Kumbhaghonam Edition in Bangla Script
14. আশ্বমেধিকপর্ব
আশ্বমেধিকপর্ব - অধ্যায় 001
॥ শ্রীঃ ॥
14.1. অধ্যায়ঃ 001
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
গঙ্গায়াং ভীষ্মায়োদকদানানন্তরং বন্ধুশোকবিষণ্ণং যুধিষ্ঠিরংপ্রতি ধৃতরাষ্ট্রেণ সমাশ্বাসনম্॥ 1 ॥ তথা বিদুরবচনানাদরেণ স্বস্যৈতাদৃশানর্থপ্রাপ্তিকথনম্॥ 2 ॥Mahabharata - Ashvamedhika Parva - Chapter Text
শ্রীবেদব্যাসায় নমঃ।
নারায়ণং নমস্কৃত্য নরং চৈব নরোত্তমম্।
দেবীং সরস্বতীং ব্যাসং ততো জয়মুদীরয়েৎ॥ 14-1-1 (92367)
বৈশম্পায়ন উবাচ। 14-1-2x (7730)
কৃতোদকস্তু রাজানং ধৃতরাষ্ট্রং যুধিষ্ঠিরঃ।
পুরস্কৃত্য মহাবাহুরুত্ততারাকুলেন্দ্রিয়ঃ॥ 14-1-2 (92368)
উত্তীর্য তু মহাবাহুর্বাষ্পব্যাকুললোচনঃ।
পপাত তীরে গঙ্গায়া ব্যাধবিদ্ধ ইব দ্বিপঃ॥ 14-1-3 (92369)
তং সীদমানং জগ্রাহ ভীমঃ কৃষ্ণেন চোদিতঃ।
মৈবমিত্যব্রবীচ্চৈনং কৃষ্ণঃ পরবলার্দনঃ॥ 14-1-4 (92370)
তমার্তং পতিতং ভূমৌ শ্বসন্তং চ পুনঃ পুনঃ।
তদৃশুঃ পার্থিবা রাজন্ধর্মপুত্রং যুধিষ্ঠিরম্॥ 14-1-5 (92371)
ত দৃষ্ট্বা দীনমনসং গতসৎবং নরেশ্বরম্।
ভূয়ঃ শোকসমাবিষ্টাঃ পাণ্ডবাঃক সমুপাবিশন্॥ 14-1-6 (92372)
রাজা তু ধৃতরাষ্ট্রস্তং তথা দীনো মহাভুজম্।
বাক্যমাহ মহাবুদ্ধিঃ প্রজ্ঞাচক্ষুর্নরেশ্বরম্॥ 14-1-7 (92373)
উত্তিষ্ঠ কুরুশার্দূল কুরু কার্যমনন্তরম্।
ক্ষত্রধর্মেণ কৌন্তেয় জিতেয়মবনী ৎবয়া॥ 14-1-8 (92374)
ভুঙ্ক্ষ সার্ধং ভ্রাতৃভিস্তাং সুহৃদ্ভিশ্চ জনেশ্বর।
শোচিতব্যং ন পশ্যামি ৎবয়া ধর্মভৃতাংবর॥ 14-1-9 (92375)
শোচিতব্যং ময়া চৈব গান্ধার্যা চ মহীপতে।
যয়োঃ পুত্রশতং নষ্টং স্বপ্নলব্ধং যথা ধনম্॥ 14-1-10 (92376)
অশ্রুৎবা হিতকামস্য বিদুরস্য মহাত্মনঃ।
বাক্যানি সুমহার্থানি পরিতপ্যামি দুর্মতিঃ॥ 14-1-11 (92377)
উক্তবান্বিদুরো যন্মাং ধর্মাত্মা দিব্যদর্শনঃ।
দুর্যোধনাপরাধেন কুলং তে বিনশিষ্যতি॥ 14-1-12 (92378)
স্বস্তি চেদিচ্ছসে রাজন্কুলস্য কুরু মে বচঃ।
বধ্যতামেষ দুষ্টাত্মা মন্দো রাজা সুয়োধনঃ॥ 14-1-13 (92379)
কর্ণশ্চ শকুনিশ্চৈব নৈনং পশ্যতু কর্হিচিৎ।
দ্যূতসঙ্ঘাতমপ্যেষামপ্রমাদেন বারয়॥ 14-1-14 (92380)
অভিষেচয় রাজানং ধর্মাত্মানং যুধিষ্ঠিরম্।
স পালয়িষ্যতি বশী ধর্মেণ পৃথিবীমিমাম্॥ 14-1-15 (92381)
অথ নেচ্ছসি রাজানং কুন্তীপুত্রং যুধিষ্ঠিরম্।
`বিনাশমুপয়াস্তন্তি তব পুত্রা ন সংশয়ঃ।'
মেঢীভূতঃ স্বয়ং রাজ্যং প্রতিগৃহ্ণীষ্ব পার্থিব॥ 14-1-16 (92382)
সমং সর্বেষু ভূতেষু বর্তমানং নরাধিপ।
অনুজীবন্তু সর্বে ৎবাং জ্ঞাতয়ো জ্ঞাতিবর্ধংন॥ 14-1-17 (92383)
এবং ব্রুবতি কৌন্তেয় বিদুরে দীর্ঘদর্শিনি।
দুর্যোধনমহং পাপমন্ববর্তং বৃথামতিঃ॥ 14-1-18 (92384)
অশ্রুৎবা তস্য ধীরস্য বাক্যানি মধুরাণ্যহম্।
ফলং প্রাপ্য মহদ্দুঃখং নিমগ্নঃ শোকসাগরে॥ 14-1-19 (92385)
বৃদ্ধৌ হি তেঽদ্য পিতরৌ পশ্য নৌ দুঃখিতৌ নৃপ।
ন শোচিতব্যং ভবতা পশ্যামীহ জনাধিপ॥ ॥ 14-1-20 (92386)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি প্রথমোঽধ্যায়ঃ॥ 1 ॥
Mahabharata - Ashvamedhika Parva - Chapter Footnotes
7-1-1 কৃতোদকং ৎবিতি ঝ.পাঠঃ॥ 7-1-2 উত্ততার গঙ্গাত ইতি শেষঃ॥আশ্বমেধিকপর্ব - অধ্যায় 002
॥ শ্রীঃ ॥
14.2. অধ্যায়ঃ 002
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
ধৃতরাষ্ট্রেণ সমাশ্বাসনেপি তূষ্ণীং তিষ্ঠন্তো যুধিষ্ঠিরস্য কৃষ্ণেন পরিসান্ৎবনম্॥ 1 ॥ পুনর্ভীষ্মদ্রোণকর্ণমারণানুস্মরণ বিষাদেনারণ্যগমনায় কৃষ্ণানুজ্ঞানমাকাঙ্ক্ষমাণস্য যুধিষ্ঠিরস্য ব্যাসেনি পরিসান্ৎবনম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
এবমুক্তস্তু রাজাঽসৌ ধৃতরাষ্ট্রেণ ধীমতা।
তূষ্ণীংবভূব মেধাবী তমুবাচাথ কেশবঃ॥ 14-2-1 (92387)
অতীব মনসা শোকঃ ক্রিয়মাণো জনাধিপ।
সন্তপয়তি চৈতস্য পূর্বপ্রেতান্পিতামহান্॥ 14-2-2 (92388)
যজস্ব বিবিধৈর্যজ্ঞৈর্বহুভিঃ স্বাপ্তদক্ষিণৈঃ।
দেবাংস্তর্পয় সোমেন স্বধয়া চ পিতৄনপি॥ 14-2-3 (92389)
অতিথীনন্নপানেন কামৈরন্যৈরকিঞ্চনান্।
`ৎবদ্বিধস্য মহাবুদ্ধে নৈতদদ্যোপপদ্যতে।'
বিদিতং বেদিতব্যং তে কর্তব্যমপি তে কৃতম্॥ 14-2-4 (92390)
শ্রুতাশ্চ রাজধর্মাস্তে ভীষ্মাদ্ভাগীরথীসুতাৎ।
কৃষ্ণদ্বৈপায়নাচ্চৈব নারদাদ্বিদুরাত্তথা॥ 14-2-5 (92391)
নেমামর্হসি মূঢানাং বৃত্তিং ৎবমনুবর্তিতুম্।
পিতৃপৈতামহং বৃত্তমাস্থায় ধুরমুদ্বহ॥ 14-2-6 (92392)
যুক্তং হি যশসা ক্ষাত্রং স্বর্গং প্রাপ্তুমসংশয়ম্।
নহি কশ্চিদ্ধি শূরণাং নিহতোঽত্র পরাঙ্মুখঃ॥ 14-2-7 (92393)
ত্যজ শোকং মহারাজ ভবিতব্যং হি তত্তথা।
ন শক্যাস্তে পুনর্দ্রষ্টুং ৎবয়া যেঽস্মিন্রণে হতাঃ॥ 14-2-8 (92394)
এতাবদুক্ৎবা গোবিন্দো ধর্মরাজং যুধিষ্ঠিরম্।
বিররাম মহাতেজাস্তমুবাচ যুধিষ্ঠিরঃ॥ 14-2-9 (92395)
গোবিন্দ ময়ি যা প্রীতিস্তব সা বিদিতা মম।
সৌহৃদেন তথা প্রেম্ণা সদা ময়্যনুকম্পসে॥ 14-2-10 (92396)
প্রিয়ং তু মে স্যাৎসুমহৎকৃতং চক্রগদাধর।
শ্রীমন্প্রীতেন মনসাক সর্বং যাদবনন্দন॥ 14-2-11 (92397)
যদি মামনুজানীয়াদ্ভবান্গন্তুং তপোবনম্।
`কৃতকৃত্যো ভবিষ্যামি ইতি মে নিশ্চিতা মতিঃ'॥ 14-2-12 (92398)
ন হি শান্তিং প্রপশ্যামি পাতয়িৎবা পিতামহম্।
`নৃশংসঃ পুরুষব্যাঘ্রং গুরুং বীর্যবলান্বিতম্।'
কর্ণং চ পুরুষব্যাঘ্নং সঙ্গ্রামেষ্বপলায়িনম্॥ 14-2-13 (92399)
কর্মণা যেন মুচ্যেয়মস্মাৎক্রূরাদরিংদম।
কর্মণা তদ্বিধৎস্বেহ যেন শুধ্যতি মে মনঃ॥ 14-2-14 (92400)
তমেবংবাদিনং পার্থং ব্যাসঃ প্রোবাচ ধর্মবিৎ।
সান্ৎবয়ন্সুমহাতেজাঃ শুভং বচনমর্থবৎ॥ 14-2-15 (92401)
সুকৃতা তে মতিস্তাত পুনর্বাল্যেন মুহ্যসে।
কিমাকাশে বয়ং সর্বে প্রলপামো মুহুর্মুহুঃ॥ 14-2-16 (92402)
বিদিতাঃ ক্ষত্রধর্মাস্তে যেষাং যুদ্ধেন জীবিকা।
তথা প্রবৃত্তো নৃপতির্নাধিবন্ধেন যুজ্যসে॥ 14-2-17 (92403)
মোক্ষধর্মাশ্চ নিখিলা যাথাতথ্যেন তে শ্রুতাঃ।
`যথা বৈ কামজাং মায়াং পরিত্যুক্তং ৎবমর্হসি॥' 14-2-18 (92404)
অসকৃচ্চাপি সন্দেহাশ্ছিন্নাস্তে কামজা ময়া।
অশ্রদ্দধানো দুর্মেধা লুপ্তস্মৃতিরসি ধ্রুবম্॥ 14-2-19 (92405)
মৈবং ভব ন তে যুক্তমিদমজ্ঞানমীদৃশম্॥ 14-2-20 (92406)
প্রায়শ্চিত্তানি সর্বাণি বিদিতানি চ তেঽনঘ।
রাজধর্মাশ্চ তে সর্বে দানধর্মাশ্চ তে শ্রুতাঃ॥ 14-2-21 (92407)
স কথং সর্বধর্মজ্ঞঃ সর্বাগমবিশারদঃ।
পরিমুহ্যসি ভূয়স্ৎবমজ্ঞানাদিব ভারত॥ ॥ 14-2-22 (92408)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি দ্বিতীয়োঽধ্যায়ঃ॥ 2 ॥
Mahabharata - Ashvamedhika Parva - Chapter Footnotes
7-2-16 পুনর্বাহ্মেন মুহ্যসে ইতি ক.ট.পাঠঃ॥ 16 ॥আশ্বমেধিকপর্ব - অধ্যায় 003
॥ শ্রীঃ ॥
14.3. অধ্যায়ঃ 003
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
ব্যাসেন যুধিষ্ঠিরংপ্রতি পুরুষকর্মণামীশ্বরপ্রেরণায়ত্ততয়া দোষানাপাদকৎবকথনপূর্বকং তদভ্যুপগমেনাপি পাপাপনোদায়াশ্বমেধাদিবিধানম্॥ 1 ॥ যুধিষ্ঠিরেণ স্বস্য তাবদ্দ্রব্যাভাবনিবেদনে ব্যাসেন তংপ্রতি হিমবতি গিরৌ বিদ্যমানমরুত্তয়াগাবশিষ্টদ্রব্যানয়নেনাশ্বমেধকরণচোদনা॥ 2 ॥Mahabharata - Ashvamedhika Parva - Chapter Text
ব্যাস উবাচ।
যুধিষ্ঠির তব প্রজ্ঞা ন সম্যগিতি মে মতিঃ।
ন হি কশ্চিৎস্বয়ং মর্ত্যঃ স্ববশঃ কুরুতে ক্রিয়াম্॥ 14-3-1 (92409)
ঈশ্বরেণ চ যুক্তোঽয়ং সাধ্বসাধু চ মানবঃ।
করোত্যসুকরং কর্ম তত্রকা পরিদেবনা॥ 14-3-2 (92410)
আত্মানং মন্যসে চাথ পাপকর্মাণমন্ততঃ।
শৃণু তত্র যথা পাপমপকৃত্যেত ভারত॥ 14-3-3 (92411)
তপোভিঃ ক্রতুভিশ্চৈব দানেন চ যুধিষ্ঠির।
তরন্তি নিত্যং পুরুষা যে স্ম পাপানি কুর্বতে॥ 14-3-4 (92412)
যজ্ঞেন তপসা চৈব দানেন চ নরাধিপ।
পূয়ন্তে নরশার্দূল নরা দুষ্কৃতকারিণঃ॥ 14-3-5 (92413)
অসুরাশ্চ সুরাশ্চৈব পুণ্যহেতোর্মখক্রিয়াম্।
প্রবর্তন্তে মহাত্মানস্তস্মাদ্যজ্ঞঃ পরায়ণম্॥ 14-3-6 (92414)
যজ্ঞৈরেব মহাত্মানো বভূবুরধিকাঃ সুরাঃ।
ততো দেবাঃ ক্রিয়াবন্তো দানবানভ্যধর্ষয়ন্॥ 14-3-7 (92415)
রাজসূয়াশ্বমেধৌ চ সর্বমেধং চ ভারত।
নরমেধং চ নৃপতে ৎবমাহর যুধিষ্ঠির॥ 14-3-8 (92416)
যজস্ব বাজিমেধেন বিধিবদ্দক্ষিণাবতা।
বহুকামান্নবিত্তেন রামো দাশরথির্যথা॥ 14-3-9 (92417)
যথা চ ভরতো রাজা দৌষ্যন্তিঃ পৃথিবীপতিঃ।
শাকুন্তলো মহাবীর্যস্তব পূর্বপিতামহঃ॥ 14-3-10 (92418)
যুধিষ্ঠির উবাচ। 14-3-11x (7731)
অসংশয়ং বাজিমেধঃ পারয়েৎপৃথিবীমপি।
অভিপ্রায়স্তু মে কশ্চিত্তং ৎবং শ্রোতুমিহার্হসি॥ 14-3-11 (92419)
ইমং জ্ঞাতিবধং কৃৎবা সুমহান্তং দ্বিজোত্তম।
`অহমারাধয়িষ্যামি কথং শোকপরায়ণঃ।'
দানমল্পং ন শক্নোমি দাতুং বিত্তং চ নাস্তি মে॥ 14-3-12 (92420)
ন তু বালানিমান্দীনানুৎসহে বসু যাচিতুম্।
তথৈবাদ্রবিণান্কৃচ্ছ্রে বর্তমানান্নৃপাত্মজান্॥ 14-3-13 (92421)
স্বয়ং বিনাশ্য পৃথিবীং যজ্ঞার্থং দ্বিজসত্তম।
করমাহারয়িষ্যামি কথং শোকপরায়ণঃ॥ 14-3-14 (92422)
দুর্যোধনাপরাধেনি বসুধায়াং নরাধিপাঃ।
প্রনষ্টা যোজয়িৎবাঽস্মানকীর্ত্যা মুনিসত্তম॥ 14-3-15 (92423)
দুর্যোধনেন পৃথিবী ক্ষপিতা জয়কারণাৎ।
কোশশ্চাপি বিশীর্ণোসৌ ধার্তরাষ্ট্রস্য দুর্মতেঃ॥ 14-3-16 (92424)
পৃথিবী দক্ষিণা চাত্র বাজিমেধে মহাক্রতৌ।
বিদ্বদ্ভিঃ পরিদৃষ্টোঽয়ং শিষ্টো বিধিবিপর্যযঃ॥ 14-3-17 (92425)
ন চ প্রতিনিধিং কর্তুং চিকীর্ষামি তপোধন।
অত্র মে ভগবন্সম্যক্সাচিব্যং কর্তুমর্হসি॥ 14-3-18 (92426)
এবমুক্তস্তু পার্থেন কৃষ্ণদ্বৈপায়নস্তদা।
মুহূর্তমনুসঞ্চিন্ত্য ধর্মরাজানমব্রবীৎ॥ 14-3-19 (92427)
কোশশ্চাপি বিশীর্ণোঽয়ং পরিপূর্ণো ভবিষ্যতি।
বিদ্যতে দ্রবিণং পার্থ গিরৌ হিমবতি স্থিতম্॥ 14-3-20 (92428)
উৎসৃষ্টং ব্রাহ্মণৈর্যজ্ঞে মরুত্তস্য মহীপতে।
তদানয়স্ব কৌন্তেয় পর্যাপ্তং তদ্ভবিষ্যতি॥ 14-3-21 (92429)
যুধিষ্ঠির উবাচ। 14-3-22x (7732)
কথং যজ্ঞে মরুত্তস্য দ্রবিণং তৎসমাচিতম্।
কস্মিংশ্চ কালে স নৃপো বভূব দদতাংবর॥ 14-3-22 (92430)
ব্যাস উবাচ। 14-3-23x (7733)
যদি শুশ্রূষসে পার্থ শৃণু কারংধমং নৃপম্।
যস্মিন্কালে মহাবীর্যঃ স রাজাঽঽসীন্মহাধনঃ॥ ॥ 14-3-23 (92431)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি তৃতীয়োঽধ্যায়ঃ॥ 3 ॥
Mahabharata - Ashvamedhika Parva - Chapter Footnotes
7-3-18 প্রতিনিধিমনুকল্পম্॥আশ্বমেধিকপর্ব - অধ্যায় 004
॥ শ্রীঃ ॥
14.4. অধ্যায়ঃ 004
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
ব্যাসেন যুধিষ্ঠিরংপ্রতি সংবর্তমরুত্তীয়োপাখ্যানকথনারম্ভঃ॥ 1 ॥ মরুত্তেন রাজ্ঞা হিমবদুত্তরপার্শ্বে সৌবণৈংরেব কুণ্ডভাডাদ্যুপকরণৈর্যজ্ঞারম্ভঃ॥ 1 ॥Mahabharata - Ashvamedhika Parva - Chapter Text
যুধিষ্ঠির উবাচ।
শুশ্রূষে তস্য ধর্মজ্ঞ রাজর্ষেঃ পরিকীর্তনম্।
দ্বৈপায়ন মরুত্তস্য কথাং প্রব্রূহি মেঽনঘ॥ 14-4-1 (92432)
ব্যাস উবাচ। 14-4-2x (7734)
আসীৎকৃতয়ুগে তাত মনুর্দণ্ডিধরঃ প্রভুঃ।
তস্য পুত্রো মহোষ্বাসঃ প্রজাতিরভবন্নৃপঃ॥ 14-4-2 (92433)
প্রজাতেরভবৎপুত্রঃ ক্ষুত ইত্যভিবিশ্রুতঃ।
ক্ষুতস্য পুত্র ইক্ষ্বাকুর্মহীপালোঽভবৎপ্রভুঃ॥ 14-4-3 (92434)
তস্য পুত্রশতং রাজন্নাসীৎপরমধার্মিকম্।
তাংস্তু সর্বান্মহীপালানিক্ষ্বাকুরকরোৎপ্রভুঃ॥ 14-4-4 (92435)
তেষাং জ্যেষ্ঠস্তু বিংশোঽভূৎপ্রতিমানং ধনুষ্মতাম্।
বিংশস্য পুত্রঃ কল্যাণো বিবিংশো নাম ভারত॥ 14-4-5 (92436)
বিবিংশস্য সুতা রাজন্বভূবুর্দশ পঞ্চ চ।
সর্বে ধনুষি বিক্রান্তা ব্রহ্মণ্যাঃ সত্যবাদিনঃ॥ 14-4-6 (92437)
দানধর্মরতাঃ শান্তাঃ সততং প্রিয়বাদিনঃ।
তেষাং জ্যেষ্ঠঃ খনীনেত্রঃ স তান্সর্বানপীডয়ৎ॥ 14-4-7 (92438)
খনীনেত্রস্তু বিক্রান্তো জিৎবা রাজ্যমকণ্টকম্।
নাশকদ্রক্ষিতুং রাজ্যং নান্বরজ্যন্ত তং প্রজাঃ॥ 14-4-8 (92439)
তমপাস্য চ তদ্রাজ্যে তস্য পুত্রং সুবর্চসম্।
অভ্যষিঞ্চন্ত রাজেন্দ্র মুদিতা হ্যভবংস্তদা॥ 14-4-9 (92440)
স পিতুর্বিক্রিয়াং দৃষ্ট্বা রাজ্যান্নিরসনং চ তৎ।
নিয়তো বর্তয়ামাস প্রজাহিতচিকীর্ষয়া॥ 14-4-10 (92441)
ব্রহ্মণ্যঃ সত্যবাদী চ শুচিঃ শমদমান্বিতঃ।
প্রজাস্তং চান্বরজ্যন্ত ধর্মনিত্যং মনস্বিনম্॥ 14-4-11 (92442)
তস্য ধর্মপ্রবৃত্তস্য ব্যশীর্যৎকোশবাহনম্।
তং ক্ষীণকোশং সামন্তাঃ সমন্তাৎপর্যপীডয়ন্॥ 14-4-12 (92443)
স পীড্যমানো বহুভিঃ ক্ষীণকোশাশ্ববাহনঃ।
আর্তিমার্চ্ছৎপরাং রাজা সহ ভৃত্যৈঃ পুরেণ চ॥ 14-4-13 (92444)
ন চৈনমভিহন্তুং তে শক্নুবন্তি বলক্ষয়ে।
সম্যগ্বৃত্তো হি রাজা স ধর্মনিত্যো যুধিষ্ঠির॥ 14-4-14 (92445)
যদা তু পরমামার্তিং গতোঽসৌ সপুরো নৃপঃ।
ততঃ প্রদধ্মৌ স করং প্রাদুরাসীত্ততো বলম্॥ 14-4-15 (92446)
ততস্তানজয়ৎসর্বান্প্রাতিসীমান্নরাধিপান্।
এতস্মাৎকারণাদ্রাজন্বিশ্রুতঃ স করংধমঃ॥ 14-4-16 (92447)
আবীক্ষিত্তস্য পুত্রোঽভূত্ত্রেতায়ুগমুখে পুরা।
ইন্দ্রাদনবরঃ শ্রীমান্দেবৈরপি সুদুর্জয়ঃ॥ 14-4-17 (92448)
`কারংধম ইতি খ্যাতো বভূব জগতীপতিঃ।'
তস্য সর্বে মহীপালা বর্তন্তে স্ম বশে তদা।
স হি সম্রাডভূত্তেষাং বৃত্তেন চ বলেন চ॥ 14-4-18 (92449)
অবিক্ষিন্নাম ধর্মাত্মা শৌর্যেণেন্দ্রসমোঽভবৎ।
যজ্ঞশীলো ধর্মরতির্ধৃতিমান্সংয়তেন্দ্রিয়ঃ॥ 14-4-19 (92450)
তেজসাঽঽদিত্যসদৃশঃ ক্ষময়া পৃথিবীসমঃ।
বৃহস্পতিসমো বুদ্ধ্যা হিমবানিব সুস্থিরঃ॥ 14-4-20 (92451)
কর্মণা মনসা বাচা দমেন প্রশমেন চ।
মনাংস্যারাধয়ামাস প্রজানাং স মহীপতিঃ॥ 14-4-21 (92452)
য ঈজে হয়মেধানাং শতেন বিধিবৎপ্রভুঃ।
যাজয়ামাস যং বিদ্বান্স্বয়মেবাঙ্গিরাঃ প্রভুঃ॥ 14-4-22 (92453)
তস্য পুত্রোঽতিচক্রাম পিতরং গুণবত্তয়া।
মরুত্তো নাম ধর্মজ্ঞশ্চক্রবর্তী মহায়শাঃ।
নাগায়ুতসমপ্রাণঃ সাক্ষাদ্বিষ্ণুরিবাপরঃ॥ 14-4-23 (92454)
স যক্ষ্যমাণো ধর্মাত্মা শাতকুম্ভময়ান্যুত।
কারয়ামাস শুভ্রাণি ভাজনানি সহস্রশঃ॥ 14-4-24 (92455)
মেরুং পর্বতমাসাদ্য হিমবৎপার্শ্ব উত্তরে।
কাঞ্চনঃ সুমহান্পাদস্তত্র কর্ম চকার সঃ॥ 14-4-25 (92456)
ততঃ কুণ্ডানি পাত্রীশ্চ পিঠরাণ্যাসংনানি চ।
চক্রুঃ সুবর্ণকর্তারো যেষাং সঙ্খ্যা ন বিদ্যতে॥ 14-4-26 (92457)
তস্যৈব চ সমীপে তু যজ্ঞবাটো বভূব হ।
ঈজে তত্র স ধর্মাত্মা বিদিবৎপৃথিবীপতিঃ।
মরুত্তঃ সহিতৈঃ সর্বৈঃ প্রজাপালৈর্নরাধিপঃ॥ ॥ 14-4-27 (92458)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি চতুর্থাঽধ্যায়ঃ॥ 4 ॥
Mahabharata - Ashvamedhika Parva - Chapter Footnotes
7-4-1 শুশ্রূষে শ্রোতুমিচ্ছামি॥ 7-4-21 পূর্বজানাং মহীপতিরিতি ক.থ.পাঠঃ॥ 7-4-25 দৈবং তত্র সমাসাদ্যেতি ক.থ.পাঠঃ॥আশ্বমেধিকপর্ব - অধ্যায় 005
॥ শ্রীঃ ॥
14.5. অধ্যায়ঃ 005
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
অঙ্গীরসঃ পুত্রেণ সংবর্তেনাকারণবৈরিণঃ স্বাগ্রজন্মনো বৃহস্পতেরুপদ্রবাসহনেন সর্বস্বত্যাগপূর্বকমরণ্যপ্রবেশঃ॥ 1 ॥ ইন্দ্রেণ স্বাতিশায়িনি মরুত্তে রাজনি স্পর্ধয়া বৃহস্পতিসাচিব্যেন ততোপ্যতিশয়লিপ্সয়া মরুত্তপুরোহিতস্য বৃহস্পতের্ভেদোপায়েন বশীকরণম্॥ 2 ॥ বৃহস্পতিনেন্দ্রংপ্রতি মরুত্তস্য স্বেনায়াজনপ্রতিজ্ঞানম্॥ 3 ॥Mahabharata - Ashvamedhika Parva - Chapter Text
যুধিষ্ঠির উবাচ।
পথংবীর্যঃ সমভবৎস রাজা দদতাংবরঃ।
কথং চ জাতরূপেণ সময়ুজ্যত বৈ নৃপঃ॥ 14-5-1 (92459)
ক্ব চ তৎসাংপ্রতং দ্রব্যং ভগবন্নবতিষ্ঠতে।
কথং চ শক্যমস্মাভিস্তদবাপ্নুং তচপোধন॥ 14-5-2 (92460)
ব্যাস উবাচ। 14-5-3x (7735)
অসুরাশ্চৈব দেবাশ্চ দক্ষস্যাসন্প্রজাপতেঃ।
অপত্যং বহুলং তাত তেঽস্পর্ধন্ত পরস্পরম্॥ 14-5-3 (92461)
তথৈবাঙ্গিরসঃ পুত্রৌ পিতৃতুল্যৌ বভূবতুঃ।
বৃহস্পতির্বৃহত্তেজাঃ সংবর্তশ্চ তপোধনঃ॥ 14-5-4 (92462)
তাবতি স্পর্ধিনৌ রাজন্পৃথগাস্তাং পরস্পরম্।
বৃহস্পতিঃ স সংবর্তং বাধতে স্ম পুনঃপুনঃ॥ 14-5-5 (92463)
স বাধ্যমানঃ সততং ভ্রাত্রা জ্যেষ্ঠেন ভারত।
অর্থানুৎসৃজ্য দিগ্বাসা বনে বাসমরোচয়ৎ॥ 14-5-6 (92464)
বাসবোঽপ্যসুরান্সর্বান্বিজিত্য চ নিপাত্য চ।
ইন্দ্রৎবং প্রাপ্য লোকেষু ততো বব্রে পুরোহিতম্॥ 14-5-7 (92465)
পুত্রমঙ্গিরসো জ্যেষ্ঠং বিপ্রজ্যেষ্ঠং বৃহস্পতিম্।
যাজ্যস্ৎবঙ্গিরসঃ পূর্বমাসীদ্রাজা করংধমঃ॥ 14-5-8 (92466)
বীর্যেণাপ্রতিমো লোকে বৃত্তেন চ বলেন চ।
শতক্রতুরিবৌজস্বী ধর্মাত্মা সংশিতব্রতঃ। 14-5-9 (92467)
বাহনং যস্য যোধাশ্চ মিত্রাণি বিবিধানি চ।
শয়নানি চ মুখ্যানি মহার্হাণি চ সর্বশঃ॥ 14-5-10 (92468)
ধ্যানাদেবাভবদ্রাজন্মুখবাতেন সর্বশঃ।
স গুণৈঃ পার্থিবান্সর্বান্বশে চক্রে নরাধিপঃ॥ 14-5-11 (92469)
সংজীব্য কালমিষ্টং চ সশরীরো দিবং গতঃ।
বভূব তস্য পুত্রস্তু যয়াতিরিব ধর্মবিৎ॥ 14-5-12 (92470)
অবিক্ষিন্নাম শত্রুংজিৎস বশে কৃতবান্মহীম্।
বিক্রমেণ গুণৈশ্চৈব পিতেবাসীৎস পার্থিবঃ॥ 14-5-13 (92471)
তস্য বাসবতুল্যোঽভূন্মরুত্তো নাম বীর্যবান্।
পুত্রস্তমনুরক্তাঽভূৎপৃথিবী সাগরাম্বরা॥ 14-5-14 (92472)
স্পর্ধতে স স্ম সততং দেবরাজেন নিত্যদা।
বাসবোঽপি মরুত্তেনি স্পর্ধতে পাণ্ডুনন্দন॥ 14-5-15 (92473)
শুচিঃ স গুণবানাসীন্মরুত্তঃ পৃথিবীপতিঃ।
যতমানোপি যং শক্রো ন বিশেষয়তি স্ম হ॥ 14-5-16 (92474)
সোঽশক্নুবন্বিশেষায় সমাহূয় বৃহস্পতিম্।
উবাচেদং বচো দেবৈঃ সহিতো হরিবাহনঃ॥ 14-5-17 (92475)
বৃহস্পতে মরুত্তস্য মা স্ম কার্ষীঃ কথঞ্চন।
দৈবং কর্মাথ পিত্র্যং বা কর্তাসি মম চেৎপ্রিয়ম্॥ 14-5-18 (92476)
অহং হি ত্রিষু লোকেষু সুরাণাং চ বৃহস্পতে।
ইন্দ্রৎবং প্রাপ্তবানেকো মরুত্তস্তু মহীপতিঃ॥ 14-5-19 (92477)
কথং হ্যমর্ত্যং ব্রহ্মংস্ৎবং যাজয়িৎবা সুরাধিপম্।
যাজয়ের্মৃত্যুসংয়ুক্তং মরুত্তমবিশঙ্কয়া॥ 14-5-20 (92478)
মাং বা বৃণীষ্ব ভদ্রং তে মরুত্তং বা মহীপতিম্।
পরিত্যজ্য মরুত্তং বা যথাজোষং ভজস্ব মাম্॥ 14-5-21 (92479)
এবমুক্তঃ স করকব্য দেবরাজ্ঞা বৃহস্পতিঃ।
মুহূর্তমিব সঞ্চিন্ত্য দেবরাজানমব্রবীৎ॥ 14-5-22 (92480)
ৎবং ভূতানামধিপতিস্ৎবয়ি লোকাঃ প্রতিষ্ঠিতাঃ।
নমুচের্বিশ্বরূপস্য নিহন্তা ৎবং বলস্য চ॥ 14-5-23 (92481)
ৎবমাজহর্থ্ দেবানামেকো বীরশ্রিয়ং পরাম্।
ৎবং বিভর্ষি ভুবং দ্যাং চ সদৈব বলসূদন॥ 14-5-24 (92482)
পরোহিত্যং কথং কৃৎবা তব দেবগণেশ্বর।
যাজয়েয়মহং মর্ত্যং মরুত্তং পাকশাসন॥ 14-5-25 (92483)
সমাশ্বসিহি দেবেন্দ্র নাহং মর্ত্যস্য কর্হিচিৎ।
গ্রহীষ্যামি স্রুবং যজ্ঞে শৃণু চেদং বচো মম॥ 14-5-26 (92484)
হিরণ্যরেতা নোষ্ণঃ স্যাৎপরিবর্তেত মেদিনী।
ভাসং তু ন রবিঃ কুর্যান্ন তু সত্যং চলেন্ময়ি॥ 14-5-27 (92485)
ব্যাস উবাচ। 14-5-28x (7736)
বৃহস্পতিবচঃক শ্রুৎবা শক্রো বিগতমৎসরঃ।
প্রশস্যৈনং বিবেশাথ স্বমেব ভবনং তদা॥ ॥ 14-5-28 (92486)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি পঞ্চমোঽধ্যায়ঃ॥ 5 ॥
আশ্বমেধিকপর্ব - অধ্যায় 006
॥ শ্রীঃ ॥
14.6. অধ্যায়ঃ 006
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
বৃহস্পতিনা ইন্দ্রে স্বেন মরুত্তস্যায়াজনপ্রতিজ্ঞানশ্রবণামর্ষিণা মরুত্তেনি স্বয়াজনপ্রার্থেন তৎপ্রত্যাখ্যানম্॥ 1 ॥ ততঃ প্রতিনিবৃত্তস্য মরুত্তস্য মধ্যেমার্গং নারদসমাগমঃ॥ 2 ॥ নারদচোদনয়া মরুত্তেন বারাণসীদ্বারে স্বেন স্থাপিতকুণপাবলোকনেন প্রলায়মানং সংবর্তং প্রত্যনুগমনম্॥ 3 ॥ সংবর্তেন তৎপ্রতিনিবর্তনায় পাংসুকদমপ্রক্ষেপেপ্যনিবর্তমানং তমবলোক্যং বিজনে ন্যগ্রোধমূলে সমুপবেশঃ॥ 4 ॥Mahabharata - Ashvamedhika Parva - Chapter Text
ব্যাস উবাচ।
অত্রাপ্যুদাহরন্তীমমমিতিহাসং পুরাতনম্।
বৃহস্পতেশ্চ সংবাদং মরুত্তস্য চ ধীমতঃ॥ 14-6-1 (92487)
দেবরাজস্য সময়ং কৃতমাঙ্গিরসেন হ।
শ্রুৎবা মরুত্তো নৃপতির্মন্যুমাহারয়ৎপরম্॥ 14-6-2 (92488)
সঙ্কল্প্য মনসা যজ্ঞং করংধমসুতাত্মজঃ।
বৃহস্পতিমুপাগম্য বাগ্মী বচনমব্রবীৎ॥ 14-6-3 (92489)
ভগবন্যন্ময়া পূর্বমভিগম্য তপোধন।
কৃতোঽভিসন্ধির্যজ্ঞস্য ভবতো বচনাদ্গুরো॥ 14-6-4 (92490)
তমহং যষ্টুমিচ্ছামি সম্ভারাঃ সম্ভৃতাশ্চ মে।
যাজ্যোস্মি ভবতঃ সাধো তৎপ্রাপ্নুহি বিধৎস্ব চ॥ 14-6-5 (92491)
বৃহস্পতিরুবাচ। 14-6-6x (7737)
ন কাময়ে যাজয়িতুং ৎবামহং পৃথিবীপতে।
বৃতোস্মি দেবরাজেন প্রতিজ্ঞাতং চ তস্য মে॥ 14-6-6 (92492)
মরুত্ত উবাচ। 14-6-7x (7738)
পিত্র্যমস্মি তব ক্ষেত্রং বহুমন্যে চ তে ভৃশম্।
তবাস্মি যাজ্যাতাং প্রাপ্তো ভজমানং ভজস্ব মাম্॥ 14-6-7 (92493)
বৃহস্পতিরুবাচ। 14-6-8x (7739)
অমর্ত্যং যাজয়িৎবাঽহং যাজয়িষ্যে কথং নরম্।
মরুত্ত গচ্ছ বা মা বা নিবৃত্তোস্ম্যদ্য যাজনাৎ॥ 14-6-8 (92494)
ন ৎবাং যাজয়িতাস্ম্যদ্য বৃণু যং ৎবমিহেচ্ছসি।
উপাধ্যায়ং মহাবাহো যস্তে যজ্ঞং করিষ্যতি॥ 14-6-9 (92495)
ব্যাস উবাচ। 14-6-10x (7740)
এবমুক্তস্তু নৃপতির্মরুত্তো ব্রীডিতোঽভবৎ।
প্রত্যাগচ্ছন্সুসংবিগ্নো দদর্শ পথি নারদম্॥ 14-6-10 (92496)
দেবর্ষিণা সমাগম্য নারদেনি স পার্থিবঃ।
বিধিবৎপ্রাঞ্জলিস্তস্থাবথৈনং নারদোঽব্রবীৎ॥ 14-6-11 (92497)
রাজর্ষে নাতিহৃষ্টোসি কচ্চিৎক্ষেমং তবানঘ।
ক্ব গতোসি কুতশ্চেদমপ্রীতিস্থানমাগতম্॥ 14-6-12 (92498)
শ্রোতব্যং চেন্ময়া রাজন্ব্রূহি মে পার্থিবর্ষভ।
ব্যপনেষ্যামি তে মন্যুং সর্বয়ত্নৈর্নরাধিপ॥ 14-6-13 (92499)
এবমুক্তো মরুত্তঃ স নারদেন মহর্ষিণা।
বিপ্রলম্ভমুপাধ্যায়াৎসর্বজ্ঞে তং ন্যবেদয়ৎ॥ 14-6-14 (92500)
মরুত্ত উবাচ। 14-6-15x (7741)
গতোস্ম্যঙ্গিরসঃ পুত্রং দেবাচার্যং বৃহস্পতিম্।
যজ্ঞার্থমৃৎবিজং প্রষ্টুং স চ মাং নাভ্যনন্দত॥ 14-6-15 (92501)
প্রত্যাখ্যাতশ্চ তেনাহং জীবিতুং নাদ্য কাময়ে।
পরিত্যক্তশ্চ গুরুণা দূষিতশ্চাস্মি নারদ॥ 14-6-16 (92502)
ব্যাস উবাচ। 14-6-17x (7742)
এবমুক্তস্তু রাজ্ঞা স নারদঃ প্রত্যুবাচ হ।
আবিক্ষিতং মহারাজ বাচা সংজীবয়ন্নিব॥ 14-6-17 (92503)
রাজন্নঙ্গিরসঃ পুত্রঃ সংবর্তো নাম ধার্মিকঃ।
চঙ্কমীতি দিশঃ সর্বা দিগ্বাসা মোহয়ন্প্রজাঃ॥ 14-6-18 (92504)
তং গচ্চ যদি যাজ্যং ৎবাং ন বাঞ্ছতি বৃহস্পতিঃ।
প্রসন্নস্ৎবাং মহাতেজাঃ সংবর্তো যাজয়িষ্যতি॥ 14-6-19 (92505)
মরুত্ত উবাচ। 14-6-20x (7743)
সংজীবিতোঽহং ভবতা বাক্যেনানেন নারদ।
পশ্যেয়ং ক্ব নু সংবর্তং শংস মে বদতাংবর॥ 14-6-20 (92506)
কথং চ তস্মৈ বর্তেয়ং কথং মাং ন পরিত্যজেৎ।
প্রত্যাখ্যাতশ্চ তেনাপি নাহং জীবিতুমুৎসহে॥ 14-6-21 (92507)
নারদ উবাচ। 14-6-22x (7744)
উন্মত্তবেষং বিভ্রৎস চঙ্ক্রমীতি যথাসুখম্।
বারাণসীং তু নগরীমভীক্ষ্ণমুপসেবতে॥ 14-6-22 (92508)
তস্যা দ্বারং সমাসাদ্য ন্যসেথাঃ কুণপং ক্বচিৎ।
তং দৃষ্ট্বা যো নিবর্তেত সংবর্তঃ স মহীপতে॥ 14-6-23 (92509)
তং পৃষ্ঠতোঽনুগচ্ছেথা যত্র গচ্ছেৎস বীর্যবান্।
তমেকান্তে সমাসাদ্য প্রাঞ্জলিঃ শরণং ব্রজেঃ॥ 14-6-24 (92510)
পৃচ্ছেত্ৎবাং যদি কেনাহং তবাখ্যাত ইতি স্ম হ।
ব্রূয়াস্ৎবং নারদেনেতি স কুত্র ইতি শত্রুহন্॥ 14-6-25 (92511)
স চেত্ৎবামনুয়ুঞ্জীত মমানুগমনেপ্সয়া।
শংসেথা বহ্নিমারূঢং মামপি ৎবমশঙ্কয়া॥ 14-6-26 (92512)
ব্যাস উবাচ। 14-6-27x (7745)
স তথেতি প্রতিশ্রুত্য পূজয়িৎবা চ নারদম্।
অভ্যনুজ্ঞায় রাজর্ষির্যযৌ বারাণসীং পুরীম্॥ 14-6-27 (92513)
তত্র গৎবা যথোক্তং স পুর্যা দ্বারে মহায়শাঃ।
কুণপং স্থাপয়ামাস নারদস্য বচঃ স্মরন্॥ 14-6-28 (92514)
যৌগপদ্যেনি বিপ্রশ্চ পুরীদ্বারমথাবিশৎ।
ততঃ স কুণপং দৃষ্ট্বা সহসা সংন্যবর্তত॥ 14-6-29 (92515)
স তং নিবৃত্তমালক্ষ্য প্রাঞ্জলিঃ পৃষ্ঠতোঽন্বগাৎ।
আবিক্ষিতো মহীপালঃ সংবর্তমুপশিক্ষিতুম্॥ 14-6-30 (92516)
স চ তং বিজনে দৃষ্ট্বা পাংসুভিঃ কদেমেন চ।
শ্লেষ্মণা চৈব রাজানং ষ্ঠীবনৈশ্চ সমাকিরৎ॥ 14-6-31 (92517)
স তথা বাধ্যমানো বৈ সংবর্তেন মহীপতিঃ।
অন্বগাদেব তমৃষিং প্রাঞ্জলিঃ সম্প্রসাদয়ন্॥ 14-6-32 (92518)
ততো নিবর্ত্য সংবর্তঃ পরিশ্রান্ত উপাবিশৎ।
শীতলচ্ছায়মাসাদ্য ন্যগ্রোধং বহুশাখিনম্॥ ॥ 14-6-33 (92519)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি ষষ্ঠোঽধ্যায়ঃ॥ 6 ॥
Mahabharata - Ashvamedhika Parva - Chapter Footnotes
7-6-13 মন্যুং দৈন্যম্॥আশ্বমেধিকপর্ব - অধ্যায় 007
॥ শ্রীঃ ॥
14.7. অধ্যায়ঃ 007
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
সংবর্তমরুত্তসংবাদঃ॥ 1 ॥ সংবর্তেন সময়বন্ধনপূর্বকং মরুত্তংপ্রতি যাজনপ্রতিজ্ঞানম্॥ 2 ॥Mahabharata - Ashvamedhika Parva - Chapter Text
সংবর্ত উবাচ।
কথমস্মি ৎবয়া জ্ঞাতঃ কেন বা কথিতোস্মি তে।
এতদাচক্ষ্ব মে তত্ৎবমিচ্ছসে চেন্মম প্রিয়ম্॥ 14-7-1 (92520)
সত্যং তে ব্রুবতঃ সর্বে সম্পৎস্যন্তে মনোরথাঃ।
মিথ্যা চ ব্রুবতো মূর্ধা শতধা তে স্ফুটিষ্যতি॥ 14-7-2 (92521)
মরুত্ত উবাচ। 14-7-3x (7746)
নারদেন ভবান্মহ্যমাখ্যাতো হ্যটতা পথি।
গুরুপুত্রো মমেতি ৎবং ততো মে প্রীতিরুত্তমা॥ 14-7-3 (92522)
সংবর্ত উবাচ। 14-7-4x (7747)
সত্যমেতদ্ভবানাহ স মাং জানাতি সত্রিণম্।
কথয়স্ব তদেতন্মে ক্বনু সম্প্রতি নারদঃ॥ 14-7-4 (92523)
মরুত উবাচ। 14-7-5x (7748)
ভবন্তং কথয়িৎবা তু মম দেবর্ষিসত্তমঃ।
ততো মামভ্যনুজ্ঞায় প্রবিষ্টো হব্যবাহনম্॥ 14-7-5 (92524)
ব্যাস উবাচ। 14-7-6x (7749)
শ্রুৎবা তু পার্থিবস্যৈৎসংবর্তঃ প্রমুদং গতঃ।
এতাবদহমপ্যেবং শক্নুয়ামিতি সোঽব্রবীৎ॥ 14-7-6 (92525)
ততো মরুত্তমুন্মত্তো বাচা নির্ভর্ৎসয়ন্নিব।
রূক্ষয়া ব্রাহ্মণি রাজন্পুনঃ পুনরথাব্রবীৎ॥ 14-7-7 (92526)
বাতপ্রধানেন ময়া স্বচিত্তবশবর্তিনা।
এবং বিকৃতরূপেণ কথং যাজিতুমিচ্ছসি॥ 14-7-8 (92527)
ভ্রাতা মম সমর্থশ্চ বাসবেন চ সঙ্গতঃ।
বর্ততে যাজনে চৈব তেন কর্মাণি কারয়॥ 14-7-9 (92528)
গার্হস্থ্যং চৈব যাজ্যাশ্চ সর্বা গৃহ্যাশ্চ দেবতাঃ।
পূর্বজেন মমাক্ষিপ্তং শরীরং বর্জিতং ৎবিদম্॥ 14-7-10 (92529)
নাহং তেনাননুজ্ঞাতস্ৎবামাবিক্ষিত কর্হিচিৎ।
যাজয়েয়ং কথংচিদ্বৈ স হি পূজ্যতমো মম॥ 14-7-11 (92530)
স ৎবং বৃহস্পতিং গচ্চ তমনুজ্ঞাপ্য চাব্রজ।
ততোঽহং যাজয়িষ্যে ৎবাং যদি যষ্টুমিহেচ্ছসি॥ 14-7-12 (92531)
মরুত্ত উবাচ। 14-7-13x (7750)
বৃহস্পতিং গতঃ পূর্বমহং সংবর্তে তচ্ছৃণু।
ন মাং কাময়তে যাজ্যং মুনির্বাসববারিতঃ॥ 14-7-13 (92532)
অমরং যাজ্যমাসাদ্য যাজয়িষ্যে ন মানুষম্।
শক্রেণ প্রতিষিদ্ধোঽহং মরুত্তং মা স্ম যাজয়ে॥ 14-7-14 (92533)
স্পর্ধতে হি ময়া বিপ্র সদা হি স তু পার্থিবঃ।
এবমস্ৎবিতি চাপ্যুক্তো ভ্রাত্রা তে বলসূদনঃ॥ 14-7-15 (92534)
স মামধিগতং প্রেম্ণা যাজ্যৎবে ন বুভূষতি।
দেবরাজং সমাশ্রিত্য তদ্বিদ্ধি মুনিপুঙ্গব॥ 14-7-16 (92535)
সোহমিচ্ছামি ভবতা সর্বস্বেনাপি যাজিতুম্।
কাময়ে সমতিক্রান্তুং বাসবং ৎবৎকৃতৈর্গুণৈঃ॥ 14-7-17 (92536)
ন হি মে বর্ততে বুদ্ধির্গন্তুং ব্রহ্মন্বৃহস্পতিম্।
প্রত্যাখ্যাতো হি তেনাস্মি তথাঽনপকৃতে সতি॥ 14-7-18 (92537)
সংবর্ত উবাচ। 14-7-19x (7751)
চিকীর্ষসি যথাকামং সর্বমেতত্ৎবয়ি ধ্রুবম্।
যদি সর্বানভিপ্রায়ান্কর্তাসি মম পার্থিব॥ 14-7-19 (92538)
যাজ্যমানং ময়া হি ৎবাং বৃহস্পতিপুংরদরৌ।
দ্বিষেতাং সমভিক্রুদ্ধাবেতদেকং সমর্থয়ে॥ 14-7-20 (92539)
স্থৈর্যমত্র কথং মে স্যাৎস ৎবং নিঃসংশয়ং কুরু।
কুপিতস্ৎবাং ন হীদানীং ভস্ম কুর্যা সবান্ধবম্॥ 14-7-21 (92540)
মরুত্ত উবাচ। 14-7-22x (7752)
যাবত্তপেৎসহস্রাংশুস্তিষ্ঠেরংশ্চাপি পর্বতাঃ।
তাবল্লোকান্ন লভেয়ং ত্যজেয়ং সঙ্গতং যদি॥ 14-7-22 (92541)
মা চাপি শুভবুদ্ধিৎবং লভেয়মিহ কর্হিচিৎ।
বিষয়ৈঃ সঙ্গতং চাস্তু ত্যজেয়ং সঙ্গতং যদি॥ 14-7-23 (92542)
সংবর্ত উবাচ। 14-7-24x (7753)
আবিক্ষিত শুভা বুদ্ধির্বর্ততাং তব কর্মসু।
যাজনং হি মমাপ্যেব বর্ততে হৃদি পার্থিব॥ 14-7-24 (92543)
অভিধাস্তে চ তে রাজন্নক্ষয়ং দ্রব্যমুত্তমম্।
যেন দেবান্সগ্ধর্বাঞ্শক্রং চাভিভবিষ্যসি॥ 14-7-25 (92544)
ন তু মে বর্ততে বুদ্ধির্ধনে যাজ্যেষু বা পুনঃ।
বিপ্রিয়ং তু করিষ্যামি ভ্রাতুশ্চেন্দ্রস্য চোভয়ো॥ 14-7-26 (92545)
গময়িষ্যামি শক্রেণ সমতামপি তে ধ্রুবম্।
প্রিয়ং চ তে করিষ্যামি সত্যমেতদ্ব্রবীমি তে॥ ॥ 14-7-27 (92546)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি সপ্তমোঽধ্যায়ঃ॥ 7 ॥
Mahabharata - Ashvamedhika Parva - Chapter Footnotes
7-7-1 মে সত্যং জীবিতং চেৎপ্রিয়ংতবেতি ক.থ.পাঠঃ॥ 7-7-4 সত্রিণং কপটবেষচ্ছন্নম্॥ 7-7-6 অহমপ্যেনং কুর্যামিতি তমব্রবীদিতি ক.থ.পাঠঃ॥ 7-7-8 মধুপ্রয়োগদানেন স্বচিত্তপরিবর্তিনেতি ক.থ.পাঠঃ॥ 7-7-23 ভোগেষু সম্যগ্ভোগাংশ্চ ত্যজেয়মিতি ক.থ.পাঠঃ॥আশ্বমেধিকপর্ব - অধ্যায় 008
॥ শ্রীঃ ॥
14.8. অধ্যায়ঃ 008
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
সংবর্তেন মরুত্তংপ্রতি হিমবৎসংনিহিতে মুঞ্জবতিগিরৌ মহাদেবস্য নিবাসকথনপূর্বকং স্বোক্তনামশতকেন স্তুত্যা তৎপ্রসাদনেন যাগায় তন্নত্যবহুসুবর্ণহরণচোদনা॥ 1 ॥ সংবর্তেনি তদাহরণেন শিল্পিভির্যাগোপয়োগিভাণ্ডনির্মাপণম্॥ 2 ॥ ইন্দ্রেণ তচ্ছ্রবণনির্বিণ্ণস্য বৃহস্পতেঃ সমীপং প্রত্যাগমনম্॥ 3 ॥Mahabharata - Ashvamedhika Parva - Chapter Text
সংবর্ত উবাচ।
গিরের্হিমবতঃ পৃষ্ঠে মুঞ্জবান্নাম পর্বতঃ।
তপ্যতে যত্র ভগবাংস্তপো নিত্যমুপাপতিঃ॥ 14-8-1 (92547)
বনস্পতীনাং মূলেষু শৃঙ্গেষু বিষমেষু চ।
গুহাসু শৈলরাজস্য যথাকামং যথাসুখম্॥ 14-8-2 (92548)
উমাসহায়ো ভগবান্যত্র নিত্যং মহেশ্বরঃ।
আস্তে শূলী মহাতেজা নানাভূতগণাবৃতঃ॥ 14-8-3 (92549)
তত্র রুদ্রাশ্চ সাধ্যাশ্চ বিশ্বেঽথ বসবস্তথা।
যমশ্চ বরুণশ্চৈব কুবেরশ্চ সহানুগঃ॥ 14-8-4 (92550)
ভূতানি চ পিশাচাশ্চ নাসত্যাবপি চাশ্বিনৌ।
গন্ধর়্বাপ্সরসশ্চৈব যক্ষা দেবর্ষয়স্তথা॥ 14-8-5 (92551)
আদিত্যা মরুতশ্চৈব যাতুধানাশ্চ সর্বশঃ।
উপাসন্তে মহাত্মানং বহুরূপমুপাপতিম্॥ 14-8-6 (92552)
রমতে ভগবাংস্তত্র কুবেরানুচরৈঃ সহ।
বিকৃতৈর্বিকৃতাকারৈঃ ক্রীডদ্ভিঃ পৃথিবীপতে॥ 14-8-7 (92553)
শ্রিয়া জ্বলন্দৃশ্যতে বৈ বালাদিত্যসমদ্যুতিঃ।
ন রূপং শক্যতে তস্য সংস্থানং বা কদাচন।
নির্দেষ্টুং প্রাণিভিঃ কৈশ্চিৎপ্রাকৃতৈর্মাংসলোচনৈঃ॥ 14-8-8 (92554)
নোষ্ণং ন শিশিরং তত্র ন বায়ুর্ন চ ভাস্করঃ।
ন জারা ক্ষুৎপিপাসে বা ন মৃত্যুর্ন ভয়ং নৃপ॥ 14-8-9 (92555)
তস্য শৈলস্য পার্শ্বেষু সর্বেষু জয়তাংবর।
ধাতবো জাতরূপস্য রশ্ময়ঃ সবিতুর্যথা॥ 14-8-10 (92556)
রক্ষ্যন্তে তে কুবেরস্য সহায়ৈরুদ্যতায়ুধৈঃ।
চিকীর্ষদ্ভিঃ প্রিয়ং রাজন্কুবেরস্য মহাত্মনঃ॥ 14-8-11 (92557)
`তত্র গৎবা সমন্বাস্য মহায়োগেশ্বরং শিবম্।
কুরু প্রণামং রাজর্ষে ভক্ত্যা পরময়া যতুঃ॥' 14-8-12 (92558)
তস্মৈ ভগবতে কৃৎবা নমঃ শর্বায় বেধসে।
`এভিস্তং নামভির্দেবং সর্ববিদ্যাধরং স্তুহি॥' 14-8-13 (92559)
রুদ্রায় শিতিকণ্ঠায় সুরূপায় সুবর্চসে।
কপর্দিনে করালায় হর্যক্ষ্ণে বরদায় চ॥ 14-8-14 (92560)
ত্র্যক্ষ্ণে পূষ্ণো দন্তভিদে বামনায় শিবায় চ।
যাম্যায়াব্যক্তরূপায় সদ্বৃত্তে শঙ্করায় চ॥ 14-8-15 (92561)
ক্ষেম্যায় হরিকেশায় স্থাণবে পুরুষায় চ।
হরিনেত্রায় মুণ্ডায় ক্রুদ্ধায়োত্তরণায় চ॥ 14-8-16 (92562)
ভাস্বরায় সুতীর্থায় দেবদেবায় রংহসে।
উষ্ণীষিণে সুবক্ত্রায় সহস্রাক্ষায় মীঢুষে॥ 14-8-17 (92563)
গিরিশায় প্রাশান্তায় যতয়ে চীরবাসসে।
বিল্বদণ্ডায় সিদ্ধায় সর্বদণ্ডধরায় চ॥ 14-8-18 (92564)
মৃগব্যাধায় মহতে ধন্বিনেঽথ ভবায় চ।
বরায় সোমবক্ত্রায় সিদ্ধমন্ত্রায় চক্ষুষে॥ 14-8-19 (92565)
হিরণ্যবাহবে রাজন্নুগ্রায় পতয়ে দিশাম্।
লেলিহানায় গোষ্ঠায় সিদ্ধমন্ত্রায় বৃষ্ণয়ে॥ 14-8-20 (92566)
পশূনাং পতয়ে চৈব ভূতানাং পতয়ে নমঃ।
বৃষায় মাতৃভক্তায় সেনান্যে মধ্যমায় চ॥ 14-8-21 (92567)
`অভিবক্ত্রায় পতয়ে সর্বদেবময়ায় চ।'
স্রুবহস্তায় পতয়ে ধন্বিনে ভার্গবায় চ।
অজায় কৃষ্ণনেত্রায় বিরূপাক্ষায় চৈব হ॥ 14-8-22 (92568)
তীক্ষ্ণদংষ্ট্রায় তীক্ষ্ণায় বৈশ্বানরমুখায় চ।
মহাত্মনে চানঙ্গায় সর্বায় পতয়ে বিশাম্॥ 14-8-23 (92569)
`তথা রুদ্রায় পতয়ে পৃথবে কৃত্তিবাসসে।'
বিলোহিতায় দীপ্তায় দীপ্তাক্ষায় মহৌজসে।
বসুরেতঃসুবপুষে পৃথবে কৃত্তিবাসসে॥ 14-8-24 (92570)
কপালমালিনে চৈব সুবর্ণমুকুটায় চ।
মহাদেবায় কৃষ্ণায় ত্র্যম্বকায়ানঘায় চ॥ 14-8-25 (92571)
ক্রোধনায়ানৃশংসায় মৃদবে বাহুশালিনে।
দণ্ডিনে তপ্ততপসে তথৈবাক্রূরকর্মণে॥ 14-8-26 (92572)
সহস্রশিরসে চৈব সহস্রচরণায় চ।
নমঃ স্বধাস্বরূপায় বহুরূপায় দংষ্ট্রিণে॥ 14-8-27 (92573)
পিনাকিনং মহাদেবং মহাভোগিনমব্যযম্।
ত্রিশূলহস্তং বরদং ত্র্যম্বকং ভুবনেশ্বরম্॥ 14-8-28 (92574)
ত্রিপুরঘ্নং ত্রিনয়নং ত্রিলোকেশং মহৌজসম্।
প্রভবং সর্বভূতানাং দাতারং ধরণীধরম্॥ 14-8-29 (92575)
ঈশানং শঙ্করং সর্বং শিবং বিশ্বেশ্বরং ভবম্।
উমাপতিং পশুপতিং বিশ্বরূপং মহেশ্বরম্॥ 14-8-30 (92576)
বিরূপাক্ষং দশভুজং বিষ্যন্দং গোবৃষধ্বজম্।
উগ্রং স্থাণুং শিবং রৌদ্রং শর্বং গৌরীশমীশ্বরম্॥ 14-8-31 (92577)
শিতিকণ্ঠমজং শুক্রং পৃথুং পৃথুহরং বরম্।
বিশ্বরূপং বিরূপাক্ষং বহুরূপমুপাপতিম্॥ 14-8-32 (92578)
প্রণম্য শিরসা দেবমনঙ্গাঙ্গহরং হরম্।
শরণ্যং শরণং যাহি মহাদেবং চতুর্মুখম্॥ 14-8-33 (92579)
`বিরোচমানং বপুষা দিব্যাভরণভূষিতম্।
অনাদ্যন্তমজং শংভুং সর্বব্যাপিনমীশ্বরম্॥ 14-8-34 (92580)
নিস্ত্রৈগুণ্যং নিরুদ্বেগং নির্মলং নিধিমোজসাম্।
প্রণম্য প্রাঞ্জলিঃ শর্বং প্রয়ামি শরণং হরম্॥ 14-8-35 (92581)
সম্মান্যং নিশ্চলং নিত্যমকারুণ্যমলেপনম্।
অধ্যাত্মবেদমাসাদ্য প্রয়ামি শরণং মুহুঃ॥ 14-8-36 (92582)
যস্য নিত্যং বিদুঃ স্থানং মোক্ষমধ্যাত্মচিন্তকাঃ।
যোগীশং তৎবমার্গস্থাঃ কৈবল্যং পদমক্ষরম্॥ 14-8-37 (92583)
যং বিদুঃ সঙ্গিনং মুক্তাঃ সামান্যং সমদর্শিনঃ।
তং প্রপদ্যে জগদ্যোনিময়োনিং নির্গুণাত্মকম্॥ 14-8-38 (92584)
অসৃজদ্যস্তু ভূতাদীন্সপ্ত লোকান্সনাতনান্।
স্থিতঃ সত্যোপরি স্থাণুস্তং প্রপদ্যে সনাতনম্॥ 14-8-39 (92585)
ভক্তানাং সুলভং তং হি দুর্লভং দূরপাতিনাম্।
অদূরস্থমমুং দেবং প্রকৃতেঃ পরতঃ স্থিতম্॥ 14-8-40 (92586)
নমামি সর্বলোকস্থং ব্রজামি শরণং শিবম্।'
এবং কৃৎবা নমস্তস্মৈ মহাদেবায় রংহসে।
মহাত্মনে ক্ষিতিপতে তৎসুবর্ণমবাপ্স্যসি॥ 14-8-41 (92587)
`লভন্তে গাণপত্যং চ তদেকাগ্রা হি মানবাঃ।
কিং পুনঃ স্বর্ণিভাণ্ডানি তস্মাত্ৎবং গচ্ছ মা চিরং॥ 14-8-42 (92588)
মহত্তরং হি তে লাভং হস্ত্যশ্বোষ্ট্রাদিভিঃ সহ।'
সুবর্ণমাহরিষ্যন্তস্তত্র গচ্ছন্তু তে নরাঃ॥ 14-8-43 (92589)
ব্যাস উবাচ। 14-8-44x (7754)
ইত্যুক্তঃ স বচস্তস্য চক্রে কারন্ধমাত্মজঃ।
`গঙ্গাধরং নমস্কৃত্য লব্ধবান্ধনমুত্তমম্॥ 14-8-44 (92590)
কুবের ইব তৎপ্রাপ্য মহাদেবপ্রসাদতঃ।'
ততোঽতিমানুষং সর্বং চক্রে যজ্ঞস্য সংবিধিম্॥ 14-8-45 (92591)
সৌবর্ণানি চ ভাণ্ডানি সংচক্রুস্তত্র শিল্পিনঃ।
`শালাশ্চ সর্বসম্ভারাংস্তত্র সংবর্তশাসনাৎ॥' 14-8-46 (92592)
বৃহস্পতিস্তু তাং শ্রুৎবা মরুত্তস্য মহীপতেঃ।
সমৃদ্ধিমতি দেবেভ্যঃ সন্তাপমকরোদ্ভৃশম্॥ 14-8-47 (92593)
সন্তপ্যমানো বৈবর্ণ্যং কৃশৎবং চাগমৎপরম্।
ভবিষ্যতি হি মে শত্রুঃ সংবর্তো বসুমানিতি॥ 14-8-48 (92594)
তং শ্রুৎবা ভৃশসংতপ্তং দেবরাজো বৃহস্পতিম্।
অভিগম্যামরবৃতঃ প্রোবাচেদং বচস্তদা॥ ॥ 14-8-49 (92595)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি অষ্টমোঽধ্যায়ঃ॥ 8 ॥
আশ্বমেধিকপর্ব - অধ্যায় 009
॥ শ্রীঃ ॥
14.9. অধ্যায়ঃ 009
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
বৃহস্পতিনা ইন্দ্রংপ্রতি স্বানুজেন সংবর্তেন মরুত্তস্য যাজনকথনপূর্বকং তদ্বিঘটনচোদনা॥ 1 ॥ অগ্নিনা মরুত্তমেত্য যাজনায় বৃহস্পতিস্বীকরণরূপেন্দ্রসন্দেশকথনম্॥ 2 ॥ তথা পুনরিন্দ্রমেত্য মরুত্তেন স্বসংদেশাপরিগ্রহণনিবেদনম্॥ 3 ॥ তথা ইন্দ্রেণ পুনর্মরুত্তে স্বসন্দেশনিবেদনচোদনে সংবর্ততপোভয়াত্তদনঙ্গীকরণম্॥ 4 ॥Mahabharata - Ashvamedhika Parva - Chapter Text
ইন্দ্র উবাচ।
কচ্চিৎসুখং স্বপিষি ৎবং বৃহস্পতে
কচ্চিন্মনোজ্ঞাঃ পরিচারকাস্তে।
কচ্চিদ্দেবানাং সুখকামোসি বিপ্র
কচ্চিদ্দেবাস্ৎবাং পরিপালয়ন্তি॥ 14-9-1 (92596)
বৃহস্পতিরুবাচ। 14-9-2x (7755)
সুখং শয়ে শয়নে দেবরাজ
তথা মনোজ্ঞাঃ পরিচারকা মে।
তথা দেবানাং সুখকামোস্মি নিত্যং
দেবাশ্চ মাং সুভৃশং পালয়ন্তি॥ 14-9-2 (92597)
ইন্দ্র উবাচ। 14-9-3x (7756)
কুতো দুঃখং মানসং দেহজং বা
পাণ্ডুর্বিবর্ণশ্চ কুতস্ৎবমদ্য।
আচক্ষ্ব মে ব্রাহ্মণ যাবদেতা-
ন্নিহন্মি সর্বাংস্তব দুঃখকর্তৄন্॥ 14-9-3 (92598)
বৃহস্পতিরুবাচ। 14-9-4x (7757)
মরুত্তমাহুর্মঘবন্যক্ষ্যমাণং
মহায়জ্ঞেনোত্তমদক্ষিণেন।
সংবর্তো যাজয়তীতি মে শ্রুতং
তদিচ্ছামি ন স তং যাজয়েৎ॥ 14-9-4 (92599)
ইন্দ্র উবাচ। 14-9-5x (7758)
সর্বান্কামাননুয়াতোসি বিপ্র
ৎবং দেবানাং মন্ত্রয়সে পুরোধাঃ।
উভৌ চ তে জরামৃত্যূ ব্যতীতৌ
কিং সংবর্তস্তব কর্তাঽদ্য বিপ্র॥ 14-9-5 (92600)
বৃহস্পতিরুবাচ। 14-9-6x (7759)
দেবৈঃ সহ ৎবমসুরান্সম্প্রণুদ্য
জিঘাংসসে চাপ্যুত সানুবন্ধান্।
যংয়ং সমৃদ্ধং পশ্যসি তত্রতত্র
দুঃখং সপত্নেষু সমৃদ্ধিভাবঃ॥ 14-9-6 (92601)
অতোস্মি দেবেন্দ্র বিবর্ণরূপঃ
সপত্নো মে বর্ধতে তন্নিশম্য।
সর্বোপায়ৈর্মঘবন্সংনিয়চ্ছ
সংবর্তং বা পার্থিবং বা মরুত্তম্॥ 14-9-7 (92602)
ইন্দ্র উবাচ। 14-9-8x (7760)
এহি গচ্ছ প্রহিতো জাতবেদো
বৃহস্পতিং পরিদাতুং মরুত্তে।
অয়ং বৈ ৎবাং যাজয়িতা বৃহস্পতি-
স্তথাঽমরং চৈব করিষ্যতীতি॥ 14-9-8 (92603)
অগ্নিরুবাচ। 14-9-9x (7761)
অহং গচ্ছামি তব শক্রাদ্য দূতো
বৃহস্পতিং পরিদাতুং মরুত্তে।
বাচং সত্যাং পুরুহূতস্য কর্তুং
বৃহস্পতেশ্চাপচিতিং চিকীর্ষুঃ॥ 14-9-9 (92604)
ব্যাস উবাচ। 14-9-10x (7762)
ততঃ প্রায়াদ্ধূমকেতুর্মহাত্মা
বনস্পতীন্বীরুধশ্চাবমৃদ্গন্।
কামাদ্ধিমান্তে পরিবর্তমানঃ
কাষ্ঠাতিগো মাতরিশ্বেব নর্দন্॥ 14-9-10 (92605)
মরুত উবাচ। 14-9-11x (7763)
আশ্বর্যমদ্য পশ্যামি রূপিণং বহ্নিমাগতম্।
আসনং সলিলং পাদ্যং গাং চোপানয় বৈ মুনে॥ 14-9-11 (92606)
অগ্নিরুবাচ। 14-9-12x (7764)
আসনং সলিলং পাদ্যং প্রতিনন্দামি তেঽনঘ।
ইন্দ্রেণ তু সমাদিষ্টং বিদ্ধি মাং দূতমাগতম্॥ 14-9-12 (92607)
মরুত উবাচ। 14-9-13x (7765)
কচ্চিচ্ছ্রীমান্দেবরাজঃ সুখী চ
কচ্চিচ্চাস্মান্প্রীয়তে ধূমকেতো।
কচ্চিদ্দেবা অস্য বশে যথাব-
ৎপ্রব্রূহি ৎবং মম কার্ৎস্ন্যেন দেব॥ 14-9-13 (92608)
অগ্নিরুবাচ। 14-9-14x (7766)
শক্রো ভৃশং সুসুখী পার্থিবেন্দ্র
প্রাতিং চেচ্ছত্যজরাং বৈ ৎবয়া সঃ।
দেবাশ্চ সর্বে বশগাস্তস্য রাজ-
ন্সংদেশং ৎবং শৃণু মে দেবরাজ্ঞঃ॥ 14-9-14 (92609)
যদর্থং মাং প্রাহিণোত্ৎবৎসকাশং
বৃহস্পতিং পরিদাতুং মরুত্তে।
অয়ং গুরুর্যাজয়তাং নৃপ ৎবাং
মর্ত্যং সন্তমমরং ৎবাং করোতু॥ 14-9-15 (92610)
মরুত উবাচ। 14-9-16x (7767)
সংবর্তোঽয়ং যাজয়িতা দ্বিজো মাং
বৃহস্পতেরঞ্জলিরেষ তস্য।
ন চৈবাসৌ যাজয়িৎবা মহেন্দ্রং
মর্ত্যং সন্তং যাজয়ন্নদ্য শোভেৎ॥ 14-9-16 (92611)
অগ্নিরুবাচ। 14-9-17x (7768)
যে বৈ লোকা দেবলোকে মহান্তঃ
সম্প্রাপ্স্যসে তান্দেবরাজপ্রসাদাৎ।
ৎবাং চেদসৌ যাজয়েদ্বৈ বৃহস্পতি-
র্নূনং স্বর্গং ৎবং জয়েঃ কীর্তিয়ুক্তঃ॥ 14-9-17 (92612)
তথা লোকা মানুষা যে চ দিব্যাঃ
প্রজাপতেশ্চাপি যে বৈ মহান্তঃ।
তেতে জিতা দেবরাজ্যং চ কৃৎস্নং
বৃহস্পতির্যাজয়েচ্চেন্নরেন্দ্র॥ 14-9-18 (92613)
সংবর্ত উবাচ। 14-9-19x (7769)
মা স্মৈব ৎবং পুনরাগাঃ কথংচি-
দ্বৃহস্পতিং পরিদাতুং মরুত্তে।
মা ৎবাং ধক্ষ্যে চক্ষুষা দারুণেন
সংক্রুদ্ধোঽহং পাবক ৎবং নিবোধঃ॥ 14-9-19 (92614)
ব্যাস উবাচ। 14-9-20x (7770)
ততো দেবানগমদ্ধূমকেতু-
দীহাদ্ভীতো ব্যথিতোঽশ্বত্থপর্ণবৎ।
তং বৈ দৃষ্ট্বা প্রাহ শক্রো মহাত্মা
বৃহস্পতেঃ সন্নিধৌ হব্যবাহম্॥ 14-9-20 (92615)
যস্ৎবং গতঃ প্রহিতো জাতবেদো
বৃহস্পতিং পরিদাতুং মরুত্তে।
তৎকিং প্রাহ স নৃপো যক্ষ্যমাণঃ
কচ্চিদ্বচঃ প্রতিগৃহ্ণাতি তচ্চ। 14-9-21 (92616)
অগ্নিরুবাচ। 14-9-22x (7771)
ন তে বাচং রোচয়তে মরুত্তো
বৃহস্পতেরঞ্জলিং প্রাহিণোৎসঃ।
সংবর্তো মাং যাজয়িতেত্যুবাচ
পুনঃ পুনঃ স ময়া যাচ্যমানঃ॥ 14-9-22 (92617)
উবাচেদং মানুষা যে চ দিব্যা।
প্রজাপতের্যে চ লোকা মহান্তঃ।
তাংশ্চেল্লভেয়ং সংবিদং তেন কৃৎবা
তথাপি নেচ্ছেয়মিতি প্রতীতঃ॥ 14-9-23 (92618)
ইন্দ্র উবাচ। 14-9-24x (7772)
পুনর্গৎবা পার্থিবং ৎবং সমেত্য
বাক্যং মদীয়ং প্রাপয় স্বার্থয়ুক্তম্।
পুনর্যদ্যুক্তো ন করিষ্যতে বচ-
স্ৎবত্তো বজ্রং সম্প্রহর্তাস্মি তস্মৈ॥ 14-9-24 (92619)
অগ্নিরুবাচ। 14-9-25x (7773)
গন্ধর্বরাড্যাৎবয়ং তত্র দূতো
বিভেম্যহং বাসব তত্র গন্তুম্।
সংরব্ধো মামব্রবীত্তীক্ষ্ণরোষঃ
সংবর্তো বাক্যং চরিতব্রহ্মচর্যঃ॥ 14-9-25 (92620)
যদ্যাগচ্ছেঃ পুনরেবং কথংচি-
দ্বৃহস্পতিং পরিদাতুং মরুত্তে।
দহেয়ং ৎবাং চক্ষুষা দারুণেন
সংক্রুদ্ধ ইত্যেতদবৈহি শক্র॥ 14-9-26 (92621)
শক্র উবাচ। 14-9-27x (7774)
ৎবমেবান্যান্দহসে জাতবেদো
ন হি ৎবদন্যো বিদ্যতে ভস্মকর্তা।
ৎবৎসংস্পর্শাৎসর্বলোকো বিভেতি
অশ্রদ্ধেয়ং বদসে হব্যবাহ॥ 14-9-27 (92622)
অগ্নিরুবাচ। 14-9-28x (7775)
দিবং দেবেন্দ্র পৃথিবীং চ সর্বাং
সংবেষ্টয়েস্ৎবং স্ববলেনৈব শক্র।
এবংবিধস্যেহ সতস্তবাসৌ
কথং বৃত্রস্ত্রিদিবং প্রাগ্জহার॥ 14-9-28 (92623)
ইন্দ্র উবাচ। 14-9-29x (7776)
নগণ্ডিকাকারয়োগং করেঽণুং
ন চারিসোমং প্রপিবামি বহ্নে।
ন ক্ষীণশক্তৌ প্রহারামি বজ্রং
কো মে সুখায় প্রহরেত মর্ত্যঃ॥ 14-9-29 (92624)
প্রব্রজয়েয়ং কালকেয়ান্পৃথিব্যা-
মপাকর্ষন্দানবানন্তরিক্ষাৎ।
দিবঃ প্রহ্লাদমবসানমানয়ং
কো মেঽসুখায় প্রহরেত মানবঃ॥ 14-9-30 (92625)
অগ্নিরুবাচ। 14-9-31x (7777)
যত্র শর্যাতিং চ্যবনো যাজয়িষ্য-
ন্সহাশ্বিভ্যাং সোমমগৃহ্ণদেকঃ।
তং ৎবং ক্রুদ্ধঃ প্রত্যষেধীঃ পুরস্তা-
চ্ছর্যাতিয়জ্ঞং স্ম তং মহেন্দ্র॥ 14-9-31 (92626)
বজ্রং গৃহীৎবা চ পুরন্দর ৎবং
সম্প্রাহার্ষীশ্চ্যবনস্যাতিঘোরম্।
স তে বিপ্রঃ সহ বজ্রেণি বাহু-
মপাগৃহ্ণাত্তপসা জাতমন্যুঃ॥ 14-9-32 (92627)
ততো রোষাৎসর্বতো ঘোররূপং
সপত্নং তে জনয়ামাস ভূয়ঃ।
মদং নাম্না চাসুরং বিশ্বরূপং
যং ৎবং দৃষ্ট্বা চক্ষুষী সংন্যমীলঃ॥ 14-9-33 (92628)
হনুরেকা জগতীস্থা তথৈকা
দিবং গতা মহতো দানবস্য।
সহস্রং দন্তানাং শতয়োজনানাং
সুতীক্ষ্ণানাং ঘোররূপং বভূব॥ 14-9-34 (92629)
বৃত্তাঃ স্থূলা রজতস্তম্ভবর্ণা
দংষ্ট্রাশ্চতস্রো দ্বে শতে যোজনানাম্।
স ৎবাং দন্তান্বিদশন্নভ্যধাব-
জ্জিঘাংসয়া শূলমুদ্যম্য ঘোরম্॥ 14-9-35 (92630)
তং নাপশ্যস্ৎবং তদা ঘোররূপং
সর্বে বৈ ৎবাং দদৃশুর্দর্শনীয়ম্।
যস্মাদ্ভীতঃ প্রাঞ্জলিস্ৎবং মহর্ষি-
মাগচ্ছেথাঃ শরণং দানবঘ্ন॥ 14-9-36 (92631)
ক্ষাত্রাদ্বলাদ্ব্রহ্মবলং গরীয়ো
ন ব্রহ্মতঃ কিঞ্চিদন্যদ্গরীয়ঃ।
সোহং জানন্ব্রহ্মতেজো যথাব-
ন্ন সংবর্ত গন্তুমিচ্ছামি শক্র॥ ॥ 14-9-37 (92632)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি নবমোঽধ্যায়ঃ॥ 9 ॥
Mahabharata - Ashvamedhika Parva - Chapter Footnotes
7-9-29 নাহং দৌর্বল্যাদ্বৃত্রেণ জিত ইতি বক্তং স্বসামর্থ্যমিন্দ্রো বহ্নিপ্রতি বদতি নগণ্ডিকাকারয়োগং করেণুম্। নগং পর্বতং ডীয়তে বিহায়সা গচ্ছতীতি ডীঃ পক্ষী অল্পো ডীর্ডিকা মক্ষিকামশকাদিস্তস্যা আকারেণ যোগোস্যাস্তীত্যেবংরূপং অণুং সূক্ষ্মং করেকুর্বে। কৃঞশ্ছান্দসং ভৌবাদিকৎবম্। করেণেতিপাঠে করোমীত্যধ্যাহারঃ। পার্থোধিং করে কর্তুমগস্ত্য ইবাহং পর্বতমপি মশকীকর্তুং সমর্থোস্মীত্যর্থঃ। কুতস্তর্হি বৃত্রস্ৎবাং নারাধিতবানিত্যত আহ ন চারিসোমং প্রপিবামি বহ্নে। অরিসোমং শত্রুদত্তং সোমম্। ৎবয়ৈব স কুতী ন নির্জিত ইত্যত আহ ন ক্ষীণশক্তৌ প্রহরামি বজ্রমিত্যাদিনা ন দণ্ডকান্নারকান্নো কলিঙ্গান্ন করূশান্সোমং প্রপিবামি বহ্নে। ন দুর্বলায়াবসৃজামি বজ্রং কো মে সুখী যঃ প্রহরেন্মনুষ্যঃ ইতি ক.থ.পাঠঃ॥আশ্বমেধিকপর্ব - অধ্যায় 010
॥ শ্রীঃ ॥
14.10. অধ্যায়ঃ 010
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
ইন্দ্রণ গন্ধর্বমুখাৎস্বেন যাজনায় বৃহস্পতিবরণং চোদিতেনাপি মরুত্তেন তদনঙ্গীকারে যজ্ঞবিঘাতায় সাটোপং যজ্ঞবাটং প্রত্যাগমনম্॥ 1 ॥ সংবর্তেন মরুত্তপ্রার্থনয়া বিদ্যাবলেনেন্দ্রাদীনাং সংস্তম্ভনম্॥ 2 ॥ ততঃ সংবর্তানুবর্তিনেন্দ্রেণ সভানির্মাপণাদিনা যজ্ঞনির্বর্তনপূর্বকং দেবেঃ সহ হবির্গ্রহণম্॥ 3 ॥ ব্যাসেনৈব যুধিষ্ঠিরংপ্রতি মরুত্তয়জ্ঞপ্রবৃত্তিপ্রকারকথনপূর্বকং তচ্ছিষ্টদ্রব্যাহরমএনাশ্বমেধকরণবিধানম্॥ 4 ॥Mahabharata - Ashvamedhika Parva - Chapter Text
ইন্দ্র উবাচ।
এবমেতদ্ব্রহ্মবলং গরীয়ো
ন ব্রাহ্মণাৎকিঞ্চিদন্যদ্ররীয়ঃ।
আবিক্ষিতস্য তু বলং ন মৃষ্যে
বজ্রমস্মৈ প্রহরিষ্যামি ঘোরম্॥ 14-10-1 (92633)
ধৃতরাষ্ট্র গচ্ছ প্রহিতো মরুত্তং
সংবর্তেন সঙ্গতং তং বদস্ব
বৃহস্পতিং ৎবমুপশিক্ষস্ব রাজ-
ন্বজ্রং বা তে প্রহরিষ্যামি ঘোরম্॥ 14-10-2 (92634)
ব্যাস উবাচ। 14-10-3x (7778)
ততো গৎবা ধৃতরাষ্ট্রো নরেন্দ্রং
প্রোবাচেদং বচনং বাসবস্য॥ 14-10-3 (92635)
গন্ধর্বং মাং ধৃতরাষ্ট্রং নিবোধ
ৎবামাগতং বক্তুকামং নরেন্দ্র।
ঐন্দ্রং বাক্যং শৃণু মে রাজসিংহ
যৎপ্রাহ লোকাধিপতির্মহাত্মা॥ 14-10-4 (92636)
বৃহস্পতিং যাজকং ৎবং বৃণীষ্ব
বজ্রং বা তে প্রহরিষ্যামি ঘোরম্।
বচশ্চেদেতন্ন করিষ্যসে মে
প্রাহৈতদেতাবদচিন্ত্যকর্মা॥ 14-10-5 (92637)
মরুত্ত উবাচ। 14-10-6x (7779)
ৎবং চৈবৈতদ্বেত্থ পুরন্দরশ্চ
বিশ্বেদেবা বসবশ্চাশ্বিনৌ চ।
মিত্রদ্রোহে নিষ্কৃতির্নাস্তি লোকে
মহৎপাপং ব্রহ্মহত্যাসমং তৎ॥ 14-10-6 (92638)
বৃহস্পতির্যাজয়তাং মহেন্দ্রং
দেবশ্রেষ্ঠং বজ্রভৃতাং বরিষ্ঠম্।
সংবর্তো মাং যাজয়িতাঽদ্য রাজ-
ন্ন তে বাক্যং তস্য বা রোচয়ামি॥ 14-10-7 (92639)
গন্ধর্ব উবাচ। 14-10-8x (7780)
ঘোরো নাদঃ শ্রূয়তাং বাসবস্য
নভস্তলে গর্জতো রাজসিংহ।
ব্যক্তং বজ্রং মোক্ষ্যতে তে মহেন্দ্রঃ
ক্ষেমং রাজংশ্চিন্ত্যতামেষ কালঃ॥ 14-10-8 (92640)
ব্যাস উবাচ। 14-10-9x (7781)
ইত্যেবমুক্তো ধৃতরাষ্ট্রেণ রাজ-
ঞ্শ্রুৎবা নাদং নদতো বাসবস্য।
তপোনিত্যং ধর্মবিদাং বরিষ্ঠং
সংবর্তং তং জ্ঞাপয়ামাস কার্যম্॥ 14-10-9 (92641)
মরুত্ত উবাচ। 14-10-10x (7782)
পশ্যাত্মানং প্লবমানং ৎবমারা-
দধ্বা দূরং তেন ন দৃশ্যতেঽদ্য।
প্রপদ্যেঽহং শর্ম বিপ্রেন্দ্র ৎবত্তঃ
প্রয়চ্ছ তস্মাদভয়ং বিপ্রমুখ্য॥ 14-10-10 (92642)
অয়মায়াতি বে বজ্রী দিশো বিদ্যোতয়ন্দস।
অমানুষেণ ঘোরেণি সদস্যাস্ত্রাসিতা হি নঃ॥ 14-10-11 (92643)
সংবর্ত উবাচ। 14-10-12x (7783)
ভয়ং শক্রাদ্ব্যেতু তে রাজসিংহ
প্রণোৎস্যেঽহং ভয়মেতৎসুঘোরম্।
সংস্তম্ভিন্যা বিদ্যযা ক্ষিপ্রমেব
মা ভৈস্ৎবমস্যাভিভবাৎপ্রতীতঃ॥ 14-10-12 (92644)
অহং সংস্তম্ভয়িষ্যামি মা ভৈস্ৎবং শক্রতো নৃপ।
যর্বেষামেব দেবানাং ক্ষয়িতান্যায়ুধানি মে॥ 14-10-13 (92645)
দিশো বজ্রং ব্রজতাং বায়ুরেতু
বর্ষং ভূৎবা বর্ষতাং কাননেষু।
আপঃ প্লবন্ৎবন্তরিক্ষে বৃথা চ
সৌদামনী দৃশ্যতে মাঽপি ভৈস্ৎবম্॥ 14-10-14 (92646)
বহ্নির্দেবস্ত্রাতু বা সর্বতস্তে
কামান্সর্বান্বর্ষতু বাসবো বা।
বজ্রং তথা স্থাপয়তাং বধায়
মহাঘোরং পুবমানং জলৌঘৈঃ॥ 14-10-15 (92647)
মরুত্ত উবাচ। 14-10-16x (7784)
ঘোরঃ শব্দঃ শ্রূয়তে বৈ মহাস্বনো
বজ্রস্যৈষ সহিতো মারুতেন।
আত্মা হি মে প্রব্যথতে মুহুর্মুহু-
র্ন মে স্বাস্থ্যং জায়তে চাদ্য বিপ্র॥ 14-10-16 (92648)
সংবর্ত উবাচ। 14-10-17x (7785)
বজ্রাদুগ্রাদ্ব্যেতু ভয়ং তবাদ্য
বাতো ভূৎবা ব্রজতু নরেন্দ্র বজ্রম্।
ভয়ং ৎবক্ৎবা বরমন্যং বৃণীষ্ব
কং তে কামং তপসা সাধয়ামি॥ 14-10-17 (92649)
মরুত্ত উবাচ। 14-10-18x (7786)
ইন্দ্রঃ সাক্ষাৎসহসাঽভ্যেতু বিপ্র
হবির্যজ্ঞে প্রতিগৃহ্ণাতু চৈব।
স্বংস্বং হবিশ্চৈব জুষন্তু দেবা
হুতং সোমং প্রতিগৃহ্ণন্তু চৈব॥ 14-10-18 (92650)
সংবর্ত উবাচ। 14-10-19x (7787)
অয়মিন্দ্রো হরিভিরায়াতি রাজ-
ন্দেবৈঃ সর্বৈস্ৎবরিতৈঃ স্তূয়মানঃ।
মন্ত্রাহূতো যজ্ঞমিমং ময়াঽদ্য
পশ্যশ্বৈনং মন্ত্রবিস্রস্তকায়ম্॥ 14-10-19 (92651)
ব্যাস উবাচ। 14-10-20x (7788)
ততো দেবৈঃ সহিতো দেবরাজো
রথে যুঙ্ক্ৎবা তান্হরীন্বাজিমুখ্যান্।
আয়াদ্যজ্ঞমথ রাজ্ঞঃ পিপাসু-
রাবিক্ষিতস্যাপ্রমেয়স্য সোমম্॥ 14-10-20 (92652)
তমায়ান্তং সহিতং দেবসঙ্ঘৈঃ
প্রত্যুদ্যযৌ সপুরোধা মরুত্তঃ।
চক্রে পূজাং দেবরাজায় চাগ্র্যাং
যথাশাস্ত্রং বিধিবৎপ্রীয়মাণঃ॥ 14-10-21 (92653)
সংবর্ত উবাচ। 14-10-22x (7789)
সুস্বাগতং তে পুরুহূতেহ বিদ্ব-
ন্যজ্ঞোঽপ্যযং সন্নিহিতে ৎবয়ীন্দ্র।
শোশুভ্যতে বলবৃত্রঘ্ন ভূয়ঃ
পিবস্ব সোমং সুতমুদ্যতং ময়া॥ 14-10-22 (92654)
মরুত্ত উবাচ। 14-10-23x (7790)
শিবেন মাং পশ্য নমশ্চ তেঽস্তু
প্রাপ্তো যজ্ঞঃ সফলং জীবিতং মে।
অয়ং যজ্ঞং কুরুতে মে সুরেন্দ্র
বৃহস্পতেরবরো জন্মনা চ। 14-10-23 (92655)
ইন্দ্র উবাচ। 14-10-24x (7791)
জানামি তে গুরুমেনং তপোধনং
বৃহস্পতেরনুজং তিগ্মতেজসম্
যস্যাহ্বানাদাগতোঽহং নরেন্দ্র
প্রীতির্মেঽদ্য ৎবয়ি মন্যুঃ প্রনষ্টঃ॥ 14-10-24 (92656)
সংবর্ত উবাচ। 14-10-25x (7792)
যদি প্রীতস্ৎবমসি বৈ দেবরাজ
তস্মাৎস্বয়ং শাধি যজ্ঞে বিধানম্।
স্বয়ং সর্বান্কুরু ভাগান্সুরেন্দ্র
জানাৎবয়ং সর্বলোকশ্চ দেব॥ 14-10-25 (92657)
ব্যাস উবাচ। 14-10-26x (7793)
এবমুক্তস্ৎবাঙ্গিরসেন শক্রঃ
সমাদিদেশ স্বয়মেব দেবান্।
সভাঃ ক্রিয়ন্তামাবসথাশ্চ মুখ্যাঃ
সহস্রশশ্চিত্রভূতাঃ সমৃদ্ধাঃ॥ 14-10-26 (92658)
ক্লৃপ্তাঃ স্থূণাঃ কুরুতারোহণানি
গন্ধর্বাণামপ্সরসাং চ শীঘ্রম্।
যত্র নৃত্যেরন্নপ্সরসঃ সমস্তাঃ
স্বর্গোপমঃ ক্রিয়তাং যজ্ঞবাটঃ॥ 14-10-27 (92659)
ইত্যুক্তাস্তে চক্রুরাশু প্রতীতা
দিবৌকসঃ শক্রবাক্যান্নরেন্দ্র।
ততো বাক্যং প্রাহ রাজানমিন্দ্রঃ
প্রীতো রাজন্পূজ্যমানো মরুত্তম্॥ 14-10-28 (92660)
এষ ৎবয়াঽহমিহ রাজন্সমেত্য
যে চাপ্যন্তে তব পূর্বে নরেন্দ্র।
সর্বাশ্চান্যা দেবতাঃ প্রীয়মাণা
হবিস্তুভ্যং প্রতিগৃহ্ণন্তু রাজন্॥ 14-10-29 (92661)
আগ্নেয়ং বৈ লোহিতমালভন্তাং
বৈশ্বদেবং বহুরূপং হি রাজন্।
নিলং চোক্ষাণং মেদ্যমপ্যালভন্তাং
চলচ্ছিশ্নং সম্প্রদিষ্টং দ্বিজাগ্র্যাঃ॥ 14-10-30 (92662)
ততো যজ্ঞো ববৃধে তস্য রাজ-
ন্যত্র দেবাঃ স্বয়মন্নানি জহ্রুঃ।
যস্মিঞ্শক্রো ব্রাহ্মণৈঃ পূজ্যমানঃ
সদস্যোঽভূদ্ধরিমান্দেবরাজঃ॥ 14-10-31 (92663)
ততঃ সংবর্তশ্চৈত্যগতো মাহাত্মা
যথা বহ্নিঃ প্রজ্বলিতো দ্বিতীয়ঃ।
হবীংষ্যুচ্চৈরাহ্বয়ন্দেবসঙ্ঘা-
ঞ্জুহাবাগ্নৌ মন্ত্রবৎসুপ্রতীতঃ॥ 14-10-32 (92664)
ততঃ পীৎবা বলভিৎসোমমগ্র্যং
যে চাপ্যন্তে সোমপা দেবসঙ্ঘাঃ।
সর্বেঽনুজ্ঞাতাঃ প্রয়যুঃ পার্থিবেন
যথাজোষং তর্পিতাঃ প্রীতিমন্তঃ॥ 14-10-33 (92665)
ততো রাজা জাতরূপস্য রাশী-
ন্পদেপদে কারয়ামাস হৃষ্টঃ।
দ্বিজাতিভ্যো বিসৃজন্ভূরি বিত্তং
ররাজ বিত্তেশ ইবারিহন্তা॥ 14-10-34 (92666)
ততো বিত্তং বিবিধং সন্নিধায়
যথোৎসাহং কারয়িৎবা চ কোশম্।
অনুজ্ঞাতো গুরুণাং সংনিবৃত্ত্য
শশাস গামখিলাং সাগরান্তাম্॥ 14-10-35 (92667)
এবংগুণঃ সম্বভূবেহ রাজা
যস্য ক্রতৌ তৎসুবর্ণং প্রভূতম্।
তত্ৎবং সমাদায় নরেন্দ্র বিত্তং
যজস্ব দেবাংস্তপনীয়ৈর্বিধানৈঃ॥ 14-10-36 (92668)
বৈশম্পায়ন উবাচ। 14-10-37x (7794)
ততো রাজা পাণ্ডবো হৃষ্টরূপঃ
শ্রুৎবা বাক্যং সত্যবত্যাঃ সুতস্য।
মনশ্চক্রে তেন বিত্তেন যষ্টুং
ততোঽমাত্যৈর্মন্ত্রয়ামাস ভূয়ঃ॥ ॥ 14-10-37 (92669)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি দশমোঽধ্যায়ঃ॥ 10 ॥
Mahabharata - Ashvamedhika Parva - Chapter Footnotes
7-10-6 মিত্রদ্রোহে নিষ্কৃতির্বৈ যথেহ নাস্তীতি সদৈববাদ ইতি ক.ট.থ.পাঠঃ॥ 7-10-8 ক্ষমং রাজন্নিতি ক.ট.থ.পাঠঃ॥ 7-10-10 বিলোভ্যি চ্ছিত্ৎবা মৎপ্রতিষ্ঠা দ্বিনেন্দ্রাঃ ইতি ক.ট.থ.॥আশ্বমেধিকপর্ব - অধ্যায় 011
॥ শ্রীঃ ॥
14.11. অধ্যায়ঃ 011
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি ইন্দ্রবৃত্রাসুরয়ুদ্ধপ্রকারকথনম্॥ 1 ॥Mahabharata - Ashvamedhika Parva - Chapter Text
বৈশম্পায়ন উবাচ।
ইত্যুক্তে নৃপতৌ তস্মিন্ব্যাসেনাদ্ভুতকর্মণা।
বাসুদেবো মহাতেজাস্ততো বচনমাদদে॥ 14-11-1 (92670)
তং নৃপং দীনমনসং নিহতজ্ঞাতিবান্ধবম্।
উপপ্লুতমিবাদিত্যং সধূমমিব পাবকম্॥ 14-11-2 (92671)
নির্বিণ্ণমনসং পার্থং জ্ঞাৎবা বৃষ্ণিকুলোদ্বহঃ।
আশ্বাসনন্ধর্মসুতং প্রবক্তুমুপচক্রমে॥ 14-11-3 (92672)
বাসুদেব উবাচ। 14-11-4x (7795)
সর্বং জিহ্মং মৃত্যুপদমজিহ্মং ব্রহ্মণঃ পদম্।
এতাবান্জ্ঞানবিষয়ঃ কিং প্রলাপঃ করিষ্যতি॥ 14-11-4 (92673)
নৈব তেঽনুষ্ঠিতং কর্ম নৈব তে শত্রবো জিতাঃ।
কথং শত্রুং শরীরস্তমাত্মনো নাববুধ্যসে॥ 14-11-5 (92674)
অত্র তে বর্তয়িষ্যামি যথাধর্মং যথাশ্রুতম্।
ইন্দ্রস্য সহ বৃত্রেণ যথা যুদ্ধমবর্তত॥ 14-11-6 (92675)
বৃত্রেণ পৃথিবী ব্যাপ্তা পুরা কিল নরাধিপ।
দৃষ্ট্বা স পৃথিবীং ব্যাপ্তাং গন্ধস্য বিষয়ে হৃতে।
ধরাহরণদুর্গন্ধো বিষয়ঃ সমপদ্যত॥ 14-11-7 (92676)
শতক্রতুশ্চুকোপাথ গন্ধস্য বিষয়ে হৃতে।
বৃত্রস্য সততঃ ক্রুদ্ধো ঘোরং বজ্রমবাসৃজৎ॥ 14-11-8 (92677)
স বধ্যমানো বজ্রেণ সুভৃশং ভূরিতেজসা।
বিবেশ সহসা তোয়ং জগ্রাহ বিষয়ং ততঃ॥ 14-11-9 (92678)
অপ্সু বৃত্রগৃহীতাসু রসে চ বিষয়ে হৃতে।
শতক্রতুরতিক্রুদ্ধস্তত্র বজ্রমবাসৃজৎ॥ 14-11-10 (92679)
স বধ্যমানো বজ্রেণ তস্মিন্নমিততেজসা।
বিবেশ সহসা জ্যোতির্জগ্রাহ বিষয়ং ততঃ॥ 14-11-11 (92680)
ব্যাপ্তে জ্যোতিষি বৃত্রেণ রূপেঽথ বিষয়ে হৃতে।
শতক্রতুরতিক্রুদ্ধস্তত্র বজ্রমবাসৃজৎ॥ 14-11-12 (92681)
স বদ্যমানো বজ্রেণ তস্মিন্নমিততেজসা।
বিবেশ সহসা বায়ুং জগ্রাহ বিষয়ং ততঃ॥ 14-11-13 (92682)
ব্যাপ্তে বায়ৌ তু বৃত্রেণ স্পর্শেঽথ বিষয়ে হৃতে।
শতক্রতুরতিক্রুদ্ধস্তত্র বজ্রমবাসৃজৎ॥ 14-11-14 (92683)
স বধ্যগানো বজ্রেণ তস্মিন্নমিততেজসা।
আকাশমভিদুদ্রাব জগ্রাহ বিষয়ং ততঃ॥ 14-11-15 (92684)
আকাশে বৃত্রভূতেঽথ শব্দে চ বিষয়ে হৃতে।
শতক্রতুরভিক্রুদ্ধস্তত্র বজ্রমবাসৃজৎ॥ 14-11-16 (92685)
স বধ্যমানো বজ্রেণ তস্মিন্নমিততেজসা।
বিবেশ সহসা শক্রং জগ্রাহ বিষয়ং ততঃ॥ 14-11-17 (92686)
তস্য বৃত্রগৃহীতস্য মোহঃ সমভবন্মহান্।
রথন্তরেণ তং সাম্না বসিষ্ঠঃ প্রত্যবোধয়ৎ॥ 14-11-18 (92687)
ততো বৃত্রং শরীরস্থং জঘান ভরতর্ষভ।
শতক্রতুরদৃশ্যেন বজ্রেণেতীহ নঃ শ্রুতম্॥ 14-11-19 (92688)
ইদং ধর্ম্যং রহস্যং বৈ শক্রেণোক্তং মহর্ষিষু।
ঋষিভিশ্চ মম প্রোক্তং তন্নিবোধ জনাধিপ॥ ॥ 14-11-20 (92689)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি একাদশোঽধ্যায়ঃ॥ 11 ॥
Mahabharata - Ashvamedhika Parva - Chapter Footnotes
7-11-2 উপপ্লুতং রাহুগ্রস্তম্॥ 7-11-4 জিহ্মং কামাদি। মৃত্যুপদং সংসারপ্রাপকম্। অজিহ্মং শমাদি। ব্রহ্মণঃ পদং মোক্ষস্য প্রাপকম্। জ্ঞানবিষয়ো হেয়োপাদেয়তয়া জ্ঞাতব্যোর্থঃ। আর্জবং ব্রহ্মণঃ পদমিতি ঝ.ধ.পাঠঃ॥ 7-11-7 ধরাহরণনিস্সার ইতি ক.থ.পাঠঃ॥আশ্বমেধিকপর্ব - অধ্যায় 012
॥ শ্রীঃ ॥
14.12. অধ্যায়ঃ 012
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি শারীরমানসভেদনেন ব্যাধের্দ্বৈবিধ্যাভিধানপূর্বকং তৎপরিহারোপায়কথনম্॥ 1 ॥Mahabharata - Ashvamedhika Parva - Chapter Text
বাসুদেব উবাচ।
দ্বিবোধো জায়তে ব্যাধিঃ শারীরো মানসস্তথা।
পরস্পরং তয়োর্জন্ম নির্দ্বন্দ্বং নোপপদ্যতে॥ 14-12-1 (92690)
শরীরে জায়তে ব্যাধিঃ শরীরঃ স নিগদ্যতে।
মানসে জায়তে ব্যাধির্মানসস্তু নিগদ্যতে॥ 14-12-2 (92691)
শীতোষ্ণে চৈব বায়ুশ্চ গুণা রাজঞ্শরীরজাঃ।
তেষাং গুণানাং সাম্যং চেত্তদাহুঃ স্বস্থলক্ষণম্॥ 14-12-3 (92692)
উষ্ণেন বাধ্যতে শীতং শীতেনোষ্ণং চ বাধ্যতে॥ 14-12-4 (92693)
সৎবং রজস্তমশ্চেতি ত্রয় আত্মগুণাঃ স্মৃতাঃ।
তেষাং গুণানাং সাম্যং চেত্তদাহুঃ স্বস্থলক্ষণম্॥ 14-12-5 (92694)
তেষামন্যতমোৎসেকে বিধানমুপদিশ্যতে।
হর্ষেণ বাধ্যতে শোকো হর্ষঃ শোকেন বাধ্যতে॥ 14-12-6 (92695)
কশ্চিদ্দুঃখে বর্তমানঃ সুখস্য স্মর্তুমিচ্ছতি।
কশ্চিৎসুখে বর্তমানো দুঃখস্য স্মর্তুমিচ্ছতি॥ 14-12-7 (92696)
স ৎবং ন দুঃখী দুঃখস্য ন সুখী সুসুখস্য বা।
স্মর্তুমিচ্ছসি কৌন্তেয় দৈবং হি বলবত্তরম্।
অথবা তে স্বভাবোঽয়ং যেন পার্থাবকৃষ্যসে॥ 14-12-8 (92697)
দৃষ্ট্বা সভাগতাং কৃষ্ণামেকবস্ত্রাং রজস্বলাম্।
মিষতাং পাণ্ডবেয়ানাং ন তস্য স্মর্তুমিচ্ছসি॥ 14-12-9 (92698)
প্রব্রাজনং চ নগরাদজিনৈশ্চ বিবাসনম্।
মহারণ্যনিবাসশ্চ ন তস্য স্মর্তুমিচ্ছসি॥ 14-12-10 (92699)
জটাসুরাৎপরিক্লেশশ্চিত্রসেনেন চাহবঃ।
সৈন্ধবাচ্চ পরিক্লেশো ন তস্য স্মর্তুমিচ্ছসি॥ 14-12-11 (92700)
পুনরজ্ঞাতচর্যায়াং কীচকেন পদা বধঃ।
যাজ্ঞসেন্যাস্তথা পার্থ ন তস্য স্মর্তুমিচ্ছসি॥ 14-12-12 (92701)
যচ্চ তে দ্রোণভীষ্মাভ্যাং যুদ্ধমাসীদরিংদম।
মনসৈকেন যোদ্ধব্যং তত্তে যুদ্ধমুপস্থিতম্॥ 14-12-13 (92702)
তস্মাদভ্যুপগন্তব্যং যুদ্ধায় ভরতর্ষভ।
পরমব্যক্তরূপস্য পারং যুক্ত্যা স্বকর্মভিঃ॥ 14-12-14 (92703)
যত্র নৈব শরৈঃ কার্যং ন ভৃত্যৈর্ন চ বন্ধুভিঃ।
আত্মনৈকেন যোদ্ধব্যং তত্তে যুদ্ধমুপস্থিতম্॥ 14-12-15 (92704)
তস্মিন্ননির্জিতে যুদ্ধে কামবস্থাং গমিষ্যসি।
এতজ্জ্ঞাৎবা তু কৌন্তেয় কৃতকৃত্যো ভবিষ্যসি॥ 14-12-16 (92705)
এথাং বুদ্ধিং বিনিশ্চিত্য ভূতানামাগতিং গতিম্।
পিতৃপৈতামহে বৃত্তে শাধি রাজ্যং যথোচিতম্॥ ॥ 14-12-17 (92706)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি দ্বাদশোঽধ্যায়ঃ॥ 12 ॥
Mahabharata - Ashvamedhika Parva - Chapter Footnotes
7-12-3 শীতোষ্ণে কফপিত্তে বায়ুর্বাতঃ তেষাং সাম্যে স্বাস্থ্যং বৈষম্যে ব্যাধির্ভবতীত্যর্থঃ॥ 7-12-4 শীতোষ্ণয়োরন্যতরাবিক্যজং দোষ মিতরবর্ধকেনৌষধাদিনাপনয়েদিত্যর্থঃ॥ 7-12-12 কীচকেন পরাভব ইতি ক.পাঠঃ॥ 7-12-15 আত্মনা মনসা॥আশ্বমেধিকপর্ব - অধ্যায় 013
॥ শ্রীঃ ॥
14.13. অধ্যায়ঃ 013
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
কামস্য শক্তিকথনেন দুর্জয়ৎবকথনপূর্বকং তজ্জয়োপায়কথনম্॥ 1 ॥Mahabharata - Ashvamedhika Parva - Chapter Text
বাসুদেব উবাচ।
ন বাহ্যং দ্রব্যমুৎসৃজ্য সিদ্ধির্ভবতি ভারত।
শারীরং দ্রব্যমুৎসৃজ্য সিদ্ধির্ববতি বা ন বা॥ 14-13-1 (92707)
বাহ্যদ্রব্যবিমুক্তস্য শারীরেষু চ গৃহ্যতঃ।
যো ধর্মো যৎসুখং চৈব দ্বিষতামস্তু তত্তব॥ 14-13-2 (92708)
দ্ব্যক্ষরস্তু ভবেন্মৃত্যুস্ত্র্যক্ষরং ব্রহ্ম শাশ্বতম্।
মমেতি দ্ব্যক্ষরো মৃত্যুর্নমমেতি চ শাশ্বতম্॥ 14-13-3 (92709)
ব্রহ্মমৃত্যূ ততো রাজন্নাত্মন্যেব ব্যবস্থিতৌ।
অদৃশ্যমানৌ ভূতানি যোধয়েতামসংশয়ম্॥ 14-13-4 (92710)
অবিনাশোঽস্য তত্ৎবস্য নিয়তো যদি ভারত।
ভিত্ৎবা শরীরং ভূতানামহিংসাং প্রতিপদ্যতে॥ 14-13-5 (92711)
লব্ধ্বা হি পৃথিবীং কৃৎস্নাং সহস্থাবরজঙ্গমাম্।
মমৎবং যস্য নৈব স্যাৎকিং তয়া স করিষ্যতি॥ 14-13-6 (92712)
অথবা বসতঃ পার্থ বনে বন্যেন জীবতঃ।
মমতা যস্য বিত্তেষু মৃত্যোরাংস্যে স বর্ততে॥ 14-13-7 (92713)
ব্রাহ্যান্তরাণাং শত্রূণাং স্বভাবং পশ্য ভারত।
যন্ন পশ্যতি তদ্ভূতং মুচ্যতে স মহাভয়াৎ॥ 14-13-8 (92714)
কামাত্মানং ন প্রশংসন্তি লোকে
নেহাকামা কাচিদস্তি প্রবৃত্তিঃ।
সর্বে কামা মনসোঽঙ্গ প্রভূতা
যান্পণ্ডিতঃ সংহরতে বিচিন্ত্য।
ভূয়োভূয়ো জন্মনোঽভ্যাসয়োগা-
দ্যোগী যোগং সারমার্গং বিচিন্ত্য॥ 14-13-9 (92715)
দানং চ বেদাধ্যযনং তপশ্চ
কাম্যানি কর্মাণি চ বৈদিকানি।
ব্রতং যজ্ঞান্নিয়মান্ধ্যানয়োগা-
ন্কামেন যো নারভতে বিদিৎবা।
যদ্যচ্চায়ং কাময়তে স ধমো
নয়ো ধর্মো নিয়মস্তস্য মূলম্॥ 14-13-10 (92716)
অত্র গাথাঃ কামগীতাঃ কীর্তয়ন্তি পুরাবিদঃ।
শৃণু সঙ্কীর্ত্যমানাস্তা অখিলেন যুধিষ্ঠির॥ 14-13-11 (92717)
কাম উবাচ। 14-13-12x (7796)
নাহং শক্যোঽনুপায়েন হন্তুং ভূতেন কেনচিৎ॥ 14-13-12 (92718)
যো মাং প্রয়ততে হন্তুং জ্ঞাৎবা প্রহরণে বলম্।
তস্য তস্মিন্প্রহরণে পুনঃ প্রাদুর্ভবাম্যহম্॥ 14-13-13 (92719)
যো মাং প্রয়ততে হন্তুং যজ্ঞৈর্বিবিধদক্ষিণৈঃ।
জঙ্গমেষ্বিব ধর্মাত্মা পুনঃ প্রাদুর্ভবাম্যহম্॥ 14-13-14 (92720)
যো মাং প্রয়ততে হন্তুং বেদৈর্বেদান্তসাধনৈঃ।
স্থাবরেষ্বিব ভূতাত্মা তস্য প্রাদুর্ভবাম্যহম্॥ 14-13-15 (92721)
যো মাং প্রয়ততে হন্তুং ধৃত্যা সত্যপরাক্রমঃ।
ভাবো ভবামি তস্যাহং স চ মাং নাববুধ্যতে॥ 14-13-16 (92722)
যো মাং প্রয়ততে হন্তুং তপসা সংশিতব্রতঃ।
ততস্পপসি তস্যথ পুনঃ প্রাদুর্ভবাম্যহম্॥ 14-13-17 (92723)
যো মাং প্রয়ততে হন্তুং মোক্ষমাস্থায় পণ্ডিতঃ।
তস্য মোক্ষরতিস্থস্য নৃত্যামি চ হসামি চ।
অবধ্যঃ সর্বভূতানামহমেকঃ সনাতনঃ॥ 14-13-18 (92724)
তস্মাত্ৎবমপি তং কামং যজ্ঞৈর্বিবিধদক্ষিণৈঃ।
ধর্মে কুরু মহারাজ তত্র তে স ভবিষ্যতি॥ 14-13-19 (92725)
মা তে ব্যথাঽস্তু নিহতান্বন্ধূন্বীক্ষ্য পুনঃপুনঃ।
ন শক্যাস্তে পুনর্দ্রষ্ট্রং যেঽহতাস্মিন্রণাজিরে॥ 14-13-20 (92726)
স ৎবমিষ্ট্বা মহায়জ্ঞৈঃ সমৃদ্ধৈরাপ্তদক্ষিণৈঃ।
কীর্তিং লোকে পরাং প্রাপ্য গতিমগ্র্যাং গমিষ্যসি॥ ॥ 14-13-21 (92727)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি ত্রয়োদশোঽধ্যায়ঃ॥ 13 ॥
Mahabharata - Ashvamedhika Parva - Chapter Footnotes
7-13-1 ন বাহ্যস্য রাজ্যাদেরর্থস্য ত্যাগাত্ত্যগ্গী ভবতি কিন্তু শরীরং কামাদিকং ত্যক্ৎবৈব সিদ্ধির্মোক্ষঃ নবেতি শুষ্কবৈরাগ্যবতো বিবেকশূন্যস্য সিদ্ধ্যভাবং সূচয়তি। উৎসৃজ্য সিদ্ধির্ভবতি ভারতেতিক.ধ.পাঠঃ॥ 7-13-2 গৃদ্ধ্য সক্তস্য যো ধর্মঃ সঃ অধর্মএব যৎসুখং তদ্দুঃখমেব॥ 7-13-3 মম ৎবং সংসারহেতুঃ তদভাবো ব্রহ্মপ্রাপ্তিহেতুরিত্যর্থঃ॥আশ্বমেধিকপর্ব - অধ্যায় 014
॥ শ্রীঃ ॥
14.14. অধ্যায়ঃ 014
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
ব্যাসনারদকৃষ্ণাদিভির্বন্ধুনিধনপরিশোচিনো যুধিষ্ঠিরস্য সমাশ্বাসনেন তত্রান্তর্ধানম্॥ 1 ॥ যুধিষ্ঠিরেণ ভীষ্মিদীনামৌর্ধ্বদেহিকদানেন হাস্তিননগরপ্রবেশঃ॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
এবং বহুবিধৈর্বাক্যৈর্মুনিভিস্তৈস্তপোধনৈঃ।
সমাশ্বস্ত রাজর্ষির্হিতবন্ধুর্যুধিষ্ঠিরঃ॥ 14-14-1 (92728)
সোঽনুনীতো ভগবতা বিষ্টরশ্রবসা স্বয়ম্।
দ্বৈপায়নেন কৃষ্ণেনি দেবস্থানেন চাভিভূঃ॥ 14-14-2 (92729)
নারদেনাথ ভীমেন নকুলেন চ পার্থিব।
কৃষ্ণয়া সহদেবেন বিজয়েন চ ধীমতা॥ 14-14-3 (92730)
অন্যৈশ্চ পুরুষব্যাঘ্রৈর্ব্রাহ্মণৈঃ শাস্ত্রদৃষ্টিভিঃ।
ব্যজহাচ্ছোকজং দুঃখং সন্তাপং চৈব মানসম্॥ 14-14-4 (92731)
অর্চয়ামাস দেবাংশ্চ ব্রাহ্মণাংশ্চ যুধিষ্ঠিরঃ।
কৃৎবাঽথ প্রেতকার্যাণি সর্বেষাং কুরুনন্দনঃ।
অন্বশাসচ্চ ধর্মাত্মা পৃথিবীং সাগরাম্বরাম্॥ 14-14-5 (92732)
প্রশান্তচেতাঃ কৌরব্যঃ স্বরাজ্যং প্রাপ্য কেবলম্।
ব্যাসং চ নারদং চৈব তাংশ্চান্যানব্রবীন্নৃপঃ॥ 14-14-6 (92733)
আশ্বাসিতোঽহং প্রাগ্বৃদ্ধৈর্ভবদ্ভির্মুনিপুঙ্গবৈঃ।
ন সূক্ষ্মমপি মে কিঞ্চিদ্ব্যলীকমিহ বিদ্যতে॥ 14-14-7 (92734)
অর্থশ্চ সুমহান্প্রাপ্তো যেন যক্ষ্যামি দেবতাঃ।
পুরস্কৃত্যাদ্য ভবতঃ সমানেষ্যামহে মখম্॥ 14-14-8 (92735)
হিমবন্তং ৎবয়া গুপ্তা গমিষ্যামঃ পিতামহ।
বহ্বাশ্চর্যো হি দেশঃ স শ্রূয়তে দ্বিজসত্তম॥ 14-14-9 (92736)
তথা ভগবতা চিত্রং কল্যাণং বহু ভাষিতম্।
দেবর্ষিণা নারদেন দেবস্থানেন চৈব হ॥ 14-14-10 (92737)
নাভাগধেয়ঃ পুরুষঃ কশ্চিদেবংবিধান্গুরূন্।
লভতে ব্যসনং প্রাপ্য সুহৃদঃ সাধুসম্মতান্॥ 14-14-11 (92738)
বৈশম্পায়ন উবাচ। 14-14-12x (7797)
এবমুক্তাস্তু তে রাজ্ঞা সর্ব এব মহর্ষয়ঃ।
অভ্যনুজ্ঞাপ্য রাজানং তথোভৌ কৃষ্ণফল্গুনৌ॥ 14-14-12 (92739)
পশ্যতামেব সর্বেষাং তত্রৈবাদর্শনং যয়ুঃ।
ততো ধর্মসুতো রাজা তত্রৈবোপাবিশৎপ্রভুঃ॥ 14-14-13 (92740)
এবং নাতিমহান্কালঃ স তেষাং সংন্যবর্তত।
কুর্বতাং শৌচকার্যাণি ভীষ্মস্য নিধনে তদা।
মহাদানানি বিপ্রেভ্যো দদতামৌর্ধ্বদেহিকম্॥ 14-14-14 (92741)
ভীষ্মকর্ণপুরোগাণাং কুরূণাং কুরুসত্তম।
সহিতো ধৃতরাষ্ট্রেণ স দদাবৌর্ধ্বদেহিকম্॥ 14-14-15 (92742)
ততো দত্ৎবা বহুধনং বিপ্রেভ্যঃ পাণ্ডবর্ষভঃ।
ধৃতারাষ্ট্রং পুরুস্কৃত্য বিবেশ গজসাহ্বয়ম্॥ ॥ 14-14-16 (92743)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি চতুর্দশোঽধ্যায়ঃ॥ 14 ॥
আশ্বমেধিকপর্ব - অধ্যায় 015
॥ শ্রীঃ ॥
14.15. অধ্যায়ঃ 015
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
বৈশংপায়েন জনমেজয়ংপ্রতি যুধিষ্ঠিরস্য প্রজাপালনকালে প্রজাদীনামভ্যুদয়প্রকারবর্ণনম্॥ 1 ॥Mahabharata - Ashvamedhika Parva - Chapter Text
`বৈশম্পায়ন উবাচ।
স সমাশ্বাস্য পিতরং প্রজ্ঞাচক্ষুষমীশ্বরম্।
অন্বশাসত ধর্মাত্মা পৃথিবীং ভ্রাতৃভিঃ সহ॥ 14-15-1 (92744)
যথা মনুর্মহারাজো রামো দাশরথির্যথা।
তথা ভরতসিংহোঽপি পালয়ামাস মেদিনীম্॥ 14-15-2 (92745)
নাধর্ম্যমভবত্তত্র সর্বো ধর্মরুচির্জনঃ।
বভূব নরশার্দূল যথা কৃতয়ুগে তথা॥ 14-15-3 (92746)
কলিমাসন্নমাবিষ্টং নিবার্য নৃপনন্দনঃ।
ভ্রাতৃভিঃ সহিতো ধীমান্বভৌ ধর্মবলোদ্ধতঃ॥ 14-15-4 (92747)
ববর্ষ ভগবান্দেবঃ কালে দেশে যথেপ্সিতম্।
নিরাময়ং জগদভূৎক্ষুৎপিপাসে ন কিঞ্চন॥ 14-15-5 (92748)
আধির্নাস্তি মনুষ্যাণাং ব্যসনে নাভবন্মতিঃ।
ব্রাহ্ম্ণপ্রমুখা বর্ণাস্তে স্বধর্মোত্তরাঃ শুভাঃ॥ 14-15-6 (92749)
ধর্মসত্যপ্রধানাশ্চ সত্যং সদ্বিষয়ান্বিতম্।
ধর্মাসনস্থঃ সদ্ভিঃ স স্ত্রীবালাতুরবৃদ্ধকান্।
বর্ণক্রমান্পূর্ণভৃতান্সাকল্যাদ্রক্ষণোদ্যতঃ॥ 14-15-7 (92750)
অবৃত্তিবৃত্তিদানাদ্যৈর্যজ্ঞাদ্যৈর্ব্যাধিতৈরপি।
আমুষ্মিকং ভয়ং নাস্তি লৌকিকং কৃতমেব॥ 14-15-8 (92751)
স্বর্গলোকোপমো লোকস্তদা তস্মিন্প্রশাসতি।
বভূব সুখমেবাগ্রং তদ্বিশিষ্টতরং পরম্॥ 14-15-9 (92752)
নার্যঃ পতিব্রতাঃ সর্বা রূপবত্যঃ স্বলংকৃতাঃ।
যথোক্তবৃত্তাঃ স্বগুণৈর্বভূবুঃ প্রীতিহেতবঃ॥ 14-15-10 (92753)
পুমাংসঃ পুণ্যশীলাঢ্যাঃ স্বংস্বং ধর্মমনুব্রতাঃ।
সুখিনঃ সূক্ষ্মমপ্যেনো ন কুর্বন্তি কদাচন॥ 14-15-11 (92754)
সর্বে নরাংশ্চ নার্যশ্চ সততং প্রিয়বাদিনঃ।
অজিহ্মমনসঃ শুক্লা বভূবুঃ শ্রমবর্জিতাঃ॥ 14-15-12 (92755)
ভূষিতাঃ কুণ্ডলৈর্হারৈঃ কটকৈঃ কটিসূত্রকৈঃ।
সুবাসসঃ সুগন্ধাঢ্যাঃ প্রায়শঃ পৃথিবীতলে॥ 14-15-13 (92756)
সর্বে ব্রহ্মবিদো বিপ্রাঃ সর্বত্র পরিনিষ্ঠিতাঃ।
বলীপলিতহীনাস্তু সুখিনো দীর্ঘদর্শিনঃ॥ 14-15-14 (92757)
ইচ্ছা ন জায়তেঽন্যত্র বর্ণেষু ন চ সঙ্করঃ।
মনুষ্যাণাং মহারাজ মর্যাদা সুব্যবস্থিতা॥ 14-15-15 (92758)
তস্মিঞ্শাসতি রাজেন্দ্রে মৃগব্যালসরীসৃপাঃ।
অন্যোন্যমপি চান্যেষু ন বাধন্তে কদাচন॥ 14-15-16 (92759)
গাবঃ সুক্ষীরভূয়িষ্ঠাঃ সুস্ববালমুখোদরাঃ।
অপীডিতাঃ কর্ষকাদ্যৈর্হৃতব্যাধিকবৎসকাঃ॥ 14-15-17 (92760)
অবন্ধ্যকালা মনুজাঃ পুরুষার্থেষু চ ক্রমাৎ।
বিষয়েষ্বনিষিদ্ধেষু বেদশাস্ত্রেষু চোদ্যতাঃ॥ 14-15-18 (92761)
সুবৃত্তা বৃষভাঃ পুষ্টা রসনাভাঃ সুখোদয়াঃ॥ 14-15-19 (92762)
অতীব মধুরঃ শব্দঃ স্পর্শশ্চাতিসুখং রসম্।
করূপং দৃষ্টিক্ষমং রম্যং মনোজ্ঞং গন্ধবদ্বভৌ॥ 14-15-20 (92763)
ধর্মার্থকামসংয়ুক্তং মোক্ষাভ্যুদয়সাধনম্।
প্রহ্লাদজননং পুণ্যং সম্বভূবাথ মানসম্॥ 14-15-21 (92764)
স্থাবরা বহুপুষ্পাঢ্যাঃ ফলচ্ছায়াবহাস্তথা।
সুস্পর্শা বিষহীনাশ্চ সুপত্রৎবক্প্ররোহিণঃ॥ 14-15-22 (92765)
মনোনুকূলাঃ সর্বেষাং চেষ্টাভূতাপবর্জিতাঃ।
তথা বভূব রাজর্ষিস্তদ্বৃত্তমভবদ্ভুবি॥ 14-15-23 (92766)
সর্বলক্ষণসম্পন্নাঃ পাণ্ডবা ধর্মচারিণঃ।
জ্যেষ্ঠানুবর্তিনঃ সর্বে বভূবুঃ প্রিয়দর্শনাঃ॥ 14-15-24 (92767)
সিংহোরস্কা জিতক্রোধাস্তেজোবলসমন্বিতাঃ।
আজানুবাহবঃ সর্বে দানশীলা জিতেন্দ্রিয়াঃ॥ 14-15-25 (92768)
তেষু শাসৎসু ধরণীমৃতবঃ স্বগুণৈর্বভুঃ।
সুখোদয়ায় বর্তন্তে গ্রহাস্তারাগণৈঃ সহ॥ 14-15-26 (92769)
মহী চ সস্যবহুলা সর্বরত্নগুণোদয়া।
কামধুগ্ধেনুবদ্ভোগান্ফলন্তি স্ম সহস্রধা॥ 14-15-27 (92770)
মন্বাদিভিঃ কৃতাঃ পূর্বং মর্যাদা মানবেষু যাঃ।
অনতিক্রম্য তাঃ সর্বাঃ কুলেষু সময়ানি চ।
অন্বশাসত রাজানো ধর্মপুত্রপ্রিয়ংকরাঃ॥ 14-15-28 (92771)
মহাকুলানি ধর্মিষ্ঠা বর্ধয়ন্তো বিশেষতঃ।
মনুপ্রণীতয়া বৃত্ত্যা তেঽন্বশাসনসুন্ধরাম্॥ 14-15-29 (92772)
রাজবৃত্তির্হি সা শশ্বদ্ধর্মিষ্ঠাঽভূন্মহীতলে।
প্রায়ো লোকমতিস্তান রাজবৃত্তানুগামিনী॥ 14-15-30 (92773)
এবং ভারতবর্ষং স্বং রাজা স্বর্গং সুরেন্দ্রবৎ।
শশাস জিষ্ণুনা সার্ধং গোত্রাং গাণ্ডীবধন্বন'॥ ॥ 14-15-31 (92774)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি পঞ্চদশোঽধ্যায়ঃ॥ 15 ॥
Mahabharata - Ashvamedhika Parva - Chapter Footnotes
7-15-31 শশাস বিষ্ণুনা সার্ধং গুপ্তো গাণ্ডীবধন্বনেতি থ.পাঠঃ॥আশ্বমেধিকপর্ব - অধ্যায় 016
॥ শ্রীঃ ॥
14.16. অধ্যায়ঃ 016
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
বৈশম্পায়নেন কুরুবিজয়ানন্তরং হাস্তিনপুরে কৃষ্ণার্জুনবিহারপ্রকারবর্ণনম্॥ 1 ॥ কৃষ্ণেনার্জুনংপ্রতি যুধিষ্ঠিরে স্বস্য নিজনগরজিগমিষানিবেদনচোদনা॥ 2 ॥Mahabharata - Ashvamedhika Parva - Chapter Text
জনমেজয় উবাচ।
বিজিতে পাণ্ডবেয়ৈস্তু প্রশান্তে চ দ্বিজোত্তম।
রাষ্ট্রে তে চত্রতুর্বীরৌ বাসুদেবধনংজয়ৌ॥ 14-16-1 (92775)
বৈশম্পায়ন উবাচ। 14-16-2x (7798)
বিজিতে পাণ্ডবৈ রাজন্প্রশান্তে চ বিশাম্পতৌ।
রাষ্ট্রে বভূবতুর্হৃষ্টৌ বাসুদেবধনংজয়ৌ॥ 14-16-2 (92776)
বিজহ্রাতে মুদা যুক্তৌ দিবি দেবশ্বরাবিব।
তৌ বনেষু বিচিত্রেষু পর্বতেষু সসানুষুঃ॥ 14-16-3 (92777)
তীর্থেষু চৈব পুণ্যেষু পল্বলেষু নদীষু চ।
চংক্রম্যমাণৌ সংহৃষ্টাবশ্বিনাবিব নন্দনে॥ 14-16-4 (92778)
ইন্দ্রপ্রস্থে মহাত্মানৌ রেমাতে কৃষ্ণপাণ্ডবৌ।
প্রবিশ্য তাং সভাং রম্যাং বিজহ্রাতে চ ভারত॥ 14-16-5 (92779)
তত্র যুদ্ধকথাশ্চিত্রাঃ পরিক্লেশাংশ্চ পার্থিব।
কথায়োগে কথায়োগে কথয়ামাসতুঃ সদা॥ 14-16-6 (92780)
ঋষীণাং দেবতানাং চ বংশাংস্তাবাহতুঃ সদা।
প্রীয়মাণৌ মহাত্মানৌ পুরাণাবৃষিসত্তমৌ॥ 14-16-7 (92781)
মধুরাস্তু কথাশ্চিত্রাশ্চিত্রার্থপদনিশ্চয়াঃ।
নিশ্চয়জ্ঞঃ স পার্থায় কথয়ামাস কেশবঃ॥ 14-16-8 (92782)
পুত্রশোকাভিসংতপ্তং জ্ঞাতীনাং চ সহস্রশঃ।
কথাভিঃ শময়ামাস পার্তং শৌরির্জনার্দনঃ॥ 14-16-9 (92783)
স তমাশ্বাস্য বিধিবদ্বিধানজ্ঞো মহাতপাঃ।
অপহৃত্যাত্মনো ভারং বিশশ্রামেব সাৎবতঃ॥ 14-16-10 (92784)
ততঃ কথান্তে গোবিন্দো গুডাখেশমুবাচ হ।
সান্ৎবয়ঞ্শ্লক্ষ্ণয়া বাচা হেতুয়ুক্তমিদং বচঃ॥ 14-16-11 (92785)
বিজিতেয়ং ধরা কৃৎস্না সব্যসাচিন্পরংতপ।
ৎবদ্বাহুবলামাশ্রিত্য রাজ্ঞা ধর্মসুতেন হ॥ 14-16-12 (92786)
অসপত্নাং মহীং ভুঙ্ক্তে ধর্মরাজো যুধিষ্ঠিরঃ।
ভীমসেনানুভাবেন যময়োশ্চ নরোত্তম॥ 14-16-13 (92787)
ধর্মেণি রাজ্ঞা ধর্মজ্ঞ প্রাপ্তং রাজ্যমকণ্টকম্।
ধর্মেণ নিহতঃ সঙ্খ্যে স চ রাজা সুয়োধনঃ॥ 14-16-14 (92788)
অধর্মরুচয়ো লুব্ধাঃ সদা চাপ্রিয়বাদিনঃ।
ধার্তরাষ্ট্রা দুরাত্মানঃ সানুবন্ধা নিপাতিতাঃ॥ 14-16-15 (92789)
প্রশান্তামখিলাং পার্থ পৃথিবীং পৃথিবীপতিঃ।
ভুঙ্ক্তে ধর্মসুতো রাজা ৎবয়া গুপ্তঃ কুরূদ্বহ॥ 14-16-16 (92790)
রমে চাহং ৎবয়া সার্ধমরণ্যেষ্বপি পাণ্ডব।
কিমু যত্র জনোঽয়ং বৈ পৃথা চামিত্রকর্মন॥ 14-16-17 (92791)
যত্র ধর্মসুতো রাজা যত্র যত্র ভীমো মহাবলঃ।
যত্র মাদ্রবতীপুত্রৌ রতিস্তত্র পরা মম॥ 14-16-18 (92792)
তথৈব স্বর্গলোকেষু সভোদ্দেশেষু কৌরব।
রমণীয়েষু পুষ্ণেষু সহিতস্য ৎবয়াঽনধ॥ 14-16-19 (92793)
কালো মহাংস্ৎবতীতো মে শূরসূনুমপশ্যতঃ।
বলদেবং চ কৌরব্যং তথাঽন্যান্বৃষ্ণিপুঙ্গবান্॥ 14-16-20 (92794)
সোহং গন্তুমভীপ্সামি পুরীং দ্বারাবতীং প্রতি।
রোচতাং গমনং তুভ্যং মমাপি পুরুষর্ষভ॥ 14-16-21 (92795)
উক্তো বহুবিধং রাজা তত্রতত্র যুধিষ্ঠিরঃ।
সহ ভীষ্মেণ যদ্যুক্তমস্মাভিঃ শোকর্শিতঃ॥ 14-16-22 (92796)
শিষ্টো যুধিষ্ঠিরোঽস্মাভিঃ শাস্তা সন্নপি পাণ্ডবঃ।
তেন তত্তু বচঃ সম্যগ্গৃহীতং সুমহাত্মনা॥ 14-16-23 (92797)
ধর্মপুত্রে হি ধর্মজ্ঞে কৃতজ্ঞে সত্যবাদিনি।
সত্যং ধর্মো মতিশ্চাগ্র্যা স্থিতিশ্চ সততং স্থিরা॥ 14-16-24 (92798)
তত্র গৎবা মহাত্মানং যদি তে রোচতেঽর্জুন।
অস্মদ্গমনসংয়ুক্তং বচো ব্রূহি জনাধিপম্॥ 14-16-25 (92799)
ন হি তস্যাপ্রিয়ং কুর্যাং প্রাণত্যোগেঽপ্যুপস্থিতে।
কুতো গন্তুং মহাবাহো পুরীং দ্বারাবতীং প্রতি॥ 14-16-26 (92800)
সর্বং ৎবিদমহং পার্ত ৎবৎপ্রীতিহিতকাম্যযা।
ব্রবীমি সত্যং কৌরব্য ন মিথ্যৈতৎকথঞ্চন॥ 14-16-27 (92801)
প্রয়োজনং চ নির্বৃত্তমিহ বাসেন মেঽর্জুন।
ধার্তরাষ্ট্রো হতো রাজা সবলঃ সপদানুগঃ॥ 14-16-28 (92802)
পৃথিবী চ বশে তাত ধর্মপুত্রস্য ধীমতঃ।
স্থিতা সমুদ্রবসনা সশৈলবনকাননা॥ 14-16-29 (92803)
চিতা রত্নৈর্বহুবিধৈঃ কুরুরাজস্য পাণ্ডব।
ধর্মেণ রাজা ধর্মজ্ঞঃ পাতু সর্বাং বসুন্ধরাম্॥ 14-16-30 (92804)
উপাস্যমানো মুনিভিঃ সিদ্ধৈশ্চাপি মহাত্মভিঃ।
স্তূয়মানশ্চ সততং বন্দিভির্ভরতর্ষভ॥ 14-16-31 (92805)
তং ময়া সহ গৎবাঽদ্য রাজানং কুরুবর্ধনম্।
আপৃচ্ছ কুরুশার্দূল গমনং দ্বারকাং প্রতি॥ 14-16-32 (92806)
ইদং শরীরং বসু যচ্চ মে গৃহে
নিবেদিতং পার্থ সদা যুধিষ্ঠিরে।
প্রিয়শ্চ মান্যশ্চ হি মে যুধিষ্ঠিরঃ
সদা কুরূণামধিপো মহামতিঃ॥ 14-16-33 (92807)
প্রয়োজনং চাপি নিবাসকারণে
ন বিদ্যতে মে ৎবদৃতে নৃপাত্মজ।
স্থিতা হি পৃথ্বী তব পার্থ শাসনে
গুরোঃ সুবৃত্তস্য যুধিষ্ঠিরস্য চ॥ 14-16-34 (92808)
ইতীদমুক্তঃ স তদা মহাত্মনা
জনার্দনেনামিতবিক্রমোঽর্জুনঃ।
তথেতি দুঃখাদিব বাক্যমৈরয়-
জ্জনার্দনং সম্প্রতিপূজ্য পার্থিব॥ ॥ 14-16-35 (92809)
ইতি শ্রীমন্মহাভারতে আশ্বমেধিকপর্বণি অশ্বমেধপর্বণি ষোডশোঽধ্যায়ঃ॥ 16 ॥
Mahabharata - Ashvamedhika Parva - Chapter Footnotes
7-16-4 শৈলেষু গহ্বরারণ্যে পল্বলেষ্বিতি ক.থ.পাঠঃ॥আশ্বমেধিকপর্ব - অধ্যায় 017
॥ শ্রীঃ ॥
14.17. অধ্যায়ঃ 017
অথানুগীতাপর্ব ॥ 2 ॥
Mahabharata - Ashvamedhika Parva - Chapter Topics
অর্জুনেন কৃষ্ণংপ্রতি পূর্বোপদিষ্টগীতার্থস্য বিস্মরণোক্ত্যা পুনস্তদুপদেশপ্রার্থনা॥ 1 ॥ কৃষ্ণেনার্জুনংপ্রতি স্বস্মৈ ব্রাহ্মণোক্তসিদ্ধকাশ্যপসংবাদানুবাদঃ॥ 2 ॥Mahabharata - Ashvamedhika Parva - Chapter Text
জনমেজয় উবাচ।
সভায়াং বসতোস্তত্র নিহত্যারীন্মহাত্মনোঃ।
কেশবার্জুনয়োঃ কা নু কথা সমভবদ্দ্বিজ॥ 14-17-1 (92810)
বৈশম্পায়ন উবাচ। 14-17-2x (7799)
কৃষ্ণেন সহিতঃ পার্থঃ স্বং রাজ্যং প্রাপ্য কেবলম্।
তস্যাং সভায়াং দিব্যায়াং বিজহার মুদা যুতঃ॥ 14-17-2 (92811)
তত্র কঞ্চিৎসভোদ্দেশং স্বর্গোদ্দেশসমং নৃপ।
যদৃচ্ছয়া তৌ মুদিতৌ জগ্মতুঃ স্বজনাবৃতৌ॥ 14-17-3 (92812)
ততঃ প্রতীতঃ কৃষ্ণেন সহিতঃ পাণ্ডবোঽর্জুনঃ।
নিরীক্ষ্য তাং সভাং রম্যামিদং বচনমব্রবীৎ॥ 14-17-4 (92813)
বিদিতং মে মহাবাহো সঙ্গ্রামে সমুপস্থিতে।
মহাত্ম্যং দেবকীপুত্র তচ্চ তে রূপমৈশ্বরম্॥ 14-17-5 (92814)
যত্তু তদ্ভবতা প্রোক্তং পুরা কেশব সৌহৃদাৎ।
তৎসর্বং পুরুষব্যাঘ্র নষ্টং মে ব্যগ্রচেতসঃ॥ 14-17-6 (92815)
মম কৌতূহলং ৎবস্তি তেষ্বর্থেষু পুনঃ পুনঃ।
ভবাংস্তু দ্বারকাং গন্তা নচিরাদিব মাধব॥ 14-17-7 (92816)
বৈশম্পায়ন উবাচ। 14-17-8x (7800)
এবমুক্তস্তু তং কৃষ্ণঃ ফাল্গুনং প্রত্যভাষত।
পরিষ্বজ্য মহাতেজা বচনং বদতাংবরঃ॥ 14-17-8 (92817)
বাসুদেব উবাচ। 14-17-9x (7801)
শ্রাবিতস্ৎবং ময়া গুহ্যং জ্ঞাপিতশ্চ সনাতনম্।
ধর্মং স্বরূপিণং পার্ত সর্বলোকাংশ্চ শাশ্বতান্॥ 14-17-9 (92818)
অবুদ্ধ্যা যন্ন গৃহ্ণীতাস্তন্মে সুমহদপ্রিয়ম্।
ন চ সাঽদ্য পুনর্ভূয়ঃ স্মৃতির্মে সম্ভবিষ্যতি॥ 14-17-10 (92819)
নূনমশ্রদ্দধানোঽসি দুর্মেধা হ্যসি পাণ্ডব।
ন চ শক্যং পুনর্বক্তুমশেষেণ ধনংজয়॥ 14-17-11 (92820)
স হি ধর্মঃ সুপর্যাপ্তো ব্রহ্মণঃ পদবেদনে।
ন শক্যং তন্ময়া ভূয়স্তথা বক্তুমশেষতঃ॥ 14-17-12 (92821)
পরং হি ব্রহ্ম কথিতং যোগয়ুক্তেন তন্ময়া।
ইতিহাসং তু বক্ষ্যামি তস্মিন্নর্থে পুরাতনম্॥ 14-17-13 (92822)
যথা তাং বুদ্ধিমাস্থায় গতিমগ্র্যাং গমিষ্যসি।
শৃণু ধর্মভৃতাংশ্রেষ্ঠ গদতঃ সর্বমেব মে॥ 14-17-14 (92823)
আগচ্ছদ্ব্রাহ্মণঃ কশ্চিৎস্বর্গলোকাদরিংদম।
ব্রহ্মলোকাচ্চ দুর্ধর্ষঃ সোস্মাভিঃ পূজিতোঽভবৎ॥ 14-17-15 (92824)
অস্মাভিঃ পরিপৃষ্ঠশ্চ যদাহ ভরতর্ষভ।
দিব্যেন বিধিনা পার্থ তচ্ছৃণুষ্বাবিচারয়ন্॥ 14-17-16 (92825)
ব্রাহ্মণ উবাচ। 14-17-17x (7802)
মোক্ষধর্মং সমাশ্রিত্য কৃষ্ণ যন্মাঽনুপৃচ্ছসি।
ভূতানামনুকম্পার্থং মন্মোহচ্ছেদনং বিভো॥ 14-17-17 (92826)
তত্তেঽহং সম্প্রবক্ষ্যামি যথাবন্মধুসূদন।
শৃণুষ্বাবহিতো ভূৎবা গদতো মম মাধব॥ 14-17-18 (92827)
কশ্চিদ্বিপ্রস্তপোয়ুক্তঃ কাশ্যপো ধর্মবিত্তমঃ।
আসসাদ দ্বিজং কংচিদ্ধর্মাণামাগতাগমম্॥ 14-17-19 (92828)
গতাগমং সুবহুশো জ্ঞানবিজ্ঞানপারগম্।
লোকতত্ৎবার্থকুশলং জ্ঞাতরং সুখদুঃখয়োঃ॥ 14-17-20 (92829)
জাতিস্মরণতত্ৎবজ্ঞং কোবিদং পাপপুণ্যযোঃ।
দ্রষ্টারমুচ্চনীচানাং কর্মভির্দেহিনাং গতিম্॥ 14-17-21 (92830)
চরন্তং মুক্তবৎসিদ্ধং প্রশান্তং সংয়তেন্দ্রিয়ম্।
দীপ্যমানং শ্রিয়া ব্রাহ্ময়া ক্রমমাণং চ সর্বশঃ॥ 14-17-22 (92831)
অন্তর্ধানগতিজ্ঞং চ শ্রুৎবা তত্ৎবেন কাশ্যপঃ।
তথৈবান্তর্হিতৈঃ সিদ্ধৈর্যান্তং চক্রধরৈঃ সহ॥ 14-17-23 (92832)
সম্ভাষমাণমেকান্তে সমাসীনং চ তৈঃ সহ।
যদৃচ্ছয়া চ গচ্ছন্তমসক্তং পবনং যথা॥ 14-17-24 (92833)
তং সমাসাদ্য মেধাবী স তদা দ্বিজসত্তমঃ।
চরণৌ ধর্মকামো বৈ স তস্য সুসমাহিতঃ।
প্রতিপদে যথান্যায়ং ভক্ত্যা পরময়া যুতঃ॥ 14-17-25 (92834)
বিস্মিতশ্চাদ্ভুতং দৃষ্ট্বা কাশ্যপস্তং দ্বিজোত্তমম্।
পরিচারেণ মহতা গুরুং তং পর্যতোষয়ৎ॥ 14-17-26 (92835)
উপপন্নং চ তৎসর্বং শ্রুতচারিত্রসংয়ুতম্।
ভৌমেনাতোষয়চ্চৈনং গুরুবৃত্তিং সমাস্থিতঃ॥ 14-17-27 (92836)
তস্মৈ তুষ্টঃ স শিষ্যায় যৎপ্রসন্নোঽব্রবীদ্গুরুঃ।
সিদ্ধিং পরামভিপ্রেক্ষ্য শৃণু মত্তো জনার্দন॥ 14-17-28 (92837)
সিদ্ধ উবাচ। 14-17-29x (7803)
বিবিধৈঃ কর্মভিস্তাত পুণ্যযোগৈশ্চ কেবলৈঃ।
গচ্ছন্তীহ গতিং মর্ত্যা দেবলোকে চ বা স্থিতিম্॥ 14-17-29 (92838)
ন ক্বচিৎসুখমত্যন্তং ন ক্বচিচ্ছাশ্বতী স্থিতিঃ।
স্থানাচ্চ মহতো ভ্রংশো দুঃখলব্দাৎপুনঃ পুনঃ॥ 14-17-30 (92839)
অশুভা গতয়ঃ প্রাপ্তাঃ কষ্টা মে পাপসেবনাৎ।
কামমন্যুপরীতেন তৃষ্ণয়া মোহিতেন চ॥ 14-17-31 (92840)
পুনঃ পুনশ্চ মরণং জন্ম চৈব পুনঃ পুনঃ।
আহারা বিবিধা ভুক্তাঃপীতা নানাবিধাঃস্তনাঃ॥ 14-17-32 (92841)
মাতরো বিবিধা দৃষ্টাঃ পিতরশ্চ পৃথগ্বিধাঃ।
সুখানি চ বিচিত্রাণি দুঃখানি চ ময়াঽনঘ॥ 14-17-33 (92842)
প্রিয়ৈর্বিবাসো বহুশঃ সংবাসশ্চাপ্রিয়ৈঃ সহ।
ধননাশশ্চ সম্প্রাপ্তো লব্ধ্বা দুঃখেন তদ্ধনম্॥ 14-17-34 (92843)
অবমানাঃ সুকষ্টাশ্চ পরতঃ স্বজনাত্তথা।
শারীরা মানসা বাঽপি বেদনা ভৃশদারুণাঃ॥ 14-17-35 (92844)
প্রাপ্তা বিমাননাশ্চোগ্রা বধবন্ধাশ্চ দারুণাঃ।
পতনং নিরয়ে চৈব যাতনাশ্চ যমক্ষয়ে॥ 14-17-36 (92845)
জরারোগাশ্চ সততং ব্যসনানি চ ভূরিশঃ।
লোকেঽস্মিন্ননুভূতানি দ্বন্দ্বজানি ভৃশং ময়া॥ 14-17-37 (92846)
ততঃ কদাচিন্নির্বেদান্নিকারান্নিকৃতেন চ।
লোকতন্ত্রং পরিত্যক্তং দুঃখার্তেন ভৃশং ময়া॥ 14-17-38 (92847)
লোকেঽস্মিন্ননুভূয়াহমিমং মার্গমনুষ্ঠিতঃ।
ততঃ সিদ্ধিরিয়ং প্রাপ্তা প্রসাদাদাত্মনো ময়া।
নাহং পুনরিহাগন্তা লোকানালোকয়াম্যহম্॥ 14-17-39 (92848)
আসিদ্ধেরাপ্রজাসর্গাদাত্মনোপি গতীঃ শুভাঃ।
উপলব্ধা দ্বিজশ্রেষ্ঠ তথেয়ং সিদ্ধিরুত্তমা॥ 14-17-40 (92849)
ইতঃ পরং গমিষ্যামি ততঃ পরতরং পুনঃ।
ব্রহ্মণঃ পদমব্যক্তং মা তেঽভূতত্র সংশয়ঃ॥ 14-17-41 (92850)
নাহং পুনরিহাগন্তা মর্ত্যলোকং পরন্তপ।
প্রীতোস্মি তে মহাপ্রাজ্ঞ ব্রূহি কিং করবাণি তে॥ 14-17-42 (92851)
যদীপ্সুরুপপন্নস্ৎবং তস্য কালোঽয়মাগতঃ।
অভিজানে চ তদহং যদর্থং মামুপাগতঃ॥ 14-17-43 (92852)
অচিরাত্তু গমিষ্যামি যেনাহং ৎবামচূচুদম্।
ভৃশং প্রীতোস্মি ভবতশ্চারিত্রেণ বিচক্ষণ॥ 14-17-44 (92853)
পরিপৃচ্ছ যাবদ্ভবতো ভাষে যদ্যত্তবেপ্সিতম্॥ 14-17-45 (92854)
বহুমন্যে চ তে বুদ্ধিং ভৃশং সম্পূজয়ামি চ।
যেনাহং ভবতা বুদ্ধো মেধাবী হ্যসি কাশ্যপ॥ ॥ 14-17-46 (92855)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি সপ্তদশোঽধ্যায়ঃ॥ 17 ॥
Mahabharata - Ashvamedhika Parva - Chapter Footnotes
7-17-19 আগতাগমং প্রাপ্তশাস্ত্ররহস্যমূহাপোহকুশলমিত্যর্থঃ॥ 7-17-43 বহুমন্যে ভৃশং পূজয়ে। অহমন্তর্ধানগতোঽপি যতস্ৎবয়া জ্ঞাতঃ॥আশ্বমেধিকপর্ব - অধ্যায় 018
॥ শ্রীঃ ॥
14.18. অধ্যায়ঃ 018
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
ব্রাহ্মণেন কৃষ্ণংপ্রতি প্রাণিনাং জননমরণাদিপ্রতিপাদকসিদ্ধকশ্যপসংবাদনুবাদঃ॥ 1 ॥Mahabharata - Ashvamedhika Parva - Chapter Text
বাসুদেব উবাচ।
ততস্তস্যোপসঙ্গৃহ্য পাদৌ প্রশ্নান্সুদুর্বচান্।
পপ্রচ্ছ তাংশ্চ ধর্মান্স প্রাহ ধর্মভৃতাংবরঃ॥ 14-18-1 (92856)
কাশ্যপ উবাচ। 14-18-2x (7804)
কথং শরীরাচ্চ্যবতে কথং চৈবোপপদ্যতে।
কথং কষ্টাচ্চ সংসারাৎসংসরন্পরিমুচ্যতে॥ 14-18-2 (92857)
আত্মানং বা কথং যুক্ৎবা তচ্ছরীরং বিমুঞ্চতি।
শরীরে চ বিনির্মুক্তো কথমন্যৎপ্রপদ্যতে॥ 14-18-3 (92858)
কথং শুভাশুভে চায়ং কর্মণী স্বকৃতে নরঃ।
উপভুঙ্ক্তে ক্ব বা কর্ম বিদেহস্যোপতিষ্ঠতে॥ 14-18-4 (92859)
ব্রাহ্মণ উবাচ। 14-18-5x (7805)
এবং সঞ্চোদিতঃ সিদ্ধঃ প্রশ্নাংস্তান্প্রত্যভাষত।
আনুপূর্ব্যেণ বার্ষ্ণেয় তন্মে নিগদতঃ শৃণুঃ॥ 14-18-5 (92860)
সিদ্ধ উবাচ। 14-18-6x (7806)
`অস্মিন্নেবাশু ফলদা আয়ুষ্যাস্তু ক্রিয়াঃস্মৃতাঃ।
আয়ুঃকীর্তিকরাণীহ যানি কৃত্যানি সেবতে।
শরীরগ্রহণেঽন্যস্মিংস্তেষু ক্ষীণেষু সর্বশঃ॥ 14-18-6 (92861)
আয়ুঃক্ষয়পরীতাত্মা বিপরীতানি সেবতে।
বুদ্ধির্ব্যাবর্ততে চাস্য বিনাশে প্রত্যুপস্থিতে॥ 14-18-7 (92862)
সত্ৎবং বলং চ কালং চাবিদিৎবা চাত্মনস্তথা।
অতিবেলমুপাশ্নাতি স্ববিরুদ্ধান্যনাত্মবান্॥ 14-18-8 (92863)
যদাঽয়মতিকষ্টানি সর্বাণ্যুপনিষেবতে।
অত্যর্থমপি বা ভুঙ্ক্তে ন বা ভুঙ্ক্তে কদাচন॥ 14-18-9 (92864)
দুষ্টান্নামিষপানং চ যদন্যোন্যবিরোধি চ।
গুরু চাপ্যমিতং ভুঙ্ক্তে নাতিজীর্ণে দিবা পুনঃ॥ 14-18-10 (92865)
ব্যায়ামমতিমাত্রং চ ব্যাবায় চোপসেবতে।
সততং কর্মলোভাদ্বা প্রাপ্তং বেগং বিধারয়েৎ॥ 14-18-11 (92866)
রসাভিয়ুক্তমন্নং বা দিবাস্বপ্নং চ সেবতে।
অপক্বানাগতে কালে স্বয়ং দোষান্প্রকোপয়েৎ॥ 14-18-12 (92867)
স্বদোষকোপনাদ্রোগং লভতে মরণান্তিকম্।
অপি বোদ্বন্ধনাদীনি পরীতানি ব্যবস্যতি॥ 14-18-13 (92868)
তস্য তৈঃ কারণৈর্জন্তোঃ শরীরং চ্যবতে তদা।
জীবিতং প্রোচ্যমানং তদ্যথাবদুপধারয়॥ 14-18-14 (92869)
ঊষ্মা প্রকুপিতঃ কায়ে তীব্রবায়ুসমীরিতঃ।
শরীরমনুপর্যেত্য সর্বান্প্রাণান্রুণদ্ধি বৈ॥ 14-18-15 (92870)
অত্যর্থং বলবানূষ্মা শরীরে পরিকোপিতঃ।
ভিনত্তি জীবস্থানানি তানি কর্মণি বিদ্ধি চ॥ 14-18-16 (92871)
ততঃ সবেদনঃ সদ্যো জীবঃ প্রচ্যবতে ক্ষরন্।
শরীরং ত্যজতে জন্তুশ্ছিদ্যমানেষু মর্মসু।
বেদনাভিঃ পরীতাত্মা তদ্বিদ্ধি দ্বিজসত্তম॥ 14-18-17 (92872)
জনীমরণসংবিগ্রাঃ সততং সর্বজন্তবঃ।
দৃশ্যন্তে সংত্যজন্তশ্চ শরীরাণি দ্বিজর্ষভ॥
গর্ভসংক্রমণে চাপি গর্ভাণাপুপসর্পণে।
তাদৃশীমেব লভতে বেদনাং মানবঃ পুনঃ॥ 14-18-18 (92873)
ভিন্নসংধিরথ ক্লেদমদ্ভিঃ স লভতে নরঃ॥ 14-18-20 (92874)
যথা পঞ্চসু ভূতেষু সম্ভূতৎবং নিয়চ্ছতি।
শৈত্যাৎপ্রকুপিতঃ কায়ে তীব্রবায়ুসমীরিতঃ॥ 14-18-21 (92875)
যঃ স পঞ্চসু ভূতেষু প্রাণাপানে ব্যবস্থিতঃ।
স গচ্ছত্যূর্ধ্বগো বায়ুঃ কৃচ্ছ্রান্মুক্ৎবা শরীরিণঃ।
শরীরং চ জহাত্যেবং নিরুচ্ছ্বাসশ্চ দৃশ্যতে॥ 14-18-22 (92876)
স নিরূষ্মা নিরুচ্ছ্বাসো নিঃশ্রীকো গতচেতনঃ।
কর্মণা সম্পরিত্যক্তো মৃত ইত্যুচ্যতে নরঃ॥ 14-18-23 (92877)
স্রোতোভির্যৈর্বিজানাতি ইন্দ্রিয়ার্থাঞ্শরীরভৃৎ।
তৈরেব ন বিজানাতি প্রাণানাহারসম্ভবান্॥ 14-18-24 (92878)
তত্রৈব কুরুতে কায়ে যঃ স জীবঃ সনাতনঃ॥ 14-18-25 (92879)
তথা যদ্যদ্ভবেন্মুক্তং সন্নিপাতে ক্বচিৎক্বচিৎ।
তত্তন্মর্ম বিজানীহি শাস্ত্রদৃষ্টং হি তত্তথা॥ 14-18-26 (92880)
তেষু মর্মসু ভিন্নেষু ততঃ স সমুদীরয়ন্।
আবিশ্য হৃদয়ং জন্তোঃ সত্ৎবং চাশু রুণদ্ধি বৈ॥ 14-18-27 (92881)
ততঃ সচেতনো জন্তুর্নাভিজানাতি কিঞ্চন।
তমসা সংবৃতজ্ঞানঃ সংবৃতেষ্বেব মর্মসু।
স জীবো নিরদিষ্ঠানশ্চাল্যতে মাতরিশ্বনা॥ 14-18-28 (92882)
ততঃ স তং মহোচ্ছ্বাসং ভৃশমুচ্ছ্বস্য দারুণম্।
নিষ্ক্রমন্কম্পয়ত্যাশু তচ্ছরীরমচেতনম্॥ 14-18-29 (92883)
স জীবঃ প্রচ্যুতঃ কায়াৎকর্মভিঃ স্বৈঃ সমাবৃতঃ।
অঙ্কিতঃ স্বৈঃ শুভৈঃ পুণ্যৈঃ পাপৈর্বাঽপ্যুপপদ্যতে॥ 14-18-30 (92884)
ব্রাহ্মণা জ্ঞানসম্পন্না যথাবচ্ছ্রুতনিশ্চয়াঃ।
ইতরং কৃতপুণ্যং বা তং বিজানন্তি লক্ষণৈঃ॥ 14-18-31 (92885)
যথান্ধকারে খদ্যেতং দীপ্যমানং ততস্ততঃ।
চক্ষুষ্মন্তঃ প্রপশ্যন্তি তথা চ জ্ঞানচক্ষুষঃ॥ 14-18-32 (92886)
পশ্যন্ত্যেবংবিধং সিদ্ধা জীবং দিব্যেন চক্ষুষা।
চ্যবন্তং জায়মানং চ যোনিং চানুপ্রবেশিতম্॥ 14-18-33 (92887)
তস্য স্থানানি দৃষ্টানি বিবিধানীহ শাস্ত্রতঃ।
কর্মভূমিরিয়ং ভূমির্যত্র তিষ্ঠন্তি জন্তবঃ॥ 14-18-34 (92888)
ততঃ শুভাশুভং কৃৎবা লভন্তে সর্বদেহিনঃ।
ইহৈবোচ্চাবচান্ভোগান্প্রাপ্নুবন্তি স্বকর্মভিঃ॥ 14-18-35 (92889)
ইহৈবাশুভকর্মাণঃ কর্মভির্নিরয়ং গতাঃ।
