকুলেন তু॥ 13-50-108 (83575)
অথ সা স্ত্রী তথোবাচ ভগবন্পশ্য বৈ রবেঃ।
রূপং সন্ধ্যাভ্রসংরক্তং কিমুপস্থাপ্যতাং তব॥ 13-50-109 (83576)
স উবাচ ততস্তাং স্ত্রীং স্নানোদকমিহানয়।
উপাসিষ্যে ততঃ সন্ধ্যাং বাগ্যতো নিয়তেন্দ্রিয়ঃ॥ ॥ 13-50-110 (83577)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চাশোঽধ্যায়ঃ॥ 50 ॥
Mahabharata - Anushaasana Parva - Chapter Footnotes
7-50-1 সহোভৌ চরতাং ধর্মং ক্ষৌমে বসানৌ জায়াপতী অগ্নিমাদধীয়াতামিতি ধর্মপত্নীসাহিত্যং শাস্ত্রে দৃশ্যমানমাক্ষিপতি যদিদমিতি। পাণগ্রহণাৎপ্রাক্সাহিত্যাভাবাৎসহোভাবিতি বাক্যং ব্যাকুপ্যেতেতি ভাবঃ॥ 7-50-3 ইহৈব সাহিত্যং দংপত্যোর্দৃশ্যতে পরলোকে তয়োঃ সাহিত্যং ক্বনু। ন ক্বাপীত্যর্থঃ॥ 7-50-6 সূত্রকারো ধর্মপ্রবক্তা। অনৃতং সাহসং মায়া মূর্খৎবমতিলোভতেতি স্ত্রীধর্মানাহ॥ 7-50-8 গহ্বরং গহনং দুর্বোধমিত্যর্থঃ॥ 7-50-10 দিশয়া দিগভিমানিদেবতয়া॥ 7-50-11 নির্বেষ্টুকামঃ দারসংগ্রহার্থী॥ 7-50-21 তালৈঃ কাংস্যময়ৈর্বাদ্যভাণ্ডৈঃ। শম্পাতালৈঃ বিদ্যুদ্বদতিচপলৈর্ভ্রমণাদিঘটিতৈঃ গীতনৃত্যক্রিয়ামানবিশেষৈঃ। সমৈর্ভ্রমণাদিরহিতৈস্তৈরেব॥ 7-50-24 মহাপার্শ্বে পর্বতে। ততঃ কোপো মহান্পার্শ্বে ইতি ট. থ. পাঠঃ। ততঃ কালো মহান্পার্শ্বে ইতি ধ. পাঠঃ॥ 7-50-30 উত্তরাং শ্রেষ্ঠাম্॥ 7-50-45 ভবচ্ছন্দং ভবদিচ্ছাম্॥ 7-50-52 হার্যঃ হরতীতি হার্যঃ॥ 7-50-54 ভগবান্ অষ্টাবক্রঃ॥ 7-50-55 বৃদ্ধিরুপচয়স্তদ্বান্। ঋদ্ধিঃ সম্পৎ তদ্বান্॥ 7-50-58 কৈরাতং কিরাতবেষধারিণো মহাদেবস্য সম্বন্ধি॥ 7-50-59 ধরণীমবতীর্যেত্যনেনাকাশমার্গেণাষ্টাবক্রো গচ্ছতীতি গম্যতে॥ 7-50-72 সপ্ত ইতরদিগ্দেবতাঃ॥ 7-50-75 উত্তরাধিষ্ঠাত্রী তু দেবতা মুখ্যাঽষ্টমী সৈব জরায়ুক্তা॥ 7-50-77 প্রজ্ঞাতা অত্যন্তং জ্ঞানবতী। প্রশান্তা নির্জিতচিতা॥ 7-50-82 জুগূহ আলিঙ্গিতবতী॥ 7-50-84 ব্রহ্মন্নকামতোঽন্যাস্তীতি ঝ. পাঠঃ। তত্র অকামতোঽনিচ্ছাতঃ স্বভাবত ইত্যর্থঃ। পুরুষতঃ পুরুষং প্রাপ্য স্ত্রীণাং ধৃতির্ধৈর্যমন্যা পরকীয়াস্তি।পুংয়োগে স্ত্রীণাং ধৃতিঃ স্বকীয়া সর্বথা নাস্তীত্যর্থঃ॥ 7-50-85 প্রহৃষ্টঃ কামুকো ভব। উপনৃহ অলিঙ্গস্ব॥ 7-50-96 অনভিজ্ঞোঽপ্রীতিমান্॥ 7-50-101 লীলায়ন্ত্যঃ লীলাং রতিমাত্মন ইচ্ছন্ত্যঃ দোষাংশ্চ মন্দান্মন্দাসুঃ প্রজাপতিরভাষত ইতি ধ. পাঠঃ॥ 7-50-102 একাগ্রঃ স্ত্রীদোষাননুসন্দধানঃ স্ত্রিয়ম্প্রতি আস্যতা তূণ্ণীং স্থীয়তাম্। রুচিতঃ রুচিং প্রাপ্য ছন্দঃ ইচ্ছা ভবতীতি অভাষত। ৎবং রুচিজ্ঞা মামিচ্ছসি অহং ৎবরুচিজ্ঞো ন ৎবাং স্ফুষ্টুমিচ্ছামীতি ভাবঃ। এবমপি যৎকার্যং কর্তব্যং তব তন্মে ব্রবীহি॥ 7-50-103 দ্রক্ষ্যসে স্পর্শসুখং জ্ঞায়সে॥ 7-50-106 রূপে বিরাগিতা বৈরাগ্যবতী দৃষ্টির্নারমৎ ন রেমে॥ 7-50-108 ব্যগচ্ছত্তদহঃশেষ ইতি ঝ.পাঠঃ॥অনুশাসনপর্ব - অধ্যায় 051
॥ শ্রীঃ ॥
13.51. অধ্যায়ঃ 051
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
উত্তরদিগভিমানিদেবতয়া পরদারৎবশঙ্কয়া স্বভোগমনঙ্গীকুর্বাণমষ্টাবক্রম্প্রতি জরতীরূপত্যাগেন কন্যারূপস্বীকরণপূর্বকং স্বপাণিগ্রহণপ্রার্থনা॥ 1 ॥Mahabharata - Anushaasana Parva - Chapter Text
ভীষ্ম উবাচ।
অথ সা স্ত্রী তমুবাচ বিপ্রমেবং ভবৎবিতি।
তৈলং দিব্যমুপাদায় স্নানশাটীমুপানয়ৎ॥ 13-51-1 (83578)
অনুজ্ঞাতা চ মুনিনা সা স্ত্রী তেন মহাত্মনা।
অথাস্য তৈলেনাঙ্গানি সর্বাণ্যেবাভ্যমৃক্ষত॥ 13-51-2 (83579)
শনৈশ্চাচ্ছাদিতস্তত্র স্নানশালামুপাগমৎ।
ভদ্রাসনং ততশ্চিত্রমৃষিরন্বগমন্নবম্॥ 13-51-3 (83580)
অথোপবিষ্টশ্চ যদা তস্মিন্ভদ্রাসনে তদা।
স্নাপয়ামাস শনকৈস্তমৃষিং সুখহস্তবৎ।
দিব্যং চ বিধিবচ্চক্রে সোপচারং মুনেস্তদা॥ 13-51-4 (83581)
জলেন সুসুখোষ্ণেন তস্যা হস্তসুখেন চ।
ব্যতীতাং রজনীং কৃৎস্নাং নাজানাৎস মহাব্রতঃ॥ 13-51-5 (83582)
তত উত্থায় স মুনিস্তদা পরমবিস্মিতঃ।
পূর্বস্যাং দিশি সূর্যং চ সোঽপশ্যদুদিতং দিবি॥ 13-51-6 (83583)
`সন্ধ্যোপাসনমিত্যেব সর্বপাপহরং ন মে।'
তস্য বুদ্ধিরিয়ং কিন্তু মোহস্তত্ৎবমিদং ভবেৎ॥ 13-51-7 (83584)
অথোপাস্য সহস্রাংশুং কিং কোরমীত্যুবাচ তাম্।
সা চামৃতরসপ্রখ্যং ক্রষেরন্নমুপাহরৎ॥ 13-51-8 (83585)
তস্য স্বাদুতয়াঽন্নস্য ন প্রভূতং চকার সঃ।
ব্যগমচ্চাপ্যহঃশেষ ততঃ সন্ধ্যাঽঽগমৎপুনঃ॥ 13-51-9 (83586)
অথ সা স্ত্রী ভগবন্তং সুপ্যতামিত্যচোদয়ৎ।
তত্র বৈ শয়নে দিব্যে তস্য তস্যাশ্চ কল্পিতে॥ 13-51-10 (83587)
[পৃথক্র্বৈব তথা সুপ্তৌ সা স্ত্রী স চ মুনিস্তদা।
তথাঽর্থরাত্রে সা স্ত্রী তু শয়নং তদুপাগমৎ॥] 13-51-11 (83588)
অষ্টাবক্র উবাচ। 13-51-12x (6882)
ন ভদ্রে পরদারেষু মনো মে সম্প্রসজ্জতি।
উত্তিষ্ঠ ভদ্রে ভদ্রং তে স্বাপং বৈ বিরমস্ব চ॥ 13-51-12 (83589)
ভীষ্ম উবাচ। 13-51-13x (6883)
সা তদা তেন বিপ্রেণ তথা ধৃত্যা নিবর্তিতা।
স্বতন্ত্রাঽস্মীত্যুবাচর্ষিং ন ধর্মচ্ছলমস্তি তে॥ 13-51-13 (83590)
অষ্টাবক্র উবাচ। 13-51-14x (6884)
নাস্তি স্বতন্ত্রতা স্ত্রীণামস্বতন্ত্রা হি যোষিতঃ।
প্রজাপতিমতং হ্যেতন্ন স্ত্রী স্বাতন্ত্র্যমর্হতি॥ 13-51-14 (83591)
স্ত্র্যুবাচ। 13-51-15x (6885)
বাধনে মৈথুনং বিপ্র মম ভক্তিং চ পশ্য বৈ।
অধর্মং প্রাপ্স্যসে বিপ্র যন্মাং ৎবং নাভিনন্দসি॥ 13-51-15 (83592)
অষ্টাবক্র উবাচ। 13-51-16x (6886)
হরন্তি দোষজাতানি নরমিন্দ্রিয়কিঙ্করম্।
প্রভবামি সদা ধৃত্যা ভদ্রে স্বশয়নং ব্রজ॥ 13-51-16 (83593)
স্ত্র্যুবাচ। 13-51-17x (6887)
শিরসা প্রণমে বিপ্র প্রসাদং কর্তুমর্হসি।
ভূমৌ নিপতমানায়াঃ শরণং ভব মেঽনঘ॥ 13-51-17 (83594)
যদি বা দোষজাতং ৎবং পরদারেষু পশ্যসি।
আত্মানং স্পর্শয়াম্যদ্য পাণিং গৃহ্ণীষ্ব মে দ্বিজ॥ 13-51-18 (83595)
ন দোষো ভবিতা চৈব সত্যেনৈতদ্ব্রবীম্যহম্।
স্বতন্ত্রাং মাং বিজানীহি যো ধর্মঃ সোস্তু বৈ ময়ি।
ৎবয়্যাবেশিতচিত্তা চ স্বতন্ত্রাঽস্মি ভজস্ব মাম্॥ 13-51-19 (83596)
অষ্টাবক্র উবাচ। 13-51-20x (6888)
স্বতন্ত্রা ৎবং কথং ভদ্রে ব্রূহি কারণমত্র বৈ।
নাস্তি ত্রিলোকে স্ত্রী কাচিদ্যা বৈ স্বাতন্ত্র্যমর্হতি॥ 13-51-20 (83597)
পিতা রক্ষতি কৌমারে ভর্তা রক্ষতি যৌবনে।
পুত্রস্তু স্থাবিরে ভাবে ন স্ত্রী স্বাতন্ত্র্যমর্হতি।
`ন বৃদ্ধামক্ষতাং মন্যে চ চেচ্ছা ৎবয়ি মেঽনঘে' 13-51-21 (83598)
স্ত্র্যুবাচ। 13-51-22x (6889)
কৌমারং ব্রহ্মচর্যং মে কন্যৈবাস্মি ন সংশয়ঃ।
পত্নীং কুরুষ্ব মাং বিপ্র শ্রদ্ধাং বিজহি মা মম॥ 13-51-22 (83599)
অষ্টাবক্র উবাচ। 13-51-23x (6890)
যথা মম তথা তুভ্যং যথা তুভ্যং তথা মম।
জিজ্ঞাসেয়মৃষেস্তস্য বিঘ্নঃ সত্যং নু কিং ভবেৎ॥ 13-51-23 (83600)
আশ্চর্যং পরমং হীদং কিন্নু শ্রেয়ো হি মে ভবেৎ।
দিব্যাভরণবস্ত্রা হি কন্যেয়ং মামুপস্থিতা॥ 13-51-24 (83601)
কিং ৎবস্যাঃ পরমং রূপং জীর্ণমাসীৎকথং পুনঃ।
কন্যারূপমিহাদ্যৈবং কিমিবাত্রোত্তরং ভবেৎ॥ 13-51-25 (83602)
যথা মে পরমা শক্তির্ন ব্যুত্থানে কথংচন।
ন রোচতে হি ব্যুত্থানং সত্যেনাসাদয়াম্যহম্॥ ॥ 13-51-26 (83603)
ইতি শ্রীমন্মহাভারতে অনুশাসনপর্বণি দানধর্মপর্বণি একপঞ্চাশোঽধ্যায়ঃ॥ 51 ॥
Mahabharata - Anushaasana Parva - Chapter Footnotes
7-51-2 অভ্যমৃক্ষতি অভ্যঞ্জিতবতী॥ 7-51-3 শনৈশ্চোৎসাদিত ইতি ড.ঝ. পাঠঃ। তত্র উৎসাদিতঃ চালিতঃ॥ 7-51-5 নাজানাৎ ন জ্ঞাতবান্॥ 7-51-9 ন প্রভূতং চকার পূর্ণমিতি নাভ্যবদদিত্যর্থঃ॥ 7-51-12 স্বয়ং বৈ বিরমস্ব চেতি ঝ.পাঠঃ॥ 7-51-13 স্বাতন্ত্র্যান্মম। ন তব পারদার্যদোষোঽস্তীত্যর্থঃ॥ ধর্মচ্ছলং পরপুরুষপ্রলোভনম্। নাধর্মফলমস্তি ত ইতি ধ. পাঠঃ॥ 7-51-14 নাস্তীতি অপ্রদত্তা ৎবাং ন কাময়ে ইত্যর্থঃ॥ 7-51-18 স্পর্শয়ামি দদামি॥ 7-51-19 স্বতন্ত্রামাত্মপ্রদানং ইতি শেষঃ। যো ধর্মঃ পাণিগ্রহণাদিসংস্কারো ময়ি মন্নিমিত্তং সোস্তু॥ 7-51-22 বিজহি মা মা নাশয়॥ 7-51-23 তুভ্যং তব। সঙ্গমশ্রদ্ধেত্যুভয়ত্র শেষঃ। কিং তস্য ময়া কন্যার্থিনা প্রার্তিতস্য তৎকর্তৃকা ইয়ং জিজ্ঞাসা মম পরীক্ষা কিময়ং সাধুরসাধুর্বেতি॥ 7-51-24 বিঘ্রৎবমেবাহ আশ্চর্যমিতি। পূর্বমতিজীর্ণৎবেন দৃষ্টা পুনঃ কন্যেব দৃশ্যত ইতি মায়ারূপমাশ্চর্যম্॥ 7-51-25 অত্রাস্মিন্বিষয়ে কিমুত্তরং শ্রেষ্ঠতরম্। পর্বপরিগৃহীতস্যাত্যাগঃ উত এতস্যাঃ স্বীকারঃ কর্তব্য ইতি ভাবঃ॥ 7-51-26 ন ব্যুত্থাস্যেঽস্যাঃ স্বীকারং ন করিষ্যে। ব্যুত্থানং ধর্মাতিক্রমো মম ন রোচতে কিন্তু সত্যেনাসাদয়াম্বহং দারানিতি শেষঃ। ধৃত্যৈনাং সাধয়াম্যহমিতি ধ.পাঠঃ॥অনুশাসনপর্ব - অধ্যায় 052
॥ শ্রীঃ ॥
13.52. অধ্যায়ঃ 052
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
উত্তরদিগভিমানিদেবতয়া স্বীয়প্রার্থনায়াঃ স্ত্রীচাপলপ্রদর্শনাদ্যর্থকৎবকথনপূর্বকমষ্টাবক্রস্য ধর্মোপদেশেন স্বগৃহম্প্রতি প্রেষণম্॥ 1 ॥ অষ্টাবক্রেণ বদান্যকন্যাপাণিগ্রহণেন স্বাশ্রমে সুখনিবাসঃ॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
ন বিভেতি কথং সা স্ত্রী শাপাচ্চ পরমদ্যুতে।
কথং নিবৃত্তো ভগবাংস্তদ্ভবান্প্রব্রবীতু মে॥ 13-52-1 (83604)
ভীষ্ম উবাচ। 13-52-2x (6891)
অষ্টাবক্রোঽন্বপৃচ্ছত্তাং রূপং বিকুরুষে কথম্।
ন চানৃতং তে বক্তব্যং ব্রূহি ব্রাহ্মণকাম্যযা॥ 13-52-2 (83605)
স্ত্র্যুবাচ। 13-52-3x (6892)
দ্যাবাপৃথিব্যোর্যত্রৈষা কাম্যা ব্রাহ্মণসত্তম।
শৃণুষ্বাবহিতঃ সর্বং যদিদং সত্যবিক্রম॥ 13-52-3 (83606)
জিজ্ঞাসেয়ং প্রয়ুক্তা মে স্থৈর্যং কর্তুং তবানঘ।
অব্যুত্থানেন তে লোকা জিতাঃ সত্যপরাক্রম॥ 13-52-4 (83607)
উত্তরাং মাং দিশং বিদ্ধি দৃষ্টং স্ত্রীচাপলং চ তে।
স্থবিরাণামপি স্ত্রীণাং বাধতে মৈথুনজ্বরঃ॥ 13-52-5 (83608)
`অবিশ্বাসো ন ব্যসনী নাতিসক্তোঽপ্রবাসকঃ।
বিদ্বান্সুশীলঃ পুরুষঃ সদারঃ সুখমশ্নুতে॥' 13-52-6 (83609)
তুষ্টঃ পিতামহস্তেঽদ্য তথা দেবাঃ সবাসবাঃ॥ 13-52-7 (83610)
সৎবং যেন চ কার্যেণ সম্প্রাপ্তো ভগবানিহ।
প্রেষিতস্তেন বিপ্রেণ কন্যাপিত্রা দ্বিজর্ষভঃ॥ 13-52-8 (83611)
প্রেষিতশ্চোপদেশায় তচ্চ সর্বং শ্রুতং ৎবয়া॥ 13-52-9 (83612)
`নিতান্তং স্ত্রী ভোগপরা প্রিয়বাদাপ্রবাসনাৎ।
রক্ষ্যতে চাকুচেলাদ্যৈরপ্রসঙ্গানুবর্তনৈঃ॥ 13-52-10 (83613)
অপর্বস্বনিষিদ্ধাসু রাত্রিষ্বপ্যনৃতৌ ব্রজেৎ।
রাত্রৌ চ নাতিনিয়মো ন বৈ হ্যনিয়মো ভবেৎ॥'॥ 13-52-11 (83614)
ক্ষেমৈর্গমিষ্যসি গৃহং শ্রমশ্চ ন ভবিষ্যতি।
কন্যাং প্রাপ্স্যসি তাং বিপ্র পুত্রিণী চ ভবিষ্যতি॥ 13-52-12 (83615)
কাম্যযা পৃষ্টবাংস্ৎবং মাং ততো ব্যাহৃতমুত্তরম্।
অনতিক্রমণীয়া সাকৃৎস্নৈর্লোকৈস্ত্রিভিঃ সদা॥ 13-52-13 (83616)
গচ্ছস্ব কৃতকৃত্যস্ৎবং কিং বাঽন্যচ্ছ্রোতুমিচ্ছসি।
যাবদ্ব্রবীমি বিপ্রর্ষে অষ্টাবক্র যথাতথম্॥ 13-52-14 (83617)
ঋষিণা প্রসাদিতা চাস্মি তব হেতোর্দ্বিজর্ষভ।
তস্য সম্মাননার্থং মে ৎবয়ি বাক্যং প্রভাষিতম্॥ 13-52-15 (83618)
ভীষ্ম উবাচ। 13-52-16x (6893)
শ্রুৎবা তু বচনং তস্যাঃ স বিপ্রঃ প্রাঞ্জলিঃ স্থিতঃ।
অনুজ্ঞাতস্তয়া চাপি স্বগৃহং পুনরাব্রজৎ॥ 13-52-16 (83619)
গৃহমাগত্য বিশ্রান্তঃ স্বজনং পরিপৃচ্ছ্য চ।
অভ্যাগচ্ছচ্চ তং বিপ্রং ন্যায়তঃ কুরুনন্দন॥ 13-52-17 (83620)
পৃষ্টশ্চ তেন বিপ্রেণ দৃষ্টং ৎবেতন্নিদর্শনম্।
প্রাহ বিপ্রং তদা বিপ্রঃ সুপ্রীতেনান্তরাত্মনা॥ 13-52-18 (83621)
ভবতাঽহমনুজ্ঞাতঃ প্রাস্থিতো গন্ধমাদনম্।
তস্য চোত্তরতো দেশে দৃষ্টং মে দৈবতং মহৎ॥ 13-52-19 (83622)
তয়া চাহমনুজ্ঞাতো ভবাংশ্চাপি প্রকীর্তিতঃ।
শ্রাবিতশ্চাপি তদ্বাক্যং গৃহং চাভ্যাগতঃ প্রভো॥ 13-52-20 (83623)
তমুবাচ তদা বিপ্রঃ সুতাং প্রতিগৃহাণ মে।
নক্ষত্রতিথিসংয়োগে পাত্রং হি পরমং ভবান্॥ 13-52-21 (83624)
ভীষ্ম উবাচ। 13-52-22x (6894)
অষ্টাবক্রস্তথেত্যুক্ৎবা প্রতিগৃহ্য চ তাং প্রভো।
কন্যাং পরমধর্মাত্মা প্রীতিমাংশ্চাভবত্তদা॥ 13-52-22 (83625)
কন্যাং তাং প্রতিগৃহ্যৈব ভার্যাং পরমশোভনাম্।
উবাস মুদিতস্তত্র শ্বাশ্রমে বিগতজ্বরঃ॥ ॥ 13-52-23 (83626)
ইতি শ্রীমন্মহাভারতে অনুশাসনপর্বণি দানধর্মপর্বণিঃ দ্বিপঞ্চাশোঽধ্যায়ঃ॥ 52 ॥
Mahabharata - Anushaasana Parva - Chapter Footnotes
7-52-2 বিকুরুষেঽন্যথান্যথা করোষি। ব্রাহ্মণকাম্যযা ব্রাহ্মণমানলিপ্সয়া॥ 7-52-3 দ্যাবাপৃথিব্যোঃ দিবি পৃথিব্যাং চ যত্র স্থীয়তে তত্র এষা কাম্যা স্ত্রীপুংসয়োঃ অন্যোন্যাভিলাষরূপা ইচ্ছাস্তীত্যর্থঃ॥ 7-52-4 মে ময়া॥ 7-52-8 তৎকার্যং জ্ঞাপয়ামীতি শেষঃ। 7-52-13 সা কাম্যাঽনতিক্রমণীয়া॥ 7-52-15 ঋষিণা বদান্যেন॥অনুশাসনপর্ব - অধ্যায় 053
॥ শ্রীঃ ॥
13.53. অধ্যায়ঃ 053
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ঋষ্যাদীনাং বিয়োনিজৎবেপি তপোবিদ্যাদীনামেব মাহাত্ম্যপ্রয়োজকৎবে নিদর্শনতয়া তাদৃশানাং সম্ভবপ্রকারাদিকথনম্॥ 1 ॥Mahabharata - Anushaasana Parva - Chapter Text
`যুধিষ্ঠির উবাচ।
বৈশ্যযোন্যাং সমুৎপন্নাঃ শূদ্রয়োন্যাং তথৈব চ।
ব্রহ্মর্ষয় ইতি প্রোক্তাঃ পুরাণি দ্বিজসত্তমাঃ॥ 13-53-1 (83627)
কথমেতন্মহারাজ তত্ৎবং শংসিতুমর্হসি।
বিরুদ্ধমিহ পশ্যামি বিয়োনৌ ব্রাহ্মণো ভবেৎ॥ 13-53-2 (83628)
ভীষ্ম উবাচ। 13-53-3x (6895)
অলং কৌতূহলেনাত্র নিবোধ ৎবং যুধিষ্ঠির।
শুভেতরং শুভং বাঽপি ন চিন্তয়িতুমর্হসি॥ 13-53-3 (83629)
ঈশন্ত্যাত্মন ইত্যেতে গতিশ্চৈষাং ন সঞ্জতে।
ব্রহ্মভূয়াংস ইত্যেব ঋষয়ঃ শ্রুতিচোদিতাঃ॥ 13-53-4 (83630)
নিন্দ্যা ন চৈতে রাজেন্দ্র প্রমাণং হি প্রমাণিনাম্।
লোকোঽনুমন্যতে চৈতান্প্রমাণং হ্যত্র বৈ তপঃ॥ 13-53-5 (83631)
এবং মহাত্মভিস্তাত তপোজ্ঞানসমন্বিতৈঃ।
প্রবর্তিতানি কার্যাণি প্রমাণান্যেব সত্তম॥ 13-53-6 (83632)
ভার্যাশ্চতস্রো রাজেন্দ্র ব্রাহ্মণস্য স্বধর্মতঃ।
ব্রাহ্মণী ক্ষত্রিয়া বৈশ্যা শূদ্রা চ ভরতর্ষভ॥ 13-53-7 (83633)
রাজ্ঞাং তু ক্ষত্রিয়া বৈশ্যা শূদ্রা চ ভরতর্ষভ।
বৈশ্যস্য বৈশ্যা বিহিতা শূদ্রা চ ভরতর্ষভ॥ 13-53-8 (83634)
শূদ্রস্যৈকা স্মৃতা ভার্যা প্রতিলোমে তু সঙ্করঃ।
শূদ্রায়াস্তু নরশ্রেষ্ঠ চৎবারঃ পতয়ঃ স্মৃতাঃ॥ 13-53-9 (83635)
বর্ণোত্তমায়াস্তু পতিঃ সবর্ণস্ৎবেক এব সঃ।
দ্বৌ ক্ষত্রিয়ায়া বিহিতৌ ব্রাহ্মণঃ ক্ষত্রিয়স্তথা॥ 13-53-10 (83636)
বৈশ্যায়াস্তু নরশ্রেষ্ঠ বিহিতাঃ পতয়স্ত্রয়ঃ।
সবর্ণঃ ক্ষত্রিয়শ্চৈব ব্রাহ্মণশ্চ বিশাম্পতে॥ 13-53-11 (83637)
এবংবিধিমনুস্মৃত্য ততস্তে ঋষিভিঃ পুরা।
উৎপাদিতা মহাত্মানঃ পুত্রা ব্রহ্মর্ষয়ঃ পুরা॥ 13-53-12 (83638)
পুরাণাভ্যামৃষিভ্যাং তু মিত্রেণ বরুণেন চ।
বসিষ্ঠোঽথ তথাঽগস্ত্যো বর্হিষব্যস্তথৈব চ॥ 13-53-13 (83639)
কক্ষীবানার্ষ্টিষেণশ্চ পুরুষঃ কষ এব চ।
মামতেয়স্য বৈ পুত্রা গৌতমশ্চাত্মজাঃ স্মৃতাঃ॥ 13-53-14 (83640)
বৎসপ্রিয়শ্চ ভগবান্স্থূলরশ্মিস্তথাক্ষণিঃ।
গৌতমস্যৈব তনয়া যে দাস্যাং জনিতা হ্যুত॥ 13-53-15 (83641)
কপিঞ্জলাদো ব্রহ্মর্ষিশ্চাণ্ডাল্যামুদপদ্যত।
বৈনতেয়স্তথা পক্ষী তুর্যায়াং চ বসিষ্ঠতঃ॥ 13-53-16 (83642)
প্রসাদাচ্চ বসিষ্ঠস্য শুক্লাভ্যুপগমেন চ।
অদৃশ্যন্ত্যাঃ পিতা বৈশ্যো নাম্না চিত্রমুখঃ পুরা।
ব্রাহ্মণৎবমনুপ্রাপ্তো ব্রহ্মর্ষিৎবং চ কৌরব॥ 13-53-17 (83643)
বৈশ্যশ্চিত্রমুখঃ কন্যাং বসিষ্ঠতনয়স্য বৈ।
শুভাং প্রাদাদ্যতো জাতো ব্রহ্মর্ষিস্তু পরাশরঃ॥ 13-53-18 (83644)
তথৈব দাশকন্যায়াং সত্যবত্যাং মহানৃষিঃ।
পরাশরাৎপ্রসূতশ্চ ব্যাসো যোগময়ো মুনিঃ॥ 13-53-19 (83645)
বিভণ্ডকস্য মৃগ্যাং চ তপোয়োগাত্মকো মুনিঃ।
ঋস্যশৃঙ্গঃ সমুৎপন্নো ব্রহ্মচারী মহায়শাঃ॥ 13-53-20 (83646)
শার্ঙ্গ্যাং চ মন্দপালস্য চৎবারো ব্রহ্মবাদিনঃ।
জাতা ব্রহ্মর্ষয়ঃ পুণ্যা যৈঃ স্তুতো হব্যবাহনঃ॥ 13-53-21 (83647)
দ্রোণশ্চ স্তম্বমিত্রশ্চ সারিসৃক্বশ্চ বুদ্ধিমান্।
জরিতারিশ্চ বিখ্যাতশ্চৎবারঃ সূর্যসন্নিভাঃ॥ 13-53-22 (83648)
মহর্ষেঃ কালবৃক্ষস্য শকুন্ত্যামেব জজ্ঞিবান্।
হিরণ্যহস্তো ভগবান্মহর্ষিঃ কাঞ্চনপ্রভঃ॥ 13-53-23 (83649)
পাবকাত্তাত সম্ভূতা মনসা চ মহর্ষয়ঃ।
পিতামহস্য রাজেন্দ্র পুরস্ত্যপুলহাদয়ঃ॥ 13-53-24 (83650)
সাবর্ণ্যশ্চাপি রাজর্ষিঃ সবর্ণায়ামজায়ত।
মৃণ্ময়্যাং ভরতশ্রেষ্ঠ আদিত্যেন বিবস্বতা॥ 13-53-25 (83651)
শাণ্ডিল্যশ্চাগ্নিতো জাতঃ কশ্যপস্যাগ্রজঃ প্রভুঃ।
শরদ্বতঃ শরস্তম্বাৎকৃপশ্ব কৃপয়া সহ॥ 13-53-26 (83652)
পদ্মাশ্চ জজ্ঞে রাজেন্দ্র সোস্যপস্য মহাত্মনঃ।
রেণুশ্চ রেণুকা চৈব রামমাতা যশস্বিনী॥ 13-53-27 (83653)
সমুনায়াঃ সমুদ্ভূতঃ সোমকেন মহাত্মনা।
অর্কদন্তো মহানৃষিঃ প্রথিতঃ পৃথিবীতলে॥ 13-53-28 (83654)
অগ্নেরাহবনীয়াচ্চ দ্রুপদস্যেন্দ্রবর্চসঃ।
ধৃষ্টদ্যুম্নশ্চ সম্ভূতো বেদ্যাং কৃষ্ণা চ ভারত॥ 13-53-29 (83655)
ব্যাঘ্রয়োন্যাং ততো জাতা বসিষ্ঠস্য মহাত্মনঃ।
একোনবিংশতিঃ পুত্রাঃ খ্যাতা ব্যাঘ্রপদাদয়ঃ॥ 13-53-30 (83656)
মন্ধশ্চ বাদলোমস্চ জাবালিশ্চ মহানৃষিঃ।
মন্যুশ্চৈবোপমন্যুশ্চ সেতুকর্ণস্তথৈব চ।
এতে চান্যে চ বিখ্যাতাঃ পৃথিব্যাং গোত্রতাং গতাঃ॥ 13-53-31 (83657)
বিশ্বকাশস্য রাজর্ষেরৈক্ষ্বাকোস্তু মহাত্মনঃ।
বালাশ্বো নাম পুত্রোঽভূচ্ছিখাং ভিত্ৎবা বিনিস্সৃতঃ॥ 13-53-32 (83658)
মান্ধাতা চৈব রাজর্ষির্যুবনাশ্বেন ধীমতা।
স্বয়ং ধৃতোঽথ গর্ভেণ দিব্যাস্ত্রবলসংয়ুতঃ॥ 13-53-33 (83659)
গৌরিকশ্চাপি রাজর্ষিশ্চক্রবর্তী মহায়শাঃ।
বাহুদায়াং সমুৎপন্নো নদ্যাং রাজ্ঞা সুবাহুনা॥ 13-53-34 (83660)
ভূমেশ্চ পুত্রো নরকঃ সংবর্তশ্চৈব পুষ্কলঃ।
অদ্ভিশ্চৈব মহাতেজা ঋষির্গার্গ্যোঽভ্যজায়ত॥ 13-53-35 (83661)
এতে চান্যে চ বহবো রাজন্যা ব্রাহ্মণাস্তথা।
প্রভাবেনাভিসম্ভূতা মহর্ষীণাং মহাত্মনাম্।
নাসাধ্য তপসা তেষাং বিদ্যযাঽঽত্মগুণৈঃ পরৈঃ॥ 13-53-36 (83662)
অস্মিন্নর্থে চ মনুনা নীতঃ শ্লোকো নরাধিপ।
ধর্মং প্রণয়তা রাজংস্তং নিবোধ যুধিষ্ঠির॥ 13-53-37 (83663)
ঋষিণাং চ নদীনাং চ সাধূনাং চ মহাত্মনাম্।
প্রভবো নাধিগন্তব্যঃ স্ত্রীণাং দুশ্চরিতস্য চ॥ 13-53-38 (83664)
তন্নাত্র চিন্তা কর্তব্যা মহর্ষীণাং সমুদ্ভবে।
যথা সর্বগতো হ্যগ্নিস্তথা তেজো মহাত্মসু॥' ॥ 13-53-39 (83665)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিপঞ্চাশোঽধ্যায়ঃ॥ 53 ॥
Mahabharata - Anushaasana Parva - Chapter Footnotes
7-53-1 এতদাদিসপ্তাধ্যায়া দাক্ষিণাত্যকোশেষ্বেব দৃশ্যন্তে।অনুশাসনপর্ব - অধ্যায় 054
॥ শ্রীঃ ॥
13.54. অধ্যায়ঃ 054
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি যুগচতুষ্টয়ধর্মাদিপ্রতিপাদকনারদমার্কণ্ডেয়সংবাদানুবাদঃ॥ 1 ॥Mahabharata - Anushaasana Parva - Chapter Text
`যুধিষ্ঠির উবাচ।
পুত্রৈঃ কথং মহারাজ পুরুষস্তারিতো ভবেৎ।
যাবন্ন লব্ধবান্পুত্রমফলঃ পুরুষো নৃপ॥ 13-54-1 (83666)
ভীষ্ম উবাচ। 13-54-2x (6896)
অত্রাপ্যুদাহরন্তীমমিতিহাসং পুরাতনম্।
নারদেন পুরা গীতং মার্কণ্ডেয়ায় পৃচ্ছতে॥ 13-54-2 (83667)
পর্বতং নারদং চৈব অসিতং দেবলং চ তম্।
আরুণেয়ং চ রৈভ্যং চ এতানত্রাগতান্পুরা॥ 13-54-3 (83668)
গঙ্গায়মুনয়োর্মধ্যে ভোগবত্যাঃ সমাগমে।
দৃষ্ট্বা পূর্বং সমাসীনান্মার্কণ্ডেয়োঽভ্যগচ্ছত॥ 13-54-4 (83669)
ঋষয়স্তু মুনিং দৃষ্ট্বা সমুত্থায়োন্মুখাঃ স্থিতাঃ।
অর্চয়িৎবাঽর্হতো বিপ্রং কিং কুর্ম ইতি চাব্রুবন্॥ 13-54-5 (83670)
মার্কণ্ডেয় উবাচ। 13-54-6x (6897)
অয়ং সমাগমঃ সদ্ভির্যত্নেনাসাদিতো ময়া।
অত্র প্রাপ্স্যামি ধর্মাণামাচারস্য চ নিশ্চয়ম্॥ 13-54-6 (83671)
ঋজুঃ কৃতয়ুগে ধর্মস্তস্মিন্ক্ষীণে বিমুহ্যতি।
যুগেয়ুগে মহর্ষিভ্যো ধর্মমিচ্ছামি বেদিতুম্॥ 13-54-7 (83672)
ঋষিভির্নারদঃ প্রোক্তো ব্রূহি যত্রাস্য সংশয়ঃ।
ধর্মাধর্মেষু তৎবজ্ঞ ৎবং হি চ্ছেত্তা হি সংশয়ান্॥ 13-54-8 (83673)
ঋষিভ্যোঽনুমতং বাক্যং নিয়োগান্নারদস্তদা।
সর্বধর্মার্থতৎবজ্ঞং মার্কণ়্ডেয়ং ততোঽব্রবীৎ॥ 13-54-9 (83674)
দীর্ঘায়ো তপসা দীপ্ত বদেবদাঙ্গতৎববিৎ।
যত্র তে সংশয়ো ব্রহ্মন্সমুৎপন্নঃ স উচ্যতাম্॥ 13-54-10 (83675)
ধর্মং লোকোপকারং বা যচ্চান্যচ্ছ্রোতুমিচ্ছসি।
তদহং কথয়িষ্যামি ব্রূহি ৎবং সুমহাতপাঃ॥ 13-54-11 (83676)
মার্কণ্ডেয় উবাচ। 13-54-12x (6898)
যুগেয়ুগে ব্যতীতেঽস্মিন্ধর্মসেতুঃ প্রণশ্যতি।
কথং ধর্মচ্ছলেনাহং প্রাপ্নুয়ামিতি মে মতিঃ॥ 13-54-12 (83677)
নারদ উবাচ। 13-54-13x (6899)
আসীদ্ধর্মঃ পুরা বিপ্র চতুষ্পাদঃ কৃতে যুগে।
ততো হ্যধর্মঃ কালেন প্রসূতঃ কিঞ্চিদূনতঃ॥ 13-54-13 (83678)
ততস্ত্রেতায়ুগং নাম প্রবৃত্তং ধর্মদূষণম্॥ 13-54-14 (83679)
তস্মিন্নতীতে সম্প্রাপ্তং তৃতীয়ং দ্বাপরং যুগম্।
তদা ধর্মস্য দ্বৌ পাদাবধর্মো নাশয়িষ্যতি॥ 13-54-15 (83680)
দ্বাপরে তু পরিক্ষীণে নন্দিকে সমুপস্থিতে।
লোকবৃত্তং চ ধর্মং চ উচ্যমানং নিবোধ মে॥ 13-54-16 (83681)
চতুর্থং নন্দিকং নাম ধর্মঃ পাদাবশেষিতঃ।
ততঃ প্রভৃতি জায়ন্তে ক্ষীণপ্রজ্ঞায়ুপো নরাঃ।
ক্ষীণপ্রাণধনা লোকে ধর্মাচারবহিষ্কৃতাঃ॥ 13-54-17 (83682)
মার্কণ্ডেয় উবাচ। 13-54-18x (6900)
এবং বিলুলিতে ধর্মে লোকে চাধর্মসংয়ুতে।
চাতুর্বর্ণ্যস্য নিয়তং হব্যং কব্যং নিয়চ্ছতি॥ 13-54-18 (83683)
নারদ উবাচ। 13-54-19x (6901)
মন্ত্রপূতং সদা হব্যং কব্যং চৈব ন নশ্যতি।
প্রতিগৃহ্ণন্তি তদ্দেবা দাতুর্ন্যায়াৎপ্রয়চ্ছতঃ॥ 13-54-19 (83684)
সৎবয়ুক্তং চ দাতা চ সর্বান্কামানবাপ্নুয়াৎ।
অবাপ্তকামঃ স্বর্গে চ মহীয়েত যথেপ্সিতম্॥ 13-54-20 (83685)
মার্কণ্ডেয় উবাচ। 13-54-21x (6902)
চৎবারো হ্যথ যে বর্ণা হব্যং কব্যং প্রদাস্যতি।
মন্ত্রহীনমপন্যায়ং তেষাং দত্তং ক্ব গচ্ছতি॥ 13-54-21 (83686)
নারদ উবাচ। 13-54-22x (6903)
অসুরান্গচ্ছতে দত্তং বিপ্রৈ রক্ষাংসি ক্ষত্রিয়ৈঃ।
বৈশ্যৈঃ প্রেতানি বৈ দত্তং শূদ্রৈর্ভূতানি গচ্ছতি॥ 13-54-22 (83687)
মার্কণ্ডেয় উবাচ। 13-54-23x (6904)
অথ বর্ণাবরে জাতাশ্চাতুর্বর্ণ্যোপদেশিনঃ।
দাস্যন্তি হব্যকব্যানি তেষাং দত্তং ক্ব গচ্ছতি 13-54-23 (83688)
নারদ উবাচ। 13-54-24x (6905)
বর্ণাবরাণাং ভূতানাং হব্যকব্যপ্রদাতৃণাম্।
নৈব দেবা ন পিতরঃ প্রতিগৃহ্ণন্তি তৎস্বয়ম্॥ 13-54-24 (83689)
যাতুধানাঃ পিশাচাশ্চ ভূতা যে চাপি নৈর্ঋতাঃ।
তেষাং সা বিহিতা বৃত্তিঃ পিতৃদৈবতনির্গতাঃ॥ 13-54-25 (83690)
তেষাং সর্বপ্রদাতৄণাং হব্যকব্যং সমাহিতাঃ।
যৎপ্রয়চ্ছন্তি বিধইবত্তদ্বৈ ভুঞ্জন্তি দেবতাঃ॥' ॥ 13-54-26 (83691)
ইতি শ্রীমন্মহাভারতে অনুশাসনপর্বণি দানধর্মপর্বণি চতুঃপশ্চাশোঽধ্যায়ঃ॥ 54 ॥
Mahabharata - Anushaasana Parva - Chapter Footnotes
7-54-16 নন্দিক ইতি কলিয়ুগে প্রবর্তমানধর্মৈকপাদস্য নাম॥ 16 ॥অনুশাসনপর্ব - অধ্যায় 055
॥ শ্রীঃ ॥
13.55. অধ্যায়ঃ 055
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি কন্যানাং প্রদানকালাদিপ্রতিপাদকনারদমার্কণ্ডেয়সংবাদানুবাদঃ॥ 1 ॥Mahabharata - Anushaasana Parva - Chapter Text
`মার্কণ্ডেয় উবাচ।
শ্রুতং বর্ণাবরৈর্দত্তং হব্যং কব্যং চ নারদ।
সম্প্রয়োগে চ পুত্রাণাং কন্যানাং চ ব্রবীহি মে॥ 13-55-1 (83692)
নারদ উবাচ। 13-55-2x (6906)
কন্যাপ্রদানং প্রত্রাণাং স্ত্রীণাং সংয়োগমেব চ।
আনুপূর্ব্যান্ময়া সম্যগুচ্যমানং নিবোধ মে॥ 13-55-2 (83693)
জাতমাত্রা তু দাতব্যা কন্যকা সদৃশে বরে।
কালে দত্তাসু কন্যাসু পিতা ধর্মেণ যুজ্যতে॥ 13-55-3 (83694)
যস্তু পুষ্পবতীং কন্যাং বান্ধবো ন প্রয়চ্ছতি।
মাসিমাসি গতে বন্ধুস্তস্যা ভ্রৌণঘ্ন্যমাপ্নুতে॥ 13-55-4 (83695)
যস্তু কন্যাং গৃহে রুন্ধ্যাদ্গ্রাম্যৈর্ভোগৈর্বিবর্জিতাম্।
অবধ্যাতঃ স কন্যায়া বন্ধুঃ প্রাপ্নোতি ভ্রূণহাম্॥ 13-55-5 (83696)
দূষিতা পাণিমাত্রেণ মৃতে ভর্তরি দারিকা।
সংস্কারং লভতে নারী দ্বিতীয়ে সা পুনঃ পতৌ॥ 13-55-6 (83697)
পুনর্ভূর্নাম সা কন্যা সপুত্রা হব্যকব্যদা।
অদূষ্যা সা প্রসূতীষু প্রজানাং দারকর্মণি॥ 13-55-7 (83698)
মার্কণ্ডেয় উবাচ। 13-55-8x (6907)
যা তু কন্যা প্রসূয়েত গর্ভিণী যা তু বা ভবেৎ।
কথং দারক্রিয়াং ভূয়ঃ সা ভবেদৃষিসত্তম॥ 13-55-8 (83699)
নারদ উবাচ। 13-55-9x (6908)
তৎবার্থনিশ্চিতং শব্দং কন্যকা নয়তেঽগ্নয়ে।
তস্মাৎকুর্বন্তি বৈ ভাবং কুমার্যস্তা ন কন্যকাঃ॥ 13-55-9 (83700)
ব্রহ্মহত্যাত্রিভাগেন গর্ভাধানবিশোধিতঃ।
গৃহ্ণীয়াত্তাং চতুর্ভাগবিশুদ্ধাং সর্জনাৎপুনঃ॥ 13-55-10 (83701)
মার্কণ্ডেয় উবাচ। 13-55-11x (6909)
কথং কন্যাসু যে জাতা বন্ধূনাং দূষিতাঃ সদা।
কস্য তে হব্যকব্যানি প্রদাস্যন্তি মহামুনে॥ 13-55-11 (83702)
নারদ উবাচ। 13-55-12x (6910)
কন্যায়াস্তু পিতুঃ পুত্রাঃ কানীনা হব্যকব্যদাঃ।
অন্তর্বত্নয়াস্তু যঃ পাণিং গৃহ্ণীয়াৎস সহোঢজঃ॥ 13-55-12 (83703)
মার্কণ্ডেয় উবাচ। 13-55-13x (6911)
অথ যেনাহিতো গর্ভঃ কন্যায়াং তত্র নারদ।
কথং পুত্রফলং তস্য ভবেদেতৎপ্রচক্ষ্ব মে॥ 13-55-13 (83704)
নারদ উবাচ। 13-55-14x (6912)
ধর্মাচারেষু তে নিত্যং দূষকাঃ কৃতশোধনাঃ।
বীজং চ নশ্যতে তেষাং মোঘচেষ্টা ভবন্তি তে॥ 13-55-14 (83705)
মার্কণ্ডেয় উবাচ। 13-55-15x (6913)
অথ কাচিদ্ভবেৎকন্যা ক্রীতা দত্তা হৃতাঽপি বা।
কথং পুত্রকৃতং তস্যাস্তদ্ভবেদ্দষিসত্তম॥ 13-55-15 (83706)
নারদ উবাচ। 13-55-16x (6914)
ক্রীতা দত্তা হৃতা চৈব যা কন্যা পাণিবর্জিতা।
কৌমারী নাম সা ভার্যা প্রসবেদৌরসান্সুতান্।
ন পত্ন্যর্থে শুভা প্রোক্তা তৎকর্মণ্যপরাজিতে॥ 13-55-16 (83707)
মার্কণ্ডেয় উবাচ। 13-55-17x (6915)
কেন মঙ্গলকৃত্যেষু বিনিয়ুজ্যন্তি কন্যকাঃ।
এতদিচ্ছামি বিজ্ঞাতুং তৎবেনেহ মহামুনে॥ 13-55-17 (83708)
নারদ উবাচ। 13-55-18x (6916)
নিত্যং নিবসতে লক্ষ্মীঃ কন্যকাসু প্রতিষ্ঠিতা।
শোভনা শুভয়োগ্যা চ পূজ্যা মঙ্গলকর্মসু॥ 13-55-18 (83709)
আকরস্থং যথা রত্নং সর্বকামফলোপগম্।
তথা কন্যা মহালক্ষ্মীঃ সর্বলোকস্য মঙ্গলম্॥ 13-55-19 (83710)
এবং কন্যা পরা লক্ষ্মী রতিস্তোষশ্চ দেহিনাম্।
মহাকুলানাং চারিত্রবৃত্তেন নিকষোপলম্॥ 13-55-20 (83711)
আনয়িৎবা স্বকাদ্বর্ণাৎকন্যকাং যো ভজেন্নরঃ।
দাতারং হব্যকব্যানাং পুত্রকং যা প্রসূয়তি॥ 13-55-21 (83712)
সাধ্বী কুলং বর্ধয়তি সাধ্বী পুষ্টিগ্রহে পরা।
সাধ্বী লক্ষ্মী রতিঃ সাক্ষাৎপ্রতিষ্ঠা সন্ততিস্তথা॥ ॥ 13-55-22 (83713)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চপঞ্চাশোঽধ্যায়ঃ॥ 55 ॥
Mahabharata - Anushaasana Parva - Chapter Footnotes
7-55-10 চতুর্ভাগবিশুদ্ধাৎস্বজনাৎপুনরিতি ধ.পাঠঃ॥অনুশাসনপর্ব - অধ্যায় 056
॥ শ্রীঃ ॥
13.56. অধ্যায়ঃ 056
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি স্ত্রীণাং ভার্যাৎবেন পরিগ্রহয়োগ্যতাপ্রতিপাদকনারদমার্কণ্ডেয়সংবাদানুবাদঃ॥ 1 ॥Mahabharata - Anushaasana Parva - Chapter Text
`মার্কণ্ডেয় উবাচ।
শ্রুতং বহুবিধং বৃত্তং কন্যকানাং মহামতে।
ইচ্ছামি যোষিতাং শ্রোতুং ধর্মাধর্মৌ পরিগ্রহে॥ 13-56-1 (83714)
নারদ উবাচ। 13-56-2x (6917)
অষ্টৌ ভার্যাগমা ধর্ম্যা নরাণাং দারকর্মণি।
প্রেত্যেহ চ হিতা যাস্তু সপুত্রা হব্যকব্যদাঃ॥ 13-56-2 (83715)
সাধ্বী পাণিগৃহীতা যা কৌমারী পাণিবর্জিতা।
ভ্রাতৃভার্যা স্বভার্যেতি প্রসূয়েৎপুত্রমৌরসম্॥ 13-56-3 (83716)
মার্কণ্ডেয় উবাচ। 13-56-4x (6918)
ত্রয়ো ভার্যাগমা জ্ঞেয়া যত্র ধর্মো ন নশ্যতি।
পঞ্চান্যাঃ পশ্চিমা ব্রূহি ভার্যাস্তাসাং চ যে সুতাঃ॥ 13-56-4 (83717)
নারদ উবাচ। 13-56-5x (6919)
সগোত্রভার্যা ক্রীতা চ পরভার্যা চ কারিতা।
গতাগতা চ যা ভার্যা আশ্রমাদাহৃতা চ যা॥ 13-56-5 (83718)
এতা ভার্যাগমাঃ পঞ্চ পুনর্ভার্যা ভবন্তি যাঃ।
এতা ভার্যা নৃণাং গম্যাস্তৎপুত্রা হব্যকব্যদাঃ॥' ॥ 13-56-6 (83719)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্পঞ্চাশোঽধ্যায়ঃ॥ 56 ॥
অনুশাসনপর্ব - অধ্যায় 057
॥ শ্রীঃ ॥
13.57. অধ্যায়ঃ 057
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি সতীনামসতনাং গুণদোষপ্রতিপাদকনারদমার্কণ্ডেয়সংবাদানুবাদঃ॥ 1 ॥Mahabharata - Anushaasana Parva - Chapter Text
`মার্কণ্ডেয় উবাচ।
শ্রুতা ভার্যাশ্চ পুত্রাশ্চ বিস্তরেণ মহামুনে।
আশ্রমস্থাঃ কথং নার্যো ন দুষ্যন্তীতি ব্রূহি ভো॥ 13-57-1 (83720)
নারদ উবাচ। 13-57-2x (6920)
আশ্রমস্থাসু নারীষু বান্ধবৎবং প্রণশ্যতি।
নষ্টবংশ্যা ভবন্ত্যেতা বন্ধূনামথ ভর্তৃণাম্॥ 13-57-2 (83721)
পরদারা মুক্তদোষাস্তা নার্যোঽঽশ্রমসংস্থিতাঃ।
স্বয়মীশাঃ স্বদেহানাং কাম্যাস্তদ্গতমানসাঃ॥ 13-57-3 (83722)
এবং নার্যো ন দুষ্যন্তি নরাণাং তৎপ্রসূতিষু।
ধর্মপত্ন্যো ভবন্ত্যেতাঃ সপুত্রা হব্যকব্যদাঃ॥ 13-57-4 (83723)
মার্কণ্ডেয় উবাচ। 13-57-5x (6921)
পরস্য ভার্যা যা পূর্বং মৃতে ভর্তরি যা পুনঃ।
অন্যং ভজতি ভর্তারং সসুতা অসুতা কথম্॥ 13-57-5 (83724)
নারদ উবাচ। 13-57-6x (6922)
অসুতা বা প্রসূতা বা গৃহস্থানাং পরস্ত্রিয়ঃ।
পরামৃষ্টেতি তা বর্জ্যা ধর্মাচারেষু দূষিতাঃ॥ 13-57-6 (83725)
ন চাসাং হব্যকব্যানি প্রতিগৃহ্ণন্তি দেবতাঃ।
যস্তাসু জনয়েৎপুত্রান্ন তৈঃ পুত্রমবাপ্নুয়াৎ॥ 13-57-7 (83726)
মার্কণ্ডেয় উবাচ। 13-57-8x (6923)
পরক্ষেত্রেষু যো বীজং চাপলাদ্বিসৃজেন্নরঃ।
কথং পুত্রফলং তস্য ভবেত্তদৃষিসত্তম॥ 13-57-8 (83727)
নারদ উবাচ। 13-57-9x (6924)
অস্বামিকে পরক্ষেত্রে যো নরো বীজমুৎসৃজেৎ।
স্বয়ংবৃতোঽঽশ্রমস্থায়াং তদ্বীজং ন বিনশ্যতি॥ 13-57-9 (83728)
পরক্ষেত্রেষু যো বীজং নরো দর্পাৎসমুৎসৃজেৎ।
ক্ষেত্রিকস্যৈব তদ্বীজং ন বীজী লভতে ফলম্॥ 13-57-10 (83729)
নাতঃ পরমধর্ম্যং চাপ্যযশস্যং তথোত্তরম্।
গর্ভাদীনাং চ বহুভিস্তাশ্চ ত্যাজ্যাঃ সমেষ্বপি॥ 13-57-11 (83730)
মার্কণ্ডেয় উবাচ। 13-57-12x (6925)
অথ যে পরদারেষু পুত্রা জায়ন্তি নারদ।
কস্য তে বন্ধুদায়াদা ভবন্তি পরমদ্যুতে॥ 13-57-12 (83731)
নারদ উবাচ। 13-57-13x (6926)
পরদারেষু জায়েতে দ্বৌ পুত্রৌ কুণ্ডগোলকৌ।
জীবত্যথ পতৌ কুণ্ডো মৃতে ভর্তরি গোলকঃ॥ 13-57-13 (83732)
তে চ জাতাঃ পরক্ষেত্রে দেহিনাং প্রেত্য চেহ চ।
দত্তানি হব্যকব্যানি নাশয়ন্ত্যথ দাতৃণাম্॥ 13-57-14 (83733)
পিতুহি নরকায়ৈতে গোলকস্তু বিশেষতঃ।
চণ্ডালতুল্যৌ তজ্জৌ হি পরত্রেহ চ নশ্যতঃ॥ 13-57-15 (83734)
মার্কণ্ডেয় উবাচ। 13-57-16x (6927)
কস্য তে গর্হিতাঃ পুত্রাঃ পিতৄণাং হব্যকব্যদাঃ।
যস্য ক্ষেত্রে প্রসূয়ন্তে যো বা তাঞ্জনয়েৎসুতান্॥ 13-57-16 (83735)
নারদ উবাচ। 13-57-17x (6928)
ক্ষেত্রিকশ্চৈব বীজী চ দ্বাবেতৌ নিরয়ং গতৌ।
ন রক্ষতি চ যো দারান্পরদারাশ্চ গচ্ছতি॥ 13-57-17 (83736)
গর্হিতাস্তে নরা নিত্যং ধর্মাচারবহিষ্কৃতাঃ।
কুণ্ডো ভোক্তা চ ভোগী চ কুৎসিতাঃ পিতৃদৈবতৈঃ॥ 13-57-18 (83737)
মার্কণ্ডেয় উবাচ। 13-57-19x (6929)
তথৈতে গর্হিতাঃ পুত্রা হব্যকব্যানি নারদ।
কস্য নিত্যং প্রয়চ্ছন্তি ধর্মো বা তেষু কিং ফলং॥ 13-57-19 (83738)
নারদ উবাচ। 13-57-20x (6930)
যাতুধানাঃ পিশাচাশ্চ প্রতিগৃহ্ণন্তি তৈর্হুতম্।
হব্যং কব্যং চ তৈর্দত্তং যে চ ভূতা নিশাচরাঃ॥ 13-57-20 (83739)
মার্কণ্ডেয় উবাচ। 13-57-21x (6931)
অথ তে রাক্ষসাঃ প্রীতাঃ কিং প্রয়চ্ছন্তি দাতৃণাম্।
কিং বা ধর্মফলং তেষাং ভবেত্তদৃষিসত্তম॥ 13-57-21 (83740)
নারদ উবাচ। 13-57-22x (6932)
ন দত্তং নশ্যতে কিঞ্চিৎসর্বভূতেষু দাতৃণাম্।
প্রেত্য চেহ চ তাং পুষ্টিমুপাশ্নন্তি প্রদায়িনঃ॥ 13-57-22 (83741)
মার্কণ্ডেয় উবাচ। 13-57-23x (6933)
অথ গোলককুণ্ডাভ্যাং সন্ততির্যা ভবিষ্যতি।
তয়োর্যে বান্ধবাঃ কেচিৎপ্রদাস্যন্তি কথং নু তং॥ 13-57-23 (83742)
নারদ উবাচ। 13-57-24x (6934)
সাধ্বীজাতাঃ সুতাস্তেষাং তাং বৃত্তিমনুতিষ্ঠতাম্।
প্রীণন্তি পিতৃদৈবত্যং হব্যকব্যসমাহিতাঃ॥ 13-57-24 (83743)
এবং গোলককুণ্ডাভ্যাং যে চ বর্ণাপদেশিনঃ।
হব্যং কব্যং চ শুদ্ধানাং প্রতিগৃহ্ণন্তি দেবতাঃ॥' ॥ 13-57-25 (83744)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তপঞ্চাশোঽধ্যায়ঃ॥ 57 ॥
Mahabharata - Anushaasana Parva - Chapter Footnotes
7-57-3 পরমং মুক্তদোষাস্তা যা নার্যোঽঽশ্রমসংস্থিতা ইতি ধ. পাঠঃ॥অনুশাসনপর্ব - অধ্যায় 058
॥ শ্রীঃ ॥
13.58. অধ্যায়ঃ 058
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি স্ত্রীণামতিক্রমে প্রায়শ্চিত্তাদিপ্রতিপাদকনারদমার্কণ্ডেয়সংবাদানুবাদঃ॥ 1 ॥Mahabharata - Anushaasana Parva - Chapter Text
মার্কণ্ডেয় উবাচ।
শ্রুতং নরাণাং চাপল্যং পরস্ত্রীষু প্রজায়তাম্।
প্রমদানাং তু চাপল্যে দোষমিচ্ছামি বেদিতুম্॥ 13-58-1 (83745)
নারদ উবাচ। 13-58-2x (6935)
একবর্ণে বিদোষং তু গমনং পূর্বকালিকম্।
ধাতা চ সমনুজ্ঞাতো বিষ্ণুনা তত্তথাঽকরোৎ॥ 13-58-2 (83746)
ভগলিঙ্গে মহাপ্রাজ্ঞ পূর্বমেব প্রজাপতিঃ।
সসর্জ তাভ্যাং সংয়োগমনুজ্ঞাতশ্চকার সঃ॥ 13-58-3 (83747)
অথ বিষ্ণুপ্রসাদেন ভগো দত্তবরঃ কিল।
তেন চৈব প্রসাদেন সর্বাংল্লোকানুপাশ্নুতে॥ 13-58-4 (83748)
তস্মাত্তু পুরুষে দোষো হ্যধিকো নাত্র সংশয়ঃ।
বিনা গর্ভং সবর্ণেষু ন ত্যাজ্যা গমনাৎস্ত্রিয়ঃ॥ 13-58-5 (83749)
প্রায়শ্চিত্তং যথান্যায়ং দণ্ডং কুর্যাৎস পণ্ডিতঃ।
শ্বভির্বা দংশনং স্নানং সবনত্রিতয়ং নিশি॥ 13-58-6 (83750)
ভূমৌ চ ভস্মশয়নং দানং ভোগবিবর্জিতম্।
দোষগৌরবতঃ কালো দ্রব্যগৌরবমেব চ।
মর্যাদা স্থাপিতা পূর্বমিতি তীর্থান্তরং গতে॥ 13-58-7 (83751)
তদ্যোষিতীং তু দীর্ঘায়ো নাস্তি দোষো ব্যতিক্রমে।
ভগতীর্থান্তরে শুদ্ধো বিষ্ণোস্তু বচনাদিহ॥ 13-58-8 (83752)
রক্ষ্যাশ্চৈবান্যসংবাদৈরন্যগেহাদ্বিচক্ষণৈঃ।
আসাং শুদ্ধৌ বিশেষেণ কর্মণাং ফলমশ্নুতে॥ 13-58-9 (83753)
নৈতা বাচ্যা ন বৈ বধ্যা ন ক্লেশ্যাঃ শুভমিচ্ছতা।
বিষ্ণুপ্রসাদাদিত্যেব ভগস্তীর্থান্তরং গতঃ।
মাসিমাসি ঋতুস্তাসাং দুষ্কৃতান্যপকর্ষতি॥ 13-58-10 (83754)
স্ত্রিয়স্তোষকরা নৄণাং স্ত্রিয়ঃ পুষ্টিপ্রদাঃ সদা।
পুত্রসেতুপ্রতিষ্ঠাশ্চ স্ত্রিয়ো লোকে মহাদ্যুতে॥ ॥ 13-58-11 (83755)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টপঞ্চাশোঽধ্যায়ঃ॥ 58 ॥
অনুশাসনপর্ব - অধ্যায় 059
॥ শ্রীঃ ॥
13.59. অধ্যায়ঃ 059
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি স্ত্রীণামপরিত্যাগপরিত্যাগপ্রয়োজকগুণদোষাদিপ্রতিপাদকনারদমার্কণ্ডেয়সংবাদানুবাদঃ॥ 1 ॥Mahabharata - Anushaasana Parva - Chapter Text
`মার্কণ্ডেয় উবাচ।
শ্রুতং বলং প্রভাবশ্চ যোষিতাং মুনিসত্তম।
একস্য বহুভার্যস্য ধর্মমিচ্ছামি বেদিতুম্॥ 13-59-1 (83756)
নারদ উবাচ। 13-59-2x (6936)
বহুভার্যাসু সক্তস্য নারীভোগেষু গেহিনঃ।
ঋতৌ বিমুঞ্চমানস্য সাংনিধ্যে ভ্রূণহা স্মৃতঃ॥ 13-59-2 (83757)
বৃদ্ধাং বন্ধ্যাং সুব্রতা চ মৃতাপত্যামপুষ্পিণীম্।
কন্যাং চ বহুপুত্রাং চ বর্জয়ন্মুচ্যতে ভয়াৎ॥ 13-59-3 (83758)
ব্যাধিতো বন্ধনস্থো বা প্রবাসেষ্বথ পর্বসু।
ঋতুকালে তু নারীণাং ভ্রূণহত্যাং প্রমুঞ্চতি॥ 13-59-4 (83759)
মার্কণ্ডেয় উবাচ। 13-59-5x (6937)
বৈশ্যনারীষু বৈ জাতাঃ পরপ্রেষ্যাসু বা সুতাঃ।
কস্য তে বন্ধুদায়াদা ভবন্তি হি মহামুনে॥ 13-59-5 (83760)
নারদ উবাচ। 13-59-6x (6938)
পণ্যস্ত্রীষু প্রসূতা যে যস্য স্ত্রী তস্য তে সুতাঃ।
ক্রয়াচ্চ কৃত্রিমাঃ পুত্রা প্রদানাচ্চৈব দত্রিমাঃ॥ 13-59-6 (83761)
মার্কণ্ডেয় উবাচ। 13-59-7x (6939)
পণ্যনারীষ্বনিয়তঃ পুংসোঽর্থো বর্ততে ধ্রুবম্।
অত্র চাহিতগর্ভায়াঃ কস্য পুত্রং বদন্তি তম্॥ 13-59-7 (83762)
নারদ উবাচ। 13-59-8x (6940)
তীর্থভূতাসু নারীষু জ্ঞায়তে যোঽভিগচ্ছতি।
ঋতৌ তস্য ভবেদ্গর্ভো যং বা নারী ন শঙ্কতে॥ 13-59-8 (83763)
মার্কণ্ডেয় উবাচ। 13-59-9x (6941)
নরাণাং ত্যজতাং ভার্যাং কামক্রোধাদ্গুণান্বিতাম্।
অপ্রসূতাং প্রসূতাং বা তেষাং পৃচ্ছামি নিষ্কৃতিম্॥ 13-59-9 (83764)
নারদ উবাচ। 13-59-10x (6942)
অপাপাং ত্যজমানস্য সাধ্বীং মৎবা যমাদিতঃ।
আত্মবংশস্বধর্মো বা ত্যজতো নিষ্কৃতির্ন তু॥ 13-59-10 (83765)
যো নরস্ত্যজতে ভার্যা পুষ্পিণীমপ্রসূতিকাম্।
স নষ্টবংশঃ পিতৃভির্যুক্তস্ত্যজ্যেত দৈবতৈঃ॥ 13-59-11 (83766)
ভার্যামপত্যসঞ্জাতাং প্রসূতাং পুত্রপৌত্রিণীম্।
পুত্রদারপরিত্যাগী ন স প্রাপ্নোতি নিষ্কৃতিম্॥ 13-59-12 (83767)
এবং হি ভার্যাং ত্যজতাং নরাণাং নাস্তি নিষ্কৃতিঃ।
নার্হন্তি প্রমদাস্ত্যক্তুং পুত্রপৌত্রপ্রতিষ্ঠিতাঃ॥ 13-59-13 (83768)
মার্কণ্ডেয় উবাচ। 13-59-14x (6943)
কীদৃশীং সংত্যজন্ভার্যাং নরো দোষৈর্ন লিপ্যতে।
এতদিচ্ছামি তৎবেন বিজ্ঞাতুমৃষিসত্তম॥ 13-59-14 (83769)
নারদ উবাচ। 13-59-15x (6944)
মোক্ষধর্মস্থিতানাং তু অন্যোন্যমনুজানতাম্।
ভার্যাপতীনাং মুক্তানামধর্মো ন বিধীয়তে॥ 13-59-15 (83770)
অন্যসঙ্গাং গতাপত্যাং শূদ্রগাং পরগামিনীম্।
পরীক্ষ্য ত্যজমানানাং নরাণাং নাস্তি পাতকম্॥ 13-59-16 (83771)
পাতকেঽপি তু ভর্তব্যৌ দ্বৌ তু মাতা পিতা তথা॥ 13-59-17 (83772)
মার্কণ্ডেয় উবাচ। 13-59-18x (6945)
ভার্যায়াং ব্যভিচারিণ্যাং নরস্য ত্যজতো রুষা।
কথং ধর্মোঽপ্যধর্মো বা ভবতীহ মহামতে॥ 13-59-18 (83773)
নারদ উবাচ। 13-59-19x (6946)
অনৃতেঽপি হি সত্যে বা যো নারীং দূষিতাং ত্যজেৎ।
অরক্ষমাণঃ স্বাং ভার্যাং নরো ভবতি ভ্রূণহা॥ 13-59-19 (83774)
অপত্যহেতোর্যা নারী ভর্তারমতিলঙ্ঘয়েৎ।
লোলেন্দ্রিয়েতি সা রক্ষ্যা ন সন্ত্যাজ্যা কথঞ্চন॥ 13-59-20 (83775)
নদ্যশ্চ নার্যশ্চ সমস্বভাবা
নৈতাঃ প্রমুঞ্চন্তি নরাবগাঢাঃ।
স্রোতাংসি নদ্যো বহতে নিপাতং
নারী রজোভিঃ পুনরেতি শৌচম্॥ 13-59-21 (83776)
এবং নার্যো ন দুষ্যন্তি ব্যভিচারেঽপি ভর্তৃণাম্।
মাসিমাসি ভবেদ্রাগস্ততঃ শুদ্ধা ভবন্ত্যুত॥ 13-59-22 (83777)
মার্কণ্ডেয় উবাচ। 13-59-23x (6947)
কানি তীর্থানি ভগবন্নৃণাং দেহাশ্রিতানি বৈ।
তানি বৈ শংস ভগবন্যাথাতথ্যেন পৃচ্ছতঃ॥ 13-59-23 (83778)
সর্বতীর্থেষু সর্বজ্ঞ কিং তীর্থং পরমং নৃণাম্।
যত্রোপস্পৃশ্য পূতো যো নরো ভবতি নিত্যশঃ॥ 13-59-24 (83779)
নারদ উবাচ। 13-59-25x (6948)
দেবর্ষিপিতৃতীর্থানি ব্রাহ্মং মধ্যেঽথং বৈষ্ণবম্।
নৃণাং তীর্থানি পঞ্চাহুঃ পাণৌ সন্নিহিতানি বৈ॥ 13-59-25 (83780)
আদ্যতীর্থং তু তীর্থানাং বৈষ্ণবো ভাগ উচ্যতে।
যত্রোপস্পৃশ্য বর্ণানাং চতুর্ণাং বর্ধতে কুলম্।
পিতৃদৈবতকার্যাণি বর্ধন্তে প্রেত্য চেহ চ॥ 13-59-26 (83781)
মার্কণ্ডেয় উবাচ। 13-59-27x (6949)
নরাণাং কামবৃত্তানাং যা নার্যো নিরবগ্রহাঃ।
যাসামভিগ্রহো নাস্তি তা মে কথয় নারদ॥ 13-59-27 (83782)
নারদ উবাচ। 13-59-28x (6950)
পাশুর্বৈশ্যা নটী গোপী তান্তুকী তুন্নবায়িকী।
নারী কিরাতী শবরী নর্তকী চানবগ্রহা॥ 13-59-28 (83783)
মার্কণ্ডেয় উবাচ। 13-59-29x (6951)
এতাসু জাতা নারীষু সর্ববর্ণেষু যে সুতাঃ।
কেষু কে বন্ধুদায়াদা ভবন্তি ঋষিসত্তম॥ 13-59-29 (83784)
নারদ উবাচ। 13-59-30x (6952)
য এতাঃ পরিগৃহ্ণন্তি তেষামেব হি তে সুতাঃ।
সর্বত্র তু প্রবৃত্তাসু বীজং নশ্যতি দেহিনাম্॥ 13-59-30 (83785)
মার্কণ্ডেয় উবাচ। 13-59-31x (6953)
সর্বস্ত্রীষু প্রবৃত্তাশ্চ সাধুবেদবিবর্জিতাঃ।
মানবাঃ কাণ্ডপৃষ্ঠাশ্চ বেদমন্ত্রবহিষ্কৃতাঃ।
নিয়ুক্তা হব্যকব্যেষু তেষাং দত্তং কথং ভবেৎ॥ 13-59-31 (83786)
নারদ উবাচ। 13-59-32x (6954)
নার্হন্তি হব্যকব্যানি সাবিত্রীবর্জিতা দ্বিজাঃ।
ব্রাত্যেষ্বন্নপ্রদানং তদ্যথা শূদ্রেষু বৈ তথা॥ 13-59-32 (83787)
মার্কণ্ডেয় উবাচ। 13-59-33x (6955)
ধর্মেষ্বধিকৃতানাং তু নরাণাং মুহ্যতে মনঃ।
কথং ন বিঘ্নো ভবতি এতদিচ্ছামি বেদিতুম্॥ 13-59-33 (83788)
নারদ উবাচ। 13-59-34x (6956)
অর্থাশ্চ নার্যশ্চ সমানমেন-
চ্ছ্রেয়াংসি পুংসামিহ মোহয়ন্তি।
রতিপ্রমোদাৎপ্রমদা হরন্তি
ভোগৈর্ধনং চাপ্যুপহন্তি ধর্মান্॥ 13-59-34 (83789)
হব্যং কব্যং চ ধর্মাত্মা সর্বং তচ্ছ্রোত্রিয়োঽর্হতি।
দত্তং হি শ্রোত্রিয়ে সাধৌ জ্বলিতাগ্নাবিবাহুতিঃ॥ 13-59-35 (83790)
মার্কণ্ডেয় উবাচ। 13-59-36x (6957)
শ্রোত্রিয়াণাং কুলে জাতা বেদার্থবিদিতাত্মনাম্।
হিৎবা কস্মাত্ত্রয়ীং বিদ্যাং বার্তাং বৃত্তিমুপাশ্রিতাঃ॥ 13-59-36 (83791)
নারদ উবাচ। 13-59-37x (6958)
চাতুর্বর্ণ্যং পুরা ন্যস্তং সুবিদ্বৎসু দ্বিজাতিষু।
তস্মাদ্বর্ণৌঃ সংবিভজ্যা বৃত্তিঃ সঙ্করবর্জিতা॥ 13-59-37 (83792)
যে চান্যে শ্রোত্রিয়া জাতাঃ সংস্কৃতাঃ পুত্রগৃধ্নুভিঃ।
পূর্বনির্বাণনির্বৃত্তাং জাতাং বৃত্তিমুপাশ্রিতাঃ॥ 13-59-38 (83793)
মার্কণ্ডেয় উবাচ। 13-59-39x (6959)
অসংস্কৃতাঃ শ্রোত্রিয়জাঃ সংস্কৃতা জ্ঞানিজাঃ কথম্। 13-59-39 (83794)
নারদ উবাচ। 13-59-40x (6960)
অসংস্কারো বৈদিকশ্চ স মান্যঃ শ্রোত্রিয়াত্মজঃ।
শুদ্ধান্বয়ঃ শ্রোত্রিয়স্তু সুবিদ্বদ্ভিঃ সমোঽন্যথা॥ 13-59-40 (83795)
অনধীয়ানপুত্রাশ্চ বেদসংস্কারবর্জিতাঃ।
তস্মাত্তে বেদবিজ্ঞাঽপি বিপ্রাঃ শ্রুতিনিকারিণঃ॥ 13-59-41 (83796)
ব্রহ্মরাশৌ পুরা সৃষ্টা বেদসংস্কারসংস্কৃতাঃ।
তস্মাত্তেষ্বেব তে জাতাঃ সাধবঃ কুলধারিণঃ॥ 13-59-42 (83797)
মার্কণ্ডেয় উবাচ। 13-59-43x (6961)
স্বয়ং ক্রীতাসু প্রেষ্যাসু প্রসূয়ন্তে তু যে নরাঃ।
কস্য নার্যঃ সুতাশ্চৈব ভবন্তি ঋষিসত্তম॥ 13-59-43 (83798)
নারদ উবাচ। 13-59-44x (6962)
স্বদাস্যাং যো নরো মোহাৎপ্রসূয়েত স পাপকৃৎ।
ইহাভিনিন্দিতঃ প্রেত্য অপত্যং প্রেষ্যতাং নয়েৎ॥ 13-59-44 (83799)
সা তস্য ভার্যা পুত্রা যে হব্যকব্যপ্রদাস্তু তে।
তস্যা যে বান্ধবাঃ কেচিদ্বিষক্তাঃ প্রেষ্যতাং গতাঃ।
সর্বে তস্যাস্তু সম্বন্ধা মুচ্যন্তে প্রেষ্যকর্মসু॥ 13-59-45 (83800)
এতত্তে কথিতং সর্বং যদভিব্যাহৃতং ৎবয়া।
অথবা সংশয়ঃ কশ্চিদ্ভূয়ঃ সম্প্রষ্টুমর্হসি॥ 13-59-46 (83801)
মার্কণ্ডেয় উবাচ। 13-59-47x (6963)
অমিথ্যাদর্শনালোকে নারদঃ সর্বকোবিদঃ।
প্রত্যক্ষদর্শী লোকানাং স্বয়ংভুরিব সত্তমঃ॥ 13-59-47 (83802)
ভীষ্ম উবাচ। 13-59-48x (6964)
ইতি সম্ভাষ্য ঋষিভির্মার্কণ্ডেয়ো মহাতপাঃ।
নারদং চাপি সৎকৃত্য তেন চৈবাভিসৎকৃতঃ।
আমন্ত্রয়িৎবা ঋষিভিঃ প্রয়যাবাশ্রমং মুনিঃ॥ 13-59-48 (83803)
ঋষয়শ্চাপি তীর্থানাং পরিচর্যাং প্রচক্রমুঃ॥ 13-59-49 (83804)
সুক্ষেত্রবীজসংস্কারবিশুদ্ধো ব্রহ্মিচর্যযা।
নিত্যনৈমিত্তিকাৎস্নাতো মনশ্শুদ্ধ্যা চ শুদ্ধ্যতি॥' ॥ 13-59-50 (83805)
ইতি শ্রীমন্মহাভারতে অনুশাসনপর্বণি দানধর্মপর্বণি একোনষষ্টিতমোঽধ্যায়ঃ॥ 59 ॥
অনুশাসনপর্ব - অধ্যায় 060
॥ শ্রীঃ ॥
13.60. অধ্যায়ঃ 060
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরং প্রতি দানে পাত্রাণাং লক্ষণাদিকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কিমাহুর্ভরতশ্রেষ্ঠ পাত্রং বিপ্রাঃ সনাতনম্।
ব্রাহ্মণং লিঙ্গিনং চৈব ব্রাহ্মণং বাঽপ্যলিঙ্গিনম্॥ 13-60-1 (83806)
ভীষ্ম উবাচ। 13-60-2x (6965)
স্ববৃত্তিমভিপন্নায় লিঙ্গিনে চেতরায় চ।
দেয়মাহুর্মহারাজ উভাবেতৌ তপস্বিনৌ॥ 13-60-2 (83807)
যুধিষ্ঠির উবাচ। 13-60-3x (6966)
শ্রদ্ধয়া পরয়াঽপূতো যঃ প্রয়চ্ছেদ্দ্বিজাতয়ে।
হব্যং কব্যং তথা দানং কো দোষঃ স্যাৎপিতামহ॥ 13-60-3 (83808)
ভীষ্ম উবাচ। 13-60-4x (6967)
শ্রদ্ধাপূতো নরস্তাত দুর্দান্তোঽপি ন সংশয়ঃ।
পূতো ভবতি সর্বত্র কিমুত ৎবং মহাদ্যুতে॥ 13-60-4 (83809)
যুধিষ্ঠির উবাচ। 13-60-5x (6968)
ন ব্রাহ্মণং পরিক্ষেত দৈবেষু সততং নরঃ।
কব্যপ্রদানে তু বুধাঃ পরীক্ষ্যং ব্রাহ্মণং বিদুঃ॥ 13-60-5 (83810)
ভীষ্ম উবাচ। 13-60-6x (6969)
ন ব্রাহ্মণঃ সাধয়তে হব্যং দৈবাৎপ্রসিদ্ধ্যতি।
দেবপ্রসাদাদিজ্যন্তে যজমানৈর্ন সংশয়ঃ॥ 13-60-6 (83811)
ব্রাহ্মণান্ভরতশ্রেষ্ঠ সততং ব্রহ্মবাদিনঃ।
মার্কণ্ডেয়ঃ পুরা প্রাহ ইতি লোকেষু বুদ্ধিমান্।
`ব্রাহ্মণাঃ পাত্রভূতাশ্চ শুদ্ধা নৈবং পিতৃষ্বিহ॥ 13-60-7 (83812)
যুধিষ্ঠির উবাচ। 13-60-8x (6970)
অপর্বোঽপ্যথবা বিদ্বান্সম্বন্ধী বা যথা ভবেৎ।
তপস্বী যজ্ঞশীলো বা কথং পাত্রং ভবেত্তু সঃ॥ 13-60-8 (83813)
ভীষ্ম উবাচ। 13-60-9x (6971)
কুলীনঃ কর্মকৃদ্বৈদ্যস্তথৈবাপ্যনৃশংস্যবান্।
হ্রীমানৃজুঃ সত্যবাদী পাত্রং পূর্বে চ যে ত্রয়ঃ॥ 13-60-9 (83814)
তত্রেমং শৃণু মে পার্থ চতুর্ণাং তেজসাং মতম্।
পৃথিব্যাঃ কাশ্যপস্যাগ্নের্মার্কণ্ডেয়স্য চৈব হি॥ 13-60-10 (83815)
পৃথিব্যুবাচ। 13-60-11 (83816)
যথা মহার্ণবে ক্ষিপ্তঃ ক্ষিপ্রং নেষ্টুর্বিনশ্যতি।
তথা দুশ্চরিতং সর্বং ত্রয়ীনিত্যে নিমজ্জতি॥ 13-60-11 (83817)
কাশ্যপ উবাচ। 13-60-12x (6972)
সর্বে চ বেদাঃ সহ ষঙ্ভিরঙ্গৈঃ
সাঙ্খ্যং পুরাণং চ কুলে চ জন্ম।
নৈতানি সর্বাণি গতির্ভবন্তি
শীলব্যপেতস্য নৃপ দ্বিজস্য॥ 13-60-12 (83818)
অগ্নিরুবাচ। 13-60-13x (6973)
অধীয়ানঃ পণ্ডিতম্মন্যমানো
যো বিদ্যযা হন্তি যশঃ পরেষাম্।
ব্রহ্মন্স তেন লভতে ব্রহ্মবধ্যাং
লোকাস্তস্য হ্যন্তবন্তো ভবন্তি॥ 13-60-13 (83819)
মার্কণ্ডেয় উবাচ। 13-60-14x (6974)
অশ্বমেধসহস্রং চ সত্যং চ তুলয়া ধৃতম্।
নাভিজানামি যজ্ঞং তু সত্যস্যার্ধমবাপ্নুয়াৎ॥ 13-60-14 (83820)
ভীষ্ম উবাচ। 13-60-15x (6975)
ইত্যুক্ৎবা তে জগ্মুরাশু চৎবারোঽমিততেজসঃ।
পৃথিবী কাশ্যপোঽগ্নিশ্চ প্রকৃষ্টায়ুশ্চ ভার্গবঃ॥ 13-60-15 (83821)
যুধিষ্ঠির উবাচ। 13-60-16x (6976)
যদি তে ব্রাহ্মণা লোকে ব্রতিনো ভুঞ্জতে হবিঃ।
দত্তং ব্রাহ্মণকামায় কথং তৎসুকৃতং ভবেৎ॥ 13-60-16 (83822)
ভীষ্ম উবাচ। 13-60-17x (6977)
আদিষ্টিনো যে রাজেন্দ্র ব্রাহ্মণা বেদপারগাঃ।
ভুঞ্জতে ব্রহ্মকামায় ব্রতলুপ্তা ভবন্তি তে॥ 13-60-17 (83823)
যুধিষ্ঠির উবাচ। 13-60-18x (6978)
অনেকান্তং বহুদ্বারং ধর্মমাহুর্মনীষিণঃ।
কিং নিমিত্তং ভবেদত্র তন্মে ব্রূহি পিতামহ॥ 13-60-18 (83824)
ভীষ্ম উবাচ। 13-60-19x (6979)
অহিংসা সত্যমকোধ আনৃশংস্যং দমস্তথা।
আর্জবং চৈব রাজেন্দ্র নিশ্চিতং ধর্মলক্ষণম্॥ 13-60-19 (83825)
যে তু ধর্মং প্রশংসন্তশ্চরন্তি পৃথিবীমিমাম্।
অনাচরন্তস্তদ্ধর্ম সঙ্করেঽভিরতা প্রভো॥ 13-60-20 (83826)
তেভ্যো হিরণ্যং রত্নং বা গামশ্বং বা দদাতি যঃ।
দশবর্ষাণি বিষ্ঠাং স ভুঙ্ক্তে নিরয়মাস্থিতঃ॥ 13-60-21 (83827)
ধনেন পুল্কসানাং চ তথৈবান্তেবসায়িনাম্।
কৃতং কর্মাকৃতং বাঽপি রাগমোহেন জল্পতাম্॥ 13-60-22 (83828)
বৈশ্বদেবং চ যে মূঢা বিপ্রায় ব্রহ্মচারিণে।
ন দদন্তীহ রাজেন্দ্র তে লোকান্ভুঞ্জতেঽশুভান্॥ 13-60-23 (83829)
যুধিষ্ঠির উবাচ। 13-60-24x (6980)
কিং পরং ব্রহ্মচর্যং চ কিং পরং ধর্মলক্ষণম্।
কিঞ্চ শ্রেষ্ঠতমং শৌচং তন্মে ব্রূহি পিতামহ॥ 13-60-24 (83830)
ভীষ্ম উবাচ। 13-60-25x (6981)
ব্রহ্মচর্যং পরং তাত মধুমাংসস্য বর্জনম্।
মর্যাদায়াং স্থিতো ধর্মঃ শমঃ শৌচস্য লক্ষণম্॥ 13-60-25 (83831)
যুধিষ্ঠির উবাচ। 13-60-26x (6982)
কস্মিন্কালে চরেদ্ধর্ম কস্মিন্কালেঽর্থমাচরেৎ।
কস্মিন্কালে সুখী চ স্যাত্তন্মে ব্রূহি পিতামহ॥ 13-60-26 (83832)
ভীষ্ম উবাচ। 13-60-27x (6983)
কাল্যমর্থং নিষেবেত ততো ধর্মমনন্তরম্।
পশ্চাৎকামং নিষেবেত ন চ গচ্ছেৎপ্রসঙ্গিতাম্॥ 13-60-27 (83833)
ব্রাহ্মণাংশ্চৈব মন্যেত গুরূংশ্চাপ্যভিপূজয়েৎ।
সর্বভূতানুলোমশ্চ মৃদুশীলঃ প্রিয়ংবদঃ॥ 13-60-28 (83834)
অধিকারে যদনৃতং যচ্চ রাজসু পৈশুনম্।
গুরোশ্চালীকনির্বন্ধঃ সমানি ব্রহ্মহত্যযা॥ 13-60-29 (83835)
প্রহরেন্ন নরেন্দ্রেষু ন হন্যাদ্গাং তথৈব চ।
ভ্রূণহত্যাসমং চৈতদুভয়ং যে নিষেধতে॥ 13-60-30 (83836)
নাগ্নিং পরিত্যজেজ্জাতু ন চ বেদান্পরিত্যজেৎ।
ন চ ব্রাহ্মণমাক্রোশেৎসমং তদ্ব্রহ্মহত্যযা॥ 13-60-31 (83837)
যুধিষ্ঠির উবাচ। 13-60-32x (6984)
কীদৃশাঃ সাধবো বিপ্রাঃ কেভ্যো দত্তং মহাফলম্।
কীদৃশানাং চ ভোক্তব্যং তন্মে ব্রূহি পিতামহ॥ 13-60-32 (83838)
ভীষ্ম উবাচ। 13-60-33x (6985)
অক্রোধনা ধর্মপরাঃ সত্যনিত্যা দমে রতাঃ।
তাদৃশাঃ সাধবো বিপ্রাস্তেভ্যো দত্তং মহাফলম্॥ 13-60-33 (83839)
অমানিনঃ সর্বসহা দৃঢার্থা বিজিতেন্দ্রিয়াঃ।
সর্বভূতহিতা মৈত্রাস্তেভ্যো দত্তং মহাফলম্॥ 13-60-34 (83840)
অলুব্ধাঃ শুচয়ো বৈদ্যা হ্রীমন্তঃ সত্যবাদিনঃ।
স্বকর্মনিরতা যে চ তেভ্যো দত্তং মহাফলম্॥ 13-60-35 (83841)
সাঙ্গাংশ্চ চতুরো বেদানধীতে যো দ্বিজর্ষভঃ।
ষড্ভ্যঃ প্রবৃত্তঃ কর্মভ্যস্তং পাত্রমৃষয়ো বিদুঃ॥ 13-60-36 (83842)
যে ৎবেবংগুণজাতীয়াস্তেভ্যো দত্তং মহাফলম্।
সহস্রগুণমাপ্নোতি গুণার্হায় প্রদায়কঃ॥ 13-60-37 (83843)
প্রজ্ঞাশ্রুতাভ্যাং বৃত্তেন শীলেন চ সমন্বিতঃ।
তারয়েত কুলং সর্বমেকোঽপীহ দ্বিজর্ষভঃ।
`তৃপ্তে তৃপ্তাঃ সর্বদেবাঃ পিতরো মুনয়োপি চ॥' 13-60-38 (83844)
গামশ্বং বিত্তমন্নং বা তদ্বিধে প্রতিপাদয়েৎ।
দ্রব্যাণি চান্যানি তথা প্রেত্যভাবে ন শোচতি॥ 13-60-39 (83845)
তারয়েত কুলং সর্বমেকোপি হ দ্বিজোত্তমঃ।
কিমঙ্গ পুনরেবৈতে তস্মাৎপাত্রং সমাচরেৎ॥ 13-60-40 (83846)
নিশাম্য চ গুণোপেতং ব্রাহ্মণং সাধুসম্মতম্।
দূরাদানায়্য সৎকৃত্য সর্বতশ্চাপি পূজয়েৎ॥ ॥ 13-60-41 (83847)
ইতি শ্রীমন্মহাভারতে অনুশাসনপর্বণি দানধর্মপর্বণি ষষ্টিতমোঽধ্যায়ঃ॥ 60 ॥
Mahabharata - Anushaasana Parva - Chapter Footnotes
7-60-1 ব্রাহ্মণং ব্রহ্মবিদম্। লিঙ্গিনং ব্রহ্মচারিণং সংন্যাসিনং চ দণ্ডাদিলিঙ্গবন্তম্॥ 7-60-3 অপূতোপি পরয়া শ্রদ্ধয়াং যদি প্রয়চ্ছতি তর্হি তস্য দাতুরপূতৎবপ্রয়ুক্তঃ কো দোষঃ স্যাত্তং বদ॥ 7-60-4 শ্রদ্ধৈবাস্য পূতৎবং করোতীত্যর্থঃ॥ 7-60-5 শ্রদ্ধৈব পূতৎবকর্ত্রী চেৎ কব্যে পাত্রপরীক্ষা ন বিধেয়া স্যাদিত্যাশয়ঃ॥ 7-60-6 হব্যং দৈবং কর্ম সিধ্যতি ফলদং ভবতি নতু ব্রাহ্মণগুণাদিতি ভাবঃ। ইজ্যন্তে দেবা ইতি শেষঃ। দৈবং কর্ম দেবানুগ্রহাদেব পূর্ণং ভবতি। শ্রদ্ধামাত্রপ্রিয়ৎবাদ্দেবানামিতি ভাবঃ॥ 7-60-7 পিত্র্যং তু কর্ম ব্রাহ্মণানুগ্রহাদেব পূর্ণং ভবতীতি তত্রানুগ্রহকর্তরি তপোবলমাবশ্যকমিত্যাশয়েনাহ ব্রাহ্মণানিতি॥ 7-60-9 ত্রয়ঃ অপূর্বসম্বন্ধিতপস্বিনঃ কুলীনৎবাদিগুণসপ্তকয়ুক্তা এব পাত্রৎবং ভজন্তে পরিশেষাৎ॥ 7-60-10 তেজসাং তেজস্বিনাং সর্বজ্ঞানামিতি যাবৎ॥ 7-60-11 নেষ্টুঃ পাংসুপিণ্ডঃ লোষ্ঠো বিনশ্যতীতি ধ. পাঠঃ॥ 7-60-15 ভার্গবঃ মার্কণ্ডেয়ঃ॥ 7-60-16 ব্রতিনঃ ব্রহ্মচারিণঃ। তদীয়ব্রতনাশাৎস্বীয়ং শ্রাদ্ধং দুষ্যতি নবেতি প্রশ্নঃ॥ 7-60-17 আদিষ্টং দ্বাদশবর্ষাণি ব্রহ্মচর্যং চরেতি গুর্বাদেশস্তদ্বন্তঃ। ভোক্তুরেব ব্রতং লুপ্যতে। নতু দাতা প্রত্যবৈতি॥ 7-60-18 অন্তো নিষ্ঠা। অনেকান্তং অনেকফলাকারমিত্যর্থঃ। পাত্রগুণানামনন্তৎবাৎকে গুণা নিয়মেন পাত্রতায়া নিমিত্তং তানেব সংক্ষেপেণ ব্রূহীতি প্রশ্নার্থঃ॥ 7-60-22 মেদানাং পুল্কসাং চেতি ঝ. পাঠঃ। তত্র মেদাদীনাং স বিষ্ঠাং ভুঙ্ক্তে ইতি সম্বন্ধঃ। মেদা গোমহিষ্যাদীনাং মৃতানাং মাংসমশ্নন্তঃ। পুল্কসা যে ব্রাহ্মণাদীনপি স্বভাবাদেব হিংসন্তি। অন্তেবসায়িনশ্চর্মকারাদয়ঃ। কৃতমকৃতং বা পরকীয়ং পাপং কর্ম॥ 7-60-24 পরং শ্রেষ্ঠম্॥ 7-60-27 কাল্যং পূর্বাহ্ণে॥ 7-60-39 ন শোচতি প্রতিপাদয়ন্॥ 7-60-40 দ্বিজোত্তমঃ নির্দোষঃ। এতে পূর্বোক্তা গুণাশ্চ তত্র যদি লভ্যন্তে তর্হি তারয়েতেতি কিমু॥অনুশাসনপর্ব - অধ্যায় 061
॥ শ্রীঃ ॥
13.61. অধ্যায়ঃ 061
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি শ্রাদ্ধে নিমন্ত্রণার্হানর্হব্রাহ্মণলক্ষণাদিকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
শ্রাদ্ধকালে চ দৈবে চ পিত্র্যেঽপি চ পিতামহ।
ইচ্ছামীহ ৎবয়াঽঽখ্যাতং বিহিতং যৎসুরর্ষিভিঃ॥ 13-61-1 (83848)
ভীষ্ম উবাচ। 13-61-2x (6986)
দৈবং পৌর্বাহ্ণিকে কুর্যাদপরাহ্ণে তু পৈতৃকম্।
মঙ্গলাচারসম্পন্নঃ কৃতশৌচঃ প্রয়ত্নবান্॥ 13-61-2 (83849)
মনুষ্যাণাং তু মধ্যাহ্নে প্রদদ্যাদুপপত্তিভিঃ।
কালহীনং তু যদ্দানং তং ভাগং রক্ষসাং বিদুঃ॥ 13-61-3 (83850)
লঙ্ঘিতং চাবলীঢং চ লাকপূর্বং চ যৎকৃতম্।
রজস্বলাভিদৃষ্টং চ তং ভাগং রক্ষসাং বিদুঃ॥ 13-61-4 (83851)
অবঘুষ্টং চ যদ্ভুক্তমব্রতেন চ ভারত।
পরামৃষ্টং শুনা চৈব তং ভাগং রক্ষসাং বিদুঃ॥ 13-61-5 (83852)
কেশকীটাবপতিতং ক্ষুতং শ্বভিরবেক্ষিতম্।
রুদিতং চাবধূতং চ তং ভাগং রক্ষসাং বিদুঃ॥ 13-61-6 (83853)
নিরোঙ্কারেণ যদ্ভুক্তং সশস্ত্রেণ চ ভারত।
দুরাত্মনা চ যদ্ভুক্তং তং ভাগং রক্ষসাং বিদুঃ॥ 13-61-7 (83854)
পরোচ্ছিষ্টং চ যদ্ভুক্তং পরিভুক্তং চ যদ্ভবেৎ।
দৈবে পিত্র্যে চ সততং তং ভাগং রক্ষসাং বিদুঃ॥ 13-61-8 (83855)
মন্ত্রহীনং ক্রিয়াহীনং যচ্ছ্রাদ্ধং পরিবিষ্যতে।
ত্রিভির্বর্ণৈর্নরশ্রেষ্ঠ তং ভাগং রক্ষসাং বিদুঃ॥ 13-61-9 (83856)
আজ্যাহুতিং বিনা চৈব যৎকিঞ্চিৎপরিবিষ্যতে।
দুরাচারৈশ্চ যদ্ভুক্তং তং ভাগং রক্ষসাং বিদুঃ॥ 13-61-10 (83857)
যে ভাগা রক্ষসাং প্রাপ্তাস্ত উক্তা ভরতর্ষভ।
অত ঊর্ধ্বং বিসর্গস্য পরীক্ষাং ব্রাহ্মণে শৃণু॥ 13-61-11 (83858)
যাবন্তঃ পতিতা বিপ্রা জডোন্মত্তাস্তথৈব চ।
দৈবে বাঽপ্যথ পিত্র্যে বা রাজন্নার্হন্তি কেতনম্॥ 13-61-12 (83859)
শ্বিত্রী ক্লীবশ্চ কুষ্ঠী চ ততা যক্ষ্মহতশ্চ যঃ।
অপস্মারী চ যশ্চান্ধো রাজন্নার্হন্তি কেতনম্॥ 13-61-13 (83860)
চিকিৎসকা দেবলকা বৃথা নিয়মধারিণঃ।
সোমবিক্রয়িণশ্চৈব শ্রাদ্ধে নার্হন্তি কেতনম্॥ 13-61-14 (83861)
গায়না নর্তকাশ্চৈব প্লবকা বাদকাস্তথা।
কথকা যোধকাশ্চৈব রাজন্নার্হন্তি কেতনম্॥ 13-61-15 (83862)
হোতারো বৃষলানাং চ বৃষলাধ্যাপকাস্তথা।
তথা বৃষলশিষ্যাশ্চ রাজন্নার্হন্তি কেতনম্॥ 13-61-16 (83863)
অনুয়োক্তা চ যো বিপ্রো অনুয়ুক্তশ্চ ভারত।
নার্হতস্তাবপি শ্রাদ্ধং ব্রহ্মবিক্রয়িণৌ হি তৌ॥ 13-61-17 (83864)
অগ্রণীর্যঃ কৃতঃ পূর্বং বর্ণাবরপরিগ্রহঃ।
ব্রাহ্মণঃ সর্ববিদ্যোঽপি রাজন্নার্হতি কেতনম্॥ 13-61-18 (83865)
অনগ্নয়শ্চ যে বিপ্রা মৃতনির্যাতকাশ্চ যে।
স্তেনাশ্চ পতিতাশ্চৈব রাজন্নার্হন্তি কেতনম্॥ 13-61-19 (83866)
অপরিজ্ঞাতপূর্বাশ্চ গণপূর্বাশ্চ ভারত।
পুত্রিকাপূর্বপুত্রাশ্চ শ্রাদ্ধে নার্হন্তি কেতনম্॥ 13-61-20 (83867)
ঋণকর্তা চ যো রাজন্যশ্চ বার্ধুষিকো নরঃ।
প্রাণিবিক্রয়বৃত্তিশ্চ রাজন্নার্হন্তি কেতনম্॥ 13-61-21 (83868)
স্ত্রীপূর্বাঃ কাণ্ডপৃষ্ঠাশ্চ যাবন্তো ভরতর্ষভ।
আজপা ব্রাহ্মণাশ্চৈব শ্রাদ্ধে নার্হন্তি কেতনম্॥ 13-61-22 (83869)
শ্রাদ্ধে দৈবে চ নির্দিষ্টো ব্রাহ্মণো ভরতর্ষভ।
দাতুঃ প্রতিগ্রহীতুশ্চ শৃণুষ্বানুগ্রহং পুনঃ॥ 13-61-23 (83870)
চীর্ণব্রতা গুণৈর্যুক্তা ভবেয়ুর্যেঽপি কর্ষকাঃ।
সাবিত্রীজ্ঞাঃ ক্রিয়াবন্তস্তে রাজন্কেতনক্ষমাঃ॥ 13-61-24 (83871)
ক্ষাত্রধর্মিণমপ্যাজৌ কেতয়েৎকুলজং দ্বিজম্।
ন ৎবেব বণিজং তাত শ্রাদ্ধে চ পরিকল্পয়েৎ॥ 13-61-25 (83872)
অগ্নিহোত্রী চ যো বিপ্রো গ্রামবাসী চ যো ভবেৎ।
অস্তেনশ্চাতিথিজ্ঞশ্চ স রাজন্কেতনক্ষমঃ॥ 13-61-26 (83873)
সাবিত্রীং জপতে যস্তু ত্রিকালং ভরতর্ষভ।
ভিক্ষাবৃত্তিঃ ক্রিয়াবাংশ্চ স রাজন্কেতনক্ষমঃ॥ 13-61-27 (83874)
উদিতাস্তমিতো যশ্চ তথৈবাস্তমিতোদিতঃ।
অহিংস্রশ্চাল্পদোষশ্চ স রাজন্কেতনক্ষমঃ॥ 13-61-28 (83875)
অকল্ককো হ্যতর্কশ্চ ব্রাহ্মণো ভরতর্ষভ।
সংসর্গ ভৈক্ষ্যবৃত্তিশ্চ স রাজন্কেতনক্ষমঃ॥ 13-61-29 (83876)
অব্রতী কিতবঃ স্তেনঃ প্রাণিবিক্রয়িকো বণিক্।
সনিষ্কৃতিঃ পুনঃ সোমং পীতবান্কেতনক্ষমঃ॥ 13-61-30 (83877)
অর্জয়িৎবা ধনং পূর্বং দারুণৈরপি কর্মভিঃ।
ভবেৎসর্বাতিথিঃ পশ্চাৎস রাজন্কেতনক্ষমঃ॥ 13-61-31 (83878)
ব্রহ্মবিক্রয়নির্দিষ্টং স্ত্রিয়া যচ্চার্জিতং ধনম্।
অদেয়ং পিতৃবিপ্রেভ্যো যচ্চ ক্লৈব্যাদুপার্জিতম্॥ 13-61-32 (83879)
ক্রিয়মাণেঽপবর্গে চ যো দ্বিজো ভরতর্ষভ।
ন ব্যাহরতি যদ্যুক্তং তস্যাধর্মো গবানৃতম্॥ 13-61-33 (83880)
শ্রাদ্ধস্য ব্রাহ্মণঃ কালঃ প্রাপ্তং দধি ঘৃতং তথা।
সোমক্ষয়শ্চ মাংসং চ যদারণ্যং যুধিষ্ঠির॥ 13-61-34 (83881)
`মুহূর্তানাং ত্রয়ং পূর্বমহ্নঃ প্রাতরিতি স্মৃতম্।
জপধ্যানাদিভিস্তস্মিন্বিপ্রৈঃ কার্যং শুভব্রতম্॥ 13-61-35 (83882)
সঙ্গবাখ্যং ত্রিভাগং তু মধ্যাহ্নস্ত্রিমুহূর্তকঃ।
লৌকিকং সঙ্গবেঽর্ধং চ স্নানাদি হ্যথ মধ্যমে॥ 13-61-36 (83883)
চতুর্থমপরাহ্ণং তু ত্রিমুহূর্তং তু পিত্র্যকম্।
সায়াহ্নস্ত্রিমুহূর্তং চ মধ্যমং কবিভিঃ স্মৃতম্॥ 13-61-37 (83884)
চতুর্থ ৎবপরাহ্ণাখ্যে শ্রাদ্ধং কুর্যাৎসদা নৃপ॥ 13-61-38 (83885)
প্রাগুদীচীমুখা বিপ্রাঃ বিশ্বেদেবে চ দক্ষিণাঃ।
শ্রাবিতেষু সুতৃপ্তেষু পিণ্ডং দদ্যাৎসদক্ষিণম্॥' 13-61-39 (83886)
শ্রাদ্ধাপবর্গে বিপ্রস্য দাতারো বোস্ৎবিতীরয়েৎ।
ক্ষত্রিয়স্যাপি যো ব্রূয়াৎপ্রীয়ন্তাং পিতরস্ৎবিতি॥ 13-61-40 (83887)
অপবর্গে তু বৈশ্যস্য শ্রাদ্ধকর্মণি ভারত।
অক্ষয়্যমভিধাতব্যং স্বস্তি শূদ্রস্য ভারত॥ 13-61-41 (83888)
পুণ্যাহবাচনং দৈবং ব্রাহ্মণস্য বিধীয়তে।
এতদেব নিরোঙ্কারং ক্ষত্রিয়স্য বিধীয়তে॥ 13-61-42 (83889)
বৈশ্যস্য দৈবে বক্তব্যং প্রীয়ন্তাং দেবতা ইতি।
`গোর্হিসায়াং চতুর্ভাগং পূর্বং বিপ্রাতিকেতিনঃ॥ 13-61-43 (83890)
বর্ণাবরেষু ভুঞ্জানং ক্রমাচ্ছূদ্রে চতুর্গুণম্।
নান্যত্র ব্রাহ্মণো ব্রূয়াৎপূর্বং বিপ্রেণ কেতিতঃ॥ 13-61-44 (83891)
অভোজনে চ দোষঃ স্যাদ্বর্জয়েচ্ছূদ্রকেতনম্।
শূদ্রান্নরসপুষ্টাঙ্গো দ্বিজো নোর্ধ্বাং গতিং লভেৎ॥ 13-61-45 (83892)
অশুচির্নৈব চাশ্নীয়ান্নাস্তিকো মানবর্জিতঃ।
ন পূর্বং লঙ্ঘয়েল্লোভাদেকবর্ণোঽপি পার্থিব॥ 13-61-46 (83893)
বিপ্রাঃ স্মৃতা ভূমিদেবা উপকুর্বাণবর্জিতাঃ।'
কর্মণামানুপূর্ব্যেণ বিদিপূর্বং কৃতং শৃণু॥ 13-61-47 (83894)
জাতকর্মাদিকাঃ সর্বাস্ত্রিষু বর্ণেষু ভারত।
ব্রহ্মক্ষত্রে হি মন্ত্রোক্তা বৈশ্যস্য চ যুধিষ্ঠির॥ 13-61-48 (83895)
বিপ্রস্য রশনা মৌঞ্জী মৌর্বী রাজন্যগামিনী।
বাল্বজী হ্যেব বৈশ্যস্য ধর্ম এষ যুধিষ্ঠির॥ 13-61-49 (83896)
`পালাশো দ্বিজদণ্ডঃ স্যাদশ্বত্থঃ ক্ষত্রিয়স্য তু।
ঔদুম্বরশ্চ বৈশ্যস্য ধর্ম এষ যুধিষ্ঠির॥' 13-61-50 (83897)
দাতুঃ প্রতিগ্রহীতুশ্চ ধর্মাধর্মাবিমৌ শৃণু।
ব্রাহ্মণস্যানৃতেঽধর্মঃ প্রোক্তঃ পাতকসংজ্ঞিতঃ।
চতুর্গুণঃ ক্ষত্রিয়স্য বৈশ্যস্যাষ্টগুণঃ স্মৃতঃ॥ 13-61-51 (83898)
নান্যত্র ব্রাহ্মণোঽশ্নীয়াৎপূর্বং বিপ্রেণ কেতিতঃ।
[যবীয়ান্পশুহিংসায়াং তুল্যধর্মা ভবেৎস হি॥ 13-61-52 (83899)
তথা রাজন্যবৈশ্যাভ্যাং যদ্যশ্নীয়াত্তু কেতিতঃ।
যবীয়ান্পশুহিংসায়াং ভাগার্ধং সমবাপ্নুয়াৎ॥ 13-61-53 (83900)
দৈবং বাঽ************** পিত্র্যং যোঽশ্নীয়াদ্ব্রাহ্মণাদিষু।]
অস্নাতো ব্রাহ্মণো রাজংস্তস্যাধর্মোঽনৃতং স্মৃতম্॥ 13-61-54 (83901)
আশৌচো ব্রাহ্মণো রাজন্যোঽশ্নীয়াদ্ব্রাহ্মণাদিষু।
জ্ঞানপূর্বমথো লোভাত্তস্যাধর্মো গবানৃতম্॥ 13-61-55 (83902)
অর্থেনান্যেন যো লিপ্সেৎকর্মার্থং চৈব ভারত।
আমন্ত্রয়তি রাজেন্দ্র তস্যাধর্মোঽনৃতং স্মৃতম্॥ 13-61-56 (83903)
অবেদব্রতচারিত্রাস্ত্রিভির্বর্ণৈর্যুধিষ্ঠির।
মন্ত্রবৎপরিবিষ্যন্তে তস্যাধর্মো গবানৃতম্॥ ॥ 13-61-57 (83904)
ইতি শ্রীমন্মহাভারতে অনুশাসনপর্বণি দানধর্মপর্বণি একষষ্টিতমোঽধ্যায়ঃ॥ 61 ॥
Mahabharata - Anushaasana Parva - Chapter Footnotes
7-61-1 কালাদৌ বিহিতং বিশেষমিতি শেষঃ॥ 7-61-3 উপপত্তিভিঃ আদরাদিভির্যুক্তঃ সন্॥ 7-61-4 কলিপূর্বং চেতি ঝ. পাঠঃ॥ 7-61-6 ক্ষুতং ক্ষুতেন দূষিতম্॥ 7-61-7 নিরোংকারেণ অননুজ্ঞাতেন শূদ্রেণ বা॥ 7-61-8 পরিভুক্তং দেবাতিথিপিতৃবালকাদীন্বর্জয়িৎবা ভুক্তং স্বেন্নৈব॥ 7-61-10 আজ্যাহুতিং পাত্রাভিঘারণং বিনা॥ 7-61-11 বিসর্গস্য ব্রাহ্মণে দানস্য পাত্রভূতে॥ 7-61-12 পতিতাঃ মহাপাতকেন জাতিবহির্ভূতাঃ। কেতনং নিমন্ত্রণম্॥ 7-61-13 শ্বিত্রী শ্বেতকুষ্ঠী। কুষ্ঠী মণ্ডলকুষ্ঠী। যক্ষ্মহতো মহারোগী। অপস্মারী গ্রহগ্রস্তঃ॥ 7-61-14 দেবলকা দেবার্চনবৃত্তিজীবিনঃ। 7-61-15 প্লবকাঃ ক্রীডাপরাঃ। কথকা বৃথালাপিনঃ। যোধকা মল্লাঃ॥ 7-61-16 বৃষলানাং শূদ্রাণাং হোতারো যাজকাঃ॥ 7-61-17 অনুয়োক্তা ভৃতকাধ্যাপকঃ। অনুয়ুক্তো ভৃতকাধ্যেতা॥ 7-61-18 বর্ণাবরপরিগ্রহঃ শূদ্রাপতিঃ॥ 7-61-20 গণপূর্বা গ্রামণ্যঃ। পুত্রিকাপূর্বপুত্রাঃ। অস্যামুৎপন্নঃ পুত্রো মদীয় ইতি নিয়মেন যা দীয়তে তস্যাং চ যো জাতঃ স পুত্রিকাপূর্বপুত্রঃ॥ 7-61-21 ঋণকর্তা বৃদ্ধ্যার্থং ধনপ্রয়োক্তা॥ 7-61-22 স্ত্রীপূর্বাঃ স্ত্রীজিতাঃ স্ত্রীপণ্যোপজীবিনো বা। কাণ্ডপৃষ্ঠো বেশ্যাপতিঃ। অজপাঃ সন্ধ্যাবন্দনহীনাঃ॥ 7-61-23 অনুগ্রহং নিষিদ্ধানামপি কেনচিদ্গুণেনাভ্যনুজ্ঞানম্॥ 7-61-25 বণিজং বণিগ্বৃত্তিম্॥ 7-61-28 উদিত আঢ্যঃ। অস্তমিতো দরিদ্রঃ পূর্বং আঢ্যঃ সদ্যো দরিদ্রঃ॥ 7-61-29 অকল্ককোঽদাম্ভিকঃ অপাপো বা। অতর্কোঽহৈতুকঃ সংসর্গে সঙ্গত্যর্হে গৃহে জ্ঞাতে ভৈক্ষ্যবৃত্তিঃ॥ 7-61-30 কিতবো ধূর্তঃ॥ 7-61-31 সর্বং দেবতাদিকং অতিথিরেব যস্য স সর্বাতিথিঃ॥ 7-61-32 ব্রহ্ম বেদঃ। ক্লৈব্যাৎ দীনভাষণেন মিধ্যাশপথাদিনা বা॥ 7-61-33 অপবর্গে শ্রাদ্ধসমাপ্তৌ যুক্তং অস্তুস্বধেত্যাদিবচনং গবানৃতং অনৃতগোশপথস্য পাপম্॥ 7-61-34 সোমক্ষয়ো দর্শঃ। আরণ্যং মৃগাদিমাংসং চ যদা প্রাপ্তং তদৈব শ্রাদ্ধস্য কালঃ॥ 7-61-40 স্বধা বৈ মুদিতা ভবেদিতি ঝ.পাঠঃ। স্বধোচ্যতামিতি প্রদাত্রা উক্তে অস্তুস্বধেতি ব্রাহ্মণো বদেৎ। এবমুত্তরত্র মুদিতা প্রীতিকরী পিতৄণামিত্যর্থাৎ॥ 7-61-42 পুণ্যাহং ভবন্তো ব্রুবন্ৎবিতি যজমানেন প্রোক্তে ওং পুণ্যাহমস্ৎবিতি ব্রাহ্মণা ব্রূয়ুঃ। দৈবং সোঙ্কারম্॥ 7-61-43 দৈবে ওঙ্কারস্থানে প্রীয়ন্তাং দেবতাঃ পুণ্যাহমস্ৎবিতি প্রতিবদেদিত্যর্থঃ॥ 7-61-49 রশনা ভেখলা। মৌঞ্জী মুঞ্জময়ী। মৌর্বী ধনুর্জ্যা। বাল্বজী বল্বজস্তৃণবিসেষস্তন্ময়ী॥ 7-61-51 ধর্মো দাতুঃ। অধর্মঃ প্রতিগ্রহীতুঃ॥ 7-61-53 ব্রাহ্মণেন কেতিতঃ সন্ যদি যবীয়ান্ ভবেত্তর্হি বৃথা পশুহিংসায়াঃ পূর্ণং পাপং প্রাপ্নুয়াৎ। ক্ষত্রিয়াদিনা কেতিতঃ সন্ যদি যবীয়ান্স্যাত্তর্হি বৃথাপশুহিংসায়া অর্ধং পাপং প্রাপ্নুয়াটিতি শ্লোকদ্বয়ার্থঃ॥ 7-61-55 আশৌচঃ জননমরণাশৌচবান্॥ 7-61-56 অর্থেন প্রয়োজনেন তীর্থয়াত্রাব্যপদেশেন জীবিকাদ্যর্থী যো ধনং লিপ্তেৎ যো বা কর্মার্থং মে ভিক্ষাং দেহীত্যামন্ত্রয়তি দাতারমমিমুখীকরোতি তস্যাপি অনৃতং গবানৃতমেব স্মৃতম্॥ 7-61-57 বেদব্রতং চারিত্রং চ যেষাং নাস্তি তে। যেন মন্ত্রবৎ মন্ত্রয়ুক্তং যথা স্যাত্তথা শ্রাদ্ধে পরিবিষ্যন্তে তস্য॥অনুশাসনপর্ব - অধ্যায় 062
॥ শ্রীঃ ॥
13.62. অধ্যায়ঃ 062
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি দানাদিষু পাত্রলক্ষণানাং স্বর্গনরকপ্রাপকপুণ্যপাপানাং চ প্রতিপাদনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
পিত্র্যং বাঽপ্যথবা দৈবং দীয়তে যৎপিতামহ।
এতদিচ্ছাম্যহং জ্ঞাতুং দত্তং কেষু মহাফলম্॥ 13-62-1 (83905)
ভীষ্ম উবাচ। 13-62-2x (6987)
যেষাং দারাঃ প্রতীক্ষন্তে সুবৃষ্টিমিব কর্ষকাঃ।
উচ্ছেষপরিশেষং হি তান্ভোজয় যুধিষ্ঠির॥ 13-62-2 (83906)
চারিত্রনিরতা রাজন্যে কৃশাঃ কৃশবৃত্তয়ঃ॥
অর্থিনশ্চোপগচ্ছন্তি তেষু দত্তং মহাফলম্॥ 13-62-3 (83907)
তদ্ভক্তাস্তদ্গৃহা রাজংস্তদ্বলাস্তদপাশ্রয়াঃ।
অর্থিনশ্চ ভবন্ত্যর্থে তেষু দত্তং মহাফলম্॥ 13-62-4 (83908)
তস্করেভ্যঃ পরেভ্যো বা হৃতস্বা ভয়দুঃখিতাঃ।
অর্থিনো ভোক্তুমিচ্ছন্তি তেষু দত্তং মহাফলম্॥ 13-62-5 (83909)
অকল্ককস্য বিপ্রস্য রৌক্ষ্যাৎকরকৃতাত্মনঃ।
বটবো যস্য ভিক্ষন্তি তেভ্যো দত্তং মহাফলম্॥ 13-62-6 (83910)
হৃতস্বা হৃতদারাশ্চ যে বিপ্রা দেশসম্প্লবে।
অর্থার্থমভিগচ্ছন্তি তেভ্যো দত্তং মহাফলম্॥ 13-62-7 (83911)
ব্রতোনো নিয়মস্থাশ্চ যে বিপ্রাঃ শ্রুতসম্মতাঃ।
তস্মপাপ্ত্যর্থমিচ্ছন্তি তেভ্যো দত্তং মহাফলম্॥ 13-62-8 (83912)
অত্যুৎক্রান্তাশ্চ ধর্মেষু পাষণ্ডস্রময়েষু চ।
কৃশপ্রাণাঃ কৃশঘনাস্তেভ্যো দত্তং মহাফলম্॥ 13-62-9 (83913)
কৃতসর্বস্বহরণা নির্দোষাঃ প্রভবিষ্ণুভিঃ।
স্পৃহয়ন্তি চ ভুক্ৎবাঽন্নং তেষুদত্তং মহাফলম্॥ 13-62-10 (83914)
তপস্বিনস্তপোনিষ্ঠাস্তেষাং ভৈক্ষচরাশ্চ যে।
অর্থিনঃ কিঞ্চিদিচ্ছন্তি তেষু দত্তং মহাফলম্॥ 13-62-11 (83915)
মহাফলবিধির্দানে শ্রুতস্তে ভরতর্ষভ।
নিরয়ং যেন গচ্ছন্তি স্বর্গং চৈব হি তৎছৃণু॥ 13-62-12 (83916)
`ব্রতানাং পারণার্থায় গুর্বর্থে যজ্ঞদক্ষিণাম্।
নির্বেশার্থং চ বিদ্বাংসস্তেষাং দত্তং মহাফলম্॥ 13-62-13 (83917)
পিত্রোশ্চ রক্ষণার্থায় পুত্রদারার্থমেব বা।
মহাব্যাধিবিমোক্ষার্থং তেষু দত্তং মহাফলম্॥ 13-62-14 (83918)
বালাঃ স্ত্রিয়শ্চ বাঞ্ছন্তি সুভক্তং চাপ্যসাধনাঃ।
স্বর্গমায়ান্তি দত্ৎবৈষাং নিরয়ান্নোপয়ান্তি তে॥'॥ 13-62-15 (83919)
গুর্বর্থমভয়ার্থং বা বর্জয়িৎবা যুধিষ্ঠির।
যেঽনৃতং কথয়ন্তি স্ম তে বা নিরয়গামিনঃ॥ 13-62-16 (83920)
পরদারাভিহর্তারঃ পরদারাভিমর্শিনঃ।
পরদারপ্রয়োক্তাস্তে বৈ নিরয়গামিনঃ॥ 13-62-17 (83921)
যে পরস্বাপহর্তারঃ পরস্বানাং চ নাশকাঃ।
সূচকাশ্চ পরেষাং যে তে বা নিরয়গামিনঃ॥ 13-62-18 (83922)
প্রপাণাং চ সভানাং চ সংক্রমাণাং চ ভারত।
অগারাণাং চ ভেত্তারো নরা নিরয়গামিনঃ॥ 13-62-19 (83923)
অনাথাং প্রমদাং বালাং বৃদ্ধাং ভীতাং তপস্বিনীম্।
বঞ্চয়ন্তি নরা যে চ তে বৈ নিরয়গামিনঃ॥ 13-62-20 (83924)
বৃত্তিচ্ছেদং গৃহচ্ছেদং দারচ্ছেদং চ ভারত।
মিত্রচ্ছেদং তথাঽঽশায়াস্তে বৈ নিরয়গামিনঃ॥ 13-62-21 (83925)
সূচকাঃ সেতুভেত্তারঃ পরবৃত্ত্যুপজীবকাঃ।
অকৃতজ্ঞাশ্চ মিত্রাণাং তে বৈ নিরয়গামিনঃ॥ 13-62-22 (83926)
পাষণ্ডা দূষকাশ্চৈব সময়ানাং চ দূষকাঃ।
যে প্রত্যবসিতাশ্চৈব তে বৈ নিরয়গামিনঃ॥ 13-62-23 (83927)
বিষমব্যবহারাশ্চ বিষমাশ্চৈব বৃদ্ধিষু।
লাভেষু বিষমাশ্চৈব তে বৈ নিরয়গামিনঃ॥ 13-62-24 (83928)
দূতসংব্যবহারাশ্চ নিষ্পরীক্ষাশ্চ মানবাঃ।
প্রাণিহিংসাপ্রবৃত্তাশ্চি তে বৈ নিরয়গামিনঃ॥ 13-62-25 (83929)
কৃতাশং কৃতনির্দেশং কৃতভক্তং কৃতশ্রমম্।
ভেদৈর্যে ব্যপকর্ষন্তি তে বৈ নিরয়গামিনঃ॥ 13-62-26 (83930)
পর্যশ্নন্তি চ যে দারানগ্নিভৃত্যাতিথীংস্তথা।
উৎসন্নপিতৃদেবেজ্যাস্তে বৈ নিরয়গামিনঃ॥ 13-62-27 (83931)
বেদবিক্রয়িণশ্চৈব বেদানাং চৈব দূষকাঃ।
বেদানাং লেখকাশ্চৈব তে বৈ নিরয়গামিনঃ॥ 13-62-28 (83932)
চাতুরাশ্রম্যবাহ্যাশ্চ শ্রুতিবাহ্যাশ্চ যে নরাঃ।
বিকর্মভিশ্চ জীবন্তি তে বৈ নিরয়গামিনঃ॥ 13-62-29 (83933)
কেশবিক্রয়িকা রাজন্বিষবিক্রয়িকাশ্চ যে।
ক্ষীরবিক্রয়িকাশ্চৈব তে বৈ নিরয়গামিনঃ॥ 13-62-30 (83934)
ব্রাহ্মণানাং গবাং চৈব কন্যানাং চ যুধিষ্ঠির।
যেঽন্তরায়ান্তি কার্যেষু তে বৈ নিরয়গামিনঃ॥ 13-62-31 (83935)
শস্ত্রবিক্রয়িকাশ্চৈব কর্তারশ্চ যুধিষ্ঠির।
শল্যানাং ধনুষাং চৈব তে বৈ নিরয়গামিনঃ॥ 13-62-32 (83936)
শিলাভিঃ শঙ্কুভির্বাঽপি শ্বর্ভ্রৈর্বা ভরতর্ষভ।
যে মার্গমনুরুন্ধন্তি তে বৈ নিরয়গামিনঃ॥ 13-62-33 (83937)
উপাধ্যায়াংশ্চ ভৃত্যাংশ্চ ভক্তাংশ্চ ভরতর্ষভ।
যে ত্যজন্ত্যবিকারাংস্ত্রীংস্তে বৈ নিরয়গামিনঃ॥ 13-62-34 (83938)
অপ্রাপ্তদমকাশ্চৈব নাসানাং বেধকাশ্চ যে।
বন্ধকাশ্চ পশূনাং যে তে বৈ নিরয়গামিনঃ॥ 13-62-35 (83939)
অগোপ্তারশ্চ রাজানো বলিষড্ভাগতস্করাঃ।
সমর্থাশ্চাপ্যদাতারস্তে বৈ নিরয়গামিনঃ॥ 13-62-36 (83940)
ক্ষান্তান্দান্তাংস্তথা প্রাজ্ঞান্দীর্ঘকালং সহোষিতান্।
ত্যজন্তি কৃতকৃত্যা যে তে বৈ নিরয়গামিনঃ॥ 13-62-37 (83941)
বালানামথ বৃদ্ধানাং দাসানাং চৈব যে নরাঃ।
অদত্ৎবা ভক্ষয়ন্ত্যগ্রে তে বৈ নিরয়গামিনঃ॥ 13-62-38 (83942)
এতে পূর্বং বিনির্দিষ্টাঃ প্রোক্তা নিরয়গামিনঃ।
ভাগিনঃ স্বর্গলোকস্য বক্ষ্যামি ভরতর্ষভ॥ 13-62-39 (83943)
সর্বেষ্বেব তু কার্যেষু দৈবপূর্বেষু ভারত।
হন্তি পুত্রান্পশূন্কৃৎস্নান্ব্রাহ্মণাতিক্রমঃ কৃতঃ॥ 13-62-40 (83944)
দানেন তপসা চৈব সত্যেন চ যুধিষ্ঠির।
যে ধর্মমনুবর্তন্তে তে নরাঃ স্বর্গগামিনঃ॥ 13-62-41 (83945)
শুশ্রূষাভিস্তপোভিশ্চ বিদ্যামাদায় ভারত।
যে প্রতিগ্রহনিঃস্নেহাস্তে নরাঃ স্বর্গগামিনঃ॥ 13-62-42 (83946)
ভয়াৎপাষাত্তথা বাধাদ্দারিদ্র্যাদ্ব্যাধিধর্ষণাৎ।
তৎকৃতে ধনমীপ্সন্তে তে নরাঃ স্বর্গগামিনঃ॥ 13-62-43 (83947)
ক্ষমাবন্তশ্চ ধীরাশ্চ ধর্মকার্যেষু চোত্থিতাঃ।
মঙ্গলাচারসম্পন্নাঃ পুরুষাঃ স্বর্গগামিনঃ॥ 13-62-44 (83948)
নিবৃত্তা মধুমাংসেভ্যঃ পরদারেভ্য এব চ।
নিবৃত্তাশ্চৈব মদ্যেভ্যস্তে নরাঃ স্বর্গগামিনঃ॥ 13-62-45 (83949)
আশ্রমাণাং চ কর্তারঃ কুলানাং চৈব ভারত।
দেশানাং নগরাণাং চ তে নরাঃ স্বর্গগামিনঃ॥ 13-62-46 (83950)
বস্ত্রাভরণদাতারো ভক্ষ্যপানান্নদাস্তথা।
কুটুম্বানাং চ ভর্তারঃ পুরুষাঃ স্বর্গগামিনঃ॥ 13-62-47 (83951)
সর্বহিংসানিবৃত্তাশ্চ নরাঃ সর্বসহাশ্চ যে।
সর্বস্যাশ্রয়ভূতাশ্চ তে নরাঃ স্বর্গগামিনঃ॥ 13-62-48 (83952)
মাতরং পিতরং চৈব শুশ্রুষন্তি জিতেন্দ্রিয়াঃ।
ভ্রাতৄণাং চৈব সস্নেহাস্তে নরাঃ স্বর্গগামিনঃ॥ 13-62-49 (83953)
আঢ্যাশ্চ বলবন্তশ্চ যৌবনস্থাশ্চ ভারত।
যে বৈ জিতেন্দ্রিয়া ধীরাস্তে নরাঃ স্বর্গগামিনঃ॥ 13-62-50 (83954)
অপরাধিষু সস্নেহা মৃদবো মৃদুবৎসলাঃ।
আরাধনসুখাশ্চাপি পুরুষাঃ স্বর্গগামিনঃ॥ 13-62-51 (83955)
সহস্রপরিবেষ্টারস্তথৈব চ সহস্রদাঃ।
ত্রাতারশ্চ সহস্রাণাং তে নরাঃ স্বর্গগামিনঃ॥ 13-62-52 (83956)
সুবর্ণস্য চ দাতারো গবাং চ ভরতর্ষভ।
যানানাং বাহনানাং চ তে নরাঃ স্বর্গগামিনঃ॥ 13-62-53 (83957)
বৈবাহিকানাং দ্রব্যাণাং প্রেষ্যাণাং চ যুধিষ্ঠির।
দাতারো বাসসাং চৈব তে নরাঃ স্বর্গগামিনঃ॥ 13-62-54 (83958)
বিহারাবসথোদ্যানকূপারামসভাপ্রপা।
বপ্রাণাং চৈব কর্তারস্তে নরাঃ স্বর্গগামিনঃ॥ 13-62-55 (83959)
নিবেশনানাং ক্ষেত্রাণাং বসতীনাং চ ভারত।
দাতারঃ প্রার্থিতানাং চ তে নরাঃ স্বর্গগামিনঃ॥ 13-62-56 (83960)
রসানাং চাথ বীজানাং ধান্যানাং চ যুধিষ্ঠির।
স্বয়মুৎপাদ্য দাতারঃ পুরুষাঃ স্বর্গগামিনঃ॥ 13-62-57 (83961)
যস্মিংস্তস্মিন্কুলে জাতা বহুপুত্রাঃ শতায়ুষঃ।
সানুক্রোশা জিতক্রোধাঃ পুরুষাঃ স্বর্গগামিনঃ॥ 13-62-58 (83962)
এতদুক্তমমুত্রার্থং দৈবং পিত্র্যং চ ভারত।
দানধর্মং চ দানস্য যৎপূর্বমৃষিতিঃ কৃতম্॥ ॥ 13-62-59 (83963)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিষষ্টিতমোঽধ্যায়ঃ॥ 62 ॥
Mahabharata - Anushaasana Parva - Chapter Footnotes
7-62-2 ভোজনপাত্রেঽবশিষ্টমুচ্ছেষঃ তেন সহিতং পরিশেষং স্থাল্যামবশিষ্টং প্রতীক্ষন্তে। যেষাং পাকপর্যাপ্তমেব ধান্যাদিকমস্তি ন কুসূলাদৌ তান্ ভোজয়॥ 7-62-4 তদ্ভক্তাঃ চারিত্রমেব ভক্তোঽন্নং তদ্বজ্জীবনং যেষাং তে। তদ্গৃহাঃ তদেব গৃহে স্ত্র্যাদৌ যেষাং তে অর্থে প্রয়োজনে সত্যেবার্থিনো ভবন্তি ন সঙ্গ্রহার্থম্॥ 7-62-6 রৌক্ষ্যাৎ দারিদ্র্যাৎ। করে কৃতঃ আত্মেবাত্মা জীবনমন্নম্। হস্তে গৃহীতান্নস্য বটবঃ ক্ষুধার্তাঃ মহ্য দেহি মহ্যং দেবীতি যাচন্তে তেভ্যোঽতিদরিদ্রেভ্যঃ॥ 7-62-9 পাষণ্ডানাং সময়ো মর্যাদা যেষু ধর্মেষু তত্র অত্যুৎক্রান্তাঃ অত্যন্তং ততো দূরে স্থিতাঃ॥ 7-62-10 ভুবৎবান্নমেব স্পৃহয়ন্তি ন স্বাদু। অতএব ন চতুর্থী॥ 7-62-16 অসয়ার্থং, ভয়নিবৃত্তিরূপং প্রয়োজনম্॥ 7-62-17 অভিমর্শিতো জারাঃ। প্রয়োক্তারঃ হর্ত্রভিমর্শিনোর্দূতাঃ॥ 7-62-18 পরেষাং দোষস্যেতি শেষঃ॥ 7-62-21 আশায়াশ্ছেদমিত্যেকদেশানুষঙ্গঃ। কুর্বন্তীতি শেষঃ॥ 7-62-22 সূচকাঃ রাজগামিপৈশুন্যবাদিনঃ। সেতুঃ আর্যমর্যাদা॥ 7-62-23 পাষণ্ডাঃ বেদবিরোধিনঃ শাক্যাদয়ঃ দূষকাঃ সতাং নিন্দকাঃ। সময়ানাং ধর্মসঙ্কেতানাম্। প্রত্যবসিতাঃ আরূঢপতিতাঃ॥ 7-62-26 কৃতাশং দাসমর্থিন বা। কৃতনির্দেশং নির্দেশঃ তুভ্যমিদং দাস্যামীতি প্রতিজ্ঞা সা কৃতায়স্মৈ তম্। ভক্তং বেতনম্। ব্যপকর্ষন্তি ষত্যুঃ সকাশাদ্দূরীকুর্বন্তি॥ 7-62-27 পর্যশ্নন্তি। পরিত্যজ্যাশ্নন্তি॥ 7-62-29 বিকর্মভইঃ স্বস্য নিষিদ্ধৈঃ কর্মভিঃ॥ 7-62-30 কেশাশ্চামরকম্বলাদয়ঃ॥ 7-62-32 কর্তারঃ শস্ত্রশল্যাদীনাম্॥ 7-62-35 অপ্রাপ্তানামদান্তানাং পশূনাম্। অণ্ডমর্দনেন বলবীর্যযোর্নাশকা অপ্রাপ্তদমকাঃ॥ 7-62-40 যে ব্রাহ্মণাতিক্রমং ন কুর্বন্তি তে স্বর্গাগামিন ইত্যর্থঃ॥ 7-62-43 কর্তারঃ পালনকর্তারঃ॥ 7-62-51 আরাধনেনি ইতরান্ সুখয়নতি তে তথা॥ 7-62-57 দানস্য প্রত্যর্পণস্য। দানং চ তদ্ধর্ম যেতি শোধকো ধর্মঃ দৈষ্ শোধন ইতি ধাতুঃ অমুত্রার্থং পরলোকফলম্॥অনুশাসনপর্ব - অধ্যায় 063
॥ শ্রীঃ ॥
13.63. অধ্যায়ঃ 063
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি হিংসাভাবেপি ব্রহ্মহত্যাপ্রাপ্তিপ্রতিপাদকব্যাসবচনানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
ইদং মে তত্ৎবতো রাজন্বক্তুমর্হসি ভারত।
অহিংসয়িৎবাঽপি কথং ব্রহ্মহত্যা বিধীয়তে॥ 13-63-1 (83964)
ভীষ্ম উবাচ। 13-63-2x (6988)
ব্যাসমামন্ত্র্য রাজেন্দ্র পুরা যৎপৃষ্টবানহম্।
তত্তেঽহং সম্প্রবক্ষ্যামি তদিহৈকমনাঃ শৃণু॥ 13-63-2 (83965)
চতুর্থস্ৎবং বসিষ্ঠস্য তত্ৎবমাখ্যাহি মে মুনে।
অহিংসয়িৎবা কেনেহ ব্রহ্মহত্যা বিধীয়তে॥ 13-63-3 (83966)
ইতি পৃষ্টো ময়া রাজন্পরাশরশরীরজঃ।
অব্রবীন্নিপুণো ধর্মে নিঃসংশয়মনুত্তমম্॥ 13-63-4 (83967)
ব্রাহ্মণং স্বয়মাহূয় ভিক্ষার্থে কৃশবৃত্তিনম্।
ব্রূয়ান্নাস্তীতি যঃ পশ্চাত্তং বিদ্যাদ্ব্রহ্মঘাতিনম্॥ 13-63-5 (83968)
মধ্যস্থস্যেহ বিপ্রস্য যোঽনূচানস্য ভারত।
বৃত্তিং হরতি দুর্বুদ্ধিস্তং বিদ্যাদ্ব্রহ্মঘাতিনম্॥ 13-63-6 (83969)
গোকুলস্য তৃষার্তস্য জলার্থমভিধাবতঃ।
উৎপাদয়তি যো বিঘ্নং তং বিদ্যা** হ্মঘাতিনম্॥ 13-63-7 (83970)
যঃ প্রবৃত্তাং শ্রুতিং সম্যকূ শাস্ত্র বা মুনিভিঃ কৃতম্।
দূষয়ত্যনভিজ্ঞায় তং বিদ্যাদ্ব্রহ্মঘাতিনম্॥ 13-63-8 (83971)
আত্মজাং রূপসম্পন্নাং মহতীং সদৃশে বরে।
ন প্রয়চ্ছতি যঃ কন্যাং তং বিদ্যাদ্ব্রহ্মধাতিনম্॥ 13-63-9 (83972)
অধর্মনিরতো মূঢো মিথ্যা যো বৈ দ্বিজাতিষু।
দদ্যান্মর্মাতিগং শোকং তং বিদ্যাদ্ব্রহ্মঘাতিনম্॥ 13-63-10 (83973)
চক্ষুষা বিপ্রহীণস্য পঙ্গুলস্য জডস্য বা।
হরেত যো বৈ সর্বস্বং তং বিদ্যা *** ঘাতিনম্॥ 13-63-11 (83974)
আশ্রমে বা বনে বাঽপি গ্রামে বা যদি বা পুরে।
অগ্নিং সমুৎসৃজেন্মোহাত্তং বিদ্যাদ্ব্রহ্মঘাতিনম্॥ ॥ 13-63-12 (83975)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিষষ্টিতমোঽধ্যায়ঃ॥ 63 ॥
অনুশাসনপর্ব - অধ্যায় 064
॥ শ্রীঃ ॥
13.64. অধ্যায়ঃ 064
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি নদ্যাদিতীর্থানাং তত্তন্নামবিশেষনির্দেশেন তৎসেবনফলপ্রতিপাদকগৌতমাঙ্গিরঃসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
তীর্থানাং দর্শনং শ্রেয়ঃ স্নানং চ ভরতর্ষভ।
শ্রবণং চ মহাপ্রাজ্ঞ শ্রোতুমিচ্ছামি তত্ৎবতঃ। 13-64-1 (83976)
পৃথিব্যাং যানি তীর্থানি পুণ্যানি ভরতর্ষভ।
বক্তুমর্হসি মে তানি শ্রোতাঽস্মি নিয়তং প্রভো॥ 13-64-2 (83977)
ভীষ্ম উবাচ। 13-64-3x (6989)
ইমমঙ্গিরসা প্রোক্তং তীর্থবংশং মহাদ্যুতে।
শ্রোতুমর্হসি ভদ্রং তে প্রাপ্স্যসে ধর্মমুত্তমম্॥ 13-64-3 (83978)
তপোবনগতং বিপ্রমভিগম্য মহামুনিম্।
পপ্রচ্ছাঙ্গিরসং ধীরং গৌতমঃ সংশিতব্রতঃ। 13-64-4 (83979)
অস্তি মে ভগবন্কশ্চিত্তীর্থেভ্যো ধর্মসংশয়ঃ।
তৎসর্বং শ্রোতুমিচ্ছামি তন্মে শংস মহামুনে॥ 13-64-5 (83980)
উপস্পৃশ্য ফলং কিং স্যাত্তেষু তীর্থেষু বৈ মুনে।
প্রেত্যভাবে মহাপ্রাজ্ঞ তদ্যথাঽস্তি তথা বদ॥ 13-64-6 (83981)
অঙ্গিরা উবাচ। 13-64-7x (6990)
সপ্তাহং চন্দ্রভাগাং বৈ বিতস্তামূর্মিমালিনীম্।
বিগাহ্য বৈ নিরাহারো নির্মলো মুনিবদ্ভবেৎ॥ 13-64-7 (83982)
কাশ্মীরমণ্ডলে নদ্যো যাঃ পতন্তি মহাস্বনম্।
তা নদীঃ সিন্ধুমাসাদ্য শীলবান্স্বর্গমাপ্নুয়াৎ॥ 13-64-8 (83983)
পুষ্করং চ প্রভাসং চ নৈমিষং সাগরোদকম্।
দেবিকামিন্দ্রমার্গং চ স্বর্ণবিন্দুং বিগাহ্য চ॥ 13-64-9 (83984)
বিবোধ্যতে বিমানস্থঃ সোঽপ্সরোভিরভিষ্টুতঃ।
হিরণ্যবিন্দুমালক্ষ্য প্রয়তশ্চাভিবাদ্য চ॥ 13-64-10 (83985)
কুশেশয়ে চ দেবৎবং ধূয়তে তস্য কিল্বিষম্।
ইন্দ্রতোয়াং সমাসাদ্য গন্ধমাদনসন্নিধৌ॥ 13-64-11 (83986)
করতোয়াং কুরুঙ্গে চ ত্রিরাত্রোপোষিতো নরঃ।
অশ্বমেধমবাপ্নোতি বিগাহ্য প্রয়তঃ শুচিঃ॥ 13-64-12 (83987)
গঙ্গাদ্বারে কুশাবর্তে বিল্বকে নীলপর্বতে।
তথা কনখলে স্নাৎবা ধূতপাপ্মা দিবং ব্রজেৎ॥ 13-64-13 (83988)
অপাং হ্রদ উপস্পৃশ্য বাজিমেধফলং লভেৎ।
ব্রহ্মচারী জিতক্রোধঃ সত্যসন্ধস্ৎবহিংসকঃ॥ 13-64-14 (83989)
যত্র ভাগীরথী গঙ্গা বহতে দিশমুত্তরম্।
মহেশ্বরস্য ত্রিস্থানে যো নরস্ৎবভিষিচ্যতে॥ 13-64-15 (83990)
একমাসং নিরাহারঃ স পশ্যতি হি দেবতাঃ।
সপ্তগঙ্গে ত্রিগঙ্গে চ ইন্দ্রমার্গে চ তর্পয়ন্॥ 13-64-16 (83991)
অর্থান্বৈ লভতে ভোক্তুং যো নরো জায়তে পুনঃ।
মহাশ্রম উপস্পৃশ্য যোঽগ্নিহোত্রপরঃ শুচিঃ॥ 13-64-17 (83992)
একমাসং নিরাহারঃ সিদ্ধিং মাসেন স ব্রজেৎ।
মহাহ্রদ উপস্পৃশ্য ভৃগুতুঙ্গে ৎবলোলুপঃ॥ 13-64-18 (83993)
ত্রিরাত্রোপোষিতো ভূৎবা মুচ্যতে ব্রহ্মহত্যযা।
কন্যাকূপ উপস্পৃশ্য বলাকায়াং কৃতোদকঃ॥ 13-64-19 (83994)
দেবেষু লভতে কীর্তিং যশসা চ বিরাজতে॥ 13-64-20 (83995)
দেবিকায়ামুপস্পৃশ্য তথা সুন্দরিকাহ্রদে।
অশ্বিন্যাং রূপবর্চস্কং প্রেত্য বৈ লভতে নরঃ॥ 13-64-21 (83996)
মহাগঙ্গামুপস্পৃশ্য কৃত্তিকাঙ্গারকে তথা।
পক্ষমেকং নিরাহারঃ স্বর্গমাপ্নোতি নির্মলঃ॥ 13-64-22 (83997)
বৈমানিক উপস্পৃশ্য কিঙ্কিণীকাশ্রমে তথা।
নিবাসেঽপ্সরসাং দিব্যে কামচারী মহীয়তে॥ 13-64-23 (83998)
কালিকাশ্রমমাসাদ্য বিপাশায়াং কৃতোদকঃ।
ব্রহ্মচারী জিতক্রোধস্ত্রিরাত্রং মুচ্যতে ভবাৎ॥ 13-64-24 (83999)
আশ্রমে কৃত্তিকানাং তু স্নাৎবা যস্তর্পয়েৎপিতৄন্।
তোষয়িৎবা মহাদেবং নির্মলঃ স্বর্গমাপ্নুয়াৎ॥ 13-64-25 (84000)
মহাকূপমুপস্পৃশ্য ত্রিরাত্রোপোষিতঃ শুচিঃ।
ত্রসানাং স্থাবরাণাং চ দ্বিপদানাং ভয়ং ত্যজেৎ॥ 13-64-26 (84001)
দেবদারুবনে স্নাৎবা ধূতপাপ্মা কৃতোদকঃ।
দেবশব্দমবাপ্নোতি সপ্তরাত্রোষিতঃ শুচিঃ॥ 13-64-27 (84002)
শরস্তম্বে কুশস্তম্বে দ্রোণশর্মপদে তথা।
অপাংপ্রপতনাসেবী সেব্যতে সোপ্সরোগণৈঃ॥ 13-64-28 (84003)
চিত্রকূটে জনস্থানে তথা মন্দাকিনীজলে।
বিগাহ্য বৈ নিরাহারো রাজলক্ষ্ম্যা নিষেব্যতে॥ 13-64-29 (84004)
শ্যামায়াস্ৎবাশ্রমং গৎবা উষিৎবা চাভিষিচ্য চ।
একপক্ষং নিরাহারস্ৎবন্তর্ধানফলং লভেৎ॥ 13-64-30 (84005)
কৌশিকীং তু সমাসাদ্য বায়ুভক্ষস্ৎবলোলুপঃ।
একবিংশতিরাত্রেণ স্বর্গমারোহতে নরঃ॥ 13-64-31 (84006)
মতঙ্গবাপ্যাং যঃ স্নায়াদেকরাত্রেণ সিধ্যতি।
বিগাহতি হ্যনালম্বমন্ধকং বৈ সনাতনম্॥ 13-64-32 (84007)
নৈমিষে স্বর্গতীর্থে চ উপস্পৃশ্য জিতেন্দ্রিয়ঃ।
ফলং পুরুষমেধস্য লভেন্মাসং কৃতোদকঃ॥ 13-64-33 (84008)
গঙ্গাহ্রদ উপস্পৃস্য তথা চৈবোৎপলাবনে।
অশ্বমেঘমবাপ্নোতি তত্র মাসং কৃতোদকঃ॥ 13-64-34 (84009)
গঙ্গায়মুনয়োস্তীর্থে তথা কালঞ্জরে গিরৌ।
দশাশ্বমেধানাপ্নোতি তত্র মাসং কৃতোদকঃ॥ 13-64-35 (84010)
যষ্টিহ্রদ উপস্পৃশ্য চান্নদানাদ্বিশিষ্যতে॥ 13-64-36 (84011)
দশতীর্থসহস্রাণি তিস্রঃ কোট্যস্তথাঽপরাঃ।
সমাগচ্ছন্তি মাঘ্যাং তু প্রয়াগে ভরতর্ষভ॥ 13-64-37 (84012)
মাঘমাসং প্রয়াগে তু নিয়তঃ সংশিতব্রতঃ।
স্নাৎবা তু ভরতশ্রেষ্ঠ নির্মলঃ স্বর্গমাপ্নুয়াৎ॥ 13-64-38 (84013)
মরুদ্গণ উপস্পৃশ্য পিতৄণামাশ্রমে শুচিঃ।
বৈবস্বতস্য তীর্থে চ তীর্থভূতো ভবেন্নরঃ॥ 13-64-39 (84014)
তথা ব্রহ্মসরো গৎবা ভাগীরথ্যাং কৃতোদকঃ।
একমাসং নিরাহারঃ সোমলোকমবাপ্নুয়াৎ॥ 13-64-40 (84015)
উৎপাতকে নরঃ স্নাৎবা অষ্টাবক্রে কৃতোদকঃ।
দ্বাদশাহং নিরাহারো নরমেধফলং লভেৎ॥ 13-64-41 (84016)
অশ্মপৃষ্ঠে গয়ায়াং চ নিরবিন্দে চ পর্বতে।
তৃতীয়াং ক্রৌঞ্চপদ্যাং চ ব্রহ্মহত্যাং বিশুধ্যতে 13-64-42 (84017)
কলবিঙ্ক উপস্পৃশ্য বিদ্যাচ্চ বহুশো জলম্।
অগ্নেঃ পুরে নরঃ স্নাৎবা অগ্নিকন্যাপুরে বসেৎ॥ 13-64-43 (84018)
করবীরপুরে স্নাৎবা বিশালায়াং কৃতোদকঃ।
দেবহ্রদ উপস্পৃশ্য ব্রহ্মভূতো বিরাজতে॥ 13-64-44 (84019)
পুনরাবর্তনন্দাং চ মহানন্দাং চ সেব্য বৈ।
নন্দনে সেব্যতে দান্তস্ৎবপ্সরোভিরহিংসকঃ॥ 13-64-45 (84020)
উর্বশীং কৃত্তিকায়োগে গৎবা চৈব সমাহিতঃ।
লৌহিত্যে বিধিবৎস্নাৎবা পুণ্ডরীকফলং লভেৎ॥ 13-64-46 (84021)
রামহ্রদ উপস্পৃশ্য বিপাশায়াং কৃতোদকঃ।
দ্বাদশাহং নিরাহারঃ কল্মষাদ্বিপ্রমুচ্যতে॥ 13-64-47 (84022)
মহাহ্রদ উপস্পৃশ্য শুদ্ধেন মনসা নরঃ।
একমাসং নিরাহারো জমদগ্নিগতিং লভেৎ॥ 13-64-48 (84023)
বিন্ধ্যে সংতাপ্য চাত্মানং সত্যসন্ধস্ৎবহিংসকঃ।
বিনয়াত্তপ আস্থায় মাসেনৈকেন সিধ্যতি॥ 13-64-49 (84024)
`মুণ্ডে ব্রহ্মগবা চৈব নিরিচিং দেবপর্বতম্।
দেবহ্রদমুপস্পৃশ্য ব্রহ্মভূতো বিরাজতে।
কুমারপদমাস্থায় মাসেনৈকেন শুধ্যতি॥' 13-64-50 (84025)
নর্মদায়ামুপস্পৃশ্য ততা শূর্পারকোদকে।
একপক্ষং নিরাহারো রাজপুত্রো বিধীয়তে॥ 13-64-51 (84026)
জম্বূমার্গে ত্রিভির্মাসৈঃ সংয়তঃ সুসমাহিতঃ।
অহোরাত্রেণ চৈকেন সিদ্ধিং সমধিগচ্ছতি॥ 13-64-52 (84027)
কোকামুখে বিগাহ্যাথ গৎবা চাঞ্জলিকাশ্রমম্।
শাকভক্ষশ্চীরবাসাঃ কুমারীর্বিন্দতে দশ॥ 13-64-53 (84028)
বৈবস্বতস্য সদনং ন স গচ্ছেৎকদাচন।
যস্য কন্যাহ্রদ বাসো দেবলোকং স গচ্ছতি॥ 13-64-54 (84029)
প্রভাসে ৎবেকরাত্রেণ অমাবাস্যাং মমাহিতঃ।
সিদ্ধ্যতে তু মহাবাহো যো নরো জায়তেঽমরঃ॥ 13-64-55 (84030)
উজ্জানক উপস্পৃস্য আর্ষ্টিষেণস্য চাশ্রমে।
পিঙ্গায়াশ্চাশ্রমে স্নাৎবা সর্বপাপৈঃ প্রমুচ্যতে॥ 13-64-56 (84031)
কুল্যায়াং সমুপস্পৃশ্য জপ্ৎবা চৈবাঘমর্ষণম্।
অশ্বমেধমবাপ্নোতি ত্রিরাত্রোপোষিতো নরঃ॥ 13-64-57 (84032)
পিণ্ডারক উপস্পৃশ্য একরাত্রোষিতো নরঃ।
অগ্নিষ্টোমমবাপ্নোতি প্রভাতাং শর্বরীং শুচিঃ॥ 13-64-58 (84033)
তথা ব্রহ্মসরো গৎবা ধর্মারণ্যোপশোভিতম্।
পুণ্ডরীকমবাপ্নোতি উপস্পৃশ্য নরঃ শুচিঃ॥ 13-64-59 (84034)
মৈনাকে পর্বতে স্নাৎবা তথা সন্ধ্যামুপাস্য চ।
কামং জিৎবা চ বৈ মাসং সর্বয়জ্ঞফলং লভেৎ॥ 13-64-60 (84035)
কালোদকং নন্দিকুণ্ডং তথা চোত্তরমানসম্।
অভ্যেত্য যোজনশতাদ্ভূণহা বিপ্রমুচ্যতে॥ 13-64-61 (84036)
নন্দীশ্বরস্য মূর্তি তু দৃষ্ট্বা মুচ্যেত কিল্বিষৈঃ।
স্বর্গমার্গে নরঃ স্নাৎবা ব্রহ্মলোকং স গচ্ছতি॥ 13-64-62 (84037)
বিখ্যাতো হিমবান্পুণ্যঃ শংকরশ্বশুরো গিরিঃ।
আকরঃ সর্বরত্নানাং সিদ্ধচারণসেবিতঃ॥ 13-64-63 (84038)
`দর্শনাদ্গমনাৎপূতো ভবেদনশনাদপি।'
শরীরমুৎসৃজেত্তত্র বিধিপূর্বমনাশকে॥ 13-64-64 (84039)
অধ্রুবং জীবিতং জ্ঞাৎবা যো বৈ বেদান্তগো দ্বিজঃ।
অভ্যর্চ্য দেবতাস্তত্র নমস্কৃত্য মুনীংস্তথা। 13-64-65 (84040)
ততঃ ক্রোধং চ লোভং চ যো জিৎবা তীর্থমাবসেৎ।
ন তেন কিঞ্চিন্ন প্রাপ্তং তীর্থাভিগমনাদ্ভবেৎ॥ 13-64-66 (84041)
যান্যগম্যানি তীর্থানি দুর্গাণি বিষমাণি চ।
মনসা তানি গম্যানি সর্বতীর্থসমীক্ষয়া॥ 13-64-67 (84042)
ইদং মেধ্যমিদং পুণ্যমিদং স্বর্গ্যমনুত্তমম্।
ইদং রহস্যং বেদানামাপ্লাব্যং পাবনং তথা॥ 13-64-68 (84043)
ইদং দদ্যাদ্দ্বিজাতীনাং সাধোরাত্মহিতস্য চ।
সুহৃদাং চ জপেৎকর্ণে শিষ্যস্যানুগতস্য চ। 13-64-69 (84044)
দত্তবান্গৌতমস্যৈতদঙ্গিরা বৈ মহাতপাঃ।
অঙ্গিরাঃ সমনুজ্ঞাতঃ কাশ্যপেন চ ধীমতা॥ 13-64-70 (84045)
মহর্ষীণামিদং জপ্যং পাবনানাং তথোত্তমম্।
জপংশ্চাভ্যুত্থিতঃ শশ্বন্নির্মলঃ স্বর্গমাপ্নুয়াৎ॥ 13-64-71 (84046)
ইদং যশ্চাপি শৃণুয়াদ্রহস্যং ৎবঙ্গিরোমতম্।
উত্তমে চ কুলে জন্ম লভেঞ্জাতীশ্চ সংস্মরেৎ॥ ॥ 13-64-72 (84047)
ইতি শ্রীমন্মহাভারতে অনুসাসনপর্বণি দানধর্মপর্বণি চতুঃষষ্টিতমোঽধ্যায়ঃ॥ 64 ॥
Mahabharata - Anushaasana Parva - Chapter Footnotes
7-64-3 তীর্থবংশং তীর্থসংঘম্॥ 7-64-5 তীর্থেভ্যঃ তীর্থান্যুদ্দিশ্য॥ 7-64-6 প্রেত্যভাবে জন্মান্তরে॥ 7-64-7 মুনিবদ্ভবেৎ মুনীনাং গতিং লভেতেত্যর্থঃ॥ 7-64-8 সিংধুং সমুদ্রং পতন্তীত্যন্বয়ঃ॥ 7-64-9 স্বর্গবিন্দুং বিগাহ্যেতি থ.ধ. পাঠঃ॥ 7-64-21 রূপবর্চসোঃ সমাহারঃ রূপবর্চস্কম্। বর্চস্তেজঃ॥ 7-64-26 ত্রসানাং জঙ্গমানাম্॥ 7-64-30 অন্তর্ধানফলং গন্ধর্বাদিভোগম্॥ 7-64-35 কালাঞ্জনে গিরাবিতি থ.ধ.পাঠঃ॥ 7-64-37 সমাগচ্ছন্ত্যগাবাস্যামিতি থ.পাঠ॥ 7-64-43 উর্বশীং উর্বশীতীর্থম্। কৃত্তিকায়োগে কার্তিক্যাং পৌর্ণমাস্যাম্॥ 7-64-68 ইদং তীর্থসেবনম্। মেধ্যং যজ্ঞফলপ্রদম্। পুণ্যং পাপঘ্নম্॥ 7-64-70 সমনুজ্ঞাতঃ প্রার্থিতঃ। কাশ্যপেন এতদ্বিজ্ঞাতুকামেনেতি শেষঃ॥অনুশাসনপর্ব - অধ্যায় 065
॥ শ্রীঃ ॥
13.65. অধ্যায়ঃ 065
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গঙ্গামহিমপ্রতিপাদকসিদ্ধসিলবৃত্তিসংবাদানুবাদঃ॥ 1 ॥Mahabharata - Anushaasana Parva - Chapter Text
বৈশম্পায়ন উবাচ।
বৃহস্পতিসমং বুদ্ধ্যা ক্ষময়া ব্রহ্মণঃ সমম্।
পরাক্রমে শক্রসমমাদিত্যসমতেজসম্॥ 13-65-1 (84048)
গাঙ্গেয়মর্জুনেনাজৌ নিহতং ভূরিতেজসম্।
ভ্রাতৃভিঃ সহিতোঽন্যৈশ্চ পর্যপৃচ্ছদ্যুধিষ্ঠিরঃ॥ 13-65-2 (84049)
শয়ানং বীরশয়নে কালাকাঙ্ক্ষিণমচ্যুতম্।
আজগ্মুর্ভরতশ্রেষ্ঠং দ্রষ্টুকামা মহর্ষয়ঃ॥ 13-65-3 (84050)
অত্রির্বসিষ্ঠোঽথ ভৃগুঃ পুলস্ত্যঃ পুলহঃ ক্রতুঃ।
অঙ্গিরা গৌতমোঽগস্ত্যঃ সুমতিঃ সুয়তাত্মবান্॥ 13-65-4 (84051)
বিশ্বামিত্রঃ স্থূলগিরাঃ সংবর্তঃ প্রমতির্দমঃ।
বৃহস্পত্যুশনোব্যাসশ্চ্যবনঃ ফাশ্যপো ধ্রুবঃ॥ 13-65-5 (84052)
দুর্বাসা জমদগ্নিশ্চ মার্কণ্ডেয়োঽথ গালবঃ।
ভরদ্বাজোঽথ রৈভ্যশ্চক যবক্রীতস্ত্রিতস্তথা॥ 13-65-6 (84053)
স্থূলাক্ষঃ শবলাক্ষশ্চ কণ্বো মেধাতিথিঃ কৃশঃ।
নারদঃ পর্বতশ্চৈব সুধন্বাঽথৈকতো দ্বিজঃ॥ 13-65-7 (84054)
নিতংভূর্ভুবনো ধৌম্যঃ শতানন্দোঽকৃতব্রণঃ।
জামদগ্র্যস্তথা রামঃ কচশ্চেত্যেবমাদয়ঃ।
সমাগতা মহাত্মানো ভীষ্মং দ্রষ্টুং মহর্ষয়ঃ॥ 13-65-8 (84055)
তেষাং মহাত্মনাং পূজামাগতানাং যুধিষ্ঠিরঃ।
ভ্রাতৃভিঃ সহিতশ্চক্রে যতাবদনুপূর্বশঃ॥ 13-65-9 (84056)
তে পূজিতাঃ সুখাসীনাঃ কথাশ্রক্রুর্মহর্ষয়ঃ।
ভীষ্মাশ্রিতাঃ সুমধুরাঃ সর্বেন্দ্রিয়মনোহরাঃ॥ 13-65-10 (84057)
ভীষ্মস্তেষাং কথাঃ শ্রুৎবা ঋষীণাং ভাবিতাত্মনাম্।
মেনে দিবিষ্ঠমাত্মানং তুষ্ট্যা পরময়া যুতঃ॥ 13-65-11 (84058)
ততস্তে ভীষ্মমামন্ত্র্য পাণ্ডবাংশ্চ মহর্ষয়ঃ।
অন্তর্ধানং গতাঃ সর্বে সর্বেষামেব পশ্যতাম্॥ 13-65-12 (84059)
তানৃষীন্সুমহাভাগানন্তর্ধানগতানপি।
পাণ্ডবাস্তুষ্টুবুঃ সর্বে প্রণেমুশ্চ মুহুর্মুহুঃ॥ 13-65-13 (84060)
প্রসন্নমনসঃ সর্বে গাঙ্গেয়ং কুরুসত্তমম্।
উপতস্থুর্যথোদ্যন্তমাদিত্যং মন্ত্রকোবিদাঃ॥ 13-65-14 (84061)
প্রভাবং তপসস্তেষামৃষীণাং বীক্ষ্য পাণ্ডবাঃ।
প্রকাশন্তো দিশঃ সর্বা বিস্ময়ং পরমং যয়ুঃ॥ 13-65-15 (84062)
মহাভাগ্যং পরং তেষামৃষীণামনুচিন্ত্য তে।
পাণ্ডবাঃ সহ ভীষ্মেণ কথাশ্চক্রুস্তদাশ্রয়াঃ॥ 13-65-16 (84063)
কথান্তে শিরসা পাদৌ স্পৃষ্ট্বা ভীষ্মস্য পাণ্ডবঃ।
ধর্ম্যং ধর্মসুতঃ প্রশ্নং পর্যপৃচ্ছদ্যুধিষ্ঠিরঃ॥ 13-65-17 (84064)
কে দেশাঃ কে জনপদা আশ্রমাঃ কে চ পর্বতাঃ।
প্রকৃষ্টাঃ পুণ্যতঃ কাশ্চ জ্ঞেয়া নদ্যঃ পিতামহ॥ 13-65-18 (84065)
ভীষ্ম উবাচ। 13-65-19x (6991)
অত্রাপ্যুদাহরন্তীমমিতিহাসং পুরাতনম্।
শিলোচ্ছবৃত্তেঃ সংবাদং সিদ্ধস্য চ যুধিষ্ঠির॥ 13-65-19 (84066)
ইমাং কশ্চিৎপরিক্রম্য পৃথিবীং শৈলভূষণাম্।
অসকৃদ্দ্বিপদাং শ্রেষ্ঠঃ শ্রেষ্ঠস্য গৃহমেধিনঃ॥ 13-65-20 (84067)
শিলবৃত্তের্গৃহং প্রাপ্তঃ স তেন বিধিনাঽর্চিতঃ।
উবাস রজনীং তত্র সুমুখঃ সুখভাগৃষিঃ॥ 13-65-21 (84068)
শিলবৃত্তিস্তু যৎকৃত্যং প্রাতস্তৎকৃতবাঞ্শুচিঃ।
কৃতকৃত্যমুপাতিষ্ঠৎসিদ্ধং তমতিথিং তদা॥ 13-65-22 (84069)
তৌ সমেত্য মহাত্মানৌ সুখাসীনৌ কথাঃ শুভাঃ।
চক্রতুর্বেদসম্বদ্ধাস্তচ্ছেষকৃতলক্ষণাঃ॥ 13-65-23 (84070)
শিলবৃত্তিঃ কথান্তে তু সিদ্ধমামন্ত্র্য যত্নতঃ।
প্রশ্নং পপ্রচ্ছ মেধাবী যন্মাং ৎবং পরিপৃচ্ছসি॥ 13-65-24 (84071)
শিলবৃত্তিরুবাচ। 13-65-25x (6992)
কেদেশাঃ কে জনপদাঃ কেঽঽশ্রমাঃ কে চ পর্বতাঃ।
প্রকৃষ্টাঃ পুণ্যতঃ কাশ্চ জ্ঞেয়া নদ্যস্তদুচ্যতাম্॥ 13-65-25 (84072)
সিদ্ধ উবাচ। 13-65-26x (6993)
তে দেশাস্তে জনপদাস্তেঽঽশ্রমাস্তে চ পর্বতাঃ।
যেষাং ভাগীরথী গঙ্গা মধ্যেনৈতি রারিদ্বরা॥ 13-65-26 (84073)
তপসা ব্রহ্মচর্যেণ যজ্ঞৈস্ত্যাগেন বা পুনঃ।
গতিং তাং ন লভেজ্জন্তুর্গঙ্গাং সংসেব্য যাং লভেৎ॥ 13-65-27 (84074)
স্পষ্টানি যেষাং গাঙ্গেয়ৈস্তোয়ৈর্গাত্রাণি দেহিনাম্।
ন্যস্তানি ন পুনস্তেষাং ত্যাগঃ স্বর্গাদ্বিধীয়তে॥ 13-65-28 (84075)
সর্বাণি যেষাং গাঙ্গেয়ৈস্তোয়ৈঃ কার্যাণি দেহিনাম্।
গাং ত্যক্ৎবা মানবা বিপ্র দিবি তিষ্ঠন্তি তে জনাঃ॥ 13-65-29 (84076)
পূর্বে বয়সি কর্মাণি কৃৎবা পাপানি যে নরাঃ।
পশ্চাদ্গঙ্গাং নিষেবন্তে তেঽপি যান্ত্যুত্তমাং গতিম্॥ 13-65-30 (84077)
`যুক্তাশ্চ পাতকৈস্ত্যক্ৎবা দেহং শুদ্ধা ভবন্তি তে।
মুচ্যন্তে দেহসংত্যাগাদ্গঙ্গায়মুনসঙ্গমে॥' 13-65-31 (84078)
স্নাতানাং শুচিভিস্তোয়ৈর্গাঙ্গেয়ৈঃ প্রয়তাত্মনাম্।
ব্যুষ্টির্ভবতি যা পুংসাং ন সা ক্রতুশতৈরপি॥ 13-65-32 (84079)
যাবদস্থি মনুষ্যস্য গঙ্গাতোয়েষু তিষ্ঠতি।
তাবদ্বর্ষসহস্রাণি স্বর্গলোকে মহীয়তে॥ 13-65-33 (84080)
অপহত্য তমস্তীব্রং যথা ভাত্যুদয়ে রবিঃ।
তথাঽপহত্য পাপ্মানং ভাতি গঙ্গাজলোক্ষিতঃ॥ 13-65-34 (84081)
বিসোমা ইব শর্বর্যো বিপুষ্পাস্তরবো যথা।
তদ্বদ্দেশা দিশশ্চৈব হীনা গঙ্গাজলৈঃ শিবৈঃ॥ 13-65-35 (84082)
বর্ণাশ্রমা যথা সর্বে ধর্মজ্ঞানবিবর্জিতাঃ।
ক্রতবশ্চ যথাঽসোমাস্তথা গঙ্গাং বিনা জগৎ॥ 13-65-36 (84083)
যথা হীনং নভোঽর্কেণ ভূঃ শৈলৈঃ খং চ বায়ুনা।
তথা দেশা দিশশ্চৈব গঙ্গাহীনা ন সংশয়ঃ॥ 13-65-37 (84084)
ত্রিষু লোকেষু যে কেচিৎপ্রাণিনঃ সর্ব এব তে।
তর্প্যমাণাঃ পরাং তৃপ্তিং যান্তি গঙ্গাজলৈঃ শুভৈঃ॥ 13-65-38 (84085)
`অন্যে চ দেবা মুনয়ঃ প্রেতানি পিতৃভিঃ সহ।
তর্পিতাস্তৃপ্তিমায়ান্তি ত্রিষু লোকেষু সর্বশঃ॥' 13-65-39 (84086)
যস্তু সূর্যেণ নিষ্টপ্তং গাঙ্গেয়ং পিবতে জলম্।
গবাং নির্হরনির্মুক্তাদ্যাবকাত্তদ্বিশিষ্যতে॥ 13-65-40 (84087)
ইন্দ্রব্রতসহস্রং তু যশ্চোরৎকায়শোধনম্।
পিবেদ্যশ্চাপি গঙ্গাম্যঃ সমৌ স্যাতাং ন বা সমৌ॥ 13-65-41 (84088)
তিষ্ঠেদ্যুগসহস্রং তু পদেনৈকেন যঃ পুমান্।
মাসমেকং তু গঙ্গায়াং সমৌ স্যাতাং ন বা সভৌ॥ 13-65-42 (84089)
লম্বতেঽবাক্শিরা যস্তু যুগানাময়ুতং পুমান্।
তিষ্ঠেদ্যথেষ্টং যশ্চাপি গঙ্গায়াং স বিশিষ্যতে॥ 13-65-43 (84090)
অগ্নৌ প্রাস্তং প্রধূয়েত যথা তূলং দ্বিজোত্তম।
তথা গঙ্গাবগাঢস্য সর্বপাপং প্রধূয়তে॥ 13-65-44 (84091)
ভূতানামিহ সর্বেষাং দুঃখোপহতচেতসাম্।
গতিমন্বেষমাণানাং ন গঙ্গাসদৃশী গতিঃ॥ 13-65-45 (84092)
ভবন্তি নির্বিষাঃ সর্পা যথা তার্ক্ষ্যস্য দর্শনাৎ।
গঙ্গায়া দর্শনাতদ্বৎসর্বপাপৈঃ প্রমুচ্যতে॥ 13-65-46 (84093)
অপ্রতিষ্ঠাশ্চ যে কেচিদধর্মশরণাশ্চ যে।
যেষাং প্রতিষ্ঠা গঙ্গেহ শরণং শর্ম বর্ম চ। 13-65-47 (84094)
প্রকৃষ্টৈরশুভৈর্গ্রস্তাননেকৈঃ পুরুষাধমান্।
পততো নরকে গঙ্গা সংশ্রিতান্প্রেত্য তারয়েৎ॥ 13-65-48 (84095)
তে সংবিভক্তা মুনিভির্নূনং দেবৈঃ সবাসবৈঃ।
যেঽভিগচ্ছন্তি সততং গঙ্গাং মতিমতাংবর॥ 13-65-49 (84096)
বিনয়াচারহীনাশ্চ অশিবাশ্চ নরাধমাঃ।
তে ভবন্তি শিবা বিপ্র যে বৈ গঙ্গামুপাশ্রিতাঃ॥ 13-65-50 (84097)
যথা সুরাণামভৃতং পিতৄণাং চ যথা স্বধা।
সুধা যথা চ নাগানাং তথা গঙ্গাজলং নৃণাম্॥ 13-65-51 (84098)
উপাসতে যথা বালা মাতরং ক্ষুধয়াঽর্দিতাঃ।
শ্রেয়স্কামাস্তথা গঙ্গামুপাসন্তীহ দেহিনঃ॥ 13-65-52 (84099)
স্বায়ংভুবং যথা স্থানং সর্বেষাং শ্রেষ্ঠমুচ্যতে।
স্থানানাং সরিতাং শ্রেষ্ঠা গঙ্গা তদ্বদিহোচ্যতে॥ 13-65-53 (84100)
`উপজীব্যা যথা ধেনুর্লোকানাং ব্রাহ্মমেব বা।
হবিষাং তু যথা সোমস্তরণেষু তথা ৎবিয়ম্॥ 13-65-54 (84101)
যথোপজীবিনাং ধেনুর্দেবাদীনাং পরা স্মৃতা।
তথোপজীবিনাং গঙ্গা সর্বপ্রাণভৃতামিহ॥ 13-65-55 (84102)
দেবাঃ সোমার্কসংস্থানি যতা সত্রাদিভির্মখৈঃ।
অমৃতান্যুপজীবন্তি তথা গঙ্গাজলং নরাঃ॥ 13-65-56 (84103)
জাহ্নবীপুলিনোত্থাভিঃ সিকতাভিঃ সমুক্ষিতম্।
আত্মানং মন্যতে লোকো দিবিষ্ঠমিব শোভিতম্॥ 13-65-57 (84104)
জাহ্নবীতীরসম্ভূতাং মৃদং মূর্ধ্না বিভর্তি যঃ।
বিভর্তি রূপং সোঽর্কস্য তমোনাশায় নির্মলম্॥ 13-65-58 (84105)
গঙ্গোর্মিভিরথো দিগ্ধঃ পুরুষং পবনো যদা।
স্পৃশ্যতে সোঽস্য পাপ্মানং সদ্য এবাপকর্ষতি॥ 13-65-59 (84106)
ব্যসনৈরভিতপ্তস্য নরস্য বিনশিষ্যতঃ।
গঙ্গাদর্শনজা প্রীতির্ব্যসনান্যপকর্ষতি॥ 13-65-60 (84107)
হংসারাবৈঃ কোকরবৈ রবৈরন্যৈশ্চ পক্ষিণাম্।
পস্পর্ধ গঙ্গা গন্ধর্বান্পুলিনৈশ্চ শিলোচ্চয়ান্॥ 13-65-61 (84108)
হংসাদিভিঃ সুবহুভির্বিবিধৈঃ পক্ষিভির্বৃতাম্।
গঙ্গাং গোকুলসম্বাদাং দৃষ্ট্বা স্বর্গোঽপি বিস্মৃতঃ॥ 13-65-62 (84109)
ন সা প্রীতির্দিবিষ্ঠস্য সর্বকামানুপাশ্নতঃ।
সম্ভবেদ্যা পরা প্রীতির্গঙ্গায়াঃ পুলিনে নৃণাম্॥ 13-65-63 (84110)
বাঙ্মন কর্মজৈর্গ্রস্তঃ পাপৈরপি পুমানিহ।
বীক্ষ্য গঙ্গাং ভবেন্মূতো অত্র মে নাস্তি সংশয়ঃ॥ 13-65-64 (84111)
সপ্তাবরান্সপ্ত পরান্পিতৄংস্তেভ্যশ্চ যে পরে।
পুমাংস্তারয়তে গঙ্গাং বীক্ষ্য স্পৃষ্ট্বাঽবগাহ্য চ॥ 13-65-65 (84112)
শ্রুতাভিলষিতা পীতা স্পৃষ্টা দৃষ্টাঽবগাহিতা।
গঙ্গা তারয়তে নৄণামুভৌ বংশৌ বিশেষতঃ॥ 13-65-66 (84113)
`তত্তীরগানাং তপসা শ্রাদ্ধপারায়ণাদিভিঃ।
গঙ্গাদ্বারপ্রভৃতিভিস্তত্তীর্থৈর্ন পরং নৃণাম্॥ 13-65-67 (84114)
সায়ং প্রাতঃ স্মরেদ্গঙ্গাং নিত্যং স্নানে তু কীর্তয়েৎ।
তর্পণে পিতৃপূজাসু মরণে চাপি সংস্মরেৎ॥' 13-65-68 (84115)
দর্শনাৎস্পর্শনাৎপানাত্তথা গঙ্গেতি কীর্তনাৎ।
পুনাত্যুপুণ্যান্পুরুষাঞ্শতশোঽথ সহস্রশঃ॥ 13-65-69 (84116)
য ইচ্ছেৎসফলং জন্ম জীবিতং শ্রুতমেব চ।
স পিতৄংস্তর্পয়েদ্গঙ্গামভিগম্য সুরাংস্তথা॥ 13-65-70 (84117)
ন শ্রুতৈর্ন চ বিত্তেন কর্মণা ন চ তৎফলম্।
প্রাপ্নুয়াৎপুরুষোঽত্যন্তং গঙ্গাং প্রাপ্য যদাপ্নুয়াৎ॥ 13-65-71 (84118)
জাত্যন্ধৈরিহ তুল্যাস্তে মৃতৈঃ পঙ্গুভিরেব চ।
সমর্থা যে ন পশ্যন্তি গঙ্গাং পুণ্যজলাং শিবাম্॥ 13-65-72 (84119)
ভূতভব্যভবিষ্যজ্ঞৈর্মহর্ষিভিরুপস্থিতাম্।
দেবৈঃ সেন্দ্রৈশ্চ কো গঙ্গাং নোপসেবেত মানবঃ॥ 13-65-73 (84120)
বানপ্রস্থৈর্গৃহস্থৈশ্চ যতিভির্ব্রহ্মচারিভিঃ।
বিদ্যাবদ্ভিঃ শ্রিতাং গঙ্গাং পুমান্কো নাম নাশ্রয়েৎ॥ 13-65-74 (84121)
উৎকামদ্বিশ্চ যঃ প্রাণৈঃ প্রয়তঃ শিষ্টসম্মতঃ।
চিন্তয়েন্মনসা গঙ্গাং স গতিং পরমাংলভেৎ॥ 13-65-75 (84122)
ন ভয়েভ্যো ভয়ং তস্য ন পাপেভ্যো ন রাজতঃ।
আদেহপতনাদ্গঙ্গামুপাস্তে যঃ পুমানিহ॥ 13-65-76 (84123)
গগনাদ্গাং পতন্তীং বৈ মহাপুণ্যাং মহেশ্বরঃ।
দধার শিরসা গঙ্গাং তামেব দিবি সেবতে॥ 13-65-77 (84124)
অলঙ্কৃতাস্ত্রয়ো লোকাঃ পথিভির্বিমলৈস্ত্রিভিঃ।
যস্তু তস্যা জলং সেবেৎক্রতকৃত্যঃ পুমান্ভবেৎ। 13-65-78 (84125)
দিবি জ্যোতির্যথাঽঽদিত্যঃ পিতৄণাং চৈব চন্দ্রমাঃ।
দেবেশ যথা নৃণাং গঙ্গা চ সরিতাং তথা॥ 13-65-79 (84126)
মাত্রা পিত্রা সুতৈর্দারৈর্বিমুক্তস্য ধনেন বা।
ন ভবেদ্ধি তথা দুঃখং যথা গঙ্গা বিয়োগজম্॥ 13-65-80 (84127)
নারণ্যৈর্নেষ্টবিষয়ৈর্ন সুতৈর্ন ধনাগমৈঃ।
তথা প্রসাদো ভবতি গঙ্গাং বীক্ষ্য যথা ভবেৎ॥ 13-65-81 (84128)
পূর্ণমিন্দুং যথা দৃষ্ট্বা নৃণাং দৃষ্টিঃ প্রসীদতি।
তথা ত্রিপথগাং দৃষ্ট্বা নৃণাং দৃষ্টিঃ প্রসীদতি॥ 13-65-82 (84129)
তদ্ভাবস্তদ্গতমনাস্তন্নিষ্ঠস্তৎপরায়ণঃ।
গঙ্গাংয়োঽনুগতো ভক্ত্যাস তস্যাঃ প্রিয়তাং ব্রজেৎ॥ 13-65-83 (84130)
ভূস্থৈঃ খস্থৈর্দিবিষ্ঠৈশ্চ ভূতৈরুচ্চাবচৈরপি।
গঙ্গা বিগাহ্যা সততমেতৎকার্যতমং সতাম্॥ 13-65-84 (84131)
বিশ্বলোকেষু পুণ্যৎবাদ্গঙ্গায়াঃ প্রথিতং যশঃ।
`দুর্মৃতাননপত্যাংশ্চ সা মৃতাননয়দ্দিবম্।'
যৎপুত্রান্সগরস্যেতো ভস্মাখ্যাননয়দ্দিবম্॥ 13-65-85 (84132)
বায়্বীরিতাভিঃ সুমনোহরাভি-
র্দ্রুতাভিরত্যর্থসমুত্থিতাভিঃ।
গঙ্গোর্মিভির্ভানুমতীভিরিদ্ধাঃ
সহস্ররশ্মিপ্রতিমা ভবন্তি॥ 13-65-86 (84133)
পয়স্বিনীং ঘৃতিনীমত্যুদারাং
সমৃদ্ধিনীং বেগিনীং দুর্বিগাহ্যাম্।
গঙ্গাং গৎবা যৈঃ শরীরং বিসৃষ্টং
গতা ধীরস্তে বিবুধৈঃ সমৎবম্॥ 13-65-87 (84134)
অন্ধাঞ্চডান্দ্রব্যহীনাংশ্চ গঙ্গা
যশস্বিনী বৃহতী বিশ্বরূপা।
দেবৈঃ সেন্দ্রৈর্মুনিভির্মানবৈশ্চ
নিষেবিতা সর্বকামৈর্যুনক্তি॥ 13-65-88 (84135)
ঊর্জস্বতীং মধুমতীং মহাপুণ্যাং ত্রিবর্ত্মগাম্।
ত্রিলোকগোপ্ত্রীং যে গঙ্গাং সংশ্রিতাস্তে দিবং গতাঃ॥ 13-65-89 (84136)
যো বৎস্যতি দ্রক্ষ্যতি বাঽপি মর্ত্য-
স্মস্মৈ প্রয়চ্ছন্তি সুখানি দেবাঃ।
তদ্ভাবিতাঃ স্পর্শনদর্শনেন
ইষ্টাং গতিং তস্য সুরা দিশন্তি॥ 13-65-90 (84137)
দক্ষাং পৃশ্নিং বৃহতীং বিপ্রকৃষ্টাং
শিবামৃদ্ধাং ভাগিনীং সুপ্রসন্নাম্।
বিভাবরীং সর্বভূতপ্রতিষ্ঠাং
গঙ্গাং গতা যে ত্রিদিবং গতাস্তে॥ 13-65-91 (84138)
খ্যাতির্যস্যাঃ খং দিবং গাং চ নিত্যা-
মূর্ধ্বং দিশো বিদিশশ্চাবতস্থে।
তস্যা জলং সেব্য সরিদ্বরায়া
মর্ত্যাঃ সর্বে কুতকৃত্যা ভবন্তি॥ 13-65-92 (84139)
ইয়ং গঙ্গেতি নিয়তং প্রতিষ্ঠা
গুহস্য স্ক্মস্য চ গর্ভয়োষা।
প্রাতস্ত্রিবর্গা ঘৃতবহা বিপাপ্মা
গঙ্গাঽবতীর্ণা বিয়তো বিশ্বতোয়া॥ 13-65-93 (84140)
`নারায়ণাদক্ষয়াৎপূর্বজাতা
বিষ্ণোঃ পাদাচ্ছিংশুমারাদ্ধ্রুবাচ্চ।
সোমাৎসূর্যান্মেরুরূপাচ্চ বিষ্ণোঃ
সমাগতা শিবমূর্ধ্নো হিমাদ্রিম্।
সত্যাবতী দ্রব্যপরস্য বর্যা
দিবো ভুবশ্চাপি বীক্ষ্যানুরূপা॥' 13-65-94 (84141)
সুতাঽবনীধ্রস্য হরস্য ভার্যা
দিবো ভুবশ্চাপি কৃতানুরূপা।
ভব্যা পৃথিব্যাং ভাগিনী চাপি রাজ-
ন্গঙ্গা লোকানাং পৃণ্যদা বৈ ত্রয়াণাম্॥ 13-65-95 (84142)
মধুস্রবা ঘৃতধারা ঘৃতার্চি-
র্মহোর্মিভিঃ শোভিতা ব্রাহ্মণৈশ্চ।
দিবশ্চ্যুতা শিরসাঽঽপ্তা শিবেন
গঙ্গাঽবনীধ্রাত্ত্রিদিবস্য মাতা॥ 13-65-96 (84143)
যোনির্বরিষ্ঠা বিরজা বিতন্বী
শয়্যাঽচিরা বারিবহা যশোদা।
বিশ্বাবতী চাকৃতিরিষ্টসিদ্ধা
গঙ্গোক্ষিতানাং ভুবনস্য পন্থাঃ॥ 13-65-97 (84144)
ক্ষান্ত্যা মহ্যা গোপনে ধারণে চ
দীপ্ত্য, কৃশানোস্তপনস্য চৈব।
তুল্যা গঙ্গা সম্মতা ব্রাহ্মণানাং
গৃহস্য ব্রহ্মণ্যতয়া চ নিত্যম্॥ 13-65-98 (84145)
ঋষিষ্টুতাং বিষ্ণুপদীং পুরাণাং
সুপুণ্যতোয়াং মনসাঽপি লোকে।
সর্বাত্মনা জাহ্নবীং যে প্রবন্না
স্তে ব্রহ্মণঃ সদনং সম্প্রয়াতাঃ॥ 13-65-99 (84146)
লোকানিমান্নয়তি যা জননীব পুত্রা-
ন্সর্বাত্মনা সর্বগুণোপপন্না।
তৎস্থানকং ব্রাহ্মমভীপ্সমানৈ-
র্গঙ্গা সদৈবাত্মবশৈরুপাস্যা॥ 13-65-100 (84147)
`ন তৈর্জুষ্টাং স্পৃশতীং বিশ্বতোয়া-
মিরাবজ্ঞাং রবেতীং ভূধরাণাম্।'
উসাং পৃষ্টাং মিষতীং বিশ্বভোজ্যা-
মিরাবতীং ধারিণীং ভূধরাণাম্।
শিষ্টাশ্রয়ামমৃতাং ব্রহ্মকান্তাং
গংঙ্গাং শ্রয়েদাত্মবান্সিদ্ধিকামঃ॥ 13-65-101 (84148)
প্রসাদ্য দেবান্সবিভূন্সমস্তা-
ন্ভগীরথস্তপসোগ্রেণ গঙ্গাম্।
গামানয়ত্তামভিগম্য শশ্ব-
ৎপুংসাং ভয়ং নেহ চামুত্র বিদ্যাৎ॥ 13-65-102 (84149)
উদাহৃতঃ সর্বথা তে গুণানাং
ময়ৈকদেশঃ প্রসমীক্ষ্য বৃদ্ধ্যা।
শক্তির্ন সে কাচিদিহাস্তি বক্তুং
গুণান্সর্বান্পরিমাতুং তথৈব॥ 13-65-103 (84150)
মেরোঃ সমুদ্রস্য চ সর্বয়ত্নৈঃ
সঙ্খ্যোপলানামুদকস্য বাঽপি।
শক্যং বক্তুং নেহ গঙ্গাজলানাং
গুণাখ্যানং পরিমাতুং তথৈব॥ 13-65-104 (84151)
তস্মাদেতান্পরয়া শ্রদ্ধয়োক্তা-
ন্গুণান্সর্বাঞ্জাহ্নবীয়ান্সদৈব।
ভবেদ্বাচা মনসা কর্মণা চ
ভক্ত্যা যুক্তঃ শ্রদ্ধয়া শ্রদ্দধানঃ॥ 13-65-105 (84152)
লোকানিমাংস্ত্রীন্যশসা বিতত্য
সিদ্ধিং প্রাপ্য মহতীং তাং দুরাপাম্।
গঙ্গাকৃতানচিরেণৈব লোকা-
ন্যথেষ্টমিষ্টান্বিহরিষ্যসি ৎবম্॥ 13-65-106 (84153)
তব মম চ গুণৈর্মহানুভাবা
জুষতু ভতিং সততং স্বধর্ময়ুক্তৈঃ।
অভিমতজনবৎসলা হি গঙ্গা
জগতি যুনক্তি সুখৈশ্চ ভক্তিমন্তম্॥ 13-65-107 (84154)
ভীষ্ম উবাচ। 13-65-108x (6994)
ইতি পরমমতির্গুণানশেষা-
ঞ্শিলরতয়ে ত্রিপথানুয়োগরূপান্।
বহুবিধমনুশাস্য তথ্যরূপা-
ন্গগনতলং দ্যুতিমান্বিবেশ সিদ্ধঃ॥ 13-65-108 (84155)
শিলবৃত্তিস্তু সিদ্ধস্য বাক্যৈঃ সম্বোধিতস্তদা।
গঙ্গামুপাস্য বিধিবৎসিদ্ধিং প্রাপ সুদুর্লভাম্॥ 13-65-109 (84156)
তথা ৎবমপি কৌন্তেয় ভক্ত্যা পরময়া যুতঃ।
গঙ্গামভ্যেহি সততং প্রাপ্স্যসে সিদ্ধিমুত্তমাম্॥ 13-65-110 (84157)
বৈশম্পায়ন উবাচ। 13-65-111x (6995)
শ্রুৎবেতিহাসং ভীষ্মোক্তং গঙ্গায়াঃ স্তবসংয়ুতম্।
যুধিষ্ঠিরঃ পরাং প্রীতিমগচ্ছদ্ধাতৃভিঃ সহ॥ ॥ 13-65-111 (84158)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চষষ্টিতমোঽধ্যায়ঃ॥ 65 ॥
Mahabharata - Anushaasana Parva - Chapter Footnotes
7-65-2 যদাঽপৃচ্ছত্তদৈবাজগ্মুরিতি দ্বিতীয়েন যত্তদোরধ্যাহারেণ ন্বয়ঃ॥ 7-65-16 মহাভাগ্যং যোগৈশ্বর্যং খেচরৎবান্তর্ধানশক্ত্যাদিসিদ্ধিমত্ৎবম্॥ 7-65-18 দেশাঃ ভূমিভাগাঃ। জনপদাঃ মহাজননিবাসস্থানানি। আশ্রমাঃ ঋষিস্থানানি॥ 7-65-26 তে দেশা ইতি প্রকৃষ্টাঃ পুণ্যত ইত্যনুষঙ্গঃ॥ 7-65-28 গাত্রাণ্যস্থীনি। ন্যস্তানি গঙ্গায়াম্। ত্যক্তানি যানি বৈ তেষাং ত্যাগাৎস্বর্গো বিধীয়তে ইতি ধ. পাঠঃ॥ 7-65-32 ব্যুষ্টিঃ পুণ্যবৃদ্ধিঃ॥ 7-65-33 যাবদস্থি মনুষ্যাণামিতি থ.ধ. পাঠঃ॥ 7-65-40 গবাং নির্হার আহারনির্গমনামার্গস্ততো নির্মুক্তং যাবকং যববিকারস্তস্মাৎ। গাং যবানাদয়িৎবা তচ্ছকৃদন্তর্গতান্ যবান্ পক্ৎবা ভুঞ্জানো যাবকব্রতীত্যুচ্যতে॥ 7-65-41 ইন্দুব্রতং চান্দ্রায়ণম্॥ 7-65-44 ধূয়তে দূরে জায়তে ভস্মীভূয়াপি ন শিব্যতে ইত্যর্থঃ॥ 7-65-63 কামান্ ভোগান্॥ 7-65-81 উপস্থিতাং নিত্যং সেবিতাম্॥ ইষ্টং যাগাদি তৎপ্রাপ্যৈরিষ্টবিষয়ৈঃ স্বর্গ্যৈঃ॥ 7-65-83 ইদ্ধাঃ নির্দোষৎবেন দীপ্তাঃ॥ 7-65-87 পয়োঘৃতে যাগীয়ে হবিষী সমৃদ্ধির্যাগফলং তদ্বতীম্। যাগাদিজং পুণ্যং তৎফলং স্বর্গাদি চ গঙ্গাপ্রাপ্ত্যৈব লভ্যত ইত্যর্থঃ॥ 7-65-89 ঊর্ক অন্নপশ্বাদিঃ তৎপ্রদামিত্যর্থঃ। মধু কর্মফলং ব্রহ্ম বা তৎপ্রদাং মধুমতীম্॥ 7-65-90 যোগং গামিতি শেষঃ। তথা গঙ্গয়া ভাবিতাঃ মহত্ৎবং গতাঃ দেবাঃ। স্পর্শনদর্শনেন গঙ্গায়া এব॥ 7-65-91 দক্ষাং তারণসমর্থাম্। পৃশ্নিং বিষ্ণুমাতরম্। বৃহতীং বাচম্। বাগ্বৈ বৃহতীতিশ্রুতেঃ। ভাগিনীং ভনানামৈশ্বর্যাদীনাং ষণ্ণাং সমূহো ভাগং তদ্বতীম্। বিভাবরীং প্রকাশিকাম্॥ 7-65-93 গঙ্গাং দৃষ্ট্বা ইয়ং গঙ্গেতি অন্যান্ গঙ্গাং দর্শয়তঃ পুরুষস্য নিয়তং নিয়মেন গঙ্গৈব প্রতিষ্ঠা সংসারাবসানহেতুর্ভবতি। গুহস্য কার্তিকেয়স্য রুক্মস্য স্বর্ণস্য চ গর্ভয়োষা গর্ভধারিণী স্ত্রী। বিয়তঃ সকাশাৎপ্রাতরবতীর্ণা ত্রিবর্গা ধর্প্রার্থকামদা। ধৃতবহা জলবাহিনী। বিশ্বতোয়া বিশ্বপ্রিয়তোয়া॥ 7-65-95 অবনীধ্রস্য মেরোঃ হিমবতো বা পর্বতস্য। কৃতং অনুরূপং অলঙ্কারো যয়া সা কৃতানুরূপা॥ 7-65-96 মধুস্রবা ধর্মদ্রবা। ঘৃতধারা তেজোধারা ঘৃতার্চিঃ আজ্যস্যেব অর্চির্বা যস্যাঃ। সা অবনীধ্রাৎ পৃথিবীং প্রাপ্তেতি শেষঃ॥ 7-65-97 বরিষ্ঠা যোনিঃ পরমকারণম্। বি জা নির্মলা। বিতন্বী বিশেষেণ তন্বী সূক্ষ্মা। শয়্যা দীর্ঘনিদ্রা তল্পঃ। মরণং জাহ্নবীতট ইতি বচনাৎ। অচিরা শীঘ্রা। বিশ্বাবতী বিশ্বং অবন্তী পালয়ন্তী। নুমভাব আর্ষঃ। ইষ্টসিদ্ধা ইষ্টাঃক সিদ্ধা যস্যাঃ সা, সিদ্ধানামিষ্টা ইতি বা। অক্ষেতানাং স্নাতানাম্। ভুবনস্য স্বর্গস্য। পুষ্পাবিলা পরিবাহা যশোদেতি ধ. পাঠঃ॥ 7-65-98 ক্ষান্ত্যাদিত্রয়ে মহ্যা তুল্যেতি সম্বন্ধঃ। গুহস্য কুমারস্য সম্মতা। ব্রহ্মণ্যতয়া ব্রাহ্মণজাত্যনুগ্রাহকতয়ঃ॥ 7-65-99 মনসাপি প্রপন্নাঃ কিমুত সাক্ষাৎ॥ 7-65-101 উস্রং ধেনুমমৃতদুঘামিতি যাবৎ। মিষতীং পশ্যন্তীং সর্বজ্ঞামিত্যর্থঃ। হরাবতীমন্নবতীম্। ব্রহ্মণোপি কান্তো চেতোহরাম্॥ 7-65-102 সবিভূন্ সেক্ষরান্। গাং পৃথ্বীম্॥ 7-65-103 মদুক্তান্ গঙ্গাগুণান্ জ্ঞাৎবা বাগাদিমিঃ স্তোত্রধ্যানস্নানাদিষু শ্রদ্দদানো ভবেদিতী সম্বন্ধঃ। গঙ্গাকৃতান্ গঙ্গাসেবনপ্রাপ্তান্। ইষ্টান্ সঙ্কল্পসিদ্ধান্। 7-65-107 মহানুভাবা গঙ্গা মতিং জুষতু প্রীণাতু। গঙ্গাদর্শনাদিনা মতিঃ প্রসীদৎবিত্যর্থঃ। অভিমতঃ শ্রদ্ধালুঃ॥অনুশাসনপর্ব - অধ্যায় 066
॥ শ্রীঃ ॥
13.66. অধ্যায়ঃ 066
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি মানবেষু পূজ্যতাপ্রয়োজকগুণপ্রতিপাদককৃষ্ণনারদসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কে পূজ্যা বৈ ত্রিলোকেঽস্মিন্মানবা ভরতর্পভ।
বিস্তরেণ তদাচক্ষ্ব ন হি তৃপ্যামি কথ্যতঃ॥ 13-66-1 (84159)
ভীষ্ম উবাচ। 13-66-2x (6996)
অত্রাপ্যুদাহরন্তীমমিতিহাসং পুরাতনম্।
নারদস্য চ সংবাদং বাসুদেবস্য চোভয়োঃ॥ 13-66-2 (84160)
নারদং প্রাঞ্জলিং দৃষ্ট্বা পূজয়ানং দ্বিজর্ষভান্।
কেশবঃ পরিপপ্রচ্ছ ভগবন্ক্রান্নমস্যমি॥ 13-66-3 (84161)
বহুমানপরস্তেষু ভগবন্যান্নমস্যসি।
শক্যং চেচ্ছ্রোতুমস্মাভির্ব্রূহ্যেতদ্ধর্মবিত্তম॥ 13-66-4 (84162)
নারদ উবাচ। 13-66-5x (6997)
শৃণু গোবিন্দ যানেতান্পূজয়াম্যরিমর্দন।
ৎবত্তোঽন্যঃ কঃ পুমাঁল্লোকে শ্রোতুমেতদিহার্হতি॥ 13-66-5 (84163)
বরুণং বায়ুমাদিত্যং পর্জন্যং জাতবেদসম্।
স্থাণু স্কন্দং মহালক্ষ্মীং বিষ্ণুং ব্রহ্মাণমেব চ॥ 13-66-6 (84164)
বাচস্পতিং চন্দ্রমসমপঃ পৃথ্বীং সরস্বতীম্।
সততং যে নমস্যন্তি তান্নমস্যাম্যহং বিভো॥ 13-66-7 (84165)
তপোধনান্বেদবিদো নিত্যং বেদপরায়ণান্।
মহার্হান্বৃষ্ণিশার্দূল সদা সম্পূজয়াম্যহম্॥ 13-66-8 (84166)
অভুক্ৎবা দেবকার্যাণি কুর্বতে যেঽবিকত্থনাঃ।
সন্তুষ্টাশ্চ ক্ষমায়ুক্তাস্তান্নমস্যাম্যহং বিভো॥ 13-66-9 (84167)
সম্যগ্যজন্তি যে চেষ্টীঃ ক্ষান্তা দান্তা জিতেন্দ্রিয়াঃ।
সত্যং ধর্মং ক্ষিতিং গাশ্চ তান্নমস্যামি যাদব॥ 13-66-10 (84168)
যে বৈ তপসি বর্তন্তে বনে মূলফলাশনাঃ।
অসঞ্চয়াঃ ক্রিয়াবন্তস্তান্নমস্যামি যাদব॥ 13-66-11 (84169)
যে ভৃত্যভরণে শক্তাঃ সততং চাতিথিব্রতাঃ।
ভুঞ্জতে দেবশেষাণি তান্নমস্যামি যাদব॥ 13-66-12 (84170)
যে বেদ প্রাপ্য দুর্ধর্ষা বাগ্মিনো ব্রহ্মচারিণঃ।
যাজনাধ্যাপনে যুক্তা নিত্যং তান্পূজয়াম্যহম্॥ 13-66-13 (84171)
প্রসন্নহৃদয়াশ্চৈব সর্বসৎবেষু নিত্যশঃ।
অপৃষ্ঠতাপান্স্বাধ্যায়ে যুক্তাস্তান্পূজয়াম্যহম্॥ 13-66-14 (84172)
গুরুপ্রসাদে স্বাধ্যায়ে যতন্তো যে স্থিরব্রতাঃ।
শুশ্রূষবোঽনসূয়ন্তস্তান্নমস্যামি যাদব॥ 13-66-15 (84173)
সুব্রতা মুনয়ো যে চ ব্রাহ্মণাঃ সত্যসঙ্গরাঃ।
বোঢারো হব্যকব্যানাং তান্নমস্যামি যাদব॥ 13-66-16 (84174)
ভৈক্ষচর্যাসু নিরতাঃ কৃশা গুরুকুলাশ্রয়াঃ।
নিঃসুখা নির্ধনা যে তু তান্নমস্যামি যাদব॥ 13-66-17 (84175)
নির্মমা নিষ্প্রতিদ্বন্দ্বা নিষ্ঠিতা নিষ্প্রয়োজনাঃ।
যে বেদং প্রাপ্য দুর্ধর্ষা বাগ্মিনো ব্রহ্মবাদিনঃ॥ 13-66-18 (84176)
অহিংসানিরতা যে চ যে চ সত্যব্রতা নরাঃ।
দান্তাঃ শমপরাশ্চৈব তান্নমস্যামি কেশব॥ 13-66-19 (84177)
দেবতাতিথিপূজায়াং যুক্তা যে গৃহমেধিনঃ।
কপোতবৃত্তয়ো নিত্যং তান্নমস্যামি যাদব॥ 13-66-20 (84178)
যেষাং ত্রিবর্গঃ কৃত্যেষু বর্ততে নোপহীয়তে।
শিষ্টাচারপ্রবৃত্তাশ্চ তান্নমস্যাম্যহং সদা॥ 13-66-21 (84179)
ব্রাহ্মণাঃ শ্রুতসম্পন্না যে ত্রিবর্গমনুষ্ঠিতাঃ।
অলোলুপাঃ পুণ্যশীলাস্তান্নমস্যামি কেশব॥ 13-66-22 (84180)
`অবন্ধ্যকালা যেঽলুব্ধাস্ত্রিবর্গে সাধনেষু চ।
বিশিষ্টাচারয়ুক্তাশ্চ নারায়ণ নমামি তান্॥' 13-66-23 (84181)
অব্ভক্ষা বায়ুভক্ষাশ্চক সুধাভক্ষাশ্চ যে সদা।
ব্রতৈশ্চ বিবিধৈর্যুক্তাস্তান্নমস্যামি মাধব॥ 13-66-24 (84182)
অয়োনীনগ্নিয়োনীংশ্চ ব্রহ্ময়োনীংস্তথৈব চ।
সর্বভূতাত্ময়োনীংশ্চ তান্নমস্যাম্যহং সদা॥ 13-66-25 (84183)
নিত্যমেতান্নমস্যামি কৃষ্ণ লোককরানৃষীন্।
লোকজ্যেষ্ঠান্কুলজ্যেষ্ঠাংস্তমোঘ্নঁল্লোকভাস্করান্॥ 13-66-26 (84184)
তস্মাত্ৎবমপি বার্ষ্ণেয় দ্বিজান্পূজয় নিত্যদা।
পূজিতাঃ পূজনার্হা হি সুখং দাস্যন্তি তেঽনঘ॥ 13-66-27 (84185)
অস্মিঁল্লোকে সদা হ্যেতে পরত্র চ সুখপ্রদাঃ।
চরন্তে মান্যমানা বৈ প্রদাস্যন্তি সুখং তব॥ 13-66-28 (84186)
যে সর্বাতিথয়ো নিত্যং গোষু চ ব্রাহ্মণেষু চ।
নিত্যং সত্যে চাভিরতা দুর্গাণ্যতিতরন্তি তে॥ 13-66-29 (84187)
নিত্যং শমপরা যে চ তথা যে চানসূয়কাঃ।
নিত্যস্বাধ্যায়িনো যে চ দুর্গাণ্যতিতরন্তি তে॥ 13-66-30 (84188)
সর্বান্দেবান্নমস্যন্তি য চৈকং বেদমাশ্রিতাঃ।
শ্রদ্দধানাশ্চ দান্তাশ্চ দুর্গাণ্যতিতরন্তি তে॥ 13-66-31 (84189)
তথৈব বিপ্রপ্রবরান্নমস্কৃত্য যতব্রতাঃ।
ভবন্তি যে দানরতা দুর্গাণ্যতিতরন্তি তে॥ 13-66-32 (84190)
তপস্বিনশ্চ যে নিত্যং কৌমারব্রহ্মচারিণঃ।
তপসা ভাবিতাত্মানো দুর্গাণ্যতিতরন্তি তে॥ 13-66-33 (84191)
দেবতাতিথিভৃত্যানাং পিতৄণাং চার্চনে রতাঃ।
শিষ্টান্নভোজিনো যে চ দুর্গাণ্যতিতরন্তি তে॥ 13-66-34 (84192)
অগ্নিমাধায় বিধিবৎপ্রণতা ধারয়ন্তি যে।
প্রাপ্তঃ সোমাহুতিং চৈব দুর্গাণ্যতিতরন্তি তে॥ 13-66-35 (84193)
মাতাপিত্রোর্গুরুষু চ সম্যগ্বর্তন্তি যে সদা।
যথা ৎবং বৃষ্ণিশার্দূলেত্যুক্ৎবৈবং বিররাম সঃ॥ 13-66-36 (84194)
তস্মাত্ৎবমপি কৌন্তেয় পিতৃদেবদ্বিজাতিথীন্।
সম্যক্পূজয়সে নিত্যং গতিমিষ্টামবাপ্স্যসি॥ ॥ 13-66-37 (84195)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্ষষ্টিতমোঽধ্যায়ঃ॥ 66 ॥
Mahabharata - Anushaasana Parva - Chapter Footnotes
7-66-1 মানবৈর্ভরতর্ষভেতি ঝ.থ.ধ.পাঠঃ॥ 7-66-4 তেষু মানবেষু বহুমানপরঃ সন্ কান্নমস্যপ্তীতি যোজ্যম্॥ 7-66-8 মহার্হান্ মহান্ অর্হঃ পূজা যেষাম্, অতিপূজ্যানিত্যর্থঃ॥ 7-66-9 অবিকত্থনাঃ শ্লাঘাহীনাঃ॥ 7-66-10 সত্যং ধর্মং চ যজন্তি পূজয়ন্তি। ক্ষিতিং গাশ্চ যজন্তি ব্রাহ্মণেভ্যঃ প্রয়চ্ছন্তি। যজ দেবপূজাসঙ্গতিকরণদানেষু। সস্যং ধনং ক্ষিতিমিতি থ.ধ পাঠঃ॥ 7-66-14 আপৃষ্ঠতাপান্ যাবন্মধ্যাহ্নম্॥ 7-66-15 স্বাধ্যায়ে ব্রহ্ময়জ্ঞে মন্ত্রজপে বা॥ 7-66-18 নির্হ্রীকা নিষ্প্রয়োজনাঃ ইতি ঝ.পাঠঃ। নির্হ্রীকাঃ দিগ্ম্বরাঃ॥ 7-66-20 কপোতবৃত্তয়ঃ কণশ আদায় যে সঙ্গ্রহং ন কুর্বন্তীত্যর্থঃ॥ 7-66-21 ত্রিবর্গো ধর্মার্থকামাঃ। কৃত্যেষু কর্তুং যোগ্যেষু কর্মসু বর্ততে উত্তমমধ্যমাধমভাবেন বর্ততে নতু হীয়তে অধমমধ্যমোত্তমভাবেনেত্যর্থঃ॥ 7-66-24 সুধা বৈশ্বদেবশেষঃ॥ 7-66-25 অয়োনীন্ অকৃতদারান্। অগ্নিয়োনীন্ দারাগ্নিহোত্রয়ুতান্। ব্রহ্মণো বেদস্য যোনীন্ আশ্রয়ভূতান্। অব্যোনীনগ্নিয়োনীংশ্চেতি থ.ধ. পাঠঃ॥ 7-66-26 লোকজ্যেষ্ঠাঞ্জ্ঞাননিষ্ঠানিতি থ.ধ. পাঠঃ॥ 7-66-31 স্বাধ্যায়ে সর্বে যজ্ঞা অন্তর্ভবন্তীত্যর্থঃ॥অনুশাসনপর্ব - অধ্যায় 067
॥ শ্রীঃ ॥
13.67. অধ্যায়ঃ 067
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি শরণাগতরক্ষণফলপ্রতিপাদকশ্যেনকপোতোপাখ্যানকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
পিতামহ মহাপ্রাজ্ঞ সর্বশাস্ত্রবিশারদ।
ৎবত্তোঽহং শ্রোতুমিচ্ছামি ধর্মং ভরতসত্তম॥ 13-67-1 (84196)
শরণাগতং যে রক্ষন্তি ভূতগ্রামং চতুর্বিধম্।
কিং তস্য ভরতশ্রেষ্ঠ ফলং ভবতি তত্ৎবতঃ॥ 13-67-2 (84197)
ভীষ্ম উবাচ। 13-67-3x (6998)
ইদং শৃণু মহাপ্রাজ্ঞ ধর্মপুত্র মহায়শঃ।
ইতিহাসং পুরাবৃত্তং শরণার্থং মহাফলম্॥ 13-67-3 (84198)
প্রপাত্যমানঃ শ্যেনেন কপোতঃ প্রিয়দর্শনঃ।
বৃষদর্ভং মহাভাগং নরেন্দ্রং শরণং গতঃ॥ 13-67-4 (84199)
স তং দৃষ্ট্বা বিশুদ্ধাত্মা ত্রাসাদঙ্কমুপাগতম্।
আশ্বাস্যাশ্বসিহীত্যাহ ন তেঽস্তি ভয়মণ্ডজ॥ 13-67-5 (84200)
ভয়ং তে সুমহৎকস্মাৎকুত্র কিং বা কৃতং ৎবয়া।
যেন ৎবমিহ সম্প্রাপ্তো বিসংজ্ঞো ভ্রান্তচেতনঃ॥ 13-67-6 (84201)
নবনীলোৎপলাপীড চারুবর্ণ সুদর্শন।
দাডিমাশোকপুষ্পাক্ষ মা ত্রসস্বাভয়ং তব॥ 13-67-7 (84202)
মৎসকাশমনুপ্রাপ্তং ন ৎবাং কশ্চিৎসমুৎসহেৎ।
মনসা গ্রহণং কর্তুং রক্ষাধ্যক্ষপুরস্কৃতম্॥ 13-67-8 (84203)
কাশিরাজ্যং তদদ্যৈব ৎবদর্তং জীবিতং তথা।
ত্যজেয়ং ভব বিস্রব্ধঃ কপোত ভয়ং তব॥ 13-67-9 (84204)
শ্যেন উবাচ। 13-67-10x (6999)
মমৈতদ্বিহিতং ভক্ষ্যং ন রাজংস্ত্রাতুমর্হসি।
অতিক্রান্তং চ প্রাপ্তং চ প্রয়ত্নাচ্চোপপাদিতম্॥ 13-67-10 (84205)
মাংসং চ রুধইরং চাস্য মজ্জা মেদশ্চ মে হিতম্।
পরিতোষকরো হ্যেষ মম মাঽস্যাগ্রতো ভব॥ 13-67-11 (84206)
তৃষ্ণা মে বাধতেঽত্যুগ্রা ক্ষুধা নির্দহতীব মাম্।
মুঞ্চৈনং নহি শক্ষ্যামি রাজন্মন্দয়িতুং ক্ষুধাম্॥ 13-67-12 (84207)
ময়া হ্যনুসৃতো হ্যেষ মৎপক্ষনখবিক্ষতঃ।
কিঞ্চিদুচ্ছ্বাসনিঃশ্বাসং ন রাজন্গোপ্তুমর্হসি॥ 13-67-13 (84208)
যদি স্ববিষয়ে রাজন্প্রভুস্ৎবং রক্ষণে নৃণাম্।
খেচরস্য তৃষার্তস্য ন ৎবং প্রভুরথোত্তম॥ 13-67-14 (84209)
যদি বৈরিষু ভৃত্যেষু স্বজনব্যবহারয়োঃ।
বিষয়েষ্বিন্দ্রিয়াণাং চ আকাশে মা পরাক্রম॥ 13-67-15 (84210)
প্রভুৎবং হি পরাক্রম্য সম্যক্ পক্ষহরেষু তে।
যদি ৎবমিহ ধর্মার্থী মামপি দ্রষ্টুমর্হসি॥ 13-67-16 (84211)
ভীষ্ম উবাচ। 13-67-17x (7000)
শ্রুৎবা শ্যেনস্য তদ্বাক্যং রাজর্ষির্বিস্ময়ং গতঃ।
সম্ভাব্য চৈনং তদ্বাক্যং তদর্থী প্রত্যভাষত॥ 13-67-17 (84212)
রাজোবাচ। 13-67-18x (7001)
গোবৃষো বা বরাহো বা মৃগো বা মহিষোপি বা।
ৎবদথর্মদ্য ক্রিয়তাং ক্ষুধাপ্রশমনায় তে॥ 13-67-18 (84213)
শরণাগতং ন ত্যজেয়মিতি মে ব্রতমাহিতম্।
ন মুঞ্চতি মমাঙ্গানি দ্বিজোঽয়ং পশ্য বৈ দ্বিজ॥ 13-67-19 (84214)
শ্যেন উবাচ। 13-67-20x (7002)
ন বরাহং ন চোক্ষাণং ন চান্যান্বিবিধান্দ্বিজান্
ভক্ষয়ামি মহারাজ কিমন্নাদ্যেন তেন মে॥ 13-67-20 (84215)
যস্তু মে বিহিতো ভক্ষ্যঃ স্বয়ং দেবৈঃ সনাতনঃ।
শ্যেনাঃ কপোতান্খাদন্তি স্তিতিরেষা সনাতনী॥ 13-67-21 (84216)
উশীনর কপোতে তু যদি স্নেহস্তবানঘ।
ততস্ৎবং মে প্রয়চ্ছাদ্য স্বমাংসং তুলয়া ধৃতম্॥ 13-67-22 (84217)
রাজোবাচ। 13-67-23x (7003)
মহাননুগ্রহো মেঽদ্য যস্ৎবমেবমিহাত্থ মাম্।
বাঢমেব করিষ্যামীত্যুক্ৎবাঽসৌ রাজসত্তমঃ॥ 13-67-23 (84218)
উৎকৃত্যোৎকৃত্য মাংসানি তুলয়া সমতোলয়ৎ।
অন্তঃপুরে ততস্তস্য স্ত্রিয়ো রত্নবিভূষিতাঃ॥ 13-67-24 (84219)
হাহাভূতা বিনিষ্ক্রান্তাঃ শ্রুৎবা পরমদুঃখিতাঃ।
তাসাং রুদিতশব্দেন মন্ত্রিভৃত্যজনস্য চ॥ 13-67-25 (84220)
বভূব সুমহান্নাদো মেঘগম্ভীরনিঃস্বনঃ।
নিরুদ্ধং গগনং সর্বং ব্যভ্রং মেঘৈঃ সমন্ততঃ॥ 13-67-26 (84221)
মহী প্রচলিতা চাসীত্তস্য সত্যেন কর্মণা॥ 13-67-27 (84222)
স রাজা পার্শ্বতশ্চৈব বাহুভ্যামূরুতশ্চ যৎ।
তানি মাংসানি সঞ্ছিদ্য তুলাং পূরয়তেঽশনৈঃ।
তথাপি ন সমস্তেন কপোতেন বভূব হ॥ 13-67-28 (84223)
অস্থিভূতো যদা রাজা নির্মাংসো রুধিরস্রবঃ।
তুলাং ততঃ সমারূঢঃ স্বং মাংসক্ষয়মুৎসৃজন্॥ 13-67-29 (84224)
ততঃ সেন্দ্রাস্ত্রয়ো লোকাস্তং নরেন্দ্রমুপস্থিতাঃ।
র্ভর্যশ্চাকাশগৈস্তত্র বাদিতা দেবদুন্দুভিঃ॥ 13-67-30 (84225)
অমৃতেনাবসিক্তশ্চ বৃষদর্ভো নরেশ্বরঃ।
দিব্যৈশ্চ সুসুখৈর্মাল্যৈরভিবৃষ্টঃ পুনঃপুনঃ॥ 13-67-31 (84226)
দেবগন্ধর্বসন্ঘাতৈরপ্সরোভিশ্চ সর্বতঃ।
নৃত্তশ্চৈবোপগীতশ্চ পিতামহ ইব প্রভুঃ॥ 13-67-32 (84227)
হেমপ্রাসাদসম্বাধং মণিকাঞ্চনতোরণম্।
সবৈডূর্যমণিস্তম্ভং বিমানং সমধিষ্ঠিতঃ॥ 13-67-33 (84228)
স রাজর্ষির্গতঃ স্বর্গং কর্মণা তেন শাশ্বতম্।
শরণাগতেষু চৈবং ৎবং কুরু সর্বং যুধিষ্ঠির॥ 13-67-34 (84229)
ভক্তানামনুরক্তানামাশ্রিতানাং চ রক্ষিতা।
দয়াবান্সর্বভূতেষু পরত্র সুখমেধতে॥ 13-67-35 (84230)
সাধুবৃত্তো হি যো রাজা সদ্বৃত্তমনুতিষ্ঠতি।
কিং ন প্রাপ্তং ভবেত্তেনি স্বব্যাজেনেহ কর্মণা॥ 13-67-36 (84231)
স রাজর্ষির্বিশুদ্ধাত্মা ধীরঃ সত্যপরাক্রমঃ।
কাশীনামীশ্বরঃ খ্যাতস্ত্রিষু লোকেষু কর্মণা॥ 13-67-37 (84232)
যোঽপ্যন্যঃ কারেয়দেবং শরণাগতরক্ষণম্।
সোপি গচ্ছেত তামেব গতিং ভরতসত্তম॥ 13-67-38 (84233)
ইদং বৃত্তং হি রাজর্ষে বৃষদর্ভস্য কীর্তয়ন্।
পূতাত্মা বৈ ভবেল্লোকে শৃণুয়াদ্যশ্চ নিত্যশঃ॥ ॥ 13-67-39 (84234)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তষষ্টিতমোঽধ্যায়ঃ॥ 67 ॥
Mahabharata - Anushaasana Parva - Chapter Footnotes
7-67-4 প্রাত্যমান আকশাদিতি শেষঃ। বৃষদর্ভমৌশীনরং শিবিম্॥ 7-67-7 নবং নীলং চ যদুৎপলং লস্যাঽঽপীড ইবালঙ্কারভূত॥ 7-67-10 অতিক্রান্তং গৎপ্রায়জবিতম্॥ 7-67-15 যদি বৈর্যাদিষু পরাক্রমসে তদ্যুক্তং ন ৎবাকাশে আকাশচারিষু॥ 7-67-16 পক্ষহরেষ্বাজ্ঞাভঙ্গিষু শত্রুষু॥ 7-67-17 তদথীং কপোতার্থী॥ 7-67-19 দ্বিজঃ পক্ষী॥ 7-67-28 অশনৈঃ শীঘ্রম্॥ 7-67-29 মাংসক্ষয়ং মাংসালয়ং শরীরম্॥ 7-67-32 নৃত্তঃ নৃত্যেন তোপিতঃ। এবমুপগীতঃ॥ 7-67-36 সাধুবৃত্তঃ সুশীলঃ। সদ্বৃত্তং শিষ্টাচারম্। স্বব্যাজেন সুতরাং নষ্কপটেন॥অনুশাসনপর্ব - অধ্যায় 068
॥ শ্রীঃ ॥
13.68. অধ্যায়ঃ 068
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রাহ্মণমহিমকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কিং রাজ্ঞঃ সর্বকৃত্যানাং গরীয়ঃ স্যাৎপিতামহ।
কুর্বন্কিং কর্ম নৃপতিরুভৌ লোকৌ সমশ্রুতে 13-68-1 (84235)
ভীষ্ম উবাচ। 13-68-2x (7004)
এতদ্রাজ্ঞঃ কৃত্যতমমভিষিক্তস্য ভারত।
ব্রাহ্মণানাং রক্ষণং চ পূজা চ সুখমিচ্ছতঃ॥ 13-68-2 (84236)
কর্তব্যং পার্থিবেন্দ্রেণ তথৈব ভরতর্ষভ।
শ্রোত্রিয়ান্ব্রাহ্মণান্বৃদ্ধান্নিত্যমেবাভিপূজয়েৎ॥ 13-68-3 (84237)
পৌরজানপদাংশ্চাপি ব্রাহ্মণাংশ্চ বহুশ্রুতান্।
সাংৎবেন ভোগদানেন নমস্কারৈঃ সদাঽর্চয়েৎ॥ 13-68-4 (84238)
এতৎকৃত্যতমং রাজ্ঞো নিত্যমেবোপলক্ষয়েৎ।
যথাঽঽত্মানং যথা পুত্রাংস্তথৈতান্প্রতিপালয়েৎ॥ 13-68-5 (84239)
যে চাপ্যেষাং পূজ্যতমাস্তান্দৃঢং প্রতিপূজয়েৎ।
তেষু শান্তেষু তদ্রাষ্ট্রং সর্বমেব বিরাজতে॥ 13-68-6 (84240)
তে পূজ্যাস্তে নমস্কার্যা মান্যাস্তে পিতরো যথা।
তেষ্বেব যাত্রা লোকানাং ভূতানামিব বাসবে॥ 13-68-7 (84241)
অভিচারৈরুপায়ৈশ্চ দহেয়ুরপি চেতসা।
নিঃশেপং কুপিতাঃ কুর্যুরুগ্রাঃ সত্যপরাক্রমাঃ। 13-68-8 (84242)
নান্তমেষাং প্রপশ্যামি ন দিশশ্চাপ্যপাবৃতাঃ।
কুপিতাঃ সমুদীক্ষন্তে দাবেষঅবগ্নিশিখা ইব॥ 13-68-9 (84243)
`মান্যাস্তেষাং সাধবো যে ন নিন্দ্যাশ্চাপ্যসাধবঃ'।
বিভ্যত্যেষাং সাহসিকা গুণাস্তেষামতীব হি।
কূপা ইব তৃণচ্ছন্না বিশুদ্ধা দ্যৌরিবাপরে॥ 13-68-10 (84244)
প্রসহ্যকারিণঃ কেচিৎকার্পাসমৃদবোঽপরে।
সন্তি চৈষামতিশঠাস্তথৈবান্যে তপস্বিনঃ॥ 13-68-11 (84245)
কৃষিগোরক্ষ্যমপ্যেকে ভৈক্ষ্যমন্যেঽপ্যনুষ্ঠিতাঃ।
চোরাশ্চান্যেঽনৃতাশ্চান্যে তথাঽন্যে নটনর্তকাঃ॥ 13-68-12 (84246)
সর্বকর্মসহাশ্চান্যে পার্থিবেষ্বিতরেষু চ।
বিবিধাচারয়ুক্তাশ্চ ব্রাহ্মণা ভরতর্ষভ॥ 13-68-13 (84247)
নানাকর্মসু রক্তানাং বহুকর্মোপজীবিনাম্।
ধর্মজ্ঞানাং সতাং তেষাং নিত্যমবোনুকীর্তয়েৎ 13-68-14 (84248)
পিতৄণাং দেবতানং চ মনুষ্যোরগরক্ষসাম্।
পুরাঽপ্যেতে মহাভাগা ব্রাহ্মণা বৈ জনাধিপ॥ 13-68-15 (84249)
নৈতে দেবৈর্ন পিতৃভির্ন গন্ধর্বৈর্ন রাক্ষসৈঃ।
নাসুরৈর্ন পিশাচৈশ্চ শক্যা জেতুং দ্বিজাতয়ঃ॥ 13-68-16 (84250)
অদৈবং দৈবতং কুর্যুর্দৈবতং চাপ্যদৈবতম্।
যমিচ্ছেয়ুঃ স রাজা স্যাদ্যং দ্বিষ্যুঃ স পরাভবেৎ॥ 13-68-17 (84251)
পরিবাদং চ যে কুর্যুর্ব্রাহ্মণানামচেতসঃ।
সত্যং ব্রবীমি তে রাজন্বিনশ্যেয়ুর্ন সংশয়ঃ॥ 13-68-18 (84252)
নিন্দাপ্রশংসাকুশলাঃ কীর্ত্যকীর্তিপরায়ণাঃ।
পরিকুপ্যন্তি তে রাজন্সততং দ্বিষতাং দ্বিজাঃ॥ 13-68-19 (84253)
ব্রাহ্মণা যং প্রশংসন্তি পুরুষঃ স প্রবর্ধতে।
ব্রাহ্মণৈর্যঃ পরাকৃষ্টঃ পরাভূয়াৎক্ষণাদ্ধি সঃ॥ 13-68-20 (84254)
শকা যবনকাম্ভোজাস্তাস্তাঃ ক্ষত্রিয়জাতয়ঃ।
বৃষলৎবং পরিগতা ব্রাহ্মণানামদর্শনাৎ॥ 13-68-21 (84255)
দ্রাবিডাশ্চ কলিঙ্গাশ্চ পুলিন্দাশ্চাপ্যুশীনরাঃ।
কোলিসর্পা মহিপকাস্তাস্তাঃ ক্ষত্রিয়জাতয়ঃ॥ 13-68-22 (84256)
বৃপলৎবং পরিগতা ব্রাহ্মণানামদর্শনাৎ।
শ্রেয়ান্পরাজয়স্তেভ্যো ন জয়ো জয়তাংবর॥ 13-68-23 (84257)
যস্তু সর্বমিদং হন্যাদ্ব্রাহ্মণং চ ন তৎসমম্।
ব্রহ্মবধ্যা মহান্দোষ ইত্যাহুঃ পরমর্ষয়ঃ॥ 13-68-24 (84258)
পরিবাদো দ্বিজাতীনাং ন শ্রোতব্যঃ কথঞ্চন।
আসীতাধোমুখস্তূষ্ণীং সমুত্থায় ব্রজেত বা॥ 13-68-25 (84259)
ন স জাতো জনিষ্যো বা পৃথিব্যামিহ কশ্চন।
যো ব্রাহ্মণবিরোধেন সুখং জীবিতুমুৎসহেৎ॥ 13-68-26 (84260)
দুর্গ্রাহ্যো মুষ্টিনা বায়ুর্দুঃস্পর্শঃ পাণিনা শশী।
দুর্ধরা পৃথিবী মূর্ধ্না দুর্জয়া ব্রাহ্মণা ভুবি॥ ॥ 13-68-27 (84261)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টষষ্টিতমোঽধ্যায়ঃ॥ 68 ॥
Mahabharata - Anushaasana Parva - Chapter Footnotes
7-68-6 এষাং ব্রাহ্মণানাং মধ্যে॥ 7-68-7 বাসবে পর্জন্যে॥ 7-68-8 অভিচারৈঃ শ্যেনয়াগাদিভিঃ। উণয়ৈঃ কৌলিকশাস্ত্রপ্রসিদ্ধৈঃ। চেতসা সঙ্কল্পমাত্রেণ॥ 7-68-10 এষাং এভ্যঃ সাহসিকা অকার্যকারিণোঽণি বিভ্যতি কিমুন বিবেকিনঃ॥ 7-68-15 এতে পূজ্যা ইতি শেষঃ। যতো মহাভাগাঃ॥ 7-68-19 পরায়ণাঃ হেতবঃ॥অনুশাসনপর্ব - অধ্যায় 069
॥ শ্রীঃ ॥
13.69. অধ্যায়ঃ 069
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রাহ্মণমাহাত্ম্যপ্রতিপাদকপৃথ্বীবাসুদেবসংবাদানুবাদঃ॥ 1 ॥Mahabharata - Anushaasana Parva - Chapter Text
ভীষ্ম উবাচ।
ব্রাহ্মণানেব সততং ভৃশং সম্পরিপূজয়েৎ।
এতে হি সোমরাজান ঈশ্বরঃ সুখদুঃখয়োঃ॥ 13-69-1 (84262)
এতে ভোগৈরলঙ্কারৈরন্যৈশ্চৈব কিমিচ্ছকৈঃ।
সদা পূজ্যা নমস্কারৈ রক্ষ্যাশ্চ পিতৃবন্নৃপৈঃ।
ততো রাষ্ট্রায় শান্তির্হি ভূতানামিব বাসবাৎ॥ 13-69-2 (84263)
জ্ঞানবান্ব্রহ্মবর্চস্বী রাষ্ট্রে বৈ ব্রাহ্মণঃ শুচিঃ।
মহারথশ্চ রাজন্য এষ্টব্যঃ শত্রুতাপনঃ॥ 13-69-3 (84264)
ব্রাহ্মণং জাতিসম্পন্নং ধর্মজ্ঞং সংশিতব্রতম্।
বোজয়ীত গৃহে রাজন্ন তস্মাৎপরমস্তি বৈ॥ 13-69-4 (84265)
ব্রাহ্মণেভ্যো হবির্দত্তং প্রতিগৃহ্ণন্তি দেবতাঃ।
পিতরঃ সর্বভূতানাং নৈতেভ্যো বিদ্যতে পরম্॥ 13-69-5 (84266)
আদিত্যশ্চন্দ্রমা বিষ্ণুঃ সঙ্করোঽগ্নিঃ প্রজাপতিঃ।
সর্বে ব্রাহ্মণমাবিশ্য সদাঽন্নমুপভুঞ্জতে॥ 13-69-6 (84267)
ন তস্যাশ্নন্তি পিতরো যস্য বিপ্রা ন ভুঞ্জতে।
দেবাশ্চাপ্যস্য নাশ্নন্তি পাপস্য ব্রাহ্মণদ্বিষঃ॥ 13-69-7 (84268)
ব্রাহ্মণেষু তু তুষ্টেষু প্রীয়ন্তে পিতরঃ সদা।
তথৈব দেবতা রাজন্নাত্র কার্যা বিচারণা॥ 13-69-8 (84269)
তথৈব তেঽপি প্রীয়ন্তে যেষাং ভবতি তদ্ধবিঃ।
ন চ প্রেত্য বিনশ্যন্তি গচ্ছন্তি চ পরাং গতিম্॥ 13-69-9 (84270)
যেনয়েনৈব প্রীয়ন্তে পিতরো দেবতাস্তথা॥
তেনতেনৈব প্রীয়ন্তে পিতরো দেবতাস্তথা॥ 13-69-10 (84271)
ব্রাহ্মণাদেব তদ্ভূতং প্রভবন্তি যতঃ প্রজাঃ।
যতশ্চায়ং প্রভবতি প্রেত্য যত্র চ গচ্ছতি॥ 13-69-11 (84272)
বেদৈষ মার্গং স্বর্গস্য তথৈব নরকস্য চ।
আগতানাগতে চোমে ব্রাহ্মণো দ্বিপদাংবরঃ॥ 13-69-12 (84273)
ব্রাহ্মণো দ্বিপদাং শ্রেষ্ঠঃ স্বধর্মং চৈব বেদ যঃ।
যে চৈনমনুবর্তন্তে তে ন যান্তি পরাভবম্।
ন তে প্রেত্য বিনশ্যন্তি গচ্ছন্তি ন পরাভবম্॥ 13-69-13 (84274)
যদ্ব্রাহ্মণমুখাৎপ্রাপ্তং প্রতিগৃহ্ণন্তি বৈ বচঃ।
কৃতাত্মানো মহাত্মানস্তে ন যান্তি পরাভবম্॥ 13-69-14 (84275)
ক্ষত্রিয়াণাং প্রতপতাং তেজসা চ বলেন চ।
ব্রাহ্মণেষ্বেব শাম্যন্তি তেজাংসি চ বলানি চ॥ 13-69-15 (84276)
ভৃগবস্তালজঙ্ঘাংশ্চ নীপানাঙ্গিরসোঽজয়ন্।
ভরদ্বাজো বৈতহব্যানৈলাংশ্চ ভরতর্ষভ॥ 13-69-16 (84277)
চিত্রায়ুধাংশ্চাপ্যজয়ন্নেতে কৃষ্ণাজিনধ্বজাঃ।
প্রক্ষিপ্যাথ চ কুম্ভান্বৈ পারগামিনমারভেৎ॥ 13-69-17 (84278)
যৎকিংচিৎকথ্যতে লোকে শ্রূয়তে পঠ্যতেঽপি বা।
সর্বং তদ্ব্রাহ্মণেষ্বেব গূঢোঽগ্নিরিব দারুষু॥ 13-69-18 (84279)
অত্রাপ্যুদাহরন্তীমমিতিহাসং পুরাতনম্।
সংবাদং বাসুদেবস্য পৃথ্ব্যাশ্চ ভরতর্ষভ॥ 13-69-19 (84280)
বাসুদেব উবাচ। 13-69-20x (7005)
মাতরং সর্বভূতানাং পৃচ্ছে ৎবাং সংশয়ং শুভে।
কেনস্বিৎকর্মণা পাপং ব্যপোহতি নরো গৃহী॥ 13-69-20 (84281)
পৃথিব্যুবাচ। 13-69-21x (7006)
ব্রাহ্মণানেব সেবেত পবিত্রং হ্যেতদুত্তমম্।
ব্রাহ্মণান্সেবমানস্য রজঃ সর্বং প্রণশ্যতি।
ভূতো ভূতিরতঃ কীর্তিরতো বুদ্ধিঃ প্রজায়তে॥ 13-69-21 (84282)
মহারথশ্চ রাজন্য এষ্টব্যঃ শত্রুতাপনঃ।
ইতি মাং নারদঃ প্রাহ সততং সর্বভূতয়ে॥ 13-69-22 (84283)
ব্রাহ্মণং জাতিসম্পন্নং ধর্মজ্ঞং সংশিতং শুচিম্।
অপরেষাং পরেষাং চ পরেভ্যশ্চৈব যে পরে॥ 13-69-23 (84284)
ব্রাহ্মণা যং প্রশংসন্তি স মনুষ্যঃ প্রবর্ধতে।
অথ যো ব্রাহ্মণান্ক্রুষ্টঃ পরাভবতি সোচিরাৎ॥ 13-69-24 (84285)
যথা মহার্ণবে ক্ষিপ্ত আমলোষ্টো বিনশ্যতি।
তথা দুশ্চরিতং বিপ্রে পরাভাবায় কল্পতে॥ 13-69-25 (84286)
পশ্য চন্দ্রে কৃতং লক্ষ্ম সমুদ্রে লবণোদকম্।
তথা ভগসহস্রেণ মহেন্দ্রঃ পরিচিহ্নিতঃ॥ 13-69-26 (84287)
তেষামেব প্রভাবেন সহস্রনয়নো হ্যসৌ।
শতক্রতুঃ সমভবৎপশ্য মাধব যাদৃশম্॥ 13-69-27 (84288)
ইচ্ছন্কীর্তিং চ ভূতিং চ লোকাংশ্চ মধুসূদন।
ব্রাহ্মণানুমতে তিষ্ঠেৎপুরুষঃ শুচিরাত্মবান্॥ 13-69-28 (84289)
ভীষ্ম উবাচ। 13-69-29x (7007)
ইত্যেতদ্বচনং শ্রুৎবা মেদিন্যা মধূসূদনঃ।
সাধুসাধ্বিতি কৌরব্য মেদিনীং প্রত্যপূজয়ৎ॥ 13-69-29 (84290)
এতাং শ্রুৎবোপমাং পার্থ প্রয়তো ব্রাহ্মণর্ষভান্।
সততং পূজয়েথাস্ৎবং ততঃ শ্রেয়োঽভিপৎস্যসে॥ ॥ 13-69-30 (84291)
ইতি শ্রীমন্মহাভারতে অনুশাসনপর্বণি দানধর্মপর্বণি একোনসপ্ততিতমোঽধ্যায়ঃ॥ 69 ॥
Mahabharata - Anushaasana Parva - Chapter Footnotes
7-69-1 সোমো রাজা যেষাং তে সোমরাজানঃ॥ 7-69-2 প্রশ্নপূর্বকং যত্তদিষ্টং দীয়তে তৎকিমিচ্ছকম্॥ 7-69-6 চন্দ্রমা বায়ুরাপো ভূরম্বরং দিশঃ ইতি ঝ.পাঠঃ॥ 7-69-9 তেপি দাতারোপি। তৎ প্রদেয়ং দ্রব্যম্॥ 7-69-11 তদ্যজ্ঞাদিকম্। ভূতমুৎপন্নম্। ব্রাহ্মণো বেদ তদ্ভূতমিতি থ.ধ. পাঠঃ॥ 7-69-17 কুং পৃথিবীং ব্রাহ্মণায় প্রক্ষিপ্য দত্ৎবা পারগামিনং পরলোকহিতং কর্ম আরভেদাচরেৎ। ভানূ দীপ্তিং কুর্বন্নুভয়লোকে ইতি শেষঃ। পুরগামিনমাহরন্নিতি থ.পাঠঃ॥ 7-69-23 অপরে ব্রাহ্মণং সর্বভূতয়ে ইচ্ছেদিত্যাহুরিতি বিপরিণামেনানষঙ্গঃ॥ 7-69-24 ক্রুষ্টঃ ক্রোশতি। কর্তরি ক্তঃ॥অনুশাসনপর্ব - অধ্যায় 070
॥ শ্রীঃ ॥
13.70. অধ্যায়ঃ 070
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রাহ্মণমাহাত্ম্যকথনম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
জন্মনৈব মহাভাগো ব্রাহ্মণো নাম জায়তে।
নমস্যঃ সর্বভূতানামতিথিঃ প্রশ্রিতাগ্রভুক্॥ 13-70-1 (84292)
সর্বেষাং সুহৃদস্তাত ব্রাহ্মণাঃ সুমনোমুকাঃ।
`সর্বানেতে হনিষ্যন্তি ব্রাহ্মণা জাতমন্যবঃ।'
গীর্ভির্মঙ্গলয়ুক্তাভিরনুধ্যায়ন্তি পূজিতাঃ॥ 13-70-2 (84293)
সর্বান্নো দ্বিষতস্তাত ব্রাহ্মণা জাতমন্যবঃ।
গীর্ভির্দারুণয়ুক্তাভির্হন্যুশ্চৈতে হ্যপূজিতাঃ॥ 13-70-3 (84294)
অত্র গাথাঃ পুরা গীতাঃ কীর্তয়ন্তি পুরাবিদঃ।
সৃষ্ট্বা দ্বিজাতীন্ধাতা হি যথাপূর্বং সমাদধৎ॥ 13-70-4 (84295)
ন বোঽন্যদিহ কর্তব্যং কিঞ্চিদূর্ধ্বায়নং বিধি।
গুপ্তো গোপায়তে ব্রহ্মা শ্রেয়ো বস্তেন শোভনম্॥ 13-70-5 (84296)
স্বমেব কুর্বতাং কর্ম শ্রীর্বো ব্রাহ্মী ভবিষ্যতি।
প্রমাণং সর্বভূতানাং প্রগ্রহাশ্চ ভবিষ্যথ॥ 13-70-6 (84297)
ন শৌদ্রং কর্ম কর্তব্যং ব্রাহ্মণেন বিপশ্চিতা।
শৌদ্রং হি কুর্বতঃ কর্ম ব্রাহ্মী শ্রীরুপরুধ্যতে॥ 13-70-7 (84298)
শ্রীশ্চ বুদ্ধিশ্চ তেজশ্চ বিভূতিশ্চ প্রতাপিনী।
স্বাধ্যায়েনৈব মহাত্ম্যং বিপুলং প্রতিপৎস্যথ॥ 13-70-8 (84299)
হুৎবা চাহবনীয়স্থং মহাভাগ্যে প্রতিষ্ঠিতাঃ।
অগ্রভোজ্যাঃ প্রসূতীনাং শ্রিয়া ব্রাহ্ময়াঽনুকল্পিতাঃ 13-70-9 (84300)
শ্রদ্ধয়া পরয়া যুক্তা হ্যনভিদ্রোহলব্ধয়া।
দমস্বাধ্যায়নিরতাঃ সর্বান্কামানবাপ্স্যথ॥ 13-70-10 (84301)
যচ্চৈব মানুষে লোকে যচ্চ দেবেষু কিঞ্চন।
সর্বং বস্তপসা সাধ্যং জ্ঞানেন নিয়মেন চ॥ 13-70-11 (84302)
`যুষ্মৎসংমাননাং প্রীতিং পাবনৈঃ ক্ষত্রিয়া ভৃশম্।'
অমুত্রেহ সমায়ান্তি বৈশ্যশূদ্রাধিকাস্তথা॥ 13-70-12 (84303)
অরক্ষিতাশ্চ যুষ্মাভির্বিরুদ্ধা যান্তি বিপ্রবম্।
যুষ্মত্তেজোধৃতা লোকাস্তদ্রক্ষ্যথ জগত্ত্রয়ম্॥' 13-70-13 (84304)
ইত্যেবং ব্রহ্মগীতাস্তে সমাখ্যাতা ময়াঽনঘ।
বিপ্রানুকম্পার্থমিদং তেন প্রোক্তং হি ধীমতা॥ 13-70-14 (84305)
ভূয়স্তেষাং বলং মন্যে যথা রাজ্ঞস্তপস্বিনঃ।
দুরাসদাশ্চ চণ্ডাশ্চ তপসা ক্ষিপ্রকারিণঃ॥ 13-70-15 (84306)
সন্ত্যেষাং সিম্হসৎবাশ্চ ব্যাঘ্রসৎবাস্তথাঽপরে।
বরাহমৃগসৎবাশ্চ গজসৎবাস্তথাঽপরে॥ 13-70-16 (84307)
সর্পস্পর্শসমাঃ কেচিত্তথাঽন্যে মকরস্পৃশঃ।
বিভাষ্য ঘাতিনঃ কেচিত্তথা চক্ষুর্হণোঽপরে॥ 13-70-17 (84308)
সন্তি চাশীবিষসমাঃ সন্তি মন্দাস্তথাঽপরে।
বিবিধানীহ বৃত্তানি ব্রাহ্মণানাং যুধিষ্ঠির॥ 13-70-18 (84309)
মেকলা দ্রাবিডা লাটাঃ পৌণ্ড্রাঃ কান্বশিরাস্তথা।
শৌণ্ডিকা দরদা দার্বাশ্চোরাঃ শবরবর্বরাঃ॥ 13-70-19 (84310)
কিরাতা যবনাশ্চৈব তাস্তাঃ ক্ষত্রিয়জাতয়ঃ।
বৃষৎবমনুপ্রাপ্তা ব্রাহ্মণানামদর্শনাৎ॥ 13-70-20 (84311)
ব্রাহ্মণানাং পরিভবাদসুরাঃ সলিলেশয়াঃ।
ব্রাহ্মণানাং প্রসাদাচ্চ দেবাঃ স্বর্গনিবাসিনঃ॥ 13-70-21 (84312)
অশক্যং স্প্রষ্টুমাকাশমচাল্যো হিমবান্গিরিঃ।
অবার্যা সেতুনা গঙ্গা দুর্জয়া ব্রাহ্মমা ভুবি॥ 13-70-22 (84313)
ন ব্রাহ্মণবিরোধেন শক্যা শাস্তুং বসুন্ধরা।
ব্রাহ্মণা হি মহাত্মানো দেবানামপি দেবতাঃ॥ 13-70-23 (84314)
তান্পূজয়স্ব সততং দানেন পরিচর্যযা।
যদীচ্ছসি মহীং ভোক্তমিমাং সাগরমেখলাম্॥ 13-70-24 (84315)
প্রতিগ্রহেণ তেজো হি বিপ্রাণা শাম্যতেঽনঘ।
প্রতিগ্রহং যে নেচ্ছেয়ুস্তেঽপি রক্ষ্যাস্ৎবয়া নৃপ॥ ॥ 13-70-25 (84316)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্ততিতমোঽধ্যায়ঃ॥ 70 ॥
Mahabharata - Anushaasana Parva - Chapter Footnotes
7-70-1 জন্মনৈব সংস্কারাদ্যভাবেঽপি ব্রাহ্মণো নমস্য এব। প্রশ্রিতং পক্বমন্নং তৎস্বাগ্রে ভোক্তুমর্হঃ প্রশ্রিতাগ্রভুক্॥ 7-70-2 সুমনসাং দেবানাং মুখমিব ভূতাঃ সুমনোমুখাঃ॥ 7-70-3 নোঽস্মাকং দ্বিষতঃ শত্রূন্। তৈরপূজিতা ব্রাহ্মণা হন্যুরিতি সম্বন্ধঃ॥ 7-70-4 সমাদধৎ সমাধিং নিয়মং কৃতবান্॥ 7-70-5 ব্রহ্মা ব্রাহ্মণঃ। বঃ শোভনং শ্রেয়স্তেনৈব॥ 7-70-6 প্রগ্রহাঃ দমনক্ষভা রজ্জ্ব ইব॥ 7-70-7 শৌদ্রং কর্ম সেবা॥ 7-70-8 শ্রীশ্চেত্যাদেঃ শ্রিয়মিত্যাদিরর্থঃ॥ 7-70-9 আহৃবনীয়স্থং দেবতাগণং প্রসূতীনাং শিশুভ্যোঽপ্যগ্রে ভোজ্যং যেষাং তে। ব্রাহ্ম্যা শ্রিয়া বিদ্যযাঽনুকল্পিতাঃ পাত্রীভূতাঃ॥ 7-70-15 চণ্ডৎবাদিদোষবন্তোপি পূজ্যা এবেত্যর্থঃ॥ 7-70-17 কার্পাসমৃদবঃ কেচিদিতি থ. পাঠঃ॥ 7-70-20 অদর্শনাৎ অননুগ্রহাৎ॥অনুশাসনপর্ব - অধ্যায় 071
॥ শ্রীঃ ॥
13.71. অধ্যায়ঃ 071
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রাহ্মণমাহাত্ম্যপ্রতিপাদকশক্রশম্বরসংবাদানুবাদঃ॥ 1 ॥Mahabharata - Anushaasana Parva - Chapter Text
ভীষ্ম উবাচ।
অত্রাপ্যুদাহরন্তীমমিতিহাসং পুরাতনম্।
শক্রশম্বরসংবাদং তন্নিবোধ যুধিষ্ঠির॥ 13-71-1 (84317)
শক্রো হ্যজ্ঞাতরূপেণ জটী ভূৎবা সুবারুণঃ।
বিপ্ররূপং সমাস্থায় প্রশ্নং পপ্রচ্ছ শম্বরম্॥ 13-71-2 (84318)
কেন শম্বর বৃত্তেন স্বজাত্যানধিতিষ্ঠসি।
শ্রেষ্ঠং ৎবাং কেন মন্যন্তে তদ্বৈ প্রব্রূহি তত্ৎবতঃ॥ 13-71-3 (84319)
শম্বর উবাচ। 13-71-4x (7008)
নাসূয়ামি সদা বিপ্রান্ব্রাহ্মমেব চ মে মতম্।
শাস্ত্রাণি বদতো বিপ্রান্সংমন্যামি যথাসুখম্॥ 13-71-4 (84320)
শ্রুৎবা চ নাবজানামি নাপরাধ্যামি কর্হিচিৎ।
অভ্যর্চ্যাভ্যনুপৃচ্ছামি পাদৌ গৃহ্ণামি ধীমতাম্॥ 13-71-5 (84321)
তে বিস্রব্ধাঃ প্রভাষন্তে সংয়চ্ছন্তি চ মাং সদা।
প্রমত্তেষ্বপ্রমত্তোঽস্মি সদা সুপ্তেষু জাগৃমি॥ 13-71-6 (84322)
তে মাং শাস্ত্রপথে যুক্তং ব্রহ্মণ্যমনসূয়কম্।
সমাসিঞ্চতি শাস্তারঃ ক্ষৌদ্রং মধ্বিব মক্ষিকাঃ॥ 13-71-7 (84323)
যচ্চ ভাষন্তি সংতুষ্টাস্তচ্চ গৃহ্ণাম্যমায়যা।
সমাধিমাত্মনো নিত্যমনুলোমমচিন্তয়ম্॥ 13-71-8 (84324)
সোহং বাগগ্রমৃষ্টানাং রসানামবলেহকঃ।
স্বজাত্যানধিতিষ্ঠামি নক্ষত্রাণীব চন্দ্রমাঃ॥ 13-71-9 (84325)
এতৎপৃথিব্যামমৃতমেতচ্চক্ষুরনুত্তমম্।
যদ্ব্রাহ্মণমুখাচ্ছাস্ত্রমিহ শ্রুৎবা প্রবর্ততে॥ 13-71-10 (84326)
এতৎকারণমাজ্ঞায় দৃষ্ট্বা দেবাসুরং পুরা।
যুদ্ধং পিতা মে হৃষ্টাত্মা বিস্মিতঃ সমপদ্যত॥ 13-71-11 (84327)
দৃষ্ট্বা চ ব্রাহ্মণানাং তু মহিমানং মহাত্মনাম্।
পর্যপৃচ্ছৎকথমমী সিদ্ধা ইতি নিশাকরম্॥ 13-71-12 (84328)
সোম উবাচ। 13-71-13x (7009)
ব্রাহ্মণাস্তপসা সর্বে সিধ্যন্তে বাগ্বলাঃ সদা।
ভুজবীর্যাশ্চ রাজানো বাগস্ত্রাশ্চ দ্বিজাতয়ঃ॥ 13-71-13 (84329)
প্রবসন্বাপ্যধীয়ীত ব্রাহ্মীর্দুর্বসতীর্বসন্।
নির্মন্যুরপি নির্বাণো যতিঃ স্যাৎসমদর্শনঃ॥ 13-71-14 (84330)
অপি চ জ্ঞানসম্পন্নঃ সর্বান্বেদান্পিতুর্গৃহে।
শ্লাঘমান ইবাধীয়াদ্গ্রাম্য ইত্যেব তং বিদুঃ॥ 13-71-15 (84331)
ভূমিরেতৌ নিগিরতি সর্পো বিলশয়ানিব।
রাজানং চাপ্যযোদ্ধারং ব্রাহ্মণং চাপ্রবাসিনম্॥ 13-71-16 (84332)
অভিমানঃ শ্রিয়ং হন্তি পুরুষস্যাল্পমেধসঃ।
গর্ভেণ দুষ্যতে কন্যা গৃহবাসেন চ দ্বিজঃ॥ 13-71-17 (84333)
`বিদ্যাবিদো লোকবিদস্তপোদমসমন্বিতাঃ।
নিত্যপূজ্যাশ্চ বন্দ্যাশ্চ দ্বিজা লোকদ্বয়েচ্ছুভিঃ॥ 13-71-18 (84334)
ইত্যেতন্মে পিতা শ্রুৎবা সোমাদদ্ভুতদর্শনাৎ।
ব্রাহ্মণান্পূজয়ামাস তথৈবাহং মহাব্রতান্॥ 13-71-19 (84335)
ভীষ্ম উবাচ। 13-71-20x (7010)
শ্রুৎবৈতদ্বচনং শক্রো দানবেন্দ্রমুখাচ্চ্যুতম্।
দ্বিজান্সংম্পূজয়ামাস মহেন্দ্রৎবমবাপ চ॥ ॥ 13-71-20 (84336)
ইতি শ্রীমন্মহাভারতে অনুশাসনপর্বণি দানধর্মপর্বণি একসপ্ততিতমোঽধ্যায়ঃ॥ 71 ॥
Mahabharata - Anushaasana Parva - Chapter Footnotes
7-71-7 মাং ময়ি। মধু অমৃততুল্যাং বিদ্যাং সমাসিচ্চন্তি ক্ষৌদ্রং মধুপটলম্ মক্ষিকা মধ্বিবেত্যাবৃত্ত্যা যোজ্যম্॥ 7-71-8 সমাধিং ব্রাহ্মণেষু নিষ্ঠাম্॥ 7-71-9 বাগগ্রে জিহ্বাগ্রে মৃষ্টং বিদ্যামৃতং যেষাং ব্রাহ্মণানাম্। রসানামুক্তিসুধানাম্॥ 7-71-14 ব্রাহ্মর্বেদার্থাঃ দুর্বসতীঃ গুরুকুলবাসক্লেশাৎ। অপি অপিবা। সতি বৈরাগ্যে যতিঃ স্যাৎ॥ 7-71-15 পিতুর্গৃহে বেদাধ্যযনং নিন্দতি অপীতি॥ 7-71-16 অপ্রবাসিনং বেদার্থং গ্রামান্তরে বা সমকুর্বাণম্॥অনুশাসনপর্ব - অধ্যায় 072
॥ শ্রীঃ ॥
13.72. অধ্যায়ঃ 072
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি পাত্রলক্ষণাদিকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
অপূর্বং বা ভবেৎপাত্রমথবাঽপি চিরোষিতম্।
দূরাদভ্যাগতং বাঽপি কিং পাত্রং স্যাৎপিতামহ॥ 13-72-1 (84337)
ভীষ্ম উবাচ। 13-72-2x (7011)
ক্রিয়া ভবতি কেষাংচিদুপাংশুব্রতমুত্তমম্।
যো নো যাচেত যৎকিংচিৎসর্বং দদ্যাম ইত্যপি॥ 13-72-2 (84338)
অপীডয়ন্ভৃত্যবর্গমিত্যেবমনুশুশ্রুম।
পীডয়ন্ভৃত্যবর্গং হি আত্মানমপকর্ষতি॥ 13-72-3 (84339)
অপূর্বং চাপি যৎপাত্রং যচ্চাপি স্যাচ্চিরোষিতম্।
দূরাদভ্যাগতং চাপি তৎপাত্রং ন বিদুর্বুধাঃ॥ 13-72-4 (84340)
যুধিষ্ঠির উবাচ। 13-72-5x (7012)
অপীডয়া চ ভূতানাং ধর্মস্যাহিংসয়া তথা।
পাত্রং বিদ্যামতত্ৎবেন যস্মৈ দত্তং ন সন্তপেৎ॥ 13-72-5 (84341)
ভীষ্ম উবাচ। 13-72-6x (7013)
ঋৎবিক্পুরোহিতাচার্যাঃ শিষ্যসম্বন্ধিবান্ধবাঃ।
সর্বে পূজ্যাশ্চ মান্যাশ্চ শ্রুতবন্তোঽনসূয়কাঃ॥ 13-72-6 (84342)
অতোঽন্যথা বর্তমানাঃ সর্বে নার্হন্তি সৎক্রিয়াম্।
তস্মাদ্গুণৈঃ পরীক্ষেত পুরুষান্প্রণিধায় বৈ॥ 13-72-7 (84343)
অক্রোধঃ সত্যবচনমহিংসা দম আর্জবম্।
অদ্রোহোঽনভিমানশ্চ হ্রীস্তিতিক্ষা দমঃ শমঃ॥ 13-72-8 (84344)
যস্মিন্নোতানি দৃশ্যন্তে ন চাকার্যাণি ভারত।
স্বভাবতো নিবিষ্টানি তৎপাত্রং মানমর্হতি॥ 13-72-9 (84345)
তথা চিরোষিতং চাপি সম্প্রত্যাগতমেব চ।
অপূর্বং চৈব পূর্বং চ তৎপাত্রং মানমর্হতি॥ 13-72-10 (84346)
অপ্রামাণ্যং চ বেদানাং শাস্ত্রাণাং চাভিলঙ্ঘনম্।
অব্যবস্থা চ সর্বত্র এতন্নাশনমাত্মনঃ॥ 13-72-11 (84347)
ভবেৎপণ্ডিতমানী যো ব্রাহ্মণো বেদনিন্দকঃ।
আন্বীক্ষিকীং তর্কবিদ্যামনুরক্তো নিরর্থিকাং॥ 13-72-12 (84348)
হেতুবাদান্বুবন্সৎসু বিজেতাঽহেতুবাদকঃ।
আক্রোষ্টা চাতিবক্তা চ ব্রাহ্মণানাং সদৈবহি॥ 13-72-13 (84349)
সর্বাভিশঙ্কী মূঢশ্চ বালঃ কটুকবাগপি।
বোদ্ধব্যস্তাদৃশস্তাত নরং শ্বানং হি তং বিদুঃ॥ 13-72-14 (84350)
যথা শ্বা ভষিতুং চৈব হন্তু চৈবাবসজ্জতে।
এবং সম্ভাষণার্থায় সর্বশাস্ত্রবধায় চ।
`অল্পশ্রুতাঃ কুতর্কাশ্চ দৃষ্টাঃ সৃষ্টাঃ কুপণ্ডিতাঃ॥ 13-72-15 (84351)
শ্রুতিস্মৃতী চেতিহাসপুরাণারণ্যবেদিনঃ।
অনুরুন্ধ্যাদ্বহুজ্ঞাংশ্চ সারজ্ঞাশ্চৈব পণ্ডিতাঃ॥' 13-72-16 (84352)
লোকয়াত্রা চ দ্রষ্টব্যা ধর্মশ্চাত্মহিতানি চ।
এবং নরো বর্তমানঃ শাশ্বতীর্বর্ধতে সমাঃ॥ 13-72-17 (84353)
ঋণমুন্মুচ্য দেবানামৃষীণাং চ তথৈব চ।
পিতৄণামথ বিপ্রাণামতিথীনাং চ পঞ্চমম্॥ 13-72-18 (84354)
পর্যায়েণ বিমুক্তো যঃ সুনির্ণিক্তেন কর্মণা।
এবং গৃহস্থঃ কর্মাণি কুর্বন্ধর্মানন হীয়তে॥ ॥ 13-72-19 (84355)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিসপ্ততিতমোঽধ্যায়ঃ॥ 72 ॥
Mahabharata - Anushaasana Parva - Chapter Footnotes
7-72-2 কশ্চিদ্যজ্ঞার্থং কশ্চিৎ গুরুদক্ষিণার্থং কশ্চিৎকুটুম্বভরণার্থমিতি এবংরূপা ক্রিয়া কেষাংচিৎপাত্রৎবে প্রধানং ভবতি কেষাংচিদুষাংশুব্রতং মৌনং পারিব্রাজ্যমিতি। দদ্যামঃ দদাম ইত্যেব বক্তব্যং নৎবেতেষু কঞ্চিৎপ্রত্যাচক্ষীতেত্যর্থঃ॥ 7-72-5 দত্তং প্রদেয়বস্ৎবভিমানিনী দেবতা ন সন্তপেৎ। বিপ্রে বেদবিবর্জিতে। দীয়মানং রুদত্যন্নমিতি স্মৃতেঃ। অতঃ কস্তাদৃশ ইতি প্রশ্নঃ॥ 7-72-6 মুখ্যং পাত্রং বিশেষেণ শ্রুতবন্তোঽনসূয়কা ইতি॥ 7-72-10 তথা অক্রোধাদিগুণবিশিষ্টম্॥ 7-72-11 অপাত্রতাবীজমাহ অপ্রামাণ্যমিতি। আত্মনঃ পাত্রতায়া ইতি শেষঃ॥ 7-72-12 নিরর্থিকাং শ্রুতিবিরোধিৎবেন মোক্ষানুপয়োগিনীম্॥ 7-72-13 অহেতুবাদকঃ শাস্ত্রোক্তহেতুবাদবিরোধাৎ॥ 7-72-14 বোদ্ধব্যঃ অস্পৃশ্যৎবেনেতি শেষঃ॥ 7-72-17 ধর্মশ্চাত্মহিতায় চেতি থ.ধ.পাঠঃ॥ 7-72-18 দেবানামৃণং যজ্ঞেন ঋষীণাং বেদাধিগমেন পিতৄণাং প্রজোৎপাদনেন বিপ্রাণাং দানমানেনাঽতিথীনাং সম্যগাতিথ্যেন চোন্মুচ্যাঽপাকৃত্য কর্মাণি কুর্যন্নিত্যুত্তরেণান্বয়ঃ॥অনুশাসনপর্ব - অধ্যায় 073
॥ শ্রীঃ ॥
13.73. অধ্যায়ঃ 073
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি স্ত্রীস্বভাবপ্রতিপাদকনারদপঞ্চচূডাসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
স্ত্রীণাং স্বভাবমিচ্ছামি শ্রোতুং ভরতসত্তম।
স্ত্রিয়ো হি মূলং দোষাণাং লঘুচিত্তা হি তাঃ স্মৃতাঃ? 13-73-1 (84356)
ভীষ্ম উবাচ। 13-73-2x (7014)
অত্রাপ্যুদাহরন্তীমমিতিহাসং পুরাতনম্।
নারদস্য চ সংবাদং পুংশ্চল্যা পঞ্চচূডায়া॥ 13-73-2 (84357)
লোকাননুচরন্সর্বান্দেবর্ষির্নারদঃ পুরা।
দদর্শাপ্সরসং ব্রাহ্মীং পঞ্চচূডামনিন্দিতাম্॥ 13-73-3 (84358)
তাং দৃষ্ট্বা চারুসর্বাঙ্গীং পপ্রচ্চাপ্সরসং মুনিঃ।
সংশয়ো হৃদি কশ্চিন্মে ব্রূহি তন্মে সুমধ্যমে॥ 13-73-4 (84359)
এবমুক্তাঽথ সা বিপ্রং প্রত্যুবাচাথ নারদম্।
বিষয়ে সতি বক্ষ্যামি সমর্থাং মন্যসে চ মাম্॥ 13-73-5 (84360)
নারদ উবাচ। 13-73-6x (7015)
ন ৎবামবিষয়ে ভদ্রে নিয়োক্ষ্যামি কথঞ্চন।
স্ত্রীণাং স্বভাবমিচ্ছামি ৎবত্তঃ শ্রোতুং বরাননে॥ 13-73-6 (84361)
এতচ্ছ্রুৎবা বচস্তস্য দেবর্ষেরপ্সরোত্তমা।
প্রত্যুবাচ ন শক্ষ্যামি স্ত্রী সতী নিন্দিতুং স্ত্রিয়ঃ॥ 13-73-7 (84362)
বিদিতাস্তে স্ত্রিয়ো যাশ্চ যাদৃশাশ্চ স্বভাবতঃ।
ন মামর্হসি দেবর্ষে নিয়োক্তুং কার্য ঈদৃশে॥ 13-73-8 (84363)
তামুবাচ স দেবর্ষিঃ সত্যং বদ সুমধ্যমে।
মৃষাবাদে ভবেদ্দোষঃ সত্যে দোষো ন বিদ্যতে॥ 13-73-9 (84364)
ইত্যুক্তা সা কৃতমতিরভবচ্চারুহাসিনী।
স্ত্রীদোষাঞ্শাশ্বতান্সত্যান্ভাষিতুং সম্প্রচক্রমে॥ 13-73-10 (84365)
কুলীনা রূপবত্যশ্চ নাথবত্যশ্চ যোষিতঃ।
মর্যাদাসু ন তিষ্ঠন্তি স দোষঃ স্ত্রীষু নারদ 13-73-11 (84366)
ন স্ত্রীভ্যঃ কিঞ্চিদন্যদ্বৈ পাপীয়স্তরমস্তি বৈ।
স্ত্রিয়ো হি মূলং দোষাণাং তথা ৎবমপি বেত্থ হ॥ 13-73-12 (84367)
সমাজ্ঞাতানৃদ্ধিমতঃ প্রতিরূপান্বশে স্থিতান্।
পতীনন্তরমাসাদ্য নালং নার্যঃ পরীক্ষিতুম্॥ 13-73-13 (84368)
অসদ্ধর্মস্ৎবয়ং স্ত্রীণামস্মাকং ভবতি প্রভো।
পাপীয়সো নরান্যদ্বৈ লজ্জাং ত্যক্ৎবা ভজামহে॥ 13-73-14 (84369)
স্ত্রিয়ং হি যঃ প্রার্থয়তে সন্নিকর্ষং চ গচ্ছতি।
ঈষচ্চ কুরুতে সেবাং তমেবেচ্ছন্তি যোষিতঃ॥ 13-73-15 (84370)
অনর্থিৎবান্মনুষ্যাণাং ভয়াৎপরিজনস্য চ।
মর্যাদায়ামমর্যাদাঃ স্ত্রিয়স্তিষ্ঠন্তি ভর্তৃষু॥ 13-73-16 (84371)
নাসাং কশ্চিদগম্যোস্তি নাসাং বয়সি নিশ্চয়ঃ॥
বিরূপং রূপবন্তং বা পুমানিত্যেব ভুঞ্জতে॥ 13-73-17 (84372)
ন ভয়ান্নাপ্যনুক্রোশান্নার্থহেতোঃ কথঞ্চন।
ন জ্ঞাতিকুলসম্বন্ধাৎস্ত্রিয়স্তিষ্ঠন্তি ভর্তৃষু॥ 13-73-18 (84373)
যৌবনে বর্তমানানাং মৃষ্টাভরণবাসসাম্।
নারীণাং খৈরবৃত্তীনাং স্পৃহয়ন্তি কুলস্ত্রিয়ঃ॥ 13-73-19 (84374)
যাশ্চ শশ্বদ্বহুমতা রক্ষ্যন্তে দয়িতাঃ স্ত্রিয়ঃ।
অপি তাঃ সম্প্রসজ্জন্তে কুব্জান্ধজডবামনৈঃ॥ 13-73-20 (84375)
পঙ্গুষ্বথ চ দেবর্ষে যে চান্যে কুৎসিতা নরাঃ।
স্ত্রীণামগম্যো লোকেঽস্মিন্নাস্তি কশ্চিন্মহামুনে॥ 13-73-21 (84376)
যদি পুংসাং গতির্ব্রহ্মন্কথংচিন্নোপপদ্যতে।
অপ্যন্যোন্যং প্রবর্তন্তে ন হি তিষ্ঠন্তি ভর্তৃষু॥ 13-73-22 (84377)
`দুষ্টাচারাঃ পাপরতা অসত্যা মায়যা বৃতাঃ।
অদৃষ্টবুদ্ধিবহুলাঃ প্রায়েণেত্যবগম্যতাম্॥ 13-73-23 (84378)
অলাভাৎপুরুষাণাং হি ভয়াৎপরিজনস্য চ।
বধবন্ধভয়াচ্চাপি স্বয়ং গুপ্তা ভবন্তি তাঃ॥ 13-73-24 (84379)
চলস্বভাবা দুঃসেব্যা দুর্গ্রাহ্যা ভাবতস্তথা।
প্রাজ্ঞস্য পুরুষস্যেহ যথাভাবাস্তথা স্ত্রিয়ঃ॥ 13-73-25 (84380)
নাগ্নিস্তৃপ্যতি কাষ্ঠানাং নাপগানাং মহোদধিঃ।
নান্তকঃ সর্বভূতানাং ন পুংসাং বামলোচনাঃ॥ 13-73-26 (84381)
ইদমন্যচ্চ দেবর্ষে রহস্যং সর্বয়োষিতাম্।
দৃষ্ট্বৈব পুরুষং হ্যন্যং যোনিঃ প্রক্লিদ্যতে স্ত্রিয়াঃ॥ 13-73-27 (84382)
কামানামপি দাতারং কর্তারং মানসান্ৎবয়োঃ।
রক্ষিতারং ন মৃষ্যন্তি স্বভর্তারমসৎস্ত্রিয়ঃ॥ 13-73-28 (84383)
ন কামভোগান্বিপুলান্নালঙ্কারার্থসঞ্চয়ান্।
তথৈব বহুমন্বন্তে যথা রত্যামনুগ্রহম্॥ 13-73-29 (84384)
অন্তকঃ শমনো মৃত্যুঃ পাতালং বডবামুখম্।
ক্ষুরধারা বিষং সর্পো বহ্নিরিত্যেকতঃ স্ত্রিয়ঃ॥ 13-73-30 (84385)
যতশ্চ ভূতানি মহান্তি পঞ্চ
যতশ্চ লোকা বিহিতা বিধাত্রা।
যতঃ পুমাংসঃ প্রমদাশ্চ নির্মিতা-
স্ততশ্চ দোষাঃ প্রমদাসু নারদ॥ ॥ 13-73-31 (84386)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিসপ্ততিতমোঽধ্যায়ঃ॥ 73 ॥
Mahabharata - Anushaasana Parva - Chapter Footnotes
7-73-1 লঘুচিত্তাঃ বায়ুবৎ চলচিত্তাঃ॥ 7-73-3 ব্রাহ্মীং ব্রহ্মলোকস্থাম্॥ 7-73-5 বিষয়ে বক্তুং যোগ্যৎবে॥ 7-73-8 নিয়োক্তুং প্রশ্ন ঈদৃশে ইতি ট.থ.ধ.পাঠঃ॥ 7-73-10 কৃতমতিঃ বক্ষ্যামীতি কৃতনিশ্চয়াঽভবৎ॥ 7-73-22 গতিঃ প্রাপ্তিঃ। অন্যোন্যং কৃত্রিমলিঙ্গধারিণ্যো ভূৎবা মৈথুনার্থং প্রবর্তন্তে। এতচ্চ লোকপ্রসিদ্ধম্। ভর্তৃষু দূরস্থেষু ইতি শেষঃ। নহি তিষ্ঠন্তি ধৈর্যে ইতি শেষঃ॥ 7-73-24 ভয়াৎপরিভবস্য চেতি থ.ধ. পাঠঃ॥ 7-73-26 কাষ্ঠানাং কাষ্ঠৈঃ॥অনুশাসনপর্ব - অধ্যায় 074
॥ শ্রীঃ ॥
13.74. অধ্যায়ঃ 074
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি স্ত্রীণাং দুশ্চরিতকথনম্॥Mahabharata - Anushaasana Parva - Chapter Text
যুধিষ্ঠির উবাচ।
ইমে বৈ মানবা লোকে স্ত্রীষু সজ্জন্ত্যভীক্ষ্ণশঃ।
মোহেন পরমাবিষ্টা দেবদৃষ্টেন কর্মণা॥ 13-74-1 (84387)
স্ত্রিয়শ্চ পুরুষেষ্বেব প্রত্যক্ষং লোকসাক্ষিকম্।
অত্র মে সংশয়স্তীব্রো হৃদি সম্পরিবর্ততে॥ 13-74-2 (84388)
কথমাসাং নরাঃ সঙ্গং কুর্বতে কুরুনন্দনঃ।
স্ত্রিয়ো বাতেষু রজ্যন্তে বিরজ্যন্তে চ তাঃ পুনঃ॥ 13-74-3 (84389)
ইতি তাঃ পুরুষব্যাঘ্র কথং শক্যাস্তু রক্ষিতুম্।
প্রমদাঃ পুরুষেণেহ তন্মে ব্যাখ্যাতুমর্হসি॥ 13-74-4 (84390)
ভীষ্ম উবাচ। 13-74-5x (7016)
এৎবা হি স্বীয়মায়াভির্বঞ্চয়ন্তীহ মানবান্।
ন চাসাং মুচ্যতে কশ্চিৎপুরুষো হস্তমাগতঃ॥ 13-74-5 (84391)
গাবো নবতৃণানীব গৃহ্ণন্ত্যেতা নবন্নবম্॥ 13-74-6 (84392)
শম্বরস্য চ যা মায়া মায়া যা নমুচেরপি।
বলেঃ কুম্ভীনসেশ্চৈব সর্বাস্তাং যোষিতো বিদুঃ॥ 13-74-7 (84393)
হসন্তং প্রহসন্ত্যেতা রুদ্রন্তং প্ররুদন্তি চ।
অপ্রিয়ং প্রিয়বাক্যৈশ্চ গৃহ্ণতে কালয়োগতঃ॥ 13-74-8 (84394)
`যদি জিহ্বাসহস্রং স্যাজ্জীবেচ্চ শরদাং শতম্।
অনন্যকর্মা স্ত্রীদোষাননুক্ৎবা নিধনং ব্রজেৎ॥' 13-74-9 (84395)
উশনা বেদ যচ্ছাস্ত্রং যচ্চ বেদ বৃহস্পতিঃ।
স্ত্রী বুদ্ধ্যা ন বিশিষ্যেত তাস্তু রক্ষ্যাঃ কথং নরৈঃ॥ 13-74-10 (84396)
অনৃতং সত্যমিত্যাহুঃ সত্যং চাপি তথাঽনৃতম্।
ইতি যাস্তাঃ কথং বীর সংরক্ষ্যাঃ পুরুষৈরিহ।
`দোষাস্পদেঽশুচৌ দেহে হ্যাসাং সক্তাস্ৎবহো নরাঃ'॥ 13-74-11 (84397)
স্ত্রীণাং বুদ্ধ্যর্থনিষ্কর্ষাদর্থশাস্ত্রাণি শত্রুহন্।
বৃহস্পতিপ্রভৃতিভির্মন্যে সদ্ভিঃ কৃতানি বৈ॥ 13-74-12 (84398)
সংপূজ্যমানাঃ পুরুষৈর্বিকুর্বন্তি মনো নৃষু।
অপাস্তাশ্চ তথা রাজন্বিকুর্বন্তি মনঃ স্ত্রিয়ঃ॥ 13-74-13 (84399)
ইমাঃ প্রজা মহাপাহো ধার্মিক্য ইতি নঃ শ্রুতম্॥ 13-74-14 (84400)
সৎকৃতাসৎকৃতাশ্চাপি বিকুর্বন্তি মনঃ সদা।
কস্তাঃ শক্তো রক্ষিতুং স্যাদিতি মে সংশয়ো মহান্॥ 13-74-15 (84401)
তথা ব্রূহি মহাভাগ কুরূণাং বংশবর্ধন।
যদি শক্যা কুরুশ্রেষ্ঠ রক্ষা তাসাং কদাচন। 13-74-16 (84402)
কর্তুং বা কৃতপূর্বং বা তন্মে ব্যাখ্যাতুমর্হসি॥ ॥ 13-74-17 (84403)
ইতি শ্রীমন্মহাভারতে অনুশাসনপর্বণি দানধর্মপর্বণি চতুঃসপ্ততিতমোঽধ্যায়ঃ॥ 74 ॥
Mahabharata - Anushaasana Parva - Chapter Footnotes
7-74-7 কুহকানি চ বার্ষ্ণেয় সর্বাস্তা ইতি ট.থ.পাঠঃ॥ 7-74-13 এতাঃ পূজিতা দিক্কৃতা বা তুল্যবদ্বিকারং জনয়ন্তীত্যর্থঃ॥ 7-74-14 ইমাঃ স্ত্রীরূপাঃ ধার্মিক্য ইতি শ্রুতং সাবিত্র্যাদিষু দৃষ্টং চ॥অনুশাসনপর্ব - অধ্যায় 075
॥ শ্রীঃ ॥
13.75. অধ্যায়ঃ 075
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি স্ত্রীণাং পুরুষচিত্তপ্রমথনায় শক্তিশেষদানপূর্বকং ব্রহ্মণা সৃষ্টতয়া তদ্রক্ষণস্য দুষ্করৎবকথনম্॥ 1 ॥ স্ত্রীণাং রক্ষণস্য দুশ্শকৎবে দৃষ্টান্ততয়া বিপুলোপাখ্যানকথনারম্ভঃ॥ 2 ॥ গুরুণা স্বভার্বারক্ষণং নিয়ুক্তেন বিপুলনাম্না তদর্থং যোগেন তচ্ছরীরপ্রবেশঃ॥ 3 ॥Mahabharata - Anushaasana Parva - Chapter Text
ভীষ্ম উবাচ।
এবমেতন্মহাবাহো নাত্র মিথ্যাঽস্তি কিঞ্চন।
যথা ব্রবীষি কৌরব্য নারীং প্রতি জনাধিপ॥ 13-75-1 (84404)
অত্র তে বর্তয়িষ্যামি ইতিহাসং পুরাতনম্।
যথা রক্ষা কৃতা পূর্বং বিপুলেন মহাত্মনা॥ 13-75-2 (84405)
প্রমদাশ্চ যথা সৃষ্টা ব্রহ্মণা ভরতর্ষভ॥
যদর্থং তচ্চ তে তাত প্রবক্ষ্যামি নরাধিপ॥ 13-75-3 (84406)
ন হি স্ত্রীভ্যঃ পরং পুত্র পাপীয়ঃ কিঞ্চিদস্তি বৈ।
অগ্নির্হিঃ প্রমদা দীপ্তো মায়াশ্চ ময়জা বিভো।
ক্ষুরধারা বিষং সর্পো মৃত্যুরিত্যেকতঃ স্ত্রিয়ঃ॥ 13-75-4 (84407)
প্রজা ইমা মহাবাহো ধার্মিক্য ইতি নঃ শ্রুতম্।
স্বয়ং গচ্ছন্তি দেবৎবং ততো দেবানিয়াদ্ভয়ম্॥ 13-75-5 (84408)
অথাভ্যাগচ্ছন্দেবাস্তে পিতামহমরিংদম।
নিবেদ্য মানসং চাপি তূষ্ণীমাসন্নধোমুখাঃ॥ 13-75-6 (84409)
তেষামন্তর্গতং জ্ঞাৎবা দেবানাং স পিতামহঃ।
মানবানাং প্রমোহার্থং কৃত্যা নার্যোঽসৃজৎপ্রভুঃ॥ 13-75-7 (84410)
পূর্বসর্গে তু কৌন্তেয় সাধ্ব্যো নার্য ইহাভবন্।
অসাধ্ব্যস্তু সমুৎপন্নাঃ কৃত্যাঃ সর্গাৎপ্রজাপতেঃ 13-75-8 (84411)
তাভ্যঃ কামান্যথাকামং প্রাদাদ্ধি স পিতামহঃ।
তাঃ কামলুব্ধাঃ প্রমদাঃ প্রামথ্নন্ত নরান্সদা॥ 13-75-9 (84412)
ক্রোধং কামস্য দেবেশঃ সহায়ং চাসৃজৎপ্রভুঃ।
অসজ্জন্ত প্রজাঃ সর্বাঃ কামক্রোধবশঙ্গতাঃ॥ 13-75-10 (84413)
`দ্বিজানাং চ গুরূণাং চ মহাগুরুনৃপাদিনাম্।
ক্ষণস্ত্রীসঙ্গকামোত্থা যাতনাহো নিরন্তরা॥ 13-75-11 (84414)
অরক্তমনসাং নিত্যং ব্রহ্মচর্যামলাত্মনাম্।
তপোদমার্চনাধ্যানয়ুক্তানাং শুদ্ধিরুত্তমা॥' 13-75-12 (84415)
ন চ স্ত্রীণাং ক্রিয়াঃ কাশ্চিদিতি ধর্মো ব্যবস্থিতঃ।
নিরিন্দ্রিয়া হ্যশাস্ত্রাশ্চ স্ত্রিয়োঽনৃতমিতি শ্রুতিঃ॥ 13-75-13 (84416)
শয়্যাসনমলঙ্কারমন্নপানমনার্যতাম্।
দুর্বাগ্ভাবং রতিং চৈব দদৌ স্ত্রীভ্যঃ প্রজাপতিঃ॥ 13-75-14 (84417)
ন তাসাং রক্ষণং শক্যং কর্তুং পুংসাং কথঞ্চন।
অপি বিস্বকৃতা তাত কুতস্তু পুরুষৈরিহ॥ 13-75-15 (84418)
বাচা চ বধবন্ধৈর্বা ক্লেশৈর্বা বিবিধৈস্তথা।
ন শক্যা রক্ষিতুং নার্যস্তা হি নিত্যমসংয়তাঃ॥ 13-75-16 (84419)
ইদং তু পুরুষব্যাঘ্র পুরস্তাচ্ছ্রুতবানহম্।
যথা রক্ষা কৃতা পূর্বং বিপুলেন গুরুস্ত্রিয়াঃ॥ 13-75-17 (84420)
ঋষিরাসীন্মহাভাগো দেবশর্মেতি বিশ্রুতঃ।
তস্য ভার্যা রুচির্নাম রূপেণাসদৃশী ভুবি॥ 13-75-18 (84421)
তস্যা রূপেণ সম্মত্তা দেবগন্ধর্বদানবাঃ।
বিশেষেণ তু রাজেন্দ্র বৃত্রহা পাকশাসনঃ॥ 13-75-19 (84422)
নারীণাং চরিতজ্ঞশ্চ দেবশর্মা মহামতিঃ।
যথাশক্তি যথোস্সাহং ভার্যাং তামভ্যরক্ষত॥ 13-75-20 (84423)
পুরংদরং চ জানংশ্চ পরস্ত্রীকামচারিণম্।
তস্মাদ্যত্নেন ভার্যায়া রক্ষণং স চকার হ॥ 13-75-21 (84424)
স কদাচিদৃষিস্তাত যজ্ঞং কর্তুমনাস্তদা।
ভার্যাসংরক্ষণং কার্যং কথং স্যাদিত্যচিন্তয়ৎ॥ 13-75-22 (84425)
রক্ষাবিধানং মনসা স সঞ্চিন্ত্য মহাতপাঃ।
আহূয় দয়িতং শিষ্যং বিপুলং প্রাহ ভার্গবম্॥ 13-75-23 (84426)
যজ্ঞকারো গমিষ্যামি রুচিং চেমাং সুরেশ্বরঃ।
যতঃ প্রার্থয়তে নিত্যং তাং রক্ষস্ব যথাবলম্॥ 13-75-24 (84427)
অপ্রমত্তেন তে ভাব্যং সদা প্রতি পুরংদরম্।
স হি রূপাণি কুরুতে বিবিধানি ভৃগূত্তম॥ 13-75-25 (84428)
ভীষ্ম উবাচ। 13-75-26x (7017)
ইত্যুক্তো বিপুলস্তেন তপস্বী নিয়তেন্দ্রিয়ঃ।
সদৈবোগ্রতপা রাজন্নগ্র্যর্কসদৃশদ্যুতিঃ॥ 13-75-26 (84429)
ধর্মজ্ঞঃ সত্যবাদী চ তথেতি প্রত্যভাষত।
পুনশ্চেদং মহারাজ পপ্রচ্ছ প্রস্থিতং গুরুম্॥ 13-75-27 (84430)
কানি রূপাণি শক্রস্য ভবন্ত্যাগচ্ছতো মুনে।
বপুস্তেজশ্চ কীদৃগ্বৈ তন্মে ব্যাখ্যাতুমর্হসি॥ 13-75-28 (84431)
ভীষ্ম উবাচ। 13-75-29x (7018)
ততঃ স ভগবাংস্তস্মৈ বিপুলায় মহাত্মনে।
আচচক্ষে যথাতত্ৎবং মায়াং শক্রস্য ভারত॥ 13-75-29 (84432)
বহুমায়ঃ স বিপ্রর্ষে বলহা পাকশাসনঃ।
তাংস্তান্বিকুরুতে ভাবান্বহূনথ মুহুর্মুহুঃ॥ 13-75-30 (84433)
কিরীটী বজ্রধৃগ্ধন্বী মুকুটী বদ্ধকুণ্ডলঃ।
ভবত্যথ মুহূর্তেনি চণ্ডালসমদর্শনঃ॥ 13-75-31 (84434)
শিখী জটী চীরবাসাঃ পুনর্ভবতি পুত্রক।
বৃহচ্ছরীরশ্চ পনশ্চীরবাসাঃ পুনঃ কৃশঃ॥ 13-75-32 (84435)
গৌরং শ্যামং চ কৃষ্ণং চ বর্ণং বিকুরুতে পুনঃ।
বিরূপো রূপবাংশ্চৈব যুবা বৃদ্ধস্তথৈব চ॥ 13-75-33 (84436)
`প্রাজ্ঞো জডশ্চ মূকশ্চ হ্রস্বো দীর্ঘস্তথৈব চ।'
ব্রাহ্মণঃ ক্ষত্রিয়শ্চৈব বৈশ্যঃ শূদ্রস্তথৈব চ॥ 13-75-34 (84437)
প্রতিলোমোঽনুলোমশ্চ ভবত্যথ শতক্রতুঃ।
শুকবায়সরূপী চ হংসকোকিলরূপবান্॥ 13-75-35 (84438)
সিংহব্যাঘ্রগজানাং চ রূপং ধারয়তে পুনঃ।
দৈবং দৈত্যমথো রাজ্ঞাং বপুর্ধারয়তেঽপি চ॥ 13-75-36 (84439)
অকৃশো মায়ুভগ্রাঙ্গঃ শকুনির্বিকৃতস্তথা।
চতুষ্পাদ্বহুরূপশ্চ পুনর্ভবতি বালিশঃ॥ 13-75-37 (84440)
মক্ষিকামশকাদীনাং বপুর্ধারয়তেঽপি চ।
ন শক্যমস্য গ্রহণং কর্তুং বিপুল কেনচিৎ॥ 13-75-38 (84441)
অপি বিশ্বকৃতা তাত যেন সৃষ্টমিদং জগৎ।
পুনরন্তর্হিতঃ শক্রো দৃশ্যতে জ্ঞানচক্ষুষা॥ 13-75-39 (84442)
বায়ুভূতশ্চ স পুনর্দেবরাজো ভবত্যুতঃ।
এবংরূপাণি সততং কুরুতে পাকশাসনঃ।
তস্মাদ্বিপুল যত্নেন রক্ষেমাং তনুমধ্যমাম্॥ 13-75-40 (84443)
যথা রুচিং নবলিহেদ্দেবেন্দ্রো ভৃগুসত্তম।
ক্রতাবুপহিতে ন্যস্তং হবিঃ শ্বেব দুরাত্মবান্॥ 13-75-41 (84444)
এবমাখ্যায় স মুনির্যজ্ঞকারোঽগমত্তদা।
দেবশর্মা মহাভাগস্ততো ভরতসত্তম॥ 13-75-42 (84445)
বিপুলস্তু বচঃ শ্রুৎবা গুরোশ্চিন্তামুপেয়িবান্।
রক্ষাং চ পরমাং চক্রে দেবরাজান্মহাবলাৎ॥ 13-75-43 (84446)
কিন্নু শক্যং ময়া কর্তুং গুরুদারাভিরক্ষণে।
মায়াবী হি সুরেন্দ্রোসৌ দুর্ধর্ষশ্চাপি বীর্যবান্॥ 13-75-44 (84447)
নীপিধায়াশ্রমং শক্যো রক্ষিতুং পাকশাসনঃ।
উটজং বা তথা হ্যস্য নানাবিধসরূপতা॥ 13-75-45 (84448)
বায়ুরূপেণ বা শক্রো গুরুপত্নীং প্রধর্ষয়েৎ।
তস্মাদিমাং সম্প্রবিশ্য রুচিং স্থাস্যেহমদ্য বৈ॥ 13-75-46 (84449)
অথবা পৌরুষেণেয়ং ন শক্যা রক্ষিতুং ময়া।
বহুরূপো হি ভগবাঞ্ছ্রূয়তে পাকশাসনঃ॥ 13-75-47 (84450)
সোহং যোগবলাদেনাং রক্ষিষ্যে পাকশাসনাৎ।
গাত্রাণি গাত্রৈরস্যাহং সম্প্রবেক্ষ্যে হি রক্ষিতুম্॥ 13-75-48 (84451)
যদ্যুচ্ছিষ্টামিমাং পত্নীমদ্য পশ্যতি মে গুরুঃ।
শপ্স্যত্যসংশয়ং কোপাদ্দিব্যজ্ঞানো মহাতপাঃ॥ 13-75-49 (84452)
ন চেয়ং রক্ষিতুং শক্যা যথাঽন্যা প্রমদা নৃভিঃ।
মায়াবী হি সুরেন্দ্রোসাবহো প্রাপ্তোস্মি সংশয়ম্॥ 13-75-50 (84453)
অবশ্যং করণীয়ং হি গুরোরিহ হি শাসনম্।
যদি ৎবেতদহং কুর্যামাশ্চর্যং স্যাৎকৃতং ময়া॥ 13-75-51 (84454)
যোগেনাথ প্রবিশ্যেদং গুরুপত্ন্যাঃ কলেবরম্।
অসক্তঃ পদ্মপত্রস্থো জলবিন্দুর্যথা চলঃ॥ 13-75-52 (84455)
এবমেব শরীরে ঽস্যা নিবৎস্যামি সমাহিতঃ।
নির্মুক্তস্য রজোরূপান্নাপরাধো ভবেন্মম॥ 13-75-53 (84456)
যথাহি শূন্যাং পথিকঃ সভামধ্যাবসেত্যথি।
তথাঽদ্যাবাসয়িষ্যামি গুরুপত্ন্যাঃ কলেবরম্।
এবমেব শরীরে ঽস্য নিবৎস্যামি সমাহিতঃ॥ 13-75-54 (84457)
ইত্যেবং ধর্মমালোক্য বেদবেদাংশ্চ সর্বশঃ।
তপশ্চ বিপুলং দৃষ্ট্বা গুরোরাত্মন এব চ॥ 13-75-55 (84458)
ইতি নিশ্চিত্য মনসা রক্ষাং প্রতি স ভার্গবঃ।
অন্বতিষ্ঠৎপরং যত্নং যথা তচ্ছৃণু পার্থিব॥ 13-75-56 (84459)
গুরুপত্নীং সমাসীনো বিপুলঃ স মহাতপাঃ।
উপাসীনামনিন্দ্যাঙ্গী কথার্থৈঃ সমলোভয়ৎ॥ 13-75-57 (84460)
নেত্রাভ্যাং নেত্রয়োরস্যা রশ্মিং সংয়োজ্য রশ্মিভিঃ।
বিবেশ বিপুলঃ কায়মাকাশং পবনো যথা॥ 13-75-58 (84461)
লক্ষণং লক্ষণেনৈব বদনং বদনেন চ।
অবিচেষ্টন্নতিষ্ঠদ্বৈ ছায়েবান্তর্গতো মুনিঃ॥ 13-75-59 (84462)
ততো বিষ্টভ্য বিপুলো গুরুপত্ন্যাঃ কলেবরম্।
উবাস রক্ষণে যুক্তো ন চ সা তমবুধ্যত॥ 13-75-60 (84463)
13-75-61 (84464)
যং কালং নাগতো রাজন্গুরুস্তস্য মহাত্মনঃ।
ক্রতুং সমাপ্য স্বগৃহং তং কালং সোঽভ্যরক্ষত॥
Mahabharata - Anushaasana Parva - Chapter Footnotes
7-75-4 অস্তি হি প্রমদা দীপ্তেতি ট.থ. পাঠঃ॥ 7-75-13 দরিদ্রাশ্চ হ্যমন্ত্রশ্চ স্ত্রিয়ো নিত্যমিতি শ্রুতিরিতি ধ.পাঠঃ॥ 7-75-51 অশক্যকরণীয়ং হীতি ধ.পাঠঃ॥অনুশাসনপর্ব - অধ্যায় 076
॥ শ্রীঃ ॥
13.76. অধ্যায়ঃ 076
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ইন্দ্রেণ দেবশর্মমুন্যসন্নিধানে তদ্ভার্যাবিলোভনায় তদাশ্রমাভিগমনম্॥ 1 ॥ তথা বিপুলতপোঽভিভূতেন ভয়াত্ততো নির্গমনম্॥ 2 ॥ বিপুলেন শক্রবৃত্তান্তনিবেদনতুষ্টাদ্গুরোর্বরগ্রহণপূর্বকং তপশ্চরণম্॥ 3 ॥Mahabharata - Anushaasana Parva - Chapter Text
ভীষ্ম উবাচ।
ততঃ কদাচিদ্দেবেন্দ্রো দিব্যরূপবপুর্ধরঃ।
ইদমন্তরমিত্যেবমভ্যগাত্তমথাশ্রমম্॥ 13-76-1 (84465)
রূপমপ্রতিমং কৃৎবা লোভনীয়ং জনাধিপঃ।
দর্শনীয়তমো ভূৎবা প্রবিবেশ তমাশ্রমম্॥ 13-76-2 (84466)
স দদর্শ তমাসীনং বিপুলস্য কলেবরম্।
নিশ্চেষ্টং স্তব্ধনয়নং যতাঽঽলেখ্যগতং তথা॥ 13-76-3 (84467)
রুচিং চ রুচিরাপাঙ্গীং পীনশ্রোণিপয়োধরাম্।
পদ্মপত্রবিশালাক্ষীং সম্পূর্ণেন্দুনিভাননাম্॥ 13-76-4 (84468)
সা তমালোক্য সহসা প্রত্যুত্তাতুমিয়েষ হ।
রূপেণ বিস্মিতা কোঽসীত্যথ বক্তুমিবেচ্ছতী॥ 13-76-5 (84469)
উত্থাতুকামা তু সতী বিষ্টব্ধা বিপুলেন সা।
নিগৃহীতা মনুষ্যেন্দ্র ন শশাক বিচেষ্টিতুম্॥ 13-76-6 (84470)
তামাবভাষে দেবেন্দ্রঃ সাম্না পরমবল্*******।
ৎবদর্থমাগতং বিদ্ধি দেবেন্দ্র মাং শুচিস্মিতে॥ 13-76-7 (84471)
ক্লিশ্যমানমনঙ্গেন ৎবৎসঙ্কল্পভবেন হ।
তৎপর্যাপ্নুহি মাং সুভ্রু পুরা কালোঽতিবর্ততে॥ 13-76-8 (84472)
তমেবংবাদিনং শক্রং শুশ্রাব বিপুলো মুনিঃ।
গুরুপত্নয়াঃ শরীরস্থো দদর্শ ত্রিদসাধিপম্॥ 13-76-9 (84473)
ন শশাক চ সা রাজন্প্রত্যুত্থাতুমনিন্দিতা।
বক্তুং চ নাশকদ্রাজন্বিষ্টব্দা বিপুলেন সা॥ 13-76-10 (84474)
আকারং গুরুপত্ন্যাস্তু স বিজ্ঞায় ভৃগূদ্বহঃ।
নিজয়্নাহ মহাতেজা যোগেন বলবৎপ্রভো।
ববন্ধ যোগবন্ধৈশ্চ তস্যাঃ সর্বেন্দ্রিয়াণি সঃ॥ 13-76-11 (84475)
তাং নির্বিকারাং দৃষ্ট্বা তু পুনরেব শচীপতিঃ।
উবাচ ব্রীহিতো রাজংস্তাং যোগবলমোহিতাম্॥ 13-76-12 (84476)
এহ্যেহীতি ততঃ সা তু প্রতিবক্তুমিয়েষ তম্।
স তাং বাচ্যং গুরোঃ পত্ন্যা বিপুলঃ পর্যবর্তয়ৎ॥ 13-76-13 (84477)
ভোঃ কিমাগমনে কৃত্যমিতি তস্যাস্তু নিঃসৃতা।
বক্ত্রাচ্ছশাঙ্কসদৃশাদ্বাণী সংস্কারভূষণা॥ 13-76-14 (84478)
বীডিতা সা তু তদ্বাক্যমুক্ৎবা পরবশা তদা।
পুরন্দরশ্চ সংত্রস্তো বভূব বিমনা ভৃশম্॥ 13-76-15 (84479)
স তদ্বৈকৃতমালক্ষ্য দেবরাজো বিশাংপতে।
অবৈক্ষত সহস্রাক্ষস্তদা দিব্যেন চক্ষুষা॥ 13-76-16 (84480)
স দদর্শ মুনিং তস্যাঃ শরীরান্তরগোচরম্।
প্রতিবিম্বমিবাদর্শে গুরুপত্ন্যাঃ শরীরগম্॥ 13-76-17 (84481)
স তং ঘোরেণ তপসা যুক্তং দৃষ্ট্বা পুরংদরঃ।
প্রাবেপত সুসংত্রস্তো ব্রীডিতশ্চ তদা বিভো॥ 13-76-18 (84482)
বিমুচ্য গুরুপত্নীং তু বিপুলঃ সুমহাতপাঃ।
স্বকলেবরমাবিশ্য শক্রং ভীতমথাব্রবীৎ॥ 13-76-19 (84483)
অজিতেন্দ্রিয় দুর্বুদ্ধে পাপাত্মক পুরংদর।
ন চিরং পূজয়িষ্যন্তি দেবাস্ৎবাং মানুষাস্তথা॥ 13-76-20 (84484)
কিন্নু তদ্বিস্মৃতং শক্র ন তন্মনসি তে স্থিতম্।
গৌতমেনাসি যন্মুক্তো ভগাঙ্কপরিচিহ্নিতঃ॥ 13-76-21 (84485)
জানে ৎবাং বালিশমতিমকৃতাত্মানমস্থিরম্।
ময়েয়ং রক্ষ্যতে মূঢ গচ্ছ পাপ যথাগতম্॥ 13-76-22 (84486)
নাহং ৎবামদ্য মূঢাত্মন্দহেয়ং হি স্বতেজসা।
কৃপায়মানস্তু ন তে দগ্ধুমিচ্ছামি বাসব॥ 13-76-23 (84487)
স চ ঘোরতমো ধীমান্গুরুর্মে পাপচেতসম্।
দৃষ্ট্বা ৎবাং নির্দহেদদ্য ক্রোধদীপ্তেন চক্ষুষা॥ 13-76-24 (84488)
নৈবং তু শক্র কর্তব্যং পুনর্মান্যাশ্চ তে দ্বিজাঃ।
মা গমঃ সসুতামাত্যঃ ক্ষয়ং ব্রহ্মবলার্দিতঃ॥ 13-76-25 (84489)
অমরোস্মীতি যদ্বুদ্ধিং সমাস্থায় প্রবর্ততে।
মাবমংস্থা ন তপসা ন সাধ্যং নাম কিঞ্চন॥ 13-76-26 (84490)
ভীষ্ম উবাচ। 13-76-27x (7019)
তচ্ছ্রুৎবা বচনং শক্রো বিপুলস্য মহাত্মনঃ।
ন কিঞ্চিদুক্ৎবা ব্রীডার্তস্তত্রৈবান্তরধীয়ত॥ 13-76-27 (84491)
মুহূর্তয়াতে তস্মিংস্তু দেবশর্মা মহাতপাঃ।
কৃৎবা যজ্ঞং যথাকামমাজগাম স্বমাশ্রমম্॥ 13-76-28 (84492)
আগতেঽথ গুরৌ রাজন্বিপুলঃ প্রিয়কর্মকৃৎ।
রক্ষিতাং গুরেব ভার্যাং ন্যবেদয়দনিন্দিতাম্॥ 13-76-29 (84493)
অভিবাদ্য চ শান্তাত্মা স গুরুং গুরুবৎসলঃ।
বিপুলঃ পর্যুপাতিষ্ঠদ্যথাপূর্বমশঙ্কিতঃ॥ 13-76-30 (84494)
বিশ্রান্তায় ততস্তস্মৈ সহাসীনায় ভার্যযা।
নিবেদয়ামাস তদা বিপুলঃ শক্রকর্ম তৎ॥ 13-76-31 (84495)
তচ্ছুৎবা স মুনিস্তুষ্টোং বিপুলস্য প্রতাপবান্।
বভূব শীলবৃত্তাভ্যাং তপসা নিয়মেন চ॥ 13-76-32 (84496)
বিপুলস্য গুরৌ বৃত্তিং ভক্তিমাত্মনি তৎপ্রভুঃ।
ধর্মে চ স্থিরতাং দৃষ্ট্বা সাধুসাধ্বিত্যভাষত॥ 13-76-33 (84497)
প্রতিনন্দ্য চ ধর্মাত্মা শিষ্যং ধর্মপরায়ণম্।
বরেণ চ্ছন্দয়ামাস দেবশর্মা মহামতিঃ॥ 13-76-34 (84498)
স্থিতিং চ ধর্মে জগ্রাহ স তস্মাদ্গুরুবৎসলঃ।
অনুজ্ঞাতশ্চ গুরুণা চচারানুত্তমং তপঃ॥ 13-76-35 (84499)
তথৈব দেবশর্মাপি সভার্যঃ স মহাতপাঃ।
নির্ভয়ো বলবৃত্রঘ্নাচ্চচার বিজনে বনে॥ ॥ 13-76-36 (84500)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্সপ্ততিতমোঽধ্যায়ঃ॥ 76 ॥
Mahabharata - Anushaasana Parva - Chapter Footnotes
7-76-20 কামাত্মক পুরন্দরেতি ধ.পাঠঃ॥অনুশাসনপর্ব - অধ্যায় 077
॥ শ্রীঃ ॥
13.77. অধ্যায়ঃ 077
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
গুরুনিয়োগাদ্দিব্যপুষ্পনয়নার্থং গতেন বিপুলেন মধ্যেমার্গং নরবরমিথুনাৎস্বগতিনিন্দাশ্রবণম্॥ 1 ॥ নিন্দিতগতিপ্রাপকস্বদুশ্চরিতং চিন্তয়তা তেন চিরায় তদনুস্মরণম্॥ 2 ॥Mahabharata - Anushaasana Parva - Chapter Text
ভীষ্ম উবাচ।
বিপুলস্ৎবকরোত্তীব্রং তপঃ কৃৎবা গুরোর্বচঃ।
তপোয়ুক্তমথাত্মানমমন্যত স বীর্যবান্॥ 13-77-1 (84501)
স তেন কর্মণা স্বর্গং পৃথিবীং পৃথিবীপতে।
চচার গতভীঃ প্রীতো লব্ধকীর্তিবরো নৃপ॥ 13-77-2 (84502)
উভৌ লোকৌ জিতৌ চাপি তথৈবামন্যত প্রভুঃ।
কর্মণা তেন কৌরব্য তপসা বিপুলেন চ॥ 13-77-3 (84503)
অথ কালে ব্যতিক্রান্তে কস্মিংশ্চিৎকুরুনন্দন।
রুচ্যা ভগিন্যা আদানং প্রভূতদনধান্যবৎ॥ 13-77-4 (84504)
এতস্মিন্নেব কালে তু দিব্যা কাচিদ্বরাঙ্গনা।
বিভ্রতী পরমং রূপং জগামাথ বিহায়সা॥ 13-77-5 (84505)
তস্যাঃ শরীরাৎপুষ্পাণি পতিতানি মহীতলে।
তস্যাশ্রমস্যাবিদূরে দিব্যগন্ধানি ভারত॥ 13-77-6 (84506)
তান্যগৃহ্ণাত্ততো রাজন্রুচির্ললিতলোচনা।
তদা নিমন্ত্রকস্তস্যা অঙ্গেভ্যঃ ক্ষিপ্রমাগমৎ॥ 13-77-7 (84507)
তস্যা হি ভগিনী তাত জ্যেষ্ঠা নাম্না প্রভাবতী।
ভার্যা চিত্ররথস্যাথ বভূবাঙ্গেশ্বরস্য বৈ॥ 13-77-8 (84508)
পিনহ্য তানি পুষ্পাণি কেশেষু বরবর্ণিনী।
আমন্ত্রিতা ততোঽগচ্ছদ্রুচিরঙ্গপতের্গৃহম্॥ 13-77-9 (84509)
পুষ্পাণি তানি দৃষ্ট্বা তু তদাঙ্গেন্দ্রবরাঙ্গনা।
ভগিনীং চোদয়ামাস পুষ্পার্থে চারুলোচনা॥ 13-77-10 (84510)
সা ভর্ত্রে সর্বমাচষ্ট রুচিঃ সুরুচিরাননা।
ভগিন্যা ভাষিতং সর্বমৃষিস্তচ্চাভ্যনন্দত॥ 13-77-11 (84511)
ততো বিপুলমানায়্য দেবশর্মা মহাতপাঃ।
পুষ্পার্থে চোদয়ামাস গচ্ছগচ্ছেতি ভারত॥ 13-77-12 (84512)
বিপুলস্তু গুরোর্বাক্যমবিচার্য মহাতপাঃ।
স তথেত্যব্রবীদ্রাজংস্তং চ দেশং জগাম হ॥ 13-77-13 (84513)
যস্মিন্দেশে তু তান্যাসন্পতিতানি নভস্তলাৎ।
অম্লানান্যপি তত্রাসন্কুসুমান্যপরাণ্যপি॥ 13-77-14 (84514)
স ততস্তানি জগ্রাহ দিব্যানি রুচিরাণি চ।
প্রাপ্তানি স্বেন তপসা দিব্যগন্ধানি ভারত॥ 13-77-15 (84515)
সম্প্রাপ্য তানি প্রীতাত্মা গুরোর্বচনকারকঃ।
তদা জগাম তূর্ণং চ চম্পাং চম্পকমালিনীম্॥ 13-77-16 (84516)
স বনে নির্জনে তাত দদর্শ মিথুনং নৃণাম্।
চক্রবৎপরিবর্তন্তং গৃহীৎবা পাণিনা করম্॥ 13-77-17 (84517)
তত্রৈকস্তূর্ণমগমত্তৎপদে চ বিবর্তয়ন্।
একস্তু ন তদা রাজংশ্চক্রতুঃ কলহং ততঃ॥ 13-77-18 (84518)
ৎবং শীঘ্রং গচ্ছসীত্যেকোঽব্রবীন্নেতি তথাঽপরঃ।
পতিতেতি চ তৌ রাজন্পরস্পরমথোচতুঃ॥ 13-77-19 (84519)
তয়োর্বিস্পর্ধতোরেবং শপথোঽয়মভূত্তদা।
সহসোদ্দিশ্য বিপুলং ততো বাক্যমথোচতুঃ॥ 13-77-20 (84520)
আবয়োরনৃতং প্রাহ যস্তস্যাভূদ্দ্বিজস্য বৈ।
বিপুলস্য পরে লোকে যা গতিঃ সা ভবেদিতি॥ 13-77-21 (84521)
এতচ্ছ্রুৎবা তু বিপুলো বিষণ্ণবদনোঽভবৎ।
এবং তীব্রতপাশ্চাহং কষ্টশ্চায়ং পরিশ্রমঃ॥ 13-77-22 (84522)
মিথুনস্যাস্য কিং মে স্যাৎকৃতং পাপং যথা গতিঃ।
অনিষ্টা সর্বভূতানাং কীর্তিতাঽনেন মেঽদ্য বৈ॥ 13-77-23 (84523)
এবং সঞ্চিন্তয়ন্নেব বিপুলো রাজসত্তম।
অবাঙ্মুখো দীনমনা দধ্যৌ দুষ্কৃতমাত্মনঃ॥ 13-77-24 (84524)
ততঃ ষডন্যান্পুরুষানক্ষৈঃ কাঞ্চনরাজতৈঃ।
অপশ্যদ্দীব্যমানান্বৈ লোভামর্ষান্বিতাংস্তথা॥ 13-77-25 (84525)
কুর্বতঃ শপথং তেন যঃ কৃতো মিথুনেন তু।
বিপুলং বৈ সমুদ্দিশ্য তেপি বাক্যমথাব্রুবন্॥ 13-77-26 (84526)
লোভমাস্থায় যোঽস্মাকং বিষমং কর্তুমুৎসহেৎ।
বিপুলস্য পরে লোকে যা গতিস্তামবাপ্নুয়াৎ। 13-77-27 (84527)
এতচ্ছ্রুৎবা তু বিপুলো নাপশ্যদ্ধর্মসঙ্করম্॥
জন্মপ্রভৃতি কৌরব্য কৃতপূর্বমথাত্মনঃ॥ 13-77-28 (84528)
স প্রদধ্যৌ তথা রাজন্নগ্নাবগ্নিরিবাহিতঃ।
দহ্যমানেন মনসা শাপং শ্রুৎবা তথাবিধম্॥ 13-77-29 (84529)
তস্য চিন্তয়তস্তাত বহ্বীর্বাচো নিশম্য তু।
ইদমাসীন্মনসি চ রুচ্যা রক্ষণকারিতম্॥ 13-77-30 (84530)
লক্ষণং লক্ষণেনৈব বদনং বদনেন চ।
বিধায় ন ময়া চোক্তং সত্যমেতদ্গুরোস্তথা॥ 13-77-31 (84531)
এতদাত্মনি কৌরব্য দুষ্কৃতং বিপুলস্তদা।
অমন্যত মহাভাগ তথা তচ্চ ন সংশয়ঃ॥ 13-77-32 (84532)
স চম্পাং নগরীমেত্য পুষ্পাণি গুরবে দদৌ।
পূজয়ামাস চ গুরুং বিধিবৎস গুরুপ্রিয়ঃ॥ ॥ 13-77-33 (84533)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তসপ্ততিতমোঽধ্যায়ঃ॥ 77 ॥
Mahabharata - Anushaasana Parva - Chapter Footnotes
7-77-4 আদীয়তেঽস্মিন্বান্ধবৈর্দত্তং উপায়নাদিকং স আদানং ******দ্যুৎসবঃ। প্রভূতং বহুধনাদিকং যত্র॥ 7-77-7 নিমন্ত্রকঃ আকারণার্থং দূতঃ॥ 7-77-18 তৎপদে ইতরস্য পদে পাংসুষু ব্যক্তে আকর্ষণেন বিবর্তয়ন্ বিষমতাং নয়ন্॥ 7-77-21 বচঃ শ্রুৎবা তথাবিধমিতি ধ.পাঠঃ॥ 7-77-30 রুচ্যাঃ গুরুভার্যায়াঃ॥ 7-77-31 লক্ষণং স্ত্রীপুংসয়োরসাধারণং চিহ্নং বিধায় একীকৃত্য॥অনুশাসনপর্ব - অধ্যায় 078
॥ শ্রীঃ ॥
13.78. অধ্যায়ঃ 078
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
দেবশর্মণা স্বশিষ্যং বিপুলম্প্রতি তদ্দ্বষ্টানাং মিথুনানাং ষট্পুরুষাণাং চ ক্রমেণাহোরাত্রঋৎবভিমানিদবতাৎবকথনম্॥ 1 ॥ তথা স্বস্মিন্স্বদাররক্ষণায় যোগেন তচ্ছরীরপ্রবেশানিবেদনস্য দুর্গতিহেতুৎবকথনম্॥ 2 ॥ তথা তৎকৃতস্বদাররক্ষমপরিতোষেণ তদ্দুরিতদূরীকরণপূর্বকং তেন স্বভার্যযা চ সহ স্বর্গে সুখবিহরণম্॥ 3 ॥Mahabharata - Anushaasana Parva - Chapter Text
ভীষ্ম উবাচ।
তমাগতমভিপ্রেক্ষ্য শিষ্যং বাক্যমথাব্রবীৎ।
দেবশর্মা মহাতেজা যত্তচ্ছৃণু জনাধিপ॥ 13-78-1 (84534)
দেবশর্মোবাচ। 13-78-2x (7020)
কিং ৎবয়া মিথুনং দৃষ্টং তস্মিঞ্শিষ্য মহাবনে।
তে ৎবাং জানন্তি নিপুণা আত্মা চ রুচিরেব চ॥ 13-78-2 (84535)
বিপুল উবাচ। 13-78-3x (7021)
ব্রহ্মর্ষে মিথুনং কিন্তৎকে চ ষট্পুরুষা বিভো।
যে মাং জানন্তি তত্ৎবেন যন্মাং ৎবং পরিপৃচ্ছসি॥ 13-78-3 (84536)
দেবশর্মোবাচ। 13-78-4x (7022)
যদ্বৈ তন্মিথুনং ব্রহ্মিন্নহোরাত্রং হি বিদ্ধি তৎ।
চক্রবৎপরিবর্তেত তত্তে জানাতি দুষ্কৃতম্॥ 13-78-4 (84537)
যে চ তে পুরুষা বিপ্র অক্ষৈর্দীব্যন্তি হৃষ্টবৎ।
ঋতূংস্তানভিজানীহি তে তে জানন্তি দুষ্কৃতম্॥ 13-78-5 (84538)
ন মাং কশ্চিদ্বিজানীত ইতি কৃৎবা ন বিশ্বসেৎ।
নরো রহসি পাপাত্মা পাপকং কর্ম বৈ দ্বিজ॥ 13-78-6 (84539)
কুর্বাণং হি নরং কর্ম পাপং রহসি সর্বদা।
পশ্যন্তি ঋতবশ্চাপি তথা দিননিশেঽপ্যুত॥ 13-78-7 (84540)
তথৈব হি ভবেয়ুস্তে লোকাঃ পাপকৃতো যথা।
কৃৎবাঽনাচক্ষতঃ কর্ম মম তচ্চ যথা কৃতম্॥ 13-78-8 (84541)
তে ৎবাং হর্ষস্মিতং দৃষ্ট্বা গুরোঃ কর্মানিবেদকম্।
স্মারয়ন্তস্তথা প্রাহুস্তে যথা শ্রউতবান্ভবান্॥ 13-78-9 (84542)
অহোরাত্রং বিজানাতি ঋতবশ্চাপি নিত্যশঃ।
পুরুষে পাপকং কর্ম শুভং বাঽশুভকর্মিণঃ॥ 13-78-10 (84543)
তত্ৎবয়া মম যৎকর্ম ব্যভিচারাদ্ভয়াত্মকম্।
নাখ্যাতমিতি জানন্তস্তে ৎবামাহুস্তথা দ্বিজ॥ 13-78-11 (84544)
তেনৈব হি ভবেয়ুস্তে লোকাঃ পাপকৃতো যথা।
কৃৎবা নাচক্ষতঃ কর্ম মম যচ্চ ৎবয়া কৃতম্॥ 13-78-12 (84545)
তথাঽশক্যাশ্চ দুর্বৃত্তা রক্ষিতুং প্রমদা দ্বিজ।
ন চ ৎবং কৃতবান্কিংচিদাগঃ প্রীতোস্মি তেন তে॥ 13-78-13 (84546)
`মনোদোষবিহীনানাং ন দোষঃ স্যাত্তথা তব।
অন্যথাঽঽলিঙ্গ্যতে কান্তা স্নেহেন দুহিতাঽন্যথা॥ 13-78-14 (84547)
যতেশ্চ কামুকানাং চ যোষিদ্রূপেঽন্যথা মতিঃ।
অশিক্ষয়ৈব মনসঃ প্রায়ো লোকস্তু বঞ্চ্যতে॥ 13-78-15 (84548)
লালেত্যুদ্বিজতে লোকো বক্ত্রাসব ইতি স্পহা।
অবন্ধায়োগ্যমনসামিতি মন্ত্রাত্মদৈবকম্॥ 13-78-16 (84549)
ন রাগস্নেহলোভান্ধং কর্মিণাং তন্মহাফলম্।
নিষ্কষায়ো বিশুদ্ধস্ৎবং রুচ্যাবেশান্ন দূষিতঃ॥ 13-78-17 (84550)
যদি ৎবহং ৎবাং দুর্বৃত্তমদ্রাক্ষং দ্বিজসত্তম।
শপেয়ং ৎবামহং ক্রোধান্ন মেঽত্রাস্তি বিচারণা॥ 13-78-18 (84551)
সঞ্জন্তি পুরুষে নার্যঃ পুংসাং সোঽর্থশ্চ পুষ্কলঃ।
অন্যথা রক্ষতঃ শাপোঽভবিষ্যত্তে মতিশ্চ মে॥ 13-78-19 (84552)
রক্ষিতা চ ৎবয়া পুত্র মম চাপি নিবেদিতা।
অহং তে প্রীতিমাংস্তাত স্বস্থঃ স্বর্গং গমিষ্যসি॥ 13-78-20 (84553)
ইত্যুক্ৎবা বিপুলং প্রীতো দেবশর্মা মহানৃষিঃ।
মুমোদ স্বর্গমাস্থায় সহভার্যঃ সশিষ্যকঃ॥ 13-78-21 (84554)
ইদমাখ্যাতবাংশ্চাপি মমাখ্যানং মহামুনিঃ।
মার্কণ্ডেয়ঃ পুরা রাজন্গঙ্গাকূলে কথান্তরে॥ 13-78-22 (84555)
তস্মাদ্ব্রবীমি পার্থ ৎবাং স্ত্রিয়ো রক্ষ্যাঃ সদৈব চ।
উভয়ং দৃশ্যতে তাসু সততং সাধ্বসাধু চ॥ 13-78-23 (84556)
স্ত্রিয়ঃ সাধ্ব্যো মহাভাগাঃ সম্মতা লোকমাতরঃ।
ধারয়ন্তি মহীং রাজন্নিমাং সবনকাননাম্॥ 13-78-24 (84557)
অসাধ্ব্যশ্চাপি দুর্বৃত্তাঃ কুলঘ্নাঃ পাপনিশ্চয়াঃ।
বিজ্ঞেয়া লক্ষণৈর্দুষ্টৈঃ স্বগাত্রসহজৈর্নৃপ॥ 13-78-25 (84558)
এবমেতাসু রক্ষা বৈ শক্যা কর্তুং মহাত্মভিঃ।
অন্যথা রাজশার্দূল ন শক্যা রক্ষিতুং স্ত্রিয়ঃ॥ 13-78-26 (84559)
এতা হি মনুজব্যাঘ্র তীক্ষ্ণাস্তীক্ষ্ণপরাক্রমাঃ।
নাসামস্তি প্রিয়ো নাম মৈথুনে সঙ্গমেতি যঃ॥ 13-78-27 (84560)
এতাঃ কৃত্যাশ্চ কষ্টাশ্চ কৃতঘ্না ভরতর্ষভ।
ন চৈকস্মিন্নমন্ত্যেতাঃ পুরুষে পাণ্ডুনন্দন॥ 13-78-28 (84561)
নাসু স্নেহো নরৈঃ কার্যস্তথৈবের্ষ্যা জনেশ্বর।
খেদমাস্থায় ভুঞ্জীত ধর্মমাস্থায় চৈব হ।
`অনৃতাবিহ পর্বাদিদোষবর্জং নরাধিপ॥' 13-78-29 (84562)
বিহন্যেতান্যথা কুর্বন্নরঃ কৌরবনন্দন।
সর্বথা রাজশার্দূল যুক্তঃ সর্বত্র যুজ্যতে॥ 13-78-30 (84563)
তেনৈকেন তু রক্ষা বৈ বিপুলেন কৃতা স্ত্রিয়াঃ।
নান্যঃ শক্তস্ত্রিলোকেঽস্মিন্রক্ষিতুং নৃপ যোষিতঃ॥ ॥ 13-78-31 (84564)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টসপ্ততিতমোঽধ্যায়ঃ॥ 78 ॥
Mahabharata - Anushaasana Parva - Chapter Footnotes
7-78-9 হর্ষস্মিতং হর্ষেণ গর্বিতম্॥ 7-78-12 তেনৈব অনাখ্যানেনৈব॥ 7-78-16 লালা বদনাৎস্বতো গলজ্জলধারা॥ 7-78-25 সহজৈঃ পীণিপাদরেখাদিভিঃ॥ 7-78-28 কৃত্যাঃ প্রাণগ্রাহিদেবতারূপাঃ॥ 7-78-29 খেদমাস্তায়াঽপ্রীত্যা বিষ্টিগৃহীতবৎ ভুঞ্জীত নতু প্রীত্যা। ধর্মং ঋতুকালানুরোধম্॥অনুশাসনপর্ব - অধ্যায় 079
॥ শ্রীঃ ॥
13.79. অধ্যায়ঃ 079
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি বিবাহবিভাগকথনম্॥ 1 ॥ তথা কন্যানাং ভার্যাৎবপ্রাপকবিধ্যাদিনিরূপণম্॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
যন্মূলং সর্বধর্মাণাং প্রজনস্য গৃহস্য চ।
পিতৃদেবাতিথীনাং চ তন্মে ব্রূহি পিতামহ॥ 13-79-1 (84565)
অয়ং হি সর্বধর্মাণাং ধর্মশ্চিন্ত্যতমো মতঃ।
কীদৃশায় প্রদেয়া স্যাৎকন্যেতি বসুধাধিপ॥ 13-79-2 (84566)
ভীষ্ম উবাচ। 13-79-3x (7023)
শীলবৃত্তে সমাজ্ঞায় বিদ্যাং যোনিং চ কর্ম চ।
অদ্ভিরেব প্রদাতব্যা কন্যা গুণবতে ভবেৎ।
ব্রাহ্মণানাং সতামেষ নিত্যং ধর্মো যুধিষ্ঠির॥ 13-79-3 (84567)
আবাহ্যমাবহেদেবং যো দদ্যাদনুকূলতঃ।
শিষ্টানাং ক্ষত্রিয়াণাং চ ধর্ম এষ সনাতনঃ॥ 13-79-4 (84568)
আত্মাভিপ্রেতমুৎসৃজ্য কন্যাভিপ্রেত এষ যঃ।
অভিপ্রেতা চ যা যস্য তস্মৈ দেয়া যুধিষ্ঠির।
গান্ধর্বমিতি তং ধর্মং প্রাহুর্বেদবিদো জনাঃ॥ 13-79-5 (84569)
ধনেন বহুধা ক্রীৎবা সম্প্রলোভ্য চ বান্ধবান্।
অসুরাণাং নৃপৈতং বৈ ধর্মমাহুর্মনীষিণঃ॥ 13-79-6 (84570)
হৎবা ছিত্ৎবা চ শীর্ষাণি রুদতাং রুদতীং গৃহাৎ।
প্রসহ্য হরণং তাত রাক্ষসো বিধিরুচ্যতে॥ 13-79-7 (84571)
`সুসাং মত্তাং প্রমত্তাং বা রহো রাত্রৌ চ গচ্ছতি।
স পাপিষ্ঠো বিবাহানাং পৈশাচঃ কথিতোঽধমঃ॥ 13-79-8 (84572)
পঞ্চানাং তু ত্রয়ো ধর্ম্যা দ্বাবধর্ম্যৌ যুধিষ্ঠির।
পৈশাচশ্চাসুরশ্চৈব ন কর্তব্যৌ কথঞ্চন॥ 13-79-9 (84573)
ব্রাহ্মঃ ক্ষাত্রোঽথ গান্ধর্ব এতে ধর্ম্যা নরর্ষভ।
পৃথগ্বা যদি বা মিশ্রাঃ কর্তব্যা নাত্র সংশয়ঃ॥ 13-79-10 (84574)
তিস্ত্রো ভার্যা ব্রাহ্মণস্য দ্বে ভার্যে ক্ষত্রিয়স্য তু।
বৈশ্যঃ স্বজাত্যাং বিন্দেত তাস্বপত্যং হিতায় হি॥ 13-79-11 (84575)
দ্বিজস্য ব্রাহ্ম্ণী শ্রেষ্ঠা ক্ষত্রিয়া ক্ষত্রিয়স্য তু।
রত্যর্থমপি শূদ্রা স্যান্নেত্যাহুরপরে জনাঃ॥ 13-79-12 (84576)
অপত্যজন্ম শূদ্রায়াং ন প্রশংসন্তি সাধবঃ।
শূদ্রায়াং জনয়বিন্প্রঃ প্রায়শ্চিত্তী বিধীয়তে॥ 13-79-13 (84577)
`নাতিবালাং বহন্ত্যন্তে অনিত্যৎবাৎপ্রজার্থিনঃ।
বহন্তি কর্মিণস্তস্যামন্তঃ শুদ্ধিব্যপেক্ষয়া॥ 13-79-14 (84578)
অপরান্বয়সম্ভূতাং সংস্বপ্নাদিবিবর্জিতাম্।
কামো যস্যাং নিষিদ্ধশ্চ কেচিদিচ্ছন্তি চাপদি॥ 13-79-15 (84579)
ত্রিংশদ্বর্ষো দশবর্ষাং ভার্যাং বিন্দেত নগ্নিকাম্।
একবিংশতিবর্ষো বা সপ্তবর্ষামবাপ্নুয়াৎ॥ 13-79-16 (84580)
যস্যাস্তু ন ভবেদ্ভাতা পিতা বা ভরতর্ষভ।
নোপয়চ্ছেত তাং জাতু পুত্রিকাধর্মিণী হি সা॥ 13-79-17 (84581)
ত্রীণি বর্ষাণ্যুদীক্ষেত কন্যা ঋতুমতী সতী।
চতুর্থেঽৎবথ সম্প্রাপ্তে স্বয়ং ভর্তারমর্জয়েৎ॥ 13-79-18 (84582)
প্রজা ন হীয়তে তস্যা রতিশ্চ ভরতর্ষভ।
অতোঽন্যথা বর্তমানা ভবেদ্বাচ্যা প্রজাপতেঃ॥ 13-79-19 (84583)
অসপিণ্ডা চ যা মাতুরসগোত্রা চ যা পিতুঃ।
ইত্যেতামুপয়চ্ছেত তং ধর্মং মনুরব্রবীৎ॥ 13-79-20 (84584)
যুধিষ্ঠির উবাচ। 13-79-21x (7024)
শুল্কমন্যেন দত্তং স্যাদ্দদানীত্যাহ চাপরঃ।
বলাদন্যঃ প্রভাষেত ধনমন্যঃ প্রদর্শয়েৎ॥ 13-79-21 (84585)
পাণিগ্রহীত্তা চান্যঃ স্যাৎকস্য ভার্যা পিতামহ।
তত্ৎবং জিজ্ঞাসমানানাং চক্ষুর্ভবতু নো ভবান্॥ 13-79-22 (84586)