অবাগ্গতিরিয়ং কষ্টা যত্র পচ্যন্তি মানবাঃ।
তস্মাৎসুদুর্লভো মোক্ষো রক্ষ্যশ্চাত্মা ততো ভৃশম্॥ 14-18-36 (92890)
ঊর্ধ্বং তু জন্তবো গৎবা যেষু স্থানেষ্ববস্থিতাঃ।
কীর্ত্যমানানি তানীহ তত্ৎবতঃ সংনিবোধ মে॥ 14-18-37 (92891)
তচ্ছ্রুৎবা নৈষ্ঠিকীং বুদ্ধিং বুদ্ধ্যেথাঃ কর্মনিশ্চয়ম্।
তারারূপাণি সর্বাণি যত্রৈতচ্চন্দ্রমণ্ডলম্॥ 14-18-38 (92892)
যত্র বিভ্রাজতে লোকে স্বভাসা সূর্যমণ্ডলম্।
স্থানান্যেতানি জানীহি জনানাং পুণ্যকর্মণাম্॥ 14-18-39 (92893)
কর্মক্ষয়াচ্চ তে সর্বে চ্যবন্তে বৈ পুনঃ পুনঃ।
তত্রাপি চ বিশেষোস্তি দিবি নীচোচ্চমধ্যমঃ॥ 14-18-40 (92894)
ন চ তত্রাপি সংতোষো দৃষ্ট্বা দীপ্ততরাং শ্রিয়ম্।
ইত্যেতা গতয়ঃ সর্বাঃ পৃথক্তে সমুদীরিতাঃ॥ 14-18-41 (92895)
উপপত্তিং তু বক্ষ্যামি গর্ভস্যাহমতঃ পরম্।
তথাবত্তাং নিগদতঃ শৃণুষ্বাবহিতো দ্বিজ॥ ॥ 14-18-42 (92896)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি অষ্টাদশোঽধ্যায়ঃ॥ 18 ॥
Mahabharata - Ashvamedhika Parva - Chapter Footnotes
7-18-10 দুষ্টান্নং বিষমান্নং বিতে ক.ট.পাঠঃ॥ 7-18-12 অপক্বাশং গতে কালে স্বয়ং দোষপ্রকোপনমিতি ক.ঠ.থ.পাঠঃ॥ 7-18-19 গর্ভসঙ্ক্রমণে গর্ভস্থদেহপ্রবেশে॥ 7-18-21 শ্লেষ্মা প্রকুপিত ইতি ক.থ.পাঠঃ॥ 7-18-24 স্নোতোভিরিন্দ্রিয়ৈঃ॥আশ্বমেধিকপর্ব - অধ্যায় 019
॥ শ্রীঃ ॥
14.19. অধ্যায়ঃ 019
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
ব্রাহ্মণেন কৃষ্ণংপ্রতি জীবস্য গর্ভপ্রবেশাদিপ্রতিপাদককাশ্যপসিদ্ধসংবাদানুবাদঃ॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
শুভানামশুভানাং চ নেহ নাশোস্তি কর্মণাম্।
প্রাপ্যপ্রাপ্যানুপচ্যন্তে ক্ষেত্রেক্ষেত্রে তথাতথা॥ 14-19-1 (92897)
যথা প্রসূয়মানস্তু ফলী দদ্যাৎফলং বহু।
তথা স্যাদ্বিপুলং পুণ্যং শুদ্ধেন মনসা কৃতম্॥ 14-19-2 (92898)
পাপং চাপি তথৈব স্যাৎপাপেন মনসা কৃতম্।
পুরোধায় মনো হীহ কর্মণ্যাত্মা প্রবর্ততে॥ 14-19-3 (92899)
যথা কর্মসমাবিষ্টঃ কামমন্যুসমাবৃতঃ।
নরো গর্ভং প্রবিশতি তত্রাপি শৃণু চোত্তরম্॥ 14-19-4 (92900)
শুক্রং শোণিতসংসৃষ্টং স্ত্রিয়া গর্ভাশয়ং গতম্।
ক্ষেত্রং কর্মজমাপ্নোতি শুভং বা যদি বাঽশুভম্॥ 14-19-5 (92901)
সৌক্ষ্ম্যাদব্যক্তয়াবাচ্চ ন চ ক্বচন সজ্জতি।
সম্প্রাপ্য ব্রাহ্মণঃ কায়ং তস্মাত্তদ্ব্রহ্ম শাশ্বতম্॥ 14-19-6 (92902)
তদ্বীজং সর্বভূতানাং তেন জীবন্তি জন্তবঃ॥ 14-19-7 (92903)
স জীবঃ সর্বভূতানাং গর্ভমাবিশ্য ভাগশঃ।
দধাতি চেতনা সদ্যঃ প্রাণস্থানেষ্ববস্থিতঃ।
ততঃ স্পন্দয়তেঽঙ্গানি স গর্ভশ্চেতনান্বিতঃ॥ 14-19-8 (92904)
যথা লোহস্য বিষ্যন্দো নিষিক্তো বিম্ববিগ্রহম্।
উপৈতি তদ্বজ্জানীহি গর্ভে জীবপ্রবেশনম্॥ 14-19-9 (92905)
লোহপিণ্ডং যথা বহ্নিঃ প্রবিশ্য হ্যতিতাপয়েৎ।
তথা ৎবমপি জানীহি গর্ভে জীবোপপাদনম্। 14-19-10 (92906)
যথা চ দীপঃ শরণং দীপ্যমানঃ প্রকাশয়েৎ।
এবমেব শরীরাণি প্রকাশয়তি চেতনঃ॥ 14-19-11 (92907)
যদ্যচ্চ কুরুতে কর্ম শুভং বা যদি বাঽশুভম্।
পূর্বদেহকৃতং সর্বমবশ্যমুপভুজ্যতে॥ 14-19-12 (92908)
ততস্তু ক্ষীয়তে চৈব পুনশ্চান্যৎপ্রচীয়তে।
যাবত্তু মোক্ষয়োগস্থং ধর্মং নৈবাববুধ্যতে॥ 14-19-13 (92909)
তত্তে ধর্মং প্রবক্ষ্যামি সুখী ভবতি যেন বৈ।
আবর্তমানো জাতীষু যথাঽন্যোন্যাসু সত্তম॥ 14-19-14 (92910)
দানং ব্রতং ব্রহ্মচর্যং যথোক্তব্রতধারণম্।
দমঃ প্রশান্ততা চৈব ভূতানাং চানুকম্পনম্॥ 14-19-15 (92911)
সংয়মশ্চানৃশংস্য চ পরস্বাদানবর্জনম্।
ব্যলীকানামকরণং ভূতানা মনসা ভুবি॥ 14-19-16 (92912)
মাতাপিত্রোশ্চ শুশ্রূষা দেবতাতিতিপূজনম্।
গুরুপূজা ঘৃণা শৌচং নিত্যমিন্দ্রয়সংয়মঃ॥ 14-19-17 (92913)
প্রবর্তনং শুভানাং চ তৎসতাং ব্রতমুচ্যতে।
ততো ধর্মঃ প্রভবতি যঃ প্রজাঃ পাতি শাশ্বতীঃ॥ 14-19-18 (92914)
`সদ্ভিরাচরিতো ধর্মঃ সদাচারে প্রতিষ্ঠিতঃ।
উভয়ার্থো ভবত্যেব স্বর্গার্থো মোক্ষতস্তথা॥'॥ 14-19-19 (92915)
এবং সৎসু সদা পশ্যেত্তত্রছাপ্যেষা ধ্রুবা স্থিতিঃ।
আচারো ধর্মমাচষ্টে যস্মিন্সন্তো ব্যবস্থিতাঃ॥ 14-19-20 (92916)
তেষু তৎকর্ম নিক্ষিপ্তং যঃ স ধর্মঃ সনাতনঃ।
যস্তং সমভিপদ্যেত ন স দুর্গতিমাপ্নুয়াৎ॥ 14-19-21 (92917)
অতো নিয়ম্যতে লোকঃ প্রচ্যবন্ধর্মবর্ত্মসু।
যশ্চ যোগী চ মুক্তশ্চ স ঐতেভ্যো বিশিষ্যতে॥ 14-19-22 (92918)
বর্তমানস্য ধর্মেণ পুরুষস্য যথা তথা।
সংসারতারণং হ্যস্য কালেন মহতা ভবেৎ॥ 14-19-23 (92919)
এবং পূর্বকৃতং কর্ম সর্বো জন্তুঃ প্রপদ্যতে।
সর্বং তৎকারণং যেন নিকৃতোঽপ্যমিহাগতঃ॥ 14-19-24 (92920)
শরীরগ্রহণং চাস্য কেন পূর্বং প্রকল্পিতম্।
ইত্যেবং সংশয়ে লোকে তচ্চ বক্ষ্যাম্যতঃ পরম্॥ 14-19-25 (92921)
শরীরমাত্মনঃ কৃৎবা সর্বলোকপিতামহঃ।
ত্রৈলোক্যমসৃজদ্ব্রহ্মা কৃৎস্নং স্থাবরজঙ্গমম্॥ 14-19-26 (92922)
ততঃ প্রধানমসৃজচ্চেতনাং তু শরীরিণাম্।
যয়া সর্বমিদং ব্যাপ্তং যাং লোকে পরমাং বিদুঃ॥ 14-19-27 (92923)
ইদং তৎক্ষরমিত্যুক্তং পরং ৎবমৃতমক্ষরম্।
ত্রয়াণাং মিথুনং সর্বমেকৈকস্য পৃথক্পৃথক্॥ 14-19-28 (92924)
অসৃজৎসর্বভূতানি পূর্বদৃষ্টঃ প্রজাপতিঃ।
স্থাবরাণি চ ভূতানি ইত্যেষা পৌর্বিকী শ্রুতিঃ॥ 14-19-29 (92925)
তস্য কালপরীমাণমকরোৎস পিতামহঃ।
ভূতেষু পরিবৃত্তিং চ পনরাবৃত্তিমেব চ॥ 14-19-30 (92926)
যথা তু কশ্চিন্মেধাবী দৃষ্টাত্মা পূর্বজন্মনি।
যৎপ্রবক্ষ্যামি তৎসর্বং যথাবদুপপদ্যতে॥ 14-19-31 (92927)
সুখদুঃখে যথা সম্যগনিত্যে যঃ প্রপশ্যতি।
কায়ং চামেধ্যসংস্থানং বিনাশং কর্মসংহিতম্॥ 14-19-32 (92928)
যচ্চ কিঞ্চিৎসুখং তচ্চ দুঃখং দৃষ্টমিতি স্মরন্।
সংসারসাগরং ঘোরং তরিষ্যতি সুদুস্তরম্॥ 14-19-33 (92929)
জনীমরণরোগৈশ্চ সমাবিষ্টঃ প্রধানবিৎ।
চেতনাব্তসু চৈতন্যং সমং ভূতেষু পশ্যতি॥ 14-19-34 (92930)
নির্বিদ্যতে ততঃ কশ্চিন্মার্গমাণঃ পরং পদম্।
তস্যোপদেশং বক্ষ্যামি যাথাতথ্যেন সত্তম॥ 14-19-35 (92931)
শাশ্বতস্যাব্যযস্যাথ্ যদস্য জ্ঞানমুত্তমম্।
প্রোচ্যমানং ময়া বিপ্র নিবোধদমশেষতঃ॥ ॥ 14-19-36 (92932)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একোবিংশোঽধ্যায়ঃ॥ 19 ॥
Mahabharata - Ashvamedhika Parva - Chapter Footnotes
7-19-2 ফলী বৃক্ষঃ। 7-19-8 তথাপি তেজসা সম্যক্প্রাণস্থানে ইতি থ. পাঠঃ॥ 7-19-9 যথা স্বর্ণদ্রবঃ স্বল্পোতি কৃৎস্নাং তাম্রপ্রতিমাং স্বর্ণময়ীমিব করোত্যেবং গর্ভে জীবপ্রবেশনং। শরীরে সূক্ষ্মস্যাপি চৈতন্যস্য ব্যাপ্তিরিত্যাদ্যস্য পরিহারঃ॥ 7-19-28 ক্ষরং জডম্॥আশ্বমেধিকপর্ব - অধ্যায় 020
॥ শ্রীঃ ॥
14.20. অধ্যায়ঃ 020
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
কৃষ্ণেনার্জুনংপ্রতি মোক্ষসাধনাদিপ্রতিপাদকসিদ্ধকাশ্যপসংবাদরূপানুগীতোপদেশঃ॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
যঃ স্যাদেকান্ত আসীনস্তূষ্ণীং কিঞ্চিদচিন্তয়ন্।
পূর্বংপূর্বং পরিত্যজ্য স নিরারম্ভকো ভবেৎ॥ 14-20-1 (92933)
সর্বমিত্রঃ সর্বসহঃ শমে রক্তো জিতেন্দ্রিয়ঃ।
ব্যপেতভয়মন্যুশ্চ কামহা মুচ্যতে নরঃ॥ 14-20-2 (92934)
আত্মবৎসর্বভূতেষু যশ্চরেন্নিয়তঃ শুচিঃ।
`নিত্যমেব যথান্যায়ং যশ্চরেন্নিয়তেন্দ্রিয়ঃ।'
অমানী নিরভীমানঃ সর্বতো মুক্ত এব সঃ॥ 14-20-3 (92935)
জীবিতং মরণং চোভে সুখদুঃখে তথৈব চ।
লাভালাভে প্রিয়দ্বেষ্যে যঃ সমঃ স চ মুচ্যতে॥ 14-20-4 (92936)
ন কস্যচিৎস্পৃহয়তে নাবজানাতি কিচন।
নির্দ্বন্দ্বো বীতরাগাত্মা সর্বথা মুক্ত এব সঃ॥ 14-20-5 (92937)
অনমিত্রশ্চ নির্বন্ধুরনপত্যশ্চ যঃ ক্বচিৎ।
ত্যক্তধর্মার্থকামশ্চ নিরারাঙ্ক্ষী চ মুচ্যতে॥ 14-20-6 (92938)
নৈব ধর্মী ন চাধর্মী পূর্বোপচিতহা চ যঃ।
ক্ষীণধাতুঃ প্রশান্তাত্মা নির্দ্বংদ্বঃ স বিমুচ্যতে॥ 14-20-7 (92939)
অকর্মা চাবিকাঙ্ক্ষশ্চ পশ্যেজ্জগদশাশ্বতম্।
অস্বস্তমবশং নিত্যং জন্মমৃত্যুজরায়ুতম্॥ 14-20-8 (92940)
বৈরাগ্যবুদ্ধিঃ সততং তাবদ্দোষব্যপেক্ষকঃ।
আত্মবন্ধবিনির্মোক্ষং স করোত্যচিরাদিব॥ 14-20-9 (92941)
অগন্ধমরসস্পর্শমশব্দমপরিগ্রহম্।
অরূপমনভিজ্ঞেয়ং দৃষ্ট্বাঽঽত্মানং বিমুচ্যতে॥ 14-20-10 (92942)
পঞ্চভূতগুণৈর্হীনমমূর্তিমদলেপকম্।
অগুণং গুণভোক্তারং যঃ পশ্যতি স মুচ্যতে॥ 14-20-11 (92943)
বিহায় সর্বসঙ্কল্পান্বুদ্ধ্যা শারীরমানসান্।
শনৈর্নির্বাণমাপ্নোতি নিরিন্ধন ইবানলঃ॥ 14-20-12 (92944)
সর্বসংস্কারনির্মুক্তো নির্দ্বন্দ্বো নিষ্পরিগ্রহঃ।
তপসা ইন্দ্রিয়গ্রামং যশ্চরেন্মুক্ত এব সঃ॥ 14-20-13 (92945)
বিমুক্তঃ সর্বসংস্কারৈস্ততো ব্রহ্মি সনাতনম্।
পরমাপ্নোতি সংশান্তমচলং নিত্যমক্ষরম্॥ 14-20-14 (92946)
অতঃ পরং প্রবক্ষ্যামি যোগশাস্ত্রমনুত্তমম্।
যজ্জ্ঞাৎবা সিদ্ধমাত্মানং লোকে পশ্যন্তি যোগিনঃ॥ 14-20-15 (92947)
তস্যোপদেশং বক্ষ্যামি যথাবত্তন্নিবোধ মে।
যৈর্যোগৈর্ভাবয়ন্নিত্যং পশ্যত্যাত্মানমাত্মনি॥ 14-20-16 (92948)
ইন্দ্রিয়াণি তু সংহৃত্য মন আত্মনি ধারয়েৎ।
তীব্রং তপ্ৎবা তপঃ পূর্বং মোক্ষয়োগং সমাচরেৎ॥ 14-20-17 (92949)
তপস্বী নিত্যসঙ্কল্পো দম্ভাহঙ্কারবর্জিতঃ।
মনীষী মনসা বিপ্রঃ পশ্যত্যাত্মানমাত্মনি॥ 14-20-18 (92950)
স চেচ্ছক্রোত্যযং সাধুর্যোক্তুমাত্মানমাত্মনি।
তত একান্তশীলঃ স পশ্যত্যাত্মানমাত্মনি॥ 14-20-19 (92951)
সংয়তঃ সততং যুক্ত আত্মবান্বিজিতেন্দ্রিয়ঃ।
যথা য আত্মনাঽঽত্মানং সম্প্রয়ুক্তঃ প্রপশ্যতি॥ 14-20-20 (92952)
যথাহি পুরুষঃ স্বপ্নে দৃষ্ট্বা পশ্যত্যসাবিতি।
তথারূপমিবাত্মানং সাধুয়ুক্তঃ প্রপশ্যতি॥ 14-20-21 (92953)
ইষীকাং চ যথা মুঞ্জাৎকশ্চিন্নিষ্কৃষ্য দর্শয়েৎ।
যোগী নিষ্কৃষ্য চাত্মানং তথা পশ্যতি দেহতঃ॥ 14-20-22 (92954)
মুঞ্জং শরীরমিত্যাহুরিষীকামাত্মনি শ্রিতাম্।
এতন্নিদর্শনং প্রোক্তং যোগবিদ্ভিরনুত্তমম্॥ 14-20-23 (92955)
যদা হি যুক্তমাত্মানং সম্যক্ পশ্যতি দেহভূৎ।
ন তস্যেহেশ্বরঃ কশ্চিত্ত্রৈলোক্যস্যাপি যঃ প্রভুঃ॥ 14-20-24 (92956)
অন্যান্যাশ্চৈব তনবো যথেষ্টং প্রতিপদ্যতে।
বিনির্ভিদ্য জরাং মৃত্যুং ন শোচতি ন হৃষ্যতি॥ 14-20-25 (92957)
দেবানামপি দেবৎবং যুক্তঃ কারয়তে বশী।
ব্রহ্ম চাব্যযমাপ্নোতি হিৎবা দেহমশাশ্বতম্॥ 14-20-26 (92958)
বিনশ্যৎসু চ লোকেষু ন ভয়ং তস্য জায়তে।
ক্লিশ্যমানেষু ভূতেষু ন স ক্লিশ্যতি কেনচিৎ॥ 14-20-27 (92959)
দুঃখশোকমলৈর্ঘোরৈঃ সঙ্গস্নেহসমুদ্ভবৈঃ।
ন বিচাল্যতি যুক্তাত্মা নিস্পৃহঃ শান্তমানসঃ॥ 14-20-28 (92960)
নৈনং শস্ত্রাণি বিধ্যন্তে ন মৃত্যুশ্চাস্য বিদ্যতে।
নাতঃ সুখতরং কিঞ্চিল্লোকে ক্বচন দৃশ্যতে॥ 14-20-29 (92961)
সম্যগ্যুক্ৎবা স আত্মানমাত্মন্যেব প্রতিষ্ঠিতে।
বিনিবৃত্তজরাদুঃখঃ সুখং স্বপিতি চাপি সঃ॥ 14-20-30 (92962)
দেহান্যথেষ্টমভ্যেতি হিৎবেমাং মানুষীং তনুম্।
নির্বেদস্তু ন কর্তব্যো ভুঞ্জানেন কথঞ্চন॥ 14-20-31 (92963)
সম্যগ্যুক্তো যদাত্মানমাত্মন্যেব প্রপশ্যতি।
তদৈব ন স্পৃহয়তে সাক্ষাদপি শতক্রতোঃ॥ 14-20-32 (92964)
যোগমেকান্তশীলস্তু যথা বিন্দতি তচ্ছৃণু।
দৃষ্টপূর্বাং দিশং চিন্ত্য যস্মিন্সংনিবসেৎপরে॥ 14-20-33 (92965)
পুরস্যাভ্যন্তরে তস্য মনঃ স্থাপ্যং ন বাহ্যতঃ।
পুরস্যাভ্যন্তরে তিষ্ঠন্যস্মিন্নাবসথে বসেত।
তস্মিন্নাবসথে ধার্যং সবাদ্যাভ্যন্তরং মনঃ॥ 14-20-34 (92966)
প্রচিন্ত্যাবসথে কৃৎস্নং যস্মিন্কায়ে স পশ্যতি।
তস্মিন্কায়ে মনশ্চাস্য ন চ কিঞ্চন বাহ্যতঃ॥ 14-20-35 (92967)
সন্নিয়ম্যেন্দ্রিয়গ্রামং নির্ঘোষং নির্জনে বনে।
কায়মভ্যন্তরং কৃৎস্নমেকাগ্রঃ পরিচিন্তয়েৎ॥ 14-20-36 (92968)
ইন্তাংস্তালু চ জিহ্বাং চ গলং গ্রীবাং তথৈব চ।
হৃদয়ং চিন্তয়েচ্চাপি তথা হৃদয়বন্ধনম্॥ 14-20-37 (92969)
ইত্যুক্তঃ স ময়া শিষ্যো মেধাবী মধুসূদন।
পপ্রচ্ছ পুনরেবেমং মোক্ষধর্মং সুদুর্বচম্॥ 14-20-38 (92970)
ভুক্তং ভুক্তমিদং কোষ্ঠে কথমন্নং বিপচ্যতে।
কথং রসৎবং ব্রজতি শোণিতৎবং কথং পুনঃ॥ 14-20-39 (92971)
তথা মাংসং চ মেদশ্চ স্নায়্বস্থীনি চ পোষয়েৎ।
কথমেতানি সর্বাণি শরীরাণি শরীরিণাম্॥ 14-20-40 (92972)
বর্ধন্তে বর্ধমানস্য বর্ধতে চ কথং বলম্।
নিরাসনং নিষ্কসনং মলানাং চ পৃথক্ পৃথক্॥ 14-20-41 (92973)
কুতো বাঽয়ং প্রশ্বসিতি উচ্ছ্বসিত্যপি বা পুনঃ।
কং চ দেশমধিষ্ঠায় তিষ্ঠত্যাত্মাঽয়মাত্মনি॥ 14-20-42 (92974)
জীবঃ কথং বহতি চ চেষ্টমানঃ কলেবরম্।
কিংবর্ণং কীদৃশং চৈব নিবেশয়তি বৈ মনঃ॥ 14-20-43 (92975)
যাথাতথ্যেন ভগবন্বক্তুমর্হসি মেঽনঘ।
ইতি সম্পরিপৃষ্টোঽহং তেন বিপ্রেণি মাধব॥ 14-20-44 (92976)
প্রত্যব্রবং মহাবাহো যথাশ্রুতমরিংদম।
যথা স্বকোষ্ঠে প্রক্ষিপ্য ভাণ্ডং ভাণ্ডমনা ভবেৎ॥ 14-20-45 (92977)
তথা স্বকায়ে প্রক্ষিপ্য মনোদ্বারৈরনিশ্চলৈঃ।
আত্মানং তত্র মার্গেত প্রমাদং পরিবর্জয়েৎ॥ 14-20-46 (92978)
এবং সততমুদ্যুক্তঃ প্রীতাত্মা নচিরাদিব।
আসাদয়তি তদ্ব্রহ্ম যদ্দৃষ্ট্বা স্যাৎপ্রধানবিৎ॥ 14-20-47 (92979)
ন ৎবসৌ চক্ষুষা গ্রাহ্যো ন চ সর্বৈরপীন্দ্রিয়ৈঃ।
মনসৈব প্রদীপেন মহানাত্মা প্রদৃশ্যতে॥ 14-20-48 (92980)
সর্বতঃ পাণিপাদান্তঃ সর্বতোক্ষিশিরোমুখঃ।
সর্বতঃ শ্রুতিমাঁল্লোকে সর্বমাবৃত্য তিষ্ঠতি॥ 14-20-49 (92981)
জীবো নিষ্ক্রান্তমাত্মানং শরীরাৎসম্প্রপশ্যতি।
স তমুৎসৃজ্য দেহং স্বং পারয়েদ্ব্রহ্ম কেবলম্॥ 14-20-50 (92982)
আত্মানমালোকয়তি মনসা প্রহসন্নিব।
তদেবমাশ্রয়ং কৃৎবা মোক্ষং যাতি ততো ময়ি॥ 14-20-51 (92983)
ইদং সর্বরহস্যং তে ময়া প্রোক্তং দ্বিজোত্তম।
আপৃচ্ছে সাধয়িষ্যামি গচ্ছ বিপ্র যথাসুখম্॥ 14-20-52 (92984)
ইত্যুক্তঃ স তদা কৃষ্ণ ময়া শিষ্যো মহাতপাঃ।
অগচ্ছত যথাকামং ব্রাহ্মণশ্ছিন্নসংশয়ঃ॥ 14-20-53 (92985)
বাসুদেব উবাচ। 14-20-54x (7807)
ইত্যুক্ৎবা স তদা বাক্যং মাং পার্থ দ্বিজসত্তমঃ।
মোক্ষধর্মাশ্রিতং সম্যক্ তত্রৈবান্তরধীয়ত॥ 14-20-54 (92986)
কচ্চিদেতত্ৎবয়া পার্থ শ্রুত্মেকাগ্রচেতসা।
তদাপি হি রথস্থস্ৎবং শ্রুতবানেতদেব হি॥ 14-20-55 (92987)
নৈতৎপার্থ সুবিজ্ঞেয়ং ব্যামিশ্রেণেতি মে মতিঃ।
নরেণাকৃতসঙ্গেন বিশুদ্ধেনান্তরাত্মনা॥ 14-20-56 (92988)
সুরহস্যমিদং প্রোক্তং দেবানাং ভরতর্ষভ।
কচ্চিত্ৎবিদং শ্রুতং পার্থ মনুষ্যেণেহ কর্হিচিৎ॥ 14-20-57 (92989)
ন হ্যেতচ্ছ্রোতুমর্হোঽন্যো মনুষ্যস্ৎবামৃতেঽনঘ।
নৈতদন্যেনি বিজ্ঞেয়ং ব্যামিশ্রেণান্তরাত্মনা॥ 14-20-58 (92990)
ক্রিয়াবদ্ভির্হি কৌন্তেয় দেবলোকঃ সমাবৃতঃ।
ন চৈতদিষ্টং দেবানাং মর্ত্যৈরুপরি বর্তনম্॥ 14-20-59 (92991)
পরা হি সা গতিঃ পার্থ যত্তদ্ব্রহ্ম সনাতনম্।
যত্রামৃতৎবং প্রাপ্নোতি ত্যক্ৎবা দুঃখং সদা সুখী॥ 14-20-60 (92992)
ইমং ধর্মং সমাস্থায় যেঽপি স্যুঃ পাপয়োনয়ঃ।
স্ত্রিয়ো বৈশ্যাস্তথা শূদ্রাস্তেঽপি যান্তি পরাং গতিম্॥ 14-20-61 (92993)
কিং পুনর্ব্রহ্মণাঃ পার্থ ক্ষত্রিয়া বা বহুশ্রুতাঃ।
স্বধর্মরতয়ো নিত্যং ব্রহ্মলোকপরায়ণঃ॥ 14-20-62 (92994)
হেতুমচ্চৈতদুদ্দিষ্টমুপায়াশ্চাস্য সাধনে।
সিদ্ধিং ফলং চ মোক্ষশ্চ দুঃখস্য চ বিনির্ণিয়ঃ॥ 14-20-63 (92995)
নাতঃ পরং সুখং ৎবন্যৎকিংচিৎস্যাদ্ভরতর্ষভ।
শ্রুতবাঞ্শ্রদ্দধানশ্চ পরাক্রান্তশ্চ পাণ্ডব॥ 14-20-64 (92996)
যঃ পরিত্যজ্যতে মর্ত্যো লোকসারমসরবৎ।
এতৈরুপায়ৈঃ স ক্ষিপ্রং পরাং গতিমবাপ্নুতে॥ 14-20-65 (92997)
এতাবদেব বক্তব্যং নান্তো ভূয়োস্তি কিঞ্চন।
ষণ্মাসান্নিত্যযুক্তস্য যোগঃ পার্থ প্রবর্ততে॥ ॥ 14-20-66 (92998)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি বিংশোঽধ্যায়ঃ॥ 20 ॥
Mahabharata - Ashvamedhika Parva - Chapter Footnotes
7-20-2 সর্বমিত্রোঽদ্রোহী। সর্বসহঃ ক্ষমী॥ 7-20-6 অনমিত্রঃ শত্রুহীনঃ॥ 7-20-11 অমূর্তিমদহেতুকমিতি ঝ.পাঠঃ॥আশ্বমেধিকপর্ব - অধ্যায় 021
॥ শ্রীঃ ॥
14.21. অধ্যায়ঃ 021
Mahabharata - Ashvamedhika Parva - Chapter Topics
কৃষ্ণেনার্জুনংপ্রতি ভূতপ্রাণাদিসৃষ্ট্যাদিপ্রতিপাদকব্রাহ্মণদংপতিসংবাদানুবাদঃ॥ 1 ॥Mahabharata - Ashvamedhika Parva - Chapter Text
বাসুদেব উবাচ।
অত্রাপ্যুদাহরন্তীমমিতিহাসং পুরাতনম্।
দংপত্যোঃ পার্থ সংবাদো যোঽভকবদ্ভরতর্ষভ॥ 14-21-1 (92999)
ব্রাহ্মণী ব্রাহ্মণং কংচিজ্জ্ঞানবিজ্ঞানপারগম্।
দৃষ্ট্বা বিবিক্ত আসীনং ভার্যা ভর্তারমব্রবীৎ॥ 14-21-2 (93000)
কং নু লোকং গমিষ্যামি ৎবামহং পতিমাশ্রিতা।
ন্যস্তকর্মাণমাসীনং কীনাশমবিচক্ষণম্॥ 14-21-3 (93001)
ভার্যাঃ পতিকৃতাঁল্লোকানাপ্নুবন্তীতি নঃ শ্রুতম্।
ৎবামহং পতিমাসাদ্য কাং গমিষ্যামি বৈ গতিম্॥ 14-21-4 (93002)
এবমুক্তঃ স শান্তাত্মা তামুবাচ হসন্নিব।
সুভগে নাভ্যসূয়ামি বাক্যস্যাস্য তবানঘে॥ 14-21-5 (93003)
গ্রাহ্যং দৃশ্যং তথা শ্রাব্যং যদিদং কর্ম বিদ্যতে।
এতদেব ব্যবস্যন্তি কর্ম কর্মেতি কর্মিণঃ॥ 14-21-6 (93004)
মোহমেব নিগচ্ছন্তি কর্মিণো জ্ঞানবর্জিতাঃ।
নৈষ্কর্ম্য ন চ লোকেঽস্মিন্মৌর্তমিত্যুপলভ্যতে॥ 14-21-7 (93005)
কর্মণা মনসা বাচা শুভং বা যদি বাঽশুভম্।
জন্মাদিমূর্তিভেদানাং কর্ম ভূতেষু বর্ততে॥ 14-21-8 (93006)
রক্ষোভির্বধ্যমানেষু দৃশ্যশ্রাব্যেষু কর্মসু।
আত্মস্থমাত্মনা তেন দৃষ্টমায়তনং ময়া॥ 14-21-9 (93007)
যত্র তদ্ব্রহ্ম নির্দ্বন্দ্বং যত্র সোমঃ সহাগ্নিনা।
ব্যবায়ং কুরুতে নিত্যং ধীরো ভূতানি ধারয়ন্॥ 14-21-10 (93008)
যত্রি ব্রহ্মাদয়ো যুক্তাস্তদক্ষরমুপাসতে।
বিদ্বাংসঃ সুব্রতা যত্র শান্তাত্মানো জিতেন্দ্রিয়াঃ॥ 14-21-11 (93009)
ঘ্রাণেন ন তদাঘ্রেয়ং নাস্বাদ্যং চৈব জিহ্বয়া।
স্পর্শনেন তদস্পৃশ্যং মনসা ৎববগম্যতে॥ 14-21-12 (93010)
চক্ষুষা ন বিষহ্যং চ যৎকিঞ্চিচ্ছ্রবণাৎপরম্।
অগন্ধমরসস্পর্শমরূপং শব্দবর্জিতম্।
যতঃ প্রবর্ততে তন্ত্রং যত্র চৈতৎপ্রতিষ্ঠিতম্॥ 14-21-13 (93011)
প্রাণোঽপানঃ সমানশ্চ ব্যানশ্চোদান এব চ।
তত এব প্রবর্ন্ততে তদেব প্রবিশন্তি চ॥ 14-21-14 (93012)
সমানব্যানয়োর্মধ্যে প্রাণাপানৌ বিচেরতুঃ।
তস্মিন্সুপ্তে প্রলীয়েতে সমানো ব্যান এব চ॥ 14-21-15 (93013)
অপনাপ্রাণয়োর্মধ্যে উদানো ব্যাপ্য তিষ্ঠতি।
তস্মাচ্ছয়ানং পুরুষং প্রাণাপানৌ ন মুঞ্চতঃ॥ 14-21-16 (93014)
প্রাণোনোপহতে যত্তু তমুদানং প্রচক্ষতে।
তস্মাত্তপো ব্যবস্যন্তি তদ্ভবং ব্রহ্মবাদিনঃ॥ 14-21-17 (93015)
তেষামন্যোন্যসক্তানাং সর্বেষাং দেহচারিণাম্।
অগ্নির্বৈশ্বানরো মধ্যে সপ্তধা বিহিতোঽন্তরা॥ 14-21-18 (93016)
ঘ্রাণং জিহ্বা চ চক্ষুশ্চ ৎবক্চ শ্রোত্রং চ পঞ্চমম্।
মনো বুদ্ধিশ্চ সপ্তৈতা জিহ্বা বৈশ্বানরার্চিষঃ॥ 14-21-19 (93017)
ঘ্রেয়ং দৃশ্যং চ পেয়ং চ স্পৃশ্যং শ্রাব্যং তথৈব চ।
মন্তব্যমববোদ্ধব্যং তাঃ সপ্ত সমিধো মতাঃ॥ 14-21-20 (93018)
ঘ্রাতা ভক্ষয়িতা দ্রষ্টা স্প্রষ্টা শ্রোতা চ পঞ্চমঃ।
মন্তা বোদ্ধা চ স্প্তৈতে ভবন্তি পরমর্ৎবিজঃ॥ 14-21-21 (93019)
ঘ্রেয়ে পেয়ে চ দৃশ্যে চ স্পৃশ্যে শ্রাব্যে তথৈব চ।
মন্তব্যেঽপ্যথ বোদ্ধব্যে সুভগে পশ্য সর্বদা॥ 14-21-22 (93020)
হবীংষ্যাগ্নিষু হোতারঃ সপ্তধা সপ্তসপ্তসু।
সম্যক্প্রক্ষিপ্য বিদ্বাংসো জনয়ন্তি স্বয়োনিষু॥ 14-21-23 (93021)
পৃথিবী বায়ুরাকাশমাপো জ্যোতিশ্চ পঞ্চমম্।
মনো বুদ্ধিশ্চ সপ্তৈতা যোনিরিত্যেব শব্দিতাঃ॥ 14-21-24 (93022)
হবির্ভূতগুণাঃ সর্বে প্রবিশন্ত্যগ্নিয়ং মুখম্।
অন্তর্বাসমুষিৎবা চ জায়ন্তে স্বাসু যোনিষু॥ 14-21-25 (93023)
তত্রৈব চ নিরুধ্যন্তে প্রলয়ে ভূতভাবনে।
ততঃ সংজায়তে গন্ধস্ততঃ সংজায়তে রসঃ॥ 14-21-26 (93024)
ততঃ সংজায়তে রূপং ততঃ স্পর্শোঽভিজায়তে।
ততঃ সংজায়তে শব্দঃ সংশয়স্তত্র জায়তে।
ততঃ সংজায়তে নিষ্ঠা জন্মৈতৎসপ্তধা বিদুঃ॥ 14-21-27 (93025)
অনেনৈব প্রকারেণ প্রগৃহীতং পুরাতনৈঃ।
পূর্ণাহুতিভিরাপূর্ণাস্তে পূর্যন্তে হি তেজসা॥ ॥ 14-21-28 (93026)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একবিংশোঽধ্যায়ঃ॥ 21 ॥
Mahabharata - Ashvamedhika Parva - Chapter Footnotes
7-21-3 কর্ম অগ্নিহোত্রাদিকং ন্যস্তং চেন তম্। কীনাশং কর্কশং ময়ি নিরনুক্রোশম্। অবিচক্ষণং মম অনন্যগতিকৎবমজানন্তম্॥ 7-21-7 মৌখ্যমিত্যুপলভ্যতে ইতি থ.দ.পাঠঃ॥ 7-21-17 তৎপরং ব্রহ্মবাদিন ইতি দ.পাঠঃ॥আশ্বমেধিকপর্ব - অধ্যায় 022
॥ শ্রীঃ ॥
14.22. অধ্যায়ঃ 022
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
কৃষ্ণেনার্জুনংপ্রতি দশেন্দ্রিয়গুণাদিপ্রতিপাদকব্রাহ্মণদংপতিসংবাদানুবাদঃ॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
অত্রাপ্যুদাহরন্তীমমিতিহাসং পুরাতনম্।
নিবোধ দশহোতৃণাং বিধানমিহ যাদৃশম্॥ 14-22-1 (93027)
শ্রোত্রং ৎবক্চক্ষুষী জিহ্বা নাসিকা চরণৌ করৌ।
উপস্থং পায়ুরিতি বাগ্ঘোতৃণি দশ ভামিনি॥ 14-22-2 (93028)
শব্দস্পর্শৌ রূপরসৌ গন্ধো বাক্যং ক্রিয়া গতিঃ।
রেতোমূত্রপুরীষাণাং ত্যাগো দশ হবীংষি চ॥ 14-22-3 (93029)
দিশো বায়ূ রবিশ্চন্দ্রঃ পৃথ্ব্যগ্নী বিষ্ণুরেব চ।
ইন্দ্রঃ প্রজাপতির্মিত্রমগ্নয়ো দশ ভামিনি॥ 14-22-4 (93030)
দশেন্দ্রিয়াণি হোতৃণি হবীংষি দশ ভামিনি।
বিষয়া নাম সমিধো হূয়ন্তে তু দশাগ্নিষু॥ 14-22-5 (93031)
চিত্তং স্রুবশ্চ বিত্তং চ পবিত্রং জ্ঞানমুত্তমম্।
সুবিভক্তমিদং পূর্বং জগদাসীদিতি শ্রুতম্॥ 14-22-6 (93032)
`ততো বিবিক্তা বিত্তাসীৎসা বিত্তং পর্যবেক্ষতে।'
সর্বমেবাত্র বিজ্ঞেয়ং চিত্তে জ্ঞানমবেক্ষতা।
রেতঃ শরীরভৃৎকায়ে বিজ্ঞাতা তু শরীরভৃৎ॥ 14-22-7 (93033)
শরীরভৃদ্গার্হপত্যস্তস্মাদগ্নিঃ প্রণীয়তে।
মনশ্চাহবনীয়স্তু তস্মিন্প্রক্ষিপ্যতে হবিঃ॥ 14-22-8 (93034)
ততো বাচস্পতির্জজ্ঞে তং মনঃ পর্যবেক্ষতে।
রূপং ভবতি বৈ বক্ত্রং তদনুদ্রবতে মনঃ॥ 14-22-9 (93035)
ব্রাহ্মণ্যুবাচ। 14-22-10x (7808)
কস্মাদ্বাগভবৎপূর্বং কস্মাৎপশ্চান্মনোঽভবৎ।
মনসা চিন্তিতং পূর্বং বাক্যং সমভিপদ্যতে॥ 14-22-10 (93036)
কেন বিজ্ঞানয়োগেন মতিশ্চিত্তং সমাস্থিতা।
সমুন্নীতা নাধ্যগচ্ছৎকো বৈ তাং প্রতিবাধতে॥ 14-22-11 (93037)
ব্রাহ্মণ উবাচ। 14-22-12x (7809)
তন্মনস্থঃ পতির্ভূৎবা তস্মাৎপ্রেহন্নিবায়তি।
তাং মতিং মনসঃ প্রাহুর্মনস্তস্মাদপেক্ষতে॥ 14-22-12 (93038)
প্রশ্নং তু বাঙ্মনসয়োর্যস্মাত্ৎবমনুপৃচ্ছসি।
তস্মাত্তে বর্তয়িষ্যামি তয়োরেব সমাহ্বয়ম্॥ 14-22-13 (93039)
উভে বাঙ্মনসী গৎবা ভূতাত্মানমপৃচ্ছতাম্।
আবয়োঃ শ্রেষ্ঠমাচক্ষ্ব চ্ছিন্ধি নৌ সংশয়ং বিভো॥ 14-22-14 (93040)
মন ইত্যেবি ভগবাংস্তদা প্রাহ সরস্বতীম্।
অহং বৈ কামধুক্তুভ্যমিতি তং প্রাহ বাগথ॥ 14-22-15 (93041)
ব্রাহ্মণ উবাচ। 14-22-16x (7810)
স্থাবরং জঙ্গমং চৈব বিদ্ধ্যুভে মনসী মম।
স্থাবরং মৎসকাশে বৈ জঙ্গমং বিষয়ে তব॥ 14-22-16 (93042)
যস্তু তে বিষয়ে গচ্ছন্মন্ত্রো বর্ণঃ স্বরোপি বা।
তন্মনো জঙ্গমং নাম তস্মাদসি গরীয়সী॥ 14-22-17 (93043)
তস্মাদ্ভবিতুমর্হামি স্বয়মভ্যেত্য শোভনে।
তস্মাদুচ্ছ্বাসমাসাদ্য প্রবক্ষ্যামি সরস্বতি॥ 14-22-18 (93044)
প্রাণাপানাবন্তরে যদ্বাগ্বৈ নিত্যং স্ম তিষ্ঠতি।
প্রীয়মাণা মহাভাগে বিনা প্রাণাংশ্চ মামপি।
প্রজাপতিমুপাধাবৎপ্রসীদ ভগবন্নিতি॥ 14-22-19 (93045)
ততঃ প্রাণঃ প্রাদুরভূদ্বাচমাপ্যায়যন্পুনঃ।
তস্মাদুচ্ছ্বাসমাসাদ্য ন বাগ্বদতি কর্হিচিৎ॥ 14-22-20 (93046)
ঘোষিণী জাতনির্ঘোষা নিত্যমেব প্রবর্ততে।
তয়োরপি চ ঘোষিণ্যা নির্ঘোর্ষৈব গরীয়সী॥ 14-22-21 (93047)
গৌরিব প্রস্রবত্যর্থান্রসমুত্তমশালিনী।
সততং স্যন্দতে হ্যেষা শাশ্বতং ব্রহ্মবাদিনী॥ 14-22-22 (93048)
দিব্যাদিব্যপ্রভাবেন ভারতী গৌঃ শুচিস্মিতে।
এতয়োরন্তরং পশ্য সূক্ষ্ময়োর্যতমানয়োঃ॥ 14-22-23 (93049)
ব্রাহ্মণ্যুবাচ। 14-22-24x (7811)
অনুৎপন্নেষু বাক্যেষু চোদ্যমানা সিসৃক্ষয়া।
কিংন্নু পূর্বং তদা দেবী ব্যাজহার সরস্বতী॥ 14-22-24 (93050)
ব্রাহ্মণ উবাচ। 14-22-25x (7812)
প্রাণেন য সম্ভবতে শরীরে
প্রাণাদপানং প্রতিপদ্যতে চ।
উদানভূতা চ বিসৃজ্য দেহং
ব্যানেন সর্বং দিবমাবৃণোতি॥ 14-22-25 (93051)
ততঃ সমানে প্রতিতিষ্ঠতীহ
ইত্যেব পূর্বং প্রজজল্প বাগপি।
তস্মান্মনঃ স্থাবরৎবাদ্বিশিষ্টং
তথা দেবী জঙ্গমৎবাদ্বিশিষ্টাঃ॥ ॥ 14-22-26 (93052)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি দ্বাবিংশোঽধ্যায়ঃ॥ 22 ॥
Mahabharata - Ashvamedhika Parva - Chapter Footnotes
7-22-22 মাসমুত্তমশালিনীতি ক.ট.থ.পাঠঃ॥আশ্বমেধিকপর্ব - অধ্যায় 023
॥ শ্রীঃ ॥
14.23. অধ্যায়ঃ 023
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
কৃষ্ণেনার্জুনংপ্রতি পৃথগ্ঘ্রাণাদীন্দ্রিয়গুণপ্রতিপাদনপূর্বকং তেষাং মনসা সহ বিবাদপ্রতিপাদকব্রাহ্মণদংপতিসংবাদানুবাদঃ॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
অত্রাপ্যুদাহরন্তীমমিতিহাসং পুরাতনম্।
সুভগে সপ্তহোতৄণাং বিধানমিহ যাদৃশম্॥ 14-23-1 (93053)
ঘ্রাণশ্চক্ষুশ্চ জিহ্বা চ ৎবক্ শ্রোত্রং চৈব পঞ্চমম্।
মনো বুদ্ধিশ্চ সপ্তৈতে হোতারঃ পৃথগাশ্রিতাঃ॥ 14-23-2 (93054)
সূক্ষ্মাকাশে সমং প্রাপ্তে ন পশ্যন্তীতরেতরম্।
এতদ্বৈ সপ্তহোতৃৎবং স্বভাবাদ্বিদ্ধি শোভনে॥ 14-23-3 (93055)
ব্রাহ্মণ্যুবাচ। 14-23-4x (7813)
সূক্ষ্মে তু কাশে সম্প্রাপ্তে কথং নান্যোন্যদর্শিনঃ।
কথং স্বভাবাদ্ভগবন্নেতদাচক্ষ্ব মে প্রভো॥ 14-23-4 (93056)
ব্রাহ্মণ উবাচ। 14-23-5x (7814)
গুণজ্ঞানেষু বিজ্ঞানং গুণজ্ঞানামভিজ্ঞতা।
পরস্পরং গুণানেতে নাভিজানন্তি কর্হিচিৎ॥ 14-23-5 (93057)
জিহ্বা চক্ষুস্তথা শ্রোত্রং ৎবঙ্মনো বুদ্ধিরেব চ।
ন গন্ধানধিগচ্ছন্তি ঘ্রাণস্তানধিগচ্ছতি॥ 14-23-6 (93058)
ঘ্রাণং চক্ষুস্তথা ক্ষোত্রং ৎবঙ্মনো বুদ্ধিরেব চ।
ন রসানধিগচ্ছন্তি জিহ্বা তানধিগচ্ছতি॥ 14-23-7 (93059)
ঘ্রাণং জিহ্বা তথা শ্রোত্রং ৎবঙ্মনো বুদ্ধিরেব চ।
ন রূপাণ্যধিগচ্ছন্তি চক্ষুস্তান্যধিগচ্ছতি॥ 14-23-8 (93060)
ঘ্রাণং জিহ্বা ততশ্চক্ষুঃ শ্রোত্রং বুদ্ধির্মনস্তথা।
ন স্পর্শানধিগচ্ছন্তি ৎবক্চ তানধিগচ্ছতি॥ 14-23-9 (93061)
ঘ্রাণং জিহ্বা চ চক্ষুশ্চ ৎবঙ্মনো বুদ্ধিরেব চ।
ন শব্দানধিগচ্ছন্তি শ্রোত্রং তানধিগচ্ছতি॥ 14-23-10 (93062)
ঘ্রাণং জিহ্বা চ চক্ষুশ্চ ৎবক্ শ্রোত্রং বুদ্ধিরেব চ।
সঙ্কল্পান্নাধিগচ্ছন্তি মনস্তানধিগচ্ছতি॥ 14-23-11 (93063)
ঘ্রাণং জিহ্বা চ চক্ষুশ্চ ৎবক্ শ্রোত্রং মন এব চ।
ন নিষ্ঠামধিগচ্ছন্তি বুদ্ধিস্তামধিগচ্ছতি॥ 14-23-12 (93064)
অত্রাপ্যুদাহরন্তীমমিতিহাসং পুরাতনম্।
ইন্দ্রিয়াণাং চ সংবাদং মনসশ্চৈব ভামিনি॥ 14-23-13 (93065)
মন উবাচ। 14-23-14x (7815)
নাঘ্রাতি মামৃতে ঘ্রাণং রসং জিহ্বা ন বেত্তি চ।
রূপং চক্ষুর্ন গৃহ্ণাতি ৎবক্ স্পর্সং নাববুধ্যতে॥ 14-23-14 (93066)
ন শ্রোত্রং বুধ্যতে শব্দং ময়া হীনং কথঞ্চন।
প্রবরং সর্ববূতানামহমস্মি সনাতনম্॥ 14-23-15 (93067)
অগারাণীব শূন্যানি শান্তার্চিষ ইবাগ্নয়ঃ।
ইন্দ্রিয়াণি ন ভাসন্তে ময়া হীনানি নিত্যশঃ॥ 14-23-16 (93068)
কাষ্ঠানীবার্দ্রশুষ্কাণি যতমানৈরপীন্দ্রিয়ৈঃ।
গুণার্থান্নাধিগচ্ছন্তি মামৃতে সর্বজন্তবঃ॥ 14-23-17 (93069)
ইন্দ্রিয়াণ্যূচুঃ। 14-23-18x (7816)
এবমেতদ্ভবেৎসত্যং যথৈতন্মন্যতে ভবান্।
ঋতেঽস্মানস্মদর্থাংস্ৎবং ভোগান্ভুঙ্ক্তে ভবান্যদি॥ 14-23-18 (93070)
যদ্যস্মাসু প্রলীনেষু তপ্রণং প্রাণধারণম্।
ভোগান্ভুঙ্ক্তে ভবান্সত্যং যথৈতন্মন্যতে তথা॥ 14-23-19 (93071)
অথবাঽস্মাসু লীনেষু তিষ্ঠৎসু বিষয়েষু চ।
যদি সঙ্কল্পমাত্রেণ ভুঙ্ক্তে ভোগান্যথার্থবৎ॥ 14-23-20 (93072)
অথ চেন্মন্যসে সিদ্ধিমস্মদর্থেষু নিত্যদা।
ঘ্রাণেন রূপমাদৎস্ব রসমাদৎস্ব চক্ষুষা॥ 14-23-21 (93073)
শ্রোত্রেণ গন্ধানাদৎস্ব স্পর্শানাদৎস্ব জিহ্বয়া।
ৎবচা চ শব্দমাদৎস্ব বুদ্ধ্যা স্পর্শমথাপি চ॥ 14-23-22 (93074)
বলবন্তো হ্যনিয়মা নিয়মা দুর্বলীয়সাম্।
ভোগানপূর্বানাদৎস্ব নোচ্ছিষ্টং ভোক্তুমর্হতি॥ 14-23-23 (93075)
যথা হি শিষ্যঃ শাস্তারং শ্রুত্যর্থমভিধাবতি।
ততঃ শ্রুতমুপাদায় শ্রুতার্থমুপতিষ্ঠতি॥ 14-23-24 (93076)
বিষয়ানেবমস্মাভির্দর্শিতানভিমন্যসে।
অনুভূতানতীতাংশ্চ স্বপ্নে জাগরণে তথা॥ 14-23-25 (93077)
বৈমনস্যং গতানাং চ জন্তূনামল্পচেতসাম্।
অস্মদর্থে কৃতে দৃশ্যতে প্রাণধারণম্॥ 14-23-26 (93078)
বহূনপি হি সঙ্কল্পান্মৎবা স্বপ্নানুপাস্য চ।
বুভুক্ষয়া পীড্যমানো বিষয়ানেন ধাবতি॥ 14-23-27 (93079)
অগারমদ্বারমিব প্রবিশ্য
সঙ্কল্পভোগান্বিষয়ানবিন্দন্।
প্রাণক্ষয়ে শান্তিমুপৈতি নিত্যং
দারুক্ষয়েঽগ্নির্জ্বলিতো যথৈব॥ 14-23-28 (93080)
কামং তু নষ্টেষু গুণেষু সঙ্গঃ
কামং চ নান্যোন্যগুণোপলব্ধিঃ।
অস্মান্বিনা নাস্তি তপোপলব্ধি-
স্তামপ্যৃতে ৎবাং ন ভজেৎপ্রহর্ষঃ॥ ॥ 14-23-29 (93081)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ত্রয়োবিংশোঽধ্যায়ঃ॥ 23 ॥
আশ্বমেধিকপর্ব - অধ্যায় 024
॥ শ্রীঃ ॥
14.24. অধ্যায়ঃ 024
Mahabharata - Ashvamedhika Parva - Chapter Topics
কৃষ্ণেনার্জুনংপ্রতি প্রাণাপানাদীনাং স্বস্বশ্রৈষ্ঠ্যপ্রকারকবিবাদাদিপ্রতিপাদকব্রাহ্মণদংপতিসংবাদানুবাদঃ॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
অত্রাপ্যুদাহরন্তীমমিতিহাসং পুরাতনম্।
সুভগে পঞ্চহোতৄণাং বিধানমিহ যাদৃশম্॥ 14-24-1 (93082)
প্রাণাপানবুদানশ্চ সমানো ব্যান এব চ।
পঞ্চহোতৄংস্তথৈতান্বৈ পরং ভাবং বিদুর্বুধাঃ॥ 14-24-2 (93083)
ব্রাহ্মণ্যুবাচ। 14-24-3x (7817)
স্ববাবাৎসপ্তহোতার ইতি মে পূর্বিকা মতিঃ।
যথা বৈ পঞ্চ হোতারঃ পরো ভাবস্তদুচ্যতাম্॥ 14-24-3 (93084)
ব্রাহ্মণ উবাচ। 14-24-4x (7818)
প্রাণেন সম্ভৃতো বায়ুরপানো জায়তে ততঃ।
অপানে সম্ভৃতো বায়ুস্ততো ব্যানঃ প্রবর্ততে॥ 14-24-4 (93085)
ব্যানেন সম্ভৃতো বায়ুস্ততোদানঃ প্রবর্ততে।
উদানে সম্ভৃতো বায়ুঃ সমানো নাম জায়তে॥ 14-24-5 (93086)
তেঽপৃচ্ছন্ত পুরো গৎবা পূর্বজাতং পিতামহম্।
যো নঃ শ্রেষ্ঠস্তমাচক্ষ্ব স নঃ শ্রেষ্ঠো ভবিষ্যতি॥ 14-24-6 (93087)
ব্রহ্মোবাচ। 14-24-7x (7819)
যস্মিন্প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে।
যস্মিন্প্রবৃত্তে চ পুনশ্চরন্তি
স বৈ শ্রেষ্ঠো গচ্ছত যত্র কামঃ॥ 14-24-7 (93088)
প্রাণ উবাচ। 14-24-8x (7820)
ময়ি প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে।
ময়ি প্রবৃত্তে চ পুনশ্চরন্তি
শ্রেষ্ঠো হ্যহং পশ্যত মাং প্রলীনম্॥ 14-24-8 (93089)
ব্রাহ্মণ উবাচ। 14-24-9x (7821)
প্রামঃ প্রালীয়ত ততঃ পুনশ্চ প্রচচার হ।
সমানশ্চাপ্যুদানশ্চ বচো ব্রূতাং পুনঃ শুভে॥ 14-24-9 (93090)
ন ৎবং সর্বমিদং ব্যাপ্য তিষ্ঠসীহ যথা বয়ম্।
ন ৎবং শ্রেষ্ঠো হি নঃ প্রাণ অপানো হি বশে তব।
প্রচচার পুনঃ প্রাণস্ততোঽপানোঽভ্যভাষত॥ 14-24-10 (93091)
উপান উবাচ। 14-24-11x (7822)
ময়ি প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে
ময়ি প্রবৃত্তে চ পুনশ্চরন্তি
শ্রেষ্ঠো হ্যহং পশ্যত মাং প্রলীনম্॥ 14-24-11 (93092)
ব্রাহ্মণ উবাচ। 14-24-12x (7823)
ব্যানশ্চ তমুদানশ্চি ভাষমাণমথোচতুঃ।
অপান ন ৎবং শ্রেষ্ঠোসি প্রাণো হি বশগস্তব॥ 14-24-12 (93093)
অপানঃ প্রচচারাথ ব্যানস্তং পুনরব্রবীৎ।
শ্রেষ্ঠোঽহমস্মি সর্বেষাং শ্রূয়তাং যেন হেতুনা॥ 14-24-13 (93094)
ময়ি প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে।
ময়ি প্রবৃত্তে চ পুনশ্চরন্তি
শ্রেষ্ঠো হ্যহং পশ্যত মাং প্রলীনম্॥ 14-24-14 (93095)
ব্রাহ্মণ উবাচ। 14-24-15x (7824)
প্রালীয়ত ততো ব্যানঃ পুনশ্চ প্রচচার হ।
প্রাণাপানাবুদানস্চ সমানশ্চ তমব্রুবন্॥ 14-24-15 (93096)
ন ৎবং শ্রেষ্ঠোসি নো ব্যান সমানস্তু বশে তব।
প্রচচার পুনর্ব্যানঃ সমানঃ পুনরব্রবীৎ।
শ্রেষ্ঠোঽহমস্মি সর্বেষাং শ্রূয়তাং যেন হেতুনা॥ 14-24-16 (93097)
ময়ি প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে।
ময়ি প্রবৃত্তে চ পুনশ্চরন্তি
শ্রেষ্ঠো হ্যহং পশ্যত মাং প্রলীনম্॥ 14-24-17 (93098)
`ততঃ সমানঃ প্রালিল্যে পুনশ্চ প্রচচার হ।
প্রাণাপানাবুদানস্চ ব্যানশ্চৈব তমব্রবীৎ।
ন ৎবং সমান শ্রেষ্ঠোসি ব্যান এব বশে তব॥' 14-24-18 (93099)
সমানঃ প্রচচারাথ উদানস্তমুবাচ হ।
শ্রেষ্ঠোঽহমস্মি সর্বেষাং শ্রূয়তাং যেন হেতুনা॥ 14-24-19 (93100)
ময়ি প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে।
ময়ি প্রবৃত্তে চ পুনশ্চরন্তি
শ্রেষ্ঠো হ্যহং পশ্যত মাং প্রলীনম্॥ 14-24-20 (93101)
ততঃ প্রালীয়তোদানঃ পুনশ্চ প্রচচার হ।
প্রাণাপানৌ সমানশ্চ ব্যানশ্চৈব তমব্রুবন্।
উদানি ন ৎবং শ্রেষ্ঠোসি ব্যানি এব বশে তব॥ 14-24-21 (93102)
ব্রাহ্মণ উবাচ। 14-24-22x (7825)
ততস্তানব্রবীৎসর্বান্স্ময়মানঃ প্রজাপতিঃ।
সর্বে শ্রেষ্ঠা ন চ শ্রেষ্ঠাঃ সর্বে চান্যোন্যকাঙ্ক্ষিণঃ॥ 14-24-22 (93103)
সর্বে স্ববিষয়ে শ্রেষ্ঠাঃ সর্বে চান্যোন্যধর্মিণঃ।
ইতি তানব্রবীৎসর্বান্সমবেতান্প্রজাপতিঃ॥ 14-24-23 (93104)
একঃ স্থিরশ্চরাশ্চান্যে বিশেষাৎপঞ্চ বায়বঃ।
এক এব চ সর্বাত্মা বহুধাঽপ্যুপচীয়তে॥ 14-24-24 (93105)
পরস্পরস্য সুহৃদো ভাবয়ন্তঃ পরস্পরম্।
স্বস্তি ব্রজত ভদ্রং বো ধারয়ধ্বং পরস্পরম্॥ ॥ 14-24-25 (93106)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি চতুর্বিশোঽধ্যায়ঃ॥ 24 ॥
Mahabharata - Ashvamedhika Parva - Chapter Footnotes
7-24-24 বহুধাপ্যুপলীয়তে ইতি ক.থ.পাঠঃ॥আশ্বমেধিকপর্ব - অধ্যায় 025
॥ শ্রীঃ ॥
14.25. অধ্যায়ঃ 025
Mahabharata - Ashvamedhika Parva - Chapter Topics
কৃষ্ণেনার্জুনংপ্রতি ব্রাহ্মমেন ব্রাহ্মণীংপ্রত্যুক্তসৃষ্ট্যাদিপ্রতিপাদকনারদদেবমতসংবাদানুবাদঃ॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
অত্রাপ্যুদাহরন্তীমমিতিহাসং পুরাতনম্।
নারদস্য চ সংবাদমৃষের্দেবমতস্য চ॥ 14-25-1 (93107)
দেবমত উবাচ। 14-25-2x (7826)
জন্তোঃ সংজায়মানস্য কিংনু পূর্বং প্রবর্ততে।
প্রাণোঽপানঃ সমানো বা ব্যানো বোদান এব চ॥ 14-25-2 (93108)
নারদ উবাচ। 14-25-3x (7827)
যেনায়ং সৃজ্যতে জন্তুস্ততোঽন্যঃ পূর্বমেতি তম্।
প্রাণদ্বন্দ্বং হি বিজ্ঞেয়ং তির্যগূর্ধ্বমধশ্চ যৎ॥ 14-25-3 (93109)
দেবমত উবাচ। 14-25-4x (7828)
কেনায়ং সৃজ্যতে জন্তুঃ কশ্চান্যঃ পূর্বমেতি তম্।
প্রাণদ্বন্দ্বং চ মে ব্রূহি তির্যগূর্ধ্বমধশ্চ যৎ॥ 14-25-4 (93110)
নারদ উবাচ। 14-25-5x (7829)
সঙ্কল্পাজ্জায়তে হর্ষঃ শব্দাদপি চ জায়তে।
রসাৎসংজায়তে চাপি রূপাদপি চ জায়তে॥ 14-25-5 (93111)
`স্পর্শাৎসংজায়তে চাপি গন্ধাদপি চ জায়তে।'
শুক্রাচ্ছোণিতসংসৃষ্টাৎপূর্বং প্রাণঃ প্রবর্ততে।
প্রাণেন বিকৃতে শুক্রে ততোঽপানঃ প্রবর্ততে॥ 14-25-6 (93112)
শুক্রাৎসংজায়তে চাপি রসাদপি চ জায়তে।
এতদ্রূপমুদানস্য হর্ষো মিথুনমন্তরা॥ 14-25-7 (93113)
কামাৎসংজায়তে শুক্রং শুক্রাৎসংজায়তে রজঃ।
সমানব্যানজনিতে সামান্যে শুক্রশোণিতে॥ 14-25-8 (93114)
প্রাণাপানাবিদং দ্বন্দ্বমবাক্ চোর্ধ্বং চ গচ্ছতঃ।
ব্যানঃ সমানশ্চৈবোভৌ তির্যগ্দ্বন্দ্বৎবমুচ্যতে॥ 14-25-9 (93115)
অগ্নির্বৈ দেবতাঃ সর্বা ইতি দেবস্য শাসনাৎ।
সংজায়তে হি প্রাণেষু জ্ঞানং বুদ্ধিসমন্বিতম্॥ 14-25-10 (93116)
তস্য ধূমস্তমোরূপং রজো ভস্ম সুতেজসঃ।
সর্বং সংজায়তে তস্য যত্র প্রক্ষিপ্যতে হবিঃ॥ 14-25-11 (93117)
হবিঃ সমানো ব্যানশ্চ ইতি যজ্ঞবিদো বিদুঃ।
প্রাণাপানাবাজ্যভাগৌ তয়োর্মধ্যে হুতাশনঃ॥ 14-25-12 (93118)
এতদ্রূপমুদানস্য পরমং ব্রাহ্মণা বিদুঃ।
নির্দ্বন্দ্বমিতি যত্ৎবেতত্তন্মে নিগদতঃ শৃণুঃ॥ 14-25-13 (93119)
অহোরাত্রমিদং দ্বন্দ্বং তয়োর্মধ্যে হুতাশনঃ।
এতদ্রূপমুদানস্য পরমং ব্রাহ্মণা বিদুঃ॥ 14-25-14 (93120)
`উভে সত্যানৃতে দ্বন্দ্বং তয়োর্মধ্যে হুতাশনঃ।
এতদ্রূপমুদানস্য পরমং ব্রাহ্মণা বিদুঃ॥' 14-25-15 (93121)
সচ্চাসচ্চৈব তদ্দ্বন্দ্বং তয়োর্মধ্যে হুতাশনঃ।
এতদ্রূপমুদানস্য পরমং ব্রাহ্মণা বিদুঃ॥ 14-25-16 (93122)
`উভে শুভাশুভে দ্বন্দ্বং তয়োর্মধ্যে হুতাশনঃ।
এতদ্রূপমুদানস্য পরমং ব্রাহ্মণা বিদুঃ॥' 14-25-17 (93123)
ঊর্ধ্বং সমানো ব্যানশ্চ ব্যস্যতে কর্ম তেন তৎ।
দ্বিতীয়ং তু সমানেন পুনরেব ব্যবস্যতে॥ 14-25-18 (93124)
শান্ত্যর্থং বামদেব্যং চ শান্তির্ব্রহ্ম সনাতনম্।
এতদ্রূপমুদানস্য পরমং ব্রাহ্মণা বিদুঃ॥ ॥ 14-25-19 (93125)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি পঞ্চবিশোঽধ্যায়ঃ॥ 25 ॥
Mahabharata - Ashvamedhika Parva - Chapter Footnotes
7-25-18 পূর্বংসমানো ব্যানোঽথ ব্যস্যতে তেন কর্মকৃৎ ইতি ক.ট.পাঠঃ॥আশ্বমেধিকপর্ব - অধ্যায় 026
॥ শ্রীঃ ॥
14.26. অধ্যায়ঃ 026
অথানুগীতাপর্ব 2Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি কর্তৃকর্মাদিপ্রতিপাদকব্রাহ্মণদংপতিসংবাদানুবাদঃ॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
অত্রাপ্যুদাহরন্তীমমিতিহাসং পুরাতনম্।
চাতুর্হোত্রবিধানস্য বিদানমিহ যাদৃশম্॥ 14-26-1 (93126)
তস্য সর্বস্য বিধিবদ্বিধানমুপদেক্ষ্যতে।
শৃণু মে গদতো ভদ্রে রহস্যমিদমুদ্ভুতম্॥ 14-26-2 (93127)
করণং কর্ম কর্তা চ মোক্ষ ইত্যেব ভামিনি।
চৎবার এতে হোতারো যৈরিদং জগদাবৃতম্॥ 14-26-3 (93128)
হোতৄণাং সাধনং চৈব শৃণু সর্বমশেষতঃ।
ঘ্রাণং জিহ্বা চ চক্ষুশ্চ ৎবক্চ শ্রোত্রং চ পঞ্চমম্।
মনো বুদ্ধিশ্চ সপ্তৈতে জ্ঞেয়াঃ কারণহেতবঃ॥ 14-26-4 (93129)
গন্ধো রসশ্চ রূপং চ শব্দঃ স্পর্শশ্চ পঞ্চমঃ।
মন্তব্যমববোদ্ধব্যং সপ্তৈতে কর্মহেতবঃ॥ 14-26-5 (93130)
ঘ্রাতা ভক্ষয়িতা দ্রষ্টা স্প্রষ্টা শ্রোতা চ পঞ্চমঃ।
মন্তা বোদ্ধা চ সপ্তৈতে বিজ্ঞেয়াঃ কর্তৃহেতবঃ॥ 14-26-6 (93131)
স্বগুণান্ভক্ষয়ন্ত্যেতে গুণবন্তঃ শুভাশুভান্।
অসন্তো নির্গুণাশ্চৈতে সপ্তৈতে মোক্ষহেতবঃ॥ 14-26-7 (93132)
বিদুষাং বুধ্যমানানাং স্বংস্বং স্থানং যথাবিধি।
গুণাস্তে দেবতা ভূৎবা সততং ভুঞ্জতে হবিঃ॥ 14-26-8 (93133)
`অদন্হবীংষি চান্নানি মমৎবেন বিহন্যতে।'
আত্মার্থে পাচয়ন্নন্নং মমৎবেনোপহন্যতে॥ 14-26-9 (93134)
অভক্ষ্যভক্ষণং চৈব মদ্যপানং চ হন্তি তম্।
স চান্নং হন্তি তং চান্নং স হৎবা হন্যতে পুনঃ॥ 14-26-10 (93135)
হন্তা হ্যন্নমিদং বিদ্বান্পুনর্জনয়তীশ্বরঃ।
ন চান্নাজ্জায়তে তস্মিন্সূক্ষ্মো নাম ব্যতিক্রমঃ॥ 14-26-11 (93136)
মনসা মন্যতে যচ্চ যচ্চ বাচা নিগদ্যতে।
শ্রোত্রেণ শ্রূয়তে যচ্চ চক্ষুষা যচ্চ দৃশ্যতে॥ 14-26-12 (93137)
স্পর্শেন স্পৃশ্যতে যচ্চ ঘ্রাণেন ঘ্রায়তে চ যৎ।
মনস্যেতানি সংয়ম্য হবীংষ্যেতানি সর্বশঃ॥ 14-26-13 (93138)
গুণবৎপাবকো মহ্যং দীপ্যতেঽন্তঃশরীরগঃ।
যোগয়জ্ঞঃ প্রবৃত্তো মে জ্ঞানং ব্রহ্মময়ো হবিঃ। প্রাণস্তোত্রোঽপানশস্ত্রঃ সর্বত্যাগসুদক্ষিণঃ॥ 14-26-14 (93139)
কর্তাঽনুমন্তা ব্রহ্মাত্মা হোতাঽধ্বর্যুঃ কৃতস্তুতিঃ
ঋতং প্রশাস্তা তচ্ছস্ত্রমপবর্গোঽস্য দক্ষিণা॥ 14-26-15 (93140)
ঋচশ্চাপ্যত্র শংসন্তি নারায়ণবিদো জনাঃ।
নারায়ণায় দেবায়যদবিন্দন্পশূন্পুরা॥ 14-26-16 (93141)
তত্র সামানি গায়ন্তি তত্র চাহুর্নিদর্শনম্।
দেবং নারায়ণং ভীরু সর্বাত্মানং নিবোধ তম্॥ ॥ 14-26-17 (93142)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ষডিংশোঽধ্যায়ঃ॥ 26 ॥
Mahabharata - Ashvamedhika Parva - Chapter Footnotes
7-26-11 অদ্যমন্নমদন্নহ্নি পুনরিতি ক.পাঠঃ॥ 7-26-14 দীপ্যতে হব্যবাহন ইতি ক.ট.থ.পাঠঃ॥আশ্বমেধিকপর্ব - অধ্যায় 027
॥ শ্রীঃ ॥
14.27. অধ্যায়ঃ 027
অথানুগীতাপর্ব-2Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি প্রজাপতিনা একেনৈব শব্দেন পরব্রহ্মোপদেশে দেবর্ষ্যাদীনাং স্বস্বয়োগ্যতানুসারেণ নানার্থাবগমপ্রতিপাদকব্রাহ্মণদংপতিসংবাদানুবাদঃ॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
একঃ শাস্তা ন দ্বিতীয়োস্তি শাস্তা
যো হৃচ্ছয়স্তমহমনু ব্রবীমি।
তেনৈব যুক্তঃ প্রবণাদিবোদকং
যথা নিয়ুক্তোস্মি তথা বহামি॥ 14-27-1 (93143)
একো গুরুর্নাস্তি ততো দ্বিতীয়ো
যো হৃচ্ছয়স্তমহমনু ব্রবীমি।
তেনানুশিষ্টা গুরুণা সদৈব
পুরা হতা দানবাঃ সর্ব এব॥ 14-27-2 (93144)
একো বন্ধুর্নাস্তি ততো দ্বিতীয়ো
যো হৃচ্ছয়স্তমহমনু ব্রবীমি।
তেনানুশিষ্টা বান্ধবা বন্ধুমন্তঃ
সপ্তর্ষয়ঃ পার্থ দিবি প্রভান্তি॥ 14-27-3 (93145)
একঃ শ্রোতা নাস্তি ততো দ্বিতীয়ো
যো হৃচ্ছয়স্তমহমনু ব্রবীমি।
তস্মিন্গুরৌ গুরুবাসং নিরুষ্যট
শক্রো গতঃ সর্বলোকামরৎবম্॥ 14-27-4 (93146)
একো দ্বেষ্টা নাস্তি ততো দ্বিতীয়ো
যো হৃচ্ছয়স্তমহমনু ব্রবীমি।
তেনানুশিষ্টা গুরুণা সদৈব
লোকে দ্বিষ্টাঃ পন্নগাঃ সর্ব এব॥ 14-27-5 (93147)
অত্রাপ্যুদাহরন্তীমমিতিহাসং পুরাতনম্।
প্রজাপতৌ পন্নগানাং দেবর্ষীণাং চ সংবিদম্॥ 14-27-6 (93148)
দেবর্ষয়শ্চ নাগাশ্চাপ্যসুরাশ্চ প্রজাপতিম্।
পর্যপৃচ্ছন্নুপাসীনং শ্রেয়োঃ নঃ প্রোচ্যতামিতি॥ 14-27-7 (93149)
তেষাং প্রোবাচ ভগবাঞ্শ্রেয়ঃ সমনুপৃচ্ছতাম্।
ওমিত্যেকাক্ষরং ব্রহ্ম তে শ্রুৎবা প্রাদ্রবন্দিশঃ॥ 14-27-8 (93150)
তেষাং প্রদ্রবমাণানামুপদেশং চ শৃণ্বতাম্।
সর্পাণাং দংশনে ভাবঃ প্রবৃত্তঃ পূর্বমে তু॥ 14-27-9 (93151)
অসুরাণাং প্রবৃত্তস্তু দংভভাবঃ স্বভাবজঃ।
দানং দেবা ব্যবসিতা দমমেব মহর্ষয়ঃ॥ 14-27-10 (93152)
একং শাস্তারমাসাদ্য শব্দেনৈকেন সংস্কৃতাঃ।
নানাব্যবসিতাঃ সর্বে সর্পদেবর্ষিদানবাঃ॥ 14-27-11 (93153)
শৃণোত্যযং প্রোচ্যমানং গৃহ্ণাতি চ যথাতথম্।
পৃচ্ছতস্তদতো ভূয়ো গুরুরন্যো ন বিদ্যতে॥ 14-27-12 (93154)
তস্য চানুমতে কর্ম ততঃ পশ্চাৎপ্রবর্ততে।
গুরুর্বন্ধুশ্চ শাস্তা চ দ্বেষ্টা চ হৃদি সংশ্রিতাঃ॥ 14-27-13 (93155)
পাপেন বিচরঁল্লোকে পাপচারী ভবত্যযম্।
শুভেন বিচরঁল্লোকে শুভচারী ভবত্যুত॥ 14-27-14 (93156)
কামচারী তু কামেন য হন্দ্রিয়সুখে রতঃ।
ব্রহ্মচারী সদৈবৈষ য ইন্দ্রিয়জয়ে রতঃ॥ 14-27-15 (93157)
অপেতব্রতকর্মা তু কেবলং ব্রহ্মণি স্থিতঃ।
ব্রহ্মভূতশ্চরঁল্লোকে ব্রহ্মচারী ভবত্যযম্॥ 14-27-16 (93158)
ব্রহ্মৈব সমিধস্তস্য ব্রহ্মাগ্নির্ব্রহ্মসংস্তরঃ।
আপো ব্রহ্ম গুরুর্ব্রহ্ম স ব্রহ্মণি সমাহিতঃ॥ 14-27-17 (93159)
এতদেবেদৃশং সূক্ষ্মং ব্রহ্মচর্যং বিদুর্বুধাঃ।
বিদিৎবা চান্বপদ্যন্ত ক্ষেত্রজ্ঞেনানুদর্শিতাঃ॥ ॥ 14-27-18 (93160)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি সপ্তবিংশোঽধ্যায়ঃ॥ 27 ॥
Mahabharata - Ashvamedhika Parva - Chapter Footnotes
7-27-1 একঃ শাস্তা ন দ্বিতীয়োস্তি কশ্চিদ্যথা নিয়ুক্তোঽস্মি তথা চরামি। হৃদ্যেষ তিষ্ঠন্পুরুষঃ শাস্তি শাস্তা তেনানুয়ুক্তঃ প্রবণাদিবোদকমিতি ক.ট.দ.পাঠঃ॥ 7-27-7 দেবাশ্চ ঋষয়শ্চেতি দ্বন্দ্বঃ॥ 7-27-8 প্রাদ্রবন্প্রতিপেদিরে। দিশো বহূন্মার্গান্॥ 7-27-13 গুরুর্বোদ্ধা চ শ্রোতা চ দ্বেষ্টা চ হৃদি নিঃসৃত ইতি ঝ.পাঠঃ॥আশ্বমেধিকপর্ব - অধ্যায় 028
॥ শ্রীঃ ॥
14.28. অধ্যায়ঃ 028
অথানুগীতাপর্ব-2Mahabharata - Ashvamedhika Parva - Chapter Topics
কৃষ্ণনে যুধিষ্ঠিরংপ্রতি বিদ্যাব্রহ্মণোররণ্যৎবরূপণপরব্রাহ্মণদংপতিসংবাদানুবাদঃ॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
সংকল্পদংশমশকং শোকহর্ষহিমাতপম্।
মোহান্ধকারতিমিরং লোভব্যাধিসরীসৃপম্॥ 14-28-1 (93161)
বিষয়ৈকাত্যযাধ্বানং কামক্রোধকিরাতকম্।
তদতীত্য মহাদুর্গং প্রবিষ্টোস্মি মহদ্বনম্॥ 14-28-2 (93162)
ব্রাহ্মণ্যুবাচ। 14-28-3x (7830)
ক্ব তদ্বনং মহাপ্রাজ্ঞ কে বৃক্ষাঃ সরিতশ্চ কাঃ।
কিয়ন্তঃ পর্বতাশ্চৈব কিয়ত্যধ্যনি তদ্বনম্॥ 14-28-3 (93163)
ব্রাহ্মণ উবাচ। 14-28-4x (7831)
নৈতদস্তি পৃথগ্ভাবঃ কিঞ্চিনদ্যত্ততঃ সুখম্।
নৈতদস্ত্যপৃথগ্ভাবঃ কিঞ্চিদ্দুঃখতরং ততঃ॥ 14-28-4 (93164)
তস্মাদ্ধ্রস্বতরং নাস্তি ন ততোস্তি মহত্তরম্।
নাস্তি তস্মাদ্দুঃখতরং নাস্ত্যন্যত্তৎসমং সুখম্॥ 14-28-5 (93165)
ন তত্রাবিশ্যি শোচন্তি ন প্রহৃষ্যন্তি চ দ্বিজাঃ।
ন চ বিভ্যতি কেভ্যশ্চিন্নৈভ্যো বিভ্যতি কেচন॥ 14-28-6 (93166)
তস্মিন্বনে সপ্ত মহাদ্রুমাশ্চ
ফলানি সপ্তাতিথয়শ্চ সপ্ত।
সপ্তাশ্রমাঃ সপ্ত সমাধয়শ্চ
দীক্ষাশ্চ সপ্তৈতদরণ্যরূপম্॥ 14-28-7 (93167)
পঞ্চবর্ণানি দিব্যানি পুষ্পাণি চ ফলানি চ।
সৃজন্তঃ পাদপাস্তত্র ব্যাপ্য তিষ্ঠন্তি তদ্বন্ম্॥ 14-28-8 (93168)
সুবর্ণানি দ্বিবর্ণানি পুষ্পাণি চ ফলানি চ।
সৃজন্তঃ পাদপাস্তত্র ব্যাপ্য তিষ্ঠন্তি তদ্বনম্॥ 14-28-9 (93169)
`শঙ্করাণি ত্রিবর্ণানি পুষ্পাণি চ ফলানি চ।
সৃজন্তঃ পাদপাস্তত্র ব্যাপ্য তিষ্ঠন্তি তদ্বনম্' 14-28-10 (93170)
সুরভীণি দ্বিবর্ণানি পুষ্পাণি চ ফলানি চ।
সৃজন্তঃ পাদপাস্তত্র ব্যাপ্য তিষ্ঠন্তি তদ্বনম্॥ 14-28-11 (93171)
সুরভীণ্যেকবর্ণানি পুষ্পাণি চ ফলানি চ।
সৃজন্তঃ পাদপাস্তত্র ব্যাপ্য তিষ্ঠন্তি তদ্বনম্॥ 14-28-12 (93172)
বহূন্যব্যক্তবর্ণানি পুষ্পাণি চ ফলানি চ।
বিসৃজন্তৌ মহাবৃক্ষৌ তদ্বনং ব্যাপ্য তিষ্ঠতঃ॥ 14-28-13 (93173)
একো বহ্নিঃ সুমনা ব্রাহ্মণোত্র
পঞ্চেন্দ্রিয়াণি সমিধশ্চাত্র সন্তি।
তেভ্যো বৃক্ষাঃক সপ্ত ফলন্তি দীক্ষা
গুণাঃ ফলান্যতিথয়ঃ ফলাশাঃ॥ 14-28-14 (93174)
আতিথ্যং প্রতিগৃহ্ণন্তি তত্র সপ্ত মহর্ষয়ঃ।
অর্চিতেষু প্রলীনেষু তেষ্বন্যদ্রোচতে বনম্॥ 14-28-15 (93175)
প্রজ্ঞাবৃক্ষং মোক্ষফলং শান্তিচ্ছায়াসমন্বিতম্।
জ্ঞানাশ্রয়ং তৃপ্তিতোয়মন্তঃক্ষেত্রজ্ঞভাস্করম্॥ 14-28-16 (93176)
যেঽধিগচ্ছন্তি তৎসন্তস্তেষাং নাস্তি পুনর্ভবঃ।
ঊর্ধ্বং চাধশ্চ তির্যক্চ তস্য নান্তোঽধিগম্যতে॥ 14-28-17 (93177)
সপ্ত স্ত্রিয়স্তত্র চরন্তি সত্যা-
স্ৎববাঙ্মুখা ভানুমত্যো জনিত্র্যঃ।
ঊর্ধ্বং রসানাদদতে প্রজাভ্যঃ
সর্বান্যথা নিত্যমনিত্যতা চ॥ 14-28-18 (93178)
তত্রৈব প্রতিতিষ্ঠন্তি পুনস্তত্রোদয়ন্তি চ।
সপ্ত সপ্তর্ষয়ঃ সিদ্ধা বসিষ্ঠপ্রমুখৈঃ সহ॥ 14-28-19 (93179)
যশো বর্চো ভগশ্চৈব বিজয়ঃ সিদ্ধতেজসঃ।
এতমেবানুবর্তন্তে সপ্ত জ্যোতীংষি ভাস্করম্॥ 14-28-20 (93180)
ঋষয়ঃ পর্বতাশ্চৈব সন্তি তত্র সমাসতঃ।
নদ্যশ্চ পরিতো বারি বহন্ত্যো ব্রহ্মিসম্ভবম্॥ 14-28-21 (93181)
নদীনাং সঙ্গমশ্চৈব বৈতানে সমুপহরে।
স্বাত্মতৃপ্তা যতো যান্তি সাক্ষাদেব পিতামহম্॥ 14-28-22 (93182)
কৃশাশাঃ সুব্রতাঃ শান্তাস্তপসা দগ্ধকিল্বিষাঃ।
আত্মন্যাত্মানমাবেশ্য ব্রাহ্মণাস্তমুপাসতে॥ 14-28-23 (93183)
শমিমপ্যত্র শংসন্তি বিদ্যারণ্যবিদো জনাঃ।
তদরণ্যমভিপ্রেত্য যথাতৎবমজায়ত॥ 14-28-24 (93184)
এতদেবেদৃশং পুণ্যমরণ্যং ব্রাহ্মণা বিদুঃ।
বিদিৎবা চানুতিষ্ঠন্তি ক্ষেত্রজ্ঞেনানুদর্শিনা॥ ॥ 14-28-25 (93185)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি অষ্টাবিংশোঽধ্যায়ঃ॥ 28 ॥
Mahabharata - Ashvamedhika Parva - Chapter Footnotes
7-28-7 সপ্তর্ষয়ঃ সপ্ত তথেন্ধনানি ইতি ক.থ.পাঠঃ॥ 7-28-9 চতুর্বর্ণানি দিব্যানীতি ক.থ.পাঠঃ॥ 7-28-13 সৃজন্তঃ পাদপাস্তত্র ব্যাপ্য তিষ্ঠন্তি তদ্বনমিতি ক.ট.থ.পাঠঃ॥ 7-28-19 তত্রোপয়ন্তি চেতি ঝ.পাঠঃ। তেচ সপ্তর্ষয়ঃ সিদ্ধা ইতি ক.থ.পাঠঃ॥ 7-28-20 ভগশ্চোজো বিজয়ঃ সিদ্ধিতেজসী ইতি ক.থ.পাঠঃ॥ 7-28-24 ঋচমপ্যত্র পশ্যন্তি বিদ্যারণ্যেতি ক.থ.পাঠঃ॥ 7-28-25 বিদিৎবা নানুপশ্যন্তি ক্ষেত্রজ্ঞা নানুদর্শনমিতি ক.থ.পাঠঃ॥আশ্বমেধিকপর্ব - অধ্যায় 029
॥ শ্রীঃ ॥
14.29. অধ্যায়ঃ 029
অথানুগীতাপর্ব-2Mahabharata - Ashvamedhika Parva - Chapter Topics
কৃষ্ণেনার্জুনংপ্রতি যাগীয়হিংসায়া অধর্ম্যৎবাভাবপ্রতিপাদকাধ্বর্যুয়তিসংবাদানুবাদঃ॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
গন্ধান্ন জিঘ্রামি রাসান্ন বেদ্মি
রূপং ন পশ্যামি ন চ স্পৃশামি।
ন চাপি শব্দান্বিবিধাঞ্শৃণোমি
ন চাপি সঙ্কল্পমুপৈমি কঞ্চিৎ॥ 14-29-1 (93186)
অর্থানিষ্টান্কাময়তে স্বভাবঃ
সর্বান্দ্বেষ্যান্প্রদ্বিষতে স্বভাবঃ।
কামদ্বেষানুদ্ভবতঃ স্বভাবা-
ৎপ্রাণাপানৌ জন্তুদেহান্নিবেশ্য॥ 14-29-2 (93187)
তেভ্যশ্চান্যাংস্তেষু নিত্যাংশ্চ ভাবা-
ন্ভূতাত্মানং অক্ষয়েঽহং শরীরে।
তস্মিংস্তিষ্ঠন্নাস্মি সক্তঃ কথংচি-
ৎকামক্রোধাভ্যাং জরয়া মৃত্যুনা চ॥ 14-29-3 (93188)
অকাময়ানস্য চ সর্বকামা-
নবিদ্বিষাণস্য চ সর্বদোষান্।
ন মে স্বভাবেষু ভবন্তি লেপা-
স্তোয়স্য বিন্দোরিব পুষ্করেষু॥ 14-29-4 (93189)
নিত্যস্য চৈতস্য ভবন্তি নিত্যা
নিরীক্ষ্যমাণস্য বহূন্স্বভাবান্।
ন সজ্জতে কর্মসু ভোগজালং
দিবীব সূর্যস্য ময়ূখজালম্॥ 14-29-5 (93190)
অত্রাপ্যুদাহরন্তীমমিতিহাসং পুরাতনম্।
অধ্বর্যুয়তিসংবাদং তং নিবোধ যশস্বিনি॥ 14-29-6 (93191)
প্রোক্ষ্যমাণং পশুং দৃষ্ট্বা যজ্ঞকর্মণ্যথাব্রবীৎ।
যতিরধ্বর্যুমাসীনো হিংসোয়মিতি কুৎসয়ন্॥ 14-29-7 (93192)
তমধ্বর্যুঃ প্রত্যুবাচ নায়ং ছাগো বিনশ্যতি।
শ্রেয়সা যোক্ষ্যতে জন্তুর্যজ্ঞাচ্ছ্রুতিরিয়ং তথা॥ 14-29-8 (93193)
যো হ্যস্য পার্থিবো ভাগঃ পৃথিবীং স গমিষ্যতি।
যদস্য বারিজং কিঞ্চিদপস্তৎসম্প্রবেক্ষ্যতি॥ 14-29-9 (93194)
সূর্যং চক্ষুর্দিশঃ শ্রোত্রে প্রাণোঽস্য দিবমেব চ।
আগমে বর্তমানস্য নমে দোষোস্তি কশ্চন॥ 14-29-10 (93195)
যতিরুবাচ। 14-29-11x (7832)
প্রাণৈর্বিয়োগে চ্ছাগস্য যদি শ্রেয়ঃ প্রপশ্যসি।
ছাগার্থে বর্ততে যজ্ঞো ভবতঃ কিং প্রয়োজনম্॥ 14-29-11 (93196)
অনু ৎবাং মন্যতে মাতা অনু ৎবাং মন্যতে পিতা।
মন্ত্রবিজ্ঞানমুন্নীয় পরিবর্তে বিশেষতঃ॥ 14-29-12 (93197)
এবমেবানুমন্যেরংস্তান্ভবান্দ্রষ্টুমর্হতি।
তেষামনুমতিং শ্রুৎবা শক্যা কর্তুং বিচারণা॥ 14-29-13 (93198)
অধ্বর্যুরুবাচ। 14-29-14x (7833)
প্রাণা অপ্যস্য চ্ছাগস্য প্রাপিতাস্তে স্বয়োনিষু।
শরীরং কেবলং শিষ্টং নিশ্চেষ্টমিতি মে মতিঃ॥ 14-29-14 (93199)
ইন্ধনস্য তু তুল্যেন শরীরেণি বিচেতসা।
হিংসা হি যষ্টুকামানামিন্ধনং পশুসংজ্ঞিতম্॥ 14-29-15 (93200)
অহিংসা সর্বধর্মাণামিতি বৃদ্ধানুশাসনম্।
যদহিংস্রং ভবেৎকর্ম তৎকার্যমিতি বিদ্মহে॥ 14-29-16 (93201)
অহিংসেতি প্রতিজ্ঞেয়ং যদি বক্ষ্যাম্যতঃ পরম্।
শক্যং বহুবিধং বক্তুং ভবতা কার্যদূষণম্॥ 14-29-17 (93202)
অহিংসা সর্বভূতানাং নিত্যমস্মাসু রোচতে।
প্রত্যক্ষতঃ সাধয়ামো ন পরোক্ষমুপাস্মহে॥ 14-29-18 (93203)
অধ্বর্যরুবাচ। 14-29-19x (7834)
ভূমের্গন্ধগুণান্ভুঙ্ক্ষ্ব পিবস্যাপোময়ান্রসান্।
জ্যোতিষাং পশ্যতে রূপং স্পৃশস্যনিলজান্গুণান্॥ 14-29-19 (93204)
শৃণোষ্যাকাশজাঞ্শব্দান্মনসা মন্যসে মতিম্।
সর্বাণ্যেতানি ভূতানি প্রাণা ইতি চ মন্যসে॥ 14-29-20 (93205)
প্রাণাদানে নিবৃত্তোসি হিংসায়াং বর্ততে ভবান্।
নাস্তি চেষ্টা বিনা হিংসাং কিং বা ৎবং মন্যসে দ্বিজ॥ 14-29-21 (93206)
যতিরুবাচ। 14-29-22x (7835)
অক্ষরং চ ক্ষরং চৈব দ্বৈধীভাবোঽয়মাত্মনঃ।
অক্ষরং তত্র সদ্ভাবঃ স্বভাবঃ ক্ষর উচ্যতে॥ 14-29-22 (93207)
প্রাণো জিহ্বা মনঃ সত্ৎবং সদ্ভাবো রজসা সহ।
ভাবৈরেতৈর্বিমুক্তস্য নির্দ্বন্দ্বস্য নিরাশিষঃ॥ 14-29-23 (93208)
সমস্য সর্বভূতেষু নির্মমস্য জিতাত্মনঃ।
সমন্তাৎপরিমুক্তস্য ন ভয়ং বিদ্যতে ক্বচিৎ॥ 14-29-24 (93209)
অধ্বর্যুরুবাচ। 14-29-25x (7836)
সদ্ভিরেবেহ সংবাদঃ কার্যো মতিমতাংবর।
ভবতো হি মতং শ্রুৎবা প্রতিভাতি মতির্মম॥ 14-29-25 (93210)
ভগবন্ভগবদ্বুদ্ধ্যা প্রতিবুদ্ধো ব্রবীম্যহম্।
ব্রতং মন্ত্রকৃতং কর্তুর্নাপরাধোস্তি মে দ্বিজ॥ 14-29-26 (93211)
ব্রাহ্মণ উবাচ। 14-29-27x (7837)
উপপত্ত্যা যতিস্তূষ্ণীং বর্তমানস্ততঃ পরম্।
অধ্বর্যুরপি নির্মোহঃ প্রচচার মহামখে॥ 14-29-27 (93212)
এবমেতাদৃশং মোক্ষং সুসূক্ষ্মং ব্রাহ্মণা বিদুঃ।
বিদিৎবা চানুতিষ্ঠন্তি ক্ষেত্রজ্ঞেনার্থদর্শিনা॥ ॥ 14-29-28 (93213)
ইতি শ্রীমন্মহাভারতে আশ্বমেদিকপর্বণি অনুগীতাপর্বণি একোনত্রিংশোঽধ্যায়ঃ॥ 29 ॥
Mahabharata - Ashvamedhika Parva - Chapter Footnotes
7-29-2 সর্বানেতান্দ্বেষ্টি চৈব স্বভাব ইতি ক.ট.পাঠঃ। জন্তুদেহানিহৈত্যেতি ক.ট.পাঠঃ॥ 7-29-3 নাস্তি শক্যঃ কথংচিদিতি ক.ট.থ.পাঠঃ॥ 7-29-12 অত্র ৎবাং মন্যতাং ভ্রাতা পিতা মাতা সখেতি চ। মন্ত্রয়স্বৈনমুন্নীয় পরবন্তং বিশেষত ইতি ঝ.দ.পাঠঃ॥ 7-29-19 ভূমেরিতি নানুপহত্য ভূতানি ভোগঃ সম্ভবতীতি ন্যায়াজ্জীবতোঽপরিহার্যৈব হিংসেত্যর্থঃ॥ 7-29-21 কিং কথং ৎবং মন্যসেঽহিংসামিতি শেষঃ॥ 7-29-26 মতং মন্তুং ক্রতুং কর্তুমিতি থ.পাঠঃ॥আশ্বমেধিকপর্ব - অধ্যায় 030
॥ শ্রীঃ ॥
14.30. অধ্যায়ঃ 030
অথানুগীতাপর্ব-2Mahabharata - Ashvamedhika Parva - Chapter Topics
ব্রাহ্মণেন স্বভার্যাংপ্রতি হিংসায়া অকর্তব্যৎবে মহর্ষিবচসাং প্রমাণীকরণোপয়োগিতয়া পরশুরামচরিত্রকথনারম্ভঃ॥ 1 ॥ রামেণ কার্তবীর্যে নিহতে তদনুয়ায়িভির্জমদগ্নের্হনম্॥ 2 ॥ ততঃ ক্রুদ্ধেন রামেণ ত্রিঃসপ্তকৃৎবঃ সর্বক্ষত্রিয়হননে তৎপিতৃভী রামস্য পরিসান্ৎবপ্রয়তনম্॥ 3 ॥Mahabharata - Ashvamedhika Parva - Chapter Text
ব্রাহ্মণ উবাচ।
অত্রাপ্যুদাহরন্তীমমিতিহাসং পুরাতনম্।
কার্তবীর্যস্য সংবাদং সমুদ্রস্য চ ভামিনি॥ 14-30-1 (93214)
কার্তবীর্যার্জুনো নাম রাজা বাহুসহস্রবান্।
যেন সাগরপর্যন্তা ধনুষা নির্জিতা মহী॥ 14-30-2 (93215)
স কদাচিৎসমুদ্রান্তে বিচরন্বলদর্পিতঃ।
অবীকিরচ্ছরশতৈঃ সমুদ্রমিতি নঃ শ্রুতম্॥ 14-30-3 (93216)
তং সমুদ্রো নমস্কৃত্য কৃতাঞ্জলিরুবাচহ।
মা মুঞ্চ বীর নারাচান্ব্রূহি কিং করবাণি তে॥ 14-30-4 (93217)
মদাশ্রয়াণি ভূতানি ৎবদ্বিসৃষ্টৈর্মহেষুভিঃ।
বধ্যন্তে রাজশার্দূল তেভ্যো দেহ্যভয়ং বিভো॥ 14-30-5 (93218)
অর্জুন উবাচ। 14-30-6x (7838)
মৎসমো যদি সংগ্রামে শরাসনধরঃ ক্বচিৎ।
বিদ্যতে তং সমাচক্ষ্ব যঃ সমো মে মহামৃধে॥ 14-30-6 (93219)
সমুদ্র উবাচ। 14-30-7x (7839)
মহর্ষির্জমদগ্নিস্তে যদি রাজন্পুরা শ্রুতঃ।
তস্য পুত্রস্তবাতিথ্যং যথাবৎকর্তুমর্হতি॥ 14-30-7 (93220)
ততঃ স রাজা প্রয়যৌ ক্রোধেন মহতা বৃতঃ।
স তমাশ্রমমাগম্য রামমেবান্বপদ্যত॥ 14-30-8 (93221)
স রামপ্রতিকূলানি চকার সহ বন্ধুভিঃ।
আয়াসং জনয়ামাস রামস্য চ মহাত্মনঃ॥ 14-30-9 (93222)
ততস্তেজঃ প্রজজ্বাল রামস্যামিততেজসঃ।
প্রদহন্রিপুসৈন্যানি তদা কমললোচনে॥ 14-30-10 (93223)
ততঃ পরশুমাদায় স তং বাহুসহস্রিণম্।
চিন্ছেদ সহসা রামো বহুশাখমিব দ্রুমম্॥ 14-30-11 (93224)
তং হতং পতিতং দৃষ্ট্বা সমেতাঃ সর্ববান্ধবাঃ।
অসীনাদায় শক্তীর্শ্চ ভার্গবং পর্যধাবয়ন্॥ 14-30-12 (93225)
রামোঽপি ধনুরাদায় রথমারুহ্য সৎবরঃ।
বিসৃজঞ্শরবর্ষাণি ব্যধমৎপার্থিবং বলম্॥ 14-30-13 (93226)
ততস্তু ক্ষত্রিয়াঃ কেচিজ্জমদগ্নিং নিহত্য চ।
বিবিশুর্গিরিদুর্গাণি মৃগাঃ সিংহার্দিতা ইব॥ 14-30-14 (93227)
তেষাং স্ববিহিতং কর্ম তদ্ভয়ান্নানুতিষ্ঠতাম্।
প্রজা বৃষলতাং প্রাপ্তা ব্রাহ্মণানামদর্শনাৎ॥ 14-30-15 (93228)
এবং তে দ্রবিডাঽভীরাঃ পুণ্ড্রাশ্চ শবরৈঃ সহ।
বৃষলৎবং পরিগতা ব্যুত্থানাৎক্ষত্রধর্মতঃ॥ 14-30-16 (93229)
ততশ্চ হতবীরাসু ক্ষত্রিয়াসু পুনঃ পুনঃ।
দ্বিজৈরুৎপাদিতং ক্ষত্রং জামদগ্ন্যো ন্যকৃন্তত॥ 14-30-17 (93230)
একবিংশতিমে যাতে রামং বাগশরীরিণী।
দিব্যা প্রোবাচ মধুরা সর্বলোকপরিশ্রুতা॥ 14-30-18 (93231)
রামরাম নিবর্তস্ব কং গুণং তাত পশ্যসি।
ক্ষত্রবন্ধূনিমান্প্রাণৈর্বিপ্রয়োজ্য পুনঃ পুনঃ॥ 14-30-19 (93232)
তথৈব তং মহাত্মানমৃচীকপ্রমুখাস্তদা।
পিতামহা মহাভাগ নিবর্তস্বেত্যথাব্রুবন্॥ 14-30-20 (93233)
পিতুর্বধমমৃষ্যংস্তু রামঃ প্রোবাচ তানৃষীন্।
নার্হন্তীহ ভবন্তো মাং নিবারয়িতুমিত্যুত॥ 14-30-21 (93234)
পিতর ঊচুঃ। 14-30-22x (7840)
নার্হসে ক্ষত্রবন্ধূংস্ৎবং নিহন্তুং জয়তাংবর।
নেহ যুক্তং ৎবয়া হন্তুং ব্রাহ্মণেন সতা নৃপান্॥ ॥ 14-30-22 (93235)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ত্রিংশোঽধ্যায়ঃ॥ 30 ॥
Mahabharata - Ashvamedhika Parva - Chapter Footnotes
7-30-15 তেষামুপরতং কর্মেতি ট.পাঠঃ॥ 7-30-16 ব্যুত্থানাৎক্ষত্রধর্মিণ ইতি ঝ.পাঠঃ॥আশ্বমেধিকপর্ব - অধ্যায় 031
॥ শ্রীঃ ॥
14.31. অধ্যায়ঃ 031
অথানুগীতাপর্ব-2Mahabharata - Ashvamedhika Parva - Chapter Topics
পরশুরামংপ্রতি তৎপিতৃভিঃ ক্ষত্রিয়বধান্নিবর্তনায়ালর্কোপাখ্যানকথনম্॥ 1 ॥ রামেণ তচ্ছ্রবণাদ্ধিংসাতো নিবর্ত্য তপশ্চরণম্॥ 2 ॥Mahabharata - Ashvamedhika Parva - Chapter Text
name="Azvamedhika-14-31-1x">পিতর ঊচুঃ।
অত্রাপ্যুদাহরন্তীমমিতিহাসং পুরাতনম্।
শ্রুৎবা চ তত্তথা কার্যং ভবতা দ্বিজসত্তম॥ 14-31-1 (93236)
অলর্কো নাম রাজর্ষিরভবৎসুমহাতপাঃ।
ধর্মজ্ঞঃ সত্যবাদী চ মহাত্মা সুদৃঢব্রতঃ॥ 14-31-2 (93237)
স সাগরান্তাং ধনুষা বিনির্জিত্য মহীমিমাম্।
কৃৎবা সুদুষ্করং কর্ম মনঃ সূক্ষ্মে সমাদধে॥ 14-31-3 (93238)
স্থিতস্য বৃক্ষমূলেঽথ তস্য চিন্তা বভূব হ।
উৎসৃয় সুমহদ্রাজ্যং সূক্ষ্মং প্রতি মহামতে॥ 14-31-4 (93239)
অলর্ক উবাচ। 14-31-5x (7841)
মনসো মে বলং জাতং মনো জিৎবা ধ্রুবো জয়ঃ।
অন্যত্র বাণানস্যামি শত্রুভিঃ পরিবারিতঃ॥ 14-31-5 (93240)
যদিদং চাপলাৎকর্ম সর্বান্মর্ত্যাংশ্চিকীর্ষতি।
মনঃ প্রতি সুতীক্ষ্ণাগ্রানহং মোক্ষ্যামি সায়কান্॥ 14-31-6 (93241)
মন উবাচ। 14-31-7x (7842)
নেমে বাণাস্তরিষ্যন্তি মামলর্ক কথঞ্চন।
তবৈব মর্ম ভেৎস্যন্তি ভিন্নমর্মা মরিষ্যসি॥ 14-31-7 (93242)
অন্যান্বাণান্সমীক্ষস্ব যৈস্ৎবং মাং সূদয়িষ্যসি।
তৎছ্রুৎবা স বিচিন্ত্যাথ ততো বচনমব্রবীৎ॥ 14-31-8 (93243)
আঘ্রায় সুবহূন্গন্ধাংস্তানেব প্রতিগৃধ্যতি।
তস্মাদ্ধ্রাণং প্রতি শরান্প্রতিমোক্ষ্যাম্যহং শিতান্॥ 14-31-9 (93244)
ঘ্রাণ উবাচ। 14-31-10x (7843)
নেমে বাণাস্তরিষ্যন্তি মামলর্ক কথঞ্চন।
তবৈব মর্ম ভেৎস্যন্তি ভিন্নমর্মা মরিষ্যসি॥ 14-31-10 (93245)
অন্যান্যাণান্সমীক্ষস্ব যৈস্ৎবং মাং সূদয়িষ্যসি।
তচ্ছ্রুৎবা স বিচিন্ত্যাথ ততো বচনমব্রবীৎ॥ 14-31-11 (93246)
ইয়ং স্বাদূন্রসান্ভুক্ৎবা তানেব প্রতি গৃধ্যতি।
তস্মাজ্জিহ্বাং প্রতি শরান্প্রতিমোক্ষ্যাম্যহং শিতান্॥ 14-31-12 (93247)
জিহ্বোবাচ। 14-31-13x (7844)
নেমে বাণাস্তরিষ্যন্তি মামলর্ক কথঞ্চন।
তবৈব মর্ম ভেৎস্যন্তি ততো হাস্যসি জীবিতম্॥ 14-31-13 (93248)
অন্যান্বাণান্সমীক্ষস্ব যৈস্ৎবং মাং সূদয়িষ্যসি।
তচ্ছ্রুৎবা স বিচিন্ত্যাথ ততো বচনমব্রবীৎ॥ 14-31-14 (93249)
স্পৃষ্ট্বা ৎবগ্বিবিধান্স্পর্শাংস্তানেব প্রতিগৃধ্যতি।
তস্মাত্ৎবচং পাটয়িষ্যে বিবিধৈঃ কঙ্কপত্রিভিঃ॥ 14-31-15 (93250)
ৎবগুবাচ। 14-31-16x (7845)
নেমে বাণাস্তরিষ্যন্তি মামলর্ক কথঞ্চন।
তবৈব মর্ম ভেৎস্যন্তি ভিন্নমর্মা মরিষ্যসি॥ 14-31-16 (93251)
অন্যান্বাণান্সমীক্ষস্ব যৈস্ৎবং মাং সূদয়িষ্যসি।
তচ্ছ্রুৎবা স বিচিন্ত্যাথ ততো বচনমব্রবীৎ॥ 14-31-17 (93252)
শ্রুৎবা তু বিবিধাঞ্শব্দাংস্তানেব প্রতিগৃধ্যতি।
তস্মাচ্ছ্রোত্রং প্রতি শরান্প্রতি মুঞ্চাম্যহং শিতান্॥ 14-31-18 (93253)
শ্রোত্রমুবাচ। 14-31-19x (7846)
নেমে বাণাস্তরিষ্যন্তি মামলর্ক কথঞ্চন।
তবৈব মর্ম ভেৎস্যন্তি ততো হাস্যতি জীবিতম্॥ 14-31-19 (93254)
অন্যান্বাণান্সমীক্ষস্ব যৈস্ৎবং মাং সূদয়িষ্যসি।
তচ্ছ্রুৎবা স বিচিন্ত্যাথ ততো বচনমব্রবীৎ॥ 14-31-20 (93255)
দৃষ্ট্বা রূপাণি বহুশস্তান্যেব প্রতিগৃধ্যতি।
তস্মাচ্চক্ষুর্হনিষ্যামি নিশিতৈঃ সায়কৈরহম্॥ 14-31-21 (93256)
চক্ষুরুবাচ। 14-31-22x (7847)
নেমে বাণাস্তরিষ্যন্তি মামলর্ক কথঞ্চন।
তবৈব মর্ম ভেৎস্যন্তি ভিন্নমর্মা মরিষ্যসি॥ 14-31-22 (93257)
অন্যান্বাণান্সমীক্ষস্ব যৈস্ৎবং মাং সূদয়িষ্যতি
তচ্ছ্রুৎবা স বিচিন্ত্যাথ ততো বচনমব্রবীৎ॥ 14-31-23 (93258)
ইয়ং নিষ্ঠা বহুবিধা প্রজ্ঞয়া ৎবদ্যবস্যতি।
তস্মাদ্বুদ্ধিং প্রতি শরান্প্রতিমোক্ষ্যাম্যহং শিতান্॥ 14-31-24 (93259)
বুদ্ধিরুবাচ। 14-31-25x (7848)
নেমে বাণাস্তরিষ্যন্তি মামলর্ক কথঞ্চন।
তবৈব মর্ম ভেৎস্যন্তি ভিন্নমর্মা মরিষ্যসি।
অন্যান্বাণান্সমীক্ষস্ব যৈস্ৎবং মাং সূদয়িষ্যসি॥ 14-31-25 (93260)
পিতর ঊচুঃ। 14-31-26x (7849)
ততোঽলর্কস্তপো ঘোরং তত্রৈবাস্থায় দুষ্করম্।
নাধ্যগচ্ছৎপরং শক্ত্যা বাণমেতেষু সপ্তসু॥ 14-31-26 (93261)
সুসমাহিতচেতাস্তু স ততোঽচিন্তয়ৎপ্রভুঃ।
স বিচিন্ত্য চিরং কালমলর্কো দ্বিজসত্তম।
নাধ্যগচ্ছৎপরং শ্রেয়ো যোগান্মতিমতাংবরঃ॥ 14-31-27 (93262)
স একাগ্রং মনঃ কৃৎবা নিশ্চলো যোগমাস্থিতঃ।
ইন্দ্রিয়াণি জঘানাশু বাণেনৈকেন বীর্যবান্॥ 14-31-28 (93263)
যোগেনাত্মানমাবিশ্য সিদ্ধিং পরমিকাং গতঃ।
বিস্মিতশ্চাপি রাজর্ষিরিমাং গাথাং জগাদ হ॥ 14-31-29 (93264)
অহো কষ্টং যদস্মাভিঃ সর্বং বাহ্যমনুষ্ঠিতম্।
ভোগতৃষ্ণাসমায়ুক্তৈঃ পূর্বং রাজ্যমুপাসিতম্।
ইতি পশ্চান্ময়া জ্ঞাতং যোগান্নাস্তি পরং সুখম্॥ 14-31-30 (93265)
ইতি ৎবমনুজানীহি রাম মা ক্ষত্রিয়ান্বধীঃ।
তষো ঘোরমুপাতিষ্ঠ ততঃ শ্রেয়োঽভিপৎস্যসে॥ 14-31-31 (93266)
ইত্যুক্তঃ পিতৃভিঃ সোথ তপো ঘোরং সমাস্থিতঃ।
জামদগ্ন্যো মহাভাগে সিদ্ধিং চ পরমাং গতঃ॥ ॥ 14-31-32 (93267)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একত্রিংশোঽধ্যায়ঃ॥ 31 ॥
Mahabharata - Ashvamedhika Parva - Chapter Footnotes
7-31-1 অত্র হিংসায়া অকার্যৎবে। 1 ॥ 7-31-5 অন্যত্র বাহ্যশত্রুভ্য ইতি শেষঃ। শত্রুভিরিন্দ্রিয়াখ্যবৈরিভিঃ॥ 5 ॥আশ্বমেধিকপর্ব - অধ্যায় 032
॥ শ্রীঃ ॥
14.32. অধ্যায়ঃ 032
অথানুগীতাপর্ব-2Mahabharata - Ashvamedhika Parva - Chapter Topics
ব্রাহ্মণেন স্বভার্যাংপ্রতি কামক্রোধাদিপরিত্যাগপূর্বকং ভগবদববোধস্য পরমপুরুষার্থসাধনতাববোধকাম্বরীষগীতগাথাকথনম্॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
ত্রয়ো বৈ রিপবো লোকে নবধা গুণতঃ স্মৃতাঃ।
হর্ষঃ স্তংভোতিমানশ্চ ত্রয়স্তে সাৎবিকা গুণাঃ॥ 14-32-1 (93268)
শোকঃ ক্রোধাভিসংরম্ভো রাজসাস্তে গুণাঃ স্মৃতাঃ।
স্বপ্নস্তন্দ্রা চ মোহশ্চ ত্রয়স্তে তামসা গুণাঃ॥ 14-32-2 (93269)
এতান্নিকৃত্য ধৃতিমান্বাণসঙ্ঘৈরতন্দ্রিতঃ।
জেতুং পরানুৎসহতে প্রশান্তাত্মা জিতেন্দ্রিয়ঃ॥ 14-32-3 (93270)
অত্র গাথাঃ কীর্তয়ন্তি পুরাকল্পবিদো জনাঃ।
অম্বরীষেণ যা গীতা রাজ্ঞা রাজ্যং প্রশাসতা॥ 14-32-4 (93271)
সমুদীর্ণেষু দোষেষু বাধ্যমানেষু সাধুষু।
জগ্রাহ তরসা রাজ্যমম্বরীষ ইতি শ্রুতিঃ॥ 14-32-5 (93272)
স নিগৃহ্যাত্মনো দোষান্সাধূন্সমভিপূজ্য চ।
জগাম মহতীং সিদ্ধিং গাথাশ্চেমা জগাদ হ॥ 14-32-6 (93273)
ভূয়িষ্ঠং বিজিতা দোষা নিহতাঃ সর্বশত্রবঃ।
একো দোষো বরিষ্ঠশ্চ বধ্যঃ স ন হতো ময়া॥ 14-32-7 (93274)
যৎপ্রয়ুক্তো জন্তুরয়ং বৈতৃষ্ণ্যং নাধিগচ্ছতি।
তৃষ্ণার্ত ইব নিম্নানি ধাবমানো ন বুধ্যতে॥ 14-32-8 (93275)
অকার্যমপি যেনেহ প্রয়ুক্তঃ সেবতে নরঃ।
তং লোভমসিভিস্তীক্ষ্ণৈর্নিকৃত্য সুখমেধতে॥ 14-32-9 (93276)
লোভাদ্ধি জায়তে তৃষ্ণা ততশ্চিন্তা প্রবর্ততে।
স লিপ্সমানো লভতে ভূয়িষ্ঠং রাজসান্গুণান্।
তদবাপ্তৌ তু লভতে ভূয়িষ্ঠং তামসান্গুণান্॥ 14-32-10 (93277)
স তৈর্গুণৈঃ সংহতদেহবন্ধনঃ।
পুনঃপনর্জায়তি কর্ম চেহতে।
জন্মক্ষয়ে ভিন্নবিকীর্মদেহো
মৃত্যুং পুনর্গচ্ছতি জন্মনৈব॥ 14-32-11 (93278)
তস্মাদেতং সম্যগবেক্ষ্য লোভং
নিগৃহ্য ধৃত্যাঽঽত্মনি রাজ্যমিচ্ছেৎ।
এতদ্রাজ্যং নান্যদস্তীহ রাজ্য-
মাত্মৈব রাজা বিদিতো যথাবৎ॥ 14-32-12 (93279)
ইতি রাজ্ঞাঽম্বরীষেণ গাথা গীতা যশস্বিনা।
আধিরাজ্য পুরস্কৃত্য লোভমেকং নিকৃন্ততা॥ ॥ 14-32-13 (93280)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি দ্বাত্রিংশোঽধ্যায়ঃ॥ 32 ॥
Mahabharata - Ashvamedhika Parva - Chapter Footnotes
7-32-1 গুণতঃ বৃত্তিভেদাৎ॥ 7-32-2 অভিসংরম্ভো দ্বেষাভিনিবেশঃ॥ 7-32-3 নিকৃত্য চ্ছিত্ৎবা। বাণসংঘৈঃ শমাদিভিঃ॥ 7-32-11 পুনর্জায়তি চেহ তৎফলম্। ফলক্ষয়ে ভিন্নবিদীর্ণদেহঃ পুনর্মৃত্যু গচ্ছতি চৈব জন্মনীতি ক.থ.পাঠঃ॥ 7-32-12 নান্যদস্তীতি বিদ্যা যৈশ্চৈব রাজা বিজিতো ময়ৈক ইতি ক.থ.পাঠঃ॥আশ্বমেধিকপর্ব - অধ্যায় 033
॥ শ্রীঃ ॥
14.33. অধ্যায়ঃ 033
অথানুগীতাপর্ব-2Mahabharata - Ashvamedhika Parva - Chapter Topics
ব্রাহ্মণেন স্বভার্যাংপ্রতি মমতাবর্জনস্য পুরুষার্থসাধনতায়াং দৃষ্টান্ততয়া ব্রাহ্মণজনকসংবাদানুবাদঃ॥ 1 ॥Mahabharata - Ashvamedhika Parva - Chapter Text
ব্রাহ্মণি উবাচ।
অত্রাপ্যুদাহরন্তীমমিতিহাসং পুরাতনম্।
ব্রাহ্মণস্য চ সংবাদং জনকস্য চ ভামিনি॥ 14-33-1 (93281)
ব্রাহ্মণং জনকো রাজা সন্নং কস্মিংশ্চিদাগসি।
বিষয়ে মে ন বস্তব্যমিতি শিষ্ট্যর্থমব্রবীৎ॥ 14-33-2 (93282)
ইত্যুক্তঃ প্রত্যুবাচাথ ব্রাহ্মণো রাজসত্তমম্।
আচক্ষ্ব বিষয়ং রাজন্যাবাংস্তব বশে স্থিতঃ॥ 14-33-3 (93283)
সোঽন্যস্য বিষয়ে রাজ্ঞো বস্তুমিচ্ছাম্যহং বিভো।
বচস্তে কর্তুমিচ্ছামি যথাশাস্ত্রং মহীপতে॥ 14-33-4 (93284)
ইত্যুক্তস্তু তদা রাজা ব্রাহ্মণেন যশস্বিনা।
মুহুরুষ্ণং বিনিঃস্বস্য ন কিঞ্চিৎপ্রত্যভাষত॥ 14-33-5 (93285)
তমাসীনং ধ্যায়মানং রাজানমমিতৌজসম্।
কশ্মলং সহসাঽগচ্ছদ্ভানুমন্তমিব গ্রহঃ॥ 14-33-6 (93286)
সমাশ্বাস্য ততো রাজা বিগতে কশ্যমে তদা।
ততো মূহূর্তাদিব তং ব্রাহ্মণং বাক্যমব্রবীৎ॥ 14-33-7 (93287)
পিতৃপৈতামহে রাজ্যে বশ্যে জনপদে সতি।
বিষয়ং নাধিগচ্ছামি বিচিন্বন্পৃথিবীমহম্॥ 14-33-8 (93288)
নাধ্যগচ্ছং যদা পৃথ্ব্যাং মিথিলা মার্গিতা ময়া।
নাধ্যগচ্ছং যদা তস্যাং স্বপ্রজা মার্গিতা ময়া॥ 14-33-9 (93289)
নাধ্যগচ্ছং যদা তস্যাং তদা মে কশ্মলোঽভবৎ।
ততো মে কশ্মলস্যান্তে মতিঃ পুনরুপস্থিতা॥ 14-33-10 (93290)
তদা ন বিষয়ং মন্যে সর্বো বা বিষয়ো মম।
আত্মাঽপি চায়ং ন মম সর্বা বা পৃথিবী মম॥ 14-33-11 (93291)
যথা মম তথাঽন্যেষামিতি মন্যে দ্বিজোত্তম।
উষ্যতাং যাবদুৎসাহো ভুজ্যতাং যাবদিষ্যতে॥ 14-33-12 (93292)
ব্রাহ্মণ উবাচ। 14-33-13x (7850)
পিতৃপৈতামহে রাজ্যে বশ্যে জনপদে সতি।
ব্রূহি কাং মতিমাস্থায় মমৎবং বর্জিতং ৎবয়া॥ 14-33-13 (93293)
কাং বৈ বুদ্ধিং সমাশ্রিত্য সর্বো বৈ বিষয়স্তব।
নাবৈষি বিষয়ং যেন সর্বো বা বিষয়স্তব॥ 14-33-14 (93294)
জনক উবাচ। 14-33-15x (7851)
অন্তবন্ত ইহারম্ভা বিদিতাঃ সর্বকর্মসু।
নাধ্যগচ্ছমহং তস্মান্মমেদমিতি যদ্ভবেৎ॥ 14-33-15 (93295)
কস্যেদমিতি কস্য স্বমিতি বেদবচস্তথা।
নাধ্যগচ্ছমহং বুদ্ধ্যা মমেদমিতি যদ্ভবেৎ॥ 14-33-16 (93296)
এতাং বুদ্ধিং সমাশ্রিত্য মমৎবং বর্জিতং ময়া।
শৃণু বুদ্ধিং চ যাং জ্ঞাৎবা সর্বত্র বিষয়ো মম॥ 14-33-17 (93297)
নাহমাত্মার্থমিচ্ছামি গন্ধান্ঘ্রাণগতানপি।
তস্মান্মে নির্জিতা ভূমির্বশে তিষ্ঠতি নিত্যদা॥ 14-33-18 (93298)
নাহমাত্মার্থমিচ্ছামি রসানাস্যেঽপি বর্ততঃ।
আপো মে নির্জিতাস্তস্মাদ্বশে তিষ্ঠন্তি নিত্যদা॥ 14-33-19 (93299)
নাহমাত্মার্থমিচ্ছামি রূপং জ্যোতিশ্চ চক্ষুষঃ।
তস্মান্মে নির্জিতং জ্যোতির্বশে তিষ্ঠতি নিত্যদা॥ 14-33-20 (93300)
নাহমাত্মার্থমিচ্ছামি স্পর্শাংস্ৎবচি গতাশ্চ যে।
তস্মান্মে নির্জিতো বায়ুর্বশে তিষ্ঠতি নিত্যদা॥ 14-33-21 (93301)
নাহমাত্মার্থমিচ্ছামি শব্দাঞ্শ্রোত্রগতানপি।
আকাশং মে জিতং তস্মাদ্বশে তিষ্ঠতি নিত্যদা॥ 14-33-22 (93302)
নাহমাত্মার্থমিচ্ছামি মনো নিত্যং মনোন্তরে।
মনো মে নির্জিতং তস্মাদ্বশে তিষ্ঠতি নিত্যদা॥ 14-33-23 (93303)
দেবেভ্যশ্চ পিতৃভ্যশ্চ ভূতেভ্যোঽতিথিভিঃ সহ।
ইত্যর্থং সর্ব এবেতি সমারম্ভা ভবন্তি বৈ॥ 14-33-24 (93304)
ততঃ প্রহস্য জনকং ব্রাহ্মণঃ পুনরব্রবীৎ।
ৎবজ্জিজ্ঞাসার্থমদ্যেহ বিদ্ধি মাং ধর্মমাগতম্॥ 14-33-25 (93305)
ৎবমস্য ব্রহ্মিনাভস্য দুর্বারস্যানিবর্তিনঃ।
সৎবনেমিনিরুদ্ধস্য চক্রস্যৈকঃ প্রবর্তকঃ॥ ॥ 14-33-26 (93306)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ত্র্যস্ত্রিংশোঽধ্যায়ঃ॥ 33 ॥
Mahabharata - Ashvamedhika Parva - Chapter Footnotes
7-33-1 অত্র লোভে নিকৃন্তনীয়ে॥ 7-33-2 ক্লান্তং কস্মিংশ্চিদাগমে ইতি দ.পাঠঃ॥ ক্ষান্তং কস্মিংশ্চিদাগমে ইতি ক.ঠ.থ.পাঠঃ। শিষ্যার্থমব্রবীদিতি পাঠান্তরম্॥আশ্বমেধিকপর্ব - অধ্যায় 034
॥ শ্রীঃ ॥
14.34. অধ্যায়ঃ 034
অথানুগীতাপর্ব-2Mahabharata - Ashvamedhika Parva - Chapter Topics
ব্রাহ্মণেন ব্রাহ্মণীংপ্রতি স্বমাহাত্ম্যপ্রকাশনম্॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
নাহং তথা ভূরু চরামি লোকে
যথা ৎবং মাং তর্জয়সে স্ববুদ্ধ্যা।
বিপ্রোস্মিং মুক্তোস্মি বনেচরোস্মি
গৃহস্থধর্মা ব্রতবাংস্তথাঽস্মি॥ 14-34-1 (93307)
নাহমস্মি যতা মাং ৎবং পশ্যসে চ শুভাশুভে।
ময়া ব্যাপ্তমিদং সর্বং যৎকিঞ্চিজ্জগতীগতম্॥ 14-34-2 (93308)
যে কেচিজ্জন্তবো লোকে জঙ্গমাঃ স্থাবরাশ্চ হ।
তেষাং মামন্তকং বিদ্ধি দারুণামিব পাবকম্॥ 14-34-3 (93309)
রাজ্যে পৃথিব্যাং সর্বস্যামথবাপি ত্রিবিষ্টপে।
তথা বুদ্ধিরিয়ং বেত্তি বুদ্ধিরেব ধনং মম॥ 14-34-4 (93310)
একঃ পন্থা ব্রাহ্মণানাং যেন গচ্ছন্তি তদ্বিদঃ।
গৃহেষু বনবাসেষু গুরুবাসেষু ভিক্ষুষু॥ 14-34-5 (93311)
লিঙ্গৈর্বহুভিরব্যগ্রৈরেকা বুদ্ধিরুপাস্যতে।
নানালিঙ্গাশ্রমস্থানাং যেষাং বুদ্ধিঃ শমাত্মিকা॥ 14-34-6 (93312)
তে ভাবমেকমায়ান্তি সরিতঃ সাগরং যথা।
বুদ্ধ্যাঽয়ং গম্যতে মার্গঃ শরীরেণি ন গম্যতে।
আদ্যন্তবন্তি কর্মাণি শরীরং কর্মবন্ধনম্॥ 14-34-7 (93313)
তস্মান্মে সুভগে নাস্তি পরলোককৃতং ভয়ম্।
তদ্ভাবভাবনিরতা মমৈবাত্মানমেষ্যসি॥ ॥ 14-34-8 (93314)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি চতুস্ত্রিংশোঽধ্যায়ঃ॥ 34 ॥
Mahabharata - Ashvamedhika Parva - Chapter Footnotes
7-34-3 তেষামন্তর্গতং বিদ্ধি ইতি ক.ধ.পাঠঃ॥ 7-34-7 বিদ্ধ্যান্তবন্তি কর্মাণীতি ক.থ.পাঠঃ॥ 7-34-8 তস্মাত্তে সুভগে ইতি ঝ.পাঠঃ। মদ্ভাবভাবনিরতা মামেবৈষ্যস্যথাত্মনেতি ক.পাঠঃ॥আশ্বমেধিকপর্ব - অধ্যায় 035
॥ শ্রীঃ ॥
14.35. অধ্যায়ঃ 035
অথানুগীতাপর্ব-2Mahabharata - Ashvamedhika Parva - Chapter Topics
কৃষ্ণেনার্জুনংপ্রতি ব্রাহ্মণীব্রাহ্মণশব্দনির্দিষ্টয়োঃ ক্রমেণি বুদ্ধিমনস্ৎবকথনম্॥ 1 ॥Mahabharata - Ashvamedhika Parva - Chapter Text
ব্রাহ্মণ উবাচ।
নেদমল্পাত্মনা শক্যং বেদিতুং বাঽকৃতাত্মনা।
বহু চাল্পং চ সংক্ষিপ্তং বিস্তৃতং চ মতং মম॥ 14-35-1 (93315)
উপায়ং তং মম ব্রূহি যেনৈষা লভ্যতে মতিঃ।
তন্মন্যে কারণং কর্ম যত এষা প্রবর্ততে॥ 14-35-2 (93316)
ব্রাহ্মণ উবাচ। 14-35-3x (7852)
অরণীং ব্রাহ্মণীং বিদ্ধি গুরুরস্যোত্তরারণিঃ।
তপঃশ্রুতেভিমথিনী জ্ঞানাগ্নির্জায়তে ততঃ॥ 14-35-3 (93317)
ব্রাহ্মণয়ুবাচ। 14-35-4x (7853)
যদিদং ব্রহ্মণো লিঙ্গং ক্ষেত্রজ্ঞ ইতি সংজ্ঞিতম্।
গ্রহীতুং যেন যচ্ছক্যং লক্ষণং তস্য তদ্বদ॥ 14-35-4 (93318)
ব্রাহ্মণ উবাচ। 14-35-5x (7854)
অলিঙ্গো নির্গুণশ্চৈব কারণং নাস্য বিগ্রহে।
উপায়মেব বক্ষ্যামি যেন গৃহ্যেত ভাবনা॥ 14-35-5 (93319)
সম্যগপ্যুপদিষ্টস্য হ্যমৃতস্যেব তৃপ্যসে।
কর্মবুদ্ধিরবুদ্ধিৎবাজ্জ্ঞানলিঙ্গান্নিপাতিতঃ। 14-35-6 (93320)
ইদং কার্যমিদং নেতি ন মোক্ষেষূপদিশ্যতে।
পশ্যতঃ শৃণ্বতো বুদ্ধিরাত্মনৈবোপজায়তে॥ 14-35-7 (93321)
যাবন্ত ইহ শক্যেরংস্তাবতোংঽসান্প্রকল্পয়েৎ।
অব্যক্তান্ব্যক্তরূপাংশ্চ শতশোঽথ সহস্রশঃ॥ 14-35-8 (93322)
সর্বানুমানয়ুক্তাংশ্চ সর্বান্প্রত্যক্ষহেতুকান্।
যতঃ পরং ন বিদ্যেত ততোঽভ্যাসে ভবিষ্যতি॥ 14-35-9 (93323)
শ্রীভগবানুবাচ। 14-35-10x (7855)
ততস্তু তস্যা ব্রাহ্মণ্যা মতিঃ ক্ষেত্রজ্ঞসংশয়ে।
ক্ষেত্রজ্ঞানেন পরতঃ ক্ষেত্রজ্ঞোঽন্যঃ প্রবর্ততে॥ 14-35-10 (93324)
অর্জুন উবাচ। 14-35-11x (7856)
ক্ব নু সা ব্রাহ্মণি কৃষ্ণ ক্ব চাসৌ ব্রাহ্মণর্ষভঃ।
যাভ্যাং সিদ্ধিরিয়ং প্রাপ্তা তাবুভৌ বদ মেঽচ্যুত॥ 14-35-11 (93325)
শ্রীভগবানুবাচ। 14-35-12x (7857)
মনো মে ব্রাহ্মণং বিদ্ধি বুদ্ধিং মে বিদ্ধি ব্রাহ্মণীম্।
ক্ষেত্রজ্ঞ ইতি যশ্চোক্তঃ সোঽহমেব ধনংজয়॥ ॥ 14-35-12 (93326)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি পঞ্চত্রিংশোঽধ্যায়ঃ॥
Mahabharata - Ashvamedhika Parva - Chapter Footnotes
7-35-6 সম্যগুপায়ো দৃষ্টশ্চ ভ্রমরৈরিব লক্ষ্যত ইতি ঝ.পাঠঃ॥আশ্বমেধিকপর্ব - অধ্যায় 036
॥ শ্রীঃ ॥
14.36. অধ্যায়ঃ 036
অথানুগীতাপর্ব-2Mahabharata - Ashvamedhika Parva - Chapter Topics
কৃষ্ণেনার্জুনংপ্রতি পরব্রহ্মস্বরূপতৎপ্রাপ্তিসাধনাদিপ্রতিপাদকগুরুশিষ্যসংবাদানুবাদঃ॥ 1 ॥Mahabharata - Ashvamedhika Parva - Chapter Text
অর্জুন উবাচ।
ব্রহ্ম যৎপরমং জ্ঞেয়ং তন্মে ব্যাখ্যাতুমর্হসি।
ভতো হি প্রসাদেন সূক্ষ্মে মে রমতে মতিঃ॥ 14-36-1 (93327)
বাসুদেব উবাচ। 14-36-2x (7858)
অত্রাপ্যুদাহরন্তীমমিতিহাসং পুরাতনম্।
সংবাদং মোক্ষসংয়ুক্তং শিষ্যস্য গুরুণা সহ॥ 14-36-2 (93328)
কশ্চিদ্ব্রাহ্মণমাসীনমাচার্যং সংশিতব্রতম্।
শিষ্যঃ পপ্রচ্ছ মেধাবী কিংস্বিচ্ছ্রেয়ঃ পরংতপ॥ 14-36-3 (93329)
ভগবন্তং প্রপন্নোঽহং নিঃশ্রেয়সপরাণঃ।
যাচে ৎবাং শিরসা বিপ্র যদ্ব্রূয়াং ব্রূহি তন্মম॥ 14-36-4 (93330)
তমেবংবাদিনং পার্থ শিষ্যং গুরুরুবাচ হ।
কথয়স্ব প্রবক্ষ্যামি যত্র তে সংশয়ো দ্বিজ॥ 14-36-5 (93331)
ইত্যুক্তঃ স কুরুশ্রেষ্ঠ গুরুণা গুরুবৎসলঃ।
প্রাঞ্জলিঃ পরিপপ্রচ্ছ যত্তচ্ছৃণু মহামতে॥ 14-36-6 (93332)
শিষ্য উবাচ। 14-36-7x (7859)
কুতশ্চাহং কুতশ্চ ৎবং তৎসত্যং ব্রূহি যৎপরম্।
কুতো জাতানি ভূতানি স্থাবরাণি চরাণি চ॥ 14-36-7 (93333)
কেন জীবন্তি ভূতানি তেষামায়ুশ্চ কিং পরম্।
কিং সত্যং কিং তপো বিপ্র কে গুণাঃ সদ্ভিরীরিতাঃ॥ 14-36-8 (93334)
কে পন্থানঃ শিবাশ্চ স্যুঃ কিং সুখং কি চ দুষ্কৃতম্।
এতান্মে ভগবন্প্রশ্নান্যাথাতথ্যেন সুব্রত॥ 14-36-9 (93335)
বক্তুমর্হসি বিপ্রর্ষে যথাবদিহ তত্ৎবতঃ।
ৎবদন্যঃ কশ্চ ন প্রশ্নানেতান্বক্তুমিহার্হতি॥ 14-36-10 (93336)
ব্রূহি ধর্মবিদাং শ্রেষ্ঠ পরং কৌতূহলং মম।
মোক্ষধর্মার্থকুশলো ভবাঁল্লোকষু গীয়তে॥ 14-36-11 (93337)
সর্বসংশয়সংচ্ছেত্তা ৎবদন্যো ন চ বিদ্যতে।
সংসারভীরবশ্চৈব মোক্ষকামাস্তথা বয়ম্॥ 14-36-12 (93338)
বাসুদেব উবাচ। 14-36-13x (7860)
তস্মৈ সম্প্রতিপন্নায় যথাবৎপরিপৃচ্ছতে।
শিষ্যায় গুণয়ুক্তায় শান্তায় গুরুবর্তিনে॥ 14-36-13 (93339)
ছায়াভূতায় দান্তায় যততে ব্রহ্মাচারিণে।
তান্প্রশ্নানব্রবীৎপার্থ মেধাবী স ধৃতব্রতঃ।
গুরুঃ কুরুকুলশ্রেষ্ঠ সম্যক্সর্বানরিংদম॥ 14-36-14 (93340)
গুরুরুবাচ। 14-36-15x (7861)
ব্রহ্মণোক্তমিদং ধর্মমৃষিপ্রবরসেবিতম্।
বেদবিদ্যাসমাবাপ্তং তত্ৎবভূতার্থভাবনম্॥ 14-36-15 (93341)
জ্ঞানং ৎবেব পরং বিদ্যঃ সংন্যাসং তপ উত্তমম্।
যস্তু বেদ নিরাবাধং জ্ঞানতত্ৎবং বিনিশ্চয়াৎ।
সর্ববূতস্থমাত্মানং স সর্বগতিরিষ্যতে॥ 14-36-16 (93342)
যে বিদ্বান্সহসংবাসং বিবাসং চৈব পশ্যতি।
তথৈবৈকৎবনানাৎবে স দুঃখাৎপরিমুচ্যতে॥ 14-36-17 (93343)
যো ন কাময়তে কিঞ্চিন্ন কিঞ্চিদভিমন্যতে।
ইহ লোকস্থ এবৈষ ব্রহ্মভূয়ায় কল্পতে॥ 14-36-18 (93344)
প্রধানগুণতত্ৎবজ্ঞঃ সর্বভূতবিধানবিৎ।
নির্মমো নিরহঙ্কারো মুচ্যতে নাত্র সংশয়ঃ॥ 14-36-19 (93345)
অব্যক্তবীজপ্রভবো বুদ্ধিস্কন্ধময়ো মহান্।
মহাহঙ্কারবিটপ ইন্দ্রিয়াঙ্কুরকোটরঃ॥ 14-36-20 (93346)
মহাভূতবিশেষশ্চ বিশেষপ্রতিশাখবান্।
সদাপর্ণঃ সদাপুষ্পঃ শুভাশুভফলোদয়ঃ॥ 14-36-21 (93347)
আজীবঃ সর্বভূতানাং ব্রহ্মবীজঃ সনাতনঃ।
এতজ্জ্ঞাৎবা চ তত্ৎবানি জ্ঞানেন পরমাসিনা।
ছিত্ৎবা চামরতাং প্রাপ্য জহাতি মৃত্যুজন্মনী॥ 14-36-22 (93348)
ভূতভব্যভবিষ্যাদিধর্মকামার্থনিশ্চয়ম্।
সিদ্ধসঙ্ঘপরিজ্ঞাতং পুরাকল্পং সনাতনম্॥ 14-36-23 (93349)
প্রবক্ষ্যেঽহং মহাপ্রাজ্ঞ পদমুত্তমমদ্য তে।
বুদ্ধ্বা যদিহং সংসিদ্ধা ভবন্তীহ মনীষিণঃ॥ 14-36-24 (93350)
উপগম্যর্ষয়ঃ পূর্বং জিজ্ঞাসন্তঃ পরস্পরম্।
প্রজাপতিভরদ্বাজৌ গৌতমো ভার্গবস্তথা॥ 14-36-25 (93351)
বসিষ্ঠঃ কশ্যপশ্চৈব বিশ্বামিত্রোঽত্রিরেব চ।
মার্গান্সর্বান্পরিক্রম্য পরিশ্রান্তঃ স্বকর্মভিঃ॥ 14-36-26 (93352)
ঋষিমাঙ্গিরসং বৃদ্ধং পুরস্কৃত্য তু তে দ্বিজাঃ।
দদৃশুর্ব্রহ্মভবনে ব্রহ্মাণং বীতকল্মষম্॥ 14-36-27 (93353)
তং প্রণম্য মহাত্মানং সুখাসীনং মহর্ষয়ঃ।
পপ্রচ্ছুর্বিনয়োপেতা নৈঃশ্রেয়সমিদং পরম্॥ 14-36-28 (93354)
কথং কর্ম কৃতং সাধু কথং মুচ্যেত কিল্বিষাৎ।
কে নো মার্গাঃ শিবাশ্চ স্যুঃ কিং সত্যং কিং চ দুষ্কৃতং॥ 14-36-29 (93355)
কৌ চোভৌ কর্মণাং মার্গৌ প্রাপ্নুয়ুর্দক্ষিণোত্তরৌ।
নিরয়ং চাপবর্গং চ ভূতানাং প্রভবাপ্যযৌ॥ 14-36-30 (93356)
ইত্যুক্তঃ স মুনিশ্রেষ্ঠৈর্যদাহ প্রপিতামহঃ।
তত্তেঽহং সম্প্রবক্ষ্যামি শৃণু শিষ্য যথাগমম্॥ 14-36-31 (93357)
ব্রহ্মোবাচ। 14-36-32x (7862)
সত্যাদ্ভূতানি জাতানি স্থাবরাণি চরাণি চ।
তপসা তানি জীবন্তি জীবিতং তদ্ধি সুব্রতম্।
স্বাং যোনিং পুনরাগম্য বর্ততে স্বেন কর্মণা॥ 14-36-32 (93358)
সত্যং হি গুণসংয়ুক্তং নিয়তং পঞ্চলক্ষণম্॥ 14-36-33 (93359)
ব্রহ্ম সত্যং তপঃ সত্যং সত্যং চৈব প্রজাপতিঃ।
সত্যাদ্ভূতানি জাতানি সত্যং ভূতময়ং জগৎ॥ 14-36-34 (93360)
তস্মাৎসত্যাশ্রয়া বিপ্রা নিত্যং যোগপরায়ণাঃ।
অতীক্রোধসংতাপা নিয়তা ধর্মসেতবঃ॥ 14-36-35 (93361)
অন্যোন্যনিয়তান্বৈদ্যান্ধর্মসেতুপ্রবর্তকান্।
তানহং সম্প্রবক্ষ্যামি শাশ্বতাঁল্লোকভাবনান্॥ 14-36-36 (93362)
চাতুর্বিদ্যং তথা বর্ণাংশ্চাতুরাশ্রমিকান্পৃথক্।
ধর্মমেকং চতুষ্পাদং নিত্যমাহুর্মনীষিণঃ॥ 14-36-37 (93363)
পন্থানং বঃ প্রবক্ষ্যামি শিবং ক্ষেমকরং দ্বিজাঃ।
নিয়তং ব্রহ্মভাবায় যাতং পূর্বং মনীষিভিঃ॥ 14-36-38 (93364)
গদন্তস্তু মমাদ্যেহ পন্থানং দুর্বিদং পরৈঃ।
নিবোধত মহাভাগা নিখিলেন পরং পদম্॥ 14-36-39 (93365)
ব্রহ্মচর্যমিহৈবাহুরাশ্রমং প্রথমং পদম্।
গার্হস্থ্যং তু দ্বিতীয়ং স্যাদ্বানপ্রস্থমতঃ পরম্।
ততঃ পরং তু বিজ্ঞেয়মধ্যাত্মং পরমং পদম্॥ 14-36-40 (93366)
জ্যোতিরাকাশমাদিত্যো বায়ুরিন্দ্রঃ প্রজাপতিঃ।
নোপৈতি যাবদধ্যাত্মং তাবদেতান্ন পশ্যতি॥ 14-36-41 (93367)
তস্যোপায়ং প্রবক্ষ্যামি পুরস্তাত্তং নিবোধত।
ফলমূলানিলভুজাং মুনীনাং বসতাং বনে॥ 14-36-42 (93368)
বানপ্রস্থং দ্বিজাতীনাং ত্রয়াণামুপদিশ্যতে।
সর্বেষামেব বর্ণানাং গৃহস্থোঽয়ং বিশিষ্যতে॥ 14-36-43 (93369)
শ্রদ্ধালক্ষণমিত্যেকং ধর্মং ধীরাঃ প্রচক্ষতে।
`নৈষ্ঠিকোঽথ যতির্বাঽপি বিরক্তো ব্রহ্মদর্শনঃ॥' 14-36-44 (93370)
ইত্যেবং দেবয়ানা বঃ পন্থানঃ পরিকীর্তিতাঃ।
সদ্ভিরধ্যাসিতা ধীরৈঃ কর্মভির্ধর্মসেতবঃ॥ 14-36-45 (93371)
এতেষাং পৃথগধ্যাস্তে যো ধর্মং সংশিতব্রতঃ।
কালাৎপশ্যতি ভূতানাং সদৈব প্রভবাপ্যযৌ॥ 14-36-46 (93372)
অতস্তত্ৎবানি বক্ষ্যামি যাথাতথ্যেন হেতুনা।
বিষয়স্থানি সর্বাণি বর্তমানানি ভাগশঃ॥ 14-36-47 (93373)
মহানাত্মা তথাঽব্যক্তমহংকারস্তথৈব চ।
ইন্দ্রিয়াণি দশৈকং চ মহাভূতানি পঞ্চ চ॥ 14-36-48 (93374)
বিশেষাঃ পঞ্চভূতানামিত্যেষা বৈদিকী শ্রুতিঃ।
চতুর্বিংশতিরেষা বস্তৎবানাং পরিকীর্তিতা॥ 14-36-49 (93375)
তৎবানামথ যো বেদ সর্বেষাং প্রভবাপ্যযৌ।
স ধীরঃ সর্বভূতেষু ন মোঽহমধিগচ্ছতি॥ 14-36-50 (93376)
তত্ৎবানি যো বেদয়তে যথাতথং
গুণাংশ্চ সর্বানখিলাশ্চ দেবতাঃ।
বিধূতপাপ্মা প্রবিমুচ্য বন্ধনং
স সর্বলোকানমলান্সমশ্নুতে॥ ॥ 14-36-51 (93377)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ষট্ত্রিংশোঽধ্যায়ঃ॥
Mahabharata - Ashvamedhika Parva - Chapter Footnotes
7-36-10 কশ্চ কোঽপি॥ 7-36-29 কথং কর্ম ক্রিয়াৎসাদ্যু ইতি ঝ. ঝ.পাঠঃ। ক্রিয়াৎকুর্বীত। কে। নোঽস্মাকম্॥ 7-36-43 গার্হস্থ্যং তদ্বিধীয়তে ইতি ঝ.পাঠঃ॥আশ্বমেধিকপর্ব - অধ্যায় 037
॥ শ্রীঃ ॥
14.37. অধ্যায়ঃ 037
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা কশ্যপাদিমহর্ষীন্প্রতি তমোগুণকার্যনিরূপণম্॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
তদব্যক্তমনুদ্রিক্তং সর্বব্যাপি ধ্রুবং স্থিরম্।
নবদ্বারং পুরং বিদ্যাত্ত্রিগুণং পঞ্চধাতুকম্॥ 14-37-1 (93378)
একাদশপরিক্ষেপং মনোব্যাকরণাত্মকম্।
বুদ্ধিস্বামিকমিত্যেতৎপরমেকাদশং ভবেৎ॥ 14-37-2 (93379)
ত্রীণি স্রোতাংসি যান্যস্মিন্নাপ্যায়ন্তে পুনঃপুনঃ।
প্রনাড্যস্তিস্র এবৈতাঃ প্রবর্ন্ততে গুণাত্মিকাঃ॥ 14-37-3 (93380)
তমো রজস্তথা সৎবং গুণানেতান্প্রচক্ষতে।
অন্যোন্যমিথুনাঃ সর্বে তথাঽন্যোন্যানুজীবিনঃ॥ 14-37-4 (93381)
অন্যোন্যাপাশ্রয়াশ্চাপি তথাঽন্যোন্যানুবর্তিনঃ।
অন্যোন্যব্যতিষক্তাশ্চ ত্রিগুণাঃ পঞ্চধাতবঃ॥ 14-37-5 (93382)
তমসো মিথুনং সৎবং সৎবস্য মিথুনং রজঃ।
রজসশ্চাপি সৎবং স্যাৎসৎবস্য মিথুনং তমঃ॥ 14-37-6 (93383)
নিয়ম্যতে তমো যত্র রজস্তত্র নিবর্ততে।
নিয়ম্যতে রজো যত্র সৎবং তত্র প্রবর্ততে॥ 14-37-7 (93384)
নৈশাত্মকং তমো বিদ্যাত্ত্রিগুণং মোহসংজ্ঞিতম্।
অধর্মলক্ষণং চৈব নিয়তং পাপকর্মসু।
তামসং রূপমেতত্তু দৃশ্যতে চাপি সঙ্গতম্॥ 14-37-8 (93385)
প্রকৃত্যাত্মকমেবাহূ রজঃ পর্যায়কারকম্।
সত্ৎবে তু সর্বভূতেষু দৃশ্যমুৎপত্তিলক্ষণম্॥ 14-37-9 (93386)
প্রকাশং সর্বভূতেষু লাঘবং শ্রদ্ধধানতা।
সাৎবিকং রূপমেবং তু লাঘবং সাধুসংমিতম্॥ 14-37-10 (93387)
এতেষাং গুণতত্ৎবানি বক্ষ্যন্তে তত্ৎবহেতুভিঃ।
সমাসব্যাসয়ুক্তানি তত্ৎবতস্তানি বোধত॥ 14-37-11 (93388)
সম্মোহো জ্ঞানমত্যাগঃ কর্মণামবিনির্ণয়ঃ।
স্বপ্নঃ স্তংভো ভয়ং লোভঃ শোকঃ সুকৃতদূষণম্॥ 14-37-12 (93389)
অস্মৃতিশ্চাবিপাকশ্চ নাস্তিক্যং ভিন্নবৃত্তিতা।
নির্বিশেষৎবমন্ধৎবং জঘন্যগুণবৃত্তিতা॥ 14-37-13 (93390)
অকৃতে কৃতমানিৎবমজ্ঞানে জ্ঞানমানিতা।
অমৈত্রী বিকৃতো ভাবো হ্যশ্রদ্ধা মূঢভাবনা॥ 14-37-14 (93391)
অনার্জবমসংজ্ঞৎবং কর্ম পাপমচেতনা।
গুরুৎবং সন্নভাবৎবমবশিৎবমবাগ্গতিঃ॥ 14-37-15 (93392)
সর্ব এতে গুণা বৃত্তাস্তামসাঃ সম্প্রকীর্তিতাঃ।
যে চান্যে বিহিতা ভাবা লোকেঽস্মিন্ভাবসংজ্ঞিতাঃ॥ 14-37-16 (93393)
তত্রতত্র নিয়ম্যন্তে সর্বে তে তামসা গুণাঃ।
পরিবাদকথা নিত্যং মেবব্রাহ্মণবৈরিতা॥ 14-37-17 (93394)
অত্যাগশ্চাতিমানশ্চ মোহো মন্যুস্তথাঽক্ষমা।
মৎসরশ্চৈব ভূতেষু তামসং বৃত্তমিষ্যতে॥ 14-37-18 (93395)
বৃথারম্ভা হি যে কেচিদ্বৃথা দানানি যানি চ।
বৃথাভক্ষণমিত্যেতত্তামসং বৃত্তমিষ্যতে॥ 14-37-19 (93396)
অতিবাদোঽতিতিক্ষা চ মাৎসর্যমভিমানিতা।
অশ্রদ্দধানতা চৈব তামসং বৃত্তমিষ্যতে॥ 14-37-20 (93397)
এবংবিধাশ্চ যে কেচিল্লোকেঽস্মিন্পাপকর্মিণঃ।
মনুষ্যা ভিন্নমর্যাদাস্তে সর্বে তামসাঃ স্মৃতাঃ॥ 14-37-21 (93398)
তেষাং যোনীঃ প্রবক্ষ্যামি নিয়তাঃ পাপকর্মিণাম্।
অবাঙ্নিরয়ভাবা যে তির্যঙ্নিরয়গামিনঃ। 14-37-22 (93399)
স্থাবরাণি চ ভূতানি পশবো বাহনানি চ।
ক্রব্যাদা দংদশূকাশ্চ কৃমিকীটবিহঙ্গমাঃ॥ 14-37-23 (93400)
অব্জাতা জন্তবশ্চৈব সর্বে চাপি চতুষ্পদাঃ।
উন্মত্তা বধিরা মূকা যে চান্যে পাপরোগিণঃ॥ 14-37-24 (93401)
মগ্নাস্তমসি দুর্বৃত্তাঃ স্বকর্মকৃতলক্ষণাঃ।
অবাক্স্রোতস ইত্যেতে মগ্নাস্তমসি তামসাঃ॥ 14-37-25 (93402)
তেষামুৎকর্ষমুদ্রেকং বক্ষ্যাম্যহমতঃ পরম্।
যথা তে সুকৃতাং লোকাঁল্লভন্তে পুণ্যকর্মিণঃ॥ 14-37-26 (93403)
অন্যথা প্রতিপন্নাস্তু বিবৃদ্ধা যে চ কর্মসু।
স্বকর্মনিরতানাং চ ব্রাহ্মণানাং শুভৈষিণাম্॥ 14-37-27 (93404)
সংস্কারেণোর্ধ্বমায়ান্তি যতমানাঃ সলোকতাম্।
স্বর্গে গচ্ছন্তি দেবানামিত্যেষা বৈদিকী শ্রুতিঃ॥ 14-37-28 (93405)
অন্যথা প্রতিপন্নাস্তে বিবুদ্ধাঃ স্বেষু কর্মসু।
পুনরাবৃত্তিধর্মাণস্তে ভবন্তীহ মানুষাঃ॥ 14-37-29 (93406)
পাপয়োনিং সমাপন্নাশ্চণ্ডালা মূকচূচুকাঃ॥
বর্ণান্পর্যায়শশ্চাপি প্রাপ্নুবন্ত্যুত্তরোত্তরম্॥ 14-37-30 (93407)
শূদ্রয়োনিমতিক্রম্য যে চান্যে তামসা গুণাঃ।
স্রোতোমধ্যে সমাগম্য বর্তন্তে তামসে গুণে॥ 14-37-31 (93408)
অভিষ্বঙ্গস্তু কামেষু মহামোহ ইতি স্মৃতঃ।
ঋষয়ো মুনয়ো দেবা মুহ্যন্ত্যত্র সুখেপ্সবঃ॥ 14-37-32 (93409)
তমোমোহো মহামোহস্তামিস্রো হ্যন্ধসংজ্ঞিতঃ।
মরণং ৎবন্ধতামিস্রস্তামিস্রঃ ক্রোধ উচ্যতে॥ 14-37-33 (93410)
বর্ণতো গুণতশ্চৈব যোনিতশ্চৈব তত্ৎবতঃ।
সর্বমেততমো বিপ্রাঃ কীর্তিতং বো যথাবিধি॥ 14-37-34 (93411)
কো ন্বেতদ্বুধ্যতে সাধু কো ন্বেতৎসাধু পশ্যতি।
অতত্ৎবে তত্ৎবদর্শী যস্তমসস্তচ্চ লক্ষণম্॥ 14-37-35 (93412)
তমোগুণা বহুবিধাঃ প্রকীর্তিতা
যথাবদুক্তং চ তমঃ পরাবরম্।
নরো হি যো বেদ গুণানিমান্সদা
স তামসৈঃ সর্বগুণৈঃ প্রমুচ্যতে॥ ॥ 14-37-36 (93413)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি সপ্তত্রিংশোঽধ্যায়ঃ॥ 37 ॥
Mahabharata - Ashvamedhika Parva - Chapter Footnotes
7-37-24 অণ্ডজা জন্তব ইতি ঝ.পাঠঃ॥ 7-37-30 চূচুকাঃ স্খলদ্গিরঃ। পুষ্পচূচুকা ইতি ক.পাঠঃ॥ 7-37-32 কামেষু স্ত্র্যাদ্যর্থেষু। অভিষ্বঙ্গ আসক্তিঃ॥আশ্বমেধিকপর্ব - অধ্যায় 038
॥ শ্রীঃ ॥
14.38. অধ্যায়ঃ 038
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণ মহর্ষীন্প্রতি রজোগুণকার্যনিরূপণম্॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
রজোঽহং বঃ প্রবক্ষ্যামি যাথাতথ্যেন সত্তমাঃ।
নিবোধত মহাভাগা গুণবৃত্তং চ রাজসম্॥ 14-38-1 (93414)
সংতাপো রূপমায়াসঃ সুখদুঃখে হিমাতপৌ।
ঐশ্বর্যং বিগ্রহঃ সিদ্ধির্হেতুবাদোঽরতিঃ ক্ষমা॥ 14-38-2 (93415)
বলং শৌর্যং মদো রোষো ব্যায়ামকলহাবপি।
ঈর্ষ্যেপ্সা পৈশুনং যুদ্ধং মমৎবং পরিপালনম্॥ 14-38-3 (93416)
বধবন্ধপরিক্লেশাঃ ক্রয়ো বিক্রয় এব চ।
নিকৃন্ত চ্ছিন্ধি ভিন্ধীতি পরবর্মাবকর্তনম্॥ 14-38-4 (93417)
উগ্রং দারুণমাক্রোশঃ পরবিত্তানুরাগিতা।
লোকচিন্তাঽনুচিন্তা চ মৎসরঃ পরিভাষণম্॥ 14-38-5 (93418)
বৃথাশাস্ত্রং মৃষাবাদো বিকল্পপরিভাষণম্।
নিন্দা স্তুতিঃ প্রশংসা চ প্রতাপঃ পরিধর্ষণম্॥ 14-38-6 (93419)
পরিচর্যা চ শুশ্রূষা সেবা তৃষ্ণা ব্যপাশ্রয়ঃ॥
ব্যূহো নয়ঃ প্রমাদশ্চ পরিবাদঃ পরিগ্রহঃ॥ 14-38-7 (93420)
সংস্কারা যে চ লোকেষু প্রবর্তন্তে পৃথক্পৃথক্।