ভীষ্ম উবাচ। 13-79-23x (7025)
যৎকিঞ্চিৎকর্ম মানুষ্যং সংস্থানায় প্রদৃশ্যতে।
মন্ত্রবন্মন্ত্রিতং তস্য মৃষাবাদস্তু পাতকঃ॥ 13-79-23 (84587)
ভার্যাপত্যৃৎবিগাচার্যাঃ শিষ্যোপাধ্যায় এব চ।
মৃষোক্তে দণ্ডমর্হন্তি নেত্যাহুরপরে জনাঃ॥ 13-79-24 (84588)
নহ্যকামেন সংবাদং মনুরেবং প্রশংসতি।
অয়শস্যমধর্ম্যং চ যন্মৃষা ধর্মগোপনম্॥ 13-79-25 (84589)
নৈকান্তো দোষ একস্মিংস্তদা কেনোপপদ্যতে।
ধর্মতো যাং প্রয়চ্ছন্তি যাং চ ক্রীণন্তি ভারত॥ 13-79-26 (84590)
বন্ধুভিঃ সমনুজ্ঞাতে মন্ত্রহোমৌ প্রয়োজয়েৎ।
তথা সিধ্যন্তি তে মন্ত্রা নাদত্তায়াঃ কথঞ্চন॥ 13-79-27 (84591)
যস্ৎবত্র মন্ইত্রসময়ো ভার্যাপত্যোর্মিথঃ কৃতঃ।
তমেবাহুর্গরীয়াংসং যশ্চাসৌ জ্ঞাতিভিঃ কৃতঃ॥ 13-79-28 (84592)
দেবদত্তাং পতির্ভার্যাং বেত্তি ধর্মস্য শাসনাৎ।
স দৈবীং মানুষীং বাচমনৃতাং পর্যুদস্যতি॥ 13-79-29 (84593)
যুধিষ্ঠির উবাচ। 13-79-30x (7026)
কন্যায়াং প্রাপ্তসুল্কায়াং জ্যায়াংশ্চেদাব্রজেদ্বরঃ।
ধর্মকামার্থসম্পন্নো বাচ্যমত্রানৃতং ন বা॥ 13-79-30 (84594)
তস্মিন্নুভয়তো দোষে কুর্বঞ্শ্রেয়ঃ সমাচরেৎ।
অয়ং নঃ সর্বধর্মাণাং ধর্মশ্চিন্ত্যতমো মতঃ॥ 13-79-31 (84595)
তত্ৎবং জিজ্ঞাসমানানাং চক্ষুর্ভবতু নো ভবান্।
তদেতৎসর্বমাচক্ষ্ব ন হি তৃপ্যামি কথ্যতাম্॥ 13-79-32 (84596)
ভীষ্ম উবাচ। 13-79-33x (7027)
নৈব নিষ্ঠাকরং শুল্কং জ্ঞাৎবাঽঽসীত্তেন নানৃতম্।
ন হি শুল্কপরাঃ সন্তঃ কন্যাং দদতি কর্হিচিৎ।
অন্যৈর্গুণৈরুপেতং তু শুল্কং যাচন্তি বান্ধবাঃ॥ 13-79-33 (84597)
অলঙ্কৃৎবা বহস্বেতি যো দদ্যাদনুকূলতঃ।
যচ্চ তাং চ দদত্যেবং ন শুল্কং বিক্রয়ো ন সঃ।
প্রতিগৃহ্য ভবেদ্দেমেব ধর্মঃ সনাতনঃ॥ 13-79-34 (84598)
দাস্যামি ভবতে কন্যামিতি পূর্বং নভাষিতম্।
যে চাহুর্যে চ নাহুর্যে যে চাবশ্যং বদন্ত্যুত॥ 13-79-35 (84599)
তস্মাদাগ্রহণাৎপাণের্যাচয়ন্তি পরস্পরম্।
কন্যাবরঃ পুরা দত্তো মরুদ্ভিরিতি নঃ শ্রুতম্॥ 13-79-36 (84600)
নানিষ্টায় প্রদাতব্যা কন্যা ইত্যৃষিচোদিতম্।
তন্মূলং কামমূলস্য প্রজনস্যেতি মে মতিঃ॥ 13-79-37 (84601)
সমীক্ষ্য চ বহূন্দোষান্সংবাসাদ্বিদ্ধি পাণয়োঃ।
যথা নিষ্ঠাকরং শুল্কং ন জাৎবাসীত্তথা শৃণু॥ 13-79-38 (84602)
অহং বিচিত্রবীর্যস্য দ্বে কন্যে সমুদাবহম্।
জিৎবাঽঙ্গমাগধান্সর্বান্কাশীনথ চ কোসলান্॥ 13-79-39 (84603)
গৃহীতপাণিরেকাঽঽসীৎপ্রাপ্তশুল্কাঽপরাঽভবৎ।
কন্যাঽগৃহীতা তত্রৈব বিসর্জ্যা ইতি মে পিতা।
অব্রবীদিতরাং কন্যামাবহেতি স কৌরবঃ॥ 13-79-40 (84604)
অপ্যন্যাননুপপ্রচ্ছ শঙ্কমানঃ পিতুর্বচঃ।
অতীব হ্যস্য ধর্মেচ্ছা পিতুর্মেঽভ্যধিকাঽভবৎ॥ 13-79-41 (84605)
ততোহমব্রবং রাজন্নাচারেপ্সুরিদং বচঃ।
আচারং তত্ৎবতো বেত্তুমিচ্ছামি চ পুনঃপুনঃ॥ 13-79-42 (84606)
ততো ময়ৈবমুক্তে তু বাক্যে ধর্মভৃতাবরঃ॥
পিতা মম মহারাজ বীহ্লীকো বাক্যমব্রবীৎ॥ 13-79-43 (84607)
যদি ব শুল্কতো নিষ্ঠা ন পাণিগ্রহণাত্তথা।
লাজান্তরমুপাসীত প্রাপ্তশুল্ক ইতি স্মৃতিঃ॥ 13-79-44 (84608)
ন হি ধর্মবিদঃ প্রাহুঃ প্রমাণং বাক্যতঃ স্মৃতম্।
যেষাং বৈ শুল্কতো নিষ্ঠা ন পাণিগ্রহণাত্তথা॥ 13-79-45 (84609)
প্রসিদ্ধং ভাষিতং দানে নৈষাং প্রত্যায়কং পুনঃ।
যে মন্যন্তে ক্রয়ং শুল্কং ন তে ধর্মবিদো নরাঃ॥ 13-79-46 (84610)
ন চৈতেভ্যঃ প্রদাতব্যা ন বোঢব্যা তথাবিধা।
ন হ্যেব ভার্যা ক্রেতব্যা ন বিক্রয়্যাং কথঞ্চন॥ 13-79-47 (84611)
যে চ ক্রীণন্তি দাসীবদ্বিক্রীণন্তি তথৈব চ।
ভবেত্তেষাং তথা নিষ্ঠা লুব্ধানাং পাপচেতসাম্॥ 13-79-48 (84612)
অস্মিন্নর্থে সত্যবন্তং পর্যপৃচ্ছন্ত বৈ জনাঃ।
কন্যায়াঃ প্রাপ্তশুল্কায়াঃ শুল্কদঃ প্রশমং গতঃ॥ 13-79-49 (84613)
পাণিগ্রহীতা বাঽন্যঃ স্যাদত্র নো ধর্মসংশয়ঃ।
তন্নশ্ছিন্ধি মহাপ্রাজ্ঞ ৎবং হি বৈ প্রাজ্ঞসম্মতঃ॥ 13-79-50 (84614)
তত্ৎবং জিজ্ঞাসমানানাং চক্ষুর্ভবতু নো ভবান্।
তানেবং ব্রুবতঃ সর্বান্সত্যবান্বাক্যমব্রবীৎ॥ 13-79-51 (84615)
যত্রেষ্টং তত্র দেয়া স্যান্নাত্র কার্যা বিচারণা।
কুর্বতে জীবতোপ্যেবং মৃতে নৈবাস্তি সংশয়ঃ॥ 13-79-52 (84616)
দেবরং প্রবিশেৎকন্যা তপ্যেদ্বাঽপি তপঃ পুনঃ।
তমেবানুগতা ভূৎবা পাণিগ্রাহস্য নাম সা॥ 13-79-53 (84617)
লিখন্ত্যেব তু কেষাংচিদপরেষাং শনৈরপি।
ইতি যে সংবদন্ত্যত্র ত এতং নিশ্চয়ং বিদুঃ॥ 13-79-54 (84618)
তৎপাণিগ্রহণাৎপূর্বমন্তরং যত্র বর্ততে।
সর্বমঙ্গলমন্ত্রং বৈ মৃষাবাদস্তু পাতকঃ॥ 13-79-55 (84619)
পাণিগ্রহণমন্ত্রাণাং নিষ্ঠা স্যাৎসপ্তমে পদে।
পাণিগ্রহস্য ভার্যা স্যাদ্যস্য চাদ্ভিঃ প্রদীয়তে॥ 13-79-56 (84620)
ইতি দেয়ং বদন্ত্যত্র ত এতং নিশ্চয়ং বিদুঃ।
অনুকূলামনুবশাং ভ্রাত্রা দত্তামুপাগ্নিকাম্।
পরিক্রম্য যথান্যায়ং ভার্যাং বিন্দেদ্দ্বিজোত্তমঃ॥ ॥ 13-79-57 (84621)
ইতি শ্রীমন্মহাভারতে অনুশাসনপর্বণি দানধর্মপর্বণি একোনাশীতিতমোঽধ্যায়ঃ॥
Mahabharata - Anushaasana Parva - Chapter Footnotes
7-79-3 যোনি মাতৃতঃ পিতৃতশ্চ শুদ্ধিম্। অয়ং ব্রাহ্মাঃ প্রথমো বিবাহঃ॥ 7-79-4 এবং উক্তগুণবন্তং আবাহ্যং বিবাহয়োগ্যং আবহেৎ আকারয়েৎ। ততশ্চ অনুকূলতো ধনদানাদিনা অভিমুখীকৃতায় দদ্যাৎ। অয়ং প্রাজাপত্যো নাম দ্বিতীয়ো বিপ্রাণাং ক্ষত্রিয়াণাং চ প্রশস্ততরঃ॥ 7-79-6 আসুরং চতুর্থমাহ ধনেনেতি॥ 7-79-7 হৎবেতি রাক্ষসঃ পঞ্চমঃ। অত্রৈব প্রমত্তানাং বন্ধূনাং কন্যাহরণাৎ পৈশাচো হরণসামান্যাদন্তর্ভবতি॥ 7-79-13 নগ্নিকাং একবাসসম্। অজাতস্ত্রীব্যঞ্জনামিতি যাবৎ॥ 7-79-17 পুত্রিকাধর্মিণী যস্যাঃ পিতা ইয়মেব দুহিতা মম পুত্রস্থানে ইত্যভিপ্রায়বান্ন বেতি ন জ্ঞায়তে সা॥ 7-79-19 বাচ্যা নিদ্যা। প্রজনো হীয়তে ইতি ধ. পাঠঃ॥ 7-79-23 সংস্থানায় ব্যবস্থার্থং মন্ত্রবন্মন্ত্রিতং বিচারবদ্ভিঃ সর্বৈরেকীভূয় মন্ত্রিতমিয়মস্মৈ দেয়েতি বিচারিতম্। তস্য গৃষাকরণং পাতকঃ পাতয়িতুং ভবতীত্যর্থঃ। মৃষাবাদস্ৎবপাতকমিতি থ. ধ. পাঠঃ॥ 7-79-25 তত্র নেতি পক্ষং নিন্দতি নহীতি॥ 7-79-28 যদ্যপি জ্ঞাতিভিঃ কৃতঃ সময়ো গুরুস্তথাপি মন্ত্রপূর্বকঃ সময়ো গুরুতর ইত্যর্থঃ॥ 7-79-29 দেবঃ প্রাক্কর্ম ঈশ্বরো বা। বেত্তি লভতে॥ 7-79-31 দোষে সতি কুর্বন্ কর্তা শ্রেয়ঃ প্রশস্ততরং কিং সমাচরেদিত্যধ্যাহৃত্য যোজ্যম্ ॥ 7-79-32 কথ্যতামিত্যাদরসূচনার্থা পুনরুক্তিঃ॥ 7-79-33 গুণৈর্বয়োধিকৎবাদিভিঃ॥ 7-79-34 কন্যার্তালঙ্কারগ্রহণে ন দোষোঽস্তীত্যাহ অলঙ্কৃৎবেতি॥ 7-79-35 নভাষিতমিত্যেকপদম্। যে পূর্বং দাস্যামীত্যাহুর্যে চ নদাস্যামীত্যাহুর্যে চ অবশ্যং দাস্যামীতি বদন্তি তৎসর্বং নভাষিতং অনুক্তবদেবেত্যর্থঃ॥ 7-79-36 যস্মাদেবং তস্মাৎ আপাণিগ্রহণাৎকন্যাং যাচেতেতি মরুতাং বরস্তেন ততঃ পূর্বং বিশিষ্টবরার্থমপহারেপি ন দোষ ইতি ভাবঃ॥ 7-79-37 তৎকন্যা কামো মূলং যস্য। তস্মাদুত্তমদৌহিত্রার্থিনা শ্রেয়সে এব কন্যা প্রদেয়েতি ভাবঃ॥ 7-79-38 সংবাসাচ্চিরপরিচয়াৎ। পাণয়োঃ ক্রয়বিক্রয়যোঃ সংবাদে বিদ্বিষাণয়োরিতি ধ.পাঠঃ॥ 7-79-39 বীর্যমপি শুল্কং ভবতীত্যভিপ্রায়েণাহ অহমিতি। অম্বিকাম্বালিকয়োরেকৎববিবক্ষয়াং দ্বে ইত্যুক্তম্॥ 7-79-40 প্রাপ্তশুল্কা বীর্যেণ নির্জিতাপি কন্যা অগৃহীতা অপ্রাপ্তপাণিগ্রহেয়ং অম্বা বিসর্জ্যা উৎস্রষ্টং যোগ্যা ইতি পিতা পিতৃব্যো বাহ্লীকোঽব্রবীৎ॥ 7-79-41 অনুপপ্রচ্ছ অনুপৃষ্টবানহম্॥ 7-79-44 প্রাপ্তং শুল্কং যেন। পাঠান্তরে যস্যাঃ সা। কন্যাপিতা কন্যা বা লাজান্তরং বরান্তরমুপাসীত ইতি যা স্মৃতিস্তর্হি বাধ্যেতেত্যধ্যাহৃত্য যোজনা। লাজা বিদ্যন্তে হ্যৌম্যদ্রব্যমস্য স ইতি লাজশব্দোঽর্শআদ্যচ্প্রত্যযান্তঃ। লাজোপ্তারমুপাসীতেতি থ.ধ.পাঠঃ॥ 7-79-45 যেষাং শুল্কতো নিষ্ঠা তেষাং বাক্যতো বাক্যং প্রমাণং স্মৃতমিতি ধর্মবিদো নহ্যাহুরিত্যন্বয়ঃ 7-79-46 লোকবিরোধমপ্যাহার্ধেন। প্রসিদ্ধমিতি কন্যায়া দানমিত্যেবোচ্যতে নতু ক্রয়ো জয়ো বেতি। এষাং শুল্কবাদিনাং প্রত্যায়কং ভার্যাৎবজ্ঞাপকং কিমপি নাস্তি। পরিণয়নাদেব ভার্যা ভবতি ন শুল্কমাত্রাদিতি লোকব্যবহারস্য স্পষ্টৎবাদিত্যর্থঃ॥ 7-79-52 জীবত ইত্যনাদরে ষষ্ঠী। জীবন্তমপি শুল্কদমনাদৃত্য শিষ্টা এবং যথেষ্টদানং কুর্বত ইত্যর্থঃ॥ 7-79-53 দেবরমিতি যুগান্তরধর্মঃ॥ 7-79-54 কেষাংচিন্মতে দেবরাদয়ঃ অলিখিতাং ভ্রাতৃভার্যা লিখন্ত্যেব সুরতেন যোজয়ন্ত্যেব। অপরেষাং মতে শনৈক্মন্থরা ইয়ং প্রবৃত্তিঃ। ঐচ্ছিকী নতু বৈধীত্যর্থঃ॥ 7-79-55 সঙ্কল্পপূর্বকং দত্তায়া অপি কন্যায়া যোঽপহারস্তজ্জন্যো মৃষাবাদঃ পাতকো ভবতি দাতুর্নতু তাবন্মাত্রেণ তস্যাং ভার্যাৎবমুৎপন্নমিত্যর্থঃ॥অনুশাসনপর্ব - অধ্যায় 080
॥ শ্রীঃ ॥
13.80. অধ্যায়ঃ 080
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি বৈবাহিকবিধ্যাদের্দায়ার্হতাদেশ্চ কথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ
কন্যায়াং প্রাপ্তশুল্কায়াং পতিশ্চেন্নাস্তি কশ্চন।
তত্র কা প্রতিপত্তিঃ স্যাত্তন্মে ব্রূহি পিতামহ॥ 13-80-1 (84622)
ভীষ্ম উবাচ। 13-80-2x (7028)
যা পুত্রকস্য ঋদ্ধস্য প্রতিপাল্যা তদা ভবেৎ।
অথবা সা হরেচ্ছুল্কং ক্রীতা শুল্কপ্রদস্য সা॥ 13-80-2 (84623)
তস্যার্থেঽপত্যমীহেব যেন ন্যায়েন শক্নুয়াৎ।
ন তস্মান্মন্ত্রবৎকার্যং কশ্চিৎকুর্বীত কিঞ্চন॥ 13-80-3 (84624)
স্বয়ংবৃতেন সাজ্ঞপ্তা পিত্রা বৈ প্রত্যপদ্যত।
তত্তস্যান্যে প্রশংসন্তি ধর্মজ্ঞা নেতরে জনাঃ॥ 13-80-4 (84625)
এতত্তু নাপরে চক্রুরপরে জাতু সাধবঃ।
সাধূনাং পুনরাচারো গরীয়ান্ধর্মলক্ষণঃ॥ 13-80-5 (84626)
অস্মিন্নেব প্রকারে তুসুক্রতুর্বাক্যমব্রবীৎ।
নপ্তা বিদেহরাজস্য জনকস্য মহাত্মনঃ॥ 13-80-6 (84627)
অসদাচরিতে মার্গে কথং স্যাদনুকীর্তনম্।
অনুপ্রশ্নঃ সংশয়ো বা সতামেবমুপালভেৎ॥ 13-80-7 (84628)
অসদেব হি ধর্মস্য প্রদানং ধর্ম আসুরঃ।
নানুশুশ্রুম জাৎবেনামিমাং পূর্বেষু কর্মসু॥ 13-80-8 (84629)
ভার্যাপত্যোর্হি সম্বন্ধঃ স্ত্রীপুংসোস্তুল্য এব তু।
রতিঃ সাধারণো ধর্ম ইতি চাহ স পার্থিবঃ॥ 13-80-9 (84630)
যুধিষ্ঠির উবাচ। 13-80-10x (7029)
অথ কেন প্রমাণেন পুংসামাদীয়তে ধনম্।
পুত্রবদ্ধি পিতুস্তস্য কন্যা ভবিতুমর্হতি॥ 13-80-10 (84631)
ভীষ্ম উবাচ। 13-80-11x (7030)
যথৈবাত্মা তথা পুত্রঃ পুত্রেণ দুহিতা সমা।
তস্যামাত্মনি তিষ্ঠন্ত্যাং কথমন্যো ধনং হরেৎ॥ 13-80-11 (84632)
মাতুশ্চ যৌতকং যৎস্যাৎকুমারীভাগ এব সঃ।
দৌহিত্র এব তদ্রিক্থমপুত্রস্য পিতুর্হরেৎ॥ 13-80-12 (84633)
দদাতি হি স পিণ্ডান্বৈ পিতুর্মাতামহস্য চ।
পুত্রদৌহিত্রয়োরেব বিশেষো নাস্তি ধর্মতঃ॥ 13-80-13 (84634)
অন্যত্র জাময়া সার্ধং প্রজানাং পুত্র ঈহতে।
দুহিতাঽন্যত্র জাতেন পুত্রেণাপি বিশিষ্যতে॥ 13-80-14 (84635)
দৌহিত্রকেণ ধর্মেণ তত্র পশ্যামি কারণম্।
বিক্রীতাসু হি যে পুত্রা ভবন্তি পিতুরেব তে॥ 13-80-15 (84636)
অসূয়বস্ৎবধর্মিষ্ঠাঃ পরস্বাদায়িনঃ শঠাঃ।
আসুরাদধিসম্ভূতা ধর্মাদ্বিষমবৃত্তয়ঃ॥ 13-80-16 (84637)
অত্র গাথা যমোদ্গীতাঃ কীর্তয়ন্তি পুরাবিদঃ।
ধর্মজ্ঞা ধর্মশাস্ত্রেষু নিবদ্ধা ধর্মসেতুষু॥ 13-80-17 (84638)
যো মনুষ্যঃ স্বকং পুত্রং বিক্রীয় ধনমিচ্ছতি।
কন্যাং বা জীবিতার্থায় যঃ শুল্কেন প্রয়চ্ছতি॥ 13-80-18 (84639)
সপ্তাবরে মহাঘোরে নিরয়ে কালসাহ্বয়ে।
স্বেদং মূত্রং পুরীষং চ তস্মিন্মূঢঃ সমশ্নুতে॥ 13-80-19 (84640)
আর্ষে গোমিথুনং শুল্কং কেচিদাহুর্মৃষৈব তৎ।
অল্পো বা বহু বা রাজন্বিক্রয়স্তাবদেব সঃ॥ 13-80-20 (84641)
যদ্যপ্যাচরিতঃ কৈশ্চিন্নৈষ ধর্মঃ সনাতনঃ।
অন্যেষামপি দৃশ্যন্তে লোভতঃ সম্প্রবৃত্তয়ঃ॥ 13-80-21 (84642)
বশ্যাং কুমারীং বলতো যে তাং সমুপভুঞ্জতে।
এতে পাপস্য কর্তারস্তমস্যন্ধে চ শেরতে॥ 13-80-22 (84643)
অন্যোপ্যথ ন বিক্রেয়ো মনুষ্যঃ কিং পুনঃ প্রজাঃ।
অধর্মমূলৈর্হি ধনৈস্তৈর্ন ধর্মোঽথ কশ্চন॥ ॥ 13-80-23 (84644)
ইতি শ্রীমন্মহাভারতে অনুশাসনপর্বণি দানধর্মপর্বণি অশীতিতমোঽধ্যায়ঃ॥ 80॥
Mahabharata - Anushaasana Parva - Chapter Footnotes
7-80-1 শুল্কদশ্চেৎপ্রোষিতস্তদ্ভয়াদন্যশ্চ ন বৃণুতে তদা তৎপিত্রা কিং কর্তব্যমিতি প্রশ্নার্থঃ॥ 7-80-2 যা কন্যাঃ পিতুঃ প্রতিপাল্যা পিতা চ যদি তৎ শুল্কং পরপক্ষীয়েভ্যঃ পরাবৃত্য ন দদ্যাত্তর্হি সা কন্যা শুল্কপ্রদস্যৈব জ্ঞেয়া॥ 7-80-4 স্বয়ংবৃতেতি সাবিত্রীতি ধর্মজ্ঞানপরা জনা ইতি চ.ধ.পাঠঃ॥ 7-80-8 ধর্মস্য স্ইত্রীণামস্বাতন্ত্র্যলক্ষণস্য ধর্মস্য প্রদানং খণ্ডনং যৎস আসুরো ধর্মঃ এতাং পদ্ধতিম্। পূর্বেষু বৃদ্ধেষু। কর্মসু বিবাহেষু। জাৎবেব তদিদং পূর্বজন্ম্সবিতি ধ.পাঠঃ॥ 7-80-14 জাময়া কন্যযাপি তামপেক্ষ্যেত্যর্থঃ। অন্যত্র জায়তে সোপি প্রজয়া পুত্র ঈয়তে ইতি ট.থ.ধ.পাঠঃ॥ 7-80-19 কালসাহ্নয়ে কালসূত্রাখ্যে॥ 7-80-22 বলতো বশ্যাং নতু স্বচ্ছন্দত ইত্যর্থঃ॥ 7-80-23 অন্যোপি পশুরপি॥অনুশাসনপর্ব - অধ্যায় 081
॥ শ্রীঃ ॥
13.81. অধ্যায়ঃ 081
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি স্ত্রীণাং প্রশংসনম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
প্রাচেতসস্য বচনং কীর্তয়ন্তি পুরাবিদঃ।
যস্যাঃ কিঞ্চিন্নাদদতে জ্ঞাতয়ো ন স বিক্রয়ঃ॥ 13-81-1 (84645)
অর্হণং তৎকুমারীণামানৃশংস্যং ব্রতং চ তৎ।
সর্বং চ প্রতিদেয়ং স্যাৎকন্যায়ৈ তদশেষতঃ॥ 13-81-2 (84646)
পিতৃভির্ভ্রাতৃভিশ্চাপি শ্বশুরৈরথ দেবরৈঃ।
পূজ্যা লালয়িতব্যাশ্চ বহুকল্যাণমীপ্সুভিঃ॥ 13-81-3 (84647)
যদি বৈ স্ত্রী ন রোচেত পুমাংসং ন প্রমোদয়েৎ।
অপ্রমোদাৎপুনঃ পুংসঃ প্রজনো ন প্রবর্ধতে॥ 13-81-4 (84648)
পূজ্যা লালয়িতব্যাশ্চ স্ত্রিয়ো নিত্যং জনাধিপ।
স্ত্রিয়ো যত্র চ পূজ্যন্তে রমন্তে তত্র দেবতাঃ॥ 13-81-5 (84649)
অপূজিতাশ্চ যত্রৈতাঃ সর্বাস্তত্রাফলাঃ ক্রিয়াঃ।
তদা চৈতৎকুলং নাস্তি যদা শোচন্তি জাময়ঃ॥ 13-81-6 (84650)
জামীশপ্তানি গেহানি নিকৃত্তানীব কৃত্যযা।
নৈব ভান্তি ন বর্ধন্তে শ্রিয়া হীনানি পার্থিব॥ 13-81-7 (84651)
স্ত্রিয়ঃ পুংসাং পরিদদৌ মনুর্জিগমিষুর্দিবম্।
অবলাঃ স্বল্পকৌপীনাঃ সুহৃদ সত্যজিষ্ণবঃ॥ 13-81-8 (84652)
ঈর্ষবো মানকামাশ্চ চণ্ডাশ্চ সুহৃদোঽবুধাঃ।
স্ত্রিয়স্তু মানমর্হন্তি তা মানয়ত মানবাঃ॥ 13-81-9 (84653)
স্ত্রীপ্রত্যযো হি বৈ ধর্মো রতিভোগাশ্চ কেবলাঃ।
পরিচর্যা নমস্কারাস্তদায়ত্তা ভবন্তু বঃ॥ 13-81-10 (84654)
উৎপাদনমপত্যস্য জাতস্য পরিপালনম্।
প্রীত্যর্থং লোকয়াত্রায়াঃ পশ্যত স্ত্রীনিবন্ধনম্॥ 13-81-11 (84655)
সম্মান্যমানাশ্চৈতা হি সর্বকার্যাষ্যবাপ্স্যথ।
বিদেহরাজদুহিতা চাত্র শ্লোকমগায়ত॥ 13-81-12 (84656)
নাস্তি যজ্ঞঃ স্ত্রিয়াঃ কশ্চিন্ন শ্রাদ্ধং নোপ্রবাসকম্।
ধর্মঃ স্বভর্তৃশুশ্রূষা তয়া স্বর্গং জয়ন্ত্যুত॥ 13-81-13 (84657)
পিতা রক্ষতি কৌমারে ভর্তা রক্ষতি যৌবনে।
পুত্রাশ্চ স্থাবিরে ভাবে ন স্ত্রী স্বাতন্ত্র্যমর্হতি॥ 13-81-14 (84658)
শ্রিয় এতাঃ স্ত্রিয়ো নাম সৎকার্যা ভূতিমিচ্ছতা।
লালিতাঽনুগৃহীতা চ শ্রীঃ স্ত্রী ভবতি ভারতঃ॥ ॥ 13-81-15 (84659)
ইতি শ্রীমন্মহাভারতে অনুশাসনপর্বণি দানধর্মপর্বণি একাশীতিতমোঽধ্যায়ঃ॥ 81 ॥
Mahabharata - Anushaasana Parva - Chapter Footnotes
7-81-1 প্রাচেতসস্য দক্ষস্য। জ্ঞাতয়ঃ কন্যাপক্ষীয়াঃ। স্বয়ং নাদদতেঽথ চ কন্যালঙ্কারর্থমিচ্ছন্তি স বিক্রয়ো ন ভবতীত্যর্থ॥ 7-81-4 ন রোচেত ন কাময়েত। ন প্রমোদয়েৎকামুকং ন কুর্যাৎ। প্রজনঃ সন্ততিঃ॥ 7-81-8 স্বল্প ঈষদায়াসেন অপনেয়ঃ কৌপীনো গুহ্যাচ্ছাদনপটো যাসাম্। সদ্যোহার্যা ইত্যর্থঃ। সুহৃদঃ সৌহার্দয়ুক্তাঃ॥ 7-81-9 বুধ্যন্ত ইত্যবুধাঃ॥ 7-81-10 স্ত্রীপ্রত্যযঃ স্ত্রীহেতুকঃ॥ 7-81-12 অত্র স্ত্রীধর্মবিষয়ে॥অনুশাসনপর্ব - অধ্যায় 082
॥ শ্রীঃ ॥
13.82. অধ্যায়ঃ 082
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রাহ্মণাদীনাং দায়বিভজনবিধিনিরূপণম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
সর্বশাস্ত্রবিধানজ্ঞ রাজধর্মবিদুত্তম।
অতীব সংশয়চ্ছেত্তা ভবান্বৈ প্রথিতঃ ক্ষিতৌ॥ 13-82-1 (84660)
কশ্চিত্তু সংশয়ো মেঽস্তি তন্মে ব্রূহি পিতামহ।
`অস্যামাপদি কষ্টায়ামন্যং পৃচ্ছাম কং বয়ম্'॥
জাতেঽস্মিন্সংশয়ে রাজন্নান্যং পৃচ্ছেম কঞ্চন॥ 13-82-2 (84661)
যথা নরেণ কর্তব্যং ধর্মমার্গানুবর্তিনা।
এতৎসর্বং মহাবাহো ভবান্ব্যাখ্যাতুমর্হতি॥ 13-82-3 (84662)
চতস্রো বিহিতা ভার্যা ব্রাহ্মণস্য পিতামহ।
ব্রাহ্মণী ক্ষত্রিয়া বৈশ্যা শূদ্রা চ রতিমিচ্ছতঃ॥ 13-82-4 (84663)
তত্র জাতেষু পুত্রেষু সর্বাসাং কুরুসত্তম।
আনুপূর্ব্যেণ কস্তেষাং পিত্র্যং দায়াদ্যমর্হতি॥ 13-82-5 (84664)
কেন বা কিং ততো হার্যং পিতৃবিত্তাৎপিতামহ।
এতদিচ্ছামি কথিতং বিভাগস্তেষু কঃ স্মৃতঃ॥ 13-82-6 (84665)
ভীষ্ম উবাচ। 13-82-7x (7031)
ব্রাহ্মণঃ ক্ষত্রিয়ো বৈশ্যস্ত্রয়ো বর্ণা দ্বিজাতয়ঃ।
এতেষু বিহিতো ধর্মো ব্রাহ্মণস্য যুধিষ্ঠির॥ 13-82-7 (84666)
বৈষম্যাদথবা লোভাৎকামাদ্বাঽপি পরন্তপ।
ব্রাহ্মণস্য ভবেচ্ছূদ্রা ন তু দৃষ্টা ন তু স্মৃতা॥ 13-82-8 (84667)
শূদ্রাং শয়নমারোপ্য ব্রাহ্মণি যাত্যধোগতিম্।
প্রায়শ্চিত্তীয়তে চাপি বিধিদৃষ্টেন কর্মণা॥ 13-82-9 (84668)
তত্র জাতেষ্বপত্যেষু দ্বিগুণং স্বাদ্যুধিষ্ঠির।
অতস্তে নিয়মং বিত্তে সম্প্রবক্ষ্যামি ভারত॥ 13-82-10 (84669)
লক্ষণ্যং গোবৃষো যানং যৎপ্রধানতমং ভবেৎ।
ব্রাহ্মণ্যাস্তদ্ধরেৎপুত্র একাংশং বৈ পিতুর্ধনাৎ॥ 13-82-11 (84670)
এষং তু দশধা কার্যং ব্রাহ্মণস্বং যুধিষ্ঠির।
তত্র তেনৈব হর্তব্যাশ্চৎবারোংশাঃ পিতুর্ধনাৎ॥ 13-82-12 (84671)
ত্রিয়ায়াস্তু যঃ পুত্রো ব্রাহ্মণঃ সোপ্যসংশয়ঃ।
স তু মাতুর্বিশেষেণ ত্রীনংশান্হর্তুমর্হতি॥ 13-82-13 (84672)
বর্ণে তৃতীয়ে জাতস্তু বৈশ্যায়াং ব্রাহ্মণাদপি।
দ্বিরংশস্তেন হর্তব্যো ব্রাহ্মণস্বাদ্যুধিষ্ঠির॥ 13-82-14 (84673)
শূদ্রায়াং ব্রাহ্মণাজ্জাতো নিত্যাদেয়ধনঃ স্মৃতঃ।
অল্পং চাপি প্রদাতব্যং শূদ্রাপুত্রায় ভারত॥ 13-82-15 (84674)
দশধা প্রবিভক্তস্য ধনস্যৈব ভবেৎক্রমঃ।
সবর্ণাসু তু জাতানাং সমান্ভাগান্প্রকল্পয়েৎ॥ 13-82-16 (84675)
অব্রাহ্মণং তু মন্যন্তে শূদ্রাপুত্রমনৈপুণাৎ।
ত্রিষু বর্ণেষু জাতো হি ব্রাহ্মণাদ্ব্রাহ্মণো ভবেৎ॥ 13-82-17 (84676)
স্মৃতাশ্চ বর্ণাশ্চৎবারঃ পঞ্চমো নাধিগম্যতে।
হরেচ্চ দশমং ভাগং শূদ্রাপুত্রঃ পিতুর্ধনাৎ॥ 13-82-18 (84677)
তত্তু দত্তং হরেৎপিত্রা নাদত্তং হর্তুমর্হতি।
অবশ্যং হি ধনং দেয়ং শূদ্রাপুত্রায় ভারত॥ 13-82-19 (84678)
আনৃশংস্যং পরো ধর্ম ইতি তস্মৈ প্রদীয়তে।
যত্রতত্র সমুৎপন্নং গুণায়ৈবোপপদ্যতে॥ 13-82-20 (84679)
যদ্যপ্যেষ সুপুত্রঃ স্যাদপুত্রো যদি বা ভবেৎ।
নাধিকং দশমাদ্দদ্যাচ্ছূদ্রাপুত্রায় ভারত॥ 13-82-21 (84680)
`স্মৃত একশ্চতুর্ভাগঃ কন্যাভাগস্তু ধর্মতঃ।
অভ্রাতৃকা সমগ্রাহা চার্ধাস্যেত্যপরে বিদুঃ॥' 13-82-22 (84681)
ত্রৈবার্বিকাদ্যদা ভক্তাদধিকং স্যাদ্দ্বিজস্য তু।
যজেত তেন দ্রব্যেণ ন বৃথা সাধয়েদ্ধনম্॥ 13-82-23 (84682)
ত্রিসহস্রপরো দায়ঃ স্ত্রিয়ৈ দেয়ো ধনস্য বৈ।
ভর্ত্রা তচ্চ ধনং দত্তং যথার্হং ভোক্তুমর্হতি॥ 13-82-24 (84683)
স্ত্রীণাং তু পতিদায়াদ্যমুপভোগফলং স্মৃতম্।
নাপহারং স্ত্রিয়ঃ কুর্যুঃ পিতৃবিত্তাৎকথঞ্চন॥ 13-82-25 (84684)
স্ত্রিয়াস্তু যদ্ভবেদ্বিত্তং পিত্রা দত্তং যুধিষ্ঠির।
ব্রাহ্মণ্যাস্তদ্ধরেৎকন্যা যথা পুত্রস্তথাঽস্য সা॥ 13-82-26 (84685)
সা হি পুত্রসমা রাজন্বিহিতা কুরুনন্দন।
এবমেব সমুদ্দিষ্টো ধর্মো বৈ ভরতর্ষভ।
এবং ধর্মমনুস্মৃত্য ন বৃথা সাধয়েদ্ধনম্॥ 13-82-27 (84686)
যুধিষ্ঠির উবাচ। 13-82-28x (7032)
শূদ্রায়াং ব্রাহ্মণাজ্জাতো যদ্যদেয়ধনঃ স্মৃতঃ।
কেন প্রতিবিশেষেণ দশমোঽপ্যস্য দীয়তে॥ 13-82-28 (84687)
ব্রাহ্মণ্যাং ব্রাহ্মণাজ্জাতো ব্রাহ্মণঃ স্যান্ন সংশয়ঃ।
ক্ষত্রিয়ায়াং তথৈব স্যাদ্বৈশ্যায়ামপি চৈব হি॥ 13-82-29 (84688)
কস্মাত্তু বিষমং ভাগং ভজেরন্নৃপসত্তম।
যদা সর্বে ত্রয়ো বর্ণাস্ৎবয়োক্তা ব্রাহ্মণা ইতি॥ 13-82-30 (84689)
ভীষ্ম উবাচ। 13-82-31x (7033)
দারা ইত্যুচ্যতে লোকে নাম্নৈকেন পরন্তপ।
প্রোক্তেনি চৈব নাম্নাঽয়ং বিশেষঃ সুমহান্ভবেৎ॥ 13-82-31 (84690)
তিস্রঃ কৃৎবা পুরো ভার্যাঃ পশ্চাদ্বিন্দেত ব্রাহ্মণীম্।
সা জ্যেষ্ঠা সা চ পূজ্যা স্যাৎসা চ তাভ্যো গরীয়সী 13-82-32 (84691)
স্নানং প্রসাধনং ভর্তুর্দন্তধাবনমুঞ্জনম্।
হব্যং কব্যং চ যচ্চান্যদ্ধর্ময়ুক্তং গৃহে ভবেৎ॥ 13-82-33 (84692)
ন তস্যাং জাতু তিষ্ঠন্ত্যামন্যা তৎকর্তুমর্হতি।
ব্রাহ্মণীৎবেব কুর্যাদ্বা ব্রাহ্মণস্য যুধিষ্ঠির॥ 13-82-34 (84693)
অন্নং পানং চ মাল্যং চ বাসাংস্যাভরণানি চ।
ব্রাহ্মণ্যৈতানি দেয়ানি ভর্তুঃ সা হি গরীয়সী॥ 13-82-35 (84694)
মনুনাঽভিহিতং শাস্ত্রং যচ্চাপি কুরুনন্দন।
তত্রাপ্যেষ মহারাজ দৃষ্টো ধর্মঃ সনাতনঃ॥ 13-82-36 (84695)
অথ চেদন্যথা কুর্যাদ্যদি কামাদ্যুধিষ্ঠির।
যথা ব্রাহ্মণচাণ্ডালঃ পূর্বদৃষ্টস্তথৈব সঃ॥ 13-82-37 (84696)
ব্রাহ্মণ্যাঃ সদৃশঃ পুত্রঃ ক্ষত্রিয়ায়াশ্চ যো ভবেৎ।
রাজন্বিশেষো যস্ৎবত্র বর্ণয়োরুভয়োরপি॥ 13-82-38 (84697)
ন তু জাত্যা সমা লোকে ব্রাহ্মণ্যাঃ ক্ষত্রিয়া ভবেৎ।
ব্রাহ্মণ্যাঃ প্রথমঃ পুত্রো ভূয়ান্স্যাদ্রাজসত্তম॥ 13-82-39 (84698)
ভূয়োভূয়োপি সংহার্যঃ পিতৃবিত্তাদ্যুধিষ্ঠির।
যথা ন সদৃশী জাতু ব্রাহ্মণ্যাঃ ক্ষত্রিয়া ভবেৎ॥ 13-82-40 (84699)
ক্ষত্রিয়ায়াস্তথা বৈশ্যা ন জাতু সদৃশী ভবেৎ।
শ্রীশ্চ রাজ্যং চ কোশশ্চ ক্ষত্রিয়াণাং যুধিষ্ঠির॥ 13-82-41 (84700)
বিহিতং দৃশ্যতে রাজন্সাগরান্তাং চ মেদিনীম্।
ক্ষত্রিয়ো হি স্বধর্মেণ শ্রিয়ং প্রাপ্নোতি ভূয়সীম্।
রাজা দণ্ডধরো রাজন্রক্ষা নান্যত্র ক্ষত্রিয়াৎ॥ 13-82-42 (84701)
ব্রাহ্মণা হি মহাভাগ দেবানামপি দেবতাঃ।
তেষু রাজা প্রবর্তেত পূজয়া বিধিপূর্বকম্॥ 13-82-43 (84702)
প্রণীতমৃষিভির্জ্ঞাৎবা ধর্মং শাশ্বতমব্যযম্।
লুপ্যমানং স্বধর্মেণ ক্ষত্রিয়ো রক্ষতি প্রজাঃ॥ 13-82-44 (84703)
দস্যুভির্হ্রিয়মাণং চ ধনং দারাংশ্চ সর্বশঃ।
সর্বেষামেব বর্ণানাং ত্রাতা ভবতি পার্থিবঃ॥ 13-82-45 (84704)
ভূয়ান্স্যাৎক্ষত্রিয়াপুত্রো বৈশ্যাপুত্রান্ন সংশয়ঃ।
ভূয়স্তেনাপি হর্তব্যং পিতৃবিত্তাদ্যুধিষ্ঠির॥ 13-82-46 (84705)
যুধিষ্ঠির উবাচ। 13-82-47x (7034)
উক্তং তে বিধিবদ্রাজন্ব্রাহ্মণস্য পিতামহ।
ইতরেষাং তু বর্ণানাং কথং বৈ নিয়মো ভবেৎ॥ 13-82-47 (84706)
ভীষ্ম উবাচ। 13-82-48x (7035)
ক্ষত্রিয়স্যাপি ভার্যে দ্বে বিহিতে কুরুনন্দন।
তৃতীয়া চ ভবেচ্ছূদ্রা ন তু দৃষ্টা ন তু স্মূতা॥ 13-82-48 (84707)
এষ এব ক্রমো হি স্যাৎক্ষত্রিয়াণাং যুধিষ্ঠির।
অষ্টধা তু ভবেৎকার্যং ক্ষত্রিয়স্বং জনাধিপ॥ 13-82-49 (84708)
ক্ষত্রিয়ায়া হরেৎপুত্রশ্চতুরোংশান্পিতুর্ধনাৎ।
যুদ্ধাবহারিকং যচ্চ পিতুঃ স্বাৎস হরেত্তু তৎ॥ 13-82-50 (84709)
বৈশ্যাপুত্রস্তু ভাগাংস্ত্রীঞ্শূদ্রাপুত্রস্তথাষ্টমম্।
একৈব হি ভবেদ্ভার্যা বৈশ্যস্য কুরুনন্দন। 13-82-51 (84710)
দ্বিতীয়া তু ভবেচ্ছূদ্রা ন তু দৃষ্টা ন তু স্মৃতা॥
বৈশ্যস্য বর্তমানস্য বৈশ্যায়াং ভরতর্ষভ। 13-82-52 (84711)
শূদ্রায়াং চাপি কৌন্তেয় তয়োর্বিনিয়মঃ স্মৃতঃ॥
পঞ্চধা তু ভবেৎকার্যং বৈশ্যস্বং ভরতর্ষভ। 13-82-53 (84712)
তয়োরপত্যে বক্ষ্যামি বিভাগং চ জনাধিপ॥
বৈশ্যাপুত্রেণ হর্তব্যাশ্চৎবারোংশাঃ পিতুর্ধনাৎ। 13-82-54 (84713)
পঞ্চমস্তু স্মৃতোঃ ভাগঃ শূদ্রাপুত্রায় ভারত॥
সোপি দত্তং হরেৎপিত্রা নাদত্তং হর্তুমর্হতি। 13-82-55 (84714)
ত্রিমির্বর্ণৈঃ সদা জাতঃ শূদ্রো দেয়ধনো ভবেৎ॥ 13-82-56 (84715)
শূদ্রস্য স্যাৎসবর্ণৈব ভার্যা নান্যা কথঞ্চন।
সমভাগাশ্চ পুত্রাঃ স্যুর্যদি পুত্রশতং ভবেৎ॥ 13-82-57 (84716)
জাতানাং সমবর্ণায়াঃ পুত্রাণামবিশেষতঃ।
সর্বেষামেব বর্ণানাং সমভাগো ধনাৎস্মৃতঃ॥ 13-82-58 (84717)
জ্যেষ্ঠস্য ভাগো জ্যেষ্ঠঃ স্যাদেকাংশো যঃ প্রধানতঃ।
এষ দায়বিধিঃ পার্থ পূর্বমুক্তঃ স্বয়ংভুবা॥ 13-82-59 (84718)
সমবর্ণাসু জাতানাং বিশেষোঽস্ত্যপরো নৃপ।
বিবাহবৈশিষ্ট্যকৃতঃ পূর্বপূর্বো বিশিষ্যতে॥ 13-82-60 (84719)
হরেজ্জ্যেষ্ঠঃ প্রধানাংশমেকভার্যাসুতেষ্বপি।
মধ্যমো মধ্যমং চৈব কনীয়াংস্তু কনীয়সম্॥ 13-82-61 (84720)
এবং জাতিষু সর্বাসু সবর্ণঃ শ্রেষ্ঠতাং গতঃ।
মহর্ষিরপি চৈতদ্বৈ মারীচঃ কাশ্যপোঽব্রবীৎ॥ ॥ 13-82-62 (84721)
ইতি শ্রীমন্মহাভারতে অনুশাসনপর্বণি দানধর্মপর্বণি দ্ব্যশীতিতমোঽধ্যায়ঃ॥। 82 ॥
Mahabharata - Anushaasana Parva - Chapter Footnotes
7-82-3 এবমৃৎবিগাত্মস্ত্রীশুদ্ধিমুক্ৎবা ধনশুদ্ধ্যর্থং দায়বিভাগং প্রস্তৌতি॥ 7-82-4 রতিমিচ্ছত এব বিহিতা নতু ধর্মম্॥ 7-82-6 কিং কিয়ৎপ্রমাণম্॥ 7-82-9 প্রায়শ্চিত্তমাত্মন ইচ্ছতি প্রায়শ্চিত্তীয়তে॥ 7-82-10 দ্বিগুণং প্রায়শ্চিত্তম্॥ 7-82-11 একাংশং মুখ্যাংশম্॥ 7-82-12 তেনৈব ব্রাহ্মণীপুত্রেণৈব॥ 7-82-20 সমুৎপন্নং আনৃশংস্যম্॥ 7-82-23 বৃথা যজ্ঞাদিপ্রয়োজনংবিনা ন সাধয়েৎ॥ 7-82-24 স্ত্রিয়োঽধিকো দায়ো ন দেয় ইত্যর্থঃ। তচ্চতুর্ধা ধনং দত্তং নাদত্তংভোক্তুমর্হতীতি থ.ধ. পাঠঃ॥ 7-82-25 কুর্যুঃ পুত্রা ইতি শেষঃ। পতিবিত্তাৎকথং চনেতি ঝ.পাঠঃ। পতিবিতাৎপত্যা দত্তাদ্বিত্তাৎ॥ 7-82-27 ধর্মো বিভাগপ্রকারঃ। বৃথা অন্যায়েন॥ 7-82-31 আদ্রিয়ন্তে ত্রিধর্গার্তিমিরিতি দারপদপ্রবৃত্তিনিমিত্তমাদরঃ। যতশ্চ ভর্ষা আদরস্তাসু বর্ণক্রমেণ যথায়োগ্যং তারতম্যক্রমেণ ক্রিয়ত ইতি তাৎপুত্রাণাং ভাগবৈষম্যং চাস্তীত্যভিপ্রায়ঃ॥ 7-82-40 ভূয়োভূয়োপি অধিকমধিকম্॥ 7-82-47 উক্তং দায়বিভাগাদি॥ 7-82-50 যুদ্ধেঽবহিয়তে তদ্রথগজায়ুধকবচাদিকং যুদ্ধাবহারিকম্॥ 7-82-53 সবর্ণাজ্যেষ্ঠতাং গতেতি থ.ধ.পাঠঃ॥অনুশাসনপর্ব - অধ্যায় 083
॥ শ্রীঃ ॥
13.83. অধ্যায়ঃ 083
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি সঙ্করজাতীনাং শীলবিভাগাদিনিরূপণম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
অর্থাশ্রয়াদ্বা কামাদ্বা বর্ণানাং চাপ্যনিশ্চয়াৎ।
অজ্ঞানাদ্বাপি বর্ণানাং জায়তে বর্ণসঙ্করঃ॥ 13-83-1 (84722)
তেষামেতেন বিধিনা জাতানাং বর্ণসঙ্করে।
কো ধর্মঃ কানি কর্মাণি তন্মে ব্রূহি পিতামহ॥ 13-83-2 (84723)
ভীষ্ম উবাচ। 13-83-3x (7036)
চাতুর্বর্ণ্যস্য কর্মাণি চাতুর্বর্ণ্যং চ কেবলম্।
অসৃজৎস হি যজ্ঞার্থে পূর্বমেব প্রজাপতিঃ॥ 13-83-3 (84724)
ভার্যাশ্চতস্নো বিপ্রস্য দ্বয়োরাত্মা প্রজায়তে।
আনুপূর্ব্যাদ্দ্বয়োর্হীনৌ মাতৃজাত্যৌ প্রসূয়তঃ॥ 13-83-4 (84725)
পরং শবাদ্ব্রাহ্মণস্যৈব পুত্রঃ
শূদ্রাপুত্রং পারশবং তমাহুঃ।
শুশ্রূষকঃ স্বস্য কুলস্য স স্যা-
ৎস্বচারিত্রং নিত্যমথো ন জহ্যাৎ॥ 13-83-5 (84726)
সর্বানুপায়ানথ সম্প্রধার্য
সমুদ্ধরেৎস্বস্য কুলস্য তন্ত্রম্।
জ্যেষ্ঠো যবীয়ানপি যো দ্বিজস্য
শুশ্রূষয়া দানপরায়ণঃ স্যাৎ॥ 13-83-6 (84727)
তিস্রঃ ক্ষত্রিয়সম্বন্ধাদ্দ্বয়োরাত্মাঽস্য জায়তে।
হীনবর্ণাস্তৃতীয়ায়াং শূদ্রা উগ্রা ইতি স্মৃতিঃ॥ 13-83-7 (84728)
দ্বে চাপি ভার্যে বৈশ্যস্য দ্বয়োরাত্মাঽস্ব জায়তে।
শূদ্রা শূদ্রস্য চাপ্যেকা শূদ্রমেব প্রজায়তে॥ 13-83-8 (84729)
অতোঽবিশিষ্টস্ৎবধমো গুরুদারপ্রধর্ষকঃ।
ব্রাহ্যং বর্ণং জনয়তি চাতুর্বর্ণ্যবিগর্হিতম্॥ 13-83-9 (84730)
অয়াজ্যং ক্ষত্রিয়ো ব্রাত্যংক সূতং স্তোত্রক্রিয়াপরম্।
বৈশ্যো বৈদেহকং চাপি মৌদ্গল্যমপবর্জিতম্॥ 13-83-10 (84731)
শূদ্রশ্চণ্ডালমত্যুগ্রং বধ্যঘ্নং বাহ্যবাসিনম্।
ব্রাহ্মণ্যাং সম্প্রজায়ন্ত ইত্যেতে কুলপাংসনাঃ।
এতে মতিমতাংশ্রেষ্ঠ বর্ণসঙ্করজাঃ প্রভো॥ 13-83-11 (84732)
বন্দী তু জায়তে বৈশ্যান্মাগধো বাক্যজীবনঃ।
শূদ্রান্নিষাদো মৎস্যঘ্নঃ ক্ষত্রিয়ায়াং ব্যতিক্রমাৎ॥ 13-83-12 (84733)
শূদ্রাদায়োগবশ্চাপি বৈশ্যায়াং গ্রাম্যধর্মিণঃ।
ব্রাহ্মণৈরপ্রতিগ্রাহ্যস্তক্ষা স্বধনজীবনঃ॥ 13-83-13 (84734)
এতেঽপি সদৃশান্বর্ণাঞ্জনয়ন্তি স্বয়োনিষু।
মাতৃজাত্যা প্রসূয়ন্তে হ্যবরা হীনয়োনিষু॥ 13-83-14 (84735)
যথা চতুর্ষু বর্ণেষু দ্বয়োরাত্মাঽস্য জায়তে।
আনন্তর্যাৎপ্রজায়ন্তে যথা বাহ্যা প্রধানতঃ॥ 13-83-15 (84736)
তে চাপি সদৃশং বর্ণং জনয়ন্তি স্বয়োনিষু।
পরস্পরস্য দারেষু জনয়ন্তি বিগর্হিতান্॥ 13-83-16 (84737)
যথা শূদ্রোঽপি ব্রাহ্মণ্যাং জন্তুং বাহ্যং প্রসূয়তে।
এবং বাহ্যতরাদ্বাহ্যশ্চাতুর্বর্ণ্যাৎপ্রজায়তে॥ 13-83-17 (84738)
প্রতিলোমং তু বর্ধন্তে বাহ্যোদ্বাহ্যতরাৎপুনঃ।
হীনাদ্ধীনাঃ প্রসূয়ন্তে বর্ণাঃ পঞ্চদশৈব তু॥ 13-83-18 (84739)
অগম্যাগমনাচ্চৈব জায়তে বর্ণসঙ্করঃ।
বাহ্যানামনুজায়ন্তে সৈরন্ধ্র্যাং মাগধেষু চ।
প্রসাধনোপচারজ্ঞমদাসং দাসজীবনম্॥ 13-83-19 (84740)
ক্ষত্রা হ্যায়োগবং সূতে বাগুরাবন্ধজীবনম্।
মৈরেয়কং চ বৈদেহঃ সম্প্রসূতেঽথ মাধুকম্॥ 13-83-20 (84741)
নিষাদো মদ্গুরং সূতে দাসং নাবোপজীবিনম্।
মৃতপং চাপি চাণ্ডালঃ শ্বপাকমিতি বিশ্রুতম্ 13-83-21 (84742)
চতুরো মাগধী সূতে ক্রূরান্মায়োপজীবিনঃ।
মাংসং স্বাদুকরং ক্ষৌদ্রং সৌগন্ধমিতি বিশ্রুতম্॥ 13-83-22 (84743)
বৈদেহকাচ্চ পাপিষ্ঠা ক্রূরং মায়োপজীবিনম্।
নিষাদান্মদ্রনাভং চ খরয়ানপ্রয়ায়িনম্॥ 13-83-23 (84744)
চণ্ডালাৎপুল্কসং চাপি খরাশ্বগজভোজিনম্।
ভৃতচৈলপ্রতিচ্ছন্নং ভিন্নভাজনভোজিনম্॥ 13-83-24 (84745)
আয়োগবীষু জায়ন্তে হীনবর্ণাস্তু তে ত্রয়ঃ।
ক্ষুদ্রো বৈদেহকাদন্ধো বহির্গ্রামপ্রতিশ্রয়ঃ॥ 13-83-25 (84746)
কারাবরো নিষাদ্যাং তু চর্মকারঃ প্রসূয়তে।
চাণ্ডালাৎপাণ্ডুসৌপাকস্ৎবক্সারব্যবহারবান্॥ 13-83-26 (84747)
আহিণ্কোং নিষাদেন বৈদেহ্যাং সম্প্রসূয়তে।
চণ্ডালেন তু সৌপাকশ্চণ্ডালসমবৃত্তিমান্॥ 13-83-27 (84748)
নিষাদী চাপি চণ্ডালাৎপুত্রমন্তেবসায়িনম্।
শ্মশানগোচরং সূতে বাহ্যৈরপি বহিষ্কৃতম্॥ 13-83-28 (84749)
ইত্যেতে সঙ্করে জাতাঃ পিতৃমাতৃব্যতিক্রমাৎ।
প্রচ্ছন্নান্বা প্রকাশা বা বেদিতব্যাঃ স্বকর্মভিঃ॥ 13-83-29 (84750)
চতুর্ণামেব বর্ণানাং ধর্মো নান্যস্য বিদ্যতে।
বর্ণানাং ধর্মহীনেষু সঙ্খ্যা নাস্তীহ কস্যচিৎ॥ 13-83-30 (84751)
যদৃচ্ছয়োপসম্পন্নৈর্যজ্ঞসাধুবহিষ্কৃতৈঃ।
বাহ্যা বাহ্যৈশ্চ জায়ন্তে যথাবৃত্তি যথাশ্রয়ম্॥ 13-83-31 (84752)
চতুষ্পথশ্মশানানি শৈলাংশ্চান্যান্বনস্পতীন্।
কার্ষ্ণায়সমলঙ্কারং পরিগৃহ্য চ নিত্যশঃ।
বসেয়ুরেতে বিজ্ঞাতা বর্তয়ন্তঃ স্বকর্মভিঃ॥ 13-83-32 (84753)
যুঞ্জন্তো বাঽপ্যলঙ্কারাংস্তথোপকরণানি চ।
গোব্রাহ্মণায় সাহয়্যং কুর্বাণা বৈ ন সংশয়ঃ॥ 13-83-33 (84754)
আনৃশংস্যমনুক্রোশঃ সত্যবাক্যং তথা ক্ষমা।
স্বশরীরৈরপি ত্রাণং বাহ্যানাং সিদ্ধিকারণম্।
ভবন্তি মনুজব্যাঘ্র তত্র মে নাস্তি সংশয়ঃ॥ 13-83-34 (84755)
যথোপদেশং পরিকীর্তিতাসু
নরঃ প্রজায়েত বিচার্য বুদ্ধিমান্।
নিহীনয়োনির্হি সুতোঽবসাদয়ে-
ত্তিতীর্ষমাণং হি যথোপলো জলে॥ 13-83-35 (84756)
অবিদ্বাংসমলং লোকে বিদ্বাংসমপি বা পুনঃ।
নয়ন্তি হ্যপথং নার্যঃ কামক্রোধবশানুগম্॥ 13-83-36 (84757)
স্বভাবশ্চৈব নারীণাং নরাণামিহ দূষণম্।
অত্যর্থং ন প্রসজ্জন্তে প্রমদাসু বিপশ্চিতঃ॥ 13-83-37 (84758)
যুধিষ্ঠির উবাচ। 13-83-38x (7037)
বর্ণাপেতমবিজ্ঞায় নরং কলুষয়োনিজম্।
আর্যরূপমিবানার্যং কথং বিদ্যামহে বয়ম্॥ 13-83-38 (84759)
ভীষ্ম উবাচ। 13-83-39x (7038)
যোনিসঙ্কলুষে জাতং নানাভাবসমন্বিতম্।
কর্মভিঃ সজ্জনাচীর্ণৈর্বিজ্ঞেয়াঃ শুদ্ধয়োনিকাঃ॥ 13-83-39 (84760)
অনার্যৎবমনাচারঃ ক্রূরৎবং নিষ্ক্রিয়াত্মতা।
পুরুষং ব্যঞ্জয়ন্তীহ লোকে কলুষয়োনিজম্॥ 13-83-40 (84761)
পিত্র্যং বা ভজতে শীলং মাতৃজং বা তথোভয়ম্।
ন কথঞ্চ সঙ্কীর্ণঃ প্রবৃতিং স্বাং নিয়চ্ছতি॥ 13-83-41 (84762)
যথৈব সদৃসো রূপে মাতাবিত্রোর্হি জায়তে।
ব্যাঘ্রবিন্দোস্তথা যোনিং পুরুষঃ স্বাং নিয়চ্ছতি॥ 13-83-42 (84763)
কুলে স্রোতসি সংচ্ছন্নে যস্য স্যাদ্যোনিসঙ্করঃ।
সংশ্রয়ত্যেব তচ্ছীলং নরোঽল্পমথবা বহু॥ 13-83-43 (84764)
আর্যরূপসমাচারং চরন্তং কৃতকে পথি।
সবর্ণমন্যবর্ণং বা স্বশীলং সাস্তি নিশ্চয়ে॥ 13-83-44 (84765)
নানাবৃত্তেষু ভূতেষু নানাক্রমরতেষু চ।
জন্মবৃত্তসমং লোকে সুশ্লিষ্টং ন বিরজ্যতে॥ 13-83-45 (84766)
শরীরমিহ সৎবেন ন তস্য পরিকৃষ্যতে।
জ্যেষ্ঠমধ্যাবরং সৎবং তুল্যসৎবং প্রমোদতে॥ 13-83-46 (84767)
জ্যায়াংসমপি শীলেন বিহীনং নৈব পূজয়েৎ।
অপি শূদ্রং চ ধর্মজ্ঞং সদ্বৃত্তমভিপূজয়েৎ॥ 13-83-47 (84768)
আত্মানমাখ্যাতি হি কর্মভির্নরঃ
সুশীলচারিত্রকুলৈঃ শুভাশুভৈঃ।
প্রনষ্টমপ্যাত্মকুলং তথা নরঃ
পুনঃ প্রকাশং কুরুতে স্বকর্মতঃ॥ 13-83-48 (84769)
যোনিষ্বেতাসু সর্বাসু সঙ্কীর্ণাস্বিতরাসু চ।
যত্রাত্মানং ন জনয়েদ্বুধস্তাং পরিবর্জয়েৎ॥ ॥ 13-83-49 (84770)
ইতি শ্রীমন্মহাভারতে অনুশাসনপর্বণি দানধর্মপর্বণি ত্র্যশীতিতমোঽধ্যায়ঃ॥ 83 ॥
Mahabharata - Anushaasana Parva - Chapter Footnotes
7-83-2 এতেন উক্তেন। বিধিনা প্রকারেণ॥ 7-83-3 শূদ্রাণাং সেবাদ্বারা যজ্ঞার্থৎবং নতু সাক্ষাৎ॥ 7-83-4 মাতৃজাত্যৌ বৈশ্যায়াং বৈশ্যোঽম্বষ্ঠো নাম। শূদ্রায়াং শূদ্রো নিষাদো নাম পারশবাখ্যো ভবতি॥ 7-83-5 শবস্থানতুল্যাচ্ছূদ্রাৎপরমুৎকৃষ্টম্। পরোংশভাগ্ব্রাহ্মণস্যৈব পুত্র ইতি থ.ধ.পাঠঃ॥ 7-83-6 তন্ত্রমুপকরণম্। বয়সা জ্যেষ্ঠোঽপি পারশবো দ্বিজস্য ত্রিবর্ণজস্য যবীয়ান্ কনীয়ানেবেতি সম্বন্ধঃ॥ 7-83-9 অতঃ স্বপিতুরবিশিষ্ঠো নাধিকঃ সন্নধমঃ শূদ্রো গুরূণাং ব্রাহ্মণাদীনাং দারপ্রধর্ষকশ্চেৎ বাহ্যং চাণ্ডালাদিম্॥ 7-83-10 বিপ্রায়াং ক্ষত্রিয়ো বাহ্যং সূতং স্তোমক্রিয়াপরমিতি ঝ.পাঠঃ॥ 7-83-11 বধ্যানাং চোরাদীনাং শিরশ্ছেদাদিকার্যকারিণং বদ্যঘ্নম্॥ 7-83-30 চাতুর্বর্ণ্যস্যৈব ধর্মাঃ *****ন্নে দিহিতাঃ ইতরেষাং ইতরেষাং তু জাতিভেদানাং ধর্মনিয়ম ইয়তা চ নাস্তি॥ 7-83-35 নিহীন*** রেতঃসেক ন কুর্যাদিতি ভাবঃ॥ 7-83-38 কলুষয়োনিজং সঙ্করয়োনিজম্॥ 7-83-39 নানাভাবৈরার্যেভ্যঃ পৃথগ্ভূতাভিশ্চেষ্টাভিঃ সমন্বিতং নরং সঙ্করয়োনিজং জানীয়াৎ॥ 7-83-41 প্রকৃতিং যোনিম্। নিয়চ্ছতি গূহিতুং ন শক্নোতীত্যর্থঃ॥ 7-83-42 যথা তির্যক্স্থারাদিকং বীজগুণং ন ত্যজত্যেবং মনুষ্যোঽপীত্যর্থঃ॥ 7-83-43 সঞ্চন্নে সুগুপ্তেঽপি যস্য জন্মনীতি শেষঃ। সঃ তচ্ছীলং সঙ্করকর্তুঃ স্বভাবম্॥ 7-83-46 তস্য সঙ্করজস্য শরীরং সৎবেন শাস্ত্রীয়বুদ্ধ্যা ন পরিকৃষ্যতে ন নীচমার্গাদপকৃষ্যতে। বীজগুণস্য প্রাবল্যাৎ॥অনুশাসনপর্ব - অধ্যায় 084
॥ শ্রীঃ ॥
13.84. অধ্যায়ঃ 084
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রত্যৌরসাদিপুত্রনিরূপণম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
ব্রূহি তাত কুরুশ্রেষ্ঠ বর্ণানাং ৎবং পৃথক্ পৃথক্।
কীদৃশ্যাং কীদৃশাশ্চাপি পুত্রাঃ কস্য চ কে চ তে॥ 13-84-1 (84771)
বিপ্রবাদাঃ সুবহবঃ শ্রূয়ন্তে পুত্রকারিণাম্।
অত্র নো মুহ্যতাং রাজন্সংশয়ং ছেত্তুমর্হসি॥ 13-84-2 (84772)
ভীষ্ম উবাচ। 13-84-3x (7039)
`আত্মা পুত্রস্তু বিজ্ঞেয়ঃ প্রথমো বহুধা পরে॥ 13-84-3 (84773)
স্বে ক্ষেত্রে সংস্কৃতে যস্তু পুত্রমুৎপাদয়েৎস্বয়ম্।
তমৌরসং বিজানীয়াৎপুত্রং প্রথমকল্পিতম্॥ 13-84-4 (84774)
অগ্নিং প্রজাপতিং চেষ্ট্বা বরায় প্রতিপাদিতা।
পুত্রিকা স্যাদ্দুহিতরি সঙ্কল্পে বাঽপি বা সুতঃ॥ 13-84-5 (84775)
তল্পে জাতঃ প্রমীতস্য ক্লীবস্য পতিতস্য বা।
স্বধর্মেণ নিয়ুক্তো যঃ স পুত্রঃ ক্ষেত্রজঃ স্মৃতঃ॥ 13-84-6 (84776)
মাতা পিতা চ দদ্যাতাং যমদ্ভিঃ পুত্রমাপদি।
সদৃশপ্রীতিসংয়ুক্তো বিজ্ঞেয়ো দত্রিমঃ সুতঃ॥ 13-84-7 (84777)
সদৃশং তু প্রকুর্যাদ্যং গুণদোষবিচক্ষণম্।
পুত্রং পুত্রগুণৈর্যুক্তং বিজ্ঞেয়ঃ স তু কৃত্রিমঃ॥ 13-84-8 (84778)
উৎপদ্যতে যস্য গূঢং ন চ জ্ঞায়েত কস্যচিৎ।
স ভবেদ্গূঢজো নাম তস্য স্যাদ্যস্য তল্পতঃ॥ 13-84-9 (84779)
মাতাপিতৃভ্যামুৎসৃষ্টস্তয়োরন্যতরেণ বা।
যং পুত্রং প্রতিগৃহ্ণীয়াদপবিদ্ধঃ স উচ্যতে॥ 13-84-10 (84780)
পিতৃবেশ্মনি কন্যা তু যং পুত্রং জনয়েদ্রহঃ।
তং কানীনং বদন্নাম্না বোঢুঃ কন্যাসমুদ্ভবে॥ 13-84-11 (84781)
যা গর্ভিণী সংস্ক্রিয়তে জ্ঞাতাঽজ্ঞাতাপি বা সতী।
বোঢুঃ স গর্ভো ভবতি সহোঢ ইতি উচ্যতে॥ 13-84-12 (84782)
ক্রীণীয়াদ্যস্ৎবপর্যার্থং মাতাপিত্রোর্যমন্তিকাৎ।
স ক্রীতকঃ সুতস্তস্য সদৃশোঽসদৃশোপি বা॥ 13-84-13 (84783)
যা পত্যা বা পরিত্যক্তা বিধবা বা স্বকেচ্ছয়া।
উৎপাদয়তি পুনর্ভূৎবা স পৌনর্ভব উচ্যতে॥ 13-84-14 (84784)
সা চেদক্ষতয়োনিঃ স্যাদ্গতপ্রত্যাঙ্গতাঽপি বা।
পৌনর্ভবেন ভর্ত্রা সা পুনসংস্কারমর্হতি॥ 13-84-15 (84785)
মাতাপিতৃহনো যঃ স্যাত্ত্যক্তো বা স্যাদকারণম্।
আত্মানং স্পর্শয়েদ্যস্তু স্বয়ংদত্তস্তু স স্মৃতঃ॥ 13-84-16 (84786)
যং ব্রাহ্মণস্তু শূদ্রায়াং কামাদুৎপাদয়েৎসুতম্।
স পাবয়ন্নেব শবস্তস্মাৎপারশবঃ স্মৃতঃ॥ 13-84-17 (84787)
দাস্যাং বা দাসদাস্যাং বা যঃ শূদ্রস্য সুতো ভবেৎ।
সোঽনুজ্ঞাতো হরেদংশমিতি ধর্মো ব্যবস্থিতঃ॥ 13-84-18 (84788)
ক্ষেত্রজাদীন্সুতানেতানেকাদশ যথোদিতান্।
পুত্রপ্রতিনিধীনাহুঃ ক্রিয়ালোপান্মনীষিণঃ॥ 13-84-19 (84789)
প্রাতৄণামেকজাতানামেকশ্চেৎপুত্রবান্ভবেৎ।
সর্বাংস্তাংস্তেন পুত্রেণ পুত্রিণো মনুরব্রবীৎ॥ 13-84-20 (84790)
সর্বাসামেকপত্নীনামেকা চেৎপুত্রিণী ভবেৎ।
সর্বাস্তাস্তেন পুত্রেণ প্রাহ পুত্রবতীর্মনুঃ॥ 13-84-21 (84791)
আত্মা পুত্রশ্চ বিজ্ঞেয়স্তস্যানন্তরজশ্চ যঃ।
নিরুক্তজশ্চ বিজ্ঞেয়ঃ সুতঃ প্রসৃতজস্তথা॥ 13-84-22 (84792)
পতিতস্য তু ভার্যায়া ভর্ত্রা সুসমবেতয়া।
তথা দত্তকৃতৌ পুত্রাবধ্যূঢশ্চ তথাঽপরঃ॥ 13-84-23 (84793)
ষডপধ্বংসজাশ্চাপি কানীনাপসদাস্তথা।
ইত্যেতে বৈ সমাখ্যাতাস্তান্বিজানীহি ভারত॥ 13-84-24 (84794)
যুধিষ্ঠির উবাচ। 13-84-25x (7040)
ষডপধ্বংসজাঃ কে স্যুঃ কে বাঽপ্যপসদাস্তথা।
এতৎসর্বং যথাতত্ৎবং ব্যাখ্যাতুং মে ৎবমর্হসি॥ 13-84-25 (84795)
ভীষ্ম উবাচ। 13-84-26x (7041)
ত্রিষু বর্ণেষু যে পুত্রা ব্রাহ্মণস্য যুধিষ্ঠির।
বর্ণয়োশ্চ দ্বয়োঃ স্যাতাং যৌ রাজন্যস্য ভারত॥ 13-84-26 (84796)
একো দ্বিবর্ণ এবাথ তথাঽত্রৈবোপলক্ষিতঃ।
ষডপধ্বংসজাস্তে হি তথৈবাপসদাঞ্শৃণু॥ 13-84-27 (84797)
চাণ্ডালো ব্রাত্যবর্ণৌ তু ব্রাহ্মণ্যাং ক্ষত্রিয়াসু চ।
বৈশ্যায়াং চৈব শূদ্রস্য লক্ষ্যাস্তেঽপসদাস্ত্রয়ঃ॥ 13-84-28 (84798)
মাগধো বামকশ্চৈব দ্বৌ বৈশ্যস্যোপলক্ষিতৌ।
ব্রাহ্মণ্যাং ক্ষত্রিয়ায়াং চ ক্ষত্রিয়স্যৈক এব তু॥ 13-84-29 (84799)
ব্রাহ্মণ্যাং লক্ষ্যতে সূত ইত্যেতেঽপসদাঃ স্মৃতাঃ।
পুত্রা হ্যেতে ন শক্যন্তে মিথ্যা কর্তুং নরাধিপ॥ 13-84-30 (84800)
যুধিষ্ঠির উবাচ। 13-84-31x (7042)
ক্ষেত্রজং কেচিদেবাহুঃ সুতং কেচিত্তু শুক্রজম্।
তুল্যাবেতৌ সুতৌ কস্য তন্মে ব্রূহি পিতামহ॥ 13-84-31 (84801)
ভীষ্ম উবাচ। 13-84-32x (7043)
রেতজো বা ভবেৎপুত্রঃ পুত্রো বা ক্ষত্রেজো ভবেৎ।
অধ্যূঢঃ সময়ং ভিত্ৎবেত্যেতদেব নিবোধ মে॥ 13-84-32 (84802)
যুধিষ্ঠির উবাচ। 13-84-33x (7044)
রেতজং বিদ্ম বৈ পুত্রং ক্ষত্রেজস্যাগমঃ কথম্।
অধ্যূঢং বিদ্ম বৈ পুত্রং ভিত্ৎবা তু সময়ং কথম্॥ 13-84-33 (84803)
ভীষ্ম উবাচ। 13-84-34x (7045)
আত্মজং পুত্রমুৎপাদ্য যস্ত্যজেৎকারণান্তরে।
ন তত্র কারণং রেতঃ স ক্ষেত্রস্বামিনো ভবেৎ॥ 13-84-34 (84804)
পুত্রকামো হি পুত্রার্থে যাং বৃণীতে বিশাম্পতে।
তত্র ক্ষেত্রং প্রমাণং স্যান্ন বৈ তত্রাত্মজঃ সুতঃ॥ 13-84-35 (84805)
অন্যত্র ক্ষেত্রজঃ পুত্রো লক্ষ্যতে ভরতর্ষভ।
ন হ্যাত্মা শক্যতে হন্তুং দৃষ্টান্তোপগতো হ্যসৌ॥ 13-84-36 (84806)
ক্বচিচ্চ কুতকঃ পুত্রঃ সঙ্গ্রহাদেব লক্ষ্যতে।
ন তত্র রেতঃ ক্ষেত্রং বা প্রমাণং স্যাদ্যুধিষ্ঠির॥ 13-84-37 (84807)
যুধিষ্ঠির উবাচ। 13-84-38x (7046)
কীদৃশঃ কৃতকঃ পুত্রঃ সঙ্গ্রহাদেব লক্ষ্যতে।
শুক্রং ক্ষেত্রং প্রমাণং বা যত্র লক্ষ্যং ন ভারত॥ 13-84-38 (84808)
ভীষ্ম উবাচ। 13-84-39x (7047)
মাতাপিতৃভ্যাং যস্ত্যক্তঃ পথি যস্তং প্রকল্পয়েৎ।
ন চাস্য মাতাপিতরৌ জ্ঞায়েতাং স হি কৃত্রিমঃ॥ 13-84-39 (84809)
অস্বামিকস্য স্বামিৎবং যস্মিন্সম্প্রতিলক্ষ্যতে।
যো বর্ণঃ পোষয়েত্তং চ তদ্বর্ণস্তস্য জায়তে॥ 13-84-40 (84810)
যুধিষ্ঠির উবাচ। 13-84-41x (7048)
কথমস্য প্রয়োক্তব্যঃ সংস্কারঃ কস্য বা কথম্।
দেয়া কন্যা কথং চেতি তন্মে ব্রূহি পিতামহ॥ 13-84-41 (84811)
ভীষ্ম উবাচ। 13-84-42x (7049)
আত্মবত্তস্য কুর্বীত সংস্কারং স্বামিবত্তথা।
ত্যক্তো মাতাপিতৃভ্যাং যঃ সবর্ণং প্রতিপদ্যতে॥ 13-84-42 (84812)
তদ্গোত্রবন্ধুজং তস্য কুর্যাৎসংস্কারমচ্যুত।
অথ দেয়া তু কন্যা স্যাত্তদ্বর্ণস্য যুধিষ্ঠির॥ 13-84-43 (84813)
সংস্কর্তুং বর্ণগোত্রং চ মাতৃবর্ণবিনিশ্চয়ে।
কানীনাধ্যূঢজৌ বাঽপি বিজ্ঞেয়ৌ পুত্রকিল্বিষৌ॥ 13-84-44 (84814)
কানীনাধ্যূঢজৌ বাঽপি বিজ্ঞেয়ৌ পুত্রকিল্বিষৌ॥
তাবপি স্বাবিব সুতৌ সংস্কার্যাবিতি নিশ্চয়ঃ। 13-84-45 (84815)
ক্ষেত্রজো বাঽপ্যপসদো যেঽধ্যূঢাস্তেষু চাপ্যুত॥
আত্মবদ্বৈ প্রয়ুঞ্জীরন্সংস্কারান্ব্রাহ্মণাদয়ঃ। 13-84-46 (84816)
`স্বং জন্মে মাতৃগোত্রেণ সংস্কারং ব্রাহ্মণাদয়ঃ॥'
ধর্মশাস্ত্রেষু বর্ণানাং নিশ্চয়োঽয়ং পদৃশ্যতে। 13-84-47 (84817)
এতত্তে সর্বমাখ্যাতং কিং ভূয়ঃ শ্রোতুমিচ্ছসি॥ ॥ 13-84-48 (84818)
ইতি শ্রীমন্মহাভারতে অনুশাসনপর্বণি দানধর্মপর্বণি চতুরশীতিতমোঽধ্যায়ঃ॥ 84 ॥
Mahabharata - Anushaasana Parva - Chapter Footnotes
7-84-2 বিপ্রবাদাঃ বিবিধাঃ প্রবাদঃ পূর্বোক্তা এব॥ 7-84-6 তল্পে কলত্রে॥ 7-84-22 অনন্তরজঃ ঔরসঃ নিরুক্তজঃ স্বক্ষেত্রেঽন্যো রেতঃসেকার্থমুক্তস্তজ্জঃ। প্রসৃতোঽনিরুক্তোঽপি যো লৌল্যাৎপরক্ষেত্রে রেতঃ সিঞ্চতি তজ্জঃ প্রসৃতজঃ॥ 7-84-23 তথা পতিতাৎস্বভার্যায়ামেব জাতঃ। ভার্যায়াঃ তৃতীয়ার্থে ষষ্ঠী। দত্তঃ পঞ্চমঃ। কৃতঃ ক্রীতঃ স্বয়মুপায়গম্যো বা ষষ্ঠঃ। অধ্যূঢঃ যস্য মাতা গর্ভবত্যেব ঊঢা তাদৃশঃ সপ্তমঃ॥ 7-84-24 ষডপধ্বংসজা বক্ষ্যমাণাঃ। কানীনঃ কন্যায়াং বিবাহাৎ প্রাগুৎপন্নশ্চতুর্দশঃ। অপসদা বক্ষ্যমাণাঃ ষট্। এতে বিংশতিঃ। তান্সর্বান্ পুত্রানিতি বিজানীহি॥ 7-84-34 কারণান্তরে লোকাপবাদাদিভয়ে সতি॥ 7-84-35 যাং গর্ভবতী কন্যাং বৃণীতে তত্র স পুত্রো বোদুরেব ক্ষেত্রজো নতু সেক্তুরাত্মজ॥অনুশাসনপর্ব - অধ্যায় 085
॥ শ্রীঃ ॥
13.85. অধ্যায়ঃ 085
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি মহদ্দর্শনসহবাসয়োর্গবাং চ প্রভাববোধনায় চ্যবনোপাখ্যানকথনারম্ভঃ॥ 1 ॥ গঙ্গায়মুনা সঙ্গমেঽন্তর্জলে নিমজ্য তপস্যতশ্চ্যবনস্য দাশৈর্জালেন জলচরৈঃ সহ কূলপ্রাপণম্॥ 2 ॥ দাশৈঃ প্রার্থিতেন তেন তান্প্রতি মৎস্যৈ সহ স্বস্য প্রাণজালান্যতরস্মান্মোচনচোদনা॥ 3॥Mahabharata - Anushaasana Parva - Chapter Text
যুধিষ্ঠির উবাচ।
দর্শনে কীদৃশঃ স্নেহঃ সংবাসে চ পিতামহ।
মহাভাগ্যং গবাং চৈব তন্মে ব্যাখ্যাতুমর্হসি॥ 13-85-1 (84819)
ভীষ্ম উবাচ। 13-85-2x (7050)
হন্ত তে কথয়িষ্যামি পুরাবৃত্তং মহাদ্যুতে।
নহুষস্য চ সংবাদং মহর্ষেশ্চ্যবনস্য চ॥ 13-85-2 (84820)
পুরা মহর্ষিশ্চ্যবনো ভার্গবো ভরতর্ষভ।
উদবাসকৃতারম্ভো বভূব স মহাব্রতঃ॥ 13-85-3 (84821)
নিহত্য মানং ক্রোধং চ প্রহর্ষং শোকমেব চ।
বর্ষাণি দ্বাদশ মুনির্জলবাসে ধৃতব্রতঃ॥ 13-85-4 (84822)
আদধৎসর্বভূতেষু বিস্রম্যং পরমং শুভম্।
জলেচরেষু সর্বেষু শীতরশ্মিরিব প্রভুঃ॥ 13-85-5 (84823)
স্থাণুভূতঃ শুচির্ভূৎবা দৈবতেভ্যঃ প্রণম্য চ।
গঙ্গায়মুনয়োর্মধ্যে জলং সম্প্রবিবেশ হ॥ 13-85-6 (84824)
গঙ্গায়মুনয়োর্বেগং সুভীমং ভীমনিঃস্বনম্।
প্রতিজগ্রাহ শিরসা বাতবেগসমং জবে॥ 13-85-7 (84825)
গঙ্গা চ যমুনা চৈব সরিতশ্চ সরাংসি চ।
প্রদক্ষিণমৃষিং চক্রুর্ন চৈনং পর্যপীডয়ন্॥ 13-85-8 (84826)
অন্তর্জলেষু সুষ্বাপ কাষ্ঠভূতো মহামুনিঃ।
ততশ্চোর্ধ্বস্থিতো ধীমানভবদ্ভরতর্ষভ॥ 13-85-9 (84827)
জলৌকসাং সসৎবানাং বভূব প্রিয়দর্শনঃ।
উপাজিঘ্নন্ত চ তদা মৎস্যাস্তং হৃষ্টমানসাঃ।
তত্র তস্যাসতঃ কালঃ সমতীতোঽভবন্মহান্॥ 13-85-10 (84828)
ততঃ কদাচিৎসময়ে কস্মিংশ্চিন্মৎস্যজীবিনঃ।
তং দেশং সমুপাজগ্মুর্জালহস্তা মহাদ্যুতে॥ 13-85-11 (84829)
নিষাদা বহবস্তত্র মৎস্যোদ্ধরণনিশ্চয়াঃ।
ব্যায়তা বলিনঃ শূরাঃ সলিলেষ্বনুবর্তিনঃ।
অভ্যায়যুশ্চ তং দেশং নিশ্চিতা জালকর্ম্ণি॥ 13-85-12 (84830)
জালং তে যোজয়ামাসুর্নবসূত্রকৃতং দৃঢম্।
মৎস্যোদ্ধরণমাকর্ষস্তদা ভরতসত্তম॥ 13-85-13 (84831)
ততস্তে বহুভির্যোগৈঃ কৈবর্তা মৎস্যকাঙ্ক্ষিণঃ।
গঙ্গায়মুনয়োর্বারি জালেনাবকিরন্তি তে॥ 13-85-14 (84832)
জালং সুবিততং তেষাং নবসূত্রকৃতং তথা।
বিস্তারায়ামসম্পন্নং যত্তত্র সলিলে ক্ষমম্॥ 13-85-15 (84833)
ততস্তে সুমহচ্চৈব বলবচ্চ সুবর্তিতম্।
অবতীর্য ততঃ সর্বে জালং চকৃষিরে তদা॥ 13-85-16 (84834)
অভীতরূপাঃ সংহৃষ্টা অন্যোন্যবশবর্তিনঃ।
ববন্ধুস্তত্র মৎস্যাংশ্চ তথাঽন্যাঞ্জলচারিণঃ॥ 13-85-17 (84835)
তথা মৎস্যৈঃ পরিবৃতং চ্যবনং ভৃগুনন্দনম্।
আকর্ষয়ন্মহারাজ জালেনাথ যদৃচ্ছয়া॥ 13-85-18 (84836)
নদীশৈবলদিগ্ধাঙ্গং হরিশ্মশ্রুজটাধরম্।
লগ্নৈঃ শঙ্খনখৈর্গাত্রে ক্রোডৈশ্চিত্রৈরিবার্পিতম্। 13-85-19 (84837)
তং জালেনোদ্ধৃতং দৃষ্ট্বা তে তদা বেদপারগম্।
সর্বে প্রাঞ্জলয়ো দাশাঃ শিরোভিঃ প্রাপতন্ভুবি॥ 13-85-20 (84838)
পরিখেদপরিত্রাসাজ্জালস্যাকর্ষণেন চ।
মৎস্যা বভূবুর্ব্যাপন্নাঃ স্থলসংস্পর্শনেন চ॥ 13-85-21 (84839)
স মুনিস্তত্তদা দৃষ্ট্বা মৎস্যানাং কদনং কৃতম্।
বভূব কৃপয়াবিষ্টো নিঃশ্বসংশ্চ পুনঃপনঃ॥ 13-85-22 (84840)
নিষাদা ঊচুঃ। 13-85-23x (7051)
অজ্ঞানাদ্যৎকৃতং পাপং প্রসাদং তত্র নঃ কুরু।
করবাম প্রিয় কিং তে তন্নো ব্রূহি মহামুনে॥ 13-85-23 (84841)
ইত্যুক্তো মৎস্যমধ্যস্থশ্চ্যবনো বাক্যমব্রবীৎ।
যো মেঽদ্য পরমঃ কামস্তং শৃণুধ্বং মসাহিতাঃ॥ 13-85-24 (84842)
প্রাণোৎসর্গং বিসর্গং বা মৎস্যৈর্যাস্যাম্যহং সহ।
সংবাসান্নোৎসহে ত্যক্তুং সলিলেঽধ্যুপিতানহম্॥ 13-85-25 (84843)
ইত্যুক্তাস্তে নিষাদাস্তু সুভৃশং ভয়কম্পিতাঃ।
সর্বে বিবর্ণবদনা নহুষায় ন্যবেদয়ন্॥ ॥ 13-85-26 (84844)
ইতি শ্রীমন্মহাভারতে অনুশাসনপর্বণি দানধর্মপর্বণি পশ্চাশীতিতমোঽধ্যায়ঃ॥ 85 ॥
Mahabharata - Anushaasana Parva - Chapter Footnotes
7-85-1 পরপীডাদর্শনে পরৈঃ সহ সংবাসে চ কীদৃশঃ স্নেহ আতৃশংস্যং চ কর্তব্যম্। গবাং মাহাত্ম্যং চ ব্রূহীতি প্রশ্নদূয়ম্॥ 7-85-8 সরিতশ্চ তথানুগা ইতি ট.থ.ধ.পাঠঃ॥ 7-85-9 ঊর্ধ্বস্থিতঃ উপবিষ্টঃ॥ 7-85-10 আসতঃ আসীনস্য॥ 7-85-19 শঙ্খানাং জলজন্তুবিশেষাণাং নখানি তৈঃ॥অনুশাসনপর্ব - অধ্যায় 086
॥ শ্রীঃ ॥
13.86. অধ্যায়ঃ 086
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
দাশৈশ্চ্যবনবৃত্তান্তং নিবেদিতেন নহুষেণ তংপ্রতি তদভীষ্টকরণপ্রতিজ্ঞানম্॥ 1 ॥ চ্যবনেন নহুষংপ্রতি দাশেভ্যঃ স্বোচিতমূল্যদানেনাত্মমোচনচোদনা॥ 2 ॥ নহুষেণ সংপূর্ণরাজ্যস্য মূল্যতাপরিকল্পনেপি মুনিতা তদনঙ্গীকরণে গবি জাতেন মুনিনা গোঃ প্রতিনিধীকরণম্॥ 3 ॥ চ্যবনেন গোপ্রতিগ্রহণেন স্বসহবাসিভির্মৎস্যৈঃ সহ দাশানাং স্বর্গপ্রাপণম্॥ 4 ॥Mahabharata - Anushaasana Parva - Chapter Text
ভীষ্ম উবাচ।
নহুষস্তু ততঃ শ্রুৎবা চ্যবনং তং তথাঽঽগতম্।
ৎবরিতঃ প্রয়যৌ তত্রি সহামাত্যপুরোহিতঃ॥ 13-86-1 (84845)
শৌচং কৃৎবা যথান্যায়ং প্রাঞ্জলিঃ প্রয়তো নৃপঃ।
আত্মানমাচচক্ষে চ চ্যবনায় মহাত্মনে॥ 13-86-2 (84846)
অর্চয়ামাস তং চাপি তস্য রাজ্ঞঃ পুরোহিতঃ।
সত্যব্রতং মহাত্মানং দেবকল্পং বিশাম্পতে॥ 13-86-3 (84847)
নহুষ উবাচ। 13-86-4x (7052)
করবাণি প্রিয়ং কিং তে তন্মে ব্রূহি দ্বিজোত্তম।
সর্বং কর্তাঽস্মি ভগবন্যদ্যপি স্যাৎসুদুষ্করম্॥ 13-86-4 (84848)
চ্যবন উবাচ। 13-86-5x (7053)
শ্রমেণি মহতা যুক্তাঃ কৈবর্তা মৎস্যজীবিনঃ।
মম মূল্যং প্রয়চ্ছৈভ্যো মৎস্যানাং বিক্রয়ৈঃ সহ॥ 13-86-5 (84849)
নহুষ উবাচ। 13-86-6x (7054)
সহস্রং দীয়তাং মূল্যং নিষাদেভ্যঃ পুরোহিত।
নিষ্ক্রয়ার্থে ভগবতো যথাঽঽহ ভৃগুনন্দনঃ॥ 13-86-6 (84850)
চ্যবন উবাচ। 13-86-7x (7055)
আত্মমূল্যং চ বক্তব্যং ন তল্লোকঃ প্রশংসতি।
তস্মাদহং প্রবক্ষ্যামি ন চাত্মস্তুতিম্মবৃতঃ॥ 13-86-7 (84851)
সহস্রং নাহমর্হামি কিং বা ৎবং মন্যসে নৃপ।
সদৃশং দীয়তাং মূল্যং স্ববুদ্ধ্যা নিশ্চয়ং কুরু॥ 13-86-8 (84852)
নহুষ উবাচ। 13-86-9x (7056)
সহস্রাণাং শতং বিপ্র নিষোদেভ্যঃ প্রদীয়তাম্।
স্যাদিদং ভগবন্মূল্যং কিং বাঽন্যন্মন্যতে ভবান্॥ 13-86-9 (84853)
চ্যবন উবাচ। 13-86-10x (7057)
নাহং শতসহস্রেণ নিমেয়ঃ পার্থিবর্ষভ।
দীয়তাং সদৃশং মূল্যমমাত্যৈঃ সহ চিন্তয়॥ 13-86-10 (84854)
নহুষ উবাচ। 13-86-11x (7058)
কোটিঃ প্রদীয়তাং মূল্যং নিষাদেভ্যঃ পুরোহিত।
যদেতদপি নো মূল্যমতো ভূয়ঃ প্রদীয়তাম্॥ 13-86-11 (84855)
চ্যবন উবাচ। 13-86-12x (7059)
রাজন্নার্হাম্যহং কোটিং ভূয়ো বাঽপি মহাদ্যুতে।
সদৃশং দীয়তাং মূল্যং ব্রাহ্মণৈঃ সহ চিন্তয়॥ 13-86-12 (84856)
নহুষ উবাচ। 13-86-13x (7060)
অর্দং রাজ্যং সমগ্রং বা নিষাদেভ্যঃ প্রদীয়তাম্।
এতত্তুল্যমহং মন্যে কিং বাঽন্যন্মন্যসে দ্বিজ॥ 13-86-13 (84857)
চ্যবন উবাচ। 13-86-14x (7061)
অর্ধং রাজ্যং সমগ্রং চ মূল্যং নার্হামি পার্থিব।
সদৃশং দীয়তাং মূল্যমৃষিভিঃ সহ চিন্ত্যতাম্॥ 13-86-14 (84858)
ভীষ্ম উবাচ। 13-86-15x (7062)
মহর্ষের্বচনং শ্রুৎবা নহুষো দুঃখকর্শিতঃ।
স চিন্তয়ামাস তদা সহামাত্যপুরোহিতঃ॥ 13-86-15 (84859)
তত্র ৎবন্যো বনচরঃ কশ্চিন্মূলফলাশনঃ।
নহুষস্য সমীপস্থো গবিজাতোঽভবন্মুনিঃ॥ 13-86-16 (84860)
স তমাভাষ্য রাজানমব্রবীদ্দ্বিজসত্তমঃ।
তোষয়িষ্যাম্যহং ক্ষিপ্তং যথা তুষ্টো ভবিষ্যতি॥ 13-86-17 (84861)
নাহং মিথ্যাবচো ব্রূয়াং খৈরেষ্বপি কুতোঽন্যথা।
ভবতো যদহং ব্রয়াং তৎকার্যমবিশঙ্কয়া॥ 13-86-18 (84862)
নহুষ উবাচ। 13-86-19x (7063)
ব্রবীতু ভগবান্মূল্যং মহর্ষেঃ সদৃশং ভৃগোঃ।
পরিত্রায়স্ব মামস্মদ্বিষয়ং চ কুলং চ মে॥ 13-86-19 (84863)
হন্যাদ্ধি ভগবান্ক্রুদ্ধস্ত্রৈলোক্যমপি কেবলম্।
কিং পুনর্মাং তপোহীনং বাহুবীর্যপরায়ণম্। 13-86-20 (84864)
অগাধাম্ভসি মগ্নস্য সামাত্যস্য সঋৎবিজঃ।
প্লবো ভব মহর্ষে ৎবং কুরু মূল্যবিনিশ্চয়ম্॥ 13-86-21 (84865)
ভীষ্ম উবাচ। 13-86-22x (7064)
নহুষস্য বচঃ শ্রুৎবা গবিজাতঃ প্রতাপবান্।
উবাচ হর্ষয়ন্সর্বানমাত্যান্পার্থিবং চ তম্॥ 13-86-22 (84866)
`ব্রাহ্মণানাং গবাং চৈব কুলমেকং দ্বিধা কৃতম্।
একত্র মন্ত্রাস্তিষ্ঠন্তি হবিরন্যত্র তিষ্ঠতি॥' 13-86-23 (84867)
অনর্ঘেয়া মহারাজ দ্বিজা বর্ণেষু চোত্তমাঃ।
গাবশ্চ পুরুষব্যাগ্র গৌর্মূল্যং পরিকল্প্যতাম্॥ 13-86-24 (84868)
নহুষস্তু ততঃ শ্রুৎবা মহর্ষের্বচনং নৃপ।
হর্ষেণ মহতা যুক্তঃ সহামাত্যপুরোহিতঃ॥ 13-86-25 (84869)
অভিগম্য ভৃগোঃ পুত্রং চ্যবনং সংশিতব্রতম্।
ইদং প্রোবাচ নৃপতে বাচা সন্তর্পয়ন্নিব॥ 13-86-26 (84870)
উত্তিষ্ঠোত্তিষ্ঠ বিপ্রর্ষে গবা ক্রীতোসি ভার্গব।
এতন্মূল্যমহং মন্যে তব ধর্মভৃতাংবর॥ 13-86-27 (84871)
চ্যবন উবাচ। 13-86-28x (7065)
উত্তিষ্ঠাম্যেষ রাজেন্দ্র সম্যক্ ক্রীতোস্মি তেঽনঘ।
গোভিস্তুল্যং ন পশ্যামি ধনং কিঞ্চিদিহাচ্যুত॥ 13-86-28 (84872)
কীর্তনং শ্রবণং দানং দর্শনং চাপি পার্থিব।
গবাং প্রশস্যতে বীর সর্বপাপহরং শিবম্॥ 13-86-29 (84873)
গাবো লক্ষ্ম্যাঃ সদা মূলং গোষু পাপ্মা ন বিদ্যতে।
অন্নমেব সদা গাবো দেবানাং পরমং হবিঃ॥ 13-86-30 (84874)
স্বাহাকারবষট্কারৌ গোষু নিত্যং প্রতিষ্ঠিতৌ।
গাবো যজ্ঞস্য নেত্র্যো বৈ তথা যজ্ঞস্য তা মুখম্॥ 13-86-31 (84875)
অমৃতং হ্যব্যযং দিব্যং ক্ষরন্তি চ বহন্তি চ।
অমৃতায়তনং চৈতাঃ সর্বলোকনমস্কৃতাঃ॥ 13-86-32 (84876)
তেজসা বপুষা চৈব গাবো বহ্নিসমা ভুবি।
গাবো হি সুমহত্তেজঃ প্রাণিনাং চ সুখপ্রদাঃ॥ 13-86-33 (84877)
নিবিষ্টং গোকুলং যত্র শ্বাসং মুঞ্চতি নির্ভয়ম্।
বিরাজয়তি তং দেশং পাপং চাস্যাপকর্ষতি॥ 13-86-34 (84878)
গাবঃ স্বর্গস্য সোপানং গাবঃ স্বর্গেঽপি পূজিতাঃ।
গাবঃ কামদুহোদেব্যো নান্যৎকিঞ্চিৎপরং স্মৃতম্॥ 13-86-35 (84879)
ইত্যেতদ্গোষু মে প্রোক্তং মহাত্ম্যং ভরতর্ষভ।
গুণৈকদেশবচনং শক্যং পারায়ণং ন তু॥ 13-86-36 (84880)
নিষাদা ঊচুঃ। 13-86-37x (7066)
দর্শনং কথনং চৈব সহাস্মাভিঃ কৃতং মুনে।
সতাং সাপ্তপদং মৈত্রং প্রসাদং ন কুরু প্রভো॥ 13-86-37 (84881)
হবীংষি সর্বাণি যথা হ্যুপভুঙ্ক্তে হুতাশনঃ।
এবং ৎবমপি ধর্মাত্মন্পুরুষাগ্নিঃ প্রতাপবান্॥ 13-86-38 (84882)
প্রসাদয়ামহে বিদ্বন্ভবন্তং প্রণতা বয়ম্।
অনুগ্রহার্থমস্মাকমিয়ং গৌঃ প্রতিগৃহ্যতাম্॥ 13-86-39 (84883)
`অত্যন্তাপদি শক্তানাং পরিত্রাণং হি কুর্বতাম্।
যা গতির্বিদিতা ৎবদ্য নরকে শরণং ভবান্॥ 13-86-40 (84884)
চ্যবন উবাচ। 13-86-40x (7067)
কৃপণস্য চ যচ্চক্ষুর্মুনেরাশীবিষস্য চ।
নরং সমূলং দহতি কক্ষমগ্নিরিব জ্বলন্॥ 13-86-41 (84885)
প্রতিগৃহ্ণামি বো ধেনুং কৈবর্তা মুক্তকিল্বিষাঃ।
দিবং গচ্ছত বৈ ক্ষিপ্রং মৎস্যৈর্জালোদ্ধৃতৈঃ সহ॥ 13-86-42 (84886)
ভীষ্ম উবাচ। 13-86-43x (7068)
ততস্তস্য প্রভাবাত্তে মহর্ষের্ভাবিতাত্মনঃ।
নিষাদাস্তেন বাক্যেন সহ মৎস্যৈর্দিবং যয়ুঃ॥ 13-86-43 (84887)
ততঃ স রাজা নহুষো বিস্মিতঃ প্রেক্ষ্য ধীবরান্।
আরোহমাণাংস্ত্রিদিবং মৎস্যাংশ্চ ভরতর্ষভ॥ 13-86-44 (84888)
ততস্তৌ গবিজশ্চৈব চ্যবনশ্চ ভৃগূদ্বহঃ।
বরাভ্যামনুরূপাভ্যাং ছন্দয়ামাসতুর্নৃপম্॥ 13-86-45 (84889)
ততো রাজা মহাবীর্যো নহুষঃ পৃথিবীপতিঃ।
পরমিত্যব্রবীৎপ্রীতস্তদা ভরতসত্তম॥ 13-86-46 (84890)
ততো জগ্রাহ ধর্মে স স্থিতিমিন্দ্রনিভো নৃপঃ।
তথেতি চোদিতঃ প্রীতস্তাবৃষী প্রত্যপূজয়ৎ॥ 13-86-47 (84891)
সমাপ্তদীক্ষশ্চ্যবনস্ততোঽগচ্ছৎস্বমাশ্রমম্।
গবিজশ্চ মহাতেজাঃ স্বমাশ্রমপদং যয়ৌ॥ 13-86-48 (84892)
নিষাদাশ্চ দিবং জগ্মুস্তে চ মৎস্যা জনাধিপ।
নহুষোপি বরং লব্ধ্বা প্রবিবেশ স্বকং পুরম্॥ 13-86-49 (84893)
এতত্তে কথিতং তাত যন্মাং ৎবং পরিপৃচ্ছসি।
দর্শনে যাদৃশঃ স্নেহঃ সংবাসে বা যুধিষ্ঠির॥ 13-86-50 (84894)
মহাভাগ্যং গবাং চৈব ততা ধর্মবিনিশ্চয়ম্।
কিং ভূয়ঃ কথ্যতাং বীর কিং তে হৃদি বিবক্ষিতম্॥ ॥ 13-86-51 (84895)
ইতি শ্রীমন্মহাভারতে অনুশাসনপর্বণি দানধর্মপর্বণি ষডশীতিতমোঽধ্যায়ঃ॥ 86 ॥
অনুশাসনপর্ব - অধ্যায় 087
॥ শ্রীঃ ॥
13.87. অধ্যায়ঃ 087
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি রামবিশ্বামিত্রয়োরুৎপত্তিপ্রকারকথনারম্ভঃ॥ 1 ॥ চ্যবনেন কুশিকরাজমেত্য সভার্যং তম্প্রতি স্বশুশ্রূষাবিধানম্॥ 2 ॥ সভার্যেণ কুশিকেন একবিংশতিদিবসাননবরতমেকপার্শ্বেন প্রসুপ্তস্য চ্যবনস্য পাদসংবাহনেন পর্যুপাসনম্॥ 3 ॥ ততঃ শয়নাদুত্থিতেন মুনিনা কিঞ্চিদ্দূরং গৎবা পুনরন্তর্ধানম্॥ 4 ॥Mahabharata - Anushaasana Parva - Chapter Text
যুধিষ্ঠির উবাচ।
সংশয়ো মে মহাপ্রাজ্ঞ সুমহান্সাগরোপম।
তং মে শৃণু মহাবাহো শ্রুৎবা ব্যাখ্যাতুমর্হসি॥ 13-87-1 (84896)
কৌতূহলং মে সুমহজ্জামদগ্ন্যং প্রতি প্রভো।
রামং ধর্মভৃতাং শ্রেষ্ঠং তন্মে ব্যাখ্যাতুমর্হসি॥ 13-87-2 (84897)
`ব্রাহ্মে বলে সুপূর্ণানামেতেষাং চ্যবনাদিনাম্।'
কথমেষ সমুৎপন্নো রামঃ সত্যপরাক্রমঃ।
কথং ব্রহ্মর্ষিবংশোঽয়ং ক্ষত্রধর্মা ব্যজায়ত॥ 13-87-3 (84898)
তদস্য সম্ভবং রাজন্নিখিলেনানুকীর্তয়।
কৌশিকশ্চ কথং বংশাৎক্ষাত্রাদ্বৈ ব্রাহ্মণোঽভবৎ॥ 13-87-4 (84899)
অহো প্রভাবঃ সুমহানাসীদ্বৈ সুমহাত্মনোঃ।
রামস্য চ নরব্যাঘ্র বিশ্বামিত্রস্য চৈব হি॥ 13-87-5 (84900)
কথং পুত্রানতিক্রম্য তেষাং নপ্তৃষ্বথাভবৎ।
এষ দোষো মহাপ্রাজ্ঞ তত্ৎবং ব্যাখ্যাতুমর্হসি॥ 13-87-6 (84901)
ভীষ্ম উবাচ। 13-87-7x (7069)
অত্রাপ্যুদাহরন্তীমমিতিহাসং পুরাতনম্।
চ্যবনস্য চ সংবাদং কুশিকস্য চ ভারত॥ 13-87-7 (84902)
এতং দোষং পুরা দৃষ্ট্বা ভার্গবশ্চ্যবনস্তদা।
আগামিনং মহাবুদ্ধিঃ স্ববংশে মুনিসত্তমঃ॥ 13-87-8 (84903)
নিশ্চিত্য মনসা সর্বং গুণদোষবলাবলম্।
দগ্ধুকামঃ কুলং সর্বং কুশিকানাং তপোধনঃ॥ 13-87-9 (84904)
চ্যবনস্তমনুপ্রাপ্য কুশিকং বাক্যমব্রবীৎ।
বস্তুমিচ্ছা সমুৎপন্না ৎবয়া সহ মমানঘ॥ 13-87-10 (84905)
কুশিক উবাচ। 13-87-11x (7070)
ভগবন্সহধর্মোঽয়ং পণ্ডিতৈরিহ চর্যতে।
প্রদানকালে কন্যানামুচ্যতে চ সদা বুধৈঃ॥ 13-87-11 (84906)
যত্তু তাবদতিক্রান্তং ধর্মদ্বারং তপোধন।
তৎকার্যং প্রকরিষ্যামি তদনুজ্ঞাতুমর্হসি॥ 13-87-12 (84907)
ভীষ্ম উবাচ। 13-87-13x (7071)
অথাসনমুপাদায় চ্যবনস্য মহামুনেঃ।
কুশিকো ভার্যযা সার্ধমাজগাম যতো মুনিঃ॥ 13-87-13 (84908)
প্রগৃহ্য রাজা ভৃঙ্গারং পাদ্যমস্মৈ ন্যবেদয়ৎ।
কারয়ামাস সর্বাশ্চ ক্রিয়াস্তস্য মহাত্মনঃ॥ 13-87-14 (84909)
ততঃ স রাজা চ্যবনং মধুপর্কং যথাবিধি।
গ্রাহয়ামাস চাব্যগ্রো মহাত্মা নিয়তব্রতঃ॥ 13-87-15 (84910)
সৎকৃত্য তং তথা বিপ্রমিদং পুনরথাব্রবীৎ।
ভগবন্পরবন্তৌ স্বো ব্রূহি কিং করবাবহে॥ 13-87-16 (84911)
যদি রাজ্যং যদি ধনং যদি গাঃ সংশিতব্রত।
যজ্ঞদানানি চ তথা ব্রূহি সর্বং দদামি তে॥ 13-87-17 (84912)
ইদং গৃহমিদং রাজ্যমিদং ধর্মাসনং চ তে।
রাজা ৎবমসি শাধ্যুর্বীং ভৃত্যোঽহং পরবান্স্ত্রিয়া॥ 13-87-18 (84913)
এবমুক্তে ততো বাক্যে চ্যবনো ভার্গবস্তদা।
কুশিকং প্রত্যুবাচেদং মুদা পরময়া যুতঃ॥ 13-87-19 (84914)
ন রাজ্যং কাময়ে রাজন্ন ধনং ন চ যোষিতঃ।
ন চ গা ন চ বৈ দেশান্ন যজ্ঞং শ্রূয়তামিদম্॥ 13-87-20 (84915)
নিয়মং কিঞ্চিদারপ্স্যে যুবয়োর্যদি রোচতে।
পরিচর্যোস্মি যত্তাভ্যাং যুবাভ্যামবিশঙ্কয়া॥ 13-87-21 (84916)
এবমুক্তে তদা তেন দম্পতী তৌ জহর্ষতুঃ।
প্রত্যব্রূতাং চ তমৃষিমেবমস্ৎবিতি ভারত॥ 13-87-22 (84917)
অথ তং কুশিকো হৃষ্টঃ প্রাবেশয়দনুত্তমম্।
গৃহোদ্দেশং ততস্তস্য দর্শনীয়মদর্শয়ৎ॥ 13-87-23 (84918)
ইয়ং শয়্যা ভগবতো যথাকামমিহোষ্যতাম্।
প্রয়তিষ্যাবহে প্রীতিমাহর্তুং তে তপোধন॥ 13-87-24 (84919)
অথ সূর্যোতিচক্রাম তেষাং সংবদতাং তথা।
অথর্ষিশ্চোদয়ামাস পানমন্নং তথৈব চ॥ 13-87-25 (84920)
তমপৃচ্ছত্ততো রাজা কুশিকঃ প্রণতস্তদা।
কিমন্নজাতমিষ্টং তে কিমুপস্থাপয়াম্যহম্॥ 13-87-26 (84921)
ততঃ স পরয়া প্রীত্যা প্রত্যুবাচ নরাধিপম্।
ঔপপত্তিকমাহারং প্রয়চ্ছস্বেতি ভারত॥ 13-87-27 (84922)
তদ্বচঃ পূজয়িৎবা তু তথেত্যাহ স পার্থিবঃ।
যথোপপন্নমাহারং তস্মৈ প্রাদাজ্জনাধিপ॥ 13-87-28 (84923)
ততঃ স ভুক্ৎবা ভগবন্দম্পতী প্রাহ ধর্মবিৎ।
স্বপ্তুমিচ্ছাম্যহং নিদ্রা বাধতে মামিতি প্রভো॥ 13-87-29 (84924)
ততঃ শয়্যাগৃহং প্রাপ্য ভগবানৃষিসত্তমঃ।
সংবিবেশ নরেশস্তু সপত্নীকঃ স্থিতোঽভবৎ॥ 13-87-30 (84925)
ন প্রবোধ্যোস্মি সংসুপ্ত ইত্যুবাচাথ ভার্গবঃ।
সংবাহিতব্যৌ মে পাদৌ জাগর্তব্যং চ বাং নিশি॥ 13-87-31 (84926)
অবিশঙ্কস্তু কুশিকস্তথেত্যেবাহ ধর্মবিৎ।
ন প্রাবোধয়তাং তৌ চ দংপতী রজনীক্ষয়ে॥ 13-87-32 (84927)
যথাদেশং মহর্ষেস্তু শুশ্রূষাপরমৌ তদা।
বভূবতুর্মহারাজ প্রয়তাবথ দম্পতী॥ 13-87-33 (84928)
ততঃ স ভগবান্বিপ্রঃ সমাদিশ্য নরাধিপম্।
সুষ্বাপৈকেন পার্শ্বেন দিবসানেকবিংশতিম্॥ 13-87-34 (84929)
স তু রাজা নিরাহারঃ সভার্যঃ কুরুনন্দন।
পর্যুপাসত তং হৃষ্টশ্চ্যবনারাধনে রতঃ॥ 13-87-35 (84930)
ভার্গবস্তু সমুত্তস্থৌ স্বয়মেব তপোধনঃ।
অকিঞ্চিদুক্ৎবা তু গৃহান্নিশ্চক্রাম মহাতপাঃ॥ 13-87-36 (84931)
তমন্বগচ্ছতাং তৌ চ ক্ষুধিতৌ শ্রমকর্শিতৌ।
ভার্যাপতী মুনিশ্রেষ্ঠস্তাবেতৌ নাবলোকয়ৎ॥ 13-87-37 (84932)
তয়োস্তু প্রেক্ষতোঽরেব ভার্গবাণাং কুলোদ্বহঃ।
অন্তর্হিতোভূদ্রাজেন্দ্র ততো রাজাঽপতৎক্ষিতৌ॥ 13-87-38 (84933)
ততো মুহূর্তাদাশ্বস্য সহ দেব্যা মহামুনেঃ।
পুনরন্বেষণে যত্নমকরোৎস মহীপতিঃ॥ ॥ 13-87-39 (84934)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তাশীতিতমোঽধ্যায়ঃ॥ 87 ॥
Mahabharata - Anushaasana Parva - Chapter Footnotes
7-87-11 অতিথিসেবাধর্ম এব সহধর্মঃ স্ত্রীসহিতধর্মঃ॥ 7-87-37 মুনিশ্রেষ্ঠো নচ তাবভ্যবারয়দিতি ট.থ.ধ.পাঠঃ॥অনুশাসনপর্ব - অধ্যায় 088
॥ শ্রীঃ ॥
13.88. অধ্যায়ঃ 088
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পূর্বমন্তর্হিতেন ঘ্যবনেন কুশিকম্প্রতি পুনঃ শয়নে প্রস্বপত আত্মনঃ প্রদর্শনম্॥ 1 ॥ পুনরুত্থিতেন মুনিনা রাজানম্প্রতি আত্মনস্তৈলাভ্যঞ্জননিয়োজনেন স্নানশালায়াং পুনরন্তর্ধানম্॥ 2 ॥ পুনরাবিষ্কৃতাত্মনা তেন সভার্যস্য রাজ্ঞো রথধুরি সংয়োজনপূর্বকং যাচকেভ্যস্তদীয়বিত্তাদিবিতরণেন বীথ্যাং রথেন নির্গমনম্॥ 3 ॥ স্বীয়প্রতোদতাডনেঽপ্যবিকৃতমানসে সভার্যে কুশিকে প্রসীদতা মুনিনা বরদানেন তস্য স্বগৃহপ্রেষণম্॥ 4 ॥Mahabharata - Anushaasana Parva - Chapter Text
যুধিষ্ঠির উবাচ।
তস্মিন্নন্তর্হিতে বিপ্রে রাজা কিমকরোত্তদা।
ভার্যা চাস্য মহাভাগা তন্মে ব্রূহি পিতামহ॥ 13-88-1 (84935)
ভীষ্ম উবাচ। 13-88-2x (7072)
অদৃষ্ট্বা স মহীপালস্তমৃষিং সহ ভার্যযা।
পরিশ্রান্তো নিববৃতে ব্রীডিতো নষ্টচেতনঃ॥ 13-88-2 (84936)
স প্রবিশ্য পুরীং দীনো নাভ্যভাষত কিঞ্চন।
তদেব চিন্তয়ামাস চ্যবনস্য বিচেষ্টিতম্॥ 13-88-3 (84937)
অথ শূন্যেন মনসা প্রবিবেশ গৃহং নৃপঃ।
দদর্শ শয়নে তস্মিঞ্শয়ানং ভৃগুনন্দনম্॥ 13-88-4 (84938)
বিস্মিতৌ তমৃষিং দৃষ্ট্বা তদাশ্চর্যং বিচিন্ত্য চ।
দর্শনাত্তস্য তু তদা বিশ্রান্তৌ সম্বভূবতুঃ॥ 13-88-5 (84939)
যথাস্থানং ততো গৎবা তৎপাদৌ সংববাহতুঃ।
অথাপরেণ পার্শ্বেন সুষ্বাপ স মহামুনিঃ॥ 13-88-6 (84940)
তেনৈব চ স কালেন প্রত্যবুদ্ধ্যত বীর্যবান্।
ন চ তৌ চক্রতুঃ কিঞ্চিদ্বিকারং ভয়শঙ্কিতৌ॥ 13-88-7 (84941)
প্রতিবুদ্ধস্তু স মুনিস্তৌ প্রোবাচ বিশাম্পতে।
তৈলাভ্যঙ্গো দীয়তাং মে স্নাস্যেঽহমিতি ভারত॥ 13-88-8 (84942)
তৌ তথেতি প্রতিশ্রুত্য ক্ষুধিতৌ শ্রমকর্শিতৌ।
শতপাকেন তৈলেন মহার্হেণোপতস্থতুঃ॥ 13-88-9 (84943)
ততঃ সুখাসীনমৃষিং বাগ্যতৌ সংববাহতুঃ।
ন চ পর্যাপ্তমিত্যাহ ভার্গবঃ সুমহাতপাঃ॥ 13-88-10 (84944)
যদা তৌ নির্বিকারৌ তু লক্ষমায়াস ভার্গবঃ।
তত উত্থায় সহসা স্নানশালাং বিবেশ হ॥ 13-88-11 (84945)
ক্লৃপ্তমেব তু তত্রাসীৎস্নানীয়ং পার্থিবোচিতম্।
অসৎকৃত্য চ তৎসর্বং তত্রৈবান্তরধীয়ত॥ 13-88-12 (84946)
স মুনিঃ পুনরেবাথ নৃপতেঃ পশ্যতস্তদা।
নাসূয়াং চক্রতুস্তৌ চ দম্পতী ভরতর্ষভ॥ 13-88-13 (84947)
অথ স্নাতঃ স ভগবান্সিংহাসনগতঃ প্রভুঃ।
দর্শয়ামাস কুশিকং সভার্যং কুরুনন্দন॥ 13-88-14 (84948)
সংহৃষ্টবদনো রাজা সভার্যঃ কুশিকো মুনিম্।
সিদ্ধমন্নমিতি প্রহ্বো নির্বিকারো ন্যবেদয়ৎ॥ 13-88-15 (84949)
আনীয়তামিতি মুনিস্তং চোবাচ নরাধিপম্।
স রাজা সমুপাজহ্রে তদন্নং সহ ভার্যযা॥ 13-88-16 (84950)
মাংসপ্রকারান্বিবিধাঞ্শাকানি বিবিধানি চ।
লেহ্যপিষ্টবিকারাংশ্চ পানকানি লঘূনি চ॥ 13-88-17 (84951)
রসালাপূপকাংশ্চিত্রান্মোদকানথ ষড্রসান্।
রসান্নানাপ্রকারাংশ্চ বন্যং চ মুনিভোজনম্॥ 13-88-18 (84952)
ফলানি চ বিচিত্রাণি রাজভোজ্যানি ভূরিশঃ।
বদরেঙ্গুদকাশ্মর্যভল্লাতকফলানি চ॥ 13-88-19 (84953)
গৃহস্থানাং চ যদ্ভোজ্যং যচ্চাপি বনবাসিনাম্।
সর্বমাহারয়ামাস রাজা শাপভয়ান্মুনেঃ॥ 13-88-20 (84954)
অথ সর্বমুপন্যস্তমগ্রতশ্চ্যবনস্য তৎ।
ততঃ সর্বং সমানীয় তচ্চ শয়্যাসনং মুনিঃ॥ 13-88-21 (84955)
বস্ত্রৈঃ শুভৈরবচ্ছাদ্য ভোজনোপস্করৈঃ সহ।
সর্বমাদীপয়ামাস চ্যবনো ভৃগুনন্দনঃ॥ 13-88-22 (84956)
ন চ তৌ চক্রতুঃ ক্রোধং দম্পতী সুমহাব্রতৌ।
তয়োঃ সম্প্রেক্ষতোরেব পুনরন্তর্হিতোঽভবৎ॥ 13-88-23 (84957)
তথৈব চ স রাজর্ষিস্তস্থৌ তাং রজনীং তদা।
সভার্যো বাগ্যতঃ শ্রীমান্ন চকোপং সমাবিশৎ॥ 13-88-24 (84958)
নিত্যসংস্কৃতমন্নং তু বিবিধং রাজবেশ্মনি॥
শয়নানি চ মুখ্যানি পরিষেকাশ্চ পুষ্কলাঃ॥ 13-88-25 (84959)
বস্ত্রং চ বিবিধাকারমভবৎসমুপার্জিতম্।
ন শশাক ততো দ্রষ্টমন্তরং চ্যবনস্তদা॥ 13-88-26 (84960)
পুনরেব চ বিপ্রর্ষিঃ প্রোবাচ কুশিকং নৃপম্।
সভার্যো মাং রথেনাশু বহ যত্র ব্রবীম্যহম্॥ 13-88-27 (84961)
তথেতি চ প্রাহ নৃপো নির্বিশঙ্কস্তপোধনম্।
ক্রীডারথোস্তু ভগবন্নুত সাঙ্গ্রামিকো রথঃ॥ 13-88-28 (84962)
ইত্যুক্তঃ স মুনী রাজ্ঞা তেন হৃষ্টেন তদ্বচঃ।
চ্যবনঃ প্রত্যুবাচেদং হৃষ্টঃ পরপুরংজয়ম্॥ 13-88-29 (84963)
সজ্জীকুরু রথং ক্ষিপ্রং যস্তে সাঙ্গ্রামিকো মতঃ।
সায়ুধঃ সপতাকশ্চ শক্তীকনকয়ষ্টিমান্॥ 13-88-30 (84964)
কিংকিণীস্বননির্ঘোষো যুক্তস্তোরণকল্পনৈঃ।
গদাস্বঙ্গনিবদ্ধশ্চ পরমেষুশতান্বিতঃ॥ 13-88-31 (84965)
ততঃ স তং তথেত্যুক্ৎবা কল্পয়িৎবা মহারথম্।
ভার্যাং বামে ধুরি তদা চাত্মানং দক্ষিণে তথা॥ 13-88-32 (84966)
ত্রিদণ্ডং বজ্রসূচ্যগ্রং প্রতোদং তত্র চাদধৎ।
সর্বমেতত্তথা দত্ৎবা নৃপো বাক্যমঽথাব্রবীৎ॥ 13-88-33 (84967)
ভগবন্ক্ব রথো যাতু ব্রবীতু ভৃগুনন্দন।
যত্র বক্ষ্যসি বিপ্রর্ষে তত্র যাস্যতি তে রথঃ॥ 13-88-34 (84968)
এবমুক্তস্তু ভগবান্প্রত্যুবাচাথ তং নৃপম্।
ইতঃ প্রভৃতি যাতব্যং পদকম্পদকং শনৈঃ॥ 13-88-35 (84969)
শ্রমো মম যথা ন স্যাত্তথা মচ্ছন্দচারিণৌ।
সুসুখং চৈব বোঢব্যো জনঃ সর্বশ্চ পশ্যতু॥ 13-88-36 (84970)
নোৎসার্যাঃ পথিকাঃ কেচিত্তেভ্যোদাস্যে বসু হ্যহম্।
ব্রাহ্মণেভ্যশ্চ যে কামানর্থয়িষ্যন্তিমাং পথি॥ 13-88-37 (84971)
সর্বান্দাস্যাম্যশেষেণ ধনং রত্নানি চৈব হি।
ক্রিয়তাং নিখিলেনৈতন্মা বিচারয় পার্থিব॥ 13-88-38 (84972)
তস্য তদ্বচনং শ্রুৎবা রাজা ভৃত্যাংস্তথাঽব্রবীৎ।
যদ্যদ্ব্রূয়ান্মুনিস্তত্তৎসর্বং দেয়মশঙ্কিতৈঃ॥ 13-88-39 (84973)
ততো রত্নান্যনেকানি স্ত্রিয়ো যুগ্যমজাবিকম্।
কৃতাকৃতং চ কনকং গজেন্দ্রাশ্চাচলোপমাঃ॥ 13-88-40 (84974)
অন্বগচ্ছন্ত তমৃষিং রাজামাত্যাশ্চ সর্বশঃ।
হাহাভূতং চ তৎসর্বমাসীন্নগরমার্তবৎ॥ 13-88-41 (84975)
তৌ তীক্ষ্ণাগ্রেণ সহসা প্রতোদেন প্রতোদিতৌ।
পৃষ্ঠে বিদ্ধৌ কটে চৈব নির্বিকারৌ তমূহতুঃ॥ 13-88-42 (84976)
বেপমানৌ নিরাহারৌ পঞ্চাশদ্রাত্রকর্শিতৌ।
কথংচিদূহতুর্ধৈর্যাদ্দম্পতী তং রথোত্তমম্॥ 13-88-43 (84977)
বহুশো ভৃশবিদ্ধৌ তৌ ক্ষরমাণৌ ক্ষতোদ্ভবম্।
দদৃশাতে মহারাজ পুষ্পিতাবিব কিংশুকৌ॥ 13-88-44 (84978)
তৌ দৃষ্ট্বা পৌরবর্গস্তু ভৃশং শোকসমাকুলঃ।
অভিশাপভয়ত্রস্তো ন তং কিঞ্চিদুবাচ হ॥ 13-88-45 (84979)
দ্বন্দ্বশশ্চাব্রুবন্সর্বে পশ্যধ্বং তপসো বলম্।
ক্রুদ্ধা অপি মুনিশ্রেষ্ঠং বীক্ষিতুং নেহ শুক্নুমঃ॥ 13-88-46 (84980)
অহো ভগবতো বীর্যং মহর্ষের্ভাবিতাত্মনঃ।
রাজ্ঞশ্চাপি সভার্যস্য ধৈর্যং পশ্যত যাদৃশম্॥ 13-88-47 (84981)
শ্রান্তাবপি হি কচ্ছ্রেণ রথমেনং সমূহতুঃ।
ন চৈতয়োর্বিকারং বৈ দদর্শং ভৃগুনন্দনঃ॥ 13-88-48 (84982)
ভীষ্ম উবাচ। 13-88-49x (7073)
ততঃ স নির্বিকারৌ তু দৃষ্ট্বা ভৃগুকুলোদ্বহঃ।
বসু বিশ্রাণয়ামাস যথা বৈশ্রবণস্তথা॥ 13-88-49 (84983)
তত্রাপি রাজা প্রীতাত্মা যথাদিষ্টমথাকরোৎ।
ততোঽস্য ভগবান্প্রীতো বভূব মুনিসত্তমঃ॥ 13-88-50 (84984)
অবতীর্য রথশ্রেষ্ঠাদ্দম্পতী তৌ মুমোচ হ।
বিমোচ্য চৈতৌ বিধিবত্ততো বাক্যমুবাচ হ॥ 13-88-51 (84985)
স্নিগ্ধগম্ভীরয়া বাচা ভার্গবঃ সুপ্রসন্নয়া।
দদামি বাং বরং শ্রেষ্ঠং তং ব্রূতামিতি ভারত॥ 13-88-52 (84986)
সুকুমারৌ চ তৌ বিদ্ধৌ করাভ্যাং মুনিসত্তমঃ।
পস্পর্শামৃতকল্পাভ্যাং স্নেহাদ্ভরতসতম॥ 13-88-53 (84987)
অথাব্রবীন্নৃপো বাক্যং শ্রমো নাস্ত্যাবয়োরিহ।
বিশ্রান্তৌ স্বঃ প্রভাবাত্তে ধ্যানেনৈবেহ ভার্গব॥ 13-88-54 (84988)
অথ তৌ ভগবান্প্রাহ প্রহৃষ্টশ্চ্যনস্তদা।
ন বৃথা ব্যাহৃতং পূর্বং যন্ময়া তদ্ভবিষ্যতি॥ 13-88-55 (84989)
রমণীয়ঃ সমুদ্দেশো গঙ্গাতীরমিদং শুভম্।
কিঞ্চিৎকালং ব্রতপরো নিবৎস্যামীহ পার্থিব॥ 13-88-56 (84990)
গম্যতাং স্বপুরং পুত্র বিশ্রান্তঃ পুনরেষ্যসি।
ইহস্থং মাং সভার্যস্ৎবং দ্রষ্টাসি শ্বো নরাধিপ॥ 13-88-57 (84991)
ন চ মন্যুস্ৎবয়া কার্যঃ শ্রেয়স্ৎবাং সমুপস্থিতম্।
যৎকাঙ্ক্ষিতং হৃদিস্থং তে তৎসর্বং হি ভবিষ্যতি॥ 13-88-58 (84992)
ইত্যেবমুক্তঃ কুশিকঃ প্রহৃষ্টেনান্তরাত্মনা।
প্রোবাচ মুনিশার্দূলমিদং বচনমর্থবৎ॥ 13-88-59 (84993)
ন মে মন্যুর্মহাভাগ পূতৌ স্বো ভগবংস্ৎবয়া।
সংবৃতৌ যৌবনস্থৌ স্বো বপুষ্মন্তৌ বলান্বিতৌ॥ 13-88-60 (84994)
প্রতোদেন ব্রণা যে মে সভার্যস্য ৎবয়া কৃতাঃ।
তান্ন পশ্যামি গাত্রেষু স্বস্থোস্মি সহ ভার্যযা॥ 13-88-61 (84995)
ইমাং চ দেবীং পশ্যামি বপুষাঽপ্সরসোপমাম্।
শ্রিয়া পরময়া যুক্তা তথা দৃষ্টা পুরা ময়া॥ 13-88-62 (84996)
তব প্রসাদসংবৃত্তমিদং সর্বং মহামুনে।
নৈতচ্চিত্রং তু ভগবংস্ৎবয়ি সত্যপরাক্রম॥ 13-88-63 (84997)
ইত্যুক্তঃ প্রত্যুবাচৈনং কুশিকং চ্যবনস্তদা।
আগচ্ছেথাঃ সভার্যশ্চ ৎবমিহেতি নরাধিপ॥ 13-88-64 (84998)
ইত্যুক্তঃ সমনুজ্ঞাতো রাজর্ষিরভিবাদ্য তম্।
প্রয়যৌ বপুষা যুক্তো নগরং দেবরাজবৎ॥ 13-88-65 (84999)
তত এনমুপাজগ্মুরমাত্যাঃ সপুরোহিতাঃ।
বলস্থা গণিকায়ুক্তাঃ সর্বাঃ প্রকৃতয়স্তথা॥ 13-88-66 (85000)
তৈর্বৃতঃ কুশিকো রাজা শ্রিয়া পরময়া জ্বলন্।
প্রবিবেশ পুরং হৃষ্টঃ পূজ্যমানোঽথ বন্দিভিঃ॥ 13-88-67 (85001)
ততঃ প্রবিশ্য নগরং কৃৎবা পৌর্বাহ্ণিকীঃ ক্রিয়াঃ।
ভুক্ৎবা সভার্যো রজনীমুবাস স মহাদ্যুতিঃ॥ 13-88-68 (85002)
ততস্তু তৌ নবমভিবীক্ষ্য যৌবনং
পরস্পরং বিগতজরাবিবামরৌ।
ননন্দতুঃ শয়নগতৌ বপুর্ধরৌ
শ্রিয়া যুতৌ দ্বিজবরদত্তয়া তদা॥ 13-88-69 (85003)
অথাপ্যুষির্ভৃগুকুলকীর্তিবর্ধন-
স্তপোধনো বনমভিরামমৃদ্ধিমৎ।
মনীষয়া বহুবিধরত্নভূষিতং
সসর্জ যন্ন পুরি শতক্রতোরপি॥ ॥ 13-88-70 (85004)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টাশীষ্টিতমোঽধ্যায়ঃ॥ 88 ॥
অনুশাসনপর্ব - অধ্যায় 089
॥ শ্রীঃ ॥
13.89. অধ্যায়ঃ 089
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পরেদ্যুঃ প্রভাতে সভার্যেণ কুশিকেন চ্যবনাবলোকনায় বনপ্রবেশঃ॥ 1 ॥ চ্যবনেন কুশিকম্প্রতি স্বয়োগপ্রভাবসৃষ্টস্বর্গপ্রদর্শনপূর্বকমভিমতবরবরণপ্রেরণা॥ 2 ॥Mahabharata - Anushaasana Parva - Chapter Text
ভীষ্ম উবাচ।
ততঃ স রাজা রাত্র্যন্তে প্রতিবুদ্ধো মহামনাঃ।
কৃতপূর্বাহ্ণিকঃ প্রায়াৎসভার্যস্তদ্বনং প্রতি॥ 13-89-1 (85005)
ততো দদর্শ নৃপতিঃ প্রাসাদং সর্বকাঞ্চনম্।
মণিস্তম্ভসহস্রাঢ্যং গন্ধর্বনগরোপমম্।
তত্র দিব্যানভিপ্রায়ান্দদর্শ কুশিকস্তদা॥ 13-89-2 (85006)
পর্বতান্রূপ্যসানূংশ্চ নলিনীশ্চ সপঙ্কজাঃ।
চিত্রশালাশ্চ বিবিধাস্তোরণানি চ ভারত।
শাদ্বলোপচিতাং ভূমিং তথা কাঞ্চনকুট্টিমাম্॥ 13-89-3 (85007)
সহকারান্প্রফুল্লাংশ্চ কেতকোদ্দালকান্বরান্।
অশোকান্সহকুন্দাংশ্চ ফুল্লাংশ্চৈবাতিমুক্তকান্॥ 13-89-4 (85008)
চম্পকাংস্তিলকান্ভব্যান্পনসান্বঞ্জুলানপি।
পুষ্পিতান্কর্ণিকারাংশ্চ তত্রতত্র দদর্শ হ॥ 13-89-5 (85009)
শ্যামান্বারণপুষ্পাংশ্চ তথাঽষ্টপদিকা লতাঃ।
তত্রতত্র পরিক্লৃপ্তা দদর্শ স মহীপতিঃ॥ 13-89-6 (85010)
রম্যান্পদ্মোৎপলধরান্সর্বর্তুকুসুমাংস্তথা।
বিমানপ্রতিমাংশ্চাপি প্রাসাদাঞ্শৈলসন্নিভান্॥ 13-89-7 (85011)
শীতলানি চ তোয়ানি ক্বচিদুষ্ণানি ভারত।
আসনানি বিচিত্রাণি শয়নপ্রবরাণি চ॥ 13-89-8 (85012)
পর্যঙ্কান্রত্নসৌবর্ণান্পরার্ধ্যাস্তরণাস্তৃতান্।
ভক্ষ্যং ভোজ্যমনন্তং চ তত্রতত্রোপকল্পিতম্॥ 13-89-9 (85013)
বাণীবাদাঞ্ছুকাংশ্চৈব শারিকা ভৃঙ্গরাজকান্।
কোকিলাঞ্ছতপত্রাংশ্চ সকোয়ষ্টিককুক্কুভান্॥ 13-89-10 (85014)
ময়ূরান্কুক্কুটাংশ্চাপি দাত্যূহাঞ্জীবজীবকান্।
চকোরান্বানরান্হংসান্সারসাংশ্চক্রসাহ্বয়ান্॥ 13-89-11 (85015)
সমন্ততঃ প্রণদতো দদর্শ সুমনোহরান্।
ক্বচিদপ্সরসাং সঙ্ঘান্গন্ধর্বাণাং চ পার্থিব॥ 13-89-12 (85016)
কান্তাভিরপরাংস্তত্র পরিষ্বক্রান্দদর্শ হ।
ন দদর্শ চ তান্ভূয়ো দদর্শ চ পুনর্নৃপঃ॥ 13-89-13 (85017)
গীতধ্বনিং সুমধুরং তথৈবাধ্যযনধ্বনিম্।
হংসানসুমধুরাংশ্চাপি তত্র শুশ্রাব পার্থিবঃ॥ 13-89-14 (85018)
তং দৃষ্ট্বাঽত্যদ্ভুতং রাজা মনসাঽচিন্তয়ত্তদা।
স্বপ্নোঽয়ং চিত্তবিভ্রংশ উতাহো সত্যমেব তু॥ 13-89-15 (85019)
অহো সহ শরীরেণ প্রাপ্তোস্মি পরমাং গতিম্।
উত্তরান্বা কুরূন্পুণ্যানথবাঽপ্যমরাবতীম্॥ 13-89-16 (85020)
কিঞ্চেদং মহদাশ্চর্যং সম্পশ্যামীত্যচিন্তয়ৎ।
এবং সঞ্চিন্তয়ন্নেব দদর্শ মুনিপুঙ্গবম্॥ 13-89-17 (85021)
তস্মিন্বিমানে সৌবর্ণে মণিস্তম্ভসমাকুলে।
মহার্হে শয়নে দিব্যে শয়ানং ভৃগুনন্দনম্॥ 13-89-18 (85022)
তমভ্যযাৎপ্রহর্ষেণ নরেন্দ্রঃ সহ ভার্যযা।
অন্তর্হিতস্ততো ভূয়শ্চ্যবনঃ শয়নং ব তৎ॥ 13-89-19 (85023)
ততোঽন্যস্মিন্বনোদ্দেশে পুনরেব দদর্শ তম্।
কৌশ্যাং বৃস্যাং সমাসীনং জপমানং মহাব্রতম্॥ 13-89-20 (85024)
এবং যোগবলাদ্বিপ্রো মোহয়ামাস পার্থিবম্॥ 13-89-21 (85025)
ক্ষণেন তদ্বনং চৈব তে চৈবাপ্সরসাং গণাঃ।
গন্ধর্বাঃ পাদপাশ্চৈব সর্বমন্তরধীয়ত॥ 13-89-22 (85026)
নিঃশব্দমভবচ্চাপি গঙ্গাকূলং পুনর্নৃপ।
কুশবল্মীকভূয়িষ্ঠং বভূব চ যথা পুরা॥ 13-89-23 (85027)
ততঃ স রাজা কুশিকঃ সভার্যস্তেন কর্মণা।
বিস্ময়ং পরমং প্রাপ্তস্তদ্দৃষ্ট্বা মহদদ্ভুতম্॥ 13-89-24 (85028)
ততঃ প্রোবাচ কুশিকো ভার্যা হর্ষসমন্বিতঃ।
পশ্য ভদ্রে যথাভাবাশ্চিত্রা দৃষ্টাঃ সুদুর্লভাঃ।
প্রসাদাদ্ভৃগুমুখ্যস্য কিমন্যত্র তপোবলাৎ॥ 13-89-25 (85029)
তপসা তদবাপ্যং হি যন্ন শক্যং মনোরথৈঃ।
ত্রৈলোক্যরাজ্যাদপি হি তপ এব বিশিষ্যতে॥ 13-89-26 (85030)
তপসা হি সুতপ্তেনি ক্রীডত্যেষ তপোধনঃ।
অহো প্রভাবো ব্রহ্মর্ষেশ্চ্যবনস্য মহাত্মনঃ॥ 13-89-27 (85031)
ইচ্ছয়ৈষ তপোবীর্যাদন্যাঁল্লোকান্সৃজেদপি।
ব্রাহ্মণা এব জায়েরন্পুণ্যবাগ্বুদ্ধিকর্মণা॥ 13-89-28 (85032)
উৎসহেদিহ কৃৎবৈব কোঽন্যো বৈ চ্যবনাদৃতে।
ব্রাহ্মণ্যং দুর্লভং লোকে রাজ্যং হি সুলভং নরৈঃ॥ 13-89-29 (85033)
ব্রাহ্মণ্যস্য প্রভাবাদ্ধি রথে যুক্তৌ স্বধুর্যবৎ।
ইত্যেবং চিন্তয়ানঃ স বিদিতশ্চ্যবনস্য বৈ॥ 13-89-30 (85034)
সম্প্রেক্ষ্যোবাচ নৃপতিং ক্ষিপ্রমাগম্যতামিতি।
ইত্যুক্তঃ সহভার্যস্তু সোভ্যগচ্ছন্মহামুনিম্॥ 13-89-31 (85035)
শিরসা বন্দনীয়ং তমবন্দত চ পার্থিবঃ।
তস্যাশিষঃ প্রয়ুজ্যাথ স মুনিস্তং নরাধিপম্।
নিষীদেত্যব্রবীদ্ধীমান্সান্ৎবয়ন্পুরুষর্ষভঃ॥ 13-89-32 (85036)
ততঃ প্রকৃতিমাপন্নো ভার্গবো নৃপতে নৃপম্।
উবাচ শ্লক্ষ্ণয়া বাচা তর্পয়ন্নিব ভারত॥ 13-89-33 (85037)
রাজন্সম্যগ্জিতানীহ পঞ্চপঞ্চ স্বয়ং ৎবয়া।
মনঃষষ্ঠানীন্দ্রিয়াণি কৃচ্ছ্রান্মুক্তোসি তেন বৈ॥ 13-89-34 (85038)
সম্যগারাধিতঃ পুত্র ৎবয়াঽহং বদতাংবর।
ন হি তে বৃজিতং কিঞ্চিৎসুসূক্ষ্মমপি দৃশ্যতে॥ 13-89-35 (85039)
অনুজানীহি মাং রাজন্গমিষ্যামি যথাগতম্।
প্রীতোস্মি তব রাজেন্দ্র বরশ্চ প্রতিগৃহ্যতাম্॥ 13-89-36 (85040)
কুশিক উবাচ। 13-89-37x (7074)
অগ্নিমধ্যে গতেনেব ভগবন্সন্নিধৌ ময়া।
বর্তিতং ভৃগুশার্দূল যন্ন দগ্ধোস্মি তদ্বহু॥ 13-89-37 (85041)
এষ এব বরো মুখ্যঃ প্রাপ্তো মে ভৃগুনন্দন।
যৎপ্রীতোসি মমাচারৈঃ কুলং ত্রাতং চ মেঽনঘ॥ 13-89-38 (85042)
এথ মেঽন্দ্রগ্রহো বিপ্র জীবিতে চ প্রয়োজনম্।
এতদ্রাজ্যফলং চৈব তপসশ্চ ফলং মম॥ 13-89-39 (85043)
যদি ৎবং প্রীতিমান্বিপ্র ময়ি বৈ ভৃগুনন্দন।
অস্তি মে সংশয়ঃ কশ্চিত্তন্মে ব্যাখ্যাতুমর্হসি॥ ॥ 13-89-40 (85044)
ইতি শ্রীমন্মহাভারতে অনুশাসনপর্বণি দানধর্মপর্বণি একোননবতিতমোঽধ্যায়ঃ॥ 89॥
Mahabharata - Anushaasana Parva - Chapter Footnotes
7-89-29 উৎসাহমিহ কৃৎবেদং কোঽন্যো বৈ চ্যবনাদৃতে। ব্রাহ্মণ্যং দুর্লভং লোকে তল্লব্ধ্বা দুর্লভং তপঃ। সিদ্ধিস্তত্রাপি দুষ্প্রাপা সিদ্ধেরপি পরা গতিঃ ইতি ধ.পাঠঃ॥অনুশাসনপর্ব - অধ্যায় 090
॥ শ্রীঃ ॥
13.90. অধ্যায়ঃ 090
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
চ্যবনেন কুশিকম্প্রতি স্বস্য তদ্গৃহে নিবাসাদেঃ কারণকথনম্॥ 1 ॥ তথা তস্য ব্রাহ্মণ্যপ্রাপ্তীচ্ছাবগমেন তৎপৌত্রাদেস্তল্লাভবরদানম্॥ 2 ॥Mahabharata - Anushaasana Parva - Chapter Text
চ্যবন উবাচ।
বরশ্চ গৃহ্যতাং মত্তো যশ্চ তে সংশয়ো হৃদি।
তং প্রব্রূদি নরশ্রেষ্ঠ সর্বং সম্পাদয়ামি তে॥ 13-90-1 (85045)
কুশিক উবাচ। 13-90-2x (7075)
যদি প্রীতোসি ভগবংস্ততো মে বদ ভার্গব।
কারণং শ্রোতুসিচ্ছমি মদ্গৃহে বাসকারিতম্॥ 13-90-2 (85046)
শয়নং চৈকপার্শ্বেন দিবসানেকবিংশতিম্।
ন কিঞ্চিদুক্ৎবা গমনং বহিশ্চ মুনিপুঙ্গবঃ॥ 13-90-3 (85047)
অন্তর্ধানমকস্মাচ্চ পুনরেব চ দর্শনম্।
পুনশ্চ শয়নং বিপ্র দিবসানেকবিংশতিম্॥ 13-90-4 (85048)
তৈলাভ্যক্তস্য গমনং ভোজনং চ গৃহে মম।
সমুপানীয় বিবিধং যদ্দগ্ধং জাতবেদসা॥ 13-90-5 (85049)
নির্যাণাং চ রথেনাশু সহসা যৎকৃতং ৎবয়া।
ধনানাং চ বিসর্গশ্চ বনস্যাপি চ দর্শনম্॥ 13-90-6 (85050)
প্রাসাদানাং বহূনাং চ কাঞ্চনানাং মহামুনে।
মণিবিদ্রুমপাদানাং পর্যঙ্কাণাং চ দর্শনম্॥ 13-90-7 (85051)
পুনশ্চাদর্শনং তস্য শ্রোতুমিচ্ছামি কারণম্।
অতীব হ্যত্র মুহ্যামি চিন্তয়ানো ভৃগূদ্বহ॥ 13-90-8 (85052)
ন চৈবাত্রাধিগচ্ছামি সর্বস্যাস্য বিনিশ্চয়ম্।
এতদিচ্ছামি কার্ৎস্ন্যেন সত্যং শ্রোতুং তপোধন॥ 13-90-9 (85053)
চ্যবন উবাচ। 13-90-10x (7076)
শৃণু সর্বমশেষেণি যদিদং যেন হেতুনা।
ন হি শক্যমনাখ্যাতুমেবং পৃষ্টেন পার্থিব॥ 13-90-10 (85054)
পিতামহস্য বদতঃ পুরা দেবসমাগমে।
শ্রুতবানস্মি যদ্রাজংস্তন্মে নিগদতঃ শৃণু। 13-90-11 (85055)
ব্রহ্মক্ষত্রবিরোধেন ভবিতা কুলসঙ্করঃ।
পৌত্রস্তে ভবিতা রাজংস্তেজোবীর্যসমন্বিতঃ॥ 13-90-12 (85056)
ততঃ স্বকুলরক্ষার্থমহং ৎবাং সমুপাগতঃ।
চিকীর্ষন্কুশিকোচ্ছেদং সংদিধক্ষুঃ কুলং তব॥ 13-90-13 (85057)
ততোঽহমাগম্য পুরে ৎবামবোচং মহীপতে।
নিয়মং কঞ্চিদারপ্সয়ে শুশ্রূষা ক্রিয়তামিতি॥ 13-90-14 (85058)
ন চ তে দুষ্কৃতং কিঞ্চিদহমাসাদয়ং গৃহে।
তেন জীবসি রাজর্ষে ন ভবেথাস্ৎবমন্যথা॥ 13-90-15 (85059)
এবং বুদ্ধিং সমাস্থায় দিবসানেকবিংশতিম্।
সুপ্তোস্মি যদি মাং কশ্চিদ্বোধয়েদিতি পার্থিব॥ 13-90-16 (85060)
যদা ৎবয়া সভার্যেণ সংসুপ্তো ন প্রবোধিতঃ।
অহং তদৈব তে প্রীতো মনসা রাজসত্তম॥ 13-90-17 (85061)
উত্থায় চাস্মি নিষ্ক্রান্তো যদি মাং ৎবং মহীপতে।
পৃচ্ছেঃ ক্ব যাস্যসীত্যেবং শপেয়ং ৎবামিতি প্রভো॥ 13-90-18 (85062)
অন্তর্হিতঃ পুনশ্চাস্মি পুনরেব চ তে গৃহে।
যোগমাস্থায় সংসুপ্তো দিবসানেকবিংশতিম্॥ 13-90-19 (85063)
ক্ষুধিতৌ মামসূয়েথাং শ্রমাদ্বেতি নরাধিপ।
এতাং বুদ্ধিং সমাস্থায় কর্শিতৌ বাং ক্ষুধা ময়া॥ 13-90-20 (85064)
ন চ তেঽভূৎসুসূক্ষ্মোপি মন্যুর্মনসি পার্থিব।
সভার্যস্য নরশ্রেষ্ঠ তেন তে প্রীতিমানহম্॥ 13-90-21 (85065)
ভোজনং চ সমানায়্য যত্তদাদীপিতং ময়া।
ক্রুধ্যেথা যদি মাৎসর্যাদিতি তন্মর্ষিতং চ মে॥ 13-90-22 (85066)
ততোঽহং রথমারুহ্য ৎবামবোচং নরাধিপ।
সভার্যো মাং বহস্বেতি তচ্চ ৎবং কৃতবাংস্তথা॥ 13-90-23 (85067)
অবিশঙ্কো নরপতে প্রীতোঽহং চাপি তেন হ।
ধনোৎসর্গেঽপি চ কৃতে ন ৎবাং ক্রোধোপ্যধর্ষয়ৎ॥ 13-90-24 (85068)
ততঃ প্রীতেন তে রাজন্পুনরেতৎকৃতং তব।
সভার্যস্য বনং ভূয়স্তদ্বিদ্ধি মনুজাধিপ॥ 13-90-25 (85069)
প্রীত্যর্থং তব চৈতন্মে স্বর্গসংদর্শনং কৃতম্।
যত্তে বনেঽস্মিন্নৃপতে দৃষ্টং দিব্যং সুদর্শনম্॥ 13-90-26 (85070)
স্বর্গোদ্দেশস্ৎবয়া রাজন্সশরীরেণ পার্থিব।
মুহূর্তমনুভূতোঽসৌ সভার্যেণ নৃপোত্তম॥ 13-90-27 (85071)
নিদর্শনার্থং তপসো ধর্মস্য চ নরাধিপ।
তত্র নাসীৎস্পৃহা রাজংস্তচ্চাপি বিদিতং ময়া॥ 13-90-28 (85072)
ব্রাহ্মণ্যং কাঙ্ক্ষসে হি ৎবং তপশ্চ পৃথিবীপতে।
অবমত্য নরেন্দ্রৎবং দেবেন্দ্রৎবং চ পার্থিব॥ 13-90-29 (85073)
এবমেতদ্যথাতৎবং ব্রাহ্মণ্যং তাত দুর্লভম্।
ব্রাহ্মণ্যে সতি চর্ষিৎবমৃষিৎবে চ তপস্বিতা॥ 13-90-30 (85074)
ভবিষ্যত্যেষ তে কামঃ কুশিকাৎকৌশিকো দ্বিজঃ॥ 13-90-31 (85075)
তৃতীয়ং পুরুষং প্রাপ্য ব্রাহ্মণৎবং গমিষ্যতি।
বংশস্তে পার্থিবশ্রেষ্ঠ ভৃগূণামেব তেজসা॥ 13-90-32 (85076)
পৌত্রস্তে ভবিতা বিপ্রস্তপস্বী পাবকদ্যুতিঃ।
`জমদগ্নৌ মহাভাগ তপসা ভাবিতাত্মনি॥' 13-90-33 (85077)
যঃ স দেবমনুষ্যাণআং ভয়মুৎপাদয়িষ্যতি।
ত্রয়াণামেব লোকানাং সত্যমেতদ্ব্রবীমি তে॥ 13-90-34 (85078)
বরং গৃহাণ রাজর্ষে যস্তে মনসি বর্ততে।
তীর্থয়াত্রাং গমিষ্যামি পুরা কালোঽতিবর্ততে॥ 13-90-35 (85079)
কুশিক উবাচ। 13-90-36x (7077)
এষ এব বরো মেঽদ্য যত্ৎবং প্রীতো মহামুনে।
ভবৎবেতদ্যথার্থৎবং ভবেৎপৌত্রো মমানঘ॥ 13-90-36 (85080)
ব্রাহ্মণ্যং মে কুলস্যাস্তু ভগবন্নেষ মে বরঃ।
পুনশ্চাখ্যাতুমিচ্ছামি ভগবন্বিস্তরেণ বৈ॥ 13-90-37 (85081)
কথমেষ্যতি বিপ্রৎবং কুলং মে ভৃগুনন্দন।
কশ্চাসৌ ভবিতা বন্ধুর্মম কশ্চাপি সম্মতঃ॥ ॥ 13-90-38 (85082)
ইতি শ্রীমন্মহাভারতে অনুশাসনপর্বণি দানধর্মপর্বণি নবতিতমোঽধ্যায়ঃ॥ 90 ॥
অনুশাসনপর্ব - অধ্যায় 091
॥ শ্রীঃ ॥
13.91. অধ্যায়ঃ 091
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
চ্যবনেন কুশিকম্প্রতি স্বকুলে জনিষ্যত ঋচীকস্যানুভাবেন তদ্ভার্যাশ্বশ্র্বো কুশিকপৌত্রস্য গাধেঃ পুত্রীপত্র্যোঃ ক্রমেণ পৌত্রপুত্রভাবেন পরশুরামবিশ্বামিত্রয়োর্জন্মকথনম্॥ 1 ॥Mahabharata - Anushaasana Parva - Chapter Text
চ্যবন উবাচ।
অবশ্যং কথনীয়ং মে তবৈতন্নরপুঙ্গব।
যদর্থং ৎবাহমুচ্ছেত্তুং সম্প্রাপ্তো মনুজাধিপ॥ 13-91-1 (85083)
ভূগূণাং ক্ষত্রিয়া যাজ্যা নিত্যমেতজ্জনাধিপ।
তে চ ভেদং গমিষ্যন্তি দৈবয়ুক্তেন হেতুনা॥ 13-91-2 (85084)
ক্ষত্রিয়াশ্চ ভৃগূন্সর্বান্বধিষ্যন্তি নরাধিপ।
আগর্ভাদনুকৃন্তন্তো দৈতদণ্ডনিপীডিতাঃ॥ 13-91-3 (85085)
তত উৎপৎস্যতেঽস্মাকং কুলে গোত্রবিবর্ধনঃ।
ঔর্বো নাম মহাতেজা জ্বলিতার্কসমদ্যুতিঃ॥ 13-91-4 (85086)
স ত্রৈলোক্যবিনাশায় কোপাগ্নিং জনয়িষ্যতি।
মহীং সপর্বতবনাং যঃ করিষ্যতি ভস্মসাৎ। 13-91-5 (85087)
কঞ্চিৎকালং তু বহ্নিং চ স এব শময়িষ্যতি।
সমুদ্রে বডবাবক্ত্রে প্রক্ষিপ্য মুনিসত্তমঃ। 13-91-6 (85088)
পুত্রং তস্য মহারাজ ঋচীকং ভৃগুনন্দনম্।
সাক্ষাৎকৃৎস্নো ধনুর্বেদঃ সমুপস্থাস্যতেঽনঘ॥ 13-91-7 (85089)
ক্ষত্রিয়াণামভাবায় দৈবয়ুক্তেনু হেতুনা।
স তু তং প্রতিগৃহ্যৈব পুত্রে সংক্রাময়িষ্যতি॥ 13-91-8 (85090)
জমদগ্নৌ মহাভাগে তপসা ভাবিতাত্মনি।
স চাপি ভৃগুশার্দূলস্তং বেদং ধারয়িষ্যতি॥ 13-91-9 (85091)
কুলাত্তু তব ধর্মাত্মন্কন্যাং সোঽধিগমিষ্যতি।
উদ্ভাবনার্থং ভবতো বংশস্য ভরতর্ষভ॥ 13-91-10 (85092)
`ক্ষত্রহন্তা ভবেদ্ধিংস্র ইতি দৈবং সনাতনম্।
নারায়ণমুপাস্যাস্য বরাত্তং পুত্রমৃচ্ছতি॥' 13-91-11 (85093)
গাধের্দুহিতরং প্রাপ্যি পৌত্রীং তব মহাতপাঃ।
ব্রাহ্মণং ক্ষত্রধর্মাণং পুত্রমুৎপাদয়িষ্যতি॥ 13-91-12 (85094)
ক্ষত্রিয়ং বিপ্রধর্মাণং বৃহস্পতিমিবৌজসা।
বিশ্বামিত্রং তব কুলে গাধেঃ পুত্রং সুধার্মিকম্।
তপসা মহতা যুক্তং প্রদাস্যতি মহাদ্যুতে॥ 13-91-13 (85095)
স্ত্রিয়ৌ তু কারণং তত্র পরিবর্তে ভবিষ্যতঃ।
পিতামহনিয়োগাদ্বৈ নান্যথৈতদ্ভবিষ্যতি॥ 13-91-14 (85096)
তৃতীয়ে পুরুষে তুভ্যং ব্রাহ্মণৎবমুপৈষ্যতি।
ভবিতা ৎবং চ সম্বন্ধী ভৃগূণাং ভাবিতাত্মনাম্॥ 13-91-15 (85097)
ভীষ্ম উবাচ। 13-91-16x (7078)
কুশিকস্তু মুনের্বাক্যং চ্যবনস্য মহাত্মনঃ।
শ্রুৎবা হৃষ্টোঽভবদ্রাজা বাক্যং চেদমুবাচ হ।
এবমস্ৎবিতি ধর্মাত্মা তদা ভরতসত্তম॥ 13-91-16 (85098)
চ্যবনস্তু মহাতেজাঃ পুনরেব নরাধিপম্।
বরার্থং চোদয়ামাস তমুবাচ স পার্থিবঃ॥ 13-91-17 (85099)
বাঢমেবং গ্রহীষ্যামি কামাংস্ৎবত্তো মহামুনে।
ব্রহ্মভূতং কুলং মেঽস্তু ধর্মে চাস্য মনো ভবেৎ॥ 13-91-18 (85100)
এবমুক্তস্তথেত্যেবং প্রত্যুক্ৎবা চ্যবনো মুনিঃ।
অভ্যনুজ্ঞায় নৃপতিং তীর্থয়াত্রাং যয়ৌ তদা॥ 13-91-19 (85101)
এতত্তে কথিতং সর্বমশেষেণ ময়া নৃপ।
ভৃগূণাং কুশিকানাং চ অভিসম্বন্ধকারণম্॥ 13-91-20 (85102)
যথোক্তমৃষিণা চাপি তদা তদভবন্নৃপ।
জন্ম রামস্য চ মুনের্বিশ্বামিত্রস্য চৈব হি॥ ॥ 13-91-21 (85103)
ইতি শ্রীমন্মহাভারতে অনুশাসনপর্বণি দানধর্মপর্বণি একনবতিতমোঽধ্যায়ঃ॥ 91 ॥
Mahabharata - Anushaasana Parva - Chapter Footnotes
7-91-15 তুভ্যং তব। ব্রাহ্মণৎবং কর্তৃ॥অনুশাসনপর্ব - অধ্যায় 092
॥ শ্রীঃ ॥
13.92. অধ্যায়ঃ 092
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি তত্তদ্দানানাং বিশিষ্যফলকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
মুহ্যামীতি নিশম্যাদ্য চিন্তয়ানঃ পুনঃপুনঃ।
হীনাং পার্থিবসিংহৈস্তৈঃ শ্রীমদ্ভিঃ পৃথিবীমিমাম্॥ 13-92-1 (85104)
প্রাপ্য রাজ্যানি শতশো মহীং জিৎবাঽপি ভারত।
কোটিশঃ পুরুষান্হৎবা পরিতপ্যে পিতামহ॥ 13-92-2 (85105)
কা নু তাসাং বরস্ত্রীণামবস্থাঽদ্য ভবিষ্যতি।
যা হীনাঃ পতিভিঃ পুত্রৈর্মাতুলৈর্ভ্রাতৃভিস্তথা॥ 13-92-3 (85106)
বয়ং হি তান্কুরুন্হৎবা জ্ঞাতীংশ্চ সুহৃদোঽপি চ।
অবাক্শীর্ষাঃ পতিষ্যামো নরকে নাত্রং সংশয়ঃ॥ 13-92-4 (85107)
শরীরং যোক্তুমিচ্ছামি তপসোগ্রেণ ভারত।
উপদিষ্টমিহেচ্ছামি তত্ৎবতোঽহং বিশাম্পতে॥ 13-92-5 (85108)
বৈশম্পায়ন উবাচ। 13-92-6x (7079)
যুধিষ্ঠিরস্য তদ্বাক্যং শ্রুৎবা ভীষ্মো মহামনাঃ।
পরীক্ষ্য নিপুণং বুদ্ধ্যা যুধিষ্ঠিরমভাষত॥ 13-92-6 (85109)
রহস্যমদ্ভুতং চৈব শৃণু বক্ষ্যামি ভারত।
যা গতিঃ প্রাপ্যতে বেন প্রেত্যভাবে বিশাম্পতে॥ 13-92-7 (85110)
তপসা প্রাপ্যতে স্বর্গস্তপসা প্রাপ্যতে যশঃ।
আয়ুঃপ্রকর্ষো ভোগাশ্চ লভ্যন্তে তপসা বিভো॥ 13-92-8 (85111)
জ্ঞানং বিজ্ঞানমারোগ্যং রূপং সম্পত্তথৈব চ।
সৌভাগ্যং চৈব তপসা প্রাপ্যতে ভরতর্ষভ॥ 13-92-9 (85112)
ধং প্রাপ্নোতি তপসা মৌনং জ্ঞানং প্রয়চ্ছতি।
উপভোগাংস্তু দানেন ব্রহ্মচর্যেণ জীবিতম্॥ 13-92-10 (85113)
অহিংসায়াঃ ফলং রূপং দীক্ষায়া জন্ম বৈ কুলে।
ফলমূলাশনাদ্রাজ্যং স্বর্গঃ পর্ণশনাদ্ভবেৎ॥ 13-92-11 (85114)
পয়োভক্ষো দিবং যাতি দানেন দ্রবিণাধিকঃ।
গুরুশুশ্রূষয়া বিদ্যা নিত্যশ্রাদ্ধেন সন্ততিঃ॥ 13-92-12 (85115)
গবাঢ্যঃ শাকদীক্ষাভিঃ স্বর্গমাহুস্তৃণাশনাৎ।
স্ত্রিয়স্ত্রিষবণ্সনানাদ্বায়ুং পীৎবা ক্রতুং লভেৎ॥ 13-92-13 (85116)
নিত্যস্নায়ী দীর্ঘজীবী সন্ধ্যে তু দ্বে জপন্দ্বিজঃ।
মন্ত্রং সাধয়তো রাজন্নাকপৃষ্ঠমনাশনে॥ 13-92-14 (85117)
স্থণ্ডিলেষু শয়ানানাং গৃহাণি শয়নানি চ।
চীরবল্কলবাসোভির্বাসাংস্যাভাণানি চ॥ 13-92-15 (85118)
শয়্যাসনানি যানানি যোগয়ুক্তে তপোধনে।
অগ্নিপ্রবেশে নিয়তং ব্রহ্মলোকে মহীয়তে॥ 13-92-16 (85119)
রসানাং প্রতিসংহারাৎসৌভাগ্যমিহ বিন্দতি।
আমিষপ্রতিসংহারাৎপ্রজা হ্যায়ুষ্মতী ভবেৎ॥ 13-92-17 (85120)
উদবাসং বসেদ্যস্তু স নরাধিপতির্ভবেৎ।
সত্যবাদী নরশ্রেষ্ঠ দৈবতৈঃ সহ মোদতে॥ 13-92-18 (85121)
কীর্তির্ভবতি দানেন তথাঽঽরোগ্যমহিংসয়া।
দ্বিজশুশ্রূষয়া রাজ্যং দ্বিজৎবং চাপি পুষ্কলম্॥ 13-92-19 (85122)
পানীয়স্য প্রদানেন কীর্তির্ভবতি শাশ্বতী।
অন্নস্য তু প্রদানেন তৃপ্যন্তে কামভোগতঃ॥ 13-92-20 (85123)
সান্ৎবদঃ সর্বভূতানাং সর্বশোকৈর্বিমুচ্যতে।
দেবশুশ্রূষয়া রাজ্যং দিব্যং রূপং নিগচ্ছতি॥ 13-92-21 (85124)
দীপালোকপ্রদানেন চক্ষুষ্মান্বুদ্ধিমান্ভবেৎ।
প্রেক্ষণীয়প্রদানেন স্মৃতিং মেধাং চ বিন্দতি॥ 13-92-22 (85125)
গন্ধমাল্যপ্রদানেন কীর্তির্ভবতি পুষ্কলা।
কেশশ্মশ্রূ ধারংয়তামগ্র্যা ভবতি সন্ততিঃ॥ 13-92-23 (85126)
উপবাসং চ দীক্ষাং চ অভিষেকং চ পার্থিব।
কৃৎবা দ্বাদশবর্ষাণি বীরস্থানাদ্বিশিষ্যতে॥ 13-92-24 (85127)
দাসীদাসমলঙ্কারান্ক্ষেত্রাণি চ গৃহাণি চ।
ব্রহ্মদেয়াং সুতাং দত্ৎবা প্রাপ্নোতি মনুজর্ষভ॥ 13-92-25 (85128)
ক্রতুভিশ্চোপবাসৈশ্চ ত্রিদিবং যাতি ভারত।
লভতে চ শিবং জ্ঞানং ফলপুষ্পপ্রদো নরঃ॥ 13-92-26 (85129)
সুবর্ণশৃঙ্গৈস্তু বিরাজিতানাং
গবাং সহস্রস্য নরঃ প্রদানাৎ।
প্রাপ্নোতি পুণ্যং দিবি দেবলোক-
মিত্যেবমাহুর্দিবি বেদসঙ্ঘাঃ॥ 13-92-27 (85130)
প্রয়চ্ছতে যঃ কপিলাং সবৎসাং
কাংস্যোপদোহাং কনকাগ্রশৃঙ্গীম্।
তৈস্তৈর্গুণৈঃ কামদুঘাঽস্য ভূৎবা
নরং প্রদাতারমুপৈতি সা গৌঃ॥ 13-92-28 (85131)
যাবন্তি রোমাণি ভবন্তি ধেন্বা-
স্তাবৎফলং প্রাপ্য স গোপ্রদানাৎ।
পুত্রাংশ্চ পৌত্রাংশ্চ কুলং চ সর্ব-
মাসপ্তমং তারয়তে পরত্র॥ 13-92-29 (85132)
সদক্ষিণাং কাঞ্চনচারুশৃঙ্গীং
কাংস্যোপদোহাং দ্রবিণোত্তরীয়াম্।
ধেনুং তিলানাং দদতো দ্বিজায়
লোকা বসূনাং সুলভা ভবন্তি॥ 13-92-30 (85133)
স্বকর্মভির্মানবং সংনিরুদ্ধং
তীব্রান্ধকারে নরকে পতন্তম্।
মংহার্ণবে নৌরিব বায়ুয়ুক্তা
দানং গবাং তারয়তে পরত্র॥ 13-92-31 (85134)
যো ব্রহ্মদেয়াং তু দদাতি কন্যাং
ভূমিপ্রদানং চ করোতি বিপ্রে।
দদাতি চান্নং বিধিবচ্চ যশ্চ
স লোকমাপ্নোতি পুরংদরস্য॥ 13-92-32 (85135)
নৈবেশিকং সর্বগুণোপপন্নং
দদাতি বৈ যস্তু নরো দ্বিজায়।
স্বাধ্যায়চারিত্র্যগুণান্বিতায়
তস্যাপি লোকাঃ কুরুষূত্তরেষু॥ 13-92-33 (85136)
ধুর্যপ্রদানেন গবাং তথা বৈ
লোকানবাপ্নোতি নরো বসূনাম্।
স্বর্গায় চাহুস্তু হিরণ্যদানং
ততো বিশিষ্টং কনকপ্রদানম্॥ 13-92-34 (85137)
ছত্রপ্রদানেন গৃহং বরিষ্ঠং
যানং তথোপানহসম্প্রদানে।
বস্রপ্রদানেন ফলং সুরূপং
গন্ধপ্রদানাৎসুরভির্নরঃ স্যাৎ॥ 13-92-35 (85138)
পুষ্পোপগং বাঽথ ফলোপগং বা
যঃ পাদপং স্পর্শয়তে দ্বিজায়।
সশ্রীকমৃদ্ধং বহুরত্নপূর্ণং
লভত্যযত্নোপগতং গৃহং বৈ॥ 13-92-36 (85139)
ভক্ষ্যান্নপানীয়রসপ্রদাতা
সর্বান্সমাপ্নোতি রসান্প্রকামম্।
প্রতিশ্রয়াচ্ছানসম্প্রদাতা
প্রাপ্নোতি তান্যেব ন সংশয়োঽত্র॥ 13-92-37 (85140)
স্রগ্ধূপগন্ধাননুলেপনানি
স্নানানি মাল্যানি চ মানবো যঃ।
দদ্যাদ্দ্বিজেভ্যঃ স ভবেদরোগ-
স্তথাঽভিরূপশ্চ নরেন্দ্রলোকে॥ 13-92-38 (85141)
বীজৈরশূন্যং শয়নৈরুপেতং
দদ্যাদ্গৃহং যঃ পুরুষো দ্বিজায়।
পুণ্যাভিরামং বহুরত্নপূর্ণং
লভত্যধিষ্ঠানবরং স রাজন্॥ 13-92-39 (85142)
সুগন্ধচিত্রাস্তরণোপধানং
দদ্যান্নরো যঃ শয়নং দ্বিজায়।
রূপান্বিতাং পক্ষবতীং মনোজ্ঞাং
ভার্যাময়ত্নোপগতাং লভেৎসঃ॥ 13-92-40 (85143)
পিতামহস্যানবরো বীরশায়ী ভবেন্নরঃ।
নাধিকং বিদ্যতে যস্মাদিত্যাহুঃ পরমর্ষয়ঃ॥ 13-92-41 (85144)
বৈশম্পায়ন উবাচ। 13-92-42x (7080)
তস্য তদ্বচনং শ্রুৎবা প্রীতাত্মা কুরুনন্দনঃ।
নাশ্রমেঽরোচয়দ্বাসং বীরমার্গাভিকাঙ্ক্ষয়া॥ 13-92-42 (85145)
ততো যুধিষ্ঠিরঃ প্রাহ পাণ্ডবান্পুরুষর্ষভ।
পিতামহস্য যদ্বাক্যং তদ্বো রোচৎবিতি প্রভুঃ॥ 13-92-43 (85146)
ততস্তু পাণ্ডবাঃ সর্বে দ্রৌপদী চ যশস্বিনী।
যুধিষ্ঠিরস্য তদ্বাক্যং বাঢমিত্যভ্যপূজয়ন্॥ ॥ 13-92-44 (85147)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিনবতিতমোঽধ্যায়ঃ॥ 92 ॥
Mahabharata - Anushaasana Parva - Chapter Footnotes
7-92-7 যা গতিঃ ফলং, যেন সাধনেন, প্রেত্যভাবে মরণানন্তরম্॥ 7-92-10 জীবিতং আয়ুঃ॥ 7-92-13 ক্রতুং প্রজাপতিম্। প্রণায়ামৈঃ প্রজাপতিলোকং প্রাপ্নোতীত্যর্থঃ॥ 7-92-14 অনাশনং অনাহারঃ। নিত্যস্নায়ী ভবেদ্দক্ষ ইতি ঝ.পাঠঃ॥ 7-92-17 প্রতিসংহারাত্যাগাত॥ 7-92-24 উপবার্সঃ সর্বভোগত্যাগঃ। দীক্ষা জপাদিনিয়মখীকারঃ। অভিষেকস্ত্রিষবণং স্নানম্॥ 7-92-33 নৈবেশিকং গৃহোপস্করং শয়্যাদি॥ 7-92-40 পক্ষবতীং মহাকুলোদ্ভবাম্॥ 7-92-41 অনবরঃ রামানঃ। যস্মাৎ পিতামহাৎ॥অনুশাসনপর্ব - অধ্যায় 093
॥ শ্রীঃ ॥
13.93. অধ্যায়ঃ 093
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি তটাকাদিপ্রতিষ্ঠায়া বৃক্ষাদ্যারোপণস্য চ ফলনিরূপণম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
আরামাণাং তটাকানাং যৎফলং কুরুপুঙ্গব।
তদহং শ্রোতুমিচ্ছামি ৎবত্তোঽদ্য ভরতর্ষভ॥ 13-93-1 (85148)
ভীষ্ম উবাচ। 13-93-2x (7081)
সুপ্রদর্শা বলবতী চিত্রা ধাতুবিভূষিতা।
উপেতা সর্বভূতৈশ্চ শ্রেষ্ঠা ভূমিরিহোচ্যতে॥ 13-93-2 (85149)
তস্যাঃ ক্ষেত্রবিশেষাশ্চ তটাকানাং চ বন্ধনম্।
ঔদকানি চ সর্বাণি প্রবক্ষ্যাম্যনুপূর্বশঃ॥ 13-93-3 (85150)
তটাকানাং চ বক্ষ্যামি কৃতানাং চাপি যে গুণাঃ।
ত্রিষু লোকেষু সর্বত্র পূজনীয়স্তটাকবান্॥ 13-93-4 (85151)
অথবা মিত্রসদনং মৈত্রং মিত্রবিবর্ধনম্।
কীর্তিসংজননং শ্রেষ্ঠং তটাকানাং নিবেশনম্॥ 13-93-5 (85152)
ধর্মস্যার্থস্য কামস্য ফলমাহুর্মনীষিণঃ।
তটাকসুকৃতং দেশে ক্ষেত্রমেকং মহাশ্রয়ম্॥ 13-93-6 (85153)
চতুর্বিধানাং ভূতানাং তটাকমুপলক্ষয়েৎ।
তটাকানি চ সর্বাণি দিশন্তি শ্রিয়মুত্তমাম্॥ 13-93-7 (85154)
দেবা মনুষ্যগন্ধর্বাঃ পিতরোরগরাক্ষসাঃ।
স্থাবরাণি চ ভূতানি সংশ্রয়ন্তি জলাশয়ম্॥ 13-93-8 (85155)
তস্মাত্তাংস্তে প্রবক্ষ্যামি তটাকে যে গুণাঃ স্মৃতাঃ।
যা চ তত্র ফলাবাপ্তির্ঋষিভিঃ সমুদাহৃতাঃ॥ 13-93-9 (85156)
বর্ষাকালে তটাকে তু সলিলং যস্য তিষ্ঠতি।
অগ্নিহোত্রফলং তস্য ফলমাহুর্মনীষিণঃ॥ 13-93-10 (85157)
শরৎকালে তু সলিলং তটাকে যস্য তিষ্ঠতি।
গোসহস্রস্য স প্রেত্য লভতে ফলমুত্তমম্॥ 13-93-11 (85158)
হেমন্তকালে সলিলং তটাকে যস্য তিষ্ঠতি।
স বৈ বহুসুবর্ণস্য যজ্ঞস্য লভতে ফলম্॥ 13-93-12 (85159)
যস্য বৈ শৈশিরে কালে তটাকে সলিলং ভবেৎ।
তস্যাগ্নিষ্টোময়জ্ঞস্য ফলমাহুর্মনীষিণঃ॥ 13-93-13 (85160)
তটাকং সুকৃতং যস্য বসন্তে তু মহাশ্রয়ম্।
অতিরাত্রস্য যজ্ঞস্য ফলং স সমুপাশ্নুতে॥ 13-93-14 (85161)
নিদাঘকালে পানীয়ং তটাকে যস্য তিষ্ঠতি।
বাজিমেধফলং তস্য ফলং বৈ মুনয়ো বিদুঃ॥ 13-93-15 (85162)
স কুলং তারয়েৎসর্বং যস্য খাতে জলাশয়ে।
গাবঃ পিবন্তি সলিলং সাধবশ্চ নরাঃ সদা॥ 13-93-16 (85163)
তটাকে যস্য গাবস্তু পিবন্তি তৃষিতা জলম্।
মৃগপক্ষিমনুষ্যাশ্চ সোঽশ্বমেধফলং লভেত॥ 13-93-17 (85164)
যৎপিবন্তি জলং তত্র স্নায়ন্তে বিশ্রমন্তি চ।
তটাকে যস্য তৎসর্বং প্রেত্যানন্ত্যায় কল্পতে॥ 13-93-18 (85165)
দুর্লভং সলিলং তাত বিশেষেণ পরত্র বৈ।
পানীয়স্য প্রদানেন প্রীতির্ভবতি শাশ্বতী॥ 13-93-19 (85166)
তিলান্দদত পানীয়ং দীপান্দদত জাগৃত।
জ্ঞাতিভিঃ সহ মোদধ্বমেতৎপ্রেত্য সুদুর্লভম্॥ 13-93-20 (85167)
সর্বদানৈর্গুরুতরং সর্বদানৈর্বিশিষ্যতে।
পানীয়ং নরশার্দূল তস্মাদ্দাতব্যমেব হি॥ 13-93-21 (85168)
এবমেতত্তটাকস্য কীর্তিতং ফলমুত্তমম্।
অত ঊর্ধ্বং প্রবক্ষ্যামি বৃক্ষাণামবরোপণম্॥ 13-93-22 (85169)
স্থাবরাণাং চ ভূতানাং জাতয়ঃ ষট্ প্রকীর্তিতাঃ।
বৃক্ষগুল্মলতাবল্ল্যস্ৎবক্সারাস্তৃণজাতয়ঃ॥ 13-93-23 (85170)
এতা জাত্যস্তু বৃক্ষাণাং তেষাং রোপে গুণাস্ৎবিমে।
কীর্তিশ্চ মানুষে লোকে প্রেত্য চৈব ফলং শুভম্॥ 13-93-24 (85171)
লভতে নাম লোকে চ পিতৃভিশ্চ মহীয়তে।
দেবলোকে গতস্যাপি নাম তস্য ন নশ্যতি॥ 13-93-25 (85172)
অতীতানাগতে চোভে পিতৃবংশং চ ভারত।
তারয়েদ্বৃক্ষরোপী চ তস্মাদ্বৃক্ষাংশ্চ রোপয়েৎ॥ 13-93-26 (85173)
তস্য পুত্রা ভবন্ত্যেতে পাদপা নাত্র সংশয়ঃ।
পরলোকগতঃ স্বর্গং লোকাংশ্চাপ্নোতি সোঽব্যযান্॥ 13-93-27 (85174)
পুষ্ণৈঃ সুরগণান্বৃক্ষাঃ ফলৈশ্চাপি তথা পিতৄন্।
ধায়যা চাতিথিং তাত পূজয়ন্তি মহীরুহঃ॥ 13-93-28 (85175)
কিন্নরোরগরক্ষাংসি দেবগন্ধর্বমানবাঃ।
তথা ঋষিগণাশ্চৈব সংশ্রয়ন্তি মহীরুহান্॥ 13-93-29 (85176)
পুষ্পিতাঃ ফলবন্তশ্চ তর্পয়ন্তীহ মানবান্।
বৃক্ষদং পুত্রবদ্বৃক্ষাস্তারয়ন্তি পরত্র তু॥ 13-93-30 (85177)
তস্মাত্তটাকে সদ্বৃক্ষা রোপ্যাঃ শ্রেয়োর্থিনা সদা।
পুত্রবৎপরিপাল্যাশ্চ পুত্রাস্তে ধর্মতঃ স্মৃতাঃ॥ 13-93-31 (85178)
তটাককৃদ্বৃক্ষরোপী ইষ্টয়জ্ঞশ্চ যো দ্বিজঃ।
এতে স্বর্গে মহীয়ন্তে যে চান্যে সত্যবাদিনঃ॥ 13-93-32 (85179)
তস্মাত্তটাকং কুর্বীত আরামাংশ্চৈব রোপয়েৎ।
যজেচ্চ বিবিধৈর্যজ্ঞৈঃ সত্যং চ সততং বদেৎ॥ ॥ 13-93-33 (85180)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিনবতিতমোঽধ্যায়ঃ॥ 93 ॥
Mahabharata - Anushaasana Parva - Chapter Footnotes
7-93-2 বলবতী বহুসস্যোৎপাদিকা॥ 7-93-4 ঔদকানি খাতানি তটাকানি॥ 7-93-4 তটাকবান্ তটাককৃৎ॥ 7-93-5 মিত্রাণাং সদনমিবোপকারকং সস্যোৎপাদনাদিনা। মৈত্রং মিত্রস্য সূর্যস্যেদং প্রীতিকরম্। মিত্রাণাং দেবানাং বিবর্ধনং পোষকম্॥অনুশাসনপর্ব - অধ্যায় 094
॥ শ্রীঃ ॥
13.94. অধ্যায়ঃ 094
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রাহ্মণপ্রশংসনপূর্বকং তদারাধনবিধানম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
যানীমানি বহির্বেদ্যাং দানানি পরিচক্ষতে।
তেভ্যো বিশিষ্টং কিং দানং মতং তে কুরুপুঙ্গব॥ 13-94-1 (85181)
কৌতূহলং হি পরমং তত্র মে বিদ্যতে প্রভো।
দাতারং দত্তমন্বেতি যদ্দানং তৎপ্রচক্ষ্ব মে॥ 13-94-2 (85182)
ভীষ্ম উবাচ। 13-94-3x (7082)
অভয়ং সর্বভূতেভ্যো ব্যসনে চাপ্যনুগ্রহঃ।
যচ্চাভিলষিতং দদ্যাত্তৃষিতায়াভিয়াচতে॥ 13-94-3 (85183)
ভরণে পুত্রদারাণাং তদ্দানং শ্রেষ্ঠমুচ্যতে।
দত্তং দাতারমন্বেতি তদ্দানং ভরতর্ষভ॥ 13-94-4 (85184)
হিরণ্যদানং গোদানং পৃথিবীদানমেব চ।
এতানি বৈ পবিত্রাণি তারয়ন্ত্যপি দুষ্কৃতাৎ॥ 13-94-5 (85185)
এতানি পুরুষব্যাঘ্র সাধুভ্যো দেহি নিত্যদা।
দানানি হি নরং পাপান্মোক্ষয়ন্তি ন সংশয়ঃ॥ 13-94-6 (85186)
যদ্যদিষ্টতমং লোকে যচ্চাস্য দয়িতং গৃহে।
তত্তদ্গুণবতে দেয়ং তদেবাক্ষয়মিচ্ছতা॥ 13-94-7 (85187)
প্রিয়াণি লভতে নিত্যং প্রিয়দঃ প্রিয়কৃত্তথা।
প্রিয়ো ভবতি ভূতানামিহ চৈব পরত্র চ॥ 13-94-8 (85188)
যাচমানমভীমানাদনাসক্তমকিঞ্চনম্।
যো নার্চতি যথাশক্তি স নৃশংসো যুধিষ্ঠির॥ 13-94-9 (85189)
অমিত্রমপি চেদ্দীনং শরণৈষিণমাগতম্।
ব্যসনে যোঽনুগৃহ্ণাতি স বৈ পুরুষসত্তমঃ॥ 13-94-10 (85190)
কৃশায় কৃতবিদ্যায় বৃত্তিক্ষীণায় সীদতে।
অপহন্যাৎক্ষুধাং যস্তু ন তেন পুরুষঃ সমঃ॥ 13-94-11 (85191)
ক্রিয়ানিয়মিতান্সাধুন্পুত্রদারৈশ্চ কর্শিতান্।
অয়াচমানান্কৌন্তেয় সর্বোপায়ৈর্নিমন্ত্রয়েৎ॥ 13-94-12 (85192)
আশিষং যে ন দেবেষু ন চ মর্ত্যেষু কুর্বতে।
অর্হন্তো নিত্যসৎবস্থা যথালব্ধোপজীবিনঃ॥ 13-94-13 (85193)
আশীবিষসমেভ্যশ্চ তেভ্যো রক্ষস্ব ভারত।
তান্যুক্তৈরুপজিজ্ঞাস্য ভোগৈর্নির্বপ রক্ষ চ॥ 13-94-14 (85194)
কৃতৈরাবসথৈর্নিত্যং সপ্রেষ্যৈঃ সপরিচ্ছদৈঃ।
নিমন্ত্রয়েথাঃ কৌরব্য সর্বভূতসুখাবহৈঃ॥ 13-94-15 (85195)
যদি তে প্রতিগৃহ্ণীয়ুঃ শ্রদ্ধাপূতং যুধিষ্ঠির।
কার্যমিত্যেব মন্বানা ধার্মিকাঃ পুণ্যকর্মিণঃ॥ 13-94-16 (85196)
বিদ্যাস্নাতা ব্রতস্নাতা ধর্মমাশ্রিত্য জীবিনঃ।
গূঢস্বাধ্যায়তপসো ব্রাহ্ম্ণাঃ সংশিতব্রতাঃ॥ 13-94-17 (85197)
তেষু শুদ্ধেষু দান্তেষু স্বদারনিরতেষু চ।
যৎকরিষ্যসি কল্যাণং তত্তে লোকে যুধাম্পতে॥ 13-94-18 (85198)
যথাঽগ্নিহোত্রং সুহুতং সায়ম্প্রাতর্দ্বিজাতিনা।
তথা ভবতি দত্তং বৈ বিদ্বদ্ভ্যো যৎকৃতাত্মনা॥ 13-94-19 (85199)
এষ তে বিততো যজ্ঞঃ শ্রদ্ধাপূতঃ সদক্ষিণঃ।
বিশিষ্টঃ সর্বয়জ্ঞেভ্যো দদতস্তাত বর্ততাম্॥ 13-94-20 (85200)
নিবাপো দানসদৃশঃ সদৃশেষু যুধিষ্ঠির।
নিবেদয়ন্পূজয়ন্বৈ তেষ্বানৃণ্যং নিগচ্ছতি॥ 13-94-21 (85201)
য এবং নৈব কুপ্যন্তে ন লুভ্যন্তি তৃণেষ্বপি।
ত এব নঃ পূজ্যতমা যে চাপি প্রিয়বাদিনঃ॥ 13-94-22 (85202)
যে নো ন বহুমন্যন্তে ন প্রবর্তন্তি যাচনে।
পুত্রবৎপরিপাল্যাস্তে নমস্তেভ্যস্তথাঽভয়ম্॥ 13-94-23 (85203)
ঋৎবিক্পুরোহিতাচার্যা মৃদুধর্মপরা হি যে।
ক্ষাত্রেণাপি হি সংসৃষ্টং তেজঃ শাম্যতি তেষ্বপি॥ 13-94-24 (85204)
ঈশ্বরো বলবানস্মি রাজাঽস্মীতি যুধিষ্ঠির।
ব্রাহ্মণান্মাস্ম পর্যাসীর্বাসোভিরশনেন চ॥ 13-94-25 (85205)
যচ্ছোভার্থং বলার্তং বা বিত্তমস্তি তবানঘ।
তেন তে ব্রাহ্মণাঃ পূজ্যাঃ স্বধর্মমনুতিষ্ঠতা॥ 13-94-26 (85206)
নমস্কার্যাস্তথা বিপ্রা বর্তমানা যথাতথম্।
যথাসুখং যথোৎসাহং ললন্তু ৎবয়ি পুত্রবৎ॥ 13-94-27 (85207)
কো হ্যক্ষয়প্রসাদানাং সুহৃদামল্পতোষিণাম্।
বৃত্তিমর্হত্যুপক্ষেপ্তুং ৎবদন্যঃ কুরুসত্তম॥ 13-94-28 (85208)
যথাঽপত্যাশ্রয়ো ধর্মঃ স্ত্রীণাং লোকে সনাতনঃ।
সদৈব সা গতির্নান্যা তথাঽস্মাকং দ্বিজাতয়ঃ॥ 13-94-29 (85209)
যদি নো ব্রাহ্মণাস্তাত সংত্যজেয়ুরপূজিতাঃ।
পশ্যন্তো দারুণং কর্ম সততং ক্ষত্রিয়ে স্থিতম্॥ 13-94-30 (85210)
অবেদানামকীর্তীনামলোকানাময়জ্বিনাম্।
কোনু স্যাজ্জীবিতেনার্থস্তদ্ধিনো ব্রাহ্মণাশ্রয়ম্॥ 13-94-31 (85211)
অত্র তে বর্তয়িষ্যামি যথা ধর্মং সনাতনম্।
রাজন্যো ব্রাহ্মণান্রাজন্পুরা পরিচচার হ।
বৈশ্যো রাজন্যমিত্যেব শূদ্রো বৈশ্যমিতি শ্রুতিঃ॥ 13-94-32 (85212)
দূরাচ্ছূদ্রেণোপচর্যো ব্রাহ্মণোঽগ্নিরিব জ্বলন্।
সংস্পর্শপরিচর্যসল্তু বৈশ্যেন ক্ষত্রিয়েণ চ॥ 13-94-33 (85213)
মৃদুভাবান্সত্যশীলান্সত্যধর্মানুপালকান্।
আশীবিষানিব ক্রুদ্ধাংস্তানুপাচরত দ্বিজান্॥ 13-94-34 (85214)
অপরেষাং পরেষাং চ পরেভ্যশ্চাপি যে পরে।
ক্ষত্রিয়াণাং প্রতপতাং তেজসা চ বলেন চ।
ব্রাহ্মণেষ্বেব শাম্যন্তি তেজাংসি চ তপাংসি চ॥ 13-94-35 (85215)
ন মে পিতা প্রিয়তরো ন ৎবং তাত তথা প্রিয়ঃ।
ন মে পিতুঃ পিতা রাজন্ন চাত্মা ন চ জীবিতম্॥ 13-94-36 (85216)
ৎবত্তশ্চ মে প্রিয়তরঃ পৃথিব্যাং নাস্তি কশ্চন।
ৎবত্তোঽপি মে প্রিয়তরা ব্রাহ্মণা ভরতর্ষভ॥ 13-94-37 (85217)
ব্রবীমি সত্যমেতচ্চ যথাঽহং পাণ্ডুনন্দন।
তেন সত্যেন গচ্ছেয়ং লোকান্যত্র স শান্তনুঃ॥ 13-94-38 (85218)
পশ্যেয়ং চ সতাং লোকাঞ্ছুচীন্ব্রহ্মপুরস্কৃতান্।
তত্র মে তাত গন্তব্যমহ্নায় চ চিরায় চ॥ 13-94-39 (85219)
সোহমেতাদৃশান্লোকান্দৃষ্ট্বা ভরতসত্তম।
যন্মে কৃতং ব্রাহ্মণেষু ন তপ্যে তেন পার্থিব॥ ॥ 13-94-40 (85220)
ইতি শ্রীমন্মহাভারতে অনুশাসনপর্বণি দানধর্মপর্বণি চতুর্নবতিতমোঽধ্যায়ঃ॥ 94 ॥
Mahabharata - Anushaasana Parva - Chapter Footnotes
7-94-9 অভীমানাদতিসমর্থোঽয়মিত্যভিমানং স্বমনস্যেব কৃৎবা যাচমানম্। যাচমানাবমানাচ্চ আশাবন্তমকিঞ্চনমিতি থ.ধ.পাঠঃ॥ 7-94-11 কৃশায়েত্যাদিচতুর্থী ষষ্ঠ্যর্থ। কৃশায় হ্রীমতে তাতেতি ট.থ.ধ.পাঠঃ॥ 7-94-12 ক্রিয়ানিয়মিতান্ স্বধর্ময়ন্ত্রিতান্। হ্রিয়া তু নিয়তানিতি থ.ধ.পাঠ॥ 7-94-16 ধর্মার্থমেব ধর্মং কুর্বন্তি নতু ফলান্তরার্থমিতি ভাবঃ॥ 7-94-20 দদতঃ দাতুস্তব বর্ততাং সর্বদাস্তু॥ 7-94-21 নিবাপঃ পিতৃতর্পণম্। দানসদৃশঃ ইত্যত্র দানং মহাদানম্॥ 7-94-26 তে ৎবয়া॥ 7-94-27 ললন্তু রমন্তাম্॥ 7-94-28 উপক্ষেপ্তং সমর্পিতুম্॥ 7-94-31 অবেদানামিতি। তর্হি ব্রাহ্মণৈরস্মত্ত্যাগে তত এব অবেদাদীনামস্মাকং জীবিতেন কোর্থঃ। তৎ জীবিতং॥ 7-94-35 ক্ষত্রিয়াণাং প্রভাবং চ তেজাংসি চ তপাংসি চ। ব্রাহ্মণেষ্বেব মন্যন্তে শ্রীরয়ুর্বলমেব চেতি ট.থ.ধ.পাঠঃ॥অনুশাসনপর্ব - অধ্যায় 095
॥ শ্রীঃ ॥
13.95. অধ্যায়ঃ 095
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রাহ্মণমহিমানুবর্ণনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
যৌ চ স্যাতাং চরণেনোপপন্নৌ
যৌ বিদ্যযা সদৃশৌ জন্মনা চ।
তাভ্যাং দানং কতরস্মৈ বিশিষ্ট-
ময়াচমানায় চ যাচতে চ॥ 13-95-1 (85221)
ভীষ্ম উবাচ। 13-95-2x (7083)
শ্রেয়ো বৈ যাচতঃ পার্থ দানমাহুরয়াচতে।
অর্হত্তমো বৈ ধৃতিমান্কৃপণাদকৃতাত্মনঃ॥ 13-95-2 (85222)
ক্ষত্রিয়ো রক্ষণধৃতির্ব্রাহ্মণোঽনর্থনাধৃতিঃ।
ব্রাহ্মণো ধৃতিমান্বিদ্বান্দেবান্প্রীণাতি তুষ্টিমান্॥ 13-95-3 (85223)
যাচ্যমাহুরনীশস্য অতিহারং চ ভারত।
উদ্বেজয়ন্তি যাচন্তি যদা ভূতানি দস্যুবৎ॥ 13-95-4 (85224)
ম্রিয়তে যাচমানো বৈ তমনু ম্রিয়তেঽদদৎ।
দদৎসংজীবয়ত্যেনমাত্মানং চ যুধিষ্ঠির॥ 13-95-5 (85225)
আনৃশংস্যং পরো ধর্মো যাচতে যৎপ্রদীয়তে।
অয়াচতঃ সীদমানান্সর্বোপায়ৈর্নিমন্ত্রয়েৎ॥ 13-95-6 (85226)
যদি বৈ তাদৃশা রাষ্ট্রে বসেয়ুস্তে দ্বিজোত্তমাঃ।
ভস্মচ্ছন্নানিবাগ্নীংস্তান্বুধ্যেথাস্ৎবং প্রয়ত্নতঃ॥ 13-95-7 (85227)
তপসা দীপ্যমানাস্তে দহেয়ুঃ পৃথিবীমপি।
অপূজ্যমানাঃ কৌরব্য পূজার্হাস্তু তথাবিধাঃ॥ 13-95-8 (85228)
পূজ্যা হি জ্ঞানবিজ্ঞানতপোয়োগসমন্বিতাঃ।
তেভ্যঃ পূজাং প্রয়ুঞ্জীথা ব্রাহ্মণেভ্যঃ পরন্তপঃ 13-95-9 (85229)
দদদ্বহুবিধান্দেয়ানুপচ্ছন্দয়তে চ তান্॥ 13-95-10 (85230)
যদগ্নিহোত্রে সুহুতে সায়ংপ্রাতর্ভবেৎফলম্।
বিদ্যাবেদব্রতবতি তদ্দানফলমুচ্যতে॥ 13-95-11 (85231)
বিদ্যাবেদব্রতস্নাতা ন ব্যাপাশ্রয়জীবিনঃ।
গূঢস্বাধ্যায়তপসো ব্রাহ্মণান্সংশিতব্রতান্॥ 13-95-12 (85232)
কৃতৈরাবসথৈর্হৃদ্যৈঃ সপ্রেষ্যৈঃ সপরিচ্ছদৈঃ।
নিমন্ত্রয়েথাঃ কৌরব্য কামৈশ্চান্যৈর্দ্বিজোত্তমান্॥ 13-95-13 (85233)
অপি তে প্রতিগৃহ্ণীয়ুঃ শ্রদ্ধোপেতং যুধিষ্ঠির।
কার্যমিত্যেব মন্বানা ধর্মজ্ঞাঃ সূক্ষ্মদর্শিনঃ॥ 13-95-14 (85234)
অপি তে ব্রাহ্মণা ভুক্ৎবা গতাঃ সোদ্ধরণান্গৃহান্।
যেষাং দারাঃ প্রতীক্ষন্তে পর্জন্যমিব কর্ষকাঃ॥ 13-95-15 (85235)
অন্নানি প্রাতঃসবনে নিয়তা ব্রহ্মচারিণঃ।
ব্রাহ্মণাস্তাত ভুঞ্জানাস্ত্রেতাগ্নিং প্রীণয়ন্ত্যুত॥ 13-95-16 (85236)
মাধ্যংদিনং তে সবনং দদতস্তাত বর্ততাম্।
গোহিরণ্যানি বাসাংসি তেনেন্দ্রঃ প্রীয়তাং তব॥ 13-95-17 (85237)
তৃতীয়ং সবনং তে বৈ বৈশ্বদেবং যুধিষ্ঠির।
যদ্দেবেভ্যঃ পিতৃভ্যশ্চ বিপ্রেভ্যশ্চ প্রয়চ্ছসি॥ 13-95-18 (85238)
অহিংসা সর্বভূতেভ্যঃ সংবিভাগশ্চ সর্বশঃ।
দমস্ত্যাগো ধৃতিঃ সত্যং ভবত্যবভৃথায় তে॥ 13-95-19 (85239)
এথ তে চিততো যজ্ঞঃ শ্রদ্ধাপূতঃ সদক্ষিণঃ।
বিশিষ্টঃ সর্বয়জ্ঞানাং নিত্যং তাত প্রবর্ততাম্॥ ॥ 13-95-20 (85240)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চনবতিতমোঽধ্যায়ঃ॥ 95 ॥
Mahabharata - Anushaasana Parva - Chapter Footnotes
7-95-1 চরণেনাচরণেন॥ 7-95-2 যাচতঃ যাচকাৎ তদ্দানাদিস্যর্থঃ॥ 7-95-3 অনর্থনা অয়াচ্চা। 7-95-4 যাচ্যং যাচনারূপং কর্ম। অনীশস্য দরিদ্রস্যাতিহারং তিরস্কারমাহুঃ। যদা যতঃ যাচন্তি যাচমানানি ভূতানি দস্যুবল্লোকানুদ্বেজয়ন্তি॥ 7-95-10 উপচ্ছন্দয়তে উপচ্ছন্দয়েত। দদদ্বহুবিধান্দায়ানুপাগচ্ছন্নয়াচতামিতি ঝ.পাঠঃ। অয়াচতাং অয়াচমানানাম্। উপাগচ্ছন্সমীপমুপসর্পন্ দায়ান্ধনাদীন্দদৎ দাতা ভবেতি শেষঃ॥ 7-95-15 সোদ্ধরণান্স্বামিন্যাগতে দাস্যামীতি যাচমানেভ্যো বালকেভ্য আশাপ্রদর্শনমুদ্ধরণং তৎসহিতান্॥অনুশাসনপর্ব - অধ্যায় 096
॥ শ্রীঃ ॥
13.96. অধ্যায়ঃ 096
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণি যুধিষ্ঠিরম্প্রতি ব্রাহ্মণপ্রশংসনপূর্বকং ব্রাহ্মণানাং প্রজানাং চ রক্ষণস্যাবশ্যকর্তব্যৎবকথনম্॥ 1 ॥Mahabharata - Anushaasana Parva - Chapter Text
যুধিষ্ঠর উবাচ।
দানং যজ্ঞঃ ক্রিয়া চেহ কিংস্বিৎপ্রেত্য মহাফলম্।
কস্য জ্যায়ঃ ফলং প্রোক্তং কীদৃশেভ্যঃ কথং কদা॥ 13-96-1 (85241)
এতদিচ্ছামি বিজ্ঞাতুং যাথাতথ্যেনি ভারত।
বিদ্বঞ্জিজ্ঞাসমানায় দানধর্মান্প্রচক্ষ্ব মে॥ 13-96-2 (85242)
অন্তর্বেদ্যাং চ যদ্দত্তং শ্রদ্ধয়া চানৃশংস্যতঃ।
কিংস্বিন্নৈঃশ্রেয়সং তাত তন্মে ব্রূহি পিতামহ॥ 13-96-3 (85243)
ভীষ্ম উবাচ। 13-96-4x (7084)
রৌদ্রং কর্ম ক্ষত্রিয়স্য সততং তাত বর্ততে।
নাস্য বৈতানিকফলং বিনা দানং সুপাবনম্॥ 13-96-4 (85244)
ন তু পাপকৃতাং রাজ্ঞাং যাজকা দ্বিজসত্তমাঃ॥
ধনে সত্যপ্রদাতৄণাং প্রতিগৃহ্ণন্তি সাধবঃ॥ 13-96-5 (85245)
প্রতিগৃহ্ণন্তি ন তু চেদ্যদ্রোষাদাপ্তদক্ষিণৈঃ।
এতস্মাৎকারণাদ্যজ্ঞৈর্যজেদ্রাজাঽঽপ্তদক্ষিণৈঃ॥ 13-96-6 (85246)
অথ চেৎপ্রতিগৃহ্ণীয়ুর্দদ্যাদহরহর্নৃপঃ।
শ্রদ্ধামাস্থায় পরমাং পাবনং হ্যেতুদুত্তমম্॥ 13-96-7 (85247)
ব্রাহ্মণাংস্তর্পয়ন্দ্রব্যৈঃ স বৈ যজ্ঞোঽনুপদ্রবঃ।
মৈত্রান্সাধূন্বেদবিদঃ শীলবৃত্ততপোর্জিতান্॥ 13-96-8 (85248)
যত্তে তে ন করিষ্যন্তি কৃতং তে ন ভবিষ্যতি।
যজ্ঞান্সাধয় সাধুভ্যঃ স্বাদ্বন্নান্দক্ষিণাবতঃ॥ 13-96-9 (85249)
ইষ্টং দত্তং চ মন্যেথা আত্মানং দানকর্মণা।
পূজয়েথা যায়জূকাংস্তবাপ্যংশো ভবেদ্যথা॥ 13-96-10 (85250)
`বিদ্বদ্ভ্যঃ সম্প্রদানেন তত্রাপ্যংশোঽস্য পূজয়া।
যজ্বভ্যশ্চাথ বিদ্বদ্ভ্যো দত্ৎবা লোকং প্রদাপয়েৎ।
প্রদদ্যাজ্জ্ঞানদাতৄণাং জ্ঞানদানাংশভাগ্যভবেৎ॥' 13-96-11 (85251)
প্রজাবতো ভরেথাশ্চ ব্রাহ্মণান্বহুভারিণঃ।
প্রজাবাংস্তেন ভবতি যথা জনয়িতা তথা॥ 13-96-12 (85252)
যাবতঃ সাধুধর্মান্বৈ সন্তঃ সংবর্ধয়ন্ত্যুত।
সর্বস্বৈশ্চাপি ভর্তব্যা নরা যে বহুকারিণঃ॥ 13-96-13 (85253)
সমৃদ্ধঃ সম্প্রয়চ্ছ ৎবং ব্রাহ্ম্ণেভ্যো যুধিষ্ঠির।
ধেনূরনডুহোঽন্নানি চ্ছত্রং বাসাংস্যুপানহৌ॥ 13-96-14 (85254)
আজ্যানি যজমানেভ্যস্তথাঽন্নানি চ ভারত।
অশ্ববন্তি চ যানানি বেশ্মানি শয়নানি চ॥ 13-96-15 (85255)
এতে দেয়াঃ পুষ্টিমদ্ভির্লঘূপায়াশ্চ ভারত।
অজুগুপ্সাংশ্চ বিজ্ঞায় ব্রাহ্মণান্বৃত্তিকর্শিতান্॥ 13-96-16 (85256)
উপচ্ছন্নং প্রকাশং বা বৃত্ত্যা তান্প্রতিপালয়।
রাজসূয়াশ্বমেধাভ্যাং শ্রেয়স্তৎক্ষত্রিয়ান্প্রতি॥ 13-96-17 (85257)
এবং পাপৈর্বিনির্মুক্তস্ৎবং পূতঃ স্বর্গমাপ্স্যসি।
সঞ্চয়িৎবা পুনঃ কোশং যদ্রাষ্ট্রং পালয়িষ্যসি॥ 13-96-18 (85258)
তেন ৎবং ব্রহ্মভূয়ৎবমবাপ্স্যসি ধনানি চ।
আত্মনশ্চ পরেষাং চ বৃত্তিং সংরক্ষ ভারত॥ 13-96-19 (85259)
পুত্রবচ্চাপি ভৃত্যান্স্বান্প্রজাশ্চ পরিপালয়।
[যোগঃ ক্ষেমশ্চ তে নিত্যং ব্রাহ্মণেষ্বস্তু ভারত॥ 13-96-20 (85260)
তদর্থং জীবিতং তেঽস্তু মা তেভ্যোঽপ্রতিপালনম্।
অনর্থো ব্রাহ্মণস্যৈষ যদ্বিত্তনিচয়ো মহান্॥ 13-96-21 (85261)
ক্ষিয়া হ্যভীক্ষ্ণং সংবাসো দর্পয়েৎসম্প্রমোহয়েৎ।
ব্রাহ্মণেষু প্রমূঢেষু ধর্মো বিপ্রণশেদ্ধুবম্।
ধর্মপ্রণাশে ভূতানামভাবঃ স্যান্ন সংশয়ঃ॥ 13-96-22 (85262)
যো রক্ষিভ্যঃ সম্প্রদায় রাজা রাষ্ট্রং বিলুম্পতি।
যজ্ঞে রাষ্ট্রাদ্ধনং তস্মাদানয়ধ্বমিতি ব্রুবন্॥ 13-96-23 (85263)
যচ্চাদায় তদাজ্ঞপ্তং ভীতং দত্তং সুদারুণম্।
যজেদ্রাজা ন তং যজ্ঞং প্রশংসন্ত্যস্য সাধবঃ॥ 13-96-24 (85264)
অপীডিতাঃ সুসংবৃদ্ধা যে দদত্যনুকূলতঃ।
তাদৃশেনাপ্যুপায়েন যষ্টব্যং নোদ্যমাহৃতৈঃ॥ 13-96-25 (85265)
যদা পরিনিষিচ্যেত নিহিতো বৈ যথাবিধি।
তদা রাজা মহায়জ্ঞৈর্যজেত বহুদক্ষিণৈঃ॥ 13-96-26 (85266)
বৃদ্ধবালধনং রক্ষ্যমন্ধস্য কৃপণস্য চ।
ন খাতপূর্বং কুর্বীত ন রুদন্তীধনং হরেৎ॥ 13-96-27 (85267)
হৃতং কৃপণবিত্তং হি রাষ্ট্রং হন্তি নৃপ শ্রিয়ম্।
দদ্যাচ্চ মহতো ভোগান্ক্ষুদ্ভয়ং প্রণুদেৎসতাম্॥ 13-96-28 (85268)
যেষাং স্বাদূনি ভোজ্যানি সমবেক্ষ্যন্তি বালকাঃ।
নাশ্নন্তি বিধিবত্তানি কিন্নু পাপতরং ততঃ॥ 13-96-29 (85269)
যদি তে তাদৃশো রাষ্ট্রে বিদ্বান্ৎসীদেৎক্ষুধা দ্বিজঃ।
ভ্রূণহত্যাং চ গচ্ছেথাঃ কৃৎবা পাপমিবোত্তমম্॥ 13-96-30 (85270)
ধিক্তস্য জীবিতং রাজ্ঞো রাষ্ট্রে যস্যাবসীদতি।
দ্বিজোঽন্যো বা মনুষ্যোপি শিবিরাহ বচো যথা॥ 13-96-31 (85271)
যস্য স্ম বিষয়ে রাজ্ঞঃ স্নাতকঃ সীদতি ক্ষুধা।
অবৃদ্ধিমেতি তদ্রাষ্ট্রং বিন্দতে সহ রাজকম্॥ 13-96-32 (85272)
ক্রোশন্ত্যো যস্য বৈ রাষ্ট্রাদ্ধ্রিয়ন্তে তরসা স্ত্রিয়ঃ।
ক্রোশতাং পতিপুত্রাণাং মৃতোঽসৌ ন চ জীবতি]॥ 13-96-33 (85273)
অরক্ষিতারং হর্তারং বিলোপ্তারমনায়কম্।
তং বৈ রাজকলিং হন্যুঃ প্রজাঃ সন্নহ্য নির্ঘৃণং॥ 13-96-34 (85274)
অহং বো রক্ষিতেত্যুক্ৎবা যো ন রক্ষতি ভূমিপঃ।
স সংহত্য নিহন্তব্যঃ শ্বেব সোন্মাদ আতুরঃ॥ 13-96-35 (85275)
পাপং কুর্বন্তি যৎকিঞ্চিৎপ্রজা রাজ্ঞা হ্যরক্ষিতাঃ।
চতুর্থং তস্য পাপস্য রাজা বিন্দতি ভারত॥ 13-96-36 (85276)
অথাহুঃ সর্বমেবৈতি ভূয়োঽর্ধমিতি নিশ্চয়ঃ।
চতুর্থং মতমস্মাকং মনোঃ শ্রুৎবানুশাসনম্॥ 13-96-37 (85277)
শুভং বা যচ্চ কুর্বন্তি প্রজা রাজ্ঞা সুরক্ষিতাঃ।
চতুর্থং তস্য পুণ্যস্য রাজা চাপ্নোতি ভারত॥ 13-96-38 (85278)
জীবন্তং ৎবানুজীবন্তু প্রজাঃ সর্বা যুধিষ্ঠির।
পর্জন্যমিব ভূতানি মহাদ্রুমমিবাণ্ডজাঃ॥ 13-96-39 (85279)
কুবেরমিব রক্ষাংসি শতক্রতুমিবামরাঃ।
জ্ঞাতয়স্ৎবাঽনুজীবন্তু সুহৃদশ্চ পরন্তপ॥ ॥ 13-96-40 (85280)
ইতি শ্রীমন্মহাভারতে অনুশাসনপর্বণি দানধর্মপর্বণি ষণ্ণবতিতমোঽধ্যায়ঃ॥ 96 ॥
Mahabharata - Anushaasana Parva - Chapter Footnotes
7-96-1 যজ্ঞঃ ক্রিয়া যজ্ঞরূপাক্রিয়েত্যর্থঃ। কীদৃশেভ্যো দানং কথং যজ্ঞক্রিয়েতি। কদেত্যুভয়ত্র সম্বন্ধঃ॥ 7-96-7 এতদ্দানম্॥ 7-96-9 যদ্যদি তে ব্রাহ্মণাস্তে তব ন করিষ্যন্তি প্রতিগ্রহমিতি শেষঃ। তর্হি কৃতং সুকৃতং তে তব ন ভবিষ্যতি। তদা সুকৃতোৎপত্ত্যর্থং যজ্ঞান্সাধয়॥ 7-96-10 দানে যজ্ঞাদিকমন্তর্ভবতীত্যর্থঃ॥ 7-96-12 জনয়িতা প্রজাপতিঃ॥ 7-96-13 তস্য রাজ্ঞস্তে সন্তো বহুকারিণোঽত্যন্তমুপকর্তারো ভবন্তি। নরা যে বহুভাষিণ ইতি ত.থ.পাঠঃ॥ 7-96-19 ব্রহ্মণো ভূয়ং ভাবোঽস্যাস্তি স ব্রাহ্মণো ব্রহ্মভূয়স্তস্য ভাবো ব্রহ্মভূয়ৎবং ব্রাহ্মণৎবম্॥ 7-96-23 যো রাজা রক্ষিভ্যঃ সঙ্গ্রহপরেভ্যো ধনং দত্ৎবা যজ্ঞে যজ্ঞার্থং ধনমানয়ধ্বমিতি ব্রুবন্ যজেৎ তর্হি রাষ্ট্রং বিলুম্পতি॥ 7-96-24 যচ্চাসৌ তদ্ধনিভির্ভাতং ভয়যুক্তং যথাস্যাত্তথা দত্তং প্রজাভ্য আদায় সুদারুণং যথাস্যাত্তথা যজেত্তং যজ্ঞং ন প্রশংসন্তি ॥ 7-96-25 উদ্যমঃ প্রজাপীডনাত্মকোঽতিয়ত্নঃ॥ 7-96-26 নিহিতঃ প্রজানাং নিতরাং হিতো রাজা যদা প্রজাভির্নিষিচ্যেত ধনৈরভিষিচ্যেত॥ 7-96-27 স্বাতপূর্বং ধনং ন কুর্বীত স্বাধীনং ন কুর্বীতেত্যর্থঃ॥ 7-96-29 সমবেক্ষ্যন্ত্যেব নতু লভন্তে॥ 7-96-32 সহয়ুগপৎ। রাজকং রাজসমূহং প্রতিপক্ষভূতং বিন্দতে॥ 7-96-37 সর্বং পাপং এতি রাজানম্॥অনুশাসনপর্ব - অধ্যায় 097
॥ শ্রীঃ ॥
13.97. অধ্যায়ঃ 097
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি সেন্দ্রবৃহস্পতিসংবাদানুবাদং ভূমিদানপ্রশংসনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
ইদং দেয়মিদং দেয়মিতীয়ং শ্রুতিচোদনাৎ।
বহুদেয়াশ্চ রাজানঃ কিংস্বিদ্দেয়মনুত্তমম্॥ 13-97-1 (85281)
ভীষ্ম উবাচ। 13-97-2x (7085)
অতি দানানি সর্বাণি পৃথিবীদানমুচ্যতে।
অচলা হ্যক্ষয়া ভূমির্দোগ্ধ্রী কামানিহোত্তমান্॥ 13-97-2 (85282)
দোগ্ধ্রী বাসাংসি রত্নানি পশূন্ব্রীহিয়বাংস্তথা।
ভূমিদঃ সর্বভূতেষু শাশ্বতীরেধতে সমাঃ॥ 13-97-3 (85283)
যাবদ্ভূমেরায়ুরিহ তাবদ্ভূমিদ এধতে।
ন ভূমিদানাদস্তীহ পরং কিঞ্চিদ্যুধিষ্ঠির॥ 13-97-4 (85284)
অপ্যল্পং প্রদদুঃ সর্বে পৃথিব্যা ইতি নঃ শ্রুতম্।
ভূমিমেব দদুঃ সর্বে ভূমিং তে ভুঞ্জতে জনাঃ॥ 13-97-5 (85285)
স্বকর্মৈবোপজীবন্তি নরা ইহ পরত্র চ।
ভূমিঃ পতিং মহাদেবী দাতারং কুরুতে প্রিয়ম্॥ 13-97-6 (85286)
য এতাং দক্ষিণাং দদ্যাদক্ষয়াং রাজসত্তম।
পুনর্নরৎবং সম্প্রাপ্য ভবেৎস পৃথিবীপতিঃ॥ 13-97-7 (85287)
যথা দানং তথা ভোগ ইতি ধর্মেষু নিশ্চয়ঃ।
সঙ্গ্রামে বা তনুং জহ্যাদ্দদ্যাচ্চ পৃথিবীমিমাংম্॥ 13-97-8 (85288)
ইত্যেতৎক্ষত্রবন্ধূনাং বদন্তি পরমাশিষঃ।
পুনাতি দত্তা পৃথিবী দাতারমিতি শুশ্রুম॥ 13-97-9 (85289)
অপি পাপসমাচারং ব্রহ্মঘ্নমপি চানৃতম্।
সৈব পাপং প্লাবয়তি সৈব পাপাৎপ্রমোচয়েৎ॥ 13-97-10 (85290)
অপি পাপকৃতাং রাজ্ঞাং প্রতিগৃহ্ণন্তি সাধবঃ।
পৃথিবীং নান্যদিচ্ছন্তি পাবনং জগতী যতঃ॥ 13-97-11 (85291)
নামাস্যাঃ প্রিয়দত্তেতি গুহ্যং দেব্যাঃ সনাতনম্।
দানং বাঽপ্যথবাঽদানং নামাস্যাঃ প্রথমপ্রিয়ম্॥ 13-97-12 (85292)
য এতাং বিদুষে দদ্যাৎপৃথিবীং পৃথিবীপতিঃ।
পৃথিব্যামেতদিষ্টং স রাজা রাজ্যমিতো ব্রজেৎ॥ 13-97-13 (85293)
পুনশ্চাসৌ জনিং প্রাপ্য রাজবৎস্যান্ন সংশয়ঃ।
তস্মাৎপ্রাপ্যৈব পৃথিবীং দদ্যাদ্বিপ্রায় পার্থিবঃ॥ 13-97-14 (85294)
নাভূমিপতিনা ভূমিরধিষ্ঠেয়া কথঞ্চন।
ন চ বস্ত্রেণি বা গূহেদন্তর্ধানেন বা চরেৎ॥ 13-97-15 (85295)
যে চান্যে ভূমিমিচ্ছেয়ুঃ কুর্যুরেবং ন সংশয়ঃ।
যঃ সাধোর্ভূমিমাদত্তে ন ভূমিং বিন্দতে তু সঃ॥ 13-97-16 (85296)
ভূমিং দত্ৎবা তু সাধুভ্যো বিন্দতে ভূমিমুত্তমাম্।
প্রেত্য চেহ চ ধর্মাত্মা সম্প্রাপ্নোতি মহদ্যশঃ॥ 13-97-17 (85297)
`একাহারকরীং দত্ৎবা ষষ্ঠিসাহস্রমূর্ধ্বগঃ।
তাবত্যা হরণে পৃথ্ব্যা নরকং দ্বিগুণোত্তরম্॥' 13-97-18 (85298)
যস্য বিপ্রাস্তু শংসন্তি সাধোর্ভূমিং সদৈব হি।
ন তস্য শত্রবো রাজন্প্রশংসন্তি বসুন্ধরাম্॥ 13-97-19 (85299)
যৎকিঞ্চিৎপুরুষঃ পাপং কুরুতে বৃত্তিকর্শিতঃ।
অপি গোচর্মমাত্রেণ ভূমিদানেন পূয়তে॥ 13-97-20 (85300)
যেঽপি সঙ্গীর্ণাকর্মাণো রাজানো রৌদ্রকর্মিণঃ।
তেভ্যঃ পবিত্রমাখ্যেয়ং ভূমিদানমনুত্তমম্॥ 13-97-21 (85301)
অল্পান্তরমিদং শশ্বৎপুরাণা মেনিরে জনাঃ।
যো যজেতাশ্বমেধেন দদ্যাদ্বা সাধবে মহীম্॥ 13-97-22 (85302)
অপি চেৎসুকৃতং কৃৎবা শঙ্কেরন্নপি পণ্ডিতাঃ।
অশংক্যমেকমেবৈতদ্ভূমিদানমনুত্তমম্॥ 13-97-23 (85303)
সুবর্ণং রজতং বস্ত্রং মণিমুক্তাবসূনি চ।
সর্বমেতন্মহাপ্রাজ্ঞো দদাতি বসুধাং দদৎ॥ 13-97-24 (85304)
তপো যজ্ঞঃ শ্রুতং শীলমলোভঃ সত্যসন্ধতা।
গুরুদৈবতপূজা চ এতা বর্তন্তি ভূমিদম্॥ 13-97-25 (85305)
ভর্তুনিঃশ্রেয়সে যুক্তাস্ত্যক্তাত্মানো রণে হতাঃ।
ব্রহ্মলোকগতাঃ সিদ্ধা নাতিক্রামন্তি ভূমিদম্॥ 13-97-26 (85306)
যথা জনিত্রী স্বং পুত্রং ক্ষীরেণ ভরতে সদা।
অনুগৃহ্ণাতি দাতারং তথা সর্বরসৈর্মহী॥ 13-97-27 (85307)
মৃত্যুর্বৈকিংকরো দণ্ডস্তাপো বহ্নেঃ সুদারুণঃ।
ঘোরাশ্চ বারুণাঃ পাশা নোপসর্পন্তি ভূমিদম্॥ 13-97-28 (85308)
পিতৄংশ্চ পিতৃলোকস্থান্দেবলোকে চ দেবতাঃ।
সন্তর্পয়তি শান্তাত্মা যো দদাতি বসুন্ধরাম্॥ 13-97-29 (85309)
কৃশায় ম্রিয়মাণায় বৃত্তিগ্লানায় সীদতে।
ভূমিং বৃত্তিকরীং দত্ৎবা সত্রী ভবতি মানবঃ॥ 13-97-30 (85310)
যথা ধাবতি গৌর্বৎসং স্রবন্তী বৎসলা পয়ঃ।
এবমেব মহাভাগ ভূমির্ভরতি ভূমিদম্॥ 13-97-31 (85311)
হলকৃষ্টাং মহীং দত্ৎবা সবীজাং সফলামপি।
সোদকং বাঽপি শরণং তথা ভবতি কামদঃ॥ 13-97-32 (85312)
ব্রাহ্মণং বৃত্তসম্পন্নমাহিতাগ্নিং শুচিব্রতম্।
নরঃ প্রতিগ্রাহ্য মহীং ন যাতি যমসাদনম্॥ 13-97-33 (85313)
যথা চন্দ্রমসো বৃদ্ধিরহন্যহনি জায়তে।
তথা ভূমিকৃতং দানং সস্যেসস্যে বিবর্ধতে॥ 13-97-34 (85314)
অত্র গাথা ভূমিগীতাঃ কীর্তয়ন্তি পুরাবিদঃ।
যাঃ শ্রুৎবা জামদগ্ন্যেন দত্তা ভূঃ কাশ্যপায় বৈ॥ 13-97-35 (85315)
মামেবাদত্ত মাং দত্ত মাং দত্ৎবা মামবাপ্স্যথ।
অস্মিঁল্লোকে পরে চৈব তদ্দত্তং জায়তে পুনঃ॥ 13-97-36 (85316)
য ইমাং ব্যাহৃতিং বেদ ব্রাহ্মণো বেদসম্মিতাম্।
শ্রাদ্ধস্য হূয়মানস্য ব্রহ্মভূয়ং স গচ্ছতি॥ 13-97-37 (85317)
কৃত্যানামভিশপ্তানামরিষ্টশমনং মহৎ।
প্রায়শ্চিত্তং মহীং দত্ৎবা পুনাত্যুভয়তো দশ॥ 13-97-38 (85318)
পুনাতি য ইদং বেদ বেদবাদং তথৈব চ।
প্রকৃতিঃ সর্বভূতানাং ভূমির্বৈ শাশ্বতী মতা॥ 13-97-39 (85319)
অভিষিচ্যৈব নৃপতিং শ্রাবয়েদিমমাগমম্।
যথা শ্রুৎবা মহীং দদ্যান্নাদদ্যাৎসাধুতশ্চ তাং॥ 13-97-40 (85320)
সোঽয়ং কৃৎস্নো ব্রাহ্মণার্থো রাজার্থশ্চাপ্যসংশয়ঃ।
রাজা হি ধর্মকুশলঃ প্রথমং ভূতিলক্ষণম্॥ 13-97-41 (85321)
অথ যেষামধর্মজ্ঞো রাজা ভবতি নাস্তিকঃ।
ন তে সুখং প্রবুধ্যন্তি ন সুখং প্রস্বপন্তি চ॥ 13-97-42 (85322)
সদা ভবন্তি চোদ্বিগ্নাস্তস্য দুশ্চরিতৈর্নরাঃ।
যোগক্ষেমা হি বহবো রাষ্ট্রং নাস্যাবিশন্তি তৎ॥ 13-97-43 (85323)
অথ যেষাং পুনঃ প্রাজ্ঞো রাজা ভবতি ধার্মিকঃ।
সুখং তে প্রতিবুধ্যন্তে সুসুখং প্রস্বপন্তি চ॥ 13-97-44 (85324)
তস্য রাজ্ঞঃ শুভে রাজ্যে কর্মভির্নির্বৃতা নরাঃ।
যোগক্ষেমেণ বৃষ্ট্যা চ বিবর্ধন্তে স্বকর্মভিঃ॥ 13-97-45 (85325)
স কুলীনঃ স পুরুষঃ স বন্ধুঃ স চ পুণ্যকৃৎ।
স দাতা স চ বিক্রান্তো যো দদাতি বসুন্ধরাং॥ 13-97-46 (85326)
আদিত্যা ইব দীপ্যন্তে তেজসা ভুবি মানবাঃ।
দদন্তি বসুধাং স্ফীতাং যে বেদবিদুষি দ্বিজে॥ 13-97-47 (85327)
যথা সস্যানি রোহন্তি প্রকীর্ণানি মহীতলে।
তথা কামাঃ প্ররোহন্তি ভূমিদানসমার্জিতাঃ॥ 13-97-48 (85328)
আদিত্যো বরুণো বিষ্ণুর্ব্রহ্মা সোমো হুতাশনঃ।
শূলিপাণিশ্চ ভগবান্প্রতিনন্দন্তি ভূমিদম্॥ 13-97-49 (85329)
ভূমৌ জায়ন্তি পুরুষা ভূমৌ নিষ্ঠাং ব্রজন্তি চ।
চতুর্বিধো হি লোকোঽয়ং যোঽয়ং ভূমিগুণাত্মকঃ॥ 13-97-50 (85330)
এষা মাতা পিতা চৈব জগতঃ পৃথিবীপতে।
নানয়া সদৃশং ভূতং কিঞ্চিদস্তি জনাধিপ॥ 13-97-51 (85331)
অত্রাপ্যুদাহরন্তীমমিতিহাসং পুরাতনম্।
বৃহস্পতেশ্চ সংবাদমিন্দ্রস্য চ যুধিষ্ঠির॥ 13-97-52 (85332)
ইষ্ট্বা ক্রতুশতেনাথ মহতা দক্ষিণাবতা।
মঘবা বাগ্বিদাংশ্রেষ্ঠং পপ্রচ্ছেদং বৃহস্পতিম্॥ 13-97-53 (85333)
ভগবন্কেন দানেন স্বর্গতঃ সুখমেধতে।
যদক্ষয়মহার্যং চ তদ্ব্রূহি বদতাংবর॥ 13-97-54 (85334)
ভীষ্ম উবাচ। 13-97-55x (7086)
ইত্যুক্তৃঃ স সুরেন্দ্রেণ ততো দেবপুলোহিতঃ।
বৃহস্পতির্বৃহত্তেজাঃ প্রত্যুবাচ শতক্রতুম্॥ 13-97-55 (85335)
সুবর্ণদানং গোদানং ভূমিদানং চ বৃত্রহন্।
`বিদ্যাদানং চ কন্যানাং দানং পাপহরং পরম্।'
দদদেতান্মহাপ্রাজ্ঞঃ সর্বপাপৈঃ প্রমুচ্যতে॥ 13-97-56 (85336)
ন ভূমিদানাদ্দেবেন্দ্র পরং কিঞ্চিদিতি প্রভো।
বিশিষ্টমিতি মন্যেঽহং যতা প্রাহুর্মনীষিণঃ॥ 13-97-57 (85337)
`ব্রাহ্মণার্থে গবার্থে বা রাষ্ট্রঘাতেঽথ স্বামিনঃ।
কুলস্ত্রীণাং পরিভবে মৃতাস্তে ভূমিপৈঃ সমাঃ'॥ 13-97-58 (85338)
যে শূরা নিহতা যুদ্ধে স্বর্যাতা রণগৃদ্ধিনঃ।
সর্বে তে বিবুধশ্রেষ্ঠ নাতিক্রামন্তি ভূমিদম্॥ 13-97-59 (85339)
ভর্তুর্নিঃশ্রেয়সে যুক্তাস্ত্যক্তাত্মানো রণে হতাঃ।
ব্রাহ্মলোকগতা যুক্তা নাতিক্রামন্তি ভূমিদম্॥ 13-97-60 (85340)
পঞ্চ পূর্বা হি পুরুষাঃ ষডন্যে বসুধাং গতাঃ।
একাদশ দদদ্ভূমিং পরিত্রাতীহ মানবঃ॥ 13-97-61 (85341)
রত্নোপকীর্ণাং বসুধাং যো দদাতি পুরংদর।
স মুক্তঃ সর্বকলুষৈঃ স্বর্গলোকে মহীয়তে॥ 13-97-62 (85342)
মহীং স্ফীতাং দদদ্রাজন্সর্বকামগুণান্বিতাম্।
রাজাধিরাজো ভবতি তদ্ধি দানমনুত্তমম্॥ 13-97-63 (85343)
সর্বকামসমায়ুক্তাং কাশ্যপীং যঃ প্রয়চ্ছতি।
সর্বভূতানি মন্যন্তে মাং দদাতীতি বাসব॥ 13-97-64 (85344)
সর্বকামদুঘাং ধেনুং সর্বকামগুণান্বিতাম্।
দদাতি যঃ সহস্রাক্ষ স্বর্গং যাতি স মানবঃ॥ 13-97-65 (85345)
মধুসর্পিঃপ্রবাহিণ্যঃ পয়োদধিবহাস্তথা।
সরিতস্তপর্যন্তীহ সুরেন্দ্র বসুধাপ্রদম্॥ 13-97-66 (85346)
ভূমিপ্রদানান্নৃপতির্মুচ্যতে সর্বকিল্বিষাৎ।
ন হি ভূমিপ্রদানেন দানমন্যদ্বিশিষ্যতে॥ 13-97-67 (85347)
দদাতি যঃ সমুন্দ্রান্তাং পৃথিবীং শস্ত্রনির্জিতাম্।
তং জনাঃ কথয়ন্তীহ যাবদ্ধরতি গৌরিয়ম্॥ 13-97-68 (85348)
পুণ্যামৃদ্ধিরসাং ভূমিং যো দদাতি পুরংদর।
ন তস্য লোকাঃ ক্ষীয়ন্তে ভূমিদানগুণান্বিতাঃ॥ 13-97-69 (85349)
সর্বদা পার্থিবেনেহ সততং ভূতিমিচ্ছতা।
ভূর্দেয়া বিধিবচ্ছক্র পাত্রে সুখমভীপ্সুনাং॥ 13-97-70 (85350)
অপি কৃৎবা নরঃ পাপং ভূমিং দত্ৎবা দ্বিজাতয়ে।
সমুৎসৃজতি তৎপাপং জীর্ণাং ৎবচমিবোরগঃ॥ 13-97-71 (85351)
সাগরান্সরিতঃ শৈলান্কাননানি চ সর্বশঃ।
সর্বমেতন্নরঃ শক্র দদাতি বসুধাং দদৎ॥ 13-97-72 (85352)
তটাকান্যুদপানানি স্রোতাংসি চ সরাংসি চ।
স্নেহান্সর্বরসাংশ্চৈব দদাতি বসুধাং দদৎ॥ 13-97-73 (85353)
ওষধীর্বীর্যসম্পন্নানগান্পুষ্পফলান্বিতান্।
কাননোপলশৈলাংশ্চ দদাতি বসুধাং দদৎ॥ 13-97-74 (85354)
অগ্নিষ্টোমপ্রভৃতিভিরিষ্ট্বা চ স্বাপ্তদক্ষিণৈঃ।
ন তৎফলমবাপ্নোতি ভূমিদানাদ্যদশ্নুতে॥ 13-97-75 (85355)
দাতা দশানুগৃহ্ণাতি দশ হন্তি তথা ক্ষিপন্।
পূর্বদত্তাং হরন্ভূমিং নরকায়োপগচ্ছতি॥ 13-97-76 (85356)
ন দদাতি প্রতিশ্রুত্য দত্ৎবাঽপি চ হরেত্তু যঃ।
স বদ্ধো বারুণৈঃ পাশৈস্তপ্যতে মৃত্যুসাসনাৎ॥ 13-97-77 (85357)
আহিতাগ্নিং সদায়জ্ঞং কৃশবৃত্তিং প্রিয়াতিথিম্।
যে ভরন্তি দ্বিজশ্রেষ্ঠং নোপসর্পন্তি তে যমম্॥ 13-97-78 (85358)
ব্রাহ্মণেষ্বনৃণীভূতঃ পার্থিবঃ স্যাৎপুরংদর।
ইতরেষাং তু বর্ণানাং তারয়েৎকৃশদুর্বলান্॥ 13-97-79 (85359)
নাচ্ছিন্দ্যাৎস্পর্শিতাং ভূমিং পরেণ ত্রিদশাধিপ।
ব্রাহ্মণস্য সুরশ্রেষ্ঠ কৃশবৃত্তেঃ কদাচন॥ 13-97-80 (85360)
যথাশ্রু পতিতং তেষাং দীনানামথ সীদতাম্।
ব্রাহ্মণানাং হৃতে ক্ষেত্রে হন্যাত্ত্রিপুরুষং কুলম্॥ 13-97-81 (85361)
ভূমিপালং চ্যুতং রাষ্ট্রাদ্যস্তু সংস্থাপয়েৎপুনঃ।
তস্য বাসঃ সহস্রাক্ষ নাকপৃষ্ঠে মহীয়তে॥ 13-97-82 (85362)
`সুনির্মিতাং সুবিক্রীতাং সুভৃতাং স্থাপয়েন্নৃপ।'
ইক্ষুভিঃ সন্ততাং ভূমিং যবগোধূমসালিনীম্॥ 13-97-83 (85363)
গোশ্ববাহনপূর্ণাং বা যো দদাতি বসুন্ধরাম্।
বিমুক্তঃ সর্বপাপেভ্যঃ স্বর্গলোকে মহীয়তে॥' 13-97-84 (85364)
নিধিগর্ভাং দদদ্ভূমিং সর্বরত্নপরিচ্ছদাম্।
অক্ষয়াঁল্লভতে লোকান্ভূমিসত্রং হি তস্য তত॥ 13-97-85 (85365)
বিধূয় কলুষং সর্বং বিরজাঃ সম্মতঃ সতাম্।
লোকে মহীয়তে সদ্ভির্যো দদাতি বসুন্ধরাম্॥ 13-97-86 (85366)
যথাঽপ্সু পতিতঃ শক্র তৈলবিন্দুর্বিসর্পতি।
তথা ভূমিকৃতং দানং সস্যেসস্যে বিবর্ধতে॥ 13-97-87 (85367)
যে রণাগ্রে মহীপালাঃ শূরাঃ সমিতিশোভনাঃ।
বধ্যন্তেঽভিমুখাঃ শক্র ব্রহ্মলোকং ব্রজন্তি তে॥ 13-97-88 (85368)
নৃত্তগীতপরা নার্যো দিব্যমাল্যবিভূষিতাঃ।
উপতিষ্ঠন্তি দেবেন্দ্র যথা ভূমিপ্রদং দিবি॥ 13-97-89 (85369)
মোদতে চ সুখং স্বর্গে দেবগন্ধর্বপূজিতঃ।
যো দদাতি মহীং সম্যগ্বিধিনেহ দ্বিজাতয়ে॥ 13-97-90 (85370)
শতমপ্সরসশ্চৈব দিব্যমাল্যবিভূষিতাঃ।
উপতিষ্ঠন্তি দেবেন্দ্র ব্রহ্মলোকে ধরাপ্রদম্॥ 13-97-91 (85371)
উপতিষ্ঠন্তি পুণ্যানি সদা ভূমিপ্রদং নরম্।
শঙ্খং ভদ্রাসনং ছত্রং বরাশ্বা বরবাহনম্॥ 13-97-92 (85372)
ভূমিপ্রদানাৎপুষ্পাণি হিরণ্যনিচয়াস্তথা।
আজ্ঞা সদাঽপ্রতিহতা জয়শব্দা বসূনি চ॥ 13-97-93 (85373)
ভূমিদানস্য পুণ্যানি ফলং স্বর্গঃ পুরন্দর।
হিরণ্যপুষ্পাশ্চৌষধ্যঃ কুশকাঞ্চনশাদ্বলাঃ॥ 13-97-94 (85374)
অমৃতপ্রসবাং ভূমিং প্রাপ্নোতি পুরুষো দদৎ॥ 13-97-95 (85375)
নাস্তি ভূমিসমং দানং নাস্তি মাতৃসমো গুরুঃ।
নাস্তি সত্যসমো ধর্মো নাস্তি দানসমো নিধিঃ॥ 13-97-96 (85376)
ভীষ্ম উবাচ। 13-97-97x (7087)
এতদাঙ্গিরসাচ্ছ্রুৎবা বাসবো বসুধামিমাম্।
বসুরত্নসমাকীর্ণাং দদাবাঙ্গিরসে তদা॥ 13-97-97 (85377)
য ইদং শ্রাবয়েচ্ছ্রাদ্ধে ভূমিদানস্য সংস্তবম্।
ন তস্য রক্ষসাং ভাগো নাসুরাণাং ভবত্যুত॥ 13-97-98 (85378)
অক্ষয়ং চ ভবেদ্দত্তং পিতৃভ্যস্তন্ন সংশয়ঃ।
তস্মাচ্ছ্রাদ্ধেষ্বিদং বিদ্বান্ভুঞ্জতঃ শ্রাবয়েদ্দ্বিজান্॥ 13-97-99 (85379)
ইত্যেতৎসর্বদানানাং শ্রেষ্ঠমুক্তং তবানঘ।
ময়া ভরতশার্দূল কিং ভূয়ঃ শ্রোতুমিচ্ছসি॥ ॥ 13-97-100 (85380)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তনবতিতমোঽধ্যায়ঃ॥ 97 ॥
Mahabharata - Anushaasana Parva - Chapter Footnotes
7-97-6 প্রিয়ং স্বপতিম্॥ 7-97-12 প্রিয়েণ প্রিয়ায় বা দত্তেতি যোগাত্তস্যা দানমাদানং বা কুর্বন্ প্রিয়দত্তায়া অস্যাঃ প্রিয়ো ভবতীত্যর্থঃ। দানং বাপ্যথ বা জ্ঞানং নামাস্যাঃ পরমপ্রিয়ম্ ইতি ট.ধ.পাঠঃ॥ 7-97-19 শংসন্ত্যমুকদত্তে গৃহে তিষ্ঠাম ইতি কথয়ন্তি॥ 7-97-23 অর্পিতদানান্তরবদ্ভূমিদানে পুণ্যোৎপত্তৌ শঙ্কৈব নাস্তীত্যর্থঃ॥ 7-97-25 এতা এতানি। সুপো ডাদেশঃ। বর্তন্ত্যনুসরন্তি। নাতিক্রামন্তি ভূমিদমিতি থ.ধ.পাঠঃ॥ 7-97-28 বৈকিংকরঃ বিপরীতং কুৎসিতং চ করোতীতি বিকিংকরঃ কালস্তৎসম্বন্ধী কালমৃত্যুরিত্যর্থঃ॥ 7-97-30 সত্রী সত্রকৃৎ॥ 7-97-31 উদীর্ণং ইতি পাঠে মহৎ। শরণং গৃহম্॥ 7-97-36 ততশ্চ জননে পুনরিতি থ.পাঠ.॥ 7-97-37 ব্রহ্মভূয়ং বৃহত্ৎবং ফলমিতি যাবৎ। গচ্ছতি প্রাপ্নোতি। ব্রাহ্মণো ব্রহ্মসংশ্রিত ইতি ট.ধ.পাঠঃ॥ 7-97-38 কৃত্যানাং মন্ত্রময়ীনাং মারণার্থশক্তীনাং সম্বন্ধি যদরিষ্টং তচ্ছমনম্॥ 7-97-39 ইদং ভূমিদানং যো বেদ। বাদং ভূমিবাক্যং যো বেদ। সোঽপি পুনাতি দশপুরুষানিতি শেষঃ॥ 7-97-41 ভূতিলক্ষণং ঐশ্বর্যসূচকম্॥ 7-97-76 ক্ষিপন্ হরন্॥ 7-97-80 স্পর্শিতাং দত্তাম্॥ 7-97-92 বরাশ্বা বরবারণা ইতি থ.পাঠঃ॥অনুশাসনপর্ব - অধ্যায় 098
॥ শ্রীঃ ॥
13.98. অধ্যায়ঃ 098
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রত্যন্নদানপ্রশংসনপূর্বকং তৎফলকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কানি দানানি লোকেঽস্মিন্দাতুকামো মহীপতিঃ।
গুণাধিকেভ্যো বিপ্রেভ্যো দদ্যাদ্ভরতসত্তম॥ 13-98-1 (85381)
কেন তুষ্যন্তি তে সদ্যঃ কিং তুষ্টাঃ প্রদিশন্তি চ।
শংস মে তন্মহাবাহো ফলং পুণ্যকৃতং মহৎ॥ 13-98-2 (85382)
দত্তং কিং ফলবদ্রাজন্নিহ লোকেং পরত্র চ।
ভবতঃ শ্রোতুমিচ্ছামি তন্মে বিস্তরতো বদ॥ 13-98-3 (85383)
ভীষ্ম উবাচ। 13-98-4x (7088)
ইমমর্থং পুরা পৃষ্টো নারদো দেবদর্শনঃ।
যদুক্তবানসৌ বাক্যং তন্মে নিগদতঃ শৃণু॥ 13-98-4 (85384)
নারদ উবাচ। 13-98-5x (7089)
অন্নমেব প্রশংসন্তি দেবা ঋষিগণাস্তথা।
লোকতন্ত্রং হি যজ্ঞাশ্চ সর্বমন্নে প্রতিষ্ঠিতম্॥ 13-98-5 (85385)
অন্নেন সদৃশং দানং ন ভূতং ন ভবিষ্যতি।
তস্মাদন্নং বিশেষেণি দাতুমিচ্ছন্তি মানবাঃ॥ 13-98-6 (85386)
অন্নমূর্জস্করং লোকে প্রাণাশ্চান্নে প্রতিষ্ঠিতাঃ।
অন্নেন ধার্যতে সর্বং বিশ্বং জগদিদং প্রভো॥ 13-98-7 (85387)
অন্নাদ্গৃহস্থা লোকেঽস্মিন্ভিক্ষবস্তাপসাস্তথা॥
অন্নাদ্ভবন্তি বৈ প্রাণাঃ প্রত্যক্ষং নাত্র সংশয়ঃ॥ 13-98-8 (85388)
কটুম্বিনে সীদতে চ ব্রাহ্মণায় মহাত্মনে।
দাতব্যং ভিক্ষবে চান্নমাত্মনো ভূতিমিচ্ছতা॥ 13-98-9 (85389)
ব্রাহ্মণায়াভিরূপায় যো দদ্যাদন্নমর্থিনে।
নিদধাতি নিধিং শ্রেষ্ঠং পারলৌকিকমাত্মনঃ॥ 13-98-10 (85390)
শ্রান্তমধ্বনি বর্তন্তং বৃদ্ধমর্হমুপস্থিতম্।
অর্যযেদ্ভূতিমন্বিচ্ছন্গৃহস্থো গৃহমাগতম্॥ 13-98-11 (85391)
ক্রোধমুৎপতিতং হিৎবা সুশীলো বীতমৎসরঃ।
অন্নদঃ প্রাপ্নুতে রাজন্দিবি চেহ চ যৎসুখম্॥ 13-98-12 (85392)
নাবমন্যেদভিগতং ন প্রণুদ্যাৎকদাচন।
অপি শ্বপাকে শুনি বা নান্নদানং প্রণশ্যতি॥ 13-98-13 (85393)
যো দদ্যাদপরিক্লিষ্টমন্নমধ্বনি বর্ততে।
আর্তায়াদৃষ্টপূর্বায় স মহদ্ধর্মমাপ্নুয়াৎ॥ 13-98-14 (85394)
পিতৄন্দেবানৃপীন্বিপ্রানতিথীংশ্চ জনাধিপ।
যো নরঃ প্রীণয়ত্যন্নৈস্তস্য পুণ্যফলং মহৎ॥ 13-98-15 (85395)
কৃৎবাঽতিপাতকং কর্ম যো দদ্যাদন্নমর্থিনে।
ব্রাহ্মণায় বিশেষেণ ন স পাপেন মুহ্যতে॥ 13-98-16 (85396)
ব্রাহ্মণেষ্বক্ষয়ং দানমন্নং শূদ্রে মহাফলম্।
অন্নদানং হি শূদ্রে চ ব্রাহ্মণে চ বিশিষ্যতে॥ 13-98-17 (85397)
ন পৃচ্ছেদ্গোত্রচরণং স্বাধ্যায়ং দেশমেব চ।
ভিক্ষিতো ব্রাহ্মণেনান্নং দদ্যাদেবাবিচারতঃ॥ 13-98-18 (85398)
অন্নদস্যান্নদা বৃক্ষাঃ সর্বকামফলপ্রদাঃ।
ভবন্তি চেহ চামুত্র নৃপতে নাত্র সংশয়ঃ॥ 13-98-19 (85399)
আশংসন্তে হি পিতরঃ সুবৃষ্টিমিব কর্ষকাঃ।
অস্মাকমপি পুত্রো বা পৌত্রো বাঽন্নং প্রদাস্যতি॥ 13-98-20 (85400)
ব্রাহ্মণো হি মহদ্ভূতং স্বয়ং দেহীতি যাচতে।
অকামো বা সকামো বা দত্ৎবা পুণ্যমবাপ্নুয়াৎ॥ 13-98-21 (85401)
ব্রাহ্মণঃ সর্বভূতানামতিথিঃ প্রসৃতাগ্রভুক্।
বিপ্রা যদধিগচ্ছন্তি ভিক্ষমাণা গৃহং সদা॥ 13-98-22 (85402)
সৎকতাশ্চ নিবর্তন্তে তদতীব প্রবর্ধতে।
মহাভাগে কুলে প্রেত্য জন্ম চাপ্নোতি ভারত॥ 13-98-23 (85403)
দত্ৎবা ৎবন্নং নরো লোকে তথা স্থানমনুত্তমম্।
স্বিষ্টমৃষ্টান্নদায়ী তু স্বর্গে বসতি সৎকৃতঃ॥ 13-98-24 (85404)
অন্নং প্রাণা নরাণাং হি সর্বমন্নে প্রতিষ্ঠিম্।
অন্নদঃ পশুমান্পুত্রী ধনবান্ভোগবানপি॥ 13-98-25 (85405)
প্রাণবাংশ্চাপি ভবতি রূপবাংশ্চ তথা নৃপ।
অন্নদঃ প্রাণদো লোকে সর্বদঃ প্রোচ্যতে তু সঃ॥ 13-98-26 (85406)
অন্নং হি দত্ৎবাঽতিথয়ে ব্রাহ্মণায় যথাবিধি।
প্রদাতা সুখমাপ্নোতি দৈবতৈশ্চাপি পূজ্যতে॥ 13-98-27 (85407)
ব্রাহ্মণো হি মহদ্ভূতং ক্ষেত্রভূতং যুধিষ্ঠির।
উপ্যতে তত্রি যদ্বীজং তদ্ধি পুণ্যফলং মহৎ॥ 13-98-28 (85408)
প্রত্যক্ষং প্রীতিজননং ভোক্তুর্দাতুর্ভবত্যুত।
সর্বাণ্যন্যানি দানানি পরোক্ষফলবন্ত্যুত॥ 13-98-29 (85409)
অন্নাদ্ধি প্রসবং যান্তি রতিরন্নাদ্ধি ভারত।
ধর্মার্থাবন্নতো বিদ্ধি রোগনাশং তথাঽন্নতঃ॥ 13-98-30 (85410)
অন্নং হ্যমৃতমিত্যাহ পুরা কল্পে প্রজাপতিঃ। 7-98-3ab অন্নং ভুবং দিবং খং চ সর্বমন্নে প্রতিষ্ঠিতম্॥ 13-98-31 (85411)
অন্নপ্রণাশে ভিদ্যন্তে শরীরে পঞ্চ ধাতবঃ।
বলং বলবতোপীহ প্রণশ্যত্যন্নহানিতঃ॥ 13-98-32 (85412)
আবাহাশ্চ বিবাহাশ্চ যজ্ঞাশ্চান্নমৃতে তথা।
নিবর্তন্তে নরশ্রেষ্ঠ ব্রহ্ম চাত্র প্রলীয়তে॥ 13-98-33 (85413)
অন্নতঃ সর্বমেতদ্ধি যৎকিঞ্চিৎস্থাণু জঙ্গমম্।
ত্রিষু লোকেষু ধর্মার্থমন্নং দেয়মতো বুধৈঃ॥ 13-98-34 (85414)
অন্নদস্য মনুষ্যস্য বলমোজো যশাংসি চ।
কীর্তিশ্চ বর্ধতে শশ্বত্ত্রিষু লোকেষু পার্থিব॥ 13-98-35 (85415)
মেঘেষূর্ধ্বং সন্নিধত্তে প্রাণানাং পবনঃ পতিঃ।
তচ্চ মেঘগতং বারি শক্রো বর্ষতি ভারত॥ 13-98-36 (85416)
আদত্তে চ রসান্ভৌনানাদিত্যঃ স্বগভস্তিভিঃ।
বায়ুরাদিত্যতস্তাংশ্চ রসান্দেবঃ প্রবর্ষতি॥ 13-98-37 (85417)
তদ্যদা মেঘতো বারি পতিতং ভবতি ক্ষিতৌ।
তদা বসুমতী দেবী স্নিগ্ধা ভবতি ভারত॥ 13-98-38 (85418)
ততঃ সস্যানি রোহন্তি যেন বর্তয়তে জগৎ।
মাংসমেদোস্থিশুক্রাণাং প্রাদুর্ভাবস্ততঃ পুনঃ॥ 13-98-39 (85419)
সম্ভবন্তি ততঃ শুক্রাৎপ্রাণিনঃ পৃথিবীপতে।
অগ্নীষোমৌ হি তচ্ছুক্রং সৃজতঃ পুষ্যতশ্চ হ॥ 13-98-40 (85420)
এবমন্নাদ্ধি সূর্যশ্চ পবনঃ শক্রমেব চ।
এক এব স্মৃতো রাশিস্ততো ভূতানি জজ্ঞিরে॥ 13-98-41 (85421)
প্রাণান্দদাতি ভূতানাং তেজশ্চ ভরতর্ষভ।
গৃহমভ্যাগতায়াথ যো দদ্যাদন্নমর্থিনে॥ 13-98-42 (85422)
ভীষ্ম উবাচ। 13-98-43x (7090)
নারদেনৈবমুক্তোঽহমন্নদানং সদা নৃপ।
অনসূয়ুস্ৎবমপ্যন্নং তস্মাদ্দেহি গতজ্বরঃ॥ 13-98-43 (85423)
দত্ৎবাঽন্নং বিধিবদ্রাজন্বিপ্রেভ্যস্ৎবমপি প্রভো।
যথাবদনুরূপেভ্যস্ততঃ স্বর্গমবাপ্স্যসি॥ 13-98-44 (85424)
অন্নদানাং হি যে লোকাস্তাংস্ৎবং শৃণু জনাধিপ।
ভবনানি প্রকাশন্তে দিবি তেষাং মহাত্মনাম্॥ 13-98-45 (85425)
নানাসংস্থানি রূপাণি নানাস্তম্ভান্বিতানি চ।
চন্দ্রমণ্ডলশুভ্রাণি কিংকিণীজালবন্তি চ॥ 13-98-46 (85426)
তরুণাদিত্যবর্ণানি স্থাবরাণি চরাণি চ।
অনেকশতভৌমানি সান্তর্জলচরাণি চ॥ 13-98-47 (85427)
বৈদূর্যার্কপ্রকাশানি রৌপ্যরুক্মময়ানি চ।
সর্বকামফলাশ্চাপি বৃক্ষা ভবনসংস্থিতাঃ॥ 13-98-48 (85428)
বাপ্যো বীথ্যঃ সভাঃ কূপা দীর্ঘিকাশ্চৈব সর্বশঃ।
ঘোষবন্তি চ যানানি যুক্তান্যথ সহস্রশঃ॥ 13-98-49 (85429)
ভক্ষ্যভোজ্যময়াঃ শৈলা বাসাংস্যাভরণানি চ।
ক্ষীরং স্রবন্তি সরিতস্তথা চৈবান্নপর্বতাঃ॥ 13-98-50 (85430)
প্রাসাদাঃ পাণ্ডুরাভ্রাভাঃ শয়্যাশ্চ কনকোঞ্জ্বলাঃ।
তান্যন্নদাঃ প্রপদ্যন্তে তস্মাদন্নপ্রদো ভব॥ 13-98-51 (85431)
এতে লোকাঃ পুণ্যকৃতা অন্নদানাং মহাত্মনাম্।
তস্মাদন্নং প্রয়ত্নেন দাতব্যং মানবৈর্ভুবি॥ ॥ 13-98-52 (85432)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টনবতিতমোঽধ্যায়ঃ॥ 98 ॥
Mahabharata - Anushaasana Parva - Chapter Footnotes
7-98-9 কুটুম্বং পীডয়িৎবাপি ব্রাহ্মণায়েতি ট.ধ.পাঠঃ॥ 7-98-19 অন্নদস্যান্নবৃক্ষাশ্চেতি ঝ.পাঠঃ॥ 7-98-28 ক্ষেত্র চরতি পাদবৎ ইতি থ.ধ.পাঠঃ॥ 7-98-33 ব্রহ্ম বেদঃ॥ 7-98-36 মেঘেষূদকমাদত্তে প্রাণানাং পবনঃ শিব ইতি থ.পাঠঃ॥অনুশাসনপর্ব - অধ্যায় 099
॥ শ্রীঃ ॥
13.99. অধ্যায়ঃ 099
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রত্যশ্বিন্যাদিনক্ষত্রয়োগেঽন্নদানফলপ্রতিপাদকনারদদেবকীসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
শ্রুতং মে ভবতো বাক্যমন্নদানস্য যো বিধিঃ।
নক্ষত্রয়োগস্যেদানীং দানকল্পং ব্রবীহি মে॥ 13-99-1 (85433)
ভীষ্ম উবাচ। 13-99-2x (7091)
অত্রাপ্যুদাহরন্তীমমিতিহাসং পুরানম্।
দেবক্যাশ্চৈব সংবাদং সমর্ষের্নারদস্য চ॥ 13-99-2 (85434)
দ্বারকামনুসম্প্রাপ্তং নারদং দেবদর্শনম্।
পপ্রচ্ছেদং বচঃ প্রশ্নং দেবকী ধর্মদর্শিনী॥ 13-99-3 (85435)
তস্যাঃ সম্পৃচ্ছমানায়া দেবর্ষির্নারদস্ততঃ।
আচষ্ট বিধইবৎসর্বং তচ্ছৃণুষ্ব বিশাম্পতে॥ 13-99-4 (85436)
নারদ উবাচ। 13-99-5x (7092)
কৃত্তিকাসু মহাভাগে পায়সেন সসর্পিষা।
সন্তর্প্য ব্রাহ্মণান্সাধূঁল্লোকানাপ্নোত্যনুত্তমান্॥ 13-99-5 (85437)
রোহিণ্যাং প্রসৃতৈর্মার্গৈর্মাংসৈরন্নেন সর্পিষা।
পয়োঽন্নপানং দাতব্যমনৃণার্থং দ্বিজাতয়ে॥ 13-99-6 (85438)
দোগ্ধ্রীং দত্ৎবা সবৎসাং তু নক্ষত্রে সোমদৈবতে।
গচ্ছন্তি মানুপাল্লোকাৎস্বর্গলোকমনুত্তমম্॥ 13-99-7 (85439)
আর্দ্রায়াং কৃসরং দত্ৎবা তিলভিশ্রমুপোষিতঃ।
নরস্তরতি দুর্গাণি ক্ষুরধারাংশ্চ পর্বতান্॥ 13-99-8 (85440)
পূপান্পুনর্বসৌ দত্ৎবা তথৈবান্নানি শোভনে।
যশস্বী রূপসম্পন্নো বহ্বন্নো জায়তে কুলে॥ 13-99-9 (85441)
পুণ্যেণ কনকং দত্ৎবা কৃতং বাঽকৃতমেব চ।
অনালোকেষু লোকেষু সোমবৎস বিরাজতে॥ 13-99-10 (85442)
আশ্লেষায়াং তু যো রূপ্যমৃষভং বা প্রয়চ্ছতি।
স সর্পভয়নির্মুক্তঃ সম্ভবানধিতিষ্ঠতি॥ 13-99-11 (85443)
মঘাসু তিলপূর্ণানি বর্ধমানানি মানবঃ।
প্রদায় পুত্রপশুমানিহ প্রেত্য চ মোদতে॥ 13-99-12 (85444)
ফল্গুনীপূর্বসময়ে ব্রাহ্মণানামুপোষিতঃ।
ভক্ষ্যান্ফাণিতসংয়ুক্তান্দত্ৎবা সৌভাগ্যমৃচ্ছতি॥ 13-99-13 (85445)
ঘৃতক্ষীরসমায়ুক্তং বিধিবৎষষ্টিকৌদনম্।
উত্তরাবিষয়ে দত্ৎবা স্বর্গলোকে মহীয়তে॥ 13-99-14 (85446)
যদ্যৎপ্রদীয়তে দানমুত্তরাবিষয়ে নরৈঃ।
মহাফলমনন্তং তদ্ভবতীতি বিনিশ্চয়ঃ॥ 13-99-15 (85447)
হস্তে হস্তিরথং দত্ৎবা চতুর্যুক্তমুপোষিতঃ।
প্রাপ্নোতি পরমাঁল্লোকান্পুণ্যকামসমন্বিতান্॥ 13-99-16 (85448)
চিত্রায়াং বৃষভং দত্ৎবা পুণ্যগন্ধাংশ্চ ভারত।
চরন্ত্যপ্সরসাং লোকে রমন্তে নন্দনে তথা॥ 13-99-17 (85449)
স্বাত্যামথ ধনং দত্ৎবা যদিষ্টতমমাত্মনঃ।i
প্রাপ্নোতি লোকান্স শুভানিহ চৈব মহদ্যশঃ॥ 13-99-18 (85450)
বিশাখায়ামনড্বাহং ধেনুং দত্ৎবা চ দুগ্ধদাম্।
সপ্রাসঙ্গং চ শকটং সধান্যং বস্ত্রসংয়ুতম্। 13-99-19 (85451)
পিতৄন্দেবাংশ্চ প্রীণাতি প্রেত্য চানন্ত্যমশ্নুতে।
ন চ দুর্গাণ্যবাপ্নোতি স্বর্গলোকং চ গচ্ছতি॥ 13-99-20 (85452)
দত্ৎবা যথোক্তং বিপ্রেভ্যো বৃত্তিমিষ্টাং স বিন্দতি।
নরকাদীংশ্চ সংক্লেশান্নাপ্নোতীতি বিনিশ্চয়ঃ॥ 13-99-21 (85453)
অনুরাধাসু প্রাবরং বরান্নং সমুপোষিতঃ।
দত্ৎবা যুগশতং চাপি নরঃ স্বর্গে মহীয়তে॥ 13-99-22 (85454)
কালশাকং তু বিপ্রেভ্যো দত্ৎবা মর্ত্যঃ সমূলকম্।
জ্যেষ্ঠায়ামৃদ্ধিমিষ্টাং বৈ গতিমিষ্টাং স গচ্ছতি॥ 13-99-23 (85455)
মূলে মূলফলং দত্ৎবা ব্রাহ্মণেভ্যঃ সমাহিতঃ।
পিতৄন্প্রীণয়তে চাপি গতিমিষ্টাং চ গচ্ছতি। 13-99-24 (85456)
অথ পূর্বাস্বষাঢাসু দধিপাত্রাণ্যুপোষিতঃ।
কুলবৃত্তোপসম্পন্নে ব্রাহ্মণে বেদপারগে॥ 13-99-25 (85457)
প্রদায় জায়তে প্রেত্য কুলে সুবহুগোধনে।
উদমন্থং সসর্পিষ্কং প্রভূতমধুফাণিতম্॥ 13-99-26 (85458)
দত্ৎবোত্তরাস্বষাঢাসু সর্বকামানবাপ্নুয়াৎ।
দুগ্ধং ৎবভিজিতে যোগে দত্ৎবা মধুঘৃতপ্লুতম্।
ধর্মনিত্যো মনীষিভ্যঃ স্বর্গলোকে মহীয়তে॥ 13-99-27 (85459)
শ্রবণে কম্বলং দত্ৎবা বস্ত্রান্তরিতমেব বা।
শ্বেতেন যাতি যানেন স্বর্গলোকানসংবৃতান্॥ 13-99-28 (85460)
গোপ্রয়ুক্তং ধনিষ্ঠাসু যানং দত্ৎবা সমাহিতঃ।
বস্ত্ররাশিধনং সদ্যঃ প্রেত্য রাজ্যং প্রপদ্যতে॥ 13-99-29 (85461)
গন্ধাঞ্শতভিষগ্যোগে দত্ৎবা সাগরুচন্দনান্।
প্রাপ্নোত্যপ্সরসাং সঙ্ঘান্প্রেত্য গন্ধাংশ্চ শাশ্বতান্ 13-99-30 (85462)
পূর্বপ্রোষ্ঠপদায়োগে রাজমাষান্প্রদায় তু।
সর্বভক্ষফলোপেতঃ স বৈ প্রেত্য সুখী ভবেৎ॥ 13-99-31 (85463)
ঔরভ্রমুত্তরায়োগে যস্তু মাংসং প্রয়চ্ছতি।
স পিতৄন্প্রীণয়তি বৈ প্রেত্য চানন্ত্যমশ্নুতে॥ 13-99-32 (85464)
কাংস্যোপদোহনাং ধেনু রেবত্যাং যঃ প্রয়চ্ছতি।
সা প্রেত্য কামানাদায় দাতারমুপতিষ্ঠতি॥ 13-99-33 (85465)
রথমশ্বসমায়ুক্তং দত্ৎবাঽশ্বিন্যাং নরোত্তমঃ।
হস্ত্যশ্বরথসম্পন্নে বর্চস্বী জায়তে কুলে॥ 13-99-34 (85466)
ভরণীষু দ্বিজাতিভ্যস্তিলধেনুং প্রদায় বৈ।
গাঃ সুপ্রভূতাঃ প্রাপ্নোতি নরঃ প্রেত্য যশস্তথা॥ 13-99-35 (85467)
ভীষ্ম উবাচ। 13-99-36x (7093)
ইত্যেষ লক্ষণোদ্দেশঃ প্রোক্তো নক্ষত্রয়োগতঃ।
দেবক্যা নারদেনেহ সা স্নুষাভ্যোঽব্রবীদিদম্॥ ॥ 13-99-36 (85468)
ইতি শ্রীমন্মহাভারতে অনুশাসনপর্বণি দানধর্মপর্বণি একোনশততমোঽধ্যায়ঃ॥ 99॥
Mahabharata - Anushaasana Parva - Chapter Footnotes
7-99-6 মার্গৈর্মৃগসম্বন্ধিভিঃ॥ 7-99-7 সৌম্যনক্ষত্রে মৃগশিরসি॥ 7-99-9 পূপান্ পিষ্টময়ান্ ঘৃতপাচিতপিণ্ডান্॥ 7-99-10 অনালোকেষ আলোকান্তরবর্জিতেষু স্বয়ংপ্রকাশেষ্বিত্যর্থঃ॥ 7-99-13 ফাণিতং গোরসবিকারঃ॥ 7-99-19 প্রাসঙ্গো ধান্যাদিপিধানয়োগ্যং চতুরশ্রম্॥ 7-99-23 উদমন্ধং উদকুম্ভয়ুক্তং সক্তুবিকারম্॥ 7-99-31 পূর্বপ্রোষ্টপদায়োগে ছাগমাংসমিতি থ.পাঠঃ॥ 7-99-32 উরভ্রঃ পশুবিশেষ অজো বা॥অনুশাসনপর্ব - অধ্যায় 100
॥ শ্রীঃ ॥
13.100. অধ্যায়ঃ 100
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি জলাদিদানফলপ্রতিপাদনম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
সর্বান্কামান্প্রয়চ্ছন্তি যে প্রয়চ্ছন্তি কাঞ্চনম্।
ইত্যেবং ভগবানত্রিঃ পিতামহসুতোঽব্রবীৎ॥ 13-100-1 (85469)
পবিত্রং শুচ্যথায়ুষ্যং পিতৃণামক্ষ্যং চ তৎ।
সুবর্ণং মনুজেন্দ্রেণ হরিশ্চন্দ্রেণ কীর্তিতম্॥ 13-100-2 (85470)
পানীয়পরমং দানং দানানাং মনুরব্রবীৎ।
তস্মাৎকূপাংশ্চ বাপীশ্চ তটাকানি চ স্বানয়েৎ॥ 13-100-3 (85471)
সর্বং বিনাশয়েৎপাপং পুরুষস্যেহ কর্মণঃ।
কূপঃ প্রবৃত্তপানীয়ঃ সুপ্রবৃত্তশ্চ নিত্যশঃ॥ 13-100-4 (85472)
সর্বং তারয়তে বংশং যস্য খাতে জলাশয়ে।
গাবঃ পিবন্তি বিপ্রাশ্চ সাধবশ্চ নরাঃ সদা॥ 13-100-5 (85473)
নিদাঘকালে পানীয়ং যস্য তিষ্ঠত্যবারিতম্।
স দুর্গং বিষমং কৃৎস্নং ন কদাচিদবাপ্নুতে॥ 13-100-6 (85474)
বৃহস্পতের্ভগবতঃ পূষ্ণশ্চৈব ভগস্য চ।
অশ্বিনোশ্চৈব বহ্নেশ্চ প্রীতির্ভবতি সর্পিষা॥ 13-100-7 (85475)
পরমং ভেষজং হ্যেতদ্যজ্ঞানামেতদুত্তমম্।
রসানামুত্তমং চৈতৎফলানাং চৈতদুত্তমম্॥ 13-100-8 (85476)
ফলকামো যশস্কামঃ পুষ্টিকামশ্চ নিত্যদা।
ঘৃতং দদ্যাদ্দ্বিজাতিভ্যঃ পুরুষঃ শুচিরাত্মবান্॥ 13-100-9 (85477)
ঘৃতং মাসে আশ্বয়ুজি বিপ্রভ্যো যঃ প্রয়চ্ছতি।
তস্মৈ প্রয়চ্ছতো রূপং প্রীতৌ দেবাবিহাশ্বিনৌ॥ 13-100-10 (85478)
পায়সং সর্পিষা মিশ্রং দ্বিজেভ্যো যঃ প্রয়চ্ছতি।
গৃহং তস্য ন রক্ষাংসি ধর্ষয়ন্তি কদাচন॥ 13-100-11 (85479)
পিপাসয়া ন ম্রিয়তে সোপচ্ছন্দশ্চ জায়তে।
ন প্রাপ্নুয়াচ্চ ব্যসনং করকান্যঃ প্রয়চ্ছতি॥ 13-100-12 (85480)
প্রয়তো ব্রাহ্মণাগ্রে যঃ শ্রদ্ধয়া পরয়া যুতঃ।
উপস্পর্শনষড্ভাগং লভতে পুরুষঃ সদা॥ 13-100-13 (85481)
যঃ সাধনার্থং কাষ্ঠানি ব্রাহ্মণেভ্যঃ প্রয়চ্ছতি।
প্রতাপনার্থং রাজেন্দ্র বৃত্তবদ্ভ্যঃ সদা নরঃ॥ 13-100-14 (85482)
সিদ্ধ্যন্ত্যর্থাঃ সদা তস্য কার্যাণি বিবিধানি চ।
উপর্যুপরি শত্রূণাং বপুষা দীপ্যতে চ সঃ॥ 13-100-15 (85483)
ভগবাংশ্চাপি সম্প্রতো বহ্নির্ভবতি নিত্যশঃ।
ন তং ত্যজন্তি পশবঃ সঙ্গ্রামে চ জয়ত্যপি॥ 13-100-16 (85484)
পুত্রাঞ্শ্রিয়ং চ লভতে যশ্ছত্রং সম্প্রচ্ছতি।
ন চক্ষুর্ব্যাধিং লভতে যজ্ঞভাগমথাশ্নুতে॥ 13-100-17 (85485)
নিদাঘকালে বর্ষে বা যশ্ছত্রং সম্প্রয়চ্ছতি।
নাস্য কশ্চিন্মনোদাহঃ কদাচিদপি জায়তে।
কৃচ্ছ্রাৎস বিষমাচ্চৈব ক্ষিপ্রং মোক্ষমবাপ্নুতে॥ 13-100-18 (85486)
প্রদানং সর্বদানানাং শকটস্য বিশাম্পতে।
এবমাহ মহাভাগঃ শাণ্ডিল্যো ভগবানৃষিঃ॥ ॥ 13-100-19 (85487)
ইতি শ্রীমন্মহাভারতে অনুশাসনপর্বণি দানধর্মপর্বণি শততমোঽধ্যায়ঃ॥ 100 ॥
Mahabharata - Anushaasana Parva - Chapter Footnotes
7-100-12 সোপচ্ছন্দঃ সোপকরণঃ। করকান্পাত্রবিশেষান্॥ 7-100-13 অগ্রং বৃত্তিক্ষেত্রাদি তদর্থম্। উৎকোচং বিনা। উপস্পর্শনং দানম্॥অনুশাসনপর্ব - অধ্যায় 101
॥ শ্রীঃ ॥
13.101. অধ্যায়ঃ 101
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি জলতিলভূম্যন্নগোদানাদিফলকথনম্। 1 ॥Mahabharata - Anushaasana Parva - Chapter Text
যুধিষ্ঠির উবাচ।
দহ্যমানায় বিপ্রায় যঃ প্রয়চ্ছত্যুপানহৌ।
যৎফলং তস্য ভবতি তন্মে ব্রূহি পিতামহ॥ 13-101-1 (85488)
ভীষ্ম উবাচ। 13-101-2x (7094)
উপানহৌ প্রয়চ্ছেদ্যো ব্রাহ্মণেভ্যঃ সমাহিতঃ।
মর্দতে কণ্টকান্সর্বান্বিষমান্নিস্তরত্যপি॥ 13-101-2 (85489)
স শত্রূণামুপরি চ সন্তিষ্ঠতি যুধিষ্ঠির।
যানং চাশ্বতরীয়ুক্তং তস্য শুভ্রং বিশাম্পতে॥ 13-101-3 (85490)
উপতিষ্ঠতি কৌন্তেয় রৌপ্যকাঞ্চনভূষিতম্।
শকটং দম্যসংয়ুক্তং দত্তং ভবতি চৈব হি॥ 13-101-4 (85491)
যুধিষ্ঠির উবাচ। 13-101-5x (7095)
যৎফলং তিলদানে চ ভূমিদানে চ কীর্তিতম্।
গোদানে চান্নদানে চ ভূয়স্তদ্ব্রূহি কৌরব॥ 13-101-5 (85492)
ভীষ্ম উবাচ। 13-101-6x (7096)
শৃণুষ্ব মম কৌন্তৈয় তিলদানস্য যৎফলম্।
নিশম্য চ যথান্যায়ং প্রয়চ্ছ কুরুসত্তম॥ 13-101-6 (85493)
পিতৄণাং প্রথমং ভোজ্যং তিলাঃ সৃষ্টাঃ স্বয়ংভুবা।
তিলদানেন বৈ তস্মাৎপিতৃপক্ষঃ প্রমোদতে॥ 13-101-7 (85494)
মাঘমাসে তিলান্যস্তু ব্রাহ্মণেভ্যঃ প্রয়চ্ছতি।
সর্বসৎবসমাকীর্ণং নরকং স ন পশ্যতি॥ 13-101-8 (85495)
সর্বসত্রৈশ্চ যজতে যস্তিলৈর্যজতে পিতৄন্।
ন চাকামেন দাতব্যং তিলৈঃ শ্রাদ্ধং কদাচন॥ 13-101-9 (85496)
মহর্ষেঃ কশ্যপস্যৈতে গাত্রেভ্যঃ প্রসৃতাস্তিলাঃ।
ততো দিব্যং গতা ভাবং প্রদানেষু তিলাঃ প্রভো 13-101-10 (85497)
পৌষ্টিকা রূপদাশ্চৈব তথা পাপবিনাশনাঃ।
তস্মাৎসর্বপ্রদানেভ্যস্তিলদানং বিশিষ্যতে॥ 13-101-11 (85498)
আপস্তম্বশ্চ মেধাবী শঙ্খশ্চ লিখিতস্তথা।
মহর্ষির্গৌতমশ্চাপি তিলদানৈর্দিবং গতাঃ॥ 13-101-12 (85499)
তিলহোমরতা বিপ্রাঃ সর্বে সংয়তমৈথুনাঃ।
সমা গব্যেন হবিষা প্রবৃত্তিষু চ সংস্থিতাঃ॥ 13-101-13 (85500)
সর্বেষামিতি দানানাং তিলদানং বিশিষ্যতে।
অক্ষয়ং সর্বদানানাং তিলদানমিহোচ্যতে॥ 13-101-14 (85501)
উচ্ছিন্নে তু পুরা হব্যে কুশিকর্ষিঃ পরন্তপঃ।
তিলৈরগ্নিত্রয়ং হুৎবা প্রাপ্তবান্গতিমুত্তমাম্॥ 13-101-15 (85502)
ইতি প্রোক্তং কুরুশ্রেষ্ঠ তিলদানমনুত্তমম্।
বিধানং যেন বিধিনা তিলানামিহ শস্যতে॥ 13-101-16 (85503)
অত ঊর্ধ্বং নিবোধেদং দেবানাং যষ্টুমিচ্ছতাম্।
সমাগমে মহারাজ ব্রহ্মণা বৈ স্বয়ংভুবা॥ 13-101-17 (85504)
দেবাঃ সমেত্য ব্রহ্মাণং ভূমিভাগে যিয়শ্রবঃ।
শুভং দেশময়াচন্ত যজেম ইতি পার্থিব॥ 13-101-18 (85505)
দেবা ঊচুঃ। 13-101-19x (7097)
ভগবংস্ৎবং প্রভুর্ভূমেঃ সর্বস্য ত্রিদিবস্য চ।
যজেম হি মহাভাগ যজ্ঞং ভবদনুজ্ঞয়া॥ 13-101-19 (85506)
নাননুজ্ঞাতভূমির্হি যজ্ঞস্য ফলমশ্নুতে।
ৎবং হি সর্বস্য জগতঃ স্থাবরস্য চরস্য চ।
প্রভুর্ভবসি তস্মাত্ৎবং সমনুজ্ঞাতুমর্হসি॥ 13-101-20 (85507)
ব্রহ্মোবাচ। 13-101-21x (7098)
দদানি মেদিনীভাগং ভবদ্ভ্যোঽহং সুরর্ষভাঃ।
যস্মিন্দেশে করিষ্যধ্বং যজ্ঞান্কাশ্যপনন্দনাঃ॥ 13-101-21 (85508)
দৈবা ঊচুঃ। 13-101-22x (7099)
ভগবন্কৃতকামাঃ স্ম যক্ষ্মহে স্বাপ্তদক্ষিণৈঃ।
ইমং তু দেশং মুনয়ঃ পর্যুপাসন্তি নিত্যদা॥ 13-101-22 (85509)
ততোঽগস্ত্যশ্চ কণ্বশ্চ ভৃগুরত্রির্বৃষাকপিঃ।
অসিতো দেবলশ্চৈব দেবয়জ্ঞমুপাগমন্॥ 13-101-23 (85510)
ততো দেবা মহাত্মান ঈজিরে যজ্ঞমচ্যুতম্।
তথা সমাপয়ামাসুর্যথাকালং সুরর্ষভাঃ॥ 13-101-24 (85511)
ত ইষ্টয়জ্ঞাস্ত্রিদশা হিমবত্যচলোত্তমে।
ষষ্ঠমংশং ক্রতোস্তস্য ভূমিদানং প্রচক্রিরে। 13-101-25 (85512)
প্রাদেশমাত্রং ভূমেস্তু যো দদ্যাদনুপস্কৃতম্।
ন সীদতি স কৃচ্ছ্রেষু ন চ দুর্গাণ্যবাপ্নুতে॥ 13-101-26 (85513)
শীতবাতাতপসহাং যাগভূমিং সুসংস্কৃতাম্।
প্রদায় সুরলোকস্থঃ পুণ্যান্তেঽপি ন চাল্যতে॥ 13-101-27 (85514)
মুদিতো বসতি প্রাজ্ঞঃ শক্রেণ সহ পার্থিব।
পতিশ্রয়প্রদানাচ্চ সোঽপি স্বর্গে মহীয়তে॥ 13-101-28 (85515)
অধ্যাপককুলে জাতঃ শ্রোত্রিয়ো নিয়তেন্দ্রিয়ঃ।
গৃহে যস্য বসেত্তুষ্টঃ প্রধানং লোকমশ্নুতে॥ 13-101-29 (85516)
তথা গবার্থে শরণং শীতবর্ষসহং দৃঢম্।
আসপ্তমং তারয়তি কুলং ভরতসত্তম॥ 13-101-30 (85517)
ক্ষেত্রভূমিং দদল্লোকে শুভাং শ্রিয়মবাপ্নুয়াৎ।
রত্নভূমিং প্রদদ্যাত্তু কুলবংশং প্রবর্ধয়েৎ॥ 13-101-31 (85518)
ন চোষরাং ন নির্দগ্ধাং মহীং দদ্যাৎকথঞ্চন।
ন শ্মশানপরীতাং চ ন চ পাপনিষেবিতাম্॥ 13-101-32 (85519)
পারক্যে ভূমিদেশে তু পিতৄণাং নির্বপেত্তু যঃ।
তদ্ভূমিং বাঽপি পিতৃভিঃ শ্রাদ্ধকর্ম বিহন্যতে॥ 13-101-33 (85520)
তস্মাৎক্রীৎবা মহীং দদ্যাৎস্বল্পামপি বিচক্ষণঃ।
পিণ্ডঃ পিতৃভ্যো দত্তো বৈ তস্যাং ভবতি শাশ্বতঃ॥ 13-101-34 (85521)
অটবী পর্বতাশ্চৈব নদ্যস্তীর্থানি যানি চ।
সর্বাণ্যস্বামিকান্যাদ্দুর্ন হি তত্র পরিগ্রহঃ॥ 13-101-35 (85522)
ইত্যেতদ্ভূমিদানস্য ফলমুক্তং বিশাম্পতে।
অতঃ পরং তু গোদানং কীর্তয়িষ্যামি তেঽনঘ॥ 13-101-36 (85523)
গাবোঽধিকাস্তপস্বিভ্যো যস্মাৎসর্বেভ্য এব চ।
তস্মান্মহেশ্বরো দেবস্তপস্তাভিঃ সহাস্থিতঃ॥ 13-101-37 (85524)
ব্রাহ্মে লোকে বসন্ত্যেতাঃ সোমেন সহ ভারত।
যাং তাং ব্রহ্মর্ষয়ঃ সিদ্ধাঃ প্রার্থয়ন্তি পরাং গতিম্॥ 13-101-38 (85525)
পয়সা হবিষা দধ্না শকৃতা চাথ চর্মণা।
অস্থিভিশ্চোপকুর্বন্তি শৃঙ্গৈর্বালৈশ্চ ভারত॥ 13-101-39 (85526)
নাসাং শীতাতপৌ স্যাতাং সদৈতাঃ কর্ম কুর্বতে।
ন বর্ষবিষয়ং বাঽপি দুঃখমাসাং ভবত্যুত॥ 13-101-40 (85527)
ব্রাহ্মণৈঃ সহিতা যান্তি তস্মাৎপারমকং পদম্।
একং গোব্রাহ্মণং তস্মাৎপ্রবদন্তি মনীষিণঃ॥ 13-101-41 (85528)
রন্তিদেবস্য যজ্ঞে তাঃ পশুৎবেনোপকল্পিতাঃ।
অতশ্চর্মণ্বতী রাজন্গোচর্মভ্যঃ প্রবর্তিতা।
পশুৎবাচ্চ বিনির্মুক্তাঃ প্রদানায়োপকল্পিতাঃ॥ 13-101-42 (85529)
তা ইমা বিপ্রমুখ্যেভ্যো যো দদাতি মহীপতে।
নিস্তরেদাপদং কৃচ্ছ্রাং বিষমস্থোঽপি পার্থিব॥ 13-101-43 (85530)
গবাং সহস্রদঃ প্রেত্য নরকং ন প্রপদ্যতে।
সর্বত্র বিজয়ং চাপি লভতে মনুজাধিপ॥ 13-101-44 (85531)
অমৃতং বৈ গবাং ক্ষীরমিত্যাহ ত্রিদশাধিপঃ।
তস্মাদ্দদাতি যো ধেনুমমৃতং স প্রয়চ্ছতি॥ 13-101-45 (85532)
অগ্নীনামব্যযং হ্যেতদ্ধৌম্যং বেদবিদো বিদুঃ।
তস্মাদ্দদাতি যো ধেনুং স হৌম্যং সম্প্রয়চ্ছতি॥ 13-101-46 (85533)
স্বর্গো বৈ মূর্তিমানেষ বৃষভং যো গবাং পতিম্।
বিপ্রে গুণয়ুতে দদ্যাৎস বৈ স্বর্গে মহীয়তে॥ 13-101-47 (85534)
প্রাণা বৈ প্রাণিনামেতে প্রোচ্যন্তে ভরতর্ষভ।
তস্মাদ্দদাতি যো ধেনুং প্রাণানেষ প্রয়চ্ছতি॥ 13-101-48 (85535)
গাবঃ শরণ্যা ভূতানামিতি বেদবিদো বিদুঃ।
তস্মাদ্দদাতি যো ধেনুং শরণং সম্প্রয়চ্ছতি॥ 13-101-49 (85536)
ন বধার্থং প্রদাতব্যা ন কীনাশে ন নাস্তিকে।
গোজীবিনে ন দাতব্যা তথা গৌর্ভরতর্ষভ।
`গোরসানাং ন বিক্রেতূ রসং চ যজনস্য চ॥' 13-101-50 (85537)
দদৎস তাদৃশানাং বৈ নরো গাং পাপকর্মণাম্।
অক্ষয়ং নরকং যাতীত্যেবমাহুর্মহর্ষয়ঃ॥ 13-101-51 (85538)
ন কৃশাং নাপবৎসাং বা বন্ধ্যাং রোগান্বিতাং তথা।
ন ব্যঙ্গাং ন পরিশ্রান্তাং দদ্যাদ্গাং ব্রাহ্মণায় বৈ॥ 13-101-52 (85539)
দশগোসহস্রদঃ সম্যক্ শক্রেণ সহ মোদতে।
অক্ষয়াঁল্লভতে লোকান্নরঃ শতসহস্রশঃ॥ 13-101-53 (85540)
ইত্যেতদ্গোপ্রদানং চ তিলদানং চ কীর্তিতম্।
তথা ভূমিপ্রদানং চ শৃণুষ্বান্নে চ ভারত॥ 13-101-54 (85541)
অন্নদানং প্রধানং হি কৌন্তেয় পরিচক্ষতে।
অন্নস্য হি প্রদানেন রন্তিদেবো দিবং গতঃ॥ 13-101-55 (85542)
শ্রান্তায় ক্ষুধিতায়ান্নং যঃ প্রয়চ্ছতি ভূমিপ।
স্বায়ংভুবং মহাৎস্থানং স গচ্ছতি নরাধিপ॥ 13-101-56 (85543)
ন হিরণ্যৈর্ন বাসোভির্নান্যদানেন ভারত।
প্রাপ্নুবন্তি নরাঃ শ্রেয়ো যথা হ্যন্নপ্রদাঃ প্রভো॥ 13-101-57 (85544)
অন্নং বৈ প্রথমং দ্রব্যমন্নং শ্রীশ্চ পরা মতা।
অন্নাৎপ্রাণঃ প্রভবতি তেজো বীর্যং বলং তথা॥ 13-101-58 (85545)
সদ্যো দদাতি যশ্চান্নং সদৈকাগ্রমনা নরঃ।
ন স দুর্গাণ্যবাপ্নোতীত্যেবমাহ পরাশরঃ॥ 13-101-59 (85546)
অর্চয়িৎবা যথান্যায়ং দেবেভ্যোঽন্নং নিবেদয়েৎ।
যদন্না হি নরা রাজংস্তদন্নাস্তস্য দেবতঃ॥ 13-101-60 (85547)
কৌমুদ্যাং শুক্লপক্ষে তু যোঽন্নদানং করোত্যুত।
স সন্তরতি দুর্গাণি প্রেত্য চানন্ত্যমশ্নুতে॥ 13-101-61 (85548)
অভুক্ৎবাঽতিথেয়ে চান্নং প্রয়চ্ছেদ্যঃ সমাহিতঃ।
স বৈ ব্রহ্মবিদাং লোকান্প্রাপ্নুয়াদ্ভরতর্ষভ॥ 13-101-62 (85549)
সুকৃচ্ছ্রামাপদং প্রাপ্তশ্চান্নদঃ পুরুষস্তরেৎ।
পাপং তরতি চৈবেহ দুষ্কৃতং চাপকর্ষতি॥ 13-101-63 (85550)
ইত্যেতদন্নদানস্য তিলদানস্য চৈব হ।
ভূমিদানস্য চ ফলং গোদানস্য চ কীর্তিতম্॥ ॥ 13-101-64 (85551)
ইতি শ্রীমন্মহাভারতে অনুশাসনপর্বণি দানধর্মপর্বণি একাধিকশততমোঽধ্যায়ঃ॥ 101 ॥
Mahabharata - Anushaasana Parva - Chapter Footnotes
7-101-7 বৈ পুণ্যং পিতৃলোকে মহীয়তে ইতি ধ.পাঠঃ॥ 7-101-9 সর্বকামৈশ্চ জয়তি যস্তিলৈরিতি নচ কামেন দাতব্যমিতি চ ধ.পাঠঃ॥ 7-101-22 ইমং হিমবৎসন্নিহিতম্॥ 7-101-27 প্রতিশ্রয়ো বাসার্থং স্থলম্॥ 7-101-33 তদ্ভূমিং পরকীয়াং ভূমিং বা যো নির্বপেৎ পিতৃভিঃ পিতৃভ্যো দদ্যাত্তর্হি তচ্ছ্রাদ্ধং তদ্ভূমিদানাখ্যং কর্ম চোভয়ং বিহন্যতে বৃথা ভবতি॥ 7-101-34 তস্যাং ক্রীতায়াম্॥ 7-101-46 আকুঞ্চিতমপি হ্যেতদ্ধব্যং বেদবিদো বিদুরিতি ধ.পাঠঃ॥ 7-101-56 স্বয়ংভুবং মহাভাগং স পশ্যতি নরাধিপেতি ধ.পাঠঃ॥ 7-101-58 অন্নং বৈ পরমং দৈবমিতি ধ.পাঠঃ॥অনুশাসনপর্ব - অধ্যায় 102
॥ শ্রীঃ ॥
13.102. অধ্যায়ঃ 102
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি জলপ্রভাববর্ণনপূর্বকং তদ্দানপ্রশংসনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
শ্রুতং দানফলং তাত যত্ৎবয়া পরিকীর্তিতম্।
অন্নদানং বিশেষেণ প্রশস্তমিহ ভারত॥ 13-102-1 (85552)
পানীয়দানমেবৈতৎকথং চেহ মহাফলম্।
ইত্যেতচ্ছ্রোতুমিচ্ছামি বিস্তরেণ পিতামহ॥ 13-102-2 (85553)
ভীষ্ম উবাচ। 13-102-3x (7100)
হন্ত তে বর্তয়িষ্যামি যথাবদ্ভরতর্ষভ।
গদতস্তন্মমাদ্যেহ শৃণু সত্যপরাক্রম।
পানীয়দানাৎপ্রভৃতি সর্বং বক্ষ্যামি তেঽনঘ॥ 13-102-3 (85554)
যদন্নং যচ্চ পানীয়ং সম্প্রদায়াশ্নুতে ফলম্।
ন তাভ্যাং পরমং দানং কিঞ্চিদস্তীতি মে মনঃ॥ 13-102-4 (85555)
অন্নাৎপ্রাণভৃতস্তাত প্রবর্তন্তে হি সর্বশঃ।
তস্মাদন্নং পরং লোকে সর্বদানেষু কথ্যতে॥ 13-102-5 (85556)
অন্নাদ্বলং চ তেজশ্চ প্রাণিনাং বর্ধতে সদা।
অন্নাদানমতস্তস্মাচ্ছ্রেষ্ঠমাহ প্রজাপতিঃ॥ 13-102-6 (85557)
সাবিত্র্যা হ্যপি কৌন্তেয় শ্রূয়তে বচনং শুভম্।
যচ্চেদং নান্যথা চৈতদ্দেব সত্রে মহামখে॥ 13-102-7 (85558)
অন্নে দত্তে নরেণেহ প্রাণা দত্তা ভবন্ত্যুত।
প্রাণদানাদ্ধি পরমং ন দানমিহ বিদ্যতে॥ 13-102-8 (85559)
শ্রুতং হি তে মহাবাহো লোমশস্যাপি তদ্বচঃ।
প্রাণান্দত্ৎবা কপোতায় যৎপ্রাপ্তং শিবিনা পুরা॥ 13-102-9 (85560)
যাং গতিং লভতে দত্ৎবা দ্বিজস্যান্ন বিশাম্পতে।
ততো বিশিষ্টাং গচ্ছন্তি প্রাণদা ইতি নঃ শ্রুতং॥ 13-102-10 (85561)
অন্নং চাপি প্রভবতি পানীয়াৎকুরুসত্তম।
নীরজাতেন হি বিনা ন কিঞ্চিৎসম্প্রবর্ততে॥ 13-102-11 (85562)
নীরজাতশ্চ ভগবান্সোমো গ্রহগণেশ্বরঃ।
অমৃতং চ সুধা চৈব সুধা চৈবামৃতং তথা॥ 13-102-12 (85563)
অন্নৌষধ্যো মহারাজ বীরুধশ্চ জলোদ্ভবাঃ।
যতঃ প্রাণভৃতাং প্রাণাঃ সম্ভবন্তি বিশাম্পতে॥ 13-102-13 (85564)
দেবানামমৃতং হ্যন্নং নাগানাং চ সুধা তথা।
পিতৄণাং চ স্বধা প্রোক্তা পশূনাং চাপি বীরুধঃ॥ 13-102-14 (85565)
অন্নমেব মনুষ্যাণাং প্রাণানাহুর্মনীষিণঃ।
তচ্চ সর্বং নরব্যাঘ্র পানীয়াৎসম্প্রবর্ততে॥ 13-102-15 (85566)
তস্মাৎপানীয়দানাদ্বৈ ন পরং বিদ্যতে ক্বচিৎ।
তচ্চ দদ্যান্নরো নিত্যং যদীচ্ছেদ্ভূতিমাত্মনঃ॥ 13-102-16 (85567)
ধন্যং যশস্যমায়ুষ্যং জলদানমিহোচ্যতে।
শত্রূংশ্চাপ্যধি কৌন্তেয় সদা তিষ্ঠতি তোয়দঃ॥ 13-102-17 (85568)
সর্বকামানবাপ্নোতি কীর্তিং চৈব হি শাশ্বতীম্।
প্রেত্য চানন্ত্যমশ্নাতি পাপেভ্যশ্চ প্রমুচ্যতে॥ 13-102-18 (85569)
তোয়দো মনুজব্যাঘ্র স্বর্গং গৎবা মহাদ্যুতে।
অক্ষয়ান্সমবাপ্নোতি লোকানিত্যব্রবীন্মনুঃ॥ ॥ 13-102-19 (85570)
ইতি শ্রীমন্মহাভারতে অনুশাসনপর্বণি দানধর্মপর্বণি দ্ব্যধিকশততমোঽধ্যায়ঃ॥ 102 ॥
Mahabharata - Anushaasana Parva - Chapter Footnotes
7-102-11 নীরজাতেন জলোদ্ভবেন ধান্যাদিনা॥ 7-102-12 স্বধা চৈব সুরা তথেতি ধ.পাঠঃ॥অনুশাসনপর্ব - অধ্যায় 103
॥ শ্রীঃ ॥
13.103. অধ্যায়ঃ 103
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি তিলজলদীপাদিদানপ্রশংসাপরয়মব্রাহ্মণসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
তিলানাং কীদৃশং দানমথ দীপস্য চৈব হি।
অন্নানাং বাসসা চৈব ভূয় এব ব্রবীহি মে॥ 13-103-1 (85571)
ভীষ্ম উবাচ। 13-103-2x (7101)
অত্রাপ্যুদাহরন্তীমমিতিহাসং পুরাতনম্।
ব্রাহ্মণস্য চ সংবাদং যমস্য চ যুধিষ্ঠির॥ 13-103-2 (85572)
মধ্যদেশে মহান্গ্রামো ব্রাহ্মণানাং বভূব হ।
গঙ্গায়মুনয়োর্মধ্যে যামুনস্য গিরেরধঃ॥ 13-103-3 (85573)
পর্ণশালেতি বিখ্যাতো রমণীয়ো নরাধিপ।
বিদ্বাংশস্তত্র ভূয়িষ্ঠা ব্রাহ্মণাশ্চাবসংস্তথা॥ 13-103-4 (85574)
অথ প্রাহ যমঃ কঞ্চিৎপুরুষং কৃষ্ণবাসসম্।
রক্তাক্ষমূর্ধ্বরোমাণং কাকজঙ্ঘাক্ষিনাসিকম্॥ 13-103-5 (85575)
গচ্ছ ৎবং ব্রাহ্মণগ্রামং ততো গৎবা তমানয়।
অগস্ত্যং গোত্রতশ্চাপি নামতশ্চাপি শর্মিণম্॥ 13-103-6 (85576)
শমে নিবিষ্টং বিদ্বাংসমধ্যাপকমনাবৃতম্।
মা চান্যমানয়েথাস্ৎবং সগোত্রং তস্য পার্শ্বতঃ॥ 13-103-7 (85577)
স হি তাদৃগ্গুণস্তেন তুল্যোঽধ্যযনজন্মনা।
অপত্যেষু তথা বৃত্তে সমস্তেনৈব ধীমতা।
তমানয় যথোদ্দিষ্টং পূজা কার্যা হি তস্য মে॥ 13-103-8 (85578)
স গৎবা প্রতিকূলং তচ্চকার যমশাসনম্।
তমাক্রম্যানয়ামাস প্রতিষিদ্ধো যমেন যঃ॥ 13-103-9 (85579)
তস্মৈ যমঃ সমুত্থায় পূজা কৃৎবা চ বীর্যবান্।
প্রোবাচ নীয়তামেষ সোঽন্য আনীয়তামিতি॥ 13-103-10 (85580)
এবমুক্তে তু বচনে ধর্মরাজেন স দ্বিজঃ।
উবাচ ধর্মরাজানং নির্বিণ্ণোঽধ্যযনেন বৈ।
যো মে কালো ভবেচ্ছেষস্তং বসেয়মিহাচ্যুত॥ 13-103-11 (85581)
যম উবাচ। 13-103-12x (7102)
নাহং কালস্য বিহিতং প্রাপ্নোমীহ কথঞ্চন।
যো হি ধর্মং চরতি বৈ তং তু জানামি কেবলম্॥ 13-103-12 (85582)
গচ্ছ বিপ্র ৎবমদ্যৈব আলয়ং স্বং মহাদ্যুতে।
ব্রূহি সর্বং যথা স্বৈরং করবাণি কিমচ্যুত॥ 13-103-13 (85583)
ব্রাহ্মণ উবাচ। 13-103-14x (7103)
শুদ্ধদানং চ সুমহৎপুণ্যং স্যাত্তদ্ব্রবীহি মে।
সর্বস্য হি প্রমাণং ৎবং ত্রৈলোক্যস্যাপি সত্তম॥ 13-103-14 (85584)
যম উবাচ। 13-103-15x (7104)
শৃণু তত্ৎবেন বিপ্রর্পে প্রদানবিধিমুত্তমম্।
তিলাঃ পরমকং দানং পুণ্যং চৈবেহ শাশ্বতম্॥ 13-103-15 (85585)
তিলাশ্চ সম্প্রদাতব্যা যথাশক্তি দ্বিজর্ষভ।
নিত্যদানাৎসর্বকামাংস্তিলা নির্বর্তয়ন্ত্যুত॥ 13-103-16 (85586)
তিলাঞ্শ্রাদ্ধে প্রশংসন্তি দানমেতদ্ধ্যনুত্তমম্।
তান্প্রয়চ্ছস্ব বিপ্রেভঅয়ো বিধিদৃষ্টেন কর্মণাঃ॥ 13-103-17 (85587)
বৈশাখ্যাং পৌর্ণমাস্যাং তু তিলান্দদ্যাদ্দ্বিজাতিষু।
তিলা ভক্ষয়িতব্যাশ্চ সদা ৎবালম্ভং চ তৈঃ 13-103-18 (85588)
কার্যং সততমিচ্ছদ্ভিঃ শ্রেয়ঃ সর্বাত্মনা গৃহে।
তথাঽঽপঃ সর্বদা দেয়াঃ পেয়াশ্চৈব ন সংশয়ঃ॥ 13-103-19 (85589)
পুষ্করিণ্যস্তটাকানি কূপাংশ্চৈবাত্র খানয়েৎ।
এতৎসুদুর্লভতরমিহ লোকে দ্বিজোত্তম॥ 13-103-20 (85590)
আপো নিত্যং প্রদেয়াস্তে পুণ্যং হ্যেতদনুত্তমম্।
প্রপাশ্চ কার্যা দানার্থং নিত্যং তে দ্বিজসত্তম।
ভুক্তেঽপ্যথ প্রদেয়ং তু পানীয়ং বৈ বিশেষতঃ॥ 13-103-21 (85591)
`পানীয়াভ্যর্থিনং দৃষ্ট্বা প্রীত্যা দত্ৎবা ৎবরান্বিতঃ।
বস্ত্রে তন্তুপ্রমাণেন দীপে নিমিষবৎসরম্॥ 13-103-22 (85592)
গবাং রোমপ্রমাণেন স্বর্গভোগমুপাশ্নুতে।
জলবিন্দুপ্রমাণেন তদেতান্যুপবর্তয়॥'॥ 13-103-23 (85593)
ভীষ্ম উবাচ। 13-103-24x (7105)
ইত্যুক্তে স তদা তেন যমদূতেন বৈ গৃহান্।
নীতশ্চ কারয়ামাস সর্বং তদ্যমশাসনম্॥ 13-103-24 (85594)
নীৎবা তং যমদূতোঽপি গৃহীৎবা শর্মিণং তদা।
যয়ৌ স ধর্মরাজায় ন্যবেদয়ত চাপি তম্॥ 13-103-25 (85595)
তং ধর্মরাজো ধর্মজ্ঞং পূজয়িৎবা প্রতাপবান্।
কৃৎবা চ সংবিদং তেন বিসসর্জ যথাগতম্॥ 13-103-26 (85596)
তস্যাপি চ যমঃ সর্বমুপদেশং চকার হ।
প্রেত্যৈত্য চ ততঃ সর্বং চকারোক্তং যমেন তৎ॥ 13-103-27 (85597)
তথা প্রশংসনে দীপান্যমঃ পিতৃহিতেপ্সয়া।
তস্মাদ্দীপপ্রদো নিত্যং সন্তারতি বৈ পিতৄন্॥ 13-103-28 (85598)
দাতব্যাঃ সততং দীপাস্তস্মাদ্ভরতসত্তম।
দেবতানাং পিতৄণাং চ চক্ষুষ্যং চাত্মনাং বিভো॥ 13-103-29 (85599)
রত্নদানং চ সুমহৎপুণ্যমুক্তং জনাধিপ।
যস্তান্বিক্রীয় যজতে ব্রাহ্মণো হ্যভয়ংকরম্॥ 13-103-30 (85600)
যদ্বৈ দদাতি বিপ্রেভ্যো ব্রাহ্মণঃ প্রতিগৃহ্য বৈ।
উভয়োঃ স্যাত্তদক্ষয়্যং দাতুরাদাতুরেব চ॥ 13-103-31 (85601)
যো দদাতি স্থিতঃ স্থিত্যাং তাদৃশায় প্রতিগ্রহম্।
উভয়োরক্ষয়ং ধর্মং তং মনুঃ প্রাহ ধর্মবিৎ॥ 13-103-32 (85602)
বাসসাং সম্প্রদানেনি স্বদারনিরতো নরঃ।
সুবস্ত্রশ্চ সুবেষশ্চ ভবতীত্যনুশুশ্রুম॥ 13-103-33 (85603)
গাবঃ সুবর্ণং চ তথা তিলাশ্চৈবানুবর্ণিতাঃ।
বহুশঃ পুরুষব্যাঘ্র বেদপ্রামাণ্যদর্শনাৎ॥ 13-103-34 (85604)
বিবাহাংশ্চৈব কুর্বীত পুত্রানুৎপাদয়েত চ।
পুত্রলাভো হি কৌরব্য সর্বলাভাদ্বিশিষ্যতে॥ ॥ 13-103-35 (85605)
ইতি শ্রীমন্মহাভারতে অনুশাসনপর্বণি দানধর্মপর্বণি ত্র্যধিকশততমোঽধ্যায়ঃ॥ 103 ॥
Mahabharata - Anushaasana Parva - Chapter Footnotes
7-103-7 অধ্যাপকমনানৃতমিতি থ.পাঠঃ। অধ্যাপকমনারতমিতি ধ.পাঠঃ॥ 7-103-9 চকারচয়মাশ্রয় ইতি থ.ধ.পাঠঃ॥ 7-103-11 ইহ যমলোকে॥ 7-103-13 কালস্য বিহিতং আয়ুঃপ্রমাণং ন প্রাপ্নোমি ন জানামি। কালেনাপ্রবর্তিতং ৎবামিহ স্থাপয়িতুং ন শক্নোমীত্যর্থঃ। বিহিতং প্রাপয়ামীহ কঞ্চনেতি থ.পাঠঃ॥ 7-103-14 বৃহি পৃচ্ছ॥ 7-103-17 নির্ঘর্তয়ন্তি সাধয়ন্তি॥ 7-103-18 আলম্ভনং সর্বতঃ স্পর্শনং উদ্বর্তনমিত্যর্থঃ॥ 7-103-32 এতদ্দি তস্যাঽভয়ঙ্করং প্রতিগ্রহবিক্রয়জদোষঘ্নম্॥অনুশাসনপর্ব - অধ্যায় 104
॥ শ্রীঃ ॥
13.104. অধ্যায়ঃ 104
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গোভূবিদ্যাদানপ্রশংসনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
ভূয় এব কুরুশ্রেষ্ঠ দানানাং বিধিমুত্তমম্।
কথয়স্ব মহাপ্রাজ্ঞ ভূমিদানং বিশেষতঃ॥ 13-104-1 (85606)
পৃথিবীং ক্ষত্রিয়ো দদ্যাদ্ব্রাহ্মণায়েষ্টিকর্মিণে।
বিধিবৎপ্রতিগৃহ্ণীয়ান্ন ৎবন্যো দাতুমর্হতি॥ 13-104-2 (85607)
সর্ববর্ণৈস্তু যচ্ছক্যং প্রদাতুং ফলকাঙ্ক্ষিভিঃ।
বেদে বা যৎসমাখ্যাতং তন্মে ব্যাখ্যাতুমর্হসি॥ 13-104-3 (85608)
ভীষ্ম উবাচ। 13-104-4x (7106)
তুল্যনামানি দেয়ানি ত্রীণি তুল্যফলানি চ।
সর্বকামফলানীহ গাবঃ পৃথ্বী সরস্বতী॥ 13-104-4 (85609)
যো ব্রূয়াচ্চাপি শিষ্যায় ধর্ম্যাং ব্রাহ্মীং সরস্বতীম্।
পৃথিবীগোপ্রদানাভ্যাং তুল্যং স ফলমশ্নুতে॥ 13-104-5 (85610)
তথৈব গাঃ প্রশংসন্তি ন তু দেয়ং ততঃ পরম্।
সন্নিকৃষ্টফলাস্তা হি লঘ্বর্থাশ্চ যুধিষ্ঠির॥ 13-104-6 (85611)
মাতরঃ সর্বভূতানাং গাবঃ সর্বসুখপ্রদাঃ।
বৃদ্ধিমাকাঙ্ক্ষতা নিত্যং গাবঃ কার্যাঃ প্রদক্ষিণাঃ 13-104-7 (85612)
সন্তাড্যা ন তু পাদেন গবাং মধ্যে ন চ ব্রজেৎ।
মঙ্গলায়তনং দেব্যস্তস্মাৎপূজ্যাঃ সদৈব গাঃ॥ 13-104-8 (85613)
প্রচোদনং দেবকৃতং গবাং কর্মসু বর্ততাম্।
পূর্বমেবাক্ষরং চান্যদভিধেয়ং ততঃ পরম্॥ 13-104-9 (85614)
প্রচারে বা নিবাতে বা বুধো নোদ্বেজয়েত গাঃ।
তৃষিতা হ্যভিবীক্ষন্ত্যো নরং হন্যুঃ সবান্ধবম্॥ 13-104-10 (85615)
পিতৃসদ্মানি সততং দেবতায়তনানি চ।
পূয়ন্তে শকৃতা যাসাং পূতং কিমধিকং ততঃ॥ 13-104-11 (85616)
ঘাসমুষ্টিং পরগবে দদ্যাৎসংবৎসরং তু যঃ।
অকৃৎবা স্বয়মাহারং ব্রতং তৎসার্বকামিকম্॥ 13-104-12 (85617)
স হি পুত্রান্যশোঽর্থং চ শ্রিয়ং চাপ্যধিগচ্ছতি।
নাশয়ত্যশুভং চৈব দুঃস্বপ্নং চাপ্যপোহতি॥ 13-104-13 (85618)
যুধিষ্ঠির উবাচ। 13-104-14x (7107)
দেয়াঃ কিংলক্ষণা গাবঃ কাশ্চাপি পরিবর্জয়েৎ।
কীদৃশায় প্রদাতব্যা ন দেয়াঃ কীদৃশায় চ॥ 13-104-14 (85619)
ভীষ্ম উবাচ। 13-104-15x (7108)
অসদ্বৃত্তায় পাপায় লুব্ধায়ানৃতবাদিনে।
হব্যকব্যব্যপেতায় ন দেয়া গৌঃ কথঞ্চন॥ 13-104-15 (85620)
ভিক্ষবে বহুপুত্রায় শ্রোত্রিয়ায়াহিতাগ্নয়ে।
দত্ৎবা দশগবাং দাতা লোকানাপ্নোত্যনুত্তমান্॥ 13-104-16 (85621)
`জুহোতি যদ্ভোজয়তি যদ্দদাতি গবাং রসৈঃ।
সর্বস্যৈবাংশভাগ্দাতা তন্নিমিত্তং প্রবর্তিতঃ॥' 13-104-17 (85622)
যশ্চৈব ধর্মং কুরুতে তস্য ধর্মফলং চ যৎ।
সর্বস্যৈবাংশভাগ্দাতা তন্নিমিত্তং প্রবৃত্তয়ঃ॥ 13-104-18 (85623)
যশ্চৈনমুৎপাদয়তে যশ্চৈনং ত্রায়তে ভয়াৎ।
যশ্চাস্য কুরুতে বৃত্তিং সর্বে তে পিতরস্ত্রয়ঃ॥ 13-104-19 (85624)
কল্মষং গুরুশুশ্রূষা হন্তি মানো মহদ্যশঃ।
অপুত্রতাং ত্রয়ঃ পুত্রা অবৃত্তিং দশ ধেনবঃ॥ 13-104-20 (85625)
বেদান্তনিষ্ঠস্য বহুশ্রুতস্য
প্রজ্ঞানতৃপ্তস্য জিতেন্দ্রিয়স্য।
শিষ্টস্য দান্তস্য যতস্য চৈব
ভূতেষু নিত্যং প্রিয়বাদিনশ্চ॥ 13-104-21 (85626)
যঃ ক্ষুদ্ভয়াদ্বৈ ন বিকর্ম কুর্যা-
ন্মৃদুশ্চ শান্তৌ হ্যতিথিপ্রিয়শ্চ।
শুভে পাত্রে যে গুণা গোপ্রদানে
তাবান্দোষো ব্রাহ্মণস্বাপহারে। 13-104-22 (85627)
সর্বাবস্থং ব্রাহ্মণস্বাপহারে
দারাশ্চৈষাং দূরতো বর্জনীয়াঃ॥ 13-104-23 (85628)
`বিপ্রদারে পরিহৃতে তদ্ধনেঽপহৃতে চ তু।
পরিত্রায়ন্তি শক্তাস্তু নমস্তেভ্যো মৃতাশ্চ যে॥ 13-104-24 (85629)
ন পালয়ন্তি নিহতান্যে তান্বৈবস্বতো যমঃ।
দণ্ডয়ন্ভর্সয়ন্নিত্যং নিরয়েভ্যো ন মুঞ্চতি॥ 13-104-25 (85630)
তথা গবাং পরিত্রাণে পীডনে চ শুভাশুভম্।
বিপ্রগোষু বিশেষেণ রক্ষিতেষু গৃহেষু বা॥' ॥ 13-104-26 (85631)
ইতি শ্রীমন্মহাভারতে অনুশাসনপর্বণি দানধর্মপর্বণি চতুরধিকশততমোঽধ্যায়ঃ॥ 104 ॥
Mahabharata - Anushaasana Parva - Chapter Footnotes
7-104-2 ইষ্টিকর্মিণে যাজ্ঞিকায়॥ 7-104-4 তুল্যনামানি গোপদবাচ্যানি॥ 7-104-6 দেয়ং দানয়োগ্যম্। পরং শ্রেষ্ঠম্॥ 7-104-9 গবাং বলীবর্দানাং কর্মসু যজ্ঞাদ্যর্থেষু কৃষ্যাদ্যর্থেষু কর্ষণাদিষু বর্ততাং প্রচোদনং প্রতোদেন প্রেরণং দেবৈঃ কৃতমিতি ন তত্র দোষ ইতি ভাবঃ। তথাপি পূর্বং যজ্ঞার্থমেব চোদনমক্ষরং শ্রেয়স্করম্। অন্যৎকৃষ্যাদ্যর্থং তু ততঃ পরং বৈদিককর্ষণমনুপ্রবৃত্তমভিধেয়ং বাচ্যং নিন্দ্যমিত্যর্থঃ॥ 7-104-10 নিবাতে কঠিনোপবেশনে। অভিবীক্ষন্ত্যো জলমলভমানাঃ॥ 7-104-12 আহারং তদীয়তক্রাদ্যাহরণমকৃৎবা॥ 7-104-21 বেদান্তনিষ্ঠস্য বৃত্তিং অতিসৃজেতেত্যুত্তরেণান্বয়ঃ। চতুর্ধ্যর্থে ষষ্ঠী॥অনুশাসনপর্ব - অধ্যায় 105
॥ শ্রীঃ ॥
13.105. অধ্যায়ঃ 105
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রাহ্মণস্বাপহারস্যানর্থহেতুতায়াং দৃষ্টান্ততয়া নৃগোপাখ্যানকথনম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
অত্রৈব কীর্ত্যতে সদ্ভির্ব্রাহ্মণস্বাভিমর্শনে।
নৃগেণ সুমহৎকৃচ্ছ্রুং যদবাপ্তং কুরূদ্বহ॥ 13-105-1 (85632)
নিবিশন্ত্যাং পুরা পার্থ দ্বারবত্যামিতি শ্রুতিঃ।
অদৃশ্যত মহাকূপস্তৃণবীরুৎসমাবৃতঃ। 13-105-2 (85633)
প্রয়ত্নং তত্র কুর্বাণাস্তস্মাৎকূপাজ্জলার্থিনঃ।
শ্রমেণ মহতা যুক্তাস্তস্মিংস্তোয়ে সুসংবৃতে॥ 13-105-3 (85634)
দদৃশুস্তে মহাকায়ং কৃকলাসমবস্থিতম্।
তস্য চোদ্ধরণে যত্নমকুর্বংস্তে সহস্রশঃ॥ 13-105-4 (85635)
প্রগ্রহৈশ্চর্মপট্টৈশ্চ তং বদ্ধ্বা পর্বতোপমম্।
নাশক্নুবন্সমুদ্ধর্তুং ততো জগ্মুর্জনার্দনম্॥ 13-105-5 (85636)
খমাবৃত্যোদপানস্য কৃকলাসঃ স্থিতো মহান্।
তস্য নাস্তি সমুদ্ধর্তেত্যেতৎকৃষ্ণে ন্যবেদয়ন্॥ 13-105-6 (85637)
স বাসুদেবেন সমুদ্ধৃতশ্চ
পৃষ্টশ্চ কামান্নিজগাদ রাজা।
নৃগস্তদাঽঽত্মানমথো ন্যবেদয়-
ৎপুরাতনং যজ্ঞসহস্রয়াজিনম্॥ 13-105-7 (85638)
তথা ব্রুবাণং তু তমাহ মাধবঃ
শুভং ৎবয়া কর্ম কৃতং ন পাপকম্।
কথং ভবান্দুর্গতিমীদৃশীং গতো
নরেন্দ্র তদ্ব্রূহি কিমেতদীদৃশম্॥ 13-105-8 (85639)
শতং সহস্রাণি গবাং শতং পুনঃ
পুনঃ শতান্যষ্টশতায়ুতানি।
নৃপ দ্বিজেভ্যঃ ক্ব নু তদ্গতং তব॥ 13-105-9 (85640)
নৃগস্ততোঽব্রবীৎকৃষ্ণং ব্রাহ্মণস্যাগ্নিহোত্রিণঃ।
প্রোষিতস্য পরিভ্রষ্টা গৌরেকা মম গোধনে*****॥ 13-105-10 (85641)
গবাং সহস্রে সংখ্যাতা তদা সা পশুপৈর্মম।
সা ব্রাহ্মণায় মে দত্তা প্রেত্যার্থমভিকাঙ্ক্ষতা॥ 13-105-11 (85642)
অপশ্যৎপরিমার্গংশ্চ তাং গাং পরগৃহে দ্বিজঃ।
মমেয়মিতি চোবাচ ব্রাহ্মণো যস্য সাঽভবৎ॥ 13-105-12 (85643)
তাবুভৌ সমনুপ্রাপ্তৌ বিবদন্তৌ ভৃশজ্বরৌ।
ভবান্দাতা ভবান্হর্তেত্যথ তৌ মামবোচতাম্॥ 13-105-13 (85644)
শতেন শতসঙ্খ্যেন গবাং বিনিময়েন বৈ।
যাচে প্রতিগ্রহীতারং স তু মামব্রবীদিদম্॥ 13-105-14 (85645)
দেশকালোপসম্পন্না দোগ্ধ্রী শান্তাঽতিবৎসলা।
স্বাদুক্ষীরপ্রদা ধন্যা মম নিত্যং নিবেশনে॥ 13-105-15 (85646)
কৃশং চ ভরতে সা গৌর্মম পুত্রমপস্তনম্।
ন সা শক্যা ময়া দাতুমিত্যুক্ৎবা স জগাম হ॥ 13-105-16 (85647)
ততস্তমপরং বিপ্রং যাচে বিনিময়েন বৈ।
গবাং শতসহস্রং হি তৎকৃতে গৃহ্যতামিতি॥ 13-105-17 (85648)
ব্রাহ্মণ উবাচ। 13-105-18x (7109)
ন রাজ্ঞাং প্রতিগৃহ্ণামি শক্তোঽহং স্বস্য মার্গণে।
সৈব গৌর্দীয়তাং শীঘ্রং মমেতি মধুসূদন॥ 13-105-18 (85649)
রুক্মমশ্বাংশ্চ দদতো রজতস্যন্দনাংস্তথা।
ন জগ্রাহ যয়ৌ চাপি তদা স ব্রাহ্মণর্ষভঃ॥ 13-105-19 (85650)
এতস্মিন্নেব কালে তু চোদিতঃ কালধর্মণা।
পিতৃলোকমহং প্রাপ্য ধর্মরাজমুপাগমম্॥ 13-105-20 (85651)
যমস্তু পূজয়িৎবা মাং ততো বচনমব্রবীৎ।
নান্তঃ সঙ্খ্যায়তে রাজংস্তব পুণ্যস্য কর্মণঃ॥ 13-105-21 (85652)
অস্তি চৈব কৃতং পাপমজ্ঞানাত্তদপি ৎবয়া।
চরস্ব পাপং পশ্চাদ্বা পূর্বং বা ৎবং যথেচ্ছসি॥ 13-105-22 (85653)
রক্ষিতাস্মীতি চোক্তং তে প্রতিজ্ঞা চানৃতা তব।
ব্রাহ্মণস্বস্য চাদানং দ্বিবিধস্তে ব্যতিক্রমঃ॥ 13-105-23 (85654)
পূর্বং কৃচ্ছং চরিষ্যেঽহং পশ্চাচ্ছুভমিতি প্রভো।
ধর্মরাজং ব্রুবন্নেবং পতিতোস্মি মহীতলে॥ 13-105-24 (85655)
অশ্রৌষং পতিতশ্চাহং যমস্যোচ্চৈঃ প্রভাষতঃ।
বাসুদেবঃ সমুদ্ধর্তা ভবিতা তে জনার্দনঃ॥ 13-105-25 (85656)
পূর্ণে বর্ষসহস্রান্তে ক্ষীণে কর্মণি দুষ্কৃতে।
প্রাপ্লস্যসে শাশ্বতাঁল্লোকাঞ্জিতান্স্বেনৈব কর্মণা॥ 13-105-26 (85657)
কূপেঽঽত্মানমধঃশীর্ষমপশ্যং পতিতং চ হ।
তির্যগ্যোনিমনুপ্রাপ্তং ন চ মামজহাৎস্মৃতিঃ॥ 13-105-27 (85658)
ৎবয়া তু তারিতোঽস্ম্যদ্য কিমন্যত্র তপোবলাৎ।
অনুজানীহি মাং কৃষ্ণ গচ্ছেয়ং দিবমদ্য বৈ॥ 13-105-28 (85659)
অনুজ্ঞাতঃ স কৃষ্ণেন নমস্কৃত্য জনার্দনম্।
বিমানং দিব্যমাস্থায় যয়ৌ দিবমরিন্দমঃ॥ 13-105-29 (85660)
ততস্তস্মিন্দিবং যাতে নৃগে ভরতসত্তম।
বাসুদেব ইমাঞ্শ্লোকাঞ্জগাদ কুরুনন্দন॥ 13-105-30 (85661)
ব্রাহ্মণস্বং ন হর্তব্যং পুরুষেণ বিজানতা।
ব্রাহ্মণস্বং হৃতং হন্তি নৃগং ব্রাহ্মণগৌরিব॥ 13-105-31 (85662)
সতাং সমাগমঃ সদ্ভির্নাফলঃ পার্থ বিদ্যতে।
বিমুক্তং নরকাৎপশ্য নৃগং সাধুসমাগমাৎ॥ 13-105-32 (85663)
প্রদানং ফলবত্তত্র দ্রোহস্তত্র তথাঽফলঃ।
অপহারং গবাং তস্মাদ্বর্জয়েত যুধিষ্ঠির॥ ॥ 13-105-33 (85664)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চাধিকশততমোঽধ্যায়ঃ॥ 105 ॥
Mahabharata - Anushaasana Parva - Chapter Footnotes
7-105-23 প্রতিজ্ঞা চ কৃতা ৎবয়েতি, ত্রিবিধস্তে ব্যতিক্রম ইতি চ.থ.ধ. পাঠঃ॥ 7-105-24 কৃচ্ছ্রং চরিষ্যে পাপফলং ভোক্ষ্যে॥ 7-105-31 ন হর্তব্যং ক্ষত্রিয়েণ বিশেষত ইতি থ.ধ.পাঠঃ॥অনুশাসনপর্ব - অধ্যায় 106
॥ শ্রীঃ ॥
13.106. অধ্যায়ঃ 106
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গোদানপ্রশংসাপরনাচিকেতোপাখ্যানকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
দত্তানাং ফলসম্প্রাপ্তিং গবাং প্রব্রূহি মেঽনঘ।
বিস্তরেণ মহাবাহো ন হি তৃপ্যামি কথ্যতাম্॥ 13-106-1 (85665)
ভীষ্ম উবাচ। 13-106-2x (7110)
অত্রাপ্যুদাহরন্তীমমিতিহাসং পুরাতনম্।
ঋষেরৌদ্দালকের্বাক্যং নাচিকেতস্য চোভয়োঃ॥ 13-106-2 (85666)
ঋষিরৌদ্দালকির্দীক্ষামুপগম্য ততঃ সুতম্।
ৎবং মামুপচরস্বেতি নাচিকেতমভাষত॥ 13-106-3 (85667)
সমাপ্তে নিয়মে তস্মিন্মহর্ষিঃ পুত্রমব্রবীৎ।
উপস্পর্শনসক্তস্য স্বাধ্যায়াভিরতস্য চ॥ 13-106-4 (85668)
ইধ্মা দর্ভাঃ সুমনসঃ কলশশ্চাভিতো জলম্।
বিস্মৃতং মে তদাদায় নদীতীরাদিহাব্রজ॥ 13-106-5 (85669)
গৎবানবাপ্য তৎসর্বং নদীবেগসমাপ্লুতম্।
ন পশ্যামি তদিত্যেবং পিতরং সোঽব্রবীন্মুনিঃ॥ 13-106-6 (85670)
ক্ষুৎপিপাসাশ্রমাবিষ্টো মুনিরৌদ্দালকিস্তদা।
যমং পশ্যেতি তং পুত্রমশপৎক্রোধমূর্চ্ছিতঃ॥ 13-106-7 (85671)
তথা স পিত্রাঽভিহতো বাগ্বজ্রেণ কৃতাঞ্জলিঃ।
প্রসীদেতি ব্রুবন্নেব গতসৎবোঽপতদ্ভুবি॥ 13-106-8 (85672)
নাচিকেতং প্রিতা দৃষ্ট্বা পতিতং দুঃখমূর্চ্ছিতঃ।
কিং ময়া কৃতমিত্যুক্ৎবা নিপপাত মহীতলে॥ 13-106-9 (85673)
তস্য দুঃখপরীতস্য স্বং পুত্রমনুশোচতঃ।
ব্যতীতং তদহঃশেষং সা চোগ্রা তত্র শর্বরী॥ 13-106-10 (85674)
পিত্র্যেণাশ্রুপ্রপাতেন নাচিকেতঃ কুরূদ্বহ।
প্রাস্যন্দচ্ছয়নে কৌশ্যে বৃষ্ট্যা সস্যমিবাপ্লুতম্॥ 13-106-11 (85675)
স পর্যপৃচ্ছত্তং পুত্রং শ্লাঘ্যং পর্যাগতং পুনঃ।
দিব্যৈর্গন্ধৈঃ সমাদিগ্ধং ক্ষীণস্বপ্নমিবোত্থিতম্॥ 13-106-12 (85676)
অপি পুত্র জিতা লোকাঃ শুভাস্তে স্বেন কর্মণা।
দিষ্ট্যা চাসি পুনঃ প্রাপ্তো ন হি তে মানুষং বপুঃ॥ 13-106-13 (85677)
প্রত্যক্ষদার্শী সর্বস্য বিত্রা পৃষ্টো মহাত্মনা।
অভ্যুত্থায় পিতুর্মধ্যে মহর্ষীণাং ন্যবেদয়ৎ॥ 13-106-14 (85678)
কুর্বন্মবচ্ছাসনমাশু যাতো
হ্যহং বিশালাং রুচিরপ্রভাসাম্।
বৈবস্বতীং প্রাপ্য সভামবশ্যং
সহস্রশো যোজনহৈমভৌমাম্॥ 13-106-15 (85679)
দৃষ্টৈব মামভিমুখমাপতন্তং
গৃহং নিবেদ্যাসনমাদিদেশ।
বৈবস্বতোঽর্ঘ্যাদিভিরর্হণৈশ্চ
ভবৎকৃতে পূজয়ামাস মাং সাঃ॥ 13-106-16 (85680)
ততস্ৎবহং তং শনকৈরবোচং
বৃতঃ সদস্যৈরভিপূজ্যমানঃ।
প্রাপ্তোঽস্মি তে বিষয়ং ধর্মরাজ
লোকানর্হো যানহং তান্বিধৎস্ব॥ 13-106-17 (85681)
যমোঽব্রবীন্মাং ন মৃতোসি সৌম্য
যমং পশ্যেত্যাহ স ৎবাং তপস্বী।
পিতা প্রদীপ্তাগ্নিসমানতেজা
ন তৎছক্যমনৃতং বিপ্র কর্তুম্॥ 13-106-18 (85682)
দৃষ্টস্তেঽহং প্রতিগচ্ছস্ব তাত
শোচত্যসৌ তব দেহস্য কর্তা।
দদানি কিঞ্চাপি মনঃপ্রণীতং
প্রিয়াতিথেস্তব কামান্বৃণীষ্ব॥ 13-106-19 (85683)
তেনৈবমুক্তস্তমহং প্রত্যবোচং
প্রাপ্তোস্মি তে বিষয়ং দুর্নিবর্ত্যম্।
ইচ্ছাম্যহং পুণ্যকৃতাং সমৃদ্ধাঁ-
ল্লোকান্দ্রষ্টুং যদি তেঽহং বরার্হঃ॥ 13-106-20 (85684)
যানং সমারোপ্য তু মাং স দেবো
বাহৈর্যুক্তং সুপ্রভং ভানুমত্তম্।
সংদর্শয়ামাস তদাঽঽত্মলোকা-
ন্সর্বাস্তথা পুণ্যকৃতাং দ্বিজেন্দ্র॥ 13-106-21 (85685)
অপশ্যং তত্র বেশ্মানি তৈজসানি মহাত্মনাম্।
নানাসংস্থানরূপাণি সর্বরত্নময়ানি চ॥ 13-106-22 (85686)
চন্দ্রমণ্ডলশুভ্রাণি কিংকিণীজালবন্তি চ।
অনেকশতভৌমানি সান্তর্জলবনানি চ॥ 13-106-23 (85687)
বৈডূর্যার্কপ্রকাশানি রূপ্যরুক্মময়ানি চ।
তরুণাদিত্যবর্ণানি স্থাবরাণি চরাণি চ॥ 13-106-24 (85688)
ভক্ষ্যভোজ্যময়াঞ্শৈলান্বাসাংসি শয়নানি চ।
সর্বকামফলাংশ্চৈব বৃক্ষান্ভবনসংস্থিতান্॥ 13-106-25 (85689)
নদ্যো বীথ্যঃ সভা বাপ্যো দীর্ঘিকাশ্চৈব সর্বশঃ।
ঘোষবন্তি চ যানানি যুক্তান্ধথ সহস্রশঃ॥ 13-106-26 (85690)
ক্ষীরস্রবা বৈ সরিতো গিরীংশ্চ
সর্পিস্তথা বিমলং চাপি তোয়ম্।
বৈবস্বতস্যানুমতাংশ্চ দেশা-
নদৃষ্টপূর্বান্সুবহূনপশ্যম্॥ 13-106-27 (85691)
সর্বান্দৃষ্ট্বা তদহং ধর্মরাজ-
মবোচং বৈ সর্বদেবং সহিষ্ণুম্।
ক্ষীরস্যৈতাঃ সর্পিষশ্চৈব নদ্যঃ
শশ্বৎস্রোতাঃ কস্য ভোজ্যাঃ প্রবৃত্তাঃ॥ 13-106-28 (85692)
যমোঽব্রবীদ্বিদ্ধি ভোজ্যাংস্ৎবমেতা-
ন্যে দাতারঃ সাধবো গোরসানাম্।
অন্যে লোকাঃ শাশ্বতা বীতশোকৈঃ
সমাকীর্ণা গোপ্রদানে রতানাম্॥ 13-106-29 (85693)
ন ৎবেতাসাং দানমাত্রং প্রশস্তং
পাত্রং কালো গোবিশেষো বিধিশ্চ।
জ্ঞাৎবা দেয়ং বিপ্র গবান্তরং হি
দুঃখং জ্ঞাতুং পাবকাদিত্যভূতম্॥ 13-106-30 (85694)
স্বাধ্যায়বান্যোঽতিমাত্রং তপস্বী
বৈতানস্থো ব্রাহ্মণঃ পাত্রমাসাম্।
গোষু ক্ষান্তং গোশরণ্যং কৃতজ্ঞং
বৃত্তিগ্লানং তাদৃশং পাত্রমাহুঃ॥ 13-106-31 (85695)
কৃচ্ছ্রোৎসৃষ্টাঃ পোষ্ণাভ্যাগতাশ্চ
দ্বারৈরেতৈর্গোবিশেষাঃ প্রশস্তাঃ।
অন্তর্জাতাঃ সুক্রয়জ্ঞানলব্ধাঃ
প্রাণক্রীতাঃ সোদকাঃ সোদ্বহাশ্চ॥ 13-106-32 (85696)
তিস্রো রাত্র্যস্ৎবদ্ভিরুপোষ্য ভূমৌ
তৃপ্তা গাবস্তর্পিতেভ্যঃ প্রদেয়াঃ।
বৎসৈঃ প্রীতাঃ সুপ্রজাঃ সোপচারা-
স্ত্র্যহং দত্ৎবা গোরসৈর্বর্তিতব্যম্॥ 13-106-33 (85697)
দত্ৎবা ধেনুং সুব্রতাং সাধুদোহাং
কল্যাণবৎসামপলায়িনীং চ।
যাবন্তি রোমাণি ভবন্তি তস্যা-
স্তাবদ্বর্ষাণ্যশ্নুতে স্বর্গলোকম্॥ 13-106-34 (85698)
তথাঽনড্বাহং ব্রাহ্মণেভ্যঃ প্রদায়
দান্তং ধুর্যং বলবন্তং যুবানম্।
কুলানুজীব্যং বীর্যবন্তং বৃহন্তং
ভুঙ্ক্তে লোকান্সম্মিতান্ধেনুদস্য॥ 13-106-35 (85699)
বৃদ্ধে গ্লানে সম্ভ্রমে বা মহার্থে
কৃষ্যর্থং বা হৌম্যহেতোঃ প্রমূত্যাম্।
গুর্বর্থং বা যজ্ঞসমাপ্তয়ে বা
গাং বৈ দাতুং দেশকালোঽবিশিষ্টঃ॥ 13-106-36 (85700)
নাচিকেত উবাচ। 13-106-37x (7111)
শ্রুৎবা বৈবস্বতবচস্তমহং পুনরব্রবম্।
অগোমী গোপ্রদাতৄণাং কথং লোকান্হি গচ্ছতি॥ 13-106-37 (85701)
ততোঽব্রবীদ্যমো ধীমান্গোপ্রদানং ততো গতিম্।
গোপ্রদানানুকল্পাত্তু গামৃতে সন্তু গোপ্রদাঃ॥ 13-106-38 (85702)
অলাভে যো গবাং দদ্যাদ্ধৃতধেনুং যতব্রতঃ।
তস্যৈতা ঘৃতবাহিন্যঃ ক্ষরন্তে বৎসলা ইব॥ 13-106-39 (85703)
ঘৃতালাভে তু যো দদ্যাত্তিলধেনুং যতব্রতঃ।
স দুর্গাত্তারিতো ধেন্বা ক্ষীরনদ্যাং প্রমোদতে॥ 13-106-40 (85704)
তিলালাভে তু যো দদ্যাজ্জলধেনুং যতব্রতঃ।
স কামপ্রবহাং শীতীং নদীমেতামুপাশ্নুতে॥ 13-106-41 (85705)
এবমেতানি মে তত্র ধর্মরাজো ন্যদর্শয়ৎ।
দৃষ্ট্বা চ পরমং হর্ষমবাপমহমচ্যুত॥ 13-106-42 (85706)
নিবেদয়ে চাহমিমং প্রিয়ং তে
ক্রতুর্মহানল্পধনপ্রচারঃ।
প্রাপ্তো ময়া তাত স মৎপ্রসূতঃ
প্রপৎস্যতে বেদবিধিপ্রবৃত্তঃ॥ 13-106-43 (85707)
শাপো হ্যযং ভবতোঽনুগ্রহায়
প্রাপ্তো ময়া যত্র দৃষ্টো যমো বৈ।
দানব্যুষ্টিং তত্র দৃষ্ট্বা মহাত্ম-
ন্নিঃসংদিগ্ধান্দানধর্মাংশ্চরিষ্যে॥ 13-106-44 (85708)
ইদং চ মামব্রবীদ্ধর্মরাজঃ
পুনঃ পুনঃ সম্প্রহৃষ্টো মহর্ষে।
দানেন যঃ প্রয়তোঽভূৎসদৈব
বিশেষতো গোপ্রদানং চ কুর্যাম্॥ 13-106-45 (85709)
শুদ্ধো হ্যর্থো নাবমন্যস্ব ধর্মা-
ন্পাত্রে দেয়ং দেশকালোপপন্নে।
তস্মাদ্গাবস্তে নিত্যমেব প্রদেয়া
মাভূচ্চ তে সংশয়ঃ কশ্চিদত্র॥ 13-106-46 (85710)
এতাঃ পুরা হ্যদদন্নিত্যমেব
সান্তাত্মানো দানপথে নিবিষ্টাঃ।
তপাংস্যুগ্রাণ্যপ্রতিশঙ্কমানা-
স্তে বৈ দানং প্রদদুশ্চৈব শক্ত্যা॥ 13-106-47 (85711)
কালে চ শক্ত্যা মৎসরং বর্জয়িৎবা
শুদ্ধাত্মানঃ শ্রদ্ধিনঃ পুণ্যশীলাঃ।
দত্ৎবা গা বৈ লোকমমুং প্রপন্না
দেদীপ্যন্তে পুণ্যশীলাস্তু নাকে॥ 13-106-48 (85712)
এতদ্দানং ন্যায়লব্ধং দ্বিজেভ্যঃ
পাত্রে দত্তং প্রাপণীয়ং পরীক্ষ্য।
কাম্যাষ্টম্যাং বর্তিতব্যং দশাহং
রসৈর্গবাং শকৃতা প্রস্নবৈর্বা॥ 13-106-49 (85713)
দেবব্রতী স্যাদ্বৃষভপ্রদানৈ-
র্বেদাবাপ্তির্গোয়ুগস্য প্রদানে।
তীর্থাবাপ্তির্গোপ্রয়ুক্তপ্রদানে
পাপোৎসর্গঃ কপিলায়াঃ প্রদানে॥ 13-106-50 (85714)
গামপ্যেকাং কপিলাং সম্প্রদায়
ন্যায়োপেতাং কলুষাদ্বিপ্রমুচ্যেৎ।
গবাং রসাৎপরমং নাস্তি কিঞ্চি-
দ্গবাং প্রদানং সুমহদ্বদন্তি॥ 13-106-51 (85715)
গাবো লোকাংস্তারয়ন্তি ক্ষরন্ত্যো
গাবশ্চান্নং সংজনয়ন্তি লোকে।
যস্তং জানন্ন গবাং হার্দমেতি
স বৈ গন্তা নিরয়ং পাপচেতাঃ॥ 13-106-52 (85716)
যৈস্তদ্দত্তং গোসহস্রং শতং বা
দশার্ধং বা দশ বা সাধুবৎসম্।
অপ্যেকা বৈ সাধবে ব্রাহ্মণায়
সাস্যামুষ্মিন্পুণ্যতীর্থা নদী বৈ॥ 13-106-53 (85717)
প্রাপ্ত্যা পুষ্ট্যা লোকসংরক্ষণেন
গাবস্তুল্যাঃ সূর্যপাদৈঃ পৃথিব্যাম্।
শব্দশ্চৈকঃ সংনতিশ্চোপভোগা-
স্তস্মাদ্গোদঃ সূর্য ইবাবভাতি॥ 13-106-54 (85718)
গুরুং শিষ্যো বরয়েদ্গোপ্রদানে
স বৈ গন্তা নিয়তং স্বর্গমেব।
বিধিজ্ঞানাং সুমহান্ধর্ম এষ
বিধিং হ্যাদ্যং বিধয়ঃ সংবিশন্তি॥ 13-106-55 (85719)
ইদং দানং ন্যায়লব্ধং দ্বিজেভ্যঃ
পাত্রে দত্ৎবা প্রাপয়েথাঃ পরীক্ষ্য।
ৎবয়্যাশংসন্ত্যমরা দানবাশ্চ
বয়ং চাপি প্রসৃতে পুণ্যশীলে॥ 13-106-56 (85720)
ইত্যুক্তোঽহং ধর্মরাজং দ্বিজর্ষে
ধর্মাত্মানং শিরসাঽভিপ্রণম্য।
অনুজ্ঞাতস্তেন বৈবস্বতেন
প্রত্যাগমং ভগবৎপাদমূলম্॥ ॥ 13-106-57 (85721)
ইতি শ্রীমন্মহাভারতে অনুশাসনপর্বণি দানধর্মপর্বণি ষডধিকশততমোঽধ্যায়ঃ॥ 106 ॥
Mahabharata - Anushaasana Parva - Chapter Footnotes
7-106-5 কলশশ্চাতিভোজনম্ ইতি ঝ.পাঠ.। তত্র অতিভোজনং ভোজনসামগ্রিকং শাকাদি॥ 7-106-8 গতসৎবো মৃতঃ॥ 7-106-11 সস্যং শুষ্যমাণম্॥ 7-106-15 যোজনেতি লুপ্ততৃতীয়ান্তং পদম্। যোজনৈঃ সহস্রশঃ সম্মিতামিতি শেষঃ॥ 7-106-23 অনেকশতানি ভৌমানি উপর্যুপরি ভূমিসমূহা যেষু তানি প্রাসাদমণ্ডলানি॥ 7-106-30 গবামন্তরমন্যোন্যতারতম্যং। অবঙ্॥ 7-106-31 কৃচ্ছ্রোৎসৃষ্টাঃ সঙ্কটাৎ নিরোধাৎ মুক্তাঃ। পোষণার্থং দরিদ্রাগারাদাগতাঃ। তাদৃশীনাং পালনং প্রশস্ততরমিত্যর্থঃ॥ 7-106-33 ত্র্যহমম্মাত্রাহারো ভূমিশায়ী ভূৎবা চতুর্থং দিনমারভ্য ত্র্যহমেকৈকাং গাং দত্ৎবা গোরসৈর্বৃত্তিং কুর্যাৎ। এবং ব্রতপূর্বকং গোত্রয়ং দদত উক্তং বক্ষ্যমাণং চ ফলং ভবতীত্যর্থঃ॥ 7-106-36 বৃদ্ধে গ্লানে রোগিণি পথ্যাশনার্থং সম্ভ্রমে দুর্ভিক্ষে। মহার্থে যজ্ঞাদ্যর্থে চ। প্রসূত্যাং পুত্রজন্মনি॥ 7-106-43 ক্রতুঃ গোদানরূপঃ॥ 7-106-49 প্রাপণীয়ং গোঃ আহারাদি। কামে ইচ্ছাপূরণে সাধুঃ কাম্যা যা অষ্টমী শুক্লকৃষ্ণান্যতরা তস্যাং॥অনুশাসনপর্ব - অধ্যায় 107
॥ শ্রীঃ ॥
13.107. অধ্যায়ঃ 107
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরম্প্রতি ভীষ্মেণ গোদানফলবিশেষবিষয়কেন্দ্রপ্রশ্নানুবাদঃ ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
উক্তং তে গোপ্রদানং বৈ নাচিকেতমৃষিং প্রতি।
মাহাত্ম্যমপি চৈবোক্তমুদ্দেশেন গবাং প্রভো॥ 13-107-1 (85722)
নৃগেণ চ মহদ্দুঃখমনুভূতং মহাত্মনা।
একাপরাধাদজ্ঞানাৎপিতামহ মহামতে॥ 13-107-2 (85723)
দ্বারবত্যাং যথা চাসৌ নিবিশন্ত্যাং সমুদ্ধৃতঃ।
মোক্ষহেতুরভূৎকৃষ্ণস্তদপ্যবধৃতং ময়া॥ 13-107-3 (85724)
কিং ৎবস্তি মম সংদেহো গবাং লোকং প্রতি প্রভো।
তত্ৎবতঃ শ্রোতুমিচ্ছামি গোদা যত্র বসন্ত্যুত॥ 13-107-4 (85725)
ভীষ্ম উবাচ। 13-107-5x (7112)
অত্রাপ্যুদাহরন্তীমমিতিহাসং পুরাতনম্।
যথাঽপৃচ্ছৎপদ্ময়োনিমেতদেব শতক্রতুঃ॥ 13-107-5 (85726)
শক্র উবাচ। 13-107-6x (7113)
স্বর্লোকবাসিনাং লক্ষ্মীমভিভূয় স্বয়াঽর্চিষা।
গোলোকবাসিনঃ পশ্যে বদতাং সংশয়োঽত্র মে॥ 13-107-6 (85727)
কীদৃশা ভগবঁল্লোকা গবাং তদ্বূহি মেঽনঘ।
যানাবসন্তি দাতার এতদিচ্ছামি বেদিতুম্॥ 13-107-7 (85728)
কীদৃশাঃ কিংফলাঃ কিংস্বিৎপরমস্তত্র কো গুণঃ।
কথং চ পুরুষাস্তত্র গচ্ছন্তি বিগতজ্বরাঃ॥ 13-107-8 (85729)
কিয়ৎকালং প্রদানস্য দাতা চ ফলমশ্নুতে।
কথং বহুবিধং দানং স্যাদল্পমপি বা কথম্॥ 13-107-9 (85730)
বহ্বীনাং কীদৃশং দানমল্পানাং বাঽপি দীদৃশম্।
অদত্ৎবা গোপ্রদাঃ সন্তি কেন বা তচ্চ শংস মে 13-107-10 (85731)
কথং বা বহুদাতা স্যাদল্পদাত্রা সমঃ প্রভো।
অল্পপ্রদাতা বহুদঃ কথং স্বিৎস্যাদিহেশ্বর॥ 13-107-11 (85732)
কীদৃশী দক্ষিণা চৈব গোপ্রদানে বিশিষ্যতে।
এতত্তথ্যেন ভগবন্মম শংসিতুমর্হসি॥ ॥ 13-107-12 (85733)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তাধিকশততমোঽধ্যায়ঃ॥ 107 ॥
Mahabharata - Anushaasana Parva - Chapter Footnotes
7-107-2 একাপরাধাদজ্ঞানান্নৃগস্তাং দুর্গতিং গতঃ। ইতি ট. ধ. পাঠঃ॥অনুশাসনপর্ব - অধ্যায় 108
॥ শ্রীঃ ॥
13.108. অধ্যায়ঃ 108
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ইন্দ্রম্প্রতি ব্রহ্মণা গোদানফলপ্রশংসনম্॥ 1 ॥Mahabharata - Anushaasana Parva - Chapter Text
পিতামহ উবাচ।
যোঽয়ং প্রশ্নস্ৎবয়া পৃষ্টো গোপ্রদানাদিকারিতঃ।
নান্যঃ প্রষ্টাস্তি লোকেস্মিংস্ৎবত্তোন্যো হি শতক্রতো? 13-108-1 (85734)
সন্তি নানাবিধা লোকা যাংস্ৎবং শক্র ন পশ্যসি।
পশ্যামি যানহং লোকানেকপত্ন্যশ্চ যাঃ স্ত্রিয়ঃ॥ 13-108-2 (85735)
কর্মভিশ্চাপি সুশুভৈঃ সুব্রতা ঋষয়স্তথা।
সশরীরা হি তান্যান্তি ব্রাহ্মণাঃ শুভবুদ্ধয়ঃ॥ 13-108-3 (85736)
শরীরন্যাসমোক্ষেণ মনসা নির্মলেন চ।
স্বপ্নভূতাংশ্চ তাঁল্লোকান্পশ্যন্তীহাপি সুব্রতাঃ॥ 13-108-4 (85737)
তে তু লোকাঃ সহস্রাক্ষ শৃণু যাদৃগ্গুণান্বিতাঃ।
ন তত্র ক্রমতে কালো ন জরা ন চ পাবকঃ॥ 13-108-5 (85738)
তথা নাস্ত্যশুভং কিঞ্চিন্ন ব্যাধিস্তত্র ন ক্লমঃ।
যদ্যচ্চ গাবো মনসা তস্মিন্বাঞ্ছন্তি বাসব॥ 13-108-6 (85739)
তৎসর্বং প্রাপয়ন্তি স্ম মম প্রত্যক্ষদর্শনাৎ।
কামগাঃ কামচারিণ্যঃ কামাৎকামাংশ্চ ভুঞ্জতে॥ 13-108-7 (85740)
বাপ্যঃ সরাংসি সরিতো বিবিধানি বনানি চ।
গৃহাণি পর্বতাশ্চৈব যাবদ্দ্রব্যং চ কিঞ্চন॥ 13-108-8 (85741)
মনোজ্ঞং সর্বভূতেভ্যস্তদ্বনং তত্র দৃশ্যতে।
ঈদৃশান্বিদ্দি তাঁল্লোকান্নাস্তি লোকস্তথাবিধঃ॥ 13-108-9 (85742)
তত্র সর্বসহাঃ ক্ষান্তা বৎসলা গুরুবর্তিনঃ।
অহঙ্কারৈর্বিরহিতা যান্তি শক্র নরোত্তমাঃ॥ 13-108-10 (85743)
যঃ সর্বমাংসানি ন ভক্ষয়ীত
পুমান্সদা ভাবিতো ধর্ময়ুক্তঃ।
মাতাপিত্রোরর্চিতা সত্যযুক্তঃ
শুশ্রুষিতা ব্রাহ্মণানামনিন্দ্যঃ॥ 13-108-11 (85744)
অক্রোধনো গোষু তথা দ্বিজেষু
ধর্মে রতো গুরুশুশ্রূষকশ্চ।
যাবজ্জীবং সত্যবৃত্তে রতশ্চ
দানে রতো যঃ ক্ষমী চাপরাধে॥ 13-108-12 (85745)
মৃদুর্দান্তো দেবপরায়ণশ্চ
সর্বাতিথিশ্চাপি যথা দয়াবান্।
ঈদৃগ্গুণো মানবস্তং প্রয়াতি
লোকং গবাং শাশ্বতং চাব্যযং চ॥ 13-108-13 (85746)
ন পারদারী পশ্যতি লোকমেতং
ন বৈ গুরুঘ্নো ন মৃষা সম্প্রলাপী।
সদাপবাদী ব্রাহ্মণেষ্বাত্তবৈরো
দোষৈরন্যৈর্যশ্চ যুক্তো দুরাত্মা॥ 13-108-14 (85747)
ন মিত্রধ্রুঙ্নৈকৃতিকঃ কৃতঘ্নঃ
শঠোঽনুজুর্ধর্মবিদ্বেষকশ্চ।
ন ব্রহ্মহা মনসাঽপি প্রপশ্যে-
দ্গবাং লোকং পুণ্যকৃতাং নিবাসম্॥ 13-108-15 (85748)
এতত্তে সর্বমাখ্যাতং নৈপুণ্যেন সুরেশ্বর।
গোপ্রদানরতানাং তু ফলং শৃণু শতক্রতো॥ 13-108-16 (85749)
দায়াদ্যলব্ধৈরর্থৈর্যো গাঃ ক্রীৎবা সম্প্রয়চ্ছতি।
ধর্মার্জিতান্ধৈঃ ক্রীতান্স লোকানাপ্নুতেঽক্ষয়ান্॥ 13-108-17 (85750)
যো বৈ দ্যূতে ধনং জিৎবা গাঃ ক্রীৎবা সম্প্রয়চ্ছতি।
স দিব্যময়ুতং শক্র বর্ষাণাং ফলমশ্নুতে॥ 13-108-18 (85751)
দায়াদ্যাদ্যাঃ স্ম বৈ গাবো ন্যায়পূর্বৈরুপার্জিতাঃ।
প্রদদ্যাত্তাঃ প্রদাতৄণাং সম্ভবন্ত্যপি চ ধ্রুবাঃ॥ 13-108-19 (85752)
প্রতিগৃহ্য তু যো দদ্যাদ্গাঃ সংশুদ্ধেনি চেতসা।
তস্যাপীহাক্ষয়াঁল্লোকান্ধ্রুবান্বিদ্ধি শচীপতে॥ 13-108-20 (85753)
জন্মপ্রভৃতি সত্যং চ যো ব্রূয়ান্নিয়তেন্দ্রিয়ঃ।
গুরুদ্বিজসহঃ ক্ষান্তস্তস্য গোভিঃ সমা গতিঃ॥ 13-108-21 (85754)
ন জাতু ব্রাহ্মণো বাচ্যো যদবাচ্যং শচীপতে।
মনসা গোষু ন দ্রুহ্যেদ্গোবৃত্তির্গোনুকম্পকঃ॥ 13-108-22 (85755)
সত্যে ধর্মে চ নিরতস্তস্য শক্র ফলং শৃণু।
গোসহস্রেণ সমিতা তস্য ধেনুর্ভবত্যুত॥ 13-108-23 (85756)
ক্ষত্রিয়স্য গুণৈরতৈরন্বিতস্য ফলং শৃণু।
সপ্তার্ধশততুল্যা গৌর্ভবতীতি বিনিশ্চয়ঃ॥ 13-108-24 (85757)
বৈশ্যস্যৈতে যদি গুণাস্তস্য পঞ্চশতং ভবেৎ।
শূদ্রস্যাপি বিনীতস্য চতুর্ভাগফলং স্মৃতম্॥ 13-108-25 (85758)
এতচ্চৈনং যোঽনুতিষ্ঠেত যুক্তঃ
সত্যে রতো গুরুশুশ্রূষয়া চ।
দক্ষঃ ক্ষান্তো দেবতার্থী প্রশান্তঃ
শুচির্বুদ্ধো ধর্মশীলোঽনহংবাক্॥ 13-108-26 (85759)
মহৎফলং প্রাপ্যতে সদ্দ্বিজায়
দত্ৎবা দোগ্ধ্রীং বিধিনাঽনেন ধেনুম্।
নিত্যং দদ্যাদেকভক্তঃ সদা চ
সত্যে স্থিতো গুরুশুশ্রুষিতা চ॥ 13-108-27 (85760)
বেদাধ্যায়ী গোষু যো ভক্তিমাংশ্চ
নিত্যং দত্ৎবা যোঽভিনন্দেত গাশ্চ।
আজাতিতো যশ্চ গবাং নমেত
ইদং ফলং শক্র নিবোধ তস্য॥ 13-108-28 (85761)
যৎস্যাদিষ্ট্বা রাজমূয়ে ফলং তু
যৎস্যাদিষ্ট্বা বহুনা কাঞ্চনেন।
এততুল্যং ফলমপ্যাহুরগ্র্যং
সর্বে সংন্তস্ৎবষয়ো যে চ সিদ্ধাঃ॥ 13-108-29 (85762)
যোঽগ্রং ভক্তং কিঞ্চিদপ্রাশ্য দদ্যা-
দ্গোভ্যো নিত্যং গোব্রতী সত্যবাদী।
শান্তোঽলুব্ধো গোসহস্রস্য পুণ্যং
সংবৎসরেণাপ্নুয়াৎসত্যশীলঃ॥ 13-108-30 (85763)
যদকেভক্তমশ্নীয়াদ্দদ্যাদেকং গবাং চ যৎ।
দশবর্ষাণ্যনন্তানি গোব্রতী গোনুকম্পকঃ॥ 13-108-31 (85764)
একেনৈব চ ভক্তেন যঃ ক্রীৎবা গাং প্রয়চ্ছতি।
যাবন্তি তস্যা রোমাণি সম্ভবন্তি শতক্রতো॥ 13-108-32 (85765)
তাবচ্ছতানাং স গবাং ফলমাপ্নোতি শাশ্বতম্।
ব্রাহ্মণস্য ফলং হীদং ক্ষত্রিয়স্য তু বৈ শৃণু॥ 13-108-33 (85766)
পঞ্চবার্ষিকমেবং তু ক্ষত্রিয়স্য ফলং স্মৃতম্।
ততোঽর্ধেন তু বৈশ্যস্য শূদ্রো বৈশ্যার্ধতঃ স্মৃতঃ॥ 13-108-34 (85767)
যশ্চাত্মাবেক্রয়ং কৃৎবা গাঃ ক্রীৎবা সম্প্রয়চ্ছতি।
যাবৎসংদর্শয়েদ্গাং বৈ স তাবৎফলমশ্নুতে॥ 13-108-35 (85768)
রোম্ণি রোম্ণি মহাভাগ লোকাশ্চাস্যাক্ষয়াঃ স্মৃতাঃ
সঙ্গ্রামেষ্বর্জয়িৎবা তু যো বৈ গাঃ সম্প্রয়চ্ছতি।
আত্মবিক্রয়তুল্যাস্তাঃ শাশ্বতা বিদ্ধি কৌশিক॥ 13-108-36 (85769)
অভাবে যো গবাং দদ্যাত্তিলধেনুং যতব্রতঃ।
দুর্গাৎস তারিতো ধেন্বা ক্ষীরনদ্যাং প্রমোদত্তে॥ 13-108-37 (85770)
ন ৎবেবাসাং দানমাত্রং প্রশস্তং
পাত্রং কালো গোবিশেষো বিধিশ্চ।
কালজ্ঞানং বিপ্রগবান্তরং হি
দুঃখং জ্ঞাতুং পাবকাদিত্যভূতম্॥ 13-108-38 (85771)
স্বাধ্যায়াঢ্যং শুদ্ধয়োনিং প্রশান্তং
বৈতানস্থং পাপভীরুং বহুজ্ঞম্।
গোষু ক্ষান্তং নাতিতীক্ষ্ণং শরণ্যং
বৃত্তিগ্লানং তাদৃশং পাত্রমাহুঃ। 13-108-39 (85772)
বৃত্তিগ্লানে সীদতি চাতিমাত্রং
তুষ্ট্যর্থং বা হোম্যহেতোঃ প্রসূতেঃ।
গুর্বর্থং বা বালসংবৃদ্ধয়ে বা
ধেনুং দদ্যাদ্দেশকালে বিশিষ্টে॥ 13-108-40 (85773)
অন্তর্জ্ঞাতাঃ সক্রয়জ্ঞানলব্ধাঃ
প্রাণৈঃ ক্রীতাস্তেজসা যৌতকাশ্চ।
কৃচ্ছ্রোৎসৃষ্টাঃ পোষণাভ্যাগতাশ্চ
দ্বারৈরেতৈর্গোবিশেষাঃ প্রশস্তাঃ॥ 13-108-41 (85774)
বলান্বিতাঃ শীলবয়োপপন্নাঃ
সর্বাঃ প্রশংসন্তি সুগন্ধবত্যঃ
যথা হি গঙ্গা সরিতাং বরিষ্ঠা
তথাঽর্জুনীনাং কপিলা বরিষ্ঠা॥ 13-108-42 (85775)
তিস্রো রাত্রীস্ৎবদ্ভিরুপোষ্য ভূমৌ
তৃপ্তা গাবস্তর্পিতেভ্যঃ প্রদেয়াঃ।
বৎসৈঃ পুষ্টৈঃ ক্ষীরপৈঃ সুপ্রচারা-
স্ত্র্যহং দত্ৎবা গোরসৈর্বর্তিতব্যম্॥ 13-108-43 (85776)
দত্ৎবা ধেনুং সুব্রতাং সাধুদোহাং
কল্যাণবৎসামপলায়িনীং চ।
যাবন্তি রোমাণি ভবন্তি তস্যা-
স্তাবন্তি বর্ষামি ভবন্ত্যমুত্র॥ 13-108-44 (85777)
তথাঽনড্বাহং ব্রাহ্মণায় প্রদায়
ধুর্যং যুবানং বলিনং বিনীতম্।
হলস্য বোঢারমনন্তবীর্যং
প্রাপ্নোতি লোকান্দশধেনুদস্য॥ 13-108-45 (85778)
কান্তারাদ্ব্রাহ্ম্ণান্গাশ্চ যঃ পরিত্রাতি কৌশিক।
ক্ষেমেণ স বিমুচ্যেত তস্য পুণ্যফলং শৃণু॥ 13-108-46 (85779)
অশ্বমেধক্রতোস্তুল্যং ফলং ভবতি শাশ্বতম্।
মৃত্যুকালে সহস্রাক্ষ যাং বৃত্তিমনুকাঙ্ক্ষতে॥ 13-108-47 (85780)
লোকান্বহুবিধান্দিব্যান্যচ্চাস্য হৃদি বর্ততে।
তৎসর্বং সমবাপ্নোতি কর্মণৈতেন মানবঃ॥ 13-108-48 (85781)
গোভিশ্চ সমনুজ্ঞাতঃ সর্বত্র চ মহীয়তে।
যস্ৎবেতেনৈব কল্পেন গাং বনেষ্বনুগচ্ছতি॥ 13-108-49 (85782)
তৃণগোময়পর্ণাশী নিস্পৃহো নিয়তঃ শুচিঃ।
অকামং তেন বস্তব্যং মুদিতেন শতক্রতো॥ 13-108-50 (85783)
মম লোকে বসতি স লোকে বা যত্র চেচ্ছতি॥ ॥ 13-108-51 (85784)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টাধিকশততমোঽধ্যায়ঃ॥ 108 ॥
Mahabharata - Anushaasana Parva - Chapter Footnotes
7-108-4 শরীরস্য ন্যাসঃ সমাধিকালে। মোক্ষঃ মরণে॥ 7-108-15 নৈকৃতিকো বঞ্চকঃ। শঠঃ সমর্থোঽপি দারিদ্র্যভাষী॥ 7-108-21 গুরূণাং দ্বিজানাং বাপরাধং সহতে ইতি গুরুদ্বিজসহঃ॥ 7-108-22 গোবৃত্তিরসঙ্গ্রহপরঃ॥ 7-108-24 সপ্তার্ধশতং পঞ্চাশদধিকসপ্তশতং॥ 7-108-31 দশবর্ষাণিচ ফলং বাজপেয়স্য বিন্দতীতি ধ.পাঠঃ॥ 7-108-32 যাবন্তি তস্য প্রোক্তানি দিবসানি শতক্রতো ইতি ধ.পাঠঃ॥ 7-108-35 সংদর্শয়েৎপশ্যেৎ। যাবদ্ব্রহ্মাণ্ডে গোজাতীয়মস্তি তাবতত্র বসেদিত্যর্থঃ॥ 7-108-37 অলাভে যো গবামিতি ধ. পাঠঃ॥ 7-108-41 অন্তর্জাতাঃ সুক্রয়জ্ঞানলব্ধাঃ প্রাণক্রীতাঃ সোদকাঃ সোদ্বহাশ্চেতি ধ.পাঠঃ॥ 7-108-42 অর্জুনীনাং গবাম্॥ 7-108-45 কুলস্য কর্তারমনন্তবীর্যমিতি ধ.পাঠঃ॥অনুশাসনপর্ব - অধ্যায় 109
॥ শ্রীঃ ॥
13.109. অধ্যায়ঃ 109
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ব্রহ্মণা ইন্দ্রায়োক্তগোবিক্রয়াপহারফলানুবাদঃ॥ 1 ॥ তথা সুবর্ণস্য গোদানে দক্ষিণাৎবপ্রশংসনানুবাদঃ॥ 2 ॥Mahabharata - Anushaasana Parva - Chapter Text
ইন্দ্র উবাচ।
জান্যো গামপহরেদ্বিক্রীয়াচ্চার্থকারণাৎ।
এতদ্বিজ্ঞাতুমিচ্ছামি কানু তস্য গতির্ভবেৎ॥ 13-109-1 (85785)
পিতামহ উবাচ। 13-109-2x (7114)
ভক্তার্থং বিক্রয়ার্থং বা যেঽপহারং হি কুর্বতে।
দানার্থং ব্রাহ্মণার্থায় তত্রেদং শ্রূয়তাং ফলম্॥ 13-109-2 (85786)
বিক্রয়ার্থং হি যো হিংস্যাদ্ভক্ষয়েদ্বা নিরঙ্কুশঃ।
ঘাতয়ানং হি পুরুষং যেঽনুমন্যেয়ুরর্থিনঃ॥ 13-109-3 (85787)
ঘাতকঃ খাদকো বাঽপি তথা যশ্চানুমন্যতে।
যাবন্তি তস্যা রোমাণি তাবদ্বর্ষাণি মজ্জতি॥ 13-109-4 (85788)
যে দোষা যাদৃশাশ্চৈব দ্বিজয়জ্ঞোপঘাতকে।
বিক্রয়ে চাপহারে চ তে দোষা বৈ স্মৃতা গবাম্॥ 13-109-5 (85789)
অপহৃত্য তু যো গাং বৈ ব্রাহ্মণায় প্রয়চ্ছতি।
যাবদ্দানে তু যো গাং বৈ ব্রাহ্মণায় প্রয়চ্ছতি। 13-109-6 (85790)
সুবর্ণং দক্ষিণামাহুর্গোপ্রদানে মহাদ্যুতে।
সুবর্ণং পরমিত্যুক্তং দক্ষিণার্থমসংশয়ম্॥ 13-109-7 (85791)
গোপ্রদানাত্তারয়তে সপ্ত পূর্বাংস্তথাঽপরান্।
সুবর্ণং দক্ষিণাং কৃৎবা তাবদ্দ্বিগুণমুচ্যতে॥ 13-109-8 (85792)
সুবর্ণং পরমং দানং সুবর্ণং দক্ষিণা পরা।
সুবর্ণং পাবনং শক্র পাবনানাং পরং স্মৃতম্॥ 13-109-9 (85793)
কুলানাং পাবনং প্রাহুর্জাতরূপং শতক্রতো।
এষা মে দক্ষিণা প্রোক্তা সমাসেন মহাদ্যুতে॥ 13-109-10 (85794)
ভীষ্ম উবাচ। 13-109-11x (7115)
এতৎপিতামহেনোক্তমিন্দ্রায় ভরতর্ষভ।
ইন্দ্রো দশরথায়াহ রামায়াহ পিতা তথা॥ 13-109-11 (85795)
রাঘবোপি প্রিয়ভ্রাত্রে লক্ষ্মণায় যশস্বিনে।
ঋষিভ্যো লক্ষ্মণেনোক্তমরণ্যে বসতা প্রভো॥ 13-109-12 (85796)
পারম্পর্যাগতং চেদমৃষয়ঃ সংশিতব্রতাঃ।
দুর্ধরং দারয়ামাসূ রাজানশ্চৈব ধার্মিকাঃ॥ 13-109-13 (85797)
উপাধ্যায়েন গদিতং মম চেদং যুধিষ্ঠির॥ 13-109-14 (85798)
য ইদং ব্রাহ্মণো নিত্যং বদেদ্ব্রাহ্মণসংসদি।
যজ্ঞেষু গোপ্রদানেষু দ্বয়োরপি সমাগমে॥ 13-109-15 (85799)
তস্য লোকাঃ কিলাক্ষয়্যা দৈবতৈঃ সহ নিত্যদা।
ইতি ব্রহ্মা স ভগবানুবাচ পরমেশ্বরঃ॥ ॥ 13-109-16 (85800)
ইতি শ্রীমন্মহাভারতে অনুশাসনপর্বণি দানধর্মপর্বণি নবাধিকশততমোঽধ্যায়ঃ॥ 109 ॥
Mahabharata - Anushaasana Parva - Chapter Footnotes
7-109-3 বিক্রয়ার্থং যো নিয়ুঙ্ক্তে ইতি শেষঃ॥ 7-109-10 সুবর্ণং প্রাহুরিত্যজ্ঞাজাতরূপমিতি ধ.পাঠঃ॥অনুশাসনপর্ব - অধ্যায় 110
॥ শ্রীঃ ॥
13.110. অধ্যায়ঃ 110
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি সত্যদমাদিপ্রশংসনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
বিস্রম্ভিতোঽহং ভবতা ধর্মান্প্রবদতা বিভো।
প্রবক্ষ্যামি তু সংদেহং তন্মে ব্রূহি পিতামহ॥ 13-110-1 (85801)
ব্রতানাং কিং ফলং প্রোক্তং কীদৃশং বা মহাদ্যুতে।
নিয়মানাং ফলং কিং চ স্বধীতস্য চ কিং ফলম্॥ 13-110-2 (85802)
দমস্যেহ ফলং কিং চ বেদানাং ধারণে চ কিম্।
অধ্যাপনে ফলং কিং চ সর্বমিচ্ছামি বেদিতুম্॥ 13-110-3 (85803)
অপ্রতিগ্রাহকে কিং চ ফলং লোকে পিতামহ।
তস্য কিঞ্চ ফলং দৃষ্টং শ্রুতং যস্তু প্রয়চ্ছতি॥ 13-110-4 (85804)
স্বকর্মনিরতানাং চ শূরাণাং চাপি কিং ফলম্।
সত্যে চ কিং ফলং প্রোক্তং ব্রহ্মচর্যে চ কিং ফলম্। 13-110-5 (85805)
পিতৃশুশ্রূষণে কিঞ্চ মাতৃশুশ্রূষণে তথা।
আচার্যগুরুশুশ্রূষা স্বনুক্রোশানুকম্পনে॥ 13-110-6 (85806)
এতৎসর্বমশেষেণ পিতামহ যথাতথম্।
বেতুমিচ্ছামি ধর্মজ্ঞ পরং কৌতূহলং হি মে॥ 13-110-7 (85807)
ভীষ্ম উবাচ। 13-110-8x (7116)
যো ব্রতং বৈ যথোদ্দিষ্টং তথা সম্প্রতিপদ্যতে।
অখণ্ডং সম্যগারভ্য তস্য লোকাঃ সনাতনাঃ॥ 13-110-8 (85808)
নিয়মানাং ফলং রাজন্প্রত্যক্ষমিহ দৃশ্যতে।
নিয়মানাং ক্রতূনাং চ ৎবয়াঽবাপ্তমিদং ফলম্॥ 13-110-9 (85809)
স্বধীতস্যাপি চ ফলং দৃশ্যতেঽমুত্র চেহ চ।
ইহ লোকেঽর্থবান্নিত্যং ব্রহ্মলোকে চ মোদতে॥ 13-110-10 (85810)
দমস্য তু ফলং রাজঞ্শৃণু ৎবং বিস্তরেণ মে।
দান্তাঃ সর্বত্র সুখিনো দান্তাঃ সর্বত্র নির্বৃতাঃ।
যত্রেচ্ছাগামিনো দান্তাঃ সর্বশত্রুনিষূদনাঃ॥ 13-110-11 (85811)
প্রার্থয়ন্তি চ যদ্দান্তা লভন্তে তন্ন সংশয়ঃ।
যুজ্যন্তে সর্বকামৈর্হি দান্তাঃ সর্বত্র পাণ্ডব॥ 13-110-12 (85812)
স্বর্গে যথা প্রমোদন্তে তপসা বিক্রমেণ চ।
দানৈর্যজ্ঞৈশ্চ বিবিধৈস্তথা দান্তাঃ ক্ষমান্বিতাঃ॥ 13-110-13 (85813)
দানাদ্দমো বিশিষ্টো হি দদৎকিঞ্চিদ্দ্বিজাতয়ে।
দাতা কুপ্যতি নো দান্তস্তস্মাদ্দানাৎপরংদমঃ॥
যস্তু দদ্যাদকুপ্যন্হি তস্য লোকাঃ সনাতনাঃ।
ক্রোধো হন্তি হি যদ্দানং তস্মাদ্দানাদ্বরো দমঃ॥ 13-110-14 (85814)
অদৃশ্যানি মহারাজ স্থানান্যযুতশো দিবি।
ঋষীণাং সর্বলোকষু যানি তে যান্তি দেবতাঃ॥ 13-110-16 (85815)
দমেন যানি নৃপতে গচ্ছন্তি পরমর্ষয়ঃ।
কাময়ানা মহৎস্থানং তস্মাদ্দানাৎপরং দমঃ॥ 13-110-17 (85816)
`বিদ্যাদানাদ্বরং নাস্তি বেদবিদ্যা মহাফলাঃ।'
অধ্যাপকঃ পরিক্লেশাদক্ষয়ং ফলমশ্নুতে॥ 13-110-18 (85817)
বিধিবৎপাবকং হুৎবা ব্রহ্মলোকে নরাধিপ।
অধীত্যাপি হি যো বেদান্ন্যায়বিদ্ভ্যঃ প্রয়চ্ছতি।
গুরুকর্মপ্রশংসী তু সোপি স্বর্গে মহীয়তে॥ 13-110-19 (85818)
ক্ষত্রিয়োঽধ্যযনে যুক্তো যজনে দানকর্মণি।
যুদ্ধে যশ্চ পরিত্রাতা সোপি স্বর্গে মহীয়তে॥ 13-110-20 (85819)
বৈশ্যঃ স্বকর্মনিরতঃ প্রদানাল্লভতে মহৎ।
শূদ্রঃ স্বকর্মনিরতঃ স্বর্গং শুশ্রূষয়াঽঽর্চ্ছতি॥ 13-110-21 (85820)
শূরা বহুবিধাঃ প্রোক্তাস্তেষামর্থাস্তু মে শৃণু।
শূরান্বয়ানাং নির্দিষ্টং ফলং শূরস্য চৈব হি॥ 13-110-22 (85821)
যজ্ঞশূরা দমে শূরাঃ সত্যশূরাস্তথা পরে।
যুদ্ধশূরাস্তথৈবোক্তা দানশূরাশ্চ মানবাঃ॥ 13-110-23 (85822)
`বুদ্ধিশূরাস্তথৈবান্যে ক্ষমাশূরাস্তথা পরে।'
সাঙ্খ্যশূরাশ্চ বহবো যোগশূরাস্তথা পরে।
অরণ্যে গৃহবাসে চ ত্যাগে শূরাস্তথা পরে॥ 13-110-24 (85823)
আর্জবে চ তথা শূরাঃ শমে বর্তন্তি মানবাঃ।
তৈস্তৈশ্চ নিয়মৈঃ শূরা বহবঃ সন্তি চাপরে।
বেদাধ্যযনশূরাশ্চ শূরাশ্চাধ্যাপনে রতাঃ॥ 13-110-25 (85824)
গুরুশুশ্রূষয়া শূরাঃ পিতৃশুশ্রূষয়া পরে।
মাতৃশুশ্রূষয়া শূরা ভৈক্ষ্যশূরাস্তথা পরে॥ 13-110-26 (85825)
অরণ্যে গৃহবাসে চ শূরাশ্চাতিথিপূজনে।
সর্বে যান্তি পরাঁল্লোকান্স্বকর্মফলনির্জিতান্॥ 13-110-27 (85826)
ধারণং সর্ববেদানাং সর্বতীর্থাবগাহনম্।
সত্যং চ ব্রুবতো নিত্যং সমং বা স্যান্নবা সমম্॥ 13-110-28 (85827)
অশ্বমেধসহস্রং চ সত্যং চ তুলয়া ধৃতম্।
অশ্বমেধসহস্রাদ্ধি সত্যমেব বিশিষ্যতে॥ 13-110-29 (85828)
সত্যেন সূর্যস্তপতি সত্যেনাগ্নিঃ প্রদীপ্যতে।
সত্যেন মরুতো বান্তি সর্বং সত্যে প্রতিষ্ঠিতম্॥ 13-110-30 (85829)
সত্যেন দেবাঃ প্রীয়ন্তে পিতরো ব্রাহ্মণাস্তথা।
সত্যমাহুঃ পরো ধর্মস্তস্মাৎসত্যং ন লোপয়েৎ॥ 13-110-31 (85830)
মুনয়ঃ সত্যনিরতা মুনয়ঃ সত্যবিক্রমাঃ।
মুনয়ঃ সত্যশপথাস্তস্মাৎসত্যং বিশিষ্যতে॥ 13-110-32 (85831)
সত্যবন্তঃ সত্যলোকে মোদন্তে ভরতর্ষভ।
দমঃ সত্যফলাবাপ্তিরুক্তা সর্বাত্মনা ময়া॥ 13-110-33 (85832)
অসংশয়ং বিনীতাত্মা স বৈ স্বর্গে মহীয়তে।
ব্রহ্মচর্যস্য চ গুণং শৃণু ৎবং বসুধাধিপ॥ 13-110-34 (85833)
আজন্মমরণাদ্যস্তু ব্রহ্মচারী ভবেদিহ।
ন তস্য কিঞ্চিদপ্রাপ্যমিতি বিদ্ধি নরাধিপ॥ 13-110-35 (85834)
বহ্ব্যঃ কোট্যস্ৎবষীণাং তু ব্রহ্মলোকে বসন্ত্যুত
সত্যে রতানাং সততং দান্তানামূর্ধ্বরেতসাম্॥ 13-110-36 (85835)
ব্রহ্মচর্যং দহেদ্রাজন্সর্বপাপান্যুপাসিতম্।
ব্রাহ্মণেন বিশেষেণ ব্রাহ্মমো হ্যগ্নিরুচ্যতে॥ 13-110-37 (85836)
প্রত্যক্ষং হি তথা হ্যেতদ্ব্রাহ্মণেষু তপস্বিষু।
বিভেতি হি যথা শক্রো ব্রহ্মচারিপ্রধর্ষিতঃ॥ 13-110-38 (85837)
তদ্ব্রহ্মচর্যস্য ফলমৃষীণামিহ দৃশ্যতে।
মাতাপিত্রোঃ পূজনে যো ধর্মস্তমপি মে শৃণু॥ 13-110-39 (85838)
শুশ্রূষতে যঃ পিতরং ন চাসূয়েৎকদাচন।
মাতরং ভ্রাতরং বাঽপি গুরুমাচার্যমেব চ॥ 13-110-40 (85839)
তস্য রাজন্ফলং বিদ্ধি স্বর্লোকে স্থানমর্চিতম্।
ন চ পশ্যেত নরকং গুরুশুশ্রূষয়াঽঽত্মবান্॥ ॥ 13-110-41 (85840)
ইতি শ্রীমন্মহাভারতে অনুশাসনপর্বণি দানধর্মপর্বণি দশাধিকশততমোঽধ্যায়ঃ॥ 110 ॥
Mahabharata - Anushaasana Parva - Chapter Footnotes
7-110-6 অনুক্রোশঃ পরদুঃখেন দুঃখিতৎবম্। অনুকম্পা তৎপ্রতীকারকরণম্॥ 7-110-9 ফলমৈশ্বর্যমেব প্রত্যক্ষম্॥অনুশাসনপর্ব - অধ্যায় 111
॥ শ্রীঃ ॥
13.111. অধ্যায়ঃ 111
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গোদানবিধিফলাদিকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
বিধিং গবাং পরং শ্রোতুমিচ্ছামি নৃপ তত্ৎবতঃ।
যেন তাঞ্শাশ্বতাঁল্লোকানর্থিনাং প্রাপ্নুয়াদিহ॥ 13-111-1 (85841)
ভীষ্ম উবাচ। 13-111-2x (7117)
ন গোদানাৎপরং কিঞ্চিদ্বিদ্যতে বসুধাধিপ।
গৌর্হি ন্যায়াগতা দত্তা সদ্যস্তারয়তে কুলম্॥ 13-111-2 (85842)
সতামর্থে সম্যগুৎপাদিতো যঃ
স বৈ ক্লৃপ্তঃ সম্যগাভ্যঃ প্রজাভ্যঃ।
তস্মাৎপূর্বং হ্যাদিকালপ্রবৃত্তং
গোদানার্থং শৃণু রাজন্বিধিং মে॥ 13-111-3 (85843)
পুরা গোষ্ঠে নিলীনাসু গোষু সন্দিগ্ধদর্শিনা।
মাংধাত্রা প্রকৃতং প্রশ্নং বৃহস্পতিরভাষত॥ 13-111-4 (85844)
দ্বিজানামন্ত্র্য সৎকৃত্য প্রোক্তং কালমুপোষ্য চ।
গোদানার্থে প্রয়ুঞ্জীত রোহিণীং নিয়তব্রতঃ॥ 13-111-5 (85845)
আহ্বানং চ প্রয়ুঞ্জীত সমঙ্গে বহুলেতি চ।
প্রবিশ্য চ গবাং মধ্যমিমাং শ্রুতিমুদাহরেৎ॥ 13-111-6 (85846)
গৌর্মে মাতা বৃষভঃ পিতা মে
দিবং গর্ভং জগতী মে প্রতিষ্ঠা।
প্রপদ্যৈবং শর্বরীমুষ্য গোষু
পুনর্বাণীমুৎসৃজেদ্গোপ্রদানে॥ 13-111-7 (85847)
স তামেকাং নিশাং গোভিঃ সমসখ্যঃ সমব্রতঃ।
ঐকাত্ম্যগমনাৎসদ্যঃ কলুষাদ্বিপ্রমুচ্যতে॥ 13-111-8 (85848)
উৎসৃষ্টবৃষবৎসা হি প্রদেয়া সূর্যদর্শনে।
ত্রিদিবং প্রতিপত্তব্যমর্থবাদাশিষস্তব॥ 13-111-9 (85849)
ঊর্জস্বিন্য ঊর্জমেধাশ্চ যজ্ঞে
গর্ভোঽমৃতস্য জগতশ্চ প্রতিষ্ঠা।
ক্ষিতে রোহঃ প্রবহঃ শশ্বদেব।
প্রাজাপত্যাঃ সর্বমিত্যর্থবাদাঃ॥ 13-111-10 (85850)
গাবো মমৈনঃ প্রণুদন্তু সৌর্যা-
স্তথা সৌম্যাঃ স্বর্গয়ানায় সন্তু।
আত্মানং মে মাতৃবচ্চাশ্রয়ন্তু
তথাঽনুক্তাঃ সন্তু সর্বাশিষো মে॥ 13-111-11 (85851)
শোষোৎসর্গে কর্মভির্দেহমোক্ষে
সরস্বত্যঃ শ্রেয়সে সম্প্রবৃত্তাঃ।
যূয়ং নিত্যং সর্বপুণ্যোপবাহ্যাং
দিশধ্বং মে গতিমিষ্টাং প্রসন্নাঃ॥ 13-111-12 (85852)
যা বৈ যূয়ং সোঽহমদ্যৈব ভাবো
যুষ্মান্দত্ৎবা চাহমাত্মপ্রদাতা।
মনশ্চ্যুতা মন এবোপপন্নাঃ
সন্ধুক্ষধ্বং সৌম্যরূপাগ্র্যদেহাঃ॥ 13-111-13 (85853)
দানস্যাগ্রে পূর্বমেতদ্বদেত
গবাং দাতা বিধিবৎপর্বদৃষ্টম্।
প্রতিব্রূয়াচ্ছেষমর্ধংদ্বিজাতিঃ
প্রতিগৃহ্ণন্বৈ গোপ্রদানে বিধিজ্ঞঃ॥ 13-111-14 (85854)
গাং দদানীতি বক্তব্যমর্ঘ্যমুৎসৃজ্য সুব্রতঃ।
ঊঢব্যা ভরিতব্যা চ বৈষ্ণবীতি চ চোদয়েৎ॥ 13-111-15 (85855)
নাম সঙ্কীর্তয়েত্তস্যা যথাসংখ্যোত্তরং স বৈ।
ফলং ষট্ত্রিংশদষ্টৌ চ সহস্রাণি চ বিংশতিঃ॥ 13-111-16 (85856)
এবমেতান্গুণান্বিদ্যাদ্গবাদীনাং যথাক্রমম্।
গোপ্রদাতা সমাপ্নোতি সমস্তানষ্টমে ক্রমে॥ 13-111-17 (85857)
গোদঃ শীলী নির্ভয়শ্চার্ঘদাতা
ন স্যাদ্দুঃখী বসুদাতা চ কামম্।
উপস্যোঢা ভারতে যশ্চ বিদ্বা-
ন্বিখ্যাতাস্তে বৈষ্ণবাশ্চন্দ্রলোকাঃ॥ 13-111-18 (85858)
গা বৈ দত্ৎবা গোব্রতী স্যাত্ত্রিরাত্রং
নিশাং চৈকাং সংবসেতেহ তাভিঃ।
কাম্যাষ্টভ্যাং বর্তিতব্যং ত্রিরাত্রং
রসৈর্বা গোঃ শকৃতা প্রশ্নবৈর্বা॥ 13-111-19 (85859)
দেবব্রতী স্যাদ্বৃষভপ্রদানে
বেদাবাপ্তির্গোয়ুগস্য প্রদানে।
তথা গবাং বিধিমাসাদ্য যজ্বা
লোকানগ্র্যান্বিন্দতে গোবিধিজ্ঞঃ॥ 13-111-20 (85860)
কামান্সর্বান্পার্থিবানেকসংস্থা-
ন্যো বৈ দদ্যাৎকামদুঘাং চ ধেনুম্।
সম্যক্তাঃ স্যুর্হব্যকব্যৌঘবত্য
স্তাসামুক্ষ্ণাং জ্যায়সাং সম্প্রদানম্॥ 13-111-21 (85861)
ন চাশিষ্যায়াব্রতায়োপকুর্যা-
ন্নাশ্রদ্দধানায় ন বক্রবুদ্ধয়ে।
গুহ্যো হ্যযং সর্বলোকস্য ধর্মো
নেমং ধর্মং যত্র তত্র প্রজল্পেৎ॥ 13-111-22 (85862)
সন্তি লোকে শ্রদ্দধানা মনুষ্যাঃ
সন্তি ক্ষুদ্রা রাক্ষসমানুষেষু।
এষামেতদ্দীয়মানং হ্যনিষ্টং
যে নাস্তিক্যং চাশ্রয়ন্তেঽল্পপুণ্যাঃ॥ 13-111-23 (85863)
বার্হস্পত্যং বাক্যমেতন্নিশম্য
যে রাজানো গোপ্রদানানি দত্ৎবা।
লোকান্প্রাপ্তাঃ পুণ্যশীলাঃ প্রবৃত্তা-
স্তান্মে রাজন্কীর্ত্যমানান্নিবোধ॥ 13-111-24 (85864)
উশীনরো বিশ্বগশ্বো নৃগশ্চ
ভগীরথো বিশ্রুতো যৌবনাশ্বঃ।
মান্ধাতা বৈ মুচুকুন্দশ্চ রাজা
ভূরিদ্যুম্নো নৈষধঃ সোমকশ্চ॥ 13-111-25 (85865)
পুরূরবা ভরতশ্চক্রবর্তী
যস্যান্ববায়ে ভরতাঃ সর্ব এব।
তথা বীরো দাশরথিশ্চ রামো
যে চাপ্যন্যে বিশ্রুতাঃ কীর্তিমন্তঃ॥ 13-111-26 (85866)
তথা রাজা পৃথুকর্মা দিলীপো
দিবং প্রাপ্তো গোপ্রদানৈর্বিধিজ্ঞঃ।
যজ্ঞৈর্দানৈস্তপসা রাজধর্মৈ-
র্মাংধাতাঽভূদ্গোপ্রদানৈশ্চ যুক্তঃ॥ 13-111-27 (85867)
তস্মাৎপার্থ ৎবমপীমাং ময়োক্তাং
বার্হস্পতীং ভারতীং ধারয়স্ব।
দ্বিজাগ্র্যেভ্যঃ সম্প্রয়চ্ছস্ব প্রীতো
গাঃ পুণ্যা বৈ প্রাপ্য রাজ্যং কুরূণাম্॥ 13-111-28 (85868)
বৈশম্পায়ন উবাচ। 13-111-29x (7118)
তথা সর্বং কৃতবান্ধর্মরাজো
ভীষ্মেণোক্তো বিধিবদ্গোপ্রদানে
স মান্ধাতুর্বেদ দেবোপদিষ্টং
সম্যগ্ধর্মং ধারয়ামাস রাজা॥ 13-111-29 (85869)
ইতি নৃপ সততং গবাং প্রদানে
যবশকলান্সহ গোময়ৈঃ পিবানঃ।
ক্ষিতিতলশয়নঃ শিখী যতাত্মা
বৃষ ইব রাজবৃষস্তদা বভূব॥ 13-111-30 (85870)
নরপতিরভবৎসদৈব তাভ্যঃ
প্রয়তমনাস্ৎবভিসংস্তুবংশ্চ গা বৈ।
নৃপতিধুরি চ গাময়ুক্ত ভূপ-
স্তুরগবরৈরগমচ্চ যত্র তত্র॥ ॥ 13-111-31 (85871)
ইতি শ্রীমন্মহাভারতে অনুশাসনপর্বণি দানধর্মপর্বণি একাদশাধিকশততমোঽধ্যায়ঃ॥ 111 ॥।
Mahabharata - Anushaasana Parva - Chapter Footnotes
7-111-3 যো বিধিরুৎপাদিতঃ। সম্যগিজ্যাঃ প্রজাভ্য ইতি থ.ধ.পাঠঃ॥ 7-111-5 দ্বিজাতিমতিসৎকৃত্য শ্বঃ কালমভিবেদ্য চেতি ঝ. পাঠঃ। রোহিণীং লোহিতবর্ণাম্॥ 7-111-8 সমসংখ্যো গা অনিবারয়ন্। সমব্রতঃ ভূতলশায়িৎবদংশাদ্যনিবারকৎবাদিগুণয়ুক্তঃ॥ 7-111-9 উৎসৃষ্টঃ বৃষবৎসো যয়া সার্ধং সা উৎসৃষ্টবৃষবৎসা। ৎবয়া প্রদেয়া ত্রিদিবং চ প্রতিপত্তব্যং গন্তব্যম্। অর্থবাদমন্ত্রোক্তা আশিষশ্চ তব ভবিষ্যন্তীতি যোজ্যম্॥ 7-111-10 আশিষমেবাহ ঊর্জস্বিন্য ইতি। বলবত্য উৎসাহবত্যো বা ঊর্জস্বিন্যঃ। ঊর্জমেধা উপগতপ্রজ্ঞাঃ। যজ্ঞে অমৃ-তস্য তৎসাধনস্য হবিষো গর্ভ ইব গর্ভঃ ক্ষেত্রভূতাঃ। ক্ষিতেঃ ঐশ্বর্যস্য রোহঃ। শশ্বৎ শাশ্বতঃ ক্ষিতেঃ প্রহবঃ প্রবাহরূপাশ্চ। প্রাজাপত্যঃ সর্ববদ্যাপ্রবাদ ইতি থ.ধ.পাঠঃ॥ 7-111-11 অনুক্তাঃ মন্ত্রদ্বয়েন উক্তা আশিষো মে সন্তু। আম্নাতায়ামনধীতাঃ শ্রয়ন্তু ইতি থ.পাঠঃ॥ 7-111-12 শোষোৎসর্গে ক্ষয়রোগোপতাপাপনয়ে ক্ষয়রোগাদিনিবৃত্তৌ দেহমোক্ষে চ কর্মভিঃ পঞ্চগব্যাদিভিঃ সেবিতাঃ সত্যঃ সরস্বত্যো নদ্য ইব শ্রেয়সে সম্প্রবৃত্তাঃ॥ 7-111-13 মনশ্চ্যুতাঃ দাতুর্মমৎবাভিমানাচ্চ্যুতাঃ। মনএব উপপন্নাঃ মদীয়মমতাস্পদীভূতাঃ। সন্ধুধ্বং দাতারং মাং চ ইষ্টৈর্ভোগৈঃ প্রকাশয়ধ্বম্॥ 7-111-18 গবাদীনাং গোপ্রতিনিধীনাং এব তৎফলম্। প্রত্যক্ষগোদানে গোপ্রতিগ্রহীতুর্গৃহং গচ্ছন্ত্যা অষ্টমে পদে ভবন্তি কিমু তদ্গৃহগমনাদিষ্বিতি ভাবঃ। গুণান্বৃদ্ধান্ভাবনীয়ং যথাক্রমমিতি থ.ধ. পাঠঃ। শীলী শীলবান্ অর্ঘদাতা নির্ভয় ইতি সম্বন্ধঃ। উষস্যং প্রাতঃ স্নানাদিকর্ম ঊঢং প্রাপ্তং যৈঃ। ভারতে বিদ্বান্ ভারতবেত্তা। বৈষ্ণবাঃ বিষ্ণুভক্তাঃ। চন্দ্রবৎ লোক আলোকো যেষাং এব বিখ্যাতাঃ কথিতাঃ॥ 7-111-21 একসংস্থান্ একীকৃতান্। তাসাং তাভ্যোঽধিকমিতি শেষঃ। উক্ষ্ণাং বৃষভাণাম্॥ 7-111-22 উপকুর্যাৎ এতৎকথনেন॥অনুশাসনপর্ব - অধ্যায় 112
॥ শ্রীঃ ॥
13.112. অধ্যায়ঃ 112
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গোসামান্যোৎপত্তিপ্রকারকথনপূর্বকং কপিলোৎপত্তিপ্রকারকথনম্॥ 1 ॥Mahabharata - Anushaasana Parva - Chapter Text
বৈশম্পায়ন উবাচ।
ততো যুধিষ্ঠিরে রাজা ভূয়ঃ শান্তনবং নৃপম্।
গোদানবিস্তরং ধীমান্পপ্রচ্ছ বিনয়ান্বিতঃ॥ 13-112-1 (85872)
গোপ্রদানগুণান্সম্যক্ পুনর্মে ব্রূহি ভারত।
ন হি তৃপ্যাম্যহং বীর শৃণ্বানোঽমৃতমীদৃশম্॥ 13-112-2 (85873)
ইত্যুক্তো ধর্মরাজেন তদা শান্তনবো নৃপঃ।
সম্যগাহ গুণাংস্তস্মৈ গোপ্রদানস্য কেবলান্॥ 13-112-3 (85874)
ভীষ্ম উবাচ। 13-112-4x (7119)
বৎসলাং গুণসম্প্রন্না তরুণীং বস্ত্রসংয়ুতাম্।
দত্ৎবেদৃশীং গাং বিপ্রায় সর্বপাপৈঃ প্রমুচ্যতে॥ 13-112-4 (85875)
অসুর্যা নাম তে লোকা গাং দত্ৎবা তান্ন গচ্ছতি। 13-112-5 (85876)
পীতোদকাং জগ্ধতৃণাং নষ্টক্ষীরাং নিরিন্দ্রিয়াম্।
জরারোগোপসম্পন্নাং জীর্ণাং বাপীমিবাজলাম্।
দত্ৎবা তমঃ প্রবিশতি দ্বিজং ক্লেশেন যোজয়েৎ॥ 13-112-6 (85877)
রুষ্টা দুষ্টা ব্যাধিতা দুর্বলা বা
নো দাতব্যা যাশ্চ মূল্যৈরদত্তৈঃ।
ক্লেশৈর্বিপ্রং যোঽফলৈঃ সংয়ুনক্তি
তস্যাঽবীর্যাশ্চাফলাশ্চৈব লোকাঃ॥ 13-112-7 (85878)
বলান্বিতাঃ শীলবীর্যোপপন্নাঃ
সর্বে প্রশংসন্তি সুগন্ধবত্যঃ।
যথা হি গঙ্গা সরিতাং বরিষ্ঠা
তথাঽর্জুনীনাং কপিলা বরিষ্ঠা॥ 13-112-8 (85879)
যুধিষ্ঠির উবাচ। 13-112-9x (7120)
কস্মাৎসমানে বহুলাপ্রদানে
সদ্ভিঃ প্রশস্তং কপিলাপ্রদানম্।
বিশেষমিচ্ছামি মহাপ্রভাবং
শ্রোতুং সমর্থোস্মি ভবান্প্রবক্তুম্॥ 13-112-9 (85880)
ভীষ্ম উবাচ। 13-112-10x (7121)
বৃদ্ধানাং ব্রুবতাং শ্রুৎবা কপিলানামথোদ্ভবম্।
বক্ষ্যামি তদশেষেণ রোহিণ্যো নির্মিতা যথা॥ 13-112-10 (85881)
প্রজাঃ সৃজেতি চাদিষ্টঃ পূর্বং দক্ষঃ স্বয়ংভুবা।
নাসৃজদ্বৃত্তিমেবাগ্রে প্রজানাং হিতকাম্যযা॥ 13-112-11 (85882)
যথা হ্যমৃতমাশ্রিত্য বর্তয়ন্তি দিবৌকসঃ।
তথা বৃত্তিং সমাশ্রিত্য বর্তয়ন্তি প্রজা বিভো॥ 13-112-12 (85883)
অচরেভ্যশ্চ ভূতেভ্যশ্চরাঃ শ্রেষ্ঠাস্ততো নরাঃ।
ব্রাহ্মণাশ্চ ততঃ শ্রেষ্ঠাস্তষু যজ্ঞাঃ প্রতিষ্ঠিতাঃ॥ 13-112-13 (85884)
যজ্ঞৈরাপ্যায়তে সোমঃ স চ গোষু প্রতিষ্ঠিতঃ।
তাভ্যো দেবাঃ প্রমোদন্তে প্রজানাং বৃত্তিরাসু চ॥ 13-112-14 (85885)
ততঃ প্রজাসু সৃষ্টাসু দক্ষাদ্যৈঃ ক্ষুধিতাঃ প্রজাঃ।
প্রজাপতিমুপাধাবন্বিনিশ্চিত্য চতুর্মখম্॥ 13-112-15 (85886)
প্রজাতান্যেব ভূতানি প্রাক্রোশন্বৃত্তিকাঙ্ক্ষয়া।
বৃত্তিদং চান্বপদ্যন্ত তৃষিতাঃ পিতৃমাতৃবৎ॥ 13-112-16 (85887)
ইতীদং মনসা গৎবা প্রজাসর্গার্থমাত্মনঃ।
প্রজাপতির্বলাধানমমৃতং প্রাপিবত্তদা।
শংসতস্তস্য তৃপ্তিং তু গন্ধাৎসুরভিরুত্থিতা॥ 13-112-17 (85888)
মুখজা সাঽসৃজদ্ধাতুঃ সুরভির্লোকমাতরম্।
দর্শনীয়রসং বৃত্তিং সুরভিং মুখজাং সুতাম্॥ 13-112-18 (85889)
সাঽসৃজৎসৌরভেয়ীস্তু সুরভির্লোকমাতৃকাঃ।
সুবর্ণবর্ণাঃ কপিলাঃ প্রজানাং বৃত্তিধেনবঃ॥ 13-112-19 (85890)
তাসামমৃতবৃত্তীনাং ক্ষরন্তীনাং সমন্ততঃ।
বভূবামৃতজঃ ফেনঃ স্রবন্তীনামিবোর্মিজঃ॥ 13-112-20 (85891)
স বৎসমুখবিভ্রষ্টো ভবস্য ভুবি তিষ্ঠতঃ।
শিরস্যবাপতৎক্রুদ্ধঃ স তদৈক্ষত চ প্রভুঃ।
ললাটপ্রভবেণাক্ষ্ণা রোহিণীং প্রদহন্নিব॥ 13-112-21 (85892)
তত্তেজস্তু ততো রৌদ্রং কপিলাং গাং বিশাম্পতে।
নানাবর্ণৎবমনয়ন্মেঘানিব দিবাকরঃ॥ 13-112-22 (85893)
যাস্তু তস্মাদপক্রম্য সোমমেবাভিসংশ্রিতাঃ।
যথোৎপন্নাঃ স্ববর্ণস্থা ন নীতাশ্চান্যবর্ণতাং॥ 13-112-23 (85894)
অথ ক্রুদ্ধং মহাদেবং প্রজাপতিরভাষত।
অমৃতেনাবসিক্তস্ৎবং নোচ্ছিষ্টং বিদ্যতে গবাম্॥ 13-112-24 (85895)
যথা হ্যমৃতমাদায় সোমো বিষ্যন্দতে পুনঃ।
তথা ক্ষীরং ক্ষরন্ত্যেতা রোহিণ্যোঽমৃতসম্ভবাঃ॥ 13-112-25 (85896)
ন দুষ্যত্যনিলো নাগ্নির্ন সুবর্ণং ন চোদধিঃ।
নামৃতেনামৃতং পীতং ন বৎসৈর্দুষ্যতে পয়ঃ॥ 13-112-26 (85897)
ইমাঁল্লোকান্ভরিষ্যন্তি হবিষা প্রস্রবেণ চ।
আসামৈশ্বর্যমিচ্ছন্তি সর্বেঽমৃতময়ং শুভম্॥ 13-112-27 (85898)
বৃষভং চ দদৌ তস্মৈ ভগবাঁল্লোকভাবনঃ।
প্রসাদয়ামাস মনস্তেন রুদ্রস্য ভারত॥ 13-112-28 (85899)
প্রীতশ্চাপি মহাদেবশ্চকার বৃষভং তদা।
ধ্বজং চ বাহনং চৈব তস্মাৎস বৃষভধ্বজঃ॥ 13-112-29 (85900)
ততো দেবৈর্মহাদেবস্তদা পশুপতিঃ কৃতঃ।
ঈশ্বরঃ স গবাং মধ্যে বৃষভাঙ্কঃ প্রকীর্তিতঃ॥ 13-112-30 (85901)
এবমব্যগ্রবর্ণানাং কপিলানাং মহৌজসাম্।
প্রদানে প্রথমঃ কল্পঃ সর্বাসামেব কীর্তিতঃ॥ 13-112-31 (85902)
লোকজ্যেষ্ঠা লোকবৃত্তিপ্রবৃত্তা
রুদ্রোদ্ভূতাঃ সোমবিষ্যন্দভূতাঃ।
সৌম্যাঃ পুণ্যাঃ কামদাঃ প্রাণদাশ্চ
গা বৈ দত্ৎবা সর্বকামপ্রদঃ স্যাৎ॥ 13-112-32 (85903)
ইদং গবাং প্রভববিধানমুত্তমং
পঠন্সদা শুচিরপি মঙ্গলপ্রিয়ঃ।
বিমুচ্যতে কলিকলুষেণ মানবঃ
প্রিয়ান্সুতান্ধনপশুমাপ্নুয়াৎসদা॥ 13-112-33 (85904)
হব্যং কব্যং তর্পণং শান্তিকর্ম
যানং বাসো বৃদ্ধবালস্য তুষ্টিঃ।
এতান্সর্বান্গোপ্রদানে গুণান্বৈ
দাতা রাজন্নাপ্নুয়াদ্বৈ সদৈব॥ 13-112-34 (85905)
বৈশম্পায়ন উবাচ। 13-112-35x (7122)
পিতামহস্যাথ নিশম্য বাক্যং
রাজা সহ ভ্রাতৃভিরাজমীঢঃ।
সুবর্ণবর্ণানডুহস্তথা গাঃ
পার্থো দদৌ ব্রাহ্মণসত্তমেভ্যঃ॥ 13-112-35 (85906)
তথৈব তেভ্যোপি দদৌ দ্বিজেভ্যো
গবাং সহস্রাণি শতানি চৈব।
যজ্ঞান্সমুদ্ধিশ্য চ দক্ষিণার্থে
লোকান্বিজেতুং পরমাং চ কীর্তিম্॥ ॥ 13-112-36 (85907)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বাদশাধিকশততমোঽধ্যায়ঃ॥ 112 ॥
Mahabharata - Anushaasana Parva - Chapter Footnotes
7-112-6 অনন্তা নাম তে লোকা গাং দত্ৎবা যত্র গচ্ছতীতি থ.ধ.পাঠঃ॥ 7-112-11 পীতোদকাং ত্যক্ততৃণামিতি থ.ধ.পাঠঃ॥ 7-112-20 অসৃজদ্বৃত্তিমেবাগ্র ইতি ঝ.পাঠঃ॥ 7-112-23 স্রবন্তীনাং নদীনাং॥ 7-112-26 তা হ্যেতা নান্যবর্ণগা ইতি ট.থ.ধ.পাঠঃ॥ 7-112-35 ন সুবর্ণং ঘৃতং দধীতি থ.পাঠঃ॥অনুশাসনপর্ব - অধ্যায় 113
॥ শ্রীঃ ॥
13.113. অধ্যায়ঃ 113
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গোমহিমপ্রতিপাদকবিসিষ্ঠসৌদাসসংবাদানুবাদঃ॥ 1 ॥Mahabharata - Anushaasana Parva - Chapter Text
বৈশম্পায়ন উবাচ।
এবমুক্ৎবা ততো ভীষ্মঃ পুনর্ধর্মসুতং নৃপম্।
জনমেজয়ভূপাল উবাচেদং সহেতুকম্॥ 13-113-1 (85908)
এতস্মিন্নেব কালে তু বসিষ্ঠমৃষিসত্তমম্।
ইক্ষ্বাকুবংশজো রাজা সৌদাসো বদতাং বরঃ॥ 13-113-2 (85909)
সর্বলোকচরং সিদ্ধং ব্রহ্মকোশং সনাতনম্।
পুরোহিতমভিপ্রষ্টুমভিবাদ্যোপচক্রমে॥ 13-113-3 (85910)
ত্রৈলোক্যে ভগবন্কিংস্বিৎপবিইত্রং কথ্যতেঽনঘ।
যৎকীর্তয়ন্সদা মর্ত্যঃ প্রাপ্নুয়াৎপুণ্যমুত্তমম্॥ 13-113-4 (85911)
ভীষ্ম উবাচ। 13-113-5x (7123)
তস্মৈ প্রোবাচ বচনং প্রণতায় হিতং তদা।
গবামুপনিষদ্বিদ্যাং নমস্কৃত্য গবাং শুচিঃ॥ 13-113-5 (85912)
গাবঃ সুরভিগন্ধিন্যস্তথা গুগ্গুলুগন্ধয়ঃ।
গাবঃ প্রতিষ্ঠা ভূতানাং গাবঃ স্বস্ত্যযনং মহৎ॥ 13-113-6 (85913)
গাবো ভূতং চ ভব্যং চ গাবঃ পুষ্টিঃ সনাতনী।
গাবো লক্ষ্ম্যাস্তথা মূলং গোষু দত্তং ন নশ্যতি॥ 13-113-7 (85914)
অন্নং হি পরমং গাবো দেবানাং পরমং হবিঃ।
স্বাহাকারবষট্কারৌ গোষু নিত্যং প্রতিষ্ঠিতৌ॥ 13-113-8 (85915)
গাবো যজ্ঞস্য হি ফলং গোষু যজ্ঞাঃ প্রতিষ্ঠিতাঃ।
গাবো ভবিষ্যং ভূতং চ গোষু যজ্ঞাঃ প্রতিষ্ঠিতাঃ॥ 13-113-9 (85916)
সায়ং প্রাতশ্চ সততং হোমকালে মহাদ্যুতে।
গাবো দদতি বৈ হৌম্যমৃষিভ্যঃ পুরুষর্ষভ॥ 13-113-10 (85917)
যানি কানি চ দুর্গাণি দুষ্কৃতানি কৃতানি চ।
তরন্তি চৈব পাপ্মানং ধেনুং যে দদতি প্রভো॥ 13-113-11 (85918)
একাং চ দশগুর্দদ্যাদ্দশ দদ্যাচ্চ গোশতী।
শতং সহস্রগুর্দদ্যাৎসর্বে তুল্যফলা হি তে॥ 13-113-12 (85919)
অনাহিতাগ্নিঃ শতগুরয়জ্বা চ সহস্রগুঃ।
সমৃদ্ধো যশ্চ কীনাশো নার্ঘমর্হন্তি তে ত্রয়ঃ॥ 13-113-13 (85920)
কপিলাং যে প্রয়চ্ছন্তি সবৎসাং কাংস্যদোহনাম্।
সুব্রতাং বস্ত্রসংবীতামুভৌ লোকৌ জয়ন্তি তে॥ 13-113-14 (85921)
যুবানমিন্দ্রিয়োপেতং শতেন সহয়ূথপম্।
গবেন্দ্রং ব্রাহ্মণেন্দ্রায় ভূরিশৃঙ্গমলঙ্কৃতম্॥ 13-113-15 (85922)
বৃষবং যে প্রয়চ্ছন্তি শ্রোত্রিয়ায় পরন্তপ।
ঐশ্বর্যং তেঽধিগচ্ছন্তি জায়মানাঃ পুনঃপুনঃ॥ 13-113-16 (85923)
নাকীর্তয়িৎবা গাঃক সুপ্যাত্তাসাং সংস্মৃত্য চোৎপতেৎ।
সায়ং প্রাতর্নমস্যেচ্চ গাস্ততঃ পুষ্টিমাপ্নুয়াৎ॥ 13-113-17 (85924)
গবাং মূত্রপুরীষস্য নোদ্বিজেত কথঞ্চন।
ন চাসাং মাংসমশ্নীয়াদ্গবাং পুষ্টিং তথাঽঽপ্নুয়াৎ॥ 13-113-18 (85925)
গাশ্চ সংকীর্তয়ন্নিত্যং নাবমন্যেত তাস্তথা।
অনিষ্টং স্বপ্নমালক্ষ্য গাং নরঃ সম্প্রকীর্তয়েৎ॥ 13-113-19 (85926)
গোময়েন সদা স্নায়াদ্গোকরীষে চ সংবিশেৎ।
শ্লোষ্মমূত্রপুরীষাণি প্রতিঘাতং চ বর্জয়েৎ॥ 13-113-20 (85927)
সার্দ্রে চর্মণি ভুঞ্জীত নিরীক্ষেদ্বারুণীং দিশম্।
বাগ্যতঃ সর্পিষা ভূমৌ গবাং ব্যুষ্টিং সদাঽঽশ্নুতে॥ 13-113-21 (85928)
ঘৃতেন জুহুয়াদগ্নিং ঘৃতেন স্বস্তি বাচয়েৎ।
ঘৃতং দদ্যাদ্ধৃতং প্রাশেদ্গবাং ব্যুষ্টিং সদাঽঽশ্নুতে॥ 13-113-22 (85929)
গোমত্যা বিদ্যযা ধেনুং তিলানামভিমন্ত্র্য যঃ।
সর্বরত্নময়ীং দদ্যান্ন স শোচেৎকৃতাকৃতে॥ 13-113-23 (85930)
গাবো মামুপতিষ্ঠন্তু হেমশৃঙ্গ্যঃ পয়োমুচঃ।
সুরভ্যঃ সৌরভেয়্যশ্চ সরিতঃ সাগরং যথা॥ 13-113-24 (85931)
গা বৈ পশ্যাম্যহং নিত্যং গাবঃ পশ্যন্তু মাং সদা।
গাবোস্মাকং বয়ং তাসাং যতো গাবস্ততো বয়ম্॥ 13-113-25 (85932)
এবং রাত্রৌ দিবা চাপি সমেষু বিষমেষু চ।
মহাভয়েষু চ নরঃ কীর্তয়ন্মুচ্যতে ভবাৎ॥ ॥ 13-113-26 (85933)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রয়োদশাধিকশততমোঽধ্যায়ঃ॥ 113 ॥
Mahabharata - Anushaasana Parva - Chapter Footnotes
7-113-13 কীনাশঃ কর্ষকঃ কৃপণো বা। অর্ঘং পূজাম্॥ 7-113-21 সৌম্যে চর্মণীতি ধ.পাঠঃ॥ 7-113-23 গোমাঁ অগ্নেবিমাঁ অশ্বীতি মন্ত্রো গোমতী॥অনুশাসনপর্ব - অধ্যায় 114
॥ শ্রীঃ ॥
13.114. অধ্যায়ঃ 114
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গবাং চিরচীর্ণতপঃপ্রসাদিতাচ্চতুর্মুখাল্লোকশ্রৈষ্ঠ্যপাবিত্র্যাদিবরলাভকথনম্॥ 1 ॥ তথা গোবিশেষদানস্য ফলবিশেষকথনম্॥ 2 ॥Mahabharata - Anushaasana Parva - Chapter Text
বসিষ্ঠ উবাচ।
শতং বর্ষসহস্রাণাং তপস্তপ্তং সুদুষ্করম্।
গোভিঃ পূর্বং বিসৃষ্টাভির্গচ্ছেম শ্রেষ্ঠতামিতি॥ 13-114-1 (85934)
লোকেঽস্মিন্দক্ষিণানাং চ সর্বাসাং বয়মুত্তমাঃ।
ভবেম ন চ লোপ্যেম দোষেণেতি পরন্তপ॥ 13-114-2 (85935)
অস্মৎপুরীষস্নানেন জনঃ পুয়েত সর্বদা।
শকৃতা চ পবিত্রার্থং কুর্বীরন্দেবমানুষাঃঠ॥ 13-114-3 (85936)
তথা সর্বাণি ভূতানি স্থাবরাণি চরাণি চ।
প্রদাতারশ্চ লোকান্নো গচ্ছেয়ুরিতি মানদ॥ 13-114-4 (85937)
তাভ্যো বরং দদৌ ব্রহ্মা তপসোঽন্তে স্বয়ং প্রভুঃ।
এবং ভবন্বিতি বিভুর্লোকাংস্তারয়তেতি চ॥ 13-114-5 (85938)
উত্তস্থুঃ সিদ্ধকামাস্তা ভূতভব্যস্য মাতরঃ।
তপসোঽন্তে মহারাজ গাবো লোকপরায়ণাঃ॥ 13-114-6 (85939)
তস্মাদ্গাবো মহাভাগাঃ পবিত্রং পরমুচ্যতে।
তথৈব সর্বভূতানাং সমতিষ্ঠন্ত মূর্ধনি॥ 13-114-7 (85940)
সম্মনবৎসাং কপিলাং ধেনুং দত্ৎবা পয়স্বিনীম্॥
সুব্রতাং বস্ত্রসংবীতাং ব্রহ্মলোকে মহীয়তে॥ 13-114-8 (85941)
লোহিতাং তুল্যবৎসাং তু ধেনুং দত্ৎবা পয়স্বিনীম্।
সুব্রতাং বস্ত্রসংবীতাং সূর্যলোকে মহীয়তে॥ 13-114-9 (85942)
সমানবৎসাং শবলাং ধেনুং দত্ৎবা পয়স্বিনীম্।
সুব্রতাং বস্ত্রসংবীতীং সোমলোকে মহীয়তে॥ 13-114-10 (85943)
সমানবৎসাং শ্বেতাং তু ধেনুং দত্ৎবা পয়স্বিনীম্।
সুব্রতাং বস্ত্রসংবীতামিন্দ্রলোকে মহীয়তে॥ 13-114-11 (85944)
সমানবৎসাং কৃষ্ণাং তু ধেনু দত্ৎবা পয়স্বিনীম্।
সুব্রতাং বস্ত্রসংবীতামগ্নিলোকে মহীয়তে॥ 13-114-12 (85945)
সমানবৎসাং ধূম্রাং তু ধেনুং দত্ৎবা পয়স্বিনীম্।
সুব্রতাং বস্ত্রসংবীতাং যাম্যলোকে মহীয়তে॥ 13-114-13 (85946)
অপাং ফেনসবর্ণাং তু সবৎসাং কাংস্যদোহনাম্।
প্রদায় বস্ত্রসংবীতাং বারুণং লোকমাপ্নুতে॥ 13-114-14 (85947)
বাতরেণুসবর্ণাং তু সবৎসাং কাংস্যদোহনাম্।
প্রদায় বস্ত্রসংবীতাং বায়ুলোকে মহীয়তে॥ 13-114-15 (85948)
হিরণ্যবর্ণাং পিঙ্গাক্ষীং সবৎসাং কাংস্যদোহনাম্।
প্রদায় বস্ত্রসংবীতাং কৌবেরং লোকমশ্নুতে॥ 13-114-16 (85949)
পলালধূম্রবর্ণাং তু সবৎসাং কাংস্যদোহনাম্।
প্রদায় বস্ত্রসংবীতাং পিতৃলোকে মহীয়তে॥ 13-114-17 (85950)
সবৎসাং পীবরীং দত্ৎবা দৃতিকণ্ঠামলঙ্কৃতাম্।
বৈশ্বদেবমসম্বাধং স্থানং শ্রেষ্ঠং প্রপদ্যতে॥ 13-114-18 (85951)
সমানবৎসাং গৌরীং তু ধেনুং দত্ৎবা পয়স্বিনীম্।
সুব্রতাং বস্ত্রসংবীতাং বসূনাং লোকমাপ্নুয়াৎ॥ 13-114-19 (85952)
পাণ্ডুকম্বলবর্ণাভাং সবৎসাং কাংস্যকদোহনাম্।
প্রদায় বস্ত্রসংবীতাং সাধ্যানাং লোকমাপ্নুতে॥ 13-114-20 (85953)
বৈরাটপৃষ্ঠমুক্ষাণং সর্বরত্নৈরলঙ্কৃতম্।
প্রদদন্মরুতাং লোকান্স রাজন্প্রতিপদ্যতে॥ 13-114-21 (85954)
বৎসোপপন্নাং নীলাং গাং সর্বরত্নসমন্বিতাম্।
গন্ধর্বাপ্সরসাং লোকান্দত্ৎবা প্রাপ্নোতি মানবঃ॥ 13-114-22 (85955)
দৃতিকণ্ঠমনড্বাহং সর্বরত্নৈরলঙ্কৃতম্।
দত্ৎবা প্রজাপতের্লোকান্বিশোকঃ প্রতিপদ্যতে॥ 13-114-23 (85956)
গোপ্রদানরতো যাতি ভিত্ৎবা জলদসঞ্চয়ান্।
বিমানেনার্কবর্ণেন দিবি রাজন্বিরাজতা॥ 13-114-24 (85957)
তং চোরুবেষাঃ সুশ্রোণ্যঃ সহস্রং বারয়োপিতঃ।
রময়ন্তি নরশ্রেষ্ঠং গোপ্রদানরতং নরম্॥ 13-114-25 (85958)
বীণানাং বল্লকীনাং চ নূ পুরাণাং চ শিঞ্জিতৈঃ।
হাসৈশ্চ হরিণাক্ষীণাং সুপ্তঃ সুপ্রতিবোধ্যতে॥ 13-114-26 (85959)
যাবন্তি রোমাণি ভবন্তি ধেন্বা-
স্তাবন্তি বর্ষাণি মহীয়তে সঃ।
স্বর্গচ্যুতশ্চাপি ততো নৃলোকে
কুলে প্রসূতো বিপুলে বিশোকঃ॥ ॥ 13-114-27 (85960)
ইতি শ্রীমন্মহাভারতে অনুশাসনপর্বণি দানধর্মপর্বণি চতুর্দশাধিকশততমোঽধ্যায়ঃ॥ 112 ॥
Mahabharata - Anushaasana Parva - Chapter Footnotes
7-114-1 গচ্ছামঃ শৃঙ্গিতামিতীতি ক.ধ.পাঠঃ॥ 7-114-18 প্রলম্বগলকম্বলাম্। শিতিকণ্ঠামলঙ্কৃতামিতি ক.থ.ধ.পাঠঃ॥ 7-114-21 বৈরাটং বৃদ্ধং পৃষ্টং যস্য। বৈতানস্থিতমুক্ষাণমিতি ক.ধ.পাঠঃ॥অনুশাসনপর্ব - অধ্যায় 115
॥ শ্রীঃ ॥
13.115. অধ্যায়ঃ 115
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণি যুধিষ্ঠিরম্প্রতি গোদানফলপ্রশংসনপূর্বকং বসিষ্ঠবচনাদ্গোমহিমাবগমেন তদ্দাতুঃ সৌদাসস্য পুণ্যলোকপ্রাপ্তিকথনম্॥ 1 ॥Mahabharata - Anushaasana Parva - Chapter Text
বসিষ্ঠ উবাচ।
ঘৃতক্ষীরপ্রদা গাবো ঘৃতয়োন্যো ঘৃতোদ্ভবাঃ।
ঘৃতনদ্যো ঘৃতাবর্তাস্তা মে সন্তু সদা গৃহে॥ 13-115-1 (85961)
ঘৃতং মে হৃদয়ে নিত্যং ঘৃতং নাভ্যাং প্রতিষ্ঠিতম্।
ঘৃতং সর্বেষু গাত্রেষু ঘৃতং মে মনসি স্থিতম্॥ 13-115-2 (85962)
গাবো মমাগ্রতো নিত্যং গাবঃ পৃষ্ঠত এব চ।
গাবো মে সর্বতশ্চৈব গবাং মধ্যে বসাম্যহম্॥ 13-115-3 (85963)
ইত্যাচম্য জপেৎসায়ং প্রাতশ্চ পুরুষঃ সদা।
যদহ্না কুরুতে পাপং তস্মাৎস পরিমুচ্যতে॥ 13-115-4 (85964)
প্রাসাদা যত্র সৌবর্ণা বসোর্ধারাশ্চ কামদাঃ।
গন্ধর্বাপ্সরসো যত্র তত্র যান্তি সহস্রদাঃ॥ 13-115-5 (85965)
নবনীতপঙ্কাঃ ক্ষীরোদা দধিশৈবলসঙ্কুলাঃ।
বহন্তি যত্র বৈ নদ্যস্তত্র যান্তি সহস্রদাঃ॥ 13-115-6 (85966)
গবাং শতসহস্রং তু যঃ প্রচ্ছেদ্যথাবিধি।
পরাং বৃদ্ধিমবাপ্যাথ স্বর্গলোকে মহীয়তে॥ 13-115-7 (85967)
দশ চোভয়তঃ প্রেত্য মাতাপিত্রোঃ পিতামহান্।
দধাতি সুকৃতাঁল্লোকান্পুনাতি চ কুলং নরঃ॥ 13-115-8 (85968)
ধেন্বাঃ প্রমাণেন সমপ্রমাণাং
ধেনুং তিলানামপি চ প্রদায়।
পানীয়বাপীঃ স যমস্য লোকে
ন যাতনাং কাঞ্চিদুপৈতি তত্র॥ 13-115-9 (85969)
পবিত্রমগ্র্যং জগতঃ প্রতিষ্ঠা
দিবৌকসাং মাতরোঽথাপ্রমেয়াঃ।
অন্বালভেদ্দক্ষিণতো ব্রজেচ্চ
দদ্যাচ্চ পাত্রে প্রসমীক্ষ্য কালম্॥ 13-115-10 (85970)
ধেনুং সবৎসাং কপিলাং ভূরিশৃঙ্গীং
কাংস্যোপদোহাং বসনোত্তরীয়াম্।
প্রদায় তাং গাহতি দুর্বিগাহ্যাং
যাম্যাং সভাং বীতভয়ো মনুষ্যঃ॥ 13-115-11 (85971)
সুরূপা বহুরূপাশ্চি বিশ্বরূপাশ্চ মাতরঃ।
গাবো মামুপতিষ্ঠন্তামিতি নিত্যং প্রকীর্তয়েৎ॥ 13-115-12 (85972)
নাতঃ পুণ্যতরং দানং নাতঃ পুণ্যতরং ফলম্।
নাতো বিশিষ্টং লোকেষু ভূতং ভবিতুমর্হতি॥ 13-115-13 (85973)
ৎবচা লোম্নাঽথ শৃঙ্গৈর্বা বালৈঃ ক্ষীরেণ মেদসা।
যজ্ঞং বহতি সম্ভূয় কিমস্ত্যভ্যধিকং ততঃ॥ 13-115-14 (85974)
যয়া সর্বমিদং ব্যাপ্তং জগৎস্থাবরজঙ্গমম্।
তাং ধেনুং শিরসা বন্দে ভূতভব্যস্য মাতরম্॥ 13-115-15 (85975)
গুণবচনসমুচ্চয়ৈকদেশো
নৃবর ময়ৈষ গবাং প্রকীর্তিতস্তে।
ন চ পরমিহ দানমস্তি গোভ্যো
ভবতি ন চাপি পরায়ণং ততোঽন্যম্॥ 13-115-16 (85976)
ভীষ্ম উবাচ। 13-115-17x (7124)
বরমিদমিতি ভূমিপো বিচিন্ত্য
প্রবরমৃষের্বচনং ততো মহাত্মা।
ব্যসৃজত নিয়তাত্মবান্দ্বিজেভ্যঃ
সুবহু চ গোধনমাপ্তবাংশ্চ লোকান্॥ ॥ 13-115-17 (85977)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চদশাধিকশততমোঽধ্যায়ঃ॥ 115 ॥
অনুশাসনপর্ব - অধ্যায় 116
॥ শ্রীঃ ॥
13.116. অধ্যায়ঃ 116
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গবাং তপঃপ্রসন্নাদ্ব্রহ্মণঃ শৃঙ্গপ্রাপ্ত্যাদিকথনম্॥ 1 ॥ তথা গোদানপ্রাপ্যপুণ্যলোকবর্ণনম্॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
পবিত্রাণাং পবিত্রং যচ্ছ্রেষ্ঠং লোকে চ যদ্ভবেৎ।
পাবনং পরমং চৈব তন্মে ব্রূহি পিতামহ॥ 13-116-1 (85978)
ভীষ্ম উবাচ। 13-116-2x (7125)
গাবো মহার্থাঃ পুণ্যাশ্চ তারয়ন্তি চ মানবান্।
ধারয়ন্তি প্রজাশ্চেমা হবিষা পয়সা তথা॥ 13-116-2 (85979)
ন হি পুণ্যতমং কিঞ্চিদ্গোভ্যো ভরতসত্তম।
এতাঃ পুণ্যাঃ পবিত্রাশ্চ ত্রিষু লোকেষু সত্তমাঃ॥ 13-116-3 (85980)
দেবানামুপরিষ্টাচ্চ গাবঃ প্রতিবসন্তি বৈ।
দত্ৎবা চৈতাস্তারয়তে যান্তি স্বর্গং মনীষিণঃ॥ 13-116-4 (85981)
মান্ধাতা যৌবনাশ্বশ্চ যয়াতির্নহুষস্তথা।
গা বৈ দদন্তঃ সততং সহস্রশতসম্মিতাঃ॥ 13-116-5 (85982)
গতাঃ পরমকং স্থানং দেবৈরপি সুদুর্লভম্।
অপি চাত্র পুরাবৃত্তং কথয়িষ্যামি তেঽনঘ॥ 13-116-6 (85983)
ঋষীণামুত্তমং ধীমান্কৃষ্ণদ্বৈপায়নং শুকঃ।
অভিবাদ্যাহ্নিকং কৃৎবা শুচিঃ প্রয়তমানসঃ॥ 13-116-7 (85984)
পিতরং পরিপপ্রচ্ছ দৃষ্টলোকপরাবরম্।
কো যজ্ঞঃ সর্বয়জ্ঞানাং বরিষ্ঠোঽভ্যুপলক্ষ্যতে॥ 13-116-8 (85985)
কিঞ্চ কৃৎবা পরং স্থানং প্রাপ্নুবন্তি মনীষিণঃ।
কেন দেবাঃ পবিত্রেণ স্বর্গমশ্নন্তি বা বিভো॥ 13-116-9 (85986)
কিঞ্চ যজ্ঞস্য যজ্ঞৎবং ক্ব চ যজ্ঞঃ প্রতিষ্ঠিতঃ।
দানানামুত্তমং কিঞ্চ কিঞ্চ সত্রমিতঃ পরম্।
পবিত্রাণাং পবিত্রং চ যত্তদ্ব্রূহি মহামুনে॥ 13-116-10 (85987)
এতচ্ছ্রুৎবা তু বচনং ব্যাসঃ পরমধর্মবিৎ।
পুত্রায়াকথয়ৎসর্বং তত্ৎবেন ভরতর্ষভ॥ 13-116-11 (85988)
গাবঃ প্রতিষ্ঠা ভূতানাং তথা গাবঃ পরায়ণম্।
গাবঃ পুণ্যাঃ পবিত্রাশ্চ গোধনং পাবনং তথা॥ 13-116-12 (85989)
পূর্বমাসন্নংশৃঙ্গা বৈ গাব ইত্যনুশশ্রুম।
শৃঙ্গার্থে সমুপাসন্ত তাঃ কিল প্রভুমব্যযম্॥ 13-116-13 (85990)
ততো ব্রহ্মা তু গাঃ সত্রমুপবিষ্টাঃ সমীক্ষ্য হ।
ঈপ্সিতং প্রদদৌ তাভ্যো গোভ্যঃ প্রত্যেকশঃ প্রভুঃ॥ 13-116-14 (85991)
তাসাং শৃঙ্গাণ্যজায়ন্ত তস্যা যাদৃঙ্ভনোগতম্।
নানাবর্ণাঃ শৃঙ্গবন্ত্যস্তা ব্যরোচন্ত পুত্রক॥ 13-116-15 (85992)
ব্রহ্মণা বরদত্তাস্তা হব্যকব্যপ্রদাঃ শুভাঃ।
পুণ্যাঃ পবিত্রাঃ সুভগা দিব্যসংস্থানলক্ষণাঃ॥ 13-116-16 (85993)
গাবস্তেজো মহদ্দিব্যং গবাং দানং প্রশস্যতে।
যে চৈতাঃ সম্প্রয়চ্ছন্তি সাধবো বীতমৎসরাঃ॥ 13-116-17 (85994)
তে বৈ সুকৃতিনঃ প্রোক্তাঃ সর্বদানপ্রদাশ্চ তে।
গবাং লোকং তথা পুণ্যমাপ্নুবন্তি চ তেঽনঘ॥ 13-116-18 (85995)
যত্র বৃক্ষা মধুফলা দিব্যপুষ্পফলোপগাঃ।
পুষ্পাণি চ সুগন্ধীনি দিব্যানি দ্বিজসত্তম॥ 13-116-19 (85996)
সর্বা মণিভয়ী ভূমিঃ সর্বকাঞ্চনবালুকাঃ।
সর্বর্তুসুখসংস্পর্শা নিষ্পঙ্কা নিরজাঃ শুভাঃ॥ 13-116-20 (85997)
রক্তোৎপলবনৈশ্চৈব মণিখণ্ডৈর্হিরণ্ময়ৈঃ।
তরুণাদিত্যসঙ্কাশৈর্ভান্তি তত্র জলাশয়াঃ॥ 13-116-21 (85998)
মহার্হমণিপত্রৈশ্চ কাঞ্চনপ্রভকেসরৈঃ।
নীলোৎপলবিমিশ্রৈশ্চ সরোভির্বহুপঙ্কজৈঃ॥ 13-116-22 (85999)
করবীরবনৈঃ ফুল্লৈঃ সহস্রাবর্তসংবৃতৈঃ।
সন্তানকবনৈঃ ফুল্লৈর্বৃক্ষেশ্চ সমলঙ্কৃতাঃ॥ 13-116-23 (86000)
নির্মিলাভিশ্চ মুক্তাভির্মণিভিশ্চ মহাপ্রভৈঃ।
উদ্ভূতপুলিনাস্তত্র জাতরূপৈশ্চি নিম্নগাঃ॥ 13-116-24 (86001)
সর্বরত্নময়ৈশ্চিত্রৈরবগাঢা দ্রুমোত্তমৈঃ।
জাতরূপময়ৈশ্চান্যৈর্হুতাশনসমপ্রভৈঃ॥ 13-116-25 (86002)
সৌবর্ণি গিরয়স্তত্র মণিরত্নশিলোচ্চয়াঃ।
সর্বরত্নময়ৈর্ভান্তি শৃঙ্গৈশ্চারুভিরুচ্ছ্রিতৈঃ॥ 13-116-26 (86003)
নিত্যপুষ্পফলাস্তত্র নগাঃ পত্ররথাকুলাঃ।
দিব্যগন্ধরসৈঃ পুষ্পৈঃ ফলৈশ্চ ভরতর্ষভ॥ 13-116-27 (86004)
রমন্তে পুণ্যকর্মাণস্তত্র নিত্যং যুধিষ্ঠির।
সর্বকামসমৃদ্ধার্থা নিঃশোকা গতমন্যবঃ॥ 13-116-28 (86005)
বিমানেষু বিচিত্রেষু রমণীয়েষু ভারত।
মোদন্তে পুণ্যকর্মাণো বিরহন্তো যশস্বিনঃ॥ 13-116-29 (86006)
উপক্রীডন্তি তান্রাজঞ্শুভাশ্চাপ্সরসাং গণাঃ।
এতান্লোকানবাপ্নোতি গাং দত্ৎবা বৈ যুধিষ্ঠির॥ 13-116-30 (86007)
যাসামধিপতিঃ পূষা মারুতো বলবান্বলে।
ঐশ্বর্যে বরুণো রাজা তা মাং পান্তু যুগন্ধরাঃ॥ 13-116-31 (86008)
সুরূপা বহুরূপাশ্চ বিশ্বরূপাশ্চ মাতরঃ।
প্রাজাপত্যা ইতি ব্রহ্মঞ্জপেন্নিত্যং যতব্রতঃ॥ 13-116-32 (86009)
গাশ্চ শুশ্রূষতে যশ্চ সমন্বেতি চ সর্বশঃ।
তস্মৈ তুষ্টাঃ প্রয়চ্ছন্তি বরানপি সুদুর্লভান্॥ 13-116-33 (86010)
দ্রুহ্যেন মনসা বাঽপি গোষু তা হি সুখপ্রদাঃ।
অর্চয়েত সদা চৈব নমস্কারৈশ্চ পূজয়েৎ॥ 13-116-34 (86011)
দান্তঃ প্রীতমনা নিত্যং গবাং ব্যুষ্টিং তথাঽশ্নুতে।
ত্র্যহমুষ্ণং পিবেন্মূত্রং ত্র্যহমুষ্ণং পিবেৎপয়ঃ॥ 13-116-35 (86012)
গবামুষ্ণং পয়ঃ পীৎবা ত্র্যহমুষ্ণং ঘৃতং বিবেৎ।
ত্র্যহমুষ্ণং ঘৃতং পীৎবা বায়ুভক্ষো ভবেত্র্যহম্॥ 13-116-36 (86013)
যোন দেবাঃ পবিত্রেণি ভুঞ্জতে লোকমুত্তমম্।
যৎপবিত্রং পবিত্রাণাং তদ্ধৃতং শিরসা বহেৎ॥ 13-116-37 (86014)
ঘৃতেন জুহুয়াদগ্নিং ঘৃতেন স্বস্তি বাচয়েৎ।
ঘৃতং প্রাশেদ্ধৃতং দদ্যাদ্গবাং পুষ্টিং তথাঽশ্নুতে॥ 13-116-38 (86015)
নির্হৃতৈশ্চ যবৈর্গোভির্মাসং প্রশ্রিতয়াবকঃ।
ব্রহ্মহত্যাসমং পাপং সর্বমেতেন শুধ্যতে॥ 13-116-39 (86016)
পরাভবার্থং দৈত্যানাং দেবৈঃ শৌচমিদং কৃতম্॥
তে দেবৎবমপি প্রাপ্তাঃ সংসিদ্ধাশ্চ মহাবলাঃ॥ 13-116-40 (86017)
গাবঃ পবিত্রাঃ পুণ্যাশ্চ পাবনং পরমং মহৎ।
তাশ্চ দত্ৎবা দ্বিজাতিভ্যো নরঃ স্বর্গমুপাশ্নুতে॥ 13-116-41 (86018)
গবাং মধ্যে শুচির্ভূৎবা গোমতীং মনসা জপেৎ।
পূতাভিরদ্ভিরাচম্যি শুচির্ভবতি নির্মলঃ॥ 13-116-42 (86019)
অগ্নিমধ্যে গবাং মধ্যে ব্রাহ্মণানাং চ সংসদি।
বিদ্যাবেদপ্রতস্নাতা ব্রাহ্মণাঃ পুণ্যকর্মিণঃ॥ 13-116-43 (86020)
অধ্যাপয়েরঞ্শিষ্যান্বৈ গোমতীং যজ্ঞসম্মিতাম্।
ত্রিরাত্রোপোষিতো ভূৎবা গোমতীং লভতে বরম্॥ 13-116-44 (86021)
পুত্রিকামশ্চ লভতে পুত্রং ধনমথাপি বা॥
পতিকামা চ ভর্তারং সর্বকামাংশ্চ মানবঃ॥ 13-116-45 (86022)
গাবস্তুষ্টাঃ প্রয়চ্ছন্তি সেবিতা বৈ ন সংশয়ঃ।
এবমেতাং মহাভাগা যজ্ঞিয়াঃ সর্বকামদাঃ।
রোহিণ্য ইতি জানীহি নৈতাভ্যো বিদ্যতে পরম্॥ 13-116-46 (86023)
ইত্যুক্তঃ স মহাতেজাঃ শুকঃ পিত্রা মহাত্মনা।
পূজয়ামাস তাং নিত্যং তস্মাত্ৎবমপি পূজয়॥ ॥ 13-116-47 (86024)
ইতি শ্রীমন্মহাভারতে অনুশাসনপর্বণি দানধর্মপর্বণি ষোডশাধিকশততমোঽধ্যায়ঃ॥ 116 ॥
Mahabharata - Anushaasana Parva - Chapter Footnotes
7-116-13 অশৃঙ্কা ইত্যখুরা ইত্যস্যাপ্যুপলক্ষণম্॥ 7-116-14 গাঃ প্রায়মুপবিষ্টা ইতি ঝ.পাঠঃ॥ 7-116-27 গনাঃ বৃক্ষাঃ। পত্ররথাঃ পক্ষিণঃ॥ 7-116-39 নির্হৃতৈঃ গোময়নির্গতৈঃ॥ 7-116-44 গোমতীং গোমত্যা ঋচা প্রকাশিতমর্থং বরং লভতে॥অনুশাসনপর্ব - অধ্যায় 117
॥ শ্রীঃ ॥
13.117. অধ্যায়ঃ 117
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গোলোকস্য ব্রহ্মলোকাদপ্যুপরিতনৎবে ব্রহ্মণো বরদানস্য কারণৎবকথনম্॥ 1 ॥Mahabharata - Anushaasana Parva - Chapter Text
`*যুধিষ্ঠির উবাচ।
সুরাণামসুরাণাং চ ভূতানাং চ পিতামহ।
প্রভুঃ স্রষ্টা চ ভগবান্মুনিভিঃ স্তূয়তে ভুবি॥ 13-117-1 (86025)
তস্যোপরি কথং হ্যেষ গোলোকঃ স্থানতাং গতঃ।
সংশয়ো মে মহানেষ তন্মে ব্যাখ্যাতুমর্হসি॥ 13-117-2 (86026)
ভীষ্ম উবাচ। 13-117-3x (7126)
মনোবাগ্বুদ্ধয়স্তাবদেকস্থাঃ কুরুসত্তম।
ততো মে শৃণু কার্ৎস্ন্যেন গোমহাভাগ্যমুত্তমম্॥ 13-117-3 (86027)
পুণ্যং যশস্যমায়ুষ্যং তথা স্বস্ত্যযনং মহৎ।
কীর্তির্বিহরতা লোকে গবাং যো গোষু ভক্তিমান্॥ 13-117-4 (86028)
শ্রূয়তে হি পুরাণেষু মহর্ষীণাং মহাত্মনাম্।
সংস্থানে সর্বলোকানাং দেবানাং চাপি সম্ভবে॥ 13-117-5 (86029)
দেবতার্থেঽমৃতার্থে চ যজ্ঞার্থে চৈব ভারত।
সুরভির্নাম বিখ্যাতা রোহিণী কামরূপিণী॥ 13-117-6 (86030)
সঙ্কল্প্য মনসা পূর্বং রোহিণী হ্যমৃতাত্মনা।
ঘোরং তপঃ সমাস্থায় নির্মিতী বিস্বকর্মণা॥ 13-117-7 (86031)
পুরুষং চাসৃজদ্ভূস্তেজসা তপসা চ হ।
দেদীপ্যমানং বপুষা সমিদ্ধমিব পাবকম্॥ 13-117-8 (86032)
সোঽপশ্যদিষ্টরূপাং তাং সুরভিং রোহিণীং তদা।
দৃষ্ট্বৈব চাতিবিমনাঃ সোঽভবৎকামমোহিতঃ॥ 13-117-9 (86033)
তং কামার্তমথো জ্ঞাৎবা স্বয়ংভূর্লোকভাবনঃ।
মাঽঽর্তো ভব তথা চৈষ ভগবানভ্যভাষত॥ 13-117-10 (86034)
ততঃ স ভগবাংস্তত্র মার্তাণ্ড ইতি বিশ্রুতঃ।
চকার নাম তং দৃষ্ট্বা তস্যার্তীভাবমুত্তমম্॥ 13-117-11 (86035)
সোঽদদাদ্ভগবাংস্তস্মৈ মার্তাণ্ডায় মহাত্মনে।
সুরূপাং সুরভিং কন্যাং তপস্তেজোময়ীং শুভাম্॥ 13-117-12 (86036)
যথা ময়ৈষ চোদ্ভূতস্ৎবং চৈবষা চ রোহিণী।
মৈথুনং গতবন্তৌ চ তথা চোৎপৎস্যতি প্রজা॥ 13-117-13 (86037)
প্রজা ভবিষ্যতে পুণ্যা পবিত্রং পরমং চ বাম্।
ন চাপ্যগম্যাগমনাদ্দোষং প্রাপ্স্যসি কর্হিচিৎ॥ 13-117-14 (86038)
ৎবৎপ্রজাসম্ভবং ক্ষীরং ভবিষ্যতি পরং হবিঃ।
যজ্ঞেষু চাজ্যভাগানাং ৎবৎপ্রজামূলজো বিধিঃ॥ 13-117-15 (86039)
প্রজাশুশ্রূষবশ্চৈব যে ভবিষ্যন্তি রোহিণি।
তব তেনৈব পুণ্যেনি গোলোকং যান্তু মানবাঃ॥ 13-117-16 (86040)
ইদং পবিত্রং পরমমৃষভং নাম কর্হিচিৎ।
যদ্বৈ জ্ঞাৎবা দ্বিজা লোকে মোক্ষ্যন্তে যোনিসঙ্করাৎ॥ 13-117-17 (86041)
এতৎক্রিয়াঃ প্রবর্তন্তে মন্ত্রব্রাহ্মণসংস্কৃতাঃ।
দেবতানাং বিতৄণাং চ হব্যকব্যপুরোগমাঃ॥ 13-117-18 (86042)
তত এতেন পুণ্যেন প্রজাস্তব তু রোহিণি।
ঊর্ধ্বং মমাপি লোকস্য বৎস্যন্তে নিরুপদ্রবাঃ॥ 13-117-19 (86043)
ভদ্রং তেভ্যশ্চ ভদ্রং তে যে প্রজাসু ভবন্তি বৈ।
যুগন্ধরাশ্চ তে পুত্রাঃ সন্তু লোকস্য ধারণে॥ 13-117-20 (86044)
যান্যান্কাময়সে লোকাংস্তাঁল্লোকাননুয়াস্যসি।
সর্বদেবগণশ্চৈব তব যাস্যন্তি পুত্রতাম্।
তব স্তনসমুদ্ভূতং পিবন্তোঽমৃতমুত্তমম্॥ 13-117-21 (86045)
এবমেতান্বরান্সর্বানগৃহ্ণাৎসুরভিস্তদা।
ব্রুবতঃ সর্বলোকেশান্নির্বৃতিং চাগমৎপরাম্॥ 13-117-22 (86046)
সৃষ্ট্বা প্রজাশ্চ বিপুলা লোকসন্ধারণায় বৈ।
ব্রহ্মণা সমনুজ্ঞাতা সুরভির্লোকমাবিশৎ॥ 13-117-23 (86047)
এবং বরপ্রদানেন স্বয়ংভোরেব ভারত।
উপরিষ্টাদ্গবাং লোকঃ প্রোক্তস্তে সর্বমাদিতঃ॥' ॥ 13-117-24 (86048)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তদশাধিকশততমোঽধ্যায়ঃ॥ 117 ॥
Mahabharata - Anushaasana Parva - Chapter Footnotes
* এতদাদ্যেকাদশাধ্যায়া দাক্ষিণাত্যকোশেষ্বেব দৃশ্যন্তে। 7-117-3 মনোবাগ্বুদ্ধয়ঃ মনোবাগ্বুদ্ধীরেকস্থাঃ কুরু॥ 7-117-10 আর্তো মা ভবেত্যভ্যভাষত॥অনুশাসনপর্ব - অধ্যায় 118
॥ শ্রীঃ ॥
13.118. অধ্যায়ঃ 118
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি বিস্তরেণ গবোৎপত্তিপ্রকারকথনম্॥ 1 ॥Mahabharata - Anushaasana Parva - Chapter Text
`যুধিষ্ঠির উবাচ।
সুরভেঃ কাঃ প্রজাঃ পূর্বং মার্তাণ্ডাদভবন্পুরা।
এতন্মে শংস তৎবেনি গোষু মে প্রীয়তে মনঃ॥ 13-118-1 (86049)
ভীষ্ম উবাচ। 13-118-2x (7127)
শৃণু নামানি দিব্যানি গোমাতৄণাং বিশেষতঃ।
যাভির্ব্যাপ্তাস্ত্রয়ো লোকাঃ কল্যাণীভির্জনাধিপ॥ 13-118-2 (86050)
সুরভ্যঃ প্রথমোদ্ভূতা যাশ্চ স্যুঃ প্রথমাঃ প্রজাঃ।
ময়োচ্যমানাঃ শৃণু তাঃ প্রাপ্স্যসে বিপুলং যশঃ॥ 13-118-3 (86051)
তপ্ৎবা তপো ঘোরতপাঃ সুরভির্দিপ্ততেজসঃ।
সুষাবৈকাদশ সুতান্রুদ্রা যে চ্ছন্দসি স্তুতাঃ॥ 13-118-4 (86052)
অজৈকপাদহির্বুধ্ন্যস্ত্র্যম্বকশ্চ মহায়শাঃ।
বৃষাকপিশ্চ শম্ভুশ্চ কপালী রৈবতস্তথা॥ 13-118-5 (86053)
হরশ্চ বহুরূপশ্চ উগ্র উগ্রোঽথ বীর্যবান্।
তস্য চৈবাত্মজঃ শ্রীমান্বিশ্বরূপো মহায়শাঃ॥ 13-118-6 (86054)
একাদশৈতে কথিতা রুদ্রাস্তে নাম নামতঃ।
মহাত্মানো মহায়োগাস্তেজোয়ুক্তা মহাবলাঃ॥ 13-118-7 (86055)
এতে বরিষ্ঠজন্মানো দেবানাং ব্রহ্মবাদিনাম্।
বিপ্রাণাং প্রকৃতির্লোকে এত এব হি বিশ্রুতাঃ॥ 13-118-8 (86056)
এত একাদশ প্রোক্তা রুদ্রাস্ত্রিভুবনেশ্বরাঃ।
শতং ৎবেতৎসমাখ্যাতং শতরুদ্রং মহাত্মনাম্॥ 13-118-9 (86057)
সুষুবে প্রথমাং কন্যাং সুরভিঃ পৃথিবীং তদা।
বিশ্বকামদুঘা ধেনুর্যা ধারয়তি দেহিনঃ॥ 13-118-10 (86058)
সুতং গোব্রাহ্মণং রাজন্নেকমিত্যভিধীয়তে।
গোব্রাহ্মণস্য জননী সুরভিঃ পরিকীর্ত্যতে॥ 13-118-11 (86059)
সৃষ্ট্বা তু প্রথমং রুদ্রান্বরদান্রুদ্রসম্ভবান্।
পশ্চাৎপ্রভুং গ্রহপতিং সুষুবে লোকসম্মতম্॥ 13-118-12 (86060)
সোমরাজানমমৃতং যজ্ঞসর্বস্বমুত্তমম্।
ওষধীনাং রসানাং চ দেবানাং জীবিতস্য চ॥ 13-118-13 (86061)
ততঃ শ্রিয়ং চ মেধাং চ কীর্তিং দেবীং সরস্বতীম্।
চতস্রঃ সুষুবে কন্যা যোগেষু নিয়তাঃ স্তিতাঃ॥ 13-118-14 (86062)
এতাঃ সৃষ্ট্বা প্রজা এষা সুরভিঃ কামরূপিণী।
সুষুবে পরমং ভূয়ো দিব্যা গোমাতরঃ শুভাঃ॥ 13-118-15 (86063)
পুণ্যাং মায়াং মধুশ্চ্যোতাং শিবাং শীঘ্রাং সরিদ্বরাম্।
হিরণ্যবর্ণাং সুভগাং গব্যাং পৃশ্নীং কুথাবতীম্॥ 13-118-16 (86064)
অঙ্গাবতীং ঘৃতবতীং দধিক্ষীরপয়োবতীম্।
অমোঘাং সুরমাং সত্যাং রেবতীং মারুতীং রসাম্॥ 13-118-17 (86065)
অজাং চ সিকতাং চৈব শুদ্ধধূমামধারিণীম্।
জীবাং প্রাণবতীং ধন্যাং শুদ্ধাং ধেনুং ধনাবহাম্॥ 13-118-18 (86066)
ইন্দ্রামৃদ্ধিং চ শান্তি চ শান্তপাপাং সরিদ্বরাম্।
চৎবারিংশতিমেকাং চ ধন্যাস্তা দিবি পূজিতাঃ॥ 13-118-19 (86067)
ভূয়ো জজ্ঞে সুরভ্যাশ্চ শ্রীমাংশ্চন্দ্রাংশুসপ্রভঃ।
বৃপো দক্ষ ইতি খ্যাতঃ কণ্ঢে মণিতলপ্রভঃ। 13-118-20 (86068)
স্রগ্বী ককুদ্মান্দ্যুতিমান্মৃণালসদৃশপ্রভঃ।
সুরভ্যনুমতে দত্তো ধ্বজো মাহেশঅবরস্তু সঃ॥ 13-118-21 (86069)
সুরভ্যঃ কামরূপিণ্যো গাবঃ পুণ্যার্থমুৎকটাঃ।
আদিত্যেভ্যো বসুভ্যশ্চ বিশ্বেভ্যশ্চ দদৌ বরান্॥ 13-118-22 (86070)
সুরভিস্তু তপস্তপ্ৎবা সুষুবে গাস্ততঃ পুনঃ।
যা দত্তা লোকপালানামিন্দ্রাদীনাং যুধিষ্ঠির॥ 13-118-23 (86071)
সুষ্টুনাং কপিলাং চৈব রোহিণীং চ যশস্বিনীম্।
সর্বকামদুঘাং চৈব মরুতাং কামরূপিণীম্॥ 13-118-24 (86072)
গাবো মৃষ্টদুঘা হ্যেতাস্তাশ্চতস্রোঽত্র সংস্তুতাঃ।
যাসাং ভূৎবা পুরা বৎসাঃ পিবন্ত্যমৃতমুত্তমম্॥ 13-118-25 (86073)
সুষ্টুতাং দেবরাজায় বাসবায় মহাত্মনে।
কপিলাং ধর্মরাজায় বরুণায় চ রোহিণীম্॥ 13-118-26 (86074)
সর্বকামদুঘাং ধেনুং রাজ্ঞে বৈশ্রবণায় চ।
ইত্যেতা লোকমহিতা বিশ্রুতাঃ সুরভেঃ প্রজাঃ॥ 13-118-27 (86075)
এতাসাং প্রজয়া পূর্ণা পৃথিবী মুনিপুঙ্গবঃ।
গোভ্যঃ প্রভবতে সর্বং যৎকিংচিদিহ শোভনম্॥ 13-118-28 (86076)
সুরভ্যপত্যমিত্যেতন্নামতস্তেঽনুপূর্বশঃ।
কীর্তিতং ব্রূহি রাজেন্দ্র কিং ভূয়ঃ কথয়ামি তে'॥ ॥ 13-118-29 (86077)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টাদশাধিকশততমোঽধ্যায়ঃ॥ 118 ॥
অনুশাসনপর্ব - অধ্যায় 119
॥ শ্রীঃ ॥
13.119. অধ্যায়ঃ 119
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি ইন্দ্রস্য বৎসভাবেন সুরভ্যাঃ ক্ষীরপানাদমরৎবাদিলাভকথনম্॥ 1 ॥ তথা ইন্দ্রদিদেবানাং বাসার্থং সুরভেরনুমত্যা তদীয়মুখাদ্যবয়বসমাশ্রয়ণকথনম্॥ 2 ॥Mahabharata - Anushaasana Parva - Chapter Text
`যুধিষ্ঠির উবাচ।
সুরভ্যাস্তু তদা দেব্যাঃ কীর্তির্লক্ষ্মীঃ সরস্বতী।
মেধা চ প্রবরা দেবী যাশ্চতস্রোঽভিবিশ্রুতাঃ॥ 13-119-1 (86078)
পৃথগ্গোভ্যঃ কিমেতাঃ স্যুরুতাহো গোষু সংশ্রিতাঃ।
দেবাঃ কে বাঽঽশ্রিতা গোষু তন্মে ব্রূহি পিতামহ॥ 13-119-2 (86079)
ভীষ্ম উবাচ। 13-119-3x (7128)
যং দেবং সংশ্রিতা গাবস্তং দেবং দেবসংজ্ঞিতম্।
যদ্যদ্দেবাশ্রিতং দৈবং তত্তদ্দৈবং দ্বিজা বিদুঃ॥ 13-119-3 (86080)
সর্বেষামেব দেবানাং পূর্বং কিল সমুদ্ভবে।
অমৃতার্থে সুরপতিঃ সুরভিং সমুপস্থিতঃ॥ 13-119-4 (86081)
ইন্দ্র উবাচ। 13-119-5x (7129)
ইচ্ছেয়মমৃতং দত্তং ৎবয়া দেবি রসাধিকম্।
ৎবৎপ্রসাদাচ্ছিবং মহ্যমমরৎবং ভবেদিতি॥ 13-119-5 (86082)
সুরভিরুবাচ। 13-119-6x (7130)
বৎসো ভূৎবা সুপরতে পিবস্ব প্রস্রবং মম।
ততোঽমরৎবমপি তস্থানমৈন্দ্রমবাপ্স্যসি॥ 13-119-6 (86083)
ন চ তে বৃত্রহন্যুদ্ধে ব্যথাঽরিভ্যো ভবিষ্যতি।
বলার্থমাত্মনঃ শক্র প্রস্রবং পিব মে বিভো॥ 13-119-7 (86084)
ভীষ্ম উবাচ। 13-119-8x (7131)
ততোঽপিবৎস্নং তস্যাঃ সুরভ্যাঃ সুরসত্তমঃ।
অমরৎবং সুরূপৎবং বলং চাপদনুত্তমম্॥ 13-119-8 (86085)
পুরংদরোঽমৃতং পীৎবা প্রহৃষ্টঃ সমুপস্থিতঃ।
পুত্রোঽহং তব ভদ্রং তে ব্রূহি কিং করবাণি তে॥ 13-119-9 (86086)
সুরভিরুবাচ। 13-119-10x (7132)
কৃতং পুত্র ৎবয়া সর্বমুপয়াহি ত্রিবিষ্টপম্।
পালয়স্ব সুরান্সর্বাঞ্জহি যে সুরশত্রবঃ॥ 13-119-10 (86087)
ন চ গোব্রাহ্মণেঽবজ্ঞা কার্যা তে শান্তিমিচ্ছতা।
গোব্রাহ্মণস্য নিশ্বাসঃ শোষয়েদপি দেবতাঃ॥ 13-119-11 (86088)
গোব্রাহ্মণপ্রিয়ো নিত্যং স্বস্তিশব্দমুদাহরন্।
পৃথিব্যামন্তরিক্ষে চ নাকপৃষ্ঠে চ বিক্রমেৎ॥ 13-119-12 (86089)
যচ্চ তেঽন্যদ্ভবেৎকৃত্যং তন্মে ব্রূয়াঃ সমাসতঃ।
তত্তে সর্বং করিষ্যামি সত্যেনৈতদ্ব্রবীমি তে॥ 13-119-13 (86090)
ইন্দ্র উবাচ। 13-119-14x (7133)
ইচ্ছেয়ং গোষু নিয়তং বস্তুং দেবি ব্রবীমি তে।
এভিঃ সুরগণৈঃ সার্ধং মমানুগ্রহমাচর॥ 13-119-14 (86091)
সুরভিরুবাচ। 13-119-15x (7134)
গবাং শরীরং প্রত্যক্ষমেতৎকৌশিক লক্ষ্যে।
যো যত্রোৎসহতে বস্তুং স তত্র বসতাং সুরঃ॥ 13-119-15 (86092)
সর্বং পবিত্রং পরমং গবাং গাত্রং সুপূজিতম্।
তথা কুরুষ্ব ভদ্রং তে যথা ৎবং শক্র মন্যসে॥ 13-119-16 (86093)
ভীষ্ম উবাচ। 13-119-17x (7135)
তস্যাস্তদ্বচনং শ্রুৎবা সুরভ্যাঃ সুরসত্তমঃ।
সহ সর্বৈঃ সুরগণৈরভজৎসৌরভীং প্রজাম্॥ 13-119-17 (86094)
শৃঙ্গে বক্ত্রে চ জিহ্বায়াং দেবরাজঃ সমাবিশৎ।
সর্বচ্ছিদ্রেষু পবনঃ পাদেষু মরুতাং গণাঃ॥ 13-119-18 (86095)
ককুদং সর্বগো রুদ্রঃ কুক্ষৌ চৈব হুতাশনঃ।
সরস্বতী স্তনেষ্বগ্র্যা শ্রীঃ পুরীষে জগৎপ্রিয়া॥ 13-119-19 (86096)
মূত্রে কীর্তিশ্চ গঙ্গা চ মেধা পয়সি শাশ্বতী।
বক্ত্রে সোমশ্চ বৈ দেবো হৃদয়ে ভগবান্যমঃ॥ 13-119-20 (86097)
ধর্মঃ পুচ্ছে ক্রিয়া লোম্নি ভাস্করশ্চক্ষুষী শ্রিতঃ।
সিদ্ধাঃ সন্ধিষু সিদ্ধিশ্চ তপস্তেজশ্চ চেষ্টনে॥ 13-119-21 (86098)
এবং সর্বে সুরগণা নিয়তা গাত্রবর্ত্মসু।
মহতী দেবতা গাবো ব্রাহ্মণৈঃ পরিসংস্কৃতাঃ॥ 13-119-22 (86099)
গামাশ্রয়ন্তি সহিতা দেবা হি প্রভবিষ্ণবঃ।
কিমাসাং সর্বভাবেন বিদধ্যাদ্ভগবান্প্রিয়ম্॥ 13-119-23 (86100)
ভবাংশ্চ পরয়া ভক্ত্যা পূজয়স্ব নরেশ্বর।
গাবস্তু পরমং লোকে পবিত্রং পাবনং হবিঃ॥ 13-119-24 (86101)
নিপাত্য ভক্ষিতঃ স্বর্গাদ্ভার্গবঃ ফেনপঃ কিল।
স চ প্রাণান্পুনর্লব্ধ্বা ততো গোলোকমাশ্রিতঃ॥' ॥ 13-119-25 (86102)
ইতি শ্রীমন্মহাভারতে অনুশাসনপর্বণি দানধর্মপর্বণি একোনবিংশত্যধিকশততমোঽধ্যায়ঃ॥ 119 ॥
অনুশাসনপর্ব - অধ্যায় 120
॥ শ্রীঃ ॥
13.120. অধ্যায়ঃ 120
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি পেনপোপাখ্যানকথনারভ্যঃ॥ 1 ॥ ত্রিশিখরগির্যাশ্রমবাসিনে সুমিত্রনাম্নে বিপ্রবরায় আঙ্গিরসেনৈকস্যা গোর্দানম্॥ 2 ॥ তস্যা বংশেঽসঙ্খ্যেয়ানাং গবাং সম্ভবঃ॥ 3 ॥ সুমিত্রেণ বৎসমুখোদ্গতক্ষীরফেনপানাৎফেনপ ইতি নামাধিগমঃ॥ 4 ॥Mahabharata - Anushaasana Parva - Chapter Text
`যুধিষ্ঠির উবাচ।
কঃ ফেনপেতি নাম্নাঽসৌ কথং বা ভক্ষিতঃ পুরা।
মৃত উজ্জীবিতঃ কস্মাৎকথং গোলোকমাশ্রিতঃ॥ 13-120-1 (86103)
বিরুদ্বে মানুষে লোকে তথা সময়বর্ত্মসু।
ক্রতে দৈবং হি দুষ্প্রপং মানুষেষু বিশেষতঃ।
সংশয়ো মে মহানত্র তন্মে ব্যাখ্যাতুমর্হসি॥ ভীষ্ম উবাচ। 13-120-2 (86104)
শ্রূয়তে ভার্গবে বংশে সুমিত্রো নাম ভারত।
বেদাধ্যযনসম্পন্নো বিপুলে তপসি স্থিতঃ॥ 13-120-3 (86105)
বানপ্রস্থাশ্রমে যুক্তঃ স্বকর্মনিরতঃ সদা।
বিনয়াচারতৎবজ্ঞঃ সর্বধর্মার্থকোবিদঃ॥ 13-120-4 (86106)
যত্নাত্ত্রিষবণস্নায়ী সংধ্যোপাসনতৎপরঃ।
অগ্নিহোত্ররতঃ ক্ষান্তো জপঞ্জুহ্বচ্চ নিত্যদাঃ॥ 13-120-5 (86107)
পিতৃদেবাংশ্চ নিয়তমতির্থীংশ্চ স পূজয়ন্।
প্রাণসন্ধারণার্থং চ যৎকিংচিদুপহারয়ন্॥ 13-120-6 (86108)
গিরিস্ত্রিশিখরো নাম যতঃ প্রভবতে নদী।
কুলজেতি পুরাণেষু বিশ্রুতা রুদ্রনির্মিতা॥ 13-120-7 (86109)
তস্যাস্তীরে সমে দেশে পুষ্পমালাসমাকুলে।
বন্যৌষধিদ্রুমোপেতে নানাপক্ষিমৃগায়ুতে॥ 13-120-8 (86110)
ব্যপেতদংশমশকে ধ্বাঙ্ক্ষগৃধ্রৈরসেবিতে।
কৃষ্ণদর্ভতৃণপ্রায়ে সুরম্যে জ্যোতিরশ্মিনি॥ 13-120-9 (86111)
সর্বোন্নতৈঃ সমৈঃ শ্যামৈর্যাজ্ঞীয়ৈস্তরুভির্বৃতে।
তত্রাশ্রমপদং পুণ্যং ভৃগূণামভবৎপুরা। 13-120-10 (86112)
উবাস তত্র নিয়তঃ সুমিত্রো নাম ভার্গবঃ।
যথোদ্দিষ্টেন পূর্বেষাং ভৃগূণাং সাধুবর্ত্মনা॥ 13-120-11 (86113)
তস্মা আঙ্গিরসঃ কশ্চিদ্দদৌ গাং শর্করীং শুভাম্।
বর্ষাসু পশ্চিমে মাসি পৌর্ণমাস্যাং শুচিব্রতঃ॥ 13-120-12 (86114)
স তাং লব্ধ্বা ধর্মশীলশ্চিন্তয়ামাস তৎপরঃ।
সুমিত্রঃ পরয়া ভক্ত্যা জননীমিব মাতরম্॥ 13-120-13 (86115)
তেন সন্ধুক্ষ্যমাণা সা রোহিণী কামরূপিণী।
প্রবৃদ্ধিমগমচ্ছ্রেষ্ঠা প্রাণতশ্চ সুদর্শনা॥ 13-120-14 (86116)
সিরাবিমুক্তপার্শ্বান্তা বিপুলাং কান্তিমুদ্বহৎ।
শ্যামপার্শ্বান্তপৃষ্ঠা সা সুরভির্মধুপিঙ্গলা॥ 13-120-15 (86117)
বৃহতী সূক্ষ্মরোমান্তা রূপোদগ্রা তনুৎবচা।
কৃষ্ণপুচ্ছা শ্বেতবক্ত্রা সমবৃত্তপয়োধরা॥ 13-120-16 (86118)
পৃষ্ঠোন্নতা পূর্বনতা শঙ্কুকর্ণী সুলোচনা।
দীর্ঘজিহ্বা হ্রস্বশৃঙ্গী সম্পূর্ণদশনান্তরা॥ 13-120-17 (86119)
মাংসাধিকগলান্তা সা প্রসন্না শুভদর্শনা।
নিত্যং শময়ুতা স্নিগ্ধা সম্পূর্ণোদাত্তনিস্বনা॥ 13-120-18 (86120)
প্রাজাপত্যৈর্গবাং নিত্যং প্রশস্তৈর্লক্ষণৈর্যুতা।
যৌবনস্থেব বনিতা শুশুভে রূপশোভয়া॥ 13-120-19 (86121)
বৃষেণোপগতা সা তু কল্যা মধুরদর্শনা।
মিথুনং জনয়ামাস তুল্যরূপমিবাত্মনঃ॥ 13-120-20 (86122)
সংবর্ধয়ামাস স তাং সবৎসাং ভার্গবো মুনিঃ।
তয়োঃ প্রজাধিসংসর্গাৎসহস্রং চ গবামভূৎ॥ 13-120-21 (86123)
গবাং জাতিসহস্রাণি সম্ভূতানি পরস্পরম্।
ঋষভাণাং চ রাজেন্দ্র নৈবান্তঃ প্রতিদৃশ্যতে॥ 13-120-22 (86124)
তৈরাশ্রমপদং রম্যমরণ্যং চৈব সর্বশঃ।
সমাকুলং সমভবন্মেঘৈরিব নভস্থলম্॥ 13-120-23 (86125)
কানি চিৎপদ্মবর্ণানি কিংশুকাভানি কানিচিৎ।
রুক্মবর্ণানি চান্যানি চন্দ্রাংশুসদৃশানি চ॥ 13-120-24 (86126)
তথা রাজতবর্ণানি কানিচিল্লোহিতানি বৈ।
নীললোহিততাম্রাণি কৃষ্ণানি কপিলানি চ।
নানারাগবিচিত্রাণি যূথানি কুলয়ূথপ॥ 13-120-25 (86127)
ন চ ক্ষীরং সুতস্নেহাদ্বৎসানামুপজীবতি।
ভার্গবঃ কেবলং চাসীদ্গবাং প্রাণায়নে রতঃ॥ 13-120-26 (86128)
তথা শুশ্রূষতস্তস্য গবাং হিতমবেক্ষতঃ।
ব্যতীয়াৎসুমাহান্কালো বৎসোচ্ছিষ্টেন বর্ততঃ॥ 13-120-27 (86129)
ক্ষুৎপিপাসাপরিশ্রান্তঃ সততং প্রস্রবং গবাম্।
বৎসৈরুচ্ছিষ্টমুদিতং বহুক্ষীরতয়া বহু॥ 13-120-28 (86130)
পীতবাংস্তেন নামাস্য ফেনপেত্যভিবিশ্রুতম্।
গৌতমস্যাভিনিষ্পন্নমেবং নাম যুধিষ্ঠির॥ ॥ 13-120-29 (86131)
ইতি শ্রীমন্মহাভারতে অনুশাসনপর্বণি দানধর্মপর্বণি বিংশত্যধিকশততমোঽধ্যায়ঃ॥ 120 ॥
Mahabharata - Anushaasana Parva - Chapter Footnotes
7-120-7 কূলহেতি পুরাণেষ্বিতি ট.ধ.পাঠঃ॥অনুশাসনপর্ব - অধ্যায় 121
॥ শ্রীঃ ॥
13.121. অধ্যায়ঃ 121
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ফেনপস্য গোভিঃ কদাচন গোলোকাদেত্য গিরিহ্রদে স্ত্রীরূপধারণেন বিহরমাণানাং গবামবলোকনম্॥ 1 ॥ ফেনপস্য গোভিঃ স্বেষাং গোলোকপ্রাপ্ত্যুপায়ং পৃষ্টাভিস্তাভিস্তাঃ প্রতি রন্তিদেবস্য সত্রে আত্মনাং পশুৎবোপকল্পনস্য তদুপায়ৎবোক্তিঃ॥ 2 ॥ ফেনপস্য স্বেষ্বতিবৎসলতয়া যাগীয়পশুৎবে তদভ্যনুজ্ঞানস্য দুঃসম্পাদতাং চিন্তয়ন্তীষু তাসু কপিলাভিস্তাভ্যঃ স্বেষামেব গোষু শ্রৈষ্ঠ্যপ্রাপ্তিরূপবরাধিগমেন পেনপবধপ্রতিজ্ঞানম্॥ 3 ॥Mahabharata - Anushaasana Parva - Chapter Text
ভীষ্ম উবাচ।
কদাচিৎকামরূপিণ্যো গাবঃ স্ত্রীবেষমাশ্রিতাঃ।
হ্রদে ক্রীডন্তি সংহৃষ্টা গায়ন্ত্যঃ পুণ্যলক্ষণাঃ॥? 13-121-1 (86132)
দদৃশুস্তস্য গাবো বৈ বিস্ময়োৎফুল্ললোচনাঃ।
ঊচুশ্চ কা যূয়মিতি স্ত্রিয়ো মানুষয়া গিরা॥ 13-121-2 (86133)
স্ত্রিয় ঊচুঃ। 13-121-3x (7136)
গাব এব বয়ং সর্বকর্মভিঃ শোভনৈর্যুতাঃ।
সর্বাঃ স্ত্রীবেষধারিণ্যো যথাকামং চরামেহে। 13-121-3 (86134)
গাব ঊচুঃ। 13-121-4x (7137)
গবাং গাবঃ পরং দৈবং গবাং গাবঃ পরা গতিঃ।
কথয়ধ্বমিহাস্মাকং কেন বঃ সুকৃতাং গতিঃ॥ 13-121-4 (86135)
স্ত্রিয় ঊচুঃ। 13-121-5x (7138)
অস্মাকং হবিষা দেবা ব্রাহ্মণাস্তর্পিতাস্তথা।
কব্যেন পিতরশ্চৈব হব্যেনাগ্নিশ্চ তর্পিতঃ॥ 13-121-5 (86136)
প্রজয়া চ তথাঽস্মাকং কৃষিরভ্যুদ্ধৃতা সদা।
শকটৈশ্চাপি সংয়ুক্তা দশবাহশতেন বৈ॥ 13-121-6 (86137)
তদেতৈঃ সুকৃতৈঃ স্ফীতৈর্বয়ং যাশ্চৈব নঃ প্রজাঃ।
গোলোকমনুসম্প্রাপ্তা যঃ পরং কামগোচরঃ॥ 13-121-7 (86138)
যূয়ং তু সর্বা রোহিণ্যঃ সপ্রজাঃ সহপুঙ্গবাঃ।
অধোগামিন্য ইত্যেব পশ্যামো দিব্যচক্ষুষা॥ 13-121-8 (86139)
গাব ঊচুঃ। 13-121-9x (7139)
এবং গবাং পরং দৈবং গাব এব পরায়ণম্।
স্বপক্ষ্যাস্তারণীয়া বঃ শরণায় গতা বয়ম্॥ 13-121-9 (86140)
কিমস্মাভিঃ করণীয়ং বর্তিতব্যং কথঞ্চন।
প্রাপ্নুয়াম চ গোলোকং ভবাম ন চ গর্হিতাঃ॥ 13-121-10 (86141)
স্ত্রিয় ঊচুঃ। 13-121-11x (7140)
বর্ততে রন্তিদেবস্য সত্রং বর্ষসহস্রকম্।
তত্র তস্য নৃপস্যাশু পশুৎবমুপগচ্ছতঃ॥ 13-121-11 (86142)
ততস্তস্যোপয়োগেন পশুৎবে যজ্ঞসংস্কৃতাঃ।
গোলোকান্প্রাপ্স্যথ শুভাংস্তেন পুণ্যেন সংয়ুতাঃ॥ 13-121-12 (86143)
ভীষ্ম উবাচ। 13-121-13x (7141)
এতত্তাসাং বচঃ শ্রুৎবা গবাং সংহৃষ্টমানসাঃ।
গমনায় মনশ্চক্রুরৌৎসুক্যং চাগমন্পরম্॥ 13-121-13 (86144)
ন হি নো ভার্গবো দাতা পশুৎবেনোপয়োজনম্।
যজ্ঞস্তস্য নরেন্দ্রস্য বর্ততে ধর্মতস্তথা॥ 13-121-14 (86145)
বয়ং ন চাননুজ্ঞাতাঃ শক্তা গন্তুং কথঞ্চন।
অবোচন্নথ তত্রত্যা ভার্গবো বধ্যতাময়ম্॥ 13-121-15 (86146)
এতৎসর্বা রোচয়ত ন হি শক্যমতোঽন্যথা।
লোকান্প্রাপ্তুং সহাস্মাভির্নিশ্চয়ঃ ক্রিয়তাময়ম্॥ 13-121-16 (86147)
ন তু তাসাং সমেতানাং কাচিদ্ধোরেণ চক্ষুষা।
শক্নোতি ভার্গবং দ্রষ্টুং সৎকৃতেনোপসংয়ুতা॥ 13-121-17 (86148)
অথ পদ্মসবর্ণাভা ভাস্করাংশুসমপ্রভাঃ।
জপালোহিততাম্রাক্ষ্যো নির্মাংসকঠিনাননাঃ॥ 13-121-18 (86149)
রোহিণ্যঃ কপিলাঃ প্রাহুঃ সর্বাসাং বৈ সমক্ষতঃ।
মেঘস্তনিতনির্ঘোষাস্তেজোভিরভিরঞ্চিতাঃ॥ 13-121-19 (86150)
বয়ং হি তং বধিষ্যামঃ সুমিত্রং নাত্রং সংশয়ঃ।
সুকৃতং পৃষ্ঠতঃ কৃৎবা কিং নঃ শ্রেয়ো বিধাস্যথ॥ 13-121-20 (86151)
গাব ঊচুঃ। 13-121-21x (7142)
কপিলাঃ সর্ববর্ণেষু প্রধানৎবমবাপ্স্যথ।
গবাং শতফলা চৈকাং দত্ৎবা ফলমবাপ্স্যতি॥ 13-121-21 (86152)
ভীষ্ম উবাচ। 13-121-22x (7143)
এতদ্গবাং বচঃ শ্রুৎবা কপিলা হৃষ্টমানসাঃ।
চক্রুঃ সর্বা ভার্গবস্য সুমিত্রস্য বধে মতিম্॥' ॥ 13-121-22 (86153)
ইতি শ্রীমন্মহাভারতে অনুশাসনপর্বণি দানধর্মপর্বণি একবিংশত্যধিকশততমোঽধ্যায়ঃ॥ 121 ॥
Mahabharata - Anushaasana Parva - Chapter Footnotes
7-121-2 তস্য ফেনপস্য স্ত্রিয়ঃ প্রতি॥ 7-121-4 সুকৃতাং পুণ্যকৃতাম্॥ 7-121-6 শক্তাশ্চাপি তথা যুক্তা ইতি থ.ধ.পাঠঃ॥অনুশাসনপর্ব - অধ্যায় 122
॥ শ্রীঃ ॥
13.122. অধ্যায়ঃ 122
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ফেনপস্য গোভক্তয়ুদ্রেকসন্তুষ্টাভির্গোলোকাদাগতগোমাতৃভিঃ যোগপ্রভাবেণ শরীরাদ্বিয়োজনেন স্বলোকপ্রাপণপূর্বকং তস্মিন্কপিলানিশ্চয়নিবেদনম্॥ 1 ॥ ততঃ কপিলাভির্যথাপ্রতিজ্ঞং শৃঙ্গাঘাতাদিনা ফেনপস্য কুণপশরীরবিভেদনম্॥ 2 ॥Mahabharata - Anushaasana Parva - Chapter Text
`ভীষ্ম উবাচ।
যাস্তু গোমাতরস্তস্য কামচারিণ্য আগতাঃ।
সমীপং হি সুমিত্রস্য কৃতজ্ঞাঃ সমুপস্থিতাঃ॥ 13-122-1 (86154)
অভিপ্রশস্য চৈবাহুস্তমৃষিং পুণ্যদর্শনাঃ।
গোলোকাদাগতা বেদ বৃষগোমাতরো বয়ম্॥ 13-122-2 (86155)
সুপ্রীতাঃ স্ম বরং গৃহ্ণ যমিচ্ছসি মহামুনে।
যদ্ভি গোষু পরাং বুদ্ধিং কৃতবানসি নিত্যদা॥ 13-122-3 (86156)
সুমিত্র উবাচ। 13-122-4x (7144)
প্রীতোস্ম্যনুগৃহীতোস্মি যন্মাং গোমাতরঃ শুভাঃ।
সুপ্রীতমনসঃ সর্বাস্তিষ্ঠন্তে চ বরপ্রদাঃ॥ 13-122-4 (86157)
ভবেদ্গোষ্বেব মে ভক্তির্যথৈবাদ্য তথা সদা।
গোঘ্নাশ্চৈবাবসীদন্তু নরা ব্রহ্মদ্বিষশ্চ যে॥ 13-122-5 (86158)
গোমাতর ঊচুঃ। 13-122-6x (7145)
এবমেতদৃষিশ্রেষ্ঠ হিতং বদসি নঃ প্রিয়ম্।
এহি গচ্ছ সহাঽস্মাভির্গোলোকমৃষিসত্তম॥ 13-122-6 (86159)
সুমিত্র উবাচ। 13-122-7x (7146)
যূয়মিষ্টাং গতিং যান্তু ন হ্যহং গন্তুমুৎসহে।
ইমা গাবঃ সমুৎসৃজ্য তপস্বিন্যো মম প্রিয়াঃ॥ 13-122-7 (86160)
ভীষ্ম উবাচ। 13-122-8x (7147)
তাস্তু তস্য বচঃ শ্রুৎবা কপিলানাং সুদারুণম্।
নিত্যুস্তমৃষিমুৎক্ষিপ্য ভার্গবং নভ উদ্বহন্॥ 13-122-8 (86161)
কলেবরং তু তত্রৈব তস্য সংন্যস্য মাতরঃ।
নিষ্কৃষ্য করণং যোগাদানয়ন্ভার্গবস্য বৈ॥ 13-122-9 (86162)
সর্বং চাস্য তদাচখ্যুঃ কপিলানাং বিচেষ্টিতম্।
যদর্থং হরণং গোভির্গোলোকং লোকমাতরঃ॥ 13-122-10 (86163)
ততস্তু কপিলাস্তত্র তস্য দৃষ্ট্বা কলেবরম্।
তথাপ্রতিজ্ঞং শৃঙ্গৈশ্চ খুরৈশ্চাপ্যবচূর্ণয়ন্॥ 13-122-11 (86164)
ততঃ সংছিদ্য বহুধা ভার্গবং নৃপসত্তম।
যুয়ুর্যত্রেতরা গাবস্তচ্চ সর্বং ন্যবেদয়ন্॥ 13-122-12 (86165)
অথ গোমাতৃভিঃ শপ্তাস্তা গাবঃ পৃথিবীচরাঃ।
অমেধ্যবদনাঃ ক্ষিপ্রং ভবধ্বং ব্রহ্মঘাতকাঃ॥ 13-122-13 (86166)
এবং কৃতজ্ঞা গাবো হি যতা গোমাতরো নৃপ।
ঋষিশ্চ প্রাপ্তবাঁল্লোকং গাবশ্চ পরিমোক্ষিতাঃ॥' ॥ 13-122-14 (86167)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বাবিংশত্যধিকশততমোঽধ্যায়ঃ॥ 122 ॥
Mahabharata - Anushaasana Parva - Chapter Footnotes
7-122-2 বেদ বিদ্ধি। ঋষে গোমাতরো বয়মিতি থ.পাঠঃ॥ 7-122-8 কপিলানাং সুদারুণং সুমিত্রবধপ্রতিজ্ঞানং চ শ্রুৎবা॥অনুশাসনপর্ব - অধ্যায় 123
॥ শ্রীঃ ॥
13.123. অধ্যায়ঃ 123
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ফেনপস্য গোভী রন্তিদেবং প্রতি তৎসত্রে স্বেষাং পশুৎবেন বিনিয়োগপ্রার্থনা॥ 1 ॥ তেন গবাং মধ্যে কস্যাশ্চিদপি সকামৎবজ্ঞানে সত্রবিরামরূপসময়করণেন সত্রারভ্যঃ॥ 2 ॥ কদাজন কস্যাশ্চিদ্গোর্বৎসস্নেহাদ্বিশসনে দুঃখাবগমেন যাগোপরমঃ॥ 3 ॥Mahabharata - Anushaasana Parva - Chapter Text
`ভীষ্ম উবাচ।
তা গাবো রন্তিদেবস্য গৎবা যজ্ঞং মনীষিণঃ।
আত্মানং জ্ঞাপয়ামাসুর্মহর্ষীণাং সমক্ষতঃ॥ 13-123-1 (86168)
রন্তিদেবস্ততো রাজা প্রয়তঃ প্রাঞ্জলিঃ শুচিঃ।
উবাচ গাবঃ প্রণতঃ কিমাগমনমিত্যপি॥ 13-123-2 (86169)
গাব ঊচুঃ। 13-123-3x (7148)
ইচ্চামস্তব রাজেন্দ্র সত্রেঽস্মিন্বিনিয়োজনম্।
পশুৎবমুপসম্প্রাপ্তুং প্রসাদং কর্তুমর্হসি॥ 13-123-3 (86170)
রন্তিদেব উবাচ। 13-123-4x (7149)
নাস্তি শক্তো গবাং ঘাতং কর্তুং শতসহস্রশঃ।
ঘাতয়িৎবা ৎবহং যুষ্মান্কথমাত্মানমুত্তরে॥ 13-123-4 (86171)
যঃ পশুৎবেন সংয়োজ্য যুষ্মান্স্বর্গং নয়েদিহ।
আত্মানং চৈব তপসা গাবঃ সমুপগম্যতাম্॥ 13-123-5 (86172)
গাব ঊচুঃ। 13-123-6x (7150)
অস্মাকং তারণে যুক্তো ধর্মাত্মা তপসি স্থিতঃ।
শ্রুতোঽস্মাভির্ভবান্রাজংস্ততস্তু স্বয়মাগতাঃ॥ 13-123-6 (86173)
রন্তিদেব উবাচ। 13-123-7x (7151)
মম সত্রে পশুৎবং বো যদ্যেবং হি মনীষিতম্।
সময়েনাহমেতেন জুহুয়াং বো হুতাশনে॥ 13-123-7 (86174)
কদাচিদ্যদি বঃ কাচিদকামা বিনিয়ুজ্যতে।
তদা সমাপ্তিঃ সত্রস্য গবাং স্যাদিতি নৈষ্ঠিকী॥ 13-123-8 (86175)
গাব ঊচুঃ। 13-123-9x (7152)
এবমস্তু মহারাজ যথা ৎবং প্রব্রবীষি নঃ।
অকামাঃ স্যুর্যদা গাবস্তদা সত্রং সমাপ্যতাম্॥ 13-123-9 (86176)
ভীষ্ম উবাচ। 13-123-10x (7153)
ততঃ প্রবৃত্তে গোসত্রে রন্তিদেবস্য ধীমতঃ।
গোসহস্রাণ্যহরহর্নিয়ুজ্যন্তে শমীতৃভিঃ॥ 13-123-10 (86177)
এবং বহনি বর্ষাণি ব্যতীতানি নরাধিপ।
গবাং বৈ বধ্যমানানাং ন চান্তঃ প্রত্যদৃশ্যত॥ 13-123-11 (86178)
গবাং চর্মসহস্রৈস্তু রাশয়ঃ পর্বতোপমাঃ।
বভূবুঃ কুরুশার্দূল বহুধা মেঘসংনিভাঃ॥ 13-123-12 (86179)
মেদঃক্লেদবহা চৈব প্রাবর্তত মহানদী।
অদ্যাপি ভুবি বিখ্যাতা নদী চর্মণ্বতী শুভা॥ 13-123-13 (86180)
ততঃ কদাচিৎস্বং বৎসং গৌরুপামন্ত্র্য দুঃখিতা।
এহি বৎস স্তনং পাহি মা ৎবং পশ্চাৎক্ষুদার্দিতঃ॥ 13-123-14 (86181)
তপ্স্যসে বিমনা দুঃখং ঘাতিতায়াং ময়ি ধ্রুবম্।
এতে হ্যায়ান্তি চণ্ডালাঃ সশস্ত্রামাং জিঘাংসবঃ॥ 13-123-15 (86182)
অথ শুশ্রাব তাং বাণীং মানুষীং সমুদাহৃতাম্।
রন্তিদেবো মহারাজ ততস্তাং সমবারয়ৎ॥ 13-123-16 (86183)
স্থাপয়ামাস গোসত্রমথ তং পার্তিবর্ষভ।
সত্রোৎসৃষ্টাঃ পরিত্যক্তা গাবোঽন্যাঃ সমুপাশ্রিতাঃ॥ 13-123-17 (86184)
যাস্তস্য রাজ্ঞো নিহতা গাবো যজ্ঞে মহাত্মনঃ।
তা গোলোকমুপাজগ্মুঃ প্রেক্ষিতা ব্রহ্মবাদিভিঃ॥ 13-123-18 (86185)
রন্তিদেবোপি রাজর্ষিরিষ্ট্বা যজ্ঞং যথাবিধি।
ততঃ সখ্যং সুরপতেস্ত্রিদিবং চাক্ষয়ং যয়ৌ॥ 13-123-19 (86186)
ফেনপো দিবি গোলোকে মুমুদে শাশ্বতীঃ সমাঃ।
অবশিষ্টশ্চ যা গবস্তা বভূবুর্বনেচরাঃ॥ 13-123-20 (86187)
ফেনপাখ্যানমেতত্তে গবাং মাহাত্ম্যমেব চ।
কথিতং পাবনং পুণ্যং কৃষ্ণদ্বৈপায়নেরিতম্॥ 13-123-21 (86188)
নারায়ণোঽপি ভগবান্দৃষ্ট্বা গোষু পরং যশঃ।
শুশ্রূষাং পরমাং চক্রে ভক্তিং চ ভরতর্ষভ॥ 13-123-22 (86189)
তস্মাত্ৎবমপি রাজেন্দ্র গা বৈ পূজয় ভারত।
দ্বিজেভ্যশ্চৈব সততং প্রয়চ্ছ কুরুসত্তম॥ ॥ 13-123-23 (86190)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রয়োবিংশত্যধিকশততমোঽধ্যায়ঃ॥ 123 ॥
Mahabharata - Anushaasana Parva - Chapter Footnotes
7-123-8 কদাচিৎ কদাপি। কাচিৎ কাপি॥ 7-123-10 শমীতৃভিঃ শমিতৃভিঃ। দীর্ঘ আর্ষঃ॥অনুশাসনপর্ব - অধ্যায় 124
॥ শ্রীঃ ॥
13.124. অধ্যায়ঃ 124
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গোমাহাত্ম্যপ্রতিপাদকব্যাসশুকসংবাদানুবাদঃ॥ 1 ॥Mahabharata - Anushaasana Parva - Chapter Text
`যুধিষ্ঠির উবাচ।
পবিত্রাণাং পবিত্রং যচ্ছ্রেষ্ঠং লোকেষু পূজিতম্।
মহাব্রতং মহাভাগ তন্মে ব্রূহি পিতামহ॥ 13-124-1 (86191)
ভীষ্ম উবাচ। 13-124-2x (7154)
অত্রাপ্যুদাহরন্তীমমিতিহাসং পুরাতনম্।
পিতুঃ পুত্রস্য সংবাদং ব্যাসস্য চ শুকস্য চ॥ 13-124-2 (86192)
ঋষীণামুত্তমং কৃষ্ণং ভাবিতাত্মানমচ্যুতম্।
পারম্পর্যবিশেষজ্ঞং সর্বশাস্ত্রার্থকোবিদম্॥ 13-124-3 (86193)
কৃতশৌচঃ শুকস্তত্র কৃতজপ্যঃ কৃতাহ্নিকঃ।
পরং নিয়মমাস্থায় পরং ধর্মমুপাশ্রিতঃ॥ 13-124-4 (86194)
প্রণম্য শিরসা ব্যাসং সূক্ষ্মতৎবার্থদর্শিনম্।
শুকঃ পপ্রচ্ছ বৈ প্রশ্নং দানধর্মকুতূহলঃ॥ 13-124-5 (86195)
বহুচিত্রাণি দানানি বহুশঃ শংসসে মুনে।
মহার্থং পাবনং পুণ্যং কিংস্বিদ্দানং মহাফলম্॥ 13-124-6 (86196)
কেন দুর্গাণি তরতি কেন লোকানবাপ্নুতে।
কেন বা মহদাপ্নোতি ইহ লোকে পরত্র চ॥ 13-124-7 (86197)
কে বা যজ্ঞস্য বোঢারঃ কেষু যজ্ঞঃ প্রতিষ্ঠিতঃ।
কিঞ্চ যজ্ঞস্য যজ্ঞৎবং কিঞ্চ যজ্ঞস্য ভেষজম্।
যজ্ঞানামুত্তমং কিঞ্চ তদ্ভবান্প্রব্রবীতু মে॥ 13-124-8 (86198)
স তস্মৈ ভজমানায় জাতকৌতূহলায় চ।
ব্যাসো ব্রতনিধিঃ প্রাহ গবামিদমনুত্তমম্॥ 13-124-9 (86199)
ধন্যং যশস্যমায়ুষ্যং লোকে শ্রুতিসুখাবহম্।
যৎপবিত্রং পবিত্রাণাং মঙ্গলানাং চ মঙ্গলম্॥ 13-124-10 (86200)
সর্বপাপপ্রশমনং তৎসমাসেন মে শৃণু।
যদিদং তিষ্ঠতে লোকে জগৎস্থাবরজঙ্গমম্।
গাবস্তৎপ্রাপ্য তিষ্ঠন্তি গোলোকে পুণ্যদর্শনাঃ॥ 13-124-11 (86201)
মাতরঃ সর্বভূতানাং বিশ্বস্য জগতশ্চ হ।
রুদ্রাণামিহ সাধ্যানাং গাব এব তু মাতরঃ॥ 13-124-12 (86202)
রুদ্রাণাং মাতরো হ্যেতা হ্যাদিত্যানাং স্বসা স্মৃতাঃ।
বসূনাং চ দুহিত্রস্তা ব্রহ্মসন্তানমূলজাঃ॥ 13-124-13 (86203)
যাসামধিপতিঃ পূষা মরুতো বালবন্ধনাঃ।
ঐশ্বর্যং বরুণো রাজা বিশ্বেদেবাঃ সমাশ্রিতাঃ॥ 13-124-14 (86204)
য এবং বেদ তা গাবো মাতরো দেবপূজিতাঃ।
স বিপ্রো ব্রহ্মলোকায় গবাং লোকায় বা ধ্রুবঃ॥ 13-124-15 (86205)
গাবস্তু নাবমন্যেত কর্মণা মনসা গিরা।
গবাং স্থানং পরং লোকে প্রার্থয়েদ্যঃ পরাং গতিম্॥ 13-124-16 (86206)
ন পদ্ভ্যাং তাডয়েদ্গা বৈ ন দণ্ডেন ন মুষ্টিনা।
ইমাং বিদ্যামুপাশ্রিত্য পাবনীং ব্রহ্মনির্মিতাম্॥ 13-124-17 (86207)
মাতৄণামন্ববায়ে চ ন গোমধ্যে ন গোব্রজে।
নরো মূত্রপুরীষস্য দৃষ্ট্বা কুর্যাদ্বিসর্জনম্॥ 13-124-18 (86208)
শুদ্ধাশ্চন্দনশীতাঙ্গ্যশ্চন্দ্ররশ্মিসমপ্রভাঃ।
সৌম্যাঃ সুরভ্যঃ সুভগা গাবো গুগ্গুলুগন্ধয়ঃ॥ 13-124-19 (86209)
সর্বে দেবাঽবিশন্গা বৈ সমুদ্রমিব সিন্ধবঃ।
দিবং চৈবান্তরিক্ষং চ গবাং ব্যুষ্টিং সমশ্নুতে॥ 13-124-20 (86210)
দধিনা জুহুয়াদগ্নিং দধিনা স্বস্তি বাচয়েৎ।
দধি দদ্যাচ্চ প্রাশেত গবাং ব্যুষ্টিং সমশ্নুতে॥ 13-124-21 (86211)
ঘৃতেন জুহুয়াদগ্নিং ঘৃতেন স্বস্তি বাচয়েৎ।
ঘৃতমালভ্য প্রাশ্নীয়াদ্গবাং ব্যুষ্টিং সমশ্নুতে॥ 13-124-22 (86212)
গাবঃ সংজীবনা যাস্তু গাবো দানমনুত্তমম্।
তাঃ পুণ্যগোপাঃ সুফলা ভজমানং ভজন্তু মাম্॥ 13-124-23 (86213)
যেন দেবাঃ পবিত্রেণ স্বর্গলোকমিতো গতাঃ।
তৎপবিত্রং পবিত্রাণাং মম মূর্ধ্নি প্রতিষ্ঠিতম্॥ 13-124-24 (86214)
বীণামৃদঙ্গপণবা গবাং গাত্রং প্রতিষ্ঠিতাঃ।
ক্রীডারতিবিহারার্থে ত্রিষু লোকেষু বর্ততে॥ 13-124-25 (86215)
ন তত্র দেবা বর্তন্তে নাগ্নিহোত্রাণি জুহ্বতি।
ন যজ্ঞৈরিজ্যতে চাত্র যত্র গৌর্বৈ ন দৃশ্যতে॥ 13-124-26 (86216)
ক্ষীরং দধি ঘৃথং যাসাং রসানামুত্তমো রসঃ।
অমৃতপ্রভবা গাবস্ত্রৈলোক্যং যেন জীবতি॥ 13-124-27 (86217)
ইমামাহূয় ধেনুং চ সবৎসাং যজ্ঞমাতরম্।
উপাহ্বয়ন্তি যাং বিপ্রা গাবো যজ্ঞহবিষ্কৃতম্॥ 13-124-28 (86218)
যা মেধ্যা প্রথমং কর্ম ইয়ং ধেনুঃ সরস্বতী।
পৌর্ণমাসেন বৎসেন কামং কামগুণান্বিতা॥ 13-124-29 (86219)
যত্র সর্বমিদং প্রোতং যৎকিংচিজ্জঙ্গমং জগৎ।
স গৌর্বৈ প্রথমা পুণ্যা সর্বভূতহিতে রতা॥ 13-124-30 (86220)
ধারণাঃ পাবনাঃ পুণ্যা ভাবনা ভূতভাবনাঃ।
গাবো মামভিরক্ষন্তু ইহ লোকে পরত্র চ॥ 13-124-31 (86221)
এষ যজ্ঞঃ সহোপাঙ্গ এষ যজ্ঞঃ সনাতনঃ।
বেদাঃ সহোপনিষদো গবাং রূপাঃ প্রতিষ্ঠিতাঃ॥ 13-124-32 (86222)
এতত্তাত ময়া প্রোক্তং গবামিহ পরং মতম্।
সর্বতঃ শ্রাবয়েন্নিত্যং প্রয়তো ব্রহ্মসংসদি॥ 13-124-33 (86223)
শ্রুৎবা লভেত তাঁল্লোকান্যে ময়া পরিকীর্তিতাঃ।
শ্রাবয়িৎবাপি প্রীতাত্মা লোকাংস্তান্প্রতিপদ্যতে 13-124-34 (86224)
ধেনুমেকাং সমাদদ্যাদহন্যহনি পাবনীম্।
তত্তথা প্রাপ্নুয়াদ্বিপ্রঃ পঠন্বৈ গোমতীং সদা॥ 13-124-35 (86225)
অথ ধেনুর্ন বিদ্যতে তিলধেনুমনুত্তমাম্।
দদ্যাদ্গোমতিকল্পেন তাং ধেনুং সর্বপাবনীম্॥ 13-124-36 (86226)
আহ্নিকং গোমতীং নিত্যং যঃ পঠেত সদা নরঃ।
সর্বপাপাৎপ্রমুচ্যেত প্রয়তাত্মা য আচরেৎ॥ 13-124-37 (86227)
ঘৃতং বা নিত্যমালভ্য প্রাশ্য বা গোমতীং জপেৎ।
স্নাৎবা বা গোকরীষেণ পঠন্পাপাৎপ্রমুচ্যতে॥ 13-124-38 (86228)
মনসা গোমতীং জপ্যেদ্গোমত্যা নিত্যমাহ্নিকম্।
ন ৎবেন দিবসং কুর্যাদ্ব্যর্থং গোমত্যপাঠকঃ॥ 13-124-39 (86229)
গোমতীং জপমানা হি দেবা দেবৎবমাপ্নুবন্।
ঋষিৎবমৃষয়শ্চাপি গোমত্যা সর্বমাপ্নুবন্॥ 13-124-40 (86230)
বদ্ধো বন্ধাৎপ্রমুচ্যেত কৃচ্ছ্রান্মুচ্যেত সঙ্কটাৎ।
গোমতীং সেবতে যস্তু লভতে প্রিয়সঙ্গমম্॥ 13-124-41 (86231)
এতৎপবিত্রং কার্ৎস্ন্যেন এতদ্ব্রতমনুত্তমম্।
এতত্তু পৃথিবীপাল পাবনং শৃণ্বতাং সদা॥ 13-124-42 (86232)
পুত্রকামাশ্চ যে কেচিদ্ধনকামাশ্চ মানবাঃ।
অদ্ধানে চোরবৈরিভ্যো মুচ্যতে গোমতীং পঠন্॥ 13-124-43 (86233)
পূর্ববৈরানুবন্ধেষু রণএ চাপ্যাততায়িনঃ।
লভেত জয়মেবাশু সদা গোমতিপাঠকঃ॥'॥ ॥ 13-124-44 (86234)
ইতি শ্রীমন্মহাভারতে অনুশাসনপর্বণি দানধর্মপর্বণি চতুর্বিংশত্যধিকশততমোঽধ্যায়ঃ॥ 124 ॥
Mahabharata - Anushaasana Parva - Chapter Footnotes
7-124-1 দেবব্রত মহাভাগেতি ক.পাঠঃ॥ 7-124-18 মাতৄণামনুপাতে চেতি থ.পাঠ.॥ 7-124-26 যত্র গৌর্বৈ ন দুহ্যতে ইতি থ.পাঠ॥অনুশাসনপর্ব - অধ্যায় 125
॥ শ্রীঃ ॥
13.125. অধ্যায়ঃ 125
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ব্যাসেন শুকম্প্রতি ব্রাহ্মণেতরবর্ণানাং কপিলাক্ষীরোপজীবনার্হৎবাদিকথনম্॥ 1 ॥Mahabharata - Anushaasana Parva - Chapter Text
`শুক উবাচ।
ক্ষত্রিয়াশ্চৈব শূদ্রাশ্চ মন্ত্রহীনাশ্চ যে দ্বিজাঃ।
কপিলামুপজীবন্তি কথমেতৎপিতর্ভবেৎ॥ 13-125-1 (86235)
শ্রীব্যাস উবাচ। 13-125-2x (7155)
ক্ষত্রিয়াশ্চৈব শূদ্রাশ্চ মন্ত্রহীনাশ্চ যে দ্বিজাঃ।
কপিলামুপজীবন্তি তেষাং বক্ষ্যামি নির্ণয়ম্॥ 13-125-2 (86236)
কপিলাস্তূত্তমা লোকে গোষু চৈবোত্তমা মতাঃ।
তাসাং দাতা লভেৎস্বর্গং বিধিনা যশ্চ সেবতে॥ 13-125-3 (86237)
স্পৃশেত কপিলাং যস্তু দণ্ডেন চরণেন বা।
স তেন স্পর্শমাত্রেণ নরকায়োপপদ্যতে॥ 13-125-4 (86238)
মন্ত্রেণ যুঞ্জ্যাৎকপিলাং মন্ত্রেণৈব প্রমুঞ্চতে।
মন্ত্রিহীনং তু যো যুঞ্জাৎকৃমিয়োনৌ প্রসূয়তে॥ 13-125-5 (86239)
প্রহারাহতমর্মাঙ্গা দুঃখেন চ জডীকৃতা।
পদানি যাবদ্গচ্ছেত তাবল্লোকান্কৃমির্ভবেৎ॥ 13-125-6 (86240)
যাবন্তো বিন্দবস্তস্যাঃ শোণিতস্য ক্ষিতিং গতাঃ।
তাবদ্বর্ষসহস্রাণি নরকং প্রতিপদ্যতে॥ 13-125-7 (86241)
মন্ত্রেণ যুঞ্জ্যাৎকপিলাং মন্ত্রেণ বিনিয়োজয়েৎ।
মন্ত্রহীনৈরনুয়ুতো মঞ্জয়েত্তমসি প্রভো॥ 13-125-8 (86242)
কপিলাং যেঽপি জীবন্তি বুদ্ধিমোহান্বিতা নরাঃ।
তেঽপি বর্ষসহস্রাণি পতন্তি নরকে নৃপ॥ 13-125-9 (86243)
অথ ন্যায়েন যে বিপ্রাঃ কপিলামুপয়ুঞ্জতে।
তস্মিংল্লোকে প্রমোদন্তে লোকাশ্চৈষামনাময়াঃ॥ 13-125-10 (86244)
বিধিনা যে ন কুর্বন্তি শূদ্রাস্তানুপধারয়॥' ॥ 13-125-11 (86245)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চবিংশত্যধিকশততমোঽধ্যায়ঃ॥ 125 ॥
অনুশাসনপর্ব - অধ্যায় 126
॥ শ্রীঃ ॥
13.126. অধ্যায়ঃ 126
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ব্যাসেন শুকম্প্রতি কপিলানাং গবাং স্বাঙ্গপ্রবেশনেন দেবেভ্যঃ প্রচ্ছন্নমাত্মনোগোপনাৎপরিতুষ্টস্যাগ্নের্বরাৎসর্বশ্রৈষ্ঠ্যপ্রাপ্তিকথনম্॥ 1 ॥Mahabharata - Anushaasana Parva - Chapter Text
`শুক উবাচ।
নানাবর্ণৈরুপেতানাং গবাং কিং মুনিসত্তম।
কপিলাঃ সর্ববর্ণেষু বরিষ্ঠৎবমবাপ্নুবন্॥ 13-126-1 (86246)
ব্যাস উবাচ। 13-126-2x (7156)
শৃণু পুত্র যথা গোষু বরিষ্ঠাঃ কপিলাঃ স্মৃতাঃ।
কপিলৎবং চ সম্প্রাপ্তাঃ পূজ্যাশ্চি সততং নৃষু॥ 13-126-2 (86247)
অগ্নিঃ পুরাপচক্রাম দেবেভ্য ইতি নঃ শ্রুতম্।
দেবেভ্যো মাং ছাদয়ত শরণ্যাঃ শরণং গতম্॥ 13-126-3 (86248)
ঊচুস্তাঃ সহিতাস্তত্র স্বাগতং তব পাবকঃ।
ইহ গুপ্তস্ৎবমস্মাভির্ন দেবৈরুপলপ্স্যসে॥ 13-126-4 (86249)
অথ দেবা বিবিৎসন্তঃ পাবকং পরিচক্রমুঃ।
গোষু গুপ্তং চ বিজ্ঞায় তাঃ ক্ষিপ্রমুপতস্থিরে॥ 13-126-5 (86250)
যুষ্মাসু নিবসত্যগ্নিরিতি গাঃ সমচূচুদন্।
প্রকাশ্যতাং হুতবহো লোকান্ন চ্ছেত্তুমর্হথ॥ 13-126-6 (86251)
এবমস্ৎবিত্যুনুজ্ঞায় পাবকং সমদর্শয়ন্॥ 13-126-7 (86252)
অধিগম্য পাবকং তুষ্টাস্তে দেবাঃ সদ্য এব তু।
অগ্নিং প্রচোদয়ামাসুঃ ক্রিয়তাং গোষ্বনুগ্রহঃ॥ 13-126-8 (86253)
গবাং তু যাসাং গাত্রেষু পাবকঃ সমবস্থিতঃ।
কপিলৎবমনুপ্রাপ্তাঃ সর্বশ্রেষ্ঠৎবমেব চ॥ 13-126-9 (86254)
মহাফলৎবং লোকে চ দদৌ তাসাং হুতাশনঃ।
তস্মাদ্ধি সর্ববর্ণানাং কপিলাং গাং প্রদাপয়।
শ্রোত্রিয়ায় প্রশান্তায় প্রয়তায়াগ্নিহোত্রিণে॥ 13-126-10 (86255)
যাবন্তি রোমাণি ভন্তি ধেন্বা
যুগানি তাবন্তি পুনাতি দাতৄন্।
প্রতিগ্রহীতৄংশ্চ পুনাতি দত্তা
শিষ্টে তু গৌর্বৈ প্রতিপাদনেন॥ ॥ 13-126-11 (86256)
ইতি শ্রীমন্মহাভারতে অনুশাসনপর্বণি দানধর্মপর্বণি ষড্বিংশত্যধিকশততমোঽধ্যায়ঃ॥ 126 ॥
অনুশাসনপর্ব - অধ্যায় 127
॥ শ্রীঃ ॥
13.127. অধ্যায়ঃ 127
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ব্যাসেন শুকম্প্রতি কপিলালক্ষণবিভাগাদিকথনম্॥ 1 ॥Mahabharata - Anushaasana Parva - Chapter Text
শুক উবাচ।
কেন বর্ণবিভাগেন বিজ্ঞেয়া কপিলা ভবেৎ।
কতি বা লক্ষণান্যস্যা দৃষ্টানি মুনিভিঃ পুরা॥ 13-127-1 (86257)
শ্রীব্যাস উবাচ। 13-127-2x (7157)
শৃণু তাত যথা গোষু বিজ্ঞেয়া কপিলা ভবেৎ।
নেত্রয়োঃ শৃঙ্গয়োশ্চৈব খুরেষু বৃষণেষু চ।
কর্ণতো ঘ্রাণতশ্চাপি ষড্বিধাঃ কপিলাঃ স্মৃতাঃ॥ 13-127-2 (86258)
এতেষাং লক্ষণানাং তু যদ্যেকমপি দৃশ্যতে।
কপিলাং তাং বিজানীয়াদেবমাহুর্মনীষিণঃ॥ 13-127-3 (86259)
আগ্নেয়ী নেত্রকপিলা খুরৈর্মাহেশ্বরী ভবেৎ।
গ্রীবায়াং বৈষ্ণবী জ্ঞেয়া পূষ্ণো ঘ্রাণাদজায়ত॥ 13-127-4 (86260)
কর্ণতস্তু বসন্তেন স্বয়োনিমভিজায়তে।
গায়ত্র্যাশ্চ বৃষণয়োরুৎপত্তিঃ ষড্গুণা স্মৃতা॥ 13-127-5 (86261)
এবং গাবশ্চ বিপ্রাশ্চ গায়ত্রী সত্যমেব চ।
বসন্তশ্চ সুবর্ণশ্চ একতঃ সমজায়ত॥ 13-127-6 (86262)
নেত্রয়োঃ কপিলাং যস্তু বাহয়েত দুহেত বা।
স পাপকর্মা নরকং প্রতিষ্ঠাং প্রতিপদ্যতে॥ 13-127-7 (86263)
নরকাদ্বিপ্রমুক্তস্তু তির্যগ্যোনিং নিষেবতে।
যদা লভেত মানুষ্যং জাত্যন্ধো জায়তে নরঃ॥ 13-127-8 (86264)
শৃঙ্গয়োঃ কপিলাং যস্তু বাহয়েত দুহেত বা।
তির্যগ্যোনিং স লভতে জায়মানঃ পুনঃ পুনঃ॥ 13-127-9 (86265)
খুরেষু কপিলাং যস্তু বাহয়েত দুহেত বা।
তমস্যপারে মজ্জেত ধনহীনো নরাধমঃ॥ 13-127-10 (86266)
কপিলাং বালধানেষু বাহয়েত দুহেত বা।
নিরাশ্রয়ঃ সদা চৈব জায়তে যদি চেৎকৃমিঃ॥ 13-127-11 (86267)
কর্ণেন কপিলাং যস্তু জানন্নপ্যুপজীবতি।
সহস্রশঃ শুচির্ভুৎবা মানুষ্যং প্রাপ্নুয়াদথ।
চণ্ডালঃ পাপয়োনিশ্চ জায়তে স নরাধমঃ॥ 13-127-12 (86268)
ঘ্রাণেন কপিলাং যস্তু প্রমাদাদুপজীবতি।
সোঽপি বর্ষসহস্রাণি তির্যগ্যোনৌ প্রজায়তে॥ 13-127-13 (86269)
ব্যাধিগ্রস্তো জডো রোগী ভবেন্মানুষ্যমাগতঃ॥ 13-127-14 (86270)
মধুসর্পিস্সুগন্ধাস্তু কপিলাঃ শাস্ত্রতঃ স্মৃতাঃ।
এতাঃ সমুপজীবেত সোঽপি তির্যক্ষু জায়তে॥ 13-127-15 (86271)
স্থাবরৎবমনুপ্রাপ্তো যদি মানুষ্যতাং লভেৎ।
অল্পায়ুঃ স ভবেজ্জাতো হীনবর্ণকুলোদ্ভবঃ॥ 13-127-16 (86272)
যে তু পাপা হ্যসূয়ন্তে কপিলাং বাহয়ন্তি চ।
নিরয়েষু প্রতিষ্ঠন্তে যাবদাভূতসম্প্লবম্॥ ॥ 13-127-17 (86273)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তবিংশত্যধিকশততমোঽধ্যায়ঃ॥ 127 ॥
Mahabharata - Anushaasana Parva - Chapter Footnotes
7-127-7 বাহয়েন দমেত বেতি থ.পাঠ.॥অনুশাসনপর্ব - অধ্যায় 128
॥ শ্রীঃ ॥
13.128. অধ্যায়ঃ 128
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি শ্রিয়ো বলাৎকারেণ স্বপ্রার্থনয়া গোমূত্রপুরীষয়োর্নিবাসস্য কথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
ময়া গবাং পুরীষং বৈ শ্রিয়া জুষ্টমিতি শ্রুতম্।
এতদিচ্ছাম্যহং শ্রোতুং সংশয়োঽত্র হি মে মহান্॥ 13-128-1 (86274)
ভীষ্ম উবাচ। 13-128-2x (7158)
অত্রাপ্যুদাহরন্তীমমিতিহাসং পুরাতনম্।
গোভির্নৃপেহং সংবাদং শ্রিয়া ভারতসত্তম॥ 13-128-2 (86275)
গাবোঽথ বিস্মিতাস্তস্যা দৃষ্ট্বা রূপস্য সম্পদম্॥ 13-128-3 (86276)
গাব ঊচুঃ। 13-128-4x (7159)
কাঽসি দেবি কুতো বা ৎবং রূপেণাপ্রতিমা ভুবি।
বিস্মিতাঃ স্ম মহাভাগে তব রূপস্য সম্পদা॥ 13-128-4 (86277)
ইচ্ছামস্ৎবাং বয়ং জ্ঞাতুং কা ৎবং ক্ব চ গমিষ্যসি।
তত্ৎবেন হি সুবর্ণাভে সর্বমেতদ্ব্রবীহি নঃ॥ 13-128-5 (86278)
শ্রীরুবাচ। 13-128-6x (7160)
লোকস্য কান্তির্ভদ্রং বঃ শ্রীর্নামাহং পরিশ্রুতা।
ময়া দৈত্যাঃ পরিত্যক্তা বিনষ্টাঃ শাশ্বতীঃ সমাঃ॥ 13-128-6 (86279)
ময়াঽভিপন্না দেবাশ্চ মোদন্তে শাশ্বতীঃ সমাঃ।
ইন্দ্রো বিবস্বান্সোমশ্চ বিষ্ণুরাপোঽগ্নিরেব চ॥ 13-128-7 (86280)
ময়াঽভিপন্না দীপ্যন্তে ঋষয়ো দেবতাস্তথা।
যান্নাবিশাম্যহং গাবস্তে বিনশ্যন্তি সর্বশঃ॥ 13-128-8 (86281)
ধর্মশ্চার্থশ্চ কামশ্চ ময়া জুষ্টাঃ সুখান্বিতাঃ।
এবংপ্রভাবাং মাং গাবো বিজানীত সুখপ্রদাম্॥ 13-128-9 (86282)
ইচ্ছামি চাপি যুষ্মাসু বস্তুং সর্বাসু নিত্যদা।
আগত্য প্রার্থয়ে যুষ্মাঞ্শ্রীজুষ্টা ভবতাঽনঘাঃ॥ 13-128-10 (86283)
গাব ঊচুঃ। 13-128-11x (7161)
অধ্রুবা চপলা চ ৎবং সামান্যা বহুভিঃ সহ।
ন ৎবামিচ্ছাম ভদ্রং তে গম্যতাং যত্র রোচতে॥ 13-128-11 (86284)
বপুষ্মন্ত্যো বয়ং সর্বাঃ কিমস্মাকং ৎবয়াঽদ্য বৈ।
যথেষ্টং গম্যতাং তত্র কৃতকার্যা বয়ং ৎবয়া॥ 13-128-12 (86285)
শ্রীরুবাচ। 13-128-13x (7162)
কিমেতদ্বঃ ক্ষমং গাবো যন্মাং নেহাভিনন্দথ।
ন মাং সম্প্রতিগৃহ্ণীধ্বং কস্মাদ্বৈ দুর্লভাং সতীম্॥ 13-128-13 (86286)
সত্যশ্চ লোকবাদোঽয়ং লোকে চরতি সুব্রতাঃ।
স্বয়ং প্রাপ্তে পরিভবো ভবতীতি বিনিশ্চয়ঃ॥ 13-128-14 (86287)
মহদুগ্রং তপঃ কৃৎবা মাং নিষেবন্তি মানবাঃ।
দেবদানবগন্ধর্বাঃ পিশাচোরগরাক্ষসাঃ॥ 13-128-15 (86288)
ক্ষমমেতদ্ধি বো গাবঃ প্রতিগৃহ্ণীত মামিহ।
নাবমন্যা হ্যহং সৌম্যাস্ত্রৈলোক্যে সচরাচরে॥ 13-128-16 (86289)
গাব ঊচুঃ। 13-128-17x (7163)
নাবমান্যামহে দেবি ন ৎবাং পরিভবামহে।
অধ্রুবা চলচিত্তাসি ততস্ৎবাং বর্জয়ামহে॥ 13-128-17 (86290)
বহুনা চ কিমুক্তেন গম্যতাং যত্র বাঞ্ছসি।
বপুষ্মন্ত্যো বয়ং সর্বাঃ কিমস্মাকং ৎবয়াঽনঘে॥ 13-128-18 (86291)
শ্রীরুবাচ। 13-128-19x (7164)
অবজ্ঞাতা ভবিষ্যামি সর্বলোকেষু মানবৈঃ।
প্রত্যাখ্যাতেতি যুষ্মাভিঃ প্রসাদঃ ক্রিয়তাং মম॥ 13-128-19 (86292)
মহাভাগা ভবত্যো বৈ শরণ্যাঃ শরণাগতাম্।
পরিত্রায়ন্তু মাং নিত্যং ভজমানামনিন্দিতাম্॥ 13-128-20 (86293)
মাননামহমিচ্ছামি ভবত্যঃ সততং শিবাঃ।
অপ্যেকাঙ্গেষ্বধো বস্তুমিচ্ছামি চ সুকুৎসিতে॥ 13-128-21 (86294)
ন বোঽস্তি কুৎসিতং কিঞ্চিদঙ্গেষ্বালক্ষ্যতেঽনঘাঃ।
পুণ্যাঃ পবিত্রাঃ সুভগা অবাগ্দেশং প্রয়চ্ছথ।
বসেয়ং যত্র বো দেহে তন্মে ব্যাখ্যাতুমর্হথ॥ 13-128-22 (86295)
এবমুক্তাস্তু তা গাবঃ শুভাঃ করুণবৎসলাঃ।
সম্মান্য সহিতাঃ সর্বাঃ শ্রিয়মুচুর্নরাধিপ॥ 13-128-23 (86296)
অবশ্যং মাননা কার্যা তবাস্মাভির্যশস্বিনি।
শকৃন্মূত্রে নিবসতাং পুণ্যমেতদ্ধি নঃ শুভে॥ 13-128-24 (86297)
শ্রীরুবাচ। 13-128-25x (7165)
দিষ্ট্যা প্রসাদো যুষ্মাভিঃ কৃতো মেঽনুগ্রহাত্মকঃ।
এবং ভবতু ভদ্রং বঃ পূজিতাঽস্মি সুখপ্রদাঃ॥ 13-128-25 (86298)
ভীষ্ম উবাচ। 13-128-26x (7166)
এবং কৃৎবা তু সময়ং শ্রীর্গোভিঃ সহ ভারত।
পশ্যন্তীনাং ততস্তাসাং তত্রৈবান্তরধীয়ত॥ 13-128-26 (86299)
এবং গোশকৃতঃ পুত্র মাহাত্ম্যং তেঽনুবর্ণিতম্।
মাহাত্ম্যং চ গবাং ভূয়ঃ শ্রূয়তাং গদতো মম॥ ॥ 13-128-27 (86300)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টবিংশত্যধিকশততমোঽধ্যায়ঃ॥ 128 ॥
Mahabharata - Anushaasana Parva - Chapter Footnotes
7-128-3 বিস্মিতা অভবন্নিতি শেষঃ॥ 7-128-21 একা অহম্। অঙ্গেষু মধ্যে কুৎসিতে। সুপ্রীতাঙ্গেষু বো বস্তুমিচ্ছামীহ ন কুৎসিতে ইতি ধ.পাঠঃ॥ 7-128-23 সম্মন্ত্র্য সহিতা ইতি ঝ.পাঠঃ॥অনুশাসনপর্ব - অধ্যায় 129
॥ শ্রীঃ ॥
13.129. অধ্যায়ঃ 129
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরম্প্রতি গোলোকস্য দেবলোকস্য দেবলোকাদপ্যুপরিতনৎবে নিমিত্তপ্রতিপাদকব্রহ্মশক্রসংবাদানুবাদঃ॥ 1 ॥Mahabharata - Anushaasana Parva - Chapter Text
ভীষ্ম উবাচ।
যে চ গাঃ সম্প্রয়চ্ছন্তি হুতশিষ্টাশিনশ্চ যে।
তেষাং সত্রাণি যজ্ঞাশ্চ নিত্যমেব যুধিষ্ঠির॥ 13-129-1 (86301)
ঋতে দধিঘৃতেনেহ ন যজ্ঞঃ সম্প্রবর্ততে।
তেন যজ্ঞস্য যজ্ঞৎবমতো মূলং চ লক্ষ্যতে॥ 13-129-2 (86302)
দানানামপি সর্বেষাং গবাং দানং প্রশস্যতে।
গাবঃ শ্রেষ্ঠাঃ পবিত্রাশ্চ পাবনং হ্যেতদুত্তমম্॥ 13-129-3 (86303)
পুষ্ট্যর্থমেতাঃ সেবেত শান্ত্যর্থমপি চৈব হ।
পয়ো দধি ঘৃতং চাসাং সর্বপাপপ্রমোচনম্॥ 13-129-4 (86304)
গাবস্তেজঃ পরং প্রোক্তমিহ লোকে পরত্র চ।
ন গোভ্যঃ পরমং কিঞ্চিৎপবিত্রং ভরতর্ষভ॥ 13-129-5 (86305)
অত্রাপ্যুদাহরন্তীমমিতিহাসং পুরাতনম্।
পিতামহস্য সংবাদমিন্দ্রস্য চ যুধিষ্ঠির॥ 13-129-6 (86306)
পরাভূতেষু দৈত্যেষু শক্রস্ত্রিভুবনেশ্বরঃ।
প্রজাঃ সমুদিতাঃ সর্বাঃ সত্যধর্মপরায়ণাঃ॥ 13-129-7 (86307)
অথর্ষয়ঃ সগন্ধর্বাঃ কিন্নরোরগরাক্ষসাঃ।
দেবাসুরসুপর্ণাশ্চ প্রজানাং পতয়স্তথা।
পর্যুপাসত কৌন্তেয় কদাচিদ্বৈ পিতামহম্॥ 13-129-8 (86308)
নারদঃ পর্বতশ্চৈব বিশ্বাবসুহহাহুহূঃ।
দিব্যতানেষু গায়ন্তঃ পর্যুপাসত তং প্রভুম্॥ 13-129-9 (86309)
তত্র দিব্যানি পুষ্পাণি প্রাবহৎপবনস্তদা।
আজহ্রুর্ঋতবশ্চাপি সুগন্ধীনি পৃথক্পৃথক্॥ 13-129-10 (86310)
তস্মিন্দেবসমাবায়ে সর্বভূতসমাগমে।
দিব্যবাদিত্রসংঘুষ্টে দিব্যস্ত্রীচারণাবৃতে।
ইন্দ্রঃ পপ্রচ্ছ দেবেশমভিবাদ্য প্রণম্য চ॥ 13-129-11 (86311)
দেবানাং ভগবন্কস্মাল্লোকেশানাং পিতামহ।
উপরিষ্ঠাদ্গবাং লোক এতদিচ্ছামি বেদিতুম্॥ 13-129-12 (86312)
কিং তপো ব্রহ্মচর্যং বা গোভিঃ কৃতমিহেশ্বর॥
দেবানামুপরিষ্টাদ্যদ্বসন্ত্যরজসঃ সুখম্॥ 13-129-13 (86313)
ততঃ প্রোবাচ ব্রহ্মা তং শক্রং বলনিষূদনম্।
অবজ্ঞাতাস্ৎবয়া নিত্যং গাবো বলনিষূদন॥ 13-129-14 (86314)
তেন ৎবমাসাং মাহাত্ম্যং ন বেৎসি শৃণু যৎপ্রভো।
গবাং প্রভাবং পরমং মাহাত্ম্যং চ সুরর্ষভ॥ 13-129-15 (86315)
যজ্ঞাঙ্গং কথিতা গাবো যজ্ঞ এব চ বাসব।
এতাভিশ্চ বিনা বিজ্ঞো ন বর্তেত কথঞ্চন॥ 13-129-16 (86316)
ধারয়ন্তি প্রজাশ্চৈতাঃ পয়সা হবিষা তথা।
এতাসাং তনয়াশ্চাপি কৃষিয়োগমুপাসতে॥ 13-129-17 (86317)
জনয়ন্তি চ ধান্যানি বীজানি বিবিধানি চ।
ততো যজ্ঞাঃ প্রবর্তন্তে হব্যং কব্যং চ সর্বশঃ॥ 13-129-18 (86318)
পয়ো দধি ঘৃতং চৈব পুণ্যাশ্চৈতাঃ সুরাধিপ।
বহন্তি বিবিধান্ভোগান্ক্ষুত্তৃষ্ণাপরিপীডিতাঃ॥ 13-129-19 (86319)
মুনীংশ্চ ধারয়ন্তীহ প্রজাশ্চৈবাপি কর্মণা।
বাসবাঽকূটবাহিন্যঃ কর্মণা সুকৃতেন চ॥ 13-129-20 (86320)
উপরিষ্টাত্ততোঽস্মাকং বসন্ত্যেতাঃ সদৈব হি।
এতত্তে কারণং শক্র নিবাসকৃতমধ্য বৈ।
গাবো দেবোপরিষ্টাদ্ধি সমাখ্যাতাঃ শতক্রতো॥ 13-129-21 (86321)
এতা হি বরদত্তাশ্চ বরদাশ্চাপি বাসব।
সুরভ্যঃ পুণ্যকর্মিণ্যঃ পাবনাঃ শুভলক্ষণাঃ॥ 13-129-22 (86322)
যদর্থং গাং গতাশ্চৈব সুরভ্যঃ সুরসত্তম।
তচ্চ মে শৃণু কার্স্ন্যেন বদতো বলসূদন॥ 13-129-23 (86323)
পুরা দেবয়ুগে তাত দৈত্যেন্দ্রেষু মহাত্মসু।
ত্রীঁল্লোকাননুশাসৎসু বিষ্ণৌ গর্ভৎবমাগতে॥ 13-129-24 (86324)
অদিত্যাং তপ্যমানায়াং তপো ঘোরং সুদুশ্চরম্।
পুত্রার্থমমরশ্রেষ্ঠ পাদেনৈকেন নিত্যদা॥ 13-129-25 (86325)
তাং তু দৃষ্ট্বা মহাদেবীং তপ্যমানাং মহত্তপঃ।
দক্ষস্য দুহিতা দেবী সুরভির্নাম নামতঃ॥ 13-129-26 (86326)
অতপ্যত তপো ঘোরং হৃষ্টা ধর্মপরায়ণা।
কৈলাসশিখরে রম্যে দেবগন্ধর্বসেবিতে॥ 13-129-27 (86327)
ব্যতিষ্ঠদেকপাদেন পরমং যোগমাস্থিতা।
দশবর্ষসহস্রাণি দশবর্ষশতানি চ॥ 13-129-28 (86328)
সন্তপ্তাস্তপসা তস্যা দেবাঃ সর্ষিমহোরগাঃ।
তত্র গৎবা ময়া সার্ধং পর্যুপাসত তাং শুভাং॥ 13-129-29 (86329)
অথাহমব্রবং তত্র দেবীং তাং তপসাঽন্বিতাম্।
কিমর্থং তপ্যসে দেবি তপো ঘোরমনিন্দিতে॥ 13-129-30 (86330)
প্রীতস্তেঽহং মহাভাগো তপসাঽনেন শোভনে।
বরয়স্ব বরং দেবি দাতাস্মীতি পুরন্দর॥ 13-129-31 (86331)
সুরভিরুবাচ। 13-129-32x (7167)
বরেণ ভগবন্মহ্যং কৃতং লোকপিতামহ।
এষ এব বরো মেঽদ্য যৎপ্রীতোসি মমানঘ॥ 13-129-32 (86332)
ব্রহ্মোবাচ। 13-129-33x (7168)
তামেব ব্রুবতীং দেবীং সুরভিং ত্রিদশেশ্বর।
প্রত্যব্রবং যদ্দেবেন্দ্র তন্নিবোধ শচীপতে॥ 13-129-33 (86333)
অলোভকাম্যযা দেবি তপসা শুচিনা চ তে।
প্রসন্নোঽহং বরং তস্মাদমরৎবং দাদামি তে॥ 13-129-34 (86334)
ত্রয়াণামপি লোকানামুপরিষ্টান্নিবৎস্যসি।
মৎপ্রসাদাচ্চ বিখ্যাতো গোলোকঃ সম্ভবিষ্যতি॥ 13-129-35 (86335)
মানুষেষু চ কুর্বাণাঃ প্রজাঃ কর্ম শুভাস্তব।
নিবৎস্যন্তি মহাভাগো সর্বা দুহিতরশ্চ তে॥ 13-129-36 (86336)
মনসা চিন্তিতা ভোগাস্ৎবয়া বৈ দিব্যমানুষাঃ।
যচ্চ স্বর্গসুখং দেবি তত্তে সম্পৎস্যতে শুভে॥ 13-129-37 (86337)
তস্যা লোকাঃ সহস্রাক্ষ সর্বকামসমন্বিতাঃ।
ন তত্র ক্রমতে মৃত্যুর্ন জরা ন চ পাবকঃ।
ন দৈন্যং নাশুভং কিঞ্চিদ্বিদ্যতে তত্র বাসব॥ 13-129-38 (86338)
তত্র দিব্যান্যরণ্যানি দিব্যানি ভবনানি চ।
বিমানানি সুয়ুক্তানি কামগানি চ বাসব॥ 13-129-39 (86339)
ব্রহ্মচর্যেণ তপসা সত্যেন চ দমেন চ।
দানৈশ্চ বিবিধৈঃ পুণ্যৈস্তথা তীর্থানুসেবনাৎ॥ 13-129-40 (86340)
তপসা মহতা চৈব সুকৃতেন চ কর্মণা।
শক্যঃ সমাসাদয়িতুং গোলোকঃ পুষ্করেক্ষণ॥ 13-129-41 (86341)
এতত্তে সর্বমাখ্যাতং ময়া শক্রানুপৃচ্ছতে।
ন তে পরিভবঃ কার্যো গবামসুরসূদন॥ 13-129-42 (86342)
ভীষ্ম উবাচ। 13-129-43x (7169)
এতচ্ছ্রুৎবা সহস্রাক্ষঃ পূজয়ামাস নিত্যদা।
গাশ্চক্রে বহুমানং চ তাসু নিত্যং যুধিষ্ঠির॥ 13-129-43 (86343)
এতত্তে সর্বমাখ্যাতং পাবনং চ মহাদ্যুতে।
পবিত্রং পরমং চাপি গবাং মাহাত্ম্যমুত্তমম্। 13-129-44 (86344)
কীর্তিতং পুরুষব্যাঘ্র সর্বপাপবিমোচনম্।
য ইদং কথয়েন্নিত্যং ব্রাহ্মণেভ্যঃ সমাহিতঃ॥ 13-129-45 (86345)
হব্যকব্যেষু যজ্ঞেষু পিতৃকার্যেষু চৈব হ।
সার্বকামিকমক্ষয়্যং পিতৄংস্তস্যোপতিষ্ঠতে॥ 13-129-46 (86346)
গোষু ভক্তশ্চ লভতে যদ্যদিচ্ছতি মানবঃ।
স্ত্রিয়োপি ভক্তা যা গোষু তাশ্চ কামমবাপ্নুয়ুঃ॥ 13-129-47 (86347)
পুত্রার্থীং লভতে পুত্রং কন্যার্থী তামবাপ্নুয়াৎ।
ধনার্থী লভতে বিত্তং ধর্মার্থী ধর্মমাপ্নুয়াৎ॥ 13-129-48 (86348)
বিদ্যার্থী চাপ্নুয়াদ্বিদ্যাং সুখার্থী প্রাপ্নুয়াৎসুখম্।
ন কিঞ্চিদ্দুর্লভং চৈব গবাং ভক্তস্য ভারত॥ ॥ 13-129-49 (86349)
ইতি শ্রীমন্মহাভারতে অনুশাসনপর্বণি দানধর্মপর্বণি একোনত্রিংশদধিকশততমোঽধ্যায়ঃ॥ 128 ॥
Mahabharata - Anushaasana Parva - Chapter Footnotes
7-129-20 বাসব অকূটবাহিন্যঃ অমায়াব্যবহারিণ্যঃ॥ 7-129-21 নিবাসার্থং কৃতং নিবাসকৃতম্॥ 7-129-48 কন্যা পতিমবাপ্নুয়াদিতি ক.থ.ধ.পাঠঃ॥অনুশাসনপর্ব - অধ্যায় 130
॥ শ্রীঃ ॥
13.130. অধ্যায়ঃ 130
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরেণ সুবণোৎপত্তিপ্রকারং পৃষ্টেন ভীষ্মেণ তৎপ্রতিপাদকবসিষ্ঠপরসুরামসংবাদানুবাদারম্ভঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
উক্তং পিতামহেনেদং গবাং দানমনুত্তমম্।
বিশেষেণ নরেন্দ্রাণামিহ ধর্মমবেক্ষতাম্॥ 13-130-1 (86350)
রাজ্যং হি সততং দুঃখমাশ্রমাশ্চ সুদুর্বিদাঃ।
পরিচারেষু বৈ দুঃখং দুর্ধরং চাকৃতাত্মভিঃ।
ভূয়িষ্ঠং চ নরেন্দ্রাণাং বিদ্যতে ন শুভা গতিঃ॥ 13-130-2 (86351)
পূয়ন্তে তত্র নিয়তং প্রয়চ্ছন্তো বসুন্ধরাম্।
সর্বে চ কথিতা ধর্মাস্ৎবয়া মে কুরুনন্দন॥ 13-130-3 (86352)
এবমেব গবামুক্তং প্রদানং তে নৃগেণ হ।
ঋষিণা নাচিকেতেন পূর্বমেব নিদর্শিতম্॥ 13-130-4 (86353)
বেদোপনিষদে চৈব সর্বকর্মসু দক্ষিণাঃ।
সর্বক্রতুষু চোদ্দিষ্টা ভূমির্গাবোঽথ কাঞ্চনম্॥ 13-130-5 (86354)
তত্র শ্রুতিস্তু পরমা সুবর্ণং দক্ষিণেতি বৈ।
এতদিচ্ছাম্যহং শ্রোতুং পিতামহ যথাতথম্॥ 13-130-6 (86355)
কিং সুবর্ণং কথং জাতং কস্মিন্কালে কিমাত্মকম্।
কিংদৈব কিংফলং চৈব কস্মাচ্চ পরমুচ্যতে॥ 13-130-7 (86356)
কস্মাদ্দানং সুবর্ণস্য পূজয়ন্তি মনীষিণঃ।
কস্মাচ্চ দক্ষিণার্থং তদ্যজ্ঞকর্মসু শস্যতে॥ 13-130-8 (86357)
কস্মাচ্চ পাবনং শ্রেষ্ঠং ভূমের্গোভ্যশ্চ কাঞ্চনম্।
পরমং দক্ষিণার্থে চ তদ্ব্রবীহি পিতামহ॥ 13-130-9 (86358)
ভীষ্ম উবাচ। 13-130-10x (7170)
শৃণু রাজন্নবহিতো বহুকারণবিস্তরম্।
জাতরূপসমুৎপত্তিমনুভূতং চ যন্ময়া॥ 13-130-10 (86359)
পিতা মম মহাতেজাঃ শ্তনুর্নিধনং গতঃ।
তস্য দিৎসুরহং শ্রাদ্ধং গঙ্গাদ্বারমুপাগমম্॥ 13-130-11 (86360)
তত্রাগম্য পিতুঃ পুত্র শ্রাদ্ধকর্ম সমারভম্।
মাতো মে জাহ্নবী চাত্র সাহায়্যমকরোত্তদা॥ 13-130-12 (86361)
তত্রাগতাংস্তপস্সিদ্ধানুপবেশ্য বহূনৃষীন্।
তোয়প্রদানাৎপ্রভৃতি কার্যাণ্যহমথারভম্॥ 13-130-13 (86362)
তৎসমাপ্য যথোদ্দিষ্টং পূর্বকর্ম সমাহিতঃ।
দাতুং নির্বপণং সম্যগ্যথাবদহমারভম্॥ 13-130-14 (86363)
ততস্তং দর্ভবিন্যাসং ভিত্ৎবা সুরুচিরাঙ্গদঃ।
প্রলম্বাভরণো বাহুরুদতিষ্ঠদ্বিশাম্পতে॥ 13-130-15 (86364)
মুহূর্তমপি তং দৃষ্ট্বা পরং বিস্ময়মাগমম্।
প্রতিগ্রহীতা সাক্ষান্মে পিতেতি ভরতর্ষভ॥ 13-130-16 (86365)
ততো মে পুনরেবাসীৎসংজ্ঞা সঞ্চিন্ত্য শাস্ত্রতঃ।
নায়ং বেদেষু বিহিতো বিধির্হস্ত ইতি প্রভো।
পিণ্ডো দেয়ো নরেণেহ ততো মতিরভূন্মম॥ 13-130-17 (86366)
সাক্ষান্নেহ মনুষ্যস্য পিণ্ডং হি পিতরঃ ক্বচিৎ।
গৃহ্ণন্তি বিহিতং চেত্থং পিণ্ডো দেয়ঃ কুশেষ্বিতি॥ 13-130-18 (86367)
ততোঽহং তদনাদৃত্য পিতুর্হস্তনিদর্শনম্।
শাস্ত্রপ্রামাণ্যসূক্ষ্মং তু বিধইং পিণ্ডস্য সংস্মরন্॥ 13-130-19 (86368)
ততো দর্ভেষু তৎসর্বমদদং ভরতর্ষভ।
শাস্ত্রমার্গানুসারেণ তদ্বিদ্ধি মনুজর্ষভ॥ 13-130-20 (86369)
ততঃ সোঽন্তর্হিতো বাহুঃ পিতুর্মম জনাধিপ।
ততো মাং দর্শয়ামাসুঃ স্বপ্নান্তে পিতরস্তথা॥ 13-130-21 (86370)
প্রীয়মাণাস্তু মামূচুঃ প্রীতাঃ স্ম ভরতর্ষভ।
বিজ্ঞানেন তবানেন যন্ন মুহ্যসি ধর্মতঃ॥ 13-130-22 (86371)
ৎবয়া হি কুর্বতা শাস্ত্রং প্রমাণমিহ পার্থিব।
আত্মা ধর্মঃ শ্রুতং বেদাঃ পিতরশ্চর্ষিভিঃ সহ॥ 13-130-23 (86372)
সাক্ষাৎপিতামহো ব্রহ্মা গুরবোঽথ প্রজাপতিঃ।
প্রমাণমুপনীতা বৈ স্থিতাশ্চ ন বিচালিতাঃ॥ 13-130-24 (86373)
তদিদং সম্যগারব্ধং ৎবয়াঽদ্য ভরতর্ষভ।
কিন্তু ভূমের্গবাং চার্থে সুবর্ণং দীয়তামিতি॥ 13-130-25 (86374)
এবং বয়ং চ ধর্মশ্চ সর্বে চাস্মৎপিতামহাঃ।
পাবিতা বৈ ভবিষ্যন্তি পাবনং হি পরং হি তৎ॥ 13-130-26 (86375)
দশ পূর্বান্দশৈবান্যাংস্তথা সন্তারয়ন্তি তে।
সুবর্ণং যে প্রয়চ্ছন্তি এবং মৎপিতরোঽব্রুবন্॥ 13-130-27 (86376)
ততোঽহং বিস্মিতো রাজন্প্রতিবুদ্ধো বিশাম্পতে।
সুবর্ণদানেঽকরবং মতিং চ ভরতর্ষভ॥ 13-130-28 (86377)
ইতিহাসমিমং চাপি শৃণু রাজন্পুরাতনম্।
জামদগ্ন্যং প্রতি বিভো ধন্যমায়ুষ্যমেব চ॥ 13-130-29 (86378)
জামদগ্ন্যেন রামেণ তীব্ররোষান্বিতেন বৈ।
ত্রিঃসপ্তকৃৎবঃ পৃথিবী কৃতা নিঃক্ষত্রিয়া পুরা॥ 13-130-30 (86379)
ততো জিৎবা মহীং কৃৎস্নাং রামো রাজীবলোচনঃ।
আজহার ক্রতুং বীরো ব্রহ্মক্ষত্রেণ পূজিতম্॥ 13-130-31 (86380)
বাজিমেধং মহারাজ সর্বকামসমন্বিতম্।
পাবনং সর্বভূতানাং তেজোদ্যুতিবিবর্ধনম্॥ 13-130-32 (86381)
বিপাপ্মা চ স তেজস্বী তেন ক্রতুফলেন চ।
নৈবাত্মনোঽথ লঘুতাং জামদগ্ন্যোঽধ্যগচ্ছত॥ 13-130-33 (86382)
স তু ক্রতুবরেণেষ্ট্বা মহাত্মা দক্ষিণাবতা।
পপ্রচ্ছাগমসম্পন্নানৃষীন্দেবাংশ্চ ভারত॥ 13-130-34 (86383)
পাবনং যৎপরং নৄণামুগ্রে কর্মণি বর্ততাম্।
তদুচ্যতাং মহাভাগা ইতি জাগঘৃণোঽব্রবীৎ॥ 13-130-35 (86384)
ইত্যুক্তা বেদশাস্ত্রজ্ঞাস্তমূচুস্তে মহর্ষয়ঃ।
রাম বিপ্রাঃ সৎক্রিয়ন্তাং বেদপ্রামাণ্যদর্শনাৎ॥ 13-130-36 (86385)
ভূয়শ্চ বিপ্রর্ষিগণাঃ প্রষ্টব্যাঃ পাবনং প্রতি।
তে যদ্ব্রূর্মহাপ্রাজ্ঞাস্তচ্চৈব সমুদাচর॥ 13-130-37 (86386)
ততো বসিষ্ঠং দেবর্ষিমগস্ত্যমথ কাশ্যপম্।
তমেবার্তং মহাতেজাঃ পপ্রচ্ছ ভৃগুনন্দনঃ॥ 13-130-38 (86387)
জাতা মতির্মে বিপ্রেন্দ্রাঃ কথং পূয়েয়মিত্যুত।
কেন বা কর্ময়োগেন প্রদানেনেহ কেন বা॥ 13-130-39 (86388)
যদি বোঽনুগ্রহকৃতা বুদ্ধির্মাং প্রতি সত্তমাঃ।
প্রবূত পাবনং কিং মে ভবেদিতি তপোধনাঃ॥ 13-130-40 (86389)
ঋষয় ঊচুঃ। 13-130-41x (7171)
গাশ্চ ভূমিং চ বিত্তং চ দত্ৎবেহ ভৃগুনন্দন।
পাপকৃৎপূয়তে মর্ত্য ইতি ভার্গব শুশ্রুম॥ 13-130-41 (86390)
অন্যদ্দানং তু বিপ্রর্ষে শ্রূয়তাং পাবনং মহৎ।
দিব্যমত্যদ্ভুতাকারমপত্যং জাতবেদসঃ॥ 13-130-42 (86391)
দগ্ধ্বা লোকান্পুরা বীর্যাৎসম্ভূতমিহ শুশ্রুম।
সুবর্ণমিতি বিখ্যাতং তদ্দদৎসিদ্ধিমেষ্যসি॥ 13-130-43 (86392)
ততোঽব্রবীদ্বসিষ্ঠস্তং ভগবান্সংশিতব্রতঃ।
শৃণু রাম যথোৎপন্নং সুবর্ণমনলপ্রভম্॥ 13-130-44 (86393)
ফলং দাস্যতি তে যত্তু দানে পরমিহোচ্যতে।
সুবর্ণং যচ্চ যস্মাচ্চ যথা চ গুণবত্তমম্॥ 13-130-45 (86394)
তন্নিবোধ মহাবাহো সর্বং নিগদতো মম।
অগ্নিষোমাত্মকমিদং সুবর্ণং বিদ্দি নিশ্চয়ে॥ 13-130-46 (86395)
অজোঽগ্নির্বরুণো মেষঃ সূর্যোঽশ্চ ইতি দর্শনম্।
কুঞ্জরাশ্চ মৃগা নাগা মহিষাশ্চাসুরা ইতি॥ 13-130-47 (86396)
কুক্কুটাশ্চ বরাহাশ্চ রাক্ষসা ভৃগুনন্দন।
ইডা গাবঃ পয়ঃ সোমো ভূমিরিত্যেব চ স্মৃতিঃ॥ 13-130-48 (86397)
জগৎসর্বং চ নির্মথ্য তেজোরাশিঃ সমুত্থিতঃ।
সুবর্ণমেভ্যো বিপ্রর্ষে রত্নং পরমমুত্তমম্॥ 13-130-49 (86398)
এতস্মাৎকারণাদ্দেবা গন্ধর্বোরগরাক্ষসাঃ।
মনুষ্যাশ্চ পিশাচাশ্চ প্রয়তা ধারয়ন্তি তৎ॥ 13-130-50 (86399)
মুকুটৈরঙ্গদয়ুতৈরলঙ্কারৈঃ পৃথগ্বিধৈঃ।
সুবর্ণবিকৃতৈস্তত্র বিরাজন্তে ভৃগূত্তম॥ 13-130-51 (86400)
তস্মাৎসর্বপবিত্রেভ্যঃ পবিত্রং পরমং স্মৃতম্।
ভূমের্গোভ্যোঽথ রত্নেভ্যস্তদ্বিদ্ধি মনুজর্ষভ॥ 13-130-52 (86401)
পৃথিবীং গাশ্চ দত্ৎবেহ যচ্চান্যদপি কিঞ্চন।
বিশিষ্যতে সুবর্ণস্য দানং পরমকং বিভো॥ 13-130-53 (86402)
অক্ষয়ং পাবনং চৈব সুবর্ণমমরদ্যুতে।
প্রয়চ্ছ দ্বিজমুখ্যেভ্যঃ পাবনং হ্যেতদুত্তমম্॥ 13-130-54 (86403)
সুবর্ণমেব সর্বাসু দক্ষিণাসু বিধীয়তে।
সুবর্ণং যে প্রয়চ্ছন্তি সর্বদাস্তে ভবন্ত্যুত॥ 13-130-55 (86404)
দেবতাস্তে প্রয়চ্ছন্তি যে সুবর্ণং দদত্যথ।
অগ্নির্হি দেবতাঃ সর্বাঃ সুবর্ণং চ তদাত্মকম্॥ 13-130-56 (86405)
তস্মাৎসুবর্ণং দদতা দত্তাঃ সর্বাঃ স্ম দেবতাঃ।
ভবন্তি পুরুষব্যাঘ্র ন হ্যতঃ পরমং বিদুঃ॥ 13-130-57 (86406)
ভূয় এব চ মহাত্ম্যং সুবর্ণস্য নিবোধ মে।
গদতো মম বিপ্রর্ষে সর্বশস্ত্রভৃতাংবর॥ 13-130-58 (86407)
ময়া শ্রুতমিদং পূর্বং পুরাণে ভৃগুনন্দন।
প্রজাপতেঃ কথয়তো মনোঃ স্বায়ংভুবস্য বৈ॥ 13-130-59 (86408)
শূলপাণের্ভগবতো রুদ্রস্য চ মহাত্মনঃ।
গিরৌ হিমবতি শ্রেষ্ঠে তদা ভৃগুকুলোদ্বহ॥ 13-130-60 (86409)
দেব্যা বিবাহে নির্বৃত্তে রুদ্রাণ্যা ভৃগুনন্দন।
সমাগমে ভগবতো দেব্যা সহ মহাত্মনঃ॥ 13-130-61 (86410)
ততঃ সর্বে সমুদ্বিগ্রা দেবা রুদ্রমুপাগমন্॥
তে মহাদেবমাসীনং দেবীং চ বরদামুমাম্। 13-130-62 (86411)
প্রসাদ্য শিরসা সর্বে রুদ্রমূচুর্ভৃগূদ্বহ॥
অয়ং সমাগমো দেব দেব্যা সহ তবানঘ। 13-130-63 (86412)
তপস্বিনস্তপস্বিন্যা তেজস্বিন্যাঽতিতেজসঃ॥
অমোঘতেজাস্ৎবং দেব দেবী চেয়মুমা তথা। 13-130-64 (86413)
অপত্যং যুবয়োর্দেব বলবদ্ভবিতা বিভো।
তন্নূনং ত্রিষু লোকেষু ন কিঞ্চিচ্ছেষয়িষ্যতি॥ 13-130-65 (86414)
তদেভ্যঃ প্রণতেভ্যস্ৎবং দেবেভ্যঃ পৃথুলোচন।
বরং প্রয়চ্ছ লোকেশ ত্রৈলোক্যহিতকাম্যযা॥ 13-130-66 (86415)
অপত্যার্থং নিগৃহ্ণীষ্ব তেজঃ পরমকং বিভো।
[ত্রৈলোক্যসারৌ হি যুবাং লোকং সন্তাপয়িষ্যথ॥ 13-130-67 (86416)
তদপত্যং হি যুবয়োর্দেবানভিভবেদ্ধ্রুবম্।
ন হি তে পৃথিবী দেবী ন চ দ্যৌর্ন দিবং বিভো॥ 13-130-68 (86417)
নেদং ধারয়িতুং শক্তাঃ সমস্তা ইতি মে মতিঃ।
তেজঃপ্রভাবনির্দগ্ধং তস্মাৎসর্বমিদং জগৎ॥ 13-130-69 (86418)
তস্মাৎপ্রসাদং ভগবন্কর্তুমর্হসি নঃ প্রভো।
ন দেব্যাং সম্ভবেৎপুত্রো ভবতঃ সুরসত্তম।
ধৈর্যাদেব নিগৃহ্ণীষ্ব তেজো জ্বলিতমুত্তমম্॥ 13-130-70 (86419)
ইতি তেষাং কথয়তাং ভগবান্বৃষভধ্বজঃ]।
এবমস্ৎবিতি দেবাংস্তান্বিপ্রর্ষে প্রত্যভাষত॥ 13-130-71 (86420)
ইত্যুক্ৎবা চোর্ধ্বমনয়দ্রেতো বৃষভবাহনঃ।
ঊর্ধ্বরেষঃ সমভবত্ততঃ প্রভৃতি চাপি সঃ॥ 13-130-72 (86421)
রুদ্রাণীতি ততঃ ক্রুদ্ধা প্রজোচ্ছেদ তদা কৃতে।
দেবানথাব্রবীত্তত্র স্ত্রীভাবাৎপরুষং বচঃ॥ 13-130-73 (86422)
যস্মাদপত্যকামো বৈ ভর্তা মে বিনিবর্তিতঃ।
তস্মাৎসর্বে সুরা ভূয়মনপত্যা ভবিষ্যথ॥ 13-130-74 (86423)
প্রজোচ্ছেদো মম কৃতো যস্মাদ্যুষ্মাভিরদ্য বৈ।
তস্মাৎপ্রজা বঃ খগমাঃ সর্বেষাং ন ভবিষ্যতি॥ 13-130-75 (86424)
পাবকস্তু ন তত্রাসীচ্ছাপকালে ভৃগূদ্বহ।
দেবা দেব্যাস্তথা শাপাদনপত্যাস্ততোঽভবন্॥ 13-130-76 (86425)
রুদ্রস্তু তেজোঽপ্রতিমং ধারয়ামাস বৈ তদা।
প্রস্কন্নং তু ততস্তস্মাৎকিংচিত্তত্রাপতদ্ভুবি॥ 13-130-77 (86426)
উৎপপাত তদা বহ্নৌ ববৃধে চাদ্ভুতোপমম্।
তেজস্তেজসি সংয়ুক্তমেকয়োনিৎবমাগতম্॥ 13-130-78 (86427)
এতস্মিন্নেব কালে তু দেবাঃ শক্রপুরোগমাঃ।
অসুরস্তারকো নাম তেন সন্তাপিতা ভৃশম্॥ 13-130-79 (86428)
আদিত্যা বসবো রুদ্রা মরুতোঽথাশ্বিনাবপি।
সাধ্যাশ্চ সর্বে সংত্রস্তা দৈতেয়স্য পরাক্রমাৎ॥ 13-130-80 (86429)
স্থানানি দেবতানাং হি বিমানানি পুরাণি চ।
ঋষীণাং চাশ্রমাশ্চৈব বভূবুরসুরৈর্হৃতাঃ॥ 13-130-81 (86430)
তে দীনমনসঃ সর্বে দেবতা ঋষয়শ্চ যে।
প্রজগ্মুঃ শরণং দেবং ব্রহ্মাণমজরং বিভুম্॥ ॥ 13-130-82 (86431)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিংশদধিকশততমোঽধ্যায়ঃ॥ 130 ॥
Mahabharata - Anushaasana Parva - Chapter Footnotes
7-130-3 পূয়ন্তে শুধ্যন্তি॥ 7-130-21 তৃপ্তাস্তে পিতরস্তথেতি থ.ধ.পাঠঃ॥ 7-130-27 নবপূর্বানধশ্চান্যান্নব সন্তারয়ন্তি তে ইতি থ.ধ.পাঠঃ॥ 7-130-33 লঘুতাং নিষ্পাপতাম্॥অনুশাসনপর্ব - অধ্যায় 131
॥ শ্রীঃ ॥
13.131. অধ্যায়ঃ 131
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
তারকাসুরবাধিতৈর্দেবৈর্ব্রহ্মাণং প্রতি স্বেষাং পার্বতীশাপেনানপত্যৎবকথনপূর্বকমসুরবধোপায়কথনপ্রার্থনা॥ 1 ॥ ব্রহ্মণাং দেবান্প্রতি অগ্নেরসন্নিহিতৎবেন দেবীশাপাবিষয়তয়া দেবেন স্ববীর্যনিরোধকালে ভুবি প্রস্কন্নকিঞ্চিদ্বীর্যাংশস্য তস্মিন্সংসৃষ্টতয়া চ তেন গঙ্গায়াং কুমারোৎপাদনকথনেনাগ্ন্যন্বেষণচোদনা॥ 2 ॥ অগ্নিনা দেবানাং প্রার্থনয়া গঙ্গায়াং স্বয়ংসৃষ্টরুদ্রবীর্যাধানম্॥ 3 ॥ গঙ্গ্যাঽগ্নিতা স্বস্মিন্নাহিতগর্ভস্য মেরুগিরৌ সমুৎসর্জনে তদীয়তেজোব্যাপ্তয়াবদ্বস্তূনাং কাঞ্চনীভাবপ্রাপ্তিঃ॥ 4 ॥ এবং ভীষ্মেণ সুবর্ণোৎপত্তিপ্রকারকথনম্॥ 5 ॥Mahabharata - Anushaasana Parva - Chapter Text
name="anuzAsana-13-131-1x">দেবা ঊচুঃ।
অসুরস্তারকো নাম ৎবয়া দত্তবরঃ প্রভো।
সুরানৃষীংশ্চ ক্লিশ্নাতি বধস্তস্য বিধীয়তাম্॥ 13-131-1 (86432)
তস্মাদ্ভয়ং সমুৎপন্নমস্মাকং বৈ পিতামহ।
পরিত্রায়স্ব নো দেব ন হ্যন্যা গতিরস্তি নঃ॥ 13-131-2 (86433)
ব্রহ্মোবাচ। 13-131-3x (7172)
সমোহং সর্বভূতানামধর্মং নেহ রোচয়ে।
হন্যতাং তারকঃ ক্ষিপ্র সুরর্ষিগণবাধিতা॥ 13-131-3 (86434)
বেদা ধর্মাশ্চ নোচ্ছেদং গচ্ছেয়ুঃ সুরসত্তমাঃ।
বিহিতং পূর্বমেবাত্র ময়া বৈ ব্যেতু বো জ্বরঃ॥ 13-131-4 (86435)
দেবা ঊচুঃ। 13-131-5x (7173)
বরদানাদ্ভগবতো দৈতেয়ো বলগর্বিতঃ।
দেবৈর্ন শক্যতে হন্তু স কথং প্রশমং ব্রজেৎ॥ 13-131-5 (86436)
স হি নৈব স্ম দেবানাং নাসুরাণাং ন রক্ষসাম্।
বধ্যঃ স্যামিতি জগ্রাহ বরং ৎবত্তঃ পিতামহ॥ 13-131-6 (86437)
দেবাশ্চ শপ্তা রুদ্রাণ্যা প্রজোচ্ছেদে পুরা কৃতে।
ন ভবিষ্যতি বোঽপত্যমিতি সর্বে জগৎপতে॥ 13-131-7 (86438)
ব্রহ্মোবাচ। 13-131-8x (7174)
হুতাশনো ন তত্রাসীচ্ছাপকালে সুরোত্তমাঃ।
স উৎপাদয়িতাঽপত্যং বধায় ত্রিদশদ্বিষাম্॥ 13-131-8 (86439)
তদ্বৈ সর্বানতিক্রম্য দেবদানবরাক্ষসান্।
মানুষানথ গন্ধর্বান্নাগানথ চ পক্ষিণঃ॥ 13-131-9 (86440)
অস্ত্রেণামোঘপাতেন শক্ত্যা তং ঘাতয়িষ্যতি।
যতো বো ভয়পুৎপন্নং যে চান্যে সুরশত্রবঃ॥ 13-131-10 (86441)
সনাতনো হি সঙ্কল্পঃ কাম ইত্যভিধীয়তে।
রুদ্রস্য তেজঃ প্রস্কন্নমগ্নৌ নিপতিতং চ যৎ॥ 13-131-11 (86442)
তত্তজোঽগ্নির্মহদ্ভূতং দ্বিতীয়মিব পাবকম্।
বধার্থং দেবশত্রূণাং গঙ্গায়াং জনয়িষ্যতি॥ 13-131-12 (86443)
স তু নাবাপ তং শাপং নষ্টঃ স হুতভুক্তদা।
তস্মাদ্বো ভয়হৃদ্দেবাঃ সমুৎপৎস্যতি পাবকিঃ॥ 13-131-13 (86444)
অন্বিষ্যতাং বৈ জ্বলনস্তথা চাদ্য নিয়ুজ্যতাম্।
তারকস্য বধোপায়ঃ কথিতো বৈ ময়াঽনঘাঃ॥ 13-131-14 (86445)
ন হি তেজস্বিনাং শাপাস্তেজঃসু প্রভবন্তি বৈ।
বলান্যতিবলং প্রাপ্য দুর্বলানি ভবন্তি বৈ॥ 13-131-15 (86446)
হন্যাদবধ্যান্বরদানপি চৈব তপস্বিনঃ।
সঙ্কল্পাভিরুচিঃ কামঃ সনাতনতমোঽভবৎ॥ 13-131-16 (86447)
জগৎপতিরনির্দেশ্য সর্বগঃ সর্বভাবনঃ।
হৃচ্ছয়ঃ সর্বভূতানাং জ্যেষ্ঠো রুদ্রাদপি প্রভুঃ॥ 13-131-17 (86448)
অন্বিষ্যতাং স তু ক্ষিপ্রং তেজোরাশির্হুতাশনঃ।
স বো মনোগতং কামং দেবঃ সম্পাদয়িষ্যতি॥ 13-131-18 (86449)
এতদ্বাক্যমুপশ্রুত্য ততো দেবা মহাত্মনঃ।
জগ্মু- সংসিদ্ধসঙ্কল্পাঃ পর্যেষন্তো বিভাবসুম্॥ 13-131-19 (86450)
ততস্ত্রৈলোক্যমৃষয়ো ব্যচিন্বন্ত সুরৈঃ সহ।
কাঙ্ক্ষন্তো দর্শনং বহ্নেঃ সর্বে তদ্গতমানসাঃ॥ 13-131-20 (86451)
পরেণ তপসা যুক্তাঃ শ্রীমন্তো লোকবিশ্রুতাঃ।
লোকানন্বচরন্সিদ্ধাঃ সর্ব এব ভৃগূত্তম।
নষ্টমাত্মনি সংলীনং নাভিজগ্মুর্হুতাশনম্॥ 13-131-21 (86452)
ততঃ সংজাতসংত্রাসানগ্নিদর্শনলালসান্।
জলেচরঃ ক্লান্তমনাস্তেজসাঽগ্নেঃ প্রদীপিতঃ।
উবাচ দেবান্মণ্ডূকো রসাতলতলোত্থিতঃ। 13-131-22 (86453)
রসাতলতলে দেবা বসত্যগ্নিরিতি প্রভো।
সন্তাপাদিহ সম্প্রাপ্তঃ পাবকপ্রভবাদহম্॥ 13-131-23 (86454)
স সংসুপ্তো জলে দেবা ভগবান্হব্যবাহনঃ।
অপঃ সংসৃজ্য তেজোভিস্তেন সন্তাপিতা বয়ম্॥ 13-131-24 (86455)
তস্য দর্শনমিষ্টং বো যদি দেবা বিভাবসোঃ।
তত্রৈবমধিগচ্ছধ্বং কার্যং বো যদি বহ্নিনা॥ 13-131-25 (86456)
গম্যতাং সাধয়িষ্যামো বয়ং হ্যগ্নিভয়াৎসুরাঃ।
এতাবদুক্ৎবা মণ্ডূকস্ৎবরিতো জলমাবিশৎ॥ 13-131-26 (86457)
হুতাশনস্তু বুবুধে মণ্ডূকস্য চ পৈশুনম্।
শশাপ স তমাসাদ্য ন রসান্বেৎস্যসীতি বৈ॥ 13-131-27 (86458)
তং বৈ সংয়ুজ্য শাপেন মণ্ডূকং ৎবরিতো যয়ৌ।
অন্যত্র বাসায় বিভুর্ন চাত্মানমদর্শয়ৎ॥ 13-131-28 (86459)
দেবাস্ৎবনুগ্রহং চক্রুর্মণ্ডূকানাং ভৃগূত্তম।
যত্তচ্ছৃণু মহাবাহো গদতো মম সর্বশঃ॥ 13-131-29 (86460)
দেবা ঊচুঃ। 13-131-30x (7175)
অগ্নিশাপাদজিহ্বাঽপি রসজ্ঞানবহিষ্কৃতাঃ।
সরস্বতীং বহুবিধাং যূমমুচ্চারয়িষ্যথ॥ 13-131-30 (86461)
বিলবাসং গতাংশ্চৈব নিরাহারানচেতসঃ।
গতাসূনপি বঃ শুষ্কান্ভূমিঃ সন্ধারয়িষ্যতি॥ 13-131-31 (86462)
তমোঘনায়ামপি বৈ নিশায়াং বিচরিষ্যথ।
ইত্যুক্ৎবা তাংস্ততো দেবাঃ পুনরেব মহীমিমাম্॥ 13-131-32 (86463)
পরীয়ুর্জ্বলনস্যার্থে ন চাবিন্দন্হুতাশনম্।
অথ তান্দ্বিরদঃ কশ্চিৎসুরেন্দ্রদ্বিরদোপমঃ॥ 13-131-33 (86464)
অশ্বত্থস্থোঽগ্নিরিত্যেবমাহ দেবান্ভৃগূদ্বহ।
শশাপ জ্বলনঃ সর্বান্দ্বিরদান্ক্রোধমূর্চ্ছিতঃ॥ 13-131-34 (86465)
প্রতীপা ভবতাং জিহ্বা ভবিত্রীতি ভৃগূদ্বহ।
ইত্যুক্ৎবা নিঃসৃতোঽশ্বত্থাদগ্নির্বারণসূচিতঃ।
প্রবিবেশ শমীগর্ভমথ বহ্নিঃ সুষুপ্সয়া॥ 13-131-35 (86466)
অনুগ্রহং তু নাগানাং যং চক্রুঃ শৃণু তং প্রভো।
দেবা ভৃগুকুলশ্রেষ্ঠ প্রীত্যা সত্যপরাক্রমাঃ॥ 13-131-36 (86467)
দেবা ঊচুঃ। 13-131-37x (7176)
প্রতীপয়া জিহ্বয়াঽপি সর্বাহারান্হরিষ্যথ।
বাচং চোচ্চারয়িষ্যধ্বমুচ্চৈরব্যঞ্জিতাক্ষরাম্।
ইত্যুক্ৎবা পুনরেবাগ্নিমনুসস্রুর্দিবৌকসঃ॥ 13-131-37 (86468)
অশ্বত্থান্নিঃসৃতশ্চাগ্নিঃ শমীগর্ভমুপাবিশৎ।
শুকেন খ্যাপিতো বিপ্র তং দেবাঃ সমুপাদ্রবন্॥ 13-131-38 (86469)
শশাপ সুকমগ্নিস্তু বাগ্বিহীনো ভবিষ্যসি।
জিহ্বামাবর্তয়ামাস তস্যাপি হুতভুক্তদা॥ 13-131-39 (86470)
দৃষ্ট্বা তু জ্বলনং দেবাঃ শুকমূচুর্দয়ান্বিতাঃ।
ভবিতা ন ৎবমত্যন্তং শুকৎবে নষ্টবাগিতি॥ 13-131-40 (86471)
আবৃত্তজিহ্বস্য সতো বাক্যং কান্তং ভবিষ্যতি।
বালস্যেব প্রবৃদ্ধস্য কলমব্যক্তমদ্ভুতম্॥ 13-131-41 (86472)
ইত্যুক্ৎবা তং শমীগর্ভে বহ্নিমালক্ষ্য দেবতাঃ।
তদেবায়তনং চক্রুঃ পুণ্যং সর্বক্রিয়াস্বপি॥ 13-131-42 (86473)
তদাপ্রভৃতি চাপ্যগ্নিঃ শমীগর্ভেষু দৃশ্যতে।
উৎপাদনে তথোপায়মভিজগ্মুশ্চ মানবাঃ॥ 13-131-43 (86474)
আপো রসাতলে যাস্তু সংস্পৃষ্টাশ্চিত্রভানুনা।
তাঃ পর্বতপ্রস্রবণৈরূষ্মাং মুঞ্চন্তি ভার্গব।
পাবকেনাধিশয়তা সন্তপ্তাস্তস্য তেজসা॥ 13-131-44 (86475)
অথাগ্নির্দেবতা দৃষ্ট্বা বভূব ব্যথিতস্তদা।
কিমাগমনমিত্যেবং তানপৃচ্ছত পাবকঃ॥ 13-131-45 (86476)
তমূচুর্বিবুধাঃ সর্বে তে চৈব পরমর্ষয়ঃ।
ৎবাং নিয়োক্ষ্যামহে কার্যে তদ্ভবান্কর্তুমর্হতি।
কৃতে চ তস্মিন্ভবিতা তবাপি সুমহান্গুণঃ॥ 13-131-46 (86477)
অগ্নিরুবাচ। 13-131-47x (7177)
ব্রূত যদ্ভবতাং কার্যং কর্তাস্মি তদহং সুরাঃ।
ভবতাং তু নিয়োজ্যোস্মি মাবোত্রাস্তু বিচারণা॥ 13-131-47 (86478)
দেবা ঊচুঃ। 13-131-48x (7178)
অসুরস্তারকো নাম ব্রহ্মণো বরদর্পিতঃ।
অস্মান্প্রবাধতে বীর্যাদ্বধস্তস্য বিধীয়তাম্॥ 13-131-48 (86479)
ইমান্দেবগণাংস্তাত প্রজাপতিগণাংস্তথা।
ঋষীংশ্চাপি মহাভাগ পরিত্রায়স্ব পাবক॥ 13-131-49 (86480)
অপত্যং তেজসা যুক্তং প্রবীরং জনয়ক প্রভো।
যদ্ভয়ং নোঽসুরাত্তস্মান্নাশয়েদ্ধব্যবাহন॥ 13-131-50 (86481)
শপ্তানাং নো মহাদেব্যা নান্যদস্তি পরায়ণম্।
অন্যত্র ভবতো বীর তস্মাত্ত্রায়স্ব নঃ প্রভো॥ 13-131-51 (86482)
ইত্যুক্তঃ স তথেত্যুক্ৎবা ভগবান্হব্যবাহনঃ।
জগামাথ দুরাধর্ষো গঙ্গাং ভাগীরথীং প্রতি॥ 13-131-52 (86483)
তয়া চাপ্যভবন্মিশ্রো গর্ভং চাস্যাং দধে তদা।
ববৃধে স তদা গর্ভঃ কক্ষে কৃষ্ণগতির্যথা॥ 13-131-53 (86484)
তেজসা তস্য দেবস্য গঙ্গা বিহ্বলচেতনা।
সন্তাপমগমত্তীব্রং বোঢুং সা ন শশাক হ॥ 13-131-54 (86485)
আহিতে জ্বলনেনাথ গর্ভে তেজঃসমন্বিতে।
গঙ্গায়ামসুরঃ কশ্চিদ্ভৈরবং নাদমানদৎ॥ 13-131-55 (86486)
অবুদ্ধিপতিতেনাথ নাদেন বিপুলেন সা॥
বিত্রস্তোদ্ধান্তনয়না গঙ্গা বিপ্লুতলোচনা॥ 13-131-56 (86487)
বিসংজ্ঞা নাশকদ্গর্ভং বোঢুমাত্মানমেব চ।
সা তু তেজঃপরীতাঙ্গী কম্পমানা চ জাহ্নবী॥ 13-131-57 (86488)
উবাচ জ্বলনং বিপ্র তদা গর্ভবলোদ্ধুতা।
নতে শক্তাঽস্মি ভগবংস্তেজসোঽস্য বিধারণে॥ 13-131-58 (86489)
বিমূঢাঽস্মি কৃতাঽনেন ন মে স্বাস্ধ্যং যথা পুরা।
বিহ্বলা চাস্মি ভগবংশ্চেতো নষ্টং চ মেঽনঘ 13-131-59 (86490)
ধারণে নাস্য শক্তাঽহং গর্ভস্য তপতাংবর।
উৎস্রক্ষ্যেঽহমিমং দুঃখান্ন তু কামাৎকথঞ্চন॥ 13-131-60 (86491)
ন তেজসাঽস্তি সংস্পর্শো মম দেব বিভাবসো।
আপদর্থে হি সম্বন্ধঃ সুসূক্ষ্মোঽপি মহাদ্যুতে॥ 13-131-61 (86492)
যদত্র গুণসম্পন্নমিতরদ্বা হুতাশন।
ৎবয়্যেব তদহং মন্যে ধর্মাধর্মৌ চ কেবলৌ॥ 13-131-62 (86493)
তামুবাচ ততো বহ্নির্ধার্যতাং ধার্যতামিতি।
গর্ভো মত্তেজসা যুক্তো মহাগুণফলোদয়ঃ॥ 13-131-63 (86494)
শক্তা হ্যসি মহীং কৃৎস্নাং বোঢুং ধারয়িতুং তথা।
ন হি তে কিঞ্চিদপ্রাপ্যমন্যতো ধারণাদৃতে॥ 13-131-64 (86495)
`এবমুক্তা তু সা দেবী তত্রৈবান্তরধীয়ত।
পাবকশ্চাপি তেজস্বী কৃৎবা কার্যং দিবৌকসাম্।
জগামেষ্টং তদা দেশং ততো ভার্গবনন্দন॥' 13-131-65 (86496)
সা বহ্নিনা বার্যমাণা দেবৈরপি সরিদ্বরা।
সমুৎসসর্জ তং গর্ভং মেরৌ গিরিবের তদা॥ 13-131-66 (86497)
সমর্থা ধারণে চাপি রুদ্রতেজঃপ্রধর্ষিতা।
নাশকৎসা তদা গর্ভং সন্ধারয়িতুমোজসা।
সমুৎসসর্জ তং দুঃখাদ্দীপ্তবৈশ্বানরপ্রভম্॥ 13-131-67 (86498)
দর্শয়ামাস চাগ্নিস্তাং তদা গঙ্গাং ভৃগূদ্বহ।
পপ্রচ্ছ সরিতাং শ্রেষ্ঠাং কচ্চিদ্গর্ভঃ সুখোদয়ঃ॥ 13-131-68 (86499)
কীদৃগ্গুণোপি বা দেবি কীদৃগ্রূপশ্চ দৃশ্যতে।
তেজসা কেন বা যুক্তঃ সর্বমেতদ্ব্রবীহি মে॥ 13-131-69 (86500)
গঙ্গোবাচ। 13-131-70x (7179)
জাতরূপঃ স গর্ভো বৈ তেজসা ৎবমিবানঘ।
সুবর্ণো বিমলো দীপ্তঃ পর্বতং চাবভাসয়ন্॥ 13-131-70 (86501)
পদ্মোৎপলবিমিশ্রাণাং হ্রদানামিব শীতলঃ।
গন্ধোস্য স কদম্বানাং তুল্যো বৈ তপতাংবর॥ 13-131-71 (86502)
তেজসা তস্য গর্ভস্য ভাস্করস্যেব রশ্মিভিঃ।
যদ্দ্রব্যং পরিসংসৃষ্টং পৃথিব্যাং পর্বতেষু চ।
তৎসর্বং কাঞ্চনীভূতং সমন্তাৎপ্রত্যদৃশ্যত॥ 13-131-72 (86503)
পর্যধাবত শৈলাংশ্চ নদীঃ প্রস্রবণানি চ।
ব্যাদীপয়ত্তেজসা চ ত্রৈলোক্যং সচরাচরম্॥ 13-131-73 (86504)
এবংরূপঃ স ভগবান্পুত্রস্তে হব্যবাহন।
সূর্যবৈশ্বানরসমঃ কান্ত্যা সোম ইবাপরঃ॥ 13-131-74 (86505)
বসিষ্ঠ উবাচ। 13-131-75x (7180)
এবমুক্ৎবা তু সা দেবী তত্রৈবান্তরধীয়ত।
পাবকশ্চাপি তেজস্বী কৃৎবা কার্যং দিবৌকসাম্।
জগামেষ্টং ততো দেশং তদা ভার্গবনন্দন॥ 13-131-75 (86506)
এতৈঃ কর্মগুণৈর্লোকে নামাগ্নেঃ পরিগীয়তে।
হিরণ্যরেতা ইতি বৈ ঋষিভির্বিবুধৈস্তথা।
পৃথিবী চ তদা দেবী খ্যাতা বসুমতীতি বৈ॥ 13-131-76 (86507)
স তু গর্ভো মহাতেজা গাঙ্গেয়ঃ পাবকোদ্ভবঃ।
দিব্যং শরবণং প্রাপ্য ববৃধেঽদ্ভুতদর্শনঃ॥ 13-131-77 (86508)
দদৃশুঃ কৃত্তিকাস্তং তু বালার্কসদৃশদ্যুতিম্।
জাতস্নেহাস্তু তং বালং পুপুষুঃ স্তন্যবিস্রবৈঃ॥ 13-131-78 (86509)
ততঃ স কার্তিকেয়ৎবমবাপ পরমদ্যুতিঃ।
স্কন্নৎবাৎস্কন্দতাং চাপি গুহাবাসাদ্গুহোঽভবৎ॥ 13-131-79 (86510)
এবং সুবর্ণমুৎপন্নমপত্যং জাতবেদসঃ।
তত্র জাম্বূনদং শ্রেষ্ঠং দেবানামপি ভূষণম্॥ 13-131-80 (86511)
ততঃপ্রভৃতি চাপ্যেতঞ্জাতরূপমুদাহৃতম্।
রত্নানামুত্তমং রত্নং ভূষণানাং তথৈব চ॥ 13-131-81 (86512)
পবিত্রং চ পবিত্রাণাং মঙ্গলানাং চ মঙ্গলম্।
যৎসুবর্ণং স ভগবানগ্নিরীশঃ প্রজাপতিঃ॥ 13-131-82 (86513)
পবিত্রাণাং পবিত্রং হি কনকং দ্বিজসত্তমাঃ।
অগ্নীষোমাত্মকং চৈব জাতরূপমুদাহৃতম্॥ ॥ 13-131-83 (86514)
ইতি শ্রীমন্মহাভারতে অনুশাসনপর্বণি দানধর্মপর্বণি একত্রিংশদধিকশততমোঽধ্যায়ঃ॥ 131 ॥
Mahabharata - Anushaasana Parva - Chapter Footnotes
7-131-13 নষ্টঃ অদর্শং গতঃ॥ 7-131-16 কামঃ কাম্যমানো বহ্নিঃ॥ 7-131-21 নষ্টং অদর্শনং গতম্। আত্মনি জলে জলস্য তেজোজন্যৎবাৎ॥ 7-131-26 মৃগ্যতাং সাধয়িষ্যাম ইতি থ.ধ.পাঠঃ॥ 7-131-27 ন রসানিতি। রসনেন্দ্রিয়হীনো ভবিষ্যসীত্যর্থঃ॥ 7-131-28 নচ দেবানদর্শয়দিতি থ.ধ.পাঠঃ॥ 7-131-30 অজিহ্বা অপীতি চ্ছেদঃ॥ 7-131-39 জিহ্বাং চ কর্তয়ামাসেতি ড.পাঠঃ॥ 7-131-41 বালস্যেব প্রবৃত্তস্যেতি ড.থ.ধ.পাঠঃ॥ 7-131-44 ঊষ্মা ঊষ্মাণম্। অদিশয়তা অধিশয়ানেন। পাবকেনাধিশয়িতা ইতি ট.ধ.পাঠঃ॥ 7-131-53 দধে আদধে। গর্ভশ্বাস্যাভবত্তদেতি থ.পাঠঃ॥ 7-131-54 সোঢুং সা ন শশাক হেতি থ.পাঠঃ॥ 7-131-56 অবুদ্ধিপতিতেন অকস্মাজ্জাতেন॥ 7-131-61 ন চেতসাস্তি সংস্পর্শ ইতি থ.পাঠঃ॥ 7-131-71 কদম্বানাং কদম্বপুষ্পাণাম্॥ 7-131-83 অগ্নিষ্টোভাত্মকং চৈবেতি থ.ধ.পাঠঃ॥অনুশাসনপর্ব - অধ্যায় 132
॥ শ্রীঃ ॥
13.132. অধ্যায়ঃ 132
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বসিষ্ঠেন পরশুরামংপ্রতি সুবর্ণপ্রভাবকথনপ্রসঙ্গেন রুদ্রয়জ্ঞে ভৃগ্বঙ্গিরঃ প্রভৃতিপ্রভাবাদিকথনম্॥ 1 ॥Mahabharata - Anushaasana Parva - Chapter Text
বসিষ্ঠ উবাচ।
অপি চেদং পুরা রাম শ্রুতং মে ব্রহ্মদর্শনম্।
পিতামহস্য যদ্বৃত্তং ব্রহ্মণঃ পরমাত্মনঃ॥ 13-132-1 (86515)
দেবস্য মহতস্তাত বারুণীং বিভ্রতস্তনুম্।
ঐশ্বর্যে বারুণেবাঽথ রুদ্রস্যেশস্য বৈ প্রভো॥ 13-132-2 (86516)
আজগ্মুর্মুনয়ঃ সর্বে দেবাশ্চাগ্নিপুরোগমাঃ।
যজ্ঞাঙ্গানি চ সর্বাণি বষট্কারশ্চ মূর্তিমান্॥ 13-132-3 (86517)
মূর্তিমন্তি চ সামানি যজূংষি চ সহস্রশঃ।
ঋগ্বেদশ্চাগমত্তত্র পদক্রমবিভূষিতঃ॥ 13-132-4 (86518)
লক্ষণানি স্বরাস্তোভা নিরুক্তাঃ স্বরভক্তয়ঃ।
ওংকারশ্ছন্দসাং নেত্রং নিগ্রহপ্রগ্রহৌ তথা॥ 13-132-5 (86519)
বেদাশ্চ সোপনিষদো বিদ্যা সাবিত্র্যথাপি চ।
ভূতং ভব্যং ভবিষ্যচ্চ দধার ভগবাঞ্শিবঃ॥ 13-132-6 (86520)
সংজুহাবাত্মনাঽঽত্মানং স্বয়মেব তদা প্রভো।
যজ্ঞং চ শোভয়ামাস বহুরূপং পিনাকধৃৎ॥ 13-132-7 (86521)
দ্যৌর্নভঃ পৃথিবী খং চ তথা চৈবৈষ ভূপতিঃ।
সর্ববিদ্যেশ্বরঃ শ্রীমানেষ চাপি বিভাবসুঃ॥ 13-132-8 (86522)
এষ ব্রহ্মা শিবো রুদ্রো বরুণোঽগ্নিঃ প্রজাপতিঃ।
কীর্ত্যতে ভগবান্দেবঃ সর্বভূতপতিঃ শিবঃ॥ 13-132-9 (86523)
তস্য যজ্ঞঃ পশুপতেস্তপঃ ক্রতব এব চ।
দীক্ষা দীপ্তব্রতা দেবী দিশশ্চ সদিগীশ্বরাঃ॥ 13-132-10 (86524)
দেবপত্ন্যশ্চ কন্যাশ্চ দেবানাং চৈব মাতরঃ।
আজগ্মুঃ সহিতাস্তত্র তদা ভৃগুকুলোদ্বহ।
যজ্ঞং পশুপতেঃ প্রীতা বরুণস্য মহাত্মনঃ॥ 13-132-11 (86525)
স্বয়ংভুবস্তু তা দৃষ্ট্বা রেতঃ সমপতদ্ভুবি॥ 13-132-12 (86526)
তস্য শুক্রস্য নিষ্যন্দান্পাংসূন্সঙ্গৃহ্য ভূমিতঃ।
প্রাস্যৎপূষা করাভ্যাং বৈ তস্মিন্নেব হুতাশনে॥ 13-132-13 (86527)
ততস্তস্মিন্সম্প্রবৃত্তে সত্রে জ্বলিতপাবকে।
ব্রহ্মণো জুহ্বতস্তত্র প্রাদুর্ভাবো বভূবহ॥ 13-132-14 (86528)
স্কন্নমাত্রং চ তচ্ছুক্রং স্রুবেণ পরিগৃহ্য সঃ।
আজ্যবন্মন্ত্রতশ্চাপি সোঽজুহোদ্ভৃগুনন্দন॥ 13-132-15 (86529)
ততঃ স জনয়ামাস ভূতগ্রামং চ বীর্যবান্।
তস্য তত্তেজসস্তস্মাজ্জজ্ঞে লোকেষু তৈজসম্॥ 13-132-16 (86530)
তমসস্তামসা ভাবা ব্যাপি সৎবং তথোভয়ম্।
স গুণস্তেজসো নিত্যং তমস্যাকাশমেব চ।
সর্বভূতেষু চ তথা সৎবং তেজস্তথোত্তমম্॥ 13-132-17 (86531)
শুক্রে হুতেঽগ্নৌ তস্মিংস্তু প্রাদুরাসংস্ত্রয়ঃ প্রভো।
পুরুষা বপুষা যুক্তাঃ স্বৈঃ স্বৈঃ প্রসবজৈর্গুণৈঃ॥ 13-132-18 (86532)
ভর্জনাদ্ভৃগুরিত্যেবমঙ্গারেভ্যোঽঙ্গিরাঽভবৎ।
অঙ্গারসংশ্রয়াচ্চৈব কবিরিত্যপরোঽভবৎ।
সহ জ্বালাভইরুৎপন্নো ভৃগুস্তস্মাদ্ভৃগুঃ স্মৃতঃ॥ 13-132-19 (86533)
মরীচিভ্যো মরীচিস্তু মারীচঃ কশ্যপো হ্যভূৎ।
অঙ্গোরভ্যোঽঙ্গিরাস্তাত বালখিল্যাঃ কুশোচ্চয়াৎ॥ 13-132-20 (86534)
অত্রৈবাত্রেতি চ বিভো জাতমত্রিং বদন্ত্যপি॥ 13-132-21 (86535)
তথা ভস্মব্যপোহেভ্যো ব্রহ্মর্ষিগণসম্মতাঃ।
বৈখানসাঃ সমুৎপন্নাস্তপঃ শ্রুতগুণেপ্সবঃ॥ 13-132-22 (86536)
অশ্রুতোঽস্য সমুৎপন্নাবশ্বিনৌ রূপসম্মতৌ।
শেষাঃ প্রজানাং পতয়ঃ স্রোতোভ্যস্তস্য জজ্ঞিরে।
ঋষয়ো রোমকূপেভ্যঃ স্বেদাচ্ছন্দো বলান্মনঃ॥ 13-132-23 (86537)
এতস্মাৎকারণাদাহুরগ্নিঃ সর্বাস্তু দেবতাঃ।
ঋষয়ঃ শ্রুতসম্পন্না বেদপ্রামাণ্যদর্শনাৎ॥ 13-132-24 (86538)
যানি দারূণি নির্যাসাস্তে মাসাঃ পক্ষসংজ্ঞিতাঃ।
অহোরাত্রা মুহূর্তাশ্চ বীতজ্যোতিশ্চ বারুণম্॥ 13-132-25 (86539)
রৌদ্রং লোহিতমিত্যাহুর্লোহিতাৎকনকং স্মৃতম্।
তন্মৈত্রমিতি বিজ্ঞেয়ং ধূমাচ্চ বসবঃ স্মৃতাঃ॥ 13-132-26 (86540)
অর্চিষো যাশ্চ তে রুদ্রাস্তথাঽঽদিত্যা মহাপ্রভাঃ।
উদ্দীপ্তাস্তে তথাঽঙ্গারা যে ধিষ্ণ্যেষু দিবি স্থিতাঃ॥ 13-132-27 (86541)
অগ্নির্নাথশ্চ লোকস্য তৎপরং ব্রহ্ম তদ্ভুবম্।
সর্বকামদমিত্যাহুস্তত্র হব্যমুপাবহন্॥ 13-132-28 (86542)
ততোঽব্রবীন্মহাদেবো বরুণঃ পবনাত্মকঃ।
মম সত্রমিদং দিব্যমহং গৃহপতিস্ৎবিহ॥ 13-132-29 (86543)
ত্রীণি পূর্বাণ্যপত্যানি মম তানি ন সংশয়ঃ।
ইতি জানীত খগমা মম যজ্ঞফলং হি তৎ॥ 13-132-30 (86544)
অগ্নিরুবাচ। 13-132-31x (7181)
মদঙ্গেভ্যঃ প্রসূতানি মদাশ্রয়কৃতানি চ।
মমৈব তান্মপত্যানি মম শুক্লং হুতং হি তৎ॥ 13-132-31 (86545)
অথাব্রবীল্লোকগুরুর্ব্রহ্মা লোকপিতামহঃ।
মমৈব তান্যপত্যানি মম শুক্লং হুতং হি তৎ॥ 13-132-32 (86546)
অহং বক্তা চ মন্ত্রস্য হোতা শুক্রস্য চৈব হ।
যস্য বীজং ফলং তস্য শুক্রং চেৎকারণং মতম্॥ 13-132-33 (86547)
ততোঽব্রুবন্দেবগণাঃ পিতামহমুপেত্য বৈ।
কৃতাঞ্জলিপুটাঃ সর্বে শিরোভিরভিবন্দ্য চ॥ 13-132-34 (86548)
বয়ং চ ভগবন্সর্বে জগচ্চ সচরাচরম্।
তবৈব প্রসবাঃ সর্বে তস্মাদগ্নির্বিভাবসুঃ।
বরুণশ্চেশ্বরো দেবো লভতাং কামমীপ্সিতম্॥ 13-132-35 (86549)
নিসর্গাদ্ব্রহ্মণশ্চাপি বরুণো যাদসাম্পতিঃ।
জগ্রাহ বৈ ভৃগু পূর্বমপত্যং সূর্যবর্চসম্॥ 13-132-36 (86550)
ঈশ্বরোঽঙ্গিরসং চাগ্নেরপত্যার্থমকল্পয়ৎ।
পিতামহস্ৎবপত্যং বৈকবিং জগ্রাহ তত্ৎববিৎ॥ 13-132-37 (86551)
তদা স বারুণিঃ খ্যাতো ভৃগুঃ প্রসবকর্মকৃৎ।
আগ্নেয়স্ৎবঙ্গিরাঃ শ্রীমান্কবির্ব্রাহ্মো মহায়শাঃ।
ভার্গবাঙ্গিরসৌ লোকে লোকসন্তানলক্ষণৌ॥ 13-132-38 (86552)
এতে বিপ্রবরাঃ সর্বে প্রজানাং পতয়স্ত্রয়ঃ।
সর্বং সন্তানমেতেষামিদমিত্যুপধারয়॥ 13-132-39 (86553)
ভৃগোস্তু পুত্রাঃ সপ্তাসন্সর্বে তুল্যা ভৃগোর্গুণৈঃ।
চ্যবনো বজ্রশীর্ষশ্চ শুচিরৌর্বস্তথৈব চ॥ 13-132-40 (86554)
শুক্রো বরেণ্যশ্চ বিভুঃ সবনশ্চেতি সপ্ত তে।
ভার্গবা বারুণাঃ সর্বে যেষাং বংশে ভবানপি॥ 13-132-41 (86555)
অষঅটৌ চাঙ্গিরসঃ পুত্রা বারুণাস্তেঽপ্যবারুণাঃ।
বৃহস্পতিরুচথ্যশ্চ বয়স্যঃ শান্তিরেব চ॥ 13-132-42 (86556)
ঘোরো বিরূপঃ সংবর্তঃ সুধন্বা চাষ্টমঃ স্মৃতঃ।
এতেঽষ্টৌ বহ্নিজাঃ সর্বে জ্ঞাননিষ্ঠা নিরাময়াঃ॥ 13-132-43 (86557)
ব্রাহ্মণাশ্চ কবেঃ পুত্রা বারুণাস্তেঽপ্যুদাহৃতাঃ।
অষ্টৌ প্রসবজৈর্যুক্তা গুণৈর্ব্রহ্মবিদঃ শুভাঃ॥ 13-132-44 (86558)
কবিঃ কাব্যশ্চ বিষ্ণুশ্চ বুদ্ধিমানুশনা তথা।
ভৃগুশ্চ বরুণশ্চৈব কাশ্যপোঽগ্নিশ্চ ধর্মবিৎ॥ 13-132-45 (86559)
অষ্টৌ কবিসুতা হ্যেতে সর্বমেভির্জগত্ততম্।
প্রজাপতয় এতে হি প্রজানাং যৈরিমাঃ প্রজাঃ॥ 13-132-46 (86560)
এবমঙ্গিরসশ্চৈব কবেশ্চ প্রসবান্বয়ৈঃ।
ভৃগোশ্চ ভৃগুশার্দূল বংশজৈঃ সততং জগৎ॥ 13-132-47 (86561)
বরুণশ্চাদিতো বিপ্র জগ্রাহ প্রভুরীশ্বরঃ।
কবিং তাত ভৃগুং চাপি তস্মাত্তৌ বারুণৌ স্মৃতৌ॥ 13-132-48 (86562)
জগ্রাহাঙ্গিরসং দেবঃ শিখী তস্মাদ্ভুতাশনঃ।
তস্মাদাঙ্গিরসা জ্ঞেয়াঃ সর্ব এব তদন্বয়াঃ॥ 13-132-49 (86563)
ব্রহ্মা পিতামহঃ পূর্বং দেবতাভিঃ প্রসাদিতঃ।
ইমে নঃ সন্তরিষ্যন্তি প্রজাভির্জগদীশ্বরাঃ॥ 13-132-50 (86564)
সর্বে প্রজানাং পতয়ঃ সর্বে চাতিতপস্বিনঃ।
ৎবৎপ্রসাদাদিমং লোকং ধারয়িষ্যন্তি শাশ্বতং॥ 13-132-51 (86565)
তথৈব বংশকর্তারস্তব তেজোবিবর্ধনাঃ।
ভবেয়ুর্বেদবিদুষঃ সর্বে চ কৃতিনস্তথা॥ 13-132-52 (86566)
দেবপক্ষচরাঃ সৌম্যাঃ প্রাজাপত্যা মহর্ষয়ঃ।
অনন্তং ব্রহ্ম সত্যং চ তপশ্চ পরমং ভুবি॥ 13-132-53 (86567)
সর্বে হি বয়মেতে চ তবৈব প্রসবাঃ প্রভো।
দেবানাং ব্রাহ্মণানাং চ ৎবং হি কর্তা পিতামহ॥ 13-132-54 (86568)
মারীচমাদিতঃ কৃৎবা সর্বে চৈবাথ ভার্গবাঃ।
অপত্যানীতি সম্প্রেক্ষ্য ক্ষময়াম পিতামহ॥ 13-132-55 (86569)
অথ স্বেনৈব রূপেণি প্রজনিষ্যন্তি বৈ প্রজাঃ।
স্থাপয়িষ্যন্তি চাত্মানং যুগাদিনিধনে তথা॥ 13-132-56 (86570)
ইত্যুক্তঃ স তদা তৈস্তু ব্রহ্মা লোকপিতামহঃ।
ততেত্যেবাব্রবীৎপ্রীতস্তেঽপি জগ্মুর্যথাগতম্॥ 13-132-57 (86571)
এবমেতৎপুরাবৃত্তং তস্য যজ্ঞে মহাত্মনঃ।
দেবশ্রেষ্ঠস্য লোকাদৌ বারুণীং বিভ্রতস্তনুম্॥ 13-132-58 (86572)
অগ্নির্ব্রহ্ম পশুপতিঃ শর্বো রুদ্রঃ প্রজাপতিঃ।
অগ্নেরপত্যমেতদ্বৈ সুবর্ণমিতি ধারণাঃ॥ 13-132-59 (86573)
অগ্ন্যভাবে চ কুরুতে বহ্নিস্থানেষু কাঞ্চনম্।
জামদগ্ন্যপ্রমাণজ্ঞো বেদশ্রুতিনিদর্শনাৎ॥ 13-132-60 (86574)
কুশস্তম্বে জুহোত্যগ্নিং সুবর্ণে তত্র চ স্থিতে।
বল্মীকস্য বপায়াং চ কর্ণে বাজস্য দক্ষিণে॥ 13-132-61 (86575)
শকটোর্ব্যা পরস্যাপ্সু ব্রাহ্মণস্য করে তথা।
হুতে প্রীতিকরীমৃদ্ধিং ভগবাংস্তত্র মন্যতে॥ 13-132-62 (86576)
তস্মাদগ্নিপরাঃ সর্বে দেবতা ইতি শুশ্রুম।
ব্রহ্মণো হি প্রভূতোঽগ্নিরগ্নেরপি চ কাঞ্চনম্॥ 13-132-63 (86577)
তস্মাদ্যে বৈ প্রয়চ্ছন্তি সুবর্ণং ধর্মদর্শিনঃ।
দেবতাস্তে প্রয়চ্ছন্তি সমস্তা ইতি নঃ শ্রুতম্॥ 13-132-64 (86578)
তস্য বা তপসো লোকান্গচ্ছতঃ পরমাং গতিম্।
স্বর্লোকে রাজরাজ্যেন সোভিষিচ্যেত ভার্গব॥ 13-132-65 (86579)
আদিত্যোদয়নে প্রাপ্তে বিধিমন্ত্রপুরস্কৃতম্।
দদাতি কাঞ্চনং যো বাঃ দুঃস্বপ্নং প্রতিহন্তি সঃ॥ 13-132-66 (86580)
দদাত্যুদিতমাত্রে যস্যস্য পাপ্মা বিধূয়তে।
মধ্যাহ্নে দদতো রুক্মং হন্তি পাপমনাগতম্॥ 13-132-67 (86581)
দদাতি পস্চিমাং সন্ধ্যাং যঃ সুবর্ণং যতব্রতঃ।
ব্রহ্মবায়্বগ্নিসোমানাং সালোক্যমুপয়াতি সঃ॥ 13-132-68 (86582)
সেন্দ্রেষু চৈব লোকেষু প্রতিষ্ঠা বিন্দতে শুভাম্।
ইহ লোকে যশঃ প্রাপ্য শান্তপাপ্মা চ মোদতে॥ 13-132-69 (86583)
ততঃ সম্পদ্যতেঽন্যেষু লোকেষ্বপ্রতিমঃ সদা।
অনাবৃতগতিশ্চৈব কামচারো ভবত্যুত॥ 13-132-70 (86584)
ন চ ক্ষরতি তেভ্যশ্চ যশশ্চৈবাপ্নুতে মহৎ।
সুবর্ণমক্ষয়ং দত্ৎবা লোকাংশ্চাপ্নোতি পুষ্কলান্॥ 13-132-71 (86585)
যস্তু সঞ্জনয়িৎবাঽগ্নিমাদিত্যোদয়নং প্রতি।
দদ্যাদ্বৈ ব্রতমুদ্দিশ্য সর্বকামান্সমশ্নুতে॥ 13-132-72 (86586)
অগ্নিরিত্যেব তৎপ্রাহুঃ প্রদানং চ সুখাবহম্।
যথেষ্টগুণসংবৃত্তং প্রবর্তকমিতি স্মৃতম্॥ 13-132-73 (86587)
এষা সুবর্ণস্যোৎপত্তিঃ কথিতা তে ময়াঽনঘ।
কার্তিকেয়স্য চ বিভো তদ্বিদ্ধি ভৃগুনন্দন॥ 13-132-74 (86588)
কার্তিকেয়স্তু সংবৃদ্ধঃ কালেন মহতা তদা।
দেবৈঃ সেনাপতিৎবেন বৃতঃ সেন্দ্রৈর্ভৃগূদ্বহ॥ 13-132-75 (86589)
জঘান তারকং চাপি দৈত্যমন্যাংস্তথাঽসুরান্।
ত্রিদশেন্দ্রাজ্ঞয়া ব্রহ্মঁল্লোকানাং হিতকাম্যযা॥ 13-132-76 (86590)
সুবর্ণদানে চ ময়া কথিতাস্তে গুণা বিভো।
তস্মাৎসুবর্ণং বিপ্রেভ্যঃ প্রয়চ্ছ তদতাংবর॥ 13-132-77 (86591)
ভীষ্ম উবাচ। 13-132-78x (7182)
ইত্যুক্তঃ স বসিষ্ঠেন জামদগ্ন্যঃ প্রতাপবান্।
দদৌ সুবর্ণং বিপ্রভ্যো ব্যমুচ্যত চ কিল্বিষাৎ॥ 13-132-78 (86592)
এতত্তে সর্বমাখ্যাতং সুবর্ণস্য মহীপতে।
প্রদানস্য ফলং চৈব জন্ম চাস্য যুধিষ্ঠির॥ 13-132-79 (86593)
তস্মাত্ৎবমপি বিপ্রেভ্যঃ প্রয়চ্ছ কনকং বহুঃ।
দদৎসুবর্ণং নৃপতে কিল্বিষাদ্বিপ্রমোক্ষ্যসি॥ ॥ 13-132-80 (86594)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বাত্রিংশদধিকশততমোঽধ্যায়ঃ॥ 132 ॥
Mahabharata - Anushaasana Parva - Chapter Footnotes
7-132-4 ঋগ্বেদোঽথর্ববেদশ্চেতি ক.ঙ.ধ.পাঠঃ॥ 7-132-14 প্রাদুর্ভাবশ্চরমধাতুঃ॥ 7-132-16 ভূতগ্রামং চতুর্বিধং তত্তেজসস্তস্য ত্রিগুণময়স্য রেতসঃ সম্বন্ধী যস্তেজোংশো রজোংশস্তস্মাত্তৈজসপ্রবৃত্তিপ্রধানং জঙ্গমমভূৎ॥ 7-132-17 তমসস্তমোংশাত্তামসং স্থাবরম্। সৎবাংশস্তূভয়ত্রানুগতঃ॥ 7-132-18 প্রসবজৈঃ কারণজৈর্গুণৈঃ॥ 7-132-19 সহয়জ্বভিরুৎপন্ন ইতি ধ.পাঠঃ॥ 7-132-20 বালখিল্যাঃ শরোচ্চয়াদিতি ধ.পাঠঃ॥ 7-132-21 অত্রৈব কুশোচ্চয়ে। অত্র অত্রৈবেতি সম্বন্ধঃ। অত্রৈবাত্রিং চ হি বিভো ইতি ধ. পাঠঃ॥ 7-132-22 ব্যপোহেভ্যঃ সমূহেভ্যঃ। তথাগ্নেস্তস্য ভস্মভ্য ইতি.ধ.পাঠঃ॥ 7-132-23 অশ্রুতঃ অশ্রুসকাশাৎ। স্নোতোভ্যঃ শ্রোত্রাদীন্দ্রিয়েভ্যঃ। বলাৎ বীর্যাৎ। বলান্মখ ইতি ক.ট.ধ.পাঠঃ॥ 7-132-24 এতস্মাদগ্নিজৎবাৎ॥ 7-132-25 নির্যাসা দারুগতা লাক্ষাদয়ো বৃক্ষরসাঃ॥ 7-132-27 দিবিস্থিতাঃ গ্রহতারাদয়ঃ ধিষ্ণ্যেষু স্থানেষু॥ 7-132-30 ত্রীণি ভৃগ্বঙ্গিরঃকবিসংজ্ঞানি॥ 7-132-44 কবেঃ পুত্রা বারুণা ইত্যনেনি স্বীয়ভাগোপি কবির্ব্রহ্মণা বরুণায় সমর্পিত ইত্যুন্নেয়ম্॥ 7-132-50 নোঽস্মান্ সন্তরিষ্যন্তি সন্তারয়িষ্যন্তি॥ 7-132-52 বিদুষো বিদ্বাংসঃ॥ 7-132-56 আদিনিধনে উৎপত্তিপ্রলয়যোরন্তরালে॥ 7-132-58 দেবশ্রেষ্ঠস্য রুদ্রস্য॥ 7-132-59 ধারণা নিশ্চয়ঃ॥ 7-132-61 ব্রাহ্মণপাণ্যজকর্ণদর্ভস্তম্বাপ্সু কাষ্ঠেষ্বিত্যেতানি শ্রুতৌ দৃশ্যন্তে। বপায়াং রন্ধ্রে॥ 7-132-62 শকটোর্বীং তু শ্রুত্যন্তরাৎ জ্ঞেয়া। পরস্য তীর্থাদেরপ্সু॥ 7-132-64 সুবর্ণং যে প্রয়চ্ছন্তি নরাঃ শুদ্ধেন চেতসেতি ধ.পাঠঃ॥ 7-132-71 তেভ্যো লোকেভ্যো ন চ ক্ষরতি॥অনুশাসনপর্ব - অধ্যায় 133
॥ শ্রীঃ ॥
13.133. অধ্যায়ঃ 133
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি কুমারোৎপত্তিপ্রকারস্য দেবাদিভিস্তস্মৈ ক্রীডনকাদিদানস্য তারকাসুরবধাদেশ্চ কথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
উক্তাঃ পিতামহেনেহ সুবর্ণস্য বিধানতঃ।
বিস্তরেণ প্রদানস্য যে গুণাঃ শ্রুতিলক্ষণাঃ॥ 13-133-1 (86595)
যত্তু কারণমুৎপত্তেঃ সুবর্ণস্য প্রকীর্তিতম্।
স কথং তারকঃ প্রাপ্তো নিধনং তদ্ব্রবীহি মে॥ 13-133-2 (86596)
উক্তং স দৈবতানাং হি অবধ্য ইতি পার্থিব।
কথং তস্যাভবন্মৃত্যুর্বিস্তরেণ প্রকীর্তয়॥ 13-133-3 (86597)
এতদিচ্ছাম্যহং শ্রোতুং ৎবত্তঃ কুরুকুলোদ্বহ।
কার্ৎস্ন্যেন তারকবধং পরং কৌতূহলং হি মে॥ 13-133-4 (86598)
ভীষ্ম উবাচ। 13-133-5x (7183)
বিপন্নকৃত্যা রাজেন্দ্র দেবতা ঋষয়স্তথা।
কৃত্তিকাশ্চোদয়ামাসুরপত্যভরণায় বৈ॥ 13-133-5 (86599)
ন দেবতানাং কাচিদ্ধি সমর্থা জাতবেদসঃ।
এতা হি শক্তাস্তং গর্ভং সন্ধারয়িতুমোজসা॥ 13-133-6 (86600)
ষণ্ণাং তাসাং ততঃ প্রীতঃ পাবকো গর্ভধারণাৎ।
স্বেন তেজোবিসর্গেণ বীর্যেণ পরমেণ চ॥ 13-133-7 (86601)
তাস্তু ষট্ কৃত্তিকা গর্ভং পুপুষুর্জাতবেদসঃ।
ষট্সু বর্ত্মসু তেজোঽগ্নেঃ সকলং নিহিতং প্রভো॥ 13-133-8 (86602)
ততস্তা বর্ধমানস্য কুমারস্য মহাত্মনঃ।
তেজসাঽভিপরীতাঙ্গ্যো ন ক্বচিচ্ছর্ম লেভিরে॥ 13-133-9 (86603)
ততস্তেজঃপরীতাঙ্গ্যঃ সর্বাঃ কাল উপস্থিতে।
সমং গর্ভং সুষুবিরে কৃতিকাস্তা নরর্ষভ॥ 13-133-10 (86604)
ততস্তং ষ়ডধিষ্ঠানং গর্ভমেকৎবমাগতম্।
পৃথিবী প্রতিজগ্রাহ কৃত্তিকানাং সমীপতঃ॥ 13-133-11 (86605)
স গর্ভো দিব্যসংস্থানো দীপ্তিমান্পাবকপ্রভঃ।
দিব্যং শরবণং প্রাপ্য ববৃধে প্রিয়দর্শনঃ॥ 13-133-12 (86606)
দদৃশুঃ কৃত্তিকাস্তং তু বালমর্কসমদ্যুতিম্।
জাতস্নেহাশ্চ সৌহার্দাৎপুপুষুঃ স্তন্তবিস্রবৈঃ॥ 13-133-13 (86607)
অভবৎকার্তিকেয়ঃ স ত্রৈলোক্যে সচরাচরে।
স্কন্নৎবাৎস্কন্দতাং প্রাপ্তো গুহাবাসাদ্গুহোঽভবৎ॥ 13-133-14 (86608)
ততো দেবাস্ত্রয়স্ত্রিংশদ্দিশশ্চ সদিগীশ্বরাঃ।
রুদ্রো ধাতা চ বিষ্ণুশ্চ যমঃ পূষাঽর্যমা ভগঃ॥ 13-133-15 (86609)
অংশো মিত্রশ্চ সাধ্যাশ্চ বাসবো বসবোঽশ্বিনৌ।
আপো বায়ুর্নভশ্চন্দ্রো নক্ষত্রাণি গ্রহা রবিঃ॥ 13-133-16 (86610)
পৃথগ্ভূতানি চান্যানি যানি দেবগণানি বৈ।
আজগ্মুস্তেঽদ্ভুতং দ্রষ্টুং কুমারং জ্বলনাত্মজম্॥ 13-133-17 (86611)
ঋষয়স্তুষ্টুবুশ্চৈব গন্ধর্বাশ্চ জগুস্তথা।
ষডাননং কুমারং তু দ্বিষডক্ষং দ্বিজপ্রিয়ম্॥ 13-133-18 (86612)
পীনাংসং দ্বাদশভুজং পাবকাদিত্যবর্চসম্।
শয়ানং শরগুল্মস্থং দৃষ্ট্বা দেবাঃ সহর্ষিভিঃ।
লেভিরে পরমং হর্ষং মেনিরে চাসুরং হতম্॥ 13-133-19 (86613)
ততো দেবাঃ প্রিয়াণ্যস্য সর্ব এব সমাহরন্।
ক্রীডতঃ ক্রীডনীয়ানি দদুঃ পক্ষিগণাংশ্চ হ॥ 13-133-20 (86614)
সুপর্ণোঽস্য দদৌ পুত্রং ময়ূরং চিত্রবর্হিণম্।
রাক্ষসাশ্চ দদুস্তস্মৈ বরাহমহিষাবুভৌ॥ 13-133-21 (86615)
কুক্কুটং চাগ্নিসঙ্কাশং প্রদদাবরুণঃ স্বয়ম্।
চন্দ্রমাঃ প্রদদৌ মেষমাদিত্যো রুচিরাং প্রভাম্॥ 13-133-22 (86616)
গবাং মাতা চ গা দেবী দদৌ শতসহস্রশঃ।
ছাগমগ্নির্গুণোপেতমিলা পুষ্পফলং বহু॥ 13-133-23 (86617)
সুধন্বা শকটং চৈব রথং চাঞ্চিতকূবরম্।
বরুণো বারুণান্দিব্যান্সগজান্প্রদদৌ শুভান্॥ 13-133-24 (86618)
সিংহান্সুরেন্দ্রো ব্যাঘ্রাংশ্চ দ্বিপানন্যাংশ্চ দংষ্ট্রিণঃ।
শ্বাপদাংশ্চ বহূন্ঘোরাঞ্শস্ত্রাণি বিবিধানি চ॥ 13-133-25 (86619)
রাক্ষসাসুরসঙ্ঘাশ্চ অনুজগ্মুস্তমীশ্বরম্॥ 13-133-26 (86620)
বর্ধমানবধোপায়ং প্রার্থয়ামাস তারকঃ।
উপায়ৈর্বহুভির্হন্তুং নাশকচ্চাপি তং বিভুম্॥ 13-133-27 (86621)
সৈনাপত্যেন তং দেবাঃ পূজয়িৎবা গুহালয়ম্।
শশংসুর্বিপ্রকারং তং তস্মৈ তারককারিতম্॥ 13-133-28 (86622)
স বিবৃদ্ধো মহাবীর্যো দেবসেনাপতিঃ প্রভুঃ।
জঘানামোঘয়া শক্ত্যা দানবং তারকং গুহঃ॥ 13-133-29 (86623)
তেন তস্মিন্কুমারেণ ক্রীডতা নিহতেঽসুরে।
সুরেন্দ্রঃ স্থাপিতো রাজ্যে দেবানাং পুনরীশ্বরঃ॥ 13-133-30 (86624)
স সেনাপতিরেবাথ বভৌ স্কন্দঃ প্রতাপবান্।
ঈশো গোপ্তা চ দেবানাং প্রিয়কৃচ্ছঙ্করস্য চ॥ 13-133-31 (86625)
হিরণ্যমূর্তির্ভগবানেব এব চ পাবকিঃ।
সদা কুমারো দেবানাং সৈনাপত্যমবাপ্তবান্॥ 13-133-32 (86626)
তস্মাৎসুবর্ণং মঙ্গল্যং রত্নমক্ষয়্যমুত্তমম্।
সহজং কার্তিকেয়স্য বহ্নেস্তেজঃ পরং মতম্॥ 13-133-33 (86627)
এবং রামায় কৌরব্য বসিষ্ঠোঽকথয়ৎপুরা।
তস্মাৎসুবর্ণদানায় প্রয়তস্ব নরাধিপ॥ 13-133-34 (86628)
রামঃ সুবর্ণং দত্ৎবা হি বিমুক্তঃ সর্বকিল্বিষৈঃ।
ত্রিবিষ্টপে মহৎস্থানমবাপাসুলভং নরৈঃ॥ ॥ 13-133-35 (86629)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রয়স্ত্রিংশদধিকশততমোঽধ্যায়ঃ॥ 133 ॥
Mahabharata - Anushaasana Parva - Chapter Footnotes
7-133-1 শ্রুতির্বেদো লক্ষণং জ্ঞাপকং যেষাং তে শ্রুতিলক্ষণাঃ। শ্রুত্যুক্তা ইত্যর্থঃ॥ 7-133-5 বিপন্নং কৃত্যং যেষাং তে গঙ্গয়া গর্ভে ত্যক্তে সতি নষ্টকার্যাঃ॥ 7-133-6 গর্ভং সন্ধারয়িতুমিত্যপকৃষ্যতে পূর্বোর্ধেপি॥ 7-133-7 প্রীতস্তাভির্গরুডীরূপেণ তদ্রেতঃ পীৎবা ষোঢা গর্ভে ধৃতে সতীতি শেষঃ॥ 7-133-8 বর্ত্মসু গর্ভাগমনমার্গেষু যোনিষ্বিত্যর্থঃ॥অনুশাসনপর্ব - অধ্যায় 134
॥ শ্রীঃ ॥
13.134. অধ্যায়ঃ 134
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি প্রতিপদাদিতিথিষু শ্রাদ্ধকরণস্য প্রত্যেকং ফলকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
চাতুর্বর্ণ্যস্য ধর্মাত্মন্ধর্মাঃ প্রোক্তা যথা ৎবয়া।
তথৈব মে শ্রাদ্ধবিধিং কৃৎস্নং প্রব্রূহি পার্থিব॥ 13-134-1 (86630)
বৈশম্পায়ন উবাচ। 13-134-2x (7184)
যুধিষ্ঠিরেণৈবমুক্তো ভীষ্মঃ শান্তনবস্তদা।
ইমং শ্রাদ্ধবিধিং কৃৎস্নং বক্তুং সমুপচক্রমে॥ 13-134-2 (86631)
ভীষ্ম উবাচ। 13-134-3x (7185)
শৃণুষ্বাবহিতো রাজঞ্শ্রাদ্ধকর্মবিধিং শুভম্।
ধন্যং যশস্যং পুত্রীয়ং পিতৃয়জ্ঞং পরন্তপ॥ 13-134-3 (86632)
দেবাসুরমনুষ্যাণাং গন্ধর্বোরগরক্ষসাম্।
পিশাচকিন্নরাণাং চ পূজ্যা বৈ পিতরঃ সদা॥ 13-134-4 (86633)
পিতৄন্পূজ্যাদিতঃ পশ্চাদ্দেবতাস্তর্পয়ন্তি বৈ।
তস্মাত্তান্সর্বয়ত্নেন পুরুষঃ পূজয়েৎসদা॥ 13-134-5 (86634)
অন্বাহার্যং মহারাজ পিতৄণাং শ্রাদ্ধমুচ্যতে।
তস্মাদ্বিশেষবিধিনা বিধিঃ প্রথমকল্পিতঃ॥ 13-134-6 (86635)
সর্বেষ্বহঃসু প্রীয়ন্তে কৃতে শ্রাদ্ধে পিতামহাঃ।
`পিণ্ডান্বাহার্যকং শ্রাদ্ধং কুর্যান্মাসানুমাসিকম্।
পিতৃয়জ্ঞং তু নির্বর্ত্য বিপ্রশ্চন্দ্রক্ষয়েঽগ্নিমান্॥ 13-134-7 (86636)
পিণ্ডানাং মাসিকশ্রাদ্ধমন্বাহার্যং বিদুর্বুধাঃ।
তদামিষেণ কুর্বীত প্রয়তঃ প্রাঞ্জলিঃ শুচিঃ॥' 13-134-8 (86637)
প্রবক্ষ্যামি তু তে সর্বাংস্তিথ্যাংতিথ্যাং দিনে গুণান্।
যেষ্বহঃসু কৃতৈঃ শ্রাদ্ধৈর্যৎফলং প্রাপ্যতেঽনঘ।
তৎসর্বং কীর্তয়িষ্যামি যথাবত্তন্নিবোধ মে॥ 13-134-9 (86638)
পিতৄনর্চ্য প্রতিপদি প্রাপ্নুয়াৎস্বগৃহে স্ত্রিয়ঃ।
অভিরূপপ্রজায়িন্যো দর্শনীয়া বহুপ্রজাঃ॥ 13-134-10 (86639)
স্ত্রিয়ো দ্বিতীয়াং জায়ন্তে তৃতীয়ায়াং তু বাজিনঃ।
চতুর্থ্যাং ক্ষুদ্রপশবো ভবন্তি বহবো গৃহে॥ 13-134-11 (86640)
পঞ্চম্যাং বহবঃ পুত্রা জায়ন্তে কুর্বতাং নৃপ।
কুর্বাণাস্তু নরাঃ ষষ্ঠ্যাং ভবন্তি দ্যুতিভাগিনঃ॥ 13-134-12 (86641)
কৃষিভাগী ভবেচ্ছ্রাদ্ধং কুর্বাণঃ সপ্তমীং নৃপ।
অষ্টম্যাং তু প্রকুর্বাণো বাণিজ্যে লাভমাপ্নুয়াৎ॥ 13-134-13 (86642)
নবম্যাং কুর্বতঃ শ্রাদ্ধং ভবত্যেকশফং বহু।
বিবর্ধন্তে তু দশমীং গাবঃ শ্রাদ্ধানি কুর্বতঃ॥ 13-134-14 (86643)
কুপ্যভাগী ভবেন্মর্ত্যঃ কুর্বন্নেকাদশীং নৃপ।
ব্রহ্মবর্চস্বিনঃ পুত্রা জায়ন্তে তস্য বেশ্মনি॥ 13-134-15 (86644)
দ্বাদশ্যামীহমানস্য নিত্যমেব প্রদৃশ্যতে।
রজতং বহুবিত্তং চ সুবর্ণং চ মনোরমম্॥ 13-134-16 (86645)
জ্ঞাতীনাং তু ভবেচ্ছ্রেষ্ঠঃ কুর্বঞ্শ্রাদ্ধং ত্রয়োদশীম্॥ 13-134-17 (86646)
অবশ্যং তু যুবানোঽস্য প্রমীয়ন্তে নরা গৃহে।
যুদ্ধভাগী ভবেন্মর্ত্যঃ কুর্বঞ্শ্রাদ্ধং চতুর্দশীম্॥ 13-134-18 (86647)
অমাবাস্যাং তু নিবপন্সর্বকামানবাপ্নুয়াৎ॥ 13-134-19 (86648)
কৃষ্ণপক্ষে দশম্যাদৌ বর্জয়িৎবা চতুর্দশীম্।
শ্রাদ্ধকর্মণি তিথ্যস্তু প্রশস্তা ন তথেতরাঃ॥ 13-134-20 (86649)
যথা চৈবাপরঃ পক্ষঃ পূর্বপক্ষাদ্বিশিষ্যতে।
তথা শ্রাদ্ধস্য পূর্বাহ্ণাদপরাহ্ণো বিশিষ্যতে॥ ॥ 13-134-21 (86650)
ইতি শ্রীমন্মহাভারতে অনুশাসনপর্বণি দানধর্মপর্বণি চতুস্ত্রিংশদধিকশততমোঽধ্যায়ঃ॥ 134 ॥
Mahabharata - Anushaasana Parva - Chapter Footnotes
7-134-5 আদিতঃ অমাবাস্যায়াং। পশ্চাৎপ্রতিপদি॥ 7-134-6 তচ্চামিষেণ বিধিনেতি ক.ট.থ.ধ.পাঠঃ॥ 7-134-10 গৃহে স্ত্রিয়ো ভার্যাঃ॥ 7-134-11 স্ত্রিয়ো দুহিতরঃ॥ 7-134-12 ভবন্তি দ্যূতভাগিন ইতি ট.থ.ধ.পাঠঃ॥ 7-134-15 কুপ্যং বস্ত্রপাত্রাদি॥অনুশাসনপর্ব - অধ্যায় 135
॥ শ্রীঃ ॥
13.135. অধ্যায়ঃ 135
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি শ্রাদ্ধে তিলমাংসবিশেষদানস্য ফলবিশেষকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কিংস্বিদ্দত্তং পিতৃভ্যো বৈ ভবত্যক্ষয়মীশ্বরঃ।
কিংস্বিদ্বহুফলং প্রোক্তং কিমানন্ত্যায় কল্পতে॥ 13-135-1 (86651)
ভীষ্ম উবাচ। 13-135-2x (7186)
হবীংষি শ্রাদ্ধকল্পে তু যানি শ্রাদ্ধবিদো বিদুঃ।
তানি মে শৃণু কাম্যানি ফলং চৈষাং যুধিষ্ঠির॥ 13-135-2 (86652)
তিলৈর্ব্রীহিয়বৈর্মাষৈরদ্ভির্মূলফলৈস্তথা।
দত্তেন মাসং প্রীয়ন্তে শ্রাদ্ধেন পিতরো নৃপ॥ 13-135-3 (86653)
বর্ধমানতিলং শ্রাদ্ধমক্ষয়ং মনুরব্রবীৎ।
সর্বেষ্বেব তু ভোজ্যেষু তিলাঃ প্রাধান্যতঃ স্মৃতাঃ॥ 13-135-4 (86654)
দ্বৌ মাসৌ তু ভবেত্তুপ্তির্মৎস্যৈঃ তিতৃগণস্য হ।
ত্রীন্মাসানাবিকেনাহুশ্চতুর্মাসং শশেন হ॥ 13-135-5 (86655)
আজেন মাসান্প্রীয়ন্তে পঞ্চৈব পিতরো নৃপ।
বারাহেণ তু ষণ্মাসান্সপ্ত বৈ শাকুলেন তু॥ 13-135-6 (86656)
মাসানষ্টৌ পার্ষতেন রৌরবেণ নব প্রভো।
গবয়স্য তু মাংসেন তৃপ্তিঃ স্যাদ্দশমাসিকী॥ 13-135-7 (86657)
মাংসেনেকাদশ প্রীতিঃ পিতৄণাং মাহিষেণ তু।
গব্যেন দত্তে শ্রাদ্ধে তু সংবৎসরমিহোচ্যতে॥ 13-135-8 (86658)
যথা গব্যং তথা যুক্তং পায়সং সর্পিষা সহ।
বাধ্রীণসস্য মাংসেন তৃপ্তির্দ্বাদশবার্ষিকী॥ 13-135-9 (86659)
আন্ত্যায় ভবেদ্দতং খঙ্গমাংসং পিতৃক্ষতে।
কালশাকং চ লৌহং চাপ্যানন্ত্যং ছাগ উচ্যতে॥ 13-135-10 (86660)
গাথাশ্চাপ্যত্র গায়ন্তি পিতৃগীতা যুধিষ্ঠির।
সনৎকুমারো ভগবান্পুরা মধ্যভ্যভাষত॥ 13-135-11 (86661)
অপি নঃ স্বকুলে জায়াদ্যো নো দদ্যাত্ত্রয়োদশীম্।
মঘাসু সর্পিঃসংয়ুক্তং পায়সং দক্ষিণায়নে॥ 13-135-12 (86662)
আজেন বাঽপি লৌহেন মঘাস্বেব যতব্রতঃ।
হস্তিচ্ছায়াসু বিধিবৎকর্ণব্যজনবীজিতম্॥ 13-135-13 (86663)
এষ্টব্যা বহবঃ পুত্রা যদ্যেকোপি গয়াং ব্রজেৎ।
যত্রাসৌ প্রথিতো লোকেষ্বক্ষ্যকরণো বটঃ॥ 13-135-14 (86664)
আপো মূলং ফলং মাংসমন্নং বাঽপি পিতৃক্ষয়ে।
যৎকিঞ্চিন্মধুসংমিশ্রং তদানন্ত্যায় কল্পতে॥ ॥ 13-135-15 (86665)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চত্রিংশদধিকশততমোঽধ্যায়ঃ॥ 135 ॥
Mahabharata - Anushaasana Parva - Chapter Footnotes
7-135-7 পৃষতশ্চিত্রমৃগস্তদীয়ং পার্ষতম্। রুরুঃ কৃষ্ণমৃগস্তদীয়ং রৌরবম্॥ 7-135-9 বাধ্রীণসঃ বধ্র্যা স্যূতনাসিকো মহোক্ষঃ। পক্ষিবিশেষোঽজবিশেষশ্চেত্যন্যে॥ 7-135-10 পিতৃক্ষতে মৃততিথৌ। লৌহং কাঞ্চনবৃক্ষজং পুষ্পাদিশাকম্॥ 7-135-13 বীজিতং পায়সাদিকং দদ্যাদিতি পূর্বেণান্বয়ঃ॥অনুশাসনপর্ব - অধ্যায় 136
॥ শ্রীঃ ॥
13.136. অধ্যায়ঃ 136
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রত্য শ্বিন্যাদিনক্ষত্রেষু শ্রাদ্ধকরণস্য ফলবিশেষকথনম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
যমস্তু যানি শ্রাদ্ধানি প্রোবাচ শশবিন্দবে।
তানি মে শৃণু কাম্যানি নক্ষত্রেষু পৃথক্পৃথক্॥ 13-136-1 (86666)
শ্রাদ্ধং যঃ কৃত্তিকায়োগে কুর্বীত সততং নরঃ।
অগ্নীনাধায় সাপত্যো যজেত বিগতজ্বরঃ॥ 13-136-2 (86667)
অপত্যকামো রোহিণ্যাং তেজস্কামো মৃগোত্তমে।
ক্রূরকর্মা দদচ্ছ্রাদ্ধমার্দ্রায়াং মানবো ভবেৎ॥ 13-136-3 (86668)
কৃষিভাগী ভবেন্মর্ত্যঃ কুর্বঞ্শ্রাদ্ধং পুনর্বসৌ।
পুষ্টিকামোঽথ পুষ্যেণ শ্রাদ্ধমীহেত মানবঃ॥ 13-136-4 (86669)
আশ্লেষায়াং দদচ্ছ্রাদ্ধং ধীরান্পুত্রান্প্রজায়তে।
জ্ঞাতীনাং তু ভবেচ্ছ্রেষ্ঠো মঘাসু শ্রাদ্ধমাবপন্॥ 13-136-5 (86670)
ফল্গুনীষু দদচ্ছ্রাদ্ধং সুভগঃ শ্রাদ্ধদো ভবেৎ।
অপত্যভাগুত্তরাসু হস্তেন ফলভাগ্ভবেৎ॥ 13-136-6 (86671)
চিত্রায়াং তু দদচ্ছ্রাদ্ধং লভেদ্রূপবতঃ সুতান্।
স্বাতিয়োগে পিতৄনর্চ্য বাণিজ্যমুপজীবতি॥ 13-136-7 (86672)
বহুপুত্রো বিশাখাসু পুত্রমীনহন্ভবেন্নরঃ।
অনুরাধাসু কুর্বাণো রাজ্যচক্রং প্রবর্তয়েৎ॥ 13-136-8 (86673)
আধিপত্যং ব্রজেন্মর্ত্যো জ্যেষ্ঠায়ামপবর্জয়ন্।
নরঃ কুরুকুলশ্রেষ্ঠ ঋদ্ধো দমপুরঃসরঃ॥ 13-136-9 (86674)
মূলে ৎবারোগ্যমৃচ্ছেত যশোঽষাঢাসু চোত্তমম্।
উত্তরাসু ৎবষাঢাসু বীতশোকশ্চরেন্মহীম্॥ 13-136-10 (86675)
শ্রাদ্ধং ৎবভিজিতৌ কুর্বন্বিদ্যাং শ্রেষ্ঠামবাপ্নুয়াৎ।
শ্রবণেষু দদচ্ছ্রাদ্ধং প্রেত্য গচ্ছেৎস তদ্গতিম্॥ 13-136-11 (86676)
রাজ্যভাগী ধনিষ্ঠায়াং ভবেত নিয়তং নরঃ।
নক্ষত্রে বারুণে কুর্বন্ভিষক্সিদ্ধিমবাপ্নুয়াৎ॥ 13-136-12 (86677)
পূর্বপ্রোষ্ঠপদাঃ কুর্বন্বহূন্বিন্দত্যজাবিকান্।
উত্তরাসু প্রকুর্বাণো বিন্দো গাঃ সহস্রশঃ॥ 13-136-13 (86678)
বহুকুপ্যকৃতং বিত্তং বিন্দতে রেবতীং শ্রিতঃ।
অশ্বিনীষ্বশ্বান্বিন্দেত ভরণীষ্বায়ুরুত্তমম্॥ 13-136-14 (86679)
ইমং শ্রাদ্ধবিধিং শ্রুৎবা শশবিন্দুস্তথাঽকরোৎ।
অক্লেসেনাজয়চ্চাপি মহীং সোঽনুশশাস হ॥ ॥ 13-136-15 (86680)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্ত্রিংশদধিকশততমোঽধ্যায়ঃ॥ 136 ॥
Mahabharata - Anushaasana Parva - Chapter Footnotes
7-136-3 আর্দ্রায়াং মানদো ভবেদিতি থ.পাঠঃ॥ 7-136-6 ফলভাক্ ইষ্টার্থভাক্॥ 7-136-12 বারুণে শতভিষজি॥ 7-136-14 অশ্বাংশ্চাশ্বয়ুজেবেত্তীতি ধ.পাঠঃ॥অনুশাসনপর্ব - অধ্যায় 137
॥ শ্রীঃ ॥
13.137. অধ্যায়ঃ 137
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি শ্রাদ্ধে নিমন্ত্রণার্হানর্হাণাং লক্ষণনিরূপণম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কীদৃশেভ্যঃ প্রদাতব্যং ভবেচ্ছ্রাদ্ধং পিতামহ।
দ্বিজেভ্যঃ কুরুশার্দূল তন্মে ব্যাখ্যাতুমর্হসি॥ 13-137-1 (86681)
ভীষ্ম উবাচ। 13-137-2x (7187)
ব্রাহ্মণান্ন পরীক্ষেত ক্ষত্রিয়ো দানধর্মবিৎ।
দৈবে কর্মণি পিত্র্যে তু ন্যায়মাহুঃ পরীক্ষণম্॥ 13-137-2 (86682)
দেবতাঃ পাবয়ন্তীহ দৈবেনৈবেহ তেজসা।
উপেত্য তস্মাদ্দেবেভ্যঃ সর্বেভ্যো দাপয়েন্নরঃ॥ 13-137-3 (86683)
শ্রাদ্ধে ৎবথ মহারাজ পরীক্ষেদ্ব্রাহ্মণান্বুধঃ।
কুলশীলবয়োরূপৈর্বিদ্যযাঽভিজনেন চ॥ 13-137-4 (86684)
তেষামন্যে পঙ্ক্তিদূষ্যাস্তথাঽন্যে পঙ্ক্তিপাবনাঃ।
অপাঙ্ক্তেয়াস্তু যে রাজন্কীর্তয়িষ্যামি তাঞ্শৃণু॥ 13-137-5 (86685)
কিতবো ভ্রূণহা যক্ষ্মীং পশুপালো নিরাকৃতিঃ।
গ্রামপ্রেষ্যো বার্ধুষিকো গায়নঃ সর্ববিক্রয়ী॥ 13-137-6 (86686)
অগারদাহী গরদঃ কুণ্ডাশী সোমবিক্রয়ী।
সামুদ্রিকো রাজভৃত্যস্তৈলিকঃ কূটকারকঃ॥ 13-137-7 (86687)
পিত্রা বিভজমানশ্চ যস্য চোপপতির্গৃহে।
অভিশস্তস্তথা স্তেনঃ শিল্পং যশ্চোপজীবতী॥ 13-137-8 (86688)
পর্বকারশ্চ সূচী চ মিত্রধ্রুক্ পারদারিকঃ।
অব্রতানামুপাধ্যায়ঃ কাণ্ডপৃষ্ঠস্তথৈব চ॥ 13-137-9 (86689)
শ্বভিশ্চ যঃ পরিক্রামেদ্যঃ শুনা দষ্ট এব চ।
পরিবিত্তিশ্চ যশ্চ স্যাদ্দুশ্চর্মা গুরুতল্পগঃ। 13-137-10 (86690)
কুশীলবো দেবলকো নক্ষত্রৈর্যশ্চ জীবতী॥
ঈদৃশৈর্ব্রাহ্মণৈর্ভুক্তমপাঙ্ক্তেয়ৈর্যুধিষ্ঠির। 13-137-11 (86691)
রক্ষাংসি গচ্ছতে হব্যমিত্যাহুর্ব্রহ্মবাদিনঃ॥
শ্রাদ্ধং ভুক্ৎবা ৎবধীয়ীত বৃষলীতল্পগশ্চ যঃ। 13-137-12 (86692)
পুরীষে তস্য তে মাসং পিতরস্তস্য শেরতে।
সোমবিক্রয়িণে বিষ্ঠা ভিষজে পূয়শোণিতম্॥ 13-137-13 (86693)
নষ্টং দেবলকে দত্তমপ্রতিষ্ঠং চ বার্ধুষে।
যত্তু বাণিজকে দত্তং নেহ নামুত্র তদ্ভবেৎ।
ভস্মনীব হুতং হব্যং তথা পৌনর্ভবে দ্বিজে॥ 13-137-14 (86694)
যে তু ধর্মব্যপেতেষু চারিত্রাপগতেষু চ।
হব্যং কব্যং প্রয়চ্ছন্তি যেষাং তৎপ্রেত্য নশ্যতি॥ 13-137-15 (86695)
জ্ঞানপূর্বং তু যে তেভ্যঃ প্রয়চ্ছন্ত্যল্পবুদ্ধয়ঃ।
পুরীষং ভুঞ্জতে তস্য পিতরঃ প্রেত্য নিশ্চয়ঃ॥ 13-137-16 (86696)
এতানিমান্বিজানীয়াদপাঙ্ক্তেয়ান্দ্বিজাধমান্।
শূদ্রাণামুপদেশং চ যে কুর্বন্ত্যল্পচেতসঃ॥ 13-137-17 (86697)
ষষ্টিং কাণঃ শতং ষণ্ডঃ শ্বিত্রী যাবৎপ্রপশ্যতি।
পঙ্ক্ত্যাং সমুপবিষ্টায়াং তাবদ্দূষয়তে নৃপ॥ 13-137-18 (86698)
যদ্বেষ্টিতশিরা ভুঙ্ক্তে যদ্ভুঙ্ক্তে দক্ষিণামুখঃ।
সোপানৎকশ্চ যদ্ভুঙ্ক্তে সর্বং বিদ্যাত্তদাসুরম্॥ 13-137-19 (86699)
অসূয়তা চ যদত্তং যচ্চ শ্রদ্ধাবিবর্জিতম্।
সর্বং তদসুরেন্দ্রায় ব্রহ্মা ভাগমকল্পয়ৎ॥ 13-137-20 (86700)
শ্বানশ্চ পঙ্ক্তিদূষাশ্চ নাবেক্ষেরন্কথঞ্চন।
তস্মাৎপরিসৃতে দদ্যাত্তিলাংশ্চান্ববকীরয়েৎ॥ 13-137-21 (86701)
তিলৈর্বিরহিতং শ্রাদ্ধং কৃতং ক্রোধবশেন চ।
যাতুধানাঃ পিশাচাশ্চ বিপ্রলুম্পন্তি তদ্ধবিঃ॥ 13-137-22 (86702)
অপাঙ্ক্তো যাবতঃ পাঙ্ক্তান্ভুঞ্জানাননুপশ্যতি।
তাবৎফলাদ্ধংশয়তি দাতারং তস্য বালিশম্॥ 13-137-23 (86703)
ইমে তু ভরতশ্রেষ্ঠ বিজ্ঞেয়াঃ পঙ্ক্তিপাবনাঃ।
হেতুতস্তান্প্রবক্ষ্যামি পরীক্ষস্বেহ তান্দ্বিজান্॥ 13-137-24 (86704)
বিদ্যাবেদব্রতস্নাতা ব্রাহ্মণাঃ সর্ব এব হি।
সদাচারপরাশ্চৈব বিজ্ঞেয়াঃ সর্বপাবনাঃ॥ 13-137-25 (86705)
পাঙ্ক্তেয়াংস্তু প্রবক্ষ্যামি জ্ঞেয়াস্তে পঙ্ক্তিপাবনাঃ।
ত্রিণাচিকেতঃ পঞ্চাগ্নিস্ত্রিসুপর্ণঃ ষডঙ্গবিৎ॥ 13-137-26 (86706)
ব্রহ্মদেয়ানুসন্তানশ্ছন্দোগো জ্যেষ্ঠসামগঃ।
মাতাপিত্রোর্যশ্চ বশ্যঃ শ্রোত্রিয়ো দশপূরুষঃ॥ 13-137-27 (86707)
ঋতুকালাভিগামী চ ধর্মপত্নীষু যঃ সদা।
বেদবিদ্যাব্রতস্নাতো বিপ্রঃ পঙ্ক্তিং পুনাত্যুত॥ 13-137-28 (86708)
অথর্বশিরসোঽধ্যেতা ব্রহ্মচারী যতব্রতঃ।
সত্যবাদী ধর্মশীলঃ স্বকর্মনিরতশ্চ সঃ॥ 13-137-29 (86709)
যে চ পুণ্যেষু তীর্থেষু অভিষেককৃতশ্রমাঃ।
মখেষু চ সমন্ত্রেষু ভন্ত্যবভৃথপ্লুতাঃ॥ 13-137-30 (86710)
অক্রোধনা হ্যচপলাঃ ক্ষান্তাঃ দান্তা জিতেন্দ্রিয়াঃ।
সর্বভূতহিতা যে চ শ্রাদ্ধেষ্বেতান্নিমন্ত্রয়েৎ॥ 13-137-31 (86711)
এতেষু দত্তমক্ষয়্যমেতে বৈ পঙ্ক্তিপাবনাঃ।
ইমে পরে মহাভাগা বিজ্ঞেয়াঃ পঙ্ক্তিপাবনাঃ॥ 13-137-32 (86712)
যতয়ো মোক্ষধর্মজ্ঞা যোগিনশ্চরিতব্রতাঃ।
`পঞ্চরাত্রবিদো মুখ্যাস্তথা ভাগবতাঃ পরে॥ 13-137-33 (86713)
বৈখানসাঃ কুলশ্রেষ্ঠা বৈদিকাচারচারিণঃ।'
যে চেতিহাসং প্রয়তাঃ শ্রাবয়ন্তি দ্বিজোত্তমান্॥ 13-137-34 (86714)
যে চ ভাষ্যবিদঃ কেচিদ্যে চ ব্যাকরণে রতাঃ।
অধীয়তে পুরাণং যে ধর্মশাস্ত্রাণ্যথাপি চ॥ 13-137-35 (86715)
অধীত্য চ যথান্যায়ং বিধিবত্তস্য কারিণঃ।
উপপন্নো গুরুকুলে সত্যবাদী সহস্রশঃ॥ 13-137-36 (86716)
অগ্র্যাঃ সর্বেষু বেদেষু সর্বপ্রবচনেষু চ।
যাবদেতে প্রপশ্যন্তি পঙ্ক্ত্যাস্তাবৎপুনন্ত্যুত॥ 13-137-37 (86717)
ততো হি পাবনাৎপঙ্ক্ত্যাঃ পঙ্ক্তিপাবন উচ্যতে।
ক্রোশাদর্ধতৃতীয়াচ্চ পাবয়েদেক এব হি।
ব্রহ্মদেয়ানুসন্তান ইতি ব্রহ্মবিদো বিদুঃ॥ 13-137-38 (86718)
অনুৎবিগনুপাধ্যায়ঃ স চেদগ্রাসনং ব্রজেৎ।
ঋৎবিগ্ভিরভ্যনুজ্ঞাতঃ পঙ্ক্ত্যা হরতি দুষ্কৃতম্॥ 13-137-39 (86719)
অথ চেদ্বেদবিৎসর্বৈঃ পঙ্ক্তিদোষৈর্বিবর্জিতঃ।
ন চ স্যাৎপতিতো রাজন্পঙ্ক্তিপাবন এব সঃ॥ 13-137-40 (86720)
তস্মাৎসর্বপ্রয়ত্নেন পরীক্ষ্যামন্ত্রয়েদ্দ্বিজান্।
স্বকর্মনিরতান্দান্তান্কুলে জাতান্বহুশ্রতান্॥ 13-137-41 (86721)
যস্য মিত্রপ্রধানানি শ্রাদ্ধানি চ হবীংষি চ।
ন প্রীণন্তি পিতৄন্দেবান্স্বর্গং চ ন স গচ্ছতি॥ 13-137-42 (86722)
যশ্চ শ্রাদ্ধে কুরুতে সঙ্গতানি
ন দেবয়ানেন পথা স যাতি।
স বৈ মুক্তঃ পিপ্পলং বন্ধনাদ্বা
স্বর্গাল্লোকচ্চ্যবতে শ্রাদ্ধমিত্রঃ॥ 13-137-43 (86723)
তস্মান্মিত্রং শ্রাদ্ধকৃন্নাদ্রিয়েত
দদ্যান্মিত্রেভ্যঃ সঙ্গ্রহার্থং ধনানি।
যন্মন্যতে নৈব শত্রুং ন মিত্রং
তং মধ্যস্থং ভোজয়েদ্ধব্যকব্যে॥ 13-137-44 (86724)
যথোষরে বীজমুপ্তং ন রোহে-
ন্নচাবপ্তা প্রাপ্নুয়াদ্বীজভাগম্।
এবং শ্রাদ্ধং ভুক্তমনর্হমাণৈ-
র্ন চেহ নামুত্র ফলং দদাতি॥ 13-137-45 (86725)
ব্রাহ্মণো হ্যনধীয়ানস্তৃণাগ্নিরিব শাম্যতি।
তস্মৈ শ্রাদ্ধং ন দাতব্যং ন হি ভস্মনি হূয়তে॥ 13-137-46 (86726)
সম্ভোজনী নাম পিশাচদক্ষিণা
সা নৈব দেবান্ন পিতৄনুপৈতি।
ইহৈব সা ভ্রাম্যতি হীনপুণ্যা
শালান্তরে গৌরিব নষ্টবৎসা॥ 13-137-47 (86727)
যথাঽগ্নৌ শান্তে ঘৃতমাজুহোতি
তন্নৈব দেবান্ন পিতৄনুপৈতি।
তথা দত্তং নর্তকে গায়কে চ
যাং চানৃতে দক্ষিণামাবৃণোতি॥ 13-137-48 (86728)
উভৌ হিনস্তি ন ভুনক্তি চৈষা
যা চানৃতে দক্ষিণা দীয়তে বৈ।
আঘাতিনী গর্হিতৈষা পতন্তী
তেষাং প্রেতান্পাতয়েদ্দেবয়ানাৎ॥ 13-137-49 (86729)
ঋষীণাং সময়ে নিত্যং যে চরন্তি যুধিষ্ঠির।
নিশ্চিতাঃ সর্বধর্মজ্ঞাস্তান্দেবা ব্রাহ্মণান্বিদুঃ॥ 13-137-50 (86730)
স্বাধ্যায়নিষ্ঠা ঋষয়ো জ্ঞাননিষ্ঠাস্তথৈব চ।
তপোনিষ্ঠাশ্চ বোদ্ধব্যাঃ কর্মনিষ্ঠাশ্চ ভারত॥ 13-137-51 (86731)
কব্যানি জ্ঞাননিষ্ঠেভ্যঃ প্রতিষ্ঠাপ্যানি ভারত।
তত্র যে ব্রাহ্মণান্কেচিন্ন সীদন্তি হি তে নরাঃ॥ 13-137-52 (86732)
যে তু নিন্দন্তি জল্পেষু ন তাঞশ্রাদ্ধেষু ভোজয়ৎ।
ব্রাহ্মণা নিন্দিতা রাজন্হন্যুস্ত্রৈপুরুষং কুলম্॥ 13-137-53 (86733)
বৈখানসানাং বচনমৃষীণাং শ্রূয়তে নৃপ।
দূরাদেব পরীক্ষেত ব্রাহ্মণান্বেদপারগান্॥ 13-137-54 (86734)
প্রিয়ো বা যদি বা দ্বেষ্যস্তেষাং তু শ্রাদ্ধমাবপেৎ॥ 13-137-55 (86735)
যঃ সহস্রং সহস্রাণাং ভোজয়দেনৃচো নরঃ।
একস্তান্মন্ত্রবিৎপ্রীতঃ সর্বানর্হতি ভারত॥ ॥ 13-137-56 (86736)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তত্রিংশদধিকশততমোঽধ্যায়ঃ॥ 137 ॥
Mahabharata - Anushaasana Parva - Chapter Footnotes
7-137-3 দেবেভ্যো দেবানুদ্দিশ্য। সর্বেভ্যো বিপ্রেভ্যঃ॥ 7-137-5 তেষামন্যে পঙ্ক্তিদূষা ইতি ঝ.পাঠঃ॥ 7-137-6 নিরাকৃতিরধ্যযনাদিশূন্যঃ। বার্ধুষিকো বৃদ্ধ্যর্থং ধনপ্রয়োক্তা॥ 7-137-7 কুণ্ডাশী ভগভক্ষঃ। তৈলিকস্তৎকর্মকৃৎ। কূটসাক্ষিক ইতি ট.পাঠঃ॥ 7-137-8 পিত্রা বিবদমানশ্চেতি ঝ.পাঠঃ॥ 7-137-9 পর্বকারো বেষান্তরধারী। সূচী পিশুনঃ। অব্রতানাং শূদ্রাণাম্। কাণ্ডপৃষ্ঠঃ শস্ত্রাজীবী॥ 7-137-10 শ্বভিঃ পরিক্রামেন্মৃগয়াং কুর্বন্॥ 7-137-18 ষষ্টিংশতং পুরুষানিতি শেষঃ॥ 7-137-20 অসুরেন্দ্রায় বলয়ে॥ 7-137-21 পরিসৃতে আবৃতদেশে॥ 7-137-22 তিলদানেপ্যদায়াদা যে চ ক্রোধবশা গণাঃ। যাতুধানাঃ পিশাচাশ্চ ন প্রলুপন্তি তদ্ধবিরিতি থ.ধ.পাঠঃ॥ 7-137-26 ত্রিসুপর্ণং চতুষ্কপর্দা যুবতিঃ সুপেশা ইতি বহ্বৃচানাং মন্ত্রত্রয়ং বা ব্রহ্মমেতুমাম্ ইত্যাদিতৈত্তিরীয়প্রসিদ্ধং বা। ষডঙ্গানি শিক্ষাদীনি॥ 7-137-27 ব্রহ্ম দেবঃ পরবিদ্যা বা তদেব দেয়ং যেষাং তেষামনুসন্তানঃ পরম্পরায়ামুৎপন্নঃ ব্রহ্মদেয়ানুসন্তানঃ॥ 7-137-30 মুখেষু চ সহস্রেষ্বিতি থ.পাঠ॥ 7-137-42 মিত্রমেব প্রধানং ন যোগ্যৎবাদিকং যেষু তানি॥ 7-137-43 শ্রাদ্ধেন নিমিত্তেন সঙ্গতানি সখ্যানি॥ 7-137-47 সম্ভোজনী অন্যোন্যং দীয়মানা॥ 7-137-48 যাং চ দক্ষিণামনৃতে অপাত্রে আবৃণোতি প্রয়চ্ছতি॥ 7-137-49 ন ভুনক্তি ন পালয়তি। আঘাতিনী হন্ত্রী॥অনুশাসনপর্ব - অধ্যায় 138
॥ শ্রীঃ ॥
13.138. অধ্যায়ঃ 138
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি শ্রাদ্ধে বর্জনীয়ধান্যশাকাদিপ্রতিপাদকাত্রিনিমিসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কেন সঙ্কল্পিতং শ্রাদ্ধং কস্মিন্কালে কিমাত্মকম্।
ভৃগ্বঙ্গিরসিকে কালে মুনিনা কতরেণ বা॥ 13-138-1 (86737)
`যেন সঙ্কল্পিতং চৈব তন্মে ব্রূহি পিতামহ।'
কানি শ্রাদ্ধেষু বর্জ্যানি কানি মূলফলানি চ।
ধান্যজাত্যশ্চ কা বর্জ্যাস্তন্মে ব্রূহি পিতামহ॥ 13-138-2 (86738)
ভীষ্ম উবাচ। 13-138-3x (7188)
যথা শ্রাদ্ধং সম্প্রবৃত্তং যস্মিন্কালে সদাত্মকম্।
যেন সঙ্কল্পিতং চৈব তন্মে শৃণু জনাধিপ॥ 13-138-3 (86739)
স্বায়ম্ভুবোঽত্রিঃ কৌরব্য পরমর্ষিঃ প্রতাপবান্।
তস্য বংশে মহারাজ দত্তাত্রেয় ইতি স্মৃতঃ॥ 13-138-4 (86740)
দত্তাত্রেয়স্য পুত্রোঽভূন্নিমির্নাম তপোধনঃ।
নিমেশ্চাপ্যভবৎপুত্রঃ শ্রীমান্নাম শ্রিয়া বৃতঃ॥ 13-138-5 (86741)
পূর্ণো বর্ষসহস্রান্তে স কৃৎবা দুষ্করং তপঃ।
কালধর্মপরীতাত্মা নিধনং সমুপাগতঃ॥ 13-138-6 (86742)
নিমিস্তু কৃৎবা শৌচানি বিধিদৃষ্টেন কর্মণা।
সন্তাপমগমত্তীপ্রং পুত্রশোকপরায়ণঃ॥ 13-138-7 (86743)
অথ কৃৎবোপকার্যাণি চতুর্দশ্যাং মহামতিঃ।
তমেব গণয়ঞ্শোকং বিরাত্রে প্রত্যবুধ্যত॥ 13-138-8 (86744)
তস্যাসীৎপ্রতিবুদ্ধস্য শোকেন ব্যথিতাত্মনঃ।
মনঃ সংহৃত্য বিষয়ে বুদ্ধির্বিস্তারগামিনী॥ 13-138-9 (86745)
ততঃ সঞ্চিন্তয়ামাস শ্রাদ্ধকল্পং সমাহিতঃ।
যানি তস্যৈব ভোজ্যানি মূলানি চ ফলানি চ॥ 13-138-10 (86746)
উক্তানি যানি চান্যানি যানি চেষ্টানি তস্য হ।
তানি সর্বাণি মনসা বিনিশ্চিত্য তপোধনঃ॥ 13-138-11 (86747)
অমাবাস্যাং মহাপ্রাজ্ঞো বিপ্রানানায়্য পূজিতান্।
দক্ষিণাবর্তিকাঃ সর্বা বৃসীঃ স্বয়মথাকরোৎ॥ 13-138-12 (86748)
সপ্ত বিপ্রাংস্ততো ভোজ্যে যুগপৎসমুপানয়ৎ।
ঋতে চ লবণং ভোজ্যং শ্যামাকান্নং দদৌ প্রভুঃ॥ 13-138-13 (86749)
দক্ষিণাগ্রাস্ততো দর্ভা বিষ্টরেষু নিবেশিতাঃ।
পাদয়োশ্চৈব বিপ্রাণাং যে ৎবন্নমুপভুঞ্জতে॥ 13-138-14 (86750)
কৃৎবা চ দক্ষিণাগ্নান্বৈ দর্ভান্স প্রয়তঃ শুচিঃ।