নৃষু নারীষু ভূতেষু দ্রব্যেষু শরণেষু চ॥ 14-38-8 (93421)
সংতাপোঽপ্রত্যযশ্চৈব ব্রতানি নিয়মাশ্চ যে।
প্রধানমাশীর্যুক্তং চ সততং মে ভবৎবিতি॥ 14-38-9 (93422)
স্বাহাকারো নমস্কারঃ স্বধাকারো বষট্ক্রিয়া।
যাজনাধ্যাপনে চোভে যজনাধ্যযনে অপি॥ 14-38-10 (93423)
দানং প্রতিগ্রহশ্চৈব প্রায়শ্চিত্তানি মঙ্গলম্।
ইদং মে স্যাদিদং মে স্যাৎস্নেহো গুণসমুদ্ভবঃ॥ 14-38-11 (93424)
অভিদ্রোহস্তথা মায়া নিকৃতির্মান এব চ।
স্তৈন্যং হিংসা জুগুপ্সা চ পরিতাপঃ প্রজাগরঃ॥ 14-38-12 (93425)
দম্ভো দর্পোঽথ রাগশ্চ ভক্তিঃ প্রীতিঃ প্রমোদনম্।
দ্যূতং চ জনবাদশ্চ সম্বন্ধাঃ স্ত্রীকৃতাশ্চ যে॥ 14-38-13 (93426)
নৃত্যবাদিত্রগীতানাং প্রসঙ্গা যে চ কেচন।
সর্ব এতে গুণা বিপ্রা রাজসাঃ সম্প্রকীর্তিতাঃ॥ 14-38-14 (93427)
ভূতভব্যভবিষ্যাণাং ভাবানাং ভুবি ভাবনাঃ।
ত্রিবর্গনিরতা নিত্যং ধর্মোঽর্থঃ কাম ইত্যপি॥ 14-38-15 (93428)
কামবৃত্তাঃ প্রমোদন্তে সর্বকামসমৃদ্ধিভিঃ।
অর্বাক্স্রোতস ইত্যেতে মনুষ্যা রজসা বৃতাঃ॥ 14-38-16 (93429)
অস্মিঁলোকে প্রমোদন্তে জায়মানাঃ পুনঃপনঃ।
প্রেত্যভাবিকমীহন্তে হলৌকিকমেব চ।
দদতি প্রতিগৃহ্ণন্তি তর্পয়ন্ত্যথ জুহ্বতি॥ 14-38-17 (93430)
রজোগুণা বো বহুধানুকীর্তিতা
যথাবদুক্তং গুণবৃত্তমেব চ।
নরোপি যো বেদ গুণানিমান্সদা
স রাজসৈঃ সর্বগুণৈর্বিমুচ্যতে॥ ॥ 14-38-18 (93431)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি অষ্টত্রিংশোঽধ্যায়ঃ॥ 38 ॥
Mahabharata - Ashvamedhika Parva - Chapter Footnotes
7-38-2 সংঘাতো রূপমায়াস ইতি ক.ট.থ.পাঠঃ॥ 7-38-5 উগ্রং নিষ্টুরং দারুণং হিংস্রৎবম্॥ 7-38-6 পরিভাষণং ধিক্কৃত্য ভাষণম্॥ 7-38-7 ব্যূহঃ ব্যবহাররচনাকৌশলম্॥ 7-38-8 শরণেষু রক্ষিতৃষু॥ 7-38-9 অপ্রত্যযঃ অবিশ্বাসঃ॥ 7-38-12 পরিতাপঃ স্বজনকৈবল্যনিমিত্তো দাহঃ। পাঠান্তরে পরিবাদঃ সর্বনিন্দা॥ 7-38-14 প্রসঙ্গা যেন কেনচিদিতি ক.থ.পাঠঃ॥ 7-38-16 অর্বাক্ স্বর্গাদধঃ ভূমেরুপরি স্রোতঃ প্রবাহো যেষাং তে তথা॥ 7-38-17 প্রেত্যভাবিকং জন্মান্তরীয়ং কুশলম্॥আশ্বমেধিকপর্ব - অধ্যায় 039
॥ শ্রীঃ ॥
14.39. অধ্যায়ঃ 039
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষীন্প্রতি সৎবগুণকার্যনিরূপণম্॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
অতঃ পরং প্রবক্ষ্যামি তৃতীয়ং গুণমুত্তমম্।
সর্বভূতহিতং লোকে সতাং ধর্মমনিন্দিতম্॥ 14-39-1 (93432)
আনন্দঃ প্রীতিরুদ্রেকঃ প্রাকাশ্যং সুখমেব চ।
অকার্পণ্যমসংরম্ভঃ সংতোষঃ শ্রদ্দধানতা॥ 14-39-2 (93433)
ক্ষমা ধৃতিরহিংসা চ সমতা সত্যমার্জবম্।
অক্রোধশ্চানসূয়া চ শৌচং দাক্ষ্যং পরাক্রমঃ॥ 14-39-3 (93434)
মুধাজ্ঞানং মুধাবৃত্তং মুধাসেবা মুদাশ্রমঃ।
এবং যো যুক্তধর্মঃ স্যাৎসোমুত্রাত্যন্তমশ্নুতে॥ 14-39-4 (93435)
নির্মমো নিরহঙ্কারো নিরাশীঃ সর্বতঃ সমঃ।
অকামহত ইত্যেব সতাং ধর্মঃ সনাতনঃ॥ 14-39-5 (93436)
বিশ্রংভো হ্রীস্তিতিক্ষা চ ত্যাগঃ শৌচমতন্দ্রিতা।
আনৃশংস্যমসংমোহো দয়া ভূতেষ্বপৈশুনম্॥ 14-39-6 (93437)
হর্ষস্তুষ্টির্বিস্ময়শ্চ বিনয়ঃ সাধুবৃত্তিতা।
শান্তিকর্মবিশুদ্ধিশ্চ ভাবশুদ্ধির্বিমোচনম্॥ 14-39-7 (93438)
উপেক্ষা ব্রহ্মচর্যং চ পরিত্যাগশ্চ সর্বশঃ।
নির্মমৎবমনাশীষ্ট্বমপরিক্ষতধর্মতা॥ 14-39-8 (93439)
মুধাদানং মুধায়জ্ঞো মুধাধীতং মুধাব্রতম্।
মুধাপ্রতিগ্রহশ্চৈব মধাধ্রমো মুধাতপঃ॥ 14-39-9 (93440)
এবংবৃত্তাস্তু যে কেচিল্লোকেঽস্মিন্সৎবসংশ্রয়াঃ।
ব্রাহ্মণা ব্রহ্ময়োনিস্থাস্তে ধীরাঃ সাধুদর্শিনঃ॥ 14-39-10 (93441)
হিৎবা সর্বাণি পাপানি নিঃশোকা হ্যজরামরাঃ।
দিব্যং প্রাপ্য তু তে ধীরাঃ কুর্বতে বৈ ততস্তনূঃ॥ 14-39-11 (93442)
ঈশিৎবং চ বশিৎবং চ লঘুৎবং চাণুতা তথা।
বিকুর্বতে মহাত্মানো দেবাস্ত্রিদিবগা ইব॥ 14-39-12 (93443)
ঊর্ধ্বস্রোতস ইত্যেতে দেবা বৈকারিকাঃ স্মৃতাঃ।
বিকুর্বন্তঃ প্রকৃত্যা বৈ দিবং প্রাপ্তাস্ততস্ততঃ॥ 14-39-13 (93444)
যদ্যদিচ্ছন্তি তৎসর্বং ভজন্তে বিভজন্তি চ।
ইত্যেতৎসাৎবিকং বৃত্তং কথিতং বো দ্বিজর্ষভাঃ।
এতদ্বিজ্ঞায় লভতে বিধিবদ্যদ্যদিচ্ছতি॥ 14-39-14 (93445)
প্রকীর্তিতাঃ সত্ৎবগুণা বিশেষতো
যথাবদুক্তং গুণবৃত্তমেব চ।
নরস্তু যো বেদ গুণানিমান্সদা
গুণান্স ভুঙ্ক্তে ন গুণৈঃ স যুজ্যতে॥ ॥ 14-39-15 (93446)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একোনচৎবারিংশোঽধ্যায়ঃ॥ 39 ॥
Mahabharata - Ashvamedhika Parva - Chapter Footnotes
7-39-7 হর্ষঃ পুত্রজন্মাদিজং সুখম্। তুষ্টিরলবুদ্ধিঃ। শান্তিকর্মণি মুক্ত্যুপায়ে শুদ্ধিঃ আর্জবেন প্রবৃত্তিঃ॥ 7-39-8 উপেক্ষা ঔদাসীন্যম্॥আশ্বমেধিকপর্ব - অধ্যায় 040
॥ শ্রীঃ ॥
14.40. অধ্যায়ঃ 040
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষীন্প্রতি সৎবাদিগুণত্রয়নিরূপণম্॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
নৈব শক্যা গুণা বক্তুং পৃথক্ৎবেনৈব সর্বশঃ।
অবিচ্ছিন্নানি দৃশ্যন্তে রজঃ সৎবং তমস্তথা॥ 14-40-1 (93447)
অন্যোন্যমনুরজ্যন্তে হ্যন্যোন্যেনানুজীবিনঃ।
অন্যোন্যাপাশ্রয়াঃ সর্বে তথাঽন্যোন্যানুবর্তিনঃ॥ 14-40-2 (93448)
যাবৎসৎবং রজস্তাবদ্বর্ততে নাত্র সংশয়ঃ।
যাবত্তমশ্চ সৎবং চ রজস্তাবদিহোচ্যতে॥ 14-40-3 (93449)
সংহত্য কুর্বতে যাত্রাং সহিতাঃ সঙ্ঘচারিণঃ।
সঙ্ঘাতবৃত্তয়ো হ্যেতে বর্তন্তে হেৎবহেতুভিঃ॥ 14-40-4 (93450)
উদ্রেকব্যতিরিক্তানাং তেষামন্যোন্যবর্তিনাম্।
বক্ষ্যতে তদ্যথাঽন্যূনং ব্যতিরিক্তং চ সর্বশঃ॥ 14-40-5 (93451)
ব্যতিরিক্তং তমো যত্র তির্যগ্ভাবগতং ভবেৎ।
অল্পং তত্রথ রজো জ্ঞেয়ং সৎবমল্পতরং তথা॥ 14-40-6 (93452)
উদ্রিক্তং চ রজো যত্র মধ্যস্রোতোগতং ভবেৎ।
অল্পং তত্র তমো জ্ঞেয়ং সৎবমল্পতরং তথা॥ 14-40-7 (93453)
উদ্রিক্তং চ যদা সৎবমূর্ধ্বস্রোতোগতং ভবেৎ।
অল্পং তত্র তমো জ্ঞেয়ং রজশ্চাল্পতরং তথা॥ 14-40-8 (93454)
সৎবং বৈকারিকী যোনিরিন্দ্রিয়াণাং প্রকাশিকা।
ন হি সৎবাৎপরো ভাবঃ কশ্চিদন্যো বিধীয়তে॥ 14-40-9 (93455)
ঊর্ধ্বং গচ্ছন্তি সৎবস্থা মধ্যে তিষ্ঠন্তি রাজসাঃ।
জঘন্যগুণসংয়ুক্তা যান্ত্যধস্তামসা জনাঃ॥ 14-40-10 (93456)
তমঃ শূদ্রে রজঃ ক্ষত্রে ব্রাহ্মণে সৎবমুত্তমম্।
ইত্যেবং ত্রিষু বর্ণেষু বিবর্তন্তে গুণাস্ত্রয়ঃ॥ 14-40-11 (93457)
দূরাদপি হি দৃশ্যনতে সহিতাঃ সঙ্ঘচারিণঃ।
তমঃ সৎবং রজশ্চৈব পৃথক্ৎবেনানুশুশ্রুম॥ 14-40-12 (93458)
দৃষ্ট্বা ৎবাদিত্যমুদ্যন্তং কুচোরাণাং ভয়ং ভবেৎ।
অধ্বগাঃ পরিতপ্যেয়ুরুষ্ণতো দুঃখভাগিনঃ॥ 14-40-13 (93459)
আদিত্যঃ সৎবমুদ্দিষ্টঃ কুচোরাস্তু তথা তমঃ।
পরিতাপোঽধ্বগানাং চ রজসো গুণ উচ্যতে॥ 14-40-14 (93460)
প্রাকাশ্যং সৎবমাদিত্যঃ সংতাপো রজসো গুণঃ।
উপপ্লবস্তু বিজ্ঞেয়স্তামসস্তস্য পর্বসু॥ 14-40-15 (93461)
এবং জ্যোতিষ্ষু সর্বেষু প্রবর্তন্তে গুণাস্ত্রয়ঃ॥
পর্যায়েণ চ বর্ন্ততে তত্রতত্র তথাতথা॥ 14-40-16 (93462)
স্থাবরেষু তু ভাবেষু তির্যগ্ভাবগতং তমঃ।
রাজসাস্তু বিবর্তন্তে স্নেহভাবস্তু সাৎবিকৈঃ॥ 14-40-17 (93463)
অহস্ত্রিধা তু বিজ্ঞেয়ং ত্রিধা রাত্রির্বিধীয়তে।
মাসার্দমাসবর্ষাণি ঋতবঃ সন্ধয়স্তথা॥ 14-40-18 (93464)
ত্রিধা দানানি দীয়ন্তে ত্রিধা যজ্ঞঃ প্রবর্ততে।
ত্রিধা লোকাস্ত্রিধা দেবাস্ত্রিধা বিদ্যাস্ত্রিধা গতিঃ॥ 14-40-19 (93465)
ভূতং ভব্যং ভবিষ্যং চ ধর্মোঽর্থঃ কাম এব চ।
প্রাণাপানাবুদানশ্চাপ্যেত এব ত্রয়ো গুণাঃ॥ 14-40-20 (93466)
পর্যায়েণ প্রবর্তন্তে তত্রতত্র তথাতথা।
যৎকিঞ্চিদিহ লোকেঽস্মিন্সর্বমেতে ত্রয়ো গুণাঃ॥ 14-40-21 (93467)
ত্রয়ো গুণাঃ প্রবর্তন্তে হ্যব্যক্তা নিত্যমেব তু।
সৎবং রজস্তমশ্চৈব গুণসর্গঃ সনাতনঃ॥ 14-40-22 (93468)
তমোঽব্যক্তং শিবং ধাম রজো যোনিঃ সনাতনঃ।
প্রকৃতির্বিকারঃ প্রলয়ঃ প্রধানং প্রভবাপ্যযৌ॥ 14-40-23 (93469)
অনুদ্রিক্তমনূনং বাঽপ্যকম্পমচলং ধ্রুবম্।
সদসচ্চৈব তৎসর্বমব্যক্তং ত্রিগুণং স্মৃতম্।
জ্ঞেয়ানি নামধেয়ানি নরৈরদ্যাত্মচিন্তকৈঃ॥ 14-40-24 (93470)
অব্যক্তনামানি গুণাংশ্চ তত্ৎবতো
যো বেদ সর্বাণি গতীশ্চ কেবলাঃ।
বিমুক্তদেহঃ প্রবিভাগতত্ৎববি-
ৎস মুচ্যতে সর্বগুণৈর্নিরাময়ঃ॥ ॥ 14-40-25 (93471)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি চৎবারিংশোঽধ্যায়ঃ॥ 40 ॥
আশ্বমেধিকপর্ব - অধ্যায় 041
॥ শ্রীঃ ॥
14.41. অধ্যায়ঃ 041
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষীন্প্রতি মহদহঙ্কারতৎবনিরূপণম্॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
অব্যক্তাৎপূর্বমুৎপন্নো মহানাত্মা মহামতিঃ।
আদির্গুণানাং সর্বেষাং প্রথমঃ সর্গ উচ্যতে॥ 14-41-1 (93472)
মহানাত্মা মতির্বিষ্ণুর্জিষ্ণুঃ শংভুশ্চ বীর্যবান্।
বুদ্ধিঃ প্রজ্ঞোপলব্ধিশ্চ ততা খ্যাতির্ধৃতিঃস্মৃতিঃ। 14-41-2 (93473)
পর্যায়বাচকৈঃ শব্দৈর্মহানাত্মা বিভাব্যতে।
তং জানন্ব্রাহ্মণো বিদ্বান্প্রমোহং নাধিগচ্ছতি॥ 14-41-3 (93474)
সর্বতঃপাণিপাদং চ সর্বতোক্ষিশিরোমুখম্।
সর্বতঃশ্রুতিমল্লোকে সর্বং ব্যাপ্যবতিষ্ঠতি॥ 14-41-4 (93475)
মহাপ্রভাবঃ পুরুষঃ সর্বস্য হৃদি নিষ্ঠিতঃ।
অণিমা লঘিমা প্রাপ্তিরীশানো জ্যোতিরব্যযঃ॥ 14-41-5 (93476)
তত্র বুদ্ধিমতাং লোকে সদ্ভাবনিরতাশ্চ যে।
ধ্যানিনো নিত্যযোগাশ্চ সত্যসন্ধা জিতেন্দ্রিয়াঃ॥ 14-41-6 (93477)
জ্ঞানবন্তশ্চ যে কেচিদলুব্ধা জিতমন্যবঃ।
প্রসন্নমনসো ধীরা নির্মমা নিরহংক্রিয়াঃ॥ 14-41-7 (93478)
বিমুক্তাঃ সর্ব এবৈতে মহত্ৎবমুপয়ান্ত্যুত।
আত্মনো মহতো বেদ যঃ পুণ্যাং গতিমুত্তমাম্॥ 14-41-8 (93479)
অহঙ্কারাৎপ্রসূতানি মহাভূতানি পঞ্চ বৈ।
পৃথিবী বায়ুরাকাশমাপো জ্যোতিশ্চ পঞ্চমম্॥ 14-41-9 (93480)
তেষু ভূতানি যুজ্যন্তে মহাভূতেষু পঞ্চসু।
তে শব্দস্পর্শরূপেষু রসগন্ধক্রিয়াসু চ॥ 14-41-10 (93481)
মহাভূতবিনাশান্তে প্রলয়ে প্রত্যুপস্থিতে।
সর্বপ্রাণভৃতাং ধীরা মহদুৎপদ্যতে ভয়ম্॥ 14-41-11 (93482)
স ধীরঃ সর্বলোকেষু ন মোহমধিগচ্ছতি।
বিষ্ণুরেবাদিসর্গেষু স্বয়ংভূর্ভবতি প্রভুঃ॥ 14-41-12 (93483)
এবং হি যো বেদ গুহাশয়ং প্রভুং
পরং পুরাণং পুরুষং বিশ্বরূপম্।
হিরণ্ময়ং বুদ্ধিমতাং পরাং গতিং
স বুদ্ধিমান্বুদ্ধিমতীত্য তিষ্ঠতি॥ 14-41-13 (93484)
য উৎপন্নো মহান্পূর্বমহঙ্কারঃ স উচ্যতে।
অহমিত্যেব সম্ভূতো দ্বিতীয়ঃ সর্গ উচ্যতে॥ 14-41-14 (93485)
অহঙ্কারশ্চ ভূতাদির্বৈকারিক ইতি স্মৃতঃ।
তেজসশ্চেতনা ধাতুঃ প্রজাসর্গঃ প্রজাপতিঃ॥ 14-41-15 (93486)
দেবানাং প্রভবো দেবো মনসশ্চ ত্রিলোককৃৎ।
অহমিত্যেব তৎসর্বমভিমানঃ স উচ্যতে॥ 14-41-16 (93487)
অধ্যাত্মজ্ঞানতৃপ্তানাং মুনীনাং ভাবিতাত্মনাম্।
স্বাধ্যায়ক্রতুসিদ্ধানামেষ লোকঃ সনাতনঃ॥ 14-41-17 (93488)
অহঙ্কারেণাহরতো গুণানিমা-
ন্ভূতাদিরেবং সৃজতে স ভূতকৃৎ।
বৈকারিকঃ সর্বমিদং বিচেষ্টতে
স্বতেজসা রঞ্জয়তে জগত্তথা॥ ॥ 14-41-18 (93489)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একচৎবারিংশোঽধ্যায়ঃ॥ 41 ॥
আশ্বমেধিকপর্ব - অধ্যায় 042
॥ শ্রীঃ ॥
14.42. অধ্যায়ঃ 042
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষীন্প্রত্যহঙ্কারতৎবাদ্ভূতাদিসৃষ্টিপ্রকারকথনম্॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
অহঙ্কারাৎপ্রসূতানি মহাভূতানি পঞ্চ বৈ।
পৃথিবী বায়ুরাকাশমাপো জ্যোতিশ্চ পঞ্চমম্॥ 14-42-1 (93490)
তেষু ভূতানি মুহ্যন্তি মহাভূতেষু পঞ্চসু।
শব্দস্পর্শনরূপেষু রসগন্ধক্রিয়াসু চ॥ 14-42-2 (93491)
মহাভূতবিকারান্তে প্রলয়ে প্রত্যুপস্থিতে।
সর্বপ্রাণভূতাং ধীরা মহদুৎপদ্যতে ভয়ম্॥ 14-42-3 (93492)
যদ্যস্মাজ্জায়তে ভূতং তত্র তৎপ্রবিলীয়তে।
লীয়ন্তে প্রতিলোমানি জায়ন্তে চোত্তরোত্তরম্॥ 14-42-4 (93493)
ততঃ প্রলীনে সর্বস্মিন্ভূতে স্থাবরজঙ্গমে।
স্মৃতিমন্তস্তদা ধীরা ন লীয়ন্তে কদাচন॥ 14-42-5 (93494)
শব্দঃ স্পর্শস্তথা রূপং রসো গন্ধশ্চ পঞ্চমঃ।
ক্রিয়াঃ করণয়ুক্তাঃ স্যুরনিত্যা মোহসংজ্ঞিতাঃ॥ 14-42-6 (93495)
লোভপ্রজনসম্ভূতা নির্বিশেষা হ্যকিঞ্চনাঃ।
মাংসশোণিতসঙ্ঘাতা অন্যোন্যস্যোপজীবিনঃ॥ 14-42-7 (93496)
বহিরাত্মান ইত্যেতে দীনাঃ কৃপণজীবিনঃ।
প্রাণাপানাবুদানশ্চ সমানো ব্যান এব চ॥ 14-42-8 (93497)
অন্তরাত্মনি চাপ্যেতে নিয়তাঃ পঞ্চ বায়বঃ।
বাঙ্মনোবুদ্ধিরিত্যেভিঃ সার্ধমষ্টাত্মকং জগৎ॥ 14-42-9 (93498)
ৎবগ্ঘ্রাণশ্রোত্রচক্ষূংষি রসনা বাক্চ সংয়তাঃ।
বিশুদ্ধং চ মনো যস্য বুদ্ধিশ্চাব্যভিচারিণী॥ 14-42-10 (93499)
অষ্টৌ যস্যাগ্নয়ো হ্যেতে দহন্তেঽহঙ্ক্রিয়াঃ সদা।
স তদ্ব্রহ্ম শুভং যাতি তস্মাদ্ভূয়ো ন বিদ্যতে॥ 14-42-11 (93500)
একাদশ চ যান্যাহুরিন্দ্রিয়াণি বিশেষতঃ।
অহঙ্কারাৎপ্রসূতানি তানি বক্ষ্যামি নামতঃ॥ 14-42-12 (93501)
শ্রোত্রং ৎবক্ চক্ষুষী জিহ্বা নাসিকা চৈব পঞ্চমী।
পাদৌ পায়ুরুপস্থশ্চ হস্তৌ বাগ্দশমী ভবেৎ॥ 14-42-13 (93502)
ইন্দ্রিয়গ্রাম ইত্যেষ মন একাদশং ভবেৎ।
এতং গ্রামং জয়েৎপূর্বং ততো ব্রহ্ম প্রকাশতে॥ 14-42-14 (93503)
বুদ্ধীন্দ্রিয়াণি পঞ্চাহুঃ পঞ্চ কর্মেন্দ্রিয়াণি চ।
শ্রোত্রাদীন্যপি পঞ্চাহুর্বুদ্ধিয়ুক্তানি তত্ৎবতঃ॥ 14-42-15 (93504)
অবিশেষাণি চান্যানি কর্ময়ুক্তানি যানি তু।
উভয়ত্র মনো জ্ঞেয়ং বুদ্ধিস্তু দ্বাদশী ভবেৎ॥ 14-42-16 (93505)
ইত্যুক্তানীন্দ্রিয়াণ্যেতান্যেকাদশ যথাক্রমম্।
মন্যন্তে কৃতমিত্যেবং বিদিৎবা তানি পণ্ডিতাঃ॥ 14-42-17 (93506)
`ত্রীণি স্থানানি ভূতানাং চতুর্থং নোপপদ্যতে।'
স্থলমাপস্তথাঽঽকাশং জন্ম চাপি চতুর্বিধম্॥ 14-42-18 (93507)
অণ্ডজোদ্ভিজ্জসংস্বেদজরায়ুজমথাপি চ।
চতুর্ধা জন্ম ইত্যেতদ্ভূতগ্রামস্য লক্ষ্যতে॥ 14-42-19 (93508)
অপরাণ্যথ ভূতানি খেচরাণি তথৈব চ।
অণ্ডজানি বিজানীয়াৎসর্বাংশ্চৈব সরীসৃপান্॥ 14-42-20 (93509)
স্বেদজাঃ কৃময়ঃ প্রোক্তা জন্তবশ্চ যথাক্রমম্।
জন্মদ্বিতীয়মিত্যেতজ্জঘন্যতরমুচ্যতে॥ 14-42-21 (93510)
ভিত্ৎবা তু পৃথিবীং যানি জায়ন্তে কালপর্যযাৎ।
উদ্ভিজ্জানি চ তান্যাহুর্ভূতানি দ্বিজসত্তমাঃ॥ 14-42-22 (93511)
দ্বিপাদবহুপাদানি তির্যগ্গতিমতীনি চ।
জরায়ুজানি ভূতানি বিকৃতান্যপি সত্তমাঃ॥ 14-42-23 (93512)
দ্বিবিধা খলু বিজ্ঞেয়া ব্রহ্ময়োনিঃ সনাতনা।
তপঃ কর্ম চ যৎপুণ্যমিত্যেষ বিদুষাং নয়ঃ॥ 14-42-24 (93513)
বিবিধং কর্ম বিজ্ঞেয়মিজ্যা দানং চ তন্মখে।
বেদস্যাধ্যযনং পুণ্যমিতি বৃদ্ধানুশাসনম্॥ 14-42-25 (93514)
এতদ্যো বেত্তি বিধিবৎস মুক্তঃ স্যাদ্দ্বিজর্ষভাঃ।
বিমুক্তঃ সর্বপাপেভ্য ইতি চৈব নিবোধত॥ 14-42-26 (93515)
`অতঃ পরং প্রবক্ষ্যামি সর্বং বিবিধমিন্দ্রিয়ম্॥' 14-42-27 (93516)
আকাশং প্রথমং ভূতং শ্রোত্রমধ্যাত্মমুচ্যতে।
অধিভূতং তথা শব্দো দিশশ্চাত্রাধিদৈবতম্॥ 14-42-28 (93517)
দ্বিতীয়ং মারুতং ভূতং ৎবগধ্যাত্মং চ বিশ্রুতম্।
স্প্রষ্টব্যমধিভূতং তু বিদ্যুত্তত্রাধিদৈবতম্॥ 14-42-29 (93518)
তৃতীয়ং জ্যোতিরিত্যাহুশ্চক্ষুরধ্যাত্মমিষ্যতে।
অধিভূতং ততো রূপং সূর্যস্তত্রাধিদৈবতম্॥ 14-42-30 (93519)
চতুর্থমাপো বিজ্ঞেয়ং জিহ্বা চাধ্যাত্মমিষ্যতে।
অধিভূতং রসশ্চাত্র সোমস্তত্রাধিদৈবতম্॥ 14-42-31 (93520)
পৃথিবী পঞ্চমং ভূতং ঘ্রাণশ্চাধ্যাত্মমুচ্যতে।
অধিভূতং তথা গন্ধো বায়ুস্তত্রাদিদৈবতম্॥ 14-42-32 (93521)
এষু পঞ্চসু ভূতেষু চতুষ্টয়বিধিঃ স্মৃতঃ।
অতঃ পরং প্রবক্ষ্যামি সর্বং ত্রিবিধমিন্দ্রিয়ম্॥ 14-42-33 (93522)
পাদাবধ্যাত্মমিত্যাহুর্ব্রাহ্মণাস্তৎবদর্শিনঃ।
অধিভূতং তু গন্তব্যং বিষ্ণুস্তত্রাধিদৈবতম্॥ 14-42-34 (93523)
অবাগ্গতিরপানশ্চ পায়ুরধ্যাত্মমিষ্যতে।
অধিভূতং বিসর্গশ্চ মিত্রস্তত্রাধিদৈবতম্॥ 14-42-35 (93524)
প্রজনঃ সর্বভূতানামুপস্থোঽধ্যাত্মমুচ্যতে।
অধিভূতং তথা শুক্রং দৈবতং চ প্রজাপতিঃ॥ 14-42-36 (93525)
হস্তাবধ্যাত্মমিত্যাহুরদ্যাত্মবিদুষো জনাঃ।
অধিভূতং চ কর্মাণি শক্রস্তত্রাধিদৈবতম্॥ 14-42-37 (93526)
বৈশ্বদেবী মনঃপূর্বা বাগধ্যাত্মমিহোচ্যতে।
বক্তব্যমধিভূতং চ বহ্নিস্তত্রাধিদৈবতম্॥ 14-42-38 (93527)
অধ্যাত্মং মন ইত্যাহুঃ পঞ্চভূতাত্মচারকম্।
অধিভূতং চ সঙ্কল্পশ্চন্দ্রমাশ্চাধিদৈবতম্॥ 14-42-39 (93528)
অহঙ্কারস্তথাঽধ্যাত্মং সর্বসংসারকারণম্।
অভিমানোঽধিভূতং চ রুদ্রস্তত্রাধিদৈবতম্॥ 14-42-40 (93529)
অধ্যাত্মং বুদ্ধিরিত্যাহুঃ ষডিন্দ্রিয়বিচারিণী।
অধিভূতং তু বিজ্ঞেয়মহস্তত্রাধিদৈবতম্॥ 14-42-41 (93530)
যথাবদধ্যাত্মবিধিরেষ বঃ কীর্তিতো ময়া।
জ্ঞানমস্য হি ধর্মজ্ঞাঃ প্রাপ্তং জ্ঞানবতামিহ॥ 14-42-42 (93531)
ইন্দ্রিয়াণীন্দ্রিয়ার্থাশ্চ মহাভূতানি পঞ্চ চ।
সর্বাণ্যেতানি সংধায় মনসা সম্প্রধারয়েৎ॥ 14-42-43 (93532)
ক্ষীণে মনসি সর্বস্মিন্ন জন্মসুখমিষ্যতে।
জ্ঞানসম্পন্নসত্ৎবানাং তৎসুখং বিদুষাং মতম্॥ 14-42-44 (93533)
অতঃ পরং প্রবক্ষ্যামি সূক্ষ্মভাবকরীং শিবাম্।
নিবৃত্তিং সর্বভূতেষু মৃদুনা দারুণেন বা॥ 14-42-45 (93534)
গুণাগুণমনাসঙ্গমেকচর্যমনন্তরম্।
এতদ্ব্রাহ্মণজং বৃত্তমাহুরেকপদং সুখম্॥ 14-42-46 (93535)
বিদ্বান্কূর্ম ইবাঙ্গানি কামান্সংহৃত্য সর্বশঃ।
বিরজাঃ সর্বতো মুক্তো যো নরঃ স সুখী সদা॥ 14-42-47 (93536)
কামানাত্মনি সংয়ম্য ক্ষীণতৃষ্ণঃ সমাহিতঃ।
সর্বভূতসুহৃন্মৈত্রো ব্রহ্মভূয়ায় কল্পতে॥ 14-42-48 (93537)
ইন্দ্রিয়াণাং নিরোধেন সর্বেষাং বিষয়ৈষিণাম্।
মুনের্জনপদত্যাগাদধ্যাত্মাগ্নিঃ সমিধ্যতে॥ 14-42-49 (93538)
যথাঽগ্নিরিন্ধনৈরিদ্ধো মহাজ্যোতিঃ প্রকাশতে।
তথেন্দ্রিয়নিরোধেন মহানাত্মা প্রকাশতদে॥ 14-42-50 (93539)
যদা পশ্যতি ভূতানি প্রসন্নাত্মাঽত্মনো হৃদি।
স্বয়ংজ্যোতিস্তদাসূক্ষ্মাৎসূক্ষ্মং প্রাপ্নোত্যনুত্তমম্॥ 14-42-51 (93540)
অগ্নী রূপং রসং স্রোতো বায়ুঃ স্পর্শনমেব চ।
মহী গন্ধধরা ঘ্রাণমাকাশঃ শ্রবণং তথা।
`দৃশ্যমাদিত্যমেবাহুরধ্যাত্মবিদুষো জনাঃ॥' 14-42-52 (93541)
রোগশোকসমাবিষ্টং পঞ্চস্রোতঃসমাবৃতম্।
পঞ্চভূতসমায়ুক্তং নবদ্বারং দ্বিদৈবতম্॥ 14-42-53 (93542)
রজস্বলমথাদৃশ্যং ত্রিগুণং সপ্তধাতুকম্।
সংসর্গাভিরতং মূঢং শরীরমিতি ধারণা॥ 14-42-54 (93543)
দুশ্চরং জীবলোকেঽস্মিন্সৎবং প্রতি সমাশ্রিতম্।
এতদেব হি লোকেঽস্মিন্কালচক্রং প্রবর্ততে॥ 14-42-55 (93544)
এতন্মহার্ণবং ঘোরমগাধং মোহসংঝিতম্।
বিসৃজন্সংক্ষিপেচ্চৈব মোহয়ন্স্বাপয়ঞ্জগৎ॥ 14-42-56 (93545)
কামং ক্রোধং ভয়ং লোভমভিদ্রোহমথানৃতম্।
ইন্দ্রিয়াণাং নিরোধেন সতস্ত্যজতি দুস্ত্যজান্॥ 14-42-57 (93546)
যস্যৈতে নির্জিতা লোকে ত্রিগুণাঃ পঞ্চধাতবঃ।
ব্যোম্নি তস্য পরং স্থানমানন্তমথ লক্ষ্যতে॥ 14-42-58 (93547)
পঞ্চেন্দ্রিয়মহাকূলাং মনঃস্রোতোভয়াবহাম্।
নদীং মোহহ্রদাং তীর্ৎবা কামক্রোধাবুভৌ জয়েৎ॥ 14-42-59 (93548)
স সর্বদোষনির্মুক্তস্ততঃ পশ্যতি তৎপরম্।
মনো মনসি সন্ধায় পশ্যন্নাত্মানমাত্মনি॥ 14-42-60 (93549)
সর্ববিৎসর্বভূতেষু দ্রক্ষ্যত্যাত্মানমাত্মনি।
একধা বহুধা চৈব বিকুর্বাণস্ততস্ততঃ॥ 14-42-61 (93550)
ধ্রুবং পশ্যতি রূপাণি দীপাদ্দীপশতং যথা।
স বৈ বিষ্ণুশ্চ মিত্রশ্চ বরুণোঽগ্নিঃ প্রজাপতিঃ॥ 14-42-62 (93551)
স হি ধাতা বিধাতা চ স প্রভুঃ সর্বতোমুখঃ।
হৃদয়ং সর্বভূতানাং মহানাত্মা প্রকাশতে॥ 14-42-63 (93552)
তং বিপ্রসঙ্ঘাশ্চ সুরাসুরাশ্চ
যক্ষাঃ পিশাচাঃ পিতরো বয়াংসি।
রক্ষোগণা ভূতগণাশ্চ সর্বে
মহর্ষয়শ্চৈব সদা স্তুবন্তি॥ ॥ 14-42-64 (93553)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি দ্বিচৎবারিংশোঽধ্যায়ঃ॥ 42 ॥
Mahabharata - Ashvamedhika Parva - Chapter Footnotes
7-42-7 লোকপ্রজনসংয়ুক্তা ইতি ক.ট.পাঠঃ॥ 7-42-9 ইত্যুক্তা ইতি ক.পাঠঃ॥ 7-42-25 জাতস্যাধ্যযনং পুণ্যমিতি ঝ.পাঠঃ॥ 7-42-64 পিতরশ্চ সিদ্ধা ইতি ক.পাঠঃ॥আশ্বমেধিকপর্ব - অধ্যায় 043
॥ শ্রীঃ ॥
14.43. অধ্যায়ঃ 043
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষীন্প্রতি মনুষ্যেষু ক্ষত্রিয়াণাং রজোগুণকার্যবলপ্রধানতয়া তেষাং সৎবপ্রধানব্রাহ্মণরক্ষণস্য কর্তব্যৎবকথনপ্রসঙ্গেন তত্তজ্জাতিশ্রেষ্ঠবস্তুকথনম্॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
মনুষ্যাণাং তু রাজ্যঃ ক্ষত্রিয়ো মধ্যমো গুণঃ।
কুঞ্জরো বাহনানাং চ সিংহশ্চারণ্যবাসিনাম্॥ 14-43-1 (93554)
অবিঃ পশূনাং সর্বেষামহিস্তু বিলবাসিনাম্।
গবাং গোবৃষভশ্চৈব স্ত্রীণাং পুরুষ এব চ॥ 14-43-2 (93555)
ন্যগ্রোধো জম্বুবৃক্ষশ্চ পিপ্পলঃ শাল্মলিস্তথা।
শিংশপা মেষশৃঙ্গশ্চ তথা কীচকবেণবঃ॥ 14-43-3 (93556)
এতে দ্রুমাণাং রাজানো গণানাং মরুতস্তথা।
হিমবান্পারিয়াত্রশ্চ সহ্যো বিন্ধ্যস্ত্রিকূটবান্॥ 14-43-4 (93557)
শ্বেতো নীলশ্চ ভাসশ্চ রাষ্ট্রবাংশ্চৈব পর্বতঃ।
ভৃশস্কন্ধো মহেন্দ্রশ্চ মাল্যবান্পর্বতস্তথা॥ 14-43-5 (93558)
এতে পর্বতরাজানো গণানাং মরুতস্তথা।
সূর্যো গ্রহাণামধিপো নক্ষত্রাণাং চ চন্দ্রমাঃ॥ 14-43-6 (93559)
যমঃ পিতৄণামধিপঃ সরিতামথ সাগরঃ।
অংভসাং বরুণো রাজা মরুতামিন্দ্র উচ্যতে॥ 14-43-7 (93560)
অর্কোঽধিপতিরুষ্ণানাং জ্যোতিষামিন্দুরুচ্যতে।
অগ্নির্ভূতপতির্নিত্যং ব্রাহ্মণানাং বৃহস্পতিঃ॥ 14-43-8 (93561)
ওষধীনাং পতিঃ সোমো বিষ্ণুর্বলবতাং বরঃ।
ৎবষ্টাঽধিনাং পতিঃ সোমো বিষ্ণুর্বলবতাং বরঃ। 14-43-9 (93562)
দক্ষিণানাং তথা যজ্ঞো বেদানামৃচ এব চ।
দিশামুদীচী বিপ্রাণাং সোমো রাজা প্রতাপবান্॥ 14-43-10 (93563)
কুবেরঃ সর্বরত্নানাং দেবতানাং পুরংদরঃ।
এষ ভূতাধিপঃ সর্গঃ প্রজানাং চ প্রজাপতিঃ॥ 14-43-11 (93564)
সর্বেষামেব ভূতানামহং ব্রহ্মময়ো মহান্।
ভূতং পরতরং মত্তো বিষ্ণোর্বাঽপি ন বিদ্যতে॥ 14-43-12 (93565)
রাজাধিরাজঃ সর্বেষাং বিষ্ণুর্ব্রহ্মময়ো মহান্।
ঈশ্বরং তং বিজানীমঃ স বিভুঃ স প্রজাপতিঃ॥ 14-43-13 (93566)
নরকিন্নরয়ক্ষাণাং গন্ধর্বোরগরক্ষসাম্।
দেবদানবনাগানাং সর্বেষামীশ্বরো হি সঃ॥ 14-43-14 (93567)
ভগদেবানুয়াতানাং সর্বাসাং বামলোচনা।
মাহেশ্বরী মহাদেবী প্রোচ্যতে পার্বতী হি সা॥ 14-43-15 (93568)
উমাং দেবীং বিজানীধ্বং নারীণামুত্তমাং শুভাম্।
রতীনাং বসুমত্যস্তু স্ত্রীণামপ্সরসস্তথা॥ 14-43-16 (93569)
ধর্মিকামাশ্চ রাজানো ব্রাহ্মণা ধর্মসেতবঃ।
তস্মাদ্রাজা দ্বিজাতীনাং প্রয়তেতেহ রক্ষণে॥ 14-43-17 (93570)
রাজ্ঞাং হি বিষয়ে যেষামবসীদন্তি সাধবঃ।
হীনাস্তে স্বগুণৈঃ সর্বৈঃ প্রেত্যাবাঙ্মার্গগামিনঃ॥ 14-43-18 (93571)
রাজ্ঞাং হি বিষয়ে যেষাং সাধবঃ পরিরক্ষিতাঃ।
তেঽস্মিঁল্লোকে প্রমোদন্তে প্রেত্য চানন্দমেব চ॥ 14-43-19 (93572)
প্রাপ্নুবন্তি মহাত্মান ইতি বিত্ত দ্বিজর্ষভাঃ।
অত ঊর্ধ্বং প্রবক্ষ্যামি নিয়তং ধর্মলক্ষণম্॥ 14-43-20 (93573)
অহিংসালক্ষণো ধর্মো হিংসা চাধর্মলক্ষণা।
প্রকাশলক্ষণা দেবা মনুষ্যাঃ কর্মলক্ষণাঃ॥ 14-43-21 (93574)
শব্দলক্ষণমাকাশং বায়ুস্তু স্পর্শলক্ষণঃ।
জ্যোতিষাং লক্ষণং রূপমাপশ্চ রসলক্ষণাঃ॥ 14-43-22 (93575)
ধারিণী সর্বভূতানাং পৃথিবী গন্ধলক্ষণা।
স্বরব্যঞ্জনসংস্কারা ভারতী শব্দলক্ষণা॥ 14-43-23 (93576)
মনসো লক্ষণং চিন্তা তথোক্তা বুদ্ধিরন্বয়াৎ।
মনসা চিন্তিতানর্থান্বুদ্ধ্যা চেহ ব্যবস্যতি॥ 14-43-24 (93577)
বুদ্ধির্হি ব্যবসায়েন লক্ষ্যতে নাত্র সংশয়ঃ।
লক্ষণং মনসো ধ্যানমব্যক্তং সাধুলক্ষণম্॥ 14-43-25 (93578)
প্রবৃত্তিলক্ষণো যোগো জ্ঞানং সংন্যাসলক্ষণম্।
তস্মাজ্জ্ঞানং পুরস্কৃত্য সংন্যসেদিহ বুদ্ধিমান্॥ 14-43-26 (93579)
সংন্যাসী জ্ঞানসংয়ুক্তঃ প্রাপ্নোতি পরমাং গতিম্।
অতীতো দ্বন্দ্বমভ্যেতি তমোমৃত্যুজরাতিগঃ॥ 14-43-27 (93580)
ধর্মলক্ষণসংয়ুক্তমুক্তং বো বিধিবন্ময়া।
গুণানাং গ্রহণং সম্যগ্বক্ষ্যাম্যহমতঃ পরম্॥ 14-43-28 (93581)
পার্তিবো যস্তু গন্ধো বৈ ঘ্রাণেন হি স গৃহ্যতে।
প্রাণস্যশ্চ তথা বায়ুর্গন্ধজ্ঞানে বিধীয়তে॥ 14-43-29 (93582)
অপাং ধাতূ রসো নিত্যং জিহ্বয়া স তু গৃহ্যতে।
জিহ্বাস্থশ্চ তথা সোমো রসজ্ঞানে বিধীয়তে॥ 14-43-30 (93583)
তেজসস্তু গুণো রূপং চক্ষুষা তচ্চ গৃহ্যতে।
চক্ষুঃস্থশ্চ ততাদিত্যো রূপজ্ঞানে বিধীয়তে॥ 14-43-31 (93584)
বায়ব্যস্তু সদা স্পর্শস্ৎবচা প্রজ্ঞায়তে চ সঃ।
ৎবক্স্থশ্চৈব সদা বায়ুঃ স্পর্সনে স বিধীয়তে॥ 14-43-32 (93585)
আকাশস্য গুণো ঘোষঃ শ্রোত্রেণ চ স গৃহ্যতে।
শ্রোত্রস্থাশ্চ দিশঃ সর্বাঃ শব্দজ্ঞানে প্রকীর্তিতাঃ॥ 14-43-33 (93586)
মনসশ্চ গুণশ্চিন্তা প্রজ্ঞয়া স তু গৃহ্যতে।
হৃদিস্থশ্চেতনো ধাতুর্মনোজ্ঞানে বিধীয়তে॥ 14-43-34 (93587)
বুদ্ধিরধ্যবসায়েন ধ্যানেন চ মহাংস্তথা।
নিশ্চিত্য গ্রহণাদ্ব্যক্তমব্যক্তং নাত্র সংশয়ঃ॥ 14-43-35 (93588)
অলিঙ্গগ্রহণো নিত্যঃ ক্ষেত্রজ্ঞো নির্গুণাত্মকঃ।
তস্মাদলিঙ্গঃ ক্ষেত্রজ্ঞঃ কেবলং জ্ঞানলক্ষণঃ॥ 14-43-36 (93589)
অব্যক্তং ক্ষেত্রমুদ্দিষ্টং গুণানাং প্রভবাপ্যযম্।
সদা পশ্যাম্যহং লীনং বিজানামি শৃণোমি চ॥ 14-43-37 (93590)
পুরুষস্তদ্বিজানীতে তস্মাৎক্ষেত্রজ্ঞ উচ্যতে।
গুণবৃত্তং তথা কৃৎস্নং ক্ষেত্রজ্ঞঃ পরিপশ্যতি॥ 14-43-38 (93591)
আদিমদ্যাবসানং তৎসৃজ্যমানমচেতনম্।
ন গুণা বিদুরাত্মানং সৃজ্যমানাঃ পুনঃপুনঃ॥ 14-43-39 (93592)
ন সত্যং বেদ বৈ কশ্চিৎক্ষেত্রজ্ঞস্ৎবেব বিন্দতি।
গুণানাং গুণভূতানাং যৎপরং পরতো মহৎ॥ 14-43-40 (93593)
তস্মাদ্গুণাংশ্চ তৎবং চ পরিত্যজ্যেহ তৎববিৎ।
ক্ষীণদোষো গুণান্হিৎবা ক্ষেত্রজ্ঞং প্রবিশত্যথ॥ 14-43-41 (93594)
নির্দ্বন্দ্বো নির্নমস্কারো নিঃস্বধাকার এব চ।
অচলশ্চানিকেতশ্চ ক্ষেত্রজ্ঞঃ স পরো বিধিঃ॥ ॥ 14-43-42 (93595)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ত্রিচৎবারিংশোঽধ্যায়ঃ॥ 43 ॥
Mahabharata - Ashvamedhika Parva - Chapter Footnotes
7-43-2 আখুশ্চ বিলবাসিনামিতি ক.থ.পাঠঃ॥ 7-43-7 রাজাসত্ৎবানাং মিত্র উচ্যত ইতি ক.ট.থ.॥ 7-43-8 উষ্ণানাং দেবানামিন্দ্র উচ্যত ইতি ক.ট.থ.পাঠঃ॥ 7-43-15 ভগদেবাঃ কামুকাস্তৈরনুয়াতানামনুসৃতানাং স্ত্রীণাং সর্বাসাং মধ্যে মাহেশ্বরী বামলোচনেতি সম্বন্ধঃ॥ ভদ্রাদেবাভিজাতানাং সর্বেষাং বারিজেক্ষণেতি ক.ট.পাঠঃ॥ 7-43-16 রতীনাং প্রীতিসুখানাম্। বসুমত্যঃ ধনবত্যঃ। ধনলাভগর্বিতং যৎপ্রীতিসুখং তদেব মহদিত্যর্থঃ॥ 7-43-17 বর্ণক্রমাশ্চ রাজান ইতি ক.ট.থ.পাঠঃ॥ 7-43-25 লক্ষণং মহতো ধ্যানমিতি ক.পাঠঃ॥আশ্বমেধিকপর্ব - অধ্যায় 044
॥ শ্রীঃ ॥
14.44. অধ্যায়ঃ 044
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষীন্প্রতি স্বস্বজাতিষু শ্রেষ্ঠবস্তু প্রতিপাদনপূর্বকং জ্ঞানস্যাবিনাশিৎবকথনেন তস্যৈব শ্রেয়ঃসাধনৎবোক্তিঃ॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
যদাদিমধ্যপর্যন্তং গ্রহণোপায়মেব চ।
নামলক্ষণসংয়ুক্তং সর্বং বক্ষ্যামি তত্ৎবতঃ॥ 14-44-1 (93596)
অহঃ পূর্বং ততো রাত্রির্মাসাঃ শুক্লাদয়ঃ স্মৃতাঃ।
শ্রবণাদীনি ঋক্ষাণি ঋতবঃ শিশিরাদয়ঃ॥ 14-44-2 (93597)
ভূমিরাদিস্তু গন্ধানাং রসানামাপ এব চ।
রূপাণামাদিরগ্নিস্তু স্পর্শাদির্বায়ুরুচ্যতে॥ 14-44-3 (93598)
শব্দস্যাদিস্তথাঽঽকাশমেষ ভূতকৃতো গুণঃ।
অতঃ পরং প্রবক্ষ্যামি ভূতানামাদিমুত্তমম্॥ 14-44-4 (93599)
আদিত্যো জ্যোতিষামাদিরগ্নির্ভূতাদিরুচ্যতে।
সাবিত্রী সর্ববিদ্যানাং দেবতানাং প্রজাপতিঃ॥ 14-44-5 (93600)
ওঙ্কারঃ সর্ববেদানাং বচসাং প্রাণ এব চ।
যদস্মিন্নিয়তং লোকে সর্বং সাবিত্রমুচ্যতে॥ 14-44-6 (93601)
গায়ত্রী চ্ছন্দসামাদিঃ প্রজানাং সর্গ উচ্যতে।
গাবশ্চতুষ্পদামাদির্মনুষ্যাণাং দ্বিজাতয়ঃ॥ 14-44-7 (93602)
শ্যেনঃ পতত্রিণামাদির্যজ্ঞানাং হুতমুত্তমম্।
প্রসর্পিণাং তু সর্বেষাং জ্যেষ্ঠঃ সর্পো দ্বিজোত্তমাঃ॥ 14-44-8 (93603)
কৃতমাদির্যুগানাং চ সর্বেষাং নাত্র সংশয়ঃ।
হিরণ্যং সর্বরত্নানামোষধীনাং যবাস্তথা॥ 14-44-9 (93604)
সর্বেষাং ভক্ষ্যভোজ্যানামন্নং পরমমুচ্যতে।
দ্রবাণাং চৈব সর্বেষাং পেয়ানামাপ উত্তমাঃ॥ 14-44-10 (93605)
স্থাবরাণাং তু ভূতানাং সর্বেষামবিশেষতঃ।
ব্রহ্মক্ষেত্রং সদা পুণ্যং প্লক্ষঃ প্রবরজঃ স্মৃতঃ॥ 14-44-11 (93606)
অহং প্রজাপতীনাং চ সর্বেষাং নাত্র সংশয়ঃ।
মম বিষ্ণুরচিন্ত্যাত্মা স্বয়ংভূরিতি সংস্মৃতঃ॥ 14-44-12 (93607)
পর্বতানাং মহামেরুঃ সর্বেষামগ্রজঃ স্মৃতঃ।
দিশাং চ প্রদিশাং চোর্ধ্বং দিক্পূর্বা প্রথমা তথা॥ 14-44-13 (93608)
তথা ত্রিপথগা গঙ্গা নদীনামগ্রজা স্মৃতা।
তথা সরোদপাননাং সর্বেষাং সাগরোঽগ্রজঃ॥ 14-44-14 (93609)
দেবদানবভূতানাং পিশাচোরগরক্ষসাম্।
নরকিন্নরয়ক্ষাণাং সর্বেষামীশ্বরঃ প্রভুঃ॥ 14-44-15 (93610)
আদির্বিশ্বস্য জগতো বিষ্ণুর্ব্রহ্মময়ো মহান্।
ততঃ পরতরং যস্মাত্ত্রৈলোক্যে নেহ বিদ্যতে॥ 14-44-16 (93611)
আশ্রমাণাং চ সর্বেষাং গার্হস্থ্যং নাত্র সংশয়ঃ।
লোকানামাদিরব্যক্তং সর্বস্যান্তস্তদেব চ॥ 14-44-17 (93612)
অহান্যস্তময়ান্তানি উদয়ান্তা চ শর্বরী।
সুখস্যান্তং সদা দুঃখং দুঃখস্যান্তং সদা সুখম॥ 14-44-18 (93613)
সর্বে ক্ষয়ান্তা নিচয়াঃ পতনান্তাঃ সমুচ্ছ্রয়াঃ।
সংয়োগাশ্চ বিয়োগান্তা মরণান্তং চ জীবিতম্॥ 14-44-19 (93614)
সর্বং কৃতং বিনাশান্তং জাতস্য মরণং ধ্রুবম্।
অশাশ্বতং হি লোকেঽস্মিন্সদা স্থাবরজঙ্গমম্॥ 14-44-20 (93615)
ইষ্টং দত্তং তপোঽধীতং ব্রতানি নিয়মাশ্চ যে।
সর্বমেতদ্বিনাশান্তং জ্ঞানস্যান্তো ন বিদ্যতে॥ 14-44-21 (93616)
তস্মাজ্জ্ঞানেন শুদ্ধেন প্রশান্তাত্মা জিতেন্দ্রিয়ঃ।
নির্মমো নিরহংকারো মুচ্যতে সর্বপাপ্মভিঃ॥ ॥ 14-44-22 (93617)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি চতুশ্চৎবারিশোঽধ্যায়ঃ॥ 44 ॥
Mahabharata - Ashvamedhika Parva - Chapter Footnotes
7-44-2 শ্রবিষ্ঠাদীনি সর্বাণিতি ক.ট.থ.পাঠঃ॥ 7-44-3 রূপাণাং জ্যোতিরাদিত্য ইতি ঝ.পাঠঃ॥ 7-44-8 হুতং অগ্নৌ ব্রাহ্মণে বা দেবতোদ্দেশেন দত্তম্॥ 7-44-11 ব্রহ্মবৃক্ষঃ সদা পুণ্যঃ ইতি ক.থ.পাঠঃ॥ 7-44-14 সরোদপাননাং সরসাং কূপাদীনাং চ। সংধিরার্ষঃ। তথাচাশ্বো বাহনানাং সর্বেষাং সাগরোগ্রজ ইতি ক.পাঠঃ॥ 7-44-15 ঈশ্বরঃ রুদ্রঃ॥আশ্বমেধিকপর্ব - অধ্যায় 045
॥ শ্রীঃ ॥
14.45. অধ্যায়ঃ 045
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষীন্প্রতি শরীরস্য কালচক্রবৎসর্বনাশকৎবোক্তিপূর্বকং গৃহস্থধ্রমানুষ্ঠানস্য শ্রেয়ঃসাধনৎবোক্তিঃ॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
বুদ্ধিসারং মনস্তম্ভমিন্দ্রিয়গ্রামবন্ধনম্।
মহাভূতারবিষ্কম্ভং নিমেষপরিবেষ্টনম্॥ 14-45-1 (93618)
জরাশোকসমাবিষ্টং ব্যাধিব্যসনসঞ্চরম্।
দেশকালবিচারীদং শ্রমব্যায়ামনিঃস্বনম্॥ 14-45-2 (93619)
অহোরাত্রপরিক্ষেপং শীতোষ্ণপরিমণ্ডলম্।
সুখদুঃখান্তসংশ্লেষং ক্ষুৎপিপাসাবকীলকম্॥ 14-45-3 (93620)
ছায়াতপবিলেখং চ নিমেষোন্মেষবিহ্বলম্।
শোকমোহজরাকীর্ণং বর্তমানমচেতনম্॥ 14-45-4 (93621)
মাসার্ধমাসগুণিতং বিষমং লোকসঞ্চরম্।
তমোনিচয়পঙ্কং চ রজোবেগপ্রবর্তকম্॥ 14-45-5 (93622)
সত্ৎবালঙ্কারদীপ্তং চ গুণসংঘাতমণ্ডলম্।
বিরতিগ্রহণাভীকং শোকসংহারবর্তনম্॥ 14-45-6 (93623)
ক্রিয়াকারণসংয়ুক্তং রাগবিস্তারমায়তম্।
লোভেপ্সাপরিবিক্ষোভং বিবিক্তজ্ঞানসম্ভবম্॥ 14-45-7 (93624)
ভয়মোহপরীবারং ভূতসংমোহকারকম্।
আনন্দপ্রীতিচারং চ কামক্রোধপরিগ্রহম্॥ 14-45-8 (93625)
মহদাদিবিশেষান্তমব্যক্তং প্রভবাপ্যযম্।
মনোজবনমশ্রান্তং কালচক্রং প্রবর্ততে॥ 14-45-9 (93626)
এতদ্দ্বন্দ্বসমায়ুক্তং কালচক্রমচেতনম্।
বিসৃজেৎসংক্ষিপেচ্চাপি বোধয়েৎস্বাপয়েজ্জগম্॥ 14-45-10 (93627)
কালচক্রপ্রবৃত্তিং চ নিবৃত্তিং চৈব তত্ৎবতঃ।
যস্তু বেদ নরো নিত্যং ন স ভূতেষু মুহ্যতি॥ 14-45-11 (93628)
বিমুক্তঃ সর্বসঙ্ক্লেশৈঃ সর্বদ্বন্দ্বাতিগো মুনিঃ।
বিমুক্তঃ সর্বপাপেভ্যঃ প্রাপ্নোতি পরমাং গতিম্॥ 14-45-12 (93629)
গৃহস্থো ব্রহ্মচারী চ বানপ্রস্থোঽথ ভিক্ষুকঃ।
চৎবার আশ্রমাঃ প্রোক্তাঃ সর্বে গার্হস্থ্যমূলকাঃ॥ 14-45-13 (93630)
যঃ কশ্চিদিহ লোকেঽস্মিন্নাশ্রমঃ পরিকীর্তিতঃ।
তস্যান্তগমনং শ্রেয়ঃ কীর্তিরেষা সনাতনী॥ 14-45-14 (93631)
সংস্কারৈঃ সংস্কৃতঃ পূর্বং যথাবচ্চরিতব্রতঃ।
জাতৌ গুণবিশিষ্টায়াং সমাবর্তেত বেদবিৎ॥ 14-45-15 (93632)
স্বদারনিরতো নিত্যং শিষ্টাচারো জিতেন্দ্রিয়ঃ।
পঞ্চভিশ্চ মহায়জ্ঞৈঃ শ্রদ্দধানো যজেদিহ॥ 14-45-16 (93633)
দেবতাতিথিশিষ্টাশী নিরতো বেদকর্মসু।
ইজ্যাপ্রদানয়ুক্তশ্চ যথাশক্তি যথাবিধি॥ 14-45-17 (93634)
ন পাণিপাদচপলো ন নেত্রচপলো মুনিঃ।
ন চ বাগঙ্গচপল ইতি শিষ্টস্য গোচরঃ॥ 14-45-18 (93635)
নিত্যং যজ্ঞোপবীতী স্যাচ্ছুক্লবাসাঃ শুচিব্রতঃ।
নিয়তো যমদানাভ্যাং সদা শিষ্টৈশ্চ সংবিশেৎ॥ 14-45-19 (93636)
জিতশিশ্নোদরো মৈত্রঃ শিষ্টাচারসমন্বিতঃ।
বৈণবীং ধারয়েদ্যষ্টিং সোদকং চ কমণ্ডলুম্॥ 14-45-20 (93637)
`ত্রীণি ধারয়তে নিত্যং কমণ্ডলুমতন্দ্রিতঃ।
একমাচমনার্থায় একং বৈ পাদধাবনম্।
একং শৌচবিধানার্থমিত্যেতত্ত্রিতয়ং তথা॥' 14-45-21 (93638)
অধীত্যাধ্যাপনং কুর্যাত্তথা যজনয়াজনে।
দানং প্রতিগ্রহং বাঽপি ষঙ্গুণাং বৃত্তিমাচরেৎ॥ 14-45-22 (93639)
ত্রীণি কর্মাণি জানীত ব্রাহ্মণানাং তু জীবিকাঃ।
যাজনাধ্যাপনে চোভে শুদ্ধাচ্চাপি প্রতিগ্রহঃ॥ 14-45-23 (93640)
অথ শেষাণি চান্যানি ত্রীণি কর্মাণি যানি তু।
দানমধ্যযনং যজ্ঞো ধর্ময়ুক্তানি তানি তু॥ 14-45-24 (93641)
তেষ্বপ্রমাদং কুর্বীত ত্রিষু কর্মসু ধর্মবিৎ।
দান্তো মৈত্রঃ ক্ষমায়ুক্তঃ সর্বভূতসমো মুনিঃ॥ 14-45-25 (93642)
সর্বমেতদ্যথাশক্তি বিপ্রো নির্বর্তয়ঞ্শুচিঃ।
এবং যুক্তো জয়েৎস্বর্গং গৃহস্থঃ সংশিতব্রতঃ॥ ॥ 14-45-26 (93643)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি পঞ্চচৎবারিংশোঽধ্যায়ঃ॥ 45 ॥
Mahabharata - Ashvamedhika Parva - Chapter Footnotes
7-45-1 ইন্দ্রিয়গ্রামবর্ধনমিতি ক.ট.থ.পাঠঃ॥ 7-45-8 অনন্তপ্রতিসারং চেতি ট.পাঠঃ॥ 7-45-10 মোহয়েৎসামরং জগদিতি ক.ট.থ.পাঠঃ॥আশ্বমেধিকপর্ব - অধ্যায় 046
॥ শ্রীঃ ॥
14.46. অধ্যায়ঃ 046
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষীন্প্রতি ব্রহ্মচারিবনস্থধর্মনিরূপণপূর্বকং তদনুষ্ঠানস্য শ্রেয়ঃসাধনৎবোক্তিঃ॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
এবমেতেন মার্গেণ পূর্বোক্তেন যথাবিধি।
অধীতবান্যথাশক্তি তথৈব ব্রহ্মচর্যবান্॥ 14-46-1 (93644)
স্বধর্মনিরতো বিদ্বান্সর্বেন্দ্রিয়যতো মুনিঃ।
গুরোঃ প্রিয়হিতে যুক্তঃ সত্যধর্মপরঃ শুচিঃ॥ 14-46-2 (93645)
গুরুণা সমনুজ্ঞাতো ভুঞ্জীতান্নমকুৎসয়ন্।
হবিষ্যভৈক্ষ্যভুক্ চাপি স্থানাসনবিহারবান্॥ 14-46-3 (93646)
দ্বিকালমগ্নিং জুহ্বানঃ শুচির্ভূৎবা সমাহিতঃ।
ধারয়ীত সদা দণ্ডং বৈল্বং পালাশমেব বা॥ 14-46-4 (93647)
ক্ষৌমং কার্পাসিকং বাঽপি মৃগাজিনমথাপি বা।
সর্বং কাষায়রক্তং বা বাসো বাঽপি দ্বিজস্য হ॥ 14-46-5 (93648)
মেখলা চ ভবেন্মৌঞ্জী জটো নিত্যোদকস্তথা।
যজ্ঞোপবীতী স্বাধ্যায়ী অলুপ্তনিয়তব্রতঃ॥ 14-46-6 (93649)
পূতাভিশ্চ তথৈবাদ্ভিঃ সদা দৈবততর্পণম্।
ভাবেন নিয়তঃ কুর্বন্ব্রহ্মচারী প্রশস্যতে॥ 14-46-7 (93650)
এবং যুক্তো জয়েৎস্বর্গমূর্ধ্বরেতাঃ সমাহিতঃ।
ন সংসরতি জাতীষু পরমং স্থানমাশ্রিতঃ॥ 14-46-8 (93651)
সংস্কৃতঃ সর্বসংস্কারৈস্তথৈব ব্রহ্মচর্যবান্।
গ্রামান্নিষ্ক্রম্য চারণ্যে মুনিঃ প্রব্রজিতো বসেৎ॥ 14-46-9 (93652)
চর্মবল্কলসংবাসী সায়ং প্রাতরুপস্পৃশেৎ।
অরণ্যগোচরো নিত্যং ন গ্রামং প্রবিশেৎপুনঃ॥ 14-46-10 (93653)
অর্চয়ন্নতিথীন্কালে দদ্যাচ্চাপি প্রতিশ্রয়ম্।
ফলপত্রাবরৈর্মূলৈঃ শ্যামাকেন চ বর্তয়ন্॥ 14-46-11 (93654)
স নিত্যমুদকং বায়ুং সর্বং বানেয়মাশ্রয়েৎ।
প্রাশ্নীয়াদানুপূর্ব্যেণ যথাদীক্ষমতন্দ্রিতঃ॥ 14-46-12 (93655)
সমূলফলশাকাদ্যৈরর্চেদতিথিমাগতম্।
যদ্ভক্ষঃ স্যাত্ততো দদ্যাদ্ভিক্ষাং নিত্যমতন্দ্রিতঃ॥ 14-46-13 (93656)
দেবতাতিথিপূর্বং চ সদা প্রাশ্নীত বাগ্যতঃ।
অস্কন্দিতমনাশ্চৈব লঘ্বাশী দেবতাশ্রয়ঃ॥ 14-46-14 (93657)
দান্তো মৈত্রঃ ক্ষমায়ুক্তঃ কশাঞ্শমশ্রু চ ধারয়ন্।
জুহ্বন্স্বাধ্যায়শীলশ্চ সত্যধর্মপরায়ণঃ॥ 14-46-15 (93658)
ন্যস্তদেহঃ সদা দক্ষো বননিত্যঃ সমাহিতঃ।
এবং যুক্তো জয়েৎস্বর্গং বানপ্রস্থো জিতেন্দ্রিয়ঃ॥ 14-46-16 (93659)
গৃহস্থো ব্রহ্মচারী চ বানপ্রস্থোঽথবা পুনঃ।
য ইচ্ছেন্মোক্ষমাস্থাতুমুত্তমাং বৃত্তিমাশ্রয়েৎ॥ 14-46-17 (93660)
অভয়ং সর্বভূতেভ্যো দত্ৎবা নৈষ্কর্ম্যমাচরেৎ।
সর্বভূতহিতো মৈত্রঃ সর্বেন্দ্রিয়যতো মুনিঃ॥ 14-46-18 (93661)
অয়াচিতমসংক্লৃপ্তমুপপন্নং যদৃচ্ছয়া।
কৃৎবা প্রাহ্ণে চরেদ্ভৈক্ষ্যং বিধূমে ভুক্তবজ্জনে॥ 14-46-19 (93662)
বৃত্তে শরাবসম্পাতে ভৈক্ষ্যং লিপ্সেত মোক্ষবিৎ।
লাভেন চ ন হৃষ্যেত নালাভে বিমনা ভবেৎ।
ন চাতিভিক্ষাং ভিক্ষেত কেবলং প্রাণয়াত্রিকঃ॥ 14-46-20 (93663)
যাত্রার্থী কালমাকাঙ্ক্ষংশ্চরেদ্ভৈক্ষ্যং সমাহিতঃ।
লাভং সাধারণং নেচ্ছেন্ন ভুঞ্জীতাভিপূজিতঃ॥ 14-46-21 (93664)
অভিপূজিতলাভাদ্বি বিজুগুপ্সেত ভিক্ষুকঃ।
ভুক্তান্যন্নানি তিক্তানি কষায়কটুকানি চ॥ 14-46-22 (93665)
নাস্বাদয়ীত ভুঞ্জানো রসাংশ্চ মধুরাংস্তথা।
যাত্রামাত্রং চ ভুঞ্জীত কেবলং প্রাণধারণম্॥ 14-46-23 (93666)
অসংরোধেন ভূতানাং বৃত্তিং লিপ্সেত মোক্ষবিৎ।
ন চান্যমন্নং লিপ্সেত ভিক্ষমাণঃ কথঞ্চন॥ 14-46-24 (93667)
ন সন্নিকাশয়েদ্ধর্মং বিবিক্তে চারজাশ্চরেৎ।
শূন্যাগারমণ্যং বা বৃক্ষমূলং নদীং তথা॥ 14-46-25 (93668)
প্রতিশ্রয়ার্থং সেবেত পার্বতীং বা পুনর্গুহাম্।
গ্রামৈকরাত্রিকো গ্রীষ্মে বর্ষাস্বেকত্র বা বসেৎ॥ 14-46-26 (93669)
অধ্বা সূর্যেণি নির্দিষ্টঃ কীটবচ্চ চরেন্মহীম্।
দয়ার্তং চৈব ভূতানাং সমীক্ষ্য পৃথিবীং চরেৎ॥ 14-46-27 (93670)
সঞ্চয়াংশ্চ ন কুর্বীত স্নেহবাসং চ বর্জয়েৎ।
পূতাভিরদ্ভির্নিত্যং বৈ কার্যং কুর্বীত মোক্ষবিৎ॥ 14-46-28 (93671)
উপস্পৃশেদুদ্দৃতাভিরদ্ভিশ্চ পুরুষঃ সদা।
অহিংসা ব্রহ্মচর্যং চ সত্যমার্জবমেব চ॥ 14-46-29 (93672)
অক্রোধশ্চানসূয়া চ দমো নিত্যমপৈশুনম্।
অষ্টস্বেতেষু যুক্তঃ স্যাদ্ব্রতেষু নিয়তেন্দ্রিয়ঃ॥ 14-46-30 (93673)
অপাপমশঠং বৃত্তমজিহ্মং নিত্যমাচরেৎ।
জোষয়েত সদা ভোজ্যং গ্রাসমাগতমস্পৃহঃ॥ 14-46-31 (93674)
যাত্রামাত্রং চ ভুঞ্জীত কেবলং প্রাণয়াত্রিকম্।
ধর্মলব্ধমথাশ্নীয়ান্ন কামমনুবর্তয়েৎ॥ 14-46-32 (93675)
গ্রাসাদাচ্ছাদনাদন্যন্ন গৃহ্ণীয়াৎকথঞ্চন।
যাবদাহারয়েত্তাবৎপ্রতিগৃহ্ণীত নাধিকম্॥ 14-46-33 (93676)
পরেভ্যো ন প্রতিগ্রাহ্যং ন চ দেয়ং কদাচন।
দৈন্যভাবাচ্চ ভূতানাং সংবিভজ্য সদা বুধঃ॥ 14-46-34 (93677)
নাদদীত পরস্বানি ন গৃহ্ণীয়ান্ন যাচয়েৎ।
ন কিঞ্চিদ্বিষয়ং ভুক্ৎবা স্পৃহয়েত্তস্য বৈ পুনঃ॥ 14-46-35 (93678)
মৃদমাপস্তথাঽন্নানি পত্রপুষ্পফলানি চ।
অসংবৃতানি গৃহ্ণীয়াৎপ্রবৃত্তানি চ কার্যবান্॥ 14-46-36 (93679)
ন শিল্পজীবিকাং জীবেদ্দ্বিরন্নং নোত কাময়েৎ।
ন দ্বেষ্টা নোপদেষ্টা চ ভবেচ্চ নিরুপস্কৃতঃ॥ 14-46-37 (93680)
শ্রদ্ধাপূতানি ভুঞ্জীত নিমিত্তানি চ বর্জয়েৎ।
মুধাবৃত্তিরসক্তশ্চ সর্বভূতৈরসংধিতঃ॥ 14-46-38 (93681)
আশীর্যুক্তানি সর্বাণি হিংসায়ুক্তানি যানি চ।
লোকসঙ্গ্রহধর্মং চ নৈব কুর্যান্ন কারয়েৎ॥ 14-46-39 (93682)
সর্বভাবানতিক্রম্য লঘুমাত্রঃ পরিব্রজেৎ।
সমঃ সর্বেষু ভূতেষু স্থাবরেষু চরেষু চ॥ 14-46-40 (93683)
পরং নোদ্বেজয়েৎকঞ্চিন্ন চ কস্যচিদুদ্বিজেৎ।
বিশ্বাস্যঃ সর্বভূতানামগ্র্যো মোক্ষবিদুচ্যতে॥ 14-46-41 (93684)
অনাগতং চ ন ধ্যায়েন্নাতীতমনুচিন্তয়েৎ।
বর্তমানমুপেক্ষেত কালাকাঙ্ক্ষী সমাহিতঃ॥ 14-46-42 (93685)
ন চক্ষুষা ন মনসা ন বাচা দূষয়েৎক্বচিৎ।
ন প্রত্যক্ষং পরোক্ষং বা কিঞ্চিদ্দুষ্টং সমাচরেৎ॥ 14-46-43 (93686)
ইন্দ্রিয়াণ্যুপসংহৃত্য কূর্মোঽঙ্গানীব সর্বশঃ।
ক্ষীণেন্দ্রিয়মনোবুদ্ধির্নিরীহঃ সর্বতত্ৎববিৎ॥ 14-46-44 (93687)
নির্দ্বন্দ্বো নির্নমস্কারো নিঃস্বাহাকার এব চ।
নির্মমো নিরহঙ্কারো নির্যোগক্ষেম আত্মবান্॥ 14-46-45 (93688)
নিরাশীর্নির্গুণঃ শান্তো নিরাসক্তো নিরাশ্রয়ঃ।
আত্মসঙ্গী চ তত্ৎবজ্ঞো মুচ্যতে নাত্র সংশয়ঃ॥ 14-46-46 (93689)
অপাদপাণিপৃষ্ঠং তদশিরস্কমনূদরম্।
অভিন্নগুণকর্মাণং কেবলং বিমলং স্থিরম্॥ 14-46-47 (93690)
অগন্ধমরসস্পর্শমরূপাশব্দমেব চ।
অনুগম্যমনাসক্তমমাংসমপি চৈব যৎ॥ 14-46-48 (93691)
নিশঅচিন্তমব্যযং দিব্যং গৃহস্থমপি সর্বদা।
সর্বভূতস্থমাত্মানং যে পশ্যন্তি ন তে মৃতাঃ॥ 14-46-49 (93692)
ন তত্র ক্রমতে বুদ্ধির্নেন্দ্রিয়াণি ন দেবতাঃ।
বেদা যজ্ঞাশ্চ লোকাশ্চ ন তপো ন ব্রতানি চ॥ 14-46-50 (93693)
যত্র জ্ঞানবতাং প্রাপ্তিলিঙ্গগ্রহণা স্মৃতা।
তস্মাদলিঙ্গধর্মজ্ঞো ধর্মতত্ৎবমুপাচরেৎ॥ 14-46-51 (93694)
গূঢধর্মাশ্রিতো বিদ্বান্বিজ্ঞানচরিতং চরেৎ।
অমূঢো মূঢরূপেণ চরেদ্ধর্মমদূষয়ন্॥ 14-46-52 (93695)
যথৈনমবমন্যেরন্পরে সততমেব হি।
তথাবৃত্তশ্চরেচ্ছান্তঃ সতাং ধর্মানকুৎসয়ন্॥ 14-46-53 (93696)
য এবং বৃত্তসম্পন্নঃ স মুনিঃ শ্রেষ্ঠ উচ্যতে।
ইন্দ্রিয়াণীন্দ্রিয়ার্থাংশ্চ মহাভূতানি পঞ্চ চ॥ 14-46-54 (93697)
মনো বুদ্ধিরহঙ্কারমব্যক্তং পুরুষং তথা।
এতৎসর্বং প্রসঙ্খ্যায় যথাবত্তত্ৎবনিশ্চয়াৎ॥ 14-46-55 (93698)
ততঃ স্বর্গমবাপ্নোতি বিমুক্তঃ সর্ববন্ধনৈঃ।
এতাবদন্তবেলায়াং পরিসঙ্খ্যায় তত্ৎববিৎ॥ 14-46-56 (93699)
ধ্যায়েদেকান্তমাস্থায় মুচ্যতেঽথ নিরাশ্রয়ঃ।
নির্মুক্তঃ সর্বসঙ্গেভ্যো বায়ুরাকাশগো যথা॥ 14-46-57 (93700)
ক্ষীণকোশো নিরাতঙ্কস্তথেদং প্রাপ্নুয়াৎপরম্॥ ॥ 14-46-58 (93701)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ষট্চৎবারিংশোঽধ্যায়ঃ॥ 46 ॥
আশ্বমেধিকপর্ব - অধ্যায় 047
॥ শ্রীঃ ॥
14.47. অধ্যায়ঃ 047
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষীন্প্রতি সংন্যাসজ্ঞানতপসাং পরমপুরুষার্থসাধনৎবোক্তিঃ॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
সংন্যাসং তপ ইত্যাহুর্বৃদ্ধা নিশ্চিতবাদিনঃ।
ব্রাহ্মণা ব্রহ্ময়োনিস্থা জ্ঞানং ব্রহ্ম পরং বিদুঃ॥ 14-47-1 (93702)
অতিদূরাত্মকং ব্রহ্ম বেদবিদ্যাব্যপাশ্রয়ম্।
নির্দ্বন্দ্বং নির্গুণং নিত্যমচিন্ত্যগুণমুত্তমম্॥ 14-47-2 (93703)
জ্ঞানেন তপসা চৈব ধীরাঃ পশ্যন্তি তৎপরম্।
নির্ণিক্তমনসঃ পূতা ব্যুৎক্রান্তরজসোঽমলাঃ॥ 14-47-3 (93704)
তপসা ক্ষেমমধ্বানং গচ্ছন্তি পরমেশ্বরম্।
সংন্যাসনিরতা নিত্যং যে চ ব্রহ্মবিদো জনাঃ॥ 14-47-4 (93705)
তপঃ প্রদীপ ইত্যাহুরাচারো ধর্মসাধকঃ।
জ্ঞানং বৈ পরমং বিদ্যাৎসংন্যাসং তপ উত্তমম্॥ 14-47-5 (93706)
যস্তু বেদ নিরাবাধং জ্ঞানং তত্ৎববিনিশ্চয়াৎ।
সর্বভূতস্থমাত্মানং স সর্ববিদিহোচ্যতে॥ 14-47-6 (93707)
যো বিদ্বান্সহবাসং চ বিবাসং চৈব পশ্যতি।
তথৈবেকৎবনানাৎবে স দুঃখাৎপ্রতিমুচ্যতে॥ 14-47-7 (93708)
যো ন কাময়তে কিঞ্চিন্ন কিঞ্চিদবমন্যতে।
ইহ লোকস্থ এবৈষ ব্রহ্মভূয়ায় কল্পতে॥ 14-47-8 (93709)
প্রধানগুণতত্ৎবজ্ঞঃ সর্ব ভূতবিধানবিৎ।
নির্মমো নিরহঙ্কারো মুচ্যতে নাত্র সংশয়ঃ॥ 14-47-9 (93710)
নির্দ্বন্দ্বো নির্নমস্কারো নিঃস্বধাকার এব চ।
নির্গুণং নিত্যমদ্বন্দ্বং প্রশমেনৈব গচ্ছতি॥ 14-47-10 (93711)
হিৎবা গুণময়ং সর্বং কর্ম জন্তুঃ শুভাশুভম্।
উভে সত্যানৃতে হিৎবা মুচ্যতে নাত্র সংশয়ঃ॥ 14-47-11 (93712)
অব্যক্তবীজপ্রভবো বুদ্ধিস্কন্ধময়ো মহান্।
মহাহঙ্কারবিটপ ইন্দ্রিয়ান্তরকোটরঃ॥ 14-47-12 (93713)
মহাভূতবিশাখশ্চ বিশেষপ্রতিশাখবান্।
সদাপত্রঃ সদাপুষ্পঃ শুভাশুভফলোদয়ঃ॥ 14-47-13 (93714)
আজীব্যঃ সর্বভূতানাং ব্রহ্মবৃক্ষঃ সনাতনঃ।
এনং ছিত্ৎবা চ ভিত্ৎবা চ তত্ৎবজ্ঞানাসিনা বুধঃ॥ 14-47-14 (93715)
হিৎবা সঙ্গময়ান্পাশান্মৃত্যুজন্মজরোদয়ান্।
নির্মমো নিরহঙ্কারো মুচ্যতে নাত্র সংশয়ঃ॥ 14-47-15 (93716)
দ্বাবিমৌ পক্ষিণৌ নিত্যৌ সংক্ষেপৌ চাপ্যচেতনৌ।
এতাভ্যাং তু পরো যোন্যশ্চেতনাবান্স উচ্যতে॥ 14-47-16 (93717)
অচেতনঃ সৎবসঙ্খ্যাবিমুক্তঃ
সত্ৎবাৎপরং চেতয়তেঽন্তরাত্মা।
স ক্ষেত্রবিৎসর্বসঙ্খ্যাতবুদ্ধি-
র্গুণাতিগো মুচ্যতে সর্বপাপৈঃ॥ ॥ 14-47-17 (93718)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি সপ্তচৎবারিংশোঽধ্যায়ঃ॥ 47 ॥
Mahabharata - Ashvamedhika Parva - Chapter Footnotes
7-47-15 হিৎবা চামরতাং প্রাপ্য জহ্যাদ্যো মৃত্যুজন্মনীতি ক.ঠ.থ. পাঠঃ॥ 7-47-16 পক্ষিণৌ জীবেশ্বরৌ॥ 7-47-17 অচেতনস্তৎবসংঘাতয়ুক্তস্তৎবাৎপরং চেতয়তেন্তরাত্মা। স ক্ষেত্রজ্ঞস্তৎবসংঘাতবুদ্ধির্গুণাতিগো মুচ্যতে মৃত্যুপাশাদিতি ক.থ.পাঠঃ॥আশ্বমেধিকপর্ব - অধ্যায় 048
॥ শ্রীঃ ॥
14.48. অধ্যায়ঃ 048
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষীন্প্রতি যোগিনাং চাতুর্বিধ্যাদিকথনপূর্বকং মুমুক্ষুবেদ্যনানার্থকথনম্॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
কেচিদ্ব্রহ্মময়ং বৃক্ষং কেচিদ্ব্রহ্মময়ং বনম্।
কেচিৎপরমমব্যক্তং কেচিৎপরমনাময়ম্।
মন্যন্তে সর্বমপ্যেতদব্যক্তপ্রভবাব্যযম্॥ 14-48-1 (93719)
উচ্ছ্বাসমাত্রমপি চেদ্যোঽন্তকালে সমো ভবেৎ।
আত্মানমুপসঙ্ম্য সোমৃতৎবায় কল্পতে॥ 14-48-2 (93720)
নিমেষমাত্রমপি চেৎসংয়ম্যাত্মানমাত্মনি।
গচ্ছত্যাত্মপ্রসাদেন বিদুষাং প্রাপ্তিমব্যযাম্॥ 14-48-3 (93721)
প্রাণায়ামৈরথ প্রাণান্সংয়ম্য স পুনঃপুনঃ।
দশদ্বাদশভির্বাপি চতুর্বিংশাৎসমন্ততঃ॥ 14-48-4 (93722)
এবং পূর্বং প্রসন্নাত্মা লভতে যদ্যদিচ্ছতি।
অব্যক্তাৎসৎবমুদ্রিক্তমমৃতৎবায় কল্পতে॥ 14-48-5 (93723)
সৎবাৎপরতরং নান্যৎপ্রশংসন্তীহ তদ্বিদঃ।
অনুমানাদ্বিজানীমঃ পুরুষং সৎবসংশ্রয়ম্।
ন শক্যমন্যথা গন্তুং পুরুষং দ্বিজসত্তমাঃ॥ 14-48-6 (93724)
ক্ষমা ধৃতিরহিংসা চ সমতা সত্যমার্জবম্।
জ্ঞানং ত্যাগোথ সংন্যাসঃ সাৎবিকং বৃত্তমিষ্যতে॥ 14-48-7 (93725)
এতেনৈবানুমানেন মন্যন্তে বৈ মনীষিণঃ।
সৎবং চ পুরুষশ্চৈব তত্র নাস্তি বিচারণা॥ 14-48-8 (93726)
আহুরেকে চ বিদ্বাংসো যে জ্ঞানে সুপ্রতিষ্ঠিতাঃ।
ক্ষেত্রজ্ঞসৎবয়োরৈক্যমিত্যেতন্নোপপদ্যতে॥ 14-48-9 (93727)
পৃথগ্ভূতস্তথা নিত্যমিত্যেতদবিচারিতম্।
পৃথগ্ভাবশ্চ বিজ্ঞেয়ঃ সহজশ্চাপি তত্ৎবতঃ॥ 14-48-10 (93728)
তথৈবৈকৎবনানাৎবমিষ্যতে বিদুষাং নয়ঃ।
মশকোদুম্বরে চৈক্যং পৃথক্ৎবমপি দৃশ্যতে॥ 14-48-11 (93729)
মৎস্যো যথাঽন্যঃ স্যাদপ্সু সম্প্রয়োগস্তথা তয়োঃ।
সম্বন্ধস্তোয়বিন্দূনাং পর্ণৈঃ কোকনদস্য চ॥ 14-48-12 (93730)
গুরুরুবাচ। 14-48-13x (7863)
ইত্যুক্তবন্তস্তে বিপ্রাস্তদা লোকপিতামহম্।
পুনঃ সংশয়মাপন্নাঃ পপ্রচ্ছুর্মুনিসত্তমাঃ॥ ॥ 14-48-13 (93731)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি অষ্টচৎবারিংশোঽধ্যায়ঃ॥ 48 ॥
Mahabharata - Ashvamedhika Parva - Chapter Footnotes
7-48-2 ভোক্তুঃ কালেন বৈ ভবেদিতি ট.পাঠঃ॥ 7-48-13 উক্তং বিদ্যতে যেষু তে উক্তবন্তঃ উক্তমর্থং সম্যগবধৃতবন্ত ইত্যর্থঃ॥আশ্বমেধিকপর্ব - অধ্যায় 049
॥ শ্রীঃ ॥
14.49. অধ্যায়ঃ 049
অথানুগীতাপর্ব-2Mahabharata - Ashvamedhika Parva - Chapter Topics
মহর্ষিভির্ব্রহ্মণংপ্রতি ধর্মবিষয়ে নানাবিধবাদিবিপ্রতিপত্তিপ্রদর্শনপূর্বকং তৎপ্রয়ুক্তস্বীয়সংশয়নিবর্তনপ্রার্থনা॥ 1 ॥Mahabharata - Ashvamedhika Parva - Chapter Text
name="Azvamedhika-14-49-1x">ঋষয় ঊচুঃ।
কো বা স্বিদিহ ধর্মাণামনুষ্ঠেয়তমো মতঃ।
ব্যাহতামিব পশ্যামো ধর্মস্য বিবিধাং গতিম্॥ 14-49-1 (93732)
ঊর্দ্ধ্বং দেহাদ্বদন্ত্যেকে নৈতদস্তীতি চাপরে।
কেচিৎসংশয়িতং সর্বং নিঃসংশয়মথাপরে॥ 14-49-2 (93733)
অনিত্যং নিত্যমিত্যেকে নাস্ত্যস্তীত্যপি চাপরে।
ত্রিধেত্যেকে দ্বিধেত্যেকে ব্যাকীর্ণমিতি চাপরে॥ 14-49-3 (93734)
মন্যন্তে ব্রাহ্মণা এব ব্রহ্মজ্ঞাস্তত্ৎবদর্শিনঃ।
একমেকে পৃথক্চান্যে বহুৎবমিতি চাপরে॥ 14-49-4 (93735)
দেশকালাবুভৌ কেচিন্নৈতদস্তীতি চাপরে।
জটাজিনধরাশ্চান্যে মুণ্ডাঃ কেচিদসংবৃতাঃ॥ 14-49-5 (93736)
অশ্নানং কেচিদিচ্ছন্তি স্নানমপ্যপরে জনাঃ।
মন্যন্তে ব্রাহ্মণা দেবা ব্রহ্মজ্ঞাস্তত্ৎবদর্শিনঃ॥ 14-49-6 (93737)
আহারং কেচিদিচ্ছন্তি কেচিচ্চানশনে রতাঃ।
কর্ম কেচিৎপ্রশংসন্তি প্রশান্তি চাপরে জনাঃ॥ 14-49-7 (93738)
কেচিন্মোক্ষং প্রশংসন্তি কেচিদ্ভোগান্পৃথগ্বিধান্।
ধনানি কেচিদিচ্ছন্তি নির্ধনৎবমথাপরে।
উপাস্য সাধনং ৎবেকে নৈতদস্তীতি চাপরে॥ 14-49-8 (93739)
অহিংসানিরতাশ্চান্যে কেচিদ্ধিংসাপরায়ণাঃ।
পুণ্যেন যশসা চান্যে নৈতদস্তীতি চাপরে॥ 14-49-9 (93740)
সদ্ভাবনিরতাশ্চান্যে কেচিৎসংশয়িতে স্থিতাঃ।
দুঃখাদন্যে সুখাদন্যে ধ্যানমিত্যপরে জনাঃ॥ 14-49-10 (93741)
যজ্ঞ ইত্যপরে বিপ্রাঃ প্রদানমিতি চাপরে।
তপস্ৎবন্যে প্রশংসন্তি স্বাধ্যায়মপরে জনাঃ॥ 14-49-11 (93742)
জ্ঞানং সংন্যাসমিত্যেকে স্বভাবং ভূতচিন্তকাঃ।
সর্বমেকে প্রশংসন্তি ন সর্বমিতি চাপরে॥ 14-49-12 (93743)
এবং ব্যুত্থাপিতে ধর্মে বহুধা বিপ্রবোধিতে।
নিশ্চয়ং নাধিগচ্ছামঃ শ্রেয়ঃ কিমিতি সত্তম॥ 14-49-13 (93744)
ইদং শ্রেয় ইদং শ্রেয় ইত্যেবং ব্যুস্থিতো জনঃ।
যো হি যস্মিন্রতো ধর্ম স তং পূজয়তে সদা॥ 14-49-14 (93745)
তেন নোঽবিহিতা প্রজ্ঞা মনশ্চ বহুলীকৃতম্।
এতদাখ্যাতমিচ্ছামঃ শ্রেয়ঃ কিমিতি সত্তম॥ 14-49-15 (93746)
অতঃ পরং তু যদ্গুহ্যং তদ্ভবান্বক্তুমর্হতি।
সৎবক্ষেত্রজ্ঞয়োশ্চাপি সম্বন্ধঃ কেন হেতুনা॥ 14-49-16 (93747)
এবমুক্তঃ স তৈর্বিপ্রৈর্ভগবাঁল্লোকভাবনঃ।
তেভ্যঃ শশংস ধর্মাত্মা যাথাতথ্যেন বুদ্ধিমান্॥ ॥ 14-49-17 (93748)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একোনপঞ্চশোঽধ্যায়ঃ॥ 49 ॥
Mahabharata - Ashvamedhika Parva - Chapter Footnotes
7-49-1 ন কর্মণেতি কুর্বন্নেবেহ কর্মাণীত্যুভয়বিধশ্রুতিদর্শনান্মুহ্যামহে ইতি ভাবঃ॥ 7-49-2 ঊর্ধ্বং দেহাৎ দেহনাশাদূর্ধ্বমপি আত্মাস্তীত্যেকে বদন্তীতি সম্বন্ধঃ। নৈতদিতি লোকায়তাঃ। সর্বং সংশয়িতমিতি স্যাদ্বাদিনঃ সপ্তভঙ্গীনয়জ্ঞাঃ। নিঃসংশয়মিতি প্রাতিস্বিকং সর্বং তৈর্তিকাঃ॥ 7-49-3 অনিত্যং সর্বং সৃষ্টিপ্রলয়যুক্তমিতি তার্কিকাদয়ঃ। নিত্যং প্রবাহনিত্যমিতি মীমাংসকাঃ। নাস্তীতি শূন্যবাদিনঃ। অস্তি পরংতু ক্ষণিকমিতি সৌগতাঃ॥ 7-49-6 অস্নানং নৈষ্ঠিকব্রহ্মচর্যম্। স্নানং গার্হস্থ্যম্॥ 7-49-8 সাধনং ধ্যানাদিকমুপাস্য কৃৎবাপি নৈতদস্তীতি পশ্চাৎসর্বমপবদন্তি॥ 7-49-9 পুণ্যেন পুণ্যার্থমেব যতেতেত্যন্যে। এতৎপুণ্যং নাস্ত্যেবেত্যন্যে লোকায়তাঃ॥ 7-49-10 সংশয়িতে কৃতমস্তি নবেতি সংদিগ্ধে পথি। দুঃখাৎ দুঃখনিবৃত্ত্যর্থং সুখাৎসুখপ্রাপ্ত্যর্থং ধ্যানং কর্তব্যম্। নিষ্কামমেবেত্যপরে॥ 7-49-11 সত্যমেকে প্রশংসন্তি অসত্যমিতি চাপরে ইতি থ.পাঠঃ॥ 7-49-12 জ্ঞানং সংন্যাসং সংন্যাসৈকপ্রাপ্যম্। ভূতচিন্তকাঃ বস্তুতত্ৎববিচারকাঃ। স্বভাবং সাধনপৌষ্কল্যম্। সাধনপৌষ্কল্যস্বাভাব্যাদেব জ্ঞানমুৎপদ্যতে আশ্রমান্তরেপি ন সংন্যাসমাত্রেণেত্যাহুঃ॥ 7-49-15 অবিহিতা অশিক্ষিতা। আখ্যাতং ৎবয়েতি শেষঃ॥আশ্বমেধিকপর্ব - অধ্যায় 050
॥ শ্রীঃ ॥
14.50. অধ্যায়ঃ 050
অথানুগীতাপর্ব-2Mahabharata - Ashvamedhika Parva - Chapter Topics
ব্রহ্মণা মহর্ষিন্প্রতি ধর্মপ্রদর্শনপূর্বকং তদনুষ্ঠানসহকৃতজ্ঞানস্যৈব দৃষ্টান্তপ্রদর্শনেন পরমপুরুষার্থসাধনৎবোক্তিঃ॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
হন্ত বঃ সম্প্রক্ষ্যামি যন্মাং পৃচ্ছথ সত্তমাঃ।
গুরুণা শিষ্যমাসাদ্য যদুক্তং তন্নিবোধত॥ 14-50-1 (93749)
সমস্তমিহ তচ্ছ্রুৎবা সম্যগেবাবধার্যতাম্।
অহিংসা সর্বভূতানামেতৎকৃত্যতমং মতম্॥ 14-50-2 (93750)
এতৎপদমনুদ্বিগ্নং বরিষ্ঠং ধর্মলক্ষণম্।
জ্ঞানং নিঃশ্রেয় ইত্যাহুর্বৃদ্ধা নিশ্চিতদর্শিনঃ।
তস্মাজ্জ্ঞানেন শুদ্ধেন মুচ্যতে সর্বকিল্বিষৈঃ॥ 14-50-3 (93751)
হিংসাপরাশ্চ যে কেচিদ্যে চ নাস্তিকবৃত্তয়ঃ।
লোভমোহসমায়ুক্তাস্তে বৈ নিরয়গামিনঃ॥ 14-50-4 (93752)
আশীর্যুক্তানি কর্মাণি কুর্বতে যে ৎবতন্দ্রিতাঃ।
তেঽস্মিন্লোকে প্রমোদন্তে জায়মানাঃ পুনঃ পুনঃ॥ 14-50-5 (93753)
কুর্বতে যে তু কর্মাণি শ্রদ্ধধানা বিপশ্চিতঃ।
অনাশীর্যোগসংয়ুক্তাস্তে ধীরাঃ সাধুদর্শিনঃ॥ 14-50-6 (93754)
অতঃ পরং প্রবক্ষ্যামি সৎবক্ষেত্রজ্ঞয়োর্যথা।
সংয়োগো বিপ্রয়োগশ্চ তন্নিবোধত সত্তমাঃ॥ 14-50-7 (93755)
বিষয়ো বিষয়িৎবং চ সম্বন্ধোঽয়মিহোচ্যতে।
বিষয়ী পুরুষো নিত্যং সৎবং চ বিষয়ঃ স্মৃতঃ॥ 14-50-8 (93756)
ব্যাখ্যাতং পূর্বকল্পেনি মশকোদুম্বরং যথা।
ভুজ্যমানং ন জানীতে নিত্যং সৎবমচেতনম্।
যস্ৎবেবং তং বিজানীতে যো ভুঙ্ক্তে যশ্চ ভুজ্যতে॥ 14-50-9 (93757)
অনিত্যং দ্বন্দ্বসংয়ুক্তং সৎবমাহুর্মনীষিণঃ।
নির্দ্বন্দ্বো নিষ্কলো নিত্যঃ ক্ষেত্রজ্ঞো নির্গুণাত্মকঃ॥ 14-50-10 (93758)
সমঃ সংজ্ঞানুগশ্চৈব স সর্বত্র ব্যবস্থিতঃ।
ন সজ্জতে সদা সৎবমাপঃ পুষ্করপর্ণবৎ॥ 14-50-11 (93759)
সর্বৈরপি গুণৈর্বিদ্বান্ব্যতিষক্তো ন লিপ্যতে।
জলবিন্দুর্যথা লোলঃ পদ্মিনীপত্রসংস্থিতঃ॥ 14-50-12 (93760)
এবমেবাপ্যসংয়ুক্তঃ পুরুষঃ স্যান্ন সংশয়ঃ।
দ্রব্যমাত্রমভূৎসৎবং পুরুষস্যেতি নিশ্চয়ঃ॥ 14-50-13 (93761)
যথা দ্রব্যং চ কর্তা চ সংয়োগোঽপ্যনয়োস্তথা।
যথা প্রদীপমাদায় কশ্চিত্তমসি গচ্ছতি।
তথা সত্ৎবপ্রদীপেন গচ্ছন্তি পরমর্ষয়ঃ॥ 14-50-14 (93762)
যাবদ্দ্রব্যং গুণস্তাবৎপ্রদীপঃ সম্প্রকাশতে।
ক্ষীণে দ্রব্যে গুণে জ্যোতিরন্তর্ধানায় গচ্ছতি॥ 14-50-15 (93763)
ব্যক্তঃ সৎবগুণস্ৎবেবং পুরুষো দ্রব্যমুচ্যতে।
এতদ্বিপ্রা বিজানীত হন্ত ভূয়ো ব্রবীমি বঃ॥ 14-50-16 (93764)
সহস্রেণাপি দুর্মেধা ন বুদ্ধিমধিগচ্ছতি।
চতুর্থেনাপ্যথাংশেন বুদ্ধিমান্সুখমেধতে॥ 14-50-17 (93765)
এবং ধর্মস্য বিজ্ঞেয়ং সংসাধনমুপায়তঃ।
উপায়জ্ঞো হি মেধাবী সুখমত্যন্তমশ্নুতে॥ 14-50-18 (93766)
যথাঽধ্বানমপাথেয়ঃ প্রপন্নো মনুজঃ ক্বচিৎ।
ক্লেশেন যাতি মহতা বিনশ্যত্যন্তরাঽপি চ॥ 14-50-19 (93767)
তথা কর্মসু বিজ্ঞেয়ং ফলং ভবতি বা ন বা।
পুরুষস্যাত্মনিঃশ্রেয়ঃ শুভাশুভনিদর্শনম্॥ 14-50-20 (93768)
যথা চ দীর্ঘমধ্বানং পদ্ম্যামেব প্রপদ্যতে।
অদৃষ্টপূর্বং সহসা তত্ৎবদর্শনবর্জিতঃ॥ 14-50-21 (93769)
তমেব চ যথাঽধ্বানং রথেনেহাশুগামিনা।
গচ্ছত্যশ্বপ্রয়ুক্তেন তথা বুদ্ধিমতাং গতিঃ॥ 14-50-22 (93770)
ঊর্ধ্বং পর্বতমারুহ্য নান্ববেক্ষেত ভূতলম্।
রথেন রথিনং পশ্যেৎক্লিশ্যমানমচেতনম্॥ 14-50-23 (93771)
যাবদ্রথপথস্তাবদ্রথেন স তু গচ্ছতি।
ক্ষীণে রথপদে বিদ্বান্রথমুৎসৃজ্য গচ্ছতি॥ 14-50-24 (93772)
এবং গচ্ছতি মেধাবী তত্ৎবয়োগবিধানবিৎ।
পরিজ্ঞায় গুণজ্ঞশ্চ উত্তরাদুত্তরোত্তরম্॥ 14-50-25 (93773)
যথাঽর্ণবং মহাঘোরমপ্লবঃ সম্প্রগাহতে।
বাহুভ্যামেব সম্মোহাদ্বধং বাঞ্ছত্যসংশয়ম্॥ 14-50-26 (93774)
নাবা চাপি যথা প্রাজ্ঞো বিভাগজ্ঞঃ স্বরিত্রয়া।
অশ্রান্তঃ সলিলং গহাচ্ছীধ্রং সংতরতে হ্রদম্॥ 14-50-27 (93775)
তীর্ণো গচ্ছেৎপরং পারং নাবমুৎসৃজ্য নির্মমঃ।
ব্যাখ্যাতং পূর্বকল্পেন যথা রথপদাতিনোঃ॥ 14-50-28 (93776)
স্নেহাৎসম্মোহমাপন্নো নাবি দাশো যথা তথা।
মমৎবেনাভিভূতঃ সংস্তত্রৈব পরিবর্ততে॥ 14-50-29 (93777)
নাবং ন শক্যমারুহ্য স্থলে বিপরিবর্তিতুম্।
তথৈব রথমারুহ্য নাপ্সু চর্যা বিধীয়তে॥ 14-50-30 (93778)
এবং কর্ম কৃতং বিত্ত বিষয়স্থং পৃথক্পৃথক্।
যথা কর্ম কৃতং লোকে তথা তদুপপদ্যতে॥ 14-50-31 (93779)
যন্নৈব গন্ধি নো রস্যং ন রূপস্পর্সশব্দবৎ।
মন্যতে ন মনো বুদ্ধ্যা তৎপ্রধানং প্রচক্ষতে॥ 14-50-32 (93780)
তত্র প্রধানমব্যক্তমব্যক্তস্য গুণো মহান্।
মহপ্রধানভূতস্য গুণোঽহঙ্কার এব চ॥ 14-50-33 (93781)
অহঙ্কারাত্তু সম্ভূতো মহাভূতকৃতো গুণঃ।
পৃথক্ৎবেন হি ভূতানাং বিষয়া বৈ গুণাঃস্মৃতাঃ॥ 14-50-34 (93782)
বীজধর্মং যথাঽব্যক্তং তথৈব প্রসবাত্মকম্।
বীজধর্মা মহানাত্মা প্রসবশ্চেতি নঃ শ্রুতম্॥ 14-50-35 (93783)
বীজধর্মাৎসাহঙ্কারাৎপ্রসবশ্চ পুনঃপুনঃ।
বীজপ্রসবধর্মাণি মহাভূতানি পঞ্চ বৈ॥ 14-50-36 (93784)
বীজধর্মিণ ইত্যাহুঃ প্রসবং চ প্রকুর্বতে।
বিশেষাঃ পঞ্চভূতানাং তেষাং বিত্ত বিশেষণম্॥ 14-50-37 (93785)
তত্রৈকগুণমাকাশং দ্বিগুণো বায়ুরুচ্যতে।
ত্রিগুণং জ্যোতিরিত্যাহুরাপশ্চাপি চতুর্গুণাঃ॥ 14-50-38 (93786)
পৃথ্বী পঞ্চগুণা জ্ঞেয়া চরস্থাবরসঙ্কুলা।
সর্বভূতকরী দেবী শুভাশুভনিদর্শিনী॥ 14-50-39 (93787)
শব্দঃ স্পর্শস্তথা রূপং রসো গন্ধশ্চ পঞ্চমঃ।
এতে পঞ্চগুণা ভূমের্বিজ্ঞেয়া দ্বিজসত্তমাঃ॥ 14-50-40 (93788)
পার্থিবশ্চ সদা গন্ধো গন্ধশ্চ বহুধা স্মৃতঃ।
তস্য গন্ধস্য বক্ষ্যামি বিস্তরেণ বহূন্গুণান্॥ 14-50-41 (93789)
ইষ্টশ্চানিষ্টগন্ধশ্চ মধুরোঽম্লঃ কটুস্তথা।
নির্হারী সংহতঃ স্নিগ্ধো রূক্ষো বিশদ এব চ॥ 14-50-42 (93790)
এবং দশবিধো জ্ঞেয়ঃ পার্থিবো গন্ধ ইত্যুত।
শব্দঃ স্পর্শস্তথা রূপং দ্রবশ্চাপাং গুণাঃ স্মৃতাঃ॥ 14-50-43 (93791)
রসজ্ঞানং তু বক্ষ্যামি রসস্তু বহুধা স্মৃতঃ।
মধুরোঽম্লঃ কটুস্তিক্তঃ কষায়ো লবণস্তথা॥ 14-50-44 (93792)
এবং ষড্বিধবিস্তারো রসো বারিময়ঃ স্মৃতঃ।
শব্দঃ স্পর্শস্তথা রূপং ত্রিগুণং জ্যোতিরুচ্যতে॥ 14-50-45 (93793)
জ্যোতিষশ্চ গুণো রূপং রূপং চ বহুধা স্মৃতম্।
শুক্লং কৃষ্ণং তথা রক্তং নীলং পীতারুণং তথা॥ 14-50-46 (93794)
হ্রস্বং দীর্ঘং কৃশং স্থূলং চতুরশ্রাণুবৃত্তকম্।
এবং দ্বাদশবিস্তারং তেজসো রূপমুচ্যতে॥ 14-50-47 (93795)
বিজ্ঞেয়ং ব্রাহ্মণৈর্বৃদ্ধৈর্ধর্মজ্ঞৈঃ সত্যবাদিভিঃ।
শব্দস্পর্শৌ চ বিজ্ঞেয়ৌ দ্বিগুণো বায়ুরুচ্যতে॥ 14-50-48 (93796)
বায়োশ্চাপি গুণঃ স্পর্শঃ স্পর্সশ্চ বহুধা স্মৃতঃ।
উষ্ণঃ শীতঃ সুখো দুঃখঃ স্নিগ্ধো বিশদ এব চ॥ 14-50-49 (93797)
কঠিনশ্চিক্বণঃ শ্লক্ষ্ণঃ পিচ্ছিলো দারুণো মৃদুঃ।
এবং দ্বাদশবিস্তারো বায়ব্যো গুণ উচ্যতে॥ 14-50-50 (93798)
বিধিবদ্ব্রাহ্মণৈঃ সিদ্ধৈর্মন্ত্রজ্ঞৈস্তত্ৎবদার্শিভিঃ॥ 14-50-51 (93799)
তত্রৈকগুণমাকাশং শব্দ ইত্যেব চ স্মৃতঃ।
তস্য শব্দস্যি বক্ষ্যামি বিস্তরেণ বহূন্গুণান্॥ 14-50-52 (93800)
ষড্জর্ষভঃ সগান্ধারো মধ্যমঃ পঞ্চমস্তথা।
অতঃ পরং তু বিজ্ঞেয়ো নিষাদো ধৈবতস্তথা।
ইষ্টশ্চানিষ্টশব্দশ্চ সংহতঃ প্রতিভানবান্॥ 14-50-53 (93801)
এবং বহুবিধো জ্ঞেয়ঃ শব্দ আকাশসম্ভবঃ।
আকাশমুত্তমং ভূতমহঙ্কারস্ততঃ পরঃ॥ 14-50-54 (93802)
অহঙ্কারাৎপরা বুদ্ধির্বুদ্ধেরাত্মা ততঃ পরঃ।
তস্মাত্তু পরমব্যক্তমব্যক্তাৎপুরুষঃ পরঃ॥ 14-50-55 (93803)
পরাবরজ্ঞো ভূতানাং বিধিজ্ঞঃ সর্বকর্মণাম্।
সর্বভূতাত্মভূতাত্মা যং প্রাপ্যানন্ত্যমশ্নুতে॥ ॥ 14-50-56 (93804)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি পঞ্চাশোঽধ্যায়ঃ॥ 50 ॥
আশ্বমেধিকপর্ব - অধ্যায় 051
॥ শ্রীঃ ॥
14.51. অধ্যায়ঃ 051
অথানুগীতাপর্ব-2Mahabharata - Ashvamedhika Parva - Chapter Topics
কৃষ্ণেনার্জুনংপ্রতি মুক্ত্যুপায়প্রতিপাদকগুরুশিষ্যসংবাদানুবাদসমাপনপূর্বকং স্বস্য নিজনগরজিগমিষানিবেদনম্॥ 1 ॥Mahabharata - Ashvamedhika Parva - Chapter Text
ব্রহ্মোবাচ।
ভূতানামথ পঞ্চানামথেষামীশ্বরং মনঃ।
নিয়মে চ বিসর্গে চ ভূতানাং মন এব চ॥ 14-51-1 (93805)
অধিষ্ঠাতৃমনো নিত্যং ভূতানাং মহতাং তথা।
বুদ্ধিরৈশ্বর্যমাচষ্টে ক্ষেত্রজ্ঞশ্চ স উচ্যতে॥ 14-51-2 (93806)
ইনদ্রিয়াণি মনো যুঙ্ক্তে সদশ্বানিব সারথিঃ।
ইন্দ্রিয়াণি মনো বুদ্ধিঃ ক্ষেত্রজ্ঞে যুজ্যতে সদা॥ 14-51-3 (93807)
মহদশ্বসমায়ুক্তং বুদ্ধিসংয়মনং রথম্।
সমারুহ্য স ভূতাত্মা সমন্তাৎপরিধাবতি॥ 14-51-4 (93808)
ইন্দ্রিয়গ্রামসংয়ুক্তো মনঃসারথিরেব চ।
বুদ্ধিসংয়মনো নিত্যং মহান্ব্রহ্মময়ো রথঃ॥ 14-51-5 (93809)
এবং যো বেত্তি বিদ্বান্বৈ সদা ব্রহ্মময়ং রথম্।
স ধীরঃ সর্বলোকেষু ন মোহমধিগচ্ছতি॥ 14-51-6 (93810)
অব্যক্তাদিবিশেষান্তং সহস্থাবরজঙ্গমম্॥
সূর্যচন্দ্রপ্রভালোকং গ্রহনক্ষত্রমণ্ডিতম্॥ 14-51-7 (93811)
নদীপর্বতজালৈশ্চ সর্বতঃ পরিভূষিতম্।
বিবিধাভিস্তথা চাদ্ভিঃ সততং সমলংকৃতম্॥ 14-51-8 (93812)
অজিতং সর্বভূতানাং সর্বপ্রাণভৃতাং গতিঃ।
এতদ্ব্রহ্মবনং নিত্যং তস্মিংশ্চরতি ক্ষেত্রবিৎ॥ 14-51-9 (93813)
লোকেঽস্মিন্যানি সৎবানি ত্রসানি স্থাবরাণি চ।
তান্যেবাগ্রে প্রলীয়ন্তে পশ্চাদ্ভূতকৃতা গুণাঃ।
গুণেভ্যঃ পঞ্চ ভূতানি এষ ভূতসমুচ্ছ্রয়ঃ॥ 14-51-10 (93814)
দেবা মনুষ্যা গন্ধর্বাঃ পিশাচাসুররাক্ষসাঃ।
সর্বে স্বভাবতঃ সৃষ্টা ন ক্রিয়াভ্যো ন কারণাৎ॥ 14-51-11 (93815)
এতে বিশ্বসৃজো বিপ্রা জায়ন্তীহ পুনঃ পুনঃ।
তেভ্যঃ প্রসূতাস্তেষ্বেব মহাভূতেষু পঞ্চসু।
প্রলীয়ন্তে যথাকালমূর্ময়ঃ সাগরে যথা॥ 14-51-12 (93816)
বিশ্বসৃগ্ভ্যস্তু ভূতেভ্যো মহাভূতাস্তু সর্বশঃ।
ভূতেব্যশ্চাপি পঞ্চভ্যো ভুক্তো গচ্ছেৎপরাং গতিম্॥ 14-51-13 (93817)
প্রজাপতিরিদং সর্বং মনসৈবাসৃজৎপ্রভুঃ।
তথৈব দেবানৃষয়স্তপসা প্রতিপেদিরে॥ 14-51-14 (93818)
তপসশ্চানুপূর্ব্যেণ ফলমূলাশিনস্তথা।
ত্রৈলোক্যং তপসা সিদ্ধাঃ পশ্যন্তীহ সমাহিতাঃ॥ 14-51-15 (93819)
ঔষধান্যগদাদীনি নানাবিদ্যাশ্চ সর্বশঃ।
তপসৈব প্রসিদ্ধ্যন্তি তপোমূলং হি সাধনম্॥ 14-51-16 (93820)
যদ্দুরাপং দুরাম্নায়ং দুরাধর্ষং দুরন্বয়ম্।
তৎসর্বং তপসা সাধ্যং তপো হি দুরতিক্রমম্॥ 14-51-17 (93821)
সুরাপো ব্রহ্মহা স্তেনো ভ্রূণহাগুরুতল্পগঃ।
তপসৈব সুতপ্তেন মুচ্যতে কিল্বিষাত্ততঃ॥ 14-51-18 (93822)
মনুষ্যাঃ পিতরো দেবাঃ পশবো মৃগপক্ষিণঃ।
যানি চান্যানি ভূতানি চরাণি স্থাবরাণি চ॥ 14-51-19 (93823)
তপঃপরায়ণা নিত্যং সিদ্ধ্যন্তে তপসা সদা।
তথৈব তপসা দেবা মহাভাগা দিবং গতাঃ॥ 14-51-20 (93824)
আশীর্যুক্তানি কর্মাণি কুর্বতে যে ৎবতন্দ্রিতাঃ।
অহঙ্কারসমায়ুক্তাস্তে সকাশে প্রজাপতেঃ॥ 14-51-21 (93825)
ধ্যানয়োগেন শুদ্বেন নির্মমা নিরহংকৃতাঃ।
আপ্নুবন্তি মহাত্মানো মহান্তং লোকমুত্তমম্॥ 14-51-22 (93826)
ধ্যানয়োগমুপাগম্য প্রসন্নমতয়ঃ সদা।
সুখোপচয়মব্যক্তং প্রবিশন্ত্যাত্মবিত্তমাঃ॥ 14-51-23 (93827)
ধ্যানয়োগাদুপাগম্য নির্মমা নিরহংকৃতাঃ।
অব্যক্তং প্রবিশন্তীহ মহতাং লোকমুত্তমম্॥ 14-51-24 (93828)
অব্যক্তাদেব সম্ভূতাঃ সময়জ্ঞা গতাঃ পুনঃ।
তমোরজোভ্যাং নির্মুক্তাঃ সৎবমাস্থায় কেবলম্॥ 14-51-25 (93829)
নির্মুক্তঃ সর্বপাপেভ্যঃ সর্বং ত্যজতি নিষ্কলঃ।
ক্ষেত্রজ্ঞ ইতি তং বিদ্যাদ্যস্তং বেদ স বেদবিৎ॥ 14-51-26 (93830)
চিত্তং চিত্তাদুপাগম্য মুনিরাসীত সংয়তঃ।
যচ্চিত্তস্তন্মনা ভূৎবা গ্রাহ্যমেতৎসনাতনম্॥ 14-51-27 (93831)
অব্যক্তাদিবিশেষান্তমবিদ্যালক্ষণং স্মৃতম্।
নিবোধত তথা জ্ঞানং গুণৈর্লক্ষণমিত্যুত॥ 14-51-28 (93832)
দ্ব্যক্ষরস্তু ভবেন্মৃত্যুস্ত্র্যক্ষরং ব্রহ্ম শাশ্বতম্।
মমেতি চ ভবেন্মৃত্যুর্ন মমেতি চ শাশ্বতম্॥ 14-51-29 (93833)
কর্ম কেচিৎপ্রশংসন্তি মন্দবুদ্ধিতয়া নরাঃ।
যে তু বৃদ্ধা মহাত্মানো ন প্রশংসন্তি কর্ম তে॥ 14-51-30 (93834)
কর্মণা জায়তে জন্তুর্মূর্তিমান্ষোডশাত্মকঃ।
পুরুষং গ্রসতে বিদ্যা তদ্গ্রাহ্যমমৃতাশিনম্॥ 14-51-31 (93835)
তস্মাৎকর্মসু নিঃস্নেহা যে কেচিৎপারদর্শিনঃ।
বিদ্যাময়োঽয়ং পুরুষো ন তু কর্মময়ঃ স্মৃতঃ॥ 14-51-32 (93836)
য এবমমৃতং নিত্যমগ্রাহ্যং শশ্বদক্ষরম্॥
বশ্যাত্মানমসংশ্লিষ্টং যো বেদ ন মৃতো ভবেৎ॥ 14-51-33 (93837)
অপূর্বমকৃতং নিত্যং য এনমবিচারিণম্।
য এবং বিন্দেদাত্মানমগ্রাহ্যমমৃতাশনম্।
অগ্রাহ্যো হ্যমৃতো ভবতি স এভিঃ কারণৈর্ধ্রুবঃ॥ 14-51-34 (93838)
আয়োজ্য সর্বসংস্কারান্সংয়ম্যাত্মানমাত্মনি।
স তদ্ব্রহ্ম শুভং বেত্তি যস্মাদ্ভূয়ো ন বিদ্যতে॥ 14-51-35 (93839)
প্রসাদে চৈব সৎবস্য প্রসাদং সমবাপ্নুয়াৎ।
লক্ষণং হি প্রসাদস্য যথা স্যাৎস্বপ্নদর্শনম্॥ 14-51-36 (93840)
গতিরেষা তু মুক্তানাং যে জ্ঞানপরিনিষ্ঠিতাঃ।
প্রবৃত্তয়শ্চ যাঃ সর্বাঃ পশ্যন্তি পরিণামজাঃ॥ 14-51-37 (93841)
এষা গতির্বিরক্তানামেষ ধর্মঃ সনাতনঃ।
এষা জ্ঞানবতাং প্রাপ্তিরেতদ্বৃত্তমনিন্দিতম্॥ 14-51-38 (93842)
সমেন সর্বভূতেষু নিস্পৃহেণ নিরাশিষা।
শক্যা গতিরিয়ং গন্তুং সর্বত্র সমদর্শিনা॥ 14-51-39 (93843)
এতদ্বঃ সর্বমাখ্যাতং ময়া বিপ্রর্ষিসত্তমাঃ।
এবমাচরত ক্ষিপ্রং ততঃ সিদ্ধিমবাপ্স্যথ॥ 14-51-40 (93844)
গুরুরুবাচ। 14-51-41x (7864)
ইত্যুক্তাস্তে তু মুনয়ো গুরুণা ব্রহ্মণা তথা।
কৃতবন্তো মহাত্মানস্ততো লোকমবাপ্নুবন্॥ 14-51-41 (93845)
ৎবমপ্যেতন্মহাভাগ ময়োক্তং ব্রহ্মণো বচঃ।
সম্যগাচর শুদ্ধাৎভংস্ততঃ সিদ্ধিমবাপ্স্যসি॥ 14-51-42 (93846)
বাসুদেব উবাচ। 14-51-43x (7865)
ইত্যুক্তঃ স তদা শিষ্যো গুরুণা ধর্মমুত্তমম্।
চকার সর্বং কৌন্তেয় ততো মোক্ষমবাপ্তবান্॥ 14-51-43 (93847)
কৃতকৃত্যশ্চ স তদা শিষ্যঃ কুরুকুলোদ্বহ।
তৎপদং সমনুপ্রাপ্তো যত্র গৎবা ন শোচতি॥ 14-51-44 (93848)
অর্জুন উবাচ। 14-51-45x (7866)
কো ন্বসৌ ব্রাহ্মণঃ কৃষ্ণ কশ্চ শিষ্যো জনার্দন।
শ্রোতব্যং চেন্ময়ৈতদ্বৈ তত্ৎবমাচক্ষ্ব মে বিভো॥ 14-51-45 (93849)
বাসুদেব উবাচ। 14-51-46x (7867)
অহং গুরুর্মহাবাহো মনঃ শিষ্য চ বিদ্ধি মে।
ৎবৎপ্রীত্যা গুহ্যমেতচ্চ কথিতং তে ধনংজয়॥ 14-51-46 (93850)
ময়ি চেদস্তি তে প্রীতির্নিত্যং কুরুকুলোদ্বহ।
অধ্যাত্মমেতচ্ছ্রুৎবা ৎবং সম্যগাচর সুব্রত॥ 14-51-47 (93851)
ততস্ৎবং সম্যগাচীর্ণো ধর্মেঽস্মিন্নরিকর্শন।
সর্বপাপবিনির্মুক্তো মোক্ষং প্রাপ্স্যসি কেবলম্॥ 14-51-48 (93852)
পূর্বমপ্যেতদেবোক্তং যুদ্ধকাল উপস্থিতে।
ময়া তব মহাবাহো তস্মাদত্র মনঃ কুরু॥ 14-51-49 (93853)
ময়া তু ভরতশ্রেষ্ঠ চিরদৃষ্টঃ পিতা প্রভুঃ।
তমহং দ্রষ্টমিচ্ছামি সম্মতে তব ফল্গুন॥ 14-51-50 (93854)
বৈশম্পায়ন উবাচ। 14-51-51x (7868)
ইত্যুক্তবচনং কৃষ্ণং প্রত্যুবাচ ধনংজয়ঃ।
`যদিষ্টং কুরু সর্বেষামীশ্বরোঽস্মান্প্রপালয়॥ 14-51-51 (93855)
নমস্তে সর্বলোকাত্মন্নারায়ণ পরাৎপর।
মনোমলাত্তপোশক্যং কর্ম চাবিদ্যযা হতম্।
দানমপ্যর্থদোষেণি নাম তস্মাৎকলৌ স্মরেৎ॥ 14-51-52 (93856)
যদি গন্তুং কৃতা বুদ্ধির্বাসুদেব নমোস্তু তে।'
গচ্ছাবো নগরং কৃষ্ণ গজসাহ্বয়মদ্য বৈ॥ 14-51-53 (93857)
সমেত্য তত্রি রাজানং ধর্মাত্মানং যুধিষ্ঠিরম্।
সমনুজ্ঞাপ্য রাজানং স্বাং পুরীং যাতুমর্হসি॥ ॥ 14-51-54 (93858)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একপঞ্চাশোঽধ্যায়ঃ॥ 51 ॥
Mahabharata - Ashvamedhika Parva - Chapter Footnotes
7-51-13 মহাভূতানি গচ্ছতীতি ক.ট.থ.পাঠঃ॥ 7-51-31 বিমমো যঃ স পুরুষ ইতি ক.পাঠঃ॥ 7-51-35 অপোহ্য সর্বান্সংকল্পান্সংয়তাত্মানমাত্মনীতি থ.পাঠঃ॥আশ্বমেধিকপর্ব - অধ্যায় 052
॥ শ্রীঃ ॥
14.52. অধ্যায়ঃ 052
Mahabharata - Ashvamedhika Parva - Chapter Topics
অনুগীতোপদেশানন্তরং কৃষ্ণার্জুনাভ্যাং হাস্তিনপুরংপ্রতি প্রস্থানম্॥ 1 ॥ তত্র মধ্যেমার্গমর্জুনেন কৃষ্ণংপ্রতি স্তুতিপূর্বকং ব্যাসনারদাদিভ্যঃ স্বস্য কৃষ্ণয়াথাত্ম্যাবগতিনিবেদনম্॥ 2 ॥ ততঃ কৃষ্ণেন সহার্জুনেন হাস্তিনপুরমেত্য ধৃতরাষ্ট্রাদিভ্যঃ পাদাভিবাদনম্॥ 3 ॥ ততো যুধিষ্ঠিরাদ্যনুমত্যা সুভদ্রামানীয় সহসাত্যকিনা দ্বারকাংপ্রতি প্রস্থানম্॥ 4 ॥Mahabharata - Ashvamedhika Parva - Chapter Text
বৈশম্পায়ন উবাচ।
ততোঽভ্যনোদয়ৎকৃষ্ণো যুজ্যতামিতি দারুকম্।
মুহূর্তাদিব চাচষ্ট যুক্তমিত্যেব দারুকঃ॥ 14-52-1 (93859)
তথৈব চানুয়াত্রাণি চোদয়ামাস পাণ্ডবঃ।
সন্নহ্যধ্বং প্রয়াস্যামো নগর গজসাহ্বয়ম্॥ 14-52-2 (93860)
ইত্যুক্তাঃ সৈনিকাস্তে তু সজ্জীভূতা বিশাম্পতে।
আচখ্যুঃ সজ্জমিত্যেবং পার্থায়ামিততেজসে॥ 14-52-3 (93861)
ততস্তৌ রথমাস্থায় প্রয়াতৌ কৃষ্ণপাণ্ডবৌ।
বিকুর্বাণৌ কতাশ্চিত্রাঃ প্রীয়মাণৌ বিশাম্পতে॥ 14-52-4 (93862)
রথস্থং তু মহাতেজা বাসুদেবং ধনঞ্জয়ঃ।
পুনরেবাব্রবীদ্বাক্যমিদং ভরতসত্তম॥ 14-52-5 (93863)
ৎবৎপ্রসাদাজ্জ্যঃ প্রাপ্তো রাজ্ঞা বৃষ্ণিকুলোদ্বহ।
নিহতাঃ শত্রবশ্চাপি প্রাপ্তং রাজ্যমকণ্টকম্॥ 14-52-6 (93864)
নাথবন্তশ্চ ভবতা পাণ্ডবা মধুসূদন।
ভবন্তং প্লবমাসাদ্য তীর্ণাঃ স্ম কুরুসাগরম্।
`ভক্তাংস্ৎবমাশ্রিতানস্মান্পালয়ামুত্র চেহ চ।' 14-52-7 (93865)
বিশ্বকর্মন্নমস্তেঽস্তু বিশ্বাত্মন্বিশ্বসত্তম।
তথা ৎবামভিজানামি তথা চাহং ভবান্মতঃ॥ 14-52-8 (93866)
ৎবত্তেজঃসম্ভবো নিত্যং হুতাশো মধুসূদন।
রতিঃ ক্রীডাময়ী তুভ্যং মায়া তে রোদসী বিভো॥ 14-52-9 (93867)
ৎবয়ি সর্বমিদং বিশ্বং যদিদং স্থাণু জঙ্গমম্।
ৎবং হি সর্বং বিকুরুষে ভূতগ্রামং চতুর্বিধম্॥ 14-52-10 (93868)
পৃথিবীং চান্তরিক্ষং চ তথা স্থাবরজঙ্গমম্।
হসিংতং তেঽমলা জ্যোৎস্না ঋতবশ্চেন্দ্রিয়াণি তে॥ 14-52-11 (93869)
প্রাণো বায়ুঃ সততগঃ ক্রোধো মৃত্যুঃ সনাতনঃ।
প্রসাদে চাপি পদ্মা শ্রীর্নিত্যং ৎবয়ি মহামতে॥ 14-52-12 (93870)
রতিস্তুষ্টির্ধৃতিঃ ক্ষান্তির্মতিঃ কান্তিশ্চরাচরম্।
ৎবমেবেহ যুগান্তেষু নিধনং প্রোচ্যসেঽনধ॥ 14-52-13 (93871)
সুদীর্ঘেণাপি কালেন ন তে শক্যা গুণা ময়া।
আত্মা চ পরমো বক্তুং নমস্তে নলিনেক্ষণ॥ 14-52-14 (93872)
বিদিতো মে সুদুর্ধর্ষ নারদাদ্দেবলাত্তথা।
কৃষ্ণদ্বৈপায়নাচ্চেব তথা কুরুপিতামহাৎ॥ 14-52-15 (93873)
ৎবয়ি সর্বং সমাসক্তং ৎবমেবৈকো জনেশ্বরঃ।
যচ্চানুগ্রহসংয়ুক্তমেতদুক্তং ৎবয়াঽনঘ॥ 14-52-16 (93874)
এতৎসর্বমহং সম্যগাচরিষ্যে জনার্দন।
ইদং চাদ্ভুতমত্যন্তং কৃতমস্মৎপ্রিয়েপ্সয়া॥ 14-52-17 (93875)
যৎপাপো নিহতঃ সঙ্খ্যে কৌরব্যো ধৃতরাষ্ট্রজঃ।
ৎবয়া দগ্ধং হি তৎসৈন্যং ময়া বিজিতমাহবে॥ 14-52-18 (93876)
ভবতা তৎকৃতং কর্ম যেনাবাপ্তো জয়ো ময়া।
দুর্যোধনস্য সঙ্গ্রামে তব বুদ্ধিপরাক্রমৈঃ॥ 14-52-19 (93877)
কর্ণস্য চ বধোপায়ো যথাবৎসম্প্রদর্শিতঃ।
সৈন্ধবস্য চ পাপস্য ভূরিশ্রবস এব চ॥ 14-52-20 (93878)
`তস্মাত্ৎবমেব সঞ্চিন্ত্য হিতং কুরু যথা তথা।'
অহং চ প্রীয়মাণেন ৎবয়া দেবকিনন্দন।
যদুক্তস্তৎকরিষ্যামি ন হি মেঽত্র বিচারণা॥ 14-52-21 (93879)
রাজানং চ সমাসাদ্য ধর্মাত্মানং যুধিষ্ঠিরম্।
চোদয়িষ্যামি ধর্মজ্ঞ গমনার্থং তবানঘ॥ 14-52-22 (93880)
আহৃতং হি মমৈতত্তে দ্বারকাগমনং প্রভো।
অচিরাদেব দ্রষ্টা ৎবং মাতুলং মে জনার্দন।
বলদেবং চ দুর্ধর্ষং তথাঽন্যান্বৃষ্ণিপুঙ্গবান্॥ 14-52-23 (93881)
এবং সম্ভাষমাণৌ তৌ প্রাপ্তৌ বারণসাহ্বয়ম্।
তথা বিবিশতুশ্চোভৌ সম্প্রহৃষ্টনরাকুলম্॥ 14-52-24 (93882)
তৌ গৎবা ধৃতরাষ্ট্রস্য গৃহং শক্রগৃহোপমম্। 14-52-25 (93883)
দদৃশাতে মহারাজ ধৃতরাষ্ট্রং জনেশ্বরম্॥ 14-52-25 (93884)
বিদুরং চ মহাবুদ্ধিং রাজানং চ যুধিষ্ঠিরম্।
ভীমসেনং চ দুর্ধর্ষং মাদ্রীপুত্রৌ চ পাণ্ডবৌ॥ 14-52-26 (93885)
ধৃতরাষ্ট্রমুপাসীনং যুয়ুৎসুং চাপরাজিতম্।
গান্ধারীং চ মহাপ্রজ্ঞাং পৃথা কৃষ্ণাং চ ভামিনীম্॥ 14-52-27 (93886)
সুভদ্রাদ্যাশ্চ তাঃ সর্বা ভরতানাং স্ত্রিয়স্তথা।
দদৃশাতে স্ত্রিয়ঃ সর্বা গান্ধারীপরিচারিকাঃ॥ 14-52-28 (93887)
ততঃ সমেত্য রাজানং ধৃতরাষ্ট্রমরিংদমৌ।
নিবেদ্য নামধেয়ে স্বে তস্য পাদাবগৃহ্ণতাম্॥ 14-52-29 (93888)
গান্ধার্যাশ্চ পৃথায়াশ্চ ধর্মরাজস্য চৈব হি।
ভীমস্য চ মহাত্মানৌ তথা পাদাবগৃহ্ণতাম্॥ 14-52-30 (93889)
ক্ষত্তারং চাপি সঙ্গৃহ্য পৃষ্ট্বা কুশলমব্যযম্।
`পরিষ্বজ্য মহাত্মানং বেশ্যাপুত্রং মহারথম্।'
তৈঃ সার্ধং নৃপতিং বৃদ্ধং ততস্তৌ পর্যুপাসতাম্॥ 14-52-31 (93890)
ততো নিশি মহারাজো ধৃতরাষ্ট্রঃ কুরূদ্বহান্।
জনার্দনং চ মেধাবী ব্যসর্জয়ত বৈ গৃহান্॥ 14-52-32 (93891)
তেঽনুজ্ঞাতা নৃপতিনা যয়ুঃ স্বং স্বং নিবেশনম্।
ধনংজয়গৃহানেব যয়ৌ কৃষ্ণস্তু বীর্যবান্॥ 14-52-33 (93892)
তত্রার্চিতো যথান্যায়ং সর্বকামৈরুপস্থিতঃ।
কৃষ্ণঃ সুষ্বাপ মেধাবী ধনংজয়সহায়বান্॥ 14-52-34 (93893)
প্রভাতায়াং তু শর্বর্যাং কৃৎবা পৌর্বাহ্ণিকীং ক্রিয়াম্।
ধর্মরাজস্য ভনং জগ্মতুঃ পরমার্চিতৌ।
যত্রাস্তে স সহামাত্যো ধর্মরাজো মহাবলঃ॥ 14-52-35 (93894)
তৌ প্রবিশ্য মহাত্মানৌ তদ্গৃহং পরমার্চিতম্।
ধর্মরাজং দদৃশতুর্দেবরাজমিবাশ্বিনৌ॥ 14-52-36 (93895)
সমাসাদ্য তু রাজানং বার্ষ্ণেয়কুরুপুঙ্গবৌ।
নিষীদতুরনুজ্ঞাতৌ প্রীয়মাণেন তেন তৌ॥ 14-52-37 (93896)
ততঃ স রাজা মেধাবী বিবক্ষূ প্রেক্ষ্য তাবুভৌ।
প্রোবাচ বদতাং শ্রেষ্ঠো বচনং রাজসত্তমঃ॥ 14-52-38 (93897)
বিবক্ষূ হি যুবাং মন্যে বীরৌ যদুকুরূদ্বহৌ।
ব্রূতং কর্তাস্মি সর্বং বাং নচিরান্মা বিচার্যতাম্॥ 14-52-39 (93898)
ইত্যুক্তঃ ফল্গুনস্তত্র ধর্মরাজানমব্রবীৎ।
বিনীতবদুপাগম্য বাক্যং বাক্যবিশারদঃ॥ 14-52-40 (93899)
অয়ং চিরোষিতো রাজন্বাসুদেবঃ প্রতাপবান্।
ভবন্তং সমনুজ্ঞাপ্য পিতরং দ্রষ্টুমিচ্ছতি॥ 14-52-41 (93900)
স গচ্ছেদভ্যনুজ্ঞাতো ভবতা যদি মন্যসে।
আনর্তনগরীং বীরস্তদনুজ্ঞাতুমর্হসি॥ 14-52-42 (93901)
যুধিষ্ঠির উবাচ। 14-52-43x (7869)
পুণ্ডরীকাক্ষ ভদ্রং তে গচ্ছ ৎবং মদুসূদন।
পুরীং দ্বারবতীমদ্য দ্রষ্টুং শূরসুতং প্রভো॥ 14-52-43 (93902)
রোচতে মে মহাবাহো গমনং তব কেশব।
মাতুলশ্চিরদৃষ্টো মে ৎবয়া দেবী চ দেবকী॥ 14-52-44 (93903)
সমেত্যি মাতুলং গৎবা বলদেবং চ মানদ।
পূজয়েথা মহাপ্রাজ্ঞ মদ্বাক্যেন যথাঽর্হতঃ॥ 14-52-45 (93904)
স্মরেথাশ্চাপি মাং নিত্যং ভীমং চ বলিনাং বরম্।
ফাল্গুনং সহদেবং চ নকুলং চৈব মানদ॥ 14-52-46 (93905)
আনর্তানবলোক্য ৎবং পিতরং চ মহাভুজঃ।
বৃষ্ণীংশ্চ পুনরাগচ্ছের্হয়মেধে মমানঘ॥ 14-52-47 (93906)
স গচ্ছ রত্নান্যাদায় বিবিধানি বসূনি চ।
যচ্চপ্যন্যন্মনোজ্ঞং তে তদপ্যাদৎস্ব সাৎবত॥ 14-52-48 (93907)
ইয়ং চ বসুধা কৃৎস্না প্রসাদাত্তব কেশব।
অস্মানুপাগতা বীর নিহতাশ্চাপি শত্রবঃ॥ 14-52-49 (93908)
স্বর্গাপবর্গবিষয়ং ৎবদ্ভক্তানাং ন দুর্লভম্।
সংসারগহনে চেদ্ধপাপাগ্নিপ্রশমাম্বুদ॥' 14-52-50 (93909)
এবং ব্রুবতি কৌরব্যে ধর্মরাজে যুধিষ্ঠিরে।
বাসুদেবো বরঃ পুংসামিদং বচনমব্রবীৎ॥ 14-52-51 (93910)
তবৈব রত্নানি ধনং চ কেবলং
ধরা তু কৃৎস্না তু মহাভুজাদ্য বৈ।
যদস্তি চান্যদ্দ্রবিণং গৃহে মম
ৎবমেব তস্যেশ্বর নিত্যমীশ্বরঃ॥ 14-52-52 (93911)
তথেত্যথোক্তঃ প্রতিপূজিতস্তদা
গদাগ্রজো ধর্মসুতেন বীর্যবান্।
পিতৃষ্বসারং ৎববদদ্যথাবিধি
সম্পূজিতশ্চাপ্যগমৎপ্রদক্ষিণম্॥ 14-52-53 (93912)
তয়া স সম্যক্ প্রতিনন্দিতস্তত-
স্তথৈব সর্বৈর্বিদুরাদিভিস্তথা।
বিনির্যযৌ নাগপুরাদ্গদাগ্রজো
রথেন দিব্যেন চতুর্ভুজঃ স্বয়ম্॥ 14-52-54 (93913)
রথে সুভদ্রামধিরোপ্য ভামিনীং
যুধিষ্ঠিরস্যানুমতে জনার্দনঃ।
পিতৃষ্বসুশ্চাপি তথা মহাভুজো
বিনির্যযৌ পৌরজনাভিসংবৃতঃ॥ 14-52-55 (93914)
তমন্বয়াদ্বানরবর্যকেতনঃ
সসাত্যকির্মাদ্রবতীসুতাবপি।
অগাধবুদ্ধির্বিদুরশ্চ মাধবং
স্বয়ং চ ভীমো গজরাজবিক্রমঃ॥ 14-52-56 (93915)
নিবর্তয়িৎবা কুরুরাষ্ট্রবর্ধনাং-
স্ততঃ স সর্বান্বিদুরং চ বীর্যবান্।
জনার্দনো দারুকমাহ সৎবরঃ
প্রচোদয়াশ্বানিতি সাত্যকিং তথা॥ 14-52-57 (93916)
ততো যয়ৌ শত্রুগণপ্রমর্দনঃ
শিনিপ্রবীরানুগতো জনার্দনঃ।
যথা নিহত্যারিগণং শতকতু-
র্দিবং তথাঽঽনর্তপুরীং প্রতাপবান্॥ ॥ 14-52-58 (93917)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি দ্বিপঞ্চসোঽধ্যায়ঃ॥ 52 ॥
আশ্বমেধিকপর্ব - অধ্যায় 053
॥ শ্রীঃ ॥
14.53. অধ্যায়ঃ 053
Mahabharata - Ashvamedhika Parva - Chapter Topics
কুরুপুরাদ্দ্বারকাং গচ্ছতা কৃষ্ণেন মধ্যেমার্গং দৃষ্টেনোদঙ্কেন সহ সংবাদঃ॥1 ॥ তথা কৌরবাদিবিনাশে স্বোপেক্ষ্যায়া হেতুৎবধিয়া স্বংপ্রতি শাপদানোদ্যতোদঙ্কপরিসান্ৎবনায় তংপ্রতি তৎবকথনোপক্রমঃ॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
তথা প্রয়ান্তং বার্ষ্ণেয়ং দ্বারকাং ভরতর্ষভাঃ।
পরিষ্বজ্য ন্যবর্তন্ত সানুয়াত্রাঃ পরংতপাঃ॥ 14-53-1 (93918)
পুনঃপুনশ্চ বার্ষ্ণেয়ং পর্যষ্বজত ফল্গুনঃ।
আচক্ষুর্বিষয়াচ্চৈনং স দদর্শ পুনঃপুনঃ॥ 14-53-2 (93919)
কৃচ্ছ্রেণৈব তু তাং পার্তো গোবিন্দে বিনিবেশিতাম্।
সংজহার ততো দৃষ্টিং কৃষ্ণশ্চাপ্যপরাজিতঃ॥ 14-53-3 (93920)
তস্য প্রয়াণে যান্যাসন্নিমিত্তানি মহাত্মনঃ।
বহূন্যদ্ভুতরূপাণি তানি মে গদতঃ শৃণু॥ 14-53-4 (93921)
বায়ুর্বেগেন মহতা রথস্য পুরতো ববৌ।
কুর্বন্নিঃশর্করং মার্গং বিরজস্কমকণ্টকম্॥ 14-53-5 (93922)
ববর্ষ বাসবশ্চৈব তোয়ং শুচি সুগন্ধি চ।
দিব্যানি চৈব পুষ্পাণি পুরতঃ শাঙ্গধন্বনঃ॥ 14-53-6 (93923)
স প্রয়াতো মহাবাহুঃ সমেষু মরুধন্বসু।
দদর্শাথ মুনিশ্রেষ্ঠমুদঙ্কমমিতৌজসম্॥ 14-53-7 (93924)
`মহর্ষিং সিদ্ধতপসং সর্বলোকান্তবিশ্রুতম্।'
স তং সম্পূজ্য তেজস্বী মুনিং পৃথুললোচনঃ।
পূজিতস্তেন চ তদা পর্যপৃচ্ছদনাময়ম্॥ 14-53-8 (93925)
স পৃষ্টঃ কুশলং তেন সম্পূজ্য মধুসূদনম্।
উদঙ্কো ব্রাহ্মণশ্রেষ্ঠস্ততঃ পপ্রচ্ছ মাধবম্॥ 14-53-9 (93926)
কচ্চিচ্ছৌরে ৎবয়া গৎবা কুরুপাণ্ডবসদ্ম তৎ।
কৃতং সৌভ্রাত্রমচলং তন্মে ব্যাখ্যাতুমর্হসি॥ 14-53-10 (93927)
অপি সন্ধায় তান্বীরানুপাবৃত্তোসি কেশব।
সম্বন্দিনঃক স্বদয়িতান্সততং বৃষ্ণিপুঙ্গব॥ 14-53-11 (93928)
কচ্চিৎপাণ্ডুসুতাঃ পঞ্চ ধৃতরাষ্ট্রস্য চাত্মজাঃ।
লোকেষু বিহরিষ্যন্তি ৎবয়া সহ পরংতপ॥ 14-53-12 (93929)
স্বরাষ্ট্রে তে চ রাজানঃ কচ্চিৎপ্রাপ্স্যন্তি বৈ সুখম্।
কৌরবেষু প্রশান্তেষু ৎবয়া নাথেন কেশব॥ 14-53-13 (93930)
যা মে সম্ভাবনা তাত ৎবয়ি নিত্যমবর্তত।
অপি সা সফলা তাত কৃতা তে ভরতান্প্রতি॥ 14-53-14 (93931)
শ্রীভগবানুবাচ। 14-53-15x (7870)
কৃতো যত্নো ময়া পূর্বং সৌশাম্যে কৌরবান্প্রতি।
নাশক্যন্ত যদা সাম্যে তে স্থাপয়িতুমঞ্জসা। 14-53-15 (93932)
ন দিষ্টমপ্যতিক্রান্তুং শক্যং বুদ্ধ্যা বলেন বা।
মহর্ষে বিদিতং ভূয়ঃ সর্বমেতত্তবানঘ॥ 14-53-16 (93933)
তেঽত্যক্রামন্মতিং মহ্যং ভীষ্মস্য বিদুরস্য চ।
ততো যমক্ষয়ং জগ্মুঃ সমাসাদ্যেতরেতরম্॥ 14-53-17 (93934)
পঞ্চৈব পাণ্ডবাঃ শিষ্টা ইতমিত্রা হতাত্মজাঃ।
ধার্তরাষ্ট্রাশ্চ নিহতাঃ সর্বে সসুতবান্ধবাঃ॥ 14-53-18 (93935)
ইত্যুক্তবচনে কৃষ্ণে ভৃশং ক্রোধসমন্বিতঃ।
উদঙ্ক ইত্যুবাচৈনং রোষাদুৎফুল্ললোচনঃ॥ 14-53-19 (93936)
যস্মাচ্ছক্তেন তে কৃষ্ণ ন ত্রাতাঃ কুরুপুঙ্গবাঃ।
সম্বন্ধিনঃ প্রিয়াস্তস্মাচ্ছপ্স্যেঽহং ৎবামসংশয়ম্॥ 14-53-20 (93937)
ন চ তে প্রসভং যস্মাত্তে নিগৃহ্য নিবারিতাঃ।
তস্মান্মন্যুপরীতস্ৎবাং শপ্স্যামি মধুসূদন॥ 14-53-21 (93938)
ৎবয়া শক্তেন হি সতা মিথ্যাচারেণি মাধব।
তে পরীতাঃ কুরুশ্রেষ্ঠা নশ্যন্তঃ স্ম হ্যুপেক্ষিতাঃ॥ 14-53-22 (93939)
বাসুদেব উবাচ। 14-53-23x (7871)
শৃণু মে বিস্তরেণেদং যদ্বক্ষ্যে ভৃগুনন্দন।
গৃহাণানুনয়ং চাপি তপস্বী হ্যসি ভার্গবম্॥ 14-53-23 (93940)
শ্রুৎবা চ মে তদধ্যাত্মং মুঞ্চেথাঃ শাপমদ্য বৈ।
ন চ মাং তপসাঽল্পেন শক্তোঽভিভবিতুং পুমান্॥ 14-53-24 (93941)
ন চ তে তপসো নাশমিচ্ছামি তপতাং বর।
তপস্তে সুমহদ্দীপ্তং গুরবশ্চাপি তোষিতাঃ॥ 14-53-25 (93942)
কৌমারং ব্রহ্মচর্যং তে জানামি দ্বিজসত্তম।
দুঃখার্জিতস্য তপসস্তস্মান্নেচ্চামি তেঽব্যযম্॥ ॥ 14-53-26 (93943)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ত্রিপঞ্চাশোঽধ্যায়ঃ॥ 53 ॥
Mahabharata - Ashvamedhika Parva - Chapter Footnotes
7-53-15 সৌশাম্যে সৌরস্যে॥ 7-53-22 পরীতাঃ পরিতঃ প্রাপ্তাঃ॥ 7-53-23 অনুনয়ং শিক্ষাম্॥ 7-53-24 মে মত্তঃ॥আশ্বমেধিকপর্ব - অধ্যায় 054
॥ শ্রীঃ ॥
14.54. অধ্যায়ঃ 054
Mahabharata - Ashvamedhika Parva - Chapter Topics
কৃষ্ণেনোদঙ্কংপ্রতি স্বমাহাত্ম্যপ্রকাশনপূর্বকং কুরূণাং স্ববচনাতিক্রমণাদিরূপস্বাপরাধেনৈব নিধনোক্তিঃ॥ 1 ॥Mahabharata - Ashvamedhika Parva - Chapter Text
উদঙ্ক উবাচ।
ব্রূহি কেশব তত্ৎবেন ৎবমধ্যাত্মমনিন্দিতম্।
শ্রুৎবা শ্রেয়োঽভিধাস্যামি শাপং বা তে জনার্দন॥ 14-54-1 (93944)
বাসুদেব উবাচ। 14-54-2x (7872)
তমো রজশ্চ সৎবং চ বিদ্ধি ভাবান্মদাশ্রয়ান্।
`স্থিতিসৃষ্টিলয়াধ্যক্ষো বিষ্ণুব্রহ্মেশসংজ্ঞিতঃ॥ 14-54-2 (93945)
কদাচিত্তমসা রুদ্রো বিষ্ণুঃ সত্ৎবগুণে স্থিতঃ।
রজস্যপি তথা ব্রহ্মা স্বগুণান্যগুণানুভৌ॥ 14-54-3 (93946)
প্রণবাত্মা চ শব্দাদীংস্ত্রিগুণাত্মা চরাচরম্।'
তথা রুদ্রান্বসূন্বাঽপি বিদ্ধি মৎপ্রভবান্দ্বিজ॥ 14-54-4 (93947)
ময়ি সর্বাণি ভূতানি সর্বভূতেষু চাপ্যহম্।
স্থিত ইত্যভিজানীহি মা তে ভূদত্র সংশয়ঃ॥ 14-54-5 (93948)
তথা দৈত্যগণান্সর্বান্যক্ষগন্ধর্বরাক্ষসান্।
নাগানপ্সরসশ্চৈব বিদ্ধি মৎপ্রভবান্দ্বিজ॥ 14-54-6 (93949)
সদসচ্চৈব যৎপ্রাহুরব্যক্তং ব্যক্তমেব চ।
অক্ষরং চ ক্ষরং চৈব সর্বমেতন্মদাত্মকম্॥ 14-54-7 (93950)
যে চাশ্রমেষু বৈ ধর্মাশ্চতুর্ষু বিহিতা মুনে।
বৈদিকানি চ কর্মাণি বিদ্ধি সর্বং মদাত্মকম্॥ 14-54-8 (93951)
অসচ্চ সচ্চৈব চ যদ্বিশ্বং সদসতঃ পরম্।
ততঃ পরতরং নাস্তি দেবদেবাৎসনাতনাৎ॥ 14-54-9 (93952)
ওংকারপ্রভবান্বেদান্বিদ্ধি মাং ৎবং ভৃগূদ্বহ।
যূপং সোমং চরুং হোমং ত্রিদশাপ্যায়নং মখে॥ 14-54-10 (93953)
হোতারমপি হব্যং চ বিদ্ধিং মাং ভৃগুনন্দন।
অধ্বর্যুঃ কল্পকৃচ্চাপি হবিঃ পরমসংস্কৃতম্॥ 14-54-11 (93954)
উদ্গাতা চাপি মাং স্তৌতি গীতঘোষৈর্মহাধ্বরে।
প্রায়শ্চিত্তেষু মাং ব্রহ্মঞ্শান্তিমঙ্গলবাচকাঃ॥ 14-54-12 (93955)
স্তুবন্তি বিশ্বকর্মাণং সততং দ্বিজসত্তম।
মম বিদ্ধি সুতং ধর্মমগ্রজং দ্বিজসত্তম॥ 14-54-13 (93956)
মানসং দয়িতং বিপ্র সর্বভূতদয়াত্মকম্।
তত্রাহং বর্তমানৈশ্চ নিবৃত্তৈশ্চৈব মানবৈঃ॥ 14-54-14 (93957)
বহ্বীঃ সংসরমাণো বৈ যোনীর্বর্তামি সত্তম।
লোকসরংক্ষণার্থায় ধর্মসংস্থাপনায় চ॥ 14-54-15 (93958)
তৈস্তৈর্বেষৈশ্চ রূপৈশ্চ ত্রিষু লোকেষু ভার্গব।
অহং বিষ্ণুরহং ব্রহ্মা শক্রোঽথ প্রভবাপ্যযঃ॥ 14-54-16 (93959)
ভূতগ্রামস্য সর্বস্য স্রষ্টা সংহার এব চ।
অধর্মে বর্তমানানাং সর্বেষামহমচ্যুতঃ॥ 14-54-17 (93960)
ধর্মস্য সেতুং বধ্নামি চলিতে চলিতে যুগে।
তাস্তা যোনীঃ প্রবিশ্যাহং প্রজানাং হিতকাম্যযা॥ 14-54-18 (93961)
যদা ৎবহং দেবয়োনৌ বর্তামি ভৃগুনন্দন।
তদাঽহং দেববৎসর্বমাচরামি ন সংশয়ঃ॥ 14-54-19 (93962)
যদা গন্ধর্বয়োনৌ তু বর্তামি ভৃগুনন্দন।
তদা গন্ধর্ববচ্চেষ্টা সর্বাশ্চেষ্টামি ভার্গব॥ 14-54-20 (93963)
নাগয়োনৌ যদা চৈব তদা বর্তামি নাগবৎ।
যক্ষরাক্ষসয়োন্যোস্তু যথাবদ্বিচরাম্যহম্॥ 14-54-21 (93964)
মানুষ্যে বর্তমানে তু কৃপণং যাচিতা ময়া।
ন চ তে জাতসম্মোহা বচোঽগৃহ্ণন্ত মোহিতাঃ॥ 14-54-22 (93965)
ভয়ং চ মহদুদ্দিশ্য ত্রাসিতাঃ কুরবো ময়া।
ক্রুদ্ধেন ভূৎবা তু পুর্যথাবদনুদর্শিতাঃ॥ 14-54-23 (93966)
তেঽধর্মেণেহ সংয়ুক্তাঃ পরীতাঃক কালধর্মণা।
ধর্মেণ নিহতা যুদ্ধে গতাঃ স্বর্গং ন সংশয়ঃ॥ 14-54-24 (93967)
লোকেষু পাণ্ডবাশ্চৈব গতাঃ খ্যাতিং দ্বিজোত্তম।
এতত্তে সর্বমাখ্যাতং যন্মাং ৎবং পরিপৃচ্ছসি॥ ॥ 14-54-25 (93968)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি চতুঃপঞ্চাশোঽধ্যায়ঃ॥ 54 ॥
Mahabharata - Ashvamedhika Parva - Chapter Footnotes
7-54-8 দৈবতানি চ কর্মাণি বিদ্ধি সর্বান্গুণান্মমেতি ট.থ.পাঠঃ॥ 7-54-10 ওংকারপ্রমুখানিতি ঝ.পাঠঃ॥ 7-54-11 অধ্বর্যুঃ কল্পন ইতি ট.থ.পাঠঃ॥ 7-54-12 গতমোক্ষে মহাধ্বরে ইতি ট.থ.পাঠঃ॥ 7-54-14 সর্বভূতগুণাত্মকমিতি ক.ট.থ. পাঠঃ॥ 7-54-19 পুনস্ৎবহং দেবয়োনাবিতি ট.থ.পাঠঃ॥আশ্বমেধিকপর্ব - অধ্যায় 055
॥ শ্রীঃ ॥
14.55. অধ্যায়ঃ 055
Mahabharata - Ashvamedhika Parva - Chapter Topics
কৃষ্ণেনোদঙ্কায় বিশ্বরূপপ্রদর্শনপূর্বকং পিপাসাকালে জললাভরূপবরদানম্॥ 1 ॥ কৃষ্ণেনোদঙ্কায়ামৃতদানং চোদিতেনেন্দ্রেণ কদাচিদ্বনমধ্যে পিপাসুমুদঙ্কংপ্রতি চণ্ডালবেষেণ জলস্বীকারপ্রার্থনে উদঙ্কেন চণ্ডালৎববুদ্ধ্যা তদধিক্ষেপঃ॥ 2 ॥ পশ্চাত্তস্য তিরোধানেন পরিতপ্যন্তমুদঙ্কংপ্রতি তত্র সংনিহিতেন কৃষ্ণেনেন্দ্রকৃতবঞ্চনানিবেদনপূর্বকং মরুপ্রদেশে জললাভরূপবরদানম্॥ 3 ॥Mahabharata - Ashvamedhika Parva - Chapter Text
উদঙ্ক উবাচ।
অভিজানামি জগতঃ কর্তারং ৎবাং জনার্দন।
নূনং ভবৎপ্রসাদোঽয়মিতি মে নাস্তি সংশয়ঃ॥ 14-55-1 (93969)
চিত্তং চ সুপ্রসন্নং মে ৎবদ্ভাবগতমচ্যুত।
বিনিবৃত্তশ্চ মে কোপ ইতি বিদ্ধি পরংতপ॥ 14-55-2 (93970)
যদি ৎবনুগ্রহং কঞ্চিত্ৎবত্তোঽর্হামি জনার্দন।
দ্রষ্টুমিচ্ছামি তে রূপং বৈষ্ণবং তন্নিদর্শয়॥ 14-55-3 (93971)
বৈশম্পায়ন উবাচ। 14-55-4x (7873)
ততঃ স তস্মৈ প্রীতাত্মা দর্শয়ামাস তদ্বপুঃ।
শাশ্বতং বৈষ্ণবং ধীমান্দদৃশে যদ্ধনংজয়ঃ॥ 14-55-4 (93972)
স দদর্শ মহাত্মানং বিশ্বরূপং মহাভুজম্।
সহস্রসূর্যপ্রতিমং দীপ্তিমৎপাবকোপমম্।
সর্বমাকাশমাবৃত্য তিষ্ঠন্তং সর্বতোমুখম্॥ 14-55-5 (93973)
তদ্দৃষ্ট্বা পরমং রূপং বিষ্ণোর্বৈষ্ণবমদ্ভুতম্।
বিস্ময়ং চ যয়ৌ বিপ্রস্তং দৃষ্ট্বা পরমেশ্বরম্॥ 14-55-6 (93974)
উদঙ্ক উবাচ। 14-55-7x (7874)
`নমোনমস্তে সর্বাত্মন্নারায়ণ পরাত্মক।
পরমাত্মন্পদ্মনাভ পুণ্ডরীকাক্ষ মাধব॥ 14-55-7 (93975)
হিরণ্যগর্ভরূপায় সংসারোত্তারণায় চ।
পুরুষায় পুরাণায় শান্তশ্যামায় তে নমঃ॥ 14-55-8 (93976)
অবিদ্যাতিমিরাদিত্যং ভবব্যাধিমহৌষধিম্।
সংসারার্ণবসারং ৎবাং প্রণমামি গতির্ভব॥ 14-55-9 (93977)
সর্ববেদৈকবেদ্যায় সর্ববেদময়ায় চ।
বাসুদেবায় নিত্যায় নমো ভক্তপ্রিয়ায় তে॥ 14-55-10 (93978)
দয়যা দুঃখমোহান্মাং সুমুদ্ধর্তুমিহার্হসি।
কর্মভির্বহুভিঃ পাপৈর্বদ্ধং পাহি জনার্দন॥' 14-55-11 (93979)
বিশ্বকর্মন্নমস্তেঽস্তু বিশ্বাত্মন্বিশ্বকসম্ভব।
পদ্ম্যাং তে পৃথিবী ব্যাপ্তা শিরসা চাবৃতং নভঃ॥ 14-55-12 (93980)
দ্যাবাপৃথিব্যোর্যন্মধ্যং জঠরেণ তবাবৃতম্।
ভুজাভ্যামাবৃতাশ্চাশাস্ৎবমিদং সর্বমচ্যুত॥ 14-55-13 (93981)
সংহরস্ব পুনর্দেব রূপমক্ষয়্যমুত্তমম্।
পুনস্ৎবাং স্বেন রূপেণ দ্রষ্টুমিচ্ছামি শাশ্বতম্॥ 14-55-14 (93982)
বৈশম্পায়ন উবাচ। 14-55-15x (7875)
তমুবাচ প্রসন্নাত্মা গোবিন্দো জনমেজয়।