প্রদদৌ শ্রীমতে পিণ্ডান্নামগোত্রমুদাহরন্॥ 13-138-15 (86751)
তৎকৃৎবা স মুনিশ্রেষ্ঠো ধর্মসঙ্করমাত্মনঃ।
পশ্চাত্তাপেন মহতা তপ্যমানোঽভ্যচিন্তয়ৎ॥ 13-138-16 (86752)
অকৃতং মুনিভিঃ পূর্বং কিং ময়েদমনুষ্ঠিতম্।
কথং নু শাপেন ন মাং দহেয়ুর্ব্রাহ্মণা ইতি॥ 13-138-17 (86753)
ততঃ সঞ্চিন্তয়ামাস বংশকর্তারমাত্মনঃ।
`বুদ্ধ্বাঽত্রিং মনসা দধ্যৌ ভগবন্তং সমাহিতঃ।'
ধ্যাতমাত্রস্তথা চাত্রিরাজগাম তপোধনঃ॥ 13-138-18 (86754)
অথাত্রিস্তং তথা দৃষ্ট্বা পুত্রশোকেন কর্শিতম্।
ভৃশমাশ্বাসয়ামাস বাগ্ভিরিষ্টাভিরব্যযঃ॥ 13-138-19 (86755)
নিমে সঙ্কল্পিতস্তেঽয়ং পিতৃয়জ্ঞস্তপোধন।
মতো মে পূর্বদৃষ্টোঽত্র ধর্মোঽয়ং ব্রহ্মণা স্বয়ম্॥ 13-138-20 (86756)
সোয়ং স্বয়ভুবিহিতো ধর্মঃ সঙ্কল্পিতস্ৎবয়া।
ঋতে স্বয়ম্ভুবঃ কোঽন্যঃ শ্রাদ্ধে সংবিধিমাহরেৎ॥ 13-138-21 (86757)
অথাখ্যাস্যামি তে পুত্র শ্রাদ্দে যং বিধিমুত্তমম্।
স্বয়ম্ভুবিহিতং পুত্র তৎকুরুষ্ব নিবোধ মে॥ 13-138-22 (86758)
কৃৎবাঽগ্নিশরণং পূর্বং মন্ত্রপূর্বং তপোধন।
ততোঽগ্নয়েঽথ সোমায় বরুণায় চ নিত্যশঃ॥ 13-138-23 (86759)
বিশ্বেদবাশ্চ যি নিত্যং পিতৃভিঃ সহ গোচরাঃ।
তেভ্যঃ সঙ্কল্পিতা ভাগাঃ স্বয়মেব স্বয়ম্ভুবা॥ 13-138-24 (86760)
স্তোতব্যা চেহ পৃথিবী লোকস্যৈব তু ধারিণী।
বৈষ্ণবী কাশ্যপি চেতি তথৈবেহাক্ষয়েতি চ॥ 13-138-25 (86761)
উদকানয়নে চৈব স্তোতব্যো বরুণো বিভুঃ।
ততোঽগ্নিশ্চৈব সোমশ্চ আরাধ্যাবিহ তেঽনঘ॥ 13-138-26 (86762)
দেবাস্তু পিতরো নাম নির্মিতা যে স্বয়ম্ভুবা।
ঊষ্মপা যে মহাভাগাস্তেষাং ভাগঃ প্রকল্পিতঃ॥ 13-138-27 (86763)
তে শ্রাদ্ধেনার্চ্যমানা বৈ বিমুচ্যন্তে হ কিল্বিষাৎ।
সপ্তকাঃ পিতৃবংশাস্তু পূর্বদৃষ্টাঃ স্বয়ংভুবা॥ 13-138-28 (86764)
বিশ্বে চাগ্নিমুখা দেবাঃ সংখ্যাতাঃ পূর্বমেব তে।
তেষাং নামানি বক্ষ্যামি ভাগার্হাণাং মহাত্মনাম্॥ 13-138-29 (86765)
সহঃ কৃতির্বিপাপ্মা চ পুণ্যকৃৎপাবনস্তথা।
গ্রাম্যঃ ক্ষেম্যঃ সমূহশ্চ দিব্যসানুস্তথৈব চ॥ 13-138-30 (86766)
বিবস্বান্বীর্যবাঞ্শ্রীমান্কীর্তিমান্কৃত এব চ।
জিতাত্মা মুনিবীর্যশ্চ দীপ্তরোমা ভয়ঙ্করঃ॥ 13-138-31 (86767)
অনুকর্মা প্রতীতশ্চ প্রদাতাঽপ্যংশুমাংস্তথা।
শৈলাভঃ পরমক্রোধী ধীরোষ্ণী ভূপতিস্তথা॥ 13-138-32 (86768)
স্রজো বজ্রীবরী চৈব বিশ্বেদেবাঃ সনাতনাঃ।
বিদ্যুদ্বর্চাঃ সোমবর্চাঃ সূর্যশ্রীশ্চেতি নামতঃ॥ 13-138-33 (86769)
সোমপঃ সূর্যসাবিত্রো দত্তাত্মা পুণ্ডরীয়কঃ।
উষ্ণীনাভো নভোদশ্চ বিশ্বায়ুর্দীপ্তিরেব চ॥ 13-138-34 (86770)
চমূহরঃ সুরেশশ্চ ব্যোমারিঃ শঙ্করো ভবঃ।
ঈশঃ কর্তা কৃতির্দক্ষো ভুবনো দিব্যকর্মকৃৎ॥ 13-138-35 (86771)
গণিতঃ পঞ্চবীর্যশ্চ আদিত্যো রশ্মিবাংস্তথা।
সপ্তকৃৎসোমবর্চাশ্চ বিশ্বকৃৎকবিরেব চ॥ 13-138-36 (86772)
অনুগোপ্তা সুগোপ্তা চ নপ্তা চেশ্বর এব চ।
কীর্তিতাস্তে মহাভাগাঃ কালস্য গতিগোচরাঃ॥ 13-138-37 (86773)
অশ্রাদ্ধেয়ানি ধান্যানি কোদ্রবাঃ পুলকাস্তথা।
হিঙ্গুদ্রবেষু শাকেষু মূলানাং লশুনং তথা॥ 13-138-38 (86774)
পলাণ্ডুঃ সৌভাঞ্জনকস্তথা গৃঞ্জনকাদয়ঃ।
কূশ্মাণ্ডজাত্যলাবুং চ কৃষ্ণং লবণমেব চ॥ 13-138-39 (86775)
গ্রাম্যবারাহমাংসং চ যচ্চৈবাপ্রোক্ষিতং ভবেৎ।
কৃষ্ণাজং জীরকং চৈব শীতপাকী তথৈব চ।
অঙ্কুরাদ্যাস্তথা বর্জ্যা ইহ শৃঙ্গাটকানি চ॥ 13-138-40 (86776)
বর্জয়েল্লবণং সর্বং তথা জম্বূফলানি চ।
অবক্ষুতাবরুদিতং তথা শ্রাদ্ধে চ বর্জয়েৎ। 13-138-41 (86777)
নিবাপে হব্যকব্যে বা গর্হিতং চ সুদর্শনম্।
পিতরশ্চ হি দেবাশ্চ নাভিনন্দন্তি তদ্ধবিঃ॥ 13-138-42 (86778)
চণ্ডালশ্বপচৌ বর্জ্যৌ নিবাপে সমুপস্থিতে।
কাষায়বাসাঃ কুষ্ঠী বা পতিতো ব্রহ্মহাঽপি বা॥ 13-138-43 (86779)
সঙ্কীর্ণয়োনির্বিপ্রশ্চ সম্বন্ধী পতিতশ্চ যঃ।
বর্জনীয় বুধৈরেতে নিবাপে সমুপস্থিতে॥ 13-138-44 (86780)
ইত্যেবমুক্ৎবা ভগবান্স্ববংশ্যং তমৃষিং পুরা।
পিতামহসভাং দিব্যা জগামাত্রিস্তপোধনঃ॥ ॥ 13-138-45 (86781)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টত্রিংশদধিকশততমোঽধ্যায়ঃ॥ 138 ॥
Mahabharata - Anushaasana Parva - Chapter Footnotes
7-138-1 ভৃগ্বঙ্গিরসকে যদা ভৃগবোঽঙ্গিরসশ্চ বর্তন্তে নান্যে॥ 7-138-2 শ্রাদ্ধেষু কানি কর্মাণি বর্জ্যানি॥ 7-138-8 কৃৎবা উপকল্প্য। উপকার্যাণি মৃষ্টান্নকশিপূপবর্হণাদীনি। বিরাত্রে প্রভাতে॥ 7-138-9 বিষয়ে মনঃসংহৃত্য শোকং ত্যক্ৎবেত্যর্থঃ॥ 7-138-12 দক্ষিণাবর্তিকাঃ প্রদক্ষিণাবর্তিতাঃ। বৃসীঃ আসনানি॥ 7-138-16 শ্রৌতে পিত্রাদ্যুদ্দেশেন দৃষ্টো ধর্মো লোকে পুত্রোদ্দেশেনাপি স্বেচ্ছয়া কল্পিত ইতি সঙ্করঃ॥ 7-138-23 তত্রার্থম্ণে চ সোমায়েতি ট.থ.পাঠঃ॥ 7-138-28 তে প্রসিদ্ধাঃ পিত্রাদয়ঃ। বিমুচ্যন্তে কিল্বিষাৎ নরকাদিরূপাৎ॥ 7-138-38 পুলকাঃ অসম্পূর্ণতণ্ডুলয়ুক্তধান্যানি। হিঙ্গুদ্রবেষু শাকাদিসংস্কারকদ্রব্যেষু॥ 7-138-39 সৌভাঞ্জনকঃ শিগ্রুঃ॥ 7-138-40 শীতপাকী শাকবিশেষঃ॥ 7-138-42 সুদর্শনং শাকবিশেষঃ॥অনুশাসনপর্ব - অধ্যায় 139
॥ শ্রীঃ ॥
13.139. অধ্যায়ঃ 139
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি নিমিকৃতশ্রাদ্ধপ্রকারানুবাদেন শ্রাদ্ধবিধিকথনম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
তথা বিধৌ প্রবৃত্তে তু সর্ব এব মহর্ষয়ঃ।
পিতৃয়জ্ঞানকুর্বন্ত বিধিদৃষ্টেন কর্মণা॥ 13-139-1 (86782)
ঋষয়ো ধর্মনিত্যাস্তু কৃৎবা নিবপনান্যুত।
তর্পণং চাপি কুর্বন্ত তীর্থাংভোভির্যতব্রতাঃ॥ 13-139-2 (86783)
নিবাপৈর্দীয়মানৈশ্চ চাতুর্বর্ণ্যেন ভারত।
তর্পিতাঃ পিতরো দেবাস্তত্রান্নং জরয়ন্তি বৈ॥ 13-139-3 (86784)
অজীর্ণৈস্ৎবভিহন্যন্তে তে দেবাঃ পিতৃভিঃ সহ॥
সোমমেবাভ্যপদ্যন্ত তদা হ্যন্নাভিপীডিতাঃ॥ 13-139-4 (86785)
তেঽব্রুবন্সোমমাসাদ্য পিতরোঽজীর্ণপীডিতাঃ।
নিবাপান্নেন পীড্যামঃ শ্রেয়ো নোত্র বিধীয়তাম্॥ 13-139-5 (86786)
তান্সোমঃ প্রত্যুবাচাথ শ্রেয়শ্চেদীপ্সিতং সুরাঃ।
স্বয়ংভূসদনং যাত স বঃ শ্রেয়োঽভিধাস্যতি॥ 13-139-6 (86787)
তে সোমবচনাদ্দেবাঃ পিতৃভিঃ সহ ভারত।
মেরুশৃঙ্গে সমাসীনং পিতামহমুপাগমন্॥ 13-139-7 (86788)
পিতর ঊচুঃ। 13-139-8x (7189)
নিবাপান্নেন ভগবন্ভৃশং পীড্যামহে বয়ম্।
প্রসাদং কুরু নো দেব শ্রেয়ো নঃ সংবিধীয়তাম্॥ 13-139-8 (86789)
ইতি তেষাং বচঃ শ্রুৎবা স্বয়ম্ভূরিদমব্রবীৎ।
এষ মে পার্শ্বতো বহ্নির্যুষ্মচ্ছ্রেয়ো বিধাস্যতি। 13-139-9 (86790)
অগ্নিরুবাচ। 13-139-10x (7190)
সহিতাস্তস্য ভোক্ষ্যামো নিবাপে সমুপস্থিতে।
জরয়িষ্যথ চাপ্যন্নং ময়া সার্ধং ন সংশয়ঃ॥ 13-139-10 (86791)
এতচ্ছ্রুৎবা তু পিতরস্ততস্তে বিজ্বরাঽভবন্।
এতস্মাৎকারণাচ্চাগ্নেঃ প্রাগ্ভাগো দীয়তে নৃপ॥ 13-139-11 (86792)
নিবাপে চাগ্নিপূর্বং বৈ নিবৃত্তে পুরুষর্ষভ।
ন ব্রহ্মরাক্ষসাস্তং বৈ নিবাপং ধর্ষয়ন্ত্যুত॥ 13-139-12 (86793)
রক্ষাংসি নাভিবর্ধন্তে স্থিতে দেবে হুতাশনে।
পূর্বং পিণ্ডং পিতুর্দদ্যাত্ততো দদ্যাৎপিতামহে॥ 13-139-13 (86794)
প্রপিতামহায় চ তত এষ শ্রাদ্ধবিধিঃ স্মৃতঃ।
ব্রূয়াচ্ছ্রাদ্ধে চ সাবিত্রীং পিণ্ডে পিণ্ডে সমাহিতঃ।
সোমায়েতি চ বক্তব্যং তথা পিতৃমতেতি চ॥ 13-139-14 (86795)
রজস্বলা চ যা নারী ব্যঙ্গিতা কর্ণয়োশ্চ যা।
নিবাপে নোপতিষ্ঠেত সঙ্গ্রাহ্যা নান্যবংশজা॥ 13-139-15 (86796)
জলং প্রতরমাণস্চ কীর্তয়েত পিতামহান্।
নদীমাসাদ্য কুর্বীত পিতৄণাং পিতৃতর্পণম্॥ 13-139-16 (86797)
পূর্বং স্ববংশজানাং তু কৃৎবাঽদ্ভিস্তর্পণং পুনঃ।
সুহৃৎসম্বন্ধিবর্গাণাং ততো দদ্যাজ্জলাঞ্জলিম্॥ 13-139-17 (86798)
কল্মাষগোয়ুগেনাথ যুক্তেন তরতো জলম্।
পিতরোঽভিলষন্তে বৈ নাবং চাপ্যধিরোহিতাঃ॥ 13-139-18 (86799)
সদা নাবি জলং তজ্জ্ঞাঃ প্রয়চ্ছন্তি সমাহিতাঃ।
মাসার্ধে কৃষ্ণপক্ষস্য কুর্যান্নির্বপণানি বৈ॥ 13-139-19 (86800)
পুষ্টিরায়ুস্তথা বীর্যং শ্রীশ্চৈব পিতৃভক্তিতঃ॥ 13-139-20 (86801)
পিতামহঃ পুলস্ত্যশ্চ বসিষ্ঠঃ পুলহস্তথা।
অঙ্গিরাশ্চ ক্রতুশ্চৈব কশ্যপশ্চ মহানৃষিঃ। 13-139-21 (86802)
এতে কুরুকুলশ্রেষ্ঠ মহায়োগেশ্বরাঃ স্মৃতাঃ॥
এতে চ পিতরো রাজন্নেষ শ্রাদ্ধবিধিঃ পরঃ। 13-139-22 (86803)
প্রেতাস্তু পিণ্ডসম্বন্ধান্মুচ্যন্তে তেন কর্মণা॥
ইত্যেষা পুরুষশ্রেষ্ঠ শ্রাদ্ধোৎপত্তির্যথাগমম্। 13-139-23 (86804)
ব্যাখ্যাতা পূর্বনির্দিষ্টা কিং তে বক্ষ্যাম্যতঃ পরম্॥ ॥ 13-139-24 (86805)
ইতি শ্রীমন্মহাভারতে অনুশাসনপর্বণি দানধর্মপর্বণি একোনচৎবারিংশদধিকশততমোঽধ্যায়ঃ॥ 139 ॥
Mahabharata - Anushaasana Parva - Chapter Footnotes
7-139-1 তথানিমৌ প্রবৃত্তে ইতি ঝ.পাঠঃ। তথা পিত্র্যে প্রবৃত্তে ইতি ধ.পাঠঃ॥ 7-139-15 অন্যবংশজাপি পাকার্থং ন সঙ্গ্রাহ্য। ন গ্রাহ্যাশ্চাপ্যবংশজা ইতি ট.থ.পাঠ॥ 7-139-18 যুক্তেন শকটেন॥ 7-139-19 মাসার্ধে অমাবাস্যায়াম্। কৃষ্ণপক্ষস্যেত্যুক্তের্নাত্র শুক্লাদিমাসো বিবক্ষিতঃ॥অনুশাসনপর্ব - অধ্যায় 140
॥ শ্রীঃ ॥
13.140. অধ্যায়ঃ 140
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রত্যুপবাসব্রহ্মচর্যাদীনাং লক্ষণকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
দ্বিজাতয়ো ব্রতোপেতা হবিস্তে যদি ভুঞ্জতে।
অন্নং ব্রাহ্মণকামায় কথমেতৎপিতামহ॥ 13-140-1 (86806)
ভীষ্ম উবাচ। 13-140-2x (7191)
অবেদোক্তব্রতাশ্চৈব ভুঞ্জানাঃ কামকারণে।
বেদোক্তেষু তু ভুঞ্জানা ব্রতলুপ্তা যুধিষ্ঠির॥ 13-140-2 (86807)
যুধিষ্ঠির উবাচ। 13-140-3x (7192)
যদিদং তপ ইত্যাহুরুপবাসং পৃথগ্জনাঃ।
তপঃ স্যাদেতদেবেহ তপোঽন্যদ্বাঽপি কিং ভবেৎ॥ 13-140-3 (86808)
ভীষ্ম উবাচ। 13-140-4x (7193)
মাসার্ধমাসোপবাসাদ্যত্তপো মন্যতে জনঃ।
আত্মতন্ত্রোপঘাতী যো ন তপস্বী ন ধর্মবিৎ॥ 13-140-4 (86809)
ত্যাগস্য চাপি সম্পত্তিঃ শিষ্যতে তপ উত্তমম্।
সদোপবাসী চ ভবেদ্ব্রহ্মচারী তথৈব চ॥ 13-140-5 (86810)
মুনিশ্চ স্যাৎসদা বিপ্রো দেবাংশ্চৈব সদা যজেৎ।
কুটুম্বিকো ধর্মকামঃ সদাঽস্বপ্নশ্চ মানবঃ॥ 13-140-6 (86811)
অমৃতাশী সদা চ স্যাৎপবিত্রং চ সদা পঠেৎ।
ঋতবাদী সদা চ স্যান্নিয়তশ্চ সদা ভবেৎ॥ 13-140-7 (86812)
বিঘসাশী কথং চ স্যাৎসদা চৈবাতিথিপ্রিয়ঃ।
অমৃতাশী সদা চ স্যাৎপবিত্রী চ সদা ভবেৎ॥ 13-140-8 (86813)
যুধিষ্ঠির উবাচ। 13-140-9x (7194)
কথং সদোপবাসী স্যাদ্ব্রহ্মচারী চ পার্থিব।
বিঘসাশী কথং চ স্যাৎকথং চৈবাতিথিপ্রিয়ঃ॥ 13-140-9 (86814)
ভীষ্ম উবাচ। 13-140-10x (7195)
অন্তরা সায়মাশং চ প্রাতরাশং চ যো নরঃ।
সদোপবাসী ভবতি যো ন ভুঙ্ক্তেঽন্তরা পুনঃ॥ 13-140-10 (86815)
ভার্যা গচ্ছন্ব্রহ্মচারী ঋতৌ ভবতি চৈব হ।
ঋতবাদী সদা চ স্যাদ্দানশীলস্তু মানবঃ॥ 13-140-11 (86816)
অভক্ষয়ন্বৃথা মাংসমমাংসাশী ভবত্যুত।
দানং দদৎপবিত্রী স্যাদস্বপ্নশ্চ দিবাঽস্বপন্॥ 13-140-12 (86817)
ভৃত্যাতিথিষু যো ভুঙ্ক্তে ভুক্তবৎসু নরঃ সদা।
অমৃতং কেবলং ভুঙ্ক্তে ইতি বিদ্ধি যুধিষ্ঠির॥ 13-140-13 (86818)
অভুক্তবৎসু নাশ্নাতি ব্রাহ্মণেষু তু যো নরঃ।
অভোজনেন তেনাস্য জিতঃ স্বর্গো ভবত্যুত॥ 13-140-14 (86819)
দেবেভ্যশ্চ পিতৃভ্যশ্চ সংশ্রিতেভ্যস্তথৈব চ।
অবশিষ্টানি যো ভুঙ্ক্তে তমাহুর্বিঘসাশিনম্॥ 13-140-15 (86820)
তেষাং লোকা হ্যপর্যন্তাঃ সদনে ব্রহ্মণঃ স্মৃতাঃ।
উপস্থিতা হ্যপ্সরসো গন্ধর্বৈশ্চ জনাধিপ॥ 13-140-16 (86821)
দেবতাতিথিভিঃ সার্ধং পিতৃভিশ্চোপভুঞ্জতে।
রমন্তে পুত্রপৌত্রৈশ্চ তেষাং গতিরনুত্তমা॥ ॥ 13-140-17 (86822)
ইতি শ্রীমন্মহাভারতে অনুশাসনপর্বণি দানধর্মপর্বণি চৎবারিংশদধিকশততমোঽধ্যায়ঃ॥ 140 ॥
Mahabharata - Anushaasana Parva - Chapter Footnotes
7-140-2 কামকারণে ইচ্ছয়া হেতুনা ভুঞ্জনা ভোজনং কুর্বন্তু নাম॥ 7-140-4 আত্মতন্ত্রং শরীররূপং কুটুম্বরূপং বা তদুপঘাতী॥ 7-140-6 অস্বপ্নঃ স্বধর্মে জাগরূকঃ। বেদাংশ্চৈব সদা জপেদিতি ঝ.পাঠঃ॥ 7-140-8 সদা চ স্যাদস্বপ্নশ্চ তথৈব চেতি ড.পাঠঃ॥ 7-140-12 বৃথা যজ্ঞাদিনিমিত্তং বিনা॥অনুশাসনপর্ব - অধ্যায় 141
॥ শ্রীঃ ॥
13.141. অধ্যায়ঃ 141
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রত্যসাধুভ্যঃ প্রতিগ্রহস্য নিন্দ্যৎবে প্রমাণতয়া সপ্তর্ষিবৃষাদর্ভিসংবাদানুবাদঃ॥ 1 ॥ বৃষাদর্ভিণা রাজ্ঞা কশ্যপাদিসপ্তর্ষিভি- স্বস্মাৎপ্রতিগ্রহনিরাকরণে তজ্জিঘাংসয়া কৃত্যোৎপাদনম্॥ 2 ॥ তন্নামার্থপরিজ্ঞানেন তদ্বধং চোদিতয়া কৃত্যযা বনে তৎসমীপম্প্রতি গমনম্॥ 3 ॥Mahabharata - Anushaasana Parva - Chapter Text
যুধিষ্ঠির উবাচ।
ব্রাহ্মণেভ্যঃ প্রয়চ্ছন্তি দানানি বিবিধানি চ।
দাতৃপ্রতিগ্রহীত্রোর্বৈ কো বিশেষঃ পিতামহ॥ 13-141-1 (86823)
ভীষ্ম উবাচ। 13-141-2x (7196)
সাধোর্যঃ প্রতিগৃহ্ণীয়াত্তথৈবাসাধুতো দ্বিজঃ।
গুণবত্যল্পদোষঃ স্যান্নির্গুণে তু নিমজ্জতি॥ 13-141-2 (86824)
অত্রাপ্যুদাহরন্তীমমিতিহাসং পুরাতনম্।
বৃষাদর্ভেশ্চ সংবাদং সপ্তর্ষীণাং চ ভারত॥ 13-141-3 (86825)
কশ্যপোঽত্রির্বসিষ্ঠশ্চ ভরদ্বাজোঽথ গৌতমঃ।
বিশ্বামিত্রো জমদগ্নিঃ সাধ্বী চৈবাপ্যরুন্ধতী॥ 13-141-4 (86826)
সর্বেষামথ তেষাং তু গণ্ডাভূৎপরিচারিকা।
শূদ্রঃ পশুসখশ্চৈব ভর্তা চাস্যা বভূব হ॥ 13-141-5 (86827)
তে চ সর্বে তপস্যন্তঃ পুরা চেরুর্মহীমিমাম্।
সমাধিনা প্রতীক্ষন্তো ব্রহ্মলোকং সনাতনম্॥ 13-141-6 (86828)
অথাভবদনাবৃষ্টির্মহতী কুরুনন্দন।
কৃচ্ছ্রপ্রাণোঽভবদ্যত্র লোকোঽয়ং বৈ ক্ষুধান্বিতঃ॥ 13-141-7 (86829)
কস্মিংশ্চিচ্চ পুরা যজ্ঞে যাজ্যেন শিবিসূনুনা।
দক্ষিণার্থেঽথ ঋৎবিগ্ভ্যো দত্তঃ পুত্রোঽনিলঃ কিল 13-141-8 (86830)
অস্মিন্কালেঽথ সোঽল্পায়ুর্দিষ্টান্তমগমৎপ্রভুঃ।
তে তং ক্ষুধাভিসন্তপ্তাঃ পরিবার্যোপতস্থিরে॥ 13-141-9 (86831)
যাজ্যাত্মজমথো দৃষ্ট্বা গতাসুমৃষিসত্তমাঃ।
অপচন্ত তদা স্থাল্যাং ক্ষুধার্তাঃ কিল ভারত 13-141-10 (86832)
নাজীব্যে মর্ত্যলোকেঽস্মিন্নাত্মানং তে পরীপ্সবঃ।
কৃচ্ছ্রামাপেদিরে বৃত্তিমন্নহেতোস্তপস্বিনঃ॥ 13-141-11 (86833)
অটমানোঽথ তান্মার্গে পচমানান্মহীপতিঃ।
রাজা শৈব্যো বৃষাদর্ভিঃ ক্লিশ্যমানান্দদর্শ হ॥ 13-141-12 (86834)
বৃষাদর্ভিরুবাচ। 13-141-13x (7197)
প্রতিগ্রহস্তারয়তি পুষ্টির্বৈ প্রতিগৃহ্ণতাম্।
ময়ি যদ্বিদ্যতে বিত্তং তদ্বৃণুধ্বং তপোধনাঃ॥ 13-141-13 (86835)
`প্রতিগ্রহো ব্রাহ্মণানাং সৃষ্টা বৃত্তিরনিন্দিতা।
তস্মাদ্দদামি বো বিত্তং তদ্বৃণুধ্বং তপোধনাঃ॥' 13-141-14 (86836)
প্রিয়ো হি মে ব্রাহ্মণো যাচমানো
দদ্যামহং বোঽশ্বতরীসহস্রম্।
ধেনূনাং দদ্যাময়ুতং সমগ্র-
মেকৈকশঃ সবৃষাঃ সম্প্রসূতাঃ॥ 13-141-15 (86837)
অশ্বাংস্তথা শীঘ্রগাঞ্শ্বেতরূপাং-
ন্মনোজবান্প্রদদাম্যর্বুদানি।
কুলম্ভরাননডুহঃ শতং শতা-
ন্ধুর্যাঞ্শ্বেতান্সর্বশোঽহং দদামি।
প্রষ্ঠৌহীনাং পীবরাণাং চ তাব-
দগ্র্যা গৃষ্টীর্ধেনবঃ সুব্রতাশ্চ॥ 13-141-16 (86838)
বরান্গ্রমান্ব্রীহিরসং যবাংশ্চ
রত্নং চান্যদ্দুর্লভং কিং দদানি।
নাস্মিন্নভক্ষ্যে ভাবমেবং কুরুধ্বং
পুষ্ট্যর্থং বঃ কিং প্রয়চ্ছাম্যহং বৈ॥ 13-141-17 (86839)
ঋষয় ঊচুঃ। 13-141-18x (7198)
রাজন্প্রতিগ্রহো রাজ্ঞং মধ্বাস্বাদো বিষোপমঃ।
তজ্জানমানঃ কস্মাত্ৎবং কুরুষে নঃ প্রলোভনম্॥ 13-141-18 (86840)
`দশসূনাসমশ্চক্রী দশচক্রিসমো ধ্বজী।
দশধ্বজিসমা বেশ্যা দশবেশ্যাসমো নৃপঃ॥ 13-141-19 (86841)
দশসূনাসহস্রাণি যো বাহয়তি সৌনিকঃ।
তেন তুল্যো ভবেদ্রাজা ঘোরস্তস্য প্রতিগ্রহঃ॥' 13-141-20 (86842)
ক্ষেত্রং হি দৈবতমিব ব্রাহ্মণান্সমুপাশ্রিতম্।
অমলো হ্যেষ তপসা প্রীতঃ প্রীণাতি দেবতাঃ॥ 13-141-21 (86843)
অহ্নায়েহ তপো জাতু ব্রাহ্মণস্যোপজায়তে।
তদ্দাব ইব নির্দহ্যাৎপ্রাপ্তো রাজপ্রতিগ্রহঃ॥ 13-141-22 (86844)
কুশলং সহ দানেন রাজন্নস্তু সদা তব।
অর্থিভ্যো দীয়তাং সর্বমিত্যুক্ৎবা তেন্যতো যয়ুঃ॥ 13-141-23 (86845)
অপক্বমেব তন্মাংসমভূত্তেষাং মহাত্মনাম্।
অথ হিৎবা যয়ু সর্বে বনমাহারকাঙ্ক্ষিণঃ॥ 13-141-24 (86846)
ততঃ প্রচোদিতা রাজ্ঞা বনং গৎবাঽস্য মন্ত্রিণঃ।
প্রচীয়োদুম্বরাণি স্ম দাতুং তেষাং প্রচক্রিরে॥ 13-141-25 (86847)
`দৃষ্ট্বা ফলানি মুনয়স্তে গ্রহীতুমুপাদ্রবন্॥' 13-141-26 (86848)
উদুম্বরাণ্যথান্যানি হেমগর্ভাণ্যুপাহরন্।
ভৃত্যাস্তেষাং ততস্তানি প্রগ্রাহিতুমুপাদ্রবন্॥ 13-141-27 (86849)
গুরূণীতি বিদিৎবাঽথ ন গ্রাহ্যাণ্যত্রিরব্রবীৎ।
নাস্মেহ মন্দবিজ্ঞানা নাস্ম মানুষবুদ্ধয়ঃ॥ 13-141-28 (86850)
হৈমানীমানি জানীমঃ প্রতিবুদ্ধাঃ স্ম জাগৃম।
ইহ হ্যেতদুপাবৃত্তং প্রেত্য স্যাৎকটুকোদয়ম্।
অপ্রতিগ্রাহ্যমেবৈতৎপ্রেত্যেহ চ সুখেপ্সুনা॥ 13-141-29 (86851)
বসিষ্ঠ উবাচ। 13-141-30x (7199)
শতেন নিষ্কগুণিতং সহস্রেণ চ সম্মিতম্।
তথা বহু প্রতীচ্ছন্বৈ পাপিষ্ঠাং লভতে গতিম্॥ 13-141-30 (86852)
কশ্যপ উবাচ। 13-141-31x (7200)
যৎপৃথিব্যাং ব্রীহিয়বং হিরণ্যং পশবঃ স্ত্রিয়ঃ।
সর্বং তন্নালমেকস্য তস্মাদ্বিদ্বাঞ্শমং ব্রজেৎ॥ 13-141-31 (86853)
ভরদ্বাজ উবাচ। 13-141-32x (7201)
উৎপন্নস্য রুরোঃ শৃঙ্গং বর্দমানস্য বর্ধতে।
প্রার্থনা পুরুষস্যেব তস্য মাত্রা ন বিদ্যতে॥ 13-141-32 (86854)
গৌতম উবাচ। 13-141-33x (7202)
ন তল্লোকে দ্রব্যমস্তি যল্লোভং প্রতিপূরয়েৎ।
সমুদ্রকল্পঃ পুরুষো ন কদাচন পূর্যতে॥ 13-141-33 (86855)
বিশ্বামিত্র উবাচ। 13-141-34x (7203)
কামং কাময়মানস্য যদা কামঃ সমৃধ্যতে।
অথৈনমপরঃ কাম ইষ্টো বিধ্যতি বাণবৎ॥ 13-141-34 (86856)
`অত্রিরুবাচ। 13-141-35x (7204)
ন জাতু কামঃ কামানামুপভোগেন শাম্যতি।
হবিষা কৃষ্ণবর্ত্মেব ভূয় এবাভিবর্ধতে॥' 13-141-35 (86857)
জমদগ্নিরুবাচ। 13-141-36x (7205)
প্রতিগ্রহে সংয়মো বৈ তপো ধারয়তে ধ্রুবম্।
তদ্ধনং ব্রাহ্মণস্যেহ লুভ্যমানস্য বিস্রবেৎ॥ 13-141-36 (86858)
অরুন্ধত্যুবাচ। 13-141-37x (7206)
ধর্মার্থং সঞ্চয়ো যো বা দ্রব্যাণাং পক্ষসম্মতঃ।
তপঃসঞ্চয় এবেহ বিশিষ্টো দ্রব্যসঞ্চয়াৎ॥ 13-141-37 (86859)
চণ্ডোবাচ। 13-141-38x (7207)
উগ্রাদিতো ভয়াদ্যস্মাদ্বিভ্যতীমে মমেশ্বরাঃ।
বলীয়সো দুর্বলবদ্বিভেম্যহমতঃ পরম্॥ 13-141-38 (86860)
পশুসস্ব উবাচ। 13-141-39x (7208)
যদ্বৈ ধর্মাৎপরং নাস্তি তাদৃশং ব্রাহ্মণা বিদুঃ।
বিনয়াৎসাধু বিদ্বাংসমুপাসেয়ং যথাতথম্॥ 13-141-39 (86861)
ঋষয় ঊচুঃ। 13-141-40x (7209)
কুশলং সহ দানেন তস্মৈ যস্য প্রজা ইমাঃ।
ফলান্যুপধিয়ুক্তানি য এবং নঃ প্রয়চ্ছতি॥ 13-141-40 (86862)
ভীষ্ম উবাচ। 13-141-41x (7210)
ইত্যুক্ৎবা হেমগর্ভাণি হিৎবা তানি ফলানি তে।
ঋষয়ো জগ্মুরন্যত্র সর্ব এব দৃঢব্রতাঃ॥ 13-141-41 (86863)
অথ তে মন্ত্রিণঃ সর্বে রাজানমিদমব্রুবন্।
উপধিং শঙ্কমানাস্তে হিৎবা তানি ফলানি বৈ।
ততোঽন্যত্রৈব গচ্ছন্তি বিদিতং তেঽস্তু পার্থিব॥ 13-141-42 (86864)
ইত্যুক্তঃ স তু ভৃত্যৈস্তৈর্বৃষাদর্ভিশ্চুকোপ হ।
তেষাং বৈ প্রতিকর্তুং চ সর্বেষামগমদ্গৃহম্॥ 13-141-43 (86865)
স গৎবাঽঽহবনীয়েঽগ্নৌ তীব্রং নিয়মমাস্থিতঃ।
জুহাব সংস্কৃতৈর্মন্ত্রৈরেকৈকামাহুতিং নৃপঃ॥ 13-141-44 (86866)
তস্মাদগ্নেঃ সমুত্তস্থৌ কৃত্যা লোকভয়ংকরী।
তস্যা নাম বৃষাদর্ভির্যাতুধানীত্যথাকরোৎ॥ 13-141-45 (86867)
সা কৃত্যা কালরাত্রীব কৃতাঞ্জলিরুপস্থিতা।
বৃষাদর্ভি নরপতিং কিং করোমীতি চাব্রবীৎ॥ 13-141-46 (86868)
বৃষাদর্ভিরুবাচ। 13-141-47x (7211)
ঋষীণাং গচ্ছ সপ্তানামরুন্ধত্যাস্তথৈব চ।
দাসীভর্তুশ্চ দাস্যাশ্চ মনসা নাম ধারয়॥ 13-141-47 (86869)
জ্ঞাৎবা নামানি চৈবৈষাং সর্বানেতান্বিনাশয়।
বিনষ্টেষু তথা স্বৈরং গচ্ছ যত্রেপ্সিতং তব॥ 13-141-48 (86870)
সা তথেতি প্রতিশ্রুত্য যাতুধানী স্বরূপিণী।
জগাম তদ্বনং যত্র বিচেরুস্তে মহর্ষয়ঃ॥ ॥ 13-141-49 (86871)
ইতি শ্রীমন্মহাভারতে অনুশাসনপর্বণি দানধর্মপর্বণি একচৎবারিংশদধিকশততমোঽধ্যায়ঃ॥ 141 ॥
Mahabharata - Anushaasana Parva - Chapter Footnotes
7-141-3 বৃষা দর্বেশ্চ সংবাদমিতি থ.ধ.পাঠঃ॥ 7-141-5 গণ্ডাভূৎকর্মকারিকেতি ঝ.পাঠঃ। গণ্ডা নামতঃ॥ 7-141-9 দিষ্টান্তং মরণম্॥ 7-141-11 আত্মানং শরীরং পরীপ্সবঃ রক্ষিতুকামাঃ। নিরন্নে মর্ত্যলোকেঽস্মিন্নিতি ঝ.পাঠঃ॥ 7-141-13 পুষ্টিঃ পুষ্টিহেতুঃ। তচ্ছৃণুধ্বং তপোধনা ইতি ট.থ.ধ.পাঠঃ॥ 7-141-30 প্রতীচ্ছন্ প্রতিগৃহ্ণন্॥ 7-141-32 তস্য লাভসুখস্য মাত্রা ইয়ত্তা॥ 7-141-36 তদ্ধনং তপোধনম্॥ 7-141-37 পক্ষসম্মতঃ পাক্ষিকৎবেন মতঃ॥ 7-141-39 যদ্বৈ ধর্মে পরং নাস্তি ব্রাহ্মণাস্তদ্ধনং বিদুরিতি ঝ.পাঠঃ। যৎ যতো হেতোঃ। বৈধর্মে বিধর্ম এব বৈধর্মঃ তস্মিঁলোভাদিদোষে সতি পরং উৎকৃষ্টং পদং নাস্তি ন লভ্যতেঽতস্তদলোভাখ্যমেব ধনং ব্রাহ্মণা বিদুঃ॥ 7-141-40 উপধিশ্ছলম্। কশ্মলাধমদানায় প্রতিয়ত্নঃ প্রজাধমাঃ। ফলান্যুপধিয়ুক্তানি যত্র যঃ সম্প্রচ্ছতীতি থ.ধ.পাঠঃ॥ 7-141-47 নাম নাম্নোর্থম্॥ 7-141-48 জ্ঞাৎবা নামানুরূপং তেষাং সামর্থ্যং পরীক্ষ্য তান্ বিনাশয়। অন্যথা ৎবামেব তে বিনাশয়িষ্যন্তীতি ভাবঃ॥অনুশাসনপর্ব - অধ্যায় 142
॥ শ্রীঃ ॥
13.142. অধ্যায়ঃ 142
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বনে বিচরতাং সপ্তর্ষীণাং পরিব্রাড্রূপধারিণেন্দ্রেণ সমাগমঃ॥ 1 ॥ অরুন্ধত্যা তস্যাতিপীনাঙ্গৎবে কারণং পৃষ্টৈস্তৈস্তৎকথনঃ॥ 2 ॥ তথা কামপি পদ্মিনীমবলোকিতবদ্ভিস্তৈর্বিসগ্রহণায় তৎসমীপগমনম্॥ 3 ॥ তত্র তদ্রক্ষিণ্যা বৃষাদর্ভিনির্মিতকত্যযা স্বস্বনামনির্বচনেন সরঃপ্রবেশং চোদিসৈস্তাংপ্রতি তন্নির্বচনম্॥ 4 ॥ ভিক্ষুরূপিণেন্দ্রেণ সকৃৎস্বনামনির্বচনেঽপি পুন পৃচ্ছন্ত্যাঃ কৃত্যায়া দণ্ডেন মারণপূর্বকমৃষীন্প্রতি স্বস্বরূপপ্রকটনম্॥ 5 ॥Mahabharata - Anushaasana Parva - Chapter Text
ভীষ্ম উবাচ।
অথাত্রিপ্রমুখা রাজন্বনে তস্মিন্মহর্ষয়ঃ।
ব্যচরন্ভক্ষয়ন্তো বৈ মূলানি চ ফলানি চ॥ 13-142-1 (86872)
অথাপশ্যন্সুপীনাংসপাণিপাদমুখোদরম্।
পরিব্রজন্তং স্থূলাঙ্গং পরিব্রাজং শুনস্সখম্॥ 13-142-2 (86873)
অরুন্ধতী তু তং দৃষ্ট্বা সর্বাঙ্গোপচিতং শুভম্।
ভবিতারো ভবন্তো বৈ নৈবমিত্যব্রবীদৃষীন্॥ 13-142-3 (86874)
বসিষ্ঠ উবাচ। 13-142-4x (7212)
নৈতস্যেহ যথাঽস্মাকমগ্নিহোত্রমনির্হুতম্।
সায়ং প্রাতশ্চ হোতব্যং তেন পীবাঞ্শুনস্সখঃ॥ 13-142-4 (86875)
অত্রিরুবাচ। 13-142-5x (7213)
নৈতস্যেহ যথাঽস্মাকং ক্ষুধয়া বীর্যমাহতম্।
কৃচ্ছ্রাধীতং প্রনষ্টং চ তেন পীবাঞ্ছুনস্সখঃ॥ 13-142-5 (86876)
বিশ্বামিত্র উবাচ। 13-142-6x (7214)
নৈতস্যেহ যথাঽস্মাকং শশ্বচ্ছাস্ত্রকৃতো জ্বরঃ।
অলসঃ ক্ষুৎপরো মূর্খস্তেন পীবাঞ্শুনস্সখঃ॥ 13-142-6 (86877)
জমদগ্নিরুবাচ। 13-142-7x (7215)
নৈতস্যেহ যথাঽস্মাকং ভক্তমিন্ধনমেব চ।
সঞ্চিত্যং বার্ষিকং চিত্তে তেন পীবাঞ্শুনস্সখঃ॥ 13-142-7 (86878)
কশ্যপ উবাচ। 13-142-8x (7216)
নৈতস্যেহ যথাঽস্মাকং চৎবারশ্চ সহোদরাঃ।
দেহিদেহীতি ভিক্ষন্তি তেন পীবাঞ্শুনস্সখঃ॥ 13-142-8 (86879)
ভরদ্বাজ উবাচ। 13-142-9x (7217)
নৈতস্যেহ যথাঽস্মাকং ব্রহ্মবন্ধোরচেতসঃ।
শোকো ভার্যাপবাদেন তেন পীবাঞ্শুনস্সখঃ॥ 13-142-9 (86880)
গৌতম উবাচ। 13-142-10x (7218)
নৈতস্যেহ যথাঽস্মাকং ত্রিকৌশেয়ং চ রাঙ্কবম্।
একৈকং বৈ ত্রিবর্ষীয়ং তেন পীবাঞ্শুনস্সখঃ॥ 13-142-10 (86881)
ভীষ্ম উবাচ। 13-142-11x (7219)
অথ দৃষ্ট্বা পরিব্রাট্ স তান্মহর্ষীঞ্শুনস্সখঃ।
অভিবাদ্য যথান্যায়ং পাণিস্পর্শমথাচরৎ॥ 13-142-11 (86882)
পরিচর্যাং বনে তাং তু ক্ষুৎপ্রতীকারকাঙ্ক্ষিণঃ।
অন্যোন্যেন নিবেদ্যাথ প্রাতিষ্ঠন্ত সহৈব তে॥ 13-142-12 (86883)
একনিশ্চয়কার্যাশ্চ ব্যচরন্ত বনানি তে।
আদদানাঃ সমুদ্ধৃত্য মূলানি চ ফলানি চ॥ 13-142-13 (86884)
কদাচিদ্বিচরন্তস্তে বৃক্ষৈরবিরলৈর্বৃতাম্।
শুচিপূর্ণপ্রসন্নোদাং দদৃশুঃ পদ্মিনীং শুভাম্॥ 13-142-14 (86885)
বালাদিত্যবপুঃপ্রখ্যৈঃ পুষ্করৈরুপশোভিতাম্।
বৈডূর্যবর্ণসদৃশৈঃ পদ্মপত্রৈরথাবৃতাম্॥ 13-142-15 (86886)
নানাবিধৈশ্চ বিহগৈর্জলপ্রবরসেবিভিঃ।
একদ্বারামনাদেয়াং সূপতীর্থামকর্দমাম্॥ 13-142-16 (86887)
বৃষাদর্ভিপ্রয়ুক্তা তু কৃত্যা বিকৃতদর্শনা।
যাতুধানীতি বিখ্যাতা পদ্মিনীং তামরক্ষত॥ 13-142-17 (86888)
শুনস্সখসহায়াস্তু বিসার্থং তে মহর্ষয়ঃ।
পদ্মিনীমভিজগ্মুস্তে সর্বে কৃত্যাভিরক্ষিতাম্॥ 13-142-18 (86889)
ততস্তে যাতুধানীং তাং দৃষ্ট্বা বিকৃতদর্শনাম্।
স্থিতাং কমলিনীতীরে কৃত্যামূচুর্মহর্ষয়ঃ॥ 13-142-19 (86890)
একা তিষ্ঠসি কা চ ৎবং কস্যার্থে কিং প্রয়োজনম্।
পদ্মিনীতীরমাশ্রিত্য ব্রূহি ৎবং কিং চিকীর্ষসি॥ 13-142-20 (86891)
যাতুধান্যুবাচ। 13-142-21x (7220)
যাঽস্মি কাঽস্ম্যনুয়োগো মে ন কর্তব্যঃ কথঞ্চন।
আরক্ষিণীং মা পদ্মিন্যা বিত্ত সর্বে তপোধনাঃ॥ 13-142-21 (86892)
ঋষয় ঊচুঃ। 13-142-22x (7221)
সর্ব এব ক্ষুধার্তাঃ স্ম ন চান্যৎকিংচিদস্তি নঃ।
ভবত্যাঃ সম্মতে সর্বে গৃহ্ণীয়াম বিসান্যুত॥ 13-142-22 (86893)
যাতুধান্যুবাচ। 13-142-23x (7222)
সময়েন বিসানীতো গৃহ্ণীধ্বং কামকারতঃ।
একৈকো নাম মে প্রোক্ৎবা ততো গৃহ্ণীত মাচিরম্॥ 13-142-23 (86894)
ভীষ্ম উবাচ। 13-142-24x (7223)
বিজ্ঞায় যাতুধানীং তাং কৃত্যমৃষিবধৈষিণীম্।
অত্রিঃ ক্ষুধা পরীতাত্মা ততো বচনমব্রবীৎ॥ 13-142-24 (86895)
অত্ত্রিরুবাচ। 13-142-25x (7224)
অরাত্ত্রিরত্ত্রিঃ সা রাত্রির্যাং নাধীতে ত্রিরদ্য বৈ।
অরাত্রিরত্রিরিত্যেব নাম মে বিদ্ধি শোভনে॥ 13-142-25 (86896)
যাতুধান্যুবাচ। 13-142-26x (7225)
যথোদাহৃতমেতত্তে ৎবয়া নাম মহাদ্যুতে।
দুর্ধার্যমেতন্মনসা গচ্ছাঽবতর পদ্মিনীম্॥ 13-142-26 (86897)
বসিষ্ঠ উবাচ। 13-142-27x (7226)
বসিষ্ঠোঽস্মি বরিষ্ঠোঽস্মি বসে বাসগৃহেষ্বপি।
বরিষ্ঠৎবাচ্চ বাসাচ্চ বসিষ্ঠ ইতি বিদ্দি মাম্॥ 13-142-27 (86898)
যাতুধান্যুবাচ। 13-142-28x (7227)
নাম নৈরুক্তমেতত্তে দুঃখব্যাভাষিতাক্ষরম্।
নৈতদ্ধারয়িতুং শক্যং গচ্ছাঽবতর পদ্মিনীম্॥ 13-142-28 (86899)
কশ্যপ উবাচ। 13-142-29x (7228)
কুলংকুলং চ কুবমঃ কুবমঃ কশ্যপো দ্বিজঃ।
কাশ্যঃ কাশনিকাশৎবাদেতন্মে নাম ধারয়॥ 13-142-29 (86900)
যাতুধান্যুবাচ। 13-142-30x (7229)
যথোদাহৃতমেতত্তে ময়ি নাম মহাদ্যুতে।
দুর্ধার্যমেতন্মনসা গচ্ছাঽবতর পদ্মিনীম্॥ 13-142-30 (86901)
ভরদ্বাজ উবাচ। 13-142-31x (7230)
ভরেঽসুতান্ভরে পোষ্যান্ভরে দেবান্ভরে দ্বিজান্।
ভরে ভার্যামহং ব্যাজাদ্ভরদ্বাজোঽস্মি শোভনে॥ 13-142-31 (86902)
যাতুধান্যুবাচ। 13-142-32x (7231)
নাম নৈরুক্তমেতত্তে দুঃখব্যাভাষিতাক্ষরম্।
নৈতদ্ধারয়িতুং শক্যং গচ্ছাঽবতর পদ্মিনীম্॥ 13-142-32 (86903)
গৌতম উবাচ। 13-142-33x (7232)
গোদমো দমতোঽধূমোঽদমস্তে সমদর্শনাৎ।
বিদ্ধি মাং গোতমং কৃত্যে যাতুধানি নিবোধ মাং 13-142-33 (86904)
যাতুধান্যুবাচ। 13-142-34x (7233)
যথোদাহৃতমেতত্তে ময়ি নাম মহামুনে।
নৈতদ্ধারয়িতুং শক্যং গচ্ছাঽবতর পদ্মিনীম্॥ 13-142-34 (86905)
বিশ্বামিত্র উবাচ। 13-142-35x (7234)
বিশ্বেদেবাশ্চ মে মিত্রং মিত্রমস্মি গবাং তথা।
বিশ্বামিত্র ইতি খ্যাতং যাতুধানি নিবোধ মাং 13-142-35 (86906)
যাতুধান্যুবাচ। 13-142-36x (7235)
নাম নৈরুক্তমেতত্তে দুঃখব্যাভাষিতাক্ষরম্।
নৈতদ্ধারয়িতুং শক্যং গচ্ছাঽবতর পদ্মিনীম্॥ 13-142-36 (86907)
জমদগ্নিরুবাচ। 13-142-37x (7236)
জাজমদ্যজজানেঽহং জিজাহীহ জিজায়িষি।
জমদগ্নিরিতি খ্যাতং ততো মাং বিদ্ধি শোভনে॥ 13-142-37 (86908)
যাতুধান্যুবাচ। 13-142-38x (7237)
যথোদাহৃতমেতত্তে ময়ি নাম মহামুনে।
নৈতদ্ধারয়িতুং শক্যং গচ্ছাঽবতর পদ্মিনীম্॥ 13-142-38 (86909)
অরুন্ধত্যুবাচ। 13-142-38x (7238)
ধরান্ধরিত্রীং বসুধাং ভর্তুস্তিষ্ঠাম্যনন্তরম্।
মনোঽনুরুন্ধতী ভর্তুরিতি মাং বিদ্ধ্যরুন্ধতীম্॥ 13-142-39 (86910)
যাতুধান্যুবাচ। 13-142-40x (7239)
নামনৈরুক্তমেতত্তে দুঃখব্যাভাষিতাক্ষরম্।
নৈতদ্ধারয়িতুং শক্যং গচ্ছাঽবতর পদ্মিনীম্॥ 13-142-40 (86911)
গণ্ডোবাচ। 13-142-41x (7240)
বক্ত্রৈকদেশে গণ্ডেতি ধাতুমেতং প্রচক্ষতে।
তেনোন্নতেন গণ্ডেতি বিদ্ধি মাঽনলসম্ভবে॥ 13-142-41 (86912)
যাতুধান্যুবাচ। 13-142-42x (7241)
নামনৈরুক্তমেতত্তে দুঃখব্যাভাষিতাক্ষরম্।
নৈতদ্ধারয়িতুং শক্যং গচ্ছাবতর পদ্মিনীম্॥ 13-142-42 (86913)
পশুসখ উবাচ। 13-142-43x (7242)
পশূন্যঞ্জামি দৃষ্ট্বাঽহং পশূনাং চ সদা সখা।
গৌণং পশুসখেত্যেবং বিদ্ধি মামগ্নিসম্ভবে॥ 13-142-43 (86914)
যাতুধান্যুবাচ। 13-142-44x (7243)
নামনৈরুক্তমেতত্তে দুঃখব্যাভাষিতাক্ষরম্।
নৈতদ্ধারয়িতুং শক্যং গচ্ছাঽবতর পদ্মিনীম্॥ 13-142-44 (86915)
শুনঃসখ উবাচ। 13-142-45x (7244)
এভিরুক্তং যথা নাম নাহং বক্তুমিহোৎসহে।
শুনঃসখসখায়ং মাং যাতুধান্যুপধারয়॥ 13-142-45 (86916)
যাতুধান্যুবাচ। 13-142-46x (7245)
নাম ন ব্যক্তমুক্তং বৈ বাক্যং সংদিগ্ধয়া গিরা।
তস্মাৎসকৃদিদানীং ৎবং ব্রূহি যন্নাম তে দ্বিজ॥ 13-142-46 (86917)
শুনঃসখ উবাচ। 13-142-47x (7246)
সকৃদুক্তং ময়া নাম ন গৃহীতং ৎবয়া যদি।
তস্মাত্ত্রিদণ্ডাভিহতা গচ্ছ ভস্মেতি মাচিরম্॥ 13-142-47 (86918)
ভীষ্ম উবাচ। 13-142-48x (7247)
সা ব্রহ্মদণ্ডকল্পেন তেন মূর্ধ্নি হতা তদা।
কৃত্যা পপাত মেদিন্যাং ভস্ম সাচ জগাম হ॥ 13-142-48 (86919)
শুনঃসখশ্চ হৎবা তাং যাতুধানীং মহাবলাম্।
ভুবি ত্রিদণ্ডং বিষ্টভ্য শাদ্বলে সমুপাবিশৎ॥ 13-142-49 (86920)
ততস্তে মুনয়ঃ সর্বেঃ পুষ্করাণি বিসানি চ।
যথাকামমুপাদায় সমুত্তস্থুর্মুদাঽন্বিতাঃ॥ 13-142-50 (86921)
শ্রমেণ মহতা যুক্তাস্তে বিসানি কলাপশঃ।
তীরে নিক্ষিপ্য পদ্মিন্যাস্তর্পণং চক্রুরম্ভসা॥ 13-142-51 (86922)
অথোত্থায় জলাত্তস্মাৎসর্বে তে সমুপাগমন্।
নাপশ্যংশ্চাপি তে তানি বিসানি পুরুষর্ষভাঃ॥ 13-142-52 (86923)
ঋষয় ঊচুঃ। 13-142-53x (7248)
কেন ক্ষুধাভিভূতানামস্মাকং পাপকর্মণাম্।
নৃশংসেনাপনীতানি বিসান্যাহারকাঙ্ক্ষিণাম্॥ 13-142-53 (86924)
ভীষ্ম উবাচ। 13-142-54x (7249)
তে শঙ্কমানাস্ৎবন্যোন্যং পপ্রচ্ছুর্দ্বিজসত্তমাঃ।
ত ঊচুঃ শপথং সর্বে কুর্ম ইত্যরিকর্শন॥ 13-142-54 (86925)
ত উক্ৎবা বাঢমিত্যেব সর্ব এব তদা সমম্।
ক্ষুধার্তাঃ সুপরিশ্রান্তাঃ শপথায়োপচক্রমুঃ॥ 13-142-55 (86926)
অত্রিরুবাচ। 13-142-56x (7250)
স গাং স্পৃশতু পাদেন সূর্যং চ প্রতিমেহতু।
অধ্যায়েষ্বধীয়ীত বিসস্তৈন্যং করোতি যঃ॥ 13-142-56 (86927)
বসিষ্ঠ উবাচ। 13-142-57x (7251)
অনধ্যায়ে পঠেল্লোকে শুনঃ স পরিকর্ষতু।
পরিব্রাট্ কামবৃত্তিস্তু বিসস্তৈন্যং করোতি যঃ॥ 13-142-57 (86928)
শরণাগতং হন্তু মিত্রং স্বসুতাং চোপজীবতু।
অর্থান্কাঙ্ক্ষতু কীনাশাদ্বিসস্তৈন্যং করোতি যঃ॥ 13-142-58 (86929)
কশ্যপ উবাচ। 13-142-59x (7252)
`বিষ্ণুং ব্রহ্মণ্যদেবেশং দেবদেবং জগদ্গুরুম্।
আধাতারং বিধাতারং সন্ধাতারং জগদ্গুরুম্।
বিহায় স ভজৎবন্যং বিসস্তৈন্যং করোতি যঃ॥' 13-142-59 (86930)
সর্বত্র সর্বং লপতু ন্যাসলোপং করোতু চ।
কূটসাক্ষিৎবমভ্যেতু বিসস্তৈন্যং করোতি যঃ॥ 13-142-60 (86931)
বৃথা মাংসাশনশ্চাস্তু বৃথা দানং করোতু চ।
যাতু স্ত্রিয়ং দিবা চৈব বিসস্তৈন্যং করোতি যঃ॥ 13-142-61 (86932)
ভরদ্বাজ উবাচ। 13-142-62x (7253)
নৃশংসস্ত্যক্তধর্মাঽস্তু স্ত্রীষু জ্ঞাতিষু গোষু চ।
ব্রাহ্মণং চাপি জয়তাং বিসস্তৈন্যং করোতি যঃ॥ 13-142-62 (86933)
উপাধ্যায়মধঃ কৃৎবা ঋচোঽধ্যেতু যজূংষি চ।
জুহোতু চ স কক্ষাগ্নৌ বিসস্তৈন্যং করোতি যঃ॥ 13-142-63 (86934)
জমদগ্নিরুবাচ। 13-142-64x (7254)
পুরীষমুৎসৃজৎবপ্সু হন্তু গাং চৈব দ্রুহ্যৎ।
অনৃতৌ মৈথুনং যাতু বিসস্তৈন্যং করোতি যঃ॥ 13-142-64 (86935)
দ্বেষ্যো ভার্যোপজীবী স্যাদ্দুরবন্ধুশ্চ বৈরবান্।
অন্যোন্যস্যাতিথিশ্চাস্তু বিসস্তৈন্যং করোতি যঃ॥ 13-142-65 (86936)
গৌতম উবাচ। 13-142-66x (7255)
অধীত্য বেদাংস্ত্যজতু ত্রীনগ্নীনপবিধ্যতু।
বিক্রীণাতু তথা সোমং বিসস্তৈন্যং করোতি যঃ॥ 13-142-66 (86937)
উদপানোদকে গ্রামে ব্রাহ্মণো বৃষলীপতিঃ।
তস্য সালোক্যতাং যাতু বিসস্তৈন্যং করোতি যঃ॥ 13-142-67 (86938)
বিশ্বামিত্র উবাচ। 13-142-68x (7256)
জীবতো বৈ গুরূন্ভৃত্যান্ভরন্ৎবস্য পরে জনাঃ।
দরিদ্রো বহুপুত্রঃ স্যাদ্বিসস্তৈন্যং করোতি যঃ॥ 13-142-68 (86939)
অশুচির্ব্রহ্মকূটোঽস্তু মিথ্যা চৈবাপ্যহঙ্কৃতঃ।
কর্ষকো মৎসরী চাস্তু বিসস্তৈন্যং করোতি যঃ॥ 13-142-69 (86940)
হর্ষং করোতু ভৃতকো রাজ্ঞশ্বাস্তু পুরোহিতঃ।
অয়াজ্যস্য ভবেদৃৎবিক্ বিসস্তৈন্যং করোতি যঃ 13-142-70 (86941)
অরুন্ধত্যুবাচ। 13-142-71x (7257)
নিত্যং পরিভবেচ্ছ্বশ্রূং ভর্তুর্ভবতু দুর্মনাঃ।
একা স্বাদু সমশ্নাতু বিসস্তৈন্যং করোতি যা॥ 13-142-71 (86942)
জ্ঞাতীনাং গৃহমধ্যস্থা সক্তূনত্তু দিনক্ষয়ে।
অভোগ্যা বীরসূরস্তু বিসস্তৈন্যং করোতি যা॥ 13-142-72 (86943)
গণ্ডোবাচ। 13-142-73x (7258)
অনৃতং ভাষতু সদা বন্ধুভিশ্চ বিরুধ্যতু।
দদাতু কন্যাং শুল্কেন বিসস্তৈন্যং করোতি যা॥ 13-142-73 (86944)
সাধয়িৎবা স্বয়ং প্রাশেদ্দাস্যে জীর্যতু চৈব হ।
বিকর্মণা প্রমীয়েত বিসস্তৈন্যং করোতি যা॥ 13-142-74 (86945)
পশুসখ উবাচ। 13-142-75x (7259)
দাস এব প্রজায়েতামপ্রসূতিরকিঞ্চন।
দৈবতেষ্বনমস্কারো বিসস্তৈন্যং করোতি যঃ॥ 13-142-75 (86946)
শুনঃসখ উবাচ। 13-142-76x (7260)
অধ্বর্যবে দুহিতরং বা দদাতু
চ্ছন্দোগে বাঽঽচরিতব্রহ্মচর্যে।
আথর্বণং বেদমধীত্য বিপ্রঃ
স্নায়ীত বা যো হরতে বিসানি॥ 13-142-76 (86947)
ঋষয় ঊচুঃ। 13-142-77x (7261)
ইষ্টমেতদ্দ্বিজাতীনাং যোঽয়ং তে শপথঃ কৃতঃ।
ৎবয়া কৃতং বিসস্তৈন্যং সর্বেষাং নঃ শুনঃসখ॥ 13-142-77 (86948)
শুনঃসখ উবাচ। 13-142-78x (7262)
ন্যস্তমদ্যং ন পশ্যদ্ভির্যদুক্তং কৃতকর্মভিঃ।
সত্যমেতন্ন মিথ্যৈতদ্বিসস্তৈন্যং কৃতং ময়া॥ 13-142-78 (86949)
ময়া হ্যন্তর্হিতানীহ বিসানীমানি পশ্যত।
পরীক্ষার্থং ভগবতাং কৃতমেবং ময়াঽনঘাঃ॥ 13-142-79 (86950)
রক্ষণার্থং চ সর্বেষাং ভবতামহমাগতঃ।
যাতুধানী হ্যতিক্রূরা কৃত্যৈষা বো বধৈষিণী॥ 13-142-80 (86951)
বৃষাদর্ভিপ্রয়ুক্তৈষা নিহতা মে তপোধনাঃ।
দুষ্টা হিংস্যাদিয়ং পাপা যুষ্মান্প্রত্যগ্নিসম্ভবা॥ 13-142-81 (86952)
তস্মাদস্ম্যাগতো বিপ্রা বাসবং মাং নিবোধত।
অলোভাদক্ষয়া লোকাঃ প্রাপ্তা বঃ সার্বকামিকাঃ।
উত্তিষ্ঠধ্বমিতঃ ক্ষিপ্রং তানবাপ্নুত বৈ দ্বিজাঃ॥ 13-142-82 (86953)
ভীষ্ম উবাচ। 13-142-83x (7263)
ততো মহর্ষয়ঃ প্রীতাস্তথেত্যুক্ৎবা পুরন্দরম্।
সহৈব ত্রিদশেন্দ্রেণ সর্বে জগ্মুস্ত্রিবিষ্টপম্॥ 13-142-83 (86954)
এবমেতে মহাত্মানো যোগৈর্বহুবিধৈরপি।
ক্ষুধা পরময়া যুক্তাশ্ছন্দ্যমানা মহাত্মভিঃ।
নৈব লোভং তদা যক্রুস্ততঃ স্বর্গমবাপ্নুবন্॥ 13-142-84 (86955)
তস্মাৎসর্বাস্ববস্থাসু নরো লোভং বিবর্জয়েৎ।
এষ ধর্মঃ পরো রাজংস্তস্মাল্লোভং বিবর্জয়েৎ॥ 13-142-85 (86956)
ইদং নরঃ সুচরিতং সমবায়েষু কীর্তয়ন্।
অর্থভাগী চ ভবতি ন চ দুর্গাণ্যবাপ্নুতে॥ 13-142-86 (86957)
প্রীয়ন্তে পিতরশ্চাস্য ঋষয়ো দেবতাস্তথা।
যশোধর্মার্থভাগী চ ভবতি প্রেত্য মানবঃ॥ ॥ 13-142-87 (86958)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিচৎবারিংশদধিকশততমোঽধ্যায়ঃ॥ 142 ॥
Mahabharata - Anushaasana Parva - Chapter Footnotes
7-142-2 পরিব্রাজং শুনা সহেতি ঝ.পাঠঃ॥ 7-142-4 তেন পীবান্শুনা সহেতি ঝ.পাঠঃ॥ 7-142-9 ভার্যাপবাদঃ কৃত্তিকাস্বভিশাপাৎ॥ 7-142-10 ত্রিকৌশেয়ং কুশা রজ্জুস্তয়া নির্বৃত্তং কাশেয়ং পাটিতসন্ধানম্। ত্রীণি কৌশেয়ানি যস্মিন্। রাঙ্কবং রঙ্কোর্মৃগাবেশেষস্য চর্ম তদপি ত্রিবর্ষীয়মতিজীর্ণম্॥ 7-142-12 পরিচর্যাং করিষ্যামি কুর্বিত্যন্যোন্যমুক্ৎবেত্যর্থঃ॥ 7-142-13 একরূপ এব নিশ্চয়ঃ কার্যং চ যেষাং তে॥ 7-142-16 উপতীর্থমবতরণমার্গঃ॥ 7-142-24 নামার্থদ্বারা সামর্থ্যং জ্ঞাৎবা অস্মাকং বধৈষিণীয়মিতি বিজ্ঞায়েত্যর্থঃ॥ 7-142-25 অরাত্ত্রিঃ অরয়ঃ কামাদয়ঃ সন্ত্যস্মিন্নিত্যরং পাপং অর্শআদিভ্যোঽজিত্যচ্। তস্মাত্ত্রায়ত ইত্যরাত্ত্রিঃ। অরশব্দাদলুপ্তপঞ্চমীকাৎ পরস্য ত্রায়তেরুপরি ক্বিপ্প্রত্যযঃ। যস্মাদরাত্রিস্তস্মাদত্রিঃ। অত্তীত্যদ্ মৃত্যুস্তস্মাত্ত্রায়ত ইত্যত্রিঃ। মৃত্যুশব্দস্য পাপ্মনি প্রয়োগদর্শনাৎ॥ 7-142-26 ময়ি নাম মহামুনে ইতি ঝ.পাঠঃ॥ 7-142-27 বায়ুশ্চ পৃথিবী চেতি শ্রুতিপ্রসিদ্ধা বায়্বাদয়ো বসবস্তে যস্য স্বাধীনা ভবন্তি স বসুমান্প্রাপ্তাণিমাদ্যৈশ্বর্যো মহায়োগী। অতিশয়েন বসুমানিতি বসিষ্ঠস্তাদৃশোঽহমস্তি। বসুমচ্ছব্দাদিষ্ঠন্প্রত্যযে পরে মতুব্লোপে টিলোপে চ বসিষ্ঠঃ। বাসগৃহেষু বাসয়োগ্যেষু গৃহস্থাশ্রমেষু সর্বেষামুপজীব্যেষু বসে বসামি অতোঽহং বস্তৄণাং মধ্যে অতিশ্রেষ্ঠ ইতি বসিষ্ঠোঽস্মি॥ 7-142-29 কশা অশ্বতাডনরজ্জুস্তামর্হন্তি তে কশ্যা অশ্বাঃ। ইন্দ্রিয়াণ্যেবাশ্বাঃ কশ্যাস্তদাশ্রয়ৎবাচ্ছরীরাণ্যপি কশ্যানি। কুলঙ্কুলমিতি বীপ্সায়াং দ্বির্বচনম্। সর্বশরীরেষ্বহমেবৈকঃ কশ্যপো নাম দ্বিজোঽস্মি। কশ্যানি শরীরাণি পাতি রক্ষতি পিবতি ভুঙ্ক্তে পায়যতি যোষয়তি বা কশ্যপ ইতি যোগাৎ। কুবমঃ কুবম ইতি। কুঃ পৃথবীং তস্যাং বমতি বর্ষতীতি কুবম আদিত্যঃ পূর্ববদ্দ্বিবচনম্। সর্বোপ্যাদিত্যোঽহমেব। মৎপুত্রৎবাৎসর্বেষামাদিত্যানামিত্যর্থঃ। কাশ্যো দীপ্তিমান্। তত্র হেতুঃ। কাশনিকাশৎবাৎ বহুকালীনৎবেন কাশপুষ্পসদৃশঃ সর্বতঃ পলিতশ্চিরন্তনস্তপসা দীপ্তোঽস্মীস্তর্থঃ। কুলং কুলং চ কুশলঃ কুপয়ঃ কাশ্যপো দ্বিজঃ। কাশ্যপঃ কাশনীকাশ এতন্মে নাম ধারয়েতি ক.ড.থ.পাঠঃ॥ 7-142-31 প্রজা বৈ বাজস্তা এষ বিভর্তীতি শ্রুত্যনুসারেণ স্বনামাহ ভরে ইতি। অসুতান্ অপুত্রানুদাসীনানপি দীনানদীনান্পালয়ামি। ভরে সুতান্ভরে শিষ্যানিতি ঝ.পাঠঃ॥ 7-142-33 গোপদার্থং স্বর্গং ভূমিং চ দময়তি বশীকরোতীতি গোদমঃ। তত্র হেতুঃ দমত ইতি। দমেন ইন্দ্রিয়জয়েন দময়তীতি জিতেন্দ্রিয়ৎবাৎ গাং দ্যাং চ দমিতুং শক্তোস্মীত্যর্থঃ। অধূমঃ নির্ধূমাগ্নিতুল্যঃ। অত এবাদমঃ অন্যেন দমিতুময়োগ্যঃ তত্র হেতুঃ। তে ৎবয়ি। সমদর্শনাৎসমস্য ব্রহ্মণো দর্শনাৎ ব্রহ্মজ্ঞানিৎবাদিত্যর্থঃ। অত্র দকারস্থানে তকারঃ। গৌতমো দমগোধূমো ধূমো দুর্দর্শনশ্চ তে ইতি থ.ধ.পাঠঃ॥ 7-142-35 মিত্রে চর্ষৌ ইতি বিশ্বপদান্তস্য দীর্ঘঃ। গবাং ইন্দ্রিয়াণাম্॥ 7-142-37 জজামাদ্যং জজামায়ং জজামাহং জজায়ুষীতি ক.থ.ধ.পাঠঃ। ভূয়োভূয়োঽতিশয়েন জমন্তি যুগপদনেকেষু যজ্ঞাদিষ্বনেকবারং পুনঃপুনর্ভক্ষয়ন্তি হবীংষি তে জাজমন্তো দেবাঃ। `জমু ভক্ষণে' যঙ্লুকি শত্রন্তস্য রূপম্। ইজ্যন্তে দেবতা অস্মিন্নিতি যজোঽগ্নিঃ তেষাং জান আবির্ভাবস্তস্মিন জিজায়িষি জাতোঽস্মি ইহলোকে অতো মাং জিজাহি জানীহি। ততো যোগাৎ মাং জমদগ্নিরিতি নামতো বিদ্ধি। জাজমদিত্যত্রাদ্যপদে প্রথমাক্ষরলোপে দ্বিতীয়স্যাগ্নিৎবে জমদগ্নিরিতি সিদ্ধম্। ততো জাজমন্তোঽগ্নিশ্চাস্মিন্ সন্তীতি জমদগ্নিমান্। ততো মতুব্লোপেন জমদগ্নিরিতি পদম্। এতেনাপি স্বস্যাধর্ষণীয়ৎবমুক্তম্॥ 7-142-39 ধরান্পর্বতান্। ধরিত্রীং ভুবম্। বসূন্দেবান্ধত্তে ইতি ব্যুৎপত্ত্যা বসুধাং দিবং চ তিষ্ঠামি অধিতিষ্ঠামি। ভর্তুর্বসিষ্ঠস্যানন্তরং অব্যবধানেন অনুরুন্ধতীত্যা নুকারলোপঃ। সারং ধরিত্রীবসুধাং নেচ্ছে ভর্তুরনন্তরম্। ইতি ধ.পাঠঃ। বসুধামিচ্ছে ভর্তুরিতি ক.থ.পাঠঃ॥ 7-142-41 গডি বদনৈকদেশ ইতি ধাতোঃ গণ্ডেতি নুমা সহিতস্যানুকরণম্। মা মাম্। বৃষাদর্ভিণাঽগ্নৌ হুৎবাঽস্যা উৎপাদিতৎবাদনলসংভবৎবম্। গণ্ডং গতবতী গণ্ডং গণ়্ডা গণ্ডেতি সংজ্ঞিতা। গণ্ডং গণ্ডেতি গণ্ডেতীতি ধ.পাঠঃ। চণ্ডং গতবৎপ্রচণ্ডা চণ্ডাচণ্ডেতি সংজ্ঞিতা। চণ্ডাচণ্ডেতি চণ্ডেতীতি থ.পাঠঃ॥ 7-142-43 পশূন্ জীবান্ রঞ্জামি রঞ্জয়ামি। মাং মম নামেত্যর্থঃ। সখে সখায়ৌ সখ্যেয় ইতি থ.পাঠঃ। সহেঽপরাধং সখ্যেয় ইতি ঙ.পাঠঃ॥ 7-142-45 শ্বা ধর্মঃ তৎসখায়ো মুনয়ঃ তেষাং সখা শুনঃসখসখঃ তম্। শুনাং সদা সখায়ং মামিতি ঙ.থ. পাঠঃ॥ 7-142-47 ভস্ম ভস্মতাম্॥ 7-142-51 কলাপশঃ সঙ্ঘশঃ॥ 7-142-55 সর্ব এব শুনস্সখমিতি থ.ধ.পাঠঃ॥ 7-142-57 শুনঃ সারমেয়ান্পরিকর্ষতু ক্রীডার্থং মৃগয়ার্থং বা। পরিব্রাট্ কর্মবৃত্তিস্ৎবিতি থ.ধ.পাঠঃ॥ 7-142-58 স্বসুতাং শুল্কগ্রহণেন। কীনাশাৎ কর্ষকাৎ॥ 7-142-60 সর্বত্র সর্বং পণতু ন্যাসলোভং করোতু চেতি ট.থ.পাঠঃ॥ 7-142-61 বৃথা যাগাদিনিমিত্তং বিনা। বৃথা নটনর্তকাদৌ॥ 7-142-62 জয়তাং যুদ্ধে বাদে বা। মাতরং চাপি জহৎবিতি ক.পাঠঃ॥ 7-142-63 কক্ষাপ্তৌ তত্র হি হুতং ভস্মীভাবমপ্রাপ্য হোতুর্দোষকরমিত্যাশয়ঃ॥ 7-142-67 নির্গুণান্বিভৃয়াদ্ভৃত্যানিতি ক.ট.থ.পাঠঃ॥ 7-142-69 ঋদ্ধ্যা চৈবাপ্যহংকৃত ইতি ঝ.পাঠঃ॥ 7-142-70 বর্ষাচরোস্তু ভৃতক ইতি ঝ.পাঠঃ॥ 7-142-72 জ্ঞাতীনাং অনাদরে ষষ্ঠী। জ্ঞাতীননাদৃত্যেত্যর্থঃ। অভোগ্যা যোনিদূষিতা॥ 7-142-73 সাধুভিশ্চ বিরুধ্যৎবিতি ট.থ.পাঠঃ॥ 7-142-74 সাধয়িৎবা অন্নং পক্ৎবা॥ 7-142-78 অদ্যং ভক্ষ্যম্॥ 7-142-79 অন্তর্হিতানি অন্তর্ধানং প্রাপিতানি॥ 7-142-85 রাজন্ব্রাহ্মণস্য প্রকীর্তিত ইতি ক.থ.পাঠঃ॥অনুশাসনপর্ব - অধ্যায় 143
॥ শ্রীঃ ॥
13.143. অধ্যায়ঃ 143
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
সম্ভূয় তীর্থয়াত্রাং কুর্বদ্ভির্দ্বিজর্ষিভী রাজর্ষিভিশ্চ ক্রমেণ ব্রহ্মসরঃপ্রতি গমনম্॥ 1 ॥ তত্রাগস্ত্যেন হ্রদাৎসমুদ্ধৃতপদ্মস্য ধর্মশুশ্রূষুণেন্দ্রেণ গূঢমপহারে ঋষিভী রাজভিশ্চ স্বেষু পুষ্করস্তেয়ং শঙ্কমানমগস্ত্যংপ্রতি প্রত্যেকশো নানাশপথকরণম্॥ 2 ॥ পশ্চাদিন্দ্রেণ স্বস্বরূপপ্রকাশনপূর্বকং স্বেন পুষ্করাপহারস্য প্রয়োজননিবেদনেন তৎপ্রসাদনম্॥ 3 ॥Mahabharata - Anushaasana Parva - Chapter Text
ভীষ্ম উবাচ।
অত্রৈবোদাহরন্তীমমিতিহাসং পুরাতনম্।
যদ্বৃত্তং তীর্থয়াত্রায়াং শপথং প্রতি তচ্ছৃণু॥ 13-143-1 (86959)
পুষ্করার্থং কৃতং স্তৈন্যং পুরা ভরতসত্তম।
রাজর্ষিভির্মহারাজ তথৈব চ দ্বিজর্ষিভিঃ॥ 13-143-2 (86960)
পুরা প্রভাসে ঋষয়ঃ সমগ্রাঃ
সমেতা বৈ মন্ত্রমমন্ত্রয়ন্ত।
চরাম সর্বাং পৃথিবীং পুণ্যতীর্থাং
তন্নঃ কামং হন্ত গচ্ছাম সর্বে॥ 13-143-3 (86961)
শুক্রোঽঙ্গিরাশ্চৈব কবিশ্চ বিদ্বাং-
স্তথা হ্যগস্ত্যো নারদপর্বতৌ চ।
ভৃগুর্বসিষ্ঠঃ কশ্যপো গৌতমশ্চ
বিশ্বামিত্রো জমদগ্নিশ্চ রাজন্॥ 13-143-4 (86962)
ঋষিস্তথা গালবোঽথাষ্টকশ্চ
ভরদ্বাজোঽরুন্ধতী বালখিল্যাঃ।
শিবির্দিলীপো নহুষোঽম্বরীষো
রাজা যয়াতির্ধুন্ধুমারোঽথ পূরুঃ॥ 13-143-5 (86963)
জগ্মুঃ পুরস্কৃত্য মহানুভাবং
শতক্রতুং বৃত্রহণং নরেন্দ্রাঃ।
তীর্থানি সর্বাণি পরিভ্রমন্তো
মাঘ্যাং যয়ুঃ কৌশিকীং পুণ্যতীর্থাম্॥ 13-143-6 (86964)
সর্বেষু তীর্থেষ্ববধূতপাপা
জগ্মুস্ততো ব্রহ্মসরঃ সুপুণ্যম্।
দেবস্য তীর্থে জলমগ্নিকল্পা
বিগাহ্য তে ভুক্তবিসপ্রসূনাঃ॥ 13-143-7 (86965)
কেচিদ্বিসান্যখনংস্তত্র রাজন্ন-
ন্যে মৃণালান্যখনংস্তত্র বিপ্রাঃ।
অথাপশ্যন্পুষ্করং তে হ্রিয়ন্তং
হ্রদাদগস্ত্যেন সমুদ্ধৃতং তৎ॥ 13-143-8 (86966)
নানাহ সর্বানৃষিমুখ্যানগস্ত্যঃ
কেনাহৃতং পুষ্করং মে সুজাতম্।
যুষ্মাঞ্শঙ্কে পুষ্করং দীয়তাং মে
ন বৈ ভবন্তো হর্তুমর্হন্তি পদ্মম্॥ 13-143-9 (86967)
শৃণোমি কালো হিংসতে ধর্মবীর্যং
সেয়ং প্রাপ্তা বর্ততে ধর্মপীডা।
পুরাঽধর্মো বর্ততে নেহ যাব-
ত্তাবদ্গচ্ছামঃ সুরলোকং চিরায়॥ 13-143-10 (86968)
পুরা বেদান্ব্রাহ্মণা গ্রামমধ্যে
ঘুষ্টস্বরা বৃষলান্শ্রাবয়ন্তি।
পুরা রাজা ব্যবহারানধর্মা-
ন্পশ্যত্যহং পরলোকং ব্রজামি॥ 13-143-11 (86969)
পুরা রাজা প্রত্যবরান্গরীয়সো
মংস্যত্যথৈনমনুয়াস্যন্তি সর্বে।
ধর্মোত্তরং যাবদিদং ন বর্ততে
তাবদ্ব্রজামি পরলোকং চিরায়॥ 13-143-12 (86970)
পুরা প্রপশ্যামি পরেণ মর্ত্যা-
ন্বলীয়সা দুর্বলান্ভুজ্যমানান্।
তস্মাদ্যাস্যামি পরলোকং চিরায়
ন হ্যুৎসহে দ্রষ্টুমীদৃঙ্নৃলোকে॥ 13-143-13 (86971)
তমাহুরার্তা ঋষয়ো মহর্ষিং
ন তে বয়ং পুষ্করং চোরয়ামঃ।
মিথ্যাভিশংসা ভবতা ন কার্যা
শপাম তীক্ষ্ণৈঃ শপথৈর্মহর্ষে॥ 13-143-14 (86972)
তে নিশ্চিতাস্তত্র মহর্ষয়স্তু
সম্পশ্যন্তো ধর্মমেতং নরেন্দ্রাঃ।
ততোঽশপন্ত শপথান্পর্যযেণ
সহৈব তে পার্থিব পুত্রপৌত্রৈঃ॥ 13-143-15 (86973)
ভৃগুরুবাচ। 13-143-16x (7264)
প্রত্যাক্রোশেদিহাক্রুষ্টস্তাডিতঃ প্রতিতাডয়েৎ।
খাদেচ্চ পৃষ্ঠমাংসানি যস্তে হরতি পুষ্করম্॥ 13-143-16 (86974)
বসিষ্ঠ উবাচ। 13-143-17x (7265)
অস্বাধ্যায়পরো লোকে শ্বানং চ পরিকর্ষতু।
পুরে চ ভিক্ষুর্ভবতু যস্তে হরতি পুষ্করম্॥ 13-143-17 (86975)
কশ্যপ উবাচ। 13-143-18x (7266)
সর্বত্র সর্বং পণতু ন্যাসে লোভং করোতু চ।
কূটসাক্ষিৎবমভ্যেতু যস্তে হরতি পুষ্করম্॥ 13-143-18 (86976)
গৌতম উবাচ। 13-143-19x (7267)
জীবৎবহঙ্কৃতো বুদ্ধ্যা বিষমেণাসমেন সঃ।
কর্ষকো মৎসরী চাস্তু যস্তে হরতি পুষ্করম্॥ 13-143-19 (86977)
অঙ্গিরা উবাচ। 13-143-20x (7268)
অশুচির্ব্রহ্মকূটোস্তু শ্বানং চ পরিকর্ষতু।
ব্রহ্মহাঽনিকৃতিশ্চাস্তু যস্তে হরতি পুষ্করম্॥ 13-143-20 (86978)
ধুন্ধুমার উবাচ। 13-143-21x (7269)
অকৃতজ্ঞস্তু মিত্রাণাং শূদ্রায়াং চ প্রজায়তু।
একঃ সম্পন্নমশ্নাতু যস্তে হরতি পুষ্করম্॥ 13-143-21 (86979)
পুরূরবা উবাচ। 13-132-22x (7270)
চিকিৎসায়াং প্রচরতু ভার্যযা চৈব পুষ্যতু।
শ্বশুরাত্তস্য বৃত্তিঃ স্যাদ্যস্তে হরতি পুষ্করম্॥ 13-143-22 (86980)
দিলীপ উবাচ। 13-143-23x (7271)
উদপানপ্লবে গ্রামে ব্রাহ্মণো বৃষলীপতিঃ।
তস্য লোকান্স ব্রজতু যস্তে হরতি পুষ্করম্॥ 13-143-23 (86981)
শুক্র উবাচ। 13-143-24x (7272)
বৃথা মাংসং সমশ্নাতু দিবা গচ্ছতু মৈথুনম্।
প্রেষ্যো ভবতু রাজ্ঞশ্চ যস্তে হরতি পুষ্করম্॥ 13-143-24 (86982)
জমদগ্নিরুবাচ। 13-143-25x (7273)
অনধ্যায়েষ্বধীয়ীত মিত্রং শ্রাদ্ধে চ ভোজয়েৎ।
শ্রাদ্ধে শূদ্রস্য চাশ্নীয়াদ্যস্তে হরতি পুষ্করম্॥ 13-143-25 (86983)
শিবিরুবাচ। 13-143-26x (7274)
অনাহিতাগ্নির্মিয়তাং যজ্ঞে বিঘ্নং করোতু চ।
তপস্বিভির্বিরুধ্যেচ্চ যস্তে হরতি পুষ্করম্॥ 13-143-26 (86984)
যয়াতিরুবাচ। 13-143-27x (7275)
অনৃতৌ ব্রতনিয়তায়াং ভার্যায়াং স প্রজায়তু।
নিরাকরোতু বেদাংশ্চ যস্তে হরতি পুষ্করম্॥ 13-143-27 (86985)
নহুষ উবাচ। 13-143-28x (7276)
অতিথির্গৃহসংস্থোঽস্তু কামবৃত্তস্তু দীক্ষিতঃ।
বিদ্যাং প্রয়চ্ছতু ভৃতো যস্তে হরতি পুষ্করম্॥ 13-143-28 (86986)
অম্বরীষ উবাচ। 13-143-29x (7277)
নৃশংসস্ত্যক্তধর্মোঽস্তু স্ত্রীষু জ্ঞাতিষু গোষু চ।
নিহন্তু ব্রাহ্মণং চাপি যস্তে হরতি পুষ্করম্॥ 13-143-29 (86987)
নারদ উবাচ। 13-143-30x (7278)
গৃহজ্ঞানী বহিঃশাস্ত্রং পঠতাং বিস্বরং পদম্।
গরীয়সোঽবজানাতু যস্তে হরতি পুষ্করম্॥ 13-143-30 (86988)
নাভাগ উবাচ। 13-143-31x (7279)
অনৃতং ভাষতু সদা সদ্ভিশ্চৈব বিরুধ্যতু।
শুল্কেন দদতু কন্যাং যস্তে হরপি পুষ্করম্॥ 13-143-31 (86989)
কবিরুবাচ। 13-143-32x (7280)
পদা চ গাং সংস্পৃশতু সূর্যং চ প্রতি মেহতু।
শরণাগতং সংত্যজতু যস্তে হরতি পুষ্করম্॥ 13-143-32 (86990)
বিশ্বামিইত্র উবাচ। 13-143-33x (7281)
করোতু ভৃতকোঽবর্ষাং রাজ্ঞশ্চাস্তু পুরোহিতঃ।
ঋৎবিগস্তু হ্যযাজ্যস্য যস্তে হরতি পুষ্করম্॥ 13-143-33 (86991)
পর্বত উবাচ। 13-143-34x (7282)
গ্রামে চাধিকৃতঃ সোঽস্তু খরয়ানেন গচ্ছতু।
শুনঃ কর্ষতু বৃত্ত্যর্থে যস্তে হরতি পুষ্করম্॥ 13-143-34 (86992)
ভরদ্বাজ উবাচ। 13-143-35x (7283)
সর্বপাপসমাদানং নৃশংসে চানৃতে চ যৎ।
তত্তস্যাস্তু সদা পাপং যস্তে হরতি পুষ্করম্॥ 13-143-35 (86993)
অষ্টক উবাচ। 13-143-36x (7284)
স রাজাস্ৎবকৃতপ্রজ্ঞঃ কামবৃত্তশ্চ পাপকৃৎ।
অধর্মেণাভিশাস্তূর্বীং যস্তে হরতি পুষ্করম্॥ 13-143-36 (86994)
গালব উবাচ। 13-143-37x (7285)
পাপিষ্ঠেভ্যো হ্যনর্ঘার্হঃ স নরোঽস্তু স্বপাপকৃৎ।
দত্ৎবা দানং কীর্তয়তু যস্তে হরতি পুষ্করম্॥ 13-143-37 (86995)
অরুন্ধত্যুবাচ। 13-143-38x (7286)
শ্বশ্র্বাঽপবাদং বদতু ভর্তুর্ভবতু দুর্মনাঃ।
একা স্বাদু সমশ্নাতু যা তে হরতি পুষ্করম্॥ 13-143-38 (86996)
বালখিল্যা ঊচুঃ। 13-143-39x (7287)
একপাদেন বৃত্ত্যর্থং গ্রামদ্বারে স তিষ্ঠতু।
ধর্মজ্ঞস্ত্যক্তধর্মাস্তু যস্তে হরতি পুষ্করম্॥ 13-143-39 (86997)
পশুসখ উবাচ। 13-143-40x (7288)
অগ্নিহোত্রমনাদৃত্য স সুখং স্বপতু দ্বিজঃ।
পরিব্রাট্ কামবৃত্তোস্তু যস্তে হরতি পুষ্করম্॥ 13-143-40 (86998)
সুরভ্যুবাচ। 13-143-41x (7289)
বালজেন নিদানেন কাংস্যং ভবতু দোহনম্।
দুহ্যেত পরবৎসেন যা তে হরতি পুষ্করম্॥ 13-143-41 (86999)
ভীষ্ম উবাচ। 13-143-42x (7290)
ততস্তু তৈঃ শপথৈঃ শপ্যমানৈ-
র্নানাবিধৈর্বহুভিঃ কৌরবেন্দ্র।
সহস্রাক্ষো দেবরাট্ সম্প্রহৃষ্টঃ
সমীক্ষ্য তং কোপনং বিপ্রমুখ্যম্॥ 13-143-42 (87000)
যথাব্রবীন্মঘবা প্রত্যযং স্বং
স্বয়ং সমাগত্য তমৃষিং জাতরোষম্।
ব্রহ্মর্ষিদেবর্ষিনৃপর্ষিমধ্যে
যং তং নিবোধেহ মমাদ্য রাজন্॥ 13-143-43 (87001)
শক্র উবাচ। 13-143-44x (7291)
অধ্বর্যবে দুহিতরং দদাতু
ছন্দোগে বাঽঽচরিতব্রহ্মচর্যে।
অথর্বণং বেদমধীত্য বিপ্রঃ
স্নায়ীত যঃ পুষ্করমাদদাতি॥ 13-143-44 (87002)
সর্বান্বেদানধীয়ীত পুণ্যশীলোঽস্তু ধার্মিকঃ।
ব্রহ্মণঃ সদনং যাতু যস্তে হরতি পুষ্করম্॥ 13-143-45 (87003)
অগস্ত্য উবাচ। 13-143-46x (7292)
আশীর্বাদস্ৎবয়া প্রোক্তঃ শপথো বলসূদন।
দীয়তাং পুষ্করং মহ্যমেষ ধর্মঃ সনাতনঃ॥ 13-143-46 (87004)
ইন্দ্র উবাচ। 13-143-47x (7293)
ন ময়া ভগবঁল্লোভাদ্ধৃতং পুষ্করমদ্য বৈ।
ধর্মাংস্তু শ্রোতুকামেন হৃতং ন ক্রোদ্ধুমর্হসি॥ 13-143-47 (87005)
ধর্মশ্রুতিসমুৎকর্ষো ধর্মসেতুরনাময়ঃ।
আর্ষো বৈ শাশ্বতো নিত্যমব্যযোঽয়ং ময়া শ্রুতঃ॥ 13-143-48 (87006)
তদিদং গৃহ্যতাং বিদ্বন্পুষ্করং দ্বিজসত্তম।
অতিক্রমং মে ভগবন্ক্ষন্তুমর্হস্যনিন্দিত॥ 13-143-49 (87007)
ইত্যুক্তঃ স মহেন্দ্রেণ তপস্বী কোপনো ভৃশম্।
জগ্রাহ পুষ্করং ধীমান্প্রসন্নশ্চাভবন্মুনিঃ॥ 13-143-50 (87008)
প্রয়যুস্তে ততো ভূয়স্তীর্থানি বনগোচরাঃ।
পুণ্যেষু তীর্থেষু তথা গাত্রাণ্যাপ্লাবয়ন্ত তে॥ 13-143-51 (87009)
আখ্যানং য ইদং যুক্তঃ পঠেৎবর্বণিপর্বণি।
ন মূর্খং জনয়েৎপুত্রং ন ভবেচ্চ নিরাকৃতিঃ॥ 13-143-52 (87010)
ন তমাপৎস্পৃশেৎকাচিদ্বিজ্বরো ন জরাবহঃ।
বিরজাঃ শ্রেয়সা যুক্তঃ প্রেত্য স্বর্গমবাপ্নুয়াৎ॥ 13-143-53 (87011)
যশ্চ শাস্ত্রমধীয়ীত ঋষিভিঃ পরিপালিতম্।
স গচ্ছেদ্ব্রহ্মণো লোকমব্যযং চ নরোত্তম॥ ॥ 13-143-54 (87012)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিচৎবারিংশদধিকশততমোঽধ্যায়ঃ॥ 143 ॥
Mahabharata - Anushaasana Parva - Chapter Footnotes
7-143-1 অত্র শপথেনৈব নিষিদ্ধার্থপ্রকাশনে॥ 7-143-2 পুষ্করার্থং ইন্দ্রেণ স্তৈন্যং কৃতম্। মুনিভিঃ শপথাঃ কৃতা ইত্যর্থঃ॥ 7-143-8 বিসমৃণালয়োঃ কমলকুমুদবদবান্তরভেদো জ্ঞেয়ঃ। হ্রিয়ন্তং হ্রিয়মাণম্॥ 7-143-12 প্রত্যবরান্মধ্যমান্। তমোত্তরং যাবদিদং ন বর্তত ইতি ঝ.পাঠঃ॥ 7-143-16 পৃষ্ঠমাংসানি পৃষ্ঠবাহানাং হয়বৃষভোষ্ট্রাদীনাং মাংসানি। খাদেচ্চ ব্রহ্মমাংসানীতি ড.পাঠঃ॥ 7-143-17 ভিক্ষুঃ সংম্যাসী॥ 7-143-18 পণতু ক্রয়বিক্রয়ং করোতু। সর্বং অপণ্যমপি॥ 7-143-19 বিগতঃ সমভাবো যস্মাত্তেনাসমেন কামক্রোধাদিনা। কৃপণৎবং সমেতু স ইতি ট.ধ.পাঠঃ॥ 7-143-20 অনিকৃতিঃ অকৃতপ্রায়াশ্চেতঃ॥ মানং চ পরিকর্ষৎবিতি ট.ধ.পাঠঃ॥ 7-143-22 চোরকার্যং প্রচরতু ইতি ট.ধ.পাঠঃ। ভার্যাং স্বাং চৈব দূষ্যতু ইতি থ.পাঠঃ। ভার্যা বাচৈব তুষ্যৎবিতি ধ. পাঠঃ॥ 7-143-23 উদপানে প্লব আপ্লবঃ স্নানং যস্মিন্॥ 7-143-24 যতির্গচ্ছতু মৈথুনমিতি ট.ধ.পাঠঃ॥ 7-143-28 অতিথির্যতিঃ। গৃহসংস্থো গৃহবাসী। অতিথিং গৃহস্থস্ত্যজৎবিতি থ.পাঠঃ। ভৃতো বিত্তেন ক্রীতঃ॥ 7-143-30 গূঢো জ্ঞাতুং বহিশ্শাস্ত্রমিতি থ. ধ.পাঠঃ॥ 7-143-33 ভৃতকৌ ধান্যবিক্রীতঃ সন্ অবর্ষাং বৃষ্টিনির্বন্ধং করোতু॥ 7-143-37 পাপিষ্ঠা এব অনর্ঘার্হাঃ অপূজ্যাঃ। অয়ং তু ততোপ্যপূজ্যোস্তু। স্বপাপকৃৎ স্বেষু জ্ঞাতিষু পাপকৃৎ॥ 7-143-41 নিদানং দোহনকালে গবাং পাদবন্ধনী রজ্জুস্তেন॥ 7-143-43 প্রত্যযমভিপ্রায়ম্॥ 7-143-48 ধর্মশ্রুতীনাং সম্যগুৎকর্ষঃ। ধর্ম এব সেতুস্তরণোপায়ঃ॥অনুশাসনপর্ব - অধ্যায় 144
॥ শ্রীঃ ॥
13.144. অধ্যায়ঃ 144
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ছত্রোপানৎপ্রবৃত্তিপ্রদাননিদানকথনায় সূর্যজমদগ্নিসংবাদানুবাদঃ॥ 1 ॥ জমদগ্নিনা রেণুকায়াঃ স্বধনুর্নিস্সৃতশরাণাং পুনঃপুনরাদানে নিয়োজনেন বাণক্রীডারম্ভঃ॥ 2 ॥ রেণুকয়া সূর্যতেজঃ প্রতপ্তশিরঃ পাদতয়া তরুচ্ছায়াশ্রয়ণেন শরানয়নবিলম্বনে রুষ্টেন মুনিনা তৎকারণপ্রশ্নঃ॥ 3 ॥ রেণুকয়া তন্নিবেদনে মুনিনা কোপাচ্ছস্ত্রেণ ভূমৌ সূর্যনিপাতনোদ্যমনম্॥ 4 ॥ ভয়াৎসূর্যেণ বিপ্ররূপধারণেন ভুবমেত্য তৎপ্রসাদনম্॥ 5 ॥Mahabharata - Anushaasana Parva - Chapter Text
যুধিষ্ঠির উবাচ।
যদিদং শ্রাদ্ধকৃত্যেষু দীয়তে ভরতর্ষভ।
ছত্রং চোপানহৌ চৈব কেনৈতৎসম্প্রবর্তিতম্॥ 13-144-1 (87013)
কথং চৈতৎসমুৎপন্নং কিমর্থং চৈব দীয়তে।
ন কেবলং শ্রাদ্ধকৃত্যে পুণ্যকেষ্বপি দীয়তে॥ 13-144-2 (87014)
বহুষ্বপি নিমিত্তেষু পুণ্যমাশ্রিত্য দীয়তে।
এতদ্বিস্তরতো ব্রহ্মঞ্শ্রোতুমিচ্ছামি তত্ৎবতঃ॥ 13-144-3 (87015)
ভীষ্ম উবাচ। 13-144-4x (7294)
শৃণু রাজন্নবহিতশ্ছত্রোপানহবিস্তরম্।
যথৈতৎপ্রথিতং লোকে যথা চৈতৎপ্রবর্তিতম্॥ 13-144-4 (87016)
যথা চাক্ষয়্যতাং প্রাপ্তং পুণ্যতাং চ যথাগতম্।
সর্বমেতদশেষেণ প্রবক্ষ্যামি নরাধিপ॥ 13-144-5 (87017)
`ইতিহাসং পুরাবৃত্তমিদং শৃণু নরাধিপ।'
জমদগ্নেশ্চ সংবাদং সূর্যস্য চ মহাত্মনঃ॥ 13-144-6 (87018)
পুরা স ভগবান্সাক্ষাদ্ধনুষা ক্রীডতি প্রভো।
সন্ধায়সন্ধায় শরাংশ্চিক্ষেপ কিল ভার্গবঃ॥ 13-144-7 (87019)
তান্ক্ষিপ্তান্রেণুকা সর্বাংস্তস্যেষূন্দীপ্ততেজসঃ।
আনীয় সা তদা তস্মৈ প্রাদাদসকৃদচ্যুত॥ 13-144-8 (87020)
অথ তেন স শব্দেনি জ্যায়াশ্চৈব শরস্য চ।
প্রহৃষ্টঃ সম্প্রচিক্ষেপ সা চ প্রত্যাজহার তান্॥ 13-144-9 (87021)
ততো মধ্যাহ্নমারূঢে জ্যেষ্ঠামূলে দিবাকরে।
স সায়কান্দ্বিজো মুক্ৎবা রেণুকামিদমব্রবীৎ॥ 13-144-10 (87022)
গচ্ছানয় বিশালাক্ষি শরানেতান্ধনুশ্চ্যুতান্।
যাবদেতান্পুনঃ সুভ্রু ক্ষিপামীতি জনাধিপ॥ 13-144-11 (87023)
সা গচ্ছন্ত্যন্তরা ছায়াং বৃক্ষমাশ্রিত্য ভামিনী।
তস্থৌ তস্যা হি সন্তপ্তং শিরঃ পাদৌ তথৈব চ॥ 13-144-12 (87024)
স্থিতা সা তু মূহূর্তং বৈ ভর্তুঃ শাপভয়াচ্ছুভা।
যয়াবানয়িতুং ভূয়ঃ সায়কানসিতেক্ষণা।
প্রত্যাজগাম চ শরাংস্তানাদায় যশস্বিনী॥ 13-144-13 (87025)
সা বৈ প্রস্বিন্নসর্বাঙ্গী পদ্ভ্যাং দুঃখং নিয়চ্ছতী।
উপাজগাম ভর্তারং ভয়াদ্ভর্তুঃ প্রবেপতী॥ 13-144-14 (87026)
স তামৃষিস্তদা ক্রুদ্ধো বাক্যমাহ শুভাননাম্।
রেণুকে কিং চিরেণ ৎবমাগতেতি পুনঃপুনঃ॥ 13-144-15 (87027)
রেণুকোবাচ। 13-144-16x (7295)
শিরস্তপ্তং প্রদীপ্তৌ মে পাদৌ চৈব তপোধন।
সূর্যতেজোনিরুদ্ধাঽহং বৃক্ষচ্ছায়াং সমাশ্রিতা॥ 13-144-16 (87028)
এতস্মাৎকারণাদ্ব্রহ্মংশ্চিরায়ৈতৎকৃতং ময়া।
এতচ্ছ্রুৎবা মম বিভো মা ক্রুধস্ৎবং পতোধন॥ 13-144-17 (87029)
জমদগ্নিরুবাচ। 13-144-18x (7296)
অদ্যৈনং দীপ্তকিরণং রেণুকে তব দুঃখদম্।
শরৈর্নিপাতয়িষ্যামি সূর্যমস্ত্রাগ্নিতেজসা॥ 13-144-18 (87030)
ভীষ্ম উবাচ। 13-144-19x (7297)
স বিষ্ফার্য ধনুর্দিব্যং গৃহীৎবা চ শরান্বহূংন্।
অতিষ্ঠৎসূর্যমভিতো যতো যাতি ততোমুখঃ॥ 13-144-19 (87031)
অথ তং প্রেক্ষ্য সন্নদ্ধং সূর্যোঽভ্যেত্য বচোঽব্রবীৎ।
দ্বিজরূপেণ কৌন্তেয় কিং তে সূর্যোঽপরাধ্যতি॥ 13-144-20 (87032)
আদত্তে রশ্মিভিঃ সূর্যো দিবি তিষ্ঠংস্ততস্ততঃ।
রসং হৃতং বৈ বর্ষাসু প্রবর্ষতি দিবাকরঃ॥ 13-144-21 (87033)
ততোঽন্নং জায়তে বিপ্র মনুষ্যাণাং সুখাবহম্।
অন্নং প্রাণা ইতি যথা বেদেষু পরিপঠ্যতে॥ 13-144-22 (87034)
অথাঽভ্রেষু নিগূঢশ্চ রশ্মিভিঃ পরিবারিতঃ।
সপ্তদ্বীপানিমান্ব্রহ্মন্বর্ষেণাভিপ্রবর্ষতি॥ 13-144-23 (87035)
ততস্তদৌষধীনাং চ বীরুধাং পুষ্পপত্রজম্।
সর্বং বর্ষাভিনির্বৃত্তমন্নং সম্ভবতি প্রভো॥ 13-144-24 (87036)
জাতকর্মাণি সর্বাণি ব্রতোপনয়নানি চ।
গোদানানি বিবাহাশ্চ তথা যজ্ঞসমৃদ্ধয়ঃ॥ 13-144-25 (87037)
সত্রাণি দানানি তথা সংয়োগা বিত্তসঞ্চয়াঃ।
অন্নতঃ সম্প্রবর্তন্তে যথা ৎবং বেত্থ ভার্গব॥ 13-144-26 (87038)
রমণীয়ানি যাবন্তি যাবদারম্ভিকাণি চ।
সর্বমন্নাৎপ্রভবতি বিদিতং কীর্তয়ামি তে॥ 13-144-27 (87039)
সর্বং হি বেত্থ বিপ্র ৎবং যদেতৎকীর্তিতং ময়া।
প্রসাদয়ে ৎবাং বিপ্রর্ষে কিং তে সূর্যো নিপাত্যতে॥ ॥ 13-144-28 (87040)
ইতি শ্রীমন্মহাভারতে অনুশাসনপর্বণি দানধর্মপর্বণি চতুশ্চৎবারিংশদধিকশততমোঽধ্যায়ঃ॥ 144 ॥
Mahabharata - Anushaasana Parva - Chapter Footnotes
7-144-2 পুণ্যকেষু স্ত্রীণাং ব্রতোৎসবেষু॥ 7-144-4 জ্যেষ্ঠামূলে দক্ষিণাবর্তে ভ্রমম্মণে ভচক্রে জ্যেষ্ঠানাং সমসূত্রে পতিতং রোহিণীনক্ষত্রং তদেব জ্যেষ্ঠানাং মূলং। যথাশ্রুতার্থগ্রহণং তু ন। জ্যেষ্ঠামূলস্থের্কে হেমন্তে শিরঃপাদদাহস্যানবসরাৎ। লোকে যেন চৈব প্রকীর্তিতদিতি ধ.পাঠঃ॥ 7-144-10 দ্বিজো বিদ্ধ্বতিট. ধ.পাঠঃ॥ 7-144-28 কিং তে সূর্যং নিপাত্য বৈ ইতি ঝ.পাঠঃ॥অনুশাসনপর্ব - অধ্যায় 145
॥ শ্রীঃ ॥
13.145. অধ্যায়ঃ 145
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
জমদগ্নিনা সৌরাতপতাপনিবারণোপায়কল্পনং চোদিতেন সূর্যেণ তস্মৈ ছত্রোপানৎপ্রদানম্॥ 1 ॥ এবং ভীষ্মেণ যুধিষ্ঠিরংপ্রতি তৎপ্রবৃত্তিকথনপূর্বকং তদ্বানপ্রশংসনম্॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
এবং প্রয়াচতি তদা ভাস্করে মুনিসত্তমঃ।
জমদগ্নির্মহাতেজাঃ কিং কার্যং প্রত্যপদ্যত॥ 13-145-1 (87041)
ভীষ্ম উবাচ। 13-145-2x (7298)
স তথা যাচমানস্য মুনিরগ্নিসমপ্রভঃ।
জমদগ্নিঃ শমং নৈব জগাম কুরুনন্দন॥ 13-145-2 (87042)
ততঃ সূর্যো মধুরয়া বাচা তমিদমব্রবীৎ।
কৃতাঞ্জলির্বিপ্ররূপী প্রণম্যৈনং বিশাম্পতে॥ 13-145-3 (87043)
চলং নিমিত্তং বিপ্রর্ষে সদা সূর্যস্য গচ্ছতঃ।
কতং চলং ভেৎস্যসি ৎবং সদা যান্তং দিবাকরম্॥ 13-145-4 (87044)
জমদগ্নিরুবাচ। 13-145-5x (7299)
স্থিরং চাপি চলং চাপি জানে ৎবাং জ্ঞানচক্ষুষা।
অবস্যং বিনয়াধানং কার্যমদ্য ময়া তব॥ 13-145-5 (87045)
মধ্যাহ্নে বৈ নিমেষার্ধং তিষ্টসি ৎবং দিবাকর।
তত্র ভেৎস্যামি সূর্য ৎবাং ন মেঽত্রাস্তি বিচারণা॥ 13-145-6 (87046)
সূর্য উবাচ। 13-145-7x (7300)
অসংশয়ং মাং বিপ্রর্ষে ভেৎস্যসে ধন্বিনাংবর।
অপকারিণং মাং বিদ্দি ভগবঞ্শরণাগতম্॥ 13-145-7 (87047)
ভীষ্ম উবাচ। 13-145-8x (7301)
ততঃ প্রহস্য ভগবাঞ্জমদগ্নিরুবাচ তম্।
ন ভীঃ সূর্য ৎবয়া কার্যা প্রণিপাতগতো হ্যসি॥ 13-145-8 (87048)
ব্রাহ্মণেষ্বার্জবং যচ্চ স্থৈর্যং চ ধরণীতলে।
সৌম্যতাং চৈব সোমস্য গাম্ভীর্যং বরুণস্য চ॥ 13-145-9 (87049)
দীপ্তিমগ্নেঃ প্রভাং মেরোঃ প্রতাপং ধনদস্য চ।
এতান্যতিক্রমেদ্যো বৈ স হন্যাচ্ছরণাগতম্॥ 13-145-10 (87050)
ভবেৎস গুরুতল্পী চ ব্রহ্মিহা চ স বৈ ভবেৎ।
সুরাপানং স কুর্যাচ্চ যো হন্যাচ্ছরণাগতম্॥ 13-145-11 (87051)
এতস্য ৎবপনীতস্য সমাধিং তাত চিন্তয়।
যথা সুখগমঃ পন্থা ভবেত্ৎবদ্রশ্মিতাপিতঃ॥ 13-145-12 (87052)
ভীষ্ম উবাচ। 13-145-13x (7302)
এতাবদুক্ৎবা স তদা তূষ্ণীমাসীদ্ভৃগূত্তমঃ।
অথ সূর্যোঽদদত্তস্মৈ ছত্রোপানহমাশু বৈ॥ 13-145-13 (87053)
সূর্য উবাচ। 13-145-14x (7303)
মহর্ষে শিরসস্ত্রাণাং ছত্রং মদ্রশ্মিবারণম্।
প্রতিগৃহ্ণীষ্ব পদ্ভ্যাং চ ত্রাণার্থং চর্মপাদুকে। 13-145-14 (87054)
অদ্যপ্রভৃতি চৈবেহ লোকে সম্প্রচরিষ্যতি।
পুণ্যকেষু চ সর্বেষু পরমক্ষয়্যমেব চ॥ 13-145-15 (87055)
ভীষ্ম উবাচ। 13-145-16x (7304)
উপানহৌ চ চ্ছত্রং চ সূর্যেণৈতৎপ্রবর্তিতম্।
পুণ্যমেতদভিখ্যাতং ত্রিষু লোকেষু ভারত॥ 13-145-16 (87056)
তস্মাৎপ্রয়চ্ছ বিপ্রেষু ছত্রোপানহমুত্তমম্।
ধর্মস্তে সুমহান্ভাবী ন মেঽত্রাস্তি বিচারণা॥ 13-145-17 (87057)
ছত্রং হি ভরতশ্রেষ্ঠঃ যঃ প্রদদ্যাদ্দ্বিজাতয়ে।
শুভ্রং শতশলাকং বৈ স প্রেত্য সুখমেধতে॥ 13-145-18 (87058)
স শক্রলোকে বসতি পূজ্যমানো দ্বিজাতিভিঃ।
অপ্সরোভিশ্চ সততং দেবৈশ্চ ভরতর্ষভ॥ 13-145-19 (87059)
উপানহৌ চ যো দদ্যাচ্ছ্লক্ষ্ণৌ স্নেহসমন্বিতৌ।
স্নাতকায় মহাবাহো সংশিতায় দ্বিজাতয়ে॥ 13-145-20 (87060)
সোপি লোকানবাপ্নোতি দেবতৈরভিপূজিতান্।
গোলোকে স মুদা যুক্তো বসতি প্রেত্য ভারত॥ 13-145-21 (87061)
এতত্তে ভরতশ্রেষ্ঠ ময়া কার্ৎস্ন্যেন কীর্তিতম্।
ছত্রোপানহদানস্য ফলং ভরতসত্তম॥ ॥ 13-145-22 (87062)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চচৎবারিংশদধিকশততমোঽধ্যায়ঃ॥ 145 ॥
Mahabharata - Anushaasana Parva - Chapter Footnotes
7-145-4 নিমিত্তং লক্ষ্যম্॥ 7-145-9 ব্রাহ্মণেষ্বপি যজ্ঝানমিতি ট.ধ.পাঠঃ॥ 7-145-12 অপনীতস্যাপনয়স্য সন্তাপনরূপস্য সমাধিং সমাধানম্॥অনুশাসনপর্ব - অধ্যায় 146
॥ শ্রীঃ ॥
13.146. অধ্যায়ঃ 146
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি শূদ্রধর্মাণাং মৃত্তিকাশৌচাদীনাং চ নিরূপণম্॥ 1 ॥Mahabharata - Anushaasana Parva - Chapter Text
*যুধিষ্ঠির উবাচ।
শূদ্রাণামিহ শুশ্রূষা নিত্যমেবানুবর্ণিতা।
কৈঃ কারণৈঃ কতিবিধা শুশ্রূষা সমুদাহৃতা॥ 13-146-1 (87063)
কে চ শুশ্রূষয়া লোকা বিহিতা ভরতর্ষভ।
শুদ্রাণাং ভরতশ্রেষ্ঠ ব্রূহি মে ধর্মলক্ষণম্॥ 13-146-2 (87064)
ভীষ্ম উবাচ। 13-146-3x (7305)
অত্রাপ্যুদাহরন্তীমমিতিহাসং পুরাতনম্।
শূদ্রাণামনুকম্পার্থং যদুক্তং ব্রহ্মবাদিনা॥ 13-146-3 (87065)
বৃদ্ধঃ পরাশরঃ প্রাহ ধর্মং শুভ্রমনাময়ম্।
অনুগ্রহার্থং বর্ণানাং শৌচাচারসমন্বিতম্॥ 13-146-4 (87066)
ধর্মোপদেশমকিলং যথাবদনুপূর্বশঃ।
শিষ্যানধ্যাপয়ামাস শাস্ত্রমর্থবদর্থবিৎ॥ 13-146-5 (87067)
ক্ষান্তেন্দ্রিয়েণ মানেন শুচিনাঽচাপলেন বৈ।
অদুর্বলেন ধীরেণ শান্তেনোত্তরবাদিনা॥ 13-146-6 (87068)
অলুব্ধেনানৃশংসেন ঋজুনা ব্রহ্মবাদিনা।
চারিত্রতৎপরেণৈব সর্বভূতহিতাত্মনা॥ 13-146-7 (87069)
অরয়ঃ ষড্বিজেতব্যা নিত্যং স্বং দেহমাশ্রিতাঃ।
কামক্রোধৌ চ লোভশ্চ মানমোহৌ মদস্তথা॥ 13-146-8 (87070)
বিধিনা ধৃতিমাস্থায় শুশ্রূষুরনহংকৃতঃ।
বর্ণত্রয়স্যানুমতো যথাশক্তি যথাবলম্॥ 13-146-9 (87071)
কর্মণা মনসা বাচা চক্ষুষা চ চতুর্বিধম্।
আস্থায় নিয়মং ধীমাঞ্শান্তো দান্তো জিতেন্দ্রিয়ঃ॥ 13-146-10 (87072)
রক্ষোয়ক্ষজনদ্বেষী শেষান্নকৃতভোজনঃ।
বর্ণত্রয়ান্মধু যথা ভ্রমরো ধর্মমাচরেৎ॥ 13-146-11 (87073)
যদি শূদ্রস্তপঃ কুর্যাদ্বেদদৃষ্টেন কর্মণা॥
ইহ চাস্য পরিক্লেশঃ প্রেত্য চাস্যাসুভাগতিঃ॥ 13-146-12 (87074)
অধর্ম্যময়শস্যং চ তপঃ শূদ্রে প্রতিষ্ঠিতম্।
অমার্গেণ তপস্তপ্ৎবা ম্লেচ্ছেষু ফলমশ্নুতে॥ 13-146-13 (87075)
অন্যথা বর্তমানো হি ন শূদ্রো ধর্মমর্হতি।
অমার্গেণি প্রয়াতানাং প্রত্যক্ষাদুপলভ্যতে।
চাতুর্বর্ণ্যব্যপেতানাং জাতিমূর্তিপরিগ্রহঃ॥ 13-146-14 (87076)
তথা তে হি শকাশ্চীনাঃ কাম্ভোজাঃ পারদাস্তথা।
শবরাঃ পপ্লবাশ্চৈব তুষারয়বনাস্তথা॥ 13-146-15 (87077)
দার্বাশ্চ দরদাশ্চৈব উজ্জিহানাস্তথেতরাঃ।
বেণাশ্চ কঙ্কণাশ্চৈব সিম্হলা মদ্রকাস্তথা॥ 13-146-16 (87078)
কিষ্কিন্ধকাঃ পুলিন্দাশ্চ কহ্বাশ্চান্ধ্রাঃ সনীরগাঃ।
গন্ধিকা দ্রমিডাশ্চৈব বর্বরাশ্চূচুকাস্তথা॥ 13-146-17 (87079)
কিরাতাঃ পার্বতেয়াশ্চ কোলাশ্চোলাঃ সকাষকাঃ।
আরূকাশ্চৈব দোহাশ্চ যাশ্চান্যাম্লেচ্ছজাতয়ঃ॥ 13-146-18 (87080)
বিকৃতা বিকৃতাচারা দৃশ্যন্তে ক্রূরবুদ্ধয়ঃ।
অমার্গেণাশ্রিতা ধর্মং ততো জাত্যন্তরং গতাঃ॥ 13-146-19 (87081)
অমার্গোপার্জিতস্যৈতত্তপসো বিদিতং ফলম্।
ন নশ্যতি কৃতং কর্ম শুভং বা যদি বাঽশুভম্॥ 13-146-20 (87082)
অত্রাপ্যেতে বসু প্রাপ্য বিকর্ম তপসার্জিতম্।
পাষণ্ডানর্চয়িষ্যন্তি ধর্মকামা বৃথা শ্রমাঃ॥ 13-146-21 (87083)
এবং চতুর্ণাং বর্ণানামাশ্রমাণাং চ পার্থিব।
বিপরীতং বর্তমানা ম্লেচ্ছা জায়ন্ত্যবুদ্ধয়ঃ॥ 13-146-22 (87084)
অধ্যায়ধনিনো বিপ্রাঃ ক্ষত্রিয়াণাং বলং ধনম্।
বণিক্কৃষিশ্চ বৈশ্যানাং শূদ্রাণাং পরিচারিকা॥ 13-146-23 (87085)
ব্যুচ্ছেদাত্তস্য ধর্মস্য নিরয়ায়োপপদ্যতে।
ততো ম্লেচ্ছা ভবন্ত্যেতে নির্ঘৃণা ধর্মবর্জিতাঃ।
পুনশ্চ নিরয়ং তেষাং তির্যগ্যোনিশ্চ শাশ্বতী॥ 13-146-24 (87086)
যে তু সত্যথমাস্থায় বর্ণাশ্রমকৃতং পুরা।
সর্বান্বিমার্গানুৎসৃজ্য স্বধর্মবিধিমাশ্রিতাঃ॥ 13-146-25 (87087)
সর্বভূতদয়াবন্তো দৈবতদ্বিজপূজকাঃ।
শাস্ত্রদৃষ্টেন বিধিনা শ্রদ্ধয়া জিতমন্যবঃ॥ 13-146-26 (87088)
তেষাং বিধিং প্রবক্ষ্যামি যথাবদনুপূর্বশঃ।
উপাদানবিধইং কৃৎস্নং শুশ্রূষাধিগমং তথা॥ 13-146-27 (87089)
শিষ্টোপনয়নং চৈব মন্ত্রাণি বিবিধানি চ।
তথা শিষ্যপরীক্ষাং চ শাস্ত্রপ্রামাণ্যদর্শনাৎ॥ 13-146-28 (87090)
প্রবক্ষ্যামি যথাতৎবং যথাবদনুপূর্বশঃ।
শৌচকৃত্যস্য শৌচার্থান্সর্বানেব বিশেষতঃ॥ 13-146-29 (87091)
মহাশৌচপ্রভৃতয়ো দৃষ্টাস্তৎবার্থদর্শিভিঃ।
তত্রাপি শূদ্রো ভিক্ষূণামিদং শেষ চ কল্পয়েৎ॥ 13-146-30 (87092)
ভিক্ষুভিঃ সুকৃতপ্রজ্ঞৈঃ কেবলং দর্মমাশ্রিতৈঃ।
সম্যদ্গর্শনসম্পন্নৈর্গতাধ্বনি হিতার্থিভিঃ।
অবকাশমিমং মেধ্যং নির্মিতং তামবীরুধম্॥ 13-146-31 (87093)
নির্জনং সংবৃতং বুদ্ধ্বা নিয়তাত্মা জিতেন্দ্রিয়ঃ।
সজলং ভাজনং স্থাপ্য মৃত্তিকাং চ পরীক্ষিতাম্॥ 13-146-32 (87094)
পরীক্ষ্য ভূমিং মূত্রার্থী তত আসীত বাগ্যতঃ।
উদঙ্মুখো দিবা কুর্যাদ্রাত্রৌ চেদ্দক্ষিণামুখঃ॥ 13-146-33 (87095)
অন্তর্হিতায়াং ভূমৌ তু অন্তর্হিতশিরাস্তথা।
অসমাপ্তে তথা শৌচে ন বাচং কিঞ্চিদীরয়েৎ॥ 13-146-34 (87096)
কৃতকৃত্যস্তথাঽঽচম্য গচ্ছন্নোদীরয়েদ্বচঃ।
শৌচার্থমুপবিষ্টস্তু মৃদ্গাজনপুরস্কৃতঃ॥ 13-146-35 (87097)
স্থাপ্যং কমণ্ডলুং গৃহ্যি পার্শ্বোরুভ্যামথান্তরে।
শৌচং কুর্যাচ্ছনৈর্বীরো বুদ্ধিপূর্বমসঙ্করম্॥ 13-146-36 (87098)
পাণিনা শুদ্ধমুদকং সঙ্গৃহ্য বিধিপূর্বকম্।
বিপ্রুষশ্চ যতা ন স্যুর্যথা চোরূ ন সংস্পৃশেৎ॥ 13-146-37 (87099)
অপানে মৃত্তিকাস্তিস্রঃ প্রদেয়াস্ৎবনুপূর্বশঃ।
হস্তাভ্যাং চ তথা বিপ্রো হস্তং হস্তেন সংস্পৃশেৎ 13-146-38 (87100)
অপানে নব দেয়াঃ স্যুরিতি বৃদ্ধানুশাসনম্।
মৃত্তিকা দীয়মানা হি শোধয়েদ্দেশমঞ্জসা॥ 13-146-39 (87101)
তস্মাৎপাণিতলে দেয়া মৃত্তিকাস্তু পুনঃ পুনঃ।
বৃদ্ধিপূর্বং প্রয়ত্নেন যথা নৈব স্পৃশেৎস্ফিজৌ॥ 13-146-40 (87102)
যথা ঘাতো হি ন ভবেৎক্লেদজঃ পরিধানকে।
তথা গুদং প্রমার্জেত শৌচার্থং তু পুনঃপুনঃ॥ 13-146-41 (87103)
প্রতিপাদং ততস্ত্যক্ৎবা শৌচমুত্থায় কারয়েৎ।
সব্যে দ্বাদশ দেয়াঃ স্যুস্তিস্রস্তিস্রঃ পুনঃ পুনঃ।
দেয়া কূর্পরকে হস্তে পৃষ্ঠে বন্ধে পুনঃ পনঃ। 13-146-42 (87104)
তথৈবাদর্শকে দদ্যাচ্চতস্রস্তূভয়োরপি।
উভয়োর্হস্তয়োরেবং সপ্তসপ্ত প্রদাপয়েৎ॥ 13-146-43 (87105)
ততোঽন্যাং মৃত্তিকাং গৃহ্য কার্যং শৌচং পুনস্তয়োঃ।
হস্তয়োরেবমেতদ্ধি মহাশৌচ বিধীয়তে।
ততোঽন্যথা ন কুর্বীত বিধিরেষ সনাতনঃ॥ 13-146-44 (87106)
উপস্থে মূত্রশৌচং স্যাদত ঊর্ধ্বং বিধীয়তে।
অতোঽন্যথা তু যঃ সুর্যাৎপ্রায়শ্চিত্তীয়তে তু সঃ॥ 13-146-45 (87107)
মলোপহতচেলস্য দ্বিগুণং তু বিধীয়তে।
সহপাদমথোরুভ্যাং হস্তশৌচমসংশয়ম্॥ 13-146-46 (87108)
অবধীরয়মাণস্য সন্দেহ উপজায়তে।
যথায়থা বিশুদ্ধ্যেত তত্তথা তদুপক্রমে॥ 13-146-47 (87109)
সকর্দমং তু বর্ষাসু গৃহমাবিশ্য সঙ্কটম্।
হস্তয়োর্মৃত্তিকাস্তিস্রঃ পাদয়োঃ ষট্ প্রদাপয়েৎ॥ 13-146-48 (87110)
কামং দত্ৎবা গুদে দদ্যাত্তিস্রঃ পদ্ভ্যাং তথৈব চ।
হস্তশৌচং প্রকর্তব্যং মূত্রশৌচবিধেস্তথা॥ 13-146-49 (87111)
মূত্রশৌচে তথা হস্তৌ পাদাভ্যাং চানুপূর্বশঃ।
নৈষ্ঠিকে স্থানশৌচে তু মহাশৌচং বিধীয়তে॥ 13-146-50 (87112)
ক্ষারৌষরাভ্যাং বস্ত্রস্য কুর্যাচ্ছৌচং মৃদা সহ।
লেপগন্ধাপনয়নমমেধ্যস্য বিধীয়তে॥ 13-146-51 (87113)
স্নানশাট্যাং মৃদস্তিস্রো হস্তাভ্যাং চানুপূর্বশঃ।
শৌচং প্রয়ত্নতঃ কৃৎবা কম্পমানঃ সমুদ্ধরেৎ॥ 13-146-52 (87114)
দেয়াশ্চতস্রস্তিস্রো বা দ্বে বাঽপ্যেকাং তথাঽঽপদি।
কালমাসাদ্য দেশং চ শৌচস্য গুরুলাঘবম্॥ 13-146-53 (87115)
বিধিনাঽনেন শৌচং তু নিত্যং কুর্যাদতন্দ্রিতঃ।
অবিপ্রেক্ষন্নসম্ভ্রান্তঃ পাদৌ প্রক্ষাল্য তৎপরঃ॥ 13-146-54 (87116)
অপ্রক্ষালিতপাদস্তু পাণিমামণিবন্ধনাৎ।
অধস্তাদুপরিষ্টাচ্চ ততঃ পাণিমুপস্পৃশেৎ॥ 13-146-55 (87117)
মনোগতাস্তু নিশ্শব্দা নিশ্শব্দং ত্রিরপঃ পিবেৎ।
দ্বির্মুখং পরিমৃজ্যাচ্চ খানি চোপস্পৃশেদ্বুধঃ॥ 13-146-56 (87118)
ঋগ্বেদং তেন প্রীণাতি প্রথমং যঃ পিবেদপঃ।
দ্বিতীয়ং তু যজুর্বেদং তৃতীয়ং সাম এব চ॥ 13-146-57 (87119)
মৃজ্যতে প্রথমং তেন অথর্বা প্রীতিমাপ্নুয়াৎ।
দ্বিতীয়েনেতিহাসং চ পুরাণস্মৃতিদেবতাঃ॥ 13-146-58 (87120)
যচ্চক্ষুষি সমাধত্তে তেনাদিত্যং তু প্রীণয়েৎ।
প্রীণাতি বায়ুং ঘ্রাণং চ দিশশ্চাপ্যথ শ্রোত্রয়োঃ॥ 13-146-59 (87121)
ব্রহ্মাণং তেন প্রীণাতি যন্মূর্ধনি সমাপয়েৎ।
সমুৎক্ষিপতি চাপোর্ধ্বমাকাশং তেন প্রীণয়েৎ॥ 13-146-60 (87122)
প্রীণাতি বিষ্ণুঃ পদ্ভ্যাং তু সলিলং বৈ সমাদধৎ॥
প্রাঙ্মুখোদঙ্মুখো বাঽপি অন্তর্জানুরুপস্পৃশেৎ। 13-146-61 (87123)
সর্বত্র বিধিরিত্যেষ ভোজনাদিষু নিত্যশঃ॥
অন্নেষু দন্তলগ্নেষু উচ্ছিষ্টঃ পুনরাচমেৎ। 13-146-62 (87124)
বিধিরেষ সমুদ্দিষ্টঃ শৌচে চাভ্যুক্ষণং স্মৃতম্॥
শূদ্রস্যৈব বিধির্দৃষ্টো গৃহান্নিষ্ক্রমতস্ততঃ। 13-146-63 (87125)
নিত্যং ৎবলুপ্তশৌচেন বর্তিতব্যং কৃতাত্মনা।
যশস্কামেন ভিক্ষুভ্যঃ শুদ্রেণাত্মহিতার্থিনা'॥ ॥ 13-146-64 (87126)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্চৎবারিংশদধিকশততমোঽধ্যায়ঃ॥
Mahabharata - Anushaasana Parva - Chapter Footnotes
* এতদাদ্যষ্টাধ্যায়া দাক্ষিণ্যত্যকোশেষ্বেন দৃশ্যন্তে। 7-146-2 শুশ্রূষাং ভরতশ্রেষ্ঠতি ট.পাঠঃ॥ 7-146-11 নিত্যং রক্ষ জনাদ্বেষীতি ক. পাঠঃ॥ 7-146-12 বিকৃতাকারা ইতি থ.পাঠঃ॥ 7-146-25 স্বধর্মপথমাশ্রিতাঃ ইতি ক.ট.থ. পাঠঃ॥ 7-146-48 পদমাবিশ্য সঙ্কটম্ ইতি থ.পাঠঃ॥অনুশাসনপর্ব - অধ্যায় 147
॥ শ্রীঃ ॥
13.147. অধ্যায়ঃ 147
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ব্রাহ্মণাদিধর্মনিরূপণপূর্বকং শূদ্রস্য যতিশুশ্রূষাপ্রকারনিরূপণম্॥ 1 ॥Mahabharata - Anushaasana Parva - Chapter Text
`পুরাশর উবাচ।
ক্ষত্রা আরম্ভয়জ্ঞাস্তু বীর্যযজ্ঞা বিশঃ স্মৃতাঃ।
শূদ্রা পরিচরায়জ্ঞা জপয়জ্ঞাস্তু ব্রাহ্মণাঃ॥ 13-147-1 (87127)
শুশ্রূষাজীবিনঃ শূদ্রা বৈশ্যা বিপণিজীবিনঃ।
অনিষ্টনিগ্রহঃ ক্ষত্রা বিপ্রাঃ স্বাধ্যায়জীবিনঃ॥ 13-147-2 (87128)
তপসা শোভতে বিপ্রো রাজন্যঃ পালনাদিভিঃ।
আতিথ্যেন তথা বৈশ্যঃ শূদ্রো দাস্যেন শোভতে॥ 13-147-3 (87129)
যতাত্মনা তু শূদ্রেণ শুশ্রূষা নিত্যমেব চ।
কর্তব্যা ত্রিষু বর্ণেষু প্রায়েণাশ্রমবাসিষু॥ 13-147-4 (87130)
অশক্তেন ত্রিবর্গস্য সেব্যা হ্যাশ্রমবাসিনঃ।
যথাশক্যং যথাপ্রজ্ঞং যথাধর্মং যথাশ্রুতম্॥ 13-147-5 (87131)
বিশেষেণৈব কর্তব্যা শুশ্রূষা ভিক্ষুকাশ্রমে॥ 13-147-6 (87132)
আশ্রমাণাং তু সর্বেষাং চতুর্ণাং ভিক্ষুকাশ্রমম্।
প্রধানমিতি বর্ণ্যন্তে শিষ্টাঃ শাস্ত্রবিনিশ্চয়ে॥ 13-147-7 (87133)
যচ্চোপদিশ্যতে শিষ্টৈঃ শ্রুতিস্মৃতিবিধানতঃ।
তথাঽঽস্থেয়মশক্তেন স ধর্ম ইতি নিশ্চিতঃ॥ 13-147-8 (87134)
অতোঽন্যথা তু কুর্বাণঃ শ্রেয়ো নাপ্নোতি মানবঃ।
তস্মাদ্ভিক্ষুষু শূদ্রেণ কার্যমাত্মহিতং সদা॥ 13-147-9 (87135)
ইহ যৎকুরুতে শ্রেয়স্তৎপ্রেত্য সমুপাশ্নুতে।
তচ্চানসূয়তা কার্যং কর্তব্যং যদ্ধি মন্যতে॥ 13-147-10 (87136)
অসূয়তা তু তস্যেহ ফলং দুঃখাদবাপ্যতে।
প্রিয়বাদী জিতক্রোধো বীততন্দ্রীরমৎসরঃ॥ 13-147-11 (87137)
ক্ষমাবাঞ্শীলসম্পন্নঃ সত্যধর্মপরায়ণঃ।
আপদ্ভাবেন কুর্যাদ্ধি শুশ্রূষাং ভিক্ষুকাশ্রমে॥ 13-147-12 (87138)
অয়ং মে পরমো ধর্মস্ৎবনেনেদং সুদুষ্করম্।
সংসারসাগরং ঘোরং তরিষ্যামি ন সংশয়ঃ॥ 13-147-13 (87139)
বিভয়ো দেহমুৎসৃজ্য যাস্যামি পরমাং গতিম্।
নাতঃ পরং মমাপ্যন্য এষ ধর্মঃ সনাতনঃ॥ 13-147-14 (87140)
এবং সঞ্চিন্ত্য মনসা শূদ্রো বুদ্ধিসমাধিনা।
কুর্যাদবিমনা নিত্যং শুশ্রূষাধর্মমুত্তমম্॥ 13-147-15 (87141)
শুশ্রূষানিয়মেনেহ ভাব্যং শিষ্টাশিনা সদা।
শমান্বিতেন দান্তেন কার্যাকার্যবিদা সদা॥ 13-147-16 (87142)
সর্বকার্যেষু কৃত্যানি কৃতান্যেব তু দুর্শয়েৎ।
যথা প্রিয়ো ভবেদ্ভিক্ষুস্তথা কার্যং প্রসাধয়েৎ॥ 13-147-17 (87143)
যদকল্প্যং ভবেদ্ভিক্ষোর্ন তৎকার্যং সমাচরেৎ।
যথাঽঽশ্রমস্যাবিরুদ্ধং ধর্মমাত্রাভিসংহিতম্॥ 13-147-18 (87144)
তৎকার্যমবিচারেণ নিত্যমেব শুভার্থিনা।
মনসা কর্মমা বাচা নিত্যমেব প্রসাদয়েৎ॥ 13-147-19 (87145)
স্থাতব্যং তিষ্ঠমানেষু গচ্ছমানাননুব্রজেৎ।
আসীনেষ্বাসিতব্যং চ নিত্যমেবানুবর্ততা॥ 13-147-20 (87146)
ধর্মলব্ধেন স্নেহেন পাদৌ সম্পীডয়েৎসদা।
উদ্বর্তনাদীংশ্চ তথা কুর্যাদপ্রতিচোদিতঃ॥ 13-147-21 (87147)
নৈজকার্যাণি কৃৎবা তু নিত্যং চৈবানুচোদিতঃ।
যথাবিধিরুপস্পৃশ্য সংন্যস্য জলভাজনম্॥ 13-147-22 (87148)
ভিক্ষূণাং নিলয়ং গৎবা প্রণম্য বিধিপূর্বকম্।
ব্রহ্মপূর্বান্গুরূংস্তত্র প্রণম্যি নিয়তেন্দ্রিয়ঃ॥ 13-147-23 (87149)
তথাঽঽচার্যপুরোগাণামনুকুর্যান্নমস্ক্রিয়াম্।
স্বধর্মচারিণাং চাপি সুখং পৃষ্ট্বাঽভিবাদ্য চ॥ 13-147-24 (87150)
যো ভবেৎপূর্বসংসিদ্ধস্তুল্যকর্মা ভবেৎসদা।
তস্মৈ প্রণামঃ কর্তব্যো নেতরেষু কদাচন॥ 13-147-25 (87151)
অনুক্ৎবা তেষু চোত্থায় নিত্যমেব যতব্রতঃ।
সম্মার্জনমথো গৎবা কৃৎবা চাপ্যুপলেপনম্॥ 13-147-26 (87152)
ততঃ পুষ্পবলিং দদ্যাপুষ্পাণ্যাদায় ধর্মতঃ।
নিষ্ক্রম্যাবসথাত্তূর্ণমন্যৎকর্ম সমাচরেৎ॥ 13-147-27 (87153)
যথোপঘাতো ন ভবেৎস্বাধ্যায়েঽঽশ্রমিণাং তথা।
উপঘাতং তু কুর্বাণ এনসা সম্প্রয়ুজ্যতে।
তথাঽঽত্মা প্রণিধাতব্যো যথা তে প্রীতিমাপ্নুয়ুঃ॥ 13-147-28 (87154)
পরিচারকোঽহং বর্ণানাং ত্রয়াণাং ধর্মতঃ স্মৃতঃ।
কিমুতাশ্রমবৃদ্ধানাং যথালব্ধোপজীবিনাম্॥ 13-147-29 (87155)
ভিক্ষূণাং গতরাগাণাং কেবলং জ্ঞানদর্শিনম্।
বিশেষেণ ময়া কার্যা শুশ্রূষা নিয়তাত্মনা॥ 13-147-30 (87156)
তেষাং প্রসাদাত্তপসা প্রাপ্স্যামীষ্টাং শুভাং গতিম্।
এবমেতদ্বিনিশ্চিত্য যদি সেবেত ভিক্ষুকান্।
বিধিনা স্বোপদিষ্টেন প্রাপ্নোতি পরমাং গতিম্॥' ॥ 13-147-31 (87157)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তচৎবারিংশদধিকশততমোঽধ্যায়ঃ॥ 147 ॥
Mahabharata - Anushaasana Parva - Chapter Footnotes
7-147-1 হবির্যজ্ঞা বিশঃ স্মৃতা ইতি ঙ.থ.পাঠঃ॥অনুশাসনপর্ব - অধ্যায় 148
॥ শ্রীঃ ॥
13.148. অধ্যায়ঃ 148
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি যতিশুশ্রূষাপ্রশংসনম্॥ 1 ॥Mahabharata - Anushaasana Parva - Chapter Text
`পরাশর উবাচ।
ন তথা সম্প্রদানেন নোপবাসাদিভিস্তথা।
ইষ্টাং গতিমবাপ্নোতি যথা শুশ্রূষকর্মণা॥ 13-148-1 (87158)
যাদৃশেন তু তোয়েন শুদ্ধিং প্রকুরুতে নরঃ।
তাদৃগ্ভবতি তদ্ধৌতমুদকস্য প্রভাবতঃ॥ 13-148-2 (87159)
শূদ্রোপ্যেতেন মার্গেণ যাদৃশং সেবতে জনম্।
তাদৃগ্ভবতি সংসর্গাদচিরেণ ন সংশয়ঃ॥ 13-148-3 (87160)
তস্মাৎপ্রয়ত্নতঃ সেব্যা ভিক্ষবো নিয়তাত্মনা।
উদকগ্রাহণাদ্যেন স্নপনোদ্বর্তনৈস্তথা॥ 13-148-4 (87161)
অধ্বনা কর্শিতানাং চ ব্যাধিতানাং তথৈব চ।
শুশ্রূষাং নিয়তং কুর্যাত্তেষামাপদি যত্নতঃ॥ 13-148-5 (87162)
দর্ভাজিনান্যবেক্ষেত ভৈক্ষভাজনমেব চ।
যথাকামং চ কার্যাণি সর্বাণ্যেবোপসাধয়েৎ।
প্রায়শ্চিত্তং যতা ন স্যাত্তথা সর্বং সমাচরেৎ॥ 13-148-6 (87163)
ব্যাধিতানাং তু ভিক্ষূণাং চেলপ্রক্ষালনাদিভিঃ।
প্রতিকর্মক্রিয়া কার্যা ভেষজানয়নৈস্তথা॥ 13-148-7 (87164)
পিংষণালেপনং চূর্ণং কষায়মথ সাধনম্।
নান্যস্য প্রতিচারেষু সুখার্থমুপপাদয়েৎ॥ 13-148-8 (87165)
ভিক্ষাটনোঽভিগচ্ছেত ভিষজশ্চ বিপশ্চিতঃ।
ততো বিনিষ্ক্রিয়ার্থানি দ্রব্যাণি সমুপার্জয়েৎ॥ 13-148-9 (87166)
যশ্চ প্রীতমনা দদ্যাদাদদ্যাদ্ভেষজং নরঃ।
অশ্রদ্ধয়া হি দত্তানি তান্যভোক্ষ্যাণি ভিক্ষুভিঃ॥ 13-148-10 (87167)
শ্রদ্ধয়া যদুপাদত্তং শ্রদ্ধয়া চোপপাদিতম্।
তস্যোপভোগাদ্ধর্মঃ স্যাদ্ব্যাধিভিশ্চ নিবর্ত্যতে॥ 13-148-11 (87168)
আদেহপতনাদেবং শুশ্রূষেদ্বিধিপূর্বকম্।
ন ৎবেবং ধর্মমুৎসৃজ্য কুর্যাত্তেষাং প্রতিক্রিয়াম্॥ 13-148-12 (87169)
স্বভাবতো হি দ্বন্দ্বানি বিপ্রয়ান্ত্যুপয়ান্তি চ।
স্বভাবতঃ সর্বভাবা ভবন্তি নভবন্তি চ।
সাগরস্যোর্মিসদৃশা বিজ্ঞাতব্যা গুণাত্মকাঃ॥ 13-148-13 (87170)
বিদ্যাদেবং হি যো ধীমাংস্তৎববিত্তৎবদর্শনঃ।
ন স লিপ্যেত পাপেন পদ্মপত্রমিবাম্ভসা॥' ॥ 13-148-14 (87171)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টচৎবারিংশদধিকশততমোঽধ্যায়ঃ॥ 148 ॥
অনুশাসনপর্ব - অধ্যায় 149
॥ শ্রীঃ ॥
13.149. অধ্যায়ঃ 149
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি যতিশুশ্রূষাদিনানাধর্মকথনম্॥ 1 ॥Mahabharata - Anushaasana Parva - Chapter Text
`পরাশর উবাচ।
এবং প্রয়তিতব্যং হি শুশ্রূষার্থমতন্দ্রিতৈঃ।
সর্বাভিরূপসেবাভিস্তুষ্যন্তি যতয়ো যথা॥ 13-149-1 (87172)
নাপরাধ্যেত ভিক্ষোস্তু ন চৈনমবধীরয়েৎ।
উত্তরং চ ন সন্দদ্যাৎক্রুদ্ধং চৈব প্রসাদয়েৎ॥ 13-149-2 (87173)
শ্রেয় এবাভিধাতব্যং কর্তব্যং চ প্রহৃষ্টবৎ।
তূষ্ণীংভাবেন বৈ তত্র ন ক্রুদ্ধমভিসংবদেৎ॥ 13-149-3 (87174)
নাদদীত পরস্বানি ন গৃহ্ণীয়াদয়াচিতম্।
লব্ধালব্ধেন জীবেত তথৈব পরিতোষয়েৎ॥ 13-149-4 (87175)
কোপিনং তু ন যাচেত জ্ঞানবিদ্বেষকারিতঃ।
স্থাবরেষু দয়াং কুর্যাজ্জঙ্গমেষু চু প্রাণিষু॥ 13-149-5 (87176)
যথাঽঽত্মনি তথাঽন্যেষু সমাং দৃষ্টিং নিপাতয়েৎ।
সর্বভূতেষু চাত্মানং সর্বভূতানি চাত্মনি।
সম্পশ্যমানো বিচরন্ব্রহ্মভূয়ায় কল্পতে॥ 13-149-6 (87177)
হিংসা বা যদি বাঽহিংসাং ন কুর্যাদাত্মকারণাৎ।
যত্রেতরো ভবেন্নিত্যং দোষং তত্র ন কারয়েৎ॥ 13-149-7 (87178)
এবং স মুচ্যতে দোষাৎপরানাশ্রিত্য বর্তয়ন্।
আত্মাশ্রয়েণ দোষেণ লিপ্যতে হ্যল্পবুদ্ধিমান্॥ 13-149-8 (87179)
জরায়ুজাণ্ডজাশ্চৈব উদ্ভিজ্জাঃ স্বেদজাশ্ব যে।
অবধ্যাঃ সর্ব এতৈতে বুধৈঃ সমনুবর্ণিতাঃ॥ 13-149-9 (87180)
নিশ্চয়ার্থং বিবুদ্ধানাং প্রায়শ্চিত্তং বিধীয়তে।
হিংসা যথাঽন্যা বিহিতা তথা দোষ প্রয়োজয়েৎ।
তথোপদিষ্টং গুরুণা শিষ্যস্য চরতো বিধিম্॥ 13-149-10 (87181)
ন হি লোভঃ প্রভবতি হিংসা বাঽপি তদাত্মিকা।
শাস্ত্রদর্শনমেতদ্ধি বিহিতং বিশ্বয়োনিনা॥ 13-149-11 (87182)
যদ্যেতদেবং মন্যেত শূদ্রো হ্যপি চ বুদ্ধিমান্।
কৃতং কৃতবতাং গচ্ছেৎকিং পুনর্যো নিষেবতে॥ 13-149-12 (87183)
ন শূদ্রঃ পততে কশ্চিন্ন চ সংস্কারমর্হতি।
নাস্যাধিকারো ধর্মেঽস্তি ন ধর্মাৎপ্রতিষেধনম্॥ 13-149-13 (87184)
অনুগ্রহার্তং মনুনা সর্ববর্ণেষু বর্ণিতম্। 13-149-14 (87185)
যদাপবাদস্তু ভবেৎস্ত্রীকৃতঃ পরিচারকে।
অভ্রাবকাশশয়নং তস্য সংবৎসরং স্মৃতম্।
তেন তস্য ভবেচ্ছান্তিস্ততো ভূয়োপ্যুপাব্রজেৎ॥ 13-149-15 (87186)
সবর্ণায়া ভবেদেতদ্ধীনায়াস্ৎবর্ধমর্হতি।
বর্ষত্রয়ং তু বৈশ্যায়াঃ ক্ষত্রিয়ায়াস্তু ষট্ সমাঃ।
ব্রাহ্মণ্যা তু সমেতস্য সমা দ্বাদশ কীর্তিতাঃ। 13-149-16 (87187)
কটাগ্নিনা বা দগ্ধব্যস্তস্মিন্নেব ক্ষণে ভবেৎ।
শিশ্নাবপাতনাদ্বাঽপি বিশুদ্ধিং সমবাপ্নুয়াৎ॥ 13-149-17 (87188)
অনস্থিবন্ধমেকং তু যদি প্রাণৈর্বিয়োজয়েৎ।
উপোষ্যৈকাহমাদদ্যাৎপ্রাণায়ামাংস্তু দ্বাদশ॥ 13-149-18 (87189)
ত্রিঃ স্নানমুদকে কৃৎবা তস্মাৎপাপাৎপ্রমুচ্যতে।
অস্থিবন্ধেষু দ্বিগুণং প্রায়শ্চিত্তং বিধীয়তে॥ 13-149-19 (87190)
অনেন বিধিনা বাঽপি স্থাবরেষু ন সংশয়ঃ।
কায়েন পদ্ভ্যাং হস্তাভ্যামপরাধাত্তু মুচ্যতে॥ 13-149-20 (87191)
অদুষ্টং ক্ষপয়েদ্যস্তু সর্ববর্ণেষু যশ্চরেৎ।
তস্যাপ্যষ্টগুণং বিদ্যাৎপ্রায়শ্চিত্তং তদেব তু॥ 13-149-21 (87192)
চতুর্গুণং কর্মকৃতে দ্বিগুণং বাক্প্রদূষিতে।
কৃৎবা তু মানসং পাপং তথৈবৈকগুণং স্মৃতম্॥ 13-149-22 (87193)
তস্মাদেতানি সর্বাণি বিদিৎবা ন সমাচরেৎ।
সর্বভূতহিতার্থং হি কুশলানি সমাচরেৎ॥ 13-149-23 (87194)
এবং সমাহিতমনাঃ সেবতে যদি যত্তমান্।
তদ্গতিস্তৎসমাচারস্তন্মনাস্তৎপরায়ণঃ॥ 13-149-24 (87195)
নাভিনন্দেত মরণং নাভিনন্দেত জীবিতম্।
কালমেব প্রতীক্ষেত নির্বেশং ভৃতকো যথা॥ 13-149-25 (87196)
এবং প্রবর্তমানস্তু বিনীতঃ প্রয়তাত্মবান্।
নির্ণয়ং পুণ্যপাপাভ্যামচিরেণোপগচ্ছতি'॥ ॥ 13-149-26 (87197)
ইতি শ্রীমন্মহাভারতে অনুশাসনপর্বণি দানধর্মপর্বণি একোনপঞ্চাশদধিকশততমোঽধ্যায়ঃ॥ 149 ॥
অনুশাসনপর্ব - অধ্যায় 150
॥ শ্রীঃ ॥
13.150. অধ্যায়ঃ 150
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি পুরুষস্য মৃতিসূচকলিঙ্গৈঃ স্বমরণনিশ্চয়েন ভগবৎস্মরণাদিপূর্বকং দেহত্যাগে স্বর্গভোগপ্রকারস্য সুকৃতশেষেণ পুনর্ভূলোকে জননাদিপ্রকারাদেশ্চ কথনম্॥ 1 ॥Mahabharata - Anushaasana Parva - Chapter Text
`পরাশর উবাচ।
শুশ্রূষানিরতো নিত্যমরিষ্টান্যুপলক্ষয়েৎ।
ত্রৈবার্ষিকং দ্বিবার্ষিকং বা বার্ষিকং বা সমুত্থিতম্॥ 13-150-1 (87198)
ষাণ্মাসিকং মাসিকং বা সাপ্তরাত্রিকমেব বা।
সর্বাংস্তদর্থান্বা বিদ্যাত্তেষাং চিহ্নানি লভয়েৎ॥ 13-150-2 (87199)
পুরুষং হিরণ্ময়ং যস্তু তিষ্ঠন্তং দক্ষিণামুখম্।
লক্ষয়েদুত্তরেণৈব মৃত্যুস্ত্রৈবার্ষিকো ভবেৎ॥ 13-150-3 (87200)
শুদ্ধমণ্ডলমাদিত্যমরশ্মিং সম্প্রপশ্যতঃ।
সংবৎসরদ্বয়েনৈব তস্য মত্যুং সমাদিশেৎ॥ 13-150-4 (87201)
জ্যোৎস্নায়ামাত্মনশ্ছায়াং সচ্ছিদ্রাং যঃ প্রপশ্যতি।
মৃত্যুং সংবৎসরেণৈব জানীয়াৎসুবিচক্ষণঃ॥ 13-150-5 (87202)
বিশিরস্কাং যদা ছায়াং পশ্যেৎপুরুষ আত্মনঃ।
জানীয়াদাত্মনো মৃত্যুং ষাণ্মাসেনেহ বুদ্ধিমান্॥ 13-150-6 (87203)
কর্ণৌ পিধায় হস্তাভ্যাং শব্দং ন শৃণুতে যদি।
জানীয়াদাত্মনো মৃত্যুং মাসেনৈব বিচক্ষণঃ॥ 13-150-7 (87204)
শবগন্ধমুপাঘ্রাতি অন্যদ্বা সুরভিং নরঃ।
দেবতায়তনস্থো বৈ সপ্তরাত্রেণ মৃত্যুভাক্॥ 13-150-8 (87205)
কর্ণনাসাপনয়নং দন্যদৃষ্টিবিরাগতা।
লুপ্তসংজ্ঞং হি করণং সদ্যো মৃত্যুং সমাদিশেৎ॥ 13-150-9 (87206)
এবমেষামরিষ্টানাং পশ্যেদন্যতমং যদি।
ন তং কালং পরীক্ষেত যথাঽরিষ্টং প্রকল্পিতম্॥ 13-150-10 (87207)
অভ্যাসেন তু কালস্য গচ্ছেত পুলিনং শুচি।
তত্র প্রাণান্প্রমুঞ্চেত তমীশানমনুস্মরন্॥ 13-150-11 (87208)
ততোঽন্যদেহমাসাদ্য গান্ধর্বং স্থানমাপ্নুয়াৎ।
তত্রস্থো বসতে বিংশৎপদ্মানি সুহহাদ্যুতিঃ॥ 13-150-12 (87209)
গন্ধর্বৈশ্চিত্রসেনাদ্যৈঃ সহিতঃ সৎকৃতস্তথা।
নীলবৈডূর্যবর্ণেন বিমানেনাবভাসয়ন্॥ 13-150-13 (87210)
নভস্থলমদীনাত্মা সার্ধমপ্সরসাং গণৈঃ।
ছন্দকামানুসারী চ তত্রতত্র মহীয়তে॥ 13-150-14 (87211)
মোদতেঽমরতুল্যাত্মা সদাঽমরগণৈঃ সহ।
পতিতশ্চ ক্ষয়ে কালে ক্ষণেন বিমলদ্যুতিঃ॥ 13-150-15 (87212)
বৈশ্যস্য বহুবিত্তস্য কুলেঽগ্র্যে বহুগোধনে।
অবাপ্য তত্র বৈ জন্ম স পূতো দেবকর্মণা॥ 13-150-16 (87213)
ছন্দসা জাগতেনৈব প্রাপ্তোপনয়নং ততঃ।
ক্ষৌমবস্ত্রোপকরণং দ্বিজৎবং সমবাপ্য তু॥ 13-150-17 (87214)
অধীয়মানো বেদার্থান্গুরুশুশ্রূষণে রতঃ।
ব্রহ্মচারী জিতক্রোধস্তপস্বী জায়তে ততঃ॥ 13-150-18 (87215)
অধীত্য দক্ষিণাং দত্ৎবা গুরবে বিধিপূর্বকম্।
কৃতদারঃ সমুপৈতি গৃহস্থব্রতমুত্তমম্॥ 13-150-19 (87216)
দদাতি যজতে চৈব চজ্ঞৈর্বিপুলদক্ষিণৈঃ।
অগ্নিহোত্রমুপাসন্বৈ জুহ্বচ্চৈব যথাবিধিঃ॥ 13-150-20 (87217)
ধর্মং সঞ্চিনুতে নিত্যং মৃদুগামী জিতেন্দ্রিয়ঃ।
স কালপরিণামাত্তু মৃত্যুনা সম্প্রয়ুজ্যতে॥ 13-150-21 (87218)
সংস্কৃতশ্চাগ্নিহোত্রেণ কৃতপাত্রোপধানবান্।
সংস্কৃতো দেহমুৎসৃজ্য মরুদ্ভিরুপপদ্যতে॥ 13-150-22 (87219)
মরুদ্ভিঃ সহিতশ্চাপি তুল্যতেজা মহাদ্যুতিঃ।
বালার্কসমবর্ণেন বিমানেন বিরাজতা॥ 13-150-23 (87220)
সুখং চরতি তত্রস্তো গন্থর্বাপ্সরসাং গণৈঃ।
বিরজোম্বরসংবীতস্তপ্তকাঞ্চনভূষণঃ॥ 13-150-24 (87221)
ছন্দকামানুসারী চ দ্বিগুণং কালমাবসেৎ।
সন্নিবর্তেত কালেন স্থানাদস্মাৎপরিচ্যুতঃ॥ 13-150-25 (87222)
অবিতৃপ্তবিহারার্থো দিব্যভোগান্বিহায় তু।
সঞ্জায়তে নৃপকুলে গজাশ্বরথসংকুলে॥ 13-150-26 (87223)
পার্থিবীং শ্রিয়মাপন্নঃ শ্রীমান্ধর্মপতির্যথা।
জন্মপ্রভৃতি সংস্কারং চৌলোপনয়নানি চ॥ 13-150-27 (87224)
প্রাপ্য রাজকুলে তত্র যথাবদ্বিধিপূর্বকম্।
ছ্দসা ত্রৈষ্টুভেনেহ দ্বিজৎবমুপনীয়তে॥ 13-150-28 (87225)
অধীত্য বেদমখিলং ধনুর্বেদং চ মুখ্যশঃ।
সমাবৃত্তস্ততঃ পিত্রা যৌবরাজ্যেঽভিষিচ্যতে॥ 13-150-29 (87226)
কৃতদারক্রিয়ঃ শ্রীমান্রাজ্যং সম্প্রাপ্য ধর্মতঃ।
প্রজাঃ পালয়তে সম্যক্ ষড্ভাগকৃতসংবিধিঃ॥ 13-150-30 (87227)
যজ্ঞৈর্বহুভিরীজানঃ সম্যগাপ্তার্থদক্ষিণৈঃ।
প্রশাসতি মহীং শ্রীমান্রাজ্যমিন্দ্রসমুদ্যুতিঃ॥ 13-150-31 (87228)
স্বধর্মনিরতো নিত্যং পুত্রপৌত্রসহায়বান্।
কালস্য বশমাপন্নঃ প্রাণাংস্ত্যজতি সংয়ুগে॥ 13-150-32 (87229)
দেবরাজস্য ভবনমিন্দ্রলোকমবাপ্নুতে।
সম্পূজ্যমানস্ত্রিদিবৈর্বিচচার যথাসুখম্॥ 13-150-33 (87230)
রাজর্ষিভিঃ পুণ্যকৃদ্ভির্যথা দেবপতিস্তথা।
তৈঃ স্তূয়তে বন্দিভিস্তু নানাবাদ্যৈঃ প্রবোধ্যতে॥ 13-150-34 (87231)
দিব্যজাম্বূনদময়ং ভ্রাজমানং সমন্ততঃ।
বরাপ্সরোভিঃ সম্পূর্ণং দেবগন্ধর্বসেবিতম্॥ 13-150-35 (87232)
যানমারুহ্য বিচরেদ্যথা শক্রঃ শচীপতিঃ।
স তত্র বসতে ষষ্টিং পদ্মানীহ মুদান্বিতঃ॥ 13-150-36 (87233)
সর্বাঁল্লোকাননুচরন্মহর্দ্ধিরবভাসয়ন্।
অথ পুণ্যক্ষয়াত্তস্মাৎস্থাপ্যতে ভুবি ভারত।
জায়তে চ দ্বিজকুলে বেদবেদাঙ্গপারগে॥' ॥ 13-150-37 (87234)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চাশদধিকশততমোঽধ্যায়ঃ॥ 150 ॥
অনুশাসনপর্ব - অধ্যায় 151
॥ শ্রীঃ ॥
13.151. অধ্যায়ঃ 151
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি পুরুষস্য পুণ্যবিশেষেণি পুনঃপুনঃ স্বর্গভূম্যাদিষু পরিবর্ততেন জাতবৈরাগ্যস্য ব্রহ্মজ্ঞানেনাপুনরাবৃত্তিশাশ্বতপদাপ্রাপ্ত্যাদিপ্রকারপ্রতিপাদনম্॥ 1 ॥Mahabharata - Anushaasana Parva - Chapter Text
`পরাশর উবাচ।
ততঃ শ্রুতিসমাপন্নঃ সংস্কৃশ্চ যথাবিধি।
চৌলোপনয়নং তস্য যথাবৎক্রিয়তে দ্বিজৈঃ॥ 13-151-1 (87235)
ততোঽষ্টমে স বর্ষে তু ব্রতোপনয়নাদিভিঃ।
ক্রিয়াভির্বিধিদৃষ্টাভির্ব্রহ্মৎবমুপনীয়তে॥ 13-151-2 (87236)
গায়ত্রেণ ছন্দসা তু সংস্কৃতশ্চরিতব্রতঃ।
অধীয়মানো মেধাবী শুদ্ধাত্মা নিয়তব্রতঃ॥ 13-151-3 (87237)
অচিরেণৈব কালেন সাঙ্গান্বেদানবাপ্নুতে।
সমাবৃত্তঃ স ধর্মাত্মা সমাবৃত্তিক্রিয়স্তথা॥ 13-151-4 (87238)
যাজনাধ্যাপনরতঃ কুশলে কর্মণি স্থিতঃ।
অগ্নিহোইত্রপরো নিত্যং দেবতাতিথিপূজকঃ॥ 13-151-5 (87239)
যজতে বিবিধৈর্যজ্ঞৈর্জপয়জ্ঞৈস্তথৈব চ।
ন্যায়াগতধনান্বেষী ন্যায়বৃত্তস্তপোধনঃ॥ 13-151-6 (87240)
সর্বভূতহিতশ্চৈব সর্বশাস্ত্রবিশারদঃ।
স্বদারপরিতুষ্টাত্মা ক্রতুগামী জিতেন্দ্রিয়ঃ॥ 13-151-7 (87241)
পরাপবাদবিরতঃ সত্যব্রতপরঃ সদা।
স কালপরিণামাত্তু সংয়ুতঃ কালধর্মণা॥ 13-151-8 (87242)
সংস্কৃতশ্চাগ্নিহোত্রেণ যথাবদ্বিধিপূর্বকম্।
সোমলোকমবাপ্নোতি দেহন্যাসান্ন সংশয়ঃ॥ 13-151-9 (87243)
তত্র সোমপ্রভৈর্দেবৈরগ্নিষ্বাত্তৈশ্চ ভাস্বরৈঃ।
তথা বর্হিষদৈশ্চৈব দেবৈরাঙ্গিরসৈরপি॥ 13-151-10 (87244)
বিশ্বেভিশ্চৈব দেবৈশ্চ তথা ব্রহ্মর্ষিভিঃ পুনঃ।
দেবর্ষিভিশ্চাপ্রতিমৈস্তথৈবাপ্সরসাং গণৈঃ।
সাধ্যৈঃ সিদ্ধৈশ্চ সততং সৎকৃতস্তত্র মোদতে॥ 13-151-11 (87245)
জাতরূপময়ং দিব্যমর্কতুল্যং মনোজবম্।
দেবগন্ধর্বসংকীর্ণং বিমানমধিরোহতি॥ 13-151-12 (87246)
সৌম্যরূপা মনঃকান্তাস্তপ্তকাঞ্চনভূষণাঃ।
সোমকন্যা বিমানস্থং রময়ন্তি মুদান্বিতাঃ॥ 13-151-13 (87247)
স তত্র রমতে প্রীতঃ সহ দেবৈঃ সহর্ষিভিঃ।
লোকান্সর্বাননুচরন্দীপ্ততেজা মনোজবঃ॥ 13-151-14 (87248)
সভাং কামজবীং চাপি নিত্যমেবাভিগচ্ছতি।
সর্বলোকেশ্বরমৃষিং নমস্কৃত্য পিতামহম্॥ 13-151-15 (87249)
পরমেষ্ঠিরনন্তশ্রীর্লোকানাং প্রভবাপ্যযঃ।
যতঃ সর্বাঃ প্রবর্তন্তে সর্গপ্রলয়বিক্রিয়াঃ।
স তত্র বর্ততে শ্রীমান্দ্বিশতং দ্বিজসত্তম॥ 13-151-16 (87250)
অথ কালক্ষয়াত্তস্মাৎস্থানাদাবর্ততে পুনঃ।
জাতিধর্মাংস্তথা সর্বান্সর্গাদাবর্তনানি চ॥ 13-151-17 (87251)
অশাশ্বতমিদং সবেমিতি চিন্ত্যোপলভ্য চ।
শাশ্বতং দিব্যমচলমদীনমপনর্ভবম্॥ 13-151-18 (87252)
আস্থাস্যত্যভয়ং নিত্যং যত্রাবৃত্তির্ন বিদ্যতে।
যত্রি গৎবা ন ম্রিয়তে জন্ম চাপি ন বিদ্যতে॥ 13-151-19 (87253)
গর্ভক্লেশাময়াঃ প্রাপ্তা জায়তা চ পুনঃ পুনঃ।
কায়ক্লেশাশ্চ বিবিধা দ্বন্দ্বানি বিবিধানি চ॥ 13-151-20 (87254)
শীতোষ্ণসুখদুঃখানি ঈর্ষ্যাদ্বেষকৃতানি চ।
তত্রতত্রোপভুক্তানি ন ক্বচিচ্ছাশ্বতী স্থিতিঃ॥ 13-151-21 (87255)
এবং স নিশ্চয়ং কৃৎবা নির্মুচ্যি গ্রহবন্ধনাৎ।
ছিত্ৎবা ভার্যাময়ং পাশং তথৈবাপত্যসম্ভবম্॥ 13-151-22 (87256)
যতিধর্মমুপাশ্রিত্যি গুরুশুশ্রূষণে রতঃ।
অচিরেণৈব কালেন শ্রেয়ঃ সমভিগচ্ছতি॥ 13-151-23 (87257)
যোগশাস্ত্রং চ সাঙ্খ্যং চ বিদিৎবা সোঽর্থতৎবতঃ।
অনুজ্ঞাতশ্চ গুরুণা যথাশাস্ত্রমবস্থিতঃ॥ 13-151-24 (87258)
পুণ্যতীর্থানুসেবী চ নদীনাং পুলিনাশ্রয়ঃ।
শূন্যাগারনিকেতশ্চ বনবৃক্ষগুহাশয়ঃ॥ 13-151-25 (87259)
অরণ্যানুচরো নিত্যং দেবারণ্যনিকেতনঃ।
একরাত্রং দ্বিরাত্রং বা ন ক্বচিৎসজ্জতে দ্বিজঃ॥ 13-151-26 (87260)
শীর্ণপর্ণভুগেবাপি বনে চরতি ভিক্ষুকঃ।
ন ভোগার্থমনুপ্রেত্য যাত্রামাত্রং সমশ্নুতে॥ 13-151-27 (87261)
ধর্মলব্ধং সমশ্নাতি ন কামাৎকিঞ্চিদশ্নুতে।
যুগমাত্রদৃগধ্বানং ক্রোশাদূর্ধ্বং ন গচ্ছতি॥ 13-151-28 (87262)
সমো মানাবমানাভ্যাং সমলোষ্টাশ্মকাঞ্চনঃ।
সর্বভূতাভয়করস্তথৈবাভয়দক্ষিণঃ॥ 13-151-29 (87263)
নির্দ্বন্দ্বো নির্নমস্কারো নিরানন্দপরিগ্রহঃ।
নির্মমো নিরহঙ্কারঃ সর্বভূতনিরাশ্রয়ঃ॥ 13-151-30 (87264)
পরিসঙ্খ্যানতৎবজ্ঞস্তদা সত্যরতঃ সদা।
ঊর্ধ্বং নাধো ন তির্যক্চ ন কিঞ্চিদভিকাময়েৎ॥ 13-151-31 (87265)
এবং হি রমমাণস্তু যতিধর্মং যথাবিধি।
কালস্য পরিণামাত্তু যথা পক্বফলং তথা॥ 13-151-32 (87266)
স বিসৃজ্য স্বকং দেহং প্রবিশেদ্ব্রহ্ম শাশ্বতম্।
নিরাময়মনাদ্যন্তং গুণসৌম্যমচেতনম্॥ 13-151-33 (87267)
নিরক্ষরমবীজং চ নিরিন্দ্রিয়মজং তথা।
অজয়্যমক্ষয়ং যত্তদভেদ্যং সূক্ষ্মমেব চ॥ 13-151-34 (87268)
নির্গুণং চ প্রকৃতিমন্নির্বিকারং চ সর্বশঃ।
ভূতভব্যভবিষ্যস্য কালস্য পরমেশ্বরম্। 13-151-35 (87269)
অব্যক্তং পুরুষং ক্ষেত্রমানন্ত্যায় প্রপদ্যতে॥'॥ ॥ 13-151-36 (87270)
ইতি শ্রীমন্মহাভারতে অনুশাসনপর্বণি দানধর্মপর্বণি একপঞ্চাশদধিকশততমোঽধ্যায়ঃ॥ 151 ॥
Mahabharata - Anushaasana Parva - Chapter Footnotes
7-151-33 গুণসাম্যমচেতনমিতি ক.থ.পাঠঃ॥ 7-151-35 নির্গুণং চাপ্রকৃতিমদিতি থ.পাঠঃ॥অনুশাসনপর্ব - অধ্যায় 152
॥ শ্রীঃ ॥
13.152. অধ্যায়ঃ 152
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি চাতুর্বর্ণ্যস্য শ্রেয়স্সাধনোপায়প্রতিপাদকপরাশরবচনানুবাদঃ॥ 1 ॥Mahabharata - Anushaasana Parva - Chapter Text
`পরাশর উবাচ।
এবং স ভিক্ষুর্নির্বাণং প্রাপ্নুয়াদ্দগ্ধকিল্বিষঃ।
ইহস্থো দেহমুৎসৃজ্য নীডং শকুনিবদ্যথা॥ 13-152-1 (87271)
সৎপথালম্বনাদেব শূদ্রঃ প্রাপ্নোতি সদ্গতিম্।
ব্রহ্মণঃ স্থানমচলং স্থানাৎস্থানমবাপ্নুয়াৎ॥ 13-152-2 (87272)
যথা খনন্খনিত্রেণ জাঙ্গলে বারি বিন্দতি।
অনির্বেদাত্ততঃ স্থানমীপ্সিতং প্রতিপদ্যতে॥ 13-152-3 (87273)
সৈষা গতিরনাদ্যন্তা সর্বৈরপ্যুপধারিতা।
তস্মাচ্ছূদ্রৈরনির্বেদাচ্ছ্রদ্দধানৈস্তু নিত্যদা।
বর্তিতব্যং যথাশক্ত্যা যথা প্রোক্তং মনীষিভিঃ। 13-152-4 (87274)
যৎকরোতি তদশ্নাতি শুভং বা যদি বাঽশুভম্।
নাকৃতং ভুজ্যতে কর্ম ন কৃতং নশ্যতে ফলম্॥ 13-152-5 (87275)
তথা শুভসমাচারঃ শুভমেবাপ্নুতে ফলম্।
তথাঽশুভসমাচারো হ্যশুভং সমবাপ্নুতে।
শুভান্যেব সমাদদ্যাদ্য ইচ্ছেদ্ভূতিমাত্মনঃ॥ 13-152-6 (87276)
ভূতিশ্চ নান্যতঃ শক্ত্যা শূদ্রাণামিতি নিশ্চয়ঃ।
ক্রতে যতীনাং শুশ্রূষামিতি সন্তো ব্যবস্থিতাঃ॥ 13-152-7 (87277)
তস্মাদাগমসম্পন্নো ভবেৎসুনিয়তেন্দ্রিয়ঃ।
শক্যতে হ্যাগমাদেব গতিং প্রাপ্তুমনাময়াম্॥ 13-152-8 (87278)
বরা চৈষা গতির্দৃষ্টা যামন্বেপন্তি সাধবঃ।
যত্রামৃতৎবং লভতে ত্যক্ৎবা দুঃখমনন্তরম্॥ 13-152-9 (87279)
ইমং হি ধর্মিমাস্থায় যেঽপি স্যুঃ পাপয়োনয়ঃ।
স্ত্রিয়ো বৈশ্যাশ্চ শূদ্রাশ্চ প্রাপ্নুয়ুঃ পরমাং গতিম্।
কিং পুনর্ব্রাহ্মণো বিদ্বান্ক্ষত্রিয়ো বা বহুশ্রুতঃ॥ 13-152-10 (87280)
ন চাপ্যক্ষীণপাপস্য জ্ঞানং ভবতি দেহিনঃ।
জ্ঞানোপলব্ধির্ভবতি কৃতকৃত্যো যদা ভবেৎ॥ 13-152-11 (87281)
উপলভ্য তু বিজ্ঞানং জ্ঞানং বাঽপ্যনসূয়কঃ।
তথৈব বর্তেদ্গুরুষু ভূয়াংসং বা সমাহিতঃ॥ 13-152-12 (87282)
অথাবমন্যেত গুরুং তথা তেষু প্রবর্ততে।
ব্যর্থমস্য শ্রুতং ভবতি জ্ঞানমজ্ঞানতাং ব্রজেৎ॥ 13-152-13 (87283)
গতিং চাপ্যশুভাং গচ্ছেন্নিরয়ায় ন সংশয়ঃ।
প্রক্ষীয়তে তস্য পুণ্যং জ্ঞানমস্য বিরুধ্যতে॥ 13-152-14 (87284)
অদৃষ্টপূর্বকল্যাণো যথা দৃষ্ট্বা বিধিং নরঃ।
উৎসেকান্মোহমাপদ্য তৎবজ্ঞানমবাপ্তবান্॥ 13-152-15 (87285)
এবমেবি হি নোৎসেকঃ কর্তব্যো জ্ঞানসম্ভবঃ।
ফলং জ্ঞানস্য হি শমঃ প্রশামায় যতেৎসদা॥ 13-152-16 (87286)
উপশান্তেন দান্তেন ক্ষমায়ুক্তেন সর্বদা।
শুশ্রূষা প্রতিপত্তব্যা নিত্যমেবানসূয়তা॥ 13-152-17 (87287)
ধৃত্যা শিশ্নোদরং রক্ষেৎপাণিপাদং চ চক্ষুষা।
ইন্দ্রিয়ার্থাংশ্চ মনসা মনো বুদ্ধৌ সমাদধেৎ॥ 13-152-18 (87288)
ধৃত্যাঽঽসীত ততো গৎবা শুদ্ধদেশং সুসংবৃতম্।
লব্ধাসনং যথা দৃষ্টং বিধিপূর্বং সমাচরেৎ॥ 13-152-19 (87289)
জ্ঞানয়ুক্তস্তথা দেবং হৃদিস্থমুপলক্ষয়েৎ।
আদীপ্যমানং বপুষা বিধূমমনলং যথা॥ 13-152-20 (87290)
রশ্মিমন্তমিবাদিত্যং বৈদ্যুতাগ্নিমিবাম্বরে।
সংস্থিতং হৃদয়ে পশ্যেদীশং শাশ্বতমব্যযম্॥ 13-152-21 (87291)
ন চায়ুক্তেন শক্যেত দ্রষ্টুং দেহে মহেশ্বরঃ।
যুক্তস্তু পশ্যতে বুদ্ধ্যা সন্নিবেশ্য মনো হৃদি॥ 13-152-22 (87292)
অথ ৎবেবং ন শক্নোতি কর্তুং হৃদয়ধারণম্।
যথাসাংখ্যমুপাসীত যথাবদ্যোগমাস্থিতঃ॥ 13-152-23 (87293)
পঞ্চ বুদ্ধীন্দ্রিয়াণীহ পঞ্চ কর্মেন্দ্রিয়াণি বৈ।
পঞ্চ ভূতবিশেষাশ্চ মনশ্চৈব তু ষোডশ॥ 13-152-24 (87294)
তন্মাত্রাণ্যপবি পঞ্চৈব মনোঽহঙ্কার এব চ।
অষ্টমং চাপ্যথাব্যক্তমেতাঃ প্রকৃতিসংজ্ঞিতাঃ।
এতাঃ প্রকৃতয়শ্চাষ্টৌ বিকারাশ্চাপি ষোডশ॥ 13-152-25 (87295)
এবমেতদিহস্থেন বিজ্ঞেয়ং তৎববুদ্ধিনা।
এবং বর্ষ্ম সমুত্তীর্য তীর্ণো ভবতি নান্যথা॥ 13-152-26 (87296)
পরিসংখ্যানমেবৈতন্মন্তব্যং জ্ঞানবুদ্ধিনা॥ 13-152-27 (87297)
অহন্যহনি শান্তাত্মা পাবনায় হিতায় চ।
এবমেব প্রসংখ্যায় তৎববুদ্ধির্বিমুচ্যতে।
নিষ্পলং কেবলং ভবতি শুদ্ধতৎবার্থতৎববিৎ॥ 13-152-28 (87298)
ভিক্ষুকাশ্রমমাস্থায় শুশ্রূষানিরতো বুধঃ।
শূদ্রো নির্মুচ্যতে সৎবসংসর্গাদেব নান্যথা॥ 13-152-29 (87299)
সৎসংনিক্রষে পরিবর্তিতব্যং
বিদ্যাধিকাশ্চাপি নিষেবিতব্যাঃ।
সবর্ণতাং গচ্ছতি সন্নিকর্ষা-
ন্নীলঃ খগো মেরুমিবাশ্রয়ন্বৈ॥ 13-152-30 (87300)
ভীষ্ম উবাচ। 13-152-31x (7306)
ইত্যেবমাখ্যায় মহামুনিস্তদা
চতুর্ষু বর্ণেষু বিধানমর্থবিৎ।
শুশ্রূষয়া বৃত্তগতিং সমাধিনা
সমাধিয়ুক্তঃ প্রয়যৌ স্বমাশ্রমম্॥' ॥ 13-152-31 (87301)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিপঞ্চাশদধিকশততমোঽধ্যায়ঃ॥ 152 ॥
অনুশাসনপর্ব - অধ্যায় 153
॥ শ্রীঃ ॥
13.153. অধ্যায়ঃ 153
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি সকলসেব্যতাপ্রয়োজকগুণপ্রতিপাদকেন্দ্রমাতলিসংবাদানুবাদঃ॥ 1 ॥Mahabharata - Anushaasana Parva - Chapter Text
`যুধিষ্ঠির উবাচ।
কেষাং দেবা মহাভাগাঃ সন্নমন্তে মহাত্মনাম্।
লোকেঽস্মিংস্তনৃষীন্সর্বঞ্শ্রোতুমিচ্ছামি সত্তম॥ 13-153-1 (87302)
ভীষ্ম উবাচ। 13-153-2x (7307)
ইতিহাসমিমং বিপ্রাঃ কীর্তয়ন্তি পুরাবিদঃ।
অস্মিন্নর্থে মহাপ্রাজ্ঞাস্তং নিবোধ যুধিষ্ঠির॥ 13-153-2 (87303)
বৃত্রং হৎবাঽপ্যুপাবৃত্তং ত্রিদশানাং পুরস্কৃতম্।
মহেন্দ্রমনুসম্প্রাপ্তং স্তূয়মানং মহর্ষিভিঃ॥ 13-153-3 (87304)
শ্রিয়া পরময়া যুক্তং রথস্থং হরিবাহনম্।
মাতলিঃ প্রাঞ্জলির্ভূৎবা দেবমিন্দ্রমুঘাচ হ॥ 13-153-4 (87305)
নমস্কৃতানাং সর্বেষাং ভগবংস্ৎবং পুরস্কৃতঃ।
যেষাং লোকে নমস্কুর্যাত্তান্ব্রবীতু ভবান্মম॥ 13-153-5 (87306)
তস্য তদ্বচনং শ্রুৎবা দেবরাজঃ শচীপতিঃ।
যন্তারং পরিপৃচ্ছন্তং তমিন্দ্রঃ প্রত্যুবাচ সঃ॥ 13-153-6 (87307)
ধর্মং চার্থং চ কামং চ যেষাং চিন্তয়তাং মতিঃ।
নাধর্মে বর্ততে নিত্যং তান্নমস্যামি মাতলে॥ 13-153-7 (87308)
যে রূপগুণসম্পন্নাঃ প্রমদাহৃদয়ংগমাঃ।
নিবৃত্তাঃ কামভোগেষু তান্নমস্যামি মাতলে॥ 13-153-8 (87309)
স্বেষু ভোগেষু সন্তুষ্টাঃ সুবাচো বচনক্ষমাঃ।
অমানকামাশ্চার্ঘার্হাস্তান্নমস্যামি মাতলে॥ 13-153-9 (87310)
ধনং বিদ্যাস্তথৈশ্বর্যং যেষাং ন চলয়েন্মতিম্।
চলিতাং যে নিগৃহ্ণন্তি তান্নিত্যং পূজয়াম্যহম্॥ 13-153-10 (87311)
ইষ্টৈর্দারৈরুপেতানাং শুচীনামগ্নিহোত্রিণাম্।
চতুষ্পাদকুটুম্বানাং মাতিলে প্রণমাম্যহম্॥ 13-153-11 (87312)
মহতস্তপসা প্রাপ্তৌ ধনস্য বিপুলস্য চ।
কত্যাগস্তস্য ন বৈ কার্যো যোঽঽত্মানং নাববুধ্যতে॥ 13-153-12 (87313)
যেষামর্থস্তথা কামো ধর্মমূলবিবর্ধিতঃ।
ধর্মার্থৌ তস্য নিয়তৌ তান্নমস্যামি মাতলে॥ 13-153-13 (87314)
ধর্মমূলার্থকামানাং ব্রাহ্মণানাং গবামপি॥
পতিব্রতানাং নারীণাং প্রণামং প্রকরোম্যহম্॥ 13-153-14 (87315)
যে ভুক্ৎবা মানুষান্ভোগান্পূর্বে বয়সি মাতলে।
তপসা স্বর্গমায়ান্তি শশ্বত্তান্পূজয়াম্যহম্॥ 13-153-15 (87316)
অসংভোগান্নচাসক্তান্ধর্মনিত্যাঞ্জিতেন্দ্রিয়ান্।
সংন্যস্তানচলপ্রখ্যান্মনসা পূজয়ামি তান্॥ 13-153-16 (87317)
জ্ঞানপ্রসন্নবিদ্যানাং নিরূঢং ধর্মমীপ্সিতম্।
পরৈঃ কীর্তিতশৌচানাং মাতলে তান্নমাম্যহম্'॥ ॥ 13-153-17 (87318)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিপঞ্চাশদধিকশততমোঽধ্যায়ঃ॥ 153 ॥
অনুশাসনপর্ব - অধ্যায় 154
॥ শ্রীঃ ॥
13.154. অধ্যায়ঃ 154
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি গৃহস্থধর্মপ্রতিপাদকপৃথিবীবাসুদেবসংবাদানুবাদঃ॥ 1 ॥Mahabharata - Anushaasana Parva - Chapter Text
`যুধিষ্ঠির উবাচ।
গার্হস্থ্যং ধর্মমখিলং প্রব্রূহি ভরতর্ষভ।
ঋদ্ধিমাপ্নোতি কিং কৃৎবা মনুষ্য ইহ পার্থিব॥ 13-154-1 (87319)
ভীষ্ম উবাচ। 13-154-2x (7308)
অত্র তে বর্তয়িষ্যামি পুরাবৃত্তং জনাধিপ।
বাসুদেবস্য সংবাদং পৃথিব্যাশ্চৈব ভারত॥ 13-154-2 (87320)
সংস্তুত্য পৃথিবীং দেবীং বাসুদেবঃ প্রতাপবান্।
পপ্রচ্ছ ভরতশ্রেষ্ঠ মাং ৎবং যৎপৃচ্ছসেঽদ্য বৈ॥ 13-154-3 (87321)
বাসুদেব উবাচ। 13-154-4x (7309)
গার্হস্থ্যং ধর্মমাশ্রিত্য ময়া বা মদ্বিধেন বা।
কিমবশ্যং ধরে কার্যং কিং বা কৃৎবা সুখং ভবেৎ॥ 13-154-4 (87322)
পৃথিব্যুবাচ। 13-154-5x (7310)
ঋষয়ঃ পিতরো দেবা মনুষ্যাশ্চৈব মাধব।
পূজ্যাশ্চৈবার্চনীয়াশ্চ যথা চৈব নিবোধ মে॥ 13-154-5 (87323)
সদা যজ্ঞেন দেবাংশ্চ সদাঽঽতিথ্যেন মানুষান্।
ছন্দতস্তর্পণেনাপি পিতৄন্যুঞ্জন্তি নিত্যশঃ॥ 13-154-6 (87324)
তেন হ্যৃষিগণাঃ প্রীতা ব্রহ্মচয়েণি চানঘ।
নিত্যমগ্নিং পরিচরেদভুক্ৎবা বলিকর্ম চ॥ 13-154-7 (87325)
কুর্যাত্তথৈব দেবান্বৈ প্রিয়ং মে মধুসূদন।
কুর্যাদহরহঃ শ্রাদ্ধমন্নাদ্যেনোদকেন চ॥ 13-154-8 (87326)
পয়োমূলফলৈর্বাঽপি পিতৄণাং প্রীতিমাবহেৎ।
সিদ্ধান্নাদ্বৈশ্বদেবং বৈ কুর্যাদগ্নৌ যথাবিধি॥ 13-154-9 (87327)
আগ্নীষোমং বৈশ্বদেবং ধান্বন্তর্যমনন্তরম্।
প্রজানাং পতয়ে চৈব পৃথগ্ঘোমো বিধীয়তে॥ 13-154-10 (87328)
তথৈব চানুপূর্ব্যেণ বলিকর্ম প্রয়োজয়েৎ।
দক্ষিণায়াং যমায়েতি প্রতীচ্যাং বরুণায় চ॥ 13-154-11 (87329)
সোমায় চাপ্যুদীচ্যাং বৈ বাস্তুমধ্যে প্রজাপতেঃ।
ধন্বন্তরেঃ প্রাগুদীচ্যাং প্রাচ্যাং শক্রায় মাধব॥ 13-154-12 (87330)
মনুষ্যেভ্য ইতি প্রাহুর্বলিং দ্বারি গৃহস্য বৈ।
মরুদ্ভ্যো দৈবতেভ্যশ্চ বলিমন্তর্গৃহে হরেৎ॥ 13-154-13 (87331)
তথৈব বিশ্বেদেবেভ্যো বলিমাকাশতো হরেৎ।
নিশাচরেভ্যো ভূতেভ্যো বলিং নক্তং যথা হরেৎ॥ 13-154-14 (87332)
এবং কৃৎবা বলিং সম্যগ্দদ্যাদ্ভিক্ষাং দ্বিজায় বৈ।
অলাভে ব্রাহ্মণস্যাগ্নাবগ্রমুদ্ধৃত্য নিক্ষিপেৎ॥ 13-154-15 (87333)
যদা শ্রাদ্ধং পিতৃভ্যোপি দাতুমিচ্ছেত মানবঃ।
তদা পশ্চাৎপ্রকুর্বীত নিবৃত্তে শ্রাদ্ধকর্মণি॥ 13-154-16 (87334)
পিতৄন্সন্তর্পয়িৎবা তু বলিং কুর্যাদ্বিধানতঃ।
বেশ্বদৈবং ততঃ কুর্যাৎপশ্চাদ্ব্রাহ্ম্ণভোজনম্॥ 13-154-17 (87335)
ততোঽন্নেনাবশেষেণ ভোজয়েদতিথীনপি।
অর্ঘ্যপূর্বং মহারাজ ততঃ প্রীণাতি মানবান্।
অনিত্যং হি স্থিতো যস্মাত্তস্মাদতিথিরুচ্যতে॥ 13-154-18 (87336)
আচার্যস্য পিতুশ্চৈব সখ্যুরাপ্তস্য চাতিথেঃ।
ইদমস্তি গৃহে মহ্যমিতি নিত্যং নিবেদয়েৎ॥ 13-154-19 (87337)
তে যদ্বদেয়ুস্তৎকুর্যাদিতি ধর্মো বিধীয়তে।
গৃহস্থঃ পুরুষঃ কৃষ্ণ শিষ্টাশী চ সদা ভবেৎ॥ 13-154-20 (87338)
রাজর্ৎবিজং স্নাতকং চ গুরুং শ্বশুরমেব চ।
অর্চয়েন্মধুপর্কেণ পরিসংবৎসরোষিতান্॥ 13-154-21 (87339)
শ্বভ্যশ্চ শ্বপচেভ্যশ্চ বয়োভ্যশ্চাবপেদ্ভুবি॥ 13-154-22 (87340)
বৈশ্বদেবং হি নামৈতৎসায়ং প্রাতর্বিধীয়তে॥ 13-154-23 (87341)
এতাংস্তু ধর্মান্গার্হস্থ্যান্যঃ কুর্যাদনসূয়কঃ।
স ইহর্দ্ধিং পরাং প্রাপ্য প্রেত্য লোকে মহীয়তে॥ 13-154-24 (87342)
ভীষ্ম উবাচ। 13-154-25x (7311)
ইতি ভূমের্বচঃ শ্রুৎবা বাসুদেবঃ প্রতাপবান্।
তথা চকার সততং ৎবমপ্যেবং সদাঽঽচর॥ 13-154-25 (87343)
এতদ্গৃহস্থধর্মং ৎবং চেষ্টমানো জনাধিপ।
ইহ লোকে যশঃ প্রাপ্য প্রেত্য স্বর্গমবাপ্স্যসি॥ ॥ 13-154-26 (87344)
ইতি শ্রীমন্মহাভারতে অনুশাসনপর্বণি দানধর্মপর্বণি চতুঃপঞ্চাশদদিকশততমোঽধ্যায়ঃ॥ 154 ॥
Mahabharata - Anushaasana Parva - Chapter Footnotes
7-154-1 গার্হস্থ্যং গৃহস্থয়োগ্যম্॥ 7-154-7 বলিকর্ম বৈশ্বদেবঃ তত্র প্রাগন্নমেব গ্রাহ্যম্॥ 7-154-15 ভিক্ষাদ্বয়ং তথেতি থ.ধ.পাঠঃ॥অনুশাসনপর্ব - অধ্যায় 155
॥ শ্রীঃ ॥
13.155. অধ্যায়ঃ 155
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণি যুধিষ্ঠিরংপ্রতি পুষ্পধূপদীপদানাদিপ্রশংসাপরবলিশুক্রসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
আলোকদানং নামৈতৎকীদৃশং ভরতর্ষভ।
কথমেতৎসমুৎপন্নং ফলং বা তদ্ব্রবীহি মে॥ 13-155-1 (87345)
ভীষ্ম উবাচ। 13-155-2x (7312)
অত্রাপ্যুদাহরন্তীমমিতিহাসং পুরাতনম্।
মনোঃ প্রজাপতের্বাদং সুবর্ণস্য চ ভারত॥ 13-155-2 (87346)
তপস্বী কশ্চিদভবৎসুবর্ণো নাম ভারত।
বর্ণতো হেমবর্ণঃ স সুবর্ণ ইতি বিশ্রুতঃ॥ 13-155-3 (87347)
কুলশীলগুণোপেতঃ স্বাধ্যায়োপরমং গতঃ।
বহূন্সুবংশপ্রভবান্সমতীতঃ স্বকৈর্গুণৈঃ॥ 13-155-4 (87348)
স কদাচিন্মনুং বিপ্রো দদর্শোপসসর্প চ।
কুশলপ্রশ্নমন্যোন্যং তৌ চোভৌ তত্র চক্রতুঃ॥ 13-155-5 (87349)
ততস্তৌ সত্যসংকল্পৌ মেরৌ কাঞ্চনপর্বতে।
দেবর্ষিভিঃ সদা জুষ্টে সহিতৌ সংন্যষীদতাম্॥ 13-155-6 (87350)
তত্র তৌ কথয়ন্তৌ স্তাং কথা নানাবিধাশ্রয়াঃ।
ব্রহ্মর্ষিদেবদৈত্যানাং পুরাণানাং মহাত্মনাম্॥ 13-155-7 (87351)
সুবর্ণস্ৎবব্রবীদ্বাক্যং মনুং স্বায়ংভুবং প্রতি।
হিতার্থং সর্বভূতানাং প্রশ্নং মে বক্তুমর্হসি॥ 13-155-8 (87352)
সুমনোগন্ধধূপাদ্যৈরিজ্যন্তে দৈবতানি চ।
কিমেতৎকথমুৎপন্নং ফলং যোগং চ শংস মে॥ 13-155-9 (87353)
মনুরুবাচ। 13-155-10x (7313)
অত্রাপ্যুদাহরন্তীমমিতিহাসং পুরাতনম্।
শুক্রস্য চ বলেশ্চৈব সংবাদং বৈ মহাত্মনোঃ॥ 13-155-10 (87354)
বলের্বৈরোচনস্যেহ ত্রৈলোক্যমনুশাসতঃ।
সমীপমাজগামাশু শুক্রো ভৃগুকুলোদ্বহঃ॥ 13-155-11 (87355)
তমর্ঘ্যাদিভিরভ্যর্চ্য ভার্গবং সোঽসুরাধিপঃ।
নিষসাদাসনে পশ্চাদ্বিধিবদ্ভূরিদক্ষিণঃ॥ 13-155-12 (87356)
কথেয়মভবত্তত্র ৎবয়া যা পরিকীর্তিতা।
সুমনোধূপদীপানাং সম্প্রদানে ফলং প্রতি॥ 13-155-13 (87357)
ততঃ পপ্রচ্ছ দৈত্যেন্দ্রঃ কবীন্দ্রং প্রশ্নমুত্তমম্॥ 13-155-14 (87358)
সুমনোধূপদীপানাং কিং ফলং ব্রহ্মিবিত্তম।
প্রদানস্য দ্বিজশ্রেষ্ঠ তদ্ভবান্বক্তুমর্হতি॥ 13-155-15 (87359)
শুক্র উবাচ। 13-155-16x (7314)
অগ্নীষোমাদিসৃষ্টৌ তু বিষ্ণোঃ সর্বাত্মনঃ প্রভোঃ।
তপঃ পূর্বং সমুৎপন্নং ধর্মস্তস্মাদনন্তরম্॥ 13-155-16 (87360)
এতস্মিন্নন্তরে চৈব বীরুদোষধ্য এব চ।
সোমস্যাত্মা চ বহুধা সম্ভূতঃ পৃথিবীতলে।
অমৃতং চ বিষং চৈব যাশ্চান্যাস্তৃণজাতয়ঃ॥ 13-155-17 (87361)
অমৃতং মনসঃ প্রীতিং সদ্যস্তৃপ্তিং দদাতি চ।
মনো গ্লপয়তে তীব্রং বিষং গন্ধেন সর্বশঃ॥ 13-155-18 (87362)
অমৃতং মঙ্গলং বিদ্ধি মহদ্বিষমমঙ্গলম্।
ওষধ্যো হ্যমৃতং সর্বা বিষং তেজোগ্নিসম্ভবম্॥ 13-155-19 (87363)
অমৃতং মনো হ্লাদয়তে শ্রিয়ং চাপি দদাতি চ।
তস্মাৎসুমনসঃ প্রোক্তা নরৈঃ সুকৃতকর্মভিঃ॥ 13-155-20 (87364)
দেবতাভ্যঃ সুমনসো যো দদাতি নরঃ শুচিঃ।
তস্মৈ সুমনসো দেবাস্তস্মাৎসুমনসঃ স্মৃতাঃ॥ 13-155-21 (87365)
যংয়মুদ্দিশ্য দীয়েরন্দেবং সুমনসঃ প্রভো।
মঙ্গলার্তং স তেনাস্য প্রীতো ভবতি দৈত্যপ॥ 13-155-22 (87366)
জ্ঞেয়াস্তূগ্রাশ্চ সৌম্যাশ্চ তেজস্বিন্যশ্চ তাঃ পৃথক্।
ওষধ্যো বহুবীর্যা হি বহুরূপাস্তথৈব চ॥ 13-155-23 (87367)
যজ্ঞিয়ানাং চ বৃক্ষাণাময়জ্ঞীয়ান্নিবোধ মে।
আসুরাণি চ মাল্যানি দৈবতেভ্যো হিতানি চ॥ 13-155-24 (87368)
রক্ষসামুরগাণাং চ যক্ষাণাং চ তথা প্রিয়াঃ।
মনুষ্যাণাং পিতৄণাং চ কান্তা যাস্ৎবনুপূর্বশঃ॥ 13-155-25 (87369)
বন্যা গ্রাম্যাশ্চেহ তথা কৃষ্টোপ্তাঃ পর্বতাশ্রয়াঃ।
অকণ্টকাঃ কণ্টকিনো গন্ধরূপরসান্বিতাঃ॥ 13-155-26 (87370)
দ্বিবিধো হি স্মৃতো গন্ধ ইষ্টোঽনিষ্টশ্চ পুষ্পজঃ।
ইষ্টগন্ধানি দেবানাং পুষ্পাণীতি বিভাবয়॥ 13-155-27 (87371)
অকণ্টকানাং বৃক্ষাণাং শ্বেতপ্রায়াশ্চ বর্ণতঃ।
তেষাং পুষ্পাণি দেবানামিষ্টানি সততং প্রভো॥ 13-155-28 (87372)
`পদ্মং চ তুলসী জাতিরাপঃ সর্বেষু পূজিতা।'
জলজানি চ মাল্যানি পদ্মাদীনি চ যানি বৈ।
গন্ধর্বনাগয়ক্ষেভ্যস্তানি দদ্যাদ্বিচক্ষণঃ॥ 13-155-29 (87373)
ওপধ্যো রক্তপুষ্পাশ্চ কটুকাঃ কণ্টকান্বিতাঃ।
শত্রূণামভিচারার্থমথর্বসু নিদর্শিতাঃ॥ 13-155-30 (87374)
তীক্ষ্ণবীর্যাস্তু ভূতানাং দুরালম্ভাঃ সকণ্টকাঃ।
রক্তভূয়িষ্ঠবর্ণাশ্চ কৃষ্ণাশ্চৈবোপহারয়েৎ॥ 13-155-31 (87375)
মনোহৃদয়নন্দিন্যো বিমর্দে মধুরাশ্চ যাঃ।
চারুররূপাঃ সুমনসো মানুপাণাং স্মৃতা বিভো॥ 13-155-32 (87376)
ন তু শ্মশানসম্ভূতা ন দেবায়তনোদ্ভবাঃ।
সন্নয়েৎপুষ্টিয়ুক্তেষু বিবাহেষু রহঃসু চ॥ 13-155-33 (87377)
গিরিসানুরুহাঃ সৌম্যা দেবানামুপধারয়েৎ।
প্রোক্ষিতাভ্যুক্ষিতাঃ সৌম্যা যথায়োগং যথাস্মৃতি॥ 13-155-34 (87378)
গন্ধেন দেবাস্তুষ্যন্তি দর্শনাদ্যক্ষরাক্ষসাঃ।
নাগাঃ সমুপভোগেন ত্রিভিরেতৈস্তু মানুষাঃ॥ 13-155-35 (87379)
সদ্যঃ প্রীণাতি দেবান্বৈ তে প্রীতা ভাবয়ন্ত্যুত।
সঙ্কল্পসিদ্ধা মর্ত্যানামীপ্সিতাশ্চ মনোরথাঃ॥ 13-155-36 (87380)
দেবাঃ প্রীণন্তি সততং মানিতা মানয়ন্তি চ।
অবজ্ঞাতাবধূতাশ্চ নির্দহন্ত্যধমান্নরান্॥ 13-155-37 (87381)
অত ঊর্ধ্বং প্রবক্ষ্যামি ধূপদানবিধেঃ ফলম্।
ধূপাংশ্চ বিবিধান্সাধূনসাধূংশ্চ নিবোধ মে॥ 13-155-38 (87382)
নির্যাসাঃ সরলাশ্চৈব কৃত্রিমাশ্চৈব তে ত্রয়ঃ।
ইষ্টোঽনিষ্টো ভবেদ্গন্ধস্তন্মে বিস্তরশঃ শৃণু॥ 13-155-39 (87383)
নির্যাসাঃ সল্লকীবর্জ্যা দেবানাং দয়িতাস্তু তে।
গুগ্গুলুঃ প্রবরস্তেষাং সর্বেপামিতি নিশ্চয়ঃ॥ 13-155-40 (87384)
অগুরুঃ সারিণাং শ্রেষ্ঠো যক্ষরাক্ষসভোগিনাম্।
দৈত্যানাং সল্লকীজশ্চ কাঙ্ক্ষিতো যশ্চ তদ্বিধঃ॥ 13-155-41 (87385)
অথ সর্জরসাদীনাং গন্ধৈঃ পার্থিবদারবৈঃ।
ফাণিতাসবসংয়ুক্তৈর্মনুষ্যাণাং বিধীয়তে॥ 13-155-42 (87386)
দেবদানবভূতানাং সদ্যস্তুষ্ঠিকরঃ স্মৃতঃ।
যেঽন্যে বৈহারিকাস্তত্র মানুষাণামিতি স্মৃতাঃ॥ 13-155-43 (87387)
য এবোক্তাঃ সুমনসাং প্রদানে গুণহেতবঃ।
ধূপেষ্বপি পরিজ্ঞেয়াস্ত এব প্রীতিবর্ধনাঃ॥ 13-155-44 (87388)
দীপদানে প্রবক্ষ্যামি ফলয়োগমনুত্তমম্।
যথা যেন যদা চৈব প্রদেয়া যাদৃশাশ্চ তে॥ 13-155-45 (87389)
জ্যোতিস্তেজঃ প্রকাশং বাঽপ্যূধ্বগং চাপি বর্ধতে।
প্রদানং তেজসাং তস্মাত্তেজো বর্ধয়তে নৃণাম্॥ 13-155-46 (87390)
অন্ধতমস্তমিস্রং চ দক্ষিণায়নমেব চ।
উত্তরায়ণমেতস্মাজ্জ্যোতির্দানং প্রশস্যতে॥ 13-155-47 (87391)
যস্মাদূর্ধ্বগমে তত্তু তমসশ্চৈব ভেষজম্।
তস্মাদূর্ধ্বগতের্দাতা ভবেদত্রেতি নিশ্চয়ঃ॥ 13-155-48 (87392)
দেবাস্তেজস্বিনো যস্মাৎপ্রভাবন্তঃ প্রকাশকাঃ।
তামসা রাক্ষসাশ্চৈব তস্মাদ্দীপঃ প্রদীয়তে॥ 13-155-49 (87393)
আলোকদানাচ্চক্ষুষ্মান্প্রভায়ুক্তো ভবেন্নরঃ।
তান্দত্ৎবা নোপহিংসেন ন হরেন্নোপনাশয়েৎ॥ 13-155-50 (87394)
দীপহার্তা ভবেদন্ধস্তমোগতিরসুপ্রভঃ।
দীপপ্রদঃ স্বর্গলোকে দীপমালী বিরাজতে॥ 13-155-51 (87395)
হবিপা প্রথমঃ কল্পো দ্বিতীয়শ্চৌষধীরসৈঃ।
বসামেদোস্থিনির্যাসৈর্ন কার্যঃ পুষ্টিমিচ্ছতা॥ 13-155-52 (87396)
দেবালয়ে সভায়াং চ গিরৌ চৈত্যচতুষ্পথে।
দীপদাতা ভবেন্নিত্যং য ইচ্ছেদ্ভূতিমাত্মনঃ॥ 13-155-53 (87397)
কুলোদ্যোতো বিশুদ্ধাত্মা প্রকাশৎবং চ গচ্ছতি।
জ্যোতিষাং চৈব সালোক্যং দীপদাতা ভবেন্নরঃ॥ 13-155-54 (87398)
বলিকর্মসু বক্ষ্যামি গুণান্কর্মফলোদয়ান্।
দেবয়ক্ষোরগনৃণাং ভূতানামথ রক্ষসাম্॥ 13-155-55 (87399)
যেষাং নাগ্রভুজো বিপ্রা দেবতাতিথিবালকাঃ।
রাক্ষসানেব তান্বিদ্ধি নির্বষট্কারমঙ্গলান্॥ 13-155-56 (87400)
তস্মাদগ্রং প্রয়চ্ছেত দেবভ্যঃ প্রতিপূজিতম্।
শিরসা প্রণতশ্চাপি হরেদ্বলিমতন্দ্রিতঃ॥ 13-155-57 (87401)
গৃহ্ণন্তি দেবতা নিত্যমাশংসন্তি সদা গৃহান্।
বাহ্যাশ্চাগন্তবো যেঽন্যে যক্ষরাক্ষসপন্নগাঃ॥ 13-155-58 (87402)
ইতো দত্তেন জীবন্তি দেবতাঃ পিতরস্তথা।
তে প্রীতাঃ প্রীণয়ন্ত্যেনমায়ুষা যশসা ধনৈঃ॥ 13-155-59 (87403)
বলয়ঃ সহ পুষ্পৈস্তু দেবানামুপহারয়েৎ।
দধিদুগ্ধময়াঃ পুণ্যাঃ সুগন্ধাঃ প্রিয়দর্শনাঃ॥ 13-155-60 (87404)
কার্যা রুধিরমাংসাঢ্যা বলয়ো যক্ষরক্ষসাম্।
সুরাসবপুরস্কারা লাজোল্লাপিকভূষিতাঃ॥ 13-155-61 (87405)
নাগানাং দয়িতা নিত্যং পদ্মোৎপলবিমিশ্রিতাঃ।
তিলান্গুডসুসম্পন্নান্ভূতানামুপহারয়েৎ॥ 13-155-62 (87406)
অগ্রদাতাঽগ্রভোগী স্যাদ্বলবীর্যসমন্বিতঃ।
তস্মাদগ্রং প্রয়চ্ছেত দেবভ্যঃ প্রতিপূজিতম্॥ 13-155-63 (87407)
জ্বলন্ত্যহরহো বেশ্ম যাশ্চাস্য গৃহদেবতাঃ।
তাঃ পূজ্যা ভূতিকামেন প্রসৃতাগ্রপ্রদায়িনা॥ 13-155-64 (87408)
ইত্যেতদসুরেন্দ্রায় কাব্যঃ প্রোবাচ ভার্গবঃ।
সুবর্ণায় মনুঃ প্রাহ সুবর্ণো নারদায় চ॥ 13-155-65 (87409)
নারদোঽপি ময়ি প্রাহ গুণানেতান্মহাদ্যুতে।
ৎবমপ্যেতদ্বিদিৎবেহ সর্বমাচর পুত্রক॥ ॥ 13-155-66 (87410)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চপঞ্চাশদধিকশততমোঽধ্যায়ঃ॥ 155 ॥
Mahabharata - Anushaasana Parva - Chapter Footnotes
7-155-6 রমণীয়ে শিলাপৃষ্ঠ ইতি ঝ.পাঠঃ॥ 7-155-7 স্তাং অভবতাম্॥ 7-155-16 তপঃ বর্ণাশ্রমধর্মঃ। ধর্মো দয়াদিঃ॥ 7-155-17 লতাঃ ওষধ্যো ব্রীহ্যাদয়ঃ॥ 7-155-40 প্রবরস্তেষাং ঘৃতমিশ্রোঽথ কুঞ্জর ইতি থ.পাঠঃ॥ 7-155-46 জ্যোতির্দীপাদি। তেজঃ কান্তিঃ। প্রকাশঃ কীর্তিঃ॥ 7-155-47 তমিস্রং অন্ধকারঃ। অন্ধং তমো নাম নরকরূপম্। তথা দক্ষিণায়নমপ্যন্ধং তম এব। অত উত্তরায়ণে রাত্রৌ তমোনাশকং জ্যোতির্দেয়ং নরকনিবৃত্ত্যর্থং॥ 7-155-52 হবিষা ঘৃতেন ওষধীরসৈঃ তিলসর্ষপাদিস্নেহৈঃ। বসামেদোস্থীনি প্রাণ্যবয়বাস্তেষাং নির্যাসাঃ স্নেহাঃ। বসাদয়ঃ পৃথগ্বা নির্যাসাৎ॥ 7-155-60 দধিদ্রপ্সয়ুতাঃ পুণ্যা ইতি ধ.পাঠঃ॥ 7-155-61 লাজোল্লাপিকভূষিতাঃ। উল্লাপিক উপরিলাপনম্॥অনুশাসনপর্ব - অধ্যায় 156
॥ শ্রীঃ ॥
13.156. অধ্যায়ঃ 156
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি বলিদীপপ্রদানকথনোপয়োগিতয়া নহুষচরিতকথনারম্ভঃ॥ 1 ॥ দেবৈর্বরদানপূর্বকমিন্দ্রপদং প্রাপিতেন নহুষেণ পর্পাৎসপ্তর্ষ্যাদিভিঃ পর্যায়েণ স্বয়ানবাহনম্॥ 2 ॥ অগস্ত্যস্য তদ্যানবহনপর্যায়ে ভৃগুণাঽগস্ত্যংপ্রতি স্বেন নহুষস্যাধঃপাতনপ্রতিজ্ঞানম্॥ 3 ॥Mahabharata - Anushaasana Parva - Chapter Text
যুধিষ্ঠির উবাচ।
শ্রুতং মে ভরতশ্রেষ্ঠ পুষ্পধূপপ্রদায়িনাম্।
ফলং বলিবিধানে চ তদ্ভূয়ো বক্তুমর্হসি॥ 13-156-1 (87411)
ধূপপ্রদানস্য ফলং প্রদীপস্য তথৈব চ।
বলয়শ্চ কিমর্থং বৈ ক্ষিপ্যন্তে গৃহমেধিভিঃ॥ 13-156-2 (87412)
ভীষ্ম উবাচ। 13-156-3x (7315)
অত্রাপ্যুদাহরন্তীমমিতিহাসং পুরাতনম্।
নহুষস্য চ সংবাদমগস্ত্যস্য ভৃগোস্ততা॥ 13-156-3 (87413)
নহুষো হি মহারাজ রাজর্ষিঃ সুমহাতপাঃ।
দেবরাজ্যমনুপ্রাপ্তঃ সুকৃতেনেহ কর্মণা॥ 13-156-4 (87414)
তত্রাপি প্রয়তো রাজন্নহুষস্ত্রিদিবে বসন্।
মানুষীশ্চৈব দিব্যাশ্চ কুর্বাণো বিবিধাঃ ক্রিয়াঃ॥ 13-156-5 (87415)
মানুষ্যস্তত্র সর্বাঃ স্ম ক্রিয়াস্তস্য মহাত্মনঃ।
প্রবৃত্তাস্ত্রিদিবে রাজন্দিব্যাশ্চৈব সনাতনাঃ॥ 13-156-6 (87416)
অগ্নিকার্যাণি সমিধঃ কুশাঃ সুমনসস্তথা।
বলয়শ্চান্নলাজাভির্ধূপনং দীপকর্ম চ॥ 13-156-7 (87417)
সর্বং তস্য গৃহে রাজ্ঞঃ প্রাবর্তত মহাত্মনঃ।
জপয়জ্ঞান্মনোয়জ্ঞাংস্ত্রিদিবেঽপি চকার সঃ॥ 13-156-8 (87418)
দেবানভ্যর্চয়চ্চাপি বিধিবৎস সুরেশ্বরঃ।
সর্বানেব যথান্যায়ং যথাপূর্বমরিংদম॥ 13-156-9 (87419)
অথেনদ্রোঽহমিতি জ্ঞাৎবা অহঙ্কারং সমাবিশৎ।
সর্বাশ্চৈব ক্রিয়াস্তস্য পর্যহীয়ন্ত ভূপতেঃ॥ 13-156-10 (87420)
সপ্তর্ষীন্বাহয়ামাস বরদানদমান্বিতঃ।
পরিহীনক্রিয়শ্চৈব দুর্বলৎবমুপেয়িবান্॥ 13-156-11 (87421)
তস্য বাহয়তঃ কালো মুনিমুখ্যাংস্তপোধনান্।
অহঙ্কারাভিভূতস্য সুমহানত্যবর্তত॥ 13-156-12 (87422)
অথ পর্যায়শঃ সর্বান্বাহনায়োপচক্রমে।
পর্যায়শ্চাপ্যগস্ত্যস্য সমপদ্যত ভারত॥ 13-156-13 (87423)
অথাগত্য মহাতেজা ভৃগুর্ব্রহ্মবিদাংবরঃ।
অগস্ত্যমাশ্রমস্থং বৈ সমুপেত্যেদমব্রবীৎ॥ 13-156-14 (87424)
এবং বয়মসৎকারং দেবেন্দ্রস্যাস্য দুর্মতেঃ।
নহুষস্য কিমর্থং বৈ মর্ষয়াম মহামুনে॥ 13-156-15 (87425)
অগস্ত্য উবাচ। 13-156-16x (7316)
কথমেষ ময়া শক্যঃ শপ্তুং যস্য মহামুনে।
বরদেন বরো দত্তো ভবতো বিদিতশ্চ সঃ॥ 13-156-16 (87426)
যো মে দৃষ্টিপথং গচ্ছেৎস মে বশ্যো ভবেদিতি।
ইত্যনেন বরং দেবো যাচিতো গচ্ছতা দিবম্॥ 13-156-17 (87427)
এবং ন দগ্ধঃ স ময়া ভবতা চ ন সংশয়ঃ।
অন্যেনাপ্যৃষিমুখ্যেন ন দগ্ধো ন চ পাতিতঃ॥ 13-156-18 (87428)
অমৃতং চৈব পানায় দত্তমস্মৈ পুরা বিভো।
মহাত্মনা তদর্তং চ নাস্মাভির্বিনিপাত্যতে॥ 13-156-19 (87429)
প্রায়চ্ছত বরং দেবঃ প্রজানাং দুঃখকারণম্।
দ্বিজেষ্বধর্ময়ুক্তানি স করোতি নরাধমঃ॥ 13-156-20 (87430)
তত্র যৎপ্রাপ্তকালং নস্তদ্ব্রূ বদতাংবর।
ভবাংশ্চাপি যথা ব্রূয়াত্তৎকর্তাস্মি ন সংশয়ঃ॥ 13-156-21 (87431)
ভৃগুরুবাচ। 13-156-22x (7317)
পিতামহনিয়োগেন ভবন্তং সোঽহমাগতঃ।
প্রতিকর্তুং বলবতি নহুষে দর্পমোহিতে॥ 13-156-22 (87432)
অদ্য হি ৎবাং সুদুর্বুদ্ধী রথে যোক্ষ্যতি দেবরাট্।
অদ্যৈনমহমুদ্বৃত্তং করিষ্যেঽনিন্দ্রমোজসা॥ 13-156-23 (87433)
অদ্যেন্দ্রং স্থাপয়িষ্যামি পশ্যতস্তে শতক্রতুম্।
সঞ্চাল্য পাপকর্মাণমৈন্দ্রাৎস্থানাৎসুদুর্মতিম্। 13-156-24 (87434)
অদ্য চাসৌ কুদেবেন্দ্রস্ৎবাং পদা ধর্ষয়িষ্যতি।
দৈবোপহতচিত্তৎবাদাত্মনাশায় মন্দধীঃ॥ 13-156-25 (87435)
ব্যুৎক্রান্তধর্মং তমহং ধর্ষণামর্ষিতো ভৃশম্।
অহির্ভবস্বেতি রুষা শপ্স্যে পাপং দ্বিজদ্রুহম্॥ 13-156-26 (87436)
তত এনং সুদুর্বুদ্ধিং ধিক্শব্দাভিহতৎবিষম্।
ধরণ্যাং পাতয়িষ্যামি পশ্যতস্তে মহামুনে॥ 13-156-27 (87437)
নহুষং পাপকর্মাণমৈশ্বর্যবলমোহিতম্।
যথা চ রোচতে তুভ্যং তথা কর্তাস্ম্যহং মুনে॥ 13-156-28 (87438)
এবমুক্তস্তু ভৃগুণা মৈত্রাবরুণিরব্যযঃ।
অগস্ত্যঃ পরমপ্রীতো বভূব বিগতজ্বরঃ॥ ॥ 13-156-29 (87439)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্পঞ্চাশদধিকশততমোঽধ্যায়ঃ॥ 156 ॥
Mahabharata - Anushaasana Parva - Chapter Footnotes
7-156-7 লাজাভিঃ। আর্ষং স্ত্রীৎবম্॥ 7-156-10 অথেন্দ্রস্য ভবিষ্যৎবাদহঙ্কারঃ সমাবিশৎ ইতি ধ.পাঠঃ॥ 7-156-18 ন শপ্তো বিনিপাতিন ইতি থ.ধ.পাঠঃ॥ 7-156-26 শপিষ্যে পাপমোহিতমিতি থ.ধ.পাঠঃ॥অনুশাসনপর্ব - অধ্যায় 157
॥ শ্রীঃ ॥
13.157. অধ্যায়ঃ 157
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
নহুষেণাগস্ত্যস্য স্বয়ানে যোজনম্॥ 1 ॥ তথা তেন সহ শ্রুতিপ্রামাণ্যবিবাদে স্ববিরুদ্ধভাষিণোঽগস্ত্যস্য মস্তকে স্বপাদেন তাডনম্॥ 2 ॥ তদা তজ্জটান্তর্নিগূঢেন ভৃগুণা শাপদানেন তস্যাধঃপাতনম্॥ 3 ॥ ততো দেবৈরিন্দ্রস্য স্বপদেঽভিষেচনম্॥ 4 । নহুষস্য স্বকৃতপূর্ববলিদীপদানাদিজসুকৃতমহিম্না পুনঃ স্বর্গপ্রাপ্তিঃ॥ 5 ॥Mahabharata - Anushaasana Parva - Chapter Text
যুধিষ্ঠির উবাচ।
কথং বৈ স বিপন্নশ্চ কথং বৈ পাতিতো ভুবি।
কথং দেবেন্দ্রতাং প্রাপ্তস্তদ্ভবান্বক্তুমর্হতি॥ 13-157-1 (87440)
ভীষ্ম উবাচ। 13-157-2x (7318)
এবং তয়োঃ সংবদতোঃ ক্রিয়াস্তস্য মহাত্মনঃ।
সর্বা এব প্রবর্তন্তে যা দিব্যা যাশ্চ মানুষাঃ॥ 13-157-2 (87441)
তথৈব দীপদানানি সর্বোপকরণানি বৈ।
বলিকর্ম চ যচ্চান্যদ্বৎসকাশ্চ পৃথগ্বিধাঃ॥ 13-157-3 (87442)
সর্বাস্তস্য সমুৎপন্না দেবেন্দ্রস্য মহাত্মনঃ।
দেবলোকে নৃলোকে চ সদাচারপুরস্কৃতাঃ॥ 13-157-4 (87443)
তাশ্চোদ্ভবন্তি রাজেন্দ্র সমৃদ্ধ্যৈ গৃহমেধিনঃ।
ধূপপ্রদানৈর্দীপৈশ্চ নমস্কারৈস্তথৈব চ॥ 13-157-5 (87444)
যথা সিদ্ধস্য চান্নস্য গৃহ্য চাগ্রং প্রদীয়তে।
বলয়শ্চ গৃহোদ্দেশে ততঃ প্রীয়ন্তি দেবতাঃ॥ 13-157-6 (87445)
যথা চ গৃহিণস্তোষো ভবেদ্বৈ বলিকর্মণি।
তথা শতগুণা প্রীতির্দেবতানাং প্রজায়তে॥ 13-157-7 (87446)
এবং ধূপপ্রদানং চ দীপদানং চ সাধবঃ।
প্রয়চ্ছতি নমস্কারৈর্যুক্তমাত্মগুণাবহম্॥ 13-157-8 (87447)
স্নানেনাদ্ভিশ্চ যৎকর্ম ক্রিয়তে বৈ বিপশ্চিতা।
নমস্কারপ্রয়ুক্তেন তেন প্রীণন্তি দেবতাঃ॥ 13-157-9 (87448)
পিতরশ্চ মহাভাগা ঋষয়শ্চ তপোধনাঃ।
গৃহ্যাশ্চ দেবতাঃ সর্বাঃ প্রীয়ন্তে বিধিনাঽর্চিতাঃ॥ 13-157-10 (87449)
ইত্যেতাং বুদ্ধিমাস্থায় নহুষঃ স নরেশ্বরঃ।
সুরেন্দ্রৎবং মহৎপ্রাপ্য কৃতবানেতদদ্ভুতম্॥ 13-157-11 (87450)
কস্য চিত্ৎবথ কালস্য ভাগ্যক্ষয় উপস্থিতে।
সর্বমেতদবজ্ঞায় ন চকার যথাবিধি॥ 13-157-12 (87451)
ততঃ স পরিহীণোঽভূৎসুরেন্দ্রো বলদর্পতঃ।
ধূপদীপাদিকবিধিং ন যথাবচ্চকার হ।
ততোঽস্য যজ্ঞবিষয়ো রক্ষোভিঃ পরিবাধ্যতে॥ 13-157-13 (87452)
অথাগস্ত্যমৃষিশ্রেষ্ঠং বাহনায়াজুহাব হ।
দ্রুতং সরস্বতীকূলাৎস্ময়ন্নিব মহাবলঃ॥ 13-157-14 (87453)
ততো ভৃগুর্মহাতেজা মৈত্রাবরুণিমব্রবীৎ।
নিমীলয়স্ব নয়নে জটাং যাবদ্বিশামি তে।
`সুরেন্দ্রপতনায়েতি স চ নেত্র ন্যমীলয়ৎ॥' 13-157-15 (87454)
ততোঽগস্ত্যস্যাথ জটাং দৃষ্ট্বা প্রাবিশদচ্যুতঃ।
ভৃগুঃ স সুমহাতেজাঃ পাতনায় নৃপস্য চ॥ 13-157-16 (87455)
ততঃ স দেবরাট্ প্রাপ্তস্তমৃষিং বাহনায় বৈ।
ততোঽগস্ত্যঃ সুরপতিং বাক্যমাহ বিশাম্পতে।
যোজয়স্বেতি মাং ক্ষিপ্রং কং চ দেশং বহামি তে॥ 13-157-17 (87456)
যত্র বক্ষ্যসি তত্র ৎবাং নয়িষ্যামি সুরাধিপ।
ইত্যুক্তো নরহুষস্তেন যোজয়ামাস তং মুনিম্॥ 13-157-18 (87457)
ভৃগুস্তস্য জটান্তস্থো বভূব হৃষিতো ভৃশম্।
ন চাপি দর্শনং তস্য চকার স ভৃগুস্তদা।
বরদানপ্রভাবজ্ঞো নহুষস্য মহাত্মনঃ॥ 13-157-19 (87458)
ন চুকোপ তদাঽগস্ত্যো যুক্তোঽপি নহুষেণ বৈ।
তং তু রাজা পদৈকেন চোদয়ামাস ভারত।
`শ্রুতিঃ স্মৃতিঃ প্রমাণং বা নেতিবাদেন দেবরাট্॥' 13-157-20 (87459)
ন চুকোপ স ধর্মাত্মা ততঃ পাদেন দেবরাট্।
অগস্ত্যস্য তদা ক্রুদ্ধো বামেনাভ্যহনচ্ছিরঃ॥ 13-157-21 (87460)
তস্মিঞ্শিরস্যভিহতে স জটান্তর্গতো ভৃগুঃ।
শশাপ বলবৎক্রুদ্ধো নহুষং পাপচেতসম্॥ 13-157-22 (87461)
যস্মাৎপদাঽবধীঃ ক্রোধাচ্ছিরসীমং মহামুনিম্।
তস্মাদাশু মহীং গচ্ছ সর্পো ভূৎবা সুদুর্মতে॥ 13-157-23 (87462)
শপ্তোঽথ স তদা তেন সর্পো ভূৎবা পপাত হ।
অদৃষ্টেনাথ ভৃগুণা ভূতলে ভরতর্ষভ॥ 13-157-24 (87463)
ভৃগুং হি যদি সোঽদ্রাক্ষীন্নহুষঃ পৃথিবীপতে।
স শক্তোনাঽভবিষ্যদ্বৈ পাতনে তস্য তেজসা॥ 13-157-25 (87464)
স তু তৈস্তৈঃ প্রদানৈশ্চ তপোভির্নিয়মৈস্তথা।
পতিতোঽপি মহারাজ ভূতলে স্মৃতিমানভূৎ॥ 13-157-26 (87465)
প্রসাদয়ামাস ভৃগুং শাপান্তো মে ভবেদিতি।
ততোঽগস্ত্যঃ কৃপাবিষ্টঃ প্রাসাদয়ত তং ভৃগুম্।
শাপান্তার্থং মহারাজ স চ প্রাদাৎকৃপান্বিতঃ॥ 13-157-27 (87466)
ভৃগুরুবাচ। 13-157-28x (7319)
রাজা যুধিষ্ঠিরো নাম ভবিষ্যতি কুরূদ্বহঃ।
স ৎবাং মোক্ষয়িতা শাপাদিত্যুক্ৎবাঽন্তরধীয়ত॥ 13-157-28 (87467)
অগস্ত্যোঽপি মহাতেজাঃ কৃৎবা কার্যং শতক্রতোঃ।
স্বমাশ্রমপদং প্রায়াৎপূজ্যমানো দ্বিজাতিভিঃ॥ 13-157-29 (87468)
নহুষোঽপি ৎবয়া রাজংস্তস্মাচ্ছাপাৎসমুদ্ধৃতঃ।
জগাম ব্রহ্মভবনং পশ্যতস্তে জনাধিপ॥ 13-157-30 (87469)
তদা স পাতয়িৎবা তং নহুষং ভূতলে ভৃগুঃ।
জগাম ব্রহ্মভবনং ব্রহ্মণে চ ন্যবেদয়ৎ॥ 13-157-31 (87470)
ততঃ শক্রং সমানায়্য দেবানাহ পিতামহঃ।
বরদানান্মম সুরা নহুষো রাজ্যমাপ্তবান্।
স চাগস্ত্যেন ক্রুদ্ধেন ভ্রংশিতো ভূতলং গতঃ॥ 13-157-32 (87471)
ন চ শক্যং বিনা রাজ্ঞা সুখং বর্তয়িতুং ক্বচিৎ।
তস্মাদয়ং পুনঃ শক্রো দেবরাজ্যেঽভিষিচ্যতাম্॥ 13-157-33 (87472)
এবং সম্ভাষমাণং তু দেবাঃ পার্থ পিতামহম্।
এবমস্ৎবিতি সংহৃষ্টাঃ প্রত্যূচুস্তং নরাধিপ॥ 13-157-34 (87473)
সোঽভিষিক্তো ভগবতা দেবরাজ্যে চ বাসবঃ।
ব্রহ্মণা রাজশার্দূল যথাপূর্বং ব্যরোচত॥ 13-157-35 (87474)
এবমেতৎপুরাবৃত্তং নহুষস্য ব্যতিক্রমাৎ।
স চ তৈরেব সংসিদ্ধো নহুষঃ কর্মভিঃ পুনঃ॥ 13-157-36 (87475)
তস্মাদ্দীপাঃ প্রদাতব্যাঃ সায়ং বৈ গৃহমেধিভিঃ।
দিব্যং চক্ষুরবাপ্নোতি প্রেত্য দীপস্য দায়কঃ।
পূর্ণচন্দ্রপ্রতীকাশা দীপদাশ্চ ভবন্ত্যুত॥ 13-157-37 (87476)
যাবদক্ষিনিমেষাণি জ্বলন্তে তাবতীঃ সমাঃ।
রূপবান্বলবাংশ্চাপি নরো ভবতি দীপদঃ॥ 13-157-38 (87477)
য ইদং শৃণুয়াদ্বাপি পঠতে যো দ্বিজোত্তমঃ।
ব্রহ্মলোকমবাপ্নোতি স চ বৈ নাত্র সংশয়ঃ॥ ॥ 13-157-39 (87478)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তপঞ্চাশদধিকশততমোঽধ্যায়ঃ॥ 157 ॥
Mahabharata - Anushaasana Parva - Chapter Footnotes
7-157-3 বৎসকাঃ পুত্রাদের্বার্ষিকোৎসবাঃ। যচ্চান্যদুৎসেকাশ্চেতি থ.ধ.পাঠঃ॥ 7-157-20 তং তু রাজা প্রতোদেনেতি ঝ.পাঠঃ॥ 7-157-30 ভবনং তেন পুণ্যেন কর্মণেতি থ.ধ.পাঠঃ॥ 7-157-38 রূপবান্ধর্মবাংশ্চাপীতি ধ.পাঠঃ॥অনুশাসনপর্ব - অধ্যায় 158
॥ শ্রীঃ ॥
13.158. অধ্যায়ঃ 158
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরং প্রতি ব্রহ্মস্বাপহারস্যানর্থহেতুতায়া প্রমাণতয়া নৃপচণ্ডলসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
ব্রাহ্মণস্বানি যে মন্দা হরন্তি ভরতর্ষভ।
নৃশংসকারিণো যোনিং কাং তে গচ্ছন্তি মানবাঃ॥ 13-158-1 (87479)
ভীষ্য উবাচ। 13-158-2x (7320)
পাতকানাং পরং হ্যেতদ্ব্রহ্মস্বহরণং বলাৎ।
সান্বয়াস্তে বিনশ্যন্তি চণ্ডালাঃ প্রেত্য চেহ চ॥ 13-158-2 (87480)
অত্রাপ্যুদাহরন্তীমমিতিহাসং পুরাতনমম্।
চণ্ডালস্য চ সংবাদং ক্ষত্রবন্ধোশ্চ ভারত॥ 13-158-3 (87481)
রাজোবাচ। 13-158-4x (7321)
বৃদ্ধরূপোঽসি চণ্ডাল বালবচ্চ বিচেষ্টসে।
শ্বখরাণাং রজঃসেবী কস্মাদুদ্বিজসে গবাম্॥ 13-158-4 (87482)
সাধুভির্গর্হিতং কর্ম চণ্ডালস্য বিধীয়তে।
কস্মাদ্গোরজসা ধ্বস্তমঙ্গং তোয়েন সিঞ্চসি॥ 13-158-5 (87483)
চণ্ডাল উবাচ। 13-158-6x (7322)
ব্রাহ্মণস্য গবাং রাজন্প্রয়ান্তীনাং রজঃ পুরা।
সোমমুদ্ধ্বংসয়ামাস তং সোমমপিবন্দ্বিজাঃ॥ 13-158-6 (87484)
ভৃত্যানামপি রাজ্ঞস্তু রজসা ধ্বংসিতং মখে।
তৎপানাচ্চ দ্বিজাঃ সর্বে ক্ষিপ্রং নরকমাবিশন্॥ 13-158-7 (87485)
দীক্ষিতশ্চ স রাজাঽপি ক্ষিপ্রং নরকমাবিশৎ।
সহ তৈর্যাজকৈঃ সর্বৈর্ব্রহ্মস্বমুপজীব্য তৎ॥ 13-158-8 (87486)
যেঽপি তত্রাপিবন্ক্ষীরং ঘৃতং দধি চ মানবাঃ।
ব্রাহ্মণাঃ সহরাজন্যাঃ সর্বে নরকমাবিশন্॥ 13-158-9 (87487)
জঘ্নুস্তাঃ পয়সা পুত্রাংস্তথা পৌত্রান্বিধূয় তান্।
পশূনবেক্ষমাণশ্চ সাধুবৃত্তেন দংপতী॥ 13-158-10 (87488)
অহং তত্রাবসং রাজন্ব্রহ্মচারী জিতেন্দ্রিয়ঃ।
তাসাং মে রজসা ধ্বস্তং ভৈক্ষমাসীন্নরাধিপ 13-158-11 (87489)
চণ্ডালোঽহং ততো রাজন্ভুক্ৎবা তদভবং নৃপ।
ব্রহ্মস্বহারী ন নৃপঃ সোঽপ্রতিষ্ঠাং গতিং যয়ৌ॥ 13-158-12 (87490)
তস্মাদ্ধরেন্ন বিপ্রস্বং কদাচিদপি কিঞ্চন।
ন পশ্যেন্নানুমোদেচ্চ ন হর্তুং কিঞ্চিদাহরেৎ॥ 13-158-13 (87491)
ব্রহ্মস্বং রজসা ধ্বস্তং ভুক্ৎবা মাং পশ্য যাদৃশম্।
তস্মাৎসোমোঽপ্যবিক্রেয়ঃ পুরুষেণ বিপশ্চিতা॥ 13-158-14 (87492)
এতদ্ধি ধনমুৎকৃষ্টং দ্বিজানামবিশেষতঃ।
বিক্রয়ং ৎবিহ সোমস্য গর্হয়ন্তি মনীষিণঃ॥ 13-158-15 (87493)
যে চৈনং ক্রীণতে তাত যে চ বিক্রীণতে জনাঃ।
তে তু বৈবস্বতং প্রাপ্য রৌরবং যান্তি সর্বশঃ॥ 13-158-16 (87494)
সোমং তু রজসা ধ্বস্তং বিক্রীণন্বিধিপূর্বকম্।
শ্রোত্রিয়ো বার্ধুষী ভূৎবা নচিরং স বিনশ্যতি॥ 13-158-17 (87495)
নরকং ত্রিংশতং প্রাপ্য স্ববিষ্ঠামুপজীবতি।
ব্রহ্মস্বহারী নরকান্যাতনাশ্চানুভূয় তু।
মলেষু চ কৃমির্ভূৎবা শ্ববিষ্ঠামুপজীবতী॥ 13-158-18 (87496)
শ্বচর্যামতিমানং চ সখিদারেষু বিপ্লবম্।
তুলয়াধারয়দ্ধর্মো হ্যতিমানোঽতিরিচ্যতে॥ 13-158-19 (87497)
ম্লানং মাং বিকলং পশ্য বিবর্ণং হরিণং কৃশম্।
অতিমানেনি মাং পশ্য পাপাং গতিমুপাগতম্॥ 13-158-20 (87498)
অহং বৈ বিপুলে তাত কুলে দনসমন্বিতে।
পৌরাণে জন্মনি বিভো জ্ঞানবিজ্ঞানপারগঃ॥ 13-158-21 (87499)
অভবং তত্র জানানো হ্যেতান্দোষান্মদাৎসদা।
সংরব্ধ এব ভূতানাং পৃষ্ঠমাংসমভক্ষয়ম্॥ 13-158-22 (87500)
সোঽহং বৈ বিদিতঃ সর্বৈর্দূরগো বনিনো বনে।
সাধূনাং পরিভাবেপ্সুর্বিপ্রাণাং গর্বিতো ধনৈঃ।
ইমামবস্থাং সম্প্রাপ্তঃ পশ্য কালস্য পর্যযম্॥ 13-158-23 (87501)
আদীপ্তমিব চৈলান্তং ভ্রমরৈরিব চার্দিতম্।
ধাবমানং সুসংরব্দং ফশ্য মাং রজসাঽন্বিতম্॥ 13-158-24 (87502)
স্বাধ্যায়ৈস্তু মহাৎপাপং হরন্তি গৃহমেধিনঃ।
দানৈঃ পৃথগ্বিধৈশ্চাপি বিপ্রজাত্যাং মনীষিণঃ॥ 13-158-25 (87503)
তথা পাপকৃতং বিপ্রমাশ্রমস্তং মহীপতে।
সর্বসঙ্গবিনির্মুক্তং ছন্দাংস্যুত্তারয়ন্ত্যুত॥ 13-158-26 (87504)
অহং হি পাপয়োন্যাং বৈ প্রসূতঃ ক্ষত্রিয়র্ষভ।
নিশ্চয়ং নাধিগচ্ছামি কথং মুচ্যেয়মিত্যুত॥ 13-158-27 (87505)
জাতিস্মরৎবং চ মম কেনচিৎপূর্বকর্মণা।
শুভনে যেন মোক্ষং বৈ প্রাপ্তুমিচ্ছাম্যহং নৃপ॥ 13-158-28 (87506)
ৎবমিমং সম্প্রপন্নায় সংশয়ং ব্রূহি পৃচ্ছতে।
চণ্ডালৎবাৎকথমহং মুচ্যেয়মিতি সত্তম॥ 13-158-29 (87507)
রাজোবাচ। 13-158-30x (7323)
চণ্ডাল প্রতিজানীহি যেন মোক্ষমবাপ্স্যসি।
ব্রাহ্মণার্থে ত্যজন্প্রাণান্গতিমিষ্টামবাপ্স্যসি॥ 13-158-30 (87508)
দত্ৎবা শরীরং ক্রব্যাদ্ভ্যো রণাগ্নৌ দ্বিজহেতুকম্।
হিৎবা প্রাণান্প্রমোক্ষস্তে নান্যথা মোক্ষমর্হসি॥ 13-158-31 (87509)
ভীষ্ম উবাচ। 13-158-32x (7324)
ইত্যুক্তঃ স তদা তেন ব্রহ্মস্বার্থে পরন্তপ।
হিৎবা রণমুখে প্রাণান্গতিমিষ্টামবাপ হ॥ 13-158-32 (87510)
তস্মাদ্রক্ষ্যং ৎবয়া পুত্র ব্রহ্মস্বং ভরতর্ষভ।
যদীচ্ছসি মহাবাহো শাশ্বতীং গতিমাত্মনঃ॥ ॥ 13-158-33 (87511)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টপঞ্চাশদধিকশততমোঽধ্যায়ঃ॥ 158 ॥
Mahabharata - Anushaasana Parva - Chapter Footnotes
7-158-4 রজঃসেবী রজোগুণ্ঠিতঃ॥ 7-158-5 গোরজসা গোপরাগেণ প্রচলত্যা ধেনোরূধসঃ সকাশাৎপ্রসরন্ত্যঃ ক্ষীরবিপ্রুষোঽত্র পরাগপর্যায়েণ রজঃপদেনোচ্যন্তে। ধ্বস্তং ব্যাপ্তং বিপ্রুণ্মাত্রেণাপি ব্রহ্মস্বেন দেহস্নিগ্ধৎবং মাভূদিতি ভাবঃ॥ 7-158-6 রজঃ ক্ষীরং কর্তৃ মার্গস্থবল্লীরূপং সোমমুদ্ধ্বংসয়ামাস নাশিতবৎ॥ 7-158-10 তা গাবঃ পরৈঃ পীতেন স্বপয়সা তেষাং পুত্রপৌত্রান্ পশূন্ দম্পতী চ জঘ্নুঃ সদ্যোঽল্পায়ুষশ্চক্রুঃ॥ 7-158-16 এনং ব্রহ্মস্বসৃষ্টম্॥ 7-158-19 শ্বচর্যাং নীচসেবাম্। অতিমানী ইতরদ্বয়াপেক্ষয়া অত্যন্তং পাপীত্যর্থঃ। স্বস্বদারেষু বিপ্লবমিতি ধ.পাঠঃ॥ 7-158-22 ভূতানামুপরি সদা সংরব্দ এব কুপিত এবেত্যন্বয়ঃ॥ 7-158-24 ভ্রমরৈস্তীক্ষ্ণতুণ্ডৈরর্দ্যমানমিব চেলান্তবদ্দহ্যমানমিব ক্লিশ্যন্তং মাং পশ্য। আদীপ্তমিব চালাতমিতি থ.পাঠঃ॥অনুশাসনপর্ব - অধ্যায় 159
॥ শ্রীঃ ॥
13.159. অধ্যায়ঃ 159
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি পুণ্যপাপকর্মফলভেদস্য পুণ্যকর্মণাং চ তরতমভাবস্য চ বোধনায় তাদৃশ কর্মবিশেষসাধ্যফলবিশেষপ্রতিপাদকশক্রগৌতমসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
একো লোকস্তু কৃতিনাং স্বর্গে লোকে পিতামহ।
উত তত্রাপি নানাৎবং সর্বং ব্রূহি পিতামহ॥ 13-159-1 (87512)
ভীষ্ম উবাচ। 13-159-2x (7325)
কর্মভিঃ পার্থ নানাৎবং লোকানাং যান্তি মানবাঃ।
পুণ্যান্পুণ্যকৃতো যান্তি পাপান্পাপকৃতো নরাঃ॥ 13-159-2 (87513)
অত্রাপ্যুদাহরন্তীমমিতিহাসং পুরাতনম্।
গৌতমস্য মুনেস্তাত সংবাদং বাসবস্য চ॥ 13-159-3 (87514)
ব্রাহ্মণো গৌতমঃ কশ্চিন্মৃদুর্দান্তো জিতেন্দ্রিয়ঃ।
মহাবনে হস্তিশিশুং পরিদ্যূনমমাতৃকম্॥ 13-159-4 (87515)
তং দৃষ্ট্বা জীবয়ামাস সানুক্রোশো ধৃতব্রতঃ।
স তু দীর্ঘেণ কালেনি বভূবাতিবলো মহান্॥ 13-159-5 (87516)
তং প্রপন্নং মহাদীর্ঘং প্রভূতং সর্বতোমদম্।
ধৃতরাষ্ট্রস্বরূপেণ শক্রো জগ্রাহ হস্তিনম্॥ 13-159-6 (87517)
হ্রিয়মাণং তু তং দৃষ্ট্বা গৌতমঃ সংশিতব্রতঃ।
অভ্যভাষত রাজানং ধৃতরাষ্ট্রং মহাতপাঃ॥ 13-159-7 (87518)
মামাহার্ষীর্হস্তিনং পুত্রমেনং
দুঃখাৎপুষ্টং ধৃতরাষ্ট্রাৎকৃতজ্ঞ।
মৈত্রং সতাং সপ্তপদং বদন্তি
মিত্রদ্রোহো নেহ রাজন্স্পৃসেত্ৎবাম্॥ 13-159-8 (87519)
ইধ্মোদকপ্রদাতারং শূন্যপালং মমাশ্রমে।
বিনীতমাচার্যকুলে সুয়ুক্তং গুরুকর্মণি॥ 13-159-9 (87520)
শিষ্টং দান্তং কৃতজ্ঞং চ প্রিয়ং চ সততং মম।
ন মে বিক্রোশতো রাজন্হর্তুমর্হসি কুঞ্জরম্॥ 13-159-10 (87521)
ধৃতরাষ্ট্র উবাচ। 13-159-11x (7326)
গবাং সহস্রং ভবতে দদানি
শতানি নিষ্কস্য দদানি পঞ্চ।
অন্যচ্চ বিত্তং বিবিধং মহর্ষে
কিং ব্রাহ্মণস্যেহ গজেন কৃত্যম্॥ 13-159-11 (87522)
গৌতম উবাচ। 13-159-12x (7327)
তবৈব গাবো হি ভবন্তু রাজ-
ন্দাস্যঃ সনিষ্কা বিবিধং চ রত্নম্।
অন্যচ্চ বিত্তং বিবিধং নরেন্দ্র
কিং ব্রাহ্মণস্যেহ ধনেন কৃত্যম্॥ 13-159-12 (87523)
ধৃতরাষ্ট্র উবাচ। 13-159-13x (7328)
ব্রাহ্মণানাং হস্তিভির্নাস্তি কৃত্যং
রাজন্যানাং নাগকুলানি বিপ্র।
স্বং বাহনং নয়তো নাস্ত্যধর্মো
নাগশ্রেষ্ঠং গৌতমাস্মান্নিবর্ত॥ 13-159-13 (87524)
গৌতম উবাচ। 13-159-14x (7329)
যত্র প্রেতো নন্দতি পুণ্যকর্মা
যত্র প্রেতঃ শোচতে পাপকর্মা।
বৈবস্বতস্য সদনে মহাত্মন-
স্তত্র ৎবাঽহং হস্তিনং যাতয়িষ্যে॥ 13-159-14 (87525)
ধৃতরাষ্ট্র উবাচ। 13-159-15x (7330)
যে নিষ্ক্রিয়া নাস্তিকাঃ শ্রদ্ধধানাঃ
পাপাত্মান ইন্দ্রিয়ার্থে নিসৃষ্টাঃ।
যমস্য তে যাতনাং প্রাপ্নুবন্তি
পরং গন্তা ধৃতরাষ্ট্রো ন তত্র॥ 13-159-15 (87526)
গৌতম উবাচ। 13-159-16x (7331)
বৈবস্বতী সংয়মনী জনানাং
যত্রানৃতং নোচ্যতে যত্র সত্যম্।
যত্রাংবলান্বলিনো ঘাতয়ন্তি
তত্র ৎবাঽহং হস্তিনং যাতয়িষ্যে॥ 13-159-16 (87527)
ধৃতরাষ্ট্র উবাচ। 13-159-17x (7332)
জ্যেষ্ঠাং স্বসারং পিতরং মাতরং চ
গুরূন্যথাঽমানয়ন্তশ্চরন্তি।
তথাবিধানামেষ লোকো মহর্ষে
পরং গন্তা ধৃতরাষ্ট্রো ন তত্র॥ 13-159-17 (87528)
গৌতম উবাচ। 13-159-18x (7333)
মন্দাকিনী বৈশ্রবণস্ রাজ্ঞো
মহাভাগা ভোগিজনপ্রবেশ্যা।
গন্ধর্বয়ক্ষৈরপ্সরোভিশ্চ জুষ্টা
তত্র ৎবাঽহং হস্তিনং যাতয়িষ্যে॥ 13-159-18 (87529)
ধৃতরাষ্ট্র উবাচ। 13-159-19x (7334)
অতিথিব্রতাঃ সুব্রতা যে জনা বৈ
প্রতিশ্রয়ং দদতি ব্রাহ্মণেভ্যঃ।
শিষ্টাশিনঃ সংবিভজ্যাশ্রিতেভ্যো
মন্দাকিনীং তেঽপি হি ভূষয়ন্তি॥ 13-159-19 (87530)
গৌতম উবাচ। 13-159-20x (7335)
মেরোরগ্রে যদ্বনং ভাতি রম্যং
সুপুষ্পিতং কিন্নরীগীতজুষ্টম্।
সুদর্শনা যত্র জম্বূর্বিশালা
তত্র ৎবাঽহং হস্তিনং যাতয়িষ্যে॥ 13-159-20 (87531)
ধৃতরাষ্ট্র উবাচ। 13-159-21x (7336)
যে ব্রাহ্মণা মৃদবঃ সত্যশীলা
বহুশ্রুতাঃ সর্বভূতাভিরামাঃ।
যেঽধীয়তে সেতিহাসং পুরাণং
মধ্বাহুত্যা জুহ্বতি বৈ দ্বিজেভ্যঃ॥ 13-159-21 (87532)
তথাবিধানামেষ লোকো মহর্ষে
পরং গন্তা ধৃতরাষ্ট্রো ন তত্র।
যদন্যত্তে বিদিতং স্থানমস্তি
তদ্ব্রূহি ৎবং ৎবরিতো হ্যেষ যামি॥ 13-159-22 (87533)
গৌতম উবাচ। 13-159-23x (7337)
সুপুষ্পিতং কিংনররাজজুষ্টং
প্রিয়ং বনং নন্দনং নারদস্য।
গন্ধর্বাণামপ্সরসাং চ সদ্ম
তত্র ৎবাঽহং হস্তিনং যাতয়িষ্যে॥ 13-159-23 (87534)
ধৃতরাষ্ট্র উবাচ। 13-154-24x (7338)
যে নৃত্যগীতে কুশলা জনাঃ সদা
দেবাত্মানঃ প্রিয়কামাশ্চরন্তি।
তথাবিধানামেষ লোকো মহর্ষে
পরং গন্তা ধৃতরাষ্ট্রো ন তত্র॥ 13-159-24 (87535)
গৌতম উবাচ। 13-159-25x (7339)
যত্রোত্তরাঃ কুরবো ভান্তি রম্যা
দেবৈঃ সার্ধং মোদমানা নরেন্দ্রঃ।
যত্রাগ্নিয়ৌনাশ্চ বসন্তি বিপ্রা
অব্যোনয়ঃ পর্বতয়োনয়শ্চ॥ 13-159-25 (87536)
যত্র শক্রো বর্ষতি সর্বকামা-
ন্যত্র স্ত্রিয়ঃ কামচারা ভবন্তি।
যত্র চের্ষ্যা নাস্তি নারীনরাণাং
তত্র ৎবাঽহং হস্তিনং যাতয়িষ্যে॥ 13-159-26 (87537)
ধৃতরাষ্ট্র উবাচ। 13-159-27x (7340)
যে সর্বভূতেষু নিবৃত্তকামা
অমাংসাদা ন্যস্তদণ্ডাশ্চরন্তি।
ন হিংসন্তি স্থাবরং জঙ্গমানি
ভূতানাং যে সর্বভূতাত্মভূতাঃ॥ 13-159-27 (87538)
নিরাশিষো নির্মমা বীতরাগা
লাভালাভে তুল্যনিন্দাপ্রশংসাঃ।
তথাবিধানামেষ লোকো মহর্ষে
পরং গন্তা ধৃতরাষ্ট্রো ন তত্র॥ 13-159-28 (87539)
গৌতম উবাচ। 13-159-29x (7341)
ততোঽপরে ভান্তি লোকাঃ সনাতনাঃ
সুপুণ্যগন্ধা বিরজা বীতশোকাঃ।
সোমস্য রাজ্ঞঃ সদনে মহাত্মন-
স্তত্র ৎবাঽহং হস্তিনং যাতয়িষ্যে॥ 13-159-29 (87540)
ধৃতরাষ্ট্র উবাচ। 13-159-30x (7342)
যে দানশীলা ন প্রতিগৃহ্ণতে সদা
ন চাপ্যর্থাংশ্চাদদতে পরেভ্যঃ।
যেষামদেয়মর্হতে নাস্তি কিঞ্চি-
ৎসর্বাতিথ্যাঃ সুপ্রজনা জনাশ্চ॥ 13-159-30 (87541)
যে ক্ষন্তারো নাভিজল্পন্তি চান্যা-
ঞ্শক্তা ভূৎবা সততং পুণ্যশীলাঃ।
তথাবিধানামেষ লোকো মহর্ষে
পরং গন্তা ধৃতরাষ্ট্রো ন তত্র॥ 13-159-31 (87542)
গৌতম উবাচ। 13-159-32x (7343)
ততোঽপরে ভান্তি লোকাঃ সনাতনা
বিরাজসা বিতমস্কা বিশোকাঃ।
আদিত্যদেবস্য পদং মহাত্মন-
স্তত্র ৎবাঽহং হস্তিনং যাতয়িষ্যে॥ 13-159-32 (87543)
ধৃতরাষ্ট্র উবাচ। 13-159-33x (7344)
স্বাধ্যায়শীলা গুরুশুশ্রূষকাশ্চ
তপস্বিনঃ সুব্রতাঃ সত্যসন্ধাঃ।
আচার্যাণামপ্রতিকূলভাষিণো
নিত্যোত্থিতা গুরুকর্মস্বচোদ্যাঃ॥ 13-159-33 (87544)
তথাবিধানামেষ লোকো মহর্ষে
বিশুদ্ধানাং ভাবিতো বাগ্যতানাম্।
সত্যে স্থিতানাং বেদবিদাং মহাত্মনাং
পরং গন্তা ধৃতরাষ্ট্রো ন তত্র॥ 13-159-34 (87545)
গৌতম উবাচ। 13-159-35x (7345)
ততোঽপরে ভান্তি লোকাঃ সনাতনাঃ
সুপুণ্যগন্ধা বিরজা বিশোকাঃ।
বরুণস্য রাজ্ঞঃ সদনে মহাত্মন-
স্তত্র ৎবাঽহং হস্তিনং যাতয়িষ্যে॥ 13-159-35 (87546)
ধৃতরাষ্ট্র উবাচ। 13-159-36x (7346)
চাতুর্মাস্যৈর্যে যজন্তে জনাঃ সদা
তথেষ্টীনাং দশশতং প্রাপ্নুবন্তি।
যে চাগ্নিহোত্রং জুহ্বতি শ্রদ্দধানা
যথান্যায়ং ত্রীণি বর্ষাণি বিপ্রাঃ॥ 13-159-36 (87547)
স্বদারগাণাং ধর্মকৃতাং মহাত্মনাং
যথোদিতে বর্ত্মনি সুস্থিতানাম্।
ধর্মান্মনামুদ্বহতাং গতিং তাং
পরং গন্তা ধৃতরাষ্ট্রো ন তত্র॥ 13-159-37 (87548)
গৌতম উবাচ। 13-159-38x (7347)
ইন্দ্রস্য লোকা বিরজা বিশোকা
দুরন্বয়াঃ কাঙ্ক্ষিতা মানবানাম্।
তস্যাহং তে ভবনে ভূরিতেজসো
রাজন্নিমং হস্তিনং যাতয়িষ্যে॥ 13-159-38 (87549)
ধৃতরাষ্ট্র উবাচ। 13-159-39x (7348)
শতবর্ষজীবী যশ্চ শূরো মনুষ্যো
বেদাধ্যায়ী যশ্চ যজ্বাঽপ্রমত্তঃ।
এতে সর্বে শক্রলোকং ব্রজন্তি
পরং গন্তা ধৃতরাষ্ট্রো ন তত্র॥ 13-159-39 (87550)
গৌতম উবাচ। 13-159-40x (7349)
প্রাজাপত্যাঃ সন্তি লোকা মহান্তো
নাকস্য পৃষ্ঠে পুষ্কলা বীতশোকাঃ।
মনীষিণাং সর্বলোকাভয়ানাং
তত্র ৎবাঽহং হস্তিনং যাতয়িষ্যে॥ 13-159-40 (87551)
ধৃতরাষ্ট্র উবাচ। 13-159-41x (7350)
যে রাজানো রাজসূয়াভিষিক্তা
ধর্মাত্মানো রক্ষিতারঃ প্রজানাম্।
যে চাশ্বমেধাবভৃথে প্লুতাঙ্গা-
স্তেষাং লোকা ধৃতরাষ্ট্রো ন তত্র॥ 13-159-41 (87552)
গৌতম উবাচ। 13-159-42x (7351)
ততঃপরং ভান্তি লোকাঃ সনাতনাঃ
সুপুণ্যগন্ধা বিরজা বীতশোকাঃ।
তস্মিন্নহং দুর্লভে চাপ্যধৃষ্যে
গবাং লোকে হস্তিনং যাতয়িষ্যে॥ 13-159-42 (87553)
ধৃতরাষ্ট্র উবাচ। 13-159-43x (7352)
যো গোসহস্রী শতদো মহাত্মা
যো গোশতী দশ দদ্যাচ্চ শক্ত্যা।
তথা দশভ্যো যশ্চ দদ্যাদিহৈকাং
পঞ্চভ্যো বা দানশীলস্তথৈকাম্॥ 13-159-43 (87554)
যে জীর্যন্তে ব্রহ্মচর্যেণি বিপ্রা
ব্রাহ্মীং বাচং পরিরক্ষন্তি চৈব।
মনস্বিনস্তীর্থয়াত্রাপরা যে
তে তত্র মোদন্তি ততো বিমানৈঃ॥ 13-159-44 (87555)
প্রভাসং মানসং তীর্থ পুষ্করাণি মহৎসরঃ।
পুণ্যং চ নৈমিষং তীর্থং বাহুদাং করতোয়িনীম্॥ 13-159-45 (87556)
গাং হয়শিরশ্চৈব বিপাশাং স্থূলবালুকাম্।
তূষ্ণীং গঙ্গাং শনৈর্গঙ্গাং মহাহ্রদমথাপি চ॥ 13-159-46 (87557)
গোমতীং কৌশিকীং পংপাং মহাত্মানো ধৃতব্রতাঃ।
সরস্বতীদৃষদ্বত্যৌ যমুনাং যে তু যান্তি চ॥ 13-159-47 (87558)
তত তে দিব্যসংস্থানা দিব্যমাল্যধরাঃ শিবাঃ।
প্রয়ান্তি পুণ্যগন্ধাঢ্যা ধৃতরাষ্ট্রো ন তত্র বৈ॥ 13-159-48 (87559)
গৌতম উবাচ। 13-159-49x (7353)
যত্র শীতভয়ং নাস্তি ন চোষ্ণভয়মণ্বপি।
ন ক্ষুৎপিপাসে ন গ্লানির্ন দুঃখং ন সুখং তথা॥ 13-159-49 (87560)
ন দ্বেষ্যো ন প্রিয়ঃ কশ্চিন্ন বন্ধুর্ন রিপুস্তথা।
ন জরামরণে তত্র ন পুণ্যং ন চ পাতকম্। 13-159-50 (87561)
তস্মিন্বিরজসি স্ফীতে প্রজ্ঞাসৎবব্যবস্থিতে।
স্বয়ম্ভুভবনে পুণ্যে হস্তিনং যাতয়িষ্যতি॥ 13-159-51 (87562)
ধৃতরাষ্ট্র উবাচ। 13-159-52x (7354)
নির্মুক্তাঃ সর্বসঙ্গৈর্যে কৃতাত্মানো যতব্রতাঃ।
অধ্যাত্ময়োগসংস্তানৈর্যুক্তাঃ স্বর্গগতিং গতাঃ॥ 13-159-52 (87563)
তে ব্রহ্মভবনং পুণ্যং প্রাপ্নুবন্তীহ সাৎবিকাঃ।
ন তত্র ধৃতরাষ্ট্রস্তে শক্যো দ্রষ্টুং মহামুনে॥ 13-159-53 (87564)
গৌতম উবাচ। 13-159-54x (7355)
রথন্তরং যত্র বৃহচ্চ গীয়তে
যত্র বেদিঃ পুণ্যজনৈর্বৃতা চ।
যত্রোপয়াতি হরিভিঃ সোমপীথী
তত্র ৎবাঽহং হস্তিনং যাতয়িষ্যে॥ 13-159-54 (87565)
বুধ্যামি ৎবাং বৃত্রহণং শতক্রতুং
ব্যতিক্রমন্তং ভুবনানি বিশ্বা।
কচ্চিন্ন বাচা বৃজিনং কদাচি-
দকার্ষং তে মনসোঽভিষঙ্কাৎ॥ 13-159-55 (87566)
শতক্রতুরুবাচ। 13-159-56x (7356)
মঘবাঽহং লোকপথং প্রজানা-
মন্বাগমং পরিবাদে গজস্য।
তস্মাদ্ভবান্প্রণতং মাঽনুশাস্তু
ব্রবীষি যত্তৎকরবাণি সর্বম্॥ 13-159-56 (87567)
গৌতম উবাচ। 13-159-57x (7357)
শ্বেতং করেণুং মম পুত্রং হি নাগং
প্রিয়ং তু মে ষষ্টিবর্ষং তু বালম্।
যো মে বনে বসতোঽভূদ্দ্বিতীয়-
স্তমেব মে দেহি সুরেন্দ্র নাগম্॥ 13-159-57 (87568)
শতক্রতুরুবাচ। 13-159-58x (7358)
অয়ং সুতস্তে দ্বিজমুখ্যনাগ
আঘ্রায়তে ৎবামভিবীক্ষমাণঃ।
পাদৌ চ তে নাসিকয়োপজিঘ্রতে
শ্রেয়ো মমাধ্যাহি নমশ্চ তেঽস্তু॥ 13-159-58 (87569)
গৌতম উবাচ। 13-159-59x (7359)
শিবং সদৈবেহ সুরেন্দ্র তুভ্যং
ধ্যায়ামি পূজাং চ সদা প্রয়ুঞ্জে।
মমাপি ৎবং শক্র শিবং দদস্ব
ৎবয়া দত্তং প্রতিগৃহ্ণামি নাগম্॥ 13-159-59 (87570)
শতক্রতুরুবাচ। 13-159-60x (7360)
যেষাং বেদা নিহিতা বৈ গুহায়াং
মনীষিণাং সত্যবতাং মহাত্মনাম্।
তেষাং ৎবয়ৈকেন মহাত্মনাঽস্মি
বুদ্ধস্তস্মাৎপ্রীতিমাংস্তেঽহতদ্য॥ 13-159-60 (87571)
হন্তৈহি ব্রাহ্মণি ক্ষিপ্রং সহ পুত্রেণ হস্তিনা।
ৎবং হি প্রাপ্তুং শুভাঁল্লোকানহ্নায় চ চিরায় চ॥ 13-159-61 (87572)
ভীষ্ম উবাচ। 13-159-62x (7361)
স গৌতমং পুরুস্কৃত্য সহ পুত্রেণ হস্তিনা।
দিবমাচক্রমে বজ্রী সদ্ভিঃ সহ দুরাসদম্॥ 13-159-62 (87573)
ইদং যঃ শৃণুয়ান্নিত্যং যঃ পঠেদ্বা জিতেন্দ্রিয়ঃ।
স যাতি ব্রহ্মণো লোকং ব্রাহ্মণো গৌতমো যথা॥ ॥ 13-159-63 (87574)
ইতি শ্রীমন্মহাভারতে অনুশাসনপর্বণি দানধর্মপর্বণি একোনষষ্ট্যধিকশততমোঽধ্যায়ঃ॥ 159 ॥
Mahabharata - Anushaasana Parva - Chapter Footnotes
7-159-2 পুণ্যপাপয়োরিব পুণ্যানামবান্তরভেদোঽস্তীত্যর্থঃ॥ 7-159-11 দাসীশতং নিষ্কশতানি পঞ্চ। ইতি ঝ.পাঠঃ॥ 7-159-12 ব্রাহ্মণস্য ব্রাহ্মণসম্বন্ধিনা ধনেন॥ 7-159-14 যাতয়িষ্যে হস্তিনম্। স্বীয়ং ফলং ৎবত্তো গ্রহীষ্যে ইত্যর্থঃ। হস্তিনং যাচয়িষ্যে ইতি ক.ঙ.ধ.পাঠঃ॥ 7-159-18 যথা শত্রুং মদমত্তাশ্চরন্তি ইতি ঝ.পাঠঃ॥ 7-159-25 অগ্নিয়ৌনা ধৃষ্টদ্যুম্নবদগ্নিরেব যৌনং যোনির্যেষাং তে॥ 7-159-31 ক্ষন্তারঃ ক্ষমিণঃ॥ 7-159-51 হস্তিনং মে প্রদাস্যসি ইতি ঝ.পাঠঃ॥অনুশাসনপর্ব - অধ্যায় 160
॥ শ্রীঃ ॥
13.160. অধ্যায়ঃ 160
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি বিপ্রবচনস্যৈহিকপারত্রিকশ্রেয়স্সাধনৎবকথনম্॥ 1 ॥ তথাঽনশনস্য মহাতপস্ৎবকথনম্॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
দানং বহুবিধাকারং শান্তিঃ সত্যমহিংসিতম্।
স্বদারতুষ্টিশ্চোক্তা তে ফলং দানস্য বাঽপি যৎ॥ 13-160-1 (87575)
পিতামহস্য বিদিতং কিমন্যত্তপসো বলাৎ।
তপসো যৎপরং তেঽদ্য তন্নো ব্যাখ্যাতুমর্হসি॥ 13-160-2 (87576)
ভীষ্ম উবাচ। 13-160-3x (7362)
তপসঃ প্রক্ষয়ো যাবত্তাল্লোকো যুধিষ্ঠির।
মতং মমাত্র কৌন্তেয় তপো নানশনাৎপরম্॥ 13-160-3 (87577)
অত্রাপ্যুদাহরন্তীমমিতিহাসং পুরাতনম্।
ভগীরথস্য সংবাদং ব্রহ্মণশ্চ মহাত্মনঃ॥ 13-160-4 (87578)
অতীত্য সুরলোকং চ গবাং লোকং চ ভারত।
ঋষিলোকং চ সোঽগচ্ছদ্ভগীরথ ইতি শ্রুতম্॥ 13-160-5 (87579)
তং তু দৃষ্ট্বা বচঃ প্রাহ ব্রহ্মা রাজন্ভগীরথম্।
কথং ভগীরথাঽঽগাস্ৎবমিমং লোকং দুরাসদম্॥ 13-160-6 (87580)
ন হি দেবা ন গন্ধর্বা ন মনুষ্যা ভগীরথ।
আয়ান্ত্যতপ্ততপসঃ কথং বৈ ৎবমিহাগতঃ॥ 13-160-7 (87581)
ভগীরথ উবাচ। 13-160-8x (7363)
নিশ্শঙ্কমন্নমদদাং ব্রাহ্মণোভ্যঃ
শতং সহস্রাণি সদৈবতানাম্।
ব্রাহ্মং ব্রতং নিত্যমাস্থায় বিদ্ব-
ন্ন ৎবেবাহং তস্য ফলাদিহাগাম্॥ 13-160-8 (87582)
দশৈকরাত্রান্দশপঞ্চরাত্রা-
নেকাদশৈকাদশকান্ক্রতূংশ্চ।
জ্যোতিষ্টোমানাং চ শতং যদিষ্টং
ফলেন তেনাপি চ নাগতোঽহম্॥ 13-160-9 (87583)
যচ্চাবসং জাহ্নবীতীরনিত্যঃ
শতং সমাস্তপ্যমানস্তপোঽহম্।
অদাং চ তত্রাশ্বতরীসহস্রং
নারীপুরং ন চ তেনাহমাগাম্॥ 13-160-10 (87584)
দশায়ুতানি চাশ্বানাং গোঽয়ুতানি চ বিংশতিম্।
পুষ্করেষু দ্বিজাতিভ্যঃ প্রাদাং শতসহস্রশঃ॥ 13-160-11 (87585)
সুবর্ণচন্দ্রোত্তমধারিণীনাং
কন্যোত্তমানামদদং সহস্রম্।
ষষ্টিং সহস্রাণি বিভূষিতানাং
জাম্বূনদৈরাভরণৈর্ন তেন॥ 13-160-12 (87586)
দশার্বুদান্যদদং গোসবেজ্যা-
স্বেকৈকশো দশ গা ওকনাথ।
সমানবৎসাঃ পয়সা সমন্বিতাঃ
সুবর্ণকাংস্যোপদুহা ন তেন॥ 13-160-13 (87587)
আপ্তোর্যামেষু নিয়তমেকৈকস্মিন্দশাদদম্।
গৃষ্টীনাং ক্ষীরদোগ্ধ্রীণাং রোহিণীনাং শতানি চ॥ 13-160-14 (87588)
দোগ্ধ্রীণাং বৈ গবাং চাপি প্রয়ুতানি দশৈব হ।
প্রাদাং দশগুণং ব্রহ্মন্ন তেনাহমিহাগতঃ॥ 13-160-15 (87589)
বাজিনাং বাহ্লিজাতানাময়ুতান্যদদং দশ।
কর্কাণাং হেমমালানাং ন চ তেনাহমাগতঃ॥ 13-160-16 (87590)
কোটীশ্চ কাঞ্চনস্যাষ্টৌ প্রাদাং ব্রহ্মন্দশান্বহম্।
একৈকস্মিন্ক্রতৌ তেন ফলেনাহং ন চাগতঃ॥ 13-160-17 (87591)
বাজিনাং শ্যামকর্ণানাং হরিতানাং পিতামহ।
প্রাদাং হেমস্রজাং ব্রহ্মন্কোটীর্দশ চ সপ্ত চ॥ 13-160-18 (87592)
ঈষাদন্তান্মহাকায়ান্কাঞ্চতস্রগ্বিভূষিতান্।
পদ্মিনো বৈ সহস্রাণি প্রাদাং দশ চ সপ্ত চ॥ 13-160-19 (87593)
অলঙ্কৃতানাং দেবেশ দিব্যৈঃ কনকভূষণৈঃ।
রথানাং কাঞ্চনাঙ্গানাং সহস্রাণ্যদদং দশ॥ 13-160-20 (87594)
সপ্ত চান্যানি যুক্তানি বাজিভিঃ সমলঙ্কৃতৈঃ।
দক্ষিণাবয়বাঃ কেচিদ্বেদৈর্যে সম্প্রকীর্তিতাঃ॥ 13-160-21 (87595)
বাজপেয়েষু দশসু প্রাদাং তেষ্বপি চাপ্যহম্।
শক্রতুল্যপ্রভাবাণামিজ্যযা বিক্রমেণ হ॥ 13-160-22 (87596)
সহস্রং নিষ্ককণ্ঠানামদদং দক্ষিণামহম্।
বিজিত্য ভূপতীন্সর্বানর্থৈরিষ্ট্বা পিতামহ।
অষ্টভ্যো রাজসূয়েভ্যো ন চ তেনাহমাগতঃ॥ 13-160-23 (87597)
স্রোতশ্চ যাবদ্গঙ্গায়াশ্ছন্নমাসীজ্জগৎপতে।
দক্ষিণাভিঃ প্রবৃত্তাভির্মম নাগাং চ তৎকৃতে॥ 13-160-24 (87598)
বাজিনাং চ সহস্রে দ্বে সুবর্ণশতভূষিতে।
বরং গ্রামশতং চাহমেকৈকস্যাং তিথাবদাম্॥ 13-160-25 (87599)
তপস্বী নিয়তাহারঃ শমমাস্থায় বাগ্যতঃ।
দীর্ঘকালং হিমবতি গঙ্গার্থমচরং তপঃ॥ 13-160-26 (87600)
মূর্ধ্না হরং মহাদেবং প্রণম্যাভ্যর্চয়ন্নৃপঃ।
ন তেনাপ্যহমাগচ্ছং ফলেনেহ পিতামহ॥ 13-160-27 (87601)
শম্যাক্ষেপৈরয়জং যচ্চ দেবা-
ঞ্শতৈঃ ক্রতূনাময়ুতৈশ্চাপি যচ্চ।
ত্রয়োদশদ্বাদশাহৈশ্চ দেব
সপৌণ্ডরীকৈর্ন চ তেষাং ফলেন॥ 13-160-28 (87602)
অষ্টৌ সহস্রাণি ককুদ্মিনামহং
শুক্লর্ষভাণামদদং দ্বিজেভ্যঃ।
একৈকং বৈ কাঞ্চনং শৃঙ্গমেভ্যঃ
পত্নীশ্চৈষামদদং নিষ্ককণ্ঠীঃ॥ 13-160-29 (87603)
হিরণ্যরত্ননিচয়ানদদং রত্নপর্বতান্।
ধনধান্যৈঃ সমৃদ্ধাংশ্চ গ্রামাঞ্শতসহস্রশঃ॥ 13-160-30 (87604)
শতং শতানাং গৃষ্টীনামদদং চাপ্যতন্দ্রিতঃ।
ইষ্ট্বাঽনেকৈর্মহায়জ্ঞৈর্ব্রাহ্মণেভ্যো ন তেন চ॥ 13-160-31 (87605)
একাদশাহৈরয়জং সদক্ষিণৈ-
র্দ্বির্দ্বাদশাহৈরশ্বমেধৈশ্চ দেব।
গবাং ধনৈঃ ষোডশভিশ্চ ব্রহ্মং-
স্তেষাং ফলেনেহ ন চাগতোঽস্মি॥ 13-160-32 (87606)
নিষ্কৈককণ্ঠমদদং যোজনায়তং
তদ্বিস্তীর্ণং কাঞ্চনপাদপানাম্।
বনং চূতানাং রত্নবিভূষিতানাং
নচৈব তেষামাগতোঽহং ফলেন॥ 13-160-33 (87607)
তুরায়ণং হি ব্রতমপ্যধৃষ্য-
মক্রোধনোঽকরবং ত্রিংশদব্দান্।
শতং গবামষ্টশতানি চৈব
দিনেদিনে হ্যদদং ব্রাহ্মণেভ্যঃ॥ 13-160-34 (87608)
পয়স্বিনীনামথ রোহিণীনাং
তথৈবান্যাননডুহো লোকনাথ।
প্রাদাং নিত্যং ব্রাহ্মণেভ্যঃ সুরেশ
নেহাগতস্তেন ফলেন চাহম্॥ 13-160-35 (87609)
`শম্যাক্ষেপেণ পৃথিবীং ত্রিধা পর্যচরং যজন্।'
ত্রিংশদগ্নীনহং ব্রহ্মন্নয়জং যচ্চ নিত্যদা।
অষ্টাভিঃ সর্বমেধৈশ্চ নরমেধৈশ্চ সপ্তভিঃ॥ 13-160-36 (87610)
দশভির্বিশ্বজিদ্ভিশ্চ শতৈরষ্টাদশোত্তরৈঃ।
ন চৈব তেষাং দেবেশ ফলেনাহমিহাগমম্॥ 13-160-37 (87611)
সরয়্বাং বাহুদায়াং চ গঙ্গায়ামথ নৈমিষে।
গবাং শতানাময়ুতমদদং ন চ তেন বৈ॥ 13-160-38 (87612)
ইন্দ্রেণ গুহ্যং নিহিতং বৈ গুহায়াং
যদ্ভার্গবস্তপসেহাভ্যবিন্দৎ।
জাজ্বল্যমানমুশনস্তেজসেহ
তৎসাধয়ামাসমহং বরেণ্য॥ 13-160-39 (87613)
`ব্রাহ্মণার্থায় কর্মাণি রণং চৈব করোমি যৎ।'
ততো মে ব্রাহ্মণাস্তুষ্টাস্তস্মিন্কর্মণি সাধিতে।
`পূজিতৈর্ব্রাহ্মণৈর্নিত্যং ন চ তেনাহমাগতঃ॥' 13-160-40 (87614)
সহস্রমৃষয়শ্চাসন্যে বৈ তত্র সমাগতাঃ।
উক্তস্তৈরস্মি গচ্ছ ৎবং ব্রহ্মলোকমিতি প্রভো॥ 13-160-41 (87615)
প্রীতেনোক্তঃ সহস্রেণ ব্রাহ্মণানামহং প্রভো।
ইমং লোকমনুপ্রাপ্তো মা ভূত্তেঽত্র বিচারণা॥ 13-160-42 (87616)
কামং যথাবদ্বিহিতং বিধাত্রা
পৃষ্টেন বাচ্যং তু ময়া যথাবৎ।
তপো হি নান্যচ্চানশনান্মতং মে
নমোস্তু তে দেববর প্রসীদ॥ 13-160-43 (87617)
ভীষ্ম উবাচ। 13-160-44x (7364)
ইত্যুক্তবন্তং ব্রহ্মি তু রাজানং স ভগীরথম্।
পূজয়ামাস পূজার্হং বিধিদৃষ্টেন কর্মণা॥ 13-160-44 (87618)
তস্মাদনশনৈর্যুক্তো বিপ্রান্পূজ্য নিত্যদা।
বিপ্রাণাং বচনাৎসর্বং পরত্রেহং চ সিধ্যতি॥ 13-160-45 (87619)
বাসোভিরন্নৈর্গোভিস্চ শুভৈর্নৈবেশিকৈরপি।
শুভৈঃ সুরক্ষণৈশ্চাপি স্তোষ্যা এব দ্বিজাস্তথা।
এতদেব পরং গুহ্যমলোভেন সমাচর॥ ॥ 13-160-46 (87620)
ইতি শ্রীমন্মহাভারতে অনুশাসনপর্বণি দানধর্মপর্বণি ষষ্ট্যধিকশততমোঽধ্যায়ঃ॥ 160 ॥
Mahabharata - Anushaasana Parva - Chapter Footnotes
7-160-1 অহিংসিতমহিংসা॥ 7-160-2 তপসঃ কৃচ্ছ্রচান্দ্রায়ণাদের্বলাদন্যৎকিং বলবত্তরং বিদিতং ন কিমপ্যপিতু তপসস্তপসাং মধ্যে যৎপরম্॥ 7-160-3 লোকো ভোগ্যপ্রদেশঃ॥ 7-160-5 ব্রহ্মলোকং চ সোগচ্ছৎ ইতি ক.পাঠঃ॥ 7-160-9 একরাত্রাদয়ঃ ক্রতুবিশেষাঃ॥ 7-160-10 নারীপুরং কন্যাসমূহমদাম্॥ 7-160-12 চন্দ্রো ভূষণবিশেষঃ। ন তেনাহমাগামিত্যনুবর্ততে॥ 7-160-13 একৈকশো ব্রাহ্মণায় দশ গাঃ॥ 7-160-14 আপ্তোর্যামঃ সোময়াগঃ॥ 7-160-16 কর্কাণাং শুক্লাশ্বানাম্॥ 7-160-19 পদ্মিনঃ পদ্মচিহ্নান্॥ 7-160-21 দক্ষিণারূপা যজ্ঞাঙ্গভূতা দক্ষিণাবয়বাঃ॥ 7-160-23 নিষ্ককণ্ঠানাং যুদ্ধে জিতানাং রাজ্ঞাং সহস্রং বিপ্রেভ্যো বিপ্রবচনাদ্দিক্ষিণা অদদং উৎসৃষ্টবান্॥ 7-160-28 শম্যা পৃথুবুধ্নঃ কাষ্ঠদণ্ডঃ। স বলেনাক্ষিপ্তো যাবদ্দূরং পততি তাবদ্দেশো যস্য বেদিকায়া ভবতি স শম্যাক্ষোপোয়াগঃ। দেবান্ সাদ্যস্কানাময়ুতৈশ্চাপি যত্তৎ ইতি ঝ.পাঠঃ॥ 7-160-32 আর্কায়ণৈঃ ষোডশভিশ্চ ইতি ঝ.পাঠঃ॥ 7-160-33 কাঞ্চনময়ানাং বৃক্ষাণাং চূতানাং নানাবর্ণরত্নখচিতানাং বনমিত্যর্থঃ॥ 7-160-36 অগ্নীনগ্নিচয়নানি ॥ 7-160-39 গুহায়াং নিহিতং গোপিতং গুহ্যং যদনশনং তপসা অভ্যবিন্দৎ আজ্ঞাসীৎ। উশনস্তেজসা শুক্রস্য বলেন জাজ্বল্যমানম্। তচ্চ বাক্যশেষাৎসর্ববোগত্যাগাত্মকমনশনং সর্বভোগৈর্ব্রাহ্মণানাং সন্তর্পণং চ। সাধয়ামাসমিত্যার্ষম্॥অনুশাসনপর্ব - অধ্যায় 161
॥ শ্রীঃ ॥
13.161. অধ্যায়ঃ 161
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রত্যায়ুষ্যানায়ুষ্যকারণশুভাশুভকর্মপ্রতিপাদনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
শতায়ুরুক্তঃ পুরুষঃ শতবীর্যশ্চি বৈদিকে।
কস্মান্ম্রিয়ন্তে পুরুষা বালা অপি পিতামহ॥ 13-161-1 (87621)
আয়ুষ্মান্কেন ভবতি অল্পায়ুর্বাঽপি মানবঃ।
কেন বা লভতে কীর্তিং কেন বা লভতে শ্রিয়ম্॥ 13-161-2 (87622)
তপসা ব্রহ্মচর্যেণ জপৈর্হোমৈস্তথা পরৈঃ।
জন্মনা যদি বাঽচারাত্তন্মে ব্রূহি পিতামহ॥ 13-161-3 (87623)
ভীষ্ম উবাচ। 13-161-4x (7365)
অত্র তেঽহং প্রবক্ষ্যামি যন্মাং ৎবমনুপৃচ্ছসি।
অল্পায়ুর্যেন ভবতি দীর্ঘায়ুর্যেনি মানবঃ॥ 13-161-4 (87624)
যেন বা লভতে কীর্তিং যেন বা লভতে শ্রিয়ম্।
যথা চ বর্তয়ন্পুরুষঃ শ্রেয়সা সম্প্রয়ুজ্যতে॥ 13-161-5 (87625)
আচারাল্লভতে হ্যায়ুরাচারাল্লভতে শ্রিয়ম্।
আচারাৎকীর্তিমাপ্নোতি পুরুষঃ প্রেত্য চেহ চ॥ 13-161-6 (87626)
দুরাচারো হি পুরুষো নেহায়ুর্বিন্দতে মহৎ।
ত্রসন্তি চাস্য ভূতানি তথা পরিভবন্তি চ॥ 13-161-7 (87627)
তস্মাৎকুর্যাদিহাচারং য ইচ্ছেদ্ভূতিমাত্মনঃ।
অপি পাপশরীরস্য আচারো হন্ত্যলক্ষণম্॥ 13-161-8 (87628)
আচারলক্ষণো ধর্মঃ সন্তশ্চারিত্রলক্ষণাঃ।
সাধূনাং চ যথাবৃত্তমেতদাচারলক্ষণম্॥ 13-161-9 (87629)
অপ্যদৃষ্টং শ্রবাদেব পুরুষং ধর্মচারিণম্।
স্বানি কর্মাণি কুর্বাণং তং জনাঃ কুর্বতে প্রিয়ম্॥ 13-161-10 (87630)
যে নাস্তিকা নিষ্ক্রিয়াশ্চ গুরুশাস্ত্রাতিলঙ্ঘিনঃ।
অধর্মজ্ঞা দুরাচারাস্তে ভবন্তি গতায়ুষঃ॥ 13-161-11 (87631)
বিশীলা ভিন্নমর্যাদা নিত্যং সঙ্কীর্ণমৈথুনাঃ।
অল্পায়ুষো ভবন্তীহ নরা নিরয়গামিনঃ॥ 13-161-12 (87632)
সর্বলক্ষণহীনোঽপি সমুদাচারবান্নরঃ।
শ্রদ্দধানোঽনসূয়ুশ্চ শতং বর্ষাণি জীবতি॥ 13-161-13 (87633)
অক্রোধনঃ সত্যবাদী ভূতানামবিহিংসকঃ।
অনসূয়ুরজিহ্মশ্চ শতং বর্ষাণি জীবতি॥ 13-161-14 (87634)
লোষ্ঠমর্দী তৃণচ্ছেদী নখখাদী চ যো নরঃ।
নিত্যোচ্ছিষ্টঃ সঙ্কুসুকো নেহায়ুর্বিন্দতে মহৎ॥ 13-161-15 (87635)
ব্রাহ্মে মুহূর্তে বুধ্যেত ধর্মার্থৌ চানুচিন্তয়েৎ।
উত্থায় চোপতিষ্ঠেত পূর্বাং সন্ধ্যাং কৃতাঞ্জলিঃ।
এবমেবাপরাং সন্ধ্যাং সমুপাসীত বাগ্যতঃ॥ 13-161-16 (87636)
নেক্ষেতাদিত্যমুদ্যন্তং নাস্তং যন্তং কদাচন।
নোপসৃষ্টং ন বারিস্থং ন মধ্যং নভসো গতম্॥ 13-161-17 (87637)
ঋষয়ো নিত্যসন্ধ্যৎবাদ্দীর্ঘমায়ুরবাপ্নুবন্॥ 13-161-18 (87638)
`সদর্ভপাণিস্তৎকুর্বন্বাগ্যতস্তন্মনাঃ শুচিঃ।'
তস্মাত্তিষ্ঠেৎসদা পূর্বাং পশ্চিমাং চৈব বাগ্যতঃ॥ 13-161-19 (87639)
যে ন পূর্বামুপাসন্তে দ্বিজাঃ সংধ্যাং ন পশ্চিমাম্।
সর্বাংস্তান্ধার্মিকো রাজা শূদ্রকর্মাণি কারয়েৎ॥ 13-161-20 (87640)
পরদারা ন গন্তব্যাঃ সর্ববর্ণেষু কর্হিচিৎ।
নহীদৃশমনায়ুষ্যং লোকে কিঞ্চন বিদ্যতে॥ 13-161-21 (87641)
যাদৃশং পুরুষস্যেহ পরদারোপসেবনম্।
তাদৃশং বিদ্যতে কিঞ্চিদনায়ুষ্যং নৃণামিহ॥ 13-161-22 (87642)
যাবন্তো রোমকূপাঃ স্যুঃ স্ত্রীণাং গাত্রেষু নির্মিতাঃ।
তাবদ্বর্ষসহস্রাণি নরকং পর্যুপাসতে॥ 13-161-23 (87643)
মৈত্রং প্রসাধনং স্নানমঞ্জনং দন্তধাবনম্।
পূর্বাহ্ণ এব কুর্বীত দেবতানাং চ পূজনম্॥ 13-161-24 (87644)
পুরীষমূত্রে নোদীক্ষেন্নাধিতিষ্ঠেৎকদাচন।
নাতিকল্যং নাতিসায়ং ন চ মধ্যংদিনে স্থিতে।
নাজ্ঞাতৈঃ সহ গচ্ছেত নৈকো ন বৃষলৈঃ সহ॥ 13-161-25 (87645)
পন্থা দেয়ো ব্রাহ্মণায় গোভ্যো রাজভ্য এব চ।
বৃদ্ধায় ভারতপ্তায় গর্ভিণ্যৈ দুর্বলায় চ॥ 13-161-26 (87646)
প্রদক্ষিণং চ কুর্বীত পরিজ্ঞাতান্বনস্পতীন্।
চতুষ্পদান্মঙ্গলাংশ্চ মান্যান্বৃদ্ধান্দ্বিজানপি॥ 13-161-27 (87647)
মধ্যংদিনে নিশাকালে অর্ধরাত্রে চ সর্বদা।
চতুষ্পথং ন সেবেত উভে সন্ধ্যে তথৈব চ॥ 13-161-28 (87648)
উপানহৌ ন বস্ত্রং চ ধৃতমন্যৈর্ন ধারয়েৎ।
ব্রহ্মচারী চ নিত্যং স্যাৎপাদং পাদেন নাক্রমেৎ॥ 13-161-29 (87649)
অমাবাস্যাং পৌর্ণমাস্যাং চতুর্দশ্যাং চ জন্মনি।
অষ্টম্যামথ দ্বাদশ্যাং ব্রহ্মচারী সদা ভবেৎ॥ 13-161-30 (87650)
বৃথা মাংসং ন খাদেনি পৃষ্ঠমাংসং তথৈব চ।
আক্রোশং পরিবাদং চ পৈশুন্যং চ বিবর্জয়েৎ॥ 13-161-31 (87651)
নারুন্তুদঃ স্যান্ন নৃশংসবাদী
ন হীনতো বরমভ্যাদদীত।
যয়াঽস্য বাচা পর উদ্বিজেত
ন তাং বদেদ্রুশতীং পাপলোক্যাম্॥ 13-161-32 (87652)
অতিবাদবাণা মুখতো নিঃসরন্তি
যৈরাহতঃ শোচতি রাত্র্যহানি।
পরস্য বা মর্মসু যে পতন্তি
তান্পণ্ডিতো নাবসৃজেৎপরেষু॥ 13-161-33 (87653)
সংরোহত্যগ্নিনা দগ্ধং বনং পরশুনা হতম্।
বাচা দুরুক্তং বীভৎসং ন সংরোহতি বাক্ক্ষতম্॥ 13-161-34 (87654)
কর্ণিনালীকনারাচান্নির্হরন্তি শরীরতঃ।
বাক্শল্যস্তু ন নির্হর্তুং শক্যো হৃদিশয়ো হি সঃ॥ 13-161-35 (87655)
হীনাঙ্গানতিরিক্তাঙ্গান্বিদ্যাহীনান্বয়োধিকান্।
রূপদ্রবিণহীনাংশ্চ সত্যহীনাংশ্চ নাক্ষিপেৎ॥ 13-161-36 (87656)
নাস্তিক্যং বেদনিন্দাং চ পরনিন্দাং চ কুৎসনম্।
দ্বেষস্তম্ভাভিমানং চ তৈক্ষ্ণ্যং চ পরিবর্জয়েৎ॥ 13-161-37 (87657)
পরস্য দণ্ডং নোদ্যচ্ছেৎক্রুদ্ধো নৈনং নিপাতয়েৎ।
অন্যত্রি পুত্রাচ্ছিষ্যাচ্চ শিক্ষার্থং তাডনং স্মৃতং॥ 13-161-38 (87658)
ন ব্রাহ্ম্ণান্পরিবদেন্নক্ষত্রাণি ন নির্দিশেৎ।
তিথিং পক্ষস্য ন ব্রূয়াত্তথাঽস্যায়ুর্ন রিষ্যতে॥ 13-161-39 (87659)
`অমাবাস্যামৃতে নিত্যং দন্তধাবনমাচরেৎ।
ইতিহাসপুরাণানি দানং বেদং চ নিত্যশঃ।
গায়ত্রীমননং নিত্যং কুর্যাৎসন্ধ্যাং সমাহিতঃ॥' 13-161-40 (87660)
কৃৎবা মূত্রপুরীষে তু রথ্যামাক্রম্য বা পুনঃ।
পাদপ্রক্ষালনং কুর্যাৎস্বাধ্যায়ে ভোজনে তথা॥ 13-161-41 (87661)
ত্রীণি দেবাঃ পবিত্রাণি ব্রাহ্মণানামকল্পয়ন্।
অদৃষ্টমদ্ভির্নির্ণিক্তং যচ্চ বাচা প্রশস্যতে॥ 13-161-42 (87662)
যাবকং কৃসরং মাংসং শষ্কুলীং পায়সং তথা।
আত্মার্থংতং ন প্রকর্তব্যং দেবার্থং তু প্রকল্পয়েৎ॥ 13-161-43 (87663)
নিত্যমগ্নিং পরিচরেদ্ভিক্ষাং দদ্যাচ্চ নিত্যদা।
দন্তকাষ্ঠে চ সন্ধ্যায়াং মলোৎসর্গে চ মৌনগঃ॥ 13-161-44 (87664)
ন চাভ্যুদিতসায়ী স্যাৎপ্রায়শ্চিত্তী তথা ভবেৎ।
মাতাপিতরমুত্থায় পূর্বমেবাভিবাদয়েৎ।
আচার্যমথবাঽপ্যন্তং তথাঽঽয়ুর্বিদন্তে মহৎ॥ 13-161-45 (87665)
বর্জয়েদ্দন্তকাষ্ঠানি বর্জনীয়ানি নিত্যশঃ।
ভক্ষয়েচ্ছাস্ত্রদৃষ্টানি পর্বস্বপি বিবর্জয়েৎ।
উদঙ্মুখশ্চ সততং শৌচং কুর্যাৎসমাহিতঃ॥ 13-161-46 (87666)
অকৃৎবা দেবপূজাং চ নাচরেদ্দন্তধাবনম্।
অকৃৎবা দেবপূজাং চ নান্যং গচ্ছেৎকদাচন।
অন্যত্র তু গুরুং বৃদ্ধং ধার্মিকং বা বিচক্ষণম্॥ 13-161-47 (87667)
অবলোক্যো ন চাদর্শো মলিনো বুদ্ধিমত্তরৈঃ।
ন চাজ্ঞাতাং স্ত্রিয়ং গচ্ছেদ্গর্ভিণীং বা কদাচন॥ 13-161-48 (87668)
দারসঙ্গ্রহণাৎপূর্বং নাচরেন্মৈথুনং বুধঃ।
অন্যথা ৎববকীর্ণঃ স্যাৎপ্রায়শ্চিত্তং সদাঽঽচরেৎ॥ 13-161-49 (87669)
নীদীক্ষেৎপরদারাংশ্চ রহস্যেকাসনো ভবেৎ।
ইন্দ্রিয়াণি সদা যচ্ছেৎস্বগ্নে শুদ্ধমনা ভবেৎ॥ 13-161-50 (87670)
উদক্শিরা ন স্বপেত তথা প্রত্যক্শিরা ন চ।
প্রাক্শিরাস্তু স্বপেদ্বিদ্বাংস্তথা বৈ দক্ষিণাশিরাঃ॥ 13-161-51 (87671)
ন ভগ্নে নাবশীর্ণো চ শয়নে প্রস্বপীত চ।
নান্তর্ধানেন সংয়ুক্তে ন চ তির্যক্কদাচন॥ 13-161-52 (87672)
ন চাপি গচ্ছেৎকার্যেণ সময়াদ্বাঽপি নাস্তিকৈঃ।
আসনং তু পদাঽঽকৃষ্য ন প্রসজ্জেত্তথা নরঃ॥ 13-161-53 (87673)
ন নগ্নঃ কর্হিচিৎস্নায়ান্ন নিশায়াং কদাচন।
স্নাৎবা চ নাবমৃজ্যেত গাত্রাণি সুবিচক্ষণঃ।
ন নিশায়াং পুনঃ স্নায়াদাপদ্যগ্নিদ্বিজান্তিকে॥ 13-161-54 (87674)
ন চানুলিম্পেদস্নাৎবা বাসশ্চাপি ন নির্ধুনেৎ।
আর্দ্র এব তু বাসাংসি নিত্যং সেবেত মানবঃ॥ 13-161-55 (87675)
স্রজশ্চ নাবকৃষ্যেত ন বহির্ধারয়ীত চ।
উদক্যযা চ সম্ভাষাং ন কুর্বীত কদাচন॥ 13-161-56 (87676)
নোৎসৃজেত পুরিষং চ ক্ষেত্রে মার্গস্য চান্তিকে।
উভে মূত্রপুরীষে তু নাপ্সু কুর্যাৎকদাচন॥ 13-161-57 (87677)
দেবালয়েঽথ গোবৃন্দে চৈত্যে সস্যেষু বিশ্রমে।
ভোক্ষ্যং ভুক্ৎবা ক্ষুতেঽধ্বানং গৎবা মূত্রপুরীষয়োঃ।
দ্বিরাচামেদ্যথান্যায়ং হৃদ্গতং তু পিবন্নপঃ॥ 13-161-58 (87678)
অন্নং বুভুক্ষমাণস্তু ত্রিমুখেন স্পৃশেদপঃ।
ভুক্ৎবা চান্নং তথৈব ত্রির্দ্বিঃ পুনঃ পরিমার্জয়েৎ॥ 13-161-59 (87679)
প্রাঙ্মুখো নিত্যমশ্নীয়াদ্বাগ্যতোঽন্নমকুৎসয়ন্।
প্রস্কন্দয়েচ্চ মনসা ভুক্ৎবা চাগ্নিমুপস্পৃশেৎ॥ 13-161-60 (87680)
আয়ুষ্যং প্রাঙ্মুখো ভুঙ্ক্তে যশস্যং দক্ষিণামুখঃ।
ধন্যং পশ্চান্মুখো ভুঙ্ক্ত ঋতং ভুঙ্ক্ত উদঙ্মুখঃ॥ 13-161-61 (87681)
`অগ্রাসনো জিতক্রোধো বালপূর্বস্ৎবলঙ্কৃতঃ।
ঘৃতাহুতিবিশুদ্ধান্নং হুতাগ্নিশ্চ ক্ষিপন্গ্রসেৎ॥' 13-161-62 (87682)
অগ্নিমালভ্য তোয়েন সর্বান্প্রাণানুপস্পৃশেৎ।
গাত্রাণি চৈব সর্বাণি নাভিং পাণিতলে তথা॥ 13-161-63 (87683)
নাধিতিষ্ঠেত্তুষং জাতু কেশভস্মকপালিকাঃ।
অন্যস্য চাপ্যবস্নাতং দূরতঃ পরিবর্জয়েৎ॥ 13-161-64 (87684)
শান্তিহোমাংশ্চ কুর্বীত সাবিত্রাণি চ ধারয়েৎ।
নিষষ্ণশ্চাপি খাদেন ন তু গচ্ছন্কদাচন॥ 13-161-65 (87685)
মূত্রং নোত্তিষ্ঠতা কার্যং ন ভস্মনি ন গোব্রজে।
আর্দ্রপাদস্তু ভুঞ্জীত নার্দ্রপাদস্তু সংবিশেৎ॥ 13-161-66 (87686)
আর্দ্রপাদস্তু ভুঞ্জানো বর্ষাণাং জীবতে শতম্।
ত্রীণি তেজাংসি নোচ্ছিষ্ট আলভেত কদাচন।
অগ্নিং গাং ব্রাহ্মণং চৈব ততা হ্যায়ুর্ন রিষ্যতে॥ 13-161-67 (87687)
ত্রীণি জ্যোতীংষি নোচ্ছিষ্ট উদীক্ষেত কদাচন।
সূর্যাচন্দ্রমসৌ চৈব নক্ষত্রাণি চ সর্বশঃ॥ 13-161-68 (87688)
ঊর্ধ্বং প্রাণা হ্যুৎক্রমন্তি যূনঃ স্থবির আগতে।
প্রত্যুত্থানাভিবাদাভ্যাং পুনস্তান্প্রতিপদ্যতে॥ 13-161-69 (87689)
অভিবাদয়ীত বৃদ্ধাংশ্চ দদ্যাচ্চৈবাসনং স্বয়ম্।
কৃতাঞ্জলিরুপাসীত গচ্ছন্তং পৃষ্ঠতোঽন্বিয়াৎ॥ 13-161-70 (87690)
ন চাসীতাসনে ভিন্নে ভিন্নকাংস্যং চ বর্জয়েৎ।
নৈকবস্ত্রেণ ভোক্তব্যং ন নগ্নঃ স্নাতুমর্হতি॥ 13-161-71 (87691)
স্পপ্তব্যং নৈব নগ্নেন ন চোচ্ছিষ্টোপি সংবিশেৎ।
উচ্ছিষ্টো ন স্পৃশেচ্ছীর্ষং সর্বে প্রাণাস্তদাশ্রয়াঃ॥ 13-161-72 (87692)
কেশগ্রহং প্রহারাংশ্চ সিরস্যেতান্বিবর্জয়েৎ।
ন সংহাতাভ্যাং পাণিভ্যাং কণ্ডূয়েদাত্মনঃ শিরঃ।
ন চাভীক্ষ্ণং শিরঃস্নায়াত্তথা স্যায়ুর্ন রিষ্যতে॥ 13-161-73 (87693)
শিরঃস্নাতস্তু তৈলৈশ্চ নাঙ্গং কিঞ্চিদপি স্পৃশেৎ।
তিলপিষ্টং ন চাশ্নীয়াদ্গতসর্বরসং তথা॥ 13-161-74 (87694)
নাধ্যাপয়েত্তথোচ্ছিষ্টো নাধীয়ীত কদাচন।
বাতে চ পূতিগন্ধে চ মনসাঽপি ন চিন্তয়েৎ॥ 13-161-75 (87695)
অত্র গাথা যমোদ্গীতাঃ কীর্তয়ন্তি পুরাবিদঃ।
আয়ুরস্য নিকৃন্তামি প্রজ্ঞামস্যাদদে তথা॥ 13-161-76 (87696)
উচ্ছিষ্টো যঃ প্রাদ্রবতি স্বাধ্যায়ং চাধিগচ্ছতি।
যশ্চানধ্যায়কালেঽপি মোহাদভ্যস্যতি দ্বিজঃ॥ 13-161-77 (87697)
তস্য বেদঃ প্রণশ্যেত আয়ুশ্চি পরিহীয়তে।
তস্মাদ্যুক্তো হ্যনধ্যায়ে নাধীয়ীত কদাচন॥ 13-161-78 (87698)
প্রত্যাদিত্যং প্রত্যনলং প্রতিগাং চ প্রতিদ্বিজান্।
যে মেহন্তি চ পন্থানং তে ভবন্তি গতায়ুষঃ॥ 13-161-79 (87699)
উভে মূত্রপুরীষে তু দিবা কুর্যাদুদঙ্মুখঃ।
দক্ষিণাভিমুখো রাত্রৌ তথা হন্যুর্ন রিষ্যতে॥ 13-161-80 (87700)
ত্রীন্কৃশান্নাবজানীয়াদ্দীর্ঘমায়ুর্জিজীবিষু।
ব্রাহ্মণং ক্ষত্রিয়ং সর্পং সর্বে হ্যাশীবিষাস্ত্রয়ঃ॥ 13-161-81 (87701)
দহত্যাশীবিষঃ ক্রুদ্ধো যাবৎপশ্যতি চক্ষুষা।
ক্ষত্রিয়োপি দহেৎক্রুদ্ধো যাবৎস্পৃশতি তেজসা॥ 13-161-82 (87702)
ব্রাহ্ম্ণিস্তু কুলং হন্যাদ্ধ্যানেনাবেক্ষিতেন চ।
তস্মাদেতত্ত্রয়ং যত্নাদুপসেবেত পণ্ডিতঃ॥ 13-161-83 (87703)
গুরুণা বৈরনির্বন্ধো ন কর্তব্যঃ কদাচন।
অনুমান্যঃ প্রসাদ্যশ্চ গুরুঃ ক্রুদ্ধো যুদিষ্ঠির॥ 13-161-84 (87704)
সম্যঙ্মিথ্যাপ্রবৃত্তেঽপি বর্তিতব্যং গুরাবিহ।
গুরুনিন্দা দহত্যায়ুর্মনুষ্যাণাং ন সংশয়ঃ॥ 13-161-85 (87705)
দূরাদাবসথান্মূত্রং দূরাৎপাদাবসেচনম্।
উচ্ছিষ্টোৎসর্জনং চৈব দূরে কার্যং হিতৈষিণা॥ 13-161-86 (87706)
রক্তমাল্যং ন ধার্যং স্যাচ্ছুক্লং ধার্যং তু পণ্ডিতৈঃ।
বর্জয়িৎবা তু কমলং তথা কুবলয়ং প্রভো॥ 13-161-87 (87707)
রক্তং শিরসি ধার্যং তু তথা বানেয়মিত্যপি।
কাঞ্চনীয়াঽপি মালা যা ন সা দুষ্যতি কর্হিচিৎ॥ 13-161-88 (87708)
স্নাতস্য বর্ণকং নিত্যমার্দ্রং দদ্যাদ্বিশাংপতে॥ 13-161-89 (87709)
বিপর্যযং ন কুর্বীত বাসসো বুদ্ধিমান্নরঃ।
তথা নান্যধৃতং ধার্যং ন চাতিবিকৃতং তথা॥ 13-161-90 (87710)
অন্যদেব ভবেদ্বাসঃ শয়নীয়ে নরোত্তম।
অন্যদ্রথ্যাসু দেবানামর্চায়ামন্যদেব হি॥ 13-161-91 (87711)
প্রিয়ঙ্গুচন্দনাভ্যাং চ বিল্বেন স্থগরেণ চ।
পৃথগেবানুলিম্পেত কেসরেণ চ বুদ্ধিমান্॥ 13-161-92 (87712)
উপবাসং চ কুর্বীত স্নাতঃ শুচিরলঙ্কৃতঃ।
`নোপবাসং বৃথা কুর্যাদ্ধনং নাপহরেদিহ॥' 13-161-93 (87713)
পর্বকালেষু সর্বেষু ব্রহ্মচারী সদা ভবেৎ।
সমানমেকপাত্রে তু ভুঞ্জেন্নান্নং জনেশ্বর॥ 13-161-94 (87714)
নাবলীঢমবজ্ঞাতমাঘ্রাতুং ভক্ষয়েদপি।
তথা নোদ্ধৃতসারাণি প্রেক্ষতামপ্রদায় চ॥ 13-161-95 (87715)
নাসংনিবিষ্টো মেধাবী নাশুচির্নি চ সত্যু চ।
প্রতিষিদ্ধান্নং ধর্মেষু ভক্ষ্যান্ভুঞ্জীত পৃষ্ঠতঃ॥ 13-161-96 (87716)
পিপ্পলং চ বটং চৈব শণশাকং তথৈব চ।
উদুম্বরং ন খাদেশ্চ ভবার্থী পুরুষো নৃপ॥ 13-161-97 (87717)
আজং গব্যং চ যন্মাংসং মায়ূরং চৈব বর্জয়েৎ।
বর্জয়েচ্ছুষ্কমাংসং চ তথা পর্যুষিতং চ যৎ॥ 13-161-98 (87718)
ন পাণৌ লবণং বিদ্বান্প্রাশ্নীয়ান্ন চ রাত্রিষু।
দধিসক্তূন্ন দোষায়াং পিবেন্মধু চ নিত্যশঃ॥ 13-161-99 (87719)
সায়ং প্রাতশ্চ ভুঞ্জীত নান্তরালে সমাহিতঃ।
বালেন তু ন ভুঞ্জীত পরশ্রাদ্ধং তথৈব চ॥ 13-161-100 (87720)
বাগ্যতো নৈকবস্ত্রশ্চ নাসংবিষ্টঃ কদাচন।
ভূমৌ সদৈব নাশ্নীয়ান্নাশৌচং ন চ শব্দবৎ॥ 13-161-101 (87721)
তোয়পূর্বং প্রদায়ান্নমতিথিভ্যো বিশাম্পতে।
পশ্চাদ্ভুঞ্জীত মেধাবী ন চাপ্যন্যমনা নরঃ॥ 13-161-102 (87722)
সমানমেকপঙ্ক্ত্যাং তু ভোজ্যমন্নং নরেশ্বর।
বিষং হালাহলং ভুঙ্ক্তে যোঽপ্রদায় সুহৃজ্জনে॥ 13-161-103 (87723)
পানীয়ং পায়সং সক্তূন্দধি সর্পির্মধূন্যপি।
নিরস্য শেষমন্যেষাং ন প্রদেয়ং তু কস্যচিৎ॥ 13-161-104 (87724)
ভুঞ্জানো মনুজব্যাঘ্র নৈব শঙ্কাং সমাচরেৎ।
দধি চাপ্যনু পানং বৈ ন কর্তব্যং ভবার্থিনা॥ 13-161-105 (87725)
আচম্য চৈব হস্তেনি পরিস্রাব্য তথোদকম্।
অঙ্গুষ্ঠং চরণস্যাথ দক্ষিণস্যাবসেচয়েৎ॥ 13-161-106 (87726)
পাণিং মূর্ধ্নি সমাধায় স্পৃষ্ট্বা চাগ্নিং সমাহিতঃ।
জ্ঞাতিশ্রৈষ্ঠ্যমবাপ্নোতি প্রয়োগকুশলো নরঃ॥ 13-161-107 (87727)
অদ্ভিঃ প্রাণান্সমালভ্য নাভিং পাণিতলে তথা।
স্পৃশংশ্চৈব প্রতিষ্ঠেত ন চাপ্যার্দ্রেণ পাণিনা॥ 13-161-108 (87728)
অঙ্গুষ্ঠমূলস্য তলে ব্রাহ্মং তীর্তমুদাহৃতম্।
কনিষ্ঠিকায়াঃ পশ্চাত্তু দেবতীর্থমিহোচ্যতে॥ 13-161-109 (87729)
অঙ্গুষ্ঠস্য চ যন্মধ্যং প্রদেশিন্যাশ্চ ভারত।
তেন পিত্র্যাণি কুর্বীত স্পৃষ্ট্বাঽঽপো ন্যায়তঃ সদা॥ 13-161-110 (87730)
পরাপবাদং ন ব্রূয়ান্নাপ্রিয়ং চ কদাচন।
ন মন্যুঃ কশ্চিদুৎপাদ্যঃ পুরুষেণি ভবার্থিনা॥ 13-161-111 (87731)
এতিতৈস্তু কথাং নেচ্ছেদ্দর্শনং চ বিবর্জয়েৎ।
সংসর্গং চ ন গচ্ছেত তথাঽঽয়ুর্বিন্দতে মহৎ॥ 13-161-112 (87732)
ন দিবা মৈথুনং গচ্ছেন্ন কন্যাং ন চ বন্ধকীম্।
ন চাস্নাতাং স্ত্রিয়ং গচ্ছেত্তথাঽঽয়ুর্বিন্দতে মহৎ॥ 13-161-113 (87733)
স্বেস্বে তীর্থে সমাচম্য কার্যে সমুপকল্পিতে।
ত্রিঃ পীৎবাঽঽপো দ্বিঃ প্রমৃজ্য কৃতশৌচো ভবেন্নরঃ॥ 13-161-114 (87734)
ইন্দ্রিয়াণি সকৃৎস্পৃশ্য ত্রিরভ্যুক্ষ্য চ মানবঃ।
কুর্বীত পিত্র্যং দৈবং চ বেদদৃষ্টেন কর্মণা॥ 13-161-115 (87735)
ব্রাহ্মণার্থে চ যচ্ছৌচং তচ্চ মে শৃণু কৌরব।
প্রবৃত্তং চাহিতং চোক্ৎবা বহুভোজনবত্তদা॥ 13-161-116 (87736)
সর্বশৌচেষু ব্রাহ্মেণ তীর্থেন সমুপস্পৃশেৎ।
নিষ্ঠীব্য তু তথা ক্ষুৎবা স্পৃশ্যাপো হি শুচির্ভবেৎ॥ 13-161-117 (87737)
নিষ্ঠিবনে মৈথুনে চ ক্ষুতে অক্ষ্যাবিমেচনে।
উদক্যা দর্শনে তদ্বন্নগ্নস্যাচমনং স্মৃতম্।
স্পৃশেৎকর্ণং সপ্রণবং সূর্যমীক্ষেৎসদা তদা॥ 13-161-118 (87738)
বৃদ্ধো জ্ঞাতিস্তথা মিত্রমনাথা চ স্বসা গুরুঃ।
কুলীনঃ পণ্ডিত ইতি রক্ষ্যা নিঃস্বঃ স্বশক্তিতঃ।
গৃহে বাসয়িতব্যাস্তে ধন্যমায়ুষ্যমেব চ॥ 13-161-119 (87739)
গৃহে পারাবতা ধার্যাঃ শুকাশ্চ সহশারিকাঃ।
`দেবতাপ্রতিমাঽঽদর্শশ্চন্দনাঃ পুষ্পবল্লিকাঃ॥ 13-161-120 (87740)
শুদ্ধং জলং সুবর্ণং চ রজতং গৃহমঙ্গলম্।'
গৃহেষ্বেতে ন পাপায় যথা বৈ তৈলপায়িকাঃ॥ 13-161-121 (87741)
উদ্দীপকাশ্চ গৃধ্রাস্চ কপোতা ভ্রমরাস্তথা।
নিবিশেয়ুর্যদা তত্র শান্তিমেব তদাঽঽচরেৎ॥ 13-161-122 (87742)
অমঙ্গল্যঃ সতাং শাপস্তথাঽঽক্রোশো মহাত্মনাম্।
মহাত্মনোতিগুহ্যানি ন বক্তব্যানি কর্হিচিৎ। 13-161-123 (87743)
অগম্যাশ্চ ন গচ্ছেত রাজ্ঞঃ পত্নীং সখীস্তথা।
বৈদ্যানাং বালবৃদ্ধানাং ভৃত্যানাং চ যুধিষ্ঠির 13-161-124 (87744)
বন্ধূনাং ব্রাহ্মণানাং চ তথা শারণিকস্য চ।
সম্বন্ধিনাং চ রাজেন্দ্র তথাঽঽয়ুর্বিন্দতে মহৎ॥ 13-161-125 (87745)
ব্রাহ্মণস্তপতিভ্যাং চ নির্মিতং যন্নিবেশনম্।
তদা বসেৎসদা প্রাজ্ঞো ভবার্থী মনুজেশ্বর॥ 13-161-126 (87746)
সন্ধ্যায়াং ন স্বপেদ্রাজন্বিদ্যাং ন চ সমাচরেৎ।
ন ভুঞ্জীত চ মেধাবী তথাঽঽয়ুর্বিন্দতে মহৎ॥ 13-161-127 (87747)
নক্তং ন কুর্যাৎপিত্র্যাণি নক্তং চৈব প্রসাধনম্।
পানীয়স্য ক্রিয়া নক্তং ন কার্যা ভূতিমিচ্ছতা॥ 13-161-128 (87748)
বর্জনীয়াশ্চৈব নিত্যং সক্তবো নিশি ভারত।
শেষাণি চাবদাতানি পানীয়ং চাপি ভোজনে॥ 13-161-129 (87749)
সৌহিত্যং ন চ কর্তব্যং রাত্রৌ ন চ সমাচরেৎ।
`ন ভুক্ৎবা মৈথুনং গচ্ছেন্ন ধাবেন্নাতিহাসকম্।'
দ্বিজচ্ছেদং ন কুর্বীত ভুক্ৎবা ন চ সমাচরেৎ॥ 13-161-130 (87750)
মহাকুলে প্রসূতাং চ প্রশস্তাং লক্ষণৈস্তথা।
বয়সাঽবরাং সুনক্ষত্রাং কন্যামাবোঢুমর্হতি॥ 13-161-131 (87751)
অপত্যমুৎপাদ্য ততঃ প্রতিষ্ঠাপ্য কুলং তথা।
পুত্রাঃ প্রদেয়া জাতেষু কুলধর্মেষু ভারত॥ 13-161-132 (87752)
কন্যা চোৎপাদ্য দাতব্যা কুলপুত্রায় ধীমতে।
পুত্রা নিবেশ্যাশ্চ কুলাদ্ভৃত্যা লভ্যাশ্চ ভারত॥ 13-161-133 (87753)
শিরঃস্নাতোথ কুর্বীত দৈবং পিত্র্যমথাপি চ॥ 13-161-134 (87754)
`তৈলং জন্মদিনেঽষ্টম্যাং চতুর্দশ্যাং চ পর্বসু।'
নক্ষত্রে ন চ কুর্বীত যস্মিঞ্জাতো ভবেন্নরঃ।
ন প্রোষ্ঠপদয়োঃ কার্যং তথাঽঽগ্নেয়ে চ ভারত॥ 13-161-135 (87755)
দারুণেষু চ সর্বেষু প্রত্যরিং চ বিবর্জয়েৎ।
জ্যোতিষে যানি চোক্তানি তানি সর্বাণি বর্জয়েৎ॥ 13-161-136 (87756)
প্রাঙ্মুখঃ শ্মশ্রুকর্মাণি কারয়েৎসুসমাহিতঃ।
উদঙ্মুখো বা রাজেন্দ্র তথাঽঽয়ুর্বিন্দতে মহৎ॥ 13-161-137 (87757)
`সামুদ্রেণাম্যসা স্নানং ক্ষৌরং শ্রাদ্ধেষু ভোজনম্।
অন্তর্বত্নীপতিঃ কুর্বন্ন পুত্রফলমশ্নুতে॥ 13-161-138 (87758)
সতাং গুরূণাং বৃদ্ধানাং কুলস্ত্রীণাং বিশেষতঃ।'
পরিবাদং ন চ ব্রূয়াৎপরেষামাত্মনস্তথা।
পরিবাদো হ্যধর্মায় প্রোচ্যতে ভরতর্ষভ॥ 13-161-139 (87759)
বর্জয়েদ্ব্যঙ্গিনীং নারীং তথা কন্যাং নরোত্তম।
সমার্ষাং ব্যঙ্গিকাং শ্চৈব মাতুঃ সকুলজাং তথা॥ 13-161-140 (87760)
বৃদ্ধাং প্রব্রজিতাং চৈব তথৈব চ পতিব্রতাম্।
তথা নিকৃষ্টবর্ণা চ বর্ণোৎকৃষ্টাং চ বর্জয়েৎ। 13-161-141 (87761)
অয়োনিং চ বিয়োনিং চ ন গচ্ছেত বিচক্ষণঃ।
পিঙ্গলাং কুষ্ঠিনীং নারীং ন ৎবমুদ্বোঢুমর্হসি॥ 13-161-142 (87762)
অপস্মারিকুলে জাতাং নিহীনাং চাপি বর্জয়েৎ।
শ্বিত্রিণাং চ কুলে জাতাং ক্ষয়িণাং মনুজেশ্বর॥ 13-161-143 (87763)
`সুরোমশামতিস্থূলাং কন্যাং মাতৃপিতৃস্থিতাম্।
অলজ্জাং ভ্রাতৃজাং তুষ্টাং বর্জয়েদ্রক্তকেশিনীম্॥' 13-161-144 (87764)
লক্ষণৈরন্বিতা যা চ প্রশস্তা যা চ লক্ষণৈঃ।
মনোজ্ঞাং দর্শনীয়াং চ তাং ভবান্বোঢুমর্হতি॥ 13-161-145 (87765)
মহাকুলে নিবেষ্টব্যং সদৃশে বা যুধিষ্ঠির।
অবরা পতিতা চৈব ন গ্রাহ্যা ভূতিমিচ্ছতা॥ 13-161-146 (87766)
অগ্নীনুৎপাদ্য যত্নেন ক্রিয়াঃ সুবিহিতাশ্চ যাঃ।
বেদে চ ব্রাহ্মণৈঃ প্রোক্তাস্তাশ্চ সর্বাঃ সমাচরেৎ॥ 13-161-147 (87767)
ন চের্ষ্যা স্ত্রীষু কর্তব্যা রক্ষ্যা দারাশ্চ সর্বশঃ।
অনায়ুষ্যা ভবেদীর্ষ্যা তস্মাদীর্ষ্যাং বিবর্জয়েৎ॥ 13-161-148 (87768)
অনায়ুষ্যং দিবা স্বপ্নং তথাঽভ্যুদিতশায়িতা।
প্রাতর্নিশায়াং চ তথা যে চোচ্ছিষ্টা ভবন্তি চ॥ 13-161-149 (87769)
পারদার্যমনায়ুষ্যং নাপিতোচ্ছিষ্টতা তথা।
যত্নতো বৈ ন কর্তব্যমত্যাশশ্চৈব ভারত॥ 13-161-150 (87770)
সন্ধ্যাং ন ভুঞ্জ্যান্ন স্নায়েন্ন পুরীষং সমুৎসৃজেৎ।
প্রয়তশ্চ ভবেত্তস্যাং ন চ কিঞ্চিৎসমাচরেৎ॥ 13-161-151 (87771)
ব্রাহ্মণান্পূজয়েচ্চাপি তথা স্নাৎবা নরাধিপ।
দেবাংশ্চ প্রণমেৎস্নাতো গুরূংশ্চাপ্যভিবাদয়েৎ॥ 13-161-152 (87772)
অনিমন্ত্রিতো ন গচ্ছেত যজ্ঞং গচ্ছেত দর্শকঃ।
অনর্চিতে হ্যনায়ুষ্যং গমনং তত্র ভারত॥ 13-161-153 (87773)
ন চৈকেন পরিব্রজ্যং ন গন্তব্যং তথা নিশি।
`নানাপদি পরস্যান্নমনিমন্ত্রিতমাহরেৎ॥ 13-161-154 (87774)
একোদ্দিষ্টং ন ভুঞ্জীত প্রথমং তু বিশেষতঃ।
সপিণ্ডীকরণং বর্জ্যং সবিধানং চ মাসিকম্॥ 13-161-155 (87775)
অনাগতায়াং সন্ধ্যায়াং পশ্চিমায়াং গৃহে বসেৎ॥ 13-161-156 (87776)
মাতুঃ পিতুর্গুরূণাং চ কার্যমেবানুশাসনম্।
হিতং চাপ্যহিতং চাপি ন বিচার্যং নরর্ষভ॥ 13-161-157 (87777)
`ক্ষত্রিয়স্তু বিশেষেণ ধনুর্বেদং সমভ্যসেৎ।'
ধনুর্বেদে চ বেদে চ যত্নঃ কার্যো নারাধিপ॥ 13-161-158 (87778)
হস্তিপৃষ্ঠেঽশ্বপৃষ্ঠে চ রথচর্যাসু চৈব হ।
যত্নবান্ভব রাজেন্দ্র যত্নবান্সুবমেধতে॥ 13-161-159 (87779)
অপ্রধৃষ্যশ্চ শত্রূমাং ভৃত্যানাং স্বজনস্য চ।
প্রজাপালনয়ুক্তশ্চ নারতিং লভতে ক্বচিৎ॥ 13-161-160 (87780)
যুক্তিশাস্ত্রং চ তে জ্ঞেয়ং শব্দশাস্ত্রং চ ভারত।
গান্ধর্বশাস্ত্রং চ কলাঃ পরিজ্ঞেয়া নরাধিপ॥ 13-161-161 (87781)
পুরাণমিতিহাসাশ্চ তথাঽঽখ্যানানি যানি চ।
মহাত্মনাং চ চরিতং শ্রোতব্যং নিত্যমেব তে॥ 13-161-162 (87782)
`মান্যানাং মাননং কুর্যান্নিন্দ্যানাং নিন্দনং তথা।
গোব্রাহ্মণার্থে যুধ্যেত প্রাণানপি পরিত্যজেৎ॥ 13-161-163 (87783)
ন স্ত্রীষু সজ্জেদ্দ্রষ্টব্যং শক্ত্যা দানরুচির্ভবেৎ।
ন ব্রাহ্মণান্পরিভবেৎকার্পণ্যং ব্রাহ্মণৈর্বৃতম্।
পতিতান্নাভিভাষেত নাহ্বয়েত রজস্বলাম্॥' 13-161-164 (87784)
পত্নীং রজস্বলাং চৈব নাভিগচ্ছেন্ন চাহ্বয়েৎ।
স্নাতাং চতুর্থে দিবসে রাত্রৌ গচ্ছেদ্বিচক্ষণঃ॥ 13-161-165 (87785)
পঞ্চমে দিবসে নারী ষষ্ঠেঽহনি পুমান্ভবেৎ।
`আষোডশাদৃতুর্মুখ্যঃ পুত্রজন্মনি শব্দিতঃ' 13-161-166 (87786)
এতেন বিধিনা পত্নীমুপগচ্ছেত পণ্ডিতঃ।
জ্ঞাতিসম্বন্ধিমিত্রাণি পূজনীয়ানি সর্বশঃ॥ 13-161-167 (87787)
যষ্টব্যং চ যথাশক্তি যজ্ঞৈর্বিবিধদক্ষিণৈঃ।
অত ঊর্ধ্বমরণ্যং চ সেবিতব্যং নরাধিপ॥ 13-161-168 (87788)
এষ তে লক্ষণোদ্দেশ আয়ুষ্যাণাং প্রকীর্তিতঃ।
শেষস্ত্রৈবিদ্যবৃদ্ধেভ্যঃ প্রত্যাহার্যো যুধিষ্ঠির॥ 13-161-169 (87789)
আচারো ভূতিজনন আচারঃ কীর্তিবর্ধনঃ।
আচারাদ্বর্ধতে হ্যায়ুরাচারো হন্ত্যলক্ষণম্॥ 13-161-170 (87790)
আগমানাং হি সর্বেষামাচারঃ শ্রেষ্ঠ উচ্যতে।
আচারপ্রভবো ধর্মো ধর্মাদায়ুর্বিবর্ধতে॥ 13-161-171 (87791)
এতদ্যশস্যমায়ুষ্যং স্বর্গ্যং স্বস্ত্যযনং মহৎ।
অনুকম্প্য সর্ববর্ণান্ব্রহ্মণা সমুদাহৃতম্॥ 13-161-172 (87792)
য ইদং শৃণুয়ান্নিত্যং যশ্চাপি পরিকীর্তয়েৎ।