বরং বৃণীষ্বেতি তদা তমুদঙ্কোঽব্রবীদিদম্। 14-55-15 (93983)
পর্যাপ্ত এষ এবাদ্য বরস্ৎবত্তো মহাদ্যুতে।
যত্তে রূপমিদং কৃষ্ণ পশ্যামি প্রভবাপ্যযম্॥ 14-55-16 (93984)
তমব্রকবীৎপুনঃ কৃষ্ণো মা ৎবমত্র বিচারয়। অবশ্যমেতৎকর্তব্যমমোঘং দর্শনং মম॥ 14-55-17 (93985)
উদঙ্কক উবাচ। 14-55-18x (7876)
অবশ্যং করণীয়ং চ যদ্যেতন্মন্যসে বিভো।
তোয়মিচ্ছামি যত্রেষ্টং মরুষ্বেতদ্ধি দুর্লভম্॥ 14-55-18 (93986)
ততঃ সংহৃত্য তত্তেজঃ প্রোবাচোদঙ্কমীশ্বরঃ।
এষ্টব্যে সতি চিন্ত্যোঽহমিত্যুক্ৎবা দ্বারকাং যয়ৌ॥ 14-55-19 (93987)
ততঃ কদাচিদ্ভগবানুদঙ্কস্তোয়কাঙ্ক্ষয়া।
তৃষিতঃ পরিচক্রাম মরৌ সস্মার চাচ্যুতম্॥ 14-55-20 (93988)
ততো দিগ্বাসসং ধীমান্মাতঙ্গং মলপঙ্কিনম্।
অপশ্যত মরৌ তস্মিঞ্শ্বয়ূথপরিবারিতম্॥ 14-55-21 (93989)
ভীষণং বদ্ধনিস্ত্রিংশং বাণকার্মুকধারিণম্।
তস্যাধঃস্রোতসোঽপশ্যদ্বারি ভূরি দ্বিজোত্তমঃ॥ 14-55-22 (93990)
স্মরন্নেব চ তং প্রাহ মাতঙ্গঃ প্রহসন্নিব।
এহ্যুদঙ্ক প্রতীচ্ছস্ব মত্তো বারি ভৃগূদ্বহ।
কৃপা হি মে সুমহতী ৎবাং দৃষ্ট্বা তৃট্সমাশ্রিতম্॥ 14-55-23 (93991)
ইত্যুক্তস্তেন স মুনিস্তত্তোয়ং নাভ্যনন্দন।
চিক্ষেপ চ স তং ধীমান্বাগ্ভিরুগ্রাভিরচ্যুতম্। 14-55-24 (93992)
পুনঃপুনশ্চ মাতঙ্গ পিবস্বেতি তমব্রবীৎ।
ন চাপিবৎস সক্রোধঃ ক্ষুভিতেনান্তরাত্মনা॥ 14-55-25 (93993)
স তথা নিশ্চয়াত্তেন প্রত্যাখ্যাতো মহাত্মনা।
শ্বভিঃ সহ মহারাজ তত্রৈবান্তরধীয়ত॥ 14-55-26 (93994)
উদঙ্কস্তং তথা দৃষ্ট্বা ততো ব্রীডিতমানসঃ।
মেনে প্রলব্ধমাত্মানং কৃষ্ণেনামিত্রঘাতিনা॥ 14-55-27 (93995)
অথ তেনৈব মার্গেণ শঙ্কচক্রগদাধরঃ।
আজগাম মহাবাহুরুদঙ্কশ্চৈনমব্রবীৎ॥ 14-55-28 (93996)
ন যুক্তং তাদৃশং দাতুং ৎবয়া পুরুষসত্তম।
সলিলং বিপ্রমুখ্যেভ্যো মাতঙ্গস্রোতসা বিভো॥ 14-55-29 (93997)
ইত্যুক্তবচনং তং তু মহাবুদ্ধির্জনার্দনঃ।
উদঙ্কং শ্লক্ষ্ণয়া বাচা সান্ৎবয়ন্নিদমব্রবীৎ॥ 14-55-30 (93998)
যাদৃশেনেহ রূপেণ যোগ্যং দাতুং ধৃতেন বৈ।
তাদৃশং খলু তে দত্তং যচ্চ ৎবং নাববুধ্যথাঃ॥ 14-55-31 (93999)
ময়া ৎবদর্থমুক্তো বৈ বজ্রপাণিঃ পুরংদরঃ।
উদঙ্কায়ামৃতং দেহি তোয়রূপমিতি প্রভুঃ॥ 14-55-32 (94000)
স মামুবাচ দেবেন্দ্র ন মর্ত্যোঽমর্ত্যতাং ব্রজেৎ।
অন্যমস্মৈ বরং দেহীত্যসকৃদ্ভৃগুনন্দন॥ 14-55-33 (94001)
অমৃতং দেয়মিত্যেব ময়োক্তঃ স শচীপতিঃ।
স মাং প্রসাদ্য দেবেন্দ্রঃ পুনরেবেদমব্রবীৎ॥ 14-55-34 (94002)
যদি দেয়মবশ্যং বৈ মাতঙ্গোঽহং মহামতে।
ভূৎবাঽমৃতং প্রদাস্যামি ভার্গবায় মহাত্মনে॥ 14-55-35 (94003)
যদ্যেবং প্রতিগৃহ্ণাতি ভার্গবোঽমৃতমদ্য বৈ।
প্রদাতুমেষ গচ্ছামি ভার্গবস্যামৃতং বিভো।
প্রত্যাখ্যাতস্ৎবহং তেন দাস্যামি ন কথঞ্চন॥ 14-55-36 (94004)
স তথা সময়ং কৃৎবা তেন রূপেণ বাসবঃ।
উপস্থিতস্ৎবয়া চাপি প্রত্যাখ্যাতোঽমৃতং দদৎ।
চাণ্ডালরূপী ভগবান্সুমহাংস্তে ব্যতিক্রমঃ॥ 14-55-37 (94005)
যত্তু শক্যং ময়া কর্তুং ভূয় এব তবেপ্সিতম্।
তোয়েপ্সাং তব দুর্ধর্ষাং করিষ্যে সফলামহম্॥ 14-55-38 (94006)
যেষ্বহঃসু চ তে ব্রহ্মন্সলিলেপ্সা ভবিষ্যতি।
তদা মরৌ ভবিষ্যন্তি জলপূর্ণাঃ পয়োধরাঃ॥ 14-55-39 (94007)
রসবচ্চ প্রদাস্যন্তি তোয়ং তে ভৃগুনন্দন।
উদঙ্গমেঘা ইত্যুক্তাঃ খ্যাতিং যাস্যন্তি চাপি তে॥ 14-55-40 (94008)
ইত্যুক্তঃ প্রীতিমান্বিপ্রঃ কৃষ্ণেন স বভূব হ।
অদ্যাপ্যুদঙ্কমেঘাশ্চ মরৌ বর্ষন্তি ভারত॥ ॥ 14-55-41 (94009)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি পঞ্চপশ্চাশোঽধ্যায়ঃ॥ 55 ॥
Mahabharata - Ashvamedhika Parva - Chapter Footnotes
7-55-3 তে রূপমৈশ্বরমিতি ঝ.পাঠঃ॥ 7-55-19 এষ্টব্যে জলেঽপেক্ষিতে সতি॥ 7-55-21 মাতঙ্গং চণ্ডালবিশেষম্॥ 7-55-22 অধঃ পাদদেশে স্রোতসো দৃতের্বারীতি সংবন্ধঃ। ততঃ শঙ্কিতমানস ইতি ক.ট.থ.পাঠঃ॥ 7-55-24 চিক্ষেপ নিন্দিতবান্॥ 7-55-27 প্রলব্ধং বঞ্চিতম্॥আশ্বমেধিকপর্ব - অধ্যায় 056
॥ শ্রীঃ ॥
14.56. অধ্যায়ঃ 056
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
বৈশম্পায়নেন জনমেজয়ংপ্রত্যুদঙ্কোপাখ্যানকথনারম্ভঃ॥ 1 ॥ উদঙ্ককৃতপরিচর্যাবিশেষতুষ্টেন গৌতমেন তস্মৈ প্রীত্যতিশয়েন চিরাদপি গৃহগমনায়াভ্যননুজ্ঞানম্॥ 2 ॥ কদাচন গুরুশাসনেন কাষ্ঠমারমাহৃতবতোদঙ্কেন কাষ্ঠলগ্নজরাপলিতনিজকেশাবলোকনেন পরিদেবনম্॥ 3 ॥ ততস্তদবোধিতনিজরোদনহেতুনা গুরুণা তস্মৈ নিজতনয়াপ্রতিপাদনম্॥ 4 ॥ ততস্তেন গুরুপত্নীনিদেশেন কুণ্ডলয়াচনায় সৌদাসংপ্রতি গমনম্॥ 5 ॥Mahabharata - Ashvamedhika Parva - Chapter Text
জনমেজয় উবাচ।
উদঙ্কঃ কেন তপসা সংয়ুক্তো বৈ মহামনাঃ।
যঃ শাপং দাতুকামোঽভূদ্বিষ্ণবে প্রভবিষ্ববে॥ 14-56-1 (94010)
বৈশম্পায়ন উবাচ। 14-56-2x (7877)
উদঙ্কো মহতা যুক্তস্তপসা জনমেজয়।
গুরভক্তঃ স তেজস্বী নান্যৎকিঞ্চিদপূজয়ৎ॥ 14-56-2 (94011)
সর্বেষামৃষিপুত্রাণামেষ আসীন্মনোরথঃ।
ঔদঙ্কীং গুরুবৃত্তিং বৈ প্রাপ্নুয়ামেতি ভারত॥ 14-56-3 (94012)
গৌতমস্য তু শিষ্যাণাং বহূনাং জনমেজয়।
উদঙ্কেঽভ্যধিকা প্রীতিঃ স্নেহশ্চৈবাভবত্তদা॥ 14-56-4 (94013)
স তস্য দমশৌচাভ্যাং বিক্রান্তেন চ কর্মণা।
সম্যক্চৈবোপচারেণ গৌতমঃ প্রীতিমানভূৎ॥ 14-56-5 (94014)
অথ শিষ্যসহস্রাণি সমনুজ্ঞায় গৌতমঃ।
উদঙ্কং পরয়া প্রীত্যা নাভ্যনুজ্ঞাতুমৈচ্ছত॥ 14-56-6 (94015)
তং ক্রমেণ জরা তাত প্রতিপেদে মহামুনিম্।
ন চান্ববুধ্যত তদা স মুনির্গুরুবৎসলঃ॥ 14-56-7 (94016)
ততঃ কদাচিদ্রাজেন্দ্র কাষ্ঠান্যানয়িতুং যয়ৌ।
উদঙ্কঃ কাষ্ঠভারং চ মহান্তং সমুপানয়ৎ॥ 14-56-8 (94017)
স তদ্ভারাভিভূতাত্মা কাষ্ঠভারমরিংদম।
নিচিক্ষেপ ক্ষিতৌ রাজন্পরিশ্রান্তো বুভুক্ষিতঃ॥ 14-56-9 (94018)
তস্য কাষ্ঠে বিলগ্নাঽভূজ্জটা রূপ্যসমপ্রভা।
ততঃ কাষ্ঠৈঃ সহ তদা পপাত ধরণীতলম্॥ 14-56-10 (94019)
ততঃ স ভারনিষ্পিষ্টঃ ক্ষুধাবিষ্টশ্চ ভারত।
দৃষ্ট্বা তাং বয়সোঽবস্থাং রুরোদার্তস্বরং তদা॥ 14-56-11 (94020)
ততো গুরুসুতা তস্য পদ্মপত্রনিভাননা।
জগ্রাহাশ্রূণি সুশ্রোণী করেণ পৃথুলোচনা।
পিতুর্নিয়োগাদ্ভাবজ্ঞা শিরসাঽবনতা তদা॥ 14-56-12 (94021)
তস্যা নিপেততুর্দগ্ধৌ করৌ তৈরশ্রুবিন্দুভিঃ।
ন হি তানশ্রুপাতাংস্তু শক্তা ধারয়িতুং মহী।
গৌতমস্ৎবব্রবীদ্বিপ্রমুদঙ্কং প্রীতমানসঃ॥ 14-56-13 (94022)
কস্মাত্তাত তবাদ্যেহ শোকোত্তরমিদং মনঃ।
স স্বৈরং ব্রূহি বিপ্রর্ষে শ্রোতুমিচ্ছামি তত্ৎবতঃ॥ 14-56-14 (94023)
উদঙ্ক উবাচ। 14-56-15x (7878)
ভবদ্গতেন মনসা ভবৎপ্রিয়চিকীর্ষয়া।
ভবদ্ভক্তিগতেনেহ ভবদ্ভাবানুগেন চ॥ 14-56-15 (94024)
জরেয়ং নাঘবুদ্ধা মে নাভিজ্ঞাতং সুখং চ মে।
শতবর্ষোষিতং মাং হি ন ৎবমন্যনুজানিথাঃ॥ 14-56-16 (94025)
ভবতা ৎবভ্যনুজ্ঞাতাঃ শিষ্যাঃ প্রত্যবরা মম।
উপপন্না দ্বিজশ্রেষ্ঠ শতশোঽথ সহস্রশঃ॥ 14-56-17 (94026)
গৌতম উবাচ। 14-56-18x (7879)
ৎবৎপ্রীতিয়ুক্তেন ময়া গুরুশুশ্রূষয়া তব।
ব্যতিক্রামন্মহাকালো নাববুদ্ধো দ্বিজর্ষভ॥ 14-56-18 (94027)
কিং ৎবদ্য যদি তে শ্রদ্ধা গমনং প্রতি ভার্গব।
অনুজ্ঞাং প্রতিগৃহ্য ৎবং স্বগৃহান্গচ্ছ মাচিরম্॥ 14-56-19 (94028)
উদঙ্ক উবাচ। 14-56-20x (7880)
গুর্বর্তং কং প্রয়চ্ছামি ব্রূহি ৎবং দ্বিজসত্তম।
তমুপাহৃত্য গচ্ছেয়মনুজ্ঞাতস্ৎবয়া বিভো॥ 14-56-20 (94029)
গৌতম উবাচ। 14-56-21x (7881)
দক্ষিণাপরিতোষো বৈ গুরূণাং সদ্ভিরুচ্যতে।
তবি হ্যাচরতো ধর্মং তুষ্টোঽহং বৈ ন সংশয়ঃ।
ইত্থং চ পরিতুষ্টং মাং বিজানীহি ভৃগূদ্বহ॥ 14-56-21 (94030)
যুবা ষোডশবর্ষো হি যদ্যদ্য ভবিতা ভবান্।
দদানি পত্নীং কন্যাং চ স্বাং তে দুহিতরং দ্বিজ।
এতামৃতেঽঙ্গনা নান্যা ৎবত্তেজোঽর্হতি সেবিতুম্॥ 14-56-22 (94031)
ততস্তাং প্রতিজগ্রাহ যুবা ভূৎবা যশস্বিনীম্।
গুরুণা চাভ্যনুজ্ঞাতো গুরুপত্নীমথাব্রবীৎ॥ 14-56-23 (94032)
কিং ভবত্যৈ প্রয়চ্ছামি গুর্বর্থং বিনিয়ুঙ্ক্ষ মাম্।
প্রিয়ং হিতং চ কাঙ্ক্ষামি প্রাণৈরপি ধনৈরপি॥ 14-56-24 (94033)
যদ্দুর্লভং হি লোকেঽস্মিন্রত্নমত্যদ্ভুতং মহৎ।
তদানয়েয়ং তপসা ন হি মেঽত্রাস্তি সংশয়ঃ॥ 14-56-25 (94034)
অহল্যোবাচ। 14-56-26x (7882)
পরিতুষ্টাঽস্মি তে বিপ্র নিত্যং ভক্ত্যা তবানঘ।
পর্যাপ্তমেতদ্ভদ্রং তে গচ্ছ তাত যথেপ্সিতম্॥ 14-56-26 (94035)
বৈশম্পায়ন উবাচ। 14-56-27x (7883)
উদঙ্কস্তু মহারাজ পুনরেবাব্রবীদ্বচঃ।
আজ্ঞাপয়স্ব মাং মাতঃ কর্তব্যং চ তব প্রিয়ম্॥ 14-56-27 (94036)
অহল্যোবাচ। 14-56-28x (7884)
সৌদাসপত্ন্যা বিধৃতে দিব্যে যে মণিকুণ্ডলে।
তে সমানয় ভদ্রং তে গুর্বর্থঃ সুকৃতো ভবেৎ॥ 14-56-28 (94037)
বৈশম্পায়ন উবাচ। 14-56-29x (7885)
স তথেতি প্রতিশ্রুত্য জগাম জনমেজয়।
গুরুপত্নীপ্রিয়ার্থং বৈ তে সমানয়িতুং তদা॥ 14-56-29 (94038)
স জগাম ততঃ শীঘ্রমুদঙ্কো ব্রাহ্মণর্ষভঃ।
সৌদাসং পুরুষাদং বৈ ভিক্ষিতুং মণিকুণ্ডলে॥ 14-56-30 (94039)
গৌতমস্ৎবব্রবীৎপত্নীমুদঙ্কো নাত্র দৃশ্যতে।
ইতি পৃষ্টা তমাচষ্ট কুণ্ডলার্থে গতং চ সা॥ 14-56-31 (94040)
ততঃ প্রোবাচ পত্নীং স ন তে সম্যগিদং কৃতম্।
শপ্তঃ স পার্থিবো নূনং ব্রাহ্মণং তং বধিষ্যতি॥ 14-56-32 (94041)
অহল্যোবাচ। 14-56-33x (7886)
অজানন্ত্যা নিয়ুক্তঃ স ভগবন্ব্রাহ্মণো ময়া।
ভবৎপ্রসাদান্ন ভয়ং কিঞ্চিত্তস্য ভবিষ্যতি॥ 14-56-33 (94042)
ইত্যুক্তঃ প্রাহ তাং পত্নীমেবমস্ৎবিতি গৌতমঃ।
উদঙ্কোঽপি বনে শূন্যে রাজানং তং দদর্শ হ॥ ॥ 14-56-34 (94043)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ষট্পঞ্চাশোঽধ্যায়ঃ॥ 56 ॥
Mahabharata - Ashvamedhika Parva - Chapter Footnotes
7-56-11 নিষ্পিষ্টঃ চূর্ণীভূত ইব। কবেরার্তস্য ধীমত ইতি ক.ট.থ.পাঠঃ॥ 7-56-16 অভ্যনুজানিথাঃ অভ্যন্বজানীথা অভ্যনুজ্ঞাতবানসি॥ 7-56-26 নিত্যং ভগবতা সহেতি ক.থ.পাঠঃ॥আশ্বমেধিকপর্ব - অধ্যায় 057
॥ শ্রীঃ ॥
14.57. অধ্যায়ঃ 057
Mahabharata - Ashvamedhika Parva - Chapter Topics
শাপাদ্রাক্ষসৎবং গতেন সৌদাসেনোদঙ্কভক্ষণোদ্যমে উদঙ্কেন পুনঃ প্রত্যাগমনপ্রতিজ্ঞাপূর্বকং তম্প্রতি কুণ্ডলয়াচনম্॥ 1 ॥ উদঙ্কেন সৌদাসবচসা তৎপত্নীংপ্রতি কুণ্ডলয়াচনে তয়া তম্প্রতি মণিকুণ্ডলমহিমাদিকথনপূর্বকং রাজাভিজ্ঞানানয়নচোদনা॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
স তং দৃষ্ট্বা তথাভূতং রাজানং ঘোরদর্শনম্।
দীর্ঘশ্মশ্রুধরং নৄণাং শোণিতেন সমুক্ষিতম্॥ 14-57-1 (94044)
চকার ন ব্যথাং বিপ্রো রাজা ৎবেনমথাব্রবীৎ।
প্রত্যুত্থায় মহাতেজা ভয়কর্তা যমোপমঃ॥ 14-57-2 (94045)
দিষ্ট্যা ৎবমসি কল্যাণ ষষ্ঠে কালে মমান্তিকম্।
ভক্ষ্যং মৃগয়মাণস্য সম্প্রাপ্তো দ্বিজসত্তম॥ 14-57-3 (94046)
উদঙ্গ উবাচ। 14-57-4x (7887)
রাজন্গুর্বর্থিনং বিদ্ধি চরন্তং মামিহাগতম্।
ন চ গুর্বর্থমুদ্যুক্তং হিংস্যমাহুর্মনীষিণঃ॥ 14-57-4 (94047)
রাজোবাচ। 14-57-5x (7888)
ষষ্ঠে কালে মমাহারো বিহিতো দ্বিজসত্তম।
ন শক্যস্ৎবং সমুৎস্রষ্টুং ক্ষুধিতেন ময়াঽদ্য বৈ॥ 14-57-5 (94048)
উদঙ্ক উবাচ। 14-57-6x (7889)
এবমস্তু মহারাজি সময়ঃ ক্রিয়তাং তু মে।
গুর্বর্থমভিনির্বর্ত্য পুনরেষ্যামি তে বশম্॥ 14-57-6 (94049)
সংশ্রুতশ্চ ময়া যোঽর্থো গুরবে রাজসত্তম।
ৎবদধীনঃ স রাজেন্দ্র তং ৎবাং ভিক্ষে নরেশ্বর॥ 14-57-7 (94050)
দদাসি বিপ্রমুখ্যেভ্যস্ৎবং হি রত্নানি নিত্যদা।
দাতা চ ৎবং নরব্যাঘ্র পাত্রভূতঃ ক্ষিতাবিহ।
পাত্রং প্রতিগ্রহে চাপি বিদ্ধি মাং নৃপসত্তম॥ 14-57-8 (94051)
উপাহৃত্য গুরোরর্থং ৎবদায়ত্তমরিংদম।
সময়েনেহ রাজেন্দ্র পুনরেষ্যামি তে বশম্॥ 14-57-9 (94052)
সত্যং তে প্রতিজানামি নাত্র মিথ্যা কথঞ্চন।
অনৃতং নোক্তপূর্বং মে স্বৈরেষ্বপি কুতোঽন্যথা॥ 14-57-10 (94053)
সৌদাস উবাচ। 14-57-11x (7890)
যদি মত্তস্তবায়ত্তো গুর্বর্থঃ কৃত এব সঃ।
যদি চাস্তি প্রতিগ্রাহ্যং সাম্প্রতং তদ্বদস্ব মে॥ 14-57-11 (94054)
উদঙ্ক উবাচ। 14-57-12x (7891)
প্রতিগ্রাহ্যো মতো মে ৎবং সদৈব পুরুষর্ষভ।
সোহং ৎবামনুসম্প্রাপ্তো ভিক্ষিতুং মণিকুণ্ডলে॥ 14-57-12 (94055)
সৌদাস উবাচ। 14-57-13x (7892)
পত্ন্যাস্তে মম বিপ্রর্ষে উচিতে মণিকুণ্ডলে।
বরয়ার্থং ৎবমন্যং বৈ তং তে দাস্যামি সুব্রত॥ 14-57-13 (94056)
উদঙ্গ উবাচ। 14-57-14x (7893)
অলং তে ব্যপদেশেন প্রমাণং যদি তে বয়ম্।
প্রয়চ্ছ কুণ্ডলে মহ্যং সত্যবাগ্ভব পার্থিব॥ 14-57-14 (94057)
বৈশম্পায়ন উবাচ। 14-57-15x (7894)
ইত্যুক্তস্ৎবব্রবীদ্রাজা তমুদঙ্কং পুনর্বচঃ।
গচ্ছ মদ্বচনাদ্দেবীং ব্রূহি দেহীতি সত্তম॥ 14-57-15 (94058)
সৈবমুক্তা ৎবয়া নূনং মদ্বাক্যেন শুচিব্রতা।
প্রদাস্যতি দ্বিজশ্রেষ্ঠ কুণ্ডলে তে ন সংশয়ঃ॥ 14-57-16 (94059)
উদঙ্ক উবাচ। 14-57-17x (7895)
ক্ব পত্নী ভবতঃ শক্যা ময়া দ্রষ্টুং নরেশ্বর।
স্বয়ং বাঽপি ভবান্পত্নীং কিমর্থং নোপসর্পতি॥ 14-57-17 (94060)
সৌদাস উবাচ। 14-57-18x (7896)
তাং দ্রক্ষ্যতি ভবানদ্য কাস্মিংশ্চিদ্বননির্ঝরে।
ষষ্ঠে কালে ন হি ময়া সা শক্যা দ্রষ্টুমদ্য বৈ॥ 14-57-18 (94061)
বৈশম্পায়ন উবাচ। 14-57-19x (7897)
উদঙ্কস্তু তথোক্তঃ স জগাম ভরতর্ষভ।
মদয়ন্তীং চ দৃষ্ট্বা স জ্ঞাপয়ৎস্বপ্রয়োজনম্॥ 14-57-19 (94062)
সৌদাসবচনং শ্রুৎবা ততঃ সা পৃথুলোচনা।
প্রত্যুবাচ মহাবুদ্ধিমুদঙ্কং জনমেজয়॥ 14-57-20 (94063)
এবমেতন্মহাব্রহ্মন্নানৃতং বদসেঽনঘ।
অভিজ্ঞানং তু কিঞ্চিত্ৎবং সমানয়িতুমর্হসি॥ 14-57-21 (94064)
ইমে হি দিব্যে মণিকুণ্ডলে মে
দেবাশ্চ যক্ষাশ্চ মহর্ষয়শ্চ।
তৈস্তৈরুপায়ৈরপহর্তুকামা-
শ্ছিদ্রেষু নিত্যং পরিতর্কয়ন্তি॥ 14-57-22 (94065)
নিক্ষিপ্তমেতদ্ভুবি পন্নগাস্তু
রত্নং সমাসাদ্য পরামৃশেয়ুঃ।
যক্ষাস্তথোচ্ছিষ্টধৃতং সুরাশ্চ
নিদ্রাবশাদ্বা পরিধর্ষয়েয়ুঃ॥ 14-57-23 (94066)
ছিদ্রেষ্বেতেষ্বিমে নিত্যং হ্রিয়তে দ্বিজসত্তম।
দেবরাক্ষসনাগানামপ্রমত্তেনি ধার্যতে॥ 14-57-24 (94067)
এতে দিবাপি ভাসেতে রাত্রৌ চ দ্বিজসত্তম।
নক্তং নক্ষত্রতারাণাং প্রভামাক্ষিপ্য বর্ততঃ॥ 14-57-25 (94068)
এতে হ্যামুচ্য ভগন্ক্ষুৎপিপাসাভয়ং কুতঃ।
বিষাগ্নিশ্বাপদেভ্যশ্চ ভয়ং জাতু ন বিদ্যতে॥ 14-57-26 (94069)
হ্রস্বেন চৈতে আমুক্তে ভবতো হ্রস্বকে তদা।
অনুরূপেণ চামুক্তে জায়েতে তৎপ্রমাণকে॥ 14-57-27 (94070)
এবংবিধে মমৈতে বৈ কুণ্ডলে পরমার্চিতে।
ত্রিষু লোকেষু বিজ্ঞাতে তদভিজ্ঞানমানয়॥ ॥ 14-57-28 (94071)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি সপ্তপঞ্চাশোঽধ্যায়ঃ॥ 57 ॥
Mahabharata - Ashvamedhika Parva - Chapter Footnotes
7-57-24 ছিদ্রেষ্বেতেষ্বিমে ইতি পূর্বান্বয়ি। নাগানাং নাগৈঃ হ্রিয়েত ইতি সম্বন্ধঃ॥আশ্বমেধিকপর্ব - অধ্যায় 058
॥ শ্রীঃ ॥
14.58. অধ্যায়ঃ 058
Mahabharata - Ashvamedhika Parva - Chapter Topics
উদঙ্কেনাভিজ্ঞাননিবেদনেনি মদয়ন্তীতঃ কুণ্ডলগ্রহণপূর্বকং প্রতিনিবর্তনম্॥ 1 ॥ মধ্যেমার্গং ক্ষুধাবিষ্টেন তেন বিল্বতরুমারুহ্য শাখায়াং কুণ্ডলাসঞ্জনপূর্বকং ফলপাতনায় শাখাচালনম্॥ 2 ॥ তত্র পতৎফলঘট্টনেন কুণ্ডলয়োরধঃপতনে কেনচিদুরগবরেণ তদপহৃত্য নাগলোকগমনম্॥ 3 ॥ তত ইন্দ্রসাহায়্যাদ্ভূবিদারণেন নাগলোকংগতেনোদঙ্কেন তত্রাশ্ববচসা তদপানদেশধমনে তন্নির্গতধূমপটলনিরুদ্ধৈঃ সর্পৈরুদঙ্কায় কুণ্ডলপ্রত্যর্পণম্॥ 4 ॥ তত উদঙ্কেন গুরুপত্ন্যৈ কুণ্ডলপ্রদানম্॥ 5 ॥Mahabharata - Ashvamedhika Parva - Chapter Text
বৈশম্পায়ন উবাচ।
স মিত্রসহমাসাদ্য অভিজ্ঞানময়াচত।
তস্মৈ দদাবভিজ্ঞানং স চেক্ষ্বাকুবরস্তদা॥ 14-58-1 (94072)
সৌদাস উবাচ। 14-58-2x (7898)
ন চৈবৈষা গতিঃ ক্ষেম্যা ন চান্যা বিদ্যতে গতিঃ।
এতন্মে তৎবমাজ্ঞায় প্রয়চ্ছ মণিকুণ্ডলে॥ 14-58-2 (94073)
ইত্যুক্তস্তামুদঙ্কস্তু ভর্তুর্বাক্যমথাব্রবীৎ।
শ্রুৎবা চ সা তদা প্রাদাত্ততস্তে মণিকুণ্ডলে॥ 14-58-3 (94074)
অবাপ্য কুণ্ডলে তে তু রাজানং পুনরব্রবীৎ।
কিমেতদ্গুহ্যবচনং শ্রোতুমিচ্ছামি পার্থিব॥ 14-58-4 (94075)
সৌদাস উবাচ। 14-58-5x (7899)
প্রজাবিসর্গাদ্বিপ্রান্বৈ ক্ষত্রিয়াঃ পূজয়ন্তি হ।
বিপ্রেভ্যশ্চাপি বহবো দোষাঃ প্রাদুর্ভবন্তি নঃ॥ 14-58-5 (94076)
সোহং দ্বিজেভ্যঃ প্রণতো বিপ্রাদ্দোষমবাপ্তবান্।
গতিমন্যাং ন পশ্যামি মদয়ন্তীসহায়বান্॥ 14-58-6 (94077)
ন চান্যামপি পশ্যামি গতিং গতিমতাংবর।
স্বর্গদ্বারস্য গমনে স্থানে চেহ দ্বিজোত্তম॥ 14-58-7 (94078)
ন হি রাজ্ঞা বিশেষেণ বিরুদ্ধেন দ্বিজাতিভিঃ।
শক্যং হি লোকে স্থাতুং বৈ প্রেত্য বা সুখমেধিতুম্॥ 14-58-8 (94079)
তদিষ্টে তে ময়া দত্তে এতে স্বে মণিকুণ্ডলে।
যঃ কৃতস্তেঽদ্য সময়ঃ সফলং তং কুরুষ্য মে॥ 14-58-9 (94080)
উদঙ্ক উবাচ। 14-58-10x (7900)
রাজংস্তথেহ কর্তাস্মি পুনরেষ্যামি তে বশম্।
প্রশ্নং চ কঞ্চিৎপ্রষ্টুং ৎবাং ব্যবসিষ্যে পরংতপ॥ 14-58-10 (94081)
সৌদাস উবাচ। 14-58-11x (7901)
ব্রূহি বিপ্র যথাকামং প্রতিবক্তাস্মি তে বচঃ।
ছেত্তাস্মি সংশয়ং তেঽদ্য ন মেঽত্রাশ্তি বিচারণা॥ 14-58-11 (94082)
উদঙ্ক উবাচ। 14-58-12x (7902)
প্রাহুর্বাক্সংয়তং বিপ্রং ধর্মনৈপুণদর্শিনঃ।
মিত্রেষু যশ্চ বিষমঃ স্তেন ইত্যেব তং বিদুঃ॥ 14-58-12 (94083)
স ববান্মিত্রতামদ্য সম্প্রাপ্তো মম পার্থিব।
স মে বুদ্ধিং প্রয়চ্ছস্ব সম্মতাং পুরুষর্ষভ॥ 14-58-13 (94084)
অবাপ্তার্থোঽহমদ্যেহ ভবাংশ্চ পুরুষাদকঃ।
ভবৎসকাশমাগন্তুং ক্ষমং মম ন বেতি বৈ॥ 14-58-14 (94085)
সৌদাস উবাচ। 14-58-15x (7903)
ক্ষমং চেদিহ বক্তব্যং ময়া দ্বিজবরোত্তম।
মৎসমীপং দ্বিজশ্রেষ্ট নাগন্তব্যং কথঞ্চন॥ 14-58-15 (94086)
এবং তব প্রপশ্যামি শ্রেয়ো ভৃগুকুলোদ্বহ।
আগচ্ছতো হি তে বিপ্রি ভবেন্মৃর্ত্যুন সংশয়ঃ॥ 14-58-16 (94087)
বৈশম্পায়ন উবাচ। 14-58-17x (7904)
ইত্যুক্তঃ স তদা রাজা ক্ষমং বুদ্ধিমতা হিতম্।
অনুজ্ঞাপ্য স রাজানমহল্যাং প্রতি জগ্মিবান্॥ 14-58-17 (94088)
গৃহীৎবা কুণ্ডলে দিব্যে গুরুপত্ন্যাঃ প্রিয়ংকরঃ।
জবেন মহতা প্রায়াদ্গৌতমস্যাশ্রমং প্রতি॥ 14-58-18 (94089)
যথা তয়ো রক্ষণং চ মদয়ন্ত্যাঽভিভাষিতম্।
তথা তে কুণ্ডলে বধ্বা তদা কৃষ্ণাজিনেঽনয়ৎ॥ 14-58-19 (94090)
স কস্মিংশ্চিৎক্ষুধাবিষ্টঃ ফলভারসমন্বিতম্।
বিল্বং দদর্শ বিপ্রর্ষিরারুরোহ চ তং ততঃ॥ 14-58-20 (94091)
শাখাস্বাসজ্য তস্যৈব কৃষ্ণাজিনমরিংদম।
পাতয়ামাস বিল্বানি তদা স দ্বিজপুঙ্গবঃ॥ 14-58-21 (94092)
অথ পাতয়মানস্য বিল্বাপহৃতচক্ষুষঃ।
ন্যপতংস্তানি বিল্বানি তস্মিন্নেবাজিনে বিভো॥ 14-58-22 (94093)
যস্মিংস্তে কুণ্ডলে বদ্ধে তদা দ্বিজবরেণ বৈ।
বিল্বপ্রহারৈস্তস্যাথ ব্যশীর্যদ্বন্ধনং ততঃ॥ 14-58-23 (94094)
সকুণ্ডলং তদজিনং পপাত সহসা তরোঃ।
বিশীর্ণবন্ধনে তস্মিন্গতে কৃষ্ণাজিনে মহীম্॥ 14-58-24 (94095)
অপশ্যদ্ভুজগঃ কশ্চিত্তে তত্র মণিকুণ্ডলে।
ঐরাবতকুলোদ্ভূতঃ শীঘ্রো ভূৎবা তদা হি সঃ॥ 14-58-25 (94096)
বিদশ্যাস্যেন বল্মীকং বিবেশাথ স কুণ্ডলে।
হ্রিয়মাণে তু দৃষ্ট্বা স কুণ্ডলে ভুজগেন হ॥ 14-58-26 (94097)
পপাত বৃক্ষাৎসোদ্বেগো দুঃখাৎপরমকোপনঃ।
স দণ্ডকাষ্ঠমাদায় বল্মীকমখনত্তদা॥ 14-58-27 (94098)
[অহানি ত্রিংশদব্যগ্রঃ পঞ্চ চান্যানি ভারত।]
ক্রোধামর্ষাভিসংতপ্তস্তদা ব্রাহ্মণিসত্তমঃ॥ 14-58-28 (94099)
তস্য বেগমসহ্যং তমসহন্তী বসুন্ধরা।
দণ্ডকাষ্ঠাভিনুন্নাঙ্গী চচাল ভৃশমাকুলা।
ততঃ খনত এবাথ বিপ্রর্ষের্ধরণীতলম্
নাগলোকস্য পন্থানং কর্তুকামস্য নিশ্চয়াৎ॥ 14-58-29 (94100)
রথেন হরিয়ুক্তেন তং দেশমুপজগ্মিবান্।
বজ্রপাণির্মহাতেজাস্তং দদর্শ দ্বিজোত্তমম্॥ 14-58-30 (94101)
বৈশম্পায়ন উবাচ। 14-58-31x (7905)
স তু তং ব্রাহ্মণো ভূৎবা তস্য দুঃখেন দুঃখিতঃ।
উদঙ্কমব্রবীদ্বাক্যং নৈতচ্ছক্যং ৎবয়েতি বৈ॥ 14-58-31 (94102)
ইতো হি নাগলোকো বৈ যোজনানি সহস্রশঃ।
ন দণ্ডকাষ্ঠসাধ্যং চ মন্যে কার্যমিদং তব॥ 14-58-32 (94103)
উদঙ্ক উবাচ। 14-58-33x (7906)
নাগলোকে যদি ব্রহ্মন্ন শক্যে কুণ্ডলে ময়া।
প্রাপ্তুং প্রাণান্বিমোক্ষ্যামি পশ্যতস্তে দ্বিজোত্তম॥ 14-58-33 (94104)
বৈশম্পায়ন উবাচ। 14-58-34x (7907)
যদা স নাশকত্তস্য নিশ্চয়ং কর্তুমন্যথা।
বজ্রপাণিস্তদা দণ্ডং বজ্রাস্ত্রেণ যুয়োজ হ॥ 14-58-34 (94105)
ততো বজ্রপ্রহারৈস্তৈর্দার্যমাণা বসুন্ধর।
নাগলোকস্য পন্থানমকরোজ্জনমেজয়॥ 14-58-35 (94106)
স তেন মার্গেণ তদা নাগলোকং বিবেশ হ।
দদর্শ নাগলোকং চ যোজনানি সহস্রশঃ॥ 14-58-36 (94107)
প্রকারনিচয়ৈর্দিব্যৈর্মণিমুক্তাস্বলঙ্কৃতৈঃ।
উপপন্নং মহাভাগ শাতকুম্ভময়ৈস্তথা॥ 14-58-37 (94108)
বাপীঃ স্ফটিকসোপানা নদীস্চ বিমলোদকাঃ।
দদর্শ বৃক্ষাংশ্চ বহূন্নানাদ্বিজগণায়ুতান্॥ 14-58-38 (94109)
তস্য লোকস্য চ দ্বারং স দদর্শ ভৃগূদ্বহঃ।
পঞ্চয়োজনবিস্তারমায়তং শতয়োজনম্॥ 14-58-39 (94110)
নাগলোকমুদঙ্কস্তু প্রেক্ষ্য দীনোঽভবত্তদা।
নিরাশশ্চাভবত্তত্র কুণ্ডলাহরণে পুনঃ॥ 14-58-40 (94111)
তত্র প্রোবাচ তুরগস্তং কৃষ্ণশ্বেতবালধিঃ।
তাম্রাস্যনেত্রঃ কৌরব্যঃ প্রজ্বলন্নিব তেজসা॥ 14-58-41 (94112)
ধমস্বাপানমেতন্মে ততস্ৎবং বিপ্র লপ্স্যসে।
ঐরাবতসুতেনেহি তব্রানীতে হি কুণ্ডলে॥ 14-58-42 (94113)
মা জুগুপ্সাং কৃথাঃ পুত্র ৎবমত্রার্থে কথঞ্চন॥
ৎবয়ৈতদ্ধি সমাচীর্ণং গৌতমস্যাশ্রমে তদা॥ 14-58-43 (94114)
উদঙ্গ উবাচ। 14-58-44x (7908)
কথং ভবন্তং জানীয়ামুপাধ্যায়াশ্রমং প্রতি।
যন্ময়া চীর্ণপূর্বং হি শ্রোতুমিচ্ছামি তদ্ধ্যহম্॥ 14-58-44 (94115)
অশ্ব উবাচ। 14-58-45x (7909)
গুরোর্গুরু মাং জানীহি জ্বলন্তং জাতবেদসম্।
ৎবয়া হ্যহং সদা বিপ্র গুরোরর্থেঽভিপূজিতঃ॥ 14-58-45 (94116)
বিধিবৎসততং বিপ্র শুচিনা ভৃগুনন্দন।
তস্মাচ্ছ্রেয়ো বিধাস্যামি তবৈবং কুরু মাচিরম্॥ 14-58-46 (94117)
ইত্যুক্তস্তু তথাঽকার্ষীদুদঙ্কশ্চিত্রভানুনা।
তাম্রার্চিঃ প্রীতিমাংশ্চাপি প্রজজ্বাল দিধক্ষয়া॥ 14-58-47 (94118)
ততোঽস্য রোমকূপেভ্যো ধ্মায়মানস্য ভারত।
ঘনঃ প্রাদুরভূদ্ধূমো নাগলোকভয়াবহঃ॥ 14-58-48 (94119)
তেন ধূমেন মহতা বর্ধমানেন ভারত।
নাগলোকে মহারাজ ন প্রাজ্ঞায়ত কিঞ্চন॥ 14-58-49 (94120)
হাহাকৃতমভূৎসর্বমৈরাবতিনিবেশনম্।
বাসুকিপ্রমুখানাং চ নাগানাং জনমেজয়॥ 14-58-50 (94121)
ন প্রাকাশন্ত বেশ্মানি ধূমরুদ্ধানি ভারত।
নীহারসংবৃতানীব বনানি গিরয়স্তথা॥ 14-58-51 (94122)
তে ধূমরক্তনয়না বহ্নিতেজোভিতাপিতাঃ।
আজগ্মুর্নিশ্চয়ং জ্ঞাতুং ভার্গবস্য মহাত্মনঃ॥ 14-58-52 (94123)
শ্রুৎবা চ নিশ্চয়ং তস্য মহর্ষেরতিতেজসঃ।
সম্ভ্রান্তনয়নাঃ সর্বে পূজাং চক্রুর্যথাবিধি॥ 14-58-53 (94124)
সর্বে প্রাঞ্জলয়ো নাগা বৃদ্ধবালপুরোগমাঃ।
শিরোভিঃ প্রণিপত্যোচুঃ প্রসীদ ভগবন্নিতি॥ 14-58-54 (94125)
প্রসাদ্য ব্রাহ্মণং তে তু পাদ্যমর্ঘ্যং নিবেদ্য চ।
প্রায়চ্ছন্কুণ্ডলে দিব্যে পন্নগাঃ পরমার্চিতে॥ 14-58-55 (94126)
ততঃ স পূজিতো নাগৈস্তদোদঙ্কঃ প্রতাপবান্।
অগ্নিং প্রদক্ষিণং কৃৎবা জগাম গুরুসদ্ম তৎ॥ 14-58-56 (94127)
স গৎবা ৎবরিতো রাজন্গৌতমস্য নিবেশনম্।
প্রায়চ্ছৎকুণ্ডলে দিব্যে গুরুপত্ন্যাস্তদাঽনঘ॥ 14-58-57 (94128)
বাসুকিপ্রমুকানাং চ নাগানাং জনমেজয়।
সর্বং শশংস গুরেব যথাবদ্দ্বিজসত্তমঃ॥ 14-58-58 (94129)
এবং মহাত্মনা তেন ত্রীংলোকাঞ্জনমেজয়।
পরিক্রম্যাহৃতে দিব্যে ততস্তে মণিকুণ্ডলে॥ 14-58-59 (94130)
এবংপ্রভাবঃ স মুনিরুদঙ্কো ভরতর্ষভ।
পরেণ তপসা যুক্তো যন্মাং ৎবং পরিপৃচ্ছসি। ॥ 14-58-60 (94131)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি অষ্টপঞ্চাসোঽধ্যায়ঃ॥ 58 ॥
Mahabharata - Ashvamedhika Parva - Chapter Footnotes
7-58-1 মিত্রসহঃ সৌদাসঃ অভিজ্ঞানং শ্লোকরূপং জ্ঞাপকম্। 7-58-2 এষা রক্ষোয়োনিরূপা। অন্যা ইতো মুক্তিরূপা॥ 7-58-10 ততোদংকায় বৈ প্রাদাত্তস্মৈ তে মণিকুণ্ডলে ইতি ক.ট.থ.পাঠঃ॥ 7-58-12 নিবৃত্তিস্মি পরং তপেতি ঝ.পাঠঃ॥ 7-58-16 প্রাপ্তবান্সঙ্গতিং মিত্রং ধর্মনৈপুণ্যদর্শনাদিতি ক.ট.থ.পাঠঃ॥ 7-58-16 তত্রৈব তু প্রবক্ষ্যামি শ্রেয়ো ভৃগুকুলোদ্বহেতি ক.ট.থ.পাঠঃ॥ 7-58-26 আস্যেন কুণ্ডলে বিদশ্য ধৃৎবা বল্মীকং বিবেশেতি সম্বন্ধঃ॥আশ্বমেধিকপর্ব - অধ্যায় 059
॥ শ্রীঃ ॥
14.59. অধ্যায়ঃ 059
Mahabharata - Ashvamedhika Parva - Chapter Topics
উদঙ্কায় বরদানাৎপরং দ্বারকামাগচ্ছতা কৃষ্ণেন মধ্যে রৈবতকপ্রবেশঃ॥ 1 ॥ রৈবতকোৎসববর্ণনম্॥ 2 ॥ ততঃ কৃষ্ণেন স্বভবনমেত্য মাতাপিতৃভ্যামভিবাদনম্॥ 3 ॥Mahabharata - Ashvamedhika Parva - Chapter Text
জনমেজয় উবাচ।
উদঙ্কস্য বরং দত্ৎবা গোবিন্দো দ্বিজত্তম।
অত ঊর্ধ্বং মহাবাহুঃ কিং চকার মহায়শাঃ॥ 14-59-1 (94132)
বৈশম্পায়ন উবাচ। 14-59-2x (7910)
উদঙ্কায় বরং দত্ৎবা প্রায়াৎসাত্যকিনা সহ।
দ্বারকামেব গোবিন্দঃ শীঘ্রবেগৈর্মহাহয়ৈঃ॥ 14-59-2 (94133)
সরাংসি সরিতশ্চৈব বনানি চ গিরীংস্তথা।
অতিক্রম্যাসসাদাথ রম্যাং দ্বারবতীং পুরীম্॥ 14-59-3 (94134)
বর্তমানে মহারাজ মহে রৈবতকস্য চ।
উপায়াৎপুণ্ডরীকাক্ষো যুয়ুধানানুগস্তদা॥ 14-59-4 (94135)
অলঙ্কৃতস্তু স গিরির্নানারূপৈর্বিচিত্রিতৈঃ।
বভৌ রত্নময়ৈঃ কোশৈঃ সংবৃতঃ পুরুর্ষর্ষভ॥ 14-59-5 (94136)
কাঞ্চনস্রগ্ভিরগ্র্যাভিঃ সুমনোভিস্তথৈব চ।
বাসোভিশ্চ মহাশৈলঃ কল্পবৃক্ষৈস্তথৈব চ॥ 14-59-6 (94137)
দীপবৃক্ষৈশ্চ সৌবর্ণৈরভীক্ষ্ণমুপশোভিতঃ।
গুহানির্ঝরদেশেষু দিবাভূতো বভূব হ॥ 14-59-7 (94138)
এতাকাভির্বিচিত্রাভিঃ সঘণ্টাভিঃ সমন্ততঃ।
পুংভিঃ স্ত্রীভিশ্চ সংঘুষ্টঃ প্রগীত ইব চাভবৎ।
অতীব প্রেক্ষণীয়োঽভূন্মেরুর্মুনিগণৈরিব॥ 14-59-8 (94139)
মত্তানাং হৃষ্টরূপাণাং স্ত্রীণাং পুংসাং চ ভারত।
গায়তাং পর্বতেন্দ্রস্য দিবিস্পৃগিব নিঃস্বনঃ॥ 14-59-9 (94140)
প্রমত্তমত্তসম্মত্তক্ষ্বেডিতোদ্ধুষ্টসংকুলঃ।
তথা কিলকিলাশব্দৈর্ভূধরোঽভূন্মনোহরঃ॥ 14-59-10 (94141)
বিপণাপণবান্রম্যো ভক্ষ্যভোজ্যবিহারবান্।
বস্ত্রমাল্যোৎকরয়ুতো বীণাবেণুমৃদঙ্গবান্॥ 14-59-11 (94142)
সুরামৈরেয়মিশ্রেণ ভক্ষ্যভোজ্যেন চৈব হ।
দীনান্ধকৃপণাদিভ্যো দীয়মানেন চানিশম্।
বভৌ পরমকল্যাণো মহস্তস্য মহাগিরেঃ॥ 14-59-12 (94143)
পুণ্যাবসথবান্বীরৈঃ পুণ্যকৃদ্ভির্নিষেবিতঃ।
বিহারো বৃষ্ণিবীরাণাং মহে রৈবতস্য হ॥ 14-59-13 (94144)
স নানাবেশ্মসংকীর্ণো দেবলোক ইবাবভৌ।
তদা চ কৃষ্ণসান্নিধ্যান্মুদা দেবগণৈর্যুতঃ॥ 14-59-14 (94145)
`স্তুবন্ত্যন্তর্হিতা দেবা গন্ধর্বাশ্চ সহর্ষিভিঃ।
সাধকঃ সর্বধর্মাণামসুরাণাং বিনাশকঃ॥ 14-59-15 (94146)
ৎবং স্রষ্টা সৃজ্যমাধারং কারণং ধর্মবেদবিৎ।
ৎবয়া সৎক্রিয়তে দেব জ জানীমোঽত্র মায়যা॥ 14-59-16 (94147)
কেবলং ৎবাঽভিজানীমঃ শরণং পরমেশ্বরম্।
ব্রহ্মাদীনাং চ গোবিন্দ সান্নিধ্বং শরণং নমঃ॥ 14-59-17 (94148)
ইতি স্তুতে মানুষৈশ্চ পূজিতে দেবকীসুতে।'
শক্রসদ্মপ্রতীকাশো বভূব স হি শৈলরাট্॥ 14-59-18 (94149)
ততঃ সম্পূজ্যমানঃ স বিবেশ ভবনং শুভম্।
গোবিন্দঃ সাত্যকিশ্চৈব জগ্মতুর্ভবনং স্বকম্॥ 14-59-19 (94150)
বিবেশ চ প্রহৃষ্টাত্মা চিরকালপ্রবাসতঃ।
কৃৎবা নসুকরং কর্ম দানবেষ্বিব বাসবঃ॥ 14-59-20 (94151)
উপায়ান্তং তু বার্ষ্ণেয়ং ভোজবৃষ্ণ্যন্ধকাস্তথা।
অভ্যগচ্চন্মহাত্মানং দেবা ইব শতক্রতুম্॥ 14-59-21 (94152)
স তানভ্যর্চ্য মেধাবী পৃষ্ট্বা চ কুশলং তদা।
অভ্যবাদয়ত প্রীতঃ পিতরং মাতরং তদা॥ 14-59-22 (94153)
তাভ্যাং স সম্পরিষ্বক্তঃ সান্ৎবিতশ্চ মহাভুজঃ।
উপোপবিষ্টৈঃ সর্বৈস্তৈর্বৃষ্ণিভিঃ পরিবারিতঃ॥ 14-59-23 (94154)
স বিশ্রান্তো মহাতেজাঃ কৃতপাদাবনেজনঃ।
কথয়ামাস তৎসর্বং পৃষ্টঃ পিত্রা মহাহবম্॥ ॥ 14-59-24 (94155)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একোনষষ্টিতমোঽধ্যায়ঃ॥ 59 ॥
Mahabharata - Ashvamedhika Parva - Chapter Footnotes
7-59-4 মহে উৎসবে॥ 7-59-7 দীপভূতো বভূবহেতি ক.থ.পাঠঃ॥ 7-59-10 প্রমত্তাঃ ক্রীডাদ্যাসত্তয়ানবহিতাঃ। মত্তাঃ মদ্যাদিনা। সম্মতা হৃষ্টাঃ॥ 7-59-23 সাত্যকিশ্চ মহাভুজ ইতি ক.পাঠঃ॥আশ্বমেধিকপর্ব - অধ্যায় 060
॥ শ্রীঃ ॥
14.60. অধ্যায়ঃ 060
Mahabharata - Ashvamedhika Parva - Chapter Topics
কৃষ্ণেন বসুদেবাদীন্প্রতি কুরুপাণ্ডবয়ুদ্ধপ্রকারকথনম্॥ 1 ॥Mahabharata - Ashvamedhika Parva - Chapter Text
বসুদেব উবাচ।
শ্রুতবানস্মি বার্ষ্ণেয় সঙ্গ্রামং পরমাদ্ভুতম্।
নরাণাং বদতাং পুত্র কথোদ্ধাতেষু নিত্যশঃ॥ 14-60-1 (94156)
ৎবং তু প্রত্যক্ষদর্শী চ কার্যজ্ঞশ্চ মহাভুজঃ।
তস্মাৎপ্রব্রূহি সঙ্গ্রামং যাথাতথ্যেন মেঽনঘ॥ 14-60-2 (94157)
যথা তদভবদ্যুদ্ধং পাণ্ডবানাং মহাত্মনাম্।
ভীষ্মকর্ণকৃপদ্রোণশল্যাদিভিরনুত্তমম্॥ 14-60-3 (94158)
অন্যেষাং ক্ষত্রিয়াণাং চ কৃতাস্ত্রাণামনেকশঃ।
নানাবেষাকৃতিমতাং নানাদেশনিবাসিনাম্॥ 14-60-4 (94159)
বৈশম্পায়ন উবাচ। 14-60-5x (7911)
ইত্যুক্তঃ পুণ্ডরীকাক্ষঃ পিত্রা মাতুস্তদাঽন্তিকে।
শশংস কুরুবীরাণাং সঙ্গ্রামে নিধনং যথা॥ 14-60-5 (94160)
বাসুদেব উবাচ। 14-60-6x (7912)
অত্যদ্ভুতানি কর্মাণি ক্ষত্রিয়াণাং মহাত্মনাম্।
বহুলৎবান্ন সঙ্খ্যাতুং শক্যান্যব্দশতৈরপি॥ 14-60-6 (94161)
প্রাধান্যতস্তু গদতঃ সমাসেনৈব মে শৃণু।
কর্মাণি পৃথিবীশানাং যথাবদমরদ্যুতে॥ 14-60-7 (94162)
ভীষ্মঃ সেনাপতিরভূদেকাদশচমূপতিঃ।
কৌরব্যঃ কৌরবেন্দ্রাণাং দেবানামিব পাবকিঃ॥ 14-60-8 (94163)
শিখণ্ডী পাণ্ডুপুত্রাণাং নেতা সপ্তচমূপতিঃ।
বভূব রক্ষিতো ধীমাঞ্শ্রীমতা সব্যসাচিনা॥ 14-60-9 (94164)
তেষাং তদভবদ্যুদ্ধং দশাহানি মহাত্মনাম্।
কুরূণাং পাণ্ডবানাং চ সুমহদ্রোমহর্ষণম্॥ 14-60-10 (94165)
অয়ুধ্যমানং গাঙ্গেয়ং শিখণ্ডী তং মহাদ্যুতিম্।
জঘান বহুভির্বাণৈঃ সহ গাণ্ডীবধন্বনা॥ 14-60-11 (94166)
অকরোৎস ততঃ কালং শরতল্পগতো মুনিঃ।
অয়নং দক্ষিণং হিৎবা সম্প্রাপ্তে চোত্তরায়ণে॥ 14-60-12 (94167)
ততঃ সেনাপতিরভূদ্দ্রোণোঽস্ত্রবিদুষাংবরঃ।
প্রবীরঃ কৌরবেন্দ্রস্য কাব্যো দৈত্যপতেরিব॥ 14-60-13 (94168)
অক্ষৌহিণীভিঃ শিষ্টাভির্নবভির্দ্বিজসত্তমঃ।
সংবৃতঃ সমরশ্লাঘী গুপ্তঃ কৃপসুতাদিভিঃ॥ 14-60-14 (94169)
ধৃষ্টদ্যুম্নস্ৎবভূন্নেতা পাণ্ডবানাং মহাস্ত্রবিৎ।
গুপ্তো ভীমেন মেধাবী মিত্রেণ বরুণো যথা॥ 14-60-15 (94170)
স চ সেনাপরিবৃতো দ্রোণপ্রেপ্সুর্মহামনাঃ।
পিতুর্নিকারান্সংস্মৃত্য রণে কর্মাকরোন্মহৎ॥ 14-60-16 (94171)
তস্মিংস্তে পৃথিবীপালা দ্রোণপার্ষতসঙ্গরে।
নানাদিগাগতা বীরাঃ প্রায়শো নিধনং গতাঃ॥ 14-60-17 (94172)
দিনানি পঞ্চ তদ্যুদ্ধমভূৎপরমদারুণম্।
ততো দ্রোণঃ পরিশ্রান্তো ধৃষ্টদ্যুম্নবশং গতঃ॥ 14-60-18 (94173)
ততঃ সেনাপতিরভূৎকর্ণো দৌর্যোধনে বলে।
অক্ষৌহিণীভিঃ শিষ্টাভির্বৃতঃ পঞ্চভিরাহবে॥ 14-60-19 (94174)
তিস্রস্তু পাণ্ডুপুত্রাণাং চম্বো বীভৎসুপালিতাঃ।
হতপ্রবীরভূয়িষ্ঠা বভূবুঃ সমবস্থিতাঃ॥ 14-60-20 (94175)
ততঃ পার্থং সমাসাদ্য পতঙ্গ ইব পাবকম্।
পঞ্চৎবমগমৎসৌতির্দ্বিতীয়েঽহনি দারুণঃ॥ 14-60-21 (94176)
হতে কর্ণে তু কৌরব্যা নিরুৎসাহা হতৌজসঃ।
অক্ষৌহিণীভিস্তিসৃভির্মদ্রেশং পর্যবারয়ন্॥ 14-60-22 (94177)
হতিবাহনভূয়িষ্ঠাঃ পাণ্ডিবাস্তু যুধিষ্ঠিরম্।
অক্ষৌহিণ্যা নিরুৎসাহাঃ শিষ্টয়া পর্যবারয়ন্॥ 14-60-23 (94178)
অবধীন্মদ্ররাজানং কুরুরাজো যুধিষ্ঠিরঃ।
তস্মিংস্তদাঽর্ধদিবসে কৃৎবা কর্ম সুদুষ্করম্॥ 14-60-24 (94179)
হতে শল্যে তু শকুনিং সহদেবো মহামনাঃ।
আহর্তারং কলেস্তস্য জগানামিতবিক্রমঃ॥ 14-60-25 (94180)
নিহতে শকুনৌ রাজা ধার্তরাষ্ট্রঃ সুদুর্মনাঃ।
অপাক্রামদ্গদাপাণির্হতভূয়িষ্ঠসৈনিকঃ॥ 14-60-26 (94181)
তমন্বধাবৎসংক্রুদ্ধো ভীমসেনঃ প্রতাপবান্।
হ্রদে দ্বৈপায়নে চাপি সলিলস্থং দদর্শ তম্॥ 14-60-27 (94182)
ইতশিষ্টেন সৈন্যেন সমন্তাৎপর্যবার্য তম্।
অথোপবিবিশুর্হৃষ্টা হ্রদস্থং পঞ্চ পাণ্ডবাঃ॥ 14-60-28 (94183)
বিগাহ্য সলিলং ৎবাশু বাগ্বাণৈর্ভৃশবিক্ষতঃ।
উত্থায় স গদাপাণির্যুদ্ধায় সমুপস্থিতঃ॥ 14-60-29 (94184)
ততঃ স নিহতো রাজা ধার্তরাষ্ট্রো মহারণে।
ভীমসেনেন বিক্রম্য পশ্যতাং পৃথিবীক্ষিতাম্॥ 14-60-30 (94185)
ততস্তৎপাণ্ডবং সৈন্যং প্রসুপ্তং শিবিরে নিশি।
নিহতং দ্রোণপুত্রেণ পিতুর্বধমমৃষ্যতা॥ 14-60-31 (94186)
হতপুত্রা হতবলা হতমিত্রা ময়া সহ।
যুয়ুধানসহায়েন পঞ্চ শিষ্টাস্তু পাণ্ডবাঃ॥ 14-60-32 (94187)
সহৈব কৃপভোজাভ্যাং দ্রৌণির্যুদ্ধাদমুচ্যত।
যুয়ুৎসুশ্চাপি কৌরব্যো মুক্তঃ পাণ্ডবসংশ্রয়াৎ॥ 14-60-33 (94188)
নিহতে কৌরবেন্দ্রে তু সানুবন্ধে সুয়োধনে।
বিদুরঃ সংজয়শ্চৈব ধর্মরাজমুপস্থিতৌ॥ 14-60-34 (94189)
এবং তদভবদ্যুদ্দমহান্যষ্টাদশ প্রভো।
যত্র তে পৃথিবীপালা নিহতাঃ স্বর্গমাবসন্॥ 14-60-35 (94190)
বৈশম্পায়ন উবাচ। 14-60-36x (7913)
শৃণ্বতাং তু মহারাজ কথাং তাং রোমহর্ষণীম্।
দুঃখশোকপরিক্লেশা বৃষ্ণীনামভবংস্তদা॥ ॥ 14-60-36 (94191)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ষষ্টিতমোঽধ্যায়ঃ॥ 60 ॥
Mahabharata - Ashvamedhika Parva - Chapter Footnotes
7-60-11 ততঃ শিখণ্ডী গাঙ্গেয়ং যুধ্যমানং মহাহবে। ইতি ঝ.পাঠঃ॥আশ্বমেধিকপর্ব - অধ্যায় 061
॥ শ্রীঃ ॥
14.61. অধ্যায়ঃ 061
Mahabharata - Ashvamedhika Parva - Chapter Topics
কৃষ্ণেন সভায়াং বসুদেবংপ্রতি অভিমন্যুনিধনাকথনে সুভদ্রয়া তংপ্রতি তৎকথনচোদনাপূর্বকং শোকান্মোহাবেশেন ভুবি নিপতনম্॥ 1 ॥ ততঃ কৃষ্ণেন বসুদেবপরিসান্ৎবনম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
কথয়ন্নেব তু তদা বাসুদেবঃ প্রতাপবান্।
মহাভারতয়ুদ্ধং তৎকথান্তে পিতুরগ্রতঃ॥ 14-61-1 (94192)
অভিমন্যোর্বধং বীরঃ সোত্যক্রামন্মহামতিঃ।
অপ্রিয়ং বসুদেবস্য মাভূদিতি মহামনাঃ॥ 14-61-2 (94193)
মা দৌহিত্রবধং শ্রুৎবা বসুদেবো মহাত্যযম্।
দুঃখশোকাভিসংতপ্তো ভবেদিতি মহামতিঃ॥ 14-61-3 (94194)
সুভদ্রা তু তমুৎক্রান্তমাত্মজস্য বধং রণে।
আচক্ষ্ব কৃষ্ণ সৌভদ্রবধমিত্যপতদ্ভুবি॥ 14-61-4 (94195)
তামপশ্যন্নিপতিতাং বসুদেবঃ ক্ষিতৌ তদা।
দৃষ্ট্বৈব চ পপাতোর্ব্যাং সোঽপি দুঃখেন মূর্ছিতঃ॥ 14-61-5 (94196)
তষঃ স দৌহিত্রবদাদ্দুঃখশোকসমাহতঃ।
বসুদেবো মহারাজ কৃষ্ণং বাক্যমথাব্রবীৎ॥ 14-61-6 (94197)
ননু ৎবং পুণ্ডরীকাক্ষ সত্যবাগ্ভুবি বিশ্রুতঃ।
যদ্দৌহিত্রবধং মেঽদ্য ন খ্যাপয়সি শত্রুহন্॥ 14-61-7 (94198)
তদ্ভাগিনেয়নিধনং তত্ৎবেনাচক্ষ্ব মে প্রভো।
সদৃশাক্ষস্তব কথং শত্রুভির্নিহতো রণে। 14-61-8 (94199)
দুর্ভরং বত বার্ষ্ণেয় কালেঽপ্রাপ্তে নৃভিঃ সহ।
যত্র মে হৃদয়ং দুঃখাচ্ছতধা ন বিদীর্যতে॥ 14-61-9 (94200)
কিমব্রবীত্ৎবাং সঙ্গ্রামে সুভদ্রাং মাতরং প্রতি।
মাং চাপি পুণ্ডরীকাক্ষি চপলাক্ষঃ প্রিয়ো মম॥ 14-61-10 (94201)
আহবং পৃষ্ঠতঃ কৃৎবা কচ্চিন্ন নিহতঃ পরৈঃ।
কচ্চিন্মুখং ন গোবিন্দ তেনাজৌ বিকৃতং কৃতম্॥ 14-61-11 (94202)
স হি কৃষ্ণ মহাতেজাঃ শ্লাঘন্নিব মমাগ্রতঃ।
বালভাবেন বিজয়মাত্মনোঽকথয়ৎপ্রভুঃ। 14-61-12 (94203)
কচ্চিন্ন নিকৃতো বালো দ্রোণকর্ণাকৃপাদিভিঃ।
ধরণ্যাং নিহতঃ শেতে তন্মমাচক্ষ্বি কেশব॥ 14-61-13 (94204)
স হি দ্রোণং চ ভীষ্মং চ কর্ণং চ বলীনাং বরম্।
স্পর্ধতে স্ম রণে নিত্যং দুহিতুঃ পুত্রকো মম॥ 14-61-14 (94205)
এবংবিধং বহু তদা বিলপন্তং সুদুঃখিতম্।
পিতরং দুঃখিততরং গোবিন্দো বাক্যমব্রবীৎ॥ 14-61-15 (94206)
ন তেনি বিকৃতং বক্ত্রং কৃতং সঙ্গ্রামমূর্ধনি।
ন পৃষ্ঠতঃ কৃতশ্চাপি সঙ্গ্রামস্তেন দুস্তরঃ॥ 14-61-16 (94207)
নিহত্য পৃথিবীপালান্সহস্রশতসঙ্ঘশঃ।
খেদিতো দ্রোণকর্ণাভ্যাং দৌঃশাসনিবশং গতঃ॥ 14-61-17 (94208)
একো হ্যেকেন সততং যুধ্যমানো যদি প্রভো।
ন স শক্যেত সঙ্গ্রামে নিহন্তুমপি বজ্রিণা॥ 14-61-18 (94209)
সমাহূতে চ সঙ্গ্রামে পার্থে সংশপ্তকৈস্তদা।
পর্যবার্যত সংক্রুদ্ধৈঃ স দ্রোণাদিভিরাহবে॥ 14-61-19 (94210)
ততঃ শত্রুবধং কৃৎবা সুমহান্তং রেণে পিতঃ।
দৌহিত্রস্তব বার্ষ্ণেয় দৌঃশাসনিবশং গতঃ॥ 14-61-20 (94211)
নূনং চ স গতঃ স্বর্গং জহি শোকং মহামতে।
ন হি ব্যসনমাসাদ্য সীদন্তি কৃতবুদ্ধয়ঃ॥ 14-61-21 (94212)
দ্রোণকর্ণপ্রভৃতয়ো যেন প্রতিসমাসিতাঃ।
রণে মহেন্দ্রপ্রতিমাঃ স কথং নাপ্নুয়াদ্দিবম্॥ 14-61-22 (94213)
স শোকং জহি জুর্ধর্ষ মা চ মন্যুবশং গমঃ।
শস্ত্রপূতাং হি স গতিং গতঃ পরপুরংজয়ঃ॥ 14-61-23 (94214)
তস্মিংস্তু নিহতে বীরে সুভদ্রেয়ং স্বসা মম।
দুঃখার্তাঽথো সুতং প্রাপ্য কুররীব ননাদ হ॥ 14-61-24 (94215)
দ্রৌপদীং চ সমাসাদ্য পর্যতপ্যত দুঃখিতা।
আর্যে ক্ব দারকাঃ সর্বে দ্রষ্টুমিচ্ছামি তানহম্॥ 14-61-25 (94216)
অস্যাস্তু বচনং শ্রুৎবা সর্বাস্তাঃ কুরুয়োষিতঃ।
ভুজাভ্যাং পরিগৃহ্যৈনাং চুক্রুশুঃ পরমার্তবৎ॥ 14-61-26 (94217)
উত্তরাং চাব্রবীদ্ভদ্রে ভর্তা স ক্ব নু তে গতঃ।
ক্ষিপ্রমাগমনং মহ্যং তস্য ৎবং বেদয়স্ব হ॥ 14-61-27 (94218)
ননু নামাদ্য বৈরাটি শ্রুৎবা মম গিরং সদা।
ভবনান্নিষ্পতত্যাশু কস্মান্নাভ্যেতি তে পতিঃ॥ 14-61-28 (94219)
অভিমন্যোঽনুশয়িনো মাতুলাস্তে মহারথাঃ।
কুশলং চাব্রুবন্সর্বে ৎবাং যুয়ুৎসুমিহাগতম্॥ 14-61-29 (94220)
আচক্ষ্ব মেঽদ্য সঙ্গ্রামং যথাপূর্বমরিন্দম।
কস্মাদেবং বিলপতীং নাদ্যেহ প্রতিভাষসে। 14-61-30 (94221)
এবমাদি তু বার্ষ্ণেয়্যাস্তস্যাস্তৎপরিদেবিতম্।
শ্রুৎবা পৃথা সুদুঃখার্তা শনৈর্বাক্যমথাব্রবীৎ॥ 14-61-31 (94222)
সুভদ্রে বাসুদেবেন তথা সাত্যকিনা রণে।
পিত্রা চ লালিতো বালঃ স হতঃ কালধর্মণা॥ 14-61-32 (94223)
ঈদৃশো মর্ত্যধর্মোঽয়ং মা শুচো যদুনন্দিনি।
পুত্রো হি তব দুর্ধর্ষঃ সম্প্রাপ্তঃ পরমাং গতিম্॥ 14-61-33 (94224)
কুলে মহতি জাতাসি ক্ষত্রিয়াণাং মহাত্মনাম্।
মা শুচশ্চপলাক্ষং ৎবং পদ্মপত্রনিভেক্ষণে॥ 14-61-34 (94225)
উত্তরাং ৎবমবেক্ষস্ব গুর্বিণীং মা শুচঃ শুভে।
পুত্রমেষা হি তস্যাশু জনয়িষ্যতি ভামিনী॥ 14-61-35 (94226)
এবমাশ্বাসয়িৎবৈনাং কুন্তী যদুকুলোদ্বহ।
বিহায় শোকং দুর্ধর্ষং শ্রাদ্ধমস্য হ্যকল্পয়ৎ॥ 14-61-36 (94227)
সমনুজ্ঞাপ্য ধর্মজ্ঞং রাজানং ভীমমেব চ।
যমৌ যমোপমৌ চৈব দদৌ দানান্যনেকশঃ॥ 14-61-37 (94228)
ততঃ প্রদায় বহ্বীর্গা ব্রাহ্মণেভ্যো যদূদ্বহ।
সমাহৃষ্য তু বার্ষ্ণেয়ী বৈরাটীমব্রবীদিদম্॥ 14-61-38 (94229)
বৈরাটি নেহ সংতাপস্ৎবয়া কার্যো হ্যনিন্দিতে।
ভর্তারং প্রতি সুশ্রোণি গর্ভস্থং রক্ষ বৈ শিশুম্॥ 14-61-39 (94230)
এবমুক্ৎবা ততঃ কুন্তী বিররাম মহাদ্যুতে।
তামনুজ্ঞাপ্য চৈবেমাং সুভদ্রাং সমুপানয়ম্॥ 14-61-40 (94231)
এবং স নিধনং প্রাপ্তো দৌহিত্রস্তব মানদ।
সংতাপং ত্যজ দুর্ধর্ষ মা চ শোকে মনঃ কৃথাঃ॥ ॥ 14-61-41 (94232)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একষষ্টিতমোঽধ্যায়ঃ॥ 61 ॥
Mahabharata - Ashvamedhika Parva - Chapter Footnotes
7-61-11 কচ্চিদ্দুঃখেন গোবিন্দি তত্রাজৌ বিমুখীকৃতঃ ইতি থ.পাঠঃ॥ 7-61-19 সমাহৃতে চ সঙ্গ্রামাদিতি ঝ.পাঠঃ। পর্যবার্যত সতুষ্টৈরিতি থ.পাঠঃ॥আশ্বমেধিকপর্ব - অধ্যায় 062
॥ শ্রীঃ ॥
14.62. অধ্যায়ঃ 062
Mahabharata - Ashvamedhika Parva - Chapter Topics
বসুদেবাদিভিরভিমন্যবে শ্রাদ্ধদানম্॥ 1 ॥ ব্যাসেন হাস্তিনপুরমেত্য উত্তরাদিপরিসান্ৎবপূর্বকং যুধিষ্ঠিরংপ্রত্যশ্বমেধসংচোদনেনি পুনরন্তর্ধানম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
এতচ্ছ্রুৎবা তু পুত্রস্য বচঃ শূরাত্মজস্তদা।
বিহায় শোকং ধর্মাত্মা দদৌ শ্রাদ্ধমনুত্তমম্॥ 14-62-1 (94233)
তথৈব বাসুদেবশ্চ স্বস্ত্রীয়স্য মহাত্মনঃ।
দয়িতস্যি পিতুর্নিত্যমকরোদৌর্ধ্বদেহিকম্॥ 14-62-2 (94234)
ষষ্টিং শতসহস্রাণি ব্রাহ্মণানাং মহৌজসাম্।
বিধিবদ্ভোজয়ামাস ভোজ্যং সর্বগুণান্বিতম্॥ 14-62-3 (94235)
আচ্ছাদ্য চ মহাবাহুর্ধনতৃষ্ণামপানুদৎ।
ব্রাহ্মণানাং তদা কৃষ্ণস্তদভূদ্রোমহর্ষণম্॥ 14-62-4 (94236)
সুবর্ণং চৈব গাশ্চৈব শয়নাচ্ছাদনানি চ।
দীয়মানং তদা বিপ্রঃ প্রভূতমিতি চাব্রুবন্॥ 14-62-5 (94237)
বাসুদেবোঽথ দাশার্হো বলেদেবঃ সসাত্যকিঃ।
অভিমন্যোস্তদা শ্রাদ্ধমকুর্বন্সত্যকস্তদা।
অতীব দুঃখসংতপ্তা ন শমং চোপলেভিরে॥ 14-62-6 (94238)
তথৈব পাণ্ডবা বীরা নগরে নাগসহ্বয়ে।
নোপাগচ্ছন্ত বৈ শান্তিমভিমন্যুবিনাকৃতাঃ॥ 14-62-7 (94239)
সুবহূনি চ রাজেন্দ্র দিবসানি বিরাটজা।
নাভুঙ্ক্ত পতিদুঃখার্তা তদভূৎকরুণং মহৎ॥ 14-62-8 (94240)
ধিয়মাণে তু তস্মিংস্তু গর্ভে কুক্ষিস্থ এব চ।
আজগাম ততো ব্যাসো জ্ঞাৎবা দিব্যেন চক্ষুষা॥ 14-62-9 (94241)
সমাগম্যাব্রবীমান্পৃথাং পৃথুললোচনাম্।
উত্তরাং চ মহাতেজাঃই শোকঃ সংত্যজ্যতাময়ম্॥ 14-62-10 (94242)
জনিষ্যতে মহাতেজাঃ পুত্রস্তব যশস্বিনি।
প্রভাবাদ্বাসুদেবস্য মম ব্যাহরণাদপি।
পাণ্ডবানাময়ং চান্তে পালয়িষ্যতি মেদিনীম্॥ 14-62-11 (94243)
ধনঞ্জয়ং চ সম্প্রেক্ষ্য ধর্মরাজস্য শৃণ্বতঃ।
ব্যাসো বাক্যমুবাচেদং হর্ষয়ন্নিব ভারত॥ 14-62-12 (94244)
পৌত্রস্তব মহাভাগো জনিষ্যতি মহামনাঃ।
পৃথ্বীং সাগরপর্যন্তাং পালয়িষ্যতি ধর্মতঃ॥ 14-62-13 (94245)
তস্মাচ্ছোকং কুরুশ্রেষ্ঠ জহি ৎবমরিকর্শন।
বিচার্যমত্র ন হি তে সত্যমেতদ্ভবিষ্যতি॥ 14-62-14 (94246)
যচ্চাপি বৃষ্ণিবীরেণি কৃষ্ণেন কুরুনন্দন।
পুরোক্তং তত্তথা ভাবি মা তেঽত্রাস্তু বিচারণা॥ 14-62-15 (94247)
বিবুধানাং গতো লোকানক্ষয়ানাত্মনির্জিতান্।
ন স শোচ্যস্ৎবয়া বীরো ন চান্যৈঃ কুরুভিস্তথা॥ 14-62-16 (94248)
এবং পিতামহেনোক্তো ধর্মাত্মা স ধনঞ্জয়ঃ।
ত্যক্ৎবা শোকং মহারাজ হৃষ্টরূপোঽভবত্তদা॥ 14-62-17 (94249)
পিতাঽপি তব ধর্মেজ্ঞ গর্ভে তস্মিন্মহামতে।
অবর্ধত যথাকামং শুক্লপক্ষে যথা শসী॥ 14-62-18 (94250)
ততঃ সংচোদয়ামাস ব্যাসো ধর্মাত্মজং নৃপম্।
অশ্বমেধং প্রতি তদা ততঃ সোঽন্তর্হিতোঽভবৎ॥ 14-62-19 (94251)
ধর্মরাজোপি মেধাবী শ্রুৎবা ব্যাসস্য তদ্বচঃ।
বিত্তোপনয়নে তাত চকার গমনে মতিম্॥ ॥ 14-62-20 (94252)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি দ্বিষষ্টিতমোঽধ্যায়ঃ॥ 62 ॥
আশ্বমেধিকপর্ব - অধ্যায় 063
॥ শ্রীঃ ॥
14.63. অধ্যায়ঃ 063
Mahabharata - Ashvamedhika Parva - Chapter Topics
যুধিষ্ঠিরেণ ব্যাসাজ্ঞয়া ভীমাদিভিঃ সহালোচ্য যজ্ঞার্থং ধনাহরণায় সহভ্রাত্রাদিভির্হিমবৎপার্শ্বপ্রতি প্রস্থানম্॥ 1 ॥Mahabharata - Ashvamedhika Parva - Chapter Text
জনমেজয় উবাচ।
শ্রুৎবৈতদ্বচনং ব্রহ্মন্ব্যাসেনোক্তং মহাত্মনা।
অশ্বমেধং প্রতি তদা কিং ভূয়ঃ প্রচকার হ॥ 14-63-1 (94253)
রত্নং চ যন্মরুত্তেনি নিহিতং বসুধাতলে।
তদবাপ কথং চেতি তন্মে ব্রূহি দ্বিজোত্তম॥ 14-63-2 (94254)
বৈশম্পায়ন উবাচ। 14-63-3x (7914)
শ্রুৎবা দ্বৈপায়নবচো ধর্মিরাজো যুধিষ্ঠিরঃ।
ভ্রাতৄন্সর্বান্সমানায়্য কালে বচনমব্রবীৎ॥ 14-63-3 (94255)
অর্জুনং ভীমসেনং চ মাদ্রীপুত্রৌ যমাবপি।
শ্রুতং বো বচনং বীরাঃ সৌহৃদাদ্যন্মহাত্মনা॥ 14-63-4 (94256)
কুরূণাং হিতকামেন প্রোক্তং কৃষ্ণেন ধীমতা।
তপোবৃদ্ধেনি মহতা সুহৃদাং ভূতিমিচ্ছতা॥ 14-63-5 (94257)
গুরুণা ধর্মশীলেন ব্যাসেনাদ্ভুতকর্মণা।
ভীষ্মেণ চ মহাপ্রাজ্ঞ গোবিন্দেনি চ ধীমতা॥ 14-63-6 (94258)
সংস্মৃত্য তদহং সম্যক্কর্তুমিচ্ছামি পাণ্ডবাঃ।
আয়ত্যাং চ তদাৎবে চ সর্বেষাং তদ্ধি নো হিতম্॥ 14-63-7 (94259)
অনুবন্ধে চ কল্যাণং যদ্বচো ব্রহ্মবাদিনঃ।
ইয়ং হি বসুধা সর্বা ক্ষীণরত্না কুরূদ্বহাঃ॥ 14-63-8 (94260)
তচ্চাচষ্ট তদা ব্যাসো মরুত্তস্য ধনং নৃপাঃ।
যদ্যেতদ্বো বহুমতং মন্যধ্বং বা ক্ষমং যদি।
তদানয়ামহে সর্বে কতং বা ভীম মন্যসে॥ 14-63-9 (94261)
ইত্যুক্তবাক্যে নৃপতৌ তদা কুরুকুলোদ্বহ।
ভীমসেনো নৃপশ্রেষ্ঠং প্রাঞ্জলির্বাক্যমব্রবীৎ॥ 14-63-10 (94262)
রোচতে মে মহাবাহো যদিদং ভাষিতং ৎবয়া।
ব্যাসাখ্যাতস্য বিত্তস্য সমুপানয়নং প্রতি॥ 14-63-11 (94263)
তৎপ্রাপ্নুয়ামহে ধর্মাদ্যদ্ধনং কাঙ্ক্ষিতং প্রভো।
কৃতমেব মহারাজ ভবেদিতি মতির্মম॥ 14-63-12 (94264)
তে বয়ং প্রণিপাতেন গিরীশস্য মহাত্মনঃ।
তদানয়ামি ভদ্রং তে সমভ্যর্চ্য কপর্দিনম্॥ 14-63-13 (94265)
`তং বিভুং দেবদেবেশং শূলপাণিং ত্রিলোচনম্।
অনাদিনিধনং শংভুং নমস্যামি মহেশ্বরম্॥' 14-63-14 (94266)
লোকনাথং গণাধ্যক্ষং তস্যৈবানুচরাংশ্চি তান্।
প্রসাদ্যার্থমবাপ্স্যামো নূনং বাগ্বুদ্ধিকর্মভিঃ॥ 14-63-15 (94267)
রক্ষন্তে যে চ তদ্দ্রব্যং কিন্নরা রৌদ্রদর্শনাঃ।
তে চ বশ্যা ভবিষ্যন্তি প্রসন্নে বৃষভধ্বজে॥ 14-63-16 (94268)
`স হি দেবঃ প্রসন্নাত্মা ভক্তানাং পরমেশ্বরঃ।
দদাত্যমরতাং চাপি কিং পুনঃ কাঞ্চনং প্রভুঃ॥ 14-63-17 (94269)
বনস্থাস্য পুরা জিষ্ণোরস্ত্রং পাশুপতং মহৎ।
রৌদ্রং ব্রহ্মসিরশ্চাদাৎপ্রসন্নঃ কিং পুনর্ধনম্॥ 14-63-18 (94270)
বয়ং সর্বে হি তদ্ভক্তাঃ স চাস্মাকং প্রসীদতি।
তৎপ্রসাদাদিদং রাজ্যং প্রাপ্তং কৌরবনন্দন॥ 14-63-19 (94271)
অভিমন্যোর্বধে বৃত্তে প্রতিজ্ঞাতে ধনঞ্জয়ে।
জয়দ্রথবধার্থায় স্বপ্নে লোকগুরুর্নিশি।
প্রসাদ্য লব্ধবানস্ত্রমর্জুনঃ সহকেশবঃ॥ 14-63-20 (94272)
তত্র প্রভাতাং রজনীং ফল্গুনস্যাগ্রতঃ প্রভুঃ।
জঘান সৈন্যং শূলেন প্রত্যক্ষং সব্যসাচিনঃ॥ 14-63-21 (94273)
কস্তাং সেনাং মহারাজ মনসাঽপি প্রধর্ষয়েৎ।
দ্রোণিকর্ণবলৈর্যুক্তাং মহেষ্বাসৈঃ প্রহারিভিঃ।
ঋতে দেবান্মহেষ্বাসাদ্বহুরূপান্মহেশ্বরাৎ॥ 14-63-22 (94274)
তস্যৈব চ প্রসাদেব নিহতাস্তব শত্রবঃ।
অশ্বমেধস্য সংসিদ্ধিং তব সম্পাদয়িষ্যতি।' 14-63-23 (94275)
শ্রুৎবৈবং বদতস্তস্য বাক্যং ভীমস্য ভারত।
প্রীতো ধর্মাত্মজো রাজা বভূবাতীব ভারত।
অর্জুনপ্রমুখাশ্চাপি তথেত্যেবাব্রুবন্বচঃ॥ 14-63-24 (94276)
কৃৎবা তু পাণ্ডবাঃ সর্বে রত্নাহরণনিশ্চয়ম্।
সেনামাজ্ঞাপয়ামাসুর্নক্ষত্রেঽহনি চ ধ্রুবে॥ 14-63-25 (94277)
ততো যয়ুঃ পাণ্ডুসুতা ব্রাহ্মণান্স্বস্তি বাচ্য চ।
অর্চয়িৎবা সুরশ্রেষ্ঠং পূর্বমেব মহেশ্বরম্॥ 14-63-26 (94278)
মোদকৈঃ পায়সেনাথ মাংসাপূপৈস্তথৈব চ।
আশাস্য চ মহাত্মানং প্রয়যুর্মুদিতা ভৃশম্॥ 14-63-27 (94279)
তেষাং প্রয়াস্যতাং তত্র মঙ্গলানি শুভান্যথ।
প্রাহুঃ প্রহৃষ্টমনসো দ্বিজাগ্র্যা নাগরাশ্চ তে॥ 14-63-28 (94280)
ততঃ প্রদক্ষিণীকৃত্য শিরোভিঃ প্রণিপত্য চ।
ব্রাহ্মণানগ্নিসহিতান্প্রয়যুঃ পাণ্ডুনন্দনাঃ॥ 14-63-29 (94281)
সমনুজ্ঞাপ্য রাজানং পুত্রশোকসমাহতম্।
ধৃতরাষ্ট্রং সভার্যং বৈ পৃথাং চ পৃথুলোচনাম্॥ 14-63-30 (94282)
মূলে নিক্ষিপ্য কৌরব্যং যুয়ুৎসুং ধৃতরাষ্ট্রজম্।
সম্পূজ্যমানাঃ পৌরৈশ্চ ব্রাহ্মণৈশ্চ মনীষিভিঃ।
`প্রয়যুঃ পাণ্ডবা বীরা নিয়মস্থাঃ শুচিব্রতাঃ' ॥ 14-63-31 (94283)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ত্রিষষ্টিতমোঽধ্যায়ঃ॥ 63 ॥
আশ্বমেধিকপর্ব - অধ্যায় 064
॥ শ্রীঃ ॥
14.64. অধ্যায়ঃ 064
Mahabharata - Ashvamedhika Parva - Chapter Topics
যুধিষ্ঠিরেণ হিমবদ্গিরিমেত্য সেনানিবেশনম্॥ 1 ॥ তত্র ব্রাহ্মণচোদনয়া তৈঃ সহোপবাসাদিব্রতাচরণপূর্বকং নিশায়াপনম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
ততস্তে প্রয়যুর্হৃষ্টাঃ প্রহৃষ্টনরবাহনাঃ।
রথঘোষেণ মহতা পূরয়ন্তো বসুন্ধরাম্॥ 14-64-1 (94284)
সংস্তূয়মানাঃ স্তুতিভিঃ সূতমাগধবন্দিভিঃ।
স্বেন সৈন্যেন সংবীতা যথাঽঽদিত্যাঃ স্বরশ্মিভিঃ॥ 14-64-2 (94285)
পাণ্ডুরেণাতপত্রেণ ধ্রিয়মাণেন মূর্ধনি।
বভৌ যুধিষ্ঠিরস্তত্র পৌর্ণমাস্যামিবোডুরাট্॥ 14-64-3 (94286)
জয়াশিষঃ প্রহৃষ্টানাং নরাণাং পথি পাণ্ডবঃ।
প্রত্যগৃহ্ণাদ্যথান্যায়ং যথাবৎপুরুষর্ষভঃ॥ 14-64-4 (94287)
তথৈব সৈনিকা রাজন্রাজানমনুয়ান্তি যে।
তেষাং হলহলাশব্দো দিবং স্তব্ধ্বা ব্যতিষ্ঠত॥ 14-64-5 (94288)
সরাংসি সরিতশ্চৈব বনান্যুপবনানি চ।
অত্যক্রামন্মহারাজো গিরিং চাপ্যন্বপদ্যত॥ 14-64-6 (94289)
স্মিন্দেশে চ রাজেন্দ্র যত্র তদ্দ্রব্যমুত্তমম্।
চক্রে নিবেশনং রাজা পাণ্ডবঃ সহসৈনিকৈঃ।
শিবে দেশে সমে চৈব তদা ভরতসত্তম॥ 14-64-7 (94290)
অগ্রতো ব্রাহ্মণান্কৃৎবা তপোবিদ্যাদমান্বিতান্।
পুরোহিতং চ কৌরব্য বেদবেদাঙ্গপারগম্॥ 14-64-8 (94291)
আগ্নিবেশ্যং চ রাজানো ব্রাহ্মণাঃ সপুরোধসঃ।
কৃৎবা শান্তিং যথান্যায়ং সর্বশঃ পর্যবারয়ন্॥ 14-64-9 (94292)
কৃৎবা তু মধ্যে রাজানমমাত্যাংশ্চ যথাবিধি।
ষট্পদং নবসঙ্খ্যানং নিবেশং চক্রিরে জনাঃ॥ 14-64-10 (94293)
মত্তানাং বারণেন্দ্রাণাং নিবেশং চ যথাবিধি।
কারয়িৎবা স রাজেন্দ্রো ব্রাহ্মণানিদমব্রবীৎ॥ 14-64-11 (94294)
অস্মিন্কার্যে দ্বিজশ্রেষ্ঠা নক্ষত্রে দিবসে শুভে।
যথা ভবন্তো মন্যন্তে কর্তুমর্হন্তি তত্তথা॥ 14-64-12 (94295)
ন নঃ কালাত্যযো বৈ স্যাদিহৈব পরিলম্বতাম্।
ইতি নিশ্চিত্য বিপ্রেন্দ্রাঃ ক্রিয়তাং যদনন্তরম্॥ 14-64-13 (94296)
শ্রুৎবৈতদ্ব********* ব্রাহ্মণাঃ সপুরোধসঃ।
ইদমূচুর্বচো হৃষ্টা ধর্মরাজপ্রিয়েপ্সবঃ॥ 14-64-14 (94297)
অদ্যৈব নক্ষত্রিমহশ্চ পুণ্যং
যতামহে শ্রেষ্ঠতমক্রিয়াসু।
তপোভিরদ্যেহ বসাম রাজ-
ন্নুপোষ্যতাং চাপি ভবদ্ভিরদ্য॥ 14-64-15 (94298)
শ্রুৎবা তু তেষাং দ্বিজসত্তমানাং
কৃতোপবাসা রজনীং নরেন্দ্রাঃ। 14-64-16 (94299)
ঊষুঃ প্রতীতাঃ কুশসংস্তরেষু
যথাঽধ্বরে প্রজ্বলিতা হুতাশাঃ॥ 14-64-17 (94300)
ততো নিশা সা ব্যগমন্মহাত্মনাং
সংশৃণ্বতাং বিপ্রসমীরিতা গিরঃ।
ততঃ প্রভাতে বিমলে দ্বিজর্ষভা
বচোঽব্রুবন্ধর্মসুতং নরাধিপম্॥ ॥ 14-64-18 (94301)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি চতুঃষষ্টিতমোঽধ্যায়ঃ॥ 64 ॥
Mahabharata - Ashvamedhika Parva - Chapter Footnotes
7-64-25 ধ্রুবে নক্ষত্রে রোহিণ্যামুত্তরাত্রয়ে চ। অহনি বারে ধ্রুবে রবিবারে।ক উত্তরার্কেঽমৃতসিদ্ধয়োগে ইত্যর্থঃ॥ 7-64-31 মূলে বংশস্যাদ্যে। কুন্তীধৃতরাষ্ট্রসমীপে ইত্যর্থঃ॥ 7-64-63 ত্রিষষ্টিতমোঽধ্যায়ঃ॥আশ্বমেধিকপর্ব - অধ্যায় 065
॥ শ্রীঃ ॥
14.65. অধ্যায়ঃ 065
Mahabharata - Ashvamedhika Parva - Chapter Topics
যুধিষ্ঠিরেণ বিধিবন্নানাষলিহরণাদিনা সপরিচরমহেশ্বরপতিতোষণেন বিবিধকনকভাণ্ডাহরণেন পুনর্নগরংপ্রত্যাগমনম্॥ 1 ॥Mahabharata - Ashvamedhika Parva - Chapter Text
name="Azvamedhika-14-65-1x">ব্রাহ্মণা ঊচুঃ।
ক্রিয়তামুপহারোঽদ্য ত্র্যম্বকস্য মহাত্মনঃ।
দত্ৎবোপহারং নৃপতে ততঃ স্বার্থং যতামহে॥ 14-65-1 (94302)
বৈশম্পায়ন উবাচ। 14-65-2x (7915)
শ্রুৎবা তু বচনং তেষাং ব্রাহ্মণানাং যুধিষ্ঠিরঃ।
গিরীশস্য যথান্যায়মুপহারমুপাহরৎ॥ 14-65-2 (94303)
আজ্যেন তর্পয়িৎবাঽগ্নিং বিধিবৎসংস্কৃতেন চ।
মন্ত্রসিদ্ধং চরুং কৃৎবা পুরোধাঃ স যয়ৈ তদা॥ 14-65-3 (94304)
স গৃহীৎবা সুমনসো মন্ত্রপূতা জনাধিপ।
মোদকৈঃ পায়সেনাথ মাংসৈশ্চোপাহরদ্বলিংম্॥ 14-65-4 (94305)
সুমনোভিশ্চ চিত্রাভির্লাজৈরুচ্চাবচৈরপি।
সর্বং স্বিষ্টকৃতং হুৎবা বিধিবদ্বেদপারগঃ।
কিংকরাণাং ততঃ পশ্চাচ্চকার বলিমুত্তমম্॥ 14-65-5 (94306)
যক্ষেন্দ্রায় কুবেরায় মাণিভদ্রায় চৈব হ।
তথাঽন্যেষাং চ যক্ষাণাং ভূতানাং পতয়শ্চ যে॥ 14-65-6 (94307)
কৃসরেণ চ মাংসেন নিবাপৈস্তিলসংয়ুতৈঃ।
ওদনং কুম্ভশঃ কৃৎবা পুরোধাঃ সমুপাহরৎ॥ 14-65-7 (94308)
ব্রাহ্মণেভ্যঃ সহস্রাণি গবাং দৎবা তু ভূমিপঃ।
নক্তংচরাণাং ভূতানাং ব্যাদিদেশ বলি তদা॥ 14-65-8 (94309)
ধূপগন্ধনিরুদ্ধং তৎসুমনোভিশ্চ সংবৃতম্।
শুশুভে স্থানমত্যর্থং দেবদেবস্য পার্থিবঃ॥ 14-65-9 (94310)
কৃৎবা পূজাং তু রুদ্রস্য গণানাং চৈব সর্বশঃ।
যয়ৌ ব্যাসং পুরস্কৃত্য নৃপো রত্ননিধিং প্রতি॥ 14-65-10 (94311)
পূজয়িৎবা ধনাধ্বক্ষং প্রণিপত্যাভিবাদ্য চ।
সুমনোভির্বিচিত্রাভিরপূপৈঃ কৃসরেণ চ॥ 14-65-11 (94312)
শঙ্খাদীংশ্চ নিধীন্সর্বান্নিধিপালাংশ্চ সর্বশঃ।
অর্চয়িৎবা দ্বিজাগ্র্যা স্বস্তি বাচ্য চ বীর্যবান্ 14-65-12 (94313)
তেষাং পুণ্যাহঘোষেণ তেজসা সমবস্থিতঃ।
প্রীতিমান্স কুরুশ্রেষ্ঠঃ খানয়ামাসং তং নিধিম্॥ 14-65-13 (94314)
ততঃ পাত্রী সকরকা বহুরূপা মনোরমাঃ।
ভৃঙ্গারাণি কটাহানি কলশান্বর্ধমানকান্॥ 14-65-14 (94315)
বহূনি চ বিচিত্রাণি ভাজনানি সহস্রশঃ।
উদ্ধারয়ামাস তদা ধর্মরাজো যুধিষ্ঠিরঃ॥ 14-65-15 (94316)
তেষাং রক্ষণমপ্যাসীন্মহান্করপুটস্তথা।
নদ্ধং চ ভাজনং রাজংস্তুলার্ধমভবন্নৃপ॥ 14-65-16 (94317)
বাহনং পাণ্ডুপুত্রস্য তত্রাসীত্তু বিশাংপতে।
ষষ্টিরুষ্ট্রসহস্রাণি শতানি দ্বিগুণা হয়াঃ॥ 14-65-17 (94318)
বারণাশ্চ মহারাজ সহস্রশতসংমিতাঃ।
শকটানি রথাশ্চৈব তাবদেব করেণবঃ।
স্বরাণাং পুরুষাণাং চ পরিসঙ্খ্যা ন বিদ্যতে॥ 14-65-18 (94319)
এতদ্বিত্তং তদভবদ্যদুদ্দধ্রে যুধিষ্ঠিরঃ।
ষোডশাষ্টৌ চতুর্বিংশৎসহস্রং ভারলক্ষণম্॥ 14-65-19 (94320)
এতেষ্বাদায় তদ্দ্রব্যং পুনরভ্যর্চ্য পাণ্ডবঃ।
মহাদেবং প্রতি যয়ৌ পুরং নাগাহয়ং প্রতি॥ 14-65-20 (94321)
দ্বৈপায়নাভ্যনুজ্ঞাতঃ পুরস্কৃত্য পুরোহিতম্।
গোরুতে গোরুতে চৈব ন্যবসৎপুরুষর্ষভঃ॥ 14-65-21 (94322)
সা পুরাঽভিমুখা রাজন্নুবাহ মহতী চমূঃ।
কৃচ্ছ্রাদ্দ্রবিণভারার্তা হর্ষয়ন্তী কুরূদ্বহান্॥ ॥ 14-65-22 (94323)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি পঞ্চষষ্টিতমোঽধ্যায়ঃ॥ 65 ॥
Mahabharata - Ashvamedhika Parva - Chapter Footnotes
7-65-14 পাত্রীঃ মহান্তি ওদনোদ্ধরণপাত্রাণি। করকা অল্পঘটাঃ। ভৃঙ্গারাণি গডুকান্। বর্ধমানকান্ শরাবাণি॥ 7-65-16 করপটঃ করসংপুটাকারং দ্বিজলভাজনং উষ্ট্রাদিবাহ্যম্ সংদূখ ইতি প্রসিদ্ধম্॥আশ্বমেধিকপর্ব - অধ্যায় 066
॥ শ্রীঃ ॥
14.66. অধ্যায়ঃ 066
Mahabharata - Ashvamedhika Parva - Chapter Topics
কৃষ্ণেন বলভদ্দ্রসুমদ্রাদিভিঃ সহ যজ্ঞার্থং হাস্তিনপুরং প্রত্যাগমনম্॥ 1 ॥ তত উত্তরায়াং পরিক্ষিতো পরিক্ষিতো জননম্॥ 2 ॥ ভশ্বত্থামাস্ত্রেণ জননকালএব শবভূতস্য তস্যোজ্জীবনায় কুন্ত্যাদিভিঃ শ্রীকৃষ্ণংপ্রতি প্রার্থনা॥ 3 ॥Mahabharata - Ashvamedhika Parva - Chapter Text
বৈশম্পায়ন উবাচ।
এতস্মিন্নেব কালে তু বাসুদেবোঽপি বীর্যবান্।
উপায়াদ্বৃষ্ণিভিঃ সার্দং পুরং বারণসাহ্বয়ম্॥ 14-66-1 (94324)
সময়ং বাজিমেধস্য বিদিৎবা পুরুষর্ষভঃ।
যথোক্তো ধর্মপুত্রেণ প্রব্রজন্স্বপুরীং প্রতি॥ 14-66-2 (94325)
রৌক্মিণেয়েন সহিতো যুয়ুধানেন চৈব হ।
চারুদেষ্ণেন সাংবেনি গদেন কৃতবর্মণা॥ 14-66-3 (94326)
সারণেন চ বীরেণ নিশঠেনোন্মুখেন চ।
বলদেবং পুরস্কৃত্য সুভদ্রাসহিতস্তদা॥ 14-66-4 (94327)
দ্রৌপদীমুত্তরাং চৈব পৃথাং চাপ্যবলোককঃ।
সমাশ্বাসয়িতুং চাপি ক্ষত্রিয়া নিহতেশ্বরাঃ॥ 14-66-5 (94328)
তানাগতান্সমীক্ষ্যৈব ধৃতরাষ্ট্রো মহীপতিঃ।
প্রত্যগৃহ্ণাদ্যথান্যায়ং বিদুরশ্চ মহামনাঃ॥ 14-66-6 (94329)
তত্রৈব ন্যবসৎকৃষ্ণঃ স্বর্চিতঃ পুরুষোত্তমঃ।
বিদুরেণি মহাতেজাস্তথৈব চ যুয়ুৎসুনা॥ 14-66-7 (94330)
বসৎসু বৃষ্ণিবীরেষু তত্রাথ জনমেজয়।
জজ্ঞে তব পিতা রাজন্পরিক্ষিৎপরবীরহা॥ 14-66-8 (94331)
স তু রাজা মহারাজ ব্রহ্মাস্ত্রেণাবপীডিতঃ।
শবো বভূব নিশ্চেষ্টো হর্ষশোকবিবর্ধনঃ॥ 14-66-9 (94332)
হৃষ্টানাং সিংহনাদেন জনানাং তত্র নিঃস্বনঃ।
আবিবশ দিশঃসর্বাঃ পুনরেবাভ্যুপাগমৎ॥ 14-66-10 (94333)
ততঃ সোতিৎবরঃ কৃষ্ণো বিবেশান্তঃপুরং তদা।
যুয়ুধানদ্বিতীয়ো বৈ ব্যথিতেন্দ্রিয়মানসঃ॥ 14-66-11 (94334)
ততস্ৎবরিতমায়ান্তীং দদর্শং স্বাং পিতৃষ্বসাম্।
ক্রোশন্তীমভিধাবেতি বাসুদেবং পুনঃপুনঃ॥ 14-66-12 (94335)
পৃষ্ঠতো দ্রৌপদীং চৈব সুভদ্রাং চ যশস্বিনীম্।
বিক্রোশন্ত্যশ্চ করুণং পাণ্ডবানাং স্ত্রিয়ো নৃপ॥ 14-66-13 (94336)
ততঃ কৃষ্ণং সমাসাদ্য কুন্তী ভোজসুতা তদা।
প্রোবাচ রাজশার্দূল বাষ্পগদ্গদয়া গিরা॥ 14-66-14 (94337)
বাসুদেব মহাবাহো সুপ্রজা দেবকী ৎবয়া।
ৎবং নো গতিঃ প্রতিষ্ঠা চ ৎবদায়ত্তমিদং কুলম্॥ 14-66-15 (94338)
যদুপ্রবীর যোঽয়ং তে স্বস্ত্রীয়স্যাত্মজঃ প্রভো।
অশ্বত্থাম্না হতো জাতস্তমুজ্জীবয় কেশব॥ 14-66-16 (94339)
ৎবয়া হ্যেতৎপ্রতিজ্ঞাতমৈষীকে যদুনন্দন।
অহং সংজীবয়িষ্যামি মৃতং জাতমিতি প্রভো॥ 14-66-17 (94340)
সোয়ং জাতো মৃতস্তাত পশ্যৈনং পুরুষর্ষভ।
উত্তরাং চ সুভদ্রাং চ দ্রৌপদীং মাং চ মাধব॥ 14-66-18 (94341)
ধর্মপুত্রং চ ভীমং চ ফল্গুনং নকুলং তথা।
সহদেবং চ দুর্ধর্ষং সর্বান্নস্ত্রাতুমর্হসি॥ 14-66-19 (94342)
অস্মিন্প্রাণাঃ সমায়ত্তাঃ পাণ্ডবানাং মমৈব চ।
পাণ্ডোশ্চ পিণ্ডো দাশার্হ তথৈব শ্বশুরস্য মে॥ 14-66-20 (94343)
অভিমন্যোশ্চ ভদ্রং তে প্রিয়স্য সদৃশস্য চ।
প্রিয়মুৎপাদয়াদ্য ৎবং প্রেতস্যাপি জনার্দন॥ 14-66-21 (94344)
উত্তরা হি পুরোক্তং বৈ কথয়ত্যরিসূদন।
অভিমন্যোর্বচঃ কৃষ্ণ প্রিয়ৎবাত্তন্ন সংশয়ঃ॥ 14-66-22 (94345)
অব্রবীৎকিল দাশার্হ বৈরাটীমার্জুনিস্তদা।
মাতুলস্য কুলং ভদ্রে তব পুত্রো গমিষ্যতি॥ 14-66-23 (94346)
গৎবা বৃষ্ণয়ন্ধককুলং ধনুর্বেদং গ্রহীষ্যতি।
অস্ত্রাণি চ বিচিত্রাণি নিতীশাস্ত্রং চ কেবলং॥ 14-66-24 (94347)
ইত্যেতৎপ্রণয়াত্তাত সৌভদ্রঃ পরবীরহা।
কথয়ামাস দুর্ধর্ষস্তথা চৈতন্ন সংশয়ঃ॥ 14-66-25 (94348)
তাস্ৎবাং বয়ং প্রণম্যেহ যাচামো মধুসূদন।
কুলস্যাস্য হিতার্তং চ কুরু কল্যাণমুত্তমম্॥ 14-66-26 (94349)
এবমুক্ৎবা তু বার্ষ্ণেয়ং পৃথা পৃথুললোচনা।
উদ্ধৃত্য বাহূ দুঃখার্তা তাশ্চান্যাঃ প্রাপতন্ভুবি॥ 14-66-27 (94350)
অব্রুবংশ্চ মহারাজ সর্বাঃ সাস্রাবিলেক্ষণাঃ।
স্বস্ত্রীয়ো বাসুদেবস্য মৃতো জাত ইতি প্রভো॥ 14-66-28 (94351)
এবং গতে ততঃ কুন্তীং পর্যগৃহ্ণাজ্জনার্দনঃ।
ভূমৌ নিপতিতাং চৈনাং সান্ৎবয়ামাস ভারত॥ ॥ 14-66-29 (94352)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ষট্ষষ্টিতমোঽধ্যায়ঃ॥ 66 ॥
আশ্বমেধিকপর্ব - অধ্যায় 067
॥ শ্রীঃ ॥
14.67. অধ্যায়ঃ 067
Mahabharata - Ashvamedhika Parva - Chapter Topics
সুভদ্রয়া শ্রীকৃষ্ণংপ্রতি তন্মহিমসংস্তবনপূর্বকং পরিক্ষিদুজ্জীবনপ্রার্থনা॥ 1 ॥Mahabharata - Ashvamedhika Parva - Chapter Text
বৈশম্পায়ন উবাচ।
উত্থিতায়াং পৃথায়াং তু সুভদ্রা ভ্রাতরং তদা।
দৃষ্ট্বা চুক্রোশ দুঃখার্তা বচনং চেদমব্রবীৎ॥ 14-67-1 (94353)
পুণ্ডরীকাক্ষ পশ্য ৎবং পৌত্রং পার্থস্য ধীমতঃ।
পরিক্ষীণেষু কুরুষু পরিক্ষীণাং গতায়ুষম্॥ 14-67-2 (94354)
ইষীকা দ্রোণপুত্রেণি ভীমসেনার্থমুদ্যতা।
সোত্তরায়াং নিপতিতা বিজয়ে ময়ি চৈব হ॥ 14-67-3 (94355)
সেয়ং জ্বলন্তী হৃদয়ে ময়ি তিষ্টতি কেশব।
যন্ন পশ্যামি দুর্ধর্ষ সহপুত্রং তু তং প্রভো॥ 14-67-4 (94356)
কিংনু বক্ষ্যতি ধর্মাত্মা ধর্মরাজো যুধিষ্ঠিরঃ।
ভীমসেনার্জুনৌ চাপি মাদ্রবত্যাঃ সুতৌ চ তৌ॥ 14-67-5 (94357)
শ্রুৎবাঽভিমন্যোস্তনয়ং জাতং চ মৃতমেব চ।
মুষিতা ইব বার্ষ্ণেয় দ্রোণপুত্রেণ পাণ্ডবাঃ॥ 14-67-6 (94358)
অভিমন্যুঃ প্রিয়ঃ কৃষ্ণ পিতৄণাং নাত্র সংশয়ঃ।
তে শ্রুৎবা কিংনু বক্ষ্যন্তি দ্রোণপুত্রাস্ত্রনির্জিতাঃ॥ 14-67-7 (94359)
ভবিতা নঃ পরং দুঃখং কিংনু মন্যে জনার্দন।
অভিমন্যোঃ সুতং কৃষ্ণ মৃতং জাতমরিংদম॥ 14-67-8 (94360)
সাঽহং প্রসাদয়ে কৃষ্ণ ৎবামদ্য শিরসা নতা।
পৃথেয়ং দ্রৌপদী চৈব তাঃ পশ্য পুরুষোত্তম॥ 14-67-9 (94361)
যদা দ্রোণসুতো গর্ভান্পাণ্ডূনাং হন্তি মাধব।
তদা কিল ৎবয়া দ্রৌণিঃ ক্রুদ্ধেনোক্তোঽরিমর্দন॥ 14-67-10 (94362)
অকামং ৎবাং করিষ্যামি ব্রহ্মবন্ধো নরাধম।
অহং সংজীবয়িষ্যামি কিরীটিতনয়াত্মজম্॥ 14-67-11 (94363)
ইত্যেদ্বচনং শ্রুৎবা জানানাঽহং বলং তব।
প্রসাদয়ে ৎবাং দুর্ধর্ষ জীবতামভিমন্যুজঃ॥ 14-67-12 (94364)
যদ্যেতত্ৎবং প্রতিশ্রুত্য ন করোষি বচ শুভম্।
সকলং বৃষ্ণিশার্দূল মৃতাং মামবধারয়॥ 14-67-13 (94365)
অভিমন্যোঃ সুতো বীর ন সংজীবতি যদ্যযম্।
জীবতি ৎবয়ি দুর্ধর্ষ কিং করিষ্যাম্যহং ৎবয়া॥ 14-67-14 (94366)
সংজীবয়ৈনং দুর্ধর্ষ মৃতং ৎবমভিমন্যুজম্।
সদৃশাক্ষসুতং বীর সস্যং বর্ষন্নিবাংম্বুদঃ॥ 14-67-15 (94367)
ৎবং হি কেশব ধর্মাত্মা সত্যবান্সত্যবিক্রমঃ।
স তাং বাচমৃতাং কর্তুমর্হসি ৎবমরিংদম॥ 14-67-16 (94368)
ইচ্ছন্নপি হি লোকাংস্ত্রীঞ্জীবয়েথা মৃতানিমান্।
কিং পুনর্দয়িতং জাতং স্বস্রীয়স্যাত্মজং মৃতম্॥ 14-67-17 (94369)
প্রভাবজ্ঞাঽস্মি তে কৃষ্ণ তস্মাত্ৎবাং যাচয়াম্যহম্।
কুরুষ্ব পাণ্ডুপুত্রাণামিমং পরমনুগ্রহম্॥ 14-67-18 (94370)
স্বসেতি বা মহাবাহো হতপুত্রেতি বা পুনঃ।
প্রপন্না মামিয়ং চেতি দয়াং কর্তুমিহার্হসি॥ ॥ 14-67-19 (94371)
ইতি শ্রীমন্মহাভারতে আশ্বমেধিকপর্বণি অনুগীতাপর্বি সপ্তষষ্টিতমোঽধ্যায়ঃ॥ 67 ॥
Mahabharata - Ashvamedhika Parva - Chapter Footnotes
7-67-4 ঘৃতেন সিক্তৈরিতি শেষঃ॥আশ্বমেধিকপর্ব - অধ্যায় 068
॥ শ্রীঃ ॥
14.68. অধ্যায়ঃ 068
Mahabharata - Ashvamedhika Parva - Chapter Topics
কৃষ্ণেন পরিক্ষিৎসূতিকাগৃহপ্রবেশনম্॥ 1 ॥ তত্রোত্তরয়া কৃষ্ণসমীপে বহুধা বিলাপপূর্বকং পুত্রোজ্জীবনপ্রার্থনা॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
এবমুক্তস্তু রাজেন্দ্র কেশিহা দুঃখমুর্চ্ছিতঃ।
তথেতি ব্যাজহারোচ্চৈর্হ্লাদয়ন্নিব তং জনম্॥ 14-68-1 (94372)
বাক্যেনৈতেন হি তদা তং জনং পুরুষর্ষভঃ।
হ্লাদয়ামাস স বিভুর্ঘর্মার্তং সলিলৈরিব॥ 14-68-2 (94373)
ততঃ স প্রাবিশত্তূর্ণং জন্মবেশ্ম পিতুস্তব।
অর্চিতং পুরুষব্যাঘ্র সিতৈর্মাল্যৈর্যথাবিধি॥ 14-68-3 (94374)
অপাং কুম্ভৈঃ সুপূর্ণৈশ্চ বিন্যস্তৈঃ সর্বতোদিশম্।
ঘৃতেন তিন্দুকালাতৈঃ সর্ষপৈশ্চ মহাভুজ॥ 14-68-4 (94375)
অস্ত্রৈশ্চ বিমলৈর্ন্যস্তৈঃ পাবকৈশ্চ সমন্ততঃ।
বৃদ্ধাভিশ্চাপি রামাভিঃ পরিবারার্থমাবৃতঃ।
দক্ষৈশ্চ পরিতো ধীর ভিষগ্ভিঃ কুশলৈস্তথা॥ 14-68-5 (94376)
দদর্শ চ স তেজস্বী রক্ষোঘ্রান্যপি সর্বশঃ।
দ্রব্যাণি স্থাপিতানি স্ম বিধিবৎকুশলৈর্জনৈঃ॥ 14-68-6 (94377)
তথায়ুক্তং চ তদ্দৃষ্ট্বা জন্মবেশ্ম পিতুস্তব।
হৃষ্টোঽভবদ্ধৃষীকেশঃ সাধুসাধ্বিতি চাব্রবীৎ॥ 14-68-7 (94378)
তথা ব্রুবতি বার্ষ্ণেয়ে প্রহৃষ্টবদনে তদা।
দ্রৌপদী ৎবরিতা গৎবা বৈরাটীং বাক্যমব্রবীৎ॥ 14-68-8 (94379)
অয়মায়াতি তে ভর্তুর্মাতুলো মধুসূদনঃ।
পুরাণর্ষিরচিন্ত্যাত্মা সমীপমপরাজিতঃ॥ 14-68-9 (94380)
সাঽপি বাষ্পকলাং বাচং নিগৃহ্যাশ্রূপি চৈব হ।
অসংবীতাঽভবদ্দেবী দেববৎকৃষ্ণমীয়ুষী॥ 14-68-10 (94381)
সা তথা দূয়মানেন হৃদয়েন তপস্বিনী।
দৃষ্ট্বা গোবিন্দমায়ান্তং কৃপণং পর্যদেবয়ৎ॥ 14-68-11 (94382)
পুণ্ডরীকাক্ষ পশ্যাবাং বালেন হি বিনাকৃতৌ।
অভিমন্যুং চ মাং চৈব হঠাত্তুল্যং জনার্দন॥ 14-68-12 (94383)
বার্ষ্ণেয়মধুহন্বীর শিরসা ৎবাং প্রসাদয়ে।
দ্রোণপুত্রাস্ত্রনির্দগ্ধং জীবয়ৈনং মমাত্মজম্॥ 14-68-13 (94384)
যদি স্ম ধর্মরাজ্ঞা বা ভীমসেনেন বা পুনঃ।
ৎবয়া বা পুণ্ডরীকাক্ষ বাক্যমুক্তমিদং ভবেৎ॥ 14-68-14 (94385)
অজানতীমিষীকেয়ং জনিত্রীং হন্ৎবিতি প্রভো।
অহমেব বিনষ্টা স্যাং নায়মেবং গতো ভবেৎ॥ 14-68-15 (94386)
গর্ভস্থস্যাস্য বালস্য ব্রহ্মাস্ত্রেণ নিপাতনম্।
কৃৎবা নৃশংসং দুর্বুদ্ধির্দ্রৌণিঃ কিং ফলমশ্নুতে॥ 14-68-16 (94387)
সা ৎবাং প্রসাদ্য শিরসা যাচে শত্রুনিবর্হণ।
প্রাণাংস্ত্যক্ষ্যামি গোবিন্দ নায়ং সংজীবতে যদি॥ 14-68-17 (94388)
অস্মিন্হি বহবঃ সাধো যে মমাসন্মনোরথাঃ।
তে দ্রোণপুত্রেণ হতাঃ কিংনু জীবামি কেশব॥ 14-68-18 (94389)
আসীন্মম মতিঃ কৃষ্ণ পূর্ণোৎসঙ্গা জনার্দন।
অভিবাদয়িষ্যে হৃষ্টেতি তদিদং বিতথীকৃতম্॥ 14-68-19 (94390)
চপলাক্ষস্য দায়াদে মৃতেঽস্মিন্পুরুষর্ষভ।
বিফলা মে কৃতাঃ কৃষ্ণ হৃদি সর্বে মনোরথাঃ॥ 14-68-20 (94391)
চপলাক্ষঃ কিলাতীব প্রিয়স্তে মধুসূদন।
সুতং পশ্য ৎবমস্যৈনং ব্রহ্মাস্ত্রেণ নিপাতিতম্॥ 14-68-21 (94392)
কৃতঘ্নোঽয়ং নৃশংসোঽয়ং যথাঽস্য জনকস্তথা।
যঃ পাণ্ডবীং শ্রিয়ং ত্যক্ৎবা গতোঽদ্য যমসাদনং॥ 14-68-22 (94393)
ময়া চৈতৎপ্রতিজ্ঞাতং রণমূর্ধনি কেশব।
অভিমন্যৌ হতে বীর ৎবামেষ্যাম্যচিরাদিতি॥ 14-68-23 (94394)
তচ্চ নাকরবং কৃষ্ণ নৃশংসা জীবিতপ্রিয়া।
ইদানীং মাং গতাং তত্র কিংনু বক্ষ্যতি ফাল্গুনিঃ॥ ॥ 14-68-24 (94395)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি অষ্টষষ্টিতমোঽধ্যায়ঃ॥ 68 ॥
Mahabharata - Ashvamedhika Parva - Chapter Footnotes
7-68-19 পুত্রোৎসঙ্গা জনার্দনেতি ঝ.পাঠঃ॥আশ্বমেধিকপর্ব - অধ্যায় 069
॥ শ্রীঃ ॥
14.69. অধ্যায়ঃ 069
Mahabharata - Ashvamedhika Parva - Chapter Topics
কৃষ্ণেন সশপথং সংস্পর্শনেন পরিক্ষিতঃ সমুজ্জীবনম্॥ 1 ॥Mahabharata - Ashvamedhika Parva - Chapter Text
বৈশম্পায়ন উবাচ।
সৈবং বিলপ্য করুণং সোন্মাদেব তপস্বিনী।
উত্তরা ন্যপতদ্ভূমৌ কৃপণা পুত্রগৃদ্ধিনী॥ 14-69-1 (94396)
তাং তু দৃষ্ট্বা নিপতিতাং হতপুত্রপরিচ্ছদাম্।
চুক্রোশ কুন্তী দুঃখার্তা সর্বাশ্চ ভরতাস্ত্রিয়ঃ॥ 14-69-2 (94397)
মুহূর্তমিব রাজেন্দ্র পাণ্ডবানাং নিবেশনম্।
অপ্রেক্ষণীয়মভবদার্তস্বনবিনাদিতম্॥ 14-69-3 (94398)
সা মুহূর্তং চ রাজেন্দ্র পুত্রশোকাভিপীডিতা।
কশ্মলাভিহতা বীর বৈরাটী ৎবভবত্তদা॥ 14-69-4 (94399)
প্রতিলভ্য তু সা সংজ্ঞামুত্তরা ভরতর্ষভ।
অঙ্কমারোপ্য তং পুত্রমিদং বচনমব্রবীৎ॥ 14-69-5 (94400)
ধর্মজ্ঞস্য সুতঃ সংস্ৎবং ন ধর্মমববুধ্যসে।
যস্ৎবং বৃষ্ণিপ্রবীরস্য কুরুষে নাভিবাদনম্॥ 14-69-6 (94401)
পুত্র গৎবা মম বচো ব্রূয়াস্ৎবং পিতরং ৎবিদম্।
দুর্মরং প্রাণিনাং বীর কালে প্রাপ্তে কথঞ্চন॥ 14-69-7 (94402)
যাঽহং ৎবয়া বিনাঽদ্যেহ পত্যা পুত্রেণ চৈব হ।
মরণং নাভিগচ্ছামি হতস্বস্তিরকিঞ্চনা॥ 14-69-8 (94403)
অথবা ধর্মরাজ্ঞাঽহমনুজ্ঞাতা মহাভুজঃ।
ভক্ষয়িষ্যে বিষং ঘোরং প্রবেক্ষ্যে বা হুতাশনম্॥ 14-69-9 (94404)
অথবা দুর্ভরং তাত যদিদং মে সহস্রধা।
পতিপুত্রবিহীনায়া হৃদয়ং ন বিদীর্যতে॥ 14-69-10 (94405)
উত্তিষ্ঠ পুত্র পস্যেমাং দুঃখিতাং প্রপিতামহীম্।
আর্তামুপপ্লুতাং দীনাং নিমগ্নাং শোকসাগরে॥ 14-69-11 (94406)
আর্যাং চ পশ্য পাঞ্চালীং সাৎবতীং চ তপস্বিনীম্।
মাং চ পশ্য সুদুঃখার্তাং ব্যাধবিদ্ধাং মৃগীমিব॥ 14-69-12 (94407)
উত্তিষ্ঠ পশ্য বদনং লোকনাথস্য ধীমতঃ।
পুণ্ডরীকপলাশাক্ষং পুরেব চপলেক্ষণঃ॥ 14-69-13 (94408)
এবং বিপ্রলপন্তীং তু দৃষ্ট্বা নিপতিতাং পুনঃ।
উত্তরাং তাং স্ত্রিয়ঃ সর্বাঃ পুনরুত্থাপয়ন্ত্যুত॥ 14-69-14 (94409)
উত্থায় চ পুনর্ধৈর্যাত্তদা মৎস্যপতেঃ সুতা।
প্রাঞ্জলিঃ পুণ্ডরীকাক্ষং ভূমাবেবাভ্যবাদয়ৎ॥ 14-69-15 (94410)
শ্রুৎবা স তস্যা বিপুলং বিলাপং পুরুষর্ষভঃ।
উপস্পৃশ্য ততঃ কৃষ্ণো ব্রহ্মাস্ত্রং প্রত্যসংহরৎ॥ 14-69-16 (94411)
প্রতিজজ্ঞে চ দাশার্হস্তস্য জীবিতমচ্যুতঃ।
অব্রবীচ্চ বিশুদ্ধাত্মা সর্বং বিশ্রাবয়জ্জগৎ॥ 14-69-17 (94412)
ন ব্রবীম্যুত্তরে মিথ্যা সত্যমেতদ্ভবিষ্যতি।
এষ সংজীবয়াম্যেনং পশ্যতাং সর্বদেহিনাম্॥ 14-69-18 (94413)
নোক্তপূর্বং ময়া মিথ্যা স্বৈরেষ্বপি কদাচন।
ন চ যুদ্ধাৎপরাবৃত্তস্তথা সংজীবতাময়ম্॥ 14-69-19 (94414)
যথা মে দয়িতো ধর্মো ব্রাহ্মণশ্চ বিশেষতঃ।
অভিমন্যোঃ সুতো জাতো মৃতো জীবৎবয়ং তথা॥ 14-69-20 (94415)
যথাঽহং নাভিজানামি বিজয়ে তু কদাচন।
বিরোধং তেন সত্যেন মৃতো জীবৎবয়ং শিশুঃ॥ 14-69-21 (94416)
যথা সত্যং চ ধর্মশ্চ ময়ি নিত্যং প্রতিষ্ঠিতৌ।
তথা মৃতঃ শিশুরয়ং জীবতাদভিমন্যুজঃ॥ 14-69-22 (94417)
যথা কংসশ্চ কেশী চ ধর্মেণ নিহতৌ ময়া।
তেন সত্যেন বালোঽয়ং পুনঃ সংজীবতামিহ॥ 14-69-23 (94418)
ইত্যুক্ৎবা বাসুদেবোঽথ তং বালং ভরতর্ষভ।
`পাদেন কমলাভেন ব্রহ্মরুদ্রার্চিতেন চ।
পস্পর্শ পুণ্ডরীকাক্ষ আপাদতলমস্তকম্॥ 14-69-24 (94419)
স্পৃষ্টমাত্রস্তু কৃষ্ণেন স বালো ভরতর্ষভ।
শনৈঃশনৈর্মহারাজ প্রাপদ্যত স চেতনাম্॥' 14-69-25 (94420)
শনৈঃশনৈর্মহারাজ প্রাস্পন্দত সচেতনঃ॥ ॥ 14-69-26 (94421)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একোনসপ্ততিতমোঽধ্যায়ঃ॥ 69 ॥
Mahabharata - Ashvamedhika Parva - Chapter Footnotes
7-69-6 ধর্মজস্য সুত ইতি ক.থ.পাঠঃ॥আশ্বমেধিকপর্ব - অধ্যায় 070
॥ শ্রীঃ ॥
14.70. অধ্যায়ঃ 070
Mahabharata - Ashvamedhika Parva - Chapter Topics
কৃষ্ণেনাভিমন্যুসুতস্য পদপ্রবৃত্তিনিমিত্তকথনপূর্বকং নামকরণম্॥ 1 ॥ অত্রান্তরে যুধিষ্ঠিরাদীনাং স্বর্ণভারানয়নেন হস্তিনপুরংপ্রত্যাগমনশ্রবণেন কৃষ্ণাদিভিস্তৎপ্রত্যুদ্যানম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
ব্রহ্মাস্ত্রং তু যদা রাজন্কৃষ্ণেন প্রতিসংহৃতম্।
তদা তদ্বেশ্ম তে পিত্রা তেজসাঽভিবিদীপিতম্॥ 14-70-1 (94422)
ততো রক্ষাংসি সর্বাণি নেশুস্ত্যক্ৎবা গৃহং তু তৎ।
অন্তরিক্ষে চ বাগাসীৎসাধু কেশব সাধ্বিতি॥ 14-70-2 (94423)
তদস্ত্রং জ্বলিতং চাপি পিতামহমগাত্তদা।
ততঃ প্রাণান্পুনর্লেভে পিতা তব নরেশ্বর॥ 14-70-3 (94424)
ব্যচেষ্টত চ বালোসৌ যথোৎসাহং যতাবলম্।
বভূবুর্মুদিতা রাজংস্ততস্তা ভরতস্ত্রিয়ঃ॥ 14-70-4 (94425)
ব্রাহ্মণা বাচয়ামাসুর্গোবিন্দস্যৈব শাসনাৎ।
ততস্তা মুদিতাঃ সর্বাঃ প্রশশংসুর্জনার্দনম্॥ 14-70-5 (94426)
স্ত্রিয়ো ভরতসিংহানাং নাবং লব্ধ্বেব পারগাঃ।
কুন্তী দ্রুপদপুত্রী চ সুভদ্রা চোত্তরা তথা।
স্ত্রিয়শ্চান্যা নৃসিংহানাং বভূবুর্হৃষ্টমানসাঃ॥ 14-70-6 (94427)
তত্র মল্লা নটাশ্চৈব গ্রন্থিকাঃ সৌখ্যশায়িকাঃ।
সূতমাগধসঙ্ঘাশ্চাপ্যস্তুবংস্তং জনার্দনম্॥ 14-70-7 (94428)
কুরুবংশস্তবাখ্যাভিরাশীর্ভির্ভরতর্ষভ।
`সভাজয়ত সংহৃষ্টো মহারাজ মহাজনঃ॥' 14-70-8 (94429)
উত্থায় তু যথাকালমুত্তরা যদুনন্দনম্।
অভ্যবাদয়ত প্রীতা সহ পুত্রেণ ভারত॥ 14-70-9 (94430)
ততস্তস্যৈ দদৌ প্রীতো বহুরত্নং বিশেষতঃ।
তথৈব বৃষ্ণিশার্দূলো নাম চাস্যাকরোৎপ্রভুঃ।
পিতুস্তব মহারাজ সত্যসন্ধো জনার্দনঃ॥ 14-70-10 (94431)
পরিক্ষীণে কুলে যস্মাজ্জাতোঽয়মভিমন্যুজঃ।
পরিক্ষিদিতি নামাস্য ভবৎবিত্যব্রবীত্তদা॥ 14-70-11 (94432)
সোঽবর্ধত যথাকালং পিতা তব জনাধিপ।
মনঃপ্রহ্লাদনশ্চাসীৎসর্বলোকস্য ভারত॥ 14-70-12 (94433)
মাসজাতস্তু তে বীর পিতা ভবতি ভারত।
অথাজগ্মুঃ সুবহুলং রত্নমাদায় পাণ্ডবাঃ॥ 14-70-13 (94434)
`মেরুকূটনিভান্ভাণ্ডান্কলশান্ভাজনানি চ।
কৃতাকৃতং মহদ্ভীমমাদায় পুরুষোত্তমাঃ॥ 14-70-14 (94435)
ভারতৈর্বাহনৈস্তত্র গোরুতে গোরুতে পথি।
নিবসন্তো যয়ুর্দেবং স্মরন্তঃ পরমেষ্ঠিনঃ॥ 14-70-15 (94436)
নাসীত্তত্র নৃপঃ কশ্চিদভারার্তো নৃপং বিনা।
ভীমাদয়োঽপি যজ্ঞার্থং বহন্তে কিং পুনর্জনাঃ॥' 14-70-16 (94437)
তান্সমীপগতাঞ্শ্রুৎবা নির্যযুর্বৃষ্ণিপুঙ্গবাঃ।
অলঞ্চক্রুশ্চ মাল্যৌঘৈর্নগরং নাগসাহ্বয়ম্॥ 14-70-17 (94438)
পতাকাভির্বিচিত্রাভির্ধ্বজৈশ্চ বিবিধৈরপি।
বেশ্মানি সমলঞ্চক্রুঃ পৌরাশ্চাপি জনেশ্বরঃ॥ 14-70-18 (94439)
দেবতায়তনানাং চ পূজাঃ সুবিবিধাস্তথা।
সংদিদেশাথ বিদুরঃ পাণ্ডুপুত্রপ্রিয়েপ্সয়া॥ 14-70-19 (94440)
রাজমার্গাশ্চ তত্রাসন্সুমনোভিরলঙ্কৃতাঃ।
শুশুভে তৎপুরং চাপি সমুদ্রৌঘনিভস্বনম্॥ 14-70-20 (94441)
নর্তকৈশ্চাপি নৃত্যদ্ভির্গায়কানাং চ নিঃস্বনৈঃ।
আসীদ্বৈশ্রবণস্যেব নিবাসস্তৎপুরং তদা॥ 14-70-21 (94442)
বন্দিভিশ্চ নরৈ রাজন্স্ত্রীসহায়ৈশ্চ সর্বশঃ।
তত্রতত্র বিবিক্তেষু সমন্তাদুপশোভিতম্॥ 14-70-22 (94443)
পতাকা ধূয়মানাশ্চ সমন্তান্মাতরিশ্বনা।
অদর্শয়ন্নিব তদা কুরূন্বৈ দক্ষিণোত্তরান্॥ 14-70-23 (94444)
অঘোষয়ংস্তদা চাপ পুরুষা রাজমার্গতঃ।
সর্বরাত্রবিহারোঽদ্য রত্নাভরণলক্ষণঃ॥ ॥ 14-70-24 (94445)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি সপ্ততিতমোঽধ্যায়ঃ॥ 70 ॥
Mahabharata - Ashvamedhika Parva - Chapter Footnotes
7-70-5 বাচয়ামাসুঃ স্বস্তীতি শেষঃ॥ 7-70-7 গ্রম্থিকাঃ দৈবজ্ঞাঃ সুখাবহং সৌখ্যং শয়নং ইতি পৃচ্ছন্তি তে সৌখ্যশায়িকাঃ॥ 7-70-8 কুরুবংশস্য স্তবং আচক্ষতে তাভিঃ কুরুবংশস্তবাখ্যাভিঃ॥ 7-70-9 উত্থায় তু যথাকামমিতি ক.ট.থ.পাঠঃ॥ 7-70-10 তস্য কৃষ্ণো দদৌ হৃষ্টো বহুরত্নং বিশেষতঃ। তথান্যে বৃষ্ণিশার্দূলা ইতি ঝ.পাঠঃ॥আশ্বমেধিকপর্ব - অধ্যায় 071
॥ শ্রীঃ ॥
14.71. অধ্যায়ঃ 071
Mahabharata - Ashvamedhika Parva - Chapter Topics
কৃষ্ণাদিভিঃ প্রত্যুদ্গম্যমানৈর্যুধিষ্ঠিরাদিভিঃ স্বর্ণভারপুরস্কারেণ হাস্তিনপুরপ্রবেশঃ॥ 1 ॥ ততস্তত্রোপাগতেন ব্যাসেন যুধিষ্ঠিরংপ্রত্যশ্বমেধপ্রশংসনপূর্বকং তৎকরণবিধানম্॥ 2 ॥ যুধিষ্ঠিরেণাশ্বমেধে স্বয়ং দীক্ষাস্বীকারং প্রার্থিতেন কৃষ্ণেন সহেতুকথনং তম্প্রত্যেব দীক্ষাস্বীকারবিধানম্॥ 3 ॥Mahabharata - Ashvamedhika Parva - Chapter Text
বৈশম্পায়ন উবাচ।
তান্সমীপগতাঞ্শ্রুৎবা পাণ্ডবাঞ্শত্রুকর্শনঃ।
বাসুদেবঃ সহামাত্যঃ প্রয়যৌ সসুহৃদ্গণঃ।
তে সমেত্য যথান্যায়ং প্রত্যুদ্যাতা দিদৃক্ষয়া॥ 14-71-1 (94446)
তে সমেত্য তথাধর্মং পাণ্ডবা বৃষ্ণিভিঃ সহ।
বিবিশুঃ সহিতা রাজন্পুরং বারণসাহ্বয়ম্॥ 14-71-2 (94447)
বিশতস্তস্য সৈন্যস্য খুরনেমিস্বনেন হ।
দ্যাবাপৃথিব্যৌ খং চৈব সর্বমাসীৎসমাবৃতম্॥ 14-71-3 (94448)
তে কোশানগ্রতঃ কৃৎবা বিবিশুঃ স্বং পুরং তদা।
পাণ্ডবাঃ প্রীতমনসঃ সামাত্যাঃ সসুহৃদ্গণাঃ॥ 14-71-4 (94449)
তে সমেত্য যথান্যায়ং ধৃতরাষ্ট্রং জনাধিপম্।
কীর্তয়ন্তঃ স্বনামানি তস্য পাদৌ ববন্দিরে॥ 14-71-5 (94450)
ধৃতরাষ্ট্রাভ্যনুজ্ঞাতা গান্ধারীং সুবলাত্মজাম্।
কুন্তীং চ রাজশার্দূল তদা ভরতসত্তম॥ 14-71-6 (94451)
বিদুরং যূজয়িৎবা চ বৈশ্যাপুত্রং সমেত্য চ।
পূজ্যমানাঃ স্ম তে বীরা ব্যরোচন্ত বিশাম্পতে॥ 14-71-7 (94452)
ততস্তৎপরমাশ্চর্যং বিচিত্রং মহদদ্ভুতম্।
শুশ্রুবুস্তে তদা বীরাঃ পিতুস্তে জন্ম ভারত॥ 14-71-8 (94453)
তদুপশ্রুত্য তৎকর্ম বাসুদেবস্য ধীমতঃ।
পূজার্হং পূজয়ামাসুঃ কৃষ্ণং দেবকীনন্দনম্॥ 14-71-9 (94454)
ততঃ কতিপয়াহস্য ব্যাসঃ সত্যবতীসুতঃ।
আজগাম মহাতেজা নগরং নাগসাহ্বয়ম্॥ 14-71-10 (94455)
তস্য সর্বে যথান্যায়ং পূজা চক্রুঃ কুরূদ্বহাঃ।
সহ বৃষ্ণ্যন্ধকব্যাঘ্রৈরুপাসাংচক্রিরে তদা॥ 14-71-11 (94456)
তত্র নানাবিধাকারাঃ কথাঃ সমভিকীর্ত্য বৈ।
যুধিষ্ঠিরো ধর্মসুতো ব্যাসং বচনমব্রবীৎ॥ 14-71-12 (94457)
ভবৎপ্রসাদাদ্ভগবন্যদিদং রত্নমাহৃতম্।
উপয়োক্তুং তদিচ্ছামি বাজিমেধে মহাক্রতৌ॥ 14-71-13 (94458)
তমনুজ্ঞাতুমিচ্ছামি ভবতা মুনিসত্তম।
ৎবদধীনা বয়ং সর্বে কৃষ্ণস্য চ মহাত্মনঃ॥ 14-71-14 (94459)
ব্যাস উবাচ। 14-71-15x (7916)
অনুজানামি রাজংস্ৎবাং ক্রিয়তাং যদনন্তরম্।
যজস্ব বাজিমেধেন বিধিবদ্দক্ষিণাবতা॥ 14-71-15 (94460)
অশ্বমেধো হি রাজেন্দ্র পাবনঃ সর্বপাপ্মনাম্।
তেনেষ্ট্বা ৎবং বিপাত্মা বৈ ভবিতা নাত্র সংশয়ঃ॥ 14-71-16 (94461)
ইত্যুক্তঃ স তু ধর্মাত্মা কুরুরাজো যুধিষ্ঠিরঃ।
অশ্বমেধস্য কৌরব্য চকারাহরণে মতিম্॥ 14-71-17 (94462)
সমনুজ্ঞাপ্য তৎসর্বং কৃষ্মদ্বৈপায়নং নৃপঃ।
বাসুদেবমথাভ্যেত্য বাগ্মী বচনমব্রবীৎ॥ 14-71-18 (94463)
দেবকী সুপ্রজা দেবী ৎবয়া পুরুষসত্তম।
যদ্ব্রূয়াং ৎবাং মহাবাহো তৎকৃথাস্ৎবমিহাচ্যুত॥ 14-71-19 (94464)
ৎবৎপ্রভাবার্জিতান্ভোগানশ্নীম যদুনন্দন।
পরাক্রমেণ বুদ্ধ্যা চ ৎবয়েয়ং নির্জিতা মহী॥ 14-71-20 (94465)
দীক্ষয়স্ব ৎবমাত্মানং ৎবং হি নঃ পরমো গুরুঃ।
ৎবয়ীষ্টবতি দাশার্হ বিপাপ্মা ভবিতা হ্যহম্॥ 14-71-21 (94466)
ৎবং হি যজ্ঞো গুরুশ্চ ৎবং ধর্মজ্ঞস্ৎবং প্রজাপতিঃ।
ৎবং গতিঃ সর্বভূতানামিতি মে নিশ্চিতা মতিঃ॥ 14-71-22 (94467)
বাসুদেব উবাচ। 14-71-23x (7917)
ৎবমেবৈতন্মহাবাহো কর্তুমর্হস্যরিংদম।
ৎবং গতিঃ সর্বভূতানামিতি মে নিশ্চিতা মতিঃ॥ 14-71-23 (94468)
ৎবং চাদ্যি কুরুবীরাণাং ধর্মেণ হি বিরাজসে।
গুণীভূতাঃ স্ম তে রাজংস্ৎবং নো রাজন্গুরুর্মতঃ।
যজস্ব মদনুজ্ঞাতঃ প্রাপ্য এষ ক্রতুস্ৎবয়া॥ 14-71-24 (94469)
যুনক্তু নো ভবান্কার্যে যত্র বাঞ্ছসি ভারত।
সত্যং তে প্রতিজানামি সর্বং কর্তাস্মি তেঽনঘ॥ 14-71-25 (94470)
ভীমসেনার্জুনৌ চৈব তথা মাদ্রবতীসুতৌ।
ইষ্টবন্তো ভবিষ্যন্তি ৎবয়ীষ্টবতি পার্থিবে॥ ॥ 14-71-26 (94471)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একসপ্ততিতমোঽধ্যায়ঃ॥ 71 ॥
Mahabharata - Ashvamedhika Parva - Chapter Footnotes
7-71-7 বৈশ্যাপুত্রং যুয়ুৎসুম্॥ 7-71-16 পাবনঃ নাশকঃ॥আশ্বমেধিকপর্ব - অধ্যায় 072
॥ শ্রীঃ ॥
14.72. অধ্যায়ঃ 072
Mahabharata - Ashvamedhika Parva - Chapter Topics
ব্যাসেন যুধিষ্ঠিরংপ্রতি পৃথিবীসংচারায় মেধ্যাশ্বোৎসর্জনচোদনা॥ 1 ॥ তথাঽশ্বরক্ষণেঽর্জুনস্য নিয়োজনম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
এবমুক্তস্তু কৃষ্ণেন ধর্মপুত্রো যুধিষ্ঠিরঃ।
ব্যাসমামন্ত্র্য্ মেধাবী ততো বাচনমব্রবীৎ॥ 14-72-1 (94472)
যদা কালং ভবান্বেত্তি হয়মেধস্য তত্ৎবতঃ।
দীক্ষয়স্ব তদা মাং ৎবং ৎবয়্যায়ত্তো হি মে ক্রুতুঃ॥ 14-72-2 (94473)
ব্যাস উবাচ। 14-72-3x (7918)
অয়ং পৈলোথ কৌন্তেয় যাজ্ঞবল্ক্যস্তথৈব চ।
বিধানং যদ্যথা কালং তৎকর্তারৌ ন সংশয়ঃ॥ 14-72-3 (94474)
চৈত্র্যাং হি পৌর্ণমাস্যাং তু তব দীক্ষা ভবিষ্যতি।
সম্ভারাঃ সম্ভ্রিয়ন্তাং চ যজ্ঞার্থং পুরুষর্ষভ॥ 14-72-4 (94475)
অশ্ববিদ্যাবিদশ্চৈব সূতা বিপ্রাশ্চ তদ্বিদঃ।
মেধ্যমশ্বং পরীক্ষন্তাং তব যজ্ঞার্থসিদ্ধয়ে॥ 14-72-5 (94476)
তমুৎসৃজ যথাশাস্ত্রং পৃথিবীং সাগরাম্বরাম্।
সপর্যেতু যশো নাম্না তব পার্থিব বর্ধয়ন্॥ 14-72-6 (94477)
ইত্যুক্তঃ স তথেত্যুক্ৎবা পাণ্ডবঃ পৃথিবীপতিঃ।
চকার সর্বং রাজেন্দ্র যথোক্তং ব্রহ্মবাদিনা॥ 14-72-7 (94478)
সম্ভারশ্চৈব রাজেন্দ্র সর্বে সঙ্কল্পিতাস্ততা॥ 14-72-8 (94479)
স সম্ভারান্সমাহৃত্য নৃপো ধর্মসুতস্তদা।
ন্যবেদয়দমেয়াত্মা কৃষ্ণদ্বৈপায়নায় বৈ॥ 14-72-9 (94480)
ততোঽব্রবীন্মহাতেজা ব্যাসো ধর্মাত্মজং নৃপম্।
যথাকালং যথায়োগং সজ্জাঃ স্ম তব দীক্ষণে॥ 14-72-10 (94481)
স্ফ্যশ্চ কূর্চশ্চ সৌবর্ণো যচ্চান্যদপি কৌরব।
যত্তু যোগ্যং ভবেৎকিঞ্চিদ্রৌক্মং তৎক্রিয়তামিতি॥ 14-72-11 (94482)
অশ্বশ্চোৎসৃজ্যতামদ্য পৃথ্ব্যামথ যথাক্রমম্।
সুগুপ্তং চরতাং চাপি যথাশাস্ত্রং যথাবিধি॥ 14-72-12 (94483)
যুধিষ্ঠির উবাচ। 14-72-13x (7919)
অয়মশ্বো যতা ব্রহ্মন্নুৎসৃষ্টঃ পৃথিবীমিমাম্।
চরিষ্যতি যথাকামং তত্র বৈ সংবিদীয়তাম্॥ 14-72-13 (94484)
পৃথিবীং পর্যটন্তং হি তুরগং কামচারিণম্।
কঃ পালয়েদিতি মুনে তদ্ভবান্বক্তুমর্হতি॥ 14-72-14 (94485)
ইত্যুক্তঃ স তু রাজেন্দ্র কৃষ্ণদ্বৈপায়নোঽব্রবীৎ।
ভীমসেনাদবরজঃ শ্রেষ্ঠঃ সর্বধনুষ্মতাম্।
জিষ্ণুঃ সহিষ্ণুর্ধৃষ্ণুস্চ স এনং পালয়িষ্যতি॥ 14-72-15 (94486)
শক্তঃ স হি মহীং জেতুং নিবাতকবচান্তকঃ।
তস্মিন্হ্যস্ত্রাণি দিব্যানি দিব্যং সংহননং তথা।
দিব্যং ধনশ্চেষুধী চ স এনমনুয়াস্যতি॥ 14-72-16 (94487)
স হি ধর্মার্থকুশলঃ সর্ববিদ্যাবিশারদঃ।
যথাশাস্ত্রং নৃপশ্রেষ্ঠ চারয়িষ্যতি তে হয়ম্॥ 14-72-17 (94488)
রাজপুত্রো মহাবাহুঃ শ্যামো রাজীবলোচনঃ।
অভিমন্যোঃ পিতা বীরঃ স এনমনুয়াস্যতি॥ 14-72-18 (94489)
ভীমসেনোপি তেজস্বী কৌন্তেয়োঽমিতবিক্রমঃ।
সমর্থো রক্ষিতুং রাষ্ট্রং নকুলশ্চ বিশাম্পতে॥ 14-72-19 (94490)
সহদেবস্তু কৌরব্য সমায়াস্যতি বুদ্ধিমান্।
কুটুম্বতন্ত্রং বিধিবৎসর্বমেব মহায়শাঃ॥ 14-72-20 (94491)
স তু সর্বং যথান্যায়মুক্ত কুরুকুলোদ্বহঃ।
চকার ফল্গুনং চাপি সংদিদেশ হয়ং প্রতি॥ 14-72-21 (94492)
যুধিষ্ঠির উবাচ। 14-72-22x (7920)
এহ্যর্জুন ৎবয়া বীর হয়োঽয়ং পরিপাল্যতাম্।
ৎবমর্হো রক্ষিতুং হ্যেনং নান্যঃ কশ্চন মানবঃ॥ 14-72-22 (94493)
যে চাপি ৎবাং মহাবাহো প্রত্যুদ্যান্তি নরাধিপাঃ।
তৈর্বিগ্রহো যথা ন স্যাত্তথা কার্যং ৎবয়াঽনঘ॥ 14-72-23 (94494)
আখ্যাতব্যশ্চ ভতা যজ্ঞোঽয়ং মম সর্বশঃ।
পার্থিবেভ্যো মহাবাহো সময়ে গম্যতামিতি ॥ 14-72-24 (94495)
বৈশম্পায়ন উবাচ। 14-72-25x (7921)
এবমুক্ৎবা স ধর্মাত্মা ভ্রাতরং সব্যসাচিনম্।
ভীমং চ নকুলং চৈব পুরগুপ্তৌ সমাদধৎ॥ 14-72-25 (94496)
কুটুম্বতন্ত্রে চ তদা সহদেবং যুধাংপতিম্।
অনুমান্য মহীপালং ধৃতরাষ্ট্রং যুধিষ্ঠিরঃ॥ ॥ 14-72-26 (94497)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি দ্বিসপ্ততিতমোঽধ্যায়ঃ॥ 72 ॥
Mahabharata - Ashvamedhika Parva - Chapter Footnotes
7-72-11 স্ফ্যঃ কাষ্ঠখঙ্গঃ স চাত্র সৌবর্ণঃ। কূর্চ আসনার্থং কুশমুষ্টিঃ সোঽপ্যত্র সৌবর্ণঃ॥ 7-72-12 সুগুপ্তং সুরক্ষিতং যথা স্যাত্তথা॥আশ্বমেধিকপর্ব - অধ্যায় 073
॥ শ্রীঃ ॥
14.73. অধ্যায়ঃ 073
Mahabharata - Ashvamedhika Parva - Chapter Topics
অর্জুনেন যুধিষ্ঠিরনিয়োগাদ্ব্রাহ্মণৈঃ ক্ষত্রিয়ৈশ্চ সহ প্রথমমুত্তরদিশ্যশ্বসঞ্চারণেন রক্ষণায় তদনুসরণম্॥ 1 ॥Mahabharata - Ashvamedhika Parva - Chapter Text
বৈশম্পায়ন উবাচ।
দীক্ষাকালে তু সম্প্রাপ্তে ততস্তে সুমহর্ৎবিজঃ।
বিধিবদ্দীক্ষয়ামাসুরশ্বমেধায় পার্থিবম্॥ 14-73-1 (94498)
কৃৎবা স পশুমেধাংশ্চ দীক্ষিতঃ পাণ্ডুনন্দনঃ।
ধর্মরাজো মহাতেজাঃ সহর্ৎবিগ্ভির্ব্যরোচত॥ 14-73-2 (94499)
হয়শ্চ হয়মেধার্থং স্বয়ং স ব্রহ্মবাদিনা।
উৎসৃষ্টঃ শাস্ত্রবিধিনা ব্যাসেনামিততেজসা॥ 14-73-3 (94500)
স রাজা রাজধর্মেণ দীক্ষিতো বিবভৌ তদা।
হেমমালী রুক্মকণ্ঠঃ প্রদীপ্ত ইব পাবকঃ॥ 14-73-4 (94501)
কৃষ্ণাজিনী দণ্ডপাণিঃ ক্ষৌমবাসাঃ স ধর্মজঃ।
বিবভৌ দ্যুতিমান্ভূয়ঃ প্রজাপতিরিবাধ্বরে॥ 14-73-5 (94502)
তথৈবাস্যর্ৎবিজঃ সর্বে তুল্যবেষা বিশাংপতে।
বভূবুরর্জুনশ্চাপি প্রদীপ্ত ইব পাবকঃ॥ 14-73-6 (94503)
শ্বেতাশ্বঃ কপিকেতুশ্চ সসারাশ্বং ধনঞ্জয়ঃ।
বিধিবৎপৃথিবীপাল ধর্মরাজস্য শাসনাৎ॥ 14-73-7 (94504)
**ক্ষিপন্গাণ্ডিবং রাজন্বদ্ধগোধাঙ্গুলিত্রবান্।
তমশ্বং পৃথিবীপাল মুদা যুক্তঃ সসার চ॥ 14-73-8 (94505)
অনুমার্গং তদা রাজন্নাগমত্তৎপুরং বিভো।
দ্রষ্টুকামং কুরুশ্রেষ্ঠং প্রয়াস্যনতং ধনঞ্জয়ম্॥ 14-73-9 (94506)
তেষামন্যোন্যসম্মর্দাদূষ্মেব সমাজায়ত।
দিদৃক্ষূণাং হয়ং তং চ তং চৈব হয়সারিণম্॥ 14-73-10 (94507)
ততঃ শব্দো মহারাজ দিশঃ খং প্রতিপূরয়ন্।
বভূব প্রেক্ষতাং নৄমাং কুন্তীপুত্রং ধনংজয়ম্॥ 14-73-11 (94508)
এষ গচ্ছতি কৌন্তেয়স্তুরগশ্চৈব দীপ্তিমান্।
সমন্বেতি মহাবাহুঃ সংস্পৃশন্ধনুরুত্তমম্॥ 14-73-12 (94509)
এবং শুশ্রাব বদতাং গিরো জিষ্ণুরুদারধীঃ।
স্বস্তি তেঽস্তু ব্রজারিষ্টং পুনশ্চৈহীতি ভারত॥ 14-73-13 (94510)
অথাপরে মনুষ্যেন্দ্র পুরুষা বাক্যমব্রুবন্।
নৈনং পশ্যাম সম্মর্দে ধনুরেতৎপ্রদৃশ্যতে॥ 14-73-14 (94511)
এতদ্ধি ভীমনির্হ্রাদং বিশ্রুতং গাণ্ডিবং ধনুঃ।
স্বস্তি গচ্ছৎবরিষ্টো বৈ পন্থানমকুতোভয়ম্।
নিবৃত্তমেনং দ্রক্ষ্যামঃ পুনরেষ্যতি চ ধ্রুবম্॥ 14-73-15 (94512)
এবমাদ্যা মনুষ্যাণাং স্ত্রীণাং চ ভরতর্ষভ।
শুশ্রাব মধুরা বাচঃ পুনঃপুনরুদারধীঃ॥ 14-73-16 (94513)
যাজ্ঞবল্ক্যস্য শিষ্যশ্চ কুশলো যজ্ঞকর্মণি।
প্রায়াৎপার্থেন সহিতঃ শান্ত্যর্থং বেদপারগঃ॥ 14-73-17 (94514)
ব্রাহ্মণাশ্চ মহীপাল বহবো বেদপারগাঃ।
অনুজগ্মুর্মহাত্মানং ক্ষত্রিয়াশ্চ বিশাম্পতে।
বিধিবৎপৃথিবীপাল ধর্মরাজস্য শাসনাৎ॥ 14-73-18 (94515)
পাণ্ডবৈঃ পৃথিবীমশ্বো নির্জিতামস্ত্রতেজসা।
চচার স মহারাজ যথাদেশং চ সত্তম॥ 14-73-19 (94516)
তত্র যুদ্ধানি বৃত্তানি যান্যাসন্পাণ্ডবস্য হ।
তানি বক্ষ্যামি তে বীর বিচিত্রাণি মহান্তি চ॥ 14-73-20 (94517)
স হয়ঃ পৃথিবীং রাজন্প্রদক্ষিণমবর্তত।
সসারেত্তরতঃ পূর্বং তন্নিবোধ মহীপতে॥ 14-73-21 (94518)
অবমৃদ্রন্স রাষ্ট্রাণি পার্থিবানাং হয়োত্তমঃ।
শনৈস্তদা পরিয়যৌ শ্বেতাশ্বশ্চ মহারথঃ॥ 14-73-22 (94519)
তত্র সঙ্গণনা নাস্তি রাজ্ঞাময়ুতশস্তদা।
যেঽয়ুধ্যন্ত মহারাজ ক্ষত্রিয়া হতবান্ধবাঃ॥ 14-73-23 (94520)
কিরাতা যবনা রাজন্বহবোঽসিধনুর্ধরাঃ।
ম্লেচ্ছাশ্চান্যে বহুবিধাঃ পূর্বং যে নিকৃতা রণে॥ 14-73-24 (94521)
আর্যাশ্চ পৃথিবীপালাঃ প্রহৃষ্টনরবাহনাঃ।
সমীয়ুঃ পাণ্ডুপুত্রেণ বহবো যুদ্ধদুর্মদাঃ॥ 14-73-25 (94522)
এবং বৃত্তানি যুদ্ধানি তত্রতত্র মহীপতে।
অর্জুনস্য মহীপালৈর্নানাদেশসমাগতৈঃ॥ 14-73-26 (94523)
যান্যত্র হয়তো রাজন্প্রবৃত্তানি মহান্তি চ।
তানি যুদ্ধানি বক্ষ্যামি কৌন্তেয়স্য তবানঘ॥ ॥ 14-73-27 (94524)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ত্রিসপ্ততিতমোঽধ্যায়ঃ॥ 73 ॥
Mahabharata - Ashvamedhika Parva - Chapter Footnotes
7-73-9 আকুমারং তদা রাজন্ ইতি ঝ.পাঠঃ॥ 7-73-17 শিষ্যঃ সোমশ্রবাঃ॥আশ্বমেধিকপর্ব - অধ্যায় 074
॥ শ্রীঃ ॥
14.74. অধ্যায়ঃ 074
Mahabharata - Ashvamedhika Parva - Chapter Topics
অর্জুনেন ত্রৈগর্তানাং পরাজয়ঃ॥ 1 ॥Mahabharata - Ashvamedhika Parva - Chapter Text
বৈশম্পায়ন উবাচ।
ত্রিগর্তৈরভবদ্যুদ্ধং কৃতবৈরৈঃ কিরীটিনঃ।
মহারথসমাজ্ঞাতৈর্হতানাং পুত্রনপ্তৃভিঃ॥ 14-74-1 (94525)
তে সমাজ্ঞায় সম্প্রাপ্তং যজ্ঞিয়ং তুরগোত্তম*****
বিষয়ান্তং ততো বীরা দংশিতাঃ পর্যবারয়ন্॥ 14-74-2 (94526)
রথিনো বদ্ধতূণীরাঃ সদশ্বৈঃ সমলঙ্কৃতৈঃ।
পরিবার্য হয়ং রাজন্গ্রহীতুং সম্প্রচক্রমুঃ॥ 14-74-3 (94527)
ততঃ কিরীটী সঞ্চিন্ত্য তেষাং তত্র চিকীর্ষিতম্।
বারয়ামাস তান্বীরান্সান্ৎবপূর্বমরিংদমঃ॥ 14-74-4 (94528)
তদনাদৃত্য তে সর্বে শরৈরভ্যহনংস্তদা।
তমোরজোভ্যাং সংছন্নাংস্তান্কিরীটী ন্যবারয়ৎ॥ 14-74-5 (94529)
তানব্রবীত্ততো জিষ্ণুঃ প্রহসন্নিব ভারত।
নিবর্তধ্বমধর্মজ্ঞাঃ শ্রেয়ো জীবিতমেব চ॥ 14-74-6 (94530)
স হি বীরঃ প্রয়াস্যন্বৈ ধর্মরাজেন বারিতঃ।
হতবান্ধবা ন তে পার্ত হন্তব্যাঃ পার্থিবা ইতি॥ 14-74-7 (94531)
স তদা তদ্বচঃ শ্রুৎবা ধর্মরাজস্য ধীমতঃ।
তান্নিবর্তধ্বমিত্যাহ ন ন্যবর্তন্তি চাপি তে॥ 14-74-8 (94532)
ততস্ত্রিগর্তরাজানং সূর্যবর্মাণমাহবে।
বিনদ্য শরজালেনি প্রজহাস ধনংজয়ঃ॥ 14-74-9 (94533)
ততস্তে রথঘোপেণ রথনেমিস্বনেন চ।
পূরয়ন্তো দিশঃ সর্বা ধনংজয়মুপাদ্রবন্॥ 14-74-10 (94534)
সূর্যবর্মা ততঃ পার্তে শরাণাং নতপর্বণাম্।
শতান্যমুঞ্চদ্রাজেন্দ্র লঘ্বস্ত্রমভিদর্শয়ন্॥ 14-74-11 (94535)
তথৈবান্যে মহেষ্বাসা যে চ তস্যানুয়ায়িনঃ।
মুমুচুঃ শরবর্ষাণি ধনংজয়বধৈষিণঃ॥ 14-74-12 (94536)
স তাঞ্জ্যামুখনির্মুক্তৈর্বহুভিঃ সুবহূঞ্শরান্।
চিচ্ছেদ পাণ্ডবো রাজংস্তে ভূমৌ ন্যপতংস্তদা॥ 14-74-13 (94537)
কেতুবর্মা তু তেজস্বী তস্যৈবাবরজো যুবা।
যুয়ুধে ভ্রাতুরর্থায় পাণ্ডবেন যশস্বিনা॥ 14-74-14 (94538)
তমাপতন্তং সম্প্রেক্ষ্য কেতুবর্মাণমাহবে।
অভ্যঘ্নন্নিশিতৈর্বাণৈর্বীভৎসুঃ পরবীরহা॥ 14-74-15 (94539)
কেতুবর্মণ্যভিহতে ধৃতবর্মা মহারথঃ।
রথেনাশু সমুৎপত্য শরৈর্জিষ্ণুমবাকিরৎ॥ 14-74-16 (94540)
তস্য তাং শীঘ্রতামীক্ষ্য তুতোষাতীব বীর্যবান্।
গুডাকেশো মহাদেজা বালস্য ধৃতবর্মণঃ॥ 14-74-17 (94541)
ন সংদধানং দদৃশে নাদদানং চ তং তদা।
কিরন্তমেবং স শরান্দদৃশে পাকশাসনিঃ॥ 14-74-18 (94542)
স তু তং পূজয়ামাস ধৃতবর্মাণমাহবে।
মনসা তু মুহূর্তং বৈ রণে সমভিহর্ষয়ন্॥ 14-74-19 (94543)
`ন বিব্যাধ রণে ক্রুদ্ধঃ কুন্তীপুত্রো হসন্নিব।
সৌভদ্রস্যেব তৎকর্ম দৃষ্ট্বা বালস্য বিস্মিতঃ॥ 14-74-20 (94544)
তং পন্নগমিব ক্রুদ্ধং কুরুবীরঃ স্ময়ন্নিব।
প্রীতিপূর্বং মহাবাহুঃ প্রাণৈর্ন ব্যপরোপয়ৎ॥ 14-74-21 (94545)
স তথা রক্ষ্যমাণো বৈ পার্থেনামিততেজসা।
ধৃতবর্মা শরং দীপ্তং মুমোচ বিজয়ে তদা॥ 14-74-22 (94546)
স তেন বিজয়স্তূর্ণমাসীদ্বিদ্ধঃ করে ভৃশম্।
মুমোচ গাণ্ডিবং মোহাত্তৎপপাতাথ ভূতলে॥ 14-74-23 (94547)
ধনুষঃ পততস্তস্য সব্যসাচিকরাদ্বিভো।
বভূব সদৃশং রূপং শক্রচাপস্য ভারত॥ 14-74-24 (94548)
তস্মিন্নিপতিতে দিব্যে মহাধনুষি পার্থিবঃ।
চকার সস্বনং হাসং ধৃতবর্মা মহাহবে॥ 14-74-25 (94549)
ততো রোষার্দিতো জিষ্ণুঃ প্রমৃজ্য রুধিরং করাৎ।
ধনুরাদত্ত তদ্দিব্যং শরবর্ষৈর্ববর্ষ চ॥ 14-74-26 (94550)
ততো হলহলাশব্দো দিবস্পৃগভবত্তদা।
নানাবিধানাং ভূতানাং তৎকর্মাণি প্রশংসতাম্॥ 14-74-27 (94551)
ততঃ সম্প্রেক্ষ্য সংক্রুদ্ধং কালান্তকয়মোপমম্।
জিষ্ণুং ত্রৈগর্তকা যোধাঃ পরীতাঃ পর্যবারয়ন্॥ 14-74-28 (94552)
অভিসৃত্য পরীপ্সার্থং ততস্তে ধৃতবর্মণঃ।
পরিবব্রুর্গুডাকেশং তত্রাক্রুদ্ধ্যদ্ধনংজয়ঃ॥ 14-74-29 (94553)
ততো যোধাঞ্জঘানাশু তেষাং স দশ চাষ্ট চ।
মহেন্দ্রবজ্রপ্রতিমৈরায়সৈর্বহুভিঃ শরৈঃ॥ 14-74-30 (94554)
তান্সম্প্রভগ্নান্সম্প্রেক্ষ্য ৎবরমাণো ধনংজয়ঃ।
শরৈরাশীবিষাকারৈর্জঘান স্বনবদ্ধসন্॥ 14-74-31 (94555)
তে ভগ্নমনসঃ সর্বে ত্রৈগর্তকমহারথাঃ।
দিশোঽভিদুদ্রুবূ রাজন্ধনংজয়শরার্দিতাঃ॥ 14-74-32 (94556)
`হতাবশিষ্টা হি পরাঃ পার্থং দৃষ্টপরাক্রমাঃ।'
তমূচুঃ পুরুষব্যাঘ্রং সংশপ্তকনিষূদনম্॥ 14-74-33 (94557)
তবাস্ম কিংকরাঃ সর্বে সর্বে বৈ বশগাস্তব।
আজ্ঞাপয়স্বঃ নঃ পার্থ প্রহ্বান্প্রেষ্যানবস্থিতান্।
করিষ্যামঃ প্রিয়ং সর্বং তব কৌরবনন্দন॥ 14-74-34 (94558)
এতদাজ্ঞায় বচনং সর্বাংস্তানব্রবীত্তদা।
জীবিতং রক্ষত নৃপাঃ শাসনং প্রতিগৃহ্যতাম্॥ ॥ 14-74-35 (94559)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি চতুঃসপ্ততিতমোঽধ্যায়ঃ॥ 74 ॥
আশ্বমেধিকপর্ব - অধ্যায় 075
॥ শ্রীঃ ॥
14.75. অধ্যায়ঃ 075
Mahabharata - Ashvamedhika Parva - Chapter Topics
অর্জুনেন প্রাগ্জ্যোতিষপুরমেত্যাশ্বরক্ষণায় ভগদত্তসুতেন যজ্ঞদত্তেন সহায়োধনম্॥ 1 ॥Mahabharata - Ashvamedhika Parva - Chapter Text
বৈশম্পায়ন উবাচ।
প্রাগ্জ্যোতিষমথাভ্যেত্য ব্যচরৎস হয়োত্তমঃ।
ভগদত্তাত্মজস্তত্র নির্যযৌ রণকর্কশঃ॥ 14-75-1 (94560)
সহয়ং পাণ্ডুপুত্রং তু বিষয়ান্তমুপাগতম্।
যুয়ুধে ভরতশ্রেষ্ঠ যজ্ঞদত্তো মহীপতিঃ॥ 14-75-2 (94561)
সোভিনির্যায় নগরাদ্ভগদত্তসুতো নৃপঃ।
অশ্বমায়ান্তমুন্মথ্য নগরাভিমুখো যয়ৌ॥ 14-75-3 (94562)
তমালক্ষ্য মহাবাহুঃ কুরূণামৃষভস্তদা।
গাণ্ডীবং বিক্ষিপংস্তূর্ণং সহসা সমুপাদ্রবৎ॥ 14-75-4 (94563)
ততো গাণ্ডীবনির্মুক্তৈরিষুভির্মোহিতো নৃপঃ।
হয়মুৎসৃজ্য তং বীরস্ততঃ পার্থমুপাদ্রবৎ॥ 14-75-5 (94564)
পুনঃ প্রবিশ্য নগরং দংশিতঃ স নৃপোত্তমঃ।
আরুহ্য নাগপ্রবরং নির্যযৌ যুদ্ধকাঙ্ক্ষয়া॥ 14-75-6 (94565)
পাণ্ডুরেণাতপত্রেণ ধ্রিয়মাণেন মূর্ধনি।
দোধূয়তা চামরেণ শ্বেতেন চ মহারথঃ॥ 14-75-7 (94566)
ততঃ পার্থং সমাসাদ্য পাণ্ডবানাং মহারথম্।
আহ্বয়ামাস বীভৎসুং বাল্যান্মোহাচ্চ সংয়ুগে॥ 14-75-8 (94567)
স বারণং নগপ্রখ্যং প্রভিন্নকরটামুখম্।
প্রেষয়ামাস সংক্রুদ্ধঃ শ্বেতাশ্বং প্রতি পার্থিবঃ॥ 14-75-9 (94568)
বিক্ষরন্তং মহামেঘং পরবারণবারণম্।
শস্ত্রবৎকল্পিতং সঙ্খ্যে বিবশং যুদ্ধদুর্মদম্॥ 14-75-10 (94569)
প্রচোদ্যমানঃ স গজস্তেন রাজ্ঞা মহাবলঃ।
তদাঽঙ্কশেন বিবভাবুৎপতিষ্যন্নিবাম্বরম্॥ 14-75-11 (94570)
তমাপতন্তং সম্প্রেক্ষ্য ক্রুদ্ধো রাজন্ধনংজয়ঃ।
ভূমিষ্ঠো বারণগতং যোধয়ামাস ভারত॥ 14-75-12 (94571)
যজ্ঞদত্তস্ততঃ ক্রুদ্ধো মুমোচাশু ধনংজয়ে।
তোমরানগ্নিসঙ্কাশাঞ্শলভানিব বেগিতান্॥ 14-75-13 (94572)
অর্জুনস্তানসম্প্রাপ্তান্গাণ্ডীবপ্রভবৈঃ শরৈঃ।
দ্বিধা ত্রিধা চ চিচ্ছেদ খগমান্খগমৈস্তদা॥ 14-75-14 (94573)
স তান্দৃষ্ট্বা তথা ছিন্নাংস্তোমরান্ভগদত্তজঃ।
ইষূনসক্তাংস্ৎবরিতঃ প্রাহিণোৎপাণ্ডবং প্রতি॥ 14-75-15 (94574)
ততোঽর্জুনস্তূর্ণতরং রুক্মপুঙ্খানজিহ্মগান্।
প্রেষয়ামাস সংক্রুদ্ধো ভগদত্তাত্মজং প্রতি॥ 14-75-16 (94575)
স তৈর্বিদ্ধো মহাতেজা যজ্ঞদত্তো মহামৃধে।
ভৃশাহতঃ পপাতোর্ব্যাং ন ৎবেনমজহাৎস্মৃতিঃ॥ 14-75-17 (94576)
ততঃ স পুনরারুহ্য বারণপ্রবরং রণে।
অব্যগ্রঃ প্রেষয়ামাস জয়ার্থী বিজয়ং প্রতি॥ 14-75-18 (94577)
তস্মৈ বাণাংস্ততো জিষ্ণুর্নির্মুক্তাশীবিষোপমান্।
প্রেষয়ামাস সংক্রুদ্ধো জ্বলিতজ্বলনোপমান্॥ 14-75-19 (94578)
স তৈর্বিদ্ধো মহানাগো বিস্রবন্রুধিরং বভৌ।
হিমবানিব শৈলেন্দ্রো বহুপ্রস্রবণস্তদা॥ ॥ 14-75-20 (94579)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি পঞ্চসপ্ততিতমোঽধ্যায়ঃ॥ 75 ॥
Mahabharata - Ashvamedhika Parva - Chapter Footnotes
7-75-2 বজ্রদত্তো মহীপতিরিতি ঝ.পাঠঃ॥ 7-75-20 গৈরিকাক্তমিবাম্ভোদ্রির্বহুপ্রস্রবণং তদা ইতি ঝ.পাঠঃ॥আশ্বমেধিকপর্ব - অধ্যায় 076
॥ শ্রীঃ ॥
14.76. অধ্যায়ঃ 076
Mahabharata - Ashvamedhika Parva - Chapter Topics
অর্জুনেন ভগদত্তাত্মজপরাজয়ঃ॥ 1 ॥Mahabharata - Ashvamedhika Parva - Chapter Text
এবং ত্রিরাত্রমভবত্তদ্যুদ্ধং ভরতর্ষভ।
অর্জুনস্য নরেন্দ্রেণ বৃত্রেণেব শতক্রতোঃ॥ 14-76-1 (94580)
ততশ্চতুর্থে দিবসে যজ্ঞদত্তো মহাবলঃ।
জহাস সস্বনং হাসং বাক্যং চেদমতাব্রবীৎ॥ 14-76-2 (94581)
অর্জুনার্জুন তিষ্ঠস্ব ন মে জীবন্বিমোক্ষ্যসে।
ৎবাং নিহত্য করিষ্যামি পিতুস্তোয়ং যথাবিধি॥ 14-76-3 (94582)
ৎবয়া বৃদ্ধো মম পিতা ভগদত্তঃ পিতুঃ সখা।
হতো বৃদ্ধোঽপি বাধিৎবা শিশুং মামদ্য যোধয়॥ 14-76-4 (94583)
ইত্যেবমুক্ৎবা সংক্রুদ্ধো যজ্ঞদত্তো নরাধিপঃ।
প্রেষয়ামাস কৌরব্য বারণং পাণ্ডবং প্রতি॥ 14-76-5 (94584)
সম্প্রেষ্যমাণো নাগেন্দ্রো যজ্ঞদত্তেন ধীমতা।
উৎপতিষ্যন্নিবাকাশমভিদুদ্রাব পাণ্ডবম্॥ 14-76-6 (94585)
অগ্রহস্তসুমুক্তেন শীকরেণ স নাগরাট্।
সমৌক্ষতি গুডাকেশং শৈলং নীল ইবাম্বুদঃ॥ 14-76-7 (94586)
স তেন প্রেষিতো রাজ্ঞা মেঘবদ্বিনদন্মুহুঃ।
মুখাডম্বরসংহ্রাদৈরভ্যদ্রবত ফল্গুনম্॥ 14-76-8 (94587)
স নৃত্যন্নিব নাগেন্দ্রো যজ্ঞদত্তপ্রচোদিতঃ।
আসসাদ দ্রুতং রাজন্কৌরবাণাং মহারথম্॥ 14-76-9 (94588)
তমায়ান্তমথালক্ষ্য যজ্ঞদত্তস্য বারণম্।
গাণ্ডীবমাশ্রিত্য বলী ন ব্যকম্পত শত্রুহা॥ 14-76-10 (94589)
চুক্রোধ বলবচ্চাপি পাণ্ডবস্তস্য ভূপতেঃ।
কার্যবিঘ্নমনুস্মৃত্যি পূর্ববৈরং চ ভারত॥ 14-76-11 (94590)
ততস্তং বারণং ক্রুদ্ধঃ শরজালেন পাণ্ডবঃ।
নিবারয়ামাস তদা বেলেব মকরালয়ম্॥ 14-76-12 (94591)
স নাগপ্রবরঃ শ্রীমানর্জুনেন নিবারিতঃ।
তস্থৌ শরৈর্বিনুন্নাঙ্গঃ শ্বাবিচ্ছললিতো যথা॥ 14-76-13 (94592)
নিবারিতং গজং দৃষ্ট্বা ভগদত্তসুতো নৃপঃ।
উৎসসর্জ শিতান্বাণানর্জুনে ক্রোধমূর্ছিতঃ॥ 14-76-14 (94593)
অর্জুনস্তু মহাবাহুঃ শরৈররিনিঘাতিভিঃ।
বারয়ামাস তান্বাণাংস্তদদ্ভুতমিবাভবৎ॥ 14-76-15 (94594)
ততঃ পুনরভিক্রুদ্ধো রাজা প্রাগ্জ্যোতিষাধিপঃ।
প্রেষয়ামাস নাগেন্দ্রং বলবৎপর্বতোপমম্॥ 14-76-16 (94595)
তমাপতন্তং সম্প্রেক্ষ্য বলবান্পাকশাসনিঃ।
নারাচমগ্নিসঙ্কাশং প্রাহিণোদ্বারণং প্রতি॥ 14-76-17 (94596)
স তেন বারণো রাজন্মর্মস্বভিহতো ভৃশম্।
পপাত সহসা ভূমৌ বজ্ররুগ্ণ ইবাচলঃ॥ 14-76-18 (94597)
স পতঞ্শুশুভে নাগো ধনংজয়শরাহতঃ।
বিশন্নিব মহাশৈলো মহীং বজ্রপ্রপীডিতঃ॥ 14-76-19 (94598)
তস্মিন্নিপতিতে নাগে যজ্ঞদত্তস্য পাণ্ডবঃ।
তং ন ভেতব্যমিত্যাহ ততো ভূমিগতং নৃপম্॥ 14-76-20 (94599)
অব্রবীদ্ধি মহাতেজাঃ প্রস্থিতং মাং যুধিষ্ঠিরঃ।
রাজানস্তে ন হন্তব্যা ধনংজয় কথঞ্চন॥ 14-76-21 (94600)
সর্বমেতন্নরব্যাঘ্র ভবত্যেতাবতা কৃতম্।
যোধাশ্চাপি ন হন্তব্যা ধনংজয় রণে ৎবয়া॥ 14-76-22 (94601)
বক্তব্যাশ্চাপি রাজানঃ সর্বে সহ সুহৃজ্জনৈঃ।
যুধিষ্ঠিরস্যাশ্বমেধো ভবদ্ভিরনুভূয়তাম্॥ 14-76-23 (94602)
ইতি ভ্রাতৃবচঃ শ্রুৎবা ন হন্মি ৎবাং নরাধিপ।
উত্তিষ্ঠ ন ভয়ং তেঽস্তি স্বস্তিমান্গচ্ছ পার্থিব॥ 14-76-24 (94603)
আগচ্ছেথা মহারাজ পরাং চৈত্রীমুপস্থিতাম্।
তদাঽশ্বমেধো ভবিতা ধর্মিরাজস্য ধীমতঃ॥ 14-76-25 (94604)
এবমুক্তঃ স রাজা তু ভগদত্তাত্মজস্তদা।
তথেৎবেবাব্রবীদ্বাক্যং পাণ্ডবেনাভিনির্জিতঃ॥ ॥ 14-76-26 (94605)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ষট্সপ্ততিতমোঽধ্যায়ঃ॥ 76 ॥
Mahabharata - Ashvamedhika Parva - Chapter Footnotes
7-76-13 শললিতঃ শলাকাপ্রোতঃ॥আশ্বমেধিকপর্ব - অধ্যায় 077
॥ শ্রীঃ ॥
14.77. অধ্যায়ঃ 077
Mahabharata - Ashvamedhika Parva - Chapter Topics
অশ্বানুসরণবশাস্সিন্ধুদেশং গতেনার্জুনেন সৈন্ধবৈঃসহ মহাঽঽয়োধনম্॥ 1 ॥ বাণগণাবকীর্ণস্যার্জুনস্য করাদ্গাণ্ডীবস্যা ধঃপতনে দেবর্ষ্যাদিভির্জপাদিনা তস্য তেজোদীপনম্॥ 2 ॥ ততঃ পুনরর্জুনেন তৈঃ স***যোধনম্॥ 3 ॥Mahabharata - Ashvamedhika Parva - Chapter Text
বৈশম্পায়ন উবাচ।
`জিৎবা প্রসাদ্য রাজানং ভগদত্তসুতং তদা।
বিসৃজ্য যাতে তুরগে সৈন্ধবান্প্রতি ভারত॥' 14-77-1 (94606)
সৈন্ধবৈরভবগদ্যুদ্ধং ততস্তস্য কিরীটিনঃ।
হতশেষৈর্মহারাজ হতানাং চ সুতৈরপি॥ 14-77-2 (94607)
তেঽবতীর্ণমুপশ্রুত্য বিষয়ং শ্বেতবাহনম্।
প্রত্যুদ্যযুরমৃষ্যন্তে রাজানঃ পাণ্ডবর্ষভম্॥ 14-77-3 (94608)
অশ্বং চ তং পরামৃশ্য বিষয়ান্তে বিষোপমাৎ।
ন ভয়ং চক্রিরে পার্থাদ্ভীমসেনাদনন্তরাৎ॥ 14-77-4 (94609)
তেঽবিদূরাদ্ধনুষ্পাণিং যজ্ঞিয়স্য হয়স্য চ।
বীভৎসুং প্রত্যপদ্যন্ৎ পদাতিনমবস্থিতম্॥ 14-77-5 (94610)
ততস্তে তং মহাবীর্যা রাজানঃ পর্যবারয়ন্।
জিগীষন্তো নরব্যাঘ্রং পূর্বং বিনিকৃতা যুধি॥ 14-77-6 (94611)
তে নামান্যপি গোত্রাণি কর্মণি বিবিধানি চ।
কীর্তয়ন্তস্তদা পার্থং শরবর্ষৈরবাকিরন্॥ 14-77-7 (94612)
তে কিরন্তঃ শরব্রাতান্বারণপ্রতিবারণান্।
রণে জয়মভীপ্সন্তঃ কৌন্তেয়ং পর্যবারয়ন্॥ 14-77-8 (94613)
তে সমীক্ষ্য চ তং কৃষ্ণমুগ্রকর্মাণমাহবে।
সর্বে যুয়ুধিরে বীরা রথস্থাস্তং পদাতিনম্॥ 14-77-9 (94614)
তে তমাজঘ্নিরে বীরং নিবাতকবচান্তকম্।
সংশপ্তকনিহন্তারং হন্তারং সৈন্ধবস্য চ॥ 14-77-10 (94615)
ততো রথসহস্রেণ গজানাময়ুতেন চ।
***ষ্ঠকীকৃত্য বীভৎসুং প্রহৃষ্টমনসোঽভবন্॥ 14-77-11 (94616)
** স্মরন্তো বধং বীরাঃ সিন্ধুরাজস্য চাহবে।
জয়দ্রথস্য কৌরব্য সমরে সব্যসাচিনা॥ 14-77-12 (94617)
ততঃ পর্জন্যবৎসর্বে শরবৃষ্টীরবাসৃজন্।
তৈঃ কীর্ণঃ শুশুভে পার্থো রবির্মেঘান্তরে যথা॥ 14-77-13 (94618)
স শরৈঃ সমবচ্ছন্নশ্চকাশে পাণ্ডবর্ষভঃ।
পঞ্চরান্তরসঞ্চারী শকুন্ত ইব ভারত॥ 14-77-14 (94619)
ততো হাহাকৃতং সর্বং কৌন্তেয় শরপীডিতে।
ত্রৈলোক্যমভবদ্রাজন্রবিরাসীদ্রজোরুণঃ॥ 14-77-15 (94620)
ততো ববৌ মহারাজ মারুতো রোমহর্ষণঃ।
রাহুরগ্রসদাদিত্যং পর্বণীব বিশাম্পতে॥ 14-77-16 (94621)
উল্কাশ্চ জঘ্নিরে সূর্যং বিকীর্যন্ত্যঃ সমন্ততঃ।
বেপথুশ্চাভবদ্রাজন্কৈলাসস্য মহাগিরেঃ॥ 14-77-17 (94622)
মুমুচুঃ শ্বাসমত্যুষ্ণং দুঃখশোকসমন্বিতাঃ।
সপ্তর্ষয়ো জাতভয়াস্তথা দেবর্ষয়োপি চ॥ 14-77-18 (94623)
শশং চাশু বিনির্ভিদ্য মণ্ডলং শশিনোঽপতন্।
বিপরীতা দিশশ্চাপি সর্বা ধূমাকুলাস্তথা॥ 14-77-19 (94624)
রাসভারুণসঙ্কাশা ধনুষ্মন্তঃ সবিদ্যুতঃ।
আবৃত্য গগনং মেঘা মুমুচুর্মাংসশোণিতম্॥ 14-77-20 (94625)
এবমাসীত্তদা বীরে শরবর্ষেণ সংবৃতে।
ফল্গুনে ভরতশ্রেষ্ঠ তদদ্ভুতমিবাভবৎ॥ 14-77-21 (94626)
তস্য তেনাবকীর্ণস্য শরজালেন সর্বতঃ।
মোহাৎপপাত গাণ্ডীবমাবাপশ্চ করাদপি॥ 14-77-22 (94627)
তস্মিন্মোহমনুপ্রাপ্তে শরজালং মহত্তদা।
সৈন্ধবা মুমুচুস্তূর্ণং গতসৎবে মহারথে॥ 14-77-23 (94628)
ততো মোহং সমাপন্নং জ্ঞাৎবা পার্থং দ্বিবৌকসঃ।
সর্বে বিত্রস্তমনসস্তস্য শান্তিকৃতোঽভবন্॥ 14-77-24 (94629)
ততো দেবর্ষয়ঃ সর্বে তথা সপ্তর্ষয়োপি চ।
ব্রহ্মর্ষচস্চ বিজয়ং জেপুঃ পার্থস্য ধীমতঃ॥ 14-77-25 (94630)
ততঃ প্রদীপিতে দেবৈঃ পার্থতেজসি পার্থিব।
তস্থাবচলবদ্ধীমান্সঙ্গ্রামে পরমাস্ত্রবিৎ॥ 14-77-26 (94631)
বিচকর্ষ ধনুর্দিব্যং ততঃ কৌরবনন্দনঃ।
যন্ত্রস্যেবেহ শব্দোঽভূন্মহাংস্তস্য পুনঃ পুনঃ॥ 14-77-27 (94632)
ততঃ স শরবর্ষাণি প্রত্যমিত্রান্প্রতি প্রভুঃ।
ববর্ষ ধনুষা পার্থো বর্ষাণীব পুরংদরঃ॥ 14-77-28 (94633)
ততস্তে সৈন্ধবা যোধাঃ সর্ব এব সরাজকাঃ।
নাদৃশ্যন্ত শরৈঃ কীর্ণাঃ শলভৈরিব পাদপাঃ॥ 14-77-29 (94634)
তস্য শব্দেন বিত্রেসুর্ভয়ার্তাশ্চ বিদুদ্রুবুঃ।
মুমুচুস্চাশ্রু শোকার্তাঃ শুশুচুশ্চাপি সৈন্ধবাঃ॥ 14-77-30 (94635)
তাংস্তু সর্বান্নরব্যাঘ্রঃ সৈন্ধবান্ব্যচরদ্বলী।
অলাতচক্রবদ্রাজঞ্শরজালৈঃ সমার্পয়ৎ॥ 14-77-31 (94636)
তদিন্দ্রজালপ্রতিমং বাণজালমমিত্রহা।
বিসৃজ্য দিক্ষু সর্বাসু মহেন্দ্রি ইব বজ্রভৃৎ॥ 14-77-32 (94637)
মেঘজালনিভং সৈন্যং বিদার্য শরবৃষ্টিভিঃ।
বিবভৌ কৌরবশ্রেষ্ঠঃ শরদীব দিবাকরঃ॥ ॥ 14-77-33 (94638)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি সপ্তসপ্ততিতমোঽধ্যায়ঃ॥ 77 ॥
Mahabharata - Ashvamedhika Parva - Chapter Footnotes
7-77-19 উৎকাঃ শশং চন্দ্রস্থং বিনির্ভিদ্য শশিনো মণ্ডলং প্রতি অপতন্নিতি অনুবৃত্ত্যা সম্বন্ধঃ॥ 7-77-20 রাসভারুণে বর্ণবিশেষঃ॥ 7-77-22 আবাপো হস্তাবাপঃ॥আশ্বমেধিকপর্ব - অধ্যায় 078
॥ শ্রীঃ ॥
14.78. অধ্যায়ঃ 078
Mahabharata - Ashvamedhika Parva - Chapter Topics
অর্জুনসমাগমনশ্রবণমাত্রেণ জয়দ্রথসুতে মৃতে দুশ্শলয়া তৎসুতমানীয়ার্জুনংপ্রত্যভিয়ানম্॥ 1 ॥ ততোঽর্জুনেন দুশ্শলাপ্রার্থনয়া তস্যাং বহুমানেন চ যুদ্ধাদুপরমঃ॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
ততো গাণ্ডীবভৃচ্ছূরো যুদ্ধায় সমুপস্থিতঃ।
বিবভৌ যুধি দুর্ধর্ষো হিমবানচলো যথা॥ 14-78-1 (94639)
ততস্তে সৈন্ধবা যোধাঃ পুনরেব ব্যবস্থিতাঃ।
ব্যমুঞ্চন্ত সুসংরব্ধাঃ শরবর্ষাণি ভারত॥ 14-78-2 (94640)
তান্প্রহস্য মহাবাহুঃ পুনরেব ব্যবস্থিতান্।
ততঃ প্রোবাচ কৌন্তেয়ো মুমূর্ষঞ্শ্লক্ষ্ণয়া গিরা॥ 14-78-3 (94641)
যুধ্যধ্বং পরয়া শক্ত্যা যতধ্বং বিজয়ে মম।
কুরুধ্বং সর্বকার্যাণি মহদ্বো ভয়মাগতম্॥ 14-78-4 (94642)
এষ যোৎস্যামি সর্বাংস্তু নিবার্য শরবাগুরাম্।
তিষ্ঠধ্বং যুদ্ধমনসো দর্পং শময়িতাস্মি বঃ॥ 14-78-5 (94643)
এতাবদুক্ৎবা কৌরব্যো রোষাদ্গাণ্ডীবভৃত্তদা।
ততোঽথ বচনং স্মৃৎবা ভ্রাতুর্জ্যেষ্ঠস্য ভারত॥ 14-78-6 (94644)
ন হন্তব্যা রণে তাত ক্ষত্রিয়া বিজিগীষবঃ।
জেতব্যাশ্চেতি যৎপ্রোক্তং ধর্মরাজ্ঞা মহাত্মনা।
চিন্তয়ামাস স তদা ফল্গুনঃ পুরুষর্ষভঃ॥ 14-78-7 (94645)
ইত্যুক্তোঽহং নরেন্দ্রেণ ন হন্তব্যা নৃপা ইতি।
কথিতং ন মৃষেদং স্যাদ্ধর্মরাজবচঃ শুভম্॥ 14-78-8 (94646)
ন হন্যেরংশ্চ রাজানো রাজ্ঞশ্চাজ্ঞা কৃতা ভবেৎ।
ইতি সঞ্চিন্ত্য স তদা ফল্গুনঃ পুরুষর্ষভঃ॥ 14-78-9 (94647)
প্রোবাচ বাক্যং ধর্মজ্ঞঃ সৈন্ধবান্যুদ্ধদুর্মদান্।
বালাংস্ত্রিয়ো বা যুষ্মাকং ন হনিষ্যে ব্যবস্থিতান্॥ 14-78-10 (94648)
যশ্চ বক্ষ্যতি সঙ্গ্রামে তবাস্মীতি পরাজিতঃ।
এতচ্ছ্রুৎবা বচো মহ্যং কুরুধ্বং হিতমাত্মনঃ॥ 14-78-11 (94649)
ততোঽন্যথা কৃচ্ছ্রগতা ভবিষ্যথ ময়াঽর্দিতাঃ।
এবমুক্ৎবা তু তান্বীরান্যুয়ুধে কুরুপুঙ্গবঃ॥ 14-78-12 (94650)
অৎবরাবানসম্ভ্রান্তঃ সংক্রুদ্ধৈর্বিজিগীষুভিঃ।
শতং শতসহস্রাণি শরাণাং নতপর্বণাম্॥ 14-78-13 (94651)
মুমুচুঃ সৈন্ধবা রাজংস্তদা গাণ্ডীবধন্বনি।
শরানাপততঃ ক্রূরানাশীবিষবিষোপমান্।
চিচ্ছেদ নিশিতৈর্বাণৈরন্তরা স ধনংজয়ঃ॥ 14-78-14 (94652)
ছিত্ৎবা তু তানাশু চৈব কঙ্কপত্রাঞ্শিলাশিতান্।
একৈকমেষাং সমরে বিভেদ নিশিতৈঃ শরৈঃ॥ 14-78-15 (94653)
ততঃ প্রাস্রাংশ্চ শক্তীস্চ পুনরেব ধনংজয়ে।
জয়দ্রথং হতং স্মৃৎবা চিক্ষিপুঃ সৈন্ধবা নৃপাঃ॥ 14-78-16 (94654)
তেষাং কিরীটী সঙ্কল্পং মোঘং চক্রে মহাবলঃ।
সর্বাংস্তানন্তরা চ্ছিত্ৎবা তদা চুক্রোশ পাণ্ডবঃ।
তথৈবাপততাং তেষাং যোধানাং জয়গৃদ্ধিনাম্। 14-78-17 (94655)
তথৈবাপততাং তেষাং যোধানাং যজগৃদ্ধিনাম্।
শিরাংসি পাতয়ামাস ভল্লৈঃ সন্নতপর্বভিঃ॥ 14-78-18 (94656)
তেষাং প্রদ্রবতাং চাপি পুনরেবাভিধাবতাম্।
নিবর্ততাং চ শব্দোঽভূৎপূর্ণস্যেব মহোদধেঃ॥ 14-78-19 (94657)
তে বধ্যমানাস্তু তদা পার্থেনামিততেজসা।
যথাপ্রাণং যথোৎসাহং যোধয়ামাসুরর্জুনম্॥ 14-78-20 (94658)
ততস্তে ফল্গুনেনাজৌ শরৈঃ সন্নতপর্বভিঃ।
কৃতা বিসংজ্ঞা ভূয়িষ্ঠা ক্লান্তবাহনসৈনিকাঃ॥ 14-78-21 (94659)
তাংস্তু সর্বান্পরিগ্লানান্বিদিৎবা ধৃতরাষ্ট্রজা।
দুঃশলা বালমাদায় নপ্তারং প্রয়যৌ তদা॥ 14-78-22 (94660)
সুরথস্য সুতং বীরং রথেনাথাগমত্তদা।
শান্ত্যর্থং সর্বয়োধানামভ্যগচ্ছত পাণ্ডবম্॥ 14-78-23 (94661)
সা ধনংজয়মাসাদ্য রুরোদার্তস্বরং তদা।
ধনংজয়োপি তাং দৃষ্ট্বা ধনুর্বিসসৃজে প্রভুঃ॥ 14-78-24 (94662)
সমুৎসৃজ্য ধনুঃ পার্থো বিধিবদ্ভগিনী তদা।
প্রাহ কিং করবাণীতি সা চ তং প্রত্যুবাচ হ॥ 14-78-25 (94663)
এষ তে ভরতশ্রেষ্ঠ স্বস্ত্রীয়স্যাত্মজঃ শিশুঃ।
অভিবাদয়তে পার্থ তং পশ্য পুরুষর্ষভ॥ 14-78-26 (94664)
ইত্যুক্তস্তস্য পিতরং স পপ্রচ্ছার্জুনস্তথা।
ক্বাসাবিতি ততো রাজন্দুঃশলা বাক্যমব্রবীৎ॥ 14-78-27 (94665)
পিতৃশোকাভিসংতপ্তো বিষাদার্তোঽস্য বৈ পিতা।
পঞ্চৎবমগমদ্বীরো যথা তন্মে নিশাময়॥ 14-78-28 (94666)
স পূর্বং পিতরং শ্রুৎবা হতং যুদ্ধে ৎবয়াঽনঘ।
ৎবামাগতং চ সংশ্রুত্য যুদ্ধায় হয়সারিণম্।
পিতুশ্চ মৃত্যুদুঃখার্তোঽজহাৎপ্রাণান্ধনংজয়॥ 14-78-29 (94667)
প্রাপ্তো বীভৎসুরিত্যেব নাম শ্রুৎবৈব তেঽনঘ।
বিষাদার্তঃ পপাতোর্ব্যাং মমার চ মমাত্মজঃ॥ 14-78-30 (94668)
তং দৃষ্ট্বা পতিতং তত্র ততস্তস্যাত্মজং প্রভো।
গৃহীৎবা সমনুপ্রাপ্তা ৎবামদ্য শরণৈপিণী॥ 14-78-31 (94669)
ইত্যুক্ৎবাঽঽর্তস্বরং সা তু মুমোচ ধৃতরাষ্ট্রজা।
দীনা দীনং স্থিতং পার্থমব্রবীচ্চাপ্যধোমুখম্॥ 14-78-32 (94670)
স্বসারং সমবেক্ষস্ব স্বস্রীয়াত্মজমেব চ।
কর্তুমর্হসি ধর্মজ্ঞ দয়াং কুরুকুলোদ্বহ।
বিস্মৃত্য কুরুরাজানং তং চ মন্দং জয়দ্রথম্॥ 14-78-33 (94671)
অভিমন্যোর্যথা জাতঃ পরিক্ষিৎপরবীরহা।
তথাঽয়ং সুরথাজ্জাতো মম পৌত্রো মহাভুজ॥ 14-78-34 (94672)
তমাদায় নরব্যাঘ্র সম্প্রপ্তাস্মি তবান্তিকম্।
শমার্থং সর্বয়োধানাং শৃণু চেদং বচো মম॥ 14-78-35 (94673)
আগতোঽয়ং মহাবাহো তস্য মন্দস্য পুত্রকঃ।
প্রসাদমস্য বালস্য তস্মাত্ৎবং কর্তুমর্হসি॥ 14-78-36 (94674)
এষ প্রসাদ্য শিরসা প্রশমার্থমরিংদম।
যাচতে ৎবাং মহাবাহো শমং গচ্ছ ধনংজয়॥ 14-78-37 (94675)
বালস্য হতবন্ধোশ্চ পার্থ কিঞ্চিদজানতঃ।
প্রসাদং কুরু ধর্মজ্ঞ মা মন্যুবশমন্বগাঃ॥ 14-78-38 (94676)
তমনার্থং নৃশংসং চ বিস্মৃত্যাস্য পিতামহম্।
আগস্কারিণমত্যর্তং প্রসাদং কর্তুমর্হসি॥ 14-78-39 (94677)
এবং ব্রুবত্যাং করুণং দুঃশলায়াং ধনংজয়ঃ।
সংস্মৃত্য দেবীং গান্ধারীং ধৃতরাষ্ট্রং চ পার্থিবম্।
উবাচ দুঃখশোকার্তঃ ক্ষত্রধর্মং ব্যগর্হয়ৎ॥ 14-78-40 (94678)
`ধিক্তং দুর্যোধনং ক্ষুদ্রং রাজ্যলুব্ধং চ মানিনম্।'
যৎকৃতে বান্ধবাঃ সর্বে ময়া নীতা যমক্ষয়ম্॥ 14-78-41 (94679)
ইত্যুক্ৎবা বহু সান্ৎবাদি প্রসাদমকরোজ্জয়ঃ।
পরিষ্বজ্য চ তাং প্রীতো বিসসর্জ গৃহান্প্রতি॥ 14-78-42 (94680)
দুঃশলা চাপি তান্যোধান্নিবার্য মহতো রণাৎ।
সম্পূজ্য পার্থং প্রয়যৌ গৃহানেব শুভাননা॥ 14-78-43 (94681)
এবং নির্জিত্য তান্বীরান্সৈন্ধবান্স ধনংজয়ঃ।
অন্বধাবত ধাবন্তং হয়ং কামবিচারিণম্॥ 14-78-44 (94682)
ততো মৃগমিবাকাশে যথা দেবঃ পিনাকধৃক্।
সসার তং তথা বীরো বিধিবদ্যজ্ঞিয়ং হয়ম্॥ 14-78-45 (94683)
স চ বাজী যথেষ্টেন তাংস্তান্দেশান্যথাক্রমম্।
বিচচার যথাকামং কর্ম পার্থস্য বর্ধয়ন্॥ 14-78-46 (94684)
ক্রমেণ স হয়স্ৎবেবং বিচরন্পুরুষর্ষভ।
মণলূরপতের্দেশমুপায়াৎসহপাণ্ডবঃ॥ ॥ 14-78-47 (94685)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি অষ্টসপ্ততিতমোঽধ্যায়ঃ॥ 78 ॥
Mahabharata - Ashvamedhika Parva - Chapter Footnotes
7-78-47 ভণিপূরপতেরিতি ঝ.পাঠঃ॥আশ্বমেধিকপর্ব - অধ্যায় 079
॥ শ্রীঃ ॥
14.79. অধ্যায়ঃ 079
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
অর্জুনেন মণলূরপুরং প্রতি গমনম্॥ 1 ॥ তথা পিতৃভক্ত্যা বিনয়েনাগতং চিত্রাঙ্গদায়াং জাতং স্বাত্মজং বভ্রুবাহনংপ্রতি ক্ষত্রধর্মপরিত্যাগজরোষাদুপালম্ভঃ॥ 2 ॥ তমসহমানয়া উলূপ্যা নাগলোকাদেত্য বভ্রুবাহনস্যার্জুনেন সহ যুদ্ধপ্রোৎসাহনম্॥ 3 ॥ বভ্রুবাহনেন স্বশরাগাঢাভিধাতেন নিপতিতে পার্থে পিতৃমারণশোকেন মোহাধিগমঃ॥ 4 ॥ ততশ্চিত্রাঙ্গদয়া রণাঙ্গণমেত্য বহুধা বিলাপঃ॥ 5 ॥Mahabharata - Ashvamedhika Parva - Chapter Text
বৈশম্পায়ন উবাচ।
শ্রুৎবা তু নৃপতিঃ প্রাপ্তং পিতরং বভ্রুবাহনঃ।
নির্যযৌ বিনয়েনাথ ব্রাহ্মণার্যপুরঃসরঃ॥ 14-79-1 (94686)
মণলূরেশ্বরং ৎবেবমুপয়াতং ধনংজয়ঃ।
নাভ্যনন্দৎস মেধাবী ক্ষত্রধর্মমনুস্মরন্॥ 14-79-2 (94687)
উবাচ চ স ধর্মাত্মা সমন্যুঃ ফল্গুনস্তদা।
প্রক্রিয়েয়ং ন তে যুক্তা বহিস্ৎবং ক্ষত্রধর্মতঃ॥ 14-79-3 (94688)
সংরক্ষ্যমাণং তুরগং যৌধিষ্ঠিরমুপাগতম্।
যজ্ঞিয়ং বিষয়ান্তে মাং নায়োৎসীঃ কিংনু পুত্রক॥ 14-79-4 (94689)
ধিক্ৎবামস্তু সুদুর্বুদ্ধিং ক্ষত্রধর্মাবিশারদম্।
যো মাং যুদ্ধায় সম্প্রাপ্তং সাম্নৈব প্রত্যগৃহ্ণথাঃ॥ 14-79-5 (94690)
ন ৎবয়া পুরুষার্থো হি কশ্চিদস্তীহ জীবতা।
যস্ৎবং স্ত্রীবদ্যুধা প্রাপ্তং মাং সাম্না প্রত্যগৃহ্ণথাঃ॥ 14-79-6 (94691)
যদ্যহং ন্যস্তশস্ত্রস্ৎবামাগচ্ছেয়ং সুদুর্মতে।
প্রক্রিয়েয়ং ভবেদ্যুক্তা তাবতব নরাধম॥ 14-79-7 (94692)
তমেবমুক্তং ভর্ত্রা তু বিদিৎবা পন্নগাত্মজা।
অমৃষ্যমাণা ভিত্ৎবোর্বীমুলূপী সমুপাগমৎ॥ 14-79-8 (94693)
সা দদর্শ তত পুত্রং বিমৃশন্তমধোমুখম্।
সংতর্জ্যমানমসকৃৎপিত্রা যুদ্ধার্থিনা বিভো॥ 14-79-9 (94694)
ততঃ সা চারুসর্বাঙ্গী সমুপেত্যোরগাত্মজা।
উলূপী প্রাহ বচনং ক্ষত্রধর্মবিশারদ॥ 14-79-10 (94695)
উলূপীং মাং নিবোধ ৎবং মাতরং পন্নগাত্মজাম্।
কুরুষ্ব বচনং পুত্র ধর্মস্তে ভবিতা পরঃ॥ 14-79-11 (94696)
যুধ্যস্বৈনং কুরুশ্রেষ্ঠং ধনংজয়মরিন্দমম্॥
এবমেষ হি তে প্রীতো ভবিষ্যতি ন সংশয়ঃ॥ 14-79-12 (94697)
এবমুদ্ধার্ষিতো রাজা স মাত্রা বভ্রুবাহনঃ।
মনশ্চক্রে মহাতেজা যুদ্ধায় ভরতর্ষভ॥ 14-79-13 (94698)
সন্নহ্য কাঞ্চনং বর্ম শিরস্ত্রাণং চ ভানুমৎ।
তূণীরশতসংবাধমারুরোহ রথোত্তমম্॥ 14-79-14 (94699)
সর্বোপকরণোপেতং যুক্তমশ্বৈর্মনোজবৈঃ।
সচক্রোপস্করং শ্রীমান্হেমভাণ্ডপরিষ্কৃতম্॥ 14-79-15 (94700)
পরমার্চিতমুচ্ছ্রিত্য ধ্বজং হংসং হিরণ্ময়ম্।
প্রয়যৌ পার্থমুদ্দিশ্য স রাজা বভ্রুবাহনঃ॥ 14-79-16 (94701)
ততোঽভ্যোত্য হয়ং বীরো যজ্ঞিয়ং পার্থরক্ষিতম্।
গ্রাহয়ামাস পুরুষৈর্হয়শিক্ষাবিশারদৈঃ॥ 14-79-17 (94702)
গৃহীতং বাজিনং দৃষ্ট্বা প্রীতাত্মা স ধনংজয়ঃ।
পুত্রং রথস্থং ভূমিষ্ঠঃ সংন্যবারয়দাহবে॥ 14-79-18 (94703)
স তত্র রাজা তং বীরং শরসঙ্ঘৈরনেকশঃ।
অর্দয়ামাস নিশিতৈরাশীবিষবিষোপমৈঃ॥ 14-79-19 (94704)
তয়োঃ সমভবদ্যুদ্ধং পিতুঃ পুত্রস্যক চাতুলম্।
দেবাসুররণপ্রখ্যমুভয়োঃ প্রীয়মাণয়োঃ॥ 14-79-20 (94705)
কিরীটিনং প্রবিব্যাঘ শরেণানতপর্বণা।
জত্রুদেশে নরব্যাঘ্রং প্রহসন্বভ্রুবাহনঃ॥ 14-79-21 (94706)
সোভ্যগাৎসহপুঙ্খেন বল্মীকমিব পন্নগঃ।
বিনির্ভদ্য চ কৌন্তেয়ং প্রবিবেশি মহীতলম্॥ 14-79-22 (94707)
স গাঢবেদনো ধীমানালম্ব্য ধনুরুত্তমম্।
দিব্যং তেজঃ সমাবিশ্য প্রমীত ইব সোভবৎ॥ 14-79-23 (94708)
স সংজ্ঞামুপলভ্যাথ প্রশস্য পুরুষর্ষভঃ।
পুত্রং শক্রাত্মজো বাক্যমিদমাহ মহাদ্যুতিঃ॥ 14-79-24 (94709)
সাধুসাধু মহাবাহো বৎস চিত্রাঙ্গদাত্মজ।
সদৃশং কর্ম তে দৃষ্ট্বা প্রীতিমানস্মি পুত্রক॥ 14-79-25 (94710)
বিমুঞ্চাম্যেষ তে বাণান্পুত্র যুদ্ধে স্থিরো ভব।
ইত্যেবমুক্ৎবা নারাচৈরভ্যবর্ষদমিত্রহা॥ 14-79-26 (94711)
তান্স গাণ্ডীবনির্মুক্তান্বজ্রাশনিসমপ্রভান্।
নারাচানচ্ছিনদ্রাজ ভল্লৈঃ সর্বাংস্ত্রিধা দ্বিধা॥ 14-79-27 (94712)
তস্য পার্থঃ শরৈর্দিব্যৈর্ধ্বজং হেমপরিষ্কৃতম্।
সুবর্ণতালপ্রতিমং ক্ষুরেণাপাহরদ্রথাৎ॥ 14-79-28 (94713)
হয়াংশ্চাস্য মহাকায়ান্মহাবেগানরিংদম।
চকার রাজন্নির্জাবান্প্রহসন্নিব পাণ্ডবঃ॥ 14-79-29 (94714)
স রথাদবতীর্যাথ রাজা পরমকোপনঃ।
পদাতিঃ পিতরং ক্রুদ্ধো যোধয়ামাস পাণ্ডবম্॥ 14-79-30 (94715)
সম্প্রীয়মাণঃ পার্থানামৃষভঃ পুত্রবিক্রমাৎ।
নাত্যর্থং পীডয়ামাস পুত্রং বজ্রধরাত্মজঃ॥ 14-79-31 (94716)
স হন্যমানোঽভিমুখং পিতরং বভ্রুবাহনঃ।
শরৈরাশীবিষাকারৈঃ পুনরেবার্দয়দ্বলী॥ 14-79-32 (94717)
ততঃ স বাল্যাৎপিতরং বিব্যাধ হৃদি পত্রিণা।
নিশেতেন সুপুঙ্খেন বলবদ্বভ্রুবাহনঃ॥ 14-79-33 (94718)
স বাণস্তেজসা দীপ্তো জ্বলন্নিব হুতাশনঃ।
বিবেশ পাণ্ডবং রাজন্মর্ম ভিত্ৎবাঽতিদুঃখকৃৎ॥ 14-79-34 (94719)
স তেনাতিভৃশং বিদ্ধঃ পুত্রেণ কুরুনন্দনঃ।
মহীং জগাম মোহার্তস্ততো রাজন্ধনংজয়ঃ॥ 14-79-35 (94720)
তস্মিন্নিপতিতে বীরে কৌরবাণাং ধুরংধরে।
সোপি মোহং জগামাথ ততশ্চিত্রাঙ্গদাসুতঃ।ষ 14-79-36 (94721)
ব্যায়ম্য সংয়ুগে রাজা দৃষ্ট্বা চ পিতরং হতম্।
পূর্বমেব স বাণৌর্ঘর্গাঢবিদ্ধোঽর্জুনেন হ।
পপাত সোপি ধরণীমালিঙ্গ্য রণমূর্ধনি॥ 14-79-37 (94722)
ভর্তারং নিহতং দৃষ্ট্বা পুত্রং চ পতিতং ভুবি।
চিত্রাঙ্গদা পরিত্রস্তা প্রবিবেশ রণাজিরে॥ 14-79-38 (94723)
শোকসংতপ্তহৃদয়া রুদতী বেপতী ভৃশম্। 14-79-39 (94724)
মণলূরপতের্মাতা দদর্শ নিহতং পতিম্॥ ॥ 14-79-40 (94725)
ইতি শ্রীমন্মহাভারতে আশ্বমেধকপর্বণি অনুগীতাপর্বণি একোনাশীতিতমোঽধ্যায়ঃ॥ 79 ॥
Mahabharata - Ashvamedhika Parva - Chapter Footnotes
7-79-23 প্রমীতইব মৃতইব॥ 7-79-25 পুত্রং প্রশস্যেতি সংবন্ধঃ॥ 7-79-39 পতিমর্জুনম্॥আশ্বমেধিকপর্ব - অধ্যায় 080
॥ শ্রীঃ ॥
14.80. অধ্যায়ঃ 080
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
চিত্রাঙ্গদয়া রণাঙ্গণনিপতিতপতিপুত্রদর্শনজশোকাতিরেকেণ মোহাধিগমঃ॥ 1 ॥ তথা সংজ্ঞোপলম্ভে উলূপীংপ্রত্যুপালম্ভ গর্ভবচনম্॥ 2 ॥ ততশ্চিরাল্লুব্ধসংজ্ঞেন বভ্রুবাহনেনাত্মোপালম্ভনপূর্বকং প্রায়োপবেশনম্॥ 3 ॥Mahabharata - Ashvamedhika Parva - Chapter Text
বৈশম্পায়ন উবাচ।
ততো বহুতরং ভীরর্বিলপ্য কমলেক্ষণা।
মুমোহ দুঃখসংতপ্তা পপাত চ মহীতলে॥ 14-80-1 (94726)
প্রতিলভ্য চ সা সংজ্ঞাং দেবী দিব্যবপুর্ধরা।
উলূপীং পন্নগসুতাং দৃষ্ট্বেদং বাক্যমব্রবীৎ॥ 14-80-2 (94727)
উলূপি পশ্য ভর্তারং শয়ানং নিতং রণে।
ৎবৎকৃতে মম পুত্রেণ বাণেন সমিতিংজয়ম্॥ 14-80-3 (94728)
ননু ৎবমার্যধর্মজ্ঞা ননু চাসি পতিব্রতা।
যত্ৎবৎকৃতেঽয়ং পতিতঃ পতিস্তে নিহতো রণে॥ 14-80-4 (94729)
কিংনু মন্দেঽপকরাদ্ধোঽয়ং যদি তেঽদ্য ধনংজয়ঃ।
ক্ষমস্ব যাচ্যমানা বৈ জীবয়স্ব ধনংজয়ম্॥ 14-80-5 (94730)
ননু ৎবমার্যে ধর্মজ্ঞে ত্রৈলোক্যবিদিতা শুভে।
যদ্ধাতয়িৎবা পুত্রেণ ভর্তারং নানুশোচসি॥ 14-80-6 (94731)
নাহং শোচামি তনয়ং হতং পন্নগনন্দিনি।
পতিমেব তু শোচামি যস্যাতিথ্যমিদং কৃতম্॥ 14-80-7 (94732)
ইত্যুক্ৎবা সা তদা দেবীমুলূপীং পন্নগাত্মজাম্।
ভর্তারমভিগম্যেদমিত্যুবাচ যশস্বিনী॥ 14-80-8 (94733)
উত্তিষ্ঠ কুরুমুখ্যস্য প্রিয়মুখ্য মম প্রিয়।
অয়মশ্বো মহাবাহো ময়ো তে পরিমোক্ষিতঃ॥ 14-80-9 (94734)
ননু ৎবয়া নাম বিভো ধর্মরাজস্য যজ্ঞিয়ঃ।
অয়মশ্বোঽনুসর্তব্যঃ স শেষে কিং মহীতলে॥ 14-80-10 (94735)
ৎবয়ি প্রাণা মমায়ত্তাঃ কুরূণাং কুরুনন্দন।
স কস্মাৎপ্রাণদোঽন্যেষাং প্রাণান্সংত্যক্তবানসি॥ 14-80-11 (94736)
উলূপি সাধু পশ্যেমং পতিং নিপতিতং ভুবি।
পুত্রং চেমং সমুৎসাদ্য ঘাতয়িৎবা ন শোচসি॥ 14-80-12 (94737)
কামং স্বপিতু বালোঽয়ং ভূমৌ মৃত্যুবশং গতঃ।
লোহিতাক্ষো গুডাকেশো বিজয়ঃ সাধু জীবতু॥ 14-80-13 (94738)
নাপরাধোঽস্তি সুভগে নরাণাং বহুভার্যতা।
প্রমদানাং ভবত্যেষ মা তে ভূদ্বুদ্ধিরীদৃশী॥ 14-80-14 (94739)
সখ্যং চৈতৎকৃতং ধাত্রা শশ্বদব্যযমেব তু।
সখ্যং সমভিজানীহি সত্যং সঙ্গতমস্তু তে॥ 14-80-15 (94740)
পুত্রেম ঘাতয়িৎবৈনং পতিং যদি ন মেঽদ্য বৈ।
জীবন্তং দর্শয়স্যদ্য পরিত্যক্ষ্যামি জীবিতম্॥ 14-80-16 (94741)
সাঽহং দুঃখান্বিতা দেবি পতিপুত্রবিনাকৃতা।
ইহৈব প্রায়মাশিষ্যে প্রেক্ষন্ত্যাস্তে ন সংশয়ঃ॥ 14-80-17 (94742)
ইত্যুক্ৎবা পন্নগসুতাং সপত্নী চৈত্রবাহনী।
ততঃ প্রায়মুপাসীনা তূষ্ণীমাসীজ্জনাধিপ॥ 14-80-18 (94743)
ততো বিলপ্য বিরতা ভর্তুঃ পাদৌ প্রগৃহ্য সা।
উপবিষ্টা ভবদ্দীনা সোচ্ছ্বাসং পুত্রমীক্ষতী॥ 14-80-19 (94744)
ততঃ সংজ্ঞাং পুনর্লব্ধ্বা স রাজা বভ্রুবাহনঃ।
মাতরং তামথালোক্য রণভূমাবথাব্রবীৎ॥ 14-80-20 (94745)
ইতো দুঃখতরং কিংনু যন্মে মাতা সুখৈধিতা।
ভূমৌ নিপতিতং বীরমনুশেতে মৃতং পতিম্॥ 14-80-21 (94746)
নিহন্তারং রণেঽরীণাং সর্বশস্ত্রভৃতাং বরম্।
ময়া বিনিহতং সঙ্খ্যে প্রেক্ষতে দুর্মরং বত॥ 14-80-22 (94747)
অহোঽস্যা হৃদয়ং দেব্যা দৃঢং যন্ন বিদীর্যতে।
ব্যূঢোরস্কং মহাবাহুং প্রেক্ষন্ত্যা নিহতং পতিম্॥ 14-80-23 (94748)
দুর্মরং পুরুষেণেহ মন্যে কালে হ্যনাগতে।
যত্র নাহং ন মে মাতা ন বিয়ুক্তৌ স্বজীবিতাৎ॥ 14-80-24 (94749)
হাহা ধিক্কুরুবীরস্য কিরীটং কাঞ্চনং ভুবি।
অপবিদ্ধং হতস্যেহ ময়া পুত্রেম পশ্যত॥ 14-80-25 (94750)
ভোভো পশ্যত মে বীরং পিতরং ব্রাহ্মণা ভুবি।
শয়ানং বীরশয়নে ময়া পুত্রেণ পাতিতম্॥ 14-80-26 (94751)
ব্রাহ্মণাঃ কুরুমুখ্যস্য যে মুক্তা হয়সারিণঃ।
কুর্বন্তি শান্তিং কামস্য রণে যোঽয়ং ময়া হতঃ॥ 14-80-27 (94752)
ব্যাদিশন্তু চ কিং বিপ্রাঃ প্রায়শ্চিত্তমিহাদ্য মে।
আনৃশংসস্য পাপস্য পিতৃহন্তূ রণাজিরে॥ 14-80-28 (94753)
দুশ্চরা দ্বাদশ সমা হৎবা পিতরমদ্য বৈ।
মমেহ সুনৃশংসস্য সংবীতস্যাস্য চর্মণা॥ 14-80-29 (94754)
শিরঃকপালে চাস্যৈব ভুঞ্জতঃ পিতুরদ্য মে।
প্রায়শ্চিত্তং হি নাস্ত্যন্যদ্ধৎবাঽদ্য পিতরং মম॥ 14-80-30 (94755)
পশ্য নাগোত্তমসুতে ভর্তারং নিহতং ময়া।
কৃতং প্রিয়ং ময়া তেঽদ্য নিহত্য সমরেঽর্জুনম্॥ 14-80-31 (94756)
সোঽহমদ্য গমিষ্যামি গতিং পিতৃনিষেবিতাম্।
ন শক্নোম্যাত্মনাঽঽত্মানমহং দারয়িতুং শুভে॥ 14-80-32 (94757)
সা ৎবং ময়ি মৃতে মাতস্তথা গাণ্ডীবধন্বনি।
ভব প্রীতিমতী দেবি সত্যেনাত্মানমালভে॥ 14-80-33 (94758)
ইত্যুক্ৎবা স ততো রাজা দুঃখশোকসমাহতঃ।
উপস্পৃশ্য মহারাজ দুঃখাদ্বচনমব্রবীৎ॥ 14-80-34 (94759)
শৃণ্বন্তু সর্বভূতানি স্থাবরাণি চরাণি চ।
ৎবং চ মাতর্যথা সত্যং ব্রবীমি ভুজগোত্তমে॥ 14-80-35 (94760)
যদি নোত্তিষ্ঠতি জয়ঃ পিতা মে নরসত্তমঃ।
অস্মিন্নেব রণোদ্দেশে শোষয়িষ্যে কলেবরম্॥ 14-80-36 (94761)
নহি মে পিতরং হৎবা নিষ্কৃতির্বিদ্যতে ক্বচিৎ।
নরকং প্রতিপৎস্যামি ধ্রুবং গুরুবধার্দিতঃ॥ 14-80-37 (94762)
বীরং হি ক্ষত্রিয়ং হৎবা গোশতেন প্রমুচ্যতে।
পিতরং তু নিহত্যৈবং দুর্লভা নিষ্কৃতির্মম॥ 14-80-38 (94763)
এত একো মহাতেজাঃ পাণ্ডুপুত্রো ধনংজয়ঃ।
পিতা চ মম ধর্মাত্মা তস্য মে নিষ্কৃতিঃ কুতঃ॥ 14-80-39 (94764)
ইত্যেবমুক্ৎবা নৃপতে ধনংজয়সুতো নৃপঃ।
উপস্পৃশ্যাভবত্তূষ্ণীং প্রায়োপেতো মহামতিঃ॥ ॥ 14-80-40 (94765)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি অশীতিতমোঽধ্যায়ঃ॥ 80 ॥
Mahabharata - Ashvamedhika Parva - Chapter Footnotes
7-80-27 কামস্যতি কাং অস্যেতি চ্ছেদঃ॥আশ্বমেধিকপর্ব - অধ্যায় 081
॥ শ্রীঃ ॥
14.81. অধ্যায়ঃ 081
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
বভ্রুবাহনে প্রায়োপবিষ্টে উলূপ্যা স্মরণমাত্রসংনিহিতসংজীবনমণিনার্জুনস্য সমুদ্ধোধনম্॥ 1 ॥ ততঃ সুপ্তোত্থিতেনেব তেন বভ্রুবাহনংপ্রতি চিত্রাঙ্গদাদীনাং রণাঙ্গণাগমনে কারণপ্রশ্নে তেনোলূপীংপ্রতি প্রশ্নচোদনা॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
প্রায়োপবিষ্টে নৃপতৌ মণলূরেশ্বরে তদা।
পিতৃশোকসমাবিষ্টে সহ মাত্রা পরংতপ॥ 14-81-1 (94766)
উলূপী চিন্তয়ামাস তদা সংজীবনং মণিম্।
স চোপাতিষ্ঠত তদা পন্নগানাং পরায়ণম্॥ 14-81-2 (94767)
তং গৃহীৎবা তু কৌরব্য নাগরাজপতেঃ সুতা।
মনঃপ্রহ্লাদনীং বাচং সৈনিকানামথাব্রবীৎ॥ 14-81-3 (94768)
উত্তিষ্ঠ মা শুচঃ পুত্র নৈব জিষ্ণুস্ৎবয়া হতঃ।
অজেয়ঃ পুরুষৈরেষ তথা দেবৈঃ সবাসবৈঃ॥ 14-81-4 (94769)
ময়া তু মোহনী নাম মায়ৈষা সম্প্রদর্শিতা।
প্রিয়ার্থং পুরুষেন্দ্রস্য পিতুস্তেঽদ্য যশস্বিনঃ॥ 14-81-5 (94770)
জিজ্ঞাসুর্হ্যেষ পুত্রস্য বলস্য তব কৌরব।
সঙ্গ্রামে যুদ্ধ্যতো রাজন্নাগতঃ পরবীরহা॥ 14-81-6 (94771)
তস্মাদসি ময়া পুত্র যুদ্ধায় পরিচোদিতঃ।
মা পাপমাত্মনঃ পুত্র শঙ্কেথা হ্যণ্বপি প্রভো॥ 14-81-7 (94772)
ঋষিরেষ মহানাত্মা পুরাণঃ শাশ্বতোঽক্ষরঃ।
নৈনং শক্তো হি সঙ্গ্রামে জেতুং শক্রোঽপি পুত্রক॥ 14-81-8 (94773)
অয়ং তু মে মণির্দিব্যঃ সমানীতো বিশাংপতে।
মৃতান্মৃতান্পন্নগেন্দ্রান্যো জীবয়তি নিত্যদা॥ 14-81-9 (94774)
এনমস্যোরসি ৎবং চ স্থাপয়স্ব পিতুঃ প্রভো।
সংজীবিতং তদা পার্থং স ৎবং দ্রষ্টাসি পাণ্ডবম্॥ 14-81-10 (94775)
ইত্যুক্তঃ স্থাপয়ামাস তস্যোরসি মণিং তদা।
পার্থস্যামিততেজাঃ স পিতুঃ স্নেহাদপাপকৃৎ॥ 14-81-11 (94776)
তস্মিন্ন্যস্তে মণৌ বীরো জিষ্ণুরুজ্জীবিতঃ প্রভুঃ।
চিরসুপ্ত হবোত্তস্থৌ মৃষ্টলোহিতলোচনঃ॥ 14-81-12 (94777)
তমুত্থিতং মহাত্মানং লব্ধসংজ্ঞং মনস্বিনম্।
সমীক্ষ্য পিতরং স্বস্থং ববন্দে বভ্রুবাহনঃ॥ 14-81-13 (94778)
উত্থিতে পুরুষব্যাঘ্রে পুনর্লক্ষ্মীবতি প্রভো।
দিব্যাঃ সুমনসঃ পুণ্যা ববৃষে পাকশাসনঃ॥ 14-81-14 (94779)
অনাহতা দুন্দুভয়ো বিনেদুর্মঘনিঃস্বনাঃ।
সাধুসাধ্বিতি চাকাশে বভূব সুমহান্স্বনঃ॥ 14-81-15 (94780)
উত্থায় চ মহাবাহুঃ পর্যাশ্বস্তো ধনংজয়ঃ॥
বভ্রুবাহনমালিঙ্গ্য সমাজিঘ্রত মূর্ধনি॥ 14-81-16 (94781)
দদর্শ চাপি দূরেঽস্য মাতরং শোককর্শিতাম্।
উলূপ্যা সহ তিষ্ঠন্তীং ততোঽপৃচ্ছদ্ধনংজয়ঃ॥ 14-81-17 (94782)
কিমিদং লক্ষ্যতে সর্বং শোকবিস্ময়হর্ষবৎ।
রণাজিরমমিত্রঘ্ন যদি জানাসি শংস মে॥ 14-81-18 (94783)
জননী চ কিমর্থং তে রণভূমিমুপাগতা।
নাগেন্দ্রদুহিতা চেয়মুলূপী কিমিহাগতা॥ 14-81-19 (94784)
জানাম্যহমিদং যুদ্ধং ৎবয়া মদ্বচনাৎকৃতম্।
স্ত্রীণামাগমনে হেতুমহমিচ্ছামি বেদিতুম্॥ 14-81-20 (94785)
তমুবাচ তথা পৃষ্টো মণলূরপতিস্তদা।
প্রসাদ্য শিরসা বিদ্বানুলূপী পৃচ্ছ্যতামিতি॥ ॥ 14-81-21 (94786)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একাশীতিতমোঽধ্যায়ঃ॥ 81 ॥
আশ্বমেধিকপর্ব - অধ্যায় 082
॥ শ্রীঃ ॥
14.82. অধ্যায়ঃ 082
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
উলূপ্যার্জুনংপ্রতি চিত্রাঙ্গদাদীনাং সমরাঙ্গণাগমনে কারণাভিধানম্॥ 1 ॥ তথা বভ্রুবাহনেন তস্য পরাজয়ে বিস্তরেণ হেতুকথনম্॥ 2 ॥Mahabharata - Ashvamedhika Parva - Chapter Text
অর্জুন উবাচ।
কিমাগমনকৃত্যং তে কৌরব্যকুলনন্দিনি।
মণলূরপতের্মাতুস্তথৈব চ রণাজিরে॥ 14-82-1 (94787)
কচ্চিৎকুশলকামাসি রাজ্ঞোঽস্য ভুজগাত্মজে।
মম বা চপলাপাঙ্গি কচ্চিৎবং শুভমিচ্ছসি॥ 14-82-2 (94788)
কচ্চিত্তে পৃথুলশ্রোণি নাপ্রিয়ং প্রিয়দর্শনে।
অকার্ষমহমজ্ঞানাদয়ং বা বভ্রুবাহনঃ॥ 14-82-3 (94789)
কচ্চিন্নু রাজপূত্রী তে সপত্নী চৈত্রবাহনী।
চিত্রাঙ্গদা বরারোহা নাপরাধ্যতি কিঞ্চন॥ 14-82-4 (94790)
তমুবাচোরগপতের্দুহিতা প্রহসন্ত্যথ।
ন মে ৎবমপরাদ্ধোসি ন হি মে বভ্রুবাহনঃ।
ন জনিত্রী তথাঽস্যেয়ং মম যো প্রেষ্যবত্থিতা॥ 14-82-5 (94791)
শ্রূয়তাং যদ্যথা চেদং ময়া সর্বং বিচেষ্টিতম্।
ন মে কোপস্ৎবয়া কার্যঃ শিরসা ৎবাং প্রসাদয়ে॥ 14-82-6 (94792)
ৎবৎপ্রিয়ার্থং হি কৌরব্য কৃতমেতন্ময়া বিভো।
যত্তচ্ছৃণু মহাবাহো নিখিলেন ধনংজয়॥ 14-82-7 (94793)
মহাভারতয়ুদ্ধে যত্ৎবয়া শান্তনবো নৃপঃ।
অধর্মেণ হতঃ পার্থ তস্যৈষা নিষ্কৃতিঃ কৃতা॥ 14-82-8 (94794)
ন হি ভীষ্মস্ৎবয়া বীর যুদ্ধ্যমানো হি পাতিতঃ।
শিখণ্ডিনা তু সংয়ুক্তস্তমাশ্রিত্য হতস্ৎবয়া॥ 14-82-9 (94795)
তস্য শান্তিমকৃৎবা ৎবং ত্যজেথা যদি জীবিতম্।
কর্মণা তেন পাপেন পতেথা নিরয়ে ধ্রুবম্।
এষা তু বিহিতা শান্তিঃ পুত্রাদ্যাং প্রাপ্তবানসি॥ 14-82-10 (94796)
বসুভির্বসুধাপাল গঙ্গয়া চ মহামতে।
পুরা হি শ্রুতমেতত্তে বসুভিঃ কথিতং ময়া॥ 14-82-11 (94797)
গঙ্গায়াস্তীরমাশ্রিত্য হতে শান্তনবে নৃপ।
আপ্লুত্য দেবা বসবঃ সমেত্য চ মহানদীম্।
ইদমূচুর্বচো ঘোরং ভাগীরথ্যা মতে তদা॥ 14-82-12 (94798)
এষ শান্তনবো ভীষ্মো নিহতঃ সব্যসাচিনা।
অয়ুদ্ধ্যমানঃ সঙ্গ্রামে সংসক্তোঽন্যেন ভামিনি॥ 14-82-13 (94799)
তদনেনানুষঙ্গেণ বয়মদ্য ধনঞ্জয়ম্।
শাপেন যোজয়ামেতি তথাঽস্ৎবিতি চ সাঽব্রবীৎ॥ 14-82-14 (94800)
তদহং পিতুরাবেদ্য প্রবিশ্য ব্যথিতেন্দ্রিয়া।
অভবং স চ তচ্ছ্রুৎবা বিষাদমগমৎপরম্॥ 14-82-15 (94801)
পিতা তু মে বসূন্গৎবা ৎবদর্থে সময়াচত।
পুনঃ পুনঃ প্রসাদ্যৈতাংস্ত এনমিদমব্রুবন্॥ 14-82-16 (94802)
পুত্রস্তস্য মহাভাগ মণলূরেশ্বরো যুবা।
স এনং রণমধ্যস্থঃ শরৈঃ পাতয়িতা ভুবি॥ 14-82-17 (94803)
এবং কৃতে স নাগেন্দ্র মুক্তশাপো ভবিষ্যতি।
গচ্ছেতি বসুভিশ্চোক্তো মম চেদং শশংস সঃ॥ 14-82-18 (94804)
তচ্ছ্রুৎবা ৎবং ময়া তস্মাচ্ছাপাদসি বিমোক্ষিতঃ।
ন হি ৎবাং দেবরাজোঽপি সমরেষু পরাজয়েৎ॥ 14-82-19 (94805)
আত্মা পুত্রঃ স্মৃতস্তস্মাত্তেনেহাসি পরাজিতঃ।
ন হি দোষো মম মতঃ কথং বা মন্যসে বিভো॥ 14-82-20 (94806)
ইত্যেবমুক্তো বিজয়ঃ প্রসন্নাত্মাঽব্রবীদিদম্।
সর্বং মে সুপ্রিয়ং দেবি যদেতৎকৃতবত্যসি॥ 14-82-21 (94807)
ইত্যুক্ৎবা সোঽব্রবীৎপুত্রং মণলূরপতিং জয়ঃ।
চিত্রাঙ্গদায়াঃ শৃণ্বন্ত্যাঃ কৌরব্যদুহিতুস্তদা॥ 14-82-22 (94808)
যুধিষ্ঠিরস্যাশ্বমেধঃ পরিচৈত্রীং ভবিষ্যতি।
তত্রাগচ্ছেঃ সহামাত্যো মাতৃভ্যাং সহিতো নৃপ॥ 14-82-23 (94809)
ইত্যেবমুক্তঃ পার্থেন স রাজা বভ্রুবাহনঃ।
উবাচ পিতরং ধীমানিদমস্রাবিলেক্ষণঃ॥ 14-82-24 (94810)
উপয়াস্যামি ধর্মজ্ঞ ভবতঃ সাসনাদহম্।
অশ্বমেধে মহায়জ্ঞে দ্বিজাতিপরিবেষকঃ॥ 14-82-25 (94811)
মম ৎবনুগ্রহার্থায় প্রবিশস্ব পুরং স্বকম্।
ভার্যাভ্যাং সহ ধর্মজ্ঞ মাভূত্তেঽত্র বিচারণা॥ 14-82-26 (94812)
উষিৎবেহ নিশামেকাং সুখং স্বভবনে প্রভো।
পুনরশ্বানুগমনং কর্তাসি জয়তাংবর॥ 14-82-27 (94813)
ইত্যুক্তাঃ স তু প্রত্রেণ তদা বানরকেতনঃ।
স্ময়ন্প্রোবাচ কৌন্তেয়স্তদা চিত্রাঙ্গদাসুতম্॥ 14-82-28 (94814)
বিদিতং তে মহাবাহো যথা দীক্ষাং চরাম্যহম্।
ন স তাবৎপ্রবেক্ষ্যামি পুরং তে পৃথুলোচন॥ 14-82-29 (94815)
যথাকামং ব্রজত্যেষ যজ্ঞিয়াশ্বো নরর্ষভ।
স্বস্তি তেঽস্তু গমিষ্যামি ন স্থানং বিদ্যতে মম॥ 14-82-30 (94816)
বৈশম্পায়ন উবাচ। 14-82-31x (7922)
স তত্র বিধিবত্তেন পূজিতঃ পাকশাসনিঃ। 14-82-31 (94817)
ভার্যাভ্যামভ্যনুজ্ঞাতঃ প্রায়াদ্ভরতসত্তমঃ॥ ॥ 14-82-32 (94818)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি দ্ব্যশীতিতমোঽধ্যায়ঃ॥ 82 ॥
আশ্বমেধিকপর্ব - অধ্যায় 083
॥ শ্রীঃ ॥
14.83. অধ্যায়ঃ 083
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
অর্জুনেনাস্বানুসরণবশান্মগধদেশগমনম্॥ 1 ॥ তত্র জরাসংধপৌত্রস্য মেঘসংধেঃ পরাজয়পূর্বকং তত্রতত্র ম্লেচ্ছাদিপরাজয়ঃ॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
স তু বাজী সমুদ্রান্তাং পর্যেত্য বসুধামিমাম্।
নিবৃত্তোঽভিমুখো রাজন্যেন বারণসাহ্বয়ম্॥ 14-83-1 (94819)
অনুগচ্ছংশ্চ তুরগং নিবৃত্তোঽথ কিরীটভৃৎ।
যদৃচ্ছয়া সমাপেদে পুরং রাজগৃহং তদা॥ 14-83-2 (94820)
তমভ্যাশগতং দৃষ্ট্বা সহদেবাত্মজঃ প্রভো।
ক্ষত্রধর্মে স্থিতো বীরঃ সমরায়াজুহাব হ॥ 14-83-3 (94821)
ততঃ পুরাৎস নিষ্ক্রম্য রথী ধন্বী শরী তলী।
মেঘসন্ধিঃ পদাতিং তং ধনংজয়মুপাদ্রবৎ॥ 14-83-4 (94822)
আসাদ্য চ মহাতেজা মেঘসন্ধির্ধনংজয়ম্।
বালভাবান্মহারাজ প্রোবাচেদং ন কৌশলাৎ॥ 14-83-5 (94823)
কিময়ং চার্যতে বাজী স্ইত্রীমধ্য ইব ভারত।
হয়মেনং হরিষ্যামি প্রয়তস্ব বিমোক্ষণে॥ 14-83-6 (94824)
অদত্তানুনয়ো যুদ্ধে যদি ৎবং পিতৃভির্মম।
করিষ্যামি তবাতিথ্যং প্রহর প্রহরামি চ॥ 14-83-7 (94825)
ইত্যুক্তঃ প্রত্যুবাচৈনং প্রহসন্নিব পাণ্ডবঃ।
বিঘ্নকর্তা ময়া বার্য ইতি মে ব্রতমাহিতম্॥ 14-83-8 (94826)
ভ্রাত্রা জ্যেষ্ঠেন নৃপতে তবাপি বিদিতং ধ্রুবম্।
প্রহরস্ব যথাশক্তি ন মন্যুর্বিদ্যতে মম॥ 14-83-9 (94827)
ইত্যুক্তঃ প্রাহরৎপূর্বং পাণ্ডবং মগধেস্বরঃ।
কিরঞ্শরসহস্রাণি বর্ষাণীব সহস্রদৃক্॥ 14-83-10 (94828)
ততো গাণ্ডীবভৃচ্ছূরো গাণ্ডীবপ্রহিতৈঃ শরৈঃ।
চকার মোঘাংস্তান্বাণান্সয়ত্নান্ভরতর্ষভ॥ 14-83-11 (94829)
স মোঘং তস্য বাণৌঘং কৃৎবা বানরকেতনঃ।
শরাত্মুমোচ জ্বলিতান্দীপ্তাস্যানিব পন্নগান্॥ 14-83-12 (94830)
ধ্বজে পতাকাদণ্ডেষু রথে যন্ত্রে হয়েষু চ।
অন্যেষু চ রথাঙ্গেষু ন শরীরে ন সারথৌ॥ 14-83-13 (94831)
সংরক্ষ্যমাণঃ পার্থেন শরীরে সব্যসাচিনা।
মন্যমানঃ স্ববীর্যং তন্মাগধঃ প্রাহিণোচ্ছরান্॥ 14-83-14 (94832)
ততো গাণ্ডীবধন্বা তু মাগধেন ভৃশাহতঃ।
বভৌ বসন্তসময়ে পলাসঃ পুষ্পিতো যথা॥ 14-83-15 (94833)
অবধ্যমানঃ সোঽভ্যঘ্নন্মাগধঃ পাণ্ডবর্ষভম্।
তেন তস্থৌ স কৌরব্য লোকবীরস্য দর্শনে॥ 14-83-16 (94834)
সব্যসাচী তু সংক্রুদ্ধো বিকৃষ্য বলবদ্ধনুঃ।
হয়াংশ্চকার নির্জীবান্সারথেশ্চ শিরোঽহরৎ॥ 14-83-17 (94835)
ধনুশ্চাস্য মহচ্চিত্রং ক্ষুরেণ প্রচকর্ত হ।
হস্তাবাপং পতাকাং চ ধ্বজং চাস্যন্যপাতয়ৎ॥ 14-83-18 (94836)
স রাজা ব্যথিতো ব্যশ্বো বিধনুর্হতসারথিঃ।
গদামাদায় কৌন্তেয়মভিদ্রদ্রাব বেগবান্॥ 14-83-19 (94837)
তস্যাপতত এবাশু গদাং হেমপরিষ্কৃতাম্।
শরৈশ্চকর্ত বহুধা বহুভির্গৃধ্রবাজিতৈঃ॥ 14-83-20 (94838)
সা গদা শকলীভূতা বিশীর্ণিমণিবন্ধনা।
ব্যালী বিমুচ্যমানেন পপাত ধরণীতলে॥ 14-83-21 (94839)
বিরথং বিধনুষ্কং চ গদয়া পরিবর্জিতম্।
`নৈচ্ছত্তাডয়িতুং ধীমানর্জুনঃ সমরাগ্রণীঃ॥ 14-83-22 (94840)
তত এনং বিমনসং ক্ষত্রধর্মে ব্যবস্থিতম্॥'
সান্ৎবপূর্বমিদং বাক্যমব্রবীৎকপিকেতনঃ॥ 14-83-23 (94841)
পর্যাপ্তঃ ক্ষত্রধর্মোঽয়ং দর্শিতঃ পুত্র গম্যতাম্।
বহ্বেতৎসমরে কর্ম তব বালস্য পার্থিব॥ 14-83-24 (94842)
যুধিষ্ঠিরস্য সংদেশো ন হন্তব্যা নৃপা ইতি।
তেন জীবসি রাজংস্ৎবমপরাদ্ধোঽপি মে রণে॥ 14-83-25 (94843)
ইতি মৎবা তদাঽঽত্মানং প্রত্যাদিষ্টং স্ম মাগধঃ।
তথ্যমিত্যভিগম্যৈনং প্রাঞ্জলিঃ প্রত্যপূজয়ৎ॥ 14-83-26 (94844)
পরিজিতোস্মি ভদ্রং তে নাহং যোদ্ধুমিহোৎসহে।
যদ্যৎকৃত্যং ময়া তেঽদ্য তদ্ব্রূহি কৃতমেব তু॥ 14-83-27 (94845)
তমর্জুনঃ সমাশ্বাস্য পুনরেবেদমব্রবীৎ।
আগন্তব্যং পরাং চৈত্রীমশ্বমেধে নৃপস্য নঃ॥ 14-83-28 (94846)
ইত্যুক্তঃ স তথেত্যুক্ৎবা পূজয়মাস তং হয়ম্।
ফল্গুনং চ যুধিশ্রেষ্ঠং বিদিবৎসহদেবজঃ॥ 14-83-29 (94847)
ততো যথেষ্টমগমৎপুনরেব স কৌরবঃ।
ততঃ সমুদ্রতীরেণ বঙ্গান্পুণ্ড্রান্সকেরলান্॥ 14-83-30 (94848)
তত্রতত্র চ ভূরীণি ম্লেচ্ছসৈন্যান্যনেকশঃ।
বিজিগ্যে ধনুষা রাজন্গাণ্ডীবেন ধনংজয়ঃ॥ ॥ 14-83-31 (94849)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ত্র্যশীতিতমোঽধ্যায়ঃ॥ 83 ॥
Mahabharata - Ashvamedhika Parva - Chapter Footnotes
7-83-7 অদত্তানুনয়ঃ অশিক্ষিতঃ॥ 7-83-20 গৃধ্রবাজিতৈঃ গৃধ্রপক্ষয়ুতৈঃ॥আশ্বমেধিকপর্ব - অধ্যায় 084
॥ শ্রীঃ ॥
14.84. অধ্যায়ঃ 084
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
দক্ষিণাং দিশমুপাগতেনার্জুনেন চেদীশিতুঃ শিশুপালাত্মজস্য পূজাপরিগ্রহণম্॥ 1 ॥ তথা কাশিকোসলাদিদেশাধিপতিপরাজয়পূর্বকং গান্ধারদেশগমনম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
মাগধেনার্চিতো রাজন্পাণ্ডবঃ শ্বেতবাহনঃ।
দক্ষিণাং দিশমাস্থায় চারয়ামাস তং হয়ম্॥ 14-84-1 (94850)
ততঃ স পুনরাবর্ত্য হয়ঃ কামচরো বলী।
আসসাদ পুরীং রম্যাং চেদীনাং শুক্তিসাহ্বয়াম্॥ 14-84-2 (94851)
শরভেণার্চিতস্তত্র শিশুপালসুতেন সঃ।
যুদ্ধপূর্বং তদা তেন পূজয়া চ মহাবলঃ॥ 14-84-3 (94852)
ততোঽর্চিতো যয়ৌ রাজংস্তদা স তুরগোত্তমঃ।
কাশীনঙ্গান্কোসলাংশ্চ কিরাতানাথ তঙ্গণাৎ॥ 14-84-4 (94853)
পূজাং তত্র যথান্যায়ং প্রতিগৃহ্য ধনংজয়ঃ।
পুনরাবৃত্ত্য কৌন্তেয়ো দশার্ণানগমত্তদা॥ 14-84-5 (94854)
তত্র চিত্রাঙ্গদো নাম বলবানরিমর্দনঃ।
তেন যুদ্ধমভূত্তস্য বিজয়স্যাতিভৈরবম্॥ 14-84-6 (94855)
তং চাপি বশমানীয় কিরীটী পুরুষর্ষভঃ।
নিষাদরাজ্ঞো বিষয়মেকলব্যস্য জগ্মিবান্॥ 14-84-7 (94856)
একলব্যসুতশ্চৈনং যুদ্ধেনি জগৃহে তদা।
তত্র চক্রে নিষাদৈঃ স সগ্রামং রোমহর্ষণম্॥ 14-84-8 (94857)
ততস্তমপি কৌন্তেয়ঃ সমরেষ্বপরাজিতঃ॥
জিগায় যুধি দুর্ধর্ষো যজ্ঞবিঘ্নার্থমাগতম্॥ 14-84-9 (94858)
স তং জিৎবা মহারাজ নৈষাদিং পাকশাসনিঃ।
অর্চিতঃ প্রয়যৌ ভূয়ো দক্ষিণং সলিলার্ণবম্॥ 14-84-10 (94859)
তত্রাপি দ্রবীডৈরান্ধ্রৈ রৌদ্রৈর্মাহিষকৈরপি।
তথা কোল্লগিরেয়ৈশ্চ যুদ্ধমাসীন্কিরীটিনঃ॥ 14-84-11 (94860)
তাংশ্চাপি বিজয়ো জিৎবা নাতিতীব্রেণ কর্মণা।
তুরঙ্গমবশেনাথ সুরাষ্ট্রানভিতো যয়ৌ।
গোকর্ণমথ চাসাদ্য প্রভাসমপি জগ্মিবান্॥ 14-84-12 (94861)
ততো দ্বারবতীং রম্যাং বৃষ্ণিবীরাভিপালিতাম্।
আসসাদ হয়ঃ শ্রীমান্কুরুরাজস্য যজ্ঞিয়ঃ॥ 14-84-13 (94862)
তমুন্মথ্য হয়শ্রেষ্ঠং যাদবানাং কুমারকাঃ।
প্রয়যুস্তাংস্তদা রাজন্নুগ্রসেনো ন্যবারয়ৎ॥ 14-84-14 (94863)
ততঃ পুরাদ্বিনিষ্ক্রম্য বৃষ্ণ্যন্ধকপতিস্তদা।
সহিতো বাসুদেবেন মাতুলেন কিরীটিনঃ॥ 14-84-15 (94864)
তৌ সমেত্য কুরুশ্রেষ্ঠং বিধিবৎপ্রীতিপূর্বকম্।
পরয়া ভারতশ্রেষ্ঠং পূজয়া সমবস্থিতৌ।
ততস্তাভ্যামনুজ্ঞাতো যতয়ৌ যেন হয়ো গতঃ॥ 14-84-16 (94865)
ততঃ স পশ্চিমং দেশং সমুদ্রস্য তদা হয়ঃ।
ক্রমেণি ব্যচরৎস্ফীতং ততঃ পঞ্চনদং যয়ৌ॥ 14-84-17 (94866)
তস্মাদপি স কৌরব্য গন্ধারবিষয়ং হয়ঃ।
বিচচার যথাকামং কৌন্তেয়ানুগতস্তদা॥ 14-84-18 (94867)
ততো গান্ধাররাজেন যুদ্ধমাসীৎকিরীটিনঃ।
ঘোরং শকুনিপুত্রেণ পূর্ববৈরানুসারিণা॥ ॥ 14-84-19 (94868)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি চতুরশীতিতমোঽধ্যায়ঃ॥ 84 ॥
আশ্বমেধিকপর্ব - অধ্যায় 085
॥ শ্রীঃ ॥
14.85. অধ্যায়ঃ 085
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
অর্জুনেন শকুনিতনয়পরাজয়পূর্বকং তৎসেনাবমর্দনম্॥ 1 ॥ ততঃ শকুনিভার্যযা তেন স্বসুতবধসংভাবনয়া রণাঙ্গণমেত্যার্জুনস্য প্রসাদনম্॥ 2 ॥ অর্জুনেন গান্ধারীগৌরবাত্তৎসংমাননপূর্বকং তত্তনয়সমাশ্বাসনম্॥ 3 ॥Mahabharata - Ashvamedhika Parva - Chapter Text
বৈশম্পায়ন উবাচ।
শকুনস্তনয়ো বীরো গান্ধারাণাং মহারথঃ।
প্রত্যুদ্যযৌ গুডাকেশং সৈন্যেন মহতা বৃতঃ।
হস্ত্যশ্বরথয়ুক্তেন পতাকাধ্বজমালিনা॥ 14-85-1 (94869)
অমৃষ্যমাণাস্তে যোধা নৃপস্য শকুনের্বধম্।
অভ্যযুঃ সহিতাঃ পার্থং প্রগৃহীতশরাসনাঃ॥ 14-85-2 (94870)
স তানুবাচ ধর্মাত্মা বীভৎসুরপরাজিতঃ।
যুধিষ্ঠিরস্য বচনং ন চ তে জগৃহুর্হিতম্॥ 14-85-3 (94871)
বার্যমাণাস্তু পার্থেন সান্ৎবপূর্বমমর্ষিতাঃ।
পরিবার্য হয়ং জগ্মুস্ততশ্চুক্রোধ পাণ্ডবঃ॥ 14-85-4 (94872)
ততঃ শিরাংসি দীপ্তাগ্রৈস্তেষাং চিচ্ছেদ পাণ্ডবঃ।
ক্ষুরৈর্গাণ্ডীবনির্মুক্তৈর্নাতিয়ত্নাদিবার্জুনঃ॥ 14-85-5 (94873)
তে বধ্যমানাঃ পার্থেনি হয়মুৎসৃজ্য সংপ্রমাৎ।
ন্যবর্তন্ত মহারাজ শরবর্ষার্দিতা ভৃশম্॥ 14-85-6 (94874)
বিতুদ্যমানস্তৈশ্চাপি গান্ধারৈঃ পাণ্ডুনন্দনঃ।
আদিস্যাদিশ্য তেজস্বী পরানেতানবারয়ৎ॥ 14-85-7 (94875)
বধ্যমানেষু তেষ্বাজৌ গান্ধারেষু সমন্ততঃ।
স রাজা শকুনেঃ পুত্রঃ পাণ্ডবং প্রত্যবারয়ৎ॥ 14-85-8 (94876)
তং যুধ্যমানং রাজানং ক্ষত্রধর্মে ব্যবস্থিতম্।
পার্থোঽব্রবীন্ন মে বধ্যা রাজানো রাজসাসনাৎ॥ 14-85-9 (94877)
অলং যুদ্ধেন তে বীর ন তেঽস্ৎবদ্য পরাজয়ঃ।
ইত্যুক্তস্তদনাদৃত্য বাক্যমজ্ঞানমোহিতঃ।
স শক্রসমকর্মাণং সমাবাকিরদাশুগৈঃ॥ 14-85-10 (94878)
তস্য্ পার্থঃ শিরস্ত্রাণমর্ধচন্দ্রেণ পত্রিণা।
অপাহরদমেয়াত্মা জয়দ্রথশিরো যথা॥ 14-85-11 (94879)
তং দৃষ্ট্বা বিস্ময়ং জগ্মুর্গান্ধারাঃ সর্ব এব তে।
ইচ্ছতা তেন ন হতো রাজেত্যপি চ তে বিদুঃ॥ 14-85-12 (94880)
গান্ধাররাজপুত্রস্তু পলায়নকৃতক্ষণঃ।
যয়ৌ তৈরেব সহিতস্ত্রস্তৈঃ ক্ষুদ্রমৃগৈরিব। 14-85-13 (94881)
তেষাং তু তরসা পার্থস্তত্রৈব পরিদাবতাম্।
প্রজহারোত্তমাঙ্গানি ভল্লৈঃ সন্নতপর্বভিঃ॥ 14-85-14 (94882)
উচ্ছ্রিতাংস্তু ভুজান্কেচিন্নাবুধ্যন্ত শরৈর্হৃতান্।
শরৈর্গাণ্ডীবনির্মুক্তৈঃ পৃথুভিঃ পার্থচোদিতৈঃ॥ 14-85-15 (94883)
সম্ভ্রান্তনরনাগাশ্বমপতদ্বিদ্রুতং বলম্।
হতবিদ্রুতভূয়িষ্ঠমাবর্তত মুহুর্মুহুঃ॥ 14-85-16 (94884)
নাভ্যদৃস্যন্ত বীরস্য কেচিদগ্রেঽগ্র্যকর্মণঃ।
রিপবঃ পাত্যমানা বৈ যে সহেরন্মহাশরান্॥ 14-85-17 (94885)
ততো গান্ধাররাজস্য মন্ত্রিবৃদ্ধপুরঃসরা।
জননী নির্যযৌ ভীতা পুরস্কৃত্যার্ঘ্যমুত্তমম্॥ 14-85-18 (94886)
সা ন্যবারয়দব্যগ্রা তং পুত্রং যুদ্ধদুর্মদম্।
প্রসাদয়ামাস চ তং জিষ্ণুমক্লিষ্টকারিণম্॥ 14-85-19 (94887)
তাং পূজয়িৎবা বীভৎসুঃ প্রসাদমকরোৎপ্রভুঃ।
শকুনেশ্চাপি তনয়ং সান্ৎবয়ন্নিদমব্রবীৎ॥ 14-85-20 (94888)
ন মে প্রিয়ং মহাবাহো যত্তে বুদ্ধিরিয়ং কৃতা।
প্রতিয়োদ্ধুমমিত্রঘ্ন ভ্রাতৈব ৎবং মমানঘ॥ 14-85-21 (94889)
গান্ধারীং মাতরং স্মৃৎবা ধৃতরাষ্ট্রকৃতেন চ।
তেন জীবসি রাজংস্ৎবং নিহতাস্ৎবনুগাস্তব॥ 14-85-22 (94890)
মৈবং ভূঃ শাম্যতাং বৈরং মা তেঽভূদ্বুদ্ধিরীদৃশী
আগন্তব্যং পরাং চৈত্রীমশ্বমেধে নৃপস্য নঃ॥ 14-85-23 (94891)
ইত্যুক্ৎবাঽনুয়যৌ পার্থো হয়ং তং কামচারিণম্।
তে ন্যবর্তন্ত গান্ধারা হতশিষ্টাঃ স্বকং পুরম্॥ ॥ 14-85-24 (94892)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি পঞ্চাশীতিতমোঽধ্যায়ঃ॥ 85 ॥
আশ্বমেধিকপর্ব - অধ্যায় 086
॥ শ্রীঃ ॥
14.86. অধ্যায়ঃ 086
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
চারমুখাদর্জুনস্য তুরগসংচারণাৎপুনর্নগরং প্রত্যাগমনশ্রবণহৃষ্টস্য যুধিষ্ঠিরস্য নিদেশাদ্ভীমেন যজ্ঞশালাদিনির্মাপণম্॥ 1 ॥ তথা নানাদেশেভ্যো ব্রাহ্মণাদ্যানয়নপূর্বকং তেষামন্নদানাদিব্যবস্থাকরণম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
ন্যবর্তত ততো বাজী যেন নাগাহ্বয়ং পুরম্।
তং নিবৃত্তং তু শুশ্রাব চারেণৈব যুধিষ্ঠিরঃ।
শ্রুৎবাঽর্জুনং কুশলিনং স চ হৃষ্টমনাঽভবৎ॥ 14-86-1 (94893)
বিজয়স্য চ তৎকর্ম গান্ধারবিষয়ে তদা।
শ্রুৎবা চান্যেষু দেশেষু স সুপ্রীতোঽভবত্তদা॥ 14-86-2 (94894)
এতস্মিন্নেব কালে তু দ্বাদশীং মাঘমাসিকীম্।
ইষ্টং গৃহীৎবা নক্ষত্রং ধর্মরাজো যুধিষ্ঠিরঃ॥ 14-86-3 (94895)
সমানীয় মহাতেজাঃ সর্বান্ভ্রাতৄন্মহীপতিঃ।
ভীমং চ নকুলং চৈব সহদেবং চ কৌরব॥ 14-86-4 (94896)
প্রোবাচেদং বচঃ কালে তদা ধর্মভৃতাংবরঃ।
আমন্ত্র্য বদতাং শ্রেষ্ঠো ভীমং প্রহরতাং বরম্॥ 14-86-5 (94897)
আয়াতি ভীমসেনাসৌ সহাশ্বেন তবানুজঃ।
যথা মে পুরুষাঃ প্রাহুর্যে ধনংজয়সারিণঃ॥ 14-86-6 (94898)
উপস্থিতশ্চ কালোঽয়মভিতো বর্ততে হয়ঃ।
মাঘী চ পৌর্ণমাসীয়ং মাসঃ শেষো বৃকোদর॥ 14-86-7 (94899)
তৎপ্রস্থাপ্যন্তু বিদ্বাংসো ব্রাহ্মণা বেদপারগাঃ।
বাজিমেধার্থসিদ্ধ্যর্থং দেশং পশ্যন্তু যজ্ঞিয়ম্॥ 14-86-8 (94900)
ইত্যুক্তঃ স তু তচ্চক্রে ভীমো নৃপতিশাসনম্।
হৃষ্টঃ শ্রুৎবা গুডোকেশমায়ান্তং পুরুষর্ষভম্॥ 14-86-9 (94901)
ততো যয়ৌ ভীমসেনঃ প্রাজ্ঞৈঃ স্থপতিভিঃ সহ।
ব্রাহ্মণানগ্রতঃ কৃৎবা কুশলান্যজ্ঞকর্মণি॥ 14-86-10 (94902)
তং সসালচয়ং শ্রীমৎসপ্রতোলীসুঘট্টিতম্।
মাপয়ামাস কৌরব্যো যজ্ঞবাটং যতাবিধি॥ 14-86-11 (94903)
প্রাসাদশতসম্বন্ধং মণিপ্রবরকুট্টিমম্।
`সদঃ স পত্নীসদনং সাগ্নীধ্রমপি চোত্তরম্।'
কারয়ামাস বিদিবদ্ধেমরত্নবিভূষিতম্॥ 14-86-12 (94904)
স্তংভান্কনকচিত্রাংশ্চ তোরণানি বৃহন্তি চ।
যজ্ঞায়তনদেশেশু দত্ৎবা শুদ্ধং চ কাঞ্চনম্॥ 14-86-13 (94905)
অন্তঃপুরাণাং রাজ্ঞাং চ নানাদেশসমীয়ুষাম্।
কারয়ামাস ধর্মাত্মা তত্রতত্র যথাবিধি॥ 14-86-14 (94906)
ব্রাহ্মণানাং ন বেশ্মানি নানাদেশসমীয়ুষাম্।
কারয়ামাস কৌন্তেয়ো বিধিবত্তান্যনেকশঃ॥ 14-86-15 (94907)
তথা সম্প্রেষয়ামাস দূতান্নৃপতিশাসনাৎ।
ভীমসেনো মহাবাহো রাজ্ঞামক্লিষ্টকর্মণাম্॥ 14-86-16 (94908)
তে প্রিয়ার্থং কুরুপতেরায়যুর্নৃপসত্তম।
রত্নান্যনেকান্যাদায় স্ত্রিয়োঽশ্বানায়ুধানি চ॥ 14-86-17 (94909)
তেষাং নির্বিশতাং তেষু শিবিরেষু মহাত্মনাম্।
নর্দতঃ সাগরস্যেব দিবস্পৃগভবৎস্বনঃ॥ 14-86-18 (94910)
`প্রত্যুদ্গম্য নমস্কৃত্য ব্রাহ্মণাংশ্চ ন্যবেদয়ৎ॥' 14-86-19 (94911)
তেষামভ্যাগতানাং চ স রাজা কুরুবর্ধনঃ।
ব্যাদিদেশান্নপানানি শয়্যাশ্চাপ্যতিমানুষাঃ॥ 14-86-20 (94912)
বাহনানাং চ বিবিধাঃ শালাঃ শালীক্ষুগোরসৈঃ।
উপেতা ভরতশ্রেষ্ঠো ব্যাদিদেশ স ধর্মরাট্॥ 14-86-21 (94913)
`বর্ণাঃ পৃথক্সন্নিবিষ্টা হ্যুত্তরোত্তরপূজিতাঃ'।
তথা তস্মিন্মহায়জ্ঞে ধর্মরাজস্য ধীমতঃ।
সমাজগ্মুর্মুনিগণা বহবো ব্রহ্মবাদিনঃ॥ 14-86-22 (94914)
যে চ দ্বিজাতিপ্রবরাস্তত্রাসন্পৃথিবীপতে।
সমাজগ্মুঃ সশিষ্যাংস্তান্প্রতিজগ্রাহ কৌরবঃ॥ 14-86-23 (94915)
সর্বাংশ্চ তাননুয়যৌ যাবদাবসথান্প্রতি।
স্বয়মেব মহাতেজা দংভং ত্যক্ৎবা যুধিষ্ঠিরঃ॥ 14-86-24 (94916)
ততঃ কৃৎবা স্থপতয়ঃ শিল্পিনোঽন্যে চ যে তদা।
কৃৎস্নং যজ্ঞবিধিং রাজন্ধর্মরাজে ন্যবেদয়ন॥ 14-86-25 (94917)
তচ্ছ্রুৎবা ধর্মরাজস্তু কৃতং সর্বমতন্দ্রিতঃ।
হৃষ্টরূপোঽভবদ্রাজন্সহ ভ্রাতৃভিরাদৃতঃ॥ 14-86-26 (94918)
তস্মিন্যজ্ঞে প্রবৃত্তে তু বাগ্মিনো হেতুবাদিনঃ।
হেতুবাদান্বহূনাহুঃ পরস্পরজিগীষবঃ॥ 14-86-27 (94919)
দদৃশুস্তং নৃপতয়ো যজ্ঞস্য বিধিমুত্তমম্।
দেবেন্দ্রস্যেব বিহিতং ভীমসেনেন ভারত॥ 14-86-28 (94920)
দদৃশুস্তোরণান্যত্র শাতকুংভময়ানি তে।
শয়্যাসনবিহারাংশ্চ সুবহূন্রত্নসংচয়ান্॥ 14-86-29 (94921)
ঘটান্পাত্রীঃ কটাহানি কলশান্বর্ধমানকান্।
ন হি কিঞ্চিদসৌবর্ণমপশ্যন্বসুধাধিপাঃ॥ 14-86-30 (94922)
যূপাংশ্চ শাস্ত্রপঠিতান্দারবান্হেমভূষিতান্।
উপক্লৃপ্তান্যথাকালং বিধিবদ্ভূরিবর্চসঃ॥ 14-86-31 (94923)
স্থলজাক জলজা যে চ পশবঃ কেচন প্রভো।
সর্বানেব সমানীতানপশ্যংস্তত্র তে নৃপাঃ॥ 14-86-32 (94924)
গাশ্চৈব মহিষীশ্চৈব তথা বৃদ্ধস্ত্রিয়োপি চ।
ঔদকানি চ সৎবানি শ্বাপদানি বয়াংসি চ॥ 14-86-33 (94925)
জরায়ুজাণ্ডজাতানি স্বেদজান্যুদ্ভিদানি চ।
পর্বতানূপজাতানি ভূতানি দদৃশুশ্চ তে॥ 14-86-34 (94926)
এবং প্রমুদিতং সর্বং পশুগোধনধান্যতঃ।
যজ্ঞবাটং নৃপা দৃষ্ট্বা পরং বিস্ময়মাগতাঃ॥ 14-86-35 (94927)
`অনিশং দীয়তে চ স্ম তত্র ভোজ্যং পৃথগ্বিধম্॥'
ব্রাহ্মণানাং বিশাং চৈব বহুমৃষ্টান্নমৃদ্ধিমৎ॥ 14-86-36 (94928)
পূর্ণে শতসহস্রে তু বিপ্রাণাং তত্রি ভুঞ্জতাম্।
দুন্দুভির্মেঘনির্ঘোষো মুহুর্মুহুরতাড্যত।
বিননাদাসকৃচ্চাপি দিবসেদিবসে গতে॥ 14-86-37 (94929)
এবং স ববৃতে যজ্ঞো ধর্মরাজস্য ধীমতঃ।
অন্নস্য সুবহূন্রাজন্নুৎসর্গান্পর্বতোপমান্।
দধিকুল্যাশঅচ দদৃশুঃ সর্পিষশ্চ হ্রদাঞ্জনাঃ॥ 14-86-38 (94930)
জংবূদ্বীপো হি সকলো নানজনপদায়ুতঃ।
রাজন্নদৃস্যতৈকস্থো রাজ্ঞস্তস্য মহামখে॥ 14-86-39 (94931)
তত্র জাতিসহস্রাণি পুরুষাণাং ততস্ততঃ।
গৃহীৎবা ধমাজগ্মুর্বহূনি ভরতর্ষভ॥ 14-86-40 (94932)
স্রগ্বিণশ্তাপি তে সর্বে সুমুষ্টমণিকুণ্ডলাঃ।
পর্যবেষন্দ্বিজাতীংস্তাঞ্শতশোঽথ সহস্রশঃ॥ 14-86-41 (94933)
বিবিধান্যন্নপানানি পুরুষা যেঽনুয়ায়িনঃ।
তে বৈ নৃপোপভোজ্যানি ব্রাহ্মণানাং দদুশ্চ হ॥ ॥ 14-86-42 (94934)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি ষডশীতিতমোঽধ্যায়ঃ॥ 86 ॥
Mahabharata - Ashvamedhika Parva - Chapter Footnotes
7-86-3 ইষ্টং নক্ষত্রং পুষ্যম্॥ 7-86-8 প্রস্থাপ্যন্তু প্রস্থাপয়ন্তু। স্বার্থে ণিচ্। প্রতিষ্ঠন্ৎবিত্যর্থঃ॥আশ্বমেধিকপর্ব - অধ্যায় 087
॥ শ্রীঃ ॥
14.87. অধ্যায়ঃ 087
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
কৃষ্ণেন বলরামাদিভিঃ সহ যুধিষ্ঠিরাশ্বমেধায় হাস্তিনপুরংপ্রত্যাগমনম্॥ 1 ॥ তথা যুধিষ্ঠিরংপ্রতি নানাদেশেভ্য আগমিষ্যতাং রাজ্ঞামপ্রমাদেন যথোচিতপূজায়া মণলূরাদাগমিষ্যতো বভ্রুবাহনস্য সংমাননস্য চ কর্তব্যতাপ্রতিপাদকার্জুনসংদেশনিবেদনম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
সমাগতান্বেদবিদো রাজ্ঞশ্চ পৃথিবীশ্বরান্।
দৃষ্ট্বা যুধিষ্ঠিরো রাজা ভীমসেনমভাষত॥ 14-87-1 (94935)
উপয়াতা নরব্যাঘ্রা য এতে পৃথিবীশ্বরাঃ।
এতেষাং ক্রিয়তাং পূজা পূজার্হা হি নরাধিপাঃ॥ 14-87-2 (94936)
ইত্যুক্তঃ স তথা চক্রে নরেন্দ্রেণ যশস্বিনা।
ভীমসেনো মহাতেজা যমাভ্যাং সহ পাণ্ডবঃ॥ 14-87-3 (94937)
অথাভ্যগচ্ছদ্গোবিন্দো বৃষ্ণিভিঃ সহ ধর্মজম্।
বলদেবং পুরস্কৃত্য সর্বপ্রাণভূতাং বরঃ॥ 14-87-4 (94938)
যুয়ুধানেন সহিতঃ প্রদ্যুম্নেন গদেন চ।
নিশঠেনাথ সাংবেন তথৈব কৃতবর্মণা॥ 14-87-5 (94939)
তেষামপি পরাং পূজাং চক্রে ভীমো মহারথঃ।
বিবিশুস্তে চ বেশ্মানি রত্নবন্তি চ সর্বশঃ॥ 14-87-6 (94940)
যুধিষ্ঠিরসমীপে তু কথান্তে মধুসূদনঃ।
অর্জুনং কথয়ামাস বহুসঙ্গ্রামকর্শিতম্॥ 14-87-7 (94941)
স তং প্রপচ্ছ কৌন্তেয়ঃ পুনঃপুনররিংদমম্।
ধর্মজঃ শক্রজং জিষ্ণুং সমাচষ্ট জগৎপতিঃ॥ 14-87-8 (94942)
আগমদ্দ্বারকাবাসী সমাপ্তঃ পুরুষো নৃপ।
যোঽদ্রাক্ষীৎপাণ্ডবশ্রেষ্ঠ বহুসঙ্গ্রামকর্শিতম্॥ 14-87-9 (94943)
সমীপে চ মহাবাহুমাচষ্ট চ মম প্রভো।
কুরু কার্যাণি কৌন্তেয় হয়মেধার্থসিদ্ধয়ে॥ 14-87-10 (94944)
ইত্যুক্তঃ প্রত্যুবাচৈনং ধর্মরাজো যুধিষ্ঠিরঃ।
দিষ্ট্যা স কুশলী জিষ্ণুরুপায়াতি চ মাধব॥ 14-87-11 (94945)
যদিদং সংদিদেশাস্মিন্পাণ্ডবানাং বলাগ্রণীঃ।
তদাখ্যাতমিহেচ্ছামি ভবতা যদুনন্দন॥ 14-87-12 (94946)
ইত্যুক্তো ধর্মরাজেন বৃষ্ণ্যন্ধকপতিস্তদা।
প্রোবাচেদং বচো বাগ্মী ধর্মাত্মানং যুধিষ্ঠিরম্॥ 14-87-13 (94947)
ইদমাহ মহারাজ পার্থবাক্যং নরেশ্বরঃ।
বাচ্যো যুধিষ্ঠিরঃ কৃষ্ণ কালে বাক্যমিদং মম॥ 14-87-14 (94948)
আগমিষ্যন্তি রাজানঃ সর্বে বৈ কৌরবর্ষভ।
প্রাপ্তানাং মহতাং পূজা কার্যা হ্যেতৎক্ষমং হি নঃ॥ 14-87-15 (94949)
ইত্যেতদ্বচনাদ্রাজা বিজ্ঞাপ্যো মম মানদ।
তথা চাত্যযিকং ন স্যাদ্যদর্ঘাহরণেঽভবৎ॥ 14-87-16 (94950)
কর্তুমর্হতি তদ্রাজা ভবাংশ্চাপ্যনুমন্যতাম্।
রাজদ্বেষান্ন নশ্যেয়ুরিমা রাজন্পুনঃ প্রজাঃ॥ 14-87-17 (94951)
ইদমন্যচ্চ কৌন্তেয় বচঃ স পুরুষোঽব্রবীৎ।
ধনংজয়স্য নৃপতে তন্মে নিগদতঃ শৃণু॥ 14-87-18 (94952)
উপয়াস্যতি যজ্ঞং নো মণলূরপতির্নৃপঃ।
পুত্রো মম মহাতেজা দয়িতো বভ্রুবাহনঃ॥ 14-87-19 (94953)
তং ভবান্মদপেক্ষার্থং বিধিবৎপ্রতিপূজয়েৎ।
স তু ভক্তোঽনুরক্তশ্চ মম নিত্যমিতি প্রভো॥ 14-87-20 (94954)
ইত্যেতদ্বচনং শ্রুৎবা ধর্মরাজো যুধিষ্ঠিরঃ।
অভিনন্দ্যাস্য তদ্বাক্যমিদং বচনমব্রবীৎ॥ ॥ 14-87-21 (94955)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি সপ্তাশীতিতমোঽধ্যায়ঃ॥ 87 ॥
Mahabharata - Ashvamedhika Parva - Chapter Footnotes
7-87-7 ভোজরাজন্যানাং বর্ধনঃ॥ 7-87-8 জানুনোরধস্থঃ পশ্চাদ্ভাগীয়ো মাংসলঃ প্রদেশঃ পিণ্ডিকা। তে উভে অস্যাধিকে স্বদেশাদধোভাগপর্যন্তং বহুলমালম্বমানে॥আশ্বমেধিকপর্ব - অধ্যায় 088
॥ শ্রীঃ ॥
14.88. অধ্যায়ঃ 088
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
যুধিষ্ঠিরেণি পাণ্ডবেষু চতুর্ভ্যোঽর্জুনস্যৈব বিশেষতোঽধ্বসংচারাদিপরিক্লেশসূচকশারীরালক্ষণপ্রশ্নে কৃষ্ণেন তংপ্রতি তৎকথনম্॥ 1 ॥ মেধ্যাশ্বস্য পৃথ্বীসংচারণায় গতেনার্জুনেন সহাশ্বেন পুনর্নগরং প্রত্যাগমনম্॥ 3 ॥Mahabharata - Ashvamedhika Parva - Chapter Text
যুধিষ্ঠির উবাচ।
শ্রুতং প্রিয়মিদং কৃষ্ণ যত্ৎবমর্হসি ভাষিতুম্।
তন্মেঽমৃতরসং পুণ্যং মনো হ্লাদয়তি প্রভো॥ 14-88-1 (94956)
বহূনি কিল যুদ্ধানি বিজয়স্য নরাধিপৈঃ।
পুনরাসন্হৃষীকেশ তত্রতত্রেতি ন শ্রুতম্॥ 14-88-2 (94957)
কিংনিমিত্তং স নিত্যং হি পার্থঃ সুখবিবর্জিতঃ।
অতীব বিজয়ো ধীমানিতি মে দূয়তে মনঃ॥ 14-88-3 (94958)
সংচিন্তয়ামি কৌন্তেয়ং রহো জিষ্ণুং জনার্দন।
অতীব দুঃখভাগী স সততং পাণ্ডুনন্দনঃ॥ 14-88-4 (94959)
কিংনু তস্য শরীরেঽস্তি সর্বলক্ষণপূজিতে।
অনিষ্টং লক্ষণং কৃষ্ণ যেন দুঃখান্যুপাশ্নুতে॥ 14-88-5 (94960)
অতীবাসুখভোগী স সততং কুন্তিনন্দনঃ।
ন হি পশ্যামি বীভৎসোর্নিন্দ্যং গাত্রেষু কিংচন।
শ্রোতব্যং চেন্ময়ৈতদ্বৈ তন্মে ব্যাখ্যাতুমর্হসি॥ 14-88-6 (94961)
ইত্যুক্তঃ স হৃষীকেশো ধ্যাৎবা সুমহদন্তরম্।
রাজানং ভোজরাজন্যবর্ধনো বিষ্ণুরব্রবীৎ॥ 14-88-7 (94962)
ন হ্যস্য নৃপতে কিঞ্চিদনিষ্টমুপলক্ষয়ে।
ঋতে পুরুষসিংহস্য পিণ্ডিকেঽস্যাধিকে যতঃ॥ 14-88-8 (94963)
স তাভ্যাং পুরুষব্যাঘ্রো নিত্যমধ্বসু বর্ততে।
ন চান্যদনুপশ্যামি যেনাসৌ দুঃখভাজনম্॥ 14-88-9 (94964)
ইত্যুক্তঃ পুরুষশ্রেষ্ঠস্তদা কৃষ্ণেন ধীমতা।
প্রোবাচ বৃষ্ণিশার্দূলমেবমেতদিতি প্রভো॥ 14-88-10 (94965)
কৃষ্ণা তু দ্রৌপ্দী কৃষ্ণং তির্যক্সাসূয়মৈক্ষত
প্রতিজগ্রাহ তস্যাস্তং প্রণয়ং চাপি কেশিহা।
প্রখ্যুঃ সখা হৃষীকেশঃ সাক্ষাদিব ধনংজয়ঃ॥ 14-88-11 (94966)
তত্র ভীমাদয়স্তে তু করবো যাজকাশ্চ যে।
রেমুঃ শ্রুৎবা বিচিত্রাং তাং ধনংজয়কথাং শুভাম্॥ 14-88-12 (94967)
তেষাং কথয়তামেব পুরুষোঽর্জুনসংকথাঃ।
উপায়াদ্বচনাদ্দূতো বিজয়স্য মহাত্মনঃ॥ 14-88-13 (94968)
সোভিগম্য কুরুশ্রেষ্ঠং নমস্কৃত্য চ বুদ্ধিমান্।
উপায়াতং নরব্যাঘ্রং ফল্গুনং প্রত্যবেদয়ৎ॥ 14-88-14 (94969)
তচ্ছ্রুৎবা নৃপতিস্তস্য হর্ষবাষ্পাকুলেক্ষণঃ।
প্রিয়াখ্যাননিমিত্তং বৈ দদৌ বহুধনং তদা॥ 14-88-15 (94970)
ততো দ্বিতীয়ে দিবসে মহাঞ্শব্দো ব্যবর্ধত।
আগচ্ছতি নরব্যাঘ্রে কৌরবাণাং ধুরংধরে॥ 14-88-16 (94971)
ততো রেণুঃ সমুদ্ভুতো বিবভৌ তস্য বাজিনঃ।
অভিতো বর্তমানস্য যথোচ্চৈঃশ্রবসস্তথা॥ 14-88-17 (94972)
তত্র হর্ষকরীর্বাচো নরাণাং শুশ্রুবেঽর্জুনঃ।
দিষ্ট্যাঽসি পার্থ কুশলী ধন্যো রাজা যুধিষ্ঠিরঃ॥ 14-88-18 (94973)
কোন্যোহি পৃথিবীং কৃৎস্নাং জিৎবাহি যুধি পার্থিবান্
চারয়িৎবা হয়শ্রেষ্ঠমুপাগচ্ছেদৃতেঽর্জুনাৎ॥ 14-88-19 (94974)
যে ব্যতীতা মহাত্মানো রাজানঃ সগরাদয়ঃ।
তেষামপীদৃশং কর্ম ন কদাচন শুশ্রুম॥ 14-88-20 (94975)
নৈতদন্যে করিষ্যন্তি ভবিষ্যা বসুধাধিপাঃ।
যত্ৎবং কুরুকুলশ্রেষ্ঠ দুষ্করং কৃতবানসি॥ 14-88-21 (94976)
ইত্যেবং বদতাং তেষাং পুংসাং কর্ণসুখা গিরঃ।
শৃণ্বন্বিবেশ ধর্মাত্মা ফল্গুনো যজ্ঞসংস্তরম্॥ 14-88-22 (94977)
ততো রাজা সহামাত্যঃ কৃষ্ণশ্চ যদুনন্দনঃ।
ধৃতরাষ্ট্রং পুরস্কৃত্য তং প্রত্যুদ্যযতুস্তদা॥ 14-88-23 (94978)
সোঽভিবাদ্য পিতুঃ পাদৌ ধর্মরাজস্য ধীমতঃ।
ভীমাদীংশ্চাপি সংপূজ্য পর্যষ্বজত কেশবম্॥ 14-88-24 (94979)
তৈঃ সমেত্যার্চিতস্তাংশ্চ প্রত্যর্চ্যাথ যথাবিধি।
বিশশ্রাম মহাবাহুস্তীরং লব্ধ্বেব পারগঃ॥ ॥ 14-88-25 (94980)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি অষ্টাশীতিতমোঽধ্যায়ঃ॥ 88 ॥
আশ্বমেধিকপর্ব - অধ্যায় 089
॥ শ্রীঃ ॥
14.89. অধ্যায়ঃ 089
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
বভ্রুবাহনেনোলূপীচিত্রাঙ্গদাভ্যাং সহ যাগদিদৃক্ষ্যা হাস্তিনপুরং প্রত্যাগমনম্॥ 1 ॥ ততঃ স্বয়ং সমাগতব্যাসাজ্ঞয় যুধিষ্ঠিরেণ ঋৎবিগ্ভিঃ সহাশ্বমেধোপক্রমঃ॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
এতস্মিন্নেব কালে তু স রাজা বভ্রুবাহনঃ।
মাতৃভ্যাং সহিতো ধীমান্কুরূনভ্যাজগাম হ॥ 14-89-1 (94981)
তত্র বৃদ্ধান্যথাবৎস কুরূনন্যাংশ্চ পার্থিবান্।
অভিবাদ্য মহাবাহুস্তৈশ্চাপি প্রতিনন্দিতঃ।
প্রবিবেশ পিতামহ্যাঃ কুন্ত্যা ভবনমুত্তমম্॥ 14-89-2 (94982)
স প্রবিশ্য মহাবাহুঃ পাণ্ডবানাং নিবেশনম্।
পিতামহীমভ্যবন্দৎসাম্না পরমবল্গুনা॥ 14-89-3 (94983)
তথা চিত্রাঙ্গদা দেবী কৌরবস্যাত্মজাঽপি চ।
পৃথাং কৃষ্ণাং চ সহিতে বিনয়েনোপজগ্মতুঃ।
সুভদ্রাং চ যথান্যায়ং যাশ্চান্যাঃ কুরুয়োষিতঃ॥ 14-89-4 (94984)
দদৌ কুন্তী ততস্তাভ্যাং রত্নানি বিবিধানি চ।
দ্রৌপদী চ সুভদ্রা চ যাশ্চাপ্যন্যা যদুস্ত্রিয়ঃ॥ 14-89-5 (94985)
ঊষতুস্তত্র তে দেব্যৌ মহার্ঙশয়নাসনে।
সুপূজিতে স্বয়ং কুন্ত্যা পার্থস্য হিতকাম্যযা॥ 14-89-6 (94986)
স চ রাজা মহাতেজাঃ পূজিতো বভ্রুবাহনঃ।
ধূতরাষ্ট্রং মহীপালমুপতস্থে যতাবিধি॥ 14-89-7 (94987)
যুধিষ্ঠিরং চ রাজানং ভীমদীংশ্চাপি পাণ্ডবান্।
উপাগম্য মহাতেজা বিনয়েনাভ্যবাদয়ৎ॥ 14-89-8 (94988)
স তৈঃ প্রেম্যা পরিষ্বক্তঃ পূজিতশ্চ যথাবিধি।
ধনং চাস্মৈ দদুর্ভূরি প্রীয়মাণা মহারথাঃ॥ 14-89-9 (94989)
তথৈব চ মহীপালঃ কৃষ্ণং চক্রগদাধরম্।
প্রদ্যুম্ন ইব গোবিন্দং বিনয়েনোপতস্থিবান্॥ 14-89-10 (94990)
তস্মৈ কৃষ্ণো দদৌ রাজ্ঞে মহার্হমতিপূজিতম্।
রথং হেমপরিষ্কারং দিব্যাশ্বয়ুজমুত্তমম্॥ 14-89-11 (94991)
ধর্মরাজশ্চ ভীমশ্চ ফল্গুনশ্চ যমৌ তথা।
পৃথক্পৃথক্ চ তে চৈনং মানার্থাভ্যাময়োজয়ন্॥ 14-89-12 (94992)
ততস্তৃতীয়ে দিবসে সত্যবত্যাত্মজো মুনিঃ।
যুধিষ্ঠিরং সমভ্যেত্য বাগ্মী বচনমব্রবীৎ॥ 14-89-13 (94993)
অদ্যপ্রভৃতি কৌন্তেয় যজ্ঞস্য সময়ো হি তে।
মুহূর্তো যজ্ঞিয়ঃ প্রাপ্তশ্চোদয়ন্তীহ যাজকাঃ॥ 14-89-14 (94994)
অহীনো নাম রাজেন্দ্র ক্রতুস্তেঽয়ং বিকল্পবান্।
বহুৎবাৎকাঞ্চনস্যাস্য খ্যাতো বহুসুবর্ণকঃ॥ 14-89-15 (94995)
এবমত্র মহারাজ দক্ষিণাভির্গুণীকুর।
শ্রীস্ৎবাং ব্রজতু তে রাজন্ব্রাহ্মণা হ্যত্র কারণম্॥ 14-89-16 (94996)
ত্রীনশ্বমেধানত্র ৎবং সম্প্রাপ্য বহুদক্ষিণান্।
জ্ঞাতিবধ্যাকৃতং পাপং প্রহাস্যতি নরাধিপ॥ 14-89-17 (94997)
পবিত্রং পরমং চৈতৎপাবনানাং চ পাবনম্।
যদশ্বমেধাবভৃথং প্রাপ্স্যসে কুরুনন্দন॥ 14-89-18 (94998)
ইত্যুক্তঃ স তু তেজস্বী ব্যাসেনামিতবুদ্ধিনা।
দীক্ষাং বিবেশ ধর্মাত্মা বাজিমেধাপ্তয়ে ততঃ॥ 14-89-19 (94999)
ততো যজ্ঞং মহাবাহুর্বাজিমেধং মহাক্রতুম্।
বহ্বন্নদক্ষিণং রাজা সর্বকামগুণান্বিতম্॥ 14-89-20 (95000)
তত্র বেদবিদো রাজংশ্চক্রুঃ কর্মাণি যাজকাঃ।
পরিক্রামন্তি শাস্ত্রজ্ঞা যতাবদ্দ্বিজসত্তমাঃ॥ 14-89-21 (95001)
ন তেষাং স্খলিতং কিঞ্চিদাসীদপহুতং তথা।
ক্রময়ুক্তং চ যুক্তং চ চক্রুস্তত্র দ্বিজর্ষভাঃ॥ 14-89-22 (95002)
কৃৎবা প্রবর্গ্যং ধর্মজ্ঞা যথাবদ্দ্বিজসত্তমাঃ।
চক্রস্তে বিধিবদ্রাজংস্তথৈবাভিষবং দ্বিজাঃ॥ 14-89-23 (95003)
অভিষূয় ততো রাজন্সোমং সোমপসত্তমাঃ।
সবনান্যানুপূর্ব্যেণ চক্রুঃ সাস্ত্রানুসারিণঃ॥ 14-89-24 (95004)
ন তত্র কৃপণঃ কশ্চিন্ন দরিদ্রো বভূব হ।
ক্ষুধিতো দুঃখিতো বাঽপি প্রাকৃতো বাঽপি মানবঃ॥ 14-89-25 (95005)
ভোজনং ভোজনার্থিভ্যো দাপয়ামাস শত্রুহা।
ভীমসেনো মহাতেজাঃ সততং রাজশাসনাৎ॥ 14-89-26 (95006)
সংস্তরে কুশলাশ্চাপি সর্বকার্যাণি যাজকাঃ।
দিবসেদিবসে চক্রুর্যথাশাস্ত্রানুদর্শাৎ॥ 14-89-27 (95007)
নাষডঙ্গবিদত্রাসীৎসদস্যস্তস্য ধীমতঃ।
নাব্রতো নানুপাধ্যায়ো ন চ বাদাবিচক্ষণঃ॥ 14-89-28 (95008)
ততো যূপোচ্ছ্রয়ে প্রাপ্তে ষড্ বৈল্বান্ভরতর্ষভ।
খাদিরান্বিল্বসমিতাংস্তাবতঃ সর্ববর্ণিনঃ॥ 14-89-29 (95009)
দেবদারুময়ৌ দ্বৌ তু যূপৌ কুরুপতের্মখে।
শ্লেষ্মাতকময়ং চৈকং যাজকাঃ সমকল্পয়ন্॥ 14-89-30 (95010)
`সর্বানেতান্যথাশাস্ত্রং যাজকাঃ সমকারয়ন্।'
শোভার্থং চাপরান্যূপান্কাঞ্চনান্ভরতর্ষভ।
স ভীমঃ কারয়ামাস ধর্মরাজস্য শাসনাৎ॥ 14-89-31 (95011)
তে ব্যরাজন্ত রাজর্ষে বাসোভিরুপশোভিতাঃ।
মহেন্দ্রানুগতা দেবা যথা সপ্তর্ষিভির্দিবি॥ 14-89-32 (95012)
ইষ্টকাঃ কাঞ্চনীশ্চাত্র চয়নার্তং কৃতা বিভো।
শুশুভে চয়নং তচ্চ দক্ষস্যেব প্রজাপতেঃ॥ 14-89-33 (95013)
চতুশ্চিত্যশ্চ তস্যাসীদষ্টাদশকরাত্মকঃ।
স রুক্মপক্ষো নিচিতস্ত্রিকোণো গরুডাকৃতিঃ॥ 14-89-34 (95014)
ততো নিয়ুক্তাঃ পশবো যথাশাস্ত্রং মনীষিভিঃ।
তং তং দেবং সমুদ্দিশ্য পক্ষিণঃ পশবশ্চ যে॥ 14-89-35 (95015)
ঋষভাঃ শাস্ত্রপঠিতাস্তথা জলচরাশ্চ যে।
সর্বাংস্তানভ্যযুঞ্জংস্তে তত্রাগ্নিচয়কর্মণি॥ 14-89-36 (95016)
যূপেষু নিয়তা চাসীৎপশূনাং ত্রিশতী তথা।
অশ্বরত্নোত্তরা যজ্ঞে কৌন্তেয়স্য মহাত্মনঃ॥ 14-89-37 (95017)
স যজ্ঞঃ শুশুভে তস্য সাক্ষাদ্দেবর্ষিসংকুলঃ।
গন্ধর্বগণসংকীর্ণঃ শোভিতোঽপ্সরসাং গণৈঃ॥ 14-89-38 (95018)
স কিংপুরুষসংকীর্ণঃ কিংনরৈশ্চোপশোভিতঃ।
সিদ্ধবিপ্রনিবাসৈশ্চ সমন্তাদভিসংবৃতঃ॥ 14-89-39 (95019)
তস্মিন্সদসি নিত্যাস্তু ব্যাসশিষ্যা দ্বিজর্ষভাঃ।
সর্বশাস্ত্রপ্রণেতারঃ কুশলা যজ্ঞকর্মসু॥ 14-89-40 (95020)
নারদশ্চ বভূবাত্র তুংবুরুশ্চ মহাদ্যুতিঃ।
বিশ্বাবসুশ্চিত্রসেনস্তথাঽন্যে গীতকোবিদাঃ॥ 14-89-41 (95021)
গন্ধর্বা গীতকুশলা নৃত্যেষু চ বিশারদাঃ।
রময়ন্তি স্ম তান্বিপ্রান্যজ্ঞকর্মান্তরেষু বৈ॥ ॥ 14-89-42 (95022)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একোননবতিতমোঽধ্যায়ঃ॥ 89 ॥
Mahabharata - Ashvamedhika Parva - Chapter Footnotes
7-89-15 অহীনঃ অহ্নাং সোময়াগানাং বহূনাং সমূহোঽহীনঃ। ন হীনঃ দ্রব্যাদিনা ইতি বা॥ 7-89-23 অভিষব সোমবল্ল্যাঃ কণ্ডনম্॥ 7-89-24 সোমং সোমবল্লীরসম্। সবনানি প্রাতঃসবনাদীনি॥ 7-89-27 সংস্তরে ইষ্টকানাং চয়নাখ্যে স্থণ্ডিলরচনে॥ 7-89-29 বর্ণিনঃ পলাশকাষ্ঠময়াঃ॥আশ্বমেধিকপর্ব - অধ্যায় 090
॥ শ্রীঃ ॥
14.90. অধ্যায়ঃ 090
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
যুধিষ্ঠিরেণাশ্বমেধসমাপনানন্তরং রাজ্ঞাং যথোচিতং সংমানপূর্বকং স্বস্বদেশান্প্রতি প্রস্থাপনম্॥ 1 ॥Mahabharata - Ashvamedhika Parva - Chapter Text
বৈশম্পায়ন উবাচ।
শ্রপয়িৎবা পশূনন্যান্বিধিবদ্দ্বিজসত্তমাঃ।
তং তুরঙ্গং যথাশাস্ত্রমালভন্ত দ্বিজাতয়ঃ॥ 14-90-1 (95023)
ততঃ সংজ্ঞপ্য তুরগংক বিধিবদ্যাজকর্ষভাঃ।
উপসংবেশয়াংচক্রুস্ততস্তাং দ্রুপদাত্মজাম্।
কলাভিস্তিসৃভী রাজন্যথাবিধি মনস্বিনীম্॥ 14-90-2 (95024)
উদ্ধৃত্য তু বপাং তস্য যথাশাস্ত্রং দ্বিজাতয়ঃ।
শ্রপয়ামাসুরব্যগ্রা বিধিবদ্ভরতর্ষভ॥ 14-90-3 (95025)
তং বপাধূমগন্ধং তু ধর্মরাজঃ সহানুজৈঃ।
উপাজিঘ্রদ্যথাসাস্ত্রং সর্বপাপাপহং তদা॥ 14-90-4 (95026)
শিষ্টান্যঙ্গানি যান্যাসংস্তস্যাশ্বস্য নরাধিপ।
তান্যগ্রৌ জুহুবুর্ধীরাঃ সমস্তাঃ ষোডশর্ৎবিজঃ॥ 14-90-5 (95027)
সংস্থাপ্যৈবং তস্য রাজ্ঞস্তং যজ্ঞং শক্রতেজসঃ।
ব্যাসঃ সশিষ্যো ভগবান্বর্ধয়ামাস তং নৃপম্॥ 14-90-6 (95028)
ততো যুধিষ্ঠিরঃ প্রাদাৎসদস্যেভ্যো যথাবিধি।
কোটীঃ সহস্রং নিষ্কাণাং ব্যাসায় তু বসুংধরাম্॥ 14-90-7 (95029)
প্রতিগৃহ্য ধরাং রাজন্ব্যাসঃ সত্যবতীসুতঃ।
অব্রবীদ্ভরতশ্রেষ্ঠং ধর্মরাজং যুধিষ্ঠিরম্॥ 14-90-8 (95030)
বসুধা ভবতস্ৎবেষাং সংন্যস্তা রাজসত্তম।
নিষ্ক্রয়ো দীয়তাং মহ্যং ব্রাহ্মণা হি ধনার্থিনা॥ 14-90-9 (95031)
যুধিষ্ঠিরস্তু তান্বিপ্রান্প্রত্যুবাচ মহামনাঃ।
ভ্রাতৃভিঃ সহিতো ধীমান্মধ্যে রাজ্ঞাং মহাত্মনাম্॥ 14-90-10 (95032)
অশ্বমেধে মহায়জ্ঞে পৃথিবী দক্ষিণা স্মৃতা।
অর্জুনেন জিতা চেয়মৃৎবিগ্ভ্যঃ প্রাপিতা ময়া॥ 14-90-11 (95033)
বনং প্রবেক্ষ্যে বিপ্রাগ্র্যা বিভজধ্বং মহীমিমাম্।
চতুর্ধা পৃথিবীং কৃৎবা চাতুর্হোত্রপ্রমাণতঃ॥ 14-90-12 (95034)
নাহমাদাতুমিচ্ছামি ব্রহ্মস্বং দ্বিজসত্তমাঃ॥
ইদং নিত্যং মনো বিপ্রা ভ্রাতৄণাং চৈব মে সদা॥ 14-90-13 (95035)
ইত্যুক্তবতি তস্মিংস্তু ভ্রাতরো দ্রৌপদী চ সা।
এবমেতদিতি প্রাহুস্তদভূদ্রোমহর্ষণম্॥ 14-90-14 (95036)
ততোঽন্তরিক্ষে বাগাসীৎসাধুসাধ্বিতি ভারত।
তথৈব দ্বিজসঙ্ঘানাং শংসতাং বিবভৌ স্বনঃ॥ 14-90-15 (95037)
দ্বৈপায়নস্তথা কৃষ্ণঃ পুনরেব যুধিষ্ঠিরম্।
প্রোবাচ মধ্যে বিপ্রাণামিদং সম্পূজয়ন্মুনিঃ॥ 14-90-16 (95038)
দত্তৈষা ভবতা মহ্যং তাং তে প্রতিদদাম্যহম্।
হিরণ্যং দীয়তামেভ্যো ব্রাহ্মণেভ্যো ধরাঽস্তু তে॥ 14-90-17 (95039)
ততোঽব্রবীদ্বাসুদেবো ধর্মরাজং যুধিষ্ঠিরম্।
যথাঽঽহ ভগবান্ব্যাসস্তথা ৎবং কর্তুমর্হসি॥ 14-90-18 (95040)
ইত্যুক্তঃ স কুরুশ্রেষ্ঠঃ প্রীতাত্মা ভ্রাতৃভিঃ সহ।
কোটিং কোটিং গবাং প্রাদাদ্দক্ষিণাং ত্রিগুণীকৃতাম্॥ 14-90-19 (95041)
ন করিষ্যতি তল্লোকে কশ্চিদন্যো নরাধিপঃ।
যৎকৃতং কুরুরাজেন মরুত্তস্যানুকুর্বতা॥ 14-90-20 (95042)
প্রতিগৃহ্য তু তদ্দ্রব্যং কৃষ্ণদ্বৈপায়নো মুনিঃ।
ঋৎবিগ্ভ্যঃ প্রদদৌ বিদ্বাংশ্চতুর্ধা ব্যভজংশ্চ তে॥ 14-90-21 (95043)
ধরণ্যা নিষ্ক্রয়ং দত্ৎবা তদ্ধিরণ্যং যুধিষ্ঠিরঃ।
দূতপাপো জিতস্বর্গো মুমুদে ভ্রাতৃভিঃ সহ॥ 14-90-22 (95044)
ঋৎবিজস্তমপর্যন্তং সুবর্ণনিচয়ং তথা।
ব্যভজন্ত দ্বিজাতিভ্যো যথোৎসাহং যথাসুখম্॥ 14-90-23 (95045)
যজ্ঞবাটে চ যৎকিঞ্চিদ্ধিরণ্যং সবি ভূষণম্।
তোরণানি চ যূপাংশ্চ ঘটান্পাত্রীস্তথেষ্টকাঃ।
যুধিষ্ঠিরাভ্যনুজ্ঞাতাঃ সর্বং তদ্ব্যভজন্দ্বিজাঃ॥ 14-90-24 (95046)
অনন্তরং দ্বিজাতিভ্যঃ ক্ষত্রিয়া জহ্রিরে বসু।
তথা বিট্শূদ্রসঙ্ঘাশ্চ তথাঽন্যে ম্লেচ্ছজাতয়ঃ।
`কালেন মহতা জহ্রুস্তৎসুবর্ণং ততস্ততঃ॥' 14-90-25 (95047)
ততস্তে ব্রাহ্মণাঃ সর্বে মুদিতা জগ্মুরালয়ান্।
তর্পিতা বসুনা তেন ধর্মিরাজেন ধীমিতা॥ 14-90-26 (95048)
স্বমংশং ভগবান্ব্যাসঃ কুন্ত্যৈ পাদাভিবাদিতঃ।
প্রদদৌ তস্য মহতো হিরণ্যস্য মহাদ্যুতিঃ॥ 14-90-27 (95049)
শ্বশুরাৎপ্রীতিদায়ং তং প্রাপ্য সা প্রীতমানসা।
চকার পুণ্যকং তেন সুমহৎসঙ্ঘশঃ পৃথা॥ 14-90-28 (95050)
গৎবা ৎববভৃথং রাজা বিপাপ্মা ভ্রাতৃভিঃ সহ।
সভাজ্যমানঃ শুশুভে মহেন্দ্রস্ত্রিদশৈরিব॥ 14-90-29 (95051)
পাণ়্ডবাশ্চ মহীপালৈঃ সমেতৈরভিসংবৃতাঃ।
অশোভন্ত মহারাজ গ্রহস্তারাগণৈরিব॥ 14-90-30 (95052)
রাজভ্যোপি ততঃ প্রাদাদ্রত্নানি বিবিধানি চ।
গজানশ্বানলঙ্কারান্ত্রিয়ো বাসাংসি কাঞ্চনম্॥ 14-90-31 (95053)
তদ্ধনৌঘমপর্যন্তং পার্থঃ পার্থিবমণ্ডলে।
বিসৃজঞ্শুশুভে রাজন্যথা বৈশ্রবণস্তথা॥ 14-90-32 (95054)
আনীয় চ তথা বীরং রাজানং বভ্রুবাহনম্।
প্রদায় বিপুলং বিত্তং গৃহাৎপ্রাস্থাপয়নত্তদা॥ 14-90-33 (95055)
দুঃশলায়াশ্চ তং পৌত্রং বালকং ভরতর্ষভ।
স্বরাজ্যেঽথ পিতুর্ধামান্স্বসুঃ প্রীত্যা ন্বয়েশয়ৎ॥ 14-90-34 (95056)
নৃপতীংশ্চৈব তান্সর্বান্সুবিভক্তান্সুপূজিতান্।
প্রস্থাপয়ামাস বশী কুরুরাজো যুধিষ্ঠিরঃ॥ 14-90-35 (95057)
গোবিন্দং চ মহাত্মানং বলদেবং মহাবলম্।
তথাঽন্যান্বৃষ্ণিবীরাংশ্চ প্রদ্যুম্নাদ্যান্সহস্রশঃ॥ 14-90-36 (95058)
পূজয়িৎবা মহারাজ যথাবিধি মহাদ্যুতিঃ।
ভ্রাতৃভিঃ সহিতো রাজা প্রাস্থাপরয়দরিংদমঃ॥ 14-90-37 (95059)
এবং বভূব যজ্ঞঃ স ধর্মিরাজস্য ধীমতঃ।
বহ্বন্নধনরত্নৌঘঃ সুরামৈরেয়সাগরঃ॥ 14-90-38 (95060)
সর্পিঃপঙ্কা হ্রদা যত্র বভূবুশ্চান্নপর্বতাঃ।
রসালকর্দমা নদ্যো বভূবুর্ভরতর্ষভ॥ 14-90-39 (95061)
ভক্ষ্যখাণ্ডবরাগাণাং ক্রিয়তাং ভুজ্যতাং তথা।
পশূনাং বধ্যতাং চৈব নান্তং দদৃশিরে জনাঃ॥ 14-90-40 (95062)
মত্তপ্রমত্তমুদিতং সুপ্রীতয়ুবতীজনম্।
মৃদঙ্গশঙ্খনাদৈস্চ মনোরমমভূত্তদা। 14-90-41 (95063)
দীয়তাং ভুজ্যতাং চাপি তত্র শব্দো মহানভূৎ।
দীয়তাং দীয়তাং চেতি দিবারাত্রমবারিতম্॥ 14-90-42 (95064)
তং মহোৎসবসংকাশং হৃষ্টপুষ্টজনাকুলম্।
কথয়ন্তি স্ম পুরুষা নানাদেশনিবাসিনঃ॥ 14-90-43 (95065)
বর্ষিৎবা ধনধারাভিঃ কামৈ রত্নৈ রসৈস্তথা।
বিপাপ্মা ভরতশ্রেষ্ঠঃ কৃতার্থঃ প্রাবিশৎপুরম্॥ ॥ 14-90-44 (95066)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি নবতিতমোঽধ্যায়ঃ॥ 90 ॥
Mahabharata - Ashvamedhika Parva - Chapter Footnotes
7-90-2 সংজ্ঞপ্য হিংসিৎবা তুরগম্। তস্য সমীপে তিসৃভিঃ কলাভিঃ কলনাভিঃ মন্ত্রদ্রব্যশ্রদ্দাখ্যাভিরুপেতাং দ্রৌপদীং উপসংবেশয়াং চক্রুঃ॥ 7-90-5 অঙ্গানি হৃদয়জিহ্বাবক্ষআদীনী॥ 7-90-6 সংস্থাপ্য সমাপ্য॥ 7-90-7 তুশব্দশ্চার্থে। তেন সর্বেভ্যো বসুধরাং দদাবিত্যর্থঃ॥ 7-90-25 অনন্তরং দ্বিজাতিভ্যঃ বিপ্রেষু গৃহীৎবা নিবৃত্তেষু শিষ্টাৎ ক্ষত্রিয়াদয়ো গহীতবন্ত ইত্যর্থঃ॥ 7-90-38 মৈরেয়ং বৃক্ষজং মদ্যম্॥ 7-90-40 পিপ্পলীশুণ্ঠীয়ুক্তো মুদ্গয়ূষঃ খাণ্ডবঃ স এব শর্কারয়ুক্তো রাগঃআশ্বমেধিকপর্ব - অধ্যায় 091
॥ শ্রীঃ ॥
14.91. অধ্যায়ঃ 091
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
বৈশম্পায়নেন জনমেজয়ংপ্রতি নকুলাখ্যানকথনারম্ভঃ॥ 1 ॥ অশ্বমেধাবসানে বিলান্নিস্সৃতেন কনকপার্শ্বেন কেনচিন্নকুলেন সদস্যান্প্রতি উঞ্ছবৃত্তিব্রাহ্মণস্য সক্তুপ্রস্থদানপ্রশংসনপূর্বকং যুধিষ্ঠিরাশ্বমেধগার্হণম্॥ 2 ॥। তথা সদস্যচোদনয়া তৎকথনোপক্রমঃ॥ 3 ॥Mahabharata - Ashvamedhika Parva - Chapter Text
জনমেজয় উবাচ।
পিতামহস্য মে যজ্ঞে ধর্মরাজস্য ধীমতঃ।
যদাশ্চর্যমভূৎকিঞ্চিত্তদ্ভবান্বক্তুমর্হতি॥ 14-91-1 (95067)
বৈশম্পায়ন উবাচ। 14-91-2x (7923)
শ্রূয়তাং রাজশার্দূল মহদাশ্চর্যমুত্তমম্।
অশ্বমেধে মহায়জ্ঞে নিবৃত্তে যদভূৎপ্রভো॥ 14-91-2 (95068)
তর্পিতেষু দ্বিজাগ্র্যেষু জ্ঞাতিসম্বন্ধিবন্ধুষু।
দীনান্ধকৃপণে বাঽপি তদা ভরতসত্তম॥ 14-91-3 (95069)
ঘুষ্যমাণে মহাদানে দিক্ষু সর্বাসু ভারত।
পতৎসু পুষ্পবর্ষেষু ধর্মরাজস্য মূর্ধনি॥ 14-91-4 (95070)
বিলান্নিস্সৃত্য নকুলো রুক্মপার্শ্বস্তদাঽনঘঃ।
বজ্রাশনিসমং নাদমমুঞ্চদ্বসুধাধিপ॥ 14-91-5 (95071)
সকৃদুৎসৃজ্য তন্নাদং ত্রাসয়ানো মৃগদ্বিজান্।
মানুপং বচনং প্রাহ পুষ্পোপরিশয়ো মহান্॥ 14-91-6 (95072)
সক্তুপ্রস্থেন বো নায়ং যজ্ঞস্তুল্যো নরাধিপাঃ।
উচ্ছবৃত্তের্বদান্যস্য কুরুক্ষেত্রনিবাসিনঃ॥ 14-91-7 (95073)
তস্য তদ্বচনং শ্রুৎবা নকুলস্য বিশাংপতে।
বিস্ময়ং পরমং জগ্মুঃ সর্বে তে ব্রাহ্মণর্ষভাঃ॥ 14-91-8 (95074)
ততঃ সমেত্য নকুলং পর্যপৃচ্ছন্ত তে দ্বিজাঃ॥
কুতস্ৎবং সমনুপ্রাপ্তো যজ্ঞং সাধুসমাগমম্॥ 14-91-9 (95075)
কিং বলং পরমং তুভ্যং শ্রুতং কিং পরায়ণম্।
কথং ভবন্তং বিদ্যাম যো নো যজ্ঞং বিগর্হসে॥ 14-91-10 (95076)
অবিলুপ্যাগমং কৃৎস্নং বিবিধৈর্যজ্ঞিয়ৈঃ কৃতম্।
যথাগমং যথান্যায়ং কর্তব্যং চ তথা কৃতম্॥ 14-91-11 (95077)
পূজার্হাঃ পূজিতাশ্চাত্র বিধিবচ্ছাস্ত্রদর্শাৎ।
মন্ত্রাহুতিহুতশ্চাগ্নির্দত্তং দেয়মমৎসরম্॥ 14-91-12 (95078)
তুষ্টা দ্বিজাতয়শ্চাত্র দানৈর্বহুবিধৈরপি।
ক্ষত্রিয়াশ্চি সুয়ুদ্ধেন শ্রাদ্ধৈশ্চাপি পিতামহাঃ॥ 14-91-13 (95079)
পালনেন বিশস্তুষ্টাঃ কামৈস্তুষ্টা বরস্ত্রিয়ঃ।
অনুক্রোশৈস্ততা শূদ্রা দানশেষৈঃ পৃথগ্জনাঃ॥ 14-91-14 (95080)
জ্ঞাতিসম্বন্ধিনস্তুষ্টাঃ শৌচেন চ নৃপস্য নঃ।
দেবা হবির্ভিঃ পুণ্যৈস্চ রক্ষণৈঃ শরণাগতাঃ॥ 14-91-15 (95081)
যদত্র তথ্যং তদ্ব্রূহি সত্যংসত্যং দ্বিজাতিষু।
যথাশ্রুতং যথাদৃষ্টং পৃষ্টো ব্রাহ্মণকাম্যযা॥ 14-91-16 (95082)
শ্রদ্ধেয়বাক্যঃ প্রাজ্ঞস্ৎবং দিব্যং রূপং বিভর্ষি চ।
সমাগতশ্চ বিপ্রৈস্ৎবং তদ্ভবান্বক্তুমর্হতি॥ 14-91-17 (95083)
ইতি পৃষ্টো দ্বিজৈস্তৈঃ স প্রহসন্নকুলোঽব্রবীৎ।
নৈষা মৃষাময়া বাণী প্রোক্তা দর্পেণ বা দ্বিজাঃ॥ 14-91-18 (95084)
যন্ময়োক্তমিদং বাক্যং যুষ্মাভিশ্চাপ্যুপশ্রুতম্।
সক্তুপ্রস্থেন বো নায়ং যজ্ঞস্তুল্যো দ্বিজর্ষভাঃ॥ 14-91-19 (95085)
ইত্যবশ্যং ময়ৈতদ্বো বক্তব্যং দ্বিজসত্তমাঃ।
শৃণুতাব্যগ্রমনসঃ শংসতো মে যথাতথম্॥ 14-91-20 (95086)
অনুভূতং চ দৃষ্টং চ যন্ময়াঽদ্ভুতমুত্তমম্।
উঞ্ছবৃত্তের্বদান্যস্য কুরুক্ষেত্রনিবাসিনঃ॥ 14-91-21 (95087)
স্বর্গং যেন দ্বিজাঃ প্রাপ্তঃ সভার্যঃ সসুতস্নুষঃ।
যথা চার্ধং শরীরস্য মমেদং কাঞ্চনীকৃতম্॥ ॥ 14-91-22 (95088)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি একনবতিতমোঽধ্যায়ঃ॥ 91 ॥
Mahabharata - Ashvamedhika Parva - Chapter Footnotes
7-91-5 নীলাক্ষস্তত্র নকুল ইতি ঝ.পাঠঃ॥ 7-91-6 ধৃষ্টো বিলশয়ো মহান্ ইতি ঝ.পাঠঃ॥ 7-91-22 মমেদং যত্রেতি শেষঃ॥আশ্বমেধিকপর্ব - অধ্যায় 092
॥ শ্রীঃ ॥
14.92. অধ্যায়ঃ 092
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
নকুলেন যুধিষ্ঠিরাদীন্প্রতি সকুটুম্বস্যোঞ্ছবৃত্তের্ব্রাহ্মণস্য ধর্মপুরুষায় সক্তুপ্রস্তদানমহিমবর্ণনপূর্বকংপুনস্তত্রৈবান্তর্ধানম্॥ 1 ॥Mahabharata - Ashvamedhika Parva - Chapter Text
নকুল উবাচ।
হন্ত বঃ কথয়িষ্যামি দানস্য ফলমুত্তমম্।
ন্যায়লব্ধস্য সূক্ষ্মস্য বিপ্রদত্তস্য যদ্দ্বিজাঃ॥ 14-92-1 (95089)
ধর্মক্ষেত্রে কুরুক্ষেত্রে ধর্মজ্ঞৈর্বহুভির্বৃতে।
উঞ্ছবৃত্তির্দ্বিজঃ কশ্চিৎকাপোতিরভবৎপুরা॥ 14-92-2 (95090)
সভার্যঃ সহপুত্রেণ সস্নুষস্তপসি স্থিতঃ।
বভূব শুক্লবৃত্তঃ স ধর্মাত্মা নিয়তেন্দ্রিয়ঃ॥ 14-92-3 (95091)
ষষ্ঠে কালে সদা বিপ্রো ভুঙ্ক্তে তৈঃ সহ সংবৃতঃ॥ 14-92-4 (95092)
ষষ্ঠে কালে কদাচিত্তু তস্যাহারো ন বিদ্যতে।
ভুঙ্ক্তেঽন্যস্মিন্কদাচিৎস ষষ্ঠে কালে দ্বিজোত্তমঃ॥ 14-92-5 (95093)
কপোতধর্মিণস্তস্য দুর্ভিক্ষে সতি দারুণে।
নাবিদ্যত তদা বিপ্রাঃ সংচয়স্তন্নিবোধত॥ 14-92-6 (95094)
ক্ষীণাষৈদিসমাবাপো দ্রব্যহীনোঽভবত্তদা।
কালেকালেঽস্য সম্প্রাপ্তে নৈব বিদ্যেত ভোজনম্॥ 14-92-7 (95095)
ক্ষুধাপরিগতাঃ সর্বে প্রাতিষ্ঠন্ত তদা তু তে।
উঞ্ছং তদা শুক্লপক্ষে মধ্যং তপতি ভাস্করে॥ 14-92-8 (95096)
উষ্ণার্তশ্চ ক্ষুধার্তশ্চ বিপ্রস্তপসি সংস্থিতঃ।
উঞ্ছমপ্রাপ্তবানেব ব্রাহ্মণঃ ক্ষুচ্ছ্রমান্বিতঃ॥ 14-92-9 (95097)
স তথৈব ক্ষুধাবিষ্টঃ সার্ধং পরিজনেন হ।
ক্ষপয়ামাস তং কালং কৃচ্ছ্রপ্রাণো দ্বিজোত্তমঃ॥ 14-92-10 (95098)
অথ ষষ্ঠে গতে কালে যবপ্রস্থমুপার্জয়ন্।
যবপ্রস্থং তু তং সক্তূনকুর্বন্ত তপস্বিনঃ॥ 14-92-11 (95099)
কৃতজপ্যাহ্নিকাস্তে তু হুৎবা চাগ্নিং যথাবিধি।
কুডবংকুডবং সর্বে ব্যভজন্ত তপস্বিনঃ॥ 14-92-12 (95100)
অথাগচ্ছদ্দ্বিজঃ কশ্চিদতিথির্ভুঞ্জতাং তদা।
তে তং দৃষ্ট্বাঽতিথিং প্রাপ্তং প্রহৃষ্টমনসোঽভবন্॥ 14-92-13 (95101)
তেঽভিবাদ্য সুখপ্রশ্নং পৃষ্ট্বা তমতিথিং তদা।
বিশুদ্ধমনসো দান্তাঃ শ্রদ্ধাদমসমন্বিতাঃ॥ 14-92-14 (95102)
অনসূয়া গতক্রোধাঃ সাধবো বীতমৎসরাঃ।
ত্যক্তমানমদক্রোধা ধর্মজ্ঞা দ্বিজসত্তমাঃ॥ 14-92-15 (95103)
সব্রহ্যচর্যং গোত্রং তে তস্য খ্যাৎবা পরস্পরম্।
কুটীং প্রবেশয়ামাসুঃ ক্ষুধার্তমতিথিং তদা॥ 14-92-16 (95104)
ইদমর্ঘ্যং চ পাদ্যং চ বৃসী চেয়ং তবানঘ।
শুচয়ঃ সক্তবশ্চেমে নিয়মোপার্জিতাঃ প্রভো।
প্রতিগৃহ্ণীষ্ব ভদ্রং তে ময়া দত্তা দ্বিজর্ষভ॥ 14-92-17 (95105)
ইত্যুক্তঃ প্রতিগৃহ্যাথ সক্তূনাং কুডবং দ্বিজঃ।
ভক্ষয়ামাস রাজেন্দ্র ন চ তুষ্টিং জগাম সঃ॥ 14-92-18 (95106)
স উঞ্ছবৃত্তিস্তং প্রেক্ষ্য ক্ষুধাপরিগতং দ্বিজম্।
আহারং চিন্তয়ামাস কথং তুষ্টো ভবেদিতি॥ 14-92-19 (95107)
তস্য ভার্যাঽব্রবীদ্বাক্যং মদ্ভাগো দীয়তামিতি।
গচ্ছৎবেষ যথাকামং পরিতুষ্টো দ্বিজোত্তমঃ॥ 14-92-20 (95108)
ইতি ব্রুবন্তীং তাং সাধ্বীং ভার্যাং স দ্বিজসত্তমঃ।
ক্ষউধাপরিগতাং জ্ঞাৎবা তান্সক্তূন্নাভ্যনন্দত॥ 14-92-21 (95109)
আত্মানুমানতো বিদ্বান্স তু বিপ্রর্ষভস্তদা।
জানন্বৃদ্ধাং ক্ষুধার্তাং চ শ্রান্তাং গ্লানাং তপস্বিনীম্।
ৎবগস্থিভূতা বেপন্তীং ততো ভার্যামুবাচ হ॥ 14-92-22 (95110)
অপি কীটপতঙ্গানাং মৃগাণাং চৈব শোভনে।
স্ত্রিয়ো রক্ষ্যাশ্চ পোষ্পাশ্চ ন ৎবেবং বক্তুমর্হসি॥ 14-92-23 (95111)
অনুকংপ্যো নরঃ পত্ন্যা পুষ্টো রক্ষিত এব চ।
প্রপতেদ্যশসো দীপ্তাৎস চ লোকান্ন চাপ্নুয়াৎ॥ 14-92-24 (95112)
ধর্মকামার্থকার্যাণি শুশ্রূষাকুলসংততিঃ।
দারেষ্বদীনো ধর্মস্চ পিতৄণামাত্মনস্তথা॥ 14-92-25 (95113)
ন বেত্তি কর্মতো ভার্যারক্ষণে যোঽক্ষমঃ পুমান্।
অয়শো মহদাপ্নোতি নারকাংশ্চৈব গচ্ছতি॥ 14-92-26 (95114)
ইত্যুক্তা সা ততঃ প্রাহ ধর্মার্থৌ নৌ সমৌ দ্বিজ।
সক্তুপ্রস্থচতুর্ভাগং গৃহাণেমং প্রসীদ মে॥ 14-92-27 (95115)
সত্যং রতিশ্চ ধর্মশ্চ স্বর্গশ্চ গুণনির্জিতঃ।
স্ত্রীণাং পতিসমাধীনং কাঙ্ক্ষিতং চ দ্বিজর্ষভ॥ 14-92-28 (95116)
ঋতুর্মাতু পিতুর্বীজং দৈবতং পরমং পতিঃ।
ভর্তুঃ প্রসাদান্নারীণাং রতিপুত্রফলং তথা॥ 14-92-29 (95117)
পালনাদ্ধি পতিস্ৎবং মে ভর্তাঽসি ভরণাচ্চ মে।
পুত্রপ্রদানাদ্বরদস্তস্মাৎসক্তূন্প্রয়চ্ছ মে॥ 14-92-30 (95118)
জরাপরিগতো বৃদ্ধঃ ক্ষুধার্তো দুর্বলো ভৃশম্।