স শুভান্প্রাপ্নুয়াল্লোকান্সদাচারপরো নৃপ॥ ॥ 13-161-173 (87793)
ইতি শ্রীমন্মহাভারতে অনুশাসনপর্বণি দানধর্মপর্বণি একষষ্ট্যধিকশততমোঽধ্যায়ঃ॥ 161 ॥
Mahabharata - Anushaasana Parva - Chapter Footnotes
7-161-3 জপৈর্হোমৈস্তথৌষধৈরিতি ঝ.পাঠঃ॥ 7-161-5 বর্তয়ন্ অনুতিষ্ঠন্॥ 7-161-8 অলক্ষণং কুষ্ঠাপস্মারাদিবিরুদ্ধং লক্ষণম্॥ 7-161-10 শ্রবাৎ শ্রবণাৎ। তং পুরুষম্। জনাঃ সাধবঃ॥ 7-161-15 সঙ্কুসুকো দুর্জনঃ অস্থিরশ্চ। নিত্যোচ্ছিষ্টঃ সূচকশ্চেতি ক.থ.পাঠঃ॥ 7-161-17 উপসৃষ্টং রাহুগ্রস্তম্॥ 7-161-29 উপানহৌ চ ছত্রং চ ইতি থ.পাঠঃ॥ 7-161-39 ন রিষ্যতে ন হিংস্যতে॥ 7-161-48 ত্রীণি ভোজ্যানি। অদৃষ্টং শূদ্রোদক্যাদিভিঃ॥ 7-161-52 অজ্ঞাতামৃতুমতীৎবেন কামুকৎবেন বা॥ 7-161-52 অন্তর্ধানে অত্যন্তমন্ধকারে। সংয়ুক্তে ইতরেণ স্ত্র্যাদিনা॥ 7-161-52 স্নাৎবা বাসো ন নির্ধুনেৎ ইতি। ন চৈবার্দ্রাণি বাসাংসি ইতি চ.ঝ.পাঠঃ॥ 7-161-60 প্রস্কন্দয়েদন্নশেষং কিঞ্চিত্ত্যজেৎ। ভুক্ৎবা চ মনসাগ্নিমুপস্পৃশেৎ॥ 7-161-61 ঋতং নিঃশ্রেয়সমিচ্ছন্নিতি শেষঃ॥ 7-161-63 প্রাণান্নাসাদীন্ ঊর্ধ্বচ্ছিদ্রাণি॥ 7-161-64 অবস্নাতং স্নানজলং। অন্যস্য চাপ্যুপস্থানং দূরতঃ পরিবর্জয়েৎ ইতি ক.থ.ধ.পাঠঃ॥ 7-161-65 সাবিত্রাণি মন্ত্রবিশেষান্। শান্তিহোমাংশ্চ কুর্বীত পবিত্রাণি চ কারয়েৎ ইতি ক.থ.ধ.পাঠঃ॥ 7-161-73 নরিষ্যতে হিংস্যতে॥ 7-161-74 শিরোভ্যক্তেন তৈলেনেতি ক.থ.ধ.পাঠঃ॥ 7-161-75 ন চিন্তয়েৎ বেদম্॥ 7-161-76 প্রজাস্তস্যাদদে তথা ইতি ঝ.পাঠঃ॥ 7-161-85 মিথ্যাপ্রবৃত্তেপি সম্যগ্বর্তিতব্যম্॥ 7-161-90 বিপর্যযমৌত্তরাধর্যম্। অপদশং দশাহীনম্। ন চাপদশমেব চেতি ঝ.পাঠঃ॥ 7-161-93 উপবাসং ব্রহ্মচর্যম্॥ 7-161-96 ধর্মেষু শ্রাদ্ধাদিষু॥ 7-161-100 বালেন কেশেন উপলক্ষিতম্। পরশ্রাদ্ধং শত্রুশ্রাদ্ধম্॥ 7-161-104 নিরস্য পানীয়াদীন্বিহায়। অন্যেষাং ভক্ষাণাং শেষমন্যস্মৈ ন দেয়ম্॥ 7-161-105 অধিকং তোয়পানং তু ন কর্তব্যং ইতি ঙ.পাঠঃ। শঙ্কাং জীর্যতি ন বেতি। দধীতি তক্রং ৎবনুপানং কর্তব্যমেব। যথেষ্টং ভুংক্ষ্ব মাভৈষীস্তক্রং সলবণং পিবেতি তস্য দৃষ্টার্থৎবোক্তেঃ॥ 7-161-108 প্রাণান্নাসাদীন্॥ 7-161-113 নচ বর্ধকীম্ ইতি ড.থ.ধ.পাঠঃ। নচ নর্তকীম্ ইতি ক.পাঠঃ॥ 7-161-121 এতে তৈলপায়িকাদিবন্ন পাপায়। অভ্যুদয়ায়েত্যর্থঃ। পারাবতাদয়ঃ সর্বে পক্ষিবিশেষা এব॥ 7-161-125 শারণিকস্য রক্ষণার্থিনঃ। তথা নাগরিকস্য চেতি ধ.পাঠঃ॥ 7-161-128 প্রসাধনং কেশানাং সংস্কারাদিকম্। পানীয়স্য ক্রিয়া স্নানং ন নক্তং স্রায়াদিতি গৃহে রাত্রৌ শিরঃস্নাননিষেধঃ॥ 7-161-132 পুত্রাঃ প্রদেয়া জ্ঞানেষ্বিতি ঝ.পাঠঃ। জ্ঞানেষু বহুজ্ঞাননিমিত্তং পুত্রা দেয়া বিদ্বৎসু সমর্পণীয়াঃ॥ 7-161-133 কুলাৎসৎকুলসম্বন্ধেন। নিবেশ্যা বিবাহ্যাঃ। লভ্যা লম্ভনীয়াঃ॥ 7-161-135 তৈলাভ্যঞ্জনমষ্টম্যামিতি ঙ.থ.পাঠঃ। আগ্নেয়ে কৃত্তিকায়াম্॥ 7-161-136 স্বনক্ষত্রাদ্দিননক্ষত্রং যাবদ্গণয়িৎবা নবভির্ভাগে হৃতে পঞ্চমী তারা প্রত্যরিঃ॥ 7-161-140 ব্যঙ্গিনীং ন্যূনাঙ্গীম্। ব্যঙ্গিকাং বিরুদ্ধাঙ্গেনাধিকেন যুক্তাম্। সমার্ষা সমানপ্রবরাম্॥ 7-161-142 অয়োনি অজ্ঞাতকুলাম্। বিয়োনিং হীনকুলাম্॥ 7-161-150 নাপিতোচ্ছিষ্টতা শ্মশ্রুকর্মোত্তরমস্নাততা॥ 7-161-153 দর্শকো দ্রষ্টা॥ 7-161-154 পরিব্রজ্যং দেশান্তরে গন্তব্যম্॥ 7-161-157 মাতুঃ পিতুশ্চ পুত্রাণাং কার্যমিতি থ.পাঠঃ॥ 7-161-169 আয়ুষ্যাণামা**ষ্করাণাং কর্মণাম্। উদ্দেশঃ সংক্ষেপঃ॥অনুশাসনপর্ব - অধ্যায় 162
॥ শ্রীঃ ॥
13.162. অধ্যায়ঃ 162
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি জ্যেষ্ঠকনিষ্ঠয়োঃ পরস্পরস্মিন্বর্তনপ্রকারাদিকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কথং জ্যেষ্ঠঃ কনিষ্ঠেষু বর্তেত ভরতর্ষভ।
কনিষ্ঠাশ্চ যথা জ্যেষ্ঠে বর্তেরংস্তদ্ব্রবীহি মে॥ 13-162-1 (87794)
ভীষ্ম উবাচ। 13-162-2x (7366)
জ্যেষ্ঠবত্তাত বর্তস্ব জ্যেষ্ঠোসি হি তথা ভবান্।
গুরোর্গরীয়সী বৃত্তির্যা চ শিষ্যস্য ভারত॥ 13-162-2 (87795)
ন গুরাবকৃতপ্রজ্ঞে শক্যং শিষ্যেণ বর্তিতুম্।
গুরৌ হি সদৃশী বৃত্তির্যথা শিষ্যস্য ভারত॥ 13-162-3 (87796)
অন্ধঃ স্যাদন্ধবেলায়াং জডঃ স্যাদপি বা বুধঃ।
পরিহারেণ তদ্ব্রূয়াদ্যস্তেষাং স্যাদ্ব্যতিক্রমঃ॥ 13-162-4 (87797)
প্রত্যক্ষং ভিন্নহৃদয়া ভেদয়েয়ুর্যথাঽহিতাঃ।
`শ্রিয়াঽভিতপ্তাস্তদ্ভেদান্নভিন্নাঃ স্যুঃ সমাহিতাঃ'
শ্রিয়াঽভিতপ্তাঃ কৌন্তেয় ভেদকামাস্তথাঽরয়ঃ॥ 13-162-5 (87798)
জ্যেষ্ঠঃ কুলং বর্ধয়তি বিনাশয়তি বা পুনঃ।
হন্তি সর্বমপি জ্যেষ্ঠঃ প্রায়ো দুর্বিনয়াদিহ॥ 13-162-6 (87799)
অথ যো বিনিকুর্বীত জ্যেষ্ঠো ভ্রাতা যবীয়সঃ।
অজ্যেষ্ঠঃ স্যাদভাগশ্চ নিয়ম্যো রাজভিশ্চ সঃ॥ 13-162-7 (87800)
নিকৃতী হি নরো লোকান্পাপান্গচ্ছত্যসংশয়ম্।
বিফলং তস্য পুত্রৎবং মোঘং জনয়িতুঃ স্মৃতম্॥ 13-162-8 (87801)
পিত্রোরনর্থায়ক কুলে জায়তে পাপপূরুষঃ।
অকীর্তিং জনয়ত্যেব কীর্তিমন্তর্দধাতি চ॥ 13-162-9 (87802)
সর্বে চাপি বিকর্মস্থা ভাগং নার্হন্তি সোদরাঃ।
জ্যেষ্ঠোঽপি দুর্বিনীতস্তু কনিষ্ঠস্তু বিশেষতঃ।
নাপ্রদায় কনিষ্ঠেভ্যো জ্যেষ্ঠঃ কুর্বীত বেতনম্॥ 13-162-10 (87803)
অনুজস্য পিতুর্দায়ো জঙ্ঘাশ্রমফলোঽধ্বগঃ।
স্বয়মীহেত লব্ধং তু নাকামো দাতুমর্হতি॥ 13-162-11 (87804)
ভ্রাতৄণামবিভক্তানামুত্থানমপি চেৎসহ।
ন পুত্রভাগং বিষমং পিতা দদ্যাৎকদাচন। 13-162-12 (87805)
ন জ্যেষ্ঠো বাঽবমন্যেত দুষ্কৃতঃ সুকৃতোঽপি বা।
গুরূণামপরাধো হি শক্যঃ ক্ষন্তব্য এব চ॥ 13-162-13 (87806)
যদি স্ত্রী যদ্যবরজ শ্রেয়ঃ পশ্যেত্তদাচরেৎ।
ধর্মার্থঃ শ্রেয় ইত্যাহুস্ত্রয়ো জ্ঞাতা বিধায়কাঃ॥ 13-162-14 (87807)
দশাচার্যানুপাধ্যায় উপাধ্যায়ান্পিতা দশ।
দশ চৈব পিতৄন্মাতা সর্বাং বা পৃথিবীমপি।
গৌরবেণাভিভবতি নাস্তি মাতৃসমো গুরুঃ॥ 13-162-15 (87808)
মাতা গরীয়সী যচ্চ তেনৈতাং মন্যতে গুরুম্।
জ্যেষ্ঠো ভ্রাতা পিতৃসমো মৃতে পিতরি ভারত॥ 13-162-16 (87809)
স হ্যেষাং বৃত্তিদাতা স্যাৎস চৈতান্প্রতিপালয়েৎ।
কনিষ্ঠাস্তং নমস্যেরন্সর্বে ছন্দানুবর্তিনঃ॥ 13-162-17 (87810)
তমেব চোপজীবেরন্যথৈব পিতরং তথা।
শরীরমেতৌ সৃজতঃ পিতা মতা চ ভারত॥ 13-162-18 (87811)
আচার্যশিষ্টা যা জাতিঃ সা সত্যা সাঽজরামরা।
জ্যেষ্ঠা মাতৃসমা চাপি ভগিনী ভরতর্ষভ। 13-162-19 (87812)
ভ্রাতুর্ভার্যা চ তদ্বৎস্যাদ্যস্যা বাল্যে স্তনং পিবেৎ॥ ॥ 13-162-20 (87813)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিষষ্ট্যধিকশততমোঽধ্যায়ঃ॥
Mahabharata - Anushaasana Parva - Chapter Footnotes
7-162-2 যা চ শিষ্যস্য গুরৌ বৃত্তিস্তাং বর্তস্ব॥ 7-162-4 তেষাং গুরূণাম্॥ 7-162-7 যবীয়সঃ কনিষ্ঠান্॥ 7-162-8 বিদুলস্যেব তৎপুষ্পং মোঘমিতি ঝ.পাঠঃ॥ 7-162-10 জ্যেষ্ঠঃ কুর্বীত যৌতকমিতি ঝ.পাঠঃ॥ 7-162-11 জঙ্ঘাশ্রম এব ফলং ধনং যস্য। অধ্বগঃ প্রবাসী। অনুপঘ্নন্পিতুর্দায়ং ইতি ঝ.পাঠঃ॥ 7-162-12 উত্থানং ভোজনাদৌ বিভাগে বা॥ 7-162-14 যদি স্ত্রী যদি বা কনিষ্ঠো দুষ্কৃতস্তথাপি তস্য শ্রেয় আচরেৎ॥অনুশাসনপর্ব - অধ্যায় 163
॥ শ্রীঃ ॥
13.163. অধ্যায়ঃ 163
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণি যুধিষ্ঠিরংপ্রতি পক্ষমাসোপবাসফলপ্রতিপাদকাঙ্গিরোবচনানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
সর্বেষামেব বর্ণানাং ম্লেচ্ছানাং চ পিতামহ।
উপবাসে মতিরিয়ং কারণং চ ন বিদ্মহে॥ 13-163-1 (87814)
ব্রহ্মক্ষত্রেণ নিয়মাঃ কর্তব্যা ইতি নঃ শ্রুতম্।
উপবাসে কথং তেষাং কৃতমস্তি পিতামহ। 13-163-2 (87815)
নিয়মাংশ্চোপবাসাংশ্চ সর্বেষাং ব্রূহি পার্থিব।
আপ্নোতি কাং গতিং তাত উপবাসপরায়ণঃ॥ 13-163-3 (87816)
উপবাসঃ পরং পুণ্যং পবিত্রমপি চোত্তমম্॥
উপোষ্যেহ নরশ্রেষ্ঠ কিং ফলং প্রতিপদ্যতে॥ 13-163-4 (87817)
অধর্মান্মুচ্যতে কেন ধর্মমাপ্নোতি বা কথম্।
স্বর্গং পুণ্যং চ লভতে কথং ভরতসত্তম॥ 13-163-5 (87818)
উপোষ্য চাপি কিং তেন প্রয়োজ্যং স্যান্নরাধিপ।
ধর্মেণ চ সুখানর্থাঁল্লভেদ্যেন ব্রবীহি মে॥ 13-163-6 (87819)
বৈশম্পায়ন উবাচ। 13-163-7x (7367)
এবং ব্রুবাণং কৌন্তেয়ং ধর্মজ্ঞং ধর্মতত্ৎববিৎ।
ধর্মপুত্রমিদং বাক্যং ভীষ্মঃ শান্তনবোঽব্রবীৎ॥ 13-163-7 (87820)
ইদং খলু মহারাজ শ্রুতমাসীৎপুরাতনম্।
উপাবাসবিধৌ শ্রেষ্ঠা গুণা যে ভরতর্ষভ॥ 13-163-8 (87821)
প্রাজাপত্যমাঙ্গিরসং পৃষ্টবানস্মি ভারত।
যথা মাং ৎবং তথৈবাহং পৃষ্টবাংস্তং তপোধনম্॥ 13-163-9 (87822)
প্রশ্নমেতং ময়া পৃষ্টো ভগবানগ্নিসম্ভবঃ।
উপবাসবিধিং পুণ্যমাচষ্ট ভরতর্ষভ॥ 13-163-10 (87823)
অঙ্গিরা উবাচ। 13-163-11x (7368)
ব্রহ্মক্ষত্রে ত্রিরাত্রং তু বিহিতং কুরুনন্দন।
দ্বিস্ত্রিরাত্রমথৈকাহং নির্দিষ্টং পুরুষর্ষভ॥ 13-163-11 (87824)
বৈশ্যাঃ শূদ্রাশ্চ যন্মোহাদুপবাসং প্রকুর্বতে।
ত্রিরাত্রং বা দ্বিরাইত্রং বা তয়োর্ব্যুষ্টির্ন বিদ্যতে॥ 13-163-12 (87825)
চতুর্থভক্তক্ষপণং বৈশ্যে শূদ্রে বিধীয়তে।
ত্রিরাত্রং ন তু ধর্মজ্ঞৈর্বিহিতং ব্রহ্মবাদিভিঃ॥ 13-163-13 (87826)
পঞ্চম্যাং বাঽপি ষষ্ঠ্যাং চ পৌর্ণমাস্যাং চ ভারত।
উপোষ্য একভক্তেন নিয়তাত্মা জিতেন্দ্রিয়ঃ॥ 13-163-14 (87827)
ক্ষমাবান্রূপসম্পন্নঃ সুরভিশ্চৈব জায়তে।
নানপত্যো ভবেৎপ্রাজ্ঞো দরিদ্রো বা কদাচন॥ 13-163-15 (87828)
যজিষ্ণুঃ পঞ্চমীং ষষ্ঠীং কুলে ভোজয়তে দ্বিজান্।
অষ্টমীমথ কৌরব্য কৃষ্ণপক্ষে চতুর্দশীম্।
উপোষ্য ব্যাধিরহিতো বীর্যবানভিজায়তে॥ 13-163-16 (87829)
মার্গশীর্ষং তু বৈ মাসমেকভক্তেন যঃ ক্ষিপেৎ।
ভোজয়েচ্চ দ্বিজাঞ্শক্ত্যা স মুচ্যেদ্ব্যাধিকিল্বিষৈঃ॥ 13-163-17 (87830)
সর্বকল্যাণসম্পূর্ণঃ সর্বৌষধিসমন্বিতঃ।
কৃষিভাগী বহুধনো বহুধান্যশ্চ জায়তে॥ 13-163-18 (87831)
পৌষমাসং তু কৌন্তেয় ভক্তেনৈকেন যঃ ক্ষিপেৎ।
সুভগো দর্শনীয়শ্চ যশোভাগী চ জায়তে॥ 13-163-19 (87832)
পিতৃভক্তো মাঘমাসং যঃ ক্ষিপেদেকভোজনঃ।
শ্রীমৎকুলে জ্ঞাতিমধ্যে সুভগৎবং প্রপদ্যতে॥ 13-163-20 (87833)
ভগদৈবতমাসং তু একভক্তেন যঃ ক্ষিপেৎ।
`সুভগো দর্শনীয়শ্চ যশোভাগী চ জায়তে।'
স্ত্রীষু বল্লভতাং যাতি বশ্যাশ্চাস্য ভবন্তি তাঃ॥ 13-163-21 (87834)
চৈত্রং তু নিয়তো মাসমেকভক্তেন যঃ ক্ষিপেৎ।
সুবর্ণমণিমুক্তাঢ্যে কুলে মহতি জায়তে॥ 13-163-22 (87835)
নিস্তরেদেকভক্তেন বৈশাখং যো জিতেন্দ্রিয়ঃ।
নরো বা যদি বা নরী জ্ঞাতীনাং শ্রেষ্ঠতাং ব্রজেৎ॥ 13-163-23 (87836)
জ্যেষ্ঠামূলং তু যো মাসমেকভক্তেন সংক্ষিপেৎ।
ঐশ্বর্যমতুলং শ্রেষ্ঠং পুমান্স্ত্রী বা প্রপদ্যতে॥ 13-163-24 (87837)
আষাঢমেকভক্তেন স্থিৎবা মাসমতন্দ্রিতঃ।
বহুধান্যো বহুধনো বহুপুত্রশ্চ জায়তে॥ 13-163-25 (87838)
শ্রাবণং নিয়তো মাসমেকভক্তেন যঃ ক্ষিপেৎ।
রূপদ্রবিণসম্পন্নঃ সুখী ভবতি নিত্যশঃ।
বহুভার্যো বহুধনো বহুপুত্রশ্চি জায়তে॥ 13-163-26 (87839)
প্রৌষ্ঠপাদং তু যো মাসমেকাহারো ভবেন্নরঃ।
গবাঢ্যং স্ফীতমচলমৈশ্বর্যং প্রতিপদ্যতে॥ 13-163-27 (87840)
তথৈবাশ্বয়ুজং মাসমেকভক্তেন যঃ ক্ষিপেৎ।
প্রজ্ঞাবান্বাহনাঢ্যশ্চ বহুপুত্রশ্চ জায়তে॥ 13-163-28 (87841)
কার্তিকং তু নরো মাসং যঃ কুর্যাদেকভোজনম্।
শূরশ্চ বহুভার্যশ্চ কীর্তিমাংশ্চৈব জায়তে॥ 13-163-29 (87842)
ইতি মাসা নরব্যাঘ্র ক্ষিপতাং পরিকীর্তিতাঃ।
তিথীনাং নিয়মা যে তু শৃণু তানপি পার্থিব॥ 13-163-30 (87843)
পক্ষেপক্ষে গতে যস্তু ভক্তমশ্নাতি ভারত।
গবাঢ্যো বহুপুত্রশ্চ দীর্ঘায়ুশ্চ স জায়তে॥ 13-163-31 (87844)
মাসিমাসি ত্রিরাত্রাণি কৃৎবা বর্ষাণি দ্বাদশ।
গণাধিপত্যং প্রাপ্নোতি নিঃসপত্নমনাবিলম্॥ 13-163-32 (87845)
এতে তু নিয়মাঃ সর্বে কর্তব্যাঃ শরদো দশ।
দ্বে চান্যে ভরতশ্রেষ্ঠ প্রবৃত্তিরনুকীর্তিতা॥ 13-163-33 (87846)
যস্তু প্রাতস্তথা সায়ং ভুঞ্জানো নান্তরা পিবেৎ।
অহিংসানিরতো নিত্যং জুহ্বানো জাতবেদসম্॥ 13-163-34 (87847)
ষড্ভিঃ স বর্ষৈর্নৃপতে সিধ্যতে নাইত্র সংশয়ঃ।
অগ্নিষ্টোমস্য যজ্ঞস্য ফলং প্রাপ্নোতি মানবঃ॥ 13-163-35 (87848)
অধিবাসে সোপ্সরসাং নৃত্যগীতবিনাদিতে।
রমতে স্ত্রীসহস্রাঢ্যে সুকুতী বিরজা নরঃ॥ 13-163-36 (87849)
তপ্তকাঞ্চনবর্ণাভং বিমানমধিরোহতি।
পূর্ণং বর্ষসহস্রং চ ব্রহ্মিলোকে মহীয়তে।
তৎক্ষয়াদিহ চাগম্য মাহাত্ম্যং প্রতিপদ্যতে॥ 13-163-37 (87850)
যস্তু সংবৎসরং পূর্ণমেকাহারো ভবেন্নরঃ।
অতিরাত্রস্য যজ্ঞস্য স ফলং সমুপাশ্নুতে॥ 13-163-38 (87851)
ত্রিংশদ্বর্ষসহস্রাণি স্বর্গে চ স মহীয়তে।
তৎক্ষয়াদিহ চাগম্য মাহাত্ম্যং প্রতিপদ্যতে॥ 13-163-39 (87852)
যস্তু সংবৎসরং পূর্ণং চতুর্থং ভক্তমশ্নুতে।
অহিংসানিরতো নিত্যং সত্যবাগ্বিজিতেন্দ্রিয়ঃ॥ 13-163-40 (87853)
বাজপেয়স্য যজ্ঞস্য স ফলং সমুপাশ্নুতে।
ত্রিংশদ্বর্ষসহস্রাণি স্বর্গলোকে মহীয়তে॥ 13-163-41 (87854)
ষষ্ঠে কালে তু কৌন্তেয় নরঃ সংবৎসরং ক্ষিপন্।
অশ্বমেধস্য যজ্ঞস্য ফলং প্রাপ্নোতি মানবঃ॥ 13-163-42 (87855)
চক্রবাকপ্রয়ুক্তেন বিমানেন স গচ্ছতি।
চৎবারিংশৎসহস্রাণি বর্ষাণি দিবি মোদতে॥ 13-163-43 (87856)
অষ্টমেন তু ভক্তেন জীবন্সংবৎসরং নৃপ।
গবাময়নয়জ্ঞস্য ফলং প্রাপ্নোতি মানবঃ॥ 13-163-44 (87857)
হংসসারসয়ুক্তেন বিমানেন স গচ্ছতি।
পঞ্চাশতং সহস্রাণি বর্ষাণাং দিবি মোদতে॥ 13-163-45 (87858)
পক্ষেপক্ষে গতে রাজন্যোঽশ্নীয়াদ্বর্ষমেব তু।
ষণ্মাসানশনং তস্য ভগবানঙ্গিরাঽব্রবীৎ।
ষষ্টিং বর্ষসহস্রাণি দিবমাবসতে চ সঃ॥ 13-163-46 (87859)
বিণানাং বল্লকীনাং চ বেণূনাং চ বিশাম্পতে।
সুঘোষৈর্মধুরৈঃ শব্দৈঃ সুপ্তঃ স প্রতিবোধ্যতে॥ 13-163-47 (87860)
সংবৎসরমিহৈকং তু মাসিমাসি পিবেদপঃ।
ফলং বিশ্বজিতস্তাত প্রাপ্নোতি স নরো নৃপ॥ 13-163-48 (87861)
সিংহব্যাঘ্রপ্রয়ুক্তেন বিমানেন স গচ্ছতি।
সপ্ততিং চ সহস্রাণি বর্ষাণাং দিবি মোদতে॥ 13-163-49 (87862)
মাসাদূর্ধ্বং নরব্যাঘ্র নোপবাসো বিধীয়তে।
বিধিং ৎবনশনস্যাহুঃ পার্থ ধর্মবিদো জনাঃ॥ 13-163-50 (87863)
অনার্তো ব্যাধিরহিতো গচ্ছেদনশনং তু যঃ।
পদেপদে যজ্ঞফলং স প্রাপ্নোতি ন সংশয়ঃ॥ 13-163-51 (87864)
দিবং হংসপ্রয়ুক্তেন বিমানেন স গচ্ছতি।
শতং বর্ষসহস্রাণাং মোদতে স দিবি প্রভো॥ 13-163-52 (87865)
শতং চাপ্সরসঃ কন্যা রময়ন্ত্যপি তং নরম্।
আর্তো বা ব্যাধিতো বাঽপি গচ্ছেদনশনং তু যঃ॥ 13-163-53 (87866)
শতং বর্ষসহস্রাণাং মোদতে স দিবি প্রভো।
কাঞ্চীনূপুরশব্দেন সুপ্তশ্চৈব প্রবোধ্যতে॥ 13-163-54 (87867)
সহস্রহংসয়ুক্তেন বিমানেন তু গচ্ছতি।
স গৎবা স্ত্রীশতাকীর্ণে রমতে ভরতর্ষভ॥ 13-163-55 (87868)
ক্ষীণস্যাপ্যায়নং দৃষ্টং ক্ষতস্য ক্ষতরোহণম্।
ব্যাধিতস্যৌষধগ্রামঃ ক্রুদ্ধস্য চ প্রসাদনম্॥ 13-163-56 (87869)
দুঃখিতস্যার্তপূর্বস্য দ্রব্যাণাং প্রতিপাদনম্।
ন চৈতদ্রোচতে তেষাং যে ধনৈঃ সুখমেধিতাঃ॥ 13-163-57 (87870)
অতঃ স কামসংয়ুক্তে বিমানে হেমসন্নিভে।
রমতে স্ত্রীশতাকীর্ণে পুরুষোঽলঙ্কৃতঃ শুচিঃ॥ 13-163-58 (87871)
স্বস্থঃ সফলসঙ্কল্পঃ সুখী বিগতকল্মষঃ।
অনশ্নন্দেহমুৎসৃজ্য ফলং প্রাপ্নোতি মানবঃ॥ 13-163-59 (87872)
বালসূর্যপ্রতীকাশে বিমানে সোমবর্চসি।
বৈদূর্যমুক্তাখচিতে বীণামুরজনাদিতে॥ 13-163-60 (87873)
পতাকাদীপিকাকীর্ণে দিব্যঘণ্টানিনাদিতে।
স্ত্রীসহস্রানুচরিতে স নরঃ সুখমেধতে॥ 13-163-61 (87874)
যাবন্তি রোমকূপাণি তস্য গাত্রেষু পাণ্ডব।
তাবন্ত্যেব সহস্রাণি বর্ষাণাং দিবি মোদতে॥ 13-163-62 (87875)
নাস্তি বেদাৎপরং শাস্ত্রং নাস্তি মাতৃসমো গুরুঃ।
ন ধর্মাৎপরমো লাভস্তপো নানশনাৎপরম্॥ 13-163-63 (87876)
ব্রাহ্মণেভ্যঃ পরং নাস্তি পাবনং দিবি চেহ চ।
উপবাসৈস্তথা তুল্যং তপঃকর্ম ন বিদ্যতে॥ 13-163-64 (87877)
উপোষ্য বিধিবদ্দেবাস্ত্রিদিবং প্রতিপেদিরে।
ঋষয়শ্চ পরাং সিদ্ধিমুপবাসৈরবাপ্নুবন্॥ 13-163-65 (87878)
দিব্যবর্ষসহস্রাণি বিশ্বামিত্রেণ ধীমতা।
ক্ষান্তমেকেন ভক্তেন তেন বিপ্রৎবমাগতম্॥ 13-163-66 (87879)
চ্যবনো জমদগ্নিশ্চ বসিষ্ঠো গৌতমো ভৃগুঃ।
সর্ব এব দিবং প্রাপ্তাঃ ক্ষমাবন্তো মহর্ষয়ঃ॥ 13-163-67 (87880)
ইদমঙ্গীরসা পূর্বং মহর্ষিভ্যঃ প্রদর্শিতম্।
যঃ প্রদর্শয়তে নিত্যং ন স দুঃখমবাপ্নুতে॥ 13-163-68 (87881)
ইমং তু কৌন্তেয় যথাক্রমং বিধিং
প্রবর্তিতং হ্যঙ্গিরসা মহর্ষিণা।
পঠেচ্চ যো বৈ শৃণুয়াচ্চ নিত্যদা
ন বিদ্যতে তস্য নরস্য কিল্বিষম্॥ 13-163-69 (87882)
বিমুচ্যতে চাপি স সর্বসঙ্করৈ-
র্ন চাস্য দোষৈরভিভূয়তে মনঃ।
বিয়োনিজানাং চ বিজানতে রুতং
ধ্রুবাং চ কীর্তিং লভতে নরোত্তমঃ॥ ॥ 13-163-70 (87883)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিষ্ট্যধিকশততমোঽধ্যায়ঃ॥ 163 ॥
Mahabharata - Anushaasana Parva - Chapter Footnotes
7-163-12 ব্যুষ্টিঃ ফলম্॥ 7-163-13 দিনস্য দ্বে ভক্তে তত্র চতুর্থস্য ভক্তস্য ক্ষপণম্। দ্বিরাত্রমভোজনমিত্যর্থঃ॥ 7-163-16 যজিষ্ণুঃ দেবতাপূজনশীলঃ কুলে স এব মহানন্নদাতা ভবতীত্যর্থঃ॥ 7-163-24 জ্যেষ্ঠামূলং জ্যেষ্ঠমাসম্॥ 7-163-28 মৃজাবান্ বাহনাঢ্যশ্চ ইতি ঝ.পাঠঃ॥ 7-163-31 সর্বেষু মাসেষ্বেকৈকস্মিন্পক্ষে গতে দ্বিতীয়পক্ষে ভক্তমেকভক্তমশ্নাতি॥ 7-163-57 দুঃখিতস্যার্থমানাভ্যাং দুঃখানাং প্রতিষেধনম্ ইতি ঝ.পাঠঃ॥ 7-163-70 বিয়োনিজানাং পক্ষ্যাদীনাং রুতং শব্দং বিজানতে বিজানীতে॥অনুশাসনপর্ব - অধ্যায় 164
॥ শ্রীঃ ॥
13.164. অধ্যায়ঃ 164
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরেণি ভীষ্মংপ্রতি দরিদ্রাণাং যজ্ঞস্য বহুদ্রব্যসাধ্যৎবেন দুষ্করতয়া তৎফলপ্রাপ্ত্যৈ তৎপ্রতিনিধিকথনপ্রার্থনা॥ 1 ॥ ভীষ্মেণ যুধিষ্ঠিরংপ্রতি একৈকদিনবৃদ্ধ্যা মাসাবধ্যুপবাসস্য যজ্ঞপ্রতিনিধিৎবকথনম্॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
পিতামহেন বিধিবদ্যজ্ঞাঃ প্রোক্তা মহাত্মনা।
গুণাশ্চৈষাং যথাতথ্যং প্রেত্য চেহ চ সর্বশঃ॥ 13-164-1 (87884)
ন তৈ শক্যা দরিদ্রেণ যজ্ঞাঃ প্রাপ্তুং পিতামহ।
বহূপকরণা যজ্ঞা নানাসম্ভারবিস্তরাঃ॥ 13-164-2 (87885)
পার্থিবৈ রাজপুত্রৈর্বা শক্যাঃ প্রাপ্তুং পিতামহ।
নার্থন্যূনৈরবগুণৈরেকাত্মভিরসংহতৈঃ॥ 13-164-3 (87886)
যো দরিদ্রৈরপি বিধিঃ শক্যঃ প্রাপ্তুং সদা ভবেৎ।
অর্থন্যূনৈরবগুণৈরেকাত্মভিরসংহতৈঃ।
তুল্যো যজ্ঞফলৈরেতৈস্তন্মে ব্রূহি পিতামহ॥ 13-164-4 (87887)
ভীষ্ম উবাচ। 13-164-5x (7369)
ইদমঙ্গিরসা প্রোক্তমুপবাসফলাত্মকম্।
বিধিং যজ্ঞফলৈস্তুল্যং তন্নিবোধ যুধিষ্ঠির॥ 13-164-5 (87888)
যস্তু কল্যং তথা সায়ং ভুঞ্জানো নান্তরা পিবেৎ।
অহিংসানিরতো নিত্যং জুহ্বানো জাতবেদসম্।
ষড্ভিরেব স বর্ষৈস্তু সিধ্যতে নাত্র সংশয়ঃ॥ 13-164-6 (87889)
তপ্তকাঞ্চনবর্ণং চ বিমানং লভতে নরঃ।
দেবস্ত্রীণামধীবাসে নৃত্তগীতনিনাদিতে।
প্রাজাপত্যে বসেৎপদ্মং বর্ষাণামগ্নিসন্নিভে॥ 13-164-7 (87890)
ত্রীণি বর্ষাণি যঃ প্রাশেৎসততং ৎবেকভোজনম্।
ধর্মত্নীরতো নিত্যমগ্নিষ্টোমফলং লভেৎ।
যজ্ঞং বহুসুবর্ণং বা বাসবপ্রিয়মাচরেৎ॥ 13-164-8 (87891)
সত্যবান্দানশীলশ্চ ব্রহ্মণ্যশ্চানসূয়কঃ।
ক্ষান্তো দান্তো জিতক্রোধঃ স গচ্ছতি পরাং গতিম্॥ 13-164-9 (87892)
পাণ্ডুরাভ্রপতীকাশে বিমানে হংসলক্ষণে।
দ্বে সমাপ্তে ততঃ পদ্মে সোপ্সরোভির্বসেৎসহ॥ 13-164-10 (87893)
দ্বিতীয়ে দিবসে যস্তু প্রাশ্নীয়াদেকভোজনম্।
সদা দ্বাদশমাসাংস্তু জুহ্বানো জাতবেদসম্॥ 13-164-11 (87894)
অগ্নিকার্যপরো নিত্যং নিত্যং কল্যপ্রবোধনঃ।
অগ্নিষ্টোমস্য যজ্ঞস্য ফলং প্রাপ্নোতি মানবঃ॥ 13-164-12 (87895)
হংসসারসয়ুক্তং চ বিমানং লভতে নরঃ।
ইন্দ্রলোকে চ বসতে বরস্ত্রীভিঃ সমাবৃতঃ॥ 13-164-13 (87896)
তৃতীয়ে দিবসে যস্তু প্রাশ্নীয়াদেকভোজনম্।
সদা দ্বাদশমাসাংস্তু জুহ্বানো জাতবেদসম্॥ 13-164-14 (87897)
অগ্নিকার্যপরো নিত্যং নিত্যং কল্যপ্রবোধনঃ।
অতিরাত্রস্য যজ্ঞস্য ফলং প্রাপ্নোত্যনুত্তমম্॥ 13-164-15 (87898)
ময়ূরহংসয়ুক্তং চ বিমানং লভতে নরঃ।
সপ্তর্ষীণাং সদা লোকে সোপ্সরোভির্বসেৎসহ।
নিবর্তনং চ তত্রাস্য ত্রীণি পদ্মানি বৈ বিদুঃ॥ 13-164-16 (87899)
দিবসে যশ্চতুর্থে তু প্রাশ্নীয়াদেকভোজনম্।
সদা দ্বাদশমাসান্বৈ জুহ্বানো জাতবেদসম্।
বাজপেয়স্য যজ্ঞস্য ফলং প্রাপ্নীত্যনুত্তমম্। 13-164-17 (87900)
ইন্দ্রিকন্যাভিরূঢং চ বিমান লভতে নরঃ।
সাগরস্য চ পর্যন্তে বাসবং লোকমাবসেৎ।
দেবরাজস্য চ ক্রীডাং নিত্যকালমবেক্ষতে॥ 13-164-18 (87901)
দিবসে পঞ্চমে যস্তু প্রাশ্নীয়াদৈকভোজনম্।
সদা দ্বাদশমাসাংস্তু জুহ্বানো জাতবেদসম্॥ 13-164-19 (87902)
অলুব্ধঃ। সত্যবাদী চ ব্রহ্মণ্যশ্চাবিহিংসকঃ।
অনসূয়ুরপাপস্থো দ্বাদশাহফলং লভেৎ॥ 13-164-20 (87903)
জাম্বূনদময়ং দিব্যং বিমানং হংসলক্ষণম্।
সূর্যমালাসমাভাসমারোহেৎপাণ্ডুরং গুহম্॥ 13-164-21 (87904)
আবর্তনানি চৎবারি তথা পদ্মানি দ্বাদশ।
শরাগ্নিপরিমাণং চ তত্রাসৌ বসতে সুখম্॥ 13-164-22 (87905)
দিবসে যস্তু ষষ্ঠে বৈ মুনিঃ প্রাশেত ভোজনম্।
সদা দ্বাদশমাসান্বৈ জুহ্বানো জাতবেদসম্॥ 13-164-23 (87906)
সদা ত্রিষবণস্নায়ী ব্রহ্মচার্যনসূয়কঃ।
গবাময়নয়জ্ঞস্য ফলং প্রাপ্নোত্যনুত্তমম্॥ 13-164-24 (87907)
অগ্নিজ্বালাসমাভাসং হংসবর্হিণসেবিতম্।
শাতকুম্ভসমায়ুক্তং সাধয়েদ্যানমুত্তমম্॥ 13-164-25 (87908)
তথৈবাপ্সরসামঙ্কে প্রতিসুপ্তঃ প্রবোধ্যতে।
নূপুরাণাং নিনাদেন মেখলানাং চ নিঃস্বনৈঃ॥ 13-164-26 (87909)
কোটীসহস্রং বর্ষাণাং ত্রীণি কোটিশতানি চ।
পদ্মান্যষ্টাদশ তথা পতাকে দ্বে তথৈব চ॥ 13-164-27 (87910)
অয়ুতানি চ পঞ্চশদৃক্ষচর্মশতস্য চ।
লোম্নাং প্রমাণেন সমং ব্রহ্মলোকে মহীয়তে॥ 13-164-28 (87911)
দিবসে সপ্তমে যস্তু প্রাশ্নীয়াদেকভোজনম্।
সদা দ্বাদশমাসান্বৈ জুহ্বানো জাতবেদসম্॥ 13-164-29 (87912)
সরস্বতীং গোপয়ানো ব্রহ্মচর্যং সমাচরন্।
সুমনোবর্ণকং চৈব মধু মাংসং চ বর্জয়ন্॥ 13-164-30 (87913)
পুরুষো মরুতাং লোকমিন্দ্রলোকং চ গচ্ছতি।
তত্রতত্র হি সিদ্ধার্থো দেবকন্যাভিরুহ্যতে॥ 13-164-31 (87914)
ফলং বহুসুবর্ণস্য যজ্ঞস্য লভতে নরঃ।
সঙ্খ্যামতিগুণাং চাপি তেষু লোকেষু মোদতে॥ 13-164-32 (87915)
যস্তু সংবৎসরং ক্ষান্তো ভুঙ্ক্তেঽহন্যষ্টমে নরঃ।
দেবকার্যপরো নিত্যং জুহ্বানো জাতবেদসম্॥ 13-164-33 (87916)
পৌণ্ডরীকস্য যজ্ঞস্য ফলং প্রাপ্নোত্যনুত্তমম্।
পদ্মবর্ণনিভং চৈব বিমানমধিরোহতি॥ 13-164-34 (87917)
মৃষ্টাঃ কনকগৌর্যশ্চ নার্যঃ শ্যামাস্তথা পরাঃ।
বয়োরূপবিলাসিন্যো লভতে নাত্র সংশয়ঃ॥ 13-164-35 (87918)
যস্তু সংবৎসরং ভুঙ্ক্তে নবমেনবমেঽহনি।
সদা দ্বাদশমাসান্বৈ জুহ্বানো জাতবেদসম্॥ 13-164-36 (87919)
অশ্বমেধসহস্রস্য ফলং প্রাপ্নোত্যনুত্তমম্।
পুণ্ডরীকপ্রকাশং চ বিমানং লভতে নরঃ॥ 13-164-37 (87920)
দীপ্তসূর্যাগ্নিতেজোভির্দিব্যমালাভিরেব চ।
নীয়তে রুদ্রকন্যাভিঃ সোন্তরিক্ষং সনাতনম্॥ 13-164-38 (87921)
অষ্টাদশসহস্রাণি বর্ষাণাং কল্পমেব চ।
কোটীশতসহস্রং চ তেষু লোকেষু মোদতে॥ 13-164-39 (87922)
যস্তু সংবৎসরং ভুঙ্ক্তে দশাহে বৈ গতেগতে।
সদা দ্বাদশ মাসান্বৈ জুহ্বানো জাতবেদসম্॥ 13-164-40 (87923)
ব্রহ্মকন্যানিবাসে স সর্বভূতমনোহরে।
অশ্বমেধসহস্রস্য ফলং প্রাপ্নোত্যনুত্তমম্॥ 13-164-41 (87924)
রূপবত্যশ্চ তং কন্যা রময়ন্তি সদা নরম্।
নীলোৎপলনিভৈর্বর্ণৈ রক্তোৎপলনিভৈস্তথা॥ 13-164-42 (87925)
বিমানং মণ্ডলাবর্তমাবর্তগহনাকুলম্।
সাগরোর্মিপ্রতীকাশং স লভেদ্যানমুত্তমম্॥ 13-164-43 (87926)
বিচিত্রমণিমালাভির্নাদিতং শঙ্খনিঃস্বনৈঃ।
স্ফাটিকৈর্বজ্রসারৈশ্চ স্তম্ভৈঃ সুকৃতবেদিকম্।
আরোহতি মহদ্যানং হংসসারসবাহনম্॥ 13-164-44 (87927)
একাদশে তু দিবসে যঃ প্রাপ্তে প্রাশতে হবিঃ।
সদা দ্বাদশমাসাংস্তু জুহ্বানো জাতবেদসম্॥ 13-164-45 (87928)
পরিস্ত্রিয়ং নাভিলষেদ্বাচাথ মনসাঽপি বা।
অনৃতং চ ন ভাষেত মাতাপিত্রোঃক কৃতেঽপি বা।
অভিগচ্ছেন্মহাদেবং বিমানস্থং মহাবলম্॥ 13-164-46 (87929)
অশ্বমেধসহস্রস্য ফলং প্রাপ্নোত্যনুত্তমম্।
স্বায়ংভুবং চ পশ্যেত বিমানং সমুপস্থিতম্॥ 13-164-47 (87930)
কুমার্যঃ কাঞ্চনাভাসা রূপবত্যো নয়ন্তি তম্।
রুদ্রাণাং তমধীবাসং দিবি দিব্যং মনোহরম্॥ 13-164-48 (87931)
বর্ষাণ্যপরিমেয়ানি যুগান্তমপি চাবসেৎ।
কোটীশতসহস্রং চ দশকোটিশতানি চ॥ 13-164-49 (87932)
রুদ্রং নিত্যং প্রণমতে দেবদানবসম্মতম্।
স তস্মৈ দর্শনং প্রাপ্তো দিবসেদিবসে ভবেৎ॥ 13-164-50 (87933)
দিবসে দ্বাদশে যস্তু প্রাপ্তো বৈ প্রাশতে হবিঃ।
সদা দ্বাদশ মাসান্বৈ জুহ্বানো জাতবেদসম্॥ 13-164-51 (87934)
নিয়মেন সমায়ুক্তঃ সর্বমেধফলং লভেত।
আদিত্যৈর্দ্বাদশৈস্তস্য বিমানং সংবিধীয়তে॥ 13-164-52 (87935)
মণিমুক্তাপ্রবালৈশ্চ মহার্হৈরুপশোভিতম্।
হংসভাসা পরিক্ষিপ্তং নাগবীথীসমাকুলম্॥ 13-164-53 (87936)
ময়ূরৈশ্চক্রবাকৈশ্চ কূজদ্ভিরুপশোভিতম্।
অট্টৈর্মহদ্ভিঃ সংয়ুক্তং ব্রহ্মলোকে প্রতিষ্ঠিতম্॥ 13-164-54 (87937)
নিত্যমাবসথং রাজন্নরনারীসমাবৃতম্।
ঋষিরেবং মহাভাগস্ৎবঙ্গিরাঃ প্রাহ ধর্মিবিৎ॥ 13-164-55 (87938)
ত্রয়োদশে তু দিবসে প্রাপ্তে যঃ প্রাশতে হবিঃ।
সদা দ্বাদশ মাসান্বৈ দেবসত্রফলং লভেৎ॥ 13-164-56 (87939)
রক্তপদ্মোদয়ং নাম বিমানং সাধয়েন্নরঃ।
জাতরূপপ্রয়ুক্তং চ রত্নসঞ্চয়ভূষিতম্॥ 13-164-57 (87940)
দেবকন্যাভিরাকীর্ণং দিব্যাভরণভূষিতম্।
পুণ্যগন্ধোদয়ং দিব্যং বাদিত্রৈরুপশোভিতম্॥ 13-164-58 (87941)
তত্র শঙ্কুপতাকে দ্বে যুগান্তং কল্পমেব চ।
অয়ুতায়ুতং তথা পদ্মং সমুদ্রং চ তথা বসেৎ॥ 13-164-59 (87942)
গীতগন্ধর্বঘোষৈশ্চ ভেরীপণবনিঃস্বনৈঃ।
সদা প্রহ্লাদিতস্তাভির্দেবকন্যাভিরীড্যতে॥ 13-164-60 (87943)
চতুর্দশে তু দিবসে যঃ পূর্ণে প্রাশতে হবিঃ।
সদা দ্বাদশমাসাংস্তু মহামেধফলং লভেৎ॥ 13-164-61 (87944)
অনির্দেশ্যবয়োরূপা দেবকন্যাঃ স্বলঙ্কৃতাঃ।
মৃষ্টতপ্তাঙ্গদধরা বিমানৈরুপয়ান্তি তম্॥ 13-164-62 (87945)
কলহংসবিনির্ঘোষৈর্নূপুরাণাং চ নিঃখনৈঃ।
কাঞ্চীনাং চ সমুৎকর্ষৈস্তত্রতত্র নিবোধ্যতে॥ 13-164-63 (87946)
দেবকন্যানিবাসে চ তস্মিন্বসতি মানবঃ।
জাহ্নবীবালুকাকীর্ণং পূর্ণং সংবৎসরং নরঃ॥ 13-164-64 (87947)
যস্তু পক্ষে গতে ভুঙ্ক্তে একভক্তং জিতেন্দ্রিয়ঃ।
সদা দ্বাদশমাসাংস্তু জুহ্বানো জাতবেদসম্॥ 13-164-65 (87948)
রাজসূয়সহস্রস্য ফলং প্রাপ্নোত্যনুত্তমম্।
যানমারোহতে দিব্যং হংসবর্হিণলক্ষণম্॥ 13-164-66 (87949)
মণিমণ্ডলকৈশ্চিত্রং জাতরূপসমাবৃতম্।
দিব্যাভরণশোভাভির্বরস্ত্রীভিরলঙ্কৃতম্॥ 13-164-67 (87950)
একস্তম্ভং চতুর্দ্বারং সপ্তভৌমং সুমঙ্গলম্।
বৈজয়ন্তীসহস্রৈশ্চ শোভিতং গীতনিঃস্বনৈ।
দিব্যং দিব্যগুণোপেতং বিমানমধিরোহতি॥ 13-164-68 (87951)
মণিমুক্তাপ্রবালৈশ্চ ভূষিতং বৈদ্যুতপ্রভম্।
বসেদ্যুগসহস্রং চ খড্গকুঞ্জরবাহনঃ॥ 13-164-69 (87952)
ষোডশে দিবসে যস্তু সম্প্রাপ্তে প্রাশতে হবিঃ।
সদা দ্বাদশমাসান্বৈ সোময়জ্ঞফলং লভেৎ॥ 13-164-70 (87953)
সোমকন্যানিবাসেষু সোঽধ্যাবসতি নিত্যশঃ।
সৌম্যগন্ধানুলিপ্তশ্চ কামচারগতির্ভবেৎ॥ 13-164-71 (87954)
সুদর্শনাভির্নারীভির্মধুরাভিস্তথৈব চ।
অর্চ্যতে বৈ বিমানস্থঃ কামভোগৈশ্চ সেব্যতে॥ 13-164-72 (87955)
ফলং পদ্মশতপ্রখ্যং মহাকল্পং দশাধিকম্।
আবর্তনানি চৎবারি সাধয়েচ্চাপ্যসৌ নরঃ॥ 13-164-73 (87956)
দিবসে সপ্তদশমে যঃ প্রাপ্তে প্রাশতে হবিঃ।
সদা দ্বাদশমাসান্বৈ জুহ্বানো জাতবেদসম্॥ 13-164-74 (87957)
স্থানং বারুণমৈন্দ্রং চ রৌদ্রং বাঽপ্যধিগচ্ছতি॥ 13-164-75 (87958)
মারুতং শয়নং চৈব ব্রহ্মলোকং স গচ্ছতি।
তত্র দৈবতকন্যাভিরাসনেনোপচর্যতে॥ 13-164-76 (87959)
ভূর্ভুবঃস্বশ্চ দেবর্ষির্বিশ্বরূপমবেক্ষতে।
তত্র দেবাধিদেবস্য কুমার্যো রময়ন্তি তম্।
দ্বাত্রিংশদ্রূপদারিণ্যো মধুরাঃ সমলঙ্কৃতাঃ॥ 13-164-77 (87960)
চন্দ্রাদিত্যাবুভৌ যাবদ্গগতে চরতঃ প্রভো।
তাবচ্চরত্যসৌ ধীরঃ সুধাতুল্যরসাশনঃ॥ 13-164-78 (87961)
অষ্টাদশে যো দিবসে প্রাশ্নীয়াদেকভোজনম্।
সদা দ্বাদশমাসান্বৈ সপ্তলোকান্স পশ্যতি॥ 13-164-79 (87962)
রথৈঃ স নন্দিঘোষৈশ্চ পৃষ্ঠতঃ সোঽনুগম্যতে।
দেবকন্যাধিরূঢৈস্তু ভ্রাজমানৈঃ স্বলংকৃতৈঃ॥ 13-164-80 (87963)
ব্যাঘ্রসিংহপ্রয়ুক্তং চ মেঘস্বননিনাদিতম্।
বিমানমুত্তমং দিব্যং সুসুখি হ্যধিরোহতি॥ 13-164-81 (87964)
তত্র কল্পসহস্রং স কন্যাভিঃ সহ মোদতে।
সুধারসং চ ভুঞ্জীত অমৃতোপমমুত্তমম্॥ 13-164-82 (87965)
একোনবিংশদিবসে যো ভুঙ্ক্তে একভোজনম্।
সদা দ্বাদশমাসান্বৈ সপ্ত লোকান্স পশ্যতি॥ 13-164-83 (87966)
উত্তমং লভতে স্থানমপ্সরোগণসেবিতম্।
গন্ধর্বৈরুপগীতং চ বিমানং সূর্যবর্চসম্॥ 13-164-84 (87967)
তত্রামরবরস্ত্রীভির্মোদতে বিগতজ্বরঃ।
দিব্যাম্বরধরঃ শ্রীমানয়ুতানাং শতংশতম্॥ 13-164-85 (87968)
পূর্ণেঽথ বিংশে দিবসে যো ভুঙ্ক্তে হ্যেকভোজনম্।
সদা দ্বাদশমাসাংস্তু সত্যবাদী ধৃতব্রতঃ॥ 13-164-86 (87969)
অমাংসাশী ব্রহ্মচারী সর্বভূতহিতে রতঃ।
স লোকান্বিপুলান্রম্যানাদিত্যানামুপাশ্নুতে॥ 13-164-87 (87970)
গন্ধর্বৈরপ্সরোভিশ্চ দিব্যমাল্যানুলেপনৈঃ।
বিমানৈঃ কাঞ্চনৈর্হৃদ্যৈঃ পৃষ্ঠতশ্চানুগম্যতে॥ 13-164-88 (87971)
একবিংশো তু দিবসে যো ভুঙ্ক্তে হ্যেকভোজনম্।
সদা দ্বাদশমাসান্বৈ জুহ্বানো জাতবেদসম্।
লোকমৌশনসং দিব্যং শক্রলোকং চ গচ্ছতি॥ 13-164-89 (87972)
অশ্বিনোর্মরুতাং চৈব সুখেষ্বভিরতঃ সদা।
অনভিজ্ঞশ্চ দুঃখানাং বিমানবরমাস্থিতঃ।
সেব্যমানো বরস্ত্রীভিঃ ক্রীডত্যমরবৎপ্রভুঃ॥ 13-164-90 (87973)
দ্বাবিংশে দিবসে প্রাপ্তে যো ভুঙ্ক্তে হ্যেকভোজনম্।
সদা দ্বাদশ মাসান্বৈ জুহ্বানো জাতবেদসম্॥ 13-164-91 (87974)
অহিংসানিরতো ধীমান্সত্যবাগনসূয়কঃ।
লোকান্বসূনামাপ্নোতি দিবাকরসমপ্রভঃ॥ 13-164-92 (87975)
কামচারী সুধাহারো বিমানবরমাস্থিতঃ।
রমতে দেবকন্যাভির্দিব্যাভরণভূষিতঃ॥ 13-164-93 (87976)
ত্রয়োবিংশে তু দিবসে প্রাশেদ্যস্ৎবেকভোজনম্।
সদা দ্বাদশমাসাংস্তু মিতাহারো জিতেন্দ্রিয়ঃ।
বায়োরুশনসস্চৈব রুদ্রলোকং চ গচ্ছতি॥ 13-164-94 (87977)
কামচারী কামগমঃ পূজ্যমানোঽপ্সরোগণৈঃ।
অনেকয়ুগপর্যন্তং বিমানবরমাস্থিতঃ।
রমতে দেবকন্যাভির্দিব্যাভরণভূষিতঃ॥ 13-164-95 (87978)
চতুর্বিংশে তু দিবসে যঃ প্রাপ্তে প্রাশতে হবিঃ।
সদা দ্বাদশমাসাংশ্চ জুহ্বানো জাতবেদসম্।
আদিত্যানামধীবাসে মোদমানো বসেচ্চিরম্॥ 13-164-96 (87979)
দিব্যমাল্যাম্বরধরো দিব্যগন্ধানুলেপনঃ।
বিমানে কাঞ্চনে দিব্যে হংসয়ুক্তে মনোরমে।
রমতে দেবকন্যানাং সহস্রৈরয়ুতৈস্তথা॥ 13-164-97 (87980)
পঞ্চবিংশে তু দিবসে যঃ প্রাশেদেকভোজনম্।
সদা দ্বাদশমাসাংস্তু পুষ্কলং যানমারুহেৎ॥ 13-164-98 (87981)
সিংহব্যাগ্রপ্রয়ুক্তৈস্তু মেঘনিঃস্বননাদিতৈঃ।
স রথৈর্নন্দিঘোষৈশ্চ পৃষ্ঠতো হ্যনুগম্যতে।
দেবকন্যাসমারূঢৈঃ কাঞ্চনৈর্বিমলৈঃ শুভৈঃ॥ 13-164-99 (87982)
বিমানমুত্তমং দিব্যমাস্থায় সুমনোহরম্।
তত্র কল্পসহস্রং বৈ বসতে স্ত্রীশতাবৃতে।
সুধারসং চোপজীবন্নমৃতোপমমুত্তমম্॥ 13-164-100 (87983)
ষড্বিংশে দিবসে যস্তু প্রকুর্যাদেকভোজনম্।
সদা দ্বাদশমাসাংস্তু নিয়তো নিয়তাশনঃ।
জিতেন্দ্রিয়ো বীতরাগো জুহ্বানো জাতবেদসম্॥ 13-164-101 (87984)
স প্রাপ্নোতি মহাভাগঃ পূজ্যমানোঽপ্সরোগণৈঃ।
সপ্তানাং মরুতাং লোকান্বসূনাং চাপি সোশ্নুতে॥ 13-164-102 (87985)
বিমানৈঃ স্ফাটিকৈর্দিব্যৈঃই সর্বরত্নৈরলঙ্কৃতৈঃ।
গন্ধর্বৈরপ্সরোভিশ্চি পূজ্যমানঃ প্রমোদতে।
দ্বেঽর্বুদানাং সহস্রে তু দিব্যে দিব্যেন তেজসা॥ 13-164-103 (87986)
সপ্তবিংশেঽথ দিবসে যঃ কুর্যাদেকভোজনম্।
সদা দ্বাদশমাসাংস্তু জুহ্বানো জাতবেদসম্॥ 13-164-104 (87987)
ফলং প্রাপ্নোতি বিপুলং দেবলোকে চ পূজ্যতে।
অমৃতাশী বসংস্তত্র স বিতৃপঃ প্রমোদতে॥ 13-164-105 (87988)
দেবর্ষিচরিতাঁল্লোকান্রাজর্ষিভিরনুষ্ঠিতান্।
অধ্যাবসতি দিব্যাত্মা বিমানবরমাস্থিতঃ॥ 13-164-106 (87989)
স্ত্রীভির্মিনোভিরামাভী রমমাণো মদোৎকটঃ।
যুগকল্পসহস্রাণি ত্রীণ্যাবসতি বৈ সুখম্॥ 13-164-107 (87990)
যোঽষ্টাবিংশে তু দিবসে প্রাশ্নীয়াদেকভোজনম্।
সদা দ্বাদশমাসাংস্তু জিতাত্মা বিজিতেন্দ্রিয়ঃ॥ 13-164-108 (87991)
ফলং দেবর্ষিচরিতং বিপুলং সমুপাশ্নুতে।
ভোগবাংস্তেজসা ভাতি সহস্রাংশুরিবামলঃ॥ 13-164-109 (87992)
সুকুমার্যশ্চ নার্যস্তং রমমাণাঃ সুবর্চসঃ।
পীনস্তনোরুজঘনা দিব্যাভরণভূষিতাঃ॥ 13-164-110 (87993)
রময়ন্তি মনঃকান্তা বিমানে সূর্যসন্নিবে।
সর্বকামগমে দিব্যে কল্পায়ুতশতং সমাঃ॥ 13-164-111 (87994)
একোনত্রিংশদিবসে যঃ প্রাশেদেকভোজনম্।
তস্য লোকাঃ শুভা দিব্যা দেবরাজর্ষিপূজিতাঃ॥
তস্য লোকাঃ শুভা দিব্যা দেবরাজর্ষিপূজিতাঃ॥ 13-164-112 (87995)
বিমানং সূর্যচন্দ্রাভং দিব্যং সমধিগচ্ছতি।
জাতরূপময়ং যুক্তং সর্বরত্নসমন্বিতম্।
অপ্সরোগণসঙ্কীর্ণং গন্ধর্বৈরভিনাদিতম্॥ 13-164-113 (87996)
তত্র চৈনং শুভা নার্যো দিব্যাভরণভূষিতাঃ।
মনোভিরামা মধুরা রময়ন্তি মদোৎকটাঃ॥ 13-164-114 (87997)
ভোগবাংস্তেজসা যুক্তো বৈশ্বানরসমপ্রভঃ।
দিব্যো দিব্যেন বপুষা ভ্রাজমান ইবামরঃ॥ 13-164-115 (87998)
বসূনাং মরুতাং চৈব সাধ্যানামশ্বিনোস্তথা।
রুদ্রাণাং চ তথা লোকং ব্রহ্মলোকং চ গচ্ছতি॥ 13-164-116 (87999)
যস্তু মাসে গতে ভুঙ্ক্তে একভক্তং সমাহিতঃ।
সদা দ্বাদশ মাসান্বৈ ব্রহ্ম্লোকমবাপ্নুয়াৎ॥ 13-164-117 (88000)
সুধারসকৃতাহার শ্রীমান্সর্বমনোহরঃ।
তেজসা বপুষা লক্ষ্ম্যা ভ্রাজতে রশ্মিবানিব॥ 13-164-118 (88001)
দিব্যমাল্যাম্বরধরো দিব্যগন্ধানুলেপনঃ।
সুখেষ্বভিরতো ভোগী দুঃখানামবিজানকঃ॥ 13-164-119 (88002)
স্বয়ংপ্রভাভির্নারীভির্বিমানস্থো মহীয়তে।
রুদ্রদেবর্ষিকন্যাভিঃ সততং চাভিপূজ্যতে॥ 13-164-120 (88003)
নানারমণরূপাভির্নানারাগাভিরেব চ।
নানামধুরভাষাভির্নানারতিভিরেব চ॥ 13-164-121 (88004)
বিমানে গগনাকারে সূর্যবৈডূর্যসন্নিভে।
পৃষ্ঠতঃ সোমসঙ্করো উদর্কে চাভ্রসন্নিভে॥ 13-164-122 (88005)
দক্ষিণায়াং তু রক্তাভে অধস্তান্নীলমণ্ডলে।
ঊর্ধ্বং বিচিত্রসঙ্কাশে নৈকো বসতি পূজিতঃ॥ 13-164-123 (88006)
যাবদ্বর্ষসহস্রং বৈ জম্বূদ্বীপে প্রবর্ষতি।
তাবৎসংবৎসরাঃ প্রোক্তা ব্রহ্মলোকেঽস্য ধীমতঃ॥ 13-164-124 (88007)
বিপ্রুষশ্চৈব যাবন্ত্যো নিপতন্তি নভস্তলাৎ।
বর্ষাসু বর্ষতস্তাবন্নিবসত্যমরপ্রভঃ॥ 13-164-125 (88008)
মাসোপবাসী বর্ষৈস্তু দশভিঃ স্বর্গমুত্তমম্।
মহর্ষিৎবমথাসাদ্য সশরীরগতির্ভবেৎ॥ 13-164-126 (88009)
মুনির্দান্তো জিতক্রোধো জিতশিশ্নোদরঃ সদা।
জুহ্বন্নগ্নীংশ্চ নিয়তঃ সন্ধ্যোপাসনসেবিতা॥ 13-164-127 (88010)
বহুভির্নিয়মৈরেবং শুচিরশ্নাতি যো নরঃ।
অভ্রাবকাশশীলশ্চ তস্য ভানোরিব ৎবিষঃ॥ 13-164-128 (88011)
দিবং গৎবা শরীরেণ স্বেন রাজন্যথাঽমরঃ।
স্বর্গং পুণ্যং যথাকামমুপভুঙ্ক্তে তথাবিধঃ॥ 13-164-129 (88012)
এথ তে ভরতশ্রেষ্ঠ যজ্ঞানাং বিধিরুত্তমঃ।
ব্যাখ্যাতো হ্যানুপূর্ব্যেণ উপবাসফলাত্মকঃ। 13-164-130 (88013)
দরিদ্রৈর্মনুজৈঃ পার্থ প্রাপ্যং যজ্ঞফলং যথা॥
দেবদ্বিজাতিপূজায়াং রতো ভরতসত্তমম্॥ 13-164-131 (88014)
উপবাসবিধিস্ৎবেষ বিস্তরেণ প্রকীর্তিতঃ।
নিয়তেষ্বপ্রমত্তেষু শৌচবৎসু মহাত্মসু॥ 13-164-132 (88015)
দম্ভদ্রোহনিবৃত্তেষু কৃতবুদ্ধিষু ভারত।
অচলেষ্বপ্রকম্পেষু মা তে ভূদত্র সংশয়ঃ॥ ॥ 13-164-133 (88016)
ইতি শ্রীমন্মহাভারতে অনুশাসনপর্বণি দানধর্মপর্বণি চতুঃষষ্ট্যধিকশততমোঽধ্যায়ঃ॥ 164 ॥
Mahabharata - Anushaasana Parva - Chapter Footnotes
7-164-3 অবগুণৈর্নির্গুণৈঃ। একাত্মভিরেকাকিভিঃ। অত এবাসংহতৈরসহায়ৈঃ॥ 7-164-6 কল্যং প্রাতঃ॥ 7-164-10 সগাপ্তে সম্পূর্ণে দ্বে পদ্মে বর্ষাণীতি শেষঃ। শতকোটয় একং পদ্মম্॥ 7-164-16 নিবর্তনং নিয়মেন বর্তনম্॥ 7-164-22 আবর্তনানি বর্ষাণি চৎবারি দ্বাদশচেতি ষোডশ পদ্মানি। তথা শরাগ্নিরিতি পঞ্চত্রিংশৎ। এবমেকপঞ্চাশৎপদ্মানি॥ 7-164-27 পতাকা মহাপদ্মাখ্যসংখ্যাবিশেষঃ॥ 7-164-30 সুমনোবর্ণকং স্রক্চ্ন্দনাদি॥ 7-164-59 শঙ্কুপতাকে সংখ্যাবিশেষৌ॥ 7-164-82 সুধা অমৃতম্। অমৃতং দেবভোগ্যং তদুপমম্॥অনুশাসনপর্ব - অধ্যায় 165
॥ শ্রীঃ ॥
13.165. অধ্যায়ঃ 165
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি তৎবসৃষ্টিপ্রতিপাদকরুদ্রসনৎকুমারসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
পিতামহেন কথিতা দানধর্মাশ্রিতাঃ কথাঃ।
ময়া শ্রুতা ঋষীণাং তু সংনিধৌ কেশবস্য চ॥ 13-165-1 (88017)
পুনঃ কৌতূহলমভূত্তামেবাধ্যাত্মিকীং প্রতি।
কথাঃ কথয় রাজেন্দ্র ৎবদন্যঃ ক উদাহরেৎ॥ 13-165-2 (88018)
এষ যাদবদায়াদস্তথানুজ্ঞাতুমর্হতি।
জ্ঞাতে তু যস্মিঞ্জ্ঞাতব্যং জ্ঞাতং ভবতি ভারত॥ 13-165-3 (88019)
পশ্চাচ্ছ্রোষ্যামহে রাজ্ঞাং শ্রাব্যান্ধর্মান্পিতামহ।
কৌতূহলমৃষীণাং তু চ্ছেতুমর্হসি সাম্প্রতম্॥ 13-165-4 (88020)
ভীষ্ম উবাচ। 13-165-5x (7370)
অত ঊর্ধ্বং মহারাজ সাঙ্খ্যযোগোভয়শাস্ত্রাধি-
গতয়াথাত্ম্যদর্শনসম্পন্নয়োরাচার্যযোঃ সংবাদমনুব্যাখ্যাস্যামঃ॥ 13-165-5 (88021)
তদ্যথা ভগবন্তং সনৎকুমারমাসীনমঙ্গুষ্ঠপর্ব-
মাত্রং মহতি বিমানবরে যোজনসহস্রমণ্ডলে তরুণ-
ভাস্করপ্রতীকাশে শয়নীয়ে মহতি বদ্ধাসনমনু-
ধ্যায়ন্তমমৃতমনাবর্তকরমমূর্তমক্ষয়জমথোপদি-
ষ্টমুপসসর্প ভগবন্তমাচার্যং ভগবানাচার্যো রুদ্রঃ॥ 13-165-6 (88022)
তং প্রোবাচ স্বাগতং মহেশ্বর ব্রহ্মসুত এতদাস-
নমাস্তাং ভগবান্॥ 13-165-7 (88023)
ইত্যুক্তে চাসীনো ভগবাননন্তরূপো রুদ্রস্তং
প্রোবাচ ভগবানপি ধ্যানমাবর্তয়তি। ইত্যুক্তে চাহ
ভগবান্সনৎকুমারস্তথেতি॥ 13-165-8 (88024)
তথেত্যুক্তশ্চ প্রোবাচ ভগবাঞ্শঙ্করস্তদা।
পরাবরজ্ঞং সর্বস্য ত্রৈলোক্যস্য মহামুনিম্॥ 13-165-9 (88025)
কিং বা ধ্যানেন দ্রষ্টব্যং যদ্ভবাননুপশ্যতি।
যচ্চ ধ্যাৎবা ন শোচন্তি যতয়স্তৎবদর্শিনঃ॥ 13-165-10 (88026)
কথয় ৎবমিমং দেবং দেহিনাং যতিসত্তম।
যচ্চ তৎপুরুষং শুদ্ধমিত্যুক্তং যোগসাঙ্খ্যযোঃ॥ 13-165-11 (88027)
কিমধ্যাত্মাধিভূতং চ তথা চাপ্যধিদৈবতম্।
কালসঙ্খ্যা চ কা দেব দ্রষ্টব্যা তস্য ব্রহ্মণঃ॥ 13-165-12 (88028)
সঙ্খ্যা সঙ্খ্যাদনস্যৈব যা প্রোক্তা পরমর্ষিভিঃ।
শাস্ত্রদৃষ্টেন মার্গেণ যথাবদ্যতিসত্তম॥ 13-165-13 (88029)
যচ্চ তৎপুরুষং শুদ্ধং প্রবুদ্ধমজরং ধ্রুবম্।
বুধ্যমানাপ্রবুদ্ধাভ্যাং বিদ্যাবেদ্যং তথৈব চ॥ 13-165-14 (88030)
বিমোক্ষং ত্রিবিধং চৈব ব্রূহি মোক্ষবিদাংবর।
পরিসাঙ্খ্যং চ সাঙ্খ্যানাং ধ্যানং যোগেষু চার্থবৎ॥ 13-165-15 (88031)
একৎবদর্শনং চৈব তথা নানাৎবদর্শনম্।
অরিষ্টানি চ তৎবেন তথৈবোৎক্রমণানি চ॥ 13-165-16 (88032)
দৈবতানি চ সর্বাণি নিখিলেনানুপূর্বশঃ।
যান্যাশ্রিতানি দেহেষু দেহিনাং যতিসত্তম।
সর্বমেতদ্যথাতৎবমাখ্যাহি মুনিসত্তম॥ 13-165-17 (88033)
শ্রেষ্ঠো ভবান্হি সর্বেষাং ব্রহ্মজ্ঞানামনিন্দিতঃ।
চতুর্থস্ৎবং ত্রয়াণাং তু যে গতাঃই পরমাং গতিম্।
জ্ঞানেন চ প্রাকৃতেন নির্মুক্তো মৃত্যুবন্ধনাৎ॥ 13-165-18 (88034)
বয়ং তু বৈকৃতং মার্গমাশ্রিতা বৈ ক্ষরং সদা।
পরমুৎসৃজ্য পন্থানমমৃতাক্ষরমেব তু॥ 13-165-19 (88035)
ন্যূনে পথি নিমগ্নাস্তু ঐশ্বর্যেঽষ্টগুণে তথা।
মহিমানং প্রগৃহ্যেমং বিচরামো যথাসুখম্॥ 13-165-20 (88036)
ন চৈতৎসুখমত্যন্তং ন্যূনমেতদনন্তরম্।
মূর্তিমৎপরমেতৎস্যাদিদমেবং সুসত্তম॥ 13-165-21 (88037)
পুনঃ পুনশ্চ পতনং মূর্তিমত্যুপদিশ্যতে।
ন পুনর্মৃত্যুমিত্যন্যং নির্মুক্তানাং তু মূর্তিতঃ॥ 13-165-22 (88038)
মৃত্যুদোষাস্ৎবনন্তা বৈ উৎপদ্যন্তে কৃতাত্মনাম্।
মর্ত্যেষু নাকপৃষ্ঠেষু নিরয়েষু মহামুনে॥ 13-165-23 (88039)
তত্র মঞ্জন্তি পুরুষাঃ সুখদুঃখেন বেষ্টিতাঃ॥ 13-165-24 (88040)
সুখদুঃখব্যপেতং চ যদাহুরমৃতং পদম্।
তদহং শ্রোতুমিচ্ছামি যথাবচ্ছ্রুতিদর্শনাৎ॥ 13-165-25 (88041)
সনৎকুমার উবাচ। 13-165-26x (7371)
যদুক্তং ভবতা বাক্যং তৎবসংজ্ঞেতি দেহিনাম্।
চতুর্বিংশতিমেবাত্র কেচিদাহুর্মনীষিণঃ॥ 13-165-26 (88042)
কেচিদাহুস্ত্রয়োবিংশং যথাশ্রুতিনিদর্শনাৎ।
বয়ং তু পঞ্চবিংশং বৈ তদধিষ্ঠানসংজ্ঞিতম্।
তৎবং সমধিমন্যামঃ সর্বতন্ত্রপ্রলাপনাৎ॥ 13-165-27 (88043)
অব্যযশ্চৈব বৈ ব্যক্তাবুভাবপি পিনাকধৃক্।
সহ চৈব বিনা চৈব তাবন্যোন্যং প্রতিষ্ঠিতৌ॥ 13-165-28 (88044)
হিরণ্ময়ীং প্রবিশ্যৈষ মূর্তিং মূর্তিমতাংবর।
চকার পুরুষস্তাত বিকারপুরুষাবুভৌ॥ 13-165-29 (88045)
অব্যক্তাদেক এবৈষ মহানাত্মা প্রসূয়তে।
অহঙ্কারেণ লোকাংশ্চ ব্যাপ্য চাহংকৃতেন বৈ॥ 13-165-30 (88046)
পিনা সর্বং তদব্যক্তাদভফিমন্যস্ব শূলধৃক্।
ভূতসর্গমহঙ্কারাত্তৃতীয়ং বিদ্ধি বৈ ক্রমাৎ॥ 13-165-31 (88047)
অহঙ্কারাচ্চ ভূতেষু চতুর্থং বিদ্দি বৈকৃতম্।
অহঙ্কারাচ্চ জাতানি যুগপদ্বিবুধেশ্বর॥ 13-165-32 (88048)
সবিশেষাণি ভূতানি পঞ্চ প্রাহুর্মনীষিণঃ।
চতুর্বিংশাত্তু বৈ প্রোক্তাৎপঞ্চবিংশোঽধিতিষ্ঠতি॥ 13-165-33 (88049)
এতে সর্গা ময়া প্রোক্তাশ্চৎবারঃ প্রাকৃতাস্ৎবিহ।
অহঙ্কারাচ্চ জাতানি যুগপদ্বিবুধেশ্বর॥ 13-165-34 (88050)
অঙ্কারাচ্চ ভূতেষু বিবিধার্থং ব্যজায়ত।
ইন্দ্রিয়ৈর্যুগপৎসর্বৈঃ সো নিত্যশ্চ সমীক্ষতে॥ 13-165-35 (88051)
মরুত্ৎবং সৎবসর্গশ্চ তুষ্টিঃ সিদ্ধিস্তথৈব চ।
বৈকৃতানি প্রবক্ষ্যামি শৃণু তানি মহামতে॥ 13-165-36 (88052)
এষা তৎবচতুর্বিংশন্ময়া শাস্ত্রানুমানতঃ।
বর্ণিতা তব দেবেশ পঞ্চবিংশৎসমন্বিতা॥ 13-165-37 (88053)
পঞ্চমোঽনুগ্রহশ্চৈব নবৈতে প্রাকৃতৈঃ সহ।
ঐন্দ্রেপ্যহমধোপ্যন্যন্মমাত্মনি চ ভাস্বরঃ॥ 13-165-38 (88054)
যচ্চ দেহময়ং কিঞ্চিত্ত্রিষু লোকেষু বিদ্যতে।
সর্বত্রৈবাভিমন্তব্যং ৎবয়া ত্রিপুরসূদন॥ 13-165-39 (88055)
অন্যথা যেঽনুপশ্যন্তি তে ন পশ্যন্তি ব্রহ্মজ।
এতদব্যক্তবিষয়ং পঞ্চবিংশসমন্বিতম্॥ 13-165-40 (88056)
অনেন কারণেনৈব তৎবমাহুর্মনীষিণঃ।
বিকারমাত্রমেতং তু তৎবমাচক্ষতে পরম্॥ 13-165-41 (88057)
নিস্তৎবশ্চৈষ দেবেশ বোদ্ধব্যং তু ন বুদ্ধ্যতে।
যদি বুদ্ধ্যেৎপরং বুদ্ধং বুদ্ধ্যমানঃ সুরর্ষভঃ।
প্রবুদ্ধো হ্যভিমন্যেত যোয়ং নাহমিতি প্রভো॥ ॥ 13-165-42 (88058)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চষষ্ট্যধিকশততমোঽধ্যায়ঃ॥ 165 ॥
Mahabharata - Anushaasana Parva - Chapter Footnotes
7-165-1x এতদাদিপঞ্চাধ্যায়া দাক্ষিণাত্যকোশেষ্বেব দৃশ্যন্তে॥ 7-165-13 যথাবদ্বদ সত্তমেতি ঙ.পাঠঃ॥ 7-165-36 মম ৎবং সত্ৎবসর্গশ্চেতি ধ.পাঠঃ॥অনুশাসনপর্ব - অধ্যায় 166
॥ শ্রীঃ ॥
13.166. অধ্যায়ঃ 166
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
রুদ্রংপ্রতি সনৎকুমারেণ তৎবলয়ক্রমাধ্যাত্মাদিপ্রতিপাদনম্॥ 1॥Mahabharata - Anushaasana Parva - Chapter Text
`সনৎকুমার উবাচ।
তৎবসঙ্খ্যা শ্রুতা চৈষা যেষাং ব্রহ্মবিদাংবর।
সর্গসঙ্খ্যা ময়া প্রোক্তা নবানামানুপূর্ব্যশঃ।
প্রবক্ষ্যামি তু তেঽধ্যাত্মমধিভূতাধিদৈবতম্॥ 13-166-1 (88059)
নৈতদ্যুক্তৈর্বেদবিদ্ভির্গৃহস্থৈ-
র্মান্যৈরেভিস্তপসা বাভিপন্নৈঃ।
যত্নেন দৃষ্টং পরমাত্মতৎবং
তৎবেন প্রাপ্যং তু যথোক্তমেতৎ।
পরং পরেভ্যস্ৎবমৃতার্থতৎবং
স্বভাবসৎবস্থমনীশমীশম্॥ 13-166-2 (88060)
কৈবল্যতাং প্রাপ্য মহাসুরোত্তম
তবৈতদাখ্যামি মুনীন্দ্রবৃত্ত্যা।
রহস্যমেবান্যদবাপ্য দিব্যং
পবিত্রপূতস্তব মৃত্যুজালম্॥ 13-166-3 (88061)
পৃথ্বীমিমাং যদ্যপি রত্নপূর্ণাং
দদ্যান্ন দেয়ং ৎবপরীক্ষিতায়।
নাশ্রদ্দধানায় ন চান্যবুদ্ধে-
র্নাজ্ঞানয়ুক্তায় ন বিস্মিতায়॥ 13-166-4 (88062)
স্বাধ্যায়যুক্তায় গুণান্বিতায়
প্রদেয়মেতন্নিয়তেন্দ্রিয়ায়॥ 13-166-5 (88063)
সংক্ষেপং চাপ্যথৈতেষাং তৎবানাং বৃষভধ্বজ।
অনুলোমানুজাতানাং প্রতিলোমপ্রমীয়তম্॥ 13-166-6 (88064)
প্রবক্ষ্যামি তমধ্যাত্মং সাধিভূতাধিদৈবতম্।
যথাংশুজালমর্কস্য তথৈতৎপ্রবদন্তি বৈ॥ 13-166-7 (88065)
সংক্ষীণে ব্রহ্মদিবসে জগজ্জলধিমাবিশেৎ।
প্রলীয়তে জলে ভূমির্জলমগ্নৌ প্রলীয়তে॥ 13-166-8 (88066)
লীয়তেঽগ্নিস্তথা বায়ৌ বায়ুরাকাশ এব তু।
মনসি প্রলীয়তে খং তু মনোঽহংকার এব চ॥ 13-166-9 (88067)
অহঙ্কারস্তথা তস্মিন্মহতি প্রবিলীয়তে।
মহানব্যক্ত ইত্যাহুস্তদেকৎবং প্রচক্ষতে॥ 13-166-10 (88068)
অব্যক্তস্য মহাদেব প্রলয়ং বিদ্ধি ব্রহ্ম্ণি।
এবমস্যাসকৃৎক্রীডামাহুস্তৎববিদো জনাঃ॥ 13-166-11 (88069)
অধ্যাত্মমধিভূতং চ তথৈবাপ্যধিদৈবতম্।
যথাবদুদিতং শাস্ত্রং যোগে তু সুমহাত্মভিঃ॥ 13-166-12 (88070)
তথৈব চেহ সাঙ্খ্যে তু পরিসংখ্যাত্মচিন্তকৈঃ।
প্রপঞ্চিতার্থমেতাবন্মহাদেব মহাত্মভিঃ॥ 13-166-13 (88071)
ব্রহ্মেতি বিদ্যাদধ্যাত্মং পুরুষং চাধিদৈবতম্।
প্রভবং সর্বভূতানাং রক্ষণং তত্র কর্ম চ॥ 13-166-14 (88072)
অধ্যাত্মং প্রাণমিত্যাহুঃ ক্রতুমপ্যধিদৈবতম্।
রথং চ যজ্ঞবাহোঽত্র কর্মাহঙ্কারমেব চ॥ 13-166-15 (88073)
অধ্যাত্মং তু মনো বিদ্যাচ্চন্দ্রমাশ্চাধিদৈবতম্।
দৈবং চ প্রভবশ্চৈব কর্ম ব্যাহৃতয়স্তথা॥ 13-166-16 (88074)
বিদ্যাত্তু শ্রোত্রমধ্যাত্মমাকাশমধিদৈবতম্।
সর্বভাবাভিধানার্থং শব্দঃ কর্ম সদা স্মৃতং॥ 13-166-17 (88075)
ৎবগধ্যাত্মমথো বিদ্যাদ্বায়ুরত্রাধিদৈবতম্।
সন্নিপাতয় বিজ্ঞানং সর্বকর্ম চ তত্র হ॥ 13-166-18 (88076)
অধ্যাত্মং চক্ষুরিত্যাহুর্ভাস্করোঽত্রাধিদৈবতম্।
জ্ঞাপতং সর্ববর্ণানাং রূপং কর্ম সদা স্মৃতম্॥ 13-166-19 (88077)
জিহ্বেতি বিদ্যাদধ্যাত্মমাপশ্চাত্রাধিদৈবতম্॥ 13-166-20 (88078)
পায়ুরধ্যাত্মমিত্যাহুর্যথাবদ্যতিসত্তমাঃ।
বিসর্গমধিভূতং চ মিত্রং চাপ্যধিদৈবতম্॥ 13-166-21 (88079)
উপস্থোঽধ্যাত্মমিত্যাহুর্দেবদেব পিনাকধৃক্।
অনুভাবোঽধিভূতং তু দৈবতং চ প্রজাপতিঃ॥ 13-166-22 (88080)
পাদাবধ্যাত্মমিত্যাহুস্ত্রিশূলাঙ্ক মনীষিণঃ।
গন্তব্যমধিভূতং তু বিষ্ণুস্তত্রাধিদৈবতম্॥ 13-166-23 (88081)
বাগধ্যাত্মং তথৈবাহুঃ পিনাকিংস্তৎবদর্শিনঃ।
বক্তব্যমধিভূতং তু বহ্নিস্তত্রাধিদৈবতম্॥ 13-166-24 (88082)
এতদধ্যাত্মমতুলং সাধিভূতাধিদৈবতম্।
ময়া তু বর্ণিতং সম্যগ্দেহিনামমরর্ষভ॥ 13-166-25 (88083)
এতৎকীটপতঙ্গে চ শ্বপাকে শুনি হস্তিনি।
পুত্রিকাদংশমশকে ব্রাহ্মণে গবি পার্থিবে॥ 13-166-26 (88084)
সর্বমেব হি দ্রষ্টব্যমন্যথা মা বিচিন্তয়।
অতোঽন্যথা যে পশ্যন্তি ন সম্যক্তেষু দর্শনম্॥ 13-166-27 (88085)
দেবদানবগন্ধর্বয়ক্ষরাক্ষসকিন্নরাঃ।
যন্ন জানন্তি কো হ্যেষ কুতো বা ভগবানিতি॥ 13-166-28 (88086)
ওমিত্যেকাক্ষরং ব্রহ্ম যত্তৎসদসতঃ পরম্।
অনাদিমধ্যপর্যন্তং কূটস্থমচলং ধ্রুবম্॥ 13-166-29 (88087)
যোগেশ্বরং পদ্মনাভং বিষ্ণুং জিষ্ণুং জগৎপতিম্।
অনাদিনিধং দেবং দেবদেবং সনাতনম্॥ 13-166-30 (88088)
অপমেয়মবিজ্ঞেয়ং হরিং নারায়ণং প্রভুম্।
কৃতাঞ্জলিঃ শুচির্ভূৎবা প্রণম্য প্রয়তোঽর্চয়েৎ॥ 13-166-31 (88089)
অনাদ্যন্তং পরং ব্রহ্ম ন দেবা ঋষয়ো বিদুঃ।
একোয়ং বেদ ভগবাংস্ত্রাতা নারায়ণো হরিঃ॥ 13-166-32 (88090)
নারায়ণাদৃষিগণাস্ততঃ সিদ্ধা মহোরগাঃ।
দেবা দেবর্ষয়শ্চৈব যং বিদুর্দুঃখভেষজম্॥ 13-166-33 (88091)
যমাহুর্বিজিতক্লেশং যস্মিংশ্চ বিহিতাঃ প্রজাঃ।
যস্মিঁল্লোকাঃ স্ফুরন্তীমে জালে শকুনয়ো যথা॥ 13-166-34 (88092)
সপ্তর্ষয়ো মনঃ সপ্ত সাঙ্খ্যাস্তু মুনিদর্শনাৎ।
সপ্তর্ষয়শ্চেন্দ্রিয়াণি পঞ্চ বুদ্ধীন্দ্রিয়াণি চ॥ 13-166-35 (88093)
শ্রোত্রয়োশ্চ দিশঃ প্রাহুর্মনসি ৎবথ চন্দ্রমাঃ॥ 13-166-36 (88094)
মনঃ ষষ্ঠং বুদ্ধিঃ সপ্তমী হ্যাত্মনি স্থাপিতানি
শরীরেষু নাত্মনি তস্য হি কারণানি ভন্তি সর্বা-
ণ্যপি সর্বকর্মসু বা বিষয়েষুবা যুঞ্জন্তি যথাত্ম-
নি স্বানি কর্মাণি প্রবৃত্তানি সপ্তস্বপি॥ 13-166-37 (88095)
বিষয়াণাং ব্যাপকৎবানি তান্যেব স্বপতো ভূত-
গ্রামস্যাজমাত্মানং দেবলোকস্থানসংমিতং দেহান্তর-
গামিনং মুমুক্ষুং বানুপ্রতিশন্তি সূক্ষ্মাণি প্রলীয়ন্তে॥ 13-166-38 (88096)
মোক্ষকালে তমেকং ন কশ্চিদ্বেত্তি স্বপরম্।
এবং প্রবিষ্টেষু ভূতেষু কো জাগর্তীত্যুচ্যতে॥ 13-166-39 (88097)
নিদ্রাপ্রসুপ্তেষু বাঽত্র জাগ্রৎস্বপ্নশীলোত্রসদনৌ
চ দেবদ্যোতনো ভগবাংশ্চাত্র ক্ষত্রেজ্ঞো বুদ্ধির্বাঽভিসুপ্ত-
স্যাপি স্বপ্নদর্শনানি পশ্যন্তি॥ 13-166-40 (88098)
অপ্রতিবুদ্ধেষু লোকেষু স এব প্রতিবুধ্যতে। স
এষ প্রাজ্ঞঃ। অথ তৈজসঃ কায়াগ্নিঃ স হি সুপ্তস্যাত্মা বা॥ 13-166-41 (88099)
অবিদুষো বাঽপ্রতিবুধ্যমানস্যান্নং পচতীত্যন্তে
বৈ তিষ্ঠতি এতদাত্মানমধিকৃত্যানুজ্ঞাতমিতি॥ ॥ 13-166-42 (88100)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্ষষ্ট্যধিকশততমোঽধ্যায়ঃ॥ 166 ॥
Mahabharata - Anushaasana Parva - Chapter Footnotes
7-166-2 গৃহস্যৈর্মান্যেজ্যাভিরিতি ট.থ.পাঠঃ॥অনুশাসনপর্ব - অধ্যায় 167
॥ শ্রীঃ ॥
13.167. অধ্যায়ঃ 167
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
সনৎকুমারেণ রুদ্রংপ্রতি দেহিদেহাবয়বাশ্রিতদেবতাকথনপূর্বকং যোগনিরূপণম্॥ 1 ॥Mahabharata - Anushaasana Parva - Chapter Text
`সনৎকুমার উবাচ।
প্রভবশ্চাপ্যযস্তাত বর্ণিতস্তেঽনুপূর্বশঃ।
তথাঽধ্যাত্মাধেভূতং চ তথৈবাত্রাধিদৈবতম্॥ 13-167-1 (88101)
নিখিলেন তু বক্ষ্যামি দৈবতানি হ দেহিনাম্।
যান্যাশ্রিতেষু দেহেষু যানি পৃচ্ছসি শঙ্কর॥ 13-167-2 (88102)
বাচ্যগ্নিস্ৎবথ জিহ্বায়াং সোমঃ প্রাণে তু মারুতঃ।
রূপে চাপ্যথ নক্ষত্রং জিহ্বায়াং চাপ এব তু॥ 13-167-3 (88103)
নাভ্যাং সমুদ্রশ্চ বিভুর্নখরোম তথৈব চ।
বনস্পতিবনৌষধ্যস্ৎবঙ্গেষু মরুতস্তথা॥ 13-167-4 (88104)
সংবৎসরাঃ পর্বসু চ আকাশে দৈবমানুষে।
উদানে বিদ্যুদভবদ্ব্যানে পর্জন্য এব চ॥ 13-167-5 (88105)
স্তনয়োরেব চাকাশং বলে চেন্দ্রস্তথৈব চ।
মনসোঽপ্যথ চেশানস্ৎবপানে রুদ্র এব চ॥ 13-167-6 (88106)
গন্ধর্বাপ্সরসো ব্যানে সত্যে মিত্রশ্চ শঙ্কর।
প্রজ্ঞায়াং বরুণশ্চৈব চক্ষুষ্যাদিত্য এব চ॥ 13-167-7 (88107)
শরীরে পৃথিবী চৈব পাদয়োর্বিষ্ণুরেব চ।
পায়ৌ মিত্রস্তথোপস্থে প্রজাপতিররিংদম॥ 13-167-8 (88108)
মূর্ধ্নি চৈব দিশঃ প্রাহুর্বুদ্ধৌ ব্রহ্মা প্রতিষ্ঠিতঃ।
বুধ্যমানোঽঽত্মনিষ্ঠঃ স্যাদধিষ্ঠাতা তু শঙ্করঃ॥ 13-167-9 (88109)
অবুদ্ধশ্চাভবত্তস্মাদ্বুধ্যমানান্ন সংশয়ঃ।
আভ্যামন্যঃ পরো বুদ্ধো বেদবাদেষু শঙ্কর॥ 13-167-10 (88110)
যদাশ্রিতানি দেহেষু দৈবতানি পৃথক্পৃথক্।
যোঽগ্নয়ে জায়তে নিত্যমাত্ময়াজী সমাহিতঃ॥ 13-167-11 (88111)
য এবমনুপশ্যেত দৈবতানি সমাহিতঃ।
সোত্র যোগী ভবত্যেব য এবমনুপশ্যতি।
স সর্বজ্ঞয়াজিভ্যো হ্যাত্ময়াজী বিশিষ্যতে॥ 13-167-12 (88112)
মুখে জুহোতি যো নিত্যং কৃৎস্নং বিশ্বমিদং জগৎ।
সোত্মবিৎপ্রোচ্যতে তজ্জ্ঞৈর্মহাদেব মহাত্মভিঃ॥ 13-167-13 (88113)
সর্বেভ্যঃ পরমেভ্যো বৈ দৈবতেভ্যো হ্যাত্ময়াজিনা।
গন্তব্যং পরমাকাঙ্ক্ষন্পরমেব চ চিন্তয়ন্॥ 13-167-14 (88114)
যথা সংক্রমতে দেহাদ্দেহী ত্রিপুরসূদন।
তথাস্য স্থানমাখ্যাস্যে পৃথক্ৎবেনেহ শঙ্কর॥ 13-167-15 (88115)
পাদাভ্যাং বৈষ্ণবং স্থানমাপ্নোতি বিনিয়োজনাৎ।
পায়ুনা মিত্রমাপ্নোতি উপস্থেন প্রজাপতিম্॥ 13-167-16 (88116)
নাভ্যা চ বারুণং স্থানং স্তনাভ্যাং তু ভবো লভেৎ
বাহুভ্যাং বাসবং স্থানং শ্রোত্রাভ্যামাপ্নুয়াদ্দিশঃ।
আদিত্যং চক্ষুষা স্থানং মূর্ধ্না ব্রহ্মণ এব চ॥ 13-167-17 (88117)
অথ মূর্ধসু যঃ প্রাণান্ধারয়েত সমাহিতঃ।
বুদ্ধ্যা মানমবাপ্নোতি দ্রব্যাবস্থং চ সংশয়ঃ॥ 13-167-18 (88118)
অব্যক্তাৎপরমং শুদ্ধমপ্রমেয়মনাময়ম্।
তমাহুঃ পরমং নিত্যং যদ্যদাপ্নোতি বুদ্ধিমান্॥ 13-167-19 (88119)
বুধ্যমানাপ্রবুদ্ধাভ্যাং স বুদ্ধ ইতি পঠ্যতে।
বুধ্যমানমবুদ্ধশ্চ নিত্যমেবানুপশ্যতি॥ 13-167-20 (88120)
বিকারপুরুষস্ৎবেষ বুধ্যমান ইতি স্মৃতঃ।
পঞ্চবিংশতিতৎবং তৎপ্রোচ্যতে তত্র সংশয়ঃ॥ 13-167-21 (88121)
স এষ প্রকৃতিস্থৎবাত্তস্থুরিত্যুপদিশ্যতে।
মহানাত্মা মহাদেব মহানত্রাধিতিষ্ঠতি॥ 13-167-22 (88122)
অধিষ্ঠানাদধিষ্ঠাতা প্রোচ্যতে শাস্ত্রদর্শনাৎ।
এষ চেতয়তে দেব মোহজালমবুদ্ধিমান্॥ 13-167-23 (88123)
অব্যক্তস্যৈব সাধর্ম্যমেতদাহুর্মনীষিণঃ।
সোহং সোহমতো নিত্যাদজ্ঞানাদিতি মন্যতে॥ 13-167-24 (88124)
যদি বুধ্যতি চৈবায়ং মন্যেয়মিতি ভাস্বরঃ।
ন প্রবুদ্ধো ন বর্তেত পানীয়ং মৎস্যকো যথা॥ 13-167-25 (88125)
দেবতা নিখিলেনৈতাঃ প্রোক্তাস্ত্রিভুবনেশ্বর।
যোগকৃত্যং তু তাবন্মে ৎবং নিবোধানুপূর্বশঃ॥ 13-167-26 (88126)
শূন্যাগারেষ্বরণ্যেষু সাগরে বা গুহাসু বা।
বিষ্টম্ভয়িৎবা ত্রীন্দণ্ডানবাপ্তো হ্যদ্বয়ো ভবেৎ॥ 13-167-27 (88127)
প্রাঙ্মুখোদঙ্মুখো বাপি তথা পশ্চান্মুখোপি বা।
দক্ষিণাবদনো বাপি বদ্ধ্বা বিধিবদাসনম্॥ 13-167-28 (88128)
স্বস্তিকেনোপসংবিষ্টঃ কায়মুন্নাম্য ভাস্বরম্।
যথোপদিষ্টং গুরুণা তথা তদ্ব্রহ্ম ধারয়েৎ॥ 13-167-29 (88129)
লঘ্বাহারো যতো দান্তস্ত্রিকালপরিবর্জকঃ।
মূত্রোৎসর্গপুরীষাভ্যামাহারে চ সমাহিতঃ॥ 13-167-30 (88130)
শেষকালং তু যুঞ্জীত মনসা সুসমাহিতঃ।
ইন্দ্রিয়াণীন্দ্রিয়ার্থেভ্যো মনসা বিনিবর্তয়েৎ॥ 13-167-31 (88131)
মনস্তথৈব সঙ্গৃহ্য বুদ্ধ্যা বুদ্ধিমতাং বর।
বিধাবমানং ধৈর্যেণ বিস্ফুরন্তমিতস্ততঃ॥ 13-167-32 (88132)
নিরুধ্য সর্বসঙ্কল্পাংস্ততো বৈ স্থিরতাং ব্রজেৎ।
একাগ্রস্তদ্বিজানীয়াৎসর্বং গুহ্যতমং পরম্॥ 13-167-33 (88133)
নিবাতস্থ ইবালোলো যথা দীপোঽতিদীপ্যতে।
ঊর্ধ্বমেব ন তির্যক্চ তথৈবাভ্রান্তি তে মনঃ॥ 13-167-34 (88134)
হৃদিস্থস্তিষ্ঠতে যোসৌ তস্যৈবাভিমুখো যদা।
মনো ভবতি দেবেশ পাষাণমিব নিশ্চলম্॥ 13-167-35 (88135)
স নির্জনে বিনির্ঘোষে সঘোষে চাঽঽবসঞ্জনে।
যুক্তো যো ন বিকম্পেত যোগী যোগবিধিঃ শ্রুতঃ॥ 13-167-36 (88136)
ততঃ পশ্যতি তদ্ব্রহ্ম জ্বলদাত্মনি সংস্থিতম্।
বিদ্যুদম্বুধরে যদ্বত্তদ্বদেকমনাশ্রয়ম্॥ 13-167-37 (88137)
তমস্যগাধে তিষ্ঠন্তং নিস্তমস্কমচেতনম্।
চেতয়ানমচেতং চ দীপ্যমানং স্বতেজসা॥ 13-167-38 (88138)
অঙ্গষ্ঠপর্বমাত্রং তন্নৈশ্রেয়সমনিন্দিতম্।
মহদ্ভূতমনন্তং চ স্বতন্ত্রং বিগতজ্বরম্॥ 13-167-39 (88139)
জ্যোতিষাং জ্যোতিষং দেবং বিষ্ণুমত্যন্তনির্মলম্।
নারায়ণমণীয়াংসমীশ্বরাণামধীশ্বরম্॥ 13-167-40 (88140)
বিশ্বতঃ পরমং নিত্যং বিশ্বং নারায়ণং প্রভুম্।
অবিজ্ঞায় নিমজ্জন্তি লোকাঃ সংসারসাগরে॥ 13-167-41 (88141)
যং দৃষ্ট্বা যতয়স্তাত ন শোচন্তি গতজ্বরাঃ।
জন্মমৃত্যুভয়ান্মুক্তাস্তীর্ণাঃ সংসারসাগরম্॥ 13-167-42 (88142)
অণিমা লঘিমা ভূমা প্রাপ্তিঃ প্রাকম্যমেব চ।
ঈশিৎবং চ বশিৎবং চ যত্র কামাবসায়িতা।
এতদষ্টুগুণং যোগং যোগানামমিতং স্মৃতম্॥ 13-167-43 (88143)
দৃষ্ট্বাত্মানং নিরাত্মানমপ্রমেয়ং সনাতনম্।
তে বিশন্তি শরীরাণি যোগেনানেন ভাস্বরম্।
দৈত্যদেবমনুষ্যাণাং বলেন বলবত্তমাঃ॥ 13-167-44 (88144)
এতত্তৎবমনাদ্যন্তং যদ্ভবাননুপৃচ্ছতি।
নিত্যং বয়মুপাস্যামো যোগধর্মং সনাতনম্॥ 13-167-45 (88145)
যোগধর্মান্ন ধর্মোস্তি গরীয়ান্সুরসত্তম।
এতদ্ধর্ম হি ধর্মাণামপুনর্ভবসংস্কৃতম্॥ 13-167-46 (88146)
তৎবতঃ পরমস্তীস্তি কেচিদাহুর্মনীষিণঃ।
কেচিদাহুঃ পরং নাস্তি যে জ্ঞানফলমাশ্রিতাঃ॥ 13-167-47 (88147)
জ্ঞানস্থঃ পুরুষস্ৎবেষ বিকৃতঃ স্বেন বর্ণিতঃ।
যে ধ্যানেনানুপশ্যন্তি নিত্যং যোগপরায়ণাঃ॥ 13-167-48 (88148)
তমেব পুরুষং দেবং কেচিদেব মহেশ্বর।
নিত্যমন্যতমাঃ প্রাহুর্জ্ঞানং পরমকং স্মৃতম্॥ 13-167-49 (88149)
জ্ঞানমেব বিনির্মুক্তাঃ সাংখ্যা গচ্ছন্তি কেবলম্।
চিন্তাধ্যাত্মনি চান্যত্র যোগাঃ পরমবুদ্ধয়ঃ॥ 13-167-50 (88150)
উক্তমেতাবদেতত্তে যোগদর্শনমুত্তমম্।
সাঙ্খ্যজ্ঞানং প্রবক্ষ্যামি পরিসংখ্যাবিদর্শনম্॥' ॥ 13-167-51 (88151)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তষষ্ট্যধিকশততমোঽধ্যায়ঃ॥ 167 ॥
Mahabharata - Anushaasana Parva - Chapter Footnotes
7-167-11 যোঽগ্নিং যাজয়তে নিত্যমিতি থ.পাঠঃ॥ 7-167-21 পঞ্চবিংশতিকং তৎবমিতি থ.পাঠঃ॥ 7-167-27 ত্রীন্দণ্ডানবাপ্নোতি চ যোগবিদিতি ট.পাঠঃ॥অনুশাসনপর্ব - অধ্যায় 168
॥ শ্রীঃ ॥
13.168. অধ্যায়ঃ 168
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
সনৎকুমারেণ রুদ্রংপ্রতি অব্যক্তাদিতৎবানাং তারতম্যকথনপূর্বকং তৎসৃষ্টিলয়াদিকথনম্॥ 1 ॥ তথা এতজ্জ্ঞানস্য সংসারতারকৎবোক্তিঃ॥ 2 ॥Mahabharata - Anushaasana Parva - Chapter Text
`সনৎকুমার উবাচ।
ইন্দ্রিয়েভ্যো মনঃ পূর্বমহঙ্কারস্ততঃ পরম্।
অহঙ্কারাৎপরা বুদ্ধির্বুদ্ধেঃ পরতরং মহৎ॥ 13-168-1 (88152)
মহতঃ পরমব্যক্তমব্যক্তাৎপুরুষঃ পরঃ।
এতাবদেতৎসাংখ্যানাং দর্শনং দেবসত্তম॥ 13-168-2 (88153)
অব্যক্তং বুদ্ধ্যহঙ্কারৌ মহাভূতানি পঞ্চ চ।
মনস্তথা বিশেষাশ্চ দশ চৈবেন্দ্রিয়াণি চ।
এতাস্তৎবচতুর্বিংশন্মহাপুরুষসম্মিতাঃ॥ 13-168-3 (88154)
বুদ্ধ্যামানেন দেবেশ চেতনেন মহাত্মনা।
সংয়োগমেতয়োর্নিত্যমাহুরব্যক্তপুংসয়োঃ॥ 13-168-4 (88155)
একৎবং চ বহুৎবং চ সর্গপ্রলয়কোটিশঃ।
তমঃসংজ্ঞিতমেতদ্ধি প্রবদন্তি ত্রিশূলধৃক্॥ 13-168-5 (88156)
সমুৎপাট্য যথাব্যক্তাজ্জীবা যান্তি পুনঃপুনঃ।
আদিরেষ মহানাত্মা গুণানামিতি নঃ প্রভো॥ 13-168-6 (88157)
গুণস্থৎবাদ্গুণং চৈনমাহুরব্যক্তলক্ষণম্।
এতেনাধ্যুষিতো ব্যক্তস্ত্রিগুণং চেতয়ত্যুত॥ 13-168-7 (88158)
অচেতনঃ প্রকৃত্যেষু ন চান্যমনুবুধ্যতে।
বুধ্যমানো হ্যহংকারো নিত্যং মানাপ্রবোধনাৎ॥ 13-168-8 (88159)
বিমলস্ব বিশুদ্ধস্য নীরুজস্য মহাত্মনঃ।
বিমলোদরশীলঃ স্যাদ্বুধ্যমানাপ্রবুদ্ধয়োঃ॥ 13-168-9 (88160)
দ্রষ্টা ভবত্যভোক্তা চ সৎবমূর্তিশ্চ নির্গুণঃ।
বুধ্যমানাপ্রবুদ্ধাভ্যামন্য এব তু নির্গুণঃ॥ 13-168-10 (88161)
উপেক্ষকঃ শুচিস্তাভ্যামুভাভ্যাময়ুতস্তথা।
বুধ্যমানো ন বুধ্যেত বুদ্ধমেবং সনাতনম্॥ 13-168-11 (88162)
স এব বুদ্ধেরব্যক্তস্বভাবৎবাদচেতনঃ।
সোহমেব ন মেঽন্যোস্তি য এবমভিমন্যতে॥ 13-168-12 (88163)
ন মন্যতে মমান্যোস্তি যেন চেতোস্ম্যচেতনঃ।
এবমেবাভিমন্যেত বুধ্যমানোপ্যনাত্মবান্॥ 13-168-13 (88164)
অহমেব ন মেঽন্যোস্তি ন প্রবুদ্ধবশানুগঃ।
অব্যক্তস্থো গুণানেষ নিত্যমেবাভিমন্যতে॥ 13-168-14 (88165)
তেনাধিষ্ঠিততৎবজ্ঞৈর্মহদ্ভিরভিধীয়তে।
অহঙ্কারেণ সংয়ুক্তস্ততস্দদভিমন্যতে॥ 13-168-15 (88166)
ক্ষেত্রং প্রবিশ্য দুর্বুদ্ধির্বুদ্ধ্যমানো হ্যনাত্মবান্।
অহমেব সৃজত্যন্যদ্দ্বিতীয়ং লোকসারথিঃ॥ 13-168-16 (88167)
সর্বাভাবৈরহঙ্কারৈস্তৃতীয়ং সর্গসংজ্ঞিতম্।
ততো ভূতান্যহঙ্কারমহঙ্কারো মনোঽসৃজৎ॥ 13-168-17 (88168)
সর্বস্নোতস্যভিমুখং সম্প্রাবর্তত বুদ্ধিমান্।
তথৈব যজ্ঞে ভূতেষু বিষয়ার্থী পুনঃপুনঃ।
ইন্দ্রিয়ৈঃ সহ শূলাঙ্ক পঞ্চ পঞ্চভিরেব চ॥ 13-168-18 (88169)
মনো বেদ ন চাত্মানমঙ্কারং প্রজাপতিঃ।
ন বেদ বাপ্যহঙ্কারো বুদ্ধিং বুদ্ধিমতাংবর॥ 13-168-19 (88170)
এবমেতে মহাভাগ নেতরে নয়বাদিনঃ।
অহঙ্কারেণ সংয়ুক্তঃ স্রোতস্যভিমুখঃ সদা॥ 13-168-20 (88171)
এবমেষ বিকারাত্মা মহাপুরুষসঞ্জ্ঞকঃ।
প্রতনোতি জগৎকৃৎস্নং পুনরাদদতে সকৃৎ॥ 13-168-21 (88172)
সসংজ্ঞৎবাজ্জগৎকৃৎস্নমব্যক্তস্য হৃদি স্থিতম্।
সংবিশদ্রজনীং কৃৎস্নাং নিশান্তে দিবসাগমে॥ 13-168-22 (88173)
পুনরাত্মা বিজয়তে বহবো নির্গুণাস্তথা।
অজ্ঞানেন সমায়ুক্তঃ সোব্যক্তেন তমোত্মনা॥ 13-168-23 (88174)
যদি হ্যেষো নু মন্যেত মমাস্তি পরতো বরঃ।
স পুনঃ পুনরাত্মানং ন কুর্যাদাক্ষিপেত চ॥ 13-168-24 (88175)
এতমব্যক্তবিষয়ং সূক্ষ্মং মন্যেত বুদ্ধিমান্।
পঞ্চবিংশং মহাদেব মহাপুরুষবৈকৃতম্॥ 13-168-25 (88176)
প্রবুদ্ধৌ বুদ্ধবানেতৎসৃজমানমবুদ্ধবান্।
গুণান্পুনশ্চ তানেব সোত্মনাত্মনি নিক্ষিপেৎ॥ 13-168-26 (88177)
অব্যক্তস্য বশীভূতো যোঽজ্ঞানস্য তমোত্মনঃ।
বুধ্যমানো হ্যবুদ্ধস্য বুদ্ধস্তদনুভুজ্যতে॥ 13-168-27 (88178)
উপেক্ষকঃ শুচির্ব্যগ্রঃ সোলিঙ্গঃ সোব্রণোঽমলঃ।
ষড্বিংশো ভগবানাস্তে বুদ্ধঃ শুদ্ধো নিরাময়ঃ॥ 13-168-28 (88179)
অব্যক্তাদিবিশেষান্তমেতদ্বৈদ্যা বদন্ত্যুত।
এতৈরেব বিহীনং তু কেচিদাহুর্মনীষিণঃ॥ 13-168-29 (88180)
নিস্তৎবং বুধ্যমানাস্তু কেচিদাহুর্মহামতে।
কেচিদাহুর্মহাত্মানস্তৎবসংজ্ঞিতমেব তু॥ 13-168-30 (88181)
তৎবস্য শ্রবণাদেনং তৎবমেবং বদন্তি বৈ।
সৎবসংশ্রয়ণাচ্চৈব সৎববন্তং মহেশ্বর॥ 13-168-31 (88182)
এবমেষ বিকারাত্মা বুধ্যমানো মহাভুজ।
অব্যক্তো ভবতে ব্যক্তৌ সৎবংসৎবং তথা গুণৌ।
বিদ্যা চ ভবতে বিদ্যা ভবেত্তু গ্রহসংজ্ঞিতম্॥ 13-168-32 (88183)
য এবমনুবুদ্ধ্যন্তে যোগসাঙ্খ্যাশ্চ তৎবতঃ।
তেঽব্যক্তং শঙ্করাগাঢং মুঞ্চন্তে শাস্ত্রবুদ্ধয়ঃ॥ 13-168-33 (88184)
তেষামেতত্তু বদতাং শাস্ত্রার্থং সূক্ষ্মদর্শিনাম্।
বুদ্ধির্বিস্তীর্যতে সর্বং তৈলবিন্দুরিবাম্ভসি॥ 13-168-34 (88185)
বিদ্যা তু সর্ববিদ্যানামববোধ ইতি স্মৃতঃ।
যেন বিদ্যামবিদ্যাং চ বিন্দন্তি যতিসত্তমাঃ॥ 13-168-35 (88186)
সৈষা ত্রয়ী পরা বিদ্যা চতুর্থ্যান্বীক্ষিকী স্মৃতা।
যাং বুদ্ধ্যমানো বুদ্ধ্যেত বুদ্ধ্যাত্মনি সমং গতঃ॥ 13-168-36 (88187)
অপ্রবুদ্ধমথাব্যক্তমবিদ্যাসংজ্ঞিকং স্মৃতম্।
বিমোহিতং তু শোকেন কেবলেন সমন্বিতম্।
এতদ্বুদ্ধ্যা ভবেদ্বুদ্ধঃ কিমন্যদ্বুদ্ধিলক্ষণম্॥ 13-168-37 (88188)
যে ৎবেতন্নাববুদ্ধ্যন্তে তে প্রবুদ্ধবশানুগাঃ।
তে পুনঃপুনরব্যক্তাজ্জনিষ্যন্ত্যবুধাংত্মনঃ॥ 13-168-38 (88189)
তমেব তুলয়িষ্যন্তি অবুদ্ধিবশবর্তিনঃ।
যে চাপ্যন্যে তন্মনসস্তেপ্যেতৎফলভাগিনঃ॥ 13-168-39 (88190)
বিদিৎবৈনং ন শোচন্তি যোগোপেতার্থদর্শিনঃ।
স্বাতন্ত্র্যং প্রতিলপ্স্যন্তে কেবলৎবং চ ভাস্বরম্॥ 13-168-40 (88191)
অজ্ঞানবন্ধনান্মুক্তাস্তীর্ণাঃ সংসারবন্ধনাৎ।
অজ্ঞানসাগরং ঘোরমগাধং তমসংজ্ঞকম্।
যত্র মজ্জন্তি ভূতানি পুনঃপুনররিংদম্॥ 13-168-41 (88192)
এষা বিদ্যা তথাঽবিদ্যা কথিতা তে ময়াঽর্থতঃ।
যস্মিন্দেয়ং চ নো গ্রাহ্যং সাংখ্যাঃ সাংখ্যং তথৈব চ॥ 13-168-42 (88193)
তথা চৈকৎবনানাৎবমক্ষরং ক্ষরমেব চ।
নিগদিষ্যামি দেবেশ বিমোক্ষং ত্রিবিধং চ তে॥ 13-168-43 (88194)
বুদ্ধ্যমানাপ্রবুদ্ধাভ্যামবুদ্ধস্য প্রপঞ্চনম্।
ভূয় এব নিবোধ ৎবং দেবানাং দেবসত্তম॥ 13-168-44 (88195)
যচ্চ কিঞ্চ শ্রুতং ন স্যাদ্দৃষ্টং চৈব ন কিঞ্চন।
তচ্চ তে সম্প্রবক্ষ্যামি একাগ্রঃ শৃণু তৎপরঃ॥' ॥ 13-168-45 (88196)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টষষ্ট্যধিকশততমোঽধ্যায়ঃ॥ 168 ॥
অনুশাসনপর্ব - অধ্যায় 169
॥ শ্রীঃ ॥
13.169. অধ্যায়ঃ 169
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
সনৎকুমারেণ রুদ্রংপ্রতি প্রাণিনাং মরণসূচকদুর্নিমিত্তকথনপূর্বকং জিজীবিষোস্তৎপহিহারোপায়কথনম্॥ 1 ॥ তথাঽনিচ্ছোর্ভগবদ্ধ্যানেন শরীরত্যাগস্য পারত্রিকসুখসাধনৎবোক্তিঃ॥ 2 ॥ তথা ভগবজ্জ্ঞানপ্রশংসনপূর্বকং তদুপদেশপরংপরাকথনম্॥ 3 ॥Mahabharata - Anushaasana Parva - Chapter Text
`সনৎকুমার উবাচ।
অরিষ্টানি প্রবক্ষ্যামি তৎবেন শৃণু তদ্ভবান্।
মধ্য উত্তরতস্তাত দক্ষিণামুখনিষ্ঠিতম্॥ 13-169-1 (88197)
বিদ্যুৎসংস্থানপুরুষং যদি পশ্যেত মানবঃ।
বর্ষত্রয়েণ জানীয়াদ্দেহন্যাসমুপস্থিতম্।
এতৎফলমংরিষ্টস্য শঙ্করাহুর্মনীষিণঃ। 13-169-2 (88198)
শুদ্ধমণ্ডমাদিত্যমরশ্মিমথ পশ্যতঃ।
বর্ষার্ধকেন জানীয়াদ্দেহন্যাসমুপস্থিতম্॥ 13-169-3 (88199)
ছিদ্রাং চন্দ্রমসশ্ছায়াং পাদাবপ্যনপশ্যতঃ।
সংবৎসরেণ জানীয়াদ্দেহন্যাসমুপস্থিতম্॥ 13-169-4 (88200)
কনীনিকায়ামশিরঃপুরুষং যদি পশ্যতি।
জানীয়াৎষট্সু মাসেষু দেহন্যাসমুপস্থিতম্॥ 13-169-5 (88201)
কর্ণৌ পিধায় হস্তাভ্যাং শব্দং ন শৃণুয়াদ্যদি।
বিজানীয়াত্তু মাসেন দেহন্যাসমুপস্থিতম্॥ 13-169-6 (88202)
আমগন্ধমুপাঘ্রাতি সুরভিং প্রাপ্য ভাস্বরম্।
দেবতায়তনস্থোপি সপ্তরাত্রেণ মৃত্যুভাক্॥ 13-169-7 (88203)
সর্বাঙ্গধারণাবস্থাং ধারয়েত সমাহিতঃ।
যথা স মৃত্যুং জয়তি নান্যথেহ মহেশ্বর।
যদি জীবিতুমিচ্ছেত চিরকালং মহামুনে॥ 13-169-8 (88204)
অথ নেচ্ছেচ্চিরং কালং ত্যজেদাত্মানমাত্মনা।
কেবলং চিন্তয়ানস্তু নিষ্কলং স নিরাময়ম্॥ 13-169-9 (88205)
অথ তং নির্বিকারং তু প্রকৃতে পরমং শুচিঃ।
পুরুষং দেহসাধর্ম্যং দেহন্যাসমুপাশ্নুয়াৎ॥ 13-169-10 (88206)
জাগ্রতো হি ময়োক্তানি তবারিষ্টানি তৎবতঃ।
ধারণাচ্চৈব সর্বাঙ্গে মৃত্যু জীয়াৎসুরর্ষভ॥ 13-169-11 (88207)
একৎবদর্শনং ভূয়ো নানাৎবং চ নিবোধ মে।
অক্ষরং চ ক্ষরং চৈব চতুষ্টয়বিধানতঃ॥ 13-169-12 (88208)
অব্যক্তাদীনি তৎবানি সর্বাণ্যেব মহাদ্যুতে।
আহুশ্চতুর্বিংশতিতমং বিকারপুরুষান্বিতম্॥ 13-169-13 (88209)
একৎবদর্শনং চৈব নানাৎবেন বরং স্মৃতম্।
পঞ্চবিংশতিবর্গঃ স্যাদপবর্গোঽজরামরঃ॥ 13-169-14 (88210)
স নির্বিকারঃ পুরুষস্তৎবেনৈবোপদিশ্যতে।
স এব পঞ্চবিংশস্তু বিকারঃ পুরুষঃ স্মৃতঃ॥ 13-169-15 (88211)
যদ্যেষ নির্বিকারঃ স্যাত্তৎবং ন তু ভবেদ্ভব।
বিকারো বিদ্যমানস্তু তৎবসংজ্ঞকমুচ্যতে॥ 13-169-16 (88212)
যদ্যোষোঽব্যক্ততাং নৈতি ব্যতিরেকান্ন সংশয়ঃ।
তথা ভবতি নিস্তৎবস্তথা সৎবস্তথাগুণঃ॥ 13-169-17 (88213)
বিকারগুণসংত্যাগাৎপ্রকৃত্যন্যৎবতা শুচিঃ।
তদা নানাৎবতামেতি সর্গহীনোঽপবর্গভাক্॥ 13-169-18 (88214)
বোধ্যমানঃ প্রবুধ্যেত সমো ভবতি বুদ্ধিমান্।
অক্ষরশ্চ ভবত্যেষ যথাবা চ্যুতবান্ক্ষণাৎ॥ 13-169-19 (88215)
অব্যক্তাব্যক্তিরুক্তা স্যান্নির্গুণস্য গুণাকরাৎ।
এতদেকৎবনানাৎবমক্ষরঃ ক্ষর এব চ॥ 13-169-20 (88216)
ব্যাখ্যাতং তব শূলাঙ্ক তথারিষ্টানি চৈব হি।
বিমোক্ষলক্ষণং শেষং তদপীহ ব্রবীমি তে।
যং জ্ঞাৎবা যতয়ঃ প্রাপ্তাঃ কেবলৎবমনাময়ম্॥ 13-169-21 (88217)
সাঙ্খ্যাশ্চাপ্যথ যোগাশ্চ দগ্ধপঙ্কা গতজ্বরাঃ।
অমূর্তিৎবমনুপ্রাপ্তা নির্গুণা নির্ভয়া ভব॥ 13-169-22 (88218)
বিপাপ্মানো মহাদেব মুক্তাঃ সংসারসাগরাৎ।
সরণে প্রজনাদানে গুণানাং প্রকৃতিঃ সদা।
পরা প্রমত্তা সততমেতাবৎকার্যকারণম্॥ 13-169-23 (88219)
অসচ্চৈব চ সচ্চৈব কুরুতে স পুনঃ পুনঃ।
চৈতন্যেন পুরাণেন চেতনাচেতনাৎপরঃ॥ 13-169-24 (88220)
যস্তু চেতয়তে চেতো মনসা চৈকবুদ্ধিকম্।
স নৈব সন্ন চৈবাসন্সদসন্ন চ সংস্মৃতঃ॥ 13-169-25 (88221)
ব্যতিরিক্তশ্চ শুদ্ধশ্চ সোঽন্যশ্চাপ্রকৃতিস্তথা।
উপেক্ষকশ্চ প্রকৃতের্বিকারপুরুষঃ স্মৃতঃ॥ 13-169-26 (88222)
বিকারপুরুষেণৈষা সংয়ুক্তা সৃজতে জগৎ।
পুনরাদদতে চৈব গুণানামন্যথাত্মনি॥ 13-169-27 (88223)
মৎস্যোদকাৎসসংজ্ঞাতঃ প্রকৃতেরেব কর্মণঃ।
তদ্বৎক্ষেত্রসহস্রাণি স এব প্রকরিষ্যতি॥ 13-169-28 (88224)
ক্ষেত্রপ্রলয়তজ্জ্ঞস্তু ক্ষেত্রজ্ঞ ইতি চোচ্যতে।
সয়োগো নিত্য ইত্যাহুর্যে জনাস্তৎবদর্শিনঃ॥ 13-169-29 (88225)
এবমেষ হ্যসৎসচ্চ বিকারপুরুষঃ স্মৃতঃ।
বিকারাপদ্যমানং তু বিকৃতিং প্রবদন্তি নঃ॥ 13-169-30 (88226)
যদা ৎবেষ বিকারস্য প্রকৃতানিতি মন্যতে।
তদা বিকারতামেতি বিকারান্যৎবতাং ব্রজেৎ॥ 13-169-31 (88227)
প্রকৃত্যা চ বিকারৈশ্চ ব্যতিরিক্তো যদা ভবেৎ।
শুচি যৎপরমং শুদ্ধং প্রতিবুদ্ধং সনাতনম্।
অয়ুক্তং নিষ্কলং শুদ্ধমব্যযং চাজরামরম্॥ 13-169-32 (88228)
সমেত্য তেন শুদ্ধেন বুধ্যমানঃ স ভাস্বরঃ।
বিমোক্ষং ভজতে ব্যক্তাদপ্রবুদ্ধাদচেতনাৎ॥ 13-169-33 (88229)
উদুম্বরাদ্বা মশকঃ প্রলয়ান্নির্গতো যথা।
তথাঽব্যক্তস্য সংত্যাগান্নির্মমঃ পঞ্চ বিংশকঃ॥ 13-169-34 (88230)
যথা পুষ্করপর্ণস্থো জলবিন্দুর্ন সংশ্লিষেৎ।
তথৈবাব্যক্তবিষয়ে ন লিপ্যেৎপঞ্চবিংশকঃ॥ 13-169-35 (88231)
আকাশ ইব নিঃসঙ্গস্তথা সঙ্গস্ত্থা বরঃ।
পঞ্চবিংশতিমো বুদ্ধো বুদ্ধেনি সমতাং গতঃ॥ 13-169-36 (88232)
এতদ্ধি প্রকৃতং জ্ঞানং তৎবতশ্চ সমুত্থিতম্।
পূর্বজেভ্যস্তথোৎপন্নং ব্রহ্মজেভ্যস্তথানঘ॥ 13-169-37 (88233)
আদিসর্গো মহাবাহো তামসেনাবৃতং পরম্।
প্রতিষ্টাবয়বংদেবমভেদ্যমজরামরম্॥ 13-169-38 (88234)
সনকঃ সনন্দনশ্চৈবি তৃতীয়শ্চ সনাতনঃ।
তে বিদুঃ পরমং ধর্মমব্যযং ব্যযধর্ষণম্॥ 13-169-39 (88235)
অব্যক্তাৎপরমাৎসূক্ষ্মাদব্রণান্মূর্তিসংজ্ঞকাৎ।
ক্ষেত্রজ্ঞো ভগবানাস্তে নরায়ণপরায়ণঃ॥ 13-169-40 (88236)
অস্মাকং সহজাতানামুৎপন্নং জ্ঞানমুত্তমম্।
এতে হি মূর্তিমন্তো বৈ লোকান্প্রবিচরামহে॥ 13-169-41 (88237)
পুনঃপুনঃ প্রজাতা বৈ তত্রতত্র পিনাকধৃক্।
দ্বন্দ্বৈর্বিরজ্যমানস্য জ্ঞানমুৎপন্নমুত্তমম্॥ 13-169-42 (88238)
কপিলান্মূলআচার্যাত্তৎববুদ্ধিবিনিশ্চয়ম্।
যোগসাংখ্যমবাপ্তং মে কার্ৎস্ন্যেন মুনিসত্তমাৎ॥ 13-169-43 (88239)
তেন সংবোধিতাঃ শিষ্যা বহবস্তৎবদর্শিনঃ।
তদ্বুদ্ধ্বা বহবঃ শিষ্যা ময়াপ্যেতন্নিদর্শিতাঃ॥ 13-169-44 (88240)
জন্মমৃত্যুহরং তথ্যং জ্ঞানং জ্ঞেয়ং সনাতনম্।
যজ্জ্ঞাৎবা নানুশোচন্তি তৎবজ্ঞানা নিরিন্দ্রিয়াঃ॥ 13-169-45 (88241)
শুদ্ধবীজমলাশ্চৈব বিপঙ্কা বৈ নিরক্ষরাঃ।
স্বতন্ত্রাস্তে স্বতন্ত্রেণ সম্মিতা নিষ্কলাঃ স্মৃতাঃ॥ 13-169-46 (88242)
শাশ্বতাশ্চাব্যযাশ্চৈব তমোগ্রাহ্যাশ্চ ভাস্বর।
বিপাপ্মানস্তথা সর্বে সৎবস্থাশ্চাপি নির্ব্রণাঃ॥ 13-169-47 (88243)
বিমুক্তাঃ কেবলাশ্চৈব বীতমোহভয়াস্তথা।
অমূর্তাস্তে মহাভাগ সর্বে চ বিগতজ্বরাঃ॥ 13-169-48 (88244)
হিরণ্যনাভস্ত্রিশিরাস্তথা প্রহ্লাদভাস্করৌ।
বসুর্বিশ্বাবসুশ্চৈব সার্ধং পঞ্চশিখস্তথা॥ 13-169-49 (88245)
গার্গ্যোঽথাসুরিরাবন্ত্যো গৌতমো বৃত এব চ।
কাত্যায়নোঽথ নমুচির্হরিশ্চ দমনশ্চি হ॥ 13-169-50 (88246)
এতে চান্যে চ বহবস্তৎবমেবোপদর্শিতাঃ।
কেচিন্মুক্তাঃ স্থিতাঃ কেচিচ্ছন্দতশ্চাপরে মৃতাঃ॥ 13-169-51 (88247)
দর্শিতাস্ত্রিবিধং বন্ধং বিমোক্ষং ত্রিবিধং তথা।
অজ্ঞানং চৈব রাগশ্চ সংয়োগং প্রাকৃতং তথা॥ 13-169-52 (88248)
এতেভ্যো বন্ধনং প্রোক্তং বিমোক্ষমপি মে শৃণু।
পরিতস্তাবতা সম্যক্সম্বন্ধো যাবতা কৃতঃ॥ 13-169-53 (88249)
কৃৎস্নক্ষয়পরিত্যাগাদ্বিমোক্ষ ইতি নঃ শ্রুতিঃ।
নিবৃত্তঃ সর্বসঙ্গেভ্যঃ কেবলঃ পুরুষোঽমলঃ॥ 13-169-54 (88250)
ভীষ্ম উবাচ। 13-169-55x (7372)
13-169-55 (88251)
ইত্যেবমুক্ৎবা ভগবানীশ্বরায় মহাত্মনে।
সনৎকুমারঃ প্রয়যাবাকাশং সমুপাশ্রিতঃ॥'
অনুশাসনপর্ব - অধ্যায় 170
॥ শ্রীঃ ॥
13.170. অধ্যায়ঃ 170
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি তীর্থশৌচনিরূপণম্॥ 1॥Mahabharata - Anushaasana Parva - Chapter Text
যুধিষ্ঠির উবাচ।
যদ্বরং সর্বতীর্থানাং তদ্ব্রবীহি পিতামহ।
যত্র চৈব পরং শৌচং তন্মে ব্যাখ্যাতুমর্হসি॥ 13-170-1 (88252)
ভীষ্ম উবাচ। 13-170-2x (7373)
সর্বাণি খলু তীর্থানি গুণবন্তি মনীষিণঃ।
যত্তু তীর্থং চ শৌচং চ তন্মে শৃণু সমাহিতঃ॥ 13-170-2 (88253)
অগাধে বিমলে শুদ্ধে সত্যতীর্থে ধৃতিহ্রদে।
স্নাতব্যং মানসে তীর্থে সৎবমালম্ব্য শাশ্বতম্॥ 13-170-3 (88254)
তীর্থশৌচং তপো জ্ঞানং মার্দবং সত্যমার্জবম্।
অহিংসা সর্বভূতানামানৃশংস্যং দমঃ শমঃ॥ 13-170-4 (88255)
নির্মমা নিরহঙ্কারা নির্দ্বন্দ্বা নিষ্পরিগ্রহাঃ।
যোগিনস্তীর্থভূতাস্তে তীর্থং পরমমুচ্যতে॥ 13-170-5 (88256)
নারায়ণেঽথ রুদ্রে বা ভক্তিস্তীর্থং পরং মতম্।
শৌচলক্ষণমেতত্তে সর্বত্রৈবান্ববেক্ষতঃ॥ 13-170-6 (88257)
রজস্তমঃসৎবমথো যেষাং নির্ধূতমাত্মনা।
তীর্থমাচারশুদ্ধিশ্চ স্বমার্গপরিমার্গণম্। 13-170-7 (88258)
সর্বত্যাগেষ্বভিরতাঃ সর্বজ্ঞাঃ সমদর্শিনঃ।
শৌচষ্বেতেষ্বভিরতাস্তে তীর্থশুচয়োঽপি চ॥ 13-170-8 (88259)
নোদকক্লিন্নগাত্রস্তু স্নাত ইত্যভিধীয়তে।
স স্নাতো যো দমস্নাতঃ স বাহ্যাভ্যন্তরঃ শুচিঃ॥ 13-170-9 (88260)
অদৃষ্টেষ্বনপেক্ষা যে প্রাপ্তেষ্বর্থেষু নির্মমাঃ।
শৌচমেব পরং তেষাং যেষাং নোৎপদ্যতে স্পৃহা॥ 13-170-10 (88261)
প্রজ্ঞানং শৌচমেবেহ শরীরস্য বিশেষতঃ।
তথা নিষ্কিংচনৎবং চ মনসশ্চ প্রসন্নতা॥ 13-170-11 (88262)
বৃত্তং শৌচং মহাশৌচং তীর্থশৌচমতঃ পরম্।
জ্ঞানোৎপন্নং চ যচ্ছৌচং তচ্ছৌচং পরমং স্মৃতম্॥ 13-170-12 (88263)
মনসা চ প্রদীপ্তেন ব্রহ্মজ্ঞানজলেন চ।
স্নাতা যে মানসে তীর্থে তজ্জ্ঞাঃ ক্ষেত্রজ্ঞদর্শনাঃ॥ 13-170-13 (88264)
সমারোপিতশৌচস্তু নিত্যং ভবসমন্বিতঃ।
কেবলং গুণসম্পন্নঃ শুচিরেব নরঃ সদা॥ 13-170-14 (88265)
শরীরস্থানি তীর্থানি প্রোক্তান্যেতানি ভারত।
পৃথিব্যাং যানি তীর্থানি পুণ্যানি শৃণু তান্যপি॥ 13-170-15 (88266)
শরীরস্য যথোদ্দেশঃ শরীরোপরি নির্মিতাঃ।
তথা পৃথিব্যা ভাগাশ্চ পুণ্যানি সলিলানি চ॥ 13-170-16 (88267)
কীর্তনাচ্চৈব তীর্থস্য স্নানাচ্চ পিতৃতর্পণাৎ।
শোধ্যং হি পাতকং তীর্থে পূতা যান্তি সুখং দিবম্। 13-170-17 (88268)
পরিগ্রহাচ্চ সাধূনাং পৃথিব্যাশ্চৈব তেজসা।
অতীব পুণ্যভাগাস্তে সলিলস্য চ তেজসা॥ 13-170-18 (88269)
মনসশ্চ পৃথিব্যাশ্চ পুণ্যাস্তীর্থাস্তথাপরে।
উভয়োরেব যঃ স্নায়াৎস সিদ্ধিং শীঘ্রমাপ্নুয়াৎ॥ 13-170-19 (88270)
যথা ফলং ক্রিয়াহীনং ক্রিয়া বা ফলবর্জিতা।
নেহ সাধয়তে কার্যং সমায়ুক্তা তু সিধ্যতি॥ 13-170-20 (88271)
এবং শরীরশৌচেন তীর্থশৌচেন চান্বিতঃ।
শুচিঃ সিদ্ধিমবাপ্নোতি দ্বিবিধং শৌচমুত্তমম্॥ ॥ 13-170-21 (88272)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তত্যধিকশততমোঽধ্যায়ঃ॥ 170 ॥
Mahabharata - Anushaasana Parva - Chapter Footnotes
7-170-7 তত্ৎববিত্ৎবনহংবুদ্ধিস্তীর্থপ্রবরমুচ্যতে ইতি ঝ.পাঠঃ॥অনুশাসনপর্ব - অধ্যায় 171
॥ শ্রীঃ ॥
13.171. অধ্যায়ঃ 171
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি মার্গশীর্ষাদি কার্তিকান্তেষু দ্বাদশমাসেষু দ্বাদশদ্বাদশীষু কেশবাদিদামোদরান্তভগবদ্রূপবিশেষপূজাফলবিশেষকথনম্॥ 1 ॥Mahabharata - Anushaasana Parva - Chapter Text
[*যুধিষ্ঠির উবাচ।
সর্বেষামুপবাসানাং যচ্ছ্রেয়ঃ সুমহৎফলম্।
যচ্চাপ্যসংশয়ং লোকে তন্মে ৎবং বক্তুমর্হসি॥ 13-171-1 (88273)
ভীষ্ম উবাচ। 13-171-2x (7374)
শৃণু রাজন্যথা গীতং স্বয়মেব স্বয়ংভুবা।
যৎকৃৎবা নির্বৃতো ভূয়াৎপুরুষো নাত্র সংশয়ঃ॥ 13-171-2 (88274)
দ্বাদশ্যাং মার্গশীর্ষে তু অহোরাত্রেণ কেশবম্।
অর্চ্যাশ্বমেধং প্রাপ্নোতি দুষ্কৃতং চাস্য নশ্যতি॥ 13-171-3 (88275)
তথৈব পৌষমাসে তু পূজ্যো নারায়ণেতি চ।
বাজপেয়মবাপ্নোতি সিদ্ধিং চ পরমাং ব্রজেৎ॥ 13-171-4 (88276)
অহোরাত্রেণ দ্বাদশ্যাং মাঘমাসে তু মাঘবম্।
রাজসূয়মবাপ্নোতি কুলং চৈব সমুদ্ধরেৎ॥ 13-171-5 (88277)
তথৈব ফাল্গুনে মাসি গোবিন্দেতি চ পূজয়ন্।
অতিরাত্রমবাপ্নোতি সোমলোকং চ গচ্ছতি॥ 13-171-6 (88278)
অহোরাত্রেণ দ্বাদশ্যাং চৈত্রে বিষ্ণুরিতি স্মরন্।
পৌণ্ডরীকমবাপ্নোতি দেবলোকং চ গচ্ছতি॥ 13-171-7 (88279)
বৈশাখমাসে দ্বাদশ্যাং পূজয়ন্মধুসূদনম্।
অগ্নিষ্টোমমবাপ্নোতি সোমলোকং চ গচ্ছতি॥ 13-171-8 (88280)
অহোরাত্রেণ দ্বাদশ্যাং জ্যেষ্ঠে মাসি ত্রিবিক্রমম্।
গবাং মেধমবাপ্নোতি অপ্সরোভিশ্চ মোদতে॥ 13-171-9 (88281)
আষাঢে মাসি দ্বাদশ্যাং বামনেতি চ পূজয়ন্।
নরমেধমবাপ্নোতি পুণ্যং চ লভতে মহৎ॥ 13-171-10 (88282)
অহোরাত্রেণ দ্বাদশ্যাং শ্রাবণে মাসি শ্রীধরম্।
পঞ্চয়জ্ঞানবাপ্নোতি বিমানস্থশ্চ মোদতে॥ 13-171-11 (88283)
তথা ভাদ্রপদে মাসি হৃষীকেশেতি পূজয়ন্।
সৌত্রামণিমবাপ্নোতি পূতাত্মা ভবতে চ হি॥ 13-171-12 (88284)
দ্বাদশ্যামাশ্বিনে মাসি পদ্মনাভেতি চার্চয়ন্।
গোসহস্রফলং পুণ্যং প্রাপ্নুয়ান্নাত্র সংশয়ঃ॥ 13-171-13 (88285)
দ্বাদশ্যাং কার্তিকে মাসি পূজ্যো দামোদরেতি চ।
গবাং যজ্ঞমবাপ্নোতি পুমান্স্ত্রী বা ন সংশয়ঃ॥ 13-171-14 (88286)
অর্চয়েৎপুণ্ডরীকাক্ষমেবং সংবৎসরং তু যঃ।
জাতিস্মরৎবং প্রাপ্নোতি বিন্দ্যাদ্বহু সুবর্ণকম্॥ 13-171-15 (88287)
অহন্যহনি তদ্ভাবমুপেন্দ্রং যোঽধিগচ্ছতি।
সমাপ্তে ভোজয়েদ্বিপ্রানথবা দাপয়েদ্ধৃতম্॥ 13-171-16 (88288)
অতঃ পরং নোপবাসো ভবতীতি বিনিশ্চয়ঃ॥
উবাচ ভগবান্বিষ্ণুঃ স্বয়মেব পুরাতনম্॥] ॥ 13-171-17 (88289)
ইতি শ্রীমন্মহাভারতে অনুশাসনপর্বণি দানধর্মপর্বণি একসপ্তত্যধিকশততমোঽধ্যায়ঃ॥ 171 ॥
Mahabharata - Anushaasana Parva - Chapter Footnotes
* এতদাদ্যধ্যায়দ্বয়ং ঝ.পুস্তক এব দৃশ্যতে। 7-171-3 অর্চ্য অভ্যর্চ্য॥অনুশাসনপর্ব - অধ্যায় 172
॥ শ্রীঃ ॥
13.172. অধ্যায়ঃ 172
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি শরীরসৌন্দর্যাদিফলকচান্দ্রব্রতাচরণপ্রকারকথনম্॥ 1 ॥Mahabharata - Anushaasana Parva - Chapter Text
[বৈশম্পায়ন উবাচ।
শরতল্পগতং ভীষ্মং বৃদ্ধং কুরুপিতামহম্।
উপগম্য মহাপ্রাজ্ঞঃ পর্যপৃচ্ছদ্যুধিষ্ঠিরঃ॥ 13-172-1 (88290)
অঙ্গানাং রূপসৌভাগ্যং প্রিয়ং চৈব কথং ভবেৎ।
ধর্মার্থকামসংয়ুক্তঃ সুখভাগী কথং ভবেৎ॥ 13-172-2 (88291)
ভীষ্ম উবাচ। 13-172-3x (7375)
মার্গশীর্ষস্য মাসস্য চন্দ্রে মূলেন সংয়ুতে।
পাদৌ মূলেন রাজেন্দ্রি জঙ্ঘায়ামথ রোহিণীম্॥ 13-172-3 (88292)
অশ্বিন্যাং সক্থিনী চৈব ঊরূ চাষাঢয়োস্তথা।
গুহ্যং তু ফাল্গুনী বিদ্যাৎকৃত্তিকা কটিকাস্তথা॥ 13-172-4 (88293)
নাভিং ভাদ্রপদে বিদ্যাদ্রেবত্যামক্ষিমণ্ডলম্।
পৃষ্ঠমেব ধনিষ্ঠাসু অনুরাধোত্তরাস্তথা॥ 13-172-5 (88294)
বাহুভ্যাং তু বিশাখাসু হস্তৌ হস্তেন নির্দিশেৎ।
পুনর্বস্বঙ্গুলী রাজন্নাশ্লেষাসু নখাস্তথা॥ 13-172-6 (88295)
গ্রীবাং জ্যেষ্ঠা চ রাজেন্দ্র শ্রবণেন তু কর্ণয়োঃ।
মুখং পুষ্যেণ দানেন দন্তোষ্ঠৌ স্বাতিরুচ্যতে॥ 13-172-7 (88296)
হাসং শতভিষাং চৈব মঘাং চৈবাথ নাসিকাম্।
নেত্রে মৃগশিরো বিদ্যাল্ললাটে মিত্রমেব তু॥ 13-172-8 (88297)
ভরণ্যাং তু শিরো বিদ্যাৎকেশানার্দ্রাং নরাধিপ।
সমাপ্তে তু ঘৃতং দদ্যাদ্ব্রাহ্মণে বেদপারগে॥ 13-172-9 (88298)
সুভগো দর্শনীয়শ্চ জ্ঞানভাগ্যথ জানতে।
জায়তে পরিপূর্ণাঙ্গঃ পৌর্ণমাস্যেব চন্দ্রমাঃ॥] ॥ 13-172-10 (88299)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিসপ্তত্যধিকশততমোঽধ্যায়ঃ॥ 172 ॥
Mahabharata - Anushaasana Parva - Chapter Footnotes
7-172-3 ইষ্টকামনাসিদ্ধ্যর্থং চান্দ্রব্রতমাহ মার্গেতি। মার্গশীর্ষশুক্লপ্রতিপদি মূলনক্ষত্রয়োগে স্তীদং চান্দ্রং ব্রতমারভেত। তত্র চন্দ্রাবয়বেষু নক্ষত্রাণি ন্যসেৎ পাদৌ মূলেনেত্যাদিনা। স্বদেবতাসহিতেন মূলেন চন্দ্রস্য পাদৌ কল্পয়েদিত্যর্থঃ। এবং রোহিণ্যাদিভিঃ সদেবতাভির্জঙ্ঘাদয়ঃ কল্পনীয়াঃ। সর্বত্র বিভক্তিব্যত্যয আর্ষঃ॥ 7-172-4 আষাঢাদ্বয়ং ফাল্গুনীদ্বয়ং ভাদ্রপদাদ্বয়ং চ জ্ঞেয়ম্॥ 7-172-10 এবং কুর্বন্বিকলাঙ্গোঽপি পৌর্ণমাস্যাং সকলাঙ্গো ভবতি এতৎসদৃষ্টান্তমাহ পরিপূর্ণাঙ্গ ইতি॥অনুশাসনপর্ব - অধ্যায় 173
॥ শ্রীঃ ॥
13.173. অধ্যায়ঃ 173
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বৃহস্পতিনা যুধিষ্ঠিরংপ্রতি দেহিনাং জননাদিপ্রকারনিরূপণম্॥ 1 ॥ তথা প্রাণিনাং দুষ্কর্মবিশেষফলতয়া তির্যগ্যোনিবিশেষেষু জননকথনম্॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
পিতামহ মহাপ্রাজ্ঞ সর্বশাস্ত্রবিশারদ।
শ্রোতুমিচ্ছামি মর্ত্যানাং সংসারবিধিমুত্তমম্॥ 13-173-1 (88300)
কেন বৃত্তেন রাজেন্দ্র বর্তমানা নরা ভুবি।
প্রাপ্নুবন্ত্যুত্তমং স্বর্গং কথং চ নরকং নৃপ॥ 13-173-2 (88301)
মৃতং শরীরমুৎসৃজ্য কাষ্ঠলোষ্টসমং জনাঃ।
প্রয়ান্ত্যমুং লোকমিতঃ কো বৈ তাননুগচ্ছতি॥ ভীষ্ম উবাচ। 13-173-3 (88302)
দূরাদায়াতি ভগবান্বৃহস্পতিরুদারধীঃ।
পৃচ্ছৈনং সুমহাভাগমেতদ্গুহ্যং সনাতনম্॥ 13-173-4 (88303)
নৈতদন্যেন শক্যং হি বক্তুং কেনচিদদ্য বৈ।
বক্তা বৃহস্পতিসমো ন হ্যন্যো বিদ্যতে ক্বচিৎ॥ বৈশম্পায়ন উবাচ। 13-173-5 (88304)
তয়োঃ সংবদতোরেবং পার্থগাঙ্গেয়যোস্তদা।
আজগাম বিশুদ্ধাত্মা ভগবান্স বৃহস্পতিঃ॥ 13-173-6 (88305)
ততো রাজা সমুত্থায় ধৃতরাষ্ট্রপুরোগমঃ।
পূজামনুষমাং চক্রে সর্বে তে চ সভাসদঃ॥ 13-173-7 (88306)
ততো ধর্মসুতো রাজা ভগবন্তং বৃহস্পতিম্।
উপগম্য যথান্যায়ং প্রশ্নং পপ্রচ্ছ তত্ৎবতঃ॥ 13-173-8 (88307)
ভগবন্সর্বধর্মজ্ঞ সর্বশাস্ত্রবিশারদ।
মর্ত্যস্য কঃ সহায়ো বৈ পিতা মাতা সুতো গুরুঃ। জ্ঞাতিসম্বন্ধিবর্গশ্চ মিত্রবর্গস্তথৈব চ॥ 13-173-9 (88308)
মৃতং শরীরমুৎসৃজ্য কাষ্ঠলোষ্টসমং জনাঃ।
গচ্ছন্ত্যমুং চ লোকং বৈ ক এতাননুগচ্ছতি॥ বৃহস্পতিরুবাচ। 13-173-10 (88309)
একঃ প্রসূয়তে রাজন্নেক এব বিনশ্যতি।
একস্তরতি দুর্গাণি গচ্ছত্যেকস্তু দুর্গতিম্॥ 13-173-11 (88310)
ন সহায়ঃ পিতা মাতা তথা ভ্রাতা সুতো গুরুঃ।
জ্ঞাতিসম্বন্ধিবর্গশ্চ মিত্রবর্গস্তথৈব চ॥ 13-173-12 (88311)
মৃতং শরীরমুৎসৃজ্য কাষ্ঠলোষ্টসমং জনাঃ।
মুহূর্তমুপয়ুঞ্জ্যাথ ততো যান্তি পরাঙ্মুখাঃ॥ 13-173-13 (88312)
তৈস্তচ্ছরীরমুৎসৃষ্টং ধর্মি একোঽনুগচ্ছতি।
তস্মাদ্ধর্মঃ সহায়ার্থে সেবিতব্যঃ সদা নৃপঃ॥ 13-173-14 (88313)
প্রাণী ধর্মসমায়ুক্তো গচ্ছেৎস্বর্গগতিং পরাম্।
তথৈবাধর্মসংয়ুক্তো নরকং চোপপদ্যতে॥ 13-173-15 (88314)
তস্মান্ন্যায়াগতৈরর্থৈর্ধর্মং সেবেত পণ্ডিতঃ।
ধর্ম একো মনুষ্যাণাং সহায়ঃ পারলৌকিকঃ॥ 13-173-16 (88315)
লোভান্মোহাদনুক্রোশাদ্ভয়াদ্বাঽপ্যবহুশ্রুতঃ।
নরঃ করোত্যকার্যাণি পরার্থে লোভমোহিতঃ॥ 13-173-17 (88316)
ধর্মশ্চার্থশ্চ কামশ্চ ত্রিতয়ং জীবিতে ফলম্।
এতত্ত্রয়মবাপ্তব্যমধর্মপরিবর্জিতম্॥ যুধিষ্ঠির উবাচ। 13-173-18 (88317)
শ্রুতং ভগবতো বাক্যং ধর্ময়ুক্তং পরং হিতম্।
শরীরনিশ্চয়ং জ্ঞাতুং বুদ্ধিস্তু মম জায়তে॥ 13-173-19 (88318)
মৃতং শরীরং হি নৃণাং সূক্ষ্মমব্যক্ততাং গতম্।
অচক্ষুর্বিষয়ং প্রাপ্তং কথং ধর্মোঽনুগচ্ছতি॥ বৃহস্পতিরুবাচ। 13-173-20 (88319)
পৃথিবী বায়ুরাকাশমাপো জ্যোতিরনন্তরম্।
বুদ্ধিরাত্মা চ সহিতা ধর্মং পশ্যন্তি নিত্যদা॥ 13-173-21 (88320)
প্রাণিনামিহ সর্বেষাং সাক্ষিভূতং দিবানিশম্।
এতৈশ্চ সহ ধর্মোঽপি তং জীবমনুগচ্ছতি॥ 13-173-22 (88321)
ৎবগস্থি মাংসং শুক্রং চ শোণিতং চ মহামতে।
শরীরং বর্জয়ন্ত্যেতে জীবিতেন বিবর্জিতম্॥ 13-173-23 (88322)
ততো ধর্মসমায়ুক্তঃ স জীবঃ সুখমেধতে।
ইহ লোকে পরে চৈব কিং ভূয়ঃ কথয়ামি তে॥ যুধিষ্ঠির উবাচ। 13-173-24 (88323)
তদ্দর্শিতং ভগবতা যথা ধর্মোঽনুগচ্ছতি।
এতত্তু জ্ঞাতুমিচ্ছামি কথং রেতঃ প্রবর্ততে॥ বৃহস্পতিরুবাচ। 13-173-25 (88324)
অন্নমশ্নন্তি যদ্দেবাঃ শরীরস্থা নরেশ্বর।
পৃথিবী বায়ুরাকাশমাপো জ্যোতির্মনস্তথা॥ 13-173-26 (88325)
ততস্তৃপ্তেষু রাজেন্দ্র তেষু ভূতেষু পঞ্চসু।
মনঃষষ্ঠেষু শুদ্ধাত্মন্রেতঃ সম্পদ্যতে মহৎ॥ 13-173-27 (88326)
ততো গর্ভঃ সম্ভবতি শ্লেষাৎস্ত্রীপুংসয়োর্নৃপ।
এতত্তে সর্বমাখ্যাতং ভূয়ঃ কিং শ্রোতুমিচ্ছসি॥ যুধিষ্ঠির উবাচ। 13-173-28 (88327)
আখ্যাতং মে ভগবতা গর্ভঃ সঞ্জায়তে যথা।
যথা জাতস্তু পুরুষঃ প্রপদ্যতি তদুচ্যতাম্॥ বৃহস্পতিরুবাচ। 13-173-29 (88328)
আসন্নমাত্রঃ পুরুষস্তৈর্ভূতৈরভিভূয়তে।
বিপ্রয়ুক্তশ্চ তৈর্ভূতৈঃ পুনর্যাত্যপরাং গতিম্।
স চ ভূতসমায়ুক্তঃ প্রাপ্নুতে জীব এব হি॥ 13-173-30 (88329)
ততোঽস্য কর্ম পশ্যন্তি শুভং বা যদি বাশুভম্।
দেবতাঃ পঞ্চভূতস্থাঃ কিং ভূয়ঃ শ্রোতুমিচ্ছসি॥ যুধিষ্ঠির উবাচ। 13-173-31 (88330)
ৎবগস্থিমাংসমুৎসৃজ্য তৈশ্চ ভূতৈর্বিবর্জিতঃ।
জীবঃ সহ বসন্কৃৎস্নং সুখদুঃখসহঃ প্রভো॥ বৃহস্পতিরুবাচ। 13-173-32 (88331)
`ভোগবশ্যং কর্মবশ্যং যাতনাবশ্যমিত্যপি।
এতত্ত্রয়াণামাসাদ্য কর্মতঃ সোঽশ্নুতে ফলম্॥' 13-173-33 (88332)
জীবঃ কর্মসমায়ুক্তঃ শীঘ্রং রেতস্ৎবমাগতঃ।
স্ত্রীণাং পুষ্পং সমাসাদ্য সূতিকালে লভেত তৎ॥ 13-173-34 (88333)
যমস্য পুরুষৈঃ ক্লেসং যমস্য পুরুষৈর্বধম্।
দুঃখং সংসারচক্রং চ নরঃ ক্লেশং স বিন্দতি॥ 13-173-35 (88334)
ইহ লোকে স চ প্রাণী জন্মপ্রভৃতি পার্থিব।
সুকৃতং কর্ম বৈ ভুঙ্ক্তে ধর্মস্য ফলমাশ্রিতঃ॥ 13-173-36 (88335)
যদি ধর্মং যথাশক্তি জন্মপ্রভৃতি সেবতে।
ততঃ স পুরুষো ভূৎবা সেবতে নিয়তং সুখম্॥ 13-173-37 (88336)
অথান্তরা তু ধর্মস্যাপ্যধর্মমুপসেবতে।
সুখস্যানন্তরং দুঃখং স জীবোঽপ্যধিগচ্ছতি॥ 13-173-38 (88337)
অধর্মেণ সমায়ুক্তো যমস্য বিষয়ং গতঃ।
মহদ্দুঃখং সমাসাদ্য তির্যগ্যোনৌ প্রজায়তে॥ 13-173-39 (88338)
কর্মণা যেন যেনেহ যস্যাং যোনৌ প্রজায়তে।
জীবো মোহসমায়ুক্তস্তন্মে নিগদতঃ শৃণু॥ 13-173-40 (88339)
যদেতদুচ্যতে শাস্ত্রে সেতিহাসে চ চ্ছন্দসি।
যমস্য বিষয়ং ঘোরং মর্ত্যো লোকঃ প্রপদ্যতে॥ 13-173-41 (88340)
ইহ স্থানানি পুণ্যানি দেবতুল্যানি ভূপতে।
তির্যগ্যোন্যতিরিক্তানি গতিমন্তি চ সর্বশঃ॥ 13-173-42 (88341)
যমস্য ভবনে দিব্যে ব্রহ্মলোকসমে গুণৈঃ।
কর্মভির্নিয়তৈর্বদ্ধো জন্তুর্দুঃখান্যুপাশ্নুতে॥ 13-173-43 (88342)
যেনয়েন তু ভাবেন কর্মণা পুরুষো গতিম্।
প্রয়াতি পরুষাং ঘোরাং তত্তে বক্ষ্যাম্যতঃ পরম্॥ 13-173-44 (88343)
অধীত্য চতুরো বেদান্দ্বিজো মোহসমন্বিতঃ।
পতিতাৎপ্রতিগৃহ্যাথ খরয়োনৌ প্রজায়তে॥ 13-173-45 (88344)
খরো জীবতি বর্ষাণি দশ পঞ্চ চ ভারত।
খরো মৃতো বলীবর্দঃ সপ্তবর্ষাণি জীবতি॥ 13-173-46 (88345)
বলীবর্দো মৃতশ্চাপি জায়তে ব্রহ্মরাক্ষসঃ।
ব্রহ্মরক্ষশ্চ মাসাংস্ত্রীংস্ততো জায়েত ব্রাহ্মণঃ॥ 13-173-47 (88346)
পতিতং যাজয়িৎবা তু কৃমিয়োনৌ প্রজায়তে।
তত্র জীবতি বর্ষাণি দশ পঞ্চ চ ভারত॥ 13-173-48 (88347)
কৃমিভাবাদ্বিমুক্তস্তু ততো জায়েত গর্দভঃ।
গর্দভঃ পঞ্চবর্ষাণি পঞ্চবর্ষাণি সূকরঃ॥ 13-173-49 (88348)
কুক্কুটঃ পঞ্চবর্ষাণি পঞ্চবর্ষাণি জম্বুকঃ।
শ্বা বর্ষমেকং ভবতি ততো জায়েত মানবঃ॥ 13-173-50 (88349)
উপাধ্যায়স্ত্রিয়ঃ পাপং শিষ্যঃ কুর্যাদবুদ্ধিমান্।
স জীব ইহ সংসারাংস্ত্রীনাপ্নোতি ন সংশয়ঃ॥ 13-173-51 (88350)
বৃকো ভবতি রাজেন্দ্র ততঃ ক্রব্যাত্ততঃ খরঃ।
ততঃ প্রেতঃ পরিক্লিষ্টঃ পশ্চাজ্জায়েত ব্রাহ্মণঃ॥ 13-173-52 (88351)
মনসাঽপি গুরোর্ভার্যাং যঃ শিষ্যো যাতি পাপকৃৎ।
স উগ্রান্প্রৈতি সংসারানধর্মেণেহ চেতসা॥ 13-173-53 (88352)
শ্বয়োনৌ তু স সম্ভূতস্ত্রীণি বর্ষাণি জীবতি।
তত্রাপি নিধনং প্রাপ্তঃ কৃমিয়োনৌ প্রজায়তে॥ 13-173-54 (88353)
কৃমিভাবমনুপ্রাপ্তো বর্ষমেকং তু জীবতি।
ততস্তু নিধনং প্রাপ্তো ব্রহ্ময়োনৌ প্রজায়তে॥ 13-173-55 (88354)
যদি পুত্রসমং শিষ্যং গুরুর্হন্যাদকারণে।
আত্মনঃ কামকারেণ সোপি হিংস্রঃ প্রজায়তে॥ 13-173-56 (88355)
পিতরং মাতরং চৈব যস্তু পুত্রোঽবমন্যতে।
সোঽপি রাজন্মৃতো জন্তুঃ পূর্বং জায়েত গর্দভঃ॥ 13-173-57 (88356)
গর্দভৎবং তু সম্প্রাপ্য দশবর্ষাণি জীবতি।
সংবৎসরং তু কুম্ভীরস্ততো জায়েত মানবঃ॥ 13-173-58 (88357)
পুত্রস্য মাতাপিতরৌ যস্য রুষ্টাবুভাবপি।
গুর্বপধ্যানতঃ সোপি মৃতো জায়তি গর্দভঃ॥ 13-173-59 (88358)
খরো জীবতি মাসাংস্তু দশ শ্বা চ চতুর্দশঃ।
বিডালঃ সপ্তমাসাংস্তু ততো জায়েত মানবঃ॥ 13-173-60 (88359)
মাতাপিতরাবাক্রুশ্য শারিকা সম্প্রজায়তে।
তাডয়িৎবা তু তাবেব জায়তে কচ্ছপো নৃপ॥ 13-173-61 (88360)
কচ্ছপো দশবর্ষাণি ত্রীণি বর্ষাণি শল্যকঃ।
ব্যালো ভূৎবা চ ষণ্মাসাংস্ততো জায়তি মানুষঃ॥ 13-173-62 (88361)
ভর্তৃপিণ্ডমুপাশ্নন্যো রাজদ্বিষ্টানি সেবতে।
সোপি মোহসমাপন্নো মৃতো জায়তি বানরঃ॥ 13-173-63 (88362)
বানরো দশবর্ষাণি পঞ্চবর্ষাণি সূকরঃ।
শ্বাঽথ ভূৎবা তু ষণ্মাসাংস্ততো জায়তি মানুষঃ॥ 13-173-64 (88363)
ন্যাসাপহর্তা তু নরো যমস্য বিষয়ং গতঃ।
যাতনানাং শতং গৎবা কৃমিয়োনৌ প্রজায়তে॥ 13-173-65 (88364)
তত্র জীবতি বর্ষাণি দশপঞ্চ চ ভারত।
দুষ্কৃতস্য ক্ষয়ং কৃৎবা ততো জায়তি মানুষঃ॥ 13-173-66 (88365)
অসূয়কঃ কুৎসিতশ্চ চণ্ডালো দুঃখমশ্নুতে।
বিশ্বাসহর্তা তু নরো মীনো জায়তি দুর্মতিঃ॥ 13-173-67 (88366)
ভূৎবা মীনোঽষ্টমাসাংস্তু মৃগো জায়তি ভারত।
মৃগস্তু চতুরো মাসাংস্ততশ্ছাগঃ প্রজায়তে॥ 13-173-68 (88367)
ছাগস্তু নিধনং প্রাপ্য পূর্ণে সংবৎসরে ততঃ।
গৌঃ স সঞ্জায়তে জন্তুস্ততো জায়তি মানুষঃ॥ 13-173-69 (88368)
ধান্যান্যবাংস্তিলান্মাষান্কুলত্থান্সর্ষপাংশ্চণান্।
কলায়ানথ মুদ্গাংশ্চ গোধূমানতসীস্তথা॥ 13-173-70 (88369)
যস্তু ধান্যাপহর্তা চ মোহাজ্জন্তুরচেতনঃ।
স জায়তে মহারাজ মূষিকো নিরপত্রপঃ॥ 13-173-71 (88370)
ততঃ প্রেত্য মহারাজ মৃতো জায়তি সূকরঃ।
সূকরো জাতমাত্রস্তু রোগেণি ম্রিয়তে নৃপ॥ 13-173-72 (88371)
শ্বা ততো জায়তে মূঢঃ কর্মণা তেন পার্থিব।
ভূৎবা শ্বা পঞ্চবর্ষাণি ততো জায়তি মানবঃ॥ 13-173-73 (88372)
পরদারাভিমর্শং তু কৃৎবা জায়তি বৈ বৃকঃ।
শ্বা শৃগালস্ততো গৃধ্রো ব্যালঃ কঙ্কো বকস্তথা॥ 13-173-74 (88373)
ভ্রাতুর্ভার্যাং তু পাপাত্মা যো ধর্ময়তি মোহিতঃ।
পুংস্কোকিলৎবমাপ্নোতি সোঽপি সংবৎসরং নৃপ॥ 13-173-75 (88374)
সখিভার্যাং গুরোর্ভার্যাং রাজভার্যাং তথৈব চ।
প্রধর্ষয়িৎবা কামাদ্যো মৃতো জায়তি সূকরঃ॥ 13-173-76 (88375)
সূকরঃ পঞ্চবর্ষাণি দশবর্ষাণি শ্বাবিধঃ।
বিডালঃ পঞ্চবর্ষাণি দশবর্ষাণি কুক্কুটঃ॥ 13-173-77 (88376)
পিপীলিকা তু মাসাংস্ত্রীন্বানরো মাসমেব তু।
এতানাসাদ্য সংসারান্কৃমিয়োনৌ প্রজায়তে॥ 13-173-78 (88377)
তত্র জীবতি মাসাংস্তু কৃমিয়োনৌ চতুর্দশ।
ততোঽধর্মক্ষয়ং কৃৎবা পুনর্জায়তি মানবঃ॥ 13-173-79 (88378)
উপস্থিতে বিবাহে তু যজ্ঞে দানেঽপি বা বিভো।
মোহাৎকরোতি যো বিঘ্নং স মৃতো জায়তে কৃমিঃ॥ 13-173-80 (88379)
কৃমির্জীবতি বর্ষাণি দশ পঞ্চ চ ভারত।
অধর্মিস্য ক্ষয়ং কৃৎবা ততো জায়তি মানবঃ॥ 13-173-81 (88380)
পূর্বং দত্ৎবা তু যঃ কন্যাং দ্বিতীয়ে দাতুমিচ্ছতি।
সোপি রাজন্মৃতো জন্তুঃ কৃমিয়োনৌ প্রজায়তে॥ 13-173-82 (88381)
তত্র জীবতি বর্ষাণি ত্রয়োদশ যুধিষ্ঠির।
অধর্মসংক্ষয়ে যুক্তস্ততো জায়তি মানবঃ॥ 13-173-83 (88382)
দেবকার্যমকৃৎবা তু পিতৃকার্যমথাপি বা।
অনির্বাপ্য সমশ্নন্বৈ মৃতো জায়তি বায়সঃ॥ 13-173-84 (88383)
বায়সঃ শতবর্ষাণি ততো জায়তি কুক্কুটঃ।
জায়তে ব্যালকশ্চাপি মাসং তস্মাত্তু মানুষঃ॥ 13-173-85 (88384)
জ্যেষ্ঠং পিতৃসমং চাপি ভ্রাতরং যোঽবমন্যতে।
সোঽপি মৃত্যুমুপাগম্য ক্রৌঞ্চয়োনৌ প্রজায়তে॥ 13-173-86 (88385)
ক্রৌঞ্চো জীবতি বর্ষং তু ততো জায়তি চীরকঃ।
ততো নিধনমাপন্নো মানুষৎবমুপাশ্নুতে॥ 13-173-87 (88386)
বৃষলো ব্রাহ্মণীং গৎবা কৃমিয়োনৌ প্রজায়তে।
[ততঃ সম্প্রাপ্য নিধনং জায়তে সূকরঃ পুনঃ॥ 13-173-88 (88387)
সূকরো জাতমাত্রস্তু রোগেণ ম্রিয়তে নৃপ।
শ্বা ততো জায়তে মূঢঃ কর্মণা তেন পার্থিব॥ 13-173-89 (88388)
শ্বা ভূৎবা কৃতকর্মাঽসৌ জায়তে মানুষস্ততঃ।
তত্রাপত্যং সমুৎপাদ্য মৃতো জায়তি মূষিকঃ॥ 13-173-90 (88389)
কৃতঘ্নস্তু মৃতো রাজন্যমস্য বিষয়ং গতঃ।
যমস্য পুরুষৈঃ ক্রুদ্ধৈর্বধং প্রাপ্নোতি দারণম্॥ 13-173-91 (88390)
দণ়্ডং সমুদ্গরং শূলমগ্নিকুম্ভং চ দারুণম্।
অসিপত্রবনং ঘোরবালুকং কূটশাল্মলীম্॥ 13-173-92 (88391)
এতাশ্চান্যাশ্চ বহ্বীশ্চ যমস্য বিষয়ং গতঃ।
যাতনাঃ প্রাপ্য তত্রোগ্রাস্ততো বধ্যতি ভারত॥ 13-173-93 (88392)
ততো হতঃ কৃতঘ্নঃ স তত্রোগ্রৈর্ভরতর্ষভ।
সংসারচক্রমাসাদ্য কৃমিয়োনৌ প্রজায়তে॥ 13-173-94 (88393)
কৃমির্ভবতি বর্ষাণি দশপঞ্চ চ ভারত।
ততো গর্ভং সমাসাদ্য তত্রৈব ম্রিয়তে শিশুঃ॥ 13-173-95 (88394)
ততো গর্ভশতৈর্জন্তুর্বহুভি সম্প্রপদ্যতে।
সংসারাংশ্চ বহূন্গৎবা ততস্মির্যক্ষু জায়তে॥ 13-173-96 (88395)
ততো দুঃখমনুপ্রাপ্য বহুবর্ষগণানিহ।
স পুনর্ভবসংয়ুক্তস্ততঃ কূর্মঃ প্রজায়তে॥ 13-173-97 (88396)
দধি হৃৎবা বকশ্চাপি প্লবো মৎস্যানসংস্কৃতান্।
চোরয়িৎবা তু দুর্বুদ্ধির্মধুদংশঃ প্রজায়তে॥ 13-173-98 (88397)
ফলং বা মূলকং হৃৎবা অপূপং বা পিপীলিকাঃ।
চোরয়িৎবা চ নিষ্পাবং জায়তে হলগোলকঃ॥ 13-173-99 (88398)
পায়সং চোরয়িৎবা তু তিত্তিরিৎবমবাপ্নুতে।
হৃৎবা পিষ্টময়ং পূপং কুম্ভোলূকঃ প্রজায়তে॥ 13-173-100 (88399)
অয়ো হৃৎবা তু দুর্বুদ্ধির্বায়সো জায়তে নরঃ।
কাংস্যং হৃৎবা তু দুর্বদ্ধির্হারিতো জায়তে নরঃ॥ 13-173-101 (88400)
রাজতং ভাজনং হৃৎবা কপোতঃ সম্প্রজায়তে।
হৃৎবা তু কাঞ্চনং ভাণ্ডং কৃমিয়োনৌ প্রজায়তে॥ 13-173-102 (88401)
পত্রোর্ণং চোরয়িৎবা তু কৃকলৎবং নিগচ্ছতি।
কৌশিকং তু ততো হৃৎবা নরো জায়তি বর্তকঃ॥ 13-173-103 (88402)
অংশুকং চোরয়িৎবা তু শুক্রো জায়তি মানবঃ।
চোরয়িৎবা দুকূলং তু মৃতো হংসঃ প্রজায়তে॥ 13-173-104 (88403)
ক্রৌঞ্চঃ কার্পাসিকং হৃৎবা মৃতো জায়তি মানবঃ।
চোরয়িৎবা নরঃ পট্টং ৎবাবিকং চৈব ভারত। ক্ষৌমং চ বস্ত্রমাদায় শশো জন্তুঃ প্রজায়তে॥ 13-173-105 (88404)
বর্ণান্হৃৎবা তু পুরুষো মৃতো জায়তি বর্হিণঃ।
হৃৎবা রক্তানি বস্ত্রাণি জায়তে জীবজীবকঃ॥ 13-173-106 (88405)
বর্ণকাদীংস্তথা গন্ধাংশ্চোরয়িৎবেহ মানবঃ।
ছুন্দুন্দরিৎবমাপ্নোতি রাজঁল্লোভপরায়ণঃ॥ 13-173-107 (88406)
তত্র জীবতি বর্ষাণি ততো দশ চ পঞ্চ চ।
অধর্মস্য ক্ষয়ং গৎবা ততো জায়তি মানুষঃ॥ 109a চোরয়িৎবা পয়শ্চাপি বলাকা সম্প্রজায়তে॥ 110a যস্তু চোরয়তে তৈলং নরো মোহসমন্বিতঃ। 110b সোপি রাজন্মৃতো জন্তুস্তৈলপায়ী প্রজায়তে॥ 111a অশস্ত্রং পুরুষং হৎবা সশস্ত্রঃ পুরুষাধমঃ। 111b অর্থার্থী যদি বা বৈরী স মৃতো জায়তে স্বরঃ॥ 112a খরো জীবতি বর্ষে দ্বে ততঃ শস্ত্রেণ বধ্যতে। 112b স মৃতো মৃগয়োনৌ তু নিত্যোদ্বিগ্নোঽভিজায়তে॥ 113a মৃগো বধ্যতি শস্ত্রেণ গতে সংবৎসরে তু সঃ। 113b হতো মৃগস্ততো মীনঃ সোপি জালেন বধ্যতে॥ 114a মাসে চতুর্থে সম্প্রাপ্তে শ্বাপদঃ সম্প্রজায়তে। 114b শ্বাপদো দশবর্ষাণি দ্বীপী বর্ষাণি পঞ্চ চ॥ 115a ততস্তু নিধনং প্রাপ্তঃ কালপর্যায়চোদিতঃ। 115b অধর্মস্য ক্ষয়ং কৃৎবা ততো জায়তি মানুষঃ॥ 116a স্ত্রিয়ং হৎবা তু দুর্বুদ্ধির্যমস্য বিষয়ং গতঃ। 116b বহূন্ক্লেশান্সমাসাদ্য নরকানেকবিংশতিম্॥ 117a ততঃ পশ্চান্মহারাজ কৃমিয়োনৌ প্রজায়তে। 117b কৃমির্বিংশতিবর্ষাণি ভূৎবা জায়তি মানুষঃ॥ 118a ভোজনং চোরয়িৎবা তু মক্ষিকা জায়তে নরঃ। 118b মক্ষিকাসঙ্ঘবশগো বহূন্মাসান্ভবত্যুত॥ 119a ততঃ পাপক্ষয়ং কৃৎবা মানুষৎবমবাপ্নুতে। 119b `ভক্ষ্যং হৃৎবা তু পুরুষো জালপাশঃ প্রজায়তে॥ 120a স্বাদ্যং হৃৎবা তু পুরুষশ্চীরপাশঃ প্রজায়তে।' 120b ধান্যং হৃৎবা তু পুরুষো লোমশঃ সম্প্রজায়তে॥ 121a তথা পিণ্যাকসম্মিশ্রমশনং চোরয়েন্নরঃ। 121b স জায়তে ভৃতিধনো দারুণো মূষিকো নরঃ॥ 122a দশন্বৈ মানুষান্নিত্যং পাপাত্মা স বিশাম্পতে। 122b ঘৃতং হৃৎবা তু দুর্বুদ্ধিঃ কাকমদ্গুঃ প্রজায়তে॥ 123a মৎস্যমাংসমথো হৃৎবা কাকো জায়তি দুর্মতিঃ। 123b লবণং চোরয়িৎবা তু চিরিকাকঃ প্রজায়তে। 124a বিশ্বাসেন তু নিক্ষিপ্তং যো বিনিহ্নোতি মানবঃ। 124b স গতায়ুর্নরস্তাত মৎস্যযোনৌ প্রজায়তে॥ 125a মৎস্যযোনিমনুপ্রাপ্য মৃতো জায়তি মানুষঃ। 125b মানুষৎবমনুপ্রাপ্য ক্ষীণায়ুরুপপদ্যতে॥ 126a পাপানি তু নরাঃ কৃৎবা তির্যগ্জায়ন্তি ভারত। 126b ন চাত্মনঃ প্রয়াণান্তে ধর্মং জানন্তি কঞ্চন॥ 127a যে পাপানি নরাঃ কৃৎবা নিরস্যন্তি ব্রতৈঃ সদা। 127b সুখদুঃখসমায়ুক্তা ব্যথিতাস্তে ভবন্ত্যুত॥ 128a অপুমাংসঃ প্রজায়ন্তে ম্লেচ্ছাশ্চাপি ন সংশয়ঃ। 128b নরাঃ পাপসমাচারা লোভমোহসমন্বিতাঃ॥ 129a বর্জয়ন্তি চ পাপানি জন্মপ্রভৃতি যে নরাঃ। 129b অরোগা রূপবন্তস্তে ধনিনশ্চ ভবন্ত্যুত॥ 130a স্ত্রিয়োঽপ্যেতেন কল্পেন কৃৎবা পাপমবাপ্নুয়ুঃ। 130b এতেষামেব জন্তূনাং ভার্যাৎবমুপয়ান্তি তাঃ॥ 131a পরস্বহরণে দোষাঃ সর্ব এব প্রকীর্তিতাঃ। 131b এতদ্ধি লেশমাত্রেণ কথিতং তে ময়াঽনঘ॥ 132a অপরস্মিন্কথায়োগে ভূয়ঃ শ্রোষ্যসি ভারত। 132b এতন্ময়া মহারাজ ব্রহ্মণো গদতঃ পুরা॥ 133a সুরর্ষীণাং শ্রুতং মধ্যে পৃষ্টশ্চাপি যথাতথম্। 133b ময়াঽপি তচ্চ কার্ৎস্ন্যেন যথাবদনুবর্ণিতম্। 133c এতচ্ছ্রুৎবা মহারাজ ধর্মে কুরু মনঃ সদা॥ ॥ 13-173-108 (88407)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিসপ্তত্যধিকশততমোঽধ্যায়ঃ॥ 173 ॥
Mahabharata - Anushaasana Parva - Chapter Footnotes
7-173-13 মুহূর্তমিব রোদিৎবেতি ঝ.পাঠঃ॥ 7-173-32 জীবঃ স ভগবন্ক্বস্থঃ সুখদুঃখে সমশ্নুতে ইতি ঝ.পাঠঃ॥ 7-173-51 উপাধ্যায়স্য যঃ পাপং ইতি ঝ.পাঠঃ॥ 7-173-52 প্রাক্ শ্বা ভবতি ইতি ঝ.পাঠঃ॥ 7-173-58 কুম্ভীরো নক্রঃ॥ 7-173-64 পঞ্চবর্ষাণি মূষিকঃ ইতি ঝ.পাঠঃ॥ 7-173-65 সংসারাণাং শতং ইতি ঝ.পাঠঃ॥ 7-173-99 নিষ্পাবং রাজমাষম্। হলগোলকঃ দীর্ঘপুচ্ছো গোলরূপী কীটবিশেষঃ॥ 7-173-100 কুম্ভোলূক উলূকজাতিভেদঃ॥ 7-173-101 হারিতঃ পক্ষিবিশেষঃ॥ 7-173-103 পত্রোর্মং ধৌতকৌশেয়ম্॥ 7-173-106 বর্ণান্ হরিতালাদীন্॥ 7-173-122 কাকমদ্গুঃ শৃঙ্গবান্ জলপক্ষী॥ 7-173-128 অসংবাসাঃ প্রজায়ন্তে ইতি ঝ.পাঠঃ॥অনুশাসনপর্ব - অধ্যায় 174
॥ শ্রীঃ ॥
13.174. অধ্যায়ঃ 174
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বৃহস্পতিনা যুধিষ্ঠিরংপ্রতি পশ্চাত্তাপাদের্ব্রাহ্মণেভ্যোঽন্নদানস্য চ পাপপরিহারোপায়ৎবকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
অধর্মস্য গতির্ব্রহ্মন্কথিতা মে ৎবয়াঽনঘ।
ধর্মস্য তু গতিং শ্রোতুমিচ্ছামি বদতাংবর॥ 13-174-1 (88408)
কৃৎবা কর্মাণি পাপানি কথং যান্তি শুভাং গতিম্।
কর্মণা চ কৃতেনেহ কেন যান্তি শুভাং গতিম্॥ 13-174-2 (88409)
বৃহস্পতিরুবাচ। 13-174-3x (7376)
কৃৎবা পাপানি কর্মাণি অধর্মবশমাগতঃ।
মনসা বিপরীতেন নিরয়ং প্রতিপদ্যতে॥ 13-174-3 (88410)
মোহাদধর্মং যঃ কৃৎবা পুনঃ সমনুতপ্যতে।
মনঃসমাধিসংয়ুক্তো ন স সেবেত দুষ্কৃতম্॥ 13-174-4 (88411)
[যথায়থা মনস্তস্য দুষ্কৃতং কর্ম গর্হতে।
তথাতথা শরীরং তু তেনাধর্মেণ মুচ্যতে॥ 13-174-5 (88412)
যদি ব্যাহরতে রাজন্বিপ্রাণাং ধর্মবাদিনাম্।
ততোঽধর্মকৃতাৎক্ষিপ্রমপবাদাৎপ্রমুচ্যতে॥] 13-174-6 (88413)
যথায়থা নরঃ সম্যগধ্রমমনুভাষতে।
সমাহিতেন মনসা বিমুচ্যেত তথাতথা।
ভুজঙ্গ ইব নির্মোকাৎপূর্বভুক্তাজ্জরান্বিতাৎ॥ 13-174-7 (88414)
দত্ৎবা বিপ্রস্য দানানি বিবিধানি সমাহিতঃ।
মনঃসমাধিসংয়ুক্তঃ সুগতিং প্রতিপদ্যতে॥ 13-174-8 (88415)
প্রদানানি তু বক্ষ্যামি যানি দত্ৎবা যুধিষ্ঠির।
নরঃ কৃৎবাঽপ্যকার্যাণি ততো ধর্মেণ যুজ্যতে॥ 13-174-9 (88416)
সর্বেষামেব দানানামন্নং শ্রেষ্ঠমুদাহৃতম্।
পূর্বমন্নং প্রদাতব্যমৃজুনা ধর্মমিচ্ছতা॥ 13-174-10 (88417)
প্রাণা হ্যন্নং মনুষ্যাণাং তস্মাজ্জন্তুশ্চ জায়তে।
অন্নে প্রতিষ্ঠিতো লোকস্তস্মাদন্নং প্রশস্যতে॥ 13-174-11 (88418)
অন্নমেব প্রশংসন্তি দেবর্ষিপিতৃমানবাঃ।
অন্নস্য হি প্রদানেন স্বর্গমাপ্নোতি মানবঃ॥ 13-174-12 (88419)
ন্যায়লব্ধং প্রদাতব্যং দ্বিজাতিভ্যোঽন্নমুত্তমম্।
স্বাধ্যায়সমুপেতেভ্যঃ প্রহৃষ্টেনান্তরাত্মনা॥ 13-174-13 (88420)
যস্য হ্যন্নমুপাশ্নন্তি ব্রাহ্মণানাং শতং দশ।
হৃষ্টেন মনসা দত্তং ন স তির্যগ্গতির্ভবেৎ॥ 13-174-14 (88421)
ব্রাহ্মণানাং সহস্রাণি দশ ভোজ্য নরর্ষভ।
নরোঽধর্মাৎপ্রমুচ্যেত যোগেষ্বভিরতঃ সদা॥ 13-174-15 (88422)
ভৈক্ষ্যেণান্নং সমাহৃত্য দদ্যাদন্নং দ্বিজেষু বৈ।
সুবর্ণদানাৎপাপানি নশ্যন্তি সুবহূন্যপি॥ 13-174-16 (88423)
দত্ৎবা বৃত্তিকরীং ভূমিং পাতকেনাপি মুচ্যতে।
পারায়ণৈশ্চ বেদানাং মুচ্যতে পাতকৈর্দ্বিজঃ॥ 13-174-17 (88424)
গায়ত্র্যাশ্চৈব লক্ষেণ গোসহস্রস্য তর্পণাৎ।
বেদার্থং জ্ঞাপয়িৎবা তু শুদ্ধান্বিপ্রান্যথার্থতঃ॥ 13-174-18 (88425)
সর্বত্যাগাদিভিশ্চৈব মুচ্যতে পাতকৈর্দ্বিজঃ।
সর্বাতিথ্যং পরং হ্যেষাং তস্মাদ্দানং পরং স্মৃতম্॥ 13-174-19 (88426)
অহিংসন্ব্রাহ্মণস্বানি ন্যায়েন পরিপাল্য চ।
ক্ষত্রিয়স্তরসা প্রাপ্তমন্নং যো বৈ প্রয়চ্ছতি॥ 13-174-20 (88427)
দ্বিজেভ্যো বেদবৃদ্ধেভ্যঃ প্রয়তঃ সুসমাহিতঃ।
তেনাপোহতি ধর্মাত্মন্দুষ্কৃতং কর্ম পাণ্ডব॥ 13-174-21 (88428)
ষড্ভাগপরিশুদ্ধং চ কৃষের্ভাগমুপার্জিতম্।
বৈশ্যোঽদদদ্দ্বিজাতিভ্যঃ পাপেভ্যঃ পরিমুচ্যতে॥ 13-174-22 (88429)
অবাপ্য প্রাণসংদেহং কার্কশ্যেন সমার্জিতম্।
অন্নং দত্ৎবা দ্বিজাতিভ্যঃ শূদ্রঃ পাপাৎপ্রমুচ্যতে॥ 13-174-23 (88430)
ঔরসেন বলেনান্নমর্জয়িৎবাঽবিহিংসকঃ।
যঃ প্রয়চ্ছতি বিপ্রেভ্যো ন স দুর্গাণি পশ্যতি॥ 13-174-24 (88431)
ন্যায়েনৈবাপ্তমন্নং তু নরো হর্ষসমন্বিতঃ।
দ্বিজেভ্যো বেদবৃদ্ধেভ্যো দত্ৎবা পাপাৎপ্রমুচ্যতে॥ 13-174-25 (88432)
অন্নমূর্জস্করং লোকে দত্ৎবোর্জস্বী ভবেন্নরঃ।
সতাং পন্থানমাবৃত্য সর্বপাপৈঃ প্রমুচ্যতে॥ 13-174-26 (88433)
`শূদ্রান্নং নৈব ভোক্তব্যং বিপ্রৈর্ধর্মপরায়ণৈঃ।
আপদ্যেব স্বদাসানাং ভোক্তব্যং স্বয়মুদ্যতৈঃ॥ 13-174-27 (88434)
দানবদ্ভিঃ কৃতঃ পন্থা যেন যান্তি মনীষিণঃ।
তে হি প্রাণস্য দাতারস্তেভ্যো ধর্মঃ সনাতনঃ॥ 13-174-28 (88435)
সর্বাবস্থং মনুষ্যেণ ন্যায়েনান্নমুপার্জিতম্।
কার্যং পাত্রাগতং নিত্যমন্নং হি পরমা গতিঃ॥ 13-174-29 (88436)
অন্নস্য হি প্রদানেন নরো রৌদ্রং ন সেবতে।
তস্মাদন্নং প্রদাতব্যমন্যায়পরিবর্জিতম্॥ 13-174-30 (88437)
যতেদ্ব্রাহ্মণপূর্বং হি ভোক্তুমন্নং গৃহী সদা।
অবন্ধ্যং দিবসং কুর্যাদন্নপানীয়দানতঃ॥ 13-174-31 (88438)
ভোজয়িৎবা দশশতং নরো বেদবিদাং নৃপ।
ন্যায়বিদ্ধর্মবিদুষামিতিহাসবিদাং তথা॥ 13-174-32 (88439)
ন যাতি নরকং ঘোরং সংসারাংশ্চ ন সেবতে।
সর্বকামসমায়ুক্তঃ প্রেত্য চাপ্যশ্নুতে সুখম্॥ 13-174-33 (88440)
এবং সুখসমায়ুক্তো রমতে বিগতজ্বরঃ।
রূপবান্কীর্তিমাংশ্চৈব ধনবাংশ্চোপপদ্যতে॥ 13-174-34 (88441)
এতত্তে সর্বমাখ্যাতমন্নদানফলং মহূৎ।
মূলমেতত্তু ধর্মাণাং প্রদানানাং চ ভারত॥ ॥ 13-174-35 (88442)
ইতি শ্রীমন্মহাভারতে অনুশাসনপর্বণি দানধর্মপর্বণি চতুঃসপ্তত্যধিকশততমোঽধ্যায়ঃ॥ 117 ॥
Mahabharata - Anushaasana Parva - Chapter Footnotes
7-174-12 প্রদানেন রন্তিদেবো দিবং গতঃ ইতি ঝ.পাঠঃ॥অনুশাসনপর্ব - অধ্যায় 175
॥ শ্রীঃ ॥
13.175. অধ্যায়ঃ 175
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বৃহস্পতীনা যুধিষ্ঠিরংপ্রত্যহিংসাপ্রশংসনম্। 1 ॥Mahabharata - Anushaasana Parva - Chapter Text
যুধিষ্ঠির উবাচ।
অহিংসা বৈদিকং কর্ম ধ্যানমিন্দ্রিয়সংয়মঃ।
তপোঽথ গুরুশুশ্রূষা কিং শ্রেয়ঃ পুরুষং প্রতি॥ 13-175-1 (88443)
বৃহস্পতিরুবাচ। 13-175-2x (7377)
সর্বাণ্যেতানি ধর্মস্য পৃথগ্দ্বারাণি নিত্যশঃ।
শৃণু সংকীর্ত্যমানানি ষডেব ভরতর্ষভ॥ 13-175-2 (88444)
হন্ত নিঃশ্রেয়সং জন্তোরহং বক্ষ্যাম্যনুত্তমম্।
অহিংসাপাশ্রয়ং ধর্মং দান্তো বিদ্বান্সমাচরেৎ॥ 13-175-3 (88445)
ত্রিদণ্ডং সর্বভূতেষু নিধায় পুরুষঃ শুচিঃ।
কামক্রোধৌ চ সংয়ম্য ততঃ সিদ্ধিমবাপ্নুতে॥ 13-175-4 (88446)
অহিংসকানি ভূতানি দণ্ডেন বিনিহন্তি যঃ।
আত্মনঃ সুখমন্বিচ্ছন্স প্রেত্য ন সুখী ভবেৎ॥ 13-175-5 (88447)
আত্মোপমস্তু ভূতেষু যো বৈ ভবতি পূরুষঃ।
ত্যক্তদণ্ডো জিতক্রোধঃ স প্রেত্য সুখমেধতে॥ 13-175-6 (88448)
সর্বভূতাত্মভূতস্য সর্বভূতানি পশ্যতঃ।
দেবাঽপি মার্গে মুহ্যন্তি হ্যপদস্য পদেষিণঃ॥ 13-175-7 (88449)
ন তৎপরস্য সংদধ্যাৎপ্রতিকূলং যদাত্মনঃ।
এষ সাঙ্গ্রাহিকো ধর্মঃ কামাদন্যঃ প্রবর্ততে॥ 13-175-8 (88450)
প্রখ্যাপনে চ দানে চ সুখদুঃখে প্রিয়াপ্রিয়ে।
আত্মৌপম্যেন পুরুষঃ প্রমাণমধিগচ্ছতি॥ 13-175-9 (88451)
যথা পরঃ প্রক্রমতে পরেষু
তথা পরে প্রক্রমন্তে পরস্মিন্।
নিষেবতে স্বসমাং জীবলোকে
যথা ধর্মো নৈপুণেনোপদিষ্টঃ। 13-175-10 (88452)
বৈশম্পায়ন উবাচ। 13-175-11x (7378)
ইত্যুক্ৎবা তং সুরগুরুধর্মরাজং যুধিষ্ঠিরম্।
দিবামচক্রমে ধীমান্পশ্যতামেব নস্তদা॥ ॥ 13-175-11 (88453)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চসপ্তত্যধিকশততমোঽধ্যায়ঃ॥ 175 ॥
Mahabharata - Anushaasana Parva - Chapter Footnotes
7-175-7 সর্বেষাং ভূতানামাত্মভূতস্যাঽঽদুঃখেনেব পরদুঃখেনাপ্যুদ্বিজতঃ॥ 7-175-10 হিংসিতো হিনস্তি পালিতঃ পালয়তি তস্মঃৎপালয়েদেব নো হিংসয়েদিত্যর্থঃ॥অনুশাসনপর্ব - অধ্যায় 176
॥ শ্রীঃ ॥
13.176. অধ্যায়ঃ 176
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুদিষ্ঠিরংপ্রতি হিংসায়া মাংসভক্ষণস্য চ গর্হণম্॥ 1 ॥Mahabharata - Anushaasana Parva - Chapter Text
বৈশম্পায়ন উবাচ।
ততো যুধিষ্ঠিরো রাজা শরতল্পে পিতামহম্।
পুনরেব মহারাজ পপ্রচ্ছ বদতাংবরঃ॥ 13-176-1 (88454)
যুধিষ্ঠির উবাচ। 13-176-2x (7379)
ঋষয়ো ব্রাহ্মণা দেবাঃ প্রশংসন্তি মহামতে।
অহিংসালক্ষণং ধর্মং বেদপ্রামাণ্যদর্শনাৎ॥ 13-176-2 (88455)
কর্মণা ন নরঃ কুর্বন্হিংসাং পার্থিবসত্তম।
বাচা চ মনসা চৈবং ততো দুঃখাৎপ্রমুচ্যতে॥ 13-176-3 (88456)
ভীষ্ম উবাচ। 13-176-4x (7380)
চতুর্বিধেয়ং নির্দিষ্টা হ্যহিংসা ব্রহ্মবাদিভিঃ।
একৈকতোঽপি বিভ্রষ্টা ন ভবত্যরিসূদন॥ 13-176-4 (88457)
যথা সর্বশ্চতুষ্পাদ্বৈ ত্রিভিঃ পাদৈর্ন তিষ্ঠতি।
তথৈবেয়ং মহীপাল কারণৈঃ প্রোচ্যতে ত্রিভিঃ॥ 13-176-5 (88458)
যথা নাগপদেঽন্যানি পদানি পদগামিনাম্।
সর্বাণ্যেবাপিধীয়ন্তে পদজাতানি কৌঞ্জরে॥ 13-176-6 (88459)
এবং লোকেষ্বহিংসা তু নির্দিষ্টা ধর্মতঃ পুরা।
কর্ম্ণা লিপ্যতে জন্তুর্বাচা চ মনসাঽপি চ॥ 13-176-7 (88460)
পূর্বং তু মনসা ত্যক্ৎবা ত্যজেদ্বাচাঽথ কর্মণা।
`হিংসাং তু নোপয়ুঞ্জীত তথা হিংসা চতুর্বিধা॥ 13-176-8 (88461)
কায়ে মনসি বাক্যেঽপি দোষা হ্যেতে প্রকীর্তিতাঃ'।
[ন ভক্ষয়তি যো মাংসং ত্রিবিধং স বিমুচ্যতে॥ 13-176-9 (88462)
ত্রিকারণং তু নির্দিষ্টং শ্রূয়তে ব্রহ্মবাদিভিঃ।
মনো বাচি তথাঽঽস্বাদে দোষা হ্যেষু প্রতিষ্ঠিতাঃ॥] 13-176-10 (88463)
ন ভক্ষয়ন্ত্যতো মাংসং তপোয়ুক্তা মনীষিণঃ।
দোষাংস্তু ভক্ষণে রাজন্মাংসস্যেহ নিবোধ মে॥ 13-176-11 (88464)
পুত্র মাংসোপমং জানন্খাদতে যো বিচেতনঃ।
মাংসং মোহসমায়ুক্তঃ পুরুষঃ সোঽধমঃ স্মৃতঃ॥ 13-176-12 (88465)
পিতৃমাতৃসমায়োগে পুত্রৎবং জায়তে যথা।
হিংসাং কৃৎবাঽবশঃ পাপো ভূয়িষ্ঠং জায়তে তথা॥ 13-176-13 (88466)
রসশ্চ হৃদি জিহ্বায়া জ্ঞানং প্রজ্ঞায়তে যথা।
তথা শাস্ত্রেষু নিয়তং রাগো হ্যাস্বাদিতাদ্ভবেৎ॥ 13-176-14 (88467)
সংস্কৃতাসংস্কৃতাঃ পক্বা লবণালবণাস্তথা।
প্রজায়ন্তে যথা ভাবাস্তথা চিত্তং নিরুধ্যতে॥ 13-176-15 (88468)
ভেরীমৃদঙ্গশব্দাংশ্চ তন্ত্রীশব্দাংশ্চ পুষ্কলান্।
নিষেবিষ্যন্তি বৈ মন্দা মাংসভক্ষাঃ কথং নরাঃ॥ 13-176-16 (88469)
`পরেষাং ধনধান্যানাং হিসকাঃ স্তাবকাস্তথা।
প্রশংসকাশ্চ মাংসস্য নিত্যং স্বর্গে বহিষ্কৃতাঃ॥' 13-176-17 (88470)
অচিন্তিতমনির্দিষ্টমসঙ্কল্পিতমেব চ।
রসগৃদ্ধ্যাঽভিভূতা যে প্রশংসন্তি ফলার্থিনঃ॥ 13-176-18 (88471)
প্রশংসা হ্যেব মাংসস্য দোষকল্পফলান্বিতা॥ 13-176-19 (88472)
`ভস্ম বিষ্ঠা কৃমির্বাঽপি নিষ্ঠা যস্যেদৃশী ধ্রুবা।
স কায়ঃ পরপীডাভিঃ কথং ধার্যোবিপশ্চিতা॥' 13-176-20 (88473)
জীবিতং হি পরিত্যজ্য বহবঃ সাধবো জনাঃ।
স্বমাংসৈঃ পরমাংসানি পরিপাল্য দিবং গতাঃ॥ 13-176-21 (88474)
এবমেষা মহারাজ চতুর্ভিঃ কারণৈঃ স্মৃতা।
অহিংসা তব নির্দিষ্টা সর্বধর্মানুসংহিতা॥ ॥ 13-176-22 (88475)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্সপ্তত্যধিকশততমোঽধ্যায়ঃ॥ 176 ॥
Mahabharata - Anushaasana Parva - Chapter Footnotes
7-176-4 মনসা বচসা কর্মণা ভক্ষণেনেতি চতুর্বিধা হিংসা। তত্র একেন ত্যক্তা সর্বাত্মনা ত্যক্তা ন ভবতি॥ 7-176-6 নাগপদে গজপদে ক্ষুদ্রপদানামিব সর্বেষাং ধর্মাণাং সমাবেশো ভবতি অহিংসায়াম্। কৌঞ্জরে পদে দত্তে সতি সর্বাণি পদানি যথা পিধীয়ন্তে এবং হিংসায়াং সর্বে ধর্মাঃ পিধীয়ন্তে॥ 7-176-13 যথা ত্রীপুংয়োগে নান্তরীয়কং পুত্রজন্ম এবং হিংসকস্য ভূয়িষ্ঠং পাপয়োনৌ জন্মেত্যর্থঃ॥অনুশাসনপর্ব - অধ্যায় 177
॥ শ্রীঃ ॥
13.177. অধ্যায়ঃ 177
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি মাংসভক্ষণাভক্ষণয়োঃ ক্রমেণ নিন্দাপ্রশংসনে॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
অহিংসা পরমো ধর্ম ইত্যুক্তং বহুশস্ৎবয়া।
শ্রাদ্ধেষু চ ভবানাহ পিতৄণাং মাংসমীপ্সিতম্॥ 13-177-1 (88476)
মাংসৈর্বহুবিধৈঃ প্রোক্তস্ৎবয়া শ্রাদ্ধবিধিঃ পুরা।
অহৎবা চ কুতো মাংসমেবমেতদ্বিরুধ্যতে॥ 13-177-2 (88477)
জাতো নঃ সংশয়ো ধর্মে মাংসস্য পরিবর্জনে।
দোষো ভক্ষয়ত কঃ স্যাৎকশ্চাভক্ষয়তো গুণঃ॥ 13-177-3 (88478)
হৎবা ভক্ষয়তো বাঽপি পরেণোপহৃতস্য বা।
হন্যাদ্বা যঃ পরস্যার্থে ক্রীৎবা বা ভক্ষয়েন্নরঃ॥ 13-177-4 (88479)
এতদিচ্ছামি তত্ৎবেন কথ্যমানং ৎবয়াঽনঘ।
নিশ্চয়েন চিকীর্ষামি ধর্মমেতং সনাতনম্॥ 13-177-5 (88480)
কথমায়ুরবাপ্নোতি কথং ভবতি সৎববান্।
কথমব্যঙ্গতামেতি লক্ষণ্যো জায়তে কথম্॥ 13-177-6 (88481)
ভীষ্ম উবাচ। 13-177-7x (7381)
মাংসস্যাভক্ষণাদ্রাজন্যো ধর্মঃ কুরুনন্দন।
তং মে শৃণু যথাতত্ৎবং যশ্চাস্য বিধিরুত্তমঃ॥ 13-177-7 (88482)
রূপমব্যঙ্গতামায়ুর্বুদ্ধিং সৎবং বলং স্মৃতিম্।
প্রাপ্তুকামৈর্নরৈর্হিংসা বর্জনীয়া কৃতাত্মভিঃ॥ 13-177-8 (88483)
ঋষীণামত্র সংবাদো বহুশঃ কুরুনন্দন।
বভূব তেষাং তু মতং যত্তচ্ছৃণু যুধিষ্ঠির॥ 13-177-9 (88484)
যো যজেতাশ্বমেধেন মাসিমাসি যতব্রতঃ।
বর্জয়েন্মধু মাংসং চ সমমেতদ্যুধিষ্ঠির॥ 13-177-10 (88485)
সপ্তর্ষয়ো বালখিল্যাস্তথৈব চ মরীচিপাঃ।
মাংসস্যাভক্ষণং রাজন্প্রশংসন্তি মনীষিণঃ॥ 13-177-11 (88486)
ন ভক্ষয়তি যো মাংসং ন চ হন্যান্ন ঘাতয়েৎ।
তন্মিত্রং সর্বভূতানাং মনুঃ স্বায়ংভুবোঽব্রবীৎ॥ 13-177-12 (88487)
অধৃষ্যঃ সর্বভূতানাং বিশ্বাস্যঃ সর্বজন্তুষু।
সাধূনাং সম্মতো নিত্যং ভবেন্মাংসং বিবর্জয়ন্॥ 13-177-13 (88488)
স্বমাংসং পরমাংসেন যো বর্ধয়িতুমিচ্ছতি।
অবিশ্বাস্যোঽবসীদেৎস ইতি হোবাচ নারদঃ॥ 13-177-14 (88489)
দদাতি যজতে চাপি তপস্বী চ ভবত্যপি।
মধুমাংসনিবৃত্ত্যেতি প্রাহ চৈবং বৃহস্পতিঃ॥ 13-177-15 (88490)
মাসিমাস্যশ্বমেধেন যো যজেত শতং সমাঃ।
ন খাদতি চ যো মাংসং সমমেতন্মতং মম॥ 13-177-16 (88491)
সদা যজতি সত্রেণ সদা দানং প্রয়চ্ছতি।
সদা তপস্বী ভবতি মদ্যমাংসবিবর্জনাৎ॥ 13-177-17 (88492)
সর্বে বেদা ন তৎকুর্যুঃ সর্বে যজ্ঞাশ্চ ভারত।
যো ভক্ষয়িৎবা মাংসানি পশ্চাদপি নিবর্ততে॥ 13-177-18 (88493)
`ভক্ষয়িৎবা নিমিত্তেঽপি দুষ্করং কুরুতে তপঃ।'
দুষ্করং চ রসজ্ঞেন মাংসস্য পরিবর্জনম্।
চর্তুং ব্রতমিদং শ্রেষ্ঠং সর্বপ্রাণ্যভয়প্রদম্॥ 13-177-19 (88494)
সর্বভূতেষু যো বিদ্বান্দদাত্যভয়দক্ষিণাম্।
দাতা ভবতি লোকে স প্রাণানাং নাত্র সংশয়ঃ।
এবং বৈ পরমং ধর্মং প্রশংসন্তি মনীষিণঃ॥ 13-177-20 (88495)
প্রাণা যথাঽঽত্মনোঽভীষ্টা ভূতানামপি বৈ তথা।
আত্মৌপম্যেন গন্তব্যং বুদ্ধিমদ্ভিঃ কৃতাত্মভিঃ॥ 13-177-21 (88496)
বিকীর্ণকর্ণকেনাপি তৃণমস্পন্দনে ভয়ম্।
কিং পুনর্হন্যমানানাং তরসা জীবিতার্থিনাম্।
অরোগাণামপাপানাং পাপৈর্মাংসোপজীবিভিঃ॥ 13-177-22 (88497)
মৃত্যুতো ভয়মস্তীতি শঙ্কায়াং দুঃখমুত্তরম্।
ধর্মস্যায়তনং তস্মান্মাংসস্য পরিবর্জনম্॥ 13-177-23 (88498)
অহিংসা পরমো ধর্মস্তথাঽহিংসা পরং তপঃ।
অহিংসা পরমং সত্যং ততো ধর্মঃ প্রবর্ততে॥ 13-177-24 (88499)
ন হি মাংসং তৃণাৎকাষ্ঠাদুপলাদ্বাঽপি জায়তে।
হৎবা জন্তুং ততো মাংসং তস্মাদ্দোষস্তু ভক্ষণে॥ 13-177-25 (88500)
স্বাহাস্বাধামৃতভুজো দেবাঃ সত্যার্জবপ্রিয়াঃ।
রাক্ষসেন্দ্রভয়ান্মুক্তাঃ সর্বভূতপরায়ণাঃ॥ 13-177-26 (88501)
কান্তারেষ্বথ ঘোরেষু দুর্গেষু গহনেষু চ।
রাত্রাবহনি সন্ধ্যাসু চৎবরেষু সভাসু চ॥ 13-177-27 (88502)
উদ্যতেষু চ শস্ত্রেষু মৃগব্যালহতেষু চ।
অমাংসভক্ষণাদ্রাজন্ন ভয়ং তেষু বিদ্যতে॥ 13-177-28 (88503)
শরণ্যঃ সর্বভূতানাং বিশ্বাস্যঃ সর্বজন্তুষু।
অনুদ্বেগকরো লোকে ন চাপ্যুদ্বিজতে সদা॥ 13-177-29 (88504)
যদি চেৎস্বাদকো ন স্যান্ন তদা ঘাতকো ভবেৎ।
ঘাতকঃ খাদকার্থায় তদ্ধাতয়তি বৈ নরঃ॥ 13-177-30 (88505)
অভক্ষ্যমেতদিতি বৈ ইতি হিংসা নিবর্ততে।
খাদকক্রমতো হিংসা মৃগাদীনাং প্রবর্ততে॥ 13-177-31 (88506)
যস্মাদ্গ্রসতি চৈবায়ুর্হিংসকানাং মহাদ্যুতে।
তস্মাদ্বিবর্জয়েন্মাংসং য ইচ্ছেদ্ভূতিমাত্মনঃ॥ 13-177-32 (88507)
ত্রাতারং নাধিগচ্ছন্তি রৌদ্রাঃ প্রাণিবিহিংসকাঃ।
উদ্বেজকাস্তু ভূতানাং যথা ব্যালমৃগাস্তথা॥ 13-177-33 (88508)
লোভাদ্বা বুদ্ধিমোহাদ্বা বলবীর্যার্থমেব চ।
সংসর্গাদথ পাপানামধর্মো রুচিতো নৃণাম্॥ 13-177-34 (88509)
স্বমাংসং পরমাংসেন যো বর্ধয়িতুমিচ্ছতি।
উদ্বিগ্নরাষ্ট্রে বসতি যত্র যত্রাভিজায়তে॥ 13-177-35 (88510)
ধন্যং যশস্যামায়ুষ্যং স্বর্গ্যং স্বস্ত্যযনং মহৎ।
মাংসস্যাভক্ষণং প্রাহুর্নিয়তাঃ পরমর্ষয়ঃ॥ 13-177-36 (88511)
ইদং তু খলু কৌন্তেয় শ্রুতমাসীৎপুরা ময়া।
মার্কণ্ডেয়স্য বদতো যে দোষা মাংসভক্ষণে॥ 13-177-37 (88512)
যো হি খাদতি সাংসানি প্রাণিনাং জীবিতৈষিণাম্।
সদা ভবতি বৈ পাপঃ প্রাণিহন্তা তথৈব সঃ॥ 13-177-38 (88513)
ধনেন ক্রয়িকো হন্তি খাদকশ্চোপভোগতঃ।
ঘাতকো বধবন্ধাভ্যামিত্যেষ ত্রিবিধো বধঃ॥ 13-177-39 (88514)
অখাদন্ননুমোদংশ্চ ভাবদোষেণ মানবঃ।
যোঽনুমোদতি হন্যন্তং সোঽপি দোষেণ লিপ্যতে॥ 13-177-40 (88515)
অধৃষ্যঃ সর্বভূতানামায়ুষ্মান্নিরুজঃ সদা।
ভবত্যভক্ষয়ন্মাসং দয়াবান্প্রাণিনামিহ॥ 13-177-41 (88516)
হিরণ্যদানৈর্গোদানৈর্ভূমিদানৈশ্চ সর্বশঃ।
মাংসস্যাভক্ষণে ধর্মো বিশিষ্ট ইতি নঃ শ্রুতিঃ॥ 13-177-42 (88517)
অপ্রোক্ষিতং বৃথামাসং বিধিহীনং ন ভক্ষয়েৎ।
ভক্ষয়ন্নিরয়ং যাতি নরো নাস্ত্যত্র সংশয়ঃ॥ 13-177-43 (88518)
প্রোক্ষিতাভ্যুক্ষিতং মাংসং তথা ব্রাহ্ম্ণকাম্যযা।
অল্পদোষমিতি জ্ঞেয়ং বিপরিতে তু লিপ্যতে॥ 13-177-44 (88519)
খাদকস্য কৃতে জন্তূন্যো হন্যাৎপুরুষাধমঃ।
মহাদোষকরস্তত্র ঘাতকো ন তু খাদকঃ॥ 13-177-45 (88520)
ইজ্যায়জ্ঞশ্রুতিকৃতৈর্যা মার্গৈরবুধোঽধমঃ।
হন্যাজ্জন্তূন্মাংসগৃধ্নুঃ স বৈ নরকভাঙ্নরঃ॥ 13-177-46 (88521)
ভক্ষয়িৎবাঽপি যো মাংসং পশ্চাদপি নিবর্ততে।
তস্যাপি সুমহান্ধর্মো যঃ পাপাদ্বিনিবর্ততে॥ 13-177-47 (88522)
আহর্তা চানুমন্তা চ বিশস্তা ক্রয়বিক্রয়ী।
সংস্কর্তা চোপভোক্তা চ ঘাতকাঃ সর্ব এব তে॥ 13-177-48 (88523)
ইদমন্যত্তু বক্ষ্যামি প্রমাণং বিধিনির্মিতম্।
পুরাণমুষিভির্জুষ্টং বেদেষু পরিনিশ্চিতম্॥ 13-177-49 (88524)
প্রবৃত্তিলক্ষণে ধর্মে ফলার্থিভিরভিদ্রুতে।
যথোক্তং রাজশার্দূল ন তু তন্মোক্ষকারণম্॥ 13-177-50 (88525)
হবির্যৎসংস্কৃতং মন্ত্রৈঃ প্রোক্ষিতাভ্যুক্ষিতং শুচি।
বেদোক্তেন প্রমাণেন পিতৄণাং প্রক্রিয়াসু চ।
প্রবৃত্তিধর্মিণা ভক্ষ্যং নান্যথা মনুরব্রবীৎ॥ 13-177-51 (88526)
অস্বর্গ্যময়শস্যং চ রক্ষোবদ্ভরতর্ষভ।
বিধিহীনং নরঃ পূর্বং মাংসং রাজন্ন ভক্ষয়েৎ॥ 13-177-52 (88527)
য ইচ্ছেৎপুরুষোঽত্যন্তমাত্মানং নিরুপদ্রবম্।
স বর্জয়েত মাংসানি প্রাণিনামিহ সর্বশঃ॥ 13-177-53 (88528)
শ্রূয়তে হি পুরাকল্পে নৃণাং ব্রীহিময়ঃ পশুঃ।
যেনায়জন্ত বিদ্বাংসঃ পুণ্যলোকপরায়ণাঃ॥ 13-177-54 (88529)
ঋষিভিঃ সংশয়ং পৃষ্টো বসুশ্চেদিপতিঃ পুরা।
অভক্ষ্যমপি মাংসং যঃ প্রাহ ভক্ষ্যমিতি প্রভো॥ 13-177-55 (88530)
আকাশাদবনিং প্রাপ্তস্ততঃ স পৃথিবীপতিঃ।
যস্তদেব পুনশ্চোক্ৎবা বিবেশ ধরণীতলম্॥ 13-177-56 (88531)
প্রজানাং হিতকামেন ৎবগস্ত্যেন মহাত্মনা।
আরণ্যাঃ সর্বদৈবত্যাঃ প্রোক্ষিতাস্তাপসৈর্মৃগাঃ॥ 13-177-57 (88532)
ক্রিয়া হ্যেবং ন হীয়ন্তে পিতৃদৈবতসংশ্রিতাঃ।
প্রীয়ন্তে পিতরশ্চৈব ন্যায়তো মাংসতর্পিতাঃ॥ 13-177-58 (88533)
ইদং তু শৃণু রাজেন্দ্র মাংসস্যাভক্ষণে গুণাঃ।
[অভক্ষণে সর্বসুখং মাংসস্য মনুজাধিপ॥] 13-177-59 (88534)
যস্তু বর্ষশতং পূর্ণং তপস্তপ্যেৎসুদারুণম্।
যশ্চৈব বর্জয়েন্মাংসং সমমেতন্মতং মম॥ 13-177-60 (88535)
কৌমুদ্যাস্তু বিশেষেণ শুক্লপক্ষে নরাধিপ।
বর্জয়েৎসর্বমাংসানি ধর্মো হ্যত্র বিধীয়তে॥ 13-177-61 (88536)
[চতুরো বার্ষিকান্মাসান্যো মাংসং পরিবর্জয়েৎ।
চৎবারি ভদ্রাণ্যাপ্নোতি কীর্তিমায়ুর্যশো বলম্॥ 13-177-62 (88537)
অথবা মাসমেকং বৈ সর্বমাংসান্যভক্ষয়ন্।
অতীত্য সর্বদুঃখানি সুখং জীবেন্নিরাময়ঃ॥ 13-177-63 (88538)
বর্জয়ন্তি হি মাংসানি মাসশঃ পক্ষশোপি বা।
তেষাং হিংসানিবৃত্তানাং ব্রহ্মলোকো বিধীয়তে॥] 13-177-64 (88539)
মাংসং তু কৌমুদং পক্ষং বর্জিতং পার্থ রাজভিঃ।
সর্বভূতাত্মভূতস্থৈর্বিদিতার্থপরাবরৈঃ॥ 13-177-65 (88540)
নাভাগেনাম্বরীষেণ গয়েন চ মহাত্মনা।
আয়ুষাঽথানরণ্যেন দিলীপরঘুসূনুভিঃ॥ 13-177-66 (88541)
কার্তবীর্যানিরুদ্ধাভ্যাং নহুষেণ যয়াতিনা।
নৃগেণ বিষ্বগশ্বেন তথৈব শশবিন্দুনা॥ 13-177-67 (88542)
যুবনাশ্বেন চ তথা শিবিনৌশীনরেণ চ।
মুচুকুন্দেন মান্ধাত্রা হরিশ্চন্দ্রেণ বা বিভো॥ 13-177-68 (88543)
সত্যং বদত মাঽসত্যং সত্যং ধর্মঃ সনাতনঃ।
হরিশ্চন্দ্রশ্চরতি বৈ দিবি সত্যেন চন্দ্রবৎ॥ 13-177-69 (88544)
শ্যেনচিত্রেণ রাজেন্দ্র সোমকেন বৃকেণ চ।
রৈবতে রন্তিদেবেন বসুনা সৃঞ্জয়েন চ॥ 13-177-70 (88545)
এতৈশ্চান্যৈশ্চ রাজেন্দ্র কৃপেণ ভরতেন চ।
দুষ্যন্তেন করূশেন রামালর্কনলৈস্তথা।
বিচকাশ্বেন নিমিনা জনকেন চ ধীমতা॥ 13-177-71 (88546)
ঐলেন পৃথুনা চৈংব বীরসেনেন চৈব হ।
ইক্ষ্বাকুণা শম্ভুনা চ শ্বেতেন সগরেণ চ॥ 13-177-72 (88547)
অজেন ধুন্ধুনা চৈব তথৈব চ সুবাহুনা।
হর্যশ্বেন চ রাজেন্দ্র ক্ষুপেণ ভরতেন চ॥ 13-177-73 (88548)
এতৈশ্চান্যৈশ্চ রাজেন্দ্রি পুরা মাংসং ন ভক্ষিতম্।
শারদং কৌমুদং মাসং ততস্তে স্বর্গমাপ্নুবন্॥ 13-177-74 (88549)
ব্রহ্মলোকে চ তিষ্ঠন্তি জ্বলমানাঃ শ্রিয়াঽন্বিতাঃ।
উপাস্যমানা গন্ধর্বৈঃ স্ত্রীসহস্রসমন্বিতাঃ॥ 13-177-75 (88550)
তদেতদুত্তমং ধর্মমহিংসাধর্মলক্ষণম্।
যে চরন্তি মহাত্মানো নাকপৃষ্ঠে বসন্তি তে॥ 13-177-76 (88551)
মধু মাংসং চ যে নিত্যং বর্জয়ন্তীহ ধার্মিকাঃ।
জন্মপ্রভৃতি মদ্যং চ সর্ব তে মুনয়ঃ স্মৃতাঃ॥ 13-177-77 (88552)
ইমং ধর্মমমাংসাদং যশ্চরেনচ্ছ্রাবয়ীত বা।
অপি চেৎসুদুরাচারো ন জাতু নিরয়ং ব্রজেৎ॥ 13-177-78 (88553)
পঠেদ্বা চ ইদং রাজঞ্শৃণুয়াদ্বাঽপ্যভীক্ষ্ণশঃ।
অমাংসভক্ষণবিধিং পবিত্রমৃষিপূজিতম্॥ 13-177-79 (88554)
বিমুক্তঃ সর্বপাপেভ্যঃ সর্বকামৈর্মহীয়তে।
বিশিষ্টতাং জ্ঞাতিষু চ লভতে নাত্র সংশয়ঃ।
`অহিংস্রো দানশীলশ্চ মধুমাংসবিবর্জিতঃ॥' 13-177-80 (88555)
আপন্নশ্চাপদো মুচ্যেদ্বদ্ধো মুচ্যেত বন্ধনাৎ।
মুচ্যেত্তথাঽঽতুরো রোগাদ্দুঃখান্মুচ্যেত দুঃখিতঃ॥ 13-177-81 (88556)
তির্যগ্যোনিং ন গচ্ছেত রূপবাংশ্চ ভবেন্নরঃ।
ঋদ্ধিমান্বৈ কুরুশ্রেষ্ঠ প্রাপ্নুয়াচ্চ মহদ্যশঃ॥ 13-177-82 (88557)
এতত্তে কথিতং রাজন্মাংসস্য পরিবর্জনে।
প্রবৃত্তৌ চ নিবৃত্তৌ চ বিধানমৃষিনির্মিতম্॥ ॥ 13-177-83 (88558)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তসপ্তত্যধিকশততমোঽধ্যায়ঃ॥ 177 ॥
Mahabharata - Anushaasana Parva - Chapter Footnotes
7-177-18 নহি কৃৎস্নো বেদস্তথা তদ্বোধিতা যজ্ঞাশ্চ পুরুষং হিংসায়াং পবর্তয়ন্তি। কিন্তু পরিসংখ্যাবিধয়া নিবৃত্তিমেব বোধয়ন্তীত্যর্থঃ॥ 7-177-33 ব্যালমৃগাঃ মাংসাদপশবঃ॥ 7-177-40 হন্যন্তং হন্যমানম্॥ 7-177-46 ইজ্যা দেবপূজা যজ্ঞোঽশ্বমেধাদিস্তদর্থং শ্রুতিকৃতৈর্মার্গৈরুপায়ৈরবুধো যজ্ঞোপনিষদমজানন্মাংসগৃধ্নুঃ। কেবলং যজ্ঞব্যাজেন মাংসং ভোক্তুকামঃ॥ 7-177-50 প্রবত্তিলক্ষণো ধর্মঃ প্রজার্থিভিরুদাহৃতঃ। যথোক্তং রাজশার্দূল নতু তন্মোক্ষকাঙ্ক্ষিণাম্। ইতি ঝ. পাঠঃ ॥ 7-177-57 আরণ্যাঃ প্রোক্ষিতা ইতি পর্যগ্নিকৃতানারণ্যানুৎসৃজন্তীতি শ্রুতেরারণ্যৈর্যজ্ঞং কৃৎবাপি তেষাং বধো ন কৃত ইত্যর্থঃ॥অনুশাসনপর্ব - অধ্যায় 178
॥ শ্রীঃ ॥
13.178. অধ্যায়ঃ 178
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি মাংসগতগুণকথনপূর্বকং তদ্ভক্ষণগর্হণম্॥ 1 ॥ তথা দয়ায়া অহিংসায়াশ্চ প্রশংসনম্॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
ইমে বৈ মানবা লোকে ভৃশং মাংসেষু গৃদ্ধিনঃ।
বিসৃজ্য বিবিধান্ভক্ষ্যান্মহারক্ষোগণা ইব॥ 13-178-1 (88559)
অপূপান্বিবিধাকারাঞ্শাকানি বিবিধানি চ।
পাদপান্রসসংয়ুক্তান্ন চেচ্ছন্তি যথাঽঽমিষম্॥ 13-178-2 (88560)
তত্র মে বুদ্ধিরত্রেব বিষয়ে পরিমুহ্যতে।
ন মন্যে রসতঃ কিঞ্চিন্মাংসতোঽস্তীতি কিঞ্চন॥ 13-178-3 (88561)
তদিচ্ছামি গুণাঞ্শ্রোতুং মাংসস্যাভক্ষণে প্রভো।
ভক্ষণে চৈব যে দোষাস্তাংশ্চৈব পুরুষর্ষভ॥ 13-178-4 (88562)
সর্বসত্ৎবেন ধর্মজ্ঞ যথাবদিহ ধর্মতঃ।
কিং বা ভক্ষ্যমভক্ষ্যং বা সর্বমেতদ্বদস্ব মে॥ 13-178-5 (88563)
যথৈতদ্যাদৃশং চৈব গুণা যে চাস্য বর্জনে।
দোষা ভক্ষয়তো যেঽপি তন্মে ব্রূহি পিতামহ॥ 13-178-6 (88564)
ভীষ্ম উবাচ। 13-178-7x (7382)
সর্বমেতন্মহাবাহো যথা বদসি ভারত।
ন মাংসাৎপরমং কিঞ্চিদ্রসতো বিদ্যতে ভুবি॥ 13-178-7 (88565)
ক্ষতক্ষীণাভিতপ্তানাং গ্রাম্যধর্মরতাত্মনাম্।
অধ্বনা কর্শিতানাং চ ন মাংসাদ্বিদ্যতে পরম্॥ 13-178-8 (88566)
সদ্যো বর্ধয়তি প্রাণান্পুষ্টিমগ্র্যাং দধাতি চ।
`নাশো ভক্ষণদোষঃ স্যাদ্দানমেব সদা মতম্॥ 13-178-9 (88567)
ক্ষুধিতানাং দ্বিজানাং চ সর্বেষাং চাপি জীবিতম্।
দত্ৎবা ভবতি পূতাত্মা শ্রদ্ধয়া লোভবর্জিতঃ॥ 13-178-10 (88568)
শিক্ষয়ন্তি ন যাচন্তে দর্শয়ন্তি স্বমূর্তিভিঃ।
অবস্থেয়মদানস্য মা ভূদেবং ভবানিতি।
দানাদ্যঃ সুশুচির্মাংসং পুনর্নৈব চ ভক্ষয়েৎ॥' 13-178-11 (88569)
ন ভক্ষ্যোঽভ্যাধিকঃ কশ্চিন্মাংসাদস্তি পরংতপ।
বিবর্জনে তু বহবো গুণাঃ কৌরবনন্দন।
যে ভবন্তি মনুষ্যাণাং তান্মে নিগদতঃ শৃণু॥ 13-178-12 (88570)
স্বমাংসং পরমাংসেন যো বর্ধয়িতুমিচ্ছতি।
নাস্তি ক্ষুদ্রতরস্তস্মাৎস নৃশংসতরো নরঃ॥ 13-178-13 (88571)
ন হি প্রাণাৎপ্রিয়তরং লোকে কিঞ্চন বিদ্যতে।
তস্মাদ্দয়াং নরঃ কুর্যাদ্যথাঽঽত্মনি তথা পরে॥ 13-178-14 (88572)
শুক্রাচ্চ তাত সম্ভূতির্মাংসস্যেহ ন সংশয়ঃ।
ভক্ষণে তু মহান্দোষো মলেন স হি কল্প্যতে॥ 13-178-15 (88573)
`অহিংসালক্ষণো ধর্ম ইতি বেদবিদো বিদুঃ।
যদহিংস্রং ভবেৎকর্ম তৎকুর্যাদাত্মবিন্নরঃ॥ 13-178-16 (88574)
পিতৃদৈবতয়জ্ঞেষু প্রোক্ষিতং হবিরুচ্যতে।'
বিধিনা বেদদৃষ্টেন তদ্ভুক্ৎবেহ ন দুষ্যতি॥ 13-178-17 (88575)
যজ্ঞার্থে পশবঃ সৃষ্টা ইত্যপি শ্রূয়তে শ্রুতিঃ।
অতোঽন্যথা প্রবৃত্তানাং রাক্ষসো বিধিরুচ্যতে॥ 13-178-18 (88576)
ক্ষত্রিয়াণাং তু যো দৃষ্টো বিধিস্তমপি মে শৃণু।
বীর্যেণোপার্জিতং মাংসং যথা ভুঞ্জন্ন দুষ্যতি॥ 13-178-19 (88577)
আরণ্যাঃ সর্বদৈবত্যাঃ সর্বশঃ প্রোক্ষিতা মৃগাঃ।
অগস্ত্যেন পুরা রাজন্মৃগয়া যেন পূজ্যতে॥ 13-178-20 (88578)
`রক্ষণার্থায় ভূতানাং হিংস্রান্হন্যান্মৃগান্পুনঃ।'
নাত্মানমপরিত্যজ্য মৃগয়া নাম বিদ্যতে॥ 13-178-21 (88579)
সমতামুপসঙ্গম্য রূপং হন্যান্ন বা নৃপ।
অতো রাজর্ষয়ঃ সর্বে মৃগয়াং যান্তি ভারত।
ন হি লিপ্যন্তি পাপেন ন চৈতৎপাতকং ভুবি॥ 13-178-22 (88580)
ন হ্যতঃ সদৃশং কিঞ্চিদিহ লোকে পরত্র চ।
যৎসর্বেষ্বিহ ভূতেষু দয়া কৌরবন্দন॥ 13-178-23 (88581)
ন ভয়ং বিদ্যতে জাতু নরস্যেহ দয়াবতঃ।
দয়াবতামিমে লোকাঃ পরে চাপি তপস্বিনাম্॥ 13-178-24 (88582)
অভয়ং সর্বভূতেভ্যো যো দদাতি দয়াপরঃ।
অভয়ং তস্য ভূতানি দদতীত্যনুশুশ্রুম॥ 13-178-25 (88583)
ক্ষতং চ স্খলিতং চৈব পতিতং ক্লিন্নমাহতম্।
সর্বভূতানি রক্ষন্তি সমেষু বিষমেষু চ। 13-178-26 (88584)
নৈনং ব্যালমৃগা ঘ্নন্তি ন পিশাচা ন রাক্ষসাঃ।
মুচ্যতে ভয়কালেষু মোক্ষয়েদ্যো ভয়ে পরান্॥ 13-178-27 (88585)
প্রাণদানাৎপরং দানং ন ভূতং ন ভবিষ্যতি।
ন হ্যাত্মনঃ প্রিয়তরং কিঞ্চিদস্তীহ নিশ্চিতম্॥ 13-178-28 (88586)
অনিষ্টং সর্বভূতানাং মরণং নাম ভারত।
মৃত্যুকালে হি ভূতানাং সদ্যো জায়তি বেপথুঃ॥ 13-178-29 (88587)
ব্যাধিজন্মজরাদুঃখৈর্নিত্যং সংসারসাগরে।
জন্তবঃ পরিবর্তন্তে মরণাদুদ্বিজন্তি চ॥ 13-178-30 (88588)
গর্ভবাসেষু পচ্যন্তে ক্ষারাম্লকটুকৈ রসৈঃ।
মূত্রস্বেদপুরীষাণাং পরুষৈর্ভৃশদারুণৈঃ॥ 13-178-31 (88589)
জাতাশ্চাপ্যবশাস্তত্র চ্ছিদ্যমানাঃ পুনঃপুনঃ।
হন্যমানাশ্চ দৃশ্যন্তে বিবশা মাংসগৃদ্ধিনঃ॥ 13-178-32 (88590)
কুম্ভীপাকে চ পচ্যন্তে তাং তাং যোনিমুপাগতাঃ।
আক্রম্য মার্যমাণাশ্চ ত্রাস্যন্ত্যন্যে পুনঃপুনঃ॥ 13-178-33 (88591)
নাত্মনোঽস্তি প্রিয়তরঃ পৃথিবীমনুসৃত্য হ।
তস্মাৎপ্রাণিষু সর্বেষু দয়াবানাত্মবান্ভবেৎ॥ 13-178-34 (88592)
সর্বমাংসানি যো রাজন্যাবজ্জীবং ন ভক্ষয়েৎ।
আশ্বাসং বিপুলং স্থানং প্রাপ্নুয়ান্নাত্র সংশয়ঃ॥ 13-178-35 (88593)
যে ভক্ষয়ন্তি মাংসানি ভূতানাং জীবিতৈষিণাম্।
ভক্ষ্যন্তে তেঽপি ভূতৈস্তৈরিতি মে নাস্তি সংশয়ঃ॥ 13-178-36 (88594)
মাং স ভক্ষয়তে যস্মাদ্ভক্ষয়িষ্যে তমপ্যহম্।
এতন্মাংসস্য মাংসৎবমনুবুদ্ধ্যস্ব ভারত॥ 13-178-37 (88595)
ঘাতকো বধ্যতে নিত্যং তথা বধ্যেত বন্ধকঃ।
আক্রোষ্টা ক্রুধ্যতে রাজন্দ্বেষ্টা দ্বেষ্যৎবমাপ্নুতে॥ 13-178-38 (88596)
যেনয়েন শরীরেণ যদ্যৎকর্ম করোতি যঃ।
তেনতেন শরীরেণ তত্তৎফলমুপাশ্নুতে॥ 13-178-39 (88597)
অহিংসা পরমো ধর্মস্তথাঽহিংসা পরো দমঃ।
অহিংসা পরমং দানমহিংসা পরমং তপঃ॥ 13-178-40 (88598)
অহিংসা পরমং মিমহিংসা পরমং সুখম্॥
সর্বয়জ্ঞেষু বা দানং সর্বতীর্থেষু বা প্লুতম্। 13-178-41 (88599)
সর্বদানফলং বাঽপি নৈতত্তুল্যমহিংসয়া॥
অহিংসস্য তপোঽক্ষয়্যমহিংস্রো জয়তে সদা। 13-178-42 (88600)
অহিংস্রঃ সর্বভূতানাং যথা মাতা যথা পিতা॥
এতৎফলমহিংসায়াং ভূয়শ্চ কুরুপুঙ্গব। 13-178-43 (88601)
ন হি শক্যা গুণা বক্তুমপি বর্ষশতৈরপি॥ ॥ 13-178-44 (88602)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টসপ্তত্যধিকশততমোঽধ্যায়ঃ॥ 178 ॥
Mahabharata - Anushaasana Parva - Chapter Footnotes
7-178-15 দোষো নিবৃত্ত্যা পুণ্যমুচ্যত ইতি ঝ.পাঠঃ॥ 15 ॥ 7-178-21 কিঞ্চ হন্যমানাৎপশোঃ স্ববধস্যাপি সম্ভবাৎ প্রাণপণেনেয়ং ক্রিয়মাণা মৃগয়া ন দোষায়েত্যাহ নাত্মানমিতি ॥ 21 ॥ 7-178-37 মাং সঃ পূর্বজন্মনি ভক্ষিতবানত এব তস্য মাংসমহং ভক্ষয়িষ্যামীতি ব্যবহারান্মাংসপদনিরুক্তিঃ॥অনুশাসনপর্ব - অধ্যায় 179
॥ শ্রীঃ ॥
13.179. অধ্যায়ঃ 179
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি কীটোপাখ্যানকথনম্॥ 1 ॥ কীটেন ব্যাসংপ্রততি স্বপূর্বজন্মবৃত্তান্তকথনম্॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
অকামাশ্চ সকামাশ্চ যে হতাঃ স্ম মহামৃধে।
কাং যোনিং প্রতিপন্নাস্তে তন্মে ব্রূহি পিতামহ॥ 13-179-1 (88603)
দুঃখং প্রাণপরিত্যাগঃ পুরুষাণাং মহামৃধে।
জানামি চাহং ধর্মজ্ঞ প্রাণত্যাগং সুদুষ্করম্॥ 13-179-2 (88604)
সমৃদ্দে বাঽসমৃদ্ধে বা শুভে বা যদি বাঽশুভে।
`সংসারেঽস্মিন্সদাজাতাঃ প্রাণিনোঽভিরতাঃকথম্ '
কারণং তত্র মে ব্রূহি সর্বজ্ঞো হ্যসি মে মতঃ॥ 13-179-3 (88605)
ভীষ্ম উবাচ। 13-179-4x (7383)
সমৃদ্ধে বাঽসমৃদ্ধে বা শুভে বা যদি বাঽশুভে।
সংসারেঽস্মিন্সমে জাতাঃ প্রাণিনঃ পৃথিবীপতে॥ 13-179-4 (88606)
নিরতা যেন ভাবেন তত্র মে শৃণু কারণম্।
সম্যক্চায়মনুপ্রশ্নস্ৎবয়োক্তস্তু যুধিষ্ঠির॥ 13-179-5 (88607)
অত্র তে বর্তয়িষ্যামি পুরাবৃত্তমিদং নৃপ।
দ্বৈপায়নস্য সংবাদং কীটস্য চ যুধিষ্ঠির॥ 13-179-6 (88608)
ব্রহ্মিভূতশ্চরন্বিপ্রঃ কৃষ্ণদ্বৈপায়নঃ পুরা।
দদর্শ কীটং ধাবন্তং শীঘ্রং শকটবর্ত্মনি॥ 13-179-7 (88609)
গতিজ্ঞঃ সর্বভূতানাং রুতজ্ঞশ্চ শরীরিণাম্।
সর্বজ্ঞস্ৎবরিতং দৃষ্ট্বা কীটং বচনমব্রবীৎ॥ 13-179-8 (88610)
কীট সংত্রস্তরূপোঽসি ৎবরিতশ্চৈব লক্ষ্যসে।
ক্ব চ বাসস্তদাচক্ষ্ব কুতস্তে ভয়মাগতম্॥ 13-179-9 (88611)
কীট উবাচ। 13-179-10x (7384)
শকটব্রজস্য মহতো ঘোষং শ্রুৎবা ভয়ং মম।
আগতং বৈ মহাবুদ্ধে স্বন এষ হি দারুণঃ॥ 13-179-10 (88612)
শ্রূয়তে তু স মা হন্যাদিতি হ্যস্মাদপক্রমে।
শ্বসতাং চ শৃণোম্যেনং গোবৃষাণাং প্রতোদ্যতাম্॥ 13-179-11 (88613)
বহতাং সুমহাভারং সন্নিকর্ষে স্বনং প্রভো।
নৃণাং চ সংবাহয়তাং শ্রূয়ন্তে বিবিধাঃ স্বনাঃ॥ 13-179-12 (88614)
বোঢুমস্মদ্বিধেনৈব ন শক্যঃ কীটয়োনিনা।
তস্মাদতিক্রমাম্যেষ ভয়াদস্মাৎসুদারুণাৎ॥ 13-179-13 (88615)
দুঃখং হি মৃত্যুর্ভূতানাং জীবিতং চ সুদুর্লভম্।
অতো ভীতঃ পলায়ামি গচ্ছেয়ং নাপদং যথা॥ 13-179-14 (88616)
ভীষ্ম উবাচ। 13-179-15x (7385)
ইত্যুক্তঃ স তু সং প্রাহ কুতঃ কীট সুখং তব।
মরণং তে সুখং মন্যে তির্যগ্যোনৌ হি বর্তসে॥ 13-179-15 (88617)
শব্দং স্পর্শং রসং গন্ধং ভোগাংশ্চোচ্চাবচান্বহূন্।
নাভিজানাসি কীট ৎবং শ্রেয়ো মরণমেব তে॥ 13-179-16 (88618)
কীট উবাচ। 13-179-17x (7386)
সর্বত্র নিরতো জীব ইহাপি চ সুখং মম।
চেতয়ামি মহাপ্রাজ্ঞ তস্মাদিচ্ছামি জীবিতুম্॥ 13-179-17 (88619)
ইহাপি বিষয়ঃ সর্বো যথাদেহং প্রবর্তিতঃ।
মনুষ্যাস্তির্যগাশ্চৈব পৃথগ্ভোগা বিশেষতঃ॥ 13-179-18 (88620)
অহমাসং মনুষ্যো বৈ শূদ্রো বহুধনঃ প্রভো।
অব্রহ্মণ্যো নৃশংসশ্চ কদর্যো বুদ্ধিজীবনঃ॥ 13-179-19 (88621)
বাক্শ্লক্ষ্ণো হ্যকৃতপ্রজ্ঞো দ্বেষ্টা বিশ্বস্য কর্মণঃ।
মিথোগুপ্তনিধির্নিত্যং পরস্বহরণে রতঃ॥ 13-179-20 (88622)
ভৃত্যাতিথিজনশ্চাপি গৃহেঽপর্যশিতো ময়া।
মাৎসর্যাৎস্বাদুকামেন নৃশংসেন বুভুক্ষতা॥ 13-179-21 (88623)
দেবার্থং পিতৃয়জ্ঞার্থং ন চ শ্রাদ্ধং কৃতং ময়া।
ন দত্তমন্নকামেষু দত্তমন্নং লুনামি চ॥ 13-179-22 (88624)
গুপ্তং শরণমাশ্রিত্য ভয়েষু শরণাগতান্।
ত্যক্ৎবাঽকস্মান্নিশায়াং চ ন দত্তমভয়ং ময়া॥ 13-179-23 (88625)
ধনং ধান্যং প্রিয়ান্দারান্যানং বাসস্তথাঽদ্ভুতম্।
শ্রিয়ং দৃষ্ট্বা মনুষ্যাণামসূয়ামি নিরর্থকম্॥ 13-179-24 (88626)
ঈর্ষ্যুঃ পরসুখং দৃষ্ট্বা অন্যস্য ন বুভূষকঃ।
ত্রিবর্গহন্তা চান্যেষামাত্মকামানুবর্তকঃ॥ 13-179-25 (88627)
নৃশংসগুণভূয়িষ্ঠং পুরা কর্ম কৃতং ময়া।
স্মৃৎবা তদনুতপ্যেঽহং হিৎবা প্রিয়মিবাত্মজম্॥ 13-179-26 (88628)
শুভানাং নাভিজানামি কৃতানাং কর্মণাং ফলম্।
মাতা চ পূজিতা বৃদ্ধা ব্রাহ্মণশ্চার্চিতো ময়া॥ 13-179-27 (88629)
সকৃজ্জাতিগুণোপেতঃ সঙ্গত্যা গৃহমাগতঃ।
অতিথিঃ পূজিতো ব্রহ্মংস্তেন মাং নাজহাৎস্মৃতিঃ॥ 13-179-28 (88630)
কর্মণামেব চৈবাহং সুখাশামিব লক্ষয়ে।
তচ্ছ্রোতুমহমিচ্ছামি ৎবত্তঃ শ্রেয়স্তপোধন॥ ॥ 13-179-29 (88631)
ইতি শ্রীমন্মহাভারতে অনুশাসনপর্বণি দানধর্মপর্বণি একোনাশীত্যধিকশততমোঽধ্যায়ঃ॥ 179 ॥
Mahabharata - Anushaasana Parva - Chapter Footnotes
7-179-19 কদর্যো বৃদ্ধিজীবনঃ ইতি ঝ.পাঠঃ॥ 7-179-25 ন বুভূষকঃ অনৈশ্বর্যমিচ্ছন্॥অনুশাসনপর্ব - অধ্যায় 180
॥ শ্রীঃ ॥
13.180. অধ্যায়ঃ 180
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ব্যাসেন কীটায় রাজ্যদানম্॥ 1 ॥Mahabharata - Anushaasana Parva - Chapter Text
ব্যাস উবাচ।
শুভেন কর্মণা যদ্বৈ তির্যগ্যোনৌ ন মুহ্যসে।
মমৈব কীট তৎকর্ম যেন ৎবং ন প্রমুহ্যসে॥ 13-180-1 (88632)
অহং ৎবাং দর্শনাদেব তারয়ামি তপোবলাৎ।
তপোবলাদ্ধি বলবদ্বলমন্যন্ন বিদ্যতে॥ 13-180-2 (88633)
জানামি পাপৈঃ স্বকৃতৈর্গতং ৎবাং কীট কীটতাম্।
অবাপ্স্য্সি পরং র্ধর্মং মানুষ্যে যদি মন্যসে॥ 13-180-3 (88634)
কর্মভূমিকৃতং দেবা ভুঞ্জতে তির্যগাশ্চ যে।
ধন্যা অপি মনুষ্যেষু কামার্থাশ্চ যথা গুণাঃ॥ 13-180-4 (88635)
বাগ্বুদ্ধিপাণিপাদৈশ্চ সমুপেতা বিপশ্চিতঃ।
কিমায়াতি মনুষ্যস্য মন্দস্যার্থস্য জীবতঃ॥ 13-180-5 (88636)
দৈবে যঃ কুরুতে পূজাং বিপ্রাগ্নিশশিসূর্যযোঃ।
ব্রুবন্নপি কথাং পুণ্যাং তত্র কীট ৎবমেষ্যসি॥ 13-180-6 (88637)
গুণভূতানি ভূতানি তত্র ৎবমুপভোক্ষ্যসে।
ক্রমাত্তেঽহং বিনেষ্যামি ব্রহ্মৎবং যদি চেচ্ছসি। 13-180-7 (88638)
ভীষ্ম উবাচ।
স তথেতি প্রতিশ্রুত্য কীটঃ সমবতিষ্ঠত॥ 13-180-7x (7387)
*তমৃষিং দ্রষ্টুমগমৎসর্বাস্বন্যাসু যোনিষু॥ 13-180-8 (88639)
শ্বাবিদ্গোধাবরাহাণাং তথৈব মৃগপক্ষিণাম্।
শ্বপাকশূদ্রবৈশ্যানাং ক্ষত্রিয়াণাং চ যোনিষু॥ 13-180-9 (88640)
স কীটে এবমাখ্যাতমৃষিণা সত্যবাদিনা।
প্রতিস্মৃত্যাথ জগ্রাহ পাদৌ মূর্ধ্নি কৃতাঞ্জলিঃ॥ 13-180-10 (88641)
কীট উবাচ। 13-180-11x (7388)
ইদং তদতুলং স্থানমীপ্সিতং দশভির্গুণৈঃ।
যদহং প্রাপ্য কীটৎবমাগতো রাজপুত্রতাম্॥ 13-180-11 (88642)
বহন্তি মামতিবলাঃ কুঞ্জরা হেমমালিনঃ।
স্যন্দনেষু চ কাম্ভোজা যুক্তাঃসমরবাজিনঃ॥ 13-180-12 (88643)
উষ্ট্রাশ্বতরয়ুক্তানি যানানি চ বহন্তি মাম্।
সবান্ধবঃ সহামাত্যশ্চাশ্নামি পিশিতাশনম্॥ 13-180-13 (88644)
গৃহেষু স্বনিবাসেষু সুখেষু শয়নেষু চ।
বরার্হেষু মহাভাগ স্বপামি চ সুপূজিতঃ॥ 13-180-14 (88645)
সর্বেষ্বপররাত্রেষু সূতমাগধবন্দিনঃ।
স্তুবন্তি মাং যথা দেবা মহেন্দ্রং প্রিয়বাদিনঃ॥ 13-180-15 (88646)
প্রসাদাৎসত্যসন্ধস্য ভবতোঽমিততেজসঃ।
যদহং কীটতাং প্রাপ্য স্মৃতিজাতা জুগুপ্সিতাম্।
ননু নাশোস্তি পাপস্য যন্ময়োপচিতং পুরা॥ 13-180-16 (88647)
[নমস্তেঽস্তু মহাপ্রাজ্ঞ কিং করোমি প্রশাধি মাম্।
ৎবত্তপোবলনির্দিষ্টমিদং হ্যধিগতং ময়া॥] 13-180-17 (88648)
ব্যাস উবাচ। 13-180-18x (7389)
[অর্চিতোঽহং ৎবয়া রাজন্বাগ্ভিরদ্য যদৃচ্ছয়া।
অদ্য তে কীটতাং প্রাপ্য স্মৃতির্জাতাজুগুপ্সিতাম্]॥ 13-180-18 (88649)
শূদ্রেণার্থপ্রধানেন নৃশংসেনাততায়িনা।
মমৈতদ্দর্শনং প্রাপ্তং তচ্চ বৈ সুকৃতং পুরা।
তির্যগ্যোনৌ স্ম জাতেন মম চাভ্যর্চনাত্তথা॥ 13-180-19 (88650)
ইতস্ৎবং রাজপুত্রৎবাদ্ব্রাহ্মণ্যং সমবাপ্স্যসি।
গোব্রাহ্মণকৃতে প্রাণান্হিৎবাঽঽত্মীয়ান্রণাজিরে॥ 13-180-20 (88651)
ভীষ্ম উবাচ। 13-180-21x (7390)
রাজপুত্রঃ সুখং প্রাপ্য ঈজে চৈবাপ্তদক্ষিণৈঃ।
অথ চোদ্দীপ্যত স্বর্গে প্রভূতোপ্যব্যযঃ সুখী॥ 13-180-21 (88652)
তির্যগ্যোন্যাঃ শূদ্রতামভ্যপৈতি
শূদ্রো বৈশ্যং ক্ষত্রিয়ৎবং চ বৈশ্যঃ।
বৃত্তশ্লাঘী ক্ষত্রিয়ো ব্রাহ্মণৎবং
স্বর্গং পুণ্যাদ্ব্রাহ্মণঃ সাধুবৃত্তঃ॥ ॥ 13-180-22 (88653)
ইতি শ্রীমন্মহাভারতে অনুশাসনপর্বণি দানধর্মপর্বণি অশীত্যধিকশততমোঽধ্যায়ঃ॥ 180 ॥
Mahabharata - Anushaasana Parva - Chapter Footnotes
7-180-1 তদৈব কীট তৎকর্মেতি ক.ড.থ. পাঠঃ॥ 7-180-6 জীবন্হি কুরুতে পূজাং বিপ্রাগ্র্যঃ শশিসূর্যযোঃ ইতি ঝ.পাঠঃ॥ 7-180-8 * অত্র সপ্তমশ্লোকাদনন্তরং সার্ধশ্লোকো ঝ. পুস্তকেঽধিকো দৃস্যতে সচ ব্রজংশ্চ সুমহানাগতশ্চ যদৃচ্ছয়া। চক্রাক্রমেণ ভিন্নশ্চ কীটঃ প্রাণান্মুমোচ হ॥ সম্ভূতঃ ক্ষত্রিয়কুলে প্রসাদাদমিতৌজসঃ। ইতি॥অনুশাসনপর্ব - অধ্যায় 181
॥ শ্রীঃ ॥
13.181. অধ্যায়ঃ 181
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কীটেন ব্যাসচোদনয়া রাজ্যপালনপূর্বকং জন্মান্তরে ব্রাহ্মণ্যলাভেন তপশ্চর্যাদিনা ব্রহ্মসালোক্যাধিগমঃ॥ 1 ॥Mahabharata - Anushaasana Parva - Chapter Text
ভীষ্ম উবাচ।
ক্ষত্রধর্মমনুপ্রাপ্তঃ স্মরন্নেব চ বীর্যবান্।
ত্যক্ৎবা হি কীটতাং রাজংশ্চচার বিপুলং তপঃ॥ 13-181-1 (88654)
তস্য ধর্মার্থবিদুষো দৃষ্ট্বা তদ্বিপুলং তপঃ।
আজগাম দ্বিজশ্রেষ্ঠঃ কৃষ্ণদ্বৈপায়নস্তদা॥ 13-181-2 (88655)
ব্যাস উবাচ। 13-181-3x (7391)
ক্ষাত্রাদেব ব্রতাৎকীট ভূতানাং পরিপালয়।
ক্ষাত্রং দেবব্রতং ধ্যাসংস্ততো বিপ্রৎবমেষ্যসি॥ 13-181-3 (88656)
পাহি সর্বাঃ প্রজাঃ সম্যক্ শুভাশুভবিদাত্মবান্।
শুভৈঃ সংবিভজন্কামৈরশুভানাং চ ভাবনৈঃ॥ 13-181-4 (88657)
আত্মবান্ভব সুপ্রীতঃ স্বধর্মাচরণে রতঃ।
ক্ষাত্রীং তনুং সমুৎসৃজ্য ততো বিপ্রৎবমেষ্যসি॥ 13-181-5 (88658)
ভীষ্ম উবাচ। 13-181-6x (7392)
সোঽপ্যরণ্যাদভিপ্রেত্য পুনরেব যুধিষ্ঠির।
মহর্ষের্বচনং শ্রুৎবা প্রজা ধর্মেণ পালয়ন্॥ 13-181-6 (88659)
অচিরেণৈব কালেন কীটঃ পার্থিবসত্তম।
প্রজাপালনধর্মেণি প্রেত্য বিপ্রৎবমাগতঃ॥ 13-181-7 (88660)
ততস্তং ব্রাহ্মণং দ্রষ্টুং পুনরেব মহায়শাঃ।
আজগাম মহাপ্রাজ্ঞঃ কৃষ্ণদ্বৈপায়নস্তদা॥ 13-181-8 (88661)
ব্যাস উবাচ। 13-181-9x (7393)
ভোভো ব্রহ্মর্ষভ শ্রীমন্মা ব্যথিষ্ঠাঃ কথঞ্চন।
শুভকৃচ্ছুভয়োনীষু পাপকৃৎপাপয়োনিষু॥ 13-181-9 (88662)
উপপদ্যতি ধর্মজ্ঞ যথাধর্মং যথাব্রতম্।
তস্মান্মৃত্যুভয়াৎকীট মা ব্যথিষ্ঠাঃ কথঞ্চন।
ধর্মলাভাৎপরং ন স্যাত্তস্মাদ্ধর্মং চরোত্তমম্॥ 13-181-10 (88663)
কীট উবাচ। 13-181-11x (7394)
সুখাৎসুখতরং প্রাপ্তো ভগবংস্ৎবৎকৃতে হ্যহম্।
ধর্মমূলং শুভং প্রাপ্য পাপ্মা নষ্ট ইহাদ্য মে॥ 13-181-11 (88664)
ভীষ্ম উবাচ। 13-181-12x (7395)
ভগবদ্বচনাৎকীটো ব্রাহ্মণ্যং প্রাপ্য দুর্লভম্।
অকরোৎপৃথিবীং রাজন্যজ্ঞয়ূপশতাঙ্কিতাম্।
ততঃ সালোক্যমগমদ্ব্রহ্মণো ব্রহ্মবিত্তমঃ॥ 13-181-12 (88665)
অথ পাপহরং কীটঃ পার্ত ব্রহ্ম সনাতনম্।
স্বকর্মফলনির্বৃত্তং ব্যাসস্য বচনাত্তদা॥ 13-181-13 (88666)
কুরুক্ষেত্রে যুদ্ধহতাঃ পুণ্যে ক্ষত্রিয়পুঙ্গবাঃ।
সম্প্রাপ্তাস্তে গতিং পুণ্যাং তন্মা ৎবং শোচ পুত্রক॥ ॥ 13-181-14 (88667)
ইতি শ্রীমন্মহাভারতে অনুশাসনপর্বণি দানধর্মপর্বণি একাশীত্যধিকশততমোঽধ্যায়ঃ॥ 181 ॥
অনুশাসনপর্ব - অধ্যায় 182
॥ শ্রীঃ ॥
13.182. অধ্যায়ঃ 182
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি বিদ্যাতপোদানানাং মধ্যে দানপ্রশংসনপরব্যাসমৈত্রেয়সংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
বিদ্যা তপশ্চ দানং চ কিমেতেষাং বিশিষ্যতে।
পৃচ্ছামি ৎবাং সতাং শ্রেষ্ঠ তন্মে ব্রূহি পিতামহ॥ 13-182-1 (88668)
ভীষ্ম উবাচ। 13-182-2x (7396)
অত্রাপ্যুদাহরন্তীমমিতিহাসং পুরাতনম্।
মৈত্রেয়স্য চ সংবাদং কৃষ্ণদ্বৈপায়নস্য চ॥ 13-182-2 (88669)
কৃষ্ণদ্বৈপায়নো রাজন্নজ্ঞাতচরিতং চরন্।
বারাণস্যামুপাতিষ্ঠন্মৈত্রেয়ং স্বৈরিণীকুলে॥ 13-182-3 (88670)
তমুপচ্ছন্নমাসীনং জ্ঞাৎবা স মুনিসত্তমঃ।
অর্চিৎবা ভোজয়ামাস মৈত্রেয়োঽশনমুত্তমম্॥ 13-182-4 (88671)
তদন্নমুত্তমং ভুক্ৎবা গুণবৎসার্বকামিকম্।
উত্তিষ্ঠমানোঽস্ময়ত প্রীতঃ কৃষ্ণো মহামনাঃ॥ 13-182-5 (88672)
তমুৎস্ময়ন্তং সম্প্রেক্ষ্য মৈত্রেয়ঃ কৃষ্ণমব্রবীৎ।
কারণং ব্রূহি ধর্মাত্মন্ব্যস্ময়িষ্ঠাঃ কুতশ্চ তে।
তপস্বিনো ধৃতিমতঃ প্রমোদঃ সমুপাগতঃ॥ 13-182-6 (88673)
এতদিচ্ছামি তে বিদ্বন্নভিবাদ্য প্রণম্য চ।
আত্মনশ্চ তপোভাগ্যং সুখভাগ্যং মমেহ চ॥ 13-182-7 (88674)
`তপোভাগ্যান্মহাভাগ সুখভাগ্যাত্তথৈব চ।'
পৃথগাচরিতং তাত পৃথগাচরিতাত্মনঃ।
অল্পান্তরমহং মন্যে বিশিষ্টমপি চান্বয়াৎ॥ 13-182-8 (88675)
ব্যাস উবাচ। 13-182-9x (7397)
অতিচ্ছেদাতিবাদাভ্যাং স্ময়োঽয়ং সমুপাগতঃ।
অসত্যং বেদবচনং কস্মাদ্বেদোঽনৃতং বদেৎ॥ 13-182-9 (88676)
ত্রীণ্যেব তু পদান্যাহুঃ পুরুষস্যোত্তমং প্রতি।
ন দ্রুহ্যেচ্চৈব দদ্যাচ্চ সত্যং চৈব পরান্বদেৎ॥ 13-182-10 (88677)
ইতি বেদোক্তমৃষিভিঃ পুরস্তাৎপরিকল্পিতম্।
ইদানীং চৈব নঃ কৃত্যং পুরস্তাচ্চ পরিশ্রুতম্॥ 13-182-11 (88678)
অল্পোঽপি তাদৃশো ন্যাসো ভবত্যুত মহাফলঃ।
তৃষিতায় চ যদ্দত্তং হৃদয়েনানসূয়তা॥ 13-182-12 (88679)
তোষিতাস্ত্রিদশা যত্তে দত্ৎবৈতদ্দর্শনং মম।
অজৈষীর্মহতো লোকান্মহায়জ্ঞৈরিব প্রভো॥ 13-182-13 (88680)
ততো দানপবিত্রেণ প্রীতোঽস্মি তপসৈব চ।
দূরাৎপুণ্যবতো গন্ধঃ পুণ্যস্যৈব চ দর্শনাৎ॥ 13-182-14 (88681)
পুণ্যশ্চ বাতিগন্ধস্তে মন্যে কর্ম বিধানজম্।
অথ কর্মার্জিতস্তাত যথাচৈবানুলেপনাৎ॥ 13-182-15 (88682)
শুভং সর্বপবিত্রেব্যো দানমেব পরং দ্বিজ।
[নোচেৎসর্বপবিত্রেভ্যো দানমেব পরং ভবেৎ॥] 13-182-16 (88683)
যানীমান্যুত্তমানীহ বেদোক্তানি প্রশংসতি।
তেষাং শ্রেষ্ঠতরং দানমিতি মে নাত্র সংশয়ঃ॥ 13-182-17 (88684)
দানবদ্ভিঃ কৃতঃ পন্থা যেন যান্তি মনীষিণঃ।
তে হি প্রাণস্য দাতারস্তেষু ধর্মঃ প্রতিষ্ঠিতঃ॥ 13-182-18 (88685)
যথা বেদাঃ স্বধীতাশ্চ যথা চেন্দ্রিয়সংয়মঃ।
সর্বত্যাগো যতা চেহ ততা দানমনুত্তমম্॥ 13-182-19 (88686)
ৎবং হি তাত সুখাদেব শুভমেষ্যসি শোভনম্।
সুখাৎসুখতরপ্রাপ্তিমাপ্নুতে মতিমান্নরঃ॥ 13-182-20 (88687)
তন্নঃ প্রত্যক্ষমেবেদমুপলক্ষ্যমসংশয়ম্।
শ্রীমন্তঃ প্রাপ্নুবন্ত্যর্থান্দানং যজ্ঞং তথা সুখম্॥ 13-182-21 (88688)
সুখাদেব পরং দুঃখং দুঃখাদন্যৎপরং সুখম্।
দৃশ্যতে হি মহাপ্রাজ্ঞ নিয়তং বৈ স্বভাবতঃ॥ 13-182-22 (88689)
বিবিধানীহ বৃত্তানি নরস্যাহুর্মনীষিণঃ।
পুণ্যমন্যৎপাপমন্যন্ন পুণ্যং ন চ পাপকম্॥ 13-182-23 (88690)
ন বৃত্তং মন্যতেঽন্যস্য মন্যতেঽন্যস্য পাতকম্।
যথা স্বকর্মনির্বৃত্তং ন পুণ্যং ন চ পাপকম্॥ 13-182-24 (88691)
যজ্ঞদানতপঃশীলা নরা বৈ পুণ্যকর্মিণঃ।
যেঽভিদ্রুহ্যন্তি ভূতানি তে বৈ পাপকৃতো জনাঃ॥ 13-182-25 (88692)
দ্রব্যাণ্যাদদতে চৈব দুঃখং যান্তি পতন্তি চ।
ততোঽন্যৎকর্ম যৎকিংচিন্ন পুণ্যং ন চ পাতকম্॥ 13-182-26 (88693)
`নিত্যং চাকৃপণো ভুঙ্ক্তে স্বজনৈর্দেহি যাচতঃ।
ভাগ্যক্ষয়েণ ক্ষীয়ন্তে নোপভোগেন সঞ্চয়াঃ॥' 13-182-27 (88694)
রমস্বৈধস্ব মোদস্ব দেহি দানে রমস্ব চ।
ন ৎবামতিভবিষ্যন্তি বৈদ্যা ন চ তপস্বিনঃ॥ ॥ 13-182-28 (88695)
ইতি শ্রীমন্মহাভারতে অনুশাসনপর্বণি দানধর্মপর্বণি দ্ব্যশীত্যধিকশততমোঽধ্যায়ঃ॥ 182 ॥
Mahabharata - Anushaasana Parva - Chapter Footnotes
7-182-3 মৈত্রেয়মপি অজ্ঞাতচরিতং চরন্তমিত্যর্থঃ। স্বং ঈরয়তি ধর্মায় প্রেরয়তি স্বৈরিণী মুনিশ্রেণী তস্যাঃ কুলে গৃহে। স্বৈরিণং কুল ইতি থ. পাঠঃ॥ 7-182-5 অস্ময়ত বিস্ময়ং প্রাপ্তবান্॥ 7-182-6 কুতশ্চ তে প্রমোদ ইতি সম্বন্ধঃ॥ 7-182-7 ইচ্ছামি জ্ঞাতুমিতি শেষঃ॥ 7-182-9 অতিচ্ছেদোঽত্যন্তমন্তরং মশকেন সমুদ্রশোষণমিব অতিবাদস্তস্যৈবার্থস্য কথনং লোকে তাভ্যাং বিস্ময়ো মে ভবেৎ। ইদং স্থানং ক্রতুশতং বিনা ন প্রাপ্যত ইতি বেদবচনমসত্যম্। জলমাত্রদানেন তব তৎপ্রাপ্তিদর্শনাৎ। দেশকালপাত্রশ্রদ্ধাবিশেষাদল্পমপি মহত্তমৎবং জলমৌক্তিকন্যায়েন প্রাপ্নোতীতি দর্শনাৎ। কস্মাদ্বেদোঽনৃতং বদেদিতি উক্তম্॥অনুশাসনপর্ব - অধ্যায় 183
॥ শ্রীঃ ॥
13.183. অধ্যায়ঃ 183
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি দানাদিপ্রশংসাপরব্যাসমৈত্রেয়সংবাদানুবাদঃ॥ 1 ॥Mahabharata - Anushaasana Parva - Chapter Text
ভীষ্ম উবাচ।
এবমুক্তঃ প্রত্যুবাচ মৈত্রেয়ঃ কর্মপূর্বকঃ।
অত্যন্তং শ্রীমতি কুলে জাতঃ প্রাজ্ঞো বহুশ্রুতঃ॥ 13-183-1 (88696)
অসংশয়ং মহাপ্রাজ্ঞ যথৈবাত্থ তথৈব তৎ।
অনুজ্ঞাতশ্চ ভবতা কিঞ্চিদ্ব্রূয়ামহং বিভো॥ 13-183-2 (88697)
ব্যাস উবাচ। 13-183-3x (7398)
যদ্যদিচ্ছসি মৈত্রেয় যাবদ্যাবদ্যথায়থা।
ব্রূহি তৎবং মহাপ্রাজ্ঞ শুশ্রুষে বচনং তব॥ 13-183-3 (88698)
মৈত্রেয় উবাচ। 13-183-4x (7399)
নির্দোষং নির্মলং চৈব বচনং সত্যসংহিতম্।
বিদ্যাতপোভ্যাং হি ভবান্ভাবিতাত্মা ন সংশয়ঃ॥ 13-183-4 (88699)
ভবতো ভাবিতাত্মৎবাল্লাভোঽয়ং সুমহান্মম।
ভূয়ো বুদ্ধ্যাঽনুপশ্যামি সুসমৃদ্ধতপা ইব॥ 13-183-5 (88700)
অপি মে দর্শনাদেব ভবতোঽভ্যুদয়ো মহান্।
মন্যে ভবৎপ্রসাদোঽয়ং বুদ্ধিকর্মস্বভাবতঃ॥ 13-183-6 (88701)
তপঃ শ্রুতং চ যোনিশ্চাপ্যেতদ্ব্রাহ্মণ্যকারণম্।
ত্রিভির্গুণৈঃ সমুদিতঃ স্নাতো ভবতি বৈ দ্বিজঃ॥ 13-183-7 (88702)
অস্মিংস্তৃপ্তে চ তৃপ্যন্তি পিতরো দৈবতানি চ।
ন হি শ্রুতবতাং কিঞ্চিদধিকং ব্রাহ্মণাদৃতে॥ 13-183-8 (88703)
`অসংস্কারাৎক্ষত্রবৈশ্যৌ নশ্যেতে ব্রাহ্মণাদৃতে।
শূদ্রো নশ্যত্যশুশ্রূষুরাশ্রমাণাং যথার্হতঃ॥' 13-183-9 (88704)
[অন্ধং স্যাত্তম এবেদং ন প্রজ্ঞায়েত কিঞ্চন।
চাতুর্বর্ণ্যং ন বর্তেত ধর্মাধর্মাবৃতানৃতে॥] 13-183-10 (88705)
যথাহি সুকৃতে ক্ষেত্রে ফলং বিন্দতি মানবঃ।
এবং দত্ৎবা শ্রুতবতে ফলং দাতা সমশ্নুতে॥ 13-183-11 (88706)
ব্রাহ্মণশ্চেন্ন বিন্দেত শ্রুতবৃত্তোপসংহিতঃ।
প্রতিগ্রহীতা দানস্য মোঘং স্যাদ্ধনিনাং ধনম্॥ 13-183-12 (88707)
অন্নং হ্যবিদ্বান্হন্ত্যেবমবিদ্বাংসং চ হন্তি তৎ।
তচ্চান্যং হন্তি যচ্চান্যৎস ভুক্ৎবা হন্যতেঽবুধঃ॥ 13-183-13 (88708)
প্রাহুর্হ্যন্নমদন্বিদ্বান্পুনর্জনয়তীশ্বরঃ।
স চান্নাজ্জায়তে তস্মাৎসূক্ষ্ম এষ ব্যতিক্রমঃ॥ 13-183-14 (88709)
`ব্রাহ্মং হ্যনুপয়োগী যো দদংশ্চান্নমসংশয়ম্।
যস্তারয়তি বৈ বিদ্বান্পিতৄন্দেবান্সদাঽমৃতান্' 13-183-15 (88710)
যদেব দদতঃ পুণ্যং তদেব প্রতিগৃহ্ণতঃ।
ন হ্যেকচক্রং বর্তেত ইত্যেবমৃষয়ো বিদুঃ॥ 13-183-16 (88711)
যত্র বৈ ব্রাহ্মণাঃ সন্তি শ্রুতবৃত্তোপসংহিতাঃ।
তত্র দানফলং পুণ্যমিহ চামুত্র চাশ্নুতে॥ 13-183-17 (88712)
যে যোনিশুদ্ধাঃ সততং তপস্যভিরতা ভৃশম্।
দানাধ্যযনসম্পন্নাস্তে বৈ পূজ্যতমাঃ সদা॥ 13-183-18 (88713)
তৈর্হি সদ্ভিঃ কৃতঃ পন্থা দেবয়ানো ন মুহ্যতে।
তে হি স্বর্গস্য নেতারো যজ্ঞবাহাঃ সনাতনাঃ॥ ॥ 13-183-19 (88714)
ইতি শ্রীমন্মহাভারতে অনুশাসনপর্বণি দানধর্মপর্বণি ত্র্যশীত্যধিকশততমোঽধ্যায়ঃ॥ 183 ॥
Mahabharata - Anushaasana Parva - Chapter Footnotes
7-183-7 শ্রুতং শাস্ত্রজ্ঞানম্। 7-183-8 ব্রাহ্মণাদৃতে ইদমন্ধন্তম এব স্যাদ্যতো বর্ণধর্মাদিকং তেন বিনা ন প্রজ্ঞায়েতেতি সম্বন্ধঃ॥ 7-183-14 ঈশ্বরৎবাচ্চ ক্ষেত্রভূতঃ সন্ পুনর্জনয়তি দাত্রে অনেকগুণিতং প্রয়চ্ছতীত্যর্থঃ। সচ দাতুরন্নাজ্জায়তে প্রজারূপেণ। গৃহস্থশ্চেত্তত্র যস্যান্নং তস্য সন্ততিরিতি সূক্ষ্মো ব্যতিক্রমোঽস্তি। তেন গৃহস্থঃ পরপাকং নাশ্নীয়াদিতি গম্যতে॥ 7-183-15 প্রতিগ্রহীত্রভাবে অন্নস্য বৃদ্ধির্ন স্যাৎ। বদ্ধ্যভাবে দাতুর্দানে প্রবৃত্তির্ন স্যাদিতি দাতৃপ্রতিগ্রহীতারৌ চক্রবল্লোকতন্ত্রং বহত ইত্যর্থঃ॥অনুশাসনপর্ব - অধ্যায় 184
॥ শ্রীঃ ॥
13.184. অধ্যায়ঃ 184
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি বিদ্যাতপোদানপ্রশংসাপরখ্যাসমৈত্রেয়সংবাদানুবাদঃ॥ 1 ॥Mahabharata - Anushaasana Parva - Chapter Text
ভীষ্ম উবাচ।
এবমুক্তঃ স ভগবান্মৈত্রেয়ং প্রত্যভাষত।
দিষ্ট্যৈতত্ৎবং বিজানাসি দিষ্ট্যা তে বুদ্ধিরীদৃশী? 13-184-1 (88715)
লোকো হ্যযং গুণানেব ভূয়িষ্ঠং সম্প্রশংসতি।
রূপমানো বয়োমানো ধনবিদ্যামদস্তথা॥ 13-184-2 (88716)
দিষ্ট্যা নাভিভবন্তি ৎবাং দৈবস্তেঽয়মনুগ্রহঃ।
তত্তে বহুগুণং দানং বর্তয়িষ্যামি তচ্ছৃণু॥ 13-184-3 (88717)
যানীহাগমশাস্ত্রাণি যাশ্চ কাশ্চিৎপ্রিবৃত্তয়ঃ।
তানি বেদং পুরস্কৃত্য প্রবৃত্তানি যথাক্রমম্। 13-184-4 (88718)
অহং দানং প্রশংসামি ভবানপি তপঃশ্রুতেঃ।
তপঃ পবিত্রং বেদস্য তপঃ স্বর্গস্য সাধনম্॥ 13-184-5 (88719)
তপসা মহদাপ্নোতি বিদ্যযা চেতি নঃ শ্রুতম্।
তপসৈব চাপনুদেদ্যচ্চান্যদপি দুষ্কৃতম্॥ 13-184-6 (88720)
যদ্যদ্ধি কিঞ্চিৎসন্ধায় পুরুষস্তপ্যতে তপঃ।
সর্বমেতদবাপ্নোতি ব্রাহ্মণো বেদপারগঃ॥ 13-184-7 (88721)
দুরন্বয়ং দুষ্প্রধর্ষং দুরাপং দুরতিক্রমম্।
সর্বং বৈ তপসাঽভ্যোতি তপো হি বলবত্তরম্॥ 13-184-8 (88722)
সুরাপঃ স্বর্ণহারী চ ভ্রূণহা গুরুতল্পগঃ।
তপসা তরতে সর্বমেনসশ্চ প্রমুচ্যতে॥ 13-184-9 (88723)
সর্বো বৈদ্যস্তু চক্ষুষ্মানপি যাদৃশতাদৃশঃ।
তপস্বিনং তথৈবাহুস্তাভ্যাং কার্যং সতাং মতম্॥ 13-184-10 (88724)
সর্বে পূজ্যাঃ শ্রুতধনাস্তথৈব চ তপস্বিনঃ।
দানপ্রদাঃ সুখং প্রেত্য প্রাপ্নুবন্তীহ চ শ্রিয়ম্॥ 13-184-11 (88725)
ইমং চ ব্রহ্মলোকং চ লোকং চ বলবত্তরম্।
অন্নদানৈঃ সুকৃতিনঃ প্রতিপদ্যন্তি লৌকিকম্॥ 13-184-12 (88726)
পূজিতাঃ পূজয়ন্ত্যেতে মানিতা মানয়ন্তি চ।
স দাতা যত্র যত্রৈতি সর্বতঃ সম্প্রণূয়তে॥ 13-184-13 (88727)
অকর্তা চৈব কর্তা চ লভতে যস্য যাদৃশম্।
যদি চোর্ধ্বং যদ্যধো বা স্বান্লোকানভিয়াস্যতি॥ 13-184-14 (88728)
প্রাপ্স্যসি ৎবন্নপানানি যানি দাস্যসি কর্হিচিৎ।
মেধাব্যসি কুলে জাতঃ শ্রুতবাননৃশংসবান্॥ 13-184-15 (88729)
কৌমারদারো ব্রতবান্মৈত্রেয় নিরতো ভব।
[এতদ্গৃহাণ প্রথমং প্রশস্তং গৃহমেধিনাম্॥ 13-184-16 (88730)
যো ভর্তা বাসিতাতুষ্টো ভর্তুস্তুষ্টা চ বাসিতা।
যস্মিন্নেবং কুলে সর্বং কল্যাণং তত্র বর্ততে॥ 13-184-17 (88731)
অদ্ভির্গাত্রান্মলমিব তমোঽগ্নিপ্রভয়া যথা।]
দানেন তপসা চৈব বিষ্ণোরভ্যর্চনেন চ।
`ব্রাহ্মণঃ স মহাভাগ তরেৎসংসারসাগরাৎ॥ 13-184-18 (88732)
স্বকর্মশুদ্ধসত্ৎবানাং তপোভির্নির্মলাত্মনাম্।
বিদ্যযা গতমোহানাং তারণায় হরিঃ স্মৃতঃ॥ 13-184-19 (88733)
তদর্চনপরো নিত্যং তদ্ভক্তস্তং নমস্কুরু।
তদ্ভক্তা ন বিনশ্যন্তি হ্যষ্টাক্ষরপরায়ণাঃ॥ 13-184-20 (88734)
প্রণবোপাসনপরাঃ পরমার্থিপরাস্ৎবিহ।
এতৈঃ পাবয় চাত্মানং সর্বপাপমপোহ্য চ॥' 13-184-21 (88735)
স্বস্তি প্রাপ্নুহি মৈত্রেয় গৃহান্সাধু ব্রজাম্যহম্।
এতন্মনসি কর্তব্যং শ্রেয় এবং ভবিষ্যতি॥ 13-184-22 (88736)
তং প্রণম্যাথ মৈত্রেয়ঃ কৃৎবা চাপি প্রদক্ষিণম্।
স্বস্তি প্রাপ্নোতু ভগবানিত্যুবাচ কৃতাঞ্জলিঃ॥ ॥ 13-184-23 (88737)
ইতি শ্রীমন্মহাভারতে অনুশাসনপর্বণি দানধর্মপর্বণি চতুরশীত্যধিকশততমোঽধ্যায়ঃ॥ 184 ॥
Mahabharata - Anushaasana Parva - Chapter Footnotes
7-184-3 বর্তয়িষ্যামি কথয়িষ্যামি॥ 7-184-10 যঃ সর্ববিৎস চক্ষুষ্মান্ যাদৃশতাদৃশমপি তপস্বিনং তথৈব চক্ষুষ্মন্তমেবাহুঃ। তাভ্যাং সর্ববিত্তপস্বিভ্যাম্॥ 7-184-17 বাসিতা স্বস্ত্রী॥অনুশাসনপর্ব - অধ্যায় 185
॥ শ্রীঃ ॥
13.185. অধ্যায়ঃ 185
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি পতিব্রতাধর্মপ্রতিপাদকশাণ্ডিলীসুমনাসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
স্ত্রীণাং হি সমুদাচারং সর্বধর্মবিদাংবর।
শ্রোতুমিচ্ছাম্যহং ৎবত্তস্তন্মে ব্রূহি পিতামহ॥ 13-185-1 (88738)
ভীষ্ম উবাচ। 13-185-2x (7400)
সর্বজ্ঞাং সর্বতত্ৎবজ্ঞাং দেবলোকে মনস্বিনীম্।
কৈকেয়ী সুমনা নাম শাণ্ডিলীং পর্যপৃচ্ছত॥ 13-185-2 (88739)
কেন বৃত্তেন কল্যাণি সমাচারেণ কেন বা।
বিধূয় সর্বপাপানি দেবলোকং ৎবমাগতা॥ 13-185-3 (88740)
হুতাশনশিখেব ৎবং জ্বলমানা স্বতেজসা।
সুতা তারাধিপস্যেব প্রভয়া দিবমাগতা॥ 13-185-4 (88741)
অরজাংসি চ বস্ত্রাণি ধারয়ন্তী গতক্লমা।
বিমানস্থা শুভা ভাসি সহস্রগুণমোজসা॥ 13-185-5 (88742)
ন ৎবমল্পেন তপসা দানেন নিয়মেন বা।
ইমং লোকমনুপ্রাপ্তা ৎবং হি তত্ৎবং বদস্ব মে॥ 13-185-6 (88743)
ইতি পৃষ্টা সুমনয়া মধুরং চারুহাসিনী।
শাণ্ডিলী নিভৃতং বাক্যং সুমনামিদমব্রবীৎ॥ 13-185-7 (88744)
নাহং কাষায়বসনা নাপি বল্কলধারিণী।
ন চ মুণ্ডা চ জটিলা ভূৎবা দেবৎবমাগতা॥ 13-185-8 (88745)
অহিতানি চ বাক্যানি সর্বাণি পরুষাণি চ।
অপ্রমত্তা চ ভর্তারং কদাচিন্নাহমব্রবম্॥ 13-185-9 (88746)
দেবতানাং পিতৄণাং চ ব্রাহ্মণানাং চ পূজনে।
অপ্রমত্তা সদা যুক্তা শ্বশ্রূশ্বশুরবর্তিনী॥ 13-185-10 (88747)
পৈশুন্যে ন প্রবর্তামি ন মমৈতন্মনো গতম্।
অদ্বারি ন চ তিষ্ঠামি চিরং ন কথয়ামি চ॥ 13-185-11 (88748)
অসদ্বা হসিতং কিঞ্চিদহিতং বাঽপি কর্মণা।
রহস্যমরহস্যং বা ন প্রবর্তামি সর্বথা॥ 13-185-12 (88749)
কার্যার্থে নির্গতং চাপি ভর্তারং গৃহমাগতম্।
আসনেনোপসংয়োজ্য পূজয়ামি সমাহিতা॥ 13-185-13 (88750)
যদন্নং নাভিজানাতি যদ্ভোজ্যং নাভিনন্দতি।
ভক্ষ্যং বা যদি বা লেহ্যং তৎসর্বং বর্জয়াম্যহম্॥ 13-185-14 (88751)
কুটুংবার্থে সমানীতং যৎকিঞ্চিৎকার্যমেব তু।
পুনরুত্থায় তৎসর্বং কারয়ামি করোমি চ॥ 13-185-15 (88752)
অগ্নিসংরক্ষণপরা গৃহশুদ্ধিং চ কারয়ে।
কুমারান্পালয়ে নিত্যং কুমারীং পরিশিক্ষয়ে॥ 13-185-16 (88753)
আত্মপ্রিয়াণি হিৎবাঽপি গর্ভসংরক্ষণে রতা।
বালানাং বর্জয়ে নিত্যং শাপং কোপং প্রতাপনম্॥ 13-185-17 (88754)
অবিক্ষিপ্তানি ধান্যানি নান্নবিক্ষেপণং গৃহে।
রক্তবৎস্পৃহয়ে গেহে গাবঃ সয়বসোদকাঃ।
সমুদ্গম্য চ শুদ্ধাঽহং ভিক্ষাং দদ্যাং দ্বিজাতিষু॥ 13-185-18 (88755)
প্রবাসং যদি মে যাতি ভর্তা কার্যেণ কেনচিৎ।
মঙ্গলৈর্বহুভির্যুক্তা ভবামি নিয়তা তদা॥ 13-185-19 (88756)
অঞ্জনং রোচনাং চৈব স্নানং মাল্যানুলেপনম্।
প্রসাধনং চ নিষ্ক্রান্তে নামিনন্দামি ভর্তরি॥ 13-185-20 (88757)
নোত্থাপয়ামি ভর্তারং সুখং সুপ্তমহং সদা।
আতুরেষ্বপি কার্যেষু তেন তুষ্যতি মে মনঃ।
নোত্থাপয়ে সুখং সুপ্তং হ্যাতুরং পালয়ে পতিম্॥ 13-185-21 (88758)
নায়াসয়ামি ভর্তারং কুটুম্বার্থেঽপি সর্বদা।
গুপ্তগুহ্যা সদা চাস্মি সুসংমৃষ্টনিবেশনা॥ 13-185-22 (88759)
ইমং ধর্মপথং নারী পালয়ন্তী সমাহিতা।
অরুন্ধতীব নারীণীস্বর্গলোকে মহীয়তে॥ 13-185-23 (88760)
ভীষ্ম উবাচ। 13-185-24x (7401)
এতদাখ্যায় সা দেবী সুমনায়ৈ তপস্বিনী।
পতিধর্মং মহাভাগা জগামাদর্শনং তদা॥ 13-185-24 (88761)
যশ্চেদং পাণ্ডবাখ্যানং পঠেৎপর্বণি পর্বণি।
স দেবলোকং সম্প্রাপ্য নন্দনে স সুখী বসেৎ॥ ॥ 13-185-25 (88762)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চাশীত্যধিকশততমোঽধ্যায়ঃ॥ 185 ॥
Mahabharata - Anushaasana Parva - Chapter Footnotes
7-185-19 মঙ্গলৈর্নিয়তেতি মঙ্গলসূত্রমাত্রং ধারয়ামি নতু তাম্বূলাদীনিত্যর্থঃ॥ 7-185-25 পাণ্ডবাখ্যানং পাণ্ডবেতি চ্ছেদঃ॥অনুশাসনপর্ব - অধ্যায় 186
॥ শ্রীঃ ॥
13.186. অধ্যায়ঃ 186
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরেণাবশ্চবেদ্যোপাস্যেষু পরাবধিং পৃষ্টেনি ভীষ্মেণ তম্প্রতি শ্রীনারায়ণমহিমপ্রতিপাদকনারদপুণ্ডিরীকসংবাদানুবাদপূর্বকং নারায়ণস্য সর্বোৎকৃষ্টৎবেন বেদ্যৎবোপাস্যৎববিধানম্॥ 1 ॥Mahabharata - Anushaasana Parva - Chapter Text
`*যুধিষ্ঠির উবাচ।
যজ্জ্ঞেয়ং পরমং কৃত্যমনুষ্ঠেয়ং মহাত্মভিঃ।
সারং মে সর্বশাস্ত্রাণাং বক্তুমর্হস্যনুগ্রহাৎ॥ 13-186-1 (88763)
ভীষ্ম উবাচ। 13-186-2x (7402)
শ্রূয়তামিদমত্যন্তং গূঢং সংসারমোচনম্।
শ্রোতব্যং চ ৎবয়া সম্যগ্জ্ঞাতব্যং চ বিশাম্পতে॥ 13-186-2 (88764)
পুণ্ডরীকঃ পুরা বিপ্রঃ পুণ্যতীর্থে জপান্বিতঃ।
নারদং পরিপপ্রচ্ছ শ্রেয়ো যোগপরং মুনিম্॥ 13-186-3 (88765)
নারদশ্চাব্রবীদেনং ব্রহ্মণোক্তং মহাত্মনা॥ 13-186-4 (88766)
শৃণুষ্বাবহিতস্তাত জ্ঞানয়োগমনুত্তমম্।
অপ্রভূতং প্রভূতার্থং বেদশাস্ত্রার্থসংয়ুতম্। 13-186-5 (88767)
যঃ পরঃ প্রকৃতে প্রোক্তঃ পুরুষঃ পঞ্চবিংশকঃ।
স এব সর্বভূতাত্মা নর ইত্যভিধীয়তে॥ 13-186-6 (88768)
নরাজ্জাতানি তৎবানি নারাণীতি ততো বিদুঃ।
তান্যেব চায়নং তস্য তেন নারায়ণঃ স্মৃতঃ॥ 13-186-7 (88769)
নারায়ণাজ্জগৎসর্বং সর্গকালে প্রজায়তে।
তস্মিন্নেব পুনস্তচ্চ প্রলয়ে সম্প্রলীয়তে॥ 13-186-8 (88770)
নারায়ণঃ পরং ব্রহ্ম তৎবং নারায়ণঃ পরঃ।
পরাদপি পরশ্চাসৌ তস্মান্নাস্তি পরাৎপরঃ॥ 13-186-9 (88771)
বাসুদেবং তথা বিষ্ণুমাত্মানং চ তথা বিদুঃ।
সংজ্ঞাভেদৈঃ স এবৈকঃ সর্বশাস্ত্রাভিসংস্কৃতঃ॥ 13-186-10 (88772)
আলোড্য সর্বশাস্ত্রাণি বিচার্য চ পুনঃপুনঃ।
ইদমেকং সুনিষ্পন্নং ধ্যেয়ো নারায়ণঃ সদা॥ 13-186-11 (88773)
তস্মাত্ৎবং গহনান্সর্বাংস্ত্যক্ৎবা শাস্ত্রার্থবিস্তরান্।
অনন্যচেতা ধ্যায়স্ব নারায়ণমজং বিভুম্॥ 13-186-12 (88774)
মুহূর্তিমপি যো ধ্যায়েন্নারায়ণমতন্দ্রিতঃ।
সোঽপি তদ্গতিমাপ্নোতি কিং পুনস্তৎপরায়ণঃ॥ 13-186-13 (88775)
নমো নারায়ণায়েতি যো বেদ ব্রহ্ম শাশ্বতম্।
অন্ত্যকালে জপন্নেতি তদ্বিষ্ণোঃ পরমং পদম্॥ 13-186-14 (88776)
শ্রবণান্মননাচ্চৈব গীতিস্তুত্যর্চনাদিভিঃ।
আরাধ্যং সর্বদা ব্রহ্ম পুরুষেণ হিতৈষিণা॥ 13-186-15 (88777)
লিপ্যতে ন স পাপেন নারায়ণপরায়ণঃ।
পুনাতি সকলং লোকং সহস্রাংশুরিবোদিতঃ॥ 13-186-16 (88778)
ব্রহ্মচারী গৃহস্থোঽপি বানপ্রস্থোঽথ ভিক্ষুকঃ।
কেশবারাধনং হিৎবা নৈব যাতি পরাং গতিম্॥ 13-186-17 (88779)
জন্মান্তরসহস্রেষু দুর্লভা তদ্গতা মতিঃ।
তদ্ভক্তবৎসলং দেবং সমরাধয় সুব্রত॥ 13-186-18 (88780)
নারদেনৈবমুক্তস্তু স বিপ্রোঽভ্যর্চয়দ্ধরিম্।
স্বপ্নোঽপি পুণ্ডরীকাক্ষং শঙ্খচক্রগদাধরম্॥ 13-186-19 (88781)
কিরীটকুণ্ডলধরং লসচ্ছ্রীবৎসকৌস্তুভম্।
তং দৃষ্ট্বা দেবদেবেশং প্রাণমৎসম্ভ্রমান্বিতঃ॥ 13-186-20 (88782)
অথ কালেন মহতা তথা প্রত্যক্ষতাং গতঃ।
সংস্তুতঃ স্তুতিভির্বেদৈর্দেবগন্ধর্বকিন্নরৈঃ॥ 13-186-21 (88783)
অথ তেনৈব ভগবানাত্মলোকমধোক্ষজঃ।
গতঃ সম্প্রজিতঃ সর্বৈঃ স যোগিনিলয়ো হরিঃ॥ 13-186-22 (88784)
তস্মাত্ৎবমপি রাজেন্দ্র তদ্ভক্তস্তৎপরায়ণঃ।
অর্চয়িৎবা যথায়োগং ভজস্ব পুরুষোত্তমম্॥ 13-186-23 (88785)
অজরমমরমেকং ধ্যেয়মাদ্যন্তশূন্যং
সগুণমগুণমাদ্যং স্থূলমত্যন্তসূক্ষ্মম্।
নিরুপমমুপমেয়ং যোগিবিজ্ঞানগম্যং
ত্রিভুবনগুরুমীশং সম্প্রপদ্যস্ব বিষ্ণুম্॥ 13-186-24 (88786)
॥ ইতী শ্রীমন্মহাভারতে অনুশাসনপর্বণি দানধর্মপর্বণি ষ়ডশীত্যধিকশততমোঽধ্যায়ঃ॥ 186 ॥
Mahabharata - Anushaasana Parva - Chapter Footnotes
7-186-1x অয়মধ্যায়ো দাক্ষিণাত্যকোশেষ্বেব দৃশ্যতে।অনুশাসনপর্ব - অধ্যায় 187
॥ শ্রীঃ ॥
13.187. অধ্যায়ঃ 187
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি সাম্নঃ সকলবশীকরণোপায়ৎবে দৃষ্টান্ততয়া রক্ষোব্রাহ্মণসংবাদানুবাদঃ॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
সাম্নি চাপি প্রদানেন চ জ্যায়ঃ কিং ভবতো মতম্।
প্রব্রূহি ভরতশ্রেষ্ঠ যদত্র ব্যতিরিচ্যতে॥ 13-187-1 (88787)
ভীষ্ম উবাচ। 13-187-2x (7403)
সাম্না প্রসাদ্যতে কশ্চিদ্দানেন চ তথাঽপরঃ।
পৌরুষীং প্রকৃতিং জ্ঞাৎবা তয়োরেকতরং ভজেৎ॥ 13-187-2 (88788)
গুণাংস্তু শৃণু বৈরাজন্ৎসান্ৎবস্য পুরুষর্ষভ।
দারুণান্যপি ভূতানি সান্ৎবেনারাধয়েদ্যথা॥ 13-187-3 (88789)
অত্রাপ্যুদাহরন্তীমমিদিহাসং পুরাতনম্।
গৃহীৎবা রক্ষসা মুক্তো দ্বিজাতিঃ কাননে যথা॥ 13-187-4 (88790)
কশ্চিত্তু বুদ্ধিসম্পন্নো ব্রাহ্মণো বিজনে বনে।
গৃহীতঃ কৃচ্ছ্রমাপন্নো রক্ষসা ভক্ষয়িষ্যতা॥ 13-187-5 (88791)
সুবুদ্ধিঃ শ্রুতিসম্পন্নো দৃষ্ট্বা তমতিভীষণম্।
সামৈবাস্মৈ প্রয়ুঞ্জানো ন মুমোহ ন বিব্যধে॥ 13-187-6 (88792)
রক্ষস্তু বাচা সম্পূজ্য প্রশ্নং পপ্রচ্ছ তং দ্বিজম্।
মোক্ষ্যসে ব্রূহি মে প্রশ্নং কেনাস্মি হরিণঃ কৃশঃ॥ 13-187-7 (88793)
ভীষ্ম উবাচ। 13-187-8x (7404)
মুহূর্তমথ সঞ্চিন্ত্য ব্রাহ্মণিস্তং নিরীক্ষ্য সঃ।
অভীতবদথাব্যগ্রঃ প্রশ্নং প্রতিজগাদ হ॥ 13-187-8 (88794)
বিদেশস্থো বিলোকস্থো বিনা নূনং সুহৃজ্জনৈঃ।
বিষয়ানতুলান্ভুঙ্ক্ষে তেনাসি হরিণঃ কৃশঃ॥ 13-187-9 (88795)
নূনং মিত্রাণি তে রক্ষঃ সাধূপচরিতান্যপি।
স্বদোষাত্তু পরিত্যজ্য তেনাসি হরিণঃ কৃশঃ॥ 13-187-10 (88796)
অবৃত্ত্যা পীড্যমানোঽপি বৃত্ত্যুপায়ান্বিগর্হয়ন্।
মহার্থান্ধ্যায়সে নূনং তেনাসি হরিণঃ কৃশঃ॥ 13-187-11 (88797)
পরকার্যাধিকারস্থাঃ সদ্গুণৈরধমা নরাঃ।
অবজানন্তি নূনং ৎবাং তেনাসি হরিণঃ কৃশঃ॥ 13-187-12 (88798)
গুণবান্নির্গুণানন্যান্নূনং পশ্যসি তৎকৃতান্।
প্রাজ্ঞৈরপি বিনীতাত্মা তেনাসি হরিণঃ কৃশঃ॥ 13-187-13 (88799)
সম্পীড্যাত্মানমার্যৎবাত্ৎবয়া কশ্চিদুপস্কৃতঃ।
জিতং ৎবাং মন্যতে সাধো তেনাসি হরিমঃ কৃশঃ॥ 13-187-14 (88800)
ক্লিশ্যমানান্বিমার্গেষু কামক্রোধাবৃতাত্মনঃ।
মন্যেঽনুধ্যায়সি জনাংস্তেনাসি হরিমঃ কৃশঃ॥ 13-187-15 (88801)
প্রাজ্ঞৈরপুজিতো নূনং প্রাজ্ঞৈরপ্যভিনিন্দিতঃ।
হ্রীমানমর্ষী দুর্বৃত্তস্তেনাসি হরিণঃ কৃশঃ॥ 13-187-16 (88802)
নূনং মিত্রমুখঃ শত্রুঃ কশ্চিদার্যবদাচরন্।
বঞ্চয়িৎবা গতস্ৎবাং বৈ তেনাসি হরিণঃ কৃশঃ॥ 13-187-17 (88803)
নূনমদ্য সতাং মধ্যে তব বাক্যমনুত্তমম্।
ন ভাতি কালেঽভিহিতং তেনাসি হরিণঃ কৃশঃ॥ 13-187-18 (88804)
দৃষ্টপূর্বাঞ্শ্রুতপূর্বান্কুপিতান্হৃদয়প্রিয়ান্।
অনুনেতুং ন শক্রোষি তেনাসি হরিণঃ কৃশঃ॥ 13-187-19 (88805)
নূনমাসঞ্জয়িৎবা ৎবা কৃত্যে কস্মিংশ্চিদীপ্সিতে।
কচ্চিদর্থয়তে নিত্যং তেনাসি হরিণঃ কৃশঃ॥ 13-187-20 (88806)
পরোক্ষবাদিভির্মিথ্যাদোষস্তে সম্প্রদর্শিতঃ।
তজ্জ্ঞৈর্ন পূজ্যসে ব্যক্তং তেনাসি হরিণঃ কৃশঃ॥ 13-187-21 (88807)
নূনং ৎবাং সদ্গুণাপেক্ষং পূজয়ানং সুহৃৎপ্রজাঃ।
মায়াবীতি চ জানন্তি তেনাসি হরিণঃ কৃশঃ॥ 13-187-22 (88808)
অন্তর্গতমভিপ্রায়ংন ন নূনং লজ্জয়েচ্ছসি।
বিবক্তুং প্রাপ্য শৈথিল্যাত্তেনাসি হরিণঃ কৃশঃ॥ 13-187-23 (88809)
নানাবুদ্ধিরুচীঁল্লোকে মানুষান্নূনমিচ্ছসি।
গ্রহীতুং স্বৈর্গুণৈঃ সর্বাংস্তেনাসি হরিণঃ কৃশঃ॥ 13-187-24 (88810)
অসৎসু বিনিবিষ্টেষু ন গুণান্বদতঃ স্বয়ম্।
গুণাস্তে ন বিরাজন্তে তেনাসি হরিণঃ কৃশঃ॥ 13-187-25 (88811)
ধর্মবৃত্তঃ শ্রুতৈর্হীনঃ পদং ৎবং রজসান্বিতঃ।
মহৎপ্রার্থয়সে নূনং তেনাসি হরিণঃ কৃশঃ॥ 13-187-26 (88812)
তপঃপ্রণিহিতাত্মানং মন্যে ৎবারণ্যকাঙ্ক্ষিণম্।
বন্ধুবর্গো নিগৃহ্ণাতি তেনাসি হরিমঃ কৃশঃ॥ 13-187-27 (88813)
ইষ্টভার্যস্য তে নূনং প্রাতিবেশ্যো মহাধনঃ।
যুবা সুললিতঃ কামী তেনাসি হরিণঃ কৃশঃ॥ 13-187-28 (88814)
দুর্বিনীতহতঃ পুত্রো জামাতা বাঽপ্রমার্জকঃ।
দারা বা প্রতিকূলাস্তে তেনাসি হরিমঃ কৃশঃ॥ 13-187-29 (88815)
ভ্রাতরোঽতীব বিষমাঃ পিতা বা ক্ষুৎক্ষতো মৃতঃ।
মাতা জ্যোষ্ঠো গুরুর্বাঽপি তেনাসি হরিমঃ কৃশঃ॥ 13-187-30 (88816)
ব্রাহ্মণো বা হতো গৌর্বা ব্রহ্মস্বং বাপহৃতং পুরা।
দেবস্যং বা হৃতং কালে তেনাসি হরিণঃ কৃশঃ॥ 13-187-31 (88817)
হৃতদারোঽথ বৃদ্ধো বা লোকে দ্বিষ্টোঽথবা নরৈঃ।
অবিজ্ঞানেন বা বৃদ্ধস্তেনাসি হরিণঃ কৃশঃ॥ 13-187-32 (88818)
বার্ধকার্থং ধনং দৃষ্ট্বা স্বা শ্রীর্বাঽপি পরৈর্হৃতা।
বৃত্তির্বা দুর্জনাপেক্ষা তেনাসি হরিণঃ কৃশঃ॥ 13-187-33 (88819)
সম্পৎকালেন তে ধর্মঃ ক্ষীণস্তাত সুহৃদ্বুবৈঃ।
অসংন্যাসমতিস্তত্র তেনাসি হরিণঃ কৃশঃ॥ 13-187-34 (88820)
অবিদ্বান্ভীরুরল্পার্থে বিদ্যাবিক্রমদানজম্।
যশঃ প্রার্থয়সে নিত্যং তেনাসি হরিণঃ কৃশঃ॥ 13-187-35 (88821)
চিরহাভিলষিতং কিঞ্চিৎফলমপ্রাপ্তমেব তে।
কৃতমন্যৈরপহৃতং তেনাসি হরিণঃ কৃশঃ॥ 13-187-36 (88822)
নূনমাত্মগতং দোষমপশ্যন্কিংচিদাত্মনি।
অকারণেঽভিশস্তো হি তেনাসি হরিণঃ কৃশঃ॥ 13-187-37 (88823)
সুহৃদাং দুঃখমার্তানাং ন প্রমোক্ষ্যসি হানিজম্।
অলমর্থগুণৈর্হীনং তেনাসি হরিণঃ কৃশঃ॥ 13-187-38 (88824)
সাধূন্গৃহস্থান্দৃষ্ট্বা চ তথা সাধূন্বনেচরান্।
মুক্তাংশ্চাবসথে সক্তাংস্তেনাসি হরিমঃ কৃশঃ॥ 13-187-39 (88825)
ধর্ম্যমর্থ্যং চ কাম্যং চ দেশে চ রহিতং বচঃ।
ন প্রসিদ্ধ্যতি তে নূনং তেনাসি হরিণঃ কৃশঃ॥ 13-187-40 (88826)
দত্তানকুশলৈরর্থান্মনীষী সংজিজীবিষুঃ।
প্রাপ্য বর্তয়সে নূনং তেনাসি হরিণঃ কৃশঃ॥ 13-187-41 (88827)
পরস্পরবিরুদ্ধানাং প্রিয়ং নূনং চিকীর্ষসি।
সুহৃদামুপরোধেন তেনাসি হরিণঃ কৃশঃ॥ 13-187-42 (88828)
পাপান্বিবর্ধিতান্দৃষ্ট্বা কল্যাণাংশ্চাবসীদতঃ।
ধ্রুবং গর্হয়সে নূনং তেনাসি হরিণঃ কৃশঃ॥ 13-187-43 (88829)
এবং সম্পূজিতং রক্ষো বিপ্রং তং প্রত্যপূজয়ৎ।
সহায়মকরোচ্চৈনং সম্পূজ্যামুং মুমোচ হ॥ ॥ 13-187-44 (88830)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তাশীত্যধিকশততমোঽধ্যায়ঃ॥ 187 ॥
Mahabharata - Anushaasana Parva - Chapter Footnotes
7-187-8 আভির্গাধাভিরব্যগ্র ইতি ঝ.পাঠঃ॥ 7-187-10 স্বদোষাদপরজ্যন্তে ইতি ঝ.পাঠঃ॥ 7-187-16 প্রজ্ঞাসম্ভাবিতো নূনমপ্রদৈরুপসংহিতে ইতি ঝ.পাঠঃ॥অনুশাসনপর্ব - অধ্যায় 188
॥ শ্রীঃ ॥
13.188. অধ্যায়ঃ 188
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি শ্রাদ্ধবিদ্যাদিপ্রতিপাদকপিতৃদেবদূতাদিসংবাদানুবাদঃ॥ 1 ॥Mahabharata - Anushaasana Parva - Chapter Text
[*যুধিষ্ঠির উবাচ।
জন্ম মানুষ্যকং প্রাপ্য কর্মক্ষেত্রং সুদুর্লভম্।
শ্রেয়োর্থিনা দরিদ্রেণ কিং কর্তব্যং পিতামহ॥ 13-188-1 (88831)
দানানামুত্তমং যচ্চ দেয়ং যচ্চ যথায়থা।
মান্যান্পূজ্যাংশ্চ গাঙ্গেয় রহস্যং বক্তুমর্হসি॥ 13-188-2 (88832)
বৈশম্পায়ন উবাচ। 13-188-3x (7405)
এবং পৃষ্টো নরেন্দ্রেণ পাণ্ডবেন যশস্বিনা।
ধর্মাণাং পরমং গুহ্যং ভীষ্মঃ প্রোবাচ পার্থিবম্॥ 13-188-3 (88833)
ভীষ্ম উবাচ। 13-188-4x (7406)
শৃণুষ্বাবহিতো রাজন্ধর্মগুহ্যানি ভারত।
যথাহি ভগবান্ব্যাসঃ পুরা কথিতবান্ময়ি॥ 13-188-4 (88834)
দেবগুহ্যমিদং রাজন্যমেনাক্লিষ্টকর্মণা।
নিয়মস্থেন যুক্তেন তপসো মহতঃ ফলম্॥ 13-188-5 (88835)
যেন যঃ প্রীয়তে দেবঃ প্রীয়ন্তে পিতরস্তথা।
ঋষয়ঃ প্রমথাঃ শ্রীশ্চ চিত্রগুপ্তো দিশাং গজাঃ॥ 13-188-6 (88836)
ঋষিধর্মঃ স্মৃতো যত্র সরহস্যো মহাফলঃ।
মহাদানফলং চৈব সর্বয়জ্ঞফলং তথা॥ 13-188-7 (88837)
যশ্চৈতদেবং জানীয়াজ্জ্ঞাৎবা বা কুরুতেঽনঘ।
সদোষোঽদোষবাংশ্চেহ তৈর্গুণৈঃ সহ যুজ্যতে॥ 13-188-8 (88838)
দশসূনাসমং চক্রং দশচক্রসমো ধ্বজঃ।
দশধ্বজসমা বেশ্যা দশবেশ্যাসমো নৃপঃ 13-188-9 (88839)
অর্ঘেনৈতানি সর্বাণি নৃপতিঃ কথ্যতেঽধিকঃ।
ত্রিবর্গসহিতং শাস্ত্রং পবিত্রং পুণ্যলক্ষণম্॥ 13-188-10 (88840)
ধর্মিব্যাকরণং পুণ্যং রহস্যশ্রবণং মহৎ।
শ্রোতব্যং ধর্মসংয়ুক্তং বিহিতং ত্রিদশৈঃ স্বয়ম্॥ 13-188-11 (88841)
পিতৄণাং যত্র গুহ্যানি প্রোচ্যন্তে শ্রাদ্ধকর্মণি।
দেবতানাং চ সর্বেষাং রহস্যং কথ্যতেঽখিলম্॥ 13-188-12 (88842)
ঋষিধর্মঃ স্মৃতো যত্র সরহস্যো মহাফলঃ।
মহায়জ্ঞফলং চৈব সর্বদানফলং তথা॥ 13-188-13 (88843)
যে পঠন্তি সদা মর্ত্যা যেষাং চৈবোপতিষ্ঠতি।
শ্রুৎবা চ ফলমাচষ্টে স্বয়ং নারায়ণঃ প্রভুঃ॥ 13-188-14 (88844)
গবাং ফলং তীর্থফলং যজ্ঞানাং চৈব যৎফলম্।
এতৎফলমবাপ্নোতি যো নরোঽতিথিপূজকঃ॥ 13-188-15 (88845)
শ্রোতারঃ শ্রদ্ধধানাশ্চ যেষাং শুদ্ধং চ মানসম্।
তেষাং ব্যক্তং জিতা লোকাঃ শ্রদ্দধানেন সাধুনা॥ 13-188-16 (88846)
মুচ্যতে কিল্বিষাচ্চৈব ন স পাপেন লিপ্যতে।
ধর্মং চ লভতে নিত্যং প্রেত্য লোকগতো নরঃ॥ 13-188-17 (88847)
কস্যচিত্ৎবথ কালস্য দেবদূতো যদৃচ্ছয়া।
স্থিতো হ্যন্তর্হিতো ভূৎবা পর্যভাষত বাসবম্॥ 13-188-18 (88848)
যো তৌ কামগুণোপেতাবশ্বিনৌ ভিষজাং বরৌ।
আজ্ঞয়াঽহং তয়োঃ প্রাপ্তঃ সনরান্পিতৃদৈবতান্॥ 13-188-19 (88849)
কস্মাদ্ধি মৈথুনং শ্রাদ্ধে দাতুর্ভোক্তুশ্চ বর্জিতম্।
কেমর্থং চ ত্রয়ঃ পিণ্ডাঃ প্রবিভক্তাঃ পৃথক্পৃথক্॥ 13-188-20 (88850)
প্রথমঃ কস্য দাতব্যো মধ্যমঃ ক্ব চ গচ্ছতি।
উত্তরশ্চ স্মৃতঃ কস্য এতদিচ্ছামি বেদিতুম্॥ 13-188-21 (88851)
শ্রদ্দধানেন দূতেন ভাষিতং ধর্মসংহিতম্।
পূর্বস্থাস্ত্রিদশাঃ সর্বে পিতরঃ পূজ্য খেচরম্॥ 13-188-22 (88852)
পিতর ঊচুঃ। 13-188-23x (7407)
স্বাগতং তেঽস্তু ভদ্রং তে শ্রূয়তাং খেচরোত্তম।
গূঢার্থঃ পরমঃ প্রশ্নো ভবতা সমুদীরিতঃ॥ 13-188-23 (88853)
শ্রাদ্ধং দত্ৎবা চ ভুক্ৎবা চ পুরুষো যঃ স্ত্রিয়ং ব্রজেৎ।
পিতরস্তস্য তং মাসং তস্মিন্রেতসি শেরতে॥ 13-188-24 (88854)
প্রবিভাগং তু পিণ্ডানাং প্রবক্ষ্যাম্যনুপূর্বশঃ।
পিণ্ডো হ্যধস্তাদ্গচ্ছংস্তু অপ আবিশ্য ভাবয়েৎ॥ 13-188-25 (88855)
পিণ্ডং তু মধ্যমং তত্র পত্নীৎবেকা সমশ্নুতে।
পিণ্ডস্তৃতীয়ো যস্তেষাং তং দদ্যাজ্জাতবেদসি।
এষ শ্রাদ্ধবিধিঃ প্রোক্তো যথা ধর্মো ন লুপ্যতে॥ 13-188-26 (88856)
পিতরস্তস্য তুষ্যন্তি প্রহৃষ্টমনসঃ সদা।
প্রজা বিবর্ধতে চাস্য অক্ষয়ং চোপতিষ্ঠতি॥ 13-188-27 (88857)
দেবদূত উবাচ। 13-188-28x (7408)
আনুপূর্ব্যেণ পিণ্ডানাং প্রবিভাগঃ পৃথক্পৃথক্।
পিতৄণাং ত্রিষু সর্বেষাং নিরুক্তং কথিতং ৎবয়া॥ 13-188-28 (88858)
একঃ সমুদ্ধৃতঃ পিণ্ডো হ্যধস্তাৎকস্য গচ্ছতি।
কং বা প্রীণয়তে দেবং কথং তারয়তে পিতৄন্॥ 13-188-29 (88859)
মধ্যমং তু তদা পত্নী ভুঙ্ক্তেঽনুজ্ঞাতমেব হি।
কিমর্থং পিতরস্তস্য কব্যমেব চ ভুঞ্জতে॥ 13-188-30 (88860)
অত্র যস্ৎবন্তিমঃ পিণ্ডো গচ্ছতে জাতবেদসম্।
ভবতে কা গতিস্তস্য কং বা সমনুগচ্ছতি॥ 13-188-31 (88861)
এতদিচ্ছাম্যহং শ্রোতুং পিণ্ডেষু ত্রিষু যা গতিঃ।
ফলং বৃত্তিং চ মার্গং চ যশ্চৈনং প্রতিপদ্যতে॥ 13-188-32 (88862)
পিতর ঊচুঃ। 13-188-33x (7409)
সুমহানেষ প্রশ্নো বৈ যস্ৎবয়া সমুদীরিতঃ।
রহস্যমদ্ভুতং চাপি পৃষ্টাঃ স্ম গগনেচর॥ 13-188-33 (88863)
এতদেব প্রশংসন্তি দেবাশ্চ মুনয়স্তথা।
তেঽপ্যেবং নাভিজানন্তি পিতৃকার্যবিনিশ্চয়ম্।
বর্জয়িৎবা মহাত্মানং চিরজীবিনমুত্তমম্॥ 13-188-34 (88864)
পিতৃভক্তস্তু যো বিপ্রো বলব্ধো মহায়শাঃ।
ত্রয়াণামপি পিণ্ডানাং শ্রুৎবা ভগবতো গতিম্॥ 13-188-35 (88865)
দেবদূতেন যঃ পৃষ্টঃ শ্রাদ্ধস্য বিদিনিশ্চয়ঃ।
গতিং ত্রয়াণাং পিণ্ডানাং শৃণুষ্বাবহিতো মম॥ 13-188-36 (88866)
অপো গচ্ছতি যো হ্যত্র শশিনং হ্যেষ প্রীণয়েৎ।
শশী প্রীণয়তে দেবান্পিতৄংশ্চৈব মহামতে॥ 13-188-37 (88867)
ভুঙ্ক্তে তু পত্নীং যং চৈষামনুজ্ঞাতা তু মধ্যমম্।
পুত্রকামায় পুত্রং তু প্রয়চ্ছন্তি পিতামহাঃ॥ 13-188-38 (88868)
হব্যবাহে তু যঃ পিণ্ডো দীয়তে তন্নিবোধ মে।
পিতরস্তেন তৃপ্যন্তি প্রীতাঃ কামান্দিশন্তি চ।
এতত্তে কথিতং সর্বং ত্রিষু পিণ্ডেষু যা গতিঃ॥ 13-188-39 (88869)
ঋৎবিগ্যো যজমানস্য পিতৃৎবমনুগচ্ছতি।
তস্মিন্নহনি মন্যন্তে পরিহার্যং হি মৈথুনম্॥ 13-188-40 (88870)
শুচিনা তু সদা শ্রাদ্ধং ভোক্তব্যং খেচরোত্তম।
যে ময়া কথিতা দোষাস্তে তথা স্যুর্ন চান্যথা॥ 13-188-41 (88871)
তস্মাৎস্নাতঃ শুচিঃ ক্ষান্তঃ শ্রাদ্ধং ভুঞ্জীত বৈ দ্বিজঃ।
প্রজা বিবর্দতে চাস্য চশ্চৈবং সম্প্রয়চ্ছতি॥ 13-188-42 (88872)
ততো বিদ্যুৎপ্রভো নাম ঋষিরাহ মহাতপাঃ।
আদিত্যতেজসা তস্য তুল্যং রূপং প্রকাশতে॥ 13-188-43 (88873)
স চ ধর্মরহস্যানি শ্রুৎবা শক্রমথাব্রবীৎ॥ 13-188-44 (88874)
তির্যগ্যোনিগতান্সৎবান্মর্ত্যা হিংসন্তি মোহিতাঃ।
কীটান্পিপীলিকান্সর্পান্মেষান্সমৃগপক্ষিণঃ।
কিল্বিষং সুবহু প্রাপ্তাঃ কিংস্বিদেষাং প্রতিক্রিয়া॥ 13-188-45 (88875)
ততো দেবগণাঃ সর্বে ঋষয়শ্চ তপোধনাঃ।
পিতরশ্চ মহাভাগাঃ পূজয়ন্তি স্ম তং মুনিম্॥ 13-188-46 (88876)
শক্র উবাচ। 13-188-47x (7410)
কুরুক্ষেত্রং গয়াং গঙ্গাং প্রভাসং পুষ্করাণি চ।
এতানি মনসা ধ্যাৎবা অবগাহেত্ততো জলম্।
তথা মুচ্যতি পাপেনি রাহুণা চন্দ্রমা যথা॥ 13-188-47 (88877)
ত্র্যহং স্নাতঃ স ভবতি নিরাহারশ্চ বর্ততে।
স্পৃশতে যো গবাং পৃষ্ঠং বালধিং চ নমস্যতি॥ 13-188-48 (88878)
ততো বিদ্যুৎপ্রভো বাক্যমভ্যভাষত বাসবম্।
অয়ং সূক্ষ্মতরো ধর্মস্তং নিবোধ শতক্রতো॥ 13-188-49 (88879)
ঘৃষ্টো বটকষায়েণি অনুলিপ্তঃ প্রিয়ঙ্গুণা।
ক্ষীরেণ ষষ্টিকান্ভুক্ৎবা সর্বপাপৈঃ প্রমুচ্যতে॥ 13-188-50 (88880)
শ্রূয়তাং চাপরং গুহ্যং রহস্যমৃষিচিন্তিতম্।
শ্রুতং মে ভাষমাণস্য স্থাণোঃ স্থানে বৃহস্পতেঃ।
রুদ্রেণ সহ দেবেশ তন্নিবোধ শচীপতে॥ 13-188-51 (88881)
পর্বতারোহণং কৃৎবা একপাদো বিভাবসুম্।
নিরীক্ষেত নিরাহার ঊর্ধ্ববাহুঃ কৃতাঞ্জলিঃ।
তপসা মহতা যুক্ত উপবাসফলং লভেৎ॥ 13-188-52 (88882)
রশ্মিভিস্তাপিতোঽর্কস্য সর্বপাপমপোহতি।
গ্রীষ্মকালেঽথবা শীতে এবং পাপমপোহতি॥ 13-188-53 (88883)
ততঃ পাপাৎপ্রমুক্তস্য দ্যুতির্ভবতি শাশ্বতী।
তেজসা সূর্যবদ্দীপ্তো ভ্রাজতে সোমবৎপনঃ॥ 13-188-54 (88884)
মধ্যে ত্রিদশবর্গস্য দেবরাজঃ শতক্রতুঃ।
উবাচ মধুরং বাক্যং বৃহস্পতিমনুত্তমম্॥ 13-188-54 (88885)
ধর্মগুহ্যং তু ভগবন্মানুষাণাং সুখাবহম্।
সরহস্যাশ্চ যে দোষাস্তান্যথাবদুদীরথ॥ 13-188-56 (88886)
বৃহস্পতিরুবাচ। 13-188-57x (7411)
প্রতিমেহন্তি যে সূর্যমনিলং দ্বিষতে চ যে।
হব্যবাহে প্রদীপ্তে চ সমিধং যে ন জুহ্বতি॥ 13-188-57 (88887)
বালবৎসাং চ যে ধেনুং দুহন্তি ক্ষীরকারণাৎ।
তেষাং দোষান্প্রবক্ষ্যামি তান্নিবোধ শচীপতে॥ 13-188-58 (88888)
ভানুমাননিলশ্চৈব হব্যবাহশ্চ বাসব।
লোকানাং মাতরশ্চৈব গাবঃ সৃষ্টাঃ স্বয়ংভুবা॥ 13-188-59 (88889)
লোকাংস্তারয়িতুং শক্তা মর্ত্যেষ্বেতেষু দেবতাঃ।
সর্বে ভবন্তঃ শৃণিবন্তু একৈকং ধর্মনিশ্চয়ম্॥ 13-188-60 (88890)
বর্ষাণি ষডশীতিং তু দুর্বৃত্তাঃ কুলপাংসনাঃ।
স্ত্রিয়ঃ সর্বাশ্চ দুর্বৃত্তাঃ প্রতিমেহন্তি যা রবিম্॥ 13-188-61 (88891)
অনিলদ্বেষিণঃ শক্র গর্ভস্থা চ্যবতে প্রজা।
হব্যবাহস্য দীপ্তস্য সমিধং যে ন জুহ্বতি।
অগ্নিকার্যেষু বৈ তেষাং হব্যং নাশ্নাতি পাবকঃ॥ 13-188-62 (88892)
ক্ষীরং তু বালবৎসানাং যে পিবন্তীহ মানবাঃ।
ন তেষাং ক্ষীরপাঃ কেচিজ্জায়ন্তে কুলবর্ধনাঃ॥ 13-188-63 (88893)
প্রজাক্ষয়েণ যুজ্যন্তে কুলবংশক্ষয়েণ চ।
এবমেতৎপুরা দৃষ্টং কুলবৃদ্ধৈর্দ্বিজাতিভিঃ॥ 13-188-64 (88894)
তস্মাদ্বর্জ্যানি বর্জ্যানি কার্যং কার্যং চ নিত্যশঃ।
ভূতিকামেনি মর্ত্যেন সত্যমেতদ্ব্রবীমি তে॥ 13-188-65 (88895)
ততঃ সর্বা মহাভাগ দেবতাঃ সমরুদ্গণাঃ।
ঋষয়শ্চ মহাভাগাঃ পৃচ্ছন্তি স্ম পিতৄংস্ততঃ॥ 13-188-66 (88896)
পিতরঃ কেন তুষ্যন্তি মর্ত্যানামল্পচেতসাম্।
অক্ষয়ং চ কথং দানং ভবেচ্চৈবৌর্ধ্বদেহিকম্॥ 13-188-67 (88897)
আনৃণ্যং বা কথং মর্ত্যা গচ্ছেয়ুঃ কেন কর্মণা।
এতদিচ্ছামহে শ্রোতুং পরং কৌতূহলং হি নঃ॥ 13-188-68 (88898)
পিতর ঊচুঃ। 13-188-69x (7412)
ন্যায়তো বৈ মহাভাগাঃ সংশয়ঃ সমুদাহৃতঃ।
শ্রূয়তাং যেন তুষ্যামো মর্ত্যানাং সাধুকর্মণাম্॥ 13-188-69 (88899)
নীলষণ্ডপ্রমোক্ষেণ অণাবাস্যাং তিলোদকৈঃ।
বর্ষাসু দীপকৈশ্চৈব পিতৄণামনৃণো ভবেৎ॥ 13-188-70 (88900)
অক্ষয়ং নির্ব্যলীকং চ দানমেতন্মহাফলম্।
অস্মাকং পরিতোষশ্চ অক্ষয়ঃ পরিকীর্ত্যতে॥ 13-188-71 (88901)
শ্রদ্ধধানাশ্চ যে মর্ত্যা আহরিষ্যন্তি সন্ততিম্।
দুর্গাত্তে তারয়িষ্যন্তি নরকাৎপ্রপিতামহান্॥ 13-188-72 (88902)
পিতৄণাং ভাষিতং শ্রুৎবা হৃষ্টরোমা তপোধনঃ।
বৃদ্ধগার্গ্যো মহাতেজাস্তানেবং বাক্যমব্রবীৎ॥ 13-188-73 (88903)
কে গুণা নীলষণ্ডস্য প্রমুক্তস্য তপোধনাঃ।
বর্ষাসু দীপদানেন তথৈব চ তিলোদকৈঃ॥ 13-188-74 (88904)
পিতর ঊচুঃ। 13-188-75x (7413)
নীলষণ্ডস্য লাঙ্গূলং তোয়মভ্যুদ্দরেদ্যদি।
ষষ্টিং বর্ষসহস্রাণি পিতরস্তেন তর্পিতাঃ॥ 13-188-75 (88905)
যস্তু শৃঙ্গগতং পঙ্ক্তং কূলাদুদ্ধৃত্য তিষ্ঠতি।
পিতরস্তেন গচ্ছন্তি সোমলোকমসংশয়ম্॥ 13-188-76 (88906)
বর্ষাসু দীপদানেন শশীবচ্ছোভতে নরঃ।
তমোরূপং ন তস্যাস্তি দীপকং যঃ প্রয়চ্ছতি॥ 13-188-77 (88907)
অমাবাস্যাং তু যে মর্ত্যাঃ প্রয়চ্ছন্তি তিলোদকম্।
পাত্রমৌদুম্বরং গৃহ্য মধুমিশ্রং তপোধন।
কৃতং ভবতি তৈঃ শ্রাদ্ধং সরহস্যং যথার্থবৎ॥ 13-188-78 (88908)
হৃষ্টপুষ্টমনাস্তেষাং প্রজা ভবতি নিত্যদা।