উপবাসপরিশ্রান্তো যদা ৎবমপি কর্শিতঃ॥ 14-92-31 (95119)
ইত্যুক্তঃ স তয়া সক্তূন্প্রগৃহ্যেদং বচোঽব্রবীৎ।
দ্বিজি সক্তূনিমান্ভূয়ঃ প্রতিগৃহ্ণীষ্ব সত্তম॥ 14-92-32 (95120)
স তান্প্রগৃহ্য ভুক্ৎবা চ ন তুষ্টিমগমদ্দ্বিজঃ।
তমুঞ্ছবৃত্তিরালক্ষ্য ততশ্চিন্তাপরোঽভবৎ॥ 14-92-33 (95121)
পুত্র উবাচ। 14-92-34x (7924)
সক্তূনিমান্প্রগৃহ্য ৎবং দেহি বিপ্রায় সত্তম।
ইত্যেব সুকৃতং মন্যে তস্মাদেতৎকরোম্যহম্॥ 14-92-34 (95122)
ভবান্হি পরিপাল্যো মে সর্বদৈব প্রয়ত্নতঃ।
সাধূনাং কাঙ্ক্ষিতং যস্মাৎপিতুর্বৃদ্ধস্য পালনম্॥ 14-92-35 (95123)
পুত্রার্থো বিহিতো হ্যেষ বার্ধকে পরিপালনম্॥
শ্রুতিরেষা হি বিপ্রর্ষে ত্রিষু লোকেষু শাশ্বতী॥ 14-92-36 (95124)
প্রাণাধারণমাত্রেণ শক্যং কর্তুং তপস্ৎবয়া।
প্রাণো হি পরমো ধর্মঃ স্থিতো দেহেষু দেহিনাম্॥ 14-92-37 (95125)
পিতোবাচ। 14-92-38x (7925)
অপি বর্ষসহস্রী ৎবং বাল এব মতো মম।
উৎপাদ্য পুত্রং হি পিতা কৃতকৃত্যো ভবেৎসুতাৎ॥ 14-92-38 (95126)
বালানাং ক্ষুদ্বলবতী জানাম্যেতদহং প্রভো।
বৃদ্ধোঽহং ধারয়িষ্যামি ৎবং বলী ভব পুত্রক॥ 14-92-39 (95127)
জীর্ণেন বয়সা পুত্র ন মাং ক্ষুদ্বাধতেঽপি চ।
দীর্ঘকালং তপস্তপ্তং ন মে মরণতো ভয়ম্॥ 14-92-40 (95128)
পুত্র উবাচ। 14-92-41x (7926)
অপত্যমস্মি তে পুংসস্ত্রাণাৎপুত্র ইতি স্মৃতঃ।
আত্মা পুত্রঃ স্মৃতস্তস্মাত্ত্রাহ্যাত্মানমিহাত্মনা॥ 14-92-41 (95129)
পিতোবাচ। 14-92-42x (7927)
রূপেণ সদৃশস্ৎবং মে শীলেন চ দমেন চ।
পরীক্ষিতশ্চ বহুধা সক্তূনাদদ্মি তে সুত॥ 14-92-42 (95130)
ইত্যুক্ৎবাঽঽদায় তান্সক্তূন্প্রীতাত্মা দ্বিজসত্তমঃ।
প্রহসন্নিব বিপ্রায় স তস্মৈ প্রদদৌ তদা॥ 14-92-43 (95131)
ভুক্ৎবা তানপি সক্তূন্স নৈব তুষ্টো বভূব হ।
উচ্ছবৃত্তিস্তু ধর্মাত্মা ব্রীডামনুজগাম হ॥ 14-92-44 (95132)
তং বৈ বধূঃ স্থিতা সাধ্বী ব্রাহ্মণিপ্রিয়কাম্যযা।
সক্তূনাদায় সংহৃষ্টা শ্বশুরং বাক্যমব্রবীৎ॥ 14-92-45 (95133)
সংতানাত্তব সংতানং মম বিপ্র ভবিষ্যতি।
সক্তূনিমানতিথয়ে গৃহীৎবা সম্প্রয়চ্ছ মে॥ 14-92-46 (95134)
তব প্রসাদান্নির্বৃত্তা মম লোকাঃ কিলাক্ষয়াঃ।
পুত্রেণ তানবাপ্নোতি যত্র গৎবা ন শোচতি॥ 14-92-47 (95135)
ধর্মাদ্যা হি যথা ত্রেতা বহ্নিত্রেতা তথৈব চ।
তথৈব পুত্রপৌত্রাণাং স্বর্গস্ত্রেতা কিলাক্ষয়ঃ॥ 14-92-48 (95136)
পিতৄণাত্তারয়তি পুত্র ইত্যনুশুশ্রুম।
পুত্রপৌত্রৈশ্চ নিয়তং সাদুলোকানুপাশ্নুতে॥ 14-92-49 (95137)
শ্বশুর উবাচ। 14-92-50x (7928)
বাতাতপবিশীর্ণাঙ্গীং ৎবাং বিবর্ণাং নিরীক্ষ্য বৈ।
কর্শিতাং সুব্রতাচারে ক্ষুধাবিহ্বলচেতসম্॥ 14-92-50 (95138)
কথং সক্তূন্গ্রহীষ্যামি ভূৎবা ধর্মোপঘাতকঃ।
কল্যাণবৃত্তে কল্যাণি নৈব ৎবং বক্তুমর্হসি॥ 14-92-51 (95139)
ষষ্ঠে কালে ব্রতবতীং শৌচশীলতপোন্বিতাম্।
কৃচ্ছ্রবৃত্তিং নিরাহারাং দ্রক্ষ্যামি ৎবাং কথং শুভে॥ 14-92-52 (95140)
বালা ক্ষুধার্তা নারী চ রক্ষ্যা ৎবং সততং ময়া।
উপবাসপরিশ্রান্তা ৎবং হি বান্ধবনন্দিনী॥ 14-92-53 (95141)
স্নুষোবাচ। 14-92-54x (7929)
গুরোর্মম গুরুস্ৎবং বৈ যতো দৈবতদৈবতম্।
দেবাতিদেবস্তস্মাত্ৎবং সক্তূনাদৎস্ব মে প্রভো॥ 14-92-54 (95142)
দেহঃ প্রাণশ্চ ধর্মশ্চ শুশ্রূষার্থমিদং গুরোঃ।
তব বিপ্র প্রসাদেন লোকান্প্রাপ্স্যামহে শুভান্॥ 14-92-55 (95143)
অবেক্ষ্যা ইতি কৃৎবাঽহং দৃঢভক্তেতি বা দ্বিজ।
চিন্ত্যা মমেয়মিতি বা সক্তূনাদানুমর্হসি॥ 14-92-56 (95144)
শ্বশুর উবাচ। 14-92-57x (7930)
অনেন নিত্যং সাধ্বী ৎবং শীলবৃত্তেন শোভসে।
যা ৎবং ধর্মব্রতোপেতা গুরুবৃত্তিমবেক্ষসে॥ 14-92-57 (95145)
তস্মাৎসক্তূন্গ্রহীষ্যামি বধু নার্হসি বঞ্চনাম্।
গণয়িৎবা মহাভাগে ৎবাং হি ধর্মভৃতাং বরে॥ 14-92-58 (95146)
ইত্যুক্ৎবা তানুপাদায় সক্তূন্প্রাদাদ্দ্বিজাতয়ে।
ততস্তুষ্টোঽভবদ্বিপ্রস্তস্য সাধোর্মহাত্মনঃ॥ 14-92-59 (95147)
প্রীতাত্মা স তু তং বাক্যমিদমাহ দ্বিজর্ষভম্।
বাগ্মী তদা দ্বিজশ্রেষ্টো ধর্মঃ পুরুষবিগ্রহঃ॥ 14-92-60 (95148)
শুদ্ধেনি তব দানেন ন্যায়োপাত্তেন ধর্মতঃ।
যথাশক্তি বিসৃষ্টেন প্রীতোস্মি দ্বিজসত্তম॥ 14-92-61 (95149)
অহো দানং ঘুষ্যতে তে স্বর্গে স্বর্গনিবাসিভিঃ।
গগনাৎপুষ্পবর্ষং চ পশ্যেদং পতিতং ভুবি॥ 14-92-62 (95150)
সুরর্ষিদেবগন্ধর্বা যে চ দেবপুরঃসরাঃ।
স্তুবন্তো দেবদূতাশ্চ স্থিতা দানেন বিস্মিতাঃ॥ 14-92-63 (95151)
ব্রহ্মর্ষয়ো বিমানস্থা ব্রহ্মলোকচরশ্চ যে।
কাঙ্ক্ষন্তে দর্শনং তুভ্যং দিবং ব্রজ দ্বিজর্ষভ॥ 14-92-64 (95152)
পিতৃলোকগতাঃ সর্বে তারিতাঃ পিতরস্ৎবয়া।
অনাগতাশ্চ বহবঃ সুবহূনি যুগান্যুত॥ 14-92-65 (95153)
ব্রহ্মচর্যেণ দানেন যজ্ঞেনি তপসা তথা।
অগহ্বরেণ ধর্মেণ তস্মাদ্গচ্চ দিবং দ্বিজ॥ 14-92-66 (95154)
শ্রদ্ধয়া পরয়া যরৎবং তপশ্চরসি সুব্রত।
তস্মাদ্দেবাস্তবানেন প্রীতা ব্রাহ্মণসত্তম॥ 14-92-67 (95155)
সর্বমেতদ্ধি যস্মাত্তে দত্তং শুদ্ধেন চেতসা।
কৃচ্ছ্রকালে ততঃ স্বর্গো বিজিতঃ কর্মণা ৎবয়া॥ 14-92-68 (95156)
ক্ষুধা নির্ণুদতি প্রজ্ঞাং ধর্মবুদ্ধিং ব্যপোহতি।
ক্ষুধাপরিগতজ্ঞানো ধৃতিং ত্যজতি চৈব হ॥ 14-92-69 (95157)
বুভুক্ষাং জয়তে যস্তু স স্বর্গং জয়তে ধ্রুবম্।
যদা দানরুচিঃ স্যাদ্বৈ তদা ধর্মো ন সীদতি॥ 14-92-70 (95158)
অনবেক্ষ্য সুতস্নেহং কলত্রস্নেহমেব চ।
ধর্মমেব গুরং জ্ঞাৎবা তৃষ্ণা ন গণিতা ৎবয়া॥ 14-92-71 (95159)
দ্রব্যাগমো নৃণাং সূক্ষ্মঃ পাত্রে দানং ততঃ পরম্।
কালঃ পরতরো দানাচ্ছ্রদ্ধা চৈব ততঃ পরা॥ 14-92-72 (95160)
স্বর্গদ্বারং সুসূক্ষ্মং হি নরৈর্মাহান্নি দৃশ্যতে।
সঙ্গর্গলং লোভকীলং রাগগুপ্তং দুরাসদম্॥ 14-92-73 (95161)
তং তু পশ্যন্তি পুরুষা জিতদক্রোধা জিতেন্দ্রিয়াঃ।
ব্রাহ্মণাস্তপসা যুক্তা যথাশক্তি প্রদায়িনঃ॥ 14-92-74 (95162)
সহস্রশক্তিশ্চ শতং শতশক্তির্দশাপি চ।
দদ্যাদপশ্চ যঃ শক্ত্যা সর্বে তুল্যফলাঃ স্মৃতাঃ॥ 14-92-75 (95163)
রন্তিদেবো হি নৃপতিরপঃ প্রাদাদকিংচনঃ।
শুদ্ধেন মনসা বিপ্র নাকপৃষ্ঠং ততো গতঃ॥ 14-92-76 (95164)
ন ধর্মঃ প্রীয়তে তাত দানৈর্দত্তৈর্মহাফলৈঃ।
ন্যায়লব্ধৈর্যথা সূক্ষ্মৈঃ শ্রুদ্ধাপূতৈঃ স তুষ্যতি॥ 14-92-77 (95165)
গোপ্রদানসহস্রাণি দ্বিজেভ্যোঽদান্নৃগো নৃপঃ।
একাং দত্ৎবা স পারক্যাং নরকং সমপদ্যত॥ 14-92-78 (95166)
আত্মমাংসপ্রদানেন শিবোরৌশীনরো নৃপঃ।
প্রাপ্য পুণ্যকৃতাঁল্লোকান্মোদত দিবি সুব্রতঃ॥ 14-92-79 (95167)
বিভবেন নৃণাং পুণ্যং যচ্ছত্ত্যা স্বার্জিতং ন তৎ।
ন যজ্ঞৈর্বিবিধৈর্বিপ্র যথান্যায়েন সংচিতৈঃ॥ 14-92-80 (95168)
ক্রোধাদ্দানফলং হন্তি লোভাৎস্বর্গং ন গচ্ছতি।
ন্যায়বৃত্তির্হি তপসা দানবিৎস্বর্গমশ্নুতে॥ 14-92-81 (95169)
ন রাজসূয়ৈর্বহুভিরিষ্টা বিপুলদক্ষিণৈঃ॥
ন চাশ্বমেধৈর্বহুভিঃ ফলং সমমিদং তব॥ 14-92-82 (95170)
সক্তুপ্রস্থেন বিজিতো ব্রহ্মলোকস্ৎবয়াঽক্ষয়ঃ।
বিরজো ব্রহ্মসদনং গচ্ছ বিপ্র যতাসুখম্॥ 14-92-83 (95171)
সর্বেষাং বো দ্বিজশ্রেষ্ঠ দিব্যং যানমুপস্থিতম্।
আরোহত যথাকামং ধর্মোস্মি দ্বিজ পশ্য মাম্॥ 14-92-84 (95172)
বাধিতো হি ৎবয়া দেহো লোকে কীর্তিঃ স্থিরা চ তে।
সভার্যঃ সহপুত্রশ্চ সস্নুষশ্চ দিবং ব্রজ॥ 14-92-85 (95173)
ইত্যুক্তবাক্যে ধর্মে তু যানমারুদ্য স দ্বিজঃ।
সদারঃ সসুতশ্চৈব সস্নুষশ্চ দিবং গতঃ॥ 14-92-86 (95174)
তস্মিন্বিপরে গতে স্বর্গং সসুতে সস্নুষে তদা।
ভার্যাচতুর্থে ধর্মজ্ঞে ততোঽহং নিঃসৃতো বিলাৎ॥ 14-92-87 (95175)
ততস্তু সক্তুগন্ধেন ক্লেদেন সলিলস্য চ।
দিব্যপুষ্পবিমর্দাচ্চ সাধোর্দানলবৈশ্চ তৈঃ॥ 14-92-88 (95176)
বিপ্রস্য তপসা তস্য শিরো মে কাঞ্চনীকৃতম্।
তস্য সত্যাভিসন্ধস্য সক্তুদানেন চৈব হ॥ 14-92-89 (95177)
শরীরার্ধং চ মে বিপ্রাঃ শাতকুংভময়ং কৃতম্।
পশ্যতেমং সুবিপুলং তপসা তস্য ধীমতঃ॥ 14-92-90 (95178)
কথমেবংবিধং স্যাদ্বৈ পার্শ্বমন্যদিতি দ্বিজাঃ।
তপোবনানি যজ্ঞাংশ্চ হৃষ্টোঽভ্যোমি পুনঃ পুনঃ। 14-92-91 (95179)
যজ্ঞং ৎবহমিমং শ্রুৎবা রুরুরাজস্য ধীমতঃ।
আশয়া পরয়া প্রাপ্তো ন চাহং কাঞ্চনীকৃতঃ॥ 14-92-92 (95180)
ততো ময়োক্তং তদ্বাক্যং প্রহস্য ব্রাহ্মণর্ষভাঃ।
সক্তুপ্রস্থেন যজ্ঞোঽয়ং সংমিতো নেতি সর্বথা॥ 14-92-93 (95181)
সক্তুপ্রস্থলবৈস্তৈর্হি তদাঽহং কাঞ্চনীকৃতঃ।
ন হি যজ্ঞো মহানেষ সদৃশস্তৈর্মতো মম॥ 14-92-94 (95182)
ইত্যুক্ৎবা নকুলঃ সর্বান্যজ্ঞে দ্বিজবরাংস্তদা।
জগামাদর্সনং তেষাং বিপ্রাস্তে চ যয়ুর্গৃহান্॥ 14-92-95 (95183)
এতত্তে সর্বমাখ্যাতং ময়া পরপুরংজয়।
যদাশ্চর্যমভূত্তত্র বাচিমেধে মহাক্রতৌ॥ 14-92-96 (95184)
ন বিস্ময়স্তে নৃপতে যজ্ঞে কার্যঃ কথঞ্চন।
ঋষিকোটিসহস্রাণি তপোভির্যে দিবং গতাঃ॥ 14-92-97 (95185)
অদ্রোহঃ সর্বভূতেষু সংতোষঃ শীলমার্জবম্।
তপো দমশ্চ সত্যং চ প্রদানং চেতি সংমিতম্॥ ॥ 14-92-98 (95186)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি দ্বিনবতিতমোঽধ্যায়ঃ॥ 92 ॥
Mahabharata - Ashvamedhika Parva - Chapter Footnotes
7-92-2 কপোতবদেকৈকং কণমাদত্তে স কাপোতিঃ॥ 7-92-8 উংছং কণশ আদানং কর্তুমিতি শেষঃ। শুক্লস্য জ্যেষ্ঠস্য পক্ষে॥ 7-92-56 অবেক্ষ্যা পালনীয়া। চিন্ত্যা পরীক্ষণীয়া॥ 7-92-58 হে বরে শ্রেষ্ঠে মহাভাগে ৎবাং ধর্মভৃতাং মধ্যে গণয়িৎবা সক্তূন্ গ্রহীষ্যামীত্যন্বয়ঃ॥ 7-92-84 তারিতো হি ৎবয়েতি ঝ.পাঠঃ॥আশ্বমেধিকপর্ব - অধ্যায় 093
॥ শ্রীঃ ॥
14.93. অধ্যায়ঃ 093
Mahabharata - Ashvamedhika Parva - Chapter Topics
জনমেজয়েন নকুলেন যজ্ঞনিন্দাকারণং পৃষ্টেন বৈশম্পায়নেন তংপ্রতি সত্যদানতপোভিরেব স্বর্গাদিসিদ্ধৌ পশুহিংসাহেতুয়জ্ঞস্য নাতিপ্রশস্ততরৎবমিতি নকুলাভিপ্রায়বর্ণনম্॥ 1 ॥Mahabharata - Ashvamedhika Parva - Chapter Text
জনমেজয় উবাচ।
যজ্ঞে সক্তা নৃপতয়স্তপঃসকা মহর্ষয়ঃ।
শান্তিব্যবস্থিতা বিপ্রাঃ শমে দম ইতি প্রভো॥ 14-93-1 (95187)
তস্মাদ্যজ্ঞফলৈস্তুল্যং ন কিঞ্চিদিহ দৃশ্যতে।
ইতি মে বর্ততে বুদ্ধিস্তথা চৈতদসংশয়ম্॥ 14-93-2 (95188)
যজ্ঞৈরিষ্ট্বা তু বহবো রাজানো দ্বিজসত্তমাঃ।
ইহ কীর্তি পরাং প্রাপ্য প্রেত্য স্বর্গমিতো গতাঃ॥ 14-93-3 (95189)
দেবরাজঃ সহস্রাক্ষঃ ক্রতুভির্ভূরিদক্ষিণৈঃ।
দেবরাজ্যং মহাতেজাঃক প্রাপ্তবানখিলং বিভুঃ॥ 14-93-4 (95190)
অতো যুধিষ্ঠিরো রাজা ভীমার্জুনপুরঃসরঃ।
সদৃশো দেবরাজেন সমৃদ্ধ্যা বিক্রমেণ চ॥ 14-93-5 (95191)
অথ কস্মাৎস নকুলো গর্হয়ামাস তং ক্রতুম্।
অশ্বমেধং মহায়জ্ঞং রাজ্ঞস্তস্য মহাত্মনঃ॥ 14-93-6 (95192)
বৈশম্পায়ন উবাচ। 14-93-7x (7931)
যজ্ঞস্য বিধিমগ্র্যং বৈ ফলং চাপি নরাধিপ।
গদতঃ শৃণু মে রাজন্যথাবদিহ ভারত॥ 14-93-7 (95193)
পুরা শক্রস্য যজতঃ সর্ব ঊচুর্মহর্ষয়ঃ।
ঋৎবিক্ষু কর্মব্যগ্রেষু বিততে যজ্ঞকর্মণি॥ 14-93-8 (95194)
হূয়মানে তথা বহ্নৌ হোত্রা গুণসমন্বিতে।
দেবষ্বাহূয়মানেষু স্থিতেষু পরমর্ষিষু॥ 14-93-9 (95195)
সুপ্রতীতৈস্তথা বিপ্রৈঃ স্বাগমৈঃ সুস্বরৈর্নৃপ।
অশ্রান্তৈশ্চাপি লঘুভিরধ্বর্যুবৃষভৈস্তথা॥ 14-93-10 (95196)
আলম্ভসময়ে তস্মিন্গৃহীতেষু পশুষ্বথ।
মহর্ষয়ো মহারাজ বভূবুঃ কৃপয়াঽন্বিতাঃ॥ 14-93-11 (95197)
ততো দীনান্পশূন্দৃষ্ট্বা ঋষয়স্তে তপোধনাঃ।
ঊচুঃ শক্রং সমাগম্য নায়ং যজ্ঞবিধিঃ শুভঃ॥ 14-93-12 (95198)
অপরিজ্ঞানমেতত্তে মহান্তং ধর্মমিচ্ছতঃ।
সন্তি যজ্ঞে বহুগুণা বিধিদৃষ্টাঃ পুরংদর॥ 14-93-13 (95199)
ধর্মোপঘাতকস্ৎবেষ সমারংভস্তব প্রভো।
নায়ং ধর্মকৃতো যজ্ঞো ন হিংসা ধর্ম উচ্যতে॥ 14-93-14 (95200)
আগমেনৈব তে যজ্ঞং কুর্বন্তু যদি চেচ্ছসি।
বিধিদৃষ্টেন যজ্ঞেন ধর্মস্তে সুমহান্ভবেৎ॥ 14-93-15 (95201)
যজ্ঞং বীজৈঃ সহস্রাক্ষ ত্রিবর্ষপরমোষিতেঃ।
এষ ধর্মো মহাঞ্শক্র চিন্তয়ানোসি গম্যতে॥ 14-93-16 (95202)
শতক্রতুস্তু তদ্বাক্যমৃষিভিস্তত্ৎবদর্শিভিঃ।
উক্তং ন প্রতিজগ্রাহ মানমোহবশং গতঃ॥ 14-93-17 (95203)
তেষাং বিবাদঃ সুমহাঞ্শক্রয়জ্ঞে তপস্বিনাম্।
জঙ্গমৈঃ স্থাবরৈর্বাঽপি যষ্টব্যমিতি ভারত॥ 14-93-18 (95204)
তে তু খিন্না বিবাদেন ঋষয়স্তত্ৎবদর্শিনঃ।
অভিসংধায় শক্রেণ পপ্রচ্ছুর্নৃপতিং বসুম্॥ 14-93-19 (95205)
ধর্মসংশয়মাপন্নান্সত্যং ব্রূহি মহামতে।
মহাভাগ কথং যজ্ঞেষ্বাগমো নৃপসত্তম।
যষ্টব্যং পশুভির্মেধ্যৈরথো বীজৈরজৈরিতি॥ 14-93-20 (95206)
তচ্ছ্রুৎবা তু বসুস্তেষামবিচার্য বলাবলম্।
যথোপনীতৈর্যষ্টব্যমিতি প্রোবাচ পার্থিবঃ॥ 14-93-21 (95207)
এবমুক্ৎবা স নৃপতিঃ প্রবিবেশ রসাতলম্।
উক্ৎবেহ বিতথং রাজংশ্চেদীনামীশ্বরঃ প্রভুঃ॥ 14-93-22 (95208)
তস্মান্নি বাচ্যং হ্যেকেন বহুজ্ঞেনাপি সংশয়ে।
প্রজাপতিমপাহায় স্বয়ংভুবমৃতে প্রভুম্॥ 14-93-23 (95209)
তেন দত্তানি দানানি পাপেনাশুদ্ধবুদ্ধিনা।
তানি সর্বাণ্যনাদৃত্য নশ্যন্তি বিপুলান্যপি॥ 14-93-24 (95210)
তস্যাধর্মপ্রবৃত্তস্য হিংসকস্য দুরাত্মনঃ।
দানেন কীর্তির্ভবতি ন প্রেত্যেহ চ দুর্মতেঃ॥ 14-93-25 (95211)
অন্যায়োপগতং দ্রব্যমভীক্ষ্ণং যো হ্যপণ্ডিতঃ।
ধর্মাভিকাঙ্ক্ষী ত্যজতি ন স ধর্মফলং লভেৎ॥ 14-93-26 (95212)
ধর্মবৈতংসিকো যস্তু পাপাত্মা পুরুষাধমঃ।
দদাতি দানং বিপ্রেভ্যো লোকবিশ্বাসকারণম্॥ 14-93-27 (95213)
পাপেন কর্মণা বিপ্রো ধনং প্রাপ্য নিরঙ্কুশঃ।
রাগমোহান্বিতঃ সোন্তে কলুষাং গতিমশ্নুতে॥ 14-93-28 (95214)
অপি সংচয়বুদ্ধির্হি লোভমোহবশং গতঃ।
যজ্ঞং করোতি ভূতানি পাপেনাশুদ্ধবুদ্ধিনা॥ 14-93-29 (95215)
এবং লব্ধ্বা ধনং মোহাদ্যো হি দদ্যাদ্যজেত বা।
ন তস্য স ফলং প্রেত্য ভুংক্তে পাপধনাগমাৎ॥ 14-93-30 (95216)
উঞ্ছং মূলং ফলং শাকমুদপাত্রং তপোধনাঃ।
দানং বিভবতো দত্ৎবা নরাঃ স্বর্যান্তি ধার্মিকাঃ॥ 14-93-31 (95217)
এষ ধর্মো মহায়োগো দানং ভূতদয়া তথা।
ব্রহ্মচর্যং তথা সত্যমনুক্রোশো ধৃতিঃ ক্ষমা॥ 14-93-32 (95218)
সনাতনস্য ধর্মস্য ফলমেতৎসনাতনম্।
শ্রূয়ন্তে হি পুরাবৃত্তা বিশ্বামিত্রাদয়ো নৃপাঃ॥ 14-93-33 (95219)
বিশ্বামিত্রোসিতশ্চৈবং জনসশ্চ মহীপতিঃ।
কক্ষসেনার্ষ্টিসেনৌ চ সিন্ধুদ্বীপশ্চ পার্থিবঃ॥ 14-93-34 (95220)
এতে চান্যে চ বহবঃ সিদ্ধিং পরমিকাং গতাঃ।
নৃপাঃ সত্যৈশ্চ দানৈশ্চ ন্যায়লব্ধৈস্তপোধনাঃ॥ 14-93-35 (95221)
ব্রাহ্মণাঃ ক্ষত্রিয়া বৈশ্যাঃ শূদ্রা যে চাশ্রিতাস্তপঃ।
দানধর্মাগ্নিনা শুদ্ধাস্তে স্বর্গং যান্তি ভারত॥ 14-93-36 (95222)
॥ ইতী শ্রীমন্মহাভারতে আশ্বমেধিকপর্বণি অনুগীতাপর্বণি ত্রিনবতিতমোঽধ্যায়ঃ॥ 93 ॥
Mahabharata - Ashvamedhika Parva - Chapter Footnotes
7-93-13 নহি যজ্ঞে পশুগণাঃ ইতি ঝ.পাঠঃ॥ 7-93-16 ত্রিবর্ষপরমোষিতৈঃ পুরাণৈঃ॥ 7-93-20 বীজৈ রসৈরিতি ঝ. পাঠঃ॥আশ্বমেধিকপর্ব - অধ্যায় 094
॥ শ্রীঃ ॥
14.94. অধ্যায়ঃ 094
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
বৈশম্পায়নেন জনমেজয়ংপ্রতি পশুহিংসাং বিনৈব ধ্যানদানাদিভিরেব যজ্ঞফলসংসিদ্ধৌ দৃষ্টান্ততয়াঽগস্ত্যযজ্ঞপ্রকারকথনম্॥ 1 ॥Mahabharata - Ashvamedhika Parva - Chapter Text
জনমেজয় উবাচ।
ধর্মাগতেন ত্যাগেন ভগবন্সর্বমস্তি চেৎ।
এতন্মে সর্বমাচক্ষ্ব কুশলো হ্যসি ভাষিতুম্॥ 14-94-1 (95223)
তস্যোঞ্ছবৃত্তের্যদ্বৃত্তং সক্তুদানে ফলং মহৎ।
কথিতং তু মম ব্রহ্মংস্তথ্যমেতদসংশয়ম্॥ 14-94-2 (95224)
কথং হি সর্বয়জ্ঞেষু নিশ্চয়ঃ পরমো ভবেৎ।
এতদর্হসি মে বক্তুং নিখিলেন দ্বিজর্ষভ॥ 14-94-3 (95225)
বৈশম্পায়ন উবাচ। 14-94-4x (7932)
অত্রাপ্যুদাহরন্তীমমিতিহাসং পুরাতনম্।
অগস্ত্যস্য মহায়জ্ঞে পুরাবৃত্তমরিংদম॥ 14-94-4 (95226)
পুরাঽগস্ত্যো মহাতেজা দীক্ষাং দ্বাদশবার্ষিকীম্।
প্রবিবেশ মহারাজ সর্বভূতহিতে রতঃ॥ 14-94-5 (95227)
তত্রাগ্নিকল্পা হোতার আসন্সত্রে মহাত্মনঃ।
মূলাহারাঃ ফলাহারাশ্চাশ্মকুট্টা মরীচিপাঃ॥ 14-94-6 (95228)
পরিপৃষ্টিকা বৈঘসিকাঃ প্রসঙ্খ্যানাস্তথৈব চ।
যতয়ো ভিক্ষবশ্চাত্র বভূবুঃ পর্যবস্থিতাঃ॥ 14-94-7 (95229)
সর্বে প্রত্যক্ষধর্মাণো জিতক্রোধা জিতেন্দ্রিয়াঃ।
দমে স্থিতাশ্চ সর্বে তে হিংসাদংভবিবর্জিতাঃ॥ 14-94-8 (95230)
বৃত্তে শুদ্ধে স্থিতা নিত্যমিন্দ্রিয়ৈশ্চাপ্যবাধিতাঃ।
উপাতিষ্ঠন্ত তং যজ্ঞং যজন্তস্তে মহর্ষয়ঃ॥ 14-94-9 (95231)
যথাশক্ত্যা ভগবতা তদন্নং সমুপার্জিতম্।
তস্মিন্সত্রে তু যদ্বৃত্তং যদ্যোগ্যং চ তদাঽভবৎ॥ 14-94-10 (95232)
তথা হ্যনেকৈর্মুনিভির্মহান্তঃ ক্রতবঃ কৃতাঃ।
এবংবিধে ৎবগস্ত্যস্য বর্তমানে তথাঽধ্বরে।
ন ববর্ষ সহস্রাক্ষস্তদা ভরতসত্তম॥ 14-94-11 (95233)
ততঃ কর্মান্তরে রাজন্নগস্ত্যস্য মহাত্মনঃ।
কথেয়মভিনির্বৃত্তা মুনীনাং ভাবিতাত্মনাম্॥ 14-94-12 (95234)
অগস্ত্যো যজমানোসৌ দদাত্যন্নং বিমৎসরঃ।
ন চ বর্ষতি পর্জন্যঃ কথমন্নং ভবিষ্যতি॥ 14-94-13 (95235)
সত্রং চেদং মহদ্বিপ্রা মুনের্দ্বাদশবার্ষিকম্।
ন বর্ষিষ্যতি দেবশ্চ বর্ষাণ্যেতানি দ্বাদশ॥ 14-94-14 (95236)
এতদ্ভবন্তঃ সংচিন্ত্য মহর্ষেরস্য ধীমতঃ।
অগস্ত্যস্যাতিতপসঃ কর্তুমর্হন্ত্যনুগ্রহম্॥ 14-94-15 (95237)
ইত্যেবমুক্তে বচনে ততোঽগস্ত্যঃ প্রতাপবান্।
প্রোবাচ বাক্যং স তদা প্রসাদ্য শিরসা মুনীন্॥ 14-94-16 (95238)
যদি দ্বাদশবর্ষাণি ন বর্ষিষ্যতি বাসবঃ।
চিন্তায়জ্ঞং করিষ্যামি বিধিরেষ সনাতনঃ॥ 14-94-17 (95239)
যদি দ্বাদশবর্ষাণি ন বর্ষিষ্যতি বাসবঃ।
স্পর্শয়জ্ঞং করিষ্যামি বিধিরেষ সনাতনঃ॥ 14-94-18 (95240)
যদি দ্বাদশবর্ষাণি ন বর্ষিষ্যতি বাসবঃ।
ব্যায়ামেনাহরিষ্যামি যজ্ঞানেতান্যতব্রতঃ॥ 14-94-19 (95241)
বীজয়জ্ঞো ময়াঽয়ং বৈ বহুবর্ষসমাচিতঃ।
বীজৈর্হিতং করিষ্যামি নাত্র বিঘ্নো ভবিষ্যতি॥ 14-94-20 (95242)
নেদং শক্যং বৃথা কর্তুং মম সত্রং কথঞ্চন।
বর্ষিষ্যতীহ বা দেবো নবা বর্ষং ভবিষ্যতি॥ 14-94-21 (95243)
অথবাঽভ্যর্থনামিন্দ্রো ন করিষ্যতি কামতঃ।
স্বয়মিন্দ্রো ভবিষ্যামি জীবয়িষ্যামি চ প্রজাঃ॥ 14-94-22 (95244)
যো যদাহারজাতশ্চ স তথৈব ভবিষ্যতি।
বিশেষং চৈব কর্তাস্মি পুনঃ পুনরতীব হি॥ 14-94-23 (95245)
অদ্যেহ স্বর্ণমভ্যেতু যচ্চান্যদ্বসু দুর্লভম্।
ত্রিষু লোকেষু যচ্চাস্তি তদিহাগম্যতাং স্বয়ম্॥ 14-94-24 (95246)
দিব্যাশ্চাপ্সরসাং সঙ্ঘা গন্ধর্বাশ্চ সকিন্নরাঃ।
বিশ্বাবসুশ্চ যে চান্যে তেঽপ্যুপাসন্তু মে মখম্॥ 14-94-25 (95247)
উত্তরেভ্যঃ কুরুভ্যশ্চ যৎকিংচিদ্বসু বিদ্যতে।
সর্বং তদিহ যজ্ঞেষু স্বয়মেবোপতিষ্ঠতু॥ 14-94-26 (95248)
স্বর্গঃ স্বর্গসদশ্চৈবক ধর্মশ্চ স্বয়মেব তু।
ইত্যুক্তে সর্বমেবৈতদভবত্তপসা মুনেঃ।
তস্য দীপ্তাগ্নিমহসস্ৎবগস্ত্যস্যাতিতেজসঃ॥ 14-94-27 (95249)
ততস্তে মুনয়ো হৃষ্টা দদৃশুস্তপসো বলম্।
বিস্মিতা বচনং প্রাহুরিদং সর্বে মহার্থবৎ॥ 14-94-28 (95250)
প্রীতাঃ স্ম তব বাক্যেন ন ৎবিচ্ছামস্তপোবনম্।
তৈরেব যজ্ঞৈস্তুষ্টাঃ স্য ন্যায়েনেচ্ছামহে বয়ম্॥ 14-94-29 (95251)
যজ্ঞং দীক্ষাং তথা হোমান্যচ্চান্যন্মৃগয়ামহে।
`তয়োস্সংধর্ষিতৈর্যজ্ঞৈর্নান্যতো মৃগয়ামহে॥' 14-94-30 (95252)
ন্যায়েনোপার্জিতাহারাঃ স্বকর্মাভিরতা বয়ম্।
বেদাংশ্চ ব্রহ্মচর্যেণ ন্যায়তঃ প্রার্থয়ামহে॥ 14-94-31 (95253)
ন্যায়েনোত্তরকালং চ গৃহেভ্যো নিঃসৃতা বয়ম্।
ধর্মদৃষ্টৈর্বিধিদ্বারৈস্তপস্তপ্স্যামহে বয়ম্॥ 14-94-32 (95254)
ভবতঃ সম্যগিষ্টা তু বুদ্ধির্হিসাবিবর্জিতা।
এতামহিংসা যজ্ঞেষু ব্রূয়াস্ৎবং সততং প্রভো॥ 14-94-33 (95255)
প্রীতাস্ততো ভবিষ্যামো বয়ং তু দ্বিজসত্তম।
বিসর্জিতাঃ সমাপ্তৌ চ সত্রাদস্মাদ্ব্রজামহে॥ 14-94-34 (95256)
তথা কথয়তাং তেষাং দেবরাজঃ পুরংদরঃ।
ববর্ষ সুমহাতেজা দৃষ্ট্বা তস্য তপোবলম্॥ 14-94-35 (95257)
আসমাপ্তেশ্চ যজ্ঞস্য তস্যামিতপরাক্রমঃ।
নিকামবর্ষী পর্জন্যো বভূব জনমেজয়॥ 14-94-36 (95258)
প্রসাদয়ামাস চ তমগস্ত্যং ত্রিদশেশ্বরঃ।
স্বয়মভ্যেত্য রাজর্ষে পুরস্কৃত্য বৃহস্পতিম্॥ 14-94-37 (95259)
ততো যজ্ঞসমাপ্তৌ তান্বিসসর্জ মহামুনীন্।
অগস্ত্যঃ পরমপ্রীতঃ পূজয়িৎবা যথাবিধি॥ ॥ 14-94-38 (95260)
ইতি শ্রীমন্মহাভারতে আশ্বমেধিকপর্বণি অনুগীতাপর্বি চতুর্নবতিতমোঽধ্যায়ঃ॥ 94 ॥
Mahabharata - Ashvamedhika Parva - Chapter Footnotes
7-94-6 মরীচিপাশ্চন্দ্রমরীচিপানমাতৃপ্তাঃ॥ 7-94-7 পরিপৃষ্টং চেদেব গৃহ্ণন্তি নান্যথা মে পরিপৃষ্টিকাঃ। প্রসংখ্যানাস্তৎকালমাত্রসংগ্রহাঃ॥ 7-94-17 চিন্তায়জ্ঞং মানসং যজ্ঞম্। সংকল্পমাত্রেণৈব দেবানৃষীশ্চ তর্পয়িষ্যামীত্যর্থ॥ 7-94-18 স্পর্শয়জ্ঞং উপাহৃতদ্রব্যস্য ব্যযমকৃৎবা তৎস্পর্শেনৈব তাংস্তর্পয়িষ্যামি। এবং দৃষ্টিয়জ্ঞোপি জ্ঞেয়ঃ॥ 7-94-19 ব্যায়ামেন শরীরক্লেশেন। ধ্যেয়াত্মনা হরিষ্যামি হতি ঝ.পাঠঃ॥ 7-94-29 ন ৎবিচ্ছামস্তপোব্যযমিতি ঝ.পাঠঃ॥আশ্বমেধিকপর্ব - অধ্যায় 095
॥ শ্রীঃ ॥
14.95. অধ্যায়ঃ 095
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
বৈশম্পায়নেন জনমেজয়ংপ্রতি নকুলস্য নিজস্বরূপকথনপূর্বকং তস্য নকুলৎবপ্রাপ্তিবিমোক্ষকারণাভিধানম্॥ 1 ॥Mahabharata - Ashvamedhika Parva - Chapter Text
নমেজয় উবাচ।
কোসৌ নকুলরূপেণ শিরসা কাঞ্চনেন বৈ।
প্রাহ মানুষবদ্বাচমেতৎপৃষ্টো বদস্ব মে॥ 14-95-1 (95261)
বৈশম্পায়ন উবাচ। 14-95-2x (7933)
এতৎপূর্বং ন পৃষ্টোঽহং ন চাস্মাভিঃ প্রভাষিতম্।
শ্রূয়তাং নকুলো যোসৌ যথা বাক্তস্য মানুষী॥ 14-95-2 (95262)
শ্রাদ্ধং সংকল্পয়ামাস জমদগ্নিঃ পুরা কিল।
হোমধেনুস্তমাগাচ্চ স্বয়মেব দুদোহ তাম্॥ 14-95-3 (95263)
তৎপয়ঃ স্থপয়ামাস নবে ভাণ্ডে দৃঢে শুচৌ।
ক্রোধো নকুলরূপেণ পিঠরং পর্যকর্ষয়ৎ॥ 14-95-4 (95264)
জিজ্ঞাসুস্তমৃষিশ্রেষ্টং কিং কুর্যাদ্বিপ্রিয়ে কৃতে।
ইতি সঞ্চিন্ত্য দুর্মেধা ধর্ষয়ামাস তৎপয়ঃ॥ 14-95-5 (95265)
তমাজ্ঞায় মুনিঃ ক্রোধং নৈবাস্য স চুকোপ হ।
স তু ক্রোধস্ততো রাজন্ব্রাহ্মণীং মূর্তিমাস্থিতঃ॥ 14-95-6 (95266)
জিতোস্মীতি ভৃগুশ্রেষ্ঠ ভৃগবো হ্যতিরোষণাঃ।
লোকে মিথ্যাপ্রবাদোয়ং যত্ৎবয়াঽস্মি বিনির্জিতঃ॥ 14-95-7 (95267)
বশে স্থিতোঽহং ৎবয়্যহ্য ক্ষমাবতি মহাত্মনি।
বিভেমি তপসঃ সাধো প্রসাদং কুরু মে প্রভো॥ 14-95-8 (95268)
জমদগ্নিরুবাচ। 14-95-9x (7934)
সাক্ষাদ্দৃষ্টোসি মে ক্রধ গচ্ছ ৎবং বিগতজ্বরঃ।
ন ৎবয়াপকৃতং মেঽদ্য ন চ মে মন্যুরস্তি বৈ॥ 14-95-9 (95269)
যান্সমুদ্দিশ্য সংকল্পঃ পয়সোস্য কৃতো ময়া।
পিতরস্তে মহাভাগাস্তেভ্যো বুদ্ধ্যস্ব গম্যতাম্॥ 14-95-10 (95270)
ইত্যুক্তো জাতসংত্রাসস্তত্রৈবান্তরধীয়ত।
পিতৄণামভিষঙ্গাচ্চ নকুলৎবমুপাগতঃ॥ 14-95-11 (95271)
স তান্প্রসাদয়ামাস শাপস্যান্তো ভবেদিতি।
তৈশ্চাপ্যুক্তঃ ক্ষিপন্ধর্মং সাপস্যান্তমবাপ্স্যতি॥ 14-95-12 (95272)
তৈশ্চোক্তো যজ্ঞিয়ান্দেশান্ধর্মারণ্যং তথৈব চ।
জুগুপ্সমানো ধাবন্স তং যজ্ঞং সমুপাসদৎ॥ 14-95-13 (95273)
ধর্মপুত্রমথাক্ষিপ্য সক্তুপ্রস্থেন তেন সঃ।
মুক্তঃ সাপাত্ততঃ ক্রোধো ধর্মো হ্যাসীদ্যুধিষ্ঠিরঃ॥ 14-95-14 (95274)
এবমেতত্তদা বৃত্তং যজ্ঞে তস্য মহাত্মনঃ।
পশ্যতাং চাপি নস্তত্র নকুলোঽন্তর্হিতস্তদা। ॥ 14-95-15 (95275)
ইতি শ্রীমন্মহাভারতে আশ্বমেধিকপর্বণি অনুগীতাপর্বণি পঞ্চনবতিতমোঽধ্যায়ঃ॥ 95 ॥ সমাপ্তমনুগীতাপর্ব। -------
Mahabharata - Ashvamedhika Parva - Chapter Footnotes
7-95-4 পিঠরং পাত্রং। তৎপয়ঃ পীতবানিত্যর্থঃ। তচ্চ ক্রোধস্বরূপেণ পিঠরং ধর্ম আবিশদিতি ঝ. পাঠঃ॥আশ্বমেধিকপর্ব - অধ্যায় 096
॥ শ্রীঃ ॥
14.96. অধ্যায়ঃ 096
অথ বৈষ্ণবধর্মপর্ব ॥ 3 ॥
Mahabharata - Ashvamedhika Parva - Chapter Topics
যুধিষ্ঠিরেণ কৃষ্ণংপ্রতি বৈষ্ণবধর্মপ্রশংসনপূর্বকং তৎকথনপ্রার্থনা॥ 1 ॥ বসিষ্ঠাদিভিস্তচ্ছুশ্রূষয়া তৎসমীপোপসর্পণম্॥ 2 ॥ কৃষ্ণেন যুধিষ্ঠিরাদীন্প্রতি বৈষ্ণবধর্মপ্রশংসনপূর্বকং স্বমহিমানুবোধনম্॥ 3 ॥Mahabharata - Ashvamedhika Parva - Chapter Text
জনমেজয় উবাচ।
অশ্বমেধে পুরাবৃত্তে কেশবং কেশিসূদনম্।
ধর্মসংশয়মুদ্দিশ্য কিমপৃচ্ছৎপিতামহঃ॥ 14-96-1 (95276)
বৈশম্পায়ন উবাচ। 14-96-2x (7935)
পশ্চিমেনাশ্বমেধেন যদা স্নাতো যুধিষ্ঠিরঃ।
তদা রাজা নমস্কৃত্য কেশবং পুনরব্রবীৎ॥ 14-96-2 (95277)
ভববন্বৈষ্ণবা ধর্মাঃ কিংফলাঃ কিংপরায়ণাঃ।
কিং ধর্মমধিকৃত্যাথ ভবতোৎপাদিতাঃ পুরা॥ 14-96-3 (95278)
যদি তেহমনুগ্রাহ্যঃ প্রিয়োস্মি মধুসূদন।
শ্রোতব্যা যদি মে কৃষ্ণ তন্মে কথয় সুব্রত॥ 14-96-4 (95279)
পবিত্রা কিল তে ধর্মাঃ সর্বপাপপ্রণাশনাঃ।
সর্বধর্মোত্তমাঃ পুণ্যা ভগবংস্ৎবন্মুখোদ্গতাঃ॥ 14-96-5 (95280)
যাঞ্শ্রুৎবা ব্রহ্মহা গোঘ্নো মাতৃহা গুরুতল্পগঃ।
পাকর্ভেদী কৃতঘ্নশ্চ সুরাপো ব্রহ্মবিক্রয়ী॥ 14-96-6 (95281)
মিত্রবিশ্বাসঘাতী চ বীরহা ভ্রূণহা তথা।
তপোবিক্রয়িণশ্চৈব দানবিক্রয়িণস্তথা॥ 14-96-7 (95282)
আত্মবিক্রময়িণো মূঢা জীবেদ্যশ্চ বিকর্মভিঃ।
পাপাঃ শঠা নৈকৃতিকা ডাংভিকা দূষকাস্তথা॥ 14-96-8 (95283)
রসভেদকরা যে চ যে চ স্যুর্ব্রহ্মঘাতকাঃ।
শূদ্রপ্রেষ্যকরাশ্চোরা বিপ্রা যে চ পুরোহিতাঃ॥ 14-96-9 (95284)
নিক্ষেপহারিণঃ স্ত্রীঘ্নাস্তথা যে পারদারিকাঃ।
এতে চান্যে চ পাপা যে মুচ্যন্তেতেঽপি কিল্বিষাৎ॥ 14-96-10 (95285)
তানাচক্ষ্ব সুরশ্রেষ্ঠ ৎবদ্ভক্তস্য মমাচ্যুত॥ 14-96-11 (95286)
বৈশম্পায়ন উবাচ। 14-96-12x (7936)
ইত্যেবং কথিতে দেবে ধর্মপুত্রেণ সংসদি।
বসিষ্ঠাদ্যাস্তপোয়ুক্তা মুনয়স্তৎবদর্শিনঃ॥ 14-96-12 (95287)
শ্রোতুকামাঃ পরং গুহ্যং বৈষ্ণবং ধর্মমুত্তমম্।
তথা ভাগবতাশ্চৈব ততস্তং পর্যবারয়ন্॥ 14-96-13 (95288)
যুধিষ্ঠির উবাচ। 14-96-14x (7937)
তৎবতস্তব ভাবেন পাদমূলমুপাগতম্।
যদি জানাসি মাং ভক্তং স্নিগ্ধং বা ভক্তবৎসল॥ 14-96-14 (95289)
ধর্মগুহ্যানি সর্বাণি বেত্তুমিচ্ছামি তৎবতঃ।
ধর্মান্কথয় মে দেব যদ্যনুগ্রহভাগহম্॥ 14-96-15 (95290)
শ্রুতা মে মানবা ধর্মা বাসিষ্ঠাঃ কাশ্যপাস্তথা।
গার্গীয়া গৌতমীয়াশ্চ তথা গোপালকস্য চ॥ 14-96-16 (95291)
পরাশরকৃতাঃ পূর্বা মৈত্রেয়স্য চ ধীমতঃ।
ঔমা মাহেশ্বরাশ্চৈব নন্দিধর্মাশ্চ পাবনাঃ॥ 14-96-17 (95292)
ব্রহ্মণা কথিতা যে চ কৌমারাশ্চ শ্রুতা ময়া।
ধূমায়নকৃতা ধর্মাঃ কাণ্ডবৈশ্বানরা অপি॥ 14-96-18 (95293)
ভার্গবা যাজ্ঞবল্ক্যাশ্চ মার্কণ্ডেয়কৃতা অপি।
ভারদ্বাজকৃতা যে চ বৃহস্পতিকৃতাশ্চ যে॥ 14-96-19 (95294)
কুণেশ্চ কুণিবাহোশ্চ বিশ্বামিত্রকৃতাশ্চ যে।
সুমন্তুজৈমিনিকৃতাঃ শাকুনেয়াস্তথৈব চ॥ 14-96-20 (95295)
পুলস্ত্যপুলহোদ্গীতাঃ পাবকীয়াস্তথৈব চ।
অগস্ত্যগীতা মৌদ্গল্যাঃ শাণ্ডিল্যাঃ শলভায়নাঃ॥ 14-96-21 (95296)
বালখিল্যকৃতা যে চ যে চ সপ্তর্ষিভিস্তথা।
আপস্তংবকৃতা ধর্মাঃ শঙ্খস্য লিখিতস্য চ॥ 14-96-22 (95297)
প্রাজাপত্যাস্তথা যাম্যা মাহেন্দ্রাশ্চ শ্রুতা ময়া।
বৈয়াঘ্রব্যাসকীয়াশ্চ বিভণ্ডককৃতাশ্চ যে॥ 14-96-23 (95298)
নারদীয়াঃ শ্রুতা ধর্মাঃ কাপোতাশ্চ শ্রুতা ময়া।
তথা বিদুরবাক্যানি ভৃগোরঙ্গিরসস্তথা॥ 14-96-24 (95299)
ক্রৌঞ্চা মৃদঙ্গগীতাশ্চ সৌর্যা হারীতকাশ্চ যে।
যে পিশঙ্গকৃতাশ্চাপি কাতপায়াঃ সুবালকাঃ॥ 14-96-25 (95300)
উদ্দালককৃতা ধর্মা ঔশনস্যাস্তথৈব চ।
বৈশম্পায়নগীতাশ্চ যে চান্যেঽপ্যেবমাদিতঃ॥ 14-96-26 (95301)
এতেভ্যঃ সর্বধর্মেভ্যো দেব ৎবন্মুখনিস্সৃতাঃ।
পাবনাৎবাৎপবিত্রৎবাদ্বিশিষ্টা ইতি মে মতিঃ॥ 14-96-27 (95302)
তস্মাদ্ধি ৎবাং প্রপন্নস্য ৎবদ্ভক্তস্য চ কেশব।
যুষ্মদীয়ান্বরান্ধর্মান্পুণ্যান্কথয় মেচ্যুত॥ 14-96-28 (95303)
বৈশম্পায়ন উবাচ। 14-96-29x (7938)
এবং পৃষ্টস্তু ধর্মজ্ঞো ধর্মপুত্রেণ কেশবঃ।
উবাচ ধর্মান্সূক্ষ্মার্থান্ধর্মপুত্রস্য হর্ষিতঃ॥ 14-96-29 (95304)
এবং তে যস্য কৌন্তেয় যত্নো ধর্মেষু সুব্রত।
তস্য তে দুর্লভো লোকে ন কশ্চিদপি বিদ্যেত॥ 14-96-30 (95305)
ধর্মঃ শ্রুতো বা দৃষ্টো বা কথিতো বা কৃতোপি বা।
অনুমোদিতো বা রাজেন্দ্র নয়তীন্দ্রপদং নরম্॥ 14-96-31 (95306)
ধর্মঃ পিতা চ মাতা চ ধর্মো নাথঃ সুহৃত্তথা।
ধর্মো ভ্রাতা সখা চৈব ধর্মঃ স্বামী পরংতপ॥ 14-96-32 (95307)
ধর্মাদর্থশ্চ কামশ্চ ধর্মাদ্ভোগাঃ সুখানি চ।
ধর্মার্দৈশ্বর্যমেবাগ্র্যং ধর্মাৎস্বর্গগতিঃ পরা॥ 14-96-33 (95308)
ধর্মোয়ং সেবিতঃ শুদ্ধস্ত্রায়তে মহতো ভয়াৎ।
ধর্মাদ্দ্বিজৎবং দেবৎবং ধর্মঃ পাবয়তে নরম্॥ 14-96-34 (95309)
যদা চ ক্ষীয়তে পাপং কালেন পুরুষস্য তু।
তদা সংজায়তে বুদ্ধির্ধর্মং কর্তুং যুধিষ্ঠির॥ 14-96-35 (95310)
জন্মান্তরসহস্রৈস্তু মনুষ্যৎবং হি দুর্লভম্।
তদ্গৎবাপীহ যো ধর্মং ন করোতি স্ববঞ্চিতঃ॥ 14-96-36 (95311)
কুৎসিতা যে দরিদ্রাশ্চ বিরূপা ব্যাধিতাস্তথা।
পরদ্বেষ্যাশ্চ মূর্খাশ্চ ন তৈর্ধর্মঃ কৃতঃ পুরা॥ 14-96-37 (95312)
যে চ দীর্ঘায়ুষঃ শূরাঃ পণ্ডিতা ভোগিনস্তথা॥
নীরোগা রূপসংপন্নাস্তৈর্ধর্মঃ সুকৃতঃ পুরা॥ 14-96-38 (95313)
এবং ধর্মঃ কৃতঃ শুদ্ধো নয়তে গতিমুত্তমাম্।
অধর্মং সেবতে যস্তু তির্যগ্যোন্যাং পতত্যসৌ॥ 14-96-39 (95314)
ইদং রহস্যং কৌন্তেয় শৃণু ধর্মমনুত্তমম্।
কথয়িষ্যে পরং ধর্মং তব ভক্তস্য পাণ্ডব॥ 14-96-40 (95315)
ইষ্টস্ৎবমসি মেঽত্যর্থং প্রপন্নশ্চাপি মাং সদা।
পরমার্থমপি ব্রূয়াং কিং পুনর্ধর্মসংহিতাম্॥ 14-96-41 (95316)
ইদং মে মানুষং জন্ম কৃতমাত্মনি মায়যা।
ধর্মসংস্থাপনার্থায় দুষ্টানাং নাশনায় চ॥ 14-96-42 (95317)
মানুষ্যং ভাবমাপন্নং যে মাং গৃহ্ণন্ত্যবজ্ঞয়া।
সংসারান্তর্হি তে মূঢাস্তির্যগ্যোনিষ্বনেকশঃ॥ 14-96-43 (95318)
যে চ মাং সর্বভূতস্থং পশ্যন্তি জ্ঞানচক্ষুষা।
মদ্ভক্তাংস্তান্সদা যুক্তান্মৎসমীপং নয়াম্যহম্॥ 14-96-44 (95319)
মদ্ভক্তা ন বিনশ্যন্তি মদ্ভক্তা বীতকল্মষাঃ।
মদ্ভাক্তানাং তু মানুষ্যে সফল জন্ম পাণ্ডবা॥ 14-96-45 (95320)
অপি পাপেষ্বভিরতা মদ্ভক্তাঃ পাণ্ডুনন্দন।
মুচ্যন্তে পাতকৈঃ সর্বৈঃ পদ্মপত্রমিবাংভসা॥ 14-96-46 (95321)
জন্মান্তরসহস্রেষু তপসা ভাবিতাত্মনাম্।
ভক্তিরুৎপদ্যতে তাত মনুষ্যাণাং ন সংশয়ঃ॥ 14-96-47 (95322)
যচ্চ রূপং পরং গুহ্যং কূটস্তমচলং ধ্রুবম্।
ন দৃশ্যতে ততা দেবৈর্মদ্ভক্তৈর্দৃশ্যতে যথা॥ 14-96-48 (95323)
অপরং যচ্চ মে রূপং পর্রাদুর্ভাবেষু দৃশ্যতে।
তদর্চয়ন্তি সর্বার্থৈঃ সর্বভূতানি পাণ্ডব॥ 14-96-49 (95324)
কল্পকোটিসহস্রেষু ব্যতীতেষ্বাগতে চ।
দর্শয়ামীহ তদ্রূপং যচ্চ পশ্যন্তি মে সুরাঃ॥ 14-96-50 (95325)
স্তিত্যুৎপত্ত্যব্যযকরং যো মাং জ্ঞাৎবা প্রপদ্যতে।
অনুগৃহ্ণাম্যহং তং বৈ সংসারান্মোচয়ামি চ॥ 14-96-51 (95326)
অহমাদির্হি দেবানাং সৃষ্টা ব্রহ্মাদয়ো ময়া।
প্রকৃতিং স্বামবষ্টভ্য জগৎসর্বং সৃজাম্যহম্॥ 14-96-52 (95327)
তমোমূলোহমব্যক্তো রজোমধ্যে প্রতিষ্ঠিতঃ।
ঊর্ধ্বং সত্ৎবং বিনা লোভং ব্রহ্মাদিস্তংবপর্যতঃ॥ 14-96-53 (95328)
মূর্ধানং মে বিদ্ধি দিবং চন্দ্রাদিত্যৌ চ লোচনে।
গাবোগ্নির্বাহ্মণো বক্ত্রং মারুতঃ শ্বসনং চ মে॥ 14-96-54 (95329)
দিশো মে বাহবশ্চাষ্টৌ নক্ষত্রাণি চ ভূষণম্।
অন্তরিক্ষমুরো বিদ্ধি সর্বভূতাবকাশকম্।
মার্গো মেঘানিলাভ্যাং তু যন্মমোদরমব্যযম্॥ 14-96-55 (95330)
পৃথিবীমণ্ডলং যদ্বৈ দ্বীপার্ণবনগৈর্যুতম্।
সর্বসংধারণোপেতং পাদৌ মম যুধিষ্ঠির॥ 14-96-56 (95331)
স্থিতো হ্যেকগুণঃ খেঽহং দ্বিগুণশ্চাস্মি মারুতে।
ত্রিগুণোগ্নৌ স্থিতোহং বৈ সলিলে চ চতুর্গুণঃ॥ 14-96-57 (95332)
শব্দাদ্যা যে গুণাঃ পঞ্চ মহাভূতেষু পঞ্চসু।
তন্মাত্রাসংস্থিতঃ সোহং পৃথিব্যাং পঞ্চধাস্থিতঃ॥ 14-96-58 (95333)
অহং সহস্রসীর্ষস্তু সহস্রবদনেক্ষণঃ।
সহস্রবাহূদরধৃক্সহস্রোরুঃ সহস্রপাৎ॥ 14-96-59 (95334)
ধৃৎবোর্বীং সর্বতঃ সম্যগত্যতিষ্ঠং দশাংগুলম্।
সর্বভূতাত্মভূতস্থঃ সর্বব্যাপী ততোস্ম্যহম্॥ 14-96-60 (95335)
অচিন্ত্যোহমনন্তোহমজরোহমজো হ্যহম্।
অনাদ্যোঽহমবধ্যোহমপ্রমেয়োহমব্যযঃ॥ 14-96-61 (95336)
নির্গুণোহং নিগূঢাত্মা নির্দ্বন্দ্বো নির্মমো নৃপ।
নিষ্কলো নির্বিকারোহং নিদানমমৃতস্য তু॥ 14-96-62 (95337)
সুধা চাহং স্বধা চাহং স্বাহা চাহং নরাধিপ।
তেজসা তপসা চাহং ভূতগ্রামং চতুর্বিধম্॥ 14-96-63 (95338)
স্নেহপাশৈর্গুণবদ্ধ্বা ধারয়াম্যাত্মমায়যা।
চাতুরাশ্রমধর্মেহং চাতুর্হোত্রফলাশনঃ।
চতুর্মূর্তিশ্চতুর্যজ্ঞশ্চতুরাশ্রমভাবনঃ॥ 14-96-64 (95339)
সংহৃত্যাহং জগৎসর্বং কৃৎবা বৈ গর্ভমাত্মনঃ।
শয়ামি দিব্যযোগেন প্রলয়েষু যুধিষ্ঠির॥ 14-96-65 (95340)
সহস্রয়ুগপর্যন্তাং ব্রাহ্মীং রাত্রিং মহার্ণবে।
স্থিৎবা সৃজামি ভূতানি জঙ্গমানি স্থিরাণি চ॥ 14-96-66 (95341)
কল্পে কল্পে চ ভূতানি সংহরামি সৃজামি চ।
ন চ মাং তানি জানন্তি মায়যা মোহিতানি মে॥ 14-96-67 (95342)
মম চৈবান্ধকারস্য মার্গিতব্যস্য নিত্যশঃ।
প্রশান্তস্যেব দীপস্য গতির্নৈপোপলভ্যতে॥ 14-96-68 (95343)
ন তদস্তি ক্বচিদ্রাজন্যত্রাহং ন প্রতিষ্ঠিতঃ।
ন চ তদ্বিদ্যতে ভূতং ময়ি যন্ন প্রতিষ্ঠিতম্॥ 14-96-69 (95344)
যাবন্মিত্রং ভবেদ্ভূতং স্থূলং সূক্ষ্মমিদং জগৎ।
দীবভূতো হ্যহং তস্মিংস্তাবন্মাত্রং প্রতিষ্ঠিতঃ॥ 14-96-70 (95345)
কিংচাত্র বহুনোক্তেন সত্যমেতদ্ব্রবীমি তে।
যদ্ভূতং যদ্ভবিষ্যচ্চ তৎসর্বমহমেব তু॥ 14-96-71 (95346)
ময়া সৃষ্টানি ভূতানি মন্ময়ানি চ ভারত।
মামেব ন বিজানন্তি মায়যা মোহিতানি বৈ॥ 14-96-72 (95347)
এবং সর্বং জগদিদং সদেবাসুরমানুষম্।
মত্তঃ প্রভবতে রাজন্ময়্যেব প্রবিলীয়তে॥ ॥ 14-96-73 (95348)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি ষণ্ণবতিতমোঽধ্যায়ঃ॥ 96 ॥
Mahabharata - Ashvamedhika Parva - Chapter Footnotes
7-96-1x এতদারভ্যাপর্বসমাপ্তি বিদ্যমানাস্ত্রয়োবিংশত্যধ্যায়া দাক্ষিণাত্যকোশেষ্বেব দৃশ্যন্তে নৎবৌত্তরাহপাঠে। 7-96-2 পঞ্চমেনাশ্বমেধেনেতি ট.পাঠঃ॥ 7-96-18 শূদ্রায়নকৃতা ধর্মা ইতি ক.পাঠঃ॥ 7-96-23 বৈভীতককৃতাশ্চ যে ইতি ট.পাঠঃ॥ 7-96-31 রাজেন্দ্র পুনাতি হ নরং সদেতি ট.পাঠঃ॥আশ্বমেধিকপর্ব - অধ্যায় 097
॥ শ্রীঃ ॥
14.97. অধ্যায়ঃ 097
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি চাতুর্বর্ণ্যধর্মনিরূপণম্॥ 1 ॥Mahabharata - Ashvamedhika Parva - Chapter Text
বৈশম্পায়ন উবাচ।
এবমাত্মোদ্ভবং সর্বং যগদুদ্দিশ্য কেশবঃ।
ধর্মান্ধর্মাত্মজস্যাথ পুণ্যানকথয়ৎপ্রভুঃ॥ 14-97-1 (95349)
শৃণু পাণ্ডব তৎবেন পবিত্রং পাপনাশনম্।
কথ্যমানং ময়া পুণ্যং ধর্মশাস্ত্রফলং মহৎ॥ 14-97-2 (95350)
যঃ শৃণোতি শুচির্ভূৎবা একচিত্তস্তপোয়ুতঃ।
স্বর্গ্যং যশস্যামায়ুষ্যং ধর্মং জ্ঞেয়ং যুধিষ্ঠির॥ 14-97-3 (95351)
শ্রদ্দধানস্য তস্যেহ যৎপাপং পূর্বসংচিতম্।
বিনশ্যত্যাশু তৎসর্বং মদ্ভক্তস্য বিশেষতঃ॥ 14-97-4 (95352)
বৈশম্পায়ন উবাচ। 14-97-5x (7939)
এবং শ্রুৎবা বচঃ পুণ্যং সত্যং কেশবভাষিতম্।
প্রহৃষ্টমনসো ভূৎবা চিন্তয়ন্তোঽদ্ভুতং পরম্॥ 14-97-5 (95353)
দেবব্রহ্মর্ষয়ঃ সর্বে গন্ধর্বাপ্সরসস্তথা।
ভূতা যক্ষগ্রহাশ্চৈব গুহ্যকা ভুজগাস্তথা॥ 14-97-6 (95354)
বালখিল্যা মহাত্মানো যোগিনস্তৎবদর্শিনঃ।
তথা ভাগবতাশ্চাপি পঞ্চকালমুপাসকাঃ॥ 14-97-7 (95355)
কৌতূহলসমাবিষ্টাঃ প্রহৃষ্টৈন্দ্রিয়মানসাঃ।
শ্রোতুকামাঃ পরং ধর্মং বৈষ্ণবং ধর্মশাসনম্।
হৃদি কর্তুং চ তদ্বাক্যং প্রণেমুঃ শিরসা নতাঃ॥ 14-97-8 (95356)
ততস্তান্বাসুদেবেন দৃষ্টান্দিব্যেন চক্ষুষা।
বিমুক্তপাপানালোক্য প্রণম্য শিরসা হরিম্।
পপ্রচ্ছ কেশবং ধর্মং ধর্মপুত্রঃ প্রতাপবান্॥ 14-97-9 (95357)
যুধিষ্ঠির উবাচ। 14-97-10x (7940)
কীদৃশী ব্রাহ্মণস্যাথ ক্ষত্রিয়স্যাপি কীদৃশী।
বৈশ্যস্য কীদৃশী দেব গতিঃ শূদ্রস্য কীদৃশী॥ 14-97-10 (95358)
কথং বধ্যেত পাশেন ব্রাহ্মণস্তু যমালয়ে।
ক্ষত্রিয়ো বাথ বৈশ্যো বা শূদ্রো বা বধ্যতে কথম্।
এতৎকর্মফলং ব্রূহি লোকনাথ নমোস্তু তে॥ 14-97-11 (95359)
বৈশম্পায়ন উবাচ। 14-97-12x (7941)
পৃষ্টোঽথ কেশবো হ্যেবং ধর্মপুত্রেণ ধীমতা।
উবাচ সংসারগতিং চাতুর্বর্ণ্যস্য কর্মজাম্॥ 14-97-12 (95360)
ভগবানুবাচ। 14-97-13x (7942)
শৃণু বর্ণক্রমেণৈব ধর্মং ধর্মভৃতাং বর।
নাস্তি কিংচিন্নরশ্রেষ্ঠ ব্রাহ্মণস্য তু দুষ্কৃতম্॥ 14-97-13 (95361)
শিখাংয়জ্ঞোপবীতা যে সন্ধ্যাং যে চাপ্যুপাসতে।
যৈশ্চ পূর্ণাহুতিঃ প্রাপ্তা বিধিবজ্জুহ্বতে চ যে॥ 14-97-14 (95362)
বৈশ্বদেবং চ যে চক্রুঃ পূজয়ন্ত্যতিথীংশ্চ যে।
নিত্যং স্বাধ্যায়শীলাশ্চ জপয়জ্ঞপরাশ্চ যে॥ 14-97-15 (95363)
সায়ংপ্রাতর্হুতাশাশ্চ শূদ্রভোজনবর্জিতাঃ।
ডংভানৃতবিমুক্তাশ্চ স্বদারনিরতাশ্চ যে।
পঞ্চয়জ্ঞপরা যে চ যেঽগ্নিহোত্রমুপাসতে॥ 14-97-16 (95364)
দহন্তি দুষ্কৃতং যেষাং হূয়মানাস্ত্রয়োঽগ্নয়ঃ।
নষ্টদুষ্কৃতকর্মাণো ব্রহ্মলোকং ব্রজন্তি তে॥ 14-97-17 (95365)
ব্রহ্মলোকে পুনঃ কামং গন্ধর্বৈর্ব্রহ্মগায়কৈঃ।
উদ্গীয়মানাঃ প্রয়তৈঃ পূজ্যমানাঃ স্বয়ংভুবা।
ব্রহ্মিলোকে প্রমোদন্তে যাবদাভূতসংপ্লুবম্॥ 14-97-18 (95366)
ক্ষত্রিয়োপি স্থিতো রাজ্যে স্বধর্মপরিপালকঃ।
সম্যক্প্রজাঃ পালয়িতা ষড্ভাগনিরতঃ সদা॥ 14-97-19 (95367)
যজ্ঞদানরতো ধীরঃ স্বদারনিরতঃ সদা।
শাস্ত্রানুসারী তৎবজ্ঞঃ প্রজাকার্যপরায়ণঃ॥ 14-97-20 (95368)
বিপ্রেভ্যঃ কামদো নিত্যং ভৃত্যানাং ভরণে রতঃ।
সত্যসন্ধঃ শুচির্নিত্যং লোভডংভবিবর্জিতঃ।
ক্ষত্রিয়োপ্যুত্তমাং যাতি গতিং দেবনিষেবিতাম্॥ 14-97-21 (95369)
তত্র দিব্যাপ্সরোভিস্তু গন্ধর্বৈশ্চ বিশেষতঃ।
সেব্যমানো মহাতেজাঃ ক্রীডতে শক্রপূজিতঃ॥ 14-97-22 (95370)
চতুর্থগানি বৈ ত্রিংশৎক্রীডিৎবা তত্র দেববৎ।
ইহ মানুষ্যলোকে তু চতুর্বেদী দ্বিজো ভবেৎ॥ 14-97-23 (95371)
কৃষিগোপালনিরতো ধর্মানবেষণতৎপরঃ। 14-97-24 (95372)
দানধর্মেপি নিরতো বিপ্রশুশ্রূষকস্তথা॥ 14-97-24 (95373)
সত্যসন্ধঃ শুচির্নিত্যং লোভডংভবিবর্জিতঃ।
ঋজুঃ স্বদারনিরতো হিংসাদ্রোহবিবর্জিতঃ॥ 14-97-25 (95374)
বণিগ্ধর্মান্নমুঞ্চন্বৈ দেবব্রাহ্মণপূজকঃ।
বৈশ্যঃ স্বর্গতিমাপ্নোতি পূজ্যমানোপ্সরোগণৈঃ॥ 14-97-26 (95375)
চতুর্যুগানি বৈ ত্রিংশৎক্রীডিৎবা দশ পঞ্চ চ।
ইহ মানুষ্যলোকে চ রাজা ভবতি বীর্যবান্॥ 14-97-27 (95376)
সুবর্ণকোট্যঃ পঞ্চাশদ্রত্নানাং চ শতং তথা।
হস্ত্যশ্বরশ্বসংয়ুক্তো মহাভোগাংশ্চ সেবতে॥ 14-97-28 (95377)
ত্রয়াণামপি বর্ণানাং শুশ্রূষানিরতঃ সদা।
বিশেষতস্তু বিপ্রাণাং দাসবদ্যস্তু তিষ্টতি॥ 14-97-29 (95378)
অয়াচিতপ্রদাতা চ সত্যশৌচসমন্বিতঃ।
গুরুদেবার্চনরতঃ পরদারবিবর্জিতঃ॥ 14-97-30 (95379)
পরপীডামকৃৎবৈব ভত্যবর্গং বিভর্তি যঃ।
শূদ্রোপি স্বর্গমাপ্নোতি জীবানামভয়প্রদঃ॥ 14-97-31 (95380)
স স্বর্গকলোকে ক্রীডিৎবা বর্ষকোটিং মহাতপাঃ।
ইহ মানুষলোকে তু বৈশ্যো ধনপতির্ভবেৎ॥ 14-97-32 (95381)
এবং ধর্মাৎপরং নাস্তি মহৎসংসারমোক্ষণম্।
ন চ ধর্মাৎপর কিংচিৎপাপকর্মব্যপোহনম্॥ 14-97-33 (95382)
তস্মাদ্ধর্মঃ সদা কার্যো মানুষ্যং প্রাপ্য দুর্লভম্।
ন হি ধর্মানুরক্তানাং লোকে কিংচন দুর্লভম্॥ 14-97-34 (95383)
স্বয়ংভুবিহিতো ধর্মো যো যস্যেহ নরেশ্বর।
স তেন ক্ষপয়েৎপাপং সম্যগাচরিতেন চ ॥ 14-97-35 (95384)
সহজং যদ্ভদেৎকর্ম ন তত্ত্যাজ্যং হি কেনচিৎ।
স এব তস্য ধর্মো হি তেন সিদ্ধিং স গচ্ছতি॥ 14-97-36 (95385)
বিগুণোপি স্বধর্মস্তু পাপকর্ম ব্যপোহতি।
এবমেব তু ধর্মোপি ক্ষীয়তে পাপবর্ধনাৎ॥ 14-97-37 (95386)
যুধিষ্ঠির উবাচ। 14-97-38x (7943)
ভগবন্দেবদেবেশ শ্রোতুং কৌতূহলং হি মে।
শুভস্যাপ্যশুভস্যাপি ক্ষয়বৃদ্ধী যথাক্রমম্॥ 14-97-38 (95387)
ভগবানুবাচ। 14-97-39x (7944)
শৃণু পার্থিব তৎসর্বং ধর্মসূক্ষ্মং সনাতনম্।
দুর্বিজ্ঞেয়তমং নিত্যং যত্র মগ্না মহাজনাঃ॥ 14-97-39 (95388)
যথৈব শীতমুদকমুষ্ণেন বহুনা বৃতম্।
ভবেত্তু তৎক্ষণাদুষ্ণং শীতৎবং চ বিনশ্যতি॥ 14-97-40 (95389)
যথোষ্ণং বা ভবেদল্পং শীতেন বহুনা বৃতম্।
শীতলং চ ভবেৎসর্বমুষ্ণৎবং চ বিনশ্যতি॥ 14-97-41 (95390)
এবং চ যদ্ভবেদ্ভূরি সুকৃতং বাঽপি দুষ্কৃতম্।
তদল্পং ক্ষপয়েচ্ছীঘ্রং নাত্র কার্যা বিচারণা॥ 14-97-42 (95391)
সমৎবে সতি রাজেন্দ্র তয়োঃ সুকৃতপাপয়োঃ।
গূহিতস্য ভবেদ্বৃদ্ধিঃ কীর্তিতস্য ভবেৎক্ষয়ঃ॥ 14-97-43 (95392)
খ্যাপনেনানুতাপেন প্রায়ঃ পাপং বিনশ্যতি।
তথা কৃতস্তু রাজেন্দ্র ধর্মো নশ্যতি মানদ॥ 14-97-44 (95393)
তাবুভৌ গূহিতৌ সম্যগ্বৃদ্ধিং যাতো ন সংশয়ঃ।
তস্মাৎসর্বপ্রয়ত্নেন ন পাপং গূহয়েদ্বুধঃ॥ 14-97-45 (95394)
তস্মাদেতৎপ্রয়ত্নেনি কীর্তয়েৎক্ষয়কারণাৎ।
তস্মাৎসংকীর্তয়েৎপাপং নিত্যং ধর্মং চ গূহয়েৎ॥ ॥ 14-97-46 (95395)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি সপ্তনবতিতমোঽধ্যায়ঃ॥ 97 ॥
আশ্বমেধিকপর্ব - অধ্যায় 098
॥ শ্রীঃ ॥
14.98. অধ্যায়ঃ 098
অশ্বমেধপর্ব ॥ 1 ॥Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি জন্মদানজীবিতানাং বৈয়র্থ্যাপাদকাধর্মকথনম্॥ 1 ॥ তথা দানানাং সাৎবিকৎবাদিকথনপূর্ব তত্তৎফলানাং ত্রৈবিধ্যাদিপ্রতিপাদনম্॥ 2 ॥ তথা দানপাত্রলক্ষণনিরূপণম্ ব্রাহ্মণমহিমানুবর্ণনং চ॥ 3 ॥Mahabharata - Ashvamedhika Parva - Chapter Text
বৈশম্পায়ন উবাচ।
এবং শ্রুৎবা বচস্তস্য ধর্মপুত্রোঽচ্যুতস্য তু।
পপ্রচ্ছ পুনরপ্যন্যং ধর্মং ধর্মাত্মজো হরিম্॥ 14-98-1 (95396)
বৃথা চ কতি জন্মানি বৃথা দানানি কানি চ।
বৃথা চ জীবিতং কেষাং নরাণাং পুরুষোত্তম॥ 14-98-2 (95397)
কীদৃশাসু হ্যবস্থাসু দানং দত্তং জনার্দন।
ইহ লোকেঽনুভবতি পুরুষঃ পুরুষোত্তম॥ 14-98-3 (95398)
গর্ভস্থঃ কিং সমশ্নাতি কিং বাল্যে বাঽপি কেশব।
যৌবনস্থেঽপি কিং কৃষ্ণ বার্ধকে বাঽপি কিং ভবেৎ॥ 14-98-4 (95399)
সাৎবিকং কীদৃশং দানং রাজসং কীদৃশং ভবেৎ।
তামসং কীদৃশং দেব তর্পয়িষ্যতি কিং প্রভো॥ 14-98-5 (95400)
উত্তমং কীদৃশং দানং তেষাং বা কিং ফলং ভবেৎ।
কিং দানং নয়তি হ্যূর্ধ্বং কিং গতিং মধ্যমাং নয়েৎ।
গতিং জঘন্যামথবা দেবদেব ব্রবীহি মে॥ 14-98-6 (95401)
এতদিচ্ছামি বিজ্ঞাতুং পরং কৌতূহলং হি মে।
ৎবদীয়ং বচনং সত্যং পুণ্যং চ মধুসূদন॥ 14-98-7 (95402)
বৈশম্পায়ন উবাচ। 14-98-8x (7945)
এবং ধর্মং প্রয়ত্নেন পৃষ্টঃ পাণ্ডুসুতেন বৈ।
উবাচ বাসুদেবোঽথ ধর্মান্ধর্মাত্মজস্য তু॥ 14-98-8 (95403)
ভগবানুবাচ। 14-98-9x (7946)
শৃণু রাজন্যথান্যায়ং বচনং তথ্যমুত্তমম্।
কথ্যমানং ময়া পুণ্যং সর্বপাপব্যপোহনম্॥ 14-98-9 (95404)
বৃথা চ দশ জন্মানি চৎবারি চ নরাধিপ।
বৃথা দানানি পঞ্চাশৎপঞ্চৈব চ যথাক্রমম্॥ 14-98-10 (95405)
বৃথা চ জীবিতং যেষাং তে চ ষট্ পরিকীর্তিতাঃ।
অনুক্রমেণ বক্ষ্যামি তানি সর্বাণি পার্থিব॥ 14-98-11 (95406)
ধর্মঘ্নানাং বৃথা জন্ম লুব্ধানাং পাপিনাং তথা।
বৃথা পাকং চ যেঽশ্নন্তি পরদাররতাশ্চ যে।
পাকভেদকরা যে চ যে চ স্যুঃ সত্যবর্জিতাঃ॥ 14-98-12 (95407)
মৃষ্টমশ্নাতি যশ্চৈকঃ ক্লিস্যমানৈস্তু বান্ধবৈঃ।
পিতরং মাতরং চৈব উপাধ্যায়ং গুরুং তথা।
মাতুলং মাতুলানীং চ যো নিহন্যাচ্ছপেত বা॥ 14-98-13 (95408)
ব্রাহ্মণশ্চৈব যো ভূৎবা সন্ধ্যোপাসনবর্জিতঃ।
নিস্স্বাহো নিস্স্বধশ্চৈব শূদ্রাণামন্নভুগ্দ্বিজঃ॥ 14-98-14 (95409)
মম বা শংকরস্যাথ ব্রহ্মণো বা যুধিষ্ঠির।
অথবা ব্রাহ্মণানাং তু যে ন ভক্তা নরাধমাঃ।
বৃথাজন্মান্যথৈতেষাং পাপিনাং বিদ্ধি ডব॥ 14-98-15 (95410)
অশ্রদ্ধয়াঽপি যদ্দত্তমবামানেন বাঽপি যৎ।
ডংভার্থমপি যদ্দত্তং যৎপাষণ্ডিহৃতং নৃপ॥ 14-98-16 (95411)
শূদ্রাচারায় যদ্দত্তং যদ্দত্ৎবা চানুকীর্তিতম্।
রোষয়ুক্তং তু যদ্দত্তং যদ্দত্তমনুশোচিতম্॥ 14-98-17 (95412)
ডংভার্জিতং চ যদ্দত্তং যচ্চ বাঽপ্যনৃতার্জিতম্।
ব্রাহ্মণস্বং চ যদ্দত্তং চৌর্যেণাপ্যার্জিতং চ যৎ॥ 14-98-18 (95413)
অভিশাস্তাহৃতং যত্তু যদ্দত্তং পতিতে দ্বিজে।
নির্ব্রহ্মাভিহৃতং যত্তু যদ্দত্তং সর্বয়াচকৈঃ॥ 14-98-19 (95414)
ব্রাপ্যৈস্তু যদ্ধৃতং দানমারূঢপতিতৈশ্চ যৎ।
যদ্দত্তং স্বৈরিণীভর্তুঃ শ্বশুরাননুবর্তিনে॥ 14-98-20 (95415)
যদ্গ্রাময়াচকহৃতং যৎকৃতঘ্নহৃতং তথা।
উপপাতকিনে দত্তং দেববিক্রয়িণে চ যৎ॥ 14-98-21 (95416)
স্ত্রীজিতায় চ যদ্দত্তং যদ্দত্তং রাজসেবিনে।
গণকায় চ যদ্দত্তং যচ্চ কারণিকায় চ॥ 14-98-22 (95417)
বৃষলীপতয়ে দত্তং যদ্দত্তং শস্ত্রজীবিনে।
ভৃতকায় চ যদ্দত্তং ব্যালগ্রাহিহৃতং চ যৎ॥ 14-98-23 (95418)
পুরোহিতায় যদ্দত্তং চিকিৎসকহৃতং চ যৎ।
যদ্বণিংক্কর্মিণে দত্তং ক্ষুদ্রমন্ত্রোপজীবিনে॥ 14-98-24 (95419)
যচ্ছূদ্রজীবিনে দত্তং যচ্চ দেবলকায় চ।
দেবদ্রব্যাশিনে যচ্চ যদ্দত্তং চিত্রকর্মিণে॥ 14-98-25 (95420)
রঙ্গোপজীবিনে দত্তং যচ্চ মাংসোপজীবিনে।
সেবকায় চ যদ্দত্তং যদ্দত্তং ব্রাহ্মণব্রুবে॥ 14-98-26 (95421)
অদেশিনে চ যদ্দত্তং দত্তং বার্ধুষিকায় চ।
যদনাচারিণে দত্তং যত্তু দত্তমনগ্রয়ে॥ 14-98-27 (95422)
অসন্ধ্যোপাসিনে দত্তং যচ্ছূদ্রগ্রামবাসিনে।
যন্মিথ্যালিঙ্গিনে দত্তং দত্তং সর্বাশিনে চ যৎ॥ 14-98-28 (95423)
নাস্তিকায়া চ যদ্দত্তং ধর্মবিক্রয়িণে চ যৎ।
বরাকায় চ যদ্দত্তং যদ্দত্তং কূটসাক্ষিণে॥ 14-98-29 (95424)
গ্রামকূটায় যদ্দত্তং দানং পার্তিবপুঙ্গব।
বৃথা ভবতি তৎসর্বং নাত্র কার্যা বিচারণা॥ 14-98-30 (95425)
বিপ্রাণামধরা এতে লোলুপা ব্রাহ্মণাধমাঃ।
নাত্মানং তারয়ন্ত্যেতে ন দাতারং যুধিষ্ঠির॥ 14-98-31 (95426)
এতেভ্যো দত্তমাত্রাণি দানানি সুবহূন্যপি।
বৃথা ভবন্তি রাজেন্দ্র ভস্মন্যাজ্যাহুতির্যথা॥ 14-98-32 (95427)
এতেষু যৎফলং কিংচিদ্ভবিষ্যতি কথংচন।
রাক্ষসাশ্চ পিশাচাশ্চ তদ্বিলুংপন্তি হর্ষিতাঃ॥ 14-98-33 (95428)
বৃথা হ্যেতানি দত্তানি কথিতানি সমাসতঃ।
জীবিতং তু বৃথা যেষাং চচ্ছৃণুষ্ব যুধিষ্ঠির॥ 14-98-34 (95429)
যে মাং ন প্রতিপদ্যন্তে শঙ্করং বা নরাধমাঃ।
ব্রৈহ্মণান্বা মহীদেবান্বৃথা জীবন্তি তে নরাঃ॥ 14-98-35 (95430)
হেতুশাস্ত্রেষু যে সক্তাঃ কুদৃষ্টিপথমাশ্রিতাঃ।
দেবান্নিন্দন্ত্যনাচারা বৃথা জীবন্তি তে নরাঃ॥ 14-98-36 (95431)
কুশলৈঃ কৃতশাস্ত্রাণি পঠিৎবা যে নরাধমাঃ।
বিপ্রান্নিন্দন্তি যজ্ঞাংশ্চ বৃথা জীবন্তি তে নরাঃ॥ 14-98-37 (95432)
যে দুর্গাং বা কুমারং বা বায়ুমগ্নিং জলং রবিম্।
পিতরং মাতরং চৈব গুরুমিন্দ্রং নিশাকরম্।
মূঢা নিন্দন্ত্যনাচারা বৃথা জীবন্তি তে নরাঃ॥ 14-98-38 (95433)
বিদ্যমানে ধনে যস্তু দানধর্মবিবর্জিতঃ।
মৃষ্টমশ্নাতি যশ্চৈকো বৃথা জীবতি সোপি চ॥ 14-98-39 (95434)
বৃথা জীবিতমাখ্যাতং দানকালং ব্রবীমি তে॥ 14-98-40 (95435)
তমোনিবিষ্টচিত্তেন দত্তং দানং তু যদ্ভবেৎ।
তদস্য ফলমশ্নাতি নরো গর্ভগতো নৃপ॥ 14-98-41 (95436)
ঈর্ষ্যামৎসরসংয়ুক্তো ডংভার্থং চার্থকারণাৎ।
দদাতি দানং যো মর্ত্যো বালভাবে তদশ্নুতে॥ 14-98-42 (95437)
ভোক্তং ভোগমশক্তস্তু ব্যাধিভিঃ পীডিতো ভৃশম্।
দদাতি দানং যো মর্ত্যো বৃদ্ধভাবে তদশ্নুতে॥ 14-98-43 (95438)
শ্রদ্ধায়ুক্তঃ শুচিঃ স্নাতঃ প্রসন্নেন্দ্রিয়মানসঃ।
দদাতি দানং যো মর্ত্যো যৌবনে স তদশ্নুতে॥ 14-98-44 (95439)
স্বয়ং নীৎবা তু যদ্দানং ভক্ত্যা পাত্রে প্রদীয়তে।
তৎসার্বকালিকং বিদ্ধি দানমামরণান্তিকম্॥ 14-98-45 (95440)
রাজসং সাৎবিকং চাপি তামসং চ যুধিষ্ঠির।
দানং দানফলং চৈব গতিং চ ত্রিবিধাং শৃণু॥ 14-98-46 (95441)
দানং দাতব্যমিত্যেব মতিং কৃৎবা দ্বিজায় বৈ।
উপকারবিয়ুক্তায় যদ্দত্তং তদ্ধি সাৎবিকম্॥ 14-98-47 (95442)
শ্রোত্রিয়ায় দরিদ্রায় বহুভৃত্যায় পাণ্ডব।
দীয়তে যৎপ্রহৃষ্টেন তৎসাৎবিকমুদাহৃতম্॥ 14-98-48 (95443)
বেদাক্ষরবিহীনায় যত্তু পূর্বোপকারিণে।
সমৃদ্ধায় চ যদ্দত্তং তদ্দানং রাজসং স্মৃতম্॥ 14-98-49 (95444)
সংবন্ধিনে চ যদ্দত্তং প্রমত্তায় চ পাণ্ডব।
ফলার্থিভিরপাত্রায় তদ্দানং রাজসং স্মৃতম্॥ 14-98-50 (95445)
বৈশ্বদেববিহীনায় দানমশ্রোত্রিয়ায় চ।
দীয়তে তস্করায়াপি তদ্দানং তামসং স্মৃতম্॥ 14-98-51 (95446)
সরোষমবধূতং চ ক্লেশয়ুক্তমবজ্ঞয়া।
সেবকায় চ যদ্দতং তত্তামসমুদাহৃতম্॥ 14-98-52 (95447)
দেবাঃ পিতৃগণাশ্চৈব মুনয়শ্চাগ্নয়স্তথা।
সাৎবিকং দানমশ্নন্তি তুষ্যন্তি চ নরেশ্বর॥ 14-98-53 (95448)
দানবা দৈত্যসঙ্গাশ্চ গ্রহা যক্ষাঃ সরাক্ষসাঃ।
রাজসং দানমশ্নন্তি বর্জিতং পিতৃদৈবতৈঃ॥ 14-98-54 (95449)
পিশাচাঃ প্রেতসঙ্ঘাশ্চ কশ্মলা যে মলীমসাঃ।
তামসং দানমশ্নন্তি গতিং চ ত্রিবিধাং শৃণু॥ 14-98-55 (95450)
সাৎবিকানাং তু দানানামুত্তমং ফলমশ্নুতে।
মধ্যমং রাজসানাং তু তামসানাং তু পশ্চিমম্॥ 14-98-56 (95451)
অভিগম্যোপনীতানাং দানানামুত্তমং ফলম্।
মধ্যমং তু সমাহূয় জঘন্যং যাচতে ফলম্॥ 14-98-57 (95452)
অয়াচিতপ্রদাতা যঃ স যাতি গতিমুত্তমাম্।
সমাহূয় তু যো দদ্যান্মধ্যমাং স গতিং ব্রজেৎ।
যাচিতো যশ্চ বৈ দদ্যাজ্জঘন্যাং স গতিং ব্রজেৎ॥ 14-98-58 (95453)
উত্তমা দৈবিকী জ্ঞেয়া মধ্যমা মানুষী গতিঃ।
গতির্জঘন্যা তির্যক্ষু গতিরেষা ত্রিধা স্মৃতা॥ 14-98-59 (95454)
পাত্রভূতেষু বিপ্রেষু সংস্থিতেষ্বাহিতাগ্নিষু।
যত্তু নিক্ষিপ্যতে দানমক্ষয়ং সংপ্রকীর্তিতম্॥ 14-98-60 (95455)
শ্রোত্রিয়াণাং দরিদ্রাণাং ভরণং কুরু পার্থিব।
সমৃদ্ধানাং দ্বিজাতীনাং কুর্যাস্তেষাং তু রক্ষণম্॥ 14-98-61 (95456)
দরিদ্রান্বিত্তহীনাংশ্চ প্রদানৈঃ সুষ্ঠু পূজয়।
আতুরস্যৈষধৈঃ কার্যং নীরুজস্য কিমৌষধৈঃ॥ 14-98-62 (95457)
পাপং প্রতিগ্রহীতারং প্রদাতুরপগচ্ছতি।
প্রতিগ্রহীতুর্যৎপুণ্যং প্রদাতারমুপৈতি তৎ।
তস্মাদ্দানং সদা কার্যং পরত্র হিতমিচ্ছতা॥ 14-98-63 (95458)
বেদবিদ্যাবদাতেষু সদা শূদ্রান্নবর্জিষু।
প্রয়ত্নেন বিধাতব্যো মহাদানময়ো নিধিঃ॥ 14-98-64 (95459)
যেষাং দারাঃ প্রতীক্ষন্তে সহস্রস্যেব লম্ভনম্।
ভুক্তশেষস্য ভক্তস্য তান্নিমন্ত্রয় পাণ্ডব॥ 14-98-65 (95460)
আমন্ত্র্য তু নিরাশানি ন কর্তব্যানি ভারত।
কুলানি সুদরিদ্রাণি তেষামাশা হতা ভবেৎ॥ 14-98-66 (95461)
মদ্ভক্তা যে নরশ্রেষ্ঠ মদ্গতা মৎপরায়ণাঃ।
মদ্যাজিনো মন্নিয়মাস্তান্প্রয়ত্নেন পূজয়েৎ॥ 14-98-67 (95462)
তেষাং তু পাবনায়াহং নিত্যমেব যুধিষ্ঠির।
উভে সন্ধ্যেঽধিতিষ্ঠামি হ্যস্কন্নং তদ্ব্রতং মম॥ 14-98-68 (95463)
তস্মাদষ্টাক্ষরং মন্ত্রং মদ্ভক্তৈর্বীতকল্মষৈঃ।
সন্ধ্যাকালে তু জপ্তব্যং সততং চাত্মশুদ্ধয়ে॥ 14-98-69 (95464)
অন্যেষামপি বিপ্রাণাং কিল্বিষং হি বিনশ্যতি।
উভে সন্ধ্যেপ্যুপাসীত তস্মাদ্বিপ্রো বিশুদ্ধয়ে। 14-98-70 (95465)
দৈবে শ্রাদ্ধেপি বিপ্রঃ স নিয়োক্তব্যোঽজুগুপ্সয়া।
জুগুপ্সিতস্তু যঃ শ্রাদ্ধং দহত্যগ্নিরিবেন্ধনম্॥ 14-98-71 (95466)
ভারতং মানবো ধর্মো বেদাঃ সাঙ্গাশ্চিকিৎসিতম্।
আজ্ঞাসিদ্ধানি চৎবারি ন হন্তব্যানি হেতুভিঃ॥ 14-98-72 (95467)
ন ব্রাহ্মণান্পরীক্ষেত দৈবে কর্মণি ধর্মবিৎ।
মহান্ভবেৎপরীবাদো ব্রাহ্মণানাং পরীক্ষণে॥ 14-98-73 (95468)
ব্রাহ্মণানাং পরীবাদং যঃ কুর্যাৎস নরাধমঃ।
রাসভানাং শুনাং যোনিং গচ্ছেৎপুরুষদূষকঃ॥ 14-98-74 (95469)
শ্বৎবং প্রাপ্নোতি নিন্দিৎবা পরীবাদাৎখরো ভবেৎ।
কৃমির্ভবত্যভিভবাৎকীটো ভবতি মৎসরাৎ॥ 14-98-75 (95470)
দুর্বৃত্তা বা সুবৃত্তা বা প্রাকৃতা বা সুসংস্কৃতাঃ।
ব্রাহ্মণা নাবমন্তব্যা ভস্মচ্ছন্না ইবাগ্নয়ঃ॥ 14-98-76 (95471)
ক্ষত্রিয়ং চৈব সর্পং চ ব্রাহ্মণং চ বহুশ্রুতম্।
নাবমন্যেত মেধাবী কৃশানপি কদাচন॥ 14-98-77 (95472)
এতত্ত্রয়ং হি পুরুষং নির্দহেদবমানিতম্।
তস্মাদেতৎপ্রয়ত্নেন নাবমন্যেত বুদ্ধিমান্॥ 14-98-78 (95473)
যথা সর্বাস্ববস্থাসু পাবকো দৈবতং মহৎ।
তথা সর্বাস্ববস্থাসু ব্রাহ্মণো দৈবতং মহৎ॥ 14-98-79 (95474)
ব্যঙ্গাঃ কাণাশ্চ কুব্জাশ্চ বামনাঙ্গাস্তথৈব চ।
সর্বে দৈবে নিয়োক্তব্যা ব্যামিশ্রা বেদপারগৈঃ॥ 14-98-80 (95475)
মন্যুং নোৎপাদয়েত্তেষাং ন চারিষ্টং সমাচরেৎ।
মন্যুপ্রহরণা বিপ্রা ন বিপ্রাঃ শশ্ত্রপাণয়ঃ॥ 14-98-81 (95476)
মন্যুনা ঘ্নন্তি তে শত্রূন্বজ্রেণেন্দ্র ইবাসুরান্।
ব্রাহ্মণো হি মহদ্দৈবং জাতিমাত্রেণ জায়তে॥ 14-98-82 (95477)
ব্রাহ্মণঃ সর্বভূতানাং ধর্মকোশস্য গুপ্তয়ে।
কিং পুনর্যে চ কৌন্তেয় সন্ধ্যাং নিত্যমুপাসতে॥ 14-98-83 (95478)
যস্যাস্যেন সমশ্নন্তি হব্যানি ত্রিদিবৌকসঃ।
কব্যানি চৈব পিতরঃ কিং ভূতমধিকং ততঃ॥ 14-98-84 (95479)
উৎপত্তিরেব বিপ্রস্য মূর্তিধর্মস্য শাশ্বতী।
স হি ধর্মার্থমুৎপন্নো ব্রহ্মভূয়ায় কল্পতে॥ 14-98-85 (95480)
স্বমেব ব্রাহ্মণো ভুঙ্ক্তে স্বং বস্তে স্বং দদাতি চ।
আনৃশংস্যাদ্ব্রাহ্মণস্য ভুঞ্জতে হীতরে জনাঃ।
তস্মাত্তে নাবমন্তব্যা মদ্ভক্তা হি দ্বিজাঃ সদা॥ 14-98-86 (95481)
আরণ্যকোপনিষদি যে তু পশ্যন্তি মাং দ্বিজাঃ।
নিগূঢং নিষ্কলাবস্থং তান্প্রয়ত্নেন পূজয়॥ 14-98-87 (95482)
স্বগৃহে বা প্রবাসে বা দিবারাত্রমথাপি বা।
শ্রদ্ধয়া ব্রাহ্মণাঃ পূজ্যা মদ্ভক্তা যে চ পাণ্ডব॥ 14-98-88 (95483)
নাস্তি বিপ্রসমং দৈবং নাস্তি বিপ্রসমো গুরুঃ।
নাস্তি বিপ্রাৎপরো বন্ধুর্নাস্তি বিপ্রাৎপরো নিধিঃ।
নাস্তি বিপ্রাৎপরং তীর্থং ন পুণ্যং ব্রাহ্মণাৎপরম্। 14-98-89 (95484)
ন পবিত্রং পরং বিপ্রান্ন দ্বিজাৎপাবনং পরম্।
নাস্তি বিপ্রাপ্তরো ধর্মো নাস্তি বিপ্রাৎপরা গতিঃ॥ 14-98-90 (95485)
পাপকর্মসমাক্ষিপ্তং পতন্তং নরকে নরম্।
ত্রায়তে পাত্রমপ্যেকং পাত্রভূতে তু তদ্দ্বিজে॥ 14-98-91 (95486)
বালাহিতাগ্নয়ো যে চ শান্তাঃ শূদ্রান্নবর্জিতাঃ।
মামর্চয়ন্তি তদ্ভক্তাস্তেভ্যো দত্তমিহাক্ষয়ম্॥ 14-98-92 (95487)
প্রদানৈঃ পূজিতো বিপ্রো বন্দিতো বাপি সংস্কৃতঃ।
সম্ভাষিতো বা দৃষ্টো বা মদ্ভক্তো দিবমুন্নয়েৎ॥ 14-98-93 (95488)
যে পঠন্তি নমস্যন্তি ধ্যায়ন্তি পুরুষাস্তু মাম্।
স তান্স্পৃষ্ট্বা চ দৃষ্ট্বা চ নরঃ পাপৈঃ প্রমুচ্যতে॥ 14-98-94 (95489)
মদ্ভক্তা মদ্গতপ্রাণা মদ্গীতা মৎপরায়ণাঃ।
বীজয়োনিবিশুদ্ধা যৈ শ্রোত্রিয়াঃ সংয়তেন্দ্রিয়াঃ।
শূদ্রান্নবিরতা নিত্যং তে পুনন্তীহ দর্শনাৎ॥ 14-98-95 (95490)
স্বংয় নীৎবা বিশেষেণ দানং তেষাং গৃহেষ্বথ।
নিবাপয়েত্তু যদ্ভক্ত্যা তদ্দানং কোটিসংমিতম্॥ 14-98-96 (95491)
জাগ্রতঃ স্বপতো বাপি প্রবাসেষু গৃহেষ্বথ।
হৃদয়ে ন প্রণশ্যামি যস্য বিপ্রস্য ভাবতঃ॥ 14-98-97 (95492)
স পূজিতো বা দৃষ্টো বা স্পৃষ্টো বাপি দ্বিজোত্তমঃ।
সম্ভাষিতো বা রাজেন্দ্র পুনাত্যেব নরং সদা॥ 14-98-98 (95493)
এবং সর্বাস্ববস্থাসু সর্বদানানি পাণ্ডব।
মদ্ভক্তেভ্যঃ প্রদত্তানি স্বর্গমার্গপ্রদানি বৈ॥ ॥ 14-98-99 (95494)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি অষ্টনবতিতমোঽধ্যায়ঃ॥ 98 ॥
আশ্বমেধিকপর্ব - অধ্যায় 099
॥ শ্রীঃ ॥
14.99. অধ্যায়ঃ 099
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি বীজয়োন্যোঃ শুদ্ধ্যশুদ্ধিনিরূপণম্॥ 1 ॥ তথা গায়ত্রীমহিমানুবর্ণনম্॥ 2 ॥ ব্রাহ্মণমহিমপ্রশংসনম্। ব্রাহ্মণাবমন্তৄণাং নারকয়াতনানুবর্ণনং চ ॥ 3 ॥Mahabharata - Ashvamedhika Parva - Chapter Text
বৈশম্পায়ন উবাচ।
শ্রুৎবৈবং সাৎবিকং দানং রাজসং তামসং তথা।
পৃথক্পৃথক্ৎবেন গতিং ফলং চাপি পৃথক্পৃথক্॥ 14-99-1 (95495)
অবিতৃপ্তঃ প্রহৃষ্টাত্মা পুণ্যং ধর্মামৃতং পুনঃ।
যুধিষ্ঠিরো ধর্মরতঃ কেশবং পুনরব্রবীৎ॥ 14-99-2 (95496)
বীজয়োনিবিশুদ্ধানাং লক্ষণানি বদস্ব মে।
বীজদোষেণ লোকেশ জায়ন্তে চ কথং নরাঃ॥ 14-99-3 (95497)
আচারদোষং দেবেশং বক্তুগর্হস্যশেষতঃ॥
ব্রাহ্মণানাং বিশেষং চ গুণদোষৌ চ কেশব॥ 14-99-4 (95498)
চাতুর্বর্ণ্যস্য কুৎস্নস্য বর্তমানাঃ প্রতিগ্রহে।
কেন বিপ্রা বিশেষেণ তরন্তে তারয়ন্তি চ।
এতান্কথয় দেবেশ ৎবদ্ভক্তস্য নমোস্তু তে॥ 14-99-5 (95499)
ভগবানুবাচ। 14-99-6x (7947)
শৃণু রাজন্যথাবৃত্তং বীজয়োনিং শুভাশুভম্।
যেন তিষ্ঠতি লোকোয়ং বিনশ্যতি চ পাণ্ডব॥ 14-99-6 (95500)
অবিপ্লুতব্রহ্মচর্যো যস্তু বিপ্রো যথাবিধি।
স বীজং নাম বিজ্ঞেয়ং তস্য বীজং শুভং ভবেৎ॥ 14-99-7 (95501)
কন্যা চাক্ষতয়োনিঃ স্যাৎকুলীনা পিতৃমাতৃতঃ।
ব্রাহ্মণাদিষু বিবাহেষু পরিণীতা যথাবিধি।
সা প্রশস্তা বরারোহা তস্যা যোনিঃ প্রশস্যতে॥ 14-99-8 (95502)
মনসা কর্মণা বাচা যা গচ্ছেৎপরপূরুষম্।
যোনিস্তস্যা নরশ্রেষ্ঠ গর্ভাধানং ন চার্হতি॥ 14-99-9 (95503)
স্বৈরিণ্যা যস্তু পাপাত্মা সংতানার্থমিহেচ্ছতি।
স কুলান্পাতয়ত্যাশু দশপূর্বান্দশাপরান্॥ 14-99-10 (95504)
দুষ্টয়োনৌ তু যো মোহাদ্রেতঃ সিঞ্চতি মূঢধীঃ।
তদ্রেতসা সমুৎপন্নঃ ষডঙ্গবিদপি দ্বিজঃ।
সাধুভিঃ স বহিষ্কার্যঃ শ্বাপাক ইব পার্থিবা॥ 14-99-11 (95505)
কর্মণা মনসা বাচা যা ভবেৎস্বৈরচারিণী।
সা কুলঘ্রীতি বিজ্ঞেয়া তস্যাং জাতঃ শ্বপাচকঃ॥ 14-99-12 (95506)
দৈবে পিত্র্যে তথা দানে ভোজনে সহভাষণে।
শয়নে সহসংবন্ধে ন যোগ্যা দৃষ্টয়োনিজাঃ॥ 14-99-13 (95507)
ন তস্মাদ্দুষ্টয়োন্যাং তু গর্ভমুৎপাদয়েদ্বুধঃ।
মোহেন কুরুতে যস্তু কুলং হন্তি ত্রিপূরুষম্॥ 14-99-14 (95508)
কানীকনশ্চ সহোঞশ্চ তথোভৌ কুণ্ডগোলকৈ।
আরূঢপতিতাজ্জাতঃ পরিতস্যাপি যঃ সুতঃ।
ষডেতে বিপ্রচণ্ডালা নিকৃষ্টাঃ শ্বপচাদপি॥ 14-99-15 (95509)
যো যত্র তত্র বা রেতঃ সিক্ৎবা শূদ্রাসু বা চরেৎ।
কামচারী স পাপাত্মা বীজং তস্যাশুভং ভবেৎ॥ 14-99-16 (95510)
অশুদ্ধং তদ্ভবেদ্বীজং শুদ্ধাং যোনি ন চার্হতি।
দূষয়ত্যপি তাং যোনিং শুনা লীঢং হবির্যথা॥ 14-99-17 (95511)
শূদ্রয়োনৌ পতেদ্বীজং হাহাশব্দং দ্বিজন্মনঃ।
কুর্যাৎপুরীষগর্তেষু পতিতোঽস্মীতি দুঃখিতঃ॥ 14-99-18 (95512)
মামধঃপাতয়ন্নেষ পাপাত্মা কামমোহিতঃ।
অধোগতিং প্রজোৎক্ষিপ্রমিতি শপ্ৎবা পতেত্তু তৎ॥ 14-99-19 (95513)
আত্মা হি শুক্লমুদ্দিষ্টং দৈবতং পরমং মহৎ।
তস্মাৎসর্বপ্রয়ত্নেন নিরুন্ধ্যাচ্ছুক্লমাত্মনঃ॥ 14-99-20 (95514)
আয়ুস্তেজো বলং বীর্যং প্রজ্ঞা শ্রীশ্চ মহদ্যশঃ।
পুণ্যং চ মৎপ্রিয়ৎবং চ লভতে ব্রহ্মচর্যযা॥ 14-99-21 (95515)
অবিপ্লুতব্রহ্মচর্যৈর্গৃহস্থশ্রমমাশ্রিতৈঃ।
পঞ্চয়জ্ঞপরৈর্ধর্মঃ স্থাপ্যতে পৃথিবীতলে॥ 14-99-22 (95516)
সায়ংপ্রাতস্তু যে সন্ধ্যাং সম্যঙ্নিত্যমুপাসতে।
নাবং বেদময়ীং কৃৎবা তরন্তে তারয়ন্তি চ॥ 14-99-23 (95517)
যো জপেৎপাবনীং দেবীং গায়ত্রীং বেদমাতরম্।
ন সীদেৎপ্রতিগৃহ্ণানঃ পৃথিবীং চ সসাগরাম্॥ 14-99-24 (95518)
যে চাস্য দুঃস্থিতাঃ কেচিদ্গ্রহাঃ সূর্যাদয়ো দিবি।
তে চাস্য সৌম্যা জায়ন্তে শিবাঃ শুভকরাস্তথা॥ 14-99-25 (95519)
যত্র যত্র স্থিতাশ্চৈব দারুণাঃ পিশিতাশনাঃ।
ঘোররূপা মহাকায়া ধর্ষয়ন্তি ন তং দ্বিজম্॥ 14-99-26 (95520)
পুনন্তীহ পৃথিব্যাং চ চীর্ণবেদব্রতা নরাঃ।
চতুর্ণামপি বেদানাং সা হি রাজন্গরীয়সী॥ 14-99-27 (95521)
অচীর্ণিব্রতবেদা যে বিকর্মফলমাশ্রিতাঃ।
ব্রাহ্মমা নামমাত্রেণ তেঽপি পূজ্যা যুধিষ্ঠির।
কিং পুনর্যস্তু সন্ধ্যে দ্বে নিত্যমেবোপতিষ্ঠতে॥ 14-99-28 (95522)
শীলমধ্যযনং দানং শৌচং মার্দবমার্জবম্।
তস্মাদ্বেদাদ্বিশিষ্টানি মনুরাহ প্রজাপতিঃ॥ 14-99-29 (95523)
ভূর্ভুবস্স্বরিতি ব্রহ্ম যো বেদনিরতো দ্বিজঃ।
স্বদারনিরতো দান্তঃ স বিদ্বান্স চ ভূসুরঃ॥ 14-99-30 (95524)
সন্ধ্যামুপাসতে যে বৈ নিত্যমেব দ্বিজোত্তমাঃ।
তে যান্তি নরশার্দূল ব্রহ্মলোকং ন সংশয়ঃ॥ 14-99-31 (95525)
সাবিত্রীমাত্রসারোপি বরো বিপ্রঃ সুয়ন্ত্রিতঃ।
নায়ন্ত্রিতশ্চতুর্বেদী সর্বাশী সর্ববিক্রয়ী॥ 14-99-32 (95526)
সাবিত্রীং চৈব বেদাংশ্চ তুলয়াঽতোলয়ন্পুরা।
সদেবর্ষিগণাশ্চৈব সর্বে ব্রহ্মপুরস্সরাঃ।
চতুর্ণামপি বেদানাং সা হি রাজন্গরীয়সী॥ 14-99-33 (95527)
যথা বিকসিতে পুষ্পে মধু গৃহ্ণন্তি ষট্পদাঃ।
এবং গৃহীতা সাবিত্রী সর্ববেদে চ পাণ্ডবঃ॥ 14-99-34 (95528)
তস্মাত্তু সর্ববেদানাং সাবিত্রী প্রাণ উচ্যতে।
নির্জীবা হীতরে বেদা বিনা সাবিত্রিয়া নৃপঃ॥ 14-99-35 (95529)
নায়ন্ত্রিতশ্চতুর্বেদী শীলভ্রষ্টঃ স কুৎসিতঃ।
শীলবৃত্তসমায়ুক্তঃ সাবিত্রীপাঠকো বরঃ॥ 14-99-36 (95530)
সহস্রপরমাং দেবীং শতমধ্যাং দশাবরাম্।
সাবিত্রীং জপ কৌতেয় সর্বপাপপ্রণাশিনীম্॥ 14-99-37 (95531)
যুধিষ্ঠির উবাচ। 14-99-38x (7948)
ত্রৈলোক্যনাথ হে কৃষ্ণ সর্বভূতাত্মকো হ্যসি।
নানায়োগপর শ্রেষ্ঠ তুষ্যসে কেন কর্মণা॥ 14-99-38 (95532)
ভাগবানুবাচ। 14-99-39x (7949)
যদি ভারসহস্রং তু গুগ্গুল্বাদি প্রধূপয়েৎ।
করোতি চেন্নমস্কারমুপহারং চ কারয়েৎ॥ 14-99-39 (95533)
স্তৌতি যঃ স্তুতিভির্মাং চ ঋগ্যজুস্সামভিঃ সদা।
ন তোষয়তি চেদ্ধিপ্রান্নাহং তুষ্যামি ভারত॥ 14-99-40 (95534)
ব্রাহ্মণে পূজিতে নিত্যং পূজিতোস্মি ন সংশয়ঃ।
আক্রুষ্টে চাহমাক্রুষ্টো ভবামি ভরতর্ষভ॥ 14-99-41 (95535)
পরা ময়ি গতিস্তেষাং পূজয়ন্তি দ্বিজং হি যে।
যদহং দ্বিজরূপেণ বসামি বসুধাতলে॥ 14-99-42 (95536)
যস্তান্পূজয়তি প্রাজ্ঞো মদ্গতেনান্তরাত্মনা।
তমহং স্বেন রূপেণ পশ্যামি নরপুঙ্গব॥ 14-99-43 (95537)
কুব্জাঃ কাণা বামনাশ্চ দরিদ্রা ব্যাধিতাস্তথা।
নাবমান্যা দ্বিজাঃ প্রাজ্ঞৈর্মম রূপা হি তে দ্বিজাঃ॥ 14-99-44 (95538)
যে কেচিৎসাগরান্তায়াং পৃথিব্যাং দ্বিজসত্তমাঃ।
মম রূপং হি তেষ্বেবমর্চিতেষ্বর্চিতোঽস্ম্যহম্॥ 14-99-45 (95539)
বহবস্তু ন জানন্তি নরা জ্ঞানবহিষ্কৃতাঃ।
যদহং দ্বিজরূপেণ বসামি বসুধাতলে॥ 14-99-46 (95540)
অবমন্যন্তি যে বিপ্রান্স্বধর্মান্পাতয়ন্তি তে।
প্রেষণৈঃ প্রেষয়ন্তে চ শুশ্রূষাং কারয়ন্তি চ॥ 14-99-47 (95541)
মৃতাংশ্চাত্র পরত্রেমান্যমদূতা মহাবলাঃ।
নিকৃন্তন্তি যথাকামং সূত্রমার্গেণ শিল্পিনঃ॥ 14-99-48 (95542)
আক্রোশপরিবাদাভ্যাং যে রমন্তে দ্বিজাতিষু।
তান্মৃতান্যমলোকস্থান্নিপাত্য পৃথিবীতলে॥ 14-99-49 (95543)
আক্রম্যোরসি পাদেন ক্রূরঃ সংরক্তলোচনঃ।
অগ্নিবর্ণৈস্তু সংদংশৈর্যমো জিহ্বাং সমুদ্ধরেৎ॥ 14-99-50 (95544)
যে চ বিপ্রান্নিরীক্ষন্তে পাপাঃ পাপেন চক্ষুষা।
অব্রহ্মণ্যাঃ শ্রুতের্বাহ্যা নিত্যং ব্রহ্মদ্বিষো নরাঃ॥ 14-99-51 (95545)
তেষাং ঘোরা মহাকায়া বক্রতুণ্ডা মহাবলাঃ।
উদ্ধরন্তি মুহূর্তেন স্বগাশ্চক্ষুর্যমাজ্ঞয়া॥ 14-99-52 (95546)
যঃ প্রহারং দ্বিজেন্দ্রায় দদ্যাৎকুর্যাচ্চ শোণিতম্।
অস্থিভঙ্গং চ যঃ কুর্যাৎপ্রাণৈর্বা বিপ্রয়োজয়েৎ।
সোনুপূর্ব্যেণ যাতীমান্নরকানেকবিংশতিম্॥ 14-99-53 (95547)
শূলমারোপ্যতে পশ্চাজ্জ্বলনে পরিপচ্যতে।
বহুবর্ষসহস্রাণি পচ্যমানস্ৎববাক্ছিরাঃ।
নাবমুচ্যেত দুর্মেদা ন তস্য ক্ষীয়তে গতিঃ॥ 14-99-54 (95548)
ব্রাহ্মণান্বা বিচার্যৈব ব্রজন্তৈ বধকাঙ্ক্ষয়া।
শতর্বষসহস্রাণি তামিস্রে পরিপচ্যতে॥ 14-99-55 (95549)
উৎপাদ্য শোণিতং গাত্রাৎসংরংভমতিপূর্বকম্।
সপর্যযেণ যাতীমান্নরকানেকবিংশতিম্॥ 14-99-56 (95550)
তস্মান্নাকুশলং ব্রূয়ান্ন শুষ্কাং গতিমীরয়েৎ।
ন ব্রূয়াৎপরুষাং বাণীং ন চৈবৈনানতিক্রমেৎ॥ 14-99-57 (95551)
যে বিপ্রাঞ্শ্লক্ষ্ণয়া বাচা পূজয়ন্তি নরোত্তমাঃ।
অর্চিতশ্চ স্তুতশ্চৈব তৈর্ভবামি ন সংশয়ঃ॥ 14-99-58 (95552)
তর্জয়ন্তি চ যে বিপ্রান্ক্রোশয়ন্তি চ ভারত।
আক্রুষ্টস্তর্জিতশ্চাহং তৈর্ভবামি ন সংশয়ঃ॥ 14-99-59 (95553)
যশ্চন্দনৈশ্চাগরুধূপদীপৈ-
রভ্যর্চয়েৎকাষ্ঠময়ীং মমার্চাম্।
তেনার্চিতো নৈব ভবামি সম্য-
গ্বিপ্রার্চনাদস্মি সমর্চিতোঽহম্॥ 14-99-60 (95554)
বিপ্রপ্রসাদাদ্ধরণীধরোঽহং
বিপ্রপ্রসাদাদসুরাঞ্জয়ামি।
বিপ্রপ্রসাদাচ্চ সদক্ষিণোঽহং
বিপ্রপ্রসাদাদজিতোঽহমস্মি॥ ॥ 14-99-61 (95555)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি একোনশততমোঽধ্যায়ঃ॥ 99 ॥
আশ্বমেধিকপর্ব - অধ্যায় 100
॥ শ্রীঃ ॥
14.100. অধ্যায়ঃ 100
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি সুকৃতিদুষ্কৃতিজনপ্রাপ্যবৈবস্বতপুরমার্গাদিপ্রতিপাদনপূর্বকং তেষাং তদ্গমনপ্রকারানুবর্ণনম্॥ 1 ॥Mahabharata - Ashvamedhika Parva - Chapter Text
যুধিষ্ঠির উবাচ।
দেবদেবেশ দৈত্যঘ্নি পরং কৌতূহলং হি মে।
এতৎকথয় সর্বজ্ঞ ৎবদ্ভক্তস্য চ কেশব।
মানুষস্য চ লোকস্য ধর্মলোকস্য চান্তরম্॥ 14-100-1 (95556)
কীদৃশং কিংপ্রমাণং বা কিমধিষ্ঠানমেব চ।
তরন্তি মানুষা দেব কেনোপায়েন মাধব॥ 14-100-2 (95557)
ৎবগস্থিমাংসনির্মুক্তে পঞ্চভূতবিবর্জিতে।
কথয়স্ব মহাদেব সুখদুঃখমশেষতঃ॥ 14-100-3 (95558)
জীবস্য কর্মলোকেষু কর্মভিস্তু শুভাশুভৈঃ।
অনুবদ্ধস্য তৈঃ পাশৈর্নীয়মানস্য দারুণৈঃ॥ 14-100-4 (95559)
মৃত্যুদূতৈর্দুরাধর্ষৈর্ঘোরৈর্ঘোরপরক্রমৈঃ।
বধ্যস্যাক্ষিপ্যমাণস্য বিদ্রুতস্য যমাজ্ঞয়া॥ 14-100-5 (95560)
পুণ্যপাপকৃদাতিষ্ঠেৎসুখদুঃখমশেষতঃ।
যমদূতৈর্দ্রুরাধর্ষৈর্নীয়তে বা কথং পুনঃ।
কিং বা তত্র গতা দেব কর্ম কুর্বন্তি মানবাঃ॥ 14-100-6 (95561)
কথং ধর্মপরা যান্তি দেবতাদ্বিজপূজকাঃ।
কতং বা পাপকর্মাণো যান্তি প্রেতপুরং নরাঃ॥ 14-100-7 (95562)
কিং রূপং কিং প্রমাণং বা বর্ণঃ কো বাঽস্য কেশব।
জীবস্য গচ্ছতো নিত্যং যমলোকং ব্রবীহি মে॥ 14-100-8 (95563)
ভগবানুবাচ। 14-100-9x (7950)
শৃণু রাজন্যথাবৃতং যন্মাং ৎবং পরিপৃচ্ছসি।
তত্তেঽহং কথয়িষ্যামি মদ্ভক্তস্য নরেশ্বর॥ 14-100-9 (95564)
ষডশীতিসহস্রাণি যোজনানাং যুধিষ্ঠির।
মানুষ্যস্য চ লোকস্য যমলোকস্য চান্তরম্॥ 14-100-10 (95565)
ন তত্র বৃক্ষচ্ছায়া বা ন তটাকং সরোপি বা।
ন বাপ্যো দীর্ঘিকা বাঽপি ন কূপো বা যুধিষ্ঠির॥ 14-100-11 (95566)
ন মণ্টপং সভা বাঽপি ন প্রপা ন নিকেতনম্।
ন পর্বতো নদী বাঽপি ন ভূমের্বিবরং ক্বচিৎ॥ 14-100-12 (95567)
ন গ্রামো নাশ্রমো বাঽপি নোদ্যানং বা বনানি চ।
ন কিংচিদাশ্রয়স্থানং পথি তস্মিন্যুধিষ্ঠির॥ 14-100-13 (95568)
জন্তোর্হি প্রাপ্তকালস্য বেদনার্তস্য বৈ ভৃশম্।
কারণৈস্ত্যক্তদেহস্য প্রাণৈঃ কণ্ঠগতৈঃ পুনঃ॥ 14-100-14 (95569)
শরীরাচ্চাল্যতে জীবো হ্যবশো মাতরিশ্বনা।
নির্গতো বায়ুভূতস্তু ষট্কোশাত্তু কলেবরাৎ॥ 14-100-15 (95570)
শরীরমন্যত্তদ্রূপং তদ্বর্ণং তৎপ্রমাণতঃ।
অদৃশ্যং তৎপ্রবিষ্টস্তু সোপ্যদৃষ্টোঽথ কেনচিৎ॥ 14-100-16 (95571)
সোন্তরাত্মা দেহবতামষ্টাঙ্গো যস্তু সংচরেৎ।
ছেদনাদ্ভেদনাদ্দাহাত্তাডনাদ্বা ন নশ্যতি। 14-100-17 (95572)
নানা রূপধরৈর্ঘৌরৈঃ প্রচণ্ডেশ্চণ্ডসাধনৈঃ।
নীয়মানো দুরাধর্ষৈর্যমদূতৈর্যমাজ্ঞয়া॥ 14-100-18 (95573)
পুত্রদারময়ৈঃ পাশৈঃ সংনিরূদ্ধোঽবশো বলাৎ।
স্বকর্মভিশ্চানুগতঃ কৃতৈঃ সুকৃতদুষ্কৃতৈঃ॥ 14-100-19 (95574)
আক্রন্দমানঃ করুণং বন্ধুভির্দুঃখপীডিতৈঃ।
ত্যক্ৎবা বন্ধুজনং সর্বং নিরপেক্ষস্তু গচ্ছতি॥ 14-100-20 (95575)
মাতৃভিঃ পিতৃভিশ্চৈব ভ্রাতৃভির্মাতুলৈস্তথা।
দারৈঃ পুত্রৈর্বয়স্যৈশ্চ রুদদ্ভিস্ত্যজ্যতে পুনঃ॥ 14-100-21 (95576)
অদৃশ্যমানস্তৈর্দীনৈরশ্রুপূর্ণমুখেক্ষণৈঃ।
স্বশরীরং পরিত্যজ্য বায়ুভূতস্তু গচ্ছতি॥ 14-100-22 (95577)
অন্ধকারমপারং তং মহাঘেরং তমোবৃতম্।
দুঃখান্তং দুষ্প্রতারং চ দুর্গমং পাপকর্মণাম্॥ 14-100-23 (95578)
দুঃসহায়ং দুরন্তং চ দুর্নিরীক্ষং দুরাসদম্।
দুরাপমতিদুঃখং চ পাপিষ্ঠানাং নরোত্তম॥ 14-100-24 (95579)
ঋষিভিঃ কথ্যমানং তৎপারংপর্যেণ পার্থিব।
ত্রাসং জনচতি প্রায়ঃ শ্রূয়মাণং কথাস্বপি॥ 14-100-25 (95580)
অবশ্যং চৈব গন্তব্যং তদধ্বানং যুধিষ্ঠির।
প্রাপ্তকালেন সংত্যজ্য বন্ধূন্ভোগান্ধনানি চ॥ 14-100-26 (95581)
জরায়ুজৈরণ্ডজৈশ্চ স্বেদজৈরুদ্ভিদৈস্তথা।
জঙ্গমৈঃ স্থিরসংজ্ঞৈশ্চ গন্তব্যং যমসাদনম্॥ 14-100-27 (95582)
দেবাসুরৈর্মনুষ্যাদ্যৈর্বৈবস্বতবশানুগৈঃ।
স্ত্রীপুংনপুংসকৈশ্চাপি পৃথিব্যাং জীবসংজ্ঞিতৈঃ॥ 14-100-28 (95583)
মধ্যমৈর্যুবভির্বাঽপি বালৈর্বৃদ্ধৈস্তথৈব চ।
জাতমাত্রৈশ্চ গর্ভস্থৈর্গন্তব্যঃ স মহাপথঃ॥ 14-100-29 (95584)
পূর্বাহ্ণে বাঽপরাহ্ণে বা সন্ধ্যাকালেঽথবা পুনঃ।
প্রদোষে বাঽর্ধরাত্রে বা প্রত্যুষে বাঽপ্যুপস্থিতে॥ 14-100-30 (95585)
প্রবাসস্থৈর্বনস্থৈর্বা পর্বতস্থৈর্জলে স্থিতৈঃ।
ক্ষেত্রস্থৈর্বা নভঃস্থের্বা গৃহমধ্যগতৈরপি॥ 14-100-31 (95586)
ভুঞ্জদ্ভির্বা পিবদ্ভির্বা খাদদ্ভির্বা নরোত্তম।
আসীনৈর্বা স্থিতৈর্বাপি শয়নীয়গতৈরপি।
জাগ্রদ্ভির্বা প্রসুপ্তৈর্বা গন্তব্যঃ স মহাপথঃ॥ 14-100-32 (95587)
মৃত্যুদূতৈর্দুরাধর্ষৈঃ প্রচণ্ডৈশ্চণ্ডসাসনৈঃ।
আক্ষিপ্যমাণা হ্যবশাঃ প্রয়ান্তি যমসাদনম্॥ 14-100-33 (95588)
ক্বচিদ্ভীতৈঃ ক্বচিন্মত্তৈঃ প্রস্খলদ্ভিঃ ক্বচিৎক্বচিৎ।
ক্রন্দদ্ভির্বেদনার্তৈস্তু গন্তব্যং যমসাদনম্॥ 14-100-34 (95589)
নির্ভর্ৎস্যমানৈরুদ্বিগ্রৈর্বিধূতৈর্ভয়বিহ্বলৈঃ।
তুদ্যমানশরীরৈশ্চ গন্তব্যং তর্জিতৈস্তথা॥ 14-100-35 (95590)
কণ্টকাকীর্ণমার্গেণ তপ্তবালুকপাংসুনা।
দহ্যমানৈস্তু গন্তব্যং নরৈর্দানবিবর্জিতৈঃ॥ 14-100-36 (95591)
কাষ্ঠোপলশিলাঘাতৈর্দণ্ডোল্মুককশাঙ্কুশৈঃ।
হন্যমানৈর্যমপুরং গন্তব্যং ধর্মবর্জিতৈঃ॥ 14-100-37 (95592)
মেদঃশোণিতপূয়াদ্যৈর্বক্ত্রৈর্গাত্রৈশ্চ সব্রণৈঃ।
দগ্ধক্ষতজকীর্ণৈশ্চ গন্তব্যং জীবঘাতকৈঃ॥ 14-100-38 (95593)
বেদনার্তৈস্চ কূজদ্ভির্বিক্রোশদ্ভিশ্চ বিস্বরম্।
বেদনার্তৈঃ পতদ্ভিশ্চ গন্তব্যং জীবঘাতকৈঃ॥ 14-100-39 (95594)
ভগ্রপাদোরুহস্তঙ্গৈর্ভগ্রজঙ্ঘাশিরোধরৈঃ।
ছিন্নকর্ণোষ্ঠনাসৈশ্চ গন্তব্যং জীবঘাতকৈঃ॥ 14-100-40 (95595)
শক্তিভির্ভিণ্ডিপালৈশ্চ শঙ্কুতোমরসায়কৈঃ।
তুদ্যমানৈস্তু শূলাগ্রৈর্গন্তব্যং জীবঘাতকৈঃ॥ 14-100-41 (95596)
শ্বভির্ব্যাঘ্রৈর্বৃকৈঃ কাকৈর্ভক্ষ্যমাণাঃ সমন্ততঃ।
তুদ্যমানাশ্চ গচ্ছন্তি রাক্ষসৈর্মাংসঘাতিভিঃ॥ 14-100-42 (95597)
মহিষৈশ্চ মৃগৈশ্চাপি সূকরৈঃ পৃষতৈস্তথা।
ভক্ষ্যমাণৈস্তদধ্বানং গন্তব্যং মাংসখাদিভিঃ॥ 14-100-43 (95598)
সূচীসুতীক্ষ্ণতুণ্ডাভির্মক্ষিকাভিঃ সমন্ততঃ।
তুদ্যমানৈশ্চ গন্তব্যং পাপিষ্ঠৈর্বালঘাতকৈঃ॥ 14-100-44 (95599)
বিস্রব্ধং স্বামিনং মিত্রং স্ত্রিয়ং বা ঘ্রন্তি যে নরাঃ।
শস্ত্রৈর্নির্ভিদ্যমানৈশ্চ গন্তব্যং যমসাদনম্॥ 14-100-45 (95600)
খাদয়ন্তি চ যে জীবান্দুঃখমাপাদয়ন্তি চ।
রাক্ষসৈশ্চ শ্বভিশ্চৈব ভক্ষ্যমাণা ব্রজন্তি চ॥ 14-100-46 (95601)
যে হরন্তি চ বস্ত্রাণি শয়্যাং প্রাবরণানি চ।
তে যান্তি বিদ্রুতা নগ্নাঃ পিশাচা ইব তৎপথং॥ 14-100-47 (95602)
গাশ্চ ধান্যং হিরণ্যং বা বলাৎক্ষেত্রং গৃহং তথা।
যে হরন্তি দুরাত্মানঃ পরস্বং পাপকারিণঃ॥ 14-100-48 (95603)
পাষাণৈরুল্মুকৈর্দণ্ডৈঃ কাষ্ঠঘাতৈশ্চ চর্ঝরৈঃ।
হন্যমানৈঃ ক্ষতাকীর্ণৈর্নন্তব্যং তৈর্যমালয়ম্॥ 14-100-49 (95604)
ব্রহ্মস্বং যে হরন্তীহ নরা নরকনির্ভয়াঃ।
আক্রোশন্তীহ যে নিত্যং প্রহরন্তি চ যে দ্বিজান্॥ 14-100-50 (95605)
শুষ্ককণ্ঠা নিবদ্ধাস্তে ছিন্নজিহ্বাক্ষিনাসিকাঃ।
পূয়শোণিতদুর্গন্ধা ভক্ষ্যমাণাশ্চ জংবুকৈঃ॥ 14-100-51 (95606)
চণ্ডালৈর্ভীষণৈশ্চণ্ডৈস্তুদ্যমানাঃ সমন্ততঃ।
ক্রোশন্তঃ করুণং ঘোরং গচ্ছন্তি যমাসাদনম্॥ 14-100-52 (95607)
তত্র চাপি গতাঃ পাপা বিষ্ঠাকূপেষ্বনেকশঃ।
জীবন্তো বর্ষকোটীস্তু ক্লিশ্যন্তে বেদনাত্ততঃ॥ 14-100-53 (95608)
ততশ্চ মুক্তাঃ কালেন লোকে চাস্মিন্নরাধমাঃ।
বিষ্ঠাক্রিমিৎবং গচ্ছন্তি জন্মকোটিশতং নৃপ॥ 14-100-54 (95609)
বিদ্যমানধনৈর্যৈস্তু লোভডংভানৃতান্বিতৈঃ।
শ্রোত্রিয়েভ্যো ন দত্তানি দানানি কুরুপুঙ্গব॥ 14-100-55 (95610)
গ্রীবাপাশনিবদ্ধাস্তে হন্যমানাশ্চ রাক্ষসৈঃ।
ক্ষুৎপিপাসাশ্রমার্তাস্তু যান্তি প্রেতপুরং নরাঃ॥ 14-100-56 (95611)
অদত্তদানা গচ্ছন্তি শুষ্ককণ্ঠাস্যতালুকাঃ।
অন্নং পানীয়সহিতং প্রার্থয়ন্তঃ পুনঃপুনঃ॥ 14-100-57 (95612)
স্বামিন্বুভক্ষাতৃষ্ণার্তা গন্তুং নৈবাদ্য শক্নুমঃ।
মমান্নং দীয়তাং স্বামিন্পানীয়ং দীয়তাং মম।
ইতি ব্রুবন্তস্তৈর্দূতৈঃ প্রাপ্যন্তে বৈ যমালয়ম্॥ 14-100-58 (95613)
বৈশম্পায়ন উবাচ। 14-100-59x (7951)
তচ্ছ্রুৎবা বচনং বিষ্ণোঃ পপাত ভুবি পাণ্ডবঃ।
নিস্সংজ্ঞো ভয়সংত্রস্তো মূর্ছয়া সমভিপ্লুতঃ॥ 14-100-59 (95614)
ততো লব্ধ্বা শনৈঃ সংজ্ঞাং সমাশ্বস্তোচ্যুতেন সঃ।
নেত্রে প্রক্ষাল্য তোয়েন ভূয়ঃ কেশবমব্রবীৎ॥ 14-100-60 (95615)
ভীতোস্ম্যহং মহাদেব শ্রুৎবা মার্গস্য বিস্তরম্।
কেনোপায়েন তং মার্গং তরন্তি পুরুষাঃ সুখম্॥ 14-100-61 (95616)
ভগবানুবাচ। 14-100-62x (7952)
ইহ যে ধার্মিকা লোকে জীবগাতবিবর্জিতাঃ।
গুরুশুশ্রূষণে যুক্তা দেবব্রাহ্মণপূজকাঃ॥ 14-100-62 (95617)
অস্মান্মানুষ্যলোকাত্তে সমার্যাঃ সহবান্ধবাঃ।
যমধ্বানং তু গচ্ছন্তি যথাবত্তং নিবোধ মে॥ 14-100-63 (95618)
ব্রাহ্মণেভ্যঃ প্রদানানি নানারূপাণি পাণ্ডব।
যে প্রয়চ্ছন্তি বিপ্রেভ্যস্তে সুখং যান্তি তৎফলম্॥ 14-100-64 (95619)
অন্নং যে চ প্রয়চ্ছন্তি ব্রাহ্মণেভ্যঃ সুসংস্কৃতম্।
ক্ষোত্রিয়েভ্যো বিশেষেণ প্রীত্যা পরময়া যুতাঃ॥ 14-100-65 (95620)
তে বিমানৈর্মহাত্মানো যান্তি চিত্রৈর্যমালয়ম্।
সেব্যমানা বরস্ত্রীভিরপ্সরোভির্মহাপথম্॥ 14-100-66 (95621)
যে চ নিত্যং প্রভাষন্তে সত্যং নিষ্কল্মষং বচঃ।
তে চ যান্ত্যমলাভ্রাভৈর্বিমানৈর্বৃষয়োজিতৈঃ॥ 14-100-67 (95622)
কপিলাদ্যানি পুণ্যানি গোপ্রদানানি যে নরাঃ।
ব্রাহ্মণেভ্যঃ প্রয়চ্ছন্তি শ্রোত্রিয়েভ্যো বিশেষতঃ॥ 14-100-68 (95623)
তে যান্ত্যমলবর্ণাভৈর্বিমানৈর্বৃষয়োজিতৈঃ।
বৈবস্বতপুরং প্রাপ্য হ্যপ্সরোভির্নিষেবিতাঃ॥ 14-100-69 (95624)
উপানহৌ চ চ্ছত্রং চ শয়নান্যাসনানি চ।
বিপ্রেভ্যো যে প্রয়চ্ছন্তি বস্ত্রাণ্যাভরণানি চ॥ 14-100-70 (95625)
তে যান্ত্যশ্বৈর্বৃষৈর্বাঽপি কুঞ্জরৈরপ্যলঙ্কৃতাঃ।
ধর্মরাজপুরং রম্যং সৌবর্ণচ্ছত্রশোভিতাঃ॥ 14-100-71 (95626)
যে চ ভক্ষ্যাণি দাস্যন্তি ভোজ্যং পেয়ং তথৈব চ।
স্নিগ্ধান্নান্যাপি বিপ্রেভ্যঃ শ্রদ্ধয়া পরয়া যুতাঃ॥ 14-100-72 (95627)
তে যান্তি কাঞ্চনার্যানৈঃ সুখং বৈবস্বতালয়ম্।
বরস্ত্রীভির্যথাকামং সেব্যমানাঃ সহস্রশঃ॥ 14-100-73 (95628)
যে চ ক্ষীরং প্রয়চ্ছন্তি ঘৃতং দধি গুডং মধু।
ব্রাহ্মণেভ্যঃ প্রয়ত্নেন শ্রদ্দধানাঃ সুসংস্কৃতাঃ॥ 14-100-74 (95629)
চক্রবাকপ্রয়ুক্তৈস্তু যানৈ রুক্মময়ৈঃ শুভৈঃ।
যান্তি গন্ধর্ববাদিত্রৈঃ সেব্যমানা যমালয়ম্॥ 14-100-75 (95630)
যে ফলানি প্রয়চ্ছন্তি পুষ্পাণি সুরভীণি চ।
হংসয়ুক্তৈর্বিমানৈস্তু যান্তি ধর্মপুরং নরাঃ॥ 14-100-76 (95631)
যে প্রয়চ্ছন্তি বিপ্রেভ্যো বিচিত্রান্নং ঘৃতাপ্লুতম্।
তে ব্রজনত্যমলাভ্রাভৈর্বিমানৈর্বায়ুবেগিভিঃ।
পুরং তৎপ্রেতনাথস্য নানাজনসমাকুলম্। 14-100-77 (95632)
পানীয়ং যে প্রয়চ্ছন্তি সর্বভূতপ্রজীবনম্।
তে সুতৃপ্তাঃ সুখং যান্তি ভবনৈর্হংসচোদিতৈঃ॥ 14-100-78 (95633)
যে তিলং তিলধেনুং বা ধৃতধেনুমথাপি চ।
শ্রোত্রিয়েভ্যঃ প্রয়চ্ছন্তি সৌম্যভাবসমন্বিতাঃ॥ 14-100-79 (95634)
সূর্যমণ্ডলসংকাশৈর্যানৈস্তে যান্তি নির্মলৈঃ।
গীয়মানৈস্তু গন্ধর্বৈর্বৈবস্বতপুরং নৃপ॥ 14-100-80 (95635)
যেষাং বাপ্যশ্চ কূপাশ্চ তটাকানি সরাংসি চ।
দীর্ঘিকাঃ পুষ্করিণ্যশ্চ সজলাশ্চ জলাশয়াঃ॥ 14-100-81 (95636)
যানৈস্তে যান্তি চন্দ্রাভৈর্দিব্যঘণ্টানিনাদিতৈঃ।
চামরৈস্তালবৃন্তৈশ্চ বীজ্যমানা মহাপ্রভাঃ।
নিত্যতৃপ্তা মহাত্মানো গচ্ছন্তি যমসাদনম্॥ 14-100-82 (95637)
যেষাং দেবগৃহাণীহ চিত্রাণ্যায়তনানি চ।
মনোহরাণি কান্তানি দর্শনীয়ানি ভান্তি চ॥ 14-100-83 (95638)
তে ব্রজন্ত্যমলাভ্রাভৈর্বিমানৈর্বায়ুবেগিভিঃ।
পুরং তৎপ্রেতনাথস্য নানাজনপদাকুলম্॥ 14-100-84 (95639)
বৈবস্বতং চ পশ্যন্তি সুখচিত্তং সুখস্থিতম্।
যমেন পূজিতা যান্তি দেবসালোক্যতাং ততঃ॥ 14-100-85 (95640)
দেবানুদ্দিশ্য লোকেষু প্রপাসু করকোদ্ধৃতম্।
শীতলং সলিলং রম্যং তৃষিতেভ্যো দিশন্তি যে।
তে তু তৃপ্তি পরাং যান্তি প্রাপ্য সৌখ্যং মহাপথম্॥ 14-100-86 (95641)
কাষ্ঠপাদুকদা যান্তি তদধ্বানং সুখং নরাঃ।
সৌবর্ণমণিপীঠে তু পাদং কৃৎবা স্থোত্তমে॥ 14-100-87 (95642)
আরামান্বৃক্ষষণ্ডাংশ্চ রোপয়ন্তি চ যে নরাঃ।
সংবর্ধয়ন্তি চাব্যগ্রং ফলপুষ্পোপশোভিতম্॥ 14-100-88 (95643)
বৃক্ষচ্ছায়াসু রম্যাসু শীতলাসু স্বলঙ্কৃতাঃ।
যান্তি তে বাহনৈর্দিব্যৈঃ পূজ্যমানা মুহুর্মুহুঃ। 14-100-89 (95644)
সেব্যমানাঃ সুরূপাভিরুত্তমাভিঃ প্রয়ত্নতঃ।
স্ত্রীভিঃ কনকবর্ণাভির্যথাকামং যথাসুখম্॥ 14-100-90 (95645)
অশ্বয়ানং তু গোয়ানং হস্তিয়ানমথাপি চ।
যে প্রয়চ্ছন্তি বিপ্রেভ্যো বিমানৈঃ কনকোপমৈঃ॥ 14-100-91 (95646)
সুবর্ণং রজতং বাঽপি বিদ্রুমং মৌক্তিকং তথা।
যে প্রয়চ্ছন্তি তে যান্তি বিমানৈঃ কনকোজ্জ্বলৈঃ।
তে ব্রজন্তি বরস্ত্রীভিঃ সেব্যমানা যথাসুখম্॥ 14-100-92 (95647)
ভূমিদা যান্তি তং লোকং সর্বকামৈঃ সুতর্পিতাঃ।
উদিতাদিত্যসংকাশৈর্বিমানৈর্বৃষয়োজিতৈঃ॥ 14-100-93 (95648)
কন্যাং যে চ প্রয়চ্ছন্তি বিপ্রায় শ্রোত্রিয়ায় চ।
দিব্যকন্যাবৃতা যান্তি বিমানৈস্তে যমালয়ম্॥ 14-100-94 (95649)
সুগন্ধান্গন্ধসংয়োগান্পুষ্পাণি সুরভীণি চ।
প্রয়চ্ছন্তি দ্বিজাগ্রেভ্যো ভক্তয়া পরময়া যুতাঃ॥ 14-100-95 (95650)
সুগন্ধাঃ ধর্মপুরং যানৈর্বিচিত্রৈরপ্যলঙ্কৃতাঃ॥
যান্তি ধর্মপুরং যানৈর্বিচিত্রৈরপ্যলঙ্কৃতাঃ॥ 14-100-96 (95651)
দীপয়া যান্তি যানৈশ্চ দ্যোতয়ন্তো দিশো দশ।
আদিত্যসদৃশাকারৈর্দীপ্যমানা ইবাগ্নয়ঃ॥ 14-100-97 (95652)
গৃহাবসথদাতারো গৃহৈঃ কাঞ্চনবেদিকৈঃ।
ব্রজন্তি বালসূর্যাভৈর্ধর্মরাজপুরং নরাঃ॥ 14-100-98 (95653)
জলভাজনদাতারঃ কুণ্ডিকাকরকপ্রদাঃ।
পূজ্যমানা বরস্ত্রীভির্যান্তি তৃপ্তা মহাগজৈঃ॥ 14-100-99 (95654)
পাদাভ্যঙ্গং শিরোভ্যহ্গং পানং পাদোদকং তথা।
যে প্রয়চ্ছন্তি বিপ্রেভ্যস্তে যান্ত্যশ্বৈর্যমালয়ম্॥ 14-100-100 (95655)
বিশ্রামায়ন্তি যে বিপ্রাঞ্শ্রান্তানধ্বনি কর্শিতান্।
চক্রবাকপ্রয়ুক্তেন যান্তি যানেন তেঽপি চ॥ 14-100-101 (95656)
স্বাগতেন চ যো বিপ্রান্পূজয়েদাসনেন চ।
স গচ্ছতি তদধ্বানং সুখং পরমনির্বৃতঃ॥ 14-100-102 (95657)
নমো ব্রহ্মণ্যদেবেতি যো মাং দৃষ্ট্বাঽভিবাদয়েৎ।
ব্রতীবং প্রয়তো নিত্যং স সুখং তৎপদং ব্রজেৎ॥ 14-100-103 (95658)
নমঃ সর্বসহাভ্যশ্চেত্যভিখ্যায় দিনেদিনে।
নমস্করোতি নিত্যং গাং স সুখং যাতি তৎপথং॥ 14-100-104 (95659)
নমোস্তু প্রিয়দত্তায়েত্যেবংবাদী দিনেদিনে।
ভূমিমাক্রমতে প্রাতঃ সয়নাদুত্থিতশ্চ যঃ॥ 14-100-105 (95660)
সর্বকামৈঃ স তৃপ্তাত্মা সর্বভূষণভূষিতঃ।
যাতি যানেন দিব্যেন সুকং বৈবস্বতালয়ম্॥ 14-100-106 (95661)
অনত্তরাশিনো যে তু ডংভানৃতবিবর্জিতাঃ।
তেঽপি সারসয়ুক্তেন যান্তি যানেন বৈ সুখম্॥ 14-100-107 (95662)
যে চাপ্যেকেন ভুক্তেন ডংভানৃতবিবর্জিতাঃ।
হংসয়ুক্তৈর্বিমানৈস্তু সুখং যান্তি যমালয়ম্॥ 14-100-108 (95663)
চতুর্থেন চ ভুক্তেন বর্তন্তে যে জিতেন্দ্রিয়াঃ।
যান্তি তে ধর্মনগরং যানৈর্বর্হিণয়োজিতৈঃ॥ 14-100-109 (95664)
তৃতীয়দিবসেনেহ ভুঞ্জতে যে জিতেন্দ্রিয়াঃ।
তেঽপি হস্তিরথং যান্তি তৎপথং কনকোজ্জ্বলৈঃ॥ 14-100-110 (95665)
ষষ্ঠান্নকালিকো যস্তু বর্ষমেকং তু বর্ততে।
কামক্রোধবনির্মুক্তঃ শুচির্নিত্যং জিতেন্দ্রিয়ঃ।
স যাতি কুঞ্জরস্থৈস্তু জয়শব্দরবৈর্যুতঃ॥ 14-100-111 (95666)
পক্ষোপবাসিনো যান্তি যানৈঃ শার্দূলয়োজিতৈঃ।
ধর্মরাজপূরং রম্যং দিব্যস্ত্রীগণসেবিতম্॥ 14-100-112 (95667)
যে চ মাসোপবাসং বৈ কুর্বতে সংয়তেন্দ্রিয়াঃ।
তেঽপি সূর্যাদয়প্রখ্যৈর্যান্তি যানৈর্যমালয়ম্॥ 14-100-113 (95668)
অগ্নিপ্রবেশং যশ্চাপি কুরুতে মদ্গতাত্মনা।
স যাত্যগ্নিপ্রকাশেন বিমানেন যমালয়ম্॥ 14-100-114 (95669)
গোকৃতে স্ত্রীকৃতে চৈব হৎবা বিপ্রকৃতেঽপি চ।
তে যান্ত্যমরকন্যাভিঃ সেব্যমানা রবিপ্রভাঃ॥ 14-100-115 (95670)
যে চ কুর্বন্তি মদ্ভক্তাস্তীর্থয়াত্রাং জিতেন্দ্রিয়াঃ।
তে পন্থানং মহাত্মানো যানৈর্যান্তি সুনির্বৃতাঃ॥ 14-100-116 (95671)
যে যজন্তি দ্বিজশ্রেষ্ঠাঃ ক্রতুভির্ভূরিদক্ষিণৈঃ।
হংসসারসসংয়ুক্তৈর্যানৈস্তে যান্তি তৎপথম্॥ 14-100-117 (95672)
পরপীডামকৃৎবৈব ভৃত্যান্বিভ্রতি যে নরাঃ।
তৎপথং সসুখং যান্তি বিমানৈঃ কাঞ্চনোজ্জ্বলৈঃ॥ 14-100-118 (95673)
যে সমাঃ সর্বভূতেষু জীবানামভয়প্রদাঃ।
ক্রোধলোভবিনির্মুক্তা নিগৃহীতেন্দ্রিয়াস্তথা। 14-100-119 (95674)
পূর্ণচন্দ্রপ্রতীকাশৈর্বিমানৈস্তে মহাপ্রভাঃ।
যান্তি বৈবস্বতপুরং দেবগন্ধর্বসেবিতাঃ॥ 14-100-120 (95675)
যে মামেকান্তভাবেন দেবং ত্র্যংবকমেব বা।
পূজয়ন্তি নমস্যন্তি স্তুবন্তি চ দিনেদিনে।
ধর্মরাজপুরং যান্তি যানৈস্তেঽর্কসমপ্রভৈঃ॥ 14-100-121 (95676)
পূজিতাস্তত্র ধর্মেণ স্বয়ং মাল্যাদিভিঃ শুভৈঃ।
যান্ত্যেব ধর্মলোকং বা রুদ্রলোকমথাপি বা॥ ॥ 14-100-122 (95677)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি শততমোঽধ্যায়ঃ॥ 100 ॥
আশ্বমেধিকপর্ব - অধ্যায় 101
॥ শ্রীঃ ॥
14.101. অধ্যায়ঃ 101
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি জলদানান্নদানফলপ্রশংসনম্॥ 1 ॥ তথাঽতিথিলক্ষণকথনপূর্বকং তৎপূজাফলকথনম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
শ্রুৎবা যমপুরাধ্বানং জীবানাং গমনং তথা।
ধর্মপুত্রঃ প্রহৃষ্টাত্মা কেশবং পুনরব্রবীৎ॥ 14-101-1 (95678)
দেবদেবেশ দৈত্যঘ্ন ঋষিসঙ্ঘৈরভিষ্টুত।
ভগবন্ভবহঞ্শ্রীমন্সহস্রাদিত্যসন্নিভ॥ 14-101-2 (95679)
সর্বসংভব ধর্মজ্ঞ সর্বধরমপ্রবর্তক।
সর্বদানফলং সৌম্য কথয়স্ব মমাচ্যুত॥ 14-101-3 (95680)
দানং দেয়ং কথং কৃষ্ণ কীদৃশায় দ্বিজায় বৈ।
কীদৃশং বা তপঃ কৃৎবা তৎফলং কুত্র ভুজ্যতে॥ 14-101-4 (95681)
এবমুক্তো হৃষীকেশো ধর্মপুত্রেণ ধীমতা।
উবাচ ধর্মপুত্রায় পুণ্যান্ধর্মান্মহোদয়ান্॥ 14-101-5 (95682)
শৃণুষ্বাবহিতো রাজন্পূতং পাপঘ্নমুত্তমম্।
সর্বদানফলং সৌম্য ন শ্রাব্যং পাপকর্মণম্॥ 14-101-6 (95683)
যচ্ছ্রুৎবা পুরুষঃ স্ত্রী বা নষ্টপাপঃ সমাহিতঃ।
তৎক্ষণাৎপূততাং যাতি পাপকর্মরতোপি বা॥ 14-101-7 (95684)
একাহমপি কৌন্তেয় ভূমাবুৎপাদিতং জলম্।
সপ্ত তারয়তে পূর্বান্বিতৃষ্ণা যত্র গৌর্ভবেৎ॥ 14-101-8 (95685)
পানীয়ং পরমং লোকে জীবানাং জীবনং স্মৃতম্।
পানীয়স্য প্রদানেন তৃপ্তির্ভবতি পাণ্ডব।
পানীয়স্য গুণা দিব্যাঃ পরলোকে গুণাবহাঃ॥ 14-101-9 (95686)
তত্র পুষ্পোদকী নাম নদী পরমপাবনী।
কামান্দদাতি রাজেন্দ্র তোয়দানাং যমালয়ে॥ 14-101-10 (95687)
শীতলং সলিলং হ্যত্র হ্যক্ষয়্যমমৃতোপমম্।
শীততোয়প্রদাদৄণাং ভবেন্নিত্যং সুখাবহম্॥ 14-101-11 (95688)
যে চাপ্যতোয়দাতারঃ পূয়স্তেষাং বিধীয়তে। 14-101-12 (95689)
প্রণশ্যত্যংবুপানেন বুভুক্ষা চ যুধিষ্ঠির।
তৃপীষস্য ন চান্নেন পিপাসাঽপি প্রণশ্যতি।
তস্মাত্তোয়ং সদা দেয়ং তৃষিতেভ্যো বিজানতা। 14-101-13 (95690)
অগ্নের্মূর্তিঃ ক্ষিতের্যোনিরমৃতস্য স সংভবঃ।
অতোংভঃ সর্বভূতানাং মূলমিত্যুচ্যতে বুধৈঃ॥ 14-101-14 (95691)
অদ্ভিঃ সর্বাণি ভূতানি জীবন্তি প্রভবন্তি চ।
তস্মাৎসর্বেষু দানেষু তোয়দানং বিশিষ্যতে॥ 14-101-15 (95692)
সর্বদানতপোয়জ্ঞৈর্যৎপ্রাপ্যং ফলমুত্তমম্।
তৎসর্বং তোয়দানেন প্রাপ্যতে নাত্র সংশয়ঃ॥ 14-101-16 (95693)
যে প্রয়চ্ছন্তি বিপ্রেভ্যস্ৎবন্নদাতং সুসংস্কৃতম্।
তৈস্তু দত্তাঃ স্বয়ং প্রাণা ভবন্তি ভরতর্ষভ॥ 14-101-17 (95694)
অন্নাদ্রক্তং চ শুক্লং চ অন্নে জীবঃ প্রতিষ্ঠিতঃ।
ইন্দ্রিয়াণি চ বুদ্ধিশ্চ পুষ্ণন্ত্যন্নেন নিত্যশঃ।
অন্নহীনানি সীদন্তি সর্বভূতানি পাণ্ডব॥ 14-101-18 (95695)
তেজো বলং চ রূপং চ সৎবং বীর্যং ধৃতির্দ্যুতিঃ।
জ্ঞানং মেধা তথাঽঽয়ুশ্চ সর্বমন্নে প্রতিষ্ঠিতম্॥ 14-101-19 (95696)
দেবমানবর্তির্যক্ষু সর্বলোকেষু সর্বদা।
সর্বকালং হি সর্বেষাং সর্বমন্নে প্রতিষ্ঠিতম্॥ 14-101-20 (95697)
অন্নং প্রজাপতে রূপমন্নং প্রজননং স্মৃতম্।
সর্বভূতময়ং চান্নং জীবশ্চান্নময়ঃ স্মৃতঃ॥ 14-101-21 (95698)
অন্নেনাধিষ্ঠিতঃ প্রাণ অপানো ব্যান এব চ।
উদানশ্চ সমানশ্চ ধারয়ন্তি শরীরিণম্॥ 14-101-22 (95699)
শয়নোত্থানগমনগ্রহণাকর্ষণানি চ
সর্বসৎবকৃতং ক্রম চান্নাদেব প্রবর্ততে॥ 14-101-23 (95700)
চতুর্বিধানি ভূতানি জঙ্গমানি স্থিরাণি চ।
অন্নাদ্ভবন্তি রাজেন্দ্র সৃষ্টিরেষা প্রজাপতেঃ॥ 14-101-24 (95701)
বিদ্যাস্থানানি সর্বাণি সর্বয়জ্ঞাশ্চ পাবনাঃ।
অন্নাদ্যস্মাৎপ্রবর্তন্তে তস্মাদন্নং পরং স্মৃতম্॥ 14-101-25 (95702)
দেবা রুদ্রাদয়ঃ সর্বে পিতরোঽপ্যগ্নয়স্তথা।
যস্মাদন্নেন তুষ্যন্তি তস্মাদন্নং বিশিষ্যতে॥ 14-101-26 (95703)
যস্মাদন্নাৎপ্রজাঃ সর্বাঃ কল্পেকল্পেঽসৃজৎপ্রভুঃ।
তস্মাদন্নাৎপরং দানং ন ভূতং ন ভবিষ্যতি॥ 14-101-27 (95704)
যস্মাদন্নাৎপ্রবর্তন্তে ধর্মার্থৌ কাম এব চ।
তস্মাদন্নাৎপরং দানং নামুত্রেহ চ পাণ্ডব॥ 14-101-28 (95705)
যক্ষরক্ষোগ্রহা নাগা ভূতান্যন্তে চ দানবাঃ।
তুষ্যন্ত্যন্নেন যস্মাত্তু তস্মাদন্নং পরং ভবেৎ॥ 14-101-29 (95706)
পরান্নমুপভুঞ্জনো যৎকর্ম কুরুতে শুভম্।
তচ্ছুভস্যৈকভাগস্তু কর্তুর্ভবতি ভারত॥ 14-101-30 (95707)
অন্নদস্য ত্রয়ো ভাগা ভন্তি পুরুষর্ষভ।
তস্যাদন্নং প্রদাতব্যং ব্রাহ্মণেভ্যো বিশেষতঃ॥ 14-101-31 (95708)
ব্রাহ্মণায় দরিদ্রায় যোঽন্নং সংবৎসরং নৃপ।
শ্রোত্রিয়ায় প্রয়চ্ছেদ্বৈ পাকভেদবিবর্জিতঃ॥ 14-101-32 (95709)
ডংভানৃতবিমুক্তস্তু পরাং ভক্তিমুপাগতঃ।
স্বধর্মেণার্জিতফলং তস্য পুণ্যফলং শৃণু॥ 14-101-33 (95710)
শতবর্ষসহস্রাণি কামগঃ কামরূপধৃৎ।
মোদতেঽমরলোকস্থঃ পূজ্যমানোপ্সরোগণৈঃ।
ততশ্চাপি চ্যুতঃ কালান্নরলোকে দ্বিজো ভবেৎ॥ 14-101-34 (95711)
অগ্নভিক্ষাং চ যো দদ্যাদ্দরিদ্রায় দ্বিজাতয়ে।
ষণ্মাসান্বার্ষিকং শ্রাদ্দং তস্য পুণ্যফলং শৃণু॥ 14-101-35 (95712)
গোসহস্রপ্রদানেন যৎপুণ্যং সমুদাহৃতম্।
তৎপ্রণ্যফলমাপ্নোতি নরো বৈ নাত্র সংশয়ঃ॥ 14-101-36 (95713)
অথ সংবৎসরং দদ্যাদগ্রভিক্ষাময়াচতে।
প্রচ্ছদ্যৈব স্বয়ং নীৎবা তস্য পুণ্যফলং শৃণু॥ 14-101-37 (95714)
কপিলানাং সহস্রৈস্তু যদ্দেয়ং পুণ্যমুচ্যতে।
তৎসর্বমখিলং প্রাপ্য শক্রলোকে মহীয়তে॥ 14-101-38 (95715)
স শক্রভবনে রম্যে র্ষিকোটিশতং নৃপ।
যথাকামং মহাতেজাঃ ক্রীডত্যপ্সরসাংগণৈঃ॥ 14-101-39 (95716)
অন্নং চ যস্তু বৈ দদ্যাদ্দ্বিজায় নিয়তব্রতঃ।
দশবর্ষামি রাজেন্দ্র তস্য পুণ্যফলং শৃণু॥ 14-101-40 (95717)
কপিলা শতসহস্রস্য বিধিদত্তস্য যৎফলম্।
তৎপুণ্যফলমাসাদ্য পুরন্দরপুরং ব্রজেৎ॥ 14-101-41 (95718)
স শক্রভবনে রম্যে কামরূপী যথাসুখম্।
শতকোটিসমা রাজন্ক্রীডতেঽমরপূজিতঃ॥ 14-101-42 (95719)
শক্রলোকাবতীর্ণশ্চ ইহ লোকে মহাদ্যুতিঃ।
চতুর্বেদী দ্বিজঃ শ্রীমাঞ্জায়তে রাজপূজিতঃ॥ 14-101-43 (95720)
অধ্বশ্রান্তায় বিপ্রায় ক্ষুধিতায়ান্নকাঙ্ক্ষিণে।
দেশকালাভিয়াতায় দীয়তে পাণ্ডুনন্দন॥ 14-101-44 (95721)
যাচতেঽন্নং ন দদ্যাদ্যো বিদ্যামানে ধনাগমে।
স লুব্ধো নরকং যাতি কৃমীণাং কালসূত্রকম্॥ 14-101-45 (95722)
তত্র নরকে ঘোরে লোভমোহবিচেতনঃ।
দশরব্ষসহস্রাণি ক্লিশ্যতে বেদনার্দিতঃ॥ 14-101-46 (95723)
তস্মাচ্চ নরকান্মুক্তঃ কালেন মহতা হি সঃ।
দরিদ্রো মানুষে লোকে চণ্ডালেষ্বপি জায়তে। 14-101-47 (95724)
যস্তু পাংসুলপাদশ্চ দূরাধ্বশ্রমকর্শিতঃ।
ক্ষুৎপিপাসাশ্রমশ্রান্ত আর্তঃ খিন্নগতির্দ্বিজঃ॥ 14-101-48 (95725)
পৃচ্ছন্বৈ হ্যন্নদাতারং গৃহমভ্যেত্য যাচয়েৎ।
তং পূজয়েত্তু যত্নেন সোঽতিথিঃ স্বর্গসংক্রমঃ।
তস্মিংস্তুষ্টে নরশ্রেষ্ঠ তুষ্টাঃ স্যুঃ সর্বদেবতাঃ॥ 14-101-49 (95726)
ন তথা হবিষা হোমৈর্ন পুষ্পৈর্নানুলেপনৈঃ।
অগ্নয়ঃ পার্থ তুষ্যন্তি যথা হ্যতিথিপূজনাৎ॥ 14-101-50 (95727)
কপিলায়াং তু দত্তায়াং বিধিবজ্জ্যেষ্ঠপুষ্করে।
ন তৎফলমবাপ্নোতি যৎফলং বিপ্রবোজনান্। 14-101-51 (95728)
দ্বিজপাদোদকক্লিন্না যাবত্তিষ্ঠতি মেদিনী।
তাবৎপুষ্করপত্রেণ পিবন্তি পিতরো জলম্॥ 14-101-52 (95729)
দেবমাল্যাপনয়নং দ্বিজোচ্ছিষ্টাপমার্জনম্।
শ্রান্তসংবাহনং চৈব তথা পাদাবসেচনম্॥ 14-101-53 (95730)
প্রতিশ্রয়প্রদানং চ তথা শয়্যাসনস্য চ।
একৈকং পাণ্ডবশ্রেষ্ঠ গোপ্রদানাদ্বিশিষ্যতে॥ 14-101-54 (95731)
পাদোদকং পাদঘৃতং দীপমন্নং প্রতিশ্রয়ম্।
যে প্রয়চ্ছন্তি বিপ্রেভ্যো নোপসর্পন্তি তে যমম্॥ 14-101-55 (95732)
বিপ্রাতিথ্যে কৃতে রাজন্ভক্ত্যা শুশ্রূষিতেঽপি চ।
দেবাঃ শুশ্রূষিতাঃ সর্বে ত্রয়স্ত্রিংশদরিন্দম॥ 14-101-56 (95733)
অভ্যাগতো জ্ঞাতপূর্বো হ্যজ্ঞাতোঽতিথিরুচ্যতে।
তয়োঃ পূজাং দ্বিজঃ কুর্যাদিতি পৌরাণিকী শ্রুতিঃ॥ 14-101-57 (95734)
পাদাভ্যঙ্গন্নপানৈস্তু যোঽতির্থিং পূজয়েন্নরঃ।
পূজিতস্তেন রাজেন্দ্র ভবামীহ ন সংশয়ঃ॥ 14-101-58 (95735)
শীঘ্রং পাপাদ্বিনির্মুক্তো ময়া চানুগ্রহীকৃতঃ।
বিমানেনেন্দুকল্পেন মম লোকং স গচ্ছতি॥ 14-101-59 (95736)
অভ্যাগতং শ্রান্তমনুব্রজন্তি
দেবাশ্চ সর্বে পিতরোঽগ্নয়শ্চ।
তস্মিন্দ্বিজে পূজিতে পূজিতাঃ স্যু-
র্গতে নিরাশাঃ পিতরো ব্রজন্তি॥ 14-101-60 (95737)
অতির্থির্যস্য ভগ্নাশো গৃহাৎপ্রতিনিবর্ততে।
পিতরস্তস্য নাশ্নন্তি দশবর্ষণি পঞ্চ চ॥ 14-101-61 (95738)
বর্জিতঃ পিতৃভির্লুব্ধঃ স দেবৈরগ্নিভিঃ সহ।
নিরয়ং রৌরবং গৎবা দশবর্ষাণি পঞ্চ চ।
ততশ্চাপি চ্যুতঃ কালাদিহ চোচ্ছিষ্টভুগ্ভবেৎ॥ 14-101-62 (95739)
বৈশ্বদেবান্তিকে প্রাপ্তমতিথিং যো ন পূজয়েৎ।
চণ্ডালৎবমবাপ্নোতি সদ্য এব ন সংশয়ঃ॥ 14-101-63 (95740)
নির্বাসয়তি যো বিপ্রং দেশকালগতং গৃহাৎ।
পতিতস্তৎক্ষণাদেব জায়তে নাত্র সংশয়ঃ॥ 14-101-64 (95741)
নরকে রৌরবে ঘোরে বর্ষকোটিং স পচ্যতে।
ততশ্চাপি চ্যুতঃ কালাদিহ লোকে নরাধমঃ।
শ্বা বৈ দ্বাদশজন্মানি জায়তে ক্ষুৎপিপাসিতঃ॥ 14-101-65 (95742)
চণ্ডালোপ্যতিথিঃ প্রাপ্তো দেশকালেঽন্নকাঙ্ক্ষয়াঃ।
অভ্যুদ্গম্যো গৃহস্থেন পূজনীয়শ্চ সর্বদা॥ 14-101-66 (95743)
অনর্চয়িৎবা যোঽশ্নাতি লোভমোহবিচেতনঃ।
স চণ্ডালৎবমাপন্নো দশ জন্মানি পাণ্ডব॥ 14-101-67 (95744)
নিরাশমতিথিং কৃৎবা ভুঞ্জনো যঃ প্রহৃষ্টবান্।
ন জানাতি কিলাত্মানং বিষ্ঠকূপে নিপাতিতং॥ 14-101-68 (95745)
মোঘং ধ্রুবং প্রোর্ণয়তি মোঘমস্য তু পচ্যতে।
মোঘমন্নং সদাঽশ্নাতি যোতিথিং ন চ পূজয়েৎ॥ 14-101-69 (95746)
সাঙ্গোপাঙ্গাংস্তু যো বেদান্পঠতীহ দিনেদিনে।
ন চাতিথিং পূজয়তি বৃথা ভবতি স দ্বিজঃ॥ 14-101-70 (95747)
পাকয়জ্ঞমহায়জ্ঞৈঃ সোমসংস্থাভিরেব চ।
যে যজন্তি ন চার্চন্তি গৃহেষ্বতিথিমাগতম্॥ 14-101-71 (95748)
তেষাং যশোভিকামানাং দত্তমিষ্টং চ যদ্ভবেৎ।
বৃথা ভবতি তৎসর্বমাশয়া হি তয়া হতম্॥ 14-101-72 (95749)
দেশং কালং চ পাত্রং চ স্বশক্তিং চ নিরীক্ষ্য চ।
অল্পং সমং মহদ্বাপি কুর্যাদাতিথ্যমাত্মবান্॥ 14-101-73 (95750)
সুমুখঃ সুপ্রসন্নাত্মা ধীমানতিথিমাগতম্।
স্বাগতেনাসনেনাদ্ভিরন্নাদ্যেন চ পূজয়েৎ॥ 14-101-74 (95751)
হিতঃ প্রিয়ো বা দ্বেষ্যো বা মূর্খঃ পণ্ডিত এব বা।
প্রাপ্তো যো বৈশ্বদেবান্তে সোতিথিঃ স্বর্গসংক্রমঃ॥ 14-101-75 (95752)
ক্ষুৎপিপাসাশ্রমার্তায় দেশকালগতায় চ।
সৎকৃত্যান্নং প্রদাতব্যং যজ্ঞস্য ফলমিচ্ছতা॥ 14-101-76 (95753)
ভোজয়েদাত্মনঃ শ্রেষ্ঠান্বিধইবদ্ধব্যকব্যযোঃ।
অন্নং প্রাণো মনুষ্যণামন্নদঃ প্রাণদো ভবেৎ।
তস্মাদন্নং বিশেষেণ দাতব্যং ভূতিমিচ্ছতা॥ 14-101-77 (95754)
অন্নদঃ সর্বকামৈস্তু সুতৃপ্তঃ সুষ্ট্বলঙ্কৃতঃ।
পূর্ণচন্দ্রপ্রকাশেন বিমানেন বিরাজতে॥ 14-101-78 (95755)
সেব্যমানো বরস্ত্রীভির্মম লোকং স গচ্ছতি।
ক্রীডিৎবা তু ততস্তস্মিন্বর্ষকোটিং যথাঽমরঃ॥ 14-101-79 (95756)
ততস্চাপি চ্যুতঃ কালাদিহ লোকে মহায়শাঃ।
বেদশাস্ত্রার্থতৎবজ্ঞো ভোগবান্ব্রাহ্মণো ভবেৎ॥ 14-101-80 (95757)
যথাশ্রদ্ধং তু যঃ কুর্যান্মনুষ্যেষু প্রজায়তে।
মহাধনপতিঃ শ্রীমান্বেদবেদাঙ্গপারগঃ।
সর্বশাস্ত্রার্থতৎবজ্ঞো ভোগবান্ব্রাহ্মণো ভবেৎ॥ 14-101-81 (95758)
সর্বাতিথ্যং তু যঃ কুর্যাদ্বর্ষমেকমকল্মষঃ।
ধর্মার্জিতধনো ভূৎবা পাকভেদবিবর্জিতঃ॥ 14-101-82 (95759)
দেবানিব স্বয়ং বিপ্রানর্চয়িৎবা পিতৄনপি।
বিপ্রানগ্রাশনাশী যস্তস্য পুণ্যফলং শৃণু॥ 14-101-83 (95760)
বর্ষেণৈকেন যাবন্তি পিণ্ডান্যশ্নন্তি যে দ্বিজাঃ।
তাবদ্বর্ষাণি রাজেন্দ্র মম লোকে মহীয়তে॥ 14-101-84 (95761)
ততশ্চাপি চ্যুতঃ কালাদিহ লোকে মহায়শাঃ।
বেদসাস্ত্রার্থতৎবজ্ঞো ভোগবান্ব্রাহ্মণো ভবেৎ॥ 14-101-85 (95762)
সর্বাতিথ্যং তু যঃ কুর্যাদ্যথাশ্রদ্ধং নরেশ্বর।
অকালনিয়মেনাপি সত্যবাদী জিতেন্দ্রিয়ঃ॥ 14-101-86 (95763)
সত্যসন্ধো চিতক্রোধঃ শাখাধর্মবিবর্জিতঃ।
অধর্মভীরুর্ধর্মিষ্ঠো মায়ামাৎসর্যবর্জিতঃ॥ 14-101-87 (95764)
শ্রদ্দধানঃ সুচির্নিত্যং পাকবেদবিবর্জিতঃ।
স বিমানেন দিব্যেন দিব্যরূপী মহায়শাঃ॥ 14-101-88 (95765)
পুরন্দরপুরং যাতি গীয়মানোপ্সরোগণৈঃ।
মন্বন্তরং তু তত্রৈব ক্রীডিৎবা দেবপূজিতঃ।
মানুষ্যলোকমাগম্য ভোগবান্ব্রাহ্মণো ভবেৎ॥ 14-101-89 (95766)
দশজন্মানি বিপ্রৎবমাপ্নুয়াদ্রাজপূজিতঃ।
জাতিস্মরশ্চ ভবতি যত্রয়ত্রোপজায়তে॥ ॥ 14-101-90 (95767)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি একাধিকশততমোঽধ্যায়ঃ॥ 101 ॥
আশ্বমেধিকপর্ব - অধ্যায় 102
॥ শ্রীঃ ॥
14.102. অধ্যায়ঃ 102
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি ভূগোতিলকন্যাদানফলপ্রতিপাদনম্॥ 1 ॥Mahabharata - Ashvamedhika Parva - Chapter Text
ভগবানুবাচ।
অতঃ পরং প্রবক্ষ্যামি ভূমিদানমনুত্তমম্॥ 14-102-1 (95768)
যঃ প্রয়চ্ছতি বিপ্রায় ভূমিং রম্যাং সদক্ষিণাম্।
শ্রোত্রিয়ায় দরিদ্রায় সাগ্নিহোত্রায় পাণ্ডব॥ 14-102-2 (95769)
স সর্বকামতৃপ্তাত্মা সর্বরত্নবিভূষিতঃ।
সর্বপাপবিনির্মুক্তো দীপ্যমানোঽর্কবৎসদা॥ 14-102-3 (95770)
বালসূর্যপ্রকাশেন বিচিত্রধ্বজশোভিনা।
যাতি যানেন দিব্যেন মম লোকং মহায়শাঃ॥ 14-102-4 (95771)
তত্র দিব্যাঙ্গনাভিস্তু সেব্যমানো যথাসুখম্।
কামগঃ কামরূপী চ ক্রীডত্যপ্সরসাংগণৈঃ॥ 14-102-5 (95772)
যাবদ্বিভর্তি লোকান্বৈ ভূমিঃ কুরুকুলোদ্বহ।
তাবদ্ভূমিপ্রদঃ কালে মম লোকে মহীয়তে॥ 14-102-6 (95773)
ন হি ভূমিপ্রদানাদ্বৈ দানমন্যদ্বিশিষ্যতে।
ন চাপি ভূমিহরণাৎপাপমান্যদ্বিশিষ্যতে॥ 14-102-7 (95774)
দানান্যন্যানি হীয়ন্তে কালেন কুরুপুঙ্গব।
ভূমিদানস্য পুণ্যস্য ক্ষয়ো নৈবোপপদ্যতে॥ 14-102-8 (95775)
ব্রাহ্মণায় দরিদ্রায় ভূমিং দত্তাং তু যো নরঃ।
ন হিংসতি নরব্যাঘ্র তস্য পুণ্যফলং শৃণু॥ 14-102-9 (95776)
সপ্তদ্বীপসমুদ্রান্তা রত্নসংচয়সংকুলা।
সশৈলবনদুর্গাঢ্যা তেন দত্তা মহী ভবেৎ॥ 14-102-10 (95777)
ভূমিং দৃষ্ট্বা দীয়মানাং শ্রোত্রিয়ায়াগ্নিহোত্রিণে।
সর্বভূতানি মন্যন্তে মাং দদাতীতি হর্ষবৎ॥ 14-102-11 (95778)
সুবর্ণমণিরত্নানি ধনানি চ বসূনি চ।
সর্বদানানি বৈ রাজন্দদাতি বসুধাং দদৎ॥ 14-102-12 (95779)
সাগরান্সরিতঃ শৈলান্সমানি বিষমাণি চ।
সর্বগন্ধরসাংশ্চৈব দদাতি বসুধাং দদৎ॥ 14-102-13 (95780)
ওষধীঃ ফলসংপন্না নানাপুষ্পসমন্বিতাঃ।
কমলোৎপলষণ্ডাংশ্চ দদাতি বসুধাং দদৎ॥ 14-102-14 (95781)
ধর্মং কামং তথা চার্থং বেদান্যজ্ঞাংস্তথৈব চ।
স্বর্গমার্গগতিং চৈব দদাতি বসুধাং দদৎ॥ 14-102-15 (95782)
অগ্নিষ্টোমাদিভির্যজ্ঞৈর্যে যজন্তে সদক্ষিণৈঃ।
ন তৎফলং লভন্তে তে ভূমিদানস্য যৎফলম্॥ 14-102-16 (95783)
শ্রোত্রিয়া মহীং দত্ৎবা যো ন হিংসতি পাণ্ডব।
তদ্দানং কথয়িষ্যন্তি যাবল্লোকাঃ প্রতিষ্ঠিতাঃ।
তাবৎস্বর্গোপভোগানাং ভোক্তারঃ পাণ্ডুনন্দন॥ 14-102-17 (95784)
সস্যপূর্ণাং মহীং যস্তু শ্রোত্রিয়ায় প্রয়চ্ছতি।
পিতরস্তস্য তৃপ্যযন্তি যাবদাভূতসংপ্লুবম্॥ 14-102-18 (95785)
মম রুদ্রস্য সবিতুস্ত্রিদশানাং তথৈব চ।
প্রীতয়ে বিদ্ধি রাজেন্দ্র ভূমির্দত্তা দ্বিজায় বৈ॥ 14-102-19 (95786)
তেন পুণ্যেন পূতাত্মা দাতা ভূমের্যুধিষ্ঠির।
মম সালোক্যমাপ্নোতি নাত্র কার্যা বিচারাণা॥ 14-102-20 (95787)
যৎকিংচিৎকুরুতে পাপং পুরুষে বৃত্তিকর্শিতঃ।
স চ গোকর্ণমাত্রেণ ভূমিদানেন শুধ্যতি॥ 14-102-21 (95788)
মাসোপবাসে যৎপুণ্যং কৃচ্ছ্রে চান্দ্রায়ণেঽপি চ।
ভূমিগোকর্ণমাত্রেণ তৎপুণ্যং তু বিধীয়তে॥ 14-102-22 (95789)
সর্বতীর্থাভিষেকে চ যৎপুণ্যং সমুদাহৃতম্।
ভূমিগোকর্ণমাত্রেণ তৎপুণ্যং তু বিধীয়তে॥ 14-102-23 (95790)
যুধিষ্ঠির উবাচ। 14-102-24x (7953)
দেবদেব নমস্তেঽস্তদু বাসুদেব সুরেশ্বর।
গোকর্ণস্য প্রমাণং বৈ বক্তুমর্হসি তৎবতঃ॥ 14-102-24 (95791)
ভগবানুবাচ। 14-102-25x (7954)
শৃণু গোকর্ণমাত্রস্য প্রমাণং পাণ্ডুনন্দন।
ত্রিংশদ্দণ্ডপ্রমাণেন প্রমিতং সর্বতো দিশম্॥ 14-102-25 (95792)
প্রত্যক্প্রাগপি রাজেন্দ্র তত্তথা দক্ষিণোত্তরম্।
গোকর্ণং তদ্বিদঃ প্রাহুঃ প্রমাণং ধরণের্নৃপ॥ 14-102-26 (95793)
সবৃষং গোশতং যত্র সুখং তিষ্ঠত্যযন্ত্রিতম্।
সবৎসং কুরুশার্দূল তচ্চ গোকর্ণমুচ্যতে॥ 14-102-27 (95794)
কিংকরা মৃত্যুদণ্ডাশ্চ কুংভীপাকাশ্চ দারুণাঃ।
ঘোরাশ্চ বারুণাঃ পাশা নোপসর্পন্তি ভূমিদম্॥ 14-102-28 (95795)
নিরয়া রৌরবাদ্যাশ্চ তথা বৈতরণী নদী।
তীব্রাশ্চ যাতনাঃ কৃষ্টা নোপসর্পন্তি ভূমিদম্॥ 14-102-29 (95796)
চিত্রগুপ্তাঃ কলিঃ কালঃ কৃতান্তো মৃত্যুরেব চ।
যমশ্চ ভগবান্সাক্ষাৎপূজয়ন্তি মহীপ্রদম্॥ 14-102-30 (95797)
রুদ্রঃ প্রজাপতিঃ শক্রঃ সুরা ঋষিগণাস্তথা।
অহং চ প্রীতিমান্রাজন্পূজয়ামো মহীপ্রদম্॥ 14-102-31 (95798)
কৃশভৃত্যস্য কৃশগোঃ কৃশাশ্বস্য কৃতাতিথেঃ।
ভূমির্দেয়া নরশ্রেষ্ঠ স নিধইঃ পারলৌকিকঃ॥ 14-102-32 (95799)
সীদমানকুটুংবায় শ্রোত্রিয়ায়াগ্নিহোত্রিণে।
ব্রস্থায় দরিদ্রায় ভূমির্দেয়া নরাধিপ॥ 14-102-33 (95800)
যথা হি ধাত্রী ক্ষীরেণ পুত্রং বর্ধয়তি স্বয়ম্।
দাতারমনুগৃহ্ণাতি দত্তা হ্যেবং বসুংধরা॥ 14-102-34 (95801)
যথা বিভর্তি গৌর্বৎসং সৃজন্তী ক্ষীরমাত্মনঃ।
তথা সর্বগুণোপেতা ভূমির্বহতি ভূমিদম্॥ 14-102-35 (95802)
যথা বীজনি রোহন্তি জলসিক্তানি ভূপতে।
তথা কামাঃ প্ররোহন্তি ভূমিদস্য দিনেদিনে॥ 14-102-36 (95803)
যথা তেজস্তু সূর্যস্য তমঃ সর্বং ব্যপোহতি।
তথা পাপং নরস্যেহ ভূমিদানং ব্যপোহতি॥ 14-102-37 (95804)
দাতা দশানুগৃহ্ণাতি যো হরেদ্দশ হন্তি চ।
অতীতান্যাগতানীহ কুলানি কুরুপুঙ্গব॥ 14-102-38 (95805)
আশ্রুত্য ভূমিদানং তু দত্ৎবা যো বা হরেন্পুনঃ।
স বদ্ধো বারুণৈঃ পাশৈঃ ক্ষিপ্যতে পূয়শোণিতে॥ 14-102-39 (95806)
স্বদত্তাং পরদত্তাং বা যো হরেৎ বসুংধরাম্।
ন তস্য নরকাদ্ধোরাদ্বিদ্যতে নিষ্কৃতিঃ ক্বচিৎ॥ 14-102-40 (95807)
ব্রাহ্ম্ণস্য হৃতে ক্ষেত্রে হন্যাদ্দ্বাদশ পূর্বজান্।
স গচ্ছেৎকৃমিয়োনিং চ ন চ মুচ্যেত জাতু সঃ॥ 14-102-41 (95808)
দত্ৎবা ভূমিং দ্বিজেন্দ্রায় যস্তামেবোপজীবতি।
গবাং শতসহস্রস্য হন্তুঃ স লভতে ফলম্॥ 14-102-42 (95809)
সোধশ্শিরাস্তু পাপাত্মা কুংভীপাকেষু পচ্যতে।
দিব্যৈর্বর্ষসহস্রৈস্তু কুংভীপাকাদ্বিজনিস্সৃতঃ।
ইহ লোকে ভবেৎস শ্বা রাতজন্মনি পাণ্ডব॥ 14-102-43 (95810)
দত্ৎবা ভূমি দ্বিজেন্দ্রাণাং যস্তামেবোপজীবতি।
স মূঢো যাতি দুষ্টাত্মা নরকানেকবিংশতিম্।
নরকেভ্যো বিনির্মুক্তঃ শুনাং যোনিং স গচ্ছতি॥ 14-102-44 (95811)
হলকৃষ্টা মহী দেয়া সবীজা সস্যমালিনী।
অথবা সোদকা দেয়া দরিদ্রায় দ্বিজাতয়ে॥ 14-102-45 (95812)
এবং দত্তা মহী রাজন্প্রহৃষ্টেনান্তরাত্মনা।
সর্বান্কামানবাপ্নোতি মনসা চিন্তিতানি চ॥ 14-102-46 (95813)
বহুভির্বসুধা দত্তা দীয়তে চ নরাধিপৈঃ।
যস্য যস্য যদা ভূমিস্তস্য তস্য তদা ফলম্॥ 14-102-47 (95814)
যঃ প্রয়চ্ছতি কন্যাং বৈ সুরূপাং শ্রোত্রিয়ায় বৈ।
স ব্রহ্মদেয়ো রাজেন্দ্র তস্য পুণ্যফলং শৃণু॥ 14-102-48 (95815)
বলীবর্দসহস্রাণাং দত্তানাং ধুর্যবাহিনাম্।
যৎপুণ্যং লভতে রাজন্কন্যাদানেন তৎফলম্॥ 14-102-49 (95816)
গবাং শতসহস্রস্য সম্যগ্ধত্তস্থ যৎফলম্।
তৎফলং সমবাপ্নোতিঃ যঃ প্রয়চ্ছতি কন্যকাম্॥ 14-102-50 (95817)
যাবন্তি চৈব রোমাণি কন্যায়াঃ কুরুপুঙ্গব।
তাবদ্বর্ষসহস্রাণি মম লোকে মহীয়তে॥ 14-102-51 (95818)
ততশ্চাপি চ্যুতঃ কালাদিহ লোকে স জায়তে।
ষডঙ্গবিচ্চতুর্বেদী সর্বলোকার্চিতো দ্বিজঃ॥ 14-102-52 (95819)
যঃ সুবর্ণং দরিদ্রায় ব্রাহ্মণায় প্রয়চ্ছতি।
শ্রোত্রিয়ায় সুবৃত্তায় বহুপুত্রায় পাণ্ডব॥ 14-102-53 (95820)
স মুক্তঃ সর্বপাপেভ্যো বালসূর্যসমপ্রভঃ।
বিমানং দিব্যামারূঢঃ কামগঃ কামভোগবান্॥
বর্ষকোটিং মহাতেজা মম লোকে মহীয়তে॥ 14-102-54 (95821)
ততঃ কালাবতীর্ণশ্চ সোস্মিঁল্লোকে হি জায়তে।
বেদবেদাঙ্গবিদ্বিপ্রঃ কোটীধনপতির্ভবেৎ॥ 14-102-55 (95822)
যশ্চ রূপ্যং প্রয়চ্ছেদ্বৈ দরিদ্রায় দ্বিজাতয়ে।
কৃশবৃত্তেঃ কৃশগবে স মুক্তঃ সর্বকিল্বিষৈঃ॥ 14-102-56 (95823)
পূর্ণচন্দ্রপ্রকাশেন বিমানেন বিরাজতা।
কামরূপি যথাকামং স্বর্গলোকে মহীয়তে॥ 14-102-57 (95824)
ততোঽবতীর্ণঃ কালেন লোকে চাস্মিন্মহায়শাঃ।
সর্বলোকার্চিতঃ শ্রীমান্রাজা ভবতি বীর্যবান্॥ 14-102-58 (95825)
তিলপর্বতকং যস্তু শ্রোত্রিয়ায় প্রয়চ্ছতি।
বিশেষেণ দরিদ্রায় তস্যাপি শৃণু যৎফলম্॥ 14-102-59 (95826)
পুণ্যং বৃষায়ুতোৎসর্গে যৎপ্রোক্তং পাণ্ডুনন্দন।
তৎপুণ্যং সমনুপ্রাপ্য তৎক্ষণাদ্বিরজা ভবেৎ॥ 14-102-60 (95827)
যথা ৎবচং ভুজঙ্গো বৈ ত্যক্ৎবা শুদ্ধতনুর্ভবেৎ।
ততা তিলপ্রদানাদ্বৈ পাপং ত্যক্ৎবা বিসুদ্ধ্যতি॥ 14-102-61 (95828)
তিলষণ্ডং প্রয়ুঞ্জানো জাংবূনদবিভূষিতম্।
বিমানং দিব্যমারূঢঃ পিতৃলোকে মহীয়তে॥ 14-102-62 (95829)
ষষ্টিং বর্ষসহস্রাণি কামরূপী মহায়শাঃ।
তিলপ্রদাতা রমতে পিতৃলোকে যথাসুখম্॥ 14-102-63 (95830)
যঃ প্রয়চ্ছতি বিপ্রায় তিলধেনুং নরাধিপ।
শ্রোত্রিয়ায় দরিদ্রায় শৃণু তস্যাপি যৎফলম্॥ 14-102-64 (95831)
গোসহস্রপ্রদানেন যৎপুণ্যং সমুদাহৃতম্।
তৎপুণ্যফলামাপ্নোতি তিলধেনুপ্রদো নরঃ॥ 14-102-65 (95832)
তিলানাং কুডবৈর্যস্তু তিলধেনুং প্রয়চ্ছতি।
তাবৎকোটিসমা রাজন্স্বর্গলোকে মহীয়তে॥ 14-102-66 (95833)
অষ্টাঢকতিলৈঃ কৃৎবা তিলধেনু নরাধিপ।
দ্বাত্রিংশন্নিষ্কসংয়ুক্তং বিষুবে যঃ প্রয়চ্ছতি।
মদ্ভক্ত্যা মদ্গতাত্মা বৈ তস্য পুণ্যফলং শৃণু॥ 14-102-67 (95834)
কন্যাদানসহস্রস্য বিধিদত্তস্য যৎফলম্।
তৎপুণ্যং সমনুপ্রাপ্তো মম লোকে মহীয়তে॥ 14-102-68 (95835)
মম লোকাবতীর্ণশ্চ সোস্মিঁল্লোকেঽভিজায়তে।
ঋগ্যজুস্সামবেদানাং পারগো ব্রাহ্মণর্ষভঃ॥ 14-102-69 (95836)
গাং তু যস্তু দরিদ্রায় শ্রোত্রিয়ায় প্রয়চ্ছতি।
প্রসন্নাং ক্ষীরিণীং পুণ্যাং সবৎসাং কাংস্যদোহিনীং॥ 14-102-70 (95837)
যৎকিংচিদ্দুষ্কৃতং কর্ম তস্য পূর্বকৃতং নৃপঃ।
তৎসর্বং তৎক্ষণাদেব বিনশ্যতি ন সংশয়ঃ॥ 14-102-71 (95838)
যানং চ বৃষসংয়ুক্তং দীপ্যমানং স্বলঙ্কৃতম্।
আরূঢঃ কামগং দিব্যং গোলোকমধিগচ্ছতি॥ 14-102-72 (95839)
যাবন্তি চৈব রোমাণি তস্যা গোস্তু নরাধিপ।
তাবদ্বর্ষসহস্রাণি গবাং লোকে মহীয়তে॥ 14-102-73 (95840)
গোলোকাদবতীর্ণস্তু লোকেঽস্মিন্ব্রাহ্মণো ভবেৎ।
সত্রয়াজী বদন্যশ্চ সর্বরাজভিরর্চিতঃ॥ 14-102-74 (95841)
তিলং গাবঃ সুবর্ণং চাপ্যন্নং কন্যা বসুংধরা।
তারয়ন্তীহ দত্তানি ব্রাহ্মণেভ্যো মহাভুজ॥ 14-102-75 (95842)
ব্রাহ্মণং বৃত্তসংপন্নমাহিতাগ্নিমলোলুপম্।
তর্পয়েদ্বিধিবদ্রাজন্স নিধিঃ পারলৌকিকঃ॥ 14-102-76 (95843)
আহিতাগ্নি দরিদ্রং চ শ্রোত্রিয়ং চ জিতেন্দ্রিয়ম্।
শূদ্রান্নবর্জিতং চৈব দ্বিজং যত্নেন পূজয়েৎ॥ 14-102-77 (95844)
আহিতাগ্নিঃ সদা পাত্রমহ্নিহোত্রী চ বেদবিৎ।
পাত্রাণামপি তৎপাত্রং শূদ্রান্নং যস্য নোদরে॥ 14-102-78 (95845)
যচ্চ বেদময়ং পাত্রং যচ্চ পাত্রং তপোময়ম্।
অসংকীর্ণং চ যৎপাত্রং তৎপাত্রং তারয়িষ্যতি॥ 14-102-79 (95846)
নিত্যস্বাধ্যায়নিরতাস্ৎবসংকীর্ণেন্দ্রিয়াশ্চ যে।
পঞ্চয়জ্ঞপরা নিত্যং পূজিতাস্তারয়ন্তি তে॥ 14-102-80 (95847)
যে ক্ষান্তিদান্তাঃ শ্রুতিপূর্ণকর্ণা
জিতেন্দ্রিয়াঃ প্রাণিবধৈ নিবৃত্তাঃ।
প্রতিগ্রহে সংকুচিতা গৃহস্থা-
স্তে ব্রাহ্মণাস্তারয়িতুং সমর্থাঃ॥ 14-102-81 (95848)
নিত্যোদকী নিত্যযজ্ঞোপবীতী
নিত্যস্বাধ্যায়ী বৃষলান্নবর্জী।
ক্রতৌ গচ্ছন্বিধিবচ্চাপি জুহ্ব-
ৎস ব্রাহ্মণস্তারয়িতুং সমর্থঃ॥ 14-102-82 (95849)
ব্রাহ্মণো যস্তু মদ্ভক্তো মদ্রাগী মৎপরায়ণঃ।
ময়ি সংন্যস্তকর্মা চ স বিপ্রস্তারয়েদ্ধ্রুবম্॥ 14-102-83 (95850)
দ্বাদশাক্ষরতৎবজ্ঞশ্চতুর্ব্যূহবিভাগবিৎ।
অচ্ছিদ্রপঞ্চকালজ্ঞঃক স বিপ্রস্তারয়িষ্যতি॥ ॥ 14-102-84 (95851)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি দ্ব্যধিকশততমোঽধ্যায়ঃ॥ 102 ॥
আশ্বমেধিকপর্ব - অধ্যায় 103
॥ শ্রীঃ ॥
14.103. অধ্যায়ঃ 103
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি বৃষভগৃহশয়্যাদিদানপ্রশংসনম্॥ 1 ॥ তথা গোব্রাহ্মণরক্ষণাদিনানাধর্মকথনম্॥ 2 ॥Mahabharata - Ashvamedhika Parva - Chapter Text
বৈশম্পায়ন উবাচ।
বাসুদেবেন দানেষু কথিতেষু যথাক্রমম্।
অবিতৃপ্তশ্চ ধর্মেষু কেশবং পুনরব্রবীৎ॥ 14-103-1 (95852)
দেব ধর্মামৃতমিদং শৃণ্বতোপি পরংতপ।
ন বিদ্যতে সুরশ্রেষ্ঠ মম তৃপ্তির্হি মাধব॥ 14-103-2 (95853)
অনডুৎসংপ্রদানস্য যৎফলং তু বিধীয়তে।
তৎফলং কথয়স্বেহ তব ভক্তস্য মেঽচ্যুত॥ 14-103-3 (95854)
যানিচান্যানিদানানিৎবয়া নোক্তানি কানিচিৎ॥
তান্যাচক্ষ্ব সুরশ্রেষ্ঠ তেষাং চানুক্রমাৎফলম্॥ 14-103-4 (95855)
ভগবানুবাচ। 14-103-5x (7955)
পবিত্রৎবাৎসুপুণ্যৎবাৎপাবনৎবাত্তথৈব চ।
শৃণু ধর্মামৃতং শ্রেষ্ঠং দত্তস্যানডুহঃ ফলম্॥ 14-103-5 (95856)
দশধেনুসমোঽনড্বানেকোপি কুরুপুঙ্গব।
মেদোমাংসবিপুষ্টাঙ্গো নীরোগঃ কোপবর্জিতঃ॥ 14-103-6 (95857)
যুবা ভদ্রঃ সুশীলশ্চ সর্বদোষবিবর্জিতঃ।
ধুরং ধারয়তি ক্ষিপ্রং দত্তো বিপ্রায় পাণ্ডব॥ 14-103-7 (95858)
স তেন পুণ্যদানেন বর্ষকোটিং যুধিষ্ঠির।
যথাকামং মহাদেজা গবাং লোকে মহীয়তে॥ 14-103-8 (95859)
যশ্চ দদ্যাদনডুহৌ দ্বৌ যুক্তৌ চ ধুরংধরৌ।
সুবৃত্তায় দরিদ্রায় শ্রোত্রিয়ায় বিশেষতঃ।
তস্য যৎপুণ্যমাখ্যাতং তচ্ছৃণুষ্ব যুধিষ্ঠির॥ 14-103-9 (95860)
সহস্রগোপ্রদানেন যৎপ্রোক্তং ফলমুত্তমম্॥
তৎপুণ্যফলমাপ্নোতি যাতি লোকান্স মামকান্॥ 14-103-10 (95861)
যাবন্তি চৈব রোমাণি তয়োরনুডুহোর্নৃপ।
তাবদ্বর্ষসহস্রাণি মম লোকে মহীয়তে॥ 14-103-11 (95862)
দরিদ্রায়ৈব দাতব্যং ন সমৃদ্ধায় পাণ্ডব।
বর্ষাণাং হি তটাকেষু ফলং নৈব পয়োধিষু॥ 14-103-12 (95863)
যস্তু দদ্যাদনডুহং দরিদ্রায় দ্বিজাতয়ে।
স তেন পুণ্যদানেন পুতাত্মা কুরুপুঙ্গব॥ 14-103-13 (95864)
বিমানং দিব্যমারূঢো দিব্যরূপী যথাসুখম্।
মম লোকেষু রমতে যাবদাভূতসংপ্লুবম্॥ 14-103-14 (95865)
গৃহং দীপপ্রভায়ুক্তং শয়্যাসনবিভূষিতম্।
ভাজনোপস্করৈর্যুক্তং ধনধান্যৈরলঙ্কৃতম্।
দাসীগোভূমিসংয়ুক্তমন্যূনং সর্বসাধনৈঃ॥ 14-103-15 (95866)
ব্রাহ্মণায় দরিদ্রায় শ্রোত্রিয়ায় যুধিষ্ঠির।
দদ্যাৎসদক্ষিণং যস্তু তস্য পুণ্যফলং শৃণু॥ 14-103-16 (95867)
দেবাঃ পিতৃগণাশ্চৈব হ্যগ্নয়ো ঋষয়স্তথা।
প্রয়চ্ছন্তি প্রহৃষ্টা বৈ যানমাদিত্যসন্নিভম্॥ 14-103-17 (95868)
তেন গচ্ছেচ্ছ্রিয়া যুক্তো ব্রহ্মলোকমনুত্তমম্।
স্ত্রীসহস্রাবৃতে রম্যে ভবনে তত্র কাঞ্চনে।
মোদতে ব্রহ্মলোকস্থো যাবদাভূতসপ্লবম্॥ 14-103-18 (95869)
শয়্যং প্রস্তরণোপেতাং যঃ প্রয়চ্ছতি পাণ্ডব।
অর্চয়িৎবা দ্বিজং ভক্ত্যা বস্ত্রমাল্যানুলেপনৈঃ।
ভোজয়িৎবা বিচিত্রান্নং তস্য পুণ্যফলং শৃণু॥ 14-103-19 (95870)
ধেনুদানস্য যৎপুণ্যং বিধিদত্তস্য পাণ্ডব।
তৎপুণ্যং তমনুপ্রাপ্য পিতৃলোকে মহীয়তে॥ 14-103-20 (95871)
শিল্পমধ্যযনং বাঽপি বিদ্যাং মন্ত্রৌষধানি চ।
যঃ প্রয়চ্ছতি বিপ্রায় তস্য পুণ্যফলং শৃণু॥ 14-103-21 (95872)
আহিতাগ্নিসহস্রস্য পূজিতস্যৈব যৎফলম্।
তৎপুণ্যফলমাপ্নোতি যস্তু শয়্যাং প্রয়চ্চতি॥ 14-103-22 (95873)
ছন্দোভিঃ সংপ্রয়ুক্তেন বিমানেন বিরাজতা।
সপ্তর্ষিলোকান্ব্রজতি পূজ্যতে ব্রহ্মবাদিভিঃ॥ 14-103-23 (95874)
চতুর্যুগানি বৈ ত্রিংশৎক্রীডিৎবা তত্র দেববৎ।
ইহ মানুষ্যকে লোকে বিপ্রো ভবতি বেদবিৎ॥ 14-103-24 (95875)
বিশ্রাময়তি যো বিপ্রং শ্রান্তমধ্বনি কর্শিতম্।
কবিনশ্যতি তদা পাপং তস্য বর্ষকৃতং নৃপ॥ 14-103-25 (95876)
অথ প্রক্ষালয়েৎপাদৌ তস্য তোয়েন ভক্তিমান্।
দশবর্ষকৃতং পাপং ব্যপোহতি ন সংশয়ঃ॥ 14-103-26 (95877)
ঘৃতেন বাঽথ তৈলেন পাদৌ তস্য তু পূজয়েৎ।
তদ্দ্বাদসমারূঢং পাপমাশু ব্যপোহতি॥ 14-103-27 (95878)
ধেনুকাঞ্চনদত্তস্য যৎপুণ্যং সমুদাহৃতম্।
তৎপুণ্যফলমাপ্নোতি যস্ৎবেনং বিপ্রমর্চয়েৎ॥ 14-103-28 (95879)
স্বাগতেন তু যো বিপ্রং পূজয়েদাসনেন চ।
প্রত্যুত্থানেন বা রাজন্স দেবানাং প্রিয়ো ভবেৎ॥ 14-103-29 (95880)
স্বাগতেনাগ্নয়ো রাজন্নাসনেন শতক্রতুঃ।
প্রত্যুত্থানেন পিতরঃ প্রীতি যান্ত্যতিথিপ্রিয়াঃ॥ 14-103-30 (95881)
অগ্নিশক্রপিতৄণাং চ তেষাং প্রীত্যা নরাধিপ।
সংবৎসরকৃতং পাপং তস্য সদ্যো বিনশ্যতি॥ 14-103-31 (95882)
যঃ প্রয়চ্ছতি বিপ্রায় আসনং মাল্যভূষিতম্।
স যাতি মণিচিত্রেণ রথেনেন্দ্রনিকেতনম্॥ 14-103-32 (95883)
পুরন্দরাসনে তত্র দিব্যনারীবিভূষিতঃ।
ষষ্টিং বর্ষসহস্রাণি ক্রীডত্যপ্সরসাং গণৈঃ॥ 14-103-33 (95884)
বাহনং যঃ প্রয়চ্ছেত ব্রাহ্মণায় যুধিষ্ঠির।
স যাতি রত্নচিত্রেণ বাহনেন সুরালয়ম্॥ 14-103-34 (95885)
স তত্র কামং ক্রীডিৎবা সেব্যমানোপ্সরোগণৈঃ।
ইহ রাজা ভবেদ্রাজন্নাত্র কার্যা বিচারণা॥ 14-103-35 (95886)
পাদপং পল্লবাকীর্ণং পুষ্পতিং ফলিতং তথা।
গন্ধমাল্যৈরথাভ্যর্চ্য বস্ত্রাভরণভূষিতম্॥ 14-103-36 (95887)
যঃ প্রয়চ্ছতি বিপ্রায় শ্রোত্রিয়ায় সদক্ষিণম্।
ভোজয়িৎবা যথাকামং তস্য পুণ্যফলং শৃণু॥ 14-103-37 (95888)
জাংবূনদবিচিত্রেণ বিমানেন বিরাজতা।
পুরন্দরপুরং যাতি জয়শব্দরবৈর্যুতঃ॥ 14-103-38 (95889)
ততঃ শক্রপুরে রম্যে তস্য কল্পকপাদপঃ।
দদাতি চেপ্সিতং সর্বং মনসা যদ্যদিচ্ছতি॥ 14-103-39 (95890)
যাবন্তি তস্য পত্রাণি পুষ্পাণি চ ফলানি চ।
তাবদ্বর্ষসহস্রাণি শক্রলোকে মহীয়তে॥ 14-103-40 (95891)
শক্রলোকাবতীর্ণশ্চ মানুষ্যং লোকমাগতঃ।
রথাশ্বগজসংপূর্ণং পুরং রাজ্যং চ বক্ষ্যতি॥ 14-103-41 (95892)
স্থাপয়িৎবা তু মদ্ভক্ত্যা যো মৎপ্রতিকৃতি নরঃ।
আলয়ং বিধিবৎকৃৎবা পূজাকর্ম চ কারয়েৎ।
স্বয়ং বা পূজয়েদ্ভক্ত্যা তস্য পুণ্যফলং শৃণু॥ 14-103-42 (95893)
অশ্বমেধসহস্রস্য যৎপুণ্যং সমুদাহৃতম্।
তৎফলং সমবাপ্নোতি মৎসালোক্যং প্রপদ্যতে।
ন জানে নির্গমং তস্য মম লোকাদ্যুধিষ্ঠির॥ 14-103-43 (95894)
দেবালয়ে বিপ্রগৃহে গোবাটে চৎবরেঽপি বা।
প্রজ্বালয়তি যো দীপং তস্য পুণ্যফলং শৃণু॥ 14-103-44 (95895)
আরুদ্য কাঞ্চনং যানং দ্যোতয়ন্সর্বতো দিশম্।
গচ্ছেদাদিত্যলোকং স সেব্যমানঃ সুরোত্তমৈঃ॥ছ 14-103-45 (95896)
তত্র প্রকামং ক্রীডিৎবা বর্ষকোটিং মহাতপাঃ।
ইহ লোকে ভবেদ্বিপ্রো বেদবেদাঙ্গপারগঃ॥ 14-103-46 (95897)
দেবালয়েষু বা রাজন্ব্রাহ্মণাবসথেষু বা।
চৎবরে বা চতুষ্কে বা রাত্রৌ বা যদি বা দিবা॥ 14-103-47 (95898)
নানাগন্ধর্ববাদ্যানি ধর্মশ্রাবণিকানি চ।
যস্তু কারয়তে ভক্ত্যা মদ্গতেনান্তরাত্মনা॥ 14-103-48 (95899)
তস্য দেবা নরশ্রেষ্ঠ পিতরশ্চাপি হর্ষিতাঃ।
সুপ্রীতাঃ সংপ্রয়চ্চন্তি বিমানং কামগং সুখম্॥ 14-103-49 (95900)
স চ তেন পিমানেন যাতি দেবপুরং নরঃ।
তত্র দিব্যাপ্সরোভিস্তু সেব্যমানঃ প্রমোদতে॥ 14-103-50 (95901)
দেবলোকাবতীর্ণস্তু সোস্মিঁল্লোকে নরাধিপ।
বেদবেদাঙ্গতৎবজ্ঞো ভোগবান্ব্রাহ্মণো ভবেৎ॥ 14-103-51 (95902)
চৎবরে বা সভায়াং বা বিস্তীর্ণি বা সভাঙ্গণে।
কৃৎবাঽগ্নিকুণ্ডং বিপুলং স্থণ্ডিলং বা যুধিষ্ঠির॥ 14-103-52 (95903)
তত্রাগ্নিং চতুরো মাসাঞ্জ্বালয়েদ্যস্তু ভক্তিমাম্।
সমাপ্তেষু চ মাসেষু পৌষ্যাদিষু ততো দ্বিজান্॥ 14-103-53 (95904)
ভোজয়েৎপায়সং মৃষ্টং মদ্গতেনান্তরাত্মনা।
দক্ষিণাং চ যথাশক্তি ব্রাহ্ম্ণেভ্যো নিবেদয়ৎ॥ 14-103-54 (95905)
এবমগ্নিং তু যঃ কুর্যান্নিত্যমেবার্চয়েত্তু মাম্।
তস্য পুণ্যফলং যদ্বৈ তন্নিবোধ যুধিষ্ঠির॥ 14-103-55 (95906)
তেনাহং শঙ্করশ্চৈব পিতরো হ্যগ্নয়স্তথা।
যাস্যামঃ পরমাং প্রীতিং নাত্র কার্যাবিচারণা॥ 14-103-56 (95907)
ষষ্টিং বর্ষসহস্রাণি ষষ্টিং বর্ষশতানি চ।
সোস্মৎপ্রীতিকরঃ শ্রীমান্মম লোকে মহীয়তে॥ 14-103-57 (95908)
মম লোকাবতীর্ণশ্চ অস্মিঁল্লোকে মহায়শাঃ।
বেদবেদাঙ্গবিদ্বিপ্রো জায়তে রাজপূজিতঃ॥ 14-103-58 (95909)
যঃ করোতি নরশ্রেষ্ঠ ভরণং ব্রাহ্মণস্য তু।
শ্রোত্রিয়স্যাভিজাতস্য দরিদ্রস্য বিশেষতঃ।
তস্য পুণ্যফলং যদ্বৈ তন্নিবোধ যুধিষ্ঠির॥ 14-103-59 (95910)
গবাং কোটিপ্রদানেন যৎপুণ্যং সমুদাহৃতম্।
তৎসর্বফলমাপ্নোতি বর্ষেণৈকেন পাণ্ডব॥ 14-103-60 (95911)
কাঞ্চনেন বিচিত্রেণ বিমানেনার্কশোভিনা।
স যাতি মামকং লোকং দিব্যস্ত্রীগণসেবিতঃ॥ 14-103-61 (95912)
গীয়মানো বরস্ত্রীভির্বর্ষাণাং কোটিবিংশতিম্।
ক্রীডিৎবা মামকে তত্র সর্বদেবৈরভিষ্টুতঃ।
মানুষ্যমবতীর্ণস্তু বেদবিদ্ব্রাহ্মণো ভবেৎ॥ 14-103-62 (95913)
করকাং কর্ণিকাং বাঽপি মহদ্বা জলভাজনম্।
যঃ প্রয়চ্ছতি বিপ্রায় তস্য পুণ্যফলং শৃণু॥ 14-103-63 (95914)
ব্রহ্মকূর্চে তু যৎপীতে ফলং প্রোক্তং নরাদিপ।
তৎপুণ্যফলমাপ্নোতি জলভাজনদো নরঃ।
সুতৃপ্তঃ সর্বসৌগন্ধঃ প্রহৃষ্টেন্দ্রিয়মানসঃ॥ 14-103-64 (95915)
হংসসারসয়ুক্তেন বিমানেন বিরাজতা।
স যাতি বারুণং লোকং দিব্যগন্ধর্বসেবিতম্॥ 14-103-65 (95916)
পানীয়ং যঃ প্রয়চ্ছেদ্বৈ জীবানাং জীবনং পরম্।
গ্রীষ্মে চ ত্রিষু মাসেষু তস্য পুণ্যফলং শৃণু॥ 14-103-66 (95917)
কপিলাকোটিনানস্য যৎপুণ্যং তু বিধীয়তে।
তৎপুণ্যফলমাপ্নোতি পানীয়ং যঃ প্রয়চ্ছতি॥ 14-103-67 (95918)
পূর্ণচন্দ্রপ্রকাসেন বিমানেন বিরাজতা।
স গচ্ছেচ্চন্দ্রভবনং সেব্যমানোপ্সরোগণৈঃ॥ 14-103-68 (95919)
ত্রিংশৎকোটিয়ুগং তত্র দিব্যগন্ধর্বসেবিতঃ।
ক্রীডিৎবা মানুষে লোকে চতুর্বেদী দ্বিজো ভবেৎ॥ 14-103-69 (95920)
শিরোভ্যঙ্গপ্রদানেন তেজস্বী প্রিয়দর্শনঃ।
সুভগো রূপবাঞ্শূরঃ পণ্ডিতশ্চ ভবেদ্দ্বিজঃ॥ 14-103-70 (95921)
বস্ত্রদায়ী তু তেজস্বী সর্বত্র প্রিয়দর্শনঃ।
সুভগো ভবতি শ্রীমান্স্ত্রীণাং নিত্যং মনোরমঃ॥ 14-103-71 (95922)
উপানহৌ চ চ্ছত্রং চ যো দদাতি নরোত্তমঃ।
স যাতি রথমুখ্যেন কাঞ্চনেন বিরাজতা।
শক্রলোকং মহাতেজাঃ সেব্যমানোপ্সরোগণৈঃ॥ 14-103-72 (95923)
কাষ্ঠপাদুকদা যান্তি বিমানৈর্বৃক্ষনির্মিতৈঃ।
ধর্মরাজপুরং রম্যং সেব্যমানাঃ সুরোত্তমৈঃ॥ 14-103-73 (95924)
দন্তকাষ্ঠপ্রাদনেন প্রিয়বাক্যো ভবেন্নরঃ।
সুগন্ধবদনঃ শ্রীমান্মেদাসৌভাগ্যসংয়ুতঃ॥ 14-103-74 (95925)
ক্ষীরং দধি ঘৃতং বাঽপি গুডং মধুরসং তথা।
যে প্রয়চ্ছন্তি বিপ্রেভ্যঃ পরাং ভক্তিমুপাগতাঃ॥ 14-103-75 (95926)
তে বৃষৈরশ্বয়ানৈশ্চ শ্বেতস্রগ্দামভূষিতাঃ।
উপগীয়মানা গন্ধর্বৈর্যান্তীশ্বরপুরং নরাঃ॥ 14-103-76 (95927)
তত্র দিব্যাপ্সরোভিস্তু সেব্যমানা যথাসুখম্।
ষষ্টিবর্ষসহস্রাণি মোদন্তে দেবসন্নিভাঃ॥ 14-103-77 (95928)
ততঃ কালাবতীর্ণাশ্চ জায়ন্তে ৎবিহ মানবাঃ॥
প্রভূতধনধান্যাশ্চ ভোগবন্তো নরোত্তমাঃ॥ 14-103-78 (95929)
বৈশাখে মাসি বৈশাখে দিবসে পাণ্ডুনন্দন।
বৈবস্বতং সমুদ্দিশ্য পরাং ভক্তিমুপাগতাঃ॥ 14-103-79 (95930)
অভ্যর্চ্য বিধিবদ্বিপ্রাংস্তিলান্গুডসমন্বিতান্।
যে প্রয়চ্ছন্তি বিপ্রেভ্যস্তেষাং পুণ্যফলং শৃণু॥ 14-103-80 (95931)
গোপ্রদানেন যৎপুণ্যং বিধিবৎপাণ্ডুনন্দন।
তৎপুণ্যং সমনুপ্রাপ্তো যমলোকে মহীয়তে।
ততশ্চাপি চ্যুতঃ কালাদিহ রাজা ভবিষ্যতি॥ 14-103-81 (95932)
তস্মিন্নেব দিনে বিপ্রান্ভোজয়িৎবা সুদক্ষিণম্।
তোয়পূর্ণানি দিব্যানি ভাজনানি দিশন্তি যে॥ 14-103-82 (95933)
তে যান্ত্যাদিত্যবর্ণাভৈর্বিমানৈর্বরুণালয়ম্।
তত্র দিব্যাঙ্গনাভিস্তু রমন্তে কামকামিনঃ॥ 14-103-83 (95934)
ততোঽবতীর্ণাঃ কালেন তে চাস্মিন্মানুষে পুনঃ।
ভোগবন্তো দ্বিজশ্রেষ্ঠ ভবিষ্যন্তি ন সংশয়ঃ॥ 14-103-84 (95935)
অনন্তরাশী যশ্চাপি বর্ততে ব্রতবৎসদা।
সত্যবাক্ক্রোধরহিতঃ শুচিঃ স্নানরতঃ সদা।
স বিমানেন দিব্যেন যাতি শক্রপুরং নরঃ॥ 14-103-85 (95936)
তত্র দিব্যাপ্সরোভিস্তু বর্ষকোটিং মহাতপাঃ।
ক্রীডিৎবা মানুষে লোকে জায়তে বেদবিদ্দ্বিজঃ॥ 14-103-86 (95937)
একভুক্তেন যশ্চাপি বর্ষমেকং তু বর্ততে।
ব্রহ্মচারী জিতক্রোধঃ সত্যশৌচসমন্বিতঃ।
স বিমানেন দিব্যেন যাতি শক্রপুরং নরঃ॥ 14-103-87 (95938)
দশকোটিসহস্রাণি ক্রীডিৎবাঽপ্সরসাং গণৈঃ।
ইহ মানুষ্যকে লোকে বেদবিদ্ব্রাহ্মণো ভবেৎ॥ 14-103-88 (95939)
চতুর্থকালে যো ভুঙ্ক্তে ব্রহ্মচারী জিতেন্দ্রিয়ঃ।
বর্ততে চৈকবর্ষং তু তস্য পুণ্যফলং শৃণু॥ 14-103-89 (95940)
চিত্রবর্হিণয়ুক্তেন বিচিত্রধ্বজশোভিনা।
যাতি যানেন দিব্যেন স মহেন্দ্রপুরং নরঃ॥ 14-103-90 (95941)
অকৃশাভির্বরস্ত্রীভিঃ সেব্যমানো যথাসুখম্।
ততো দ্বাদশকোটিং স সমাঃ সম্যক্প্রমোদতে॥ 14-103-91 (95942)
শক্রলোকাবতীর্ণস্তু লোকে চাস্মিন্নরাধিপ।
ভবেদ্বৈ ব্রাহ্মণো বিদ্বান্ক্ষমাবান্বেদপারগঃ॥ 14-103-92 (95943)
ষষ্ঠকালে তু যোঽশ্নাতি বর্ষমেকমকল্মষঃ।
ব্রহ্মচর্যব্রতৈর্যুক্তঃ শুচি ক্রোধবিবর্জিতঃ।
তপোয়ুক্তস্য তস্যাথ শৃণুষ্ব ফলমুত্তমম্॥ 14-103-93 (95944)
অত্যাদিত্যপ্রকাশেন বিমানেনার্কসংনিভঃ।
স যাতি মম লোকান্বৈ দিব্যনারীনিষেবিতঃ॥ 14-103-94 (95945)
তত্র সাধ্যৈর্মরুদ্ভিস্তু পূজ্যমানো যথাসুখম্।
পশ্যন্নেব সদা মাং তু ক্রীডত্যপ্সরসাং গণৈঃ॥ 14-103-95 (95946)
পক্ষোপবাসং যশ্চাপি কুরুতে মদ্গতাত্মনা।
সমাপ্তে তু ব্রতে তস্মিংস্তর্পয়েচ্ছ্রোত্রিয়ান্দ্বিজান্॥ 14-103-96 (95947)
সোপি গচ্ছতি দিব্যেন বিমানেন মহাতপাঃ।
দ্যোতয়নপ্রভয়া ব্যোম মম লোকং প্রপদ্যতে।
স তত্র মোদতে কামং কামরূপী যথাসুখম্॥ 14-103-97 (95948)
ত্রিংশৎকোটিসমা রাজন্ক্রীডিৎবা তত্র দেববৎ।
ইহ মানুষ্যকে লোকে পূজনীয়ো দ্বিজো ভবেৎ।
ত্রয়াণামপি বেদানাং সাঙ্গানাং পারগে ভবেৎ॥ 14-103-98 (95949)
যশ্চ মাসোপবাসং বৈ কুরুতে মদ্গতাত্মনা।
জিতেন্দ্রিয়ো জিতক্রোধোজিতধীঃ স্নানতৎপরঃ॥ 14-103-99 (95950)
সমাপ্তে নিয়মে তত্র ভোজয়িৎবা দ্বিজোত্তমান্।
দক্ষিণাং চ ততো দদ্যাৎপ্রহৃষ্টেনান্তরাত্মনা॥ 14-103-100 (95951)
স গচ্ছতি মহাতেজা ব্রহ্মলোকমনু****ম্।
সিংহয়ুক্তেন যানেন দিব্যস্ত্রীগণসেবিতঃ॥ 14-103-101 (95952)
স তত্র ব্রহ্মণো লোকে দিব্যর্ষিগণসেবিতঃ।
শতকোটিসমা রাজন্যথাকামং প্রমোদতে॥ 14-103-102 (95953)
ততঃ কালাবতীর্ণশ্চ সোস্মিঁল্লোকে দ্বিজো ভবেৎ।
ষডঙ্গবিচ্চতুর্বেদী ত্রিংশজ্জন্মান্যরোগবান্॥ 14-103-103 (95954)
যস্ত্যক্ৎবা সর্বকর্মাণি শুচিঃ ক্রোধবিবর্জিতঃ।
মহাপ্রস্তানমেকাগ্নো যাতি মদ্গতমানসঃ॥ 14-103-104 (95955)
স গচ্ছেদিন্দ্রসদনং বিমানেন মহাতপাঃ।
মহামণিবিচিত্রেণ সৌবর্ণন বিরাজতা॥ 14-103-105 (95956)
শতকোটিসমাস্তত্র সুরাধিপতিপূজিতঃ।
নাকপৃষ্ঠে নিবসতি দিব্যস্ত্রীগণসেবিতঃ॥ 14-103-106 (95957)
শক্রলোকাবতীর্ণশ্চ মানুষেষূপজায়তে।
রাজ্ঞাং রাজা মহাতেজাঃ সর্বলোকার্চিতঃ প্রভুঃ॥ 14-103-107 (95958)
প্রায়োপবেশং যশ্চাপি কুরুতে মদ্গতাত্মনা।
নমো ব্রহ্মণ্যদেবায়েত্যুক্ৎবা মন্ত্রং সমাহিতঃ।
অন্তঃস্বস্থো জিতক্রোধস্তস্য পুণ্যফলং শৃণু॥ 14-103-108 (95959)
কামগঃ কামরূপী চ বালসূর্যসমপ্রভঃ।
স বিমানেন দিব্যেন যাতি লোকাননাময়ান্॥ 14-103-109 (95960)
স্বর্গৎস্বর্গং মহাতেজা গৎবা চৈব যথাসুখম্।
মম লোকেষু রমতে যাবদাভূতসংপ্লবম্॥ 14-103-110 (95961)
অগ্নিপ্রবেশং যশ্চাপি কুরুতে মদ্গতাত্মনা।
সোপি যানেন দিব্যেন মম লোকং প্রপদ্যতে॥ 14-103-111 (95962)
তত্র সর্বগুণোপেতঃ পশ্যন্নেব স মাং সদা।
ত্রিংশৎকোটিসমা রাজন্মোদতে মম সংনিধৌ।
ততোঽবতীর্ণঃ কালেন বেদবিদ্ব্রাহ্মণো ভবেৎ॥ 14-103-112 (95963)
কর্ষণং সাধয়ন্যস্তু মাং প্রপন্নঃ শুচিব্রতঃ।
নমো ব্রহ্মণ্যদেবায়েত্যেতন্মন্ত্রমুদাহরন্॥ 14-103-113 (95964)
বালসূর্যপ্রকাশেন বিমানেন বিরাজতা।
মম লোকং সমাসাদ্য বর্ষকোটিং প্রমোদতে।
মম লোকাবতীর্ণশ্চ সোস্মিঁল্লোকে নৃপো ভবেৎ॥ 14-103-114 (95965)
নিবেশয়তি মন্মূর্ত্যামাত্মানং মদ্গতঃ শুচিঃ।
রুদ্রদক্ষিণমূর্ত্যাং বা চতুর্দশ্যাং বিশেষতঃ॥ 14-103-115 (95966)
সিদ্ধৈর্ব্রহ্মর্ষিভিশ্চৈব দেবলোকৈশ্চ পূজিতঃ।
গন্ধর্বৈর্ভূতসঙ্ঘৈশ্চ গীয়মানো মহাতপাঃ॥ 14-103-116 (95967)
প্রবিশেৎস মহাতেজা মাং বা শঙ্করমেব বা।
ন স্যাৎপুনর্ভবো রাজন্নাত্র কার্যা বিচারণা॥ 14-103-117 (95968)
গোকৃতে স্ত্রীকৃতে চৈব গুরুবিপ্রকৃতেঽপি বা।
হন্যন্তে যে তু রাজেন্দ্র শক্রলোকং ব্রজন্তি তে॥ 14-103-118 (95969)
তত্র জাংবূনদময়ে বিমানে কামগামিনি।
মন্বন্তরং প্রমোদন্তে দিব্যনারীনিষেবিতাঃ॥ 14-103-119 (95970)
আশ্রুতস্যাপ্রাদনেন দত্তস্য হরণেন চ।
জন্মপ্রভৃতি যদ্দত্তং তৎসর্বং তু বিনশ্যতি॥ 14-103-120 (95971)
নাঽগোপ্রদাস্তত্র পয়ঃ পিবন্তি
নাভূমিদা ভূমিমথাশ্নুবন্তি।
যান্যান্কামান্ব্রাহ্মণেভ্যো দদাতি
তাংস্তান্কামান্স্বর্গলোকে চ ভুঙ্ক্তে॥ 14-103-121 (95972)
যদ্যদিষ্টতমং দ্রব্যং ন্যায়নোপার্জিতং চ যৎ।
তত্তদ্গুণবতে দেয়ং তদেবাক্ষয়মিচ্ছতা॥ 14-103-122 (95973)
অনুপোষ্য ত্রিরাত্রাণি তীর্থান্যনভিগম্য চ।
অদত্ৎবা কাঞ্চনং গাং দরিদ্রো নাম জায়তে॥ 14-103-123 (95974)
দানং যত্তৎফলং নৈব শ্রোত্রিয়ায় ন দীয়তে।
শ্রোত্রিয়া যত্র নাশ্নন্তি ন দেবাস্তত্র ভুঞ্জতে॥ 14-103-124 (95975)
শ্রোত্রিয়েভ্যঃ পরং নাস্তি পরমং দৈবতং মহৎ।
নিধানং চাপি রাজেন্দ্র নাস্মাচ্ছ্রোত্রিয়ভোজনম্॥ ॥ 14-103-125 (95976)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি ত্র্যধিকশততমোঽধ্যায়ঃ॥
Mahabharata - Ashvamedhika Parva - Chapter Footnotes
7-103-64 অহোরাত্রোষিতো ভূৎবা পৌর্ণমাস্যাং বিশেষতঃ। পঞ্চগব্যং পিবেৎপ্রাতর্ব্রহ্মকূর্চবিধিঃ স্মৃতঃ॥ 7-103-66 গ্রীষ্মে চতুর্ষু মাসেষু ইতি থ.পাঠঃ॥আশ্বমেধিকপর্ব - অধ্যায় 104
॥ শ্রীঃ ॥
14.104. অধ্যায়ঃ 104
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি পঞ্চমহায়জ্ঞনিরূপণং, স্নানবিধিনিরূপণং, বৈষ্ণবলক্ষণাভিধানং স্বপূজায়োগ্যযোগ্যপুষ্পবিবেচনং চ॥ 1 ॥Mahabharata - Ashvamedhika Parva - Chapter Text
যুধিষ্ঠির উবাচ।
বিপ্রয়োগে শরীরস্য সেন্দ্রিয়স্য বিশেষতঃ।
অন্তরা বর্তমানস্য গতিঃ প্রাণস্য কীদৃশী॥ 14-104-1 (95977)
ভগবানুবাচ। 14-104-2x (7956)
শুভাশুভকৃতং সর্বং প্রাপ্নোতীহ ফলং নরঃ।
ন তু সর্বস্য ভূতস্য পঞ্চৎবং বিদ্যতে নৃপ॥ 14-104-2 (95978)
পঞ্চৎবং পাণ্ডবশ্রেষ্ঠ ভূরিভূতিকরং নৃণাম্।
তেষাং পঞ্চ মহায়জ্ঞান্যে কুর্বন্তি দ্বিজোত্তম॥ 14-104-3 (95979)
পঞ্চৎবং পঞ্চভির্ভূতৈর্বিয়োগং সংপ্রচক্ষতে।
ন জায়তে ন ম্রিয়তে পুরুষঃ শাশ্বতঃ সদা॥ 14-104-4 (95980)
প্রায়েণ মরণং নাম পাপিনামেব পাণ্ডব।
যেষাং তু ন গতিঃ পুণ্যা তেষাং মরণমুচ্যতে॥ 14-104-5 (95981)
প্রায়েণাকৃতকৃত্যস্তু মৃত্যোরুদ্বিজতে জনঃ।
কৃতকৃত্যাঃ প্রতীক্ষন্তে মৃত্যুং প্রিয়মিবাতিথিম্॥ 14-104-6 (95982)
যুধিষ্ঠির উবাচ। 14-104-7x (7957)
পঞ্চ যজ্ঞাঃ কথং দেব ক্রিয়ন্তেঽত্র দ্বিজাতিভিঃ।
তেষাং নাম চ দেবেশ বক্তুমর্হস্যশেষতঃ॥ 14-104-7 (95983)
শ্রীভগবানুবাচ। 14-104-8x (7958)
শৃণু পঞ্চ মহায়জ্ঞান্কীর্ত্যমানান্যুধিষ্ঠির।
যৈরেব ব্রহ্মসালোক্যং লভ্যতে গৃহমেধিনা॥ 14-104-8 (95984)
ঋভুজজ্ঞং ব্রহ্ময়জ্ঞং ভূতয়জ্ঞং চ পাণ্ডব।
নৃয়জ্ঞং পিতৃয়জ্ঞং চ পঞ্চ যজ্ঞান্প্রচক্ষতে॥ 14-104-9 (95985)
তর্পণং ঋভুয়জ্ঞঃ স্যাৎস্বাধ্যায়ো ব্রহ্ময়জ্ঞকঃ।
ভূতয়জ্ঞো বলির্যজ্ঞো নৃয়জ্ঞোঽতিথিপূজনম্।
পিতৄনুদ্দিশ্য যৎকর্ম পিতৃয়জ্ঞঃ প্রকীর্তিতঃ॥ 14-104-10 (95986)
হুতং চাপ্যহুতং চৈব তথা প্রহুতমেব চ।
প্রাশিতং বলিদানং চ পাকয়জ্ঞান্প্রচক্ষতে॥ 14-104-11 (95987)
বৈশ্বদেবাদয়ো হোমা হুতমিত্যুচ্যতে বুধৈঃ।
অহুতং চ ভবেদ্দত্তং প্রহুতং ব্রাহ্মণাশিতম্॥ 14-104-12 (95988)
প্রাণাগ্নিহোত্রহোমং চ প্রাশিতং বিধিবদ্বিদুঃ।
বলিকর্ম চ রাজেন্দ্র পাকয়জ্ঞাঃ প্রকীর্তিতাঃ॥ 14-104-13 (95989)
কেচিৎপঞ্চ মহায়জ্ঞান্পাকয়জ্ঞান্প্রচক্ষতে।
অপরে ব্রহ্ময়জ্ঞাদীন্মহায়জ্ঞবিদো বিদুঃ॥ 14-104-14 (95990)
সর্ব এতে মহায়জ্ঞাঃ সর্বথা পরিকীর্তিতাঃ।
বুভুক্ষিতান্ব্রাহ্মণাংস্তু যথাশক্তি ন হাপয়েৎ॥ 14-104-15 (95991)
অহন্যহনি যে ৎবেতানকৃৎবা ভুঞ্জতে স্বয়ম্।
কেবলং মলমশ্নন্তি তে নার ন চ সংশয়ঃ॥ 14-104-16 (95992)
তস্মাৎস্নাৎবা দ্বিজো বিদ্বান্কুর্যাদেতান্দিনেদিনে।
অতোঽন্যথা তু ভুঞ্জন্বৈ প্রায়শ্চিত্তী ভবেদ্দ্বিজঃ॥ 14-104-17 (95993)
যুধিষ্ঠির উবাচ। 14-104-18x (7959)
দেবদেবেশক দৈত্যঘ্ন ৎবদ্ভক্তস্য জনার্দন।
বক্তুমর্হসি দেবেশ স্নানস্য চ বিধিং মম॥ 14-104-18 (95994)
ভগবানুবাচ। 14-104-19x (7960)
শৃণু পাণ্ডব তৎসর্ব পবিত্রং পাপনাশনম্।
স্নাৎবা যেন বিধানেন মুচ্যন্তে কিল্বিষাদ্দ্বিজাঃ॥ 14-104-19 (95995)
মৃদং চ গোময়ং চৈব তিলং দর্ভাংস্তথৈব চ।
পুষ্পাণ্যপি যথান্যায়মাদায় তু জলং ব্রজেৎ॥ 14-104-20 (95996)
নদ্যাং স্নাৎবা ন চ স্নায়দন্যত্র দ্বিজসত্তম।
সতি প্রভূতে পয়সি নাল্পে স্নায়াৎকদাচন॥ 14-104-21 (95997)
গৎবোদকসমীপং তু শুচৌ দেশে মনোরমে।
ততো মৃদ্গোময়াদীনি তত্র বিপ্রো বিনিক্ষিপেৎ॥ 14-104-22 (95998)
বহিঃ প্রক্ষাল্য পাদৌ চ দ্বিরাচম্য প্রয়ত্নতঃ।
প্রদক্ষিণং সমাবৃত্য নমস্কুর্যাত্তু তজ্জলম্॥ 14-104-23 (95999)
ন চ প্রক্ষালয়েদ্বিদ্বাংস্তীর্থমদ্ভিঃ কদাচন।
ন চ পাদেন বা হন্যাদ্ধস্তেনান্যেন তজ্জলম্॥ 14-104-24 (96000)
সর্বদেবময়া হ্যাপো মন্ময়াঃ পাণ্ডুনন্দন।
তস্মাত্তাস্তু ন হন্তব্যাস্ৎবদ্ভিঃ প্রক্ষালয়েৎস্থলং॥ 14-104-25 (96001)
কেবলং প্রথমং মজ্জেন্নাঙ্গানি বিমৃশেদ্বুধঃ।
তত্তু তীর্থং সমাসাদ্য কুর্যাদাচমনং পুনঃ॥ 14-104-26 (96002)
গোকর্ণাকৃতিবৎকৃৎবা করং ত্রিঃ প্রপিবেজ্জলম্।
দ্বিস্তৎপরিমৃজেদ্বক্ত্রং পাদাবভ্যুক্ষ্য চাত্মনঃ।
শীর্ষণ্যাংস্তু ততঃ প্রাণান্সকৃদেবতু সংস্পৃশেন॥ 14-104-27 (96003)
বাহূ দ্বৌ চ ততঃ স্পৃষ্ট্বা হৃদয়ং নাভিমেব চ।
প্রত্যঙ্গমুদকং স্পৃষ্ট্বা মূর্ধানং তু পুনঃ স্পৃশেৎ॥ 14-104-28 (96004)
আপঃ পুনন্ৎবিত্যুক্ৎবা চ পুনরাচমনং চরেৎ।
সোঙ্কারব্যাহৃতীর্বাঽপি সদসস্পতিমিত্যৃচম্॥ 14-104-29 (96005)
আচম্য মৃত্তিকাঃ পশ্চাত্ত্রিধা কৃৎবা সমালভেৎ।
ঋচেদং বিষ্ণুরিত্যঙ্গমুত্তমাধমমধ্যমম্।
আলভ্য বারুণৈঃ সূক্তৈর্নমস্কৃত্য জলং ততঃ॥ 14-104-30 (96006)
স্রবন্তী চেৎপ্রতিস্রোতঃ প্রত্যর্কং চান্যবারিষু।
মজ্জেদোমিত্যুদাহৃত্য ন চ বিক্ষোভয়েজ্জলম্॥ 14-104-31 (96007)
গোময়ং চ ত্রিধা কৃৎবা জলে পূর্বং সমালভেৎ।
সব্যাহৃতীকাং সপ্রণবাং গায়ত্রীং চ জপেৎপুনঃ॥ 14-104-32 (96008)
পুনরাচমনং কৃৎবা মদ্গতেনান্তরাত্মনা।
আপোহিষ্ঠেতি তিসৃভির্ঋগ্ভিঃ পূতেন বারিণা।
তথা তরৎসমন্দীভিঃ সিঞ্চেচ্চতসৃভিঃ ক্রমাৎ॥ 14-104-33 (96009)
গোসূক্তেনাশ্বসূক্তেন শুদ্ধবর্গেণি চাত্মনঃ।
বৈষ্ণবৈর্বারুণৈঃ সূক্তৈঃ সাবিত্রৈরিন্দ্রদেবতৈঃ॥ 14-104-34 (96010)
বামদৈব্যেন চাত্মানমন্যৈর্মন্ময়সামভিঃ।
স্থিৎবাঽন্তঃসলিলে সূক্তং জপেদ্বাচাঽঘমর্ষণং॥ 14-104-35 (96011)
সব্যাহৃতীকাং সপ্রণবাং গায়ত্রীং বা ততো জপেৎ।
আশ্বাসমোক্ষাৎপ্রণবং জপেদ্বা মামনুস্মরন্॥ 14-104-36 (96012)
উৎপ্লুত্য তীর্থমাসাদ্য ধৌতে শুক্লে চ বাসসী॥
শুদ্ধে চাচ্ছাদয়েৎকক্ষে ন কুর্যাৎপরিপাশকে॥ 14-104-37 (96013)
পাশেন বদ্ধ্বা কক্ষে যৎকুরুতে কর্ম বৈদিকম্।
রাক্ষসা দানবা দৈত্যাস্তদ্বিলুংপন্তি হর্ষিতাঃ।
তস্মৎসর্বপ্রয়ত্নেন কক্ষ্যাপাশং ন ধারয়েৎ॥ 14-104-38 (96014)
ততঃ প্রক্ষাল্য পাদৌ চ হস্তৌ চৈব মৃদা শনৈঃ।
আচম্য পুনরাচামেৎপুনঃ সাবিত্রিয়া দ্বিজঃ॥ 14-104-39 (96015)
প্রাঙ্মুখোদঙ্মুখো বাঽপি ধ্যায়ন্বেদান্সমাহিতঃ।
জলে জলগতঃ শুদ্ধঃ স্থল এব স্থলস্থিতঃ।
উভয়ত্র স্থিতস্তস্মাদাচামেদাত্মশুদ্ধয়ে॥ 14-104-40 (96016)
দর্ভেষু দর্ভপাণিঃ সন্প্রাঙ্মুখঃ সুসমাহিতঃ।
প্রাণায়ামাংস্ততঃ কুর্যান্মদ্গতেনান্তরাত্মনা॥ 14-104-41 (96017)
সহস্রকৃৎবঃ সাবিত্রীং শতকৃৎবস্তু বা জপেৎ॥ 14-104-42 (96018)
সমাহিতো জপেত্তস্মাৎসাবিত্র্যা চাভিমন্ত্র্য চ।
মন্দেহানাং বিনাশায় রক্ষসাং বিক্ষিপেজ্জলম্॥ 14-104-43 (96019)
উদ্বর্গোসীত্যথা চান্তঃপ্রায়শ্চিত্তজলং ক্ষিপেৎ॥ 14-104-44 (96020)
অথাদায় সুপুষ্পাণি তোয়মঞ্জলিনা দ্বিজঃ
প্রক্ষিপ্য প্রতিসূর্যং চ ব্যোমমুদ্রাং প্রকল্পয়েৎ॥ 14-104-45 (96021)
ততো দ্বাদশকৃৎবস্তু সূর্যস্যেকাক্ষরং জপেৎ।
ততঃ ষডক্ষরাদীনি ষট্কৃৎবঃ পরিবর্তয়েৎ॥ 14-104-46 (96022)
প্রদক্ষিণং পরামৃশ্য মুদ্রয়া স্বমুখান্তরে।
ঊর্ধ্ববাহুস্ততো ভূৎবা সূর্যমীক্ষেৎসমাহিতঃ॥ 14-104-47 (96023)
তন্মণ্ডলস্থং মাং ধ্যায়ংস্তোজোমূর্তিং চতুর্ভুজম্।
উদুত্যং চ জপেন্মন্ত্রং চিত্রং তচ্চক্ষুরিত্যপি॥ 14-104-48 (96024)
সাবিত্রীং চ যথাশত্তি জপ্ৎবা সূক্তং চ মামকম্।
মন্ময়ানি চ সামানি পুরুষব্রতমেব চ॥ 14-104-49 (96025)
ততশ্চালোকয়েদর্কং হংসঃ শুচিষদিত্যপি।
প্রদক্ষিণং সমাবৃত্য নমস্কৃত্য দিবাকরম্॥ 14-104-50 (96026)
ততস্তু তর্পয়েদদ্ভির্ব্রহ্ম্ণাং মাং চ শঙ্করম্।
প্রজাপতিং চ দেবাংশ্চ তথা দেবমুনীনপি॥ 14-104-51 (96027)
সাঙ্গানপি তথা বেদানিতিহাসান্ক্রতূনপি।
পুরাণানি চ সর্বাণি কুলান্যপ্সরসাং তথা॥ 14-104-52 (96028)
ক্রতূন্সংবৎসরং চৈব কলাকাষ্ঠাত্মকং তথা।
ভূতগ্রামাংশ্চ ভূতানি সরিতঃ সাগরাংস্তথা।
শৈলাঞ্শৈলস্থিতান্দেবানোষধীঃ সবনস্পতীঃ॥ 14-104-53 (96029)
তর্পয়েদুপবীতী চ প্রত্যেকং তৃপ্যতামিতি।
অন্বারভ্য চ সব্যেন পাণিনা দক্ষিণেন তু॥ 14-104-54 (96030)
নিবীতী তর্পয়েদ্বিদ্বানৃষীন্মন্ত্রকৃতস্তথা।
মরীচ্যাদীনৃষীংশ্চৈব নারদাদ্যান্সমাহিতঃ॥ 14-104-55 (96031)
প্রাচীনাবীত্যথৈতাস্তু তর্পয়েদ্দেবতাঃ পিতৄৎ।
ততস্তু কব্যবাডগ্নিং সোং বৈবস্বতং তথা॥ 14-104-56 (96032)
ততশ্চার্যমণং চাপি হ্যগ্নিষ্বাত্তাংস্তথৈব চ।
সোমপাংশ্চৈব দর্ভেষু সতিলৈরেব বারিভিঃ।
তৃপ্যতামিতি পশ্চাত্তু স পিতৄংস্তর্পয়েত্ততঃ॥ 14-104-57 (96033)
পিতৄন্পিতামহাংশ্চৈব তথৈব প্রপিতামহান্।
পিতামহীস্ততা চাপি তথৈব প্রপিতামহীঃ॥ 14-104-58 (96034)
মাতরং চাত্মনশ্চৈব গুরুমাচার্যমেব চ।
পিতৃমাতৃষ্বসারৌ চ তথা মাতামহীমপি॥ 14-104-59 (96035)
উপাধ্যায়ান্সখীন্বন্ধূঞ্শিষ্যর্ৎবিগ্জ্ঞাতিবাংধবান্।
প্রমীতানানৃশংস্যার্থং তর্পয়েত্তানমৎসরঃ॥ 14-104-60 (96036)
তর্পয়িৎবা তথাঽঽচম্য স্নানবস্ত্রং প্রপীডয়েৎ।
বৃত্তিং ভৃত্যজনস্যাহুঃ স্নানং পানং চ তদ্বিদঃ॥ 14-104-61 (96037)
অতর্পয়িৎবা তান্পূর্বং স্নানবস্ত্রং ন পীডয়েৎ।
পীডয়েচ্চেৎপুরা মোহাদ্দেবাঃ সর্পিগণাস্তথা।
পিতরস্তু নিরাশাস্তে শপ্ৎবা যান্তি যথাগতং॥ 14-104-62 (96038)
প্রক্ষাল্য তু মৃদা পাদাবাচম্য প্রয়তঃ পুনঃ।
দর্ভেষু দর্ভপাণিঃ সন্স্বাধ্যায়ং তু সমারভেৎ॥ 14-104-63 (96039)
বেদমাদৌ সমারভ্য ততোপর্যুপরি ক্রমাৎ।
যদধীতেঽন্বহং শক্ত্যা তৎস্বাধ্যায়ং প্রচক্ষতে॥ 14-104-64 (96040)
ঋচো বাঽপি যজুর্বাঽপি সামগায়মথাপি চ।
ইতিহাসপুরাণানি যথাশক্তি ন হাপয়েৎ॥ 14-104-65 (96041)
উত্থায় তু নমস্কৃত্য দিশো দিগ্দেবতা অপি।
ব্রহ্মণং চ ততশ্চাগ্নিং পৃথিবীমোষধীস্তথা॥ 14-104-66 (96042)
বাচং বাচস্পতিং চৈব মাং চৈব সরিতস্তথা।
নমস্কৃত্য তথাঽদ্ভিস্তু প্রণবাদি চ পূর্ববৎ॥ 14-104-67 (96043)
ততো নমোঽদ্ভ্য ইত্যুক্ৎবা নমস্কুর্যাত্তু তজ্জলম্।
ঘৃণিঃ সূর্যস্তথাঽঽদিত্যস্তং প্রণম্য স্বমূর্ধনি॥ 14-104-68 (96044)
ততস্ৎবালোকয়ন্নর্কং প্রণবেন সমাহিতঃ।
ততো মামর্চয়েৎপুষ্পৈর্মৎপ্রিয়ৈরেব নিত্যশঃ॥ 14-104-69 (96045)
যুধিষ্ঠির উবাচ। 14-104-70x (7961)
ৎবৎপ্রিয়াণি প্রসূনানি ৎবদধিষ্ঠানি মাধব।
সর্বাণ্যাচক্ষ্ব দেবেশ ৎবদ্ভক্তস্য মমাচ্যুত॥ 14-104-70 (96046)
ভগবানুবাচ। 14-104-71x (7962)
শৃণুষ্বাবহিতো রাজন্পুষ্পাণি প্রিয়কৃন্তি মে।
কুমুদং করবীরং চ চণকং চংপকং তথা॥ 14-104-71 (96047)
মল্লিকাজাতিপুষ্পং চ নন্দ্যাবর্তং চ নন্দিকম্।
পলাশপুষ্পপত্রাণি দূর্বা ভৃঙ্গকমেব চ॥ 14-104-72 (96048)
বনমালা চ রাজেন্দ্র মৎপ্রিয়াণি বিশেষতঃ।
সর্বেষামপি পুষ্পাণাং সহস্রগুণমুৎপলম্॥ 14-104-73 (96049)
তস্মাৎপদ্মং তথা রাজন্পদ্মাত্তু সতপত্রকম্।
তস্মাৎসহস্রপত্রং তু পুণ্ডরীকং ততঃ পরম্॥ 14-104-74 (96050)
পুণ্ডরীকসহস্রাত্তু তুলসী গুণতোঽধিকা।
বকপুষ্পং ততস্তস্মাৎসৌবর্ণং তু ততোঽধিকম্।
সৌবর্ণাত্তু প্রসূনাচ্চ মৎপ্রিয়ং নাস্তি পাণ্ডব॥ 14-104-75 (96051)
পুষ্পাভাবে তুলস্যাস্তু পত্রৈর্মামর্চয়েৎপুনঃ।
পত্রালাভে তু শাখাভিঃ শাকালাভে শিফালবৈঃ।
শিফাভাবে মৃদা তত্র ভক্তিমানর্চয়েত মাম্॥ 14-104-76 (96052)
বর্জনীয়ানি পুষ্পাণি শৃণু রাজন্সমাহিতঃ।
কিঙ্কিণী মুনিপুষ্পং চ ধুর্ধূরং পাটলং তথা॥ 14-104-77 (96053)
তথাঽতিমুক্তকং চৈব পুন্নাগং নক্তমালিকম্।
যৌধিকং ক্ষীরিকাপুষ্পং নির্গুণ্ডী লাঙ্গুলী জপা॥ 14-104-78 (96054)
কর্ণিকারং তথাঽশোকং শল্মলীপুষ্পমেব চ।
ককুভাঃ কোবিদারাশ্চ বৈভীতকমথাপি চ॥ 14-104-79 (96055)
কুরণ্টকপ্রসূনং চ কল্পকং কালকং তথা।
অঙ্কেলং গিরিকর্ণী চ নীলান্যেব চ সর্বশঃ।
একপর্ণানি চান্যানি সর্বাণ্যেব বিবর্জয়েৎ॥ 14-104-80 (96056)
অর্কপুষ্পাণি বর্জ্যানি অর্কপত্রস্তিতানি চ।
ব্যাঘৃতাঃ পিচুমন্দানি সর্বাণ্যেব বিবর্জয়েৎ॥ 14-104-81 (96057)
অন্যৈস্তু শুক্লপত্রৈস্তু গন্ধবদ্ভির্নরাধিপ।
অবর্জ্যৈস্তৈর্যথালাভং মদ্ভক্তো মাং সমর্চয়েৎ॥ 14-104-82 (96058)
যুধিষ্ঠির উবাচ। 14-104-83x (7963)
কথং ৎবমর্চনীয়োসি মূর্তয়ঃ কীদৃশাস্তু তে।
বৈখানসাঃ কথং ব্রুয়ূঃ কথং বা পাঞ্চরাত্রিকাঃ॥ 14-104-83 (96059)
ভগবানুবাচ। 14-104-84x (7964)
শৃণু পাণ্ডব তৎসর্বমর্চনাক্রমমাত্মনঃ।
স্থণ্ডিলে পদ্মকং কৃৎবা চাষ্টপত্রং সকর্ণিকম্॥ 14-104-84 (96060)
অষ্টাক্ষরবিধানেন হ্যথবা দ্বাদশাক্ষরৈঃ।
বৈদিকৈরথ মন্ত্রৈশ্চ মম সূক্তেন বা পুনঃ॥ 14-104-85 (96061)
স্থাপিতং মাং ততস্তস্মিন্নর্যযিৎবা বিচক্ষণঃ।
পুরুষং চ ততঃ সত্যমত্যুতং চ যুধিষ্ঠির॥ 14-104-86 (96062)
অনিরুদ্ধং চ মাং প্রাহুর্বৈখানসবিদো জনাঃ।
অন্যে ৎবেবং বিজানন্তি মাং রাজন্পাঞ্চরাত্রিকাঃ। 14-104-87 (96063)
বাসুদেবং চ রাজেন্দ্র সংকর্ষণমথাপি বা।
প্রদ্যুম্নং চানিরুদ্ধং চ চতুর্মূর্তিং প্রচক্ষতে॥ 14-104-88 (96064)
এতাশ্চান্যাশ্চ রাজেন্দ্র সংজ্ঞাভেদেন মূর্তয়ঃ।
বিদ্ধ্যার্থান্তরা এবং মামেবং চার্চয়েদ্ভুধঃ॥ 14-104-89 (96065)
যুধিষ্ঠির উবাচ। 14-104-90x (7965)
ৎবদ্ভক্তাঃ কীদৃসা দেব কানি তেষং ব্রতানি চ।
এতৎকথয় দেবেশ ৎবদ্ভক্তস্য মমাচ্যুত॥ 14-104-90 (96066)
ভগবানুবাচ। 14-104-91x (7966)
অনন্যদেবতাভক্তা চে মদ্ভক্তজনপ্রিয়াঃ।
মামেব শরণং প্রাপ্তা মদ্ভক্তাস্তে প্রকীর্তিতাঃ॥ 14-104-91 (96067)
স্বর্গ্যাণ্যপি যশস্যানি মৎপ্রিয়াণি বিশেষতঃ।
মদ্ভক্তঃ পাণ্ডবশ্রেষ্ঠ ব্রতানীমানি ধারয়েৎ॥ 14-104-92 (96068)
নান্যদাচ্ছাদয়েদ্বস্ত্রং মদ্ভক্তো জলতারণে।
স্বস্থস্তু ন দিবা স্বপ্যেন্মধুমাংসানি বর্জয়েৎ॥ 14-104-93 (96069)
প্রদক্ষিণং ব্রজেদ্বিপ্রান্গামশ্বত্থং হুতাশনম্।
ন ধাবেৎপতিতে বর্ষে নাগ্নভিক্ষাং চ লোপয়েৎ॥ 14-104-94 (96070)
প্রত্যক্ষলবণং নাদ্যৎসৌভাঞ্জনকরঞ্জনৌ।
গ্রাসমুষ্টিং গবপে দদ্যাদ্ধান্যাম্লং চৈব বর্জয়েৎ॥ 14-104-95 (96071)
তথা পর্যুষিতং চাপি পক্বং পরগৃহাগতম্।
অনিবেদিতং চ যদ্দ্রব্যং তৎপ্রয়ত্নেন বর্জয়েৎ॥ 14-104-96 (96072)
বিভিতককরঞ্জানাং ছায়াং দূরে বিবর্জয়েৎ।
পিপ্রদেবপরীবাদান্ন বদেৎপীডিতোপি সন্॥ 14-104-97 (96073)
সাৎবিকা রাজসাশ্চাপি তামসাশ্চাপি পাণ্ডব।
মামর্চয়ন্তি মদ্ভক্তাস্তেষামীদৃগ্বিদা গতিঃ॥ 14-104-98 (96074)
তামসাস্তিমিরং যান্তি রাজসা রজ এব তৎ।
সাৎবিকাঃ সৎবসংপন্নাঃ সৎবমেব প্রয়ান্তি তে॥ 14-104-99 (96075)
যে সিদ্ধাঃ সন্তি সাঙ্খ্যেন যোগসৎববলেন চ।
নভস্যাদিত্যচন্দ্রাভ্যাং পশ্যন্তি পদবিস্তরম্॥ 14-104-100 (96076)
একস্তংভে নবদ্বারে ত্রিস্থূণে পঞ্চসাক্ষিকে।
এতস্মিন্দেহনগরে রাজসস্তু সদা ভবেৎ॥ 14-104-101 (96077)
উদিতে সবিতর্যাপ্য ক্রিয়ায়ুক্তস্য ধীমতঃ।
চতুর্বেদবিদশ্চাপি দেহে ষড্বৃষলাঃ স্মৃতাঃ॥ 14-104-102 (96078)
ক্ষত্রিয়াঃ সপ্ত বিজ্ঞেয়া বৈশ্যাস্ৎবষ্টৌ প্রকীর্তিতাঃ।
নিয়তাঃ পাণ্ডবশ্রেষ্ঠ শূদ্রাণামেকবিংশতিঃ॥ 14-104-103 (96079)
কামঃ ক্রোধশ্চ লোভশ্চ মোহশ্চ মদ এব চ।
মহামোহশ্চ ইত্যেতে দেহে ষড্বৃষলাঃ স্মৃতাঃ॥ 14-104-104 (96080)
গর্বঃ স্তংভো হ্যহঙ্কার ঈর্ষ্যা চ দ্রোহ এব চ।
পারুষ্যং ক্রূরতা চৈব সপ্তৈত ক্ষত্রিয়াঃ স্মৃতাঃ॥ 14-104-105 (96081)
তীক্ষ্ণতা নিকৃতির্মায়া শাঠ্যং ডংভো হ্যনার্জবম্।
পৈশুন্যমনৃতং চৈব বেশ্যাস্ৎবষ্টৌ প্রকীর্তিতাঃ॥ 14-104-106 (96082)
তৃষ্ণা বুভুক্ষা নিদ্রা চ হ্যালস্যং চাঘৃণাদয়ঃ।
আধিশ্চাপি বিষাদশ্চ প্রমাদো হীনসৎবতা॥ 14-104-107 (96083)
ভয়ং বিক্লবতা জাড্যং পাপকং মন্যুরেব চ।
আশা চাশ্রদ্দধানৎবমনবস্থাপ্যমন্ত্রণম্॥ 14-104-108 (96084)
আশৌচং মলিনৎবং চ শূদ্রা হ্যেতে প্রকীর্তিতাঃ।
যস্মিন্নেতে ন দৃশ্যন্তে স বৈ ব্রাহ্মণ উচ্যতে॥ 14-104-109 (96085)
যেষুয়েষু হি ভাবেষু যৎকালং বর্ততে দ্বিজঃ।
তৎকালং বৈ স বিজ্ঞেয়ো ব্রাহ্মণো জ্ঞানদুর্বলঃ॥ 14-104-110 (96086)
প্রাণানায়ম্য যৎকালং যেন মাং চাপি চিন্তয়েৎ।
তৎকালো বৈ দ্বিজো জ্ঞেয়ঃ শেষকালো হ্যথেতরঃ॥ 14-104-111 (96087)
তস্মাত্তু সাৎবিকো ভূৎবা শুচিঃ ক্রোধবিবর্জিতঃ।
মামর্চয়েত্তু সততং মৎপ্রিয়ৎবং যদীচ্ছতি॥ 14-104-112 (96088)
অলোলজিহ্বঃ সমুপস্থিতো ধৃতিং
নিধায় চক্ষুর্যুগমাত্রমেব তত।
মনশ্চ বাচং চ নিগৃহ্য চঞ্চলং
ভয়ান্নিবৃত্তো মম ভক্ত উচ্যতে॥ 14-104-113 (96089)
ঈদৃশাধ্যাত্মিনো যে তু ব্রাহ্মণা নিয়তেন্দ্রিয়াঃ।
তেষাং শ্রাদ্ধেষু তৃপ্যন্তি তেন তৃপ্তাঃ পিতামহাঃ॥ 14-104-114 (96090)
ধর্মো জয়তি নাধর্মঃ সত্যং জয়তি নানৃতম্।
ক্ষমা জয়তি ন ক্রোধঃ ক্ষমাবান্ব্রাহ্মণো ভবেৎ॥ ॥ 14-104-115 (96091)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি চতুরধিকশততমোঽধ্যায়ঃ॥ 104 ॥
আশ্বমেধিকপর্ব - অধ্যায় 105
॥ শ্রীঃ ॥
14.105. অধ্যায়ঃ 105
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি দশধা কপিলাবিভাগকথনপূর্বকং তদ্দানপ্রশংসনম্॥ 1 ॥Mahabharata - Ashvamedhika Parva - Chapter Text
বৈশম্পায়ন উবাচ।
দানপুণ্যফলং শ্রুৎবা তপঃপুণ্যফলানি চ।
ধর্মপুত্রঃ প্রহৃষ্টাত্মা কেশবং পুনরব্রবীৎ॥ 14-105-1 (96092)
যা চৈষা কপিলা দেব পূর্বমুৎপাদিতা বিভো।
হোমধেনুঃ সদা পুণ্যা চতুর্বক্ত্রেণ মাধব॥ 14-105-2 (96093)
সা কথং ব্রাহ্মণেভ্যো হি দেয়া কস্মিন্দিনেঽপি বা।
কীদৃশায় চ বিপ্রায় দাতব্যা পুণ্যলক্ষণা॥ 14-105-3 (96094)
কথিতা কপিলা প্রোক্তা স্বয়মেব স্বয়ংভুবা।
কৈর্বা দেয়াশ্চ তা দেব শ্রোতুমিচ্ছামি তৎবতঃ॥ 14-105-4 (96095)
বৈশম্পায়ন উবাচ। 14-105-5x (7967)
এবমুক্তো হৃষীকেশো ধর্মপুত্রেণ সংসদি।
অব্রবীৎকপিলাসঙ্ক্যাং তাসাং মাহাত্ম্যমেব চ॥ 14-105-5 (96096)
শৃণু পাণ্ডব তৎবেন পবিত্রং পাবনং পরম্।
যচ্ছ্রুৎবা পাপকর্মা পি নরঃ পাপাৎপ্রমুচ্যতে॥ 14-105-6 (96097)
অগ্নিমদ্যোদ্ভবাং দিব্যামগ্নিজ্বালাসমপ্রভাম্।
অগ্নিজ্বালোজ্জ্বলচ্ছৃঙ্গীং প্রদীপ্তাঙ্গারলোচনাম্॥ 14-105-7 (96098)
অগ্নিপুচ্ছামগ্নিখুরামগ্নিরোমপ্রভান্বিতাম্।
তামগ্নেয়ীমগ্নিজিহ্বামগ্নিগ্রীবাং জ্বলৎপ্রভাম্॥ 14-105-8 (96099)
ভুঞ্জতে কপিলাং যে তু শূদ্রা লোভেন মোহিতাঃ।
পতিতাংস্তান্বিজানীয়াচ্চণ্ডালসদৃশা হি তে॥ 14-105-9 (96100)
ন তেষাং ব্রাহ্মমঃ কশ্চিদ্গৃহে কুর্যাৎপ্রতিগ্রহম্।
দূরাচ্চ পরিহর্তব্যা মহাপাতকিনোপি তে॥ 14-105-10 (96101)
সার্বকালং হি তে সর্বৈর্বর্জিতাঃ পিতৃদৈবতৈঃ।
তে সদা হ্যপ্রতিগ্রাহ্যা হ্যসংভাষ্যাশ্চ পাপিনঃ॥ 14-105-11 (96102)
পিবন্তি কপিলাং যাবত্তাবত্তেষাং পিতামহাঃ।
অমেধ্যমুপভুঞ্জন্তি ভূম্যাং বৈ শ্বসৃগালবৎ॥ 14-105-12 (96103)
কপিলায়া দধি ক্ষীরং ঘৃতং তক্রমথাপি বা।
যে শূদ্রা উপভুঞ্জন্তি তেষাং গতিমিমাং শৃণু॥ 14-105-13 (96104)
কপিলোপজীবী শূদ্রস্তু মৃতো গচ্ছতি রৌরবম্।
ক্লিশ্যতে রৌরবে ঘোরে বর্ষকোটিশতং বসন্॥ 14-105-14 (96105)
ততশ্চাপি চ্যুতঃ কালাচ্ছ্বানয়োনিং স গচ্ছতি।
শ্বয়োন্যাশ্চ পরিভ্রষ্টো বিষ্ঠায়াং জায়তে ক্রিমিঃ॥ 14-105-15 (96106)
বিষ্ঠাকূপেষু পাপিষ্ঠো দুর্গন্ধেষু সহস্রশঃ।
তত্রতত্রোপজায়েত নোত্তারং তত্রথ বিন্দতি॥ 14-105-16 (96107)
ব্রাহ্মণশ্চৈব যস্তেষাং গৃহে কুর্যাৎপ্রতিগ্রহম্।
ততঃ প্রভৃতি তস্যাপি পিতরঃ স্যুরমেধ্যপাঃ॥ 14-105-17 (96108)
ন তেন সার্ধং সম্ভাষেন্ন চাপ্যেকাসনং ব্রজেৎ।
স নিত্যং বর্জনীয়ো হি দূরাত্তু ব্রাহ্মণাধমঃ॥ 14-105-18 (96109)
যস্তেন সহ সম্ভাষেদেকশয়্যাং ব্রজেৎ বা।
প্রাজাপত্যং চরেৎকৃচ্ছ্রং স চ তেন বিসুদ্ধ্যতি॥ 14-105-19 (96110)
কপিলোপজীবিনঃ শূদ্রাদ্যঃ করোতি প্রতিগ্রহম্।
প্রায়শ্চিত্তং ভবেত্তস্য বিপ্রস্যৈতন্ন সংশয়ঃ॥ 14-105-20 (96111)
ব্রহ্মকূর্চং প্রকুর্বীতি চান্দ্রায়ণমথাপি বা।
মুচ্যতে কিল্বিষাত্তস্মাদেতেন ব্রাহ্মণো হি সঃ॥ 14-105-21 (96112)
কপিলা হ্যগ্নিহোত্রার্থে বিপ্রার্থে বা স্বয়ংভুবা।
সর্বং তেজঃ সমুদ্ধৃত্য নির্মিতা ব্রহ্মণা পুরা॥ 14-105-22 (96113)
পবিত্রং চ পবিত্রাণাং মঙ্গলানাং চ মঙ্গলম্।
পুণ্যানাং পরমং পুণ্যং কপিলা পাণ্ডুনন্দন॥ 14-105-23 (96114)
তপসা তপ এবাগ্র্যং ব্রাতনামুত্তমং ব্রতম্।
দানানাং পরমং দানং নিদানং হ্যেতদক্ষয়ম্॥ 14-105-24 (96115)
পৃথিব্যাং যানি তীর্থানি পুণ্যান্যায়তনানি চ।
পবিত্রাণি চ রম্যাণি সর্বলোকেষু পাণ্ডব॥ 14-105-25 (96116)
এভ্যস্তেজঃ সমুদ্ধৃত্য ব্রহ্মণা লোককর্তৃণা॥
লোকনিস্তরণায়ৈব নির্মিতাঃ কপিলাঃ স্বয়ম্॥ 14-105-26 (96117)
সর্বতেজোময়ী হ্যেষাং কপিলা পাণ্ডুনন্দন।
সদাঽমৃতময়ী মেধ্যা শুচিঃ পাবনমুত্তমম্॥ 14-105-27 (96118)
ক্ষীরেণ কপিলায়াস্তু দধ্না বা সঘৃতেন বা।
হোতব্যান্যগ্নিহোত্রাণি সায়ং প্রাতর্দ্বিজাতিভিঃ॥ 14-105-28 (96119)
কপিলায়া ঘৃতেনাপি দধ্না ক্ষীরেণ বা পুনঃ।
জুহ্বতে যোঽগ্নিহোত্রাণি ব্রাহ্মণা বিধিবৎপ্রভো॥ 14-105-29 (96120)
পূজয়ন্ত্যতিথীংশ্চৈব পরাং ভক্তিমুপাগতাঃ।
শূদ্রান্নাদ্বিরতা নিত্যং ডংভানৃতবিবর্জিতাঃ॥ 14-105-30 (96121)
তে যান্ত্যাদিত্যসঙ্কাশৈর্বিমানৈর্দ্বিজসত্তমাঃ।
সূর্যমণ্ডলমধ্যেন ব্রহ্মলোকমনুত্তমম্॥ 14-105-31 (96122)
ব্রহ্মণো ভবনে দিব্যে কামগাঃ কামরূপিণঃ।
ব্রহ্মণা পূজ্যমানাস্তু মোদন্তে কল্পমক্ষয়ম্॥ 14-105-32 (96123)
এবং হি কপিলা রাজন্পুণ্যা মন্ত্রামৃতারণিঃ।
আদাবেবাগ্নিমধ্যে তু মৈত্রেয়ী ব্রহ্মনির্মিতা॥ 14-105-33 (96124)
শৃঙ্গাগ্রে কপিলায়াস্তু সর্বতীর্থানি পাণ্ডব।
ব্রহ্মণো হি নিয়োগেন নিবসন্তি দিনেদিনে॥ 14-105-34 (96125)
প্রাতরুত্থায় যো মর্ত্যঃ কপিলাশৃঙ্গমস্তকাৎ।
যশ্চ্যুতামংবুধারাং বৈ শিরসা প্রয়তঃ শুচিঃ॥ 14-105-35 (96126)
স তেন পুণ্যতীর্থেন সহসা হতকিল্বিষঃ।
জন্মত্রয়কৃতং পাপং প্রদহত্যগ্নিবতৃণম্॥ 14-105-36 (96127)
মূত্রেণ কপিলায়াস্তু যশ্চ প্রাণানুপস্পৃশেৎ॥
স্নানেন তেন পুণ্যেন নষ্টপাপঃ স মানবঃ।
ত্রিংশদ্বর্ষকৃতাৎপাপান্মুচ্যতে নাত্র সংশয়ঃ॥ 14-105-37 (96128)
প্রাতরুত্থায় যো ভক্তয়া প্রয়চ্ছেত্তৃণমুষ্টিকম্।
তস্য নশ্যতি তৎপাপং ত্রিংশদ্রাত্রকৃতং নৃপ॥ 14-105-38 (96129)
প্রাতরূত্থায় যদ্ভক্ত্যা কুর্যাদ্যস্মাৎপ্রদক্ষিণম্।
প্রদক্ষিণীকৃতা তেন পৃথিবী নাত্র সংশয়ঃ॥ 14-105-39 (96130)
প্রদক্ষিণেন চৈকেন শ্রদ্ধায়ুক্তেন পাণ্ডব।
দশরাত্রকৃতং পাপং তস্য তন্নশ্যতি ধ্রুবম্॥ 14-105-40 (96131)
কপিলাপঞ্চগব্যেন যঃ স্নায়াত্তু শুচির্নরঃ।
স গঙ্গাদ্যেষু তীর্থেষু স্নাতো ভবতি পাণ্ডব॥ 14-105-41 (96132)
তেন স্নানেন তস্যাপি শ্রদ্দায়ুক্তস্য পার্থিব।
দশরাত্রকৃতং পাপং তৎক্ষণাদেব নশ্যতি॥ 14-105-42 (96133)
দৃষ্ট্বা তু কপিলাং ভক্ত্যা শ্রুৎবা হুঙ্কারনিস্বনম্।
ব্যপোহতি নরঃ পাপমহোরাত্রকৃতং নৃপ॥ 14-105-43 (96134)
যত্র বা তত্র বা চাঙ্গে কপিলাং যঃ স্পৃশেচ্ছুচিঃ।
সংবৎসরকৃতং পাপং বিনাশয়তি পাণ্ডব॥ 14-105-44 (96135)
গোসহস্রং তু যো দদ্যাদেকাং চ কপিলাং নরঃ।
সমং তস্য ফলং প্রাহ ব্রহ্মা লোকপিতামহঃ॥ 14-105-45 (96136)
যস্ৎবেবং কপিলাং হন্যান্নরঃ কশ্চিৎপ্রমাদতঃ।
গোসহস্রং হতং তেন ভবেন্নাত্র বিচারণা॥ 14-105-46 (96137)
যশ্চৈকাং কপিলাং দদ্যাচ্ছ্রোত্রিয়ায়াহিতাগ্নয়ে।
গবাং শতসহস্রং তু দত্তং ভবতি পাণ্ডব॥ 14-105-47 (96138)
দশ বৈ কপিলাঃ প্রোক্তাঃ স্বয়মেব স্বয়ংভুবা।
যো দদ্যাচ্ছ্রোত্রিয়েভ্যো বৈ স্বর্গং গচ্ছতি তচ্ছৃণু॥ 14-105-48 (96139)
প্রথমা স্বর্ণকপিলা দ্বিতীয়া গৌরপিঙ্গলা।
তৃতীয়া রক্তপিঙ্গাক্ষী চতুর্থীং গলপিঙ্গলা॥ 14-105-49 (96140)
পঞ্চমী বভ্রুবর্ণাভা ষষ্ঠী চ শ্বেতপিঙ্গলা।
সপ্তমী রঙ্গপিঙ্গাক্ষী ৎবষ্টমী খুরপিঙ্গলা॥ 14-105-50 (96141)
নবমী পাটলা জ্ঞেয়া দশমী পুচ্ছপিঙ্গলা।
দশৈতাঃ কপিলাঃ প্রোক্তাস্তারয়ন্তি নরান্সদা॥ 14-105-51 (96142)
মঙ্গল্যাশ্চ পবিত্রাশ্চ সর্বপাপপ্রণাশনাঃ।
এবমেব হ্যনড্বাহো দশ প্রোক্তা নরেশ্বর॥ 14-105-52 (96143)
ব্রাহ্মণো বাহয়েত্তাংস্তু নান্যো বর্ণঃ কথংচন।
ন বাহয়েচ্চ কপিলাং ক্ষেত্রে বাঽধ্বনি বা দ্বিজঃ॥ 14-105-53 (96144)
বাহয়েদ্ধুঙ্কৃতেনৈব শাখয়া বা সপত্রয়া।
ন দণ্ডেন ন বা যষ্ট্যা ন পাশেন ন বা পুনঃ॥ 14-105-54 (96145)
ন ক্ষুত্তৃষ্ণাশ্রমশ্রান্তান্বাহয়েদ্বিকলেন্দ্রিয়ান্।
অতৃপ্তেষু ন ভুঞ্জীয়াৎপিবেৎপীতেষু চোদকম্॥ 14-105-55 (96146)
শুশ্রূষোর্মাতরশ্চৈতাঃ পিতরস্তে প্রকীর্তিতাঃ।
অহ্নাং পূর্বত্র ভাগে চ ধুর্যাণাং বাহনং স্মৃতম্॥ 14-105-56 (96147)
বিশ্রামেন্মধ্যমে ভাগে ভাগে চান্তে যথাসুখম্।
যত্র চ ৎবরয়া কৃত্যং সংশয়ো যত্র বাঽধ্বনি। 14-105-57 (96148)
বাহয়েত্তত্র ধুর্যাংস্তু ন স পাপেন লিপ্যতে॥
ভ্রূণহত্যাসমং পাপং তস্য স্যাৎপাণ্ডুনন্দন। 14-105-58 (96149)
অন্যথা বাহয়ন্রাজন্নিরয়ং যাতি রৌরবম্॥
রুধিরং পাতয়েত্তেষাং যস্তু মোহান্নরাধিপ। 14-105-59 (96150)
তেন পাপেন পাপাত্মা নরকং যাত্যসংশয়ম্॥
নরকেষু চ সর্বেষু সমাঃ স্থিৎবা শতংশতম্। 14-105-60 (96151)
ইহ মানুষ্যকে লোকে বলীবর্দো ভবিষ্যতি॥
তস্মাত্তু মুক্তিমন্বিচ্ছন্দদ্যাত্তু কপিলাং নরঃ॥ 14-105-61 (96152)
কপিলাং বাহয়েদ্যস্তু বৃষলো লোভমোহিতঃ।
তেন দেবাস্ত্রয়স্ত্রিংশৎপিতরশ্চাপি বাহিতাঃ॥ 14-105-62 (96153)
স দেবৈঃ পিতৃভির্নিত্যং বধ্যমানস্তু দুর্মতিঃ।
নরকান্নরকং ঘোরং গচ্ছেদাপ্রলয়ং নৃপ॥ 14-105-63 (96154)
ব্রহ্মা রুদ্রস্তথাঽগ্নিশ্চ কপিলানাং গতিং গতাঃ।
তস্মাত্তে ন নিহন্তব্যাঃ পূজ্যাশ্চৈব ন সংশয়ঃ।
নিঃশ্বসন্তি যদা শ্রান্তাস্তদা হন্যুস্চ তৎকুলং॥ 14-105-64 (96155)
যাবন্তি তেষাং রোমাণি তাবদ্বর্ষশতং নৃপ।
নরকেষূপপচ্যন্তে তত্র তদ্বাহকা নরাঃ॥ 14-105-65 (96156)
কপিলা সর্বয়জ্ঞেষু দক্ষিণার্থং বিধীয়তে।
তস্মাত্তদ্দক্ষিণা দেয়া যজ্ঞেষ্বেব দ্বিজাতিভিঃ॥ 14-105-66 (96157)
হোমার্তং চাগ্নিহোত্রস্য যাং প্রয়চ্ছেৎপ্রয়ত্নতঃ।
শ্রোত্রিয়ায় দরিদ্রায় শ্রান্তায়ামিততেজসে।
তেন দানেন পূতাত্মা মম লোকে মহীয়তে॥ 14-105-67 (96158)
যাবন্তি চৈব রোমাণি কপিলাঙ্গে যুধিষ্ঠির।
তাবদ্বর্ষসহস্রাণি স্বর্গলোকে মহীয়তে॥ 14-105-68 (96159)
সুবর্ণখুরশৃঙ্গীং চ কপিলাং যঃ প্রয়চ্ছতি।
বিষুবে চায়নে চাপি সোঽশ্বমেধফলং লভেৎ।
তেনাশ্বমেধতুল্যেন মম লোকং স গচ্ছতি॥ 14-105-69 (96160)
স্বর্ণশৃঙ্গীং রূপ্যখুরাং সবৎসাং কাংস্যদোহিনীম্।
বস্ত্রৈরলঙ্কৃতাং পুষ্টাং গন্ধৈর্মাল্যৈশ্চ শোভিতাম্॥ 14-105-70 (96161)
পবিত্রং হি পবিত্রাণাং সুরব্ণমিতি মে মতিঃ।
তস্মাৎসুবর্ণাভরণা দাতব্যা সাঽগ্নিহোত্রিণে॥ 14-105-71 (96162)
এবং দত্ৎবা তু রাজেন্দ্র সপ্তপূর্বান্পরানপি।
তারয়িষ্যতি রাজেন্দ্র নাত্র কার্যা বিচারণা॥ 14-105-72 (96163)
অগ্নিষ্টোমসহস্রস্য বাজপেয়ং চ তৎসমম্।
বাজপেয়সহস্রস্য অশ্বমেধং চ তৎসমম্।
অশ্বমেধসহস্রস্য রাজসূয়ং চ তৎসমম্॥ 14-105-73 (96164)
কপিলানাং সহস্রেণ বিদিদত্তেন পাণ্ডব।
রাজসূয়ফলং প্রাপ্য মম লোকে মহীয়তে।
ন তস্য পুনরাবৃত্তির্বিদ্যতে কুরুপুঙ্গব॥ 14-105-74 (96165)
প্রয়চ্ছতে যঃ কপিলাং সবৎসাং কাংস্যদোহিনীম্।
সুবর্ণকুরশৃঙ্গাঙ্গীং সর্বালঙ্কারশোভিতাম্॥ 14-105-75 (96166)
তৈস্তৈর্গুণৈঃ কামদুঘা চ ভূৎবা
নরং প্রদাতারমুপৈতি সা গৌঃ।
স্বকর্মভিশ্চাপ্যনুবধ্যমানং
তীব্রান্ধকারে নরকে পতন্তম্।
মহার্ণবে নৌরিব বায়ুনীতা
দত্তা হি গৌস্তারয়তে মনুষ্যম্॥ 14-105-76 (96167)
পুত্রাংশ্চ পৌত্রাংশ্চ কুলং চ সর্ব-
মাসপ্তমং তারয়তে যথাবৎ।
যাবন্মনুষ্যান্পৃথিবী বিভর্তি
তাবৎপ্রদাতারমৃতং পরত্র॥ 14-105-77 (96168)
যথৌষধং মন্ত্রকৃতং নরস্য
প্রয়ুক্তমাত্রং বিনিহন্তি রোগান্।
তথৈব দত্তা কপিলা সুপাত্রে
পাপং নরস্যাশু নিহন্তি সর্বম্॥ 14-105-78 (96169)
যথৈব দৃষ্ট্বা ভুজগাঃ সুপর্ণং
নশ্যন্তি দূরাদ্বিবশা ভয়ার্তাঃ।
তথৈব দৃষ্ট্বা কপিলাপ্রদানা-
ন্নস্যন্তি পাপানি নরস্য শীঘ্রম্॥ 14-105-79 (96170)
যথা ৎবচং বৈ ভুজগো বিহায়
পুনর্নবং রূপমুপৈতি পুণ্যম্।
তথৈব মুক্তঃ পুরুষঃ স্বপাপৈ-
র্বিরজ্যতে বৈ কপিলাপ্রদানাৎ॥ 14-105-80 (96171)
যথাঽন্ধকারং ভবনে বিলগ্নং
দীপ্তো হি নির্যাতয়তি প্রদীপঃ।
তথা নরঃ পাপমপি প্রলীনং
নিষ্ক্রাময়েদ্বৈ কপিলাপ্রদানাৎ॥ 14-105-81 (96172)
যাবন্তি রোমাণি ভবন্তি তস্যা
বৎসান্বিতায়াশ্চ শরীরজানি।
তাবৎপ্রদাতা যুগবর্ষকোটিং
স ব্রহ্মলোকে রমতে মনুষ্যঃ॥ 14-105-82 (96173)
যস্যাহিতাগ্নেরতিথিপ্রিয়স্য
শূদ্রান্নদূরস্য জিতেন্দ্রিয়স্য।
সত্যব্রতস্যাধ্যযনান্বিতস্য
দত্তা হি গৌস্তারয়তে পরত্র॥ ॥ 14-105-83 (96174)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি পঞ্চাধিকশততমোঽধ্যায়ঃ॥ 105 ॥
আশ্বমেধিকপর্ব - অধ্যায় 106
॥ শ্রীঃ ॥
14.106. অধ্যায়ঃ 106
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি কপিলাদানপ্রশংসনম্॥ 1 ॥ ব্রহ্মণাঽগ্নিকুণ্ডমধ্যাৎকপিলাসর্জনম্। তধা রুদ্রাদিদেবৈঃ কপিলায়ৈ সর্বপূজ্যৎবাদিরূপবরদানম্॥ 2 ॥ দেবর্ষ্যাদিভইঃ স্বনিবাসায় কপিলাবয়বসমাশ্রয়ণম্॥ 3 ॥ কৃষ্ণেন হব্যকব্যদানকালকথনম্। তথা শ্রাদ্ধার্হানর্হব্রাহ্মণবিবেচনম্। তথা স্বর্গনরকপ্রাপকসুকৃতদুষ্কৃতকথনম্॥ 4 ॥Mahabharata - Ashvamedhika Parva - Chapter Text
বৈশম্পায়ন উবাচ।
এবং শ্রুৎবা পরং পুণ্যং কপিলাদানমুত্তমম্।
ধর্মপুত্রঃ প্রহৃষ্টাত্মা কেশবং পুনরব্রবীৎ॥ 14-106-1 (96175)
দেবদেবশ কপিলা যদা বিপ্রায় দীয়তে।
কথং সর্বেষু চাঙ্গেষু তস্যাস্তিষ্ঠন্তি দেবতাঃ॥ 14-106-2 (96176)
যাশ্চৈতাঃ কপিলাঃ প্রোক্তা দশ চৈব ৎবয়া মম।
তাসাং কতি সুরশ্রেষ্ঠ্ কপিলাঃ পুণ্যলক্ষণাঃ॥ 14-106-3 (96177)
কথং বাঽনুগৃহীতাস্তাঃ সুরৈঃ পিতৃগণৈরপি।
কেন যুক্তাশ্চ বর্ণেন শ্রোতুং কৌতূহলং মে॥ 14-106-4 (96178)
বৈশম্পায়ন উবাচ। 14-106-5x (7968)
যুধিষ্ঠিরেণৈবমুক্তঃ কেশবঃ সত্যবাক্তদা।
গুহ্যানাং পরমং গুহ্যং বক্তুমেবোপচক্রমে॥ 14-106-5 (96179)
শৃণু রাজন্পবিত্রং বৈ রহস্যং ধর্মমুত্তমম্॥
গ্রহণীয়ং সত্যমিদং ন শ্রাব্যং হেতুবাদিভিঃ॥ 14-106-6 (96180)
যদা বৎসস্য পাদৌ দ্বৌ প্রসবে শিরসা সহ।
দৃশ্যেতে দানকালং তত্তমাহুর্মুনিসত্তমাঃ॥ 14-106-7 (96181)
অন্তরিক্ষগতো বৎসো যাবদ্ভূমিং ন যাস্যতি।
গৌস্তাবৎপৃথিবী জ্ঞেয়া তস্মাদ্দেয়া তু তাদৃশী॥ 14-106-8 (96182)
যাবন্তি ধেন্বা রোমাণি সবৎসায়া যুধিষ্ঠির।
যাবত্যঃ সিকতাশ্চাপি গর্ভোদকপরিপ্লুতাঃ।
তাবদ্বর্ষসহস্রাণি দাতা স্বর্গে মহীয়তে॥ 14-106-9 (96183)
সুবর্ণাভরণাং কৃৎবা সব্তসাং কপিলাং তিলৈঃ।
প্রচ্ছাদ্য তাং তু দদ্যাদ্বৈ সর্বরত্নৈরলঙ্কৃতাম্॥ 14-106-10 (96184)
সসমুদ্রা নদী তেন সশৈলবনকাননা।
চতুরন্তা ভবেদ্দত্তা নাত্র কার্যা বিচারণা॥ 14-106-11 (96185)
পৃথিবীদানতুল্যেন তেন দানেন মানবঃ।
সংসারসাগরাত্তীর্ণো যাতি লোকং প্রজাপতেঃ॥ 14-106-12 (96186)
ব্রহ্মহা ভ্রূণহা গোঘ্নো যদি বা গুরুতল্পগঃ।
মহাপাতকয়ুক্তোপি এতদ্দানেন শুদ্ধ্যতি॥ 14-106-13 (96187)
ইদং পঠতি যঃ পুণ্যং কপিলাদানমুত্তমম্।
প্রাতরুত্থায় মদ্ভক্ত্যা তস্য পুণ্যফলং শৃণু॥ 14-106-14 (96188)
মনসা কর্মণা বাচা মতিপূর্বং যুধিষ্ঠির।
পাপং রাত্রিকৃতং হন্যাদস্যাধ্যায়স্য পাঠকঃ॥ 14-106-15 (96189)
ইদমাবর্তমানস্তু শ্রাদ্ধে যস্তর্পয়েদ্দ্বিজান্।
তস্যাপ্যমৃতমশ্নন্তি পিতরোঽত্যন্তহর্ষিতাঃ॥ 14-106-16 (96190)
যশ্চেদং শৃণুয়াদ্ভক্ত্যা মদ্গতেনান্তরাত্মনা।
তস্য রাত্রিকৃতং সর্বুং পাপমাশু প্রণশ্যতি॥ 14-106-17 (96191)
অতঃ পরং বিশেষং তু কপিলানাং ব্রবীমি তে।
যাশ্চৈতাঃ কপিলাঃ প্রোক্তা দশ রাজন্ময়া তব।
তাসাং চতস্রঃ প্রবরাঃ পুণ্যাঃ পাপপ্রণাশনাঃ॥ 14-106-18 (96192)
সুবর্ণকপিলা পুণ্যা তথা রক্তাক্ষিপিঙ্গলা।
পিঙ্গলাক্ষী চ যা গৌশ্চ যা স্যাৎপিঙ্গলপিঙ্গলা॥ 14-106-19 (96193)
এতাশ্চতস্রঃ প্রবরাঃ পবিত্রাঃ পাপনাশনাঃ।
নমস্কৃতা বা দৃষ্টা বা ঘ্নন্তি পাপং নরস্য তু॥ 14-106-20 (96194)
যস্যৈতাঃ কপিলাঃ সন্তি গৃহে পাপপ্রণাশনাঃ।
তত্র শ্রীর্বিজয়ঃ কীর্তিঃ স্ফীতা নিত্যং যুধিষ্ঠির॥ 14-106-21 (96195)
এতাসাং প্রীতিমায়াতি ক্ষীরেণ তু বৃষধ্বজঃ।
দধ্না চ ত্রিদশাঃ সর্বে ঘৃতেন তু হুতাশনঃ॥ 14-106-22 (96196)
পিতরঃ পিতামহাশ্চৈব তথৈব প্রপিতামহাঃ।
সকৃদ্দেত্তেন তুষ্যন্তি বর্ষকোটিং যুধিষ্ঠির॥ 14-106-23 (96197)
কপিলায়া ঘৃতং ক্ষীরং দধি পায়সমেব বা।
শ্রোত্রিয়েভ্যঃ সকৃদ্দৎবা নরঃ পাপৈঃ প্রমুচ্যতে॥ 14-106-24 (96198)
উপবাসং তু যঃ কৃৎবাঽপ্যহোরাত্রং জিতেন্দ্রিয়ঃ।
কপিলাপঞ্চগব্যং তু পীৎবা চান্দ্রায়ণাৎপরম্॥ 14-106-25 (96199)
সৌম্যে মুহূর্তে তৎপ্রশয় শুদ্ধাত্মা শুদ্ধমানসঃ।
ক্রোধানৃতবিনির্মুক্তো মদ্গতেনান্তরাত্মনা॥ 14-106-26 (96200)
কপিলাপঞ্চগব্যেন সুমন্ত্রেণ পৃথক্পথক্।
যো মৎপ্রতিকৃতিং বাঽপি শঙ্করাকৃতিমেব বা।
স্নাপয়েদ্বিষুবে যস্তু সোঽশ্বমেধফলং লভেৎ॥ 14-106-27 (96201)
স মুক্তপাপঃ শুদ্ধাত্মা যানেনাংবরশোভিনা।
মম লোকং ব্রজেন্মুক্তো রুদ্রলোকমথাপি বা॥ 14-106-28 (96202)
ব্রহ্মণা তু পুরা সৃষ্টা কপিলা কাঞ্চনপ্রভা।
অগ্নিকুণ্ডাৎপরৈর্মন্ত্রৈর্হোমধেনুর্মহাপ্রভা॥ 14-106-29 (96203)
সৃষ্টমাত্রাং তু তাং দৃষ্ট্বা দেবা রুদ্রাদয়ো দিবি।
সিদ্ধা ব্রহ্মর্ষয়শ্চৈব বেদাঃ সাঙ্গাঃ সহাধ্বরৈঃ॥ 14-106-30 (96204)
সাগরাঃ সরিতশ্চৈব পর্বতাঃ সবলাহকাঃ।
গন্ধর্বাপ্সরসো যক্ষাঃ পন্নগাশ্চাপ্যুপস্থিতাঃ॥ 14-106-31 (96205)
সর্বে বিস্ময়মাপন্নাঃ শিখিমধ্যে মহাপ্রভাম্।
মন্ত্রৈশঅচ বিবিধৈস্তাং তু তুষ্টুবুস্তামনেকশঃ॥ 14-106-32 (96206)
কৃতাঞ্জলিপুটাঃ সর্বে নাতিশৃঙ্গীং ত্রিলোচনাম্।
মূর্ধ্না প্রণম্য তাং ভূমৌ সবৎসামমৃতারণিম্॥ 14-106-33 (96207)
ঊচুঃ প্রাঞ্জলয়ঃ সর্বে চতুর্বক্ত্রং পিতামহম্।
আজ্ঞাপয় মহাদেব কিং তে কুর্মঃ কথং বিভো॥ 14-106-34 (96208)
এবমুক্তঃ সুরৈঃ সর্বৈর্ব্রহ্মা বচনমব্রবীৎ।
ভবন্তোপ্যনুগৃহ্ণন্তু দোগ্ধ্রীমেনাং পয়স্বিনীম্॥ 14-106-35 (96209)
হোমধেনুরিয়ং জ্ঞেয়া হ্যগ্নীন্সংতর্পয়িষ্যতি।
অতোঽগ্নিস্তর্পিতঃ সর্বান্ভবতস্তর্পয়িষ্যতি॥ 14-106-36 (96210)
প্রীতাঃ ক্ষীরামৃতেনাস্যা জাতবীর্যপরাক্রমাঃ।
জয়িষ্যথ যথাকামং দানবান্সর্ব এব তু॥ 14-106-37 (96211)
জাতবীর্যবলৈর্যুক্তাঃ সৎববন্তো জিতেন্দ্রিয়াঃ।
অসঙ্খ্যেয়বলাঃ সর্বে পালয়িষ্যথ বৈ প্রজাঃ॥ 14-106-38 (96212)
পালিতাশ্চ প্রজাঃ সর্বা ভবদ্ভিরিহ ধর্মতঃ।
পূজয়িষ্যন্তি বা নিত্যং যজ্ঞৈর্বিবিধদক্ষিণৈঃ॥ 14-106-39 (96213)
এবমুক্তাঃ সুরাঃ সর্বে ব্রহ্মণা পরমেষ্ঠিনা।
ততঃ সংহৃষ্টবদনাঃ কপিলায়ৈ বরং দদুঃ॥ 14-106-40 (96214)
দেবতা ঊচুঃ। 14-106-41x (7969)
যস্মাল্লোকহিতায়াদ্য ব্রহ্মণা ৎবং বিনির্মিতা।
তস্মাৎপূতা পবিত্রা চ ভব পাপব্যপোহিনী॥ 14-106-41 (96215)
যে ৎবাং দৃষ্ট্বা নমস্যন্তি স্পৃষ্ট্বা চাপি করৈর্নরাঃ।
তেষাং বর্ষকৃতং পাপং ৎবদ্ভক্তানাং প্রণশ্যতি॥ 14-106-42 (96216)
অকামকৃতমজ্ঞানমদৃষ্টং যচ্চ পাতকম্।
ৎবাং দৃষ্ট্বা যে নমস্যন্তি নরাঃ সর্বসহেতি চ।
তেষাং তদ্বিলয়ং যাতি তমঃ সূর্যোদয়ে যথা॥ 14-106-43 (96217)
ভগবানুবাচ। 14-106-44x (7970)
ইত্যুক্ৎবাঽস্যৈ বরং দত্ৎবা প্রয়যুস্তে যথাগতম্।
লোকনিস্তরণার্থায় সা চ লোকাংশ্চচার হ॥ 14-106-44 (96218)
তস্যামেব সমুদ্ভূতা হ্যেতাশ্চ কপিলা নব।
বিচরন্তি মহীমেনাং লোকানুগ্রহকারণাৎ।
তস্মাত্তু কপিলা দেয়া পরত্র হিতমিচ্ছতা॥ 14-106-45 (96219)
যদা চ দীয়তে রাজন্কপিলা হ্যগ্নিহোত্রিণে।
তদা চ শৃঙ্গয়োস্তস্যা বিষ্ণুরিন্দ্রশ্চ তিষ্ঠতি॥ 14-106-46 (96220)
চন্দ্রবজ্রধরৌ চাপি তিষ্ঠতঃ শৃঙ্গমূলয়োঃ।
শৃঙ্গমধ্যে তথা ব্রহ্মা ললাটে গোবৃষধ্বজঃ॥ 14-106-47 (96221)
কর্ণয়োরশ্বিনৌ দেবৌ চক্ষুষী শশিভাস্করৌ।
দন্তেষু মরুতো দেবা জিহ্বায়াং বাক্সরলস্বতী॥ 14-106-48 (96222)
রোমকূপেষু মুনয়শ্চর্মণ্যেব প্রজাপতিঃ।
নিশ্শ্বাসেষু স্থিতা বেদাঃ সষডঙ্গপদক্রমাঃ॥ 14-106-49 (96223)
নাসাপুটে স্থিতা গন্ধাঃ পুষ্পাণি সুরভীণি চ।
অধরে বসবঃ সর্বে মুখে চাগ্নিঃ প্রতিষ্ঠিতঃ॥ 14-106-50 (96224)
সাধ্যা দেবাঃ স্থিতাঃ কক্ষে গ্রীবায়াং পার্বতী স্থিতা।
পৃষ্ঠে চ নক্ষত্রগণাঃ ককুদ্দেশে নভস্স্থলম্॥ 14-106-51 (96225)
অপানে সর্বতীর্থানি গোমূত্রে জাহ্নবী স্বয়ম্।
ইষ্টতুষ্টময়া লক্ষ্মীর্গোময়ে বসতী তদা॥ 14-106-52 (96226)
নাসিকায়াং সদা দেবী জ্যেষ্ঠা বসতি ভামিনী।
শ্রোণীতটস্থাঃ পিতরো রমা লাঙ্গূলমাশ্রিতা॥ 14-106-53 (96227)
পার্শ্বয়োরুভয়োঃ সর্বে বিশ্বেদেবাঃ প্রতিষ্ঠিতাঃ।
তিষ্ঠত্যুরসি তাসাং তু প্রীতঃ শক্তিধরো গুহঃ॥ 14-106-54 (96228)
জানজঙ্ঘোরুদেশেষু পঞ্চ তিষ্ঠন্তি বায়বঃ।
খুরমধ্যেষু গন্ধর্বাঃ খুরাগ্রেষু চ পন্নগাঃ॥ 14-106-55 (96229)
চৎবারঃ সাগরাঃ পূর্ণাস্তস্যা এব পয়োধরাঃ।
রতির্মেধা ক্ষমা স্বাহা শ্রদ্ধা শান্তির্ধৃতিঃ স্মৃতিঃ। 14-106-56 (96230)
কীর্তির্দীপ্তিঃ ক্রিয়া কান্তিস্তুষ্টিঃ পুষ্টিস্চ সন্ততিঃ।
দিশশ্চ প্রদিশশ্চৈব সেবন্তে কপিলাং সদা॥ 14-106-57 (96231)
দেবা পিতৃগণাশ্চাপি গন্ধর্বাপ্সরসাং গণাঃ।
লোকা দ্বীপার্ণবাশ্চৈব গঙ্গাদ্যাঃ সরিতস্তথা॥ 14-106-58 (96232)
দেবাঃ পিতৃগণাশ্চাপি বেদাঃ সাঙ্গাঃ সহাধ্বরৈঃ।
বেদোক্তৈর্বিবিধৈর্মন্ত্রৈঃ স্তুবন্তি হৃষিতাস্তথা॥ 14-106-59 (96233)
বিদ্যাধরাশ্চ যে সিদ্ধা ভূতাস্তারাগণাস্তথা।
পুষ্পবৃষ্টিং চ বর্ষন্তি প্রনৃত্যন্তি চ হর্ষিতাঃ॥ 14-106-60 (96234)
ব্রহ্মণোৎপাদিতা দেবী বহ্নিকুণ্ডান্মহাপ্রভা।
নমস্তে কপিলে পুণ্যে সর্বদেবৈর্নমস্কৃতে॥ 14-106-61 (96235)
কপিলেঽথ মহাসৎবে সর্বতীর্থময়ে শুভে।
দাতারং স্বজনোপেতং ব্রহ্মলোকং নয় স্বয়ম্॥ 14-106-62 (96236)
অহো রত্নমিদং পুণ্যং সর্বদুঃখঘ্নমুত্তমম্।
অহো ধর্মার্জিতং শুদ্ধমিদমগ্র্যং মহাধনম্।
ইত্যাকাশস্থিতস্তে তু সর্বদেবা জপন্তি চ॥ 14-106-63 (96237)
তস্যাঃ প্রতিগ্রহীতা চ ভুঙ্ক্তে যাবদ্দ্বিজোত্তমঃ।
তাবদ্দেবগণাঃ সর্বে কপিলামর্চয়ন্তি চ।
স্বর্ণশৃঙ্গীং রূপ্যখুরাং গন্ধৈঃ পুষ্পৈঃ সুপূজিতাম্॥ 14-106-64 (96238)
বস্ত্রাভ্যামহতাভ্যাং তু যাবত্তিষ্ঠত্যলঙ্কৃতা।
তাবদ্যদিচ্ছেৎকপিলা মন্ত্রপূতা সুসংস্কৃতা।
ভূলোকবাসিনঃ সর্বান্ব্রহ্মলোকং নয়েৎস্বয়ম্॥ 14-106-65 (96239)
ভূরশ্বঃ কনকং গাবো রূপ্যমশ্বং তিলা যবাঃ।
দীয়মানানি বিপ্রায় প্রহৃষ্যন্তি দিনেদিনে॥ 14-106-66 (96240)
অথ ৎবশ্রোত্রিয়েভ্যো বৈ তানি দত্তানি পাণ্ডব।
তথা নিন্দন্ত্যথাত্মানমশুভং কিংনু নঃ কৃতং॥ 14-106-67 (96241)
অহো রক্ষঃপিশাচৈশ্চ লুপ্যমানাঃ সমন্ততঃ।
যাস্যামো নিরয়ং শীঘ্রমিতি শোচন্তি তানি বৈ॥ 14-106-68 (96242)
এতান্যপি দ্বিজেভ্যো বৈ শ্রোত্রিয়েভ্যো বিশেষতঃ।
দীয়মানানি বর্ধন্তে দাতারং তারয়ন্তি চ॥ 14-106-69 (96243)
যুধিষ্ঠির উবাচ। 14-106-70x (7971)
দেবদেবেশ দৈত্যঘ্ন কালঃ কো হব্যকব্যযোঃ।
কে তত্রি পূজামর্হন্তি বর্জনীয়াশ্চ কে দ্বিজাঃ॥ 14-106-70 (96244)
ভগবানুবাচ। 14-106-71x (7972)
দৈবং পূর্বাহ্ণিকং জ্ঞেয়ং পৈতৃকং চাপরাহ্ণিকম্।
কালহীনং চ যদ্দানং তদ্দানং রাজসং বিদুঃ॥ 14-106-71 (96245)
অবঘুষ্টং চ যদ্ভুক্তমনৃতেন চ ভারত।
পরামৃষ্টং শুনা বাঽপি তদ্ভাগং রাক্ষসং বিদুঃ॥ 14-106-72 (96246)
যাবন্তঃ পতিতা বিপ্রা জডোন্মত্তাদয়োপি চ।
দৈবে চ পিত্র্যে তে বিপ্রা রাজন্নার্হন্তি সৎক্রিয়াং॥ 14-106-73 (96247)
ক্লীবঃ প্লঙ্গী চ কৃষ্ঠী চ রাজয়ক্ষ্মান্বিতশ্চ যঃ।
অপস্মারী চ যশ্চাপি পিত্র্যে নার্হতি সৎকৃতিম্॥ 14-106-74 (96248)
চিকিৎসকা দেবলকা মিথ্যানিয়মধারিণঃ।
সোমবিক্রয়িণশ্চাপি শ্রাদ্ধে নার্হন্তি সৎকৃতিম্॥ 14-106-75 (96249)
একোদ্দিষ্টে চ যে চান্নং ভুঞ্জতে বিধিবদ্দ্বিজাঃ।
চান্দ্রায়ণমকৃৎবা তে পুনর্নার্হন্তি সৎকৃতিম্॥ 14-106-76 (96250)
গায়কা নর্তকাশ্চৈব প্লবকা বাদকাস্তথা।
কথকা যৌধিকাশ্চৈব শ্রাদ্ধে নার্হন্তি সৎকৃতিম্॥ 14-106-77 (96251)
অনগ্নয়শ্চ যে বিপ্রাঃ শবনির্যাতকাশ্চ যে।
স্তেনাশ্চাপি বিকর্মস্থা রাজন্নার্হন্তি সৎকৃতিম্॥ 14-106-78 (96252)
অপরিজ্ঞাতপূর্বাশ্চ গণপুত্রাশ্চ যে দ্বিজাঃ।
পুত্রিকাপুত্রকাশ্চাপি শ্রাদ্ধে নার্হন্তি সৎকৃতিম্॥ 14-106-79 (96253)
রণকর্তা চ যো বিপ্রো যশ্চ বাণিজ্যকো দ্বিজঃ।
প্রাণিবিক্রয়বৃত্তিশ্চ শ্রাদ্ধে নার্হন্তি সৎকৃতিম্॥ 14-106-80 (96254)
চীর্ণব্রতগুণৈর্যুক্তা নিত্যং স্বাধ্যায়তৎপরাঃ।
সাবিত্রীজ্ঞাঃ ক্রিয়াবন্তস্তে শ্রাদ্ধে সৎকৃতিক্ষমাঃ॥ 14-106-81 (96255)
শ্রাদ্ধস্য ব্রাহ্মণঃ কালঃ প্রাপ্তং দঘি ঘৃতং তথা।
দর্ভাঃ সুমনসঃ ক্ষেত্রং তৎকালে শ্রাদ্ধদো ভবেৎ॥ 14-106-82 (96256)
চারিত্রনিরতা রাজন্কৃশা যে কৃশবৃত্তয়ঃ।
অর্থিনশ্চোপগচ্ছন্তি তেভ্যো দত্তং মহৎফলম্॥ 14-106-83 (96257)
তপস্বিনশ্চ যে বিপ্রাস্তথা ভৈক্ষচরাশ্চ যে।
অর্থিনঃ কেচিদিচ্ছন্তি তেষাং দত্তং মহৎফলম্॥ 14-106-84 (96258)
এবং ধর্মভূতাং শ্রেষ্ঠ জ্ঞাৎবা সর্বাত্মনা তদা।
র্শ্রোত্রিয়ায় দরিদ্রায় প্রয়চ্ছানুপকারিণে॥ 14-106-85 (96259)
দানং যত্তে প্রিয়ং কিংচিচ্ছ্রোত্রিয়াণাং চ যৎপ্রিয়ম্।
তৎপ্রয়চ্ছস্ব ধর্মজ্ঞ যদীচ্ছসি তদক্ষয়ম্॥ 14-106-86 (96260)
নিরয়ং যে চ গচ্ছন্তি তচ্ছৃণুষ্ব যুধিষ্ঠির॥ 14-106-87 (96261)
গুর্বর্থং বা ভয়ার্থং বা নোচেদন্যত্র পাণ্ডব।
বদন্তি যেঽনৃতং বিপ্রাস্তে বৈ নিরয়গামিনঃ॥ 14-106-88 (96262)
পরদারাপহর্তারঃ পরদারামিমর্শকাঃ।
পরারপ্রয়োক্তারস্তেং বৈ নিরয়গামিনঃ॥ 14-106-89 (96263)
সূচকাঃ সংধিভেত্তারঃ পরদ্রব্যোপজীবিনঃ।
অকৃতজ্ঞাশ্চ মিত্রাণাং তে বৈ নিরয়গামিনঃ॥ 14-106-90 (96264)
বর্ণাশ্রমাণাং যে বাহ্যাঃ পাষণ্ডাশ্চৈব পাপিনঃ।
উপাসতে চ তানেব তে সর্বে নরকালয়াঃ॥ 14-106-91 (96265)
বেদবিক্রয়িণশ্চৈব বেদানাং চৈব দূষকাঃ।
বেদানাং লেখকাশ্চৈব তে বৈ নিরয়গামিনঃ॥ 14-106-92 (96266)
রসবিক্রয়িণো রাজন্বিষবিক্রয়িণশ্চ যে।
ক্ষীরবিক্রয়িণশ্চাপি তে বৈ নিরয়গামিনঃ॥ 14-106-93 (96267)
চণ্ডালেভ্যশ্চ যে ক্ষীরং প্রয়চ্ছন্তি নরাধমাঃ।
অর্থার্থমথবা স্নেহাত্তে বৈ নিরয়গামিনঃ॥ 14-106-94 (96268)
পশূনাং দমক**যৈব তথা নাসানুবেধকাঃ
পুংস্ৎবহিংসাকরস্চৈব তে বৈ নিরয়গামিনঃ॥ 14-106-95 (96269)
অদাতারঃ সমর্থা যে দ্রব্যাণাং লোভকারণাৎ।
দীনানন্ধান্ন পশ্যন্তি তে বৈ নিরয়গামিনঃ॥ 14-106-96 (96270)
ক্ষান্তান্দান্তান্কৃশান্প্রাজ্ঞান্দীর্ঘকালং সহোষিতান্।
ত্যজন্তি কৃতকৃত্যা যে তে বা নিরয়গামিনঃ॥ 14-106-97 (96271)
বালানামপি বৃদ্ধানাং শ্রান্তানাং চাপি যে নরাঃ।
অদত্ৎবাঽশ্নান্তি মৃষ্টান্নং তে বৈ নিরয়গামিনঃ॥ 14-106-98 (96272)
এতে পূর্বর্ষিভিঃ প্রোক্তা নরা নিরয়গামিনঃ।
যে স্বর্গং সমনুপ্রাপ্তাস্তাঞ্শৃণুষ্ব যুধিষ্ঠির॥ 14-106-99 (96273)
দানেন তপসা চৈব সত্যেন চ দমেন চ।
যে ধর্মমনুবর্তন্তে তে নরাঃ স্বর্গগামিনঃ॥ 14-106-100 (96274)
শুশ্রূষয়াঽপ্যুপাধ্যায়াচ্ছ্রুতমাদায় পাণ্ডব।
যে প্রতিগ্রহনিস্স্নেহাস্তে নরাঃ স্বর্গগামিনঃ॥ 14-106-101 (96275)
মধুমাংসাসবেভ্যস্তু নিবৃত্তা ব্রতবত্তু যে।
পরদারনিবৃত্তা যে তে নরাঃ স্বর্গগামিনঃ॥ 14-106-102 (96276)
মাতরং পিতরং চৈব শুশ্রূষন্তি চ যে নরাঃ।
ভ্রহাতৄণামপি সস্নেহাস্তে নরাঃ স্বর্গগামিনঃ॥ 14-106-103 (96277)
যে তু ভোজনকালে তু নির্যাতাশ্চাতিথিপ্রিয়াঃ।
দ্বাররোধং ন কুর্বন্তি তে নরাঃ স্বর্গগামিনঃ॥ 14-106-104 (96278)
বৈবাহিকং তু কন্যানাং দরিদ্রাণাং চ যে নরাঃ।
কারয়ন্তি চ কুর্বন্তি তে নরাঃ স্বর্গগামিনঃ॥ 14-106-105 (96279)
রসানামথ বীজানামোষধীনাং তথৈব চ।
দাতারঃ শ্রদ্ধয়োপেতাস্তে নরাঃ স্বর্গগামিনঃ॥ 14-106-106 (96280)
ক্ষেমাক্ষেমং চ মার্গেষু সমানি বিষমাণি চ।
অর্থিনাং যে চ বক্ষ্যন্তি তে নরাঃ স্বর্গগামিনঃ॥ 14-106-107 (96281)
পর্বদ্বয়ে চতুর্দশ্যামষ্টম্যাং সংধ্যযোর্দ্বয়োঃ।
আর্দ্রায়াং জন্মনক্ষত্রে বিষুবে শ্রবণেঽথবা।
যে গ্রাম্যধর্মবিরতাস্তে নরাঃ স্বর্গগাপ্তিনঃ॥ 14-106-108 (96282)
হব্যকব্যবিধানং চ নরকস্বর্গগামিনৌ।
ধর্মাধর্মৌ চ কথিতৌ কিং ভূয়ঃ শ্রোতুমিচ্ছসি॥ ॥ 14-106-109 (96283)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি ষডধিকশততমোঽধ্যায়ঃ॥ 106 ॥
আশ্বমেধিকপর্ব - অধ্যায় 107
॥ শ্রীঃ ॥
14.107. অধ্যায়ঃ 107
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি সাক্ষাদ্ব্রহ্মহত্যায়া অকরণেপি তত্তুল্যফলকদুষ্কৃতকথনম্। 1 ॥ তথা অভোজ্যান্নানাং পাপিনাং লক্ষণকথনম্॥ 2 ॥Mahabharata - Ashvamedhika Parva - Chapter Text
যুধিষ্ঠির উবাচ।
ইদং মে তৎবতো দেব বক্তুমর্হস্যশেষতঃ।
হিংসামকৃৎবা যো মর্ত্যো ব্রহ্মহত্যামবাপ্নুয়াৎ॥ 14-107-1 (96284)
ভগবানুবাচ। 14-107-2x (7973)
ব্রাহ্মণং স্বয়মাহূয় ভিক্ষার্থং বৃত্তিকর্শিতম্।
ব্রূয়ান্নাস্তীতি যঃ পশ্চাত্তমাহুর্ব্রহ্মঘাতকম্॥ 14-107-2 (96285)
মধ্যস্থস্যেহ বিপ্রস্য যোঽনূচানস্য ভারত।
বৃত্তিং হরতি দুর্বুদ্ধইস্তমাহুর্ব্রহ্মঘাতকম্॥ 14-107-3 (96286)
আশ্রমে বাঽঽলয়ে বাঽপি গ্রামে বা নগরেঽপি বা।
অগ্নিং যঃ প্রক্ষিপেৎক্রুদ্ধস্তমাহুর্ব্রহ্মঘাতকম্॥ 14-107-4 (96287)
গোকুলস্য তৃষার্তস্য জলান্তে বসুধাধিপ।
উৎপাদয়তি যো বিঘ্নং তমাহুর্ব্রহ্মঘাতকম্॥ 14-107-5 (96288)
যঃ প্রবৃত্তাং শ্রুতিং সম্যক্ছাস্ত্রং বা মুনিভিঃ কৃতম্।
দূষয়ত্যনভিজ্ঞায় তমাহুর্ব্রহ্মঘাতকম্॥ 14-107-6 (96289)
চক্ষুষা বাঽপি হীনস্য পঙ্গোর্বাঽপি জডস্য বা।
হরেদ্বৈ যস্তু সর্বস্বং তমাহুর্ব্রহ্মঘাতকম্॥ 14-107-7 (96290)
গুরুং ৎবংকৃত্যং হুংকৃত্য অতিক্রম্য চ শাসনম্।
বর্ততে যস্তু মূঢাত্মা তমাহুর্ব্রহ্মঘাতকম্॥ 14-107-8 (96291)
ক্রোধাদ্বা যদি বা দ্বেষাদাক্রুষ্টস্তর্জিতোপি বা।
ঋতৌ স্ত্রিয়ং বা নোপেয়াত্তমাহুর্ব্রহ্মঘাতকম্॥ 14-107-9 (96292)
যাবৎসারো ভবেদ্দীনস্তন্নাশে যস্য দুঃস্থিতিঃ।
তৎসর্বস্বং হরেদ্যো বৈ তমাহুর্ব্রহ্মঘাতকম্॥ 14-107-10 (96293)
যুধিষ্ঠির উবাচ। 14-107-11x (7974)
সপ্বেষামপি দানানাং যত্তু দানং বিশিষ্যতে।
অভোজ্যান্নাশ্চ যে বিপ্রাস্তান্ব্রবীহি সুরোত্তম॥ 14-107-11 (96294)
ভগবানুবাচ। 14-107-12x (7975)
অন্নমেব প্রশংসন্তি দেবা ব্রহ্মপুরস্সরাঃ।
অন্নেন সদৃশং দানং ন ভূতং ন ভবিষ্যতি॥ 14-107-12 (96295)
অন্নমূর্জস্করং লোকে হ্যন্নাৎপ্রাণাঃ প্রতিষ্ঠিতাঃ।
অবোজ্যান্নান্ময়া রাজন্বক্ষ্যমাণান্নিবোধ মে॥ 14-107-13 (96296)
দীক্ষিতস্য কদর্যস্য ক্রুদ্ধস্য নিকৃতস্য চ।
অভিশপ্তস্য ষণ্ডস্য পাকভেদকরস্য চ॥ 14-107-14 (96297)
চিকিৎসকস্য দূতস্য তথা চোচ্ছিষ্টভোজিনঃ।
উগ্রান্নং সূতকান্নং চ শূদ্রোচ্ছেষণমেব চ॥ 14-107-15 (96298)
দ্বিষদন্নং ন ভোক্তব্যং পতিতান্নং চ যচ্ছ্রুতম্।
তথা চ পিশুনস্যান্নং যজ্ঞবিক্রয়িণস্তথা॥ 14-107-16 (96299)
শৈলূষং তন্তুবায়ান্নং কৃতঘ্নস্যান্নমেব চ।
অংবষ্ঠকনিষাদানাং রঙ্গাবতরকস্য চ॥ 14-107-17 (96300)
সুবর্ণকর্তুর্বৈণস্যি শস্ত্রবিক্রয়িণস্তথা।
সূতানা শৌণ্ডিকানাং চ বৈদ্যস্য রজকস্য চ॥ 14-107-18 (96301)
স্ত্রীজিতস্য নৃশংসস্য তথা মাহিষিকস্য চ।
অনির্দশানাং প্রেতানাং গণিকানাং তথৈব চ॥ 14-107-19 (96302)
বন্দিনো দ্যূতকর্তুশ্চ তথা দ্যূতবিদামপি।
পরিবিত্তস্য যচ্চান্নং পরিবেত্তুস্তথৈব চ॥ 14-107-20 (96303)
যশ্চাগ্রদিধিষুর্বিপ্রো দিধিষূপপিস্তথা।
তয়োরপ্যুভয়োরন্নং রাজ্ঞাং চাপি বিবর্জয়েৎ॥ 14-107-21 (96304)
রাজান্নং তেজ আদত্তে শূদ্রান্নং ব্রহ্মবর্চসম্।
আয়ুঃ সুবর্ণকারান্নং যশশ্চার্মাবকৃন্তিনঃ॥ 14-107-22 (96305)
গণান্নং গণিকান্নং চ লোকেভ্যঃ পরিকীর্তিতম্।
পূয়ং চিকিৎসকস্যান্নং শুক্লং তু বৃষলীপতেঃ॥ 14-107-23 (96306)
বিষ্ঠা বার্ধুষিকস্যান্নং তস্মাত্তৎপরিবর্জয়েৎ।
তেষাং ৎবগস্থিরোমাণি ভুঙ্ক্তে যোঽন্নং তু ভক্ষয়েৎ॥ 14-107-24 (96307)
অমাত্যান্নমথৈতেষাং ভুক্ৎবা তু ত্রিয়হং ক্ষিপেৎ।
মত্যা ভুক্ৎবা সকৃদ্বাঽপি প্রাজাপত্যং চরেদ্দ্বিজঃ॥ 14-107-25 (96308)
দানানাং চ ফলং যদ্বৈ শৃণু পাণ্ডব তৎবতঃ।
জলদস্তৃপ্তিমাপ্নোতি সুখমক্ষয়মন্নদঃ॥ 14-107-26 (96309)
তিলদশ্চ প্রজামিষ্টাং দীপদশ্চক্ষুরুত্তমম্।
ভূমদো ভূমিমাপ্নোতি দীর্ঘমায়ুর্হিরণ্যদঃ॥ 14-107-27 (96310)
গৃহদোঽগ্র্যাণি বেশ্মানি রূপ্যদো রূপমুত্তমম্।
বাসোদশ্চন্দ্রসালোক্যমশ্বিসালোক্যমশ্বদঃ॥ 14-107-28 (96311)
অনডুদ্দঃ শ্রিয়ং জুষ্টাং গোদো গোলোকমশ্নুতে।
যানশয়্যাপ্রদো ভার্যামৈশ্বর্যমভয়প্রদঃ॥ 14-107-29 (96312)
ধান্যদঃ শাশ্বতং সৌখ্যং ব্রহ্মদো ব্রহ্মসাম্যতাম্।
সর্বেষামেব দানানাং ব্রহ্মদানং বিশিষ্যতে॥ 14-107-30 (96313)
হিরণ্যভূগবাশ্বাজবস্ত্রশয়্যাসনাদিষু।
যোর্চিতঃ প্রতিগৃহ্ণাতি দদ্যাদুচিতমেব চ।
তাবুভৌ গচ্ছতঃ স্বর্গং নরকং চ বিপর্যযে॥ 14-107-31 (96314)
অনৃতং ন বদেদ্বিদ্বাংস্তপস্তপ্ৎবা ন বিস্ময়েৎ।
নার্তোপ্যভিভবেদ্বিপ্রান্ন দত্ৎবা পরিকীর্তয়েৎ॥ 14-107-32 (96315)
যজ্ঞোঽনৃতেন ক্ষরতি তপঃ ক্ষরতি বিস্ময়াৎ।
আয়ুর্বিপ্রাবমানেন দানং তু পরিকীর্তনাৎ॥ 14-107-33 (96316)
একঃ প্রজায়তে জন্তুরেক এব প্রমীয়তে।
অকোঽনুভুঙ্ক্তে সুকৃতমেকশ্চাপ্নোতি দুষ্কৃতম্॥ 14-107-34 (96317)
মৃতং শরীরমুৎসৃজ্য কাষ্ঠলোষ্টসমং ক্ষিতৌ।
বিমুখা বান্ধবা যান্তি ধর্মস্তমনুবর্ততে॥ 14-107-35 (96318)
অনাগতানি কার্যাণি কর্তুং গণয়তে মনঃ।
শরীরকং সমুদ্দিশ্য স্ময়তে নূনমন্তকঃ॥ 14-107-36 (96319)
তস্মাদ্ধর্মসহাসস্তু ধর্মং সংচিনুয়াৎসদা।
ধর্মেণ হি সহায়েন তমস্তরতি দুস্তরম্॥ 14-107-37 (96320)
যেষাং তটাকানি বহূদকানি
সভাশ্চ কূপাশ্চ শুভাঃ প্রপাশ্চ।
অন্নপ্রদানং মধুরা চ বাণী
যমস্য তে নির্বিষয়া ভবন্তি॥ ॥ 14-107-38 (96321)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি সপ্তাধিকশততমোঽধ্যায়ঃ॥ 107 ॥
আশ্বমেধিকপর্ব - অধ্যায় 108
॥ শ্রীঃ ॥
14.108. অধ্যায়ঃ 108
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি যত্যগ্নিমহিমানুবর্ণনম্॥ 1 ॥ দানপাত্রব্রাহ্মণলক্ষণকথনম্॥ 2 ॥ তথাঽন্নদানপ্রশংসনম্॥ 3 ॥Mahabharata - Ashvamedhika Parva - Chapter Text
যুধিষ্ঠির উবাচ।
অনেকান্তং বহুদ্বারং ধর্মমাহুর্মনীপিণঃ।
কিংলক্ষণোসৌ ভতি তন্মে ব্রূহি জনার্দন॥ 14-108-1 (96322)
ভগবানুবাচ। 14-108-2x (7976)
শৃণু রাজন্সমাসেন ধর্মশৌচবিধিক্রমম্।
অহিংসা শৌচমক্রোধমানৃশংস্যং দমঃ শমঃ।
আর্জবং চৈব রাজেন্দ্র নিশ্চিতং ধর্মলক্ষণম্॥ 14-108-2 (96323)
ব্রহ্মচর্যং তপঃ ক্ষান্তির্মধুমাংসস্য বর্জনম্।
মর্যাদায়াং স্থিতিশ্চৈব শমঃ শৌচস্য লক্ষণম্॥ 14-108-3 (96324)
বাল্যে বিদ্যাং নিষেবেত যৌবনে দারসংগ্রহম্।
বার্ধকে মৌনমাতিষ্ঠেৎসর্বদা ধর্মমাচরেৎ॥ 14-108-4 (96325)