কুলবংশস্য বৃদ্ধিস্তু পিণ্ডদস্য ফলং ভবেৎ।
শ্রদ্দধানস্তু যঃ কুর্যাৎপিতৄণামনৃণো ভবেৎ॥ 13-188-79 (88909)
এবমেব সমুদ্দিষ্টঃ শ্রাদ্ধকালক্রমস্তথা।
বিধিঃ পাত্রং ফলং চৈব যথাবদনুকীর্তিতম্॥] ॥ 13-188-80 (88910)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টাশীত্যধিকশততমোঽধ্যায়ঃ॥ 188 ॥
Mahabharata - Anushaasana Parva - Chapter Footnotes
7-188-5 যমেনপ্রাপ্তমিতি শেষঃ॥ 7-188-9 দশানাং পশূনাং সূনা বধো যত্র সা পশুঘ্নজাতির্দশসূনা। চক্রং চক্রবান্ তৈলিকঃ। ধ্বজঃ সুরাপায়ী। নৃপঃ ক্ষুদ্রো রাজা॥ 7-188-10 এবং দুষ্প্রতিগ্রহপরাঙ্মুখেন ত্রিবর্গশাস্ত্রং ধর্মার্থকামশাস্ত্রাণি জ্ঞেয়ানি॥ 7-188-14 পঠন্তি শাস্ত্রম্। উপতিষ্ঠতি সম্যক্ স্ফুরত্যাচষ্টে চ যঃ স স্বয়ং নারায়ণ এবেতি জ্ঞাতব্যঃ॥ 7-188-19 সনরান্ সহর্ষীন্প্রাপ্তঃ প্রষ্টুমিতি শেষঃ॥ 7-188-22 পূজ্য সম্পূজ্য॥ 7-188-34 চিরজীবিনং মার্কণ্ডেয়ম্॥ 7-188-40 যতঃ ঋৎবিক্ শ্রাদ্ধভোক্তা যজমানস্য পিতৃৎবং গচ্ছতি তস্মাদন্যাত্মতাং গতঃ স্বস্ত্রিয়ং ন গচ্ছেৎ। পারদার্যদোষতুল্যং হ্যেতদিত্যর্থঃ॥ 7-188-41 এতচ্চ বরণমারভ্য দ্রষ্টব্যমিত্যাশয়েনাহ শুচিনেতি॥ 7-188-50 বটকষায়েণ বটজটাকষায়েণ। প্রিয়ঙ্গুঃ রাজসর্ষপঃ ষষ্টিকান্ ষষ্টিরাত্রেণ পক্বধান্যম্॥ 7-188-52 বিভাবসুং সূর্যম্॥অনুশাসনপর্ব - অধ্যায় 189
॥ শ্রীঃ ॥
13.189. অধ্যায়ঃ 189
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বিষ্ণুনেন্দ্রংপ্রতি স্বপ্রীতিকরধর্মকথনম্॥ 1 ॥ ততা বলদেবদেবাগ্নিবিশ্বামিত্রাদিভিঃ পৃথক্পৃথগ্ধর্মবিশেষকথনম্॥ 2 ॥Mahabharata - Anushaasana Parva - Chapter Text
[ভীষ্ম উবাচ।
কেন তে চ ভবেৎপ্রীতিঃ কথং তুষ্টিং তু গচ্ছসি।
ইতি পৃষ্টঃ সুরেন্দ্রেণ প্রোবাচ হরিরীশ্বরঃ॥ 13-189-1 (88911)
ব্রাহ্মণানাং পরীবাদো মম বিদ্বেষণং মহৎ।
ব্রাহ্মণৈঃ পূজিতৈর্নিত্যং পূজিতোঽহং ন সংশয়ঃ॥ 13-189-2 (88912)
নিত্যাভিবাদ্যা বিপ্রেন্দ্রা ভুক্ৎবা পাদৌ তথাঽঽত্মনঃ।
তেষাং তুষ্যামি মর্ত্যানাং যশ্চক্রে চ বলিং হরেৎ॥ 13-189-3 (88913)
বামনং ব্রাহ্মণং দৃষ্ট্বা বরাহং চ জলোত্থিতম্।
উদ্ধৃতাং ধরণীং চৈব মূর্ধ্না ধারয়তে তু যঃ।
ন তেষামশুভং কিঞ্চিৎকল্মষং চোপপদ্যতে॥ 13-189-4 (88914)
অশ্বত্থং রোচনাং গাং চ পূজয়েদ্যো নরঃ সদা।
পূজিতং চ জগত্তেন সদেবাসুরমানুষম্॥ 13-189-5 (88915)
তেন রূপেণ তেষাং চ পূজাং গৃহ্ণামি তত্ৎবতঃ।
পূজা মমৈষা নাস্ত্যন্যা যাবল্লোকাঃ প্রতিষ্ঠিতাঃ॥ 13-189-6 (88916)
অন্যথা হি বৃথা মর্ত্যাঃ পূজয়ন্ত্যল্পবুদ্ধ্যঃ।
নাহং তৎপ্রতিগৃহ্ণামি ন সা তুষ্টিকরী মম॥ 13-189-7 (88917)
ইন্দ্র উবাচ। 13-189-8x (7414)
চক্রং পাদৌ বরাহং চ ব্রাহ্মণং চাপি বামনম্।
উদ্ধৃতাং ধরণীং চৈব কিমর্থং ৎবং প্রশংসসি॥ 13-189-8 (88918)
ভবান্সৃজতি ভূতানি ভাবন্সংহরতি প্রজাঃ।
প্রকৃতিঃ সর্বভূতানাং সমর্ত্যানাং সনাতনী॥ 13-189-9 (88919)
ভীষ্ম উবাচ। 13-189-10x (7415)
সম্প্রহস্য ততো বিষ্ণুরিদং বচনমব্রবীৎ।
চক্রেণ নিহতা দৈত্যাঃ পদ্ম্যাং ক্রান্তা বসুন্ধরা॥ 13-189-10 (88920)
বারাহং রূপমাস্থায় হিরণ্যাক্ষো নিপাতিতঃ।
বামনং রূপমাস্থায় জিতো রাজা ময়া বলিঃ। 13-189-11 (88921)
পরিতুষ্টো ভবাম্যেবং মানুষাণাং মহাত্মনাম্।
তন্মাং যে পূজয়িষ্যন্তি নাস্তি তেষাং পরাভবঃ॥ 13-189-12 (88922)
অপি বা ব্রাহ্ম্ণং দৃষ্ট্বা ব্রহ্ম চারিণমাগতম্।
ব্রাহ্মণাগ্র্যাহুতিং দত্ৎবা অমৃতং তস্য ভোজনম্॥ 13-189-13 (88923)
ঐন্দ্রীং সংধ্যামুপাসিৎবা আদিত্যাভিমুখঃ স্থিতঃ।
সর্বতীর্থেষু স স্নাতো মুচ্যতে সর্বকিল্বিষৈঃ॥ 13-189-14 (88924)
এতদ্বঃ কথিতং গুহ্যমখিলেনি তপোধনাঃ।
সংশয়ং পৃচ্ছমানানাং কিং ভূয়ঃ কথয়াম্যহম্॥ 13-189-15 (88925)
বলদেব উবাচ। 13-189-16x (7416)
শ্রূয়তাং পরমং গুহ্যং মানুষাণাং সুখাবহম্।
অজানন্তো যদবুধাঃ ক্লিশ্যন্তে ভূতপীডিতাঃ॥ 13-189-16 (88926)
কল্য উত্থায় যো মর্ত্যঃ স্পৃশেদ্গাং বৈ ঘৃতং দধি।
সর্ষপং চ প্রিয়ঙ্গং চ কল্মষাৎপ্রতিমুচ্যতে॥ 13-189-17 (88927)
ভূতানি চৈব সর্বাণি অগ্রতঃ পৃষ্ঠতোপি বা।
উচ্ছিষ্টং বাঽপি চ্ছিদ্রেষু বর্জয়ন্তি তপোধনাঃ॥ 13-189-18 (88928)
দেবা ঊচুঃ। 13-189-19x (7417)
প্রগৃহ্যৌদুম্বরং পাত্রং তোয়পূর্ণমুদঙ্ভুখঃ।
উপবাসং তু গৃহ্ণীয়াদ্যদ্বা সঙ্কল্পয়েদ্ব্রতম্॥ 13-189-19 (88929)
দেবতাস্তস্য তুষ্যন্তি কামিকং চাপি সিধ্যতি।
অন্যথা হি বৃথা মর্ত্যাঃ কুর্বতে স্বল্পবুদ্ধয়ঃ॥ 13-189-20 (88930)
উপবাসে বলৌ চাপি তাম্রপাত্রং বিশিষ্যতে।
বলির্ভিক্ষা তথাঽর্ধ্যং চ পিতৄণাং চ তিলোদকং 13-189-21 (88931)
তাম্রপাত্রেণ দাতব্যমন্যথাঽল্পফলং ভবেৎ।
গুহ্যমেতৎসমুদ্দিষ্টং যথা তুষ্যন্তি দেবতাঃ॥ 13-189-22 (88932)
ধর্ম উবাচ। 13-189-23x (7418)
রাজপৌরুষিকে বিপ্রে ঘাণ্টিকে পরিচারিকে।
গোরক্ষকে বাণিজকে তথা কারুকুশীলবে॥ 13-189-23 (88933)
মিত্রদ্রুহ্যনধীয়ানে যশ্চ স্যাদ্বৃষলীপতিঃ।
এতেষু দৈবং পিত্র্যং বা ন দেয়ং স্যাৎকথঞ্চন।
পিণ্ডদাস্তস্য হীয়ন্তে ন চ প্রীণাতি বৈ পিতৄন্॥ 13-189-24 (88934)
অতিথির্যস্য ভগ্নাশো গৃহাৎপ্রতিনিবর্ততে।
পিতরস্তস্য দেবাশ্চ অগ্নয়শ্চ তথৈব হি।
নিরাশাঃ প্রতিগচ্ছন্তি অতিথেরপ্রতিগ্রহাৎ॥ 13-189-25 (88935)
স্ত্রীঘ্নৈর্গোঘ্নৈঃ কৃতঘ্নৈশ্চ ব্রহ্মঘ্নৈর্গুরুতল্পগৈঃ।
তুল্যদোষো ভবত্যেভির্যস্যাতিথিতরনর্চিতঃ॥ 13-189-26 (88936)
অগ্নিরুবাচ। 13-189-27x (7419)
পাদমুদ্যম্য যো মর্ত্যঃ স্পৃশেদ্গাশ্চ সুদুর্মতিঃ।
ব্রাহ্মণং বা মহাভাগং দীপ্যমানং তথাঽনলম্।
তস্য দোষান্প্রবক্ষ্যামি তচ্ছৃণুধ্বং সমাহিতাঃ॥ 13-189-27 (88937)
দিবং স্পৃশত্যশব্দোঽস্য ত্রস্যন্তি পিতরশ্চ বৈ।
বৈমনস্যং চ দেবানাং কৃতং ভবতি পুষ্কলম্।
পাবকশ্চ মহাতেজা হব্যং ন প্রতিগৃহ্ণতি॥ 13-189-28 (88938)
আজন্মনাং শতং চৈব নরকে পচ্যতে তু সঃ।
নিষ্কৃতিং চ ন তস্যাপি অনুমন্যন্তি কর্হিচিৎ॥ 13-189-29 (88939)
তস্মাদ্গাবো ন পাদেন স্প্রষ্টব্যা বৈ কদাচন।
ব্রাহ্মণশ্চ মহাতেজা দীপ্যমানস্তথাঽনলঃ।
শ্রদ্দধানেন মর্ত্যেন আত্মনো হিতমিচ্ছতা॥ 13-189-30 (88940)
এতে দোষা ময়া প্রোক্তাস্ত্রিষু যঃ পাদমুৎসৃজেৎ। 13-189-31 (88941)
বিশ্বামিত্র উবাচ। 13-189-32x (7420)
শ্রূয়তাং পরমং গুহ্যং রহস্যং ধর্মসংহিতম্।
পরমান্নেন যো দদ্যাৎপিতৄণামৌপহারিকম্॥ 13-189-32 (88942)
গজচ্ছায়ায়াং পূর্বস্যাং কুতপে দক্ষিণামুখঃ।
যদা ভাদ্রপদে মাসি ভবতে বহুলে মঘা॥ 13-189-33 (88943)
শ্রূয়তাং তস্য দানস্য যাদৃশো গুণবিস্তরঃ।
কৃতং তেন মহচ্ছ্রাদ্ধং বর্ষাণীহ ত্রয়োদশ॥ 13-189-34 (88944)
বহপল্ সমঙ্গে হ্যকুতোভয়ে চ
ক্ষেমে চ সংখ্যেব হি ভূয়সী চ।
যথা পুরা ব্রহ্মপুরে সবৎসা
শতক্রতোর্বজ্রধরস্য যজ্ঞে॥ 13-189-35 (88945)
ভূয়শ্চ যা বিষ্ণুপদে স্থিতায়া
বিভাবসোশ্চাপি পথে স্থিতা যা।
দেবাশ্চ সর্বে সহ নারদেন
প্রকুর্বতে সর্বসহেতি নাম॥ 13-189-36 (88946)
মন্ত্রেণৈতেনাভিবন্দেত যো বৈ
বিমুচ্যতে পাপকৃতেন কর্মণা।
লোকানবাপ্নোতি পুরংদরস্য
গবাং ফলং চন্দ্রমসো দ্যুতিং চ॥ 13-189-37 (88947)
এবং হি মন্ত্রং ত্রিদশাভিজুষ্টং
পঠেত যঃ পর্বসু গোষ্ঠমধ্যে।
ন তস্যি পাপং ন ভয়ং ন শোকঃ
সহস্রনেত্রস্য চ যাতি লোকম্॥ 13-189-38 (88948)
ভীষ্ম উবাচ। 13-189-39x (7421)
অথ সপ্ত মহাভাগ ঋষয়ো লোকবিশ্রুতাঃ।
বসিষ্ঠপ্রমুখাঃ সর্বে ব্রহ্মণং পদ্মসম্ভবম্। 13-189-39 (88949)
প্রদক্ষিণমভিক্রম্য সর্বে প্রাঞ্জলয়ঃ স্থিতাঃ॥
উবাচ বচনং তেষাং বসিষ্ঠো ব্রহ্মবিত্তমঃ। 13-189-40 (88950)
সর্বপ্রাণিহিতং প্রশ্নং ব্রহ্মিক্ষত্রে বিশেষতঃ॥
দ্রব্যহীনাঃ কথং মর্ত্যা দরিদ্রাঃ সাধুবর্তিনঃ। 13-189-41 (88951)
প্রাপ্নুবন্তীহ যজ্ঞস্য ফলং কেন চ কর্মণা॥
এতচ্ছ্রুৎবা বচস্তেষাং ব্রহ্মা বচনমব্রবীৎ॥ 13-189-42 (88952)
অহো প্রশ্নো মহাভাগ গূঢার্থঃ পরমঃ শুভঃ।
সূক্ষ্মঃ শ্রেয়াংশ্চ মর্ত্যানাং ভবদ্ভিঃ সমুদাহৃতঃ॥ 13-189-43 (88953)
শ্রূয়তাং সর্বমাখ্যাস্যে নিখিলেন তপোধনাঃ।
যথা যজ্ঞফলং মর্ত্যো লভতে নাত্র সংশয়ঃ॥ 13-189-44 (88954)
পৌষমাসস্য শুক্লে বৈ যদা যুজ্যেত রোহিণী।
তেন নক্ষত্রয়োগেন আকাশশয়নো ভবেৎ॥ 13-189-45 (88955)
একবস্ত্রঃ শুচিঃ স্নাতঃ শ্রদ্দধানঃ সমাহিতঃ।
সোমস্য রশ্ময়ঃ পীৎবা মহায়জ্ঞফলং লভেৎ॥ 13-189-46 (88956)
এতদ্বঃ পরমং গুহ্যং কথিতং দ্বিজসত্তমাঃ।
যন্মাং ভবন্তঃ পৃচ্ছন্তি সূক্ষ্মতত্ৎবার্থদর্শিনঃ]॥ 13-189-47 (88957)
ইতি শ্রীমন্মহাভারতে অনুশাসনপর্বণি দানধর্মপর্বণি একোননবত্যধিকশততমোঽধ্যায়ঃ॥ 189 ॥
Mahabharata - Anushaasana Parva - Chapter Footnotes
7-189-3 চক্রে গোময়োপলিপ্তে মণ্ডলে সুদর্শনমন্ত্রেণ পূজিতে॥ 7-189-28 অশব্দঃ অপশব্দঃ নিন্দারূপঃ॥ 7-189-46 রশ্ময়ঃ রশ্মীন্॥অনুশাসনপর্ব - অধ্যায় 190
॥ শ্রীঃ ॥
13.190. অধ্যায়ঃ 190
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
সূর্যগার্গ্যাদিভিঃ পৃথক্পৃথগ্ধর্মরহস্যকথনম্॥ 1 ॥Mahabharata - Anushaasana Parva - Chapter Text
[বিভাবসুরুবাচ।
সলিলস্যাঞ্জলিং পূর্ণমক্ষতাশ্চ ধৃতোত্তরাঃ।
সোমস্যোত্তিষ্ঠমানস্য তজ্জলং চাক্ষতাংশ্চ তান্॥ 13-190-1 (88958)
স্থিতো হ্যভিমুখো মর্ত্যঃ পৌর্ণমাস্যাং বলিং হরেৎ।
অগ্নিকার্যং কৃতং তেন হুতাশ্চাস্যাগ্নয়স্ত্রয়ঃ॥ 13-190-2 (88959)
বনস্পতিং চ যো হন্যাদমাবাস্যামবুদ্ধিমান্।
অপি হ্যেকেন পত্রেণ লিপ্যতে ব্রহ্মহত্যযা॥ 13-190-3 (88960)
দন্তকাষ্ঠং তু যঃ খাদেদমাবাস্যামবুদ্ধিমান্।
হিংসিতশ্চন্দ্রমা**** পিতরশ্চোদ্বিজন্তি চ॥ 13-190-4 (88961)
হব্যং ন তস্য দেবাশ্চ প্রতিগৃহ্ণন্তি পর্বসু।
কুপ্যন্তে পিতরশ্চাস্য কুলে বংশোঽস্য হীয়তে॥ 13-190-5 (88962)
শ্রীরুবাচ। 13-190-6x (7422)
প্রকীর্ণং ভাজনং যত্র ভিন্নভাণ্ডমথাসনম্।
যোষিতশ্চৈব হন্যন্তে কশ্মলোপহতে গৃহে॥ 13-190-6 (88963)
দেবতাঃ পিতরশ্চৈব উৎসবে পর্বণীষু বা।
নিরাশাঃ প্রতিগচ্ছন্তি কশ্মলোপহতাদ্গৃহাৎ॥ 13-190-7 (88964)
অঙ্গিরা উবাচ। 13-190-8x (7423)
যস্তু সংবৎসরং পূর্ণং দদ্যাদ্দীপং করঞ্জকে।
সুবর্চলামূলহস্তঃ প্রজা তস্য বিবর্ধতে॥ 13-190-8 (88965)
গার্গ্য উবাচ। 13-190-9x (7424)
আতীথ্যং সততং কুর্যাদ্দীপং দদ্যাৎপ্রতিশ্রয়ে।
বর্জয়ানো দিবাস্বাপং ন চ মাংসানি ভক্ষয়েৎ॥ 13-190-9 (88966)
গোব্রাহ্মণং ন হিংস্যাচ্চ পুষ্করাণি চ কীর্তয়েৎ।
এত শ্রেষ্ঠতমো ধর্মঃ সরহস্যো মহাফলঃ॥ 13-190-10 (88967)
অপি ক্রতুশতৈরিষ্ট্বা ক্ষয়ং গচ্ছতি তদ্ধবিঃ।
ন তু ক্ষীয়ন্তি তে ধর্মাঃ শ্রদ্দধানৈঃ প্রয়োজিতাঃ॥ 13-190-11 (88968)
ইদং চ পরমং গুহ্যং সরহস্যং নিবোধত।
শ্রাদ্ধকল্পে চ দৈবে চ তৈর্থিকে পর্বণীষু চ॥ 13-190-12 (88969)
রজস্বলা চ যা নারী শ্বিত্রিকাঽপুত্রিকা চ যা।
এতাভিশ্চক্ষুষা দৃষ্টং হবির্নাশ্নন্তি দেবতাঃ।
পিতরশ্চ ন তুষ্যন্তি বর্ষাণ্যপি ত্রয়োদশ॥ 13-190-13 (88970)
শুক্লবাসাঃ শুচির্ভূৎবা ব্রাহ্মণান্স্বস্তি বাচয়েৎ।
কীর্তয়েদ্ভারতং চৈব তথা স্যাদক্ষয়ং হবিঃ॥ 13-190-14 (88971)
ধৌম্য উবাচ। 13-190-15x (7425)
ভিন্নভাণ্ডং চ খট্বাং চ কুক্কুটং শুনকং তথা।
অপ্রশস্তানি সর্বাণি যশ্চ বৃক্ষো গৃহেরুহঃ॥ 13-190-15 (88972)
ভিন্নভাণ্ডে কলিং প্রাহুঃ খট্বায়াং তু ধনক্ষয়ঃ।
কুক্কুটে শুনকে চৈব হবির্নাশ্নন্তি দেবতাঃ।
বৃক্ষমূলে ধ্রুবং সৎবং তস্মাদ্বৃক্ষং ন রোপয়েৎ॥ 13-190-16 (88973)
জমদগ্নিরুবাচ। 13-190-17x (7426)
যো যজেদশ্বমেধেন বাজপেয়শতেন হ।
অবাক্শিরা বা লম্বেত সত্রং বা স্ফীতমাহরেৎ॥ 13-190-17 (88974)
ন যস্য হৃদয়ং শুদ্ধং নরকং স ধ্রুবং ব্রজেৎ।
তুল্যং যজ্ঞশ্চ সত্যং চ হৃদয়স্য চ শুদ্ধতা॥ 13-190-18 (88975)
শুদ্ধেন মনসা দত্ৎবা সক্তুপ্রস্থং দ্বিজাতয়ে।
ব্রহ্মলোকমনুপ্রাপ্তঃ পর্যাপ্তং তন্নিদর্শনম্॥] ॥ 13-190-19 (88976)
ইতি শ্রীমন্মহাভারতে অনুশাসনপর্বণি নবত্যধিকশততমোঽধ্যায়ঃ॥ 190 ॥
Mahabharata - Anushaasana Parva - Chapter Footnotes
7-190-8 করঞ্জসুবর্চলে বৃক্ষবল্লিবিশেষৌ॥ 7-190-16 সৎবং বৃশ্চিকসর্পাদি। ন রোপয়েৎ গৃহে ইতি শেষঃ॥অনুশাসনপর্ব - অধ্যায় 191
॥ শ্রীঃ ॥
13.191. অধ্যায়ঃ 191
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বায়ুনা ধর্মরহস্যকথনম্॥ 1 ॥Mahabharata - Anushaasana Parva - Chapter Text
[বায়ুরুবাচ।
কিঞ্চিদ্ধর্মং প্রবক্ষ্যামি মানুষাণাং সুখাবহম্।
সরহস্যাশ্চ যে দোষাস্তাঞ্শৃণুধ্বং সমাহিতাঃ॥ 13-191-1 (88977)
অগ্নিকার্যং চ কর্তব্যং পরমান্নেন ভোজনম্।
দীপকশ্চাপি কর্তব্যঃ পিতৄণাং সতিলোদকঃ॥ 13-191-2 (88978)
এতেন বিধিনা মর্ত্যঃ শ্রদ্দধানঃ সমাহিতঃ।
চতুরো বার্ষিকান্মাসান্যো দদাতি তিলোদকাম্॥ 13-191-3 (88979)
ভোজনং চ যথাশক্ত্যা ব্রাহ্মণে বেদপারগে।
পশুবন্ধশতস্যেহ ফলং প্রাপ্নোতি পুষ্কলম্॥ 13-191-4 (88980)
ইদং চৈবাপরং গুহ্যমপ্রশস্তং নিবোধত।
অগ্নেস্তু বৃষলো নেতা হবির্মূঢাশ্চ যোষিতঃ॥ 13-191-5 (88981)
মন্যতে ধর্ম এবেতি চ চাধর্মেণি লিপ্যতে।
অগ্নয়স্তস্য কুপ্যন্তি শূদ্রয়োনিং স গচ্ছতি॥ 13-191-6 (88982)
পিতরশ্চ ন তুষ্যন্তি সহদেবৈর্বিশেষতঃ।
প্রায়শ্চিত্তং তু যত্তত্র ব্রুবতস্তন্নিবোধ মে।
যৎকৃৎবা তু নরঃ সম্যক্সুখী ভবতি বিজ্বরঃ॥ 13-191-7 (88983)
গবাং মূত্রপুরীষেণি পয়সা চ ঘৃতেন চ।
অগ্নিকার্যং ত্র্যহং কুর্যান্নিরাহারঃ সমাহিতঃ॥ 13-191-8 (88984)
ততঃ সংবৎসরে পূর্ণে প্রতিগৃহ্ণন্তি দেবতাঃ।
হৃষ্যন্তি পিতরশ্চাস্য শ্রাদ্ধকাল উপস্থিতে॥ 13-191-9 (88985)
এষ হ্যধর্মো ধর্মশ্চ সরহস্যঃ প্রকীর্তিতঃ।
মর্ত্যানাং স্বর্গকামানাং প্রেত্য স্বর্গসুখাবহ॥] ॥ 13-191-10 (88986)
ইতি শ্রীমন্মহাভারতে অনুশাসনপর্বণি দানধর্মপর্বণি একনবত্যধিকশততমোঽধ্যায়ঃ॥ 191 ॥
Mahabharata - Anushaasana Parva - Chapter Footnotes
7-191-5 নেতা দেশান্তরপ্রাপকো যদি শূদ্রঃ স্যাৎ তর্হি তস্য দোষঃ॥অনুশাসনপর্ব - অধ্যায় 192
॥ শ্রীঃ ॥
13.192. অধ্যায়ঃ 192
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
লোমশেন ধর্মরহস্যকথনম্॥ 1 ॥Mahabharata - Anushaasana Parva - Chapter Text
[লোমশ উবাচ।
পরদারেষু যে সক্তা অকৃৎবা দারসঙ্গ্রহম্।
নিরাশাঃ পিতরস্তেষাং শ্রাদ্ধকালে ভবন্তি বৈ॥ 13-192-1 (88987)
পরদাররতির্যশ্চ যশ্চ বন্ধ্যামুপাসতে।
ব্রহ্মস্বং হরতে যশ্চ সমদোষা ভবন্তি তে॥ 13-192-2 (88988)
অসম্ভাষ্যা ভবন্ত্যেতে পিতৄণাং নাত্র সংশয়ঃ।
দেবতাঃ পিতরশ্চৈষাং নাভিনন্দন্তি তদ্ধবিঃ॥ 13-192-3 (88989)
তস্মাৎপরস্য বৈ দারাংস্ত্যজেদ্বন্ধ্যাং চ যোষিতম্।
ব্রহ্মস্বং হি ন হর্তব্যমাত্মনো হিতমিচ্ছতা॥ 13-192-4 (88990)
শ্রূয়তাং চাপরং গুহ্যং রহস্যং ধর্মসংহিতম্।
শ্রদ্দধানেন কর্তব্যং গুরুণাং বচনং সদা॥ 13-192-5 (88991)
দ্বাদশ্যাং পৌর্ণমাস্যাং চ মাসিমাসি ঘৃতাক্ষতম্।
ব্রাহ্মণেভ্যঃ প্রয়চ্ছেত তস্য পুণ্যং নিবোধত॥ 13-192-6 (88992)
সোমশ্চ বর্ধতে তেন সমুদ্রশ্চ মহোদধিঃ।
অশ্বমেধচতুর্ভাগং ফলং সৃজতি বাসবঃ॥ 13-192-7 (88993)
দানেনৈতেন তেজস্বী বীর্যবাংশ্চ ভবেন্নরঃ।
প্রীতশ্চ ভগবান্সোম ইষ্টান্কামান্প্রয়চ্ছতি॥ 13-192-8 (88994)
শ্রূয়তাং চাপরো ধর্মঃ সরহস্যো মহাফলঃ।
ইদং কলিয়ুগং প্রাপ্য মনুষ্যাণাং সুখাবহঃ॥ 13-192-9 (88995)
কল্যমুত্থায় যো মর্ত্যঃ স্নাতঃ শুক্লেন বাসসা।
তিলপাত্রং প্রয়চ্ছেত ব্রাহ্মণেভ্যঃ সমাহিতঃ॥ 13-192-10 (88996)
তিলোদকং চ যো দদ্যাৎপিতৄণাং মধুনা সহ।
দীপকং কৃসংর চৈব শ্রূয়তাং তস্য যৎফলম্॥ 13-192-11 (88997)
তিলপাত্রে ফলং প্রাহ ভগবান্পাকশাংসনঃ।
গোপ্রদানং চ যঃ কুর্যাদ্ভূমিদানং চ শাশ্বতম্॥ 13-192-12 (88998)
অগ্নিষ্টোমং চ যো যজ্ঞং যজেত বহুদক্ষিণম্।
তিলপাত্রং সহৈতেন সমং মন্যন্তি দেবতাঃ॥ 13-192-13 (88999)
তিলোদকং সদা শ্রাদ্ধে মন্যন্তে পিতরোঽক্ষয়ম্।
দীপে চ কৃসরে চৈব তুষ্যন্তেঽস্য পিতামহাঃ॥ 13-192-14 (89000)
স্বর্গে চ পিতৃলোকে চ পিতৃদেবাভিপূজিতম্।
এবমেতন্ময়োদ্দিষ্টপিদৃষ্টং পুরাতনম্॥] ॥ 13-192-15 (89001)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিনবত্যধিকশততমোঽধ্যায়ঃ॥ 192 ॥
Mahabharata - Anushaasana Parva - Chapter Footnotes
7-192-7 মহান্ত্যুদকানি ধীয়ন্তেঽস্মিন্নিতি। যদ্বা মহানামুৎসবানামুদধিরিব॥অনুশাসনপর্ব - অধ্যায় 193
॥ শ্রীঃ ॥
13.193. অধ্যায়ঃ 193
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রত্যরুন্ধতীচিত্রগুপ্তোদিতধর্মরহস্যকথনম্॥ 1 ॥Mahabharata - Anushaasana Parva - Chapter Text
[ভীষ্ম উবাচ।
ততস্ৎবৃষিগণাঃ সর্বে পিতরশ্চ সদেবতাঃ।
অরুন্ধতীং তপোবৃদ্ধামপৃচ্ছন্ত সমাহিতাঃ॥ 13-193-1 (89002)
সমানশীলাং বীর্যেণ বসিষ্ঠস্য মহাত্মনঃ।
ৎবত্তো ধর্মরহস্যানি শ্রোতুমিচ্ছামহে বয়ম্।
যত্তে গুহ্যতমং ভদ্রে তৎপ্রভাষিতুমর্হসি॥ 13-193-2 (89003)
অরুন্ধত্যুবাচ। 13-193-3x (7427)
তপোবৃদ্ধির্ময়া প্রাপ্তা ভবতাং স্মরণেন বৈ।
ভবতাং চ প্রসাদেন ধর্মান্বক্ষ্যামি শাশ্বতান্॥ 13-193-3 (89004)
সগুহ্যান্সরহস্যাংশ্চ তাঞ্শৃণুদ্বমশেষতঃ।
শ্রদ্দধানে প্রয়োক্তব্যা যস্য শুদ্ধং তথা মনঃ॥ 13-193-4 (89005)
অশ্রদ্দধানো মানী চ ব্রহ্মহা গুরুতল্পগ।
অসম্ভাষ্যা হি চৎবারো নৈষাং ধর্মং প্রকাশয়েৎ॥ 13-193-5 (89006)
অহন্যহনি যো দদ্যাৎকপিলাং দ্বাদশীঃ সমাঃ।
মাসিমাসি চ সত্রেণ যো যজেত সদা নরঃ॥ 13-193-6 (89007)
গবাং শতসহস্রং চ যো দদ্যাজ্জ্যেষ্ঠপুষ্করে।
ন তদ্ধর্মফলং তুল্যমতিথির্যস্য তুষ্যতি॥ 13-193-7 (89008)
শ্রূয়তাং চাপরো ধর্মো মনুষ্যাণাং সুখাবহঃ।
শ্রদ্দধানেন কর্তব্যঃ সরহস্যো মহাফলঃ॥ 13-193-8 (89009)
কল্যমুত্থায় গোমধ্যে গৃহ্য দর্ভান্সহোদকান্।
নিষিঞ্চেত গবাং শৃঙ্গে মস্তকেন চ তজ্জলম্।
প্রতীচ্ছেত নিরাহারস্তস্যি ধর্মফলং শৃণু॥ 13-193-9 (89010)
শ্রূয়ন্তে যানি তীর্থানি ত্রিষু লোকেষু কানিচিৎ।
সিদ্ধচারণজুষ্টানি সেবিতানি মহর্ষিভিঃ।
অভিষেকঃ সমস্তেষাং গবাং শৃঙ্গোদকস্য চ॥ 13-193-10 (89011)
সাধুসাধ্বিতি চোদ্দিষ্টং দৈবতৈঃ পিতৃভিস্তথা।
ভূতৈশ্চৈব সুসংহৃষ্টৈঃ পূজিতা সাঽপ্যরুন্ধতী॥ 13-193-11 (89012)
পিতামহ উবাচ। 13-193-12x (7428)
অহো ধর্মো মহাভাগে সরহস্য উদাহৃতঃ।
বরং দদামি তে ধন্যে তপস্তে বর্দতাং সদা॥ 13-193-12 (89013)
যম উবাচ। 13-193-13x (7429)
রমণীয়া কথা দিব্যা যুষ্মত্তো যা ময়া শ্রুতা।
শ্রূয়তাং চিত্রগুপ্তস্য ভাষিতং মম চ প্রিয়ম্॥ 13-193-13 (89014)
রহস্যং ধর্মসংয়ুক্তং শক্যং শ্রোতুং মহর্ষিভিঃ।
শ্রদ্দধানেন মর্ত্যেন আত্মনো হিতমিচ্ছাতা॥ 13-193-14 (89015)
ন হি পুণ্যং তথা পাপং কৃতং কিঞ্চিদ্বিনশ্যতি।
পর্বকালে চ যৎকিংচিদাদিত্যং চাধিতিষ্ঠতি॥ 13-193-15 (89016)
প্রেতলোকং গতে মর্ত্যে তত্তৎসর্বং বিভাবসুঃ।
প্রতিজানাতি পুণ্যাত্মা তচ্চি তত্রোপয়ুজ্যতে॥ 13-193-16 (89017)
কিঞ্চিদ্ধর্ম প্রবক্ষ্যামি চিত্রগুপ্তমতং শুভম্।
পানীয়ং চৈব দীপং চ দাতব্যং সততং তথা॥ 13-193-17 (89018)
উপানহৌ চ চ্ছত্রং চ কপিলা চ যথাতথম্।
পুষ্করে কপিলা দেয়া ব্রাহ্মণে বেদপারগে॥ 13-193-18 (89019)
অগ্নিহোত্রং চ যত্নেন সর্বশঃ প্রতিপালয়েৎ।
অয়ং চৈবাপরো ধর্মশ্চিত্রগুপ্তেন ভাষিতঃ॥ 13-193-19 (89020)
ফলমস্য পৃথক্ৎবেন শ্রোতুমর্হন্তি সত্তমাঃ।
প্রলয়ং সর্বভূতৈস্তু গন্তব্যং কালপর্যযাৎ॥ 13-193-20 (89021)
তত্র দুর্গমনুপ্রাপ্তাঃ ক্ষুত্তৃষ্ণাপরিপীডিতাঃ।
দহ্যমানা বিপচ্যন্তে ন তত্রাস্তি পলায়নম্॥ 13-193-21 (89022)
অন্ধকারং তমো ঘোরং প্রবিশন্ত্যল্পবুদ্ধয়ঃ।
তত্র ধর্মং প্রবক্ষ্যামি যেন দুর্গাণি সন্তরেৎ॥ 13-193-22 (89023)
অল্পব্যযং মহার্থং চ প্রেত্য চৈব সুখোদয়ম্।
পানীয়স্য গুণা দিব্যাঃ প্রেতলোকে বিশেষতঃ॥ 13-193-23 (89024)
তত্র পুণ্যোদকা নাম নদী তেষাং বিধীয়তে।
অক্ষয়ং সলিলং তত্র শীতলং হ্যমৃতোপমম্॥ 13-193-24 (89025)
স তত্র তোয়ং পিবতি পীনীয়ং যঃ প্রয়চ্ছতি।
প্রদীপস্য প্রদানেন শ্রূয়তাং গুণবিস্তরঃ॥ 13-193-25 (89026)
তমোন্ধকারং নিয়তং দীপদো ন প্রপশ্যতি।
প্রভাং চাস্য প্রয়চ্ছন্তি সোমভাস্করপাবকাঃ।
দেবতাশ্চানুমন্যন্তে বিমলাঃ সর্বতো দিশঃ॥ 13-193-26 (89027)
দ্যোততেং চ যথাঽঽদিত্যঃ প্রেতলোকগতো নরঃ।
তস্মাদ্দীপঃ প্রদাতব্যঃ পানীয়ং চ বিশেষতঃ॥ 13-193-27 (89028)
কপিলাং যে প্রয়চ্ছন্তি ব্রাহ্মণে বেদপারগে।
পুষ্করে চ বিশেষেণ শ্রূয়তাং তস্য যৎফলম্॥ 13-193-28 (89029)
গোশতং সবৃষং তেন দত্তং ভবতি শাশ্বতম্।
পাপং কর্ম চ যৎকিঞ্চিদ্ব্রহ্মহত্যাসমং ভবেৎ।
শোধয়েৎকপিলা হ্যেকা প্রদত্তং গোশতং যথা॥ 13-193-29 (89030)
তস্মাত্তু কপিলা দেয়া কৌমুদ্যাং জ্যেষ্ঠপুষ্করে।
ন তেষাং বিষমং কিঞ্চিন্ন দুঃখং ন চ কণ্টকাঃ॥ 13-193-30 (89031)
উপানহৌ চ যো দদ্যাৎপাত্রভূতে দ্বিজোত্তমে।
ছত্রদানে সুখাং ছায়াং লভতে পরলোকগঃ॥ 13-193-31 (89032)
ন হি দত্তস্য দানস্য নাশোঽস্তীহ কদাচন।
চিত্রগুপ্তমতং শ্রুৎবা হৃষ্টরোমা বিভাবসুঃ॥ 13-193-32 (89033)
উবাচ দেবতাঃ সর্বাঃ পিতৄংশ্চৈব মহাদ্যুতিঃ।
শ্রুতং হি চিত্রগুপ্তস্য ধর্মগুহ্যং মহাত্মনঃ॥ 13-193-33 (89034)
শ্রদ্দধানাশ্চ যে মর্ত্যা ব্রাহ্মণেষু মহাত্মসু।
দানমেতৎপ্রয়চ্ছন্তি ন তেষাং বিদ্যতে ভয়ম্॥ 13-193-34 (89035)
ধর্মদোষাস্ৎবিমে পঞ্চ যেষাং নাস্তীহ নিষ্কৃতিঃ।
অসংভাষ্যা অনাচারা বর্জনীয়া নরাধমাঃ॥ 13-193-35 (89036)
ব্রহ্মহা চৈব গোঘ্নশ্চ পরদাররতশ্চ যঃ।
অশ্রদ্দধানশ্চ নরঃ স্ত্রিয়ং যশ্চোপজীবতি॥ 13-193-36 (89037)
প্রেতলোকগতা হ্যেতে নরকে পাপকর্মিণঃ।
পচ্যন্তে বৈ যথা মীনাঃ পূয়শোণিতভোজনাঃ॥ 13-193-37 (89038)
অসম্ভাষ্যাঃ পিতৄণাং চ দেবানাং চৈব পঞ্চ তে।
স্নাতকানাং চ বিপ্রাণাং যে চান্যে চ তপোধনাঃ॥ ॥ 13-193-38 (89039)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিনবত্যধিকশততমোঽধ্যায়ঃ॥ 193 ॥
Mahabharata - Anushaasana Parva - Chapter Footnotes
7-193-4 প্রয়োক্তব্যা ধর্মা বাচ্যাঃ॥ 7-193-16 প্রতীজানাত্যর্পয়তি। উপয়ুজ্যতে পুণ্যপাপকর্তা॥ 7-193-20 প্রকৃষ্টো লয়োঽদর্শনং যস্মাত্তৎপ্রলয়ং মরণম্॥অনুশাসনপর্ব - অধ্যায় 194
॥ শ্রীঃ ॥
13.194. অধ্যায়ঃ 194
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
প্রমথৈর্ঋষিগণান্প্রতি প্রজানাং স্বহিংসাতদভাবকারণাভিধানম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
ততঃ সর্বে মহাভাগা দেবাশ্চ পিতরশ্চ হ।
ঋষয়শ্চ মহাভাগাঃ প্রমথান্বাক্যমব্রুবন্॥ 13-194-1 (89040)
ভবন্তো বৈ মহাভাগা অপরোক্ষনিশাচরাঃ।
উচ্ছিষ্টানশুচীন্ক্ষুদ্রান্কথং হিসথ মানবান্॥ 13-194-2 (89041)
কে চ স্মৃতাঃ প্রতীঘাতা যেন মর্ত্যান্ন হিংসথ।
রক্ষোঘ্নানি চ কানি স্যুর্যৈর্গৃহেষু প্রণশ্যথ।
শ্রোতুমিচ্ছাম যুষ্মাকং সর্বমেতন্নিশাচরাঃ॥ 13-194-3 (89042)
প্রমথা ঊচুঃ। 13-194-4x (7430)
মৈথুনেন সদোচ্ছিষ্টাঃ কৃতে চৈবাধরোত্তরে।
মোহান্মাংসানি খাদেত বৃক্ষমূলে চ যঃ স্বপেৎ॥ 13-194-4 (89043)
আমিষং শীর্ষতো যস্য পাদতো যশ্চ সংবিশেৎ।
তত উচ্ছিষ্টকাঃ সর্বে বহুচ্ছিদ্রাশ্চ মানবাঃ॥ 13-194-5 (89044)
উদকে চাপ্যমেধ্যানি শ্লেষ্মাণং চ প্রমুঞ্চতি।
এতে ভক্ষ্যাশ্চ বধ্যাশ্চ মানুষা নাত্র সংশয়ঃ॥ 13-194-6 (89045)
এবং শীলসমাচারান্ধর্ষয়ামো হি মানবান্।
শ্রূয়তাং চ প্রতীঘাতান্যৈর্ন শক্নুম হিংসিতুম্। 13-194-7 (89046)
গোরোচনাসমালম্ভো বচাহস্তশ্চ যো ভবেৎ।
ঘৃতাক্ষতং চ যো দদ্যান্মস্তকে তৎপরায়ণঃ॥ 13-194-8 (89047)
যে চ মাংসং ন খাদন্তি তান্ন শক্নুম হিংসিতুম্।
যস্য চাগ্নির্গৃহে নিত্যং দিবারাত্রৌ চ দীপ্যতে॥ 13-194-9 (89048)
তরক্ষোশ্চর্মদংষ্ট্রাশ্চ তথৈব গিরিকচ্ছপঃ।
আজ্যধূমো বিডালশ্চ চ্ছাগঃ কৃষ্ণোঽত পিঙ্গলঃ॥ 13-194-10 (89049)
যেষামেতানি তিষ্ঠন্তি গৃহেষু গৃহমেধিনাম্।
তান্যধৃষ্যাণ্যগারাণি পিশিতাশৈঃ সুদারুণৈঃ॥ 13-194-11 (89050)
লোকানস্মদ্বিধা যে চ বিচরন্তি যথাসুখম্।
তস্মাদেতানি গেহেষু রক্ষোঘ্নানি বিশাম্পতে।
এতদ্বঃ কথিতং সর্বং যত্র বঃ সংশয়ো মহান্॥] ॥ 13-194-12 (89051)
ইতি শ্রীমন্মহাভারতে অনুশাসনপর্বণি দানধর্মপর্বণি চতুর্নবত্যধিকশততমোঽধ্যায়ঃ॥ 194 ॥
Mahabharata - Anushaasana Parva - Chapter Footnotes
7-194-4 অধরোত্তরে অধর উত্তরঃ শ্রেষ্ঠো যত্র শ্রেষ্ঠস্যাবমানে কৃতে সতি॥ 7-194-5 আমিষং মাংসং শিরসি দধানঃ। পাদতঃ শয়্যায়াং পাদস্থানে শিরঃ কৃৎবা যঃ সংবিশেৎ॥ 7-194-10 তরক্ষোর্ব্যাঘ্রস্য। গিরিকচ্ছপঃক পর্বতদরীশায়ী স্থলকূর্মঃ॥অনুশাসনপর্ব - অধ্যায় 195
॥ শ্রীঃ ॥
13.195. অধ্যায়ঃ 195
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
রেণুকনামকেন করেণুনা দেবাদীন্প্রতি দিগ্গজগদিতধর্মনিবেদনম্॥ 1 ॥Mahabharata - Anushaasana Parva - Chapter Text
[ভীষ্ম উবাচ।
ততঃ পদ্মপ্রতীকাশঃ পদ্মোদ্ভূতঃ পিতামহঃ।
উবাচ বচনং দেবান্বাসবং চ শচীপতিম্॥ 13-195-1 (89052)
অয়ং মহাবলো নাগো রসাতলচরো বলী।
তেজস্বী রেণুকো নাম মহাসৎবপরাক্রমঃ॥ 13-195-2 (89053)
অতিতেজস্বিনঃ সর্বে মহাবীর্যা মহাগজাঃ।
ধারয়ন্তি মহীং কৃৎস্নাং সশৈলবনকাননাম্॥ 13-195-3 (89054)
ভবদ্ভিঃ সমনুজ্ঞাতো রেণুকস্তান্মহাগজান্।
ধর্মগুহ্যানি সর্বাণি গৎবা পৃচ্ছতু তত্র বৈ॥ 13-195-4 (89055)
পিতামহবচঃক শ্রুৎবা তে দেবা রেণুকং তদা।
প্রেষয়ামাসুরব্যগ্রা যত্র তে ধরণীধরাঃ॥ 13-195-5 (89056)
রেণুক উবাচ। 13-195-6x (7431)
অনুজ্ঞাতোঽস্মি দেবৈশ্চ পিতৃভিস্চক মহাবলাঃ।
ধর্মগুহ্যানি যুষ্মাকং শ্রোতুমিচ্ছামি তত্ৎবতঃ।
কথয়ধ্বং মহাভাগা যদ্বস্তত্ৎবং মনীষিতম্॥ 13-195-6 (89057)
দিগ্গজা ঊচুঃ। 13-195-7x (7432)
কার্তিকে মাসি চাশ্লেষা বহুলস্যাষ্টমী শিবা।
তেন নক্ষত্রয়োগেন যো দদাতি গুডৌদনম্।
ইমং মন্ত্রং জপচ্ছ্রাদ্ধে যতাহারো হ্যকোপনঃ॥ 13-195-7 (89058)
বলদেবপ্রভৃতয়ো যে নাগা বলবত্তরাঃ।
অনন্তা হ্যক্ষয়া নিত্যং ভোগিনঃ সুমহাবলাঃ॥ 13-195-8 (89059)
তেষাং কুলোদ্ভবা যে চ মহাভূতা ভুজঙ্গমাঃ।
তে মে বলিং প্রয়চ্ছন্তু বলতেজোভিবৃদ্ধয়ে॥ 13-195-9 (89060)
যদা নারায়ণঃ শ্রীমানুজ্জহার বসুন্ধরাম্।
তদ্বলং তস্য দেবস্য ধরামুদ্ধরতস্তথা॥ 13-195-10 (89061)
এবমুক্ৎবা বলিং তত্র বল্মীকে তু নিবেদয়েৎ॥ 13-195-11 (89062)
গজেন্দ্রকুসুমাকীর্ণং নীলবস্ত্রানুলেপনম্।
নির্বপেত্তং তু বল্মীকে অস্তং যাতে দিবাকরে॥ 13-195-12 (89063)
এবং তুষ্টাস্ততঃ সর্বে অধস্তাদ্ভারপীডিতাঃ।
শ্রমং তং নাববুধ্যামো ধারয়ন্তো বসুন্ধরাম্॥ 13-195-13 (89064)
এবং মন্যামহে সর্বে ভারার্তা নিরপেক্ষিণঃ।
ব্রাহ্মণঃ ক্ষত্রিয়ো বৈশ্যঃ শূদ্রো বা যদ্যুপোষিতঃ॥ 13-195-14 (89065)
এবং সংবৎসরং কৃৎবা দানং বহুফলং লভেৎ।
বল্মীকে বলিমাদায় তন্নো বহুফলং মতম্॥ 13-195-15 (89066)
যে চ নাগা মহাবীর্যাস্ত্রিষু লোকেষু কৃৎস্নশঃ।
কৃতাতিথ্যা ভবেয়ুস্তে শতং বর্ষাণি তত্ৎবতঃ॥ 13-195-16 (89067)
দিগ্গজানাং চ তচ্ছ্রুৎবা দেবতাঃ পিতরস্তথা।
ঋষয়শ্চ মহাভাগাঃ পূজয়ন্তি স্ম রেণুকম্॥] ॥ 13-195-17 (89068)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চনবত্যধিকশততমোঽধ্যায়ঃ॥ 195 ॥
Mahabharata - Anushaasana Parva - Chapter Footnotes
7-195-2 নাগো গজঃ॥অনুশাসনপর্ব - অধ্যায় 196
॥ শ্রীঃ ॥
13.196. অধ্যায়ঃ 196
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ দেবাদীন্প্রতি গোপ্রশংসনম্॥ 1 ॥Mahabharata - Anushaasana Parva - Chapter Text
[মহেশ্বর উবাচ।
সারমুদ্ধৃত্য যুষ্মাভিঃ সাধুধর্ম উদাহৃতঃ।
ধর্মগুহ্যমিদং মত্তঃ শৃণুধ্বং সর্ব এব হ॥ 13-196-1 (89069)
যেষাং ধর্মাশ্রিতা বুদ্ধিঃক শ্রদ্দধানাশ্চ যে নরাঃ।
তেষাং স্যাদুপদেষ্টব্যঃ সরহস্যো মহাফলঃ॥ 13-196-2 (89070)
নিরুদ্বিগ্নস্তু যো দদ্যান্মাসমেকং গবাহ্নিকম্।
একভক্তং তথাঽশ্নীয়াচ্ছ্রূয়তাং তস্য যৎফলম্॥ 13-196-3 (89071)
ইমা গাবো মহাভাগাঃ পবিত্রং পরমং স্মৃতাঃ।
ত্রীন্লোকান্ধানয়ন্তি স্ম সদেবাসুরমানুপান্॥ 13-196-4 (89072)
তাসু চৈব মহাপুণ্যং শুশ্রূষা চ মহাফলম্।
অহন্যহনি ধর্মেণ যুজ্যতে বৈ গবাহ্নিকঃ॥ 13-196-5 (89073)
ময়া হ্যেতা হ্যনুজ্ঞাতাঃ পূর্বমাসন্কৃতে যুগে।
ততোঽহমনুনীতো বৈ ব্রহ্মণা পদ্ময়োনিনা॥ 13-196-6 (89074)
তস্মাদ্ব্রজস্থানগতস্তিষ্ঠত্যুপরি মে বৃষঃ।
রমেঽহং সহ গোভিশ্চ তস্মাৎপূজ্যাঃ সদৈব তাঃ॥ 13-196-7 (89075)
মহাপ্রভাবা বরদা বরং দদ্যুরুপাসিতাঃ।
তা গাবোঽস্যানুমন্যন্তে সর্বকর্মসু যুৎফলম্॥ 13-196-8 (89076)
তস্য তত্র চতুর্ভাগো যো দদাতি গবাহ্নিকম্॥] ॥ 13-196-9 (89077)
ইতি শ্রীমন্মহাভারতে অনুশাসনপর্বণি দানধর্মপর্বণি ষণ্ণবত্যধিকশততমোঽধ্যায়ঃ॥ 196 ॥
অনুশাসনপর্ব - অধ্যায় 197
॥ শ্রীঃ ॥
13.197. অধ্যায়ঃ 197
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
স্কন্দেন দেবাদীন্প্রতি ধর্মরহস্যবিশেষকথনম্॥ 1 ॥Mahabharata - Anushaasana Parva - Chapter Text
[স্কন্দ উবাচ।
মমাপ্যনুমতো ধর্মস্তং শৃণুধ্বং সমাহিতাঃ।
নীলষণ্ডস্য শৃঙ্গাভ্যাং গৃহীৎবা মৃত্তিকাং তু যঃ॥ 13-197-1 (89078)
অভিষেকং ত্র্যহং কুর্যাত্তস্য ধর্মং নিবোধত।
শোধয়েদশুভং সর্বমাধিপত্যং পরত্র চ॥ 13-197-2 (89079)
যাবচ্চ জায়তে মর্ত্যস্তাবচ্ছূরো ভবিষ্যতি।
ইদং চাপ্যপরং গুহ্যং সরহস্যং নিবোধত॥ 13-197-3 (89080)
প্রগৃহ্যৌদুম্বরং পাত্রং পক্বান্নং মধুনা সহ।
সোমস্যোত্তিষ্ঠমানস্যি পৌর্ণমাস্যাং বলিং হরেৎ॥ 13-197-4 (89081)
তস্য ধর্মফলং নিত্যং শ্রদ্দধানা নিবোধত।
সাধ্যা রুদ্রাস্তথাঽঽদিত্যা বিশ্বেদেবাস্তথাঽশ্বিনৌ 13-197-5 (89082)
মরুতো বসবশ্চৈব প্রতিগৃহ্ণন্তি তং বলিম্।
সোমশ্চ বর্ধতে তেন সমুদ্রশ্চ মহোদধিঃ॥ 13-197-6 (89083)
এষ ধর্মো ময়োদ্দিষ্টঃ সরহস্যঃ সুখাবহঃ॥ 13-197-7 (89084)
বিষ্ণুরুবাচ। 13-197-8x (7433)
ধর্মগুহ্যানি সর্বাণি দেবতানাং মহাত্মনাম্।
ঋষীণাং চৈব গুহ্যানি যঃ পঠেদাহ্নিকং সদা॥ 13-197-8 (89085)
শৃণুয়াদ্বাঽনসূয়ুর্যঃ শ্রদ্দধানঃ সমাহিতঃ।
নাস্য বিঘ্নঃ প্রভবতি ভয়ং চাস্য ন বিদ্যতে॥ 13-197-9 (89086)
যে চ ধর্মাঃ শুভাঃ পুণ্যাঃ সরহস্যা উদাহৃতাঃ।
তেষাং ধর্মফলং তস্য যঃ পঠেত জিতেন্দ্রিয়ঃ॥ 13-197-10 (89087)
নাস্য পাপং প্রভবতি ন চ পাপেন লিপ্যতে।
পঠেদ্বা শ্রাবয়েদ্বাঽপি শ্রুৎবা বা লভতে ফলম্॥ 13-197-11 (89088)
ভুঞ্জতে পিতরো দেবা হব্যং কব্যমথাক্ষয়ম্।
শ্রাবয়ংশ্চাপি বিপ্রেন্দ্রান্পর্বসু প্রয়তো নরঃ॥ 13-197-12 (89089)
ঋষীণাং দেবতানাং চ পিতৄণাং চৈব নিত্যদা।
ভবত্যভিমতঃ শ্রীমান্ধর্মেষু প্রয়তঃ সদা॥ 13-197-13 (89090)
কৃৎবাঽপি পাপকং কর্ম মহাপাতকবর্জিতম্।
রহস্যধর্মং শ্রুৎবেমং সর্বপাপৈঃ প্রমুচ্যতে॥ 13-197-14 (89091)
ভীষ্ম উবাচ। 13-197-15x (7434)
এতদ্ধর্মরহস্যং বৈ দেবতানাং নরাধিপ।
ব্যাসোদ্দিষ্টং ময়া প্রোক্তং সর্বদেবনমস্কৃতম্॥ 13-197-15 (89092)
পৃথিবী রত্নসংপূর্ণা জ্ঞানং চেদমনুত্তমম্।
ইদমেব ততঃ শ্রাব্যমিতি মন্যেত ধর্মবিৎ॥ 13-197-16 (89093)
নাশ্রদ্দধানায় ন নাস্তিকায়
ন নষ্টধর্মায়ি ন নির্ঘৃণায়।
ন হেতুদুষ্টায় গুরুদ্বিষে বা
নানাত্মভূতায় নিবেদ্যমেতৎ॥ ॥ 13-197-17 (89094)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তনবত্যধিকশততমোঽধ্যায়ঃ॥ 197 ॥
অনুশাসনপর্ব - অধ্যায় 198
॥ শ্রীঃ ॥
13.198. অধ্যায়ঃ 198
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভাষ্মেণি যুধিষ্ঠিরংপ্রতি ভোজ্যাভোজ্যান্নকানাং ভোজনীয়ানাং জনানাং চ বিবেচনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কে ভোজ্যা ব্রাহ্মণস্যেহ কে ভোজ্যাঃ ক্ষত্রিয়স্য হ।
তথা বৈশ্যস্য কে ভোজ্যাঃ কে শূদ্রস্য চ ভারত॥ 13-198-1 (89095)
ভীষ্ম উবাচ। 13-198-2x (7435)
ব্রাহ্মণা ব্রাহ্মণস্যেহ ভোজ্যা যে চৈব ক্ষত্রিয়াঃ।
বৈশ্যাশ্চাপি তথা ভোজ্যাঃ শূদ্রাশ্চ পরিবর্জিতাঃ॥ 13-198-2 (89096)
ব্রাহ্মণাঃ ক্ষত্রিয়া বৈশ্যা ভোজ্যা বৈ ক্ষত্রিয়স্য হ।
বর্জনীয়াস্তু বৈ শূদ্রাঃ সর্বভক্ষা বিকর্মিণঃ॥ 13-198-3 (89097)
বৈশ্যাস্তু ভোজ্যা বিপ্রাণাং ক্ষত্রিয়াণাং তথৈব চ।
নিত্যাগ্নয়ো বিবিক্তাশ্চ চাতুর্মাস্যরতাশ্চ যে॥ 13-198-4 (89098)
শূদ্রাণামথ যো ভুঙ্ক্তে স ভুঙ্ক্তে পৃথিবীমলম্।
মলং নৃণাং স পিবতি মলং ভুঙ্ক্তে জনস্য চ॥ 13-198-5 (89099)
শূদ্রাণাং যস্তথা ভুঙ্ক্তে স ভুঙ্ক্তে পৃথিবীমলম্।
পৃথিবীমলমশ্নন্তি যে দ্বিজাঃ শূদ্রভোজিনঃ॥ 13-198-6 (89100)
শূদ্রস্য কর্মনিষ্ঠায়াং বিকর্মস্থোপি পচ্যতে।
ব্রাহ্মণঃ ক্ষত্রিয়ো বৈশ্যো বিকর্মস্থশ্চ পচ্যতে॥ 13-198-7 (89101)
স্বাধ্যায়নিরতা বিপ্রাস্তথা স্বস্ত্যযনে নৃণাম্।
রক্ষণে ক্ষত্রিয়ং প্রাহুর্বৈশ্যং পুষ্ট্যর্থমেব চ॥ 13-198-8 (89102)
করোতি কর্ম যদ্বৈশ্যস্তদ্গৎবা হ্যুপজীবতি।
কৃষিগোরক্ষ্যবাণিজ্যমকুৎসা বৈশ্যকর্মণি॥ 13-198-9 (89103)
শূদ্রকর্ম তু যঃ কুর্যাদবহায় স্বকর্ম চ।
স বিজ্ঞেয়ো যথা শূদ্রো ন চ ভোজ্যঃ কদাচন॥ 13-198-10 (89104)
চিকিৎসকঃ কাণ্ডপৃষ্ঠঃ পুরাঽধ্যক্ষঃ পুরোহিতঃ।
সাংবৎসরো বৃথাধ্যায়ী সর্বে তে শূদ্রসংমিতাঃ॥ 13-198-11 (89105)
শূদ্রকর্মস্বথৈতেষু যো ভুঙ্ক্তে নিরপত্রপঃ।
অভোজ্যভোজনং ভুক্ৎবা ভয়ং প্রাপ্নোতি দারুণম্॥ 13-198-12 (89106)
কুলং বীর্যং চ তেজশ্চ তির্যগ্যোনিৎবমেব চ।
স প্রয়াতি যথা শ্বা বৈ নিষ্ক্রিয়ো ধর্মবর্জিতঃ॥ 13-198-13 (89107)
ভুঙ্ক্তে চিকিৎসকস্যান্নং তদন্নং চ পুরীষবৎ।
পুংশ্চল্যন্নং চ মূত্রং স্যাৎকারুকান্নং চ শোণিতম্॥ 13-198-14 (89108)
বিদ্যোপজীবিনোঽন্নং চ যো ভুঙ্ক্তে সাধুসম্মতঃ।
তদপ্যন্নং যথা শৌদ্রং তৎসাধুঃ পরিবর্জয়েৎ॥ 13-198-15 (89109)
বচনীয়স্য যো ভুঙ্ক্তে তমাহুঃ শোণিতং হ্রদম্।
পিশুনং ভোজনং ভুঙ্ক্তে ব্রহ্মহত্যাসমং বিদুঃ॥ 13-198-16 (89110)
অসৎকৃতমবজ্ঞাতং ন ভোক্তব্যং কদাচন॥ 13-198-17 (89111)
ব্যাধিং কুলক্ষয়ং চৈব ক্ষিপ্রং প্রাপ্নোতি ব্রাহ্মণঃ।
নগরীরক্ষিণো ভুঙ্ক্তে শ্বপচপ্রবণো ভবেৎ॥ 13-198-18 (89112)
গোঘ্নে চ ব্রাহ্মণঘ্নে চ সুরাপে গুরুতল্পগে।
ভুক্ৎবাঽন্নং জায়তে বিপ্রো রক্ষসাং কুলবর্ধনঃ॥ 13-198-19 (89113)
ন্যাসাপহারিণো ভুক্ৎবা কৃতঘ্নে ক্লীববর্তিনি।
জায়তে শবরাবাসে মধ্যদেশবহিষ্কৃতে॥ 13-198-20 (89114)
অভোজ্যাশ্চৈব ভোজ্যাশ্চ ময়া প্রোক্তা যথাবিধি।
কিমন্যদদ্য কৌন্তেয় মত্তস্ৎবং শ্রোতুমিচ্ছসি॥] ॥ 13-198-21 (89115)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টনবত্যধিকশততমোঽধ্যায়ঃ॥ 198 ॥
Mahabharata - Anushaasana Parva - Chapter Footnotes
7-198-1 কে ভোজ্যা ভোজ্যান্নাঃ॥ 7-198-4 বৈশ্যা ভোজ্যা ভোজনীয়াঃ॥ 7-198-7 শূদ্রস্য কর্মনিষ্ঠায়াং সেবায়াং বর্তমানো বিকর্মস্থো বিশিষ্টকর্মস্থঃ সংধ্যাবন্দনাদিয়ুক্তোঽপি পচ্যতে নরকে ইতি শেষঃ॥ 7-198-11 কাণ্ডপৃষ্ঠোঽধমঃ॥ 7-198-16 পিশুনং তৎসম্বন্ধি॥ 7-198-18 নগরীং রক্ষতি তস্য॥অনুশাসনপর্ব - অধ্যায় 199
॥ শ্রীঃ ॥
13.199. অধ্যায়ঃ 199
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি অপ্রতিগ্রাহ্যপ্রতিগ্রহে অভোজ্যভোজনে চ প্রায়শ্চিত্তকথনম্॥ 1 ॥Mahabharata - Anushaasana Parva - Chapter Text
[যুধিষ্ঠির উবাচ।
উক্তাস্তু ভবতা ভোজ্যাস্তথাঽভোজ্যাশ্চ সর্বশঃ।
অত্র মে প্রশ্নসন্দেহস্তন্মে বদ পিতামহ॥ 13-199-1 (89116)
ব্রাহ্মণানাং বিশেষেণ হব্যকব্যপ্রতিগ্রহে।
নানাবিধেষু ভোজ্যেষু প্রায়শ্চিত্তানি শংস মে॥ 13-199-2 (89117)
ভীষ্ম উবাচ। 13-199-3x (7436)
হন্ত বক্ষ্যামি তে রাজন্ব্রাহ্মণানাং মহাত্মনাম্।
প্রতিগ্রহেষু ভোজ্যে চ মুচ্যতে যেন পাপ্মনঃ॥ 13-199-3 (89118)
ঘৃতপ্রতিগ্রহে চৈব সাবিত্রী সমিদাহুতিঃ।
তিলপ্রতিগ্রহে চৈব সমমেতদ্যুধিষ্ঠির॥ 13-199-4 (89119)
মাংসপ্রতিগ্রহে চৈব মধুনো লবণস্য চ।
আদিত্যোদয়নং স্থিৎবা পূতো ভবতি ব্রাহ্মণঃ॥ 13-199-5 (89120)
কাঞ্চনং প্রতিগৃহ্যাথ জপমানো গুরুশ্রুতিম্।
কৃষ্ণায়সং চ বিবৃতং ধারয়ন্মুচ্যতে দ্বিজঃ॥ 13-199-6 (89121)
এবং প্রতিগৃহীতেঽথ ধনে বস্ত্রে তথা স্ত্রিয়াম্।
এবমেব নরশ্রেষ্ঠ সুবর্ণস্য প্রতিগ্রহে। 13-199-7 (89122)
অন্নপ্রতিগ্রহে চৈব পায়সেক্ষুরসে তথা।
ইক্ষুতৈলপবিত্রাণাং ত্রিসন্ধ্যেঽপ্সু নিমজ্জনম্॥ 13-199-8 (89123)
ব্রীহৌ পুষ্পে ফলে চৈব জলে পিষ্টময়ে তথা।
যাবকে দধিদুগ্ধে চ সাবিত্রীং শতশোঽন্বিতাম্॥ 13-199-9 (89124)
উপানহৌ চ চ্ছত্রং চ প্রতিগৃহ্যৌর্ধ্বদেহিকে।
জপেচ্ছতং সমায়ুক্তস্তেন মুচ্যতে পাপ্মনা॥ 13-199-10 (89125)
ক্ষেত্রপ্রতিগ্রহে চৈব গ্রহসূতকয়োস্তথা।
ত্রীণি রাত্রাণ্যুপোষিৎবা তেন পাপাদ্বিমুচ্যতে॥ 13-199-11 (89126)
কৃষ্ণপক্ষে তু যঃ শ্রাদ্ধং পিতৄণামশ্নুতে দ্বিজঃ।
অন্নমেতদহোরাত্রাৎপূতো ভবতি ব্রাহ্মণঃ॥ 13-199-12 (89127)
ন চ সন্ধ্যামুপাসীত ন চ জাপ্যং প্রবর্তয়েৎ।
ন সঙ্কিরেত্তদন্নং চ ততঃ পূয়েত ব্রাহ্মণঃ॥ 13-199-13 (89128)
ইত্যর্থমপরাঙ্ণে তু পিতৄণাং শ্রাদ্ধমুচ্যতে।
যথোক্তানাং যদশ্নীয়ুর্ব্রাহ্মণাঃ পূর্বকেতিতাঃ॥ 13-199-14 (89129)
মৃতকস্য তৃতীয়াহে ব্রাহ্মণো যোঽন্নমশ্নুতে।
স ত্রিবেলং সমুন্মজ্জ্য দ্বাদশাহেন শুধ্যতি॥ 13-199-15 (89130)
দ্বাদশাহে ব্যতীতে তু কৃতশৌচো বিশেষতঃ।
ব্রাহ্মণেভ্যো হবির্দত্ৎবা মুচ্যতে তেন পাপ্মনা॥ 13-199-16 (89131)
মৃতস্য দশরাত্রেণ প্রায়শ্চিত্তানি দাপয়েৎ।
সাবিত্রীং রৈবতীমিষ্টিং কূশ্মাণ্ডমঘমর্ষণম্॥ 13-199-17 (89132)
মৃতকস্য ত্রিরাত্রে যঃ সমুদ্দিষ্টে সমশ্নুতে।
সপ্তত্রিষবণং স্নাৎবা পূতো ভবতি ব্রাহ্মণঃ॥ 13-199-18 (89133)
সিদ্ধিমাপ্নোতি বিপুলামাপদং চৈব নাপ্নুয়াৎ॥ 13-199-19 (89134)
যস্তু শূদ্রৈঃ সমশ্নীয়াদ্ব্রাহ্মণোঽপ্যেকভোজনে।
অশৌচং বিধিবত্তস্য শৌচমত্র বিধীয়তে॥ 13-199-20 (89135)
যস্তু বৈশ্যৈঃ সহাশ্নীয়াদ্ব্রাহ্মণোঽপ্যেকভোজনে।
স বৈ ত্রিরাত্রং দীক্ষিৎবা মুচ্যতে তেন কর্মণা॥ 13-199-21 (89136)
ক্ষত্রিয়ৈঃ সহ যোঽশ্নীয়াদ্ব্রাহ্মণোঽপ্যেকভোজনে।
আপ্লুতঃ সহ বাসোভিস্তেন মুচ্যেত পাপ্মনা॥ 13-199-22 (89137)
শূদ্রাস্য তু কুলং হন্তি বৈশ্যস্য পশুবান্ধবান্।
ক্ষত্রিয়স্য শ্রিয়ং হন্তি ব্রাহ্মণস্য সুবর্চসম্॥ 13-199-23 (89138)
প্রায়শ্চিত্তং চ শান্তিং চ জুহুয়াত্তেন মুচ্যতে।
সাবিত্রীং রৈবতীমিষ্টিং কূশ্মাণ্ডমঘমর্ষণম্। 13-199-24 (89139)
তথোচ্ছিষ্টমথান্যোন্যং সম্প্রাশেন্নাত্র সংশয়ঃ।
রোচনা বিরজা রাত্রির্মঙ্গলালম্ভনানি চ॥ ॥ 13-199-25 (89140)
ইতি শ্রীমন্মহাভারতে অনুশাসনপর্বণি দানধর্মপর্বণি একোনদ্বিশততমোধ্যায়ঃ॥ 199 ॥
Mahabharata - Anushaasana Parva - Chapter Footnotes
7-199-5 আদিত্যোদয়নং তৎপর্যন্তং স্থিৎবা॥ 7-199-6 বিবৃতং লোকপ্রত্যক্ষং ধারয়ন্॥ 7-199-11 গ্রহসূতকয়োঃ কারাগারস্তাশৌচবতোঃ॥ 7-199-13 নচ সংধ্যামুপাসীতেত্যত্র অস্নাত ইতি শেষঃ। ন সঙ্কিরেদিতি পুনর্ভোজন ন কুর্যাদিত্যর্থঃ॥ 7-199-14 অশ্নীয়ুরিত্যর্থমিতি সম্বন্ধে অপরাহ্ণে ক্ষুদ্বোধাৎসম্যগন্নমশ্নন্ৎবিত্যর্থঃ। কেতিতাঃ নিমন্ত্রিতাঃ॥ 7-199-16 হবিরন্নম্। 7-199-17 সাবিত্রীং জপন্। রৈবতীং রৈবতং সাম। ইষ্টিং পবিত্রেষ্টিম্। কূশ্মাণ্ডং যদ্দেবাদেবহেডনমিত্যনুবাকপঞ্চকম্। অঘমর্ষণং জলে নিমজ্জ্য দশ প্রণবসংয়ুক্তগায়ত্র্যাঃ ঋতংচেতি তৃচস্য বা ত্রির্জপঃ॥ 7-199-20 অশৌচং প্রায়শ্চিত্তাভাব এব॥ 7-199-25 বিরজা দূর্বা রাত্রির্হরিদ্রেতি বিশ্বঃ॥অনুশাসনপর্ব - অধ্যায় 200
॥ শ্রীঃ ॥
13.200. অধ্যায়ঃ 200
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি দৃষ্টান্তপ্রদর্শনপূর্বকং দানপ্রশংসনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
দানেন বর্ততেত্যাহ তপসা চৈব ভারত।
তদেতন্মে মনোদুঃশং ব্যপোহ ৎবং পিতামহ।
কিংস্বিৎপৃথিব্যাং হ্যেতন্মে ভবাঞ্শংসিতুমর্হতি॥ 13-200-1 (89141)
ভীষ্ম উবাচ। 13-200-2x (7437)
শৃণু যৈর্ধর্মনিরতৈস্তপসা ভাবিতাত্মভিঃ।
লোকা হ্যসংশয়ং প্রাপ্তা দানপুণ্যরতৈর্নৃপৈঃ॥ 13-200-2 (89142)
সৎকৃতশ্চ তথাঽঽত্রেয়ঃ শিষ্যেভ্যো ব্রহ্ম নির্গুণম্।
উপদিশ্য তদা রাজন্গতো লোকাননুত্তমান্॥ 13-200-3 (89143)
শিবিরোশীনরঃ প্রাণান্প্রিয়স্য তনয়স্য চ।
ব্রাহ্মণার্থমুপাকৃত্য নাকপৃষ্ঠমিতো গতঃ॥ 13-200-4 (89144)
প্রতর্দনঃ কাশিপতিঃ প্রদায় তনয়ং স্বকম্।
ব্রাহ্মণায়াতুলাং কীর্তিমিহ চামুত্র চাশ্নুতে॥ 13-200-5 (89145)
রন্তিদেবশ্চ সাংকৃত্যো বসিষ্ঠায় মহাত্মনে।
অর্ঘ্যং প্রদায় বিধিবল্লেভে লোকাননুত্তমান্॥ 13-200-6 (89146)
দিব্যং শতশলাকং চ যজ্ঞার্থং কাঞ্চনং শুভম্।
ছত্রং দেবাবৃধো দত্ৎবা ব্রাহ্মণায়াস্থিতো দিবম্॥ 13-200-7 (89147)
ভগবানম্বরীষশ্চ ব্রাহ্মণায়ামিতৌজসে।
প্রদায় সকলং রাষ্ট্রং সুরোলকমবাপ্তবান্॥ 13-200-8 (89148)
সাবিত্রঃ কুণ্ডলং দিব্যং যানং চ জনমেজয়ঃ।
ব্রাহ্মণায় চ গা দত্ৎবা গতো লোকাননুত্তমান্॥ 13-200-9 (89149)
বৃষাদর্ভিশ্চ রাজর্ষী রত্নানি বিবিধানি চ।
রম্যাংশ্চাবসথান্দত্ৎবা দ্বিজেভ্যো দিবমাগতঃ॥ 13-200-10 (89150)
নিমী রাষ্ট্রং চ বৈদর্ভিঃ কন্যাং দত্ৎবা মহাত্মনে।
অগস্ত্যায় গতঃ স্বর্গং সপুত্রপশুবান্ধবঃ॥ 13-200-11 (89151)
জামদগ্ন্যশ্চ বিপ্রায় ভূমিং দত্ৎবা মহায়শাঃ।
রামোঽক্ষয়াংস্তথা লোকাঞ্জগাম মনসোঽধিকান্॥ 13-200-12 (89152)
অবর্ষতি চ পর্জন্যে সর্বভূতানি দেবরাট্।
বসিষ্ঠো জীবয়ামাস যেন যাতোঽক্ষয়াং গতিম্॥ 13-200-13 (89153)
রামো দাশরথিশ্চৈব হুৎবা যজ্ঞেষু বৈ বসু।
সগতো হ্যক্ষয়াঁল্লোকান্যস্য লোকে মহদ্যশঃ॥ 13-200-14 (89154)
কক্ষসেনশ্চ রাজর্ষির্বসিষ্ঠায় মহাত্মনে।
ন্যাসং যথাবৎসংন্যস্য জগামি সুমহায়শঃ॥ 13-200-15 (89155)
করংধমস্য পৌত্রস্তু মরুত্তোঽবিক্ষিতঃ সুতঃ।
কন্যামাঙ্গিরসে দত্ৎবা দিবামাশু জগাম সঃ॥ 13-200-16 (89156)
ব্রহ্মদত্তশ্চ পাঞ্চাল্যো রাজা ধর্মভৃতাংবরঃ।
নিধিং শঙ্খমনুজ্ঞাপ্য জগাম পরমাং গতিম্॥ 13-200-17 (89157)
রাজা মিত্রসহশ্চৈব বসিষ্ঠায় মহাত্মনে।
মদয়ন্তীং প্রিয়াং ভার্যাং দত্ৎবা চ ত্রিদিবং গতঃ॥ 13-200-18 (89158)
মনোঃ পুত্রশ্চ সুদ্যুম্নো লিখিতায় মহাত্মনে।
দণ্ডমুদ্ধৃত্য ধর্মেণ গতো লোকাননুত্তমান্॥ 13-200-19 (89159)
সহস্রচিত্যো রাজর্ষিঃ প্রাণানিষ্টান্মহায়শাঃ।
ব্রাহ্মণার্থে পরিত্যজ্য গতো লোকাননুত্তমান্॥ 13-200-20 (89160)
সর্বকামৈশ্চ সম্পূর্ণং দত্ৎবা বেশ্ম হিরণ্ময়ম্।
মৌদ্গল্যায় গতঃ স্বর্গং শতদ্যুম্নো মহীপতিঃ॥ 13-200-21 (89161)
ভক্ষ্যভোজ্যস্য চ কৃতান্রাশয়ঃ পর্বতোপমান্।
শাণ্ডিল্যায় পুরা দত্ৎবা সুমন্যুর্দিবমাস্থিতঃ॥ 13-200-22 (89162)
নাম্না চ দ্যুতিমান্নাম সাল্বরাজো মহাদ্যুতিঃ।
দত্ৎবা রাজ্যমৃচীকায় গতো লোকাননুত্তমান্॥ 13-200-23 (89163)
মদিরাশ্বশ্চ রাজর্ষির্দত্ৎবা কন্যাং সুমধ্যমাম্।
হিরণ্যহস্তায় গতো লোকান্দেবৈরধিষ্ঠিতান্॥ 13-200-24 (89164)
লোমপাদশ্চ রাজর্ষিঃ শান্তাং দত্ৎবা সুতাং প্রভুঃ।
ঋশ্যশৃঙ্গায় বিপুলৈঃ সর্বৈঃ কামৈরয়ুজ্যত॥ 13-200-25 (89165)
কৌৎসায় দত্ৎবা কন্যাং তু হংসীং নাম যশস্বিনীম্।
গতোঽক্ষয়ানতো লোকান্রাজর্ষিশ্চ ভগীরথঃ॥ 13-200-26 (89166)
দত্ৎবা শতসহস্রং তু গবাং রাজা ভগীরথঃ।
স বৎসানাং কোহলায় গতো লোকাননুত্তমান্॥ 13-200-27 (89167)
এতে চান্যে চ বহবো দানেন তপসা চ হ।
যুধিষ্ঠির গতাঃ স্বর্গং নিবর্তন্তে পুনঃপুনঃ॥ 13-200-28 (89168)
তেষাং প্রতিষ্ঠিতা কীর্তির্যাবৎস্থাস্যতি মেদিনী।
গৃহস্থৈর্দানতপসা যৈর্লোকা বৈ বিনির্জিতাঃ॥ 13-200-29 (89169)
শিষ্টানাং চরিতং হ্যেতৎকীর্তিতং মে যুধিষ্ঠির।
দানয়জ্ঞপ্রজাসর্গৈরেতে হি দিবমাস্থিতাঃ॥ 13-200-30 (89170)
দত্ৎবা তু সততং তেঽস্তু কৌরবাণাং ধুরন্ধর।
দানয়জ্ঞক্রিয়ায়ুক্তা বুদ্ধির্ধর্মোপচায়িনী॥ 13-200-31 (89171)
যত্র তে নৃপশার্দূল সন্দেহো বৈ ভবিষ্যতি।
শ্বঃ প্রভাতে হি বক্ষ্যামি সন্ধ্যা হি সমুপস্থিতা॥ ॥ 13-200-32 (89172)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিশততমোঽধ্যায়ঃ॥ 200 ॥
Mahabharata - Anushaasana Parva - Chapter Footnotes
7-200-1 দানতপসোর্মধ্যে কিং শ্রেষ্ঠমিতি প্রশ্নঃ। বর্ততে স্বর্গে ইতি শেষঃ সন্ধিরার্ষঃ॥ 7-200-9 সাবিত্রঃ কর্ণঃ॥ 7-200-12 মনসো মনঃসঙ্কল্পাদপ্যধিকান্॥ 7-200-13 দেবরাট্ ভূদেবারাট্ বসিষ্ঠঃ॥ 7-200-15 ন্যাসং দানরূপেণ স্থাপনম্॥ 7-200-17 অনুজ্ঞাপ্য দত্ৎবা॥ 7-200-19 দণ্ডং চোরয়োগ্যং হস্তচ্ছেদরূপম্॥ 7-200-22 রাশয়ঃ রাশীন্॥অনুশাসনপর্ব - অধ্যায় 201
॥ শ্রীঃ ॥
13.201. অধ্যায়ঃ 201
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি দানস্য পঞ্চবিধৎবকথনপূর্বকং তত্তল্লক্ষ্যপ্রদর্শনম্॥ 1 ॥Mahabharata - Anushaasana Parva - Chapter Text
[যুধিষ্ঠির উবাচ।
শ্রুতং মে ভবতস্তাত সত্যব্রতপরাক্রম।
দানধর্মেণ মহতা যে প্রাপ্তাস্ত্রিদিবং নৃপাঃ॥ 13-201-1 (89173)
ইমাংস্তু শ্রোতুমিচ্ছামি ধ্রমান্ধর্মভৃতাংবর।
দানং কতিবিধং দেয়ং কিং তস্য চ ফলং লভেৎ॥ 13-201-2 (89174)
কথং কেভ্যস্চ ধর্ম্যং চ দানং দাতব্যমিষ্যতে।
কৈঃ কারণৈঃ কতিবিধং শ্রোতুমিচ্ছামি তত্ৎবতঃ॥ 13-201-3 (89175)
ভীষ্ম উবাচ। 13-201-4x (7438)
শৃণু তত্ৎবেন কৌন্তেয় দানং প্রতি মমানঘ।
যথা দানং প্রদাতব্যং সর্ববর্ণেষু ভারত॥ 13-201-4 (89176)
ধর্মাদর্থাদ্ভয়াৎকামাৎকারুণ্যাদিতি ভারত।
দানং পঞ্চবিধং জ্ঞেয়ং কারণৈর্যৈর্নিবোধ তৎ॥ 13-201-5 (89177)
ইহ কীর্তিমবাপ্নোতি প্রেত্য চানুত্তমং সুখম্।
ইতি দানং প্রদাতব্যং ব্রাহ্মণেভ্যোঽনসূয়তা॥ 13-201-6 (89178)
দদাতি বা দাস্যতি বা মহ্যং দত্তমনেন বা।
ইত্যর্তিভ্যো নিশম্যৈব সর্বং দাতব্যমর্থিনে॥ 13-201-7 (89179)
নাস্যাহং ন মদীয়োঽয়ং পাপং কুর্যাদ্বিমানিতঃ।
ইতি দদ্যাদ্ভয়াদেব দৃঢং মূঢায় পণ্ডিতঃ॥ 13-201-8 (89180)
প্রিয়ো মে যং প্রিয়োঽস্যাহমিতি সম্প্রেক্ষ্য বুদ্ধিমান্।
বয়স্যায়ৈবমক্লিষ্টং দানং দদ্যাদতন্দ্রিতঃ॥ 13-201-9 (89181)
দীনশ্চ যাচতে চায়মল্পেনাপি হি তুষ্যতি।
ইতি দদ্যাদ্দরিদ্রায় কারুণ্যাদিতি সর্বথা॥ 13-201-10 (89182)
ইতি পঞ্চবিধং দানং পুণ্যকীর্তিবিবর্ধনম্।
যথাশক্ত্যা প্রদাতব্যমেবমাহ প্রজাপতিঃ॥] ॥ 13-201-11 (89183)
ইতি শ্রীমন্মহাভারতে অনুশাসনপর্বণি দানধর্মপর্বণি একাধিকদ্বিশততমোঽধ্যায়ঃ॥ 201 ॥
Mahabharata - Anushaasana Parva - Chapter Footnotes
7-201-6 ধর্মদ্দানং ব্যাচষ্টে ইহেতি॥ 7-201-7 অর্থাদিত্যস্য লক্ষণমাহ দদাতীতি॥অনুশাসনপর্ব - অধ্যায় 202
॥ শ্রীঃ ॥
13.202. অধ্যায়ঃ 202
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরেণ ভীষ্মংপ্রতি সপ্রশংসনং পুনর্ধর্মকথনপ্রার্থনা॥ 1 ॥Mahabharata - Anushaasana Parva - Chapter Text
বৈশম্পায়ন* উবাচ।
অনুশাস্য শুভৈর্বাক্যৈর্ভীষ্মমাহ মহামতিঃ।
প্রীত্যা পুনঃ স শুশ্রূষুর্বচনং যদ্যুধিষ্ঠিরঃ॥ 13-202-1 (89184)
জনমেজয় উবাচ। 13-202-2x (7439)
পিতামহো মে বিপ্রর্ষে ভীষ্মং কালবশং গতম্।
কিমপৃচ্ছত্তদা রাজা সর্বসামাজিকং হিতম্॥ 13-202-2 (89185)
উভয়োর্লোকয়োর্যুক্তং পুরুষার্থমনুত্তমম্।
তন্মে বদ মহাপ্রাজ্ঞ শ্রোতুং কৌতূহলং হি মে॥ 13-202-3 (89186)
বৈশম্পায়ন উবাচ। 13-202-4x (7440)
ভূয় এব মহারাজ শৃণু ধর্মসমুচ্চয়ম্।
যদপৃচ্ছত্তদা রাজা কুন্তীপুত্রো যুধিষ্ঠিরঃ॥ 13-202-4 (89187)
শরতল্পগতং ভীষ্মং সর্বপার্থিবসন্নিধৌ।
অজাতশত্রুঃ প্রীতাত্মা পুনরেবাভ্যভাষত॥ 13-202-5 (89188)
পিতামহ মহাপ্রাজ্ঞ সর্বশাস্ত্রবিশারদঃ।
শ্রূয়তাং মে হি বচনমর্থিৎবাৎপ্রব্রবীম্যহম্॥ 13-202-6 (89189)
পরাবরজ্ঞো ভূতানাং দয়াবান্সর্বজন্তুষু।
আগমৈর্বহুভিঃ প্রীতো ভবান্নঃ পরমং কুলে॥ 13-202-7 (89190)
ৎবাদৃশো দুর্লভো লোকে সাম্প্রতং জ্ঞানসংয়ুতঃ।
ভবতা গুরুণা চৈব ধন্যাশ্চৈব বয়ং প্রভো॥ 13-202-8 (89191)
অয়ং স কালঃ সম্প্রাপ্তো দুর্লভৈর্জ্ঞাতিবান্ধবৈঃ।
শাস্তা তু নাস্তি নঃ কশ্চিত্ৎবদৃতে পুরুষর্ষভ॥ 13-202-9 (89192)
তস্মাদ্ধর্মার্থসহিতমায়ত্যাং চ হিতোদয়ম্।
আশ্চর্যং পরমং বাক্যং শ্রোতুমিচ্ছামি ভারত॥ 13-202-10 (89193)
অয়ং নারায়ণঃ শ্রীমন্সর্বপার্থিবসন্নিধৌ।
ভবন্তং বহুমানাচ্চ প্রণয়াচ্চৈব সেবতে॥ 13-202-11 (89194)
অস্যৈব তু সমক্ষং নঃ পার্তিবানাং তথৈব চ।
ইতিবৃত্তং পুরাণং চ শ্রোতৄণাং পরমং হিতম্॥ 13-202-12 (89195)
যদি তেঽহমনুগ্রাহ্যো ভ্রাতৃভিঃ সহিতোঽনঘ।
মৎপ্রিয়ার্থং হি কৌরব্য স্নেহাদ্ভাষিতুমর্হসি॥ 13-202-13 (89196)
বৈশম্পায়ন উবাচ। 13-202-14x (7441)
তস্য তদ্বচনং শ্রুৎবা স্নেহাদাগতবিক্লবঃ।
প্রবিবন্নিব তং দৃষ্ট্বা ভীষ্মো বচনমব্রবীৎ॥ 13-202-14 (89197)
শৃণু রাজন্পুরাবৃত্তিমিতিহাসং পুরাতনম্।
এতাবদুক্ৎবা গাঙ্গেয়ঃ প্রণম্য শিরসা হরিম্।
ধর্মরাজং সমীক্ষ্যেদং পুনর্বক্তুং সমারভৎ॥ ॥ 13-202-15 (89198)
ইতি শ্রীমন্মহাভারতে অনুশাসনপর্বণি দানধর্মপর্বণি দ্ব্যধিকদ্বিশততমোঽধ্যায়ঃ॥ 202 ॥
Mahabharata - Anushaasana Parva - Chapter Footnotes
7-202-1x * একোত্তরদ্বিশততমাধ্যায়াৎপরং একপঞ্চাশদধিকদ্বিশততমাদ্যায়াৎপূর্বং মধ্যে পরিদৃশ্যমানৈকোনপঞ্চাশদধ্যায়প্রতিনিধিতয়া ঔত্তরাহকোশে অষ্টাবেবাধ্যায়াঃ পরিদৃশ্যন্তে। তেচানুপূর্বীভেদেন তদর্থৈকদেশপ্রতিপাদকাএব দৃশ্যন্তে নতু তদনুক্তার্থপ্রতিপাদকাঃ॥অনুশাসনপর্ব - অধ্যায় 203
॥ শ্রীঃ ॥
13.203. অধ্যায়ঃ 203
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কৃষ্ণেন পুত্রার্থং কৈলাসে তপশ্চরণম্॥ 1 ॥ তত্র কৃষ্ণদর্শনায় নারদাদীনামাগমনম্॥ 2 ॥ কৃষ্ণেন স্বমুখনিঃসৃতাগ্নিনা তৎপর্বতস্য ভস্মীকরণম্॥ 3 ॥ তথা পুনঃ প্রসন্নদৃষ্ট্যা গিরেরুজ্জীবনম্॥ 4 ॥ তথা নারদাদীন্প্রতি তৎকারণকথনম্॥ 5 ॥Mahabharata - Anushaasana Parva - Chapter Text
ভীষ্ম উবাচ।
অয়ং নারায়ণঃ শ্রীমান্পুত্রার্থে ব্রতকাঙ্ক্ষয়া।
দীক্ষিতোঽভূন্মহাবাহুঃ পুরা দ্বাদশবার্ষিকম্॥ 13-203-1 (89199)
দীক্ষিতং কেশবং দ্রষ্টুমভিজগ্মুর্মহর্ষয়ঃ।
সেবিৎবা চ মহাত্মানঃ প্রীয়মাণং জনার্দনম্॥ 13-203-2 (89200)
নারদঃ পর্বতশ্চৈব কৃষ্ণদ্বৈপায়নস্তথা।
দেবলঃ কাশ্যপশ্চৈব হস্তিকাশ্যপ এব চ।
জমদগ্নিশ্চ রাজেন্দ্র ধৌম্যো বাল্মীকিরেব চ॥ 13-203-3 (89201)
অপরেঽপি তপঃসিদ্ধাঃ সত্যব্রতপরায়ণাঃ।
শিষ্যৈরনুগতাঃ সর্বে ব্রহ্মবিদ্ভিরকল্মষৈঃ॥ 13-203-4 (89202)
কেশবস্তানভিগতান্প্রীত্যা সম্পরিগৃহ্য চ।
তেষামতিথিসৎকারং পূজনার্থং কুলোচিতম্।
দেবকীতনয়ো হৃষ্টো দেবতুল্যমকল্পয়ৎ॥ 13-203-5 (89203)
উপবিষ্টেষু সর্বেষু বিষ্টরেষু তদাঽনঘ।
বিশ্বস্তেষ্ব্নভিতুষ্টেষু কেশবার্চনয়া পুনঃ॥ 13-203-6 (89204)
পরস্পরং কথা দিব্যাঃ প্রাবর্তন্ত মনোরমাঃ।
বিষ্ণোর্নারায়ণস্যৈব প্রসাদাৎকথয়ামি তাঃ॥ 13-203-7 (89205)
তস্যৈব ব্রতচর্যায়াং মুনিভির্বিস্মিতং পুরা।
যত্র গোবৃষভাঙ্কস্য প্রভাবোঽভূন্মহাত্মনঃ॥ 13-203-8 (89206)
যত্র দেবী মহাদেবমপৃচ্ছৎসংশয়ান্পুরা।
কথয়ামাস সর্বাংস্তান্দেব্যাঃ প্রিয়চিকীর্ষয়া॥ 13-203-9 (89207)
উমাপত্যোশ্চ সংবাদং শৃণু তাত মনোরমম্।
বর্ণাশ্রমাণাং ধর্মশ্চ তত্র তাত সমাহিতঃ॥ 13-203-10 (89208)
ঋষিধর্মশ্চ নিখিলো রাজধর্মস্চ পুষ্কলঃ।
গৃহস্থধর্মশ্চ শুভঃ কর্মপাকফলানি চ॥ 13-203-11 (89209)
দেবগুহ্যং চ বিবিধং দানধর্মবিধিস্তথা।
বিধানমত্র প্রোক্তং যদ্যমস্য নিয়মস্য চ॥ 13-203-12 (89210)
যমলোকবিধানং চ স্বর্গলোকগতিস্তথা।
প্রাণমোক্ষবিধিশ্চৈব তীর্থচর্যা চ পুষ্কলা॥ 13-203-13 (89211)
মোক্ষধর্মবিধানং চ সাঙ্খ্যযোগসমন্বিতম্।
স্ত্রীধর্মশ্চ স্বয়ং দেব্যা দেবদেবায় ভাষিতঃ॥ 13-203-14 (89212)
এবমাদি শুভং সর্বং তত্র তাত সমাহিতম্।
রুদ্রাণ্যাঃ সংশয়প্রশ্নো যত্র তাত প্রবর্ততে॥ 13-203-15 (89213)
ধন্যং যশস্যমায়ুষ্যং ধর্ম্যং চ পরমং হিতম্।
পুষ্টিয়োগমিমং দিব্যং কথ্যমানং ময়া শৃণু॥ 13-203-16 (89214)
ইতিহাসমিমং দিব্যং পবিত্রং পরমং শুভম্।
সায়ং প্রাতঃ সদা সম্যক্ শ্রোতব্যং চ বুভূষতা॥ 13-203-17 (89215)
ভীষ্ম উবাচ। 13-203-18x (7442)
ততো নারায়ণো দেবঃ সংক্লিষ্টো ব্রতচর্যযা।
বহ্নির্বিনিঃসৃতো বক্ত্রাৎকৃষ্ণস্যাদ্ভুতদর্শনঃ॥ 13-203-18 (89216)
অগ্নিনা তেন মহতা নিঃসৃতেন মুখাদ্বিভোঃ।
পশ্যতামেব সর্বেষাং দগ্ধ এব নগোত্তমঃ॥ 13-203-19 (89217)
মৃগপক্ষিগণাকীর্ণঃ শ্বাপদৈরপি সঙ্কুলঃ।
বৃক্ষগুল্মলতাকীর্ণো মথিতো দীনদর্শনঃ॥ 13-203-20 (89218)
পুনঃ স দৃষ্টমাত্রেণ হরিণা সৌম্যচেতসা।
স বভূব গিরিঃ ক্ষিপ্রং প্রফুল্লদ্রুমকাননঃ॥ 13-203-21 (89219)
সিদ্ধচারণসঙ্ঘৈশ্চ প্রসন্নৈরুপশোভিতঃ।
মত্তবারণসংয়ুক্তো নানাপক্ষিগণৈর্যুতঃ।
তদদ্ভুতমচিন্ত্যং চ সর্বেষামভবদ্ভৃশম্॥ 13-203-22 (89220)
তং দৃষ্ট্বা হৃষ্টরোমাণঃ সর্বে মুনিগণাস্তদা।
বিস্তিতাঃ পরমায়ত্তাঃ সাধ্যসাকুললোচনাঃ।
ন কিঞ্চিদব্রুবংস্তত্র শুভং বা যদি বেতরৎ॥ 13-203-23 (89221)
ততো নারায়ণো দেবো মুনিসঙ্ঘে তু বিস্মিতে।
তান্সমীক্ষ্যৈব মধুরং বভাষে পুষ্করেক্ষণঃ॥ 13-203-24 (89222)
কিমর্থং মুনিসঙ্ঘেঽস্মিন্বিস্ময়োঽয়মনুত্তমঃ।
এতন্মে সংশয়ং সর্বে যাথাতথ্যেন নন্দিতাঃ।
ঋষয়ো বক্তুমর্হন্তি নিশ্চয়েনার্থকোবিদাঃ॥ 13-203-25 (89223)
কেশবস্য বচঃ শ্রুৎবা তুষ্টুবুর্মুনিপুঙ্গবাঃ।
ভবান্সৃজতি বৈ লোকান্ভবান্সংহরতি প্রজাঃ।
ভবাঞ্শীতং ভবানুষ্ণং ভবান্সত্যং ভবান্ক্রতুঃ॥ 13-203-26 (89224)
ভবানাদির্ভবানন্তো ভবতোঽন্যন্ন বিদ্যতে।
স্থাবরং জঙ্গমং সর্বং ৎবমেব পুরুষোত্তম॥ 13-203-27 (89225)
ৎবত্তঃ সর্বমিদং তাত লোকচক্রং প্রবর্ততে।
ৎবমেবার্হসি তদ্বক্তুং মুখাদগ্নিবিনির্গমম্॥ 13-203-28 (89226)
এতন্নো বিস্ময়করং বভূব মধুসূদন।
ততো বিগতসংত্রাসা ভবাম পুরুষোত্তম।
যদিচ্ছেত্তত্র বক্তব্যং কুতোঽস্মাকং নিয়োগতঃ॥ 13-203-29 (89227)
শ্রীভগবানুবাচ। 13-203-30x (7443)
নিত্যং হিতার্থং লোকানাং ভবদ্ভিঃ ক্রিয়তে তপঃ।
তস্মাল্লোকহিতং গুহ্যং শ্রূয়তাং কথয়ামি বঃ॥ 13-203-30 (89228)
অসুরঃ সাম্প্রতং কশ্চিদহিতো লোকনাশনঃ।
মায়াস্ত্রকুশলশ্চৈব বলদর্পসমন্বিতঃ॥ 13-203-31 (89229)
বভূব স ময়া বদ্ধো লোকানাং হিতকাম্যযা।
পুত্রেণ মে বধো দৃষ্টস্তস্য বৈ মুনিপুঙ্গবাঃ॥ 13-203-32 (89230)
তদর্থং পুত্রমেবাহং সিসৃক্ষুর্বনমাগতঃ।
আত্মনঃ সদৃশং পুত্রমহং জনয়িতুং ব্রতৈঃ॥ 13-203-33 (89231)
এবং ব্রতপরীতস্য তপস্তীব্রতয়া মম।
অথাত্মা মম দেহস্থঃ সোগ্নির্ভূৎবা বিনিঃসৃতঃ॥ 13-203-34 (89232)
বিনিঃসৃত্য গতো দ্রষ্টুং ক্ষণেন চ পিতামহম্।
ব্রহ্মণা মন্মথোঽনঙ্গঃ পুত্রৎবেন প্রকল্পিতঃ।
অনুজ্ঞাতশ্চ তেনৈব পুনরায়ান্মমান্তিকম্॥ 13-203-35 (89233)
এবং মে বৈষ্ণবং তেজো মম বক্ত্রাদ্বিনিঃসৃতম্।
তত্তেজসা নির্মথিতঃ পুরতোঽয়ং গিরিঃ স্থিতঃ॥ 13-203-36 (89234)
দৃষ্ট্বা দাহং গিরেস্তস্য সৌম্যভাবতয়া মম।
পুনঃ স দৃষ্টমাত্রেণ গিরিরাসীদ্যথা পুরা॥ 13-203-37 (89235)
এতদ্গুহ্যং যথাতথ্যং কথিতং বঃ সমাসতঃ।
ভবন্তো ব্যথিতা যেন বিস্মিতাশ্চ তপোধনাঃ॥ 13-203-38 (89236)
ঋষীণামেবমুক্ৎবা তু তান্পুনঃ প্রত্যভাষত॥ ॥ 13-203-39 (89237)
ইতি শ্রীমন্মহাভারতে অনুশাসনপর্বণি দানধর্মপর্বণি ত্র্যধিকদ্বিশততমোঽধ্যায়ঃ॥ 203 ॥
অনুশাসনপর্ব - অধ্যায় 204
॥ শ্রীঃ ॥
13.204. অধ্যায়ঃ 204
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কৃষ্ণেনাশ্চর্যকথনং প্রার্থিতৈর্মুনিগণৈর্নারদংপ্রতি তচ্চোদনা॥ 1 ॥Mahabharata - Anushaasana Parva - Chapter Text
শ্রীভগবানুবাচ।
ভবতাং দর্শনাদেব প্রীতিরভ্যধিকা মম।
ভবন্তস্তু তপঃসিদ্ধা ভবন্তো দিব্যদর্শনাঃ॥ 13-204-1 (89238)
সর্বত্র গতিমন্তশ্চ জ্ঞানবিজ্ঞানভাবিতাঃ।
গত্যাগতিজ্ঞা লোকানাং সর্বে নির্দূতকল্মষাঃ॥ 13-204-2 (89239)
তস্মাদ্ভবদ্ভির্যৎকিংচিদৃষ্টং বাঽপ্যথবা শ্রুতম্।
আশ্চর্যভূতং লোকেষু তদ্ভবন্তো ব্রুবন্তু মে॥ 13-204-3 (89240)
যুষ্মাভিঃ কথিতং যৎস্যাত্তপসা ভাবিতাত্মভিঃ
তস্যাদমৃতসংকাশং বাঙ্মধুশ্রবণে স্পৃহা॥ 13-204-4 (89241)
রাগদ্বেষবিয়ুক্তানাং সততং সত্যবাদিনাম্।
শ্রদ্ধেয়ং শ্রবণীয়ং চ বচনং হি সতাং ভবেৎ॥ 13-204-5 (89242)
তৎসংয়োগং হিতং মেঽস্তু ন বৃথা কর্তুমর্হথ।
ভবতাং দর্শনং তস্মাৎসফলং তু ভবেন্মম॥ 13-204-6 (89243)
তদহং সজ্জনমুখান্নিঃসৃতং জনসংসদি।
কথয়িষ্যাম্যহং বুদ্ধ্যা বুদ্ধিদীপকরং নৃণাম্॥ 13-204-7 (89244)
তদন্যে বর্ধয়িষ্যন্তি পূজয়িষ্যন্তি চাপরে।
বাৎসল্যবিগতাশ্চান্যে প্রশংসন্তি পুরাতনাঃ॥ 13-204-8 (89245)
এবং ব্রুবতি গোবিন্দে শ্রবণার্থং মহর্ষয়ঃ।
বাগ্ভিঃ সাঞ্জলিমালাভিরিদমূচুর্জনার্দনম্॥ 13-204-9 (89246)
অয়ুক্তমস্মানেবং ৎবং বাচা বরদ ভাষিতুম্।
ৎবচ্ছাসনমুখাঃ সর্বে ৎবদধীনপরিশ্রমাঃ॥ 13-204-10 (89247)
এবং পূজয়িতুং চাস্মান্ন চৈবার্হসি কেশব।
ৎবত্তস্ৎবন্যং ন পশ্যামো যল্লোকে তে ন বিদ্যতে।
দিবি বা ভুবি বা কিঞ্চিত্তৎসর্বং হি ৎবয়া ততম্॥ 13-204-11 (89248)
ন বিদ্মহে বয়ং দেব কথ্যমানং তবান্তিকে।
এবমুক্তো হৃষীকেশঃ সস্মিতং চেদমব্রবীৎ॥ 13-204-12 (89249)
অহং মানুষয়োনিস্থঃ সাম্প্রতং মুনিপুঙ্গবাঃ।
তস্মান্মানুষবদ্বীর্যং মম জানীত সুব্রতাঃ।
ভবদ্ভিঃ কথ্যমানং চ অপূর্বমিব তদ্ভবেৎ॥ 13-204-13 (89250)
ভীষ্ম উবাচ। 13-204-14x (7444)
এবং সংচোদিতাঃ সর্বে কেশবেন মহাত্মনা।
ঋষয়শ্চানুবর্তন্তে বাসুদেবস্য শাসনম্॥ 13-204-14 (89251)
ততস্ৎবৃষিগণাঃ সর্বে নারদং দেবদর্শনম্।
অমন্যন্ত বুধা বুদ্ধ্যা সমর্থং তন্নিবোধনে॥ 13-204-15 (89252)
ঋষিরুগ্রতপাশ্চায়ং কেশবস্য প্রিয়োঽধিকম্।
পুরাণজ্ঞশ্চ বাগ্মী চ কারণৈস্তং চ মেনিরে॥ 13-204-16 (89253)
সর্বে তদর্হণং কৃৎবা নারদং বাক্যমব্রুবন্॥ 13-204-17 (89254)
ভবতা তীর্থয়াত্রার্থং চরতা হিমবদ্গিরৌ।
দৃষ্টং বৈ যত্তদাশ্চর্যং শ্রোতৄণাং পরমং প্রিয়ম্॥ 13-204-18 (89255)
অতস্ৎবমবিশেষেণ হিতার্থং সর্বমাদিতঃ।
প্রিয়ার্থং কেশবস্যাস্য স ভবান্বক্তুমর্হতি॥ 13-204-19 (89256)
তদা সংয়োজিতঃ সর্বৈর্ঋষিভির্নারদস্তদা।
প্রণম্য শিরসা বিষ্ণুং সর্বলোকহিতে রতম্।
সমুদ্বীক্ষ্য হৃষীকেশং বক্তুমেবোপচক্রমে॥ 13-204-20 (89257)
ততো নারায়ণসুহৃন্নারদো বদতাংবরঃ।
শঙ্করস্যোময়া সার্ধং সংবাদমনুভাষত॥ ॥ 13-204-21 (89258)
ইতি শ্রীমন্মহাভারতে অনুশাসনপর্বণি দানধর্মপর্বণি চতুরধিকদ্বিশততমোঽধ্যায়ঃ॥ 204 ॥
অনুশাসনপর্ব - অধ্যায় 205
॥ শ্রীঃ ॥
13.205. অধ্যায়ঃ 205
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
নারদেন কৃষ্ণংপ্রতি উমামহেশ্বরসংবদানুবাদারম্ভঃ॥ 1 ॥ নানামুনিগণাকীর্ণহিমবত্তটমুপবিষ্টে মহাদেবে তৎপৃষ্ঠভাগমুপাগতয়া পার্বত্যা ক্রীডার্থং স্বপাণিভ্যাং তদীয়নয়নদ্বয়পিধানম্॥ 2 ॥ তদা জগত আন্ধ্যপ্রাপ্তৌ দেবেন স্বললাটে তৃতীয়নেত্রসর্জনম্॥ 3 ॥ তত্তেজসা নির্দগ্ধে গিরৌ দেবীপ্রার্থনয়া দেবেন পুনর্গিরেরুজ্জীবনম্॥ 4 ॥Mahabharata - Anushaasana Parva - Chapter Text
নারদ উবাচ।
ভগবংস্তীর্থয়াত্রার্থং তথৈব চরতা ময়া।
দিব্যমদ্ভুতসঙ্কাশং দৃষ্টং হৈমবতং বনম্॥ 13-205-1 (89259)
নানাবৃক্ষসমায়ুক্তং নানাপক্ষিগণৈর্বৃতম্।
নানরত্নগণাকীর্ণং নানাভাবসমন্বিতম্॥ 13-205-2 (89260)
দিব্যচন্দনসংয়ুক্তং দিব্যধূপেন ধূপিতম্।
দিব্যপুষ্পসমাকীর্ণং দিব্যগন্ধেন বাসিতম্॥ 13-205-3 (89261)
সিদ্ধচারণসংঘাতৈর্ভূতসঙ্ঘৈর্নিষেবিতম্।
বরিষ্ঠাপ্সরসাকীর্ণং নাগগন্ধর্বসঙ্কুলম্॥ 13-205-4 (89262)
মৃদঙ্গমুরজোদ্ধুষ্টং শঙ্খবীণাভিনাদিতম্।
নৃত্যদ্ভির্ভূতসঙ্ঘৈশ্চ সর্বতস্ৎবভিশোভিতম্॥ 13-205-5 (89263)
নানারূপৈর্বিরূপৈশ্চ ভীমরূপৈর্ভয়ানকৈঃ।
সিংহব্যাঘ্রোরগমৃগৈর্বিডালবদনৈস্তথা॥ 13-205-6 (89264)
স্বরোষ্ট্রদ্বীপিবদনৈর্গজবক্ত্রৈস্তথৈব চ।
উলূকশ্যেনবদনৈঃ কাকগৃধ্রমুখৈস্তথা॥ 13-205-7 (89265)
এবং বহুবিধাকারৈর্ভূতসঙ্ঘৈর্ভৃশাকুলম্।
নানদ্যমানং বহুধা হরপারিষদৈর্ভৃশম্॥ 13-205-8 (89266)
ঘোররূপং সুদুর্দর্শং রক্ষোগণশতৈর্বৃতম্।
সমাজং তদ্বনে দৃষ্টং ময়া ভূতপতেঃ পুরা॥ 13-205-9 (89267)
প্রনৃত্তাপ্সরসং দিব্যং দেবগন্ধর্বনাদিতম্।
প্রথমে বর্ষরাত্রে তু মেঘসঙ্ঘনিনাদিতম্॥ 13-205-10 (89268)
নানাবর্হিণসংঘুষ্টং গজয়ূথসমাকুলম্।
ষট্পদৈরুপগীতং চ প্রথমে মাসি মাধবে॥ 13-205-11 (89269)
উৎক্রোশৎক্রৌঞ্চকুররৈঃ সারসৈর্জীবজীবকৈঃ।
মত্তাভিঃ পরপুষ্টাভিঃ কূজন্তীভিঃ সমাকুলম্॥ 13-205-12 (89270)
উত্তমাবাসসঙ্কাশং ভীমরূপতরং ততঃ।
দ্রষ্টুং ভবতি ধর্মস্য ধর্মভাগিজনস্য চ॥ 13-205-13 (89271)
যে চোধ্বরেতসঃ সিদ্ধাস্তত্রতত্র সমাগতাঃ।
মার্তাণ্ডরশ্মিসঞ্চারা বিশ্বেদেবগণাস্তথা॥ 13-205-14 (89272)
তথা নাগাস্তথা দিব্যা লোকপালা হুতাশনাঃ।
বাতাশ্চ সর্বে চায়ান্তি দিব্যপুষ্পসমাকুলাঃ॥ 13-205-15 (89273)
কিরন্তঃ সর্বপুষ্পাণি কিরন্তোঽদ্ভুতদর্শনাঃ।
ওষধ্যঃ প্রজ্বলন্ত্যশ্চ দ্যোতয়ন্ত্যো দিশো দশ॥ 13-205-16 (89274)
বিহগাশ্চ মুদা যুক্তা নৃত্যন্তি চ নদন্তি চ।
ততঃ সমন্ততস্তত্র দিব্যা দিব্যজনপ্রিয়াঃ॥ 13-205-17 (89275)
তত্র দেবো গিরিতটে হেমধাতুবিভূষিতে।
পর্যঙ্ক ইব বভ্রাজ উপবিষ্টো মহাদ্যুতিঃ॥ 13-205-18 (89276)
ব্যাঘ্রচর্মপরীধানো গজচর্মোত্তরচ্ছদঃ।
ব্যালয়জ্ঞোপবীতশ্চ লোহিতান্ত্রবিভূষিতঃ॥ 13-205-19 (89277)
হরিশ্মশ্রুজটো ভীমো ভয়কর্তাঽমরদ্বিষাম্।
ভয়হেতুরভক্তানাং ভক্তানামভয়ঙ্করঃ॥ 13-205-20 (89278)
কিন্নরৈর্দেবগন্ধর্বৈঃ স্তূয়মানস্ততস্ততঃ।
ঋষিভিশ্চাপ্সরোভিশ্চ সর্বতশ্চৈব শোভিতঃ॥ 13-205-21 (89279)
তত্র ভূতপতেঃ স্থানং দেবদানবসঙ্কুলম্।
সর্বতেজোময়ং ভূম্না লোকপালনিষেবিতম্॥ 13-205-22 (89280)
মহোরগসমাকীর্ণং সর্বেষাং রোমহর্ষণম্।
ভীমরূপমনির্দেশ্যমপ্রধৃষ্যতমং বিভোঃ॥ 13-205-23 (89281)
তত্র ভূতপতিং দেবমাসীনং শিখরোত্তমে।
ঋষয়ো ভূতসঙ্ঘাশ্চ প্রণম্য শিরসা হরম্।
গীর্ভিঃ পরমশুদ্ধাভিস্তুষ্টুবুস্চ মনোহরম্॥ 13-205-24 (89282)
বিমুক্তাশ্চৈব পাপেভ্যো বভূবুর্বিগতজ্বরাঃ।
ঋষয়ো বালকিল্যাশ্চ তথা বিপ্রর্ষয়শ্চ যে॥ 13-205-25 (89283)
অয়োনিজা যোনিজাশ্চ তপঃসিদ্ধা মহর্ষয়ঃ।
ততস্তং দেবদেবেশং ভগবন্তমুপাসতে। 13-205-26 (89284)
ততস্তস্মিন্ক্ষণে দেবী ভূতস্ত্রীগণসংবৃতা।
হরতুল্যাম্বরধরা সমানব্রতচারিণী॥ 13-205-27 (89285)
কাঞ্চনং কলশং গৃহ্য সর্বতীর্থাম্বুপূরিতম্।
পুষ্পবৃষ্ট্যাঽভিবর্ষন্তী দিব্যগন্ধসমাবৃতা॥ 13-205-28 (89286)
সরিদ্বরাভিঃ সর্বাভিঃ পৃষ্ঠতোঽনুগতা বরা।
সেবিতুং ভগবৎপার্শ্বমাজগাম শুচিস্মিতা॥ 13-205-29 (89287)
আগম্য তু গিরেঃ পুত্রী দেবদেবস্য চান্তিকম্।
মনঃপ্রিয়ং চিকীর্ষন্তী ক্রীডার্থং শঙ্করান্তিকে॥ 13-205-30 (89288)
মনোহরাভ্যাং পাণিভ্যাং হরনেত্রে পিধায় তু।
অবেক্ষ্য হৃষ্টা স্বগণান্স্ময়ন্তী পৃষ্ঠতঃ স্থিতা॥ 13-205-31 (89289)
দেব্যা চান্ধীকৃতে দেবে কশ্মলং সমপদ্যত।
নিমীলিতে ভূতপতৌ নষ্টচন্দ্রার্কতারকম্॥ 13-205-32 (89290)
নিঃস্বাধ্যায়বষট্কারং তমসা চাভিসংবৃতম্।
বিষণ্ণং ভয়বিত্রস্তং জগদাসীদ্ভয়াকুলম্॥ 13-205-33 (89291)
হাহাকারমৃষীণাং চ লোকানামভবত্তদা।
তমোভিভূতে সম্ভ্রান্তে লোকে জীবনসংক্ষয়ে॥ 13-205-34 (89292)
তৃতীয়ং চাস্য সম্ভূতং ললাটে নেত্রমায়তম্।
দ্বাদশাদিত্যসঙ্কাশং লোকান্ভাসাঽবভাসয়ৎ॥ 13-205-35 (89293)
তত্রক তেনাগ্নিনা তেন যুগান্তাগ্নিনিভেন বৈ।
অদহ্যত গিরিঃ সর্বো হিমবানগ্রতঃ স্থিতঃ॥ 13-205-36 (89294)
দহ্যমানে গিরৌ তস্মিন্মৃগপক্ষিসমাকুলে।
সবিদ্যাধরগন্ধর্বে দিব্যৌষধসমাকুলে॥ 13-205-37 (89295)
ততো গিরিসুতা চাপি বিস্ময়োৎফুল্ললোচনা।
বভূব চ জগৎসর্বং তথা বিস্ময়সংয়ুতম্॥ 13-205-38 (89296)
পশ্যতামেব সর্বেষাং দেবদানবরক্ষসাম্।
নেত্রজেনাগ্নিনা তেন দগ্ধ এব নগোত্তমঃ॥ 13-205-39 (89297)
তং দৃষ্ট্বা মথিতং শৈলং শৈলপুত্রী সবিক্লবা।
পিতুঃ সম্মানমিচ্ছন্তী পপাত ভুবি পাদূয়োঃ॥ 13-205-40 (89298)
তং দৃষ্ট্বা দেবদেবেশো দেব্যা দুঃখমনুত্তমম্।
হৈমবত্যাঃ প্রিয়ার্থং চ গিরিং পুনরবৈক্ষত॥ 13-205-41 (89299)
দৃষ্টমাত্রে ভগবতা সৌম্যযুক্তেন চেতসা।
ক্ষণেন হিমবাঞ্শৈলঃ প্রকৃতিস্থোঽভবৎপুনঃ॥ 13-205-42 (89300)
হৃষ্টপুষ্টবিহঙ্গৈশ্চ প্রফুল্লদ্রুমকাননঃ।
সিদ্ধচারণসঙ্ঘৈশ্চ প্রীতিয়ুক্তৈঃ সমাকুলঃ॥ 13-205-43 (89301)
পিতরং প্রকৃতিস্থং চ দৃষ্ট্বা হৈমবতী ভৃশম্।
অভবৎপ্রীতিসংয়ুক্তা মুদিতাত্র পিনাকিনম্॥ 13-205-44 (89302)
দেবী বিস্ময়সংয়ুক্তা প্রষ্টুকামা মহেশ্বরম্।
হিতার্তং সর্বলোকানাং প্রজানাং হিতকাম্যযা।
দেবদেবং মহাদেবী বভাষেদং বচোঽর্থবৎ॥ 13-205-45 (89303)
ভগবন্দেবদেবেশ শূলপাণে মহাদ্যুতে।
বিস্ময়ো মে মহাঞ্জাতস্তস্মিন্নেত্রাগ্নিসম্ভবে॥ 13-205-46 (89304)
কিমর্থং দেবদেবেশ ললাটেঽস্মিন্প্রকাশতে।
অতিসূর্যাগ্নিসঙ্কাশং তৃতীয়ং নেত্রমায়তম্॥ 13-205-47 (89305)
নেত্রাগ্নিনা তু মহতা নির্দগ্ধো হিমবানসৌ।
পুনঃ সংদৃষ্টমাত্রস্তু প্রকৃতিস্থঃ পিতা মম॥ 13-205-48 (89306)
এষ মে সংশয়ো দেব হৃদি মে সম্প্রবর্ততে।
দেবদেব নমস্তুভ্যং তন্মে সংসিতুমর্হসি॥ 13-205-49 (89307)
নারদ উবাচ। 13-205-50x (7445)
এবমুক্তস্তয়া দেব্যা প্রীয়মাণোঽব্রবীদ্ভবঃ।
স্থানে সংশয়িতুং দেবি ধর্মজ্ঞে প্রিয়ভাষিণি॥ 13-205-50 (89308)
ৎবদৃতে মাং হি বৈ প্রষ্টুং ন শক্যং কেন চেৎপ্রিয়ে।
প্রকাশং যদি বা গুহ্যং প্রিয়ার্থং প্রব্রবীম্যহম্॥ 13-205-51 (89309)
শৃণু তৎসর্বমকিলমস্যাং সংসদি ভামিনি।
সর্বেষামেব লোকানাং কূটস্থং বিদ্ধি মাং প্রিয়ে॥ 13-205-52 (89310)
মদধীনাস্ত্রয়ো লোকা যথা বিষ্ণৌ তথা ময়ি।
স্রষ্টা বিষ্ণুরহং গোপ্তা ইত্যেতদ্বিদ্ধি ভামিনি॥ 13-205-53 (89311)
তস্মাদ্যদা মাং স্পৃশতি শুভং বা যদি বেতরৎ।
তথৈবেদং জগৎসর্বং তত্তদ্ভবতি শোভনে॥ 13-205-54 (89312)
এতদ্গুহ্যমজানন্ত্যা ৎবয়া বাল্যাদনিন্দিতে।
মন্নেত্রে পিহিতে দেবি ক্রীডনার্থং দৃঢব্রতে॥ 13-205-55 (89313)
তৎকৃতে নষ্টচন্দ্রার্কং জগদাসীদ্ভয়াকুলম্।
নষ্টাদিত্যে তমোভূতে লোকে গিরিসুতে প্রিয়ে॥ 13-205-56 (89314)
তৃতীয়ং লোচনং সৃষ্টং লোকং সংরক্ষিতুং ময়া।
কথিতং সংশয়স্থানং নির্বিশঙ্কা ভব প্রিয়ে॥ ॥ 13-205-57 (89315)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চাধিকদ্বিশততমোঽধ্যায়ঃ॥ 205 ॥
অনুশাসনপর্ব - অধ্যায় 206
॥ শ্রীঃ ॥
13.206. অধ্যায়ঃ 206
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ঈশ্বরেণ পার্বতীংপ্রতি স্বস্য চতুর্মুখৎবস্য নীলকণ্ঠতায়াঃ পিনাককার্মুকতায়া বৃষভবাহনৎবস্য চ কারণাভিধানম্॥ 1 ॥Mahabharata - Anushaasana Parva - Chapter Text
নারদ উবাচ।
ক্ষণজ্ঞা দেবদেবস্য শ্রোতুকামা প্রিয়ং হিতম্।
উমাদেবী মহাদেবমপৃচ্ছৎপুনরেব তু॥ 13-206-1 (89316)
ভগবন্দেবদেবেশ সর্বদেবনমস্কৃত।
চতুর্মুখো বৈ ভগবানভবৎকেন হেতুনা॥ 13-206-2 (89317)
ভগবন্কেন তে বক্ত্রমৈন্দ্রমদ্ভুতদর্শনম্।
উত্তরং চাপি ভগবন্পশ্চিমং শুভদর্শনম্।
দক্ষিণং চ মুখং রৌদ্রং কেনোর্ধ্বং জটিলাবৃতম্॥ 13-206-3 (89318)
যথাদৃশং মহাভাগ শ্রোতুমিচ্ছামি কারণম্।
এষ মে সংশয়ো দেব তন্মে শংসিতুমর্হসি॥ 13-206-4 (89319)
মহাদেব উবাচ। 13-206-5x (7446)
তদহং তে প্রবক্ষ্যামি যত্ৎবমিচ্ছসি ভামিনি।
পুরাঽসুরো মহাঘোরৌ লোকোদ্বেগকরৌ ভৃশম্॥ 13-206-5 (89320)
সুন্দোপসুন্দনামানাবাসতুর্বলগর্বিতৌ।
অশস্ত্রবধ্যৌ বলিনৌ পরস্পরহিতৈষিণৌ॥ 13-206-6 (89321)
তয়োরেব বিনাশায় নির্মিতা বিশ্বকর্মণা।
সর্বতঃ সারমুদ্ধৃত্য তিলশো লোকপূজিতা।
তিলোত্তমেতি বিখ্যাতা অপ্সরাঃ সা বভূব হ॥ 13-206-7 (89322)
দেবকার্যং করিষ্যন্তী হাসভাবসমন্বিতা।
সা তপস্যন্তমাগম্য রূপেণাপ্রতিমা ভুবি॥ 13-206-8 (89323)
ময়া বহুমতা চেয়ং দেবকার্যং করিষ্যতি।
ইতি মৎবা তদা চাহং কুর্বন্তীং মাং প্রদক্ষিণম্।
তথৈব তাং দিদৃক্ষুশ্চ চতুর্বক্ত্রোঽভবং প্রিয়ে॥ 13-206-9 (89324)
ঐন্দ্রং মুখমিদং পূর্বং তপশ্চর্যাপরং সদা।
দক্ষিণং মে মুখং দিব্যং রৌদ্রং সংহরতি প্রজাঃ॥ 13-206-10 (89325)
লোককার্যপরং নিত্যং পশ্চিমং মে মুখং প্রিয়ে।
বেদানধীতে সততমদ্ভুতং চোত্তরং মুখম্।
এতত্তে সর্বমাখ্যাতং কিং ভূয়ঃ শ্রোতুমিচ্ছসি॥ 13-206-11 (89326)
উমোবাচ। 13-206-12x (7447)
ভগবঞ্শ্রোতুমিচ্ছামি শূলপাণে বরপ্রদ।
কিমর্থং নীলতা কণ্ঠে ভাতি বর্হিনিভা তব॥ 13-206-12 (89327)
মহেশ্বর উবাত। 13-206-13x (7448)
এতত্তে কথয়িষ্যামি শৃণু দেবি সমাহিতা॥ 13-206-13 (89328)
পুরা যুগান্তরে যত্নাদমৃতার্থং সুরাসুরৈঃ।
বলবদ্ভির্বিমথিতশ্চিরকালং মহোদধিঃ॥ 13-206-14 (89329)
রজ্জুনা নাগরাজেন মথ্যমানে মহোদধৌ।
বিষং তত্র সমুদ্ভূতং সর্বলোকবিনাশনম্॥ 13-206-15 (89330)
তদ্দৃষ্ট্বা বিবুধাঃ সর্বে তদা বিমনসোঽভবন্।
গ্রস্তং হি তন্ময়া দেবি লোকানাং হিতকারণাৎ॥ 13-206-16 (89331)
তৎকৃতা নীলতা চাসীৎকণ্ঠে বর্হিনিভা শুভে।
তদাপ্রভৃতি চৈবাহং নীলকণ্ঠ ইতি স্মৃতঃ।
এতত্তে সর্বমাখ্যাতং কিং ভূয়ঃ শ্রোতুমিচ্ছসি॥ 13-206-17 (89332)
উমোবাচ। 13-206-18x (7449)
নীলকণ্ঠ নমস্তেঽস্তু সর্বলোকসুখাবহ।
বহূনামায়ুধানাং ৎবং পিনাকং ধর্মুমিচ্ছসি।
কিমর্থং দেবদেবেশ তন্মে শংসিতুমর্হসি॥ 13-206-18 (89333)
মহেশ্বর উবাচ। 13-206-19x (7450)
শস্ত্রাগমং তে বক্ষ্যামি শৃণু ধর্ম্যং শুচিস্মিতে।
যুগান্তরে মহাদেবি কণ্বো নাম মহামুনিঃ॥ 13-206-19 (89334)
স হি দিব্যাং তপশ্চর্যাং কর্তুমেবোপচক্রমে।
তথা তস্য তপো ঘোরং চরতঃ কালপর্যযাৎ।
বল্মীকং পুনরুদ্ভূতং তস্যৈব শিরসি প্রিয়ে॥ 13-206-20 (89335)
বেণুর্বল্মীকসংয়োগান্মূর্ধ্নি তস্য বভূব হ।
ধরমাণশ্চ তৎসর্বং তপশ্চর্যাং তথাঽকরোৎ॥ 13-206-21 (89336)
তস্মৈ ব্রহ্মা বরং দাতুং জগাম তপসার্চিতঃ।
দত্ৎবা তস্মৈ বরং দেবো বেণুং দৃষ্ট্বা ৎবচিন্তয়ৎ॥ 13-206-22 (89337)
লোককার্যং সমুদ্দিশ্য বেণুনাঽনেন ভামিনি।
চিন্তয়িৎবা তমাদায় কার্মুকার্থে ন্যযোজয়ৎ॥ 13-206-23 (89338)
বিষ্ণোর্মম চ সামর্থ্যং জ্ঞাৎবা লোকপিতামহঃ।
ধনুষী দ্বে তদা প্রাদাদ্বিষ্ণবে চ মমৈব চ॥ 13-206-24 (89339)
পিনাকং নাম মে চাপং শার্ঙ্গং নাম হরের্ধনুঃ।
তৃতীয়মবশেষেণ গাণ্ডীবমভবদ্ধনুঃ॥ 13-206-25 (89340)
তচ্চ সোমায় নির্দিশ্য ব্রহ্মা লোকং গতঃ পুনঃ।
এতত্তে সর্বমাখ্যাতং শস্ত্রাগমমনিন্দিতে॥ 13-206-26 (89341)
উমোবাচ। 13-206-27x (7451)
ভগবন্দেবদেবেশ পিনাকপরমপ্রিয়।
বাহনেষু তথাঽন্যেষু সৎসু ভূতপতে তব॥ 13-206-27 (89342)
অয়ং তু বৃষভঃ কস্মাদ্বাহনং স যথাঽভবৎ।
এষ মে সশয়ো দেব তন্মে শংসিতুমর্হসি॥ 13-206-28 (89343)
মহাদেব উবাচ। 13-206-29x (7452)
তদহং তে প্রবক্ষ্যামি বাহনং স যথাঽভবৎ॥ 13-206-29 (89344)
আদিসর্গে পুরা গাবঃ শ্বেতবর্ণাঃ শুচিস্মিতে।
বলসংহননা গাবো দর্পয়ুক্তাশ্চরন্তি তাঃ॥ 13-206-30 (89345)
অহং তু তপ আতিষ্ঠং তস্মিন্কালে শুভাননে।
একপাদশ্চোর্ধ্ববাহুর্লোকার্থং হিমবদ্গিরৌ॥ 13-206-31 (89346)
গাবো মে পার্শ্বমাগম্য দর্পোৎসিক্তাঃ সমন্ততঃ।
স্থানভ্রংশং তদা দেবি চক্রিরে বহুশস্তদা॥ 13-206-32 (89347)
অপচারেণ বৈ তাসাং মনঃক্ষোভোঽভবন্মম।
তস্মাদ্দগ্ধা যদা গাবো রোষাবিষ্টেন চেতসা॥ 13-206-33 (89348)
তস্মিংস্তু ব্যসনে ঘোরে বর্তমানে পশূন্প্রতি।
অনেন বৃষভেণাহং শমিতঃ সম্প্রসাদনৈঃ॥ 13-206-34 (89349)
তদাপ্রভৃতি শান্তাশ্চ বর্ণভেদৎবমাগতাঃ।
শ্বেতোঽয়ং বৃষভো দেবি পূর্বসংস্কারসংয়ুতঃ।
বাহনৎবে ধ্বজৎবে মে তদাপ্রভৃতি যোজিতঃ॥ 13-206-35 (89350)
তস্মান্মে গোপতিৎবং চ দেবৈর্গোভিশ্চ কল্পিতম্।
প্রসন্নশ্চাভবং দেবি তদা গোপতিতাং গতঃ॥ ॥ 13-206-36 (89351)
ইতি শ্রীমন্মহাভারতে অনুশাসনপর্বণি দানধর্মপর্বণি ষডধিকদ্বিশততমোঽধ্যায়ঃ॥ 206 ॥
অনুশাসনপর্ব - অধ্যায় 207
॥ শ্রীঃ ॥
13.207. অধ্যায়ঃ 207
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ঈশ্বরেণ পার্বতীংপ্রতি স্বস্য শ্মশানবাসচন্দ্রকলাধারণাদেঃ কারণাভিধানম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্সর্বভূতেশ শূলপাণে বৃষধ্বজ।
আবাসেষু বিচিত্রেষু রম্যেষু চ শুভেশু চ॥ 13-207-1 (89352)
সৎসু চান্যেষু ভূতেষু শ্মশানে রমসে কথম্।
কেশাস্থিকলিলে ভীমে কপালশতসঙ্কুলে॥ 13-207-2 (89353)
সৃগালগৃধ্রম্পূর্ণে শবধূমসমাকুলে।
চিতাগ্নিবিষমে ঘোরে গহনে চ ভয়ানকে॥ 13-207-3 (89354)
এবং কলেবরক্ষেত্রে দুর্দর্শে রমসে কথম্।
এষ মে সংশয়ো দেব তন্মে শংসিতুমর্হসি॥ 13-207-4 (89355)
মহাদেব উবাচ। 13-207-5x (7453)
হন্ত তে কথয়িষ্যামি শৃণু দেবি সমাহিতা।
আবাসার্থং পুরা দেবি শুদ্ধান্বেষী শুচিস্মিতে॥ 13-207-5 (89356)
নাধ্যগচ্ছং চিরং কালং দেশং শুচিতমং শুভে।
এষ মেঽভিনিবেশোঽভূত্তস্মিন্কালে প্রজাপতিঃ॥ 13-207-6 (89357)
আকুলঃ সুমহাঘোরঃ প্রাদুরাসীৎসমন্ততঃ।
সম্ভূতা ভূতসৃষ্টিশ্চ ঘোরা লোকভয়াবহা॥ 13-207-7 (89358)
নানাবর্ণা বিরূপাশ্চ তীক্ষ্ণদংষ্ট্রাঃ প্রহারিণঃ।
পিশাচরক্ষোবদনাঃ প্রাণিনাং প্রাণহারিণঃ।
ইতশ্চরন্তি নিঘ্নন্তঃ প্রাণিনো ভৃশমেব চ॥ 13-207-8 (89359)
এবং লোকে প্রাণিহীনে ক্ষয়ং যাতে পিতামহঃ।
চিন্তয়ংস্তৎপ্রতীকারং মাং চ শক্তং হি নিগ্রহে॥ 13-207-9 (89360)
এবং জ্ঞাৎবা ততো ব্রহ্মা তস্মিন্কর্মণ্যোজয়ৎ।
তচ্চ প্রাণিহিতার্থং তু ময়াঽপ্যনুমতং প্রিয়ে॥ 13-207-10 (89361)
তস্মাৎসংরক্ষিতা দেবি ভূতেভ্যঃ প্রাণিনো ভয়াৎ।
অস্মাচ্ছ্মশানান্মেধ্যং তু নাস্তি কিঞ্চিদনিন্দিতে।
নিঃসম্পাতান্মনুষ্যাণাং তস্মাচ্ছুচিতমং স্মৃতং॥ 13-207-11 (89362)
ভূতসৃষ্টিং চ তাং চাহং শ্মশানে সংন্যবেশয়ম্।
তত্রস্থঃ সর্বভূতানাং বিনিহন্মি প্রিয়ে ভয়ম্॥ 13-207-12 (89363)
ন চ ভূতগণেনাহং বিনা বসিতুমুৎসহে।
তস্মান্মে সন্নিবাসায় শ্মশানে রোচতে মনঃ॥ 13-207-13 (89364)
মেধ্যকামৈর্দ্বিজৈনিত্যং মেধ্যমিত্যভিধীয়তে।
আচরদ্ভির্ব্রতং নিত্যং মোক্ষকামৈশ্চ সেব্যতে॥ 13-207-14 (89365)
স্থানং মে তত্র বিহিতং বীরস্থানমিতি প্রিয়ে।
কপালশতসম্পূর্ণমভিরূপং ভয়ানকম্॥ 13-207-15 (89366)
মধ্যাহ্নে সন্ধ্যযোস্তত্র নক্ষত্রে রুদ্রদেবতে।
আয়ুষ্কামৈরশুদ্ধৈর্বা ন গন্তব্যমিতি স্থিতিঃ॥ 13-207-16 (89367)
মদন্যেন ন শক্যং হি নিহন্তুং ভূতজং ভয়ম্।
তত্রস্থোঽহং প্রজাঃ সর্বাঃ পালয়ামি দিনেদিনে॥ 13-207-17 (89368)
মন্নিয়োগাদ্ভূতসঙ্ঘা ন চ ঘ্নন্তীহ কঞ্চন।
তাংস্তু লোকহিতার্তায় শ্মশানে রময়ান্মহম্।
এতত্তে সর্বমাখ্যাতং কিং ভূয়ঃ শ্রোতুমিচ্ছসি॥ 13-207-18 (89369)
উমোবাচ। 13-207-19x (7454)
ভগবন্দেবদেবেশ ত্রিনেত্র বৃষভধ্বজ।
পিঙ্গলং বিকৃতং ভাতি রূপং তে তু ভয়ানকম্॥ 13-207-19 (89370)
ভস্মদিগ্ধং বিরূপাক্ষং তীক্ষ্ণদংষ্ট্রং জটাকুলম্।
ব্যাঘ্রোদরৎবক্সংবীতং কপিলশ্মশ্রুসংততম্॥ 13-207-20 (89371)
রৌদ্রং ভয়ানকং ঘোরং শূলপট্টসসংয়ুতম্।
কিমর্থং ৎবীদৃশং রূপং তন্মে শংসিতুমর্হসি॥ 13-207-21 (89372)
মহেশ্বর উবাচ। 13-207-22x (7455)
তদহং কথয়িষ্যামি শৃণু তত্ৎবং সমাহিতা।
দ্বিবিধো লৌকিকো ভাবঃ শীতমুষ্ণমিতি প্রিয়ে॥ 13-207-22 (89373)
তয়োর্হি গ্রসিতং সর্বং সৌম্যাগ্নেয়মিদং জগৎ॥ 13-207-23 (89374)
সৌম্যৎবং সততং বিষ্ণৌ ময়্যাগ্নেয়ং প্রতিষ্ঠিতম্।
অনেন বপুষা নিত্যং সর্বলোকান্বিভর্ম্যহম্॥ 13-207-24 (89375)
রৌদ্রাকৃতিং বিরূপাক্ষং শূলপট্টসসংয়ুতম্।
আগ্নেয়মিতি মে রূপং দেবি লোকহিতে রতম্॥ 13-207-25 (89376)
যদ্যহং বিপরীতঃ স্যামেতত্ত্যক্ৎবা শুভাননে।
তদৈব সর্বলোকানাং বিপরীতং প্রবর্ততে॥ 13-207-26 (89377)
তস্মান্ময়েদং ধ্রিয়তে রূপং লোকহিতৈষিণা।
ইতি তে কথিতং দেবি কিং ভূয়ঃ শ্রোতুমিচ্ছসি॥ 13-207-27 (89378)
উমোবাচ। 13-207-28x (7456)
ভগবন্দেবদেবেশ শূলপাণে বৃষধ্বজ।
কিমর্থং চন্দ্ররেখা তে শিরোভাগে বিরোচতে।
শ্রোতুমিচ্ছাম্যহং দেব তন্মে শংসিতুমর্হসি॥ 13-207-28 (89379)
মহেশ্বর উবাচ। 13-207-29x (7457)
তদহং তে প্রবক্ষ্যামি শৃণু কল্যাণি কারণম্।
পুরাঽহং কারণাদ্দেবি কোপয়ুক্তঃ শুচিস্মিতে।
দক্ষয়জ্ঞবধার্যায় ভূতসঙ্ঘৈঃ সমাবৃতঃ॥ 13-207-29 (89380)
তস্মিন্ক্রতুবরে ঘোরে যজ্ঞভাগনিমিত্ততঃ।
দেবা বিভ্রংশিতাস্তে বৈ যেষাং ভাগঃ ক্রতৌ কৃতঃ॥ 13-207-30 (89381)
সোমস্তত্র ময়া দেবি কুপিতেন ভৃশার্দিতঃ।
পশ্যংশ্চানপরাধী সন্পাদঙ্গুষ্ঠেন তাডিতঃ॥ 13-207-31 (89382)
তথাপি বিকৃতেনাহং সামপূর্বং প্রসাদিতঃ।
তন্মে চিন্তয়তশ্চাসীৎপশ্চাত্তাপঃ পুরা প্রিয়ে॥ 13-207-32 (89383)
তদাপ্রভৃতি সোমং বৈ শিরসা ধারয়াম্যম্।
এবং মে পাপহানিস্তু ভবেদিতি মতির্মম।
তদাপ্রভৃতি বৈ সোমো মূর্ধ্নি সংদৃশ্যতে সদা॥ 13-207-33 (89384)
নারদ উবাচ। 13-207-34x (7458)
এবং ব্রুবতি দেবেশে বিস্মিতাঃ পরমর্ষয়ঃ।
বাগ্ভিঃ সাঞ্জলিমালাভিরভিতুষ্টুবুরীশ্বরম্॥ 13-207-34 (89385)
ঋষয় ঊচুঃ। 13-207-35x (7459)
নমঃ শঙ্কর সর্বেশ নমঃ সর্বজগদ্ভুরো।
নমো দেবাদিদেবায় নমঃ শশিকলাধর॥ 13-207-35 (89386)
নমো ঘোরতরাদ্ধোর নমো রুদ্রায় শঙ্কর।
নমঃ শান্ততরাচ্ছান্ত নমশ্চন্দ্রস্য পালক॥ 13-207-36 (89387)
নমঃ সোমায় দেবায় নমস্তুভ্যং চতুর্মুখ।
নমো ভূতপতে শংভো জহ্নুকন্যাম্বুশেখর॥ 13-207-37 (89388)
নমস্ত্রিশূলহস্তায় পন্নগাভরণায় চ।
নমোস্তু বিষমাক্ষায় দক্ষয়জ্ঞপ্রদাহক॥ 13-207-38 (89389)
নমোস্তু বহুনেত্রায় লোকরক্ষণতৎপর।
অহো দেবস্য মহাত্ম্যমহো দেবস্য বৈ কৃপা।
এবং ধর্মপরৎবং চ দেবদেবস্য চার্হতি॥ 13-207-39 (89390)
এবং ব্রুবৎসু মুনিষু বচো দেব্যব্রবীদ্ধরম্।
সম্প্রীত্যর্থং মুনীনাং সা ক্ষণজ্ঞা পরমং হিতম্॥ 13-207-40 (89391)
উমোবাচ। 13-207-41x (7460)
ভগবন্দেবদেবেশ সর্বলোকনমস্কৃত।
অস্যৈব ঋষিসঙ্ঘস্য মম চ প্রিয়কাম্যযা॥ 13-207-41 (89392)
বর্ণাশ্রমকৃতং ধর্মং বক্তুমর্হস্যশেষতঃ।
ন তৃপ্তিরস্তি দেবেশ শ্রবণীয়ং হি তে বচঃ॥ 13-207-42 (89393)
সধর্মচারিণী চেয়ং ভক্তা চেয়মিতি প্রভো।
বক্তুমর্হসি দেবেশ লোকানাং হিতকাম্যযা।
যাথাতথ্যেন তৎসর্বং বক্তুমর্হসি শংকর॥ ॥ 13-207-43 (89394)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তাধিকদ্বিশততমোঽধ্যায়ঃ॥ 207 ॥
অনুশাসনপর্ব - অধ্যায় 208
॥ শ্রীঃ ॥
13.208. অধ্যায়ঃ 208
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ঈশ্বরেণ পার্বতীংপ্রতি বর্ণাশ্রমধর্মকথনম্॥ 1 ॥Mahabharata - Anushaasana Parva - Chapter Text
মহেশ্বর উবাচ।
হন্ত তে কথয়িষ্যামি যত্তে দেবি মনঃপ্রিয়ম্।
শৃণু তৎসর্বমখিলং ধর্মং বর্ণাশ্রমাশ্রিতম্॥ 13-208-1 (89395)
ব্রাহ্মণাঃ ক্ষত্রিয়া বৈশ্যাঃ শুদ্রাশ্চেতি চতুর্বিধম্।
ব্রাহ্মণা বিহিতাঃ পূর্বং লোকতন্ত্রমভীপ্সতা।
কর্মাণি চ তদর্হাণি শাস্ত্রেষু বিহিতানি বৈ॥ 13-208-2 (89396)
যদীদমেকবর্ণং স্যাজ্জগৎসর্বং বিনশ্যতি।
সহৈব দেবি বর্ণানি চৎবারি বিহিতান্যতঃ॥ 13-208-3 (89397)
মুখতো ব্রাহ্মণাঃ সৃষ্টস্তস্মাত্তে বাগ্বিশারদাঃ।
বাহুভ্যাং ক্ষত্রিয়াঃ সৃষ্টাস্তস্মাত্তে বাহুগর্বিতাঃ॥ 13-208-4 (89398)
ঊরুভ্যামুদ্গতা বৈশ্যাস্তস্মাদ্বার্তোপজীবিনঃ।
শূদ্রাশ্চ পাদতঃ সৃষ্টাস্তস্মাত্তে পরিচাকাঃ॥ 13-208-5 (89399)
তেষাং ধর্মাংশ্চ কর্মাণি শৃণু দেবি সমাহিতা।
বিপ্রাঃ কৃতা ভূমিদেবা লোকানাং ধারণে কৃতাঃ।
তে কৈশ্চিন্নাবমন্তব্যা ব্রাহ্মণা হিতমিচ্ছুভিঃ॥ 13-208-6 (89400)
যদি তে ব্রাহ্মণা ন স্যুর্দানয়োগবহাঃ সদা।
উভয়োর্লোকয়োর্দেবি স্থিতির্ন স্যাৎসমাসতঃ॥ 13-208-7 (89401)
লোকেষু দুর্লভং কিংতু ব্রাহ্মণৎবমিতি স্মৃতম্।
অবুধো বা দরিদ্রো বা পূজনীয়ঃ সদৈব সঃ॥ 13-208-8 (89402)
ব্রাহ্মণান্যোঽবমন্যেত নিন্দেচ্চ ক্রোধয়েচ্চ বা।
প্রহরেত হরেদ্বাঽপি ধনং তেষাং নরাধমঃ॥ 13-208-9 (89403)
কারয়েদ্ধীনকর্মণি কামলোভবিমোহনাৎ।
স চ মামবমন্যেত মাং ক্রোধয়তি নিন্দতি॥ 13-208-10 (89404)
মামেব প্রহরেন্মূঢো মদ্ধনস্যাপহারকঃ।
মামেব প্রেষণং কৃৎবা নিদন্তে মূঢচেতনঃ॥ 13-208-11 (89405)
স্বাধ্যায়ো যজনং দানং তস্য ধর্ম ইতি স্থিতিঃ।
কর্মণ্যধ্যাপনং চৈব যাজনং চ প্রতিগ্রহঃ।
সত্যং শান্তিস্তপঃ শৌচং তস্য ধর্মঃ সনাতনঃ॥ 13-208-12 (89406)
বিক্রয়ো রসধান্যানাং ব্রাহ্মণস্য বিগর্হিতঃ।
অনাপদি চ শূদ্রান্নং বৃষলীসঙ্গ্রহস্তথা॥ 13-208-13 (89407)
তপ এব সদা ধর্মো ব্রাহ্মণস্য ন সংশয়ঃ।
স তু ধর্মার্থমুৎপন্নঃ পূর্বং ধাত্রা তপোবলাৎ॥ 13-208-14 (89408)
তস্যোপনয়নং ধর্মো নিত্যং চোদকধারণম্।
শাস্ত্রস্য শ্রবণং ধর্মো দেবব্রতনিষেবণম্॥ 13-208-15 (89409)
অগ্নিকার্যং পরো ধর্মো নিত্যযজ্ঞোপবীতিতা।
শূদ্রান্নবর্জনং ধর্মো ধর্মঃ সৎপথসেবনম্।
ধর্মো নিত্যোপবাসিৎবং ব্রহ্মচর্যং পরং তথা॥ 13-208-16 (89410)
গৃহস্থস্য পরো ধর্মো গৃহস্থাশ্রমিণস্তথা।
গৃহসম্মার্জনং ধর্ম আলেপনবিধিস্তথা॥ 13-208-17 (89411)
অতিথিপ্রিয়তা ধর্মো ধর্মস্ত্রেতাগ্নিধারণম্।
ইষ্টির্বা পশুবন্ধাশ্চ বিধিপূর্বং পরংতপ॥ 13-208-18 (89412)
দম্পত্যোঃ সমশীলৎবং ধর্মো বৈ গৃহমেধিনাম্।
এবং দ্বিজন্মনো ধর্মো গার্হস্থ্যে ধর্মধারণম্॥ 13-208-19 (89413)
যস্তু ক্ষত্রগতো ধর্মস্ৎবয়া দেবি প্রয়োদিতঃ।
তমহং তে প্রবক্ষ্যামি শৃণু দেবি সমাহিতা॥ 13-208-20 (89414)
ক্ষত্রিয়াস্তু ততো দেবি দ্বিজানাং পালনে স্মৃতাঃ।
যদি নিঃক্ষত্রিয়ো লোকো জগৎস্যাদধরোত্তরম্॥ 13-208-21 (89415)
রক্ষণাৎক্ষত্রিয়ৈরেব জগদ্ভবতি শাশ্বতম্।
তস্যাপ্যধ্যযনং দানং যজনং ধর্মতঃ স্মৃতম্॥ 13-208-22 (89416)
দীনানাং রক্ষণং চৈব পাপনামনুশাসনম্।
সতাং সম্পোষণং চৈব কর্মষণ্মার্গজীবনম্॥ 13-208-23 (89417)
উৎসাহঃ শস্ত্রজীবিৎবং তস্য ধর্মঃ সনাতনঃ।
ভৃত্যানাং ভরণং ধর্মঃ কৃতে কর্মণ্যমোঘতা॥ 13-208-24 (89418)
সম্যগ্গুণয়ুতো ধর্মো ধর্মঃ পৌরহিতক্রিয়া।
ব্যবহারস্থিতির্নিত্যং গুণয়ুক্তো মহীপতিঃ॥ 13-208-25 (89419)
আর্তবিত্তপ্রদো রাজা ধর্মং প্রাপ্নোত্যনুত্তমম্।
এবং তৈর্বিহিতঃ পূর্বৈর্ধর্মঃ কর্মবিধানতঃ॥ 13-208-26 (89420)
তথৈব দেবি বৈশ্যাশ্চ লোকয়াত্রাহিতাঃ স্মৃতাঃ।
অন্যে তানুপজীবন্তি প্রত্যক্ষফলদা হি তে॥ 13-208-27 (89421)
যদি ন স্যুস্তথা বৈশ্যা ন ভবেয়ুস্তথা পরে।
তেষামধ্যযনং দানং গজনং ধর্ম উচ্যতে॥ 13-208-28 (89422)
বৈশ্যস্য সততং ধর্মঃ পাশুপাল্যং কৃষিস্তথা।
অগ্নিহোত্রপরিস্পন্দাস্ত্রয়ো বর্ণা দ্বিজাতয়ঃ॥ 13-208-29 (89423)
বাণিজ্যং সৎপথে স্থানমাতিথেয়ৎবমেব চ।
বিপ্রাণাং স্বাগতন্যায়ো বৈশ্যধর্মঃ সনাতনঃ॥ 13-208-30 (89424)
তিলগন্ধরসাশ্চৈব ন বিক্রেয়াঃ কথঞ্চন।
বণিক্পথমুপাসদ্ভির্বৈশ্যৈর্বৈশ্যপথি স্থিতৈঃ॥ 13-208-31 (89425)
সর্বাতিথ্যং ত্রিবর্গস্য যথাশক্তি দিবানিশম্।
এবং তে বিহিতা দেবি লোকয়াত্রা স্বয়ংভুবা॥ 13-208-32 (89426)
তথৈব শূদ্রা বিহিতাঃ সর্বধর্মপ্রসাধকাঃ।
শূদ্রাশ্চ যদি তে ন স্যুঃ কর্মকর্তা ন বিদ্যতে॥ 13-208-33 (89427)
ত্রয়ঃ পূর্বে শূদ্রমূলাঃ সর্বে কর্মকরাঃ স্মৃতাঃ।
ব্রাহ্মণাদিষু শুশ্রূষা দাসধর্ম ইতি স্মৃতঃ॥ 13-208-34 (89428)
বার্তা চ কারুকর্মাণি শিল্যং নাট্যং তথৈব চ।
অহিংসকঃ শুভাচারো দেবতদ্বিজবন্দকঃ॥ 13-208-35 (89429)
শূদ্রো ধর্মফলৈরিষ্টৈঃ স্বধর্মেণোপপদ্যতে।
এবমাদি তথাঽন্যচ্চ শূদ্রধর্ম ইতি স্মৃতঃ॥ 13-208-36 (89430)
তেঽপ্যেবং বিহিতা লোকে কর্ময়োগ্যাঃ শুভাননে॥ 13-208-37 (89431)
এবং চতুর্ণাং বর্ণানাং বর্ণলোকাঃ পরত্র চ।
বিহিতাশ্চ তথা দৃষ্টা যথাবদ্ধর্মচারিণি॥ 13-208-38 (89432)
এষ বর্ণাশ্রয়ো ধর্মঃ কর্ম চৈব তদর্পণম্।
কথিতং শ্রোতুকামায়াঃ কিং ভূয়ঃ শ্রোতুমিচ্ছসি॥ 13-208-39 (89433)
উমোবাচ। 13-208-40x (7461)
ভগবন্দেবদেবেশ নমস্তে বৃষভধ্বজ।
শ্রোতুমিচ্ছাম্যহং দেব ধর্মমাশ্রমিণাং বিভো॥ 13-208-40 (89434)
মহেশ্বর উবাচ। 13-208-41x (7462)
তথাঽঽশ্রমগতং ধর্মং শৃণু দেবি সমাহিতা।
আশ্রমাণাং তু যো ধর্মঃ ক্রিয়তে ব্রহ্মবাদিভিঃ॥ 13-208-41 (89435)
গৃহস্থঃ প্রবরস্তেষাং গার্হস্থ্যং ধর্মমাশ্রিতঃ।
পঞ্চয়জ্ঞক্রিয়াশৌচং দারতুষ্টিরতন্দ্রিতা॥ 13-208-42 (89436)
ঋতুকালাভিগমনং দানয়জ্ঞতপাংসি চ।
অবিপ্রবাসস্তস্যেষ্টঃ স্বাধ্যায়শ্বাগ্নিপূর্বকম্॥ 13-208-43 (89437)
অতিথীনামাভিমুখ্যং শক্ত্যা চেষ্টনিমন্ত্রণম্।
অনুগ্রহশ্চ সর্বেষাং মনোবাক্কায়কর্মভিঃ॥ 13-208-44 (89438)
এবমাদি শুভং চান্যৎকুর্যাত্তদ্বৃত্তিমান্গৃহী।
এবং সঞ্চরতস্তস্য পুণ্যলোকা ন সংশয়ঃ। 13-208-45 (89439)
তথৈব বানপ্রস্থস্য ধর্মাঃ প্রোক্তাঃ সনাতনাঃ॥ 13-208-46 (89440)
গৃহবাসং সমুৎসৃকজ্য নিশ্চিত্যৈকমনাঃ শুভৈঃ।
বন্যৈরেব তদাহারৈঃ বর্তয়েদিতি চ স্থিতিঃ॥ 13-208-47 (89441)
ভূমিশয়্যা জটাশ্মশ্রুচর্মবল্কলধারণম্।
দেবতাতিথিসৎকারো মহাকৃচ্ছ্রাভিপূজনম্॥ 13-208-48 (89442)
অগ্নিহোত্রং ত্রিষবণং নিত্যং তস্য বিধীয়তে।
ব্রহ্মচর্যং ক্ষমা শৌচং তস্য ধর্মঃ সনাতনঃ।
এবং স বিগতে প্রাণে দেবলোকে মহীয়তে॥ 13-208-49 (89443)
যতিধর্মাস্তথা দেবি গৃহাংস্ত্যক্ৎবা যতস্ততঃ।
আকিঞ্চন্যমনারম্ভঃ সর্বতঃ শৌচমার্জবম্॥ 13-208-50 (89444)
সর্বত্র ভৈক্ষচর্যা চ সর্বত্রৈব বিবাসনম্।
সদা ধ্যানপরৎবং চ দেহশুদ্ধিঃ ক্ষমা দয়া।
তৎবানুগতবুদ্ধিৎবং তস্য ধর্মবিধির্ভবেৎ॥ 13-208-51 (89445)
ব্রহ্মচারী চ যো দেবি জন্মপ্রভৃতি ভিক্ষিতঃ।
ব্রহ্মচর্যপরো ভূৎবা সাধয়েদ্গুরুমাত্মনঃ।
সর্বকালেষু সর্বত্র গুরুপূজাং সমাচরেৎ॥ 13-208-52 (89446)
ভৈক্ষচর্যাগ্নিকার্যং চ সদা জলনিষেবণম্।
স্বাধ্যায়ঃ সততং তস্য এষ ধর্মঃ সনাতনঃ॥ 13-208-53 (89447)
তস্য চেষ্টা তু গুর্বর্থমাপ্রাণান্তমিতি স্থিতিঃ।
গুরোরভাবে তৎপুত্রে গুরুবদ্বৃত্তিমাচরেৎ॥ 13-208-54 (89448)
এবং সোপ্যমলাঁল্লোকান্ব্রাহ্মণঃ প্রতিপদ্যতে।
এষ তে কথিতো দেবি ধর্মশ্চাশ্রমবাসিনাম্॥ 13-208-55 (89449)
চতুর্ণামাশ্রমো যুক্তো লোক ইত্যেব বিদ্যতে।
কথিতং তে সমাসেন কিং ভূয়ঃ শ্রোতুমিচ্ছসি॥ ॥ 13-208-56 (89450)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টোত্তরদ্বিশততমোঽধ্যায়ঃ॥ 208 ॥
Mahabharata - Anushaasana Parva - Chapter Footnotes
7-208-9 ব্রাহ্মণোঽভিহিতা শুচিঃ ইতি ক.পাঠঃ॥ 7-208-55 আয়ুষ্কামো দ্বিজো দেবি ধারয়েদ্ভস্য নিৎপশঃ। মোক্ষকামী চ যো বিপ্রো ভূতিকামোথবা পুনঃ। পুনরাবৃত্তিরহিতং লোকং সম্প্রতিপদ্যতে। ইতি থ.পাঠঃ॥অনুশাসনপর্ব - অধ্যায় 209
॥ শ্রীঃ ॥
13.209. অধ্যায়ঃ 209
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ঈশ্বরেণ পার্বতীংপ্রতি ঋষিধর্মকথনম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ ত্রিপুরান্তক শঙ্কর।
অয়ং ৎবৃষিগণো দেব তপস্তপ ইতি প্রভো॥ 13-209-1 (89451)
তপসা কর্শিতো নিত্যং তপোঽর্জনপরায়ণঃ।
অস্য কিংলক্ষণো ধর্মঃ কীদৃশশ্চাগমস্তথা।
এতদিচ্ছাম্যহং শ্রোতুং তন্মে বদ বরপ্রদ॥ 13-209-2 (89452)
নারদ উবাচ। 13-209-3x (7463)
এবং ব্রুবন্ত্যাং রুদ্রাণ্যামৃষয়ঃ সাধুসাধ্বিতি।
অব্রুবন্হৃষ্টমনসঃ সর্বে তদ্গতমানসাঃ॥ 13-209-3 (89453)
শৃণ্বন্তীমৃষিধর্মাংস্তু ঋষয়শ্চাভ্যপূজয়ন্॥ 13-209-4 (89454)
ঋষয় ঊচুঃ। 13-209-5x (7464)
ৎবৎপ্রসাদদ্বয়ং দেবি শ্রোষ্যামঃ পরমং হিতম্।
ধন্যাঃ খলু বয়ং সর্বে পাদমূলং তবাশ্রিতাঃ।
ইতি সর্বে তদা দেবীং বাচা সমভিপূজয়ন্॥ 13-209-5 (89455)
মহেশ্বর উবাচ। 13-209-6x (7465)
ন্যায়তস্ৎবং মহাভাগে শ্রোতুকামা মনস্বিনি।
হন্ত তে কথয়িষ্যামি মুনিধর্মং শুচিস্মিতে॥ 13-209-6 (89456)
বানপ্রস্থং সমাশ্রিত্য ক্রিয়তে বহুধা নরৈঃ।
বহুশাখো বহুবিধো ঋষিধর্মঃ সনাতনঃ॥ 13-209-7 (89457)
প্রায়শঃ সর্বভোগার্থমৃষিভিঃ ক্রিয়তে তপঃ।
তথা সঞ্চরতাং তেষাং দেবি ধর্মবিধিং শৃণু॥ 13-209-8 (89458)
ভূৎবা পূর্বং গৃহস্থস্তু পুত্রানৃণ্যমবাপ্য চ।
কলত্রকার্যং সংস্থাপ্য কারণাৎসংত্যজেদ্গৃহম্॥ 13-209-9 (89459)
অবস্থাপ্য মনো ধৃত্যা ব্যবসায়পুরঃসরঃ।
নির্দারো বা সদারো বা বনবাসায় সংব্রজেৎ॥ 13-209-10 (89460)
দেশাঃ পরমপুণ্যা যে নদীবনসমন্বিতাঃ।
অবোধমুক্তাঃ প্রায়েণ তীর্থায়তনসংয়ুতাঃ॥ 13-209-11 (89461)
তত্র গৎবা বিধিং জ্ঞাৎবা দীক্ষাং কুর্যাদ্যথাগমম্।
দীক্ষিৎবৈকমনা ভূৎবা পরিচর্যাং সমাচরেৎ॥ 13-209-12 (89462)
কাল্যোত্থানং চ শৌচং চ সর্বদেবপ্রণামনম্।
সকৃদালেপনং কায়ে ত্যক্তদোষোঽপ্রমাদিতা॥ 13-209-13 (89463)
সায়ংপ্রাতশ্চাভিষেকং চাগ্নিহোত্রং যথাবিধি।
কালে শৌচং চ কার্যং চ জটাবল্কলধারণম্॥ 13-209-14 (89464)
সততং বনচর্যা চ সমিৎকুসুমকারণাৎ।
নীবারাগ্রয়ণং কালে শাকমূলোপচায়নম্॥ 13-209-15 (89465)
সদায়তনশৌচং চ তস্য ধর্মায় চেষ্যতে।
অতিথীনামাভিমুখ্যং তৎপরৎবং চ সর্বদা॥ 13-209-16 (89466)
পাদ্যাসনাভ্যাং সম্পূজ্য তথাঽঽহারনিমন্ত্রণম্।
অগ্রাম্যপচনং কালে পিতৃদেবার্চনং তথা॥ 13-209-17 (89467)
পশ্চাদতিথিসৎকারস্তস্য ধর্মঃ সনাতনঃ।
শিষ্টৈর্ধর্মাসনে চৈব ধর্মার্থসহিতাঃ কথাঃ॥ 13-209-18 (89468)
প্রতিশ্রয়বিভাগশ্চ ভূমিশয়্যা শিলাসু বা।
ব্রতোপবাসয়োগশ্চ ক্ষমা চেন্দ্রিয়নিগ্রহঃ॥ 13-209-19 (89469)
দিবারাত্রং যথায়োগং শৌচং ধর্মস্য চিন্তনম্।
এবং ধর্মাঃ পুরা দৃষ্টাঃ সামান্যা বনবাসিনাম্॥ 13-209-20 (89470)
এবং বৈ যতমানস্য কালধর্মো যথা ভবেৎ।
তথৈব সোঽভিজয়তি স্বর্গলোকং শুচিস্মিতে॥ 13-209-21 (89471)
তত্র সংবিদিতা ভোগাঃ স্বর্গস্ত্রীভিরনিন্দিতে।
পরিভ্রষ্টো যথা স্বর্গাদ্বিশিষ্টস্তু ভবেন্নৃষু॥ 13-209-22 (89472)
এবং ধর্মস্তথা দেবি সর্বেষাং বনবাসিনাম্।
এতত্তে কথিতং সর্বং কিং ভূয়ঃ শ্রোতুমিচ্ছসি॥ 13-209-23 (89473)
উমোবাচ। 13-209-24x (7466)
ভগবন্দেবদেবেশ ঋষীণাং চরিতং শুভম্।
বিশেষধর্মানিচ্ছামি শ্রোতুং কৌতূহলং হি মে॥ 13-209-24 (89474)
মহেশ্বর উবাচ। 13-209-25x (7467)
তদহং তে প্রবক্ষ্যামি শৃণু দেবি সমাহিতা॥ 13-209-25 (89475)
বননিত্যৈর্বনরতৈর্বানপ্রস্থৈর্মহর্ষিভিঃ।
বনং গুরুমিবালম্ব্য বস্তুব্যমিতি নিশ্চয়ঃ॥ 13-209-26 (89476)
বীরশয়্যামুপাসদ্ভির্বারস্থানোপসেবিভিঃ।
ব্রতোপবাসৈর্বহুলৈর্গ্রীষ্মে পঞ্চতপৈস্তথা॥ 13-209-27 (89477)
পঞ্চয়জ্ঞপরৈর্নিত্যং পৌর্ণমাস্যাপরায়ণৈঃ।
মণ্ডূকশায়ৈর্হেমন্তে শৈবালাঙ্কুরভোজনৈঃ॥ 13-209-28 (89478)
চীরবল্কলসংবীতৈর্মৃগাজিনধরৈস্তথা।
চাতুর্মাস্যপরৈঃ কৈশ্চিদ্দেবধর্মপরায়ণৈঃ॥ 13-209-29 (89479)
এবংবিধৈর্বনেবাসৈস্তপ্যতে সুমহত্তপঃ।
এবং কৃৎবা শুভং কর্ম পশ্চাদ্যাতি ত্রিবিষ্টপম্॥ 13-209-30 (89480)
তত্রাপি সুমহৎকালং সংবিহৃত্যি যথাসুখম্।
জায়তে মানুষে লোকে দানভোগসমন্বিতঃ॥ 13-209-31 (89481)
তপোবিশেষসংয়ুক্তাঃ কথিতাস্তে শুচিস্মিতে॥ 13-209-32 (89482)
উমোবাচ। 13-209-33x (7468)
ভগবন্দেবদেবেশ তেষু যে দারসংয়ুতাঃ।
কীদৃশং চরিতং তেষাং তন্মে শংসিতুমর্হসি॥ 13-209-33 (89483)
মহেশ্ব উবাচ। 13-209-34x (7469)
য একপত্নীধর্মাণশ্চরন্তি বিপুলং তপঃ।
বিংধ্যপাদেষু যে কেচিদ্যে চ নৈমিশবাসিনঃ॥ 13-209-34 (89484)
পুষ্করেষু চ যে চান্যে নদীবনসমাশ্রিতাঃ।
সর্বে তে বিধিদৃষ্টেন চরন্তি বিপুলং তপঃ॥ 13-209-35 (89485)
হিংসাদ্রোহবিমুক্তাশ্চ সর্বভূতানুকম্পিনঃ।
শান্তা দান্তা জিতক্রোধাঃ সর্বাতিথ্যপরায়ণাঃ॥ 13-209-36 (89486)
প্রাণিষ্বাত্মোপমা নিত্যমৃতুকালাভিগামিনঃ।
স্বদারসহিতা দেবি চরন্তি ব্রতমুত্তমম্॥ 13-209-37 (89487)
বসন্তি সুখমব্যগ্রাঃ পুত্রদারসমন্বিতাঃ।
তেষাং পরিচ্ছদারম্ভাঃ কৃতোপকরণানি চ॥ 13-209-38 (89488)
গৃহস্থবদ্দ্বিতীয়ং তে যথায়োগং প্রমাণতঃ।
পোষণার্থং স্বদারাণামগ্নিকার্যার্থমেব চ।
গাবশ্চ কর্ষণং চৈব সর্বমেতদ্বিধীয়তে। 13-209-39 (89489)
এবং বনগতৈর্দেবি কর্তব্যং দারসঙ্গ্রহৈঃ।
তে স্বদারৈঃ সমায়ান্তি পুণ্যাঁল্লোকান্দ্দঢব্রতাঃ॥ 13-209-40 (89490)
পতিভিঃ সহ যে দারাশ্চরন্তি বিপুলং তপঃ।
অব্যগ্রভাবাদৈকাত্ম্যাত্তাশ্চ গচ্ছন্তি বৈ দিবম্।
এতত্তে কথিতং দেবি কিং ভূয়ঃ শ্রোতুমিচ্ছসি॥ ॥ 13-209-41 (89491)
ইতি শ্রীমন্মহাভারতে অনুশাসনপর্বণি দানধর্মপর্বণি নবাধিকদ্বিশততমোঽধ্যায়ঃ॥ 209 ॥
অনুশাসনপর্ব - অধ্যায় 210
॥ শ্রীঃ ॥
13.210. অধ্যায়ঃ 210
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ঈশ্বরেণ পার্বতীংপ্রতি ঋষীণাং কর্মফলবিশেষাদিকথনম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ তেষাং কর্মফলং প্রভো।
শ্রোতুমিচ্ছাম্যহং দেব প্রসাদাত্তে বরপ্রদ॥ 13-210-1 (89492)
মহেশ্বর উবাচ। 13-210-2x (7470)
বানপ্রস্থগতং সর্বং ফলপাকং শৃণু প্রিয়ে॥ 13-210-2 (89493)
অগ্নিয়োগং ব্রজন্গ্রীষ্মে ততো দ্বাদশবার্ষিকম্।
রুদ্রলোকেঽভিজায়েত বিধিদৃষ্টেন কর্মণা॥ 13-210-3 (89494)
উপবাসব্রতং কুর্বন্বর্ষাকালে দৃঢব্রতঃ।
সোমলোকেঽভিজায়েত নরো দ্বাদশবার্ষিকম্॥ 13-210-4 (89495)
কাষ্ঠবন্মৌনমাস্থায় নরো দ্বাদশবার্ষিকম্।
মরুতাং লোকমাস্থায় তত্র ভোগৈশ্চ যুজ্যতে॥ 13-210-5 (89496)
কুশশর্করসংয়ুক্তে স্থণ্ডিলে সংবিশন্মুনিঃ।
যক্ষলোকেঽভিজায়েত সহস্রাণি চতুর্দশ॥ 13-210-6 (89497)
বর্ষাণাং ভোগসংয়ুক্তো নরো দ্বাদশবার্ষিকম্।
বীরাসনগতো যস্তু কণ্টকাফলকাশ্রিতঃ।
গন্ধর্বেষ্বভিজায়েত নরো দ্বাদশবার্ষিকম্॥ 13-210-7 (89498)
বীরস্থায়ী চোর্ধ্ববাহুর্নরো দ্বাদশবার্ষিকম্।
দেবলোকেঽভিজায়েত দিব্যভোগসমন্বিতঃ॥ 13-210-8 (89499)
পাদাঙ্গুষ্ঠেন যস্তিষ্ঠেদূর্ধ্ববাহুর্জিতেন্দ্রিয়ঃ।
ইন্দ্রলোকেঽভিজায়েত সহস্রাণি চতুর্দশ। 13-210-9 (89500)
আহারনিয়মং কৃৎবা মুনির্দ্বাদশবার্ষিকম্।
নাগলোকেঽভিজায়েত সংবৎসরগণান্বহূন্॥ 13-210-10 (89501)
এবং দৃঢব্রতা দেবি বানপ্রস্থাশ্চ কর্মভিঃ।
স্থানেষু তত্র তিষ্ঠন্তি তত্তদ্ভোগসমন্বিতাঃ॥ 13-210-11 (89502)
তেভ্যো ভ্রষ্টাঃ পুনর্দেবি জায়ন্তে নৃষু ভোগিনঃ।
বর্ণোত্তমকুলেষ্বেব ধনধান্যসমন্বিতাঃ॥ 13-210-12 (89503)
এতত্তে কথিতং দেবি কিং ভূয়ঃ শ্রোতুমিচ্ছসি॥ 13-210-13 (89504)
উমোবাচ। 13-210-14x (7471)
এষাং যথা বরাণাং তু ধর্মমিচ্ছামি মানদ।
কৃপয়া পরয়াঽঽবিষ্টস্তন্মে ব্রূহি মহেশ্বর॥ 13-210-14 (89505)
মহেশ্বর উবাচ। 13-210-15x (7472)
ধর্মং যথা বরাণাং ৎবং শৃণু ভামিনি তৎপরা॥ 13-210-15 (89506)
ব্রতোপবাসশুদ্ধাঙ্গাস্তীর্থস্নানপরায়ণাঃ।
ধৃতিমন্তঃক ক্ষমায়ুক্তাঃ সত্যব্রতপরায়ণাঃ॥ 13-210-16 (89507)
পক্ষমাসোপবাসৈশ্চ কর্শিতা ধর্মদর্শিনঃ।
বর্ষৈঃ শীতাতপৈশ্চৈব কুর্বন্তঃ পরমং তপঃ॥ 13-210-17 (89508)
কালয়োগেন গচ্ছন্তি শক্রলোকং শুচিস্মিতে।
তত্র তে ভোগসংয়ুক্তা দিব্যগন্ধসমন্বিতাঃ॥ 13-210-18 (89509)
দিব্যভূষণসংয়ুক্তা বিমানবরসংয়ুতাঃ।
বিচরন্তি যথাকামং দিব্যস্ত্রীগণসংয়ুতাঃ।
এতত্তে কথিতং দেবি কিং ভূয়ঃ শ্রোতুমিচ্ছসি॥ 13-210-19 (89510)
উমোবাচ। 13-210-20x (7473)
তেষাং চক্রচরাণাং চ ধর্মমিচ্ছামি বৈ প্রভো॥ 13-210-20 (89511)
মহেশ্বর উবাচ। 13-210-21x (7474)
হন্ত তে কথয়িষ্যামি শৃণু শাকটিকং শুভে॥ 13-210-21 (89512)
সংবহন্তো ধুরং দানৈঃ শকটানাং তু সর্বদা।
প্রার্থয়ন্তে যথাকালং শকটৈর্ভৈক্ষচর্যযা॥ 13-210-22 (89513)
তপোর্জনপরা ধীরাস্তপসা ক্ষীণকল্মষাঃ।
পর্যটন্তো দিশঃ সর্বাঃ কামক্রোধবিবর্জিতাঃ॥ 13-210-23 (89514)
তেনৈব কালয়োগেন ত্রিদিবং যান্তি শোভনে।
তত্র প্রমুদিতা ভোগৈর্বিচরন্তি যথাসুখম্॥ 13-210-24 (89515)
এতত্তে কথিতং দেবি কিং ভূয়ঃ শ্রোতুমিচ্ছসি॥ 13-210-25 (89516)
উমোবাচ। 13-210-26x (7475)
বৈখানসানাং বৈ ধর্মং শ্রোতুমিচ্ছাম্যহং প্রভো॥ 13-210-26 (89517)
মহেশ্বর উবাচ। 13-210-27x (7476)
তে বৈ বৈখানসা নাম বানপ্রস্থাঃ শুভেক্ষণে।
তীব্রেণ তপসা যুক্তা দীপ্তিমন্তঃ স্বতেজসা।
সত্যব্রতপরা ধীরাস্তেষাং নিষ্কল্মষং তপঃ॥ 13-210-27 (89518)
অশ্মকুট্টাস্তথাঽন্যে চ দন্তোলূখলিনস্তথা।
শীর্ণপর্ণাশিনশ্চান্যে উঞ্ছবৃত্তাস্তথা পরে॥ 13-210-28 (89519)
কপোতবৃত্তয়শ্চান্যে কাপোতীং বৃত্তিমাশ্রিতাঃ।
পশুপ্রচারনিরতাঃ ফেনপাশ্চ তথা পরে॥ 13-210-29 (89520)
মৃগবন্মৃগচর্যায়াং সঞ্চরন্তি তথা পরে।
অব্ভক্ষা বায়ুভক্ষাশ্চ নিরাহারাস্তথৈব চ॥ 13-210-30 (89521)
কেচিচ্চরন্তি সদ্বিষ্ণোঃ পাদপূজনমুত্তমম্।
সঞ্চরন্তি তপো ঘোরং ব্যাধিমৃত্যুবিবর্জিতাঃ।
স্ববশাদেব তে মৃত্যুং ভীষয়ন্তি চ নিত্যশঃ॥ 13-210-31 (89522)
ইন্দ্রলোকে তথা তেষাং নির্মিতা ভোগসঞ্চয়াঃ।
অমরৈঃ সমতাং যান্তি দেববদ্ভোগসংয়ুতাঃ॥ 13-210-32 (89523)
বরাপ্সরোভিঃ সংয়ুক্তাশ্চিরকালমনিন্দিতে।
এতত্তে কথিতং দেবি ভূয়ঃ শ্রোতুং কিমিচ্ছসি॥ 13-210-33 (89524)
উমোবাচ। 13-210-34x (7477)
ভগবঞ্শ্রোতুমিচ্ছামি বালখিল্যাংস্তপোধনান্॥ 13-210-34 (89525)
মহেস্বর উবাচ। 13-210-35x (7478)
ধর্মচর্যাং তথা দেবি বালখিল্যগতাং শৃণু॥ 13-210-35 (89526)
মৃগনির্মোকবসনা নির্দ্বন্দ্বাস্তে তপোধনাঃ।
অঙ্গুষ্ঠমাত্রাঃ সুশ্রোণি তেষ্বেবাঙ্গেষু সংশ্রিতাঃ॥ 13-210-36 (89527)
উদ্যন্তং সততং সূর্যং স্তুবন্তো বিবিধৈঃ স্তবৈঃ।
ভাস্করস্যেব কিরণৈঃ সহসা যান্তি নিত্যদা।
দ্যোতয়ন্তো দিশঃ সর্বা ধর্মজ্ঞাঃ সত্যবাদিনঃ॥ 13-210-37 (89528)
তেষ্বেব নির্মলং সত্যং লোকার্থং তু প্রতিষ্ঠিতম্।
লোকোঽয়ং ধার্যতে দেবি তেষামেব তপোবলাৎ॥ 13-210-38 (89529)
মহাত্মনাং তু তপসা সত্যেন চ শুচিস্মিতে।
ক্ষময়া চ মহাভাগে ভূতানাং সংস্থিতিং বিদুঃ॥ 13-210-39 (89530)
প্রজার্থমপি লোকার্থং মহদ্ভিঃ ক্রিয়তে তপঃ।
তপসা প্রাপ্যতে সর্বং তপসা প্রাপ্যতে ফলম্।
দুষ্প্রাপমপি যল্লোকে তপসা প্রাপ্যতে হি তৎ॥ 13-210-40 (89531)
পঞ্চভূতার্থতৎবে চ লোকসৃষ্টিবির্ধনম্।
এতৎসর্বং সমাসেন তপোয়োগাদ্বিনির্মিতম্॥ 13-210-41 (89532)
তস্মাদয়ং ৎবৃষিগণস্তপস্তপ ইতি প্রিয়ে।
ধর্মান্বেষী তপঃ কর্তুং যততে সততং প্রিয়ে॥ 13-210-42 (89533)
অমরৎবং শিবৎবং চ তপসা প্রাপয়েৎসদা।
এতত্তে কথিতং সর্বং শৃণ্বন্ত্যাস্তে শ্রুতং প্রিয়ে।
প্রিয়ার্থমৃষিসঙ্ঘস্য প্রজানাং হিতকাম্যযা॥ 13-210-43 (89534)
নারদ উবাচ। 13-210-44x (7479)
এবং ব্রুবন্তং দেবেশমৃষয়শ্চাপি তুষ্টুবুঃ।
ভূয়ঃ পরতরং যত্তু তদাপ্রভৃতি চক্রিরে॥ ॥ 13-210-44 (89535)
ইতি শ্রীমন্মহাভারতে অনুশাসনপর্বণি দানধর্মপর্বণি দশাধিকদ্বিশততমোঽধ্যায়ঃ॥ 210 ॥
অনুশাসনপর্ব - অধ্যায় 211
॥ শ্রীঃ ॥
13.211. অধ্যায়ঃ 211
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীপ্রতি নিবৃত্তিধর্মফলকথনম্॥ 1 ॥ তথা গার্হস্থ্যপ্রশংসনপূর্বকং তদ্ধর্মফলাদিকথনম্॥ 2 ॥Mahabharata - Anushaasana Parva - Chapter Text
উমোবাচ।
উক্তস্ৎবয়া ত্রিবর্গস্য ধর্মশ্চ পরমঃ শুভঃ।
সর্বব্যাপী তু যো ধর্মো ভগবংস্তং ব্রবীতু মে। 13-211-1 (89536)
মহেশ্বর উবাচ। 13-211-2x (7480)
ব্রহ্মণা লোকসংসারে সৃষ্টা ধাত্রা গুণার্থিনা।
লোকাংস্তারয়িতুং যুক্তা মর্ত্যেষু ক্ষিতিদেবতাঃ॥ 13-211-2 (89537)
তেষু তাবৎপ্রবক্ষ্যামি ধর্মং শুভফলোদয়ম্।
ব্রাহ্মণেষ্বভয়ো ধর্মঃ পরমঃ শুভলক্ষণঃ॥ 13-211-3 (89538)
ইমে চ ধর্মা লোকানাং পূর্বং সৃষ্টাঃ স্বয়ংভুবা।
পৃথিব্যাং সদ্দ্বিজৈর্নিত্যং কীর্ত্যমানং নিবোধ মে॥ 13-211-4 (89539)
স্বদারনিরতির্ধর্মো নিত্যং জপ্যং তথৈব চ।
সর্বাতিথ্যং ত্রিবর্গস্য যথাশক্তি দিবানিশম্॥ 13-211-5 (89540)
শূদ্রো ধর্মপরো নিত্যং শুশ্রূষানিরতো ভবেৎ॥ 13-211-6 (89541)
ত্রৈবিদ্যো ব্রাহ্মণো বৃদ্ধো ন চাধ্যযনজীবকঃ।
ত্রিবর্গস্য ব্যতিক্রান্তং তস্য ধর্মঃ সনাতনঃ॥ 13-211-7 (89542)
ষট্ কর্মাণি চ প্রোক্তানি সৃষ্টানি ব্রহ্মণা পুরা।
ধর্মিষ্ঠানি বরিষ্ঠানি তানিতানি শৃণূত্তমে॥ 13-211-8 (89543)
যজনং যাজনং চৈব দানং পাত্রে প্রতিগ্রহঃ।
অধ্যাপনমধ্যযনং ষট্কর্মা ধর্মভাগৃজুঃ॥ 13-211-9 (89544)
নিত্যঃ স্বাধ্যায়তো ধর্মঃ নিত্যযজ্ঞঃ সনাতনঃ।
দানং প্রশংসতে নিত্যং ব্রাহ্মণেষু ত্রিকর্মসু॥ 13-211-10 (89545)
অয়মেব পরো ধর্মঃ সংবৃতঃ সৎসু বিদ্যতে।
গর্ভস্থানে বিশুদ্ধানাং ধর্মস্য নিয়মো মহান্॥ 13-211-11 (89546)
পঞ্চয়জ্ঞবিশুদ্ধাত্মা ঋতুনিত্যোঽনসূয়কঃ।
দান্তো ব্রাহ্মণসৎকর্তা সুসংমৃষ্টনিবেশনঃ॥ 13-211-12 (89547)
চক্ষুঃশ্রোত্রমনোজিহ্বাস্নিগ্ধবর্ণপ্রদঃ সদা।
অতিথ্যভ্যাগতরতঃ শেষান্নকৃতভোজনঃ॥ 13-211-13 (89548)
পাদ্যমর্ঘ্যং যথান্যায়মাসনং শয়নং তথা।
দীপং প্রতিশ্রয়ং চৈব যো দদাতি স ধার্মিকঃ॥ 13-211-14 (89549)
প্রাতরুত্থায় বৈ পশ্চাদ্ভোজনে তু নিমন্ত্রয়েৎ।
সৎকৃত্যাঽনুব্রজেদ্যশ্চ তস্য ধর্মঃ সনাতনঃ॥ 13-211-15 (89550)
প্রবৃত্তিলক্ষণো ধর্মো গৃহস্থেষু বিধীয়তে।
তদহং কীর্তয়িষ্যামি ত্রিবর্গেষু চ যদ্যথা॥ 13-211-16 (89551)
একেনাংশেন ধর্মার্থঃ কর্তব্যো হিতমিচ্ছতা।
একেনাংশেন কামার্থমেকমংশং বিবর্ধয়েৎ॥ 13-211-17 (89552)
নিবৃত্তিলক্ষণঃ পুণ্যো ধর্মো মোক্ষো বিধীয়তে।
তস্য বৃত্তিং প্রবক্ষ্যামি তাং শৃণুষ্ব সমাহিতা॥ 13-211-18 (89553)
সর্বভূতদয়া ধর্মো নিবৃত্তেঃ পরম সদা।
বুভুক্ষিতং পিপাসার্তমতিথিং শ্রান্তমাগতম্।
অর্চয়ন্তি বরারোহে তেষামপি ফলং মহৎ॥ 13-211-19 (89554)
পাত্রমিত্যেব দাতব্যং সর্বস্মৈ ধর্মকাঙ্ক্ষিভিঃ।
আগমিষ্যতি যৎপাত্রং তৎপাত্রং তারয়িষ্যতি॥ 13-211-20 (89555)
কালে সম্প্রাপ্তমতিথিং ভোক্তুকামমুপস্থিতম্।
যস্তং সম্ভাবয়েত্তত্র ব্যাসোঽয়ং সমুপস্থিতঃ॥ 13-211-21 (89556)
তস্য পূজাং যথাশক্ত্যা সৌম্যচিত্তঃ প্রয়োজয়েৎ।
চিত্তমূলো ভবেদ্ধর্মো ধর্মমূলং ভবেদ্যশঃ॥ 13-211-22 (89557)
তস্মাৎসৌম্যেন চিত্তেন দাতব্যং দেবি সর্বথা।
সৌম্যচিত্তস্তু যো দদ্যাত্তদ্ধি দানমনুত্তমম্॥ 13-211-23 (89558)
যথাম্বুবিন্দুভিঃ সূক্ষ্মৈঃ পতদ্ভির্মেদিনীতলে।
কেদারাশ্চ তটাকানি সরাংসি সরিতস্তথা॥ 13-211-24 (89559)
তোয়পূর্ণানি দৃশ্যন্তে অপ্রতর্ক্যোঽতিশোভনে।
অল্পমল্পমপি হ্যেকং দীয়মানং বিবর্ধতে॥ 13-211-25 (89560)
পীডয়াঽপি চ ভৃত্যানাং দানমেব বিশিষ্যতে।
পুত্রদারধনং ধান্যং ন মৃতাননুগচ্ছতি॥ 13-211-26 (89561)
শ্রেয়ো দানং চ ভোগশ্চ ধনং প্রাপ্য যশস্বিনি।
দানেন হি মহাভাগা ভবন্তি মনুজাধিপাঃ॥ 13-211-27 (89562)
নাস্তি ভূমৌ দানসমং নাস্তি দানসমো নিধিঃ।
নাস্তি সত্যাৎপরো ধর্মো নানৃতাৎপাতকং পরম্॥ 13-211-28 (89563)
আশ্রমে যস্তু তপ্যেত তপো মূলফলাশনঃ।
আদিত্যাভিমুখো ভূৎবা জটাবল্কলসংবৃতঃ।
মণ্ডূকশায়ী হেমন্তে গ্রীষ্মে পঞ্চতপা ভবেৎ॥ 13-211-29 (89564)
সম্যক্তপশ্চরন্তীহ শ্রদ্দধানা বনাশ্রমে।
গৃহাশ্রমস্য তে দেবি কলাং নার্হন্তি ষোডশীম্॥ 13-211-30 (89565)
উমোবাচ। 13-211-31x (7481)
গৃহাশ্রমস্য যা চর্যা ব্রতানি নিয়মাশ্চ যে।
তথা চ দেবতাঃ পূজ্যাঃ সততং গৃহমেধিনা॥ 13-211-31 (89566)
যদ্যচ্চ পরিহর্তব্যং গৃহীণাতিথিপর্বসু।
তৎসর্বং শ্রোতুমিচ্ছামি কথ্যমানং ৎবয়া বিভো॥ 13-211-32 (89567)
মহেশ্বর উবাচ। 13-211-33x (7482)
গৃহাশ্রমস্য যন্মূলং ফলং ধর্মোঽয়মুত্তমম্।
পাদৈশ্চতুর্ভিঃ সততং ধর্মো যত্র প্রতিষ্ঠিতঃ॥ 13-211-33 (89568)
সারভূতং বরারোহে দধ্নো ঘৃতমিবোদ্ধৃতম্।
তদহং তে প্রবক্ষ্যামি শ্রূয়তাং ধর্মচারিণি॥ 13-211-34 (89569)
`দংপত্যলঙ্করিষ্ণুশ্চ গৃহদানরতির্নরঃ।
কলত্রসৌখ্যং বিন্দেত নাস্তি তত্র বিচারণা॥ 13-211-35 (89570)
স্ত্রিয়ো বা পুরুষো বাঽপি দম্পতীন্পূজয়ন্তি তে।
মনোভিলষিতান্কামান্প্রাপ্নুবন্তি ন সংশয়ঃ॥' 13-211-36 (89571)
শুশ্রূষন্তে যে পিতরং মাতরং চ গৃহাশ্রমে।
ভর্তারং চৈব যা নারী অগ্নিহোত্রং চ যে দ্বিজাঃ॥ 13-211-37 (89572)
তেষুতেষু চ প্রীণন্তি দেবা ইন্দ্রপুরোগমাঃ।
পিতরঃ পিতৃলোকস্থাঃ স্বধর্মেণ স রজ্যতে॥ 13-211-38 (89573)
উমোবাচ। 13-211-39x (7483)
মাতাপিতৃবিয়ুক্তানাং কা চর্যা গৃহমেধিনাম্।
বিধবানাং চ নারীণাং ভবানেব ব্রবীতু মে॥ 13-211-39 (89574)
মহেশ্বর উবাচ। 13-211-40x (7484)
দেবতাতিথিশুশ্রূষা গুরুবৃদ্ধাভিবাদনম্।
অহিংসা সর্বভূতানামলোভঃ সত্যসন্ধতা॥ 13-211-40 (89575)
ব্রহ্মচর্যং শরণ্যৎবাশৌচং পূর্বাভিভাষণম্।
কৃতজ্ঞৎবমপৈশুন্যং সততং ধর্মশীলতা॥ 13-211-41 (89576)
দিনে দ্বিরভিষেকং চ পিতৃদৈবতপূজনম্।
গবাহ্নিকপ্রদানং চ সংবিভাগোঽতিথিষ্বপি॥ 13-211-42 (89577)
দীপপ্রতিশ্রয়ং চৈব দদ্যাৎপাদ্যাসনং তথা।
পঞ্চমেঽহনি ষষ্ঠে বা দ্বাদশেঽপ্যষ্টমেঽথবা।
তদুর্দশে পঞ্চদশে ব্রহ্মচারী সদা ভবেৎ॥ 13-211-43 (89578)
শ্মশ্রুকর্ম শিরোভ্যঙ্গমঞ্জনং দন্তধাবনম্।
নৈতেষ্বহস্তু কুর্বীত তেষু লক্ষ্মীঃ প্রতিষ্ঠিতা॥ 13-211-44 (89579)
ব্রতোপবাসনিয়মস্তপো দানং চ শক্তিতঃ।
ভরণং ভৃত্যবর্গস্য দীনানামনুকম্পনম্॥ 13-211-45 (89580)
পরদারান্নিবৃত্তিশ্চ স্বদারেষু রতিঃ সদা।
শরীরমেকং দংপত্যোর্বিধাত্রা পূর্বনির্মিতম্।
তস্মাৎস্বদারনিরতো ব্রহ্মচারী বিধীয়তে॥ 13-211-46 (89581)
শীলবৃত্তবিনীতস্য নিগৃহীতেন্দ্রিয়স্য চ।
আর্জবে বর্তমানস্য সর্বভূতহিতৈষিণঃ॥ 13-211-47 (89582)
প্রিয়াতিথেশ্চ ক্ষান্তস্য ধর্মার্জিতধনস্য চ।
গৃহাশ্রমপদস্থস্য কিমন্যৈঃ কৃত্যমাশ্রমৈঃ॥ 13-211-48 (89583)
যথা মাতরমাশ্রিত্য সর্বে জীবন্তি জন্তবঃ।
তথা গৃহাশ্রমং প্রাপ্য সর্বে জীবন্তি চাশ্রমাঃ॥ 13-211-49 (89584)
রাজানঃ সর্বপাষণ্ডাঃ সর্বে রঙ্গোপজীবিনঃ।
ব্যালগ্রহাশ্চ ডম্যাশ্চ চোরা রাজভটাস্তথা॥ 13-211-50 (89585)
সবিদ্যাঃ সর্বজীবজ্ঞাঃ সর্বে বৈ বিচিকিৎসকাঃ।
দূরাধ্বানং প্রপন্নাশ্চ ক্ষীণপথ্যোদনা নরাঃ।
এতে চান্যে চ বহবস্তর্কয়ন্তি গৃহাশ্রমম্॥ 13-211-51 (89586)
মার্জারা মূষিকাঃ শ্বানঃ সূকরাশ্চ শুকাস্তথা।
কপোতকা কাবটকাঃ সরীসৃপনিষেবণাঃ।
অরণ্যবাসিনশ্চান্যে সঙ্ঘা যে মৃগপক্ষিণাম্॥ 13-211-52 (89587)
এবং বহুবিধা দেবি লোকেঽস্মিন্সচরাচরাঃ।
গৃহে ক্ষেত্রে বিলে চৈব শতশোঽথ সহস্রশঃ॥ 13-211-53 (89588)
গৃহস্থেন কৃতং কর্ম সর্বৈস্তৈরিহ ভুজ্যতে।
উপয়ুক্তং চ যত্তেষাং মতিমান্নানুশোচতি॥ 13-211-54 (89589)
ধর্ম ইত্যেব সহ্কল্প্য যস্তু তস্য ফলং শৃণু।
সর্বয়জ্ঞপ্রণীতস্য হয়মেধেন যৎফলম্।
বর্ষে স দ্বাদশে দেবি ফলেনৈতেন যুজ্যতে॥ 13-211-55 (89590)
আশাপাশবিমোক্ষং চ বিধিধর্মমনুত্তমম্।
বৃক্ষমূলচরো নিত্যং শূন্যাগারিনিবেশনমম্॥ 13-211-56 (89591)
নদীপুলিনশায়ী চ নদীতীরমনুব্রজন্।
বিমুক্তঃ সর্বসঙ্গেভ্যঃ স্নেহবন্ধেন বৈ দ্বিজঃ। 13-211-57 (89592)
আত্মন্যেবাত্মনা ভাবং সমায়োজ্যেহ তেন বৈ।
আত্মভূতো যতাহারো মোক্ষদৃষ্টেন কর্মণা॥ 13-211-58 (89593)
পবিত্রনিত্যো যুক্তশ্চ তস্য ধর্মঃক সনাতনঃ।
নৈকত্র রমতে সক্তো ন চৈকগ্রামগোচরঃ।
যুক্তোঽপ্যটতি যো যুক্তো ন চৈকপুলিনাশ্রয়ঃ॥ 13-211-59 (89594)
এষ মোক্ষবিদাং ধর্মো বেদোক্তঃ সৎপথে স্থিতঃ॥ ॥ 13-211-60 (89595)
ইতি শ্রীমন্মহাভারতে অনুশাসনপর্বণি দানধর্মপর্বণি একাদশাধিকদ্বিশততমোঽধ্যায়ঃ॥ 211 ॥
অনুশাসনপর্ব - অধ্যায় 212
॥ শ্রীঃ ॥
13.212. অধ্যায়ঃ 212
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি বিস্তরেণ রাজধর্মকথনম্॥ 1 ॥Mahabharata - Anushaasana Parva - Chapter Text
উমোবাচ।
দেবদেব নমস্তুভ্যং ত্র্যক্ষ ভো বৃষভধ্বজ।
শ্রুতং মে ভগবন্সর্বং ৎবৎপ্রসাদান্মহেশ্বর॥ 13-212-1 (89596)
সঙ্গৃহীতং ময়া তচ্চ তব বাক্যমনুত্তমম্।
ইদানীমস্তি সংদেহো মানুষেষ্বিহ কশ্চন॥ 13-212-2 (89597)
তুল্যপ্রাণশিরঃকায়ো রাজাঽয়মিতি মৃশ্যতে।
কেন কর্মবিপাকেন সর্বপ্রাধান্যমর্হতি॥ 13-212-3 (89598)
স চাপি দণ্ডয়ন্মর্ত্যান্ভর্ৎসয়ন্বিধমন্নপি।
প্রেত্যভাবে কথং লোকাঁল্লভতে পুণ্যকর্মণা।
রাজবৃত্তমহং তস্মাচ্ছ্রোতুমিচ্ছামি মানদ॥ 13-212-4 (89599)
মহেশ্বর উবাচ। 13-212-5x (7485)
তদহং তে প্রবক্ষ্যামি রাজধর্মং শুভাননে॥ 13-212-5 (89600)
রাজায়ত্তং হি যৎসর্বং লোকবৃত্তং শুভাশুভম্।
মহতস্তপসো দেবি ফলং রাজ্যমিতি স্মৃতম্॥ 13-212-6 (89601)
তপোদানময়ং রাজ্যং পরং স্থানং বিধীয়তে।
তস্মাদ্রাজ্ঞঃ সদা মর্ত্যাঃ প্রণমন্তি যতস্ততঃ॥ 13-212-7 (89602)
ন্যায়তস্ৎবং মহাভাগে শ্রোতুকামাঽসি ভামিনি।
তস্মাত্তস্যৈব চরিতং জগৎপথ্যং শৃণু প্রিয়ে॥ 13-212-8 (89603)
অরাজকে পুরা ৎবাসীৎপ্রজানাং সঙ্কুলং মহৎ।
তদৃষ্ট্বা সঙ্কুলং ব্রহ্মা মনুং রাজ্যে ন্যবেদয়ৎ।
তদাপ্রভৃতি সংদৃষ্টং রাজ্ঞাং বৃত্তং শুভাশুভম্॥ 13-212-9 (89604)
তন্মে শৃণু বরারোহে তস্য পথ্যং জগদ্ধিতম্।
যথা প্রেত্য লভেৎস্বর্গং যথা বীর্যং যশস্তথা॥ 13-212-10 (89605)
পিত্র্যং বা ভূতপূর্বং বা স্বয়মুৎপাদ্য বা পুনঃ।
রাজ্যধর্মমনুষ্ঠায় বিধিবদ্ভোক্তুমর্হতি॥ 13-212-11 (89606)
আত্মানমেব প্রথমং বিনয়ৈরুপপাদয়েৎ।
অনু ভৃত্যান্প্রজাঃ পশ্চাদিত্যেষ বিনয়ক্রমঃ॥ 13-212-12 (89607)
স্বামিনং চোষমাং কৃৎবা প্রজাস্তদ্বৃত্তকাঙ্ক্ষয়া।
স্বয়ং বিনয়সম্পন্না ভবন্তীহ শুভেক্ষণে॥ 13-212-13 (89608)
স্বস্মাৎপূর্বতরা রাজা বিনয়ত্যেব বৈ প্রজাঃ।
অপহাস্যো ভবেত্তাদৃক্স্বদোষস্যানবেক্ষণাৎ॥ 13-212-14 (89609)
বিদ্যাভ্যাসৈর্বৃদ্ধয়োগৈরাত্মানং বিনয়ং নয়েৎ।
বিদ্যা ধর্মার্থফলিনী তদ্বিদো বৃদ্ধসংজ্ঞিতাঃ॥ 13-212-15 (89610)
ইন্দ্রিয়াণাং জয়ো দেবি অত ঊর্ধ্বমুদাহৃতঃ।
অজয়ে সুমহান্দোষো রাজানং বিনিপাতয়েৎ॥ 13-212-16 (89611)
পঞ্চৈব স্ববশে কৃৎবা তদর্থান্পঞ্চ শোষয়েৎ।
ষডুৎসৃজ্য যথায়োগং জ্ঞানেন বিনয়েন চ।
সাস্ত্রচক্ষুর্নয়পরো ভূৎবা ভৃত্যান্সমাহরেৎ॥ 13-212-17 (89612)
বৃত্তশ্রুতকুলোপেতানুপধাবিঃ পরীক্ষিতান্।
অমাত্যানুপধাতীতান্সোপসর্পাঞ্জিতেন্দ্রিয়ান্।
যোজয়েত যথায়োগং যথার্হং স্বেষু কর্মসু॥ 13-212-18 (89613)
অমাত্যা বুদ্ধিসম্পন্না রাষ্ট্রং বহুজনপ্রিয়ম্।
দুরাধর্ষং পুরশ্রেষ্ঠং কোশঃ কৃচ্ছ্রসহঃ স্মৃতঃ॥ 13-212-19 (89614)
অনুরক্তং বলং সাম্নামদ্বৈধং মন্ত্রমেব চ।
এতাঃ প্রকৃতয়ঃ স্বেষু স্বামী বিনয়তৎববিৎ। 13-212-20 (89615)
প্রজানাং রক্ষণার্থায় সর্বমেতদ্বিনির্মিতম্।
আভিঃ করণভূতাভিঃ কুর্যাল্লোকহিতং নৃপঃ॥ 13-212-21 (89616)
আত্মরক্ষা নরেন্দ্রস্য প্রজারক্ষার্থমিষ্যতে।
তস্মাৎসততমাত্মানং সংরক্ষেদপ্রমাদবান্॥ 13-212-22 (89617)
ভোজনাচ্ছাদনস্নানাদ্বহির্নিষ্ক্রমণাদপি।
নিত্যং স্ত্রীগণসংয়োগাদ্রক্ষেদাত্মানমাত্মবান্॥ 13-212-23 (89618)
স্বেভ্যশ্চৈব পরেভ্যশ্চ শশ্ত্রাদপি বিষাদপি।
সততং পুত্রদারেভ্যো রক্ষেদাত্মানমাত্মবান্॥ 13-212-24 (89619)
সর্বেভ্য এব স্থানেভ্যো রক্ষেদাত্মানমাত্মবান্।
প্রজানাং রক্ষণার্থায় প্রজাহিতকরো ভবেৎ॥ 13-212-25 (89620)
প্রজাকার্যং তু তৎকার্যং প্রজাসৌখ্যং তু তৎসুখম্।
প্রজাপ্রিয়ং প্রিয়ং তস্য স্বহিতং তু প্রজাহিতম্।
প্রজার্তং তস্য সর্বস্বমাত্মার্থং ন বিধীয়তে। 13-212-26 (89621)
প্রকৃতীনাং হি রক্ষার্থং রাগদ্বেষৌ ব্যুদস্য চ।
উভয়োঃ পক্ষয়োর্বাদং শ্রুৎবা চৈব যথাতথম্।
তমর্থং বিমৃশেদ্বুদ্ধ্যা স্বয়মাতৎবদর্শনাৎ॥ 13-212-27 (89622)
তৎববিদ্ভিশ্চ বহুভির্বৃদ্ধৈঃ সহ নরোত্তমৈঃ।
কর্তারমপরাধং চ দেশকালৌ নয়ানয়ৌ॥ 13-212-28 (89623)
জ্ঞাৎবা সম্যগ্যথাশাস্ত্রং ততো দণ্ডং নয়েন্নৃষু।
এবং কুর্বংল্লভেদ্ধর্মং পক্ষপাতবিবর্জনাৎ॥ 13-212-29 (89624)
প্রত্যক্ষাপ্তোপদেশাভ্যামনুমানেন বা পুনঃ।
বোদ্ধব্যং সততং রাজ্ঞা দেশবৃত্তং শুভাশুভম্॥ 13-212-30 (89625)
চারৈঃ কর্মপ্রবৃত্ত্যা চ তদ্বিজ্ঞায় বিচারয়েৎ।
অশুভং নির্হরেৎসদ্যো জোষয়েচ্ছুভমাত্মনঃ॥ 13-212-31 (89626)
গর্হ্যান্বিগর্হয়েদেব পূজ্যান্সম্পূজয়েত্তথা।
দণ্ড্যাংশ্চ দণ্ডয়েদ্দেবি নাত্র কার্যা বিচারণা॥ 13-212-32 (89627)
পঞ্চাবেক্ষন্সদা মন্ত্রং কুর্যাদ্বুদ্ধিয়ুতৈর্নরৈঃ।
কুলবৃত্তশ্রুতোপেতৈর্নিত্যং মন্ত্রপরো ভবেৎ॥ 13-212-33 (89628)
কামকারেণ বৈ মুখ্যৈর্ন চ মন্ত্রমনা ভবেৎ।
রাজা রাষ্ট্রহিতাপেক্ষং সত্যধর্মাণি কারয়েৎ॥ 13-212-34 (89629)
সর্বোদ্যোগং স্বয়ং কুর্যাদ্দুর্গাদিষু সদা নৃষু।
দেশবৃদ্ধিকরান্ভৃত্যানপ্রমাদেন কারয়েৎ॥ 13-212-35 (89630)
দেশক্ষয়করান্সর্বানপ্রিয়াংশ্চ বিবর্জয়েৎ।
অহন্যহনি সম্পশ্যেদনুজীবিগণং স্বয়ম্॥ 13-212-36 (89631)
সুমুখঃ সুপ্রিয়ো দত্ৎবা সম্যগ্বৃত্তং সমাচরেৎ।
অধর্ম্যং পরুষং তীক্ষ্ণং বাক্যং বক্তুং ন চার্হতি॥ 13-212-37 (89632)
অসংবিশ্বাস্য বচনং বক্তুং সৎসু ন চার্হতি।
নরেনরে গুণান্দোষান্সম্যগ্বেদিতুমর্হতি॥ 13-212-38 (89633)
স্বেঙ্গিতং বৃণুয়াদ্ধৈর্যং ন কুর্যাৎক্ষুদ্রসংবিদম্।
পরেঙ্গিতজ্ঞো লোকেষু ভূৎবা সংসর্গমাচরেৎ॥ 13-212-39 (89634)
স্বতশ্চ পরতশ্চৈব পরস্পরভয়াদপি।
অমানুষভয়েভ্যশ্চ স্বাঃ প্রজাঃ পালয়েন্নৃপঃ॥ 13-212-40 (89635)
লুব্ধাঃ কঠোরাশ্চাপ্যস্য মানবা দস্যুবৃত্তয়ঃ।
নিগ্রাহ্যা এব তে রাজ্ঞা সঙ্গৃহীৎবা যতস্ততঃ॥ 13-212-41 (89636)
কুমারান্বিনয়োদ্বোধৈর্জন্মপ্রভৃতি যোজয়েৎ।
তেষামাত্মগুণোপেতং যৌবরাজ্যেন যোজয়েৎ॥ 13-212-42 (89637)
প্রকৃতীনাং যথা ন স্যাদ্রাজ্যভ্রংশো ভবেদ্ভয়ম্।
এতৎসংচিন্তয়েন্নিত্যং তদ্বিধানং তথার্হতি॥ 13-212-43 (89638)
অরাজকং ক্ষণমপি রাজ্যং ন স্যাদ্ধি শোভনে।
আত্মনোঽনুবিধানায় যৌবরাজ্যং সদেষ্যতে॥ 13-212-44 (89639)
কুলজানাং চ বৈদ্যানাং শ্রোত্রিয়াণাং তপস্বিনাম্।
অন্যেষাং বৃত্তিয়ুক্তানাং বিশেষং কর্তুমর্হতি॥ 13-212-45 (89640)
আত্মার্থং রাজ্যতন্ত্রার্থং কোশার্থং চ সমাচরেৎ।
দুর্গাদ্রাষ্ট্রাৎসমুদ্রাচ্চ বণিগ্ভ্যঃ পুরুষাত্যযাৎ॥ 13-212-46 (89641)
পরাত্মগুণসারাভ্যাং ভৃত্যপোষণমাচরেৎ।
বাহনানাং প্রকুর্বীত পোষণং যোধকর্মসু॥ 13-212-47 (89642)
সাদরঃ সততং ভূৎবা অবেক্ষাব্রতমাচরেৎ।
চতুর্দা বিভজেৎকোশং ধর্মভৃত্যাত্মকারণাৎ॥ 13-212-48 (89643)
আপদর্থং চ নীতিজ্ঞো দেশকালবশেন তু।
অনাথান্ব্যথিতান্বৃদ্ধান্স্বে দেশে পোষয়েন্নৃপঃ॥ 13-212-49 (89644)
সন্ধিং চ বিগ্রহং চৈব তদ্বিশেষাংস্তথা পারন্।
যথাবৎসংবিমৃশ্যৈব বুদ্ধিপূর্বং সমাচরেৎ॥ 13-212-50 (89645)
সর্বেষাং সম্প্রিয়ো ভূৎবা মণ্ডলং সততং চরেৎ।
শুভেষ্বপি চ কার্যেষু চ চৈকান্তঃ সমাচরেৎ॥ 13-212-51 (89646)
স্বতশ্চ পরতশ্চৈব ব্যসনানি বিমৃশ্য সঃ।
পরেণি ধার্মিকান্যোগান্নাতীয়াদ্দ্বেষলোভতঃ॥ 13-212-52 (89647)
রক্ষ্যৎবং বৈ প্রজাধর্মঃ ক্ষত্রধর্মস্তু রক্ষণম্।
কুনৃপৈঃ পীডিতাস্তস্মাৎপ্রজাঃ সর্বত্র পালয়েৎ॥ 13-212-53 (89648)
যাত্রাকালেঽনবেক্ষ্যৈব পশ্চাৎকোপফলোদয়ঃ।
তদ্যুক্তাশ্চাপদশ্চৈব শাসনাদিতি চিন্তয়েৎ॥ 13-212-54 (89649)
ব্যসনেভ্যো বলং রক্ষেন্নয়তো ব্যযতোপি বা।
প্রায়শো বর্জয়েদ্যুদ্ধং প্রাণরক্ষণকারণাৎ॥ 13-212-55 (89650)
কারণাদেবি যোদ্ধব্যং নাত্মনঃ পরদোষতঃ।
সুয়ুদ্ধে প্রাণমোক্ষশ্চ তস্য ধর্মায় ইষ্যতে॥ 13-212-56 (89651)
অভিয়ুক্তো বলবতা কুর্যাদাপদ্বিধিং নৃপঃ।
অনুনীয় তথা সর্বান্প্রজানাং হিতকারণাৎ॥ 13-212-57 (89652)
অন্যপ্রকৃতিয়ুক্তানাং রাজ্ঞাং বৃত্তিবিচারিণাম্।
অন্যাংশ্চাপৎপ্রপন্নানাং ন তান্সংয়োক্তুমর্হতি॥ 13-212-58 (89653)
শুভাশুভং যদা দেবি ব্রতং তূভয়সাধনম্।
আত্মৈব তচ্ছুভং কুর্যাদশুভং যোজয়েৎপরান্। 13-212-59 (89654)
এবমুদ্দেশতঃ প্রোক্তমলেপৎবং যথা ভবেৎ।
এষ দেবি সমাসেন রাজধর্মঃ প্রকীর্তিতঃ॥ 13-212-60 (89655)
এবং সংবর্তমানস্তু দণ্ডয়ন্ভর্ৎসয়ন্প্রজাঃ।
নিষ্কল্মষমবাপ্নোতি পদ্মপত্রমিবাম্ভসা॥ 13-212-61 (89656)
এবং সংবর্তমানস্য কালধর্মো যদা ভবেৎ।
স্বর্গলোকে তদা রাজা ত্রিদশৈঃ সহ তোষ্যতে॥ 13-212-62 (89657)
দ্বিবিধং রাজ্যবৃত্তং চ ন্যায়ভাগ্যসমন্বিতম্।
এবং ন্যায়ানুগং বৃত্তং কথিতং তে শুভেক্ষণে॥ 13-212-63 (89658)
রাজ্যং ন্যায়ানুগং তাত বুদ্ধিশাস্ত্রানুগং ভবেৎ।
ধর্ম্যং পথ্যং যশস্যং চ স্বর্গ্যং চৈব তথা ভবেৎ॥ 13-212-64 (89659)
রাজ্যং ভাগ্যানুগং নাম অয়থাবৎপ্রদৃশ্যতে।
তত্তু শাস্ত্রবিনির্মুক্তং সতাং কোপকরং ভবেৎ।
অধর্ম্যময়শস্যং চ দুরন্তং চ ভবেদ্ধ্রুবম্॥ 13-212-65 (89660)
যত্র স্বচ্ছন্দতঃ সর্বং ক্রিয়তে কর্ম রাজভিঃ।
তত্র ভাগ্যবশাদ্ভৃত্যা লভন্তে ন বিশেষতঃ॥ 13-212-66 (89661)
যত্র দণ্ড্যা ন দণ্ড্যন্তে পূজ্যন্তে বা নরাধমাঃ।
যত্র সন্তোপি হন্যন্তে তত্র ভাগ্যানুগং ভবেৎ॥ 13-212-67 (89662)
শুভাশুভং যথা যত্র বিপরীতং প্রদৃশ্যতে।
রাজ্ঞি চাসুরপক্ষে তু তত্র ভাগ্যানুগং ভবেৎ॥ 13-212-68 (89663)
ভাগ্যানুগে তু রাজানো বর্তমানা যথাতথা।
প্রাপ্যাকীর্তিমনর্থং চ ইহ লোকে শুভেক্ষণে॥ 13-212-69 (89664)
পরত্র সুমহাঘোরং তমঃ প্রাপ্য দুরত্যযম্।
তিষ্ঠন্তি নরকে দেবি প্রলয়ান্তাদিতি স্থিতিঃ॥ 13-212-70 (89665)
মোক্ষং দুষ্কৃতিনাং চাপি বিদ্যতে কালপর্যযাৎ।
নাস্ত্যেব মোক্ষণং দেবি রাজ্ঞাং দুষ্কৃতিকারিণাম্॥ 13-212-71 (89666)
এতৎসর্বং সমাসেন রাজবৃত্তং শুভাশুভম্।
কথিতং তে মহাভাগে ভূয়ঃ শ্রোতুং কিমিচ্ছসি॥ ॥ 13-212-72 (89667)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বাদশাধিকদ্বিশততমোঽধ্যায়ঃ॥ 212 ॥
অনুশাসনপর্ব - অধ্যায় 213
॥ শ্রীঃ ॥
13.213. অধ্যায়ঃ 213
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ঈশ্বরেণ হিংসায়া দুস্ত্যজৎবনিরূপণপূর্বকমর্হিংসাপ্রশংসনম্॥ 1 ॥Mahabharata - Anushaasana Parva - Chapter Text
উমোবাচ।
দেবদেব মহাদেব সর্বদেবনমস্কৃত।
যানি ধর্মরহস্যানি শ্রোতুমিচ্ছামি তান্যহম্॥ 13-213-1 (89668)
মহেশ্বর উবাচ। 13-213-2x (7486)
রহস্যং শ্রূয়তাং দেবি মানুষাণাং সুখাবহম্।
নপুংসকেষু বন্ধ্যাসু বিয়োনৌ পৃথিবীতলে॥ 13-213-2 (89669)
উৎসর্গো রেতসস্তেষু ন কার্যো ধর্মকাঙ্ক্ষিভিঃ।
এতেষু বীজং প্রক্ষিপ্তং ন চ রোহতি বৈ প্রিয়ে॥ 13-213-3 (89670)
যত্র বা তত্র বা বীজং ধর্মার্থীং নোৎসৃজেৎপুনঃ।
নরো বীজবিনাশেন লিপ্যতে ব্রহ্মহত্যযা॥ 13-213-4 (89671)
অহিংসা পরমো ধর্ম অহিংসা পরমং সুখম্।
অহিংসা ধর্মশাস্ত্রেষু সর্বেষু পরমং পদম্॥ 13-213-5 (89672)
দেবতাতিথিশুশ্রূষা সততং ধর্মশীলতা।
বেদাধ্যযনয়জ্ঞাশ্চ তপো দানং দমস্তথা॥ 13-213-6 (89673)
আচার্যগুরুশুশ্রূষা তীর্থাভিগমনং তথা।
অহিংসায়া বরারোহে কলাং নার্হন্তি ষোডশীম্॥ 13-213-7 (89674)
এতত্তে পরমং গুহ্যমাখ্যাতং পরমার্চিতম্॥ 13-213-8 (89675)
উমোবাচ। 13-213-9x (7487)
যদ্যধর্মস্তু হিংসায়াং কিমর্থমমরোত্তম।
যজ্ঞেষু পশুবন্ধেষু হন্যন্তে পশবো দ্বিজৈঃ॥ 13-213-9 (89676)
কথং চ ভগবন্ভূয়ো হিংসমানা নরাধিপাঃ।
স্বর্গং সুদুর্গমং যান্তি তদা স্ম রিপুসূদন॥ 13-213-10 (89677)
যস্যৈব গোসহস্রাণি বিংশতিঃ স্বাদিকানি তু।
অহন্যহনি হন্যন্তে দ্বিজানাং মাংসকারণাৎ॥ 13-213-11 (89678)
সমাংসং তু স দত্ৎবাঽন্নং রন্তিদেবো নরাধিপঃ।
কথং স্বর্গমনুপ্রাপ্তঃ পরং কৌতূহলং হি মে॥ 13-213-12 (89679)
কিন্তু ধর্মং ন শৃণ্বন্তি ন শ্রদ্দধতি বা শ্রুতম্।
মৃয়াং বৈ বিনির্গত্য মৃগান্হন্তি নরাধিপাঃ॥ 13-213-13 (89680)
এতৎসর্বং বিশেষেণ বিস্তরেণ বৃষধ্বজ।
শ্রোতুমিচ্ছামি সর্বজ্ঞ তত্ৎবমদ্য মমোচ্যতাম্॥ 13-213-14 (89681)
ঈশ্বর উবাচ। 13-213-15x (7488)
বহুমান্যমিদং দেবি নাস্তি কশ্চিদহিংসকঃ।
শ্রূয়তাং কারণং চাত্র যথাঽনেকবিধং ভবেৎ॥ 13-213-15 (89682)
দৃশ্যতে চাপি লোকেঽস্মিন্ন হি কশ্চিদহিংসকঃ।
ধরণীসংশ্রিতা দেবি সুসূক্ষ্মাংশ্চৈব মধ্যমান্॥ 13-213-16 (89683)
সঞ্চরংশ্চরণাভ্যাং চ হন্তি জীবাননেকশঃ।
অজ্ঞানাজ্জ্ঞানতো বাঽপি যো জীবঃ শয়নাসনাৎ।
উপাবিশঞ্শয়ানশ্চ হন্তি জীবাননেকশঃ॥ 13-213-17 (89684)
শিরোবস্ত্রেষু যে জীবা নরণাং স্বেদসম্ভবাঃ।
তাংশ্চ হিংসন্তি সততং দংশাংশ্চ মশকানপি॥ 13-213-18 (89685)
জলে জীবাস্তথাঽঽকাশে পৃথিবী জীবমালিনী।
এবং জীবাকুলে লোকে কোসৌ স্যাদ্যস্ৎবহিংসকঃ॥ 13-213-19 (89686)
স্থূলমধ্যমসূক্ষ্মৈশ্চ স্বেদবারিমহীরুহৈঃ।
দৃশ্যরূপৈরদৃশ্যৈশ্চ নানারূপৈশ্চ ভামিনি॥ 13-213-20 (89687)
জীবৈস্ততমিদং সর্বমাকাশং পৃথিবী তথা।
অন্যোন্যং তে চ হিংসন্তি দুর্বলান্বলবত্তরাঃ॥ 13-213-21 (89688)
মৎস্যা মৎস্যান্গ্রসন্তীহ খগাশ্চৈব খগাংস্তথা।
সরীসৃপৈশ্চ জীবন্তি কপোতাদ্যা বিহঙ্গমাঃ॥ 13-213-22 (89689)
ভূচরাঃ খেচরাশ্চান্যে ক্রব্যাদা মাংসগৃদ্ধিনঃ।
সমৃদ্ধাঃ পরমাংসৈস্তু ভক্ষেরংস্তেঽপি চাপরৈঃ॥ 13-213-23 (89690)
সৎবৈঃ সৎবানি জীবন্তি শতশোথ সহস্রশঃ।
অপীডয়িৎবা নৈবান্যং জীবা জীবন্তি সুন্দরি॥ 13-213-24 (89691)
স্থূলকায়স্য সৎবস্য খরস্য মহিষস্য চ।
জীবস্যৈকস্য মাংসেন পয়সা রুধিরেণ বা।
তৃপ্যন্তে বহবো জীবাঃ ক্রব্যাদা মাংসজীবিনঃ॥ 13-213-25 (89692)
একো জীবসহস্রাণি সদা খাদতি মানবঃ।
অন্নাদ্যস্য চ ভোগেন দান্যসংজ্ঞানি যানি তু॥ 13-213-26 (89693)
মাংসধান্যৈঃ সবীজৈশ্চ ভোজনং পরিবর্জয়েৎ॥ 13-213-27 (89694)
ত্রিরাত্রং পঞ্চরাত্রং বা সপ্তরাত্রং তথাঽপি বা।
ধান্যানি যো ন হিংসেতাহিংসকঃ পরিকীর্তিতঃ॥ 13-213-28 (89695)
নাশ্নাতি যাবতো জীবস্তাবৎপুণ্যেন যুজ্যতে।
আহারস্য বিয়োগেন শরীরং পরিতপ্যতে॥ 13-213-29 (89696)
তপ্যমানে শরীরে তু শরীরে চেন্দ্রিয়াণি তু।
বশে তিষ্ঠন্তি সুশ্রোণি নৃপাণামিব কিংকরাঃ॥ 13-213-30 (89697)
নিরুণদ্ধীন্দ্রিয়াণ্যেব স সুখী স বিচক্ষণঃ।
ইন্দ্রিয়াণাং নিরোধেন দানেন চ দমেন চ।
নরঃ সর্বমবাপ্নোতি মনসা যদ্যধিচ্ছতি॥ 13-213-31 (89698)
এবং মূলমর্হিসায়া উপবাসঃ প্রকীর্তিতঃ॥ 13-213-32 (89699)
আহারং কুরুতে যস্তু ভূমিমাক্রমতে চ যঃ।
সর্বে তে হিংসকা দেবি যথা ধর্মেষু দৃশ্যতে॥ 13-213-33 (89700)
যথৈবাহিংসকো দেবি তৎবতো জ্ঞায়তে নরঃ।
তথা তে সম্প্রবক্ষ্যামি শ্রূয়তাং ধর্মচারিণি॥ 13-213-34 (89701)
ফলানি মূলপর্ণানি ভস্ম বা যোপি ভক্ষয়েৎ।
অলেখ্যমিব নিশ্চেষ্টং তং মন্যেঽহমহিংসকম্॥ 13-213-35 (89702)
আরম্ভা হিংসয়া যুক্তা ধূমেনাগ্নিরিবাবৃতাঃ।
তস্মাদ্যস্তু নিরাহারস্তং মন্যেঽহমহিংসকম্॥ 13-213-36 (89703)
যস্তু সর্বং সমুৎসৃজ্য দীক্ষিৎবা নিয়তঃ শুচিঃ।
কৃৎবা মণ্ডলমর্যাদাং সঙ্কল্পং কুরুতে নরঃ॥ 13-213-37 (89704)
যাবজ্জীবমনাশিৎবা কালকাঙ্ক্ষী দৃঢব্রতঃ।
ধ্যানেন তপসা যুক্তস্তং মন্যেঽহমহিংসকম্॥ 13-213-38 (89705)
অন্যথা হি ন পশ্যামি নরো যঃ স্যাদহিংসকঃ।
বহু চিন্ত্যমিদং দেবি নাস্তি কশ্চিদহিংসকঃ॥ 13-213-39 (89706)
যতো যতো মহাভাগে হিংসা স্যান্মহতী ততঃ।
নিবৃত্তো মধুমাংসাভ্যাং হিংসা ৎবল্পতরা ভবেৎ॥ 13-213-40 (89707)
নিবৃত্তিঃ পরমো ধর্মো নিবৃত্তিঃ পরমং সুখম্।
মনসা বিনিবৃত্তানাং ধর্মস্য নিচয়ো মহান্॥ 13-213-41 (89708)
মনঃপূর্বাগমা ধর্মা অধর্মাশ্চ ন সংশয়ঃ।
মনসা বধ্যতে চাপি মুচ্যতে চাপি মানবঃ॥ 13-213-42 (89709)
নিগৃহীতে ভবেৎস্বর্গো বিসৃষ্টে নরকো ধ্রুবঃ।
ঘাতকঃ শস্ত্রমুদ্যম্য মনসা চিন্তয়েদ্যদি॥ 13-213-43 (89710)
আয়ুঃক্ষয়ং গতেঽন্যেষাং মৃতে তু প্রহরাম্যহম্।
ইতি যো ঘাতকো হন্যান্ন স পাপেন লিপ্যতে॥ 13-213-44 (89711)
বিধিনা নিহতাঃ পূর্বং নিমিত্তং স তু ঘাতকঃ।
বিধির্হি বলবান্দেবি দুস্ত্যজং বৈ পুরাকৃতম্॥ 13-213-45 (89712)
জীবাঃ পুরাকৃতেনৈব তির্যগ্যোনিসরীসৃপাঃ।
নানায়োনিষু জায়ন্তে স্বকর্মপরিবেষ্টিতাঃ॥ 13-213-46 (89713)
নানাবিধবিচিত্রাঙ্গা নানাশৌর্যপরাক্রমাঃ।
নানাভূমিপ্রদেশেষু নানাহারশ্চ জন্তবঃ॥ 13-213-47 (89714)
জায়মানস্য জীবস্য মৃত্যুঃ পূর্বং প্রজায়তে।
সুখং বা যদি বা দুঃখং যথাপূর্বং কৃতং তু বা॥ 13-213-48 (89715)
প্রাপ্নুবন্তি নরা মৃত্যুং যদা যত্র চ যেন চ।
নাতিক্রান্তুং হি শক্যঃ স্যান্নিদেশঃ পূর্বকর্মণঃ॥ 13-213-49 (89716)
অপ্রমত্তঃ প্রমত্তেষু বিধির্জাগর্তি জন্তুষু।
ন হি তস্য প্রিয়ঃ কশ্চিন্ন দ্বেষ্যো ন চ মধ্যমঃ॥ 13-213-50 (89717)
সমঃ সর্বেষু ভূতেষু কালঃ কালং নিরীক্ষতে।
গতায়ুষো হ্যাক্ষিপতে জীবঃ সর্বস্য দেহিনঃ॥ 13-213-51 (89718)
যথা যেন চ মর্তব্যং নান্যথা ম্রিয়তে হি সঃ।
দৃশ্যতে ন চ লোকেঽস্মিন্ভূতো ভব্যো দ্বিধা পুনঃ॥ 13-213-52 (89719)
বিজ্ঞানৈর্বিক্রমৈর্বাঽপি নানামন্ত্রৌষধৈরপি।
যো হি বঞ্চয়িতুং শক্তো বিধেস্তু নিয়তাং গতিম্॥ 13-213-53 (89720)
এষ তেঽভিহিতো দেবি জীবহিংসাবিধিক্রমঃ॥ ॥ 13-213-54 (89721)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রয়োদসাধিকদ্বিশততমোঽধ্যায়ঃ॥ 213 ॥
অনুশাসনপর্ব - অধ্যায় 214
॥ শ্রীঃ ॥
13.214. অধ্যায়ঃ 214
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি সদৃষ্টান্তপ্রদর্শনং সর্বৈর্বিধের্দুরতিক্রমৎবনিরূপণম্॥ 1 ॥ ততা যোধধর্মকথনপূর্বকং রাজ্ঞাং যোধানাং চ প্রাণয়জ্ঞপ্রশংসনম্॥ 2 ॥Mahabharata - Anushaasana Parva - Chapter Text
মহেশ্বর উবাচ।
শ্রূয়তাং কারণং দেবি যথা হি দুরতিক্রমঃ।
বিধিঃ সর্বেষু ভূতেষু মর্তব্যে সমুপস্থিতে॥ 13-214-1 (89722)
আয়ুঃক্ষয়েণোপহিতাঃ সমাগম্য বরাননে।
কীটাঃ পতঙ্গা বহবঃ স্থূলাঃ সূক্ষ্মাশ্চ মধ্যমাঃ। 7-214-2dc প্রজ্বলৎসু প্রদীপেষু স্বয়মেব পতন্তি তে॥ 13-214-2 (89723)
বহূনাং মৃগয়ূথানাং নানাবননিষেবিণাম্।
যস্তু কালং গতস্তেষাং স বৈ পাশেন বধ্যতে॥ 13-214-3 (89724)
সূনার্থং দেবি বদ্ধানাং ক্ষীণায়ুর্যো নিবধ্যতে।
অবশো ঘাতকস্যাথ হস্তং তদহরেতি সঃ॥ 13-214-4 (89725)
যথা পক্ষিগণাঃ ক্ষিপ্রং বিস্তীর্ণাকাশগামিনঃ।
ক্ষীণায়ুষো নিবধ্যন্তে শক্তা অপি পলায়িতুম্॥ 13-214-5 (89726)
যথা বারিচরা মীনা বহবোঽম্বুজজাতয়ঃ।
জালং সমধিরোহন্তি স্বয়মেব বিধের্বশাৎ॥ 13-214-6 (89727)
শল্যকস্য চ জিহ্বাগ্রং স্বয়মারুহ্য শোভনে।
আয়ুঃক্ষয়েণোপহতা নিবধ্যন্তে সরীসৃপাঃ॥ 13-214-7 (89728)
কৃষতাং কর্ষকাণাং চ নাস্তি বুদ্ধির্বিহিংসনে।
অথৈষাং লাঙ্গলাগ্রাদ্যৈর্হন্যন্তে জন্তবোঽক্ষয়াঃ॥ 13-214-8 (89729)
পাদাগ্রেণৈব চৈকেন যাং হিংসাং কুরুতে নরঃ।
মাতঙ্গোপি ন তাং কুর্যাৎকূরো জন্মশতৈরপি॥ 13-214-9 (89730)
ম্রিয়ন্তে যৈর্হি মর্তব্যং ন তান্ঘ্নন্তি কৃষীবলাঃ।
কৃষামীতি মনস্তস্য নাস্তি চিন্তা বিহিংসনে॥ 13-214-10 (89731)
তস্মাজ্জীবসহস্রাণি হৎবাঽপি ন স লিপ্যতে।
বিধিনা স হতঃ পূর্বং পশ্চাৎপ্রাণি বিপদ্যতে।
এবং সর্বেষু ভূতেষু বিধির্হি দুরতিক্রমঃ॥ 13-214-11 (89732)
গতায়ুষা মুহূর্তং তু ন শক্যমুপজীবিতুম্।
জীবিতব্যে ন মর্তব্যং ন ভূতং ন ভবিষ্যতি॥ 13-214-12 (89733)
শুভাশুভং কর্মফলং ন শক্যমতিবর্তিতুম্।
তথা তাভিশ্চ মর্তব্যং মোক্তব্যাশ্চৈব তাস্তথা॥ 13-214-13 (89734)
রন্তিদেবস্য গাবো বৈ বিধের্হি বশমাগতাঃ।
স্বয়মায়ান্তি গাবো বৈ হন্যন্তে যত্র সুন্দরি॥ 13-214-14 (89735)
গবাং বৈ হন্যমানানাং রুধিরপ্রভবা নদী।
চর্মণ্বতীতি বিখ্যাতা খুরশৃঙ্গাস্থিদুর্গমা॥ 13-214-15 (89736)
রুধিরং তাং নদীং প্রাপ্য তোয়ং ভবতি শোভনে।
মেধ্যং পুণ্যং পবিত্রং চ গন্ধবর্ণরসৈর্যুতম্॥ 13-214-16 (89737)
তত্রাঽভিষেকং কুর্বন্তি কৃতজপ্যাঃ কৃতাহ্নিকাঃ।
দ্বিজা দেবগণাশ্চাপি লোকপালা মহেশ্বরাঃ॥ 13-214-17 (89738)
তস্য রাজ্ঞঃ সদা সত্রে স্বয়মাগম্য সুন্দরি।
বিধিনা পূর্বদৃষ্টেন তন্মাংসমুপকল্পিতম্।
মন্ত্রবৎপ্রতিগৃহ্ণন্তি যতান্যায়ং যতাবিধি॥ 13-214-18 (89739)
সমাংসং চ সদা হ্যন্নং শতশোঽথ সহস্রশঃ।
ভুঞ্জানানাং দ্বিজাতীনামস্তমেতি দিবাকরঃ॥ 13-214-19 (89740)
গাবো যাস্তত্র হন্যন্তে রাজ্ঞস্তস্য ক্রতূত্তমে।
পঠ্যমানেষু মন্ত্রেষু যথান্যায়ং যথাবিধি॥ 13-214-20 (89741)
তাশ্চ স্বর্গং গতা গাবো রন্তিদেবশ্চ পার্থিবঃ।
সদা সত্রবিধানেন সিদ্ধিং প্রাপ্তো নরোত্তমঃ॥ 13-214-21 (89742)
অথ যস্তু সহায়ার্থমুক্তঃ স্যাৎপার্থিবৈর্নরৈঃ।
ভোগানাং সংবিভাগেন বস্ত্রাভরণভূষণৈঃ॥ 13-214-22 (89743)
সহভোজনসম্বদ্ধৈঃ সৎকারৈর্বিবিধৈরপি।
সহায়কালে সম্প্রাপ্তে সঙ্গ্রামে শস্ত্রমুদ্ধরেৎ॥ 13-214-23 (89744)
ব্যূঢানীকে যথা সাস্ত্রং সেনয়োরুভয়োরপি।
হস্ত্যশ্বরথসম্পূর্ণে পদাতিবলসঙ্কুলে।
চামরচ্ছত্রশবলে ধ্বজচর্মায়ুধোজ্জ্বলে॥ 13-214-24 (89745)
শক্তিতোমরকুন্তাসিশূলমুদ্গরপাণিভিঃ।
কূটমুদ্গরচাপেষু মুসুণ্ঠীজুষ্টমুষ্টিভিঃ॥ 13-214-25 (89746)
ভিণ্ডিপালগদাচক্রপ্রাসকর্পটধারিভিঃ।
নানাপ্রহরণৈর্যোধৈঃ সেনয়োরুভয়োরপি।
যুদ্ধশৌণ্ডৈঃ প্রগর্জদ্ভির্বৃষেষু বৃষভৈরিব॥ 13-214-26 (89747)
শঙ্খদুন্দুভিনাদেন নানাতূর্যরবেণ চ।
হয়হেষিতশব্দেন কুঞ্জরাণাং তু বৃংহিতৈঃ॥ 13-214-27 (89748)
যোধানাং সিংহনাদৈশ্চ ঘণ্টানাং শিঞ্জিতস্বনৈঃ।
দিশশ্চ বিদিশশ্চৈব সমন্তাদ্বধিরীকৃতাঃ॥ 13-214-28 (89749)
গ্রীষ্মান্তেষ্বিব গর্জদ্ভির্নভশীব বলাহকৈঃ।
রথনেমিখুরোদ্ধূতৈররুণৈ রণরেণুভিঃ।
কপিলাভিরিবাকাশে ছাদ্যমানে সমন্ততঃ॥ 13-214-29 (89750)
প্রবৃত্তে শস্ত্রসম্পাতে যোধানাং তত্র সেনয়োঃ।
তেষাং প্রহারক্ষতজং রক্তচন্দনসন্নিভম্॥ 13-214-30 (89751)
তেষামস্রাণি গাত্রেভ্য স্রবন্তে রণমূর্ধনি।
পলাশাশোকপুষ্পাণাং জঙ্গমা ইব রাশয়ঃ॥ 13-214-31 (89752)
রণে সমভিবর্তন্ত উদ্যতায়ুধপাণয়ঃ।
শোভমানা রণে শূরা আহ্বয়ন্তঃ পরস্পরম্॥ 13-214-32 (89753)
হন্যমানেষ্বভিঘ্নৎসু শূরেষু রণসঙ্কটে।
পৃষ্ঠং দত্ৎবা চ যে তত্র নায়কস্য নরাধমাঃ॥ 13-214-33 (89754)
অনাহতা নিবর্তন্তে নায়কে চাপ্যনীপ্সতি।
তে দুষ্কৃতং প্রপদ্যন্তে নায়কস্যাখিলং নরাঃ।
যচ্চাস্তি সুকৃতং তেষাং যুজ্যতে তেন নায়কঃ॥ 13-214-34 (89755)
অহিংসা পরমো ধর্ম ইতি যেঽপি নরা বিদুঃ।
সঙ্গ্রামেষু ন যুধ্যন্তে ভৃত্যাশ্চৈবানুরূপতঃ।
নরকং যান্তি তে ঘোরং ভর্তৃপিণ্ডাপহারিণইঃ॥ 13-214-35 (89756)
যস্তু প্রাণান্পরিত্যজ্য প্রবিশেদুদ্যতায়ুধঃ।
সঙ্গ্রামমগ্নিপ্রতিমং পতহ্গ ইব নির্ভয়ঃ।
স্বর্গমাবিশতে প্রেত্য জ্ঞাৎবা যোধস্য নিশ্চয়ম্॥ 13-214-36 (89757)
আবিষ্টশ্চৈব সত্ৎবেন সঘৃণো জায়তে নরঃ।
প্রহারৈর্নন্দয়েদ্দেবি সৎবেনাধিষ্ঠিতো হি সঃ।
প্রহারব্যথিতশ্চৈব ন বৈক্লব্যমুপৈতি সঃ॥ 13-214-37 (89758)
যস্তু স্বং নায়কং রক্ষেদতিঘোরে রণাঙ্কণে।
তাপয়ন্নরিসৈন্যানি সিংহো মৃগগণানিব।
আদিত্য ইব মধ্যাহ্নে দুর্নিরীক্ষ্যো রণাজিরে॥ 13-214-38 (89759)
নির্দয়ো যস্তু সঙ্গ্রামে প্রহরন্নুদ্যতায়ুধঃ।
যজতে স তু পূতাত্মা সঙ্গ্রামেণ মহাক্রতুম্॥ 13-214-39 (89760)
চর্ম কৃষ্ণাজিনং তস্য দন্তকাষ্ঠং ধনুঃ স্মৃতম্।
রথো বেদির্ধ্বজো যূপঃ কুশাশ্চ রথরশ্ময়ঃ॥ 13-214-40 (89761)
মানো দর্পস্ৎবহঙ্কারস্ত্রয়স্ত্রেতাগ্নয়ঃ স্মৃতাঃ।
প্রমোদস্চ স্রুবস্তস্য উপাধ্যায়ো হি সারথিঃ॥ 13-214-41 (89762)
স্রুগ্ভাণ্ডং চাপি যৎকিঞ্চিদ্যজ্ঞোপকরণানি চ।
আয়ুধান্যস্য তৎসর্বং সমিধঃ সায়কাঃ স্মৃতাঃ॥ 13-214-42 (89763)
স্বেদস্রবশ্চ গাত্রেভ্যঃ ক্ষৌদ্রং তস্য যশস্বিনঃ।
পুরোডাশা নৃশীর্ষাণি রুধিরং চাহুতিঃ স্মৃতা।
তূণাশ্চৈব চরুর্জ্ঞেয়া বসোর্ধারা বসাঃ স্মৃতাঃ॥ 13-214-43 (89764)
ক্রব্যাদা ভূতসঙ্ঘাশ্চ তস্মিন্যজ্ঞে দ্বিজতয়ঃ।
তেষাং ভক্ষান্নপানানি হতা নৃগজবাজিনঃ।
ভুঞ্জতে তে যথাকামং যতা যজ্ঞে কিমিচ্ছতি॥ 13-214-44 (89765)
নিহতানাং তু যোধানাং বস্ত্রাভরণভূষণম্।
হিরণ্যং চ সুবর্ণং চ যদ্বৈ যজ্ঞস্য দক্ষিণা॥ 13-214-45 (89766)
যস্তত্র হন্যতে দেবি গজস্কন্ধগতো নরঃ।
ব্রহ্মলোকমবাপ্নোতি রণেষ্বভিমুখো হতঃ॥ 13-214-46 (89767)
রথমধ্যগতো বাঽপি হয়পৃষ্ঠগতোপি বা।
হন্যতে যস্তু সঙ্গ্রামে শক্রলোকে মহীয়তে॥ 13-214-47 (89768)
স্বর্গে হতাঃ প্রপূজ্যতে হন্তা ৎবত্রৈব পূজ্যতে।
দ্বাবেতৌ সুখমেধেতে হন্তা যশ্চৈব হন্যতে॥ 13-214-48 (89769)
তস্মাৎসঙ্গ্রামমাসাদ্য প্রহর্তব্যমভীতবৎ॥ 13-214-49 (89770)
নির্ভয়ো যস্তু সঙ্গ্রামে যস্তু সঙ্গ্রামে প্রহরেদুদ্যতায়ুধঃ।
যথা নদীসহস্রাণি প্রবিষ্টানি মহোদধিম্॥ 13-214-50 (89771)
তথা সর্বে ন সন্দেহো ধর্মা ধর্মভৃতাংবরম্।
প্রবিষ্টা রাজধর্মেণ আচারবিনয়স্তথা॥ 13-214-51 (89772)
বেদোক্তাশ্চৈব যে ধর্মাঃ পাষণ্ডেষু চ কীর্তিতাঃ।
তথৈব মানুষা ধর্মা ধর্মাশ্চান্যে তথেতরে॥ 13-214-52 (89773)
দেশজাতিকুলানাং চ গ্রামধর্মাস্তথৈব চ।
যে ধর্মাঃ পার্বতীয়েষু যে ধর্মাঃ পত্তনাদিষু।
তেষাং পূর্বপ্রবৃত্তানাং কর্তব্যং পরিরক্ষণম্॥ 13-214-53 (89774)
ধর্ম এব হতো হন্তি ধর্মো রক্ষতি রক্ষিতঃ।
তস্মাদ্ধর্মো ন হন্তব্যঃ পার্থিবেন বিশেষতঃ॥ 13-214-54 (89775)
প্রজাঃ পালয়তে যত্র ধর্মেণ বসুধাধিপঃ।
ষট্কর্মনিরতা বিপ্রাঃ পূজ্যন্তে পিতৃদেবতাঃ॥ 13-214-55 (89776)
নৈব তস্মিন্ননাবৃষ্টির্ন রোগা নাপ্যুপদ্রবাঃ।
ধর্মশীলাঃ প্রজাঃ সর্বাঃ স্বধর্মনিরতে নৃপে॥ 13-214-56 (89777)
এষ্টব্যঃ সততং দেবি যুক্তাচারো নরাধিপঃ।
ছিদ্রজ্ঞশ্চৈব শত্রূণামপ্রমত্তঃ প্রতাপবান্॥ 13-214-57 (89778)
শূদ্রাঃ পৃথিব্যাং বহবো রাজ্ঞাং বহুবিনাশকাঃ।
তস্মাৎপ্রমাদং সুশ্রোণি ন কুর্যাৎপণ্ডিতো নৃপঃ॥ 13-214-58 (89779)
তেষু মিত্রেষু ত্যক্তেষু তথা মর্ত্যেষু হস্তিষু।
বিস্রম্ভো নোপগন্তব্যঃ স্নানপানেষু নিত্যশঃ॥ 13-214-59 (89780)
রাজ্ঞো বল্লভতামেতি কুলং ভাবয়তে স্বকম্।
যস্তু রাষ্ট্রহিতার্থায় গোব্রাহ্মণকৃতে তথা।
বন্দীগ্রহায় মিত্রার্থে প্রাণাংস্ত্যজতি দুস্ত্যজান্॥ 13-214-60 (89781)
সর্বকামদুঘাং ধেনুং ধরণীং লোকধারিণীম্।
সমুদ্রান্তাং বরারোহে সশৈলবনকাননাম্॥ 13-214-61 (89782)
দদ্যাদ্দেবি দ্বিজাতিভ্যো বসুপূর্ণাং বসুন্ধরাম্।
ন তৎসমং বরারোহে প্রাণত্যাগী বিশিষ্যতে॥ 13-214-62 (89783)
সহস্রমপি যজ্ঞানাং যজতে চ যতর্দ্ধিমান্।
যজ্ঞৈস্তস্য কিমাশ্চর্যং প্রাণত্যাগঃ সুদুষ্করঃ॥ 13-214-63 (89784)
তস্মাৎসর্বেষু যজ্ঞেষু প্রাণয়জ্ঞো বিশিষ্যতে।
এবং সঙ্গ্রাময়জ্ঞাস্তে যথার্থং সমুদাহৃতাঃ॥ ॥ 13-214-64 (89785)
ইতি শ্রীমন্মহাভারতে অনুশাসনপর্বণি দানধর্মপর্বণি চতুর্দশাধিকদ্বিশততমোঽধ্যায়ঃ॥ 214 ॥
অনুশাসনপর্ব - অধ্যায় 215
॥ শ্রীঃ ॥
13.215. অধ্যায়ঃ 215
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ঈশ্বরেণ পার্বতীংপ্রতি রাজ্ঞাং মৃগয়ায়াং মৃগহিংসায়া ধর্মৎবপ্রতিপাদনম্॥ 1 ॥ তথা সদৃষ্টান্তপ্রদর্শনং ব্রাহ্মণমহিমপ্রশো সনপূর্বকং তেষাভদণ্ড্যৎবকথনম্॥ 2 ॥ তথা সামান্যেন রাজধর্মকথনম্॥ 3 ॥Mahabharata - Anushaasana Parva - Chapter Text
মহেশ্বর উবাচ।
মৃগয়াত্রাং তু বক্ষ্যামি শৃণু তাং ধর্মিচারিণি।
মৃগান্হৎবা মহীপালো যথা পাপৈর্ন লিপ্যতে॥ 13-215-1 (89786)
নির্মানুষামিমাং সর্বে মৃগা ইচ্ছন্তি মেদিনীম্।
ভক্ষয়ন্তি চ সস্যানি শাসিতব্যা নৃপেণ তে॥ 13-215-2 (89787)
দুষ্টানাং শাসনং ধর্মঃ শিষ্টানাং পরিপালনম্।
কর্তব্যং ভূমিপালেন নিত্যং কার্যেষু চার্জবম্।
স্বর্গং মৃগাশ্চ গচ্ছন্তি স্বয়ং নৃপতিনা হতাঃ॥ 13-215-3 (89788)
যথা গাবো হ্যগোপালাস্তথা রাষ্ট্রমনায়কম্।
তস্মাদংশাস্তু দেবানাং গন্ধর্বোরগরক্ষসাম্।
রাজ্যে নিয়ুক্তা রাষ্ট্রেষু প্রজাপালনকারণাৎ॥ 13-215-4 (89789)
অশিষ্টশাসনে চৈব শিষ্টানাং পরিপালনে।
তেষাং চর্যাং প্রবক্ষ্যামি শ্রূয়তামনুপূর্বশঃ॥ 13-215-5 (89790)
যথা প্রচরতাং তেষাং পার্থিবানাং যশস্বিনাম্।
রাষ্ট্রং ধর্মো ধনং চৈব যশঃ কীর্তিশ্চ বর্ধতে॥ 13-215-6 (89791)
নৃপাণাং পূর্বমেবায়ং ধর্মো ধর্মভৃতাংবর।
সভাপ্রপাতটাকানি দেবতায়তনানি চ।
ব্রাহ্মণাবসথাশ্চৈব কর্তব্যা নৃপসত্তমৈঃ॥ 13-215-7 (89792)
ব্রাহ্মণা নাবমন্তব্যা ভস্মচ্ছন্না ইবাগ্নয়ঃ।
কুলমুৎসাদয়েয়ুস্তে ক্রোধাবিষ্টা দ্বিজাতয়ঃ॥ 13-215-8 (89793)
ধ্মায়মানো যতা হ্যগ্নির্নির্দহেৎসর্বমিন্ধনম্।
তথা ক্রোধাগ্নিনা বিপ্রা দহেয়ুঃ পৃথিবীমিমাম্।
ন হি বিপ্রেষু ক্রুদ্ধেষু রাজ্যং ভুঞ্জন্তি ভূমিপাঃ॥ 13-215-9 (89794)
পরিভূয় দ্বিজান্মোহাদ্বাতাপিনহুষাদয়ঃ।
সবন্ধুমিত্রা নষ্টাস্তে দগ্ধা ব্রাহ্মণমন্যুভিঃ।
শরীরং চাপি শক্রস্য কৃতং ভগনিরন্তরম্॥ 13-215-10 (89795)
ততো দেবগণাঃ সর্বে ইন্দ্রস্যার্থে মহামুনিম্।
প্রসাদং কারয়ামাসুঃ প্রণাসস্তুতিবন্দনৈঃ॥ 13-215-11 (89796)
তেন প্রীতেন সুশ্রোণি গৌতমেন মহাত্মনা।
তচ্ছরীরং তু শক্রস্য সহস্রভগচিহ্নিতম্।
কৃতং নেত্রসহস্রেণ ক্ষণেনৈব নিরন্তরম্॥ 13-215-12 (89797)
ছিত্ৎবা মেষস্য বৃষণৌ গৌতমেনাভিমন্ত্রিতৌ।
ইন্দ্রস্য বৃষণৌ ভূৎবা ক্ষিপ্রং বৈ শ্লেষমাগতৌ॥ 13-215-13 (89798)
এবং বিপ্রেষু ক্রুদ্ধেষু দেবরাজঃ শতক্রতুঃ।
অশক্তঃ শাসিতুং রাজ্যং কিংপুনর্মানুষা ভুবি॥ 13-215-14 (89799)
ক্রোধাবিষ্টো দহেদ্বিপ্রঃ শুষ্কেন্ধনমিবানলঃ।
ভস্মীকৃত্য জগৎসর্বং সৃজেদন্যজ্জগৎপুনঃ॥ 13-215-15 (89800)
অদেবানপি দেবান্স কুর্যাদ্দেবানদেবতাঃ।
তস্মান্নোৎপাদয়েন্মন্যুং মন্যুপ্রহরণা দ্বিজাঃ॥ 13-215-16 (89801)
মহৎস্বপ্যপরাধেষু শাসনং নার্হতি দ্বিজঃ।
ন চ শস্ত্রনিপাতানি ন চ প্রাণৈর্বিয়োজনম্।
দৃশ্যতে ত্রিষু লোকেষু ব্রাহ্মমানামনিন্দিতে॥ 13-215-17 (89802)
ক্রোধাশ্চ বিপুলা ঘোরাঃ প্রসাদাশ্চাপ্যনুত্তমাঃ।
তস্মান্নোৎপাদয়েৎক্রোধং নিত্যং পূজ্যা দ্বিজাতয়ঃ॥ 13-215-18 (89803)
দৃশ্যতে ন স লোকেঽস্মিন্ভূতে বাঽথ ভবিষ্যতি।
ক্রুদ্ধেষু যো বৈ বিপ্রেষু রাজ্যং ভুঙ্ক্তে নরাধিপঃ॥ 13-215-19 (89804)
ন চৈবাপহসেদ্বিপ্রান্নি চৈবোপালভেচ্চ তান্।
কালমাসাদ্য কুপ্যেচ্চ কালে কুর্যাদনুগ্রহম্॥ 13-215-20 (89805)
সম্প্রহাসশ্চ ভৃত্যেষু ন কর্তব্যো নরাধিপৈঃ।
লঘুৎবং চৈব প্রাপ্নোতি আজ্ঞা চাস্য নিবর্ততে॥ 13-215-21 (89806)
ভৃত্যানাং সম্প্রহাসেন পার্থিবঃ পরিভূয়তে।
অয়াচ্যানি চ যাচন্তি অবক্তব্যং ব্রুবন্তি চ॥ 13-215-22 (89807)
পূর্বমপ্যর্পিতৈর্লোভৈঃ পরিতোষং ন যান্তি তে।
তস্মাদ্ভৃত্যেষু নৃপতিঃ সম্প্রহাসং বিবর্জয়েৎ॥ 13-215-23 (89808)
ন বিশ্বসেদবিশ্বস্তে বিশ্বস্তে নাতিবিশ্বসেৎ।
সগোত্রেষু বিশেষেণ সর্বোপায়ৈর্ন বিশ্বসেৎ॥ 13-215-24 (89809)
বিশ্বাসাদ্ভয়মুৎপন্নং হন্যাদ্বৃক্ষমিবাশনিঃ।
প্রমাদাদ্ধন্যতে রাজা লোভেন চ বশীকৃতঃ।
তস্মাৎপ্রমাদং লোভং চ ন চ কুর্যান্ন বিশ্বসেৎ॥ 13-215-25 (89810)
ভয়ার্তানাং ভয়ত্রাতা দীনানুগ্রহকারণাৎ।
কার্যাকার্যবিশেষজ্ঞো নিত্যং রাষ্ট্রহিতে রতঃ॥ 13-215-26 (89811)
সত্যসন্ধঃ স্থিতো রাজ্যে প্রজাপালনতৎপরঃ।
অলুব্ধো ন্যায়বাদী চ ষড্ভাগমুপজীবতি॥ 13-215-27 (89812)
কার্যাকার্যবিশেষজ্ঞঃ সর্বং ধর্মেণ পশ্যতি।
স্বরাষ্ট্রেষু দয়াং কুর্যাদকার্যে ন প্রবর্ততে॥ 13-215-28 (89813)
যে চৈবৈনং প্রশংসন্তি যে চ নিন্দন্তি মানবাঃ।
শত্রুং চ মিত্রবৎপশ্যেদপরাধবিবর্জিতম্। 13-215-29 (89814)
অপরাধানুরূপেণ দুষ্টং দণ্ডেন শাসয়েৎ।
ধর্মঃ প্রবর্ততে তত্র যত্র দণ্ডরুচির্নৃপঃ।
ন ধর্মো বিদ্যতে তত্র যত্র রাজা ক্ষমান্বিতঃ॥ 13-215-30 (89815)
অশিষ্টশাসনং ধর্মঃ শিষ্টানাং পরিপালনম্।
বধ্যাংশ্চ ঘাতয়েদ্যস্তু অবধ্যানপরিরক্ষতি॥ 13-215-31 (89816)
অবধ্যা ব্রাহ্মণা গাবো দূতাশ্চৈব পিতা তথা।
বিদ্যাং গ্রাহয়তে যশ্চ যে চ পূর্বোপকারিণঃ।
স্ত্রিয়শ্চৈব ন হন্তব্যা যচ্চ সর্বাতিথির্নরঃ॥ 13-215-32 (89817)
ধরণীং গাং হিরণ্যং চ সিদ্ধান্নং চ তিলান্ঘৃতম্।
দদন্নিত্যং দ্বিজাতিভ্যো মুচ্যতে রাজকিল্বিষাৎ॥ 13-215-33 (89818)
এবং চরতি যো নিত্যং রাজা রাষ্ট্রহিতে রতঃ।
তস্য রাষ্ট্রং ধনং ধর্মো যশঃ কীর্তিশ্চ বর্ধতে।
ন চ পাপৈর্ন চানর্থৈর্যুজ্যতে স নরাধিপঃ॥ 13-215-34 (89819)
ষড্ভাগমুপভুঞ্জানঃ প্রজা রাজা ন রক্ষতি।
স্বচক্রপরচক্রাভ্যাং ধর্মৈর্বা বিক্রমেণ বা॥ 13-215-35 (89820)
নিরুদ্যোগো নৃপো যশ্চ পররাষ্ট্রনিঘাতনে।
স্বরাষ্ট্রং নিষ্প্রতাপস্য পরচক্রেণ হন্যতে॥ 13-215-36 (89821)
যৎপাপং সকলং রাজা হতরাষ্ট্রঃ প্রপদ্যতে॥
মাতুলং ভাগিনেয়ং বা মাতরং শ্বশুরং গুরুম্। 13-215-37 (89822)
পিতরং বর্জয়িৎবৈকং হন্যাদ্ধাতকমাগতম্॥ 13-215-38 (89823)
স্বস্য রাষ্ট্রস্য রক্ষার্থং যুদ্যমানশ্চ যো হতঃ।
সঙ্গ্রামে পরচক্রেণ শ্রূয়তাং তস্য যা গতিঃ॥ 13-215-39 (89824)
বিমানেন বরারোহে অপ্সরোগণসেবিতঃ।
শক্রলোকমিতো যাতি সঙ্গ্রামে নিহতো নৃপঃ॥ 13-215-40 (89825)
যাবন্তো রোমকূপাঃ স্যুস্তস্য গাত্রেষু সুন্দরি।
তাবদ্বর্ষসহস্রাণি শক্রলোকে মহীয়তে॥ 13-215-41 (89826)
যদি বৈ মানুষে লোকে কদাচিদুপপদ্যতে।
রাজা বা রাজমাত্রো বা ভূয়ো ভবতি বীর্যবান্॥ 13-215-42 (89827)
তস্মাদ্যত্নেন কর্তব্যং স্বরাষ্ট্রপরিপালনম্।
ব্যবহারাশ্চ চারশ্চ সততং সত্যসন্ধতা॥ 13-215-43 (89828)
অপ্রমাদঃ প্রমোদশ্চ ব্যবসায়েঽপ্যচণ্ডতা।
ভরণং চৈব ভৃত্যানাং বাহনানাং চ পোষণম্॥ 13-215-44 (89829)
যোধানাং চৈব সৎকারঃ কৃতে কর্মণ্যমোঘতা।
শ্রেয় এব নরেন্দ্রাণামিহ চৈব পরত্র চ॥ ॥ 13-215-45 (89830)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চদশাধিকদ্বিশততমোঽধ্যায়ঃ॥ 215 ॥
Mahabharata - Anushaasana Parva - Chapter Footnotes
7-215-23 পূর্বমপ্যুচিতৈর্লাভৈরিতি ঠ.পাঠঃ॥ 7-215-30 নাধর্মো বিদ্যতে তত্রেতি থ.পাঠঃ॥ 7-215-31 যো ঘাতয়েৎ তস্যাশিষ্টশাসনং ধর্মং ইত্যন্বয়ঃ॥অনুশাসনপর্ব - অধ্যায় 216
॥ শ্রীঃ ॥
13.216. অধ্যায়ঃ 216
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি ত্রিবর্গনিরূপণম্॥ 1 ॥Mahabharata - Anushaasana Parva - Chapter Text
মহেশ্বর উবাচ।
পশবঃ পশুবন্ধেষু যে হন্যন্তেঽধ্বরেষু চ।
যূপে নিবধ্য মন্ত্রৈশ্চ যথান্যায়ং যথাবিধি।
মন্ত্রাহুতিবিপূতাস্তে স্বর্গং যান্তি যশস্বিনি॥ 13-216-1 (89831)
তর্পিতা যজ্ঞভাগেষু তেষাং মাংসৈর্বরাননে।
অগ্নয়স্ত্রিদশাশ্চৈব লোকপালা মহেশ্বরাঃ। 13-216-2 (89832)
তেষু তুষ্টেষু জায়েত যস্য যজ্ঞস্য যৎফলম্।
তেন সংয়ুজ্যতে দেবি যজমানো ন সংশয়ঃ॥ 13-216-3 (89833)
সপত্নীকঃ সপুত্রশ্চি পিত্রা চ ভ্রাতৃভিঃ সহ।
যে তত্র দীক্ষিতা দেবি সর্বে স্বর্গং প্রয়ান্তি তে॥ 13-216-4 (89834)
এতত্তে সর্বমাখ্যাতং কিং ভূয়ঃ শ্রোতুমিচ্ছসি॥ 13-216-5 (89835)
উমোবাচ। 13-216-6x (7489)
ভগবন্সর্বভূতেশ শূলপাণে মহাদ্যুতে।
শ্রোতুমিচ্ছাম্যহং বৃত্তং সর্বেষাং গৃহমেধিনাম্॥ 13-216-6 (89836)
কীদৃশং চরিতং তেষাং ত্রিবর্গসহিতং প্রভো।
প্রত্যায়তিঃ কথং তেষাং জীবনার্থমুদাহৃতম্॥ 13-216-7 (89837)
বর্তমানাঃ কথং সর্বে প্রাপ্নুবন্ত্যুত্তমাং গতিম্।
এতৎসর্বং সমাসেন বক্তুমর্হসি মানদঃ॥ 13-216-8 (89838)
মহেশ্বর উবাচ। 13-216-9x (7490)
ন্যায়তস্ৎবং মহাভাগে শ্রোতুকামাঽসি ভামিনি।
প্রায়শো লোকসদ্বৃত্তমিষ্যতে গৃহবাসিনাম্॥ 13-216-9 (89839)
তেষাং সংরক্ষণার্থায় রাজানঃ সংস্কৃতা ভুবি।
সর্বেষামথ মর্ত্যানাং বৃত্তিং সামান্যতঃ শৃণুঃ॥ 13-216-10 (89840)
বিদ্যা বার্তা চ সেবা চ কারুৎবং নাট্যতা তথা।
ইত্যতে জীবনার্থায় মর্ত্যানাং বিহিতাঃ প্রিয়ে॥ 13-216-11 (89841)
অপি জন্মফলং তাবন্মানুষাণাং বিশেষতঃ।
বিহিতং তৎস্ববৃত্তেন তন্মে শৃণু সমাহিতাঃ॥ 13-216-12 (89842)
কর্মক্ষেত্রং হি মানুষ্যং সুখদুঃখয়ুতাঃ পরে।
সর্বেষাং প্রাণিনাং তস্মান্মানুষ্যে বৃত্তিরিষ্যতে॥ 13-216-13 (89843)
বিদ্যায়োগস্তু সর্বেষাং পূর্বমেব বিধীয়তে।
কার্যাকার্যং বিজানন্তি বিদ্যযা দেবি নান্যথা॥ 13-216-14 (89844)
বিদ্যযা স্ফীয়তে জ্ঞানং জ্ঞানাত্তৎবনিদর্শনম্।
দৃষ্টতৎবো বিনীতাত্মা সর্বার্থস্য চ ভাজনম্॥ 13-216-15 (89845)
শক্যং বিদ্যাবিনীতেন লোকে সংজীবনং শুভম্॥ 13-216-16 (89846)
আত্মানং বিদ্যযা তস্মাৎপূর্বং বৃৎবা তু ভাজনম্।
বশ্যেন্দ্রিয়ো জিতক্রোধো ভূতাত্মানং তু ভাবয়েৎ।
ভাবয়িৎবা তদাঽঽত্মানং পূজনীয়ঃ সতামপি॥ 13-216-17 (89847)
কুলানুবৃত্তং বৃত্তং বা পূর্বমাত্মা সমাশ্রয়েৎ।
ইত্যেতৎকুলবাসায় দানকর্ম যথা পুরা॥ 13-216-18 (89848)
যদি চেদ্বিদ্যযা চৈব বৃত্তিং কাঙ্ক্ষেদথাত্মনঃ।
রাজবিদ্যানুবাদেঽপি লোকবিদ্যামথাপি বা।
তীর্থতশ্চাপি গৃহ্ণীয়াচ্ছুশ্রূষাদিগুণৈর্যুতঃ॥ 13-216-19 (89849)
গ্রন্থতশ্চার্থতশ্চৈব দৃঢং কুর্যাৎপ্রয়ত্নতঃ।
এবং বিদ্যাফলং দেবি প্রাপ্নুয়ান্নান্যথা নরঃ।
ন্যায়াদ্বিদ্যাফলানীচ্ছেদধর্মং তত্র বর্জয়েৎ॥ 13-216-20 (89850)
যদিচ্ছেদ্বার্তয়া বৃত্তিং কাঙ্ক্ষেত বিধিপূর্বকম্।
ক্ষেত্রে জলোপপন্নে চ তদ্যোগ্যাং কৃষিমাচরেৎ॥ 13-216-21 (89851)
বাণিজ্যং বা যথাকালং কুর্যাত্তদ্দেশয়োগতঃ।
মূল্যমর্থং প্রয়াসং চ বিচার্যৈব ব্যযোদয়ৌ॥ 13-216-22 (89852)
পশুসংজীবনং চৈব দশ গাঃ পোষয়েদ্ধ্রুবম্।
বহুপ্রকারা বহবঃ পশবস্তস্য সাধকাঃ॥ 13-216-23 (89853)
যঃ কশ্চিৎসেবয়া বৃত্তিং কাঙ্ক্ষেত মতিমান্নরঃ।
যতাত্মা শ্রবণীয়ানাং ভবেদ্বৈ সম্প্রয়োজকঃ॥ 13-216-24 (89854)
বুদ্ধ্যা বা কর্ময়োগাদ্বা বোধনাদ্বা সমাশ্রয়েৎ।
মার্গতস্তু সমাশ্রিত্য তদা তৎসম্প্রয়োজয়েৎ॥ 13-216-25 (89855)
যথায়থা সু তুষ্যেত তথা সংতোষয়েত্তু তম্।
অনুজীবিগুণোপেতঃ কুর্যাদাত্মার্থমাশ্রিতম্॥ 13-216-26 (89856)
বিপ্রিয়ং নাচরেত্তস্য এষা সেবা সমাসতঃ।
বিপ্রয়োগাৎপুরা তেন গতিমন্যাং ন লক্ষয়েৎ॥ 13-216-27 (89857)
কারুকর্ম চ নাট্যং চ প্রায়শো নীচয়োনিষু।
তয়োরপি যথায়োগং ন্যায়তঃ কর্মবেতনম্॥ 13-216-28 (89858)
আজীবেভ্যোঽপি সর্বভ্যঃ স্বার্জবাদ্বেতনং হরেৎ।
অনার্জবাদাহরতস্তত্তু পাপায় কল্পতে॥ 13-216-29 (89859)
সর্বেষাং পূর্বমারম্ভাংশ্চিন্তয়েন্নয়পূর্বকম্।
আত্মশক্তিমুপায়াংশ্চ দেশকালৌ চ যুক্তিতঃ।
কারণানি প্রয়াসং চ প্রক্ষেপং চ ফলোদয়ম্॥ 13-216-30 (89860)
এবমাদীনি সঞ্চিন্ত্য দৃষ্ট্বা দৈবানুকূলতাম্।
অতঃ পরং সমারম্ভেদ্যত্রাত্মহিতমাহিতম্॥ 13-216-31 (89861)
বৃত্তিমেব সমাসাদ্য তাং সদা পরিপালয়েৎ।
দেবমানুষবিঘ্নেভ্যো ন পুনর্মন্যতে যথা॥ 13-216-32 (89862)
পালয়ন্বর্ধয়ন্ভুঞ্জংস্তাং প্রাপ্য ন বিনাশয়েৎ।
ক্ষীয়তে গিরিসঙ্কাশমশ্নতো হ্যনপেক্ষয়া॥ 13-216-33 (89863)
আজীবেভ্যো ধনং প্রাপ্য চতুর্ধা বিভজেদ্বুধঃ।
ধর্মায়ার্থায় কামায় আপৎপ্রশমনায় চ॥ 13-216-34 (89864)
চতুর্ষ্বপি বিভাগেষু বিধানং শৃণু শোভনে॥ 13-216-35 (89865)
যজ্ঞার্থং চান্নদানার্থং দীনানুগ্রহকারণাৎ।
দেবব্রাহ্মণপূজার্থং পিতৃপূজার্থমেব চ॥ 13-216-36 (89866)
মূলার্থং সন্নিবাসার্থং ক্রিয়ানিত্যৈশ্চি ধার্মিকৈঃ।
এবমাদিষু চান্যেষু ধর্মার্থং সংত্যজেদ্ধনম্॥ 13-216-37 (89867)
ধর্মকার্যে ধনং দদ্যাদনবেক্ষ্য ফলোদয়ম্।
ঐশ্বর্যস্থানলাভার্থং রাজবাল্লভ্যকারণাৎ॥ 13-216-38 (89868)
বার্তায়াং চ সমারম্ভেঽমাত্যমিত্রপরিগ্রহে।
আবাহে চ বিবাহে চ পুত্রাণাং বৃত্তিকারণাৎ॥ 13-216-39 (89869)
অর্থোদয়সমাবাপ্তাবনর্থস্য বিঘাতনে।
এবমাদিষু চান্যেষু অর্থার্থং বিসৃজেদ্ধনম্॥ 13-216-40 (89870)
অনুবন্ধং হেতুয়ুক্তং দৃষ্ট্বা বিত্তং পরিত্যজেৎ।
অনর্থং বাধতে হ্যর্থো অর্তং চৈব ফলান্যুত॥ 13-216-41 (89871)
নাধনাঃ প্রাপ্নুন্ত্যর্থং নরা যত্নশতৈরপি।
তস্মাদ্ধনং রক্ষিতব্যং দাতব্যং চ বিধানতঃ॥ 13-216-42 (89872)
শরীরপোষণার্থায় আহারস্য বিশোষণে।
নট*****ধর্বসংয়োগে কাময়াত্রাবিহারয়োঃ॥ 13-216-43 (89873)
মনঃপ্রিয়াণাং সংয়োগে প্রীতিদানে তথৈব চ।
এবমাদিষু চান্যেষু কামার্তং বিসৃজেদ্ধনম্॥ 13-216-44 (89874)
বিচার্য গুণদোষাংস্তু ত্রয়াণাং তত্র সংত্যজেৎ।
চতুর্থং সন্নিদধ্যাচ্চ আপদর্থং শুচিস্মিতে॥ 13-216-45 (89875)
রাজ্যভ্রংশবিনাশার্থং দুর্ভিক্ষার্থং চ শোভনে।
মহাব্যাধিবিমোক্ষার্থং বার্ধকস্যৈব কারণাৎ॥ 13-216-46 (89876)
শত্রূণাং প্রতিকারায় সাহসৈশ্চাপ্যমর্ষণাৎ।
প্রস্থানে চান্যদেশার্থমাপদাং বিপ্রমোক্ষণে।
এবমাদি সমুদ্দিশ্য সন্নিদধ্যাৎস্বকং ধনম্॥ 13-216-47 (89877)
সুখমর্থবতাং লোকে কৃচ্ছ্রাণাং বিপ্রমোক্ষণম্।
যস্য নাস্তি ধনং কিঞ্চিত্তস্য লোকদ্বয়ং ন চ॥ 13-216-48 (89878)
অশনাদিন্দ্রিয়াণীব সর্বমর্থাৎপ্রবর্ততে।
নিধানমাত্রং যস্তেষামন্যথা বিলয়ং ব্রজেৎ।
এবং দেবি মনুষ্যাণাং লোকানাং জীবনং প্রতি॥ 13-216-49 (89879)
এবং লোকস্য বৃত্তস্য লোকবৃত্তং পুনঃ শৃণু।
ধন্যং যশস্যমায়ুষ্যং স্বর্গ্যং চ পরমং যশঃ॥ 13-216-50 (89880)
ত্রিবর্গো হি বশে যুক্তঃ সর্বেষাং সংবিধীয়তে।
তথা সংবর্তমানাস্তু লোকয়োর্হিতমাপ্নুয়ুঃ॥ 13-216-51 (89881)
কাল্যোত্থানং চ শৌচং চ দেবব্রাহ্মণভক্তিতঃ।
গুরুণামেব শুশ্রূষা ব্রাহ্মণেষ্বভিবাদনম্॥ 13-216-52 (89882)
প্রত্যুত্থানং চ বৃদ্ধানাং দেবস্থানপ্রণামনম্।
আভিমুখ্যং পুরস্কৃত্য অতিথীনাং চ পূজনম্॥ 13-216-53 (89883)
বৃদ্ধোপদেশকরণং শ্রবণং হিতপথ্যযোঃ।
পোষণং ভূত্যবর্গস্য সান্ৎবদানপরিগ্রহে॥ 13-216-54 (89884)
ন্যায়তঃ কর্মকরণমন্যায়াহিতবর্জিতম্।
সম্যগ্বৃত্তং স্বদারেষু দোষাণাং প্রতিষেধনম্॥ 13-216-55 (89885)
পুত্রাণাং বিনয়ং কুর্যাত্তত্তৎকার্যনিয়োজনম্।
বর্জনং চাশুভার্থানাং শুভানাং জোষণং তথা॥ 13-216-56 (89886)
কুলোচিতানাং ধর্মাণাং যতাবৎপরিপালনম্।
কুলসন্ধারণং চৈব পৌরুষেণৈব সর্বশঃ।
এবমাদি শুভং সর্বং তস্য বৃত্তমিতি স্থিতম্॥ 13-216-57 (89887)
বৃদ্ধসেবী ভবেন্নিত্যং হিতার্থং জ্ঞানকাঙ্ক্ষয়া।
পরার্থং নাহরেদ্দ্রব্যমনামন্ত্র্য তু সর্বথা।
ন যাচেত পরান্ধীরঃ স্ববাহুবলমাশ্রয়েৎ॥ 13-216-58 (89888)
স্বশরীরং সদা রক্ষেদাহারাচারয়োরপি।
হিতং পথ্যং সদাহারং জীর্ণং ভুঞ্জীত মাত্রয়া॥ 13-216-59 (89889)
দেবতাতিথিসৎকারং কৃৎবা সর্বং যথাবিধি।
শেষং ভুঞ্জেচ্ছুচির্ভূৎবা ন চ ভাষেত বিপ্রিয়ম্॥ 13-216-60 (89890)
প্রতিশ্রয়ং চ পানীয়ং বলিং ভিক্ষাং চ সর্বতঃ।
গৃহস্থবাসী সততং তদ্যাদ্গাশ্চৈব পোষয়েৎ॥ 13-216-61 (89891)
বহির্নিষ্ক্রমণং চৈব কুর্যাৎকারণতোপি বা।
মধ্যাহ্নে বাঽর্ধরাত্রে বা গমনায় ন রোচয়েৎ॥ 13-216-62 (89892)
বিষয়ান্নাবগাহেত স্বশক্ত্যা তু সমাচরেৎ।
যথাঽঽয়ব্যযতা লোকে গৃহস্থানাং প্রপূজিতম্॥ 13-216-63 (89893)
অয়শস্করমর্থঘ্নং কর্ম যৎপরপীডনম্।
ভয়াদ্বা যদি লোভাদ্বা ন কুর্বীত কদাচন॥ 13-216-64 (89894)
বুদ্ধিপূর্বং সমালোক্য দূরতো গুণদোষতঃ।
আরভেত তদা কর্ভ শুভং বা যদি বেতরৎ॥ 13-216-65 (89895)
আত্মসাক্ষী ভবেন্নিত্যমাত্মনস্তু শুভাশুভে।
মনসা কর্মণা বাচা ন চ কাঙ্ক্ষেত পাতকম্॥ ॥ 13-216-66 (89896)
ইতি শ্রীমন্মহাভারতে অনুশাসনপর্বণি দানধর্মপর্বণি ষোডশাধিকদ্বিশততমোঽধ্যায়ঃ॥ 216 ॥
অনুশাসনপর্ব - অধ্যায় 217
॥ শ্রীঃ ॥
13.217. অধ্যায়ঃ 217
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পার্বত্যা ব্রাহ্মণ্যাদিকং কিং স্বাভাবিকং উত কর্মাধীনমিতি প্রশ্নে ঈশ্বরেণ তস্য কর্মাধীনৎবপ্রতিপাদনম্॥ 1 ॥ তথা প্রাণিনাং ভোগাভোগাদেঃ স্বস্বকর্মায়ত্তৎবপ্রতিপাদনম্॥ 2 ॥Mahabharata - Anushaasana Parva - Chapter Text
উমোবাচ।
ভগবন্ভগনেত্রঘ্ন কালসূদন শঙ্কর।
ইমে বর্ণাশ্চ চৎবারো বিহিতাঃ স্বস্বভাবতঃ।
উতাহো ক্রিয়যা বর্ণাঃ সম্ভবন্তি মহেশ্বর॥ 13-217-1 (89897)
এবং মে সংশয়প্রশ্নস্তং মে ছেত্তুং ৎবমর্হসি॥ 13-217-2 (89898)
মহেশ্বর উবাচ। 13-217-3x (7491)
স্বভাবাদেব বিদ্যন্তে চৎবারো ব্রাহ্মণাদয়ঃ।
একজাত্যা সুদুষ্প্রাপমন্যবর্ণৎবমাগতম্॥ 13-217-3 (89899)
তচ্চ কর্মবিশেষেণ পুনর্জন্মনি জায়তে।
তস্মাত্তেষাং প্রবক্ষ্যামি তৎসর্বং কর্মপাকজম্ 13-217-4 (89900)
ব্রাহ্মণস্তু নরো ভূৎবা স্বজাতিমনুপালয়ন্।
দৃঢং ব্রাহ্মণকর্মাণি বেদোক্তানি সমাচরেৎ॥ 13-217-5 (89901)
সত্যার্জবপরো ভূৎবা দানয়জ্ঞপরস্তথা।
সত্যাং জাত্যাং সমুদিতো জাতিধর্মান্ন হাপয়েৎ॥ 13-217-6 (89902)
এবং সংবর্তমানস্তু কালধর্মং গতঃ পুনঃ।
স্বর্গলোকে হি জায়েত স্বর্গভোগায় ভামিনি॥ 13-217-7 (89903)
তৎক্ষয়ে ব্রাহ্মণো ভূৎবা তথৈব নৃষু জায়তে।
এবংস্বকর্মণা মর্ত্যঃ স্বজাতিং লভতে পুনঃ॥ 13-217-8 (89904)
অপরস্তু তথা কশ্চিদ্ব্রহ্ময়োনিসমুদ্ভবঃ।
অবমত্যৈব তাং জাতিমজ্ঞানতমসা বৃতঃ॥ 13-217-9 (89905)
অন্যথা বর্তমানস্তু জাতিকর্মাণি বর্জয়েৎ।
শূদ্রবদ্বিচরেল্লোকে শূদ্রকর্মাভিলাষবান্।
শূদ্রৈঃ সহ চরন্নিত্যং শৌচমঙ্গলবর্জিতঃ। 13-217-10 (89906)
স চাপি কালধর্মস্থো যমলোকে সুদণ্ডিতঃ।
যদি জায়েত মর্ত্যেষু শূদ্র এবাভিজায়তে॥ 13-217-11 (89907)
শূদ্র এব ভবেদ্দেবি ব্রাহ্মণোঽপি স্বকর্মণা॥ 13-217-12 (89908)
তথৈব শূদ্রস্ৎবপরঃ শূদ্রকর্মাণি বর্জয়েৎ।
সত্যার্জবপরো ভূৎবা দানধর্মপরস্তথা।
মন্ত্রব্রাহ্মণসৎকর্তা মনসা ব্রাহ্মণপ্রিয়ঃ॥ 13-217-13 (89909)
এবং যুক্তসমাচারঃ শূদ্রোপি মরণং গতঃ।
স্বর্গলোকে হি জায়েত তৎক্ষয়ে নৃষু জায়তে।
ব্রাহ্মণানাং কুলে মুখ্যে বেদস্বাধ্যায়সংয়ুতে॥ 13-217-14 (89910)
এবমেব সদা লোকে শূদ্রো ব্রাহ্মণ্যমাপ্নুয়াৎ॥ 13-217-15 (89911)
এবং ক্ষত্রিয়বৈশ্যাশ্চ জাতিধর্মেণ সংয়ুতাঃ।
স্বকর্মণৈব জায়ন্তে বিশিষ্টেষ্বধমেষু চ॥ 13-217-16 (89912)
এবং জাতিবিপর্যাসঃ প্রেত্যভাবে ভবেন্নৃণাম্।
অন্যথা তু ন শক্যং তল্লোকসংস্থিতিকারণাৎ॥ 13-217-17 (89913)
তস্মাজ্জাতিং বিশিষ্টাং তু কথংচিৎপ্রাপ্য পণ্ডিতঃ।
সর্বথা তাং তথা রক্ষেন্ন পুনর্ভ্রশ্যতে যথা।
ইতি তে কথিতং দেবি ভূয়ঃ শ্রোতুং কিমিচ্ছসি॥ 13-217-18 (89914)
উমোবাচ। 13-217-19x (7492)
জন্মপ্রভৃতি কঃ শুদ্ধো লভেজ্জন্মফলং নরঃ।
শোভনাশোভনং সর্বমধইকারবশাৎস্বকম্॥ 13-217-19 (89915)
মহেশ্বর উবাচ। 13-217-20x (7493)
কর্ম কুর্বন্ন লিপ্যেত আর্জবেন সমাচরেৎ।
আত্মৈব তচ্ছুভং কুর্যাদশুভে যোজয়েৎপরান্॥ 13-217-20 (89916)
শঠেষু শঠবৎকুর্যোদার্যষ্বার্যবদাচরেৎ।
আপৎসু নাবসীদেচ্চ ঘোরান্সঙ্গ্রাময়েৎপরাৎ।
সাম্নৈব সর্বকার্যাণি কর্তুং পূর্বং সমারভেৎ॥ 13-217-21 (89917)
অনর্থাধর্মশোকানাং যথা ন প্রাপ্নুয়াৎস্বয়ম্।
প্রীয়তে তত্তথা কর্তুমেতদ্বৃত্তং সমাসতঃ॥ 13-217-22 (89918)
এবং বৃত্তং সমাসাদ্য গৃহমাশ্রিত্য মানবাঃ।
নিরাহারা নিরুদ্বেগাঃ প্রাপ্নুবন্ত্যুত্তমাং গতিম্॥ 13-217-23 (89919)
এতজ্জন্মফলং নিত্যং সর্বেষাং গৃহবাসিনাম্।
এবং গৃহস্থিতৈর্নিত্যং বর্তিতব্যমিতি স্থিতিঃ।
এতৎসর্বং ময়া প্রোক্তং কিং ভূয়ঃ শ্রোতুমিচ্ছসি॥ 13-217-24 (89920)
উমোবাচ। 13-217-25x (7494)
সুরাসুরপতে দেব বরদ প্রীতিবর্ধন।
মানুষেষ্বেব যে কে চিদাঢ্যাঃ ক্লেশবিবর্জিতাঃ।
ভুঞ্জানা বিবিধান্ভোগান্দৃশ্যন্তে নিরুপদ্রবাঃ॥ 13-217-25 (89921)
অপরে ক্লেশসংয়ুক্তা দরিদ্রা ভোগবর্জিতাঃ॥ 13-217-26 (89922)
কিমর্থং মানুষে লোকে ন সমৎবেন কল্পিতাঃ।
এতচ্ছ্রোতুং মহাদেব কৌতূহলমতীব মে॥ 13-217-27 (89923)
মহেশ্বর উবাচ। 13-217-28x (7495)
ন্যায়তস্ৎবং মহাভাগে শ্রোতুকামাসি ভামিনি।
শৃণু তৎসর্বমখিলং মানুষাণাং হিতং বচঃ॥ 13-217-28 (89924)
আদিসর্গে পুরা ব্রহ্মা সমৎবেনাসৃজৎপ্রজাঃ।
নিত্যং ন ভবতো হ্যস্য রাগদ্বেষৌ প্রজাপতেঃ।
তদা তস্মাৎসুরাঃ সর্বে বভূবুঃ সমতো নরাঃ॥ 13-217-29 (89925)
এবং সংবর্তমানে তু যুগে কালবিপর্যযাৎ।
কেচিৎপ্রপেদিরে তত্র বিষমং বুদ্ধিমোহিতাঃ॥ 13-217-30 (89926)
তেষাং হানিং ততো দৃষ্ট্বা তুল্যানামেব ভামিনি।
ব্রাহ্মণাস্তে সমাজগ্মুস্তত্তৎকারণবেদকাঃ॥ 13-217-31 (89927)
কর্তুং নার্হসি দেবেশ পক্ষপাতং ৎবমীদৃশম্।
পুত্রভাবে সমে দেব কিমর্থং নো ভবেৎকলিঃ॥ 13-217-32 (89928)
এবমেতৈরুপালব্ধো ব্রহ্মা বচনমব্রবীৎ।
যূয়ং মা ব্রূত মে দোষং স্বকৃতং স্মরথ প্রজাঃ॥ 13-217-33 (89929)
যুষ্মাভিরেব যুষ্মাকং গ্রথিতং হি শুভাশুভম্।
যাদৃশং কুরুতে কর্ম তাদৃশং ফলমশ্নুতে।
স্বকৃতস্য ফলং ভুঙ্ক্তে নান্যস্তদ্বোক্তুমর্হতি॥ 13-217-34 (89930)
এবং সংবোধিতাস্তেন কালকর্ত্রা স্বয়ংভুবা।
পুনর্বিবৃত্য কর্মাণি শুভান্যেব প্রপেদিরে॥ 13-217-35 (89931)
এবং বিজ্ঞাততৎবাস্তে দানধর্মপরায়ণাঃ।
শুভানি বিধিবৎকৃৎবা কালধর্মগতাঃ পুনঃ।
তানি দানফলান্যেব ভুঞ্জতে সুখভোগিনঃ॥ 13-217-36 (89932)
স্বকৃতং তু নরস্তস্মাৎস্বয়মেব প্রপদ্যতে॥ 13-217-37 (89933)
অপরে ধর্মকামেভ্যো নিবৃত্তাশ্চ শুভেক্ষণে।
কদর্যা নিরনুক্রোশাঃ প্রায়েণাত্মপরায়ণাঃ॥ 13-217-38 (89934)
তাদৃশা মরণং প্রাপ্তাঃ পুনর্জন্মনি শোভনে।
দরিদ্রাঃ ক্লেশভূয়িষ্ঠা ভবন্ত্যেব ন সংশয়ঃ॥ 13-217-39 (89935)
উমোবাচ। 13-217-40x (7496)
মানুষেষ্বথ যে কেচিদ্ধনধান্যসমন্বিতাঃ।
ভোগহীনাঃ প্রদৃশ্যন্তে সর্বভোগেষু সৎস্বপি।
ন ভুঞ্জতে কিমর্থং তে তন্মে শংসিতুমর্হসি॥ 13-217-40 (89936)
মহেশ্বর উবাচ। 13-217-41x (7497)
পরৈঃ সংচোদিতা ধর্মং কুর্বতে ন স্বকামতঃ।
স্বয়ং শ্রদ্ধাং বহিষ্কৃত্য কুর্বন্তি চ রুদন্তি চ॥ 13-217-41 (89937)
তাদৃশা মরণং প্রাপ্তাঃ পুনর্জন্মনি শোভনে।
ফলানি তানি সম্প্রাপ্য ভুঞ্জতে ন কদাচন।
রক্ষন্তো বর্ধয়ন্তশ্চ আসতে নিধিপালবৎ॥ 13-217-42 (89938)
উমোবাচ। 13-217-43x (7498)
কেচিদ্ধনবিয়ুক্তাশ্চ ভোগয়ুক্তা মহেশ্বর।
মানুষাঃ সম্প্রদৃশ্যন্তে তন্মে শংসিতুমর্হসি॥ 13-217-43 (89939)
মহেশ্বর উবাচ। 13-217-44x (7499)
আনৃশংস্যপরা যে তু ধর্মকামাশ্চি দুর্গতাঃ।
পরোপকারং কুর্বন্তি দীনানুগ্রহকারণাৎ॥ 13-217-44 (89940)
প্রতিপদ্যুঃ পরধনং নষ্টং বাঽন্যৈর্নরৈর্হৃতম্।
নিত্যং যে দাতুমনসো নরা বিত্তেষ্বসৎস্বপি॥ 13-217-45 (89941)
কালধর্মবশং প্রাপ্তাঃ পুনর্জন্মনি তে নরাঃ।
এতে ধনবিহীনাশ্চ ভোগয়ুক্তা ভবন্ত্যুত॥ 13-217-46 (89942)
ধর্মদানোপদেশং বা কর্তব্যমিতি নিশ্চয়ঃ।
ইতি তে কথিতং দেবি কিং ভূয়ঃ শ্রোতুমিচ্ছসি॥ ॥ 13-217-47 (89943)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তদশাধিকদ্বিশততমোঽধ্যায়ঃ॥ 217 ॥
অনুশাসনপর্ব - অধ্যায় 218
॥ শ্রীঃ ॥
13.218. অধ্যায়ঃ 218
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি প্রাণিনাং শুভাশুভকর্মানুসারেণ শুভাশুভফলপ্রাপ্তিকথনম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ ত্র্যক্ষ ভো বৃষভধ্বজ।
মানুষাস্ত্রিবিধা দেব দৃশ্যন্তে সততং বিভো॥ 13-218-1 (89944)
আসীনা এব ভুঞ্জন্তে স্থানৈশ্বর্যপরিগ্রহৈঃ।
অপরে যত্নপূর্বং তু লভন্তে ভোগসঙ্গ্রহম্॥ 13-218-2 (89945)
অপরে যতমানাশ্চ ন লভন্তে তু কিঞ্চন।
কেন কর্মবিপাকেন তন্মে শংসিতুমর্হসি॥ 13-218-3 (89946)
মহেশ্বর উবাচ। 13-218-4x (7500)
ন্যায়তস্ৎবং মহাভাগে শ্রোতুকামাঽসি ভামিনি॥ 13-218-4 (89947)
যে লোকে মানুষা দেবি দানধর্মপরায়ণাঃ।
পাত্রাণি বিধিবজ্জ্ঞাৎবা দূরতোপ্যনুমানতঃ॥ 13-218-5 (89948)
অভিগম্য স্বয়ং তত্র গ্রাহয়ন্তি প্রসাদ্য চ।
দানাদি চেঙ্গিতৈরেব তৈরবিজ্ঞাতমেব বা॥ 13-218-6 (89949)
পুনর্জন্মনি তে দেবি তাদৃশাঃ শোভনা নরাঃ।
অয়ত্নতস্তু তান্যেব ফলানি প্রাপ্নুবন্ত্যুত॥ 13-218-7 (89950)
আসীনা এব ভুঞ্জন্তে ভোগান্সুকৃতভোগিনঃ॥ 13-218-8 (89951)
অপরে যে চ দানানি দদত্যেব প্রয়াচিতাঃ।
যদায়দাঽর্থিনে দত্ৎবা পুনর্দানং চ যাচিতাঃ॥ 13-218-9 (89952)
তাবৎকালং ততো দেবি পুনর্জন্মনি তে নরাঃ।
যত্নতঃ শ্রমসংয়ুক্তাঃ পুনস্তান্প্রাপ্নুবন্তি চ॥ 13-218-10 (89953)
যাচিতা অপি কেচিত্তু অদত্ৎবৈব কথঞ্চন।
অভ্যসূয়াপরা মর্ত্যা লোভোপহতচেতসঃ॥ 13-218-11 (89954)
তে পুনর্জন্মনি শুভে যতন্তো বহুধা নরাঃ।
ন প্রাপ্নুবন্তি মনুজা মার্গন্তস্তেঽপি কিঞ্চন॥ 13-218-12 (89955)
নানুপ্তং রোহতে সস্যং তদ্বদ্দানফলং বিদুঃ।
যদ্যদ্দদাতি পুরুষস্তত্তৎপ্রাপ্নোতি কেবলম্॥ 13-218-13 (89956)
ইতি তে কথিতং দেবি ভূয়ঃ শ্রোতুং কিমিচ্ছসি॥ 13-218-14 (89957)
উমোবাচ। 13-218-15x (7501)
ভগবন্ভগনেত্রঘ্ন কেচিদ্বার্ধকসংয়ুতাঃ।
অভোগয়োগ্যকালে তু ভোগাংশ্চৈব ধনানি চ॥ 13-218-15 (89958)
লভন্তে স্থবিরা ভূতা ভোগৈশ্বর্যং যতস্ততঃ।
কেন কর্মবিপাকেন তন্মে শংসিতুমর্হসি॥ 13-218-16 (89959)
মহেশ্বর উবাচ। 13-218-17x (7502)
হন্ত তে কথয়িষ্যামি শৃণু তৎবং সমাহিতা॥ 13-218-17 (89960)
ধর্মকার্যং চিরং কালং বিস্মৃত্য ধনসংয়ুতাঃ।
প্রাণান্তকালে সম্প্রাপ্তে ব্যাধিভিশ্চ নিপীডিতাঃ॥ 13-218-18 (89961)
আরভন্তে পুনর্ধর্মং দাতুং দানানি বা নরাঃ।
তে পুনর্জন্মনি শুভে ভূৎবা দুঃখপরিপ্লুতাঃ॥ 13-218-19 (89962)
অতীতয়ৌবনে কালে স্থবিরৎবমুপাগতাঃ।
লভন্তে পূর্বদত্তানাং ফলানি শুভলক্ষণে॥ 13-218-20 (89963)
এতৎকর্মফলং দেবি কালয়োগাদ্ভবত্যুত॥ 13-218-21 (89964)
উমোবাচ। 13-218-22x (7503)
ভোগয়ুক্তা মহাদেব কেচিদ্ব্যাধিপরিপ্লুতাঃ।
অসমর্থাশ্চ তান্ভোক্তং ভবন্তি কিমু কারণম্॥ 13-218-22 (89965)
মহেশ্বর উবাচ। 13-218-23x (7504)
ব্যাধিয়োগপরিক্লিষ্টা যে নিরাশাঃ স্বজবিতে।
আরভন্তে তদা কর্তুং দানানি শুভলক্ষণম্॥ 13-218-23 (89966)
তে পুনর্জন্মনি শুভে প্রাপ্য তানি ফলান্যুত।
অসমর্থাশ্চ তান্ভোক্তুং ব্যাধিতাস্তে ভবন্ত্যুত॥ 13-218-24 (89967)
উমোবাচ। 13-218-25x (7505)
ভগবন্দেবদেবেশ মানুষেষ্বেব কেচন।
রূপয়ুক্তাঃ প্রদৃশ্যন্তে শুভাঙ্গা প্রিয়দর্শনাঃ।
কেন কর্মবিপাকেন তন্মে শংসিতুমর্হসি॥ 13-218-25 (89968)
মহেশ্বর উবাচ। 13-218-26x (7506)
হন্ত তে কথয়িষ্যামি শৃণু তৎবং সমাহিতা॥ 13-218-26 (89969)
যে পুরা মনুজা দেবি লজ্জায়ুক্তাঃ প্রিয়ংবদাঃ।
শক্তাঃ সুমধুরা নিত্যং ভূৎবা চৈব স্বভাবতঃ॥ 13-218-27 (89970)
অমাংসভোজিনশ্চৈব সদা প্রাণিদয়ায়ুতাঃ।
প্রতিকর্মপ্রদা বাঽপি বস্ত্রদা ধর্মকারণাৎ।
ভূমিশুদ্ধিকরা বাঽপি কারণাদগ্নিপূজকাঃ॥ 13-218-28 (89971)
এবং যুক্তসমাচারাঃ পুনর্জন্মনি তে নরাঃ।
রূপেণ স্পৃহণীয়াস্তু ভবন্ত্যেব ন সংশয়ঃ॥ 13-218-29 (89972)
উমোবাচ। 13-218-30x (7507)
বিরূপাশ্চ প্রদৃশ্যন্তে মানুষেষ্বেব কেচন।
কেন কর্মবিপাকেন তন্মে শংসিতুমর্হসি॥ 13-218-30 (89973)
মহেশ্বর উবাচ। 13-218-31x (7508)
তদহং তে প্রবক্ষ্যামি শৃণু কল্যাণি কারণম্॥ 13-218-31 (89974)
রূপয়োগাৎপুরা মর্ত্যা দর্পাহংকারসংয়ুতাঃ।
বিরূপহাসকাস্চৈব স্তুতিনিন্দাদিভির্ভৃশম্॥ 13-218-32 (89975)
পরোপতাপনাশ্চৈব মাংসাদাশ্চ তথৈব চ।
অভ্যসূয়াপরাশ্চৈব অশুদ্ধাশ্চ তথা নরাঃ॥ 13-218-33 (89976)
এবং যুক্তসমাচারা যমলোকে সুদণ্ডিতাঃ।
কথংচিৎপ্রাপ্য মানুষ্যং তত্র তে রূপবর্জিতাঃ।
বিরূপাঃ সম্ভবন্ত্যেব নাস্তি তত্র বিচারণা॥ 13-218-34 (89977)
উমোবাচ। 13-218-35x (7509)
ভগবন্দেবদেবেশ কেচিৎসৌভাগ্যসংয়ুতাঃ।
রূপভোগ্যবিহীনাশ্চ দৃশ্যন্তে প্রমদাপ্রিয়াঃ।
কেন কর্মবিপাকেন তন্মে শংসিতুমর্হসি॥ 13-218-35 (89978)
মহেশ্বর উবাচ। 13-218-36x (7510)
যে পুরা মনুজা দেবি সৌম্যশীলাঃ প্রিয়ংবদাঃ।
স্বদারৈরেব সংতুষ্টা দারেষু সমবৃত্তয়ঃ॥ 13-218-36 (89979)
দাক্ষিণ্যেনৈব বর্তন্তে প্রমদাস্বপ্রিয়াস্বপি।
ন তু প্রত্যাদিশন্ত্যেব স্ত্রীদোষান্গুণসংশ্রিতান্। 13-218-37 (89980)
অন্নপানীয়দাঃ কালে নৃণাং স্বাদুপ্রদাশ্চ যে।
স্বদারবর্তিনশ্চৈব ধৃতিমন্তো নিরত্যযাঃ॥ 13-218-38 (89981)
এবং যুক্তসমাচারাঃ পুনর্জন্মনি শোভনে।
মানুষাস্তে ভবন্ত্যেব সততং সুভগা ভৃশম্।
অর্থাদৃতেঽপি তে দেবি ভবন্তি প্রমদাপ্রিয়াঃ॥ 13-218-39 (89982)
উমোবাচ। 13-218-40x (7511)
দুর্ভগাঃ সম্প্রদৃশ্যন্তে আঢ্যা ভোগয়ুতা অপি।
কেন কর্মবিপাকেন তন্মে শংসিতুমর্হসি॥ 13-218-40 (89983)
মহেশ্বর উবাচ। 13-218-41x (7512)
তদহং তে প্রবক্ষ্যামি শৃণু সর্বং সমাহিতা॥ 13-218-41 (89984)
যে পুরা মনুজা দেবি স্বদারেষ্বনপেক্ষয়া।
যথেষ্টবৃত্তয়শ্চৈব নির্লজ্জা বীতসম্ভ্রমাঃ॥ 13-218-42 (89985)
পরেষাং বিপ্রিয়করা বাঙ্মনঃকায়কর্মভিঃ।
নিরাশ্রয়া নিরানন্দাঃ স্ত্রীণাং হৃদয়কোপনাঃ॥ 13-218-43 (89986)
এবং যুক্তসমাচারাঃ পনর্জন্মনি তে নরাঃ।
দুর্ভগাস্তু ভবন্ত্যেব স্ত্রীণাং হৃদয়বিপ্রিয়াঃ। 13-218-44 (89987)
নাস্তি তেষাং রতিসুখং স্বদারেষ্বপি কিঞ্চন॥ ॥ 13-218-45 (89988)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টাদশাধিকদ্বিশততমোঽধ্যায়ঃ॥
অনুশাসনপর্ব - অধ্যায় 219
॥ শ্রীঃ ॥
13.219. অধ্যায়ঃ 219
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি শুভাশুভকর্মণোঃ সুখদুঃখহেতুৎবকথনম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ মানুষেষ্বেব কেচন।
জ্ঞানবিজ্ঞানসম্পন্না বুদ্ধিমন্তো বিচক্ষণাঃ॥ 13-219-1 (89989)
দুর্গতাস্তু প্রদৃশ্যন্তে যতমানা যথাবিধি।
কেন কর্মবিপাকেন তন্মে শংসিতুমর্হসি॥ 13-219-2 (89990)
মহেশ্বর উবাচ। 13-219-3x (7513)
তদহং তে প্রবক্ষ্যামি শৃণু কল্যাণি কারণম্॥ 13-219-3 (89991)
যে পুরা মনুজা দেবি শ্রুতবন্তোপি কেবলম্।
নিরা**** নিরন্নাদ্যা ভৃশমাত্মপরায়ণাঃ॥ 13-219-4 (89992)
তে পুনর্জন্মনি শুভে জ্ঞানবুদ্ধিয়ুতা অপি।
নিষ্কিঞ্চনা ভবন্ত্যেব অনুপ্তং হি ন রোহতি॥ 13-219-5 (89993)
উমোবাচ। 13-219-6x (7514)
মূর্খা লোকে প্রদৃশ্যন্তে বৃথা মূঢা বিচেতসঃ।
জ্ঞানবিজ্ঞানরহিতাঃ সমৃদ্ধাশ্চ সমন্ততঃ।
কেন কর্মবিপাকেন তন্মে শংসিতুমর্হসি॥ 13-219-6 (89994)
মহেশ্বর উবাচ। 13-219-7x (7515)
যে পুরা মনুজা দেবি বালিশা অপি সর্বতঃ।
সমাচরন্তি দানানি দীনানুগ্রহকারণাৎ॥ 13-219-7 (89995)
অবুদ্ধিপূর্বং বা দানং দদত্যেব যতস্ততঃ।
তে পুনর্জন্মনি শুভে প্রাপ্নুবন্ত্যেব তত্তথা॥ 13-219-8 (89996)
পণ্ডিতোঽপণ্ডিতো বাঽপি ভুঙ্ক্তে দানফলং নরঃ।
বুদ্ধ্যাঽনপেক্ষিতং দানং সর্বথা তৎফলত্যুত॥ 13-219-9 (89997)
উমোবাচ। 13-219-10x (7516)
ভগবন্দেবদেবেশ মানুষেষ্বেব কেচন।
মেধাবিনঃ শ্রুতধরা ভবন্তি বিশদাক্ষরাঃ।
কেন কর্মবিপাকেন তন্মে শংসিতুমর্হসি॥ 13-219-10 (89998)
মহেশ্বর উবাচ। 13-219-11x (7517)
যে পুরা মনুজা দেবি গুরুশুশ্রূষকা ভৃশম্।
জ্ঞানার্থং তে তু সঙ্গৃহ্য তীর্থতো বিধিপূর্বকম্॥ 13-219-11 (89999)
বিধিনৈব পরাংশ্চৈব গ্রাহয়ন্তি চ নান্যথা।
অশ্লাঘমানা জ্ঞানেন প্রশান্তা যতবাচকাঃ।
বিদ্যাস্থানানি যে লোকে স্থাপয়ন্তি চ যত্নতঃ॥ 13-219-12 (90000)
তাদৃশ মরণং প্রাপ্তাঃ পুনর্জন্মনি শোভনে।
মেধাবিনঃ শ্রুতধরা ভবন্তি বিশদাক্ষরাঃ॥ 13-219-13 (90001)
উমোবাচ। 13-219-14x (7518)
অপরে মানুষা দেব যতন্তোপি যতস্ততঃ।
বহিষ্কৃতাঃ প্রদৃশ্যন্তে শ্রুতবিজ্ঞানবুদ্ধিতঃ।
কেন কর্মবিপাকেন তন্মে শংসিতুমর্হসি॥ 13-219-14 (90002)
মহেশ্বর উবাচ। 13-219-15x (7519)
যে পুরা মনুজা দেবি জ্ঞানদর্পসমন্বিতাঃ।
শ্লাঘমানাশ্চ তৎপ্রাপ্য জ্ঞানাহঙ্কারমোহিতাঃ॥ 13-219-15 (90003)
বদন্তি যে পরান্নিত্যং জ্ঞানাধিক্যেন দর্পিতাঃ।
জ্ঞানাদসূয়াং কুর্বন্তি ন সহন্তে চ চাপরান্॥ 13-219-16 (90004)
তাদৃশা মরণং প্রাপ্তাঃ পুনর্জন্মনি শোভনে।
মানুষ্যং সুচিরাৎপ্রাপ্য তত্র বোধবিবর্জিতাঃ।
ভবন্তি সততং দেবি যতন্তো হীনমেধসঃ॥ 13-219-17 (90005)
উমোবাচ। 13-219-18x (7520)
ভগবন্মানুষাঃ কেচিৎসর্বকল্যাণসংয়ুতাঃ।
পুত্রৈর্দারৈর্গুণয়ুতৈর্দাসীদাসপরিচ্ছদৈঃ॥ 13-219-18 (90006)
পরমং বুদ্ধিসংয়ুক্তাঃ স্থানৈশ্বর্যপরিগ্রহৈঃ।
ব্যাধিহীনা নবাধাশ্চ রূপারোগ্যবলৈর্যুতাঃ॥ 13-219-19 (90007)
ধনধান্যেন সম্পন্নাঃ প্রাসাদৈর্যানবাহনৈঃ।
সর্বোপভোগসংয়ুক্তা নানাচিত্রৈর্মনোহরৈঃ॥ 13-219-20 (90008)
জ্ঞাতিভিঃ সহ মোদন্তে অবিঘ্নং তু দিনেদিনে।
কেন কর্মবিপাকেন তন্মে শংসিতুমর্হসি॥ 13-219-21 (90009)
মহেশ্বর উবাচ। 13-219-22x (7521)
তদহং তে প্রবক্ষ্যামি শৃণু সর্বং সমাহিতা॥ 13-219-22 (90010)
যে পুরা মনুজা দেবি আঢ্যা বা ইতরেঽপি বা।
শ্রুতবৃত্তসমায়ুক্তা দানকামাঃ শ্রুতপ্রিয়াঃ॥ 13-219-23 (90011)
পরেঙ্গিতপরা নিত্যং দাতব্যমিতি নিশ্চিতাঃ।
সত্যসন্ধাঃ ক্ষমাশীলা লোভমোহবিবর্জিতাঃ॥ 13-219-24 (90012)
দাতারঃ পাত্রতো দানং ব্রতৈর্নিয়মসংয়ুতাঃ।
স্বদুঃখমিব সংস্মৃত্য পরদুঃখবিবর্জিতাঃ।
সৌম্যশীলাঃ শুভাচারা দেবব্রাহ্মণপূজকাঃ॥ 13-219-25 (90013)
এবংশীলসমাচারাঃ পুনর্জন্মনি শোভনে।
দিবি বা ভুবি বা দেবি জায়ন্তে কর্মভোগিনঃ॥ 13-219-26 (90014)
মানুষেষ্বপি যে জাতাস্তাদৃশাঃ সম্ভবন্তি তে।
যাদৃশাস্তু তথা প্রোক্তাঃ সর্বে কল্যাণসংয়ুতাঃ॥ 13-219-27 (90015)
রূপং দ্রব্যং বলং চায়ুর্ভোগৈশ্বর্যং বলং শ্রুতম্।
ইত্যেতৎসর্বসাদ্গুণ্যং দানাদ্ভবতি নান্যথা।
তপোদানময়ং সর্বমিতি বিদ্ধি শুভাননে॥ 13-219-28 (90016)
উমোবাচ। 13-219-29x (7522)
অথ কেচিৎপ্রদৃশ্যন্তে মানুষেষ্বেব মানুষাঃ।
দুর্গতাঃ ক্লেশভূয়িষ্ঠা দানভোগবিবর্জিতাঃ॥ 13-219-29 (90017)
ভয়ৈস্ত্রিভিঃ সমাজুষ্টা ব্যাধিক্ষুদ্ভয়সংয়ুতাঃ।
দুষ্কলত্রাভিভূতাশ্চ সততং বিঘ্নদর্শকাঃ।
কেন কর্মবিপাকেন তন্মে শংসিতুমর্হসি॥ 13-219-30 (90018)
মহেশ্বর উবাচ। 13-219-31x (7523)
যে পুরা মনুজা দেবি আসুরং ভাবমাশ্রিতাঃ।
ক্রোধলোভসমায়ুক্তা নিরন্নাদ্যাশ্চ নিষ্ক্রিয়াঃ॥ 13-219-31 (90019)
নাস্তিকাশ্চৈব ধূর্তাশ্চ মূর্খাশ্চাত্মপরায়ণাঃ।
পরোপতাপিনো দেবি প্রায়শঃ প্রাণিনির্দয়াঃ॥ 13-219-32 (90020)
এবংয়ুক্তসমাচারাঃ পুনর্জন্মনি শোভনে।
কথংচিৎপ্রাপ্য মানুষ্যং তত্র তে দুঃখপীডিতাঃ॥ 13-219-33 (90021)
সর্বতঃ সম্ভবন্ত্যেব পূর্বমাত্মপ্রমাদতঃ।
যথা তে পূর্বকথিতাস্তথা তে সম্ভবন্ত্যুত॥ 13-219-34 (90022)
শুভাশুভং কৃতং কর্ম সুখদুঃখফলোদয়ম্।
ইতি তে কথিতং দেবি ভূয়ঃ শ্রোতুং কিমিচ্ছসি॥ ॥ 13-219-35 (90023)
ইতি শ্রীমন্মহাভারতে অনুশাসনপর্বণি দানধর্মপর্বণি একোনবিংশত্যধিকদ্বিশততমোঽধ্যায়ঃ॥ 219 ॥
অনুশাসনপর্ব - অধ্যায় 220
॥ শ্রীঃ ॥
13.220. অধ্যায়ঃ 220
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ঈশ্বরেণোমাংপ্রতি অন্ধৎবপঙ্গুৎবাদিনানাদোষকারণীভূতানাং দুষ্কর্মণাং বিশিষ্য কথনম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ মম প্রীতিবিবর্ধন।
`জাত্যন্ধাশ্চৈব দৃশ্যন্তে জাতা বা নষ্টচক্ষুষঃ।
কেন কর্মবিপাকেন তন্মে শংসিতুমর্হসি॥ 13-220-1 (90024)
মহেশ্বর উবাচ। 13-220-2x (7524)
হন্ত তে কথয়িষ্যামি শৃণু কল্যাণি কারণম্॥ 13-220-2 (90025)
যে পুরা কামকারেণি পরবেশ্মসু লোলুপাঃ।
পরস্ত্রিয়োঽভিবীক্ষন্তে দুষ্টেনৈব স্বচক্ষুষাঃ॥ 13-220-3 (90026)
অন্ধীকুর্বন্তি যন্মর্ত্যান্ক্রোধলোভসমন্বিতাঃ।
লক্ষণজ্ঞাশ্চ রূপেষু অয়থাবৎপ্রদর্শকাঃ॥ 13-220-4 (90027)
এবং যুক্তসমাচারাঃ কালধর্মবশাস্তু তে।
দণ্ডিতা যমদণ্ডেন নিরয়স্থাশ্চিরং প্রিয়ে॥ 13-220-5 (90028)
যদি চেন্মানুষং জন্ম লভেরংস্তে তথাপি বা।
স্বভাবতো বা জাতা বা অন্ধা এব ভবন্তি তে।
অক্ষিরোগয়ুতা বাঽপি নাস্তি তত্র বিচারণা॥ 13-220-6 (90029)
উমোবাচ। 13-220-7x (7525)
মুখরোগয়ুতাঃ কেচিদ্দৃশ্যন্তে সততং নরাঃ।
দন্তকণ্ঠকপোলস্থৈর্ব্যাধিভির্বহুপীডিতাঃ॥ 13-220-7 (90030)
আদিপ্রভৃতি বৈ মর্ত্যা জাতা বাঽপ্যথ কারণাৎ।
কেন কর্মবিপাকেন তন্মে শংসিতুমর্হসি॥ 13-220-8 (90031)
মহেশ্বর উবাচ। 13-220-9x (7526)
হন্ত তে কথয়িষ্যামি শৃণু দেবি সমাহিতা॥ 13-220-9 (90032)
কুবক্তারস্তু যে দেবি জিহ্বয়া কটুকং ভৃশম্।
অসত্যং পরুষং ঘোরং গুরূন্প্রতি পরান্প্রতি॥ 13-220-10 (90033)
জিহ্বাবাধাং তদাঽন্যেষাং কুর্বতে কোপকারণাৎ।
প্রায়শোঽনৃতভূয়িষ্ঠা নরাঃ কার্যবশেন বা।
তেষাং জিহ্বাপ্রদেশস্থা ব্যাধয়ঃ সম্ভবন্তি তে॥ 13-220-11 (90034)
কুশ্রোতারস্তু যে চার্যং পরেষাং কর্ণনাশকাঃ।
কর্ণরোগান্বহুবিধাঁল্লভন্তে তে পুনর্ভবে॥ 13-220-12 (90035)
দন্তরোগশিরোরোগকর্ণরোগাস্তথৈব চ।
অন্যে দুঃখাশ্রিতা দোষাঃ সর্বে চাত্মকৃতং ফলম্॥ 13-220-13 (90036)
উমোবাচ। 13-220-14x (7527)
পীড্যন্তে সততং দেব মানুষেষ্বেব কেচন।
কুক্ষিপক্ষাশ্রিতৈর্দোষৈর্ব্যাধিভিশ্চোদরাশ্রিতৈঃ॥ 13-220-14 (90037)
তীক্ষ্ণিশূলৈশ্চ পীড্যন্তে নরা দুঃখপরিপ্লুতাঃ।
কেন কর্মবিপাকেন তন্মে শংসিতুমর্হসি॥ 13-220-15 (90038)
মহেশ্বর উবাচ। 13-220-16x (7528)
যে পুরা মনুজা দেবি কামক্রোধবশা ভৃশম্।
আত্মার্থমেব চাহারং ভুঞ্জন্তে নিরপেক্ষকাঃ॥ 13-220-16 (90039)
অভক্ষ্যাহারদানৈশ্চ বিশ্বস্তানাং বিষপ্রদাঃ।
অভক্ষ্যভক্ষদাশ্চৈব শৌচমঙ্গলবর্জিতাঃ॥ 13-220-17 (90040)
মাংসয়ুক্তসমাচারাঃ পুনর্জন্মনি শোভনে।
কথঞ্চিৎপ্রাপ্য মানুষ্যং তত্র তে ব্যাধিপীডিতাঃ॥ 13-220-18 (90041)
তৈস্তৈর্বহুবিধাকারৈর্ব্যাধিভির্দুঃখসংশ্রিতাঃ।
ভবন্ত্যেবং তথা দেবি যথা চৈবং তথা কৃতম্॥ 13-220-19 (90042)
উমোবাচ। 13-220-20x (7529)
দৃশ্যন্তে সততং দেব ব্যাধিভির্মেহনাশ্রিতৈঃ।
পীড্যমানাস্তথা মর্ত্যা অশ্মরীশর্করাদিভিঃ।
কেন কর্মবিপাকেন তন্মে শংসিতুমর্হসি॥ 13-220-20 (90043)
মহেশ্বর উবাচ। 13-220-21x (7530)
যে পুরা মনুজা দেবি পরদারপ্রধর্ষকাঃ।
তির্যগ্যোনিষু ধূর্তা বৈ মৈথুনার্থং চরন্তি চ॥ 13-220-21 (90044)
কামদোষেণি যে ধূর্তাঃ কন্যাসু বিধবাসু চ।
বলাৎকারেণ গচ্ছন্তি রূপদর্পসমন্বিতাঃ॥ 13-220-22 (90045)
তাদৃশা মরণং পুনর্জন্মনি শোভনে।
যদি চেন্মানুষং জন্ম লভেরংস্তে তথাবিধাঃ।
মেহনস্থৈস্তথা ঘোরৈঃ পীড্যন্তে ব্যধিভিঃ প্রিয়ে॥ 13-220-23 (90046)
উমোবাচ। 13-220-24x (7531)
ভগবন্মানুষাঃ কেচিদ্দৃশ্যন্তে শোষিণঃ কৃশাঃ।
কেন কর্মবিপাকেন তন্মে শংসিতুমর্হসি॥ 13-220-24 (90047)
মহেশ্বর উবাচ। 13-220-25x (7532)
যে পুরা মনুজা দেবি মাংসলুব্ধাঃ সুলোলুপাঃ।
আত্মার্থে স্বাদুগৃদ্ধাশ্চ পরভোগোপতাপিনঃ॥ 13-220-25 (90048)
অভ্যসূয়াশ্চোপতাপাঃ পরভোগেষু যে নরাঃ।
এবং যুক্তসমাচারাঃ পুনর্জন্মনি শোভনে॥ 13-220-26 (90049)
শেষব্যাধিয়ুতাস্তত্র নরা ধমনিসংততাঃ।
ভবন্ত্যেব নরা দেবি পাপকর্মোপভোগিনঃ॥ 13-220-27 (90050)
উমোবাচ। 13-220-28x (7533)
ভগবন্মানুষাঃ কেচিৎক্লিশ্যন্তে কণ্ঠরোগিণঃ।
কেন কর্মবিপাকেন তন্মে শংসিতুমর্হসি॥ 13-220-28 (90051)
মহেশ্বর উবাচ। 13-220-29x (7534)
যে পুরা মনুজা দেবি পরেষাং রূপনাশনাঃ।
আঘাতবধবন্ধৈশ্চ বৃথা দণ্ডেন মোহিতাঃ॥ 13-220-29 (90052)
ইষ্টনাশকরা যে তু অপথ্যাহারদা নরাঃ।
চিকিৎসকা বা দুষ্টাস্চ দ্বেষলোভসমন্বিতাঃ॥ 13-220-30 (90053)
নির্দয়াঃ প্রাণিহিংসায়াং মলদাশ্চিত্তনাশনাঃ।
এবংয়ুক্তসমাচারাঃ পুনর্জন্মনি শোভনে॥ 13-220-31 (90054)
যদি বৈ মানুষং জন্ম লভেরংস্তেষু দুঃখিতাঃ।
অত্র তে ক্লেশসংয়ুক্তাঃ কণ্ঠরোগশতৈর্বৃতাঃ॥ 13-220-32 (90055)
কেচিত্ৎবগ্দোষসংয়ুক্তা ব্রণকুষ্ঠৈশ্চ সংয়ুতাঃ।
শ্বিত্রকুষ্ঠয়ুতা বাঽপি বহুধা কৃচ্ছ্রসংয়ুতাঃ।
ভবন্ত্যেব নরা দেবি যথা তেন কৃতং ফলম্॥ 13-220-33 (90056)
উমোবাচ। 13-220-34x (7535)
ভগবন্মানুষাঃ কেচিদঙ্গহীনাশ্চ পঙ্গব।
কেন কর্মবিপাকেন তন্মে শংসিতুমর্হসি॥ 13-220-34 (90057)
মহেশ্বর উবাচ। 13-220-35x (7536)
যে পুরা মনুজা দেবি লোভমোহসমাবৃতাঃ।
প্রাণিনাং প্রাণহিংসার্থমঙ্গবিঘ্নং প্রকুর্বতে।
শস্ত্রেণোৎকৃত্য বা দেবি প্রাণিনাং চেষ্টনাশকাঃ॥ 13-220-35 (90058)
এবং যুক্তসমাচারাঃ পুনর্জন্মনি শোভনে।