ব্রাহ্মণান্নাবমন্যেত গুরুন্পরিবদেন্ন চ।
যতীনামনুকূলঃ স্যাদেষ ধর্মঃ সনাতনঃ॥ 14-108-5 (96326)
যতির্গুরুর্দ্বিজাতীনাং বর্ণানাং ব্রাহ্মণো গুরুঃ।
পতিরেব গুরুঃ স্ত্রীণাং সর্বেষাং পার্থিবো গুরুঃ॥ 14-108-6 (96327)
যদ্গৃহস্তার্জিতং পাপং জ্ঞানতোঽজ্ঞানতোপি বা।
নির্দহিষ্যতি তৎসর্বমেকরাত্রোষিতো যতিঃ॥ 14-108-7 (96328)
দুর্বৃত্তা বা সুবৃত্তা বা জ্ঞানিনোঽজ্ঞানিনোপি বা।
গৃহস্থৈর্যতয়ঃ পূজ্যাঃ পরত্র হিতকাঙ্ক্ষিভিঃ॥ 14-108-8 (96329)
একদণ্ডী ত্রিদণ্ডী বা শিখী বা মুণ্ডিতোপি বা।
কাষায়দণ্ডধারোপি যতিঃ পূজ্যো ন সংশয়ঃ॥ 14-108-9 (96330)
অপূজিতো গৃহস্থৈর্বা তথা চাপ্যবমানিতঃ।
যতির্বাঽপ্যতিথির্বাঽপি নরকে পাতয়িষ্যতঃ॥ 14-108-10 (96331)
তস্মাত্তু যত্নতঃ পূজ্যা মদ্ভক্তা মৎপরায়ণাঃ।
ময়ি সংন্যস্তকর্মাণঃ পরত্র হিতকাঙ্ক্ষিভিঃ॥ 14-108-11 (96332)
প্রহরেন্ন দ্বিজান্বিপ্রো গাং ন হন্যাৎকদাচন।
ভ্রূণহত্যাসমং চৈব উভয়ং যো নিষেবতে॥ 14-108-12 (96333)
নাগ্নিং মুখেনোপধমেন্ন চ পাদৌ প্রতাপয়েৎ।
নাধঃ কুর্যাৎকদাচিত্তু ন পৃষ্ঠং পরিতাপয়েৎ॥ 14-108-13 (96334)
নান্তরা গমনং কুর্যান্ন চামেধ্যং বিনিক্ষিপেৎ।
উচ্ছিষ্টো ন স্পৃশেদগ্নিমাশৌচস্থো ন জাতুচিৎ॥ 14-108-14 (96335)
শ্বচণ্ডালাদিভিঃ স্পৃষ্টো নাঙ্গমগ্নৌ প্রতাপয়েৎ।
সর্বদেবময়ো বহ্নিস্তস্মাচ্ছুদ্ধঃ সদা স্পৃশেৎ॥ 14-108-15 (96336)
প্রাপ্তমূত্রপুরীষস্তু ন স্পৃশেদ্বহ্নিমাত্মবান্।
যাবত্তু ধারয়েদ্বেগং তাবদপ্রয়তো ভবেৎ॥ 14-108-16 (96337)
পচনাগ্নিং ন গৃহ্ণীয়াৎপরবেশ্মনি জাতুচিৎ।
তস্মিন্পক্বেন চান্নেন যৎকর্ম কুরুতে শুভম্॥ 14-108-17 (96338)
তস্যৈব তচ্ছুভস্যার্ধমগ্নিদস্য ভবেন্নৃপ।
তস্মাদ্গৃহগতং বহ্নিং প্রকুর্যাদবিনাশিতম্॥ 14-108-18 (96339)
প্রমাদাদ্যদি বাঽজ্ঞানাত্তস্য নাশো ভবিষ্যতি।
গৃহ্ণীয়াত্তু মথিৎবা বা শ্রোত্রিয়াগারতোপি বা॥ 14-108-19 (96340)
যুধিষ্ঠির উবাচ। 14-108-20x (7977)
কীদৃশাঃ সাধবো বিপ্রাস্তেভ্যো দত্তং মহাফলম্।
কীদৃশেভ্যো হি দাতব্যং তন্মে ব্রূহি জনার্দন॥ 14-108-20 (96341)
ভগবানুবাচ। 14-108-21x (7978)
অক্রোধনাঃ সত্যপরা ধর্মনিত্যা জিতেন্দ্রিয়াঃ।
তাদৃশাঃ সাধবো বিপ্রাস্তেভ্যো দত্তং মহাফলম্॥ 14-108-21 (96342)
অমানিনঃ সর্বসহা দৃষ্টার্থা বিজিতেন্দ্রিয়াঃ।
সর্বভূতহিতা মৈত্রাস্তেভ্যো দত্তং মহাফলম্॥ 14-108-22 (96343)
অলুব্ধাঃ শুচয়ো বৈদ্যা হীমন্তঃ সত্যবাদিনঃ।
স্বধর্মনিরতা যে তু তেভ্যো দত্তং মহাফলম্॥ 14-108-23 (96344)
সাঙ্গংশ্চ চতুরো বেদান্যোঽধীয়েত দিনেদিনে।
শূদ্রান্নং যস্য নো দেহে তৎপাত্রমৃষয়ো বিদুঃ॥ 14-108-24 (96345)
প্রজ্ঞাশ্রুতাভ্যাং বৃত্তেন শীলেন চ সমন্বিতঃ।
তারয়েত্তৎকুলং সর্বমেকোপীহ যুধিষ্ঠির॥ 14-108-25 (96346)
গামশ্বমন্নং বিত্তং বা তদ্বিধে প্রতিপাদয়েৎ।
নিশম্য তু গুণোপেতং ব্রাহ্মঅণং সাধুসংমতম্।
দূরাদাহৃত্য সৎকৃত্য তং প্রয়ত্নেন পূজয়েৎ॥ 14-108-26 (96347)
যুধিষ্ঠির উবাচ। 14-108-27x (7979)
ধর্মাধর্মবিধিস্ৎবেবং ভীমং ভীষ্মেণ ভাষিতম্।
ভীষ্মবাক্যাৎসারভূতং বদ ধর্মং সুরেশ্বর॥ 14-108-27 (96348)
ভগবানুবাচ। 14-108-28x (7980)
অন্নেন ধার্যতে সর্বং জগদেতচ্চরাচরম্।
অন্নাৎপ্রভবতি প্রাণঃ প্রত্যক্ষং নাস্তি সংশয়ঃ॥ 14-108-28 (96349)
কলত্রং পীডয়িৎবা তু দেশে কালে চ শক্তিতঃ।
দাতব্যং ভিক্ষবে চান্নমাত্মনো ভূতিমিচ্ছতা॥ 14-108-29 (96350)
বিপ্রমধ্বপরিশ্রান্তং বালং বৃদ্ধমথাপি বা।
অর্চয়েদ্গুরুবৎপ্রীতো গৃহস্থো গৃহমাগতম্॥ 14-108-30 (96351)
ক্রোধমুৎপতিতং হিৎবা সুশীলো বীতমৎসরঃ।
অর্চয়েদতিথিং প্রীতঃ পরত্র হিতভূতয়ে॥ 14-108-31 (96352)
অতিথিং নাবমন্যেত নানৃতাং গিরমীরয়েৎ।
ন পৃচ্ছেদ্গোত্রচরণং নাধীতং বা কদাচন॥ 14-108-32 (96353)
চণ্ডালো বা শ্বপাকো বা কালে যঃ কশ্চিদাগতঃ।
অন্নেন পূজনীয়ঃ স্যাৎপরত্র হিতমিচ্ছতা॥ 14-108-33 (96354)
পিধায় তু গৃহদ্বারং ভুক্তে যোঽন্নং প্রহৃষ্টবান্।
স্বর্গদ্বারপিধানং বৈ কৃতং তেন যুধিষ্ঠির॥ 14-108-34 (96355)
পিতৄন্দেবানৃষীন্বিপ্রানতিথীংশ্চ নিরাশ্রয়ান্।
যো নরঃ প্রীণয়ত্যন্নৈস্তস্য পুণ্যফলং মহৎ॥ 14-108-35 (96356)
কৃৎবা তু পাপং বহুশো যো দদ্যাদন্নমর্থিনে।
ব্রাহ্মণায় বিশেষেণ সর্বপাপৈঃ প্রমুচ্যতে॥ 14-108-36 (96357)
অন্নদঃ প্রাণদো লোকে প্রাণদঃ সর্বদো ভবেৎ।
তস্মাদন্নং বিশেষেণ দাতব্যং ভূতিমিচ্ছতা॥ 14-108-37 (96358)
অন্নং হ্যমৃতমিত্যাহুরন্নং প্রজননং স্মৃতম্।
অন্নপ্রণাশো সীদন্তি শরীরে পঞ্চ ধাতবঃ॥ 14-108-38 (96359)
বলং বলবতো নশ্যেদন্নহীনস্য দেহিনঃ।
তস্মাদন্নং বিশেষেণ শ্রদ্ধয়াঽশ্রদ্ধয়াপি বা॥ 14-108-39 (96360)
আদত্তে হি রসং সর্বমাদিত্যঃ স্বগভস্তিভিঃ।
বায়ুস্তস্মাৎসমাদায় রসং মেধেষু ধারয়েৎ॥ 14-108-40 (96361)
তত্তু মেঘগতং ভূমৌ শক্রো বর্ষতি তাদৃশম্।
তেন দিগ্ধা ভবেদ্দেবী মহী প্রীতা চ **** 14-108-41 (96362)
তস্যাং সস্যানি রোহন্তি যৈর্জীবন্ত্যখিলাঃ প্রজাঃ।
মাংসমেদোস্থিমজ্জানাং সম্ভবস্তেভ্য এব হি॥ 14-108-42 (96363)
এবং সূর্যশ্চ পবনো মেঘঃ শক্রস্তথৈব চ।
এক এব স্থিতো রাশির্যতো ভূতানি জজ্ঞিরে॥ 14-108-43 (96364)
ভবনানি চ দিব্যানি দিবি তেষাং মহাত্মনাম্।
নানাসংস্থানি ভূতানি নানাভূমিগতানি চ॥ 14-108-44 (96365)
চন্দ্রমণ্ডলশুভ্রাণি কিঙ্কিণীজালবন্তি চ।
তরুণাদিত্যবর্ণানি স্থাবরাণি চরাণি চ॥ 14-108-45 (96366)
অনেকশতসঙ্খ্যানি সান্তর্জলবনানি চ।
তত্র পুষ্পফলোপেতাঃ কামদাঃ সুরপাদপাঃ॥ 14-108-46 (96367)
বাপ্যো বদ্ধসভাঃ কূপা দীর্ঘিকাশ্চ সহস্রশঃ।
ভক্ষ্যভোজ্যময়াঃ শৈলা বাসাংস্যাভরণানি চ॥ 14-108-47 (96368)
ক্ষীরস্রবন্ত্যঃ সরিতস্তথা চৈবান্নপর্বতাঃ।
ঘোষবন্তি চ যানানি যুক্তান্যথ সহস্রশঃ॥ 14-108-48 (96369)
প্রাসাদপ্রবরাঃ শুভ্রাঃ শয়্যাশ্চ কনকোজ্জ্বলাঃ।
অন্নদাস্তত্র তিষ্ঠন্তি তস্মাদন্নপ্রদো ভবেৎ॥ ॥ 14-108-49 (96370)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি অষ্টোত্তরশততমোঽধ্যায়ঃ॥ 108 ॥
আশ্বমেধিকপর্ব - অধ্যায় 109
॥ শ্রীঃ ॥
14.109. অধ্যায়ঃ 109
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি ভোজনবিধিকথনম্॥ 1 ॥ তথা গোগ্রাসদানপ্রকারকথনম্॥ 2 ॥ তথা তিলপ্রশংসনপূর্বকং তেষাং মিক্ষূণাং চ ব্রাহ্মণেন স্বয়ং যন্ত্রে নিপীডনপ্রতিষেধনম্॥ 3 ॥Mahabharata - Ashvamedhika Parva - Chapter Text
যুধিষ্ঠির উবাচ।
অন্নদানফলং শ্রুৎবা প্রীতোস্মি মধুসূদন।
ভোজনস্য বিধিং বক্তুং দেবদেব ৎবমর্হসি॥ 14-109-1 (96371)
ভগবানুবাচ। 14-109-2x (7981)
বোজনস্য দ্বিজাতীনাং বিধানং শৃণু পাণ্ডব।
স্নাতঃ শুচিঃ শুচৌ দেশে নির্জনে হুতপাবকঃ॥ 14-109-2 (96372)
মণ্ডলং কারয়িৎবা চ চতুরশ্রং দ্বিজোত্তমঃ।
ক্ষত্রিয়শ্চেত্ততো বৃত্তং বৈশ্যোঽর্ধেন্দুসমাকৃতিম্॥ 14-109-3 (96373)
আর্দ্রপাদস্তু ভুঞ্জীয়াৎপ্রাঙ্মুখশ্চাসনে শুচৌ।
পাদাভ্যাং ধরণীং স্পৃষ্ট্বা পাদেনৈকেন বা পুনঃ॥ 14-109-4 (96374)
নৈকবাসাস্তু ভুঞ্জীয়ান্ন চান্তর্ধায় বা দ্বিজঃ।
ন ভিন্নপাত্রে ভুঞ্জীত পর্ণপৃষ্ঠে তথৈব চ॥ 14-109-5 (96375)
অন্নং পূর্বং নমস্কুর্যাৎপ্রহৃষ্টেনান্তরাত্মনা।
নান্যদালোকয়েদন্নান্ন জুগুপ্সেন তৎপরঃ॥ 14-109-6 (96376)
জুগুপ্সিতং চ যচ্চান্নং রাক্ষসা এব ভুঞ্জতে।
পাণিনা জলমুদ্ধৃত্য কুর্যাদন্নং প্রদক্ষিণম্॥ 14-109-7 (96377)
অপেয়ং তদ্বিজানীয়াৎপীৎবা চান্দ্রায়ণং চরেৎ।
পরিবেষজলাদন্যৎপেয়মেব তু মন্ত্রবৎ॥ 14-109-8 (96378)
পঞ্চ প্রাণাহুতীঃ কুর্যাৎসমন্ত্রং তু পৃথক্পৃথক্॥ 14-109-9 (96379)
যথা রসং ন জানাতি জিহ্বা প্রামাহুতৌ নৃপ।
তথা সমাহিতঃ কুর্যাৎপ্রাণাহুতিমতন্দ্রিকতঃ॥ 14-109-10 (96380)
বিদিৎবাঽন্নমথান্নাদং পঞ্চ প্রাণাংশ্চ পাণ্ডব।
যঃ কুর্যাদাহুতীঃ পঞ্চ তেনেষ্টাঃ পঞ্চবায়বঃ॥ 14-109-11 (96381)
অতোঽন্যথা তু ভুঞ্জানো ব্রাহ্মণো জ্ঞানদুর্বলঃ।
তেনান্নেনাসুরান্প্রেতান্রাক্ষসাংস্তর্পয়িষ্যতি॥ 14-109-12 (96382)
বক্ত্রপ্রমাণান্পিণ্ডাংশ্চ গ্রসেদেকৈকশঃ পুনঃ।
বক্ত্রাধিকং তু যৎপিণ্ডমাত্মোচ্ছিষ্টং তদুচ্যতে॥ 14-109-13 (96383)
পিণ্ডাবশিষ্টমন্যচ্চ বক্ত্রান্নিস্সৃতমেব চ।
অভোজ্যং তদ্বিজানীয়াদ্ভুক্ৎবা চান্দ্রায়ণং চরেৎ॥ 14-109-14 (96384)
স্বমুচ্ছিষ্টং তু যো ভুঙ্ক্তে যো ভুঙ্ক্তে মুক্তভোজনম্।
চান্দ্রায়ণং চরেন্কৃচ্ছ্রং প্রাজাপত্যমথাপি বা॥ 14-109-15 (96385)
স্ত্রীপাত্রভুঙ্নরঃ পাপঃ স্ত্রীণামুচ্ছিষ্টভুক্তথা।
তয়া সহ চ যো ভুঙ্ক্তে স ভুঙ্ক্তে মদ্যমেব হি।
ন তস্য নিষ্কৃতির্দৃষ্টা মুনিভিস্তৎবদর্শিভিঃ॥ 14-109-16 (96386)
পিবতঃ পতিতে তোয়ে ভোজনে মুখনিস্সৃতে।
অভোজ্যং তদ্বিজানীয়াদ্ভুক্ৎবা চান্দ্রায়ণং চরেৎ॥ 14-109-17 (96387)
পীতশেষং তু তন্নাম ন পেয়ং পাণ্ডুনন্দন।
পিবেদ্যদি হি তন্মোহাদ্দ্বিজশ্চান্দ্রায়ণং চরেৎ॥ 14-109-18 (96388)
পানীয়ানি পিবেদ্যতে তৎপাত্রং দ্বিজসত্তমঃ।
অনুচ্ছিষ্টং ভবেত্তাবদ্যাবদ্ভূমৌ ন নিক্ষিপেৎ॥ 14-109-19 (96389)
মৌনী বাঽপ্যথবা ভূমৌ নাবলোক্য দিশস্তথা।
ভুঞ্জীত বিধিবদ্বিপ্রো ন চোচ্ছিষ্টং প্রদাপয়েৎ॥ 14-109-20 (96390)
সদা চাত্যশনং নাদ্যান্নাতিহীনং চ কর্হিচিৎ।
যথাঽন্নেন ব্যথা ন স্যাত্তথা ভুঞ্জীত নিত্যশঃ॥ 14-109-21 (96391)
উদক্যামপি চণ্ডালং শ্বানং সূকরমেব বা।
ভুঞ্জানো যদি বা পশ্যেত্তদন্নং চ পরিত্যজেৎ।
ভুঞ্জানো হ্যত্যজন্মোহাদ্দ্বিজশ্চান্দ্রায়ণং চরেৎ॥ 14-109-22 (96392)
কেশকীটোপপন্নং চ মুখমারুতবীজিতম্।
অভোজ্যং তদ্বিজানীয়াদ্ভুক্ৎবা চান্দ্রায়ণং চরেৎ॥ 14-109-23 (96393)
উত্থায় চ পুনঃ স্পৃষ্টং পাদস্পৃষ্টং চ লঙ্ঘিতম্।
অন্নং তদ্রাক্ষসং বিদ্যাত্তস্মাত্তৎপরিবর্জয়েৎ॥ 14-109-24 (96394)
রাক্ষসোচ্ছিষ্টভুগ্বিপ্রঃ সপ্ত পূর্বান্পরানপি।
নরকে রৌরবে ঘোর স পিতৄন্পাতয়িষ্যতি॥ 14-109-25 (96395)
তস্মিন্নাচমনং কুর্যাদ্যস্মিন্পাত্রে স ভুক্তবান্।
যদ্যুত্তিষ্ঠত্যনাচান্তো ভুক্তবানাসনাত্ততঃ।
স্নানং সদ্যঃ প্রকুর্বীত সোন্যথাঽপ্রয়তো ভবেৎ॥ 14-109-26 (96396)
যুধিষ্ঠির উবাচ। 14-109-27x (7982)
তৃণমুষ্টিবিধানং চ তৃণমাহাত্ম্যমেব চ।
ইক্ষোঃ সোমসমুদ্ভূতিং বক্তুমর্হসি মানদঃ॥ 14-109-27 (96397)
ভগবানুবাচ। 14-109-28x (7983)
পিতরো বৃষভা জ্ঞেয়ো গাবো লোকস্য মাতরঃ।
তাসাং তু পূজয়া রাজন্পূজিতাঃ পিতৃদেবতাঃ॥ 14-109-28 (96398)
সভা প্রপা গৃহাশ্চাপি দেবতায়তনানি চ।
শুদ্ধ্যন্তি শকৃতা যাসাংকিং ভূতমধিকং ততঃ॥ 14-109-29 (96399)
গ্রাসমুষ্টিং পরগবে দদ্যাৎসংবৎসরং তু যঃ।
অকৃৎবা স্বয়মাহারং প্রাপ্তস্তৎসার্বকালিকম্॥ 14-109-30 (96400)
গাবো মে মাতরঃ সর্বাঃ পিতরশ্চৈব গোবৃষাঃ।
গ্রাসমুষ্টিং ময়া দত্তং প্রতিগৃহ্ণীত মাতরঃ॥ 14-109-31 (96401)
ইত্যুক্ৎবাঽনেন মন্ত্রেণ গায়ত্র্যা বা সমাহিতঃ।
অভিমন্ত্র্য গ্রাসমুষ্টিং তস্য পুণ্যফলং শৃণু॥ 14-109-32 (96402)
যৎকৃতং দুষ্কৃতং তেন জ্ঞানতোঽজ্ঞানতোপি বা।
তস্য নশ্যতি তৎসর্বং দুঃখপ্নং চ বিনশ্যতি॥ 14-109-33 (96403)
তিলাঃ পিবিত্রাঃ পাপঘ্না নারায়ণসমুদ্ভবাঃ।
তিলাঞ্শ্রাদ্ধে প্রশংসনতি দানমেতদনুত্তমম্॥ 14-109-34 (96404)
তিলান্দদ্যাত্তিলান্ভক্ষ্যাত্তিলানপ্রাতরুপস্পৃশেৎ।
তিলংতিলমিতি ব্রূয়াত্তিলাঃ পাপহরা হি তে॥ 14-109-35 (96405)
ক্রীৎবা প্রতিগৃহীৎবা বা ন বিক্রেয়া দ্বিজাতিভিঃ।
ভোজনাভ্যঞ্জনাদ্দানাদ্যোন্যত্তু কুরুতে তিলৈঃ।
কৃমির্ভূৎবা শ্ববিষ্ঠায়াং পিতৃভিঃ সহ মজ্জতি॥ 14-109-36 (96406)
তিলান্নপীডয়েদ্বিপ্রো যন্ত্রচক্রে স্বয়ং নৃপ।
পীডয়ন্হি দ্বিজো মোহান্নরকং যাতি রৌরবম্॥ 14-109-37 (96407)
ইক্ষুবংশোদ্ভবঃ সোমঃ সোমবংশোদ্ভবা দ্বিজাঃ।
ইক্ষুং ন পীডয়েত্তস্মাদিক্ষুঘাত্যাত্মঘাতকঃ॥ 14-109-38 (96408)
ইক্ষুদণ্ডসহস্রাণামেকৈকেন যুধিষ্ঠির।
ব্রহ্মহত্যামবাপ্নোতি দ্বিজশ্চেদ্যন্ত্রপীডকঃ।
তস্মান্ন পীডয়েদিক্ষুং যন্ত্রচক্রে দ্বিজোত্তমঃ॥ ॥ 14-109-39 (96409)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি নবাধিকশততমোঽধ্যায়ঃ॥ 109 ॥
আশ্বমেধিকপর্ব - অধ্যায় 110
॥ শ্রীঃ ॥
14.110. অধ্যায়ঃ 110
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রত্যাপদ্ধর্মকথনম্॥ 1 ॥ তথা প্রশস্তাপ্রশস্তব্রাহ্মণলক্ষণকথনম্॥ 2 ॥ তথা সামান্যতো নানাধর্মকথনপূর্বকং ব্রাহ্মণ্যসিদ্ধিপর্রকারকথনম্॥ 3 ॥ তথা গুর্বাচার্যোপাধ্যায়লক্ষণকথনম্॥ 4 ॥Mahabharata - Ashvamedhika Parva - Chapter Text
যুধিষ্ঠির উবাচ।
সমুচ্চয়ং চ ধর্মাণাং ভোজ্যাভোজ্যং তথৈব চ।
শ্রুতং ময়া ৎবৎপ্রসাদাদাপদ্ধর্মং ব্রবীহি মে॥ 14-110-1 (96410)
ভগবানুবাচ। 14-110-2x (7984)
দুর্ভিক্ষে রাষ্ট্রসংবাধেঽপ্যাশৌচে মৃতসূতকে।
ধর্মকালেঽধ্বনি তথা নিয়মো যেন লুপ্যতে॥ 14-110-2 (96411)
দূরাধ্বগমনাৎখিন্নো দ্বিজালাভেঽথ শূদ্রতঃ।
অকৃতন্নং তু যৎকিংচিদ্গৃহ্ণীয়াদাত্মবৃত্তয়ে॥ 14-110-3 (96412)
আতুরো দুঃখিতো বাঽপি তথাঽঽর্তো বা বুভুক্ষিতঃ।
ভুঞ্জন্নবিধিনা বিপ্রঃ প্রায়শ্চিত্তীয়তে ন চ॥ 14-110-4 (96413)
নিমন্ত্রিতস্তু যো বিপ্রো বিদিবদ্ধব্যকব্যযোঃ।
মাংসাদীন্যপি ভুঞ্জানঃ প্রায়শ্চিত্তীয়তে ন চ॥ 14-110-5 (96414)
অষ্টৌ তান্যব্রতঘ্নানি আপো মূলং ঘৃতং পয়ঃ।
হবির্ব্রাহ্মণকাম্যা চ গুরোর্বচনমৌষধম্॥ 14-110-6 (96415)
অশক্তো বিধিবৎকর্তুং প্রায়শ্চিত্তানি যো নরঃ।
বিদুষাং বচনেনাপি দানেনাপি বিশুদ্ধ্যতি॥ 14-110-7 (96416)
অনৃতাবৃতুকালে বা দিবা রাত্রৌ তথাঽপি বা।
প্রোষিতস্তু স্ত্রিয়ং গচ্ছেৎপ্রায়শ্চিত্তীয়তে ন চ॥ 14-110-8 (96417)
যুধিষ্ঠির উবাচ। 14-110-9x (7985)
প্রশস্যাঃ কীদৃশা বিপ্রা নিন্দ্যাশ্চাপি সুরেশ্বর।
অষ্টকায়াশ্চ কঃ কালস্তন্মে কথয় সুব্রত॥ 14-110-9 (96418)
ভগবানুবাচ। 14-110-10x (7986)
সত্যসন্ধং দ্বিজং দৃষ্ট্বা স্থানাদ্বেপতি ভাস্করঃ।
এষ মে মণ্ডলং ভিত্ৎবা যাতি ব্রহ্ম সনাতনম্॥ 14-110-10 (96419)
কুলীনঃ কর্মকৃদ্বৈদ্যস্তথা চাপ্যানৃশংস্যবান্।
শ্রীমানৃজউঃ সত্যবাদী পাত্রং সর্ব ইমে দ্বিজাঃ॥ 14-110-11 (96420)
এতে চাগ্রাসনস্থাস্তে ভুঞ্জানাঃ প্রথমং দ্বিজাঃ।
তস্যাং পঙ্ক্ত্যাং তু যে বান্যে তান্পুনত্যেব দর্শনাৎ॥ 14-110-12 (96421)
মদ্ভক্তা যে দ্বিজশ্রেষ্ঠা মদ্ভক্তা মৎপরায়ণাঃ।
তান্পঙ্ক্তিপাবনান্বিদ্ধি পূজ্যাংশ্চৈব বিশেষতঃ॥ 14-110-13 (96422)
নিন্দ্যাঞ্শৃণু দ্বিজান্রাজন্নপি বা বেদপারগান্।
ব্রাহ্মণচ্ছদ্মনা লোকে চরতঃ পাপকারিণঃ॥ 14-110-14 (96423)
অনগ্নিরনধীয়ানঃ প্রতিগ্রহরুচিস্তু যঃ।
যতস্ততস্তু ভুঞ্জানস্তং বিদ্যাদ্ব্রহ্মদূষকম্॥ 14-110-15 (96424)
মৃতসূতকপুষ্টাঙ্গো যশ্চ শূদ্রান্নভুগ্দ্বিজঃ।
অহং চাপি ন জানামি গতিং তস্য নরাধিপ॥ 14-110-16 (96425)
শূদ্রান্নরসপুষ্টাঙ্গোঽপ্যধীয়ানো হি নিত্যশঃ।
জপতো জুহ্বতো বাঽপি গতিরূর্ধ্বং ন বিদ্যতে॥ 14-110-17 (96426)
আহিতাগ্নিশ্চ যো বিপ্রঃ শূদ্রান্নান্ন নিবর্ততে।
পঞ্চ তস্য প্রণশ্যন্তি আত্মা ব্রহ্ম ত্রয়োঽগ্নয়ঃ॥ 14-110-18 (96427)
শূদ্রপ্রেষণকর্তুশ্চ ব্রাহ্মণস্য বিশেষতঃ।
ভূমাবন্নং প্রদাতব্যং শ্বসৃগালসমো হি সঃ॥ 14-110-19 (96428)
প্রেতভূতং তু যঃ শূদ্রং ব্রাহ্মমো জ্ঞানদুর্বলঃ॥
অনুগচ্ছেন্নীয়মানং ত্রিরাত্রমশুচির্ভবেৎ॥ 14-110-20 (96429)
ত্রিরাত্রে তু ততঃ পূর্ণে নদীং গৎবা সমুদ্রগাম্।
প্রাণায়ামশতং কৃৎবা ঘৃতং প্রাশ্য বিশুদ্ধ্যতি॥ 14-110-21 (96430)
অনাথং ব্রাহ্মণং প্রেতং যে বহন্তি দ্বিজোত্তমাঃ।
পদেপদেঽশ্বমেধস্য ফলং তে প্রাপ্নুবন্তি হি॥ 14-110-22 (96431)
ন তেষামশুভং কিংচিৎপাপং বা শুভকর্মণাম্।
জলাবগাহনাদেব সদ্যঃ শৌচং বিধীয়তে॥ 14-110-23 (96432)
শূদ্রবেশ্মনি বিপ্রেণি ক্ষীরং বা যদি বা দধি।
নিবৃত্তেন ন ভোক্তব্যং বিদ্ধি শূদ্রান্নমেব তত॥ 14-110-24 (96433)
বিপ্রাণাং ভোক্তুকামানামত্যন্তং চান্নকাঙ্ক্ষিণাম্।
যো বিঘ্নং কুরুতে মর্ত্যস্ততো নান্যোস্তি পাপকৃৎ॥ 14-110-25 (96434)
সর্বে চ বেদাঃ সহষঙ্ভিরঙ্গৈঃ
সাঙ্খ্যং পুরাণং চ কুলে চ জন্ম।
নৈতানি সর্বাণি গতির্ভবন্তি
শীলব্যপেতস্য নৃপ দ্বিজস্য॥ 14-110-26 (96435)
গ্রহোপরাগে বিষুবেঽয়নান্তে
পিত্র্যে মঘাসু স্বসুতে চ জাতে।
গয়েষু পিণ্ডেষু চ পাণ্ডুপুত্র
দত্তং ভবেন্নিষ্কসহস্রতুল্যম্॥ 14-110-27 (96436)
বৈশাখমাসস্য তু যা তৃতীয়াঽ-
নবদ্যাঽসৌ কার্তিকশুক্লপক্ষে।
নভস্যমাসস্য চ কৃষ্ণপক্ষে
ত্রয়োদশী পঞ্চদশী ন মাঘে॥ 14-110-28 (96437)
উপপ্লবে চন্দ্রমসো রবেশ্চ
শ্রাদ্ধস্য কালো হ্যযনদ্বয়ে চ।
পানীয়মপ্যত্রি তিলৈর্বিমিশ্রং
দদ্যাৎপিতৃভ্যঃ প্রয়তো মনুষ্যঃ।
শ্রাদ্ধং কৃতং তেন সমাসহস্রং
রহস্যমেতৎপিতরো বদন্তি॥ 14-110-29 (96438)
যস্ৎবেকপঙ্ক্ত্যাং বিষমং দদাতি
স্নেহাদ্ভয়াদ্বা যদি বাঽর্থহেতোঃ।
ক্রূরং দুরাচারমনাত্মবন্তং
ব্রহ্মঘ্নমেনং কবয়ো বদন্তি॥ 14-110-30 (96439)
ধনানি যেষাং বিপুলানি সন্তি
নিত্যং রমন্তে পরলোকমূঢাঃ।
তেষাময়ং শত্রুবরঘ্নলোকো
নান্যৎসুখং দেহসুখে রতানাম্॥ 14-110-31 (96440)
যে চৈব মুক্তাস্তপসি প্রয়ুক্তাঃ
স্বাধ্যায়শীলা জরয়ন্তি দেহম্।
জিতেন্দ্রিয়া ভূতহিতে নিবিষ্ট-
স্তেষামসৌ চাপি পরশ্চ লোকঃ॥ 14-110-32 (96441)
যে চৈব বিদ্যাং ন তপো ন দানং
ন চাপি মূঢাঃ প্রজনে যতন্তে।
ন চাপি গচ্ছন্তি সুখানি ভোগাং-
স্তেষাময়ংক চাপি পরশ্চ নাস্তি॥ 14-110-33 (96442)
যুধিষ্ঠির উবাচ। 14-110-34x (7987)
নারায়ণ পুরাণেশ লোকাবাস নমোস্তু তে।
শ্রোতুমিচ্ছামি কার্ৎস্ন্যেন ধর্মসারসমুচ্চয়ম্॥ 14-110-34 (96443)
ভগবানুবাচ। 14-110-35x (7988)
ধর্মসারং মহাপ্রাজ্ঞি মনুনা প্রোক্তমাদিতঃ।
প্রবক্ষ্যামি মনুপ্রোক্তং পৌরাণাং শ্রুতিসংহিতম্॥ 14-110-35 (96444)
অগ্নিচিৎকপিলা সত্রী রাজা ভিক্ষুর্মহোদধিঃ।
দৃষ্টমাত্রাৎপুনত্যেতে তস্মাৎপশ্যেত তান্সদা॥ 14-110-36 (96445)
গৌরকস্যৈব দাতব্যা ন বহূনাং যুধিষ্ঠির।
সা গৌর্বিক্রয়মাপন্না দহত্যাসপ্তমং কুলম্॥ 14-110-37 (96446)
বহূনাং ন প্রদাতব্যা গৌর্বস্ত্রং শয়নং স্ত্রিয়ঃ।
তাদৃগ্ভূতং তু তদ্দানং দাতারং নোপতিষ্ঠতি॥ 14-110-38 (96447)
আক্রম্য ব্রাহ্মণৈর্ভুক্তমনার্যাণাং চ বেশ্মনি।
গোভিশ্চ পুণ্যং তত্তেষাং রাজসূয়াদ্বিশিষ্যতে॥ 14-110-39 (96448)
মা দদাৎবিতি যো ব্রূয়াদ্ব্রাহ্মণেষু চ গোষু চ।
তির্যগ্যোনিশতং গৎবা চণ্ডালেষূপজায়তে॥ 14-110-40 (96449)
ব্রাহ্মণস্বং চ যদ্দৈবং দরিদ্রস্যৈব যদ্ধনম্।
গুরোশ্চাপি হৃতং রাজন্স্বর্গস্থানপি পাতয়েৎ॥ 14-110-41 (96450)
ধর্মং জিজ্ঞাসমানানাং প্রমাণং পরমং শ্রুতিঃ।
দ্বিতায়ং ধর্মশাস্ত্রাণি তৃতীয়ং লোকসংগ্রহঃ॥ 14-110-42 (96451)
আসমুদ্রাচ্চ যৎপূর্বাদাসমুদ্রাচ্চ পশ্চিমাৎ।
হিমাদ্রিবিন্ধ্যযোর্মধ্যমার্যাবর্তং প্রচক্ষতে॥ 14-110-43 (96452)
সরাবতীদৃষদ্বত্যোর্দেবনদ্যোর্যদন্তরম্।
তদ্দেবনির্মিতং দেশং ব্রহ্মবর্তং প্রচক্ষতে॥ 14-110-44 (96453)
যস্মিন্দেশে য আচারঃ পারংপর্যক্রমাগতঃ।
বর্ণানাং সান্তরালানাং স সদাচার উচ্যতে॥ 14-110-45 (96454)
কুরুক্ষেত্রং চ মৎস্যাশ্চ পাঞ্চালাঃ শূরসেনয়ঃ।
এতে ব্রহ্মর্ষিদেশাস্তু ব্রহ্মাবর্তাদনন্তরাঃ॥ 14-110-46 (96455)
এতদ্দেশপ্রসূতস্য সকাশাদগ্রজন্মনঃ।
স্বং চারিত্রং চ গৃহ্ণীয়ুঃ পৃথিব্যাং সর্বমানবাঃ॥ 14-110-47 (96456)
হিমবদ্বিন্ধ্যযোর্মধ্যং যৎপ্রাগ্বিশসনাদপি।
প্রত্যগেব প্রয়াগাত্তু মধ্যদেশঃ প্রকীর্তিতঃ॥ 14-110-48 (96457)
কৃষ্ণসারস্তু চরতি মৃগো যত্র স্বভাবতঃ।
স জ্ঞেয়ো যাজ্ঞিকো দেশো ম্লেচ্ছদেশস্ততঃ পরম্॥ 14-110-49 (96458)
এতান্বিজ্ঞায় দেশাংস্তু সংশ্রয়েরন্দ্বিজাতয়ঃ।
শূদ্রস্তু যস্মিন্কস্মিন্বা নিবসেদ্বৃত্তিকর্শিতঃ॥ 14-110-50 (96459)
আচারঃ প্রথমো ধর্মো হ্যহিংসা সত্যমেব চ।
দানং চৈব যথাশক্তি নিয়মাশ্চ যমৈঃ সহ॥ 14-110-51 (96460)
বৈদিকৈঃ কর্মভিঃ পুণ্যৈর্নিষেকাদির্দ্বিজন্মনাম্।
কার্যঃ শরীরসংস্কারঃ পাবনঃ প্রেত্য চেহ চ॥ 14-110-52 (96461)
গর্ভহোমৈর্জাতকর্মনামচৌলোপনায়নৈঃ।
স্বাধ্যায়ৈস্তদ্ব্রতৈশ্চৈব বিবাহস্নাতকব্রতৈঃ।
মহায়জ্ঞৈশ্চ যজ্ঞৈশ্চ ব্রাহ্মীয়ং ক্রিয়তে তনুঃ॥ 14-110-53 (96462)
ধর্মোর্থৌ যদি ন স্যাতাং শুশ্রুষা বাঽপি তদ্বিধা।
বিদ্যা তস্মিন্নবপ্তব্যা শুভং বীজমিবোষরে॥ 14-110-54 (96463)
লৌকিকং বৈদিকং বাঽপি তথাঽঽধ্যাত্মিকমেব বা।
যস্মাজ্জ্ঞানমিদং প্রাপ্তং তং পূর্বমভিবাদয়েৎ॥ 14-110-55 (96464)
সব্যেন সব্যং সংগৃহ্য দক্ষিণেন তু দক্ষিণম্।
ন কুর্যাদেকহস্তেন গুরোঃ পাদাভিবাদনম্॥ 14-110-56 (96465)
নিষেকাদীনি কর্মাণি যঃ করোতি যথাবিধি।
অধ্যাপয়তি চৈবেনং স বিপ্রো গুরুরুচ্যতে॥ 14-110-57 (96466)
কৃৎবোপনয়নং বেদান্যোধ্যাপয়তি নিত্যশঃ।
সকল্পান্সরহস্যাংশ্চ স চোপাধ্যায় উচ্যতে॥ 14-110-58 (96467)
সাঙ্গাংশ্চ বেদানধ্যাপ্য শিক্ষয়িৎবা ব্রতানি চ।
বিবৃণোতি চ মন্ত্রার্থানাচার্যঃ সোভিধীয়তে॥ 14-110-59 (96468)
উপাধ্যায়াদ্দশাচার্য আচার্যাণাং শতং পিতা।
পিতুঃ শতগুণং মাতা গৌরবেণাতিরিচ্যতে॥ 14-110-60 (96469)
এতেষামপি সর্বেষাং গরীয়ান্জ্ঞানদো গুরুঃ।
গুরোঃ পরতরং কিংচিন্ন ভূতং ন ভবিষ্যতি॥ 14-110-61 (96470)
তস্মাত্তেষাং বশে তিষ্ঠিচ্ছুশ্রূষাপরমো ভবেৎ।
অবমানাদ্ধি তেষাং তু নরকং স্যান্ন সংশয়ঃ॥ 14-110-62 (96471)
হীনাঙ্গানতিরিক্তাঙ্গান্বিদ্যাহীনান্বয়োধিকান্।
রূপদ্রবিণহীনাংশ্চ জাতিহীনাংস্চ নাক্ষিপেৎ॥ 14-110-63 (96472)
শপতা যৎকৃতং পুণ্যং শপ্যমানং তু গচ্ছতি।
শপ্যমানস্য যৎপাপং শপন্তমনুগচ্ছতি॥ 14-110-64 (96473)
নাস্তিক্যং বেদনিন্দাং চ দেবতানাং চ কুৎসনম্।
দ্বেষং ডংভং চ মানং চ ক্রোধং তৈক্ষ্ণ্যং বিবর্জয়েৎ॥ ॥ 14-110-65 (96474)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি দশাধিকশততমোঽধ্যায়ঃ॥ 110 ॥
আশ্বমেধিকপর্ব - অধ্যায় 111
॥ শ্রীঃ ॥
14.111. অধ্যায়ঃ 111
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রত্যগ্নিসৃষ্টিপ্রকারকথনম্॥ 1 ॥ আহবনীয়াদিৎবেন তদ্বিভাগকথনপূর্বকং তত্তন্নামনির্বচনম্॥ 2 ॥ তথা যজ্ঞাগ্নিহোত্রপ্রশংসনম্॥ 3 ॥Mahabharata - Ashvamedhika Parva - Chapter Text
যুধিষ্ঠির উবাচ।
স্বভক্তস্য হৃষীকেশ ধর্মাধর্মমজানতঃ।
ধর্মং পুণ্যতমং দেব পৃচ্ছতঃ কথয়স্ব মে॥ 14-111-1 (96475)
ভগবানুবাচ। 14-111-2x (7989)
যদেতদগ্নিহোত্রং বৈ সৃষ্টং বর্ণত্রয়স্য তু।
মন্ত্রবদ্যদ্ধুতং সম্যগ্বিধিনা চাপ্যুপাসিতম্।
আহিতাগ্নিং নয়ত্যূর্ধ্বং সপত্নীকং সবান্ধবম্॥ 14-111-2 (96476)
যুধিষ্ঠির উবাচ। 14-111-3x (7990)
কথং তদ্ব্রাহ্মণৈর্দেব হোতব্যং ক্ষত্রিয়ৈঃ কথম্।
বৈশ্যৈর্বা দেবদেবেশ কথং বা সুহুতং ভবেৎ॥ 14-111-3 (96477)
কস্মিন্কালে কতং কস্য আধেয়োঽগ্নিঃ সুরোত্তম।
আহিতস্য কথং বাঽপি সম্যগাচরণং ভবেৎ॥ 14-111-4 (96478)
কত্যগ্নয়ঃ কিমাত্মানঃ স্থানং কিং কস্য বা বিভো।
কতরস্মিন্হুতে স্থানে কং ব্রজেদাগ্নিহোত্রিকঃ॥ 14-111-5 (96479)
অগ্নিহোত্রনিমিত্তং চ কিমুৎপন্নং পুরাঽনঘ।
কথমেবাথ হূয়ন্তে প্রীয়ন্তে চ সুরাঃ কথম্॥ 14-111-6 (96480)
বিধিবন্মন্ত্রবৎকৃৎবা পূজিতাস্ৎবগ্নয়ঃ কথম্।
কাং গতিং বদতাংশ্রেষ্ঠ নয়ন্তি হ্যগ্নিহোত্রিণঃ॥ 14-111-7 (96481)
দুর্হুতাশ্চাপি ভগবন্নবিজ্ঞাতাস্ত্রয়োঽগ্নয়ঃ।
কিমাহিতাগ্নেঃ কুর্বন্তি দুশ্চীর্ণা বাঽপি কেশব॥ 14-111-8 (96482)
উৎসন্নাগ্নিস্তু পাপাত্মা কাং যোনিং দেব গচ্ছতি।
এতৎসর্বং সমাসেন ভক্ত্যা হ্যুপগতস্য মে।
বক্তুমর্হসি সর্বজ্ঞ সর্বাধিকং নমোস্তু তে॥ 14-111-9 (96483)
ভগবানুবাচ। 14-111-10x (7991)
শৃণু রাজন্মহাপুণ্যমিদং ধর্মামৃতং পরম্।
যত্তু তারয়তে যুক্তান্ব্রাহ্মণানগ্নিহোত্রিণঃ॥ 14-111-10 (96484)
ব্র্হমিৎবেনাসৃজং লোকানহমাদৌ মহাদ্যুতে।
সৃষ্টোঽগ্নির্মুখতঃ পূর্বং লোকানাং হিতকাম্যযা॥ 14-111-11 (96485)
যস্মাদগ্রে স ভূতানাং সর্বেষাং নির্মিতো ময়া।
তস্মাদগ্নীত্যভিহিতঃ পুরাণজ্ঞৈর্মনীষিভিঃ॥ 14-111-12 (96486)
যস্মাত্তু সর্বকৃত্যেষু পূর্বমস্মৈ প্রদীয়তে।
আহুতির্দীপ্যমানায় তস্মাদগ্নীতি কথ্যতে॥ 14-111-13 (96487)
যস্মাচ্চ তু নয়ত্যগ্রাং গতিং বিপ্রান্সুপূজিতঃ।
যস্মাচ্চ নয়নাদ্রাজন্দেবেষ্বগ্নীতি কথ্যতে॥ 14-111-14 (96488)
তস্মাচ্চ দুর্হুতঃ সোয়মলং ভক্ষয়িতুং ক্ষণাৎ।
যজমানং নরশ্রেষ্ঠ ক্রব্যাদোঽগ্নিস্ততঃ স্মৃতঃ॥ 14-111-15 (96489)
সর্বভূতাত্মকো রাজন্দেবানামেষ বৈ মুখম্।
প্রথমং মন্মুখাৎসৃষ্টো লোকার্থে পচনঃ প্রভুঃ॥ 14-111-16 (96490)
সৃষ্টমাত্রো জগৎসর্বমত্তুমৈচ্ছৎপুরা খলু।
ততঃ প্রশমিতঃ সোগ্নিরূপাস্যৈব ময়া পুরা॥ 14-111-17 (96491)
সততোপাসনাৎসোয়মৌপাসন ইতি স্মৃতঃ॥ 14-111-18 (96492)
আহুতিঃ সর্বমাখ্যাতি তস্মিন্বসতি সোনলঃ।
আবসথ্য ইতি খ্যাতস্তেনাসৌ ব্রহ্মবাদিভিঃ॥ 14-111-19 (96493)
তস্মাৎপঞ্চ মহায়জ্ঞা বর্তন্তে যস্য ধর্মতঃ।
সোমমণ্ডলমধ্যেন গতিস্তস্য দ্বিজন্মনঃ॥ 14-111-20 (96494)
তে চ সপ্তর্ষয়ঃ সিদ্ধাঃ সংয়তেন্দ্রিয়বুদ্ধয়ঃ।
গতা হ্যমরসায়ুজ্যং তে হ্যগ্ন্যর্চনতৎপরাঃ॥ 14-111-21 (96495)
অপরে চাবসথ্যং চ পচনাগ্নিং প্রচক্ষতে।
তস্মিন্পঞ্চ মহায়জ্ঞা বৈশ্বদেবশ্চ বর্ততে॥ 14-111-22 (96496)
স্থলীপাকং চ গার্হং চ সর্বে চাস্মিন্প্রতিষ্ঠিতাঃ।
গৃহ্যকর্মবহো যস্মাত্তস্মাদ্গৃহপতিস্তু সঃ॥ 14-111-23 (96497)
ঔপাসনং চাবসথ্যং সভ্যং পচনপাবকম্।
আহুর্ব্রহ্মবিদঃ কেচিন্মতমেতন্মমাপি চ॥ 14-111-24 (96498)
অগ্নিহোত্রপ্রকারং চ শৃণু রাজন্সমাহিতঃ।
ত্রয়াণাং গুণনামানাং বহ্নীনামুচ্যতে ময়া॥ 14-111-25 (96499)
গৃহাণাং হি পতিৎবং হি গৃহপত্যমিতি স্মৃতম্।
গৃহপত্যং তু যস্যাসীত্তত্তস্মাদ্গার্হপত্যতা॥ 14-111-26 (96500)
যজমানং তু যস্মাত্তু দক্ষিণাং তু গতিং নয়েৎ।
দক্ষিণাগ্নিং তমাহুস্তে দক্ষিণায়তনং দ্বিজাঃ॥ 14-111-27 (96501)
আহুতিঃ সর্বমাখ্যাতি হব্যং বৈ বহনং স্মৃতম্।
সর্বহব্যবহো বহ্নির্গতশ্চাহবনীয়তাম্॥ 14-111-28 (96502)
যং চাক্সথ্যং জুহুয়ান্মূলাগ্নিং বিধিবদ্দ্বিজঃ।
আবসথ্যং তু তং চাগ্নিং পচনাগ্নিং প্রচক্ষতে॥ 14-111-29 (96503)
তেষাং স ভাগতো বহ্নিঃ সভ্য ইত্যভিধীয়তে।
আবতথ্যস্তু যো বহ্নিঃ প্রথমঃ স প্রজাপতিঃ॥ 14-111-30 (96504)
ব্রহ্মা চ গার্হপত্যোঽগ্নিস্তস্মিন্নেব হি সোভবৎ।
দক্ষিণাগ্নিস্ৎবয়ং রুদ্রঃ ক্রোধাত্মা চণ্ড এব সঃ॥ 14-111-31 (96505)
অহমাহবনীয়োঽগ্নিরাহোমাদ্যস্য বৈ মুখে।
সভ্যোঽগ্নিঃ পঞ্চমো যস্তু স্কন্দ এব নরাধিপ॥ 14-111-32 (96506)
পৃথিবী গার্হপত্যোঽগ্নিরন্তরিক্ষং চ দক্ষিণঃ।
স্বর্গমাহবনীয়োঽগ্নিরেবমগ্নিত্রয়ং স্মৃতম্॥ 14-111-33 (96507)
বৃত্তশ্চ গার্হপত্যোঽগ্নির্যস্মাদ্বৃত্তা চ মেদিনী।
অর্ধচন্দ্রাকৃতিস্তং বৈ দক্ষিণাগ্নিস্তথা ভবেৎ॥ 14-111-34 (96508)
চতুরশ্রং ততঃ স্বর্গং নির্মলং তু নিরাময়ম্।
তস্মাদাহবনীয়োঽগ্নিশ্চতুরশ্রো ভবেন্নৃপ॥ 14-111-35 (96509)
জুহুয়াদ্গার্হপত্যং যো ভুবং জয়তি স দ্বিজঃ।
জুহোতি দক্ষিণং যস্তু স জয়ত্যন্তরিক্ষকম্॥ 14-111-36 (96510)
পৃথিবীমন্তরিক্ষং চ দিবং ঋষিগণৈঃ সহ।
জয়ত্যাহবনীয়ং যো জুহুয়াদ্ভক্তিমান্নরঃ॥ 14-111-37 (96511)
আভিমুখ্যেন হোমস্তু যস্য যজ্ঞেষু বর্ততে।
তেনাপ্যাহবনীয়ৎবং গতো বহ্নির্মহাদ্যুতিঃ॥ 14-111-38 (96512)
আহোমাদগ্নিহোত্রেষু যজ্ঞৈর্বা যত্র সর্বশঃ।
যস্মাত্তস্মাৎপ্রবর্তন্তে ততো হ্যাহবনীয়তা॥ 14-111-39 (96513)
যস্ৎবাবসথ্যং জুহুয়ান্মূলাগ্নিং বিধিবদ্দ্বিজঃ।
স তু সপ্তর্ষিলোকেষু সপত্নীকঃ প্রমোদতে॥ 14-111-40 (96514)
ইষ্টো ভবতি সর্বাগ্নেরগ্নিহোত্রং চ তদ্ভবেৎ।
ত্রাণাদ্বৈ যজমানস্য হ্যগ্নিহোত্রমিতি স্মৃতম্॥ 14-111-41 (96515)
হোইজ্যেষু বিষাদো বৈ বিষাদো দুঃখমুচ্যতে।
দুঃখং তাপত্রয়ং প্রোক্তং তাপং হি নরকং বিদুঃ॥ 14-111-42 (96516)
আধ্যাত্মিকং চাধিদৈবমাধিভৌতিকমেব চ।
এতত্তাপত্রয়ং প্রোক্তমাত্মবিদ্ভির্নরাধিপ॥ 14-111-43 (96517)
যস্মাদ্বৈ ত্রায়তে দুঃখাদ্যজমানং হুতোঽনলঃ।
তস্মাত্তু বিধিবৎপ্রোক্তমগ্নিহোত্রমিতি শ্রুতৌ॥ 14-111-44 (96518)
তদগ্নিহোত্রং সৃষ্টং বৈ ব্রহ্মণা লোককর্তৃণা।
বেদাশ্চাপ্যগ্নিহোত্রং তু জজ্ঞিরে স্বয়মেব তু॥ 14-111-45 (96519)
অগ্নিহোত্রফলা দারা দত্তভুক্তফলং ধনম্॥
রতিপুত্রফলা দারা দত্তভুক্তফলং ধনম্॥ 14-111-46 (96520)
ত্রিবেদমন্ত্রসংয়োগাদগ্নিহোত্রং প্রবর্ততে।
ঋগ্যজুঃসামভিঃ পুণ্যৈঃ স্থাপ্যতে সূত্রসংয়ুতৈঃ॥ 14-111-47 (96521)
বসন্তে ব্রাহ্মণস্য স্যাদাধেয়োঽগ্নির্নরাধিপ।
বসন্তো ব্রাহ্মণো জ্ঞেয়ো বেদয়োনিঃ স উচ্যতে॥ 14-111-48 (96522)
অগ্ন্যাধেয়ং তু যেনাথ বসন্তে ক্রিয়তেঽনঘ।
তস্য শ্রীর্বহ্মবৃদ্ধিশ্চ ব্রাহ্মণস্য বিবর্ধতে॥ 14-111-49 (96523)
ক্ষত্রিয়স্যাগ্নিরাধেয়ো গ্রীষ্মে শ্রেষ্ঠঃ স বৈ নৃপ।
যেনাধানং তু বৈ গ্রীষ্মে ক্রিয়তে তস্য বর্ধতে।
শ্রীঃ প্রজাঃক পশবশ্চৈব বিত্তং তেজো বলং যশঃ॥ 14-111-50 (96524)
শরদৃতৌ তু বৈশ্যস্য হ্যাধানীয়ো হুতাশনঃ।
শরদ্রাত্রং স্বয়ং বৈশ্যো বৈশ্যযোনিঃ স উচ্যতে॥ 14-111-51 (96525)
শরদ্যাধানমেবং বৈ ক্রিয়তে যেন পাণ্ডব।
তস্যাপি শ্রীঃ প্রজাঽঽয়ুশ্চ পশবোঽর্থশ্চ বর্ধতে॥ 14-111-52 (96526)
পশবঃ সর্ব এবৈতে ত্রিভিঃ সর্বৈরলঙ্কৃতাঃ।
অগ্নিহোত্রা হ্যবর্তন্তে তৈরেব ধ্রিয়তে জগৎ॥ 14-111-53 (96527)
গ্রাম্যারণ্যাশ্চ পশবো পৃক্ষাশ্চৈব তৃণানি চ।
ফলান্যোষধয়শ্চাপি অগ্নিহোত্রকৃতে হবিঃ॥ 14-111-54 (96528)
রসাঃ স্নেহাস্তথা গন্ধা রত্নানি মণয়স্তথা।
কাঞ্চনানি চ লোহানি হ্যগ্নিহোত্রকৃতেঽভবন্॥ 14-111-55 (96529)
আয়ুর্বেদো ধনুর্বেদো মীমাংসা ন্যায়বিস্তরঃ।
ধর্মশাস্ত্রং চ তৎসর্বমগ্নিহোত্রকৃতে কৃতম্॥ 14-111-56 (96530)
ছন্দঃ শিক্ষা চ কল্পশ্চ তথা ব্যাকরণানি চ।
শাস্ত্রং জ্যোতির্নিরুক্তং চাপ্যগ্নিহোত্রকৃতে কৃতম্॥ 14-111-57 (96531)
ইতিহাসপুরাণং চ গাথাশ্চোপনিষত্তথা।
আথর্বণানি কর্মাণি চাগ্নিহোত্রকৃতে কৃতম্॥ 14-111-58 (96532)
যচ্চৈতস্যাং পৃথিব্যাং বৈ কিংচিদস্তি চরাচরম্।
তৎসর্বমগ্নিহোত্রস্য কৃতে সৃষ্টং স্বয়ংভুবা॥ 14-111-59 (96533)
অগ্নিহোত্রস্য দর্শস্য পূর্ণমাসস্য চাপ্যথ।
যুপেষ্টিপশুবন্ধানাং সোমপানক্রিয়াবতাম্॥ 14-111-60 (96534)
তিথিনক্ষত্রয়োগানাং মুহূর্তকরণাত্মকম্।
কালস্য বেদনার্থং তু জ্যোতির্জ্ঞানং পুরাঽনঘ॥ 14-111-61 (96535)
ঋগ্যজুঃ সামমন্ত্রাণাং শ্লোকতৎবার্থচিন্তনাৎ।
প্রত্যাপত্তিবিকল্পানাং ছন্দোজ্ঞানং প্রল্পিতম্॥ 14-111-62 (96536)
বর্ণাক্ষরপদার্থানাং সন্ধিলিঙ্গং প্রকীর্তিতম্।
নামধাতুবিবেকার্থং পুরা ব্যাকরণং স্মৃতম্॥ 14-111-63 (96537)
যূপবেদ্যধ্বরার্থং তু প্রোক্ষণশ্রবণায় তু।
যজ্ঞদৈবতয়োগার্থং শিক্ষাজ্ঞানং প্রকল্পিতম্॥ 14-111-64 (96538)
যজ্ঞপাত্রপবিত্রার্থং দ্রব্যসংভারণায় চ।
সর্বয়জ্ঞবিকল্পায় পুরাকল্পং প্রকল্পিতম্॥ 14-111-65 (96539)
নামধাতুবিকল্পানাং তৎবার্থনিয়মায় চ।
সর্ববেদনিরুক্তানাং নিরুক্তমৃষিভিঃ কৃতম্॥ 14-111-66 (96540)
বেদ্যর্থং পৃথিবী সৃষ্টা সংভারার্থ তথৈব চ।
ইধ্মার্থমথ যূপার্থং ব্রহ্মা চক্রে বনস্পতিম্॥ 14-111-67 (96541)
গ্রাম্যারণ্যাশ্চ পশবো জায়ন্তে যজ্ঞকারণাৎ।
মন্ত্রাণাং বিনিয়োগং চ প্রোক্ষিতং শ্রপণং তথা॥ 14-111-68 (96542)
অনুয়াজপ্রয়াজাশ্চ মরুতাং শংসিনস্তথা।
ঔদ্গাত্রং চৈব সাম্নাং বৈ প্রতিপ্রস্থানমেব চ॥ 14-111-69 (96543)
বিষ্ণুক্রমাণাং ক্রমণং দক্ষিণাবভৃথং তথা।
ত্রিকাসমর্চনং চৈব স্যানেষূপহৃতং তথা॥ 14-111-70 (96544)
দেবতাগ্রহণং মোক্ষং হবিষাং শ্রপণং তথা।
নাববুদ্ধ্যন্তি যে বিপ্রা নিন্দন্তি চ পশোর্বধম্।
তে যান্তি নরকং ঘোরং রৌরবং তমসাঽঽবৃতম্॥ 14-111-71 (96545)
শতবর্ষসহস্রাণি তত্র স্থিৎবা নরাধমাঃ।
কৃমির্ভির্ভক্ষ্যমাণাশ্চ তিষ্ঠেয়ুঃ পূয়শোণিতে॥ 14-111-72 (96546)
বৃক্ষা যূপৎবমিচ্ছন্তি পশুৎবং পশবস্তথা।
তৃণানীচ্ছন্তি বর্হিষ্ট্বমোষধ্যশ্চ হবিষ্যতাম্।
সোমৎবং চ লতাঃ সর্বা বেদিৎবং চ বসুংধর॥ 14-111-73 (96547)
যস্মাৎপশুৎবমিচ্ছন্তি পশবঃ স্বর্গলিপ্সয়া।
তস্মাৎপশুবধে হিংসা নাস্তি যজ্ঞেষু পাণ্ডব॥ 14-111-74 (96548)
যূপাস্তন্মন্ত্রসংস্কারৈর্দর্ভাশ্চ পশবস্তথা।
যজমানেন সহিতাঃ স্বর্গং যান্তি নরেশ্বর॥ 14-111-75 (96549)
যাবৎকালং হি যজ্বা বৈ স্বর্গলোকে মহীয়তে।
তাবৎকালং প্রমোদন্তে পশবো হ্যধ্বরে হতাঃ॥ 14-111-76 (96550)
অহিংসা বৈদিকং কর্ম ব্রহ্মকর্মেতি তৎকৃতম্।
বেদোক্তং যে ন কুর্বন্তি হিংসাবুদ্ধ্যা ক্রতূন্দ্বিজাঃ।
সদ্যঃ শূদ্রৎবামায়ান্তি প্রেত্য চণ্ডালতামপি॥ 14-111-77 (96551)
গাবো যজ্ঞার্থমুৎপন্না দক্ষিণার্থং তথৈব চ।
সুবর্ণং রজতং চৈব পাত্রক্রুভার্থমেব চ॥ 14-111-78 (96552)
দর্ভাঃ সংস্তরণার্তং তু রক্ষসাং রক্ষণায় চ।
পজনার্থং দ্বিজাঃ সৃষ্টাস্তারকা দিবি দেবতাঃ॥ 14-111-79 (96553)
ক্ষত্রিয়া রক্ষণার্থং তু বৈশ্যা বার্তানিমিত্ততঃ।
শুশ্রূষার্থং ত্রয়াণাং বৈ শূদ্রাঃ সৃষ্টাঃ স্বয়ংভুবা॥ 14-111-80 (96554)
এবমেতজ্জগৎসর্বমগ্নিহোত্রকৃতে কৃতম্।
নাববুধ্যন্তি যে চৈব নরাস্তু তমসা বৃতাঃ॥ 14-111-81 (96555)
তে যান্তি নরকং ঘোরং রৌরবং নাম বিশ্রুতম্।
রৌরবাদ্বিপ্রয়ুক্তাস্তু কৃমিয়োনিং ব্রজন্তি তে॥ 14-111-82 (96556)
যথোক্তমগ্নিহোত্রাণাং শুশ্রূষন্তি চ যে দ্বিজাঃ।
তৈর্দত্তং সহুতং চেষ্টং দত্তমধ্যাপিতং ভবেৎ॥ 14-111-83 (96557)
এবমিষ্টং চ পূর্তং চ যদ্বিপ্রৈঃ ক্রিয়তে নৃপ।
তৎসর্বং সম্যগাহৃত্য চাদিত্যে স্থাপয়াম্যহম্॥ 14-111-84 (96558)
ময়া স্থাপিতমাদিত্যে লোকস্য সুকৃতং হি তৎ।
ধারয়েদ্যৎসহস্রাংশুঃ সুকৃতং হ্যগ্নিহোত্রিণাম্॥ 14-111-85 (96559)
যাবৎকালং তু তিষ্ঠন্তি লোকে চাপ্যগ্নিহোত্রিণঃ।
তাবদেব হি পুণ্যেন দীপ্যতে রবিণাঽম্বরে॥ 14-111-86 (96560)
স্বর্গে স্বর্গং গতানাং তু বীর্যাদ্ভবতি বীর্যবান্।
তত্র তে হ্যুপভুঞ্জন্তি হ্যগ্নিহোত্রস্য তৎফলম্।
সমানরূপা দেবানাং তিষ্ঠন্ত্যাবূতসংপ্লবম্॥ 14-111-87 (96561)
বৃথাঽগ্নিনা চ যে কেচিদ্দহ্যন্তে হ্যগ্নিহোত্রিণঃ।
ন তেঽগ্নিহোত্রিণাং লোকে মানসাঽপি ব্রজন্তি তে॥ 14-111-88 (96562)
বীরঘ্রাস্তু দুরাচারা দরিদ্রাস্তু নরাধমাঃ।
বিকলা ব্যাধিতাশ্চাপি জায়ন্তে শূদ্রয়োনিষু॥ 14-111-89 (96563)
তস্মাদপ্রোষিতৈর্নিত্যমগ্নিহোত্রং দ্বিজাতিভিঃ।
হোতব্যং বিধিবদ্রাজন্নূর্ধ্বামিচ্ছন্তি যে গতিম্॥ 14-111-90 (96564)
আত্মবন্নাবমন্তব্যমগ্নিহোত্রং যুধিষ্ঠির।
ন ত্যাজ্যং ক্ষণিমপ্যেতদগ্নিহোত্রং যুধিষ্ঠির॥ 14-111-91 (96565)
বৃদ্ধৎবেঽপ্যগ্নিহোত্রং যে গৃহ্ণন্তি বিধিবদ্দ্বিজাঃ।
শূদ্রান্নাদ্বিরতা দান্তাঃ সংয়তেন্দ্রিয়বুদ্ধয়ঃ॥ 14-111-92 (96566)
পঞ্চয়জ্ঞপরা নিত্যং লোভক্রোধবিবর্জিতাঃ।
দ্বিকালমতিথীংশ্চৈব পূজয়ন্তি চ ভক্তিতঃ॥ 14-111-93 (96567)
তেঽপি সূর্যোদয়প্রখ্যৈর্বিমানৈর্বায়ুবেগিভিঃ।
মম লোকে প্রমোদন্তে দৃষ্ট্বা মাং চ যুধিষ্ঠির॥ 14-111-94 (96568)
মন্বন্তরং চ তত্রৈকং মোদিতা দ্বিজসত্তমাঃ।
ইহ মানুষ্যকে লোকে জায়ন্তে দ্বিজসত্তমাঃ॥ 14-111-95 (96569)
বালাহিতাগ্রয়ো যে চ শূদ্রান্নাদ্বিরতাঃ সদা।
ক্রোধলোভবিনির্মুক্তাঃ প্রাতস্স্নানপরায়ণাঃ।
যথোক্তমগ্নিহোত্রং বৈ জুহ্বতে বিজিতেন্দ্রিয়াঃ॥ 14-111-96 (96570)
আতিথেয়াঃ সদা সৌম্যা দ্বিকালং মৎপরায়ণাঃ।
তে যান্ত্যপুনরাবৃত্তিং ভিত্ৎবা চাদিত্যমণ্ডলম্॥ 14-111-97 (96571)
মম লোকং সপত্নীকা যানৈঃ সূর্যোদয়প্রভৈঃ।
তত্র বালার্কসঙ্কাশাঃ কামগাঃ কামরূপিণঃ॥ 14-111-98 (96572)
ঐশ্বর্যগুণসংপন্নাঃ ক্রীডন্তি চ যথাসুখম্।
ইত্যেষামাহিতাগ্নীনাং বিভূতিঃ পাণ্ডুনন্দন॥ 14-111-99 (96573)
শ্রুতিং কেচিন্নিন্দমানাঃ শ্রুতিং দূষ্যন্ত্যবুদ্ধয়ঃ।
প্রমাণং ন চ কুর্বন্তি যে যান্তীহাপি দুর্গতিম্। 14-111-100 (96574)
প্রমাণমিতিহাসং চ বেদান্কুর্বতি যে দ্বিজাঃ।
তে যান্ত্যমরসায়ুজ্যং নিত্যমাস্তিক্যবুদ্ধয়ঃ॥ ॥ 14-111-101 (96575)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি একাদশাধিকশততমোঽধ্যায়ঃ॥
আশ্বমেধিকপর্ব - অধ্যায় 112
॥ শ্রীঃ ॥
14.112. অধ্যায়ঃ 112
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি চান্দ্রায়ণবিধিনিরূপণপূর্বকং তদাচরণফলকথনম্॥ 1 ॥Mahabharata - Ashvamedhika Parva - Chapter Text
যুধিষ্ঠির উবাচ।
চক্রায়ুধ নমস্তেঽস্তু দেবেশ গরুডধ্বজ।
চান্দ্রায়ণবিধিং পুণ্যমাখ্যাহি ভগবন্মম॥ 14-112-1 (96576)
ভগবানুবাচ। 14-112-2x (7992)
শৃণু পাণ্ডব তৎবেন সর্বপাপপ্রণাশনম্।
পাপিনো যেন শুদ্ধ্যন্তি তত্তে বক্ষ্যামি সর্বশঃ॥ 14-112-2 (96577)
ব্রাহ্মণঃ ক্ষত্রিয়ো বাঽপি বৈশ্যো বা চরিতব্রতঃ।
যথাবৎকর্তুকামো বৈ তস্যৈবং প্রথমা ক্রিয়া॥ 14-112-3 (96578)
শোধয়েত্তু শরীরং স্বং পঞ্চগব্যেন যন্ত্রিতঃ।
সশিরঃ কৃষ্ণপক্ষস্য ততঃ কুর্বীত বাপনম্॥ 14-112-4 (96579)
শুক্লবাসাঃ শুচির্ভূৎবা মৌঞ্জীং বধ্নীত মেখলাম্।
পালাশদ্ণ্ডমাদায় ব্রহ্মচারিব্রতে স্থিতঃ॥ 14-112-5 (96580)
কৃতোপলাসঃ পূর্বং তু শুক্লপ্রতিপদি দ্বিজঃ।
নদীসংগমতীর্থেষু শুচৌ দেশে গৃহেঽপি বা।
গোময়েনোপলিপ্রেঽথ স্থণ্ডিলেঽগ্নিং নিধাপয়ন্॥ 14-112-6 (96581)
আঘারাবাজ্যভাগৌ চ প্রণবং ব্যাহৃতীস্তথা।
বারুণং চৈব পঞ্চৈব হুৎবা সর্বান্যথাক্রমম্॥ 14-112-7 (96582)
সত্যায় বিষ্ণবে চেতি ব্রহ্মর্ষিভ্যোঽথ ব্রহ্মণে।
বিশ্বেভ্যো হি চ দেবেভ্যঃ সপ্রজাপতয়ে তথা॥ 14-112-8 (96583)
ষডুক্ৎবা জুহুয়াৎপশ্চাৎপ্রায়শ্চিত্তাহুতিং দ্বিজঃ।
অতঃ সমাপয়েদগ্নিং শান্তিং কৃৎবাঽথ পৌষ্টিকিম্॥ 14-112-9 (96584)
প্রণম্য্ চাগ্নিং সোমং চ ভস্ম দিগ্ধ্বা যথাবিধি।
নদীং গৎবা বিশুদ্ধাত্মা সোমায় বরুণায় চ।
আদিত্যায় নমস্কৃৎবা ততঃ স্নায়াৎসমাহিতঃ॥ 14-112-10 (96585)
উত্তীর্যোদকমাচম্য চাসীনঃ পূর্বতোমুখঃ।
প্রাণায়ামং ততঃ কৃৎবা পবিত্রৈরভিষেচনম্॥ 14-112-11 (96586)
আচান্তস্ৎবমিবীক্ষেত ঊর্ধ্ববাহুর্দিবাকরম্।
কৃতাঞ্জলিপুটঃ স্থিৎবা কুর্যাচ্চৈব প্রদক্ষিণম্॥ 14-112-12 (96587)
নারায়ণং বা রুদ্রং বা ব্রহ্মণমথবাঽপি চ।
বারুণং মন্ত্রমূক্তং বা প্রাগ্ভোজনমথাপি বা॥ 14-112-13 (96588)
বীরঘ্নমৃষভফং বাঽপি তথা চাপ্যঘমর্ষণম্।
গায়ত্রীং মম দেবীং বা সাবিত্রীং বা জপেত্ততঃ।
শতং বাঽষ্টশতং বাঽপি সহস্রমথবা পরম্॥ 14-112-14 (96589)
ততো মধ্যাহ্নকালে বৈ পায়সং যাবকং হি বা।
পাচয়িৎবা প্রয়ত্নেন প্রয়তঃ সুসমাহিতঃ॥ 14-112-15 (96590)
পাত্রং তু সুসমাদায় সৌবর্ণং রাজতং তু বা।
তাম্রং বা মৃন্ময়ং বাপি ঔদুংবরমথাপি বা। 14-112-16 (96591)
বৃক্ষাণাং যাজ্ঞিয়ানং তু পর্ণৈরার্দ্রৈরকুৎসিতৈঃ।
পুটকেন তু গুপ্তেনি চরেদ্ভৈক্ষং সমাহিতঃ॥ 14-112-17 (96592)
ব্রাহ্মণানাং গৃহাণাং তু সপ্তানাং নাপরং ব্রজেৎ।
গোদোহমাত্রং তিষ্ঠিত্তু বাগ্যতঃ সংয়তেন্দ্রিয়ঃ॥ 14-112-18 (96593)
ন হসেন্ন চ বীক্ষেত নাভিভাষেত বা স্ত্রিয়ম্॥ 14-112-19 (96594)
দৃষ্ট্বা মূত্রং পুরীষং বা চণ্ডালং বা রজস্বলাম্।
পতিতং চ তথা শ্বানমাদিত্যমবলোকয়েৎ॥ 14-112-20 (96595)
যো হি পাদুকমারুহ্য সর্বদা প্রচরেদ্দ্বিজঃ।
তং দৃষ্ট্বা পাপকর্মাণমাদিত্যমবলোকয়েৎ॥ 14-112-21 (96596)
ততস্ৎবাবসথং প্রাপ্তো ভিক্ষাং নিক্ষিপ্য ভূতলে।
প্রক্ষাল্য পাদাবাজান্বোর্হস্তাবাকূর্পরং পুনঃ।
আচম্য বারিণা তেন বহ্নিং বিপ্রাংশ্চ পূয়যেৎ॥ 14-112-22 (96597)
পঞ্চ সপ্তাথবা কুর্যাদ্ভাগান্ভৈক্ষস্য তস্য বৈ।
তেষামন্যতমং পিণ্ডমাদিত্যায় নিবেদয়েৎ॥ 14-112-23 (96598)
ব্রহ্মণে চাগ্নয়ে চৈব সোমায় বরুণায় চ।
বিশ্বেভ্যশ্চৈব দেবেভ্যো দদ্যাদন্নং যথাক্রমম্॥ 14-112-24 (96599)
অবশিষ্টমথৈকং তু বক্ত্রমাত্রং প্রকল্পয়েৎ॥ 14-112-25 (96600)
অঙ্গুল্যগ্রে স্থিতং পিণ্ডং গায়ত্র্যা চাভিমন্ত্রয়েৎ।
অঙ্গুলীভিস্ত্রিভিঃ পিণ্ডং প্রাশ্নীয়াৎপ্রাঙ্মুখঃক শুচিঃ। 14-112-26 (96601)
যথা চ বর্ধতে সোমো হ্রসতে চ যথা পুনঃ।
তথা পিণ্ডাশ্চ বর্ধন্তে হ্রসন্তে চ দিনেদিনে॥ 14-112-27 (96602)
ত্রিকালং স্নানমস্যোক্তং দ্বিকালমথবা সকৃৎ।
ব্রহ্মচারী সদা বাঽপি ন চ বস্ত্রং প্রপীডয়েৎ॥ 14-112-28 (96603)
স্থান ন দিবসং তিষ্ঠেদ্রাত্রৌ বীরাসনং ব্রজেৎ।
ভবেৎস্থণ্ডিলশায়ী বাঽপ্যথা বৃক্ষমূলিকঃ॥ 14-112-29 (96604)
বল্কলং যদি বা ক্ষৌমং শাণং কার্পাসকং তথা।
আচ্ছাদনং ভবেত্তস্য বস্ত্রার্থং পাণ্ডুনন্দন॥ 14-112-30 (96605)
এবং চান্দ্রায়ণে পূর্ণে মাসস্যান্তে প্রয়ত্নবান্।
ব্রাহ্মণান্ভোজয়েদ্ভক্ত্যা দদ্যাচ্চৈব চ দক্ষিণাম্॥ 14-112-31 (96606)
চান্দ্রায়ণেন চীর্ণেন যৎকৃতং তেন দুষ্কৃতম্।
তৎসর্বং তৎক্ষণাদেব ভস্মীভবতি কাষ্ঠবৎ॥ 14-112-32 (96607)
ব্রহ্মহত্যা চ গোহত্যা সুবর্ণস্তৈন্যমেব চ।
ভ্রূণহত্যা সুরাপানং গুরোর্দারব্যতিক্রমঃ॥ 14-112-33 (96608)
এবমন্যানি পাপানি পাতকীয়ানি যানি চ।
চান্দ্রায়ণেন নশ্যন্তি বায়ুনা পাংসবো যথা॥ 14-112-34 (96609)
অনির্দশায়া গোঃ ক্ষীরমৌষ্ঠ্রমাবিকমেব চ।
মৃতসূতকয়োশ্চান্নং ভুক্ৎবা চান্দ্রায়ণং চরেৎ॥ 14-112-35 (96610)
উপপাতকিনশ্চান্নং পতিতান্নং তথৈব চ।
শূদ্রস্যোচ্ছেষণং চৈব ভুক্ৎবা চান্দ্রায়ণং চরেৎ॥ 14-112-36 (96611)
আকাশস্থং তু হস্তস্থমধঃ স্রস্তং তথৈব চ।
পরহস্তস্থিতং চৈব ভুক্ৎবা চান্দ্রায়ণং চরেৎ॥ 14-112-37 (96612)
অথাগ্রেধিষোরন্নং দিধিষূপপতেস্ততা।
পরিবেত্তুস্তথা চান্নং পরিবিত্তান্নমেব চ॥ 14-112-38 (96613)
কুণ্ডান্নং গোলকান্নং চ দেবলান্নং তথৈব চ।
তথা পুরোহিতস্যান্নং ভুক্ৎবা চান্দ্রায়ণং চরেৎ॥ 14-112-39 (96614)
সুরাঽঽসবং বিষং সর্পির্লাক্ষা লবণমেব চ।
তৈলং চাপি চ বিক্রীণন্দ্বিজশ্চান্দ্রায়ণং চরেৎ॥ 14-112-40 (96615)
একোদ্দিষ্টং তু যো ভুঙ্ক্তে জনমধ্যগতোঽপি যঃ।
ভিন্নভাণ্ডেষু যো ভুঙ্ক্তে দ্বিজশ্চান্দ্রায়ণং চরেৎ॥ 14-112-41 (96616)
যো ভুঙ্ক্তেঽনুপনীতেন যো ভুঙ্ক্তে চ স্ত্রিয়া সহ।
কন্যযা সহ যো ভুঙ্ক্তে দ্বিজশ্চান্দ্রায়ণং চরেৎ॥ 14-112-42 (96617)
উচ্ছিষ্টং স্থাপয়েদ্বিপ্রো যো মোহাদ্ভোজনান্তরে।
দদ্যাদ্বা যদি বা মোহাদ্বিজশ্চান্দ্রায়ণং চরেৎ॥ 14-112-43 (96618)
তুম্বকোশাতকং চৈব পলাণ্ডুং গৃঞ্জনং তথা।
ছত্রাকং লশুনং চৈব ভুক্ৎবা চান্দ্রায়ণং চরেৎ॥ 14-112-44 (96619)
দ্বিজঃ পর্যুষিতং চান্নং পক্বং পরগৃহাগতম্।
বিপক্বং চ তথা মাংসং ভুক্ৎবা চান্দ্রায়ণং চরেৎ॥ 14-112-45 (96620)
উদক্যযা শুনা বাঽপি চণ্ডালৈর্বা দ্বিজোত্তমঃ।
দৃষ্টমন্নং তু ভুঞ্জানো দ্বিজশ্চান্দ্রায়ণং চরেৎ॥ 14-112-46 (96621)
****তৎপুরা বিশুদ্ধ্যর্থমৃষিভিশ্চরিতং ব্রতম্।
পাবনং সর্বভূতানাং পুণ্যং পাণ্ডবচোদিতম্॥ 14-112-47 (96622)
এতেন বসবো রুদ্রাশ্চাদিত্যাশ্চ দিবং গতাঃ।
এতদদ্য পরং গুহ্যং পবিত্রং পাপনাশনম্॥ 14-112-48 (96623)
যথোক্তমেতদ্যঃ কুর্যাদ্দ্বিজঃ পাপপ্রণাশনম্॥
স দিবং যাতি পূতাত্মা নির্মলাদিত্যসংনিভঃ॥ ॥ 14-112-49 (96624)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি দ্বাদশাধিকশততমোঽধ্যায়ঃ॥ 112 ॥
আশ্বমেধিকপর্ব - অধ্যায় 113
॥ শ্রীঃ ॥
14.113. অধ্যায়ঃ 113
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি কার্তিকাদিদ্বাদশমাসেষু একভুক্তব্রতাচরণপ্রকারনিরূপণপূর্বকং তৎফলকথনম্॥ 1 ॥Mahabharata - Ashvamedhika Parva - Chapter Text
বৈশম্পায়ন উবাচ।
কেশবেনৈবমুক্তে তু চান্দ্রায়ণবিধিক্রমে।
অপৃচ্ছৎপুনরন্যাংশ্চ ধর্মান্ধর্মাত্মজো নৃপ॥ 14-113-1 (96625)
যুধিষ্ঠির উবাচ। 14-113-2x (7993)
সর্বভূতপতে শ্রীমন্সর্বভূতনমস্কৃত।
সর্বভূতহিতং ধর্মং সর্বজ্ঞ কথয়স্ব নঃ॥ 14-113-2 (96626)
ভগবানুবাচ। 14-113-3x (7994)
যদ্দরিদ্রজনস্যাপি স্বর্গ্যং সুখকরং ভবেৎ।
সর্বপাপপ্রশমনং তচ্ছৃণুষ্ব যুধিষ্ঠির॥ 14-113-3 (96627)
কার্তিকাদ্যাস্তু যে মাসা দ্বাদশৈব প্রকীর্তিতাঃ।
তেষ্বেকবুক্তনিমঃ সর্বেষামুচ্যতে ময়া॥ 14-113-4 (96628)
কার্তিকে যস্তু বৈ মাসে নন্দায়াং সংয়তেন্দ্রিয়ঃ।
একভুক্তেন মদ্ভক্তো মাসমেকং তু বর্ততে॥ 14-113-5 (96629)
জলং বা ন পিবেন্মাসে নান্তরং ভোজনাৎপরম্।
আদিত্যরূপং মাং নিত্যমর্চয়ন্সুসমাহিতঃ॥ 14-113-6 (96630)
ব্রতান্তে ভোজয়েদ্বিপ্রান্দক্ষিণাং সম্প্রদায় চ।
ক্রোধলোভবিনির্মুক্তস্তস্য পুণ্যফলং শৃণু॥ 14-113-7 (96631)
বিধিবৎকপিলাদানে যৎপুণ্যং সমুদাহৃতম্।
তৎপুণ্যং সমনুপ্রাপ্য সূর্যকলোকে মহীয়তে।
ততশ্চাপি চ্যুতঃ কালাৎপুরুষেষূপজায়তে॥ 14-113-8 (96632)
মার্গশীর্ষং তু যো মাসমেকভুক্তেন বর্ততে।
কামং ক্রোধং চ লোভং চ পরিত্যজ্য যথাবিধি॥ 14-113-9 (96633)
স্নাৎবা চাদিত্যরূপং মামর্যযেন্নিয়তেন্দ্রিয়ঃ।
জপেচ্চৈব চ গায়ত্রীং মামিকাং বাগ্যতেন্দ্রিয়ঃ॥ 14-113-10 (96634)
মাসে পরিসমাপ্তে তু ভোজয়িৎবা দ্বিজাঞ্শুচিঃ।
তানর্চয়তি মদ্ভক্ত্যা তস্য পুণ্যফলং শৃণু॥ 14-113-11 (96635)
অগ্নিহোত্রে কৃতে পুণ্যমাহিতাগ্নেস্তু যদ্ভবেৎ।
তৎপুণ্যং ফলমাসাদ্য যোনেনাংঽবরশোভিনা।
সহ সপ্তর্ষিলোকেষু যথাকামং যথাসুখম্॥ 14-113-12 (96636)
ততশ্চাপি চ্যুতঃ কালাদ্ধরিবর্ষেষু জায়তে।
তত্র প্রকামং ক্রীডিৎবা রাজা পশ্চাদ্ভবিষ্যতি॥ 14-113-13 (96637)
******** ক্ষিপেদেবমেকভুক্তেন যো নরঃ।
অর্চয়ন্নেব মাং নিত্যং মদ্গতেনান্তরাত্মনা॥ 14-113-14 (96638)
অহিংসাসত্যসহিতঃ ক্রোধহর্ষবিবর্জিতঃ।
এবং যুক্তস্য রাজেন্দ্র শৃণু যৎফলমুত্তমম্॥ 14-113-15 (96639)
বিপ্রাতিথ্যসহস্রেষু যৎপুণ্যং সমুদাহৃতম্।
তৎপুণ্যং সমনুপ্রাপ্য শক্রলোকে মহীয়তে॥ 14-113-16 (96640)
অবতীর্ণস্ততঃ কালাদিলাবর্ষেষু জায়তে।
তত্র স্থিৎবা চিরং কালমস্মিন্বিপ্রো ভবিষ্যতি॥ 14-113-17 (96641)
মাঘমাসং সদা যস্তু বর্ততে চৈকভুক্ততঃ।
মদর্চনপরো ভূৎবা ডংভক্তোধবিবর্জিতঃ।
মামিকামপি সাবিত্রীং সন্ধ্যায়াং তু জপেদ্বুধঃ॥ 14-113-18 (96642)
দত্ৎবা দু দক্ষিণামন্তে ভোজয়িৎবা দ্বিজানপি।
নমিস্করোতি তান্ভক্ত্যা মদ্গতেনান্তরাত্মনা।
ত্রিকালস্নানয়ুক্তস্য তস্য পুণ্যফলং শৃণু॥ 14-113-19 (96643)
নীলকণ্ঠপ্রয়ুক্তেন যোনেনাংঽবরশোভিনা।
পিতৃলোকং ব্রজেচ্ছ্রীমান্সেব্যমানোপ্সরোণৈঃ॥ 14-113-20 (96644)
তত্র প্রকামং ক্রীডিৎবা ভদ্রাশ্বেষূপজায়তে।
ততশ্চ্যুতশ্চতুর্বেদী বিপ্রো ভবতি ভূতলে॥ 14-113-21 (96645)
যশ্চরেৎফাল্গুনং মাসমেকভুক্তো জিতেন্দ্রিয়ঃ।
নমো ব্রহ্মণ্যদেবায়েত্যেতন্মন্ত্রং জপেৎসদা॥ 14-113-22 (96646)
পায়সং ভোজয়েদ্বিপ্রান্ব্রতান্তে সংয়তেন্দ্রিয়ঃ।
মদর্চনপরোঽক্রোধস্তস্য পুণ্যফলং শৃণু॥ 14-113-23 (96647)
বিমানং সারসৈর্যুক্তমারূঢঃ কামগামি চ।
নক্ষত্রলোকে রমতে নক্ষত্রসদৃশাকৃতিঃ॥ 14-113-24 (96648)
ততশ্চাপি চ্যুতঃ কালাৎকেতুমালেষু জায়তে।
তত্র প্রকামং ক্রীডিৎবা মানুষেষু মুনির্ভবেৎ॥ 14-113-25 (96649)
চৈত্রমাসং তু যো রাজন্নেকভুক্তেন বর্ততে।
ব্রহ্মচারী চ মদ্ভক্ত্যা তস্য পুণ্যফলং শৃণু॥ 14-113-26 (96650)
যদগ্নিহোত্রিণঃ পুণ্যং যথোক্তং ব্রতচারিণঃ।
তৎপুণ্যফকলমাসাদ্য চন্দ্রলোকে মহীয়তে॥ 14-113-27 (96651)
ততোঽবতীর্ণো জায়েত বর্ষে রমণকে পুনঃ।
ভুক্ৎবা কামাংস্ততস্তস্মিন্নিহ রাজা ভবিষ্যতি॥ 14-113-28 (96652)
বৈশাখে যস্তু মাসে বৈ হ্যেকভুক্তেন বর্ততে।
দ্বিজমগ্রাসনে কৃৎবা ভুঞ্জন্ভূমৌ চ বাগ্যতঃ॥ 14-113-29 (96653)
নমো ব্রহ্মণ্যদেবায়েত্যর্চয়িৎবা দিবাকরম্।
ব্রতান্তে ভোজয়েদ্বিপ্রাংস্তস্য পুণ্যফলং শৃণু॥ 14-113-30 (96654)
ফলং যদ্বিধিবৎপ্রোক্তমগ্নিষ্টোমাতিরাত্রয়োঃ।
তৎপুণ্যফলমাসাদ্য দেবলোকে মহীয়তে॥ 14-113-31 (96655)
ততো হৈমবতে বর্ষে জায়তে কালপর্যযাৎ।
তত্র প্রকামং ক্রীডিৎবা বিপ্রঃ পশ্চাদ্ভবিষ্যতি॥ 14-113-32 (96656)
জ্যেষ্ঠমাসং তু যো বিপ্রো হ্যেকভুক্তেন বর্ততে।
বিপ্রমগ্রাসনে কৃৎবা ভূমৌ ভুঞ্জন্যথাবিধি॥ 14-113-33 (96657)
নমো ব্রহ্মণ্যদেবায়েত্যুচ্চরন্মাং সমাহিতঃ।
ডংভানৃতবিনির্মুক্তস্তস্য পুণ্যফলং শৃণু॥ 14-113-34 (96658)
চীর্ণে চান্দ্রায়ণে সম্যগ্যৎপুণ্যং সমুদাহৃতম্।
তৎপুণ্যফলমাসাদ্য দেবলোকে মহীয়তে॥ 14-113-35 (96659)
অথোত্তরকুরৌ বর্ষে জায়তে নির্গতস্ততঃ।
ততশ্চাপি চ্যুতঃ কালাদিহ লোকে দ্বিজো ভবেৎ॥ 14-113-36 (96660)
আষাঢমাসং যো রাজন্নেকভুক্তেন বর্ততে।
ব্রহ্মচারী জিতক্রোধো মদর্চনপরায়ণঃ॥ 14-113-37 (96661)
বিপ্রমগ্রাসনে কৃৎবা ভূমৌ ভুঞ্জঞ্জিতেন্দ্রিয়ঃ।
কৃৎবা ত্রিষবণং স্নানমষ্টাক্ষরবিধানতঃ॥ 14-113-38 (96662)
ব্রতান্তে ভোজয়েদ্বিদ্বান্পায়সেন যুধিষ্ঠির।
গুডোদনেন রাজেন্দ্র তস্য পুণ্যফলং শৃণু॥ 14-113-39 (96663)
কপিলাশতদানস্য যৎপুণ্যং পাণ্ডুনন্দন।
তৎপুণ্যফলমাসাদ্য দেবলোকে মহীয়তে॥ 14-113-40 (96664)
ততোঽবতীর্ণঃ কালে তু শাকদ্বীপে তু জায়তে।
ততশ্চাপি চ্যুতঃ কালাদিহ বিপ্রো ভবিষ্যতি॥ 14-113-41 (96665)
শ্রাবণং যঃ ক্ষিপেন্মাসমেকভুক্তেন বর্ততে।
নমো ব্রহ্মণ্যদেবায়েত্যুক্ৎবা মামর্চয়েৎসদা।
বিপ্রমাগ্রাসনে কৃৎবা ভূমৌ ভুঞ্জন্যথাবিধি॥ 14-113-42 (96666)
পায়সেনার্চয়ন্বিপ্রাঞ্জিতক্রোধো জিতেন্দ্রিয়ঃ।
লোভমোহবিনির্মুক্তস্তস্য পুণ্যফলং শৃণু॥ 14-113-43 (96667)
কপিলাদানস্য যৎপুণ্যং বিধিদত্তস্য পাণ্ডব।
তৎপুণ্যং সম***প্রাপ্য শক্রলোকে মহীয়তে॥ 14-113-44 (96668)
ততশ্চাপি চ্যুত কালাৎকুশদ্বীপে প্রজায়তে।
তত্রি প্রকামং ক্রীডিৎবা বিপ্রো ভবতি মানুষে॥ 14-113-45 (96669)
যস্তু ভাদ্রপদং মাসমেকভুক্তেন বর্ততে।
ব্রহ্মচারী জিতক্রোধঃ সত্যসন্ধো জিতেন্দ্রিয়ঃ॥ 14-113-46 (96670)
বিপ্রমগ্রাসনে কৃৎবা পাকভেদবিবর্জিতঃ।
নমো ব্রহ্মণ্যদেবায়েত্যুক্ৎবাঽস্য চরণৌ স্পৃশেৎ॥ 14-113-47 (96671)
তিলানপি ঘৃতং বাঽপি ব্রতান্তে দক্ষিমাং দদৎ।
মদ্ভক্তস্য নরশ্রেষ্ঠ তস্য পুণ্যফলং শৃণু॥ 14-113-48 (96672)
যৎফলং বিধিবৎপ্রোক্তং রাজসূয়াশ্বমেধয়োঃ।
তৎপুণ্যফলমাসাদ্য শক্রলোকে মহীয়তে॥ 14-113-49 (96673)
ততশ্চাপি চ্যুতঃ কালাজ্জায়তে ধনদালয়ে।
তত্র প্রকামং ক্রীকডিৎবা রাজা ভবতি মানুষে॥ 14-113-50 (96674)
যশ্চাপ্যাশ্বয়ুজং মাসমেকভুক্তেন বর্ততে।
মদ্গায়ত্রীং জপেদ্ভক্ত্যা মদ্গতেনান্তরাত্মনা।
দ্বিসন্ধ্যং বা ত্রিসন্ধ্যং বা শতমষ্টোত্তরং তু বা॥ 14-113-51 (96675)
বিপ্রমগ্রাসনে কৃৎবা সংয়তেন্দ্রিয়মানসঃ।
ব্রতান্তে ভোজয়েদ্বিপ্রাংস্তস্য পুণ্যফলং শৃণু॥ 14-113-52 (96676)
অশ্বমেধস্য যৎপুণ্যং বিধিবৎপাণ্ডুনন্দন।
তৎপুণ্যফলমাসাদ্য মম লোকে মহীয়তে॥ 14-113-53 (96677)
ততশ্চাপি চ্যুতঃ কালাচ্ছ্বেতদ্বীপে প্রজায়তে।
তত্র ভুক্ৎবা চ ভোগাংশ্চ ততো বিপ্রবরো ভবেৎ॥ ॥ 14-113-54 (96678)
ইতি শ্রীমন্মহাভারতে আশ্বমেধিকপর্বণি বৈষ্ণবধর়্মপর্বণি ত্রয়োদশাধিকশততমোঽধ্যায়ঃ॥ 113 ॥
আশ্বমেধিকপর্ব - অধ্যায় 114
॥ শ্রীঃ ॥
14.114. অধ্যায়ঃ 114
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি কেশবাদিভগবন্মূর্ত্যুপাস্তিপূর্বকং মার্গশীর্ষাদিদ্বাদশদ্বাদশীব্রতাচরণফলকথনম্॥ 1 ॥ যুধিষ্ঠিরেণ বিস্তরেণ কৃষ্ণস্তবনম্॥ 2 ॥ পুনঃ কৃষ্ণেন যুধিষ্ঠিরায় একাদশ্যুপবাসপূর্বকং দ্বাদশ্যাং ভগবৎপূজায়াঃ ফলকথনম্॥ 3 ॥Mahabharata - Ashvamedhika Parva - Chapter Text
যুধিষ্ঠির উবাচ।
এবং সংবৎসরং পূর্ণমেকভুক্তেন যঃ ক্ষিপেৎ।
তস্য পুণ্যফলং যদ্বৈ তন্মমাচক্ষ্ব কেশব॥ 14-114-1 (96679)
ভগবানুবাচ। 14-114-2x (7995)
শৃণু পাণ্ডব তত্ৎবং মে বচনং পুণ্যমুত্তমম্।
যদকৃৎবাঽথবা কৃৎবা নরঃ পাপৈঃ প্রমুচ্যতে॥ 14-114-2 (96680)
একভুক্তেন বর্তেত নরঃ সংবৎসরং তু যঃ।
ব্রহ্মচারী জিতক্রোধো হ্যধশ্শায়ী জিতেন্দ্রিয়ঃ॥ 14-114-3 (96681)
শুচিশ্চি স্নানতো ব্যগ্রঃ সত্যবাগনসূয়কঃ।
অর্চন্নেব তু মাং নিত্যং মদ্গতেনান্তরাত্মনা।
সন্ধ্যযোস্তু জপেন্নিত্যং মদ্গায়ত্রীং সমাহিতঃ॥ 14-114-4 (96682)
নমো ব্রহ্মণ্যদেবায়েত্যসকৃন্মাং প্রণম্য চ।
বিপ্রমগ্রাসনে কৃৎবা যাবকং ভৈত্রমেব বা॥ 14-114-5 (96683)
ভুক্ৎবা তু বাগ্যতো ভূমাবাচান্তস্য দ্বিজন্মনঃ।
নমোঽস্তু বাসুদেবায়েত্যুক্ৎবা তু চরণৌ স্পৃশেৎ॥ 14-114-6 (96684)
মাসেমাসে সমাপ্তে তু ভোজয়িৎবা দ্বিজাঞ্শুচীন্।
সংবৎসরে ততঃ পূর্ণে দদ্যাত্তু ব্রতদক্ষিণাম্॥ 14-114-7 (96685)
নবনীতময়ীং গাং বা তিলধেনুমথাপি বা।
বিপ্রহস্তচ্যুতৈস্তোয়ৈঃ সহিরণ্যৈঃ সমুক্ষিতঃ।
তস্য পুণ্যফলং রাজন্কথ্যমানং ময়া শৃণু॥ 14-114-8 (96686)
দশজন্মকৃতং পাপং জ্ঞানতোঽজ্ঞানতোপি বা।
তদ্বিনশ্যতি তস্যাশু নাত্র কার্যা বিচারণা॥ 14-114-9 (96687)
যুধিষ্ঠির উবাচ। 14-114-10x (7996)
সর্বেষামুপবাসানাং যচ্ছ্রেয়ঃ সুমহৎফলম্।
যচ্চ নিঃশ্রেয়সং লোকে তদ্ভবান্বক্তুমর্হতি॥ 14-114-10 (96688)
ভগবানুবাচ। 14-114-11x (7997)
শৃণু রাজন্যথাপূর্বং ময়াঽভীষ্টং তু মোদতে।
তথা তে কথয়িষ্যামি মদ্ভক্তায় যুধিষঠির॥ 14-114-11 (96689)
যস্তু ভক্ত্যা শুচির্ভূৎবা পঞ্চম্যাং মে নরাধিপ।
উপবাসব্রতং কুর্যাত্ত্রিকালং চার্চয়ংস্তু মাম্।
সর্বক্রতুফলং লব্ধ্বা মম লোকে মহীয়তে॥ 14-114-12 (96690)
যুধিষ্ঠির উবাচ। 14-114-13x (7998)
ভগবন্দেবদেবেশ পঞ্চমী নাম কা তব।
তামহং শ্রোতুমিচ্ছামি কথয়স্ব মমানঘ॥ 14-114-13 (96691)
ভগবানুবাচ। 14-114-14x (7999)
পর্বদ্বয়ং চ দ্বাদশ্যাং শ্রবণং চ নরাধিপ।
মৎপঞ্চমীতি বিখ্যাতাং মৎপ্রিয়া চ বিশেষতঃ॥ 14-114-14 (96692)
তস্মাত্তু ব্রাহ্মণশ্রেষ্ঠৈর্মন্নিবেশিতবুদ্ধিভিঃ।
উপবাসস্তু কর্তব্যো মৎপ্রিয়ার্তং বিশেষতঃ॥ 14-114-15 (96693)
দ্বাদশ্যামেব বা কুর্যাদুপবাসমশক্নুবন্।
তেনাহং পরমাং প্রীতি যাস্যামি নরপুঙ্গব॥ 14-114-16 (96694)
অহোরাত্রেণ দ্বাদশ্যাং মার্গশীর্ষেণ কেশবম্।
উপোষ্য পূজয়েদ্যো মাং সোঽস্বমেধফলং লভেৎ॥ 14-114-17 (96695)
দ্বাদশ্যাং পুষ্যমাসে তু নাম্না নারায়ণং তু মাম্।
উপোষ্য পূজয়েদ্যো মাং বাজিমেধফলং লভেৎ॥ 14-114-18 (96696)
দ্বাদশ্যাং মাঘমাসে তু মামুপোষ্য তু মাধবম্।
পূজয়েদ্যঃ সমাপ্নোতি রাজসূয়ফলং নৃপ॥ 14-114-19 (96697)
দ্বাদশ্যাং ফাল্গুনে মাসি গোবিন্দাখ্যমুপোষ্য মাম্॥
পূজয়েদ্যঃ সমাপ্নোতি হ্যতিরাত্রফলং নৃপ॥ 14-114-20 (96698)
দ্বাদশ্যাং মাসি চৈত্রে তু মাং বিষ্ণুং সমুপোষ্য যঃ।
পূজয়ংস্তদবাপ্নোতি পৌণ্ডরীকস্য যৎফলম্॥ 14-114-21 (96699)
দ্বাদশ্যাং মাসি বৈশাখে মধুসূদনসংজ্ঞিতম্।
উপোষ্য পূজয়েদ্যো মাং সোগ্নিষ্টোমস্য পাণ্ডব॥ 14-114-22 (96700)
দ্বাদশ্যাং জ্যেষ্ঠমাসে তু মামুপোষ্য ত্রিবিক্রমম্।
অর্যযেদ্যঃ সমাপ্নোতি গবাং মেধফলং নৃপ॥ 14-114-23 (96701)
আষাঢে বামনাখ্যং মাং দ্বাদশ্যাং সমুপোষ্য যঃ।
নরমেধস্য স ফলং প্রাপ্নোতি ভরতর্ষভ॥ 14-114-24 (96702)
দ্বাদশ্যাং শ্রাবণে মাসি শ্রীধরাখ্যমুপোষ্য মাম্।
পূজয়েদ্য সমাপ্নোতি পঞ্চয়জ্ঞফলং নৃপ॥ 14-114-25 (96703)
মাসে ভাদ্রপদে যো মাং হৃষীকেশাখ্যমর্চয়েৎ।
উপোষ্য স সমাপ্নোতি সৌত্রামণিফলং নৃপ॥ 14-114-26 (96704)
দ্বাদশ্যামাশ্বয়ুঙ্মাসে পদ্মনাভমুপোষ্য মাম্।
অর্চয়েদ্যঃ সমাপ্নোতি গোসহস্রফলং নৃপ॥ 14-114-27 (96705)
দ্বাদশ্যাং কার্তিকে মাসি মাং দামোদরসংজ্ঞিতম্।
উপোষ্য পূজয়েদ্যস্তু সর্বক্রতুফলং নৃপ॥ 14-114-28 (96706)
কেবলেনোপবাসেন দ্বাদশ্যাং পাণ্ডুনন্দন।
যৎফলং পূর্বমুদ্দিষ্টং তস্যার্ধং লভতে নৃপ॥ 14-114-29 (96707)
শ্রাবণেঽপ্যেবমেবং মামর্চয়েদ্ভক্তিমান্নরঃ।
মম সালোক্যমাপ্নোতি নাত্র কার্যা বিচারণা॥ 14-114-30 (96708)
মাসেমাসে সমভ্যর্চ্য ক্রমশো মামতন্দ্রিতঃ।
পূর্মে সংবৎসরে কুর্যাৎপুনঃ সংবৎসরং তু মাম্॥ 14-114-31 (96709)
অবিঘ্নমর্চয়ানস্তু যো মদ্ভক্তো মৎপরায়ণঃ।
অবিঘ্নমর্চয়ানস্তু মম সায়ুজ্যমাপ্নুয়াৎ॥ 14-114-32 (96710)
অর্চয়েৎপ্রীতিমান্যো মাং দ্বাদস্যাং বেদসংহিতাম্।
স পূর্বোক্তফলং রাজঁল্লভতে নাত্র সংশয়ঃ॥ 14-114-33 (96711)
গন্ধং পুষ্পং ফলং তোয়ং পত্রং বা মূলমেব বা।
দ্বাদশ্যাং মম যো দদ্যাত্তৎসমো নাস্তি মৎপ্রিয়ঃ॥ 14-114-34 (96712)
এতেন বিধিনা সর্বে দেবাঃ শক্রপুরোগমাঃ।
মদ্ভক্তা নরশার্দূল স্বর্গলোকং তু ভুঞ্জতে॥ 14-114-35 (96713)
বৈশম্পায়ন উবাচ। 14-114-36x (8000)
এবং বদতি দেবেশে কেশবে পাডুনন্দনঃ।
কৃতাঞ্জলিঃ স্তোত্রমিদং ভক্ত্তয়া ধর্মাত্মজোঽব্রবীৎ॥ 14-114-36 (96714)
সর্বলোকেশ দেবেশ হৃষীকেশক নমোস্তু তে।
সহস্রশিরসে নিত্যং সহস্রাক্ষ নমোস্তু তে॥ 14-114-37 (96715)
ত্রয়ীময় ত্রয়ীনাথ ত্রয়ীস্তুত নমোনমঃ।
যজ্ঞাত্মন্যজ্ঞসংভূত যজ্ঞনাথ নমোনমঃ॥ 14-114-38 (96716)
চতুর্মূর্তে চতুর্বাহো চতুর্ব্যূহ নমোনমঃ।
লোকাত্মঁল্লোককৃন্নাথ লোকাবাস নমোনমঃ॥ 14-114-39 (96717)
সৃষ্টিসংহারকর্ত্রে তু নরসিংহ নমোনমঃ।
ভক্তপ্রিয় নমস্তেঽস্তু কৃষ্ণ নাথ নমোনমঃ॥ 14-114-40 (96718)
লোকপ্রিয় নমস্তেঽস্তু ভক্তবৎসল তে নমঃ।
ব্রহ্মবাস নমস্তেঽস্তু ব্রহ্মনাথ নমোনমঃ॥ 14-114-41 (96719)
রুদ্ররূপ নমস্তেঽস্তু রুদ্রকর্মিরতায় তে।
পঞ্চয়জ্ঞ নমস্তেঽস্তু সর্বয়জ্ঞ নমোনমঃ॥ 14-114-42 (96720)
কৃষ্ণপ্রিয় নমস্তেঽস্তু কৃষ্ণনাথ নমোনমঃ।
যোগিপ্রিয় নমস্তেঽস্তু যোগিনাথ নমোনমঃ॥ 14-114-43 (96721)
হয়বক্ত্র নমস্তেঽস্তু চক্রপাণে নমোনমঃ।
পঞ্চভূত নমস্তেঽস্তু পঞ্চায়ুধ নমোনমঃ॥ 14-114-44 (96722)
বৈশম্পায়ন উবাচ। 14-114-45x (8001)
ভক্তিগদ্গদয়া বাচা স্তুবত্যেবং যুধিষ্ঠিরে।
গৃহীৎবা কেশবো হস্তে প্রীতাত্মা তং ন্যবারয়ৎ॥ 14-114-45 (96723)
নিবার্য চ পুনর্বাচা ভক্তিনম্রং যুধিষ্ঠিরম্।
বক্তুমেব নরশ্রেষঠ ধর্মপূত্রং প্রচক্রমে॥ 14-114-46 (96724)
ভগবানুবাচ। 14-114-47x (8002)
অন্যবৎকিমিদং রাজন্মাং স্তৌষি নরপুঙ্গব।
তিষ্ঠ পৃচ্ছ যথাপূর্বং ধর্মপূত্র যুধিষ্ঠির॥ 14-114-47 (96725)
যুধিষ্ঠির উবাচ। 14-114-48x (8003)
ভগবংস্ৎবৎপ্রসাদাত্তু ধর্মং স্মৃৎবা পুনঃপুনঃ।
ন শান্তিরস্তি মে দেব নৃত্যতীব চ মে মনঃ॥ 14-114-48 (96726)
ইদং চ ধর্মসংপন্নং বক্তুমর্হসি মাধব।
কৃষ্ণপক্ষেষু দ্বাদশ্যামর্চনীয়ঃ কথং ভবেৎ॥ 14-114-49 (96727)
ভগবানুবাচ। 14-114-50x (8004)
শৃণু রাজন্যথাপূর্বং তৎসর্বং কথয়ামি তে।
পরমং কৃষ্ণদ্বাদশ্যামর্চনায়াং ফলং মম॥ 14-114-50 (96728)
একাদশ্যামুপোষ্যাথ দ্বাদশ্যামর্চয়েত্তু মাম্।
বিপ্রানপি যথালাভং পূজয়েদ্ভক্তিমান্নরঃ॥ 14-114-51 (96729)
স গচ্ছেদ্দক্ষিণামূর্তিং মাং বা নাত্র বিচারণা।
চন্দ্রসালোক্যমথবা গ্রহনক্ষত্রপূজিতঃ॥ ॥ 14-114-52 (96730)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি চতুর্দশাধিকশততমোঽধ্যায়ঃ॥ 114 ॥
আশ্বমেধিকপর্ব - অধ্যায় 115
॥ শ্রীঃ ॥
14.115. অধ্যায়ঃ 115
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি বিষুবাখ্যপুণ্যকালস্য মহিমানুবর্ণনপূর্বকং তত্র দানাদিপ্রশংসনম্॥ 1 ॥ তথা গায়ত্রীজপমাহাত্ম্যকথনম্, অশ্বত্থমাহাত্ম্যকথনং চ॥ 2 ॥ তথা নানাধর্মকথনপূর্বকং শিংশুমারাকৃতিনিরূপণম্, পঞ্চগব্যবিধানকথনং চ॥ 3 ॥Mahabharata - Ashvamedhika Parva - Chapter Text
বৈশম্পায়ন উবাচ।
কেশবেনৈবমাখ্যাতে ধর্মপুত্রঃ পুনঃপুনঃ।
পপ্রচ্ছ দানকালস্য বিশেষং চ বিধিং নৃপ॥ 14-115-1 (96731)
যুধিষ্ঠির উবাচ। 14-115-2x (8005)
দেব কিং ফলমাখ্যাতং বিষুবেষ্মবরেশ্বর।
সূর্যেন্দূপপ্লবে চৈব বস্তুমর্হতি তৎফলম্॥ 14-115-2 (96732)
ভগবানুবাচ। 14-115-3x (8006)
শৃণুষ্ব রাজন্বিষুবে সোমার্কগ্রহণেষু চ।
ব্যতীপাতেঽয়নে চৈব দানং স্যাদক্ষয়ং ফলম্॥ 14-115-3 (96733)
রাজন্নয়নয়োর্মধ্যে বিষুবং সম্প্রচক্ষতে।
সমে রাত্রিদিনে তত্র সন্ধ্যায়াং বিষুবে নৃপ॥ 14-115-4 (96734)
ব্রহ্মাঽহং শঙ্করশ্চাপি তিষ্ঠামঃ সহিতাঃ সকৃৎ।
ক্রিয়াকরণকার্যাণামেকীভাবৎবকারণাৎ॥ 14-115-5 (96735)
অস্মাকমেকীভূতানাং নিষ্কলং পরমং পদম্।
তন্মুহূর্তং পরং পুণ্যং রাজন্বিষুবসংজ্ঞিতম্॥ 14-115-6 (96736)
তদেবাদ্যক্ষরং ব্রহ্ম পরং ব্রহ্মেতি কীর্তিতম্।
তস্মিন্মুহূর্তে সর্বে তু চিন্তয়ন্তি পরং পদম্॥ 14-115-7 (96737)
দেবাশ্চ বসবো রুদ্রাঃ পিতরশ্চাশ্বিনৌ তথা।
সাধ্যাশ্চ বিশ্বে গন্ধর্বাঃ সিদ্ধা ব্রহ্মর্ষয়স্তথা॥ 14-115-8 (96738)
সোমাদয়ো গ্রহাশ্চৈব সরিতঃ সাগরাস্তথা।
মরুতোৎসরসো নাগা যক্ষরাক্ষসগুহ্যকাঃ॥ 14-115-9 (96739)
এতে চান্যে চ রাজেন্দ্র বিষুবে সংয়তেন্দ্রিয়াঃ।
সোপবাসাঃ প্রয়ত্নেন ভবন্তি ধ্যানতৎপরাঃ॥ 14-115-10 (96740)
অন্নং গাবস্তিলান্ভূমিং কন্যাদানং তথৈব চ।
গৃহমায়তনং ধান্যং বাহনং শয়নং তথা। 14-115-11 (96741)
যচ্চান্যচ্চ ময়া প্রোক্তং তৎপ্রয়চ্ছ যুধিষ্ঠির।
দীয়তে বিষুবেষ্বেবং শ্রোত্রিয়েভ্যো বিশেষতঃ॥ 14-115-12 (96742)
তস্য দানস্য কৌন্তেয় ক্ষয়ং নৈবোপপদ্যতে।
বর্ধতেঽহরহঃ পুণ্যং তদ্দানং কোটিসংমিতম্॥ 14-115-13 (96743)
বিষুবে স্নপনং যস্তু মম কুর্যাদ্ধরস্য বা।
অর্চনাং চ যতান্যায়ং তস্য পুণ্যফলং শৃণু॥ 14-115-14 (96744)
দশজন্মকৃতং পাপং তস্য সদ্যো বিনশ্যতি।
দশানামশ্বমেধানামিষ্টানাং লভতে ফলম্॥ 14-115-15 (96745)
বিমানং দিব্যমারূঢঃ কামরূপী যথাসুখম্।
স যাতি মামকং লোকং রুদ্রলোকমথাপি বা॥ 14-115-16 (96746)
তত্রস্থৈর্দেবগন্ধর্বের্গীয়মানো যথাসুখম্।
দিব্যবর্ষসহস্রাণি কোটিমেকং তু মোদতে॥ 14-115-17 (96747)
ততশ্চাপি চ্যুতঃ কালাদিহ লোকে দ্বিজোত্তমঃ।
চতুর্ণামপি বেদানাং পারগো ব্রহ্মিবিদ্ভবেৎ॥ 14-115-18 (96748)
চন্দ্রসূর্যগ্রহে ব্যোম্নি মম বা শঙ্করস্য বা।
গায়ত্রীং মামিকাং বাঽপি জপেদ্যঃ শঙ্করস্য বা॥ 14-115-19 (96749)
শঙ্খর্তূর্যস্বনৈশ্চৈব কাংস্যঘণ্টাস্বনৈরপি।
কারয়েত্তু ধ্বনিং ভক্ত্যা তস্য পুণ্যফলং শৃণু॥ 14-115-20 (96750)
গান্ধর্বৈর্হোমজপ্যৈশ্চ জপ্তৈরুৎকৃষ্টনামভিঃ।
দুর্বলোপি ভবেদ্রাহুঃ সোমশ্চ বলবান্ভবেৎ॥ 14-115-21 (96751)
সূর্যেন্দূপপ্লবে চৈব শ্রোত্রিয়েভ্যঃ প্রদীয়তে।
তৎসহস্রগুণং ভূৎবা দাংতারমুপতিষ্ঠতি॥ 14-115-22 (96752)
মহাপাতকয়ুক্তোপি যদ্যপি স্যান্নরোত্তম।
নিষ্পাপস্তৎক্ষণাদেব তেন দানেন জায়তে॥ 14-115-23 (96753)
চন্দ্রসূর্যপ্রকাশেন বিমানেন বিরাজতা।
যাতি সোমপুরং রম্যং সেব্যমানোপ্সরোগণৈঃ॥ 14-115-24 (96754)
যাবদৃক্ষাণি তিষ্ঠন্তি গগনে শশিনা সহ।
তাবৎকালং স রজেন্দ্র সোমলোকে মহীয়তে॥ 14-115-25 (96755)
ততশ্চাপি চ্যুতঃ কালাদিহ লোকে যুধিষ্ঠির।
বেদবেদাঙ্গবিদ্বিপ্রঃ কোটীধনপতির্ভবেৎ॥ 14-115-26 (96756)
যুধিষ্ঠির উবাচ। 14-115-27x (8007)
ভগবংস্তব গায়ত্রী জপ্যতে চ কথং বিভো।
কিং বা তস্য ফল়ং দেব মমাচক্ষ্ব সুরেশ্বর॥ 14-115-27 (96757)
ভগবানুবাচ। 14-115-28x (8008)
দ্বাদশ্যাং বিষুবে চৈব চন্দ্রসূর্যগ্রহে তথা।
অয়নে শ্রবণে চৈব ব্যতীপাতে তথৈব চ॥ 14-115-28 (96758)
অশ্বত্তদর্শনে চৈব তথা মদ্দর্শনেঽপি চ।
জপ্যা তু মম গায়ত্রী চাথবাঽষ্টাক্ষরং নৃপ।
আর্জিতং দুষ্কৃতং তস্য নাশয়েন্নাত্র সংশয়ঃ॥ 14-115-29 (96759)
যুধিষ্ঠির উবাচ। 14-115-30x (8009)
অশ্বত্থদর্শনং চৈব কিং ৎবদ্দর্শনসংমিতম্।
এতৎকথয় মে দেব পরং কৌতূহলং হি মে॥ 14-115-30 (96760)
ভগবানুবাচ। 14-115-31x (8010)
অহমশ্বত্থরূপেণ পালয়ামি জগত্ত্রয়ম্।
অস্বত্থো ন স্থিতো যত্র নাহং তত্র প্রতিষ্ঠিতঃ॥ 14-115-31 (96761)
যত্রাহং সংস্থিতো রাজন্নস্বত্থশ্চাপি তিষ্ঠতি।
যস্ৎবেনমর্চয়েদ্ভক্ত্যা স মাং সাক্ষাৎসমর্চতি॥ 14-115-32 (96762)
যস্ৎবেনং প্রহরেৎকোপান্মামেব প্রহরেত্তু সঃ।
তস্মাৎপ্রদক্ষিণং কুর্যান্ন চিন্দ্যাদেনমন্বহম্॥ 14-115-33 (96763)
ব্রতস্য পারণং তীর্থমার্জবং তীর্থমুচ্যতে।
দেবশুশ্রূষণং তীর্তচং গুরুশুশ্রূষণং তথা॥ 14-115-34 (96764)
পিতৃশুশ্রূষণং তীর্থং মাতৃশুশ্রূষণং তথা।
দারাণাং তোষণং তীর্তং গার্হস্থ্যং তীর্থমুচ্যতে॥ 14-115-35 (96765)
আতিথেয়ঃ পরং তীর্থং ব্রহ্মতীর্থং সনাতনম্।
ব্রহ্মিচর্যং পরং তীর্তং ত্রেতাগ্নিস্তীর্থমুচ্যতে॥ 14-115-36 (96766)
মূলং ধর্মং তু বিজ্ঞায় মনস্তত্রাবধার্যতাম্॥
গচ্ছ তীর্থানি কৌন্তেয় ধর্মো ধর্মেণ বর্ধতে॥ 14-115-37 (96767)
দ্বিবিধং তীর্থমিত্যাহুঃ স্থাবরং জঙ্গমং তথা।
স্তাবরাজ্জঙ্গমং তীর্থং ততো জ্ঞানপরিগ্রহঃ॥ 14-115-38 (96768)
কর্ম্ণাঽপি বিশুদ্ধস্য পুরুষস্যেহ ভারত।
হৃদয়ে সর্বতীর্থানি তীর্থভূতঃ স উচ্যতে॥ 14-115-39 (96769)
গুরুতীর্থং পরং জ্ঞানমতস্তীর্তং ন বিদ্যতে।
জ্ঞানতীর্তং পরং তীর্তং ব্রহ্মতীর্তং সনাতনম্॥ 14-115-40 (96770)
ক্ষমা তু পরমং তীর্তং সর্বতীর্থেষু পাণ্ডব।
ক্ষমাবতাময়ং লোকঃ পরশ্চৈব ক্ষমাবতাম্॥ 14-115-41 (96771)
মানিতোঽমানিতো বাঽপি পূজিতোঽপূজিতোপি বা।
আক্রুষ্টস্তর্জিতো বাঽপি ক্ষমাবাংস্তীর্থমুচ্যতে॥ 14-115-42 (96772)
ক্ষমা যশঃ ক্ষমা দানং ক্ষমা যজ্ঞঃ ক্ষমা দমঃ।
ক্ষমাঽহিংসা ক্ষমা ধর্মঃ ক্ষমা চেন্দ্রিয়নিগ্রহঃ॥ 14-115-43 (96773)
ক্ষমা দয়া ক্ষমা যজ্ঞঃ ক্ষময়ৈব ধৃতং জগৎ।
ক্ষমাবান্ব্রাহ্মণো দেবঃ ক্ষমাবান্ব্রাহ্মণো বরঃ॥ 14-115-44 (96774)
ক্ষমাবানাপ্নুয়াৎস্বর্গং ক্ষমাবানাপ্নুয়াদ্যশঃ।
ক্ষমাবান্প্রাপ্নুয়ান্মোক্ষং তস্মাৎসাদ্যুঃ স উচ্যতে॥ 14-115-45 (96775)
আত্মা নদী ভারতপুণ্যতীর্থ-
মাত্মা তীর্থং সর্বতীর্থপ্রধানম্।
আত্মা যজ্ঞঃ সততং মন্যতে বৈ
স্বর্গো মোক্ষঃ সর্বমাত্মন্যধীনম্॥ 14-115-46 (96776)
আচারনৈর্মল্যমুপাগতেন
সত্যক্ষমানিস্তুলশীতলেন।
জ্ঞানাংবুনা স্নাতি হি নিত্যমেবং
কিং তস্য ভূয়ঃ সলিলেন তীর্থম্॥ 14-115-47 (96777)
যুধিষ্ঠির উবাচ। 14-115-48x (8011)
ভগবন্সর্বপাপঘ্নং প্রায়শ্চিত্তমদুষ্করম্।
ৎবদ্ভক্তস্য সুরশ্রেষ্ঠ মম ৎবং বক্তুমর্হসি॥ 14-115-48 (96778)
ভগবানুবাচ। 14-115-49x (8012)
রহলস্যমিদমত্যর্থমশ্রাব্যং পাপকর্মণাম্।
অধার্মিকাণামশ্রাব্যং প্রায়শ্চিত্তং ব্রবীমি তে॥ 14-115-49 (96779)
পাবনং ব্রাহ্মমং দৃষ্ট্বা মদ্গতেনান্তরাত্মনা।
নমো ব্রহ্মণ্যদেবায়েত্যভিবাদনমাচরেৎ॥ 14-115-50 (96780)
প্রদক্ষিণং চ যঃ কুর্যাৎপুনরষ্টাক্ষরেণ তু।
তেন তুষ্টেন বিপ্রেণি তৎপাপং ক্ষপয়াম্যহম্॥ 14-115-51 (96781)
পোত্রকৃষ্টাং বরাহস্য মৃত্তিকাং শিরসা বহন্।
প্রাণায়ামশতং কৃৎবা নরঃ পাপৈঃ প্রমুচ্যতে॥ 14-115-52 (96782)
দক্ষিণাবর্তশঙ্খাদ্বা কপিলাশৃঙ্গতোপি বা।
প্রাক্স্রোতসং নদীং গৎবা মমায়তনসংনিধৌ॥ 14-115-53 (96783)
সলিলেন তু যঃ স্নায়াৎসকৃদেব রবিগ্রহে।
তস্য যৎসংচিতং পাপং তৎক্ষণাদেব নশ্যতি॥ 14-115-54 (96784)
মস্তকান্নিস্সৃতৈস্তোয়ৈঃ কপিলায়া যুধিষ্ঠির।
গোমূত্রেণাপি যঃ স্নায়াদ্রোহিণ্যাং মম বা দিনে।
বিপ্রপাদচ্যুতৈর্বাঽপি তোয়ৈঃ পাপং প্রণশ্যতি॥ 14-115-55 (96785)
নমস্যেদ্যস্তু মদ্ভক্ত্যা শিংশুমারং প্রজাপতিম্।
চতুর্দশাঙ্গসংয়ুক্তং তস্য পাপং প্রণস্যতি॥ 14-115-56 (96786)
ততশ্চতুর্দশাঙ্গানি শৃণু তস্য যুধিষ্ঠির।
শিরো ধর্মো হনুর্ব্রহ্মা বৃষাবুত্তরদক্ষিণৌ॥ 14-115-57 (96787)
হৃদয়ং তু ভবেদ্বিষ্ণুরংসৌ স্যাতাং তথাঽশ্বিনৌ।
অত্রির্মধ্যং ভবেদ্রাজঁল্লিঙ্গং সংবৎসরং ভবেৎ॥ 14-115-58 (96788)
মিত্রাবরুণকৌ পাদাবূরুদ্বন্দ্বং হুতাশনঃ।
ততঃ পশ্চাদ্ভবেদিন্দ্রস্ততঃ পশ্চাৎপ্রজাপতিঃ॥ 14-115-59 (96789)
অভয়ং চ ততঃ পশ্চাৎস এব ধ্রুবসংজ্ঞিকঃ।
এতান্যঙ্গানি সর্বাণি শিংশুমারপ্রজাপতেঃ॥ 14-115-60 (96790)
বিবেত্তু পঞ্চগব্যং যঃ পৌর্ণমাস্যামুপোষ্য তু।
তস্য নশ্যতি যৎপাপং তৎপাপং পূর্বসংচিতম্॥
তথৈব ব্রহ্মকূর্চ তু সমন্ত্রং তু পৃথক্পৃথক্। 14-115-61 (96791)
মাসিমাসি বিবেদ্যস্তু তস্য পাপং প্রণশ্যতি॥
পাত্রং চ ব্রহ্মকূর্চং চ শৃণু তত্র চ ভারত। 14-115-62 (96792)
পালাশং পদ্মপত্রং চ তাম্রং বাঽথ হিরণ্যযম্।
সাদয়িৎবা তু গৃহ্ণীয়াত্তত্তু পাত্রমুদাহৃতম্॥ 14-115-63 (96793)
গায়ত্র্যা গৃহ্ণতে মূত্রং গন্ধদ্বারেতি গোময়ম্।
আপ্যায়স্বেতি চ ক্ষীরং দধিক্রাণ্বেতি বৈ দধি॥ 14-115-64 (96794)
তেজোসিশুক্লমিত্যাজ্যং দেবস্যৎবেতি কুশোদকম্।
আপোহিষ্ঠেত্যৃচা গৃহ্যি যবচূর্ণং যথাবিধি॥ 14-115-65 (96795)
ব্রহ্মণে চ যথা হুৎবা সমিদ্ধে চ হুতাশনে।
আলোড্য প্রণবেনৈব নির্মথ্য প্রণবেন তু॥ 14-115-66 (96796)
উদ্ধৃত্য প্রণবেনৈব পিবেতু প্রণবেন তু।
মহতাঽপি স পাপেন ৎবচেবাহির্বিমুচ্যতে॥ 14-115-67 (96797)
ভদ্রং ন হতি যঃ পাদং পঠন্নৃক্সহিতাং তদা।
অন্তর্জলে বাঽভ্যাদিত্যে তস্য পাপং প্রণশ্যতি॥ 14-115-68 (96798)
মম সূক্তং জপেদ্যস্তু নিত্যং মদ্গতমানসঃ।
ন পাপেন স লিপ্যেত পদ্মপত্রমিবাংভসা॥ ॥ 14-115-69 (96799)
ইতি শ্রীমন্মহাভারতে আশ্বমেধিকপ্রর্বণি বৈষ্ণবধর্মপর্বণি পঞ্চদশাধিকশততমোঽধ্যায়ঃ॥ 115 ॥
আশ্বমেধিকপর্ব - অধ্যায় 116
॥ শ্রীঃ ॥
14.116. অধ্যায়ঃ 116
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি ভকগবদ্ভক্তিসৌশীল্যাদ্যভাবে ব্রাহ্মণানামপি অগ্নিহোত্রস্বাধ্যায়াধ্যযনাদিসৎকর্মণামপি বৈফল্যস্য শূদ্রাণামপি ভক্ত্যাদিমতাং স্বোচিতকিংচিৎকর্মণামপি সাফল্যস্য চ কথনম্॥ 1 ॥Mahabharata - Ashvamedhika Parva - Chapter Text
যুধিষ্ঠির উবাচ।
কীদৃশা ব্রাহ্মণাঃ পুণ্যা ভাবশুদ্ধাঃ সুরেশ্বর।
যৎকর্ম সফলং নেতি কথয়স্য মমানঘ॥ 14-116-1 (96800)
ভগবানুবাচ। 14-116-2x (8013)
শৃণু পাণ্ডব তৎসর্বং ব্রাহ্মণানাং যথাক্রমম্।
সফলং নিষ্ফলং চৈব তেষাং কর্ম ব্রবীমি তে॥ 14-116-2 (96801)
ত্রিদণ্ডধারণং মৌনং জটাধারণমুণ্ডনম্।
বল্কলাজিনসংবাসো ব্রতচর্যাঽভিষেচনম্॥ 14-116-3 (96802)
অগ্নিহোত্রং গৃহে বাসঃ স্বাধ্যায়ং দারসৎক্রিয়া।
সর্বাণ্যেতানি বৈ মিথ্যা যদি ভাবো ন নির্মলঃ॥ 14-116-4 (96803)
অগ্নিহোত্রং বৃথা রাজন্বৃথা বেদাস্তথৈব চ।
শীলেন দেবাস্তুষ্যন্তি শ্রুতয়স্তত্র কারণম্॥ 14-116-5 (96804)
ক্ষান্তঃ দান্তং জিতক্রোধং জিতাত্মানং জিতেন্দ্রিয়ম্।
তমগ্র্যং ব্রাহ্মণং মন্যে শেষাঃ শূদ্রা ইতি স্মৃতাঃ॥ 14-116-6 (96805)
অগ্নিহোত্রব্রতপরান্স্বাধ্যায়নিরতাঞ্শুচীন্।
উপবাসরতান্দান্তাংস্তাদেবা ব্রাহ্মণান্বিদুঃ॥ 14-116-7 (96806)
ন জাত্যা পুজীতো রাজন্গুণাঃ কল্যাণকারণাঃ।
চণ্ডালমপি বৃত্তস্থং তং দেবা ব্রাহ্মণং বিদুঃ॥ 14-116-8 (96807)
মনশ্শৌচং কর্মশৌচং কুলশৌচং চ ভারত।
শরীরশৌচং বাক্ছৌচং শৌচং পঞ্চবিধং স্মৃতম্॥ 14-116-9 (96808)
পঞ্চস্বেতেষু শৌচেষু হৃদিং শৌচং বিশিষ্যতে।
হৃদয়স্য চ শৌচেন স্বর্গং গচ্ছন্তি মানবাঃ॥ 14-116-10 (96809)
অগ্নিহোত্রপরিভ্রষ্টঃ প্রসক্তঃ ক্রয়বিক্রয়ৈঃ।
বর্ণসঙ্করকর্তা চ ব্রাহ্মণো বৃষলৈঃ সমঃ॥ 14-116-11 (96810)
যস্য বেদশ্রুতির্নষ্টা কর্ষকশ্চাপি যো দ্বিজঃ।
বিকর্মসেবী কৌন্তেয় স বৈ বৃষল উচ্যতে॥ 14-116-12 (96811)
বৃষো হি ধর্মো বিজ্ঞেয়স্তস্য যঃ কুরুতে লয়ম্।
বৃষলং তং বিদুর্দেবা নিকৃষ্টং শ্বপচাদপি॥ 14-116-13 (96812)
স্তুতিভির্ব্রহ্মগীতাভির্যঃ শূদ্রং স্তৌতি মানবঃ।
ন তু মাং স্তৌতি পাপাত্মা স তু চণ্ডালতঃ সমঃ॥ 14-116-14 (96813)
শ্বদৃতৌ তু যথা ক্ষীরং ব্রহ্ম বৈ বৃষলে তথা।
দুষ্টতামেতি তৎসর্বং শুনা লীঢং হবির্যথা॥ 14-116-15 (96814)
অঙ্গানি বেদাশ্চৎবারো মীমাংসান্যায়বিস্তরঃ।
ধর্মশাস্ত্রং পুরাণং চ বিদ্যা হ্যেতাশ্চতুর্দশ॥ 14-116-16 (96815)
যান্যুক্তানি ময়া সম্যগ্বিদ্যাস্থানানি ভারত।
উৎপন্নানি পবিত্রাণি ভুবনার্থং তথৈব চ॥ 14-116-17 (96816)
তস্মাত্তানি ন শূদ্রস্য স্প্রষ্টব্যানি যুধিষ্ঠির।
সর্বং ত্রীণ্যপবিত্রাণি পঞ্চামেধ্যানি ভারত। 14-116-18 (96817)
শ্বা চ শূদ্রঃ শ্বপাকশ্চ অপবিত্রাণি পাণ্ডব॥
গায়কঃ কুক্কুটো যূপো হ্যুদক্যা বৃষলীপতিঃ। 14-116-19 (96818)
প়ঞ্চৈতে স্যুরমেধ্যাশ্চ স্প্রষ্টব্যা ন কদাতন।
স্পৃষ্ট্বৈতানষ্ট বৈ বিপ্রঃ সচেলো জলমাবিশেৎ॥ 14-116-20 (96819)
মদ্ভক্তাঞ্শূদ্রসামান্যাদবমন্যন্তি যে নরাঃ।
নরকেষ্বেব তিষ্ঠন্তি বর্ষকোটিং নরাধমাঃ॥ 14-116-21 (96820)
চণ্ডালমপি মদ্ভক্তং নাবমন্যেত বুদ্ধিমান্।
অবমানাৎপতন্ত্যেব নরকে রৌরবে নরাঃ॥ 14-116-22 (96821)
মম ভক্তস্য ভক্তেষু প্রীতিরভ্যধিকা মম।
তস্মান্মদ্ভক্তভক্তাশ্চ পূজনীয়া বিশেষতঃ॥ 14-116-23 (96822)
কীটপক্ষিমৃগাণাং চ ময়ি সংন্যস্তচেতসাম্।
ঊর্ধ্বামেব গতিং বিদ্ধি কিং পুনর্জ্ঞানিনাং নৃণাম্॥ 14-116-24 (96823)
পত্রং বাঽপ্যথবা পুষ্পংক ফলং বাঽপ্যপ এব বা।
দদাতি মম শূদ্রো যচ্ছিরসা ধারয়ামি তৎ॥ 14-116-25 (96824)
বিপ্রানেবার্চয়েদ্ভক্ত্যা শূদ্রপ্রায়াংশ্চ মৎপ্রিয়ান্।
তেষাং তেনৈব রূপেণ পূজাং গৃহ্ণামি ভারত॥ 14-116-26 (96825)
বেদোত্তেনৈব মার্গেণ সর্বভূতহৃদি স্থিতম্।
মামর্চয়ন্তি যে পিপ্রা মৎসায়ুজ্যং ব্রজন্তি তে॥ 14-116-27 (96826)
মদ্ভক্তানাং হিতায়ৈব প্রাদুর্ভাবঃ কৃতো ময়া।
প্রদুর্ভাবকৃতা কাচিদর্চনীয়া যুধিষ্ঠির॥ 14-116-28 (96827)
আসামন্যতমাং মূর্তিং যো মদ্ভক্ত্যা সমর্চতি।
তেনৈব পরিতুষ্টোঽহং ভবিষ্যামি ন সংশয়ঃ॥ 14-116-29 (96828)
মৃদা চ মণিরত্নৈশ্চ তাম্রেণ রজতেন চ।
কৃৎবা প্রতিকৃতিং কুর্যাদর্চনাং কাঞ্চনেন বা।
পুণ্যং দশগুণং বিদ্যাদেতেষামুত্তরোত্তরম্॥ 14-116-30 (96829)
জপকামো ভবেদ্রাজা বিদ্যাকামো দ্বিজোত্তমঃ।
বৈশ্যো বা ধনকামস্তু শূদ্রঃ সুখফলপ্রিয়ঃ।
সর্বকামাঃ স্ত্রিয়ো বাঽপি সর্বান্কামানবাপ্নুয়ুঃ॥ ॥ 14-116-31 (96830)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি ষোডশাধিকশততমোঽধ্যায়ঃ॥ 116 ॥
আশ্বমেধিকপর্ব - অধ্যায় 117
॥ শ্রীঃ ॥
14.117. অধ্যায়ঃ 117
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রত্যশ্বত্থগোব্রাহ্মণমহিমপ্রশংসনপূর্বকং ব্রাহ্মণভ্রংশকদুষ্কর্মকথনম্॥ 1 ॥Mahabharata - Ashvamedhika Parva - Chapter Text
যুধিষ্ঠির উবাচ।
কীদৃশানাং তু শূদ্রাণাং নানুগৃহ্ণাসি চার্চনম্।
উদ্বেগস্তব কস্মাদ্ধি তন্মে ব্রূহি সুরেশ্বর॥ 14-117-1 (96831)
ভগবানুবাচ। 14-117-2x (8014)
অব্রতেনাপ্যভক্তেন স্পৃষ্টাং শূদ্রেণ চার্চনাম্।
তাং বর্জয়ামি রাজেন্দ্র শ্বপাকবিহিতামিব॥ 14-117-2 (96832)
নন্বহং শঙ্করশ্চাপি গাবো বিপ্রাস্তথৈব চ।
অশ্বত্থোঽমররূপং হি ত্রয়মেতদ্যুধিষ্ঠির॥ 14-117-3 (96833)
এতত্ত্রয়ং হি মদ্ভক্তো নাবমন্যেত কর্হিচিৎ।
অবমানিতমেতত্তু দহত্যাসপ্তমং কুলম্॥ 14-117-4 (96834)
অশ্বত্থো ব্রাহ্মণা গাবো মন্ময়াস্তারয়ন্তি হি।
তস্মাদেতৎপ্রয়ত্নেন ত্রয়ং পূজয় পাণ্ডব॥ 14-117-5 (96835)
যুধিষ্ঠির উবাচ। 14-117-6x (8015)
ব্রাহ্মণেনৈব দেহেন কথং শূদ্রৎবমাপ্নুয়াৎ।
ব্রহ্ম বা নশ্যতি কথং বক্তুং দেব ৎবমর্হসি॥ 14-117-6 (96836)
ভগবানুবাচ। 14-117-7x (8016)
কূপস্নানং তু যো বিপ্রঃ কুর্যাদ্দ্বাদশবার্ষিকম্।
স তেনৈব শরীরেণ শূদ্রৎবং যাত্যসংশয়ম্॥ 14-117-7 (96837)
যস্তু রাজাশ্রয়েণৈব জীবেদ্দ্বাদশবার্ষিকম্।
স শূদ্রৎবং ব্রজেদ্বিপ্রো বেদানাং পারগোপি সন্॥ 14-117-8 (96838)
পত্তনে নগরে বাঽপি যো দ্বাদশসমা বসেৎ।
স শূদ্রৎবং ব্রজেদ্বিপ্রো নাত্র কার্যা বিচারণা॥ 14-117-9 (96839)
উৎপাদয়তি যঃ পুত্রং শূদ্রায়াং কামমোহিতঃ।
তস্য কায়গতং ব্রহ্ম সদ্য এব বিনশ্যতি॥ 14-117-10 (96840)
যঃ সোমলতিকাং বিপ্রঃ কেবলং ভক্ষয়েদ্বৃথা।
তস্য কায়গতং ব্রহ্ম সদ্য এব বিনশ্যতি॥ 14-117-11 (96841)
মৈথুনং কুরুতে যস্তু জিহ্বায়াং ব্রাহ্মণো নৃপ।
তস্য কায়গতং ব্রহ্ম সদ্য এব বিনশ্যতি॥ 14-117-12 (96842)
বিপ্রৎবং দুর্লভং প্রাপ্য দুর্মর্গৈরেবমাদিভিঃ।
বিনাশয়ন্তি যে তত্তু তাঞ্শোচামি যুধিষ্ঠির॥ 14-117-13 (96843)
তস্মাৎসর্বপ্রত্নেন মৎপ্রিয়ো যো যুধিষ্ঠির।
জাতিভ্রংশকরং কর্ম ন কুর্যাদীদৃশং দ্বিজঃ॥ ॥ 14-117-14 (96844)
ইতি শ্রীমন্মহাভারতে আশ্বমেধিকপর্বণি বৈষ্ণবধর্মপর্বণি সপ্তদশাধিকশততমোঽধ্যায়ঃ॥ 117 ॥
আশ্বমেধিকপর্ব - অধ্যায় 118
॥ শ্রীঃ ॥
14.118. অধ্যায়ঃ 118
Mahabharata - Ashvamedhika Parva - Chapter Topics
কৃষ্ণেন যুধিষ্ঠিরংপ্রতি পালাশবিধিপ্রকারকথনম্॥ 1 ॥ তথা তীর্থাটনাসমর্থানাং তৎপ্রতিনিধিতীর্থানুবর্ণনম্॥ 2 ॥ তথা ভগবদ্ভক্তলক্ষণকথনপূর্বকং তৎপ্রশংসনম্॥ 3 ॥ ততা স্বস্য সর্বোত্তমৎবকথনপূর্বকং স্বোক্তধ্রমশ্রবণস্য ফলকথনম্॥ 4 ॥ ততো যুধিষ্ঠিরাদ্যামন্ত্রপূর্বকং দারুকোপনীতরথারোহণেন দ্বারকাংপ্রতি গমনম্॥ 5 ॥Mahabharata - Ashvamedhika Parva - Chapter Text
যুধিষ্ঠির উবাচ।
দেশান্তরগতে বিপ্রে সংয়ুক্তে কালধর্মণা।
শরীরনাশে সংপ্রাপ্তে কথং প্রেতৎবকল্পনা॥ 14-118-1 (96845)
ভগবানুবাচ। 14-118-2x (8017)
শ্রূয়তামাহিতাগ্নেস্তু তথাভূতস্য সংস্ক্রিয়া।
পালাশবৃন্দৈঃ প্রতিমা কর্তব্যা কল্পচোদিতা॥ 14-118-2 (96846)
ত্রীণি ষষ্টিশতান্যাহুরস্থীন্যস্য যুধিষ্ঠির।
তেষাং বিকল্পনা কার্যা যথাশাস্ত্রং বিনিশ্চিতম্॥ 14-118-3 (96847)
অশীত্যর্ধং শিরসি চ গ্রীবায়াং দশ এব চ।
বাহ্বোশ্চাপি শতং দদ্যাদঙ্গুলীষু পুনর্দশ॥ 14-118-4 (96848)
উরসি ত্রিংশতং দদ্যাজ্জঠরে বাঽপি বিংশতিম্।
বৃষণে দ্বাদশার্ধং তু শিশ্নে চাষ্টার্ধমেব চ॥ 14-118-5 (96849)
দদ্যাত্তু শতমূর্বোস্তু ষষ্ট্যর্থং জানুজঙ্ঘয়োঃ।
দশ দদ্যাচ্চরণয়োরেষা প্রেতস্য নিষ্কৃতিঃ॥ 14-118-6 (96850)
যুধিষ্ঠির উবাচ। 14-118-7x (8018)
বিশেষতীর্থং সর্বেষামশক্তানামনুগ্রহাৎ।
ভক্তানাং তারণার্তং তু বক্তুমর্হসি ধর্মতঃ॥ 14-118-7 (96851)
ভগবানুবাচ। 14-118-8x (8019)
পাবনং সর্বতীর্থানাং সত্যং গায়ন্তি সামগাঃ।
সত্যস্য বচনং তীর্থমহিংসা তীর্থমুচ্যতে॥ 14-118-8 (96852)
তপস্তীর্থং দয়া তীর্থং শীলং তীর্থং যুধিষ্ঠির।
অল্পসংতোষকং তীর্থং নারী তীর্থং পতিব্রতা॥ 14-118-9 (96853)
সংতুষ্টো ব্রাহ্মণস্তীর্থং জ্ঞানং বা তীর্থমুচ্যতে।
মদ্ভক্তঃ সততং তীর্থং শঙ্করস্য বিশেষতঃ॥ 14-118-10 (96854)
যতয়স্তীর্থমিত্যেবং বিদ্বাংসস্তীর্থমুচ্যতে।
শরণ্যপুরুষস্তীর্থমভয়ং তীর্থমুচ্যতে॥ 14-118-11 (96855)
ত্রৈলোক্যেঽস্মিন্নিরুদ্বিগ্নো ন বিভেমি কুতশ্চন।
ন দিবা যদি বা রাত্রাবুদ্বেগঃ শূদ্রলঙ্ঘনাৎ॥ 14-118-12 (96856)
ন ভয়ং দেবদৈত্যেভ্যো রক্ষোভ্যশ্চৈব মে নৃপ।
শূদ্রবক্ত্রাচ্চ্যুতং ব্রহ্ম ভয়ং তু মম সর্বদা॥ 14-118-13 (96857)
তস্মাৎসপ্রণবং শূদ্রো মন্নামাপি ন কীর্তয়েৎ।
প্রণবং হি পরং লোকে ব্রহ্ম ব্রহ্মবিদো বিদুঃ॥ 14-118-14 (96858)
দ্বিজশুশ্রূষণং ধর্মঃ শূদ্রাণাং ভক্তিতো ময়ি।
তেন গচ্ছন্তি তে স্বর্গং চিন্তয়ন্তো হি মাং সদা॥ 14-118-15 (96859)
দ্বিজশুশ্রূষয়া শূদ্রঃ পরং শ্রেয়োঽধিগচ্ছতি।
দ্বিজশুশ্রূষণাদন্যন্নাস্তি শূদ্রস্য নিষ্কৃতিঃ॥ 14-118-16 (96860)
রাগো দ্বেষশ্চ মোহশ্চ পারুষ্যং চানৃশংসতা।
শাঠ্যং চ দীর্ঘবৈরিৎবমতিমানমনার্জবম্॥ 14-118-17 (96861)
অনৃতং চাপবাদং চ পৈশুন্যমতিলোভতা।
হিংসা স্তেয়ো মৃষাবাদো বঞ্চনা রোষলোভতা॥ 14-118-18 (96862)
অবুদ্ধিতা চ নাস্তিক্যং ভয়মালস্যমেব চ।
অশৌচং চাকৃতজ্ঞৎবং ডংভতা স্তংভ এব চ।
নিকৃতিশ্চাপ্যবিজ্ঞানং জাতকে শূদ্রমাবিশেৎ॥ 14-118-19 (96863)
সৃষ্ট্বা পিতামহঃ শূদ্রমভিভূতং তু তামসৈঃ।
দ্বিজশুশ্রূষণং ধর্মং শূদ্রাণাং তু প্রয়ুক্তবান্।
নশ্যন্তি তামসা ভাবাঃ শূদ্রস্য দ্বিজভক্তিতঃ॥ 14-118-20 (96864)
পত্রং পুষ্পং ফলং তোয়ং যো মে ভক্ত্যা প্রয়চ্ছতি।
তদহং ভক্ত্যুপহৃতং মূর্ধ্না গৃহ্ণামি শূদ্রতঃ॥ 14-118-21 (96865)
অগ্রজো বাঽপি যঃ কশ্চিৎসর্বপাপসমন্বিতঃ।
যদি মাং সততং ধ্যায়েৎসর্বপাপৈঃ প্রমুচ্যতে॥ 14-118-22 (96866)
বিদ্যাবিনয়সংপন্না ব্রাহ্মণা বেদপারগাঃ।
ময়ি ভক্তি ন কুর্বন্তি চণ্ডালসদৃশা হি তে॥ 14-118-23 (96867)
বৃথা দানং বৃথা তপ্তং বৃথা চেষ্টং বৃথা হুতম্।
বৃথাঽঽতিথ্যং চ তত্তস্য যো ন ভক্তো মম দ্বিজঃ॥ 14-118-24 (96868)
যৎকৃতং চ হুতং চাপি যদিষ্টং দত্তমেব চ।
অভক্তিমৎকৃতং সর্বং রাক্ষসা এব ভুঞ্জতে॥ 14-118-25 (96869)
স্থাবরে জঙ্গমে বাঽপি সর্বভূতেষু পাণ্ডব।
সমৎবেন যদা কুর্যান্মদ্ভক্তো মিত্রশত্রুষু॥ 14-118-26 (96870)
আনৃশংস্যমহিংসা চ যথা সত্যং তথাঽঽর্জবম্।
অদ্রোহশ্চৈব ভূতানাং মদ্গতানাং ব্রতং নৃপ॥ 14-118-27 (96871)
নম ইত্যেব যো ব্রূয়ান্মদ্ভক্তং শ্রুদ্ধয়াঽন্বিতঃ।
তস্যাক্ষয়াঽভবঁল্লোকাঃ শ্বপাকস্যাপি পার্থিব॥ 14-118-28 (96872)
কিং পুনর্যে যজন্তে মাং সদারং বিধিপূর্বকম্।
মদ্ভক্তা মদ্গতপ্রাণাঃ কথয়ন্তশ্চ মাং সদা॥ 14-118-29 (96873)
বহুবর্ষসহস্রাণি তপস্তপ্যতি যো নরঃ।
নাসৌ পদমবাপ্নোতি মদ্ভক্তৈর্যদবাপ্যতে॥ 14-118-30 (96874)
মামেব তস্মাদ্রাজেন্দ্র ধ্যায়ন্নিত্যমতন্দ্রিতঃ।
অবাপ্স্যতি ততঃ সিদ্ধিং দ্রক্ষ্যত্যেব পরং পদম্॥ 14-118-31 (96875)
অপার্থকং প্রভাষন্তঃ শূদ্রা ভাগবতা ইতি।
ন শূদ্রা ভগবদ্ভক্তা বিপ্রা ভাগবতাঃ স্মৃতাঃ॥ 14-118-32 (96876)
দ্বাদশাক্ষরতৎবজ্ঞশ্চতুর্ব্যূহবিভাগবিৎ।
অচ্ছিদ্রপঞ্চকালজ্ঞঃ স বৈ ভাগবতঃ স্মৃতঃ॥ 14-118-33 (96877)
ঋগ্বেদেনৈব হোতা চ যজুষাঽধ্বর্যুরেব চ।
সামবেদেন চোদ্গাতা পুণ্যেনাভিষ্টুবন্তি মাম্॥ 14-118-34 (96878)
অথর্বশিরসা চৈব নিত্যমাথর্বাণা দ্বিজাঃ।
স্তুবন্তি সততং যে মাং তে বৈ ভাগবতাঃ স্মৃতাঃ॥ 14-118-35 (96879)
বেদাধীনাঃ সদা যজ্ঞা যজ্ঞাধীনাস্তু দেবতাঃ।
দেবতা ব্রাহ্মণাধীনাস্তস্মাদ্বিপ্রাস্তু দেবতাঃ॥ 14-118-36 (96880)
অনাশ্রিত্যোচ্ছ্রয়ং নাস্তি মুখ্যমানশ্রয়মাশ্রয়েৎ।
রুদ্রং সমাশ্রিতা দেবা রুদ্রো ব্রহ্মাণমাশ্রিতঃ॥ 14-118-37 (96881)
ব্রহ্মা মামাশ্রিতো রাজন্নাহং কংচিদুপাশ্রিতঃ।
মমাশ্রয়ো ন কশ্চিত্তু সর্বেষামাশ্রয়ো হ্যহম্॥ 14-118-38 (96882)
এবমেতন্ময়া প্রোক্তং রহস্যমিদমুত্তমম্।
ধর্মপ্রিয়স্য তে নিত্যং রাজন্নেবং সমাচর॥ 14-118-39 (96883)
ইদং পবিত্রমাখ্যানং পুণ্যং বেদেন সংমিতম্।
যঃ পঠেন্মামকং ধর্মমহন্যহনি পাণ্ডব॥ 14-118-40 (96884)
ধর্মোতি বর্ধতে তস্য বুদ্ধিশ্চাপি প্রসীদতি।
পাপক্ষয়মুপেত্যৈবং কল্যাণং চ বিবর্ধতে॥ 14-118-41 (96885)
এতৎপুণ্যং পবিত্রং চ পামনাশনমুত্তমম্।
শ্রোতব্যং শ্রদ্ধয়া যুক্তৈঃ শ্রোত্রিয়ৈশ্চ বিশেষতঃ॥ 14-118-42 (96886)
শ্রাবয়েদ্যস্ৎবিদং ভক্ত্যা প্রয়তোথ শৃণোতি বা।
স গচ্ছেন্মম সায়ুজ্যং নাত্র কার্যা বিচারণা॥ 14-118-43 (96887)
যশ্চেমং শ্রাবয়েচ্ছ্রাদ্ধে মদ্ভক্তো মৎপরায়ণঃ।
পিতরস্তস্য তৃপ্যন্তি যাবদাভূতসংপ্লবম্॥ 14-118-44 (96888)
বৈশম্পায়ন উবাচ। 14-118-45x (8020)
শ্রুৎবা ভাগবতান্ধর্মান্সাক্ষাদ্বিষ্ণোর্জগদ্গুরোঃ।
প্রহৃষ্টমনসো ভূৎবা চিন্তয়ন্তোদ্ভুতাঃ কথাঃ॥ 14-118-45 (96889)
ঋষয় পাণ্ডবাশ্চৈব প্রণেমুস্তং জনার্দনম্।
পূজয়ামাস গোবিন্দং ধর্মপুত্রঃ পুনঃ পুনঃ॥ 14-118-46 (96890)
দেবা ব্রহ্মর্ষয়ঃ সিদ্ধা গন্ধর্বাপ্সরসস্তথা।
ঋষয়স্চ মহাত্মানো গুহ্যকা ভুজগাস্ততা॥ 14-118-47 (96891)
বালখিল্যা মহাত্মানো যোগিনস্তৎবদর্শিনঃ।
তথা ভাগবতাশ্চাপি পঞ্চকালমুপাসকাঃ॥ 14-118-48 (96892)
কৌতূহলসমায়ুক্তা ভগবদ্ভক্তিমাগতাঃ।
শ্রুৎবা তু পরমং পুণ্যং বৈষ্ণবং ধর্মশাসনম্॥ 14-118-49 (96893)
বিমুক্তপাপাঃ পূতাস্তে সংবৃত্তাস্তৎক্ষণেন্ তু।
প্রণম্য শিরসা বিষ্ণু প্রতিনন্দ্য চ তাঃ কথাঃ॥ 14-118-50 (96894)
দ্রষ্টারো দ্বারকায়াং বৈ বয়ং সর্বে জগদ্গুরুম্।
ইতি প্রহৃষ্টমনসো যয়ুর্দেবগণৈঃ সহ।
সর্বে ঋষিগণা রাজন্যযুঃ স্বংস্বং নিবেশনম্॥ 14-118-51 (96895)
গতেষু তেষু সর্বেষু কেশবঃ কেশিহা হরিঃ।
সস্মার দারুকং রাজন্স চ সাত্যকিনা সহ।
সমীপস্থোঽভবৎসূতো যাহি দেবেতি চাব্রবীৎ॥ 14-118-52 (96896)
ততো বিষণ্ণবদনাঃ পাণ্ডবাঃ পুরুষোত্তমম্।
অঞ্জলিং মূর্ধ্নি সংধায় নেত্রৈরশ্রুপরিপ্লুতৈঃ।
পিবন্তঃ সততং কৃষ্ণং নোচুরার্ততরাস্তদা॥ 14-118-53 (96897)
কৃষ্ণোপি ভগবান্দেবঃ পৃথামামন্ত্র্য চার্তবৎ।
ধৃতরাষ্ট্রং চ গান্ধারীং বিগদুরং দ্রৌপদীং তথা॥ 14-118-54 (96898)
কৃষ্ণদ্বৈপায়নং ব্যাসমৃষীনন্যাংস্চ মন্ত্রিণঃ।
সুভদ্রামাত্মজয়ুতামুত্তরাং স্পৃশ্য পাণিনা।
নির্গত্য বেশ্মনস্তস্মাদারুরোহ তদা রথম্॥ 14-118-55 (96899)
বাজিভিঃ শৈব্যসুগ্রীবমেঘপুষ্পবলাহকৈঃ।
যুক্তং তু ধ্বজভূতেন পতগেন্দ্রেণ ধীমতা॥ 14-118-56 (96900)
অন্বারুরোহ চাপ্যেন প্রেম্যা রাজা যুধিষ্ঠিরঃ।
অপাস্য চাশু যন্তারং দারুকং সূতসত্তমম্।
অভীশূন্প্রতিজগ্রাহ স্বয়ং কুরুপতিস্তদা॥ 14-118-57 (96901)
উপারুহ্যার্জুনশ্চাপি চামরব্যজনং শুভম্।
রুক্মদণ্ডং বৃহন্মূর্ধ্নি দুধাবাভিপ্রদক্ষিণম্॥ 14-118-58 (96902)
তথৈব ভীমসেনোপি রথমারুহ্য বীর্যবান্।
ছত্রং শতশলাকং চ দিব্যমাল্যোপশোভিতম্॥ 14-118-59 (96903)
বৈডূর্যমণিদণ়্ডং চ চামীকরবিভূষিতম্।
দধার তরসা ভীমশ্ছত্রং তচ্ছার্ঙ্গধন্বনঃ॥ 14-118-60 (96904)
উপারুহ্য রথং শীঘ্রং চামরব্যজনে সিতে।
নকুলঃ সহদেবশ্চ ধূয়মানৌ জনার্দনম্॥ 14-118-61 (96905)
ভীমসেনোঽর্জুনশ্চৈব যমাবপ্যরিসূদনৌ।
পৃষ্ঠতোঽনুয়যুঃ কৃষ্ণং মাশব্দ ইতি হর্ষিতাঃ॥ 14-118-62 (96906)
ত্রিয়োজনে ব্যতীতে তু পরিষ্বজ্য চ পাণ্ডবান্।
বিসৃজ্য কৃষ্ণস্তান্সর্বান্প্রণতান্দ্বারকা যয়ৌ॥ 14-118-63 (96907)
তথা প্রণম্য গোবিন্দং তদাপ্রভৃতি পাণ্ডবাঃ।
কপিলাদ্যানি দানানি দদুর্ধর্মপরায়ণাঃ॥ 14-118-64 (96908)
মধুসূদনবাক্যানি স্মৃৎবাস্মৃৎবা পুনঃপুনঃ।
মনসা পূজয়ামাসুর্হদয়স্থানি পাণ্ডবাঃ॥ 14-118-65 (96909)
যুধিষ্ঠিরস্তু ধর্মাত্মা হৃদি কৃৎবা জনার্দনম্।
তদ্ভক্তস্তন্মনা যুক্তস্তদ্যাজী তৎপরোঽভবৎ॥ 14-118-66 (96910)
এবমুক্তং পুরাবৃত্তং বৈষ্ণবং ধর্মশাসনম্।
ময়া তে কথিতং রাজন্পিবিত্রং পাপনাশনম্॥ 14-118-67 (96911)
তচ্ছৃণুষ্ব মহারাজ বিষ্ণুপ্রোক্তং কুরূদ্বহ।
তেন গচ্ছসি নান্যেন তদ্বিষ্ণোঃ পরমং পদম্॥ ॥ 14-118-68 (96912)
ইতি শ্রীমন্মহাভারতে শতসাহস্র্যাং সংহিতায়াং বৈয়াসিক্যাং আশ্বমেধিকপর্বণি বৈষ্ণবধর্মপর্বণি অষ্টাদশাধিকশততমোঽধ্যায়ঃ॥ 118 ॥
। ইত্যাশ্বমেধিকপর্ব সমাপ্তম্॥
--------
ইতঃ পরমাশ্রমবাসিকপর্ব ভবিষ্যতি। তস্যায়মাদ্যঃ শ্লোকঃ। জনমেজয় উবাচ। প্রাপ্য পৈতামহং রাজ্যং মম পূর্বপিতামহাঃ। কথমাসন্মহারাজে ধৃতরাষ্ট্রে মহাত্মনি॥ 1 ॥ ইত্যাশ্বমেধিকপর্ব কুংভঘোণস্যেন টী.আর্.কৃষ্ণাচার্যেণ টী.আর্.ব্যাসাচার্যেণ চ মুংবয়্যাং নির্ণয়সাগরমুদ্রায়ন্ত্রে মুদ্রাপিতম্। শকাব্দাঃ 1832 সন 1910.