তদঙ্গহীনা বৈ প্রেত্য ভবন্ত্যেব ন সংশয়ঃ।
স্বভাবতো বা জাতা বা পঙ্গবশ্চ ভবন্তি তে॥ 13-220-36 (90059)
উমোবাচ। 13-220-37x (7537)
ভগবন্মানুষাঃ কেচিদ্গ্রন্থিভিঃ পিলকৈস্তথা।
ক্লিশ্যমানাঃ প্রদৃশ্যন্তে তন্মে শংসিতুমর্হসি॥ 13-220-37 (90060)
মহেশ্বর উবাচ। 13-220-38x (7538)
যে পুরা মনুজা দেবি গ্রন্থিভেদকরা নৃণাম্।
মুষ্টিপ্রহারপরুষা নৃশংসাঃ পাপকারিণঃ।
পাটকাস্তোটকাশ্চৈব শূলতুন্নাস্তথৈব চ॥ 13-220-38 (90061)
এবংয়ুক্তসমাচারাঃ পুনর্জন্মনি শোভনে।
গ্রন্থিভিঃ পিলকৈশ্চৈব ক্লিশ্যন্তে ভৃশদুঃখিতাঃ॥ 13-220-39 (90062)
উমোবাচ। 13-220-40x (7539)
ভগবন্মানুষাঃ কেচিৎপাদরোগসমন্বিতাঃ।
দৃশ্যন্তে সততং দেব তন্মে শংসিতুমর্হসি॥ 13-220-40 (90063)
মহেশ্বর উবাচ। 13-220-41x (7540)
যে পুরা মনুজা দেবি ক্রোধলোভসমন্বিতাঃ।
মনুজা দেবতাস্থানং স্বপাদৈর্ভ্রংশয়ন্ত্যুত।
জানুভিঃ পার্ষ্ণিভিশ্চৈব প্রাণিহিংসাং প্রকুর্বতে॥ 13-220-41 (90064)
এবংয়ুক্তসমাচারাঃ পুনর্জন্মনি শোভনে।
পাদরোগৈর্বহুবিধৈর্বাধ্যন্তে বিপদাদিভিঃ॥ 13-220-42 (90065)
উমোবাচ। 13-220-43x (7541)
ভগবন্মানুষাঃ কেচিদ্দৃশ্যন্তে বহবো ভুবি।
বাতজৈঃ পিত্তজৈ রোগৈর্যুগপৎসান্নিপাতকৈঃ॥ 13-220-43 (90066)
রোগৈর্বহুবিধৈর্দেব ক্লিশ্যমানাঃ সুদুঃখিতাঃ।
অসমস্তৈঃ সমস্তৈশ্চ আঢ্যা বা দুর্গতাস্তথা।
কেন কর্মবিপাকেন তন্মে শংসিতুমর্হসি॥ 13-220-44 (90067)
মহেশ্বর উবাচ। 13-220-45x (7542)
তদহং তে প্রবক্ষ্যামি শৃণু কল্যাণি কারণম্॥ 13-220-45 (90068)
যে পুরা মনুজা দেবি ৎবাসুরং ভাবমাশ্রিতাঃ।
স্ববশাঃ কোপনপরা গুরুবিদ্বেষিণস্তথা॥ 13-220-46 (90069)
পরেষাং দুঃখজনকা মনোবাক্কায়কর্মভিঃ।
ছিন্দন্ভিন্দন্স্তুদন্নেব নিত্যং প্রাণিষু নির্দয়াঃ॥ 13-220-47 (90070)
এবংয়ুক্তসমাচারাঃ পুনর্জন্মনি শোভনে।
যদি বৈ মানুষং জন্ম লভেরংস্তে তথাবিধাঃ।
তত্র তে বহুভির্ঘোরৈস্তপ্যন্তে ব্যাধিভিঃ প্রিয়ে॥ 13-220-48 (90071)
কেচিদ্বাতাদিসংয়ুক্তাঃ কেচিৎকাসসমন্বিতাঃ।
জ্বরাতিসারতৃষ্ণাভিঃ পীড্যমানাস্তথা পরে॥ 13-220-49 (90072)
পাদগুল্মৈশ্চ বহুভিঃ শ্লেষ্মদোষসমন্বিতাঃ।
পাদরোগৈশ্চ বিবিধৈর্ব্রণকুষ্ঠভগংদরৈঃ।
আঢ্যা বা দুর্গতা বাঽপি দৃশ্যন্তে ব্যাধিপীডিতাঃ। 13-220-50 (90073)
এবমাত্মকৃতং কর্ম ভুঞ্জন্তে তত্রতত্র তে।
অভিভূতুং ন শক্যং হি কেনচিৎস্বকৃতং ফলম্।
ইতি তে কথিতং দেবি ভূয়ঃ শ্রোতুং কিমিচ্ছসি॥ ॥ 13-220-51 (90074)
ইতি শ্রীমন্মহাভারতে অনুশাসনপর্বণি দানধর্মপর্বণি বিংশত্যধিকদ্বিশততমোঽধ্যায়ঃ॥
অনুশাসনপর্ব - অধ্যায় 221
॥ শ্রীঃ ॥
13.221. অধ্যায়ঃ 221
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ঈশ্বরেণ পার্বতীংপ্রতি প্রাণিনামঙ্গবিকৃত্যনপত্যতাদিদোষহেতুভূতদুষ্কর্মপ্রতিপাদনম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ ভূতপাল নমোস্তু তে।
হ্রস্বাঙ্গাশ্চৈব বক্রাঙ্গাঃ কুব্জা বামনকাস্তথা॥ 13-221-1 (90075)
অপরে মানুষা দেব দৃশ্যন্তে কুণিবাহবঃ।
কেন কর্মবিপাকেন তন্মে শংসিতুমর্হসি॥ 13-221-2 (90076)
মহেশ্বর উবাচ। 13-221-3x (7543)
যে পুরা মনুজা দেবি লোভমোহসমন্বিতাঃ।
ধান্যমানান্বিকুর্বন্তি ক্রয়বিক্রয়কারণাৎ॥ 13-221-3 (90077)
কুলদোষং তদা দেবি ধৃতমানেষু নিত্যশঃ।
অর্ধাপকর্ষণং চৈব সর্বেষাং ক্রয়বিক্রয়ে॥ 13-221-4 (90078)
অঙ্গদোষকরা যে তু পরেষাং কোপকারণাৎ।
মাংসাদাশ্চৈব যে মূর্খা অয়থাবৎপ্রথাঃ সদা॥ 13-221-5 (90079)
এবংয়ুক্তসমাচারাঃ পুনর্জন্মনি শোভনে।
হ্রস্বাঙ্গা বামনাশ্চৈব কুব্জাশ্চৈব ভবন্তি তে॥ 13-221-6 (90080)
উমোবাচ। 13-221-7x (7544)
ভগবন্মানুষাঃ কেচিদ্দৃশ্যন্তে মানুষেষু বৈ।
উন্মত্তাশ্চ পিশাচাশ্চ পর্যটন্তো যতস্ততঃ।
কেন কর্মবিপাকেন তন্মে শংসিতুমর্হসি॥ 13-221-7 (90081)
মহেশ্বর উবাচ। 13-221-8x (7545)
যে পুরা মনুজা দেবি দর্পাহংকারসংয়ুতাঃ।
বহুধা প্রলপন্ত্যেব হসন্তি চ পরান্ভৃশম্॥ 13-221-8 (90082)
মোহয়ন্তি পরান্ভোগৈর্মদনৈর্লোভকারণাৎ।
বৃদ্ধান্গুরূংশ্চ যে মূর্খা বৃথৈবাপহসন্তি চ।
শৌণ্ডা বিদগ্ধাঃ শাস্ত্রেষু সদৈবানৃতবাদিনঃ॥ 13-221-9 (90083)
এবংয়ুক্তসমাচারাঃ পুনর্জন্মনি শোভনে।
উন্মত্তাশ্চ পিশাচাশ্চ ভবন্ত্যেব ন সংশয়ঃ॥ 13-221-10 (90084)
উমোবাচ। 13-221-11x (7546)
ভগবন্মানুষাঃ কেচিন্নিরপত্যাঃ সুদুঃখিতাঃ।
যতন্তো ন লভন্ত্যেব অপত্যানি যতস্ততঃ।
কেন কর্মবিপাকেন তন্মে শংসিতুমর্হসি॥ 13-221-11 (90085)
মহেশ্বর উবাচ। 13-221-12x (7547)
যে পুরা মনুজা দেবি সর্বপ্রাণিষু নির্দয়াঃ।
ঘ্নন্তি বালাংশ্চ ভুঞ্জন্তে মৃগাণাং পক্ষিণামপি॥ 13-221-12 (90086)
গুরুবিদ্বেষিণশ্চৈব পরপুত্রাভ্যসূয়কাঃ।
পিতৃপূজাং ন কুর্বন্তি যথোক্তাং চাষ্টকাদিভিঃ॥ 13-221-13 (90087)
এবংয়ুক্তসমাচারাঃ পুনর্জন্মনি শোভনে।
মানুষ্যং বা চিরাৎপ্রাপ্য নিরপত্যা ভবন্তি তে।
পুত্রশোকয়ুতাশ্চাপি নাস্তি তত্র বিচারণা॥ 13-221-14 (90088)
উমোবাচ। 13-221-15x (7548)
ভগবন্মানুষাঃ কেচিৎপ্রদৃশ্যন্তে সুদুঃখিতাঃ।
উদ্বেগবাসনিরতাঃ সোদ্বেগাশ্চ যতব্রতাঃ॥ 13-221-15 (90089)
নিত্যং শোকসমাবিষ্টা দুর্গতাশ্চ তথৈব চ।
কেন কর্মবিপাকেন তন্মে শংসিতুমর্হসি॥ 13-221-16 (90090)
মহেশ্বর উবাচ। 13-221-17x (7549)
যে পুরা মনুজা নিত্যমুৎক্রোশনপরায়ণাঃ।
ভীষয়ন্তি পরানিত্যং বিকুর্বন্তি তথৈব চ॥ 13-221-17 (90091)
ঋণবৃদ্ধিকরাশ্চৈব দরিদ্রেভ্যো যথেষ্টতঃ।
ঋণার্থমভিগচ্ছন্তি সততং বৃদ্ধিরূপকাঃ॥ 13-221-18 (90092)
উদ্বিজন্তে হি তান্দৃষ্ট্বা ধারকাঃ স্বার্থকারণাৎ।
অতিবৃদ্ধির্ন কর্তব্যা দরিদ্রেভ্যো যথেষ্টতঃ॥ 13-221-19 (90093)
যে শ্বভিঃ ক্রীডমানাশ্চ ত্রাসয়ন্তি বনে মৃগান্।
প্রাণিহিংসাং তথা দেবি কুর্বন্তি চ যতস্ততঃ॥ 13-221-20 (90094)
যেষাং গৃহেষু বৈ শ্বানস্ত্রাসয়ন্তি বৃথা নরান্।
এবংয়ুক্তসমাচারাঃ কালধর্মগতাঃ পুনঃ॥ 13-221-21 (90095)
পীডিতা যমদণ্ডেন নিরয়স্থাশ্চিরং প্রিয়ে।
কথঞ্চিৎপ্রাপ্য মানুষ্যং তত্র তে দুঃখসংয়ুতাঃ॥ 13-221-22 (90096)
কুদেশে দুঃখভূয়িষ্ঠে ব্যাঘাতশতসঙ্কুলে।
জায়ন্তে তত্র শোচন্তঃ সোদ্বেগাশ্চ যতস্ততঃ॥ 13-221-23 (90097)
উমোবাচ। 13-221-24x (7550)
ভগবন্মানুষাঃ কেচিদৈশ্বর্যজ্ঞানসংয়ুতাঃ।
ম্লেচ্ছভূমিষু দৃশ্যন্তে ম্লেচ্ছৈশ্বর্যসমন্বিতাঃ।
কেন কর্মবিপাকেন তন্মে শংসিতুমর্হসি॥ 13-221-24 (90098)
মহেশ্বর উবাচ। 13-221-25x (7551)
যে পুরা মনুজা দেবি ধনধান্যসমন্বিতাঃ।
অয়থাবৎপ্রয়চ্ছন্তি শ্রদ্ধাবর্জিতমেব বা॥ 13-221-25 (90099)
অপাত্রেভ্যশ্চ যে দানং শৌচমঙ্গলবর্জিতাঃ।
দদত্যেব চ যে মূর্খাঃ শ্লাঘয়াঽবজ্ঞয়াঽপি বা॥ 13-221-26 (90100)
এবংয়ুক্তসমাচারাঃ পুনর্জন্মনি শোভনে।
কুদেশে ম্লেচ্ছভূয়িষ্ঠে দুর্গমে বনসংকটে।
ম্লেচ্ছাধিপত্যং সম্প্রাপ্য জায়ন্তে তত্রতত্র বৈ॥ 13-221-27 (90101)
উমোবাচ। 13-221-28x (7552)
ভগবন্ভগনেত্রঘ্ন মানুষেষু চ কেচন।
ক্লীবা নপুংসকাশ্চৈব দৃশ্যন্তে ষণ্ডকাস্তথা॥ 13-221-28 (90102)
নীচকর্মরতা নীচা নীচসক্যাস্তথা ভুবি।
কেন কর্মবিপাকেন তন্মে শংসিতুমর্হসি॥ 13-221-29 (90103)
মহেশ্বর উবাচ। 13-221-30x (7553)
তদহং তে প্রবক্ষ্যামি শৃণু কল্যাণি কারণম্॥ 13-221-30 (90104)
যে পুরা মনুজা ভূৎবা ঘোরকর্মরতাস্তথা।
পশুপংস্ৎবোপগাতেন জীবন্তি চ রমন্তি চ॥ 13-221-31 (90105)
পুংস্ৎবোপঘাতিনশ্চৈব নরাণাং কোপকারণাৎ।
যে ধূর্তাঃ স্ত্রীষু গচ্ছন্তি অয়থাবদ্যথেষ্টতঃ॥ 13-221-32 (90106)
কামবিঘ্নকরা যে তু দ্বেষপৈশুন্যকারণাৎ।
এবংয়ুক্তসমাচারাঃ কালধর্মং গতাস্তু তে।
দণ্ডিতা যমদণ্ডেন নিরয়স্থাশ্চিরং প্রিয়ে॥ 13-221-33 (90107)
যদি চেন্মানুষং জন্ম লভেরংস্তে তথাবিধাঃ।
ক্লীবা বর্ষবরাশ্চৈব ষণ্ডকাশ্চ ভবন্তি তে॥ 13-221-34 (90108)
নীচকর্মপরা লোকে নির্লজ্জা বীতসম্ভ্রমাঃ।
পরান্দীনান্বহিষ্কৃত্য তে ভবন্তি স্বকর্মণা॥ 13-221-35 (90109)
যদি চেৎসম্প্রপশ্যেরংস্তে মুচ্যন্তে হি কল্মষাৎ।
অত্রাপি তে প্রমাদ্যেয়ুঃ পতন্তি নরকালয়ে॥ 13-221-36 (90110)
স্ত্রীণামপি তথা দেবি যথা পুংসাং তু কর্মজম্।
ইতি তে কথিতং দেবি ভূয়ঃ শ্রোতুং কিমিচ্ছসি॥ ॥ 13-221-37 (90111)
ইতি শ্রীমন্মহাভারতে অনুশাসনপর্বণি দানধর্মপর্বণি একবিংশত্যধিকদ্বিশততমোঽধ্যায়ঃ॥ 221 ॥
অনুশাসনপর্ব - অধ্যায় 222
॥ শ্রীঃ ॥
13.222. অধ্যায়ঃ 222
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণোমাংপ্রতি স্ত্রীণাং পুংশ্চলীৎবাদিদোষহেতুভূতদুষ্কর্মকথনম্॥ 1 ॥ তথা প্রাণিসাধারণ্যেন দাস্যাদিপ্রয়োজকদুষ্কর্মকথনম্॥ 2 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ শূলপাণে বৃষধ্বজ।
পুংশ্চল্য ইব যা স্ত্রীষু নীচবৃত্তিরতাঃ স্মৃতাঃ।
কেন কর্মবিপাকেন তন্মে শংসিতুমর্হসি॥ 13-222-1 (90112)
মহেশ্বর উবাচ। 13-222-2x (7554)
যাঃ পুরা মনুজা দেবি বুদ্ধিমোহসমন্বিতাঃ।
কামরাগসমায়ুক্তাঃ পতীনতিচরন্তি বৈ॥ 13-222-2 (90113)
প্রতিকূলপরা যাস্তু পতীন্প্রতি যথা তথা।
শৌচং লজ্জাং তু বিস্মৃত্য যথেষ্টপরিচারণাঃ॥ 13-222-3 (90114)
এবংয়ুক্তসমাচারা যমলোকে সুদণ্ডিতাঃ।
যদি বৈ মানুষং জন্ম লভেরংস্তাস্তথাবিধাঃ।
বহুসাধারণা এব পুংশ্চল্যশ্চ ভবন্তি তাঃ॥ 13-222-4 (90115)
পৌশ্চল্যং যত্তু তদ্বৃত্তং স্ত্রীণাং কষ্টতমং স্মৃতম্।
ততঃপ্রভৃতি তা দেবি পতন্ত্যেব ন সংশয়ঃ॥ 13-222-5 (90116)
শোচন্তি চেত্তু তদ্বৃত্তং মনসা হিতমাপ্নুয়ুঃ॥ 13-222-6 (90117)
উমোবাচ।
ভগবন্দেবদেবেশ প্রমদা বিধবা ভৃশম্। 13-222-6x (7555)
দৃশ্যন্তে মানুষা লোকে সর্বকল্যাণবর্জিতাঃ।
কেন কর্মবিপাকেন তন্মে শংসিতুমর্হসি॥ 13-222-7 (90118)
মহেশ্বর উবাচ। 13-222-8x (7556)
যাঃ পুরা মনুজা দেবি বুদ্ধিমোহসমন্বিতাঃ।
কুটুম্বং তত্র বে পত্যুর্নাশয়ন্তি বৃথা তথা॥ 13-222-8 (90119)
বিষদাশ্চাগ্নিদাশ্চৈব পতীন্প্রতি সুনির্দয়াঃ।
অন্যাসাং হি পতীন্যান্তি স্বপতিদ্বেষকারণাৎ॥ 13-222-9 (90120)
এবংয়ুক্তসমাচারা যমলোকে সুদণ্ডিতাঃ।
নিরয়স্থাশ্চিরং কালং কথংচিৎপ্রাপ্য মানুষম্।
তত্র তা ভোগরহিতা বিধবাস্তু ভবন্তি বৈ॥ 13-222-10 (90121)
উমোবাচ। 13-222-11x (7557)
ভগবন্প্রমদা লোকে পত্যৌ জ্ঞাতিষু সৎসুচ।
লিঙ্গিন্যঃ সম্প্রদৃশ্যন্তে পাষণ্ডং মতমাশ্রিতাঃ।
কেন কর্মবিপাকেন তন্মে শংসিতুমর্হসি॥ 13-222-11 (90122)
মহেশ্বর উবাচ। 13-222-12x (7558)
যাঃ পুরা ভাবদোষেণি লোভমোহসমন্বিতাঃ।
পরদ্রব্যপরা লোভাৎপরেষাং দ্রব্যহারকাঃ॥ 13-222-12 (90123)
অভ্যসূয়াপরা যাস্তু সপত্নীনাং প্রদূষকাঃ।
ঈর্ষ্যাপরাঃ কোপনাশ্চ বন্ধূনাং বিফলাঃ সদা॥ 13-222-13 (90124)
এবংয়ুক্তসমাচারাঃ পুনর্জন্মনি তাঃ স্ত্রিয়ঃ।
অলক্ষণসমায়ুক্তাঃ পাষণ্ডং ধর্মমাশ্রিতাঃ।
স্ত্রিয়ঃ প্রব্রাজশীলাশ্চ ভবন্ত্যেব ন সংশয়ঃ॥ 13-222-14 (90125)
উমোবাচ। 13-222-15x (7559)
ভগবন্মানুষাঃ কেচিৎকারুবৃত্তিসমাশ্রিতাঃ।
প্রদৃশ্যন্তে মনুষ্যেষু নীচকর্মরতাস্তথা।
কেন কর্মবিপাকেন তন্মে শংসিতুমর্হতি॥ 13-222-15 (90126)
মহেশ্বর উবাচ। 13-222-16x (7560)
যে পুরা মনুজা দেবি স্তব্ধমানয়ুতা ভৃশম্।
দর্পাহঙ্কারসংয়ুক্তাঃ কেবলাত্মপরায়ণাঃ॥ 13-222-16 (90127)
তাদৃশা মানুষা দেবি পুনর্জন্মনি শোভনে।
কাৎবো নটগন্ধর্বাঃ সম্ভবন্তি যথা তথা॥ 13-222-17 (90128)
নাপিতা বন্দিনশ্চৈব তথা বৈতালিকাঃ প্রিয়ে।
এবংভূতাস্ৎবধোবৃত্তিং জীবন্ত্যাশ্রিত্য মানবাঃ॥ 13-222-18 (90129)
পরপ্রসাধনকরাস্তে পরৈঃ কৃতবেতনাঃ।
পরাবমানস্য ফলং ভুঞ্জতে পৌর্বদৈহিকম্॥ 13-222-19 (90130)
উমোবাচ। 13-222-20x (7561)
ভগবন্দেবদেবেশ মানুষেষ্বেব কেচন।
দাসভূতাঃ প্রদৃশ্যন্তে সর্বকর্মপরা ভৃশম্॥ 13-222-20 (90131)
আঘাতভর্ৎসনসহাঃ পীড্যমানাশ্চ সর্বশঃ।
কেন কর্মবিপাকেন তন্মে শংসিতুমর্হসি॥ 13-222-21 (90132)
মহেশ্বর উবাচ। 13-222-22x (7562)
তদহং তে প্রবক্ষ্যামি শৃণু কল্যাণি কারণম্॥ 13-222-22 (90133)
যে পুরা মনুজা দেবি পরেষাং বিত্তহারকাঃ।
ঋণবৃদ্ধিকরং কৃষ্যা ন্যাসদত্তং তথৈব চ॥ 13-222-23 (90134)
নিক্ষেপকারণাদ্দত্তপরদ্রব্যাপহারিণঃ।
প্রমাদাদ্বিস্মৃতং নষ্টং পরেষাং ধনহারকাঃ॥ 13-222-24 (90135)
বধবন্ধপরিক্লেশৈর্দাসৎবং কুর্বতে পরান্।
তাদৃশা মরণং প্রাপ্তা দণ্ডিতা যমশাসনৈঃ॥ 13-222-25 (90136)
কথঞ্চিৎপ্রাপ্য মানুষ্যং তত্র তে দেবি সর্বথা।
দাসভূতা ভবিষ্যন্তি জন্মপ্রভৃতি মানবাঃ॥ 13-222-26 (90137)
তেষাং কর্মাণি কুর্বন্তি যেষাং তে ধনহারকাঃ।
আসমাপ্তেঃ স্বপাপস্য কুর্বন্তীতি বিনিশ্চয়ঃ॥ 13-222-27 (90138)
পশুভূতাস্তথা চান্যে ভবন্তি ধনহারকাঃ।
তত্তথা ক্ষীয়তে কর্ম তেষাং পূর্বাপরাধজম্।
অতোঽন্যথা ন তচ্ছক্যং কর্ম ভোক্তুং সুরাসুরৈঃ॥ 13-222-28 (90139)
কিন্তু মোক্ষবিধিস্তেষাং সর্বতা তৎপ্রসাদনম্।
অয়থাবন্মোক্ষকামঃ পুনর্জন্মনি চেষ্যতে॥ 13-222-29 (90140)
মোক্ষকামী যথান্যায়ং কুর্বন্কর্মাণি সর্বশঃ।
ভর্তুঃ প্রসাদমাকাঙ্ক্ষেদায়াসান্সর্বথা সহন্॥ 13-222-30 (90141)
প্রীতিপূর্বং তু যো ভর্ত্রা মুক্তো মুক্তঃ স্বপাপতঃ।
তথাভূতান্কর্মকরান্সদা সন্তোষয়েৎপতিঃ॥ 13-222-31 (90142)
যথার্হং কারয়েৎকর্ম দণ্ডকারণতঃ ক্ষিপেৎ।
বৃদ্ধান্বালাংস্তথা ক্ষীণান্পালয়ন্ধর্মমাপ্নুয়াৎ॥ 13-222-32 (90143)
ইতি তে কথিতং দেবি ভূয়ঃ শ্রোতুং কিমিচ্ছসি॥ ॥ 13-222-33 (90144)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বাবিংশত্যধিকদ্বিশততমোঽধ্যায়ঃ॥ 222 ॥
অনুশাসনপর্ব - অধ্যায় 223
॥ শ্রীঃ ॥
13.223. অধ্যায়ঃ 223
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পরমেশ্বরেণ পার্বতীপ্রতি প্রাণিনাং চণ্ডালৎবদরিদ্রৎবাদিপ্রাপকদুষ্কর্মপ্রতিপাদনম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্মানুষেষ্বেব মানুষাঃ সমদর্শনাঃ।
চণ্ডালা ইব দৃশ্যন্তে স্পর্শমাত্রবিদূষিতাইঃ॥ 13-223-1 (90145)
নীচকর্মরতা দেব সর্বেষাং মলহারকাঃ।
দুর্গতাঃ ক্লেশভূয়িষ্ঠা বিরূপা দুষ্টচেতসঃ।
কেন কর্মবিপাকেন তন্মে শংসিতুমর্হসি॥ 13-223-2 (90146)
মহেশ্বর উবাচ। 13-223-3x (7563)
তদহং তে প্রবক্ষ্যামি তদেকাগ্রমনাঃ শৃণু॥ 13-223-3 (90147)
যে পুরা মনুজা দেবি অতিমানয়ুতা ভৃশম্।
আত্মসম্ভাবনায়ুক্তাঃ স্তব্ধা দর্পসমন্বিতাঃ॥ 13-223-4 (90148)
প্রণামং তু ন কুর্বন্তি গুরূণামপি পামরাঃ।
যে স্বধর্মার্পণং কার্যমতিমানান্ন কুর্বতে॥ 13-223-5 (90149)
পরান্সংনাময়ন্ত্যেব আজ্ঞয়াত্মনি যে বলাৎ।
ঋদ্ধিয়োগাৎপরান্নিত্যমবমন্যন্তি মানবান্।
পানপাঃ সর্বভক্ষাশ্চ পরুষাঃ কটুকা নরাঃ॥ 13-223-6 (90150)
এবংয়ুক্তসমাচারাক দণ্ডিতা যমশাসনৈঃ।
কথংচিৎপ্রাপ্য মানুষ্যং চণ্ডালাঃ সম্ভবন্তি তে॥ 13-223-7 (90151)
নীচকর্মরতাশ্চৈব সর্বেষাং মলহারকাঃ।
পরেষাং বন্দনপরাস্তে ভবন্ত্যেব মানিনঃ॥ 13-223-8 (90152)
বিরূপাঃ পাপয়োনিস্থাঃ স্পর্শনাদিবিবর্জিতাঃ।
কুবৃত্তিমুপজীবন্তি ভুৎবা তে রজকাদয়ঃ।
পুরাঽতিমানদোষাত্তু ভুঞ্জতে স্বকৃতং ফলম্॥ 13-223-9 (90153)
তানপ্যবস্তাকৃপণাংশ্চণ্ডালানপি বুদ্ধিমান্।
ন চ নিন্দেন্নাপি কুপ্যেদ্ভুঞ্জতে স্বকৃতং ফলম্।
চণ্ডালা অপি তাং জাতিং শোচন্তঃ শুদ্ধিমাপ্নুয়ুঃ॥ 13-223-10 (90154)
উমোবাচ। 13-223-11x (7564)
ভগবন্মানুষাঃ কেচিদাশাপাশশতৈর্বৃতাঃ।
পরেষাং দ্বারি তিষ্ঠন্তি প্রতিষিদ্ধাঃ প্রবেশনে॥ 13-223-11 (90155)
দ্রষ্টুং জ্ঞাপয়িতুং চৈব ন লভন্তে চ যত্নতঃ।
কেন কর্মবিপাকেন তন্মে শংসিতুমর্হসি॥ 13-223-12 (90156)
মহেশ্বর উবাচ। 13-223-13x (7565)
যে পুরা মানুষা দেবি ঐশ্বর্যস্থানসংয়ুতাঃ।
সংবাদং তু ন কুর্বন্তি পরৈরৈশ্বর্যমোহিতাঃ॥ 13-223-13 (90157)
দ্বারাণি ন দদত্যেব লোভমোহাদিভির্বৃতাঃ।
অবস্থামোহসংয়ুক্তাঃ স্বার্থমাত্রপরায়ণাঃ॥ 13-223-14 (90158)
সর্বভোগয়ুতা বাঽপি সর্বেষাং নিষ্ফলা ভৃশম্।
অপি শক্তা ন কুর্যুস্তে পরানুগ্রহকারণাৎ॥ 13-223-15 (90159)
নির্দয়াশ্চৈব নির্দ্বারা ভোগৈশ্বর্যগতিং প্রতি।
এবংয়ুক্তসমাচারাঃ পুনর্জন্মনি শোভনে॥ 13-223-16 (90160)
যদি চেন্মানুষং জন্ম লভেরংস্তে তথাবিধাঃ।
দুর্গতা দুরবস্থাশ্চ কর্মব্যাক্ষেপসংয়ুতাঃ॥ 13-223-17 (90161)
অভিধাবন্তি তে সর্বে তমর্থমভিবেদিনঃ।
রাজ্ঞাং বা রাজমাত্রাণাং দ্বারি তিষ্ঠন্তি বারিতাঃ॥ 13-223-18 (90162)
কর্ম বিজ্ঞাপিতুং দ্রষ্টুং ন লভন্তে কথঞ্চন।
প্রবেষ্টুমপি তে দ্বারং বহিস্তিষ্ঠন্তি কাঙ্ক্ষয়া॥ 13-223-19 (90163)
উমোবাচ। 13-223-20x (7566)
ভগবন্মানুষাঃ কেচিন্মনুষ্যেষু বহুষ্বপি।
সহসা নষ্টসর্বস্বা ভ্রষ্টকোশপরিগ্রহাঃ॥ 13-223-20 (90164)
দৃশ্যন্তে মানুষাঃ কেচিদ্রাজচোরোদকাদিভিঃ।
কেন কর্মবিপাকেন তন্মে শংসিতুমর্হসি॥ 13-223-21 (90165)
মহেশ্বর উবাচ। 13-223-22x (7567)
যে পুরা মানুষা দেবি আসুরং ভাবমাশ্রিতাঃ।
পরেষাং বৃত্তিনাশং তু কুর্বতে দ্বেষলোভতঃ॥ 13-223-22 (90166)
উৎকোচনপরাশ্চৈব পিশুনাশ্চ তথাবিধাঃ।
পরদ্রব্যহরা ঘোরাশ্চৌর্যাদ্বাঽন্যেন কর্মণা॥ 13-223-23 (90167)
নির্দয়া নিরনুক্রোশাঃ পরেষাং বৃত্তিনাশকাঃ।
নাস্তিকাঽনৃতভূয়িষ্ঠাঃ পরদ্রব্যাপহারিণঃ॥ 13-223-24 (90168)
এবংয়ুক্তসমাচারা দণ্ডিতা যমশাসনৈঃ।
নিরয়স্থাশ্চিরং কালং তত্র দুঃখসমন্বিতাঃ॥ 13-223-25 (90169)
যদি চেন্মানুষং জন্ম লভেরংস্তে তথাবিধাঃ।
তত্রস্থাঃ প্রাপ্নুবন্ত্যেব সহসা দ্রব্যবাশনম্॥ 13-223-26 (90170)
কষ্টং তৎপ্রাপ্নুবন্ত্যেব কারণাকারণাদপি।
নাশং বিনাশং দ্রব্যাণামুপঘাতং চ সর্বশঃ॥ 13-223-27 (90171)
উমোবাচ। 13-223-28x (7568)
ভগবন্মানুষাঃ কেচিদ্বান্ধবৈঃ সহসা পৃথক্।
কারণাদেব সহসা সর্বেষাং প্রাণনাশনম্॥ 13-223-28 (90172)
শস্ত্রেণ বাঽন্যথা বাঽপি প্রাপ্নুবন্তি বধং নরাঃ।
কেন কর্মবিপাকেন তন্মে শংসিতুমর্হসি॥ 13-223-29 (90173)
মহেশ্বর উবাচ। 13-223-30x (7569)
যে পুরা মনুজা দেবি ঘোরকর্মরতানৃতাঃ।
আসুরাঃ প্রায়শো মূর্খাঃ প্রাণিহিংসাপ্রিয়া ভৃশং॥ 13-223-30 (90174)
নির্দয়াঃ প্রাণিহিংসায়াং তথা প্রাণিবিঘাতকাঃ।
বিশ্বস্তঘাতকাশ্চৈব তথা সুপ্তবিঘাতকাঃ।
প্রায়শোঽনৃতভূয়িষ্ঠা নাস্তিকা মাংসভোজনাঃ॥ 13-223-31 (90175)
এবংয়ুক্তসমাচারাঃ কালধর্মং গতাঃ পুনঃ।
দণ্ডিতা যমদণ্ডেন নিরয়স্থাশ্চিরং প্রিয়ে॥ 13-223-32 (90176)
তির্যগ্যোনিং পুনঃ প্রাপ্য তত্র দুঃখপরিক্ষয়াৎ।
যদি চেন্মানুপং জন্ম লভেরংস্তে তথাবিধাঃ।
তত্র তে প্রাপ্নুবন্ত্যেব বধবন্ধান্যথা তথা॥ 13-223-33 (90177)
আঢ্যা বা দুর্গতা বাঽপি ভুঞ্জতে স্বকৃতং ফলম্।
সুপ্তা মত্তাশ্চ বিশ্বস্তাস্তথা তে প্রাপ্নুবন্ত্যুত॥ 13-223-34 (90178)
প্রাণবাধকৃতং দুঃখং বান্ধবৈঃ সহসা পৃথক্।
পুত্রদারবিনাশং বা শস্ত্রেণান্যেন বা বধম্॥ 13-223-35 (90179)
উমোবাচ। 13-223-36x (7570)
ভগবন্মানুষাঃ কেচিদ্রাজনীতিবিশার দৈঃ।
দণ্ড্যন্তে মানুষে লোকে মানুষাঃ সর্বতোভয়াঃ।
কেন কর্মবিপাকেন তন্মে শংসিতুমর্হসি॥ 13-223-36 (90180)
মহেশ্বর উবাচ। 13-223-37x (7571)
যে পুরা মনুজা দেবি মানুষাংশ্চেতরাণি বা।
ক্লিষ্টঘাতেন নিঘ্নন্তি প্রাণান্প্রাণিষু নির্দয়াঃ।
আসুর ঘোরকর্মাণঃ ক্রূরদণ্ডবধপ্রিয়াঃ॥ 13-223-37 (90181)
যে দণ্ডয়ন্ত্যদণ্ড্যাংশ্চ রাজানঃ কোপমোহিতাঃ।
হিংসাহঙ্কারপরুষা মাংসাদা নাস্তিকাশুভাঃ॥ 13-223-38 (90182)
কেচিৎস্ত্রীপুরুষঘ্নাশ্চ গুরুঘ্নাশ্চ তথা প্রিয়ে।
এবংয়ুক্তসমাচারা প্রাণিধর্মং গতাঃ পুনঃ॥ 13-223-39 (90183)
দণ্ডিতা যমদণ্ডেন নিরয়স্থাশ্চিরং প্রিয়ে।
পূর্বজন্মকৃতং কর্ম ভুঞ্জতে তদিহ প্রজাঃ॥ 13-223-40 (90184)
ইহৈব যৎকর্ম কৃতং তৎপরত্র ফলত্যুত।
এষা ব্যবস্থিতির্দেবি মানুষেষ্বেব দৃশ্যতে॥ 13-223-41 (90185)
ন চর্ষীণাং ন দেবানামমৃতৎবাত্তপোবলাৎ।
তৈরেকেন শরীরেণ ভুজ্যতে কর্মণঃ ফলম্॥ 13-223-42 (90186)
ন তথা মানুষাণাং স্যাদন্তর্ধায় ভবেদ্ধি তৎ॥ 13-223-43 (90187)
উমোবাচ। 13-223-44x (7572)
কিমর্থং মানুষা লোকে দণ্ড্যন্তে পৃথিবীশ্বরৈঃ।
কৃতাপরাধমুদ্দিশ্য হন্তা হর্তাঽয়মিত্যুত॥ 13-223-44 (90188)
পুত্রার্থী পুত্রকামেষ্ট্যা ইহৈব লভতে সুতান্।
তৈরেব হি শরীরেণ ভুঞ্জন্তে কর্মণাং ফলম্॥ 13-223-45 (90189)
দৃশ্যন্তে মানুষে লোকে তদ্ভবান্নানুমন্যতে।
এতন্মে সংশয়স্থানং তন্মে ৎবং ছেত্তুমর্হসি॥ 13-223-46 (90190)
মহেশ্বর উবাচ। 13-223-47x (7573)
স্থানে সংশয়িতং দেবি তত্ৎবং শৃণু সমাহিতা।
কর্ম কর্মফলং চেতি যুগপদ্ভুবি নেষ্যতে॥ 13-223-47 (90191)
যে ৎবয়াঽভিহিতা দেবি হন্তা হর্তাঽয়মিত্যপি।
তেষাং তৎপূর্বকং কর্ম দণ্ড্যতে যত্র রাজভিঃ॥ 13-223-48 (90192)
দেবি কর্ম কৃতং চৈষাং হেতুর্ভবতি শাসনে।
অপরাধাপরেশেন রাজা দণ্ডয়তি প্রজাঃ॥ 13-223-49 (90193)
ইহ লোকে ব্যবস্থার্থং রাজভির্দণ্ডনং স্মৃতম্।
উদ্বেজনার্থং শেষাণামপরাধং তমুদ্দিশন্॥ 13-223-50 (90194)
পুরাকৃতফলং দণ্ডো দণ্ড্যমানস্য তদ্ধ্রুবম্।
প্রাগেব চ ময়া প্রোক্তং তত্র নিঃসংশয়া ভব॥ 13-223-51 (90195)
উমোবাচ। 13-223-52x (7574)
ভগবন্ভুবি মর্ত্যানাং দণ্ডিতানাং নরেশ্বরৈঃ।
দণ্ডেনৈব তু তেনেহ পাপনাশো ভবেন্ন বা। 13-223-52 (90196)
এতন্ময়া সংশয়িতং তদ্ভবাংশ্ছেত্তুমর্হতি॥ 13-223-53 (90197)
মহেশ্বর উবাচ।
স্থানে সংশয়িতং দেবি শৃণু তৎবং সমাহিতা॥ 13-223-53x (7575)
যে নৃপৈর্দণ্ডিতা ভূমাবপরাধাপদেশতঃ।
যমলোকে ন দণ্ড্যন্তে তত্র তে যমদণ্ডনৈঃ॥ 13-223-54 (90198)
অদণ্ডিতা বা যে মিথ্যা মিথ্যা বা দণ্ডিতা ভুবি।
তান্যমো দণ্ডয়ত্যেব স হি বেদ কৃতাকৃতম্।
নাতিক্রমেদ্যমং কশ্চিৎকর্ম কৃৎবেহ মানুষঃ॥ 13-223-55 (90199)
রাজা যমশ্চ কুর্বাতে দণ্ডমাত্রং তু শোভনে।
উভাভ্যাং যমরাজভ্যাং দণ্ডিতোঽদণ্ডিতোপি বা।
পশ্চাৎকর্মফলং ভুঙ্ক্তে নরকে মানুষেষু বা॥ 13-223-56 (90200)
নাস্তি কর্মফলচ্ছেত্তা কশ্চিল্লোকত্রয়েঽপি চ।
ইতি তে কথিতং সর্বং নির্বিশঙ্কা ভব প্রিয়ে॥ 13-223-57 (90201)
উমোবাচ। 13-223-58x (7576)
কিমর্থং দুষ্কৃতং কৃৎবা মানুষা ভুবি নিত্যশঃ।
পুনস্তৎকর্মনাশায় প্রায়শ্চিত্তানি কুর্বতে॥ 13-223-58 (90202)
সর্বপাপহরং চেতি হয়মেধং বদন্তি চ।
প্রায়শ্চিত্তানি চান্যানি পাপনাশায় কুর্বতে।
তস্মান্ময়া সংশয়িতং ৎবং তচ্ছেত্তুমিহার্হসি॥ 13-223-59 (90203)
মহেশ্বর উবাচ। 13-223-60x (7577)
স্থানে সংশয়িতং দেবি শৃণু তৎবং সমাহিতা।
সংশয়ো হি মহানেব পূর্বেষাং চ মনীষিণাম্॥ 13-223-60 (90204)
দ্বিধা তু ক্রিয়তে পাপং সদ্ভিশ্চাসদ্ভিরেব চ।
অভিসন্ধায় বা নিত্যমন্যথা বা যদৃচ্ছয়া॥ 13-223-61 (90205)
কেবলং চাভিসন্ধায় সংরম্ভাচ্চ করোতি যৎ।
কর্মণস্তস্য নাশস্তু ন কথংচন বিদ্যতে॥ 13-223-62 (90206)
অভিসন্ধিকৃতস্যৈব নৈব নাশোস্তি কর্মণঃ।
অশ্বমেধসহস্রৈশ্চ প্রায়শ্চিত্তশতৈরপি॥ 13-223-63 (90207)
অন্যথা যৎকৃতং পাপং প্রমাদাদ্বা যদৃচ্ছয়া।
প্রায়শ্চিত্তাশ্বমেধাব্যাং শ্রেয়সা তৎপ্রণশ্যতি॥ 13-223-64 (90208)
লোকসংব্যবহারার্থং প্রায়শ্চিত্তাদিরিষ্যতে।
বিদ্ধ্যেবং পাপকে কার্যে নির্বিশঙ্কা ভব প্রিয়ে॥ 13-223-65 (90209)
ইতি তে কথিতং দেবি ভূয়ঃ শ্রোতুং কিমিচ্ছসি॥ 13-223-66 (90210)
উমোবাচ। 13-223-67x (7578)
ভগবন্দেবদেবেশ মানুষাশ্চেতরা অপি।
ম্রিয়ন্তে মানুষা লোকে কারণাকারণাদপি।
কেন কর্মবিপাকেন তন্মে শংসিতুমর্হসি॥ 13-223-67 (90211)
মহেশ্বর উবাচ। 13-223-68x (7579)
যে পুরা মনুজা দেবি কারণাকারণাদপি।
যথাঽসুভির্বিয়ুজ্যন্তে প্রাণিনঃ প্রাণিনির্দর্যঃ॥ 13-223-68 (90212)
তথৈব তে প্রাপ্নুবন্তি যথৈবাত্মকৃতং ফলম্।
বিষদাস্তু বিষেণৈব শস্ত্রৈঃ শস্ত্রেণ ঘাতকাঃ॥ 13-223-69 (90213)
এবমেব যথা লোকে মানুষান্ঘ্নন্তি মানুষাঃ।
কারণেনৈব তেনাথ ততা স্বপ্রাণনাশনম্।
প্রাপ্নুবন্তি পুনর্দেবি নাস্তি তত্র বিচারণা॥ 13-223-70 (90214)
ইতি তে কথিতং সর্বং কর্মপাকফলং প্রিয়ে।
ভূয়স্তব সমাসেন কথয়িষ্যামি তচ্ছৃণু॥ 13-223-71 (90215)
সত্যপ্রমাণকরণান্নিত্যমব্যভিচারি চ।
যৈঃ পুরা মনুজৈর্দেবি যস্মিন্কালে যথা কৃতম্॥ 13-223-72 (90216)
যেনৈব কারণেনাপি কর্ম যত্তু শুভাশুভম্।
তস্মন্কালে তথা দেবি কারণেনৈব তেন তু॥ 13-223-73 (90217)
প্রাপ্নুবন্তি নরাঃ প্রেত্য নিঃসন্দেহং শুভাশুভম্।
ইতি সত্যং প্রজানীহি লোকে তত্র বিধিং প্রতি॥ 13-223-74 (90218)
কর্মকর্তা নরো ভোক্তা স নাস্তি দিবি বা ভুবি।
ন শক্যং কর্ম চাভোক্তুং সদেবাসুরমানুষৈঃ॥ 13-223-75 (90219)
কর্মণা গ্রথিতো লোক আদিপ্রভৃতি বর্ততে।
এতদুদ্দেশতঃ প্রোক্তং কর্মপাকফলং প্রতি॥ 13-223-76 (90220)
যদন্যচ্চ ময়া নোক্তং যস্মিংস্তে কর্মসঙ্গ্রহে।
বুদ্ধিতর্কেণ তৎসর্বং তথা বেদিতুমর্হসি।
কথিতং শ্রোতুকামায়া ভূয়ঃ শ্রোতুং কিমিচ্ছসি॥ ॥ 13-223-77 (90221)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রয়োবিংশত্যধিকদ্বিশততমোঽধ্যায়ঃ॥ 223 ॥
অনুশাসনপর্ব - অধ্যায় 224
॥ শ্রীঃ ॥
13.224. অধ্যায়ঃ 224
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পরমেশ্বরেণ পার্বতীংপ্রতি মর্ত্যামর্ত্যানাং শরীরভেদাভেদেন কর্মফলভোগোক্তিঃ॥ 1 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ লোকপালনমস্কৃত।
প্রসাদাত্তে মহাদেব শ্রুতা মে কর্মণাং গতিঃ॥ 13-224-1 (90222)
সঙ্গৃহীতং চ তৎসর্বং তৎবতোঽমৃতসংনিভম্।
কর্মণা গ্রথিতং সর্বমিতি বেদ শুভাশুভম্॥ 13-224-2 (90223)
গোবৎসবচ্চ জননীং নিম্নং সলিলবত্তথা।
কর্তারং স্বকৃতং কর্ম নিত্যং তদনুধাবতি॥ 13-224-3 (90224)
কৃতস্য কর্মণশ্চেহ নাশো নাস্তীতি নিশ্চয়ঃ।
অশুভস্য শুভস্যাপি তদপ্যুপগতং ময়া॥ 13-224-4 (90225)
ভূয় এব মহাদেব বরদ প্রীতিবর্ধন।
কর্মণাং গতিমাশ্রিত্য সংশয়ান্মোক্তুমর্হসি॥ 13-224-5 (90226)
মহেশ্বর উবাচ। 13-224-6x (7580)
যত্তে বিবক্ষিতং দেবি গুহ্যমপ্যসিতেক্ষণে।
তৎসর্বং নির্বিশংকা ৎবং পৃচ্ছ মাং শুভলক্ষণে॥ 13-224-6 (90227)
উমোবাচ। 13-224-7x (7581)
এবং ব্যবস্থিতে লোকে কর্মমাং বৃষভধ্বজ।
কৃৎবা তৎপুরুষঃ কর্ম শুভং বা যদি বেতরৎ॥ 13-224-7 (90228)
কর্মণঃ সুকৃতস্যেহ কদা ভুঙ্ক্তে ফলং পুনঃ।
ইহ বা প্রেত্য বা দেব তন্মে শংসিতুমর্হসি॥ 13-224-8 (90229)
মহেশ্বর উবাচ। 13-224-9x (7582)
স্থানে সংশয়িতং দেবি তদ্ধি গুহ্যতমং নৃষু।
ৎবৎপ্রিয়ার্থং প্রবক্ষ্যামি দেবি গুহ্যং শুভাননে॥ 13-224-9 (90230)
পূর্বদেহকৃতং কর্ম ভুঞ্জতে তদিহ প্রজাঃ।
ইহৈব যৎকৃতং পুংসাং তৎপরত্র ফলিষ্যতৈ।
এষা ব্যবস্থিতির্দেবি মানুষেষ্বেব দৃশ্যতে॥ 13-224-10 (90231)
দেবানামসুরাণাং চ অমরৎবাত্তপোবলাৎ।
একেনৈব শরীরেণ ভুজ্যতে কর্মণাং ফলম্।
মানুষৈর্ন তথা দেবি অন্তরং ৎবেতদিষ্যতে॥ ॥ 13-224-11 (90232)
ইতি শ্রীমন্মহাভারতে অনুশাসনপর্বণি দানধর্মপর্বণি চতুর্বিংসত্যধিকদ্বিশততমোঽধ্যায়ঃ॥ 224 ॥
অনুশাসনপর্ব - অধ্যায় 225
॥ শ্রীঃ ॥
13.225. অধ্যায়ঃ 225
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পার্বত্যা পরমেশ্বরংপ্রতি প্রাণিনাং শুভাশুভফলয়োর্মধ্যে কস্য পূর্বোপভোগ ইতি প্রশ্নঃ॥ 1 ॥ পরমেশ্বরেণ তাংপ্রতি সদৃষ্টান্তপ্রদর্শনং তয়োর্যৌগপদ্যেনোপভোগকথনম্॥ 2 ॥ তথা পূর্বকর্মণামল্পায়ুষ্ট্বাদিকারণৎবাভিধানম্॥ 3 ॥Mahabharata - Anushaasana Parva - Chapter Text
উমোবাচ।
ভগবন্ভগনেত্রঘ্ন মানুষাণাং বিচেষ্টিতম্।
সর্বমাত্মকৃতং চেতি শ্রুতং মে ভগবন্মতম্॥ 13-225-1 (90233)
লোকে গ্রহকৃতং সর্বং মৎবা কর্ম শুভাশুভম্।
তদেব গ্রহনক্ষত্রং প্রায়শঃ পর্যুপাসতে।
এষ মে সংশয়ো দেব তং মে ৎবং ছেত্তুমর্হসি॥ 13-225-2 (90234)
মহেশ্বর উবাচ। 13-225-3x (7583)
স্থানে সংশয়িতং দেবি শৃণু তৎববিনিশ্চয়ম্॥ 13-225-3 (90235)
নক্ষত্রাণি গ্রহাশ্চৈব শুভাশুভনিবেদকাঃ।
মানবানাং মহাভাগে ন তু কর্মকরাঃ স্বয়ম্॥ 13-225-4 (90236)
প্রজানাং তু হিতার্থায় শুভাশুভবিধিং প্রতি।
অনাগতমতিক্রান্তং জ্যোতিশ্চক্রেণ বোধ্যতে॥ 13-225-5 (90237)
কিন্তু তত্র শুভং কর্ম সুগ্রহৈস্তু নিবেদ্যতে।
দুষ্কৃতস্যাশুভৈরেব সমাবায়ো ভবেদিতি॥ 13-225-6 (90238)
তস্মাত্তু গ্রহবৈষম্যে বিষমং কুরুতে জনঃ।
গ্রহসাম্যে শুভং কুর্যাজ্জ্ঞাৎবাঽঽত্মানং তথা কৃতম্॥ 13-225-7 (90239)
কেবলং গ্রহনক্ষত্রং ন করোতি শুভাশুভম্।
সর্বমাত্মকৃতং কর্ম লোকবাদো গ্রহা ইতি॥ 13-225-8 (90240)
পৃথগ্গ্রহাঃ পৃথক্কর্তা কর্তা স্বং ভুঞ্জতে ফলম্।
ইতি তে কথিতং সর্বং বিশঙ্কাং জহি শোভনে॥ 13-225-9 (90241)
উমোবাচ। 13-225-10x (7584)
ভগবন্বিবিধং কর্ম কৃৎবা জন্তুঃ শুভাশুভম্।
কিং তয়োঃ পূর্বকতরং ভুঙ্ক্তে জন্মান্তরে পুনঃ।
এষ মে সংশয়ো দেব তং মে ৎবং ছেত্তুমর্হসি॥ 13-225-10 (90242)
মহেশ্বর উবাচ। 13-225-11x (7585)
স্থানে সংশয়িতং দেবি তত্তে বক্ষ্যামি তৎবতঃ॥
অশুভং পূর্বমিত্যাহুরপরে শুভমিত্যপি। 13-225-11 (90243)
মিথ্যা তদুভয়ং প্রোক্তং কেবলং তদ্ব্রবীমি তে॥ 13-225-12 (90244)
মানুষে তু পদে কর্ম যুগপদ্ভুজ্যতে সদা।
যথাকৃতং যথায়োগমুভয়ং ভুজ্যতে ক্রমাৎ॥ 13-225-13 (90245)
ভুঞ্জানাশ্চাপি দৃশ্যন্তে ক্রমশো ভুবি মানবাঃ।
ঋদ্ধিং হানিং সুখং দুঃখং তৎসর্বমুভয়ং ভয়ম্॥ 13-225-14 (90246)
দুঃখান্যনুভবন্ত্যাঢ্যা দরিদ্রাশ্চ সুখানি চ।
যৌগপদ্যাদ্ধি ভুঞ্জানা দৃশ্যন্তে লোকসাক্ষিকম্॥ 13-225-15 (90247)
নরকে স্বর্গলোকে চ ন তথা সংস্থিতিঃ প্রিয়ে।
নিত্যং দুঃখং হি নরকে স্বর্গে নিত্যং সুখং তথা॥ 13-225-16 (90248)
শুভাশুভানামাধিক্যং কর্মণাং তত্র সেব্যতে।
নিরন্তরং সুখং দুঃখং স্বর্গে চ নরকে ভবেৎ॥ 13-225-17 (90249)
তত্রাপি সুমহদ্ভুক্ৎবা পূর্বমল্পং পুনঃ শুভে।
এতত্তে সর্বমাখ্যাতং কিং ভূয়ঃ শ্রোতুমিচ্ছসি॥ 13-225-18 (90250)
উমোবাচ। 13-225-19x (7586)
ভগবন্প্রাণিনো লোকে ম্রিয়ন্তে কেন হেতুনা।
জাতাজাতা ন তিষ্ঠন্তি তন্মে শংসিতুমর্হসি॥ 13-225-19 (90251)
মহেশ্বর উবাচ। 13-225-20x (7587)
তদহং তে প্রবক্ষ্যামি শৃণু সত্যং সমাহিতা।
আত্মা কর্মক্ষয়াদ্দেহং যথা মুঞ্চতি তচ্ছৃণু॥ 13-225-20 (90252)
শরীরাত্মসমাহারো জন্তুরিত্যভিধীয়তে।
তত্রাত্মানং নিত্যমাহুরনিত্যং ক্ষেত্রিমুচ্যতে॥ 13-225-21 (90253)
এবং কালেন সঙ্ক্রান্তং শরীরং জর্ঝরীকৃতম্।
অকর্ময়োগ্যং সংশীর্ণং ত্যক্ৎবা দেহী ততো ব্রজেৎ॥ 13-225-22 (90254)
নিত্যস্যানিত্যসংত্যাগাল্লোকে তন্মরণং বিদুঃ।
কালং নাতিক্রমেরন্হি সদেবাসুরমানবাঃ॥ 13-225-23 (90255)
যথাঽঽকাশে ন তিষ্ঠেত দ্রব্যং কিঞ্চিদচেতনম্।
তথা ধাবতি কালোঽয়ং ক্ষণং কিঞ্চিন্ন তিষ্ঠতি॥ 13-225-24 (90256)
স পুনর্জায়তেঽন্যত্র শরীরং নবমাবিশন্।
এবংলোকগতির্নিত্যমাদিপ্রভৃতি বর্ততে॥ 13-225-25 (90257)
উমোবাচ। 13-225-26x (7588)
ভগবন্প্রাণিনো বালা দৃশ্যন্তে মরণং গতাঃ।
অতিবৃদ্ধাশ্চ জীবন্তো দৃশ্যন্তে চিরজীবিনঃ॥ 13-225-26 (90258)
কেবলং কালমরণং ন প্রমাণং মহেশ্বর।
তস্মান্মে সংশয় ব্রূহি প্রাণিনাং জীবকারণম্॥ 13-225-27 (90259)
মহেশ্বর উবাচ। 13-225-28x (7589)
শৃণু তৎকারণং দেবি নির্ণয়স্ৎবেক এব সঃ।
জীর্ণৎবমাত্রং কুরুতে কালো দেহং ন পাতয়েৎ॥ 13-225-28 (90260)
জীর্ণে কর্মণি সংঘাতঃ স্বয়মেব বিশীর্যতে।
পূর্বকর্মপ্রমাণেন জীবিতং মৃত্যুরেব বা॥ 13-225-29 (90261)
যাবৎপূর্বকৃতং কর্ম তাবজ্জীবতি মানবঃ।
তত্র কর্মবশাদ্বালা ম্রিয়ন্তে কালসংক্ষয়াৎ॥ 13-225-30 (90262)
চিরং জীবন্তি বৃদ্ধাশ্চ তথা কর্মপ্রমাণতঃ।
ইতি তে কথিতং দেবি নির্বিশঙ্কা ভব প্রিয়ে॥ 13-225-31 (90263)
উমোবাচ। 13-225-32x (7590)
ভগবন্কেন বৃত্তেন ভবন্তি চিরজীবিনঃ।
অল্পায়ুষো নরাঃ কেন তন্মে শংসিতুমর্হসি॥ 13-225-32 (90264)
মহেশ্বর উবাচ। 13-225-33x (7591)
শৃণু তৎসর্বমখিলং গুহ্যং পথ্যতরং নৃণাম্।
যেন বৃত্তেন সম্পন্না ভবন্তি চিরজীবিনঃ॥ 13-225-33 (90265)
অহিংসা সত্যবচনমক্রোধঃ ক্ষীন্তিরার্জবম্।
গুরূণাং নিত্যশুশ্রূষা বৃদ্ধানামপি পূজনম্॥ 13-225-34 (90266)
শৌচাদকার্যসংত্যাগাৎসদা পথ্যস্য ভোজনম্।
এবমাদিগুণং বৃত্তং নরাণাং দীর্ঘজীবিনাম্॥ 13-225-35 (90267)
তপসা ব্রহ্মচর্যেণ রসায়ননিষেবণাৎ।
উদগ্রসত্ৎবা বলিনো ভবন্তি চিরজীবিনঃ।
স্বর্গে বা মানুষে বাঽপি চিরং তিষ্ঠন্তি ধার্মিকাঃ 13-225-36 (90268)
অপরে পাপকর্মাণঃ প্রায়শোঽনৃতবাদিনঃ।
হিংসাপ্রিয়া গুরুদ্বিষ্টা নিষ্ক্রিয়াঃ শৌচবর্জিতাঃ॥ 13-225-37 (90269)
নাস্তিকা ঘোরকর্মাণঃ সততং মাংসপানপাঃ।
পাপাচারা গুরুদ্বিষ্টাঃ কোপনাঃ কলহপ্রিয়াঃ॥ 13-225-38 (90270)
এবমেবাশুভাচারাস্তিষ্ঠন্তি নরকে চিরম্।
তির্যগ্যোনৌ তথাঽত্যন্তমল্পাস্তিষ্ঠন্তি মানবাঃ।
তস্মাদল্পায়ুষো মর্ত্যাস্তাদৃশাঃ সম্ভবন্তি তে॥ 13-225-39 (90271)
অগম্যদেশগমনাদপথ্যানাং চ ভোজনাৎ।
আয়ুঃক্ষয়ো ভবেন্নৄণামায়ুঃক্ষয়করা হি তে॥ 13-225-40 (90272)
ভবন্ত্যল্পায়ুষস্তৈস্তৈরন্যথা চিরজীবিনঃ।
এতত্তে কথিতং সর্বং ভূয়ঃ শ্রোতুং কিমিচ্ছসি॥ ॥ 13-225-41 (90273)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চবিঁশত্যধিকদ্বিশততমোঽধ্যায়ঃ॥ 225 ॥
অনুশাসনপর্ব - অধ্যায় 226
॥ শ্রীঃ ॥
13.226. অধ্যায়ঃ 226
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পরমেশ্বরেণ পার্বতীংপ্রতি প্রাণিনাং স্ত্রীৎবপুংস্ৎবয়োঃ স্বাভাবিকৎবনিষেধেন কর্মায়ত্তৎবোক্তিঃ॥ 1 ॥ তথা সাৎবিকাদিধর্মাদিপ্রতিপাদনম্॥ 2 ॥Mahabharata - Anushaasana Parva - Chapter Text
উমোবাচ।
দেবদেব মহাদেব শ্রুতং মে ভগবন্নিদম্।
আত্মনো জাতিসম্বন্ধং ব্রূহি স্ত্রীপুরুষান্তরম্॥ 13-226-1 (90274)
স্ত্রীপ্রাণাঃ পুরুষপ্রাণা একতঃ পৃথগেব বা।
এষ মে সংশয়ো দেব তং মে ছেত্তুং ৎবমর্হসি॥ 13-226-2 (90275)
মহেশ্বর উবাচ। 13-226-3x (7592)
তদহং তে প্রবক্ষ্যামি শৃণু সর্বং সমাহিতা।
স্ত্রীৎবং পুংস্ৎবমিতি প্রাণে স্থিতির্নাস্তি শুভেক্ষণে॥ 13-226-3 (90276)
নির্বিকারঃ সদৈবাত্মা স্ত্রীৎবং পুংস্ৎবং ন চাত্মনি।
কর্মপ্রকারেণ তথা জাত্যাং জাত্যাং প্রজায়তে॥ 13-226-4 (90277)
কৃৎবা কর্ম পুমান্স্ত্রী বা স্ত্রী পুমানপি জায়তে।
স্ত্রীভাবং যৎপুমান্কৃৎবা কর্মণা প্রমদা ভবেৎ॥ 13-226-5 (90278)
উমোবাচ। 13-226-6x (7593)
ভগবন্সর্বলোকেশ কর্মাত্মা ন করোতি চেৎ।
কোঽন্যঃ কর্মকরো দেহে তন্মে ৎবং বক্তুমর্হসি॥ 13-226-6 (90279)
মহেশ্বর উবাচ। 13-226-7x (7594)
শৃণু ভামিনি কর্তারমাত্মা হি ন চ কর্মকৃৎ।
প্রকৃত্যা গুণয়ুক্তেন ক্রিয়তে কর্ম নিত্যশঃ॥ 13-226-7 (90280)
শরীরং প্রাণিনাং লোকে যথা পিত্তকফানিলৈঃ।
ব্যাপ্তমেভিস্ত্রিভির্দোষৈস্তথা ব্যাপ্তং ত্রিভির্গুণৈঃ॥ 13-226-8 (90281)
সৎবং রজস্তমশ্চৈব গুণাস্ৎবেতে শরীরিণঃ।
প্রকাশাত্মকমেতেষাং সৎবং সততমিষ্যতে॥ 13-226-9 (90282)
রজো দুঃখত্মকং তত্র তমো মোহাত্মকং স্মৃতম্।
ত্রিভিরেতৈর্গুণৈর্যুক্তং লোকে কর্ম প্রবর্ততে॥ 13-226-10 (90283)
সত্যং প্রাণিদয়া শৌচং শ্রেয়ঃ প্রীতিঃ ক্ষমা দমঃ।
এবমাদি তথাঽন্যশ্চ কর্ম সাৎবিকমুচ্যতে॥ 13-226-11 (90284)
দাক্ষ্যং কর্মপরৎবং চ লোভো মোহো বিধিং প্রতি।
কলত্রসঙ্গো মাধুর্যং নিত্যমৈশ্বর্যলুব্ধতা।
রজসশ্চোদ্ভবং চৈতৎকর্ম নানাবিধং সদা॥ 13-226-12 (90285)
অনৃতং চৈব পারুষ্যং ধৃতির্বিদ্বেষিতা ভৃশম্।
হিংসাঽসত্যং চ নাস্তিক্যং নিদ্রালস্যভয়ানি চ।
তমসশ্চোদ্ভবং চৈতৎকর্ম পাপয়ুতং তথা॥ 13-226-13 (90286)
তস্মাদ্গুণময়ঃ সর্বঃ কার্যারম্ভঃ শুভাশুভঃ।
তস্মাদাত্মানমব্যগ্রং বিদ্ধ্যকর্তারমব্যযম্॥ 13-226-14 (90287)
সাৎবিকাঃ পুণ্যলোকেষু রাজসা মানুষে পদে।
তির্যগ্যোনৌ চ নরকে তিষ্ঠেয়ুস্তামসা নরাঃ॥ 13-226-15 (90288)
উমোবাচ। 13-226-16x (7595)
কিমর্থমাত্মা ভিন্নেঽস্মিন্দেহে শস্ত্রেণ বা হতে।
স্বয়ং প্রয়াস্যতি তদা তন্মে শংসিতুমর্হসি॥ 13-226-16 (90289)
মহেশ্বর উবাচ। 13-226-17x (7596)
তদহং তে প্রক্ষ্যামি শৃণু কল্যাণি কারণম্।
এতন্নির্ণায়কৈশ্চাপি মুহ্যন্তে সূক্ষ্মবুদ্ধিভিঃ॥ 13-226-17 (90290)
কর্মক্ষয়ে তু সম্প্রাপ্তে প্রাণিনাং জন্মধারিণাম্।
উপদ্রবো ভবেদ্দেহে যেন কেনাপি হেতুনা॥ 13-226-18 (90291)
তন্নিমিত্তং শরীরী তু শরীরং প্রাপ্য সংক্ষয়ম্।
অপয়াতি পরিত্যজ্য ততঃ কর্মবশেন সঃ॥ 13-226-19 (90292)
দেহক্ষয়েপি নৈবাত্মা বেদনাভির্ন চাল্যতে।
তিষ্ঠেৎকর্মফলং যাবদ্ব্রজেৎকর্মক্ষয়ে পুনঃ॥ 13-226-20 (90293)
আদিপ্রভৃতি লোকেঽস্মিন্নেবমাত্মগতিঃ স্মৃতা।
এতত্তে কথিতং দেবি কিং ভূয়ঃ শ্রোতুমিচ্ছসি॥ ॥ 13-226-21 (90294)
ইতি শ্রীমন্মহাভারতে অনুশাসনপর্বণি দানধর্মপর্বণি ষড্বিংশত্যধিকদ্বিশততমোঽধ্যায়ঃ॥ 226 ॥
অনুশাসনপর্ব - অধ্যায় 227
॥ শ্রীঃ ॥
13.227. অধ্যায়ঃ 227
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ঈশ্বরেণোমাংপ্রতি প্রাণিনামুদ্ভিদাদিভেদেন চাতুর্বিধ্যাদিনিরূপণম্॥ 1 ॥ তথা শাস্ত্রজন্যজ্ঞানস্য শ্রেয়ঃ সাধনৎবাদ্যুক্তিঃ॥ 2 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ কর্মণৈব শুভাশুভম্।
যথায়োগং ফলং জন্তুঃ প্রাপ্নোতীতি বিনিশ্চয়ঃ॥ 13-227-1 (90295)
পরেষাং বিপ্রিয়ং কুর্বন্যথা সম্প্রাপ্নুয়াচ্ছুভম্।
যদ্যেতদস্মিংশ্চেদ্দেহে তন্মে শংসিতুমর্হসি॥ 13-227-2 (90296)
মহেশ্বর উবাচ। 13-227-3x (7597)
তদপ্যস্তি মহাভাগে অভিসন্ধিবলান্নৃণম্।
হিতার্থং দুঃখমন্যেষাং কৃৎবা সুখমবাপ্নুয়াৎ॥ 13-227-3 (90297)
দণ্ডয়ন্ভর্ৎসয়ন্রাজা জনান্পুণ্যমবাপ্নুয়াৎ।
গুরুঃ সন্তর্জয়ঞ্শিষ্যান্ভর্তা ভৃত্যজনান্স্বকান্।
উন্মার্গপ্রতিপন্নাংশ্চ শাস্তা ধর্মফলং লভেৎ॥ 13-227-4 (90298)
চিকিৎসকশ্চ দুঃখানি জনয়ন্হিতমাপ্নুয়াৎ।
যজ্ঞার্থং পশুহিংসাং চ কুর্বন্নপি ন লিপ্যতে।
এবমন্যে সুমনসো হিংসকাঃ স্বর্গমাপ্নুয়ুঃ॥ 13-227-5 (90299)
একস্মিন্নিহতে ভদ্রে বহবঃ সুখমাপ্নুয়ুঃ।
তস্মিন্হতে ভবেদ্ধর্মঃ কুত এব তু পাতকম্॥ 13-227-6 (90300)
অহিংসতেতি হৎবা তু শুদ্ধে কর্মণি গৌরবাৎ।
অভিসন্ধেরজিহ্মৎবাচ্ছুদ্ধে ধর্মস্য গৌরবাৎ।
এতৎকৃৎবা তু পাপেভ্যো ন দোষং প্রাপ্নুয়ুঃ ক্বচিৎ॥ 13-227-7 (90301)
উমোবাচ। 13-227-8x (7598)
চতুর্বিধানাং জন্তূনাং কথং জ্ঞানমিহ স্মৃতম্।
কৃত্রিমং তৎস্বভাবং বা তন্মে শংসিতুমর্হসি॥ 13-227-8 (90302)
মহেশ্বর উবাচ। 13-227-9x (7599)
স্থাবরং জঙ্গমং চৈব জগদ্দ্বিবিধমুচ্যতে।
চতস্রো যোনয়স্তত্র প্রজানাং ক্রমশো যথা॥ 13-227-9 (90303)
তেষামুদ্ভিদজা বৃক্ষা লতাবল্ল্যশ্চ বীরুধঃ।
দংশয়ূকাদয়শ্চান্যে স্বেদজাঃ ক্রিমিজাতয়ঃ॥ 13-227-10 (90304)
পক্ষিণশ্ছিদ্কর্ণাশ্চ প্রাণিনস্ৎবণ্ডজা মতাঃ।
মৃগব্যালমনুষ্যাংশ্চ বিদ্ধি তেষাং জরায়ুজান্॥ 13-227-11 (90305)
এবং চতুর্বিধাং জাতিমাত্মা সংসৃত্য তিষ্ঠতি॥ 13-227-12 (90306)
স্পর্শেনৈকেন্দ্রিয়েণাত্মা তিষ্ঠত্যুদ্ভিদজেষু বৈ।
শরীরস্পর্শরূপাভ্যাং স্বেদজেষ্বপি তিষ্ঠতি॥ 13-227-13 (90307)
পঞ্চভিশ্চেন্দ্রিয়দ্বারৈর্জীবন্ত্যণ্ডজরায়ুজাঃ॥ 13-227-14 (90308)
তথা ভূম্যম্বুসংয়োগাদ্ভবন্ত্যুদ্ভিদজাঃ প্রিয়ে।
শীকতোষ্ণয়োস্তু সংয়োগাজ্জায়ন্তে স্বেদজাঃ প্রিয়ে।
অণ্ডজাশ্চাপি জায়ন্তে সংয়োগাৎক্লেদবীজয়োঃ॥ 13-227-15 (90309)
শুক্লশোণিতসংয়োগাৎসম্ভবন্তি জরায়ুজাঃ।
জরায়ুজানাং সর্বেষাং মানুষং পদমুত্তমম্॥ 13-227-16 (90310)
অতঃপরং তমোৎপত্তিং শৃণু দেবি সমাহিতা।
দ্বিবিধং হি তমো লোকে শার্বরং দেহজং তথা॥ 13-227-17 (90311)
জোতির্ভিশ্চ তমো লোকে নাশং গচ্ছতি শার্বরম্।
দেহজং তু তমো লোকে তৈঃ সমস্তৈর্ন শাম্যতে॥ 13-227-18 (90312)
তমসস্তস্য নাশার্থং নোপায়মধিজগ্মিবান্।
তপশ্চচার বলিপুলং লোককর্তা পিতামহঃ॥ 13-227-19 (90313)
চরতস্তু সমুদ্ভূতা বেদাঃ সাঙ্গাঃ সহোত্তরাঃ।
তাঁল্লব্ধ্বা মুমুদে ব্রহ্মা লোকানাং হিতকাম্যযা।
দেহজং তু তমো ঘোরমভূত্তৈরেব নাশিতম্॥ 13-227-20 (90314)
কার্যাকার্যমিদং চেতি বাচ্যাবাচ্যমিদং ৎবিতি।
যদি চেন্ন ভবেল্লোকে শ্রুতং চারিত্রদৈশিকম্।
পসুভির্নির্বিশেষং তু চেষ্টন্তে মানুষা অপি॥ 13-227-21 (90315)
যজ্ঞাদীনাং সমারম্ভঃ শ্রুতেনৈব বিধীয়তে।
যজ্ঞস্য ফলয়োগেন দেবলোকঃ সমৃদ্ধ্যতে॥ 13-227-22 (90316)
প্রীতিয়ুক্তাঃ পুনর্দেবা মানুষাণাং ভবন্ত্যুত।
এবং নিত্যং প্রবর্ধেতে রোদসী চ পরস্পরম্॥ 13-227-23 (90317)
লোকসন্ধারণং তস্মাচ্ছ্রুতমিত্যবধারয়।
জ্ঞানাদ্বিশিষ্টং জন্তূনাং নাস্তি লোকত্রয়েঽপি চ॥ 13-227-24 (90318)
সহজং তৎপ্রধানং স্যাদপরং কৃত্রিমং স্মৃতম্।
উভয়ং যত্র সম্পন্নং ভবেত্তত্র তু শোভনম্॥ 13-227-25 (90319)
সম্প্রগৃহ্য শ্রুতং সর্বং কৃতকৃত্যো ভবত্যুত।
উপর্যুপরি মর্ত্যানাং দেববৎসম্প্রকাশতে॥ 13-227-26 (90320)
কামং ক্রোধং ভয়ং দর্পমজ্ঞানং চৈব বুদ্ধিজম্।
তচ্ছ্রুতং নুদতি ক্ষিপ্রং যথা বায়ুর্বলাহকান্॥ 13-227-27 (90321)
অল্পমাত্রং কৃতো ধর্মো ভবেজ্ঝানবতাং মহান্।
মহানপি কৃতো ধর্মো হ্যজ্ঞানান্নিষ্ফলো ভবেৎ॥ 13-227-28 (90322)
পরাবরঝো ভূতানাং জ্ঞানবাংস্তৎববিদ্ভবেৎ।
এবং শ্রুতফলং সর্বং কথিতং তে শুভক্ষণে॥ 13-227-29 (90323)
উমোবাচ। 13-227-30x (7600)
ভগবন্মানুষাঃ কেচিজ্জাতিস্মরণসংয়ুতাঃ।
কিমর্থমভিজায়ন্তে জানন্তঃ পৌর্বদৈহিকম্।
এতন্মে তৎবতো দেব মানুষেষু বদস্ব ভো॥ 13-227-30 (90324)
মহেশ্বর উবাচ। 13-227-31x (7601)
তদহং তে প্রবক্ষ্যামি শৃণু তৎবং সমাহিতা॥ 13-227-31 (90325)
যে মৃতাঃ সহসা মর্ত্যা জায়ন্তে সহসা পুনঃ।
তেষাং পৌরাণিকো বোধঃ কঞ্চিৎকালং হি তিষ্ঠতি॥ 13-227-32 (90326)
তস্মাজ্জাতিস্মরা লোকে জায়ন্তে বোধসংয়ুতাঃ।
তেষাং বিবর্ধতাং সংজ্ঞা স্বপ্নবৎসা প্রণশ্যতি।
পরলোকস্য চাস্তিৎবে মূঢানাং কারণং চ তৎ॥ 13-227-33 (90327)
উমোবাচ। 13-227-34x (7602)
ভগবন্মানুষাঃ কেচিন্মৃতা ভূৎবাঽপি সম্প্রতি।
নিবর্তমানা দৃশ্যন্তে দেহেষ্বেব পুনর্নরাঃ॥ 13-227-34 (90328)
মহেশ্বর উবাচ। 13-227-35x (7603)
তদহং তে প্রবক্ষ্যামি কারণং শৃণু শোভনে॥ 13-227-35 (90329)
প্রাণৈর্বিয়ুজ্যমানানাং বহুৎবাৎপ্রাণিনাং বধে।
তথৈব নামসামান্যাদ্যমদূতা নৃণাং প্রতি॥ 13-227-36 (90330)
বহন্তি তে ক্বচিন্মোহাদন্যং মর্ত্যং তু যামিকাঃ।
নির্বিকারং হি তৎসর্বং যমো বেদ কৃতাকৃতম্॥ 13-227-37 (90331)
তস্মাৎসংয়মনীং প্রাপ্য যমেনৈকেন মোক্ষিতাঃ।
পুনরেব নিবর্তন্তে শেষং ভোক্তুং স্বকর্মণঃ।
স্বকর্মণ্যসমাপ্তে তু নিবর্তন্তে হি মানবাঃ॥ 13-227-38 (90332)
উমোবাচ। 13-227-39x (7604)
ভগবন্সুপ্তমাত্রেণ প্রাণিনাং স্বপ্নদর্শনম্।
কিং তৎস্বভাবমন্যদ্বা তন্মে শংসিতুমর্হসি॥ 13-227-39 (90333)
মহেশ্বর উবাচ। 13-227-40x (7605)
সুপ্তানাং তু মনশ্চেষ্টা স্বপ্ন ইত্যভিধীয়তে।
অনাগতমতিক্রান্তং পশ্যতে সঞ্চরন্মনঃ॥ 13-227-40 (90334)
নিমিত্তং চ ভবেত্তস্মাৎপ্রাণিনাং স্বপ্নদর্শনম্।
এতত্তে কথিতং দেবি ভূয়ঃ শ্রোতু কিমিচ্ছসি॥ ॥ 13-227-41 (90335)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তবিংশত্যধিকদ্বিশততমোঽধ্যায়ঃ॥ 227 ॥
অনুশাসনপর্ব - অধ্যায় 228
॥ শ্রীঃ ॥
13.228. অধ্যায়ঃ 228
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পরমেশ্বরেণ পার্বতীংপ্রতি প্রাণিনাং ফলনিৎপত্তৌ দৈবপুরুষকারয়োঃ পরস্পরসাপেক্ষৎবেন সাধনৎবোক্তিঃ॥ 1 ॥ তথাঽণ্ডজরায়ুজানাং গর্ভপ্রবেশাদিপ্রকারকথনম্॥ 2 ॥Mahabharata - Anushaasana Parva - Chapter Text
উমোবাচ।
ভগবন্সর্বভূতেশ লোকে কর্মক্রিয়াপথে।
দৈবাৎপ্রবর্ততে সর্বমিতি কেচিদ্ব্যবস্থিতাঃ॥ 13-228-1 (90336)
অপরে চেষ্টয়া চেতি দৃষ্ট্বা প্রত্যক্ষতঃ ক্রিয়াম্।
পক্ষভেদে দ্বিধা চাস্মিন্সংশয়স্থং মনো মম।
তত্ৎবং বদ মহাদেব শ্রোতুং কৌতূহলং হি মে॥ 13-228-2 (90337)
মহেশ্বর উবাচ। 13-228-3x (7606)
তদহং তে প্রবক্ষ্যামি শৃণু তৎবং সমাহিতা।
তদেবং কুরুতে কর্ম লোকে দেবি শুভাশুভম্॥ 13-228-3 (90338)
লক্ষ্যতে দ্বিবিধং কর্ম মানুষেষ্বেব তচ্ছৃণু।
পুরাকৃতং তয়োরেকমৈহিকং ৎবিতরস্তথা॥ 13-228-4 (90339)
অদৃষ্টপূর্বং যৎকর্ম তদ্দৈবমিতি লক্ষ্যতে।
বিহীনং দৃষ্টকরণং তন্মানুষমিতি স্মৃতম্॥ 13-228-5 (90340)
মানুষং তু ক্রিয়ামাত্রং দৈবাৎসম্ভবতে ফলম্।
এবং তদুভয়ং কর্ম মানুষং বিদ্ধি তন্নৃষু॥ 13-228-6 (90341)
লৌকিকং তু প্রবক্ষ্যামি দৈবমানুষনির্মিতম্।
কৃষৌ তু দৃশ্যতে কর্ম কর্ষণং বপনং তথা॥ 13-228-7 (90342)
রোপণং চৈব লবনং যচ্চান্যৎপৌরুষং স্মৃতম্।
দৈবাদসিদ্ধিশ্চ ভবেদ্দুষ্কৃতং চাস্তি পৌরুষে॥ 13-228-8 (90343)
সুয়ত্নাল্লভ্যতে কীর্তির্দুর্যত্নাদয়শস্তথা।
এবং লোকগতির্দেবি আদিপ্রভৃতি বর্ততে॥ 13-228-9 (90344)
উমোবাচ। 13-228-10x (7607)
ভগবন্সর্বলোকেশ সুরাসুরনমস্কৃত।
কথমাত্মা সদা গর্ভং সংবিশেষ্কর্মকারণাৎ।
তন্মে বদ মহাদেব তদ্ধি গুহ্যং পরং মতম্॥ 13-228-10 (90345)
মহেশ্বর উবাচ। 13-228-11x (7608)
শৃণু ভামিনি তৎসর্বং গুহ্যানাং পরমং প্রিয়ে।
দেবগুহ্যাদপি পরমাত্মগুহ্যমিতি স্মৃতম্॥ 13-228-11 (90346)
দেবাসুরাস্তন্ন বিদুরাত্মনো হি গতাগতম্।
অদৃশ্যো হি সদৈবাত্মা জনৈঃ সৌক্ষ্ম্যান্নিরাশ্রয়াৎ॥ 13-228-12 (90347)
অতিমায়েতি মায়ানামাত্মমায়া সেদষ্যতে।
সোয়ং চতুর্বিধাং জাতিং সংবিশত্যাত্মমায়যা।
মৈথুনং শোণিতং বীজং দৈবমেবাত্র কারণম্॥ 13-228-13 (90348)
বীজশোণিতসংয়োগে যদা সম্ভবতে শুভে।
তদাঽঽত্মা বিশতে গর্ভমেবমণ্ডজরায়ুজে॥ 13-228-14 (90349)
এবং সংয়োগকালে তু আত্মা গর্ভৎবমেয়িবান্॥ 13-228-15 (90350)
কলিলাজ্জায়তে পিণ্ডং পিণ্ডাৎপেশ্যর্বুদং ভবেৎ।
ব্যক্তিভাবগতং চৈব কর্ম ৎবাশ্রয়তে ক্রমাৎ॥ 13-228-16 (90351)
এবং বিবর্ধমানেন কর্মাত্মা সহ বর্ধতে।
এবমাত্মগতিং বিদ্ধি যন্মাং পৃচ্ছসি সুপ্রভে॥ 13-228-17 (90352)
রোপণং চৈব লবনং যচ্চান্যৎপৌরুষং স্মৃতম্॥ 13-228-18 (90353)
কালে বৃষ্টিঃ সুবাপং চ প্ররোহঃ পক্তিরেব চ।
এবমাদি তু যচ্চান্যত্তদ্দৈবতমিতি স্মৃতম্॥ 13-228-19 (90354)
পঞ্চভূতস্থিতিশ্চৈব জ্যোতিষাময়নং তথা।
অবুদ্ধিগম্যং যন্মর্ত্যৈর্হেতুভির্বা ন বিদ্যতে॥ 13-228-20 (90355)
তাদৃশং কারণং দৈবং শুভং বা যদি বেতরৎ।
যাদৃশং চাত্মনা শক্যং তৎপৌরুষমিতি স্মৃতম্॥ 13-228-21 (90356)
কেবলং ফলনিষ্পত্তিরেকেন তু ন শক্যতে।
পৌরুষেণৈব দৈবেনি যুগপদ্গ্রথিতং প্রিয়ে।
তয়োঃ সমাহিতং কর্ম শীতোষ্ণং যুগপত্তথা॥ 13-228-22 (90357)
পৌরুষং তু তয়োঃ পূর্বমারব্ধব্যং বিজানতা।
আত্মনা তু ন শক্যং হি ন তথা কীর্তিমাপ্নুয়াৎ॥ 13-228-23 (90358)
খননান্মথনাল্লোকে জলাগ্নিপ্রাপণং যথা।
তথা পুরুষকারে তু দৈবসম্পৎসমাহিতা॥ 13-228-24 (90359)
নরস্যাকুর্বতঃ কর্ম দৈবসম্পন্ন লভ্যতে।
তস্মাৎসর্বসমারম্ভো দৈবমানুষনির্মিতঃ॥ 13-228-25 (90360)
অসুরা রাক্ষসাশ্চৈব মন্যন্তে লোকনাশনাঃ।
পশ্যন্তে ন চ তে পাপাঃ কেবলং মাংসভক্ষণাঃ॥ 13-228-26 (90361)
প্রচ্ছাদিতং হি তৎসর্বং গূঢমায়া হি দেবতাঃ।
তদহং তে প্রবক্ষ্যামি দেবি গুহ্যং পুরস্সরম্॥ 13-228-27 (90362)
আদিকালে নরাঃ সর্বে কৃৎবা কর্ম শুভাশুভম্।
ভুঞ্জতে পশ্যমানাস্তে বৃত্তান্তং লোকয়োর্দ্বয়োঃ॥ 13-228-28 (90363)
যথৈবাত্মকৃতং বিদ্যুর্দেশান্তরগতা নরাঃ।
বিদ্যুস্তথৈবান্তকালে সুকৃতং পৌর্বদৈহিকম্॥ 13-228-29 (90364)
এবং ব্যবস্থিতে লোকে সর্বে ধর্মরতাঽভবন্।
অচিরেণৈব কালেন স্বর্গঃ সম্পূরিতস্তদা॥ 13-228-30 (90365)
দেবানামপি সম্বাধং দৃষ্ট্বা ব্রহ্মাঽপ্যচিন্তয়ৎ।
সঞ্চরন্তে কথং স্বর্গং মানুষাঃ প্রবিশন্তি হি॥ 13-228-31 (90366)
ইত্যেবমনুচিন্ত্যৈব মানুষান্সমমোহয়ৎ।
তদাপ্রভৃতি তে মর্ত্যা ন বিদুস্তে পুরাকৃতম্॥ 13-228-32 (90367)
কামক্রোধৌ তু তৎকালে মানুষেষ্ববপাতয়ৎ।
তাভ্যামভিহতা মর্ত্যাঃ স্বর্গলোকং ন পেদিরে॥ 13-228-33 (90368)
পুরাকৃতস্যাবিজ্ঞানাৎকামক্রোধাভিপীডিতাঃ।
নৈতদস্তীতি মন্বানা বিকারংশ্চক্রিরে পুনঃ॥ 13-228-34 (90369)
অকার্যাদিমহাদোষানাহরন্ত্যাত্মকারণাৎ।
বিস্মৃত্য ধর্মকার্যাণি পরলোকভয়ং তদা॥ 13-228-35 (90370)
এবং ব্যবস্থিতে লোকে কশ্মলং সমপদ্যত।
লোকানাং চৈব দেবানাং ক্ষয়ায়ৈব তথা প্রিয়ে।
নরকাঃ পূরিতাশ্চাসন্প্রাণিভিঃ পাপকারিভিঃ॥ 13-228-36 (90371)
পুনরেব তু তান্দৃষ্ট্বা লোককর্তা পিতামহঃ।
অচিন্তয়ত্তমেবার্থং লোকানাং হিতকারণাৎ।
সমৎবেন কথং লোকে বর্তেতেতি মুহুর্মুহুঃ॥ 13-228-37 (90372)
চিন্তয়িৎবা তদা ব্রহ্মা জ্ঞানেন তপসা প্রিয়ে।
অকরোজ্জ্ঞানদৃশ্যং তৎপরলোকং ন চক্ষুষা॥ 13-228-38 (90373)
উমোবাচ। 13-228-39x (7609)
ভগবন্মৃতমাত্রস্তু যোয়ং জাত ইতি স্মৃতঃ।
তথৈব দৃশ্যতে জাতস্তত্রাত্মা তু কথং ভবেৎ॥ 13-228-39 (90374)
গর্ভাদাবেব সংবিষ্ট আত্মা তু ভগবন্মম।
এষ মে সংশয়ো দেব তন্মে ছেত্তুং ৎবমর্হসি॥ 13-228-40 (90375)
মহেশ্বর উবাচ। 13-228-41x (7610)
তদহং তে প্রবক্ষ্যামি শৃণু তৎবং সমাহিতা। 13-228-41 (90376)
অন্যো গর্ভগতো ভূৎবা তত্রৈব নিধনং গতঃ।
পুনরন্যচ্ছরীরং তৎপ্রবিশ্য ভুবি জায়তে।
তৎববিন্নৈব সর্বস্তু দৈবয়োগস্তু সম্ভবেৎ॥ 13-228-42 (90377)
সূতিকায়া হিতার্থং চ মোহনার্থং চ দেহিনাম্।
সমকর্মবিধানৎবাদিত্যেবং বিদ্ধি শোভনে॥ 13-228-43 (90378)
কাঙ্ক্ষমাণাস্তু নরকং ভুক্ৎবা কেচিৎপ্রয়ান্তি হি।
মায়াসংয়ামিকা নাম যজ্জন্মমরণান্তরে।
ইতি তে কথিতং দেবি ভূয়ঃ শ্রোতুং কিমিচ্ছসি॥ 13-228-44 (90379)
উমোবাচ। 13-228-45x (7611)
ভগবন্সর্বলোকেশ লোকনাথ বৃষধ্বজ।
নাস্ত্যাত্মা কর্মভোক্তেতি মৃতো জন্তুর্ন জায়তে॥ 13-228-45 (90380)
স্বভাবাজ্জায়তে সর্বং যথা বৃক্ষফলং তথা।
যথোর্ময়ঃ সম্ভবন্তি তথৈব জগদাকৃতিঃ॥ 13-228-46 (90381)
তপোদানানি যৎকর্ম তত্র তদ্দৃশ্যতে বৃথা।
নাস্তি পৌনর্ভবং জন্ম ইতি কেচিদ্ব্যবস্থিতাঃ॥ 13-228-47 (90382)
পরোক্ষবচনং শ্রুৎবা ন প্রত্যক্ষস্য দর্শনাৎ।
তৎসর্বং নাস্তিনাস্তীতি সংশয়স্থাস্তথা পরে॥ 13-228-48 (90383)
পক্ষভেদান্তরে চাস্মিংস্তৎবং মে বক্তুমর্হসি।
উক্তং ভগবতা যত্তু তত্তু লোকস্য সংস্থিতিঃ॥ 13-228-49 (90384)
প্রশ্নমেতত্তু পৃচ্ছত্যা রুদ্রাণ্যা পরিষত্তদা।
কৌতূহলয়ুতা শ্রোতুং সমাহিতমনাঽভবৎ॥ 13-228-50 (90385)
মহেশ্বর উবাচ। 13-228-51x (7612)
নৈতদস্তি মহাভাগে যদ্বদন্তীহ নাস্তিকাঃ।
এতদেবাভিশস্তানাং শ্রুতবিদ্বেষিণাং মতম্॥ 13-228-51 (90386)
সর্বমর্থং শ্রুতং দৃষ্টং যৎপ্রাগুক্তং ময়া তব।
তদাপ্রভৃতি মর্ত্যানাং শ্রুতমাশ্রিত্য পণ্ডিতাঃ॥ 13-228-52 (90387)
কামান্সংছিদ্য পরিগান্ধৃত্যা বৈ পরমাসিনা।
অভিয়ান্ত্যেব তে স্বর্গং পশ্যন্তঃ কর্মণঃ পলম্॥ 13-228-53 (90388)
এবং শ্রদ্ধাফলং লোকে পরতঃ সুমহৎফলম্।
বুদ্ধিঃ শ্রদ্ধা চ বিনয়ঃ কারণানি হিতৈষিণাম্॥ 13-228-54 (90389)
তস্মাৎস্বর্গাভিগন্তারঃ কতিচিত্ৎবভবন্নরাঃ।
অন্যে করণহীনৎবান্নাস্তিক্যং ভাবমাশ্রিতাঃ॥ 13-228-55 (90390)
শ্রুতবিদ্বেষিণো মূর্খা নাস্তিকা দৃঢনিশ্চয়াঃ।
নিষ্ক্রিয়াস্তু নিরন্নাদাঃ পতন্ত্যেবাধমাং গতিম্॥ 13-228-56 (90391)
নাস্ত্যস্তীতি পুনর্জন্ম কবয়োঽপ্যত্র মোহিতাঃ।
নাধিগচ্ছন্তি তন্নিত্যং হেতুবাদশতৈরপি॥ 13-228-57 (90392)
এষা ব্রহ্মকৃতা মায়া দুর্বিজ্ঞেয়া সুরাসুরৈঃ।
কিংপুনর্মানবৈর্লোকে জ্ঞাতুকামৈঃ কুবুদ্ধিভিঃ॥ 13-228-58 (90393)
কেবলং শ্রদ্ধয়া দেবি শ্রুতমাত্মনিবিষ্টয়া।
ততোস্তীঽত্যেব মন্তব্যং তথা হিতমবাপ্নুয়াৎ॥ 13-228-59 (90394)
দৈবগুহ্যেষু চান্যেষু হেতুর্দেবি নিরর্থকঃ।
বধিরান্ধবদেবাত্র বর্তিতব্যং হিতৈষিণা।
এতত্তে কথিতং দেবি ঋষিগুহ্যং প্রজাহিতম্॥ ॥ 13-228-60 (90395)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টাবিংশত্যধিকদ্বিশততমোঽধ্যায়ঃ॥ 228 ॥
অনুশাসনপর্ব - অধ্যায় 229
॥ শ্রীঃ ॥
13.229. অধ্যায়ঃ 229
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহাদেবেন দেবীংপ্রতি যমনগরতন্মার্গাদিপ্রতিপাদনপূর্বকং পাপিনাং যাতনানুভবপ্রকারাদিপ্রতিপাদনম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্সর্বলোকেশ ত্রিপুরার্দন শঙ্কর।
কীদৃশা যমদণ্ডাস্তে কীদৃশাঃ পরিচারকাঃ॥ 13-229-1 (90396)
কথং মৃতাস্তে গচ্ছন্তি প্রাণিনো যমসাদনম্।
কীদৃশং ভবনং তস্য কথং দণ্ডয়তি প্রজাঃ।
এতৎসর্বং মহাদেব শ্রোতুমিচ্ছাম্যহং প্রভো॥ 13-229-2 (90397)
মহেশ্বর উবাচ। 13-229-3x (7613)
শৃণু কল্যাণি তৎসর্বং যত্তে দেবি মনঃপ্রিয়ম্।
দক্ষিণস্যাং দিশি শুভে যমস্য সদনং মহৎ॥ 13-229-3 (90398)
বিচিত্রং রমণীয়ং চ নানাভাবসমন্বিতম্।
পিতৃভিঃ প্রেতসঙ্ঘৈশ্চ যমদূতৈশ্চ সন্ততম্॥ 13-229-4 (90399)
প্রাণিসঙ্ঘৈশ্চ বহুভিঃ কর্মবশ্যৈশ্চ পূরিতম্।
তত্রাস্তে দণ্ডয়ন্নিত্যং যমো লোকহিতে রতঃ॥ 13-229-5 (90400)
মায়যা সততং বেত্তি প্রাণিনাং যচ্ছুভাশুভম্।
মায়যা সংহরংস্তত্র প্রাণিসঙ্ঘান্যতস্ততঃ॥ 13-229-6 (90401)
তস্য মায়াময়াঃ পাশা ন বেদ্যন্তে সুরাসুরৈঃ।
কো হি মানুষমাত্রস্তু দেবস্য চরিতং মহৎ॥ 13-229-7 (90402)
এবং সংবসতস্তস্য যমস্য পরিচারকাঃ।
গৃহীৎবা সন্নয়ন্ত্যেব প্রাণিনঃ ক্ষীণকর্মণঃ।
যন কেনাপদেশেন ৎবপদেশসমুদ্ভবাঃ॥ 13-229-8 (90403)
কর্মণা প্রাণিনো লোকে উত্তমাধমমধ্যমাঃ।
যথার্হং তান্সমাদায় নয়ন্তি যমসাদনম্॥ 13-229-9 (90404)
ধার্মিকানুত্তমান্বিদ্ধি স্বর্গিণস্তে যথাঽমরাঃ।
ত্রিষু জন্ম লভন্তে যে কর্মণা মধ্যমাঃ স্মৃতাঃ।
তির্যঙনরকগন্তারো হ্যধমাস্তে নরাধমাঃ॥ 13-229-10 (90405)
পন্থানস্ত্রিবিধা দৃষ্টাঃ সর্বেষাং গতজীবিনাম্।
রমণীয়ং নিরাবাধং দুর্দর্শমিতি নামতঃ॥ 13-229-11 (90406)
রমণীয়ং তু যন্মার্গং পতাকাধ্বজসঙ্কুলম্।
ধূপিতং সিক্তসংমৃষ্টং পুষ্পমালাভিসঙ্কুলম্॥ 13-229-12 (90407)
মনোহরং সুখস্পর্শং গচ্ছতামেব তদ্ভবেৎ।
নিরাবাধং যথালোকং সুপ্রশস্তং কৃতং ভবেৎ॥ 13-229-13 (90408)
তৃতীয়ং যত্তু দুর্দর্শং দুর্গন্ধি তমসা বৃতম্।
পরুষং শর্করাকীর্ণং শ্বদংষ্ট্রাবহুলং ভৃশম্।
কিমিকীটসমাকীর্ণং ভজতামতিদুর্গমম্॥ 13-229-14 (90409)
মার্গৈরেবং ত্রিভির্নিত্যমুত্তমাধমমধ্যমান্।
সন্নয়ন্তি যথা কালে তন্মে শৃণু শুচিস্মিতে॥ 13-229-15 (90410)
উত্তমানন্তকালে তু যমদূতাঃ সুসংবৃতাঃ।
নয়ন্তি সুখমাদায় রমণীয়পথেন বৈ॥ 13-229-16 (90411)
উমোবাচ। 13-229-17x (7614)
ভগবংস্তত্র চাত্মানং ত্যক্তদেহং নিরাশ্রয়ম্।
অদৃশ্যং কথমাদায় সন্নয়ন্তি যমান্তিকম্॥ 13-229-17 (90412)
মহেশ্বর উবাচ। 13-229-18x (7615)
শৃণু ভামিনি তৎস্রবং ত্রিবিধং দেহকারণম্।
কর্মবশ্যং ভোগবশ্যং দুঃখবশ্যমিতি প্রিয়ে॥ 13-229-18 (90413)
মানুষং কর্মবশ্যং স্যাদ্দ্বিতীয়ং ভোগসাধনম্।
তৃতীয়ং যাতনাবশ্যং শরীরং মায়যা কৃতম্।
যমলোকে ন চান্যত্র দৃশ্যতে যাতনায়ুতম্॥ 13-229-19 (90414)
শরীরৈর্যাতনাবশ্যৈর্জীবানামুচ্য ভামিনি।
নয়ন্তি যামিকাস্তত্র প্রাণিনো মায়যা মৃতান্॥ 13-229-20 (90415)
মধ্যমান্যোধবেষেণ মধ্যমেন পথা তথা॥ 13-229-21 (90416)
চণ্ডালবেষাস্ৎবধমান্গৃহীৎবা ভর্ৎসতর্জনৈঃ।
আকর্ষন্তস্তথা পাশৈর্দুর্দর্শেন নয়ন্তি তান্॥ 13-229-22 (90417)
ত্রিবিধানেবমাদায় নয়ন্তি যমসাদনম্।
ধর্মাসনগতং দক্ষং ভ্রাজমানং স্বতেজসা॥ 13-229-23 (90418)
লোকপালং সহাধ্যক্ষং তথৈব পরিষদ্গতম্।
দর্শয়ন্তি মহাভাগে যামিকাস্তং নিবেদ্য তে॥
পূজয়ন্দণ্ডয়ন্কাংশ্চিত্তেষাং শৃণ্বঞ্শুভাশুভম্।
ব্যাহৃতো বহুসাহস্রৈস্তত্রাস্তে সততং যমঃ॥ 13-229-24 (90419)
গতানাং তু যমস্তেষামুত্তমানভিপূজয়া।
অভিসঙ্গৃহ্য বিধিবৎপৃষ্ট্বা স্বাগতকৌশলম্।
প্রস্তুত্য তৎকৃতং তেষাং লোকং সংদিশতে যমঃ॥ 13-229-26 (90420)
যমেনৈবমনুজ্ঞাতা যান্তি পশ্চাত্ত্রিবিষ্টপম্॥ 13-229-27 (90421)
মধ্যমানাং যমস্তেষাং শ্রুৎবা কর্ম যথাতথম্।
জায়ন্তাং মানুষেষ্বেব ইতি সংদিশতে চ তান্॥ 13-229-28 (90422)
অধমান্পাশসংয়ুক্তান্যমো নাবেক্ষতে গতান্।
যমস্য পুরুষা ঘোরাশ্চণ্ডালসমদর্শনাঃ।
যাতনাঃ প্রাপয়ন্ত্যেতাঁল্লোকপালস্য শাসনাৎ॥ 13-229-29 (90423)
ভিন্দন্তশ্চ তুদন্তশ্চ প্রকর্ষন্তো যতস্ততঃ।
ক্রোশন্তঃ পাতয়ন্ত্যেতান্মিথো গর্তেষ্ববাঙ্মুখান্॥ 13-229-30 (90424)
সংয়ামিন্যঃ শিলাস্তেষাং পতন্তি শিরসি প্রিয়ে।
অয়োমুখাঃ কঙ্কবলা ভক্ষয়ন্তি সুদারুণাঃ॥ 13-229-31 (90425)
অসিপত্রবনে ঘোরে চারয়ন্তি তথা পরান্।
তীক্ষ্ণদংষ্ট্রাস্তথা শ্বানঃ কাংশ্চিত্তত্র হ্যদন্তি বৈ॥ 13-229-32 (90426)
তত্র বৈতরণী নাম নদী গ্রাহসমাকুলা।
দুষ্প্রবেশা চ ঘোরা চ মূত্রশোণিতবাহিনী।
তস্যাং সম্মজ্জয়ন্ত্যেতে তৃষিতান্পায়যন্তি তান্॥ 13-229-33 (90427)
আরোপয়ন্তি বৈ কাংশ্চিত্তত্র কণ্টকশল্মলীম্।
যন্ত্রচক্রেষু তিলবৎপীড্যন্তে তত্র কেচন॥ 13-229-34 (90428)
অঙ্গরেষু চ দহ্যন্তে তথা দুষ্কৃতকারিণঃ।
কুম্ভীপাকেষু পচ্যন্তে পচ্যন্তে সিকতাসু বৈ॥ 13-229-35 (90429)
পাট্যন্তে তরুবচ্ছস্ত্রৈঃ পাপিনঃ ক্রকচাদিভিঃ।
ভিদ্যন্তে ভাগশঃ শূলৈস্তুদ্যন্তে সূক্ষ্মসূচিভিঃ॥ 13-229-36 (90430)
এবং ৎবয়া কৃতং দোষং তদর্থং দণ্ডনং ৎবিতি।
বাচৈব ঘোষয়ন্তি স্ম দণ্ডমানাঃ সমন্ততঃ॥ 13-229-37 (90431)
এবং তে যাতনাং প্রাপ্য শরীরৈর্যাতনাশয়ৈঃ।
প্রসহন্তশ্চ তদ্দুঃখং স্মরন্তঃ স্বাপরাধজম্॥ 13-229-38 (90432)
ক্রোশন্তশ্চ রুদ্রন্তশ্চ ন মুচ্যন্তে কথঞ্চন।
স্মরন্তস্তত্র তপ্যন্তে পাপমাত্মকৃতং ভৃশম্॥ 13-229-39 (90433)
এবং বহুবিধা দণ্ডা ভুজ্যন্তে পাপকারিভিঃ।
যাতনাভিশ্চ পচ্যন্তে নরকেষু পুনঃ পুনঃ॥ 13-229-40 (90434)
অপরে যাতনাং ভুক্ৎবা মুচ্যন্তে তত্র কিল্বিষাৎ।
পাপদোষক্ষয়করা যাতনাঃ সংস্মৃতা নৃণাম্।
বহুতপ্তং যথা লোহমমলং তত্তথা ভবেৎ॥ ॥ 13-229-41 (90435)
ইতি শ্রীমন্মহাভারতে অনুশাসনপর্বণি দানধর্মপর্বণি একোনত্রিংশদধিকদ্বিশততমোঽধ্যায়ঃ॥ 229 ॥
অনুশাসনপর্ব - অধ্যায় 230
॥ শ্রীঃ ॥
13.230. অধ্যায়ঃ 230
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পরমেশ্বরেণ পার্বতীংপ্রতি রৌরবাদিনরকবিভজনপূর্বকং প্রাণিনাং দুষ্কৃততারতম্যেন তেষু যাতনানুভবপ্রকারকথনম্॥ 1 ॥ তথা যাতনানুভবানন্তরং কর্মশেষফলতয়া নানানীচয়োনিপ্রাপ্ত্যাদিকথনম্॥ 2 ॥Mahabharata - Anushaasana Parva - Chapter Text
উমোবাচ।
ভগবংস্তে কথং তত্র দণ্ড্যন্তে নরকেষু বৈ।
কতি তে নরকা ঘোরাঃ কীদৃশাস্তে মহেশ্বর॥ 13-230-1 (90436)
মহেশ্বর উবাচ। 13-230-2x (7616)
শৃণু ভামিনি তৎসর্বং পঞ্চৈতে নরকাঃ স্মৃতাঃ।
ভূমেরধস্তাদ্বিহিতা ঘোরা দুষ্কৃতকর্মণাম্॥ 13-230-2 (90437)
প্রথমং রৌরবং নাম শতয়োজনমায়তম্।
তাবৎপ্রমাণবিস্তীর্ণং তামসং পাপপীডিতম্॥ 13-230-3 (90438)
ভৃশং দুর্গন্ধি পরুষং ক্রিমিভির্দারুণৈর্বৃতম্।
অতিঘোরমনির্দেশ্যং প্রতিকূলং ততস্ততঃ॥ 13-230-4 (90439)
তে চিরং তত্র তিষ্ঠন্তি ন তত্র শয়নাসনে।
ক্রিমিভির্ভক্ষ্যমাণাশ্চ বিষ্ঠাগন্ধসমায়ুতাঃ॥ 13-230-5 (90440)
এবংপ্রমাণমুদ্বিগ্না যাবত্তিষ্ঠন্তি তত্র তে।
যাতনাভ্যো দশগুণং নরকে দুঃখমিষ্যতে॥ 13-230-6 (90441)
তত্র চাত্যন্তিকং দুঃখমিষ্যতে চ শুভেক্ষণে
ক্রোশন্তশ্চ রুদ্রন্তশ্চ বেদনাস্তত্রি ভুঞ্জতে॥ 13-230-7 (90442)
ভ্রমন্তি দুঃখমোক্ষার্থং জ্ঞাতা কশ্চিন্ন বিদ্যতে।
দুঃখস্যান্তরমাত্রং তু জ্ঞানং বা ন চ লভ্যতে॥ 13-230-8 (90443)
মহারৌরবসংজ্ঞং তু দ্বিতীয়ং নরকং প্রিয়ে।
তস্মাদ্দ্বিগুণিতং বিদ্ধি মানে দুঃখে চ রৌরবাৎ॥ 13-230-9 (90444)
তৃতীয়ং নরকং তত্র কণ্টিকাবনসংজ্ঞিতম্।
ততো দ্বিগুণিতং তচ্চ পূর্বাভ্যাং দুঃখমানয়োঃ।
মহাপাতকসংয়ুক্তা ঘোরাস্তস্মিন্বিশন্তি হি॥ 13-230-10 (90445)
অগ্নিকুণ্ডমিতি খ্যাতং চতুর্থং নরকং প্রিয়ে।
এতদ্দ্বিগুণিতং তস্মাদ্যথানিষ্টসুখং তথা॥ 13-230-11 (90446)
ততো দুঃখং হি সুমহদমানুষমিতি স্মৃতম্।
ভুঞ্জতে তত্রতত্রৈব দুঃখং দুষ্কৃতকারিণঃ॥ 13-230-12 (90447)
তত্র দুঃখমনির্দেশ্যং বহদ্ধোরং যথা তথা।
পঞ্চেন্দ্রিয়ৈরসম্বাধাৎপঞ্চকষ্টমিতি স্মৃতম্।
ভুঞ্জতে তত্রতত্রৈব দুঃখং দুষ্কৃতকারিণঃ॥ 13-230-13 (90448)
অমানুষার্হজং দুঃখং মহাভূতৈশ্চ ভুঞ্জতে।
অতিঘোরং চিরং কৃৎবা মহাভূতানি যান্তি তম্॥ 13-230-14 (90449)
পঞ্চ্ কষ্টেন হি সমং নাস্তি দুঃখং তথা পরম্।
দুঃখস্থানমিতি প্রাহুঃ পঞ্চকষ্টমিতি প্রিয়ে॥ 13-230-15 (90450)
এবং ৎবেতেষু তিষ্ঠন্তি প্রাণিনোঃ দুঃখভাগিনঃ।
অন্যে চ নরকাঃ সন্তি অবীচিপ্রমুখাঃ প্রিয়ে॥ 13-230-16 (90451)
ক্রোশন্তশ্চ রুদন্তশ্চ বেদনর্তা ভৃশাতুরাঃ।
কেচিদ্ভমন্তশ্চেষ্টন্তে কেচিদ্ধাবন্তি চাতুরাঃ॥ 13-230-17 (90452)
আধাবন্তো নিবার্যন্তে শূলহস্তৈর্যতস্ততঃ।
রুজার্দিতাস্তৃষায়ুক্তাঃ প্রাণিনঃ পাপকারিণঃ॥ 13-230-18 (90453)
যাবৎপূর্বকৃতং তাবন্ন মুচ্যন্তে কথঞ্চন।
ক্রিমিভির্ভক্ষ্যমাণাশ্চ বেদনার্তাস্তৃষান্বিতাঃ॥ 13-230-19 (90454)
সংস্মরন্তঃ স্বকং পাপং কৃতমাত্মাপরাধজম্।
শোচন্তস্তত্র তিষ্ঠন্তি যাবৎপাপক্ষয়ং প্রিয়ে।
এবং ভুক্ৎবা তু নরকং মুচ্যন্তে পাপসংক্ষয়াৎ॥ 13-230-20 (90455)
উমোবাচ। 13-230-21x (7617)
ভগবন্কতিকালং তে তিষ্ঠন্তি নরকেষু বৈ॥ 13-230-21 (90456)
মহেশ্বর উবাচ। 13-230-22x (7618)
শতবর্ষসহস্রাণামাদিং কৃৎবা হি জন্তবঃ। 13-230-22 (90457)
তিষ্ঠন্তি নরকাবাসাঃ প্রলয়ান্তমিতি স্থিতিঃ॥ 13-230-22 (90458)
উমোবাচ। 13-230-23x (7619)
ভগবংস্তেষু কে তত্র তিষ্ঠন্তীতি বদ প্রভো॥ 13-230-23 (90459)
মহেশ্বর উবাচ। 13-230-24x (7620)
রৌরবে শতসাহস্রং বর্ষাণামিতি সংস্থিতিঃ। 13-230-24 (90460)
মানুষঘ্নাঃ কৃতঘ্নাশ্চ তথৈবানৃতবাদিনঃ॥ 13-230-24 (90461)
দ্বিতীয়ে দ্বিগুণং কালং পচ্যন্তে তাদৃশা নরাঃ।
মহাপাতকয়ুক্তাস্তু তৃতীয়ে দুঃখমাপ্নুয়ুঃ॥ 13-230-25 (90462)
এতাবন্মানুষসহং পরমন্যেষু লক্ষ্যতে॥ 13-230-26 (90463)
যক্ষা বিদ্যাধরাশ্চৈব কাদ্রবেয়াশ্চ কিংনরাঃ।
গন্ধর্বভূতসঙ্ঘাশ্চ তেষাং পাপয়ুতা ভৃশম্।
চতুর্থে পরিপচ্যন্তে তাদৃশা নরকাঃ স্মৃতাঃ॥
চতুর্থে পরিতপ্যন্তে যাবদ্যুগবিপর্যযঃ। 13-230-27 (90464)
সহন্তস্তাদৃশং ঘোরং পঞ্চকষ্টে তু যাদৃশম্।
তত্রাস্য চিরদুঃখস্য হ্যধোন্যান্বিদ্ধি মানুষান্॥ 13-230-28 (90465)
এবং তে নরকান্ভুক্ৎবা তত্র ক্ষপিতকল্মষাঃ।
নরকেভ্যো বিমুক্তাশ্চ জায়ন্তে কৃমিজাতিষু॥ 13-230-29 (90466)
উদ্ভেদজেষু বা কেচিদত্রাপি ক্ষীণকল্মষাঃ।
পুনরেব প্রজায়ন্তে মৃগপক্ষিষু শোভনে।
মৃগপক্ষিষু তদ্ভুক্ৎবা লভন্তে মানুষং পদম্॥ 13-230-30 (90467)
উমোবাচ। 13-230-31x (7621)
নানাজাতিষু কেনৈব জায়ন্তে পাপকারিণঃ॥ 13-230-31 (90468)
মহেশ্বর উবাচ। 13-230-32x (7622)
তদহং তে প্রবক্ষ্যামি যত্ৎবমিচ্ছসি শোভনে।
সর্বদাঽঽত্মা কর্মবশো নানাজাতিষু জায়তে॥ 13-230-32 (90469)
যশ্চ মাংসপ্রিয়ো নিত্যং কাকগৃধ্নান্স সংস্পৃশেৎ।
সুরাপঃ সততং মর্ত্যঃ সূকরৎবং ব্রজেদ্ভুবম্॥ 13-230-33 (90470)
অভক্ষ্যভক্ষণো মর্ত্যঃ কাকজাতিষু জায়তে।
আত্মঘ্নো যো নরঃ কোপাৎপ্রেতজাতিসু তিষ্ঠতি॥ 13-230-34 (90471)
পৈশুন্যাৎপরিবাদাচ্চ কুক্কুটৎবমবাপ্নুয়াৎ।
নাস্তিকশ্চৈব যো মূর্খো মৃগজাতিং স গচ্ছতি॥ 13-230-35 (90472)
হিংসাবিহারস্তু নরঃ ক্রিমিকীটেষু জায়তে।
অতিমানয়ুতো নিত্যং প্রেত্য গর্দভতাং ব্রজেৎ॥ 13-230-36 (90473)
অগম্যাগমনাচ্চৈব পরদারনিষেবণাৎ।
মূষিকৎবং ব্রজেন্মর্ত্যো নাস্তি তত্র বিচারণা॥ 13-230-37 (90474)
কৃতঘ্নো মিত্রঘাতী চ সৃগালবৃকজাতিষু।
কৃতঘ্নঃ পুত্রঘাতী চ স্থাবরেষ্বথ তিষ্ঠতি॥ 13-230-38 (90475)
এবমাদ্যশুভং কৃৎবা নরা নিরয়গামিনঃ।
তাংস্তান্ভাবান্প্রপদ্যন্তে স্বকৃতস্যৈব কারণাৎ॥ 13-230-39 (90476)
এবংজাতিষু নির্দেশ্যাঃ প্রাণিনঃ পাপকারিণঃ।
কথংচিৎপুনরুৎপদ্যি লভন্তে মানুষং পদম্॥ 13-230-40 (90477)
বহুশশ্চাগ্নিসঙ্ক্রান্তং লোহং শুচিময়ং তথা।
বহুদুঃখাভিসন্তপ্তস্তথাঽঽত্মা শোধ্যতে বলাৎ।
তস্মাৎসুদুর্লভং চেতি বিদ্ধি জন্মসু মানুষম্॥ ॥ 13-230-41 (90478)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিংশদধিকদ্বিশততমোঽধ্যায়ঃ॥ 230 ॥
অনুশাসনপর্ব - অধ্যায় 231
॥ শ্রীঃ ॥
13.231. অধ্যায়ঃ 231
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পরমেশ্বরেণ পার্বতীংপ্রতি শুভাশুভকর্মণাং মানসিকৎবাদিভেদেন ত্রৈবিধ্যকথনপূর্বকং তত্তৎফলনিরূপণম্॥ 1 ॥ তথা মদ্যোৎপত্তিকারণাদিকথনপূর্বকং তৎপানজদোষাদিপ্রতিপাদনম্॥ 2 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ শূলপাণে বৃষধ্বজ।
শ্রুতং মে পরমং গুহ্যং প্রসাদাত্তে বরপ্রদ॥ 13-231-1 (90479)
শ্রোতুং ভূয়োঽহমিচ্ছামি প্রজানাং হিতকারণাৎ।
শুভাশুভমিতি প্রোক্তং কর্ম স্বস্বং সমাসতঃ॥ 13-231-2 (90480)
তন্মে বিস্তরতো ব্রূহি শুভাশুভবিধইং প্রতি।
অশুভং কীদৃশং কর্ম প্রাণিনো যন্নিপাতয়েৎ॥ 13-231-3 (90481)
শুভং বাপি কথং দেব প্রজানামূর্ধ্বদং ভবেৎ।
এতন্মে বদ দেবেশ শ্রোতুকামাঽস্মি কীর্তয়॥ 13-231-4 (90482)
মহেশ্বর উবাচ। 13-231-5x (7623)
তদহং তে প্রবক্ষ্যামি তৎসর্বং শৃণু শোভনে।
সুকৃতং দুষ্কৃতং চেতি দ্বিবিধং কর্মবিস্তরম্॥ 13-231-5 (90483)
তয়োর্যদ্দুষ্কৃতং কর্ম তচ্চ সঞ্জায়তে ত্রিধা।
মনসা কর্মণা বাচা বুদ্ধিমোহসমুদ্ভবাৎ॥ 13-231-6 (90484)
মনঃপূর্বং তু বা কর্ম বর্ততে বাঙ্ময়ং ততঃ।
জায়তে বৈ ক্রিয়ায়োগমনু চেষ্টাক্রমঃ প্রিয়ে॥ 13-231-7 (90485)
অভিদ্রোহোঽভ্যসূয়া চ পরার্থেষু চ বৈ স্পৃহা।
শুভাশুভানাং মর্ত্যানাং বর্তনং পরিবারিতম্॥ 13-231-8 (90486)
ধর্মকার্যে যদাঽশ্রদ্ধা পাপকর্মণি হর্ষণম্।
এবমাদ্যশুভং কর্ম মনসা পাপমুচ্যতে॥ 13-231-9 (90487)
অনৃতং যচ্চ পরুষমবদ্ধবচনং কটু।
অসত্যং পরিবাদশ্চ পাপমেতত্তু বাঙ্ময়ম্॥ 13-231-10 (90488)
অগম্যাগমনং চৈব পরদারনিষেবণম্।
বধবন্ধপরিক্লেশৈঃ পরপ্রাণোপতাপনম্॥ 13-231-11 (90489)
চৌর্যং পরেষাং দ্রব্যাণাং হরণং নাশনং তথা।
অভক্ষ্যভক্ষণং চৈব ব্যসনেষ্ববিষঙ্গতা॥ 13-231-12 (90490)
দর্পাৎস্তম্ভাভিমানাচ্চ পরেষামুপতাপনম্।
অকার্যাণাং চ করণমশৌচং পানসেবনম্॥ 13-231-13 (90491)
দৌঃশীল্যং পাপসম্পর্কে সাহায়্যং পাপকর্মণি।
অধর্ম্যময়শস্যং চ কার্যং তস্য নিষেবণম্।
এবমাদ্যশুভং চান্যচ্ছারীরং পাপমুচ্যতে॥ 13-231-14 (90492)
মানসাদ্বাঙ্ময়ং পাপং বিশিষ্টমিতি লক্ষ্যতে।
বাঙ্ময়াদপি বৈ পাপাচ্ছারীরং গণ্যতে বহু॥ 13-231-15 (90493)
এবং পাপয়ুতং কর্ম ত্রিবিধং পাতয়েন্নরম্।
পরাপকারজননমত্যন্তং পাতকং স্মৃতম্॥ 13-231-16 (90494)
ত্রিবিধং তৎকৃতং পাপং কর্তারং পাপকং নয়েৎ।
পাতকং চাপি যৎকর্ম কর্মণা বুদ্ধিপূর্বকম্॥ 13-231-17 (90495)
সাপদেশমবশ্যং তৎকর্তব্যমিতি তৎকৃতম্।
কথঞ্চিত্তৎকৃতমপি কর্তা তেন স লিপ্যতে॥ 13-231-18 (90496)
অবশ্যং পাপদেশেন প্রতিহৃন্যেত কারণম্॥ 13-231-19 (90497)
উমোবাচ। 13-231-20x (7624)
ভগবন্পাপকং কর্ম যথা কৃৎবা ন লিপ্যতে॥ 13-231-20 (90498)
মহেশ্বর উবাচ। 13-231-21x (7625)
যো নরোঽনপরাধী চ স্বাত্মপ্রাণস্য রক্ষণাৎ।
শত্রুমুদ্যতশস্ত্রং বা পূর্বং তেন হতোপি বা।
প্রতিহন্যান্নরো হিংস্যান্ন স পাপেন লিপ্যতে॥ 13-231-21 (90499)
চোরাদধিকসংত্রস্তস্তৎপ্রতীকারচেষ্টয়া।
যঃ প্রজঘ্নন্নরো হন্যান্ন স পাপেন লিপ্যতে॥ 13-231-22 (90500)
গ্রামার্থং ভর্তৃপিণ্ডার্থং দীনানুগ্রহকারণাৎ।
বধবন্ধপরিক্লেশান্কুর্বন্পাপাৎপ্রমুচ্যতে॥ 13-231-23 (90501)
দুর্ভিক্ষে চাত্মবৃত্ত্যর্থমেকায়তনগস্তথা।
অকার্যং বাঽপ্যভক্ষ্যং বা কৃৎবা পপান্ন লিপ্যতে 13-231-24 (90502)
বিধিরেষ গৃহস্থানাং প্রায়েণৈবোপদিশ্যতে।
অবাচ্যং বাঽপ্যকার্যং বা দেশকালবশেন তু॥ 13-231-25 (90503)
বুদ্ধিপূর্ব নরঃ কুর্বস্তৎপ্রয়োজনমাত্রয়া।
কিঞ্চিদ্বা লিপ্যতে পাপৈরথবা ন চ লিপ্যতে॥ 13-231-26 (90504)
এবং দেবি বিজানীহি নাস্তি তত্র বিচারণা॥ 13-231-27 (90505)
উমোবাচ। 13-231-28x (7626)
ভগবন্পানদোষাংশ্চ পেয়াপেয়ৎবকারণম্।
এতদিচ্ছাম্যহং শ্রোতুং তন্মে বদ মহেশ্বর॥ 13-231-28 (90506)
মহেশ্বর উবাচ। 13-231-29x (7627)
হন্ত তে কথয়িষ্যামি পানোৎপত্তিং শুচিস্মিতে॥ 13-231-29 (90507)
পুরা সর্বেঽভবন্মর্ত্যা বুদ্ধিমন্তো নয়ানুগাঃ।
শুচয়শ্চ শুভাচারাঃ সর্বে চোন্মনসঃ প্রিয়ে॥ 13-231-30 (90508)
এবংভূতে তদা লোকে প্রেষ্যকৃন্ন পরস্পরম্।
প্রেষ্যাবাবান্মনুষ্যাণাং কর্মারম্ভো ননাশ হ॥ 13-231-31 (90509)
উভয়োর্লোকয়োর্নাশং দৃষ্ট্বা কর্মক্ষয়াৎপ্রভুঃ।
যজ্ঞকর্ম কথং লোকে বর্তেতেতি পিতামহঃ॥ 13-231-32 (90510)
আজ্ঞাপয়ৎসুরান্দেবি মোহয়স্বেতি মানুষান্।
তমসঃ সারমুদ্ধৃত্য পানং বুদ্ধিপ্রণাশনম্ই।
ন্যপাতয়ন্মনুষ্যেষু পাপদোষাবহং প্রিয়ে॥ 13-231-33 (90511)
তদাপ্রভৃতি তৎপানান্মুমুহুর্মানবা ভুবি।
কার্যাকার্যমজানন্তো বাচ্যাবাচ্যং গুণাগুণম্॥ 13-231-34 (90512)
কেচিদ্ধসন্তি তৎপীৎবা প্রবদন্তি তথা পরে।
নৃত্যন্তি মুদিতাঃ কেচিদ্গায়ন্তি শুভাশুভান্। 13-231-35 (90513)
কলিং তে কুর্বতেঽভীষ্টং প্রহরন্তি পরস্পরম্।
ক্বচিদ্ধাবন্তি সহসা প্রস্খলন্তি পতন্তি চ॥ 13-231-36 (90514)
অয়ুক্তং বহু ভাষন্তে যত্র ক্বচন শোভনে।
নগ্না বিক্ষিপ্য গাত্রাণি নষ্টজ্ঞানা ইবাসতে॥ 13-231-37 (90515)
এবং বহুবিধান্ভাবান্কুর্বন্তি ভ্রান্তচেতনাঃ।
যে পিবন্তি মহামোহং পানং পাপয়ুতা নরাঃ॥ 13-231-38 (90516)
ধৃতিং লজ্জাং চ বুদ্ধিং চ পানং পীতং প্রণাশয়েৎ।
তস্মান্নরাঃ সম্ভবন্তি নির্লজ্জা নিরপত্রপাঃ॥ 13-231-39 (90517)
বুদ্ধিসৎবৈঃ পরিক্ষীণাস্তেজোহীনা মলান্বিতাঃ।
পীৎবাপীৎবা তৃষায়ুক্তাঃ পানপাঃ সম্ভবন্তি চ॥ 13-231-40 (90518)
পানকামাঃ পানকথাঃ পানকালাভিকাঙ্ক্ষিণঃ।
পানার্থং কর্মবশ্যাস্তে সম্ভবন্তি নরাধমাঃ॥ 13-231-41 (90519)
পানকামাস্তৃষায়োগাদ্বুদ্ধিসৎবপরিক্ষয়াৎ।
পানদানাং প্রেষ্যকারাঃ পানপাঃ সহসাঽভবন্॥ 13-231-42 (90520)
তদাপ্রভৃতি বৈ লোকে দীনৈঃ পানবশৈর্নরৈঃ।
কারয়ন্তি চ কর্মাণি বুদ্ধিমন্তস্তু পানপাঃ॥ 13-231-43 (90521)
কারুৎবমথ দাসৎবং প্রেষ্যতামেত্য পানপাঃ।
সর্বকর্মকরাশ্চাসন্পশুবদ্রজ্জুবন্ধিতাঃ॥ 13-231-44 (90522)
পানপস্তু সুরাং পীৎবা তদা বুদ্ধিপ্রণাশনাৎ।
কার্যাকার্যস্য চাজ্ঞানাদ্যথেষ্টকরণাৎস্বয়ম্।
বিদুষামবিধেয়ৎবাৎপাপমেবাভিপদ্যতে॥ 13-231-45 (90523)
পরিভূতো ভবেল্লোকে মদ্যপো মিত্রভেদকঃ।
সর্বকালমশুদ্ধিং চ সর্বভক্ষস্তথা ভবেৎ॥ 13-231-46 (90524)
বিনষ্টো জ্ঞাতিবিদ্বদ্ভ্যঃ সততং কলিভাবগঃ।
পরুষং কটুকং ঘোরং বাক্যং বদতি সর্বশঃ॥ 13-231-47 (90525)
গুরূনতিবদেন্মত্তঃ পরদারান্প্রধর্ষয়েৎ।
সংবিদং কুরুতে শৌণ্ডের্ন শৃণোতি হিতং ক্বচিৎ॥ 13-231-48 (90526)
এবং বহুবিধা দোষাঃ পানপে সন্তি শোভনে।
কেবলং নরকং যান্তি নাস্তি তত্র বিচারণা।
তস্মাত্তদ্বর্জিতং সদ্ভিঃ পানমাত্মহিতৈষিভিঃ॥ 13-231-49 (90527)
যদি পানং ন বর্জেরন্সন্তশ্চারিত্রকারণাৎ।
ভবেদেতজ্জগৎসর্বমমর্যাদং চ নিষ্ক্রিয়ম্॥ 13-231-50 (90528)
তস্মাদ্বুদ্ধের্হি রক্ষার্থং সদ্ভিঃ পানং বিবর্জিতম্।
ইতি তে দুষ্কৃতং সর্বং কথিতং ত্রিবিধং প্রিয়ে॥ ॥ 13-231-51 (90529)
ইতি শ্রীমন্মহাভারতে অনুশাসনপর্বণি দানধর্মপর্বণি একত্রিংশদধিকদ্বিশততমোঽদ্যায়ঃ॥ 231 ॥
Mahabharata - Anushaasana Parva - Chapter Footnotes
7-231-47 বিনষ্টো জ্ঞানবিদ্বদ্ভ্য ইতি ঙ.থ.পাঠঃ॥অনুশাসনপর্ব - অধ্যায় 232
॥ শ্রীঃ ॥
13.232. অধ্যায়ঃ 232
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পরমেশ্বরেণি পার্বতীংপ্রতি সুকৃতস্য ত্রেধা বিভজনেন তল্লক্ষণাদিকথনম্॥ 1 ॥Mahabharata - Anushaasana Parva - Chapter Text
মহেশ্বর উবাচ।
বিধানং সুকৃতস্যাপি ভূয়ঃ শৃণু শুচিস্মিতে।
প্রোচ্যতে তত্ত্রিধা দেবি সুকৃতং চ সমাসতঃ॥ 13-232-1 (90530)
যদৌপরমিকং চৈব সুকৃতং নিরুপদ্রবম্।
তথৈব সোপকরণং তাবতা সুকৃতং বিদুঃ॥ 13-232-2 (90531)
নিবৃত্তিঃ পাপকর্মভ্যস্তদৌপরমিকং প্রিয়ে।
মনোবাক্কায়জা দোষাঃ শৃণু মে বর্জনাচ্ছুভম্॥ 13-232-3 (90532)
ত্রৈবিধ্যদোষোপরমে যস্তু দোষব্যপেক্ষয়া।
স হি প্রাপ্নোতি সকলং সর্বদুষ্কৃতবর্জনাৎ॥ 13-232-4 (90533)
প্রথমং বর্জয়েদ্দোষান্যুগপৎপৃথগেব বা।
তথা ধর্মমবাপ্নোতি দোষত্যাগো হি দুষ্করঃ।
দোষসাকল্যসংত্যাগান্মুনির্ভবতি মানবঃ॥ 13-232-5 (90534)
সৌকর্যং পস্য ধর্মস্য কার্যারম্ভাদৃতেঽপি চ।
আত্মা চ লব্ধোপরমো লভন্তে সুকৃতং পরম্॥ 13-232-6 (90535)
অহো নৃশংসাঃ পচ্যন্তে মানুষাঃ স্বল্পবুদ্ধয়ঃ।
এতাদৃশং ন বুধ্যন্তে আত্মাধীনং ন নির্ব্যথাঃ॥ 13-232-7 (90536)
দুষ্কৃতত্যাগমাত্রেণ পদমূর্ধ্বং হি লভ্যতে॥ 13-232-8 (90537)
পাপভীরুৎবমাত্রেণ দোষাণাং পরিবর্জনাৎ।
সুশোভনো ভবেদ্দেবি ক্রজুর্ধর্মব্যপেক্ষয়া।
ইত্যৌপরমিকং দেবি কথিতং সুকৃতং তব॥ 13-232-9 (90538)
শ্রুৎবা চ বৃদ্ধসংয়োগাদিন্দ্রিয়াণাং চ নিগ্রহাৎ।
সন্তোষাচ্চ ধৃতেশ্চৈব শক্যতে দোষবর্জনম্॥ 13-232-10 (90539)
তদেব ধর্মমিত্যাহুর্দোষসংয়মনং প্রিয়ে।
যমধর্মেণ ধর্মোস্তি নান্যঃ শুভতরঃ প্রিয়ে।
যমধর্মেণ যতয়ঃ প্রাপ্নুবন্ত্যুত্তমাং গতিম্॥ 13-232-11 (90540)
ঈশ্বরাণাং প্রভবতাং দরিদ্রাণাং চ বৈ নৃণাম্।
সফলো দোষসংত্যাগো দানাদপি শুভাদপি॥ 13-232-12 (90541)
তপো দানং মহাদেবি দোষমল্পং হি নির্ভরেৎ।
সুকৃতং যামিকং চোক্তং বক্ষ্যে নিরুপসাধনম্॥ 13-232-13 (90542)
সুখাভিসন্ধির্লোকানাং সত্যং শৌচমথার্জবম্।
ব্রতোপবাসঃ প্রীতিশ্চ ব্রহ্মচর্যং দমঃ শমঃ॥ 13-232-14 (90543)
এবমাদি শুভং কর্ম সুকৃতং নিয়মাশ্রিতম্।
শৃণু তেষাং বিশেষাংশ্চ কীর্তয়িষ্যামি ভামিনি॥ 13-232-15 (90544)
সত্যং স্বর্গস্য সোপানং পারাবারস্য নৌরিব।
নাস্তি সত্যাৎপরং দানং নাস্তি সত্যাৎপরং তপঃ॥ 13-232-16 (90545)
যথা শ্রুতং যথা দৃষ্টমাত্মনা যদ্যথা কৃতম্।
তথা তস্যাবিকারেণ বচনং সত্যলক্ষণম্॥ 13-232-17 (90546)
যচ্ছলেনাভিসংয়ুক্তং সত্যরূপং মৃষৈব তৎ।
সত্যমেব প্রবক্তব্যং পারাবর্যং বিজানতা॥ 13-232-18 (90547)
দীর্ঘায়ুশ্চ ভবেৎসত্যাৎকুলসন্তানপালকঃ।
লোকসংস্থিতিপালশ্চ ভবেৎসত্যেন মানবঃ॥ 13-232-19 (90548)
উমোবাচ। 13-232-20x (7628)
কথং সন্ধারয়ন্মর্ত্যো ব্রতং শুভমবাপ্নুয়াৎ॥ 13-232-20 (90549)
মহেশ্বর উবাচ। 13-232-21x (7629)
পূর্বমুক্তং তু যৎপাপং মনোবাক্কায়কর্মভিঃ।
ব্রতবত্তস্য সংত্যাগস্তপোব্রতমিতি স্মৃতম্॥ 13-232-21 (90550)
ত্যাজ্যং বা যদি বা জোষ্যমব্রতেনি বৃথা চরন্।
তথা ফলং ন লভতে তস্মাদ্ধর্মং বৃথা চরেৎ॥ 13-232-22 (90551)
শুদ্ধকায়ো নরো ভূৎবা স্নাৎবা তীর্থ যথাবিধি।
পঞ্চভূতানি চন্দ্রার্কৌ সংধ্যে ধর্ময়মৌ পিতৄন্॥ 13-232-23 (90552)
আত্মনৈব তথাঽঽত্মানং নিবেদ্য ব্রতবচ্চরেৎ।
ব্রতমামরণাদ্বাঽপি কালচ্ছেদেন বা হরেৎ॥ 13-232-24 (90553)
শাকাদিষু ব্রতং কুর্যাত্তথা পুষ্পফলাদিষু।
ব্রহ্মচর্যব্রতং কুর্যাদুপবাসব্রতং তথা॥ 13-232-25 (90554)
এবমন্যেষু বহুষু ব্রতং কার্যং হিতৈষিণা।
ব্রতভঙ্গো যথা ন স্যাদ্রক্ষিতব্যং তথা বুধৈঃ।
ব্রতভঙ্গে মহৎপাপমিতি বিদ্ধি শুভেক্ষণে॥ 13-232-26 (90555)
ঔষধার্থং যদজ্ঞানাদ্গুরূণাং বচনাদপি।
অনুগ্রহার্থং বন্ধূনাং ব্রতভঙ্গো ন দুষ্যতে॥ 13-232-27 (90556)
ব্রতাপবর্গকালে তু দৈবব্রাহ্মণপূজনম্।
নরেণ তু যথা বিদ্ধি কার্যসিদ্ধিং যথাঽঽপ্তুয়াৎ॥ 13-232-28 (90557)
উমোবাচ। 13-232-29x (7630)
কথং শৌচবিধিস্তত্র তন্মে শংসিতুমর্হসি॥ 13-232-29 (90558)
মহেশ্বর উবাচ। 13-232-30x (7631)
বাহ্মমাভ্যন্তরং চেতি দ্বিবিধং শৌচমিষ্যতে।
মানসং সুকৃতং যত্তচ্ছৌচমাভ্যন্তরং স্মৃতম্॥ 13-232-30 (90559)
সদাঽঽহারবিশুদ্ধিশ্চ কায়প্রক্ষালনং চ যৎ।
বাহ্যশৌচং ভবেদেতত্তথৈবাচমনাদিনা॥ 13-232-31 (90560)
মৃচ্চৈব শুদ্ধদেশস্থা গোশকৃন্মূত্রমেব চ।
দ্রব্যাণি গন্ধয়ুক্তানি যানি পুষ্টিকরাণি চ।
এতৈঃ সম্মার্জয়েৎকায়মম্ভসা চ পুনঃ পুনঃ॥ 13-232-32 (90561)
অক্ষোভ্যং যৎপ্রকীর্ণং চ নিত্যস্রোতং চ যজ্জলম্।
প্রায়শস্তাদৃশে মজ্জেদন্যথা চ বিবর্জয়েৎ॥ 13-232-33 (90562)
ত্রিস্ত্রিরাচমনং শ্রেষ্ঠং নিষ্ফেনৈর্নির্মলৈর্জলৈঃ।
তথা বিণ্মূত্রয়োঃ শুদ্ধিরদ্ভির্বহুমৃদা ভবেৎ।
তথৈব জলসংশুদ্ধির্যৎসংশুদ্ধং তু সংস্পৃশেৎ॥ 13-232-34 (90563)
শকৃতা ভূমিশুদ্ধিঃ স্যাল্লৌহানাং ভস্মনা স্মৃতম্।
তক্ষণং ঘর্ষণং চৈব দারবাণাং বিশোধনম্॥ 13-232-35 (90564)
দহনং মৃণ্ময়ানাং চ মর্ত্যানাং কৃচ্ছ্রধারণম্।
শেষাণাং দেবি সর্বেষামাতপেন জলেন চ।
ব্রাহ্মণানাং চ বাক্যেন সদা সংশোধনং ভবেৎ॥ 13-232-36 (90565)
অদৃষ্টমদ্ভির্নির্ণিক্তং যচ্চ বাচা প্রশস্যতে।
এবমাপদি সংশুদ্ধিরেবং শৌচং বিধীয়তে। 13-232-37 (90566)
উমোবাচ। 13-232-38x (7632)
আহারশুদ্ধিস্তু কথং দেবদেব মহেশ্বর॥ 13-232-38 (90567)
মহেশ্বর উবাচ। 13-232-39x (7633)
অমাংসমদ্যমক্লেদ্যমপর্যুষিতমেব চ।
অতিকট্বম্ললবণহনং চ শুভগন্ধি চ॥ 13-232-39 (90568)
ক্রিমিকেশমলৈর্হীনং সংবৃতং শুদ্ধদর্শম্।
এবংবিধং সদাহার্যং দেবব্রাহ্মণসাৎকৃতম্॥ 13-232-40 (90569)
শ্রুতমিত্যেব তজ্জ্ঞেয়মন্যথা মন্যসেঽশুভম্।
গ্রাম্যাদারণ্যকৈঃ সিদ্ধং শ্রেষ্ঠমিত্যবধারয়॥ 13-232-41 (90570)
অতিমাত্রগৃহীতাত্তু অল্পদত্তং ভবেচ্ছুচি।
যজ্ঞশেষং হবিঃশেষং পিতৃশেষং চ নির্মলম্।
ইতি তে কথিতং দেবি ভূয়ঃ কিং শ্রোতুমিচ্ছসি॥ ॥ 13-232-42 (90571)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বাত্রিংশদধিকদ্বিশততমোঽধ্যায়ঃ॥ 232 ॥
অনুশাসনপর্ব - অধ্যায় 233
॥ শ্রীঃ ॥
13.233. অধ্যায়ঃ 233
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণোমাংপ্রতি মাংসভক্ষণাভক্ষণয়োর্দোষগুণকথনম্॥ 1 ॥ গুরুপ্রশংসনপূর্বকং তৎপূজাদিফলকথনম্॥ 2 ॥ তথা তীর্থস্নানোপবাসাদিফলকথনম্॥ 3 ॥Mahabharata - Anushaasana Parva - Chapter Text
উমোবাচ।
ভক্ষয়ন্ত্যপরে মাংসং বর্জয়ন্ত্যপরে বিভো।
তন্মে বদ মহাদেব ভক্ষ্যাভক্ষ্যবিনির্ণয়ম্॥ 13-233-1 (90572)
মহেশ্বর উবাচ। 13-233-2x (7634)
মাংসস্য ভক্ষণে দোষো যশ্চাস্যাভক্ষণে গুণঃ।
তদহং কীর্তয়িষ্যামি তন্নিবোধ যথাতথম্॥ 13-233-2 (90573)
ইষ্টং দত্তমধীতং চ ক্রতবশ্চ সদক্ষিণাঃ।
অমাংসভক্ষণস্যৈব কলাং নার্হন্তি ষোডশীম্॥ 13-233-3 (90574)
আত্মার্থং যঃ পরপ্রাণান্হিস্যাৎস্বাদুফলেপ্সয়া।
ব্যালগৃধ্রসৃগালৈশ্চ রাক্ষসৈশ্চ সমস্তু সঃ॥ 13-233-4 (90575)
যো বৃথা নিত্যমাংসাশী স পুমানধমো ভবেৎ।
ততঃ কষ্টতরং নাস্তি স্বয়মাহৃত্য ভক্ষণাৎ॥ 13-233-5 (90576)
স্বমাংসং পরমাংসেন যো বর্ধয়িতুমিচ্ছতি।
উদ্বিগ্নবাসং লভতে যত্রয়ত্রত্রোপজায়তে॥ 13-233-6 (90577)
সংছেদনং স্বমাংসস্য যথা সঞ্জনয়েদ্রুজম্।
তথৈব পরমাংসেঽপি বেদিতব্যং বিজানতা॥ 13-233-7 (90578)
যস্তু সর্বাণি মাংসানি যাবজ্জীবং ন ভক্ষয়েৎ।
স স্বর্গে বিপুলং স্থানং লভতে নাত্র সংশয়ঃ॥ 13-233-8 (90579)
যত্তু বর্ষশতং পূর্ণং তপ্যতে পরমং তপঃ।
যচ্চাপি বর্জয়েন্মাংসং সমমেতন্ন বা সমম্॥ 13-233-9 (90580)
ন হি প্রাণৈঃ প্রিয়তমং লোকে কিঞ্চন বিদ্যতে।
তস্মাৎপ্রাণিদয়া কার্যা যথাত্মনি তথা পরে॥ 13-233-10 (90581)
সর্বে যজ্ঞা ন তৎকুর্যুঃ সর্বে দেবাশ্চ ভামিনি।
যো মাংসরসমাস্বাদ্য পুনর্মাসং বিবর্জয়েৎ॥ 13-233-11 (90582)
ইত্যেবং মুনয়ঃ প্রাহুর্মাংসস্যাভক্ষণে গুণাঃ।
এবং বহুগুণং দেবি নৃণাং মাংসবিবর্জনম্॥ 13-233-12 (90583)
ন শক্নুয়াদ্যদাঽতীয় ত্যক্তং মাংসং কথঞ্চন।
পুণ্যং তন্মাসমাত্রং বা বর্জনীয়ং বিশেষতঃ॥ 13-233-13 (90584)
ন শক্নুয়াদপি তথা কৌমুদীমাসমেব চ।
জন্মনক্ষত্রতিথিষু সদা পর্বসু রাত্রিষু।
বর্জনীয়ং তথা মাংসং পরত্রি হিতমিচ্ছতা। 13-233-14 (90585)
অশক্তঃ কারণান্মর্ত্যো ভোক্তুমিচ্ছেদ্বিধিং শৃণু।
অনেনি খাদন্বিধিনা কলুষেণ ন লিপ্যতে॥ 13-233-15 (90586)
সূনায়াং চ গতপ্রাণান্ক্রীৎবা ন্যায়েন ভামিনি।
ব্রাহ্মণাতিথিপূজার্থং ভোক্তব্যং হিতমিচ্ছতা॥ 13-233-16 (90587)
ভৈষজ্যকারণাদ্ব্যাধৌ খাদন্পাপৈর্ন লিপ্যতে।
পিতৃশেষং তথৈবাশ্নন্মাংসং নাশুভমৃচ্ছতি॥ 13-233-17 (90588)
উমোবাচ। 13-233-18x (7635)
গুরুপূজা কথং দেব ক্রিয়তে ধর্মচারিভিঃ॥ 13-233-18 (90589)
মহেশ্বর উবাচ। 13-233-19x (7636)
গুরুপূজাং প্রবক্ষ্যামি যথাবত্তব শোভনে।
কৃতজ্ঞানাং পরো ধর্ম ইতি বেদানুশাসনম্॥ 13-233-19 (90590)
তস্মাৎস্বগুরবঃ পূজ্যাস্তে হি পূর্বোপকারিণঃ।
গুরূণাং চ গরীয়াংসস্ত্রয়ো লোকেষু পূজিতাঃ॥ 13-233-20 (90591)
উপাধ্যায়ঃ পিতা মাতা সংপূজ্যাস্তে বিশেষতঃ।
যে পিতুর্ভ্রাতরো জ্যেষ্ঠা যে চ তস্যানুজাস্তথা।
পিতুঃ পিতা চ সর্বে তে পূজনীয়াঃ পিতা তথা॥ 13-233-21 (90592)
মাতুর্যা ভগিনী জ্যেষ্ঠা মাতুর্যা চ যবীয়সী।
মাতামহী চ ধাত্রী চ সর্বাস্তা মাতরঃ স্মৃতাঃ॥ 13-233-22 (90593)
উপাধ্যায়স্য যঃ পুত্রো যশ্চ তস্য ভবেদ্গুরুঃ।
ঋৎবিগ্গুরুঃ পিতা চেতি গুরবঃ সম্প্রকীর্তিতাঃ॥ 13-233-23 (90594)
জ্যেষ্ঠো ভ্রাতা নরেন্দ্রশ্চ মাতুলঃ শ্বল়শুরস্তথা।
ভয়ত্রাতা চ ভর্তা চ গুরবস্তে প্রকীর্তিতাঃ॥ 13-233-24 (90595)
ইত্যেষ কথিতঃ সাধ্বি গুরূণাং সর্বসঙ্গ্রহঃ।
অনুবৃত্তিং চ পূজাং চ তেষামপি নিবোধ মে॥ 13-233-25 (90596)
আরাধ্যা মাতাপিতরাবুপাধ্যায়স্তথৈব চ।
কথংচিন্নাবমন্তব্যা নরেণ হিতমিচ্ছতা॥ 13-233-26 (90597)
যেন প্রীণন্তি পিতরস্তেন প্রীতঃ প্রজাপতিঃ।
যেন প্রীণাতি চেন্মাতা প্রীতাঃ স্যুর্দেবমাতরঃ॥ 13-233-27 (90598)
যে প্রীণাত্যুপাধ্যায়ো ব্রহ্মা তেনাভিপূজিতঃ।
অপ্রীতেষু পুনস্তেষু নরো নরকমেতি হি॥ 13-233-28 (90599)
গুরূণাং বৈরনির্বন্ধো ন কর্তব্যঃ কথঞ্চন।
নরঃ স্বগুরুমপ্রীত্যা মনসাঽপি ন গচ্ছতি॥ 13-233-29 (90600)
ন ব্রূয়াদ্বিপ্রিয়ং তেষামনিষ্টং ন প্রবর্তয়েৎ।
বিগৃহ্য ন বদেত্তেষাং সমীপে স্পর্ধয়া ক্বচিৎ॥ 13-233-30 (90601)
যদ্যদিচ্ছন্তি তে কর্তুমস্বতন্ত্রস্তদাচরেৎ।
বেদানুশাসনসমং গুরুশাসনমিষ্যতে॥ 13-233-31 (90602)
কলহাংশ্চ বিবাদাংশ্চ গুরুভিঃ সহ বর্জয়েৎ।
কৈতবং পরিহাসাংশ্চ মন্যুকামাশ্রয়াঃ কথাঃ॥ 13-233-32 (90603)
গুরূণাং যোঽনহংবাদী করোত্যাজ্ঞামতন্দ্রিতঃ।
ন তস্মাৎসর্বমর্ত্যেষু বিদ্যতে পুণ্যকৃত্তমঃ॥ 13-233-33 (90604)
অসূয়ামপবাদং চ গুরূণাং পরিবর্জয়েৎ।
তেষাং প্রিয়হিতান্বেষী ভূৎবা পরিচরেৎসদা॥ 13-233-34 (90605)
ন তদ্যজ্ঞফলং কুর্যাত্তপো বাঽঽচরিতং মহৎ।
যৎকুর্যাৎপুরুষস্যেহ গুরুপূজা সদা কৃতা॥ 13-233-35 (90606)
অনুবৃত্তের্বিনা ধর্মো নাস্তি সর্বাশ্রমেষ্বপি।
তস্মাৎক্ষমাবৃতঃ ক্ষান্তো গুরুবৃত্তিং সমাচরেৎ॥ 13-233-36 (90607)
স্বমর্থং স্বশরীরং চ গুর্বর্থে সংত্যজেদ্বুধঃ।
বিবাদং ধনহেতোর্বা মোহাদ্বা তৈর্ন রোচয়েৎ॥ 13-233-37 (90608)
ব্রহ্মচর্যমহিংসা চ দানানি বিবিধানি চ।
গুরুভিঃ প্রতিষিদ্ধস্য সর্বমেতপার্থকম্॥ 13-233-38 (90609)
উপাধ্যায়ং পিতরং মাতরং চ।
যেঽভিদ্রুহ্যুর্মনসা কর্মণা বা।
তেষাং পাপং ভ্রূণহত্যাবিশিষ্টং
তেভ্যো নান্যঃ পাপকৃদস্তি লোকে॥ 13-233-39 (90610)
উমোবাচ। 13-233-40x (7637)
উপবাসবিধিং তত্র তন্মে শংসিতুমর্হসি॥ 13-233-40 (90611)
মহেশ্বর উবাচ। 13-233-41x (7638)
শরীরমলশান্ত্যর্থমিন্দ্রিয়োচ্ছোষণায় চ।
একভুক্তোপবাসৈস্তু ধারয়ন্তে ব্রতং নরাঃ॥ 13-233-41 (90612)
লভন্তে বিপুলং ধর্মং তথাঽঽহারপরিক্ষয়াৎ।
বহূনামুপরোধং তু ন কুর্যাদাত্মকারণাৎ॥ 13-233-42 (90613)
জীবোপঘাতং চ তথা স জীবন্ধন্য ইষ্যতে।
তস্মাৎপুণ্যং লভেন্মর্ত্যঃ স্বয়মাহারকর্শনাৎ।
তদ্গৃহস্থৈর্যথাশক্তি কর্তব্যমিতি নিশ্চয়ঃ॥ 13-233-43 (90614)
উপবাসার্দিতে কায়ে আপদর্শং পয়ো জলম্।
ভুঞ্জন্ন প্রতিঘাতী স্যাদ্ব্রাহ্ম্ণাননুমান্য চ॥ 13-233-44 (90615)
উমোবাচ। 13-233-45x (7639)
ব্রহ্মচর্যং কথং দেব রক্ষিতব্যং বিজানতা॥ 13-233-45 (90616)
মহেশ্বর উবাচ। 13-233-46x (7640)
তদহং তে প্রবক্ষ্যামি শৃণু দেবি সমাহিতা॥ 13-233-46 (90617)
ব্রহ্মচর্যং পরং শৌচং ব্রহ্মচর্যং পরং তপঃ।
কেবলং ব্রহ্মচর্যেণি প্রাপ্যতে পরমং পদম্॥ 13-233-47 (90618)
সঙ্কল্পাদ্দর্শনাচ্চৈব তদ্যুক্তবচনাদপি।
সংস্পর্শাদথ সংয়োগাৎপঞ্চধা রক্ষিতং ব্রতম্॥ 13-233-48 (90619)
ব্রতবদ্ধারিতং চৈব ব্রহ্মচর্যমকল্মষম্।
নিত্যং সংরক্ষিতং তস্য নৈষ্ঠিকানাং বিধিয়তে।
তদিষ্যতে গৃহস্থানাং কালমুদ্দিশ্য কারণম্॥ 13-233-49 (90620)
জন্মনক্ষত্রয়োগেষু পুণ্যবাসেষু পর্বসু।
দেবতাধর্মকার্যেষু ব্রহ্মচর্যব্রতং চরেৎ॥ 13-233-50 (90621)
ব্রহ্মচর্যব্রতফলং লভেদ্দারব্রতী সদা।
শৌচমায়ুস্তথাঽঽরোগ্যং লভ্যতে ব্রহ্মচারিভিঃ॥ 13-233-51 (90622)
উমোবাচ। 13-233-52x (7641)
তীর্থচর্যাব্রতং দেব ক্রিয়তে ধর্মকাঙ্ক্ষিভি।
কানি তীর্থানি লোকেষু তন্মে শংসিতুমর্হসি॥ 13-233-52 (90623)
মহেশ্বর উবাচ। 13-233-53x (7642)
হন্ত তে কথয়িষ্যামি তীর্থস্নানবিধিং প্রিয়ে।
পাবনার্থং চ শৌচার্থং ব্রহ্মণা নির্মিতং পুরা॥ 13-233-53 (90624)
যাস্তু লোকে মহানদ্যস্তাঃ সর্বাস্তীর্থসংজ্ঞিতাঃ।
তাসাং প্রাক্স্রোতসঃ শ্রেষ্ঠাঃ সঙ্গমশ্চ পরস্পরম্।
তাসাং সাগরসংয়োগো বরিষ্ঠশ্চেতি বিদ্যতে॥ 13-233-54 (90625)
তাসামুভয়তঃ কূলং তত্রতত্র মনীষিভিঃ।
দেবৈর্বা সেবিতং দেবি তত্তীর্থং পরমং স্মৃতম্॥ 13-233-55 (90626)
সমুদ্রশ্চ মহাতীর্থং পাবনং পরমং শুভম্।
তস্য কূলগতাস্তীর্থা মহদ্ভিশ্চ সমাপ্লুতাঃ॥ 13-233-56 (90627)
স্রোতসকাং পর্বতানা চ জোষিতানাং মহর্ষিভিঃ।
অপি কূপং নটাকং বা সেবিতুং মুনিভিঃ প্রিয়ে॥ 13-233-57 (90628)
তত্তু তীর্থমিতি জ্ঞেয়ং প্রভাবাত্তু তপস্বিনাম্।
তদা প্রভৃতি তীর্থৎবং লেভে লোকহিতায় বৈ॥ 13-233-58 (90629)
এবং তীর্থং ভবেদ্দেবি তস্য স্নানবিধিং শৃণু॥ 13-233-59 (90630)
জন্মনা ব্রতভূয়িষ্ঠো গৎবা তীর্থানি কাঙ্ক্ষয়া।
উপবাসত্রয়ং কুর্যাদেকং বা নিয়মান্বিতঃ॥ 13-233-60 (90631)
পুণ্যমাসেবতে কালে পৌর্ণমাস্যাং যথাবিধি।
বহিরেব শুচির্ভূৎবা তত্তীর্থং মন্মনা বিশেৎ॥ 13-233-61 (90632)
ত্রিরাপ্লুত্য জলাভ্যাসে দত্ৎবা ব্রাহ্মণদক্ষিণাম্।
অভ্যর্চ্য দেবায়তনং ততঃ প্রায়াদ্যথাগতম্॥ 13-233-62 (90633)
এতদ্বিধানং সর্বেষাং তীর্থংতীর্থমিতি প্রিয়ে।
সমীপতীর্থস্নানাত্তু দূরতীর্থং সুপূজিতম্॥ 13-233-63 (90634)
আদিপ্রভৃতিশুদ্ধস্য তীর্থস্নানং শুভং ভবেৎ।
তপোর্থং পাপনাশার্থং শৌচার্থং তীর্থগাহনম্॥ 13-233-64 (90635)
এবং পুণ্যেষু তীর্থেষু তীর্থস্নানং শুভং ভবেৎ।
এতন্নৈয়মিকং সর্বং সুকৃতং কথিতং তব॥ ॥ 13-233-65 (90636)
ইতি শ্রীমন্মহাভারতে অনুশাসনপর্বণি দানধর্মিপর্বণি ত্রয়স্ত্রিংশদধিকদ্বিশততমোঽধ্যায়ঃ॥ 233 ॥
অনুশাসনপর্ব - অধ্যায় 234
॥ শ্রীঃ ॥
13.234. অধ্যায়ঃ 234
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি দানস্য ষাঙ্গুণ্যপ্তিপাদনপূর্বকং তৎফলকথনম্॥ 1 ॥Mahabharata - Anushaasana Parva - Chapter Text
মহেশ্বর উবাচ।
এতদর্থমবাপ্নোতি নরঃ প্রেত্য শুভেক্ষণে॥ উমোবাচ। 13-234-1 (90637)
লোকসিদ্ধং তু যদ্দ্রব্যং সর্বসাধারণং ভবেৎ।
তদদৎসর্বিসামান্যং কথং ধর্মং লভেন্নরঃ।
এবং সাধারণে দ্রব্যে তস্য স্বৎবং কথং ভবেৎ॥ মহেশ্বর উবাচ। 13-234-2 (90638)
লোকে ভূতময়ং দ্রব্যং সর্বসাধারণং তথা।
তথৈব তদ্দদন্মর্ত্যো লভেৎপুণ্যং স তচ্ছৃণু॥ 13-234-3 (90639)
দাতা প্রতিগ্রহীতা চ দেয়ং সোপক্রমং তথা।
দেশকালৌ চ যত্ৎবেতদ্দানং ষঙ্গুণমুচ্যতে।
তেষাং সম্পদ্বিশেষাংশ্চ কীর্ত্যমানান্নিবোধ মে॥ 13-234-4 (90640)
আদিপ্রভৃতি যঃ শুদ্ধো মনোবাক্কায়কর্মভিঃ। সত্যবাদী জিতক্রোধস্ৎবলুব্ধো নাভ্যসূয়কঃ। শ্রুদ্ধাবানাস্তিকশ্চৈবক এবং দাতা প্রশস্যতে॥ 13-234-5 (90641)
শুদ্রো দান্তো জিতক্রোধস্তথা দীনকুলোদ্ভবঃ।
শ্রুতচারিত্রসম্পন্নস্তথা বহুকলত্রবান্॥ 13-234-6 (90642)
পঞ্চয়জ্ঞপরো নিত্যং নির্বিকারশরীরবান্।
এতান্পাত্রগুণান্বিদ্ধি তাদৃক্পাত্রং প্রশস্যতে॥ 13-234-7 (90643)
পিতৃদেবাগ্নিকার্যেষু তস্য দত্তং মহাফলম্।
যদ্যদর্হতি যো লোকে পাত্রং তস্য ভবেচ্চ সঃ। মুচ্যেদাপদ আপন্নো যেন পাত্রং তদস্য তু॥ 13-234-8 (90644)
অন্নস্য ক্ষুধিতং পাত্রং তৃষিতস্তু জলস্য বৈ।
এবং পাত্রেষু নানাৎবমিষ্যতে পুরুষং প্রতি॥ 13-234-9 (90645)
জারশ্চোরশ্চ ষণ্ডশ্চ হিংস্রঃ সময়ভেদকঃ।
লোকবিঘ্নকরাশ্চান্যে বর্জিতব্যাঃ সর্বশঃ প্রিয়ে॥ 13-234-10 (90646)
পরোপঘাতাদ্যদ্দ্রব্যং চৌর্যাদ্বা লভ্যতে নৃভিঃ।
নির্দয়াল্লভ্যতে যচ্চ ধূর্তভাবেন বৈ তথা॥ 13-234-11 (90647)
অধর্মাদর্থমোহাদ্বা বহূনামুপরোধনাৎ।
যল্লভ্যতে ধনং দেবি তদত্যন্তবিগর্হিতম্॥ 13-234-12 (90648)
তাদৃশেন কৃতং ধর্মং নিষ্ফলং বিদ্ধি ভামিনি।
তস্মান্ন্যায়াগতেনৈব দাতব্যং শুভমিচ্ছতা॥ 13-234-13 (90649)
যদ্যদাত্মপ্রিয়ং নিত্যং তত্তদ্দেয়মিতি স্থিতিঃ।
উপক্রমমিমং বিদ্ধি দাতৄণাং পরমং হিতম্॥ 13-234-14 (90650)
পাত্রভূতং তু দূরস্থমভিগম্য প্রসাদ্য চ।
দাতা দানং তথা দদ্যাদ্যথা তুষ্যেত তেন সঃ। এষ দানবিধইঃ শ্রেষ্ঠঃ সমাহূয় তু মধ্যমঃ॥ 13-234-15 (90651)
পূর্বং চ পাত্রতাং জ্ঞাৎবা সমাহূয় নিবেদ্য চ।
শৌচাচমনসংয়ুক্তং দাতব্যং শ্রদ্ধয়া প্রিয়ে॥ 13-234-16 (90652)
যাচিতৄণাং তু পরমমাভিমুখ্যং পুরস্কৃতম্।
সংমানপূর্বং সঙ্গ্রাহ্যং দাতব্যং দেশকালয়ো॥ 13-234-17 (90653)
অপাত্রেভ্যোপি চান্যেভ্যো দাতব্যং ভূতিমিচ্ছতা॥
পাত্রাণি সম্পরীক্ষ্যৈব দাত্রা বৈ নামমাত্রয়া। 13-234-18 (90654)
অতিশক্তয়া পরং দানং যথাশক্তি তু মধ্যমম্।
তৃতীয়ং চাপরং দানং নানুরূপমিবাত্মনঃ॥ 13-234-19 (90655)
যথা সম্ভাষিতং পূর্বং দাতব্যং তত্তথৈব চ।
পুণ্যিক্ষেত্রেষু যদ্দত্তং পুণ্যকালেষু বা যথা। তচ্ছোভনতরং বিদ্ধি গৌরবাদ্দেশকালয়োঃ॥ উমোবাচ। 13-234-20 (90656)
যশ্চ পুণ্যতমো দেশস্তথা কালশ্চ শংস মে॥ মহেশ্বর উবাচ। 13-234-21 (90657)
কুরুক্ষেত্রং মহানন্যো যশ্চ দেবর্ষিসেবিতঃ।
গিরির্বরশ্চ তীর্থানি দেশভাগেষু পূজিতঃ।
গ্রহীতুমীপ্সিতো যত্র তত্র দত্তং মহাফমল্॥ 13-234-22 (90658)
শরদ্বসন্তকালশ্চ পুণ্যমাসস্তথৈব চ।
শুক্লপক্ষশ্চ পক্ষাণাং পৌর্ণমাসী চ পর্বসু॥ 13-234-23 (90659)
পিতৃদৈবতনক্ষত্রনির্মলো দিবসস্তথা।
তচ্ছোভনতরং বিদ্ধি চন্দ্রসূর্যগ্রহে তথা॥ 13-234-24 (90660)
প্রতিগ্রহীতুর্যঃ কালো মনসা কীর্তিতঃ শুভে।
এবমাদিষ্টকালেষু দত্তং দানং মহদ্ভবেৎ॥ 13-234-25 (90661)
দাতা দেয়ং চ পাত্রং চ উপক্রময়ুতা ক্রিয়া।
দেশকালং তথা তেষাং সম্পচ্ছুদ্ধিঃ প্রকীর্তিতা॥ 13-234-26 (90662)
যথৈব যুগপৎসম্পত্তত্র দানং মহদ্ভবেৎ॥ 13-234-27 (90663)
অত্যল্পমপি যদ্দানমেভিঃ ষড্ভির্গুণৈর্যুতম্।
ভূৎবাঽনন্তং নয়েৎস্বর্গং দাতারং দোষবর্জিতম্॥ 13-234-28 (90664)
সুমহদ্বাঽপি যদ্দানং গুণৈরেভির্বিনাকৃতম্।
অত্যল্পফলনির্যোগমফলং বা ফলোদ্ধতম্॥ উমোবাচ। 13-234-29 (90665)
এবংগুণয়ুতং দানং দত্তং চ ফলতাং ব্রজেৎ।
তদস্তি চেন্মহদ্দেয়ং তন্মে শংসিতুমর্হসি॥ মহেশ্বর উবাচ। 13-234-30 (90666)
তদপ্যস্তি মহাভাগে নরাণাং ভাবদোষতঃ॥ 13-234-31 (90667)
কৃৎবা ধর্মং তু বিধিবৎপশ্চাত্তাপং করোতি চেৎ।
শ্লাঘয়া বা যদি ব্রূয়াদ্বৃথা সংসদিং যৎকৃতম্॥ 13-234-32 (90668)
প্রকল্পয়েচ্চ মনসা তৎফলং প্রেত্যভাবতঃ।
কর্ম ধর্মকৃতং যচ্চ সততং ফলকাঙ্ক্ষয়া। এতৎকৃতং বা দত্তং বা পরত্র বিফলং ভবেৎ॥ 13-234-33 (90669)
এতে দোষা বিবর্জ্যাশ্চ দাতৃভিঃ পুণ্যকাঙ্ক্ষিভিঃ।
সনাতনমিদং বৃত্তং সদ্ভিরাচরিতং তথা॥ 13-234-34 (90670)
অনুগ্রহাৎপরেষাং তু গৃহস্থানামৃণং হি তৎ।
ইত্যেবং মন আবিশ্য দাতব্যং সততং বুধৈঃ॥ 13-234-35 (90671)
এবমেব কৃতং নিত্যং সুকৃতং তদ্ভবেন্মহৎ।
সর্বসাধারণং দ্রব্যমেবং দত্ৎবা মহৎফলম্॥ ॥ 13-234-36 (90672)
ইতি শ্রীমন্মহাভারতে অনুশাসনপর্বণি দানধর্মপর্বণি চতুস্ত্রিংশদধিকদ্বিশততমোঽধ্যায়ঃ॥ 234 ॥
অনুশাসনপর্ব - অধ্যায় 235
॥ শ্রীঃ ॥
13.235. অধ্যায়ঃ 235
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পরমেশ্বরেণ পার্বতীংপ্রতি অন্নস্বর্ণগোভূকন্যাবিদ্যাদানানাং মহিমপ্রতিপাদনম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্কানি দেয়ানি ধর্মমুদ্দিশ্য মানবৈঃ।
তান্যহং শ্রোতুমিচ্ছামি তন্মে শংসিতুমর্হসি॥ 13-235-1 (90673)
মহেশ্বর উবাচ। 13-235-2x (7643)
অজস্রং ধর্মকার্যং চ তথা নৈমিত্তিকং প্রিয়ে।
অন্নং প্রতিশ্রয়ো দীপঃ পানীয়ং তৃণমিন্ধনম্॥ 13-235-2 (90674)
স্নেহো গন্ধশ্চ ভৈষজ্যং তিলাশ্চ লবণং তথা।
এবমাদি তথাঽন্যশ্চ দানমাজস্রমুচ্যতে॥ 13-235-3 (90675)
অজস্রদানাৎসততমাজস্রমিতি নিশ্চিতম্।
সামান্যং সর্ববর্ণানাং দানং শৃণু সমাহিতা॥ 13-235-4 (90676)
অন্নং প্রাণো মনুষ্যাণামন্নদঃ প্রাণদো ভবেৎ।
তস্মাকদন্নং বিশেষেণ দাতুমিচ্ছতি মানবঃ॥ 13-235-5 (90677)
ব্রাহ্মণায়াভিরূপায় যো দদ্যাদন্নমীপ্সিতম্।
নিদধাতি নিধিং শ্রেষ্ঠং সোঽনন্তং পারলৌকিকম্॥ 13-235-6 (90678)
শ্রান্তমধ্বপরিশ্রান্তমতিথিং গৃহমাগতম্।
অর্চয়ীত প্রয়ত্নেন স হি যজ্ঞো বরপ্রদঃ॥ 13-235-7 (90679)
কৃৎবা তু পাতকং কর্ম যো দদ্যাদন্নমর্থিনাম্।
ব্রাহ্মণানাং বিশেষেণ সোপহন্তি স্বকং তমঃ॥ 13-235-8 (90680)
পিতরস্তস্য নন্দন্তি সুবৃষ্ট্যা কর্ষকা ইব।
পুত্রো যস্য তু পৌত্রো বা শ্রোত্রিয়ং ভোজয়িষ্যতি॥ 13-235-9 (90681)
অপি চণ্ডালশূদ্রাণামন্নদানং ন গর্হতে।
তস্মাৎসর্বপ্রয়ত্নেন দদ্যাদন্নমমৎসরঃ॥ 13-235-10 (90682)
কলত্রং পীডয়িৎবাঽপি পোষয়েদতিথীন্সদা।
জন্মাপি মানুষে লোকে তদর্থং হি বিধীয়তে॥ 13-235-11 (90683)
অন্নদানাচ্চ লোকাংস্তান্সম্প্রবক্ষ্যাম্যনিন্দিতে।
ভবনানি প্রকাশন্তে দিবি তেষাং মহাত্মনাম্॥ 13-235-12 (90684)
অনেকশতভৌমানি সান্তর্জলবনানি চ।
বৈডূর্যার্চিঃপ্রকাশপনি হেমরূপ্যময়ানি চ॥ 13-235-13 (90685)
নানারূপাণি সংস্থানাং নানারত্নময়ানি চ।
চন্দ্রমণ্ডলশুভ্রাণি কিঙ্কিণীজালবন্তি চ॥ 13-235-14 (90686)
তরুণাদিত্যবর্ণানি স্থাবরাণি চরাণি চ।
যথেষ্টভক্ষ্যভোজ্যানি শয়নাসনবন্তি চ॥ 13-235-15 (90687)
সর্বকামফলাশ্চাত্র বৃক্ষা ভবনসংস্থিতাঃ।
বাপ্যো বহ্ব্যশ্চ কূপাশ্চ দীর্ঘিকাশ্চ সহস্রশঃ॥ 13-235-16 (90688)
অরুজানি বিশোকানি নিত্যানি বিবিধানি চ।
ভবনানি বিচিত্রাণি প্রাণদানাং ত্রিবিষ্টপে॥ 13-235-17 (90689)
বিবস্বতশ্চ সোমস্য ব্রহ্মণশ্চ প্রজাপতেঃ।
বিশন্তি লোকাংস্তে নিত্যং জগত্যন্নোদকপ্রদাঃ॥ 13-235-18 (90690)
তত্র তে সুচিরং কালং বিহৃত্যাপ্সরসাং গণৈঃ।
জায়ন্তে মানুষে লোকে সর্বকল্যাণসংয়ুতাঃ॥ 13-235-19 (90691)
বলসংহননোপেতা নীরোগাশ্চিরজীবিনঃ।
কুলীনা মতিমন্তশ্চ ভবন্ত্যন্নপ্রদা নরাঃ॥ 13-235-20 (90692)
তস্মাদন্নং বিশেষেণ দাতব্যং ভূতিমিচ্ছতা।
সর্বকালং চ সর্বস্য সর্বত্র চ সদৈব চ॥ 13-235-21 (90693)
সুবর্ণদানং পরমং স্বর্গ্যং স্বস্ত্যযনং মহৎ।
তস্মাত্তে বর্ণয়িষ্যামি যথাবদনুপূর্বশঃ॥ 13-235-22 (90694)
অপি পাপকৃতং ক্রূরং দত্তং রুক্মং প্রকাশয়েৎ॥ 13-235-23 (90695)
সুবর্ণং যে প্রয়চ্ছন্তি শ্রোত্রিভেভ্যঃ সুচেতসঃ।
দেবতাস্তে তর্পয়ন্তি সমস্তা ইতি বৈদিকম্॥ 13-235-24 (90696)
অগ্নির্হি দেবতাঃ সর্বাঃ সুবর্ণং চাগ্নিরুচ্যতে।
তস্মাৎসুবর্ণদানেন তৃপ্তাঃ স্যুঃ সর্বদেবতাঃ॥ 13-235-25 (90697)
অগ্ন্যভাবে তু কুর্বন্তি বহ্নিস্থানেষু কাঞ্চনম্।
তস্মাৎসুবর্ণদাতারঃ সর্বান্কামানবাপ্নুয়ুঃ॥ 13-235-26 (90698)
আদিত্যস্য হুতাশস্য লোকান্নানাবিধাঞ্শুভান্।
কাঞ্চনং সম্প্রদায়াশু প্রবিশন্তি ন সংশয়ঃ॥ 13-235-27 (90699)
অলঙ্কারং কৃতং চাপি কেবলান্প্রবিশিষ্যতে।
সৌবর্ণৈর্ব্রাহ্মণং কালে তৈরলঙ্কৃত্য ভোজয়েৎ॥ 13-235-28 (90700)
য এতৎপরমং দানং দত্ৎবা সৌবর্ণমদ্ভুতম্।
দ্যুতিং মেধাং বপুঃ কীর্তিং পুনর্জাতে লবেদ্ধ্রুবম্॥ 13-235-29 (90701)
তস্মাৎস্বশক্ত্যা দাতব্যং কাঞ্চনং ভুবি মানবৈঃ।
ন হ্যেতস্মাৎপরং লোকেষ্বন্যৎপাপাৎপ্রমুচ্যতে॥ 13-235-30 (90702)
অত ঊর্ধ্বং প্রবক্ষ্যামি গবাং দানমনিন্দিতে।
নহি গোভ্যঃ পরং দানং বিদ্যতে জগতি প্রিয়ে॥ 13-235-31 (90703)
লোকান্সিসৃক্ষুণা পূর্বং গাবঃ সৃষ্টাঃ স্বয়ংভুবা।
বৃত্ত্যর্থং সর্বভূতানাং তস্মাত্তা মাতরঃ স্মৃতাঃ॥ 13-235-32 (90704)
লোকজ্যেষ্ঠা লোকবৃত্ত্যা প্রবৃত্তা
ময়্যায়ত্তাঃ সোমনিষ্যন্দভূতাঃ।
সৌম্যাঃ পুণ্যাঃ প্রাণদাঃ কামদাশ্চ
তস্মাৎপূজ্যাঃ পুণ্যকামৈর্মনুষ্যৈঃ॥ 13-235-33 (90705)
ধেনুং দত্ৎবা নিভৃতাং সুশীলাং
কল্যাণবৎসাং চ পয়স্বিনীং চ।
যাবন্তি রোমাণি ভবন্তি তস্যা-
স্তাবৎসমাঃ স্বর্গফলানি ভুঙ্ক্তে॥ 13-235-34 (90706)
প্রয়চ্ছতে যঃ কপিলাং সচেলাং
সকাংস্যদোহাং কনকাগ্র্যশৃঙ্গীম্।
পুত্রাশ্চ পৌত্রাংশ্চ কুলং চ সর্ব-
মাসপ্তমং তারয়তে পরত্র চ॥ 13-235-35 (90707)
অন্তর্জাতাঃ ক্রীতকা দ্যূতলব্ধাঃ।
প্রাণক্রীতাঃ সোদকাশ্চৌজসা বা।
কৃচ্ছ্রোৎসৃষ্টাঃ পোষণার্থাগতাশ্চ
দ্বারৈরেতৈস্তাঃ প্রলব্ধাঃ প্রদদ্যাৎ॥ 13-235-36 (90708)
কৃসায় বহুপুত্রায় শ্রোত্রিয়ায়াহিতাগ্নয়ে।
প্রদায় নীরুজাং ধেনুং লোকান্প্রাপ্নোত্যনুত্তমান্॥ 13-235-37 (90709)
নৃশংসস্য কৃতঘ্নস্য লুব্ধস্যানৃতবাদিনঃ।
হব্যকব্যব্যপেতস্য ন দদ্যাদ্গাঃ কথঞ্চন॥ 13-235-38 (90710)
সমানবৎসাং যো দদ্যাদ্ধের্নুং বিপ্রে পয়স্বিনীম্।
সুবৃত্তাং বস্ত্রসংছন্নাং সোমলোকে মহীয়তে॥ 13-235-39 (90711)
সমানবৎসাং যো দদ্যাৎকৃষ্ণাং ধেনুং পয়স্বিনীম্।
সুবৃত্তাং বস্ত্রসংছন্নাং লোকান্প্রাপ্নোত্যপাংপতেঃ॥ 13-235-40 (90712)
হিরণ্যবর্ণাং পিঙ্গাক্ষীং সবৎসাং কাংস্যদোহনাম্।
প্রদায় বস্ত্রসম্পন্নাং যান্তি কৌকবেরসদ্মনঃ॥ 13-235-41 (90713)
বায়ুরেণুসবর্মাং চ সবৎসাং কাংস্যদোহনাম্।
প্রদায় বস্ত্রসম্পন্নাং বায়ুলোকে মহীয়তে॥ 13-235-42 (90714)
সমানবৎসাং যো ধেনুং দত্ৎবা গৌরীং পয়স্বিনীম্।
সুবৃত্তাং বস্ত্রসংছন্নামগ্নিলোকে মহীয়তে॥ 13-235-43 (90715)
যুবানং বলিনং শ্যামং শতেন সহ যূথপম্।
গবেন্দ্রং ব্রাহ্মণেন্দ্রায় ভূরিশৃঙ্গমলংকৃতম্॥ 13-235-44 (90716)
ঋষভং যে প্রয়চ্ছন্তি শ্রোত্রিয়াণাং মহাত্মনাম্।
ঐশ্বর্যমভিজায়ন্তে জায়মানাঃ পুনঃপুনঃ॥ 13-235-45 (90717)
গবাং মূত্রপুরীষাণি নোদ্বিজেন কদাচন।
ন চাসাং মাংসমশ্নীয়াদ্গোষু ভক্তঃ সদা ভবেৎ॥ 13-235-46 (90718)
গ্রাসমুষ্টিং পরগবে দদ্যাৎসংবৎসরং শুচি।
অকৃৎবা স্বয়মাহারং ব্রতং তৎসার্বকামিকম্॥ 13-235-47 (90719)
গবামুভয়তঃ কালে নিত্যং স্বস্ত্যযনং বদেৎ।
ন চাসাং চিন্তয়েৎপাপমিতি ধর্মবিদো বিদুঃ॥ 13-235-48 (90720)
গাবঃ পবিত্রং পরমং গোষু লোকাঃ প্রতিষ্ঠিতাঃ।
কথঞ্চিন্নাবমন্তব্যা গাবো লোকস্য মাতরঃ॥ 13-235-49 (90721)
তস্মাদেব গবাং দানং বিশিষ্টমিতি কথ্যতে।
গোষু পূজা চ ভক্তিশ্চ নরস্যায়ুষ্যতাং বহেৎ॥ 13-235-50 (90722)
অতঃপরং প্রবক্ষ্যামি ভূমিদানং মহাফলম্।
ভূমিদানসমং দানং লোকে নাস্তীতি নিশ্চয়ঃ॥ 13-235-51 (90723)
গৃহয়ুক্ক্ষেত্রয়ুগ্বাঽপি ভূমিভাগঃ প্রদীয়তে।
সুখভোগং নিরাক্রোশং বাস্তুপূর্বং প্রকল্প্য চ॥ 13-235-52 (90724)
গ্রহীতারমলঙ্কৃত্য বস্ত্রপুষ্পানুলোপনৈঃ।
সভৃত্যং সপরীবারং ভোজয়িৎবা যথেষ্টতঃ।
যো দদ্যাদ্দক্ষিণাং কালে ত্রিরদ্ভির্গৃহ্যতামিতি॥ 13-235-53 (90725)
এবং ভূম্যাং প্রদত্তায়াং শ্রদ্ধয়া বীতমৎসরৈঃ।
যাবত্তিষ্ঠতি সা ভূমিস্তাবদ্দত্তফলং বিদুঃ॥ 13-235-54 (90726)
ভূমিদঃ স্বর্গমারুহ্য রমতে শাশ্বতীঃ সমাঃ।
অচলা হ্যক্ষয়া ভূমিঃ সর্বকামান্দুধুক্ষতি॥ 13-235-55 (90727)
যৎকিঞ্চিৎকুরুতে পাপং পুরুষো বৃত্তিকর্শিতঃ।
অপি গোকর্ণমাত্রেণ ভূমিদানন মুচ্যতে॥ 13-235-56 (90728)
সুবর্ণং রজতং বস্ত্রং মণিমুক্তাবসূনি চ।
সর্বমেতন্মহাভাগে ভূমিদানে প্রতিষ্ঠিতম্॥ 13-235-57 (90729)
ভর্তুর্নিঃ শ্রেয়সে যুক্তাস্ত্যক্তাত্মানো রণে হতাঃ।
ব্রহ্মলোকায় সংসিদ্ধা নাতিক্রামন্তি ভূমিদম্॥ 13-235-58 (90730)
হলকৃষ্টাং মহীং দদ্যাৎসর্ববীজফলান্বিতাম্।
সুকূপশরণাং বাঽপি সা ভবেৎসর্বকামদা॥ 13-235-59 (90731)
নিষ্পন্নসস্যাং পৃথিবীং যো দদাতি দ্বিজন্মনাম্।
বিমুক্তঃ কলুষৈঃ সর্বৈঃ শকলোকং স গচ্ছতি॥ 13-235-60 (90732)
যথা জনিত্রী ক্ষীরেণি স্বপুত্রমভিবর্ধয়েৎ।
এবং সর্বফলৈর্ভূমির্দাতারমভিবর্ধয়েৎ॥ 13-235-61 (90733)
ব্রাহ্মণং বৃত্তসম্পন্নমাহিতাগ্নিং শুচিব্রতম্।
গ্রাহয়িৎবা নিজাং ভূমিং ন যান্তি যমসাদনম্॥ 13-235-62 (90734)
যথা চন্দ্রমসো বৃদ্ধিরহন্যহনি দৃশ্যতে।
তথা ভূমেঃ কৃতং দানং সস্যেসস্যে বিবর্ধতে॥ 13-235-63 (90735)
যথা বীজানি রোহন্তি প্রকীর্ণানি মহীতলে।
তথা কামাঃ প্ররোহন্তি ভূমিদানগুণার্জিতাঃ॥ 13-235-64 (90736)
পিতরঃ পিতৃলোকস্থা দেবতাশ্চ দিবি স্থিতাঃ।
সন্তর্পয়ন্তি ভোগৈস্তং যো দদাতি বসুন্ধরাম্॥ 13-235-65 (90737)
দীর্ঘায়ুষ্যং বরাঙ্গৎবং স্ফীতাং চ শ্রিয়মুত্তমাম্।
পরত্র লভতে মর্ত্যঃ সম্প্রদায় বসুন্ধরাম্॥ 13-235-66 (90738)
এতৎসর্বং ময়োদ্দিষ্টং ভূমিদানস্য যৎফলম্।
শ্রদ্দধানৈর্নরৈর্নিত্যং শ্রাব্যমেতৎসনাতনম্॥ 13-235-67 (90739)
অতঃ পরং প্রবক্ষ্যামি কন্যাদানং যথাবিধি।
কন্যা দেয়া মহাদেবি পরেষামাত্মনোপি বা॥ 13-235-68 (90740)
কন্যাং শুদ্ধব্রতাচারাং কুলরূপসমন্বিতাম্।
যস্মৈ দিৎসতি পাত্রায় তেনাপি ভৃশকামিতাম্॥ 13-235-69 (90741)
প্রথমং তৎসমাকল্প্য বন্ধুভিঃ কৃতনিশ্চয়ঃ।
কারয়িৎবা গৃহং পূর্বং দাসীদাসপরিচ্ছদৈঃ॥ 13-235-70 (90742)
গৃহোপকরণৈশ্চৈব পশুধান্যেন সংয়ুতাম্।
তদর্থিনে তদর্হায় কন্যাং তাং সমলঙ্কৃতাম্॥ 13-235-71 (90743)
সবিবাহং যথান্যায়ং প্রচচ্ছেদগ্নিসাক্ষিকম্।
বৃত্ত্যাতীং যথা কৃৎবা সদ্গৃহে তৌ নিবেশয়েৎ॥ 13-235-72 (90744)
এবং কৃৎবা বধূদানং তস্য দানস্য গৌরবাৎ।
প্রেত্যভাবে মহীয়েত স্বর্গলোকে যথাসুখম্॥ 13-235-73 (90745)
পুনর্জাতস্য সৌভাগ্যং কুলবৃদ্ধিং তথাঽঽপ্নুয়াৎ॥ 13-235-74 (90746)
বিদ্যাদানং তথা দেবি পাত্রভূতায় বৈ দদৎ।
প্রেত্যভাবে লভেন্মর্ত্যো মেধাং বৃদ্ধিং ধৃতিং স্মৃতিম্॥ 13-235-75 (90747)
অনুরূপায় শিষ্যায় যশ্চ বিদ্যাং প্রয়চ্ছতি।
যথোক্তস্য প্রদানস্য ফলমানন্ত্যমশ্নুতে॥ 13-235-76 (90748)
দাপনং ৎবথ বিদ্যানাং দরিদ্রেভ্যোঽর্থবেদনৈঃ।
স্বয়ং দত্তেন তুল্যং স্যাদিতি বিদ্ধি শুভাননে॥ 13-235-77 (90749)
এবং তে কথিতান্যেব মহাদানানি মানিনি।
ৎবৎপ্রিয়ার্থং ময়া দেবি ভূয়ঃ শ্রোতুং কিমিচ্ছসি॥ ॥ 13-235-78 (90750)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চত্রিংশদধিকদ্বিশততমোঽধ্যায়ঃ॥ 235 ॥
অনুশাসনপর্ব - অধ্যায় 236
॥ শ্রীঃ ॥
13.236. অধ্যায়ঃ 236
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণোমাংপ্রতি তিলদানপ্রকারতৎফলয়োঃ কথনম্॥ 1 ॥ তথা জলান্নাদিনানাদানফলকথনম্॥ 2 ॥ তথা সেতুকূপতটাকনির্মাপণাদিধর্মফলকথনম্॥ 3 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ কথং দেয়ং তিলান্বিতম্।
তস্য তস্য ফলং ব্রূহি দত্তস্য চ কৃতস্য চ॥ 13-236-1 (90751)
মহেশ্বর উবাচ। 13-236-2x (7644)
তিলকল্পবিধিং দেবি তন্মে শৃণু সমাহিতা॥ 13-236-2 (90752)
সমৃদ্ধৈরসমৃদ্ধৈর্বা তিলা দেয়া বিশেষতঃ।
তিলাঃ পবিত্রাঃ পাপঘ্নাঃ সুপুণ্যা ইতি সংস্মৃতাঃ॥ 13-236-3 (90753)
ন্যায়তস্তু তিলাঞ্শুদ্ধান্সংহৃত্যাথ স্বশক্তিনঃ।
তিলরাশিং পুনঃ কুর্যাৎপর্বাতাভং সুরস্নকম্।
মহান্তং যদি বা স্তোকং নানাদ্রব্যসমন্বিতম্॥ 13-236-4 (90754)
সুবর্ণরজতাভ্যাং চ মণিমুক্তাপ্রবালকৈঃ।
অলঙ্কৃত্য যথায়োগং সপতাকং সবেদিকম্।
সভূষণং সবস্ত্রং চ শয়নাসনসংমিতম্॥ 13-236-5 (90755)
প্রায়শঃ কৌমুদীমাসে পৌর্ণমাস্যাং বিশেষতঃ।
ভোজয়িৎবা চ বিধিবদ্ব্রাহ্ম্ণানর্হতো বহূন্॥ 13-236-6 (90756)
স্বয়ং কৃতোপবাসশ্চ বৃত্তশৌচসমন্বিতঃ।
দদ্যাৎপ্রদক্ষিণীকৃত্য তিলরাশিং সদক্ষিণম্॥ 13-236-7 (90757)
একস্যাপি বহূনাং বা দাতব্যং ভূতিমিচ্ছতা।
তস্য দানফলং দেবি অগ্নিষ্টোমেন সংয়ুতম্॥ 13-236-8 (90758)
কেবলং বা তিলৈরেব ভূমৌ কৃৎবা গবাকৃতিম্।
সবস্ত্রকং সরত্নং চ পুংসা গোদানকাঙ্ক্ষিণা।
তদর্হায় প্রদাতব্যং তস্য গোদানতঃ ফলম্॥ 13-236-9 (90759)
শরাবাংস্তিলসম্পূর্ণান্সহিরণ্যান্সচম্পকান্।
নৃপোঽদদদ্ব্রাহ্মণায় সু পুণ্যফলভাগ্ভবেৎ॥ 13-236-10 (90760)
এবং তিলময়ং দেয়ং নরেণ হিতমিচ্ছতা।
নানাদানফলং ভূয়ঃ শৃণু দেবি সমাহিতা॥ 13-236-11 (90761)
বলমায়ুষ্যমারোগ্যমন্নদানাল্লভেন্নরঃ।
পানীয়দস্তু সৌভাগ্যং রসজ্ঞানং লভেন্নরঃ॥ 13-236-12 (90762)
বস্ত্রদানাদ্বপুঃশোভামলঙ্কারং লভেন্নরঃ।
দীপদো বুদ্ধিবৈশদ্যং দ্যুতিশোভাং লভেন্নরঃ॥ 13-236-13 (90763)
রাজপীডাবিমোক্ষং তু ছত্রদো লভতে ফলম্।
দাসীদাসপ্রদানাত্তু ভবেৎকর্মান্তভাঙ্নরঃ।
দাসীদাসং চ বিবিধং লভেৎপ্রেত্য গুণান্বিতম্॥ 13-236-14 (90764)
যানানি বাহনং চৈব তদর্হায় দদন্নরঃ।
পাদরোগপরিক্লেশান্মুক্তঃ শ্বসনবাহবান্।
বিচিত্র রমণীয়ং চ লভতে যানবাহনম্॥ 13-236-15 (90765)
প্রতিশ্রয়প্রদানং চ তদর্হায় তদিচ্ছতে।
বর্ষাকালে তু রাত্রৌ বা লভেৎপক্ষবলং শুভম্॥ 13-236-16 (90766)
সেতুকূপতটাকানাং কর্তা তু লভতে নরঃ।
দীর্ঘায়ুষ্যং চ সৌভাগ্যং ততা প্রেত্য গতিং শুভাং॥ 13-236-17 (90767)
বৃক্ষসংরোপকো যস্তু ছায়াপুষ্পফলপ্রদঃ।
প্রেত্যভাবে লভেৎপুণ্যমভিগম্যো ভবেন্নরঃ॥ 13-236-18 (90768)
যস্তু সঙ্ক্রমকৃল্লোকে নদীষু জলহারিণাম্।
লভেৎপুণ্যফলং প্রেত্য ব্যসনেভ্যো বিমোক্ষণম্॥ 13-236-19 (90769)
মার্গকৃৎসততং মর্ত্যো ভবেৎসন্তানবান্নরঃ।
কায়দোষবিমুক্তস্তু তীর্থকৃৎসততং ভবেৎ॥ 13-236-20 (90770)
ঔষধানাং প্রদানাত্তু সততং কৃপয়াঽন্বিতঃ।
ভবেদ্ব্যাধিবিহীনশ্চ দীর্ঘায়ুশ্চ বিশেষতঃ॥ 13-236-21 (90771)
অনাথান্পোষয়েদ্যস্তু কৃপণান্ধকপঙ্গুকান্।
স চ পুণ্যফলং প্রেত্য লভতে কৃচ্ছ্রমোক্ষণম্॥ 13-236-22 (90772)
বেদগোষ্ঠাঃ শুভাঃ শালা ভিক্ষূণাং চ প্রতিশ্রয়ম্।
যঃ কুর্যাল্লভতে নিত্যং নরঃ প্রেত্য ফলং শুভম্॥ 13-236-23 (90773)
প্রাসাদবাসং বিবিধং যক্ষশোভাং লভেৎপুনঃ।
বিবিধং বিবিধাকারং ভক্ষ্যভোজ্যগুণান্বিতম্॥ 13-236-24 (90774)
রম্যং তং দৈবগোবাটং যঃ কুর্যাল্লভতে নরঃ।
প্রেত্য ভাবে শুভাং জাতিং ব্যাধিমোক্ষং তথৈব চ॥ 13-236-25 (90775)
এবং নানাবিধং দ্রব্যং দানকর্তা লভেৎফলম্॥ 13-236-26 (90776)
উমোবাচ। 13-236-27x (7645)
কৃতং দত্তং যথা যাবত্তস্য তল্লভতে ফলম্।
এতন্মে দেবদেবেশ তত্র কৌতূহলং মহৎ॥ 13-236-27 (90777)
মহেশ্বর উবাচ। 13-236-28x (7646)
প্রেত্যিভাবে শৃণু ফলং দত্তস্য চ কৃতস্য চ।
দানং ষঙ্গুণয়ুক্তং তু তদর্হায় যথাবিধিঃ।
যথাবিভবতো দানং দাতব্যমিতি মানবৈঃ॥ 13-236-28 (90778)
বুদ্ধিমায়ুষ্যমারোগ্যং বলং ভাগ্যং তথাঽঽগমম্।
রূপেণ সপ্তধা ভূৎবা মানুষ্যং ফলতি ধ্রুবম্॥ 13-236-29 (90779)
ইদং দত্তমিদং দেয়মিত্যেবং ফলকাঙ্ক্ষয়া।
যদ্দত্তং তত্তদেব স্যান্ন তু কিঞ্চন লভ্যতে॥ 13-236-30 (90780)
ধ্রুবং দেব্যত্তমে দানং মধ্যমে ৎবধমং ফলম্॥ ॥ 13-236-31 (90781)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্ত্রিংশদধিকদ্বিশততমোঽধ্যায়ঃ॥ 236 ॥
Mahabharata - Anushaasana Parva - Chapter Footnotes
7-236-10 সহিরণ্যান্সবস্ত্রকানিতি থ.পাঠঃ॥অনুশাসনপর্ব - অধ্যায় 237
॥ শ্রীঃ ॥
13.237. অধ্যায়ঃ 237
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি যজ্ঞপ্রশংসনম্॥ 1 ॥ তথা দেবানাং পূজাদিফলকথনম্॥ 2 ॥ তথা দেবানাং মনুষ্যচিন্তিতবিজ্ঞানসামর্থ্যকথনম্॥ 3 ॥Mahabharata - Anushaasana Parva - Chapter Text
উমোবাচ।
ভগবন্দেবদেবেশ বিশিষ্টং যজ্ঞমুচ্যতে।
লৌকিকং বৈদিকং চৈব তন্মে শংসিতুমর্হসি॥ 13-237-1 (90782)
মহেশ্বর উবাচ। 13-237-2x (7647)
দেবতানাং তু পূজা যা যজ্ঞেষ্বেব সমাহিতা।
যজ্ঞা বেদেষ্বধীতাশ্চ বেদা ব্রাহ্মণসংয়ুতাঃ॥ 13-237-2 (90783)
ইদং তু সকলং দিব্যং দিবি বা ভুবি বা প্রিয়ে।
যজ্ঞার্থং বিদ্ধি তৎসৃষ্টং লোকানাং হিতকাম্যযা॥ 13-237-3 (90784)
এবং বিজ্ঞায় তৎকর্তা সদারঃ সততং দ্বিজঃ।
প্রেত্যভাবে লভেল্লোকান্ব্রহ্মকর্মসমাধিনা॥ 13-237-4 (90785)
ব্রাহ্মণেষ্বেব তদ্ব্রহ্ম নিত্যং দেবি সমাহিতম্।
তস্মাদ্বিপ্রৈর্যথাশাস্ত্রং বিধিদৃষ্টেন কর্মণা॥ 13-237-5 (90786)
যজ্ঞকর্মি কৃতং সর্বং দেবতা অভিতর্পয়েৎ।
ব্রাহ্মণাঃ ক্ষত্রিয়াশ্চৈব যজ্ঞার্থং প্রায়শঃ স্মৃতাঃ॥ 13-237-6 (90787)
অগ্নিষ্টোমাদিভির্যজ্ঞৈর্বেদেষু পরিকল্পিতৈঃ।
সুশুদ্ধৈর্যজমানৈস্চ ঋৎবিগ্ভিশ্চ যথাবিধিঃ।
শুদ্ধৈর্দ্রব্যোপকরণৈর্যষ্টব্যমিতি নিশ্চয়ঃ॥ 13-237-7 (90788)
তথা কৃতেষু যজ্ঞেষু দেবানাং তোষণং ভবেৎ।
তুষ্টেষু সর্বদেবেষু যজ্বা যজ্ঞফলং লভেৎ॥ 13-237-8 (90789)
দেবাঃ সন্তোষিতা যজ্ঞৈর্লোকান্সংবর্ধয়ন্ত্যুত।
উভয়োর্লোকয়োর্ভূতির্দেবি যজ্ঞে প্রদৃশ্যতে॥ 13-237-9 (90790)
তস্মাদ্যজ্বা দিবং গৎবা অমরৈঃ সহ মোদতে।
নাস্তি যজ্ঞসমং দানং নাস্তি যজ্ঞসমো নিধিঃ॥ 13-237-10 (90791)
সর্বধর্মসমুদ্দেশো দেবি যজ্ঞে সমাহিতঃ।
এষা যজ্ঞকৃতা পূজা লৌকিকীমপরাং শৃণু॥ 13-237-11 (90792)
দেবসৎকারমুদ্দিশ্য ক্রিয়তে লৌকিকোৎসবঃ॥ 13-237-12 (90793)
দেবগোষ্ঠেঽধিসংস্কৃত্য চোৎসবং যঃ করোতি বৈ।
যাগান্দেবোপহারাংশ্চ শুচির্ভূৎবা যথাবিধি।
দেবান্সন্তোষয়িৎবা স দেবি ধর্মমবাপ্নুয়াৎ॥ 13-237-13 (90794)
গন্ধমাল্যৈশ্চ বিবিধৈঃ পরমান্নেন ধূপনৈঃ।
বহ্বীভিঃ স্তুতিভিশ্চৈব স্তুবদ্ভিঃ প্রয়তৈর্নরৈঃ॥ 13-237-14 (90795)
নৃত্তৈর্বাদ্যৈশ্চ গান্ধর্বৈরন্যৈর্দৃষ্টিবিলোভনৈঃ।
দেবসৎকারমুদ্দিশ্য কুর্বতে যে নরা ভুবি॥ 13-237-15 (90796)
তেষাং ভক্তিকৃতেনৈব সৎকারেণৈব পূজিতাঃ।
তেনৈব তোষং সংয়ান্তি দেবি দেবাস্ত্রিবিষ্টপে॥ 13-237-16 (90797)
মানুষৈশ্চোপকারৈর্বা শুচিভিঃ সৎপরায়ণৈঃ।
ব্রহ্মচর্যপরৈরেতৎকৃতং ধর্মফলং লভেৎ॥ 13-237-17 (90798)
কেবলৈঃ স্তুতিভির্দেবি গন্ধমাল্যসমাহিতৈঃ।
প্রয়তৈঃ শুদ্ধগাত্রৈস্তু শুদ্ধদেশে সুপূজিতাঃ।
সন্তোষং যান্তি তে দেবা ভক্তৈঃ সম্পূজিতাস্তথা॥ 13-237-18 (90799)
দেবান্সন্তোষয়িৎবৈব দেবি ধর্মমবাপ্নুয়াৎ॥ 13-237-19 (90800)
উমোবাচ। 13-237-20x (7648)
ত্রিবিষ্টপস্থা বৈ ভূমৌ দেবা মানুষচেষ্টিতম্।
কথং জ্ঞাস্যন্তি বিধিবত্তন্মে শংসিতুমর্হসি॥ 13-237-20 (90801)
মহেশ্বর উবাচ। 13-237-21x (7649)
তদহং তেপ্রবক্ষ্যামি যথা তৈর্বিদ্যতে প্রিয়ে।
প্রাণিনাং তু শরীরেষু অন্তরাত্মা ব্যবস্থিতঃ॥ 13-237-21 (90802)
আত্মানং পরমং দেবমিতি বিদ্ধি শুভেক্ষণে।
আত্মা মনোব্যবস্থানাৎসর্বং বেত্তি শুভাশুভম্॥ 13-237-22 (90803)
আত্মৈব দেবাস্তদ্বিদ্যুরব্যগ্রমনসা কৃতম্।
সতাং মনোব্যবস্থানাচ্ছুভং ভবতি বৈ নৃণাম্॥ 13-237-23 (90804)
তস্মাদ্দেবাঽভিসম্পূজ্যা ব্রাহ্মণানাং তথৈব চ।
যজ্ঞাশ্চ ধর্মকার্যাণি গুরুপূজা চ শোভনে॥ 13-237-24 (90805)
শুদ্ধগাত্রৈর্ব্রতয়ুতৈস্তন্ময়ৈস্তৎপরায়ণৈঃ।
এবং ব্যবস্থিতৈর্নিত্যং কর্তব্যমিতি নিশ্চয়ঃ॥ 13-237-25 (90806)
এবং কৃৎবা শুভাকাঙ্ক্ষী পরত্রেহ চ মোদতে।
অন্যথা মন আবিশ্য কৃতং ন ফলতি প্রিয়ে।
ঋতেঽপি তু মনো দেবি অশুভং ফলতি ধ্রুবম্॥ ॥ 13-237-26 (90807)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তত্রিংশদধিকদ্বিশততমোঽধ্যায়ঃ॥ 237 ॥
অনুশাসনপর্ব - অধ্যায় 238
॥ শ্রীঃ ॥
13.238. অধ্যায়ঃ 238
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি শ্রাদ্ধবিধানাদিকথনম্॥ 1 ॥Mahabharata - Anushaasana Parva - Chapter Text
উমোবাচ।
পিতৃমেধঃ কথং দেব তন্মে শংসিতুমর্হসি।
সর্বেষাং পিতরঃ পূজ্যাঃ সর্বসম্পৎপ্রদায়িনঃ॥ 13-238-1 (90808)
মহেশ্ব উবাচ। 13-238-2x (7650)
পিতৃমেধং প্রবক্ষ্যামি যথাবত্তন্মনা শৃণু।
দেশকালৌ বিধানং চ তৎক্রিয়ায়াঃ শুভাশুভম্॥ 13-238-2 (90809)
লোকেষু পিতরঃ পূজ্যা দেবতানাং চ দেবতাঃ।
শুচয়ো নির্মলাঃ পুণ্যা দক্ষিণাং দিশমাশ্রিতাঃ॥ 13-238-3 (90810)
যথা বৃষ্টিং প্রতীক্ষন্তে ভূমিষ্ঠাঃ সর্বজন্তবঃ।
পিতরশ্চ তথা লোকে পিতৃমেধং শুভেক্ষণে॥ 13-238-4 (90811)
তস্য দেশাঃ কুরুক্ষেত্রং গয়া গঙ্গা সরস্বতী।
প্রভাসং পুষ্করং চেতি তেষু দত্তং মহাফলম্॥ 13-238-5 (90812)
তীর্থানি সরিতঃ পুণ্যা বিবিক্তানি বনানি চ।
নদীনাং পুলিনানীতি দেশাঃ শ্রাদ্ধস্য পূজিতাঃ॥ 13-238-6 (90813)
মাঘপ্রোষ্ঠপদৌ মাসৌ শ্রাদ্ধকর্মণি পূজিতৌ।
পক্ষয়োঃ কৃষ্ণপক্ষশ্চ পূর্বপক্ষাৎপ্রশস্যতে॥ 13-238-7 (90814)
অমাবাস্যাং ত্রয়োদশ্যাং নবম্যাং প্রতিপৎসু চ।
তিথিষ্বেতাসু তুষ্যন্তি দত্তেনেহ পিতামহাঃ॥ 13-238-8 (90815)
পূর্বাহ্ণে শুক্লপক্ষে চ রাত্রৌ জন্মদিনেষু বা।
যুগ্মেষ্বহস্সু চ শ্রাদ্ধং ন চ কুর্বীত পণ্ডিতঃ॥ 13-238-9 (90816)
এষ কালো ময়া প্রোক্তঃ পিতৃমেধস্য পূজিতঃ।
যস্মিংশ্চ ব্রাহ্ম্ণং পাত্রং পশ্যেৎকালঃ স চ স্মৃতঃ॥ 13-238-10 (90817)
অপাঙ্ক্তেয়া দ্বিজা বর্জ্যা গ্রাহ্যাস্তে পঙ্ক্তিপাবনাঃ।
ভোজয়েদ্যদি পাপিষ্ঠাঞ্শ্রাদ্ধেষু নরকং ব্রজেৎ॥ 13-238-11 (90818)
বৃত্তশ্রুতকুলোপেতান্সকলত্রান্গুণান্বিতান্।
তদর্হাঞ্শ্রোত্রিয়ান্বিদ্ধি ব্রাহ্মণানয়ুজঃ শুভে॥ 13-238-12 (90819)
এতান্নিমন্ত্রয়োদ্বিদ্বান্পূর্বেদ্যুঃ প্রাতরেব বা।
তত্র শ্রাদ্ধক্রিয়াং পশ্চাদারভেত যথাবিধি॥ 13-238-13 (90820)
ত্রীণি শ্রাদ্ধে পবিত্রাণি দৌহিত্রঃ কুতপস্তিলাঃ।
ত্রীণি চাত্র প্রশংসন্তি শৌচমক্রোধমৎবরা॥ 13-238-14 (90821)
কুতপঃ খঙ্গপাত্রং চ কুশা দর্ভাস্তিলা মধু।
কালশাকং গজচ্ছায়া পবিত্রং শ্রাদ্ধকর্মসু॥ 13-238-15 (90822)
তিলানবকিরেত্তত্র নানাবর্ণান্সমন্ততঃ।
অশুদ্ধং পিতৃয়জ্ঞশ্চ তিলৈঃ শুধ্যতি শোভনে॥ 13-238-16 (90823)
নীলকাষায়বস্ত্রং চ ভিন্নবর্ণং নবব্রণম্।
হীনাঙ্গমশুচিং বাঽপি বর্জয়েত্তত্র দূরতঃ॥ 13-238-17 (90824)
কুক্কুটাংশ্চ বরাহাংশ্চ নগ্নং ক্লীবং রজস্বলাম্।
আয়সং ত্রপুসীসং চ শ্রাদ্ধকর্মণি বর্জয়েৎ॥ 13-238-18 (90825)
মাংসৈঃ প্রীণন্তি পিতরো মুদ্গমাষয়বৈরিহ।
শশরৌরবমাংসেন ষণ্মাসং তৃপ্তিরিষ্যতে॥ 13-238-19 (90826)
সংবৎসরং চ গব্যেন হবিষা পায়সেন চ।
বার্ধ্রীণসস্য মাংসেন তৃপ্তির্দ্বাদশবার্ষিকী॥ 13-238-20 (90827)
আনন্ত্যায় ভবেদ্দত্তং খঙ্গমাংসং পিতৃক্ষয়ে।
পায়সং সতিলং ক্ষৌদ্রং খঙ্গমাংসেন সম্মিতম্॥ 13-238-21 (90828)
মহাশকলিনো মস্যাশ্ছাগো বা সর্বলোহিতঃ।
কালশাকমিতীত্যেব তদানন্ত্যায় কল্পিতম্॥ 13-238-22 (90829)
সাপূপং সামিষং স্নিগ্ধমাহারমুপকল্পয়েৎ।
উপকল্প্য তদাহারং ব্রাহ্মণানর্চয়েত্ততঃ॥ 13-238-23 (90830)
শ্মশ্রুকর্মশিরঃ স্নাতান্সমারোপ্যাসনং ক্রমাৎ।
সুগন্ধমাল্যাভরণৈঃ স্নগ্ভিরেতান্বিভূষয়েৎ॥ 13-238-24 (90831)
অলঙ্কৃত্যোপবিষ্টাংস্তান্পিণ্ডাবাপং নিবেদয়েৎ॥ 13-238-25 (90832)
ততঃ প্রস্তীর্য দর্ভাণাং প্রস্তরং দক্ষিণামুখম্।
তৎসমীপেঽগ্নিমিদ্ধ্বা চ স্বধাং চ জুহুয়াত্ততঃ।
সমীপে ৎবগ্নীষোমাভ্যাং পিতৃভ্যো জুহুয়াত্তদা॥ 13-238-26 (90833)
তথা দর্ভেষু পিণ্ডাংস্ত্রীন্নির্বপেদ্দক্ষিণামুখঃ।
অপসব্যমপাঙ্গুষ্ঠং নামধেয়পুরস্কৃতম্॥ 13-238-27 (90834)
এতেন বিধিনা দত্তং পিতৄণামক্ষয়ং ভবেৎ।
ততো বিপ্রান্যথাশক্তি পূজয়েন্নিয়তঃ শুচিঃ।
সদক্ষিণং সসম্ভারং যথা তুষ্যন্তি তে দ্বিজাঃ॥ 13-238-28 (90835)
যত্র তৎক্রিয়তে তত্র ন জল্পন্ন জপেন্মিথঃ।
নিয়ম্য বাচ্যং দেহং চ শ্রাদ্ধকর্ম সমারভেৎ॥ 13-238-29 (90836)
ততো নির্বপনে বৃত্তে তান্পিণ্ডাংস্তদনন্তরম্।
ব্রাহ্মণোঽগ্নিরজো গৌর্বা ভক্ষয়েদপ্সু বা ক্ষিপেৎ॥ 13-238-30 (90837)
পত্নীং বা মধ্যমং পিণ্ডং পুত্রকামো হি প্রাশয়েৎ।
আধত্ত পিতরো গর্ভং কুমারং পুষ্করস্রজম্॥ 13-238-31 (90838)
তৃপ্তানুত্থাপ্য তান্বিপ্রানন্নশেষং নিবেদয়েৎ।
তচ্ছেষং বহুভিঃ পশ্চাৎসভৃত্যো ভক্ষয়েন্নরঃ॥ 13-238-32 (90839)
এষ প্রোক্তঃ সমাসেন পিতৃয়জ্ঞঃ সনাতনঃ।
পিতরস্তেন তুষ্যন্তি কর্তা চ ফলমাপ্নুয়াৎ॥ 13-238-33 (90840)
অহন্যহনি বা কুর্যান্মাসেমাসেঽথবা পুনঃ।
সংবৎসরং দ্বিঃ কুর্যাচ্চ চতুর্বাঽপি স্বশক্তিতঃ॥ 13-238-34 (90841)
দীর্ঘায়ুশ্চ ভবেৎস্বস্থঃ পিতৃমেধেন বা পুনঃ।
সপুত্রো বহুভৃত্যশ্চ প্রভূতধনধান্যবান্॥ 13-238-35 (90842)
শ্রাদ্ধদঃ স্বর্গমাপ্নোতি নির্মলং বিবিধাত্মকম্।
অপ্সরোগণসংঘুষ্টং বিরজস্কমনন্তরম্॥ 13-238-36 (90843)
শ্রাদ্ধানি পুষ্টিকামা বৈ যে প্রকুর্বন্তি পণ্ডিতাঃ।
তেষাং পুষ্টিং প্রজাং চৈব দাস্যন্তি পিতরঃ সদা॥ 13-238-37 (90844)
ধন্যং যশস্যমায়ুষ্যং স্বর্গ্যং শত্রুবিনাশনম্।
কুলসন্ধারকং চেতি শ্রাদ্ধমাহুর্মনীষিণঃ॥ 13-238-38 (90845)
উমোবাচ। 13-238-39x (7651)
ভগবন্দেবদেবেশ মৃতাস্তে ভুবি জন্তবঃ।
নানাজাতিষু জায়ন্তে শীঘ্রং কর্মবশাৎপুনঃ॥ 13-238-39 (90846)
পিতরঃ স্বস্তি তে তত্র কথং তিষ্ঠন্তি দেববৎ।
পিতৄণাং কতমো দেশঃ পিণ্ডানশ্নন্তি বৈ কথম্॥ 13-238-40 (90847)
অন্নে দত্তে মৃতানাং তু কথমাপ্যায়নং ভবেৎ।
এবং ময়া সংশয়িতং ভগবন্বক্তুমর্হসি॥ 13-238-41 (90848)
নারদ উবাচ। 13-238-42x (7652)
এতদ্বিরুদ্ধং পৃচ্ছন্ত্যাং রুদ্রাণ্যাং পরিষদ্ভৃশম্।
বভূব সর্বা মুদিতা শ্রোতুং হি পরমং হিতম্॥ 13-238-42 (90849)
মহেশ্বর উবাচ। 13-238-43x (7653)
স্থানে সংশয়িতং দেবি শৃণু কল্যাণি তৎবতঃ।
গুহ্যানাং পরমং গুহ্যং হিতানাং পরমং হিতম্॥ 13-238-43 (90850)
যথা দেবগণা দেবি তথা পিতৃগণাঃ প্রিয়ে।
দক্ষিণস্যাং দিশি শুভে সর্বে পিতৃগণাঃ স্থিতাঃ॥ 13-238-44 (90851)
প্রেতানুদ্দিশ্য যা পূজা ক্রিয়তে মানুষৈরিহ।
তেন তুষ্যন্তি পিতরো ন প্রেতাঃ পিতরঃ স্মৃতাঃ॥ 13-238-45 (90852)
উত্তরস্যাং যথা দেবা রমন্তে যজ্ঞকর্মভিঃ।
দক্ষিণস্যাং তথা দেবি তুষ্যন্তি বিবিধৈর্মখৈঃ॥ 13-238-46 (90853)
দ্বিবিধং ক্রিয়তে কর্ম হব্যকব্যসমাশ্রিতম্।
তয়োর্হব্যক্রিয়া দেবান্কব্যমাপ্যায়তে পিতৄন্। 13-238-47 (90854)
প্রসব্যং মঙ্গলৈর্দ্রব্যৈর্হব্যকর্ম বিধীয়তে।
অপসব্যমমঙ্গল্যৈঃ কব্যং চাপি বিধীয়তে॥ 13-238-48 (90855)
সদেবাসুরগন্ধর্বাঃ পিতৄনভ্যর্চয়ন্তি চ।
আপ্যায়ন্তে চ তে শ্রাদ্ধৈঃ পুনরাপ্যায়যন্তি তান্॥ 13-238-49 (90856)
অনিষ্টা চ পিতৄন্পূর্বং যঃ ক্রিয়াং প্রকরোতি চেৎ।
রক্ষাংসি চ পিশাচাশ্চ ফলং ভোক্ষ্যন্তি তস্য তৎ॥ 13-238-50 (90857)
হব্যকব্যক্রিয়াস্তস্মাৎকর্তব্যা ভুবি মানুষৈঃ।
কর্মক্ষেত্রং হি মানুষ্যং তদন্যত্র ন বিদ্যতে॥ 13-238-51 (90858)
কব্যেন সন্ততির্দৃষ্টা হব্যে ভূতিঃ পৃথগ্বিধাঃ।
ইতি তে কথিতং দেবি দেবগুহ্যং সনাতনম্॥ ॥ 13-238-52 (90859)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টত্রিংশদধিকদ্বিশততমোঽধ্যায়ঃ॥ 238 ॥
অনুশাসনপর্ব - অধ্যায় 239
॥ শ্রীঃ ॥
13.239. অধ্যায়ঃ 239
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি দানত্রৈবিধ্যাত্তৎফলত্রৈবিধ্যাদিকথনম্॥ 1 ॥ তথা দানফলস্য পঞ্চবিধৎবপ্রতিপাদনম্॥ 2 ॥ তথা নানাধর্মতৎফলপ্রতিপাদনম্॥ 3 ॥Mahabharata - Anushaasana Parva - Chapter Text
উমোবাচ।
এবং কৃতস্য ধর্মস্য শ্রোতুমিচ্ছাম্যহং প্রভো।
প্রমাণং ফলমানানাং তন্মে শংসিতুমর্হসি॥ 13-239-1 (90860)
মহেশ্বর উবাচ। 13-239-2x (7654)
প্রমাণকল্পনাং দেবি দানস্য শৃণু ভামিনি॥ 13-239-2 (90861)
যৎসারস্তু নরো লোকে তদ্দানং চোত্তমং স্মৃতম্।
সর্বদানবিধিং প্রাহুস্তদেব ভুবি শোভনে॥ 13-239-3 (90862)
প্রস্থং সারং দরিদ্রস্য শতং কোটিধনস্য চ।
প্রস্থসারস্তু তৎপ্রস্থং দদন্মহদষাপ্নুয়াৎ॥ 13-239-4 (90863)
কোটিসারস্তু তাং কোটিং দদান্মহদবাপ্নুয়াৎ।
উভয়ং তন্মহত্তচ্চ ফলেনৈব সমং স্মৃতম্॥ 13-239-5 (90864)
ধর্মার্থকামভোগেষু শক্ত্যভাবস্তু মধ্যমম্।
স্বদ্রব্যাদতিহীনং তু তদ্দানমধমং স্মৃতম্॥ 13-239-6 (90865)
শৃণু দত্তস্য বৈ দেবি পঞ্চধা ফলকল্পনাম্।
আনন্ত্যং চ মহচ্চৈব সমং হীনং হি পাতকম্॥ 13-239-7 (90866)
তেষাং বিশেষং বক্ষ্যামি শৃণু দেবি সমাহিতা।
দুস্ত্যজস্য চ বৈ দানং পাত্র আনন্ত্যমুচ্যতে॥ 13-239-8 (90867)
দানং ষঙ্গুণয়ুক্তং তু মহদিত্যভিধীয়তে।
যথাশ্রদ্ধং তু বৈ দানং যথার্হং সমমুচ্যতে॥ 13-239-9 (90868)
গুণতস্তু তথা হীনং দানং হীনমিতি স্মৃতম্।
দানং পাতকমিত্যাহুঃ ষড্গুণানাং বিপর্যযে॥ 13-239-10 (90869)
দেবলোকে মহৎকালমান্ত্যস্য ফলং বিদুঃ।
মহতস্তু তথা কালং স্বর্গলোকে তু পূজ্যতে॥ 13-239-11 (90870)
সমস্য তু তদা দানং মানুষ্যং ভোগমাবহেৎ।
দানং নিষ্ফলমিত্যাহুর্বিহীনং ক্রিয়যা শুভে॥ 13-239-12 (90871)
অথবা ম্লেচ্ছদেশেষু তত্র তৎফলতাং ব্রজেৎ।
নরকং প্রেত্য তির্যক্ষু গচ্ছেদশুভদানতঃ॥ 13-239-13 (90872)
উমোবাচ। 13-239-14x (7655)
অশুভস্যাপি দানস্য শুভং স্যাচ্চ ফলং কথম্॥ 13-239-14 (90873)
মহেশ্বর উবাচ। 13-239-15x (7656)
মনসা তৎবতঃ শুদ্ধমানৃশংস্যপুরঃসরম্।
প্রীত্যা তু সর্বদানানি দত্ৎবা ফলমবাপ্নুয়াৎ॥ 13-239-15 (90874)
রহস্যং সর্বদানানামেতদ্বিদ্ধি শুভেক্ষণে।
অন্যানি ধর্মকার্যাণি শৃণু সদ্ভিঃ কৃতানি চ॥ 13-239-16 (90875)
আরামদেবগোষ্ঠানি সংক্রমাঃ কূপ এব চ।
গোবাটশ্চ তটাকশ্চ সভা শালা চ সর্বশঃ॥ 13-239-17 (90876)
পাষণ্ডাবসথশ্চৈব পানীয়ং গোতৃণানি চ।
ব্যাধিতানাং চ ভৈষজ্যমনাথানাং চ পোষণম্॥ 13-239-18 (90877)
অনাথশবসংস্কারস্তীর্থমার্গবিশোধনম্।
ব্যসনাভ্যবপত্তিশ্চ সর্বেষাং চ স্বশক্তিতঃ॥ 13-239-19 (90878)
এতৎসর্বং সমাসেন ধর্মকার্যমিতি স্মৃতম্।
তৎকর্তব্যং মনুষ্যেণ স্বশক্ত্যা শ্রদ্ধয়া শুভে॥ 13-239-20 (90879)
প্রেত্যভাবে লভেৎপুণ্যং নাস্তি তত্র বিচারণা।
রূপং সৌভাগ্যমারোগ্যং বলং সৌখ্যং লভেন্নরঃ।
স্বর্গো বা মানুষে বাঽপি তৈস্তৈরাপ্যায়তে হি সঃ॥ 13-239-21 (90880)
উমোবাচ। 13-239-22x (7657)
ভগবন্লোকপালেশ ধর্মস্তু কতিভেদকঃ।
দৃশ্যতে পরিতঃ সদ্ভিস্তন্মে শংসিতুমর্হসি॥ 13-239-22 (90881)
মহেশ্বর উবাচ। 13-239-23x (7658)
শৃণু দেবি সমুদ্দেশান্নানাৎবং ধর্মসঙ্কটে।
ধর্মা বহুবিধা লোকে শ্রুতিভেদমুখোদ্ভবাঃ॥ 13-239-23 (90882)
স্মৃতিধর্মশ্চ বহুধা সদ্ভিরাচার ইষ্যতে॥ 13-239-24 (90883)
দেশধর্মাশ্চ দৃশ্যন্তে কুলধর্মাস্তথৈব চ।
জাতিধর্মাশ্চ বৈ ধর্মা গণধর্মাশ্চ শোভনে॥ 13-239-25 (90884)
শরীরকালবৈষম্যাদাপদ্ধর্মশ্চ দৃশ্যতে।
এতদ্ধর্মস্য নানাৎবং ক্রিয়তে লোকবাসিভিঃ॥ 13-239-26 (90885)
কারণাত্তত্রতত্রৈব ফলং ধর্মস্য চেষ্যতে।
তৎকারণসমায়োগে লভেৎকুর্বন্ফলং নরঃ॥ 13-239-27 (90886)
অন্যথা ন লভেৎপুণ্যমতদর্হঃ সমাবিশেৎ।
এবং ধর্মস্য নানাৎবং ফলং কুর্বল্লঁভেন্নরঃ॥ 13-239-28 (90887)
শ্রৌতস্মার্তস্তু ধর্মাণাং প্রাকৃতো ধর্ম উচ্যতে।
ইতি তে কথিতং দেবি ভূয়ঃ শ্রোতুং কিমিচ্ছসি॥ ॥ 13-239-29 (90888)
ইতি শ্রীমন্মহাভারতে অনুশাসনপর্বণি দানধর্মপর্বণি একোনচৎবারিংশদধিকদ্বিশততমোঽধ্যায়ঃ॥ 239 ॥
অনুশাসনপর্ব - অধ্যায় 240
॥ শ্রীঃ ॥
13.240. অধ্যায়ঃ 240
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি ভদ্রাশ্বকেতুমালাদিখণ্ডানাং সুকৃতিনাং ভোগস্থানৎবাদিপ্রতিপাদনম্॥ 1 ॥Mahabharata - Anushaasana Parva - Chapter Text
উমোবাচ।
ভগবন্সর্বভূতেশ পুরমর্দন শঙ্কর।
শ্রুতং পাপকৃতাং দুঃখং যমলোকে বরপ্রদ॥ 13-240-1 (90889)
শ্রোতুমিচ্ছাম্যহং দেব নৃণাং সুকৃতকর্মণাম্।
কথং তে ভুঞ্জতে ভোগান্স্বর্গলোকে মহেশ্বর॥ 13-240-2 (90890)
কথিতাঃ কীদৃশা লোকা নৃণাং সুকৃতকারিণাম্।
এতন্মে বদ দেবশ শ্রোতুং কৌতূহলং হি মে॥ 13-240-3 (90891)
মহেশ্বর উবাচ। 13-240-4x (7659)
শৃণু কল্যাণি তৎসর্বং যত্ৎবমিচ্ছসি শোভনে।
বিবিধাঃ পুণ্যলোকাস্তে কর্মকর্মণ্যতাং গতাঃ॥ 13-240-4 (90892)
মেরুং হি কনকাত্মানং পরিতঃ সর্বতোদিশম্।
ভদ্রাশ্চঃ কেতুমালশ্চ উত্তরাঃ কুরবস্তথা॥ 13-240-5 (90893)
জম্বূবনাদয়ঃ স্বর্গা ইত্যেতে কর্মবর্জিতাঃ।
তেষু ভূৎবা স্বয়ংভূতাঃ প্রদৃশ্যতে যতস্ততঃ॥ 13-240-6 (90894)
যোজনানাং সহস্রং চ একৈকং মানমাত্রয়া।
নিত্যং পুষ্পফলোপেতাস্তত্র বৃক্ষাঃ সমন্ততঃ॥ 13-240-7 (90895)
আসক্তবস্ত্রাভরণাঃ সর্বে কনকসন্নিভাঃ।
দ্বিরেফাশ্চাণ্ডজাস্তত্র প্রবালমণিসন্নিভাঃ।
বিচিত্রাশ্চ মনোজ্ঞাশ্চ কূজিতৈঃ শোভয়ন্তি তান্॥ 13-240-8 (90896)
কুশেশয়বনচ্ছন্না নলিন্যশ্চ মনোরমাঃ।
তত্র বান্ত্যনিলা নিত্যং দিব্যগন্ধসুখাবহাঃ॥ 13-240-9 (90897)
সর্বে চাম্লানমাল্যাশ্চ বিরজোম্বরসংবৃতাঃ।
এবং বহুবিধা দেবি দিব্যভোগাঃ সুখাবহাঃ॥ 13-240-10 (90898)
স্ত্রিয়শ্চ পুরুষাশ্চৈব সর্বে সুকৃতকারিণঃ।
রমন্তে তত্র চান্যোন্যং কামরাগসমন্বিতাঃ॥ 13-240-11 (90899)
মনোহরা মহাভাগাঃ সর্বে ললিতকুণ্ডলাঃ।
এবং তত্র স্থিতা মর্ত্যাঃ প্রমদাঃ প্রিয়দর্শনাঃ॥ 13-240-12 (90900)
নানাভাবসমায়ুক্তা যৌবনস্থাঃ সদৈব তু।
যুবত্যঃ কল্পিতাস্তত্র কামজা ললিতাস্তথা॥ 13-240-13 (90901)
মনোনুকূলা মধুরা ভোগিনামুপকল্পিতাঃ।
প্রমদাশ্চোদ্ভবন্ত্যেব স্বর্গলোকে যথা তথা॥ 13-240-14 (90902)
এবংবিধাঃ স্ত্রিয়শ্চাত্র পুরুষাশ্চ পরস্পরম্।
রমন্তে চেন্দ্রিয়ৈঃ স্বস্থৈ শরীরৈর্ভোগসংস্কৃতৈঃ॥ 13-240-15 (90903)
কামহর্ষগুণাভ্যস্তা নান্যে ক্রোধাদয়ঃ প্রিয়ে।
ক্ষুৎপিপাসা ন চাস্ত্যত্রি গাত্রক্লেশাশ্চ শোভনে॥ 13-240-16 (90904)
সর্বতো রমণীয়ং চ সর্বত্র কুসুমান্বিম্।
যাবৎপুণ্যফলং তাবদ্দৃশ্যন্তে বহুসঙ্গতাঃ।
নিরন্তরং ভোগয়ুতা রমন্তে স্বর্গবাসিনঃ॥ 13-240-17 (90905)
তত্র ভোগান্যথায়োগং ভুক্ৎবা পুণ্যক্ষয়াৎপুনঃ।
নশ্যন্তি জায়মানাস্তে শরীরৈঃ সহসা প্রিয়ে॥ 13-240-18 (90906)
স্বর্গলোকাৎপরিভ্রষ্টাঃ জায়ন্তে মানুষে পুনঃ।
পূর্বপুণ্যাবশেষেণ বিশিষ্টাঃ সম্ভবন্তি তে॥ 13-240-19 (90907)
এষা স্বর্গগতিঃ প্রোক্তা পৃচ্ছন্ত্যাস্তব ভামিনি।
অত ঊর্ধ্বং পদান্যষ্টৌ সুকর্মাণি শৃণু প্রিয়ে।
ভোগয়ুক্তানি পুণ্যানি উচ্ছ্রিতানি পরস্পরম্॥ 13-240-20 (90908)
বিদ্যাধরাঃ কিম্পুরুষা যক্ষগন্ধর্বকিন্নরাঃ।
অপ্সরোদানবা দেবা যথাক্রমমুদাহৃতাঃ॥ 13-240-21 (90909)
তেষু স্থানেষু জায়ন্তে প্রাণিনাঃ পুণ্যকর্মণঃ।
তেষামপি চ যে লোকাঃ স্বর্গলোকোপমাঃ স্মৃতাঃ॥ 13-240-22 (90910)
স্বর্গবত্তত্র তে ভোগান্ভুঞ্জতে চ রমন্তি চ।
রূপসৎববলোপেতাঃ সর্বে দীর্ঘায়ুষস্তথা॥ 13-240-23 (90911)
তেষাং সর্বক্রিয়ারম্ভো মানুষেষ্বিব দৃশ্যতে।
অতিমানুষমৈশ্বর্যমত্র মায়াবলাৎকৃতম্॥ 13-240-24 (90912)
জরাপ্রসূতিমরণং তেষু স্থানেষু দৃশ্যতে।
গুণা দোষাশ্চ সন্ত্যত্র আকাশগমনং তথা॥ 13-240-25 (90913)
অন্তর্ধানং বলং সত্ৎবমায়ুশ্চ চিরজীবিতম্।
তপোবিশেষজ্জায়ন্তে যথা কর্ম্ণি ভামিনি॥ 13-240-26 (90914)
দেবলোকে প্রবৃত্তিস্তু তেষামেব বিধীয়তে।
ন তথা দেবলোকো হি তদ্বিশিষ্টাঃ সুরাঃ স্মৃতাঃ॥i 13-240-27 (90915)
তত্র ভোগমনির্দেশ্যমমৃতৎবং চ বিদ্যতে।
বিমানগমনং নিত্যমপ্সরোগণসেবিতম্॥ 13-240-28 (90916)
এবমন্যচ্চ তৎকর্ম দেবতাভ্যো বিশিষ্যতে।
প্রত্যক্ষং তব তৎসর্বং দেবলোকে প্রবর্তনম্॥ 13-240-29 (90917)
তস্মান্ন বর্ণয়ে দেবি বিদিতং চ ৎবয়া শুভে।
তৎসর্বং সুকৃতৈরেব প্রাপ্যতে চোত্তমং পদম্॥ ॥ 13-240-30 (90918)
ইতি শ্রীমন্মহাভারতে অনুশাসনপর্বণি দানধর্মপর্বণি চৎবারিংশদধিকদ্বিশততমোঽধ্যায়ঃ॥ 240 ॥
অনুশাসনপর্ব - অধ্যায় 241
॥ শ্রীঃ ॥
13.241. অধ্যায়ঃ 241
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি প্রাণিনাং শুভাশুভৎবনিশ্চায়কলিঙ্গকথনম্॥ 1 ॥Mahabharata - Anushaasana Parva - Chapter Text
উমোবাচ।
মানুষেষ্বেব জীবৎসু গতির্বিজ্ঞায়তে ন বা।
যথা শুভগতির্জীবো নাসৌ ৎবশুভভাগিতি॥ 13-241-1 (90919)
এতদিচ্ছাম্যহং শ্রোতুং তন্মে শংসিতুমর্হসি॥ 13-241-2 (90920)
মহেশ্বর উবাচ। 13-241-3x (7660)
তদহং তে প্রবক্ষ্যামি জীবিতং বিদ্যতে যথা।
দ্বিবিধাঃ প্রাণিনো লোকে দৈবমাসুরমাশ্রিতাঃ॥ 13-241-3 (90921)
মনসা কর্মণা বাচা প্রতিকলা ভবন্তি যে।
তাদৃশানাসুরান্বিদ্ধি মর্ত্যাস্তে নরকালয়াঃ॥ 13-241-4 (90922)
হিংস্রাশ্চোরাশ্চ ধূর্তাশ্চ পরদারাভিমর্শকাঃ।
নীচকর্মরতা যে চ শৌচমঙ্গলবর্জিতাঃ॥ 13-241-5 (90923)
শুচিবিদ্বেষিণঃ পাপা লোকচারিত্রদূষকাঃ।
এবং যুক্তসমাচারা জীবন্তো নরকালয়াঃ॥ 13-241-6 (90924)
লোকোদ্বেগকরাশ্চান্যে পশবশ্চ সরীসৃপাঃ।
বৃক্ষাঃ কণ্টকিনো রূক্ষাস্তাদৃশান্বিদ্ধি চাসুরান্॥ 13-241-7 (90925)
অপরান্দেবপক্ষাংস্তু শৃণু দেবি সমাহিতা॥ 13-241-8 (90926)
মনোবাক্কর্মভির্নিত্যমনুকূলা ভবন্তি যে।
তাদৃশানমরান্বিদ্ধি তে নরাঃ স্বর্গগামিনঃ॥ 13-241-9 (90927)
শৌচার্জবপরা ধীরাঃ পরার্থং নাহরন্তি যে।
যে সমাঃ সর্বভূতেষু তে নরাঃ স্বর্গগামিনঃ॥ 13-241-10 (90928)
ভয়াদ্বা বৃত্তিহেতোর্বা অনৃতং ন বদন্তি যে।
সত্যং বদন্তি সততং তে নরাঃ স্বর্গগামিনঃ॥ 13-241-11 (90929)
ধার্মিকাঃ শৌচসম্পন্নাঃ শুক্লা মধুরবাদিনঃ।
নাকার্যং মনসেচ্ছন্তি তে নরাঃ স্বর্গগামিনঃ॥ 13-241-12 (90930)
স্বদুঃখমিব মন্যন্তে পরেষাং দুঃখবেদনম্।
দরিদ্রা অপি যে কেচিদ্যাচিতাঃ প্রীতিপূর্বকম্।
দদত্যেব চ যৎকিঞ্চিত্তে নরাঃ স্বর্গগামিনঃ॥ 13-241-13 (90931)
আস্তিকা মঙ্গলপরাঃ সততং বৃদ্ধসেবিনঃ।
পুণ্যকর্মপরা নিত্যং তে নরাঃ স্বর্গগামিনঃ॥ 13-241-14 (90932)
ব্রতিনো দানশীলাশ্চ ধর্মশীলাশ্চ মানবাঃ॥
ঋজবো মৃদবো নিত্যং তে নরাঃ স্বর্গগামিনঃ॥ 13-241-15 (90933)
গুরুশুশ্রূষণপরা দেবব্রাহ্মণপূজকাঃ।
কৃজজ্ঞাঃ কৃতবিদ্যাশ্চ তে নরাঃ স্বর্গগামিনঃ॥ 13-241-16 (90934)
জিতেন্দ্রিয়া জিতক্রোধা জিতমানমদাঃ স্মৃতাঃ।
লোভমাৎসর্যহীনা যে তে নরাঃ স্বর্গগামিনঃ॥ 13-241-17 (90935)
নির্মা নিরহঙ্কারঃ সানুক্রোশাঃ স্ববন্ধুষু।
দীনানুকম্পিনো নিত্যং তে নরাঃ স্বর্গগামিনঃ॥ 13-241-18 (90936)
ঐহিকেন তু বৃত্তেন পারত্রমনুমীয়তে।
এবংবিধা নরা লোকে জীবন্তঃ স্বর্গগামিনঃ॥ 13-241-19 (90937)
যদন্যচ্চ শুভং লোকে প্রজানুগ্রহকারি চ।
পশবশ্চৈব বৃক্ষাশ্চ প্রজানাং হিতকারিণঃ।
তাদৃশান্দেবপক্ষস্থানিতি বিদ্ধি শুভাননে॥ 13-241-20 (90938)
শুভাশুভপ্রয়ং লোকে সর্বং স্থাবরজঙ্গমম্।
দৈবং শুভমিতি প্রাহুরাসুরং চাশুভং প্রিয়ে॥ ॥ 13-241-21 (90939)
ইতি শ্রীমন্যহাভারতে অনুশাসনপর্বণি দানধর্মপর্বণি একচৎবারিংশদধিকদ্বিশততমোঽধ্যায়ঃ॥ 241 ॥
অনুশাসনপর্ব - অধ্যায় 242
॥ শ্রীঃ ॥
13.242. অধ্যায়ঃ 242
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি প্রাণিনাং মরণস্য স্বাভাবিকৎবয়ত্নসাধ্যৎবভেদেন দ্বৈবিধ্যকথনপূর্বকং দ্বিতীয়স্য যোগাদিনা শরীরত্যাগাদিভেদেন চাতুর্বিধ্যকথনেন তস্য মহাফলহেতুৎবকথনম্॥ 1 ॥ কামক্রোধাদিনা শরীরত্যাগস্য নকরভোগহেতুৎবকথনম্॥ 2 ॥Mahabharata - Anushaasana Parva - Chapter Text
উমোবাচ।
ভগবন্মানুষাঃ কেচিৎকালধর্মমুপস্থিতাঃ।
প্রাণমোক্ষং কথং কৃৎবা পরত্রি হিতমাপ্নুয়ুঃ॥ 13-242-1 (90940)
মহেশ্বর উবাচ। 13-242-2x (7661)
হন্ত তে কথয়িষ্যামি শৃণু দেবি সমাহিতা।
দ্বিবিধং মরণং লোকে স্বভাবাদ্যত্নতস্তথা॥ 13-242-2 (90941)
তয়োঃ স্বভাবং নাপায়ং যত্নতঃ করণোদ্ভবম্।
এতয়োরুভয়োর্দেবি বিধানং শৃণু শোভনে॥ 13-242-3 (90942)
কল্যাকল্যশরীরস্য যত্নজং দ্বিবিধং স্মৃতম্।
যত্নজং নাম মরণমাত্মত্যাগো মুমূর্ষয়া॥ 13-242-4 (90943)
তত্রাকল্যশরীরস্য জরা ব্যাধিশ্চ কারণম্।
মহাপ্রস্থানগমনং তথা প্রায়োপবেশনম্।
জলাবগাহনং চৈব অগ্নিচিত্যাং প্রবেশনম্॥ 13-242-5 (90944)
এবং চতুর্বিধঃ প্রোক্ত আত্মত্যাগো মুমূর্ষতাম্।
এতেষাং ক্রময়োগেন বিধানং শৃণু শোভনে॥ 13-242-6 (90945)
স্বধর্ময়ুক্তং গার্হস্থ্যং চিরমূঢ্বা বিধানতঃ।
তত্রানৃণ্যং চ সম্প্রাপ্য বৃদ্ধো বা ব্যাধিতোঽপি বা॥ 13-242-7 (90946)
দর্শয়িৎবা স্বদৌর্বল্যং সর্বানেবানুমান্য চ।
সর্বং বিহায় বন্ধূংশ্চ ক্রমাণাং ভরণং তথা॥ 13-242-8 (90947)
দানানি বিধিবৎকৃৎবা ধর্মিকার্যর্থমাত্মনঃ।
অনুজ্ঞাপ্য জনং সর্বং বাচা মধুরয়া ব্রুবন্॥ 13-242-9 (90948)
অহতং বস্ত্রমাচ্ছাদ্য বদ্ধ্বা তৎকুশরজ্জুনা।
উপস্পৃশ্চ প্রতিজ্ঞায় ব্যবসায়পুরসরম্॥ 13-242-10 (90949)
পরিত্যজ্য ততো গ্রাম্যং ধর্মং কুর্যাদ্যথেপ্সিতম্।
মহাপ্রস্তানমিচ্ছেচ্চেৎপ্রতিষ্ঠেতোত্তরাং দিশম্॥ 13-242-11 (90950)
ভূৎবা তাবন্নিরাহারো যাবৎপ্রাণবিমোক্ষণম্।
চেষ্টাহানৌ শয়িৎবাঽপি তন্মনাঃ প্রাণমুৎসৃজেৎ।
এবং পুণ্যকৃতাং লোকানমলান্প্রতিপদ্যতে॥ 13-242-12 (90951)
প্রায়োপবেশনং চেচ্ছেত্তেনৈব বিধিনা নরঃ।
দেশে পুণ্যতমে শ্রেষ্ঠে নিরাহারস্তু সংবিশেৎ॥ 13-242-13 (90952)
অপ্রাণং তু শুচির্ভূৎবা কুর্বন্দানং স্বশক্তিতঃ।
পুণ্যং পরিত্যজেৎপ্রাণানেষ ধর্মঃ সনাতনঃ।
এবং কলেবরং ত্যক্ৎবা স্বর্গলোকে মহীয়তে॥ 13-242-14 (90953)
অগ্নিপ্রবেশনং চেচ্ছেত্তেনৈব বিধিনা শুভে।
কৃৎবা কাষ্ঠময়ং চিত্যং পুণ্যক্ষেত্রে নদীষু বা॥ 13-242-15 (90954)
দৈবতেভ্যো নমস্কৃৎবা কৃৎবা চাপি প্রদক্ষিণম্।
ভূৎবা শুচির্ব্যবসিতঃ প্রবিশেদগ্নিসংস্তরম্।
সোপি লোকান্যথান্যায়ং প্রাপ্নুয়াৎপুণ্যকর্মণাম্॥ 13-242-16 (90955)
জলাবগাহনং চেচ্ছেত্তেনৈব বিধিনা শুভে।
খ্যাতে পুণ্যতমে তীর্থে নিমজ্জেৎসুকৃতং স্মরন্॥ 13-242-17 (90956)
সোপি পুণ্যতমাঁল্লোকান্নিঃসঙ্গাৎপ্রতিপদ্যতে।
ততঃ কল্যশরীরস্য সংত্যাগং শৃণু তৎবতঃ॥ 13-242-18 (90957)
রক্ষার্থং ক্ষত্রিয়ঃ শ্রেষ্ঠঃ প্রজাপালনকারণাৎ।
যোধানাং ভর্তৃপিণ্ডার্থং গুর্বর্থং ব্রহ্মচারিণাম্॥ 13-242-19 (90958)
গোব্রাহ্মণার্থং সর্বেষাং প্রাণত্যাগো বিধীয়তে।
স্বরাজ্যরক্ষণার্তং বা কুজনৈঃ পীডিতাঃ প্রজাঃ॥ 13-242-20 (90959)
মোক্তুকামস্ত্যজেৎপ্রাণান্যুদ্ধমার্গে যথাবিধি।
সুসন্নদ্ধো ব্যবসিতঃ সম্প্রবিশ্যাপরাঙ্মুখঃ।
এবং রাজা মৃতঃ সদ্যঃ স্বর্গলোকে মহীয়তে॥ 13-242-21 (90960)
তাদৃশী সুগতির্নাস্তি ক্ষত্রিয়স্য বিশেষতঃ।
ভৃত্যো বা ভর্তৃপিণ্ডার্থং ভর্তৃকর্মণ্যুপস্থিতে॥ 13-242-22 (90961)
কুর্বংস্তত্র তু সাহায়্যমাত্মপ্রাণানপেক্ষয়া।
স্বাম্যর্থং সংত্যজেৎপ্রাণান্পুণ্যাঁল্লোকান্স গচ্ছতি॥ 13-242-23 (90962)
স্পৃহণীয়ঃ সুরগণৈস্তত্র নাস্তি বিচারণা।
এবং গোব্রাহ্মণার্থং বা দীনার্থং বা ত্যজেত্তনুম্॥ 13-242-24 (90963)
সোপি পুণ্যমবাপ্নোতি আনৃশংস্যব্যপেক্ষয়া।
ইত্যেতে জীবিতত্যাগে মার্গাস্তে সমুদাহৃতাঃ॥ 13-242-25 (90964)
কামক্রোধাদ্ভয়াদ্বাঽপি যদি চেৎসংত্যজেত্তনুম্।
সোঽনন্তং নরকং যাতি আত্মহন্তৃৎবকারণাৎ॥ 13-242-26 (90965)
স্বভাবং মরণং নাম ন তু চাত্মেচ্ছয়া ভবেৎ।
যথা মৃতানাং যৎকার্যং তন্মে শৃণু যথাবিধি॥ 13-242-27 (90966)
তত্রাপি মরণং ত্যাগো মূঢত্যাগাদ্বিশিষ্যতে।
ভূমৌ সংবেশয়েদ্দেহং নরস্য বিনশিষ্যতঃ॥ 13-242-28 (90967)
নির্জীবং বৃণুয়াৎসদ্যো বাসসা তু কলেবরম্।
মাল্যগন্ধৈরলঙ্কৃত্য সুবর্ণেন চ ভামিনি॥ 13-242-29 (90968)
শ্মশানে দক্ষিণে দেশে চিতাগ্নৌ প্রদহেন্মৃতম্।
অথবা নিক্ষিপেদ্ভূমৌ শরীরং জীববর্জিতম্॥ 13-242-30 (90969)
দিবা চ শুক্লপক্ষশ্চ উত্তরায়ণমেব চ।
মুমূর্ষূণাং প্রশস্তানি বিপরীতং তু গর্হিতম্॥ 13-242-31 (90970)
ঔদকং চাষ্টকাশ্রাদ্ধং বহুভির্বহুভিঃ কৃতম্।
আপ্যায়নং মৃতানাং তৎপরলোকে ভবেচ্ছুভম্।
এতৎসর্বং ময়া প্রোক্তং মানুষাণাং হিতং বচঃ॥ ॥ 13-242-32 (90971)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিচৎবারিংশদধিকদ্বিশততমোঽধ্যায়ঃ॥ 242 ॥
অনুশাসনপর্ব - অধ্যায় 243
॥ শ্রীঃ ॥
13.243. অধ্যায়ঃ 243
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি নানাধর্মামামপি প্রত্যেকং সাফল্যকথনেন তেষু মোক্ষধর্মস্যৈব শ্রৈষ্ঠ্যপ্রতিপাদনম্॥ 1 ॥ তথা জ্ঞানস্য মোক্ষসাধনৎবকথনপূর্বকং তৎপ্রাপ্ত্যুপায়কথনম্॥ 2 ॥Mahabharata - Anushaasana Parva - Chapter Text
উমোবাচ।
দেবদেব নমস্তেঽস্তু কালসূদন শঙ্কর।
লোকেষু বিবিধা ধর্মাস্ৎবৎপ্রসাদান্ময়া শ্রুতাঃ॥ 13-243-1 (90972)
বিশিষ্টং সর্বধর্মেভ্যঃ শাশ্বতং ধ্রুবমব্যযম্।
শ্রুতুমিচ্ছাম্যহং সর্বমত্র মুহ্যতি মে মনঃ॥ 13-243-2 (90973)
কেচিন্মোক্ষং প্রশংসন্তি কেচিদ্যজ্ঞফলং দ্বিজাঃ।
বানপ্রস্থং পুনঃ কেচিদ্গার্হস্থ্যং কেচিদাশ্রমম্॥ 13-243-3 (90974)
রাজধর্মাশ্রয়ং কেচিৎকেচিৎস্বাধ্যায়মেব চ।
ব্রহ্মচর্যাশ্রমং কেচিৎকেচিদ্বাক্সংয়মাশ্রয়ম্॥ 13-243-4 (90975)
মাতরং পিতরং কেচিৎসেবমানা দিবং গতাঃ।
অহিংসয়া পরঃ স্বর্গে সত্যেন চ মহীয়তে॥ 13-243-5 (90976)
আহবেঽভিমুখাঃ কেচিন্নিহতাস্ত্রিদিবং গতাঃ।
কেচিদুঞ্ছবৃত্তে সিদ্ধাঃ স্বর্গমার্গং সমাশ্রিতাঃ॥ 13-243-6 (90977)
আর্জবেনাপরে যুক্তা মহতাং পূজতে রতাঃ।
ঋজবো নাকপৃষ্ঠে তু শুদ্ধাত্মানঃ প্রতিষ্ঠিতাঃ॥ 13-243-7 (90978)
এবং বহুবিধৈর্লোকে ধর্মদ্বারৈঃ সুসংবৃতৈঃ।
মমাপি মতিরাবিদ্ধা মেঘলেখেব বায়ুনা॥ 13-243-8 (90979)
এতস্মিন্সংশয়স্থানে সংশয়চ্ছেদকারি যৎ।
বচনং ব্রূহি দেবেশ নিশ্চয়জ্ঞানসংজ্ঞিতম্॥ 13-243-9 (90980)
নারদ উবাচ। 13-243-10x (7662)
এবং পৃষ্টঃ স্বয়া দেব্যা মহাদেবঃ পিনাকধৃক্।
প্রোবাচ মধুরং বাক্যং সূক্ষ্মমধ্যাত্মসংশ্রিতম্॥ 13-243-10 (90981)
মহেশ্বর উবাচ। 13-243-11x (7663)
ন্যায়তস্ৎবং মহাভাগে শ্রোতুকামাঽসি নিশ্চয়ম্।
এতদেব বিশিষ্টং তে যত্ৎবং পৃচ্ছসি মাং প্রিয়ে॥ 13-243-11 (90982)
সর্বত্র বিহিতো ধর্মঃ স্বর্গলোকফলাশ্রিতঃ।
বহুদ্বারস্য ধর্মস্য নেহাস্তি বিফলাঃ ক্রিয়াঃ॥ 13-243-12 (90983)
যস্মিন্যস্মিংশ্চ বিষয়ে যোয়ো যাতি বিনিশ্চয়ম্।
তং তমেবাভিজানাতি নান্যং ধর্মং শুচিস্মিতে॥ 13-243-13 (90984)
শৃণু দেবি সমাসেন মোক্ষদ্বারসমনুত্তমম্।
এতদ্ধি সর্বধর্মাণাং বিশিষ্টং শুভমব্যযম্॥ 13-243-14 (90985)
নাস্তি মোক্ষাৎপরং দেবি মোক্ষ এব পরা গতিঃ।
সুখমাত্যন্তিকং শ্রেষ্ঠমনিবৃত্তং চ তদ্বিদুঃ॥ 13-243-15 (90986)
নাত্র দেবি জরা মৃত্যুঃ শোকো বা দুঃখমেব বা।
অনুত্তমমচিন্ত্যং চ তদ্দেবি পরমং সুখম্॥ 13-243-16 (90987)
জ্ঞানানামুত্তমং জ্ঞানং মোক্ষজ্ঞানং বিদুর্বুধাঃ।
ঋষিভির্দেবসঙ্ঘৈশ্চ প্রোচ্যতে পরমং পদম্॥ 13-243-17 (90988)
নিত্যমক্ষরমক্ষোভ্যমজেয়ং শাশ্বতং শিবম্।
বিশন্তি তৎপদং প্রাজ্ঞাঃ স্পৃহণীয়ং সুরোত্তমৈঃ॥ 13-243-18 (90989)
দুঃখাদিশ্চ দুরন্তশ্চ সংসারোয়ং প্রকীর্তিতঃ।
শোকব্যাধিজরাদোষৈর্মরণেন চ সংয়ুতঃ॥ 13-243-19 (90990)
যথা জ্যোতির্গণা ব্যোম্নি বিবর্তন্তে পুনঃপুনঃ।
তস্য মোক্ষস্য মার্গোঽয়ং শ্রুয়তাং শুভলক্ষণে॥ 13-243-20 (90991)
ব্রহ্মাদিস্থাবরান্তশ্চ সংসারো যঃ প্রকীর্তিতঃ।
সংসারে প্রাণিনঃ সর্বে নিবর্তন্তে যথা পুনঃ॥ 13-243-21 (90992)
তত্র সংসারচক্রস্য মোক্ষো জ্ঞানেন দৃশ্যতে।
অধ্যাত্মতৎববিজ্ঞানং জ্ঞানমিত্যভিধীয়তে॥ 13-243-22 (90993)
জ্ঞানস্য গ্রহণোপায়মাচারং জ্ঞানিনস্তথা।
যথাবৎসম্প্রবক্ষ্যামি তত্ৎবমেকমনাঃ শৃণু॥ 13-243-23 (90994)
ব্রাহ্মণঃ ক্ষত্রিয়ো বাঽপি ভূৎবা পূর্বং গৃহে স্থিতঃ।
আনৃণ্যং সর্বতঃ প্রাপ্য ততস্তান্সংত্যজেদ্গৃহান্॥ 13-243-24 (90995)
ততঃ সংত্যজ্য গার্হস্থ্যং নিশ্চিতো বনমাশ্রয়েৎ॥ 13-243-25 (90996)
বনে গুরুং সমাজ্ঞায় দীক্ষিতো বিধিপূর্বকম্।
দীক্ষাং প্রাপ্য যথান্যায়ং স্ববৃত্তং পরিপালয়েৎ॥ 13-243-26 (90997)
গৃহ্ণীয়াদপ্যুপাধ্যায়ান্মোক্ষজ্ঞানমনিন্দিতঃ।
দ্বিবিধং চ পুনর্মোক্ষং সাঙ্খ্যযোগমিতি স্মৃতিঃ॥ 13-243-27 (90998)
পঞ্চবিংশতিবিজ্ঞানং সাঙ্খ্যমিত্যভিধীয়তে।
ঐশ্বর্যং দেবসারূপ্যং যোগশাস্ত্রস্য নির্ণয়ঃ।
তয়োরন্যতরং জ্ঞানং শৃণুয়াচ্ছিষ্যতাং গতঃ॥ 13-243-28 (90999)
নাকালো নাপ্যকাষায়ী নাপ্যসংবৎসরোষিতঃ।
নাসাঙ্খ্যযোগো নাশ্রাদ্ধং গুরুণা স্নেহপূর্বকম্।
সমঃ শীতোষ্ণহর্ষাদীন্বিষহেত স বৈ মুনিঃ॥ 13-243-29 (91000)
অমৃষ্যঃ ক্ষুৎপিপাসাভ্যামুচিতেভ্যো নিবর্তয়েৎ।
ত্যজেৎসঙ্কল্পজান্গ্রন্থীন্সদা ধ্যানপরো ভবেৎ॥ 13-243-30 (91001)
কুণ্ডিকাচমসং শিক্যং ছত্রং যষ্টিমুপানহৌ।
চেলমিত্যেব নৈতেষু স্থাপয়েৎসাম্যমাত্মনঃ॥ 13-243-31 (91002)
গুরোঃ পূর্বং সমুত্তিষ্ঠেজ্জঘন্যং তস্য সংবিশেৎ।
নৈবাবিজ্ঞাপ্য ভর্তারমাবশ্যকমপি ব্রজেৎ॥ 13-243-32 (91003)
দ্বিরহ্নি স্নানশাটেন সংধ্যযোরভিষেচনম্।
এককালাশনং চাস্ বিহিতং যতিভিঃ পুরা॥ 13-243-33 (91004)
ভৈক্ষং সর্বত্র গৃহ্ণীয়াচ্চিন্তয়েৎসততং নিশি।
কারণে চাপি সম্প্রাপ্তে ন জ্ঞাপ্যেত কদাচন॥ 13-243-34 (91005)
ব্রহ্মিচর্যং বনে বাসং শৌচমিন্দ্রিয়সংয়মঃ।
দয়া চ সর্বভূতেষু তস্য ধর্মঃ সনাতনঃ॥ 13-243-35 (91006)
বিমুক্তঃ সর্বপাপেভ্যো লঘ্বাহারো জিতেন্দ্রিয়ঃ।
আত্ময়ুক্তঃ পরাং বুদ্ধিং লভতে পাপনাশিনীম্॥ 13-243-36 (91007)
যদা ভাবং ন কুরুতে সর্বভূতেষু পাপকম্।
কর্মণা মনসা বাচা ব্র্হম সম্পদ্যতে তদা॥ 13-243-37 (91008)
অনিষ্ঠুরোঽনহঙ্কারো নির্দ্বন্দ্বো বীতমৎসরঃ।
বীতশোকভয়াবাধং পদং প্রাপ্নোত্যনুত্তমম্॥ 13-243-38 (91009)
তুল্যনিন্দাস্তুতির্মৌনী সমলোষ্টাশ্মকাঞ্চনঃ।
সমঃ শত্রৌ চ মিত্রে চ নির্বাণমধিগচ্ছতি॥ 13-243-39 (91010)
এবং যুক্তসমাচারস্তৎপরোঽধ্যাত্মচিন্তকঃ।
জ্ঞানাভ্যাসেন তেনৈব প্রাপ্নোতি পরমাং গতিম্॥ ॥ 13-243-40 (91011)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিচৎবারিংশদধিকদ্বিশততমোঽধ্যায়ঃ॥ 243 ॥
অনুশাসনপর্ব - অধ্যায় 244
॥ শ্রীঃ ॥
13.244. অধ্যায়ঃ 244
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি জরামরণতারণস্য নির্বাণৈকসাধ্যৎবোক্ত্যা তস্য জ্ঞানৈকসাধ্যৎবপ্রতিপাদনেনেন্দ্রিয়নিগ্রহাদিনা বৈরাগ্যস্য তৎকারণৎবোক্তিঃ॥ 1 ॥Mahabharata - Anushaasana Parva - Chapter Text
মহেশ্বর উবাচ।
অনুদ্বিগ্নমতের্জন্তোরস্মিন্সংসারমণ্ডলে।
শোকব্যাধিজরাদুঃখৈর্নির্বাণং নোপপদ্যতে॥
তস্মাদুদ্বেগজননং মনোঽবস্থানপং তথা।
জ্ঞানং তে সম্প্রবক্ষ্যামি তন্মূলমমৃতং হি বৈ॥ 13-244-1 (91012)
শোকস্থানসহস্রাণি ভয়স্থানশতানি চ।
দিবসেদিবসে মূঢমাবিশন্তি ন পণ্ডিতম্॥ 13-244-3 (91013)
নষ্টে ধনে বা দারে বা পুত্রে পিতরি বা মৃতে।
অহো দুঃখমিতি ধ্যায়ঞ্শোকস্য পদমাব্রজেৎ॥ 13-244-4 (91014)
দ্রব্যেষু সমতীতেষু যে শুভাস্তান্ন চিন্তয়েৎ।
তাননাদ্রিয়মাণস্য শোকবন্ধঃ প্রণশ্যতি॥ 13-244-5 (91015)
সম্প্রয়োগাদনিষ্টস্য বিপ্রয়োগাৎপ্রিয়স্য চ।
মানুষা মানসৈর্দুঃখৈঃ সংয়ুজ্যন্তেঽল্পবুদ্ধয়ঃ॥ 13-244-6 (91016)
মৃতং বা যদি বা নষ্টং যোঽতীতমনুশোচতি।
সন্তাপেন চ যুজ্যেত তচ্চাস্য ন নিবর্ততে॥ 13-244-7 (91017)
উৎপন্নমিহ মানুষ্যে গর্ভপ্রভৃতি মানবম্।
বিবিধান্যুপবর্তন্তে দুঃখানি চ সুখানি চ॥ 13-244-8 (91018)
তয়োরেকতরো মার্গো যদ্যেনমভিসংনমেৎ।
সুখং প্রাপ্য ন সংহৃষ্যেন্ন দুঃখং প্রাপ্য সংজ্বরেৎ॥ 13-244-9 (91019)
দোষদর্শী ভবেত্তত্র যত্র স্নেহঃ প্রবর্ততে।
অনিষ্টেনান্বিতং পশ্যেদ্যথা ক্ষিপ্রং বিরজ্যতে॥ 13-244-10 (91020)
যথা কাষ্ঠং চ কাষ্ঠং চ সমেয়াতাং মহোদধৌ।
সমেত্য চ ব্যপেয়াতাং তদ্বজ্জ্ঞাতিসমাগমঃ॥ 13-244-11 (91021)
অদর্শনাদাপতিতাঃ পুনশ্চাদর্শনং গতাঃ।
স্নেহস্তত্র ন কর্তব্যো বিপ্রয়োগো হি তৈর্ধ্রুবম্॥ 13-244-12 (91022)
কুটুম্বপুত্রদারাংশ্চ শরীরং ধনসঞ্চয়ম্।
ঐশ্বর্যং স্বস্তিতা চেতি ন মুহ্যেত্তত্র পণ্ডিতঃ॥ 13-244-13 (91023)
সুখমেকান্ততো নাস্তি শক্রস্যাপি ত্রিবিষ্টপে।
তত্রাপি সুমহদ্দুঃখং ন নিত্যং লভতে সুখম্॥ 13-244-14 (91024)
সুখস্যান্তরং দুঃখং দুঃখস্যানন্তরং সুখম্।
ক্ষয়া নিচয়াঃ সর্বে পতনান্তাঃ সমুচ্ছ্রয়াঃ॥ 13-244-15 (91025)
সংয়োগা *********** মরণান্তং চ জীবিতম্।
উচ্ছ্রয়াংশ্চ নিপাতাশ্চ দৃষ্ট্যা প্রত্যক্ষতস্ত্রয়ম্।
অনিত্যমসুখং চেতি ব্যবস্যেৎসর্বমেব চ॥ 13-244-16 (91026)
অর্থানামার্জনে দুঃখমার্জিতানাং তু রক্ষণে।
নাশে দুঃখং ব্যযে দুঃখং ধিগর্থং দুঃখভাজনম্॥ 13-244-17 (91027)
অর্থবন্তং নরং নিত্যং পঞ্চাভিঘ্নন্তি শত্রবঃ।
রাজা চোরশ্চ দায়াদা ভূতানি ক্ষয় এব চ॥ 13-244-18 (91028)
অর্থমেব হ্যনর্থস্য মূলমিত্যবধারয়।
ন হ্যনর্থাঃ প্রবাধন্তে নরমর্তবিবর্জিতম্॥ 13-244-19 (91029)
অর্থপ্রাপ্তির্মহদ্দুঃখমাকিঞ্চিন্যং পরং সুখম্।
উপদ্রবেষু চার্থানাং দুঃখং হি নিয়তং ভবেৎ॥ 13-244-20 (91030)
ধনলোভেন তৃষ্ণায়া ন তৃপ্তিরুপলভ্যতে।
লব্ধাশ্রয়ো বিবর্ধেত সমিদ্ধ ইব পাবকঃ॥ 13-244-21 (91031)
জিৎবাঽপি পৃথিবীং কৃৎস্নাং চতুঃসাগরমেখলাম্।
সাগরাণাং পুনঃ পারং জেতুমিচ্ছত্যসংশয়ম্॥ 13-244-22 (91032)
অলং পরিগ্রহেণেহ দোষবান্হি পরিগ্রহঃ।
কোশকারঃ ক্রিমির্দেবি বধ্যতে হি পরিগ্রহাৎ॥ 13-244-23 (91033)
একোঽপি পৃথিবীং কৃৎস্নামেকচ্ছত্রাং প্রশাস্তি চ।
একস্মিন্নেব রাষ্ট্রে তু স চাপি নিবসেন্নৃপঃ॥ 13-244-24 (91034)
তস্মিন্রাষ্ট্রেঽপি নগরমেকমেবাধিতিষ্ঠতি।
নগরেঽপি গৃহং চৈকং ভবেত্তস্য নিবেশনম্॥ 13-244-25 (91035)
এক এব প্রতিষ্ঠঃ স্যাদাবাসস্তদ্গৃহেঽপি চ।
আবাসে শয়নং চৈকং নিশি যত্র প্রলীয়তে॥ 13-244-26 (91036)
শয়নস্যার্ধমেবাস্য স্ত্রিয়াশ্চার্ধং বিধীয়তে।
তদনেন প্রসঙ্গেন স্বল্পেনৈব হি যুজ্যতে॥ 13-244-27 (91037)
সর্বং মমেতি সম্মূঢো বলং পশ্যতি বালিশঃ।
এবং সর্বোপয়োগেষু স্বল্পমস্য প্রয়োজনম্॥ 13-244-28 (91038)
তণ্ডুলপ্রস্থমাত্রেণ যাত্রা স্যাৎসর্বদেহিনাম্।
ততো ভূয়স্তরো যোগো দুঃখায় তপনায় চ॥ 13-244-29 (91039)
নাস্তি তৃষ্ণাসমং দুঃখং নাস্তি ত্যাগসমং সুখম্।
সর্বান্কামান্পরিত্যজ্য ব্রহ্মভূয়ায় কল্পতে॥ 13-244-30 (91040)
যা দুস্ত্যজা দুর্মতিভির্যা ন জীর্যতি জীর্যতঃ।
যোঽসৌ প্রাণান্তিকো রোগস্তাং তৃষ্ণাং ত্যজতঃ সুখম্॥ 13-244-31 (91041)
ন জাতু কামঃ কামানামুপভোগেন শাম্যতি।
হবিষা কুষ্ণবর্ত্মেব ভূয় এবাভিবর্ধতে॥ 13-244-32 (91042)
অলাভেনৈব কামানাং শোকং ত্যজতি পণ্ডিতঃ।
আয়াসবিটপস্তীব্রঃ কামাগ্নিঃ কর্ষণারণিঃ।
ইন্দ্রিয়ার্থৈশ্চ সম্মোহ্য দহত্যকুশলং জনম্॥ 13-244-33 (91043)
যৎপৃথিব্যাং ব্রীহিয়বং হিরণ্যং পশবঃ স্ত্রিয়ঃ।
নালমেকস্য পর্যাপ্তমিতি পশ্যন্ন মুহ্যতি॥ 13-244-34 (91044)
যচ্চ কামসুখং লোকে যচ্চ দিব্যং মহৎসুখম্।
তৃষ্ণাক্ষয়সুখস্যৈতে নার্হতঃ ষোডশীং কলাম্॥ 13-244-35 (91045)
ইন্দ্রিয়াণীন্দ্রিয়ার্থেষু নৈব ধীরো নিয়োজয়েৎ।
মনঃষষ্ঠানি সংয়ম্য নিত্যমাত্মনি যোজয়েত॥ 13-244-36 (91046)
ইন্দ্রিয়াণাং বিসর্গেণ দোষমৃচ্ছত্যসংশয়ম্।
সংনিয়ম্য নু তান্যেব ততঃ সিদ্ধিমবাপ্নুয়াৎ॥ 13-244-37 (91047)
ষণ্ণামাত্মনি যুক্তানামৈশ্বর্যং যোঽধিগচ্ছতি।
ন চ পাপৈর্ন চানর্থৈঃ সংয়ুজ্যেত বিচক্ষণঃ॥ 13-244-38 (91048)
অপ্রমত্তঃ সদা রক্ষেদিন্দ্রিয়াণি বিচক্ষণঃ।
অরক্ষিতেষু তেষ্বাশু নরো নরকমেতি হি॥ 13-244-39 (91049)
হৃদি কামময়শ্চিত্রো মোহসঞ্চয়সম্ভবঃ।
অজ্ঞানরূঢমূলস্তু বিবিৎসাপরিষেচনঃ॥ 13-244-40 (91050)
রোষলোভমহাস্কন্ধঃ পুরা দুষ্কৃতসারবান্।
আয়াসবিটপস্তীব্রশোকপুষ্পো ভয়াঙ্কুরঃ॥ 13-244-41 (91051)
নানাসঙ্কল্পপত্রাঢ্যঃ প্রমাদাৎপরিবর্ধিতঃ।
মহতীভিঃ পিপাসাভিঃ সমন্তাৎপরিবেষ্টিতঃ॥ 13-244-42 (91052)
সংরোহত্যকৃতপ্রজ্ঞে পাদপঃ কামসম্ভবঃ।
নৈব রোহতি তৎবজ্ঞে রূঢো বা ছিদ্যতে পুনঃ॥ 13-244-43 (91053)
কৃচ্ছ্রোপায়েষ্বনিত্যেষু নিঃসারেষু ফলেষু চ।
দুঃখাদিষু দুরন্তেষু কাময়োগেষু কা রতিঃ॥ 13-244-44 (91054)
ইন্দ্রিয়েষু চ জীর্যৎসু চ্ছিদ্যমানে ততাঽঽয়ুষি।
পুরস্তাচ্চ স্থিতে মৃত্যৌ কিং সুখং পশ্যতাসুখে॥ 13-244-45 (91055)
ব্যাধিভিঃ পীড্যমানস্য নিত্যং শারীরমানসৈঃ।
নরস্যাকৃতকৃত্যস্য কিং সুখং মরণে সতি॥ 13-244-46 (91056)
সঞ্চিন্বানং তমেবার্থং কামানামবিতৃপ্তকম্।
ব্যাঘ্রঃ পশুমিবারণ্যে মৃত্যুরাদায় গচ্ছতি॥ 13-244-47 (91057)
জন্মমৃত্যুজরাদুঃখৈঃ সততং সমভিদ্রুতঃ।
সংসারে পচ্যমানস্তু পাপান্নোদ্বিজতে জনঃ॥ 13-244-48 (91058)
উমোবাচ। 13-244-49x (7664)
কেনোপায়েন মর্ত্যানাং নিবর্ত্যেতে জরান্তকৌ।
যদ্যস্তি ভগবন্মহ্যমেতদাচক্ষ্ব মাচিরম্॥ 13-244-49 (91059)
তপসা বা সুমহতা কর্মণা বা শ্রুতেন বা।
রসায়নপ্রয়োগৈর্বা কেনাত্যেতি জরান্তকৌ॥ 13-244-50 (91060)
মহেশ্বর উবাচ। 13-244-51x (7665)
নৈতদস্তি মহাভাগে জরামৃত্যুনিবর্তনম্।
সর্বলোকেষু জানীহি মোক্ষাদন্যত্র ভামিনি॥ 13-244-51 (91061)
ন ধনেন ন রাজ্যেন নোগ্রেণ তপসাঽপি বা।
মরণং নাতিতরতে বিনা মুক্ত্যা শরীরিণঃ॥ 13-244-52 (91062)
অশ্বমেধসহস্রাণি বাজপেয়শতানি চ।
ন তরন্তি জরামৃত্যূ নির্বাণাধিগমাদ্বিনা॥ 13-244-53 (91063)
ঐস্বর্যং ধনধান্যং চ বিদ্যালাভস্তপস্তথা।
রসায়নপ্রয়োগাদ্বৈ ন তরন্তি জরান্তকৌ॥ 13-244-54 (91064)
দানয়জ্ঞতপঃশীলরসায়নবিদোঽপি বা।
স্বাধ্যায়নিরতা বাঽপি ন তরন্তি জরান্তকৌ॥ 13-244-55 (91065)
দেবদানবগন্ধর্বকিন্নরোরগরাক্ষসান্।
স্ববশে কুরুতে কালো ন কালস্যাস্ত্যগোচরঃ॥ 13-244-56 (91066)
ন হ্যহানি নিবর্তন্তে ন মাসা ন পুনঃ ক্ষপাঃ।
স্রেয়ং প্রপদ্যতে ধ্যানমজস্রং ধ্রুবমব্যযম্॥ 13-244-57 (91067)
স্রবন্তি ন নিবর্তন্তে স্রোতাংসি সরিতামিব।
আয়ুরাদায় মর্ত্যানামহোরাত্রেষু সন্ততম্॥ 13-244-58 (91068)
জীবিতং সর্বভূতানামক্ষয়ঃ ক্ষপয়ন্নসৌ।
আদিত্যো হ্যস্তমভ্যেতি পুনঃ পুনরুদেতি চ॥ 13-244-59 (91069)
যস্যাং রাত্র্যাং ব্যতীতায়ামায়ুরল্পতরং ভবেৎ।
গাধোদকে মৎস্য ইব কিন্নু তস্য কুমারতা॥ 13-244-60 (91070)
মরণং হি শরীরস্য নিয়তং ধ্রুবমেব চ।
তিষ্ঠন্নপি ক্ষণং সর্বঃ কালস্যৈতি বশং পুনঃ॥ 13-244-61 (91071)
ন ম্রিয়েরন্ন জীর্যেরন্যদি স্যুঃ সর্বদেহিনঃ।
ন চানিষ্টং প্রবর্তেত শোকো বা প্রাণিনং ক্বচিৎ॥ 13-244-62 (91072)
অপ্রমত্তঃ প্রমত্তেষু কালো ভূতেষু তিষ্ঠতি।
অপ্রমত্তস্য কালস্য ক্ষয়ং প্রাপ্তো ন মুচ্যতে॥ 13-244-63 (91073)
শ্বঃকার্যমদ্য কুর্বীত পূর্বাহ্ণে চাপরাহ্ণিকম্।
কোপি তদ্বেদ যত্রাসৌ মৃত্যুনা নাভিবীক্ষিতঃ॥ 13-244-64 (91074)
বর্ষাস্বিদং করিষ্যামি ইদং গ্রীষ্মবসন্তয়োঃ।
ইতি বালশ্চিন্তয়তি অন্তরায়ং ন বুধ্যতি॥ 13-244-65 (91075)
ইদং মে স্যাদিদং মে স্যাদিত্যেবং মনসা নরাঃ।
অনবাপ্তেষু কামেষু হ্রিয়ন্তে মরণং প্রতি॥ 13-244-66 (91076)
কালপাশেন বদ্ধানামহন্যহনি জীর্যতাম্।
কা শ্রদ্ধা প্রাণিনাং মার্গে বিষমে ভ্রমতাং সদা॥ 13-244-67 (91077)
যুবৈব ধর্মশীলঃ স্যাদনিমিত্তং হি জীবিতম্।
ফলানামিব পক্বানাং সদা হি পতনাদ্ভয়ম্॥ 13-244-68 (91078)
মর্ত্যস্য কিং ধনৈর্দারৈঃ পুত্রৈর্ভোগৈঃ প্রিয়ৈরপি।
একাহ্না সর্বমুৎসৃজ্য মৃত্যোস্তু বশমন্বিয়াৎ। 13-244-69 (91079)
জায়ামানাংশ্চ সম্প্রেক্ষ্য ম্রিয়মাণাংস্তথৈব চ।
ন সংবেগোস্তি চেৎপুংসঃ কাষ্ঠলোসমো হি সঃ॥ 13-244-70 (91080)
বিনাশিনো হ্যধ্রুবজীবিতস্য
কিং বন্ধুভির্মিত্রপরিগ্রহৈশ্চ।
বিহায় যদ্গচ্ছতি সর্বমেবং
ক্ষণেন গৎবা ন নিবর্ততে চ॥ 13-244-71 (91081)
এবং চিন্তয়তো নিত্যং সর্বার্থানামনিত্যতাম্।
উদ্বেগো জায়তে শীঘ্রং নির্বাণস্য পুরস্সরঃ॥ 13-244-72 (91082)
তেনোদ্বেগেন চাপ্যস্য বিমর্শো জায়তে পুনঃ।
বিমর্শো নাম বৈরাগ্যং সর্বদ্রব্যেষু জায়তে॥ 13-244-73 (91083)
বৈরাগ্যেণ পরাং শান্তিং লভন্তে মানবাঃ শুভে।
মোক্ষস্যোপনিষদ্দিব্যং বৈরাগ্যমিতি নিশ্চিতম্॥ 13-244-74 (91084)
এতত্তে কথিতং দেবি বৈরাগ্যোৎপাদনং বচঃ।
এবং সঞ্চিন্ত্য সঞ্চিন্ত্য মুচ্যন্তে হি মুমুক্ষবঃ॥ ॥ 13-244-75 (91085)
ইতি শ্রীমন্মহাভারতে অনুশাসনপর্বণি দানধর্মপর্বণি চতুশ্চৎবারিংশদধিকদ্বিশততমোঽধ্যায়ঃ॥ 244 ॥
Mahabharata - Anushaasana Parva - Chapter Footnotes
7-244-18 দারাশ্চোরাশ্চেতি ক.পাঠঃ॥অনুশাসনপর্ব - অধ্যায় 245
॥ শ্রীঃ ॥
13.245. অধ্যায়ঃ 245
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি সাঙ্খ্যজ্ঞানপ্রতিপাদনপূর্বকমব্যক্তাদিচতুর্বিংশতিতৎবানামুৎপত্তিপ্রকারাদিকথনম্॥ 1 ॥ তথা সত্ৎবাদিগুণানাং কার্যবিশেষনিরূপণম্॥ 2 ॥ তথা ভূতপঞ্চকাদিগুণপ্রতিপাদনম্॥ 3 ॥Mahabharata - Anushaasana Parva - Chapter Text
মহেশ্বর উবাচ।
সাঙ্খ্যজ্ঞানং প্রবক্ষ্যামি যথাবত্তে শুচিস্মিতে।
যজ্জ্ঞাৎবা ন পুনর্মর্ত্যঃ সংসারেষু প্রবর্ততে॥ 13-245-1 (91086)
জ্ঞানেনৈব বিমুক্তাস্তে সাঙ্খ্যাঃ সংন্যাসকোবিদাঃ।
শরীরং তু তপো ঘোরং সাঙ্খ্যাঃ প্রাহুর্নিরর্থকম্। 13-245-2 (91087)
পঞ্চবিংশতিকং জ্ঞানং তেষাং জ্ঞানমিতি স্মৃতম্।
মূলপ্রকৃতিরব্যক্তমব্যক্তাজ্জায়তে মহান্॥ 13-245-3 (91088)
মহতোঽভূদহঙ্কারস্তস্মাত্তন্মাত্রপঞ্চকম্।
ইন্দ্রিয়াণি দশৈকং চ তন্মাত্রেভ্যো ভবন্ত্যুত॥ 13-245-4 (91089)
তেভ্যো ভূতানি পঞ্চাস্য শরীরং যৈঃ প্রবর্ততে।
ইতি ক্ষেত্রস্য সংক্ষেপং চতুর্বিংশতিরিষ্যতে।
পঞ্চবিংশতিত্যাহুঃ পুরুষেণেহ সঙ্খ্যযা॥ 13-245-5 (91090)
সৎবং রজস্তমশ্চেতি গুণাঃ প্রকৃতিসম্ভবাঃ।
তৈঃ সৃজত্যখিলং লোকং প্রকৃতিঃ স্বাত্মকৈর্গুণৈঃ॥ 13-245-6 (91091)
ইচ্ছা দ্বেষঃ সুখং দুঃখং সংঘাতশ্চেতনা ধৃতিঃ।
বিকারাঃ প্রকৃতেশ্চৈতে বেদিতব্যা মনীষিভিঃ॥ 13-245-7 (91092)
লক্ষণং চাপি সর্বেষাং বিকল্পং চাদিতঃ পৃথক্।
বিস্তরেণৈব বক্ষ্যামি তস্য ব্যাখ্যামহং শৃণু॥ 13-245-8 (91093)
নিত্যমেকমণু ব্যাপি ক্রিয়াহীনমহেতুকম্।
অগ্রাহ্যমিন্দ্রিয়ৈঃ সর্বৈরেতদব্যক্তলক্ষণম্॥ 13-245-9 (91094)
অব্যক্তং প্রকৃতির্মূলং প্রধানং যোনিরব্যযম্।
অব্যক্তস্যৈব নামানি শব্দৈঃ পর্যায়বাচকৈঃ॥ 13-245-10 (91095)
তৎসূক্ষ্মৎবাদনির্দেশ্যং তৎসদিত্যভিধীয়তে।
তন্মূলং চ জগৎসর্বং তন্মূলা সৃষ্টিরিষ্যতে॥ 13-245-11 (91096)
সৎবাদয়ঃ প্রকৃতিজা গুণাস্তান্প্রব্রবীম্যহম্॥ 13-245-12 (91097)
সুখং তুষ্টিঃ প্রকাশশ্চ ত্রয়স্তে সাৎবিকা গুণাঃ।
রাগদ্বেষৌ সুখং দুঃখং স্তম্ভশ্চ রজসো গুণাঃ।
অপ্রকাশো ভয়ং মোহস্তন্দ্রী চ তমসো গুণাঃ॥ 13-245-13 (91098)
শ্রদ্ধা প্রহর্ষো বিজ্ঞানমসংমোহো দয়া ধৃতিঃ।
সৎবে প্রবৃত্তে বর্ধন্তে বিপরীতে বিপর্যযঃ॥ 13-245-14 (91099)
কামক্রোধৌ মনস্তাপো লোভো মোহস্তথামৃষা।
প্রবৃদ্ধে পরিবর্ধন্তে রজস্যেতানি সর্বশঃ॥ 13-245-15 (91100)
বিষাদঃ সংশয়ো মোহস্তন্দ্রী নিদ্রা ভয়ং তথা।
তমস্যেতানি বর্ধন্তে প্রবৃদ্ধে হেৎবহেতুকম্॥ 13-245-16 (91101)
এবমন্যোন্যমেতানি বর্ধন্তে চ পুনঃপুনঃ।
হীয়ন্তে চ তথা নিত্যমভিভূতানি ভূরিশঃ॥ 13-245-17 (91102)
তত্র যৎপ্রীতিসংয়ুক্তং কায়েন মনসাঽপি বা।
বর্ততে সাৎবিকো ভাব ইত্যুপেক্ষেত তত্তথা॥ 13-245-18 (91103)
যদা সন্তাপসংয়ুক্তং চিত্তক্ষোভকরং ভবেৎ।
বর্ততে রজ ইত্যেব তদা তদভিচিন্তয়েৎ॥ 13-245-19 (91104)
যদা সম্মোহসংয়ুক্তং যদ্বিষাদকরং ভবেৎ।
অপ্রতার্ক্যমবিজ্ঞেয়ং তমস্তদুপধারয়েৎ॥ 13-245-20 (91105)
সমাসাৎসাৎবিকো ধর্মঃ সমাসাদ্রাজসং ধনম্।
সমাসাত্তামসঃ কামস্ত্রিবর্গে ত্রিগুণাঃ ক্রমাৎ॥ 13-245-21 (91106)
ব্রহ্মাদিদেবসৃষ্টির্যা সাৎবিকীতি প্রকীর্ত্যতে।
রাজসী মানবী সৃষ্টিস্তির্যগ্যোনিস্তু তামিসী॥ 13-245-22 (91107)
ঊর্ধ্বং গচ্ছন্তি সৎবস্থা মধ্যে তিষ্ঠন্তি রাজসাঃ।
জঘন্যগুণবৃতচ্তিস্থা অধো গচ্ছন্তি তামসাঃ॥ 13-245-23 (91108)
দেবমানুষতির্যক্ষু যদ্ভূতং সচরাচরম্।
আদিপ্রভৃতি সংয়ুক্তং ব্যাপ্তমেভিস্ত্রিভির্গুণৈঃ॥ 13-245-24 (91109)
অতঃ পরং প্রবক্ষ্যামি মহদাদীনি লিঙ্গতঃ।
বিজ্ঞানং চ বিবেকশ্চ মহতো লক্ষণং ভবেৎ॥ 13-245-25 (91110)
মহান্বুদ্ধির্মতিঃ প্রজ্ঞা নামানি মহতো বিদুঃ।
অহঙ্কারঃ স বিজ্ঞেয়ো লক্ষণেন সমাসতঃ॥ 13-245-26 (91111)
অহঙ্কারেণ ভূতানাং সর্গো নানাবিধো ভবেৎ।
অহঙ্কারনিবৃত্তির্হি নির্বাণায়োপপদ্যতে॥ 13-245-27 (91112)
খং বায়ুরগ্নিঃ সলিলং পৃথিবী চেতি পঞ্চমী।
মহাভূতানি ভূতানাং সর্বেষাং প্রভবাপ্যযৌ॥ 13-245-28 (91113)
শব্দঃ শ্রোত্রং তথা খানি ত্রয়মাকাশসম্ভবম্।
স্পর্শবৎপ্রাণিনাং চেষ্টা পবনস্য গুণাঃ স্মৃতাঃ॥ 13-245-29 (91114)
রূপং পাকোক্ষিণী জ্যোতিশ্চৎবারস্তেজসো গুণাঃ।
রসঃ স্নেহস্তথা জিহ্বা শৈত্যং চ জলজা গুণাঃ॥ 13-245-30 (91115)
গন্ধো ঘ্রাণং শরীরং চ পৃথিব্যাস্তে গুণাস্ত্রয়ঃ।
ইতি সর্বগুণা দেবি বিখ্যাতাঃ পাঞ্চভৌতিকাঃ॥ 13-245-31 (91116)
গুণান্পূর্বস্যপূর্বস্য প্রাপ্নুবন্ত্যুত্তরাণি তু।
তস্মান্নৈকগুণাশ্চেহ দৃশ্যন্তে বূতসৃষ্টয়ঃ॥ 13-245-32 (91117)
উপলভ্যাপ্সু যে গন্ধং কেচিদ্ব্রূয়ুরনৈপুণাঃ।
অপাং গন্ধগুণং প্রাজ্ঞা নেচ্ছন্তি কমলেক্ষণে॥ 13-245-33 (91118)
তদ্গন্ধৎবমপাং নাস্তি পৃথিব্যা এব তদ্গুণঃ।
ভূমির্গন্ধে রসে স্নেহো জ্যোতিশ্চক্ষুষি সংস্থিতম্।
প্রাণাপানাশ্রয়োঃ বায়ুঃ খেষ্বাকাশঃ শরীরিণাং 13-245-34 (91119)
কেশাস্থিনখদন্তৎবক্পাণিপাদশিরাংসি চ।
পৃষ্ঠোদরকটিগ্রীবাঃ সর্বং ভূম্যাত্মকং স্মৃতম্॥ 13-245-35 (91120)
যৎকিঞ্চিদপি কায়েঽস্মিন্ধাতুদোষমলাশ্রিতম্।
তৎসর্বং ভৌতিকং বিদ্ধি দেহৈরেবাস্য স্বামিকম্॥ 13-245-36 (91121)
বুদ্ধীন্দ্রিয়াণি কর্ণৎবক্চক্ষুর্জিহ্বাঽথ নাসিকা।
কর্মেন্দ্রিয়াণি বাক্পাণিপাদৌ মেঢ্রং গুদস্তথা॥ 13-245-37 (91122)
শব্দঃ স্পর্শশ্চ রূপং চ রসো গন্ধশ্চ পঞ্চমঃ।
বুদ্ধীন্দ্রিয়ার্থাঞ্জানীয়াদ্ভূতেভ্যস্ৎবভিনিঃসৃতান্॥ 13-245-38 (91123)
বাক্যং ক্রিয়া গতিঃ প্রীতিরুৎসর্গশ্চেতি পঞ্চধা।
কর্মেন্দ্রিয়ার্থাঞ্জানীয়াত্তে চ ভূতোদ্ভবা মতাঃ॥ 13-245-39 (91124)
ইন্দ্রিয়াণাং তু সর্বেষামীশ্বরং মন উচ্যতে।
প্রার্থনালক্ষণং তচ্চ ইন্দ্রিয়ং তু মনঃ স্মৃতম্॥ 13-245-40 (91125)
নিয়ুঙ্ক্তে চ সদা তানি ভূতানি মনসা সহ।
নিয়মে চ বিসর্গে চ মনসঃ কারণং প্রভুঃ॥ 13-245-41 (91126)
ইন্দ্রিয়াণীন্দ্রিয়ার্থাশ্চ স্বভাবশ্চেতনা ধৃতিঃ।
ভূতাভূতবিকারশ্চ শরীরমিতি সংস্মৃতম্॥ 13-245-42 (91127)
শরীরাচ্চ পরো দেহী শরীরং চ ব্যপাশ্রিতঃ।
শরীরিণঃ শরীরস্য সোঽন্তরং বেত্তি বৈ মুনিঃ॥ 13-245-43 (91128)
রসঃ স্পর্শস্চ গন্ধশ্চ রূপং শব্দবিবর্জিতম্।
অশরীরং শরীরেষু দিদৃক্ষেত নিরিন্দ্রিয়ম্। 13-245-44 (91129)
অব্যক্তং সর্বদেহেষু মর্ত্যেষ্বমরমাশ্রিতম্।
যঃ পশ্যেৎপরমাত্মানং বন্ধনৈঃ স বিমুচ্যতে॥ 13-245-45 (91130)
নৈবায়ং চক্ষুষাং গ্রাহ্যো নাপরৈরিন্দ্রিয়ৈরপি।
মনসৈব প্রদীপ্তেন মহানাত্মা প্রদৃশ্যতে॥ 13-245-46 (91131)
স হি সর্বেষু ভূতেষু স্থাবরেষু চরেষু চ।
বসত্যেকো মহাবীর্যো নানাভাবসমন্বিতঃ॥ 13-245-47 (91132)
নৈব চোর্ধ্বং ন তির্যক্চ নাধস্তান্ন কদাচন।
ইন্দ্রিয়ৈরিব বুদ্ধ্যা বা ন দৃশ্যেত কদাচন॥ 13-245-48 (91133)
নবদ্বারং পুরং গৎবা স্থিতোঽসৌ নিয়তো বশী।
ঈশ্বরঃ সর্বলোকেষু স্থাবরস্য চরস্য চ॥ 13-245-49 (91134)
তমেবাহুরণুভ্যোঽণুং তু মহদ্ভ্যো মহত্তরম্।
বহুধা সর্বভূতানি ব্যাপ্য তিষ্ঠতি শাশ্বতম্॥ 13-245-50 (91135)
ক্ষেত্রজ্ঞমেকতঃ কৃৎবা সর্বং ক্ষেত্রমথৈকতঃ।
এবং স বিমৃশেজ্জ্ঞানী সংয়তঃ সততং হৃদি॥ 13-245-51 (91136)
পুরুষঃ প্রকৃতিস্থো হি ভুঙ্ক্তে প্রকৃতিজান্গুণান্।
অকর্তা লেপকো নিত্যো মধ্যস্থঃ সর্বকর্মণাম্॥ 13-245-52 (91137)
কার্যকারণকর্তৃৎবে হেতুঃ প্রকৃতিরুচ্যতে।
পুরুষঃ সুখদুঃখানাং ভোক্তৃৎবে হেতুরুচ্যতে॥ 13-245-53 (91138)
অজয়্যোঽয়মচিন্ত্যোঽয়মব্যক্তোঽয়ং সনাতনঃ।
দেহী তেজোময়ো দেহি তিষ্ঠতীত্যপরে বিদুঃ॥ 13-245-54 (91139)
জ্ঞানমূষ্মা চ বায়ুশ্চ শরীরে জীবসংজ্ঞকঃ।
ইত্যেতে নিশ্চিতা বুদ্ধ্যা তত্রৈতে বুদ্ধিচিন্তকাঃ॥ 13-245-55 (91140)
অপরে সর্বলোকাংশ্চ ব্যাপ্য তিষ্ঠন্তমীশ্বরম্।
ব্রুবতে কেচিদত্রৈব তিলতৈলবদাস্থিতম্॥ 13-245-56 (91141)
অপরে নাস্তিকা মূঢা হীনৎবাৎস্থূললক্ষণৈঃ।
নাস্ত্যাত্মেতি বিনিশ্চিত্যাপ্রজ্ঞাস্তে নিরয়ালয়াঃ॥ 13-245-57 (91142)
এবং নানাবিধা নৈব বিমৃশন্তি মহেশ্বরম্॥ 13-245-58 (91143)
উমোবাচ। 13-245-59x (7666)
ভগবন্ব্রাহ্মণো লোকে নিত্যমক্ষরমব্যযম্।
অস্ত্যাত্মা সর্বভূতেষু হেতুস্তত্র সুদুর্গমঃ॥ 13-245-59 (91144)
মহেশ্বর উবাচ। 13-245-60x (7667)
ঋষিভিশ্চাপি দেবৈশ্চ ব্যক্তমেষ ন দৃশ্যতে।
দৃষ্ট্বা তু তং মহাত্মানং পুনস্তু ন নিবর্ততে॥ 13-245-60 (91145)
তস্মাত্তদ্দর্শনাদেব বিন্দতে পরমাং গতিম্।
ইতি তে কথিতো দেবি সাঙ্খ্যধর্মঃ সনাতনঃ।
কপিলাদিভিরাচার্যৈঃ সেবিতঃ পরমর্ষিভিঃ॥ ॥ 13-245-61 (91146)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চচৎবারিংশদধিকদ্বিশততমোঽধ্যায়ঃ॥ 245 ॥
Mahabharata - Anushaasana Parva - Chapter Footnotes
7-245-59 অস্ত্যাত্মা সর্বদেহেষ্বিতি ঙ. পাঠঃ॥অনুশাসনপর্ব - অধ্যায় 246
॥ শ্রীঃ ॥
13.246. অধ্যায়ঃ 246
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি যোগনিরূপণপূর্বকং তৎফলপ্রতিপাদনম্॥ 1 ॥Mahabharata - Anushaasana Parva - Chapter Text
মহেশ্বর উবাচ।
সাঙ্খ্যজ্ঞানে নিয়ুক্তানাং যথাবৎকীর্তিতং ময়া।
যোগধর্মং পুনঃ কৃৎস্নং কীর্তয়িষ্যামি তে শৃণু॥ 13-246-1 (91147)
স চ যোগো দ্বিধা ভিন্নো ব্রহ্মিদেবর্ষিসম্মতঃ।
সমানমুভয়ত্রাপি বৃত্তং শাস্ত্রপ্রচোদিতম্॥ 13-246-2 (91148)
চ চাষ্টগুণমৈশ্বর্যমধিকৃত্য বিধীয়তে।
সায়ুজ্যং সর্বদেবানাং যোগধর্মং পরং শ্রিতাঃ॥ 13-246-3 (91149)
জ্ঞানং সর্বস্য যোগস্য মূলমিত্যবধারয়।
ব্রতোপবাসনিয়মৈস্তৎসর্বং চাপি বৃংহয়েৎ॥ 13-246-4 (91150)
ঐকাত্ম্যং বুদ্ধিমনসোরিন্দ্রিয়াণাং চ সর্বশঃ।
আত্মনো বেদিতং প্রাজ্ঞে জ্ঞানমেতত্তু যোগিনাম্॥ 13-246-5 (91151)
অর্চয়েদ্ব্রাহ্মণানগ্নিং দেবতায়তনানি চ।
বর্জয়েদশিবং ভাবং সর্বসত্ৎবমুপাশ্রিতঃ॥ 13-246-6 (91152)
দানমধ্যযনং শ্রুদ্ধা ব্রতানি নিয়মাস্তথা।
সত্যমাহারশুদ্ধিশ্চ শৌচমিন্দ্রিয়নিগ্রহঃ।
এতৈশ্চ বর্ধতে তেজঃ পাপং চাপ্যবধূয়তে॥ 13-246-7 (91153)
নির্ধূতপাপস্তেজস্বী লঘ্বাহারো জিতেন্দ্রিয়ঃ।
অমোধো নির্মলো দান্তঃ পশ্চাদ্যোগং সমাচরেৎ॥ 13-246-8 (91154)
অবরুধ্যাত্মনঃ পূর্বং মৎস্যঘাত ইবামিষম্।
একান্তে বিজনে দেশে সর্বতঃ সংবৃতে শুচৌ।
কল্পয়েদাসনং তত্র স্বাস্তীর্ণং মৃদুভিঃ কুশৈঃ॥ 13-246-9 (91155)
উপবিশ্যাসনে তস্মিন্নৃজুকায়শিরোধরঃ।
অব্যগ্রঃ সুখমাসীনঃ স্বাঙ্গানি ন বিকম্পয়েৎ।
সম্প্রেক্ষ্য নাসিকাগ্রং স্বং দিশশ্চানবলোকয়ন্॥ 13-246-10 (91156)
মনোঽবস্থাপনং দেবি যোগস্যোপনিষদ্ভবেৎ।
তস্মাৎসর্বপ্রয়ত্নেন মনোঽবস্থাপয়েৎসদা॥ 13-246-11 (91157)
ৎবক্ছ্রোত্রং চ ততো জিহ্বা ঘ্রাণং চক্ষুশ্চ সংহরেৎ।
পঞ্চেন্দ্রিয়াণি সন্ধায় মনসি স্থাপয়েদ্বুধঃ॥ 13-246-12 (91158)
সর্বং চাপোহ্য সঙ্কল্পমাত্মনি স্থাপয়েন্মনঃ।
যদৈতান্যবতিষ্ঠন্তে মনঃষষ্ঠানি চাত্মনি॥ 13-246-13 (91159)
প্রাণাপানৌ তদা তস্য যুগপত্তিষ্ঠতো বশে।
প্রাণে হি বশমাপন্নে যোগসিদ্ধির্ধ্রুবা ভবেৎ॥ 13-246-14 (91160)
শরীরং চিন্তয়েৎসর্বং বিপাট্য চ সমীপতঃ।
অন্তর্দেহগতিং চাপি প্রাণানাং পরিচিন্তয়েৎ॥ 13-246-15 (91161)
ততো মূর্ধানমগ্নিং চ শরীরং পরিপালয়েৎ।
প্রাণো মূর্ধনি চ শ্বাসো বর্তমানে বিচেষ্টতে॥ 13-246-16 (91162)
সজ্জস্তু সর্বভূতাত্মা পুরুষঃ স সনাতনঃ।
মনো বুদ্ধিরহঙ্কারো ভূতানি বিষয়াংশ্চ সঃ॥ 13-246-17 (91163)
বস্তির্মূলং গুদং চৈব পাবকং চ সমাশ্রিতঃ।
বহন্মূত্রং পুরীষং চ সদাঽপানঃ প্রবর্ততে॥ 13-246-18 (91164)
অতঃ প্রবৃত্তির্দেহষু কর্ম চাপানসংয়ুতম্।
উদীরয়ন্সর্বধাতূনন্ত ঊর্ধ্বং প্রবর্ততে।
উদান ইতি তং বিদ্যুরধ্যাত্মকুশলা জনাঃ॥ 13-246-19 (91165)
সন্ধৌসন্ধৌ স নির্বিষ্টঃ সর্বচেষ্টাপ্রবর্তকঃ।
শরীরেষু মনুষ্যাণাং ব্যান ইত্যুপদিশ্যতে॥ 13-246-20 (91166)
ধাতুষ্বগ্নৌ চ বিততঃ সমানোঽগ্নিঃ সমীরণঃ।
স এব সর্বচেষ্টানামন্তকালে নিবর্তকঃ॥ 13-246-21 (91167)
প্রাণানাং সন্নিপাতেষু সংসর্গাদ্যঃ প্রজায়তে।
ঊষ্মা সোগ্নিরিতি জ্ঞেয়ঃ সোন্নং পচতি দেহিনাম্॥ 13-246-22 (91168)
অপানপ্রাণয়োর্মধ্যে ব্যানোদানাবুপাশ্রিতৌ।
সমন্বিতঃ সমানেন সম্যক্পচতি পাবকঃ॥ 13-246-23 (91169)
শরীরমধ্যে নাভিঃ স্যান্নাভ্যামগ্নিঃ প্রতিষ্ঠিতঃ।
অগ্নৌ প্রাণাশ্চ সংয়ুক্তাঃ প্রাণেষ্বাত্মা ব্যবস্থিতঃ॥ 13-246-24 (91170)
পক্বাশয়স্ৎবধো নাভেরূর্ধ্বমামাশয়স্তথা।
নাভির্মধ্যে শরীরস্য সর্বপ্রাণাশ্চ সংশ্রিতাঃ॥ 13-246-25 (91171)
স্থিতাঃ প্রাণাদয়ঃ সর্বে তির্যগূর্ধ্বমধশ্বরাঃ।
বহন্ত্যন্নরসান্নাড্যো দশপ্রাণাগ্নিচোদিতাঃ॥ 13-246-26 (91172)
যোগিনামেষ মার্গস্তু পঞ্চস্বেতেষু তিষ্ঠতি।
জিতশ্রমঃ সমাসীনো মূর্ধন্যাত্মানমাদধেৎ॥ 13-246-27 (91173)
মূর্ধন্যাত্মানমাধায় ভ্রুবোর্মধ্যে মনস্তথা।
সন্নিরুধ্য ততঃ প্রাণানাত্মানং চিন্তয়েৎপরম্॥ 13-246-28 (91174)
প্রাণে ৎবপানং যুঞ্জীত প্রাণাংশ্চাপানকর্মণি।
প্রাণাপানগতী রুদ্ধ্বা প্রাণায়ামপরো ভবেৎ॥ 13-246-29 (91175)
এবমন্তঃ প্রয়ুঞ্জীত পঞ্চ প্রাণান্পরস্পরম্।
বিজনে সম্মিতাহারো মুনস্তূষ্ণীং নিরুচ্ছ্বসন্॥ 13-246-30 (91176)
অশ্রান্তশ্চিন্তয়েদ্যোগী উত্থায় চ পুনঃপুনঃ।
তিষ্ঠন্গচ্ছন্স্বপংস্চাপি যুঞ্জীতৈবমতন্দ্রিতঃ॥ 13-246-31 (91177)
এবং নিয়ুঞ্জতস্তস্য যোগিনো যুক্তচেতসঃ।
প্রসীদতি মনঃ ক্ষিপ্রং প্রসন্নে দৃশ্যতে পরম্॥ 13-246-32 (91178)
বিধূম ইব দীপ্তোঽগ্নিরাদিত্য ইব রশ্মিবান্।
বৈদ্যুতোঽগ্নিরিবাকাশে পুরুষো দৃশ্যতেঽব্যযঃ॥ 13-246-33 (91179)
দৃষ্ট্বা তদাত্মনো জ্যোতিরৈশ্বর্যাষ্টগুণৈর্যুতঃ।
প্রাপ্নোতি পরমং স্থানং স্পৃহণীয়ং সুরৈরপি॥ 13-246-34 (91180)
ইমান্যোগস্য দোষাংশ্চ দশৈব পরিচক্ষতে।
দোষৈর্বিঘ্নে বরারোহে যোগিনাং কবিভিঃ স্মৃতাঃ॥ 13-246-35 (91181)
কামঃ ক্রোধো ভয়ং স্বপ্নঃ স্নেহমত্যশনং তথা।
বৈচিত্যং ব্যাধিরালস্যং লোভং চ দশমং স্মৃতম্॥ 13-246-36 (91182)
এতৈস্তেষাং ভবেদ্বিঘ্নো দশভির্দেবকারিতৈঃ।
তস্মাদেতানপাস্যাদৌ যুঞ্জীত চ পরং মনঃ॥ 13-246-37 (91183)
ইমানপি গুণানষ্টৌ যোগস্য পরিচক্ষতে।
গুণৈস্তৈরষ্টভির্দ্রব্যমৈশ্বর্যমধিগম্যতে॥ 13-246-38 (91184)
অণিমা মহিমা চৈব প্রাপ্তিঃ প্রাকাম্যমেব হি।
ঈশিৎবং চ বশিৎবং চ যত্র কামাবসায়িতা॥ 13-246-39 (91185)
এতানষ্টৌ গুণান্প্রাপ্য কথঞ্চিদ্যোগিনাং বরাঃ।
ঈশাঃ সর্বস্য লোকস্য দেবানপ্যতিশেরতে॥ 13-246-40 (91186)
যোগোস্তি নৈবাত্যশিনো ন চৈকান্তমনশ্নতঃ।
ন চাতিস্বপ্নশীলস্য নাতিজাগতরস্তথা॥ 13-246-41 (91187)
যুক্তাহারবিহারস্য যুক্তচেষ্টস্য কর্মসু।
যুক্তস্বপ্নাববোধস্য যোগো ভবতি দুঃখহা॥ 13-246-42 (91188)
অনেনৈব বিধানেন সায়ুজ্যং তৎপ্রকল্প্যতে।
সায়ুজ্যং দেবসাৎকৃৎবা প্রয়ুঞ্জীতাত্মভক্তিতঃ॥ 13-246-43 (91189)
অনন্যমনসা দেবি নিত্যং তদ্গতচেতসা।
সায়ুজ্যং প্রাপ্যতে দেবৈর্যত্নেন মহতা চিরাৎ॥ 13-246-44 (91190)
হবির্ভিরর্চনৈর্হোমৈঃ প্রণামৈর্নিত্যচিন্তয়া।
অর্চয়িৎবা যথাশক্তি স্বকং দেশং বিশন্তি তে॥ 13-246-45 (91191)
সায়ুজ্যানাং বিশিষ্টং চ মামকং বৈষ্ণবং তথা।
মাং প্রাপ্য ন নিবর্তন্তে বিষ্ণু বা শুভলোচনে॥ 13-246-46 (91192)
ইতি তে কথিতো দেবি যোগধর্মঃ সনাতনঃ।
ন শক্যঃ প্রষ্টুমন্যেন যোগধর্মস্ৎবয়া বিনা॥ ॥ 13-246-47 (91193)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্চৎবারিংশদধিকদ্বিশততমোঽধ্যায়ঃ॥ 246 ॥
Mahabharata - Anushaasana Parva - Chapter Footnotes
7-246-15 নিপাত্য চেতি ঙ.পাঠঃ॥অনুশাসনপর্ব - অধ্যায় 247
॥ শ্রীঃ ॥
13.247. অধ্যায়ঃ 247
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি স্বমাহাত্ম্যকথনপূর্বকং দীক্ষয়া শিবলিঙ্গার্চনাফলকথনম্॥ 1 ॥Mahabharata - Anushaasana Parva - Chapter Text
উমোবাচ।
ত্রিয়ক্ষ ত্রিদশশ্রেষ্ঠ ত্র্যম্বক ত্রিদশাধিপ।
ত্রিপুরান্তক কামাঙ্গহর ত্রিপথগাধর॥ 13-247-1 (91194)
দক্ষয়জ্ঞপ্রশমন সূলপাণেঽরিসূদন।
নমস্তে লোকপালেশ লোকপালবরপ্রদ॥ 13-247-2 (91195)
নৈকশাখমপর্যন্তমধ্যাত্মজ্ঞানমুত্তমম্।
অপ্রতর্ক্যমবিজ্ঞেয়ং সাঙ্খ্যযোগসমন্বিতম্॥ 13-247-3 (91196)
ভবতা পরিপৃষ্টেন শৃণ্বন্ত্যা মম ভাষিতম্।
ইদানীং শ্রোতুমিচ্ছামি সায়ুজ্যং ৎবদ্গতং বিভো॥ 13-247-4 (91197)
কথং পরিচরন্ত্যেতে ভক্তাস্ৎবাং পরমেষ্ঠিনম্।
আচারঃ কীদৃশস্তেষাং কেন তুষ্টো ভবেদ্ভবান্।
বর্ণ্যমানং ৎবয়া সাক্ষাৎপ্রীণয়ত্যধিকং হি মা॥ 13-247-5 (91198)
মহেশ্বর উবাচ। 13-247-6x (7668)
হন্ত তে কথয়িষ্যামি মম সায়ুজ্যমদ্ভুতম্।
যেন তে ন নিবর্তন্তে যুক্তাঃ পরময়োগিনঃ॥ 13-247-6 (91199)
অব্যক্তোঽহমচিন্ত্যোঽহং পূর্বৈরপি মুমুক্ষুভিঃ।
সাঙ্খ্যযোগৌ ময়া সৃষ্টৌ সর্বং চাপি চরাচরম্॥ 13-247-7 (91200)
অর্চনীয়োঽহমীশোঽহমব্যযোঽহং সনাতনঃ।
অহং প্রসন্নো ভক্তানাং দদাম্যমরতামপি॥ 13-247-8 (91201)
ন মাং বিদুঃ সুরগণা মুনয়শ্চ তপোধনাঃ।
ৎবৎপ্রিয়ার্থমহং দেবি মদ্বিভূতিং ব্রবীমি তে॥ 13-247-9 (91202)
আশ্রমেভ্যশ্চতুর্ভ্যোঽহং চতুরো ব্রাহ্মণাঞ্শুভে।
মদ্ভক্তান্নির্মলান্পুণ্যান্সমানীয় তপস্বিনঃ॥ 13-247-10 (91203)
ব্যাচখ্যেঽহং তথা দেবি যোগং পাশুপতং মহৎ।
গৃহীতং তচ্চ তৈঃ সর্বং মুখাচ্চ মম দক্ষিণাৎ॥ 13-247-11 (91204)
শ্রুৎবা তত্ত্রিষু লোকেষু স্থাপিতং চাপি তৈঃ পুনঃ।
ইদানীং চ ৎবয়া পৃষ্টো বদাম্যেকমনাঃ শৃণু॥ 13-247-12 (91205)
অহং পসুপতির্নাম মদ্ভক্তা যে চ মানবাঃ।
সর্বে পাশুপতা জ্ঞেয়া ভস্মদিগ্ধতনূরুহাঃ॥ 13-247-13 (91206)
রক্ষার্থং মঙ্গলার্থং ন পবিত্রার্থং চ ভামিনি।
লিঙ্গার্থং চৈব ভক্তানাং ভস্ম দত্তং ময়া পুরা॥ 13-247-14 (91207)
তেন সংদিগ্ধসর্বাঙ্গা ভস্মনা ব্রহ্মচারিণঃ।
জটিলা মুণ্ডিতা বাঽপি নানাকারশিখণ্ডিনঃ॥ 13-247-15 (91208)
বিকৃতাঃ পিঙ্গলাভিস্চ নগ্না নানাপ্রকারিণঃ।
ভৈক্ষং চরন্তঃ সর্বত্র নিঃস্পৃহা নিষ্পরিগ্রহাঃ॥ 13-247-16 (91209)
মৃৎপাত্রহস্তা মদ্ভক্তা মন্নিবেশিতবুদ্ধ্যঃ।
চরন্তো নিখিলং লোকং মম হর্ষবিবর্ধনাঃ॥ 13-247-17 (91210)
মম পাশুপতং দিব্যং যোগশাস্ত্রমনুত্তমম্।
সূক্ষ্মং সর্বেষু লোকেষু বিমৃশন্তশ্চরন্তি তে॥ 13-247-18 (91211)
এবং নিত্যাভিয়ুক্তানাং মদ্ভক্তানাং তপস্বিনাম্।
উপায়ং চিন্তয়াম্যাশু যেন মামুপয়ান্তি তে॥ 13-247-19 (91212)
স্থাপিতং ত্রিষু লোকেষু শিবলিঙ্গং ময়া মম।
নমস্কারেণ বা তস্য মুচ্যন্তে সর্বকিল্বিষৈঃ॥ 13-247-20 (91213)
ইষ্টং দত্তমধীতং চ যজ্ঞাশ্চ বহুদক্ষিণাঃ।
শিবলিঙ্গপ্রণামস্য কলাং নার্হন্তি ষোডশীম্॥ 13-247-21 (91214)
অর্চয়া শিবলিঙ্গস্য পরিতুষ্যাম্যহং প্রিয়ে।
শিবলিঙ্গার্চনায়াং তু বিদানমপি মে শৃণু॥ 13-247-22 (91215)
গোক্ষীরনবনীতাভ্যামর্চয়েদ্যঃ শিবং মম।
ইষ্টস্য হয়মেধস্য যৎফলং তৎফলং ভবেৎ॥ 13-247-23 (91216)
ঘৃতমণ্ডেন যো নিত্যমর্চয়েদ্যঃ শিবং মম।
স ফলং প্রাপ্নুয়ান্মর্ত্যো ব্রাহ্মণস্যাগ্নিহোত্রিণঃ॥ 13-247-24 (91217)
কেবলেনাপি তোয়েন স্নাপয়েদ্যঃ শিবং মম।
স চাপি লভতে পুণ্যং প্রিয়ং চ লভতে নরঃ॥ 13-247-25 (91218)
সঘৃতং গুগ্গুলু সম্যগ্ধূপয়েদ্যঃ শিবান্তিকে।
গোসবস্য তু যজ্ঞস্য যৎফলং তস্য তদ্ভবেৎ॥ 13-247-26 (91219)
যস্তু গুগ্গুলপিণ্ডেন কেবলেনাপি ধূপয়েৎ।
তস্য রুক্মপ্রধানস্য যৎফলং তস্য তদ্ভবেৎ॥ 13-247-27 (91220)
যস্তু নানাবিধৈঃ পুষ্পৈর্মম লিঙ্গং সমর্চয়েৎ।
স হি ধেনুসহস্রস্য দত্তস্য ফলমাপ্নুয়াৎ। 13-247-28 (91221)
যস্তু দেশান্তরং গৎবা শিবলিঙ্গং সমর্চয়েৎ।
তস্মাৎসর্বমনুষ্যেষু নাস্তি মে প্রিয়কৃত্তমঃ॥ 13-247-29 (91222)
এবং নানাবিধৈর্দ্রব্যৈঃ শিবলিঙ্গং সমর্চয়েৎ।
মৎসমানো মনুষ্যেষু ন পুনর্জায়তে নরঃ॥ 13-247-30 (91223)
অর্চনাভির্নমস্কারৈরুপহারৈঃ স্তবৈরপি।
ভক্তো মামর্চয়েন্নিত্যং শিবলিঙ্গেষ্বতন্দ্রিতঃ॥ 13-247-31 (91224)
পলাশবিল্বপত্রাণি রাজবৃক্ষস্রজং তথা।
অর্কপুষ্পাণি মেধ্যানি মৎপ্রিয়াণি বিশেষতঃ॥ 13-247-32 (91225)
ফলং বা যদি বা শাকং পুষ্পং বা যদি বা জলম্।
দত্তং সম্প্রীণয়েদ্দেবি ভক্তৈর্মদ্গতমানসৈঃ॥ 13-247-33 (91226)
মমাভিপরিতুষ্টস্য নাস্তি লোকেষু দুর্লভম্।
তস্মাত্তে সততং ভক্তা মামেবাভ্যর্চয়ন্ত্যুত॥ 13-247-34 (91227)
মদ্ভক্তা ন বিনশ্যন্তি মদ্ভক্তা বীতকল্মষাঃ।
মদ্ভক্তাঃ সর্বলোকেষু পূজনীয়া বিশেষতঃ॥ 13-247-35 (91228)
মদ্দ্বেষিণশ্চি যে মর্ত্যা মদ্ভক্তদ্বেষিণশ্চ বা।
যান্তি তে নরকং ঘোরমিষ্ট্বা ক্রতুশতৈরপি॥ 13-247-36 (91229)
এতত্তে সর্বমাখ্যাতং যোগং পাশুপতং মহৎ।
মদ্ভক্তৈর্মনুজৈর্দেবি শ্রাব্যমেতদ্দিনেদিনে॥ 13-247-37 (91230)
শৃণুয়াদ্যঃ পঠেদ্বাঽপি মমেদং ধর্মনিশ্চয়ম্।
স্বর্গং কীর্তিং ধনং ধান্যং স লভেত নরোত্তমঃ॥ ॥ 13-247-38 (91231)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তচৎবারিংশদধিকদ্বিশততমোঽধ্যায়ঃ॥ 247 ॥
অনুশাসনপর্ব - অধ্যায় 248
॥ শ্রীঃ ॥
13.248. অধ্যায়ঃ 248
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ পার্বতীংপ্রতি সশ্লাঘং স্ত্রীধর্মকথনচোদনা॥ 1 ॥ পার্বত্যা গঙ্গাদিমহানদীষু তন্নিবেদনম্॥ 2 ॥ গঙ্গয়া তদনুমোদনপূর্বকং ভগবতি তৎকথনাভ্যনুজ্ঞানম্॥ 3 ॥Mahabharata - Anushaasana Parva - Chapter Text
নারদ উবাচ।
এবমুক্ৎবা মহাদেবঃ শ্রোতুকামঃ স্বয়ং প্রভুঃ।
অনুকূলাং প্রিয়াং ভার্যাং পার্শ্বস্তামভ্যভাষত॥ 13-248-1 (91232)
মহেশ্বর উবাচ। 13-248-2x (7669)
পরাবরজ্ঞে ধর্মাণাং তপোবননিবাসিনাম্।
দীক্ষাবিধিদমোপেতে সততং ব্রতচারিণি।
পৃচ্ছামি ৎবাং বরারোহে পৃষ্টা বদ মমেপ্সিতম্॥ 13-248-2 (91233)
সাবিত্রী ব্রহ্মণঃ পত্নী কৌশিকস্য শচী শুভা।
লক্ষ্মীর্বিষ্ণোঃ প্রিয়া ভার্যা ধৃতির্ভার্যা যমস্য তু॥ 13-248-3 (91234)
মার্কণ্ডেয়স্য ধূমোর্ণা ঋদ্ধির্বৈশ্রবণস্য তু।
বরুণস্য প্রিয়া গৌরী সবিতুশ্চ সুবর্চলা॥ 13-248-4 (91235)
রোহিণী শশিনো ভার্যা স্বাহা চাগ্নেরনিন্দিতা।
কাশ্যপস্যাদিতিশ্চৈব বসিষ্ঠস্যাপ্যরুন্ধতী॥ 13-248-5 (91236)
এতাশ্চান্যাশ্চ দেব্যস্তু সর্বাস্তাঃ পতিদেবতাঃ।
শ্রূয়ন্তে লোকবিখ্যাতাস্ৎবয়া চৈব সহোষিতাঃ॥ 13-248-6 (91237)
তাভিশ্চ পূজিতাঽপি ৎবমনুবৃত্ত্যনুভাষণৈঃ।
তস্মাত্তু পরিপৃচ্ছামি ধর্মজ্ঞে লোকসম্মতে॥ 13-248-7 (91238)
স্ত্রীধর্মং শ্রোতুমিচ্ছামি ৎবয়ৈব সমুদাহৃতম্।
সধ্রমচারিণী মে ৎবং লোকসন্ধারিণী তথা॥ 13-248-8 (91239)
অয়ং হি স্ত্রীগণস্ৎবাং তু অনুয়াতি ন মুঞ্চতি।
ৎবৎপ্রসাদাদ্ধিতং শ্রোতুং স্ত্রীবৃত্তং শুভলক্ষণম্॥ 13-248-9 (91240)
ৎবয়া চোক্তং বিশেষেণ গুণভূতং হি তিষ্ঠতি।
স্ত্রিয় এব সদা লোকে স্ত্রীগণস্য গতিঃ প্রিয়ে॥ 13-248-10 (91241)
শশ্বদ্গৌর্গোষু গচ্ছেত নান্যত্র রমতে নরঃ।
এবং লোকগতির্দেবি আদিপ্রভৃতি বর্ততে॥ 13-248-11 (91242)
প্রমদোক্তং তু যৎকিঞ্চিত্তৎস্ত্রীষু বহুমন্যতে।
ন তথা মন্যতে স্ত্রীষু পুরুষোক্তমনিন্দিতে॥ 13-248-12 (91243)
ৎবয়ৈষ বিদিতো হ্যর্থঃ স্ত্রীণাং ধর্মঃ সনাতনঃ।
তস্মাত্ৎবাং প্রতি পৃচ্ছামি পৃষ্টা বদ মমেপ্সিতম্॥ 13-248-13 (91244)
নারদ উবাচ। 13-248-14x (7670)
এবমুক্তা তদা দেবী মহাদেবেন শোভনা।
সোদ্বেগা চ সলজ্জা চ নাবদত্তত্র কিঞ্চন।
পুনঃ পুনস্তদা দেবী দেবঃ কিমিতি চাব্রবীৎ॥ 13-248-14 (91245)
উমোবাচ। 13-248-15x (7671)
ভগবন্দেবদেবেশ সুরাসুরনমস্কৃত।
ৎবদন্তিকে ময়া বক্তুং স্ত্রীণাং ধর্মঃ কথং ভবেৎ॥ মহেশ্বর উবাচ। 13-248-15 (91246)
মন্নিয়োগাদবশ্যং তু বক্তব্যং তু মম প্রিয়ে॥ 13-248-16 (91247)
উমোবাচ। 13-248-17x (7672)
ইমা নদ্যো মহাদেব সর্বতীর্থোদকান্বিতাঃ।
উপস্পর্শনহেতোস্ৎবাং ন ত্যজন্তি সমীপতঃ॥ 13-248-17 (91248)
এতাভিঃ সহ সম্মন্ত্র্য প্রবক্ষ্যামি তবেপ্সিতম্।
অয়ুক্তং সৎসু তন্ত্রেষু তানতিক্রম্য ভাষিতুম্॥ 13-248-18 (91249)
ময়া সম্মানিতাশ্চৈব ভবিষ্যন্তি সরিদ্বরাঃ॥ 13-248-19 (91250)
নারদ উবাচ। 13-248-20x (7673)
ইতি মৎবা মহাদেবী নদীর্দেবীঃ সমাহ্বয়ৎ।
বিপাশাং চ বিতস্ত্যাং চ চন্দ্রভাগাং সরস্বতীম্॥ 13-248-20 (91251)
শতদ্রুং দেবিক্তাং সিন্ধুং গৌতমীং কৌশিকীং তথা।
যমুনাং নর্মদাং চৈব কাবেরীমথ নিম্নগাম্॥ 13-248-21 (91252)
তথা দেবনদীং গঙ্গাং শ্রেষ্ঠাং ত্রিপথগাং শুভাম্।
সর্বতীর্থোদকবহাং সর্বপাপবিনাশিনীম্।
এতা নদীঃ সমাহূয় সমুদ্বীক্ষ্যেদমব্রবীৎ॥ 13-248-22 (91253)
উমোবাচ। 13-248-23x (7674)
হে পুণ্যাঃ সরিতঃ শ্রেষ্ঠাঃ সর্বপাপবিনাশিকাঃ।
জ্ঞানবিজ্ঞানসম্পন্নাঃ শৃণুধ্বং বচনং মম॥ 13-248-23 (91254)
অয়ং ভগবতা প্রশ্ন উক্তঃ স্ত্রীধর্মমাশ্রিতঃ।
ন চৈকয়া ময়া সাদ্যং তস্মাদ্বস্ৎবানয়াম্যহম্॥ 13-248-24 (91255)
যুষ্মাভিস্তদ্বিচার্যৈবং বক্তুমিচ্ছামি শোভনাঃ।
তৎকথং দেবদেবায় বাচ্যঃ স্ত্রীধর্ম উত্তমঃ॥ 13-248-25 (91256)
নারদ উবাচ। 13-248-26x (7675)
ইতি পৃষ্টাস্তথা দেব্যা মহানদ্যশ্চকম্পিরে।
তাসাং শ্রেষ্ঠতমা গঙ্গা বচনং ৎববেমব্রবীৎ॥ 13-248-26 (91257)
ধন্যাশ্চানুগৃহীতাঃ স্ম অনেন বচনেন তে।
যা ৎবং সুরাসুরৈর্মান্যা নদীরাদ্রিয়সেঽনঘে॥ 13-248-27 (91258)
তবৈবার্হতি কল্যাণি এবং সান্ৎবপ্রসাদনম্।
অশক্যমপি যে মূর্খাঃ স্বাত্মসম্ভাবনায়ুতাঃ।
বাক্যং বদন্তি সংসৎসু স্বয়মেব যথেষ্টতঃ॥ 13-248-28 (91259)
শক্তো যশ্চানহংবাদী সুদুর্লভতমো মতঃ॥ 13-248-29 (91260)
ৎবং হি শক্তা সতী দেবী বক্তুং প্রশ্নমশেষতঃ।
ব্যাহর্তুং নেচ্ছসি স্ত্রীৎবাৎসংপূজয়তি নস্তথা॥ 13-248-30 (91261)
ৎবং হি দেবি মহাদেবী ঊহাপোহবিশারদা।
দিব্যজ্ঞানয়ুতা দেবি দিব্যজ্ঞানেন্ধনৈধিতা॥ 13-248-31 (91262)
ৎবমেবার্হসি তদ্বক্তুং স্ত্রীণাং বৃত্তং শুভাশুভম্।
যাচামহে বয়ং শ্রোতুমমৃতং ৎবন্মুখোদ্গতম্।
কুরু দেবপ্রিয়ং দেবি বদ স্ত্রীধর্মমুত্তমম্॥ 13-248-32 (91263)
নারদ উবাচ। 13-248-33x (7676)
এবং প্রসাদিতা দেবী গঙ্গয়া লোকপূজ্যযা।
প্রাহ ধর্মমশেষেণ স্ত্রীধর্মং সুরসুন্দরী॥ 13-248-33 (91264)
উমোবাচ। 13-248-34x (7677)
ভগবন্দেবদেবেশ সুরেশ্বর মহেশ্বর।
ৎবৎপ্রসাদাৎসুরশ্রেষ্ঠ তবৈব প্রিয়কাম্যযা।
তমহং কীর্তয়িষ্যামি যথাবচ্ছ্রোতুমিচ্ছসি॥ ॥ 13-248-34 (91265)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টচৎবারিংশদধিকদ্বিশততমোঽধ্যায়ঃ॥ 248 ॥
অনুশাসনপর্ব - অধ্যায় 249
॥ শ্রীঃ ॥
13.249. অধ্যায়ঃ 249
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পার্বত্যা পরমেশ্বরংপ্রতি দেবগন্ধর্বাদিয়োষিতাং মধ্যে স্ত্রীধর্মকথনম্॥ 1 ॥Mahabharata - Anushaasana Parva - Chapter Text
নারদ উবাচ।
এবং ব্রুবন্ত্যাং স্ত্রীধর্মং দেব্যাং দেবস্য শাসনাৎ।
ঋষিগন্ধর্বয়ক্ষাণাং যোষিতশ্চাপ্সরোগণাঃ॥ 13-249-1 (91266)
নাগভূতস্ত্রিয়শ্চৈব নদ্যশ্চৈব সমাগতাঃ।
শ্রুতুকামাঃ পরং বাক্যং সর্বাঃ পর্যবতস্থিরে॥ 13-249-2 (91267)
উমাদেবী মুদা যুক্তা পুজ্যমানাঽঙ্গনাগণৈঃ।
আনৃশংস্যপরা দেবী সততং স্ত্রীগণং প্রতি॥ 13-249-3 (91268)
স্ত্রীগণস্য হিতার্থায় ভবপ্রিয়চিকীর্ষয়া।
বক্তুং বচনমারেভে স্ত্রীণাং ধর্মাশ্রয়ান্বিতম্॥ 13-249-4 (91269)
উমোবাচ। 13-249-5x (7678)
ভগবন্সর্বভূতেশ শ্রূয়তাং বচনং মম।
ঋতুপ্রাপ্তা সুশুদ্দা যা কন্যা সেত্যভিধীয়তে॥ 13-249-5 (91270)
তাং তু কন্যাং পিতা মাতা ভ্রাতা মাতুল এব বা।
পিতৃব্যশ্চৈব পঞ্চতে দাতুং প্রভবতাং গতাঃ॥ 13-249-6 (91271)
বিবাহাশ্চ তথা পঞ্চ তাসাং ধর্মার্থকারণাৎ।
কামতশ্চ মিথো দানমিতরেতরকাম্যযা॥ 13-249-7 (91272)
দত্তা যস্য ভবেদ্ভার্যা এতেষাং যেন কেন চিৎ।
দাতারঃ সুবিমৃশ্যৈব দাতুমর্হন্তি নান্যথা॥ 13-249-8 (91273)
উত্তমানাং তু বর্ণানাং মন্ত্রবৎপাণিসঙ্গ্রহঃ।
বিবাহকারণং চাহুঃ শূদ্রাণাং সম্প্রয়োগতঃ॥ 13-249-9 (91274)
যদা দত্তা ভবেৎকন্যা তস্মাদ্ভার্যার্থিনে স্বকৈঃ।
তদাপ্রভৃতি সা নারী দশরাত্রং বিলজ্জয়া।
মনসা কর্মণা বাচা অনুকূলা চ সা ভবেৎ॥ 13-249-10 (91275)
ইতি ভর্তৃব্রতং কুর্যাৎপতিমুদ্দিশ্য শোভনা।
তদাপ্রভৃতি সা নারী ন কুর্যাৎপত্যুরপ্রিয়ম্॥ 13-249-11 (91276)
যদ্যদিচ্ছতি বৈ ভর্তা ধ্রমকামার্থকারণাৎ।
তথৈবানুপ্রিয়া ভূৎবা তথৈবোপচরেৎপতিম্।
পতিব্রতাৎবং নারীণামেতদেব সনাতনম্॥ 13-249-12 (91277)
তাদৃশী সা ভবেন্নিত্যং যাদৃশস্তু ভবেৎপতিঃ।
শুভাশুভসমাচার এতদ্বৃত্তং সমাসতঃ॥ 13-249-13 (91278)
দৈবতং সততং সাধ্বী ভর্তারং যা তু পশ্যতি।
দৈবমেব ভবেত্তস্যাঃ পতিরিত্যবগম্যতে॥ 13-249-14 (91279)
এতস্মিন্কারণং দেব পৌরাণী শ্রূয়তে শ্রুতিঃ।
কথয়ামি প্রসাদাত্তে শৃণু দেব সমাসতঃ॥ 13-249-15 (91280)
কস্য চিত্ৎবথ বিপ্রস্য ভার্যে দ্বে হি বভূবতুঃ।
তয়োরেকা ধর্মকামা দেবানুদ্দিশ্য ভক্তিতঃ॥ 13-249-16 (91281)
ভর্তারমবমত্যৈব দেবতাসু সমাহিতা।
চকার বিপুলং ধর্মং পূজয়ানাঽর্চয়াঽন্বিতম্॥ 13-249-17 (91282)
অপরা ধর্মকামা চ পতিমুদ্দিশ্য শোভনা।
ভর্তারং দৈবতং কৃৎবা চকার কিল তৎপ্রিয়ম্॥ 13-249-18 (91283)
এবং বিবর্তমানে তু যুগপন্মরণেঽধ্বনি।
গতে কিল মহাদেব তত্রৈকা যা পতিব্রতা।
দেবপ্রিয়ায়াং তিষ্ঠন্ত্যাং পুণ্যলোকং জগাম সা॥ 13-249-19 (91284)
দেবপ্রিয়া চ তিষ্ঠন্তী বিললাপ সুদুঃখিতা।
তাং যমো লোকপালস্তু বভাষে পুষ্কলং বচঃ॥ 13-249-20 (91285)
মা শুচস্ৎবং নিবর্তস্ব ন লোকাঃ সন্তি তেঽনঘে।
স্বধর্মবিমুখা সা ৎবং তস্মাল্লোকা ন সন্তি তে॥ 13-249-21 (91286)
দেবতা হি পতির্নার্যাঃ স্থাপিতা সর্বদৈবতৈঃ।
অবমত্য শুভে তত্ৎবং কথং লোকান্গমিষ্যসি॥ 13-249-22 (91287)
মোহেনি ৎবং বরারোহে ন জানীষে স্বদৈবতম্।
পতিমত্যা স্ত্রিয়া কার্যো ধর্মঃ পত্যর্পণস্ৎবিতি॥ 13-249-23 (91288)
তস্মাত্ৎবং হি নিবর্তস্ব কুরু পত্যাশ্রিতং হিতম্।
তদা গন্তাসি লোকাংস্তান্যান্গচ্ছন্তি পতিব্রতাঃ।
নান্যথা শক্যতে প্রাপ্তুং পতীনাং লোকমুত্তমম্॥ 13-249-24 (91289)
যমেনৈবংবিধং চোক্তা নিবৃত্তা পুনরেব সা।
বভূব পতিমালম্ব্য পতিপ্রিয়পরায়ণা॥ 13-249-25 (91290)
এবমেতন্মহগাদেব দৈবতং হি স্ত্রিয়াঃ পতিঃ।
তস্মাৎপতিপরা ভূৎবা পতীনুপচরেদিতি॥ ॥ 13-249-26 (91291)
ইতি শ্রীমন্মহাভারতে অনুশাসনপর্বণি দানধর্মপর্বণি একোনপঞ্চাশদধিকদ্বিশততমোঽধ্যায়ঃ॥ 249 ॥
অনুশাসনপর্ব - অধ্যায় 250
॥ শ্রীঃ ॥
13.250. অধ্যায়ঃ 250
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
পার্বত্যা মহেশ্বরংপ্রতি স্ত্রীধর্মকথনম্॥ 1 ॥ নারদেন কৃষ্ণংপ্রতি উমামহেশ্বরসংবাদানুবাদোপসম্হারঃ॥ 2 ॥Mahabharata - Anushaasana Parva - Chapter Text
উমোবাচ।
পতিমত্যা দিবারাত্রং বৃত্তান্তং শ্রূয়তাং শুভম্।
পত্যুঃ পূর্বং সমুত্থায় প্রাতঃক্রম সমাচরেৎ॥ 13-250-1 (91292)
পত্যুর্ভাবং বিদিৎবা তু পশ্চাৎসম্বোধয়েত্তু তম্।
নিত্যং পৌর্বাহ্ণিকং কার্যং স্বয়ং কুর্যাদ্যথাবিধি॥ 13-250-2 (91293)
নিবেদ্য চ তথাঽঽহারং যথা সম্পদ্যতামিতি।
তথৈব কুর্যাত্তৎসর্বং যথা পত্যুঃ প্রিয়ং ভবেৎ॥ 13-250-3 (91294)
যথা ভর্তা তথা নারী গুরূণাং প্রতিপদ্যতে॥ 13-250-4 (91295)
শুশ্রূষাপোষণবিধৌ পতিপ্রিয়চিকীর্ষয়া।
ভর্তুর্নিষ্ক্রমণে কার্যং সংস্মরেদপ্রমাদতঃ॥ 13-250-5 (91296)
আগতং তু পতিং দৃষ্ট্বা সহসা পরিচারণম্।
স্বয়ং কুর্বীত সম্প্রীত্যা কায়শ্রমহরং পরম্॥ 13-250-6 (91297)
পাদ্যসনাভ্যাং শয়নৈর্বাক্যৈশ্চ হৃদয়প্রিয়ৈঃ।
অতিথীনামাগমেন প্রীতিয়ুক্তা সদা ভবেৎ॥ 13-250-7 (91298)
কর্মণা বচনেনাপি তোষয়েদতিথীন্সদা।
মঙ্গলং গৃহশৌচং চ সর্বোপকরণানি চ॥ 13-250-8 (91299)
সর্বকালমবেক্ষেত কারয়ন্তী চ কুর্বতী।
ধর্মকার্যে তু সম্প্রাপ্তে তদ্বদ্ধর্মপরা ভবেৎ॥ 13-250-9 (91300)
অর্থকার্যে পুনর্ভর্তুঃ প্রমাদালস্যবর্জিতা।
সা যত্নং পরমং কুর্যাত্তস্যি সাহায়্যকারণাৎ॥ 13-250-10 (91301)
ধুরন্ধরা ভবেদ্ভর্তুঃ সাধ্বী ধর্মার্থয়োঃ সদা।
বিহারকালে বৈ ভর্তুর্জ্ঞাৎবা ভাবং হৃদি স্থিতম্॥ 13-250-11 (91302)
অলঙ্কৃত্য যথায়োগং মন্দহাসসমন্বিতম্।
বাক্যৈর্মধুরসংয়ুক্তৈঃ স্ময়ন্তী তোষয়েৎপতিম্॥ 13-250-12 (91303)
কঠোরাণি ন বাচ্যানি অন্যথা প্রমদান্তরে।
যস্যাং কামী ভবেদ্ভর্তা তস্যাঃ প্রীতিকরী ভবেৎ॥ 13-250-13 (91304)
অপ্রমাদং পুরস্কৃত্য মনসা তোষয়েৎপতিম্।
অনন্তরমথান্যেষাং ভোজনাবেক্ষণং চরেৎ॥ 13-250-14 (91305)
দাসীদাসবলীবর্দাংশ্চণ্ডালং চ শুনস্তথা।
অনাথান্কৃপণাংশ্চৈব ভিক্ষুকাংশ্চ তথৈব চ।
পূজয়েদ্বলিভৈক্ষেণ পত্যুর্ধর্মং বিবর্ধয়েৎ॥ 13-250-15 (91306)
কুপিতং বাঽর্থহীনং বা শ্রান্তং বোপচরেৎপতিম্।
যতা স তুষ্টঃ স্বস্থশ্চ তথা সন্তোষয়েৎপতিম্॥ 13-250-16 (91307)
যথা কুটুম্বচিন্তায়াং বিবাদে বাঽর্থসঞ্চয়ে।
আহূতা তৎসহায়ার্থং তথা প্রিয়হিতং বদেৎ॥ 13-250-17 (91308)
অপ্রিয়ং চ হিতং ব্রূয়াত্তস্য ধর্মার্থকাঙ্ক্ষয়া।
একান্তচর্যাকথনং কলহং বর্জয়েৎপরৈঃ॥ 13-250-18 (91309)
বহিরালোকনং চৈব মোহং ব্রীডাং চ পৈশুনম্।
বহ্বাশিৎবং দিবাস্বপ্নমেবমাদি বিবর্জয়েৎ॥ 13-250-19 (91310)
রহস্যেকাসনং সাধ্বী ন কুর্যাদাত্মজৈরপি।
যদ্যদ্দদ্যান্নিয়ৎস্বেতি ন্যাসবৎপরিপালয়েৎ॥ 13-250-20 (91311)
বিস্মৃতং বাঽপি যদ্দ্রব্যং প্রতিপদ্যাৎস্বশৌচতঃ।
যৎকিঞ্চিৎপতিনা দত্তং লব্ধ্বা তৎসা সুকী ভবেৎ॥ 13-250-21 (91312)
অতীবাজ্ঞামতীর্ষ্যাং চ দূরতঃ পরিবর্জয়েৎ।
বালবদ্বৃদ্ধবদ্ভার্যা সদৈবানুচরেৎপতিম্॥ 13-250-22 (91313)
ভার্যায়া ব্রতমিত্যেব কর্তব্যং সততং বিভো।
এতৎপতিব্রতাবৃত্তমুক্তং দেব সমাসতঃ॥ 13-250-23 (91314)
ন চ ভোগে ন চৈশ্বর্যে ন সুখে ন ধনে তথা।
স্পৃহা যস্যাস্তথা ভর্তুঃ সা নারীণাং পতিব্রতা॥ 13-250-24 (91315)
পতির্হি দৈবতং স্ত্রীণাং পতির্বন্ধুঃ পতির্গতিঃ।
নান্যং গতিমহং পশ্যে প্রমদায়া যথা পতিঃ॥ 13-250-25 (91316)
জাতিষ্বপি চ বৈ স্ত্রীৎবং বিশিষ্টং মে মতিঃ প্রভো।
কায়ক্লেশেন মহতা পুরুষঃ প্রাপ্নুয়াৎফলম্।
তৎসর্বং লভতে নারী সুখেন পতিপূজয়া॥ 13-250-26 (91317)
যথাসুখং পতিমতী সর্বং পত্যনুকূলতঃ।
ঈদৃশং ধর্মসাকল্যং পশ্য ৎবং প্রমদাং প্রতি।
এতদ্বিসৃজ্য পচ্যন্তে কুস্ত্রিয়ঃ পাপমোহিতাঃ॥ 13-250-27 (91318)
তপশ্চর্যা চ দানং চ পতৌ তস্যাঃ সমর্পিতম্।
রূপং কুলং যশস্তেজঃ সর্বং তস্মিন্প্রতিষ্ঠিতম্॥ 13-250-28 (91319)
এবং ব্রতসমাচারাঃ স্ববৃত্তেনৈব শোভনাঃ।
স্বভর্ত্রা চ সম গচ্ছেৎপুণ্যলোকান্সুকর্মণা॥ 13-250-29 (91320)
বৃদ্ধো বিরুপো বীভৎসো ধনবান্নির্ধনোঽপি বা।
এবংভূতোপি বৈ ভর্তা স্ত্রীণাং ভূষণমুত্তমম্॥ 13-250-30 (91321)
আঢ্যং বা রূপয়ুক্তং বা বিরূপং ধনবর্জিতম্।
যা পতিং তোষয়েৎসাধ্বী সা পত্নীনাং বিশিষ্যতে॥ 13-250-31 (91322)
দরিদ্রাংশ্চ বিরূপাশ্চ প্রমূঢান্কুষ্টসংয়ুতান্।
পতীনুপচরেল্লোকানক্ষয়ান্প্রতিপদ্যতে॥ 13-250-32 (91323)
এবং প্রবর্তমানায়াঃ পতিঃ পূর্বং ম্রিয়েত চেৎ।
তদাঽনুমরণং গচ্ছেৎপুনর্ধর্মং চরেত বা॥ 13-250-33 (91324)
এতদেবং ময়া প্রোক্তং স্ত্রিয়স্তু বহুধা স্মৃতাঃ।
দেবদানবগন্ধর্বা মনুষ্যা ইতি নৈকধা॥ 13-250-34 (91325)
সৌম্যশীলাঃ শুভাচারাঃ সর্বাস্তাঃ সম্ভবন্তি চ।
যথা শুভং প্রবক্ষ্যামি স্ত্রীণাং ধর্মং মহেশ্বর॥ 13-250-35 (91326)
আসুর্যশ্চৈব পৈশাচ্যো রাক্ষস্যশ্চ ভন্তি হি।
তাসাং বৃত্তমশেষেণ শ্রূয়তাং লোককারণাৎ॥ 13-250-36 (91327)
ন্যায়তো বাঽন্যথা প্রোক্তা ভাবদোষসমন্বিতাঃ।
ভর্তৄনুপচরন্ত্যেব রাগদ্বেষবলাৎকৃতাঃ॥ 13-250-37 (91328)
স্বধর্মবিমুখা ভূৎবা প্রদূষ্যন্তি যতস্ততঃ।
প্রবৃদ্দবিষয়া নিত্যং প্রতিকূলং বদন্তি চ॥ 13-250-38 (91329)
অর্থান্বিনাশয়ন্ত্যেবং ন গৃহ্ণন্তি হিতং ক্বচিৎ।
স্ববুদ্ধিনিরতা ভূৎবা জীবন্তি চ যথা তথা॥ 13-250-39 (91330)
গুণবত্যঃ ক্বচিদ্ভূৎবা পতিধর্মপরা ইব।
পুনর্ভবন্তি পাপিষ্ঠা বিষমং বৃত্তমাস্থিতাঃ॥ 13-250-40 (91331)
অনবস্থিতমর্যাদা বহুবেষা ব্যবস্থিতাঃ।
অসন্তুষ্টাশ্চ লুব্ধাশ্চ ঈর্ষ্যাক্রোধয়ুতা ভৃশম্॥ 13-250-41 (91332)
ভোগপ্রিয়া হিতদ্বেষ্যাঃ কামভোগপরায়ণাঃ।
প্রায়শোঽনৃতভূয়িষ্ঠা গুরূণাং প্রতিলোমকাঃ॥ 13-250-42 (91333)
এবংবৃত্তসমাচারা আসুরং ভাবমাশ্রিতাঃ।
অপকারপরা নিত্যং সততং কলহপ্রিয়া॥ 13-250-43 (91334)
পরুষা রুক্ষবচনা নির্ঘৃণা নিরপত্রপাঃ।
নিঃস্নেহাঃ ক্রোধনাশ্চৈব ভর্তৃপুত্রস্ববন্ধুষু॥ 13-250-44 (91335)
ঘোরা মাংসপ্রিয়া নিত্যং হসন্তি চ রুদন্তি চ।
পতীন্ব্যভিচরন্ত্যেব দুর্মার্গেণ যথা তথা।
বন্ধুভির্ভর্ৎসিতা ভূৎবা গৃহকার্যাণি কুর্বতে॥ 13-250-45 (91336)
অথবা ভর্ৎসিতা দেব নিবৃত্তাঃ স্বেষু কর্মসু।
তথৈবাত্মবধং ঘোরং ব্যবস্যেয়ুর্ন সংশয়ঃ॥ 13-250-46 (91337)
নির্দয়া নিরনুক্রোশাঃ কুটুম্বার্থবিলোপকাঃ।
ধর্মর্থরহিতা ঘোরাঃ সততং কুর্বতে ক্রিয়াঃ॥ 13-250-47 (91338)
অনর্থে নিপুণাঃ পাপাঃ পরপ্রাণেষু নির্দয়াঃ।
এবংয়ুক্তসমাচারাঃ স্ত্রিয়ঃ পৈশাচমাশ্রিতাঃ॥ 13-250-48 (91339)
অপরা মোহসংয়ুক্তা নির্লজ্জা রোদনপ্রিয়াঃ।
অশুদ্ধা মলদিগ্ধাঙ্গ্য পানমাংসরতা ভৃশম্।
বদন্ত্যনৃতবাক্যানি হসন্তি বিলপন্তি চ। 13-250-49 (91340)
দুষ্পসাদা মহাক্রোধাঃ স্বপ্নশীলা নিরন্তরম্।
তামস্যো নষ্টতৎবার্থা মন্দশীলা মহোদরাঃ।
ভুঞ্জতে বিবিধং সিদ্ধং ভোজনং তীব্রসম্ভ্রমাঃ॥ 13-250-50 (91341)
গুণরূপবয়োয়ুক্তং পতিং কামিনমুত্তমম্।
হিৎবাঽন্যেনৈব গচ্ছন্তি সর্বধা ভৃশতাপিতাঃ॥ 13-250-51 (91342)
নির্লজ্জা ধর্মসন্দিগ্ধাঃ প্রতিকূলাঃ সমন্ততঃ।
এবংরূপসমাচারাঃ স্ত্রিয়ো রাক্ষসমাশ্রিতাঃ॥ 13-250-52 (91343)
এবংবিধানাং সর্বাসাং ন পরত্র মহাসুখম্।
নরকাদ্বিপ্রমুক্তানাং মানুষ্যং দুর্লভং ভবেৎ॥ 13-250-53 (91344)
কষ্টং তত্রাপি ভুঞ্জন্তে স্বকৃতং দুঃখজং বহু।
দরিদ্রাঃ ক্লেশভূয়িষ্ঠা বিরূপাঃ কুৎসিতাঃ পরৈঃ।
বিধবা দুর্ভগা বাঽপি লভন্তে দুঃখমীদৃশম্॥ 13-250-54 (91345)
শতবর্ষসহস্রাণি নিরয়ং ব্যভিচারিণী।
ব্রজেৎপতিং চ পাপেন সংয়োজ্য স্বকুলং তথা॥ 13-250-55 (91346)
এতদ্বিজ্ঞায় পতিতং পুনশ্চেদ্ধিতমাত্মনঃ।
কুর্যাদ্ভর্তারমাশ্রিত্য তথা ধর্মবমাপ্নুয়াৎ॥ 13-250-56 (91347)
অতিসংয়ান্তি তাঁল্লোকান্পুণ্যান্পরমশোভনান্।
অবমত্য চ যাঃ পূর্বং পতিং দুষ্টেন চেতসা॥ 13-250-57 (91348)
বর্তমানাস্চ সততং ভর্তৄণাং প্রতিকূলতঃ।
ভর্ত্রানুমরণং কালে যাঃ কুর্বন্তি তথাবিধাঃ॥ 13-250-58 (91349)
কামাৎক্রোধাদ্ভয়াল্লোভাদপহাস্যা ভবন্তি তাঃ।
আদিপ্রভৃতি কুস্ত্রীণাং তথাঽনুমরণং বৃথা॥ 13-250-59 (91350)
আদিপ্রভৃতি যা সাধ্বী পত্যুঃ প্রিয়পরায়ণা।
ঊর্ধ্বং গচ্ছতি সা পূতা ভর্ত্রাঽনুমরণং গতা॥ 13-250-60 (91351)
এবং মৃতায়া বৈ লোকানহং পশ্যামি চক্ষুষা।
স্পৃহণীয়ান্সুরগণৈর্যান্গচ্ছন্তি পতিব্রতাঃ॥ 13-250-61 (91352)
অথবা ভর্তরি মৃতে বৈধব্যং ধর্মমাশ্রিতাঃ।
তূষ্ণীং ভৌমং জলে নিত্যমঞ্জলিস্নানমুত্তমম্।
ব্রতং চ পতিমুদ্দিশ্য কুর্যশ্চৈব বিধিং ততঃ॥ 13-250-62 (91353)
এবং গচ্ছতি সা নারী পতিলোকমনুত্তমম্।
রমণীয়মনির্দেশ্যং দুষ্প্রাপং দেবমানুষৈঃ॥ 13-250-63 (91354)
প্রাপ্নুয়াত্তাদৃশং লোকং কেবলং যা পতিব্রতা।
ইতি তে কথিতং দেব স্ত্রীণাং ধর্মিমনুত্তমম্॥ 13-250-64 (91355)
ভবতঃ প্রিয়কামিন্যা যন্ময়োক্তং তবাগ্রতঃ।
চাপল্যান্মম দেবেশ তদ্ভবান্ক্ষন্তুমর্হতি॥ 13-250-65 (91356)
নারদ উবাচ। 13-250-66x (7679)
এবং বদন্তীং রুদ্রাণীং লজ্জাভাবসমন্বিতাম্।
প্রশশংস চ দেবেশো বাচা সঞ্জনয়ন্প্রিয়ম্॥ 13-250-66 (91357)
ঋষয়ো দেবগন্ধর্বাঃ প্রমদাশ্চ সহস্রশঃ।
প্রণম্য শিরসা দেবীং স্তুতিভিশ্চাভিতুষ্টুবুঃ॥ 13-250-67 (91358)
পূজয়ামাসুরপরে দেবদেব মুদা যুতাঃ।
সংবাদং চিন্তয়ন্ত্যন্তে শ্রদ্দধানাঃ সুচেতসঃ॥ 13-250-68 (91359)
ততস্তু দেবদেবেশো দেবীং বচনমব্রবীৎ।
শৃণু কল্যাণি মদ্বাক্যং সংবাদোঽয়ং ময়া তব।
পুণ্যং পবিত্রং খ্যাতং চ ভবিতা নাত্র সংশয়ঃ॥ 13-250-69 (91360)
য ইমং শ্রাবয়েদ্বিদ্বান্সংবাদং চাবয়োঃ প্রিয়ে।
শুচির্ভূৎবা নরান্যুক্তান্স তৈঃ স্বর্গং ব্রজেৎসুখম্॥ 13-250-70 (91361)
যস্ৎবেনং শৃণুয়ান্নিত্যং সংবাদং চাবয়োঃ শুভম্।
কীর্তিমায়ুষ্যমারোগ্যং লভতে স গতিং পরাম্॥ ॥ 13-250-71 (91362)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চাশদধিকদ্বিশততমোঽধ্যায়ঃ॥ 250 ॥
Mahabharata - Anushaasana Parva - Chapter Footnotes
7-250-59 সর্বাঃ পূতা ভবন্তি তা ইতি থ.পাঠঃ॥অনুশাসনপর্ব - অধ্যায় 251
॥ শ্রীঃ ॥
13.251. অধ্যায়ঃ 251
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
মহেশ্বরেণ মুনিগণান্প্রতি শ্রীকৃষ্ণস্য বংশানুক্রমবর্ণনপূর্বকং গুণগণানুবর্ণনম্॥ 1 ॥Mahabharata - Anushaasana Parva - Chapter Text
name="anuzAsana-13-251-1x">ঋষয় ঊচুঃ।
পিনাকিন্ভগনেত্রঘ্ন সর্বলোকনমস্কৃত।
মহাত্ম্যং বাসুদেবস্য শ্রোতুমিচ্ছাম শঙ্কর॥ 13-251-1 (91363)
ঈশ্বর উবাচ। 13-251-2x (7680)
পিতামহাদপি বরঃ শাশ্বতঃ পুরুষো হরিঃ।
কৃষ্ণো জাম্বূনদাভাসো ব্যভ্রে সূর্য ইবোদিতঃ॥ 13-251-2 (91364)
দশবাহুর্মহাতেজা দেবতারিনিষূদনঃ।
শ্রীবৎসাঙ্কো হৃষীকেশঃ সর্বদৈবতপূজিতঃ॥ 13-251-3 (91365)
ব্রহ্মা তস্যোদরভবস্তস্যাহং চ শিরোভবঃ।
শিরোরুহেভ্যো জ্যোতীংষি রোমভ্যশ্চ সুরাঽসুরাঃ॥ 13-251-4 (91366)
ঋষয়ো দেহসম্ভূতাস্তস্য লোকাশ্চ শাশ্বতাঃ।
পিতামহগৃহং সাক্ষাৎসর্বদেবগৃহং চ সঃ॥ 13-251-5 (91367)
সোস্যাঃ পৃথিব্যাঃ কৃৎস্নায়াঃ স্রষ্টা ত্রিভুবনেশ্বরঃ।
সংহর্তা চৈব ভূতানাং স্থাবরস্য চরস্য চ॥ 13-251-6 (91368)
স হি দেববরঃ সাক্ষাদ্দেবনাথঃ পরন্তপঃ।
সর্বজ্ঞঃ সর্বসংশ্লিষ্টঃ সর্বগঃ সর্বতোমুখঃ॥ 13-251-7 (91369)
পরমাত্মা হৃষীকেশঃ সর্বব্যাপী মহেশ্বরঃ।
ন তস্মাৎপরমং ভূতং ত্রিষু লোকেষু কিঞ্চন॥ 13-251-8 (91370)
সনাতনো বৈ মধুহা গোবিন্দ ইতি বিশ্রুতঃ।
স সর্বান্পার্তিবান্সঙ্খ্যে ঘাতয়িষ্যতি মানদঃ॥ 13-251-9 (91371)
সুরকার্যার্থমুৎপন্নো মানুষং বপুরাস্থিতঃ।
ন হি দেবগণাঃ শক্তাস্ত্রিবিক্রমবিনাকৃতাঃ॥ 13-251-10 (91372)
ভুবনে দেবকার্যাণি কর্তুং নায়কবর্জিতাঃ।
নায়কঃ সর্বভূতানাং সর্বদেবনমস্কৃতঃ॥ 13-251-11 (91373)
এতস্য দেবনাথস্য দেবকার্যপরস্য চ।
ব্রহ্মভূতস্য সততং ব্রহ্মর্ষিশরণস্য চ॥ 13-251-12 (91374)
ব্রহ্মা বসতি গর্ভস্থঃ শরীরে সুখসংস্থিতঃ।
শর্বঃ সুখং সংশ্রিতশ্চ্ শরীরে সুখসংস্থিতঃ॥ 13-251-13 (91375)
সর্বাঃ সুখং সংশ্রিতাশ্চ শরীরে তস্য দেবতাঃ।
স দেবঃ পুণ্ডরীকাক্ষঃ শ্রীগর্ভঃ শ্রীসহোষিতঃ॥ 13-251-14 (91376)
শার্ঙ্গচক্রায়ুধঃ খড্গী সর্বনাগরিপুধ্বজ।
উত্তমেন স শীলেন দমেন চ শমেন চ॥ 13-251-15 (91377)
পরাক্রমেণ বীর্যেণ বপুষা দর্শনেন চ।
আরোহেণি প্রমাণেন ধৈর্যেণার্জবসম্পদা॥ 13-251-16 (91378)
আনৃশংস্যেন রূপেণ বলেন ন সমন্বিতঃ।
অস্ত্রৈঃ সমুদিতঃ সর্বৈর্দিব্যৈরদ্ভুতদর্শনৈঃ॥ 13-251-17 (91379)
যোগমায়ঃ সহস্রাক্ষো নিরপায়ো মহামনাঃ।
বীরো মিত্রজনশ্লাঘী জ্ঞাতিবন্ধুজনপ্রিয়ঃ॥ 13-251-18 (91380)
ক্ষমাবাংশ্চানহংবাদী ব্রহ্মণ্যো ব্রহ্মনায়কঃ।
ভয়হর্তা ভয়ার্তানাং মিত্রাণাং নন্দিবর্ধনঃ॥ 13-251-19 (91381)
শরণ্যঃ সর্বভূতানাং দীনানাং পালনে রতঃ।
শ্রুতবানর্থসম্পন্নঃ সর্বভূতনমস্কৃতঃ॥ 13-251-20 (91382)
সমাশ্রিতানাং বরদঃ শত্রূণামপি ধর্মবিৎ।
নীতিজ্ঞো নীতিসম্পন্নো ব্রহ্মবাদী জিতেন্দ্রিয়ঃ॥ 13-251-21 (91383)
ভবার্থমিহ দেবানাং বুদ্ধ্যা পরময়া যুতঃ।
প্রাজাপত্যে শুভে মার্গে মানবে ধর্মসংস্কৃতে॥ 13-251-22 (91384)
সমুৎপৎস্যতি গোবিন্দো মনোর্বংশে মহাত্মনঃ।
অঙ্গো নাম মনোঃ পুত্রো অন্তর্ধামা ততঃ পরঃ॥ 13-251-23 (91385)
অন্তর্ধাম্নো হবির্ধামা প্রজাপতিরনিন্দিতঃ।
প্রাচীনবর্হির্ভবিতা হবির্ধাম্নঃ সুতো মহান্॥ 13-251-24 (91386)
তস্য প্রচেতঃপ্রমুখা ভবিষ্যন্তি দশাত্মজাঃ।
প্রাচেতসস্তথা দক্ষো ভবিতেহ প্রজাপতিঃ॥ 13-251-25 (91387)
দাক্ষায়ণ্যাস্তথাঽঽদিত্যো মনুরাদিত্যতস্তথা।
মনোশ্চ বংশজ ইলা সুদ্যুম্নশ্চ ভবিষ্যতি॥ 13-251-26 (91388)
বুধাৎপুরূরবাশ্চাপি তস্মাদায়ুর্ভবিষ্যতি।
নহুষো ভবিতা তস্মাদ্যযাতিস্তস্য চাত্মজঃ॥ 13-251-27 (91389)
যদুস্তস্মান্মহাসৎবঃ ক্রোষ্টা তস্মাদ্ভবিষ্যতি।
ক্রোষ্টুশ্চৈব মহান্পুত্রো বৃজিনীবান্ভবিষ্যতি॥ 13-251-28 (91390)
বৃজিনীবতশ্চ ভবিতা উষঙ্গুরপরাজিতঃ।
উষঙ্গোর্ভবিতা পুত্রঃ শূরশ্চিত্ররথস্তথা।
তস্য ৎববরজঃ পুত্রঃ শূরো নাম ভবিষ্যতি॥ 13-251-29 (91391)
তেষাং বিখ্যাতবীর্যাণাং চরিত্রগুণশালিনাম্।
যজ্বনাং সুবিশুদ্ধানাং বংশে ব্রাহ্মণসম্মতে॥ 13-251-30 (91392)
স শূরঃ ক্ষত্রিয়শ্রেষ্ঠো মহাবীর্যো মহায়শাঃ।
স্ববংশবিস্তরকরং জনয়িষ্যতি মানদঃ।
বসুদেব ইতি খ্যাতং পুত্রমানকদুন্দুভিম্॥ 13-251-31 (91393)
তস্য পুত্রশ্চতুর্বাহুর্বাসুদেবো ভবিষ্যতি॥
দাতা ব্রাহ্মণসৎকর্তা ব্রহ্মভূতো দ্বিজপ্রিয়ঃ। 13-251-32 (91394)
রাজ্ঞো মাগধসংরুদ্ধান্মোক্ষয়িষ্যতি যাদবঃ॥ 13-251-33 (91395)
জরাসন্ধং তু রাজানং নির্জিত্য গিরিগহ্বরে।
সর্বপার্থিবরত্নাঢ্যো ভবিষ্যতি স বীর্যবান্॥ 13-251-34 (91396)
পৃথিব্যামপ্রতিহতো বীর্যেণ চ ভবিষ্যতি।
বিক্রমেণ চ সম্পন্নঃ সর্বপার্থিবপার্থিবঃ॥ 13-251-35 (91397)
শূরসেনেষু ভূৎবা স দ্বারকায়াং বসন্প্রভুঃ।
পালয়িষ্যতি গাং দেবীং বিজিত্য নয়বিৎসদা॥ 13-251-36 (91398)
তং ভবন্তঃ সমাসাদ্য বাঙ্ভাল্যৈরর্হণৈর্বরৈঃ।
অর্চয়ন্তু যথান্যায়ং ব্রহ্মাণমিব শাশ্বতম্॥ 13-251-37 (91399)
যো হি মাং দ্রষ্টুমিচ্ছেত ব্রহ্মাণং চ পিতামহম্।
দ্রষ্টব্যস্তেন ভগবান্বাসুদেবঃ প্রতাপবান্॥ 13-251-38 (91400)
দৃষ্টে তস্মিন্নহং দৃষ্টো ন মেঽত্রাস্তি বিচারণা।
পিতামহো বা দেবেশ ইতি বিত্ত তপোধনাঃ॥ 13-251-39 (91401)
স যস্য পুণ্ডরীকাক্ষঃ প্রীতিয়ুক্তো ভবিষ্যতি।
তস্য দেবগণঃ প্রীতো ব্রহ্মপূর্বো ভবিষ্যতি॥ 13-251-40 (91402)
যশ্চ তং মানবে লোকে সংশ্রয়িষ্যতি কেশবম্।
তস্য কীর্তির্জয়শ্চৈব স্বর্গশ্চৈব ভবিষ্যতি॥ 13-251-41 (91403)
ধর্মাণাং দেশিকঃ সাক্ষাৎস ভবিষ্যতি ধর়্মিভাক্।
ধর্মবদ্ভিঃ স দেবেশো নমস্কার্যঃ সদোদ্যতৈঃ॥ 13-251-42 (91404)
ধর্ম এব পরো হি স্যাত্তস্মিন্নভ্যর্চিতে বিভৌ।
সহি দেবো মহাতেজাঃ প্রজাহিতচিকীর্ষয়া॥ 13-251-43 (91405)
ধর্মার্থং পুরুষব্যাঘ্র ঋষিকোটীঃ সসর্জ হ।
তাঃ সৃষ্টাস্তেন বিভুনা পর্বতে গন্ধমাদনে॥ 13-251-44 (91406)
সনৎকুমারপ্রমুখাস্তিষ্ঠন্তি তপসাঽন্বিতাঃ।
তস্মাৎস বাগ্মী ধর্মজ্ঞো নমস্যো দ্বিজপুঙ্গবাঃ॥ 13-251-45 (91407)
দিবি শ্রেষ্ঠো হি ভগবান্হরির্নারায়ণঃ প্রভুঃ।
বন্দিতো হি স বন্দেত মানিতো মানয়ীত চ।
অর্হিতশ্চার্হয়েন্নিত্যং পূজিতঃ প্রতিপূজয়েৎ॥ 13-251-46 (91408)
দৃষ্টঃ পশ্যেদহরহঃ সংশ্রিতঃ প্রতিসংশ্রয়েৎ।
অর্চিতশ্চার্চয়েন্নিত্যং স দেবো দ্বিজসত্তমাঃ॥ 13-251-47 (91409)
এতত্তস্যানবদ্যস্য বিষ্ণোর্বৈ পরমং ব্রতম্।
আদিদেবস্য মহতঃ সজ্জনাচরিতং সদা॥ 13-251-48 (91410)
ভুবনেঽভ্যর্চিতো নিত্যং দেবৈরপি সনাতনঃ।
অভয়েনানুরূপেণি যুজ্যন্তে তমনুব্রতাঃ॥ 13-251-49 (91411)
কর্মণা মনসা বাচা স নমস্যো দ্বিজৈঃ সদা।
যত্নবদ্ভিরুপস্থায় দ্রষ্টব্যো দেবকীসুতঃ॥ 13-251-50 (91412)
এষ বোঽভিহিতো মার্গো ময়া বৈ মুনিসত্তমাঃ।
তং দৃষ্ট্বা সর্বশো দেবং দৃষ্টাঃ স্যুঃ সুরসত্তমাঃ॥ 13-251-51 (91413)
মহাবরাহং তং দেবং সর্বলোকপিতামহম্।
অহং চৈব নমস্যামি নিত্যমেব জগৎপতিম্॥ 13-251-52 (91414)
তত্র চ ত্রিতয়ং দৃষ্টং ভবিষ্যতি ন সংশয়ঃ।
সমস্তা হি বয়ং দেবাস্তস্য দেহে বসামহে॥ 13-251-53 (91415)
তস্য চৈবাগ্রজো ভ্রাতা সিতাদ্রিনিচয়প্রভঃ।
হলী বল ইতি খ্যাতো ভবিষ্যতি ধরাধরঃ॥ 13-251-54 (91416)
ত্রিশিরাস্তস্য দিব্যশ্চ সাতকুম্ভময়ো দ্রুমঃ।
ধ্বজস্তৃণেন্দ্রো দেবস্য ভবিষ্যতি রথাশ্রিতঃ॥ 13-251-55 (91417)
শিরো নাগৈর্মহাভোগৈঃ পরিকীর্ণং মহাত্মভিঃ।
ভবিষ্যতি মহাবাহোঃ সর্বলোকেশ্বরস্য চ॥ 13-251-56 (91418)
চিন্তিতানি সমেষ্যন্তি শস্ত্রাণ্যস্ত্রাণি চৈব হ।
অনন্তশ্চ স অবোক্তো ভগবান্হরিরব্যযঃ॥ 13-251-57 (91419)
সমাদিষ্টশ্চ বিবুধৈর্দর্শয় ৎবমিতি প্রভো।
সুপর্ণো যস্য বীর্যেণ কশ্যপস্যাত্মজো বলী।
অন্তং নৈবাশকদ্দ্রষ্টুং দেবস্য পরমাত্মনঃ॥ 13-251-58 (91420)
স চ শেষো বিচরতে পরয়া বৈ মুদা যুতঃ।
অন্তর্বসতি ভোগেন পরিরভ্য বসুন্ধরাম্॥ 13-251-59 (91421)
য এব বিষ্ণুঃ সোঽনন্তো ভগবান্বসুধাধরঃ।
যো রামঃ স হৃষীকেশো যোচ্যুতঃ স ধরাধরঃ॥ 13-251-60 (91422)
তাবুভৌ পুরুষব্যাঘ্রৌ দিব্যৌ দিব্যপরাক্রমৌ।
দ্রষ্টব্যৌ মাননীয়ৌ চ চক্রলাঙ্গলধারিণৌ॥ 13-251-61 (91423)
এষ বোঽনুগ্রহঃ প্রোক্তো ময়া পুণ্যস্তপোধনাঃ।
যদ্ভবন্তো যদুশ্রেষ্ঠং পূজয়েয়ুঃ প্রয়ত্নতঃ॥ ॥ 13-251-62 (91424)
ইতি শ্রীমন্মহাভারতে অনুশাসনপর্বণি দানধর্মপর্বণি একপঞ্চাশদধিকদ্বিশততমোঽধ্যায়ঃ॥ 251 ॥
Mahabharata - Anushaasana Parva - Chapter Footnotes
7-251-43 অর্হিতঃ পুষ্পধূপাদিনার্চিতঃ। পূজিতঃ বাচা চ মহীকৃতঃ 7-251-47 অর্চিতঃ মনসা ধ্যাতঃ॥ 7-251-55 তৃণেংদ্রঃ তালদ্রুমঃ॥অনুশাসনপর্ব - অধ্যায় 252
॥ শ্রীঃ ॥
13.252. অধ্যায়ঃ 252
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ হিমবদ্গিরৌ নারদোদিতকৃষ্ণমহিমানুবাদঃ॥ 1 ॥ তথা পার্থকৃষ্ণয়োর্নরনারায়ণাত্মকৎবকথনপূর্বকং কৃষ্ণমহিমপ্রশংসনম্॥ 2 ॥Mahabharata - Anushaasana Parva - Chapter Text
নারদ উবাচ।
অথ ব্যোম্নি মহাঞ্শব্দঃ সবিদ্যুৎস্তনয়িত্নুমান্।
মেঘৈশ্চ গগনং নীলং সংরুদ্ধমভবদ্ধনৈঃ॥ 13-252-1 (91425)
প্রাবৃষীব চ পর্জন্যো ববৃষে নির্মলং পয়ঃ।
তমশ্বৈবাভবদ্ধোরং দিশশ্চ ন চকাশিরে॥ 13-252-2 (91426)
ততো দেবগিরৌ তস্মিন্রম্যে পুণ্যে সনাতনে।
ন শর্বং ভূতসঙ্ঘং বা দদৃশুর্মনয়স্তদা॥ 13-252-3 (91427)
ব্যভ্রং চ গগনং সদ্যঃ ক্ষণেন সমপদ্যত।
তীর্থয়াত্রাং ততো বিপ্রা জগ্মুশ্চান্যে যথাগতম্॥ 13-252-4 (91428)
তদদ্ভুতমচিন্ত্যং চ দৃষ্ট্বা তে বিস্মিতাঽভবন্।
শঙ্করস্যোময়া সার্ধং সংবাদং ৎবৎকথাশ্রয়ম্॥ 13-252-5 (91429)
স ভবান্পুরুষব্যাঘ্র ব্রহ্মভূতঃ সনাতনঃ।
যদর্থমনুশিষ্টা স্মো গিরিপৃষ্ঠে মহাত্মনা॥ 13-252-6 (91430)
দ্বিতীয়ং ৎবদ্ভুতমিদং ৎবত্তেজঃকৃতমদ্য বৈ।
দৃষ্ট্বা চ বিস্মিতাঃ কৃষ্ণ সা চ নঃ স্মৃতিরাগতা॥ 13-252-7 (91431)
এতত্তে দেবদেবস্য মাহাত্ম্যং কথিতং প্রভো।
কপর্দিনো গিরীশস্য মহাবাহো জনার্দন॥ 13-252-8 (91432)
ইত্যুক্তাঃ স তদা কৃষ্ণস্তপোবননিবাসিভিঃ।
মানয়ামাস তান্সর্বানৃষীন্দেবকিনন্দনঃ॥ 13-252-9 (91433)
অথর্ষয়ঃ সম্প্রহৃষ্টাঃ পুনস্তে কৃষ্মমব্রুবন্।
পুনঃপুনর্দর্শয়াস্মান্সদৈব মধুসূদন॥ 13-252-10 (91434)
ন হি নঃ সা রতি স্বর্গে যা চ ৎবদ্দর্শনে বিভো।
তদৃতং চ মহাবাহো যদাহ ভগবান্ভবঃ॥ 13-252-11 (91435)
এতত্তে সর্বমাখ্যাতং রহস্যমরিকর্শন।
ৎবমেব হ্যর্ততত্ৎবজ্ঞঃ পৃষ্টোঽস্মান্পৃচ্ছসে যদা॥ 13-252-12 (91436)
তদস্মাভিরিদং গুহ্যং ৎবৎপ্রিয়ার্থমুদাহৃতম্।
ন চ তেঽবিদিতং কিঞ্চিত্ত্রিষু লোকেষু বিদ্যতে॥ 13-252-13 (91437)
জন্ম চৈব প্রসূতিশ্চ যচ্চান্যৎকারণং বিভো।
বয়ং তু বহুচাপল্যাদশক্তা গুহ্যধারণে॥ 13-252-14 (91438)
ততঃ স্থিতে ৎবয়ি বিভো লঘুৎবাৎপ্রলপামহে।
ন হি কিঞ্চিত্তদাশ্চর্যং যন্ন বেত্তি ভবানিহ॥ 13-252-15 (91439)
দিবি বা ভুবি বা দেব সর্বং হি বিদিতং তব।
সাধয়াম বয়ং কৃষ্ণ বুদ্ধিং পুষ্টিমবাপ্নুহি॥ 13-252-16 (91440)
পুত্রস্তে সদৃশস্তাত বিশিষ্টো বা ভবিষ্যতি।
মহাপ্রভাবসংয়ুক্তো দীপ্তিকীর্তিকরঃ প্রভুঃ॥ 13-252-17 (91441)
ভীষ্ম উবাচ। 13-252-18x (7681)
ততঃ প্রণম্য দেবেশং যাদবং পুরুষোত্তমম্।
প্রদক্ষিণমুপাবৃত্য প্রজগ্মুস্তে মহর্ষয়ঃ॥ 13-252-18 (91442)
সোয়ং নারায়ণঃ শ্রীমন্দীপ্ত্যা পরময়া যুতঃ।
ব্রতং যথাবত্তচ্চীর্ৎবা দ্বারকাং পুনরাগমৎ॥ 13-252-19 (91443)
পূর্ণে চ দশমে মাসি পুত্রোঽস্য পরমাদ্ভুতঃ।
রুক্মিণ্যাং সম্মতো জজ্ঞে শূরো বংশধরঃ প্রভো॥ 13-252-20 (91444)
স কামঃ সর্বভূতানাং সর্বভাবগতো নৃপ।
অসুরাণাং সুরাণাং চ চরত্যন্তর্গতঃ সদা॥ 13-252-21 (91445)
সোয়ং পুরুষশার্দূলো মেঘবর্ণশ্চতুর্ভুজঃ।
সংশ্রিতঃ পাণ্ডবান্প্রেম্ণা ভবন্তশ্চৈনমাশ্রিতাঃ॥ 13-252-22 (91446)
কীর্তির্লক্ষ্মীর্ধৃতিশ্চৈবক স্বর্গমার্গস্তথৈব চ।
যত্রৈষ সংস্থিতস্তত্র দেবো বিষ্ণুস্ত্রিবিক্রমঃ॥ 13-252-23 (91447)
সেন্দ্রা দেবাস্ত্রয়স্ত্রিংশদেষ নাত্র বিচারণা।
আদিদেবো মহাদেবঃ সর্বভূতপ্রতিশ্রয়ঃ॥ 13-252-24 (91448)
অনাদিনিধনোঽব্যক্তো মহাত্মা মধুসূদনঃ।
অয়ং জাতো মহাতেজাঃ সুরাণামর্থসিদ্ধয়ে॥ 13-252-25 (91449)
সুদুস্তরার্থতত্ৎবস্য বক্তা কর্তা চ মাধবঃ।
তব পার্থ জয়ঃ কৃৎস্নস্তব কীর্তিস্তথাঽতুলা॥ 13-252-26 (91450)
তবেয়ং পৃথিবী দেবী কৃৎস্না নারায়ণাশ্রয়াৎ।
অয়ং নাথস্তবাচিন্ত্যো যস্য নারায়ণো গতিঃ॥ 13-252-27 (91451)
স ভবাংস্ৎবমুপাধ্বর্যূ রণাগ্নৌ হুতবান্নৃপান্।
কৃষ্ণস্রুবেণ মহতা যুগান্তাগ্নিসমেন বৈ॥ 13-252-28 (91452)
দুর্যোধনশ্চ শোচ্যোসৌ সপুত্রভ্রাতৃবান্ধবঃ।
কৃতবান্যোঽবুধঃ ক্রোধাদ্ধরিগাণ্ডীবিবিগ্রহম্॥ 13-252-29 (91453)
দৈতেয়া দানবেন্দ্রাশ্চ মহাকায়া মহাবলাঃ।
চক্রাগ্নৌ ক্ষয়মাপন্না দাবাগ্নৌ শলভা ইব॥ 13-252-30 (91454)
প্রতিয়োদ্ধুং ন শক্যো হি মানুষৈরেব সংয়ুগে।
বিহীনৈঃ পুরুষব্যাঘ্র সত্ৎবশক্তিবলাদিভিঃ॥ 13-252-31 (91455)
জয়ো যোগী যুগান্তাভঃ সব্যসাচী রণাগ্রগঃ।
তেজসা হতবান্সর্বং সুয়োধনবলং নৃপ॥ 13-252-32 (91456)
যত্তু গোবৃষভাঙ্কেন মুনিভ্যঃ সমুদাহৃতম্।
পুরাণং হিমবৎপৃষ্ঠে তন্মে নিগদতঃ শৃণু॥ 13-252-33 (91457)
যাবত্তস্য ভবেৎপুষ্টিস্তেজো জীপ্তিঃ পরাক্রমঃ।
প্রভাবঃ সন্নতির্জন্ম কৃষ্ণে তত্ত্রিগুণং বিভো॥ 13-252-34 (91458)
কঃ শক্নোত্যন্যথা কর্তুং তদ্যদি স্যাত্তথা শৃণু।
যত্রঃ কৃষ্ণো হি ভগবাংস্তত্র পুষ্টিরনুত্তমা॥ 13-252-35 (91459)
বয়ং ৎবিহাল্পমতয়ঃ পরতন্ত্রাঃ সুবিক্লবাঃ।
জ্ঞানপূর্বং প্রপন্নাঃ স্মো মৃত্যোঃ পন্থানমব্যযম্॥ 13-252-36 (91460)
ভবাংশ্চাপ্যার্জবপরঃ পূর্বং কৃৎবা প্রতিশ্রয়ম্।
রাজবৃত্তং ন লভতে প্রতিজ্ঞাপালনে রতঃ॥ 13-252-37 (91461)
অত্যেবাত্মবধং লোকে রাজংস্ৎবং বহু মন্যসে।
ন হি প্রতিজ্ঞা যা দত্তা তাং প্রহাতুমরিংদম॥ 13-252-38 (91462)
কালেনায়ং জনঃ সর্বো নিহতো রণমূর্ধনি।
বয়ং চ কালেন হতাঃ কালো হি পরমেশ্বরঃ॥ 13-252-39 (91463)
ন হি কালেন কালজ্ঞঃ স্পৃষ্টঃ শোচিতুমর্হসি।
কালো লোহিতরক্তাক্ষঃ কৃষ্ণো দণ্ডী সনাতনঃ॥ 13-252-40 (91464)
তস্মাৎকুন্তীসুত জ্ঞাতীন্নেহ শোচিতুমর্হসি।
ব্যপেতমন্যুর্নিত্যং ৎবং ভব কৌরবনন্দন॥ 13-252-41 (91465)
মাধবস্যাস্য মহাত্ম্যং শ্রুতং যৎকথিতং ময়া।
তদেব তাবৎপর্যাপ্তং সজ্জনস্য নিদর্শনম্॥ 13-252-42 (91466)
ব্যাসস্য বচনং শ্রুৎবা নারদস্য চ ধীমতঃ।
স্বয়ং চৈব মহারাজ কৃষ্ণস্যার্হতমস্য বৈ॥ 13-252-43 (91467)
প্রভাবশ্চর্ষিপূগস্য কথিতঃ সুমহান্ময়া।
মহেশ্বরস্য সংবাদং শৈলপুত্র্যাশ্চ ভারত॥ 13-252-44 (91468)
ধারয়িষ্যতি যশ্চৈনং মহাপুরুষসম্ভবম্।
শৃণুয়াৎকথয়েদ্বা যঃ স শ্রেয়ো লভতে পরম্॥ 13-252-45 (91469)
ভবিতারশ্চ তস্যাথ সর্বে কামা যথেপ্সিতাঃ।
প্রেত্য স্বর্গং চ লভতে নরো নাস্ত্যত্র সংশয়ঃ॥ 13-252-46 (91470)
ন্যায়্যং শ্রেয়োভিকামেন প্রতিপত্তুং জনার্দনঃ।
এষ এবাক্ষয়ো বিপ্রৈঃ স্তুতো রাজঞ্জনার্দনঃ॥ 13-252-47 (91471)
মহেশ্বরমুখোৎসৃষ্টা যে চ ধর্মগুণাঃ স্মৃতাঃ।
তে ৎবয়া মনসা ধার্যাঃ কুরুরাজ দিবানিশম্॥ 13-252-48 (91472)
এবং তে বর্তমানস্য সম্যগ্দণ্ডধরস্য চ।
প্রজাপালনদক্ষস্য স্বর্গলোকো ভবিষ্যতি॥ 13-252-49 (91473)
ধর্মোণাপি সদা রাজন্প্রজা রক্ষিতুমর্হসি।
যস্তস্য বিপুলো দণ্ডঃ সম্যগ্ধর্মঃ স কীর্ত্যতে॥ 13-252-50 (91474)
য এষ কথিতো রাজন্ময়া সজ্জনসন্নিধৌ।
শঙ্করস্যোময়া সার্ধং সংবাদো ধর্মসংহিতঃ॥ 13-252-51 (91475)
শ্রুৎবা বা শ্রোতুকামো বাঽপ্যর্চয়েদ্বৃষভধ্বজম্।
বিশুদ্ধেনেহ ভাবেন য ইচ্ছেদ্ভূতিমাত্মনঃ॥ 13-252-52 (91476)
এষ তস্যানবদ্যস্য নারদস্য মহাত্মনঃ।
সংদেশো দেবপূজার্থং তং তথা কুরু পাণ্ডব॥ 13-252-53 (91477)
এতদত্যদ্ভুতং বৃত্তং পুণ্যে হি ভবতি প্রভো।
বাসুদেবস্য কৌন্তেয় স্থাণোশ্চৈব স্বভাবজম্॥ 13-252-54 (91478)
দশবর্শসহস্রাণি বদর্যামেষ শাশ্বতঃ।
তপশ্চচার বিপুলং সহ গাণ্ডীবধন্বনা॥ 13-252-55 (91479)
ত্রিয়ুগৌ পুণ্ডরীকাক্ষৌ বাসুদেবধনংজয়ৌ।
বিদিতৌ নারদাদেতৌ মম ব্যাসাচ্চ পার্থিব॥ 13-252-56 (91480)
বাল এব মহাবাহুশ্চকার কদনং মহৎ।
কংসস্য পুণ্ডরীকাক্ষো জ্ঞাতিত্রামার্থকারণাৎ॥ 13-252-57 (91481)
কর্মণামস্য কৌন্তেয় নান্তং সঙ্খ্যাতুমুৎসহে।
শাশ্বতস্য পুরাণস্য পুরুষস্য যুধিষ্ঠির॥ 13-252-58 (91482)
ধ্রুবং শ্রেয়ঃ পরং তাত ভবিষ্যতি তবোত্তমম্।
যস্য তে পুরুষব্যাঘ্রঃ সখা চায়ং জনার্দনঃ॥ 13-252-59 (91483)
দুর্যোধনং তু শোচামি প্রেত্য লোকেঽপি দুর্মতিম্।
যৎকৃতে পৃথিবী সর্বা বিনষ্টা সহয়দ্বিপা॥ 13-252-60 (91484)
দুর্যোধনাপরাধেন কর্ণস্য শকুনেস্তথা।
দুঃশাসনবতুর্থানাং কুরবো নিধনং গতাঃ॥ 13-252-61 (91485)
বৈশম্পায়ন উবাচ। 13-252-62x (7682)
এবং সম্ভাষমাণে তু গাঙ্গেয়ে পুরুষর্ষভে।
তূষ্ণীং বভূব কৌরব্যো মধ্যে তেষাং মহাত্মনাম্॥ 13-252-62 (91486)
তচ্ছ্রুৎবা বিস্ময়ং জগ্মুর্ধৃতরাষ্ট্রাদয়ো নৃপাঃ।
সম্পূজ্য মনসা কৃষ্ণং সর্বে প্রাঞ্জলয়ঽভবন্॥ 13-252-63 (91487)
ঋষয়শ্চাপি তে সর্বে নারদপ্রমুখাস্তদা।
প্রতিগৃহ্যাভ্যনন্দন্ত তদ্বাক্যং প্রতিপূজ্য চ॥ 13-252-64 (91488)
ইত্যেতদখিলং সর্বৈঃ পাণ্ডবো ভ্রাতৃভিঃ সহ।
শ্রুতবান্সুমহাশ্চর্যং পুণ্যং ভীষ্মানুশাসনম্॥ 13-252-65 (91489)
বৈশম্পায়ন উবাচ। 13-252-66x (7683)
যুধিষ্ঠিরস্তু গাঙ্গেয়ং বিশ্রান্তং ভূরিদক্ষিণম্।
পুনরেব মহাবুদ্ধিঃ পর্যপৃচ্ছন্মহীপতিঃ॥ ॥ 13-252-66 (91490)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিপঞ্চাশদধিকদ্বিশততমোঽধ্যায়ঃ॥ 252 ॥
অনুশাসনপর্ব - অধ্যায় 253
॥ শ্রীঃ ॥
13.253. অধ্যায়ঃ 253
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি দৃষ্টান্ততয়া বিপ্রকন্যোপাখ্যানকথনপূর্বকং বিদ্বৎসংরক্ষণস্য মহাফলহেতুৎবকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কৃপয়া পরয়া প্রোক্তঃ সর্বেষাং পাপকর্মণাম্।
জ্ঞানস্য চ পরস্যেহ তন্মে ব্রূহি পিতামহ॥ 13-253-1 (91491)
ভীষ্ম উবাচ। 13-253-2x (7684)
উপায়োঽয়ং পরপ্রাপ্তৌ পরমঃ পরিকীর্তিতঃ।
নারায়ণাস্যানুধ্যানমর্চনং যজনং স্তুতিঃ॥ 13-253-2 (91492)
শ্রবণং তৎকথানাং চ বিদ্বৎসংরক্ষণং তথা।
বিদ্বচ্ছুশ্রূষণপ্রীতিরুপদেশানুপালনম্।
স ধ্যানেন জপেননাশু মুচ্যতে প্রাকৃতোপি বা॥ 13-253-3 (91493)
জপশ্চতুর্বিধঃ প্রোক্তো বৈদিকস্তান্ত্রিকোপি চ।
পৌরাণিকোথ বিদ্বদ্ভিঃ কথিতঃ স্মার্ত এব চ॥ 13-253-4 (91494)
বিদ্বচ্ছুশ্রূষয়া জ্ঞানং বিদ্বৎসংরক্ষণেন চ।
নাসাধ্যং জ্ঞানিনাং কিঞ্চিত্তস্মাদ্রক্ষ্যাস্ৎবয়া দ্বিজাঃ॥ 13-253-5 (91495)
সুব্রতা বন্ধুহীনৈকা বনে পূর্বং যমেন তু।
আসীদাশ্বাসিতা বিদ্বৎসংরক্ষণফলাৎকিল॥ 13-253-6 (91496)
বিপ্রস্য মরণে হেতুস্তৎপত্নী পিতৃশোকদা।
বৈশ্যা ৎবমতিলাভোঽয়ং বিপ্রকন্যেতি সাম্প্রতম্। 13-253-7 (91497)
ইত্যুক্তাঽঽশ্বাসিতাঽপৃচ্ছৎকেনৈবং পাপসংয়ুতা।
জাতা বিপ্রকুলে সম্যক্ শ্রেয়শ্চাপি ব্রবীহি মে॥ 13-253-8 (91498)
যম উবাচ। 13-253-9x (7685)
অন্যজন্মনি বিদ্বাংসং প্রহারৈরভিপীডিতম্।
চোরশঙ্কাবিমোক্ষেণ মোক্ষয়িৎবা সুজন্মিকা॥ 13-253-9 (91499)
ইত্যুক্তাঽষ্টাক্ষরধ্যানজপাদিশ্রেয়সংয়ুতা।
যমেনানুগৃহীতাঽভূৎপুণ্যলোকনিবাসিনী॥ 13-253-10 (91500)
তন্নিত্যং বিদুষাং রক্ষা তৎপরোঽভূর্মহীপতে।
তেষাং সংরক্ষণাৎসদ্যঃ সর্বপাপৈঃ প্রমুচ্যতে॥ ॥ 13-253-11 (91501)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিপঞ্চশদধিকদ্বিশততমোঽধ্যায়ঃ॥ 253 ॥
অনুশাসনপর্ব - অধ্যায় 254
॥ শ্রীঃ ॥
13.254. অধ্যায়ঃ 254
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি শ্রীবিষ্ণুসহস্রনামকথনম্॥ 1 ॥Mahabharata - Anushaasana Parva - Chapter Text
বৈশম্পায়ন উবাচ।
শ্রুৎবা ধর্মানশেষেণ পাবনানি চ সর্বশঃ।
যুধিষ্ঠিরঃ শান্তনবং পুনরেবাভ্যভাষত॥ 13-254-1 (91502)
কিমেকং দৈবতং লোকে কিং বাঽপ্যেকং পরায়ণম্।
স্তুবন্তঃ কং কর্মর্চন্তঃ প্রাপ্নুয়ুর্মানবাঃ শুভম্॥ 13-254-2 (91503)
কো ধর্মঃ সর্বধর্মাণাং ভবতঃ পরমো মতঃ।
কিং জপন্মুচ্যতে জন্তুর্জন্মসংসারবন্ধনাৎ॥ 13-254-3 (91504)
ভীষ্ম উবাচ। 13-254-4x (7686)
জগৎপ্রভুং দেবদেবমনন্তং পুরুষোত্তমম্।
স্তুবন্নামসহস্রেণ পুরুষঃ সততোত্থিতঃ॥ 13-254-4 (91505)
তমেব চার্চয়ন্নিত্যং ভক্ত্যা পুরুষমব্যযম্।
ধ্যায়ন্স্তুবন্নমস্যংশ্চ যজমানস্তমেব চ॥ 13-254-5 (91506)
অনাদিনিধনং বিষ্ণুং সর্বলোকমহেশ্বরম্।
লোকাধ্যক্ষং স্তুবন্নিত্যং সর্বদুঃকাতিগো ভবেৎ॥ 13-254-6 (91507)
ব্রহ্মণ্যং সর্বধর্মজ্ঞং লোকানাং কীর্তিবর্ধনম্।
লোকনাথং মহদ্ভূতং সর্ববূতভবোদ্ভবম্॥ 13-254-7 (91508)
এষ মে সর্বধর্মাণাং ধর্মোঽধিকতমো মতঃ।
যদ্ভক্ত্যা পুণ্ডরীকাক্ষং স্তবৈরর্চেন্নরঃ সদা॥ 13-254-8 (91509)
পরমং যো মহত্তেজঃ পরমং যো মহত্তপঃ।
পরমং যো মহদ্ব্রহ্ম পরমং যঃ পরায়ণম্॥ 13-254-9 (91510)
পবিত্রাণাং পবিত্রং যো মঙ্গলানাং চ মঙ্গলম্।
দৈবতং দেবতানাং চ ভূতানাং যোঽব্যযঃ পিতা॥ 13-254-10 (91511)
যতঃ সর্বাণি ভূতানি ভবন্ত্যাদিয়ুগাগমে।
যস্মিংশ্চ প্রলয়ং যান্তি পুনরেব যুগক্ষয়ে॥ 13-254-11 (91512)
তস্য লোকপ্রধানস্য জগন্নাথস্য ভূপতে।
বিষ্ণোর্নামসহস্রং মে শৃণু পাপভয়াপহম্॥ 13-254-12 (91513)
যানি নামানি গৌণানি বিখ্যাতানি মহাত্মনঃ।
ঋষিভিঃ পরিগীতানি তানি বক্ষ্যামি ভূতয়ে॥ 13-254-13 (91514)
`ঋষির্নাম্নাং সহস্রস্য দেবব্যাসো মহামুনিঃ।
ছন্দোনুষ্টুপ্তথা দেবো ভগবান্দেবকীসুতঃ॥ 13-254-14 (91515)
অমুতাংশূদ্ভবো বীজং শক্তির্দেবকিনন্দনঃ।
ত্রিসাম হৃদয়ং তস্য শান্ত্যর্থে বিনিয়ুজ্যতে॥' 13-254-15 (91516)
ওং বিশ্বং বিষ্ণুর্বষট্কারো ভূতভব্যভবৎপ্রভুঃ।
ভূতকৃদ্ভূতভৃদ্ভাবো ভূতাত্মা ভূতভাবনঃ॥ 13-254-16 (91517)
পূতাত্মা পরমাত্মা চ মুক্তানাং পরমা গতিঃ।
অব্যযঃ পুরুষঃ সাক্ষী ক্ষেত্রজ্ঞোঽক্ষর এব চ॥ 13-254-17 (91518)
যোগো যোগবিদাংনেতা প্রধানপুরুষেশ্বরঃ।
নরসিংহবপুঃ শ্রীমান্কেশবঃ পুরুষোত্তমঃ॥ 13-254-18 (91519)
সর্বঃ শর্বঃ শিবঃ স্থাণুর্ভূতাদির্নিধিরব্যযঃ।
সম্ভবো ভাবনো ভর্তা প্রভবঃ প্রভুরীশ্বরঃ॥ 13-254-19 (91520)
স্বয়ংভূঃ শংভুরাদিত্যঃ পুষ্করাক্ষো মহাস্বনঃ।
অনাদিনিধনো ধাতা বিধাতা ধাতুরুত্তমঃ॥ 13-254-20 (91521)
অপ্রমেয়ো হৃষীকেশঃ পদ্মনাভোঽমরপ্রভুঃ।
বিশ্বকর্মা মনুস্ৎবষ্টা স্থবিষ্ঠঃ স্থবিরো ধ্রুবঃ॥ 13-254-21 (91522)
অগ্রাহ্যঃ শাশ্বতঃ কৃষ্ণো লোহিতাক্ষঃ প্রতর্দনঃ।
প্রভূতস্ত্রিককুদ্ধাম পবিত্রং মঙ্গলং পরম্॥ 13-254-22 (91523)
ঈশানঃ প্রাণদঃ প্রাণো জ্যেষ্ঠঃ শ্রেষ্ঠঃ প্রজাপতিঃ।
হিরণ্যগর্ভো ভূগর্ভো মাঘবো মধুসূদনঃ॥ 13-254-23 (91524)
ঈশ্বরো বিক্রমী ধন্বী মেধাবী বিক্রমঃ ক্রমঃ।
অনুত্তমো দুরাধর্ষঃ কৃতজ্ঞঃ কৃতিরাত্মবান্॥ 13-254-24 (91525)
সুরেশঃ শরণং শর্ম বিশ্বরেতাঃ প্রজাভবঃ।
অহঃ সংবৎসরো ব্যালঃ প্রত্যযঃ সর্বদর্শনঃ॥ 13-254-25 (91526)
অজঃ সর্বেশ্বরঃ সিদ্ধঃ সিদ্ধিঃ সর্বাদিরচ্যুতঃ।
বৃষাকপিরমেয়াত্মা সর্বয়োগবিনিঃসৃতঃ॥ 13-254-26 (91527)
বসুর্বসুমনাঃ সত্যঃ সমাত্মা সম্মিতঃ সমঃ।
অমোঘঃ পুণ্ডরীকাক্ষো বৃষকর্মা বৃষাকৃতিঃ॥ 13-254-27 (91528)
রুদ্রো বহুশিরা বভ্রুর্বিশ্বয়োনিঃ শুচিশ্রবাঃ।
অমৃতঃ শাশ্বতঃ স্থাপুর্বরারোহো মহাতপাঃ॥ 13-254-28 (91529)
সর্বগঃ সর্ববিদ্ভানুর্বিষ্বক্সেনো জনার্দনঃ।
বেদো বেদবিদব্যঙ্গো বেদাঙ্গো বেদবিৎকবিঃ॥ 13-254-29 (91530)
লোকাধ্যক্ষঃ সুরাধ্যক্ষো ধর্মাধ্যক্ষঃ কৃতাকৃতঃ।
চতুরাত্মা চতুর্ব্যূহশ্চতুর্দংষ্ট্রশ্চতুর্ভুজঃ॥ 13-254-30 (91531)
ভ্রাজিষ্ণুর্ভোজনং ভোক্তা সহিষ্ণুর্জগদাদিজঃ।
অনঘো বিজয়ো জেতা বিশ্বয়োনিঃ পুনর্বসু॥ 13-254-31 (91532)
উপেন্দ্রো বামনঃ প্রাংশুরমোঘঃ শুচিরূর্জিতঃ।
অতীন্দ্রঃ সঙ্গ্রহঃ সর্গো ধৃতাত্মা নিয়মোয়মঃ॥ 13-254-32 (91533)
বেদ্যো বৈদ্যঃ সদায়োগী বীরহা মাধবো মধুঃ।
অতীন্দ্রিয়ো মহামায়ো মহোৎসাহো মহাবলঃ॥ 13-254-33 (91534)
মহাবুদ্ধির্মহাবীর্যো মহাশক্তির্মহাদ্যুতিঃ।
অনির্দেশ্যবপুঃ শ্রীমানমেয়াত্মা মহাদ্রিধৃক্॥ 13-254-34 (91535)
মহেষ্বাসো মহীভর্তা শ্রীনিবাসঃ সতাঙ্গতিঃ।
অনিরুদ্ধঃ সুরানন্দো গোবিন্দো গোবিদাম্পতিঃ॥ 13-254-35 (91536)
মরীচির্দমনো হংসঃ সুপর্ণো ভুজগোত্তমঃ।
হিরণ্যনাভঃ সুতপাঃ পদ্মনাভঃ প্রজাপতিঃ॥ 13-254-36 (91537)
অমৃত্যুঃ সর্বদৃক্সিংহঃ সন্ধাতা সন্ধিমান্স্থিরঃ।
অজো দুর্মর্ষণঃ শাস্তা বিশ্রুতাত্মা সুরারিহা॥ 13-254-37 (91538)
গুরুর্গরুতমো ধাম সত্যঃ সত্যপরাক্রমঃ।
নিমিষোঽনিমিষঃ স্রগ্বী বাচস্পতিরুদারধীঃ॥ 13-254-38 (91539)
অগ্রণীর্গ্রামণীঃ শ্রীমান্ন্যায়ো নেতা সমীরণঃ।
সহস্রমূর্ধা বিশ্বাত্মা সহস্রাক্ষঃ সহস্রপাৎ॥ 13-254-39 (91540)
আবর্তনো নিবৃত্তাত্মা সংবৃতঃ সম্প্রমর্দনঃ।
অহঃ সংবর্তকো বহ্নিরনিলো ধরণীধরঃ॥ 13-254-40 (91541)
সুপ্রসাদঃ প্রসন্নাত্মা বিশ্বদৃগ্বিশ্বভুগ্বিভুঃ।
সৎকর্তা সৎকৃতিঃ সাধুর্জহ্নুর্নারায়ণো নরঃ॥ 13-254-41 (91542)
অসংখ্যেয়োপ্রমেয়াত্মা বিশিষ্টঃ শিষ্টকৃচ্ছুচিঃ।
সিদ্ধার্থঃ সিদ্ধসঙ্কল্পঃ সিদ্ধিদঃ সিদ্ধিসাধনঃ॥ 13-254-42 (91543)
বৃষাহির্বৃষভো বিষ্ণুর্বৃষপর্বা বৃষোদরঃ।
বর্ধনো বর্ধমানশ্চ বিবিক্তঃ শ্রুতিসাগরঃ॥ 13-254-43 (91544)
সুভুজো দুর্ধরো বাগ্মী মহেন্দ্রো বসুদো বসুঃ।
নৈকরূপো বৃহদ্রূপঃ শিপিবিষ্টঃ প্রকাশনঃ॥ 13-254-44 (91545)
ওজস্তেজোদ্যুতিধরঃ প্রকাশাত্মা প্রতাপনঃ।
ঋদ্ধঃ স্পৃষ্টাক্ষরো মন্ত্রশ্চন্দ্রাংশুর্ভাস্করদ্যুতিঃ॥ 13-254-45 (91546)
অমৃতাংশূদ্ভবো ভানুঃ শশবিন্দুঃ সুরেশ্বরঃ।
ঔষধং জগতঃ সেতুঃ সত্যধর্মপরাক্রমঃ॥ 13-254-46 (91547)
ভূতভব্যভবন্নাথঃ পবনঃ পাবনোঽনলঃ।
কামহা কামকৃৎকান্তঃ কামঃ কামপ্রদঃ প্রভুঃ॥ 13-254-47 (91548)
যুগাদিকৃদ্যুগাবর্তো নৈকমায়ো মহাশনঃ।
অদৃশ্যো ব্যক্তরূপশ্চ সহস্রজিদনন্তজিৎ॥ 13-254-48 (91549)
ইষ্টো বিশিষ্টঃ শিষ্টেষ্ট শিখণ্ডী নহুষো বৃষঃ।
ক্রোধহা ক্রোধকৃৎকর্তা বিশ্ববাহুর্মহীধরঃ॥ 13-254-49 (91550)
অচ্যুতঃ প্রথিতঃ প্রাণঃ প্রাণদো বাসবানুজঃ।
অপাংনিধিরধিষ্ঠানমপ্রমত্তঃ প্রতিষ্ঠিতঃ॥ 13-254-50 (91551)
স্কন্দঃ স্কন্দধরো ধুর্যো বরদো বায়ুবাহনঃ।
বাসুদেবো বৃহদ্ভানুরাদিদেবঃ পুরংদরঃ॥ 13-254-51 (91552)
অশোকস্তারণস্তারঃ শূরঃ শৌরির্জনেশ্বরঃ।
অনুকূলঃ শতাবর্তঃ পদ্মী পদ্মনিভেক্ষণঃ॥ 13-254-52 (91553)
পদ্মনাবোঽরবিন্দাক্ষঃ পদ্মগর্ভঃ শরীরভৃৎ।
মহর্দ্ধির্ঋদ্ধো বৃদ্ধাত্মা মহাক্ষো গরুডধ্বক্ষঃ॥ 13-254-53 (91554)
অতুলঃ শরভো ভীমঃ সময়জ্ঞো হবির্হরিঃ।
সর্বলক্ষণলক্ষণ্যো লক্ষ্মীবান্সমিতিংজয়ঃ॥ 13-254-54 (91555)
বিক্ষরো রোহিতো মার্গো হেতুর্দামোদরঃ সহঃ।
মহীধরো মহাভাগো বেগবানমিতাশনঃ॥ 13-254-55 (91556)
উদ্ভবঃ ক্ষোভণো দেবঃ শ্রীগর্ভঃ পরমেশ্বরঃ।
করণং কারণং কর্তা বিকর্তা গহনো গুহঃ॥ 13-254-56 (91557)
ব্যবসায়ো ব্যবস্থানঃ সংস্থানঃ স্থানদো ধ্রুবঃ।
পরর্দ্ধিঃ পরমস্পষ্টস্তুষ্টঃ পুষ্টঃ শুভেক্ষণঃ॥ 13-254-57 (91558)
রামো বিরামো বিরজো মার্গো নেয়ো নয়োঽনয়ঃ।
বীরঃ শক্তিমতাংশ্রেষ্ঠো ধর্মো ধর্মবিদুত্তমঃ॥ 13-254-58 (91559)
বৈকুণ্ঠঃ পুরুষঃ প্রাণঃ প্রাণদঃ প্রণবঃ পৃথুঃ।
হিরণ্যগর্ভঃ শত্রুঘ্নো ব্যাপ্তো বায়ুরধোক্ষজঃ॥ 13-254-59 (91560)
ঋতুঃ সুদর্শনঃ কালঃ পরমেষ্ঠী পরিগ্রহঃ।
উগ্রঃ সংবৎসরো দক্ষো বিশ্রামো বিশ্বদক্ষিণঃ॥ 13-254-60 (91561)
বিস্তারঃ স্থাবরঃ স্থাণুঃ প্রমাণং বীজমব্যযম্।
অর্থোঽনর্থো মহাকোশো মহাভোগো মহাধনঃ॥ 13-254-61 (91562)
অনির্বিণ্ণঃ স্থবিষ্ঠো ভূর্ধর্ময়ূপো মহামখঃ।
নক্ষত্রনেমির্নক্ষত্রী ক্ষমঃ ক্ষামঃ সমীহনঃ॥ 13-254-62 (91563)
যজ্ঞ ইজ্যো মহেজ্যশ্চ ক্রতুঃ সত্রং সতাঙ্গতিঃ।
সর্বদর্শী বমুক্তাত্মা সর্বজ্ঞো জ্ঞানমুত্তমম্॥ 13-254-63 (91564)
সুব্রতঃ সুমুখঃ সূক্ষ্মঃ সুঘোষঃ সুখদঃ সুহৃৎ।
মনোহরো জিতক্রোধো বীরবাহুর্বিদারণঃ॥ 13-254-64 (91565)
স্বাপনঃ স্ববশো ব্যাপী নৈকাত্মা নৈককর্মকৃৎ।
বৎসরো বৎসলো বৎসী রত্নগর্ভো ধনেশ্বরঃ॥ 13-254-65 (91566)
ধর্মগুব্ধর্মকৃদ্ধর্মী সদসৎক্ষরমক্ষরম্।
অবিজ্ঞাতা সহস্রাংশুর্বিধাতা কৃতলক্ষণঃ॥ 13-254-66 (91567)
গভস্তিনেমিঃ সৎবস্থঃ সিংহো ভূতমহেশ্বরঃ।
আদিদেবো মহাদেবো দেবেশো দেবভৃদ্গুরুঃ॥ 13-254-67 (91568)
উত্তরো গোপতির্গোপ্তা জ্ঞানগম্যঃ পুরাতনঃ।
শরীরী ভূতভৃদ্ভোক্তা কপীন্দ্রো ভূরিদক্ষিণঃ॥ 13-254-68 (91569)
সোমপোঽমৃতপঃ সোমঃ পুরুজিৎপুরুসত্তমঃ।
বিনয়োজ্যঃ সত্যসন্ধো দাশার্হঃ সাৎবতাংপতিঃ॥ 13-254-69 (91570)
জীবো বিনয়িতা সাক্ষী মুকুন্দোঽমিতবিক্রমঃ।
অম্ভোনিধিরনন্তাত্মা মহোদধিশয়োঽন্তকঃ॥ 13-254-70 (91571)
অজো মহার্হঃ স্বাভাব্যো জিতামিত্রঃ প্রমোদনঃ।
আনন্দো নন্দনো নন্দঃ সত্যধর্মা ত্রিবিক্রমঃ॥ 13-254-71 (91572)
মহর্ষিঃ কপিলাচার্য কৃতজ্ঞো মেদিনীপতিঃ।
ত্রিপদস্ত্রিদশাধ্যক্ষো মহাশৃঙ্গঃ কৃতান্তকৃৎ॥ 13-254-72 (91573)
মহাবরাহো গোবিন্দঃ সুষেণঃ কনকাঙ্গদী।
গুহ্যো গভীরো গহনো গুপ্তশ্চক্রগদাধরঃ॥ 13-254-73 (91574)
বেধাঃ স্বাঙ্গোঽজিতঃ কৃষ্ণো দৃঢঃ সঙ্কর্ষণোচ্যুতঃ।
বরুণো বারুণো বৃক্ষঃ পুষ্করাক্ষো মহামনাঃ॥ 13-254-74 (91575)
ভগবান্ভগহা নন্দী বনমালী হলায়ুধঃ।
আদিত্যো জ্যোতিরাদিত্যঃ সহিষ্ণুর্গতিসত্তমঃ॥ 13-254-75 (91576)
সুধন্বা খণ্ডপরশুর্দারুণো দ্রবিণপ্রদঃ।
দিবস্পৃক্সর্বদৃগ্ব্যাসো বাচস্পতিরয়োনিজঃ॥ 13-254-76 (91577)
ত্রিসামা সামগঃ সাম নির্বাণং ভেষজং ভিষক্।
সংন্যাসকৃচ্ছমঃ শান্তো নিষ্ঠা শান্তিঃ পরায়ণম্॥ 13-254-77 (91578)
শুভাঙ্গঃ শান্তিদঃ স্রষ্টা কুমুদঃ কুবলেশয়ঃ।
গোহিতো গোপতির্গোপ্তা বৃষভাক্ষো বৃষপ্রিয়ঃ॥ 13-254-78 (91579)
অনিবর্তী নিবৃত্তাত্মা সংক্ষেপ্তা ক্ষেমকৃচ্ছিবঃ।
শ্রীবৎসবক্ষাঃ শ্রীবাসঃ শ্রীপতিঃ শ্রীমতাংবরঃ॥ 13-254-79 (91580)
শ্রীদঃ শ্রীশঃ শ্রীনিবাসঃ শ্রীনিধিঃ শ্রীবিভাবনঃ।
শ্রীধরঃ শ্রীকরঃ শ্রেয়ঃ শ্রীমাঁল্লোকত্রয়াশ্রয়ঃ॥ 13-254-80 (91581)
স্বক্ষঃ স্বঙ্গঃ শতানন্দো নন্দির্জ্যোতির্গণেশ্বরঃ।
বিজিতাত্মা বিধেয়াত্মা সৎকীর্তিশ্ছিন্নসংশয়ঃ॥ 13-254-81 (91582)
উদীর্ণঃ সর্বতশ্চক্ষুরনীশঃ শাশ্বতঃ স্থিরঃ।
ভূশয়ো ভূষণো ভূতির্বিশোকঃ শোকনাশনঃ॥ 13-254-82 (91583)
অর্চিষ্মানর্চিতঃ কুম্ভো বিশুদ্ধাত্মা বিশোধনঃ।
অনিরুদ্ধোঽপ্রতিরথঃ প্রদ্যুম্নোঽমিতবিক্রমঃ॥ 13-254-83 (91584)
কালনেমিনিহা বীরঃ শৌরিঃ সূরজনেশ্বরঃ।
ত্রিলোকাত্মা ত্রিলোকেশঃ কেশবঃ কেশিহা হরিঃ॥ 13-254-84 (91585)
কামদেবঃ কামপালঃ কামী কান্তঃ কৃতাগমঃ।
অনির্দেশ্যবপুর্বিষ্ণুর্বীরোঽনন্তো ধনঞ্জয়ঃ॥ 13-254-85 (91586)
ব্রহ্মণ্যো ব্রহ্মকৃদ্ব্রহ্মা ব্রহ্ম ব্রহ্মবিবর্ধনঃ।
ব্রহ্মবিদ্ব্রাহ্মণো ব্রহ্মী ব্রহ্মজ্ঞো ব্রাহ্মণপ্রিয়ঃ॥ 13-254-86 (91587)
মহাক্রমো মহাকর্মা মহাতেজা মহোরগঃ।
মহাক্রতুর্মহায়জ্বা মহায়জ্ঞো মহাহবিঃ॥ 13-254-87 (91588)
স্তব্যঃ স্তবপ্রিয়ঃ স্তোত্রং স্তুতিঃস্তোতা রণপ্রিয়ঃ।
পূর্ণঃ পূরয়িতা পুণ্যঃ পুণ্যকীর্তিরনাময়ঃ॥ 13-254-88 (91589)
মনোজবস্তীর্থকরো বসুরেতা বসুপ্রদঃ।
বসুপ্রদো বাসুদেবো বসুর্বসুমনা হবিঃ॥ 13-254-89 (91590)
সদ্গতিঃ সৎকৃতিঃ সত্তা সদ্ভূতিঃ সৎপরায়ণঃ।
শূরসেনো যদুশ্রেষ্ঠঃ সন্নিবাসঃ সুয়ামুনঃ॥ 13-254-90 (91591)
ভূতাবাসো বাসুদেবঃ সর্বাসুনিলয়োঽনলঃ।
দর্পহা দর্পহো দৃপ্তো দুর্ধরোঽদ্ধাঽপরাজিতঃ॥ 13-254-91 (91592)
বিশ্বমূর্তির্মহমূর্তির্দীপ্তমূর্তিরমূর্তিমান্।
অনেকমূর্তিরব্যক্তঃ শতমূর্তিঃ শতাননঃ॥ 13-254-92 (91593)
একো নৈকঃ সবঃ কঃ কিং যত্তৎপদমনুত্তমম্।
লোকবন্ধুর্লোকনাথো মাধবো ভক্তবৎসলঃ॥ 13-254-93 (91594)
সুবর্ণবর্ণো হেমাঙ্গো বরাঙ্গশ্চন্দনাঙ্গদী।
বীরহা বিষমঃ শূন্যো ঘৃতাশীরচলশ্চলঃ॥ 13-254-94 (91595)
অমানী মানদো মান্যো লোকস্বামী ত্রিলোকধৃৎ।
সুমেধা মেঘজো ধন্যঃ সত্যমেধা ধরাধরঃ॥ 13-254-95 (91596)
তেজো বৃষো দ্যুতিধরঃ সর্বশস্ত্রভৃতাংবরঃ।
প্রগ্রহো নিগ্রহো ব্যগ্রো নৈকশৃঙ্গো গদাগ্রজঃ॥ 13-254-96 (91597)
চতুর্মূর্তিশ্চতুর্বাহুশ্চতুর্ব্যূহশ্চতুর্গতিঃ।
চতুরাত্মা চতুর্ভাবশ্চতুর্বদবিদেকপাৎ॥ 13-254-97 (91598)
সমাবর্তো নিবৃত্তাত্মা দুর্জয়ো দুরতিক্রমঃ।
দুর্লভো দুর্গমো দুর্গো দুরাবাসো দুরারিহা॥ 13-254-98 (91599)
শুভাঙ্গো লোকসারঙ্গঃ সুতন্তুস্তন্তুবর্ধনঃ।
ইন্দ্রকর্মা মহাকর্মা কৃতকর্মা কৃতাগমঃ॥ 13-254-99 (91600)
উদ্ভবঃ সুন্দরঃ সুন্দো রত্ননাভঃ সুলোচনঃ।
অর্কো বাজসনঃ শৃঙ্গী জয়ন্তঃ সর্ববিজ্জয়ী॥ 13-254-100 (91601)
সুবর্ণিবিন্দুরক্ষোভ্যঃ সর্ববাগীশ্বরেশ্বরঃ।
মহাহ্রদো মহাগর্তো মহাভূতো মহানিধিঃ॥ 13-254-101 (91602)
কুমুদঃ কুন্দরঃ কুন্দঃ পর্জন্যঃ পবনোঽনিলঃ।
অমৃতাংশোঽমৃতবপুঃ সর্বজ্ঞঃ সর্বতোমুখঃ॥ 13-254-102 (91603)
সুলভঃ সুব্রতঃ সিদ্ধঃ শত্রুজিচ্ছত্রুতাপনঃ।
ন্যগ্রোধোদুম্বরোশ্বত্থশ্চাপূরান্ধ্রনিষূদনঃ॥ 13-254-103 (91604)
সহস্রার্চিঃ সপ্তজিহ্বঃ সপ্তৈধাঃ সপ্তবাহনঃ।
অমূর্তিরনঘোঽচিন্ত্যো ভয়কৃদ্ভয়নাশনঃ॥ 13-254-104 (91605)
অণুর্বৃহৎকৃশঃ স্থূলো গুণভৃন্নর্গুণো মহান্।
অধৃতঃ স্বধৃতঃ স্বাস্থ্যঃ প্রাগ্বংশো বংশবর্ধনঃ॥ 13-254-105 (91606)
ভারভৃৎকথিতো যোগী যোগীশঃ সর্বকামদঃ।
আশ্রমঃ শ্রমণঃ ক্ষামঃ সুপর্ণো বায়ুবাহনঃ॥ 13-254-106 (91607)
ধনুর্ধরো ধনুর্বেদো দণ্ডো দময়িতা দমঃ।
অপরাজিতঃ সর্বসহো নিয়ন্তা নিয়মো যমঃ॥ 13-254-107 (91608)
সৎববান্সাৎবিকঃ সত্যঃ সত্যধর্মপরায়ণঃ।
অভিপ্রায়ঃ প্রিয়ার্হোঽর্হঃঋ প্রিয়কৃৎপ্রীতিবর্ধনঃ॥ 13-254-108 (91609)
বিহায়সগতির্জ্যোতিঃ সুরুচির্হুতভুগ্বিভুঃ।
রবির্বিরোচনঃ সূর্যঃ সবিতা রবিলোচনঃ॥ 13-254-109 (91610)
অন্তো হুতভুগ্ভোক্তা সুখদো নৈকদোঽগ্রজঃ।
অনির্বিণ্ণঃ সদামর্ষী লোকাধিষ্ঠানমদ্ভুতঃ॥ 13-254-110 (91611)
সনাৎসনাতনতমঃ কপিলঃ কপিরপ্যযঃ।
স্বস্তিদঃ স্বস্তিকৃৎস্বস্তি স্বস্তিভুক্ স্বস্তিদক্ষিণঃ॥ 13-254-111 (91612)
অরৌদ্রঃ কুণ্ডলী চক্রী বিক্রম্যূর্জিতশাসনঃ।
শব্দাতিগঃ শব্দসহঃ শিশিরঃ শর্বরীকরঃ॥ 13-254-112 (91613)
অক্রূরঃ পেশলো দক্ষো দক্ষিণঃ ক্ষমিণাংবরঃ।
বিদ্বত্তমো বীতভয়ঃ পুণ্যশ্রবণকীর্তনঃ॥ 13-254-113 (91614)
উত্তারণো দুষ্কৃতিহা পুণ্যো দুঃখপ্ননাশনঃ।
বীরহা রক্ষণঃ সন্তো জীবনঃ পর্যবস্থিতঃ॥ 13-254-114 (91615)
অনন্তরূপোঽনন্তশ্রীর্জিতমন্যুর্ভয়াপহঃ।
চতুরস্রো গভীরাত্মা বিদিশো ব্যাদিশো দিশঃ॥ 13-254-115 (91616)
অনাদির্ভূর্ভুবো লক্ষ্মীঃ সুবীরো রুচিরাঙ্গদঃ।
জননো জনজন্মাদির্ভীমো ভীমপরাক্রমঃ॥ 13-254-116 (91617)
আধারনিলয়ো ধাতা পুষ্পহাসঃ প্রজাগরঃ।
ঊর্ধ্বগঃ সৎপথাচারঃ প্রাণদঃ প্রণবঃ পণঃ॥ 13-254-117 (91618)
প্রমাণং প্রাণনিলয়ঃ প্রাণভৃৎপ্রাণজীবনঃ।
তত্ৎবং তত্ৎববিদেকাত্মা জন্মমৃত্যুজরাতিগঃ॥ 13-254-118 (91619)
ভূর্ভুবঃস্বস্তরুস্তারঃ সবিতা প্রপিতামহঃ।
যজ্ঞো যজ্ঞপতির্যজ্বা যজ্ঞাঙ্গো যজ্ঞবাহনঃ॥ 13-254-119 (91620)
যজ্ঞভৃদ্যজ্ঞকৃদ্যজ্ঞী যজ্ঞভুগ্যজ্ঞসাধনঃ।
যজ্ঞান্তকৃদ্যজ্ঞগুহ্যমন্নমন্নাদ এব চ॥ 13-254-120 (91621)
আত্ময়োনিঃ স্বয়ংজাতো বৈখানঃ সামগায়নঃ।
দেবকীনন্দনঃ স্রষ্টা ক্ষিতীশঃ পাপনাশনঃ॥ 13-254-121 (91622)
শঙ্খভৃন্নন্দকী চক্রী শার্ঙ্গধন্বা গদাধরঃ।
রথাঙ্গপাণিরক্ষোভ্যঃ সর্বপ্রহরণায়ুধঃ।
সর্বপ্রহারণায়ুধ ওংনম ইতি॥ 13-254-122 (91623)
ইতীদং কীর্তনীয়স্যি কেশবস্য মহাত্মনঃ।
নাম্নাং সহস্রং দিব্যানামশেষেণ প্রকীর্তিতম্॥ 13-254-123 (91624)
য ইদং শৃণুয়ান্নিত্যং যশ্চাপি পরিকীর্তয়েৎ।
নাশুভং প্রাপ্নুয়াৎকিঞ্চিৎসোমুত্রেহ চ মানবঃ॥ 13-254-124 (91625)
বেদান্তো ব্রাহ্মণঃ স্যাৎক্ষত্রিয়ো বিজয়ী ভবেৎ।
বৈশ্যো ধনসমৃদ্ধঃ স্যাচ্ছূদ্রঃ সুখমবাপ্নুয়াৎ॥ 13-254-125 (91626)
ধর্মার্থী প্রাপ্নুয়াদ্ধর্মমর্থার্থী চার্থমাপ্নুয়াৎ।
কামানবাপ্নুয়াৎকামী প্রজার্থী প্রাপ্নুয়াৎপ্রজাম্॥ 13-254-126 (91627)
ভক্তিমান্যঃ সদোত্থায় শুচিস্তদ্গতমানসঃ।
সহস্রং বাসুদেবস্য নাম্নাতেমৎপ্রকীর্তয়েৎ॥ 13-254-127 (91628)
যশঃ প্রাপ্নোতি বিপুলং জ্ঞাতিপ্রাধান্যমেব চ।
অচলাং শ্রিয়মাপ্নোতি শ্রেয়ঃ প্রাপ্নোত্যনুত্তমম্॥ 13-254-128 (91629)
ন ভয়ং ক্বচিদাপ্নোতি বীর্যং তেজশ্চ বিন্দতি।
ভবত্যযোগো দ্যুতিমান্বলরূপগুণান্বিতঃ॥ 13-254-129 (91630)
রোগার্তো মুচ্যতে রোগাদ্বদ্ধো মুচ্যেত বন্ধনাৎ।
ভয়ান্মুচ্যেত ভীতস্তু মুচ্যেদাপন্ন আপদঃ॥ 13-254-130 (91631)
দুর্গাণ্যতিতরত্যাশু পুরুষঃ পুরুষোত্তমম্।
স্তুবন্নামসহস্রেণ নিত্যং ভক্তিসমন্বিতঃ॥ 13-254-131 (91632)
বাসুদেবাশ্রয়ো মর্ত্যো বাসুদেবপরায়ণঃ।
সর্বপাপবিশুদ্ধাত্মা যাতি ব্রহ্ম সনাতনম্॥ 13-254-132 (91633)
ন বাসুদেবভক্তানামশুভং বিদ্যতে ক্বচিৎ।
জন্মমৃত্যুজরাব্যাধিভয়ং নৈবোপজায়তে॥ 13-254-133 (91634)
ইমং স্তবমধীয়ানঃ শ্রদ্ধাভক্তিসমন্বিতঃ।
যুজ্যেতাত্মসুখক্ষান্তিশ্রীধৃতিস্মৃতিকীর্তিভিঃ॥ 13-254-134 (91635)
ন ক্রোধো ন চ মাৎসর্যং ন লোভো নাশুভা মতিঃ।
ভন্তি কৃতপুণ্যানাং ভক্তানাং পুরুষোত্তমে॥ 13-254-135 (91636)
দ্যৌঃ সচন্দ্রার্কনক্ষত্রা খং দিশো ভূর্মহোদধিঃ।
বাসুদেবস্য বীর্যেণ বিধৃতানি মহাত্মনঃ॥ 13-254-136 (91637)
সসুরাসুরগন্ধর্বং সয়ক্ষোরগরাক্ষসম্।
জগদ্বশে বর্ততেদং কৃষ্ণস্য সচরাচরম্॥ 13-254-137 (91638)
ইন্দ্রিয়াণি মনো বুদ্ধিঃ সৎবং তেজো বলং ধৃতিঃ।
বাসুদেবাত্মকান্যাহুঃ ক্ষেত্রং ক্ষেত্রজ্ঞ এব চ॥ 13-254-138 (91639)
সর্বাগমানামাচারঃ প্রথমং পরিকল্প্যতে।
আচারপ্রভবো ধর্মো ধর্মস্য প্রভুরচ্যুতঃ॥ 13-254-139 (91640)
ঋষয়ঃ পিতরো দেবা মহাভূতানি ধাতবঃ।
জঙ্গমাজঙ্গমং চেদং জগন্নারয়ণোদ্ভবম্॥ 13-254-140 (91641)
যোগো জ্ঞানং তথা সাঙ্খ্যং বিদ্যাঃ শিল্পাদিকর্ম চ।
বেদাঃ সাস্ত্রাণি বিজ্ঞানমেতৎসর্বং জনার্দনাৎ॥ 13-254-141 (91642)
একো বিষ্ণুর্মহদ্ভূতং পৃথগ্ভূতান্যনেকশঃ।
ত্রীংল্লোকান্ব্যাপ্য ভূতাত্মা ভুঙ্ক্তে বিশ্বভুগব্যযঃ॥ 13-254-142 (91643)
ইমং স্তবং ভগবতো বিষ্ণোর্ব্যাসেন কীর্তিতম্।
পঠেদ্য ইচ্ছেৎপুরুষঃ শ্রেয়ঃ প্রাপ্তুং সুখানি চ॥ 13-254-143 (91644)
বিশ্বেশ্বরমজং দেবং জগতঃ প্রভবাপ্যযম্।
ভজন্তি যে পুষ্করাক্ষং ন তে যান্তি পরাভবম্।
`ন তে যান্তি পরাভবম্ ওং নম ইতি॥ 13-254-144 (91645)
অর্জুন উবাচ। 13-254-145x (7687)
পদ্মপত্রবিশালক্ষ পদ্মনাভ সুরোত্তম।
ভক্তানামনুরক্তানাং ত্রাতা ভব জনার্দন॥ 13-254-145 (91646)
ভগবানুবাচ। 13-254-146x (7688)
যো মাং নামসহস্রেণ স্তোতুমিচ্ছতি পাণ্ডব।
সোহমেকেন শ্লোকেন স্তুত এব ন সংশয়ঃ।
স্তুত এব ন সংশয় ওং নম ইতি॥ 13-254-146 (91647)
বাসনাদ্বাসুদেবঃ স্যা বাসিতং তে জগত্ত্রয়ম্।
সর্বভূতনিবাসোসি বাসুদেব্ নমোস্তু তে॥ 13-254-147 (91648)
13-254-148 (91649)
নমোস্ৎবনন্তায় সহস্রমূর্তয়ে
সহস্রপাদাক্ষিশিরোরুবাহবে।
সহস্রনাম্নে পুরুষায় শাশ্বতে
সহস্রকোটিয়ুগধারিণে নমঃ।
শ্রীসহস্রকোটিয়ুগধারিণে নম ইতি॥'
Mahabharata - Anushaasana Parva - Chapter Footnotes
7-254-41 বিশ্বধৃগিতি ঝ.পাঠ. সৎকৃতঃ সাধুরিতি চ॥ 7-254-58 বিরমো বিরমঃ ইতি ক.পাঠঃ,বিরতঃ ইতি থ.পাঠঃ॥ 7-254-64 সুঘোষঃ সুহৃদঃ সুহৃদিতি ক.থ.পাঠঃ॥ 7-254-68 শরীরভূতভৃদ্ভোক্তেতি ক.ঙ.ঝ.থ.পাঠঃ॥ 7-254-69 বিনয়ো জয়ঃ সত্যসন্ধঃ ইতি ক.ঙ.ঝ.পাঠঃ॥ 7-254-74 কালনেমিনিহা শৌরির্বীরঃ শূরজনেশ্বরঃ ইতি ক.পাঠঃ। কালনেমিনিহা বীরঃ শূরঃ শৌরির্জনেশ্বরঃ ইতি থ.পাঠঃ॥ 7-254-100 অর্কো বাজসনিঃ শৃঙ্গী ইতি থ.পাঠঃ॥ 7-254-102 অমৃতাশোঽমৃতবপুরিতি ঝ.থ.পাঠঃ॥ 7-254-110 অনন্তহুতভুগ্ভোক্তেতি ক.থ.পাঠঃ॥ 7-254-119 সপিতা প্রপিতামহঃ ইতি ঝ.পাঠ॥ 7-254-128 বিপুলং যাতি প্রাধান্যমেব চেতি ক.পাঠঃ॥অনুশাসনপর্ব - অধ্যায় 255
॥ শ্রীঃ ॥
13.255. অধ্যায়ঃ 255
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি একাদশরুদ্রদ্বাদশাদিত্যাদীনাং বসিষ্ঠাদিমহর্ষীণাং রাজর্ষ্যাদীনাং চ পৃথক্পৃথঙ্গামনির্দেশপূর্বকং তত্তন্নামকীর্তনাদেঃ সাবিত্রীজপাদেশ্চ মহাফলহেতুৎবাভিধানম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ*।
পিতামহ মহাপ্রাজ্ঞ সর্বশাস্ত্রবিশারদ।
কিং জপ্যং জপতো নিত্যং ভবেদ্ধর্মফলং মহৎ॥ 13-255-1 (91650)
প্রস্থানে বা প্রবেশে বা প্রবৃত্তে বাঽপি কর্মণি।
দৈবে বা শ্রাদ্ধকালে বা কিং জপ্যং কর্মসাধনম্॥ 13-255-2 (91651)
শান্তিকং পৌষ্টিকং রক্ষা শত্রুঘ্নং ভয়নাশনম্।
জপ্যং যদ্ব্রহ্ম সমিতং তদ্ভবান্বক্তুমর্হতি॥ 13-255-3 (91652)
ভীষ্ম উবাচ। 13-255-4x (7689)
ব্যাসপ্রোক্তমিমং মন্ত্রং শৃণুষ্বৈকমনা নৃপ।
সাবিত্র্যা বিহিতং দিব্যং সদ্যঃ পাববিমোচনম্॥ 13-255-4 (91653)
শৃণু মন্ত্রবিধিং কৃৎস্নং প্রোচ্যমানং ময়াঽনঘ।
যং শ্রুৎবা পাণ্ডবশ্রেষ্ঠ সর্বপাপৈঃ প্রমুচ্যতে॥ 13-255-5 (91654)
রাত্রাবহনি ধর্মজ্ঞ জপন্পাপৈর্ন লিপ্যতে।
তত্তেঽহং সম্প্রবক্ষ্যামি শৃণুষ্বৈকমনা নৃপ॥ 13-255-6 (91655)
আয়ুষ্মান্ভবতে চৈব যং শ্রুৎবা পার্থিবাত্মজ।
পুরুষস্তু সুসিদ্ধার্থঃ প্রেত্য চেহ চ মোদতে॥ 13-255-7 (91656)
সেবিতং সততং রাজন্পুরা রাজর্ষিসত্তমৈঃ।
ক্ষত্রধর্মপৈরর্নিত্যং সত্যব্রতপরায়ণৈঃ॥ 13-255-8 (91657)
ইদমাহ্নিকমব্যগ্রং কুর্বদ্ভির্নিয়তৈঃ সদা।
নৃপৈর্ভরতশার্দূল প্রাপ্যতে শ্রীরনুত্তমা॥ 13-255-9 (91658)
নমো বসিষ্ঠায় মহাব্রতায়
পরাশরং বেদনিধইং নমস্তে।
নমোস্ৎবনন্তায় মহোরগায়
নমোস্তু সিদ্ধেভ্য ইহাক্ষয়েভ্যঃ॥ 13-255-10 (91659)
নমোস্ৎবৃষিভ্যঃ পরমং পরেষাং
দেবেষু দেবং বরদং বরাণাম্।
সহস্রশীর্ষায় নমঃ শিবায়
সহস্রনামায় জনার্দনায়॥ 13-255-11 (91660)
অজৈকপাদহির্বুধ্ন্যঃ পিনাকী চাপরাজিতঃ।
ঋতশ্চ পিতৃরূপশ্চ ত্র্যম্বকশ্চ মহেশ্বরঃ॥ 13-255-12 (91661)
বৃষাকপিশ্চ শংভুশ্চ হবনোঽথেশ্বরস্তথা।
একাদশৈতে প্রথিতা রুদ্রাস্ত্রিভুবনেশ্বরাঃ॥ 13-255-13 (91662)
শতমেতৎসমাম্নাতং শতরুদ্রে মহাত্মনাম্॥ 13-255-14 (91663)
অংশো ভগশ্চ মিত্রশ্চ বরুণশ্চ জলেশ্বরঃ।
তথা ধাতাঽর্যমা চৈব জয়ন্তো ভাস্করস্তথা॥ 13-255-15 (91664)
ৎবষ্টা পূষা তথৈবেন্দ্রো দ্বাদশো বিষ্ণুরুচ্যতে।
ইত্যেতে দ্বাদশাদিত্যাঃ কাশ্যপেয়া ইতি শ্রুতিঃ॥ 13-255-16 (91665)
ধরো ধ্রুবশ্চ সোমশ্চ সাবিত্রোঽথানিলোঽনলঃ।
প্রত্যূষশ্চ প্রভাসশ্চ বসবোষ্টৌ প্রকীর্তিতাঃ॥ 13-255-17 (91666)
নাসত্যশ্চাপি দস্রশ্চ স্মৃতৌ দ্বাবশ্বিনাবপি।
মার্তণ্ডস্যাত্মজাবেতৌ সংজ্ঞানাসাবিনির্গতৌ॥ 13-255-18 (91667)
অতঃ পরং প্রবক্ষ্যামি লোকানাং কর্মসাক্ষিণঃ।
অপি যজ্ঞস্য বেত্তারো দত্তস্য সুকৃতস্য চ॥ 13-255-19 (91668)
অদৃশ্যাঃ সর্বভূতেষু পশ্যন্তি ত্রিদশেশ্বরাঃ। 13-255-20 (91669)
শুভাশুভানি কর্মাণি মৃত্যুঃ কালশ্চ সর্বশঃ॥ 13-255-20 (91670)
বিশ্বেদেবাঃ পিতৃগণা মূর্তিমন্তস্তপোধনাঃ।
মুনয়শ্চৈব সিদ্ধাশ্চ তপোমোক্ষপরায়ণাঃ।
শুচিস্মিতাঃ কীর্তয়তাং প্রয়চ্ছন্তি শুভং নৃণাম্॥ 13-255-21 (91671)
প্রজাপতিকৃতানেতান্লোকান্দিব্যেন তেজসা।
বসন্তি সর্বলোকেষু প্রয়তাঃ সর্বকর্মসু॥ 13-255-22 (91672)
প্রাণানামীশ্বরানেতান্কীর্তয়ন্প্রয়তো নরঃ।
ধর্মার্থকামৈর্বিপুলৈর্যুজ্যতে সহ নিত্যশঃ॥ 13-255-23 (91673)
লোকাংশ্চ লভতে পুণ্যান্বিশ্বেশ্বরকৃতাঞ্শুভান্।
এতে দেবাস্ত্রয়স্ত্রিংশৎসর্বভূতগণেশ্বরাঃ॥ 13-255-24 (91674)
নন্দীশ্বরো মহাকায়ো গ্রামণীর্বৃষভধ্বজঃ।
ঈশ্বরাঃ সর্বলোকানাং গণেশ্বরবিনায়কাঃ॥ 13-255-25 (91675)
সৌম্যা রৌদ্রা গণাশ্চৈব যোগভূতগণাস্তথা।
জ্যোতীংষি সরিতো ব্যোম সুপর্ণঃ পতগেশ্বরঃ॥ 13-255-26 (91676)
পৃথিব্যাং তপসা সিদ্ধাঃ স্থাবরাশ্চ চরাস্চ হ।
হিমবান্গিরয়ঃ সর্বে চৎবারশ্চ মহার্ণবাঃ॥ 13-255-27 (91677)
ভবস্যানুচরাশ্চৈব হরতুল্যপরাক্রমাঃ।
বিষ্ণুর্দেবোথ জিষ্ণুশ্চ স্কন্দশ্চাম্বিকয়া সহ॥ 13-255-28 (91678)
কীর্তয়ন্প্রয়তঃ সর্বান্সর্বপাপৈঃ প্রমুচ্যতে।
অত ঊর্ধ্বং প্রবক্ষ্যামি মানবানৃষিসত্তমান্॥ 13-255-29 (91679)
যবক্রীতশ্চ রৈভ্যশ্চ অর্বাবসুপরাবসূ।
ঔশিজশ্চৈব কক্ষীবান্বলশ্চাঙ্গিরসঃ সুতঃ॥ 13-255-30 (91680)
ঋষির্মেধাতিথেঃ পুত্রঃ কণ্বো বর্হিষদস্তথা।
ব্রহ্মতেজোময়াঃ সর্বে কীর্তিতা লোকভাবনাঃ॥ 13-255-31 (91681)
লভন্তে হি শুভং সর্বে রুদ্রানলবসুপ্রভাঃ।
ভুবি কৃৎবা শুভং কর্ম মোদন্তে দিবি দৈবতৈঃ॥ 13-255-32 (91682)
মহেন্দ্রগুরবঃ সপ্ত প্রাচীং বৈ দিশমাশ্রিতাঃ।
প্রয়তঃ কীর্তয়েদেতাঞ্শক্রলোকে মহীয়তে॥ 13-255-33 (91683)
উন্মুচুঃ প্রমুচুশ্চৈব স্বস্ত্যাত্রেয়শ্চ বীর্যবান্।
দৃঢব্যশ্চোর্ধ্ববাহুশ্চ তৃণসোমাঙ্গিরাস্তথা॥ 13-255-34 (91684)
মিত্রাবরুণয়োঃ পুত্রস্তথাঽগস্ত্যঃ প্রতাপবান্।
ধর্মরাজর্ৎবিজঃ সপ্ত দক্ষিণাং দিশমাশ্রিতাঃ॥ 13-255-35 (91685)
দৃঢেয়ুশ্চ ঋতেয়ুশ্চ পরিব্যাধশ্চ কীর্তিমান্।
একতশ্চ দ্বিতশ্চৈব ত্রিতশ্চাদিত্যসন্নিভাঃ॥ 13-255-36 (91686)
অত্রেঃ পুত্রশ্চ ধর্মাত্মা ঋষিঃ সারস্বতস্তথা।
বরুণস্যর্ৎবিজঃ সপ্ত পশ্চিমাং দিশমাশ্রিতাঃ॥ 13-255-37 (91687)
অত্রির্বসিষ্ঠো ভগবান্কশ্যপশ্চ মহানৃষিঃ।
গৌতমশ্চ ভরদ্বাজো বিশ্বামিত্রোথ কৌশিকঃ॥ 13-255-38 (91688)
ঋচীকতনয়শ্চোগ্রো জমদগ্নিঃ প্রতাপবান্।
ধনেশ্বরস্য গুরবঃ সপ্তৈতে উত্তরাশ্রিতাঃ॥ 13-255-39 (91689)
অপরে মুনয়ঃ সপ্ত দিক্ষু সর্বাস্বধিষ্ঠিতাঃ।
কীর্তিস্বস্তিকরা নৄণাং কীর্তিতা লোকভাবনাঃ॥ 13-255-40 (91690)
ধর্মঃ কামশ্চ কালশ্চ বসুর্বাসুকিরেব চ।
অনন্তঃ কপিলশ্চৈব সপ্তৈতে ধরণীধরাঃ॥ 13-255-41 (91691)
রামো ব্যাসস্তথা দ্রৌণিরশ্বত্থামা চ লোমশঃ।
ইত্যেতে মুনয়ো দিব্যা একৈকঃ সপ্তসপ্তধা॥ 13-255-42 (91692)
শান্তিস্বস্তিকরা লোকে দিশাংপালাঃ প্রতীর্তিতাঃ।
যস্যাংয়স্যাং দিশি হ্যেতে তন্মুখঃ শরণং ব্রজেৎ॥ 13-255-43 (91693)
স্রষ্টারঃ সর্বভূতানাং কীর্তিতা লোকপাবনাঃ।
সংবর্তো মেরুসাবর্ণো মার্কণ্ডেয়শ্চ ধার্মিকঃ॥ 13-255-44 (91694)
সাঙ্খ্যযোগৌ নারদশ্চ দুর্বাসাশ্চ মহানৃষিঃ।
অত্যন্ততপসো দান্তাস্ত্রিষু লোকেষু বিশ্রুতাঃ॥ 13-255-45 (91695)
অপরে রুদ্রসঙ্কাশাঃ কীর্তিতা ব্রহ্মলৌকিকাঃ।
অপুত্রো লভতে পুত্রং দরিদ্রো লভতে ধনম্॥ 13-255-46 (91696)
তথা ধর্মার্থকামেষু সিদ্ধিং চ লভতে নরঃ।
পৃথুং বৈন্যং নৃপবরং পৃথ্বী যস্যাভবৎসুতা॥ 13-255-47 (91697)
প্রজাপতিং সার্বভৌমং কীর্তয়েদ্বসুধাধিপম্।
আদিত্যবংশপ্রভবং মহেন্দ্রসমবিক্রমম্॥ 13-255-48 (91698)
পুরূরবসমৈলং চ ত্রিষু লোকেষু বিশ্রুতম্।
বুধস্য দয়িতং পুত্রং কীর্তয়েদ্বসুধাধিপম্॥ 13-255-49 (91699)
ত্রিলোকবিশ্রুতং বীরং ভরতং চ প্রকীর্তয়েৎ।
গবাময়েন যজ্ঞেন যেনেষ্টং বৈ কৃতে যুগে॥ 13-255-50 (91700)
রন্তিদেবং মহাদেবং কীর্তয়েৎপরমদ্যুতিম্।
বিশ্বজিত্তপসোপেতং লক্ষণ্যং লোকপূজিতম্॥ 13-255-51 (91701)
তথা শ্বেতং চ রাজর্ষিং কীর্তয়েৎপরমুদ্যতিম্।
সগরস্যাত্মজা যেন প্লাবিতাস্তারিতাস্তথা॥ 13-255-52 (91702)
হুতাশনসমানেতান্মহারূপান্মহৌজসঃ।
উগ্রকায়ান্মহাসৎবান্কীর্তয়েৎকীর্তিবর্ধনান্॥ 13-255-53 (91703)
দেবানৃষিগণাংশ্চৈব নৃপাংশ্চ জগতীশ্বরান্।
সাঙ্খ্যং যোগং চ পরমং হব্যং কব্যং তথৈব চ॥ 13-255-54 (91704)
কীর্তিতং পরমং ব্রহ্ম সর্বশ্রুতিপরায়ণম্।
মঙ্গল্যং সর্বভূতানাং পবিত্রং বহু কীর্তিতম্॥ 13-255-55 (91705)
ব্যাধিপ্রশমনং শ্রেষ্ঠং পৌষ্টিকং সর্বকর্মণাম্।
প্রয়তঃ কীর্তয়েচ্চৈতান্কল্যং সায়ং চ ভারত॥ 13-255-56 (91706)
এতে বৈ যান্তি বর্ষন্তি ভান্তি বান্তি সৃজন্তি চ।
এতে বিনায়কাঃ শ্রেষ্ঠা দক্ষাঃ ক্ষান্তা জিতেন্দ্রিয়াঃ॥ 13-255-57 (91707)
নরাণামশুভং সর্বে ব্যপোহন্তি প্রকীর্তিতাঃ।
সাক্ষিভূতা মহাত্মানঃ পাপস্য সুকৃতস্য চ॥ 13-255-58 (91708)
এতান্বৈ কল্যমুত্থায় কীর্তয়ঞ্শুভমশ্নুতে।
নাগ্নিচোরভয়ং তস্য ন মার্গপ্রতিরোধনম্॥ 13-255-59 (91709)
এতান্কীর্তয়তাং নিত্যং দুঃস্বপ্নো নশ্যতে নৃণাম্।
মুচ্যতে সর্বপাপেভ্যঃ স্বস্তিমাংশ্চ গৃহান্ব্রজেৎ॥ 13-255-60 (91710)
দীক্ষাকালেষু সর্বেষু যঃ পঠেন্নিয়তো দ্বিজঃ।
ন্যায়বানাত্মনিরতঃ ক্ষান্তো দান্তোঽনসূয়কঃ॥ 13-255-61 (91711)
রোগার্তো ব্যাধিয়ুক্তো বা পঠন্পাপাৎপ্রমুচ্যতে।
বাস্তুমধ্যে তু পঠতঃ কুলে স্বস্ত্যযনং ভবেৎ॥ 13-255-62 (91712)
ক্ষেত্রমধ্যে তু পঠতঃ সর্বং সস্যং প্ররোহতি।
গচ্ছতঃ ক্ষেমমধ্বানং গ্রামান্তরগতঃ পঠন্॥ 13-255-63 (91713)
আত্মনশ্চ সুতানাং চ দারাণাং চ ধনস্য চ।
বীজানামোষধীনাং চ রক্ষামেতাং প্রয়োজয়েৎ॥ 13-255-64 (91714)
এতান্সঙ্গ্রামকালে তু পঠতঃ ক্ষত্রিয়স্য তু।
ব্রজন্তি রিপবো নাশং ক্ষেমং চ পরিবর্ততে॥ 13-255-65 (91715)
এতান্দৈবে চ পিত্র্যে চ পঠতঃ পুরুষস্য হি।
ভুঞ্জতে পিতরঃ কব্যং হব্যং চ ত্রিদিবৌকসঃ॥ 13-255-66 (91716)
ন ব্যাধিশ্বাপদভয়ং ন দ্বিপান্ন হি তস্করাৎ।
কশ্মলং লঘুতাং যাতি পাপ্মনা চ প্রমুচ্যতে॥ 13-255-67 (91717)
যানপাত্রে চ যানে চ প্রবাসে রাজবেশ্মনি।
পরাং সিদ্ধিমবাপ্নোতি সাবিত্রীং হ্যুত্তমাং পঠন্॥ 13-255-68 (91718)
ন চ রাজভয়ং তেষাং ন পিশাচান্ন রাক্ষসাৎ।
নাগ্ন্যম্বুপবনব্যালাদ্ভয়ং তস্যোপজায়তে॥ 13-255-69 (91719)
চতুর্ণামপি বর্ণানামাশ্রমস্য বিশেষতঃ।
করোতি সততং শান্তিং সাবিত্রীমুত্তমাং পঠন্॥ 13-255-70 (91720)
নাগ্নির্দহতি কাষ্ঠানি সাবিত্রী যত্র পঠ্যতে।
ন তত্র বালো ম্রিয়তে ন চ তিষ্ঠন্তি পন্নগাঃ॥ 13-255-71 (91721)
ন তেষাং বিদ্যতে দুঃখং গচ্ছন্তি পরমাং গতিম্।
যে শৃণ্বন্তি মহদ্ব্রহ্ম সাবিত্রীগুণকীর্তনম্॥ 13-255-72 (91722)
গবাং মধ্যে তু পঠতো গাবোঽস্য বহুবৎসলাঃ।
প্রস্থানে বা প্রবাসে বা সর্বাবস্থাং গতঃ পঠেৎ॥ 13-255-73 (91723)
জপতাং জুহ্বতাং চৈব নিত্যং চ প্রয়তাত্মনাম্।
ঋষীণাং পরমং জপ্যং গুহ্যমেতন্নরাধিপ॥ 13-255-74 (91724)
যাথাতথ্যেন সিদ্ধস্য ইতিহাসং পুরাতনম্।
পরাশরমতং দিব্যং শক্রায় কথিতং পুরা॥ 13-255-75 (91725)
তদেতত্তে সমাখ্যাতং তথ্যং ব্রহ্ম সনাতনম্।
হৃদয়ং সর্বভূতানাং শ্রুতিরেষা সনাতনী॥ 13-255-76 (91726)
সোমাদিত্যান্বয়াঃ সর্বে রাঘবাঃ কুরবস্তথা।
পঠন্তি শুচয়ো নিত্যং সাবিত্রীং প্রাণিনাং গতিং॥ 13-255-77 (91727)
অভ্যাসে নিত্যং দেবানাং সপ্তর্ষীণাং ধ্রুবস্য চ।
মোক্ষণং সর্বকৃচ্ছ্রাণাং মোচয়ত্যশুভাৎসদা॥ 13-255-78 (91728)
বৃদ্ধৈঃ কাশ্যপগৌতমপ্রভৃতিভির্ভৃগ্বঙ্গিরোত্র্যাদিভিঃ
শুক্রাগস্ত্যবৃহস্পতিপ্রভৃতিভির্ব্রহ্মহ্মর্ষিভিঃ সেবিতম্।
ভারদ্বাজমতং ঋচীকতনয়ৈঃ প্রাপ্তং বসিষ্ঠাৎপুনঃ
সাবিত্রীমধিগম্য শক্রবসুভিঃ কৃৎস্না জিতা দানবাঃ॥ 13-255-79 (91729)
যো গোশতং কনকশৃঙ্গময়ং দদাতি
বিপ্রায় বেদবিদুষে চ বহুশ্রুতায়।
দিব্যাং চ ভারতকথাং কথয়েচ্চ নিত্যং
তুল্যং ফলং ভবতি তস্য চ তস্য চৈব॥ 13-255-80 (91730)
ধর্মো বিবর্ধতি ভৃগোঃ পরিকীর্তনেন
বীর্যং বিবর্ধতি পসিষ্ঠনমোনতেন।
সঙ্গ্রামজিদ্ভবতি চৈব রঘুং নমস্য-
ন্স্যাদশ্বিনৌ চ পরিকীর্তয়তো ন রোগঃ॥ 13-255-81 (91731)
এষা তে কথিতা রাজন্সাবিত্রী ব্রহ্মশাশ্বতী।
বিবক্ষুরসি যচ্চান্যত্তত্তে বক্ষ্যামি ভারত॥ ॥ 13-255-82 (91732)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চপঞ্চাশদধিকদ্বিশততমোঽধ্যায়ঃ॥ 255 ॥
Mahabharata - Anushaasana Parva - Chapter Footnotes
7-255-1x অয়মধ্যায়ঃ ঔত্তরাহপাঠ এব বর্ততে। 7-255-4 বিহিতং ইষ্টসিদ্ধ্যর্থং জপ্তম্॥ 7-255-9 আহ্নিকং অহরহঃ কর্তব্যম্॥ 7-255-11 বরদং নমস্যে ইতি শেষঃ॥ 7-255-18 সংজ্ঞায়া অশ্বারূপায়া নাস্তাতঃ নাসিকায়াঃ সকাশাদ্বিনির্গতৌ॥অনুশাসনপর্ব - অধ্যায় 256
॥ শ্রীঃ ॥
13.256. অধ্যায়ঃ 256
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ব্রাহ্মণমহিমপ্রশংসনপূর্বকং তেষাং পূজ্যৎবাদিকথনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
কে পূজ্যাঃ কে নমস্কার্যা কথং বর্তেত কেষু চ।
কিমাচারঃ কীদৃশেষু পিতামহ ন রিষ্যতে॥ 13-256-1 (91733)
ভীষ্ম উবাচ। 13-256-2x (7690)
ব্রাহ্মণানাং পরিভবঃ সাদয়েদপি দেবতাঃ।
ব্রাহ্মণাংস্তু নমস্কৃত্য যুধিষ্ঠির ন রিষ্যতে॥ 13-256-2 (91734)
তে পূজ্যাস্তে নমস্কার্যা বর্তেথাস্তেষু পুত্রবৎ।
তে হি লোকানিমান্সর্বান্ধারয়ন্তি মনীষিণঃ॥ 13-256-3 (91735)
ব্রাহ্মণাঃ সর্বলোকানাং মহান্তো ধর্মসেতবঃ॥
ধনত্যাগাভিরামাস্চি বাক্সঙ্গমধুরাশ্চ যে॥ 13-256-4 (91736)
রমণীয়াশ্চ ভূতানাং নিয়মেন ধৃতব্রতাঃ।
প্রণেতারশ্চ কোশানাং শাস্ত্রাণাং চ যশস্বিনঃ॥ 13-256-5 (91737)
তপো যেষাং ধনং নিত্যং বাক্চৈব বিপুলং বলম্।
প্রসবাশ্চৈব ধর্মাণাং ধর্মজ্ঞাঃ সূক্ষ্মদর্শিনঃ॥ 13-256-6 (91738)
ধর্মকামাঃ স্থিতা ধর্মে সুকৃতৈর্ধর্মসেবতঃ।
যান্সমাশ্রিত্য তিষ্ঠন্তি প্রজাঃ সর্বাশ্চতুর্বিধাঃ॥ 13-256-7 (91739)
পন্থানঃ সর্বনেতারো যজ্ঞবাহাঃ সনাতনাঃ।
পিতৃপৈতামহীং গুর্বীমুদ্বহন্তি ধুরং সদা॥ 13-256-8 (91740)
ধুরি যে নাবসীদন্তি বিষমে সদ্ধয়া ইব।
পিতৃদেবাতিথিমুখা হব্যকব্যাগ্রভোজিনঃ॥ 13-256-9 (91741)
ভোজনাদেব লোকাংস্ত্রীংস্ত্রায়ন্তে মহতো ভয়াৎ।
দীপঃ সর্বস্য লোকস্য চক্ষুশ্চক্ষুষ্মতামপি॥ 13-256-10 (91742)
সর্বশিল্পাদিনিধয়ো নিপুণাঃ সূক্ষ্মদর্শিনঃ।
গতিজ্ঞাঃ সর্বভূতানামধ্যাত্মগতিচিন্তকাঃ॥ 13-256-11 (91743)
আদিমধ্যাবসানানাং জ্ঞাতারশ্ছিন্নসংশয়াঃ।
পরাবরবিশেষজ্ঞা গন্তারঃ পরমাং গতিম্॥ 13-256-12 (91744)
বিমুক্তা ধূতপাপ্মানো নির্দ্বন্দ্বা নিষ্পরিগ্রহাঃ।
মানার্হা মানিতা নিত্যং জ্ঞানবিদ্ভির্মহাত্মভিঃ॥ 13-256-13 (91745)
চন্দনে মলপঙ্কে চ ভোজনেঽভোজনে সমাঃ।
সমং যেষাং দুকূলং চ শাণক্ষৌমাজিনানি চ॥ 13-256-14 (91746)
তিষ্ঠেয়ুরপ্যভুঞ্জানা বহূনি দিবসান্যপি।
শোষয়েয়ুশ্চ গাত্রাণি স্বাধ্যায়ৈঃ সংয়তেন্দ্রিয়াঃ॥ 13-256-15 (91747)
অদৈবং দৈবতং কুর্যুর্দৈবতং চাপ্যদৈবতম্।
লোকানন্যান্সৃজেয়ুস্তে লোকপালাংশ্চ কোপিতাঃ॥ 13-256-16 (91748)
অপেয়ঃ সাগরো যেষামপি সাপান্মহাত্মনাম্।
যেষাং কোপাগ্নিরদ্যাপি দণ্ডকে নোপশাম্যতি॥ 13-256-17 (91749)
দেবানামপি যে দেবাঃ কারণং কারণস্য চ।
প্রমামস্য প্রমাণং চ তস্মান্নাভিভবেদ্বুধঃ॥ 13-256-18 (91750)
তেষাং বৃদ্ধাশ্চ বালাশ্চ সর্বে সন্মার্গদর্শিনঃ।
তপোবিদ্যাবিশেষাত্তু মানয়ন্তি পরস্পরম্॥ 13-256-19 (91751)
অবিদ্বান্ব্রাহ্মণো দেবঃ পাত্রং বৈ পাবনং মহৎ।
বিদ্বান্ভূয়স্তরো দেবঃ পূর্ণসাগরসন্নিভঃ॥ 13-256-20 (91752)
অবিদ্বাংশ্চৈব বিদ্বাংশ্চ ব্রাহ্মণো দৈবতং মহৎ।
প্রণীতশ্চাপ্রণীতশ্চ যথাঽগ্নির্দৈবতং মহৎ॥ 13-256-21 (91753)
শ্মশানে হ্যপি তেজস্বী পাবকো নৈব দুষ্যতি।
হবির্যজ্ঞে চ বিধিবদ্ভূয় এবাভিশোভতে॥ 13-256-22 (91754)
এবং যদ্যপ্যনিষ্টেষু বর্ততে সর্বকর্মসু।
সর্বথা ব্রাহ্মণো মান্যো দৈবতং বিদ্ধি তৎপরম্॥ ॥ 13-256-23 (91755)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্পঞ্চাশদধিকদ্বিশততমোঽধ্যায়ঃ॥ 256 ॥
Mahabharata - Anushaasana Parva - Chapter Footnotes
7-256-1 কিমাচারঃ কথং ধর্মঃ কীদৃশেষু ন রিষ্যতে ইতি ক.পাঠঃ॥ 7-256-16 অদৈবং দৈবতং কুর্যুর্ভস্ম কুর্যুশ্চ তে জগৎ ইতি ক.থ.পাঠঃ॥অনুশাসনপর্ব - অধ্যায় 257
॥ শ্রীঃ ॥
13.257. অধ্যায়ঃ 257
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ব্রাহ্মণমহিমপ্রকাশনায় কার্তবীর্যার্জুনকথাকথনারম্ভঃ॥ 1 ॥ দত্তাত্রেয়াদ্বরলাভগর্বিতেন তেন দিগ্জয়যাত্রায়াং ক্বাপি পুরুষে স্বসাম্যাভাবকথনে অশরীরবাণ্যা ব্রাহ্মণানামুৎকর্ষকথনম্॥ 2 ॥ তেন দর্পাত্তদবজ্ঞানে বায়ুনাপি ব্রাহ্মণানামেবোৎকর্ষে কথতে তেন বায়ুংপ্রতি তৎপ্রকাশনপ্রার্থনা॥Mahabharata - Anushaasana Parva - Chapter Text
যুধিষ্ঠির উবাচ।
কাং তু ব্রাহ্মণপূজায়াং ব্যুষ্টিং দৃষ্ট্বা জনাধিপ।
কং বা ধর্মোদয়ং মৎবা তানর্চসি মহামতে॥ 13-257-1 (91756)
ভীষ্ম উবাচ। 13-257-2x (7691)
অত্রাপ্যুদাহরন্তীমমিতিহাসং পুরাতনম্।
পবনস্য চ সংবাদমর্জুনস্য চ ভারত॥ 13-257-2 (91757)
সহস্রভুজভৃচ্ছ্রীমান্কার্তবীর্যোঽভবৎপ্রভুঃ।
অস্য লোকস্য সর্বস্য মাহিষ্মত্যাং মহাবলঃ॥ 13-257-3 (91758)
স তু রত্নাকরবতীং সপ্তদ্বীপাং সসাগরাম্।
শশাস পৃথিবীং সর্বাং হৈহয়ঃ সত্যবিক্রমঃ॥ 13-257-4 (91759)
স্ববিত্তং তেন দত্তং তু দত্তাত্রেয়ায় কর্মণে।
ক্ষত্রধর্মং পুরস্কৃত্য বিনয়ং শ্রুতমেব চ॥ 13-257-5 (91760)
আরাধয়ামাস চ তং কৃতবীর্যাত্মজো মুনিম্।
ন্যমন্ত্রয়ত সংতুষ্টো দ্বিজশ্চৈনং বরৈস্ত্রিভিঃ॥ 13-257-6 (91761)
স বরৈশ্ছন্দিতস্তেন নৃপো বচনমব্রবীৎ।
সহস্রবাহুতা মেঽস্তু যূপমধ্যে গ্রহো যথা॥ 13-257-7 (91762)
মম বাহুসহস্রং তু পশ্যন্তাং সৈনিকা রণে।
বিক্রমেণি মহীং কৃৎস্নাং জয়েয়ং সংশিতব্রত॥ 13-257-8 (91763)
তাং চ ধর্মেণ সম্প্রাপ্য পালয়েয়মতন্দ্রিতঃ।
চতুর্থং তু বরং যাচে ৎবামহং দ্বিজসত্তম॥ 13-257-9 (91764)
তং মমানুগ্রহকৃতে দাতুমর্হস্যনিন্দিত।
অনুশাশন্তু মাং সন্তো মিথ্যাবৃত্তং ৎবদাশ্রয়ম্॥ 13-257-10 (91765)
ইত্যুক্তঃ স দ্বিজঃ প্রাহ তথাস্ৎবিতি নরাধিপম্।
এবং সমভবংস্তস্য বরাস্তে দীপ্ততেজসঃ॥ 13-257-11 (91766)
গতঃ স রথমাস্থায় জ্বলনার্কসমদ্যুতিম্।
অব্রবীদ্বীর্যসংমোহাৎকো বাঽস্তি সদৃশো মম॥ 13-257-12 (91767)
ধৈর্যৈর্বীর্যৈর্যশঃশৌর্যৌর্বিক্রমেণৌজসাঽপি বা।
তদ্বাক্যান্তে চান্তরিক্ষে বাগুবাচাশরীরিণী॥ 13-257-13 (91768)
ন ৎবং মূঢ বিজানীষে ব্রাহ্মণং ক্ষত্রিয়াদ্বরম্।
সহিতো ব্রাহ্মণেনেহ ক্ষত্রিয়ঃ শাস্তি বৈ প্রজাঃ॥ 13-257-14 (91769)
অর্জুন উবাচ। 13-257-15x (7692)
কুর্যাং ভূতানি তুষ্টোঽহং ক্রুদ্ধো নাশং তথা নয়ে।
কর্ম্ণা মনসা বাচা ন মত্তোস্তি বরো দ্বিজঃ॥ 13-257-15 (91770)
পূর্বো ব্রহ্মোত্তরো বাদো দ্বিতীয়ঃ ক্ষত্রিয়োত্তরঃ।
ৎবয়োক্তৌ হেতুয়ুক্তৌ তৌ বিশেষস্তত্র দৃশ্যতে॥ 13-257-16 (91771)
ব্রাহ্মণাঃ সংশ্রিতাঃ ক্ষত্রং ন ক্ষত্রং ব্রাহ্মণাশ্রিতম্।
শ্রিতা ব্রহ্মোপধা বিপ্রাঃ খাদন্তি ক্ষত্রিয়ান্ভুবি॥ 13-257-17 (91772)
ক্ষত্রিয়েষ্বাশ্রিতো ধর্মঃ প্রজানাং পরিপালনম্।
ক্ষত্রাদ্বৃত্তির্ব্রাহ্মণানাং তৈঃ কথং ব্রাহ্মণো বরঃ॥ 13-257-18 (91773)
সর্বভূতপ্রধানাংস্তান্ভৈক্ষবৃত্তীনহং সদা।
আত্মসম্ভাবিতান্বিপ্রান্স্থাপয়াম্যাত্মনো বশে॥ 13-257-19 (91774)
কথিতং ৎবনয়াঽসত্যং গায়ন্ত্যা কন্যযা দিবি।
বিজেষ্যাম্যবশান্সর্বান্ব্রাহ্মণাংশ্চর্মবাসসঃ॥ 13-257-20 (91775)
ন চ মাং চ্যাবয়েদ্রাষ্ট্রাত্ত্রিষু লোকেষু কশ্চন।
দেবো বা মানুষো বাঽপি তস্মাজ্জ্যেষ্যে দ্বিজানহম্॥ 13-257-21 (91776)
অদ্য ব্রহ্মোত্তরং লোকং করিষ্যে ক্ষত্রিয়োত্তরম্।
নহি মে সংয়ুগে কশ্চিৎসোঢুমুৎসহতে বলম্॥ 13-257-22 (91777)
অর্জুনস্য বচঃ শ্রুৎবা বিত্রস্তাঽভূন্নিশাচরী।
অথৈনমন্তরিক্ষস্থস্ততো বায়ুরভাষত॥ 13-257-23 (91778)
ত্যজৈনং কলুষং ভাবং ব্রাহ্মণেভ্যো নমস্কুরু।
এতেষাং কুর্বতঃ পাপং রাষ্ট্রক্ষোভো ভবিষ্যতি॥ 13-257-24 (91779)
অথ চ ৎবাং মহীপাল শময়িষ্যন্তি বৈ দ্বিজাঃ।
নিরসিষ্যন্তি তে রাষ্ট্রাদ্ধতোৎসাহা মহাবলাঃ॥ 13-257-25 (91780)
তং রাজা কস্ৎবমিত্যাহ ততস্তং প্রাহ মারুতঃ।
বায়ুর্বৈ দেবদূতোস্মি হিতং ৎবাং প্রব্রবীম্যহম্॥ 13-257-26 (91781)
অর্জুন উবাচ। 13-257-27x (7693)
অহো ৎবয়াঽয়ং বিপ্রেষু ভক্তিরাগঃ প্রদর্শিতঃ।
যাদৃশং পৃথিবীভূতং তাদৃশং ব্রূহি মে দ্বিজম্॥ 13-257-27 (91782)
বায়োর্বা সদৃশং কিঞ্চিদ্ব্রূহি ৎবং ব্রাহ্মণোত্তমম্।
অপাং বৈ সদৃশং বহ্নেঃ সূর্যস্য নভসোঽপি বা॥ ॥ 13-257-28 (91783)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তপঞ্চাশদধিকদ্বিশততমোঽধ্যায়ঃ॥
Mahabharata - Anushaasana Parva - Chapter Footnotes
7-257-1 ব্যুষ্টিং সমৃদ্ধিং ফলং বা। কং বা কর্মোদয়ং মৎবা ইতি ঙ.ঝ. পাঠঃ॥ 7-257-4 স চ রক্ষার্থমবনিং সপ্তদ্বীপাং ইতি ক.পাঠঃ॥ 7-257-5 দত্তাত্রেয়ায় কারণে ইতি ঙ.ঝ.পাঠঃ॥ 7-257-7 সহস্রবাহুর্ভূয়াং বৈ চমূমধ্যে গৃহেঽন্যথা ইতি ঙ.ঝ.পাঠঃ॥ 7-257-16 পূর্বো বাদো ব্রহ্মোত্তরঃ ব্রাহ্মণাধিক্যবচনং পূর্বপক্ষঃ ক্ষত্রিয়াধিক্যং সিদ্ধান্ত ইত্যর্থঃ। হেতুয়ুক্তৌ প্রজাপালনেন হেতুনা যুক্তৌ সহিতৌ তৌ ব্রাহ্মণক্ষত্রিয়ৌ পূর্বং ব্রহ্মোত্তরো বাদঃ ক্ষত্রিয়ঃ ক্ষত্রিয়োত্তরঃ ময়োক্তো হেতুয়ুক্তৌ চেতি ক.পাঠঃ॥ 7-257-17 ব্রহ্মা বেদো যজ্ঞশ্চ অধ্যাপনয়াজনার্থ এব উপধা চ্ছলং যেষাং তে তথা ক্ষত্রিয়ান্খাদন্তি উপজীবন্তি॥ 7-257-20 চর্মবাসসঃ অজিনবস্ত্রান্। গায়ত্র্যা কন্যযা দিবীতি ঝ.পাঠঃ॥ 7-257-22 ব্রহ্মোত্তরং সন্তম্॥ 7-257-23 নিশাচরী অন্তর্হিতা সরস্বতী॥ 7-257-27 পৃথিবীভূতং পৃথিব্যাত্মকং ভূতম্॥অনুশাসনপর্ব - অধ্যায় 258
॥ শ্রীঃ ॥
13.258. অধ্যায়ঃ 258
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কার্তবীর্যার্জুনংপ্রতি বায়ুনা ব্রাহ্ম্ণমহিমপ্রশংসকে স্ববাক্যে প্রামাণ্যনশ্চয়ায় দৃষ্টান্ততয়াঽঙ্গিরঃ প্রভৃতিব্রাহ্মণচরিত্রবিশেষপ্রতিপাদনম্॥ 1 ॥Mahabharata - Anushaasana Parva - Chapter Text
বায়ুরুবাচ।
শৃণু মূঢ গুণান্কাংশ্চিদ্ব্রাহ্মণানাং মহাত্মনাম্।
যে ৎবয়া কীর্তিতা রাজংস্তেভ্যোঽথ ব্রাহ্মণো বরঃ॥ 13-258-1 (91784)
ত্যক্ৎবা মহীৎবং ভূমিস্তু স্পর্ধয়া কাশ্যপস্য হ।
নাশং জগাম তাং বিপ্রো ব্যস্তম্যযত কশ্যপঃ॥ 13-258-2 (91785)
অক্ষয়া ব্রাহ্মণা রাজন্দিবি চেহ চ নিত্যদা।
অপিবত্তেজসা হ্যাপঃ স্বয়মেবাঙ্গিরাঃ পুরা॥ 13-258-3 (91786)
স তাঃ পিবঞ্শীরমিব নাতৃপ্যত মহাতপাঃ।
অপূরয়ন্মহৌঘেন মহীং সর্বাং চ পার্থিব॥ 13-258-4 (91787)
তস্মিন্নহং চ ক্রুদ্ধে বৈ জগত্ত্যক্ৎবা ততো ভয়াৎ।
ব্যতিষ্ঠমগ্নিহোত্রে চ চিরমঙ্গিরসো ভয়াৎ॥ 13-258-5 (91788)
অথ শপ্তশ্চ ভগবান্গৌতমেন পুরংদরঃ।
অহল্যাং কাময়ানো বৈ ধর্মার্থং চ ন হিংসিতঃ॥ 13-258-6 (91789)
তথা সমুদ্রো নৃপতে পূর্ণো দৃষ্টশ্চ বারিণা।
ব্রাহ্মণৈরভিশপ্তশ্চ বভূব লবণোদকঃ॥ 13-258-7 (91790)
সুবর্ণবর্ণো নির্ধূমঃ সঙ্গতোর্ধ্বশিখঃ কবিঃ।
ক্রুদ্ধেনাঙ্গিরসা শপ্তো গুণৈরেতৈর্বিবর্জিতঃ॥ 13-258-8 (91791)
মহতশ্চূর্ণিতান্পশ্য যে হাসন্ত মহোদধিম্।
সুবর্ণিধারিণা নিত্যমবশপ্তা দ্বিজাতিনা॥ 13-258-9 (91792)
সম্মতৎবং দ্বিজাতিভ্যঃ শ্রেষ্ঠং বিদ্ধি নরাধিপ।
গর্ভস্থান্ব্রাহ্মণাঞ্শশ্বন্নমস্যতি কিল প্রভুঃ॥ 13-258-10 (91793)
দণ্ডকানাং মহদ্রাজ্যং ব্রাহ্মণেন বিনাশিতম্।
তালজঙ্ঘং মহাক্ষত্রমৌর্বেণৈকেন নাশিতম্॥ 13-258-11 (91794)
ৎবয়া চ বিপুলং রাজ্যং বলং ধর্মং শ্রুতং তথা।
দত্তাত্রেয়প্রসাদেন প্রপ্তং পরমদুর্লভম্॥ 13-258-12 (91795)
অগ্নিং ৎবং যজসে নিত্যং কস্মাদ্ব্রাহ্মণমর্জন।
স হি সর্বস্য লোকস্য হব্যবাট্ কিং ন বেৎসি তম্॥ 13-258-13 (91796)
অথবা ব্রাহ্মণশ্রেষ্ঠমনুভূতানুপালকম্।
কর্তারং জবলোকস্য কস্মাজ্জানন্বিমুহ্যসে॥ 13-258-14 (91797)
তথা প্রজাপতির্ব্রাহ্মা অব্যক্তপ্রভবোঽব্যযঃ।
যেনেদং বিপুলং বিশ্বং জনিতং স্থাবরং চরম্॥ 13-258-15 (91798)
অণ্ডজাতং তু ব্রহ্মাণং কেচিদিচ্ছিন্ত্যপণ্ডিতাঃ।
অণ্ডাদ্ভিন্নাদ্বভুঃ শৈলা দিশোংঽভঃ পৃথিবী দিবম্॥ 13-258-16 (91799)
দৃষ্টবানেতদেবং হি কথং জায়েদজো হি সঃ।
স্থানমাকাশমণ্ডং তু যস্মাজ্জাতঃ পিতামহঃ॥ 13-258-17 (91800)
তিষ্ঠেৎকথমিতি ব্রূয়ান্ন কিঞ্চিদ্ধি তদা ভবেৎ।
অহঙ্কার ইতি প্রোক্তঃ সর্বতেজোগতঃ প্রভুঃ॥ 13-258-18 (91801)
নাস্ত্যন্তমস্তি তু ব্রহ্মা স রাজা লোকভাবনঃ।
ইত্যুক্তঃ স তদা তূষ্ণীমভূদ্বায়ুস্তমব্রবীৎ॥ ॥ 13-258-19 (91802)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টপঞ্চাশদধিকদ্বিশততমোঽধ্যায়ঃ॥ 258 ॥
Mahabharata - Anushaasana Parva - Chapter Footnotes
7-258-4 রসকামঃ বিবন্ক্ষীরং নাকুপ্যত মহাতপাঃ ইতি থ.পাঠঃ॥ 7-258-5 অহং বায়ুঃ॥ 7-258-8 কবিঃ অগ্নিঃ॥ 7-258-9 মহতঃ সগরপুত্রান্ আসন্ত উপাসন্ত। সুবর্ণধারিণা শোভনো ব্রাহ্মণবর্ণস্তস্য ধারিণা ধর্ত্রা দ্বিজাতিনা কপিলেন মরুতশ্চূর্ণিতান্পশ্য। যৌর্হি পূর্ণো মহোদধিরিতি ক.থ.পাঠঃ॥ 7-258-13 অগ্নিং ব্রাহ্মণমিত্যন্বয়ঃ ॥ 7-258-14 অনুভূতং প্রতিভূতম্। অনুপালকং পোষকম্॥ 7-258-16 ননু ব্রহ্মাণ্ডে জাতৎবাৎকথমণ্ডমজনয়দিত্যত্রাহ অণ্ডেতি॥ 7-258-17 অণ্ডজৎববচনং ৎবস্য প্রকারান্তরেণেত্যাহ স্মৃতমিতি। দ্রষ্টব্যং নৈতদেবং হীতি ঝ.পাঠঃ॥অনুশাসনপর্ব - অধ্যায় 259
॥ শ্রীঃ ॥
13.259. অধ্যায়ঃ 259
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বায়ুনা হৈহয়ংপ্রতি কশ্যপচরিত্রকথনম্॥ 1 ॥ তথা উচথ্যোপাখ্যানকথনারম্ভঃ॥ 2 ॥ সোমেন ভদ্রাভিধায়াঃ স্বকন্যায়া উচথ্যায় ভার্যাৎবেন প্রদানম্॥ 3 ॥ পূর্বমেব তাং কামিতবতা বরুণেন বিজনে তস্যা অপহরণম্॥ 4 ॥ নারদাত্তচ্ছ্রুতবতোচথ্যেন কোপাৎসমুদ্রে শোষিতে ভয়াদ্বরুণেনোচথ্যায় পুনর্ভদ্রাপ্রত্যর্পণম্॥ 5 ॥Mahabharata - Anushaasana Parva - Chapter Text
বায়ুরুবাচ।
ইমাং ভূমিং দ্বিজাতিভ্যো দিৎসুর্বৈ দক্ষিণাং পুরা।
অঙ্গো নাম নৃপো রাজংস্ততশ্চিন্তাং মহী যয়ৌ॥ 13-259-1 (91803)
ধারিণীং সর্বভূতানাময়ং প্রাপ্য বরো নৃপঃ।
কথমিচ্ছতি মাং দাতুং দ্বিজেভ্যো ব্রহ্মণঃ সুতাম্॥ 13-259-2 (91804)
সাহং ত্যক্ৎবা গমিষ্যামি ভূমিৎবং ব্রহ্মণঃ পদম্।
অয়ং সরাষ্ট্রো নৃপতির্মার্ভূদিতি ততোঽগমৎ॥ 13-259-3 (91805)
ততস্তাং কশ্যপো দৃষ্ট্বা ব্রজন্তীং পৃথিবীং তদা।
প্রবিবেশ মহীং সদ্যো যুক্তাত্মা সুসমাহিতঃ॥ 13-259-4 (91806)
ঋদ্ধা সা সর্বতো জজ্ঞে তৃণৌষধিসমন্বিতা।
ধর্মোত্তরা নষ্টভয়া ভূমিরাসীত্তমতো নৃপ॥ 13-259-5 (91807)
এবং বর্ষসহস্রাণি দিব্যানি বিপুলব্রতঃ।
ত্রিংশতং কশ্যপো রাজন্ভূমিরাসীদতন্দ্রিতঃ॥ 13-259-6 (91808)
অথাগম্য মহারাজন্নমস্কৃত্যি চ কশ্যপম্।
পৃথবী কাশ্যপী জজ্ঞে সুতা তস্য মহাত্মনঃ॥ 13-259-7 (91809)
এষ রাজন্নীদৃশো বৈ ব্রাহ্মণঃ কশ্যপোঽভবৎ।
অন্যং প্রব্রূহি বা ৎবং চ কশ্যপাৎক্ষত্রিয়ং বরম্॥ 13-259-8 (91810)
তূষ্ণীং বভূব নৃপতিঃ পবনস্ৎবব্রবীদ্বচঃ।
শৃণু রাজন্নুচক্ষ্যস্য জাতস্যাঙ্গিরসে কুলে॥ 13-259-9 (91811)
ভদ্রা সোমস্য দুহিতা রূপেণ পরমা মতা।
তস্যাস্তুল্যং পতিং সোম উচথ্যং সমপশ্যত॥ 13-259-10 (91812)
সা চ তীব্রং তপস্তেপে মহাভাগা যশস্বিনী।
উচথ্যং তু মহাভাগং তৎকৃতে বরয়ত্তদা॥ 13-259-11 (91813)
তত আহূয় চোচথ্যং দদামীতি যশস্বিনীম্।
ভার্যার্থে স চ জগ্রাহ বিধিবদ্ভূরিদক্ষিণঃ॥ 13-259-12 (91814)
তাং ৎবকাময়ত শ্রীমান্বরুণঃ পূর্বমেব হ।
স চাগম্য বনপ্রস্থং যমুনায়াং জহার তাম্॥ 13-259-13 (91815)
জলেশ্বরস্তু হৃৎবা তামনয়স্ৎবং পুরং প্রতি।
পরমাদ্ভুতসঙ্কাশং ষট্সহস্রশতহ্রদম্॥ 13-259-14 (91816)
ন হি রম্যতরং কিঞ্চিত্তস্মাদন্যৎপুরোত্তমম্।
বাসাদৈরপ্সরোভিশ্চ দিব্যৈঃ কামৈশ্চ শোভিতম্॥ 13-259-15 (91817)
তত্র দেবস্তয়া সার্ধং রেমে রাজঞ্জলেশ্বরঃ।
তদাখ্যাতমুচথ্যায় ততঃ পত্ন্যবমর্দনম্॥ 13-259-16 (91818)
তচ্ছ্রুৎবা নারদাৎসর্বমুচথ্যো নারদং তদা।
প্রোবাচ গচ্ছ ব্রূহি ৎবং বরুণং পরুষং বচঃ॥ 13-259-17 (91819)
মদ্বাক্যান্মুঞ্চ মে ভার্যাং কস্মাত্তাং হৃতবানসি।
লোকপালোসি লোকানাং ন লোকস্য বিলোপকঃ॥ 13-259-18 (91820)
সোমেন দত্তা ভার্যা মে ৎবয়া চাপহৃতাঽদ্য বৈ।
ইত্যুক্তো বচনাত্তস্য নারদেন জলেশ্বরঃ॥ 13-259-19 (91821)
মুঞ্চ ভার্যামুচথ্যস্য কস্মাত্ৎবং হৃতবানসি।
ইতি শ্রুৎবা বচস্তস্য সোঽথ তং বরুণোঽব্রবীৎ॥ 13-259-20 (91822)
মমৈষা সুপ্রিয়া ভার্যা নৈনামুৎস্রষ্টুমুৎসহে।
ইত্যুক্তো বরুণেনাথ নারদঃ প্রাপ্য তং মুনিম্।
উচথ্যমব্রবীদ্বাক্যং নাতিহৃষ্টমনা ইব॥ 13-259-21 (91823)
গলে গৃহীৎবা ক্ষিপ্তোস্মি বরুণেন মহামুনে।
ন প্রয়চ্ছতি তে ভার্যাং যত্তে কার্যং কুরুষ্ব তৎ॥ 13-259-22 (91824)
নারদস্য বচঃ শ্রুৎবা ক্রুদ্ধঃ প্রাজ্বলদঙ্গিরাঃ।
অপিবত্তেজসা বারি বিষ্টভ্য সুমহাতপাঃ॥ 13-259-23 (91825)
পীয়মানে তু সর্বস্মিংস্তোয়েঽপি সলিলেশ্বরঃ।
সুহৃদ্ভির্ভিক্ষমাণোঽপি নৈবামুঞ্চত তাং তদা॥ 13-259-24 (91826)
ততঃ ক্রুদ্ধোঽব্রবীদ্ভূমিমুচথ্যো ব্রাহ্মণোত্তমঃ।
দর্শয় স্বস্থলং ভদ্রে ষট্সহস্রশতহ্রদম্॥ 13-259-25 (91827)
ততস্তদীরণং জাতং সমুদ্রস্যাবসর্পতঃ।
তস্মাদ্দেশান্নদীং চৈব প্রোবাচাসৌ দ্বিজোত্তমঃ॥ 13-259-26 (91828)
অদৃশ্যা গচ্ছ ভীরু ৎবং সরস্বতি মরূন্প্রতি।
অণুণ্যভূষো ভবতু দেশস্ত্যক্তস্তয়া শুভে॥ 13-259-27 (91829)
ততশ্চূর্ণীকৃতে দেশেক ভদ্রামাদায় বারিপঃ।
অদদাচ্ছরণং গৎবা ভার্যামাঙ্গিরসায় বৈ॥ 13-259-28 (91830)
প্রতিগৃহ্য তু তাং ভার্যামুচথ্যঃ সুমনাঽভবৎ।
মুমোচ চ জগদ্দুঃখান্মরুতশ্চৈব নির্মলাঃ॥ 13-259-29 (91831)
ততঃ স লব্ধ্বা তাং ভার্যাং বরুণং প্রাহ ধর্মবিৎ।
উচথ্যঃ সুমহাতেজা যত্তুচ্ছৃণু নরাধিপ॥ 13-259-30 (91832)
ময়ৈষা তপসা প্রাপ্তা ক্রোশতস্তে জলাধিপ।
ইত্যুক্ৎবা তামুপাদায় স্বমেব ভবনং যয়ৌ॥ 13-259-31 (91833)
এষ রাজন্নীদৃশো বৈ উচথ্যো ব্রাহ্মণর্ষভঃ।
ব্রবীমি হান্যং ব্রূহি ৎবমুচথ্যাৎক্ষত্রিয়ং বরম্॥ ॥ 13-259-32 (91834)
ইতি শ্রীমন্মহাভারতে অনুশাসনপর্বণি দানধর্মপর্বণি একোনষষ্ট্যধিকদ্বিশততমোঽধ্যায়ঃ॥ 259 ॥
Mahabharata - Anushaasana Parva - Chapter Footnotes
7-259-3 ভূমিৎবং ত্যক্ৎবা ব্রহ্মণঃ পদং গমিষ্যামীতি সম্বন্ধঃ॥ 7-259-11 উচথ্যার্থে তু চার্বঙ্গী পরং নিয়মমাস্থিতা। ইতি ঝ.পাঠঃ॥ 7-259-12 সোমঃ দদামীত্যুক্ৎবা দদাবিত্যধ্যাহারেণ যোজনা। দদাবত্রির্যশস্বিনীমিতি ঝ.পাঠঃ। অত্রিঃ সোমপিতা॥ 7-259-16 দেবো বরুণঃ। তয়া ভদ্রকয়া॥ 7-259-25 দর্শয়স্ব বিলং ভদ্রে ইতি ক.পাঠঃ॥ 7-259-26 ঈরিণং ঊষরপ্রবেশঃ। সমুদ্রশ্চাপসর্পতেতি ক.পাঠঃ॥ 7-259-27 অপুণ্য এষ ভবিৎবিতি ঝ.পাঠঃ॥ 7-259-29 দুঃখাদ্বরুণং চৈব হৈহয়েতি ঝ.পাঠঃ। জগদ্বরুণং চ দুঃখান্মুমোচ মোচয়ামাস॥অনুশাসনপর্ব - অধ্যায় 260
॥ শ্রীঃ ॥
13.260. অধ্যায়ঃ 260
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বায়ুনা হৈহয়ার্জুনং প্রতি স্বতেজসা দৈত্যদাহনরূপাগস্ত্যবসিষ্ঠচরিত্রকীর্তনম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
ইত্যুক্তঃ স নৃপস্তূষ্ণীমভূদ্বায়ুস্ততোঽব্রবীৎ।
শৃণু রাজন্নগস্ত্যস্য মহাত্ম্যং ব্রাহ্মমস্য হ॥ 13-260-1 (91835)
অসুরৈর্নির্জিতা দেবা নিরুৎসাহাশ্চ তে কৃতাঃ।
যজ্ঞাশ্চৈষাং হৃতাঃ সর্বে পিতৄণাং চ স্বধাস্তথা॥ 13-260-2 (91836)
কর্মজ্যা মানবানাং চ দানবৈর্হৈহয়র্ষভ।
ভ্রষ্টৈশ্বর্যাস্ততো দেবাশ্চেরুঃ পৃথ্বীমিতি শ্রুতিঃ॥ 13-260-3 (91837)
ততঃ কদাচিত্তে রাজন্দীপ্তমাদিত্যবর্চসম্।
দদৃশুস্তেজসাঃ যুক্তমগস্ত্যং বিপুলব্রতম্॥ 13-260-4 (91838)
অভিবাদ্য তু তং দেবাঃ পৃষ্ট্বা কুশলমেব চ।
ইদমূচুর্মহাত্মানং বাক্যং কালে জনাধিপ॥ 13-260-5 (91839)
দানবৈর্যুধি ভগ্নাঃ স্ম তথৈশ্বর্যাচ্চি ভ্রংশিতাঃ।
তদস্মান্নো ভয়াত্তীব্রাত্ত্রাহি ৎবং মুনিপুঙ্গবঃ॥ 13-260-6 (91840)
ইত্যুক্তঃ স তদা দেবৈরগস্ত্যঃ কুপিতোঽভবৎ।
প্রজজ্বাল চ তেজস্বী কালাগ্নিরিব সংক্ষয়ে॥ 13-260-7 (91841)
তেন দীপ্তাংশুজালেন নির্দগ্ধা দানবাস্তদা।
অন্তরিক্ষান্মহারাজ নিপেতুস্তে সহস্রশঃ॥ 13-260-8 (91842)
দহ্যমানাস্তু তে দৈত্যাস্তস্যাগস্ত্যস্য তেজসা।
উভৌ লোকৌ পরিত্যজ্য গতাঃ কাষ্ঠাং তু দক্ষিণাম্॥ 13-260-9 (91843)
বলিস্তু যজতে যজ্ঞমশ্বমেধং মহীং গতঃ।
যেন্যেঽধস্তা মহীস্থাশ্চ তেন দগ্ধা মহাসুরাঃ॥ 13-260-10 (91844)
ত্যক্তলোকাঃ পুনঃ প্রাপ্তাঃ সুরৈঃ শান্তভয়ৈর্নৃপ।
অথৈনমব্রুবন্দেবা ভূমিষ্ঠানসু রাঞ্জহি॥ 13-260-11 (91845)
ইত্যুক্তঃ প্রাহ দেবান্স ন শক্তোস্মি মহীগতান্।
দগ্ধুং তপো হি ক্ষীয়েন্মে ন ধক্ষ্যামীতি পার্থিব॥ 13-260-12 (91846)
এবং দগ্ধা ভগবতা দানবাঃ স্বেন তেজসা।
অগস্ত্যেন তদা রাজংস্তপসা ভাবিতাত্মনা॥ 13-260-13 (91847)
ঈদৃশশ্চাপ্যগস্ত্যো হি কথিতস্তে ময়াঽনঘ।
ব্রবীম্যন্যং ব্রূহি বা ৎবমগস্ত্যাৎক্ষত্রিয়ং বরম্॥ 13-260-14 (91848)
ভীষ্ম উবাচ। 13-260-15x (7694)
ইত্যুক্তঃ স তদা তূষ্ণীমভূদ্বায়ুস্ততোঽব্রবীৎ।
শৃণু রাজন্বসিষ্ঠস্য মুখ্যং কর্ম যশস্বিনঃ॥ 13-260-15 (91849)
`বৈখানসবিধানেন গঙ্গাতীরং সমাশ্রিতাঃ।'
আদিত্যাঃ সত্রমাসন্ত সরো বৈখানসং প্রতি।
বসিষ্ঠং মনসা গৎবা জ্ঞাৎবা তৎবস্য গোচরম্॥ 13-260-16 (91850)
যজমানাংস্তু তান্দৃষ্বা সর্বান্দীক্ষানুকর্শিতান্।
হন্তুমৈচ্ছন্ত শৈলাভা বলিনো নাম দানবাঃ॥ 13-260-17 (91851)
অদূরাত্তু ততস্তেষাং ব্রহ্মদত্তবরং সরঃ।
হতা হতা বৈ তত্রৈতে জীবন্ত্যাপ্লুত্য দানবাঃ॥ 13-260-18 (91852)
তে প্রগৃহ্য মহাঘোরান্পর্বতান্পরিঘান্দ্রুমান্।
বিক্ষোভয়ন্তঃ সলিলমুত্থিতং শতয়োজনম্॥ 13-260-19 (91853)
অভ্যদ্রবন্ত দেবাংস্তে সহস্রাণি দশৈব হি।
ততস্তৈরর্দিতা দেবাঃ শরণং বাসবং যয়ুঃ॥ 13-260-20 (91854)
স চ তৈর্ব্যথিতঃ শক্রো বসিষ্ঠং সরণং যয়ৌ।
ততোঽভয়ং দদৌ তেভ্যো বসিষ্ঠো ভগবানৃষিঃ॥ 13-260-21 (91855)
তদা তান্দুঃকিতান্জ্ঞাৎবা আনৃশংস্যপরো মুনিঃ।
অয়ত্নেনাদহৎসর্বাঞ্জ্বলতা স্বেন তেজসা॥ 13-260-22 (91856)
কৈলাসং প্রস্থিতাং চৈব নদীং গঙ্গাং মহাতপাঃ।
আনয়ত্তৎসরো দিব্যং তয়া ভিন্নং চ তৎসরঃ॥ 13-260-23 (91857)
সরো ভিন্নং তয়া নদ্যা সরয়ূঃ সা ততোঽভবৎ।
হতাশ্চ বলিনো যত্র স দেশে বলিনোঽভবৎ॥ 13-260-24 (91858)
এবং সেন্দ্রা বসিষ্ঠেন রক্ষিতাস্ত্রিদিবৌকসঃ।
ব্রহ্মদত্তবরাশ্চৈব হতা দৈত্যা মহাত্মনা॥ 13-260-25 (91859)
এতৎকর্ম বসিষ্ঠস্য কথিতং হি ময়াঽনঘ।
ব্রবীম্যন্যং ব্রূহি বা ৎবং বসিষ্ঠাৎক্ষত্রিয়ং বরম্॥ 26 ॥ ॥ 13-260-26 (91860)
ইতি শ্রীমন্মহাভারতে অনুশাসনপর্বণি দানধর্মপর্বণি ষষ্ট্যধিকদ্বিশততমোঽধ্যায়ঃ॥ 260 ॥
অনুশাসনপর্ব - অধ্যায় 261
॥ শ্রীঃ ॥
13.261. অধ্যায়ঃ 261
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বায়ুনা হৈহয়ার্জুনংপ্রতি দেবাসুরয়ুদ্ধে রাহুণা চন্দ্রসূর্যপরাভবেনান্ধকারপ্রাপ্তৌ দেবানাং প্রার্থনয়া চন্দ্রীভূয় তমোনিরসনরূপাত্রিমহিমোক্তিঃ॥ 1 ॥ তথা সবজ্রেন্দ্রহস্তস্তম্ভনেনাশ্বিনোঃ সোমপানদাপনরূপচ্যবনমহিমোক্তিঃ॥ 2 ॥Mahabharata - Anushaasana Parva - Chapter Text
ভীষ্ম উবাচ।
ইত্যুক্তস্ৎবর্জুনস্তূষ্ণীমভূদ্বায়ুস্তমব্রবীৎ।
শৃণু মে হৈহয়শ্রেষ্ঠ কর্মাত্রেঃ সুমহাত্মনঃ॥ 13-261-1 (91861)
ঘোরে তমস্যযুধ্যন্ত সহিতা দেবদানবাঃ।
অবিদ্যত শরৈস্তত্র স্বর্ভানুঃ সোমভাস্করৌ॥ 13-261-2 (91862)
অথ তে তমসা গ্রস্তা নিহন্যন্তে স্ম দানবৈঃ।
দেবা নৃপতিশার্দূল সহৈব বলিভিস্তদা॥ 13-261-3 (91863)
অসুরের্বধ্যমানাস্তে ক্ষীণপ্রাণা দিবৌকসঃ।
অপশ্যন্ত তপস্যন্তমত্রিং বিপ্রং তপোধনম্॥ 13-261-4 (91864)
অথৈনমব্রুবন্দেবাঃ শান্তক্রোধং জিতেন্দ্রিয়ম্।
অসুরেরিষুভির্বিদ্ধৌ চন্দ্রাদিত্যাবিমাবুভৌ॥ 13-261-5 (91865)
বয়ং বধ্যামহে চাপি শত্রুভিস্তমসা বৃতে।
নাধিগচ্ছাম শান্তিং চ ভয়াত্ত্রায়স্ব নঃ প্রভো॥ 13-261-6 (91866)
অত্রিরুবাচ। 13-261-7x (7695)
কথং রক্ষামি ভবতস্তেঽব্রুবংশ্চন্দ্রমা ভব।
তিমিরঘ্নশ্চ সবিতা দস্যুহন্তা চ নো ভব॥ 13-261-7 (91867)
এবমুক্তস্তদাত্রির্বৈ তমোনুদভবচ্ছশী।
অপশ্যৎসৌম্যভাবাচ্চ সোমবৎপ্রিয়দর্শনঃ॥ 13-261-8 (91868)
দৃষ্ট্বা নাতিপ্রভং সোমং তথা সূর্যং চ পার্থিব।
প্রকাশমকরোদত্রিস্তপসা স্বেন সংয়ুগে॥ 13-261-9 (91869)
জগদ্বিতিমিরং চাপি প্রদীপ্তমকরোত্তদা।
ব্যজয়চ্ছত্রুসঙ্ঘাংশ্চ দেবানাং স্বেন তেজসা॥ 13-261-10 (91870)
অত্রিণা দহ্যমানাংস্তান্দৃষ্ট্বা দেবা মহাসুরান্।
পরাক্রমৈস্তেঽপিং তদা ব্যঘ্নন্নত্রিসুরক্ষিতাঃ।
উদ্ভাসিতশ্চ সবিতা দেবাস্ত্রাতা হতাসুরাঃ॥ 13-261-11 (91871)
অত্রিণা ৎবথ সোমৎবং কৃতমুত্তমতেজসা।
দ্বিজেনাগ্নিদ্বিতীয়েনি জপতা চর্মবাসসা॥ 13-261-12 (91872)
ফলভক্ষেণ রাজর্ষে পশ্য কর্মাত্রিণা কৃতম্।
তস্যাপি বিস্তরেণোক্তং কর্মাত্রেঃ সুমহাত্মনঃ।
ব্রবীম্যন্যং ব্রূহি বা ৎবমত্রিতঃ ক্ষত্রিয়ং বরম্॥ 13-261-13 (91873)
ইত্যুক্তস্ৎবর্জুনস্তূষ্ণীমভূদ্বায়ুস্ততোঽব্রবীৎ।
শৃণু রাজন্মহৎকর্ম চ্যবনস্য মহাত্মনঃ॥ 13-261-14 (91874)
অশ্বিনোঃ প্রতিসংশ্রুত্য চ্যবনঃ পাকশাসনম্।
প্রোবাচ সহিতো দেবৈঃ সোমপাবশ্বিনৌ কুরু॥ 13-261-15 (91875)
ইন্দ্র উবাচ। 13-261-16x (7696)
অস্মাভির্নিন্দিতাবেতৌ ভবেতাং সোমপৌ কথম্।
দেবৈর্ন সম্মিতাবেতৌ তস্মান্মৈবং বদস্ব নঃ॥ 13-261-16 (91876)
অশ্বিভ্যাং সহ নেচ্ছামঃ সোমং পাতুং মহাব্রত।
যদন্যদ্বক্ষ্যসে বিপ্র তৎকরিষ্যাম তে বচঃ॥ 13-261-17 (91877)
চ্যবন উবাচ। 13-261-18x (7697)
পিবেতামশ্বিনৌ সোমং ভবদ্ভিঃ সহিতাবিমৌ।
উভাবেতাবপি সুরৌ সূর্যপুত্রৌ সুরেশ্বর॥ 13-261-18 (91878)
ক্রিয়তাং মদ্বচো দেবা যথা বৈ সমুদাহৃতম্।
এতদ্বঃ কুর্বতাং শ্রেয়ো ভবেন্নৈতদকুর্বতাম্॥ 13-261-19 (91879)
ইন্দ্র উবাচ। 13-261-20x (7698)
অশ্বিভ্যাং সহ সোমং বৈ ন পাস্যামি দ্বিজোত্তম।
পিবন্ৎবন্যে যথাকামং নাহং পাতুমিহোৎসহে॥ 13-261-20 (91880)
চ্যবন উবাচ। 13-261-21x (7699)
ন চেৎকরিষ্যসি বচো ময়োক্তং বলসূদন।
ময়া প্রমথিতঃ সদ্যঃ সোমং পাস্যসি বৈ মখে॥ 13-261-21 (91881)
বায়ুরুবাচ। 13-261-22x (7700)
ততঃ কর্ম সমারব্ধং হিতায় সহসাঽশ্বিনোঃ।
চ্যবনেনি ততো মন্ত্রৈরভিভূতাঃ সুরাঽভবন্॥ 13-261-22 (91882)
তত্তু কর্ম সমারব্ধং দৃষ্ট্বেন্দ্রঃ ক্রোধমূর্চ্ছিতঃ।
উদ্যম্য বিপুলং শৈলং চ্যবনং সমুপাদ্রবৎ॥ 13-261-23 (91883)
তথা বজ্রেম ভগবানমর্ষাকুললোচনঃ।
তমাপতন্তং দৃষ্ট্বৈব চ্যবনস্তপসাঽন্বিতঃ॥ 13-261-24 (91884)
অদ্ভিঃ সিক্ৎবাঽস্তম্যযতং সবজ্রং সহপর্বতম্।
অথেন্দ্রস্য মহাঘোরং সোঽসৃজচ্ছত্রুমেব হি॥ 13-261-25 (91885)
মদং নামাহুতিময়ং ব্যাদিতাস্যং মহামুনিঃ।
তস্য দন্তসহস্রং তু বভূব শতয়োজনম্॥ 13-261-26 (91886)
দ্বিয়োজনশতাস্তস্য দংষ্ট্রাঃ পরমদারুণাঃ।
হনুস্তস্যাভবদ্ভূমাবাস্যং চাস্যাস্পৃশদ্দিবম্॥ 13-261-27 (91887)
জিহ্বামূলে স্থিতাস্তস্য সর্বে দেবাঃ সবাসবাঃ।
তিমেরাস্যমনুপ্রাপ্তা যথা মৎস্যা মহার্ণবে॥ 13-261-28 (91888)
তে সম্মন্ত্র্য ততো দেবা মদস্যাস্য সমীপগাঃ।
অব্রুবন্সহিতাঃ শক্রং প্রণমাস্মৈ দ্বিজাতয়ে॥ 13-261-29 (91889)
অশ্বিভ্যাং সহ সোমং চ পিবাম বিগতজ্বরাঃ।
ততঃ স প্রণতঃ শক্রশ্চকার চ্যবনস্য তৎ॥ 13-261-30 (91890)
চ্যবনঃ কৃতবানেতাবশ্বিনৌ সোমপায়িনৌ।
ততঃ প্রত্যাহরৎকর্ম মদং চ ব্যভজন্মুনিঃ॥ 13-261-31 (91891)
অক্ষেষু মৃগয়ায়াং চ পানে স্ত্রীষু চ বীর্যবান্।
এতৈর্দোষৈর্নরা রাজন্ক্ষয়ং যান্তি ন সংশয়ঃ॥ 13-261-32 (91892)
তস্মাদেতান্নরো নিত্যং দূরতঃ পরিবর্জয়েতদ্॥ 13-261-33 (91893)
এতত্তে চ্যবনস্যাপি কর্মি রাজন্প্রকীর্তিতম্।
ব্রবীম্যন্যং ব্রূহি বা ৎবং ক্ষত্রিয়ং ব্রাহ্মণাদ্বরম্॥ ॥ 13-261-34 (91894)
ইতি শ্রীমন্মহাভারতে অনুশাসনপর্বণি দানধর্মপর্বণি একষষ্ট্যধিকদ্বিশততমোঽধ্যায়ঃ॥ 261 ॥
অনুশাসনপর্ব - অধ্যায় 262
॥ শ্রীঃ ॥
13.262. অধ্যায়ঃ 262
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
বায়ুনা হৈহয়ংপ্রতি দেবানাং প্রার্থনয়া অগ্নিসর্জনেন কপহননরূপব্রাহ্মণমহিমোক্তিঃ॥ 1 ॥Mahabharata - Anushaasana Parva - Chapter Text
ভীষ্ম উবাচ।
তূষ্ণীমাসীদর্জুনস্তু পবনস্ৎবব্রবীৎপুনঃ।
শৃণু মে ব্রাহ্মণেষ্বেব মুখ্যং কর্ম জনাধিপ॥ 13-262-1 (91895)
মদস্যাস্যমনুপ্রাপ্তা যদা সেন্দ্রা দিবৌকসঃ।
তদৈব চ্যবনেন দ্যৌর্হৃতা তেষাং বসুন্ধরা॥ 13-262-2 (91896)
উভৌ লোকৌ হৃতৌ মৎবা তে দেবা দুঃখিতাঽভবন্।
শোকার্তাশ্ত মহাত্মানং ব্রহ্মাণং শরণং যয়ুঃ॥ 13-262-3 (91897)
দেবা ঊচুঃ। 13-262-4x (7701)
মদাস্যব্যতিষিক্তানামস্মাকং লোকপূজিত।
চ্যবনেন হৃতা ভূমিঃ কপৈশ্চৈব দিবং প্রভো॥ 13-262-4 (91898)
ব্রহ্মোবাচ। 13-262-5x (7702)
গচ্ছধ্বং শরণং বিপ্রানাশু সেন্দ্রা দিবৌকসঃ।
প্রসাদ্য তানুভৌ লোকাববাপ্স্যথ যথাপুরম্॥ 13-262-5 (91899)
তে যয়ুঃ শরণং বিপ্রানূচুস্তে কাঞ্জয়ামহে।
ইত্যুক্তাস্তে দ্বিজান্প্রাহুর্জয়তেহ কপানিতি॥ 13-262-6 (91900)
ভূগতান্হি বিজেতারো বয়মিত্যব্রুবন্দ্বিজাঃ।
ততঃ কর্ম সমারব্ধং ব্রাহ্মণৈঃ কপনাশনম্॥ 13-262-7 (91901)
তচ্ছ্রুৎবা প্রেষিতো দূতো ব্রাহ্মণেভ্যো ধনী কপৈঃ।
স চ তান্ব্রাহ্মণানাহ ধনী কপবচো যথা॥ 13-262-8 (91902)
ভবদ্ভিঃ সদৃশঃ সর্বে কপাঃ কিমিহ বর্ততে।
সর্বে বেদবিদঃ প্রাজ্ঞাঃ সর্বে চ ক্রতুয়াজিনঃ॥ 13-262-9 (91903)
সর্বে সত্যব্রতাশ্চৈব সর্বে তুল্যা মহর্ষিভিঃ।
শ্রীশ্চৈব রমতে তেষু ধারয়ন্তি শ্রিয়ং চ তে॥ 13-262-10 (91904)
বৃথা দারান্ন গচ্ছন্তি বৃথা মাংসং ন ভুঞ্জতে।
দীপ্তমগ্নিং জুহ্বতে চ গুরূণাং বচনে স্থিতাঃ॥ 13-262-11 (91905)
সর্বে চ নিয়তাত্মানো বালানাং সংবিভাগিনঃ।
উপেত্য শনকৈর্যান্তি ন সেবন্তি রজস্বলাম্।
স্বর্গাতিং চৈব গচ্ছন্তি তথৈব শুভকর্মিণঃ॥ 13-262-12 (91906)
অভুক্তবৎসু নাশ্নন্তি গর্ভিণীবৃদ্ধকাদিষু।
পূর্বাহ্ণেষু ন দীব্যন্তি দিবা চৈব ন শেরতে॥ 13-262-13 (91907)
এতৈশ্চান্যৈশ্চ বহুভির্গুণৈর্যুক্তান্কথং কপান্।
বিজেষ্যথ নিবর্তধ্বং নিবৃত্তানাং সুখং হি বঃ॥ 13-262-14 (91908)
ব্রাহ্মণা ঊচুঃ। 13-262-15x (7703)
কপান্বয়ং বিজেষ্যামো যে দেবাস্তে বয়ং স্মৃতাঃ।
তস্মাদ্বধ্যাঃ কপাঽস্মাকং ধনিন্যাহি যথাগতম্॥ 13-262-15 (91909)
ধনী গৎবা কপানাহ ন বো বিপ্রাঃ প্রিয়ঙ্করাঃ।
গৃহীৎবাঽস্ত্রাণ্যতো বিপ্রান্কপাঃ সর্বে সমাদ্রবন্॥ 13-262-16 (91910)
সমুদগ্রধ্বজান্দৃষ্ট্বা কপান্সর্বে দ্বিজাতয়ঃ।
ব্যসৃজঞ্জ্বলিতানগ্নীন্কপানাং প্রাণনাশনান্॥ 13-262-17 (91911)
ব্রহ্মসৃষ্টা হব্যভুজঃ কপান্হৎবা সনাতনাঃ।
নভসীব যথাঽভ্রাণি ব্যরাজন্ত নরাধিপ॥ 13-262-18 (91912)
হৎবা বৈ দানবান্দেবাঃ সর্বে সম্ভূয় সংয়ুগে।
তে নাভ্যজানন্হি তদা ব্রাহ্মণৈর্নিহতান্কপান্॥ 13-262-19 (91913)
অথাগম্য মহাতেজা নারদোঽকথয়দ্বিভো।
যথা হতা মহাভাগৈস্তেজসা ব্রাহ্মণৈঃ কপাঃ॥ 13-262-20 (91914)
নারদস্য বচঃ শ্রুৎবা প্রীতাঃ সর্বে দিবৌকসঃ।
প্রশশংসুর্দ্বিজাংশ্চাপি ব্রাহ্মণাংশ্চ যশস্বিনঃ॥ 13-262-21 (91915)
তেষাং তেজস্তথা বীর্যং দেবানাং ববৃধে ততঃ।
অবাপ্নুবংশ্চামরৎবং ত্রিষু লোকেষু পূজিতম্॥ 13-262-22 (91916)
ইত্যুক্তবচনং বায়ুমর্জুনঃ প্রত্যুবাচ হ।
প্রতিপূজ্য মহাবাহো যত্তচ্ছৃণু নরাধিপ॥ 13-262-23 (91917)
অর্জুন উবাচ। 13-262-24x (7704)
জীবাম্যহং ব্রাহ্মণার্থং সর্বথা সততং প্রভো।
ব্রহ্মণ্যো ব্রাহ্মণেভ্যশ্চ প্রণমামি চ নিত্যশঃ॥ 13-262-24 (91918)
দত্তাত্রেয়প্রসাদাচ্চ ময়া প্রাপ্তমিদং বলম্।
লোকে চ পরমা কীর্তির্ধর্মশ্চাচরিতো মহান্॥ 13-262-25 (91919)
অহো ব্রাহ্মণকর্মাণি ময়ি মারুত তত্ৎবতঃ।
ৎবয়া প্রোক্তানি কার্ৎস্ন্যেন শ্রুতানি প্রয়তেন চ॥ 13-262-26 (91920)
বায়ুরুবাচ। 13-262-27x (7705)
ব্রাহ্মণান্ক্ষাত্রাধর্মেণ পালয়স্বেন্দ্রিয়াণি চ।
বিপ্রেভ্যস্তে ভয়ং ঘোরং তত্তু কালাদ্ভবিষ্যতি॥ ॥ 13-262-27 (91921)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিষষ্ট্যধিকদ্বিশততমোঽধ্যায়ঃ॥ 262 ॥
Mahabharata - Anushaasana Parva - Chapter Footnotes
7-262-4 কপৈঃ সুরবিশেষৈঃ। দিবং দ্যৌঃ॥ 7-262-8 ধনীনাম দূতঃ॥অনুশাসনপর্ব - অধ্যায় 263
॥ শ্রীঃ ॥
13.263. অধ্যায়ঃ 263
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরেণ ব্রাহ্মণমহিমানং পৃষ্টেন ভীষ্মেণ তংপ্রতি স্বস্য কুষ্ঠিতেন্দ্রিয়াদিশক্তিকতয়া মুমূর্ষানিবেদনপূর্বকং কৃষ্ণাত্তদবগমনচোদনা॥ 1 ॥ তথা কৃষ্ণস্য শ্রীনারায়ণাত্মকৎবনিবেদনেন তন্মহিমানুবর্ণনম্॥ 2 ॥Mahabharata - Anushaasana Parva - Chapter Text
যুধিষ্ঠির উবাচ।
ব্রাহ্মণানর্চসে রাজন্সততং সংশিতব্রতান্।
কং তু ধর্মোদয়ং দৃষ্ট্বা তানর্চসি জনাধিপ॥ 13-263-1 (91922)
কাং বা ব্রাহ্মণপূজায়াং ব্যুষ্টিং দৃষ্ট্বা মহাব্রত।
তানর্চসি মহাবাহো সর্বমেতদ্বদস্ব মে॥ 13-263-2 (91923)
ভীষ্ম উবাচ। 13-263-3x (7706)
এষ তে কেশবঃ সর্বমাখ্যাস্যতি মহামতিঃ।
ব্যুষ্টিং ব্রাহ্মণপূজায়াং দৃষ্ট্বা ব্যুষ্টিং মহাব্রত॥ 13-263-3 (91924)
বলং শ্রোত্রে বাঙ্মনশ্চক্ষুষী চ
জ্ঞানং তথা নবিশুদ্ধং মমাদ্য।
দেহন্যাসো নাতিচিরান্মতো মে
ন চাতিতূর্ণং সবিতাঽদ্য যাতি॥ 13-263-4 (91925)
উক্তা ধর্মা যে পুরাণে মহান্তো
রাজন্বিপ্রাণাং ক্ষত্রিয়াণাং বিশাং চ।
যেয়ে শূদ্রাণাং ধর্মমুপাসতে তে
তানেব কৃষ্ণদুপশিক্ষস্ব পার্থঃ॥ 13-263-5 (91926)
অহং হ্যেনং বেদ্মি তত্ৎবেন কৃষ্ণং
যোঽয়ং হি যচ্চাস্য বলং পুরাণম্।
অমেয়াত্মা কেশবঃ কৌরবেন্দ্র
সোয়ং ধর্মং বক্ষ্যতি সর্বমেতৎ॥ 13-263-6 (91927)
কৃষ্ণঃ পৃথ্বীমসৃজৎস্বং দিবং চ
কৃষ্ণস্যি দেহান্মেদিনী সম্বভূব।
বরাহোঽয়ং ভীমবলঃ পুরাণঃ
স পর্বতান্ব্যসৃজদ্বৈ দিশশ্চ॥ 13-263-7 (91928)
অস্মাদ্বায়ুশ্চান্তরিক্ষং দিবং চ
দিশশ্চতস্রো বিদিশশ্চতস্রঃ।
সৃষ্টিস্তথৈবেয়মনুপ্রসূতা
স নির্মমে বিশ্বমিদং পুরাণঃ॥ 13-263-8 (91929)
অস্য নাভ্যাং পুষ্করং সম্প্রসূতং
যত্রোৎপন্নঃ স্বয়মেবামিতৌজাঃ।
যেনাচ্ছিন্নং তত্তমঃ পার্থ ঘোরং
যত্র তিষ্ঠন্ত্যর্ণবাস্তচ্ছয়ানাঃ॥ 13-263-9 (91930)
কৃতে যুগে ধর্ম আসীৎসমগ্র-
স্ত্রেতাকালে যজ্ঞমনুপ্রপন্নঃ।
বলং ৎবাসীদ্দ্বাপরে পার্থ কৃষ্ণঃ
কলৌ ৎবধর্মঃ ক্ষিতিমেবাজগাম॥ 13-263-10 (91931)
স এব পূর্বং নিজঘান দৈত্যা-
ন্স এব দেবশ্চ বভূব সম্রাট্।
স ভূতানাং ভাবনো ভূতভব্যঃ
স বিশ্বস্যাস্য জগতশ্চাভিগোপ্তাঃ॥ 13-263-11 (91932)
যদা ধর্মো গ্লাতি বংশে সুরাণাং
তদা কৃষ্ণো জায়তে মানুষেষু।
ধর্মে স্থিৎবা স তু বৈ ভাবিতাত্মা
পরাংশ্চ লোকানপরাশ্চ পাতি॥ 13-263-12 (91933)
ত্যাজ্যাংস্ত্যক্ৎবা চাসুরাণাং বধেন
কার্যাকার্যে কারণং চৈব পাতি।
কৃতং করিষ্যৎক্রিয়তে চ দেবো
রাহুং সোমং বিদ্ধি চ শক্রমেনম্॥ 13-263-13 (91934)
স বিশ্বকর্মা স হি বিশ্বরূপঃ
স বিশ্ববুগ্বিশ্বসৃগ্বিশ্বজিচ্চ।
স শূলভৃচ্ছোণিতভৃৎকরাল-
স্তং কর্মভির্বিদিতং বৈ স্তুবন্তি॥ 13-263-14 (91935)
তং গন্ধর্বাণামপ্সরসাং চ নিত্য-
মুপতিষ্ঠন্তে বিবুধানাং শতানি।
তং রাক্ষসাশ্চ পরিসংবদন্তি
রাজন্যানাং স বিজিগীষুরেকঃ॥ 13-263-15 (91936)
তমধ্বরে শংসিতারঃ স্তুবন্তি
রথন্তরে সামগাশ্চ স্তুবন্তি।
তং ব্রাহ্মণা ব্রহ্মমন্ত্রৈঃ স্তুবন্তি
তস্মৈ হবিরধ্বর্যবঃ কল্পয়ন্তি॥ 13-263-16 (91937)
স পৌরাণীং ব্রহ্মগুহাং প্রবিষ্টো
মহীসত্রং ভারতাগ্রে দদর্শ।
স চৈব গামুদ্দধারাগ্র্যকর্মা
বিক্ষোভ্য দৈত্যানুরগান্দানবাংশ্চ॥ 13-263-17 (91938)
তং ঘোষার্থে গীর্ভিরিন্দ্রাঃ স্তুবন্তি
স চাপীশো ভারতৈকঃ পশূনাম্।
তস্য ভক্ষান্বিবিধান্বেদয়ন্তি
তমেবাজৌ বাহনং বেদয়ন্তি॥ 13-263-18 (91939)
তস্যান্তরিক্ষং পৃথিবী দিবং চ
সর্বং বশে তিষ্ঠতি শাশ্বতস্য।
স কুম্ভে রেতঃ সসৃজে সুরাণাং
যত্রোৎপন্নমৃষিমাহুর্বসিষ্ঠম্॥ 13-263-19 (91940)
স মাতরিশ্বা বিভুরশ্ববাজী
স রশ্মিবান্সবিতা চাদিদেবঃ।
তেনাসুরা বিজিতাঃ সর্ব এব
তদ্বিক্রান্তৈর্বিজিতানীহ ত্রীণি॥ 13-263-20 (91941)
স দেবানাং মানুষাণাং পিতৄণাং
তমেবাহুর্যজ্ঞবিদাং বিতানম্।
স এব কালং বিভজন্নুদেতি
তস্যোত্তরং দক্ষিণং চায়নে দ্বে॥ 13-263-21 (91942)
তস্যৈবোর্ধ্বং তির্যগধশ্চরন্তি
গভস্তয়ো মেদিনীং ভাসয়ন্তঃ।
তং ব্রাহ্মণা বেদবিদো জুষন্তি
তস্যাদিত্যো গামুপয়ুজ্য ভাতি॥ 13-263-22 (91943)
স মাসিমাস্যধ্বরকৃদ্বিধত্তে
তমধ্বরে বেদবিদঃ পঠন্তি।
স এবোক্তশ্চক্রমিদং ত্রিনাভি
সপ্তাশ্বয়ুক্তং বহতে বৈ ত্রিধামা॥ 13-263-23 (91944)
`হিরণ্ময়ঃ সপ্তগূঢঃ সসংবি-
চ্চতুর্বাহুঃ পন্নগঃ পদ্মনাভঃ।'
মহাতেজাঃ সর্বগঃ সর্বসিংহঃ
কৃষ্ণো লোকান্ধারয়তে যথৈকঃ।
হংসং তমোঘ্নং চ তমেব বীর
কৃষ্ণং সদা পার্থ কর্তারমেহি॥ 13-263-24 (91945)
স একদা কক্ষগতো মহাত্মা
তুষ্টো বিভুঃ খাণ্ডবে ধূমকেতুঃ।
স রাক্ষসানুরগাংশ্চাবজিত্য
সর্বত্রগঃ সর্বমগ্নৌ জুহোতি॥ 13-263-25 (91946)
স এব পার্থায় শ্বেতমশ্বং প্রায়চ্ছ-
ৎস এবাশ্বানথ সর্বাংশ্চকার।
সবন্ধুরস্তস্য রথস্ত্রিচক্র-
স্ত্রিবৃচ্ছিরাশ্চতুরশ্বস্ত্রিনাভিঃ॥ 13-263-26 (91947)
স বিহায়ো ব্যদধাৎপঞ্চনাভিঃ
স নির্মমে গাং দিবমন্তরিক্ষম্।
সোঽরণ্যানি ব্যসৃজৎপর্বতাংশ্চ
হৃষীকেশোঽমিতদীপ্তাগ্নিতেজাঃ॥ 13-263-27 (91948)
অলঙ্ঘয়দ্বৈ সরিতো জিঘাংস-
ঞ্শক্রং বজ্রং প্রহরন্তং নিরাস।
স মহেন্দ্রঃ স্তূয়তে বৈ মহাধ্বরে
বিপ্রৈরেকো ঋক্সহস্রৈঃ পুরাণৈঃ॥ 13-263-28 (91949)
দুর্বাসা বৈ তেন নান্যেন শক্যো
গৃহে রাজন্বাসয়িতুং মহৌজাঃ।
তমেবাহুর্ঋষিমেকং পুরাণং
স বিশ্বকৃদ্বিদধাত্যাত্মভাবান্॥ 13-263-29 (91950)
বেদাংশ্চ যো বেদয়তেঽধিদেবো
বিধীংশ্চ যশ্চাশ্রয়তে পুরাণান্।
কামে বেদে লৌকিকে যৎফলং চ
বিষ্বক্সেনঃ সর্বমেতৎপ্রতীহি॥ 13-263-30 (91951)
জ্যোতীংষি শুক্লানি হি সর্বলোকে
ত্রয়ো লোকা লোকপালাস্ত্রয়শ্চ।
ত্রয়োঽগ্রয়ো ব্যাহৃতয়শ্চ তিস্রঃ
সর্বে দেবা দেবকীপুত্র এব॥ 13-263-31 (91952)
স ক্ৎসরঃ স ঋতুঃ সোঽর্ধমাসঃ
সোঽহোরাত্রঃ স কলা বৈ স কাষ্ঠাঃ।
মাত্রা মুহূর্তাশ্চ লবাঃ ক্ষণাশ্চ
বিষ্বক্সেনঃ সর্বমেতৎপ্রতীহি॥ 13-263-32 (91953)
চন্দ্রাদিত্যৌ গ্রহনক্ষত্রতারাঃ
সর্বাণি দর্শান্যথ পৌর্ণমাসম্।
চন্দ্রাদিত্যৌ গ্রহনক্ষত্রতারাঃ
সর্বাণি দর্শান্যথ পৌর্ণমাসম্। 13-263-33 (91954)
নক্ষত্রয়োগা ঋতবশ্চ পার্থ
বিষ্বক্সেনাৎসর্বমেতৎপ্রসূতম্॥
রুদ্রাদিত্যা বসবোঽথাশ্বিনৌ চ
সাধ্যাশ্চ বিশ্বে মরুতাং গণাশ্চ।
প্রজাপতির্দেবমাতাঽদিতিশ্চ
সর্ব কৃষ্ণাদৃষয়শ্চৈব সপ্ত॥ 13-263-34 (91955)
বায়ুর্ভূৎবা বিক্ষিপতে চ বিশ্ব-
মগ্নির্ভূৎবা দহতে বিশ্বরূপঃ।
আপো ভূৎবা মজ্জয়তে চ সর্বং
ব্রহ্ম ভূৎবা সৃজতে বিশ্বসঙ্ঘান্॥ 13-263-35 (91956)
বেদ্যং চ যদ্বেদয়তে চ বেদ্যং
বিধিশ্চ যশ্চ শ্রয়তে বিধেয়ম্।
ধর্মে চ বেদে চ বলে চ সর্বং
চরাচরং কেশবং ৎবং প্রতীহি॥ 13-263-36 (91957)
জ্যোতির্ভূতঃ পরমোসৌ পুরস্তা-
ৎপ্রকাশতে যৎপ্রভয়া বিশ্বরূপঃ।
অপঃ সৃষ্ট্বা সর্বভূতাত্ময়োনিঃ
পুরাঽকরোৎসর্বমেবাথ বিশ্বম্॥ 13-263-37 (91958)
ঋতূনুৎপাতান্বিবিধান্যদ্ভুতানি
মেঘান্বিদ্যুৎসর্বমৈরাবতং চ।
সর্বং কৃষ্ণাৎস্থাবরং জঙ্গং চ
বিশ্বাত্মানং বিষ্ণুমেনং প্রতীহি॥ 13-263-38 (91959)
বিশ্বাবাসং নির্গুণং বাসুদেবং
সঙ্কর্ষণং জীবভূতং বদন্তি।
ততঃ প্রদ্যুম্নমনিরুদ্ধং চতুর্থ-
মাজ্ঞাপয়ত্যাত্ময়োনির্মহাত্মা॥ 13-263-39 (91960)
স পঞ্চধা পঞ্চগুণোপপন্নং
সঞ্চোদয়ন্বিশ্বমিদং সিসৃক্ষুঃ।
ততশ্চকারাবনিমারুতৌ চ
খং জ্যোতিরম্ভশ্চি তথৈব পার্থ॥ 13-263-40 (91961)
স স্থাবরং জঙ্গমং চৈবমেত-
চ্চতুর্বিধং লোকমিমং চ কৃৎবা।
ততো ভূমিং ব্যদধাৎপঞ্চবীজাং
দ্যাবাপৃথিব্যগ্নিরথাম্বুবায়ূ॥ 13-263-41 (91962)
তেন বিশ্বং কৃতমেতদ্ধি রাজ-
ন্স জীবয়ত্যাত্মনৈবাত্ময়োনিঃ।
ততো দেবানসুরান্মানবাংশ্চ
লোকানৃষীংশ্চাপি পিতৄন্প্রজাশ্চ।
সমাসেনি বিবিধান্পাতি লোকা-
ন্সর্বান্সদা ভূতপতিঃ সিসৃক্ষুঃ॥ 13-263-42 (91963)
শুভাশুভং স্থাবরং জঙ্গমং চ
বিষ্বক্সেনাৎসর্বমেতৎপ্রতীহি।
যদ্বর্ততে যচ্চ ভবিষ্যতীহ
সর্বং হ্যেতৎকেশবং ৎবং প্রতীহি॥ 13-263-43 (91964)
মৃত্যুশ্চৈব প্রাণিনামন্তকালে
সাক্ষাৎকৃষ্ণঃ কেশবো দেহভাজাম্।
ভূতং চ যচ্চেহ ন বিদ্ম কিঞ্চি-
দ্বিষ্বক্সেনাৎসর্বমেতৎপ্রতীহি॥ 13-263-44 (91965)
যৎপ্রশস্তং চ লোকেষু পুণ্যং যচ্চ শুভাশুভম্।
তৎসর্বং কেশবোঽচিন্ত্যো বিপরীতমতঃ পরম্॥ 13-263-45 (91966)
এতাদৃশঃ কেশবোঽতশ্চ ভূয়ো
নারায়ণঃ পরমশ্চাব্যযশ্চ।
মধ্যাদ্যন্তস্য জগতস্তস্তুষশ্চ
বুভূষতাং প্রভবশ্চাব্যযশ্চ॥ ॥ 13-263-46 (91967)
ইতি শ্রীমন্মহাভারতে অনুশাসনপর্বণি দানধর্মপর্বণি ত্রিষষ্ট্যধিকদ্বিশততমোঽধ্যায়ঃ॥ 263 ॥
Mahabharata - Anushaasana Parva - Chapter Footnotes
7-263-2 ব্যুষ্টিং ফলম্॥ 7-263-3 দৃষ্টব্যুষ্টিরিতি ঝ.পাঠঃ॥ 7-263-4 ন চেতি দুঃখিতস্য দিনং মহদ্ভবতীত্যর্থঃ॥ 7-263-10 কলৌ ৎবধর্ম এব বলবানিতি ভাবঃ॥ 7-263-12 গ্লাতি গ্লায়তি॥ 7-263-13 এনং রাহুং সোমং শক্রং চ বিদ্ধি॥ 7-263-14 শোণিতভৃচ্ছরীরি॥ 7-263-17 মহীসত্রং পৃথিব্যাশ্ছাদনং মজ্জনমিতি যাবৎ॥ 7-263-18 ঘোষার্থে গোবর্দ্ধনোদ্ধরণকালে। পশূনাং গবাং জীবানাং চ। বাহনং জয়প্রাপকম্॥ 7-263-19 সুরাণাং মিত্রাবরুণয়ো রেতঃ কুম্ভে সসৃজে॥ 7-263-20 বিক্রান্তৈঃ পাদবিক্ষেপৈঃ। ত্রীণি ভুবনানি॥ 7-263-21 দেবানাং আত্মেতি শেষঃ। তমেবাহুর্যজ্ঞবিদঃ পুরাণমিতি ক.থ.পাঠঃ॥ 7-263-22 জুষন্তি সেবন্তে॥ 7-263-23 বিধত্তেঽধ্বরমিত্যর্থাৎ। ত্রিনাভি শীতোষ্ণবৃষ্টিকালগর্ভম্। চক্রং সংবৎসরম্। ত্রিধামেতি বর্ষবাতোষ্ণপ্রকারম্॥ 7-263-24 হংসং সূর্যম্। প্রাশ্নন্ননশ্নংশ্চ স এব ধীরঃ কৃষ্ণং সদা পার্থেতি ক.থ.পাঠঃ॥ 7-263-26 ত্রিবন্ধুরস্তাস্যেতি ক.ধ.পাঠঃ॥ 7-263-27 পঞ্চনাভিঃ পঞ্চভূতানাং নাভিরাশ্রয় ইত্যর্থঃ॥ 7-263-28 নিরাস পরাভূতবান্॥ 7-263-30 বিধিনগ্নিহোত্রাদীন্॥ 7-263-36 বেদ্যং বেদপ্রতিদ্যং। বেদ্যং জ্ঞেয়ম্॥ 7-263-38 নক্ষত্রমাসান্বিবিধং কার্যজাতং বিদ্যুৎসংঘৈরাপতন্তশ্চ মেঘাঃ। সর্বং কৃষ্ণাদিতি ক.থ.পাঠঃ॥ 7-263-40 পঞ্চধা পঞ্চপ্রকারং দেবাসুরমনুষ্যশ্বাপদতির্যগ্রূপেণ বিশ্বং সিসৃক্ষুরাজ্ঞাপয়তীতি পূর্বেণান্বয়ঃ। পঞ্চজনোপপন্নমিতি ঝ.পাঠঃ॥ 7-263-41 চতুর্বিধং জরায়ুজাদি। পঞ্চবীজাং চতুর্বিধভূতগ্রামঃ কর্ম চ তেষাং বীজভূতাম্॥ 7-263-45 অতঃ কেশবাৎ যৎপরং কল্প্যতে তদ্বিপরীতম্। অসন্মার্গ ইত্যর্থঃ॥ 7-263-46 তাদৃশঃ কেশবো দেবো ভূয়ো নারায়ণঃ পরঃ। আদিরন্তশ্চ মধ্যং চ দেশতঃ কালতে হরিঃ। জগতাং তস্থুষাং চৈব ভূতানাং প্রভবাপ্যয ইতি ক.থ.পাঠঃ॥অনুশাসনপর্ব - অধ্যায় 264
॥ শ্রীঃ ॥
13.264. অধ্যায়ঃ 264
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কৃষ্ণেন যুধিষ্ঠিরংপ্রতি ব্রাহ্মণানাং মহত্তরৎবে দৃষ্টান্ততয়া স্বেন প্রদ্যুম্নং প্রত্যুক্তদুর্বাসশ্চরিত্রপ্রতিপাদনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
ব্রূহি ব্রাহ্মণপূজায়াং ব্যুষ্টিং ৎবং মধুসূদন।
বেত্তা ৎবমস্য চার্থস্য বেদ ৎবাং হি পিতামহঃ॥ 13-264-1 (91968)
বাসুদেব উবাচ। 13-264-2x (7707)
শৃণুষ্বাবহিতো রাজন্দ্বিজানাং ভরতর্ষভ।
যথাতত্ৎবেন বদতো গুণান্বৈ কুরুসত্তম॥ 13-264-2 (91969)
দ্বারবত্যাং সমাসীনং পুরা মাং কুরুনন্দন।
প্রদ্যুম্নঃ পরিপপ্রচ্ছ ব্রাহ্মণৈঃ পরিকোপিতঃ॥ 13-264-3 (91970)
কিং ফলং ব্রাহ্মণেষ্বস্তি পূজায়াং মধুসূদন।
ঈশ্বরৎবং কুতস্তেষামিহৈব চ পরত্র চ॥ 13-264-4 (91971)
সদা দ্বিজাতীন্সম্পূজ্য কিং ফলং তত্র মানদ।
এতদ্ব্রূহি স্ফুটং সর্বং সুমহান্সংশয়োঽত্র মে॥ 13-264-5 (91972)
ইত্যুক্তে বচনে তস্মিন্প্রদ্যুম্নেন তথা ৎবহম্।
প্রত্যব্রবং মহারাজ যত্তচ্ছৃণু সমাহিতঃ॥ 13-264-6 (91973)
ব্যুষ্টিং ব্রাহ্মণপূজায়াং রৌক্মিণেয় নিবোধ মে।
এতে হি সোমরাজান ঈশ্বরাঃ সুখদুঃখয়োঃ॥ 13-264-7 (91974)
অস্মিঁল্লোকে রৌক্মিণেয় তথাঽমুষ্মিংশ্চ পুত্রক।
ব্রাহ্মণপ্রমুখং সৌম্যং ন মেঽত্রাস্তি বিচারণা॥ 13-264-8 (91975)
ব্রাহ্মণপ্রভবং সৌখ্যমায়ুঃ কীর্তির্যশো বলম্।
লোকা লোকেশ্বরাশ্চৈব সর্বে ব্রাহ্মণপূজকাঃ॥ 13-264-9 (91976)
ত্রিবর্গে চাপবর্গে চ যশঃশ্রীরোগশান্তিষু।
দেবতাপিতৃপূজাসু সন্তোষ্যাশ্চৈব নো দ্বিজাঃ॥ 13-264-10 (91977)
তান্কথং বৈ নাদ্রিয়েয়মীশ্বরোস্মীতি পুত্রক।
মা তে মন্যুর্মহাবাহো ভবৎবত্র দ্বিজান্প্রতি॥ 13-264-11 (91978)
ব্রাহ্মণা হি মহদ্ভূতমস্মিঁল্লোকে পরত্র চ।
ভস্ম কুর্যর্জগদিদং ক্রুদ্ধাঃ প্রত্যক্ষদর্শিনঃ॥ 13-264-12 (91979)
হন্যুস্তেঽপি সৃজেয়ুস্চ লোকান্লোকেশ্বরাংস্তথা।
কথং তেষু ন বর্তেরন্সম্যগ্জ্ঞানাৎসুতেজসঃ॥ 13-264-13 (91980)
অবসন্মদ্গৃহে তাত ব্রাহ্মণো হরিপিঙ্গলঃ।
চীরবাসা বিল্বদণ্ডী দীর্ঘশ্মশ্রুঃ কৃশো মহান্॥ 13-264-14 (91981)
দীর্ঘভ্যশ্চ মনুষ্যেভ্যঃ প্রমাণাদধিকো ভুবি।
স স্বৈরং চরতে লোকান্যে দিব্যা যে চ মানুষাঃ॥ 13-264-15 (91982)
ইমাং গাথাং গায়মানশ্চৎবরেষু সভাসু চ।
দুর্বাসসং বাসয়েৎকো ব্রাহ্মণং সৎকৃতং গৃহে॥ 13-264-16 (91983)
রোষণঃ সর্বভূতানাং সূক্ষ্মেঽপ্যপকৃতে কৃতে।
পরিভাষাং চ মে শ্রুৎবা কো নু দদ্যাৎপ্রতিশ্রয়ম্॥ 13-264-17 (91984)
যো মাং কশ্চিদ্বাসয়ীত ন স মাং কোপয়েদিতি।
যস্মান্নাদ্রিয়তে কশ্চিত্ততোঽহং সমবাসয়ম্॥ 13-264-18 (91985)
স সম্ভুঙ্ক্তে সহস্রাণাং বহূনামন্নমেকদা।
একদা সোল্পকং ভুঙ্ক্তে নচৈবৈতি পুনর্গৃহান্॥ 13-264-19 (91986)
অকস্মাচ্চ প্রহসতি তথাঽকস্মাৎপ্ররোদিতি।
ন চাস্য বয়সা তুল্যঃ পৃথিব্যামভবত্তদা॥ 13-264-20 (91987)
অথ স্বাবসথং গৎবা সশয়্যাস্তরণানি চ।
অদহৎস মহাতেজাস্ততশ্চাভ্যপতৎস্বয়ম্॥ 13-264-21 (91988)
অথ মামব্রবীদ্ভূয়ঃ স মুনিঃ সংশিতব্রতঃ।
কৃষ্ণ পায়সমিচ্ছামি ভোক্তুমিত্যেব সৎবরঃ॥ 13-264-22 (91989)
তদৈব তু ময়া তস্য চিত্তজ্ঞেন গৃহে জনঃ।
সর্বাণ্যন্নানি পানানি ভক্ষ্যাশ্চোচ্চাবচাস্তথা॥ 13-264-23 (91990)
ভবন্তু সৎকৃতানীহ পূর্বমেব প্রয়োচিতঃ।
ততোঽহং জ্বলমানং বৈ পায়সং প্রত্যবেদয়ম্॥ 13-264-24 (91991)
তং ভুক্ৎবৈব স তু ক্ষিপ্রং ততো বচনমব্রবীৎ।
ক্ষিপ্রমঙ্গানি লিম্পস্ব পায়সেনেতি স স্ম হ॥ 13-264-25 (91992)
অবিমৃশ্যৈব চ ততঃ কৃতবানস্মি তত্তথা।
তেনোচ্ছিষ্টেন গাত্রাণি শরীরং চ সমালিপম্॥ 13-264-26 (91993)
স দদর্শ তদাঽভ্যাশে মাতরং তে শুভাননাম্।
তামপি স্ময়মানাং স পায়সেনাভ্যলেপয়ৎ॥ 13-264-27 (91994)
মুনিঃ পায়সদিগ্ধাঙ্গীং রথে তূর্ণময়োজয়ৎ।
তমারুদ্য রথং চৈব নির্যযৌ স গৃহান্মম॥ 13-264-28 (91995)
অগ্নিবর্ণো জ্বলন্ধীমান্স দ্বিজো রথধুর্যবৎ।
প্রতোদেনাতুদদ্বালাং রুক্মিণীং মম পশ্যতঃ॥ 13-264-29 (91996)
ন চ মে স্তোকমপ্যাসীদ্দুঃ খমীর্ষ্যাকৃতং তদা।
তথা স রাজমার্গেণি মহতা নির্যযৌ বহিঃ॥ 13-264-30 (91997)
তদ্দৃষ্ট্বা মহদাশ্চর্যং দাশার্হা জাতমন্যবঃ।
তত্রাজল্পন্মিথঃ কেচিৎসমাভাষ্য পরস্পরম্॥ 13-264-31 (91998)
ব্রাহ্মণা এব জায়েরন্নান্যো বর্ণঃ কথঞ্চন।
কো হ্যেনাং রথমাস্থায় জীবেদন্য পুমানিহ॥ 13-264-32 (91999)
আশীবিষবিষং তীক্ষ্ণং ততস্তীক্ষ্ণতরো দ্বিজঃ।
ব্রহ্মাহিবিষদিগ্ধস্য নাস্তি কশ্চিচ্চিকিৎসকঃ॥ 13-264-33 (92000)
তস্মিন্ব্রজতি দুর্ধর্ষে প্রাস্খলদ্রুক্মিণী পথি।
অমর্ষয়ংস্তথা শ্রীমান্স্মিতপূর্বমচোদয়ম্॥ 13-264-34 (92001)
ততঃ পরমসংক্রুদ্ধো রথাৎপ্রস্কন্দ্য স দ্বিজঃ।
পদাতিরুৎপথেনৈব প্রাদ্রবদ্দক্ষিণামুখঃ॥ 13-264-35 (92002)
তমুৎপথেন ধাবন্তমন্বধাবং দ্বিজোত্তমম্।
তথৈব পায়সাদিগ্ধঃ প্রসীদ ভগবন্নিতি॥ 13-264-36 (92003)
ততো বিলোক্য তেজস্বী ব্রাহ্মণো মামুবাচ হ।
জিতঃ ক্রোধস্ৎবয়া কৃষ্ণ প্রকৃত্যৈব মহাভুজ॥ 13-264-37 (92004)
ন তেঽপরাধমিহ বৈ দৃষ্টবানস্মি সুব্রত।
প্রীতোস্মি তব গোবিন্দ বৃণু কামান্যথেপ্সিতান্॥ 13-264-38 (92005)
প্রসন্নস্য চ মে তাত পশ্য ব্যুষ্টিং যথাবিধাম্॥ 13-264-39 (92006)
যাবদেব মনুষ্যাণামন্নে ভাবো ভবিষ্যতি।
যথৈবান্নে তথা তেষাং ৎবয়ি ভাবো ভবিষ্যতি॥ 13-264-40 (92007)
যাবচ্চ পুণ্যা লোকেষু ৎবয়ি কীর্তির্ভবিষ্যতি।
ত্রিষু লোকেষু তাবচ্চ বৈশিষ্ট্যং প্রতিপৎস্যসে।
সুপ্রিয়ঃ সর্বলোকস্য ভবিষ্যসি জনার্দন॥ 13-264-41 (92008)
যত্তে ভিন্নং চ দগ্ধং চ যচ্চ কিঞ্চিদ্বিনাশিতম্।
সর্বং তথৈব দ্রষ্টাসি বিশিষ্টং জনার্দন॥ 13-264-42 (92009)
যাবদেতৎপ্রলিপ্তং তে গাত্রেষু মধুসূদন।
অতো মৃত্যুভয়ং নাস্তি যাবদিচ্ছসি চাচ্যুত॥ 13-264-43 (92010)
ন তু পাদতলে লিপ্তে তস্মাত্তে মৃত্যুরত্র বৈ।
নৈতন্মে প্রিয়মিত্যেবং স মাং প্রীতোঽব্রবীত্তদা॥ 13-264-44 (92011)
ইত্যুক্তোঽহং শরীরং স্বং দদর্শ শ্রীসমায়ুতম্। 13-264-45 (92012)
রুক্মিণীং চাব্রবীৎপ্রীতঃ সর্বস্ত্রীণাং বরং যশঃ।
কীর্তিং চানুত্তমাং লোকে সমবাপ্স্যসি শোভনে॥ 13-264-46 (92013)
ন ৎবাং জরা বা রোগো বা বৈবর্ণ্যং চাপি ভামিনি।
স্প্রক্ষ্যন্তি পুণ্যগন্ধা চ কৃষ্ণমারাধয়িষ্যসি॥ 13-264-47 (92014)
ষোডশানাং সহস্রাণাং বধূনাং কেশবস্য হ।
বরিষ্ঠা চ সলোক্যা চ কেশবস্য ভবিষ্যসি॥ 13-264-48 (92015)
তব মাতরমিত্যুক্ৎবা ততো মাং পুনরব্রবীৎ।
প্রস্থিতঃ সুমহাতেজা দুর্বাসাঽগ্নিরিব জ্বলন্॥ 13-264-49 (92016)
এষৈব তে বুদ্ধিরস্তু ব্রাহ্মণান্প্রতি কেশব।
ইত্যুক্ৎবা স তদা পুত্র তত্রৈবান্তরধীয়ত॥ 13-264-50 (92017)
তস্মিন্নন্তর্হিতে চাহমুপাংশু ব্রতমাচরম্।
যৎকিঞ্চিদ্ব্রাহ্মণো ব্রূয়াৎসর্বং কুর্যামিতি প্রভো॥ 13-264-51 (92018)
এতদ্ব্রতমহং কৃৎবা মাত্রা তে সহ পুত্রক।
ততঃ পরমহৃষ্টাত্মা প্রাবিশং গৃহমেব চ॥ 13-264-52 (92019)
প্রবিষ্টমাত্রশ্চ গৃহে সর্বং পশ্যামি তন্নবম্।
যদ্ভিন্নং যচ্চ বৈ দগ্ধং তেন বিপ্রেণ পুত্রক॥ 13-264-53 (92020)
ততোঽহং বিস্ময়ং প্রাপ্তঃ সর্বং দৃষ্ট্বা নবং দৃঢম্।
অপূজয়ং চ মনসা রৌক্মিণেয় সদা দ্বিজান্॥ 13-264-54 (92021)
ইত্যহং রৌক্মিণেয়স্য পৃচ্ছতো ভরতর্ষভ।
মাহাত্ম্যং দ্বিজমুখ্যস্য সর্বমাখ্যাতবাংস্তদা॥ 13-264-55 (92022)
তথা ৎবমপি কৌন্তেয় ব্রাহ্মণান্সততং প্রভো।
পূজয়স্ব মহাভাগান্বাগ্ভির্দানৈশ্চ নিত্যদা॥ 13-264-56 (92023)
এবং ব্যুষ্টিমহং প্রাপ্তো ব্রাহ্মণস্য প্রসাদজাম্।
যচ্চ মামাহ ভীষ্মোঽয়ং তৎসত্যং ভরতর্ষভ॥ ॥ 13-264-57 (92024)
ইতি শ্রীমন্মহাভারতে অনুশাসনপর্বণি দানধর্মপর্বণি চতুঃষষ্ট্যধিকদ্বিশততমোঽধ্যায়ঃ॥ 264 ॥
Mahabharata - Anushaasana Parva - Chapter Footnotes
7-264-8 সৌম্যং কল্যাণম্॥ 7-264-9 ব্রাহ্মণপ্রতিপূজায়ামায়ুরিতি ঝ. পাঠঃ॥ 7-264-14 দীর্ঘশ্মশ্রুনখাদিমানিতি থ.ধ.পাঠঃ॥ 7-264-23 জন ইতি ইতি শেষপূর্ত্যা সম্বন্ধঃ॥ 7-264-44 লিপ্তে কস্মাত্তে পুত্রকাদ্য বৈ ইতি ঝ.পাঠঃ॥অনুশাসনপর্ব - অধ্যায় 265
॥ শ্রীঃ ॥
13.265. অধ্যায়ঃ 265
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কৃষ্ণেন যুধিষ্ঠিরংপ্রতি দক্ষাধ্বরবিধ্বংসনত্রিপুরদহনাদিরূপরুদ্রচরিত্রপরিকীর্তনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
দুর্বাসসঃ প্রসাদাত্তে শংকরাংশস্য মাঘব।
অবাপ্তমিহ বিজ্ঞানং তন্মে ব্যাখ্যাতুমর্হসি॥ 13-265-1 (92025)
মহাভাগ্যং চ যত্তস্য নামানি চ মহাত্মনঃ।
তত্ৎবমো জ্ঞাতুমিচ্ছামি সর্বং মতিমতাংবর॥ 13-265-2 (92026)
বাসুদেব উবাচ। 13-265-3x (7708)
হন্তি তে কীর্তয়িষ্যামি নমস্কৃত্য কপর্দিনে।
যদবাপ্তং ময়া রাজঞ্শ্রেয়ো যচ্চার্জিতং যশঃ॥ 13-265-3 (92027)
প্রয়তঃ প্রাতরুত্থায় যস্ৎবধীয়েদ্বিশাম্পতে।
প্রাঞ্জলিঃ শতরুদ্রীয়ং নাস্য কিঞ্চনি দুর্লভম্॥ 13-265-4 (92028)
`শিবঃ সর্বকতো রুদ্রঃ স্রষ্টা যস্ৎবং শৃণুষ্ব মে।'
প্রজাপতিস্তমসৃজত্তমসোঽন্তে মহাতপাঃ।
শঙ্করস্ৎবসৃজত্তাত প্রজাঃ স্থাবরজঙ্গমাঃ॥ 13-265-5 (92029)
নাস্তি কিঞ্চিৎপরং ভূতং মহাদেবাদ্বিশাম্পতে।
ইহ ত্রিষ্বপি লোকেষু ভূতানাং প্রভবো হি সঃ॥ 13-265-6 (92030)
ন চৈবোৎসহতে স্থাতুং কশ্চিদগ্রে মহাত্মনঃ।
ন হি ভূতং সমং তেন ত্রিষু লোকেষু বিদ্যতে॥ 13-265-7 (92031)
গন্ধেনাপি হি সঙ্গ্রামে তস্য ক্রুদ্ধস্য শত্রবঃ।
বিসংজ্ঞা হতভূয়িষ্ঠা বেপনেতে চ পতন্তি চ॥ 13-265-8 (92032)
ঘোরং চ নিনদং তস্য পর্জন্যনিনদোপম্।
শ্রুৎবা বিশীর্যেদ্ধৃদয়ং দেবানামপি সংয়ুগে।
যং চাক্ষ্ণা ঘোররূপেণ পশ্যেদ্দগ্ধঃ পতেদধঃ॥ 13-265-9 (92033)
ন সুরা নাসুরা লোকে ন গন্ধর্বা ন পন্নগাঃ।
কুপিতে সুখমেধন্তে তস্মিন্নপি গুহাগতাঃ॥ 13-265-10 (92034)
প্রজাপতেশ্চ দক্ষস্য যজতো বিততে ক্রতৌ।
বিব্যাধ কুপিতো যজ্ঞং নির্ভয়স্তু ভবস্তদা॥ 13-265-11 (92035)
ধনুষা বাণমুৎসৃজ্য সুঘোরং বিননাদ চ॥ 13-265-12 (92036)
তে ন শর্ম কুতঃ শান্তি বিষাদং লেভিরে সুরাঃ।
বিদ্ধে চ সহসা যজ্ঞে কুপিতে চ মহেশ্বরে॥ 13-265-13 (92037)
তেন জ্যাতলঘোষেণ সর্বে লোকাঃ সমাকুলাঃ।
বভূবুরবশাঃ পার্থ বিষেদুশ্চ সুরাসুরাঃ॥ 13-265-14 (92038)
আপশ্চুক্ষুভিরে চৈব চকম্পে চ বসুন্ধরঃ।
ব্যদ্রবগ্নিরয়শ্চাপি দ্যৌঃ পফাল চ সর্বশঃ॥ 13-265-15 (92039)
অন্ধেন তমসা লোকাঃ প্রাবৃতা ন চকাশিরে।
প্রনষ্টা জ্যোতিষাং ভাশ্চ সহ সূর্যেণ ভারত॥ 13-265-16 (92040)
ভৃশং ভীতাস্ততঃ শান্তিং চত্রুঃ স্বস্ত্যযনানি চ।
ঋষয়ঃ সর্বভূতানামাত্মনশ্চ হিতৈষিমঃ॥ 13-265-17 (92041)
ততঃ সোঽভ্যদ্রবদ্দেবান্রুদ্রো রৌদ্রপরাক্রমঃ।
ভগস্য নয়নে ক্রুদ্ধঃ প্রহারেণ ব্যশাতয়ৎ॥ 13-265-18 (92042)
পূষণং চাভিদুদ্রাব ঘোরেণ বপুষাঽন্বিতঃ।
পুরোডাশং ভক্ষয়তো দশনান্বৈ ব্যশাতয়ৎ॥ 13-265-19 (92043)
ততঃ প্রণেমুর্দেবাস্তে বেপমানাঃ স্ম শঙ্করম্।
পুনশ্চ সন্দধে রুদ্রো দীপ্তং সুনিশিতং শরম্॥ 13-265-20 (92044)
রুদ্রস্য বিক্রমং দৃষ্ট্বা ভীতা দেবাঃ সহর্ষিভিঃ।
ততঃ প্রসাদয়ামাসুঃ শর্বং তে বিবুধোত্তমাঃ॥ 13-265-21 (92045)
জেষুশ্চ শতরুদ্রীয়ং দেবাঃ কৃৎবাঞ্জলিং তদা।
সংস্তূয়মানস্ত্রিদশৈঃ প্রসসাদ মহেশ্বরঃ॥ 13-265-22 (92046)
রুদ্রস্য ভাগং যজ্ঞে চ বিশিষ্টং তে ৎবকল্পয়ন্।
ভয়েন ত্রিদশা রাজঞ্শরণং চ প্রপেদিরে॥ 13-265-23 (92047)
তেন চৈব হি তুষ্টেন স যজ্ঞঃ সন্ধিতোঽভবৎ।
যদ্যচ্চাপহৃতং তত্র তত্তথৈবান্বজীবয়ৎ॥ 13-265-24 (92048)
অসুরাণাং পুরাণ্যাসংস্ত্রীণি বীর্যবতাং দিবি।
আয়সং রাজতং চৈব সৌবর্ণমপি চাপরম্॥ 13-265-25 (92049)
নাশকত্তানি মঘবা ভেত্তুং সর্বায়ুধৈরপি।
অথ সর্বেঽমরা রুদ্রং জগ্মুঃ শরণমর্দিতাঃ॥ 13-265-26 (92050)
তত ঊচুর্মহাত্মানো দেবাঃ সর্বে সমাগতাঃ।
রুদ্র রৌদ্রা ভবিষ্যন্তি পশবঃ সর্বকর্মসু॥ 13-265-27 (92051)
জহি দৈত্যান্সহ পুরৈর্লোকাংস্ত্রায়স্ব মানদ।
স তথোক্তস্তথেত্যুক্ৎবা কৃৎবা বিষ্ণুং শরোত্তমম্॥ 13-265-28 (92052)
শল্যমগ্নিং তথা কৃৎবা পুঙ্খং বৈবস্বতং যমম্।
ওঙ্কারং চ ধনুঃ সর্বাঞ্জ্যাং চ সাবিত্রিমুত্তমাং॥ 13-265-29 (92053)
ব্রহ্মাণং সারথিং কৃৎবা বিনিয়ুজ্য চ সর্বশঃ।
ত্রিপর্বণা ত্রিশল্যেন তেন তানি বিভেদ সঃ॥ 13-265-30 (92054)
শরেণাদিত্যবর্ণেন কালাগ্নিসমতেজসা।
তেঽসুরাঃ সপুরাস্তত্র দগ্ধা রুদ্রেণ ভারত॥ 13-265-31 (92055)
তং চৈবাঙ্কগতং দৃষ্ট্বা বালং পঞ্চশিখং পুনঃ।
উমা জিজ্ঞাসমানা বৈ কোঽয়মিত্যব্রবীত্তদা॥ 13-265-32 (92056)
অসূয়তশ্চ শক্রস্য বজ্রেণি প্রহরিষ্যতঃ।
সবজ্রং স্তম্ভয়ামাস তং বাহুং পরিঘোপমম্॥ 13-265-33 (92057)
ন সংয়ুয়ুধিরে চৈব দেবাস্তং ভুবনেশ্বরম্।
সপ্রজাপতয়ঃ সর্বে তস্মিন্মুমুহুরীশ্বরে॥ 13-265-34 (92058)
ততো ধ্যাৎবা চ ভগবান্ব্রহ্মা তমমিতৌজসম্।
অয়ং শ্রেষ্ঠ ইতি জ্ঞাৎবা ববন্দে তমুমাপতিম্॥ 13-265-35 (92059)
ততঃ প্রসাদয়ামাসুরুমাং রুদ্রং চ তে সুরাঃ।
বভূব স তদা বালঃ প্রয়যৌ তু যথাপুরম্॥ 13-265-36 (92060)
স চাপি ব্রাহ্মণো ভূৎবা দুর্বাসা নাম বীর্যবান্।
দ্বারবত্যাং মম গৃহে চিরং কালমুপাবসন্॥ 13-265-37 (92061)
বিপ্রকারান্প্রয়ুঙ্ক্তে স্ম সুবহূন্মম বেশ্মনি।
তানুদারতয়া চাহং চক্ষমে চাতিদুঃসহান্॥ 13-265-38 (92062)
স বৈ রুদ্রঃ স চ শিবঃ সোগ্নিঃ সর্বঃ স সর্বজিৎ।
স চৈবেন্দ্রশ্চ বায়ুশ্চ সোঽস্বিনৌ স চ বিদ্যুতঃ॥ 13-265-39 (92063)
স চন্দ্রমাঃ স চেশানঃ স সূর্যো বরুণশ্চ সঃ।
স কালঃ সোন্তকো মৃত্যুঃ স যমো রাত্র্যহানি চ॥ 13-265-40 (92064)
মাসার্ধমাসা ঋতবঃ সন্ধ্যে সংবৎসরশ্চ সঃ।
সধাতা স বিধাতা চ বিশ্বকর্মা স সর্ববিৎ॥ 13-265-41 (92065)
নক্ষত্রাণি গ্রহাশ্চৈব দিশোঽথ প্রদিশস্তথা।
বিশ্বমূর্তিরমেয়াত্মা ভগবান্পরমদ্যুতিঃ॥ 13-265-42 (92066)
একধা চ দ্বিধা চৈব বহুধা চ স এব হি।
শতধা সহস্রধা চৈব তথা শতসহস্রধা॥ 13-265-43 (92067)
ঈদৃশঃ স মহাদেবো ভূয়শ্চ ভগবানতঃ।
ন হি শক্যা গুণা বক্তুমপি বর্ষশতৈরপি॥ ॥ 13-265-44 (92068)
ইতি শ্রীমন্মহাভারতে অনুশাসনপর্বণি দানধর্মপর্বণি পঞ্চষষ্ট্যদিকদ্বিশততমোঽধ্যায়ঃ॥ 265 ॥
অনুশাসনপর্ব - অধ্যায় 266
॥ শ্রীঃ ॥
13.266. অধ্যায়ঃ 266
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
কৃষ্ণেন যুধিষ্ঠিরংপ্রতি মহেশ্বরাদিনামনির্বচনপূর্বকং শিবমহিমোক্তিঃ॥ 1 ॥Mahabharata - Anushaasana Parva - Chapter Text
বাসুদেব উবাচ।
যুধিষ্ঠির মহাবাহো মহাভাগ্যং মহাত্মনঃ।
রুদ্রায় বহুরূপায় বহুনাম্নে নিবোধ মে॥ 13-266-1 (92069)
বদন্ত্যুগ্রং মহাদেবং তথা স্থাণুং মহেশ্বরম্।
একাক্ষং ত্র্যম্বকং চৈব বিশ্বরূপং শিবং তথা॥ 13-266-2 (92070)
দ্বে তনূ তস্য দেবস্য বেদজ্ঞা ব্রাহ্মণা বিদুঃ।
ঘোরামন্যাং শিবামন্যাং তে তনূ বহুধা পুনঃ॥ 13-266-3 (92071)
উগ্রা ঘোরা তনুর্যাঽস্য সোঽগ্নির্বিদ্যুৎস ভাস্করঃ।
শিবা সৌম্যা চ যা ৎবস্য ধর্মস্ৎবাপোথ চন্দ্রমাঃ॥ 13-266-4 (92072)
আত্মনোঽর্ধং তু তস্যাগ্নিঃ সোমোঽর্ধং পুনরুচ্যতে।
ব্রহ্মচর্যং চরত্যেকা শিবা চাস্য তনুস্তথা॥ 13-266-5 (92073)
যাঽস্য ঘোরতমা মূর্তির্জগৎসংহরতে তথা।
ঈশ্বরৎবান্মহত্ৎবাচ্চ মহেশ্বর ইতি স্মৃতঃ॥ 13-266-6 (92074)
যন্নির্দহতি যত্তীক্ষ্ণো যদুগ্রো যৎপ্রতাপবান্।
মাংসশোণিতমজ্জাদো যত্ততো রুদ্র উচ্যতে॥ 13-266-7 (92075)
দেবানাং সুমহান্যচ্চ যচ্চাস্য বিষয়ো মহান্।
যচ্চ বিশ্বং জগৎপাতি মহাদেবস্ততঃ স্মৃতঃ॥ 13-266-8 (92076)
ধূম্ররূপা জটা যস্মাদ্ধূর্জটীত্যত উচ্যতে॥ 13-266-9 (92077)
স মেধয়তি যন্নিত্যং সর্বান্বৈ সর্বকর্মভিঃ।
শিবমিচ্ছন্মনুষ্যাণাং তস্মাদেষ শিবঃ স্মৃতঃ॥ 13-266-10 (92078)
দহত্যূধ্বং স্থিতো যচ্চ প্রাণান্নৄণাং স্থিরশ্চ যৎ।
স্থিরলিঙ্গশ্চ যন্নিত্যং তস্মাৎস্থাণুরিতি স্মৃতঃ॥ 13-266-11 (92079)
যদস্য বহুধা রূপং ভূতং ভব্যং ভবত্তথা।
স্থাবরং জঙ্গমং চৈব বহুরূপস্ততঃ স্মৃতঃ॥ 13-266-12 (92080)
বিশ্বেদেবাশ্চ যত্তস্মিন্বিশ্বরূপস্ততঃ স্মৃতঃ।
সহস্রাক্ষোঽয়ুতাক্ষো বা সর্বতোক্ষিময়োপি বা।
চক্ষুষঃ প্রভবং তেজঃ সর্বতশ্চক্ষুরেব তৎ॥ 13-266-13 (92081)
সর্বথা যৎপশূন্পাতি তৈশ্চ যদ্রমতে সহ।
তেষামধিপতির্যচ্চ তস্মাৎপশুপতিঃ স্মৃতঃ॥ 13-266-14 (92082)
নিত্যেন ব্রহ্মচর্যেণ লিঙ্গমস্য যদা স্থিতম্।
`ভক্তানুগ্রহণার্থায় গূঢলিঙ্গস্ততঃ স্মৃতঃ।'
মহয়ত্যস্য লোকশ্চ প্রিয়ং হ্যেতন্মহাত্মনঃ॥ 13-266-15 (92083)
বিগ্রহং পূজয়েদ্যো বৈ লিঙ্গং বাঽপি মহাত্মনঃ।
লিঙ্গং পূজয়িতা নিত্যং মহতীং শ্রিয়মশ্নুতে॥ 13-266-16 (92084)
ঋষয়শ্চাপি দেবাশ্চ গন্ধর্বাপ্সরসস্তথা।
লিঙ্গমেবার্চয়ন্তি স্ম যত্তদূর্ধ্বং সমাস্থিতম্। 13-266-17 (92085)
পূজ্যমানে ততস্তস্মিন্মোদতে স মহেশ্বরঃ।
সুখং দদাতি প্রীতাত্মা ভক্তানাং ভক্তবৎসলঃ॥ 13-266-18 (92086)
এষ এব শ্মশানেষু দেবো বসতি নির্দহন্।
যজন্তে যে জনাস্তত্র বীরস্থাননিষেবিণঃ॥ 13-266-19 (92087)
বিষমস্থঃ শরীরেষু স মৃত্যুঃ প্রাণিনামিহ।
স চ বায়ুঃ শরীরেষু প্রাণপালঃ শরীরিণাম্॥ 13-266-20 (92088)
তস্য ঘোরাণি রূপাণি দীপ্তানি চ বহুনি চ।
লোকে যান্যস্য পূজ্যন্তে বিপ্রাস্তানি বিদুর্বুধাঃ॥ 13-266-21 (92089)
নামধেয়ানি দেবেষু বহূন্যস্য যথার্থবৎ।
নিরুচ্যন্তে মহত্ৎবাচ্চ বিভুৎবাৎকর্মভিস্তথা॥ 13-266-22 (92090)
বেদে চাস্য বিদুর্বিপ্রাঃ শতরুদ্রীয়মুত্তমম্।
ব্যাসেনোক্তং চ যচ্চাপি উপস্থানং মহাত্মনঃ॥ 13-266-23 (92091)
প্রদাতা সর্বলোকানাং বিশ্বসাক্ষী নিরাময়ঃ।
জ্যেষ্ঠভূতং বদন্ত্যেনং ব্রাহ্মণা ঋষয়োঽপরে॥ 13-266-24 (92092)
প্রথমো হ্যেষ দেবানাং মুখাদগ্নিমজীজনৎ।
গ্রহৈর্বহুবিধৈঃ প্রাণান্সংরুদ্ধানুৎসৃজত্যপি॥ 13-266-25 (92093)
বিমোক্ষয়তি তুষ্টাত্মা শরণ্যঃ শরণাগতান্।
আয়ুরারোগ্যমৈশ্বর্যং হিতং কামাংশ্চ পুষ্কলান্॥ 13-266-26 (92094)
স দদাতি মনুষ্যেভ্যঃ স এবাক্ষিপতে পুনঃ।
শক্রাদিষু চ দেবেষু তস্য চৈশ্বর্যমুচ্যতে॥ 13-266-27 (92095)
স এব স্থাপকো নিত্যং ত্রৈলোক্যস্য শুভাশুভে।
ঐশ্বর্যাচ্চৈব কামানামীশ্বরঃ পুনরুচ্যতে॥ 13-266-28 (92096)
মহেশ্বরশ্চ লোকানাং মহাতামীশ্বরশ্চ সঃ।
বহুভির্বিবিধৈ রূপৈর্বিশ্বং ব্যাপ্তমিদং জগৎ।
তস্য দেবস্য যদ্বক্ত্রং সমুদ্রে বডংবামুখণ্॥ ॥ 13-266-29 (92097)
ইতি শ্রীমন্মহাভারতে অনুশাসনপর্বণি দানধর্মপর্বণি ষট্ষষ্ট্যধিকদ্বিশততমোঽধ্যায়ঃ॥ 266 ॥
Mahabharata - Anushaasana Parva - Chapter Footnotes
7-266-4 সা অগ্নিবিদ্যুৎসমপ্রভেতি ক.ট.থ.পাঠঃ॥অনুশাসনপর্ব - অধ্যায় 267
॥ শ্রীঃ ॥
13.267. অধ্যায়ঃ 267
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ধর্মপ্রমাণনিরূপণম্॥ 1 ॥Mahabharata - Anushaasana Parva - Chapter Text
বৈশম্পায়ন উবাচ।
ইত্যুক্তবতি তদ্বাক্যং কৃষ্ণে দেবকিনন্দনে।
ভীষ্মং শান্তনবং ভূয়ঃ পর্যপৃচ্ছদ্যুধিষ্ঠিরঃ॥ 13-267-1 (92098)
নির্ণয়ে বা মহাবুদ্ধে সর্বধর্মবিদাংবর।
প্রত্যক্ষমাগমো বেতি কিং তয়োঃ কারণং ভবেৎ॥ 13-267-2 (92099)
ভীষ্ম উবাচ। 13-267-3x (7709)
নাস্ত্যত্রি সংশয়ঃ কশ্চিদিতি মে বর্ততে মতিঃ।
শৃণু বক্ষ্যামি তে প্রাজ্ঞ সম্যক্ৎবং মেঽনুপৃচ্ছসি॥ 13-267-3 (92100)
সংশয়ঃ সুগমস্তত্র দুর্গমস্তস্য নির্ণয়ঃ।
দৃষ্টং শ্রুতমনন্তং হি যত্র সংশয়দর্শন্॥ 13-267-4 (92101)
প্রত্যক্ষং কারণং দৃষ্টং হৈতুকং প্রাজ্ঞমানিনঃ।
নাস্তীত্যেবং ব্যবস্যন্তি সত্যমাগমমেব বা॥ 13-267-5 (92102)
তদয়ুক্তং ব্যবস্যন্তি বালাঃ পণ্ডিতমানিনঃ।
অথ সঞ্চিন্ত্যমেবৈকং কারণং কিং ভবেদিতি॥ 13-267-6 (92103)
শক্যং দীর্ঘেণ কালেন যুক্তেনামন্ত্রিতেন চ।
প্রাণয়াত্রামনেকাং চ কল্পয়ানেন ভারত॥ 13-267-7 (92104)
তৎপরেণৈব নান্যেন শক্যতে তত্তু কারণম্।
হেতূনামন্তমাসাদ্য বিপুলং জ্ঞানমুত্তমম্॥ 13-267-8 (92105)
জ্যোতিঃ সর্বস্য লোকস্য বিপুলং প্রতিপদ্যতে।
ন ৎবেব গমনং রাজন্হেতুতো গমনং তথা।
অগ্রাহ্যমনিবদ্ধং চ বাচা সম্পরিবর্জয়েৎ॥ 13-267-9 (92106)
যুধিষ্ঠির উবাচ। 13-267-10x (7710)
প্রত্যিক্ষং লোকতঃ সিদ্ধির্লোকশ্চাগমপূর্বকঃ।
শিষ্টাচারো বহুবিধস্তন্মে ব্রূহি পিতামহঃ॥ 13-267-10 (92107)
ভীষ্ম উবাচ। 13-267-11x (7711)
ধর্মস্য হ্রিয়মাণস্য বলবদ্ভির্দুরাত্মভিঃ।
সংস্থা যত্নৈরপি কৃতা কালেন প্রতিভিদ্যতে॥ 13-267-11 (92108)
অধর্মো ধর্মরূপেণ তৃণৈঃ কূপ ইবাবৃতঃ।
ততস্তৈর্ভিদ্যতে বৃত্তং শৃণু চৈব যুধিষ্ঠির॥ 13-267-12 (92109)
অবৃত্ত্যা যে তু নিন্দনি শ্রুতত্যাগপরায়ণাঃ।
ধর্মবিদ্বেষিণো মন্দা ইত্যুক্তস্তেষু সংশয়ঃ॥ 13-267-13 (92110)
অতৃপ্যন্তস্তু সাধূনাং যাবদাগমবুদ্ধয়ঃ।
পরমিত্যেব সন্তুষ্টাস্তানুপাস্স্ব চ পৃচ্ছ চ॥ 13-267-14 (92111)
কামার্থৌ পৃষ্ঠতঃ কৃৎবা লোভমোহানুসারিণৌ।
ধর্ম ইত্যেব সম্বুদ্ধস্তানুপাস্স্ব চ পৃচ্ছ চ॥ 13-267-15 (92112)
ন তেষাং ভিদ্যতে বৃত্তং যজ্ঞাঃ স্বাধ্যায়কর্ম চ।
আচারঃ কারণং চৈব ধর্মশ্চৈকস্ত্রয়ং পুনঃ॥ 13-267-16 (92113)
যুধিষ্ঠির উবাচ। 13-267-17x (7712)
পুনরেব হি মে বুদ্ধি সংশয়ে পরিমুহ্যতি।
অপরো মজ্জমানস্য পরং তীরমপশ্যতঃ॥ 13-267-17 (92114)
বেদঃ প্রত্যক্ষমাচারঃ প্রমাণং তত্ত্রয়ং যদি।
পৃথক্ৎবং লভ্যতে চৈষাং ধর্মশ্চৈতত্ত্রয়ং কথম্॥ 13-267-18 (92115)
ভীষ্ম উবাচ। 13-267-19x (7713)
ধর্মস্য হ্রিয়মাণস্য বলবদ্ভির্দুরাত্মভিঃ।
যদ্যেবং মন্যসে রাজংস্ত্রিধা ধর্মবিচারণা॥ 13-267-19 (92116)
এক এবেতি জানীহি ত্রিধা ধর্মস্য দর্শনম্।
পৃথক্ৎবে চ ন মে বুদ্ধিস্ত্রয়াণামপি বৈ তথা॥ 13-267-20 (92117)
[উক্তো মার্গস্ত্রয়াণাং চ তত্তথৈব সমাচর।
জিজ্ঞাসা ন তু কর্তব্যা ধর্মস্য পরিতর্কণাৎ॥ 13-267-21 (92118)
সদৈব ভরতশ্রেষ্ঠ মা তে ভূদত্র সংশয়ঃ।
অন্ধো জড ইবাশঙ্কী যদ্ব্রবীমি তদাচর॥ 13-267-22 (92119)
অহিংসা সত্যমক্রোধো দানমেতচ্চতুষ্টয়ম্।
অজাতশত্রো সেবস্য ধর্ম এষ সনাতনঃ॥] 13-267-23 (92120)
ব্রাহ্মণেষু চ বৃত্তির্যা পিতৃপৈতামহোচিতা।
তামন্বেহি মহাবাহো ধর্মস্যৈতে হি দেশিকাঃ॥ 13-267-24 (92121)
প্রমাণমপ্রমাণং বৈ যঃ কুর্যাদবুধো জনঃ।
ন স প্রমাণতামর্হো বিষাদজননো হি সঃ॥ 13-267-25 (92122)
ব্রাহ্মণানেব সেবস্ব সৎকৃত্য বহুমান্য চ।
এতেষ্বেব ৎবিমে লোকাঃ কৃৎস্না ইতি নিবোধ তান্॥ ॥ 13-267-26 (92123)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তষষ্ট্যধিকদ্বিশততমোঽধ্যায়ঃ॥ 267 ॥
Mahabharata - Anushaasana Parva - Chapter Footnotes
7-267-2 শ্রুতিপ্রত্যক্ষয়োঃ কিং বলবদিতি প্রশ্নঃ॥ 7-267-4 শ্রুত্যপেক্ষয়া প্রত্যক্ষং প্রবলং ক্বচিৎপ্রত্যক্ষাপেক্ষয়া শ্রুতিরিত্যর্থঃ॥ 7-267-6 যদি ৎবমপি একমসংহতং ব্রহ্ম কারণং কথং ভবেদিতি সংশয়বানসি তর্হি দীর্ঘকালসেবনাদিনাঽয়মর্থো যুক্তেন যোগেন বেদিতুং শক্যঃ॥ 7-267-8 হেতূনামন্ত্রিতে বাপি ধর্মশাস্ত্রেণ চোত্তমম্ ইতি ক.ট.থ.পাঠঃ॥ 7-267-9 লোকস্য প্রকাশং প্রতিপদ্যত ইতি। তৎবাগমসমে রাজন্হেৎবন্তগমনে তথেতি চ ক.ট.থ.পাঠঃ॥ 7-267-10 লোকতঃ সিদ্ধিরনুমানং আগমপূর্বঃ শিষ্টচারশ্চেতি প্রমাণানি এতেষাং মধ্যে কিং প্রবলমিতি প্রশ্নার্থঃ॥ 7-267-11 ধর্মস্য প্রীয়মাণস্য বলবদ্ভির্মহাত্মভিঃ ইতি, কালে বিপরিবিদ্যত ইতি চ ক.ট.থ.পাঠঃ॥ 7-267-12 বৃত্তং শিষ্টাচারঃ॥ 7-267-13 নিন্দন্তি বৃত্তম্। তেষু প্রত্যক্ষানুমানাচারেষু॥ 7-267-14 অতৃপ্যন্তো নিত্যং সোৎকণ্ঠাঃ। আগমজন্যা বুদ্ধয়ো যেষাং তে। পরং শ্রেষ্ঠং প্রমাণমিত্যন্বয়ঃ॥ 7-267-16 বৃত্তং শীলম্। আচারঃ শৌচাদিঃ। কারণং বেদঃ। ত্রয়ং মিলিৎবা একো ধর্মঃ। স ধর্মঃ সাধানীয় ইত্যর্থঃ। যেনৈষাং ভিদ্যতে বৃত্তং যজ্ঞস্বাধ্যায়কর্মভিঃ। মূলাবারস্তু সাধূনাং যজ্ঞস্বাধ্যায়বৃত্তত ইতি ক.ট.থ.পাঠঃ॥ 7-267-19 হে রাজন্, যদ্যেবং ধর্মত্রয়ং মন্যসে তন্নেতি শেষঃ। কিন্তু হ্রিয়মাণস্যৈকস্যৈব ধর্মস্য ত্রিধা ত্রিপ্রকারা বিচারণা। একএব প্রমাণত্রয়ুসংবাদেন পরীক্ষণীয় ইত্যর্থঃ॥ 7-267-20 ত্রিধেত্যস্য ব্যাখ্যানং একএবেতি। ত্রয়াণাং প্রমাণানাং পৃথক্ৎবে প্রত্যেকং স্বাতন্ত্র্যেণ ধর্মপ্রতিপাদকৎবে মম বুদ্ধির্ন চ। এবমেব বিজানীহি ইতি ক.ট.থ.পাঠঃ॥ 7-267-22 অশঙ্কী শঙ্কাশূন্যঃ ॥অনুশাসনপর্ব - অধ্যায় 268
॥ শ্রীঃ ॥
13.268. অধ্যায়ঃ 268
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ধার্মিকাধার্মিকাণাং স্বর্গনরকপ্রাপ্তিপ্রতিপাদনম্॥ 1 ॥ ততা সাধ্বসাধুজনকক্ষণাভিধানপূর্বকং সামান্যতো নানাধর্মপ্রতিপাদনম্॥ 3 ॥Mahabharata - Anushaasana Parva - Chapter Text
যুধিষ্ঠির উবাচ।
যে চ ধর্মমসূয়ন্তে যে চৈনং পর্যুপাসতে।
ব্রবীতু মে ভবানেতৎক্ব তে গচ্ছন্তি তাদৃশাঃ॥ 13-268-1 (92124)
ভীষ্ম উবাচ। 13-268-2x (7714)
রজসা তমসা চৈব সমবস্তীর্ণচেতসঃ।
নরকং প্রতিপদ্যন্তে ধর্মবিদ্বেষিমো জনাঃ॥ 13-268-2 (92125)
যে তু ধর্মং মহারাজ সততং পর্যুপাসতে।
সত্যার্জবপরাঃ সন্তস্তে বৈ স্বর্গভূজো নরাঃ॥ 13-268-3 (92126)
ধর্ম এব রতিস্তেষামাচার্যোপাসনাদ্ভবেৎ।
দেবলোকং প্রপদ্যন্তে যে ধর্মং পর্যুপাসতে॥ 13-268-4 (92127)
মনুষ্যা যদি বা দেবাঃ শরীরমুপতাপ্য বৈ।
ধর্মিণঃ সুখমেধন্তে লোভদ্বেষবিবর্জিতাঃ॥ 13-268-5 (92128)
প্রথমং ব্রহ্ম্ণঃ পুত্রং ধর্মমাহুর্মনীষিণঃ।
ধর্মিণঃ পর্যুপাসন্তে ফলং পক্বমিবাশিনঃ॥ 13-268-6 (92129)
যুধিষ্ঠির উবাচ। 13-268-7x (7715)
অসাধোঃ কীদৃশং শীলং সাধোশ্চৈব তু কীদৃশম্।
ব্রবীতু মে ভবানেতৎসন্তোঽসন্তশ্চ কীদৃশাঃ॥ 13-268-7 (92130)
ভীষ্ম উবাচ। 13-268-8x (7716)
দুরাধারাশ্চ দুর্ধর্ষা দুর্মুখাশ্চাপ্যসাধবঃ।
সাধবঃ শীলসম্পন্নাঃ শিষ্টাচারস্য লক্ষণম্॥ 13-268-8 (92131)
রাজমার্গে গবাং মধ্যে জনমধ্যে চ ধর্মিণঃ।
নোপসেচন্তি রাজেন্দ্র সর্গং মূত্রপুরীষয়োঃ॥ 13-268-9 (92132)
পঞ্চানাং যজনং কৃৎবা শেষমশ্নন্তি সাধবঃ।
ন জল্পন্তি চ ভুঞ্জানা ন নিদ্রান্ত্যার্দ্রপাণয়ঃ॥ 13-268-10 (92133)
চিত্রভানুমপাং দেবং গোষ্ঠং চৈব চতুষ্পথম্।
ব্রাহ্মণং ধার্মিকং বৃদ্ধং যে কুর্বন্তি প্রদক্ষিণম্॥ 13-268-11 (92134)
বৃদ্ধানাং ভারতপ্রানাং স্ত্রীণাং বালাতুরস্য চ।
ব্রাহ্মণানাং গবাং রাজ্ঞাং পন্থানং দদতে চ যে॥ 13-268-12 (92135)
অতিথীনাং চ সর্বেষাং প্রেষ্যাণাং স্বজনস্য চ।
`সামান্যং ভোজনং কুর্যাৎস্বয়ং নাগ্র্যশনং ব্রজেৎ॥ 13-268-13 (92136)
ন সত্যার্জবধর্মস্য তুল্যমন্যচ্চ বিদ্যতে।
বহুলা নাম গৌস্তেন গতিমগ্র্যাং গতা কিল॥ 13-268-14 (92137)
মুনিশাপাদ্দ্বিজঃ কশ্চিদ্ব্যাঘ্রতাং সমুপাগতঃ।
বহুলাং ভক্ষণরুচিরাস্বাদ্য শপথেন তু॥ 13-268-15 (92138)
বিমুচ্য পীতবৎসাং তাং দৃষ্ট্বা স্মৃৎবা পুরাতনম্।
জগাম লোকানমলান্সা স্বরাষ্ট্রং তথা পুনঃ॥ 13-268-16 (92139)
তস্মাৎসত্যার্জবরতো রাজন্রাষ্ট্রং সমানবম্।
তারয়িৎবা সুখং স্বর্গং গন্তাসি ভরতর্ষভ॥ 13-268-17 (92140)
তথা শরণকামানাং গোপ্তা স্যাৎস্বাগতপ্রদঃ॥
সায়ং প্রাতর্মনুষ্যাণামশনং দেবনির্মিতম্। 13-268-18 (92141)
নান্তরা ভোজনং দৃষ্টমুপবাসবিধির্হি সঃ॥
হোমকালে যথা বহ্নিঃ কালে হোমং প্রতীক্ষতে। 13-268-19 (92142)
ঋতুকালে তথাঽঽধানং পিতরশ্চ প্রতীক্ষতে।
নান্যদা গচ্ছতে যস্তু ব্রহ্মচর্যং চ তৎস্মৃতম্॥ 13-268-20 (92143)
অমৃতং ব্রাহ্মণা গাব ইত্যেতত্ত্রয়মেকতঃ।
তস্মাদোব্রাহ্মণান্নিত্যমর্চয়েত যথাবিধি॥ 13-268-21 (92144)
যজুষাং সংস্কৃতং মাংসমুপভুঞ্জত দুষ্যতি।
পৃষ্ঠমাংসং বৃথামাংসং পুত্রমাংসং চ তৎসমম্॥ 13-268-22 (92145)
স্বদেশে পরদেশে বাঽপ্যতিথিং নোপবাসয়েৎ।
কর্ম বৈ সফলং কৃৎবা গুরুণাং প্রতিপাদয়েৎ॥ 13-268-23 (92146)
গুরুভ্যস্ৎবাসনং দেয়মভিবাদ্যাভিপূজ্য চ।
গুরুমভ্যর্চ্য বর্ধন্তে আয়ুষা যশসা শ্রিয়া॥ 13-268-24 (92147)
বৃদ্ধান্নাভিভবেজ্জাতু ন চৈতান্প্রেষয়েদিতি।
নাসীনঃ স্যাৎস্থিতেষ্বেবমায়ুরস্য ন রিষ্যতে॥ 13-268-25 (92148)
ন নগ্রামীক্ষতে নারীং ন নগ্রান্পুরুষানপি।
মৈথুনং সততং গুপ্তং তপশ্চৈব সমাচরেৎ॥ 13-268-26 (92149)
তীর্থানাং গুরবস্তীর্থং শুচীনাং হৃদয়ং শুচি।
দর্শনানাং পরং জ্ঞানং সন্তোষঃ পরমং সুখম্॥ 13-268-27 (92150)
সায়ং প্রাতশ্চ বৃদ্ধানাং শৃণুয়াৎপুষ্কলা গিরঃ।
শ্রুতমাপ্নোতি হি নরঃ সততং বৃদ্ধসেবয়া॥ 13-268-28 (92151)
স্বাধ্যায়ে ভোজনে চৈব দক্ষিণং পাণিমুদ্ধরেৎ।
যচ্ছেদ্বাঙ্মনসী নিত্যমিন্দ্রিয়াণি তথৈব চ॥ 13-268-29 (92152)
সংস্কৃতং পায়সং নিত্যং যাবকং কৃসরং হবিঃ।
অষ্টকাঃ পিতৃদৈবত্যা গ্রহাণামভিপূজনম্॥ 13-268-30 (92153)
শ্মশ্রুকর্মণি মঙ্গল্যং ক্ষুতানামভিনন্দনম্।
ব্যাধিতানাং চ সর্বেষামায়ুষামভিনন্দনম্॥ 13-268-31 (92154)
ন জাতু ৎবমিতি ব্রূয়াদাপন্নোপি মহৃত্তরম্।
ৎবংকারো বা বধো বেতি বিদ্বৎসু ন বিশিষ্যতে।
অবরাণাং সমানানাং শিষ্যাণাং চ সমাচরেৎ॥ 13-268-32 (92155)
পাপমাচরতে নিত্যং হৃদয়ং পাপকর্মণাম্।
জ্ঞানপূর্বকৃতং কর্ম চ্ছাদয়ন্তে হ্যসাধবঃ॥ 13-268-33 (92156)
জ্ঞানপূর্বং বিনশ্যন্তি গূহমানা মহাজনে।
ন মাং মনুষ্যাঃ পশ্যন্তি ন মাং পশ্যন্তি দেবতাঃ॥ 13-268-34 (92157)
পাপেনাভিহিতঃ পাপঃ পাপমেবাভিজায়তে॥ 13-268-35 (92158)
যথা বার্ধুষিকো বৃদ্ধিং দিনভেদে প্রতীক্ষতে।
ধর্মেণ পিহিতং পাপং ধর্মমেবাভিবর্ধয়েৎ॥ 13-268-36 (92159)
যথা লবণমম্ভোভিরাপ্লুতং প্রবিলীয়তে।
প্রায়শ্চিত্তহতং পাপং তথা সদ্যঃ প্রণশ্যতি॥ 13-268-37 (92160)
তস্মাৎপাপং ন গূহেত গূহমানং বিবর্ধতে।
কৃৎবা তু সাদুষ্বাখ্যায়াধর্মং প্রশময়ন্ত্যুত॥ 13-268-38 (92161)
আশয়া সঞ্চিতং দ্রব্যং স্বকালে নোপভুজ্যতে।
অন্যে চৈতৎপ্রদ্যন্তে বিয়োগে তস্য দেহিনঃ॥ 13-268-39 (92162)
`তদ্ধর্মসাধনং নিত্যং সঙ্কল্পাদ্ধনমার্জয়েৎ।'
মননং সর্বভূতানাং ধর্মমাহুর্মনীষিণঃ। 13-268-40 (92163)
তস্মাৎসর্বাণি ভূতানি ধর্মমেব সমাসতে॥
এক এব চরেদ্ধর্মং ন ধর্মধ্বজিকো ভবেৎ। 13-268-41 (92164)
ধর্মবাণিজকা হ্যেতে যে ধর্মমুপভুঞ্জতে॥
অর্চেদ্দেবানদম্ভেন সেবেতাঽমায়যা গুরূন্। 13-268-42 (92165)
ধনং নিদধ্যাৎপাত্রেষু পরত্রার্থং সমাবৃতম্॥ ॥ 13-268-43 (92166)
ইতি শ্রীমন্মহাভারতে অনুশাসনপর্বণি দানধর্মপর্বণি অষ্টষষ্ট্যধিকদ্বিশততমোঽধ্যায়ঃ॥ 268 ॥
Mahabharata - Anushaasana Parva - Chapter Footnotes
7-268-7 কীদৃশাঃ কিলক্ষণাঃ॥ 7-268-9 সর্গং উৎসর্গম্॥ 7-268-10 পঞ্চনাং দেবপিতৃভূতাতিথিকুটুম্বানাম্॥ 7-268-20 ঋতুকালে তথা নারী ঋতুমেব প্রতীক্ষতে ইতি ঝ.পাঠঃ। নচান্যাং গচ্ছতে যস্তু ব্রহ্মচর্যং চ তস্য তৎ ইতি ক.ট.থ. পাঠঃ॥ 7-268-23 কর্ম অধ্যযনম্। প্রতিপাদয়েৎ দক্ষিণামিতি শেষঃ॥ 7-268-25 বৃদ্ধান্নাতিবদেজ্বাৎবিতি ক.ট.থ.পাঠঃ॥ 7-268-29 দক্ষিণং পাণিং উদ্ধরেৎ যজ্ঞোপবীতী ভবেৎ॥ 7-268-31 মঙ্গত্যং মঙ্গলবচনম্। অভিনন্দনং শতং জীবেতি বচনেন সুখোৎপাদনং চ। কুর্যাদিতি শেষঃ॥ 7-268-32 ৎবংকারো বা বদস্বেতীতি ক.ট.থ.পাঠঃ॥ 7-268-41 ধর্মধ্বজিকস্তৎপ্রকাশকঃ॥অনুশাসনপর্ব - অধ্যায় 269
॥ শ্রীঃ ॥
13.269. অধ্যায়ঃ 269
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণি যুধিষ্ঠিরংপ্রত্যন্বয়ব্যতিরেকাভ্যাং সুকৃতদুষ্কৃতয়োঃ সদৃষ্টান্তপ্রদর্শনং সুখদুঃখকারণৎবোপপাদনম্॥ 1 ॥Mahabharata - Anushaasana Parva - Chapter Text
যুধিষ্ঠির উবাচ।
নাভাগধেয়ঃ প্রাপ্নোতি ধনং সুবলবানপি।
ভাগধেয়ান্বিতস্ৎবর্থান্কৃশো বালশ্চ বিন্দতি॥ 13-269-1 (92167)
নালাভকালে লভতে প্রয়ত্নেঽপি কৃতে সতি।
লাভকালেঽপ্রয়ত্নেন লভতে বিপুলং ধনম্॥ 13-269-2 (92168)
কৃতয়ত্নাফলাশ্চৈব দৃশ্যন্তে শতশো নরাঃ।
অয়ত্নেনৈধমানাশ্চ দৃশ্যন্তে বহবো জনাঃ॥ 13-269-3 (92169)
যদি যত্নো ভবেন্মর্ত্যঃ স সর্বং ফলমাপ্নুয়াৎ।
নালভ্যং চোপলভ্যেত নৃণাং ভরতসত্তম॥ 13-269-4 (92170)
প্রয়ত্নং কৃতবন্তোপি দৃশ্যন্তে হ্যফলা নরাঃ।
মার্গত্যাগশতৈরর্থানমার্গশ্চাপরঃ সুখী॥ 13-269-5 (92171)
অকার্যমসকৃৎকৃৎবা দৃশ্যন্তে হ্যধনা নরাঃ।
ধনয়ুক্তাঃ স্বকর্মস্থা দৃশ্যন্তে চাপরেঽধনাঃ॥ 13-269-6 (92172)
অধীত্য নীতিশাস্ত্রাণি নীতিয়ুক্তো ন দৃশ্যতে।
অনভিজ্ঞশ্চ সাচিব্যং গমিতঃ কেন হেতুনা॥ 13-269-7 (92173)
বিদ্যায়ুক্তো হ্যবিদ্যশ্চ ধনবান্দুর্মতিস্তথা।
যদি বিদ্যামুপাশ্রিত্য নরঃ সুখমবাপ্নুয়াৎ॥ 13-269-8 (92174)
ন বিদ্বান্বিদ্যযা হীনং বৃত্ত্যর্থমুপসংশ্রয়েৎ।
যথা পিপাসাং জয়তি পুরুষঃ প্রাপ্য বৈ জলম্॥ 13-269-9 (92175)
ইষ্টার্থো বিদ্যযা হ্যেব ন বিদ্যাং প্রজহেন্নরঃ॥ 13-269-10 (92176)
নাপ্রাপ্তকালো ম্রিয়তে বিদ্ধঃ শরশতৈরপি।
তৃণাগ্রেণাপি সংস্পৃষ্টঃ প্রাপ্তকালো ন জীবতি॥ 13-269-11 (92177)
ভীষ্ম উবাচ। 13-269-12x (7717)
ঈহমানঃ সমারম্ভান্যদি নাসাদয়েদ্ধনম্।
উগ্রং তপঃ সমারোহেন্ন হ্যনুপ্তং প্ররোহতি॥ 13-269-12 (92178)
দানেন ভোগী ভবতি মেধাবী বৃদ্ধসেবয়া।
অহিংসয়া চ দীর্ঘায়ুরিতি প্রাহুর্মনীষিণঃ॥ 13-269-13 (92179)
তস্মাদ্দদ্যান্ন যাচেত পূজয়েদ্ধার্মিকানপি।
সুভাষী প্রিয়কৃচ্ছান্তঃ সর্বসৎবাবিহিংসকঃ॥ 13-269-14 (92180)
যদা প্রমাণং প্রসবঃ স্বভাবশ্চ সুখাসুখে।
দংশকীটপিপীলানাং স্থিরো ভব যুধিষ্ঠির॥ ॥ 13-269-15 (92181)
ইতি শ্রীমন্মহাভারতে অনুশাসনপর্বণি দানধর্মপর্বণি একোনসপ্তত্যধিকদ্বিশততমোঽধ্যায়ঃ॥ 269 ॥
Mahabharata - Anushaasana Parva - Chapter Footnotes
7-269-3 কৃতো যত্নোঽফলো যেষাং তে কৃতয়ত্নাফলাঃ॥ 7-269-4 ভবেৎসমর্থঃ স্যাৎ॥ 7-269-5 আয়শতৈঃ উপায়শতৈঃ। সুখী ধনেন ॥ 7-269-13 তপসেহ ভোগী ভবতীতি ট.থ.পাঠঃ॥ 7-269-15 প্রসবঃ প্রসবকারণং কর্মৈব। দশাদীনাং সুখাদ্যাপ্তৌ প্রমাণং নিয়ামকম্। এবং স্বস্যাপি জ্ঞাৎবা স্থিরোঽচঞ্চলো ভব॥অনুশাসনপর্ব - অধ্যায় 270
॥ শ্রীঃ ॥
13.270. অধ্যায়ঃ 270
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি ধর্মপ্রশংসনম্॥ 1 ॥Mahabharata - Anushaasana Parva - Chapter Text
ভীষ্ম উবাচ।
কার্যতে যচ্চ ক্রিয়তে সচ্চাসচ্চ কৃতাকৃতম্।
তত্রাশ্বসীত সৎকৃৎবা অসৎকৃৎবা ন বিশ্বসেৎ॥ 13-270-1 (92182)
কাল এবান্তরাশক্তির্নিগ্রহানুগ্রহৌ দদৎ।
বুদ্ধিমাবিশ্য ভূতানাং ধর্মাধর্মৌ প্রবর্ততে॥ 13-270-2 (92183)
যদা ৎবস্য ভবেদ্বুদ্ধির্ধর্মার্থস্য প্রদর্শনাৎ।
তদাশ্বসীত ধর্মাত্মা দৃঢবুদ্ধির্ন বিশ্বসেৎ॥ 13-270-3 (92184)
এতাবন্মাত্রমেতদ্ধি ভূতানাং প্রাজ্ঞলক্ষণম্।
কালয়ুক্তোঽপ্যুভয়বিচ্ছেষং যুক্তং সমাচরেৎ॥ 13-270-4 (92185)
যথা হ্যুপস্থিতৈশ্বর্যাঃ পূজয়ন্তি নরা জনান্।
এবমেবাত্মনাঽঽত্মানং পূজয়ন্তীহ ধার্মিকাঃ॥ 13-270-5 (92186)
`ভাবশুদ্ধিস্তু তপসা দেবতানাং চ মূজয়া।
সনাতনেন শুদ্ধ্যা চ শ্রুতদানজপৈরপি।
ন হ্যশুদ্ধস্তু তাং দদ্যাদ্ধর্মকালে কথঞ্চন॥' 13-270-6 (92187)
ন হ্যধর্মতয়া ধর্মং দদ্যাৎকালঃ কথঞ্চন।
তস্মাদ্বিশুদ্ধমাত্মানং জানীয়াদ্ধর্মচারিণম্॥ 13-270-7 (92188)
স্প্রষ্টুমপ্যসমর্থো হি জ্বলন্তমিব পাবকম্।
অধর্মঃ সন্ততো ধর্মং কালেন পরিরক্ষিতম্॥ 13-270-8 (92189)
কার্যাবেতৌ হি ধর্মোণি ধর্মো হি বিজয়াবহঃ।
ত্রয়াণামপি লোকানামালোকঃ কারণং ভবেৎ॥ 13-270-9 (92190)
ন তু কশ্চিন্নয়েৎপ্রাজ্ঞো গৃহীৎবৈব করে নরম্।
ঊহ্যমানস্তু ধর্মেণ প্রাপ্নুয়াৎপরমচ্যুতম্।
বিশ্বাস এব কর্তব্যো বহুধর্মে শুভচ্ছলে॥ 13-270-10 (92191)
শূদ্রোঽহং নাধিকারো মে চাতুরাশ্রম্যসেবনে।
ইতি বিজ্ঞানমপরে নাত্মন্যুপদধত্যুত॥ 13-270-11 (92192)
বিশেষেণ চ বক্ষ্যামি চাতুর্বর্ণ্যস্য লিঙ্গতঃ।
পঞ্চভূতশরীরাণাং সর্বেষাং সদৃশাত্মনাম্॥ 13-270-12 (92193)
লোকধর্মে চ ধর্মে চ বিশেষকরণং কৃতম্।
যথৈকৎবং পুনর্যান্তি প্রাণিনস্তত্র বিস্তরঃ॥ 13-270-13 (92194)
অধ্রুবো হি কথং লোকঃ স্মৃতো ধর্মঃ কথং ধ্রুবঃ।
যত্র কালো ধ্রুবস্তাত তত্র ধর্মঃ সনাতনঃ॥ 13-270-14 (92195)
সর্বেষাং তুল্যদেহানাং সর্বেষাং সদৃশাত্মনাম্।
কালো ধর্মেণ সংয়ুক্তঃ শেষ এব স্বয়ং গুরুঃ॥ 13-270-15 (92196)
এবং সতি ন দোষোঽস্তি ভূতানাং ধর্মসেবনে।
তির্যগ্যোনাবপি সতাং লোক এব মতো গুরুঃ॥ ॥ 13-270-16 (92197)
ইতি শ্রীমন্মহাভারতে অনুশাসনপর্বণি দানধর্মপর্বণি সপ্তত্যধিকদ্বিশততমোঽধ্যায়ঃ॥ 270 ॥
Mahabharata - Anushaasana Parva - Chapter Footnotes
7-270-2 প্রবর্ততে প্রবর্তয়তি॥ 7-270-3 ধর্মার্থস্য ধর্মফলস্য প্রদর্শনাৎ। যদা ধর্ম এব শ্রেয়স্কর ইতি বুদ্ধির্ভবেত্তদায়ং ধর্মাত্মা ধর্মচিত্তঃ ধর্মে আশ্বসীত বিশ্বাসং কুর্বীত। অদৃঢবুদ্ধিস্তু ন বিশ্বসেৎ ধর্মফলে॥ 7-270-4 এতাবদ্ধর্মে বিশ্বাসবত্ৎবম্। উভয়বিৎকর্তব্যাকর্তব্যবিৎ॥ 7-270-7 ধর্মঃ কদাপ্যধর্মো ন ভবেদিত্যাহ নহীতি। অধর্মতয়া দুঃখহেতুতয়া॥ 7-270-8 অধর্মসন্ততৌ ধর্মং কুরুতে পরকারণাৎ ইতি ক.পাঠঃ॥ 7-270-9 এতৌ বিশুদ্ধতাঽধর্মাস্পর্শৌ॥ 7-270-11 উচ্যমানস্তু ধর্মেণ ধর্মলোকভয়চ্ছলে ইতি ঝ.পাঠঃ॥ 7-270-14 বিশেষেণেতি যুগ্মম্। সর্বেষাং প্রাণিনাং পাঞ্চভৌতিকৎবে প্রত্যক্ষেপি বিশেষকরণমিদং পবিত্রমিদমপবিত্রমিতি ব্যবস্থাপনং লোকধর্মে শাস্ত্রীয়ধর্মে চ নিমিত্তে সতি কৃতম্॥ 7-270-15 অত্র শঙ্কতে অধ্রুব ইতি। লোকস্য ধর্মস্য চ কার্যকারণবাবাৎকার্যস্যাধ্রুবৎবং কারণস্য ধ্রুবৎবং চ ন যুক্তং তন্তুনাশমন্তরেণ পটনাশায়োগাদিত্যর্থঃ। উত্তরমাহ। কালঃ সঙ্কল্পঃ। নিষ্কামধর্ম এব ধ্রুবস্তৎফলং নতু সকামি ইত্যর্থঃ॥ 7-270-16 স্বয়ং গুরুরিতি। ধর্মবলাৎস্বয়মেব চ স উদেতি শিক্ষয়েদিত্যর্তঃ॥ 7-270-17 যদি ভূতানাং প্রাক্কর্মৈব তত্রতত্র সুখদুঃখসাধনে প্রবর্তকমতো ধর্মসেবনে কর্মফলভোগে অসমঞ্জসেপি ভূতানাং দোষো নাস্তি। যতঃ তির্যগ্যোনাবপি সতাং বিদ্যমানানাং ভূতানাং সদস্রৎপ্রবৃত্তৌ পূর্বকর্মানুসারাল্লোক এব গুরুর্দৃষ্টঃ॥অনুশাসনপর্ব - অধ্যায় 271
॥ শ্রীঃ ॥
13.271. অধ্যায়ঃ 271
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ যুধিষ্ঠিরংপ্রতি দেবদেবর্ষিগিরিনদীতীর্থক্ষেত্রাদীনাং বিস্তরেণ পৃথঙ্নামনির্দেশপূর্বকং প্রাতঃসায়ং তৎকীর্তনস্য দুরিতনিবৃত্তিসুকৃতপ্রাপ্তিহেতুৎবোৎকীর্তনম্॥ 1 ॥Mahabharata - Anushaasana Parva - Chapter Text
বৈশম্পায়ন উবাচ।
শরতল্পগতং ভীষ্মং পাণ্ডবোঽথ কুরূদ্বহঃ।
যুধিষ্ঠিরো হিতং প্রেপ্সুরপৃচ্ছৎকল্মষাপহম্॥ 13-271-1 (92198)
যুধিষ্ঠির উবাচ। 13-271-2x (7718)
কিং শ্রেয়ঃ পুরুষস্যেহ কিং কুর্বন্সুখমেধতে।
বিপাপ্মা স ভবেৎকেন কিং বা কল্মষনাশনম্॥ 13-271-2 (92199)
বৈশম্পায়ন উবাচ। 13-271-3x (7719)
তস্মৈ শুশ্রূষমাণায় ভূয়ঃ শান্তনবস্তদা।
দৈবং বংশং যথান্যায়মাচষ্ট পুরুষর্ষভ॥ 13-271-3 (92200)
ভীষ্ম উবাচ। 13-271-4x (7720)
অয়ং দৈবতবংশো বৈ ঋষিবংশসমন্বিতঃ।
ত্রিসন্ধ্যং পঠিতঃ পুত্র কল্মষাপহরঃ পরঃ॥ 13-271-4 (92201)
যদহ্না কুরুতে পাপমিন্দ্রিয়ৈঃ পুরুষশ্চরন্।
বুদ্ধিপূর্বমবুদ্ধির্বা রাত্রৌ যচ্চাপি সন্ধ্যযোঃ॥ 13-271-5 (92202)
মুচ্যতে সর্বপাপেভ্যঃ কীর্তয়ন্বৈ শুচিঃ সদা।
নান্ধো ন বধিরঃ কালে কুরুতে স্বস্তিমান্সদা॥ 13-271-6 (92203)
তির্যগ্যোনিং ন গচ্ছেচ্চ নরকং সঙ্করাণি চ।
ন চ দুঃখময়ং তস্য মরণে স ন মুহ্যতি॥ 13-271-7 (92204)
দেবাসুরগকুরুর্দেবঃ সর্বভূতনমস্কৃতঃ।
অচিন্ত্যোথাপ্যনির্দেশ্যঃ সর্বপ্রাণো হ্যযোনিজঃ॥ 13-271-8 (92205)
পিতামহো জগন্নাথঃ সাবিত্রী ব্রহ্মণঃ সতী।
বেদভূরথ কর্তা চ বিষ্ণুর্নারায়ণঃ প্রভুঃ॥ 13-271-9 (92206)
উমাপতির্বিরূপাক্ষঃ স্কন্দঃ সেনাপতিস্তথা।
বিশাখো হুতভুগ্বায়ুশ্চন্দ্রসূর্যৌ প্রভাকরৌ॥ 13-271-10 (92207)
শক্রঃ শচীপতির্দেবো যমো ধূমোর্ণয়া সহ।
বরুণঃ সহ গৌর্যা চ সহ ঋদ্ধ্যা ধনেশ্বরঃ॥ 13-271-11 (92208)
সৌম্যা গৌঃ সুরভির্দেবী বিশ্রবাশ্চ মহানৃষিঃ।
সঙ্কল্পঃ সাগরো গঙ্গা স্রবন্ত্যোঽথ মরুদ্গণঃ॥ 13-271-12 (92209)
বালখিল্যাস্তপঃসিদ্ধাঃ কৃষ্ণদ্বৈপায়নস্তথা।
নারদঃ পর্বতশ্চৈব বিশ্বাবসুর্হহাহুহূঃ॥ 13-271-13 (92210)
তুম্বুরুশ্চিত্রসেনশ্চ দেবদূতশ্চ বিশ্রুতঃ।
দেবকন্যা মহাভাগা দিব্যাশ্চাপ্সরসাং গণাঃ॥ 13-271-14 (92211)
উর্বশী মেনকা রম্ভা মিশ্রকেশী হ্যলম্বুষা।
বিশ্বাচী চ ঘৃতাচী চ পঞ্চচূডা তিলোত্তমা॥ 13-271-15 (92212)
আদিত্যা বসবো রুদ্রাঃ সাশ্বিনঃ পিতরোপি চ।
ধর্মঃ শ্রুতং তপো দীক্ষা ব্যবসায়ঃ পিতামহঃ॥ 13-271-16 (92213)
শর্বর্যো দিবসাশ্চৈব মারীচঃ কশ্যপস্তথা।
শুক্রো বৃহস্পতির্ভৌমো বুধো রাহুঃ শনৈশ্চরঃ॥ 13-271-17 (92214)
নক্ষত্রাণ্যৃতবশ্চৈব মাসাঃ পক্ষাঃ সবৎসরাঃ।
বৈনতেয়াঃ সমুদ্রাশ্চ কদ্রুজাঃ পন্নগাস্তথা॥ 13-271-18 (92215)
শতদ্রুশ্চ বিপাশা চ চন্দ্রভাগা সরস্বতী।
সিন্ধুশ্চ দেবিকা চৈব প্রভাসং পুষ্করাণি চ॥ 13-271-19 (92216)
গঙ্গা মহানদী বেণা কাবেরী নর্মদা তথা।
কুলম্পুনা বিশল্যা চ করতোয়াম্বুবাহিনী॥ 13-271-20 (92217)
সরয়ূর্গণ্ডকী চৈব লোহিতশ্চ মহানদঃ।
তাম্রারুণা বেত্রবতী পর্ণাশা গৌতমী তথা॥ 13-271-21 (92218)
গোদাবরী চ বেণ্যা চ কৃষ্ণবেণা তথাঽদ্রিজা।
দৃষদ্বতী চ কাবেরী চক্ষুর্মন্দাকিনী তথা॥ 13-271-22 (92219)
প্রয়াগং চ প্রভাসং চ পুণ্যং নৈমিষমেব চ।
তচ্চ বিশ্বেশ্বরস্থানং যত্র তদ্বিমলং সরঃ॥ 13-271-23 (92220)
পুণ্যতীর্থং সুসলিলং কুরুক্ষেত্রং প্রকীর্তিতম্।
সিন্ধূত্তমং তপো দানং জম্বূমার্গমথাপি চ॥ 13-271-24 (92221)
হিরণ্বতী বিতস্তা চ তথা প্লক্ষবতী নদী।
বেদস্মৃতির্বেদবতী মালবাঽথাশ্ববত্যপি॥ 13-271-25 (92222)
ভূমিভাগাস্তথা পুণ্যা গঙ্গাদ্বারমথাপি চ।
ঋষিকুল্যাস্তথা মেধ্যা নদ্যঃ সিন্ধুবহাস্তথা॥ 13-271-26 (92223)
চর্মণ্বতী নদী পুণ্যা কৌশিকী যমুনা তথা।
নদী ভীমরথী চৈব বাহুদা চ মহানদী॥ 13-271-27 (92224)
মাহেন্দ্রবাণী ত্রিদিবা নীলিকা চ সরস্বতী।
নন্দা চাপরনন্দা চ তথা তীর্থমহাহ্রদঃ॥ 13-271-28 (92225)
গয়াঽথ ফল্গুতীর্থং চ ধর্মারণ্যং সুরৈর্বৃতম্।
তথা দেবনদী পুণ্যা সরশ্চ ব্রহ্মনির্মিতম্॥ 13-271-29 (92226)
পুণ্যং ত্রিলোকবিখ্যাতং সর্বপাপহরং শিবম্।
হিমবান্পর্বতশ্চৈব দিব্যৌষধিসমন্বিতঃ॥ 13-271-30 (92227)
বিন্ধ্যো ধাতুবিচিত্রাঙ্গস্তীর্থবানৌষধান্বিতঃ।
মেরুর্মহেন্দ্রো মলয়ঃ শ্বেতশ্চ রজতাবৃতঃ॥ 13-271-31 (92228)
শৃঙ্গবান্মন্দরো নীলো নিষধো দর্দুরস্তথা।
চিত্রকূটোঽঞ্জনাভশ্চ পর্বতো গন্ধমাদনঃ॥ 13-271-32 (92229)
পুণ্যঃ সোমগিরিশ্চৈব তথৈবান্যে মহীধরাঃ।
দিশশ্চ বিদিশশ্চৈব ক্ষিতিঃ সর্বে মহীরুহাঃ॥ 13-271-33 (92230)
বিশ্বেদেবা নভশ্চৈব নক্ষত্রাণি গ্রহাস্তথা।
পান্তু নঃ সততং দেবাঃ কীর্তিতাঽকীর্তিতা ময়া॥ 13-271-34 (92231)
কীর্তয়ানো নরো হ্যেতান্মুচ্যতে সর্বকিল্বিষৈঃ।
স্তুবংশ্চ প্রতিনন্দংশ্চ মুচ্যতে সর্বতো ভয়াৎ॥ 13-271-35 (92232)
সর্বসঙ্করপাপেভ্যো দেবতাস্তবনন্দকঃ।
দেবতানন্তরং বিপ্রাংস্তপঃসিদ্ধাংস্তপোধিকান্॥ 13-271-36 (92233)
কীর্তিতান্কীর্তয়িষ্যামি সর্বপাপপ্রমোচনান্।
যবক্রীতোঽথ রৈম্যশ্চ কক্ষীবানৌশিজস্তথা॥ 13-271-37 (92234)
ভৃগ্বঙ্গিরাস্তথা কণ্বো মেধাতিথিরথ প্রভুঃ।
বর্হী চ গুণসম্পন্নঃ প্রাচীং দিশমুপাশ্রিতাঃ॥ 13-271-38 (92235)
ভদ্রাং দিশং মহাভাগা উল্মুচুঃ প্রমুচুস্তথা। 13-271-39 (92236)
মুমুচুশ্চ মহাভাগঃ স্বস্ত্যাত্রেয়শ্চ বীর্যবান্॥ 13-271-39 (92237)
মিত্রাবরুণয়োঃ পুত্রস্তথাঽগস্ত্যঃ প্রতাপবান্।
দৃঢায়ুশ্চোর্ধ্ববাহুশ্চ বিশ্রুতাবৃষিসত্তমৌ॥ 13-271-40 (92238)
পশ্চিমাং দিশমাশ্রিত্য য এধন্তে নিবোধ তান্।
উষঙ্গুঃ সহ সোদর্যৈঃ পরিব্যাধশ্চ বীর্যবান্॥ 13-271-41 (92239)
ঋষির্দীর্ঘতমাশ্চৈব গৌতমঃ কাশ্যপস্তথা।
একতশ্চ দ্বিতশ্চৈব ত্রিতশ্চৈব মহানৃষিঃ॥ 13-271-42 (92240)
অত্রেঃ পুত্রশ্চ ধর্মাত্মা তথা সারস্বতঃ প্রভুঃ।
উত্তরাং দিশমাশ্রিত্য য এধন্তে নিবোধ তান্। 13-271-43 (92241)
অত্রির্বসিষ্ঠঃ শক্তিশ্চ পারাশর্যশ্চ বীর্যবান্।
বিশ্বামিত্রো ভরদ্বাজো জমদগ্নিস্তথৈব চ॥ 13-271-44 (92242)
ঋচীকপুত্রো রামশ্চ ঋষিরৌদ্দালকিস্তথা।
শ্বেতকেতুঃ কোহলশ্চ বিপুলো দেবলস্তথা॥ 13-271-45 (92243)
দেবশর্মা চ ধৌম্যশ্চ হস্তিকাশ্যপ এব চ।
লোমশো নাচিকেতশ্চ লোমহর্ষণ এব চ॥ 13-271-46 (92244)
ঋষিরুগ্রশ্রবাশ্চৈব ভার্গবশ্চ্যবনস্তথা।
এষ বৈ সমবায়শ্চ ঋষিদেবসমন্বিতঃ॥ 13-271-47 (92245)
আদ্যঃ প্রকীর্তিতো রাজন্সর্বপাপপ্রমোচনঃ।
নৃগো যয়াতির্নহুষো যদুঃ পূরুশ্চ বীর্যবান্॥ 13-271-48 (92246)
ধুন্ধুমারো দিলীপশ্চ সগরশ্চ প্রতাপবান্।
কৃশাশ্বো যৌবনাশ্বশ্চ চিত্রাশ্বঃ সত্যবাংস্তথা॥ 13-271-49 (92247)
দুষ্যন্তো ভরতশ্চৈব চক্রবর্তী মহায়শাঃ।
পবনো জনকশ্চৈব তথা দৃষ্টরথো নৃপঃ॥ 13-271-50 (92248)
রঘুর্নরবরশ্চৈব তথা দশরথো নৃপঃ।
রামো রাক্ষসহা বীরঃ শশবিন্দুর্ভগীরথঃ॥ 13-271-51 (92249)
হরিশ্চন্দ্রো মরুত্তশ্চ তথা দ়ঢরথো নৃপঃ।
মহোদর্যো হ্যলর্কশ্চ ঐলশ্চৈব নরাধিপঃ॥ 13-271-52 (92250)
করংধমো নরশ্রেষ্ঠঃ কধ্মোরশ্চ নরাধিপঃ।
দক্ষোঽম্বরীষঃ কুকুরো রৈবতশ্চ মহায়শাঃ॥ 13-271-53 (92251)
কুরু সংবরণশ্চৈব মাংধাতা সত্যবিক্রমঃ।
মুচুকুন্দশ্চ রাজর্ষির্জহ্নুর্জাহ্নবিসেবিতঃ॥ 13-271-54 (92252)
আদিরাজঃ পৃথুর্বৈন্যো মিত্রভানুঃ প্রিয়ঙ্করঃ।
ত্রসদ্দস্যুস্তথা রাজা শ্বেতো রাজর্ষিসত্তমঃ॥ 13-271-55 (92253)
মহাভিষশ্চ বিখ্যাতো নিমী রাজা তথাঽষ্টকঃ।
আয়ুঃ ক্ষুপশ্চ রাজর্ষিঃ কক্ষেয়ুস্চ নরাধিপঃ॥ 13-271-56 (92254)
প্রতর্দনো দিবোদাসঃ সুদাসঃ কোসলেশ্বরঃ।
ঐলো নলশ্চ রাজর্ষির্মনুশ্চৈব প্রজাপতিঃ॥ 13-271-57 (92255)
হবিধ্রশ্চ পৃষধ্রশ্চ প্রতীপঃ শান্তনুস্তথা।
অজঃ প্রাচীনবর্হিশ্চ তথৈক্ষ্বাকুর্মহায়শাঃ॥ 13-271-58 (92256)
অনরণ্যো নরপতির্জানুজঙ্ঘস্তথৈব চ।
কক্ষসেনশ্চ রাজর্ষির্যে চান্যে চানুকীর্তিতাঃ॥ 13-271-59 (92257)
কল্যমুত্থায় যো নিত্যং সন্ধ্যে দ্বেঽস্তময়োদয়ে।
পঠেচ্ছুচিরনাবৃত্তঃ স ধর্মফলভাগ্ভবেৎ॥ 13-271-60 (92258)
দেবা দেবর্ষয়শ্চৈব স্তুতা রাজর্ষয়স্তথা।
পুষ্টিমায়ুর্যশঃ স্বর্গং বিধাস্যন্তি মমেশ্বরাঃ॥ 13-271-61 (92259)
মা বিঘ্নং মা চ মে পাপং মা চ মে পরিপন্থিনঃ।
ধ্রুবো জয়ো মে নিত্যঃ স্যাৎপরত্র চ শুভা গতিঃ॥ 13-271-62 (92260)
`পালয় ৎবং প্রজাঃ সর্বাঃ শান্তাত্মা ৎবনুশাসিতা।
দ্বৈপায়নঃ স্বয়ংচক্ষুঃ কৃষ্ণস্তেঽস্তু পরায়ণম্॥ 13-271-63 (92261)
বৈশম্পায়ন উবাচ। 13-271-64x (7721)
ইত্যুক্ৎবোপাসনার্থায় বিররাম মহামতিঃ॥' ॥ 13-271-64 (92262)
ইতি শ্রীমন্মহাভারতে অনুশাসনপর্বণি দানধর্মপর্বণি একসপ্তত্যধিকদ্বিশততমোঽধ্যায়ঃ॥ 271 ॥
অনুশাসনপর্ব - অধ্যায় 272
॥ শ্রীঃ ॥
13.272. অধ্যায়ঃ 272
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরায় নিখিলধর্মোপদেশানন্তরং স্বাবসানকালাঽঽসত্ত্যবগমেন ভগবদ্ধ্যানায় বাক্প্রসারণাদুপরতে ভীষ্মে তংপ্রতি ব্যাসেন যুধিষ্ঠিরস্থ নগরগমনাভ্যনুজ্ঞানচোদনা॥ 1 ॥ যুধিষ্ঠিরেণ ভীষ্মাশ্যনুজ্ঞয়া সহকৃষ্ণাদিভির্হাস্তিনপুরপ্রবেশনম্॥ 2 ॥Mahabharata - Anushaasana Parva - Chapter Text
জনমেজয় উবাচ।
শরতল্পগতে ভীষ্মে কৌরবাণাং ধুরন্ধরে।
শয়ানে বীরশয়নে পাণ্ডবৈঃ সমুপস্থিতে॥ 13-272-1 (92263)
যুধিষ্ঠিরো মহাপ্রাজ্ঞো মম পূর্বপিতামহঃ।
ধর্মাণামাগমং শ্রুৎবা বিদিৎবা সর্বসংশয়ান্॥ 13-272-2 (92264)
দানানাং চ বিধিং শ্রুৎবা চ্ছিন্নধর্মার্থসংশয়ঃ।
যদন্যদকরোদ্বিপ্র তন্মে শংসিতুমর্হসি॥ 13-272-3 (92265)
বৈশম্পায়ন উবাচ। 13-272-4x (7722)
অভূন্মুহূর্তং স্তিমিতং সর্বং তদ্রাজমণ্ডলম্।
তূষ্ণীংভূতে ততস্তস্মিন্পটে চিত্রমিবার্পিতম্॥ 13-272-4 (92266)
মুহূর্তমিব চ ধ্যাৎবা ব্যাসঃক সত্যবতীসুতঃ।
নৃপং শয়ানং গাঙ্গেয়মিদমাহ বচস্ৎবরন্॥ 13-272-5 (92267)
রাজন্প্রকৃতিমাপন্নঃ কুরুরাজো যুধিষ্ঠিরঃ।
সহিতো ভ্রাতৃভিঃ সর্বৈঃ পার্তিবৈশ্চানুয়ায়িভিঃ॥ 13-272-6 (92268)
উপাস্তে ৎবাং নরব্যাঘ্র সহ কৃষ্ণেন ধীমতা।
তমিমং পুরয়ানায় সমনুজ্ঞাতুমর্হসি॥ 13-272-7 (92269)
এবমুক্তো ভগবতা ব্যাসেন পৃথিবীপতিঃ।
যুধিষ্ঠিরং সহামাত্যমনুজজ্ঞে নদীসুতঃ॥ 13-272-8 (92270)
উবাচ চৈনং মধুরং নৃপং শান্তনবো নৃপঃ।
প্রবিশস্ব পুরীং রাজন্ধর্মে চ ধ্রিয়তাং মনঃ॥ 13-272-9 (92271)
যজস্ব বিবিধৈর্যজৈর্বহ্বন্নৈঃ স্বাপ্তদক্ষিণৈঃ।
যয়াতিরিব রাজেন্দ্র শ্রকদ্ধাদমপুরঃসরঃ॥ 13-272-10 (92272)
ক্ষত্রধর্মরতঃ পার্থ পিতৄন্দেবাংশ্চ তর্পয়।
শ্রেয়সা যোক্ষ্যসে চৈব ব্যেতু তে মানসো জ্বরঃ॥ 13-272-11 (92273)
রঞ্জয়স্ব প্রজাঃ সর্বাঃ প্রকৃতীঃ পরিসান্ৎবয়।
সুহৃদঃ ফলসৎকারৈরর্চয়স্ব যথার্হতঃ॥ 13-272-12 (92274)
অনুং ৎবাং তাত জীবন্তু মিত্রাণি সুহৃকদস্তথা।
চৈত্যস্থানে স্থিতং বৃক্ষং ফলবন্তমিব দ্বিজাঃ॥ 13-272-13 (92275)
আগন্তব্যং চ ভবতা সময়ে মম পার্থিব।
বিনিবৃত্তে দিনকরে প্রবৃত্তে চোত্তরায়ণে॥ 13-272-14 (92276)
তথেত্যুক্ৎবা চ কৌন্তেয়ঃ সোভিবাদ্য পিতামহম্।
প্রয়যৌ সপরীবারো নগরং নাগসাহ্বয়ম্॥ 13-272-15 (92277)
ধৃতরাষ্ট্রং পুরস্কৃত্য গান্ধারীং চ পতিব্রতাম্।
সহ তৈর্ঋষিভিঃ সর্বৈর্ভ্রাতৃভিঃ কেশবেন চ॥ 13-272-16 (92278)
পৌরজানপদৈশ্চৈব মন্ত্রিবৃদ্ধৈশ্চ পার্থিব।
প্রবিবেশ কুরুশ্রেষ্ঠঃ পুরং বারণসাহ্বয়ম্॥ ॥ 13-272-17 (92279)
ইতি শ্রীমন্মহাভারতে অনুশাসনপর্বণি দানধর্মপর্বণি দ্বিসপ্তত্যধিকদ্বিশততমোঽধ্যায়ঃ॥ 272 ॥
Mahabharata - Anushaasana Parva - Chapter Footnotes
7-272-7 তমিমং পুনরাগন্তুমিতি থ.পাঠঃ॥ অথ ভীষস্বর্গারোহণপর্ব ॥ 2 ॥অনুশাসনপর্ব - অধ্যায় 273
॥ শ্রীঃ ॥
13.273. অধ্যায়ঃ 273
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
যুধিষ্ঠিরেণ ভীষ্মসংস্কারোপয়োগিসম্ভারপ্রস্থাপনপূর্বকং কৃষ্ণধৃতরাষ্ট্রাদিভিঃসহ ভীষ্মসমীপং প্রত্যাগমনম্॥ 1 ॥ যুধিষ্ঠিরেণাভিবাদনপূর্বকং কৃষ্ণাদ্যাগমনং নিবেদিতেন ভীষ্মেণ স্বস্য কৃষ্ণয়াথাত্ম্যজ্ঞানপ্রকাশনেন তৎপ্রণামস্তুতিপূর্বকং ব্যাসকৃষ্ণধৃতরাষ্ট্রাদিভ্যঃ স্বস্য প্রাণোৎসর্গাভ্যনুজ্ঞানপ্রার্থনা॥ 2 ॥Mahabharata - Anushaasana Parva - Chapter Text
বৈশম্পায়ন উবাচ।
ততঃ কুন্তীসুতো রাজা পৌরজানপদং জনম্।
পূজয়িৎবা যথান্যায়মনুজজ্ঞে গৃহান্প্রতি॥ 13-273-1 (92280)
সান্ৎবয়ামাস নারীশ্চ হতপুত্রা হতেশ্বরাঃ।
বিপুলৈরর্থদানৈঃ স তদা পাণ্ডুসুতো নৃপঃ॥ 13-273-2 (92281)
সোভিষিক্তো মহাপ্রাজ্ঞঃ প্রাপ্য রাজ্যং যুধিষ্ঠিরঃ।
অবস্থাপ্য নরশ্রেষ্ঠঃ সর্বাঃ স্বপ্রকৃতীস্তথা॥ 13-273-3 (92282)
দ্বিজেভ্যো বলমুখ্যেভ্যো নৈগমেভ্যশ্চ সর্বশঃ।
প্রতিগৃহ্যাশিষো মুখ্যাস্তথা ধর্মভৃতাংবরঃ॥ 13-273-4 (92283)
উষিৎবা শর্বরীঃ শ্রীমান্পঞ্চাশন্নগরোত্তমে।
সময়ং কৌরবাগ্র্যস্য সস্মার পুরুষর্ষভঃ॥ 13-273-5 (92284)
স নির্যযৌ জগপুরাদ্যজকৈঃ পরিবারিতঃ।
দৃষ্ট্বা নিবৃত্তমাদিত্যং প্রবৃত্তং চোত্তরায়ণম্॥ 13-273-6 (92285)
ঘৃতং মাল্যং চ গন্ধাংশ্চ ক্ষৌমাণি চ যুধিষ্ঠিরঃ।
চন্দনাগরুমুখ্যানি তথা কালগরূণি চ॥ 13-273-7 (92286)
প্রস্থাপ্যচ পূর্বং কৌন্তেয়ো ভীষ্মসংস্করণায় বৈ।
মাল্যানি চ বরার্হাণি রত্নানি বিবিধানি চ॥ 13-273-8 (92287)
ধৃতরাষ্ট্রং পুরুস্কৃত্য গান্ধারীং চ যশস্বিনীম্।
মাতরং চ পৃথাং ধামান্ভ্রাতৄংশ্চ পুরুষর্ষংভান্॥ 13-273-9 (92288)
জনার্দনেনানুগতো বিদুরেণ চ ধীমতা।
যুয়ুৎসুনা চ কৌরব্যো যুয়ুধানেন চাভিভো॥ 13-273-10 (92289)
মহতা রাজভোগেন পারিবর্হেণ সংবৃতঃ।
স্তূয়মানো মহাতেজা ভীষ্মিস্যাগ্নীননুব্রজন্॥ 13-273-11 (92290)
নিশ্চক্রাম পুরাত্তস্মাদ্যথা দেবপতিস্তথা।
আসসাদ কুরুক্ষেত্রে ততঃ শান্তনবং নৃপঃ॥ 13-273-12 (92291)
উপাস্যমানং ব্যাসেন পারাশর্যেণ ধীমতা।
নারদেন চ রাজর্ষে দেবলেনাসিতেন চ॥ 13-273-13 (92292)
হতশিষ্টৈর্নৃপৈস্চান্যৈর্নানাদেশসমাগতৈঃ।
রক্ষিভিশ্চ মহাত্মানং রক্ষ্যমাণং সমন্ততঃ॥ 13-273-14 (92293)
শয়ানং বীরশয়নে দদর্শ নৃপতিস্ততঃ।
ততো রথাদবারোহদ্ধাতৃভিঃ সহ ধর্মরাট্॥ 13-273-15 (92294)
অভিবাদ্যাথ কৌন্তেয়ঃ পিতামহমরিংদমম্।
দ্বৈপায়নাদীন্বিপ্রাংশ্চ তৈশ্চ প্রত্যভিনন্দিতঃ॥ 13-273-16 (92295)
ঋৎবিগ্ভির্ব্রহ্মকল্পৈশ্চ ভ্রাতৃভিঃ সহ ধর্মজঃ।
আসাদ্য শরতল্পস্থমৃষিভিঃ পরিবারিতম্॥ 13-273-17 (92296)
অব্রবীদ্ভরতশ্রেষ্ঠং ধর্মরাজো যুধিষ্ঠিরঃ।
ভ্রাতৃভিঃ সহ কৌরব্যঃ শয়ানং নিম্নগাসুতম্॥ 13-273-18 (92297)
যুধিষ্ঠিরোঽহং নৃপতে নমস্তে জাহ্নবীসুত।
শৃণোষি চেন্মহাবাহো ব্রূহি কিং করবাণি তে॥ 13-273-19 (92298)
প্রাপ্তোস্মি সময়ে রাজন্নগ্নীনাদায় তে বিভো।
আচার্যান্ব্রাহ্মণাংশ্চৈব ঋৎবিজো ভ্রাতরশ্চ মে॥ 13-273-20 (92299)
পুত্রশ্চ তে মহাতেজা ধৃতরাষ্ট্রো জনেশ্বরঃ।
উপস্থিতঃ সহামাত্যো বাসুদেবশ্চ বীর্যবান্॥ 13-273-21 (92300)
হতশিষ্টাশ্চ রাজানঃ সর্বে চ কুরুজাঙ্গলাঃ।
তান্পশ্য নরশার্দূল সমুন্মীলয় লোচনে॥ 13-273-22 (92301)
যচ্চেহ কিঞ্চিৎকর্তব্যং তৎসর্বং প্রাপিতং ময়া।
যথোক্তং ভবতা কালে সর্বমেব চ তৎকৃতম্॥ 13-273-23 (92302)
বৈশম্পায়ন উবাচ। 13-273-24x (7723)
এবমুক্তস্তু গাঙ্গেয়ঃ কুন্তীপুত্রেণ ধীমতা।
দদর্শ ভারতান্সর্বান্স্থিতান্সম্পরিবার্য হ॥ 13-273-24 (92303)
ততশ্চলবপুর্ভীষ্মঃ প্রগৃহ্য বিপুলং ভুজম্।
ওঘমেঘস্বরো বাগ্মী কালে বচনমব্রবীৎ॥ 13-273-25 (92304)
দিষ্ট্যা প্রাপ্তোসি কৌন্তেয় সহামাত্যো যুধিষ্ঠির।
পরিবৃত্তো হি ভগবান্সহস্রাংশুর্দিবাকরঃ॥ 13-273-26 (92305)
অষ্টপঞ্চাশতং রাত্র্যঃ শয়ানস্যাদ্য মে গতাঃ।
শরেষু নিশিতাগ্নেষু যথা বর্ষশতং তথা॥ 13-273-27 (92306)
মাঘোঽয়ং সমনুপ্রাপ্তো মাসঃ পুণ্যো যুধিষ্ঠির।
ত্রিভাগশেষঃ পক্ষোঽয়ং শুক্লো ভবিতুমর্হতি॥ 13-273-28 (92307)
এবমুক্ৎবা তু গাঙ্গেয়ো ধর্মপুত্রং যুধিষ্ঠিরম্।
ধৃতরাষ্ট্রমথামন্ত্র্য কালে বচনমব্রবীৎ॥ 13-273-29 (92308)
ভীষ্ম উবাচ। 13-273-30x (7724)
রাজন্বিদিতধর্মোসি সুনির্ণীতার্থসংশয়ঃ।
বহুশ্রুতা হি তে বিপ্রা বহবঃ পর্যুপাসিতাঃ॥ 13-273-30 (92309)
বেদ শাস্ত্রাণি সূক্ষ্মাণি ধর্মাংশ্চ মনুজেশ্বর।
বেদাংশ্চ চতুরঃ সর্বান্ষডঙ্গৈরুপবৃংহিতান্॥ 13-273-31 (92310)
ন শোচিতব্যং কৌরব্য ভবিতব্যং হি তত্তথা।
শ্রুতং দেবরহস্যং তে কৃষ্ণদ্বৈপায়নাদপি॥ 13-273-32 (92311)
যথা পাণ্ডোঃ সুতা রাজংস্তথৈব তব ধর্মতঃ।
তান্পালয় স্থিতো ধর্মে গুরুশুশ্রূষণে রতান্॥ 13-273-33 (92312)
ধর্মরাজো হি শুদ্ধাত্মা নিদেশে স্থাস্যতে তব।
আনৃশংস্যপরং হ্যেন জানামি গুরুবৎসলম্॥ 13-273-34 (92313)
তব পুত্রা দুরাত্মানঃ ক্রোধলোভপরায়ণাঃ।
ঈর্ষ্যাভিভূতা দুর্বৃত্তাস্তান্ন শোচিতুমর্হসি॥ 13-273-35 (92314)
বৈশম্পায়ন উবাচ। 13-273-36x (7725)
এতাবধুক্ৎবা বচনং ধৃতরাষ্ট্রং মনীষিণম্।
বাসুদেবং মহাবাহুমভ্যভাষয় কৌরবঃ॥ 13-273-36 (92315)
ভীষ্ম উবাচ। 13-273-37x (7726)
ভগবন্দেবদেবেশ সুরাসুরনমস্কৃত।
ত্রিবিক্রম নমস্তুভ্যং শঙ্খচক্রগদাধর॥ 13-273-37 (92316)
বাসুদেবো হিরণ্যাত্মা পুরুষঃ সবিতা বিরাদ্।
জীবভূতোঽনুরূপস্ৎবং পরমাত্মা সনাতনঃ॥ 13-273-38 (92317)
ৎবদ্ভক্তং ৎবদ্গতিং শান্তমুদারমপরিগ্রহম্।
ত্রায়স্ব পুণ্ডরীকাক্ষ পুরুষোত্তম নিত্যশঃ।
অনুজানীহি মাং কৃষ্ণ বৈকুণ্ঠ পুরুষোত্তম॥ 13-273-39 (92318)
রক্ষ্যাশ্চ তে পাণ্ডবেয়া ভবান্যেষাং পরায়ণম্।
উক্তবানস্মি দুর্বদ্ধিং মন্দং দুর্যোধনং তদা॥ 13-273-40 (92319)
যতঃ কৃষ্ণস্ততো ধর্মো যতো ধর্মস্ততো জয়ঃ।
বাসুদেবেন তীর্থেন পুত্র সংশাম্য পাণ্ডবৈঃ॥ 13-273-41 (92320)
সন্ধানস্য পরঃ কালস্তবেতি চ পুনঃপুনঃ।
ন চ মে তদ্বচো মূঢঃ কৃতবান্স সুমন্দধীঃ।
ঘাতয়িৎবেহ পৃথিবীং ততঃ স নিধনং গতঃ॥ 13-273-42 (92321)
ৎবাং তু জানাম্যহং দেবং পুরাণমৃষিসত্তমম্।
নরেণ সহিতং দেব বদর্যাং সুচিরোষিতম্॥ 13-273-43 (92322)
তথা মে নারদঃ প্রাহ ব্যাসশ্চ সুমহাতপাঃ।
নরনারায়ণাবেতৌ সম্ভূতৌ মনুজেষ্বিতি॥ 13-273-44 (92323)
স মাং ৎবমনুজানীহি কৃষ্ণ মোক্ষ্যে কলেবরম্।
ৎবয়াঽহং সমনুজ্ঞাতো গচ্ছেয়ং পরমাং গতিম্॥ 13-273-45 (92324)
বাসুদেব উবাচ। 13-273-46x (7727)
অনুজানামি ভীষ্ম ৎবাং বসূন্প্রাপ্নুহি পার্থিব।
ন তেঽস্তি বৃজিনং কিঞ্চিচ্ছুদ্ধাত্মৈশ্বর্যসংয়ুতঃ॥ 13-273-46 (92325)
পিতৃভক্তোসি রাজর্ষে মার্কণ্ডেয় ইবাপরঃ।
তেন মৃত্যুস্তব বশে স্থিতো ভৃত্য ইবানতঃ॥ 13-273-47 (92326)
বৈশম্পায়ন উবাচ। 13-273-48x (7728)
এবমুক্তস্তু গাঙ্গেয়ঃ পাণ্ডবানিদমব্রবীৎ।
ধৃতরাষ্ট্রমুখাংশ্চাপি সর্বাংশ্চ সুহৃদস্তথা॥ 13-273-48 (92327)
প্রাণানুৎস্রষ্টুমিচ্ছামি তত্রানুজ্ঞাতুমর্হথ।
সত্যেষু যতিতব্যং বঃ সত্যং হি পরমং বলম্॥ 13-273-49 (92328)
আনৃশংস্যপরৈর্ভাব্যং সদৈব নিয়তাত্মভিঃ।
ব্রহ্মণ্যৈর্ধর্মশীলৈশ্চ তপোনিত্যৈশ্চ ভারতাঃ॥ 13-273-50 (92329)
ইত্যুক্ৎবা সুহৃদঃ সর্বাংস্তথা সম্পূজ্য চৈব হ।
`ধনং বহুবিধং রাজন্দত্ৎবা নিত্যং দ্বিজাতিষু।'
পুনরেবাব্রবীদ্ধীমান্যুধিষ্ঠিরমিদং বচঃ॥ 13-273-51 (92330)
ব্রাহ্মণাশ্চৈব তে নিত্যং প্রাজ্ঞাশ্চৈব বিশেষতঃ।
আচার্যা ঋৎবিজশ্চৈব পূজনীয়া জনাধিপ॥ ॥ 13-273-52 (92331)
ইতি শ্রীমন্মহাভারতে অনুশাসনপর্বণি ভীষ্মস্বর্গারোহণপর্বণি ত্রিসপ্তত্যধিকদ্বিশততমোঽধ্যায়ঃ॥ 273 ॥
Mahabharata - Anushaasana Parva - Chapter Footnotes
7-273-28 মাসঃ সৌম্য ইতি ঝ.পাঠঃ। সৌম্যশ্চান্দ্রঃ। মাসস্য চতুর্ভাগকরণে সার্ধসপ্ততিথেরেকৈকভাগৎবাৎ। অষ্টম্যর্ধস্যানতীতৎবেন প্রথমভাগস্য বিদ্যমানৎবাৎ ত্রিভাগশেষো ভবিতুমর্হতীত্যর্থঃ। তেনাদ্যাষ্টমীত্যর্থঃ॥অনুশাসনপর্ব - অধ্যায় 274
॥ শ্রীঃ ॥
13.274. অধ্যায়ঃ 274
অথ দানধর্মপর্ব ॥ 1 ॥
Mahabharata - Anushaasana Parva - Chapter Topics
ভীষ্মেণ ভগবদ্ধ্যানপূর্বকং স্বশরীরমূর্ধমধ্যোদ্ভেদনেন তেজো জ্বালারূপেণ সর্বাপরোক্ষমাকাশপ্রবেশনেন ক্ষণাদন্তর্ধানম্॥ 1 ॥ ততো ধৃতরাষ্ট্রয়ুধিষ্ঠিরাদিবী রাজবৈভবেন চিতারোপণেন বিধিবদগ্নিনা সমুদ্দীপনম্॥ 2 ॥ ততো গঙ্গামবগাহ্য কৃতোদকেষু যুধিষ্ঠিরাদিষু মূর্তীভূয় জলাদুদ্গত্য ভীষ্মংপ্রতি সকরুণং বিলাপেন শোচন্তীং গঙ্গাংপ্রতি কৃষ্ণাদিভিরাশ্বাসনম্॥ 3 ॥Mahabharata - Anushaasana Parva - Chapter Text
বৈশম্পায়ন উবাচ।
এবমুক্ৎবা কুরূন্সর্বান্ভীষ্মঃ শান্তনবস্তদা।
তূষ্ণীং বভূব কৌরব্যঃ স মুহূর্তমরিংদম॥ 13-274-1 (92332)
ধারয়ামাস চাত্মানং ধারণাসু যথাক্রমম্।
তস্যোর্ধ্বমগমন্প্রাণাঃ সন্নিরুদ্ধা মহাত্মনঃ॥ 13-274-2 (92333)
ইদমাশ্চর্যমাসীচ্চ মধ্যে তেষাং মহাত্মনাম্।
সহিতৈর্ঋষিভিঃ সর্বৈস্তদা ব্যাসাদিভিঃ প্রভো॥ 13-274-3 (92334)
যদ্যন্মুঞ্চতি গাত্রং হি স শন্তনুসুতস্তদা।
তত্তদ্বিশল্যমভবদ্যোগয়ুক্তস্য বৈ ক্রমাৎ।
ক্ষণেন প্রেক্ষতাং তেষাং বিশল্যঃ সোঽভবত্তদা॥ 13-274-4 (92335)
তদ্দৃষ্ট্বা বিস্মিতাঃ সর্বে বাসুদেবপুরোগমাঃ।
সহ তৈর্মুনিভিঃ সর্বৈস্তদা ব্যাসাদিভির্নৃপ॥ 13-274-5 (92336)
সন্নিরুদ্ধস্তু তেনাত্মা সর্বেষ্বায়তনেষু চ।
জগাম ভিত্ৎবা মূর্ধানং দিবমভ্যুৎপপাত হ॥ 13-274-6 (92337)
দেবদুন্দুভিনাদশ্চ পুষ্পবর্ষৈঃ সহাভবৎ।
সিদ্ধা ব্রহ্মর্ষয়শ্চৈব সাদুসাধ্বিতি হর্ষিতাঃ॥ 13-274-7 (92338)
মহোল্কেব চ ভীষ্মস্য মূর্ধদেশাজ্জনাধিপ।
নিঃসৃকত্যাকাশমাবিশ্য ক্ষণেনান্তরধীয়ত॥ 13-274-8 (92339)
এবং স রাজশার্দূল নৃপঃ শান্তনবস্তদা।
সময়ুজ্যত লোকৈঃ স্বৈর্ভরতানাং কুলোদ্বহঃ॥ 13-274-9 (92340)
ততস্ৎবাদায় দারূণি গন্ধাংশ্চ বিবিধান্বহূন্।
চিতাং চক্রুর্মহাত্মানঃ পাণ্ডবা বিদুরস্তথা।
যুয়ুৎসুশ্চাপি কৌরব্যং প্রেক্ষকাস্ৎবিতরেঽভবন্॥ 13-274-10 (92341)
যুধিষ্ঠিরশ্চ গাঙ্গেয়ং ধৃতরাষ্ট্রশ্চ দুঃখিতৌ।
ছাদয়ামাসতুরুভৌ ক্ষৌমের্মাল্যৈশ্চ কৌরবম্॥ 13-274-11 (92342)
ধারয়ামাস তস্যাথ যুয়ুৎসুশ্ছত্রমুত্তমম্।
চামরে ব্যজনে শুভ্রে ভীমসেনার্জুনাবুভৌ।
উষ্ণীষে পরিগৃহ্ণীতাং মাদ্রীপুত্রাবুভৌ তথা॥ 13-274-12 (92343)
যুধিষ্ঠিরেণ সহিতো ধৃতরাষ্ট্রশ্চ পাদতঃ।
বৃদ্ধা স্ত্রিয়ঃ কৌরবাণাং ভীষ্মং কুরুকুলোদ্বহম্।
তালবৃন্তান্যুপাদায় পর্যবীজন্ত সর্বশঃ॥ 13-274-13 (92344)
ততোস্য বিদিবচ্চক্রুঃ পিতৃমেধং মহাত্মনঃ।
যাজকা জুহুবুশ্চাগ্নৌ জগুঃ সামানি সমাগাঃ॥ 13-274-14 (92345)
ততশ্চন্দনকাষ্ঠৈশ্চ তথা কালীয়কৈরপি।
কালাগুরুপ্রভৃতিভির্গন্ধৈশ্চোচ্চাবচ্চৈস্তথা॥ 13-274-15 (92346)
সমবচ্ছাদ্য গাঙ্গেয়ং সম্প্রজ্বাল্য হুতাশনম্।
অপসব্যমকুর্বন্ত ধৃতরাষ্ট্রমুখাশ্চিতাম্॥ 13-274-16 (92347)
সংস্কৃত্য চ কুরুশ্রেষ্ঠং গাঙ্গেয়ং কুরুসত্তমাঃ।
জগ্মুর্ভাগীরথীং পুণ্যামৃষিজুষ্টাং কুরূদ্বহাঃ॥ 13-274-17 (92348)
অনুগম্যমানা ব্যাসেন নারদেনাসিতেন চ।
কৃষ্ণেন ভরতস্ত্রীভির্যে চ পৌরাঃ সমাগতাঃ॥ 13-274-18 (92349)
উদকং চক্রিরে সর্বে গাঙ্গেয়স্য মহাত্মনঃ।
বিধিবৎক্ষত্রিয়শ্রেষ্ঠাঃ স চ সর্বো জনস্তদা॥ 13-274-19 (92350)
ততো ভাগীরথী দেবী তনয়স্যোদকে কৃতে।
উত্থায় সলিলাত্তস্মাদ্রুদতী শোকবিহ্বলা।
পরিদেবয়তী তত্র কৌরকবানভ্যভাষত॥ 13-274-20 (92351)
নিবোধত যথাবৃত্তমুচ্যমানং ময়া নৃপাঃ।
রাজবৃত্তেন সম্পন্নঃ প্রজ্ঞয়াভিজনেন চ।
সৎকর্তা কুরুবৃদ্ধানাং পিতৃভক্তো দৃঢব্রতঃ॥ 13-274-21 (92352)
জামদগ্ন্যেন রামেণ যঃ পুরা ন পরাজিতঃ।
দিব্যৈরস্ত্রৈর্মহাবীর্যঃ স হতোঽদ্য শিখণ্ডিনা॥ 13-274-22 (92353)
অশ্মসারময়ং নূনং হৃদয়ং মম পার্থিবাঃ।
অপশ্যন্ত্যাঃ প্রিয়ং পুত্রং যন্ন দীর্যতি মেঽদ্য বৈ॥ 13-274-23 (92354)
সমেতং পার্থিবং ক্ষত্রং কাশিপুর্যাং স্বয়ংপরে।
বিজিত্যৈকরথেনাজৌ কন্যাশ্চায়ং জহারহ॥ 13-274-24 (92355)
যস্য নাস্তি বলে তুল্যঃ পৃথিব্যামপি কশ্চন।
হতং শিখণ্ডিনা শ্রুৎবা যন্ন দীর্যতি মে মনঃ॥ 13-274-25 (92356)
জামদগ্ন্যঃ কুরুক্ষেত্রে যুধি যেন মহাত্মনা।
পীডিতো নাতিয়ত্নেন স হতোঽদ্য শিখণ্ডিনা॥ 13-274-26 (92357)
এবংবিধং বহু তদা বিলন্পতীং নহানদীম্।
আশ্বাসয়ামাস তদা সাম্না দামোদরো বিভুঃ॥ 13-274-27 (92358)
সমাশ্বসিহি ভদ্রে ৎবং মা শুচঃ শুভদর্শনে।
গতঃ স পরমং লোকং তব পুত্রো ন সংশয়ঃ॥ 13-274-28 (92359)
বসুরেষ মহাতেজাঃ শাপদোষেণ শোভনে।
মানুষৎবমনুপ্রাপ্তো নৈনং শোচিতুমর্হসি॥ 13-274-29 (92360)
স এষ ক্ষত্রধর্মেণ যুধ্যমানো রণাজিরে।
ধনংজয়েন নিহতো নৈষ দেবি শিখণ্ডিনা॥ 13-274-30 (92361)
ভীষ্মং হি কুরুশার্দূলমুদ্যতেষু মহারণে।
ন শক্তঃ সংয়ুগে হন্তুং সাক্ষাদপি শতক্রতুঃ॥ 13-274-31 (92362)
স্বচ্ছন্দতস্তব সুতো গতঃ স্বর্গং শুভাননে।
ন শক্তা বিনিহন্তুং হি রণে তং সর্বদেবতাঃ॥ 13-274-32 (92363)
তস্মান্মা ৎবং সরিচ্ছ্রেষ্ঠে শোচস্য কুরুনন্দনম্।
বসূনেষ গতো দেবি পুত্রস্তে বিজ্বরা ভব॥ 13-274-33 (92364)
বৈশম্পায়ন উবাচ। 13-274-34x (7729)
ইত্যুক্তা সা তু কৃষ্ণেন ব্যাসেন তু সরিদ্বরা।
ত্যক্ৎবা শোকং মহারাজ স্বং বার্যবততার হ॥ 13-274-34 (92365)
সৎকৃত্য তে তাং সরিতং ততঃ কৃষ্ণমুখা নৃপ।
অনুজ্ঞাতাস্তয়া সর্বে ন্যবর্তন্ত জনাধিপাঃ॥ ॥ 13-274-35 (92366)
ইতি শ্রীমন্মহাভারতে শতসাহস্রিকায়াং সংহিতায়াং বৈয়াসিক্যাং অনুশাসনপর্বণি ভীষ্মস্বর্গারোহণপর্বণি চতুঃসপ্তত্যধিকদ্বিশততমোঽধ্যায়ঃ॥ 274 ॥ ইতি অনুশাসনপর্ব সমাপ্তম্॥ 13 ॥